Λόγος γνώστικος

ܕܐܪ̈ܒܥܐ܀ ܠܝܘܠܦܢܐ ܕܠܒܪ ܐܡܬܝ ܕܒ݁ܥܝܢ ܚܢܢ܁ ܒܝܕ ܡ̈ܠܐ ܕܚܟܝ̈ܡܐ ܗܘ ܡܩܒܠܝܢ ܚܢܢ ܠܗ܁ ܐܝܕܥܬܐ ܕܝܢ ܕܫܪܪܐ ܗܘܝܐ ܒܢ ܡܢ ܛܝܒܘܬܐ ܕܐܠܗܐ܁ ܕܡܚܘܝܐ ܠܗ ܠܪܥܝܢܢ ܠܗܝܢ ܠܨܒ̈ܘܬܐ ܫܚܝܡܐܝܬ܁ ܘܪܥܝܢܢ ܬܘܒ ܕܢܚܙܐ ܠܗܝܢ ܠܨܒ̈ܘܬܐ ܫܚܝܡܐܝܬ ܡܬܚܦܛ ܐܝܟ ܕܢܕܪܟ ܫܪܪܝܗܝܢ܁ ܘܠܝܕܥܬܐ ܩܕܡܝܬܐ ܡܘܒܕܐ ܡܢܢ ܛܥܝܘܬܐ܁ ܒܕܛܥܝܢ ܐܢܚܢܢ ܝܘܠܦܢܗ݁܁ ܠܐܝܕܥܬܐ ܕܝܢ ܕܬܪ̈ܬܝܢ ܡܛܠܩܐ ܡܢܢ ܚܡܬܐ ܘܪܘܓܙܐ܁ ܘܡܕܡ ܡܢܗܘܢ ܡܬܝܠܕ܁ ܀

ܕܚܡܫܐ܀ ܒܝܕ ܟܠܗܘܢ ܕܘܒܪ̈ܐ ܬܩ̈ܢܐ ܡܬܕܒܪ ܝܕܘܥܐ ܠܘܬ ܐܝܕܥܬܐ܁ ܝܬܝܪ ܕܝܢ ܡܢ ܟܘܠܗܘܢ ܒܝܕ ܗܕܐ ܕܠܐ ܢܗܘܐ ܩܠܝܠܐܝܬ ܡܬܚܡܬ܁ ܡܢ݂ܘ ܓܝܪ ܕܡܩܒܠ ܐܝܕܥܬܐ ܘܪܘܓܙܐ ܡܥܝܪ ܒܥܓܠ܁ ܕܡ݁ܐ ܠܓܒܪܐ ܕܒܡܚܛܐ ܡ݁ܕܩܪ ܥܝܢ̈ܘܗܝ .... ..... ....

ܕܫܬܐ.... . ܢܙܕܗܪ ܝܕܘܥܐ ܒܦܫܝܛܘܛܗ܁ ܕܠܡܐ ܢܬܓܢܒ ܡܢܗ݁܁ ܘܬܗܘܐ ܠܗ ܗܕܐ ܐܝܟ ܕܠܥܝܕܐ܁ ܢܬܚܦܛ ܕܝܢ ܚܠܝܨܐܝܬ܁ ܕܟܠܗܘܢ ܢܨܚ̈ܢܐ ܒܐܘܝܘܬܐ ܢܫܠܡ܁ ܘܕܢܗܘܘܢ ܫܠܡܝܢ ܚܕ ܠܚܕ ܒܗ. ܡܛܠ ܕܡܥܕ ܗܘ ܪܥܝܢܐ ܡܢ ܢܨܚܢܐ ܕܡܬ݁ܒܨܪ ܡܫܬܠܡ ܠܗ ܠܚܛܗܐ... ܀

ܕܫܒܥܐ.... ܝܕܘܥܐ ܐܡܝܢܐܝܬ ܢܬܚܦܛ ܒܙܕܩ̈ܬܐ܁ ܘܢܛܝܒ ܢܦܫܗ ܠܡܪܚܡܢܘܬܐ ܕܥܠ ܡܣ̈ܟܢܐ܁ܐܢ ܕܝܢ ܠܐ ܫܟܚܝܢ ܠܗ ܨܒܘ̈ܬܐ ܐܝܟ ܕܢܦܫܘܛ ܐܝܕܗ ܘܡܢܗܝܢ ܢܬܠ ܠܡܣ̈ܟܢܐ܁ ܢܥܡܠ ܒܐܝ̈ܕܘܗܝ ܘܢܣܥܘܪ ܫܦܝܪܬܐ. ܗ݁ܝ ܕܪܙܐܝܬ ܡܬܩܕܝܐ ܡܫܚܐ ܗ݁ܘ ܕܚܣܪ ܠܒ̈ܬܘܠܬܐ ܘܕܥܟܘ ܠܡܦܕܗ̈ܝܢ

ܕܬܪ̈ܥܣܪ.... ܟܡܐ ܫܪܒܐ ܕܐܝܬ ܡܢ ܦܘܩ̈ܕܢܐ ܘܡܢ ܣܘܟܠܐ ܕܟܝܢܐ܁ ܘܡܢ ܡ̈ܠܐ ܕܥܠ ܐܠܗܘܬܐ ܕܥܗܢܢ ܠܦܘܪܩܢܢ܁ ܗܠܝܢ ܘܠ݁ܐ ܠܢ ܕܢܣܥܘܪ ܘܢܡܠܠ܁ ܘܢܩܘܡ ܒܗܝܢ ܥܕܡܐ ܠܡܘܬܐ܁ ܟܡܐ ܕܝܢ ܕܡܨ̈ܥܝܬܐ ܐܢܝܢ܁ ܕܠܐ ܝܘܬܪܢܐ ܘܠܐ ܚܘܣܪܢܐ ܐܝܬ ܒܗܝܢ܁ ܘܠܐ ܕܝܢ fol ܢܐܡܪ ܐܦ ܠܐ ܢܣܥܘܪ ܐܢܝܢ܁ ܡܛܠ ܐܝܠܝܢ ܕܩܠܝܠܐܝܬ ܡܬܟܫܠܝܢ... ܀

