باشلانيشدا تاري گؤيلر و يري ياراتدي.
ير شکئلسئز و بوش ائدي. درئنلئکلرئن اوستونده قارانليق وار ائدي و تارينين روحو سولارين اوستونده دولاشيردي.
تاري ددي: "ائشيق اولسون." ائشيق اولدو.
تاري گؤردو کي، ائشيق ياخشيدير؛ و او، ائشيغي قارانليقدان آييردي.
تاري ائشيغا "گوندوز"، قارانليغا دا "گجه" آديني وردي. آخشام اولدو، سحر اولدو؛ بئرئنجي گون!
تاري ددي: "سولارين آراسيندا بئر قوبّه اولسون و سولاري بئربئرئندن آييرسين."
تاري قوبّه‌ني دوزلتدي و قوبّه‌نئن آلتينداکي سولاري، اونون اوستونده‌کي سولاردان آييردي. بله ده اولدو.
تاري قوبّه‌‌يه "گؤي" آديني وردي. آخشام اولدو، سحر اولدو؛ ائکئنجي گون!
تاري ددي: "گؤيون آلتينداکي سولار بئر يره ييغيلسين کي، قورولوق گؤرونسون". بله ده اولدو.
تاري قورولوغا "ير"، سو ييغينلارينا دا "دهنزلر" آديني وردي. تاري گؤردو کي، بو، ياخشيدير.
تاري ددي: "ير اوزو بئتکئلر گؤيرتسئن؛ توخوملار ورن اوتلار و اؤز جئنسلرئنه گؤره توخومو مئيوهلرئنده اولان مئيوه آغاجلاري." بله ده اولدو.
ير اوزي بئتکئلر يتئردی: اوتلار اؤز جئنسلرئنه گؤره توخوم بئتئردئلر و آغاجلار اؤز جئنسلرئنه گؤره توخومو ائچئنده اولان مئيوه بار وردئلر. و تاري گؤردو کي، بو، ياخشيدير.
آخشام اولدو، سحر اولدو؛ اوچونجو گون!
تاري ددي: "گؤي قوبّه‌سئنده چيراقلار اولسون کي، گجه-گوندوزو بئربئرئندن آييرسين. اونلار علامتلری، فصئللري و گونلرله ائللري گؤرسدسئنلر.
قوي اونلار گؤي قوبّه‌سئنده چيراق اولوب، ير اوزونه ائشيق ساچسينلار." بله ده اولدو.
تاري ائکي بؤيوک چيراق دوزلتدي؛ گوندوزو ائداره اتمک اوچون بؤيوک چيراق، گجهني ائداره اتمک اوچون کئچئک چيراق. تاري اولدوزلاري دا ياراتدي.
و اونلاري گؤي قوبّه‌سئنه قويدو کي، ير اوزونه ائشيق ساچسينلار،
گوندوزو و گجهني ائداره اتسئنلر و ائشيق-قارانليغي بئربئرئندن آييرسينلار. تاري گؤردو کي، بو، ياخشيدير.
آخشام اولدو، سحر اولدو؛ دؤردونجو گون!
تاري ددي: "سولار چوخلو جانلي مخلوقلارلا قايناشسين، ير اوستونده، گؤي قوبّه‌سئنده قوشلار اوچسون."
تاري سويون بؤيوک حيوانلاريني ياراتدي، سودا قايناشان هر جور حرکت ادن جانلي مخلوقلاري اؤز جئنسلرئنه گؤره ياراتدي، هر جور قانادلي قوشلاري ياراتدي، هم ده اؤز جئنسلرئنه گؤره. تاري گؤردو کي، بو، ياخشيدير.
تاري اونلارا برکت ورئب ددي: "ثمرهلي اولوب، چوخالين و دهنزلرده‌کي سولاري دولدورون. قوشلار دا ير اوزونده چوخالسينلار."
آخشام اولدو، سحر اولدو؛ بشئنجي گون!
تاري ددي: "ير اوزو جانلي مخلوقلار اؤز جئنسلرئنه گؤره گتئرسئن؛ بَهئمه‌لر، سورونن جانلي‌لار و وحشي حيوانلار، اؤز جئنسلرئنه گؤره." بله ده اولدو.
تاري ير اوزونون وحشي حيوانلاريني، اؤز جئنسلرئنه گؤره، بَهئمه‌لري اؤز جئنسلرئنه گؤره و يرده سورونن بوتون جانلي‌لاري اؤز جئنسلرئنه گؤره ياراتدي. و تاري گؤردو کي، بو، ياخشيدير.
او واخت تاري ددي: "ائنساني اؤز صورتئمئزده و اؤزوموزه بنزر ياراداق. قوي او، دهنزده‌کي باليقلارا، گؤيدهکي قوشلارا، بوتون ير اوزونده اولان حيوانلارا، و ير اوزونده سورونن مخلوقلارين هاميسينا حؤکمرانليق اتسئن."
تاري ائنساني اؤز صورتئنده ياراتدي، اونو تارينين صورتئنده ياراتدي، اونلاري کئشي و آرواد ياراتدي.
تاري اونلارا برکت ورئب ددي: "ثمرهلي اولوب، چوخالين و ير اوزونو دولدورون و اونو اؤزونوزه موطئع ادئن: دهنزده‌کي باليقلار، گؤيدهکي قوشلار، و ير اوزونده سورونن بوتون جانلي‌لار اوستونه حؤکمرانليق ادئن."
تاري ددي: "باخ، ير اوزونده توخوم ورن بوتون اوتلار و مئيوهلرئنده توخومو اولان بوتون آغاجلارين مئيوه‌سئني سئزه ورئرم. اونلار سئزه يئيهجک اولسونلار.
يرده‌کي وحشي حيوانلارين، گؤيدهکي قوشلارين و يرده سورونن مخلوقلارين هاميسينا، يعني نَفَسي اولان بوتون جانلي‌لارا يمک اوچون بوتون ياشيل اوتلاري ورئرم". بله ده اولدو.
تاري گؤردو کي، ياراتديغي هر شي چوخ ياخشيدير. آخشام اولدو، سحر اولدو؛ آلتينجي گون!
بلجه گؤيلر و ير، و اوراداکي هر شي تاماملاندي.
تاري يدّئنجي گونه قدر گؤردويو ائشلري باشا چاتديردي و يدّئنجي گون اتدئيي هر ائشدن ائستئراحت اتدی.
تاري يدّئنجی گونه برکت ورئب، اونو تقدئس اتدی، چونکي او گونده او، ياراتديغي و دوزلتدئيي بوتون خئلقت ائشئندن ائستئراحت اتدی.
بودور گؤيلر و يرئن يارانماسينين روايتي، او گونده کي، رب تاري يِر و گؤيو ياراتدي.
ير اوزونده حله بئر بئتکي يوخ ائدی، هچ بئر اوت دا حله بئتمه‌مئشدي، چونکي رب تاري ير اوزونه حله ياغيش ياغديرماميشدي و تورپاغي بِجَرَن آدام دا يوخ ائدی.
آنجاق يردن سو بولاقلاري چيخيردي و بوتون تورپاغي سولاييردي.
رب تاري آداما يِرئن تورپاغيندان شکئل وردي و اونون بورنونا حيات نَفَسي اوفوردو. بلجه آدام جانلي بئر وارليق اولدو.
رب تاري شرق سمتئنده، عَدنده بئر باغ تئکدي و شکئل وردئيي آدامي اورايا قويدو.
رب تاري يردن گؤزل گؤرونوشلو و يمک اوچون ياخشي مئيوه‌لي جوربهجور آغاجلار يتئشئردي. باغين اورتاسيندا حيات آغاجي و خيئرله شري بئلمه آغاجي دا وار ائدي.
باغي سووارماق اوچون عَدندن بئر چاي آخيردي، و اورادا بؤلونوب دؤرد چاي اولوردو.
بئرئنجي چايين آدي پئشوندور. او قيزيل چيخان بوتون "خَوئلا" اؤلکهسئنه آخير.
بو اؤلکهنئن قيزيلي ياخشيدير. عطئرلي قَطران و دامارلي عقئق داشي دا اله بورادادير.
ائکئنجي چايين آدي گئخوندور. بوتون کوش اؤلکهسئنه آخير.
اوچونجو چايين آدي دِجله‌دئر. آشور شرقئنه آخير. دؤردونجو چاي فَراتدير.
رب تاري آدامي گؤتوروب عَدن باغينا قويدو کي، اوراني بِجَرئب ساخلاسين.
رب تاري آداما امر ادئب ددي: "باغين هر آغاجيندان ائستيهسن، يئيه بئلرسن.
آنجاق خيئرله شري بئلمه آغاجينين مئيوه‌سئندن يميه‌جکسن، چونکي اوندان يئين واخت قطعن اؤله‌جکسن."
رب تاري گئنه ددي: "آدام اوچون ياخشي ديئل کي، تک قالسين، من اونا موناسئب بئر کؤمکچي ياراداجاغام."
رب تاري بوتون وحشي حيوانلارا و گؤيدهکي بوتون قوشلارا تورپاقدان شکئل وردي و اونلاري آدامين يانينا گتئردي کي، اونلارا نه آد وره‌جيئني گؤرسون. آدام هر جانلي مخلوقا هانسي آدي قويدو، او جور ده آدلاندي.
آدام بوتون مال-حيوانا، گؤيدهکي قوشلارا، چؤلون وحشي حيوانلارينا آد وردی، آمّا آدَمه موناسئب بئر کؤمکچي تاپيلمادي.
او زامان رب تاري آداما آغير بئر يوخو گؤندردي و او، يوخويا گتدي. اوندا رب تاري اونون قابيرقا سومويوندن بئرئني گؤتوردو و يرئني اَتله اؤرتدو.
رب تاري آدامدان گؤتوردويو قابيرقا سومويوندن آروادي ياراتدي و اونو آدامين يانينا گتئردي.
آدام ددي: "نهايت، سومويومدن آلينميش سوموک، اَتئمدن آلينميش اَت.اونا "آرواد" ديئله‌جکدئر،چونکي او کئشئدن گؤتورولوب."
بونا گؤره ده کئشي اؤز آتا-آناسيندان آيريلاجاق، اؤز آروادينا ياپيشاجاق و اونلار بئر بدن اولاجاقلار.
آدام و آروادي، ائکئسي ده لوت ائدئلر، آمّا بوندان اوتانميرديلار.
رب تارينين ياراتديغي بوتون وحشي حيوانلارينين لاپ حئيله‌کاري ائلان ائدي. ائلان آرواددان سوروشدو: "دوغرودان تاري سئزه ديئب: باغدا اولان هچ بئر آغاجين مئيوه‌لرئندن يميهجکسئنئز؟"
آرواد ائلانا جاواب وردي: "باغداکي آغاجلارين مئيوه‌لرئندن يئيه بئله‌رئک.
آمّا باغين اورتاسينداکي آغاجين مئيوه‌سي بارهده تاري ديئب: اوندان يميهجکسئنئز، اونا توخونماياجاقسينيز دا، يوخسا اؤلرسئنئز!"
ائلان آروادا ددي: "يوخ، اصلا اؤلمزسئنئز.
چونکي تاري بئلئر کي، اونون مئيوه‌سئندن يدئيئنئز گون گؤزلرئنئز آچيلاجاق و خيئرله شري بئلئب، تاري کئمي اولاجاقسينيز."
آرواد گؤردو کي، آغاجين مئيوه‌سي يمک اوچون ياخشيدير، گؤزه خوش گؤرونور و بو آغاج ائنساني عاغيلّي اتميه ده چکئجئدئر. اونون مئيوه‌سئندن درئب يدي. سونرا يانينداکي ارئنه ده وردی، او دا يدي.
او واخت ائکئسئنئن ده گؤزلري آچيلدي و لوت اولدوقلاريني بئلدئلر. بونا گؤره ده انجئر يارپاقلاريني بئربئرئنه حؤروب، اؤزلرئنه فئته دوزلتدئلر.
اونلار گونون سرئنلئيئنده باغدا گزن رب تارينين سسئني اشئتدئلر. آدام و اونون آروادي رب تارينين حوضوروندان قاچيب، اؤزلرئني باغداکي آغاجلارين آراسيندا گئزلتدئلر.
رب تاري آدامي سسله‌يئب ددي: "هاراداسان؟"
او جاواب وردي: "باغدا سسئني اشئتدئم و لوت اولدوغوم اوچون قورخدوم، اونا گؤره ده اؤزومو گئزلتدئم."
رب تاري ددي: "کئم سنه بئلدئردي کي، لوتسن؟ آيا او آغاجين مئيوه‌سئندن ييئبسن کی، سنه اوندان يمه‌يی قدغن اتمئشدئم؟"
آدام ددي: "بو آرواد کي، منئمله اولماق اوچون منه وردئن، او آغاجين مئيوه‌سئندن منه وردی، من ده يدئم."
رب تاري آروادا ددي: "بو ندئر کي، ادئبسن؟" آرواد ددي: "ائلان مني آلداتدي، من ده يدئم."
رب تاري ائلانا ددي: "بونو اتدئيئن اوچون بوتون مال-حيوانلارين و چؤلون وحشي حيوانلارينين آراسيندا سن ملعونسان. قارنين اوستونده سورونه‌جکسن، بوتون عؤمرون بويو تورپاق يئيه‌جکسن.
من سنئنله آرواد آراسيندا سنئن نسلئنئن و اونون نسلئنئن آراسيندا عداوت قويورام. او، سنئن باشيني اَزهجک، سن ده اونون دابانيني سانجاجاقسان."
سونرا رب تاري آروادا ددي: "اوشاغيني دوغاندا سنئن آغريني داها دا چوخالداجاغام، اوشاقلاريني آغري ائچئنده دوغاجاقسان. آمّا گئنه ده ائشتئياغين اَرئنه اولاجاق، و او سنه آغاليق ادهجک."
سونرا رب تاري آدَمه ددي: "آروادينين سؤزونه قولاق آسديغين اوچون، قدغن اتدئيئم، «اونون مئيوه‌سئندن يميه‌جکسن» ددئيئم آغاجدان يدئيئن اوچون، سنئن اوزوندن ير لعنتله‌نئر. عؤمرون بويو زحمتله تورپاقدان يمک گؤتوره‌جکسن.
او سنه تئکان و قانقال بئتئره‌جک، سن ده چؤلدهکي اوتلاري يئيه‌جکسن.
تورپاغا قاييداناجاق، آلينينين تری ائله چؤرک يئيه‌جکسن، چونکي تورپاقدان گؤتورولوبسن. اونا گؤره کي، يرئن تورپاغيسان، تورپاغا دا قاييداجاقسان."
آدام آروادينين آديني حَوّا قويدو، چونکي او، ياشايانلارين هاميسينين آناسي اولدو.
اوندا رب تاري آدَمله آروادي اوچون درئدن پالتار دوزلتدي و اونلارا گيئندئردی.
رب تاري ددي: "باخ، آدام خيئرله شرئن نه اولدوغونو بئلهرک بئزدن بئري کئمي اولوب؛ و ائندي مومکوندور الئني اوزاتسين و حيات آغاجينين دا مئيوه‌سئندن درئب يسئن و اَبده‌جک ياشاسين!"
بونا گؤره رب تاري آدامي عَدن باغيندان اشئيه سالدي کي، تورپاغي بِجَرسئن، او تورپاغي کي، اؤزو اوندان ياراديلميش ائدی.
بلجه رب تاري آدامي قوودو. او، عَدن باغينين شرق سمتئنه کَرّوبلار و هر طرفه فيرلانان اودلو قيلينجيني قويدو کي، حيات آغاجينا گدن يولو موحافئظت اتسئنلر.
آدام آروادي حَوّا ائله ياخينليق اتدي و حَوّا بويلو اولوب قايني دوغدو. و ددي: "ربّئن کؤمَيي ائله بئر ائنسان دونيايا گتئردئم."
سونرا حَوّا اونون قارداشي هابئلي دوغدو. هابئل چوبان اولدو، آمّا قاين اَکئنچی.
بئر مودّت کچندن سونرا قاين تورپاغين مئيوه‌سئندن ربّه هدئيّه تقدئمي گتئردی.
هابئل ده سوروسونده ائلک دوغولان حيوانلاردان بئر نچه‌سئني و اونلارين پئيئني هدئيّه تقدئمي گتئردي. رب هابئلي و اونون تقدئمئني قبول اتدی،
آمّا قايني و اونون تقدئمئني قبول اتمهدي. بونا گؤره ده قاين چوخ قضبله‌نئب قاش-قاباغيني ساللادي.
رب قاينه ددي: "نئيه قضبله‌نئبسن؟ نئيه قاش-قاباغيني ساللاييبسان؟
اگر ياخشي اولاني ادهسن، مگر قبول اولونمازسان؟ اگر ياخشي اولاني اتميه‌سن، گوناه قاپينين آغزيندا کمئن قوروب سني گؤزلهيئر، آمّا سن اونا قالئب گلملی‌سن."
قاين قارداشي هابئلله دانيشدي. اونلار چؤلده ائکن، قاين قارداشي هابئلئن اوستونه يوگوروب اونو اؤلدوردو.
او زامان رب قايندن سوروشدو: "قارداشين هابئل هارادادير؟" قاين ددي: "بئلمئرم، مگر من قارداشيمين کشئکچئسئيم؟"
رب ددي: "سن نه ادئبسن؟ قارداشينين قاني تورپاقدان منه فرياد ادئر.
ائندي بو تورپاغين لعنتي آلتينداسان؛ او تورپاق کي آغزيني آچيب کی، سنئن اَلئنله تؤکولن قارداش قانيني اودسون.
تورپاغي بِجَردئيئن زامان او داها گوجونو سنه ورميه‌جک. ير اوزونده قاچاق و سرگردان اولاجاقسان."
قاين ربّه ددي: "جزام چکه بئله‌جيئمدن داها آرتيقدير.
باخ، بو گون سن مني بو تورپاقلاردان قوووبسان. من ده سنئن حوضوروندان گئزله‌نئب ير اوزونده قاچاق و سرگردان اولاجاغام. کئم ده منه راست گلسه، مني اؤلدورهجک."
رب اونا ددي: "بونا گؤره کئم قايني اؤلدورسه، اوندان يدّي قات ائنتئقام آليناجاق." رب قاينه بئر علامت قويدو کي، کئم اونا راست گلسه، اونو اؤلدورمه‌سئن.
بلجه قاين ربّئن حوضورونو ترک اتدي و عَدن باغينين شرق سمتئنده، "نود" تورپاغيندا ياشاماغا باشلادي.
قاين آروادي ائله ياخينليق اتدي و آروادي بويلو اولوب خنوخو دوغدو. او زامان او، بئر شهر تئکدی، شهره اوغلو خنوخون آديني وردی.
خنوخدان عئراد اولدو. عئراد مِخويائلئن آتاسي اولدو، مِخويائل مِتوشائلئن آتاسي اولدو، مِتوشائل لَمِکئن آتاسي اولدو.
لَمِک ائکي آرواد آلدي: بئرئنئن آدي عادا، او بئرئنئن آدي زئلّا ائدی.
عادا يابالي دوغدو. يابال او آداملارين آتاسي اولدو کي، چاديردا ياشاييرلار و سورو ساخلاييرلار.
اونون قارداشينين آدي يوبال ائدي. يوبال او آداملارين آتاسي اولدو کي، هر جور طنبور و نِي چاليرلار.
زئلّا دا توبَل-قايني دوغدو. توبَل-قاين بورونجدن و دمئردن هر جور آلَتلر دوزلدن ائدي. باجيسينين آدي دا نَعَما ائدی.
بئر دفه لَمِک آروادلارينا ددي: "اي عادا و زئلّا، سسئمي اشئدئن، اي لَمِکئن آروادلاري، سؤزومه قولاق آسين: مني يارالاديغي اوچون بئر آدام اؤلدوردوم، مني ووردوغو اوچون بئر جاوان اؤلدوردوم.
اگر قاين اوچون يدّي قات قئصاص آليناجاقسا، لَمِک اوچون يتمئش يدّي قات آليناجاق."
آدَم گئنه آروادي ائله ياخينليق اتدي و حَوّا بئر اوغلان دوغوب آديني شِت قويدو و ددي: "هابئلئن يرئنه کی، قاين اؤلدوردو، تاري منه آيري بئر نسئل تعيئن اتدی."
شِتئن ده بئر اوغلو اولدو و آديني اِنوش قويدو. او زامان ائنسانلار ربّه سئتايئش اتميه باشلاديلار.
آدَمئن نسئل تارئخچه‌سي بلهدئر. تاري ائنساني ياراداندا اونو اؤزونه بنزر ياراتدي.
تاري اونلاري کئشي و آرواد ياراتدي، اونلارا برکت وردي و ياراتديغي گون اونلاري "ائنسان" چاغيردي.
آدَمئن يوز اوتوز ياشي اولاندا، اؤزونه بنزر، اؤز صورتئنده بئر اوغلو اولدو و آديني شِت قويدو.
شِت دوغولاندان سونرا، آدَم داها سکّئز يوز ائل ياشادي. اونون داها اوغوللار و قيزلاري اولدو.
آدَم دوقّوز يوز اوتوز ائل عؤمور سوروب اؤلدو.
شِت يوز بش ياشيندا اولاندا اوغلو اِنوش دوغولدو.
اِنوش دوغولاندان سونرا شِت سکّئز يوز يدّي ائل ياشادي. اونون داها اوغوللار و قيزلاري اولدو.
شِت دوقّوز يوز اون ائکي ائل عؤمور سوروب اؤلدو.
اِنوش دوخسان ياشيندا اولاندا اوغلو قِنان دوغولدو.
قِنان دوغولاندان سونرا، اَنوش داها سکّئز يوز اون بش ائل ياشادي. اونون داها اوغوللار و قيزلاري اولدو.
اِنوش دوقّوز يوز بش ائل عؤمور سوروب اؤلدو.
قِنان يتمئش ياشيندا اولاندا، اوغلو مَهه‌له‌لِل دوغولدو.
مَهه‌له‌لِل دوغولاندان سونرا قِنان سکّئز يوز قيرخ ائل ياشادي. اونون داها اوغوللار و قيزلاري اولدو.
قِنان دوقّوز يوز اون ائل عؤمور سوروب اؤلدو.
مَهه‌له‌لِل آلتميش بش ياشيندا اولاندا اوغلو يِرِد دوغولدو.
يِرِد دوغولاندان سونرا، مَهه‌له‌لِل داها سکّئز يوز اوتوز ائل ياشادي. اونون داها اوغوللار و قيزلاري اولدو.
مَهه‌له‌لِل سکّئز يوز دوخسان بش ائل عؤمور سوروب اؤلدو.
يِرِد يوز آلتميش ائکي ياشيندا اولاندا اوغلو خَنوخ دوغولدو.
خَنوخ دوغولاندان سونرا، يِرِد داها سکّئز يوز ائل ياشادي. اونون داها اوغوللار و قيزلاري اولدو.
يِرِد دوقّوز يوز آلتميش ائکي ائل عؤمور سوروب اؤلدو.
خَنوخ آلتميش بش ياشيندا اولاندا اوغلو مَتوشِلَخ دوغولدو.
مَتوشِلَخ دوغولاندان سونرا خَنوخ اوچ يوز ائل تاري ائله ياخين ياشادي. اونون داها اوغوللار و قيزلاري اولدو.
خَنوخ اوچ يوز آلتميش بش ائل ياشادي.
او، تارييا ياخين ائدي. سونرا قِيب اولدو، چونکي تاري اونو اؤز يانينا گؤتوردو.
مَتوشِلَخ يوز هشتاد يدّي ياشيندا اولاندا اوغلو لَمِک دوغولدو.
لَمِک دوغولاندان سونرا، مَتوشِلَخ داها يدّي يوز هشتاد ائکي ائل ياشادي. اونون داها اوغوللار و قيزلاري اولدو.
مَتوشِلَخ دوقّوز يوز آلتميش دوقّوز ائل عؤمور سوروب اؤلدو.
لَمِک يوز هشتاد ائکي ياشيندا اولاندا اونا بئر اوغول دوغولدو.
اوغولون آديني نوح قويوب ددي: "ربّئن لعنت اتدئيي بو تورپاغي بِجَردئيئمئز واخت، بو اوغول بئزه چکدئيئمئز اذئيّتلرده و الئمئزئن زحمتئنده تسلّي ورهجکدئر."
نوح دوغولاندان سونرا، لَمِک داها بش يوز دوخسان بش ائل ياشادي. اونون داها اوغوللار و قيزلاري اولدو.
لَمِک يدّي يوز يتمئش يدّي ائل عؤمور سوروب اؤلدو.
نوح بش يوز ياشيندا اولاندان سونرا سام، خام و يافَت آديندا اوغوللاري اولدو.
ائنسانلار يِر اوزونده چوخالماغا باشلاديلار و اونلارا قيزلار دوغولدو.
ائلاهي وارليقلار گؤردولر کي، ائنسان قيزلاري چوخ گؤزلدئرلر و بَيَندئکلري هر قيزي اؤزلرئنه آرواد اتدئلر.
رب ددي: "منئم روحوم ائنساندا اَبده‌جک قالماياجاق، چونکي اونلار آنجاق جئسمدئرلر. اونلارين عؤمرو يوز ائيئرمي ائل اولاجاق."
ائلاهي وارليقلارين ائنسان قيزلاري ائله اِوله‌نئب اوشاق صاحئبي اولدوقلاري گونلرده، و داها سونرا، ير اوزونده "نِفئلئم" وار ائدي. بونلار قَدئم دؤورانين قهرمان و آدلي-سانلي آداملاري ائدئلر.
رب گؤردو کي، ير اوزونده ائنسانين شرارتي بؤيوکدور و هر زامان اونون اورهيئندهکي فئکئرلرئن نئيّتلري آنجاق پئسلئکدئر.
او، يِر اوزونده ائنساني ياراتماغينا پشمان اولدو و اوره‌يئني قم باسدي.
رب ددي: "ياراتديغيم ائنساني ير اوزوندن محو ادهجيم، بونو ائنسانلارلا بئر، حيوانلارين، سوروننلرئن و گؤيدهکي قوشلارين دا باشينا گتئره‌جيم، چونکي اونلاري ياراتماغيما پشمان اولموشام."
آنجاق نوح ربّئن گؤزونده لوطف تاپدي.
نوحون تارئخچه‌سي بلهدئر: نوح صالح و اؤز نسلي آراسيندا قوصورسوز بئر آدام ائدي. او، تارييا ياخين ياشاييردي.
نوحون اوچ اوغلو وار ائدی: سام، خام و يافَت.
تارينين نظرئنده ير اوزو فسادا چکئلمئش و قدّارليقلا دولموشدو.
تاري ير اوزونده ائنسانلارين نه قدر چوخ فاسئد اولدوقلاريني گؤردو، چونکي دونيادا اولان بوتون بشر يولدان آزميشدي.
تاري نوحا ددي: "قاباغيمدا اولان بوتون بشرئن آخيري چاتيب، چونکي ير اوزو اونلارين سببئندن قدّارليقلا دولوب. باخ، من اونلاري ير اوزو ائله بئر محو ادهجيم.
اؤزونه گوفِر آغاجيندان بئر گمي دوزلت، اونون ائچئنده اوتاقلار دوزلت، اوستونه ائچه‌رئدن و چؤلدن قَطران وور.
گمئني بله دوزلت: اونون اوزونلوغو اوچ يوز قولآچ، اِني اَلّئ‌قول‌آچ، بويو دا اوتوز قولآچ اولسون.
گمئنئن اوستوندن بئر قولآچ آشاغي پنجره آچارسان و قاپيني يان طرفدن قويارسان. گمئنئن اوچ مرتبه‌سي اولسون: بئري آلتدا، بئري اورتادا، بئري ده اوستده.
باخ، من، بلي من، ير اوزونه سلي گتئرئرم کي، گؤيون آلتيندا حيات نَفَسي اولان بوتون جانلي‌لار محو اولسونلار؛ ير اوزونده اولانلارين هاميسي آرادان گدهجک.
لاکئن عهدئمي سنئنله باغلاياجاغام. سن، اوغوللارين، آروادين و گلئنلرئنله بئر گمئيه مئنه‌جکسن.
بوتون جانلي مخلوقلاردان بئر جوتونو، اِرکَک و دئشئسئني گمئيه گؤتورَرسن کي، سنئنله بئر دئري قالسينلار.
جئنسلرئنه گؤره قوشلارين، حيوانلارين و يرده سوروننلرئن هر بئرئندن بئر جوتو سنئن يانينا گلهجک کي، دئري قالسين.
سن گرک يِمه‌لي اولان هر شيي ده گؤتوروب، آنبار ادهسن؛ اونلار هم سنه هم ده اونلارا يمک اونلارلار."
نوح دا اله اتدی: تاري اونا نجه امر اتمئشدی، او دا هر شيي اِلَجه يرئنه يتئردی.
رب نوحا ددي: "سن بوتون عايئلَن ائله بئرلئکده گمئيه گئر، چونکي بو بشر نسلی ائچئنده آنجاق سني نظرئمده صالح گؤردوم.
هر پاک حيوانين اِرکَک و دئشئسئندن يدّي جوت، هر نجئس حيوانين اِرکَک و دئشئسئندن بئر جوت گؤتور.
هم ده گؤيدهکي هر قوشون اِرکَک و دئشئسئندن يدّي جوت گؤتور کي، نسلي بوتون ير اوزوندن کَسئلمه‌سئن.
چونکي يدّي گون سونرا يِر اوزونه قيرخ گون-قيرخ گجه ياغيش ياغديراجاغام و ياراتديغيم بوتون جانلي‌لاري ير اوزوندن محو ادهجيم."
رب نوحا نجه امراتمئشدي، او دا هر شيي اِلَجه يرئنه يتئردي.
يِر اوزونه سل گلنده نوحون آلتي يوز ياشي وار ائدي.
نوح، اوغوللاري، آروادي، و گلئنلري بئرلئکده گمئيه مئندئلر کي، سل سولاريندان آمانليقدا قالسينلار.
پاک و نجئس حيوانلارين، قوشلارين، بوتون يرده سوروننلرئن
اِرکَک و دئشئسي، جوت- جوت نوحون يانينا گمئيه گلدئلر؛ نجه کي، تاري نوحا امراتمئشدي.
يدّي گون سونرا يِر اوزونه سل گلدي.
همئن گون- نوحون عؤمرونون آلتي يوزونجو ائلئنده، ائکئنجي آيين اون يدّئنجي گونو درئن درئنلئکده اولان بوتون سو قايناقلاري پارتلادي و گؤيون پنجره‌لري آچيلدي.
يِر اوزونه قيرخ گون- قيرخ گجه ياغيش ياغدي.
اِله همئن گون نوح، اوغوللاري سام، خام، يافِت، آروادي، و اوچ گلئني گمئيه مئندئلر.
اونلارلا بئر هر جور وحشي حيوان، هر جور مال-حيوان، هر جور يرده سورونن، هر جور گؤيده اوچان جانلي و هر جور قوش، اؤز جئنسلرئنه گؤره گمئيه گئردي:
حيات نَفَسي اولان بوتون جانلي‌لاردان جوت-جوت، نوحون يانينا گمئيه گلدي.
تارينين نوحا امر اتدئيي کئمي بوتون جانلي‌لاردان اِرکَک و دئشي حيوانلار گمئيه گئردئلر. اونلارين دالينجا رب قاپيني اؤرتدو.
يِر اوزونده قيرخ گون سل گلدي و سو چوخاليب گمئني يردن يوخاري قالديردي.
سولار چوخ يوخاري قالخيب يِر اوزونو آلديلار و گمي سويون اوزونده اوزمَيه باشلادي.
سولار يِر اوزونو اِله توتدولار کي، گؤيون آلتيندا اولان بوتون اوجا داغلار سولارين آلتينا گتدي.
سولار داغلارين باشيندان اون بش قول-آچ قالخديلار و اونلاري اؤرتدولر.
يِر اوزونده حرکت ادن جانلي‌لارين هاميسي؛ قوشلار، مال-حيوانلار، وحشي حيوانلار، يرده سوروننلر و بوتون ائنسانلار محو اولدو.
قورودا ياشايان حيات نَفَسي بورنوندا اولان جانلي وارليقلارين هاميسي اؤلدو.
رب يِر اوزونده اولان بوتون جانلي‌لاري محو اتدي: ائنسالاردان توتموش، حيوانلارا، سوروننلره و گؤيدهکي قوشلارا قدر، هر شي يِر اوزونده محو اولدو. آنجاق نوح و اونونلا بئر، گمئده اولانلار صاغ قالديلار.
سولار يِر اوزونو يوز اَلّي گون بورودولر.
و تاري نوحو و اونونلا بئر گمئده اولان بوتون وحشي حيوانلار و مال-حيوانلاري يادا سالدي. تاري يِر اوزونه بئر يِل گؤندردي و سو آزالماغا باشلادي.
درئنلئکده اولان سو قايناقلاري و گؤيون پنجره‌لري باغلاندي، ياغيش داياندي.
سو، ير اوزوندن ياواش-ياواش چکئلدي. يوز اَلّي گون کچدئکدن سونرا سو آزالدي.
يدّئنجی آيين اون يدّئنجی گونو گمي آرارات داغلارينا اوتوردو.
اونونجو آيا قدر سو ياواش-ياواش چکئلدي، اونونجو آيين بئرئنجي گونو داغلارين باشلاري گؤروندو.
قيرخ گون سونرا نوح دوزلتدئيي گمئنئن پنجره‌سئني آچيب،
بئر قارغا بوراخدي؛ قارغا اوچوب گتدي و يِر اوزونده سو قورويانا قدر هر طرفي گَزدي.
نوح بو دفه بئر گؤيرچئن بوراخدي کي، سويون ير اوزوندن چکئلئب-چکئلمه‌دئيئني بئلسئن.
آمّا گؤيرچئن قونماق اوچون راحات بئر يِر تاپماديغينا گؤره، اونون يانينا-گمئيه قاييتدي، چونکي حله بوتون يِر اوزونده سو وار ائدي. نوح اَلئني اوزاديب، گؤيرچئني توتدو و گمئيه-اؤز يانينا آپاردي.
او داها يدّي گون گؤزلهدي و گؤيرچئني گئنه گمئدن بوراخدي.
آخشام اوستو گؤيرچئن اونون يانينا قاييتدي. گؤيرچئنئن دئمدئيئنده تزه قوپموش زيتون يارپاغي وار ائدي. نوح سويون ير اوزوندن چکئلدئيئني بئلدي.
او داها يدّي گون گؤزلهدي و گؤيرچئني گئنه بوراخدي، آرتيق گؤيرچئن اونون يانينا قاييتمادي.
نوحون عؤمرونون آلتي يوز بئرئنجي ائلئنده، بئرئنجي آيين بئرئنجي گونو يِر اوزونده سو قورودو. نوح گمئنئن قاپاغيني قالديردي و يِرئن اوستونده‌کي سويون قورودوغونو گؤردو.
ائکئنجي آيين ائيئرمي يدّئنجی گونو يِر اوزوندهکي سو قوروموشدو.
تاري نوحا ددي:
"سن، اؤز آروادين، اوغوللارين و گلئنلرئن ائله بئرلئکده گمئدن چيخ.
سنئله بئرلئکده اولان بوتون جانلي‌لاري؛ قوشلاري، حيوانلاري و يرده سوروننلري اِشئيه چيخارت. قوي يِر اوزونه ياييلسينلار و يِر اوزونده تؤره‌يئب چوخالسينلار."
نوح، اوغوللاري، آروادي، و گلئنلري ائله بئرلئکده گمئدن چيخدي.
بوتون حيوانلار، سوروننلر، قوشلار و يرده سورونن بوتون جانلي‌لار دسته- دسته گمئني ترک اتدئلر.
نوح ربّه بئر قوربانگاه دوزلتدي. او هر جور پاک حيواندان و پاک قوشدان گؤتوروب، اورادا يانديرما قورباني تقدئم اتدي.
بوندان ربّه خوش عطئر قالخدي و رب اوره‌يئنده ددي: "ائنسان اوزوندن تورپاغي بئر داها لعنت اتميه‌جيم، گرچي جاوانليغيندان بري اونون اوره‌يئنئن نئيّتلري همئشه پئسدئر، ائندي اتدئيئم کئمي، بوتون جانلي‌لاري بئر داها محو اتميه‌جيم.
دونيا دوردوقجا اَکئن-بئچئن، سويوق-ائستي، ياي-قيش و گجه-گوندوز آرادان گتميهجک."
تاري نوحا و اونون اوغوللارينا برکت ورئب ددي: "ثمرهلي اولوب، چوخالين و يِر اوزونو دولدورون.
يرده‌کي بوتون حيوانلار، گؤيدهکي بوتون قوشلار، يرده سورونن بوتون جانلي‌لار و دهنزده اولان بوتون باليقلار سئزدن قورخوب دهشته گلهجک. اونلار سئزئن ائختئيارينيزا ورئلئب.
حرکت ادن بوتون جانلي‌لار دا سئزه يمک اولاجاق، اونلارين هاميسيني بوتون ياشيل اوتلار کئمي سئزه ورئرم.
آنجاق اَتي اونون قاني‌ائله بئرلئکده کي، اونون جانيدير، يميهجکسئنئز.
آرخايين کي، من ده سئزئن قانينيزين قئصاصيني هر جانلي‌دان آلاجاغام. هر حيواندان قانينيزي آلاجاغام. هر آدامين قانيني دا آيري ائنساندان آلاجاغام.
کئم ائنسان قاني تؤکسه، اونون دا قاني ائنسان اَلي ائله تؤکولهجک. چونکي تاري ائنساني اؤز صورتئنده ياراديب.
سئز ثمرهلي اولوب چوخالين، يِر اوزونه ياييلين، اورادا چوخالين."
تاري نوحا و يانيندا اولان اوغوللارينا ددي:
"باخ، من سئزئنله، سئزدن سونراکي نسئلئنئزله اؤز عهدئمي باغلاييرام،
بو عهدی جانلی مخلوقلارلا- قوشلار، مال-حيوانلار و بوتون وحشی حيوانلارلا دا کی، گمئدن چيخيبلار و يِر اوزونده سئزئنله‌دئرلر، باغلاييرام.
سئزئنله اؤز عهدئمي قويورام کي، بوتون جانلي‌لار بئر داها سلله محو اولماياجاق و هچ واخت يِر اوزونده وئران ادن سل باش ورميه‌جک."
تاري گئنه ددي: "منئم سئزئنله و سئزئنله اولان بوتون جانلي‌لارلا و سئزدن سونرا گلن بوتون نسئل‌لرله باغلاديغيم عهدئن علامتي بودور:
بولوددا اؤز کامانيمي قويورام کي، منئمله ير اوزو آراسيندا اولان عهدئن علامتي اولسون.
من يِر اوزونه بولود گتئردئيئم زامان، بولوددا کامان گؤرونهجک.
من سئزئنله و بوتون جانلي مخلوقلارلا باغلاديغيم عهدي يادا سالاجاغام. سولار بئر داها سله چوئرئلميه‌جک کی، بوتون جانلي‌لاري محو اتسئن.
بولوددا کامان گؤرونن زامان من اونو گؤروب، او ابدي عهدي يادا سالاجاغام کي، من تاري و يِر اوزونده ياشايان بوتون جانلي مخلوقلارلا وار."
تاري گئنه نوحا ددي: "منئم يِر اوزونده ياشايان بوتون جانلي‌لارلا باغلاديغيم عهدئن علامتي بودور."
گمئدن چيخان نوحون اوغوللاري بونلاردير: سام، خام، و يافِت. خامدان کَنَعان اولدو.
نوحون اوچ اوغلو بونلاردير و يِر اوزوندهکي بوتون ائنسانلار اونلاردان اولدو.
نوح تورپاغي بِجَرميه باشلادي و بئر اوزوم باغي اَکدي.
شراب ائچئب کِفلَندي و اؤز چاديريندا لوت اوزاندي.
کَنَعانين آتاسي خام، آتاسينين لوت اولدوغونو گؤردو و بونو اشئکده ائکي قارداشينا ددي.
سام و يافِت بئر پالتار گؤتوروب، اؤز چئيئنلرئنه سالديلار و دالدالي ائچه‌ري گئرئب، آتالارينين لوت بدنئني اؤرتدولر. اونلارين اوزلري او بئري طرفه چوئرئلمئشدي و آتالارينين لوتلويونو گؤرمه‌دئلر.
نوح اؤز کِفلئلئيئندن آييلدي و کئچئک اوغلونون عملئني بئلئب ددي:
"کَنَعانا لعنت اولسون، اؤز قارداشلارينين قوللارينا قول اولسون."
نوح گئنه ددي: "سامين تاريسي رب موبارک اولسون، کَنَعان اونا قول اولسون.
تاري يافِته ووسعت ورسئن، سامين چاديريندا ياشاسين. کَنَعان اونا قول اولسون."
نوح سلدن سونرا، داها اوچ يوز اَلّي ائل ياشادي.
او، دوقّوز يوز اَلّي ائل عؤمور سوروب، اؤلدو.
نوحون اوغوللاري سام، خام و يافِتئن نسئل تارئخچه‌سي بلهدئر. بؤيوک سلدن سونرا اونلارين اوغوللاري اولدو.
يافِتئن اوغوللاري: گومِر، ماگوگ، ماداي، ياوان، توبال، مِشِک و تئراس.
گومِرئن اوغوللاري: اَشکه‌ناز، رئفات و توگَرما.
ياوانين اوغوللاري: اِلئشا، تَرشئش، کئتّئم و دودانئم.
بونلاردان ساحئلنشئن خالقلار، اؤز تورپاقلارينا ياييلديلار؛ هر بئري اؤز دئلئنه، اؤز طايفالارينا، و اؤز مئلّتلرئنه گؤره.
خامين اوغوللاري: کوش، مئصراييم، پوت و کَنَعان.
کوشون اوغوللاري: سِبا، خَوئلا، سابتا، راعما و سابتِکا. راعمانين اوغوللاري: شِبا و دِدان.
کوشون نَمرود آدلي بئر اوغلو دا اولدو. او، يِر اوزونده ائلک قودرتلي آدام اولدو.
نَمرود ربّئن حوضوروندا ماهئر بئر شئکارچي ائدي، بونا گؤره ده "ربّئن حوضوروندا نَمرود کئمي ماهئر شئکارچي" سؤزو ديئلئر.
اوّلجه اونون پادشاهليغينا شئنار اؤلکهسئنده اولان بابئل، اِرِک، اَکَد و کالنه داخئل ائدي.
او بو تورپاقدان آشور تورپاغينا کؤچوب، نِينَواني، رِخوبوت-عئري، بؤيوک شهر اولان کَلاخي،
نِينَوا ائله کَلاخي آراسينداکي رِسِني تئکدي.
مئصرايئم بو نسئللرئن آتاسي ائدي: لودلولار، آناملی‌لر، لِهابلي‌لار، نَفتوخلولار،
پَطروسلولار، فئلئسطلي‌لرئن اَجدادي اولان کَسلوخلولار، هم ده کَفتورلولار.
کَنَعانين نسئللري بونلاردير: ائلک اوغلو صئدون، خِت،
هم ده يِبوسلولار، اِمورلولار، گئرگاشلار،
خئولي‌لر، آرقلي‌لار، سئنلي‌لر،
اَروادلي‌لار، سِمارلي‌لار و حاماتلي‌لار. سونرالار کَنَعان طايفالاري اطراف يرلره ياييلدي.
کَنَعانليلارين اراضئسي صئدوندان گِرارا طرف غزّهيه قدر، سودوما، گومورايا، اَدمايا، سِبويئمه طرف لاشايا قدر اوزانيردي.
بونلار خام اوغوللاريدير کي، اؤز اؤلکه‌لرئنده و مئلّتلرئنئن آراسيندا طايفالارينا و دئللرئنه گؤره آيريلديلار.
و ساما دا کي، عِبِرئن بوتون اوغوللارينين اجدادي و يافِتئن بؤيوک قارداشي ائدي، اوغوللار اولدو.
سامين اوغوللاري: عِيلام، آشور، اَرپَکشاد، لود و اَرام.
اَرامين اوغوللاري: عوس، خول، گِطِر و مَش.
اَرپَکشاددان شِلاخ اولدو، شِلاخدان عِبِر اولدو.
عِبِرئن ائکي اوغلو اولدو: بئرئنئن آدي پِلِگ ائدي، چونکي اونون دؤورانيندا ير اوزو بؤلوندو. قارداشينين آدي يوقتان ائدي.
يوقتاندان اَلموداد، شِلِف، خَضَرماوِت، يِرَخ،
حادورام، اوزال، دئقلا،
اوبال، اَبئمائل، شِبا،
اوفئر، خَوئلا و يوباب اولدو؛ بونلارين هاميسي يوقتانين اوغوللاري ائدي.
اونلار شرق سمتئنده، مِشادان سِفارا طرف يرلشن داغليق بؤلگه‌ده مسکن سالميشديلار.
بونلار سام اوغوللاري ائدئلر کي، اؤز اؤلکه‌لرئنده و مئلّتلري آراسيندا طايفالارينا و دئللرئنه گؤره آيريميشديلار.
اؤز مئلّتلري آراسيندا نسئللرئنه گؤره نوح اوغوللارينين طايفالاري بونلاردير. بؤيوک سلدن سونرا بونلاردان يِر اوزونه مئلّتلر بؤلوندولر.
بوتون دونيادا بئر دئل و بئر دانيشيق وار ائدي.
ائنسانلار شرقدن کؤچدوکلري زامان شئنار تورپاغيندا بئر اووا تاپديلار و اورادا ساکئن اولدولار.
سونرا بئربئرلرئنه ددئلر: "گلئن کَرپئج دوزلدک و اونو ياخشي پئشئرک." اونلار داش عوضئنه کَرپئج و پالچيق عوضئنه قَطران گؤتوردولر.
گئنه ددئلر: "گلئن اؤزوموزه بئر شهر و باشي گؤيلره چاتان بئر بورج تئکئب آد چيخارداق، يوخسا بوتون يِر اوزونه داغيلاجاغيق."
رب آشاغي اِندي کي، بشر اؤولادلارينين تئکدئيي شهر و بورجو گؤرسون.
رب ددي: "باخ، اونلارين هاميسي بئر خالقدير و بئر دئللري وار. و بو اونلارين اتدئکلرئن باشلانيشيدير. و ائندي اتمک ائستدئکلري هچ ائش اونلارا قيري- مومکون اولماياجاق.
گلئن آشاغي اِنئب، اورادا اونلارين دئلئني قاريشديراق کي، بئربئرلرئنئن دئلئني باشا دوشمه‌سئنلر."
رب اونلاري اورادان بوتون يِر اوزونه يايدي؛ و اونلار شهري تئکمکدن اَل چکدئلر.
بونا گؤره ده او يرئن آدينا بابئل ددئلر، چونکي اورادا رب بوتون دونياداکي آداملارين دئلئني قاريشديردي و اورادان اونلاري بوتون يِر اوزونه يايدي.
سامين نسئل تارئخچه‌سي بلهدئر: سلدن ائکي ائل سونرا، سام يوز ياشيندا اولاندا، اوغلو اَرفَکشَد دوغولدو.
اَرفَکشَد دوغولاندان سونرا، سام داها بش يوز ائل ياشادي. اونون داها اوغوللار و قيزلاري اولدو.
اَرفَکشَد اوتوز بش ياشيندا اولاندا، اوغلو شِلَخ دوغولدو.
شِلَخ دوغولاندان سونرا، اَرفَکشَد داها دؤرد يوز اوچ ائل ياشادي. اونون داها اوغوللار و قيزلاري اولدو.
شِلَخ اوتوز ياشيندا اولاندا، اوغلو عِبِر دوغولدو.
عِبِر دوغولاندان سونرا، شِلَخ داها دؤرد يوز اوچ ائل ياشادي. اونون داها اوغوللار و قيزلاري اولدو.
عِبِر اوتوز دؤرد ياشيندا اولاندا، اوغلو پِلِق دوغولدو.
پِلِق دوغولاندان سونرا، عِبِر داها دؤرد يوز اوتوز ائل ياشادي. اونون داها اوغوللار و قيزلاري اولدو.
پِلِق اوتوز ياشيندا اولاندا، اوغلو رِعو دوغولدو.
رِعو دوغولاندان سونرا، پِلِق داها ائکي يوز دوقّوز ائل ياشادي. اونون داها اوغوللار و قيزلاري اولدو.
رِعو اوتوز ائکي ياشيندا اولاندا، اوغلو سِروگ دوغولدو.
سِروگ دوغولاندان سونرا، رِعو داها ائکي يوز يدّي ائل ياشادي. اونون داها اوغوللار و قيزلاري اولدو.
سِروگ اوتوز ياشيندا اولاندا، اوغلو ناخور دوغولدو.
ناخور دوغولاندان سونرا، سِروگ داها ائکي يوز ائل ياشادي. اونون داها اوغوللار و قيزلاري اولدو.
ناخور ائيئرمي دوقّوز ياشيندا اولاندا، اوغلو تِرَخ دوغولدو.
تِرَخ دوغولاندان سونرا، ناخور داها يوز اون دوقّوز ائل ياشادي. اونون داها اوغوللار و قيزلاري اولدو.
تِرَخ يتمئش ياشيندا اولاندان سونرا، اوغوللاري اَبرام، ناخور و خاران دوغولدو.
تِرَخئن نسئل تارئخچه‌سي بلهدئر: تِرَخدن اَبرام، ناخور و خاران اولدو. خاراندان لوط اولدو.
خاران آتاسي تِرَخئن صاغليغيندا دوغولدوغو اؤلکهده، کَلده‌لئلرئن اور شهرئنده اؤلدو.
اَبرام و ناخور اؤزلرئنه آرواد آلديلار. اَبرامين آروادينين آدي ساراي، ناخورون آروادينين آدي دا مئلکه ائدي. مئلکه هارانين قيزي و هاران مئلکه و ائسکه‌نئن آتاسي ائدي.
ساراي سونسوز ائدي، اونون اوشاغي اولموردو.
تِرَخ، اوغلو اَبرامي، نوه‌سي لوطو کي، اوغلو خاراندان قالميشدي، گلئني سارايي کي، اوغلو اَبرامين آروادي ائدي، گؤتوردو و کَنَعان تورپاغينا گتمک اوچون کَلده‌لئلرئن اور شهرئندن بئرلئکده چيخديلار. اونلار خارانا گلئب، اورادا ساکئن اولدولار.
تِرَخ ائکي يوز بش ائل عؤمور سوروب خاراندا اؤلدو.
رب اَبراما ددي: "اؤز تورپاغيندان، قوحوملارينين آراسيندان، آتا اِوئندن چيخ و سنه گؤرسده‌جيئم تورپاغا گت.
سندن بؤيوک بئر مئلّت تؤره‌ده‌جيم، سنه برکت ورهجيم، آديني اوجالداجاغام و برکت قايناغي اولاجاقسان.
سنه برکت ورنلره، برکت ورهجيم. سنه لعنت ادنلري، لعنت ادهجيم. و يِر اوزونون بوتون طايفالاري سنئن واسئطَنله برکت آلاجاقلار."
اَبرام ربّئن اونا ددئيي کئمي اورادان چيخدي. لوط دا اونونلا بئرلئکده گتدي. خاراندان چيخديغي واخت، اَبرام يتمئش بش ياشيندا ائدي.
اَبرام آروادي سارايي، قارداشي اوغلو لوطو، خاراندا مالئک اولدوغو بوتون واريني و صاحئب اولدوغو نؤکرلرئني گؤتوروب، کَنَعان تورپاغينا طرف يولا دوشدو. اونلار کَنَعان تورپاغينا گلدئلر.
اَبرام اورادان کچئب، شِکِم ديئلن يرده‌کي موره پاليدينين يانينا چاتدي. او واخت بو يرده کَنَعانليلار وار ائدئلر.
رب اَبراما گؤرونوب ددي: "بو تورپاغي سنئن نسلئنه ورهجيم." اَبرام اونا گؤرونن ربّه اورادا بئر قوربانگاه دوزلتدي.
اورادان اَبرام بِيت-ائلئن شرقئنده يرلشن داغليق بؤلگه‌يه طرف يولا دوشدو و اورادا چادير قوردو. چاديرين قربئنده بِيت-ائل، شرق سمتئنده ده عاي شهري ائدي. اَبرام اورادا دا ربّه بئر قوربانگاه دوزلتدي و ربّئن آديني چاغيردي.
اَبرام سفرئنه داوام ورئب نِگِبه طرف حرکت ادئردي.
بو تورپاقدا آجليق باشلادي. اَبرام مئصئره گتدي کي، بئر مودّت اورادا قالسين، چونکي اؤلکهده بؤيوک آجليق حاکئم ائدي.
او، مئصئره ياخينلاشاندا آروادي سارايا ددي: "باخ، من بئلئرم کي، سن گؤزل آروادسان.
مئصئرلئلر سني گؤروب دئيهجکلر: "بو اونون آرواديدير." و مني اؤلدورهجکلر، لاکئن سني صاغ بوراخاجاقلار.
سن دِه کي، منئم باجيمسان، اوندا سنئن خاطئرئنه منئمله ياخشي رفتار ادرلر و من ده صاغ قالارام."
اَبرام مئصئره گلئب چاتاندا، مئصئرلئلر اونون آروادينين چوخ گؤزل اولدوغونو گؤردولر.
فئرعونون اعيانلاري دا آروادي گؤردولر و اونو فئرعونا تعرئفلدئلر. آرواد فئرعونون سارايينا آپاريلدي.
اونون خاطئرئنه فئرعون اَبراملا دا ياخشي رفتار اتدي؛ و اونا سورو، مال-حيوان، اِرکَک و دئشي اِششَکلر، نؤکرلر، کنئزلر، و دَوه‌لر وردي.
آمّا رب اَبرامين آروادي سارايدان اؤتري، فئرعونون و اونون اِو اهلئنئن باشينا آغير ناخوشلوقلار گتئردي.
فئرعون اَبرامي چاغيريب ددي: "بو نه ائشدئر، منئم باشيما گتئردئن؟ نئيه منه بئلدئرمه‌دئن کي، بو آرواد، سنئن آرواديندير؟
نه اوچون ددئن کي، "بو منئم باجيمدير." اِله کي، من ده اونو اؤزومه آرواد آلديم؟ باخ، آروادين بورادادير، اونو گؤتور، گت."
فئرعون آداملارا اونون حاقّيندا امر وردی و اَبرامينان آرواديني صاحئب اولدوغو بوتون شيلرله بئرلئکده يولا سالديلار.
اَبرام آروادي و صاحئب اولدوغو بوتون شيلرله بئرلئکده مئصئردن چيخيب، نِگِب تورپاغينا گتدي. لوط دا اونونلا ائدي.
ائندي اَبرام چوخ وارلي ائدي؛ اونون چوخلو مال-حيوان و قيزيل-گوموشو وار ائدي.
سفرئنده نِگِبدن چيخيب، بِيت-ائله قدر گتدي؛ بِيت-ائل و عاي شهري آراسيندا اولان يِره کي، اوّللر اورادا چادير قورموشدو.
اَبرام قاباقلار دوزلتدئيي قوربانگاهين يانينا چاتدي و اورادا ربّئن آديني چاغيردي.
اَبراملا بئرلئکده گدن لوطون دا سورولر، رَمه‌لر و چاديرلاري وار ائدي.
بئرلئکده ياشاماق اوچون يِر اونلارا دارليق ادئردي، چونکي اونلارين مالي چوخ ائدي و بئرلئکده قالا بئلمزدئلر.
اَبرامين مال-حيوانلارينين چوبانلاري ائله لوطون مال-حيوانلارينين چوبانلاري آراسيندا موباحئثه دوشدو. او واخت بو تورپاقدا کَنَعانليلار و پِرئزلئلر ياشاييرديلار.
اَبرام لوطا ددي: "قوي منئمله سنئن و چوبانلاريملا چوبانلارينين آراسيندا موباحئثه اولماسين، چونکي بئز قوحوموق.
بوتون اؤلکه مگر گؤزونون قاباغيندا ديئل؟ خاهئش ادئرم، مندن آيريل. اگر سن سولا گدهسن، من صاغا گده‌رم، اگر سن صاغا گدهسن، من سولا گده‌رم."
لوط گؤزلرئني قالديريب بوتون اوردون دره‌سئني گؤردو کي، هر يرئنده بول سو وار ائدي؛ او واخت بو يِر مئصئر تورپاغي کئمي، تامامن صوغَره قدر سوواريليردي و ربّئن باغي کئمي ائدي. رب حله سودوم و گوموراني محو اتمه‌مئشدي.
لوط اؤزونه اوردون درهسئنئن هاميسيني سچدي. او، شرق سمتئنه طرف حرکت اتدي. بلجه اونلار بئربئرئندن آيريلديلار.
اَبرام کَنَعان تورپاغيندا قالدي، لوط دا دره‌ده اولان شهرلرده ساکئن اولدو و سودوما قدر اؤز چاديرلاريني قوردو.
سودومون اهالئسي چوخ ياوا ائدي و ربّئن ضئدّئنه چوخ گوناه ادئردي.
لوط اَبرامدان آيريلديقدان سونرا رب اَبراما ددي: "گؤزلرئني قالديريب دايانديغين يردن شئمالا، جنوبا، شرقه و قربه طرف باخ.
گؤردويون بوتون تورپاقلاري اَبدي اولاراق سنه و سنئن نسلئنه ورهجيم.
نسلئني يرئن توزو قدر چوخالداجاغام. اگر بئر نفر يرئن توزونو سايا بئلسه، سنئن نسلئني ده سايا بئلر.
قالخ بو تورپاغي اوزونونا و اِنئنه گَز، چونکي من اونو سنه ورئرم."
اَبرام چاديريني گؤتوردو و گلئب خِبروندا اولان مَمرِه پاليدينين يانيندا ساکئن اولدو. او اورادا ربّه بئر قوربانگاه دوزلتدي.
بو زامان شئنار پادشاهي اَمرافِل، اِلآسار پادشاهي اَريوک، عِيلام پادشاهي کِدورلاعومِر و گويئم پادشاهي تئدال
سودوم پادشاهي بِرَعله، گومورا پادشاهي بئرشاعلا، اَدما پادشاهي شئنابلا، صِبويئم پادشاهي شِمِبِرله، و بِلَع پادشاهي يعني صوعَر پادشاهي ائله موحارئبهيه باشلاديلار.
بوتون بونلار سئدّئم دره‌سئنده (يعني دوز دهنزی) بئرلشدئلر.
اونلار اون ائکي ائل کِدورلاعومِرئن اسارتي آلتيندا قالميشديلار، لاکئن اون اوچونجو ائل عوصيان اتمئشدئلر.
اون دؤردونجو ائل کِدورلاعومِر و اونونلا بئرلئکده اولان پادشاهلار گلئب، عَشتِروت-قارنايئمده رِفالي‌لاري، حامدا زوزلولاري، شاوه-قئرياتاييمدا اِملئلري،
چؤل قيراغينداکي اِل-پارانا قدر اوزانان سِعئر داغلاريندا خورلولاري قيرديلار.
سونرا گری قاييديب اِن-مئشپاتا، (يعني قِدِشه) گتدئلر. عَمالِقلي‌لرئن بوتون تورپاغيني و خه‌سِسون-تاماردا ياشايان اِمورلولاري آلديلار.
سودوم پادشاهي، گومورا پادشاهي، اَدما پادشاهي، سِبويئم پادشاهي، بِلَع پادشاهي (يعني صوعَر)، سئدّئم دره‌سئنه صف چکئب،
عِيلام پادشاهي کِدورلاعومِر، گويئم پادشاهي تئدال، شئنار پادشاهي اَمرافِل، اِلآسار پادشاهي اَريوک ائله دؤيوشه گئردئلر: دؤرد پادشاه بش پادشاها ضئدّ ائدي.
سئدّئم دره‌سئنده قَطرانلا دولو چوخ چوخور وار ائدي. سودوم و گومورا پادشاهلاري دؤيوشدن قاچاندا اورايا دوشدولر، لاکئن صاغ قالانلار داغلارا قاچديلار.
قالئبلر سودوم و گومورانين بوتون وار-يوخ و آذوقه‌سئني گؤتوروب گتدئلر.
اَبرامين قارداشي اوغلو لوطو و اونون واريني دا گؤتوروب چيخديلار، چونکي او دا سودومدا ياشاييردي.
دؤيوشدن صاغ قورتاران بئر نفر گلئب، عئبراني اَبراما بونو خبر وردی. او، اِمورلي مَمرِه‌نئن پاليدينين يانيندا کي، اِشکول و آنِرئن قارداشي ائدي، ياشاييردي. اونلار اَبرامين موتّفئقلري ائدئلر.
اَبرام قوحومو لوطون اسئر آلينديغيني اشئدنده اِوئنده دوغولموش، دؤيوش تعلئمي گؤرموش اوچ يوز اون سکّئز نؤکرئني گؤتوروب، دوشمنلري دانا قدر تعقئب اتدي.
اؤزو و نؤکرلري گجه واختي دسته‌لره بؤلونوب، اونلاري قيرديلار و صاغ قالانلاري دَمَشقئن شئمال طرفئنده اولان خوبايا قدر تعقئب اتدئلر.
اَبرام غارت اولونموش بوتون شيلري، قوحومو لوطو و اونون واريني، هم ده آروادلاري و جاماعاتي گری قايتاردي.
اَبرام کِدورلاعومِر و اونونلا اولان پادشاهلاري مغلوب ادئب قاييداندان سونرا، سودوم پادشاهي، شاوه دره‌سئنده (يعني "پادشاه دره‌سی") اونون پئشوازينا چيخدي.
او واخت سالئم پادشاهي مِلکئصِدِق، چؤرک و شراب گتئردي. او، اوجالاردا اولان تارينين کاهئني ائدي.
مِلکئصِدِق اَبراما برکت ورئب ددي: "گؤي و يرئن صاحئبي اوجالاردا اولان تاري اَبراما برکت ورسئن.
اوجالاردا اولان تاري موبارک اولسون کی، دوشمنلرئني سنئن اَلئنه تسلئم اتدی." اَبرام بوتون قنئمتئن اوندا-بئرئني مِلکئصِدِقه وردی.
سودوم پادشاهي اَبراما ددي: "آداملاريمي منه ور، آمّا شيلر سنئن اولسون."
لاکئن اَبرام سودوم پادشاهينا ددي: "اَللرئمي گؤي و يِرئن صاحئبي اوجالاردا اولان تاري ربّه قالديريرام کي،
سنئن نه بئر ائپئني، نه ده بئر چاريق باغيني گؤتورهجيم، مبادا دئيهسن کي، من اَبرامي وارلانديرديم.
نؤکرلرئن يدئکلرئندن آيري، هچ بئر شي گؤتورميه‌جيم. اوستهلئک منئمله گدن آداملار-آنِر، اِشکول و مَمرِه اؤز پايلاريني گؤتورسونلر."
بئر مودّت سونرا اَبراما رؤيادا ربّئن بو سؤزو نازئل اولدو: "اي اَبرام، قورخما. سنئن قالخانين منم. اَجرئن چوخ بؤيوک اولاجاق."
اَبرام ددي: "اي پروردئگار رب، منه نه وره‌جکسن؟ منئم اؤولاديم يوخدور، اِوئمئن وارئثي بو دَمَشقلي اِلئعِزِردئر."
اَبرام سؤزونه داوام وردی: "سن منه اؤولاد ورمه‌دئيئن اوچون، باخ، اِوئمده دوغولان نؤکر منئم وارئثئمدئر."
او واخت اونا ربّئن بو سؤزو نازئل اولدو: "او سنئن وارئثئن اولماياجاق، اؤز بِلئندن گلن اؤولادين، سنئن وارئثئن اولاجاقدير."
رب اونو اشئيه چيخارديب ددي: "گؤيه باخ، اگر اوراداکي اولدوزلاري سايا بئلرسن، ساي." گئنه ددي: "نسلئن او قدر اولاجاق."
اَبرام ربّه ائمان گتئردي و رب بونو اونا صالحلئک سايدي.
رب اَبراما ددي: "من او ربّم کي، سني کَلده‌لئلرئن اور شهرئندن چيخارتديم کی، بو تورپاغي سنه مئراث ورئم."
اَبرام سوروشدو: "يا پروردئگار رب، نجه بئلئم کی، اونو مئراث آلاجاغام؟"
رب اونا ددي: "منئم اوچون بئر اوچ ياشلي ائنَک، بئر اوچ ياشلي کِچي، بئر اوچ ياشلي قوچ، هم ده بئر قومري و بئر گؤيرچئن بالاسي گتئر."
اَبرام بونلارين هاميسيني گؤتوروب کسدي و ائکي بؤلدو، هر قئسمتي او بئرئنئن موقابئلئنه قويدو، آمّا قوشلاري کسمه‌دي.
کَرکَسلر لِشلرئن اوستونه اوچوب گلدئلر، آمّا اَبرام اونلاري قوودو.
گونش باتان واخت اَبراما آغير يوخو گلدي. بئردن اونون اوستونه دهشت و آغير قارانليق دوشدو.
رب اَبراما ددي: "يقئن بئل کي، نسلئن ياد اؤلکهده قرئب اولاجاق، و دؤرد يوز ائل اورادا اولان مئلّته قوللوق ادهجک و اونلارا ظولم ادئله‌جکدئر.
لاکئن اونلارين قوللوق اده‌جکلري خالقي جزالانديراجاغام. سونراسي اونلار بؤيوک ثروتله اورادان چيخاجاقلار.
آمّا سن آرامليق ائچئنده آتالارينين يانينا گدهجکسن؛ ياخشي بئر عؤمور سورندن سونرا باسديريلاجاقسان.
سونرا سنئن دؤردونجو نسلئن بورايا قاييداجاق، چونکي اِمورلولارين گوناهي حله کامئل حدّئنه چاتماييب."
گونش باتيب قارانليق دوشنده، باخ، توستو چيخان بئر تندئر و آلوولانان مشعل گؤرونوب پارچالانميش حيوانلارين آراسيندان کچدي.
او گون رب اَبراملا عهد باغلاييب ددي: "بو تورپاقلاری کی، مئصئر چاييندان بؤيوک چاي فَراتا قدر اوزانيب؛
قِنلئلرئن، قِنئزلئلرئن، قَدمونلولارين،
خئتلئلرئن، پِرئزلئلرئن، رِفالي‌لارين،
اِمورلولارين، کَنَعانليلارين، گئرگاشلي‌لارين و يِبوسلولارين تورپاغيني من سنئن نسلئنه ورئرم."
اَبرامين آروادي سارايين اوشاغي اولموردو. اونون هاجر آديندا مئصئرلي بئر کنئزي وار ائدي.
ساراي اَبراما ددي: "باخ، رب منئم بطنئمي باغلاييب کي، اوشاغيم اولماسين. کنئزئمله ياخينليق ات، بلکه اوندان اوشاق صاحئبي اونلارام." اَبرام سارايين سؤزونه قولاق آسدي.
اَبرامين آروادي ساراي، کنئزي مئصئرلي هاجري گؤتوروب اَري اَبراما وردی کی، اونا آرواد اولسون؛ بو احوالات او زامان باش وردی کي، اَبرام کَنَعان تورپاغيندا اون ائل ياشاميشدي.
اَبرام هاجرله ياخينليق اتدي و هاجر بويلو اولدو. هاجر بويلو اولدوغونو گؤرنده خانيمينا حقارتله باخماغا باشلادي.
ساراي اَبراما ددي: "منئم تحقئر اولونماغيما سن سبب اولدون. من کنئزئمي سنئن قوينونا وردئم، او دا بويلو اولدوغونو گؤرنده منه حقارتله باخماغا باشلادي. قوي سنئنله منئم آرامدا رب حؤکم اتسئن."
اَبرام سارايا ددي: "کنئزئني سنئن ائختئيارينا ورئرم، اونا نه ائستهيئرسن، ات." ساراي کنئزي ائله ياوا رفتار اتميه باشلادي و کنئزي اونون يانيندان قاچدي.
