</titleStmt> <publicationStmt> <p/> </publicationStmt> <sourceDesc> <p/> </sourceDesc> </fileDesc> </teiHeader> <head xmlns="tag:textalign.net,2015:ns"> <name xml:lang="eng">Fragments of the Reflections (Skemmata) preserved in Paris. Gr. 3098, collated with Paris. supp. gr. 870, edited by Muyldermans</name> <master-location href="https://raw.githubusercontent.com/Arithmeticus/TAN-Evagrius/master/cpg2433/cpg2433.grc.1931.muyldermans.paris-gr-3098.xml"/> <license which="by_4.0" licensor="kalvesmaki"/> <work which="Skemmata"/> <vocabulary> <IRI>tag:kalvesmaki.com,2014:tan-key:evagrius</IRI> <name>General keywords associated with the TAN collection for Evagrius of Pontus</name> <location href="../TAN-voc/evagrius.TAN-voc.xml" accessed-when="2022-01-07"/> </vocabulary> <source which="Muyldermans 1931a"/> <vocabulary-key> <person xml:id="kalvesmaki" which="Joel Kalvesmaki"/> </vocabulary-key> <file-resp who="kalvesmaki"/> <resp roles="editor" who="kalvesmaki"/> <change when="2022-01-23" who="kalvesmaki">Started file</change> <to-do/> </head> <text> <body xml:lang="grc"> <milestone unit="folio" source="paris3098" n="56r"/> <milestone unit="folio" source="parisSup870" n="151r"/> <div type="section" n="2"> <ab>Εἴ τις βούλοιτο ἰδεῖν τὴν τοῦ νοῦ κατάστασιν, στερησάτω αὐτὸν πάντων τῶν νοημάτων, καὶ τότε ὄψεται ἀυτὸν σαπφείρῳ ἢ οὐρανίῳ χρώματι παρεμφερῆ· τοῦτο δὲ ποιῆσαι ἄνευ ἀπαθείας, τῶν ἀδυνάτων ἐστί· Θεοῦ γὰρ χρεία συνεργοῦντος καὶ ἐμπνέοντος αὐτῷ τὸ συγγενὲς φῶς. </ab> </div> <div type="section" n="16"> <ab> Νοῦς ἐστι πρακτικὸς, ὁ τοῦ κόσμου τούτου ἀπαθῶς δεχόμενος τὰ νοήματα.</ab> </div> <div type="section" n="17"> <ab> Τέσσαρες τρόποι εἰσὶ δι' ὧν ὁ νοῦς λαμβάνει νοήματα· καὶ πρῶτος μὲν τρόπος, ὁ διὰ τῶν ὀφθαλμῶν· δεύτερος, ὁ διὰ τῆς ἀκοῆς· τρίτος, ὁ διὰ τῆς μνήμης· τέταρτος, ὁ διὰ τῆς κράσεως· καὶ διὰ μὲν τῶν ὀφθαλμῶν μορφοῦντα μόνον λαμβάνει νοήματα· διὰ δὲ τῆς ἀκοῆς, καὶ μορφοῦντα καὶ μὴ μορφοῦντα, τῷ τὸν λόγον σημαίνειν πράγματα αἰσθητὰ καὶ θεωρητά· ἡ δὲ μνήμη καὶ ἡ κράσις μιμοῦνται τὴν ἀκοήν· ἑκάτεραι γὰρ μορφοῦσι τὸν νοῦν.</ab> </div> <div type="section" n="19"> <ab>Ἐπειδὴ ἐκ τῶν πέντε αἰσθήσεων λαμβάνει ὁ νοῦς λογισμοὺς, τηρητέον ἐκ ποίας μᾶλλον γίνονται χαλεπώτεροι· φανερὸν οὖν ἐστιν ἐκ τῆς ἀκοῆς, εἴγε καὶ λυπηρὸς λόγος ταράσσει καρδίαν ἀνδρός.</ab> </div> <div type="section" n="22"> <ab>Ὁ νοῦς ποτὲ μὲν ἀπὸ νοήματος εἰς νόημα μεταβαίνει· ποτὲ δὲ ἀπὸ θεωρήματος εἰς θεωρήματα, καὶ ἀπὸ θεωρήματος ἐπὶ νόημα· ἔστι δὲ ὅτε ἀπὸ τῆς ἀνειδέου καταστάσεως ἐπὶ νοήματα καὶ ἐπὶ θεωρήματα, καὶ ἀπὸ τούτων πάλιν ἐπὶ τὴν ἀνείδεον κατάστασιν ἀνατρέχει κατὰ τὸν καιρὸν τῆς προσευχῆς.