</titleStmt> <publicationStmt> <p/> </publicationStmt> <sourceDesc> <p/> </sourceDesc> </fileDesc> </teiHeader> <head xmlns="tag:textalign.net,2015:ns"> <name>Georgian translation of Maxims Useful for Life, part two, edited by Tkebuchava</name> <master-location href="https://raw.githubusercontent.com/Arithmeticus/TAN-Evagrius/master/cpg6583b/cpg6583b.kat.2024.tkebuchava.xml"/> <license which="by_4.0" licensor="kalvesmaki"/> <work which="cpg6583b"/> <vocabulary> <IRI>tag:kalvesmaki.com,2014:tan-key:evagrius</IRI> <name>General keywords associated with the TAN collection for Evagrius of Pontus</name> <location href="../TAN-voc/evagrius.TAN-voc.xml" accessed-when="2018-05-29-04:00"/> </vocabulary> <source which="tkebuchava 2024b"/> <vocabulary-key> <div-type xml:id="ch" which="chapter"/> <person xml:id="kalvesmaki" which="Joel Kalvesmaki"/> <person xml:id="tkebuchava" which="Lasha Tkebuchava"/> </vocabulary-key> <file-resp who="kalvesmaki"/> <resp who="tkebuchava" roles="transcriber"/> <resp roles="editor" who="kalvesmaki"/> <change when="2025-11-01" who="kalvesmaki">Started file</change> <to-do> </to-do> </head> <text> <body xml:lang="kat"> <div type="title" n="title"> <p n="title">მისივე, წმიდისა ნილოჲს ღნომნი განმაყენებელნი განხრწნადთაგან და შემაერთებელნი უხრწნელთა თანა</p> </div> <div type="ch" n="114"> <p n="1">გზა სათნოებათა მიმართ კეთილ და მოკლე არს – ლტოლვაჲ საწუთოჲსა ცხორებისაგან.</p> </div> <div type="ch" n="115"> <p n="2">უჴმს გულისმთქუმელსა უხრწნელთასა არარად შერაცხაჲ განხრწნადთა ამათ.</p> </div> <div type="ch" n="116"> <p n="3">უკუეთუ ჭეშმარიტისა ცხორებისა გსურის, მარადის მოელოდე კაცობრივსა სიკუდილსა.</p> </div> <div type="ch" n="117"> <p n="4">მოიძულე <milestone unit="folio" n="D159v"/>აქაჲ ესე ცხორებაჲ, რამეთუ ჰხედავ ურმისთუალისა მისისა დაუპყრობელად მოქცეობასა.</p> </div> <div type="ch" n="118"> <p n="5">ნუ გსურის მოკუდავთა კეთილობისათჳს, რომელთა მოგე<milestone unit="folio" n="C119r"/>ბაჲ წარწყმედად არს და საჴმარებაჲ – წარმავალ.</p> </div> <div type="ch" n="119"> <p n="6">ეცინოდე შუებულთა და გელმოდენ ძჳრხილულთა თანა, რამეთუ ესე – სასყიდლის, ხოლო იგი ფილოსოფოსობისა მომატყუებელ არს.</p> </div> <div type="ch" n="120"> <p n="7">მოთმინებასა იღუწიდ, რამეთუ მის მიერ უწყით გამოცდაჲ მოწამეთაჲ, ვინაჲთგან ჩუენგანცა იძიების წამებაჲ სჳნიდისისაჲ.</p> </div> <div type="ch" n="121"> <p n="8">ყოვლისა წინა პატივ-სცემდ სულსა შენსა და სათნოებისა სრბაჲ უშრომელად აღესრულების.