ربّئن مله‌يي اونو چؤلده بئر بولاغين يانيندا، شور يولونداکي بولاغين يانيندا تاپدي.
مَلَک اونا ددي: "اي سارايين کنئزي هاجر، هارادان گلئب، هارايا گدئرسن؟" هاجر ددي: "من خانيميم سارايين يانيندان قاچيرام."
ربّئن مله‌يي اونا ددي: "خانيمينين يانينا قاييت و اوندان ائطاعت ات."
ربّئن مله‌يي سؤزونه داوام وردی: "سنئن نسلئني لاپ چوخالداجاغام، اِله کي، سايي-حسابي بئلئنميه‌جک."
سونرا ربّئن مله‌يي اونا ددي: "باخ، سن بويلوسان، بئر اوغول دوغاجاقسان. اونون آديني ائسماعئل قويارسان، چونکي رب سنئن ذلئل‌لئيئني اشئدئب.
او، وحشي اِششَک کئمي بئر ائنسان اولاجاق: او هامييا، هامي دا اونا ضئدّ چيخاجاق، بوتون قارداشلاري ائله چکئشمه ائچئنده ياشاياجاق."
هاجر اونونلا دانيشان ربّه ددي؛ "سن مني گؤرن تاريسان." چونکي او دمئشدي: "آيا من دوغرودان مني گؤرن تاريني گؤرموشم؟"
بونا گؤره ده بو بولاق "بئر لَخايي رويی" آدلانير. او، قِدِشله بِرِدئن آراسيندا يرلشئر.
هاجر اَبراما بئر اوغول دوغدو و اَبرام هاجرئن دوغدوغو اوغولون آديني ائسماعئل قويدو.
هاجر ائسماعئلي اَبراما دوغاندا، اَبرامين هَشتاد آلتي ياشي وار ائدي.
اَبرام دوخسان دوقّوز ياشيندا اولاندا رب اونا گؤرونوب ددي: "قادئری- موطلق تاري منم. منئم حوضورومدا ياشا و قوصورسوز اول.
عهدئمي اؤزومله سنئن آراندا قوياجاغام و نسلئني لاپ چوخالداجاغام."
اَبرام اوزو اوسته دوشدو. تاري اونونلا دانيشيب ددي:
"منه گلئنجه، باخ، سنئنله باغلاديغيم عهد بودور؛ سن بئر چوخ مئلّتئن آتاسي اولاجاقسان.
داها سنه اَبرام ديئلمَيه‌جک، بو گوندن آدين ائبراهئم اولاجاق، چونکي سني چوخلو مئلّتئن آتاسي ادهجيم.
سني چوخ ثمرهلي ادهجيم، سندن مئلّتلر تؤره‌ده‌جيم و نسلئندن پادشاهلار چيخاجاقلار.
اؤزومله سنئن و سندن سونراکي نسلئنئن آراسيندا ابدي عهدئمي برقرار ادهجيم. من سنئن و سندن سونراکي نسلئنئن تاريسي اولاجاغام.
بوتون کَنَعان تورپاغيني کي، اوندا قرئب کئمي ياشاييرسان، سنه و سندن سونراکي نسلئنه مولک اولاراق همئشهلئک ورهجيم و اونلارين تاريسي اولاجاغام."
سونرا تاري ائبراهئمه ددي: "سنه گلئنجه، سن و سندن سونراکي اؤولادلارين، نسئللر بويو عهدئمه باغلي قالاجاقسينيز.
بودور منئم عهدئم کي، سنئنله و سندن سونراکي نسلئنله باغلاييرام و سئز اونو ساخلاياجاقسينيز، قوي آرانيزدا اولان بوتون اِرکَکلر ختنه اولونسون.
ختنه اَتئنئزي کسئب آتين؛ بو منئمله سئزئن آرانيزدا اولان عهدئن علامتي اولاجاق.
سئزه دوغولموش هر اِرکَک اوشاق، بوتون نسئللرده، سکّئزئنجي گون ختنه اولونار، هم ده سئزئن اِوئنئزده دوغولان بئر نؤکر يا دا سئزدن اولمايان و پولونان ساتين آلينان نؤکر کي، سنئن نسلئندن ديئل.
اِوئنئزده دوغولموش و يا ساتين آلينميش هر اِرکَک نؤکر گرک ختنه اولونسون. بلجه منئم عهدئمئن علامتي ابدی اولاراق بدنئنئزده اولاجاقدير.
لاکئن ختنه اَتي کسئلمه‌مئش هر اِرکَک، خالقينين آراسيندان قووولاجاق، چونکي او آدام عهدئمي سينديريب."
تاري گئنه ائبراهئمه ددي: "آروادين سارايا آرتيق ساراي دميه‌جکسن. بوندان سونرا اونون آدي سارا اولاجاق.
اونا برکت ورهجيم و اوندان دوغرودان دا سنه بئر اوغول عطا ادهجيم. سونرا اونا برکت ورهجيم و او، مئلّتلرئن آناسي اولاجاق و خالقلارين پادشاهلاري اوندان دوغولاجاقدير."
ائبراهئم اوزو اوسته دوشدو و گولوب اوره‌يئنده ددي: "مگر يوز ياشلي آدامين اوغلو اولا بئلر؟ مگر دوخسان ياشيندا اولان سارا دوغاجاق؟"
سونرا ائبراهئم تارييا ددي: "کاشکي ائسماعئل سنئن حوضوروندا مقبول ياشاسايدي!"
تاري دا ددي: "خيئر، آروادين سارا سنه بئر اوغول دوغاجاق و آديني ائسحاق قوياجاقسان. اونونلا و اوندان سونراکي نسلی ائله عهدئمي ابدی اولاراق برقرار ادهجيم.
ائسماعئله گلئنجه، اونون حاقّيندا ددئيئن سؤزلري ده اشئتدئم. باخ، اونا برکت ورهجيم، اونو ثمرهلي ادهجيم، نسلئني لاپ چوخالداجاغام. او، اون ائکي ريئسئن آتاسي اولاجاقدير. اوندان بؤيوک بئر مئلّت تؤره‌ده‌جيم.
لاکئن عهدئمي ائسحاقينان برقرار ادهجيم کي، گلن ائل بو واخت سارا اونو سنه دوغاجاق."
تاري صؤحبتئني ائبراهئمله بئتئرئب اوندان يوخاري چکئلدي.
ائبراهئم اوغلو ائسماعئلي، اِوئنده دوغولان بوتون نؤکرلري، ساتين آلديغي هر کسی- اؤز اِوئنده هر اِرکَک آدامي گؤتوروب، همئن گون تارينين اونا ددئيي کئمي ختنه اَتلرئني کسدي.
ختنه اَتي کسئلن واخت ائبراهئم دوخسان دوقّوز ياشيندا ائدي.
اوغلو ائسماعئل ده ختنه اَتي کسئلن واخت اون اوچ ياشيندا ائدي.
ائبراهئم اوغلو ائسماعئلله بئرلئکده همئن گون ختنه اولوندو.
اونونلا بئرلئکده اِوده‌کي بوتون کئشئلر، اِوئنده دوغولان و ياد اِللردن ساتين آلينميش هر کس ختنه اولوندو.
مَمرِه پاليدينين يانيندا رب ائبراهئمه گؤروندو؛ بو زامان ائبراهئم ناهار واختينين ائستئسئنده چاديرين گئره‌جَيئنده اوتورموشدو.
او زامان کي، گؤزلرئني قالديريب باخدي، قاباغيندا اوچ آدام دايانميشديلار. اونلاري گؤرن آن، چاديرين گئره‌جَيئندن، اونلارين پئشوازينا قاچدي و يِره قدر اَيئلئب ددي:
"اي آغام، اگر ائندي گؤزونده لوطف تاپميشام، قولونون يانيندان کچئب گتمه.
ائندي قوي بئر آز سو گتئرئلسئن کي، آياقلارينيزي يويوب، آغاج آلتيندا دئنجه‌له‌سئنئز.
ائندي کي، قولونوزون گؤروشويونه گلئبسئنئز، قويون سئزه بئر تئکه چؤرک گتئرئم کي، جانينيزا قووّت گلسئن. اوندان سونرا گدرسئنئز." اونلار ددئلر: "ددئيئن کئمي ات."
ائبراهئم چاديرا، سارانين يانينا قاچيب ددي: "تِز اول، اوچ «سه‌آ» نارين اون گؤتوروب خمئر ات و فطئر پئشئر."
ائبراهئم مال-حيوانا طرف قاچدي. اورادان کؤرپه و بَسلنمئش بئر بوزوو گؤتوروب نؤکرئنه وردی کي، تز پئشئرئب حاضيرلاسين.
ائبراهئم قاتيغي، سودو و حاضيرلاديغي بوزووو گؤتوروب اونلارين قاباغينا قويدو، اؤزو ده آغاجين آلتيندا، اونلارين يانيندا دوردو. اونلار دا يدئلر.
سونرا ائبراهئمه ددئلر: "آروادين سارا هارادادير؟" ائبراهئم ددي: "بورادا چاديردادير."
اونلاردان بئري ددي: "گلن ائل بو واخت گئنه ده سنئن يانينا گله‌جيم. باخ، آروادين سارانين بئر اوغلو اولاجاق." سارا اونون آرخاسيندا، چاديرين گئره‌جَيئنده قولاق آسيردي.
ائبراهئم و سارا آرتيق قوجاليب ياشلي اولموشدولار. سارا آيباشي عادتئندن کسئلمئشدي.
او، اوره‌يئنده گولوب ددي: "قوجالديغيم حالدا مگر منه بله شادليق اوز وره بئلر؟! آغام دا قوجادير."
رب ائبراهئمه ددي: "سارا نه اوچون گولوب ددي "قوجالديقدان سونرا مگر من دوغرودان دا اوشاق دوغا بئله‌رم؟"
رب اوچون مگر لاپ چتئن بئر شي وار؟ گلن ائل ددئيئم واخت من گئنه سنئن يانينا قاييداجاغام و سارانين بئر اوغلو اولاجاقدير."
سارا قورخدوغو اوچون يالان ديئب، ددي: "گولمه‌دئم." لاکئن رب ددي: "خيئر، گولدون."
او آداملار قالخيب اورادان سودوما طرف باخديلار. ائبراهئم اونلارلا بئرلئکده گتدی کی، اونلاري يولا سالسين.
او واخت رب ددي: "من مگر اده‌جَيئم شيي ائبراهئمدن گئزلده‌جيم؟
حئقئقتن، ائبراهئمدن بؤيوک و گوجلو بئر مئلّت حاصئل اولاجاق و اونون واسئطهسئله يِر اوزونون بوتون مئلّتلري برکت آلاجاقدير.
چونکي من اونو سچمئشم کي، صالحلئک و عدالت عمللرئني يتئرمکله اوغلوللارينا و اؤزوندن سونراکي نسلئنه امر اتسئن کي، ربّئن يولو ائله گتسئنلر. رب ده ائبراهئم بارهده ددئيي سؤزو يرئنه يتئرسئن."
رب گئنه ددي: "سودوم و گومورانين ضئدّئنه قالخان فرياد، حقئقتن بؤيوک و اورانين اَهلئنئن گوناهي چوخ آغيردير.
بونا گؤره ده آشاغي اِنئب باخاجاغام کي، منه چاتان فريادين دوغرو اولوب-اولماديغيني بئلئم."
او آداملار اورادان دؤنوب سودوما گتدئلر، آمّا ائبراهئم حله ده ربّئن حوضوروندا دورموشدو.
ائبراهئم ياخين گلئب ددي: "مگر سن دوغرودان صالح آدامي دا پئس آداملا بئرلئکده محو ادهجکسن؟
اگر بو شهرده اَلّي نفر صالح آدام اولسا، سن گئنه ده اوراني محو ادهجکسن؟ اَلّي نفر صالح آدامين خاطئرئنه بو يِره رحم اتميه‌جکسن؟
بو ائشي اتمک سندن ائراقدير، سن صالح آدامي پئس آداملا بئرلئکده اؤلدورمزسن کي، ائکئسئنئن ده عاقئبتئني بئر اولسون. بو سندن ائراقدير. مگر بوتون دونيانين حاکئمي ائنصافلا رفتار اتمز؟"
رب ددي: "اگر سودوم شهرئنده اَلّي نفر صالح آدام تاپسام، اونلارين خاطئرئنه بوتون بو يِره رحم ادهجيم."
ائبراهئم جاواب وردی: "من گرچي توز و کول کئمي بئر شِيَم، آمّا باخ، بونو ربّه دميه جسارت ادئرم:
اَلّي نفردن بش نفر آز صالح آدام تاپيلسا، آيا بش نفر اَسکئک اولدوغو اوچون بوتون شهري محو ادرسن؟" رب ددي: "اگر اورادا قيرخ بش نفر تاپسام، شهري محو اتميه‌جيم."
ائبراهئم گئنه اونا ددي: "اگر اورادا قيرخ نفر تاپيلسا، نجه؟" رب ددي: "قيرخ نفرئن ده خاطئرئنه بونو اتمه‌رم."
ائبراهئم ددي: "منئم چوخ دانيشديغيم اوچون رب قضبلنمه‌سئن: اگر اورادا اوتوز نفر تاپيلسا، نجه؟" رب ددي: "اگر اورادا اوتوز نفر ده تاپيلسا، بونو اتمه‌رم."
ائبراهئم ددي: "باخ، من گئنه ده ربّه بونو دِمه‌يي جسارت ادئرم: اورادا ائيئرمي نفر تاپيلسا، نجه؟" رب ددي: "ائيئرمي نفرئن ده خاطئرئنه اوراني محو اتمه‌رم."
ائبراهئم ددي: "رب قضبلنمه‌سئن؛ من آخير دفه دانيشاجاغام: اورادا اون نفر تاپيلسا، نجه؟" رب ددي: "اون نفرئن ده خاطئرئنه اوراني محو اتمه‌رم."
رب ائبراهئمله صؤحبتئني بئتئرئب گتدي. ائبراهئم ده اؤز يرئنه قاييتدي.
آخشام ائکي مَلَک سودوما گلدي. لوط شهرئن دروازاسي يانيندا اوتورموشدو. او، مَلَکلري گؤردو، قالخيب اونلارين پئشوازينا چيخدي و يِره قدر اَيئلئب ددي:
"آغالاريم، قولونوزون اِوئنه گئرئب گجهني بورادا قالين و آياقلارينيزي يويون. سحر قالخيب يولونوزا داوام ادرسئز." اونلار ددئلر: "يوخ، بئز گجهني شهر ميدانيندا کچئرده‌جيئک."
لوط اونلاري چوخ دئله توتدو. نهايت اونلار لوطلا بئرلئکده اونون اوئنه گتدئلر. لوط اونلار اوچون بئر ضئيافت حاضيرلاييب، ماياسيز چؤرکلر پئشئردي و اونلار يدئلر.
لاکئن اونلار ياتماميش، جاواندان توتموش قوجايا قدر، سودوم شهرئنئن هر محلّه‌سئندن اولان کئشئلر اِوي احاطه‌يه آلديلار.
آداملار لوطو چاغيريب اونا ددئلر: "بو گجه سنئن يانينا گلن آداملار هارادادير؟ اونلاري بئزئم يانيميزا گتئر کي، اونلارلا ياخينليق ادک.".
لوط اِشئيه، اونلارين يانينا چيخيب، آرخاسيندا قاپيني اؤرتدو.
و ددي: "قارداشلاريم، خاهئش ادئرم، پئسلئک اتمهيئن.
باخ، منئم اَره گتمهمئش ائکي قيزيم وار. قيزلاريمي سئزئن يانينيزا گتئرئم، اونلارا نه ائسته‌يئرسئنئز، ادئن. آنجاق بو آداملارا توخونمايين، چونکي اونلار منئم اِوئمئن قوناقلاريديرلار."
کئشئلر ددئلر: "دالي چکئل! بو آدام قرئب اولاراق بئزه پناه گتئردي، لاکئن ائندئدن قاضيليق ادئر. ائندي سنئنله اونلاردان دا پئس رفتار اده‌جيئک". اونلار لوطا شئدّتله هوجوم ادئب، قاپيني سينديرماق اوچون ياخينلاشديلار.
اوندا ائچَرئده‌کي آداملار اَللرئني اوزاديب لوطو اِوئن ائچئنه، اؤز يانلارينا سالديلار و قاپيني باغلاديلار.
مَلَکلر اِوئن قاپيسي آرخاسيندا دوران آداملاري، کئچئکدن توتموش بؤيوکه قدر، کور اتدئلر. بو سببدن آداملار قاپيني تاپا بئلمه‌دئلر.
آداملار لوطا ددئلر: "بورادا داها کئمئن وار؟ بو شهرده کوره‌کَنئن، اوغوللارين، قيزلارين، نسلئندن اولان هر کس وار، هاميسيني بو يردن چيخارت،
چونکي بئز بو يِري محو اده‌جيئک، چونکي بو خالقين فريادي ربّه گلئب چاتيب، بونا گؤره ده رب بئزي گؤندرئب کي، اونو محو ادک."
لوط گدئب، قيزلاريني آلماق ائستين کوره‌کَنلرئنه ددي: "قالخيب بو يردن چيخين، چونکي رب شهري محو ادهجک." آمّا کوره‌کَنلري گومان اتدئلر کي، او ضارافات ادئر.
سحر آچيلاندا مَلَکلر لوطو تَلَسدئرئب ددئلر: "قالخ يانينداکي آروادين و ائکي قيزيني گؤتور گت، مبادا شهرئن باشينا گلن جزادا سئز ده محو اولاسينيز."
آمّا لوط ياواش تَرپَندي. اونا گؤره ده بو آداملار اونون، آروادينين و ائکي قيزينين اَلئندن توتوب اشئيه چيخارتديلار و شهرئن قيراغينا قويدولار، چونکي ربّئن اونا مرحمتي وار ائدي.
اونلاري چيخاردان زامان آداملاردان بئري ددي: "اؤز جانيني قورتار، آرخانا باخما. بو دره‌نئن هچ يرئنده قالما، داغا چيخ، يوخسا هلاک اونلارسان."
لوط اونلارا ددي: "آمان، آغام!
ائندي باخ، بو قولون سنئن گؤزونده لوطف تاپيب و جانيمي خئلاص اتمکله منه بؤيوک محبّتئني گؤرستدئن. لاکئن داغا قاچماغا قودرتئم يوخدور، مبادا بو بلا منه يتئشسئن و هلاک اولوم.
ياخينليقدا قاچا بئله‌جيئم کئچئک بئر شهر وار. قوي اورايا قاچيب جانيمي قورتاريم. مگر او شهر کئچئک ديئل؟"
آداملاردان بئري لوطا ددي: "سنئن خاطئرئنه بونو دا اده‌رم: ددئيئن شهري داغيتمارام.
تز اول، اورايا قاچ! سن اورايا چاتماميش من بئر شي اتميه‌جيم." بونا گؤره ده او شهر صوعَر آدلاندي.
گونش يِر اوزونه دوغاندا لوط صوعَره گلدي.
رب سودوم و گومورانين اوستونه گؤيدن اودلو گوگورد ياغديردي،
بو شهرلري، بوتون دره‌ني، اورانين بوتون ساکئنلرئني و تورپاقدا بئتن هر شيي محو اتدي.
آمّا لوطون آروادي آرخادا دؤنوب آرخايا باخدي و دوز سوتونونا چِورئلدي.
ائبراهئم سحر ارکن قالخيب ربّئن حوضوروندا دوردوغو يره گتدي.
اورادان سودوم و گومورايا، بوتون دره‌نئن تورپاغينا باخدي. گؤردو کی، او يردن اوجاق توستوسو کئمي بئر توستو گؤيه قالخير.
تاري دره‌ده‌کي شهرلري محو اتدئيي زامان، ائبراهئمي خاطيرلادي، بونا گؤره ده لوطون ياشاديغي شهرلري داغيدارکن، اونو هلاکت ائچئندن چيخارتدي.
لوط ائکي قيزي ائله بئرلئکده صوعَردن چيخيب، داغدا ياشادي، چونکي صوعَرده ياشاماقدان قورخوردو. او، ائکي قيزي ائله بئر ماغارادا قالدي.
اونون بؤيوک قيزي کئچئيئنه ددي: "آتاميز قوجاليب و بوتون دونيادا ائنسان عادتئنه گؤره بئر کئشي يوخدور کی، يانيميزا گئرسئن.
گل آتاميزا شراب ائچئردک و اونونلا ياتاق کي، اؤز آتاميزدان نسلئمئز اولسون."
اونلار او گجه آتالارينا شراب ائچدئردئلر. بؤيوک قيز ائچَري گئرئب، آتاسي ائله ياتدي. لاکئن آتاسي اونون نه واخت ياتيب-دوردوغونو بئلمه‌دي.
او بئري گون بؤيوک قيز کئچئيئنه ددي: "باخ، دونَن گجه من آتاملا ياتديم. گل بو گجه ده اونا شراب ائچئردک و سن ده اونونلا يات کي، اؤز آتاميزدان نسلئمئز اولسون."
او گجه گئنه آتالارينا شراب ائچدئردئلر. کئچئک قيز قالخيب اونونلا ياتدي، لاکئن آتاسي اونون نه واخت ياتيب-دوردوغونو بئلمه‌دي.
لوطون ائکي قيزي بلجه آتالاريندان بويلو اولدولار.
بؤيوک قيز بئر اوغول دوغدو و اونون آديني موآب قويدو. او، ائندئکي موآبليلارين جَدّئدئر.
کئچئک قيز دا بئر اوغول دوغدو و اونون آديني بِن-عَمّي قويدو. او، ائندئکي عَمّونلولارين جَدّئدئر.
ائبراهئم مَمرِه‌دن نِگِب تورپاغينا کؤچدو و قِدِشله شور آراسيندا ساکئن اولدو. سونرا بئر مودّت گِراردا قالدي.
ائبراهئم آروادي سارا بارهسئنده ددي: "بو منئم باجيمدير." گِرار پادشاهي اَبئمِلِک آدام گؤندرئب ساراني آپاردي.
لاکئن گجه يوخودا تاري اَبئمِلِکه گؤرونوب ددي: "باخ، آپارديغين آروادا گؤره، سن اؤله‌جکسن، چونکي او، اِولي بئر آرواددير."
اَبئمِلِک آروادا توخونماميشدي. او ددي: "يارب، مگر سن گوناهسيز خالقي اؤلدوره‌جکسن؟
مگر او آدام منه دمه‌دي کي "بو منئم باجيمدير"؟ آرواد اؤزو ده ددي کي "او منئم قارداشيمدير." من بونو قوصورسوز بئر اورک و اَللرله اتدئم."
تاري يوخودا اونا ددي: "من ده بئلئرم کي، سن بونو قوصورسوز اورکله اتدئن. من ده سني قويماديم کي، منئم ضئدّئمه گوناه ادهسن؛ بونا گؤره ده قويماديم کی، اونا توخوناسان.
ائندي آروادي اَرئنه قايتار، چونکي او، بئر پِيغمبردئر. سنئن اوچون دوعا ادر، سالامات قالارسان. آمّا اگر آروادي قايتارماياسان، بئل کي، هم سن، هم ده سنئن اولان هرکس حؤکمن اؤلهجک."
اَبئمِلِک سحر تزدن قالخيب، بوتون نؤکرلرئني چاغيردي و بو سؤزلري اونلارين حوضوروندا ددي. آداملار چوخ قورخدولار.
اَبئمِلِک ائبراهئمي چاغيريب اونا ددي: "بئزه نه اتدئن؟ سنه نه گوناه اتدئم کي، اؤزومون و پادشاهليغيمين اوستونه بله بئر بؤيوک گوناهي گتئردئن؟ منه اتدئيئن ائش گرک ادئلمَيدي.
اَبئمِلِک گئنه ائبراهئمه ددي: "بو ائشي گؤرنده نه دوشونوردون؟"
ائبراهئم ددي: "دوشونوردوم کي، بورادا تاري قورخوسو يوخدور و آرواديما گؤره مني اؤلدورهجکلر.
او، دوغرودان دا، منئم باجيمدير: آتاميز بئردئر، آمّا آناميز آيريدير. او، منئم آرواديم اولدو.
تاري مني آتا اِوئمدن قوربته آپارديغي واخت آرواديما ددئم: "منه محبّتئني بو جور گؤرسده‌جکسن: گده‌جَيئمئز هر يرده منئم بارهمده ده: "بو منئم قارداشيمدير."
او واخت اَبئمِلِک سورو، مال-حيوان، نؤکرلر و کنئزلر گؤتوروب ائبراهئمه وردی. آروادي ساراني دا اونا قايتاردي.
اَبئمِلِک ددي: "باخ، منئم اؤلکَم سنئن قاباغيندادير: ائسته‌دئيئن يرده ياشايا بئلرسن."
سونرا سارايا ددي: "باخ، قارداشينا مئن پارچا گوموش وردئم. بو گوموش سنئن يانينداکيلارا گوناهسيزليغيني گؤرسدن بئر ثوبوت اولسون و هر کس سنئن گوناهسيز اولدوغونو بئله‌جک."
ائبراهئم تارييا دوعا اتدي، تاري دا اَبئمِلِکه، اونون آروادينا و کنئزلرئنه شفا وردی، اله کي، اونلارين اوشاقلاري اولدو.
چونکي رب ائبراهئمئن آروادي سارادان اؤتري، اَبئمِلِکئن اِوئنده اولان بوتون آروادلارين بطنئني باغلاميشدي.
رب ددئيي کئمي سارايا نظر سالدي و اونا ددئيي سؤزو يرئنه يتئردي.
سارا بويلو اولدو و ائبراهئمئن قوجاليق واختيندا، تارينين اونا ددئيي زامان بئر اوغول دوغدو.
ائبراهئم سارادان دوغولان اوغلونا ائسحاق آديني قويدو.
تارينين ائبراهئمه امر اتدئيي کئمي او، اوغلو ائسحاقي دوغولاندان سکّئز گون سونرا ختنه اتدي.
ائسحاق دوغولاندا ائبراهئمئن يوز ياشي وار ائدي.
سارا ددي: "تاري منئم اوزومو گولدوردو. بونو اشئدن هر کس منئمله بئرلئکده گوله‌جک."
او گئنه ددي: "کئم ائبراهئمه دئيَردي کي، سارا اوشاق اَمئزدئره‌جک؟ آمّا قوجاليق واختيندا من اونا بئر اوغول دوغموشام."
اوشاق بؤيويوب سوددن کسئلدي. ائسحاقين سوددن کسئلدئيي گون، ائبراهئم بؤيوک بئر ضئيافت وردی.
سارا گؤردو کي، مئصئرلي هاجرئن ائبراهئمه دوغدوغو اوغلو اونا گولور.
سارا ائبراهئمه ددي: "بو کنئزي و اونون اوغلونو قوو. بو کنئزئن اوغلو منئم اوغلوم ائسحاقلا بئرلئکده وارئث اولماياجاق."
ائبراهئم بو اوغلوندان اؤتري چوخ ناراحات اولدو.
تاري ائبراهئمه ددي: "اوشاقدان و کنئزدن اؤتري ناراحات اولما. سارانين سنه ددئيي بوتون سؤزلره قولاق آس، چونکي سنئن نسلئنئن وارئثي ائسحاق اولاجاق.
آمّا کنئزئن اوغلوندان دا بئر مئلّت تؤره‌ده‌جيم، چونکي او دا سنئن نسلئندندئر."
ائبراهئم سحر تزدن قالخدي، چؤرک و بئر تولوق سو گؤتوروب هاجرئن چئينئنه قويدو. اوشاغي دا اونا ورئب، اونو يولا سالدي. هاجر گدئب «بئر شئبا» چؤلونده آوارا گزئردي.
تولوقدا سو قورتارديقدا، هاجر، اوغلونو بئر بوتانين آلتينا قويدو.
سونرا اورادان بئر اوخ مسافتي قدر آرالانيب، اونون قاباغيندا اوتوردو. "اوغلومون اؤلومونو گؤرمه‌يئم" ددي و اوشاغين قاباغيندا اوتوروب، هؤنکور-هؤنکور آغلادي.
تاري اوغلانين سسئني اشئتدي. تارينين مله‌يي گؤيدن هاجري چاغيريب ددي: "سنه نه اولوب، هاجر؟ قورخما، چونکي اوغلانين اوتوردوغو يردن تاري اونون سسئني اشئدئب.
قالخ، اوشاغي قالدير، اونون الئندن توت. من اوندان بؤيوک بئر مئلّت تؤره‌ده‌جيم."
تاري هاجرئن گؤزلرئني آچدي و او، بئر سو قويوسو گؤردو. گتدي و تولوغو سو ائله دولدوروب، اوشاغا ائچتئردي.
تاري بو اوغلانلا ائدي. او بؤيويوب، چؤلده ياشاماغا باشلادي و اوخ آتان اولدو.
او، پاران چؤلونده ساکئن اولدو. آناسي اونا مئصئردن بئر آرواد آلدي.
او زامان اَبئمِلِک و اونون قوشون باشچيسي فئکول ائبراهئمه ددئلر: "سن نه ادهسن، تاري سنئنله‌دئر.
ائندي بورادا تارينين حاقّينا منه آند ائچ کي، نه منه، نه اوغلوما، نه ده نوه‌مه خيانت ادهجکسن: من سنه محبّت اتدئيئم کئمي، سن ده منه و ساکئن اولدوغون تورپاغا محبّت ات."
ائبراهئم ددي: "من آند ائچئرم."
آمّا ائبراهئم اَبئمِلِکه، اونون نؤکرلرئنئن قَصب اتدئيي سو قويوسوندان اؤتري شئکايت اتدي.
اَبئمِلِک ددي: "بئلمئرم، بو ائشي کئم ادئب. اونو نه سن منه بئلدئردئن، نه ده بو واختا کئمي اوندا خبرئم وار."
ائبراهئم سورو و مال-حيوان آليب ابئمِلِکه وردی. بلجه ائکئسي بئر عهد باغلاديلار.
ائبراهئم سوروسوندن يدّي دئشي قوزونو آييردي.
اَبئمِلِک ائبراهئمه ددي: "آييرديغيم بو يدّي دئشي قوزو نه اوچوندور؟"
ائبراهئم ددي: "بو يدّي دئشي قوزونو منئم اَلئمدن آلمالي‌سان کي، بو قويونو قازديغيما شهادت اولسون."
بونا گؤره ده او بوراني «بئر شئبا» چاغيردي، چونکي اونلارين ائکئسي ده اورادا آند ائچدئلر.
بلجه بئر‌شئبادا عهد باغلاديلار. سونرا اَبئمِلِک و اونون قوشون باشچيسي فئکول قالخيب، فئلئسطلی‌لرئن اؤلکهسئنه قاييتديلار.
ائبراهئم بئر‌شئبادا بئر گَز آغاجي اَکدي و اورادا ربّئن آديني، ابدی اولان تارينين آديني چاغيردي.
ائبراهئم فئلئسطلی‌لرئن اؤلکهسئنده اوزون مودّت قالدي.
بو شيلردن سونرا تاري ائبراهئمي ائمتاحانا چکئب اونا ددي: "اي ائبراهئم!" ائبراهئم ددي: "بورادايام!"
تاري ددي: "سودئيئن يگانه اوغلون ائسحاقي گؤتور و مورئيا اؤلکهسئنه گت. اورادا سنه گؤرسده‌جَيئم بئر داغدا اوغلونو يانديرما قورباني تقدئم ات."
ائبراهئم سحر تزدن قالخدي و اِششه‌يئني پالانلادي. اؤزو ائله ائکي نؤکرئني و اوغلو ائسحاقي گؤتوردو. او، يانديرما قورباني اوچون اودون ياردي و قالخيب تارينين ددئيي يِره يولا دوشدو.
ائبراهئم اوچونجو گون باشيني قالديريب اوزاقدان او يِري گؤردو.
او، نؤکرلرئنه ددي: "سئز اِششَکله بئرلئکده بورادا قالين، من اوغوللا اورايا گده‌جيم. پرستئش ادئب، يانينيزا قاييداريق."
ائبراهئم يانديرما قورباني اوچون اودون گؤتوروب اوغلو ائسحاقين کوره‌يئنه قويدو، لاکئن اودو و بيچاغي اؤزو گؤتوردو. اونلار بئرلئکده گتدئلر.
ائسحاق آتاسي ائبراهئمه ددي: "آي آتا!" ائبراهئم جاواب وردی: "بورادايام، اوغلوم". ائسحاق ددي: "باخ، اود و اودون وار، بس يانديرما قورباني اوچون قوزو هارادادير؟"
ائبراهئم ددي: "اوغلوم، يانديرما قورباني اوچون قوزونو تاري اؤزو حاضيرلاياجاق." اونلار بئرلئکده گتدئلر.
سونرا تارينين ائبراهئمه ددئيي يِره گلدئلر. ائبراهئم اورادا بئر قوربانگاه دوزَلدئب اودونلاري دوزدو و اوغلو ائسحاقين اَل-قولونو باغلاييب قوربانگاها، اودونلارين اوستونه قويدو.
ائبراهئم اَلئني اوزاديب اوغلونون باشيني کَسمک اوچون بيچاغي گؤتوردو.
آمّا ربّئن مله‌يي گؤيدن اونو چاغيردي: "ائبراهئم، ائبراهئم!" او ددي: "بورادايام!"
مَلَک ددي: "اوشاغا اَل اوزاتما و اونا بئر شي اتمه. ائندي بئلدئم کي، سن تاريدان قورخورسان؛ اؤز يگانه اوغلونو مندن قييمادين."
ائبراهئم باشيني قالديريب باخدي و آرخاسيندا بئر قوچ گؤردو کی، بوينوزلاري کوللوغا ائلئشمئشدی. ائبراهئم گدئب قوچو گؤتوردو و اوغلونون عوضئنه يانديرما قورباني تقدئم اتدي.
ائبراهئم او يِري «يَهوِه يئرِه» چاغيردي؛ بونا گؤره ده ائندئيه قدر بله ديئلئر: "ربّئن داغيندا حاضيرلاناجاق."
ربّئن مله‌يي گئنه گؤيدن ائبراهئمي چاغيريب ددي:
"رب ديئر: اؤز وارليغيما آند ائچمئشم کي، سن بو ائشي اتدئيئنه و يگانه اوغلونو قييماديغينا گؤره
سنه بؤيوک بئر برکت ورهجيم، نسلئني گؤيدهکي اولدوزلار و دهنز ساحئلئندهکي قوم قدر آرتيريب چوخالداجاغام. سنئن نسلئن اؤز دوشمنلرئنئن شهرلرئنه صاحئب اولاجاق.
دونيانين بوتون مئلّتلري سنئن نسلئنئن واسئطهسئله برکت آلاجاق، چونکي سن منئم سؤزومه قولاق آسدين."
سونرا ائبراهئم اؤز نؤکرلرئنئن يانينا قاييتدي و اونلار قالخيب، «بئر شئبايا» گتدئلر. ائبراهئم «بئر شئبادا» ساکئن اولدو.
بئر مودّت سونرا ائبراهئمه خبر ورئب ددئلر: "باخ، مئلکا قارداشين ناخورا اوشاقلار دوغدو:
ائلک اوغلو اوس، اونون قارداشي بوز، اَرامين آتاسي اولان قِموعِل،
کِسِد، خَزو، پئلداش، يئدلاف و بِتوعِل."
بِتوعِلدن رئبقا اولدو. بو سکّئز اؤولادي مئلکا، ائبراهئمئن قارداشي ناخورا دوغدو.
اونون رِعوما آدي اولان جارئيه‌سي ده تِبَخي، قَخَمي، تَخَشي و مَعَکاني دوغدو.
سارا يوز ائيئرمي يدّي ائل ياشادي؛ او بو قدر عؤمور سوردو.
سارا کَنَعان تورپاغيندا اولان قئريَت‌اَربَعده، يعني خِبروندا اؤلدو. ائبراهئم ياس توتوب آغلاماقدان اؤتري سارانين اؤلوسونون باشينا گتدي.
ائبراهئم مِيئتئن يانيندان قالخيب خئتلئلره ددي:
"من سئزئن آرانيزدا قرئب و قوناغام. يانينيزدا قبئر دوزلتمک اوچون منه يِر ساتين کي، اؤز مِيئتئمي گؤتوروب اورادا باسديريم."
خئتلئلر ائبراهئمه جاواب وردئلر:
"اي آغام، بئزه قولاق آس: سن آراميزدا گوجلو بئر سَروَرسن. اؤز ميئتئني قبئرلرئمئزئن لاپ ياخشيسيندا باسدير؛ مِيئتي باسديرماق اوچون بئزدن هچ کس قبرئني سندن قييماز."
ائبراهئم قالخيب او اؤلکهنئن خالقينا کی، خئتلئلر ائدئلر، تعظئم اتدي.
سونرا اونلارلا دانيشيب ددي: "اگر سئز منئم مِيئتئمي باسديرماغا راضيسينيز، منه قولاق آسين: منئم اوچون زوخَر اوغلو عِفروندان خاهئش ادئن کي،
زمئسئنئن آخيريندا مالئک اولدوغو ماکپِلا ماغاراسيني منه ساتسين، سئزئن حوضورونوزدا اونو منه تام دَيَرئله قبئر دوزلتمَک اوچون ساتسين."
عِفرون خئتلی‌لرئن آراسيندا اوتورموشدو. خئتلي عِفرون بوتون خئتلی‌لرئن حوضوروندا کی، شهر دروازاسينين يانينا ييغيلميشديلار، ائبراهئمه بله جاواب وردی:
"يوخ، آغام، منه قولاق آس: من زمئني و اورادا اولان ماغاراني سنه ورئرم، اؤز خالقيمين آداملاري حوضوروندا اونو سنه ورئرم؛ گت مِيئتئني باسدير."
ائبراهئم او اؤلکهنئن خالقينا تعظئم اتدي.
سونرا او اؤلکهنئن خالقينين يانيندا عِفرونا بله ددي: "خاهئش ادئرم، منه قولاق آس: زمئنئن دَيَرئني ورئرم، اونو مندن گؤتور، قوي من ده اؤز مِيئتئمي اورادا باسديريم."
عِفرون ائبراهئمه جاواب وردی:
"اي آغام، منه قولاق آس: تورپاغين قئيمتي دؤرد يوز شِکِل گوموشدور؛ منئمله سنئن آراندا بو ندئر؟ گتئر، مِيئتئني باسدير."
ائبراهئم عِفرونون سؤزونو قبول ادئب، خئتلی‌لرئن يانيندا عِفرونون ددئيي کئمي تاجئرلرئن تَرَزي داشلارينا موطابئق دؤرد يوز شِکِل گوموش چکدي.
بلجه مَمرِه‌نئن موقابئلئندهکي ماکپِلا اولان عِفرونون زَمئسي و اوراداکي ماغارا، زَمئده و اونون اَراضئسئنده اولان بوتون آغاجلار
خئتلی‌لرئن حوضوروندا، شهر دروازاسيندا ييغيلانلارين قاباغيندا ائبراهئمئن مولکو اولدو.
بوندان سونرا ائبراهئم آروادي ساراني ماکپِلا زمئسئنئن ماغاراسيندا کي، کَنَعان تورپاغيندا اولان مَمرِه‌نئن (يعني خِبرونون) موقابئلئنده‌دئر، باسديردي.
بلجه خئتلي‌لر زمئني و اورادا اولان ماغاراني ائبراهئمه مولک وردئلر کی، اورادا قبئر دوزَلتسئن.
ائبراهئم قوجاليب ياشلي اولموشدو. رب هر شيده اونا برکت ورمئشدي.
بئر گون ائبراهئم اِوئنده‌کي لاپ ياشلي قولونا کي، بوتون ائشلري ائداره ادئردي، ددي: "اَلئني بودومون آلتينا قوي.
ائسته‌يئرم گؤيون و يرئن تاريسي ربّئن آدينا منه آند ائچه‌سن کي، اوغلوما آرالاريندا ياشاديغيم کَنَعانليلارين قيزلاريندان آرواد آلماياجاقسان،
لاکئن منئم اؤلکه‌مه، قوحوملاريمين يانينا گدئب، اوغلوم ائسحاق اوچون اونلاردان آرواد آلاجاقسان."
نؤکر اونا ددي: "بلکه قيز راضي اولمادي کي، منئمله بئرلئکده بو اؤلکهيه گلسئن؟ آيا او واخت اوغلونو سنئن چيخديغين اؤلکهيه آپاريم؟"
ائبراهئم اونا ددي: "باخ، مبادا اوغلومو اورايا آپاراسان.
گؤيلرئن تاريسي رب کي، مني آتامين اِوئندن و دوغولدوغوم يردن چيخارتدي و منئمله دانيشيب آند ائچدي کي "بو تورپاغي سنئن نسلئنه ورهجيم"، اؤز مَله‌يئني سنئن قاباغيندا گؤندره‌جک و سن اورادان اوغلوما آرواد آليب گتئره‌جکسن.
اگر او آرواد سنئنله گلمک ائستمه‌سه، سن بو آنددان آزاد اولورسان. آمّا منئم اوغلومو اورايا آپارما."
نؤکر اَلئني آغاسي ائبراهئمئن بودو آلتينا قويوب بو ائشه گؤره اونا آند ائچدي.
نؤکر آغاسينين دَوه‌لرئندن اون دوه گؤتوروب آغاسينين لاپ ياخشي هدئيّه‌لرئله گتدي و اَرام نَخه‌ره‌يئم، ناخورون شهرئنه گلدي.
نؤکر آخشام دوه‌لري شهرئن اشئيئنده اولان قويونون يانيندا ياتيرتدي. آروادلار بو واخت سو چکمَک اوچون بورايا گلردئلر.
سونرا دوعا اتدي: "يارب، آغام ائبراهئمئن تاريسي، يالواريرام، بو گون ائشئمي آواند اِله و آغام ائبراهئمه محبّت گؤرسد.
باخ، من بو بولاغين يانيندا دورورام؛ شهر ساکئنلرئنئن قيزلاري سو چکمَک اوچون بورايا گلئرلر.
قوي اِله اولسون کي، او قيزا کي، ديئرم "خاهئش ادئرم، سهنگئني اندئر، سو ائچئم"، و او دا ديئر کي، "ائچ، دوه‌لرئنه ده ورهرم."، قوي او قيز قولون ائسحاق اوچون تعيئن اتدئيئن آرواد اولسون؛ بوندان بئله‌رم کي، آغاما محبّت ادئرسن."
او، سؤزونو بئتئرمه‌مئشدي کي، بِتوعِلئن قيزي رئبقا کي، ائبراهئمئن قارداشي ناخورون آروادي مئلکادان دوغولموشدو، چئينئنده سهنگ اورايا گلدي.
قيز چوخ گؤزل و باکئره ائدي. هچ کس اونونلا ياخينليق اتمه‌مئشدي. او، بولاغا اِندي و سهنگئني دولدوروب يوخاري قالخدي.
نؤکر اونون پئشوازينا قاچيب ددي: "خاهئش ادئرم، سهنگئندن بئر آز سو ور، ائچئم."
قيز ددي: "آغام، بويور ائچ". قيز تز سهنگئني اَلي اوستونه اِندئردي و اونا سو وردی.
اونا سو ورندن سونرا ددي: "دوه‌لرئن اوچون ده سو چکرم کي، ائچئب دويسونلار."
قيز تز سهنگئني تَکنه‌يه بوشالتدي، سو چکمَک اوچون قويونون يانينا گري قاچدي و نؤکرئن بوتون دوه‌لري اوچون سو چکدي.
بو آرادا او آدام ساکئت دوروب دئقّتله قيزا باخيردي کي، ربّئن اونون سفرئني باشاريليغا چاتديريب چاتديرماماغيني بئلسئن.
دوه‌لر سو ائچئب قورتاراندا او آدام چکئده بئر بِکا اولان قيزيل بورون حالقاسي، قيزين قوللاري اوچون و چکئده اون شِکِل اولان ائکي قولباق گؤتوروب ددي:
"لوطفن منه دِه گؤروم، سن کئمئن قيزيسان؟ آيا آتانين اِوئنده بئزه گجهني قالماق اوچون يِر تاپيلار؟"
قيز اونا ددي: "من مئلکانين ناخورا دوغدوغو بِتوعِلئن قيزييام."
گئنه ددي: "بئزده سامان دا، يِم ده چوخدور و قالماق اوچون يِر ده وار."
او آدام اَيئلئب ربّه سجده اتدي.
سونرا ددي: "آغام ائبراهئمئن تاريسي رب موبارک اولسون کي، محبّت و وفاسيني آغامدان قييمادي: رب مني بئرباش آغامين قارداشينين اِوئنه گتئردي."
قيز قاچيب، آناسينين طايفاسيندا بو بارهده دانيشدي.
رئبقانين بئر قارداشي وار ائدي، آدي لابان ائدي. لابان چيخيب او آدامين يانينا، بولاغين باشينا قاچدي.
او، باجيسينين بورون حالقاسيني و قوللارينداکي قولباغي گؤرنده، باجيسي رئبقانين "بو آدام منئمله بله دانيشدي" سؤزلرئني اشئدنده او آدامين يانينا گلدي. او، بولاق باشيندا دوه‌لرئن يانيندا دايانميشدي.
لابان ددي: "اي ربّئن برکت وردئيي آدام، ائچَري گئر. نه اوچون اشئکده دورورسان؟ من سنه اِوي و دوه‌لره يِر حاضيرلاميشام."
او آدام اِوه گئردي. لابان دوه‌لرئن يوکونو بوشالتدي، اونلارا سامان و يِم وردی، و سو گتئردي کي، او و اونونلا بئرلئکده اولانلار آياقلاريني يوسونلار.
اونلارين قاباغينا يِمک گتئرئلدي، لاکئن بو آدام ددي: "مقصدئمي دانيشمايينجا يميه‌جيم." لابان ددي: "دانيش."
او ددي: "من ائبراهئمئن نؤکرئيم.
رب آغاما چوخلو برکت ورئب، اِله کي، وارلي بئر آدام اولوب. اونا سورولر و رَمه‌لر، قيزيل و گوموش، نؤکرلر و کنئزلر، دوه‌لر و اششکلر ورئب.
آغامين آروادي سارا قوجا ائکن آغاما بئر اوغول دوغدو. آغام اؤزونه مخصوص اولان هر شيي بو اوغولا وردی.
سونرا دا منی آند ائچدئرئب ددي: "اؤلکه‌لرئنده ياشاديغيم کَنَعانليلارين قيزلاريندان اوغلوما آرواد آلماياجاقسان،
لاکئن آتامين طايفاسينا، قوحوملاريمين يانينا گدئب، اورادان اوغلوما بئر آرواد آلاجاقسان."
من آغاما ددئم: "بلکه او آرواد منئمله گلمه‌دي."
او منه ددي: "يولونو گتدئيئم رب سنئنله اؤز مَله‌يئني گؤندره‌جک، او دا سنه يول آچاجاق و قوحوملاريمين آراسيندان، آتامين طايفاسيندان اوغلوما بئر آرواد آلاجاقسان.
طايفامين يانينا گتدئيئن زامان، منه ائچدئيئن آنددان آزاد اولاجاقسان. اگر او قيزي سنه ورمسه‌لر، ائچدئيئن آنددان آزاد اولاجاقسان."
من ده بو گون بولاغين يانينا گلئب ددئم: "اي آغام ائبراهئمئن تاريسي رب، يالواريرام، گتدئيئم يولو آچ.
باخ، ائندي من بولاغين يانيندا دورورام؛ او قيز کي، سو چکمه‌يه گلئر و من اونا ديئرم "خاهئش ادئرم، منه سهنگئندن بئر آز سو ور، ائچئم"،
او دا منه ديئر "سن ده ائچ، دوه‌لرئنه ده سو چکئم"، قوي او قيز آغامين اوغلو اوچون ربّئن تعيئن اتدئيي آرواد اولسون."
من اوره‌يئمده دوعا اتمه‌يي قورتارماميشديم کي، رئبقا سهنگي چئينئنده گلدي و بولاغا اِنئب سو چکدي. اونا ددئم: "خاهئش ادئرم، منه سو ور."
او تز سهنگئني چئينئندن اِندئرئب ددي: "سن ائچ، گدئم دوه‌لرئنه ده سو ورئم." من ائچدئم، او دا دوه‌لره سو وردی.
اوندان سوروشدوم: "سن کئمئن قيزيسان؟" او ددي: "مئلکانين ناخورا دوغدوغو بِتوعِلئن قيزييام." من ده اونون بورنونا حالقا و قوللارينا دا قولباق تاخديم.
سونرا اَيئلئب ربّه سجده اتدئم. ربّه، آغام ائبراهئمئن تاريسينا شوکور اتدئم کي، آغامين قارداشي نوه‌سئني اوغلونا آلماق اوچون منه دوغرو يولو گؤرستدي.
اگر منئم آغاما محبّت و صداقتله رفتار اده‌جکسئز، ائندي منه ديئن. اگر اتميهجکسئنئز ده، منه ديئن. اِله کي، من ده نه يولا گده‌جيئمي بئلئم."
لابان و بِتوعِل اونا بله جاواب وردئلر: "بو ائش ربدن اولدو؛ سنه نه ياخشي، نه ده پئس سؤز دئيه بئله‌رئک.
باخ، رئبقا حوضوروندادير: اونو گؤتور گت و قوي او، ربّئن ددئيي کئمي آغانين اوغلونا آرواد اولسون."
ائبراهئمئن نؤکري اونلارين سؤزلرئني اشئدنده يِره قاپانيب ربّه پرستئش اتدي.
نؤکر قيزيل-گوموش شيلر و پالتارلار چيخارديب رئبقايا وردی. اونون قارداشينا و آناسينا دا قئيمتلي شيلر وردی.
اؤزو و اونونلا بئرلئکده اولان آداملار ييئب-ائچدئلر و گجهني سحر اتدئلر. سحر اونلار قالخاندا نؤکر ددي: "منی آغامين يانينا گؤنده‌رئن."
قيزين قارداشي ائله آناسي ددئلر: "قوي قيز بئر نچه گون، هچ اولماسا اون گون قالسين، سونرا گدر."
نؤکر اونلارا ددي: "ائندي کي رب منه يول آچدي، منی يوباتمايين، بوراخين آغامين يانينا گدئم."
اونلار ددئلر: "قوي قيزي چاغيريب اؤز دئلئندن اشئدک."
رئبقاني چاغيريب اوندان سوروشدولار: "آيا بو آداملا گدئرسن؟" او دا "گدئرم" ددي.
اونلار باجيلاري رئبقاني، اونون دايه‌سئني، ائبراهئمئن نؤکرئني و اونونلا اولان آداملاري يولا سالديلار.
رئبقايا برکت ورئب ددئلر: "اي باجيميز، مئنلرجه، اون مئنلرجه اؤولادا آنا اولاسان! قوي نسلئن عاصئلرئن يوردونا صاحئب اولسون!"
رئبقا و قوللوقچولاري قالخيب دوه‌لره مئندئلر و او آداملا بئرلئکده گتدئلر. بلجه، نؤکر رئبقاني گؤتوروب گتدي.
بو واخت ائسحاق بئرلَخايي رويئدن گلمئشدي، چونکي او، نِگِب تورپاغيندا ياشاييردي.
آخشام دوشنده ائسحاق گزمک اوچون چؤللويه گتدي. باشيني قالديريب باخاندا گؤردو کي، دوه‌لر گلئر.
رئبقا دا باشيني قالديريب ائسحاقي گؤرنده دوه‌دن دوشدو..
او، نؤکردن سوروشدو: "بو آدام کئمدئر کی، بئزئم پئشوازيميز اوچون چؤللويه گلئر؟" نؤکر ددي: "آغامدير." رئبقا روبندئني اوزونه چکئب اؤرتوندو.
نؤکر باش ورمئش بوتون ائشلر بارهده ائسحاقا دانيشدي.
ائسحاق رئبقاني آناسي سارانين ياشاديغي چاديرا آپاردي و رئبقاني آرواد آلدي و ائسحاق اونو سودي. بلجه ائسحاق آناسينين اؤلوموندن سونرا تسلّي تاپدي.
ائبراهئم آيري بئر آرواد آلدي. اونون آدي قِطورا ائدي.
قِطورا اونا بونلاري دوغدو: زئمران، يوقشان، مِدان، مئديان، يئشباق و شواَح.
يوقشاندان شِبا و دِدان اولدو. دِدانين نسئللري: آشورلولار، لِتوشلولار، لِعوملولار.
مئديانين اوغوللاري: اِفاه، اِفِر، هه‌نوک، اَبئداع و اِلداعا. بونلارين هاميسي قِطورانين اؤولادلاريديرلار.
ائبراهئم بوتون وار-يوخونوائسحاقا وردی.
جارئيه‌لرئنئن اوغوللارينا دا هدئيّهلر وردی. صاغليغيندا اونلاري اوغلو ائسحاقين يانيندان شرقه، شرق تورپاغينا طرف گؤندردي.
ائبراهئم يوز يتمئش بش ائل عؤمور سوردو.
او، اوزون عؤمور سوروب حياتدان دويموش حالدا عؤمرونو باشا چاتديردي و خالقينا قوشولدو.
اوغوللاري ائسحاق و ائسماعئل اونو مَمرِه‌نئن موقابئلئنده اولان ماکپِلا ماغاراسيندا، خئتلي زوخَر اوغلو عِفرونون زَمئسئنده باسديرديلار.
او زمئني ائبراهئم خئتلئلردن ساتين آلميشدي. ائبراهئم و آروادي سارا اورادا باسديريلدي.
تاري ائبراهئمئن اؤلوموندن سونرا اوغلو ائسحاقا برکت وردی. ائسحاق بئر لَخايي رويئيه ياخين ياشاييردي.
بودور ائبراهئم اوغلو ائسماعئلئن نسئل تارئخچه‌سي کي، سارانين کنئزي مئصئرلي هاجر اونو ائبراهئمه دوغدو:
دوغولما سيراسينا گؤره ائسماعئلئن اوغوللارينين آدلاري بلهدئر: ائسماعئلئن ائلک اوغلو نِوايوت، قِدار، اَدبِعِل، مئبسام،
مئشما، دوما، ماسّا،
خَدَد، تِما، يِطور، نافئش و قِدما؛
ائسماعئلئن اوغوللاري بونلاردير، کَندلري و اوبالاري ائله بئرلئکده اونلارين آدلاري بلهدئر. اونلار اؤز قبئله‌لرئنئن اون ائکي باشچيسي ائدئلر.
ائسماعئل يوز اوتوز يدّي ائل عؤمور سوردو. او، عؤمرونو باشا چاتديردي و اؤلوب اَجدادلارينا قوشولدو.
ائسماعئلئن نسئللري خَوئلادان شورا قدر اولان اراضئده ساکئن اولدولار کي، آشورا گدرکن مئصئرئن شرق سمتئنده‌دئر. او بوتون قارداشلارينين موقابئلئنده ساکئن اولدو.
ائبراهئمئن اوغلو ائسحاقين نسئل تارئخچه‌سي بلهدئر: ائبراهئمدن ائسحاق اولدو.
ائسحاق اَراملي لابانين باجيسي، پَدّان‌اَرامدان اَراملي بِتوعِلئن قيزي رئبقاني آرواد آلاندا قيرخ ياشيندا ائدي.
ائسحاق آروادي اوچون ربّه يالواردي، چونکي او، سونسوز ائدي. رب ائسحاقين يالواريشينا جاواب وردی: اونون آروادي رئبقا بويلو اولدو.
رئبقانين بطنئندهکي اوشاقلار چارپيشماغا باشلاديلار. او دا "نئيه بو ائش باشيما گلدئ؟" ديئب بو بارهده ربدن سوروشماغا گتدي.
رب اونا جاواب وردی: "سنئن بطنئنده ائکي مئلّت وار، سنئن قارنيندان ائکي خالق چيخاجاق. بئر خالق او بئري خالقدان گوجلو اولاجاق، بؤيوکو کئچئيئنه قوللوق ادهجک."
رئبقانين دوغما واختي چاتاندا اونون بطنئنده اِکئز اوغوللار وار ائدي.
ائلک دوغولان اوشاغين بوتون دَرئسي قيرميزي و توکلو جوبّه کئمي ائدي. اوندا اونون آديني عئسو قويدولار.
اوندان سونرا قارداشي دوغولدو. او، اَلي ائله عئسونون توپوغوندان توتموشدو. بونا گؤره ده اونون آدي يعقوب چاغيريلدي. رئبقانين اونلاري دوغدوغو واخت، ائسحاق آلتميش ياشيندا ائدي.
اوشاقلار بؤيودولر. عئسو ماهئر شئکارچي و چؤل آدامي اولدو. حالبوکي يعقوب چاديرلاردا ياشايان مولايئم بئر آدام اولدو.
ائسحاق عئسويو سِوئردي، چونکي اونون شئکار اتدئيي حيوانلارين مزه‌سي آغزينا خوش ائدي. لاکئن رئبقا يعقوبو سِوئردي.
بئر گون يعقوب شوربا پئشئرئردي. عئسو چؤلدن آج گلدي.
عئسو يعقوبا ددي: "بو قيرميزي شوربادان بئر آز ور، ييئم، چونکي آجميشام." بونا گؤره ده عئسويا اِدوم آدي ورئلدي.
يعقوب ددي: "اوّلجه ائلک اوغوللوق حاقّيني منه سات."
عئسو ددي: "باخ، من اؤلوم حاليندايام، ائلک اوغوللوق حاقّي نَيئمه لازيمدير؟"
يعقوب ددي: "اوّلجه منه آند ائچ." عئسو اونا آند ائچدي و ائلک اوغوللوق حاقّيني يعقوبا ساتدي.
يعقوب عئسويا چؤرک و مرجي شورباسي وردی. عئسو يئب ائچدي و سونرا قالخيب گتدي. بلجه عئسو ائلک اوغوللوق حاقّينا حقارت اتدي.
ائبراهئمئن ياشاديغي گونلرده اولان آجليقدان ساوايي، اؤلکهده داها بئر آجليق اولدو. بونا گؤره ائسحاق گِرارا، فئلئسطلی‌لرئن پادشاهي اَبئمِلِکئن يانينا گتدي.
رب اونا گؤرونوب ددي: "مئصئره گتمه؛ سنه دئيه‌جَيئم اؤلکهده ساکئن اول.
بو تورپاقدا قال. من سنئنله اولاجاغام و سنه برکت ورئب بوتون بو اؤلکهلري سنه و سنئن نسلئنه ورهجيم؛ آتان ائبراهئمه ائچدئيئم آندي يرئنه يتئره‌جيم.
نسلئني گؤيدهکي اولدوزلار قدر چوخالداجاغام و بوتون بو اؤلکهلري سنئن نسلئنه ورهجيم. يِر اوزونون بوتون مئلّتلري سنئن نسلئن واسئطهسئله برکت آلاجاقلار.
چونکي ائبراهئم مندن ائطاعت ادئب فرمانلاريما، امرلرئمه، قايدالار و قانونلاريما عمل اتدي."
بلجه ائسحاق گِراردا قالدي.
اورانين ساکئنلري ائسحاقين آروادي بارهده سوروشاندا، ائسحاق ددي: "او منئم باجيمدير." چونکي قورخوردو دسئن: "او منئم آرواديمدير." و دوشونوردو کي، "رئبقادان اؤتري بو يِرئن آداملاري منی اؤلدوررلر، چونکي او گؤزلدئر."
ائسحاق اورادا اوزون مودّت قالدي. بئر گون فئلئسطلی‌لرئن پادشاهي اَبئمِلِک پنجرهدن باخيب گؤردو کي، ائسحاق آروادي رئبقاني عزئزله‌يئر.
اَبئمِلِک ائسحاقي چاغيريب ددي: "باخ، يَقئن او سنئن آرواديندير! بس نئيه ددئن کي، "او منئم باجيمدير؟" ائسحاق اونا ددي: "چونکي دوشوندوم اوندان اؤتري مومکوندور جانيمي اَلدن ورئم."
اَبئمِلِک ددي: "بو نه ائشدئر باشيميزا گتئردئن؟ خالقدان بئري راحاتجا سنئن آروادينلا ياتا بئلردي و بلجه باشيميزي خاطايا سالا بئلردئن."
سونرا اَبئمِلِک بوتون خالقا امر ورئب ددي: "اونا و اونون آروادينا توخونان هر کس موطلق اؤلومه ورئلهجک."
ائسحاق او تورپاقدا توخوم اَکدي و او ائل يوز قات محصول آلدي. بلجه رب اونا برکت وردی.
ائسحاق بؤيوک آدام اولدو. گت-گده واري آرتدي اِله کي، چوخ وارلي بئر آدام اولدو.
اونون چوخلو سورولر، رَمه‌لر و خئدمتچئلري اولدوغونا گؤره، فئلئسطلی‌لر اونا پاخيلّيق ادئردئلر.
فئلئسطلی‌لر آتاسي ائبراهئمئن گونلرئنده آتاسينين قوللارينين قازديغي بوتون قويولاري قاپاييب، تورپاقلا دولدورموشدولار.
اَبئمِلِک ائسحاقا ددي: "يانيميزدان گت، چونکي بئزدن چوخ گوجلو اولوبسان."
ائسحاق اورادان گدئب گِرار دره‌سئنده چادير قوردو و اورادا ساکئن اولدو.
ائسحاق آتاسي ائبراهئمئن گونلرئنده قازيلميش سو قويولاريني گئنه قازدي، چونکي فئلئسطلی‌لر ائبراهئمئن اؤلوموندن سونرا اونلاري قاپاميشديلار. او، آتاسينين قويدوغو همن آدلاري اونلارا وردی.
آمّا او زامان کي، ائسحاقين قوللاري دره‌ده تورپاغي قازاندا بئر ائچمه‌لي سو قويوسو تاپديلار،
گِرار چوبانلاري "سو بئزئمدئر" ديئب، ائسحاقين چوبانلاري ائله موباحئثه اتدئلر. بونا گؤره ده ائسحاق قويونون آديني عِسِق قويدو، چونکي اونون اوستونده موباحئثه اتمئشدئلر.
اونلار آيري بئر قويو قازديلار. اونون اوستونده ده داعوالاشديلار. ائسحاق بو قويونون آديني سئتنا قويدو.
ائسحاق اورادان کؤچوب، آيري بئر قويو قازدي. لاکئن اونون اوستونده موباحئثه اتمه‌دئلر، بونا گؤره ده ائسحاق اونون آديني رِخوبوت قويوب ددي: "نهايت رب بئزه گنئشلئک وردی و بئز بو تورپاقدا ثمرهلي اولاجاغيق."
ائسحاق اورادان بئرشئبايا گتدي.
او گجه رب اونا گؤرونوب ددي: "من آتان ائبراهئمئن تاريسييام. قورخما، چونکي من سنئنله‌يم. قولوم ائبراهئمئن خاطئري اوچون سنه برکت ورهجيم و نسلئني چوخالداجاغام."
ائسحاق اورادا بئر قوربانگاه دوزلتدي و ربّه سئتايئش اتدي. او اورادا چادير قوردو. ائسحاقين قوللاري اورادا بئر قويو قازديلار.
بو آرادا اَبئمِلِک مصلحتچئسي اَخوزّات و قوشون باشچيسي فئکوللا بئرلئکده گِراردان ائسحاقين يانينا گلدي.
ائسحاق اونلارا ددي: "نه اوچون يانيما گلئبسئنئز؟ سئزئن کي مندن آجيغينيز گلئر و منی يانينيزدان قوووبسونوز."
اونلار ددئلر: "بئز آيدينجا گؤروروک کي، رب، سنئنله اولوب. اونون اوچون ده ددئک کي، قوي ائندي آراميزدا، بلي، سنئنله بئزئم آراميزدا بئر آند اولسون و قوي سنئنله بئر عهد باغلاياق
کي، سن بئزه هچ پئسلئک اتمَيه‌سن، نجه کي، بئز سنه توخونماديق و ياخشيليقدان ساوايي هچ بئر شي سنه اتمهدئک و سني صاغ‌سالامات يولا سالديق. ائندي سن ربّئن برکت وردئيي آدامسان."
ائسحاق اونلارا ضئيافت وردی و اونلار يِيئب ائچدئلر.
سحر تزدن قالخيب، بئربئرلرئنه آند ائچدئلر. ائسحاق اونلاري يولا سالدي و اونلار صاغ-سالامات اونون يانيندان گتدئلر.
او گون ائسحاقين قوللاري گلدئلر و قازديقلاري قويو بارهده اونا خبر ورئب ددئلر: "سو تاپديق."
ائسحاق بو قويونون آديني شئبا قويدو، بونا گؤره ده شهرئن آدي بو گونه قدر بئرشئبادير.
عئسو قيرخ ياشيندا اولاندا خئتلي بئعئرئنئن قيزي يودئتي و خئتلي اِلونون قيزي باسمَتي آرواد آلدي.
اونلار ائسحاق و رئبقايا اورک آجيسي گتئردئلر.
ائسحاق قوجالميشدي و گؤزلري او قدر ضعئف ائدي کي، آرتيق گؤره بئلمئردي. بؤيوک اوغلو عئسويو يانينا چاغيريب ددي: "اوغلوم." عئسو اونا ددي: "بويورون."
ائسحاق ددي: "باخ، من آرتيق قوجالميشام، نه زامان اؤله‌جَيئمي بئلمئرم.
ائندي سئلاحيني، يعني اوخدانيني و کامانيني گؤتور، چؤله گت و منئم اوچون حيوان شئکار ات.
سونرا دا منه خوشلانديغيم لذّتلي يمه‌يئني حاضيرلا و منه گتئر کي، ييئم و اؤلمه‌مئشدن قاباق سنه برکت ورئم."
ائسحاق اوغلو عئسو ائله دانيشارکن رئبقا اشئدئردي. عئسو چؤله گتدي کي، حيوان شئکار ادئب اِوه گتئرسئن.
رئبقا اوغلو يعقوبا بله ددي: "باخ، من اشئتدئم کي، آتان قارداشين عئسويا بو سؤزلري ددي:
منئم اوچون شئکار اَتي گتئر، منه لذّتلي يمک حاضيرلا کي، يِيئم و اؤلومومدن قاباق ربّئن حوضوروندا سنه برکت ورئم.
اوغلوم، ائندي سنه امر اده‌جَيئم سؤزلره قولاق آس:
بو ساعات سورويه گدئب، اورادان منه ائکي ياخشي کِچي بالاسي گتئر. اونلاردان آتانين خوشلاديغي کئمي لذّتلي يمک حاضيرلاياجاغام.
سن ده اونو آتانا گتئرَرسن کي، يِسئن و اؤلوموندن قاباق سنه برکت ورسئن."
يعقوب آناسي رئبقايا ددي: "باخ، قارداشيم عئسو توکلو بئر آدامدير، لاکئن من توکسوزم.
بئردن آتام منه اَلئني سورتر و او زامان اونون گؤزونده آلداتان اونلارام. اوندا اوستومه برکت يوخ، لعنت گتئره‌رم."
آناسي اونا ددي: "سنه اولوناجاق لعنت منه گلسئن، اوغلوم. آنجاق سؤزومه قولاق آس: گت، اونلاري منه گتئر."
يعقوب گدئب کِچي بالالاريني گؤتوردو و آناسينا گتئردي، آناسي دا اونون آتاسينين خوشلاديغي کئمي لذّتلي يمک حاضيرلادي.
رئبقا بؤيوک اوغلو عئسونون اِوده ساخلاديغي لاپ گؤزل پالتاريني گؤتوروب، کئچئک اوغلو يعقوبا گيئندئردي.
اونون اَللرئنه و بوينونون توکسوز يرئنه کِچي بالالارينين دَرئسئني باغلادي.
سونرا حاضيرلاديغي لذّتلي يمک و چؤرَيي اوغلو يعقوبون اَلئنه وردی.
يعقوب آتاسينين يانينا گلئب ددي: "آتام." آتاسي ددي: "بورادايام. سن کئمسن، اوغلوم؟"
يعقوب آتاسينا ددي: "سنئن ائلک اوغلون عئسويام. ددئيئن کئمي اتدئم. قالخ اوتور و گتئردئيئم شئکار اَتئندن يِه کي، منه برکت ورهسن."