ܕܬܠܬܥܣܪ.... ܙܕܩ ܗܘ ܠܢ ܕܝܢ ܕܠܥܠܡ̈ܝܐ ܘܠܐܝܠܝܢ ܕܚܬܐܝܬ ܡܬܬܠܡܕܝܢ ܕܠܕܘܒܪ̈ܐ ܬܩ̈ܢܐ ܢܗܘܐ ܡܬܢܝܢ ܘܢܦܫܩ ܠܗܘܢ ܫܪ̈ܒܐ ܕܥܠ ܟܝ̈ܢܐ ܘܥܠ ܡ̈ܠܐ ܐܠܗ̈ܝܬܐ ܩܠܝܠ ܡܢ ܣܓܝ܁ ܐܝܠܝܢ ܕܒܠܥܕܝܗܘܢ ܠܐ ܡܫܟܚܝܢ ܐܢܚܢܢ ܚܙܝܢ ܚܢܢ ܠܐܠܗܐ. ܀

ܕܐܪ̈ܒܬܥܣܪ... ܠܟܗ̈ܢܐ ܕܝܢ ܒܠܚܘܕ ܬ݂ܦܢܐ ܦܬܓܡܐ ܟܕ ܢܫܐܠܘܢܟ. ܘܠܐ ܬܘܒ ܠܟܠܗܘܢ܁ ܐܠܐ ܠܐܝܠܝܢ ܕܓܒܝܢ ܒܗܘܢ܁ܕܡܢܐ ܗܘ ܪܙܐ ܕܦܘܠܚ̈ܢܝܗܘܢ ܗܠܝܢ ܕܡܕܟܝܢ ܠܗ ܠܒܪ ܐܢܫܢ ܓܘܝܐ܁ ܘܬܐܡܪ ܠܗܘܢ ܬܘܒ ܕܚܝ̈ܠܘܬܐ ܕܢܦܫܐ ܕܡܩܒܠܝܢ ܠܗ ܠܗܢܐ ܐܪܙܐ ܐܝܬܝܗܘܢ ܡܢܗܘܢ ܡܢ ܓܒܐ ܕܝܕܥܬܐ ܕܡܟܢܐ ܒܢ܁ ܘܡܢܗܘܢ ܡܢ ܓܒܐ ܕܚܫ̈ܐ ܕܢܦܫܐ܁ ܘܬܚܘܐ ܠܗܘܢ ܡܢܐ ܗܝ ܫܘܬܦܘܬܐ ܕܬܪ̈ܝܗܘܢ ܓܒ̈ܐ ܕܠܐ ܡܬܦܪܫܐ ܘܡܢܐ ܗܝ ܙܟܘܬܐ ܕܚܕ ܘܡܢܘ ܫܘܠܡܐ ܕܦܘܠܚܢܐ ܕܒܐܘܝܘܬܐ ܡܬܦܠܚ ܡܢܗܘܢ܁ ܘܬܬܢܐ ܠܗܘܢ ܬܘܒ ܛܘܦܣܗ܁ ܕܡܢܘ ܐܝܬܝܗܘܢ ܟܗ̈ܢܐ ܕܡܫܠܡܝܢ ܠܗ ܠܗܢܐ ܐܪܙܐ܁ ܘܡܢܘ ܐܢܘܢ ܕܥܡܗܘܢ ܕܪܕܦܝܢ ܡܢܢ ܕܝܘ̈ܐ ܛܡ̈ܐܐ܁ ܐܝܠܝܢ ܕܩܝܡܝܢ ܠܘܩܒܠ ܢܩܕܘܬܐ ܕܕܘܒܪ̈ܝܢ. ..

.ܕܫܬܬܥܣܪ... ܡܬܒܥܝܢ ܠܢ ܕܝ݂ܢ ܐܦ ܣܗܕܘ̈ܬܐ ܕܡܢ ܟܬ̈ܒܐ܁ ܘܝܕܥܬܐ ܕܨܒ̈ܘܬܐ ܕܥܠܡܐ ܐܝܟ ܕܠܦܘܫܩܐ܁ ܕܗܠܝܢ ܕܡܠܦܝܢ ܚܢܢ ܠܝܠܘܦܐ܁ ܘܬܣܦܩ ܠܢ ܟܠܗ݁ ܚܙܬܐ ܕܒܪ̈ܝܬܐ ܐܢ ܥܪܩ ܡܢܢ ܩܠܝܠ ܡܢ ܐܝܕܥܬܐ ܕܟܝ̈ܢܐ܁ ܘܥܣܩܐ ܗܝ ܠܢ ܕܢܕܪܟ ܠܐ ܬܟܪܐ ܠܢ. ܡܛܠ ܕܟܠܡܕܡ ܕܐܝܬ ܒܐܪܥܐ ܕܡܠܐ̈ܟܐ ܐܝܬܝܗ݁ ܕܡܫܠܡܢܐܝܬ ܢܣܬܟܠܘܢ... ... ... ..

.ܕܫܒܬܥܣܪ... ܘܠܝܐ ܗܝ ܠܢ ܬܘܒ ܕܬܚܘܡܐ ܕܨܒܘ̈ܬܐ ܢܕܥ܁ ܝܬܝܪܐܝܬ ܕܕܘܒܪ̈ܐ ܬܩ̈ܢܐ ܘܕܥܒ̈ܕܐ ܒܝܫ̈ܐ ܗܐ ܓܝܪ ܠܟܘܠ ܨܒܘܬܐ ܐܦ ܙܒܢܐ ܐܝܬ ܠܗ݁܁ ܐܦ ܡܘܫ̈ܚܬܐ ܐܦ ܬܚܘ̈ܡܐ. ܗܠܝܢ ܓܝܪ ܒܙܒܢ ܥ̈ܠܠܬܐ ܗܘܝܢ ܠܢ ܕܝܕܥܬܐ ܘܕܠܐ ܐܝܕܥܬܐ ܘܕܡܠܟܘܬܐ ܕܫܡܝܐ ܘܕܬܫܢܝܩܐ....