</p> </div> <div type="ch" n="122"> <p n="9">ყოველნივე აქანი – განხრწნად, ხოლო სული უკუდავ არს, ვინაჲცა შეჰგავს განხწნადთასა წინა პატივისცემაჲ უკუდავისაჲ.</p> </div> <div type="ch" n="123"> <p n="10">განემზადე შემაწუხებელთა მიმართ და უმრავლესი შეიძინო.</p> </div> <div type="ch" n="124"> <p n="11">ნუ ეძიებ ღმრთისაგან საწადელთა, არამედ მხოლოდ მარგებელ<milestone unit="folio" n="B88v"/>თა; რამეთუ მათ დაღათუ ითხოვდე, არავე მოგეცნენ; და მოიხუნე თუ, განიხრწნებიანვე.</p> </div> <div type="ch" n="125"> <p n="12">ნუ აბრალებ სიგლახაკესა, რამეთუ მიმოგანუბნეველ შჯულისა ჰყოფს მოღუაწესა.</p> </div> <div type="ch" n="126"> <p n="13">ნუ იშუებ სიმდიდრითა, რამეთუ ზრუნვანი მისნი მრავალგზის უნებლიეთცა განაშორებენ კაცსა <milestone unit="folio" n="C119v"/> ღმრთისაგან.</p> </div> <div type="ch" n="127"> <p n="14">მოახს აღსა<milestone unit="folio" n="D160r"/>სრული, უდები განემზადებოდენ გუემათა მიმართ.</p> </div> <div type="ch" n="128"> <p n="15">არა შორს არს მკაჲ, ვინაჲცა განვჰფხურნეთ ეკალნი სულისა აგარაკისაგან.</p> </div> <div type="ch" n="129"> <p n="16"><milestone unit="folio" n="A141v"/> არარაჲ დაეფარვის მსაჯულსა, ვინაჲცა ცუდად სიტყუად ვისწრაფით მცოდველნი.</p> </div> <div type="ch" n="130"> <p n="17">პირველ კაცთასა შეირცხჳნე ანგელოზთაგან, რამეთუ მრავალნი არიან ჩუენ თანა და ყოვლისა ბილწისა საქმისაგან განეყენე.</p> </div> <div type="ch" n="131"> <p n="18">ზრუნევდი სასწორსა მსაჯულისასა; და ყოველივე განაგდე, რაჲცა რაჲ არს შენ თანა საწუთოჲსა ბიწთაგანი.</p> </div> <div type="ch" n="132"> <p n="19">ზღვევად შეჰრაცხე მოცალებაჲ და განსუენებაჲ, და ისწრაფე ქმნად რასმე, რომლისა მიჴდაჲ გუეგულების.</p> </div> <div type="ch" n="133"> <p n="20">მარადის იგონებდ საწუთოჲსა უმტკიცობასა და ვერამან მისგანმან შეუძლოს განცდაჲ შენი.</p> </div> <div type="ch" n="134"> <p n="21">ჰაეროვნებანი ქუეყანისანი და წუთ-ჟამნი ნუ შეგაქცევენ შენ, რამეთუ სამჭედურ არიან თევზებრ მომნადირებელ სულისა.</p> </div> <div type="ch" n="135"> <p n="22">ილოცევდ არა-შესლვად განსაცდელთა; ხოლო შეხჳდე რაჲ, აჩუენე ახოვნებაჲ.</p> </div> <div type="ch" n="136"> <p n="23">ნუ ოდეს უგულებელს-ჰ<milestone unit="folio" n="C120r"/>ყოფ ცრემლთა გლახაკისათა, რაჲთა არა უგულებელს-იქმნენ ცრემლნი ლოცვისა შენისანი.</p> </div> <div type="ch" n="137"> <p n="24">სიბრძნისმოყუარებაჲ არს მონაგებ უპირატეს კაცთათჳს, რომელსა მხოლოდშობილობით მარტოდ მარტოსა <milestone unit="folio" n="D160v"/> თანა ჰნებავს ყოფაჲ მომგებელსა მისსა თანა.</p> </div> <div type="ch" n="138"> <p n="25">სამოსელ ღმრთისა არს სათნოებაჲ, ამას ქსოვდი და იქმნე შემმოსელ არსთა შემმოსელისა.