ائسحاق اوغلونا ددي: "نجه اولدو کي، بله تز شئکار تاپدين، اوغلوم؟" او ددي: "سنئن تارين رب منه اوغور وردی."
ائسحاق يعقوبا ددي: "ياخين گل کي، سنه اَل سورتوم، اوغلوم. بئلئم کي، آيا دوغرودان اوغلوم عئسوسان يا يوخ؟"
يعقوب آتاسي ائسحاقا ياخينلاشدي. ائسحاق اَلئني اونا سورتوب ددي: "سَس يعقوبون سَسئدئر، لاکئن اَللر عئسونون اَللرئدئر."
ائسحاق اونو تانيمادي، چونکي اونون اَللري قارداشي عئسونون اَللري کئمي توکلو ائدي. ائسحاق يعقوبا برکت وردی.
او سوروشدو: "آيا دوغرودان سن اوغلوم عئسوسان؟" يعقوب ددي: "بلي."
ائسحاق ددي: "اوغلوم، گتئردئيئن شئکار اَتئني قاباغيما قوي، ييئم، سونرا دا سنه برکت ورهرم." يعقوب يمه‌يئني اونون قاباغينا قويدو و او يدي، يعقوب اونا شراب گتئردي و او ائچدي.
آتاسي ائسحاق يعقوبا ددي: "ائندي ياخينلاش و منی اؤپ، اوغلوم."
او ياخينلاشيب آتاسيني اؤپدو. ائسحاق اونون پالتارينين ائيسئني حئسّ اتدي و اونا برکت ورئب ددي: "باخ اوغلومون ائيسي، ربّئن برکت وردئيي چؤلون ائيسي کئمئدئر.
تاري سنه گؤيلرئن شِحئني، تورپاغين شئره‌سئني، بول بوغدا و چوخلو تزه شراب ورسئن.
خالقلار سنه قوللوق اتسئنلر، مئلّتلر سنه باش اَيسئنلر. اؤز قارداشلارينا آغا اولاسان، آنانين اوغوللاري سنه باش اَيسئنلر. سنه لعنت ادنلره لعنت گلسئن، سنه برکت ورنلر برکت آلسينلار."
ائسحاق يعقوبا برکت ورئب قورتاراندان سونرا، يعقوب آتاسي ائسحاقين يانيندان چيخار-چيخماز قارداشي عئسو شئکاردان قاييتدي.
عئسو دا لذّتلي يمک حاضيرلاييب آتاسينا گتئردي و اونا ددي: "آتام قالخيب، اوغلونون گتئردئيي شئکار اَتئندن يسئن و منه برکت ورسئن."
آتاسي ائسحاق اوندان سوروشدو: "سن کئمسن؟" او جاواب وردی: "من ائلک اوغلون عئسويام."
ائسحاقين جانينا چوخ تئتره‌مه دوشدو و ددي: "بس اوندا حيوان شئکار ادئب منه گتئرن کئم ائدي کي، سن گلمهمئشدن قاباق هر شيدن يدئم و اونا برکت وردئم؟ آرتيق برکت اونونکو اولاجاق."
عئسو آتاسينين سؤزلرئني اشئدنده اوجادان و آجي سَسله فرياد ادئب ددي: "آي آتا، منه ده برکت ور."
ائسحاق ددي: "قارداشين حئيله ائله گلئب سنئن برکتئني آلدي."
عئسو ددي: "اونو ناحاق يِره يعقوب چاغيرميرلار کی؟ بونونلا ائکي دفهدئر کي، منی آلدادير: قاباق ائلک اوغوللوق حاقّيمي آلدي، باخ، ائندي ده برکتئمي آليب." سونرا سوروشدو: "بس منه برکت ساخلاماييبسان؟"
ائسحاق عئسويا جاواب وردی: "اونو سنه آغا اتدئم، بوتون قارداشلاريني اونا قول اولاراق وردئم، بوغدا و تزه شرابلا اونو تأمئن اتدئم. بس سنه نه ادئم، اوغلوم؟"
عئسو آتاسينا ددي: "مگر سنده آنجاق بئر برکت وار، آتا؟ منه ده برکت ور، آتا، منه ده." عئسو هؤنکوروب آغلادي.
آتاسي ائسحاق اونا بله جاواب وردی: "ياشاديغين يِر، تورپاغين شئره‌سئندن، يوخاريدا گؤيلرئن شِحئندن اوزاق اولاجاق.
قيلينجينلا ياشاييب، قارداشينا قوللوق ادهجکسن. آمّا آزاد اولماق ائسته‌ينده اونون يوغونو بوينوندان قيريب آتاجاقسان."
آتاسي يعقوبا برکت وردئيئنه گؤره، عئسو قارداشينا کئن باغلادي. او اؤز-اؤزونه ددي: "آتامين ماتم گونلري ياخينلاشير. او زامان قارداشيم يعقوبو اؤلدوره‌رم."
بؤيوک اوغلو عئسونون ددئيي سؤزلر رئبقانين قولاغينا چاتدي. بونا گؤره ده خبر گؤندرئب کئچئک اوغلو يعقوبو چاغيردي و اونا ددي: "باخ قارداشين عئسو سني اؤلدورمک قصدئله اؤزونه تسلّی ورئر.
اوغلوم، ائندي سؤزومه قولاق آس: قالخيب خارانا، قارداشيم لابانين يانينا قاچ.
قارداشينين حئرصي سويويانا قدر، بئر مودّت لابانين يانيندا قال،
او زاماناجاق کي، قارداشينين سنه اولان قضبي سؤنسون و اونا اتدئيئني ياديندان چيخارتسين. اوندا من خبر گؤنده‌رئب سني اورادان چاغيرارام. نه اوچون بئر گونده ائکئنئزدن ده محروم اولوم؟"
سونرا رئبقا ائسحاقا ددي: "خئتلي قيزلارين اَلئندن حياتيمدان بزدئم. اگر يعقوب دا بلجه بو اؤلکهنئن قيزلاريندان، اؤزونه خئتلي آرواد آلسا، حياتيم داها نَيه ياراياجاق؟"
ائسحاق يعقوبو چاغيريب اونا برکت وردی و اونا امر اتدي: "کَنَعان قيزلاريندان آرواد آلما.
قالخيب پَدّان‌اَراما، بؤيوک آتان بِتوعِلئن اِوئنه گت. اورادان دايين لابانين قيزلاريندان اؤزونه آرواد آل.
قادئری‌موطلق تاري سنه برکت ورسئن، سني ثمرهلي ادئب نسلئني چوخالتسين، اِله کي، سندن چوخلو خالقلار تؤره‌سئن؛
ائبراهئمئن برکتئني سنه و سنئنله بئرلئکده نسلئنه ورسئن کي، تارينين ائبراهئمه وردئيي تورپاغي، قرئب کئمي ياشاديغين تورپاغي، مئراث اولاراق آلاسان."
ائسحاق يعقوبو يولا سالدي. او، پَدّان‌اَراما، يعقوبلا عئسونون آناسي رئبقانين قارداشي اَراملي بِتوعِل اوغلو لابانين يانينا گتدي.
عئسو گؤردو کي، ائسحاق يعقوبا برکت وردی و اؤزونه آرواد آلماق اوچون اونو پَدّان‌اَراما گؤندردي؛ هم ده اونا برکت ورن زامان "کَنَعان قيزلاريندان آرواد آلما" ديئب امر اتدي،
يعقوب دا آتا-آناسينا قولاق آسيب پَدّان‌اَراما گتدي.
عئسو گؤردو کي، کَنَعان قيزلاري آتاسي ائسحاقين خوشونا گلمئر.
عئسو ائسماعئلئن يانينا گتدي. او، ائبراهئم اوغلو ائسماعئلئن قيزي ماخَلَتي آروادلارينين اوستونه آرواد آلدي. ماخَلَت نِبايوتون باجيسي ائدي.
يعقوب بئر شئبادان چيخيب، خارانا طرف گتدي.
بئر يِره چاتيب، اورادا گجهني قالدي، چونکي گونش باتميشدي. او يردن بئر داش گؤتوروب، باشينين آلتينا قويدو و اورادا ياتدي.
او، يوخودا گؤردو کي، يِرئن اوستونده بئر نَردئوان دورموش و اونون باشي گؤيلره چاتيب. تارينين مَلَکلري اوندان چيخيب-اِنئردئلر.
رب نَردئوانين اوستونده دوروب ددي: "من آتان ائبراهئم و ائسحاقين تاريسي ربّم. اوستونده ياتديغين تورپاغي سنه و سنئن نسلئنه ورهجيم.
سنئن نسلئن يِرئن توزو کئمي چوخ اولاجاق و سن قربه، شرقه، شئمالا و جنوبا ياييلاجاقسان. يِر اوزونون بوتون طايفالاري سنئن و نسلئنئن واسئطهسئله برکت آلاجاق.
باخ، من سنئنله‌يم، گده‌جَيئن هر يرده سني قوروياجاغام و بو تورپاغا قايتاراجاغام. ددئيئمي ادنه قدر سني ترک اتميه‌جيم."
يعقوب يوخوسوندان اويانيب ددي: "دوغرودان دا، رب بورادادير. آمّا من ده بونو بئلمئردئم."
سونرا قورخوب ددي: "بو يِر نجه ده قورخولودور. بو، تارينين اِوئندن باشقا بئر يِر اولا بئلمز، بورا گؤيلرئن قاپيسيدير."
يعقوب سحر تزدن قالخدي. او، باشينين آلتينا قويدوغو داشي گؤتوروب سوتون اولاراق قويدو و اوستونه زيتون ياغي تؤکدو.
او يِرئن آديني بِيت‌ائل قويدو، آمّا اوّلجه شهرئن آدي لوز ائدي.
يعقوب نذئر ادئب ددي: "اگر تاري منئمله اولسا، گتدئيئم بو يولدا منی قوروسا، منه يمک اوچون چؤرک و گِيمک اوچون پالتار ورسه،
صاغ-سالامات آتامين اِوئنه دؤنسم، او زامان رب منه تاري اولاجاق.
سوتون کئمي قويدوغوم بو داش دا تارينين اِوي اولاجاق و منه وره‌جيئن هر شيئن اوندا بئرئني آرخايين سنه ورهجيم."
يعقوب يولونا داوام ورئب شرق خالقلارينين تورپاغينا گتدي.
باخيب گؤردو کي، چؤللوکده بئر قويو وار و اونون يانيندا اوچ قويون سوروسو ياتيب، چونکي او قويودان سورولره سو ورئردئلر. قويونون آغزيندا بؤيوک بئر داش وار ائدي.
بوتون سورولر اورايا ييغيليردي. آداملار داشي قويونون آغزيندان يووارلاييرديلار، قويونلارا سو ورئب و گئنه داشي يرئنه، قويونون آغزينا قويوردولار.
يعقوب اونلاردان سوروشدو: "قارداشلاريم، هارادانسينيز؟" اونلار ددئلر: "بئز خاراندانيق."
يعقوب اونلارا ددي: "آيا ناخورون نوه‌سي لاباني تاني‌ييرسينيز؟" اونلار ددئلر: "بلی، تاني‌ييريق."
يعقوب اونلاردان سوروشدو: "او، صاغ-سالاماتدير؟" اونلار ددئلر: "بلی، صاغ-سالاماتدير. باخ، قيزي راحئل ده قويونلارلا گلئر."
يعقوب ددي: "حله آخشاما چوخ واخت وار، سورولرئن ييغيلما واختي ديئل. قويونلارا سو ورئن، سونرا آپاريب اوتارين."
اونلار ددئلر: "بوتون سورولر ييغيلمايينجا و داش قويونون آغزيندان يووارلانمايينجا بونو اده بئلمه‌رئک، آنجاق اوندا قويونلارا سو وره بئله‌رئک."
يعقوب اونلارلا دانيشارکن راحئل آتاسينين قويونلاري ائله گلدي، چونکي او، چوبان ائدي.
يعقوب داييسي لابانين قيزي راحئلي و داييسي لابانين قويونلاريني گؤرنده ياخينلاشيب، داشي قويونون آغزيندان يووارلادي و داييسي لابانين قويونلارينا سو وردی.
يعقوب راحئلي اؤپدو و هؤنکور-هؤنکور آغلادي.
يعقوب آتاسينين قوحوملاريندان و رئبقانين اوغلو اولدوغونو راحئله بئلدئردي. راحئل ده قاچيب آتاسينا خبر وردي.
لابان باجيسي اوغلو يعقوبون گلدئيئني اشئدنده اونون پئشوازينا قاچدي. اونو قوجاقلاييب اؤپدو و اِوئنه گتئردي. يعقوب هر شيي لابانا دانيشدي.
لابان اونا ددي: "سن، دوغرودان دا، منئم سومويومدن، منئم اَتئمدنسن." يعقوب اونون يانيندا بئر آي قالدي.
لابان يعقوبا ددي: "مگر قوحوم اولدوغون اوچون منه موفته خئدمت ادهجکسن؟ منه دِه، حاقّين نه اولسون؟"
لابانين ائکي قيزي وار ائدي: بؤيوکون آدي لئيه، کئچئيئن آدي راحئل ائدي.
لئيه‌نئن گؤزلري ضعئف گؤروردو، لاکئن راحئل چوخ گؤزل و قامتلي ائدي.
يعقوب راحئله وورولدو و ددي: "کئچئک قيزين راحئل اوچون سنه يدّي ائل خئدمت اده‌رم."
لابان ددي: "اونو سنه ورمک آيري آداما ورمکدن داها ياخشيدير. يانيمدا قال."
يعقوب راحئله گؤره يدّي ائل خئدمت اتدي. اونو سِودئيي اوچون بو مودّت گؤزونه بئر نچه گون کئمي گؤروندو.
يعقوب لابانا ددي: "واختيم چاتدي؛ ائندي آرواديمي منه ور کي، اونون يانينا گدئم."
لابان او تورپاغين بوتون آداملاريني بئر يره ييغدي و بئر ضئيافت وردی.
گجه قيزي لئيه‌ني گؤتوروب يعقوبون يانينا آپاردي. يعقوب اونون يانينا گتدي.
لابان اؤز کنئزي زئلپاني قيزي لئيه‌يه وردی کي، اونا کنئز اولسون.
سحر معلوم اولدو کي، بو، لئيه‌دئر. يعقوب لابانا ددي: "نه اوچون منئمله بله رفتار اتدئن؟ مگر سنئن يانيندا راحئل اوچون خئدمت اتمه‌دئم؟ بس منی نئيه آلداتدين؟"
لابان ددي: "بئزئم يرده کئچئک قيزي بؤيوکوندن قاباق اَره ورمک اولماز.
بو هفته‌ني بئتئر، اونو دا سنه وره‌رئک. اونون اوچون ده يانيمدا داها يدّي ائل خئدمت اتمه‌لئسن."
يعقوب بله ده اتدي: او هفته‌ني بئتئردي. لابان دا قيزي راحئلي اونا آرواد اولماق اوچون وردی.
اؤز کنئزي بئلحاني دا وردی کي، قيزي راحئله کنئز اولسون.
يعقوب راحئلئن ده يانينا گئردي. راحئلي لئيه‌دن چوخ سِودي. او، لابانين يانيندا داها يدّي ائل خئدمت اتدي.
رب لئيه‌نئن سِوئلمه‌دئيئني گؤروب، اونون بطنئني آچدي. لاکئن راحئل سونسوز ائدي.
لئيه بويلو اولوب بئر اوغول دوغدو و اونون آديني رِعوبئن قويوب ددي: "يَقئن رب منئم ذلئللئيئمي گؤردو. ائندي اَرئم منی سِوه‌جک".
او گئنه بويلو اولوب بئر اوغول دوغدو و ددي: "رب سِوئلمه‌دئيئمي اشئدئب، منه بونو دا وردی". اونون دا آديني شَمعون قويدو.
لئيه گئنه بويلو اولوب بئر اوغول دوغدو و ددي: "ائندي بو دفه اَرئم منه باغلاناجاق، چونکي اونا اوچ اوغول دوغدوم". بونا گؤره ده آدي لاوی قويولدو.
او گئنه بويلو اولوب بئر اوغول دوغدو و ددي: "بو دفه ربّي مدح ادهجيم." بونا گؤره ده اونون آديني يهودا قويدو. سونرا او، بئر مودّت دوغمادي.
راحئل يعقوبا اوشاق دوغماديغيني گؤرنده باجيسينا پاخيلّيق اتدي و يعقوبا ددي: "منه اوشاق ور، يوخسا اؤله‌رم."
يعقوبون راحئله قضبي آلوولاندي و ددي: "مگر من سنئن بطنئنه ثمره ورمه‌ين تارييام؟"
راحئل ددي: "باخ، بو کنئزئم بئلحا، اونونلا ياخينليق ات کي، دئزلرئمئن اوستونه بئر اوشاق دوغسون و اوندان بئر عايئلَم اولسون."
راحئل کنئزي بئلحاني اونا آرواد اولماق اوچون وردی و يعقوب اونون يانينا گئردي.
بئلحا بويلو اولوب يعقوبا بئر اوغول دوغدو.
راحئل ددي: "تاري منی حاقلي چيخارتدي و سسئمي اشئدئب منه بئر اوغول وردی." بونا گؤره ده اونون آديني دان قويدو.
راحئلئن کنئزي بئلحا گئنه بويلو اولوب يعقوبا ائکئنجي اوغول دوغدو.
راحئل ددي: "باجيملا گوجلو موبارئزهيه گئرئشئب اونا قالئب گلدئم." او، اوشاغين آديني نَفتالئ قويدو.
لئيه داها دوغماديغيني گؤرنده کنئزي زئلپاني گؤتوروب يعقوبا آرواد اولماق اوچون وردی.
لئيه‌نئن کنئزي زئلپا يعقوبا بئر اوغول دوغدو.
لئيه "اوغور قازانديم" ديئب اونون آديني جاد قويدو.
لئيه‌نئن کنئزي زئلپا يعقوبا ائکئنجي اوغول دوغدو.
لئيه ددي: "خوشبختم، چونکي آروادلار منی بختور ساياجاقلار." او، اوشاغين آديني آشِر قويدو.
رِعوبئن بوغدا بئچئني واختي گدئب زمئده محبّت اوتلاري تاپدي و اونلاري آناسي لئيه‌يه گتئردي. راحئل لئيه‌يه ددي: "خاهئش ادئرم، اوغلونون محبّت اوتلاريندان منه ده ور."
لئيه اونا ددي: "اَرئمي الئمدن آلديغين بس ديئل؟ ائندي ده ائستهيئرسن کی، اوغلومون محبّت اوتلاريني آلاسان؟" راحئل ددي: "اگر اِلهدئر، قوي اَرئم اوغلونون محبّت اوتلارينين عوضئنده بو گجه سنئنله ياتسين."
يعقوب آخشام چؤلدن گلنده، لئيه اونون پئشوازينا چيخيب ددي: "منئم يانيما گئر، چونکي سني اوغلومون محبّت اوتلاري ائله ساتين آلميشام." يعقوب او گجه اونونلا ياتدي.
تاري لئيه‌ني اشئتدي و او بويلو اولوب يعقوبا بشئنجي اوغلونو دوغدو.
لئيه ددي: "تاري حاقّيمي وردی، چونکي کنئزئمي اَرئمه وردئم." او، اوشاغين آديني يئسّاکار قويدو.
لئيه گئنه بويلو اولوب يعقوبا آلتينجي اوغلونو دوغدو.
او ددي: "تاري منه ياخشي بئر هدئيّه وردی، بو دفه اَرئم منه دَيَر ورَر، چونکي اونا آلتي اوغول دوغدوم." او، اوشاغين آديني زِبولون قويدو.
سونرا بئر قيز دوغوب، آديني دئنا قويدو.
تاري راحئلي يادا ساليب اونو دا اشئتدي و بطنئني آچدي.
او بويلو اولوب بئر اوغول دوغدو و ددي: "تاري خجالتئمي گؤتوردو."
او "رب منه بئر اوغول دا آرتيرسين" ديئب، اوشاغين آديني يوسئف قويدو.
راحئل يوسئفي دوغاندان سونرا، يعقوب لابانا ددي: "منی گؤندر، اؤز اِوئمه و اؤلکه‌مه گدئم.
عوضئنده سنه خئدمت اتدئيئم آروادلاريمي و اوشاقلاريمي دا ور، گِدئم، چونکي سنه نجه خئدمت اتدئيئمي بئلئرسن."
لابان اونا ددي: "اگر ائندي سنئن گؤزونده لوطف تاپميشام، يانيمدا قال، چونکي فالدان آنلاديم کي، سنه گؤره رب منه برکت ورئب."
سونرا ددي: "حاقّيني منه تعيئن ات، ورئم."
يعقوب اونا ددي: "سنه نجه خئدمت اتدئيئمي و منئمله اولان سورولرئني نجه ساخلاديغيمي بئلئرسن.
چونکي من گلمهمئشدن قاباق سنئن مالين آز ائدي، آمّا سونرا چوخ چوخالدي؛ رب منئم گلئشئمله سنه برکت وردی. بس من اؤز عايئلَم اوچون نه واخت چاليشاجاغام؟"
لابان ددي: "سنه نه ورئم؟" يعقوب ددي: "منه هچ نه ورمه. اگر آنجاق بو بئر شيي منه ادهسن، گئنه سنئن سورونو قورويوب اونا باخارام:
قوي بو گون سنئن بوتون سورولرئنئن ائچئندن کچئب، قويونلار آراسيندان هر خاللي، زولاقلي قويونو و قارا قوزونو، کِچئلر آراسيندان هر زولاقلي و خاللي کِچئني آييريم؛ حاقّيم دا بو اولسون.
بوندان سونرا قاباغيندا اولان حاقّيم اوچون گلدئکده دوزلويوم منئم بارمده شهادت ورهجک. قوي کِچئلردن خاللي و زولاقلي اولماياني، قوزولاردان دا قارا اولماياني اوغورلانميش ساييلسين."
لابان ددي: "ياخشي، قوي ددئيئن کئمي اولسون."
آمّا او بو گون آلابَزَک و زولاقلي اِرکَک کِچئلري، بوتون خاللي و زولاقلي دئشي کِچئلري، آغ کِچئلري و بوتون قارا قوزولاري آييريب اوغوللارينين ائختئيارينا وردی.
سونرا اؤزو يعقوبدان اوچ گونلوک يول قدر اوزاقلاشدي. آمّا يعقوب لابانين قالان سوروسونو اوتاريردي.
يعقوب سپئدار، بادام و چئنار آغاجيندان تزه چوبوقلار گؤتوردو و چوبوقلارين قابيغيني سويوب آغ رَنگلي ائچي اوزه چيخانا قدر زولاقلار آچدي.
سونرا قابيغيني سويدوغو چوبوقلاري سورولرئن سو ائچمَک اوچون گلدئکلري تَکنه‌لره، حيوانلارين قاباغينا قويدو. اونلار گلئب سو ائچَنده جوفتلَشئردئلر.
بلجه حيوانلار چوبوقلارين قاباغيندا جوفتله‌شئردئلر و سورولرده آلابَزَک، خاللي و زولاقلي حيوانلار دوغولوردو.
يعقوب قوزولاري آييردي و سورونون اوزونو لابانين سوروسونده اولان بوتون آلابَزَک و قارا حيوانلارا طرف توتوردو. او اؤز سوروسونو آيريجا قويدو و اونلاري لابانين سوروسونه قاتمادي.
هر دفه سورونون قووّتلي حيوانلاري جوفتلَشَنده يعقوب تَکنه‌لره، سورونون گؤزلري قاباغينا چوبوقلار قويوردو کي، چوبوقلار آراسيندا جوفتلَنسئنلر.
لاکئن حيوانلار ضعئف اولاندا اونلاري قويمازدي. بلجه ضعئف حيوانلار لابانين، قووّتلي حيوانلار دا يعقوبون اولدو.
يعقوب چوخ وارلاندي: اونون چوخلو سوروسو، کنئزي، قولو، دوه‌سي و اِششه‌يي اولدو.
يعقوب لابانين اوغوللارينين بو سؤزلري ددئکلرئني اشئتدي: "يعقوب آتاميزا مخصوص اولان هر شيه صاحئب اولدو، بوتون بو وار-دؤولتي آتاميزين واريندان اَله گتئردي."
يعقوب لابانين اونا اولان رفتاريني گؤردو، باخ، او دا يعقوبلا اَوّلکي کئمي رفتار اتمئردي.
رب يعقوبا ددي: "آتالارينين اؤلکهسئنه، اؤز قوحوملارينين يانينا قاييت. من سنئنله اولاجاغام."
يعقوب خبر گؤندرئب راحئلي و لئيه‌ني چؤله، سوروسونو اوتارديغي يره چاغيردي.
يعقوب اونلارا ددي: "من آتانيزين رفتاريني گؤرورَم کي، منئمله اَوّلکي کئمي رفتار اتمئر. لاکئن آتامين تاريسي منئملهدئر.
سئز بئلئرسئنئز کي، بوتون وار گوجومله آتانيزا خئدمت اتمئشم.
آتانيز منی آلداتدي و حاقّيمي اون دفه ديئشدئردي، آمّا تاري اونو قويمادي کي، منه پئسلئک اتسئن.
او، «خاللي حيوانلار سنئن حاقّين اولاجاق» دئيَنده، بوتون سوروده خاللي حيوانلار دوغولدو. «آلابَزَک حيوانلار سنئن حاقّين اولاجاق» دئيَنده ده، بوتون سوروده آلابَزَک حيوانلار دوغولدو.
بلجه تاري آتانيزين سوروسونو آليب منه وردی.
سورونون جوتلَشدئيي واخت، يوخودا گؤزلرئمي آچيب گؤردوم کي، جوتلَشَن اِرکَک کِچئلر آلابَزَک، خاللي و لکه‌لی‌دئر.
يوخودا تارينين مله‌يي منه ددي: "يعقوب!" جاواب وردئم: "من بورادايام!"
او ددي: "ائندي باخ! گؤزلرئني قالديريب گؤر کي، جوتلَشَن بوتون اِرکَک کِچئلر آلابَزَک، خاللي و لَکه‌لي‌دئر، چونکي لابانين سنه اتدئيي هر شيي گؤردوم.
من بِيت‌ائلئن تاريسييام؛ اورادا کي بئر سوتون مسح اتدئن و منه نذئر اتدئن. ائندي قالخ و بو تورپاقدان گت و دوغولدوغون اؤلکهيه قاييت."
راحئل و لئيه اونا جاواب وردئلر: "مگر آتاميزين مولکونده بئر پاييميز يا مئراثيميز وار؟
مگر او بئزي اؤزگه حساب اتمئر؟ آخي او بئزي ساتيب، بئزئم اوچون ورئلمئش پولو دا خَرجلَدي.
بونا گؤره ده تارينين آتاميزدان آلديغي بوتون او وار-دؤولت، بئزئم و اوشاقلاريميزيندير. ائندي سن ده تارينين ددئيي شيلرئن هاميسينا عمل ات."
اوندا يعقوب قالخيب اوشاقلار و آروادلاريني دوه‌لره مئندئردي.
بوتون سوروسونو، قازانديغي بوتون وار-دؤولتئني، پَدّان‌اَرامدا اَله گتئردئيي اؤز سوروسونو سوردو کي، کَنَعان تورپاغينا، آتاسي ائسحاقين يانينا گتسئن.
لابان قويونلاريني قيرخماغا گدنده، راحئل آتاسينين اِو بوتلرئني اوغورلادي.
يعقوب قاچديغيني بئلدئرمه‌مکله اَراملي لاباني آلداتدي.
بلجه اؤزونه مخصوص اولان هر شيي گؤتوروب قاچدي. او، فرات چاييني کچئب، گئلعادين داغليق بؤلگهسئنه طرف گتدي.
يعقوبون قاچديغي لابانا اوچونجو گون بئلدئرئلدي.
او، قوحوملاريني اؤزو ائله گؤتوروب، يدّي گون اونو تعقئب اتدي و گئلعادين داغليق بؤلگهسئنده يعقوبا چاتدي.
تاري گجه يوخوسوندا اَراملي لابانا گؤرونوب ددي: "اؤزونو گؤزله، يعقوبا نه ياخشي، نه ده پئس سؤز دِه."
لابان يعقوبا چاتدي. يعقوب داغليق بؤلگهسئنده چادير قورموشدو. لابان قوحوملاري ائله بئرلئکده گئلعاد داغيندا چادير قوردو.
لابان يعقوبا ددي: "نئيه بله اتدئن؟ نئيه منی آلداتدين و قيزلاريمي موحارئبه اسئرلري کئمي آپاردين؟
نه اوچون گئزلئجه قاچيب منی آلداتدين؟ منه بونو بئلدئرمه‌دئن کي، سني سِوئنجله، ماهني اوخوماقلا، دف و طنبور چالماقلا يولا ساليم.
قويمادين کی، نوه‌لرئمله قيزلاريمي اؤپوم؛ آغيلسيزجاسينا رفتار ادئبسن.
سئزه پئسلئک اده بئلَردئم، لاکئن آتانيزين تاريسي دونَن گجه منه بله ددي: "اؤزونو گؤزله، يعقوبا نه ياخشي، نه ده پئس سؤز دِه."
ائندي آتانين اِوي اوچون چوخ داريخديغينا گؤره چيخيب گدئرسن. بس بوت آللاهلاريمي نئيه اوغورلاييب آپاريرسان؟"
يعقوب لابانا جاواب وردی: "قورخوب دوشوندوم کي، قيزلاريني زورلا مندن آلارسان.
آمّا بوت آللاهلاريني کئمئن يانيندا تاپاسان، او، صاغ قالماياجاق. قوحوملاريميزين قاباغيندا منئم اولان شيلرئن آراسيندا هانسي سنئندئر، گؤرسد و اؤزونه گؤتور." آنجاق يعقوب راحئلئن اونلاري اوغورلاديغيني بئلمئردي.
لابان يعقوبون، لئيه‌نئن و ائکي کنئزئن چاديرينا گئردي، آمّا بوت آللاهلاري تاپمادي. او، لئيه‌نئن چاديريندان چيخيب، راحئلئن چاديرينا گئردي.
راحئل اِو بوتلرئني گؤتورموشدو و دوهنئن يَهَرئنه قويوب اونلارين اوستونده اوتورموشدو. لابان بوتون چاديري گَزدي، آمّا اونلاري تاپمادي.
راحئل آتاسينا ددي: "حوضوروندا قالخا بئلمه‌دئيئم اوچون قوي آغام قضبلنمه‌سئن، چونکي آيباشي عادتئنده‌يم." لابان آختاردي، آمّا اِو بوتلرئني تاپمادي.
يعقوب قضبله‌نئب لابانلا موباحئثه اتدي. او، لابانا ددي: "گوناهيم و تقصئرئم ندئر کي، منی بله تعقئب ادئرسن؟
بوتون شيلرئمي گزدئن، بوتون اِو شيلرئندن نه تاپدين؟ تاپديغين شيي منئم قوحوملاريمين و اؤز قوحوملارينين قاباغينا قوي کي، ائکئمئزئن آراسيندا حؤکم اتسئنلر.
کچن ائيئرمي ائل سنئن يانيندا ائشله‌دئم، قويونلارين و کِچئلرئن هچ بالاسي دوشمه‌دي، سورولرئنده‌کي قوچلاريني يمه‌دئم.
وحشي حيوانلارين پارچالاديغي حيواني سنئن يانينا گتئرمزدئم، ضررئني اؤزوم چکَردئم. ائستر گوندوز، ائستر گجه اوغورلانان هر حيواني مندن طلب ادردئن.
گوندوزون ائستئسي، گجهنئن سويوغو منی اَلدن سالاردي، يوخوم گؤزومدن تؤکولردي.
بو ائيئرمي ائل سنئن اِوئنده قالميشديم: ائکي قيزين اوچون اون دؤرد ائل و سورون اوچون آلتي ائل سنه خئدمت اتدئم. آمّا سن اون دفه حاقّيمي ديئشدئردئن.
اگر آتامين و ائبراهئمئن تاريسي، ائسحاقين سئتايئش اتدئيي تاري منئمله اولماسايدي، ائندي يقئن منی اَلی‌بوش يولا سالاردين. تاري عذابيمي و اَلئمئن زحمتئني گؤردو، دونَن گجه سني توبيخ اتدي."
لابان يعقوبا بله جاواب وردی: "قيزلار منئم قيزلاريم، اوشاقلار منئم اوشاقلاريم، سورولر منئم سورولرئم و سنئن گؤردويون هر شي منئمدئر. بو گون قيزلاريما و يا اونلارين دوغدوغو اوشاقلارا نه اده بئله‌رم؟
ائندي گل بئربئرئمئز؛ من و سن عهد ادک کي، منئمله سنئن آراندا شاهئد اولسون."
يعقوب بئر داش گؤتوروب سوتون کئمي قويدو.
اورادا اؤز قوحوملارينا ددي: "داش ييغين." اونلار داشلاري گؤتوروب بئر قالاق دوزلتدئلر و او قالاغين يانيندا يمک يدئلر.
لابان اونون آديني يِگَر‌ساحه‌دوتا قويدو، لاکئن يعقوب اونون آديني قَلعِد قويدو.
لابان ددي: "بو قالاق بو گون منئمله سنئن آراندا شاهئددئر". بونا گؤره ده اونون آدي قالِددئر.
اونا هم ده مئصپا ديئلدي، چونکي لابان ددي: "بئربئرئمئزدن آيريلان زامان قوي رب سنئنله منئم آرامدا گؤزتچي اولسون.
اگر قيزلاريمي ائنجئده‌سن و يا اونلارين اوستونه آرواد آلاسان، بئل کي، بئزئم آراميزدا بئر نفر شاهئد اولماسا دا، تاري آراميزدا شاهئددئر."
لابان گئنه يعقوبا ددي: "باخ بو دا اؤز آراميزدا دوزلتدئيئم قالاق و سوتون!
بو قالاق و سوتون شاهئد اولسون کي، نه من سنئن طرفئنه-قالاغين او تايينا گده‌جيم، نه ده سن پئسلئک اتمک اوچون منئم طرفئمه-قالاغين و سوتونون بو تايينا گله‌جکسن.
قوي ائبراهئمئن، ناخورون و اونلارين آتاسينين تاريسي آراميزدا حؤکم اتسئن!" يعقوب آتاسي ائسحاقين سئتايئش اتدئيي تارييا آند ائچدي.
سونرا يعقوب او داغدا قوربان کسدي و قوحوملاريني يميه چاغيردي. اونلار يدئلر و داغدا گجهني قالديلار.
لابان سحر تزدن قالخيب نوه‌لرئني و قيزلاريني اؤپدو، اونلارا برکت وردی. سونرا اؤز يرئنه گتدي.
يعقوب يولونا داوام وردی. تارينين ملکلري اونا راست گلدئلر.
يعقوب اونلاري گؤرنده ددي: "بو، تارينين اوردوگاهيدير." او يرئن آديني مَخه‌نايئم قويدو.
يعقوب اؤزوندن قاباق اِدوم چؤلونه، سِعئر تورپاغينا، قارداشي عئسونون يانينا قاصئدلر گؤندردي.
اونلارا بو امري وردی: "آغام عئسويا ديئن کي، قولون يعقوب بله ديئر: "من لابانين يانيندا قاليب ائندئيه قدر ياشاديم.
اؤکوزلرئم، اششَکلرئم، سورولرئم، قوللاريم و کنئزلرئم اولدو. من آغاما خبر ورمک اوچون يانينا قاصئدلر گؤندردئم کي، سنئن گؤزونده لوطف تاپيم."
قاصئدلر يعقوبون يانينا قاييديب ددئلر: "قارداشين عئسونون يانينا گتدئک. اؤزو ده سنئن پئشوازين اوچون گلئر و يانيندا دؤرد يوز نفر وار."
يعقوب چوخ قورخوب پرئشان اولدو. يانيندا اولان آداملاري، سورولري، مال-حيواني و دوه‌لري ائکي دسته‌يه آييريب ددی:
"اگر عئسو بئر دسته‌يه هوجوم ادئب اونلاري قيرسا، آرخادا قالان دسته قاچا بئلسئن."
سونرا يعقوب ددي: "ای آتام ائبراهئمئن تاريسي، آتام ائسحاقين تاريسي! يارب، سن منه دمئشدئن: "اؤز اؤلکه‌نه و قوحوملارينين يانينا قاييت. من سنه ياخشيليق ادهجيم."
قولونا گؤرستدئيئن بوتون خيئرخاهليق و وفايا لايئق ديئلم؛ بو اوردون چاييني تَکجه دَيَنَکئمله کچدئم، و ائندي ائکي دسته کؤچوم وار.
يالواريرام، منی قارداشيم عئسونون اَلئندن قورتار. چونکي قورخورام گلئب منه و اوشاقلاريملا آنالارينا هوجوم اتسئن.
سن ددئن: "حؤکمن سنه ياخشيليق ادهجيم، نسلئني ساييسيز-حسابسيز دهنز قومو قدر چوخالداجاغام."
يعقوب او گجهني اورادا کچئرتدي. اؤزونده اولان هر شيدن قارداشي عئسويا هدئيّه اولاراق
ائکي يوز دئشي کچي، ائيئرمي اِرکَک کچي، ائکي يوز قويون، ائيئرمي قوچ،
بالالاري ائله بئرلئکده اوتوز دئشي دوه، قيرخ ائنَک، اون گاميش، ائيئرمي دئشي و اون اِرکَک اِششَک گؤتوردو.
سورولري آيري-آيري قوللارينا تاپشيردي و اونلارا ددي: "منئم قاباغيمدا گدئن و بئر سورو ائله او بئري سورو آراسيندا آرا ساخلايين."
يعقوب بئرئنجي قولا امر ادئب ددي: "قارداشيم عئسو سنه راست گلئب سوروشاندا کي، «کئمئن آداميسان، هارا گدئرسن، قاباغينداکي بو حيوانلار کئمئندئر؟»
اونا دِه: «بونلار قولون يعقوبوندور، بو دا آغام عئسويا گؤندرئلمئش هدئيّه‌دئر. اؤزو ده بئزئم داليميزجا گلئر.»"
سونرا يعقوب، ائکئنجي، اوچونجو قولونا و سورولرئن دالينجا گدن هر کسه همن امري وردی: "عئسويا راست گلنده همن شيلري دئيهجکسئنئز.
دئيهجکسئنئز: «قولون يعقوب دا داليميزجا گلئر.»" چونکي او، اؤز-اؤزونه ديئردي: "اوّلجه گؤندردئيئم هدئيّه ائله اونو يومشالديب، سونرا اونونلا گؤروشه‌رم. بلکه اوندا منی قبول ادر."
هدئيّهلر يعقوبون قاباغيندا گتدي، آمّا او گجهني اوتوراق اتدئيي يرده کچئرتدي.
يعقوب او گجه قالخيب ائکي آرواديني، ائکي کنئزئني و اون بئر اوشاغيني گؤتوروب يَبّوق چايينين داهاز يرئندن کچدي.
اونلاري گؤتوروب چايي کچئرتدي و وار-يوخونو دا کچئرتدي.
سونرا يعقوب تک قالدي. سحر آچيلانا قدر بئر آدام اونونلا گولَشدي.
يعقوبا قالئب گله‌بئلمه‌دئيئني گؤرنده، اونون بودونون اويناغينا ضربه ووردو. اله کي، او آداملا گولَشَرکن يعقوبون بودونداکي اويناغي ضربه‌لَندي.
او شخص ددي: "بوراخ، گدئم، چونکي سحر آچيلير." يعقوب ددي: "منه برکت ورمَيه‌سن، سني بوراخمارام."
او شخص سوروشدو: "آدين ندئر؟" يعقوب ددي: "يعقوب."
شخص ددي: "آرتيق سنه يعقوب يوخ، ائسرايئل ديئلهجک، چونکي سن تاري و ائنسانلارلا گولَشئب قالئب گلدئن."
يعقوب سوروشدو: "خاهئش ادئرم، آديني دِه." او ددي: "آديمي نئيه سوروشورسان؟" او شخص اورادا يعقوبا برکت وردی.
يعقوب او يِرئن آديني پِنی‌اِل قويدو، چونکي ددي: "تاريني اوز-اوزه گؤردوم و سالامات قالديم."
يعقوب پِنی‌اِلي کچئرکن گونش دوغدو. او، بئر بودوندان آخساييردي.
اونا گؤره بو گونه قدر ده ائسرايئللی‌لر بود اويناغينين اوستونده‌کي وَطَري يمزلر. چونکي گولَشَن شخص يعقوبون بود اويناغينين وَطَرئنئه توخونموشدو.
يعقوب باشيني قالديريب گؤردو کي، عئسو دؤرد يوز نفر آداملا بئرلئکده گلئر. او، اوشاقلاريني لئيه، راحئل و ائکي کنئزئنئن آراسينا بؤلدو:
کنئزلرله اونلارين اوشاقلاريني قاباغا، لئيه ائله اونون اوشاقلاريني اورتايا، راحئلله يوسئفي ده آرخايا قويدو.
اؤزو ده اونلارين قاباغينا کچدي و قارداشينا ياخينلاشاندا يدّي دفه يره اَيئلدي.
عئسو يعقوبون پئشوازي اوچون قاچيب اونو قوجاقلادي و بوينونا ساريليب اؤپدو. اونلار آغلاشديلار.
عئسو باشيني قالديريب آروادلاري و اوشاقلاري گؤرنده ددي: "بو يانينداکيلار کئم؟" يعقوب ددي: "تارينين سنئن قولونا لوطف اتدئيي اوشاقلاردير."
اوّل کنئزلرله اوشاقلاري ياخينلاشيب تعظئم اتدئلر،
سونرا لئيه ائله اوشاقلاري ياخينلاشيب تعظئم اتدئلر، آخيردا دا يوسئفله راحئل ياخينلاشيب تعظئم اتدئلر.
عئسو سوروشدو: "راست گلدئيئم او بئري دسته‌ني نه اوچون گؤندرمئشدئن؟" يعقوب ددي: "آغامين گؤزونده لوطف تاپماق اوچون."
عئسو ددي: "منئم سوروم چوخدور، قارداشيم، سنده اولان سنئن اولسون."
يعقوب ددي: "يوخ، خاهئش ادئرم، ائندي اگر گؤزونده لوطف تاپميشام، مندن بو هدئيّهني گؤتور. چونکي سنئن اوزونو گؤرنده تارينين اوزونو گؤرموش سانديم، منی لوطفله قبول اتدئن.
خاهئش ادئرم، سنه گتئرئلن هدئيّهني گؤتور. چونکي تاري منه لوطف اتدي و ائندي منئم هر شيئم وار." يعقوب تأکئد اتدئکدن سونرا عئسو هدئيّهني گؤتوردو.
عئسو ددي: "کؤچ ادئب گِدَک. من سئزئن قاباغينيزدا گده‌جيم."
يعقوب اونا ددي: "آغام بئلئر کي، اوشاقلار ضعئفدئر، يانيمدا اولان قويون-کچي و مال-حيوان دا سودده‌دئر. سورولري بئر گون چوخ سورسه‌لر، هاميسي تلف اولار.
خاهئش ادئرم، آغام قولوندان قاباقدا گتسئن، من ده سورولرئن و اوشاقلارين يرئشئنه گؤره ياواش ياواش گله‌جيم. سِعئرده آغاما يتئشه‌رم."
عئسو ددي: "منئمله اولان آداملارين بعضئسئني سنئنله قالماق اوچون قويوم." يعقوب ددي: "بو نَيه لازيمدير؟ من آنجاق آغامين گؤزونده لوطف تاپماق ائسته‌يئرم."
عئسو او گون يولا دوشوب سِعئره قاييتدي.
يعقوب سوکّوتا کؤچوب، اؤزونه اِو تئکدي و سوروسونه طؤوله‌لر دوزلتدي. اونا گؤره ده بو يِرئن آديني سوکّوت قويدولار.
يعقوب پَدّان‌اَرامدان قاييتديقدان سونرا صاغ- سالامات کَنَعان تورپاغيندا اولان شِکِم شهرئنه گلدي و شهرئن موقابئلئنده ساکئن اولدو.
او، چاديريني قوردوغو يِر پارچاسيني شِکِمئن آتاسي خَمورون اوغوللاريندان يوز پارچا گوموشله ساتين آلدي.
يعقوب اورادا بئر قوربانگاه قوروب، آديني «اِل اِلوهِه ائسرايئل» قويدو.
لئيه‌نئن يعقوبا دوغدوغو قيزي دئنا، او اؤلکهنئن قيزلاريني گؤرمَيه چيخدي.
او اؤلکهنئن آغاسي خئولي خَمورون اوغلو شِکِم، دئناني گؤرونجه اونو توتوب اونونلا زورلا ياتدي.
اونون قلبی يعقوبون قيزي دئنايا باغلاندي. شِکِم قيزي سِودي و اونونلا خوش دانيشدي.
شِکِم آتاسي خَمورا ددي: "بو قيزي منه آرواد آل."
يعقوب قيزي دئنا‌نين زورلانديغيني اشئتدي، آمّا اوغوللاري چؤلدهکي سورولري يانيندا اولدوقلاري اوچون، اونلار گلنه قدر ساکئت قالدي.
شِکِمئن آتاسي خَمور، يعقوبون يانينا گتدي کي، اونونلا دانيشسين.
يعقوبون اوغوللاري بونو اشئدئب چؤلدن گلدئلر. اونلار ناراحات اولوب چوخ قضبلندئلر. چونکي شِکِم يعقوبون قيزي ائله ياتاراق ائسرايئلئن حيثئيّتئني آياق آلتينا قويموشدو. بله بئر ائش اولمامالي ائدي.
خَمور اونلارا بله ددي: "اوغلوم شِکِمئن قلبی قيزينيزا باغلانيب. خاهئش ادئرم، قيزي اونا آرواد اولماق اوچون ورهسئنئز.
قوحوم اولون؛ اؤز قيزلارينيزي بئزه آرواد ورئن، بئزئم قيزلاريميزي اؤزونوزه آلين.
ياشايين، اؤلکه ده سئزئن ائختئيارينيزدادير. بورادا ياشايين، تئجارت ادئن و مولک صاحئبي اولون."
شِکِم قيزين آتاسينا و قارداشلارينا ددي: "سئزئن گؤزلرئنئزده لوطف تاپماق اوچون مندن نه ائستيهسئنئز، ورهرم.
مندن چوخلو باشليق و هدئيّه ائسته‌يئن، منه ددئيئنئز هر شيي ورهرم. آنجاق قيزي آرواد اولماق اوچون منه ورئن."
يعقوبون اوغوللاري شِکِمه و اونون آتاسي خَمورا حئيله ائله جاواب وردئلر، چونکي شِکِم باجيلاري دئنا‌نين ناموسونا توخونموشدو.
اونلارا ددئلر: "بئز بونو اده بئلمه‌رئک، باجيميزي ختنه اولونماميش بئر آداما اَره وره بئلمه‌رئک. بو بئزئم اوچون روسوايچيليق اولار.
آنجاق بئر شرطله سئزئنله راضي اولوروق: بوتون کئشئلرئنئز ختنه ادئلئب بئزئم کئمي اولسالار،
اؤز قيزلاريميزي سئزه اَره وره‌رئک، سئزئن قيزلارينيزي اؤزوموزه آلاريق و سئزئنله ياشاييب، بئر خالق اولاريق.
اگر بئزه قولاق آسماياسينيز و ختنه اولونماياسينيز، قيزيميزي گؤتوروب گده‌جيئک."
اونلارين سؤزلري خَمورون و اوغلو شِکِمئن خوشونا گلدي.
جاوان اوغلان بو ائشي درحال اتدي، چونکي يعقوبون قيزي چوخ خوشونا گلمئشدي. شِکِم آتاسينين اِوئنده لاپ حؤرمتلي آدام ائدي.
خَمور و اوغلو شِکِم اؤز شهرلرئنئن دروازاسينا گلدئلر و شهرئن آداملارينا بله ددئلر:
"بو آداملار بئزه دوستلوق گؤرسدئرلر. قوي بو اؤلکهده ياشاييب تئجارت اتسئنلر. باخ، بو اؤلکه اونلار اوچون کئفايت قدر گِنئشدئر. اونلارين قيزلاريني اؤزوموزه آرواد آلاريق، اؤز قيزلاريميزي دا اونلارا اَره وره‌رئک.
بو آداملار آنجاق بئر شرطله ياشاماغا و بئر خالق اولماغا راضي اولورلار کي، بئزئم ده بوتون کئشئلرئمئز، اونلار کئمي ختنه اولونسونلار.
مگر اونلارين سورولري، مولکلري و بوتون حيوانلاري بئزئم اولماياجاق؟ گلئن اونلارلا راضيلاشاق و اونلار ياشاسينلار."
شهرئن دروازاسيندان کچن هر کس خَمورا و اوغلو شِکِمه قولاق آسدي؛ شهرئن بوتون کئشئلري ختنه اولوندو.
اوچونجو گون اونلار حله ده آغري چکَرکَن، دئنا‌نين قارداشلاري، يعقوبون اوغوللاريندان ائکئسي، شمعون و لاوي، قيلينجلاريني گؤتوروب شوبهه قالديرمادان شهره گئردئلر و بوتون کئشئلري قيلينجدان کچئرتدئلر.
خَمورو و اوغلو شِکِمي ده اؤلدوردولر. دئناني شِکِمئن اِوئندن گؤتوروب گتدئلر.
يعقوبون باشقا اوغوللاري اؤلَنلرئن يانينا گلدئلر و شهري غارت اتدئلر، چونکي باجيلارينين ناموسونا توخونموشدولار.
اونلارين قويون-کِچئلرئني، مال- حيوانلاريني، اِششَکلرئني، شهرده و چؤلدهکي اولان هر شيي گؤتوردولر.
بوتون ماللاريني، اوشاقلاريني و آروادلاريني اسئر آپارديلار، اونلارين اِولرئنده اولان هر شيي غارت اتدئلر.
يعقوب شمعونا و لاوئيه ددي: "اؤلکهده ياشايان کَنَعانلي‌لاردان و پِرئزلئلردن منه ضئدّ نئفرت قالديريب منی بلايا سالدينيز. بئز ساييجا آزيق، اگر منئم ضئدّئمه بئرله‌شئب هوجوم ادهلر، اؤزوم ده عايئلَمله بئرلئکده هلاک اولاجاغام."
آمّا اونلار ددئلر: "مگر بئزئم باجيميزلا بئر فاحئشه کئمي رفتار اتمه‌لي ائدی؟"
تاري يعقوبا ددي: "قالخيب بِيت‌ائله گت و اورادا قال. اورادا تارييابئر قوربانگاه دوزلت، او تارييا کی، قارداشين عئسونون اَلئندن قاچاندا سنه نظر سالدی."
يعقوب عايئلهسئنه و اونونلا اولانلارين هاميسينا ددي: "يانينيزدا اولان اؤزگه بوت آللاهلاريني آتين و اؤزونوزو پاک ادئب، پالتارلارينيزي دَيئشئن.
قالخيب بِيت‌ائله گدک. اورادا بئر قوربانگاه دوزَلده‌جيم، او تارييا کی، دردلي گونومده منه جاواب وردی و گتدئيئم يولدا منئمله اولدو."
اونلار يانلاريندا اولان بوتون اؤزگه بوت آللاهلاريني و قولاقلارينداکي گوشوارالاري يعقوبا وردئلر. يعقوب بونلاري شِکِم ياخينليغيندا اولان چؤل پوسته‌سي آغاجين آلتيندا باسديردي.
اونلار يولا دوشدولر. تاري اطراف شهرلرئن ساکئنلرئني دهشته سالميشدي و بونا گؤره ده اونلار يعقوبون اوغوللاريني تعقئب اتمه‌دئلر.
يعقوب يانينداکي بوتون آداملارلا بئرلئکده کَنَعان تورپاغيندا اولان لوزا، يعني بِيت‌ائله گلدي.
اورادا بئر قوربانگاه دوزَلدئب، او يِرئن آديني «ائل‌بِيت‌ائل» قويدو، چونکي قارداشينين اَلئندن قاچاندا تاري اؤزونو اورادا يعقوبا ظاهئر اتمئشدي.
رئبقانين دايه‌سي دِبورا اؤلدو. او، بِيت‌ائلين آشاغيسيندا اولان پاليدين آلتيندا باسديريلدي. اورانين آدي اَلّون‌باکوت قويولدو.
يعقوب پَدّان‌اَرامدان قاييداندا تاري گئنه يعقوبا گؤروندو و اونا برکت وردی.
تاري اونا ددي: "سنئن آدين يعقوبدور. آرتيق آدين يعقوب چاغيريلماياجاق، بوندان سونرا آدين ائسرايئل اولاجاقدير." تاري اونون آديني ائسرايئل قويدو
و اونا ددي: "قادئری‌موطلق تاري منم. قوي نسلئن آرتيب چوخالسين. سندن بئر مئلّت و مئلّتلر ييغيني حاصئل اولاجاق، سنئن نسلئندن پادشاهلار چيخاجاق.
ائبراهئمه و ائسحاقا وردئيئم تورپاغي سنه ورهجيم. سندن سونرا دا اونو سنئن نسلئنه ورهجيم."
تاري يعقوبلا دانيشديغي يرده اونون يانيندان يوخاري چکئلدي.
يعقوب تارينين اونونلا دانيشديغي يرده بئر داش سوتونو قويدو، اوستونه تؤکمه‌لئک تقدئمي سَپدي و سونرا اوستونه زيتون ياغي تؤکدو.
يعقوب تارينين اونونلا دانيشديغي يِرئن آديني بِيت‌ائل قويدو.
اونلار بِيت‌ائلدن يولا دوشدولر. اِفراتا چاتانا ياخين راحئلئن اوشاق دوغما واختي يِتئشدي. راحئل دوغارکن چوخ آغير چکدي.
دوغوش زاماني آغري چکنده ماما اونا ددي: "قورخما، گئنه ده بئر اوغلون اولدو."
او، اؤلوم آياغيندا جان وِرَرکَن اوغلونون آديني بِن‌اونی قويدو، آمّا آتاسي اونون آديني بِنيامئن قويدو.
راحئل اؤلدو و اِفراتا، يعني بِيتلِخِمه گدن يولدا باسديريلدي.
يعقوب اونون قبري اوستونه بئر سوتون قويدو. او بو گونه قدر راحئلئن قبئر سوتونودور.
ائسرايئل گئنه کؤچدو و عِدِر قولّه‌سئنئن او بئري طرفئنده چادير قوردو.
ائسرايئل بو اؤلکهده ياشايارکن، رِعوبئن گدئب آتاسينين جارئيه‌سي بئلحا ائله ياتدي. ائسرايئل بونو اشئتدي.
يعقوبون اون ائکي اوغلو وار ائدي. لئيه‌نئن اوغوللاري: يعقوبون ائلک اوغلو رِعوبئن، شمعون، لاوي، يهودا، يئسّاکار و زِبولون.
راحئلئن اوغوللاري: يوسئف و بنيامئن.
راحئلئن کنئزي بئلحا‌نين اوغوللاري: دان و نَفتالي.
لئيه‌نئن کنئزي زئلپانين اوغوللاري: جاد و آشِر. يعقوبون پَدّان‌اَرامدا دوغولان اوغوللاري بونلاردير.
يعقوب قئريَت‌اَربَعده، يعني خِبروندا اولان مَمرِه‌يه، آتاسي ائسحاقين يانينا گلدي. ائبراهئم و ائسحاق مَمرِه‌ده قرئب ائدئلر.
ائسحاق يوز هشتاد ائل عؤمور سوردو.
او، قوجاليب ياشلي اولاراق آخير نَفَسئني چکدي و اؤلوب خالقينا قوشولدو. اوغوللاري عئسو و يعقوب اونو باسديرديلار.
عئسونون، يعني اِدومون تارئخچه‌سي بلهدئر:
عئسو کَنَعان قيزلاريندان خئتلي اِلونون قيزي عاداني، خئولي صئب‌عونون قيزي آنانين قيزي اوهولئباماني،
هم ده ائسماعئلئن قيزي، نِبايوتون باجيسي باسمَتي آرواد آلدي.
عادا عئسويا اِلئفازي دوغدو، باسمَت ده رِعواِلي دوغدو.
اوهولئباما يِعوشو، يالامي و قورَخي دوغدو؛ عئسونون کَنَعان تورپاغيندا دوغولان اوغوللاري بونلاردير.
عئسو آروادلاريني، اوغوللاريني، قيزلاريني، اِوئنده‌کي آداملارين هاميسيني، سورولرئني، بوتون حيوانلاريني و کَنَعان تورپاغيندا قازانديغي بوتون وار-دؤولتي گؤتوروب، قارداشي يعقوبون يانيندان آيري بئر تورپاغا گتدي.
چونکي املاکلاري چوخ اولدوغونا گؤره، بئرلئکده ياشايا بئلمه‌دئلر؛ سورولري چوخ اولدوغو اوچون قالديقلاري تورپاغا سيغميرديلار.
عئسو، يعني اِدوم سِعئر داغيندا ساکئن اولدو.
اِدوملولارين اجدادي عئسونون، سِعئر داغينداکي تارئخچه‌سي بلهدئر:
عئسونون اوغوللارينين آدلاري بلهدئر: عئسونون آروادي عادانين اوغلو اِلئفاز، عئسونون آروادي باسمَتئن اوغلو رِعواِل.
اِلئفازين اوغوللاري: تِمان، عومار، صئفوا، قاتام و قِناز.
تئمه‌ناع عئسونون اوغلو اِلئفازين جارئيه‌سي ائدي. او، اِلئفازا عَمالِقي دوغدو. عئسونون آروادي آدانين نوهلري بونلاردير.
رِعواِلئن اوغوللاري بونلاردير: نَخَت، زِرَخ، شامّا و مئزّا؛ بونلار عئسونون آروادي باسمَتئن نوه‌لرئدئر.
صئب‌عون نوه‌سي و آنانين قيزي اولان عئسونون آروادي اوهولئبامانين اوغوللاري بونلاردير: او، عئسويا يِعوشو، يالامي و قورَخي دوغدو.
عئسو اوغوللارينين باشچيلاري بونلاردير: عئسونون ائلک اوغلو اِلئفازين اوغوللاري: باشچي تِمان، باشچي عومار، باشچي صئفوا، باشچي قِناز،
باشچي قوراح، باشچي قَعتام، باشچي عَمالِق. اِدوم تورپاغيندا اِلئفازدان اولان باشچيلار بونلاردير؛ اونلار آدانين نوه‌لرئدئر.
عئسونون اوغلو رِعواِلئن اوغوللاري بونلاردير: باشچي نَخَت، باشچي زِرَخ، باشچي شامّا، باشچي مئزّا. اِدوم تورپاغيندا رِعواِلدن اولان باشچيلار بونلاردير؛ اونلار عئسونون آروادي باسمَتئن نوه‌لرئدئر.
عئسونون آروادي اوهولئبامانين اوغوللاري بونلاردير: باشچي يِعوش، باشچي يالام، باشچي قوراح؛ اونلار عئسونون آروادي آنا قيزي اوهولئبامانين نسلئندن اولان باشچيلاردير.
بونلار عئسونون، يعني اِدومون اوغوللاريدير، بونلار دا اونلارين باشچيلاريدير.
اؤلکهده ياشايان خورلو سِعئرئن اوغوللاري بونلاردير: لوتان، شوبال، صئب‌عون، آنا،
دئشون، اِسِر و دئشان. اِدوم تورپاغيندا باشچيليق ادن خورلو سِعئرئن اوغوللاري بونلاردير.
لوتانين اوغوللاري حوري و هِمام، لوتانين باجيسي تئمه‌ناع.
شوبالين اوغوللاري بونلاردير: اَلوان، مانه‌خَت، عِبال، شِفو و اونام.
صئب‌عونون اوغوللاري بونلاردير: آيّا و آنا؛ بو اِله او آنادير کي، آتاسي صئب‌عونون اِششَکلرئني اوتارارکن، چؤلدهکي ائستي بولاقلاري تاپدي.
آنانين اؤولادلاري بونلاردير: دئشون و آنانين قيزي اوهولئباما.
دئشونون اوغوللاري بونلاردير: خِمدان، اِشبان، يئتران و کِران.
اِسِرئن اوغوللاري بونلاردير: بئلهان، زَعه‌وان و اَقان.
دئشانين اوغوللاري بونلاردير: عوس و اَران.
خورلولاردان اولان باشچيلار بونلاردير: باشچي لوتان، باشچي شوبال، باشچي صئب‌عون، باشچي آنا،
باشچي دئشون، باشچي اِسِر، باشچي دئشان؛ سِعئر تورپاغيندا قبئله‌لرئنه گؤره خورلو باشچيلار بونلاردير.
ائسرايئللیلره بئر کس پادشاهليق اتمه‌دن قاباق، اِدوم اؤلکهسئنده پادشاهليق ادن آداملار بونلاردير:
اِدومدا بِعورون اوغلو بِلَع پادشاه اولدو. اونون شهري دئنهابا ائدي.
بِلَع اؤلدو و اونون يرئنه زِراخ اوغلو بوسرالي يوباب پادشاه اولدو.
يوباب اؤلدو و اونون يرئنه تِمانلي‌لارين تورپاغيندان اولان خوشام پادشاه اولدو.
خوشام اؤلدو و اونون يرئنه موآب چؤلونده مئديانليلاري قيران بِدَد اوغلو حَدَد پادشاه اولدو. اونون شهري عَوئت ائدي.
حَدَد اؤلدو و اونون يرئنه ماسرِقادان اولان ساملا پادشاه اولدو.
ساملا اؤلدو و يرئنه شاول پادشاه اولدو. شاول فَرات چايي قيراغيندا اولان رِخوبوتدان ائدي.
شاول اؤلدو و اونون يرئنه آکبورون اوغلو بَعَل‌خانان پادشاه اولدو.
آکبورون اوغلو بَعَل‌خانان اؤلدو و اونون يرئنه هَدَر پادشاه اولدو. اونون شهري پاعو ائدي. اونون آروادينين آدي مِزاحاب قيزي مَترِد قيزي مِحِته‌بِل ائدي.
عئسونون نسلئندن اولان باشچيلارين قبئله‌لرئنه و يِرلرئنه گؤره آدلاري بلهدئر: باشچي تئمه‌ناع، باشچي عَلوا، باشچي يِتِت،
باشچي اوهولئباما، باشچي اِلا، باشچي پئنون،
باشچي قِناز، باشچي تِمان، باشچي مئبسار،
باشچي ماگدی‌اِل، باشچي ائرام؛ صاحئب اولدوقلاري اؤلکهده ياشاديقلاري يِرلره گؤره اِدوم باشچيلاري بونلاردير. عئسو دا اِدوملولارين اجداديدير.
يعقوب آتاسينين قرئب اولاراق قالديغي کَنَعان تورپاغيندا ياشادي.
يعقوبون تارئخچه‌سي بلهدئر: يوسئف اون يدّي ياشيندا بئر جاوان ائدي. او اؤز قارداشلاري، آتالارينين آروادلاري بئلحا‌نين و زئلپانين اوغوللاري ائله بئرلئکده سورو اوتاريردي. يوسئف اونلارين پئس ائشلري بارهده خبرلري آتاسينا چاتديردي.
ائسرايئل يوسئفي بوتون او اوغوللاريندان چوخ سِوئردي، چونکي يوسئف اونون قوجاليق واختينين اوغلو ائدي. او، يوسئفه اَلوان پالتار تئکدئردي.
قارداشلاري گؤردولر کي، آتالاري اونلارين هاميسيندان چوخ يوسئفي سِوئر. بونا گؤره ده يوسئفدن نئفرت اتدئلر و اونونلا آرتيق ياخشي رفتار اتمه‌دئلر.
بئر دفه يوسئف يوخو گؤردو و اونو قارداشلارينا نقل اتدي. بوندان سونرا اوندان داها چوخ نئفرت اتمَيه باشلاديلار.
يوسئف اونلارا ددي: "لوطفن گؤردويوم بو يوخويا قولاق آسين:
بئز زمئنئن اورتاسيندا دَرز باغلاييرديق؛ باخ، منئم دَرزئم قالخيب دئک دوردو، آمّا سئزئن دَرزلرئنئز منئم دَرزئمي اَحاطه‌يه آليب اونا سجده اتدئلر."
قارداشلاري اونا ددئلر: "دوغرودان، سن بئزه پادشاه اولاجاقسان، حؤکمرانليق ادهجکسن؟" اونلار يوسئفدن يوخولارينا و سؤزلرئنه گؤره داها چوخ نئفرت اتدئلر.
يوسئف آيري بئر يوخو گؤردو و اونو قارداشلارينا ددي: "باخ، گئنه بئر يوخو گؤردوم؛ گؤردوم کي، گون، آي و اون بئر اولدوز منه سجده ادئردئلر."
او، يوخوسونو آتاسينا و قارداشلارينا دانيشاندا، آتاسي اونو دانلاييب ددي: "بو گؤردويون يوخو نه دمکدئر؟ دوغرودان دا، من، آنان و قارداشلارين سنه يِره اَيئلئب، تعظئم اده‌جيئک؟"
قارداشلاري اونا پاخيلّيق اتدئلر، آمّا آتاسي بو سؤزو ياددا ساخلادي.
بئر گون يوسئفئن قارداشلاري آتالارينين سوروسونو اوتارماق اوچون شِکِمه گتدئلر.
ائسرايئل يوسئفه ددي: "مگر قارداشلارين شِکِمده سورو اوتارميرلار؟ گل سني ده اونلارين يانينا گؤندرئم." يوسئف آتاسينا ددي: "گتمَيه حاضيرام."
ائسرايئل گئنه اونا ددي: "گت گؤر، آيا قارداشلارين ياخشيدير، سورو سالاماتدير؟ سونرا منه خبر گتئر." بلجه اونو خِبرون دره‌سئندن يولا سالدي. يوسئف گلئب شِکِمه چاتدي.
چؤلده گَزَرکَن بئر نفر اونا راست گلدي. بو آدام اوندان سوروشدو: "نه آختاريرسان؟"
او ددي: "قارداشلاريمي آختاريرام. منه دِه گؤروم، اونلار سورونو هارادا اوتاريرلار؟"
او آدام ددي: "بورادان گتدئلر، چونکي من اونلارين "دوتانا گدک" سؤزلرئني اشئتدئم." يوسئف قارداشلارينين دالينجا دوشدو و اونلاري دوتاندا تاپدي.
قارداشلاري اونو اوزاقدان گؤردولر و اونلارين يانلارينا چاتماميش، قرار وردئلر کی، اونو اؤلدورسونلر.
قارداشلار بئربئرلرئنه ددئلر: "باخ، يوخو گؤره‌نئمئز گلئر.
ائندي گلئن اونو اؤلدوروب بئر قويويا آتاق، سونرا دا دئيَک کي، وحشي حيوان اونو پارچالاييب. او واخت گؤره‌رئک، يوخولاري نجه دوغرو چيخير."
رِعوبئن بونو اشئدئب، يوسئفي اونلارين اَلئندن قورتارماق اوچون ددي: "گلئن اونون جانيني آلماياق."
رِعوبئن اونلارا ددي: "قان تؤکمه‌يئن، اونو چؤلده اولان بو قويويا آتين، لاکئن اونا توخونمايين." بونو اونا گؤره ديئردي کي، يوسئفي قارداشلارينين اَلئندن قورتاريب آتاسينين يانينا قايتارسين.
يوسئف قارداشلارينين يانينا چاتاندا اونلار يوسئفئن اَينئنه گيدئيي اَلوان پالتاري زورلا چيخارتديلار.
اؤزونو ده گؤتوروب قويويا آتديلار. قويو بوش ائدي، اورادا سو يوخ ائدي.
