</titleStmt> <publicationStmt> <p part="N"/> </publicationStmt> <sourceDesc default="false"> <p part="N"/> </sourceDesc> </fileDesc> </teiHeader> <head xmlns="tag:textalign.net,2015:ns"> <name xml:lang="eng">Syriac translation S2 of the Praktikos of Evagrios Pontikos, from BL Add. 14,578</name> <master-location href="https://raw.githubusercontent.com/Arithmeticus/TAN-Evagrius/master/cpg2430/cpg2430.syr.0700.bl14578.s2.tei.xml"/> <license which="by_4.0" licensor="kalvesmaki"/> <work which="Prak."/> <version which="Praktikos S2"/> <vocabulary> <IRI>tag:kalvesmaki.com,2014:tan-key:evagrius</IRI> <name>General keywords associated with the TAN collection for Evagrius of Pontus</name> <location href="../TAN-voc/evagrius.TAN-voc.xml" accessed-when="2017-12-16-05:00"/> </vocabulary> <comment when="2020-10-02" who="kalvesmaki">Relevant folios: 151v-153r</comment> <source which="BL Add 14578"/> <companion-version> <IRI>tag:kalvesmaki.com,2014:Evagrius_Praktikos_syr_BL14578.TAN-T.001</IRI> <name>Praktikos S1, BL Add. 14,578</name> <location href="cpg2430.syr.0700.bl14578.tei.xml" accessed-when="2019-07-29"/> </companion-version> <vocabulary-key> <person xml:id="kalvesmaki" which="Joel Kalvesmaki"/> </vocabulary-key> <file-resp who="kalvesmaki"/> <resp who="kalvesmaki" roles="editor"/> <change when="2021-05-24" who="kalvesmaki">Updated to TAN 2021</change> <change when="2020-10-02" who="kalvesmaki">Moved to subdirectory cpg2430, cleaned up tags.