</p> </div> <div type="ch" n="139"> <p n="26">რაოდენი ქუეყანასა ზედა წარიპარვის, მას მუშაკობდ ცათა შინა, რამეთუ იგი არა შევალს თითთა შინა მპარავთასა.</p> </div> <div type="ch" n="140"> <p n="27">ჯმნაჲ ჯერ-არს შუ<milestone unit="folio" n="B89r"/>ებისაგან, რამეთუ მიიზიდავს საქმედ, მათდა ძალთაგან იქმნებიან სულთქუმანი შემდგომად განფრთხობისა.</p> </div> <div type="ch" n="141"> <p n="28">უმჯობეს არს მოძაგებაჲ ჴორცთმოყუარეთა გულისსიტყუათაჲ, რამეთუ ჴორცთა განხწნიან და სულთა შეაბილწებენ.</p> </div> <div type="ch" n="142"> <p n="29">არცაღა ქუეყანისა კეთილნი თჳნიერ შრომისა აღესრულებიან, უკუეთუ ზეცისათაგან მივდრკეთ შრომისათჳს.</p> </div> <div type="ch" n="143"> <p n="30">გნებავს თუ თჳნიერ შრომისა ქმნაჲ სათნოებისაჲ, გულისჴმა-ყავ შრომათა წ<milestone unit="folio" n="C120v"/>უთ-ჟამობაჲ და მოსაგებელთა საუკუნეობაჲ.</p> </div> <div type="ch" n="144"> <p n="31">რაოდენნი ჴორცთა გემოვნებისა მიმართ განილევიან, გულისჴმა-ყვედ მათ გემოჲსა წუთ-ჟამობაჲ და მოსაგებელისა საუკუნეობაჲ.</p> </div> <div type="ch" n="145"> <p n="32">რაოდენთა ცხორებაჲ ბილწ იყოს, პირუტყულ სადმე არს სულიცა და თანა-აც მათ გლოვაჲ, ვითარცა თავთა თჳსთაგან დაჭირვებულთა.</p> </div> <div type="ch" n="146"> <p n="33">ყოველივე განხრწნადად ჰგონე, ხოლო სათნოებაჲ – უხრწნელად.</p> </div> <div type="ch" n="147"> <p n="34" xml:id="p148" next="#p149">უგულებელს-ყვენ სხუანი, რაოდენნი პირ<milestone unit="folio" n="D161r"/>უტყულ ჰყოფენ კაცსა,</p> </div> <div type="ch" n="148"> <p n="34" xml:id="p149" prev="#p148"> და მოიგე სათნოებაჲ, <milestone unit="folio" n="A142r"/> რამეთუ ესე [ღმრთა]დ [გამო]აჩინებს ადამს სიბრძნისმოყუარებისა მიერ.</p> </div> <div type="ch" n="149"> <p n="35">იპყრობ თუ მუცელსა, იპყარ ენაჲცა, რაჲთა არა ერთისა მის მონაჲ იყო, ხოლო მეორისაგან უგუნურებით თავისუფალ იყო.</p> </div> <div type="ch" n="150"> <p n="36">შეიყუარე ღმერთი და მის ძლით ნუ გელმის სახლეულთა მიმართ; ნუსადა, მისისავე ჴმისაებრ, უღირს მისსა იპოო, ვითარცა არა გინდეს<ref cRef="შდრ. მთ. 10.37"/>.</p> </div> <div type="ch" n="151"> <p n="37">თავს-იდებდ ჭირთა, რამეთუ მათ შინა არიან გჳრგჳნნი მოღუაწეთანი.</p> </div> <div type="ch" n="152"> <p n="38"><milestone unit="folio" n="C121r"/> ნეტარ არს თავსდებაჲ ბოროტისაჲ, ხოლო ქმნაჲ – სამ უბადრუკ, რამეთუ ქრისტეს თანა მკჳდრ არს თავსმდებელი, ხოლო მოქმედი – თანამკჳდრ ეშმაკისა.</p> </div> <div type="ch" n="153"> <p n="39">კეთილ არს პური მარხვისაჲ, ვინაჲთგან აზნაურ არს ვნებათა საფუვრისაგან.</p> </div> <div type="ch" n="154"> <p n="40">წმიდა არს ტაბლაჲ ლოცვისაჲ, რამეთუ მოიზიდავს ჩუენდა წმიდასა წმიდათასა.