قارداشلار چؤرک يمک اوچون اوتوردولار. اونلار باشلاريني قالديراندا گؤردولر کي، گئلعاددان ائسماعئللی‌لرئن بئر کارواني گلئر. اونلارين دوه‌لري کتئره، بالزام و عطرئيّاتلا يوکلَنمئشدي و بونلاري مئصئره آپاريرديلار.
يهودا قارداشلارينا ددي: "اگر قارداشيميزي اؤلدوروب قتلئن اوستونو باسديراق، بونون نه خيئري اولار؟
گلئن اونو ائسماعئللی‌لره ساتاق و اونا توخونماياق، چونکي قارداشيميزدير، بئز همن قاندانيق." قارداشلاري اونون سؤزو ائله راضيلاشديلار.
اورادان مئديان تاجئرلري کچنده، يوسئفي قويودان چيخارديب ائسماعئللی‌لره ائيئرمي گوموشه ساتديلار. اونلار دا يوسئفي مئصئره آپارديلار.
رِعوبئن قويويا طرف قاييديب گؤردو کي، يوسئف قويودا يوخدور. او، پالتاريني جيردي.
سونرا قارداشلارينين يانينا قاييديب ددي: "اوشاق يوخدور، بس من هارايا گدئم؟"
اونلار يوسئفئن پالتاريني گؤتوردولر و بئر اِرکَک کِچي کسئب، پالتاري قانا باتيرديلار.
سونرا قارداشلار بو اَلوان پالتاري گؤتوروب، آتالارينا گتئردئلر و ددئلر: "بئز بونو تاپديق: گؤر، اوغلونون پالتاريدير يا يوخ؟"
او، پالتاري تانييب ددي: "بو، اوغلومون پالتاريدير؛ اونو وحشي بئر حيوان يِيئب، يوسئف حقئقتن پارچالانيب."
يعقوب اؤز پالتاريني جيردي و بلئنه چول باغلادي؛ او، اوزون مودّت اوغلو اوچون ياس توتدو.
بوتون اوغوللار و قيزلاري اونا تسلّی ورمک اوچون ييغيشديلار، لاکئن او تسلّی تاپماق ائستَمه‌يئب ددي: "ماتمله اوغلومون يانينا-اؤلولر دئيارينا اِنه‌جيم." بلجه آتاسي اونون اوچون آغلادي.
مئديانليلار يوسئفي مئصئرده فئرعونون بئر اعيانينا-اونون کشئکچئلر ريئسي پوطئفَره ساتديلار.
او زامان يهودا قارداشلاريندان آيريلاراق خئرا آدلي عَدولّاملي بئر آدامين يانينا گتدي.
يهودا اورادا شوعه آدلي کَنَعانلي بئر آدامين قيزيني گؤردو. يهودا قيزي آرواد آليب، اونونلا ياتدي.
آرواد بويلو اولوب بئر اوغلان دوغدو و يهودا اونون آديني عِر قويدو.
آرواد گئنه بويلو اولوب بئر اوغلان دوغدو و آديني اونان قويدو.
سونرا گئنه ده بئر اوغلان دوغوب، آديني شِلا قويدو. آرواد اونو دوغدوغو زامان، يهودا کِزئبده ائدي.
يهودا ائلک اوغلو عِر اوچون بئر آرواد آلدي، اونون آدي تامار ائدي.
يهودانين ائلک اوغلو عِر ربّئن گؤزونده پئس ائدي و رب اونو اؤلدوردو.
يهودا اونانا ددي: "قارداشين آروادينلا يات، اؤز قايينليق وظئفهني يرئنه يتئرئب قارداشين اوچون نسئل يتئشدئر."
اونان بئلئردي کي، بو نسئل اونون اؤزونون اولماياجاق. بونا گؤره ده قارداشي آروادي ائله ياخينليق ادنده توخومونو يره تؤکدو کي، قارداشي اوچون نسئل يتئشدئرمه‌سئن.
اونون اتدئيي بو ائش ربّئن گؤزونده پئس اولدو و رب اونو دا اؤلدوردو.
يهودا گلئني تامارا ددي: "اوغلوم شِلا بؤيوينه قدر آتانين اِوئنده دول اولاراق قال." يهودا فئکئرلشدي کي، شِلا دا قارداشلاري کئمي اؤله بئلر. تامار گدئب آتاسينين اِوئنده قالدي.
اوزون مودّتدن سونرا شوعه‌نئن قيزي اولان يهودانين آروادي اؤلدو. يهودا ماتم قورتاراندان سونرا، دوستو اَدوللاملي خئره ائله بئرلئکده تئمه‌ناعيا، سوروسونو قيرخانلارين يانينا گتدي.
تامارا بئلدئردئلر: "باخ قايناتان سوروسونو قيرخماق اوچون تئمه‌ناعيا گلئر."
تامار دوللوق پالتاريني اَينئندن چيخارديب روبند اؤرتدو و بورونوب، تئمه‌ناعيا گدن يولدا اولان عِنايئم دروازاسينين يانيندا اوتوردو. چونکي او گؤروردو کي، شِلا بؤيويوب، لاکئن او حله ده شِلايا اَره ورئلمه‌يئب.
يهودا اونو گؤرنده اله بئلدي کي، بئر فاحئشه آرواددير، چونکي اوزونو اؤرتموشدو.
يهودا يولونو اونا طرف ساليب ددي: "لوطفن ائجازه ور، سنئنله ياتيم." آمّا اونون اؤز گلئني اولدوغونو بئلمه‌دي. آرواد ددي: "منئمله ياتماق اوچون منه نه ورئرسن؟"
يهودا ددي: "سورودن بئر کچي بالاسي گؤندره‌رم." او ددي: "اونو گؤندرَنه قدر منه گئروو اولاراق بئر شي ورَرسن؟"
يهودا سوروشدو: "گئروو اولاراق سنه نه ورئم؟" آرواد ددي: "اؤز نو، قايتانيني و اَلئنده اولان عصاني." يهودا بونلاري آروادا ورئب، اونونلا ياتدي. آرواد اوندان بويلو اولدو.
سونرا تامار قالخيب گتدي و روبندئني گؤتوروب دوللوق پالتاريني گِيدي.
يهودا آروادين اَلئندن گئرووونو آلماق اوچون اَدولّلاملي دوستونون واسئطهسئله کچي بالاسيني گؤندردي. آمّا او، آروادي تاپمادي.
آروادين اولدوغو يرئن آداملاريندان سوروشدو: "عِنايئمده يول قيراغيندا اولان معبد فاحئشه‌سي هارادادير؟" اونلار ددئلر: "بورادا معبد فاحئشه‌سي يوخدور."
او، يهودانين يانينا قاييديب ددي: "اونو تاپا بئلمه‌دئم. بوندان علاوه او يرئن آداملاري دا ددئلر کي، "بورادا معبد فاحئشه‌سي يوخدور."
يهودا ددي: "قوي بو شيلر اونونکو اولسون، مبادا بئز بو ائشدن روسواي اولاق. باخ من بو کچي بالاسيني اونا گؤندردئم، آمّا سن اونو تاپمادين."
بوندان تخمئنن اوچ آي سونرا يهودايا بئلدئردئلر: "گلئنئن تامار فاحئشه‌لئک ادئب، هم ده بو فاحئشه‌لئکدن بويلو اولوب." يهودا ددي: "اونو چيخارديب يانديرين."
او اِشئيه چيخاريلديغي زامان قايناتاسينا خبر گؤندرئب ددي: "من بو شيلرئن صاحئبي اولان آدامدان بويلو اولدوم." سونرا ددي: "خاهئش ادئرم، باخ گؤر، بو مؤهور، قايتان و عصا کئمئندئر؟"
يهودا بونلاري تانييب ددي: "او مندن حاقليدير، چونکي اونو اوغلوم شِلايا ورمه‌دئم." يهودا اونونلا بئر داها ياخينليق اتمهدي.
تامار دوغاندا معلوم اولدو کي، بطنئنده اِکئز وار.
دوغوش واختيندا بئر اوشاق اَلئني چيخارتدي. ماما گؤتوروب اونون اَلئنه قيرميزي ائپ باغلادي و ددي: "اوّلجه بو چيخدي."
آمّا او اوشاق اَلئني گري چکدي و قارداشي بئرئنجي چيخدي. ماما ددي: "اؤزونه نجه دِشئک آچدين؟" بونا گؤره ده اونون آديني پِرِص قويدولار.
اوندان سونرا اَلئنده قيرميزي ائپ اولان قارداشي دوغولدو. اونون آديني زِرَخ قويدولار.
يوسئف مئصئره آپاريلدي. فئرعونون بئر اعياني، کشئکچئلر ريئسي مئصئرلي پوطئفَر، اونو اورايا گتئرمئش ائسماعئللی‌لردن ساتين آلدي.
رب يوسئفله ائدي و او، ائشلرئنده اوغور قازاندي. يوسئف مئصئرلي آغاسينين اوئنده قاليردي.
آغاسي گؤردو کي، رب اونونلادير و اتدئيي هر ائشده اونا اوغور ورئر.
يوسئف آغاسينين گؤزونده لوطف تاپدي و اونون شخصي خئدمتچئسي اولدو. آغاسي يوسئفي اوئنه نظارتچي تعيئن اتدي و صاحئب اولدوغو هر شيي اونون ائختئيارينا وردی.
اِوئنئن و صاحئب اولدوغو هر شيئن ائختئياريني اونا ورن واختدان بَري، رب يوسئفه گؤره مئصئرلئنئن اِوئنه برکت وردی، اوئنده، زمئسئنده و صاحئب اولدوغو هر شيده ربّئن برکتي گؤروندو.
آغاسي صاحئب اولدوغو هر شيي يوسئفئن ائختئيارينا ورمئشدي، يدئيي يمکدن باشقا، اوئنده اولان هچ نَدن خبري يوخ ائدي. يوسئف گؤزل قامتلي و ياراشيقلي ائدي.
بئر مودّت سونرا آغاسينين آروادينين گؤزو يوسئفه دوشوب ددي: "منئمله يات."
لاکئن يوسئف بوندان ائمتئناع ادئب، آغاسينين آروادينا ددي: "باخ، من بورادا اولارکن آغام اوئنده نه اولدوغونو بئلمئر و صاحئب اولدوغو هر شيي منئم ائختئياريما ورئب.
بو اوده مندن بؤيوک هچ کس ديئل و سندن باشقا هچ بئر شيي مندن قييمادي، چونکي سن اونون آرواديسان. بس من نجه بو بؤيوک پئسلئيي ادئب، تارينين ضئدّئنه گوناها باتا بئله‌رم؟"
آرواد هر گون بونو يوسئفه ديئردي. لاکئن يوسئف اونونلا ياتماغا، حتّا بئرلئکده اولماغا راضي اولموردو.
بئر گون يوسئف اؤز ائشئني گؤرمک اوچون اوه گئردي. ائچَرئده اِو آداملاريندان هچ کس يوخ ائدي.
آرواد اونون پالتاريندان توتوب ددي: "منئمله يات!" يوسئف پالتاريني اونون اَلئنده قويوب قاچدي و اشئيه چيخدي.
آرواد اونون پالتاريني اَلئنده قويوب قاچديغيني گؤرنده،
اِو آداملاريني چاغيردي: "باخين، آغانيز بو عئبرانئني يانيميزا گتئرئب کي، بئزي تحقئر اتسئن. او منئمله ياتماق اوچون يانيما گلدي، آمّا من اوجادان قيشقيرديم.
او، سسئمي اوجالديب قيشقيرديغيمي گؤرنده، پالتاريني يانيمدا قويوب قاچدي و اشئيه چيخدي."
يوسئفئن آغاسي اِوه گلنه قدر، آرواد يوسئفئن پالتاريني اؤز يانيندا ساخلادي.
سونرا اَرئنه ده بو سؤزلري ددي: "بئزه گتئردئيئن بو عئبراني قول، منی تحقئر اتمک اوچون يانيما گلدي.
سسئمي اوجالديب قيشقيرديغيم زامان، پالتاريني يانيمدا قويوب اشئيه قاچدي."
يوسئفئن آغاسي آروادينين "سنئن قولون منئمله بله رفتار اتدی" سؤزلرئني اشئدنده، قضبلَندي.
آغاسي يوسئفي گؤتوروب، پادشاهين محبوسلارينين ساخلانديغي زئندانا تحوئل وردی. يوسئف اورادا زئنداندا قالدي.
آمّا رب يوسئفله ائدي و اونا مهرئبانليق گؤرستدي. اونا زئندانين باش نظارتچئسئنئن گؤزونده لوطف قازانديردي.
زئندانين باش نظارتچئسي زئنداندا اولان بوتون محبوسلاري يوسئفئن ائختئيارينا وردی. اورادا گؤرولَن هر ائشه او باشچيليق ادئردي.
زئندانين باش نظارتچئسي يوسئفئن ائختئياريندا اولان هچ نَيه نظارت اتمئردي، چونکي رب يوسئفله ائدي و اتدئيي هر ائشده اونا اوغور ورئردي.
بئر مودّت سونرا مئصئر پادشاهينين ساقئسي و چؤرکچئسي، آغالاري مئصئر پادشاهيني ائنجئتدئلر.
فئرعون بو ائکي اعيانينا؛ باش ساقئيه و باش چؤرکچئيه قضبلَندی
و اونلاري کشئکچئلر ريئسئنئن اِوئنده، يوسئفئن محبوس اولدوغو زئنداندا ساخلادي.
کشئکچئلر ريئسي يوسئفي اونلارا خئدمتچي تعيئن اتدي و يوسئف ده اونلارا خئدمت اتدي. اونلار بئر مودّت زئنداندا قالديلار.
بئر گون مئصئر پادشاهينين زئنداندا محبوس اولان ساقئسي و چؤرکچئسي يوخو گؤردولر. هر ائکئسي بئر گجه‌ده موختلئف تعبئرلي يوخولار گؤردولر.
سحر يوسئف اونلارين يانينا گلدي و کَدَرلي اولدوقلاريني گؤردو.
يوسئف اونونلا بئرلئکده آغاسينين اوئنده زئنداندا اولان فئرعون اعيانلاريندان سوروشدو: "نئيه بو گون اوزونوز کَدَرلئدئر؟"
اونلار يوسئفه ددئلر: "يوخو گؤرموشوک، لاکئن اونو يوزان يوخدور." يوسئف اونلارا ددي: "مگر يوخو يوزماق تارينين ائشي ديئل؟ خاهئش ادئرم، اونو منه دانيشين."
باش ساقي يوخوسونو يوسئفه ددي: "يوخومدا گؤردوم کي، قاباغيمدا بئر اوزوم تَنه‌يي وار.
تَنَکده اوچ بوداق وار ائدي. اونلاردا تومورجوقلار آچار-آچماز چئچکلَندي و سالخيم-سالخيم اوزوم وردی.
فئرعونون پئيالهسي منئم الئمده ائدي. اوزوملري گؤتوروب فئرعونون پئياله‌سئنه سيخديم و پئيالهني فئرعونون الئنه وردئم."
يوسئف اونا ددي: "اونون يوزماسي بلهدئر: اوچ بوداق اوچ گوندور.
اوچ گون عرضئنده فئرعون سني اوجالداجاق. سن ده اونون ساقئسي اولدوغون واختداکي کئمي، اَوّلکي قايديا گؤره فئرعونون پئيالهسئني الئنه وره‌جکسن.
آمّا سنئن وضعئيّتئن ياخشيلاشاندا منی يادينا سال و مهرئبانليق گؤرسد. حاقّيمدا فئرعونا دانيشيب منی بو يردن چيخارت.
دوغرودان دا من عئبرانئلرئن تورپاغيندان اوغورلانميشام و بورادا دا زئندانا سالينماغا لايئق بئر ائش گؤرمهمئشم."
باش چؤرکچي يوسئفئن يوخونو ياخشيليقلا يوزدوغونو گؤروب، اونا ددي: "آمّا من يوخودا گؤردوم کي، باشيمين اوستونده اوچ سبد آغ چؤرک وار.
لاپ اوستده‌کي سبدده چؤرکچئنئن فئرعون اوچون پئشئردئيي هر جور چؤرک وار. قوشلار باشيمين اوستونده‌کي سبددن اونلاري ييئردي."
يوسئف بله جاواب وردی: "اونون يوزماسي بلهدئر: اوچ سبد اوچ گوندور.
اوچ گون عرضئنده فئرعون سنئن باشيني بدنئندن آييراجاق، اؤزونو ده آغاجدان آساجاق و قوشلار سنئن اَتئني دئده‌جکلر."
اوچونجو گون، فئرعونون دوغوم گونو، او بوتون اعيانلارينا ضئيافت وردی. باش ساقئني و باش چؤرکچئني اعيانلارينين قاباغينا چيخارتدي.
باش ساقئني ساقئلئيئنه قايتاردي و او، پئيالهني فئرعونون الئنه وردی،
لاکئن باش چؤرکچئني آسديردي؛ هر شي يوسئفئن يوزدوغو کئمي اولدو.
آنجاق باش ساقي يوسئفي يادا سالمادي و اونو ياددان چيخارتدي.
ائکي ائل تامام کچندن سونرا فئرعون بله بئر يوخو گؤردو: او، نئل چايينين ساحئلئنده دايانميشدي.
باخ، چايدان يدّي بَسلَنمئش و کؤک ائنَک چيخدي. اونلار قاميشليق ائچئنده اوتلاماغا باشلاديلار.
اونلاردان سونرا نئل چاييندان يدّي ائنَک چيخدي کي، حالدان دوشموش و آريق ائدئلر. اونلار چايين ساحئلئندهکي ائنکلرئن يانيندا دايانديلار.
حالدان دوشموش و آريق ائنَکلر، بَسلَنمئش و کؤک اولان يدّي ائنه‌يي يدئلر. او واخت فئرعون يوخودان اوياندي.
سونرا ياتيب ائکئنجي دفه بو يوخونو گؤردو: بئر ساپلاقدان يدّي دولو و ياخشي سونبول چيخدي.
آمّا اونلاردان سونرا اؤلوشکه‌مئش و شرق کوله‌يئندن يانميش يدّي سونبول بئتدي.
اؤلوشکه‌مئش سونبوللر يدّي دولو و بؤيوک سونبولي اودّولار. او واخت فئرعون اوياندي؛ بو، بئر يوخو ائدي.
سحر اويانديقدا اونون جاني پرئشان ائدي. خبر گؤندرئب مئصئرئن بوتون سِحربازلاريني و بئلئجئلرئني چاغيردي. فئرعون اونلارا اؤز يوخوسونو دانيشدي، آمّا اونلارين آراسيندا فئرعونون يوخوسونو يوزان بئر آدام تاپيلمادي.
باش ساقي فئرعونا بله ددي: "من بو گون اؤز گوناهيمي ياديما سالديم:
بئر دفه فئرعون قوللارينا قضبلَندي و منئمله باش چؤرکچئني زئندانا، کشئکچئلر ريئسئنئن اوئنه سالدي.
بئز بئر گجه ائکئمئز ده يوخو گؤردوک، يوخولاريميزين هر بئرئسئنئن اؤز معناسي وار ائدي.
اورادا بئرلئکده، بئر عئبراني جاوان وار ائدي کي، کشئکچئلر ريئسئنئن قولو ائدي. بئز بو بارهده اونونلا دانيشديق، او دا يوخولاريميزي يوزدو، هر بئرئمئزه يوخوسونون معناسيني تشرئح اتدي.
او بئزه نجه يوزدو، اِله ده اولدو: منی اؤز وظئفه‌مه قايتاردي، لاکئن باش چؤرکچئني آسديردي."
فئرعون آدام گؤنده‌رئب يوسئفي چاغيرتدي. اونو تز زئنداندان چيخارتديلار. او، باشيني قيرخيب پالتاريني ديئشدي و فئرعونون حوضورونا گلدي.
فئرعون يوسئفه ددي: "بئر يوخو گؤرموشم، آنجاق اونو يوزان يوخدور. من سنئن بارَنده اشئتمئشم کي، بئر يوخو اشئتدئکده اونو يوزا بئلئرسن."
يوسئف فئرعونا جاواب وردی: "بو مندن ديئل، تاري فئرعونون خيئرئنه جاواب ورهجک."
فئرعون يوسئفه ددي: "يوخومدا گؤردوم کي، نئل چايينين ساحئلئنده دورموشام.
باخ، چايدان يدّي کؤک و بَسلَنمئش ائنَک چيخدي. اونلار قاميشليق ائچئنده اوتلاماغا باشلاديلار.
اونلاردان سونرا آيري يدّي ائنَک چيخدي کي، آريق، چئرکئن، و حالسيز ائدئلر. بوتون مئصئر اؤلکهسئنده بونلار کئمي آريق ائنَک گؤرمهمئشم.
آريق و حالسيز ائنَکلر اَوّلکي يدّي کؤک ائنه‌يي يدئلر.
لاکئن کؤک ائنَکلري اولدوقلاري حالدا، اونلاري يدئکلري حله ده بئلئنمئردي، چونکي اوّلکي کئمي حله ده آريق ائدئلر. او واخت اويانديم.
گئنه يوخومدا گؤردوم کي، بئر ساپلاقدان يدّي دولو و ياخشي سونبول چيخدي.
اونلاردان سونرا سولغون، اؤلوشکه‌مئش و شرق کوله‌يئندن يانميش يدّي سونبول بئتدي.
اؤلوشکه‌مئش سونبوللر يدّي ياخشي سونبولي اودّولار؛ بونلاري سِحربازلارا دانيشديم، آمّا منه معناسيني آچيقلايان تاپيلمادي."
يوسئف فئرعونا ددي: "فئرعونون يوخولارينين بئر معناسي وار. تاري اتمک ائسته‌دئيي ائشي فئرعونا بئلدئردي.
يدّي بَسلَنمئش ائنَک يدّي ائلدئر، يدّي دولو سونبول ده يدّي ائلدئر؛ يوخولارين معناسي بئردئر.
اونلاردان سونرا چيخان يدّي آريق، حالسيز ائنَک و شرق کوله‌يئندن يانميش بوش يدّي سونبول ده يدّي ائلدئر؛ يدّي ائل آجليق اولاجاق.
فئرعونا دِمَک ائسته‌دئيئم سؤزلر بونلاردير. تاري اتمک ائسته‌دئيي ائشي فئرعونا گؤرستدي.
بوتون مئصئر تورپاغيندا يدّي ائل بؤيوک بوللوق اولاجاق.
بوندان سونرا يدّي ائل آجليق گلهجک. مئصئر اؤلکهسئنده اولان بوتون بوللوق ياددان چيخاجاق و آجليق اؤلکهني اَلدن سالاجاق.
اؤلکه‌ده‌کي بوللوق اوندان سونرا گلن آجليق اوزوندن گؤرونميه‌جک، چونکي آجليق چوخ آغير اولاجاق.
فئرعون يوخونو ائکي دفه گؤروب، چونکي تاري بله قرارا گلئب و تزلئکله بو ائشي گؤره‌جکدئر.
ائندي قوي فئرعون آغيلّي و بصئرتلي بئر آدام آختارسين، اونو مئصئر اؤلکهسئنه باشچي تعيئن اتسئن.
فئرعون امر اتسئن کي، اؤلکهده مأمورلار قويولسون و يدّي ائل بوللوق زاماني مئصئر تورپاغينين محصوللارينين بِشده بئرئني ييغسين.
قوي اونلار اوغورلو اولان بو ائللرئن بوتون محصوللاريني توپلاسينلار و تاخيلي آذوقه اولاراق شهرلرده فئرعونون نظارتي آلتيندا ييغيب ساخلاسينلار.
بو آذوقه مئصئر تورپاغينا گلن يدّي ائل آجليق دؤورو اوچون احتئياط اولاجاق، مبادا اؤلکه اهالئسي آجليقدان قيريلسين."
بو سؤزلر فئرعونون و اونون اعيانلارينين خوشونا گلدي.
فئرعون اعيانلارينا ددي: "مگر بو آدام کئتاپا بئله‌جيئک کی، اونون کئمی تارينين روحونا مالئک اولسون؟"
سونرا فئرعون يوسئفه ددي: "ائندي کي، تاري سنه بوتون بو شيلري بئلدئردي، دِمه‌لي، سنئن کئمي آغيلّي و بصئرتلي آدام يوخدور.
سن منئم ساراي آداملاريما باشچيليق ادهجکسن و بوتون خالقيم سنئن امرئنله ائداره اولوناجاق. من آنجاق تختده سندن بؤيوک اولاجاغام."
فئرعون يوسئفه ددي: "باخ، سني بوتون مئصئر اؤلکهسئنه باشچي تعيئن اتدئم."
فئرعون اؤز نو بارماغيندان چيخارديب، يوسئفئن بارماغينا تاخدي، اونا ائنجه کتان پالتار گيئندئردي و بوينونا قيزيل زنجئر آسدي.
فئرعون يوسئفي اؤزونون ائکئنجي آراباسينا مئندئردي و موقابئلئنده "دئز چؤکون!" ديئب باغيريرديلار. بلجه او، يوسئفي بوتون مئصئر اؤلکهسئنه باشچي قويدو.
فئرعون يوسئفه ددي: "من فئرعونام. بوتون مئصئر اؤلکهسئنده هچ کس سنسئز اَلئني و يا آياغيني تَرپَتميه‌جک."
فئرعون يوسئفئن آديني صافِنات‌پَنِه‌آخ قويدو و اون شهرئنئن کاهئني پوتئ‌فِرَعئن قيزي آسنَتي اونا آرواد اولماق اوچون وردی. يوسئف مئصئر اؤلکهسئني گَزمه‌يه چيخدي.
يوسئف مئصئر پادشاهي فئرعونون حوضوروندا اولارکن، اوتوز ياشيندا ائدي. يوسئف فئرعونون حوضوروندان چيخيب، بوتون مئصئر اؤلکهسئني گَزدي.
يدّي بوللوق ائلئنده تورپاق بول-بول محصول وردی.
يوسئف يدّي ائلده مئصئر تورپاغيندا ييغيلميش بوتون محصولو بئر يره ييغدي. او، محصولو شهرلره قويدو. هر شهرئن اطرافيندا اولان زَمئده يِتئشَن محصولو او شهرده ساخلادي.
يوسئف دهنز قومو قدر چوخ تاخيل ييغدي و داها اونو حسابلامادي، چونکي سايي-حسابي يوخ ائدي.
آجليق ائللرئندن قاباق يوسئفئن ائکي اوغلو اولدو؛ اونلاري يوسئفه اون شهرئن کاهئني پوتي فِرانين قيزي آسنات دوغدو.
يوسئف ائلک اوغلونون آديني مِنَسّه قويدو، چونکي دمئشدي: "تاري بوتون زحمتئمي و آتامين اِوئندهکئلرئن هاميسيني ياديمدان چيخارتديردي."
ائکئنجي اوغلونون آديني اِفرايئم قويدو، چونکي ددي: "تاري اذئيّت چکدئيئم تورپاقدا منی ثمرهلي اتدي.
مئصئر تورپاغيندا يدّي ائل بوللوق قورتاردي.
يوسئفئن ددئيي کئمي يدّي ائل آجليق باشلادي. بوتون اؤلکهلرده آجليق اولدو، لاکئن مئصئر تورپاغينين هر يرئنده ارزاق وار ائدي.
بوتون مئصئر اَهالئسي آجليق چکنده، چؤرک اوچون فئرعونا فرياد اتدئلر. فئرعون بوتون مئصئرلی‌لره ددي: "يوسئفئن يانينا گدئن، اونون ددئيئني ادئن."
بوتون ير اوزونده آجليق اولدو. يوسئف محصول اولان بوتون آنبارلاري آچيب، مئصئرلی‌لره تاخيل ساتيردي. مئصئر تورپاغيندا آجليق گوجلَندي.
بوتون اؤلکه‌لرئن آداملاري تاخيل آلماق اوچون مئصئره، يوسئفئن يانينا گلدئلر، چونکي بوتون ير اوزونده شئدّتلي آجليق ائدي.
يعقوب بئلدي کي، مئصئرده تاخيل وار. او اؤز اوغوللارينا ددي: "نه اوچون بئربئرئنئزه باخيرسينيز؟"
سؤزونه داوام وردی: "باخ، من اشئتدئم کي، مئصئرده تاخيل وار، گدئب اورادان بئزئم اوچون تاخيل آلين کي، اؤلمه‌يئب ياشاياق."
يوسئفئن اون قارداشي تاخيل آلماق اوچون مئصئره گتدئلر.
آمّا يعقوب يوسئفئن قارداشي بنيامئني، قارداشلاري ائله بئرلئکده گؤندرمه‌دي، چونکي فئکئرله‌شئردي کي، اونون باشينا بئر بلا گله بئلر.
تاخيل آلماغا گلنلر آراسيندا، ائسرايئلئن اوغوللاري دا وار ائدي، چونکي کَنَعان تورپاغيندا دا آجليق حاکئم ائدي.
يوسئف اؤلکهنئن باشچيسي ائدي و اؤلکهنئن بوتون اهالئسئنه ده تاخيلي اؤزو ساتيردي. يوسئفئن قارداشلاري گلئب اونون حوضوروندا اوزلرئني يره قويوب سجده اتدئلر.
يوسئف قارداشلاريني گؤروب تانيدي، لاکئن اونلارلا ياد آدام کئمي رفتار ادئب برک دانيشدي. يوسئف اونلاردان سوروشدو: "هارادان گلئبسئنئز؟" اونلار جاواب وردئلر: "ارزاق آلماق اوچون کَنَعان تورپاغيندان گلمئشئک."
يوسئف قارداشلاريني تانيدي، آمّا اونلار يوسئفي تانيماديلار.
يوسئف قارداشلاري بارهده گؤردويو يوخولاري خاطيرلاييب، اونلارا ددي: "سئز جاسوسسونوز، اؤلکهنئن ضعئف يرلرئني اؤيرنمَک اوچون گلئبسئنئز."
قارداشلاري اونا ددئلر: "خير ای آغاميز، قوللارين آنجاق ارزاق آلماق اوچون گلئبلر.
بئز هاميميز بئر آدامين اوغوللاريييق. بئز دوز آداملاريق. قوللارين جاسوس ديئللر."
آمّا يوسئف اونلارا ددي: "خير، سئز اؤلکهنئن ضعئف يرلرئني اؤيرنمَک اوچون گلئبسئنئز."
اونلار ددئلر: "بئز قوللارين اون ائکي قارداشيق و کَنَعان تورپاغيندا بئر آدامين اوغوللاريييق. کئچئک قارداشيميز ائندي آتاميزين يانيندادير، لاکئن بئر قارداشيميز يوخا چيخيب."
يوسئف اونلارا ددي: "هر شي من ددئيئم کئمئدئر: سئز جاسوسسونوز،
آمّا من سئزي بله ائمتاحان ادهجيم: فئرعونون جانينا آند اولسون کي، کئچئک قارداشينيز بورايا گلمسه، سئز بورادان گده بئلميهجکسئنئز.
آرانيزدان بئر نفري گؤنده‌رئن کي، قارداشينيزي گتئرسئن، لاکئن سئز بورادا ساخلاناجاقسينيز. او واخت سئزئن دوز ديئب-دِمه‌دئيئنئز بئلئنه‌جک. يوخسا فئرعونون جانينا آند اولسون کي، سئز جاسوسسونوز."
يوسئف اوچ گون اونلاري زئنداندا ساخلادي.
اوچونجو گون يوسئف اونلارا ددي: "ددئيئمه عمل ادئب جانينيزي قورتارين، چونکي من تاريدان قورخورام.
اگر سئز دوز آدامسينيز، قوي قارداشلارينيزدان بئري حبس اولوندوغونوز يرده قالسين، او بئرئنئز گدئب، عايئله‌لرئنئزي آجليقدان قورتارماق اوچون تاخيل آپارين.
سونرا کئچئک قارداشينيزي منئم يانيما گتئرئن. بلجه سؤزلرئنئزئن دوز اولدوغو بئلئنَر و سئز اؤلمزسئنئز." قارداشلار بله ده اتدئلر.
اونلار بئربئرلرئنه ددئلر: "دوغرودان دا، بئز قارداشيميزين موقابئلئنده تقصئرکاريق. او بئزه يالوارديغي واخت چکدئيي اذئيّتي گؤردوک، لاکئن اونا قولاق آسماديق. بونا گؤره ده باشيميزا بو بلا گلدي."
رِعوبئن اونلارا بله جاواب وردی: "مگر من دمه‌دئم اوشاغا پئسلئک اتمهيئن، لاکئن سئز منه قولاق آسمادينيز. ائندي اونون قانينا گؤره جزا چکئرئک."
قارداشلار بئلمئردئلر کي، يوسئف اونلارين سؤزلرئني باشا دوشور، چونکي ترجومهچي واسئطهسئله دانيشيرديلار.
يوسئف اونلارين يانيندان قيراغا چکئلئب آغلادي. سونرا قارداشلارينين يانينا قاييديب اونلارلا صؤحبت اتدي. آرالاريندان شَمعونو گؤتوروب قارداشلارينين گؤزو قاباغيندا اونون اَل-قولونو باغلادي.
يوسئف امر اتدي کي، اونلارين چوواللاري تاخيللا دولدورولسون، هر بئرئنئن وردئيي پول دا اؤز چووالينا قويولسون و اونلارا يول اوچون آذوقه ورئلسئن. بله ده ادئلدي.
قارداشلار تاخيللاريني اِششَکلرئنئن بِلئنه يوکله‌يئب، اورادان گتدئلر.
اونلاردان بئري گجه قالديغي يرده اِششه‌يئنه يِم ورمک اوچون چوواليني آچاندا، اؤز پولونو گؤردو؛ پول چووالين آغزيندا ائدي.
او، قارداشلارينا ددي: "پولوم اؤزومه قايتاريليب، باخين، او، چوواليمين ائچئندهدئر." قارداشلارين اوره‌يي ائضطئرابا دوشدو و تئتره‌يه-تئتره‌يه بئربئرلرئنه ددئلر: "تاري بئزئم باشيميزا نه ائش گتئردی؟"
اونلار کَنَعان تورپاغينا، آتالاري يعقوبون يانينا گلدئلر و باشلارينا گلن بوتون حکايه‌لري اونا ددئلر:
"او اؤلکهنئن باشچيسي اولان آدام برک دانيشدي، بئزي اؤلکهيه گلن جاسوسلار حساب اتدي.
اونا ددئک: «بئز دوز آداملاريق، جاسوس ديئلئک.
بئز بئر آتانين اوغوللاري، اون ائکي قارداشيق. بئر قارداشيميز يوخا چيخيب، لاپ کئچئيي ده ائندي کَنَعان تورپاغيندا آتاميزين يانيندادير.»
او اؤلکهنئن باشچيسي اولان آدام بئزه ددي: «سئزئن دوز آدام اولدوغونوزو بوندان بئله‌جيم: قارداشلارينيزدان بئرئني يانيمدا قويوب، عايئله‌لرئنئزي آجليقدان قورتارماق اوچون تاخيل گؤتوروب گدئن.
سونرا کئچئک قارداشينيزي يانيما گتئرئن. او زامان سئزئن جاسوس يوخ، دوز آدام اولدوغونوزو بئله‌جيم. او واخت قارداشينيزي سئزه تحوئل ورهجيم و اؤلکهده آل-وِر اده بئلرسئنئز.»"
قارداشلار چوواللاريني بوشالدارکن گؤردولر کي، هر کسئن چوواليندا پول کئسهسي وار. اؤزلري و اونلارين آتاسي پول کئسه‌لرئني گؤرنده قورخدولار.
آتالاري يعقوب اونلارا ددي: "سئز منی اؤولادسيز قويدونوز. يوسئف يوخ، شَمعون يوخ، بِنيامئني ده آپاراجاقسينيز. ائسته‌يئرسئنئز بوتون بونلاري منئم باشيما گتئرهسئنئز."
رِعوبئن آتاسينا بله ددي: "اگر اونو سنئن يانينا گتئرمَسَم، ائکي اوغلومو اؤلدورَرسن. اونو منئم ائختئياريما ور، من ده اونو سنه قايتارارام."
يعقوب ددي: "اوغلوم سئزئنله گتمَيه‌جک، چونکي اونون قارداشي اؤلوب و تک قاليب. اگر گتدئيئنئز يولدا اونون باشينا بئر بلا گلسه، منئم آغ ساچلي باشيمي کَدَر ائچئنده اؤلولر دئيارينا اندئره‌جکسئنئز."
کَنَعان تورپاغيندا آجليق گوجلَنمئشدي.
قارداشلارين مئصئردن گتئردئيي بوغدا يِيئلئب قورتاراندا، آتالاري اونلارا ددي: "گئنه گدئب، بئزه بئر آز ارزاق آلين."
يهودا اونا بله ددي: "او آدام بئزه برک ائخطار ورئب کي، اگر قارداشينيز سئزئنله گلمسه، گؤزومه گؤرونمه‌يئن.
اگر سن قارداشيميزي گؤندره‌سن، گدئب سنه ارزاق آلاريق.
لاکئن اگر اونو گؤندرميه‌سن، گتميه‌جيئک، چونکي او آدام بئزه ددی کي، «قارداشينيز سئزئنله گلمسه، گؤزومه گؤرونمه‌يئن.»"
ائسرايئل ددي: "نئيه او آداما داها بئر قارداشينيز اولدوغونو بئلدئرئب منه پئسلئک اتدئز؟"
اونلار ددئلر: "او آدام اؤزوموز و عايئله‌مئز بارهده دفهلرله بئزدن بله سوآللار سوروشدو: «آيا آتانيز حله صاغدير؟ آيا آيري قارداشينيز دا وار؟» بئز ده اونون بو سوآللارينا جاواب وردئک. مگر آغليميزا گلردي کي، «قارداشينيزي گتئرئن» دئيهجک؟"
سونرا يهودا آتاسي ائسرايئله ددي: "اوشاغي منئمله گؤندر کي، قالخيب گدک. بئز ده، سن ده، اوشاقلاريميز دا اؤلمه‌يئب صاغ قالاريق.
من اونا ضامئن دورورام، اونو مندن طلب ادرسن. اگر اونو سنئن يانينا گتئرئب قاباغيندا دايانديرماسام، عؤمروم بويو قاباغيندا تقصئرکار اولاجاغام.
اگر يوباتماسايديق، ائندي ائکي دفه گدئب-قاييتميشديق."
آتالاري ائسرايئل اونلارا ددي: "اگر بلهدئر، اوندا بونو ادئن: توربالارينيزدا بو تورپاغين لاپ ياخشي محصوللاريندان او آداما هدئيّه اولاراق بئر قدر بالزام، بئر قدر بال، کتئره، عطرئيّات، پوسته و بادام گؤتورون.
اؤزونوزله ائکي قات پول گؤتورون. چوواللارينيزين ائچئنده گري قايتاريلميش پولو اؤز اَللرئنئزله قايتارين، بلکه بئر سهو اولوب.
قارداشلارينيزي گؤتورون، قالخين و او آدامين يانينا قاييدين.
قادئری‌موطلق تاري او آدامدا سئزئن حاقّينيزدا مرحمت اويانديرسين، او دا او بئري قارداشينيزي و بِنيامئني سئزه تحوئل ورسئن. منه گلئنجه، اگر من اوشاقلاريمدان محروم اولاجاغام، قوي اولوم."
قارداشلار اؤزلرئله بو هدئيّهني ائکي قات پوللا گؤتوردولر. بِنيامئني ده گؤتوروب قالخديلار و مئصئره گلئب، يوسئفئن حوضوروندا دوردولار.
يوسئف بِنيامئني اونلارلا برابر گؤرنده اؤز اِو نظارتچئسئنه ددي: "بو آداملاري اِوه آپار و حيوان کسئب حاضيرلا، چونکي اونلار منئمله ناهار يئيه‌جکلر."
او آدام يوسئفئن ددئيئنه عمل اتدي؛ بو آداملاري يوسئفئن اِوئنه آپاردي.
قارداشلار يوسئفئن اِوئنه آپاريلديقلاري اوچون قورخوب ددئلر: "کچن دفه چوواللاريميزدا گري قايتاريلميش پول اوستونده آپاريليريق. او ائستهيئر کي، بئزئم ضئدّئمئزه بهانه تاپيب اوستوموزه دوشسون، بئزي اؤزونه قول اتسئن و اِششَکلرئمئزي آلسين."
اونلار يوسئفئن اِو نظارتچئسئنه ياخينلاشديلار و اِوئن آستاناسيندا اونا بله ددئلر:
"ای آغاميز، بئز کچن دفه دوغرودان دا ارزاق آلماق اوچون گلمئشدئک.
آمّا گجه قالديغيميز يِره چاتديغيميز زامان، چوواللاريميزي آچيب گؤردوک کي، هر بئرئمئزئن پولو تامام-کامال چوواللاريميزين ائچئندهدئر. ائندي اونو اؤز اَللرئمئزله گري قايتاريريق.
ارزاق آلماق اوچون اؤزوموزله آيري پول دا گتئرمئشدئک. آمّا بئلمئرئک کي، پولوموزو کئم بئزئم چوواللاريميزا قويموشدو."
اِو نظارتچئسي ددي: "ناراحات اولمايين، قورخمايين. اؤزونوزون و آتانيزين تاريسي سئزه چوواللارينيزدا خزئنه وردی. پولونوز منه گلئب چاتدي." سونرا شَمعونو اونلارين يانينا گتئردي.
او آدام، قارداشلاري يوسئفئن اِوئنه گتئردي. آياقلاريني يوماق اوچون اونلارا سو وردی و اِششَکلرئنه يِم وردی.
قارداشلار، يوسئف ناهارا گلنه قدر، هدئيّهني حاضيرلاديلار، چونکي اورادا يمک يئيه‌جکلرئني اشئتدئلر.
يوسئف اِوه گلنده اونلار هدئيّهني اِوه گتئرئب اونا تقدئم اتدئلر، اونون حوضوروندا يِره قدر اَيئلدئلر.
يوسئف اونلارين کِفئني سوروشوب ددي: "او دِدئيئنئز قوجا آتانيز سالاماتدير؟ حله ده ياشايير؟"
اونلار ددئلر: "سنئن قولون آتاميز سالاماتدير، حله ده ياشايير." اونلار يوسئفه اَيئلئب سجده اتدئلر.
يوسئف باشيني قالديراندا اؤز آناسينين اوغلو اولان قارداشي بِنيامئني گؤروب ددي: "منه دِدئيئنئز لاپ کئچئک قارداشينيز بودور؟" سونرا بِنيامئنه ددي: "تاري سنه لوطف اتسئن، اوغلوم."
يوسئف تَلَسئک اورادان چيخدي، چونکي اوره‌يي سيزيلدادي، اونو آغلاماق توتدو و اوتاغا گئرئب، اورادا آغلادي.
سونرا اوزونو يويوب چيخدي، اؤزونه گلئب ددي: "يمک گتئرئن."
يِمه‌يي اونا آيريجا، قارداشلارينا آيريجا، اونونلا بئرلئکده يئين مئصئرلی‌لره آيريجا قويدولار، چونکي مئصئرلئلر عئبرانئلرله بئرلئکده يمک يمزدئلر؛ بو، مئصئرلئلر اوچون ائيرنج بئر شي ائدي.
قارداشلار بؤيوکدن-کئچئيه دوغوم حاقلارينا گؤره اونون حوضوروندا اوتوردولار. اونلار بئربئرلرئنه حيرتله باخديلار.
يوسئفئن قاباغينداکي يمکلردن اونلارا پاي آيريلدي. لاکئن بِنيامئنئن پايي اونلارين هر بئرئنئن پاييندان بش قات آرتيق ائدي. اونلار يِيئب-ائچدئلر و اونونلا برابر خوش واخت کچئرتدئلر.
يوسئف اؤز اِو نظارتچئسئنه امر وردی: "بو آداملارين چوواللاريني گوجلري چاتانا قدر ارزاقلا دولدور و هر کسئن پولونو اؤز چووالينين آغزينا قوي.
هاميسيندان کئچئيئنئن چووالينين آغزينا، منئم گوموش کاسامي و تاخيل عوضئنه ورئلن پولو قوي." او، يوسئفئن ددئيي سؤزه عمل اتدي.
سحر آچيلاندا بو آداملار اِششَکلرئله بئرلئکده يولا سالينديلار.
اونلار شهردن تزه چيخميشديلار و اوزاق ديئلدئلر کي، يوسئف اؤز اِو نظارتچئسئنه ددي: "قالخ او آداملارين دالينجا گت و اونلارا چاتديغين زامان بله دِه: نه اوچون ياخشيليغا پئسلئکله جاواب وردئنئز؟
مگر بو کاسا آغامين ائچدئيي و اونونلا فال توتدوغو کاسا ديئل؟ بونو اتمکله پئسلئک ادئبسئنئز."
اِو نظارتچئسي اونلارا چاتدي و بو سؤزلري ددی.
قارداشلار اونا ددئلر: "نه اوچون آغام بله سؤزلر دانيشير؟ بو ائش قوللاريندان اوزاق اولسون.
باخ، بئز چوواللاريميزين ائچئنده تاپديغيميز پولو کَنَعان تورپاغيندان سنه گری قايتارديق. آغانين اوئندن نجه قيزيل و يا گوموش اوغورلايا بئله‌رئک؟
بو شي قوللارينين هانسيندان تاپيلسا، قوي او آدام اؤلومه ورئلسئن، قالانيميز دا آغاميزا قول اولاق."
او ددي: "ياخشي، قوي سئز دئيَن کئمي اولسون: بو کئمئن يانيندا تاپيلسا، او منه قول اولسون، لاکئن قالانلارينيز تقصئرکار ساييلماياجاقسينيز."
اونلارين هر بئري تَلَسئک چوواليني يِره اِندئردي و چووالينين آغزيني آچدي.
اِو نظارتچئسي بؤيوکدن باشلاييب کئچئيه قدر اونلاري آختاردي و کاسا بِنيامئنئن چوواليندا تاپيلدي.
قارداشلار پالتاريني جيرديلار و هر بئري اِششه‌يئني يوکله‌يئب شهره قاييتدي.
يهودا قارداشلاري ائله بئرلئکده يوسئفئن اِوئنه گلدي. او حله ده اورادا ائدي. اونلار يوسئفئن قاباغيندا يِره قاپانديلار.
يوسئف اونلارا ددي: "بو نه ائشدئر کي، گؤروبسونوز؟ گومان اتمه‌دئنئز کي، منئم کئمي بئر آدام فال توتا بئلر؟"
يهودا ددي: "آغاما نه ديئم، نه دانيشيم؟ اؤزوموزو نجه تمئزه چيخاردا بئله‌رئک؟ تاري اؤز قوللاريندا تقصئر گؤردو. باخ، بئز ده، يانيندا کاسا تاپيلان آدام دا آغاميزين قولويوق."
او ددي: "بو ائش مندن عئراق اولسون. آنجاق يانيندا کاسا تاپيلان آدام منه قول اولاجاق، لاکئن سئز صاغ-سالامات آتانيزين يانينا گدئن."
يهودا اونا ياخينلاشيب ددي: "ای آغام، خاهئش ادئرم کي، قولونون ددئيي سؤزلره قولاق آس و قولونا قضبئن آلوولانماسين، چونکي سن فئرعون کئمي بئر آدامسان.
آغام قوللاريندان «سئزئن آتانيز و يا قارداشينيز وار؟» سوروشدو،
بئز آغاميزا ددئک: «بئزئم بئر قوجا آتاميز و اونون دا ياشلي زامانلاريندا دوغولان بئر کئچئک اوشاغي وار. اونون بئر قارداشي اؤلدو، آناسيندان دوغولان آنجاق او قالدي. آتاسي اونو چوخ سِوئر.»
سونرا سن قوللارينا ددئن: «اونو منئم يانيما گتئرئن کي، اؤز گؤزومله گؤروم.»
بئز ده آغاميزا ددئک: «اوشاق آتاسيندان آيريلا بئلمز، چونکي آتاسيندان آيريلسا، آتاسي اؤلر.»
آمّا سن قوللارينا ددئن: «اگر کئچئک قارداشينيز سئزئنله گلمسه، بئر داها گؤزومه گؤرونمه‌يئن.»
سنئن قولون آتامين يانينا گلدئيئمئز زامان آغاميزين سؤزلرئني اونا چاتديرديق.
آتاميز ددي: «گئنه گدئن، بئزه بئر آز ارزاق آلين.»
بئز ددئک: «گده بئلمه‌رئک. کئچئک قارداشيميز بئزئمله گتسه، گده‌رئک، کئچئک قارداشيميز بئزئمله گتمَسه، او آدامين گؤزونه گؤرونه بئلمه‌رئک.»
سنئن قولون آتام بئزه ددي: «بئلئرسئنئز کي، آرواديم منه ائکي اوغول دوغدو.
بئر اوغلوم يانيمدان گتدي و ددئم کي، او پارچالانيب؛ ائندئيه قدر اونو گؤرمهمئشم.
بو اوغلومو دا يانيمدان آپاراسينيز و اونون باشينا بئر بلا گلسه، آغ ساچلي باشيمي موصئبت ائچئنده اؤلولر دئيارينا اِندئره‌جکسئنئز.»
ائندي سنئن قولون آتامين يانينا قاييتديغيم زامان اوشاق بئزئمله اولماسا و اوره‌يي اوشاغا باغلانان آتاميز
اوشاغين اولماديغيني گؤرسه، اؤلر. او واخت بئز قوللارين، قولون آتاميزين آغ ساچلي باشيني کَدَر ائچئنده اؤلولر دئيارينا اِندئره‌رئک.
من قولون، آتاما اوشاق اوچون ضامئن دوروب ددئم: «اگر اونو سنئن يانينا گتئرمه‌سم، آتامين حوضوروندا عؤمروم بويو تقصئرکار اولاجاغام.»
ائندي خاهئش ادئرم، قوي اوشاغين عوضئنه بو قولون، آغاما قول اولماق اوچون قالسين، و اوشاق قارداشلاريملا بئرلئکده گتسئن.
چونکي اوشاق منئمله اولماسا، نجه آتامين يانينا گده بئله‌رم؟ آتامين باشينا گلن موصئبتي نجه گؤره بئله‌رم؟"
يوسئف يانيندا دورانلارين هاميسينين حوضوروندا اؤزونو ساخلايا بئلمه‌يئب قيشقيردي: "هاميني يانيمدان چيخاردين." يوسئف اؤزونو قارداشلارينا تانيتديرديغي زامان يانيندا هچ کس يوخ ائدي.
او هؤنکوروب آغلادي. مئصئرلئلر و فئرعونون ساراي آداملاري اشئتدئلر.
يوسئف قارداشلارينا ددي: "من يوسئفم. آيا آتام حله صاغدير؟" قارداشلاري اونا جاواب ورمه‌دئلر، چونکي دهشتدن قوروموشدولار.
يوسئف قارداشلارينا ددي: "خاهئش ادئرم، منه ياخين گلئن." اونلار ياخين گلدئلر. يوسئف ددي: "مئصئره ساتديغينيز قارداشينيز يوسئف منم.
ائندي منی بورايا ساتديغينيز اوچون کَدَرلَنمه‌يئن و تأسّوف اتمهيئن، چونکي تاري منی سئزدن قاباق بورايا گؤندردي کي، حياتينيزي حئفظ اتسئن.
آرتيق ائکي ائلدئر کي، اؤلکهده آجليقدير، حله بش ائل ده اَکئن-بئچئن اولماياجاق.
تاري منی سئزدن قاباق بورايا گؤندردي کي، ير اوزونده سئزئن اوچون صاغ قالانلار ساخلاسين و بؤيوک بئر قورتولوشلا حياتينيزي موحافئظت اتسئن.
اونا گؤره ده منی بورايا گؤندرَن سئز ديئلسئنئز، تاريدير. او منی فئرعونا آتا، اونون بوتون ساراي آداملارينا آغا، بوتون مئصئر اؤلکهسئنه ده باشچي اتدي.
تز آتامين يانينا گدئب اونا ديئن کي، اوغلون يوسئف بله ديئر: «تاري منی بوتون مئصئر اؤلکهسئنه آغا اتدي. داها دورما، يانيما گل.
گوشِن وئلايتئنده ياشايارسان. اؤزون، اوغوللارين، نوه‌لرئن، قويون-کچئن، مال-حيوانين، سنئن هر شيئن منه ياخين اولار.
اورادا سنئن قيدئنه قالارام، چونکي داها بش ائل آجليق اولاجاق. يوخسا اؤزون، عايئلَن و سنه باغلي اولان هر کس يوخسوللوق چکهجک.»
باخ، سئزئن و قارداشيم بِنيامئنئن گؤزلري گؤرور کي، بو سؤزلري دئلئمله سئزه ديئرم.
مئصئرده صاحئب اولدوغوم بوتون عئزّتي و بوتون گؤردوکلرئنئزي آتاما بئلدئرئن و تزلئکله آتامي بورايا گتئرئن."
يوسئف قارداشي بنيامئنئن بوينونا ساريليب آغلادي، بنيامئن ده اونون بوينونا ساريليب آغلادي.
يوسئف بوتون قارداشلاريني اؤپدو و اونلارين بوينونا ساريليب آغلادي. بوندان سونرا قارداشلاري اونونلا صؤحبت اتدئلر.
يوسئفئن قارداشلارينين گلمه‌سي بارهده فئرعونون سارايينا خبر چاتدي. بو خبر فئرعونون و اونون اعيانلارينين خوشونا گلدي.
فئرعون يوسئفه ددي: "قارداشلارينا دِه کي، بله اتسئنلر: «حيوانلارينيزي يوکله‌يئن و يولا دوشوب کَنَعان تورپاغينا گدئن.
آتانيزي و اِو آداملارينيزي گؤتوروب يانيما گلئن. سئزه مئصئر اؤلکهسئنده لاپ ياخشي تورپاغي ورهجيم، تورپاغين شئره‌سئني يئيهجکسئنئز.
سئزه امر اولونور: بله ادئن. آرواد-اوشاغينيز اوچون مئصئر اؤلکهسئنده اؤزونوزه عارابالار آلين و آتانيزي گتئرئب گلئن.
اورادا قالان شيلرئنئزده گؤزونوز قالماسين، چونکي بوتون مئصئر تورپاغينين لاپ ياخشي شيلري سئزئندئر.»"
ائسرايئلئن اوغوللاري بله ده اتدئلر. يوسئف فئرعونون امرئله اونلارا عارابالار و يول اوچون آذوقه وردی.
اونلارين هر بئرئنه بئر دست دَيئشئک پالتار وردی، بنيامئنه ده اوچ يوز پارچا گوموش و بش دست دَيئشئک پالتار وردی.
يوسئف آتاسي اوچون مئصئرئن لاپ ياخشي شيلري ائله يوکلَنمئش اون اِششَک گؤندردی. اون دئشی اششک ده کی، يول اوچون تاخيل، چؤرک و آذوقه ائله يوکلَنمئش ائدی.
او، قارداشلاريني يولا سالدي و اونلار يولا دوشدوکده، يوسئف اونلارا ددي: "يولدا داعوا اتمهيئن."
اونلار مئصئردن چيخيب، کَنَعان تورپاغينا، آتالاري يعقوبون يانينا گلدئلر.
اونا هر شيي خبر وردئلر: "يوسئف صاغ-سالاماتدير، اؤزو ده بوتون مئصئر اؤلکهسئنه باشچيليق ادئر." يعقوب حيرتله‌نئب قالدي و اونلارا ائنانمادي.
قارداشلار يوسئفئن اونلارا ددئيي بوتون سؤزلري اونا ددئلر. اونو آپارماق اوچون يوسئفئن گؤندردئيي عارابالاري گؤرنده آتالاري يعقوبون جاني تزه‌لَندي.
ائسرايئل ددي: "يِتَر: اوغلوم يوسئف صاغ-سالاماتدير. قوي اؤلمه‌مئشدن قاباق گدئب اونو گؤروم."
ائسرايئل بوتون وار-يوخو ائله بئرلئکده يولا چيخدي. بئر شئبايا گلئب، آتاسي ائسحاقين تاريسينا قوربانلار کسدي.
تاري، گجه رؤيالاريندا ائسرايئلي چاغيردي: "يعقوب! يعقوب!" يعقوب جاواب وردی: "بويور، بورادايام."
تاري ددي: "من تارييام، آتانين تاريسييام. مئصئره گتمکدن قورخما، چونکي اورادا سندن بؤيوک بئر مئلّت تؤره‌ده‌جيم."
من ده سنئنله بئرلئکده مئصئره گده‌جيم. سني گئنه اورادان گتئره‌جيم. يوسئف اؤز اَلي ائله سنئن گؤزلرئني باغلاياجاق."
يعقوب بئر شئبادان چيخدي. ائسرايئلئن اوغوللاري آتالاري يعقوبو و آرواد-اوشاقلاريني فئرعونون گؤندردئيي عارابالارا مئندئردئلر کي، آپارسينلار.
يعقوب و اونون بوتون اؤولادلاري حيوانلاريني و کَنَعان تورپاغيندا مالئک اولدوغو هر شيي گؤتوروب مئصئره گلدئلر.
او، اؤزو ائله بئرلئکده، اوغوللاريني و قيزلاريني، اوغول نوه‌لرئني و قيز نوه‌لرئني و بوتون اؤولادلاريني مئصئره گتئردي.
ائسرايئلئن مئصئره گلن اوغوللارينين، يعقوبلا اوغوللارينين آدلاري بلهدئر: يعقوبون ائلک اوغلو رِعوبئن.
رِعوبئنئن اوغوللاري: خَنوک، پالّو، خِصرون و کَرمي.
شَمعونون اوغوللاري: يِمواِل، يامئن، اوحَد، ياکئن، صوخَر و بئر کَنَعانلي آرواددان دوغولان شاول.
لاوئنئن اوغوللاري: گِرشون، قِهات و مِراري.
يهودانين اوغوللاري: عِر، اونان، شِلا، پِرِص و زِرَح. آنجاق عِر و اونان کَنَعان اؤلکهسئنده اؤلدولر. پِرِصئن اوغوللاري: خِصرون و خامول.
يئسّاکارين اوغوللاري: تولاع، پووّا، يوب و شئمرون.
زِبولونون اوغوللاري: سِرِد، اِلون و يَخلِه‌اِل.
بونلار يعقوبون لئيه‌دن دوغولان اوغوللاريدير. لئيه اونلاري و قيزي دئناني پَدّان‌اَرامدا دوغدو. يعقوبون اوغول و قيز اؤولادلاري جَمي اوتوز اوچ نفر ائدي.
جادين اوغوللاري: صئفيون، خَگّي، شوني، اِصبون، عِري، اَرودي و اَرِه‌لي.
آشِرئن اوغوللاري: يئمَنا، يئشوا، يئشوي، بِرئيا و اونلارين باجيسي سِرَخ. بِرئيانين اوغوللاري: خِبِر و مَلکئيِل.
بونلار زئلپادان دوغولان يعقوبون اؤولادلاريدير کي، لابان اونو قيزي لئيه‌يه ورمئشدي. زئلپا يعقوبا بو اون‌آلتي نفري دوغدو.
يعقوبون آروادي راحئلئن اوغوللاري: يوسئف و بِنيامئن.
يوسئفئن مئصئرده آسِنَتدن مِنَسّه و اِفرايئم آدلي ائکي اوغلو اولدو. آسِنَت «اون» شهرئنئن کاهئني اولان پوتئ‌فِرَعئن قيزي ائدي.
بِنيامئنئن اوغوللاري: بِلَع، بِکِر، اَشبِل، گِرا، نَعَمان، اِخي، روش، موپّئم، خوپّئم و آرد.
بونلار يعقوبون راحئلدن دوغولان اؤولادلاريدير. اونلار اون دؤرد نفر ائدئلر.
دانين اوغلو خوشئم.
نَفتالئنئن اوغوللاري: يَخصِه‌اِل، گونو، يِصِر، شئلّم.
بونلار بئلحا‌دان دوغولان يعقوبون اؤولادلاريدير کي، لابان اونو قيزي راحئله ورمئشدي. بئلحا بونلاري يعقوبا دوغموشدو. اونلار جَمي يدّي نفر ائدئلر.
يعقوبون اوغوللارينين آروادلاريندان ساوايي، يعقوبون نسلئندن اولان و اونونلا مئصئره گلن اؤز اؤولادلاري، آلتميش آلتي نفر ائدي.
يوسئفئن مئصئرده دوغولان ائکي اوغلو ائله بئرلئکده، يعقوبون مئصئره کؤچن عايئلهسئنده جَمي يتمئش نفر وار ائدي.
يعقوب گوشِن يولونا بَلَدچئلئک اتمک اوچون اؤزوندن قاباق يهوداني يوسئفئن يانينا گؤندردي. اونلار گوشِن وئلايتئنه گئرنده
يوسئف آراباسيني حاضيرلاييب، گوشِنه آتاسي ائسرايئلئن پئشوازينا گتدي. اؤنو گؤرونجه، اونون بوينونا ساريليب و بوينوندا اوزون مودّت آغلادي.
ائسرايئل يوسئفه ددي: "ائندي اؤله بئله‌رم، چونکي اوزونو گؤردوم. سن حله صاغ-سالاماتسان."
يوسئف قارداشلارينا و آتاسينين عايئلهسئنه ددي: "قوي گدئم فئرعونا خبر ورئم کي، کَنَعان تورپاغيندا ياشايان قارداشلاريملا آتامين عايئله‌سي يانيما گلئبلر.
اونلار سورو صاحئبي اولان چوبانلاردير. اونا گؤره ده قويون-کچئلري، مال-حيوانلاري و بوتون شيلري ائله بئرلئکده گلئبلر.
فئرعون سئزي چاغيريب «نه ائشئن صاحئبئسئنئز؟» سوروشسا،
دئيَرسئز: «آتالاريميز کئمي بو قوللارين دا اوشاقليقدان بَري حيواندارليقلا مشغولدور.» اله کي، سئزي گوشِن وئلايتئنده يرلشدئرسئن، چونکي مئصئرلئلر چوبان خايلاغيندان ائيره‌نئرلر."
يوسئف فئرعونون يانينا گدئب ددي: "کَنَعان تورپاغيندان آتام و قارداشلاريم قويون-کچئلري، مال-حيوانلاري و صاحئب اولدوقلاري بوتون شيلري ائله بئرلئکده بورايا گلئبلر و گوشِن وئلايتئنده‌دئرلر."
سونرا قارداشلاري آراسيندان بِشئني گؤتوروب، فئرعونون حوضورونا گتئردي.
فئرعون يوسئفئن قارداشلاريندان سوروشدو: "نه ائشئن صاحئبئسئنئز؟" اونلار فئرعونا جاواب وردئلر: "بئز قوللارين، آتالاريميز کئمي چوبانيق.
بو اؤلکهيه گلمئشئک کي، بئر مودّت اوندا ياشاياق. چونکي کَنَعان تورپاغيندا دهشتلي آجليق حؤکم سورور. بو قوللارينين سورولري اوچون اوتلاق يوخدور. ائندي خاهئش ادئرئک کي، قوللارينا، گوشِن وئلايتئنده ياشاماغا ائجازه ورهسئنئز."
فئرعون يوسئفه ددي: "آتانينلا قارداشلارين يانينا گلئبلر.
مئصئر تورپاغي سنئن قاباغيندادير: آتانينلا قارداشلاريني بو تورپاغين لاپ ياخشي يرلرئنده يِرلَشدئر. قوي گوشِن وئلايتئنده ياشاسينلار. اگر اونلارين آراسيندا باجاريقلاريني تاني‌ييرسان، اونلاري منئم سورولرئمه چوبان قوي."
يوسئف آتاسي يعقوبو گؤتوروب، فئرعونون حوضورونا گتئردي. يعقوب فئرعونا برکت وردی.
فئرعون يعقوبدان سوروشدو: "نچه ياشين وار؟"
يعقوب فئرعونا جاواب وردی: "عؤمرومون يوز اوتوز ائلئني قوربتده کچئرتدئم، آمّا عؤمروم آز و آغير اولدو، آتالاريمين قوربتده‌کي عؤمرو قدر اوزون اولمادي."
سونرا فئرعونا برکت ورئب، اونون حوضوروندان چيخدي.
يوسئف آتاسي ائله قارداشلاريني مئصئرده يِرلَشدئردي و فئرعونون امر اتدئيي کئمي، اونلارا اؤلکهنئن لاپ ياخشي يرئنده، رَعمِسِس بؤلگهسئنده مولک وردی.
بوندان علاوه، يوسئف آتاسينا، قارداشلارينا و آتاسينين عايئلهسئنه مالئک اولدوقلاري اوشاقلارين سايينا گؤره چؤرک تداروک گؤردو.
آجليق گتدئکجه او قدر گوجلَندي کي، هچ بئر اؤلکهده چؤرک تاپيلمادي. آجليق مئصئر و کَنَعان اؤلکه‌لرئنئن اهالئسئني طاقتدن سالميشدي.
يوسئف ساتديغي تاخيلين عوضئنده مئصئر و کَنَعان اؤلکه‌لرئنده ييغيلان بوتون پوللاري ييغيب، فئرعونون سارايينا آپاردي.
مئصئر و کَنَعان اؤلکه‌لرئنده پول قورتاراندا بوتون مئصئرلئلر يوسئفئن يانينا گلئب ددئلر: "بئزه چؤرک ور. گؤزونون قاباغيندا نئيه اؤلَک؟ پولوموز آرتيق يوخدور."
يوسئف ددي: "حيوانلارينيزي ورئن. اگر پولونوز قورتاريب، حيوانلارينيزي ورئن، اونلارين عوضئنه سئزه چؤرک ورهرم."
اونلار حيوانلاريني يوسئفئن يانينا گتئردئلر. يوسئف ده آتلارين، قويون-کچي و مال-حيوان سورولرئنئن و اِششَکلرئن عوضئنه اونلارا چؤرک وردی. همئن ائل اونلاري، حيوانلاري عوضئنه وردئيي چؤرکله ساخلادي.
ائل باشا چاتاندا ائکئنجي ائل گئنه اونون يانينا گلئب ددئلر: "آغاميزدان گئزلَده بئلمه‌رئک کي، پولوموز قورتاريب، حيوان سورولرئمئز ده آغاميزيندير. آغاميزين حوضوروندا جانيميز و تورپاقلاريميزدان باشقا بئر شيئمئز قالمادي.
نه اوچون گؤزونون قاباغيندا تورپاغيميزلا برابر محو اولاق؟ بئزي و تورپاقلاريميزي چؤرک عوضئنه ساتين آل. قوي هم بئز، هم ده تورپاقلاريميز فئرعونا قول اولسون. توخوم ور کي، اؤلمه‌يئب ياشايا بئلَک، هم ده تورپاغيميز صحرايا چِوئرئلمه‌سئن."
بِلَجه، يوسئف مئصئرئن بوتون تورپاقلاريني فئرعون اوچون ساتين آلدي. بوتون مئصئرلئلر اؤز زمئلرئني ساتديلار، چونکي آجليق اونلارا چوخ آغير ائدي. تورپاقلار فئرعونون اولدو.
يوسئف مئصئر اراضئسئنئن بئر اوجوندان او بئري اوجونا قدر، بوتون اهالئني شهرلره کؤچورتدو.
آنجاق کاهئنلرئن تورپاغيني ساتين آلمادي، چونکي اونلار فئرعوندان مَواجئب آليب، فئرعونون وردئيي مَواجئبله دولانيرديلار. بونا گؤره ده تورپاقلاريني ساتماديلار.
يوسئف خالقا ددي: "باخ بو گون سئزي ده، تورپاقلارينيزي دا فئرعون اوچون ساتين آلميشام. آلين، بو سئزئن توخومونوز! تورپاغي اَکه‌جکسئنئز.
محصول ييغيلاندا اونون بشده بئرئني فئرعونا ورهجکسئنئز. بشده دؤردونو ده اَکئن توخومو اوچون اؤزونوزه ساخلاياجاقسينيز کي، هم اؤزونوز، هم اِو اَهلئنئز، هم ده اوشاقلارينيز اوچون يمک اولسون."
خالق ددي: "سن بئزئم جانيميزي قورتاردين. قوي آغاميزين گؤزونده لوطف تاپاق، بئز فئرعونون قولو اولوروق."