...ܕܬܡܢܬܥܣܪ... ܡܬܒܥܐ ܠܢ ܕܢܕܥ ܦܠܐ̈ܬܐ ܘܫܪ̈ܒܐ ܕܟܬ̈ܒܐ: ܐܝܠܝܢ ܕܒܐܪܙ ܐܡܝܪܝܢ ܘܐܝܠܝܢ ܕܓܠܝܐܝܬ ܘܫܚܝܡܐܝܬ ܡܬܝܕܥܝܢ. ܘܢܣܬܟܠ ܕܠܡܐ ܟܕ ܦܘ̈ܠܚܢܐ ܕܦܘܩ̈ܕܢܐ ܐܝܬܝܗܘܢ ܐܘ ܕܣܘܟܠܐ ܕܟܝ̈ܢܐ. ܐܘ ܕܡ̈ܠܐ ܕܥܠ ܐܠܗܘܬܐ܁ ܘܐܢ ܕܦܘܠܚܢܢ ܐܢܘܢ܁ ܘܠܐ ܠܢ ܕܢܚܙܐ ܐܢ ܡܛܠ ܚܡܬܐ܁ ܘܕܢܒ݁ܥ ܡܢܗ ܡܘܕܥܝܢ. ܐܘ ܡܛܠ ܪܓܬܐ ܘ ܕܐܬܝܢ ܒܬܪܗ܁ ܐܘ ܡܛܠ ܬܪܥܝܬܐ ܘܗܘ̈ܦܟܝܗ݁܁ ܐܢ ܕܝܢ ܥܠ ܣܘܟܠܐ ܕܟܝ̈ܢܐ ܐܝܬܝܗܘܢ ܫܪ̈ܒܐ܁ ܘܠܐ ܠܢ ܕܢܕܪܟ܁ ܕܡܛܠ ܐܝܢܐ ܟܝ ܡܢ ܓܒܐ ܕܟܝ̈ܢܐ ܕܒܪ̈ܝܬܐ ܐܢܘܢ܁ ܐܢ ܕܝܢ ܡܛܘܠ ܡ̈ܠܐ ܐܠܗ̈ܝܬܐ ܐܝܬܝܗܘܢ܁ ܟܡܐ ܕܡܫܟܚܝܢ ܐܢܚܢܢ ܢܥܩܒ ܕܠܡܐ ܟܝ ܥܠ ܬܠܝܬܝܘܬܐ ܩܕܝܫܬܐ ܡܫܬܥܝܢ ܠܢ܁ ܘܐܢ ܓܠܝܐܝܬ ܡܚܘܝܢ ܠܢ. ܘܐܢ ܟܣܝܐܝܬ܁ ܐܢ ܕܝܢ ܐܦܠܐ ܚܕܐ ܡܢ ܗܠܝܢ܁ ܟܒܪ ܚܙܬܐ ܫܚܝܡܬܐ ܐܘ ܢܒܝܘܬܐ܁ ܡܘܕܥܝܢ܁ ...

ܕܥܣܪܝܢ܁܀܁ ܐܦ ܗܕܐ ܬܘܒ ܢܣܬܟܠ ܕܠܐ ܗܘܐ ܒܟܠܙܒܢ ܦܬܓܡܐ ܕܐܡܝܪ ܥܠ ܦܘܠܚ̈ܢܐ܁ ܐܦ ܦܘܫܩܐ ܥܠ ܦܘ̈ܠܚܢܐ ܡܚܘܐ ܐܦܠܐ ܬܘܒ ܫܪܒܐ ܕܥܠ ܟܝ̈ܢܐ ܪ̈ܡܐ܁ܐܦ ܣܘܟܠܐ ܥܠ ܟܝ̈ܢܐ ܐܝܬ ܒܗ܁ ܐܠܐ ܕܐܦ ܥܠ ܦܘܠܚ̈ܢܐ ܐܡܝܪ ܡܚܘܐ ܥܠ ܟܝ̈ܢܐ܁ ܘܕܡܬܢܐ ܬܘܒ ܥܠ ܟܝ̈ܢܐ ܥܠ ܦܘ̈ܠܚܢܐ ܡܘܕܥ܁ ܘܥܠ ܡ̈ܠܐ ܕܥܠ ܐܠܗܘܬܐ܁ ܡܢܘ ܓܝܪ ܕܒܣܘܟܠܐ ܡܬܩܪܒ ܠܟܬ̈ܒܐ ܘܩܪܐ ܙܢܝܘܬܗ݁ ܘܓܝܪܘܬܗ݁ ܕܐܘܪܫܠܡ ܘܚܝܘܬܐ ܕܐܝܬ ܒܝܒܫܐ ܘܒܡ̈ܝܐ܁ ܘܦܪܚܬܐ ܕܕܟܝܐ ܐܘ ܕܠܐ ܕܟܝܐ܁ ܘܬܘܒ ܥܠ ܫܡܫܐ ܕܕܢܚ ܘܥܪܒ܁ ܘܠܕܘܟܬܗ ܗ݁ܦܟ ܢܦܚܡ ܘܢܦܫܩ ܘܢܣܩ ܗ݁ܘ ܕܬܠܬܐ ܥܠ ܐܠܗܘܬܐ ܘܗܘ ܕܬܪ̈ܝܢ ܢܬܠ ܠܦܘ̈ܠܚܢܐ܁ ܘܩܕܡ̈ܝܐ ܠܟܝ̈ܢܐ܁ ܐܝܬܘܗܝ ܗܘܐ܁ ܕܝܢ ܦܬܓܡܐ ܩܕܡܝܐ ܥܠ ܦܘܠܚܢܐ ܘܕܬܪܝܢ ܐܚܪ̈ܢܝܢ ܕܒܬܪܗ ܥܠ ܟܝ̈ܢܐ܁