</change> <change when="2019-07-29" who="kalvesmaki" flag="warning">This file results from splitting the companion file, cpg2430.syrbl14678.tei.xml, to disambiguate the two versions.</change> <to-do> <comment when="2020-10-02" who="kalvesmaki">Needs to be proofread against the manuscript.</comment> </to-do> </head> <text> <body xml:lang="syr"> <div type="preface" n="pr"> <div type="title" n="ti"> <p>ܬܘܒ ܕܝܠܗ ܟܕ ܕܝܠܗ: ܕܠܘܬ ܐܢܛܘܠ. ܕܒ݂ܥܐ ܡܢܗ. ܕܢܘܕܥ ܠܗ ܥܠ ܦܘܫܩܐ ܕܐ̈ܣܟܡܐ݂ ܕܝ̈ܚܝܕܝܐ ܕܐܝܬ ܒܡܨܪܝܢ܆</p> </div> <div type="section" n="1"> <p>ܡܛܠ ܕܡܢ ܩܕܡ ܙܒܢܐ ܟܬ݂ܒܬ ܠܝ ܡܢ ܨܗܝܘܢ ܛܘܪܐ ܩܕܝܫܐ: ܟܕ ܝܬ̇ܒ ܐܢܐ ܒܐܣܩܛܝܣ ܛܘܪܐ ܕܡܨܪܝܢ: ܐܘ ܐܚܝ ܘܚܒܝܒܝ ܐܢܛܘܠ: ܘܐܦܝܣܬܢܝ ܕܦܘܫܩܐ ܕܐ̈ܣܟܡܐ ܕܝܚ̈ܝܕܝܐ ܕܐܝܬ ܒܡܨܪܝܢ ܐ̇ܬܢܐ ܠܟ܆ ܠܐ ܗܘܐ ܓܝܪ ܫܚܝܡܐܝܬ ܚ݂ܪܬ ܒܗ܆ ܐܦܠܐ ܐܝܟ ܡܕܡ ܕܐܝ݂ܩ݂ܐ ܣ݂ܒܪܬ ܕܐܝܬܘܗܝ ܡܛܠ ܕܫ̈ܘܚܠܦܐ ܣ̈ܓܝܐܐ ܐܝܬ ܒܗ: ܡܢ ܫܪܟܐ ܕܐ̈ܣܟܡܐ ܕܒ̈ܢܝܢܫܐ. ܗܐ ܡܕܡ ܕܝܠ݂ܦܢܢ ܡܢ ܐ̈ܒܗܝܢ ܩ̈ܕܝܫܐ: ܡܛܠܬܗ ܕܝܠܗ ܕܗܢܐ ܐܣܟܡܐ܆ ܟܬ̇ܒܬ݂ ܘܐܘܕܥܬܟ܀ </p> </div> <div type="section" n="2"> <p>ܟܘܣܝܬܐ ܐܝܬܝܗ̇ ܪܐܙܐ ܕܛܝܒܘܬܗ ܕܐܠܗܐ ܦܪܘܩܢ܇ ܕܡܚܦܝܐ ܠܪܝܫ ܡܕܥܗܘܢ܇ ܘܡܪܚܦܐ ܘܡܫܚܢܐ܇ ܠܝܠܘܕܘܬܗܘܢ ܕܒܡܫܝܚܐ܇ ܘܟ̇ܠܝܐ ܠܗܘܢ ܠܕܝ̈ܘܐ܇ ܐܝܠܝܢ ܕܨܒܝܢ ܕܐܡܝܢܐܝܬ ܢܩ̇ܦܚܘܢ ܘܢܫ݂ܚܩܘܢ ܐܢܘܢ. ܘܢܟ݂ܠܘܢ ܐܢܘܢ ܡܢ ܐܘܪܚܐ ܕܚ̈ܝܐ. ܐܝܠܝܢ ܕܝܢ ܕܡܟܣܝܢ ܪ̈ܝܫܝܗܘܢ ܒܗ̇ ܒܗܕܐ ܟܘܣܝܬܐ܆ ܒܪܥܝܢܗܘܢ ܚܦܝܛܐܝܬ ܡܙܡܪܝܢ ܘܐܡܪܝ݂ܢ ܗܠܝܢ. ܕܐܢ ܡܪܝܐ ܠܐ ܒ̇ܢܐ ܒܝܬܐ: ܘܐܢ ܡܪܝܐ ܠܐ ܢ̇ܛܪ ܩܪܝ݂ܬܐ܆ ܣܪܝܩܐܝܬ ܥܡ̇ܠ ܗ̇ܘ ܕܒ̇ܢܐ݂ ܘܗ̇ܘ ܕܒ̇ܥܐ ܠܡ݂ܛܪ. ܩ̈ܠܐ ܕܝܢ ܕܐܝܟ ܗܠܝܢ܆ ܡܠܦܝܢ ܠܗܘܢ ܡܟܝܟܘܬܐ܆ ܘܥܩ̇ܪܝܢ ܡܢܗܘܢ ܪܡܘܬܐ܇ ܗ̇ܝ ܕܗ݂ܝ ܐܝܬܝܗ̇ ܒܝ݂ܫܬܐ ܩܕܡܝܬܐ܇ ܐܝ̇ܕܐ ܕܬܚܬܝܬܗ ܒܐܪܥܐ ܠܟܘܟܒܐ ܕܒܨ̇ܦܪܐ ܕܢ̇ܚ ܗܘܐ. ܀</p> </div> <div type="section" n="3"> <p>ܥܪܛܠܝܘܬ̇ܐ ܕܝܢ ܕܐ̈ܝܕܝܗܘܢ ܐܝܬܝܗ̇܆ ܛܘܦܣܐ ܕܓܠܝܘܬ ܕܘܒܪ̈ܝܗܘܢ ܬܩ̈ܢܐ. ܐܝܠܝܢ ܕܠܘ ܐܝܟ ܕܢܫܦܪܘܢ ܠܒ̈ܢܝܢܫܐ ܣ̇ܥܪܝܢ ܠܗܘ̇ܢ. ܐܠܐ ܡܛܠܬܗ̇ ܕܫܦܝܪܬܐ̇ ܦܠܚ̇ܝܢ ܠܗܘܢ. ܡܥܕܐ ܗܝ ܓܝܪ ܪܡܘܬܐ ܡܚܦܝܐ ܠܕܘܒܪ̈ܐ ܛ̈ܒܐ. ܟܕ ܐܡܝܢܐܝܬ ܫܘܒ̇ܚܐ ܣܪܝܩܐ݂ ܡܢ ܒ̈ܢܝܢܫܐ ܪܓ̇ܐ. ܐܝܟܢܐ ܠܡ ܓܝܪ ܡܫܟܚܝܢ ܐܢܬܘܢ ܕܬܫܦܪܘܢ ܠܐܠܗܐ܇ ܟܕ ܫܘܒܚܐ ܡܢ ܒ̈ܢܝܢܫܐ ܪܓܝܢ ܐܢܬܘܢ܇ ܘܫܘܒܚܐ ܕܡܢ ܚܕ ܐܠܗܐ ܠܐ ܒ̇ܥܝܢ ܐܢܬܘܢ. ܘ̇ܠܐ ܗܘ ܓܝܪ ܕܫܦܝܪܬܐ܆ ܠܐ ܐܝܟ ܕܡܛܠ ܡܕܡ ܐܚܪܝܢ ܬܗܘܐ ܪܓܝܓܐ܆ ܐܠܐ ܐܢ ܡܛܠܬܗ̇ ܕܝܠܗ̇ ܕܫܦܝܪܬܐ. ܐܢ ܓܝܪ ܗܟܢܐ ܠܐ ܢܗܘܐ܆ ܗ̇ܘܐ ܗ̇ܘ ܡܕܡ ܕܝܗ݂ܒ ܠܢ ܥܠ݂ܬܐ ܐܝܟ ܕܢܦܠܚܝܗ̇ ܠܫܦܝܪܬܐ܆ ܕܣ̇ܓܝ ܡܝܬܪ ܡܢܗ̇ ܕܫܦܝܪܬܐ. ܡܕܡ ܓܝܪ ܕܡܝܬܪ ܡܢ ܐܠܗܐ܆ ܠܐ ܙܕܩ ܠܢ ܐܦ ܠܐ ܕܢܐܡܪ ܐܦ ܠܐ ܕܢܬ̇ܪܥܐ.܀</p> </div> <div type="section" n="4"> <p>ܡܥܠܝ̇ܢܐ ܕܝܢ ܕܥܒܝܕ ܠܗܘܢ ܡܢ ܚܒܠܐ ܩܛܝܢܐ: ܘܐܝܟ ܨܠܝܒܐ ܡ݂ܟܪܟ ܥܠ ܟܬ̈ܦܬܗܘܢ܆ ܪܐܙܐ ܗܘ ܕܗܝܡܢܘܬܐ ܕܡܫܝܚܐ܇ ܗ̇ܝ ܕܡ̇ܥܠܝܐ ܠܡ̈ܟܝܟܐ܇ ܘܡܒܛܠܐ ܠܥܘܟܪܐ ܕܕܘܒܪ̈ܝܗܘܢ܇ ܐܟܙܢܐ ܕܗ̇ܘ ܚ̇ܒܠܐ܇ ܡܒܛܠ ܥܘܟܪܐ ܕܦܘܠܚܢܐ ܕܐ̈ܝܕܝܗܘܢ܀</p> </div> <div type="section" n="5"> <p>ܥܪܩܬܐ ܕܝܢ ܕܐܣܝܪ̈ܝܢ ܒܗ̇ ܚ̈ܨܝܗܘܢ: ܘܡܚܙܩܝܢ ܒܗ̇ ܟ̈ܘܠܝܬܗܘܢ: ܫܪ݂ܝܐ ܡܢܗܘܢ ܟܠ ܛܡܐܘܬܐ. ܘܡ̇ܠܦܐ ܠܗܘܢ ܘܐܡ̇ܪܐ܆ ܕܫܦܝܪ ܗܘ ܠܓܒܪܐ ܕܠܐܢܬܬܐ݂ ܠܐ ܢܬܩ̇ܪܒ.܀</p> </div> <div type="section" n="6"> <p>ܡ̈ܫܟܐ ܕܝܢ ܕܐܡܪ̈ܐ ܕܛܥܝܢܝܢ܆ ܐܝܠܝܢ ܕܐܡܝܢܐܝܬ݂ ܡܘܬܗ ܕܝܫܘܥ ܒܦܓܪ̈ܝܗܘܢ ܫܩܝܠܝܢ܇ ܘܡܡܝܬܝܢ ܟܠܗܘܢ ܚ̈ܫܐ ܒ̈ܝܫܐ ܕܢܦܫܐ ܘܕܦܓܪܐ. ܘܪܚ̇ܡܝܢ ܥܢܘܝܘܬܐ. ܘܥܪܩܝܢ ܡܢ ܝܥܢܘܬܐ݂ ܐܝܟ ܕܡܢ ܐܡܐ ܕܦܘܠܚܢܐ ܕܦܬܟܪ̈ܐ.