يوسئف مئصئر تورپاغيندا بئر قانون قويدو کي، محصولون بشده بئري فئرعونا ورئلسئن. بو قانون بو گونه قدر قووّهدهدئر. آنجاق کاهئنلرئن تورپاغي فئرعونا ورئلمه‌دي.
ائسرايئلئن نسلی مئصئرده‌کي گوشِن وئلايتئنده ياشاياراق، اورادا مولک صاحئبي اولدو. اونلار چوخاليب آرتديلار.
يعقوب مئصئر تورپاغيندا اون يدّي ائل ياشادي. او، يوز قيرخ يدّي ائل عؤمور سوردو.
ائسرايئلئن اؤله‌جيي گون ياخينلاشاندا، اوغلو يوسئفي چاغيريب ددي: "اگر گؤزونده لوطف تاپميشام، اَلئني بودومون آلتينا قوي و آند ائچ کي، منه مهرئبانليق و وفا گؤرسده‌سن. خاهئش ادئرم منی مئصئرده باسديرماياسان.
لاکئن اجدادلاريملا بئرلئکده ياتاندا منی مئصئردن آپاريب، آتالاريمين مقبره‌سئنده باسديرارسان." يوسئف ددي: "ددئيئن کئمي اده‌رم."
آتاسي ددي: "منه آند ائچ." او دا اونا آند ائچدي. او واخت ائسرايئل ياتاغينين باشيندا اَيئلئب تارييا سجده اتدي.
بئر مودّت سونرا يوسئفه ددئلر: "آتان ناخوشدور." او، ائکي اوغلونو، مِنَسّه و اِفرايئمي اؤزو ائله گؤتوردو.
يعقوبا خبر ورئب ددئلر: "باخ، اوغلون يوسئف يانينا گلئر." ائسرايئل گوجونو ييغيب، ياتاغي اوستونده اوتوردو.
يعقوب يوسئفه ددي: "قادئری‌موطلق تاري کَنَعان تورپاغيندا اولان لوزدا منه گؤروندو و برکت وردی.
او منه بله ددي: «باخ من سني ثمرهلي ادئب، نسلئني چوخالداجاغام، سندن چوخلو خالقلار تؤره‌ده‌جيم. بو تورپاغي سندن سونرا گلن اؤولادلارينا مولک اولاراق همئشهلئک ورهجيم.»
ائندي سنئن يانينا، مئصئره گلمه‌دن قاباق مئصئر تورپاغيندا سنه دوغولان ائکي اوغلون دا منئمدئر: اِفرايئم و مِنَسّه رِعوبئنله شمعون کئمي منئمکي اولاجاق.
آمّا اونلاردان سونرا سنئن اوچون دوغولان اوشاقلار سنئنکي اولاجاق، اؤز مئراث تورپاقلاريندا قارداشلارينين آدلاري ائله قيد اولوناجاق.
من پَدّاندان گلنده کَنَعان تورپاغيندا اِفراتا ياخين يرده راحئل يانيمدا اؤلدو. اونو اِله اورادا، اِفرات يولوندا، يعني بِيت‌لِخِمده باسديرديم."
ائسرايئل يوسئفئن اوغوللاريني گؤروب سوروشدو: "بونلار کئمدئر؟"
يوسئف آتاسينا جاواب وردی: "تارينين بورادا منه وردئيي اوغوللاردير." ائسرايئل ددي: "اونلاري يانيما گتئر، برکت ورئم."
ائسرايئل آرتيق قوجالميش، گؤزلري ده ضعئفله‌مئشدي و گؤره بئلمئردي. او واخت يوسئف، اوغوللاريني اونا ياخينلاشديردي و ائسرايئل اونلاري اؤپوب قوجاقلادي.
سونرا ائسرايئل يوسئفه ددي: "دوشونموردوم کي، اوزونو بئر ده گؤره‌رم، آمّا باخ، تاري منه سنئن اؤولادلاريني دا گؤرستدي."
يوسئف اؤولادلاريني آتاسينين دئزلري يانيندان چکئدي و اوزونو يره قويوب سجده اتدي.
يوسئف اوغوللارين ائکئسئني ده گؤتوروب، اِفرايئمي صاغ اَلي ائله ائسرايئلئن سول طرفئنه، مِنَسّه‌ني ده سول اَلي ائله ائسرايئلئن صاغ طرفئنه چکئب اونا ياخينلاشديردي.
ائسرايئل اَللرئني چارپاز اوزاتدي: صاغ اَلئني کئچئک اولان اِفرايئمئن، سول اَلئني ده مِنَسّهنئن باشينا قويدو. گرچي مِنَسّه ائلک اوغول ائدي.
ائسرايئل يوسئفه برکت وره‌رَک بله ددي: "آتالاريم ائبراهئم و ائسحاقين خئدمت اتدئيي تاري، عؤمرومون بويو قدر منه چوبانليق ادن تاري،
منی بوتون پئسلئکلردن خئلاص ادن مَلَک، قوي بو اوشاقلارا دا برکت ورسئن! قوي منئم آدئم، آتالاريم ائبراهئم و ائسحاقين آدي بو اوشاقلارلا ياشاسين. ير اوزونده چوخالديقجا چوخالسين!"
يوسئف آتاسينين صاغ اَلئني اِفرايئمئن باشينا قويدوغونو گؤردو و بو، اونون خوشونا گلمه‌دي. او، ائسته‌دی کی، آتاسينين اَلئني اِفرايئمئن باشيندان گؤتوروب، مِنَسّهنئن باشينا قويسون.
بونا گؤره ده آتاسينا ددي: "آتا، بله دوز ديئل. ائلک اوغول مِنَسّه‌دئر، صاغ اَلئني اونون باشينا قوي."
لاکئن آتاسي ائستَمه‌يئب ددي: "بئلئرم، اوغلوم، بئلئرم؛ مِنَسّهنئن نسلئندن ده بؤيوک بئر خالق اولاجاق. لاکئن کئچئک قارداش بؤيوک قارداشدان بؤيوک اولاجاق و اونون نسلئندن بئر چوخ مئلّت دوغاجاق."
او گون ائسرايئل نوه‌لرئنه برکت ورهرک ددي: "ائسرايئل نسلي، سنئن آدينلا بَرَکتلَيئب دئيهجک: "تاري سنی اِفرايئم و مِنَسّه کئمي اتسئن" يعقوب بلجه اِفرايئمي مِنَسّه‌دن اوستون توتدو.
ائسرايئل يوسئفه ددي: "باخ، آرتيق من اؤلورَم، آمّا تاري سئزئنله اولاجاق، سئزي آتالارينيزين تورپاغينا قايتاراجاق.
سنه قارداشلاريندان بئر پاي دا آرتيق ورئرم؛ او يري کي، من اِمورلولارين الئندن قيلينج و کامانيملا آلميشام."
يعقوب اوغوللاريني چاغيريب ددي: "ييغيلين، گلهجکده باشينيزا گلنلري سئزه دانيشيم:
ای يعقوب اوغوللاري، ييغيليب اشئدئن، آتانيز ائسرايئله قولاق آسين:
ای رِعوبئن، ائلک اوغلوم، گوجومون و قودرتئمئن منبعي سنسن. لياقتئن هاميدان اوستوندور، قووّتئن هاميدان چوخدور.
آمّا او سو کئمي اويناقدير، آرتيق اوستون اولماياجاقسان. چونکي آتا ياتاغيني نجئس ادئب، اورايا چيخدين.
شَمعونلا لاوي قارداشدئر، قيلينجلاري قدّارليق سئلاحلاري‌دير.
ای جانيم، اونلارين مجلئسئنه گتمه، ای شرفئم، اونلارين جَمئنده اولما. چونکي اونلار قضبلَنَنده قتل اتدئلر، جانلاري ائسته‌دئکجه اؤکوزلري سَقَط اتدئلر.
لعنت اولسون وحشي قضبلرئنه، لعنت اولسون قدّار حئدّتلرئنه. اونلاري يعقوب اوغوللارينين آراسيندا داغيداجاغام، ائسرايئل اؤلکهسئنده سپه‌ليه‌جيم.
ای يهودا، قارداشلارين سني مدح ادهجکلر، اَلئن دوشمنلرئنئن بوينوندا اولاجاق، آتانين اوغوللاري، حوضوروندا سجده ادهجکلر.
يهودا بئر آصلان بالاسيدير، ای اوغلوم، شئکاردان دؤنوب بئر شئر کئمي يِره اَيئلئرسن، دئشي آصلان کئمي تورپاغا ياتيرسان. کئم سني يرئندن قالديرا بئلر؟
پادشاهليق عصاصي يهودادان گتمَيه‌جک، حؤکمدارليق عصاصي اونون نسلئندن ائتمَيه‌جک؛ او واختا قدر کي عصانين صاحئبی گلسئن. او واخت خالقلار اوندان ائطاعت ادهجکلر.
اِششَه‌يئني اوزوم آغاجينا، اِششَک بالاسيني لاپ سچمه بئر تَنه‌يه باغلاياجاق. پالتاريني شرابدا، کؤينه‌يئني اوزوم قانيندا يوياجاق.
گؤزلري شرابدان دا پارلاق اولاجاق، دئشلري سوددن ده آغ اولاجاق.
زِبولون دهنز قيراغيندا ياشاياجاق، اورا گمئلره لنگرگاه اولاجاق، اَراضئسي صئدونون يانيناجاق اوزاناجاق.
قويون آغيللاري آراسيندا ياتان يئسّاکار بئر قووّتلي اِششَيه اوخشار.
او، دئنجَلمک اوچون ياخشي بئر ير گؤره‌نده، چئينئني يوک داشيماق اوچون اَيَر، قوللوق ادر.
دان ائسرايئل قبئلهلرئندن بئري اولاراق، اؤز خالقينا حؤکم ادهجک.
دان يول اوستونده بئر ائلان، طرئقده بئر افعي اولاجاق؛ اله بئر افعي کي آتين توپوغوندان سانجير، اوستونه مئنَن آرخاسي اوسته ييخيلير.
يارب! من سنئن خئلاصيني گؤزله‌يئرم.
جاد تالانچيلارين هوجومونا دوشهجک، لاکئن اونلاري توپوغوندان ووراجاق.
آشِرئن يئيه‌جيي وارلي اولاجاق، شاهانه لذّتلي يمکلر يتئرهجک.
نَفتالي آزاد ادئلمئش بئر مارالدير، گؤزل بالالار ورهجک.
يوسئف بارلي بئر آغاج، چشمه قيراغيندا مئيوه‌لي بئر آغاجدير، بوداقلاري دووارين اوستوندن آشار.
اوخچولار اونا گوجلو هوجوم اتدئلر، دوشمنچئلئک ادئب اوستونه اوخ ياغديرديلار.
آمّا يعقوبون قووّتلي تاريسي اَلئندن، (کي، چوبان و ائسرايئلئن قاياسي اوراداندير) اونون کاماني مؤحکم، قوللاري قووّتلي اولدو.
سنه کؤمک ادن، آتانين تاريسيدير، سنه برکت ورن، قادئري‌موطلقدئر. يوخاريدا گؤيلرئن برکتلري ائله، درئنلئکده اولان سو منبعلرئنئن برکتي ائله، دؤشلرئن و بطنلرئن برکتي ائله سنه برکت ورهجک.
آتانين برکت ورمه‌سي داغلارين برکتلرئندن داها اوجادير؛ ابدی قالان تپه‌لرئن گؤزل‌لئيئنه چاتار. قوي برکتلرئم يوسئفئن باشيندا، قارداشلار آراسيندا باشچي اولانين، اوستونده اولسون.
بِنيامئن آجگؤز بئر قورددور، سحر شئکاريني يئيَر، آخشام قنئمت پايلار."
بونلارين هاميسي ائسرايئلئن اون ائکي قبئله‌سئدئر. آتالاري اونلارا برکت ورَرکَن بو سؤزلري ددی و هر بئرئنه، اؤزونه موناسئب برکت وردی.
سونرا يعقوب اوغوللارينا وصئيّت ادئب ددي: "من اؤلوب خالقيما قوشولاجاغام. منی آتالاريمين يانيندا، خئتلي عِفرونون زمئسئنده اولان ماغارادا باسديرين.
او ماغارا کَنَعان تورپاغيندا اولان مَمرِه‌نئن موقابئلئندهکي ماکپِلا زمئسئنده‌دئر. ائبراهئم او ماغاراني قبئر دوزلتمک اوچون خئتلي عِفروندان زمئسي ائله بئرلئکده ساتين آلميشدي.
ائبراهئمله آروادي سارا و ائسحاقلا آروادي رئبقا اورادا باسديريلميشديلار. من لئيه‌ني دا اورادا باسديرديم.
همئن زمي ائله اوراداکي ماغارا خئتلئلردن ساتين آلينيب."
يعقوب اوغوللارينا وصئيّت ادئب قورتاراندا، آياقلاريني ياتاغينا ييغاراق آخير نَفَسئني چکدي و اؤلوب خالقينا قوشولدو.
يوسئف اؤزونو آتاسينين اوستونه آتدي و آغلاياراق اونو اؤپدو.
سونرا حکئم خئدمتچئلرئنه امر اتدي کي، آتاسينين جسدئني مومئيالاسينلار. حکئملر ائسرايئلي مومئيالاديلار.
بو ائش قيرخ گونه گؤرولدو، چونکي مومئيالاماق اوچون اله بئر مودّت لازيم ائدي. مئصئرلئلر يتمئش گون ائسرايئل اوچون ياس توتدولار.
ياس گونلري قورتاراندان سونرا، يوسئف، فئرعونون ساراي آداملارينا دانيشيب ددي: "اگر گؤزونوزده لوطف تاپميشام، خاهئش ادئرم فئرعونا ديئن کي،
آتام منی آند ائچدئرئب دمئشدي: «باخ، من اؤلورَم. کَنَعان تورپاغيندا اؤزوم اوچون قبئر قازميشام، منی اورادا باسدير.» ائندي قوي او منه ائجازه ورسئن کي، گدئب آتامي باسديريم و قاييديم."
فئرعون ددي: "گت، آتانين سنه آند ائچدئردئيي کئمي اونو باسدير."
بِلَجه، يوسئف آتاسيني باسديرماغا گتدي. فئرعونون بوتون اعيانلاري، سارايين و مئصئرئن بوتون آغساقّاللاري،
يوسئفئن بوتون اِو آداملاري، قارداشلاري و آتاسينين اِو آداملاري اونونلا گتدئلر. گوشِن وئلايتئنده آنجاق اوشاقلاريني، قويون-کِچئلرئني و مال-حيوانلاريني قويدولار.
اونلارلا بئرلئکده عارابالار و آتليلار دا يولا چيخميشدي، اونا گؤره ده دسته چوخ بؤيوک ائدي.
اونلار اوردون چايينين او بئري طرفئنده، آتاد خرمنئنه چاتاندا چوخ آجي و بؤيوک ماتمله ياس توتدولار. يوسئف آتاسي اوچون يدّي گون ياس توتدو.
او اؤلکهنئن اهالئسي اولان کَنَعانليلار، آتاد خرمنئنده‌کي ياسي گؤرنده ددئلر: "گؤر مئصئرلئلر نجه بؤيوک ماتم ائچئنده‌دئرلر." اونا گؤره ده اوردون چايينين او بئري طرفئندهکي بو يِره آبِل‌مئصرايئم آدي ورئلدي.
يعقوبون اوغوللاري آتاسينين وصئيّتئني امر اتدئيي کئمي يرئنه يتئردئلر.
اونو کَنَعان اؤلکهسئنه گتئرئب، مَمرِه‌نئن ياخينليغينداکي ماکپِلا زمئسئنده اولان ماغارادا باسديرديلار. ائبراهئم بئر واخت بو ماغاراني قَبئر دوزلتمک اوچون زمي ائله بئرلئکده خئتلي عِفروندان ساتين آلميشدي.
يوسئف آتاسيني دفن اتدئکدن سونرا هم اؤزو، هم قارداشلاري، هم ده اونونلا بئرلئکده آتاسينين دفنئنه گلنلرئن هاميسي مئصئره قاييتديلار.
آتالاري اؤلَندن سونرا يوسئفئن قارداشلاري اؤز آرالاريندا ددئلر: "بلکه يوسئف بئزئم ضئدّئمئزه کئن ساخلايير. اگر اونا اتدئيئمئز پئسلئيه گؤره بئزدن قئصاص آلسا، نه ادهرئک؟"
بونا گؤره ده يوسئفه خبر گؤندردئلر: "آتان اؤلوموندن قاباق بئزه وصئيّت اتدي کي،
يوسئفه بله ديئن: «باخ سندن خاهئشئم بودور کي، قارداشلارينين گوناهيني و تقصئرئني باغيشلاياسان. آخي اونلار سنه پئسلئک ادئبلر. خاهئش ادئرئک، سن آتانين تاريسينين قوللاري اولان بئز قارداشلارينين گوناهيني باغيشلا.»" بو سؤزلر يوسئفه چاتاندا او آغلادي.
سونرا قارداشلاري اؤزلري يوسئفئن يانينا گدئب، قاباغيندا يره قاپانديلار و ددئلر: "باخ، بئز سنئن قوللارينيق."
يوسئف اونلارا ددي: "مگر من تارييام کي، مندن قورخورسونوز؟
باخين، سئز منئم حاقّيمدا پئس فئکره دوشدونوز، لاکئن تاري اونو ياخشي ائشه چِوئردي کي، بو گون گؤردويونوزو اتسئن و چوخلو آدامين حياتيني قوروسون.
داها قورخمايين، من هم سئزي، هم ده اؤولادلارينيزي ساخلاياجاغام." يوسئف اونلارا مهرئبان سؤزلرله تسلّی وردی.
يوسئفئن و آتاسينين نسلی مئصئرده ساکئن اولدو. يوسئف يوز اون ائل عؤمور سوردو.
او، اِفرايئمئن اوچونجو نسئل اؤولادلاريني گؤردو. مِنَسّهنئن اوغلو ماکئرئن اؤولادلاري دا يوسئفئن اَلئنده دوغولدو.
بئر گون يوسئف قارداشلارينا ددي: "من اؤلورَم، آمّا تاري آرخايين سئزه نظر سالاجاق. او سئزي بو اؤلکه‌دن ائبراهئمه، ائسحاقا و يعقوبا ورمک اوچون آند ائچدئيي تورپاغا آپاراجاق."
سونرا يوسئف ائسرايئلئن اؤولادلارينا آند ائچدئرئب ددي: "تاري آرخايين سئزه نظر سالاجاق. گدن زامان منئم سوموکلرئمي ده بورادان چيخاردارسينيز."
يوسئف يوز اون ياشيندا اؤلدو. اونو مئصئرده مومئيالاييب بئر تابوتا قويدولار.
ائسرايئل اؤولادلارينين آدلاري کي، عايئلهلري ائله، يعقوبلا بئرلئکده مئصئره گلدئلر، بونلار ائدي:
رِعوبئن، شَمعون، لاوي، يهودا،
يئسّاکار، زِبولون، بِنيامئن،
دان، نَفتالي، جاد، آشِر،
يعقوبون نسلئندن گلنلر يتمئش نفر ائدئلر. يوسئف آرتيق مئصئرده ائدي.
يوسئف اؤلدو، قارداشلاري و او نسلئنئن هاميسي دا اؤلدولر.
لاکئن ائسرايئل اؤولادلاري آرتديلار، تؤره‌يئب چوخالديلار، چؤخ قووّتلي اولدولار، و اؤلکه اونلارلا دولوب داشدي.
مئصئرده تزه بئر پادشاه تخته چيخدي کي، يوسئفي تانيميردي.
او، خالقينا ددي: "باخين، ائسرايئل خالقي ساييجا بئزدن چوخ و داها قووّتلئدئر.
گلئن اونلارلا اولان رفتاريميزدا حئکمتلي اولاق، مبادا چوخالسينلار و موحارئبه واختي دوشمنلرئمئزله بئرله‌شئب، بئزه ضئدّ ووروشسونلار و اؤلکهني ترک اتسئنلر."
بلجه مئصئرلئلر ائسرايئل اؤولادلارينين اوستونه ائش نظارتچئلري قويدولار کي، آغير ائشلرله اونلاري ذلئل اتسئنلر. ائسرايئل اؤولادلاري فئرعون اوچون پئتوم و رَعمِسِس آدلانان شهرلر تئکدئلر کي، اونون آنبارشهرلري ائدي.
آمّا مئصئرلئلر ائسرايئل اؤولادلارينا نه قدر اذئيّت وردئلر، اونلار او قدر چوخاليب ياييلديلار. اونا گؤره ده ائسرايئل اؤولادلاريندان دهشته دوشوب،
اونلاري آمانسيزجا چاليشديرديلار.
اونلارين حياتلاريني پالچيق و کرپئج کئمي آغير ائشلرله آجي اتدئلر و هر جور زمي ائشلری و آغير زحمتلرله ائسرايئل اؤولادلارينين حياتلاريني زهر اتدئلر.
او زامان مئصئر پادشاهي، شئفرا و پوعا آدلانان عئبراني مامالارلا دانيشيب،
اونلارا ددي: "عئبراني آروادلاريني دوغوزدوراندا، دوغوم صَندلئسئنده باخين: اگر اوشاق اوغلان اولسا، اونو اؤلدورون، آمّا اگر قيز اولسا، قويون ياشاسين."
آمّا مامالاردا تاري قورخوسو وار ائدي. بونا گؤره ده مئصئر پادشاهينين اونلارا امر اتدئيي کئمي اتمه‌دئلر و اوغلان اوشاقلاريني صاغ بوراخديلار.
بلجه مئصئر پادشاهي مامالاري چاغيرتديريب، اونلارا ددي: "نئيه بله ادئبسئنئز؟ نئيه اوغلان اوشاقلاريني صاغ بوراخيبسينيز؟"
مامالار فئرعونا جاواب وردئلر: "چونکي عئبراني آروادلار، مئصئرلي آروادلار کئمي ديئللر. اونلار داها گوجلودورلر و ماما گلمه‌دن دوغورلار."
تاري مامالارا ياخشيليق اتدي و خالق چوخاليب، داها قووّتلندي.
مامالارين تاريدان قورخدوقلارينا گؤره، تاري بو مامالارا دا عايئله نصئب اتدي.
او واخت فئرعون بوتون خالقينا امر ادئب ددي: "عئبرانئلردن دوغولان هر اوغلان اوشاغي گرک نئل چايينا آتيلسين! و قيز دوغولان هر اوشاغي گرک دئري ساخلاياسينيز."
لاوي قبئلهسئندن بئر کئشي لاوئلي بئر قيزلا اِولَندي.
آرواد بويلو اولوب، بئر اوغلان دوغدو. آرواد اوشاغين گؤزل اولدوغونو گؤردوکده، اونو اوچ آي گئزلَتدي.
آمّا بوندان آرتيق اونو گئزلي ساخلايا بئلمه‌دئيئندن، قاميشدان بئر سبد گؤتوروب قير و قَطرانلا بورودو، کؤرپهني سبدئن ائچئنه قويوب، نئل چايين قيراغينداکي قاميشليغين آراسينا قويدو.
کؤرپه‌نئن باجيسي اوزاقدا دوروب باخيردي کي، اونون باشينا نه گله‌جَيئني گؤرسون.
فئرعونون قيزي يويونماق اوچون چايا گئردي. کنئزلري چايين قيراغيندا گزئردئلر. فئرعونون قيزي قاميشلارين آراسيندا سبدي گؤروب، کنئزئني گؤندردي کي، اونو گتئرسئن.
سبدئن آغيزيني آچديقدا کؤرپهني گؤردو. اوشاق آغلاييردي. فئرعون قيزي اونا رحمي گلدئيئندن، ددي: "بو عئبراني اوغلانلاريندان بئرئدئر."
او واخت کؤرپه‌نئن باجيسي فئرعونون قيزيندان سوروشدو: "ائسته‌يئرسئنئز گدئم سئزئن اوچون عئبراني آروادلاريندان بئر دايه چاغيريم کي، کؤرپهني اَمئزدئرسئن؟"
فئرعونون قيزي اونا ددي: "گت." قيز دا گدئب کؤرپه‌نئن آناسيني چاغيردي.
فئرعونون قيزي اونا ددي: "بو کؤرپهني گؤتور و منئم اوچون اَمئزدئر، سنئن اوجرتئني ورهرم". آرواد کؤرپهني گؤتوروب اَمئزدئردي.
اوشاق بؤيودو و آرواد اونو فئرعون قيزينين يانينا آپاردي و اوشاق اونون اوغلو اولدو. و او، اوشاغين آديني موسا قويوب ددي: "چونکي اونو سودان چيخارتديم."
موسا بؤيودوکدن سونرا، بئر دفه اؤز خالقينين يانينا گتدي و اونلارين آغير زحمتئني گؤردو. و بئر مئصئرلئيه راست گلدي کي، اونون خالقيندان اولان بئر عئبرانئني دؤيوردو.
موسا اطرافينا باخيب هچ کسئن اولماديغيني گؤرنده، مئصئرلئني اؤلدوروب قومدا گئزلَتدي.
صاباحيسي گون گتدئيئنده گؤردو کي، ائکي عئبراني بئر-بئری ائله ساواشير. موسا حاقسيز اولانا ددي: "يولداشيني نئيه وورورسان؟"
او آدام ددي: "سني بئزئم اوستوموزه کئم باشچي، يا دا حاکئم قويوب؟ يوخسا مئصئرلئني اؤلدوردويون کئمي، بو فئکئرده‌سن کی، منی ده اؤلدوره‌سن؟" او زامان موسا قورخوب اوره‌يئنده ددي: "يقئن کي، اتدئيئم ائش اوزه چيخيب."
فئرعون بو ائشدن خبردار اولاندا، ائسته‌دي کي، موساني اؤلدورتسون. آمّا موسا فئرعونون اَلئندن قاچيب، مئديان تورپاغينا چاتاراق، بئر قويونون يانيندا اوتوردو.
مئديانلي بئر کاهئنئن يدّي قيزي وار ائدي. اونلار گلئب قويودان سو چکدئلر. آتالارينين سوروسونو سووارماق اوچون، سو تَکنه‌لرئني دولدوردولار.
آمّا چوبانلار گلئب اونلاري قوودولار؛ موسا اونلارين کؤمَيئنه قالخدي و سورولرئني سوواردي.
قيزلار آتالاري رِعواِلئن يانينا گلنده، رِعواِل سوروشدو: "نجه اولدو کي، بو گون تز گلدئنئز؟"
اونلار جاواب وردئلر: "بئر مئصئرلي بئزي چوبانلارين الئندن قورتاردي، بوندان دا علاوه، حتّا قويودان بئزئم اوچون سو چکئب سورونو سوواردي."
رِعواِل قيزلاريندان سوروشدو: "او آدام بس هارادادير؟ اونو نئيه بوراخدينيز؟ چاغيرين، گلئب بئر شي يسئن."
موسا راضي اولدو کلی، او آدامين اِوئنده قالسين. او دا قيزي صئپّوراني موسا ائله اِولَندئردي.
صئپّورا بئر اوغلان دوغدو. موسا اونون آديني گِرشوم قويوب ددي: "من ياد بئر اؤلکهده قرئب اولموشام."
چوخ ائل کچدي. بو آرادا مئصئر پادشاهي اؤلدو. ائسرايئل اؤولادلاري اسئرلئکلرئنده ناله چکئب فرياد اتدئلر، و بو اسئرلئک اوچون اونلارين کؤمک ائسته‌ين باغيرتيسي تارينين حوضورونا چاتدي.
تاري اونلارين باغيرتيسيني اشئتدي و ائبراهئم، ائسحاق و يعقوبلا اولان عهدئني خاطيرلادي.
تاري ائسرايئل اؤولادلاريني گؤردو و اونلارا نظر سالدي.
موسا قاييناتاسي مئديانلي کاهئن يئترونون سوروسونو اوتاريردي. بئر دفه او، سورونو صحرانين او بئري طرفئنه آپاريب تارينين داغي خورِبه گلدي.
ربّئن مله‌يي اونا بئر بوتادان قالخان آلوو ائچئندن گؤروندو؛ باخ! بوتا آلوولو، آمّا يانيب کول اولموردو.
موسا ددي: "گرک ائندي يولدان دؤنوم و بو قرئب حادئثه‌يه بئر باخيم، گؤروم نه اوچون بو بوتا يانيب کول اولمور."
رب موسانين باخماغا يولدان دؤندويونو گؤرنده، تاري بوتانين اورتاسيندان اونو چاغيريب ددي: "موسا، موسا!" او دا ددي: "بويور."
تاري ددي: "بورايا ياخينلاشما. آياقلاريندان چاريقلاريني چيخارت، چونکي دوردوغون ير موقدّس تورپاقدير."
سونراسي دا ددي: "من آتانين تاريسي، ائبراهئمئن، ائسحاقين و يعقوبون تاريسييام." او واخت موسا اوزونو اؤرتدو، چونکي تارييا باخماقدان قورخوردو.
رب ددي: "حقئقتن، من مئصئرده اولان خالقيمين اذئيّتئني گؤرموشم، نظارتچئلرئن الئندن چکدئکلري فريادلاريني دا اشئتمئشم، چونکي اونلارين عذابلاريندان خبرئم وار.
بونا گؤره ده نازئل اولموشام کي، اونلاري مئصئرلی‌لرئن اَلئندن قورتاريب، او اؤلکه‌دن ياخشي و گِنئش بئر دئيارا، سود و بال آخان بئر يره گتئرئم؛ کَنَعانليلارين، خئتلئلرئن، اِمورلولارين، پِرئزلی‌لرئن، خئولئلرئن و يِبوسلولارين اؤلکهسئنه.
ائندي باخ، ائسرايئل اؤولادلارينين فريادي منه چاتيب، مئصئرلی‌لرئن اونلارا اتدئکلري ظولمو ده گؤرموشم.
اونون اوچون ائندي گل. سني فئرعونون يانينا گؤندرهجيم کي، خالقيم ائسرايئل اؤولادلاريني مئصئردن چيخارداسان."
لاکئن موسا تارييا ددي: "آخي من کئمَم کي، فئرعونون يانينا گِدَم، ائسرايئل اؤولادلاريني دا مئصئردن چيخاردام؟"
تاري ددي: "آرخايين اول کي، من سنئنله اولاجاغام. منئم سني گؤندردئيئمه علامت بو اولاجاق: سن خالقي مئصئردن چيخارديقدا، بو داغدا تارييا عئبادت ادهجکسن."
موسا تارييا ددي: "باخ، ائسرايئل اؤولادلارينين يانينا گدئرم و اونلارا دئيه‌جيم: منی سئزئن يانينيزا آتالارينيزين تاريسي گؤندرئب. او واخت مندن سوروشا بئلرلر: «اونون آدي ندئر؟» او واخت نه دئيه‌جيم؟"
تاري موسايا ددي: "من وارام کي، وارام." گئنه ددي: "ائسرايئل اؤولادلارينا بله دئيرسن: «وارام» منی سئزئن يانينيزا گؤندرئب."
تاري داها علاوه اتدي: "ائسرايئل اؤولادلارينا بله دئيرسن: آتالارينيزين تاريسي ائبراهئمئن، ائسحاقين و يعقوبون تاريسي رب منی سئزئن يانينيزا گؤندرئب. آديم ابدی اولاراق بودور. قوي منی نسئلدن-نسله بله خاطيرلاسينلار.
گت، ائسرايئل آغساقّاللاريني بئر يره ييغ و اونلارا بله دِه: آتالارينيزين تاريسي، ائبراهئمئن، ائسحاقين و يعقوبون تاريسي رب منه گؤرونوب ددي: "حقئقتن سئزئن قيدئنئزده‌يَم و مئصئرده سئزه ادئلن هر شي نظرئمده‌دئر.
بونا گؤره ددئم کي، سئزي مئصئرده چکدئيئنئز عذابدان قورتاريب کَنَعانليلارين، خئتلئلرئن، اِمورلولارين، پِرئزلی‌لرئن، خئولئلرئن و يِبوسلولارين اؤلکهسئنه، سود و بال آخان بئر اؤلکهيه آپاراجاغام."
اونلار سنئن سؤزونه قولاق آساجاقلار. سن ائسرايئل آغساقّاللاري ائله بئرلئکده مئصئر پادشاهينين يانينا گدئب دئيه‌جکسن: «عئبرانئلرئن تاريسي رب بئزئمله گوروشوب. ائندي بئزه ائجازه ور کي، چؤلده اوچ‌گونلوک بئر سفره چيخاق و اورادا تاريميز ربّه قوربان کسک.»
آمّا بئلئرم کي، مئصئر پادشاهي زور آلتيندا قالماديقجا، سئزئن گتمه‌يئنئزه ائجازه ورمَيه‌جک.
من ده اَلئمي اوزاديب اورادا هر جور مؤجوزهلر ادهرک، مئصئري ووراجاغام؛ بوندان سونرا مئصئر پادشاهي سئزي آزاد بوراخاجاق.
مئصئرلی‌لرئن گؤزونده بو خالق اوچون لوطف قازانديراجاغام، اله کي، يولا دوشدويونوز زامان اَلی‌بوش گتمَيه‌سئنئز؛
هر آرواد اؤز قونشوسوندان يا دا اِوئنده ياشايان آرواددان قيزيل-گوموش شيلر و پالتارلار ائستيه‌جک. اونلاري اوغوللارينيز و قيزلارينيزا گيدئره‌جکسئنئز؛ بلجه مئصئرلی‌لري سوياجاقسينيز."
او واخت موسا ددي: "بلکه اونلار منه ائنانماييب، سؤزومه قولاق آسمايالار؟ مومکوندور دئيه‌لر: «رب سنه گؤرونمه‌يئب!» او زامان نه؟!"
رب موسادان سوروشدو: "سنئن اَلئنده‌کي ندئر؟" او جاواب وردی: "دَيَنَک."
رب ددي: "اونو يره آت". موسا اونو يره آتدي و دَيَنَک ائلان اولدو. موسا اونون قاباغيندان قاچدي.
لاکئن رب موسايا ددي: "اَلئني اوزاديب اونون قويروغوندان توت." موسا اَلئني اوزاديب توتاندا، او گئنه اَلئنده دَيَنَک اولدو.
سونرا رب ددي: "بونو ات کي، ائنانسينلار آتالاري ائبراهئمئن، ائسحاقين، و يعقوبون تاريسي رب سنه گؤرونوبدور."
رب گئنه موسايا ددي: "ائندي اَلئني قوينونا قوي." موسا اَلئني قوينونا قويدو. اونو قوينوندان چيخارداندا، باخ، اَلي جوذام مرضئنه توتولوب، قار کئمي آغاپّاق اولموشدو.
سونرا رب ددي: "اَلئني گئنه قوينونا قوي." موسا گئنه اَلئني قوينونا قويدو؛ اَلئني قوينوندان گؤتورنده، اَلي گئنه ده اوّلکي کئمي اولدو.
رب داوام وردی: "اگر سنه ائنانماسالار و اَوّلکي علامتي قبول اتمَسه‌لر، آخيرکي علامتي قبول ادهجکلر.
آمّا اگر بو ائکي علامته ده ائنانماييب، سؤزونه قولاق آسماسالار، نئل چايينين سويوندان گؤتوروب، قورويا تؤک. چايدان گؤتوردويون سو، قورودا قانا دؤنهجک."
موسا ربّه ددي: "آمان ای پروردئگار! من هچ واخت فصئح دانيشان بئري اولماميشام، نه بو ياخينلاردا، نه کچمئشده، نه ده بو نؤکرئنله دانيشديغين زاماندان بَري. دئلئم توتولور، پَلتک بئر آدامام."
او واخت رب اونا ددي: "کئم ائنسانا آغيز ياراديب؟ کئم ائنساني لال يا دا کار ادئر؟ کئم ائنساني گؤزلو يا دا کور ادئر؟ بونو ادن، مگر من رب ديئلم؟
ائندي گت، من، بلی من، سنئن آغزينلا دانيشاجاغام و دئيه‌جَيئن سؤزو سنه اؤيرَده‌جيم."
لاکئن موسا ددي: "آمان ای پروردئگار! نه اولور، سؤزونو آيري بئر آداملا گؤندر."
او زامان رب موسايا قضبله‌نئب ددي: "قارداشين لاوئلي هارون مگر يوخدور؟ بئلئرم کي، دانيشيقدا فصئح بئر آدامدير. باخ، سنئن پئشوازينا گلئر. سني گؤرنده اورَکدن سوئنهجک.
قارداشينلا گرک دانيشاسان. نه دمک لازيمدير، اونا باشا سال. و من، بلی من، سنئن و اونون آغزي ائله دانيشاجاغام. سئزه نه اتمه‌يي اؤيرَده‌جيم.
سنئن عوضئنه خالقلا هارون دانيشاجاق. او سنئن اوچون آغيز اولاجاق، سن ده اونون اوچون تاري کئمي اولاجاقسان.
بو دَيَنَکي اَلئنده گؤتوره‌جکسن کي، اونونلا علامتلر گؤرسده‌سن."
او واخت موسا اورادان گتدي و قاييناتاسي يئترونون يانينا قاييديب ددي: "ائجازه ور قاييديب مئصئرده‌کي قارداشلاريمين يانينا گدئم، گؤروم حله صاغ-سالاماتديرلار، يا يوخ؟" يئترون موسايا ددي: سالامات گت."
مئديان تورپاغيندا رب موسايا ددي: "مئصئره قاييت، چونکي سنئن جانيني آلماق ائسته‌ين آداملارين هاميسي اؤلوب."
بلجه موسا آرواديني و اوغوللاريني گؤتوروب اِششَيه مئندئردي و تارينين بويوردوغو دَيَنَکي ده اَلئنه آليب، مئصئره قاييتدي.
رب موسايا ددي: "مئصئره قاييداندا، فئرعونون حوضوروندا اونلارا بوتون او مؤجوزه‌لری گؤرسد کی، اونلارين قودرتئنی سنه ورمئشم. گؤرسد؛ آمّا من اونون اوره‌يئني عئنادکار ادهجيم، اله کي، او دا خالقي بوراخماياجاق.
فئرعونا دئيه‌جکسن: «رب بله ديئر: ائسرايئل منئم اوغلوم، منئم ائلکئمدئر.
سنه ددئم کي، قوي اوغلوم منه عئبادت اتمک اوچون گتسئن! آمّا سن اونا بو ائجازه‌ني ورمه‌دين. باخ، من سنئن اوغلونو، سنئن ائلک اوغلونو اؤلدوره‌جيم.»"
يولدا اوتراق اِتدئکلری واخت، رب موسايا راست گلدي و ائسته‌دی کی، اونو اؤلدورسون.
او زامان صئپّورا بئر چاخماق داشي گؤتوروب، اوغلونو ختنه اتدي و ختنه اَتئني موسانين آياقلارينا آتيب ددي: "حقئقتن کي، سن منه قانلي بئر اَرسن."
بلجه، رب اوندان اَل چکدي. او زاماندا صئپّورا موسايا ختنهيه گؤره "سن منه قانلي بئر اَرسن" ددی.
رب هارونا ددي: "موسانين پئشوازي اوچون صحرايا گت." هارون گدئب تارينين داغيندا قارداشينا راست گلدي و اونو اؤپدو.
موسا هارونا ربّئن اونا ددئيي بوتون سؤزلري بئلدئردي کي، نجه رب اونو بو سؤزلرله و اده‌جَينه امر اتدئيي مؤجوزه‌لرله گؤندرئب.
او واخت موسا و هارون گدئب، ائسرايئل اؤولادلارينين بوتون آغساقّاللاريني بئر يره ييغديلار.
هارون ربّئن موسايا ددئيي سؤزلرئن هاميسيني اونلارا ددی و خالقين موقابئلئنده علامتلر گؤرستدي.
بلجه خالق ائناندي و او زامان کي، اشئتدئلر رب نجه ائسرايئل اؤولادلارينين قيدئنه قاليب و بونو دا کي، رب اونلارين چکدئيي اذئيّتي گؤروب، اَيئلئب پرستئش اتدئلر.
موسا و هارون گلئب فئرعونا ددئلر: "ائسرايئلئن تاريسي رب بله ديئر: خالقيمي بوراخ کي، گدئب صحرادا منئم اوچون بايرام توتسونلار!"
لاکئن فئرعون ددي: "رب کئمدئر کي، اونون سَسئنه قولاق آسيب ائسرايئل اؤولادلاريني بوراخيم؟ ربّي تانيميرام، ائسرايئل اؤولادلاريني دا بوراخماياجاغام."
اونلار ددئلر: "عئبرانئلرئن تاريسي بئزئمله گؤروشوب؛ قوي صحرادا اوچ گون سفر ادئب، تاريميز ربّه قوربان تقدئم اِدَک. يوخسا بئزي وَبا يا دا قيلينجلا محو اِدَر."
لاکئن مئصئر پادشاهي اونلارا ددي: "ای موسا و هارون، نه اوچون خالقي ائشئندن ساليرسينيز؟ ائشئنئزئن باشينا دؤنون."
فئرعون گئنه ددي: "باخين، اؤلکهنئن خالقي ائندي چوخدور، سئز، اونلارا، اتدئيي ائشلرئنده مانع اولورسونوز."
بلجه اِله همن گون فئرعون خالقين نظارتچئلري و گؤزَتچئلرئنه امر ادئب ددي:
"خالقا کرپئج دوزلتمک اوچون بئر داها سامان ورمهيئن. قوي اؤزلري گدئب سامان ييغسينلار.
آمّا اونلاردان ائسته‌يئن کی، قاباقکي همن ساييدا کرپئچ دوزَلتسئنلر. کرپئچ ساييسيني آزالتمايين. چونکي اونلار تنبلدئرلر، بونا گؤره ده باغيريرلار کي، «گدک تاريميزا قوربان تقدئم ادک.»
قوي زحمتلري داها آغير اولسون، قوي ائشلرئنه مشغول اولسونلار کي، يالان سؤزلره قولاق آسماسينلار."
خالقين گؤزَتچئلري و نظارتچئلر، خالقين يانينا گلئب اونلارا ددئلر: "فئرعون بله ديئر: «آرتيق سئزه سامان ورميه‌جيم.
گدئن، اؤزونوز هارادان تاپا بئلئرسئنئز، سامان ييغين، لاکئن ائشئنئزدن هچ بئري آزالماياجاق."
بلجه خالق بوتون مئصئر تورپاغينا سَپه‌له‌نئب، سامان عوضئنه کولَش ييغماغا باشلاديلار.
نظارتچئلر اونلاري زورلاييب ديئردئلر: "گوندهلئک ائشئنئزي يرئنه يتئرئن، اله همن قدر کي، سامان ورئلن واخت ادئردئنئز."
بوندان علاوه، ائسرايئل اؤولادلارينين گؤزَتچئلري کي، فئرعونون نظارتچئلري اونلاري ائش باشينا قويموشدولار، دؤيولوب سوروشولدولار: "نئيه دونن و بو گون، داها قاباکي ساييدا اولان کئمي کرپئج دوزلتمه‌يئبسئنئز؟"
او واخت ائسرايئل اؤولادلاريندان اولان گؤزَتچئلر، فئرعونون يانينا گلئب باغيرديلار: "قوللارينلا نئيه بله رفتار ادئرسن؟
قوللارينا سامان ورمئرلر، آنجاق «کرپئج دوزَلدئن» ديئرلر. باخ، قوللارين دؤيولور. آنجاق بو سنئن اؤز خالقينين تقصئرئدئر."
آمّا فئرعون ددي: "سئز تنبلسئنئز، چوخ تنبل، بونا گؤره ده ديئرسئنئز: «گدک، ربّه قوربان تقدئم ادک.»
ائندي گدئن ائشله‌يئن. سئزه سامان ورئلميه‌جک، آمّا گئنه ده همن ساييدا کرپئج دوزلتمَلي‌سئنئز."
ائسرايئل اؤولادلارينين گؤزَتچئلري پئس وضعئيّته دوشدوکلرئني گؤردولر، چونکي اونلارا ديئلدي کي، "سئزئن اوچون موعَيّن اولونموش گوندهلئک کرپئج ساييسي آزالماياجاق."
فئرعونون يانيندان چيخاندا، اونلارا مونتَظير اولان موسا و هارونلا راستلاشديلار.
اونلارا ددئلر: "قوي رب سئزئن نه اتدئيئنئزي گؤرسون و جزانيزي ورسئن! سئز بئزي فئرعون و اونون نؤکرلري گؤزونده رَذئل اتدئنئز و اللرئنه قيلينج وردئنئز کي، بئزي اؤلدورسونلر."
او واخت موسا ربّئن حوضورونا قاييديب ددي: "ای پروردئگار، نه اوچون بو خالقي بله بلايا سالدين؟ منی نئيه گؤندردئن؟
سنئن آديندا فئرعونلا دانيشماق اوچون گلندن بَري او، بو خالقي بلايا ساليب، سن آمّا خالقيني هچ قورتارماييبسان."
رب موسايا ددي: "گؤرهجکسن کی، فئرعونا نه ادهجيم؛ زورلا اونلاري بوراخاجاق، بئر ده زورلا اونلاري اؤلکه‌دن قوواجاق."
سونرا تاري موسايا ددي: "من ربّم.
من ائبراهئمه، ائسحاقا و يعقوبا قادئري‌موطلق تاري اولاراق گؤروندوم، آمّا اونلارا اؤزومو رب آدي ائله تانيتماديم.
اونلارلا عهد ده باغلاديم کي، قرئب ياشاديقلاري اؤلکهني، يعني کَنَعان اؤلکهسئني اونلارا ورئم.
بوندان علاوه مئصئرلی‌لرئن اسارتده ساخلاديغي ائسرايئل اؤولادلارينين باغيرتيسيني اشئتمئشم و اؤز عهدئمي خاطيرلاميشام.
بونا گؤره ائسرايئل اؤولادلارينا دِه: من ربّم. سئزي مئصئرلی‌لرئن ظولموندن چيخارداجاغام، اونلارين اسارتئندن سئزي قورتاراجاغام و قودرتلي اَلئمله، بؤيوک جزالارلا سئزي خئلاص دا ادهجيم.
او واخت سئزي اؤزومه خالق ادهجيم و سئزئن تارينيز اولاجاغام. او واخت بئلهجکسئنئز کي، سئزي مئصئرلی‌لرئن ظولموندن قورتاران رب تارينيز منم.
سئزي او اؤلکهيه گتئره‌جيم کي، اونو ائبراهئمه، ائسحاقا و يعقوبا وره‌جَيئمه آند ائچدئم. اونو سئزه مولک ورهجيم؛ رب منم."
موسا ائسرايئل اؤولادلارينا اله ددی. آمّا اونلار روحدان دوشدوکلرئنه و آغير اسارت چکدئکلرئنه گؤره موسايا قولاق آسماديلار.
رب موسا ائله دانيشيب ددي:
"مئصئر پادشاهي فئرعونون يانينا گدئب دِه: «ائسرايئل اؤولادلاريني اؤلکه‌دن بوراخ!»
آمّا موسا ربّئن حوضوروندا ددي: "ائسرايئل اؤولادلاري منه قولاق آسمادي؛ فئرعون منه نجه قولاق آساجاق؟ چونکي من دانيشماقدا فصئح بئر آدام ديئلم."
رب موسا و هارونلا دانيشيب، اونلارا ائسرايئل اؤولادلاري و مئصئر پادشاهي فئرعون اوچون امرلر وردی کي، ائسرايئل اؤولادلاريني مئصئر تورپاغيندان چيخارتسينلار.
ائسرايئل اؤولادلارينين عايئله باشچيلاري بونلاردير: ائسرايئلئن ائلک اوغلو رِعوبئنئن اوغوللاري: خَنوخ، پالّو، خِصرون و کَرمي؛ رِعوبئنئن عايئله‌سي بونلاردان عئبارتدئر.
شَمعونون اوغوللاري: يِمواِل، يامئن، اوحَد، ياکئن، سوخَر و کَنَعانلي بئر آروادين اوغلو شاول؛ شَمعونون عايئله‌سي بونلاردان عئبارتدئر.
نسئللرئنه گؤره لاوئنئن اوغوللاري بونلاردير: گَرشون، قوحات و مِراري. لاوي يوز اوتوز يدّي ائل عؤمور سورموشدور.
عايئله‌لرئنه گؤره گِرشونون اوغوللاري: لئبني و شئمعي.
قوحاتين اوغوللاري: اَمرام، يئصهار، خِبرون و اوزي‌اِل؛ قوحات يوز اوتوز اوچ ائل عؤمور سورموشدور.
مِرارئنئن اوغوللاري: مَخلي و موشي؛ نسئللرئنه گؤره لاوئلي‌لرئن عايئلهلري بونلاردان عئبارتدئر.
اَمرام بئبئسي يوکِبِدله اِولَندي؛ يوکِبِد هارون و موساني دوغدو. اَمرام يوز اوتوز يدّي ائل عؤمور سوردو.
يئصهارين اوغوللاري: قورَخ، نِفِگ و ذئکري.
اوزي‌يئلئن اوغوللاري: مئشااِل، اِلصافان و سئتري.
هارون نَخشونون باجيسي عَمّئنادابين قيزي اِلئشِبَعله اِولَندي؛ اِلئشِبَع اونا ناداب، اَبئهو، اِلازار و ائتاماري دوغدو.
قورَخئن اوغوللاري: اَسّئر، اِلقانا و اَبي‌آساف؛ قورَخئن عايئلهلري بونلاردان عئبارتدئر.
هارونون اوغلو اِلازار پوتي‌اِلئن قيزلاريندان بئرئني آرواد آلدي؛ او اونا پئنِخاسي دوغدو. عايئله‌لرئنه گؤره لاوئلی‌لرئن نسئل باشچيلاري بونلاردير.
بو اله همن هارون و موسا ائدي کي، رب اونلارا ددي: "ائسرايئل اؤولادلاريني لشگرلر حاليندا مئصئر تورپاغيندان چيخاردين."
اونلار همن آداملار ائدئلر کي، مئصئر پادشاهي فئرعونلا، ائسرايئل اؤولادلاريني مئصئر تورپاغيندان چيخارتماق اوچون دانيشديلار؛ اونلار همن موسا و هارون ائدئلر.
رب مئصئر تورپاغيندا موسا ائله دانيشاندا
رب موسا ائله دانيشيب ددي: "من ربّم! سنه ددئيئم بوتون سؤزلري مئصئر پادشاهي فئرعونا دِه."
آمّا موسا ربّئن حوضوروندا ددي: "من دانيشماقدا فصئح بئر آدام ديئلم، فئرعون منه نجه قولاق آساجاق؟"
رب موسايا ددي: "سني فئرعون اوچون تاري کئمي قويدوم، قارداشين هارون دا سنئن پيغمبرئن اولاجاق.
بوتون سنه امر اتدئکلرئمي دئيه‌جکسن، قارداشين هارون دا فئرعونا دئيهجک کي، ائسرايئل اؤولادلاريني اؤلکه‌دن آزاد بوراخسين!
لاکئن من فئرعونون اوره‌يئني عئنادکار ادهجيم کي، مئصئر تورپاغيندا گؤرسده‌جيئم علامتلر و مؤجوزهلري چوخالديم.
سئزه قولاق آسماسين. او واخت من الئمي مئصئر تورپاغينا اوزاديب، بؤيوک جزالار گؤندره‌رک، قوشونومو، خالقيم اولان ائسرايئل اؤولادلاريني مئصئر اؤلکهسئندن چيخارداجاغام.
اَلئمي مئصئر اؤلکهسئنه اوزاديب ائسرايئل اؤولادلاريني اونلارين آراسيندان چيخارتديغيم واخت مئصئرلئلر بئلهجکلر کي، رب منم!"
رب موسا و هارونا نجه امراتمئشدي، اونلار دا اله اتدئلر.
فئرعونلا دانيشديقلاري واخت، موسانين هشتاد، هارونون دا هشتاد اوچ ياشي وار ائدي.
رب موسايا و هارونا ددي:
"فئرعون سئزه دئيَنده کي، «بئر مؤجوزه گؤرسدئن.» موسا هارونا دسئن: «اؤز دَيَنَکئني گؤتوروب فئرعونون قاباغيندا يره آت کي، ائلانا دؤنسون.»
موسا و هارون فئرعونون يانينا گلئب، رب نجه امراتمئشدي، اله ده اتدئلر. هارون اؤز دَيَنَکئني فئرعونون و اونون اعيانلارينين موقابئلئنده يره آتدي و دَيَنَک ائلانا دؤندو.
لاکئن فئرعون مودرئک آداملاري و جادوگرلري چاغيردي. مئصئر سِحربازلاري دا اؤز سِحرلري ائله بله اتدئلر.
هر بئري اؤز دَيَنَکئني يره آتيب ائلانا دؤندردي، آمّا هارونون دَيَنَکي، اونلارين دَيَنَکلرئني اودّو.
لاکئن ربّئن ددئيي کئمي فئرعونون اوره‌يي عئنادکار اولدو و اونلارا قولاق آسمادي.
رب موسايا ددي: "فئرعونون عئنادکار اوره‌يي وار، خالقي بوراخماقدان بويون قاچيردير.
سن صاباح سحر او زامان کی، فئرعون سويا طرف گدئر، اونون موقابئلئنه چيخ. اونو نئل چايينين ساحئلئنده گؤزله‌يئب، ائلانا دؤنن دَيَنَکي الئنه گؤتور.
سونرا فئرعونا دئيَرسن: «عئبرانئلرئن تاريسي رب منی سنئن يانينا گؤندردي کي، سنه دِيئم: خالقيمي آزاد بوراخ کي، صحرادا منه عئبادت اتسئن! باخ، سن ائندئيه قدر قولاق آسمادين،
بونا گؤره ده رب بله ديئر: بوندان بئلهجکسن کي، رب منم. باخ، من الئمده‌کي دَيَنَکي نئل چايينين سويونا ووراجاغام اوندا سو قانا دؤنهجک.
چايدا اولان باليقلار اؤلهجک و چاي قوخوياجاق، مئصئرلئلر چايدان سو ائچمَيه ائيرَنه‌جکلر."
رب موسايا ددي: "هارونا بله دِه: دَيَنَکي گؤتور و اَلئني مئصئر سولاري، چايلاري، آرخلاري، حوووضلاري و بوتون گؤلمَچه‌لري اوستونه اوزات. اونلار قانا دؤنسونلر، بوتون مئصئر تورپاغيندا هم تاختا قابلاردا، هم ده داش قابلاردا قان اولاجاق."
رب موسا و هارونا نجه امراتمئشدي، اونلار دا اِله اتدئلر: فئرعونون و اونون اعيانلارينين موقابئلئنده هارون دَيَنَکئني قالديردي و چايداکي سويا چاتديردي. نئل چايينداکي بوتون سو قانا دؤندي؛
چايداکي باليقلار اؤلدو و چاي قوخولادي. مئصئرلئلر بورادان سو ائچه بئلمه‌دئلر. بوتون مئصئر تورپاغي قان ائچئنده ائدي.
آمّا مئصئر سِحربازلاري دا اؤز سِحرلري ائله بله اتدئلر. ربّئن ددئيي کئمي فئرعونون اوره‌يي عئنادکار اولدو و اونلارا قولاق آسمادي.
فئرعون قاييديب اؤز سارايينا گلدي؛ بو ائشه ده اَهمئيّت ورمَدي.
بوتون مئصئرلئلر نئل چايي ساحئلئنده يِر قازماغا باشلاديلار کي، ائچمَلي سو تاپسينلار. چونکي چايين سويوندان ائچه بئلمه‌دئلر.
رب چايا بلا گؤندرَندن سونرا يدّي گون کِچدي.
رب موسايا ددي: "فئرعونون يانينا گدئب اونا دِه: «رب بله ديئر: خالقيمي آزاد بوراخ کي، منه عئبادت اتسئن!
اگر خالقيمي بوراخماقدان ائمتئناع ادهسن، من سنئن بوتون تورپاغيني قورباغالارلا دولدوروب بلايا سالاجاغام.
چاي، قورباغالارلا قايناشاجاق و اورادان چيخيب سنئن ساراييندا، ياتاق اوتاغيندا، ياتاغينين اوستونده گزهجکلر، اعيانلارينين، خالقينين اِولرئنه، تَندئرلرئنه و خمئر تَکنه‌لرئنه گئرهجکلر.
سنئن، خالقينين، و بوتون اعيانلارين اوستونه قورباغالار چيخاجاقلار.»"
رب موسايا ددي: "هارونا بله دِه: «دَيَنکئني گؤتور و اَلئني چايلارين، آرخلارين و گؤلمَچه‌لرئن اوستونه اوزات. قوي مئصئر تورپاغي قورباغالارلا دولسون.»"
هارون اَلئني مئصئر سولاري اوستونه اوزاتدي و اورادان قورباغالار چيخيب مئصئر تورپاغيني بورودولر.
سِحربازلار دا اؤز سِحرلري ائله بله اتدئلر و مئصئر تورپاغينا قورباغالار يتئردئلر.
فئرعون موساني و هاروني چاغيريب ددي: "ربّه يالوارين کي، قورباغالاری مندن و خالقيمدان رَدّ اتسئن، اوندا خالقي بوراخارام کي، ربّه قوربان تقدئم اتسئن."
موسا فئرعونا ددي: "دانيش، نه واخت سنئن، اعيانلارين و خالقين اوچون يالواريم کي، قورباغالار سندن و اِولرئندن يوخ اولسونلار و آنجاق چايدا قالسينلار؟"
فئرعون ددي: "صاباح." موسا ددي: "سن ددئيئن کئمي اولسون؛ بوندان بئلهجکسن کي، تاريميز ربّه بَنزَر هچ تاري يوخدور!
قورباغالار سندن، اِولرئندن، اعيانلاريندان و خالقيندان رَدّ اولوب آنجاق چايدا قالاجاقلار."
موسا و هارون فئرعونون يانيندان چيخديلار. موسا فئرعونون اوستونه گؤندردئيي قورباغالارا گؤره ربّه يالواردي.
رب ده موسانين سؤزونه عمل اتدي. اِولرده، حيطلرده، زَمئلرده اولان قورباغالار اؤلدولر.
اونلاري قالاق-قالاق ييغديلار و تورپاق قوخوماغا باشلادي.
آنجاق فئرعون گؤرنده کي، وضعئيّت يونگوللَشئب، ربّئن ددئيي کئمي اوره‌يئني عئنادکار اتدي و اونلارا قولاق آسمادي.
رب موسايا ددي: "هارونا بله دِه: «دَيَنَکئني اوزاديب يرئن توزونا وور کي، او بوتون مئصئر اؤلکهسئنده ميغميغالارا دؤنسون.»
اونلار بله ده اتدئلر. هارون اَلئنده‌کي دَيَنَکئني اوزاديب يرئن توزونا ووردو و ائنسانلارين دا، حيوانلارين دا اوستونه ميغميغالار قوندو. بوتون مئصئر تورپاغيندا يرئن توزو ميغميغايا دؤندو.
سِحربازلار دا ائسته‌دئلر کی، اؤز سِحرلري ائله ميغميغالار گتئرسئنلر. لاکئن بونو باجارماديلار. ائنسانلارين دا، حيوانلارين دا اوستونه ميغميغالار قوندو.
سِحربازلار فئرعونا ددئلر: "بوندا تارينين اَلي وار". لاکئن ربّئن ددئيي کئمي، فئرعونون اوره‌يي عئنادکار اولدو و فئرعون اونلارا قولاق آسمادي.
رب موسايا ددي: "سحر تزدن چيخ. او زامان کی، فئرعون سويا طرف گدئر، اونون موقابئلئنه گدئب بله دِه: «رب بله ديئر: خالقيمي آزاد بوراخ کي، منه عئبادت اتسئن!
اگر اونلاري بوراخماقدان ائمتئناع ادهسن، سنئن، اعيانلارينين و خالقينين اوستونه و اِولرئنئن ائچئنه چئبئن ييغينلاري گؤندرهجيم. مئصئرلی‌لرئن اِولري، ياشاديقلاري تورپاق چئبئنلرله دولاجاق.
لاکئن او گون خالقيمين ياشاديغي گوشِن وئلايتئني آييراجاغام کي، اورادا چئبئنلر اولماسين؛ بوندان بئلهجکسن کي، بو اؤلکهده رب منم.
سنئن خالقينلا اؤز خالقيم آراسيندا فرق قوياجاغام. بو علامت صاباح اولاجاق."
رب بله ده اتدي. فئرعونون سارايينين، اعيانلارينين اِولرئني، بوتون مئصئر تورپاغيني، آغير چئبئن ييغيني باسدي. چئبئنلرئن الئندن اؤلکه وئران اولدو.
فئرعون موساني و هاروني چاغيريب ددي: "گدئن، بو اؤلکهده اؤز تارينيزا قوربان تقدئم ادئن."
لاکئن موسا ددي: "بله اتمک اولماز، چونکي بئزئم تاريميز ربّه قوربان کسمه‌يئمئز مئصئرلی‌لري ائيرَندئره‌جک. اگر مئصئرلی‌لرئن قاباغيندا بئز ائيرَندئرن قوربانلار کَسَک، مگر اونلار بئزي داشا باسمازلار؟
بئز ائسته‌يئرئک کي، صحرادا اوچ گون يول گدک و تاريميز ربّئن بئزه امر اتدئيي کئمي قوربان تقدئم ادک."
فئرعون ددي: "من سئزي آزاد بوراخيرام کي، صحرادا تارينيز ربّه قوربان گتئرهسئنئز، آمّا چوخ اوزاغا گتمه‌‌يه‌جکسئنئز. منئم اوچون ده يالوارين."
موسا ددي: "باخ، من سنئن يانيندان گدئرم. ربّه يالواراجاغام کي، صاباح چئبئن ييغينلاري فئرعونو، اعيانلاريني و خالقيني ترک اتسئن؛ آمّا مبادا فئرعون، خالقي ربّه قوربان گتئرميه بوراخماماقلا گئنه ده بئزي آلداتسين."
موسا فئرعونون يانيندان گدئب ربّه يالواردي.
رب موسانين سؤزونه عمل اتدي. فئرعونو، اعيانلاريني و خالقيني چئبئنلردن قورتاردي؛ بئري ده قالمادی.
آمّا بو دفه ده فئرعون اوره‌يئني عئنادکار اتدي و خالقي آزاد بوراخمادي.
رب موسايا ددي: "فئرعونون يانينا گدئب اونا دِه: «عئبرانئلرئن تاريسي رب بله ديئر: خالقيمي آزاد بوراخ کي، منه عئبادت اتسئن!
اگر سن اونو بوراخماقدان بويون قاچيرديب، ساخلاماغي داوام اتدئره‌سن،
باخ، رب الئني، زمئنده اولان حيوانلارين؛ آت، اِششَک، دَوه، مال- حيوان و قويون-کچئنئن اوستونه قالديراجاق؛ چوخ آغير وبا اولاجاق.
لاکئن رب ائسرايئل اؤولادلارينين حيوانلاري ائله مئصئرلی‌لرئن حيوانلاري آراسيندا فرق قوياجاق. ائسرايئل اؤولادلارينا عاييد اولان حيوانلاردان هچ بئري اؤلميه‌جکدئر.
رب واخت تعيئن ادئب ددي: "رب بونو اؤلکهده صاباح ادهجک."
محض بونو دا رب صاباحي گون اتدي. مئصئرلی‌لرئن بوتون حيوانلاري اؤلدو. آمّا ائسرايئل اؤولادلارينين حيوانلاريندان هچ بئري اؤلمه‌دي.
فئرعون آدام گؤندردي و باخ، ائسرايئل‌لئلرئن حيوانلاريندان حتّا بئري ده اؤلمه‌مئشدي. لاکئن فئرعونون اوره‌يي عئنادکار اولدو و او خالقي آزاد بوراخمادي.
رب موسايا و هارونا ددي: "کوره‌دن ائکي اوووچ دولوسو کول گؤتورون. قوي موسا اونو فئرعونون گؤزو قاباغيندا گؤيه سَپسئن.
بوتون مئصئر تورپاغيندا توز قالخاجاق، ائنسانلارين و حيوانلارين بدني گؤينه‌ين چئبانلار تؤره‌ده‌جک."
اونلار کوره کولونو گؤتوروب فئرعونون حوضوروندا دايانديلار. موسا اونو گؤيه سَپدي، ائنسانلارين و حيوانلارين بدنئنه گؤينه‌ين چئبانلار چيخدي.
سِحربازلار دا بو چئبانلارا گؤره موسانين قاباغيندا دايانا بئلمه‌دئلر؛ چونکي چئبانلار سِحربازلارين دا بدنلرئنه، بوتون مئصئرلی‌لر کئمي چيخميشدي.
ربّئن موسايا ددئيي کئمي اولدو: رب فئرعونون اوره‌يئني عئنادکار اتدي و فئرعون اونلارا قولاق آسمادي.
رب موسايا ددي: "صاباح سحر تزدن قالخ و فئرعونون قاباغيندا دايانيب اونا بله دِه: «عئبرانئلرئن تاريسي رب بله ديئر: خالقيمي آزاد بوراخ کي، منه عئبادت اتسئن!
چونکي من بو دفه سنئن، اعيانلارينين و خالقينين اوستونه بوتون بلالاريمي گؤندرهجيم. بوندان بئلهجکسن کي، بوتون دونيادا منه بَنزَر يوخدور.
اگر ائندي اَلئمي اوزاديب سني و خالقيني وبا ائله جزالانديرسايديم، ير اوزوندن سئلئنئب کَسئلردئنئز.
اونا گؤره سني قورويوب ساخلاديم کي، اؤز گوجومو سنه گؤرسدئم و آديم بوتون دونيايا اعلان ادئلسئن.
سن حله ده منئم خالقيما آغاليق ادئب، اونلاري بوراخميرسان.
باخ، من صاباح بو واخت چوخ گوجلو بئر دولو گؤندرئرم: اله بئر دولو کي، مئصئرئن قورولماسيندان بري اورادا اولماييب.
ائندي حيوانلاريني و چؤلده اولان هر شيئني اَمئن-آمانليغا آپار، چونکي زمئده قالان بوتون ائنسانلار و حيوانلار اِوه گتئرئلمَسه، اونلارين اوستونه دولو ياغاندا اؤله‌جکلر."
فئرعونون اعيانلاريندان بعضئلري ربّئن سؤزوندن قورخوب اؤز قول و حيوانلاريني تَلَسئک اِولرئنه گتئردئلر.
ربّئن سؤزونه اعتئناسيزليق ادنلر، اؤز قوللاريني و حيوانلاريني زمئده قويدولار.
رب موسايا ددي: "الئني گؤيه اوزات. قوي بوتون مئصئر تورپاغينا و اورادا اولان ائنسانلارين، حيوانلارين و بوتون زمي بئتکئلرئنئن اوستونه دولو ياغسين."
موسا دَيَنَکئني گؤيه اوزاتدي. رب ائلديريملا دولو گؤندردي و يره اود دوشدو؛ رب مئصئر تورپاغي اوستونه دولو ياغديردي.
بلجه، چوخ گوجلو بئر دولو ياغدي. دولو ائچئنده اود آليشيردي؛ مئصئر مئلّتئنئن قورولوشوندان بَري، بورادا بله بئر دولو اولماميشدي.
دولو بوتون مئصئر تورپاغيندا آدامدان حيوانا قدر ووردو و زمئده اولان هر بئتکئني محو اتدي و هر آغاجي قيريب تؤکدو.
آمّا ائسرايئل اؤولادلارينين ياشاديغي گوشِن وئلايتئنه دولو ياغمادي.
فئرعون موساني و هاروني چاغيرتديريب اونلارا ددي: "بو دفه گوناه اتدئم. رب صالحدئر، شرئر اولان من، و منئم خالقيمدير.
ربّه يالوارين، چونکي کئفايتجه ائلديريم و دولو باش ورئب. من ده سئزي آزاد بوراخارام و بورادا داها قالمازسينيز."