ܕܥܣܪܝܢ ܘܚܕ܁܁܁ ܡ̈ܠܐ ܕܐܡܝܪ̈ܢ ܡܢ ܦܪ̈ܨܘܦܐ ܡܨܥܪ̈ܐ܁ ܠܐ ܬܩܒܠ ܐܢܝܢ ܐܝܟ ܕܒܦܠܐ̈ܬܐ܁ ܐܦ ܠܐ ܬܒܥܐ ܒܗܝܢ ܡܕܡ ܪܘܚܙܐܝܬ܁ ܐܠܐ ܐܢ ܗܠܝܢ ܕܐܝܟ ܡܛܠ ܝܘܬܪܢܐ ܐܠܗܐ ܣܥܪ ܒܐܝ̈ܕܝܗܘܢ܁ ܐܝܟܢܐ ܕܒܝܕ ܒܠܥܡ ܘܒܝܕ ‬[folios missing here] ‬‬‬ ܐܝܠܝܢ ܗܟܝܠ ܕܡܢ ܚܫ̈ܐ ܕܪ̈ܓܝܓܬܐ ܫܚܝܩܝܢ܁ ܘܒ݁ܥܝܢ ܕܢܥܩ݁ܒܘܢ ܥܠ ܪ̈ܘܚܢܝܬܐ ܘܥܠ ܡܕܡ ܕܠܐ ܡܬܚܙܐ܁ ܕܡܝܢ ܠܐܢܫܐ ܟܪ̈ܝܗܐ܁ ܕܡܕܡܝܢ ܢܦܫܗܘܢ ܠܚ̈ܠܝܡܐ܁ ܗܝܕܝܢ ܗܘ ܓܝܪ ܫܦܝܪ ܗܘ ܠܗ ܠܐܢܫ ܕܢܛܥܡ ܡܢ ܚܠܝܘܬܐ ܕܗܢܐ ܥܘܡܩܐ܁ ܐܡܬܝ ܕܠܡܚܣܢ ܙܝܥܐ ܢܦܫܐ ܡܢ ܚܫ̈ܐ ܕܪ̈ܓܝܓܬܐ ܘܡܪܓܫܐ ܒܗܘܢ ... ... ... ...

ܕܥܣܪ̈ܝܢ ܘܫܬܐ ܠܐ ܗܘܐ ܗ݂ܘ ܟܕ ܗܘ ܙܒܢܐ ܕܬܘܪܓܡܐ ܘܕܒܨܬܐ ܐܝܬܘܗܝ܁ ܘܡܛܠ ܗܕܐ ܘܠܐ ܠܢ ܕܢܟܐܐ ܒܗܘܢ ܒܗܠܝܢ ܕܡܥܟܪܝܢ ܬܘܪܓܡܢ ܒܝܕ ܫܘܐܠܐ ܕܒܨܬܐ ܕܪܡܝܢ ܠܢ܁ ܗܢܐ ܓܝܪ ܥܝܕܐ ܕܗܪ̈ܣܝܘܛܐ ܘܚܪ̈ܝܝܐ ܐܝܬܘܗܝ

ܕܥܣܪ̈ܝܢ ܘܬܡܢܝܐ܁ ܗܘܝ ܡܬܕܟܪ ܠܗܝܢ ܠܥ̈ܠܠܬܐ ܕܒܐܝ̈ܕܝܗܝܢ ܥܐ݁ܠ ܐܢܫ ܠܢܣܝܘܢܐ܁ ܗܟܢܐ ܓܝܪ ܬܫܟܚ ܬܣܡܘܟ ܠܐܝܠܝܢ ܕܡܢ ܢܣܝܘܢܐ ܘܡܢ ܦܓ̈ܥܐ ܒܝ̈ܫܐ ܢܦܠܝܢ ܒܟܪܝܘܬܐ܁ ܢܨܚܢܐ ܓܝܪ ܕܟܣ݂ܐ ܒܐܢܫ ܒܝܕ ܐܘܠܨܢܐ ܕܓܕܫ ܠܗ݁ ܡܬܝܕܥ܁ ܘܐܢ ܡܫܬܒܩ ܘܥܒ݁ܪ ܡܢܗ ܗܘ݂ ܢܨܚܢܐ܁ ܒܝܕ ܡܪܕܘܬܐ ܘܬܝܒܘܬܐ ܡܬܦܢܐ܁ ܠܣ̈ܓܝܐܐ ܬܘܒ ܢܣܝܘܢܐ ܥܠܬܐ ܕܚ̈ܝܐ ܗ݁ܘܐ܁ ܘܐܢ ܗܘ݂ ܕܩܕܝܡ ܢܣܝܘܢܐ ܠܢܨܚܢܐ܁ ܡ݁ܠܦ ܡܘܟܟܐ ܠܡ݁ܢ ܕܣ݁ܥܪ ܠܗ܁ ܣ݁ܢܐ ܗܘ ܓܝܪ ܠܒܝܫܬܐ ܗ݁ܘ ܡ݁ܢ ܕܐܬܢܣܝ ܡܢܗ݁܁ ܢܣܝܢܐ ܕܝܢ ܕܒܝܫܬܐ ܡ݁ܘܠܕ ܠܚܠܝܡܘܬ ܢܦܫܐ܁ ܒܪܐ ܕܝܢ ܕܚܠܝܡܘܬ ܢܦܫܐ ܐܝܬܘܗܝ ܢܣܝܘܢܐ܁

....ܕܬܠܬܝܢ ... ... ܪܚ݁ܡ ܟܣܦܐ ܐܝܬܘܗܝ܁ ܠܐ ܗܘܐ ܡܢ݂ܘ ܕܐܝܬ ܠܗ ܟܣܦܐ܁ ܐܠܐ ܗ݁ܘ ܕܪܚܡ ܘܡ݁ܬܚܦܛ ܕܢܩܢܝܘܗܝ܁ ܡܢ݂ܘ ܓܝܪ ܕܩ݂ܢܐ ܟܣܦܐ ܘܡ݁ܦܪܢܣ ܠܗ ܐܝܟ ܕܒܕܚܠܬ ܡܪܢ܁ ܡܬܩܪܐ ܟܝܣܐ ܡܠܠܐ. ... ... .