</p> </div> <div type="ch" n="155"> <p n="41">ნუ გგონიეს სიმართლე გარეწარ ყოფად სათნოებისათჳს, რამეთუ თჳნიერ მისსა ყოველი საქმე არაწმიდა არს.</p> </div> <div type="ch" n="156"> <p n="42">სთესავ თუ გლ<milestone unit="folio" n="B89v"/>ახაკთა ზედა, თავისა თჳსისაჲ სთესე, რამეთუ უცხოთაჲ ღუარძლისა უმწარეს არს.</p> </div> <div type="ch" n="157"> <p n="43">ბრმა არს მოწყალე, უკუეთუ მართალ არა იყოს, რამეთუ მუშაკობს აგარაკსა, რომლისა მომკაჲ ვერ ძალ-უც.</p> </div> <div type="ch" n="158"> <p n="44">მარადის ვიდრემე მოელოდე, ხოლო ნუ გეშინინ სიკუდილისაგან, რამეთუ ჭეშმარიტ <milestone unit="folio" n="D161v"/> ხატ ფილოსოფოსობისა არიან ორნივე ესე.</p> </div> <div type="ch" n="159"> <p n="45">აზმნობდ სათნოებასა, არა რაჲთა შეაცთუნნე, არამედ რაჲთა სარგებელ ეყო მხედველთა.</p> </div> <div type="ch" n="160"> <p n="46">უჴმს თქუმაჲ კეთილთაჲ არამოქმედსაცა კეთილთასა, რაჲთა იწყოს საქმედცა სიტყუათაგან შეკდიმებულმან.</p> </div> <div type="ch" n="161"> <p n="47"><milestone unit="folio" n="C121v"/> ზეცისა თუ გსურის, ნუმცა რაჲ არს შენი და ქუეყანისაჲ, რამეთუ ესე არა მიუშუებს მისსა მიმართ აღფრინვებად.</p> </div> <div type="ch" n="162"> <p n="48">ნუ გნებავს განმდიდრებად გლახაკთმოყუარებისა ძლით, რამეთუ რომელ-იგი აქუნდენ, მათგან ასწავებს მართალსა ღმერთი ყოფად მოწყალებისა.</p> </div> <div type="ch" n="163"> <p n="49">უკუეთუ სასუმელი გრილისა წყლისაჲ განამართლებს მოწყალესა, რაბამი მისაგებელი მიელის მას, რომელმან ყოველივე განაბნიოს გლახაკთა ზედა?</p> </div> <div type="ch" n="164"> <p n="50">დედად სათნოებათა – სიწმიდე და თანალმობაჲ, ვინაჲცა არა არს ქრისტეს მჴედარ-ყოფაჲ თჳნიერ ამისსა ანუ მისსა.</p> </div> <div type="ch" n="165"> <p n="51">ნუ უდებ-ჰყოფ თანალმობასა, რამეთუ ამან გარდამოიყვანა სახიერი იგი ზეცით ქუეყანად.</p> </div> <div type="ch" n="166"> <p n="52">ნუ შეურაცხ-ჰყოფ სიწმიდესა, რამეთუ მის მიერმან ორღანომან წარმოუდგინა კაცთა ჩუენთჳს ჴორცშესხმული იგი.</p> </div> <div type="ch" n="167"> <p n="53">ნუ აღვიდგენთ მტერსა, რამეთუ მსაჯული მართალი ცათა შინა მოგჳგიეს.</p> </div> <div type="ch" n="168"> <p n="54">ნუ გნებავს განმდიდრებაჲ, ნუცა შუ<milestone unit="folio" n="D162r"/>ებაჲ, ნუცა დიდებულებაჲ, რამეთუ ესენი სა<milestone unit="folio" n="C122r"/>წუთოჲსა ხრწნილება არიან, ხოლო ჩუენ არ ვართ ვითარცა განხრწნადნი.</p> </div> <div type="ch" n="169"> <p n="55"><milestone unit="folio" n="A142v"/> მკუდარსა ზედა ნუ ჰგოდებ, რამეთუ საზოგადო არს გზაჲ იგი, და სანატრელ არს, რომელმან უსწროს.