موسا اونا ددي: "شهردن چيخاندا الئمي ربّه طرف اوزاداجاغام، ائلديريم داياناجاق و داها دولو ياغماياجاق. بوندان بئلهجکسن کي، دونيا ربّئنکئدئر.
لاکئن من بئلئرم کي، سن و اعيانلارين گئنه ده تاريدان قورخمورسونوز."
بو واخت کتان و آرپا محصولو محو اولدو، چونکي آرپا دن گتئرمئش، کتان دا يِتئشمئشدي.
آمّا بوغدا و قيرميزي بوغدا محصولو محو اولمادي؛ چونکي اونلار گِج يِتئشئرلر.
موسا فئرعونون يانيندان شهردن چيخيب الئني ربّه طرف اوزاتدي؛ ائلديريم و دولو داياندي و يره ياغيش ياغمادي.
فئرعون ياغيشين، دولونون و ائلديريمين دايانديغيني گؤروب گئنه ده گوناه اتميه باشلادي، اؤزو و اعيانلاري اورکلرئني عئنادکار اتدئلر.
ربّئن موسا واسئطهسئله ددئيي کئمي، فئرعونون اوره‌يي عئنادکار اولدو و او، ائسرايئل اؤولادلاريني آزاد بوراخمادي.
رب موسايا ددي: "فئرعونون يانينا گت. من فئرعونون و اعيانلارينين اوره‌يئني اونا گؤره عئنادکار اتمئشم کي، اونلارين آراسيندا اؤز علامتلرئمي گؤرسدئم.
اله کي، سن ده اوغلونا و نوه‌نه دانيشارسان کی، مئصئرلی‌لري نجه ائستِهزا اتدئم و اونلارا علامتلر گؤرستدئم. اونلار بوندان بئلهجکلر کي، رب منم."
موسا و هارون فئرعونون يانينا گلئب اونا ددئلر: "عئبرانئلرئن تاريسي رب بله ديئر: «نه واختا قدر حوضورومدان بويون قاچيرديب منه تابع اولماياجاقسان؟ خالقيمي آزاد بوراخ کي، منه عئبادت اتسئن!
اگر سن منئم خالقيمي آزاد اتمکدن بويون قاچيرداسان، باخ، من صاباح سنئن اؤلکه‌نه چيئرتکهلر گؤندرهجيم.
چيئرتکهلر ير اوزونو اله اؤرته‌جکلر کي، تورپاغي گؤرمک اولماياجاق. دولو ياغاندان سونرا سئزه قالان شيلري ده اونلار يئيه‌جکلر؛ زمئدهکي آغاجلارينيزين وردئيي زوغلاري دا يئيه‌جکلر.
اونلار سنئن، اعيانلارينين و بوتون مئصئرلی‌لرئن اِولرئني دولدوراجاقلار. بله شيي نه آتالارين، نه ده بابالارين بو تورپاقدا مسکن سالديغي گوندن ائندئيه کئمي گؤرمه‌يئب. موسا دؤنوب فئرعونون يانيندان چيخدي.
فئرعونون اعيانلاري اونا ددئلر: "نه واختا قدر بو آدام بئزي تلهيه سالاجاق؟ بو آداملاري آزاد بوراخ، قوي اونلار اؤز تاريلاري ربّه عئبادت اتسئنلر. مگر سن حله بئلمئرسن کي، مئصئر محو اولور؟"
موساني و هاروني گئنه فئرعونون يانينا چاغيرديلار؛ فئرعون اونلارا ددي: "گدئن، تارينيز ربّه عئبادت ادئن. لاکئن کئملر گدهجک؟"
موسا ددي: "اوشاق، قوجا، اوغول، قيزلاريميز، قويون- کچي و مال- حيوانلاريميزلا بئرلئکده گده‌جيئک، چونکي ربّه بايرام اتمَلي‌يئک."
فئرعون اونلارا ددي: "اگر من سئزي آرواد-اوشاقلارينيزلا بئرلئکده آزاد بوراخسام، او زامان رب سئزه کؤمک اولسون! يقئن سئزئن پئس نئيّتئنئز وار.
بله اولماز، سئز کئشئلر گدئن و ربّه عئبادت ادئن. مگر بونو ائسته‌مئرسئنئز؟" سونرا فئرعون اونلاري اؤز حوضوروندان قوودو.
او واخت رب موسايا ددي: "اَلئني مئصئر تورپاغينين اوستونه اوزات. قوي مئصئر تورپاغينا چيئرتکهلر هوجوم اتسئن و اؤلکهنئن بوتون بئتکئلرئني، دولو ياغاندان سونرا قالان هر شيي يسئنلر.
موسا دَيَنَکئني مئصئر تورپاغينين اوستونه اوزاتدي؛ رب اؤلکهيه بوتون او گون و گجه داوام ادن شرق کوله‌يي گؤندردي. سحر آچيلاندا شرق کوله‌يي اؤزو ائله چيئرتکهلر گتئردي.
چيئرتکهلر بوتون مئصئر اؤلکهسئنه هوجوم اتدئلر و بوتون مئصئر تورپاغينا ياييلديلار؛ بله آغير چيئرتکه هوجومو نه اولموشدو، نه ده اولاجاق.
چيئرتکهلر بوتون ير اوزونو اله اؤرتدولر کي، تورپاق گؤرونموردو؛ اونلار، اؤلکهنئن بوتون بئتکئلرئني و دولو ياغديقدان سونرا قالان بوتون آغاجلارين مئيوه‌لرئني يدئلر؛ بوتون مئصئر تورپاغيندا نه آغاجلاردا، نه ده چؤللوکلرده هچ بئر ياشيلليق قالمادي.
فئرعون تَلَسئک موساني و هاروني چاغيريب اونلارا ددي: "تارينيز ربّه و سئزئن حاقّينيزدا گوناه اتدئم،
ائندي آنجاق بو دفه بئر داها گوناهيمي باغيشلايين و تارينيز ربّه يالوار کي، بو اؤلومو آنجاق مندن ردّ اتسئن."
موسا فئرعونون يانيندان چيخيب ربّه يالواردي.
رب کوله‌يي دؤنده‌رئب چوخ گوجلو قرب کوله‌يي گؤندردي و کولک چيئرتکه‌لري آپاريب، قيرميزي دهنزه آتدي؛ بوتون مئصئر اؤلکهسئنده بئر چيئرتکه بله قالمادي.
آمّا رب فئرعونون اوره‌يئني عئنادکار اتدي و او، ائسرايئل اؤولادلاريني بوراخمادي.
سونرا رب موسايا ددي: "الئني گؤيه طرف اوزات کي، مئصئر تورپاغيندا ظولمت، آغير قارانليق اولسون."
موسا الئني گؤيه طرف اوزاتدي. بوتون مئصئر تورپاغيندا اوچ گون آغير قارانليق اولدو.
اوچ گون هچ کس بئر-بئرئني گؤرمه‌دي و هچ کس يرئندن ترپنه بئلمه‌دي؛ آمّا بوتون ائسرايئل اؤولادلارينين ياشاديقلاري يرلر، ائشيقليق ائدي.
فئرعون موساني چاغيريب ددي: "گدئن ربّه عئبادت ادئن. قوي اوشاقلارينيز دا سئزئنله گتسئن، لاکئن قويون-کچئنئز و مال-حيوانينيز بورادا قالسين."
لاکئن موسا ددي: "سن بئزه قوربانلار و يانديرما قوربانلاري دا ورمَلي‌سن کي، تاريميز ربّه قوربان تقدئم ادک.
حيوانلاريميز دا بئزئمله گتمَلي‌دئرلر: بئر ديرناق بله قالماماليدير، چونکي تاريميز ربّه قوربان گتئرمک اوچون اونلاري گؤتورمَلي‌يئک. لاکئن اورايا گدئب چاتماميش، ربّه نه‌يي قوربان گتئره‌جيئمئزي بئلمئرئک."
رب فئرعونون اوره‌يئني عئنادکار اتدي و او ائستمه‌دی کی، ائسرايئل اؤولادلاريني بوراخسين.
سونرا فئرعون موسايا ددي: "ردّ اول، اؤزونو گؤزله و بئر ده منئم گؤزومه گؤرونمه؛ بئر داها گؤزومه گؤروندويون گون اؤله‌جکسن."
موسا ددي: "دوز ديئرسن؛ بئر داها گؤزونه گؤرونمه‌رم."
سونرا رب موسايا ددي: "فئرعونون و مئصئرئن اوستونه داها بئر جزا گؤندرهجيم؛ بوندان سونرا او، سئزي آزاد بوراخاجاق، سئزي بوراخاندا، بورادان سئزي تامامن قوواجاق.
خالقا چاتدير کي، هر کئشي اؤز قونشوسوندان و هر آرواد اؤز دوستوندان قيزيل-گوموش شيلر ائسته‌سئن."
رب اؤز خالقينا مئصئرلی‌لرئن گؤزونده لوطف قازانديردي. موسا اؤزو ده مئصئر اؤلکهسئنده فئرعونون اعيانلارينين و خالقين گؤزونده چوخ بؤيوک آدام ائدي.
موسا ددي: "رب بله ديئر: «گجه ياريسي من مئصئرئن آراسيندان کچه‌جيم؛
مئصئر تورپاغيندا تختده اوتوران فئرعونون اوغلوندان توتموش، دَيئرمان آرخاسيندا اولان کنئز اوغلونا قدر، هامينين ائلک اوشاغي اؤلهجک. حتّا بوتون حيوانلارين دا ائلک بالالاري اؤلهجک.
بوتون مئصئر تورپاغيندا اله بؤيوک بئر فغان قوپاجاق کي، ائندئيهجک بله‌سي اولماييب و بوندان سونرا دا اولماياجاق.
لاکئن ائسرايئل اؤولادلارينين هچ بئرئنئن ضئدّئنه حتّا بئر ائت ده هورميه‌جک، نه بئر آداما، نه ده بئر حيوانا. بوندان بئلهجکسئنئز کي، رب ائسرايئل اؤولادلاري ائله مئصئرلئلر آراسيندا نجه فرق قويور.
سونرا بوتون بو قوللارين يانيما گلهجک و منه تعظئم ادئب دئيهجکلر: سن و دالينجا گلن بوتون خالق بورادان چيخين! بوندان سونرا من چيخاجاغام.»" سونرا موسا قيزغين قضبله فئرعونون يانيندان چيخدي.
رب موسايا ددي: "فئرعون سئزه قولاق آسماياجاق کي، مئصئر دئياريندا منئم مؤجوزه‌لرئم چوخالسين.»
موسا و هارون بوتون بو مؤجوزهلري فئرعونون حوضوروندا گؤرستدئلر. لاکئن رب فئرعونون اوره‌يئني عئنادکار اتدي و او، ائسرايئل اؤولادلاريني اؤز تورپاغيندان آزاد بوراخمادي.
مئصئر تورپاغيندا رب موسا و هارونا ددي:
"بو آي سئزئن اوچون ائلک آي، سئزئن اوچون ائلئن ائلک آيي اولاجاق.
بوتون ائسرايئل جاماعاتينا ديئن: «قوي بو آيين اونونجو گونونده، اونلاردان هر بئري اؤزلري اوچون بئر قوزو، آتالارينين اِولرئنه گؤره، هر اِو بئر قوزو گؤتورسون.
اگر بئر آدامين عايئله‌سي بئر قوزو اوچون ساييجا آزدير، قوي او آدام، اِوئنه ياخين قونشوسي ائله بئرلئکده، بئر حيوان گؤتوروب آداملارين سايينا، هر کسئن يئيه‌جيئنه گؤره بؤلسون.
قوزونوز بئر ائلّئک قوصورسوز اِرکَک قوزو اولسون. اونو قويونلاردان يا دا کِچئلردن گؤتوره بئلرسئنئز.
اونو آيين اون دؤردونجو گونونه قدر ساخلايين. قوي آخشامچاغي ائسرايئل جاماعاتيندان هر کس اونو کسسئن.
قوربانين قانيندان گؤتوروب، اونو يئيه‌جکلري اِوئن قاپيسينين هر ائکي يان تاختاسينا و اوست دئره‌يئنه سورتسونلر.
همئن گجه اونون اَتئني يسئنلر؛ اَتي اوددا قيزارديب، ماياسيز چؤرک و آجي گؤيرتي ائله يسئنلر.
اونو چئي، و يا سودا قايناديلميش حالدا يمه‌يئن. کلّهسي، پاچاسي و ائچالاتي ائله بئرلئکده اوددا قيزارديلميش حالدا ييئن.
اوندان سحره قدر بئر شي ساخلامايين و سحر قالانلاريني يانديرين.
اونو بله ييئن: بِلئنئز قورشانميش، چاريقلارينيز آياغينيزدا، و دَيَنه‌يئنئز اَلئنئزده اولسون، اونو تَلَسئک ييئن. بو، ربّئن پاسخاسيدير.
لاکئن من او گجه مئصئر تورپاغيندان کچه‌جيم. مئصئر تورپاغيندا اولان هم ائنسانلارين بوتون ائلک اوشاقلاريني، هم ده حيوانلارين بوتون ائلک بالالاريني اؤلدوره‌جيم. بوتون مئصئر آللاهلارينا دا جزا ورهجيم. رب منم.
اولدوغونوز اِولرئن اوستونده‌کي قان، سئزئن اوچون علامت اولاجاق. قاني گؤروب يانينيزدان کچه‌جيم و مئصئر اؤلکهسئني جزالانديرديغيم زامان، سئزه محو اِدئجي بلا گلميه‌جک.
بو گون سئزئن اوچون خاطئره گونو اولاجاق. اونو رب اوچون بايرام ادئن. نسئللر بويو ابدی قايدا اولاراق، اونو بايرام ادئن.
يدّي گون ماياسيز چؤرک ييئن. آمّا بئرئنجي گون اِولرئنئزدن ماياني ييغيشديرين. چونکي بئرئنجي گوندن يدّئنجي گونه قدر مايالي چؤرک يئين هر کسئن آياغي ائسرايئللیلرئن آراسيندان کسئلمه‌لئدئر.
سئزئن اوچون بئرئنجي و يدّئنجي گونلرده موقدّس ييغين اولاجاق. بو گونلر هر کس اؤزونه يمک حاضيرلاماقدان باشقا هچ بئر ائش گؤرمه‌سئن.
بو ماياسيز چؤرک بايراميني اونا گؤره رئعايت ادئن کي، محض همئن گون سئزئن دسته‌لرئنئزي مئصئر تورپاغيندان چيخارتديم. بو گونو نسئل بويو ابدی قايدا اولاراق رئعايت ادئن.
بئرئنجي آيين اون دؤردونجو گونونون آخشاميندان، آيين ائيئرمي بئرئنجي گونونون آخشامينا قدر، ماياسيز چؤرک ييئن.
يدّي گون اِوئنئزده مايا اولماسين. چونکي مايالي بئر شي يئين هر کس ائستر اؤلکهده قرئب اولسون، ائستر يرلي، آياغي ائسرايئل ائجماعسينين آراسيندان کسئلمه‌لئدئر.
هچ بئر مايالي شي يمه‌يئن، ياشاديغينيز هر بئر يرده ماياسيز چؤرک ييئن.»"
موسا ائسرايئلئن بوتون آغساقّاللاريني چاغيريب ددي: "عايئله‌لرئنئزه گؤره اؤزونوز اوچون قوزو گؤتورون و پاسخا قوربانيني کسئن.
بئر دسته مرجانکؤشک گؤتوروب لَيَنده اولان قانا باتيرين و اوراداکي قاندان قاپينين اوست دئره‌يئنه و يان تاختالارينا سورتون. سحره قدر هچ کس اِوئنئن قاپيسيندان چيخماسين.
رب مئصئرلی‌لري بلايا سالماق اوچون گلنده، قاپينين اوست دئرک و يان تاختالارينين اوستونده اولان قاني گؤروب، او قاپينين يانيندان کچهجک. محو اِدئجي بلاني اِوئنئزه گئرميه قويماياجاق.
بونو ابدی قايدا اولاراق اؤزونوز و اؤولادلارينيز اوچون رئعايت ادئن.
ربّئن ددئيي کئمي سئزه وردئيي تورپاغا گلئب بو عئبادتي يرئنه يتئرئن.
اگر اؤولادلارينيز سئزدن سوروشالار کي، «بو عئبادتئن معناسيني سئزئن اوچون ندئر؟»
اونلارا جاواب ورئن: «بو، رب اوچون پاسخا قوربانيدير، او خئلاص ادن رب کي، مئصئرلی‌لري بلايا سالديغي زامان، مئصئرده‌کي ائسرايئل اؤولادلارينين اِولرئندن کچدي، لاکئن بئزئم اِولرئمئزي ساخلادي.»" خالق اَيئلئب سجده اتدي.
رب موسا و هارونا نجه امراتمئشدي، ائسرايئل اؤولادلاري دا گدئب اله اتدئلر.
گجه ياريسي رب مئصئر تورپاغيندا اولان بوتون ائلک اؤولادلاري ووردو؛ تختده اوتوران فئرعونون ائلک اؤولاديندان توتموش، زئنداندا اولان اسئرئن ائلک اوشاغينا قدر؛ حيوانلارين ائلک بالاسيني دا ووردو.
گجه واختي فئرعون، اونون اعيانلاري و بوتون مئصئرلئلر قالخديلار. مئصئردن بؤيوک بئر فغان قوپدو، چونکي اله بئر اِو يوخ ائدي کي، اورادا اؤلَن اولماسين.
فئرعون گجه موسا و هاروني چاغيريب ددي: "چيخين گدئن! هم اؤزونوز، هم ده ائسرايئللی‌لر خالقيمين آراسيندان چيخين گدئن، ائسته‌دئيئنئز کئمي ربّه عئبادت ادئن.
نجه کي ديئرسئنئز، قويون-کچئنئزي و مال-حيوانينيزي دا گؤتوروب گدئن، منه ده برکت ورئن."
مئصئرلئلر خالقي زور آلتينا قويدولار کي، اؤلکهني تَلَسئک ترک اتسئنلر، چونکي ديئردئلر: "يوخسا هاميميز اؤلهجيئک."
خالق خمئرلرئن ماياسي آجيماميش حالدا، پالتارلارينا بورونموش خمئر طاباقلاريني چئيئنلرئنده آپاردي.
ائسرايئل اؤولادلاري موسانين سؤزونه عمل اتدئلر. مئصئرلی‌لردن قيزيل-گوموش و پالتارلار ائسته‌دئلر.
رب خالقا مئصئرلی‌لرئن گؤزونده لوطف قازانديردي و اونلارا ائسته‌دئکلرئني وردئلر. بلجه اونلار مئصئرلی‌لري سويدولار.
ائسرايئل اؤولادلاري رَعمِسِسدن سوکّوتا يولا دوشدولر. آرواد-اوشاقدان باشقا، آلتي يوز مئنه قدر پئيادا گدن کئشي وار ائدي.
قاريشيق بئر ائزدئحام، چوخلو قويون-کچي، مال-حيوان و آيري حيوانلار دا اونلارلا بئرلئکده يولا دوشدو.
مئصئردن چيخارتديقلاري خمئردن ماياسي آجيماديغي اوچون ماياسيز فطئرلر پئشئردئلر. چونکي مئصئردن قووولموشدولار. نه يوبادا بئلردئلر، نه ده اؤزلرئنه آذوقه حاضيرلاميشديلار.
ائسرايئل اؤولادلارينين مئصئرده ياشاديغي مودّت دؤرد يوز اوتوز ائل اولموشدو.
محض بو دؤرد يوز اوتوز ائل قورتارديغي گونده، ربّئن بوتون دسته‌لري مئصئر تورپاغيندان چيخدي.
بو او گجه‌دئر کي، گرک رب اوچون ساخلانسين. چونکي مئصئر دئياريندان اونلاري قورتاردي. بو اله او گجه‌دئر کي، بوتون ائسرايئل خالقي نسئللر بويو او گجهني ساخلاماليديرلار.
رب موسا و هارونا ددي: "پاسخا بايرامينين قايداسي بلهدئر: هچ بئر قرئب اوندان يمه‌سئن؛
آنجاق هر کسئن گوموشله ساتين آلينميش قولو، ختنه اولوندوقدان سونرا اونو يئيه بئلر.
قوناق و موزدلو ائشچي اوندان يِمه‌سئن.
قوي بو يمک بئر اِوده ييئلسئن؛ اَتي اِودن اشئيه چيخارديلماسين و اونون هچ بئر سومويونو ده سينديرماياجاقسينيز.
بوتون ائسرايئل ائجماعسي بونو جشن توتسون.
سنئن يانيندا قوناق اولان قرئب، اگر رب اوچون پاسخا کچئرتمک ائسته‌سه، قوي عايئلهسئنده اولان بوتون کئشئلر ختنه اولونسون؛ آنجاق بو زامان اونو کچئرده بئلر و او دا سئزئن هم طايفانينيز کئمي ساييلار. ختنه اولونمايان هچ بئر کئشي اوندان يمه‌سئن.
او قرئب اوچون ده کي، يانينيزدا يرلئلر کئمي ياشايير، قانون هَمَندئر."
رب موسا و هارونا نجه امراتمئشدي، ائسرايئل اؤولادلاري دا بله اتدئلر.
رب او گون ائسرايئل اؤولادلاريني مئصئر تورپاغيندان دسته-دسته چيخارتدي.
رب موسايا ددي:
"ائسرايئل اؤولادلاري آراسيندا هر بطندن ائلک دوغولان بوتون اوغلانلاري و بوتون حيوانلارين بالالاريني منه تقدئس ات. اونلار منئمدئر."
موسا خالقا ددي: "مئصئردن، نؤکرچئلئک اِوئندن چيخديغينيز گونو خاطيرلايين. چونکي رب سئزي قووّتلي اَلله اورادان چيخارتدي و بونا گؤره ده مايالي چؤرک گرک ييئلمه‌سئن.
آبئب آييندا اولان بو گون چيخيرسينيز.
رب آتالارينيزا آند ائچمئشدي کي، کَنَعانليلارين، خئتلئلرئن، اِمورلولارين، خئولئلرئن، و يِبوسلولارين اؤلکهسئني سئزه ورهجک. سئزي سود و بال آخان بئر تورپاغا گتئره‌جيي واخت، بو عئبادتي همئن آيدا يرئنه يتئرئن.
يدّي گون ماياسيز چؤرک ييئن، يدّئنجي گون ربّه بايرام اولسون.
او يدّي گون عرضئنده، آنجاق ماياسيز چؤرک ييئلمه‌لئدئر. آرانيزدا بوتون اؤلکهده نه مايالي چؤرک گؤرونسون، نه ده مايا.
او گونو اوغلونوزا بئلدئرئب ديئن: «مئصئردن چيخديغيم واخت رب منئم اوچون نَلر اتدئيئنه گؤره بله ادئرم.»
قوي بو اَلئنئزده نئشانه و گؤزلرئنئزئن قاباغيندا خاطئره اولسون کي، ربّئن قانونو آغزينيزدان دوشمه‌سئن، چونکي رب سئزي قووّتلي اَلله مئصئردن چيخارتدي.
ائلدن ائله بو قايدايا تعيئن اولونان واخت عمل ادهجکسن.
او زاماندان کي، رب، سئزه و آتالارينيزا آند ائچدئيي کئمي، سئزي کَنَعانليلارين اؤلکهسئنه گتئردي، اوراني سئزه وردئيي زامان،
آنا بطنئندن ائلک دوغولان بوتون اوغلانلارينيزی ربّه تقدئم اتمه‌لئسئنئز: ائلک دوغولان بوتون حيوان بالالاري دا ربّئن اولسون.
هر ائلک دوغولان اِششَک بالاسي عوضئنه، بئر قوزو ورهجکسئنئز. اگر عوضئني ورمَيه‌سئنئز، گرک اونون بوينونو سينديراسينيز. اوغلانلارينيزين آراسيندا هر آدامين ائلک دوغولانين عوضئني ورمه‌لئسئنئز.
اوغوللارينيز سئزدن «بو ندئر؟» سوروشاندا ديئن: «رب بئزي مئصئردن، نؤکرچئلئک اِوئندن قووّتلي اَلله چيخارتدي.
فئرعون بئزي آزاد بوراخماماغا عئناد ادنده، رب مئصئر تورپاغيندا اولان هم ائنسانلارين هم ده حيوانلارن بوتون ائلک اوشاغيني اؤلدوردو. بونا گؤره من بوتون ائلک دوغولان حيوان بالالاريني ربّه قوربان ورئرم، بوتون ائلک اوغوللاريمين دا عوضئني ورئرم.
قوي بو اَلئنئزده نئشانه و گؤزلرئزئن قاباغيندا خاطئره علامتي اولسون، چونکي رب بئزي قووّتلي اَلله مئصئردن چيخارتدي."
فئرعون خالقي آزاد بوراخديغي زامان، تاري اونلاري فئلئسطلی‌لرئن بؤلگهسئندن، حتّا يولون قيسا اولدوغو حالدا آپارمادي. چونکي ددي: خالق موحارئبه گؤرنده بلکه پشمان اولوب مئصئره قاييدار.
تاري خالقي قيرميزي دهنزه طرف، صحرا يولو ائله آپاردي. ائسرايئل اؤولادلاري مئصئر تورپاغيندان نئظاملا چيخديلار.
موسا يوسئفئن سوموکلرئني اؤزو ائله آپاردي، چونکي يوسئف ائسرايئل اؤولادلارينا برک آند ورئب دمئشدي: "تاري موطلق سئزه نظر سالاجاق. گدن زامان اؤزونوله سوموکلرئمي ده بورادان چيخاردين."
ائسرايئل اؤولادلاري سوکّوتدان يولا دوشوب، صحرانين قيراغيندا اولان اِتامدا خيمه قوردولار.
رب اونلارين قاباغي ائله، گوندوز اونلارا يول گؤرسدمَک اوچون، بولود دئره‌يئنده، گجه ده، اونلارا ائشيق ورمک اوچون، اود دئره‌يئنده گدئردي کي، گوندوز ده، گجه ده گده بئلسئنلر.
گوندوزلر بولود دئره‌يي، گجه‌لر ده اود دئره‌يي خالقين قاباغيندان آيريلمادي.
رب موسايا ددي:
"ائسرايئل اؤولادلارينا بله دِه: «دؤنوب پی‌حَخئروت قاباغيندا، مئگدوللا دهنزئن آراسيندا دوشَرگه سالين. بَعل‌صِفون موقابئلئنده دهنزئن ساحئلئنده دوشَرگه‌نئز اولسون.
فئرعون دوشونه‌جک کي، ائسرايئل اؤولادلاري آماجسيز سرگرداندير، صحرا، يوللاريني کسئبدئر.
آمّا من فئرعونون اوره‌يئني عئنادکار ادهجيم کي، او سئزي تعقئب اتسئن. سونرا فئرعون و اونون بوتون قوشونو واسئطهسئله عئزّتلنه‌جيم. مئصئرلئلر بئلهجکلر کي، رب منم.»" ائسرايئللی‌لر بله ده اِله‌دئلر.
مئصئر پادشاهينا ائسرايئل خالقينين قاچديغيني خبر ورنده، فئرعون و مأمورلارينين فئکري ديئشئلدي. اونلار ددئلر: "بئز نه اوچون بله اتدئک؟ ائسرايئل اؤولادلاريني نئيه قوللوغوموزدان بوراخديق؟
فئرعون دؤيوش عارابالاريني حاضيرلاييب، آداملاريني اؤزو ائله گؤتوردو.
او، آلتي يوز سِچمه دؤيوش آرابا، و مئصئرئن بوتون باشقا عارابالاريني گؤتوردو. هر آرابانين اؤز مأمورو وار ائدي.
رب مئصئر پادشاهي فئرعونون اوره‌يئني عئنادکار اتدي و او، ائسرايئل اؤولادلاريني تعقئب اتدي. آمّا ائسرايئل اؤولادلاري جورعتله گدئردئلر.
مئصئرلئلر، فئرعونون بوتون آتلاري، عارابالاري، سورَنلرئني و قوشونو اونلاري تعقئب ادئب في‌حَخئروت يانيندا، بَعل‌صِفون موقابئلئنده دهنزئن ساحئلئنده قوردوقلاري دوشَرگَيه چاتديلار.
فئرعون ياخينلاشاندا ائسرايئل اؤولادلاري باخيب گؤردولر کي، مئصئرلئلر اونلارين دالينجا گلئرلر. بونا گؤره ده چوخ قورخوب، ربّه فرياد اتدئلر.
اونلار موسايا ددئلر: "مگر مئصئرده قبئرئستانليق يوخدور کي، سن بئزي صحرادا اؤلمَيه آپاردين؟ بئزي مئصئردن چيخارديب باشيميزا نه گتئردئن؟
مئصئرده مگر سنه دمئردئک: بئزدن اَل چک، مئصئرلی‌لره قوللوق ادک؟ صحرادا اؤلمَکدن مئصئرلی‌لره قوللوق اتمک بئزئم اوچون ياخشيدير."
آمّا موسا خالقا بله ددي: "قورخمايين! دورون، گؤرون رب بو گون نجه سئزی خئلاص ادهجک! بو گون گؤردويونوز مئصئرلی‌لري داها هچ واخت گؤرميه‌جکسئنئز.
ساکئت اولون، رب سئزئن اوچون دؤيوشه‌جک!"
رب موسايا ددي: "نه اوچون منه فرياد ادئرسن؟ ائسرايئل اؤولادلارينا دِه کي، يولا دوشسونلر."
آمّا سن دَيَنَکئني قالديريب، الئني دهنزئن اوستونه اوزات، سولاريني يار کي، ائسرايئل اؤولادلاري قورولوق يردن دهنزئن اورتاسيندان کچسئنلر.
من مئصئرلی‌لرئن اورکلرئني عئنادکار ادهجيم کي، سئزي تعقئب اتسئنلر. سونرا فئرعونون، اونون بوتون قوشونونون، دؤيوش آارابالارينين و سورَنلرئنئن واسئطهسئله عئزّتلنه‌جيم.
فئرعونون دؤيوش عارابالارينين و سورَنلرئنئن واسئطهسئله عئزّتلندئيئم زامان، مئصئرلئلر بئلهجکلر کي، رب منم.
ائسرايئل خالقينين قاباغيندا گدن تارينين مله‌يي، اونلارين آرخاسينا کچدي. بولود دئره‌يي قاباقلاريندان آرخالارينا کچئب،
مئصئرلی‌لرئن دوشَرگه‌سي و ائسرايئللیلرئن دوشَرگه‌سي آراسينا گلدي. بولود بئر طرفه ظولمت، لاکئن او بئري طرفه گجه ائشيق وردی. بوتون گجه بو خالقلار بئربئرئنه ياخينلاشماديلار.
موسا اَلئني دهنز اوستونه اوزاتدي. رب بوتون گجه اَسن قووّتلي شرق کولَيي ائله دهنزئن سويونو قوووب، دهنزي قورويا چِوئردي. سولار ياريلدي
و ائسرايئل اؤولادلاري قورولوق يردن، دهنزئن اورتاسيندان کچدئلر. سولار اونلار اوچون صاغ و سول طرفدن دووار اولدو.
مئصئرلئلر اونلاري تعقئب اتدئلر؛ فئرعونون بوتون آتلاري، دؤيوش عارابالاري و اونلاري سورَنلر ائسرايئل اؤولادلارينين دالينجا دهنزئن اورتاسينا گئردئلر.
سحر نؤوبَتئنده رب اود و بولود دئره‌يئندن مئصئرلی‌لرئن قوشونونا باخيب قوشونلارين آراسينا قاريشيق سالدي.
او عارابالارين تَکَرلرئني اِله لَنگئتدي کي، عارابالار گوجله حرکت اتدئلر. مئصئرلئلر ددئلر: "گلئن ائسرايئل اؤولادلاريندان قاچاق، چونکي رب اونلارين طرفئنده بئزه ضئدّ دؤيوشور."
رب موسايا بله ددي: "اَلئني دهنزئن اوستونه اوزات کي، سولار مئصئرلی‌لرئن، دؤيوش عارابالارينين و اونلاري سورَنلرئنئن اوستونه قاييتسين."
موسا اَلئني دهنزئن اوستونه اوزاتدي. سحره ياخين دهنز اَوّلکي حالينا قاييتدي. مئصئرلئلر سولاردان قاچماق ائسته‌ينده، رب اونلاري ائته‌له‌يئب دهنزئن اورتاسينا آتدي.
يرئنه قاييدان سولار دؤيوش عارابالاريني، اونلاري سورَنلري، فئرعونون بوتون قوشونونو کی، ائسرايئل اؤولادلارينين دالينجا دهنزه گِدئردئلر، اؤرتوب اودّو. اونلاردان بئر نفر ده اولسون، صاغ قالمادي.
آمّا ائسرايئل اؤولادلاري دهنزئن اورتاسيندان، قورولوقدا يِرئيه‌رَک کچئب گتمئشدئلر. سولار اونلار اوچون صاغ و سول طرفده دووار اولموشدو.
بلجه رب او گون ائسرايئلي مئصئرلی‌لرئن الئندن خئلاص اتدي. ائسرايئل خالقي مئصئرلی‌لري دهنزئن ساحئلئنده اؤلو گؤردولر.
ائسرايئل خالقي ربّئن مئصئرلی‌لره بؤيوک قووّتله نه اتدئيئني گؤرنده، ربدن قورخدولار؛ اونا و قولو موسايا ائنانديلار.
او واخت موسا ائله ائسرايئل اؤولادلاري ربّه بو نغمه‌ني اوخودولار: "ربّه نغمهلر اوخوياجاغام، چونکي اوجالديقجا اوجالدي آتي و آتليني دهنزه توللادي.
رب منئم قووّتئم، منئم نغممدئر.، او، منئم نئجاتيم اولوب. بو منئم تاريمدير، اونا حَمد ادهجيم. آتامين تاريسيدير، رَبّي اوجالداجاغام.
رب دؤيوشچودور، ربدئر اونون آدي.
فئرعونون دؤيوش عارابالاريني و قوشونونو دهنزه آتيب. سِچمه افسرلري ده قيرميزي دهنزده بوغولوبلار.
درئن سولارا بورونوب، داش کئمی درئنلئکلرده قرق اولدولار.
يارب! سنئن صاغ الئن قودرتده شؤوکتلئدئر. يارب! سنئن صاغ الئن، دوشمنی اَزَندئر.
سنه ضئدّ چيخانلاري، عظمتئنئن بؤيوکلويونده، يره ييخدين گؤندردئيئن يانديريب ياخان قضب، اونلاري سامان چؤپو کئمی کول ادئر.
بورنونون نفسي ائله سولار بئر يره ييغيلدي! ييغيلديلار بئر يره او آخان سولار! دوندو او دهنز قوينونداکي درئنلئکلرئن سولاري!
دوشمن ددي: "اونلارين دالينجا گده‌جيم؟ اونلارا چاتيب، قَنئمت پايلاياجاغام: بوندان دوياجاق جانيم؛ قيلينجيمي چکه‌جيم، و اَلئم اونلاري محو ادهجک."
يلئني اوفوردون، دهنز اونلاري بورودو. قورغوشون کئمی، اونلار هيبتلي سولاردا باتديلار.
يارب، آللاهلار آراسيندا سنئن کئمي کئم وار؟ سنئن کئمي موقدّسلئکده عظمتلي، حمدلرده زهملي، و عجايئب يارادان مگر وار؟
ساغ الئني اوزاتدين، و تورپاق اونلاري اودّو.
قورتارديغين خالقا سن اؤز محبّتئنده يول گؤرستدئن. موقدّس مسکنئنه، اؤز گوجونده آپاردين.
اشئدن خالقلار اَسه‌جکلر؛ فئلئسط بؤلگه‌سئنئن ساکئنلرئني قورخو باسيب.
او آن اِدوم باشچيلاريني دهشت بورودو. موآب ريئسلرئنه لرزه دوشور؛ بوتون کَنَعان ساکئنلري اَرئيئبلر.
اونلارين اوستونه قورخو دوشدو، دهشت گلدي. قولونون عظمتي ائله اونلار داش کئمي قورويوب قاليبلار. او واختاجاق کي، خالقين کچسئن، يارب، او واختاجاق کي، قورتارديغين خالق کچسئن، يارب!
خالقيني گتئرئب، مئراثين اولان داغدا اَکه‌جکسن، اؤزون اوچون مسکن اتدئيئن يره، يارب! موقدّس مکانينا، ای پروردئگار، اَللرئنئن قوردوغو يره.
رب ابددن ابدهجک سلطنت ادهجکدئر.»
فئرعون آتلاري، دؤيوش عارابالاري، اونلارا مئنَنلرله بئرلئکده دهنزه گئرَنده، رب دهنزئن سولاريني اونلارين اوستونه گری قايتارميشدي. لاکئن ائسرايئل اؤولادلاري دهنزئن اورتاسيندان قورولوق يردن کچمئشدئلر.
هارونون باجيسي پيغمبر مريم، الئنه دف آلدي؛ بوتون آروادلار دف و رقصلرله اونون دالينجا چيخديلار.
مريم اونلارين موقابئلئنده بو نغمه‌ني اوخودو: ربّه اوخويون، چونکي اوجالديقجا اوجاليب آتي و آتليني دهنزه توللادي!
موسا ائسرايئل خالقيني قيرميزي دهنزدن گتئردي. اونلار شور صحراسينا چيخيب اورادا اوچ گون يول گتدئلر، آمّا سو تاپماديلار.
مارايا چاتديلار، لاکئن اورانين سويونو ائچه بئلمه‌دئلر، چونکي آجي ائدي. بونا گؤره ده او يِر مارا آدلانير.
خالق موسادان گئلِيلئک ادئب ددئلر: "نه ائچک؟"
موسا ربّه فرياد اتدي و رب اونا بئر آغاج گؤرستدي. موسا اونو سويا آتدي و سو شئرئن اولدو. رب اورادا، ائسرايئل اؤولادلاريني ائمتاحانا چکدئيي يرده، اونلار اوچون قايدا-قانون قويوب، ددي:
"اگر سئز تارينيز ربّئن سَسئنه دئقّتله قولاق آسيب اونون گؤزلري قاباغيندا صداقتلي اولاسينيز، اونون امرلرئني اشئدئب بوتون قايدالاريني رئعايت ادهسئنئز، مئصئرلی‌لره وردئيئم ناخوشلوقلارين هچ بئرئني سئزه ورميه‌جيم. چونکي سئزه شفا ورن رب، منم."
سونرا ائسرايئل اؤولادلاري ائلئمه گلدئلر. اورادا اون ائکي سو قايناغي و يتمئش خورما آغاجي وار ائدي. ائسرايئل خالقي اورادا سولار اطرافيندا دوشَرگه قوردو.
بوتون ائسرايئل جاماعاتي اِلئمدن يولا دوشدو. اونلار مئصئر اؤلکهسئندن چيخديقدان سونرا، ائکئنجي آيين اون بشئنجي گونو سئن صحراسينا چاتديلار کي، اِلئم و سئنا داغي آراسيندادير.
صحرادا بوتون ائسرايئل جاماعاتي موسا و هارونون اَلئندن گئلِيلئک اتدئلر.
ائسرايئل اؤولادلاري اونلارا ددئلر: "کاشکي مئصئر اؤلکهسئنده اولاندا ربّئن اَلئندن اؤلَيدئک، هچ اولماسا اَت قازانلارينين باشيندا اوتوروب دويونجا چؤرک يِيئردئک! آمّا سئز بئزي بو صحرايا بونا گؤره گتئردئنئز کي، بوتون جاماعاتي آجليقدان قيراسينيز."
رب موسايا ددي: "باخ، من سئزئن اوچون گؤيدن چؤرک ياغديراجاغام. خالق هر گون چيخيب، گونلوک چؤره‌يئني ييغاجاق. آمّا من اونلاري، وردئيئم تعلئماتلارا عمل ادئب اتمه‌مَکلرئني ائمتاحان ادهجيم.
آلتينجي گون، ييغديقلاريني حاضيرلاديقدا، او بئري گونلر ييغديقلاريندان ائکي قات آرتيق اولاجاق."
موسا و هارون بوتون ائسرايئللیلره ددئلر: "آخشام بئلهجکسئنئز کي، سئزي مئصئر اؤلکهسئندن چيخاردان ربدئر.
سحر ربّئن عئزّتئني گؤرهجکسئنئز. چونکي رب اوندان اتدئيئنئز گئلِيلئکلري اشئتدي. بئز کئمئک کي، سئز بئزدن گئلِيلئک ادئرسئنئز؟"
موسا ددي: "سئزه آخشام يِمَيه اَت، سحر ده دويونجا چؤرک ورن رَبدئر؛ چونکي رب سئزئن اونا ضئدّ اولان ديئنمه‌‌لرئزي اِشئدئر. بئز کئمئک؟ ديئنمه‌‌لرئنئز بئزه ضئدّ ديئل، ربّه ضئدّدئر."
موسا هارونا ددي: "بوتون ائسرايئل جاماعاتينا بله دِه: «ربّئن حوضورونا ياخينلاشين، چونکي او سئزئن ديئنمه‌‌لرئنئزي اشئدئب.»"
هارون ائسرايئل اؤولادلارينين بوتون جاماعاتينا دانيشديغي واخت، اونلار صحرايا باخديلار. باخ، ربّئن عظمتي بولوددا گؤروندو.
رب موسايا ددي:
"من ائسرايئل اؤولادلارينين ديئنمه‌لرئني اشئتدئم. اونلارا دِه: «آخشامچاغي اَت يئيهجکسئنئز، سحر ده چؤرکله دوياجاقسينيز. او واخت بئلهجکسئنئز کي، تارينيز رب، منم.»"
آخشام بئلدئرچئنلر اوچوب، دوشَرگهنئن يرئني اؤرتدولر. سحر دوشَرگهنئن اطرافينا شِح دوشدو؛
شِح بوخارلاناندا، صحرادا، تورپاق اوستونده قيرووا بنزر نازئک پولچوکلار گؤروندو.
ائسرايئللی‌لر بونو گؤردوکده بئربئرلرئنه ددئلر: "بو ندئر؟" چونکي اونون نه اولدوغونو بئلمه‌دئلر. موسا اونلارا ددي: "بو او چؤرکدئر کی، ربّ سئزئن يِمه‌يئنئز اوچون ورئب.
ربّئن امري بودور: هر آدام يمک اوچون اؤزونه احتئياجي قدر اوندان ييغسين. اؤز چاديريندا اولان آداملارين سايينا گؤره آدامباشي بئر عومِر گؤتورون."
ائسرايئل اؤولادلاري بله ده اتدئلر. بعضئلري چوخ، بعضئلري ده آز ييغدي.
اونلار عومِرله اؤلچدوکلري زامان، چوخ ييغانلارين آرتيغي، آز ييغانلارين دا اَسکئيي اولمادي. هر کس اؤزونه يئيه‌جيي قدر يمک ييغدي.
موسا ائسرايئل اؤولادلارينا ددي: "قوي سحره قدر هچ کئمده بو يمکدن قالماسين."
لاکئن بعضئلر موسانين سؤزونه باخماييب، بوندان سحره قدر ساخلاديلار. ساخلاديقلاري يمک قوردلاييب ائيلَندي. موسا اونلارا قضبلندي.
ائسرايئل اؤولادلاريندان هر کس اؤزونه يئيه‌جيي قدر هر سحر اوندان ييغيردي. آمّا گونش قيزاندا او اَرئيئردي.
ائسرايئل اؤولادلاري آلتينجي گون بو يمکدن ائکي قات آرتيق، آدام باشي ائکي عومِر ييغديلار. جاماعاتين بوتون باشچيلاري گلئب بونو موسايا بئلدئردئلر.
موسا اونلارا ددي: "رب بله ديئر: «صاباح رب اوچون موقدّس سَبّت، ائستئراحت گونودور. پئشئردئيئنئز هر شيي پئشئرئن، قايناتديغينيز هر شيي قاينادين، آرتيغيني دا اؤزونوز اوچون سحره قويوب ساخلايين."
ائسرايئل اؤولادلاري، موسا اونلارا امر اتدئيي کئمي، يِمه‌يي سحره ساخلاديلار. نه ائيلَندي، نه ده ائچئنده قورد اولدو.
موسا ددي: "بو گون او يِمه‌يي ييئن، چونکي بو گون رب اوچون سَبّت گونودور. بو گون چؤلده يمک تاپماياجاقسينيز.
سئز اونو آلتي گون عرضئنده ييغين؛ يدّئنجي گون، سَبّت گونو او يمک يوخ اولاجاق."
خالقين بعضئلري يدّئنجي گون يمک ييغماغا چيخديلار، آمّا تاپماديلار.
رب موسايا ددي: "نه واختا قدر امرلرئمه و تعلئماتلاريما ائطاعت اتمکدن بويون قاچيرداجاقسينيز؟"
باخين، رب سئزه سَبّت گونونو وردي؛ بونا گؤره ده او سئزه هر آلتينجي گون ائکي گونلوک يمک ورئر. قوي هر کس اؤز اِوئنده قالسين و يدّئنجي گون هچ يره چيخماسين."
بلجه خالق يدّئنجي گون ائستئراحت اتدي.
ائسرايئل خالقي بو يمه‌يئن آديني "مانّا" قويدو. او، گؤرونوشجه کِشنئش توخومو کئمي ائدي، رنگي آغيمتيل، آمّا دادي باللي کولچه‌يه بنزه‌يئردي.
موسا ددي: "ربّئن امري بودور: قوي مانّادان بئر عومِر نسئلدن-نسئله ساخلانسين؛ اِله کي، مئصئر اؤلکهسئندن سئزي چيخارتديغيم زامان، صحرادا سئزه يِدئرتدئيئم چؤره‌يي گؤرسونلر."
موسا هارونا ددي: "بئر قاب گؤتور، اونا عومِر دولو مانّا قوي و قابي ربّئن حوضورونا قوي کي، نسئلدن-نسئله ساخلانسين."
رب موسايا امر اتدئيي کئمي، هارون اونو شهادت لؤوحه‌لرئنئن قاباغيندا قويدو کي، ساخلانسين.
ائسرايئل اؤولادلاري قيرخ ائل مانّا يدئلر، او زامانا قدر کي، آباد بئر اؤلکهيه يتئشدئلر؛ اونلار کَنَعان اؤلکه‌سئنئن سرحدئنه گلنه قدر، مانّا يدئلر.
بئر عومِر اِفانين اوندا بئر قئسمَتئ‌دئر.
ائسرايئللیلرئن بوتون جاماعاتي سئن صحراسيندان يولا دوشدولر و ربّئن بويوردوغونا گؤره کؤچوردولر. اونلار رِفئدئمده دوشَرگه سالديلار. اورادا خالقا ائچمه‌لي سو يوخ ائدي.
اونا گؤره ده خالق موسا ائله داعوا ادئب بله ددئلر: "بئزه ائچمه‌يه سو ور." موسا اونلارا ددي: "نئيه منئمله داعوا ادئرسئنئز؟ نه اوچون ربّي ائمتاحانا چکئرسئنئز؟"
آمّا خالق اورادا سوسوز اولموشدو. اونا گؤره ده موسانين الئندن ديئنئب ددئلر: "نئيه، بئزي مئصئردن چيخارتدين کي، بئزي، اوغوللاريميزي و حيوانلاريميزي دا سوسوزلوقدان اؤلدوره‌سن؟"
اوندا موسا ربّه فرياد ادئب ددي: "من بو خالقلا نه ادئم؟ بئر آز دا کچسه، منی داشا باساجاقلار."
رب موسايا ددي: "خالقين موقابئلئنه چيخ. اؤزونله بئر نچه ائسرايئل آغساقّالي گؤتور. نئل چايينا ووردوغون دَيَنَکي اَلئنه آليب ائرهلي گت.
اورادا، خورِبده‌کي قايانين اوستونده، من سنئن قاباغيندا داياناجاغام. ضربه ائله قايايا وور و اورادان خالق اوچون ائچمه‌لي سو چيخاجاق. موسا دا ائسرايئل آغساقّاللارينين گؤزو قاباغيندا بونو اتدي.
موسا او يره مَسّا و مِرئبا آديني وردی، چونکي اورادا ائسرايئل اؤولادلاري داعوا اتمئشدئلر و "گؤرهسن رب آراميزدادير، يا يوخ؟" ديئب، ربّي ائمتاحان اتمئشدئلر.
بوندان سونرا عَمالِقلئلر گلئب، رِفئدئمده ائسرايئل اؤولادلاري ائله دؤيوشدولر.
موسا يوشَعه ددي: "بئزئم اوچون آدام سِچ، گت عَمالِقلئلرله دؤيوش. صاباح من الئمده تارينين دَيَنَکی ائله تپه‌نئن باشيندا داياناجاغام."
يوشَع ده موسانين ددئيی کئمي اتدي و گدئب عَمالِقلئلرله دؤيوشدو. آمّا موسا، هارون و خور تپه‌نئن باشينا چيخديلار.
موسا الئني قالديراندا ائسرايئل قالئب گلئردي، الئني اِندئرنده عَمالِق قالئب گلئردي.
لاکئن موسانين اَللري يورولوردو. اونا گؤره ده بئر داش گؤتوروب اونون آلتينا قويدولار. موسا داشين اوستونده اوتوردو. الئنئن بئرئندن هارون، او بئرئسئندن ده خور ياپيشدي. بلجه موسانين اَللری گون باتاناجاق مؤحکَم قالدي.
يوشَع عَمالِق خالقيني قيلينجدان کچئردئب قيردي.
رب موسايا ددي: "بونو خاطئره اولاراق کئتابا ياز، يوشَعئن قولاغينا چاتدير کي، من عَمالِقئن آديني کامئل بئر شَکئلده ير اوزوندن سئله‌جيم."
موسا بئر قوربانگاه دوزَلدئب آديني يَهوِه‌نئسّی قويدو.
و ددي: "اَللر ربّئن تختئنه طرف قالديريلدي. رب نسئلدن-نسئله عَمالِقلئلرئن ضئدّئنه دؤيوشه‌جکدئر."
مئديانلي کاهئن يئترون کي، موسانين قاييناتاسي ائدي، تارينين موسا و خالقي ائسرايئل حاقّيندا اتدئيي بوتون ائشلري، و ربّئن ائسرايئلي مئصئردن نجه چيخارتديغيني اشئتدي.
موسانين قاييناتاسي يئترون، موسانين آروادي صئپّوراني ائکي اوغلو ائله بئرلئکده گری گتئردي، موسا اوّلجهدن آروادي اونون يانينا گؤندرمئشدي.
موسا اوغلانلارينين بئرئنئن آديني گِرشوم قويوب دِمئشدي: "من ياد بئر اؤلکهده قرئب اولدوم.
موسا او بئرئسئنئن آديني اِلئعِزِر قويوب دمئشدي: «آتامين تاريسي کؤمه‌يئم اولدو و منی فئرعونون قيلينجيندان قورتاردي.
موسانين قاييناتاسي يئترون، موسانين اوغوللاري و آروادي ائله، موسانين صحرادا، تاري داغيندا دوشَرگه سالديغي يره گلدي.
يئترون بو خبري موسايا گؤندردي: "من، سنئن قاييناتان يئترون، آروادين و ائکي اوغلونلا يانينا گلئرم."
موسا قاييناتاسينين پئشوازينا چيخدي، تعظئم ادئب اونونلا اؤپوشدو؛ اونلار بئربئرلرئندن حال-اَحوال توتوب چاديرا گئردئلر.
موسا قاييناتاسينا نقل اتدي کي، رب ائسرايئلئن خاطئرئنه فئرعون و مئصئرلی‌لره نه اتدي، يولدا باشلارينا گلن بوتون زحمتلري، و ربّئن اونلاري نجه قورتارديغيني دا ددی.
يئترون ربّئن ائسرايئله اتدئيي بوتون ياخشيليقلارا و مئصئرلی‌لرئن الئندن اونلاري قورتارديغينا گؤره سِوئندي.
يئترون ددي: "سئزي مئصئرلی‌لرئن و فئرعونون اَلئندن قورتاران ربّه شوکور اولسون! خالقي مئصئرلی‌لرئن اَلئنئن آلتيندان قورتاران اودور.
ائندي بئلدئم کي، رب بوتون آللاهلاردان بؤيوکدور، چونکي اونلارين فخر اتدئکلرئندن ده اوستون اولدو."
سونرا موسانين قاييناتاسي يئترون، تارييا يانديرما و باشقا قوربانلاري گتئردي. هارونلا ائسرايئلئن بوتون آغساقّاللاري موسانين قاييناتاسي ائله تارينين حوضوروندا يمک يميه گلدئلر.
صاباحيسي گون موسا اوتوروب خالقا قاضيليق ادئردي. خالق دا سحردن آخشاماجاق موسانين اطرافيندا دايانميشدي.
قاييناتاسي موسانين خالق اوچون نه اتدئيئنه باخيب ددي: "نه اوچون بو خالقا بله ادئرسن؟ نئيه سن تَک اوتورورسان و بوتون خالق سحردن آخشاماجاق اطرافيندا دايانيب گؤزلهيئر؟"
موسا قاييناتاسينا ددي: "اونا گؤره کي، خالق تاريدان سوروشماق اوچون منئم يانيما گلئر.
آرالاريندا داعوا چيخاندا، مَسَله منئم يانيما گلئر. من ده اونلارين آرالاريندا قضاوت ادئب، تارينين قايدا-قانونلاريني اونلارا بئلدئرئرم"
موسانين قاييناتاسي اونا ددي: "گؤردويون ائش ياخشي ديئل.
البتّه، هم سن، هم ده سنئنله اولان خالق اوزولرسئنئز. بو ائش سنئن اوچون آغيردير، اونو تَکباشينا اده بئلمزسن.
ائندي سؤزومه قولاق آس، سنه بئر مصلحت ورئم. قوي تاري سنه يار اولسون! سن بو خالقا گؤره، تارينين حوضوروندا دايان و ائشلرئني ده اونا چاتدير.
اونلاري قايدا-قانونلار بارهسئنده خبردار ادهجکسن؛ گدهجکلري يولو و گؤره‌جکلري ائشي گؤرسده‌جکسن.
بوتون خالق آراسيندان باجاريقلي، تاريدان قورخان، حقئقت آختاران حاقسيز قازانجدان نئفرت ادن آداملاري سِچ. اونلاري مئنباشي، يوزباشي، اَلّی‌باشي، اونباشي تعيئن ات کي،
خالق آراسيندا دائم قضاوت اتسئنلر. قوي هر بؤيوک ائشي سنئن يانينا گتئرسئنلر، آمّا هر کئچئک ائشه اؤزلري قاضي اولسونلار. بلجه اؤز يوکونو يونگوللَشدئر. قوي بو يوکو او آداملار سنئنله داشيسينلار.
اگر بله ادهسن، تاري دا سنه بله امر اتسه، دؤزه بئلرسن. بوتون خالق دا راضي اولوب اؤز يرئنه گدر."
موسا قاييناتاسي دئيَن بوتون سؤزلره قولاق آسيب عمل اتدي.
موسا بوتون ائسرايئل آراسيندان باجاريقلي آداملار سچدي و اونلاردان خالقا باشچي: مئنباشيلار، يوزباشيلار، اَلّی‌باشيلار، و اونباشيلار تعيئن اتدي.
اونلار دائم خالق آراسيندا قضاوت ادئردئلر؛ چتئن ائشلري موسانين يانينا گتئرئب، آمّا هر کئچئک ائشه اؤزلري قاضي اولوردولار.
سونرا موسا، قاييناتاسيني يولا سالدي، او دا اؤز اؤلکهسئنه گتدي.
ائسرايئل اؤولادلاري مئصئر تورپاغيندان چيخديقدان اوچ آي سونرا، تزه آي گونو سئنا صحراسينا گلدئلر.
ائسرايئللی‌لر رِفئدئمدن کؤچوب، سئنا صحراسينا گلدئلر. او صحرادا ائسرايئل اؤولادلاري داغين موقابئلئنده دوشَرگه سالديلار.
موسا داغا، تارينين حوضورونا چيخدي. رب اونو داغدان چاغيريب ددي: "يعقوب نسلئنه، ائسرايئل اؤولادلارينا بله دِه:
«سئز اؤزونوز گؤردونوز کي، مئصئرلی‌لره نه‌لر اتدئم و سئزي قارتال قانادلاريندا نجه داشي‌ييب يانيما گتئردئم.
ائندي اگر سؤزومه دئقّتله قولاق آسيب، عهدئمي ساخلاياسينيز، سئز بوتون خالقلار آراسيندان منه عاييد خالق اولاجاقسينيز. بوتون ير اوزو منئمدئر؛
سئز منئم اوچون کاهئنلر سلطنتي و موقدّس مئلّت اولاجاقسينيز. بو سؤزلري ائسرايئل اؤولادلارينا دمه‌لی‌سن.»"
موسا گلئب خالقين آغساقّاللاريني چاغيردي و ربّئن اونا امر اتدئيي بوتون بو سؤزلري اونلارين موقابئلئنه قويدو.
بوتون خالق بئرلئکده بله جاواب وردی: "ربّئن بوتون ددئکلرئنه عمل اده‌جيئک." موسا خالقين جاوابيني ربّه چاتديردي.
رب موسايا ددي: "باخ، من سنئن يانينا آغير بولوددا گلئرم، قوي خالق سنئنله دانيشديغيمي اشئدئب، سنه دائم ائنانسينلار." موسا خالقين سؤزلرئني ربّه چاتديردي.
رب موسايا ددي: "خالقين يانينا گت. بو گون و صاباح اونلاري تقدئس ات. قوي پالتارلاريني دا يوسونلار.
اوچونجو گونه حاضير اولسونلار، چونکي اوچونجو گون بوتون خالقين گؤزو قاباغيندا، رب سئنا داغي اوستونه اِنهجک.
خالقين اطرافينا سرحد چکئب دِه: «اؤزونوزو داغا چيخماقدان، اونون اَته‌يئنه توخونماقدان گؤزلهيئن. داغا توخونان هر کس اؤلدورولمه‌لي‌دئر.
اونا اَل ديميه‌جک. بونو ادن ائستر حيوان، ائستر ائنسان اولسون، داشا باسيلمالي‌دير، يا دا اوخونان وورولمالي‌دير. قوچ بوينوزوندان اولان کَره‌ناي اوزون چاليناندا اونلار داغا چيخاجاقلار.»"
موسا داغدان خالقين يانينا اِندي. او، خالقي تقدئس اتدي. اونلار پالتارلاريني يودولار.
سونرا موسا خالقا ددي: "اوچونجو گونه حاضير اولون، آروادلارلا ياخينليق اتمهيئن."
اوچونجو گونون سحري آچيلاندا، گؤي گورولتوسو، شئمشَکلر، داغ اوستونده آغير بئر بولود و چوخ اوجا کَره‌ناي سَسي اولدو. دوشَرگه‌ده اولان بوتون خالق تئترهدي.
تارينين پئشوازي اوچون، موسا خالقي دوشَرگه‌دن آپاردي و اونلار داغين اَته‌يئنده دوردولار.
بوتون سئنا داغي توستو ائچئنده ائدي، چونکي رب اونون اوستونه آلوو ائچَرئسئنده اِنمئشدي. توستوسو کورهنئن وردئيي توستو کئمي چيخدي. بوتون داغ تئترهدي.
کَره‌ناي سَسي گت-گده اوجالدي. موسا دانيشيردي و تاري اونا سَسله جاواب ورئردي.
رب سئنا داغي اوستونه، داغين باشينا اِندي و موساني داغين باشينا چاغيردي. موسا اورايا قالخدي.
رب موسايا ددي: "دوش، خالقا تاپشير کي، مبادا ربّي گؤرمک اوچون اونون طرفئنده اولان سرحدي کچسئنلر، يوخسا چوخلاري محو اولارلار.
ربّه ياخينلاشان کاهئنلر ده اؤزلرئني تقدئس اتسئنلر کي، رب اونلارا ضئدّ چيخماسين."
موسا ربّه ددي: "خالق سئنا داغينا چيخا بئلمز، چونکي سن بئزه ائخطار ورئب ددئن: «داغا سرحد چک و اوراني تقدئس ات.»"
رب اونا ددي: "دوش گت. سن و سنئنله برابر هارون بورايا چيخين. قويما کاهئنلرله خالق ربّئن يانينا چيخماق اوچون سرحدي کچسئنلر؛ يوخسا او، خالقا ضئدّ چيخار."
موسا خالقين يانينا اِنئب بونو اونلارا ددی.
تاري بوتون بو سؤزلري دانيشيب، بله ددي:
"سئزي مئصئر تورپاغيندان، نؤکرچئلئک اِوئندن چيخاردان تارينيز رب، منم.
مندن باشقا آللاهلارين اولماياجاق.
اؤزون اوچون هچ بئر بوت، نه يوخاريدا، گؤيده و يا آشاغيدا، يرده، نه ده يرئن آلتيندا ييغيلان سولارداکي شيلرئن هچ بئرئنئن صورتئني دوزلتميه‌جکسن.
بله شيلرئن قاباغيندا سجده‌يه دوشوب عئبادت اتمه. چونکي من، سنئن تارين رب، قيرتلئيم. مندن نئفرت ادن آتالارين جزاسيني، اوچونجو-دؤردونجو نسئله قدر اؤولادلارينا چکدئره‌رم.
آمّا منی سِوئب امرلرئمه عمل ادنلره، مئنلر نسئله قدر محبّت گؤرسده‌رم.
رب تارينين آديني بوش يره آغزينا گتئرمه، چونکي رب اونون آديني بوش يره آغزينا آلاني جزاسيز قويماز.
سَبّت گونونو ياددا ساخلاييب، موقدّس گون کئمي ساي.
آلتي گون چاليشيب بوتون ائشلرئني گؤر.
لاکئن يدّئنجي گون، تاري ربّئن سَبّت گونودور. بو گون سن، اوغلون، قيزين، قولون، کنئزئن، حيوانين، يانيندا ياشايان ياد اِلئن، هچ بئر ائش گؤرمه‌سئن.
چونکي آلتي گون عرضئنده رب گؤيلر و يري، دهنزي و کائناتداکي هر شيي ياراتدي، لاکئن يدّئنجي گون ائستئراحت اتدي. بونون اوچون رب سَبّت گونونه برکت ورئب، اونو موقدّس سايدي.
آتا و آنانا حؤرمت ات کي، تارين ربّئن سنه وره‌جيي تورپاقدا عؤمرون اوزون اولسون.
قتل اتمه.
زئنا اتمه.
اوغورلوق اتمه.
کئمسهنئن ضئدّئنه يالان شاهئدلئک اتمه.
کئمسهنئن اِوئنه، آروادينا، قولونا، کنئزئنه، اؤکوزونه، اِششه‌يئنه، اونون هچ نه‌يئنه طاماح سالما."
بوتون خالق گؤي گورولتوسونو، شئمشَکلري، کَره‌ناي سَسئني اشئدئب، داغين توستولَنمه‌سئني گؤرنده تئتره‌دئلر و اوزاقدا دوردولار.
موسايا ددئلر: "سن دانيش، بئز ده اشئدک. قوي تاري بئزئمله دانيشماسين، مبادا اؤلَک."
موسا خالقا ددي: "قورخمايين، تاري اونا گؤره گلئب کي، سئزي ائمتاحانا چکسئن و اونون قورخوسو گؤزونوزون قاباغيندا اولسون کي، گوناه اتميهسئنئز."
خالق اوزاقدا دوراندا، موسا اورادا تارينين اولدوغو آغير قارانليغا ياخينلاشدي.
رب موسايا ددي: "ائسرايئل اؤولادلارينا بله دئيه‌جکسن: «سئز گؤردونوز کي، من سئزئنله گؤيلردن دانيشديم.
مندن ساوايي، باشقا آللاهلار دوزلتمه‌يئن؛ اؤزونوز اوچون نه قيزيلدان، نه ده گوموشدن آللاهلار دوزلتمه‌يئن.
منئم اوچون تورپاقدان قوربانگاه دوزَلَت و يانديرما و باريش قوربانلارينيز اولاراق اؤز قويون-کچي و مال-حيوانينيزي اونون اوستونده قوربان ادهجکسئنئز. آديمي يادئگار اوچون قويدوغوم هر يره گلئب، سنه برکت ورهجيم.
اگر منئم اوچون داشدان قوربانگاه دوزَلده‌سن، يونما داشدان تئکميه‌جکسن، چونکي اونون اوستونده اگر آلَتله ائشلَيه‌سن، اونو نجئس ادرسن.
عاييبين آچيلماماق اوچون، منئم قوربانگاهيما پئلّه ائله چيخماياجاقسان.
سن اونلارين موقابئلئنه بو حؤکملري قويمالي‌سان:
سئزدن بئري عئبراني قول آلاندا، او قول آلتي ائل قوللوق ادئب يدّئنجی ائل پولو قايتارمادان آزاد اولونسون.
اگر قولون تک گلئب، قوي تک ده گتسئن؛ اگر آروادي وارسا، قوي آروادي اونونلا گتسئن.
اگر قول صاحئبي قولونا آرواد ورئب و قولون آروادي اوغلان و يا قيز دوغوب، آروادلا اوشاقلاري آغاسي اوچون قالسين. آمّا قول تک گتسئن.
لاکئن اگر قول تأکئدله دسه: «آغامي، آرواديملا اوشاقلاريمي سوئرم و آزاد اولماق ائسته‌مئرم،»
اوندا قوي قولون آغاسي اونو تارينين حوضورونا گتئرسئن؛ قولونو قاپييا و يا قاپينين يان تاختاسينا سؤيکه‌يئب قولاغيني بئزله دشسئن. بو قول آغاسينا عؤمورلوک قوللوق اتسئن.
اگر بئر آدام قيزيني کنئزلئيه ساتير، قيز، کئشي نؤکرلر کئمي آزاد اولماسين.
اگر او قيز، اونو اؤزو اوچون تعيئن ادن آغاسينين گؤزونده پئس گؤرونور، آغاسي قيزين گری ورئلمه پولونو قبول ادئب، اونو آزاد اتسئن؛ او آغانين ائختئياري يوخدور کي، قيزي ياد اِلّئلره ساتسين. چونکي او قيزا خيانت ادئب.
اگر آغا کنئزئني اوغلو اوچون تعيئن ادئب، اونونلا عادته گؤره، اؤز قيزي کئمي رفتار اتمه‌لي‌دئر.
اگر او آدام ائکئنجي آرواد آلير، بئرئنجي آرواديني يمک و پالتار تأمئناتيندان و آروادليق حوقوقوندان محروم اتمه‌سئن.
اگر اَري بو اوچ حاقّي آروادا ورمئر، قوي بو آرواد هچ پول قايتارمادان آزاد ادئلسئن.
آدام ووروب اؤلدورن شخص اؤلدورولمه‌لی‌دئر.
لاکئن اگر او شخص اؤلدورمک قصدئنده اولماسا و اؤلوم منئم ائجازمله اولسا، او زامان بئر ير تعيئن اده‌رم کي، اورايا پناه گتئرسئن.
بئر آدام، آيري آدامي قصدن حئيله ائله اؤلدورسه، او آدامي حتّا منئم قوربانگاهيمدان گؤتور کي، اؤلومه ورئلسئن.
آتاسيني، و يا آناسيني دؤيَن آدام اؤلدورولمه‌لي‌دئر.
ائنسان اوغورلاييب ساتان، و يا ساخلايان آدام اؤلدورولمه‌لي‌دئر.
آتا-آناسينا لعنت ادن آدام اؤلدورولمه‌لی‌دئر.
آداملار موناقئشه ادنده، اگر کئمسه آيري آدامين داشلا ووردوغو يا دا يومروغو ائله ووردوغو بئر آدام اؤلمه‌يئب ياتاغا دوشسه،
او سونرا ياتاقدان قالخيب اَل آغاجي ائله اشئکده گزسه، اونو ووران آدام جزاسيز ساييلسين و آنجاق ياتديغي مودّتئن عوضئني ورسئن، کامئل صاغالانا قدر اونون قيدئنه قالسين.