ܕܬܠܬܝܢ ܁ ܘܚܕ ܗܘܝ ܡܦܝܣ ܠܣܒ̈ܐ ܕܠܐ ܢܙܕܟܘܢ ܡܢ ܚܡܬܐ܁ ܘܠܛ̈ܠܝܐ ܡܢ ܪܓܬ ܟܪܣܐ܁ ܠܣܒ̈ܐ ܓܝܪ ܕܝܘ̈ܐ ܢܦܫ̈ܢܝܐ ܫܚܩܝܢ ܠܗܘܢ܁ ܥܡ ܛܠܝ̈ܐ ܕܝܢ ܝܬܝܪܐܝܬ ܕܝܘ̈ܐ ܦܓܪ̈ܢܝܐ ܡܩܪܒܝܢ܁

ܬܠܬܝܢ ܁ ܘܬܪ̈ܝܢ ܣܟܘܪ ܦܘܡܐ ܕܐܝܠܝܢ ܕܩܕܡܝܟ ܐܟ݁ܠܝܢ ܩܪܨܐ ܕܚܕ̈ܕܐ܁ ܘܠܐ ܬܬܕܡܪ ܟܕ ܢܪܛܢܘܢ ܥܠܝܟ ܣ̈ܓܝܐܐ܁ ܗܐ ܓܝܪ ܢܣܝܘܢܐ ܡܢ ܕܝܘ̈ܐ ܐܝܬܘܗܝ܁ ܡܛܘܠ ܕܠܐ ܨܒܝܢ ܕܢܗܘܐ ܡܚܪܪ ܝܕܘܥܐ ܡܢ ܐܟܬܐ ܘܡܢ ܣܢܐܬܐ܁

ܕܬܠܬܝܢ ܘܬܠܬܐ܁ ܗܘ݁ ܕܡܛܠ ܡܪܢ ܡܐܣܐ ܠܗܘܢ ܠܒ̈ܢܝ ܐܢܫܐ ܒܝܕ ܡܠܦܢܘܬܐ܁ ܢܕܥ ܕܠܘܩܕܡ ܠܢܦܫܗ ܗܘ ܡ݁ܥܕܪ܁ ܒܝܕ ܗܠܝܢ ܓܝܪ ܣܡ̈ܡܢܐ ܕܡ݁ܩܪܒ ܠܐܚܪ̈ܢܐ܁ ܐܘ ܐܘܬܪ܁ ܐܢܘܢ ܐܘ ܠܐ ܐܘܬܪ܁ ܠܢܦܫܗ ܕܝܢ ܚܦܝܛܐܝܬ ܡܚܠܡ ... .....

ܕܬܠܬܝܢ ܘܐܪ̈ܒܥܐ܁ ܠܐ ܟܠܡܕܡ ܕܥܗܢ ܠܪܙܐ ܬܣܒ ܐܝܟ ܕܒܦܠܐ̈ܬܐ܁ ܐܠܐ ܐܝܠܝܢ ܕܫܠܡܢ ܘܥܗܢܢ ܠܨܒ̈ܘܬܐ܁ ܐܢ ܓܝܪ ܗܟܢܐ ܠܐ ܬܥܒܕ܁ ܣܓܝ ܙܒܢܐ ܥܒ݁ܕ ܐܢܬ ܟܕ ܝܬܒ ܒܐܠܦܗ ܕܝܘܢܢ܁ ܘܒ݁ܥܐ ܐܢܬ ܕܟܠ ܚܕ ܡܢ ܡܐ̈ܢܝܗ݁ ܕܐܠܦܐ ܬܦܚܡ܁ ܘܓܘܚܟܐ ܪܒܐ ܠܫܡܘܥܐ ܘܠܐ ܝܘܬܪܢܐ܁ ܟܠ ܓܝܪ ܚܕ ܡܢ ܗܠܝܢ ܕܝܬ݁ܒܝܢ ܚܕܪ̈ܝܟ܁ ܟܠ ܚܕ ܚܕ ܡܢ ܡܐ̈ܢܝܗ݁ ܕܐܠܦܐ ܕܛܥܝܬ ܕܬܦܚܡ ܡܝܬܐ ܠܟ܁ ܘܓܘܚܟܐ ܪܒܐ ܣܐܡ ܠܗ ܩܕܡܝܟ ܒܫܘܐܠܗ܁

ܕܬܠܬܝܢ ܘܚܡܫܐ ܗܘܝ ܡܦܝܣ ܠܐܚ̈ܐ ܕܐܬܝܢ ܠܘܬܟ ܕܢܗܘܘܢ ܡ݁ܠܦܝܢ ܘܐܡܪܝܢ ܥܠ ܗܝܡܢܘܬܐ ܕܝܢ ܘܥܠ ܒܨܬܐ܁ ܐܦ ܠܐ ܠܚܕ ܡܢܗܘܢ ܬܦܝܣ ܕܢܐܡܪ ܐܠܐ ܐܢ ܐܫܟܚܬ ܠܐܢܫ ܡܢܗܘܢ ܕܡ݂ܨܐ ܕܢܫܬܘܫܛ ܠܘܬ ܗܘ݁ ܪܘܡܐ ܕܡܠܦܢܘܬܐ܁܁܁

ܕܬܠܬܝܢ ܘܫܬܐ܁ ܠܐ ܬܓܠܐ ܠܥܠܡ̈ܝܐ ܘܠܛ̈ܠܝܝ ܪܥܝܢܐ ܬܫܥܝܬܐ ܡܥܠܝܬܐ ܕܥܠ ܕܝܢܐ܁ ܡܛܠ ܕܦܫܝܩܐܝܬ ܡܘܠܕܐ ܒܗܘܢ ܡܗܡܝܢܘܬܐ ܐܢ ܓܝܪ ܝܕܥܝܢ ܟܐ̈ܒܝܗ݁ ܕܢܦܫܐ ܡܠܠܬܐ܁ ܕܡܩܒܠܐ ܐܝܟ ܕܒܡܣܡ ܒܪܫܐ ܚܫܘܟܐ ܘܥܡܛܢܐ ܕܪܥܝܢܐ