</p> </div> <div type="ch" n="170"> <p n="56">მცოდველსა ჰგოდებდი, ნუ დაგლახაკებულსა, რამეთუ ესე გჳრგჳნოსან იქმნების, ხოლო იგი დაისაჯების.</p> </div> <div type="ch" n="171"> <p n="57">ეცინოდე ურმისთუალსა საწუთოჲსასა, დაუპყრობელად მგორვალ<milestone unit="folio" n="B90r"/>ესა, და ეკრძალე მთხრებლსა მას, რომელსა შინა შთააგდებს იგი მას ზედა მძინარეთა.</p> </div> <div type="ch" n="172"> <p n="58">ეტყოდე ღმერთსა მრავლად და კაცთა – მცირედ, ხოლო ესე ორივე წურთითა შჯულისაჲთა წარიმართოს.</p> </div> <div type="ch" n="173"> <p n="59">საბანელ კეთილ სულისა არს ცრემლი ლოცვისაჲ, ხოლო შემდგომად ლოცვისა იჴსენებდ, თუ რაჲსათჳს სცრემლოოდე.</p> </div> <div type="ch" n="174"> <p n="60">ძლიერთა ამის სოფლისათა ნუ ჰნატრი, რამეთუ „ძლიერნი ძლიერად განიკითხნენ“<ref cRef="სიბრძ. 6.7"/>, ვინაჲცა მათ უფიცხესი მსაჯული აქუნდეს.</p> </div> <div type="ch" n="175"> <p n="61">უჴმს ადამს შრომაჲ, არამედ ჩუენ შრომითა შჯულსა შინა მოსაგებელსა შევიძენთ.</p> </div> <div type="ch" n="176"> <p n="62"><milestone unit="folio" n="C122v"/> საჭირო არს ევაჲს დაჭირვებაჲ მკჳდრთა მისთაჲ, არამედ ჩუენ რაჟამს მადლობით თავს-ვისხნეთ ჭირნი, კურთხევად ჩუენდა შეიცვალების წყევაჲ მისი.</p> </div> <div type="ch" n="177"> <p n="63">სანთლად საქმეთა მიმართ სჳნდისსა იჴუმევდი, რამეთუ ესე <milestone unit="folio" n="D162v"/> გიჩუენებს შენ, რომელნი რაჲ კეთილად ანუ რომელნი ბოროტად გექმნენ ცხორებასა ამას შინა.</p> </div> <div type="ch" n="178"> <p n="64">თავნი ჩუენნი განვიკითხნეთ და მსაჯული დაგებულ არს ჩუენდა, რამეთუ ვითარცა სახიერსა უხარის ცოდვილისაჲ, ხედვიდეს რაჲ განბნევად ტჳრთსა.</p> </div> <div type="ch" n="179"> <p n="65">რაჲცა რაჲ ბიწი ქმნილ არს ჩუენგან, სინანულითა განვიბანოთ, რამეთუ გჳჴმს ხატისა სიწმიდისათჳს ღონე-ყოფაჲ.</p> </div> <div type="ch" n="180"> <p n="66">პირველ განშიშულებადმდე განვიკურნნეთ, წუთხნი სულისანი, რაჲთა წამალთა მიერ შევიძინოთ თანაწარსლვაჲ გუემათაჲ.</p> </div> <div type="ch" n="181"> <p n="67">ვითარ-იგი შეკრულთა ძნელ უჩნს სლვაჲ, ეგრეთვე სრბაჲ სათნოებისაჲ სიწმიდით ვერ უძლავს <milestone unit="folio" n="C123r"/> სოფლიოთა საქმეთა თანა შეთხზულთა.</p> </div> <div type="ch" n="182"> <p n="68">უჴმს მოძულებაჲ ცოდვისაჲ, რამეთუ ესრეთ დაღათუ ვისმე უბრკუმეს მახეთაგან მისთა, არამედ მყის კუალად ეგოს თავადვე თჳსსა.</p> </div> <div type="ch" n="183"> <p n="69">რომელსა არა სძაგდეს ცოდვაჲ, დაღათუ არა იქმოდის ცოდვასა მას, ცოდვილთავე თანა დაისაჯების.</p> </div> <div type="ch" n="184"> <p n="70">სულთ-ითქუენ მოყუასსა შენსა ზედა მცოდველსა, რაჲთა თავსაცა ზედა თჳსსა სულთ-ითქუნე, რამეთუ ყოველნი თანამდებ ვართ ცოდვათა.