</ab> </div> <div type="section" n="20"> <ab>Ὁ νοῦς ἐν πρακτικῇ ὢν, ἐν τοῖς νοήμασιν τοῦ κόσμου <milestone unit="folio" source="paris3098" n="56v"/>τούτου ἐστίν· ἐν δὲ γνώσει ὢν, ἐν θεωρίᾳ διατρίβει· ἐν δὲ προσευχῇ γινόμενος, ἐν τῷ ἀνειδέῳ ἐστιν, ὅπερ ὀνομάζεται τόπος Θεοῦ· </ab> </div> <div type="section" n="23"> <ab> Οὐκ ἂν δὲ ἴδῃ ὁ νοῦς τὸν τοῦ Θεοῦ τόπον ἐν ἑαυτῷ, μὴ τῶν ἐν τοῖς πράγμασιν νοημάτων ὑψηλότερος γεγονώς· καὶ ἀπεκδυσάμενος τὰ πάθη τὰ συνδεσμοῦντα αὐτὸν τοῖς αἰσθητοῖς.</ab> </div> <div type="section" n="25"> <ab><quote>ἐγενήθη γάρ,</quote> φησιν, <quote>ἐν εἰρήνῃ ὁ τόπος αὐτοῦ</quote>. Τόπος τοίνυν ἐστὶ τοῦ Θεοῦ, καὶ κατοικητήριον νοῦς φωτοειδὴς, τὰς κοσμικὰς ἐπιθυμίας ἀρνησάμενος.</ab> </div> <div type="section" n="21"> <ab>Τῶν πειρασμῶν οἱ μὲν ἡδονάς· οἱ δὲ λύπας· οἱ δὲ ὀδύνας σωματικὰς τοῖς ἀνθρώποις προσάγουσι.</ab> </div> <div type="section" n="44"> <ab>Τῶν λογισμῶν οἱ μὲν ἄϋλοι εἰσίν· οἱ δὲ ὀλιγόϋλοι· οἱ δὲ πολύϋλοι· καὶ ἄϋλοι μὲν, οἱ ἀπὸ τῆς ὑπερηφανίας· ὀλιγόϋλοι δὲ, οἱ τῆς πορνείας· πολύϋλοι δὲ, οἱ τῆς κενοδοξίας.</ab> </div> <div type="section" n="45"> <ab><milestone unit="folio" source="parisSup870" n="151r"/> Τῶν λογισμῶν, οἱ μὲν ἀπὸ χρόνου βλάπτουσιν· οἱ δὲ, ἀπὸ τῆς κατ' ἐνέργειαν ἁμαρτίας· καὶ ἀπὸ τοῦ χρόνου μὲν, οἱ φυσικοί· ἐκ τῆς ἐνεργείας δὲ, οἱ παρὰ φύσιν.</ab> </div> <div type="section" n="46"> <ab>Τῷ λογισμῷ τῷ ἀγαθῷ δύο ἀντίκεινται λογισμοὶ, ὅ τε δαιμονιώδης καὶ ὁ τῆς κακῆς προαιρέσεως· τῷ δὲ πονηρῷ τρεῖς, ὁ ἐκ φύσεως, ὁ ἐκ τῆς ὀρθῆς προαιρέσεως καὶ ὁ ἐκ τοῦ ἀγαθοῦ ἀγγέλου.</ab> </div> <div type="section" n="47"> <ab> Τῶν λογισμῶν οἱ μὲν ἔξωθεν ἔχουσι τὰς ὕλας· ὁ δὲ τῆς πορνείας ἐκ τοῦ σώματος.</ab> </div> <div type="section" n="48"> <ab>Καὶ οἱ μὲν αὐτῶν τῆς ψυχῆς γεννῶνται· οἱ δὲ ἔξωθεν ὑπὸ δαιμόνων ἐγγίνονται.</ab> </div> <div type="section" n="53"> <ab>Πρῶτος πάντων λογισμός ἐστιν ὁ τῆς φιλαυτίας μεθ' ὃν οἱ ὀκτώ.</ab> </div> <div type="section" n="55"> <ab>Καὶ οἱ μὲν αὐτῶν μορφοῦσι τὴν <milestone unit="folio" source="paris3098" n="57r" />διάνοιαν, οἱ δὲ οὐ μορφοῦσι· καὶ μορφοῦσι μὲν ὅσοι ἐξ ὁράσεως. οὐ μορφοῦσι δὲ, ὅσοι ἐκ τῶν λοιπῶν αἰσθήσεων ἡμῖν ἐπισυμβαίνουσιν.</ab> </div> <div type="section" n="58"> <ab>Ἰστέον ὅτι κοινόν ἐστι πάντων τῶν λογισμῶν, τὸ βλάπτειν ἐκ τοῦ χρόνου.</ab> </div> <div type="section" n="57"> <ab>Ἰστέον ὅτι μετὰ τὴν ἧτταν τῶν λογισμῶν ἁπα΄ντων, μόνοι συνίστανται καὶ συνεπεμβαίνουσι ἡμῖν οἱ τῆς κενοδοξίας καὶ οἱ τῆς ὑπερηφανίας.</ab> </div> <div type="section" n="59"> <ab>Ἰστέον ὅτι τὰ μὲν τῶν παθῶν ἐκ μνήμης κινοῦνται, τὰ δὲ ἐξ αἰσθήσεως, τὰ δὲ ἐκ δαιμόνων.</ab> </div> <div type="section" n="60"> <ab> Καὶ πάντες οἱ ἀκάθαρτοι λογισμοὶ ἢ ἐξ ἐπιθυμίας, ἢ ἐκ θυμοῦ, ἢ ἐκ λύπης δεσμοῦσι τὸν νοῦν.</ab> </div> </body> </text> </TEI>