بئر آدامين دَيَنَکله ووردوغو قولو، و يا کنئزي ضربه‌دن اؤلدويو حالدا، او آدام جزالانديريلمالي‌دير.
اگر قول و يا کنئز بئر-ائکي گون دئري قالسا، آغا جزا چکمه‌سئن؛ چونکي قول، و يا کنئز آغانين اَملاکي‌دير.
کئشئلر، داعوالاشان زامان، اگر بويلو بئر آروادا ضربه ووروب اونون اوشاغينين دوشمه‌سئنه باعئث اولسالار، آمّا آيري بئر زئيان اونا دَيمه‌سه، تقصئرکار آدام، او آروادين اَرئنئن طلب اتدئيي جرئمه‌ني، حاکئملرئن تعيئن اتدئيي مبلغده ورهجک.
اگر آروادا زئيان دَيئبسه، تقصئرکار آدام جان عوضئنه جان،
گؤز عوضئنه گؤز، دئش عوضئنه دئش، اَل عوضئنه اَل، آياق عوضئنه آياق،
يانيق عوضئنه يانيق، يارا عوضئنه يارا، زَده عوضئنه زَده ورسئن.
اگر آغا قولونون و يا کنئزئنئن گؤزونه ووروب اونو کور اتسه، گؤزونون عوضئنه اونو آزاد اتسئن.
اگر آغا قولونون، و يا کنئزئنئن دئشئني سينديرسا، دئشئنئن عوضئنه اونو آزاد اتسئن.
اگر بئر اؤکوز بئر کئشي يا دا بئر آروادي بوينوزلا ووروب اؤلدورسه، اؤکوز گرک داشا باسيلسين؛ اونون اَتي يِيئلمه‌مه‌لي، آمّا اؤکوز صاحئبي گوناهسيز ساييلسين.
لاکئن اگر اؤکوز او واختا قدر ووراغان ائمئش، و صاحئبي ده بوندان خبري وار ائمئش، آمّا اونون قاباغيني آلماييب، نتئجه‌ده ده حيوان بئر کئشي و يا آروادي اؤلدوروب، اؤکوز داشا باسيلسين، صاحئبي ده اؤلدورولسون.
اگر حيوانين صاحئبئندن، گری ورئلمه پولو ائسته‌نئلئر، او، ائسته‌نئلَن پولون مبلغئني گری ورئب، جانينين عوضئني وره بئلر.
همن حؤکم اوغلانا و يا قيزا بوينوز وورانين ضئدّئنه ده ائشلَنسئن.
اگر اؤکوز قولو يا دا کنئزي بوينوزو ائله وورسا، اؤکوز صاحئبي، آغاسينا اوتوز شِکِل گوموش ورسئن، آمّا اؤکوز داشلانسين.
بئر آدام چوخور قازيب، اوستونو اؤرتمه‌سه و اورايا بئر اؤکوز و يا اِششَک دوشسه،
چوخور قازان آدام ضررئن بَدَلئني ورسئن؛ حيوانين دَيَرئني صاحئبئنه ورسئن، آمّا اؤلَن حيوان او آداما قالسين.
اگر بئر آدامين اؤکوزو آيريسينين اؤکوزونو ووروب اؤلدورسه، صاحئبلر هم صاغ قالان اؤکوزو ساتيب دَيَرئني ياري بؤلمه‌لی‌دئرلر، هم ده اؤلو اؤکوزو.
آمّا اؤکوزون او واختا قدر ووراغان اولدوغو معلوم اولاندا، اونون قاباغيني آلمايان صاحئبي اؤکوزون عوضئنه اؤکوز ورسئن؛ آمّا اؤلن اؤکوز اونا قالماليدير.
اگر بئر آدام بئر اؤکوز، يا دا بئر قويون اوغورلاييب کَسسه و يا اونو ساتسا، قوي او آدام، اؤکوز عوضئنه بش اؤکوز، قويون عوضئنه دؤرد قويون ورسئن.
اگر اوغرو گجه بئرئنئن اِوئنه گئرَرکَن ياخالانيب اؤلدورولسه، اؤلدورَن آدام تقصئرکار ساييلماسين.
اگر حادئثه گون دوغاندان سونرا باش ورسه، اوندا قوي تقصئرکار ساييلسين. اوغرو ضرري اِو يئيه‌سئنه ورمه‌لي‌دئر. اگر اوغرونون ضرري ورميه گوجو چاتميرسا، قوي اوغورلوغونا گؤره اؤزو ساتيلسين.
اگر اوغورلانان مال اوغرونون الئنده دئري تاپيلسا، ائستر بئر اؤکوز، ائستر بئر اِششَک، ائستر بئر قويون اولسون، اوغري ضرري ائکي قات ورمه‌لی‌دئر.
بئر آدام اؤز زمئسئنده، و يا اوزوم باغيندا اوتارديغي حيوانلاري آيري آدامين زمئسئنه اوتلاماغا بوراخديغي حالدا، او آدام اؤز زمئسئنئن، و يا اوزوم باغينين لاپ ياخشي باريندان ضرري ورسئن.
آليشان اود بوتالارا دوشوب دَرز، اَکئن، و يا زمئني محو اتدئيي حالدا اودو يانديران آدام ضرري ورمه‌لی‌دئر.
بئر آداما ساخلاماغا ورئلَن گوموش، و يا اشيا اونون اِوئندن اوغورلانديغي حالدا، اگر اوغرو تاپيلسا، ضرري ائکي قات ورسئن.
اگر اوغرو تاپيلماسا، اِوئن صاحئبي قاضيلار حوضوروندا حاضير اولسون کي، آيري آدامين امانتئنه خيانت ادئب اتمه‌مه‌سي بَلّي اولسون.
اگر کئمسه هر هانسي ائتمئش بئر اشيانين حاقّيندا، اؤکوز، اِششَک، قويون، و پالتار حاقّيندا «منئمدئر» دسه، ائکي طرفئن موباحئثه‌لي ائشي، قاضيلارين حوضورونا گتئرئلمه‌لی‌دئر؛ قاضيلارين حاقسيز چيخارتديغي آدام، او بئرئسئنه ضرري ائکي قات ورمه‌لی‌دئر.
اگر بئر آداما امانت ورئلَن آيري آدامين اِششَيي، اؤکوزو، قويونو و يا آيري بئر حيواني هچ کس گؤرمه‌دن اؤلسه، يارالانسا، يا دا آپاريلسا،
بو آداملار آراسيندا ربّئن آدينا ائچئلَن آند ائچئلسئن کي، بئري او بئرئسئنئن امانتئنه خيانت اتمهيئب. قوي حيوانين صاحئبي بونو قبول اتسئن، اونا ضرري ورئلمه‌سئن.
اگر حيوان همئن آدامدان دوغرودان اوغورلانيب، اونو ساخلايان آدام ضرري صاحئبئنه ورسئن.
اگر حيواني وحشي حيوان پارچالاييب، اونو ساخلايان آدام، پارچالانانان حيواني ثوبوت کئمي صاحئبئنه گتئرسئن، آمّا پارچالانان حيوان اوچون ضرر ورئلمه‌سئن.
بئر آدامين بورج آلديغي حيوان صاحئبئنئن يانيندا اولماياندا يارالاديغي، و يا اؤلدويو حالدا عوضي کامئل ورئلمه‌لئدئر.
اگر حيوانين صاحئبي يانيندادير، ضرر ورئلمه‌مه‌لئدئر. اگر حيوان اوجرتله توتولوب، اوجرت ضرره ده شامئل اولور.
اگر بئر آدام نئشانلي اولمايان باکئره قيزي توولاييب اونونلا ياخينليق اتسه، قيزا گؤره باشليق ورئب، اونو اؤزونه آرواد اتمه‌لی‌دئر.
اگر قيزين آتاسي اونو او آداما اَره ورميه اصلا راضي ديئل، او آدام قيزلارين باشليغينا مووافئق مبلغده پول ورسئن.
سِحرباز آرواد صاغ قالماسين.
حيوانلارلا جئنسي رابئطه‌يه گئرن هر کس اؤلدورولسون.
ربدن ساوايي، باشقا بئر آللاها قوربان گتئرن آدام تامامن محو اولونسون.
قرئب آداما نه حاقسيزليق ادئن، نه ده ظولم. چونکي سئز اؤزونوز ده مئصئر اؤلکهسئنده قرئب ائدئنئز.
هچ بئر دول آروادا و يتئمه اذئيّت ورمهيئن.
اگر بونلاردان بئرئنه اذئيّت ورهسئنئز و او منه فرياد اتسه، من قطعن فرياديني اشئده‌جيم
و قضبله‌نئب سئزي قيلينجدان کچئرده‌جيم. آروادلارينيز دول، اوشاقلارينيز دا يتئم قالاجاقلار.
اگر يانيندا ياشايان خالقيمين کاسيبينا پول بورج ورهسئنئز، اونونلا سَلَمچي کئمي رفتار اتميهجکسئنئز، اوستونه سَلَم قويماياجاقسينيز.
اگر آيري بئر آدامين پالتاريني گئروو آليرسان، گون باتماميش اونا گئرووو قايتار.
چونکي بو پالتار اونون يگانه اؤرتويو و اَينئنئن گِيئمئدئر. بس او آدام ياتاندا نه ائله اوستونو اؤرتر؟ او منه فرياد ادنده سَسئني اشئده‌جيم، چونکي من کرئمم.
تاريني سؤيميه‌جکسن و خالقين باشچيسينا لعنت اتميه‌جکسن.
اؤز محصولونو و شئره تقدئملرئني منه گتئرمه‌يئني گِجئکدئرميه‌جکسن؛ ائلک اوغوللاريني منه تقدئم ادهجکسن.
اؤکوز و قويونون ائلک بالالاري ائله ده بله ادهجکسن: يدّي گون اونلاري آنالاري ائله قويوب، سکّئزئنجي گون منه تقدئم ادهجکسن.
منئم اوچون موقدّس خالق اولاجاقسينيز. بونا گؤره ده چؤلده پارچالانديغي حيوانين اَتئني يميهجکسئنئز، اونو ائتلره آتاجاقسينيز.
يالان خبر گزدئرمه‌يئن. يالانچي شاهئد اولماق اوچون، حاقسيز آداملا اَلبئر اولمايين.
شر ائش گؤرن قالاباليغا قوشولمايين. محکمه‌ده چوخلاري ائله بئرلَشه‌رَک عدالتئن قاباغيني آلماق اوچون يالانچي شاهئد اولمايين.
کاسيبا دا محکمه‌ده طرفدارليق اتمه.
اگر دوشمنئنئن آزميش اؤکوزونه، و يا اِششه‌يئنه راست گلهسن، صاحئبئنه قايتارماليسان.
سندن نئفرت ادن آدامين اِششه‌يئني، يوکو آلتيندا ييخيلميش حالدا گؤرنده، اونو ترک اتمه؛ اونا کؤمک ات کي، بو يوکدن آزاد اولسون.
مؤحتاج اولان آدامين محکمه ائشئنده، اونون ضئدّئنه عدالتي تحرئف اتمه.
يالان ائشدن اوزاق اول. معصوم و يا صالح آدامي دا اؤلومه ورمه. چونکي من خاطاکار آداما بَرائت قازانديرماياجاغام.
روشوت آلما، چونکي روشوت گؤزو آچيقلاري کور ادر، صالحلرئن سؤزلرئني ده تحرئف ادر.
قرئب آداما ظولم اتمه، سئز اؤزونوز قرئب آدامين نه حئسّ اتدئيئني بئلئرسئنئز، چونکي سئز اؤزونوز ده مئصئر اؤلکهسئنده قرئب ائدئنئز.
آلتي ائل تورپاغينيزي اَکئن و محصولونو ييغين؛
يدّئنجی ائل اونا اَل دَيمه‌يئن کي، خالقينيزدان اولان مؤحتاجلار اورادان يسئنلر. اونلاردان آرتيق قالاني دا وحشي حيوانلار يسئنلر. اوزوم و زيتون باغلارينيزدا دا بله ادئن.
آلتي گون ائشلرئنئزي گؤرون، آمّا يدّئنجی گونده ائستئراحت ادئن کي، اؤکوزونوز و اِششه‌يئنئز راحاتلانسين، کنئزئنئن اوغلو، نؤکرلر و قرئبلر ده دئنجَلسئنلر.
منئم سئزه ددئيئم هر شيي رئعايت ادئن. آيري آللاهلارين آديني چکمه‌يئن، قوي او آدلار سئزئن آغزينيزدان اشئدئلمه‌سئن.
منه ائلده اوچ دفه بايرام ادئن:
ماياسيز چؤرک بايراميني توتون. من سئزه امر اتدئيئم کئمي، آبئب آييندا تعيئن اولونان واخت يدّي گون ماياسيز چؤرک ييئن. چونکي مئصئردن او آيدا چيخدينيز. هچ کس حوضوروما اَلي‌بوش گلمه‌سئن.
زمئدهکي اَکئن ائشئنئزئن نوباري ائله بئچئن بايراميني توتون. ائلئن آخيريندا ائشئنئزئن بوتون محصولونو زمئدن ييغيب، ييغيم بايراميني توتون.
ائلده اوچ دفه سئزئن بوتون اِرکَک آداملارينيز رب پروردئگارين حوضورونا گلسئنلر.
منه گتئردئيئنئز قوربانين قانيني مايالي چؤرکله تقدئم اتمهيئن. بايرام قوربانيمين پئيي سحره قدر قالماسين.
تورپاغين نوبارينين ائلک حئصّهسئني تارينيز ربّئن معبدئنه گتئرئن. کچي بالاسيني، آناسينين سودونده بئشئرمه‌يئن.
باخ، من يولدا، سنئن قاباغيندا بئر مَلَک گؤنده‌رئرم کي، سني حئفظ ادئب، حاضيرلاديغيم يره سني گتئرسئن.
اونون حوضوروندا احتئياطلي اول و سَسئنه قولاق آس. اونون ضئدّئنه عوصيان قالديرما، او سئزئن عوصيانينيزي باغيشلاماز، چونکي منئم آديم اونون اوستوندهدئر.
اگر اونون سَسئنه حقئقتن قولاق آسيب ددئيئمه عمل ادهسئنئز، اوندا من سئزئن دوشمنلرئنئزه دوشمن، خصملرئنئزه ده، خصم اولاجاغام.
منئم مَله‌يئم قاباغينيزدا گدهجک و سئزي اِمورلولارين، خئتلئلرئن، پِرئزلی‌لرئن، کَنَعانليلارين، خئولئلرئن و يِبوسلولارين تورپاغينا گتئرهجک؛ من اونلاري تامامن محو ادهجيم.
اونلارين آللاهلارينا سجده اتمهيئن، اونلارا عئبادت اتمهيئن و اونلار ادن عمللره، عمل اتمهيئن؛ او آللاهلاري داغيديب يوخ ادئن، اونلارين موقدّس سوتونلاري تئکه-تئکه اتمه‌لي‌سئنئز.
لاکئن سئز تارينيز ربّه خئدمت ادئن، او دا چؤره‌يئنئزه و سويونوزا برکت ورهجک؛ سئزئن آرانيزدان ناخوشلوغو اوزاقلاشديراجاغام.
اؤلکه‌نئزده نه اوشاق سالان اولاجاق، نه ده سونسوز آرواد. عؤمرونوزو ده اوزون ادهجيم.
اؤز دهشتئمي سئزدن قاباق گؤندرئرم؛ آرالارينا يِتئشدئيئنئز بوتون خالقلارا قاريشيقليق سالاجاغام و بوتون دوشمنلرئنئزي دؤنوب سئزدن قاچماسينا باعئث اولاجاغام.
اِششَک‌چئبئنئني ده سئزدن قاباق گؤندرهجيم کي، خئولی‌لري، کَنَعانليلاري و خئتلئلري قاباغينيزدان قووسون.
لاکئن بئر ائل عرضئنده اونلاري قاباغينيزدان قووماياجاغام کي، اؤلکه وئرانه قالماسين و وحشي حيوانلار چوخاليب، سئزئن اوستونوزه داراشماسين.
ياواش-ياواش اونلاري قاباغينيزدان او واختاجاق قوواجاغام کي، سئز نسئل گتئرئب چوخالاراق، اؤلکهنئن صاحئبي اولاسينيز.
قيرميزي دهنزدن فئلئسطلی‌لرئن دهنزئنه قدر، صحرادان فَرات چايينا قدر سرحدلرئنئزي چکه‌جيم. اؤلکهنئن ساکئنلرئني سئزئن اَلئنئزه تسلئم ادهجيم، آمّا سئز اونلاري يانينيزدان قووارسينيز.
نه اونلارلا عهد باغلايين، نه ده آللاهلاري ائله؛
قويمايين اونلار اؤلکه‌نئزده ياشاسينلار کي، باعئث اولسونلار سئز منئم ضئدّئمه گوناه ادئب، اونلارين آللاهلارينا عئبادت ادهسئنئز. بو سئزه تله اولاجاق."
رب موسايا ددي: "سن، هارون، ناداب، ابئهو و ائسرايئل آغساقّاللاريندان يتمئش نفر ربّئن يانينا چيخين. اوزاقدان سجده ادئن.
سونرا آنجاق سن، ای موسا، ربّئن حوضورونا ياخينلاش؛ او بئرئلري ياخينلاشماسينلار؛ خالق دا بورايا چيخماسين."
موسا گلئب ربّئن بوتون سؤزلرئني و حؤکملرئني خالقا نَقل اتدي. بوتون خالق بئر سَسله جاواب ورئب ددئلر: "ربّئن ددئيي سؤزلرئن هاميسينا عمل اده‌جيئک."
موسا ربّئن بوتون سؤزلرئني يازدي. او سحر اِرکَن دوروب داغين اَته‌يئنده قوربانگاه و ائسرايئلئن اون ائکي قبئلهسئنه گؤره، اون ائکي سوتون تئکدي.
سونرا موسا ائسرايئلئن جاوانلاريني گؤندردي و اونلار ربّه يانديرما قوربانلاري و باريش قوربانلاري اولاراق گاميشلار کَسدئلر.
موسا حيوانلارين قانينين ياريسيني گؤتوروب لَيَنلره تؤکدو. قانين او بئري ياريسيني دا قوربانگاهين اوستونه سَپدي.
او، عهد کئتابيني الئنه آليب خالقا اوجادان اوخودو و اونلار ددئلر: "ربّئن ددئيي بوتون سؤزلره عمل ادئب قولاق آساجاغيق."
سونرا موسا قاني گؤتوروب خالقين اوستونه سَپه‌رَک ددي: "باخ، بوتون بو سؤزلره گؤره، ربّئن سئزئنله کَسدئيي عهدئن قاني!"
سونرا موسا هارون، ناداب، ابئهو و ائسرايئل آغساقّاللاريندان يتمئش نفرله بئرلئکده چيخدي
و ائسرايئلئن تاريسيني گؤردولر. اونون آياقلاري آلتيندا لاجورد داشيندان دؤشه‌مه کئمي، سَمايين اؤزونه بَنزَر آيدين بئر شي وار ائدي.
تاري ائسرايئلئن باشچيلارينا الئني اوزاتمادي؛ اونلار تاريني گؤردولر و ييئب-ائچدئلر.
رب موسايا ددي: "منئم يانيما داغا چيخ و اورادا دور؛ سنه او داش لؤوحه‌لری ورهرم کی، اولارين اؤيرنمه‌سي اوچون اوستونه قانون و امرلري يازميشام."
موسا خئدمتچئسي يوشَعله قالخدي و موسا تارينين داغينا چيخدي.
آمّا آغساقّاللارا ددي: "بئز سئزئن يانينيزا گری قاييداناجاق بورادا گؤزلهيئن. باخ، هارون و خور يانينيزدادير؛ کئمئن نه چتئن ائشي وار، اونلارين يانينا گده بئلر."
سونرا موسا داغا چيخدي. بولود داغي بورودو.
ربّئن عئزّتي سئنا داغينين اوستونده ساکئن اولدو. بولود اونو آلتي گون بورودو. يدّئنجی گونده رب موساني بولودون ائچئندن چاغيردي.
ائسرايئل اؤولادلارينين گؤزونده، ربّئن عئزّتئنئن گؤرونوشو داغين باشيندا کوله دؤنده‌رَن اود کئمي ائدي.
موسا داغا چيخارکن بولودون ائچئنه گئردي و قيرخ گون-قيرخ گجه داغدا قالدي.
سونرا رب موسا ائله دانيشيب ددي:
"ائسرايئل اؤولادلارينا دِه کي، منه بئر هدئيّه گتئرسئنلر. گؤيلو ائسته‌يَن هر بئر آدامدان، منئم هدئيّه‌مي قبول ادئن.
اونلاردان قبول اده‌جيئز هدئيّهلر بودور: قيزيل، گوموش، بورونج،
لاجورد، ارغواني و قيرميزي پارچا، نازئک کتان، کچي توکو،
قيرميزي بويانميش قوچ دَرئلري، سو ائتي دَرئلري، اَقاقئيا آغاجي،
چيراق اوچون ياغ، مسح ياغي اوچون اَدوئيّه‌لر و عطئرلي بوخور اوچون عطرئيّاتلار،
اِفودلا دؤشلويون اوستونه تاخيلان دامارلي عقئق و ساغاناق داشلاري.
منئم اوچون موقدّس مکان دوزلتسئنلر کي، آرالاريندا ساکئن اولوم.
موقدّس مکاني و اونون بوتون لوازئماتيني گؤرستدئيئم نومونه‌لره گؤره دوزَلدئن.
قوي اَقاقئيا آغاجيندان بئر سانديق دوزلتسئنلر: اوزونلوغو ائکي قولآچ ياريم، اِني قولآچ ياريم، بويو قولآچ ياريم اولسون.
اونو ائچَرئدن و چؤلدن خالئص اؤرت؛ چَرچئوه‌سئنه قيزيل قالئب قوي.
سانديق اوچون دؤرد تؤکمه قيزيل حالقا دوزلت و اونلاري اونون دؤرد آياغينا قوي. ائکي حالقاني بئر يانينا، ائکي حالقاني دا او بئري يانينا بَرکئت.
اَقاقئيا آغاجيندان دئرکلر دوزلت. اوستونو اؤرت.
سانديغي داشيماق اوچون دئرکلري سانديغين يانلارينداکي حالقالارا کچئرت.
دئرکلر سانديغين حالقالاريندا قاليب اورادان آيريلماسينلار؛
سنه وره‌جيئم شهادت لؤوحه‌لرئني سانديغين ائچئنه قوي.
خالئص قيزيلدان کفّاره قاپاغيني دوزلت. قوي اوزونلوغو ائکي قولآچ ياريم، اِني ده قولآچ ياريم اولسون.
کفّاره قاپاغينين هر ائکي اوجو اوچون، ياستيلانميش قيزيلدان ائکي کَرّوب دوزلت.
بئر کَرّوب قاپاغين بئر اوجوندا دوزلت، او بئرئسئني ده او بئري اوجوندا؛ کفّاره قاپاغينين ائکي اوجوندا اولان کَرّوبلار اونونلا بئر حئصّه حاليندا اولسون.
کَرّوبلار يوخاري طرف آچيلميش قانادلاري ائله کفّاره قاپاغيني اؤرتسونلر. کَرّوبلارين اوزلري بئربئرئنئن موقابئلئنده قاپاغا طرف اولسون.
کفّاره قاپاغيني سانديغين اوستونه قوي؛ سنه وره‌جيئم شهادت لؤوحه‌لرئني سانديغين ائچئنه قوي.
اورادا کفّاره قاپاغينين اوستونده، شهادت سانديغينين اوستونده‌کي ائکي کَرّوب آراسيندا سنئنله گؤروشه‌جيم و ائسرايئل اؤولادلاري اوچون سنه امر اده‌جيئم هر شيي دئيه‌جيم.
اَقاقئيا آغاجيندان بئر مئز دوزلت: اوزونلوغو ائکي قولآچ، اِني بئر قولآچ، بويو دا قولآچ ياريم اولسون.
اونو خالئص قيزيللا اؤرت. اطرافينا قيزيل قالئب قوي.
اطرافيندا، بئر اوووج اِنئنده، يان لؤوحه‌لر دوزلت. يان لؤوحه‌لرئن اطرافينا دا قيزيل حاشئيه قوي.
مئز اوچون دؤرد قيزيل حالقا دوزلت، حالقالاري اونون دؤرد آياغينداکي دؤرد کونجونه بَرکئت.
حالقالار يان لؤوحه‌لره ياخين اولوب مئزي آپاران دئرَکلرئن کِچدئيي يرلر اولسونلار.
دئرَکلري اَقاقئيا آغاجيندان دوزلت و اونلاري قيزيللا اؤرت؛ مئز اونلارين واسئطهسئله آپاريلسين.
مئز اوچون خالئص قيزيلدان سئني‌لر و نئمچه‌لر، مايِع تقدئملري اوچون ده سَهَنگ و قابلاري دوزلت.
همئشه منئم حوضورومدا مئزئن اوستونه تقدئس چؤرکلري قوي.
خالئص قيزيلدان بئر چيراقدان دوزلت. بو چيراقدان، اونون پايا و مئله‌سي ياستيلانميش قيزيلدان اولماليدير؛ پئيالالاري، قؤنچه‌لري، و گوللري اونونلا بئر حئصّه‌دن اولسون.
چيراقدانين يانلاريندان آلتي شاخه، اونون بئر يانيندان اوچ شاخه، او بئري يانيندان دا اوچ شاخه چيخسين.
بئر شاخه‌ده بادام چئچه‌يئنه بَنزَر اوچ پئيالا، بئر قؤنچه، و بئر گول اولسون. او بئرئسئنده ده بادام چئچه‌يئنه بَنزَر اوچ پئيالا، بئر قؤنچه، و بئر گول اولسون. چيراقداندان چيخان بوتون آلتي شاخه‌يه بله اولسون.
چيراقدانين مئله‌سئنده بادام چئچه‌يئنه بَنزَر دؤرد پئيالا، قؤنچه‌لر و گوللر اولسون؛
چيراقدانين مئله‌‌سئندن چيخان شاخه‌لرئن بئرئنجي جوتونون آلتيندا بئر قؤنچه اولسون، چيراقدانين مئله‌‌سئندن چيخان شاخه‌لرئن ائکئنجي جوتونون آلتيندا بئر قؤنچه، و چيراقدانين مئله‌‌سئندن چيخان شاخه‌لرئن اوچونجو جوتونون آلتيندا بئر قؤنچه اولسون. چيراقداندان چيخان بوتون آلتي شاخه‌يه بله اولسون.
قؤنچه‌لري و شاخه‌لري اونونلا بئر حئصّه‌دن اولسونلار؛ هاميسي ياستيلانميش خالئص قيزيلدان اولسونلار.
اونون اوچون يدّي چيراق دوزلت و چيراقلاري اونون اوستونه قوي کي، قاباق طرفئنه ائشيق سالسين.
پئلته ماشالاري و سئني‌لري ده خالئص قيزيلدان اولسون.
چيراقدان و اونون بوتون بو لوازئماتيني بئر تالانت خالئص قيزيلدان دوزَلدئلسئن.
بونلارين هاميسيني داغدا سنه گؤرسدئلن نومونهيه موطابئق دوزلت.
ربّئن خيمهسئني اون پرده‌دن دوزلت؛ پرده‌لري نفئس توخونموش نازئک کتاندان، لاجورد، ارغواني و قيرميزي پارچادان، آمّا اوستونو کَرّوبلار شَکلئنده ناخيشلا دوزلت.
هر پردهنئن اوزونلوغو ائيئرمي سکّئز قولآچ، اِني ده دؤرد قولآچ اولسون؛ قوي بوتون پرده‌لر بئر اؤلچوده اولسون.
پرده‌لردن بِشي بئربئرئنه بئرلَشسئن؛ او بئري بِشي ده بئربئرئنه بئرلَشسئن.
بئر بئرلَشمه‌نئن اوجوندا اولان پردهنئن قيراغيندا لاجورد ائلمه‌لر دوزلت: او بئري بئرلَشمَده‌کي پردهنئن قيراغيندا دا کي، اِشئيه طرفدئر، همن شَکئلده ائلمه‌لر دوزلت.
بئر پرده‌يه اَلّي ائلمه، او بئري بئرلَشمه‌ده‌کي پردهنئن قيراغيندا دا اَلّي ائلمه بئربئرئنئن موقابئلئنده دوزلت.
قيزيلدان اَلّي گئره دوزلت. گئره‌لرله پرده‌لري بئرلَشدئر کي، خيمه بوتؤو اولسون.
خيمهنئن اوستونو اؤرتمَک اوچون کچي يونوندن اون بئر اؤرتوک دوزلت.
هر اؤرتويون اوزونلوغو اوتوز قولآچ، اِني ده دؤرد قولآچ اولسون. اون بئر اؤرتوک بئر اؤلچوده اولسون.
بش اؤرتويو آيريجا و آلتي اؤرتويو آيريجا بئرلَشدئر. آمّا آلتينجي اؤرتويو چاديرين قاباق طرفئندن قاتلا.
بئر بئرلَشمه‌نئن قيراق اؤرتويون قيراغيندا اَلّي ائلمه، او بئري بئرلَشمه‌نئن قيراق اؤرتويون قيراغيندا دا اَلّي ائلمه دوزلت.
بورونجدن اَلّي گئره دوزلت؛ گئره‌لري ائلمه‌لره تاخ و چاديري بئرلَشدئر کي، او بوتؤو اولسون.
چاديرين اؤرتوکلرئندن آرتيق قالانلاري، هر ائکي طرفدن اؤرتويون ياريسيني، خيمهنئن آرخا طرفئندن ساللا.
چاديرين اؤرتوکلرئنئن اوزونلوغوندان هر ائکي اوجوندا آرتيق قالان بئر قولآچ پارچا هر ائکي طرفئندن ساللانسين کي، خيمهني اؤرتسون.
چادير اوچون قيرميزي بويانميش قوچ دَرئلرئندن بئر اؤرتوک و اونون اوستونده سو ائتي دَرئلرئندن باشقا بئر اؤرتوک دوزلت.
خيمه اوچون اَقاقئيا آغاجيندان دئک دوران چَرچئوه‌لر دوزلت.
هر چَرچئوه‌نئن اوزونلوغو اون قولآچ، اِني ده قولآچ ياريم اولسون.
هر چَرچئوه‌نئن اوستونده ائکي بئربئرئنه باغلانان گئره اولسون؛ خيمهنئن بوتون چَرچئوه‌لرئني بله دوزلت.
خيمه‌يه چَرچئوه‌لر دوزلت؛ جنوب طرفي اوچون ائيئرمي چَرچئوه
و اونلارين آلتيندا قويولاجاق قيرخ گوموش آلتليق دوزلت؛ هر چَرچئوه‌نئن آلتيندا ائکي رَضه‌سي اوچون ائکي آلتليق اولسون.
خيمهنئن ائکئنجي طرفئنده، شئمال سمتئنده ده ائيئرمي چَرچئوه
و قيرخ گوموش آلتليق، هر چَرچئوه‌نئن آلتيندا ائکي آلتليق، او بئرئسئنئن آلتيندا دا ائکي آلتليق اولسون.
خيمهنئن قربه طرف اولان آرخاسي اوچون آلتي چَرچئوه دوزلت.
آمّا خيمهنئن آرخا کونجلري اوچون ائکي چَرچئوه دوزلت.
بونلار آشاغيدا ائکي قات اولوب يوخاريدا بئرئنجي حالقايا تاخيلسينلار؛ هر ائکي کونج اوچون اله ائکي چَرچئوه اولسون.
بو سکّئز چَرچئوه اوچون اون آلتي گوموش آلتليق، هر چَرچئوه‌نئن آلتيندا دا ائکي آلتليق اولسون.
اَقاقئيا آغاجيندان دئرَکلر دوزلت: بِشي خيمهنئن بئر طرفئندهکي چَرچئوه‌لر اوچون،
بِشي ده خيمهنئن قربه طرف اولان آرخا طرفئندهکي چَرچئوه‌لري اوچون اولسون.
اورتا دئرَک چَرچئوه‌لرئن اورتاسيندان، بئر اوجدان او بئري اوجا قدر اوزانسين.
چَرچئوه‌لري قيزيللا اؤرت؛ دئرَکلرئن کچدئيي حالقالاريني قيزيلدان دوزلت؛ دئرَکلري ده قيزيللا اؤرت.
داغدا سنه گؤرستدئيئم نومونهيه موطابئق خيمهني قور.
پرده‌ني لاجورد، ارغواني و قيرميزي پارچا و نفئس توخونموش نازئک کتاندان، اوستونو ده کَرّوبلار شَکلئنده ناخيشلا دوزلت.
اونو دؤرد سوتون اوستونده آس؛ هر دئرَک قيزيللا اؤرتولموش اَقاقئيا آغاجيندان اولسون. اوستونده قيزيل قولّابلاري اولسون و دؤرد گوموش آلتليق اوستونده دورسون.
پرده‌ني بندلردن آس و شهادت سانديغي اورايا، پردهنئن آرخاسينا گتئر. بو پرده موقدّس يِرله لاپ موقدّس يِري آييرسين.
لاپ موقدّس يرده شهادت سانديغينين اوستونه کفّاره قاپاغيني قوي.
مئزي پردهنئن بايير طرفئنه، چيراقداني مئزئن موقابئلئنه يعني خيمهنئن جنوب طرفئنه، آمّا مئزي شئمال طرفئنه قوي.
خيمهنئن گئرئشي اوچون آراکَسمه‌ني لاجورد ارغواني و قيرميزي پارچا و نفئس توخونموش نازئک کتاندان، ناخيش تئکمهسئله دوزلت.
بو آراکَسمه اوچون ده اَقاقئيا آغاجيندان بش سوتون دوزلت و اوستونو قيزيللا اؤرت؛ اوستونده قيزيل قولّابلار اولسون و اونلار اوچون بورونجدن بش آلتليق تؤک.
قوربانگاهي اَقاقئيا آغاجيندان دوزلت. قوي اوزونلوغو بش قولآچ، اِني ده بش قولآچ اولسون، قوربانگاه مورَبّع شَکلئنده، بويو دا اوچ قولآچ اولسون.
قوربانگاهين بوينوزلاريني اونون دؤرد کونجونه قوي؛ بوينوزلاري اونونلا بئر حئصّه‌دن اولسون. اونون اوستونو بورونجله اؤرت.
اورانين ياغ و کول قابلاريني، کورَکلرئني، لَيَنچه‌لرئني، چَنگللرئني، خَکَندازلاريني و قالان شيلرئني بورونجدن دوزلت.
قوربانگاه اوچون بورونجدن تور شبکه، تورون دا دؤرد بوجاغيندا بورونجدن دؤرد حالقا دوزلت.
اونو قوربانگاهين کناريندان آشاغييا قوي کي، تور اونون ياريسينا قدر يتئشسئن.
قوربانگاه اوچون اَقاقئيا آغاجيندان دئرَکلر دوزلت و اوستونو بورونجله اؤرت.
دئرَکلري حالقالارا تاخ کي، قوربانگاهي داشييان زامان، دئرَکلر اونون هر ائکي يانيندا اولسون.
قوربانگاهي ائچي بوش اولسون و اونو تاختادان دوزلت. داغدا سنه گؤرستدئيئم کئمي اونو دوزلت.
خيمهنئن حيطئني دوزلت. حيطئن جنوب طرفئنده، بئر طرف اوچون اوزونلوغو يوز قولآچ اولان پرده‌لر، نفئس توخونموش نازئک کتاندان،
اونون ائيئرمي دئره‌يي و ائيئرمي آلتليغي بورونجدن، دئرَکلرئن قولّابلاريني و بندلري ده گوموشدن اولسون.
شئمال طرفي اوچون ده اوزونلوغو يوز قولآچ اولان پرده‌لر اولسون؛ اونلارين ائيئرمي دئره‌يي و ائيئرمي آلتليغي بورونجدن، دئرَکلرئن قولّابلاري و بندلري ده گوموشدن اولسون.
قرب طرفئندهکي پرده‌لر، حيطئن اِني کئمي، اَلّي قولآچ اولسون. بو پرده‌لر اوچون اون دئرَک و اون آلتليق دوزلت.
شرق طرفئنده ده حيطئن اِني اَلّي قولآچ اولسون.
دروازانين بئر طرفي اوچون اوزونلوغو اون بش قولآچ پرده‌لر، اونلارين اوچ دئره‌يي و اوچ آلتليغي اولسون.
او بئري طرف اوچون ده اوزونلوغو اون بش قولآچ پرده‌لر، اونلارين اوچ دئره‌يي و اوچ آلتليغي اولسون.
حيطئن دروازاسي اوچون اوزونلوغو ائيئرمي قولآچ اولان لاجورد، ارغواني و قيرميزي پارچا و نفئس توخونموش نازئک کتاندان ناخيش تئکمه‌لي آراکَسمه اولسون. اونون دؤرد دئره‌يي و دؤرد آلتليغي دا اولسون.
حيطئن بوتون اطراف دئرَکلري گوموش بندلرله بندلَنسئن؛ اونلارين گوموش قولابلاري و بورونج آلتليقلاري اولسون.
حيطئن اوزونلوغو يوز قولآچ و اِني هر يرده اَلّي قولآچ اولسون؛ نفئس توخونموش نازئک کتاندان اولان پردهنئن بويو دا بش قولآچ اولسون، آلتليقلاري دا بورونجدن اولسون.
خيمهنئن عئبادتي اوچون ائشلَنَن بوتون شيلري، اونون بوتون يره وورولان ميخلاري حيطئن بوتون ميخلاري دا بورونجدن اولسون.
سن ائسرايئل اؤولادلارينا امر ات کي، سنه ائشيق اوچون خالئص سيخما زيتون ياغي گتئرسئنلر. بو ياغدان همئشه بئر چيراق
حوضور چاديريندا شهادت سانديغينين موقابئلئندهکي پردهنئن قيراغيندا يانسين. هارونلا اوغوللاري ربّئن حوضوروندا اونا آخشامدان سحره قدر يتئشسئنلر. قوي بو نسئلدن-نسله ائسرايئل اؤولادلاري اوچون ابدی قايدا اولسون.
سن آمّا قارداشين هارونو و اونون اوغوللاري نادابي، اَبئهونو، اِلازاري و ائتاماري ائسرايئل اؤولادلارينين آراسيندان يانينا گتئر کي، اونلار منه کاهئنلئک اتسئنلر.
قارداشين هارونا عئزّت و گؤزللئک اوچون موقدّس پالتارلار حاضيرلا.
سن ده منئم حئکمَت روحو ائله دولدوردوغوم بوتون مهارتلي اوستالارا تاپشير کی، هارونون تقدئس اولونماسي اوچون اونا پالتارلار حاضيرلاسينلار و او منه کاهئنلئک اتسئن.
اونلارين حاضيرلاياجاغي پالتارلار بونلاردير: دؤشلوک، اِفود، اوست جوبّه، ناخيشلي خئرقه، عمّامه و قورشاق. بو موقدّس پالتارلاري قارداشين هارونا و اوغوللارينا حاضيرلاسينلار کي، منه کاهئنلئک اتسئنلر.
قوي پالتارلاري حاضيرلايانلار قيزيل، لاجورد، ارغواني و قيرميزي پارچا و نازئک کتان گؤتورسونلر.
اِفودو قيزيلدان، لاجورد، ارغواني و قيرميزي پارچا و نفئس توخونموش نازئک کتاندان ناخيشلا دوزلتسئنلر.
ائکي چئيئنلئک اولسون کي، هر ائکي اوجونو بئربئرئنه باغلاييب بَرکئدئر.
اِفودو باغلايانين اوستوندن گلن ناخيشلي کَمَر، اونونلا بئر حئصّه‌دن، او دا قيزيلدان، لاجورد، ارغواني و قيرميزي پارچا و نفئس توخونموش نازئک کتاندان اولسون.
ائکي عدد دامارلي عقئق داشي گؤتور و اوستونده ائسرايئلئن اوغوللارينين آدلاريني حکّ ات.
اونلارين دوغولما سيراسينا موطابئق بئر داشين اوستونده آلتي آد، او بئرئسئنئن اوستونده قالان آلتي آدي،
حکّاکين ائشي اولان مؤهور اويماسي کئمي ائکي داش اوستونده ائسرايئلئن اوغوللارينين آدلاريني حَکّ ات. حؤرمه قيزيل ساغاناقلارا ساليب،
بو ائکي داشي اِفودون چئيئنلئکلرئنه تاخ. بونلار ائسرايئلئن اوغوللارينين خاطئره داشلاريدير؛ هارون اونلارين آدلاريني ربّئن قاباغيندا ائکي چئينئنده خاطئره کئمي گزدئره‌جک.
حؤرمه قيزيلدان ساغاناقلار دوزلت،
خالئص قيزيلدان ائکي ائپه بَنزَر بورما زنجئر دوزلت؛ بورما زنجئرلري ساغاناقلارا تاخ.
قضاوت دؤشلويونو اِفود کئمي ناخيشلي قيزيلدان، لاجورد، ارغواني و قيرميزي پارچا و نفئس توخونموش نازئک کتاندان دوزلت.
دؤشلوک ائکي قات و موربّع شَکلئنده، اوزونلوغو بئر قاريش، اِني ده بئر قاريش اولسون.
اوستونده‌کي بئر چَرچئوه‌يه دؤرد سيرا داش تاخ. بئرئنجي سيرا ياقوت، توپاز، زومرود
ائکئنجي سيرا فئروزه، لاجورد داشي و آغ عقئق
اوچونجو سيرا سئرکون، عقئق و آمِتئست،
دؤردونجو سيرا زبرجد، دامارلي عقئق و يَشَم داشي اولسون. بو داشلار حؤرمه قيزيل ساغاناقلارا تاخيلسين.
داشلار ائسرايئلئن اوغوللارينين آدلارينا موطابئق اون ائکي و اون ائکي قبئله اوچون هر داش بئر آدين اويما مؤهورو اولسون.
دؤشلوکده خالئص قيزيلدان ائپه بَنزَر بورما زنجئرلر قايير.
دؤشلوکده ائکي قيزيل حالقا دوزلت و اونلاري دؤشلويون ائکي اوجونا تاخ.
ائکي قيزيل ائپي دؤشلويون اوجلارينداکي ائکي حالقايا تاخ.
ائپلرئن او بئري اوجلاريني ائکي حؤرمه ساغاناغا تاخيب، اِفودون چئيئنلئکلرئنئن قاباق طرفئنه باغلا.
گئنه ده ائکي قيزيل حالقا دوزلت و اونلاري دؤشلويون ائکي اوجونا، اِفودلا ياناشي ائچ قاتينا تاخ.
داها ائکي قيزيل حالقا دوزلت و اونلاري اِفودون نفئس توخونموش چئيئنلئکلرئنئن قاباق طرفئنه، آشاغييا، اِفودون کَمَرئله بئرلَشمه اوستونه بَرکئت.
دؤشلوک حالقالاري ائله اِفودون نفئس توخونموش حالقالارينا لاجورد قايتانلا باغلانيب، اِفودون کَمَرئنئن اوستونه برکئدئلسئن کي، دؤشلوک اِفوددان ساللانماسين.
هارون موقدّس يره داخل اولدوغو زامان، ربّئن قاباغيندا همئشهلئک خاطئره اولاراق، ائسرايئلئن اوغوللارينين آدلاريني قضاوت دؤشلويونده، اوره‌يئنئن اوستونده داشيياجاق.
اورئم و تومّئمی ده قضاوت دؤشلويونه قوي کي، ربّئن حوضورونا داخئل اولدوغو زامان اونلار دا اوره‌يئنئن اوستونده اولسون. بلجه هارون ائسرايئل اؤولادلارينين حؤکمونو ربّئن حوضوروندا همئشهلئک اوره‌يئنئن اوستونده داشيياجاق.
اِفودون جوبّه‌سئني تامامن لاجورد پارچادان تئک.
اورتاسيندا باش کچئرتمک اوچون ير اولسون. اونون قيراغيندا جيريلماماق اوچون بئر ياخا توخونسون.
جوبّه‌نئن اَته‌يئنئن اطرافينا لاجورد، ارغواني و آلا- قيرميزي پارچادان نارلار و و آرالارينا قيزيلدان زينقيروولار دوز:
جوبّه‌نئن اَته‌يي بويونجا اطرافيندا قيزيل زينقيروو و نار نؤوبتله دوزولسون.
قوي جوبّه هارون خئدمت اتدئيي زامان اَينئنده اولسون. وردئيي سَس ده اونون موقدّس يره، ربّئن حوضورونا گئرئب-چيخديغي زامان اشئدئلسئن کي، او اؤلمه‌سئن.
خالئص قيزيلدان بئر لؤوحه‌جئک دوزلت و اونون اوستونده مؤهور اويماسي اولاراق "ربّه موقدّسدئر" يازيسيني حکّ ات.
اونو لاجورد قايتانلا عمّامه‌نئن اوستونه، قاباق طرفئنه تئک.
بلجه لؤوحه‌جئک هارونون آلنينين اوستونده اولسون. هارون او تقصئري داشيياجاق کي، ائسرايئل اؤولادلاري، تقدئس اتدئکلري بوتون موقدّس هدئيّه‌لرده، مومکوندور ائشلَتسئنلر. او همئشه هارونون آلنيندا اولاجاق کي، ربّئن حوضوروندا مقبول اولسونلار.
خئرقه‌ني نازئک کتاندان، ناخيشلي حؤر، عمّامه‌ني ده نازئک کتاندان توخو. قورشاغي ناخيشلي دوزلت.
هارونون اوغوللارينا خئرقه‌لر، قورشاقلار و عئزّت و گؤزللئک اوچون پاپاقلار دوزلت.
بونلاري قارداشين هارونلا اوغوللارينا گيئندئرئب اونلاري مسح ات، وظئفهيه قوي و منه کاهئنلئک اتمک اوچون تقدئس ات.
بِلدن بودا قدر لوت بدنلرئني اؤرتَن کتان آلت پالتارلاري تئک.
هارونلا اوغوللاري حوضور چاديرينا داخئل اولاندا، يا دا موقدّس يرده خئدمت اتمک اوچون قوربانگاها ياخينلاشاندا بونلاري گئيه‌جکلر کي، خاطايا باتيب اؤلمه‌سئنلر. بو، هارونلا اؤولادلارينا ابدی قايدا اولسون.
منه کاهئنلئک اتمک اوچون اونلاري بله تقدئس ات. قوصورسوز بئر گاميش و ائکي قوچ گؤتور.
ماياسيز چؤرکلري، ياغلا يوغرولموش ماياسيز فطئرلري، و اوستونه ياغ سورتولموش ماياسيز کولچه‌لري نارين بوغدا اونوندان حاضيرلا.
اونلاري بئر سبدئن ائچئنه قوي، گاميش و ائکي قوچلا بئرلئکده تقدئم ات.
سونرا هارونلا اوغوللاريني حوضور چاديرينين گئرئشئنه گتئرئب، اونلاري سودا قوسول ور.
پالتارلاريني گؤتوروب هارونون اَينئنه خئرقه‌ني، نفئس توخونموش اِفود جوبّه‌سئني، اِفودو و دؤشلويو گيئندئر و اِفودون کمرئني بلئنه باغلا.
اونون باشينا عمّامه‌ني، عمّامه‌يه ده موقدّس تاجي قوي.
مسح ياغيني گؤتوروب هارونون باشينا تؤک و اونو مسح ات.
سونرا اوغوللاريني گتئر و اونلارا خئرقه‌لر گيئندئر.
هارونا و اونون اوغوللارينين بلئنه قورشاق باغلا و باشلارينا پاپاق قوي. ابدی قايدايا گؤره کاهئنلئک اونلارين اولسون. بلجه هارونلا اوغوللاريني وظئفهيه قوي.
سونرا حوضور چاديرينين گئرئشئنئن قاباغينا گاميشي گتئر. قوي هارونلا اوغوللاري اللرئني گاميشين باشينا قويسونلار.
گاميشي ربّئن قاباغيندا، حوضور چاديرينين گئرئشئنده کَس.
گاميشين قانيندان گؤتور و بارماغينلا قوربانگاهين بوينوزلارينا چک. قانين قالان حئصّهسئني ده قوربانگاهين آلتليغينا تؤک.
حيوانين ائچ آلاتيني اؤرتَن بوتون پئيي، قارا جئيه‌رئنئن قويروغا بَنزَر حئصّهسئني، هر ائکي بؤيره‌يئني و اوستونده‌کي پئيي قوربانگاهدا توستوله‌دئب ياندير.
گاميشين اَتئني، دَرئسئني و باغيرساغيني دوشَرگهنئن اِشئيئنده ياندير. بو، گوناه قوربانيدير.
بئر قوچ گؤتور؛ قوي هارونلا اوغوللاري اَللرئني قوچون باشينا قويسونلار.
سونرا قوچو کَس، قانيني گؤتور و اونو قوربانگاهين هر طرفئنه سَپ.
قوچو تئکه-تئکه دوغرا، ائچ آلاتيني و بودلاريني يويوب، باشينين و تئکه‌لرئنئن اوستونه قوي.
بوتون قوچو قوربانگاهدا توستوله‌دئب ياندير. بو، ربّئن يانديرما قورباني، اونا خوش اولان عطئرلي اود تقدئمدئر.
سن او بئري قوچو گؤتور، هارونلا اوغوللاري اَللرئني اونون باشينا قويسونلار.
سونرا قوچو کَس؛ قانيندان بئر آز گؤتوروب هارونون صاغ قولاغينين مَرجه‌يئنه، اوغوللارينين صاغ قولاق مَرجکلرئنه، اونلارين صاغ اللرئنئن و صاغ آياقلارينين باش بارماقلارينا چک. قوچون قالان قانيني قوربانگاهين هر طرفئنه سَپ.
قوربانگاهداکي قاندان و مسح ياغيندان گؤتوروب هارونا و اونون پالتارلارينا، اوغوللارينا و اونلارين پالتارلارينا چئله. بلجه هارون و اونون پالتارلاري، اوغوللاري و اونلارين پالتارلاري تقدئس اولونسون.
سونرا قوچون پئيئني؛ قويروغونو، ائچالاتي اؤرتَن پئيي، قارا جئيه‌رئنئن قويروغا بَنزَر حئصّهسئني، هر ائکي بؤيره‌يئني، اوستونده‌کي پئيي و صاغ بودو گؤتور. چونکي بو وظئفهيه قويولما قوچودور.
ربّئن قاباغيندا اولان ماياسيز چؤرکلر سبدئندن بئر چؤرک کؤکه‌سي، ياغلا يوغرولموش چؤرک کؤکه‌سي و بئر کولچه گؤتور.
بونلاري هارون و اونون اوغوللارينين اللرئنه ور. بونلاري منئم حوضورومدا يِللَتمه تقدئمي اولاراق يِللَتسئنلر.
سونرا بو شيلري اَللرئندن آليب قوربانگاهدا يانديرما قورباني ائله توستوله‌دئب ياندير. بو، ربّه خوش اولان عطئرلي اود تقدئمدئر.
هارونون وظئفهيه قويولما قوچوندان دؤش اَتئني گؤتوروب يِللَتمه تقدئمي اولاراق ربّئن حوضوروندا يِللَت. بو سنئن پاييندير.
هارونلا اوغوللارينين وظئفهيه قويولما قوچوندان يِللَدئلَن دؤش اَتئني و قالديريلان بودو تقدئس ات.
بو قالديريلان تقدئم هارونلا اؤولادلارينين ائسرايئللی‌لردن گلن ابدی حاقّي اولسون. ائسرايئل اؤولادلارينين باريش قوربانلاريندان دا بو، ربّه قالديريلان تقدئم اولسون.
هارونون موقدّس پالتارلاري اؤزوندن سونرا اوغوللارينا قالسين کي، اونلاري گئيه‌رَک مسح اولونوب وظئفهيه قويولسونلار.
اونون اوغلو دا کی، اونون يرئنه کاهئندئر و موقدّس يرده خئدمت اتمک اوچون حوضور چاديرينا گئرئر، يدّي گون او پالتارلاري گيسئن.
وظئفهيه قويولما قوچون اَتئني گؤتور و موقدّس بئر يرده قاينات.
هارونلا اوغوللاري او قوچون اَتئني سبدده اولان چؤرکله حوضور چاديرينين گئرئشئنده يسئنلر.
گوناهلاري باغيشلاتان بو تقدئملري آنجاق او آداملار يئيه بئلر کي، بو شيلرله اؤزلرئني تقدئم و تقدئس ادئرلر؛ ياد آداملار بونلاري يئيه بئلمزلر، چونکي بو شيلر موقدّسدئرلر.
اگر وظئفهيه قويولما قوربانينين اَتئندن و چؤرکدن سحره قدر قالسا، اوندان قالاني ياندير؛ بو شيلر يِيئلمز، چونکي موقدّسدئرلر.
من سنه امر اتدئيئم کئمي، او جور ده هارونلا اوغوللاري اوچون ات. اونلارين وظئفهيه کچمه واختيني يدّي گون داوام اتدئر.
هر گون کفّاره اوچون بئر گاميشي گوناه قورباني اولاراق تقدئم ات. قوربانگاه اوچون کفّاره ادهرک، اونو پاک ات و تقدئس اتمک اوچون مسح ات.
يدّي گون عرضئنده قوربانگاه اوچون کفّاره ادهرک اونو تقدئس ات. سونرا قوربانگاه لاپ موقدّس ساييلاجاق و اونا توخونان هر شي موقدّس اولاجاق.
همئشهلئک هر گون قوربانگاه اوستونده بئر ائلّئک ائکي قوزو گتئر.
قوزونون بئرئني سحر، او بئرئني ده آخشامچاغي تقدئم ات.
بئرئنجي قوزو ائله بئرلئکده، دؤردده بئر هئن سيخما زيتون ياغي ائله يوغرولموش، اوندا بئر اِفا نارين اون و مايع تقدئمي اولاراق دؤردده بئر هئن شراب گتئر.
آخشامچاغي تقدئم اتدئيئن او بئري قوزو ائله سحرکي کئمي تاخيل تقدئمي و مايع تقدئمي گتئر. بو ربّه خوش اولان عطئرلي اود تقدئمدئر.
بو سئزئن اوچون نسئلدن-نسله، حوضور چاديرينين گئرئشئنده ربّئن قاباغيندا همئشهلئک يانديرما قورباني اولاجاق. من اورادا سئزئنله گؤروشوب، سنئنله دانيشاجاغام.
اورادا من ائسرايئل اؤولادلاري ائله گؤروشه‌جيم؛ حوضور چاديري منئم عئزّتئمله تقدئس اولوناجاق.
من حوضور چاديريني و قوربانگاهي تقدئس ادهجيم؛ هارونلا اوغوللاريني دا تقدئس ادهجيم کي، منه کاهئنلئک اتسئنلر.
ائسرايئل اؤولادلاري آراسيندا ساکئن اولاجاغام و اونلار اوچون تاري اولاجاغام.
اونلار دا بئلهجکلر کي، آرالاريندا ساکئن اولماق اوچون اونلاري مئصئر تورپاغيندان چيخاردان تاريلاري رب، منم. اونلارين تاريسي رب، منم.
اَقاقئيا آغاجيندان بوخور يانديرماق اوچون قوربانگاه دوزلت.
دؤرد گوشه‌لي، اوزونلوغو بئر قولآچ اِني بئر قولآچ، بويو دا ائکي قولآچ اولسون، بوينوزلاري اونونلا بئر حئصّه‌دن اولسون.
اونون اوستونو، هر يانيني و بوينوزلاريني، خالئص قيزيللا اؤرت و اطرافينا قيزيل قالئب قوي.
بئربئرئنئن موقابئلئنده اولان ائکي يانلاردا، قالئبئن آلتينا ائکي قيزيل حالقا دوزلت کي، اونو آپاران دئرَکلرئن کچدئيي يرلر اولسونلار.
دئرَکلري اَقاقئيا آغاجيندان دوزلت و قيزيللا اؤرت.
بو قوربانگاهي شهادت سانديغينين موقابئلئنده اولان پردهنئن قاباغينا، منئم سنئنله گؤروشه‌جيئم يره، کفّاره قاپاغينين قاباغينا قوي.
هارون هر سحر، چيراقلاري حاضيرلاديغي زامان، قوربانگاهدا عطئرلي بوخور يانديرسين.
آخشامچاغي دا چيراقلاري حاضيرلاديغي زامان اونو يانديرسين. بو سئزئن اوچون نسئلدن-نسله ربّئن قاباغيندا همئشهلئک بوخور تقدئمي اولسون.
اونون اوستونده نه ياد بوخور گتئرئن، نه يانديرما قورباني، نه ده تاخيل تقدئمي. مايع تقدئمي ده تؤکمه‌يئن.
ائلده بئر دفه هارون گوناه اوچون کفّاره قوربانينين قانيني قوربانگاهين بوينوزلارينا چکه‌رک، قوربانگاه اوچون کفّاره اتسئن. بو قوربان گلن نسئللر اوچون اولسون. قوربانگاه رب اوچون لاپ موقدّسدئر."
سونرا رب موسايا دانيشيب ددي:
"ائسرايئل اؤولادلاريني سئياهييا آلديغين زامان، ساييلان هر بئر آدام اؤز حياتينين عوضئني ربّه ورسئن کي، ساييلديقلارينا گؤره آرالاريندا بلا اولماسين.
ساييلميش آداملارا داخئل اولان هر کس ياريم شِکِل گوموش ورسئن. بو، ائيئرمي گِرادان عئبارت اولان موقدّس مکانين شِکِلئنه گؤره ساييلسين. بو ياريم شِکِل ربّئن پاييدير.
ائيئرمي ياشيندا و اوندان يوخاري اولان، ساييلميش اولان هر بئر کئشي بو پايي ربّه ورسئن.
حياتلارينيزي کفّاره اتمک اوچون ربّئن پاييني ورنده، نه وارلي ياريم شِکِلدن چوخ، نه ده کاسيب ياريم شِکِلدن اَسکئک ورسئن.
بو کفّاره گوموشونو ائسرايئل اؤولادلاريندان گؤتوروب حوضور چاديرينين عئبادتي اوچون تعيئن ات. بو، حياتلارينيزين کفّاره‌سي اوچون ربّئن قاباغيندا ائسرايئل اؤولادلارينين خاطئره‌سي اولاجاق.
رب موسايا دانيشيب ددي:
"يوماق اوچون بؤيوک بئر بورونج لَيَن دوزلت. قوي آلتليغي دا بورونجدن اولسون. اونو حوضور چاديري ائله قوربانگاهين آراسينا قوي، ائچئني ده سو ائله دولدور کي،
هارونلا اوغوللاري اَل و آياقلاريني او سو ائله يوسونلار.
اونلار حوضور چاديرينا داخئل اولدوغو زامان سويو ائله يويونسونلار، يوخسا اؤله‌جکلر. خئدمت اتمک اوچون و ربّه تقدئم توستوله‌دئب يانديرماق اوچون قوربانگاها ياخينلاشاندا دا
اَل-آياقلاريني يوسونلار، يوخسا اؤله‌جکلر. بو هارونلا اؤولادلاري اوچون نسئلدن-نسله ابدی قايدا اولسون."
رب موسايا ددي:
"بو گؤزل عطرئيّاتلاردان گؤتور: بش يوز شِکِل دورو مور، اونون ياريسي قدر ائکي يوز اَلّي شِکِل عطئرلي دارچين، ائکي يوز اَلّي شِکِل عطئرلي قاميش
و بش يوز شِکِل دارچين، هر شي موقدّس مکانين شِکِلئنه گؤره ساييلسين؛ هم ده بئر هئن زيتون ياغي.
بونلاردان موقدّس مسح ياغي حاضيرلا؛ بو عطرئيّاتچينين ترتئب اتدئيي عطئرئيّات، موقدّس مسح ياغي اولاجاق.
همئن ياغلا بونلاري مسح ات: حوضور چاديريني، شهادت سانديغي،
مئزي و اونون بوتون لوازئماتلاريني، چيراقداني و اونون اشيالاريني، بوخور قوربانگاهيني،
يانديرما قوربانلاري اوچون قورولان قوربانگاهي و اونون بوتون اشيالاريني، بؤيوک لَيَني و اونون آلتليغيني.
بلجه بو شيلري تقدئس ات کي، لاپ موقدّس اولسونلار؛ اونلارا توخونان هر شي موقدّس اولاجاق.
هارونلا اوغوللاريني دا مسح ادهرک تقدئس ات کي، منه کاهئنلئک اتسئنلر.
ائسرايئل اؤولادلارينا بله دِه: بو سئزئن اوچون نسئلدن-نسله منه موقدّس مسح ياغيدير.
بو ياغ ائنسان بدنلرئنه تؤکولمه‌سئن. ترکئبئنه گؤره، اونا بَنزَر هچ نه حاضيرلامايين. بو ياغ موقدّسدئر؛ اونو موقدّس سايين.
اونا بَنزَرئني تَرتئب ادن و يا اونو اؤزگه آدامين اوستونه سورتَن هر کس، خالقي آراسيندان قووولسون."
سونرا رب موسايا ددي: «بو عطئرلي مادّه‌لردن گؤتور: قارا کوندور، اونئکا، خوش عطئرلي رزه‌نه، خالئص کوندور؛ هر شي برابر مئقداردا اولسون.
بونلاردان بوخور حاضيرلا؛ عطرئيّاتچينين ترتئب اتدئيي بو قاتيشيق دوزلو اولمالي و تمئز و موقدّسدئر.
اوندان بئر قدر نارين دؤي و شهادت سانديغينين قاباغيندا منئم سنئنله گؤروشه‌جيئم ير اولان حوضور چاديرينا قوي. بو سئزئن اوچون لاپ موقدّس اولسون.
حاضيرلاديغين بوخورون ترکئبئنه گؤره اؤزونوز اوچون بوخور حاضيرلامايين؛ بو سنئن اوچون ربّه موقدّسدئر.
هر کس کي، عطئرلي اولماق اوچون اونا بَنزَرئني حاضيرلاسا، خالقينين آراسيندان قووولسون."
رب موسايا ددي:
"باخ، يهودا قبئلهسئندن خور اوغلو اوري اوغلو بِصه‌له‌لي چاغير.
اونو تارينين روحو ائله حئکمت، فراست، بئلئک و هر جور مهارتله دولدورموشام کي،
قيزيللا، گوموشله و بورونجله باجاريقلا ائشله‌سئن،
ساغاناقلار اوچون داش-قاش يونسون، آغاج اويسون، هر جور مهارت گؤرسده بئلسئن.
من ده دان قبئلهسئندن اَخئماساک اوغلو اوهولئيابي اونا کؤمکچي تعيئن اتمئشم. هر مودرئک آدامين اوره‌يئنه حئکمت قويموشام کي، من سنه نجه امراتمئشم، بله ده اتسئنلر:
حوضور چاديريني، شهادت سانديغي و اوستونده‌کي کفّاره قاپاغيني، چاديرين بوتون لوازئماتيني،
مئزي و اونون لوازئماتلاريني، خالئص قيزيلدان چيراقداني و اونون بوتون اشيالاريني، بوخور قوربانگاهيني،
يانديرما قوربانلاري اوچون قورولان قوربانگاهي و اونون بوتون لوازئماتيني، بؤيوک لَيَني و اونون آلتليغيني،
توخونموش پالتارلاري يعني کاهئن هارونون موقدّس پالتارلاريني و اوغوللارينين کاهئنلئک اتمه پالتارلاريني،
مسح ياغيني، موقدّس ير اوچون عطئرلي بوخورو من سنه نجه امر اتدئيئم کئمي، قوي او جور ده دوزلتسئنلر".
رب موسايا ددي:
"سن ائسرايئل اؤولادلارينا بله دِه: "منئم سَبّت گونلرئمي گرک رئعايت ادهسئنئز. چونکي بو منئمله سئزئن آرانيزدا نسئلدن-نسله اونو بئلمک اوچون بئر علامتدئر کي، سئزي تقدئس ادن رب، منم.
بلجه، سَبّت گونونو رئعايت ادئن، چونکي او سئزئن اوچون موقدّسدئر. کئم اونو لَکه‌لَسه، گرک اؤلدورولسون. او گون ائش گؤرن هر کس خالقي آراسيندان قووولسون.
آلتي گون ائش گؤرولسون، آمّا يدّئنجی گون رب اوچون موقدّس سَبّت ائستئراحت گونودور. او گون ائش گؤرن هر کس گرک اؤلدورولسون.
ائسرايئل اؤولادلاري نسئلدن-نسله ابدی عهد کئمي سَبّت گونونو رئعايت و عمل اتسئنلر.
منئمله ائسرايئل اؤولادلاري آراسيندا ابدی بئر علامتدئر کي، آلتي گون عرضئنده رب گؤيلر و يري دوزلتدي، آمّا يدّئنجی گون ائستئراحت اتدي و دئنجَلدي."
سئنا داغيندا تارينين موسا ائله صؤحبتي قورتاراندان سونرا تاري اؤز بارماغي ائله يازيلميش ائکي شهادت داش لؤوحه‌سئني موسايا وردی.
خالق موسانين داغدان اِنمَکده گِجئکدئيئني گؤره‌نده هارونون اطرافينا ييغيليب اونا ددي: "قالخ و بئزئم اوچون آللاهلار دوزلت. قوي اونلار قاباغيميزدا گتسئنلر. چونکي بئزي مئصئردن چيخاردان آدامين-بو موسانين باشينا نه ائش گلدئيئني بئلمئرئک!"
هارون اونلارا ددي: "آروادلارينيزين، اوغوللارينيزين، قيزلارينيزين قولاقلاريندان قيزيل سيرغالاري چيخارديب منئم يانيما گتئرئن."
بوتون خالق قولاقلاريندا اولان قيزيل سيرغالاري چيخارديب هارونا گتئردي.
هارون اللرئندن آلديغي سيرغالاردان اويما آلَتي ائله قيزيلا صورت ورئب تؤکمه بئر دانا دوزلتدي. خالق "ای ائسرايئل، باخ سئزي مئصئردن چيخاردان آللاهلارينيز!" ددی.
هارون بونو گؤردوکده دانانين قاباغيندا بئر قوربانگاه دوزلتدي و اعلان اتدي: "صاباح رب نامئنه بايرام اولاجاق."
صاباحيسي گون خالق سحر تزدن قالخيب يانديرما قوربانلاري ائله باريش قوربانلاري کَسدي. خالق اوتوروب يِيئب-ائچدي، و سونرا اويناماغا قالخدي.
رب موسايا ددي: "دوش آشاغي، چونکي مئصئر اؤلکهسئندن گتئردئيئن خالقين اخلاقيني پوزدو
و من اونلارا امر اتدئيئم يولدان يامان تز دؤندولر. اؤزلري اوچون تؤکمه دانا دوزَلدئب اونا سجده قيلديلار، قوربان کَسدئلر و ددئلر: «ای ائسرايئل اؤولادلاري باخ، سئزي مئصئر اؤلکهسئندن چيخاردان آللاهلارينيز!»"
رب موسايا سؤزونو داوام وردی: "بو خالقي گؤرورم، باخ، او دئکباش بئر خالقدير.
ائندي منی بوراخ کي، خالقا قضبله‌نئب اونو يوخ ادئم، آمّا سندن بؤيوک مئلّت گتئرئم."
موسا تاريسي ربّه يالواريب ددي: "يارب، نه اوچون اؤز خالقينين ضئدّئنه قضبئن آلوولانسين؟ مگر سن اونلاري مئصئر اؤلکهسئندن بؤيوک قووّتئنله و قودرتلي اَلئنله قورتارمادين؟
آخي نه اوچون مئصئرلئلر «اونلاري پئس نئيّتله، داغلاردا اؤلدوروب ير اوزوندن يوخ اتمک اوچون چيخارتدي» دسئنلر؟ يالواريرام، قضبئني ياتيرت و اؤز خالقينا بلا گتئرمک نئيّتئندن دؤن.