</p> </div> <div type="ch" n="185"> <p n="71">მოაჴსენე მსაჯული მეგობარსა შენსა შეცთომილსა და შენიცა წყლულებაჲ გან<milestone unit="folio" n="B90v"/>იკურნოსვე, რამეთუ საზოგადო არს წამალი თანამზარხველობისაჲ.</p> </div> <div type="ch" n="186"> <p n="72">გეგულებოდის რაჲ თქუმად რაჲსმე ანუ ქმნად, შემდგომად მცი<milestone unit="folio" n="D163r"/>რედისა ყოფადისა მისთჳს სიტყჳსა მიცემისა ზრუნვაჲ გაქუნდინ და განბრძნდე შიშითა განმართლებული.</p> </div> <div type="ch" n="187"> <p n="73">ცოდვისა სატანჯველსა ეშიშვოდი და სირცხჳლისაგან გეკდიმებოდენ, რამეთუ ორთავე ამათ ძჳრი უზ<milestone unit="folio" n="C123v"/>ომო არს.</p> </div> <div type="ch" n="188"> <p n="74">ყოფადთა მათ კეთილთა შუენიერებაჲ და სიმრავლე და სიდიდე განუზომელ არს, ხოლო აქანი ესე აჩრდილ არიან და კუამლ და წყლის ბუშუტ.</p> </div> <div type="ch" n="189"> <p n="75">ნუ სთესავ ბოროტსა, რამეთუ მკაჲ მოახლებულ არს და ცეცხლი შეიწყნარებს მუშაკსა ეკ[ა]ლთასა.</p> </div> <div type="ch" n="190"> <p n="76">ვარდ საწუთოჲსა – ორგულნი, ანგაჰრნი და გემოთმოყუარენი, გარნა მცირედ დაითმინე და იხილო თივაჲ დათრგუნვილად.</p> </div> <div type="ch" n="191"> <p n="77">ყოველი ბოროტი საქმე აღსჭურ[ა]ვს ჩუენ ზედა ეშმაკსა, და აღიჭუროს რაჲ, მძჳნვარედ ეჴუმევის აღმჭურველთა მისთა.</p> </div> <div type="ch" n="192"> <p n="78">გნებავს თუ მოუძლურებაჲ მტერისა, მოიკუეთე შენგან ცოდვაჲ და იგი განშიშულებული ფრთეთაგან, ვითარცა სირი, სამღერელ იქმნეს.</p> </div> <div type="ch" n="193"> <p n="79">ვაჲ უღმრთოსა, რამეთუ რაჟამს ყოველნი განათლდებოდიან, იგი მხოლოჲ დაბნელდების.</p> </div> <div type="ch" n="194"> <p n="80">ვაჲ მგმობარსა, რამეთუ შეიკრვის ენაჲ და ვერ ძალ-უც, თუ ვითარ სიტყუა-უგოს მსაჯულსა.</p> </div> <div type="ch" n="195"> <p n="81"><milestone unit="folio" n="C124r"/> ვაჲ უშჯულოსა, რამეთუ წარვალს მსაჯულისა ფიცხ[ე]ლისა და მართლისა შჯულისმდებელისა.</p> </div> <div type="ch" n="196"> <p n="82"><milestone unit="folio" n="D163v"/> ვაჲ ანგაჰრსა, რამეთუ სიმდიდრე მისი ივლტოდის და ცეცხლმან მიითუალო[ს] იგი.</p> </div> <div type="ch" n="197"> <p n="83">ვაჲ უდებსა, რამეთუ ეძიებდეს ჟამსა, რომელი-იგი მან ბორ[ო]ტად განლია.</p> </div> <div type="ch" n="198"> <p n="84">ვაჲ ამპარტავანსა, რამეთუ შე-რაჲ-ვიდეს საფლავად, მაშინ ისწავოს, თუ ვინ იყო.</p> </div> <div type="ch" n="199"> <p n="85">ვაჲ სიძვისმოყუარესა, რამეთუ შეამწიკულებს სასძლოსა სამოსელსა და სირცხჳლით განიჴადების სამეუფოჲსა ქორწილისაგან.</p> </div> <div type="ch" n="200"> <p n="86">ვაჲ მ[ა]გინებელსა და მის თანავე მომთრვალესა, რამეთუ მემრუშეთა თანა დაიწესებიან და კაცისმკლვ<milestone unit="folio" n="B91r"/>ელთა თანა იტანჯებიან.