ܕܬܠܬܝܢ ܘܫܒܥܐ ܐܢ ܦܘܠܘܣ ܩܕܝܫܐ ܐ݁ܠܨ ܗܘܐ ܢܦܫܗ ܘܡܫܥܒܕ ܗܘܐ ܦܓܪܗ ܒܕܘܒܪ̈ܐ ܩܕܝ̈ܫܐ܁ ܠܐ ܬܒܣܐ ܐܢܬ ܡܢ ܕܠܡ݁ܟܒܫܘ ܦܓܪܟ ܟܠܗܘܢ ܝܘܡ̈ܬܟ܁ ܘܠܐ ܬܨܥܪ ܠܚܠܝܡܘܬ ܢܦܫܐ܁ ܟܕ ܒܝܕ ܝܘܩܪܗ ܕܦܓܪܐ ܬܡܟܟܝܗ݁ ܁܁܁܁܁

ܕܬܠܬܝܢ ܘܬܡܢܝܐ܁ ܠܐ ܬܐܨܦ ܥܠ ܬܘܪܣܝܐ ܘܥܠ ܠܒܘܫܐ܁ ܐܠܐ ܐܬܕܟܪ ܠܥܘܒܪ ܐܕܘܡ. ܕܟܕ ܩܒܠܗ݁ ܠܩܒܘܬܐ ܕܐܠܗܐ܁ ܡܣܟܢܐ ܗܘܐ܁ ܘܒܪܟܗ ܡܪܝܐ ܘܡܢ ܡܣܟܢܐ ܗܘ݂ܐ ܥܬܝܪܐ ܘܡܢ ܫܝܛܐ ܗܘ݂ܐ ܡܫܒܚܐ܀

ܕܐܪ̈ܒܥܝܢ. ܚܘܪ ܕܠܡܐ ܠܟܠ ܚܕ ܡܢ ܡܕܡ ܕܗܘܐ܁ ܠܐ ܗܘܐ ܚܕ ܦܪܨܘܦܐ ܐܘ ܚܕ ܦܘܫܩܐ ܐܝܬ ܒܗ܁ ܐܠܐ ܣܓܝ̈ܐܐ܁ ܘܡܘܫ̈ܚܬܐ ܕܬܘܩ̈ܢܐ ܕܒܪܝܬܐ܁ ܚܝ̈ܠܘܬܐ ܕܝܢ ܩܕܝ̈ܫܐ܁ ܝܕܥܬܐ ܕܫܪܪܐ ܡܕܪܟܝܢ܁ ܠܐ ܕܝܢ ܗܝ݁ ܩܕܡܝܬܐ ܘܡܥܠܝܬܐ ܗܝ݁ ܕܒܪܐ ܒܠܚܘܕ ܚܟܡ ܠܗ݁܁

ܕܐܪܒܥܝܢ ܘܚܕ ܟܠ ܚܕ ܡܢ ܫܪ̈ܒܐ ܐܘ ܓܢܣܐ ܐܝܬ ܠܗ܁ ܐܘ ܚܙܬܐ ܐܘ ܦܘܪܫܢܐ܁ ܐܘ ܕܡܟܢ ܒܗ ܐܘ ܕܓܕܫ ܠܗ. ܐܘ ܕܡܢ ܗܠܝܢ ܟܠܗܘܢ ܐܬ݁ܪܟܒ܁ ܬܠܝܬܝܘܬܐ ܕܝܢ ܩܕܝܫܬܐ ܡܥܠܝܐ ܡܢ ܗܠܝܢ ܟܠܗܘܢ܁ ܘܠܐ ܙܕܩ݁ ܠܢ ܕܚܕܐ ܡܢ ܗܠܝܢ ܢܬܪܥܐ ܥܠܝܗ݁܁ ܐܠܐ ܗܟܝܠ ܒܫܬܩܐ ܢܣܓܘܕ ܠܡܕܡ ܕܠܐ ܡܬܡܠܠ

ܕܐܪܒܥܝܢ ܘܬܪ̈ܝܢ. ܢܣܝܘܢܐ ܕܝܕܘܥܐ ܐܝܬܘܗܝ ܡܣܬܒܪܝܘܬܐ ܕܓܠܠܬܐ ܕܗܘܝܐ ܒܪܥܝܢܗ. ܘܡܚܘܝܐ ܠܗ ܦܘܫܩܐ ܕܫܪܒܐ ܐܝܢܐ ܕܫܪܝܪ ܘܐܝܬܘܗܝ ܐܝܟ ܠܐ ܐܝܬܘܗܝ. ܘܠܐܝܢܐ ܕܠܐ ܐܝܬܘܗܝ ܐܝܟ ܐܝܬܘܗܝ ... ... ...

ܕܐܪܒܥܝܢ ܘܬܠܬܐ܁ ܚܛܝ݂ܬܐ ܕܝܕܘܥܐ ܐܝܬܝܗ݁ ܐܝܕܥܬܐ ܕܓܠܬܐ܁ ܕܥܠܝܗܝܢ ܕܨܒܘ̈ܬܐ ܐܘ ܥܠ ܚܙܬܗܝܢ. ܗܝ݁ ܕܐܬܝܠܕܬ ܐܘ ܡܢ ܚܫܐ ܒܝ݂ܫܐ ܕܪܥܝܢܐ܁ ܐܘ ܡܛܠ ܕܠܐ ܗܘܐ ܡܛܠܬܗ݁ ܕܫܦܝܪܬܐ܁

