Λόγος γνώστικος Evagrius Ponticus edited by Columba Stewart

From a personally transcribed edition.

 Transcription of the Gnostikos preserved in BL Add. 14616 tag:kalvesmaki.com,2014:tan-key:evagrius General keywords associated with the TAN collection for Evagrius of Pontus tag:textalign.net,2015:stylesheet:convert-tan2018-to-tan2020 Converter from TAN 2018 to TAN 2020 tag:textalign.net,2015:stylesheet:convert-tan2017-to-tan2018 Stylesheet to populate a TAN-A-div file from collections. Stylesheet at: ../../TAN-2018/do%20things/convert/convert%20TAN%202017%20to%20TAN%202018.xsl Moved file, cleaned tags. Removed extraneous TEI attributes. Credited Stewart. Removed | representing line breaks; normalized references; removed folio numbers duplicating @n Started file TAN file updated to 2018 schemas. Converted from 2018 to 2020 schemas.
ܠܐ ܘܠܐ ܠܗ ܠܝܕܘܥܐ ܕܢܗܘ{ܐ -------}ܦ ܠܐ ܐܦܠܐ ܕܢܗܘܐ ܟܠܐ ܠܕܒܥܝܢ ܢܫܐܠܘܢܝܗܝ. ܐܢ ܓܝܪ ܐܬܟܡ݂ܪ ܡܚܘܐ. ܢܦܫܗ ܕܠܐ ܝܕܥ݁ ܡ̈ܠܐ ܫܪܝܪܬܐ ܕܥܠ ܦܘܫܩܐ ܕܨܒ̈ܘܬܐ ܕܡܫܐܠܝܢ ܠܗ ܥܠܝܗܝܢ܁ ܐܢ ܕܝܢ ܠܐ ܦܫܝܩܐܝ݂ܬ ܢܩܒܠ ܠܕܫܐܠܝܢ ܠܗ܈ ܗܐ ܐܫܬܟܚ ܠܗ ܐܝܟ ܓܒܪܐ ܕܠܐ ܒܥ݁ܐ ܕܢܚܘܢ ܒ̈ܢܝ ܐܢܫܐ: ܘܢܬܦܢܘܢ ܠܘܬ ܝܕܥܬܐ ܕܫܪܪܐ.
ܒܙܢܒ ܘ݁ܠܐ ܠܗ ܠܝܕܘܥܐ܈ ܕܢܫܬܐܠ ܡܢ ܒܨܬܐ ܕܫܘ̈ܐܠܐ܁ ܘܢܐܡ݂ܪ ܕܠܐ ܚ݁ܟܡ ܒܡܕܡ ܕܡܫܬܐܠ܁ ܡܛܘܠ ܐܝܠܝܢ ܕܠܐ ܫܘܝܢ ܕܢܫܡܥܘܢ. ܟܕ ܓܝܪ ܗܕܐ ܢܥܒܕ܈ ܡܫܪ ܘܠܐ ܡܕܓܠ ܡܛܠ ܕܐܣܝܪ ܗ݂ܘ ܒܦܓܪ܁ ܘܫܪܪܐ ܕܒܨܬܐ ܗܫܐ݂ ܠܐ ܝܠܝܦ.
ܚܘܪ ܒܢܦܫܟ݁ ܕܠܐ ܡܛܘܠ ܕܠܐܓܘܪܬܐ ܐܘ ܝܘܬܪܢܐ ܕܥܠܡܐ݁ ܐܘ ܡܛܠ ܫܘܒܚܐ ܕܥܒ݁ܪܬܐ ܡܪ ܡܕܡ ܕܠܐ ܘ݁ܠܐ܁ ܕܢܬܓܠܐ ܘܬܬܛܪܕ ܠܒܪ ܡܢ ܗܝܟܠܐ ܘܛܝܪܐ ܩܕܝܫܐ.
ܠܐܠܝܢ ܕܒܠܐ݁ ܝܕܥܬܐ ܕܟ̈ܬܒܐ ܩ݁ܝܡܝܢ ܒܚܪܝܢܐ܁ ܠܐ ܡܢ ܫܘܠ݂ܡܗ ܕܨܒܘ̈ܬܐ ܕܡܫܟܚܢ ܡܦܝܣܢ ܠܗܘܢ ܬܦܝܣ. ܐܠܐ ܡܢ ܫܘܪܝܗܝܢ ܬܩܪܒ ܐܢܘܢ ܠܫܪ݂ܝܐ܁ ܠܐܝܠܝܢ ܕܝܢ ܕܚܫܐ ܫܪܝܘ ܒܝܚܝܕܝܘܬܐ ܠܐ ܬܬܢܐ ܠܗܘܢ ܡܢ ܫܪ̈ܒܐ ܕܒܐܪܙ ܐܡܝܪ̈ܝܢ ܘܠܐ ܬܫܒ݂ܘܩ ܐܢܘܢ ܕܢܒܪܘܢ ܒܟܬ̈ܒܐ܁ ܐܝܠܝܢ ܕܠܐ ܡܫܟܚܝܢ ܡܕܪܟܝܢ ܚܝܠܗܘܢ܁ ܠܐ ܓܝܪ ܡܫܟܚܝܢ ܩܝܡܝܢ ܠܘܩܒܠ ܦܓ̈ܥܐ ܕܗ݁ܘܝܢ ܒܩܪ̈ܝܢܐ ܕܟܬ̈ܒܐ ܡܛܠ ܗܕܐ ܘ݁ܠܐ ܠܟ ܕܐܝܠܝܢ ܕܡܬܥܝܪܝܢ ܝܠܝܗܘܢ ܚܫ̈ܐ ܕܪ̈ܓܝܓܬܗܘܢ܈ ܕܡ̈ܠܐ ܕܫܝܢܐ܁ ܘܕܫܠܡܐ݂ ܠܐ ܬܬܢܐ ܠܗܘܢܟ ܐܠܐ ܬܡܠܘܟ ܐܢܘܢ ܕܢܗܘܘܢ ܩܝܡܝܢ ܚܠܝܨܐܝܬ ܒܩܪ̈ܒܐ݂: ܘܡܫܦܠܝܢ ܠܒ̈ܥܠܕܒܒܐ܁ ܐܝܠܝܢ ܗܟܝܠ ܕܡܢ ܚ̈ܫܐ ܕܪ̈ܓܝܓܬܐ ܫܚܝܩܝܢ: ܘܒܥܝܢ ܕܢܥܩܒܘܢ ܥܠ ܪ̈ܘܚܢܝܬܐ ܘܥܠ ܡܕܡ ܕܠܐ ܡܬܚܙܝ݂ܢ܁ ܕܡ݁ܝܢ ܠܐܢܫܐ ܟܪ̈ܝܗܐ܇ ܕܡܕܡܝܢ ܢܦܫܗܘܢ ܠܚ̈ܠܡܐ܁ ܫܦܝܪ ܗ݂ܘ ܠܗܓܝܪ ܠܐܢܫ ܕܢܛܥܡ ܡܢ ܚܠܝܘܬܐ ܕܗܢܐ ܥܘܡܩܐ܁ ܐܡܬܝ ܕܠܡܚܣܢ ܙܝܢܐ ܢܦܫܐ ܡܢ ܚܫ̈ܐ ܕܪ̈ܓܝܓܬܐ ܕܡܪܓܫܐ ܒܗܘܢ