</p> </div> <div type="ch" n="201"> <p n="87">ვაჲ წუთ-ჟამ შუებულსა, რამეთუ ვითარცა ზუარაკი დასაკლავად განმზადებული განსუქნების.</p> </div> <div type="ch" n="202"> <p n="88">ვაჲ ორგულსა, რამეთუ მწყემსი მას უარ-ჰყოფს და ვითარცა მგელსა სდევნის სამწყსოჲთ.</p> </div> <div type="ch" n="203"> <p n="89">ნეტარ არს, რომელი ვიდოდის გზასა იწროსა, რამეთუ გჳრგ<milestone unit="folio" n="C124v"/>ჳნშემოსილი ზეცას აღვალს.</p> </div> <div type="ch" n="204"> <p n="90">ნეტარ არს დამთრგუნველი გულისთქუმათაჲ, რამეთუ ძუელითგანვე ძრწიან მისგან ეშმაკნი.</p> </div> <div type="ch" n="205"> <p n="91">ნეტარ არს წმიდაჲ სულითა და შეუორგ[უ]ლ[ე]ბე[ლ]ითა გულითა, რამეთუ ეგულების მას განკითხვაჲ სოფლისაჲ და არათუ დაშჯაჲ სოფლისა თანა.</p> </div> <div type="ch" n="206"> <p n="92">ნეტარ არს მქონებელი მაღლისა ცხორებისაჲ და მდაბლისა გონებისაჲ, რამეთუ ქრისტესა მიემსგავსების და მის <milestone unit="folio" n="D164r"/>თანა მჯდომარე არს.</p> </div> <div type="ch" n="207"> <p n="93">ნეტარ არს, რომლისა ენისაგან არაოდეს განეშორა შჯული, რამეთუ ამისისა საყოფელისაგან ღმერთი არაოდეს განეშორების.</p> </div> <div type="ch" n="208"> <p n="94">ნეტარ არს, რომელი მრავალთა კეთილისმყოფელი იყოს, რამეთუ მრავალნიცა პოვნეს თანამოსაჯულნი, განიკითხოდის რაჲ.</p> </div> <div type="ch" n="209"> <p n="95">ნეტარ არს, რომელი არა საეჭუელ ჰყოფდეს სათნოებასა, რამეთუ არა ემღერის ნიჩაბსა მსაჯულისასა.</p> </div> <div type="ch" n="210"> <p n="96">ნეტარ არს, რომელი შეამკობდეს თჳსთა საქმეთა პირველ აღგზებადმდე ცეცხლისა, რომელსა შინა ყოველი გამოიცადების<ref cRef="შდრ. 1 კორ. 3.11-15"/>.</p> </div> <div type="ch" n="211"> <p n="97">ნეტარ არს, რომელი ისწრაფდეს ყოფადისა მის ცხორებისა მიმართ, რამეთუ აწინდელი ესე ყარს და ხრწნილებად დ<milestone unit="folio" n="C125r"/>ა სიკუდილად მიიზიდავს.</p> </div> <div type="ch" n="212"> <p n="98">ნეტარ არს, რომელმან განაბნივნა ბოროტნი, რომელ შეეკრიბნეს, და განწმედილი წარმოუდგეს წმიდასა მსაჯულსა.</p> </div> <div type="ch" n="213"> <p n="99">ხოლო თავ სიტყჳსა იტყჳს ესე: სულო, ნუ უდებ ხარ, რამეთუ გეგულების შემდგომად მცირედისა შესლვაჲ უღელსა სასწორისასა.</p> </div> <div type="ch" n="213b"> <p n="100">რომელსა გლახაკთადა მიეცნენ საჴმარნი, და რომელმან მიმხუეჭელსა და მტ[ა]ცებელსა და მაჭირვებელსა თჳსსა კაცსა არარაჲ ავნოს შიშისათჳს ღმრთისა, არცა სწყეოს, ორნივე ზოგად მიემთხჳვნენ ზეცისა კეთილთა, რამეთუ უტყუველ არს მეტყუელი, ვითარმედ: „ვითარცა უყოთ, ეგრეთცა გეყოს თქუენ“ <ref cRef="შდრ. მთ. 7.12; ლკ. 6.31"/>.</p> </div> </body> </text> </TEI>