ܕܐܪܒܥܝܢ ܘܐܪ̈ܒܥܐ܁ ܐܪ̈ܒܥܐ ܢܨ̈ܚܢܝ ܘܐܝܕܥܬܗܘܢ ܡܢ ܓܪܓܪܝܣ ܛܘܒܢܐ ܝܠܦܢܢ܁ ܕܐܝܬ݂ܝܗܘܢ ܗܠܝܢ. ܚܟܡܬܐ ܘܓܢܒܪܘܬܐ ܘܢܟܦܘܬܐ ܘܟܐܢܘܬܐ܁ ܘܐܡܪ ܗܘܐ ܗܟܢܐ܁ ܕܦܘܠܚܢܐ ܕܚܟܡܬܐ ܗܢܘ܁ ܕܢܕܥ ܐܢܫ ܘܢܣܬܟܠ ܠܣܕܪ̈ܐ ܪ̈ܘܚܢܝܐ܁ ܘܢܥܠܐ ܪܥܝܢܗ ܕܢܚܙܐ ܠܚܝ̈ܠܘܬܐ ܩܕܝ̈ܫܐ܁ ܡܢ ܒܠܥܕ ܡ̈ܠܐ ܕܥܠܝܗܘܢ ܡܘܕܥܢ܁ ܗܠܝܢ ܓܝܪ ܡ̈ܠܐ ܐܝܟ ܕܐܡܪ ܗܘܐ܁ ܕܠܚܟܡܬܐ ܒܠܚܘܕ ܕܫܪܪܐ ܝܕܥܢ ܕܐܝܬܘܗܝ ܡܫܝܚܐ܁ ܦܘܠܚܢܐ ܕܝܢܦܘܠܚܢܐ ܕܝܢ ܕܓܢܒܪܘܬܐ ܗܢܘ܁ ܡܣܝܒܪܢܘܬܐ܁ {ܕ}ܢܚܡܣܢ ܐܢܫ {ܒ}ܫܪܝܪܬܐ܁ ܐܦܢ ܐܓܘܢܐ ܕܡܛܠܬܗܝܢ ܗܘ݁ܐ ܠܗ ܒܬܟܬܘܫܐ ܕܒܥܠܕ݁ܒܒܐ܁ ܘܠܐ ܬܘܒ ܕܢܒܨܐ ܪܥܝܢܐ ܡܕܡ ܕܠܐ ܐܝܬܘܗܝ܁ ܕܢܟܦܘܬܐ ܗܢܘ܁ ܕܬܩܒܠ ܙܪܥܐ ܫܦܝܪܐ ܕܙܪܘܥܐ ܩܕܡܝܐ܁ ܘܬܛܪܝܘܗܝ ܥܕܡܐ ܠܚܪܬܐ܁ ܘܬܕܚܘܩ ܠܙܪܘܥܐ ܐܚܪܢܐ ܕܙܪܥ ܙܝܙ̈ܢܐ܁ ܦܘܠܚܢܐ ܕܝܢ ܕܟܐܢܘܬܐ ܗܢܘ܁ ܕܢܦܢܐ ܦܬܓܡܐ ܠܟܠ ܐܢܫ ܐܝܟ ܕܫ݁ܘܐ܁ ܘܢܐܡܪ ܡܠܬܐ ܠܐܢܫ ܐܢܫ ܟܕ ܡܚܦܝܐ. ܘܠܐܢܫ ܐܢܫ܁ ܐܝܟ ܕܒܦܠܐ̈ܬܐ܁ ܘܠܐܚܪ̈ܢܐ ܬܘܒ ܒܓܠܝܘܬܐ ܐܝܟ ܡܛܠ ܝܕܥܬܐ ܘܝܘܬܪܢܐ ܕܦܫ̈ܝܛܐ

ܕܐܪܒܥܝܢ ܘܚܡܫܐ ܐܡܪ ܗܘܐ ܕܝܢ ܥܡܘܕܐ ܕܫܪܪܐ ܒܣܝܠܝܣ ܩܦܘܕܩܝܐ܁ ܕܝܘܠܦܢܐ ܕܡܢ ܒ̈ܢܝ ܐܢܫܐ ܗܘ ܡܩܒܠܝܢ ܐܢܚܢܢ ܠܗ܁ ܪܢܝܐ ܐܡܝܢܐ ܡܢܛܪ ܠܗ܁ ܠܐܝܕܥܬܐ ܕܝܢ ܕܗܘܝܐ ܠܢ ܡܢ ܛܝܒܘܬܐ܁ ܕܐܠܗܐ܁ ܙܕܝܩܘܬܐ ܘܢܝܚܘܬܐ ܐܦ ܡܪܚܡܢܘܬܐ܁ ܠܝܘܠܦܢܐ ܕܝܢ ܩܕܡܝܐ ܡܫܟܚܝܢ ܡܩܒܠܝܢ܁ ܐܦ ܐܢܫܐ ܕܒܚ̈ܫܐ ܕܪ̈ܓܝܓܬܐ ܐܝܬܝܗܘܢ. ܐܝܕܥܬܐ ܕܝܢ ܕܡܢ ܛܝܒܘܬܐ ܩܕܡܝܬܐ܁ ܐܝܠܝܢ ܒܠܚܘܕ ܕܕܠܐ ܚܫ̈ܐ ܕܪ̈ܓܝܓܬܐ ܐܝܬܝܗܘܢ ܡܫܟܚܝܢ ܩܢܝܢ ܠܗ݁܁ ܐܝܠܝܢ ܕܒܙܒܢܐ ܕܨܠܘܬܐ ܐܦ ܢܘܗܪܐ ܪܒܐ ܚܙܝܢ ܕܡܢܗܪ ܠܗ ܠܪܥܝܢܗܘܢ ܁܁܁ ܁܁܁