܀</p> </div> <div type="section" n="7"> <p>ܫܒܛܐ ܕܝܢ ܕܫܩܝܠܝܢ ܒܐ̈ܝܕܝܗܘܢ܆ ܨܠܝܒܐ ܗܘ ܕܚ̈ܝܐ܇ ܠܟܠܗܘܢ ܐܝܠܝܢ ܕܐܚܝܕܝܢ ܠܗ. ܘܐܝܠܝܢ ܕܬܟܝܠܝܢ ܥܠܘܗܝ. ܛܘܒܝܗܘܢ܆</p> </div> <div type="section" n="8"> <p>ܕܟܠܗܝܢ ܕܝܢ ܫܦܝܪ̈ܬܐ ܕܩ݂ܢܝܢ ܒܢܦܫܗܘܢ: ܕܒܝܕ ܐ̈ܣܟܡܐ ܒܪ̈ܝܐ ܡܬ̈ܓܠܝܢ܆ ܡܫܡܠܝܐܝܬ ܐܘܕܥܬܟ ܘ̇ܠܐ ܗܘ ܕܝܢ ܕܐܦ ܡ̈ܠܐ ܚ̈ܝܬܐ: ܕܡܢ ܐ̈ܒܗܬܐ ܠܗܘܢ ܡܬܐܡܪ̈ܢ܆ ܐܬ̇ܢܐ ܠܟ. ܐܝܠܝܢ ܕܒܟ݂ܠ ܙܒܢ. ܡܠܦܝܢ ܠܗܘܢ ܘܐܡܪܝܢ. ܗܟܢܐ. ܒ̈ܢܝ܆ ܠܗܝܡܢܘܬܐ ܡܫܪܪܐ ܠܗ̇. ܕܚܠܬ ܐܠܗܐ. ܘܠܕܚܠܬ ܐܠܗܐ ܬܘܒ܆ ܟܠܝܢܐ ܕܡܢ ܡܐ̈ܟܠܬܐ. ܘܠܟܠܝܢܐ ܕܡܐ̈ܟܠܬܐ܆ ܡܢܛܪܝܢ ܣܒܪܐ݂ ܘܡܣܝܒܪܢܘܬܐ. ܕܡܢܗܘܢ ܡܬܝܠܕܐ ܚܠܝܡܘܬ ܢܦܫܐ ܗ̇ܝ ܕܡܘܠܕܐ ܠܗ ܠܚܘܒܐ܇ ܗ̇ܘ ܕܐܝܬܘܗܝ ܬܪܥܐ ܕܝܕܥܬܐ ܕܟ̈ܝܢܐ ܕܒܪ̈ܝܬܐ܇ ܕܒܬܪܗ̇ ܪ̈ܕܝܢ ܡ̈ܠܐ ܐ̈ܠܗܝܬܐ ܕܥܠ ܗܝܡܢܘܬܐ ܕܫܪܪܐ܇ ܗ̇ܝ ܕܡܢܗ̇ ܢ̈ܒ̇ܥܢ ܙܟ̈ܘܬܐ ܘܛܘ̈ܒܐ ܐܚܪ̈ܢܐ ܀</p> </div> <div type="section" n="9"> <p>ܡܕܡ ܕܝܢ ܕܙܕܩ̇ ܗܘܐ ܠܢ ܠܡܐܡܪ ܥܠ ܐ̈ܣܟܡܐ ܩ̈ܕܝܫܐ: ܘܥܠ ܡܠܦܢܘܬܗܘܢ ܕܣ̈ܒܐ ܛ̇ܘ̈ܒܢܐ܆ ܗܐ ܐܡܪܢܢ. ܘܡܕܡ ܕܐܫܬ̇ܥܝ݂ܢ ܙܕܩ̇. ܀ ܐܬ̇ܢܐ ܠܟ ܗܫܐ ܚܒܝܒܝ܆ ܥܠ ܕܘܒܪ̈ܐ ܬ̈ܩܢܐ ܘܢܨ̈ܝܚܐ܇ ܕܐܝܠܝܢ ܕܒܝܕ ܦܘܠܚܢܐ ܕܦܘܩ̈ܕܢܐ܇ ܘܒܝܕ ܐܝܕܥܬܐ ܕܫܪܪܐ ܡܫܬܡܠܝܢ. ܠܐ ܗܘܐ ܕܝܢ ܒܠܚܘܕ ܡܕܡ ܕܚܙܝܢ ܘܫܡܥܢ܆ ܐܠܐ ܐܦ ܡܕܡ ܕܡܢܗܘܢ ܢܗܝܪܐܝܬ ܝܠ݂ܦܢܢ. ܗܟܢܐ݂ ܕܐܦ ܠܐܚܪ̈ܢܐ ܢ̇ܠܦ ܀ ܟܬܒ݂ܢܢ ܕܝܢ ܘܦ̇ܪܫܢܢ܆ ܡܐܐ ܫܪ̈ܒܐ ܕܥܠ ܦܘܠܚܢܐ ܕܦܘܩ̈ܕܢܐ ܐܡܝܪܝܢ܆ ܘܚܡܫܝ݂ܢ ܕܥܠ ܝܕܥܬܐ. ܕܡܢܗܘܢ ܕܝܢ ܓܠܝܐܝܬ ܚ̇ܘܝܢܢ܆ ܘܡܢܗܘܢ ܚ̇ܦܝܢܢ. ܕܠܐ ܢܬܠ ܩܘܕܫܐ ܠܟ̈ܠܒܐ܆ ܘܠܐ ܢ̇ܪܡܐ ܡܪ̈ܓܢܝܬܐ ܩܕܡ ܚܙܝܪ̈ܐ. ܗܠܝܢ ܕܝܢ ܓܠ݂ܝܢܢ ܐ̈ܢܝܢ. ܠܐܝܠܝܢ ܕܒܗܕܐ ܐܘܪܚܐ ܕܝܚܝܕܝܘܬܐ܇ ܨ̇ܒܝܢ ܕܢ݂ܐܪܕܘܢ ܚܠܝܨܐܝܬ ܀</p> </div> </div> </body> </text> </TEI>