ܕܐܪܒܥܝܢ ܘܫܬܐ܁ ܢܗܝܪܐ ܩܕܝܫܐ ܕܡܨܪܝܢ ܬܘܒܢܐ ܐܬܢܣܝܣ ܐܡܪ ܗܘܐ܁ ܐܢ ܦܬܘܪܐ ܕܡܫܟܢ ܙܒܢܐ ܐܬ݁ܦܩܕ ܗܘܐ ܡܘܫܐ ܕܠܓܪܒܝܐ ܢܣܝܡܝܘܗܝ܁ ܢܣܬܟܠܘܢ ܦܪ̈ܘܫܐ ܕܡܢܘ ܐܝܬܘܗܝ ܕܢܫܒ݁ ܥܠܝܗܘܢ܁ ܘܟܘܠ ܢܣܝ̈ܘܢܝܢ ܚܠܝܨܐܝܬ ܢܣܝܒܪܘܢ. ܘܒܚܦܝܛܘܬܐ ܠܐ̈ܟܣܢܝܐ ܕܐܬܝܢ ܨܐܕܝܗܘܢ ܢܬܪܣܘܢ

ܕܐܪܒܥܝܢ ܘܫܒܝܐ ܐܡ݁ܪ ܗܘܐ ܡܠܦܢܐ ܕܥܕܬܐ ܕܬܡܘܐܝܣ ܬܘܒܢܐ ܣܪܦܝܘܢ܁ ܕܪܥܝܢܐ ܠܡ ܡܐ ܕܫܬ݁ܐ ܡܫܬܝܐ ܕܪܘܚܐ܁ ܡܫܡܠܝܐܝܬ ܡܬܕܟܐ܁ ܚܘܒܐ ܕܝܢ ܬܙܝܢܘܬܐ ܕܚܡܬܐ ܡܐܣܐ܁ ܠܪܓܬܐ ܕܝܢ ܕܡܫܬܠܗܒܐ ܡܫ݁ܗܐ ܘܡ݁ܕܥܟ ܨܘܡܐ܁ ܁܁܁ ܁܁܁ ܁܁܁܁܁

ܕܐܪ̈ܒܥܝܢ ܘܬܡ̈ܢܝܐ܁ ܐܡ݁ܪ ܗܘܐ ܕܝܢ ܝܕܘܥܐ ܪܒܐ ܕܝܕܝܡܘܣ܁ ܕܡ̈ܠܐ ܠܡ ܕܥܠ ܦܘܪ̈ܢܣܐ ܘܥܠ ܕܝܢܐ܁ ܠܘܬ ܢܦܫܟ ܗܘܝ ܪܢܐ ܘܡ݁ܥܩܒ܁ ܘܣܗ̈ܕܘܬܐ ܕܥܠܝܗܝܢ ܗܘ݁ܝ ܥܗܝܕ ܒܪܥܝܢܟ݁ ܒܨܝܪ ܩܠܝܠ ܓܝܪ ܟܠ ܐܢܫ ܒܗܠܝܢ ܬܪ̈ܬܝܢ ܡܬܬܩܠ܁ ܘܡ̈ܠܐ ܕܥܠ ܕܝܢܐ ܒܦܘܪܫܢܐ ܕܦܓܪܐ ܘܕܥܠܡܐ ܡܫܟܚ ܐܢܬ܁ ܡ̈ܠܐ ܕܝܢ ܕܥܠ ܦܘܪ̈ܢܣܐ ܒܬܪܥܝܬܐ ܚ݁ܙܐ ܐܢܬ܁ ܟܕ ܡܦܢܝܢ ܡܢ ܚܛܝܬܐ ܐܘ ܡܢ ܛܥܝܘܬܐ ܠܘܬ ܙܗܝܘܬܐ ܁܁܁ ܁܁܁

ܕܐܪ̈ܒܥܝܢ ܘܬܫܥܐ܁ ܢܝܫܐ ܕܝܘܠܦܢܐ ܕܦܘ̈ܠܚܢܐ ܕܦܘܩ̈ܕܢܐ܁ ܕܢܕܟܐ ܠܪܥܝܢܐ ܘܢܥܒܕܝܘܗܝ ܢܘܟܪܝ ܡܢ ܚ̈ܫܐ ܕܪ̈ܓܝܓܬܐ܁ ܢܝܫܐ ܕܝܢ ܕܝܘܠܦܢܐ ܕܣܘܟܠ ܟܝ̈ܢܐ ܕܢܚܘܐ ܠܗ ܠܪܥܝܢܐ ܟܠܗ ܫܪܪܐ ܕܒܪ̈ܝܬܐ ܕܡܚܦܐ ܗܘܐ ܡܢܗ܁ ܕܢܣܛܝܘܗܝ ܕܝܢ ܠܪܥܝܢܐ ܡܢ ܟܠܗܝܢ ܒܪ̈ܝܬܐ܁ ܘܢܦܢܝܘܗܝ ܠܘܬ ܗ݁ܘ ܛܘܒܐ ܩܕܡܝܐ ܕܐܝܬܘܗܝ ܪܫܐ ܘܥܠܬܐ ܕܟܠܡܕܡ܁ ܡܘܗܒܬܐ ܐܝܬܝܗ݁ ܪܒܬܐ ܕܡ̈ܠܐ ܕܥܠ ܐܠܗܘܬܐ܁

܁܀܁ ܕܚܡܫܝܢ .܀܁ ܠܘܩܒܠ ܕܡܘ̈ܬܐ ܩܕܡ̈ܝܬܐ ܐܬܚܦܛ ܕܬܨܘܪ ܕܡܘ݂ܬܟ܁ ܘܠܐ ܬܫܒܘܩ ܡܕܡ ܕܡܫܟܚ ܡ݁ܕܒܪ ܠܟ ܕܬܩܢܐ ܝܘ݁ܬܪܢܐ ܡܫܡܠܝܐ܁ ܝܚܝܕܝܐ ܓܡܝܪܐ ܡܕܝ݂ܢܬܐ ܢܬܩܪܐ܁ ܓܡܝܪܐ ܕܝܢ ܐܝܬܘܗܝ݂܁ ܗ݁ܘ ܕܒܝܕ ܡܫܝܚܐ ܐܬ݁ܕܟܝ ܒܦܓܪܗ ܘܒܢܦܫܗ܁ ܘܟܕ ܝܕܥ ܢܦܫܗ ܡܪܡܪܡ ܨܒܝܢܐ ܕܥܒܘܕܗ ܁܁܁ ܁܁܁ ܁܁܁