قوللارين ائبراهئمي، ائسحاقي، و ائسرايئلي خاطيرلا و اؤزونون آدينا اونلارا آند ادهرک «نسلئنئزي گؤيلرده‌کي اولدوزلار قدر چوخالداجاغام؛ وعده اتدئيئم بو اؤلکهنئن هاميسيني نسلئنئزه ورهجيم و اونلار ابدئلئک اورايا صاحئب اولاجاقلار» ددئن."
بِلَجه، رب اؤز خالقينا بلا گتئرمک نئيّتئندن دؤندو.
موسا دؤنوب اَلئنده شهادتئن ائکي لؤوحه‌سي اولاراق داغدان اِندي. لؤوحه‌لرئن ائکي طرفي يعني هر اوزو يازيلي ائدي.
اونلار تارينين ائشي ائدي؛ اوستونده‌کي اويما يازيلار اونون يازيسي ائدي.
يوشَع خالقين سَس-کويونو اشئدئب موسايا ددي: "دوشَرگه‌دن موحارئبه سَسي گلئر."
موسا وردی: "بو قَلَبه چالانلارين نئداسي ديئل، مغلوبئيّته دوشَنلرئن ده سَسي ديئل. من نغمه سَسي اشئدئرم."
موسا دوشَرگَيه ياخينلاشيب داناني و اونون اطرافينداکي رَقصلري گؤردو. او قضبلَندي و لؤوحهلري اَلئندن آتيب، داغين اَته‌يئنده پارچا-پارچا سينديردي.
خالقين دوزلتدئيي داناني گؤتوروب يانديردي، توزا دؤنَنه قدر اَزدي و سويون اوزونه سَپئب ائسرايئل اؤولادلارينا ائچتئردي.
موسا هاروندان سوروشدو: "بو خالق سنه نه اتدي کي، اونلاري بله بؤيوک گوناها باتيردين؟"
هارون جاواب وردی: "قوي آغام قضبلنمه‌سئن. سن بو خالقي تاني‌ييرسان. اونون نئيّتي پئسدئر.
اونلار منه ددئلر: «بئزئم اوچون آللاهلار دوزلت کي، قاباغيميزدا گتسئنلر. چونکي بئزي مئصئر تورپاغيندان چيخاردان آدامين-بو موسانين باشينا نه ائش گلدئيئني بئلمئرئک!»
من ده اونلارا ددئم: «کئمده قيزيل وار، اونو چيخارتسين.» خالق دا قيزيلي منه وردی. من اونو اودا آتديم و بو دانا آليندي."
موسا گؤردو کي، خالق نظارتدن چيخيب. هارون او قدر نظارتي ضعئفلَتمئشدي کي، دوشمنلر اونلاري لاغا قويوردولار.
موسا دوشَرگهنئن گئرئشئنده دوروب چاغيردي: "ربّئن طرفئنده اولانلار منئم يانيما گلئن!" بوتون لاوي اؤولادلاري اونون يانينا ييغيلديلار.
موسا اونلارا ددي: "ائسرايئلئن تاريسي رب بله ديئر: «قوي هر بئرئنئز قيلينجيني بِلئنه قورشاسين. هر کس دوشَرگه‌ده قاپي-قاپي گزه‌رک اؤز قارداشيني، دوستونو و قونشوسونو اؤلدورسون.
لاوئلی‌لر دا موسا اونلارا امر اتدئيي کئمي عمل اتدئلر. او گون اوچ مئنه ياخين آدام هلاک اولدو.
موسا لاوئلی‌لره ددي: "بو گون سئزئن هر بئرئنئزه اوغلونون و قارداشينين جاني باهاسينا اؤزونه برکت قازانيب، رب اوچون وظئفهيه تعيئن ادئن.
صاباحيسي گون موسا خالقا ددي: "سئز بؤيوک گوناها باتدينيز. ائندي آمّا من ربّئن حوضورونا قالخاجاغام کي، بلکه گوناهينيزي کفّاره اده بئلئم."
موسا ربّئن حوضورونا قاييديب ددي: "آه، بو خالق بؤيوک گوناها باتيب، اؤزونه قيزيلدان آللاهلار دوزلتدي؛
ائندي، يالواريرام، گوناهلاريني باغيشلا. اگر بله اتميه‌سن، آديمي يازديغين کئتابدان سئل."
رب موسايا ددي: "منئم ضئدّئمه کئم گوناه ائشله‌دئب، اونون آديني کئتابيمدان سئله‌جيم.
لاکئن ائندي گت، خالقي سنه ددئيئم يره آپار. باخ، منئم مَله‌يئم سنئن قاباغيندا گدهجک. آنجاق جزا گونو گلنده اونلارا گوناهلارينا گؤره جزا ورهجيم.
رب هارونون دوزلتدئيي دانا ائله نه اتدئکلري اوچون خالقي بلايا سالدي.
رب موسايا ددي: "سن و مئصئر اؤلکهسئندن چيخارتديغين خالق بو يري ترک ادئن؛ ائبراهئمه، ائسحاقا و يعقوبا آند ائچئب «سنئن نسلئنه اونو ورهجيم» ددئيئم تورپاغا گدئن.
قاباغيندا بئر مَلَک گؤندرئب کَنَعانليلاري، اِمورلولاري، خئتلئلري، پِرئزلی‌لري، خئولی‌لري و يِبوسلولاري اورادان قوواجاغام.
سود و بال آخان تورپاغا گدئن. سئز دئکباش خالقسينيز؛ بونا گؤره من آرانيزدا گتميه‌جيم، يوخسا يولدا سئزي محو اده‌رم."
خالق بو يامان خبري اشئدنده ياس توتدو. هچ کس بزک تاخمادي.
رب موسايا ددي: "ائسرايئل اؤولادلارينا بله دِه: «سئز دئکباش خالقسينيز؛ من آرانيزدا بئر آن گتسَيدئم، سئزي محو اِدَردئم. آمّا ائندي بزکلرئنئزي چيخاردين. من ده بئلئم کي، سئزئنله نه ادهجيم."
بلجه خورِب داغينين اَته‌يئنده ائسرايئل اؤولادلاري بزکلرئني سويوندولار.
موسا چاديري گؤتوروب اونو دوشَرگه‌دن کناردا اوزاقدا قوراردي. اونو حوضور چاديري چاغيردي. رَبله مصلحتلَشَن هر کس دوشَرگه‌دن کنارداکي حوضور چاديرينا گِدَردي.
موسا چاديرا طرف چيخديغي واخت بوتون خالق آياغا قالخيب دوراردي. هر کس چاديرينين گئرئشئنده گؤزله‌يئب، موسا چاديرا گئره‌نه قدر دالينجا باخاردي.
موسا چاديرا گئره‌نده بولود دئره‌يي دوشوب چاديرين گئرئشئنده دوراردي؛ و رب موسا ائله دانيشاردي.
بوتون خالق حوضور چاديرينين گئرئشئنده دوران بولود دئره‌يئني گؤرنده، هامي قالخيب اؤز چاديرينين گئرئشئنده سجده اِدَردي.
رب موسا ائله اوز-اوزه دانيشاردي، نجه کي، بئر نفر دوستو ائله دانيشير. سونرا موسا دوشَرگه‌يه قاييداردي. لاکئن اونون جاوان کؤمکچئسي نون اوغلو يوشَع چاديري ترک اتمزدي.
موسا ربّه ددي: "باخ، سن ديئرسن: «بو خالقي چيخارت.»؛ منئمله بئرلئکده کئمي گؤندره‌جيئني منه بئلدئرمئرسن. حالبوکي سن ددئن: «سني آدينلا تاني‌ييرام و گؤزومده لوطف تاپيبسان.»
اگر من سنئن گؤزونده لوطف تاپميشام، يالواريرام، اؤز يولونو منه بئلدئر کي، سني تاني‌ييم و گؤزونده لوطف تاپيم. باخ، بو مئلّت سنئن خالقيندير."
رب جاواب وردی: "منئم حوضوروم سنئنله گدهجک. اؤزوم سنه راحاتليق ورهجيم."
موسا ربّه جاواب وردی: "اگر سنئن حوضورون بئزئمله گتمَسه، بئزي بورادان گؤندرمه.
نه ائله بئلک کي، من و سنئن خالقين، سنئن گؤزونده لوطف تاپميشيق؟ مگر سنئن بئزئمله گتمه‌يئندن ديئل؟ من و سنئن خالقين ير اوزونده اولان هر خالقدان نه ائله فرق ادک؟"
رب موسايا جاواب وردی: "سنئن مندن ائسته‌دئيئن بو شيي ادهجيم. چونکي گؤزومده لوطف تاپدين و سني آدينلا تاني‌ييرام."
موسا ددي: "يالواريرام عئزّتئني منه گؤرسده‌سن."
رب ددي: "من بوتون ياخشيليغيمي سنئن موقابئلئندن کچئرده‌جيم و رب اولان آديمي قاباغيندا جار چکه‌جيم. کئمه ائستهسم، لوطف گؤرسده‌رم، کئمه ائستهسم ده، رحم اده‌رم."
آمّا او داوام وردی: "اوزومو گؤره بئلمزسن، چونکي منی گؤرن آدام صاغ قالماز."
رب سونرا ددي: "باخ، منئم يانيمدا ير وار، اورادا، بو قايانين اوستونده دور.
عئزّتئم کچنده سني قاياداکي بئر ياريغا قوياجاغام؛ من کچمه‌يئنجه سني اَلئمله اؤرته‌جيم.
سونرا الئمي سندن چکه‌جيم و سن منی آرخادان گؤرهجکسن، لاکئن اوزوم گؤرونميه‌جک."
رب موسايا ددي: "اَوّلکئلره بَنزَر ائکي داش لؤوحه يون؛ سينديرديغين اَوّلکي لؤوحهلرده يازيلان سؤزلري، بو لؤوحه‌لرئن اوستونده يازاجاغام.
سحره حاضير اول و سحر سئنا داغينا چيخ. اورادا داغين باشيندا منئم حوضورومدا دور.
قوي هچ کس سنئنله چيخماسين و داغين هچ يرئنده هچ بئر آدام گؤرونمه‌سئن. او داغين اَته‌يئنده نه قويون-کچي اوتلاسين نه ده مال-حيوان."
رب اونا بويوردوغو کئمي، موسا اَوّلکئلره بَنزَر ائکي داش لؤوحه يوندو و سحر اِرکَن قالخدي و الئنده ائکي داش لؤوحه‌ني گؤتوروب سئنا داغينا چيخدي.
رب بولوددا اِنئب، اورادا موسا ائله دوردو و رب اولان اؤز آديني اعلان اتدي.
سونرا موسانين قاباغيندان کچه‌رک ددي: "رب منم، رحملي و فيضلي رب تاري، من حدسئز صبئرلي، محبّت و حقئقتله دولو.
مئنلر نسئله قدر محبّتي گؤرسده‌رم، تقصئري، عوصياني و گوناهي باغيشلايارام؛ لاکئن جزاسيز قويمارام، آتالارين جزاسيني اوچ-دؤرد نسله قدر اوغوللارينا و نوه-نتئجه‌لرئنه گتئره‌رم."
موسا درحال يره دؤشهنئب سجده اتدي.
سونرا موسا ددي: "ای پروردئگار، اگر گؤزونده لوطف تاپميشام، يالواريرام، قوي رب بئزئم آراميزدا اولسون. بو خالق ديکباش اولسا دا، تقصئرئمئزله گوناهيميزي باغيشلا و بئزه صاحئب اول."
رب موسايا ددي: "باخ، من ائندي عهد باغلاييرام. خالقين هاميسينين قاباغيندا اله مؤجوزهلر ادهجيم کي، بله‌سي دونيادا هچ بئر يرده هچ مئلّت آراسيندا يارانماييب. سئزئن اطرافينيزداکي بوتون خالقلار ربّئن ائشئني گؤرهجکلر. چونکي منئم سنئن اوچون اده‌جيئم شي قورخولودور.
منئم سئزه بو گون وردئيئم امري رئعايت ادئن. باخ، من قاباغينيزدان اِمورلولاري، کَنَعانليلاري، خئتلئلري، پِرئزلی‌لري، خئولی‌لري و يِبوسلولاري قووورام.
اؤزونوزو گئردئيئنئز تورپاغين ساکئنلري ائله عهد باغلاماقدان گؤزلهيئن کي، او سئزئن آرانيزدا بئر تله اولماسين.
اونلارين قوربانگاهلاريني سؤکون، موقدّس سوتونلاري سينديرين، اَشئره بوتلرئني کسئن.
آيري بئر آللاها سجده اتمهيئن، چونکي ربّئن آدي قيرتدئر، او قيرتلي تاريدير.
مبادا او تورپاغين ساکئنلري ائله عهد باغلاياسينيز و اونلار اؤز آللاهلاري ائله زئنا ادئب اونلارا قوربان کَسن واخت، سئزي ده دعوت ادهلر کي، اونلارين قوربانلاريندان يئيهسئنئز؛
اونلارين قيزلاريني اؤز اوغوللارينيزا آرواد آلمايين کي، اونلار اؤز آللاهلاري ائله زئنا ادئب سئزئن اوغوللارينيزي دا او آللاهلارا زئنا اتميه چکمه‌سئنلر.
اؤزونوز اوچون تؤکمه آللاهلار دوزلتمه‌يئن.
ماياسيز چؤرک بايراميني توتون. من سئزه امر اتدئيئم کئمي، اَبئب آييندا تعيئن اولونموش واختدا يدّي گون ماياسيز چؤرک ييئن، چونکي آبئب آييندا مئصئردن چيخدينيز.
بوتون ائلک دوغولان اوغلانلار و بوتون حيوانلارينيزين، ائستر مال-حيوانيزين، ائستر قويون-کِچئنئزئن ائلک دوغولان اِرکَک بالالاري منئمدئر.
ائلک دوغولان اِششَک بالاسي عوضئنه بئر قوزو ورئن. اگر عوضئني ورميه‌سئنئز، بوينونو سينديرين. آرانيزدا هر آدامين ائلک اوغلونون عوضئني ورئن. هچ کس حوضورومدا اَلي‌بوش گؤرونمه‌سئن.
آلتي گون ائشلرئنئزي گؤرون، آمّا يدّئنجی گون ائستئراحت ادئن. شوخوم و بئچئن واختلاري دا بله ائستئراحت ادئن.
بوغدا بئچئنئن نوباري ائله هفته‌لر بايراميني ساخلايين. ائلئن آخيريندا دا ييغيم بايراميني توتون.
ائلده اوچ دفه سئزئن بوتون کئشئلرئنئز، پروردئگار رب، ائسرايئلئن تاريسينين حوضورونا گلسئنلر.
چونکي من سئزئن قاباغينيزدان مئلّتلري قوواجاغام و سرحدلرئنئزي گِنئشلَندئره‌جيم و سئز ائلده اوچ دفه اؤز تارينيز ربّئن حوضوروندا گؤرونمک اوچون گلنده، هچ کس سئزئن تورپاغينيزا طاماح سالماياجاق.
منه گتئرئلن قوربانين قانيني مايالي چؤرکله تقدئم اتمهيئن. پاسخا بايرامينين قوربان اَتي سحره قدر قالماسين.
تورپاغينين نوبارينين ائلک حئصّهسئني تارينيز ربّئن معبدئنه گتئرئن. کچي بالاسيني آناسينين سودونده پئشئرمه‌يئن.
رب موسايا ددي: "بو سؤزلري ياز، چونکي بو کلمه‌لره گؤرهسن و بوتون ائسرايئلله عهد باغلاميشام.»
بلجه، موسا ربله قيرخ گون-قيرخ گجه قالدي. بو مودّت عرضئنده موسا هچ چؤرک يمه‌دي، هچ سو دا ائچمه‌دي. او، لؤوحه‌لرئن اوستونده عهدئن سؤزلرئني، اون فرماني يازدي.
موسا الئنده ائکي شهادت لؤوحه‌سئني توتوب، سئنا داغيندان اِنَنده بئلمئردي کي، ربله دانيشديغينا گؤره اوزو نور ساچير.
هارون و بوتون ائسرايئل اؤولادلاري موسانين اوزونو نور ساچان گؤردولر و اونا ياخينلاشماقدان قورخدولار.
موسا اونلاري چاغيردي و هارونلا بوتون جاماعات باشچيلاري اونون يانينا قاييتديلار و موسا اونلارلا صؤحبت اتدي.
سونرا بوتون ائسرايئل اؤولادلاري اونا ياخينلاشديلار. موسا اونلارا امر اتدي کي، ربّئن سئنا داغيندا اونا دانيشديغينا عمل اتسئنلر.
موسا صؤحبتئني اونلارلا قورتاراندا اوزونه بئر نئقاب چکدي.
موسا ربّئن حوضورونا اونونلا دانيشماق اوچون گِدنده، نئقابي چيخارديب، قاييداناجاق نئقابسيز اولاردي. چيخاندا اونا نه امر اولوندوغونو ائسرايئل اؤولادلارينا نقل ادئردي.
ائسرايئل اؤولادلاري دا موسانين اوزونون نور ساچديغيني گؤرَردئلر. سونرا موسا ائچَري گئرئب ربله دانيشانا قدر نئقابي اوزونه چکَردي.
موسا ائسرايئل اؤولادلارينين بوتون جاماعاتينی ييغيب اونلارا ددي: "رب سئزه امر اتدی کی، بو شيلره عمل ادهسئنئز.
آلتي گون ائش گؤرولسون، آمّا يدّئنجی گون سئزئن رب اوچون موقدّس سَبّتئنئز، ائستئراحت گونونوزدور. او گون ائش گؤرَن هر کس اؤلدورولسون.
سَبّت گونو ياشاديغينيز هچ بئر يرده اود يانديرمايين."
موسا ائسرايئل اؤولادلارينين بوتون جاماعاتينا ددي: "ربّئن امر اتدئيي ائش بودور:
اؤز آرانيزدان ربّه بئر هدئيّه ييغين. قوي گؤيلو ائسته‌ين هر کس ربّه بله هدئيّه گتئرسئن: قيزيل، گوموش، بورونج،
لاجورد، ارغواني و قيرميزي پارچا، نازئک کتان، کچي توکو،
قيرميزي بويانميش قوچ دَرئلري، سو ائتي دَرئلري، اَقاقئيا آغاجي،
چيراق اوچون ياغ، مسح ياغي و عطئرلي بوخور اوچون اَدوئيّه‌لر،
اِفودلا دؤشلويون اوستونه تاخيلان دامارلي عقئق و ساغاناق داشلاري.
آرانيزداکي اوره‌يي حئکمتله دولو هر آدام گلئب ربّئن نه امر اتدئيئني دوزلتسئن:
خيمهني، اونون چاديريني، اؤرتويونو، گئره‌لرئني، چَرچئوه‌لرئني، دئرَکلرئني، سوتونلاريني و آلتليقلاريني؛
سانديغي و اونون دئرَکلرئني؛ کفّاره قاپاغيني، آراکَسمه پرده‌ني؛
مئزي، اونون دئرَکلرئني و بوتون لوازئماتيني؛ تقدئس چؤرکلرئني؛
ائشيق ورن چيراقداني، اونون لوازئماتيني، چيراقلاريني و ائشيق ياغيني؛
بوخور قوربانگاهيني و دئرَکلرئني؛ مسح ياغيني، عطئرلي بوخورو؛ خيمهنئن گئرئشي اوچون آراکَسمه‌ني؛
يانديرما قوربانلاري اوچون قورولان قوربانگاهي، اونون اوچون بورونج تورو، دئرَکلرئني و بوتون لوازئماتيني؛ بؤيوک لَيَني و اونون آلتليغيني؛
حيطئن پرده‌لرئني، سوتونلاريني و آلتليقلاريني؛ حيطئن دروازاسي اوچون آراکَسمه‌ني؛
خيمهنئن ميخلاريني؛ حيطئن ميخلاريني؛ اونلارين ائپلرئني؛
موقدّس يرده خئدمت اوچون توخونموش پالتارلاري: کاهئن هارونون موقدّس پالتارلاريني و اوغوللارينين کاهئنلئک اتمه پالتارلاريني."
ائسرايئللیلرئن بوتون جاماعاتي موسانين يانيندان چيخدي.
اوره‌يئنه قويولان و گؤيلو ائسته‌ين هر آدام گلئب حوضور چاديرينداکي ائش اوچون، اونون بوتون خئدمتي و موقدّس پالتارلار اوچون ربّه هدئيّه گتئردي.
کئشئلر و آروادلار، گؤيلو ائسته‌يَنلرئن هاميسي بزکلي سانجاقلار، گوشوارالار، اوزوکلر، گردنبندلر کئمي بوتون قيزيل اشيالاريني، ربّه تقدئم کئمي گتئردئلر. ربّه هدئيّه قيزيل تقدئم ادن هر کس
کئمده لاجورد، ارغواني و قيرميزي پارچا، نازئک کتان، کچي توکو، قيرميزي بويانميش قوچ دَرئلري و سو ائتي دَرئلري وار ائدي، بونلاري تقدئم اتدي.
ربّه هدئيّه اولاراق گوموش و بورونج گتئرن هر کس ده اونو تقدئم اتدي؛ کئمده اَقاقئيا آغاجي وار ائدي، اونو خئدمت ائشي اوچون تقدئم اتدي.
اوره‌يي حئکمتله دولو بوتون آروادلار اؤز اللري ائله اَيئردئيي لاجورد، ارغواني و قيرميزي ائپلئک و نازئک کتان ائپلئيي تقدئم اتدئلر؛
اورَکلردن بو ائشي گؤرمک ائسته‌ين باجاريقلي آروادلار کچي توکو اَيئردئلر.
خالقين باشچيلاري بونلاري تقدئم اتدئلر: اِفودلا دؤشلويون اوستونه تاخيلان دامارلي عقئق و ساغاناق داشلاريني،
چيراق، مسح ياغي و عطئرلي بوخور اوچون اَدوئيّه‌لر و ياغي.
ائسرايئل اؤولادلاريندان هر کئشي و آرواد کي، ربّئن موسا واسئطهسئله امر اتدئيي نه ائش اوچون تقدئم اتمک ائسته‌يئردي، ربّه اؤز گؤيلو ائله تقدئم گتئردي.
موسا ائسرايئل اؤولادلارينا ددي: "باخين، رب يهودا قبئلهسئندن خور اوغلو اوري اوغلو بِصه‌لِه‌لي آدي ائله چاغيريب
و اونو تارينين روحو ائله، باجاريق، فراست، بئلئک و هر جور مهارتله دولدورموشدور کي،
او، قيزيللا، گوموشلا، بورونجله باجاريقلا ائشله‌سئن،
سيغيناقلار اوچون داش-قاش يونسون، آغاج اويسون، هر جور مهارتله باجاريق گؤرسده بئلسئن.
رب اونون و دان قبئلهسئندن اَخئساماک اوغلو اوهولئبانين اورَکلرئنه باشقالاريني اؤيرَتمَک باجاريغيني قويموش،
اورَکلرئني حئکمتله دولدورموشدور کي، اويماچيليق، ناخيشچيليق، لاجورد، ارغواني و قيرميزي پارچادا و نازئک کتاندا ناخيش تئکمه‌سي، توخوجولوق، هر جور صَنَت باجارا بئلسئنلر.
بِصه‌لِل، اوهولئياب و هر باجاريقلي کي، رب موقدّس يرئن بئنا ائشئني اتمک اوچون اونلارا بو ائشي باجارماق اوچون حئکمت و فراست ورمئشدي، گرک رَبّين بوتون اونلارا امر اتدئيي کئمي ائشله‌سئنلر."
موسا بِصه‌لِل، اوهولئيابي و بوتون اورَکلري حئکمتله دولو يعني ربّئن اونلارين اورَکلرئنه حئکمت قويدوغو آداملاري، اورکدن بو ائشي گؤرمک ائسته‌ينلرئن هاميسيني چاغيردي.
اونلار موقدّس يرئن بئنا ائشئني گؤرمک اوچون ائسرايئل اؤولادلارينين بونا گؤره گتئردئيي بوتون هدئيّهلري موسانين يانيندان گؤتوردولر. ائسرايئل اؤولادلاري هر سحر اؤز گؤيلو ائله تقدئملر گتئرميه داوام ورئردئلر.
او واخت موقدّس يرئن بئناسي ائله مشغول اولان بوتون حئکمتلي صَنَتکارلار هر ائشئندن اَل چکئب،
موسانين يانينا گلدئلر و اونا ددئلر: "خالق ربّئن امر اتدئيي بئنا ائشي اوچون لازيم اولاندان داها چوخ شي گتئرئب."
موسا امر وردی و دوشَرگه‌ده اعلان اتدئردي کي، نه کئشي، نه ده آرواد موقدّس ير اوچون داها هدئيّه گتئرمه‌سئن. بلجه خالقين چوخ هدئيّه گتئرمه‌سئنه مانع اولدو.
چونکي بوتون ائشي گؤرمک اوچون لازيم اولان مئقداردان داها دا آرتيق وار ائدي.
ائشي گؤرمک اوچون اورکلري حئکمتله دولو بوتون آداملار، خيمهني اون پرده‌دن دوزلتدئلر. پرده‌لر نفئس توخونموش نازئک کتاندان لاجورد، ارغواني و قيرميزي پارچادان، اوستونو ده کَرّوبلار شَکلئنده ناخيشلا دوزلتدئلر.
هر پردهنئن اوزونلوغو ائيئرمي سکّئز قولآچ، اِني ده دؤرد قولآچ ائدي. بوتون پرده‌لر همن اؤلچوده ائدي.
پرده‌لرئن بِشي بئربئرئنه بئرلَشدي. او بئري بِشي ده بئربئرئنه بئرلَشدي.
بئر بئرلَشمه‌نئن اوجوندا اولان پردهنئن قيراغيندا لاجورد ائلمه‌لر دوزلتدئلر؛ او بئري بئرلَشمه‌نئن اوج پرده‌سئنئن قيراغيندا دا بئربئرئنئن موقابئلئنده اولاراق، همن شکئلده ائلمه‌لر دوزلتدئلر.
بئر پرده‌يه اَلّي ائلمه، او بئري بئرلَشمَده‌کي پردهنئن قيراغيندا دا، اَلّي ائلمه بئربئرئنئن موقابئلئنده دوزلتدئلر.
قيزيلدان اَلّي گئره دوزلتدئلر، گئره‌لرله پرده‌لري بَرکئتدئلر و چاديري بئرلَشدئردئلر. بلجه، خيمه بوتؤو اولدو.
خيمهني اؤرتَن چادير اوچون کچي توکوندن اون بئر پرده دوزلتدئلر.
هر پردهنئن اوزونلوغو اوتوز قولآچ، اِني ده دؤرد قولآچ ائدي. اون بئر پرده بئر اؤلچوده ائدي.
بش پرده‌ني آيريجا، آلتي پرده‌ني ده آيريجا بئتئشدئردي.
بئر بئرلَشمه‌نئن قيراق پرده‌سئنئن قيراغيندا اَلّي ائلمه، او بئري بئرلَشمه‌نئن قيراق پرده‌سئنئن قيراغيندا دا اَلّي ائلمه دوزلتدي.
چاديري بئرلَشدئرئب بوتؤو اتمک اوچون بورونجدن اَلّي گئره دوزلتدي.
چادير اوچون قيرميزي بويانميش قوچ دَرئلرئندن بئر اؤرتوک و اونون اوستونده سو ائتي دَرئلرئندن آيري بئر اؤرتوک دوزلتدي.
خيمه اوچون اَقاقئيا آغاجيندان دئک دوران چَرچئوه‌لر دوزلتدي.
هر چَرچئوه‌نئن اوزونلوغو اون قولآچ، اِني ده قولآچ ياريم ائدي.
هر چَرچئوه‌نئن اوستونده ائکي بئربئرئنه باغلانان گئره وار ائدي؛ خيمهنئن بوتون چَرچئوه‌لرئني بله دوزلتدي.
خيمه اوچون چَرچئوه‌لر دوزلتدي؛ جنوب طرفي اوچون ائيئرمي چَرچئوه
و اونلارين آلتيندا قويولاجاق قيرخ گوموش آلتليق دوزلتدي؛ هر چَرچئوه‌نئن آلتيندا ائکي گئره‌سي اوچون ائکي آلتليق دوزَلدئلدي.
خيمهنئن ائکئنجي طرفي اوچون، شئمال سمتئنده ائيئرمي چَرچئوه
و قيرخ گوموش آلتليق، هر چَرچئوه‌نئن آلتيندا ائکي آلتليق، او بئرئسئنئن آلتيندا دا ائکي آلتليق دوزلتدي.
خيمهنئن قربه طرف اولان آرخاسي اوچون آلتي چَرچئوه دوزلتدي.
آمّا خيمهنئن آرخا کونجلري اوچون ائکي چَرچئوه دوزلتدي؛
بونلار آشاغيدا ائکي قات اولوب يوخاريدا بئرئنجي حالقايا تاخيلديلار؛ هر ائکي کونج اوچون اله ائکي چَرچئوه دوزلتدي.
بو سکّئز چَرچئوه اوچون اون آلتي گوموش آلتليق، هر چَرچئوه‌نئن آلتيندا دا ائکي آلتليق دوزَلدئلدي.
اَقاقئيا آغاجيندان دئرَکلر دوزلتدي: بش دئرَک خيمهنئن بئر طرفئندهکي چَرچئوه‌لر اوچون،
بش دئرَک ده خيمهنئن قربه طرف اولان آرخا طرفئندهکي چَرچئوه‌لر اوچون دوزَلدئلدي.
چَرچئوه‌لرئن اورتاسيندان بئر اوجدان او بئري اوجا قدر اوزانان اورتا دئرَک دوزلتدي.
چَرچئوه‌لري قيزيللا اؤرتدي؛ دئرَکلرئن کچدئيي حالقالاريني قيزيلدان دوزلتدي؛ دئرَکلري ده قيزيللا اؤرتدو.
پرده‌ني لاجورد، ارغواني و قيرميزي پارچا و نفئس توخونولموش نازئک کتاندان، اوستونو ده کَرّوبلار شَکلئنده ناخيشلا دوزلتدي.
اونون اوچون اَقاقئيا آغاجيندان دؤرد سوتون دوزلتدي و اونلاري قيزيللا اؤرتدو، اوستونده قيزيل قولّابلاري قويدو؛ اونلار اوچون دؤرد گوموش آلتليق تؤکدو.
چاديرين گئرئشي اوچون آراکَسمه‌ني لاجورد، ارغواني و قيرميزي پارچا و نفئس توخونموش نازئک کتاندان ناخيش تئکمهسئله دوزلتدي.
اونون بش سوتون و قولّابلاريني دا دوزلتدي؛ يوخاريلاريني و گئره‌لرئني قيزيللا اؤرتدو؛ بش آلتليق بورونجدن وار ائدي.
بِصه‌لِل اَقاقئيا آغاجيندان سانديق دوزلتدي. سانديغين اوزونلوغو ائکي قولآچ ياريم، اِني قولآچ ياريم و بويو قولآچ ياريم ائدي.
اونو ائچَرئدن و چؤلدن خالئص قيزيللا اؤرتدو، اطرافينا دا قيزيل قالئب دوزلتدي.
اونون دؤرد آياغي اوچون دؤرد تؤکمه قيزيل حالقا، ائکي حالقاني بئر ياني اوچون، قالان ائکي حالقاني دا او بئري ياني اوچون دوزلتدي.
اَقاقئيا آغاجيندان دئرَکلر دوزَلدئب اوستونو قيزيللا اؤرتدو.
سانديغي داشيماق اوچون دئرَکلري سانديغين يانلارينداکي حالقالارا کچئرتدي.
خالئص قيزيلدان کفّاره قاپاغيني دوزلتدي؛ اوزونلوغو ائکي قولآچ ياريم، اِني ده قولآچ ياريم ائدي.
کفّاره قاپاغينين هر ائکي اوجو اوچون ياستيلانميش قيزيلدان ائکي کَرّوب دوزلتدي.
بئر کَرّوبو قاپاغين بئر اوجوندا، او بئرئسئني ده او بئري اوجوندا دوزلتدي؛ قاپاغين ائکي اوجوندا اولان کَرّوبلار اونونلا بئر حئصّه‌دن ائدي.
کَرّوبلار يوخاري طرف آچيلميش قانادلاري ائله کفّاره قاپاغيني اؤرتدولر. کَرّوبلارين اوزلري بئربئرئنئن موقابئلئنده قاپاغا طرف ائدي.
اَقاقئيا آغاجيندان بئر مئز دوزلتدي؛ اوزونلوغو ائکي قولآچ، اِني بئر قولآچ، بويو دا قولآچ ياريم ائدي.
اونو خالئص قيزيللا اؤرتدو، اطرافينا قيزيل قالئب دوزلتدي.
اطرافيندا بئر اوووج اِنئنده يان لؤوحهلري دوزلتدي؛ اونلارين اطرافينا دا قيزيل قالئب دوزلتدي.
مئز اوچون دؤرد قيزيل حالقا تؤکدو، حالقالاري اونون دؤرد آياغينداکي دؤرد کونجه بَرکئتدي.
حالقالار يان لؤوحه‌لره ياخين اولاراق مئزي آپاران دئرَکلرئن کچدئيي يرلر ائدي.
مئزي آپارماق اوچون دئرَکلري اَقاقئيا آغاجيندان دوزلتدي و اونلاري قيزيللا اؤرتدو.
مئزئن اوستونده اولان لوازئماتي، نئمچه‌لري و قابلاري، مايع تقدئملرئنئن تؤکولمه‌سي اوچون سَهَنگلري، و کاسالاري خالئص قيزيلدان دوزلتدي.
چيراقداني خالئص قيزيلدان دوزلتدي. بو چيراقدان ياستيلانميش قيزيلدان ائدي؛ پاياسي، مئله‌لري، پئيالالاري، قؤنچه‌لري و گوللري اونونلا بئر حئصّه‌دن ائدي.
چيراقدانين يانلاريندان آلتي شاخه يعني اونون بئر يانيندان اوچ شاخه، او بئري يانيندان دا اوچ شاخه چيخدي.
بئر بوداقدا بادام چئچه‌يئنه بَنزَر اوچ پئيالا، بئر قؤنچه و بئر گول، او بئري بوداقدا دا بادام چئچه‌يئنه بَنزَر اوچ پئيالا، بئر قؤنچه، و بئر گول دوزلتدي؛ چيراغدانين بوتون آلتي بوداقلاري اله ائدي.
چيراقداندا بادام چئچه‌يئنه بَنزَر دؤرد پئيالا، قؤنچه‌لر و گوللر وار ائدي.
چيراقداندان چيخان بوداقلارين بئرئنجي جوتونون آلتيندا بئر قؤنچه وار ائدي. چيراقداندان چيخان بوداقلارين ائکئنجي جوتونون آلتيندا بئر قؤنچه، و چيراقداندان چيخان بوداقلارين اوچونجو جوتون آلتيندا بئر قؤنچه وار ائدي. چيراقداندان چيخان بوتون آلتي بوداقدا بله وار ائدي.
قؤنچه‌لري و بوداقلاري اونونلا بئر حئصّه‌دن ائدي، يعني هاميسي ياستيلانميش خالئص قيزيلدان ائدي.
اونون اوچون يدّي چيراق دوزلتدي. پئلته ماشالاري و سئنی‌لري ده خالئص قيزيلدان ائدي.
چيراقداني و اونون بوتون لوازئماتيني بئر تالانت خالئص قيزيلدان دوزلتدي.
اَقاقئيا آغاجيندان بوخور اوچون قوربانگاه دوزلتدي؛ مورَبّع شَکلئنده ائدي؛ اوزونلوغو بئر قولآچ، اِني بئر قولآچ، بويو دا ائکي قولآچ ائدي. بوينوزلاري اونونلا بئر حئصّه‌دن ائدي.
اونون اوستونو، هر يانيني و بوينوزلاريني خالئص قيزيللا اؤرتدو، اطرافينا قيزيل زولاق قويدو.
بئربئرئنئن موقابئلئنده اولان ائکي يانلاردا، قالئبئن آلتيندا ائکي قيزيل حالقا دوزلتدي کي، اونو آپاران دئرَکلر، اونلارين ائچئنه کچسئنلر.
دئرَکلري اَقاقئيا آغاجيندان دوزَلدئب اونلاري قيزيللا اؤرتدو.
عطرئيّاتچينين ائشي اولان موقدّس مسح ياغيني و عطئرلي بوخورو دا حاضيرلادي.
يانديرما قورباني اوچون، قورولان قوربانگاهي اَقاقئيا آغاجيندان دوزلتدي: اوزونلوغو بش قولآچ، اِني ده بش قولآچ، موربّع شکلئنده، بويو دا اوچ قولآچ ائدي.
قوربانگاهين دؤرد کونجونده اونونلا بئر حئصّه‌دن اولان دؤرد بوينوز دوزلتدي، اوستونو بورونجله اؤرتدو.
قوربانگاهين لوازئماتيني، ياغ و کول قابلاريني، کورَکلري، لَيَنچه‌لري، چَنگل‌لري و خَکَندازلاري، هر شيي بورونجدن دوزلتدي.
قوربانگاه اوچون بورونجدن تور شبکه دوزلتدي کي، کناريندان آشاغييا، اونون ياريسينا قدر يتئشئردي.
بورونج تورون دؤرد بوجاغيندا دئرَکلرئن کچدئيي دؤرد حالقاني تؤکدو.
اَقاقئيا آغاجيندان دئرَکلر دوزَلدئب، اوستونو بورونجله اؤرتدو.
قوربانگاهي آپارماق اوچون دئرَکلري اونون هر ائکي يانينداکي حالقالارا تاخدي. قوربانگاهين ائچي بوش ائدي و اونو تاختادان دوزلتدي.
بؤيوک لَيه‌ني و اونون بورونج آلتليغيني حوضور چاديرينين گئرئشئنده خئدمت ادن آروادلارين گوزگولرئندن دوزلتدي.
ربّئن خيمهسئنئن حيطئني دوزلتدي. حيطئن جنوب طرفئنده، بئر طرف اوچون، اوزونلوغو يوز قولآچ اولان پرده‌لر وار ائدي کي، نازئک کتاندان نفئس توخونموشدو.
اونلارين ائيئرمي دئره‌يي و ائيئرمي آلتليغي بورونجدن ائدي، دئرَکلرئن قولّابلاري و بندلري ده گوموشدن ائدي.
شئمال طرفي اوچون، اوزونلوغو يوز قولآچ اولان پرده‌لر وار ائدي، پرده‌لرئن ائيئرمي دئره‌يي و ائيئرمي آلتليغي بورونجدن ائدي، دئرَکلرئن قولّابلاري و بندلري ده گوموشدن ائدي.
قرب طرفئنده اَلّي قولآچ پرده وار ائدي؛ اونون اون دئره‌يي و اون آلتليغي وار ائدي. دئرَکلرئن قولّابلاري و بندلري ده گوموشدن ائدي.
شرق طرفئنده ده حيطئن اِني اَلّي قولآچ ائدي.
دروازانين بئر طرفي اوچون اوزونلوغو اون بش قولآچ پرده‌لر وار ائدي؛ و اونلارين اوچ دئره‌يي و اوچ آلتليغي وار ائدي؛
دروازانين او بئري طرفي ده بله ائدي. حيطئن دروازاسينين هر ائکي طرفي اوچون اوزونلوغو اون بش قولآچ پرده‌لر وار ائدي کي، اونلارين اوچ دئره‌يي و اوچ آلتليغي وار ائدي.
حيطئن بوتون اطراف پرده‌لري نفئس توخونموش نازئک کتاندان،
دئرَکلرئن آلتليقلاري بورونجدن، دئرَکلرئن قولّابلاري و بندلري گوموشدن، باشليقلارين اؤرتويو ده گوموشدن ائدي؛ حيطئن بوتون دئرَکلري گوموشله بندلَندئلر.
حيطئن دروازاسينين ناخيش تئکمه‌لي آراکَسمه‌سي لاجورد، ارغواني و قيرميزي پارچادان و نفئس توخونموش نازئک کتاندان ائدي؛ اوزونلوغو ائيئرمي قولآچ، بويو دا حَيَطئن پرده‌لري کئمي بش قولآچ ائدي.
اونون دؤرد دئره‌يي و دؤرد آلتليغي بورونجدن، قولّابلاري گوموشدن، باشليقلارينين اؤرتويو و بندلري ده گوموشدن ائدي.
خيمهنئن و حيطئن بوتون اطراف ميخلاري بورونجدن ائدي.
بودور شهادت خيمهسئنئن لوازئماتينين حسابي کي، لاوئلی‌لر موسانين امري ائله کاهئن هارونون اوغلو ائتامارين باشچيليغي آلتيندا خئدمت اوچون اونلارا مشغول ائدئلر.
يهودا قبئلهسئندن خور اوغلو اوري اوغلو بِصه‌لِل ربّئن موسايا نه امر اتدئيئني دوزلتدي.
اونونلا چاليشان دان قبئلهسئندن اولان اَخئسامَک اوغلو اوهولئياب اويماچيليق، ناخيشچيليق، لاجورد، ارغواني و قيرميزي پارچادا و نازئک کتاندا ناخيش تئکمه‌سي ائشي باجاريردي.
موقدّس يِرئن بوتون بئناسي اوچون ائشله‌نن قيزيلين، يعني يِللَتمه تقدئمي اولاراق هدئيّه ورئلن قيزيلين چکئسي موقدّس مکانين شِکِلئنه گؤره ائيئرمي دوقّوز تالانت يدّي يوز اوتوز شِکِل ائدي.
جاماعاتين سئياهييا آليناندا وردئيي گوموشون چکئسي موقدّس مکانين شِکِلئنه گؤره يوز تالانت و مئن يدّي يوز يتمئش بش شِکِل ائدي.
بو، ساييلميش آداملارا داخئل اولان هر کَس، ائيئرمي ياشيندا و اوندان يوخاري اولان ۶۰۳۵۵۰ کئشي اوچون آدامباشي بئر بِکا، يعني موقدّس مکانين شِکِلئنئن اؤلچوسونه گؤره ياريم شِکِل ائدي.
موقدّس يِرئن آلتليقلاريني و پردهنئن آلتليقلاريني تؤکمَک ائشئنه يوز تالانت گوموش: يوز آلتليق اوچون يوز تالانت، يعني هر آلتليق اوچون بئر تالانت گوموش ائشلَندي.
مئن يدّي يوز يتمئش بش شِکِل گوموش ده سوتونلار اوچون قارماقلار دوزلتمَک، باشليقلاريني اؤرتمَک و اونلاري بندلمک اوچون ائشلَندي.
يِللَتمه تقدئمي اولاراق هدئيّه ورئلَن بورونجون چکئسي يتمئش تالانت و ائکي مئن دؤرد يوز شِکِل ائدي.
اوندان حوضور چاديري گئرئشئنئن آلتليقلاري، بورونج قوربانگاه، اوستونده‌کي بورونج تور، قوربانگاهين بوتون لوازئماتي
حيطئن اطراف آلتليقلاري، حيطئن دروازاسينين آلتليقلاري، خيمهنئن بوتون پايالاري و حيطئن بوتون اطراف ميخلاري دوزلتدي.
هارونون موقدّس پالتارلاري و موقدّس يرده خئدمت اوچون توخونموش پالتارلاري لاجورد، ارغواني، و قيرميزي پارچادان حاضيرلاديلار، نجه کي، رب موسايا امراتمئشدي.
اِفودو قيزيلدان، لاجورد، ارغواني و قيرميزي پارچا و نفئس توخونموش نازئک کتاندان دوزلتدي.
قيزيل لؤوحهلري دؤيدولر و او، اونلاردان ساپلار کَسدي و اونلارلا لاجورد، ارغواني و قيرميزي پارچا و نازئک کتانين آراسينا نفئس توخونموش ناخيشلار تئکدئلر.
ائکي چئيئنلئک دوزلتدئلر کي، اِفودون هر ائکي اوجونو بئربئرئنه باغلاييردي.
اونو اوستوندن باغلايان ناخيشلي کمر، هَمن حئصّه‌دن يعني او دا قيزيلدان، لاجورد، ارغواني و قيرميزي پارچا و نفئس توخونموش نازئک کتاندان ائدي. نجه کي، رب موسايا امراتمئشدي.
دامارلی عقئق داشلاري کی، اونلارين اوستونده ائسرايئل اوغوللارينين آدلاري مؤهور اويماسي کئمي حکّ اولونموشدو و حؤرمه قيزيل ساغاناقلارا سالينميشدي،
اِفودون چئيئنلئکلرئنه تاخديلار. بونلار ائسرايئلئن اوغوللارينين خاطئره داشلاريدير. نجه کي، رب موسايا امراتمئشدي.
دؤشلويو ده اِفود کئمي ناخيشلي قيزيلدان، لاجورد، ارغواني و قيرميزي پارچا و نفئس توخونموش نازئک کتاندان دوزلتدي.
دؤشلوک موربّع شَکلئنده ائکي قات ائدي؛ اوزونلوغو بئر قاريش، اِني ده بئر قاريش دوزلتدئلر.
اوستونه دؤرد سيرا داش تاخديلار. بئرئنجي سيرا ياقوت، توپاز، زومرود؛
ائکئنجي سيرا فئروزه، لاجورد داشي و آغ عقئق؛
اوچونجو سيرا سئرکون، عقئق و آمِتئست؛
دؤردونجو سيرا زبرجد، دامارلي عقئق و يَشَم داشي ائدي. بو داشلار حؤرمه قيزيل ساغاناقلارا تاخيلدي.
داشلار ائسرايئلئن اوغوللارينين آدلارينا گؤره اون ائکي و اون ائکي قبئله اوچون نظرده توتولموشدو، هر بئر آدين اويما مؤهورو ائدي.
دؤشلوکده خالئص قيزيلدان ائپه بَنزَر بورما زنجئرلر قاييرديلار.
ائکي حؤرمه قيزيل ساغاناق و ائکي قيزيل حالقا دوزلتدئلر. ائکي حالقاني دؤشلويون ائکي اوجونا تاخديلار.
ائکي قيزيل ائپي دؤشلويون اوجلارينداکي ائکي حالقايا تاخديلار؛
ائپلرئن او بئري اوجلاريني ائکي حؤرمه ساغاناغا تاخيب، اِفودون چئيئنلئکلرئنئن قاباق طرفئنه باغلاديلار.
گئنه ده ائکي قيزيل حالقا دوزَلدئب، اونلاري دؤشلويون ائکي اوجونا، اِفودلا ياناشي ائچ قاتينا تاخديلار.
داها ائکي قيزيل حالقا دوزلتدئلر و اونلاري اِفودون چئيئنلئکلرئنئن قاباق طرفئنه، آشاغييا، اِفودون ناخيشلي کمري ائله بئرلَشمه اوستونه بَرکئتدئلر.
دؤشلوک حالقالاري ائله اِفودون حالقالاريني لاجورد قايتانلا باغلاييب، ناخيشلي اِفودون کمرئنئن اوستونه بَرکئتدئلر کي، دؤشلوک اِفوددان ساللانماسين. نجه کي، رب موسايا امراتمئشدي.
اِفودون جوبّه‌سئني تامامن توخونما لاجورد پارچادان تئکدئلر.
جوبّه‌نئن اورتاسيندا ير تئکدئلر، اونون قيراغيندا جيريلماماق اوچون بئر ياخا توخودولار.
جوبّه‌نئن اَته‌يئنئن اطرافينا لاجورد، ارغواني و قيرميزي پارچادان و نفئس توخونموش کتاندان نارلار دوزدولر.
خالئص قيزيل زينقيروولار دوزَلدئب، جوبّه‌نئن اَته‌يي بويونجا نارلارين آراسينا تئکدئلر.
بلجه خئدمت جوبّه‌سئنئن اَته‌يي بويونجا اطرافيندا زينقيروو و نار، سئره ائله دوزولدو. نجه کي، رب موسايا امراتمئشدي.
هارون و اوغوللاري اوچون توخونما نازئک کتان خئرقه‌لري،
نفئس توخونموش نازئک کتاندان عمّامه، نازئک کتان پاپاقلاري، اَيئرمه نازئک کتان آلت پالتاري،
نفئس توخونموش نازئک کتان و لاجورد، ارغواني و قيرميزي پارچادان ناخيش تئکمه‌لي قورشاغي تئکدئلر. نجه کي، رب موسايا امراتمئشدي.
خالئص قيزيلدان موقدّس تاج اولان لؤوحه‌جئيي دوزلتدئلر و اونون اوستونده مؤهور اويماسي اولاراق "ربّه موقدّسدئر" يازيسيني يازديلار.
لاجورد قايتان تئکدئلر کي، اونو عمّامه‌نئن اوستونه قويسونلار. نجه کي، رب موسايا امراتمئشدي.
بلجه خيمه، يعني حوضور چاديري اوچون بوتون ائشلر باشا چاتدي. رب موسايا نجه امر اتمئشدي، ائسرايئل اؤولادلاري دا بو ائشي اِلَجه تاماملاديلار.
خيمهني موسانين يانينا گتئردئلر. چاديريني و اونون بوتون لوازئماتيني، گئره‌لرئني، چَرچئوه‌لرئني، دئرَکلرئني، سوتونلاريني، آلتليقلاريني،
قيرميزي بويانميش قوچ دَرئلرئندن اؤرتويو، سو ائتي دَرئلرئندن دوزَلدئلمئش اؤرتويو، آراکَسمه پرده‌سئني،
شهادت سانديغي و اونون دئرَکلرئني، کفّاره قاپاغيني؛
مئزي و اونون لوازئماتيني؛ تقدئس چؤرکلرئني،
خالئص قيزيلدان چيراقداني، اونون دوزولموش چيراقلاريني و ائشيق ياغيني،
قيزيل قوربانگاهيني، مسح ياغيني، عطئرلي بوخورو، چاديرين گئرئش آراکَسمه‌سئني،
بورونج قوربانگاهيني، قوربانگاهين بورونج تورونو، اونون دئرَکلرئني و بوتون لوازئماتيني، بؤيوک لَيه‌ني و اونون آلتليغيني،
حيطئن پرده‌لرئني، سوتونلاريني و آلتليقلاريني، حيطئن دروازاسي اوچون آراکَسمه‌ني، اونون ائپلرئني و ميخلاريني، خيمه يعني حوضور چاديري و خيمهنئن عئبادتي اوچون بوتون اشيالاري،
موقدّس يرده خئدمت اوچون توخونموش پالتارلاري، کاهئن هارونون موقدّس پالتارلاري و اوغوللارينين کاهئنلئک اتمه پالتارلاري اونا گتئردئلر.
رب موسايا نجه امراتمئشدي، ائسرايئل اؤولادلاري دا بو ائشي اِلَجه تاماملاديلار.
موسا بوتون ائشلري نظردن کچئردئب گؤردو کي، اونلار بو ائشه ربّئن امر اتدئيي کئمي عمل ادئبلر. موسا اونلارا برکت وردی.
رب موسايا ددي:
"بئرئنجي آيين بئرئنجي گونو ربّئن خيمهسئني يعني حوضور چاديريني قور.
شهادت سانديغي اورايا قوي و پرده ائله قاباغيني کَس.
سونرا مئزي گتئر، اوستونه اشيالاري دوز. چيراقداني گتئر، چيراقلاري دا قوراشدير.
بوخور اوچون قيزيل قوربانگاهي شهادت سانديغينين قاباغينا قوي. خيمهنئن گئرئش آراکَسمه‌سئني ده قور.
يانديرما قوربانلاري اوچون قورولان قوربانگاهي خيمهنئن يعني حوضور چاديرينين گئرئشئنئن موقابئلئنده يِرلَشدئر.
بؤيوک لَيه‌ني حوضور چاديري ائله قوربانگاهين آراسينا قوي، ائچئنه سو تؤک.
اطراف حيطي و حيطئن دروازاسينين آراکَسمه‌سئني قور.
سونرا مسح ياغيني گؤتوروب، خيمهني و ائچئندهکي هر شيي مسح ات؛ بلجه اونو و بوتون لوازئماتيني تقدئس ات کي، موقدّس اولسون.
يانديرما قوربانلاري اوچون قورولان قوربانگاهي، اونون لوازئماتيني مسح ات و قوربانگاهي تقدئس ات کي، او لاپ موقدّس اولاجاق.
بؤيوک لَيه‌ني و اونون آلتليغيني مسح ادئب، تقدئس ات.
هارونلا اوغوللاريني حوضور چاديرينين گئرئشئنه گتئر و اورادا سو ائله يويوندور.
هارونا موقدّس پالتارلار گِيئندئر. اونو مسح ادئب، تقدئس ات کي، منه کاهئنلئک اتسئن.
سونرا هارونون اوغوللاريني گتئرئب، اونلارا خئرقه‌لر گِيئندئر.
آتالاريني مسح اتدئيي کئمي اونلاري دا مسح ات کي، منه کاهئنلئک اتسئنلر. اونلار نسئلدن-نسله ابدی کاهئنلئک اوچون مسح اولوناجاقلار."
رب موسايا نجه امراتمئشدي، او دا بو جور اتدي.
بلجه ائکئنجي ائلئن، بئرئنجي آيين بئرئنجي گونونده خيمه قورولدو.
موسا خيمهني قوردو: آلتليقلاريني قويدو، چَرچئوه‌لرئني بَرکئتدي، دئرَکلرئني قوردو و سوتونلاريني دئکَلتدي.
خيمهنئن اوستونه چادير سالدي، اونون اوستونه ده چاديرين اؤرتويونو قويدو. ربّئن موسايا امر اتدئيي کئمي اولدو.
بوندان سونرا او شهادت لؤوحه‌لرئني گؤتوروب، سانديغين ائچئنه قويدو. دئرَکلري سانديغا تاخدي، کفّاره قاپاغيني دا سانديغين اوستونه قويدو.
سانديغي خيمهنئن ائچئنه گتئردي و آراکَسمه پرده‌سئني قوروب، شهادت سانديغينين قاباغيني کَسدي. ربّئن موسايا امر اتدئيي کئمي اولدو.
مئزي حوضور چاديرينين ائچئنده، خيمهنئن شئمال طرفئنده، پردهنئن بايير طرفئندن يِرلَشدئردي.
اونون اوستونه ربّئن حوضوروندا چؤرک دوزدو. ربّئن موسايا امر اتدئيي کئمي اولدو.
چيراقداني دا حوضور چاديرينين ائچئنده، مئزئن موقابئلئنده، خيمهنئن جنوب طرفئنده يِرلَشدئردي.
چيراقلاريني دا ربّئن حوضوروندا قوراشديردي. ربّئن موسايا امر اتدئيي کئمي اولدو.
قيزيل قوربانگاهي دا حوضور چاديرينين ائچئنده، پردهنئن قاباغيندا يِرلَشدئردي؛
اونون اوستونده عطئرلي بوخور يانديردي. ربّئن موسايا امر اتدئيي کئمي اولدو.
خيمهنئن گئرئشئنده آراکَسمه‌ني قوردو.
يانديرما قوربانلاري اوچون قورولان قوربانگاهي، خيمهنئن، يعني حوضور چاديرينين گئرئشئنده يرلشدئردي؛ اونون اوستونده يانديرما قوربانيني و تاخيل تقدئمئني گتئردي. ربّئن موسايا امر اتدئيي کئمي اولدو.
بؤيوک لَيه‌ني حوضور چاديري ائله قوربانگاه آراسيندا يِرلَشدئرئب، ائچئنه يويونماق اوچون سو تؤکدو.
موسا، هارون و هارونون اوغوللاري اورادا اَل-آياقلاريني يودولار.
نه زامان حوضور چاديرينا گئردئلر، نه زامان قوربانگاها ياخينلاشديلار، ربّئن موسايا امر اتدئيي کئمي يويوندولار.
خيمه ائله قوربانگاهين اطرافيندا حيطي قوردو و حيط دروازاسينين آراکَسمه‌سئني آسدي. بلجه موسا ائشلري تاماملادي.
او واخت بولود حوضور چاديريني بورودو و ربّئن جلالي خيمهني دولدوردو.
موسا حوضور چاديرينا گئره بئلمه‌دي، چونکي بولود اونون اوستونده يرلشمئشدي و ربّئن جلالي خيمهني دولدورموشدو.
ائسرايئل اؤولادلارينين بوتون سفري بويو بولود خيمهنئن اوستوندن قالخاندا يولا دوشَردئلر؛
لاکئن بولود قالخماياندا، قالخديغي گونه قدر يولا دوشمَزدئلر.
بوتون سفرلري بويو ائسرايئل اؤولادلارينين گؤزلري قاباغيندا گوندوز ربّئن بولودو خيمهنئن اوستونده، گجه‌لر ده اود بولودون ائچئنده ائدي.
رب موساني چاغيريب حوضور چاديريندان اونا بله ددی:
"ائسرايئل اؤولادلارينا دانيشيب اونلارا بله دِه: «سئزدن هر کس اؤز حيوانلاريندان ربّه قوربان گتئرنده، قوربانليغينيزي گرک قويون-کچئدن، يا دا مال-حيواندان گتئرسئن.
اگر يانديرما قورباني قويون-کچئدندئر، گرک عيبسئز اِرکَک بئر حيوان اولسون. قورباني گرک حوضور چاديرينين گئرئشئنده تقدئم اتسئن کي، ربّئن حوضوروندا مقبول اولسون.
او آدام گرک اَلئني يانديرما قوربانينين باشينا قويسون کي، قوربان، اونون حاقّيندا کفّاره کئمي قبول اولونسون.
او، گاميشي ربّئن حوضوروندا کَسسئن. هارون نسلئندن اولان کاهئنلر، گرک قاني تقدئم ادئب، او قوربانگاهين هر طرفئنه سَپسئنلر کي، حوضور چاديرينين گئرئشي يانيندادير.
سونرا او آدام يانديرما قوربانينين دَرئسئني سويوب، قورباني تئکه-تئکه دوغراسين.
کاهئن هارونون اؤولادلاري قوربانگاهدا اود قالاييب، اوستونه اودون قويسونلار.
سونرا هارون نسلئندن اولان کاهئنلر، بو تئکهلرله گاميش بالاسينين باشيني و پئيئني قوربانگاهين اودونلاري ائله قالانان اود اوستونه دوزسونلر.
لاکئن قوربانين ائچ‌آلات و آياقلاريني او آدام سو ائله يوسون. کاهئن بونلارين هاميسيني قوربانگاهدا توستوله‌دئب، يانديرما قورباني يانديرسين؛ بو ربّه خوش عطئر اوچون، اودلا تقدئم اولونان قورباندير.
آمّا اگر اونون يانديرما قورباني قويون-کچئدندئر، گرک عيبسئز اِرکَک حيواني گتئرسئن.
اونو قوربانگاهين شئمال طرفئنده، ربّئن حوضوروندا کَسسئن؛ هارون نسلئندن اولان کاهئنلر حيوانين قانيني قوربانگاهين هر طرفئنه سَپسئنلر.
سونرا او آدام حيواني، باشي و پئيي ائله بئرلئکده، تئکه-تئکه دوغراسين؛ کاهئن ده قورباني قوربانگاهين اودونلاري ائله قالانان اود اوستونه دوزسون.
آمّا ائچ‌آلاتي و آياقلاريني او آدام سو ائله يوسون. کاهئن بونلارين هاميسيني تقدئم اتسئن و قوربانگاهدا توستوله‌دئب يانديرسين. بو، يانديرما قوربانيدير؛ بو ربّه خوش عطئر اوچون، اودلا تقدئم اولونان قورباندير.
آمّا اگر اونون ربّه يانديرما قورباني، قوشدان عئبارتدئر، او زامان قورباني قومرئلردن، يا دا گؤيرچئنلردن گتئرمه‌لي‌دئر.
کاهئن اونو قوربانگاها گتئرسئن، بوينونو اوزوب، باشيني قوربانگاهدا توستوله‌دئب يانديرسين؛ اونون قاني گرک قوربانگاهين يان طرفئندن آخيديلسين.
کاهئن قوشون چئنه‌دانيني فضله‌لري ائله چيخارديب، قوربانگاهين شرق طرفئنه، کوللويه آتسين.
سونرا قوشو قانادلاريندان پارچالاسين، آمّا ائکي يره بؤلمه‌سئن. بوندان سونرا کاهئن قوشو قوربانگاهدا اودونلا قالانان اود اوستونده توستوله‌دئب يانديرسين؛ بو ربّه خوش عطئر اوچون، اودلا تقدئم اولونان قورباندير.
کئمسه ربّه تاخيل تقدئمي گتئرسه، تقدئمي نارين اون اولسون، اوستونه ده ياغ تؤکوب، کوندور قويسون.
اونو هارون نسلئندن گلن کاهئنلره گتئرسئن. کاهئن بئر اوووج نارين اونلا ياغ و کوندورون هاميسيني گؤتوروب، قوربانگاهدا خاطئره تقدئمي اولاراق توستوله‌دئب يانديرسين؛ بو ربّه خوش عطئر اوچون، اودلا تقدئم اولونان قورباندير.
تاخيل تقدئمئنئن قالان حئصّهسي هارونلا اؤولادلارينا عاييد اولسون. بو حئصّه رب اوچون اودلا اولونان تقدئملردن لاپ موقدّسي‌دئر.
تندئرده پئشئرئلمئش تاخيل تقدئمي گتئرنده، ياغلا قاتيشميش نارين اوندان دوزَلمئش ماياسيز فطئرلر، يا دا اوستونه ياغ سورتولموش ماياسيز کولچه‌لر تقدئم ات.
اگر تقدئمئن ساجدا پئشمئش تاخيل تقدئمي‌دئر، گرک نارين اوندان، ماياسيز و ياغلا قاتيشميش اولسون.
اونو تئکه-تئکه ادهجکسن و اوستونه ياغ تؤکه‌جکسن. بو، تاخيل تقدئمي‌دئر.
اگر تقدئمئن تاوادا پئشَن تاخيل تقدئمي‌دئر، او گرک نارين اون و ياغلا حاضيرلانسين.
بو شيلرله حاضيرلانان تاخيل تقدئمئني ربّئن يانينا گتئرنده، او گرک کاهئنه ورئلسئن و کاهئن تقدئمي قوربانگاها آپارسين.
کاهئن بو تاخيل تقدئمئندن، خاطئره تقدئمي اولان اون پايي گؤتوروب، اونو قوربانگاهدا توستوله‌دئب يانديرسين؛ بو ربّه خوش عطئر اوچون، اودلا تقدئم اولونان قورباندير.
تاخيل تقدئمئنئن قالان حئصّهسي هارونلا اؤولادلارينا عاييد اولسون. بو حئصّه اودلا ربّه اولونان تقدئملردن لاپ موقدّسئدئر.
ربّه گتئردئيئن هچ بئر تاخيل تقدئمي، مايالي خمئردن حاضيرلانماسين. ترکئبئنده مايا و يا بال اولان تقدئم رب اوچون گتئرئلسئن. توستوله‌دئلئب يانديريلماسين.
محصولون ائلک ثمرئني ائلک محصول تقدئملري اولاراق ربّه گتئرئن. آمّا خوشا گلن عطئر کئمي قوربانگاهدا تقدئم اولونماسين.
تاخيل تقدئملرئنئن هر بئرئني دوزلا؛ بلجه تارينين عهدئنئن دوزونو تاخيل تقدئمئندن قييما؛ بوتون تقدئملرئني دوزلا.
اگر سن ربّه نوباريندان تاخيل تقدئمئني گتئرئرسن، اوندا تزه تاخيل باشلاريني اوددا قوووروب، يارماسيني نوبار تاخيل تقدئمي اوچون تقدئم ات.
اونون اوستونه ياغ تؤک، کوندور قوي. بو، تاخيل تقدئمي‌دئر.
کاهئن بئر آز يارماني ياغي ائله گؤتوروب، بوتون کوندورو ائله اونون خاطئره تقدئمئني توستوله‌دئب يانديرسين؛ بو ربّه خوش عطئر اوچون، اودلا تقدئم اولونان قورباندير.
اگر کئمسه باريش قورباني گتئرسه و قوربانليق مال- حيوانداندير، گرک ربّئن حوضورونا عيبسئز اِرکَک يا دا دئشي حيوان تقدئم اتسئن.
قوي آدام الئني قوربانليغين باشينا قويوب، حوضور چاديرينين گئرئشئنده کَسسئن و هارون نسلئندن گلن کاهئنلر، قاني قوربانگاهين هر طرفئنه سَپسئنلر.
قوي او آدام باريش قوربانيندان بونلاري اودلا ربّه اولونان تقدئم کئمي گتئرسئن: ائچ‌آلاتي اؤرتَن پئيي و اوستونده‌کي بوتون پئيي،
بلئنده‌کي هر ائکي بؤيره‌يئني، اوستونده‌کي پئيي ائله و قارا جئيه‌رئن قويروغا بَنزَر حئصّهسئني. بونلاري بؤيرَکلري ائله بئرلئکده چيخارتسين.
بونلاري هارون اؤولادلاري قوربانگاهدا، اودونلارلا قالانان اود اوستونده‌کي يانديرما قورباني ائله توستوله‌دئب يانديرسينلار؛ بو ربّه خوش عطئر اوچون، اودلا تقدئم اولونان قورباندير.
لاکئن اگر ربّه تقدئم اولونان باريش قورباني قويون-کچئدندئر، قوي او عيبسئز اِرکَک و يا دئشي حيوان گتئرسئن.
اگر گتئردئيي قوربان بئر قوزودور، اوندا اونو ربّئن حوضوروندا تقدئم اتسئن،
الئني قوربانين باشينا قويوب، اونو حوضور چاديرينين قاباغيندا کَسسئن و هارون اؤولادلاري قاني قوربانگاهين هر طرفئنه سَپسئنلر.
او آدام باريش قوربانيندان بونلاري اودلا ربّه اولونان تقدئم کئمي گتئرسئن: پئيئني، بِل سومويونه ياخين کَسدئيي بوتون قوروغونو، و ائچ‌آلاتي اؤرتَن پئيي و اوستونده‌کي بوتون پئيي،
بلئنده‌کي هر ائکي بؤيره‌يئني اوستونده‌کي پئيي ائله، و قارا جئيه‌رئن قويروغا بَنزَر حئصّهسئني. بونلاري بؤيرَکلري ائله بئرلئکده چيخارتسين.
او واخت کاهئن بونلاري خورَک کئمي قوربانگاهدا توستوله‌دئب يانديرسين؛ بو رب اوچون اودلا تقدئم اولونان قورباندير.
و اگر آدامين قوربانليغي بئر کچئدئر، قوي اونو ربّئن حوضوروندا تقدئم اتسئن،
الئني حيوانين باشينا قويوب، اونو حوضور چاديرينين قاباغيندا کَسسئن. هارون اؤولادلاري قانيني قوربانگاهين هر طرفئنه سَپسئنلر.
او آدام اوندان بونلاري اودلا ربّه تقدئم اتدئيي قوربان کئمي گتئرسئن: ائچ‌آلاتي اؤرتَن پئيي و اوستونده‌کي بوتون پئيي،
بلئنده‌کي هر ائکي بؤيره‌يئني اوستونده‌کي پئيي ائله، قارا جئيه‌رئن قويروغا بَنزَر حئصّهسئني. بونلاري بؤيرَکلري ائله بئرلئکده چيخارتسين.
کاهئن بونلاري قوربانگاهدا خورَک کئمي توستوله‌دئب يانديرسين؛ بو ربّه خوش عطئر اوچون، اودلا تقدئم اولونان قورباندير. بوتون پئي ربّه عاييددير.
بو، بوتون ياشاديغينيز يرلرده نسئلدن-نسله سئزئن اوچون ابدی قايدادير: نه پئي ييئن، نه ده قان.
رب موسايا ددي:
"ائسرايئل اؤولادلارينا بله دِه: «اگر بئري ربّئن بويوردوقلارينئن بئرئنده، بئلمه‌دن ربّئن قدغن اتدئيي بئر شي اتسه،
اگر مسح ادئلمئش کاهئن گوناه ائشله‌دئب تقصئري خالقا گتئرسه، او گوناها گؤره ربّه گوناه قورباني اولاراق عيبسئز بئر گاميش تقدئم اتسئن.
گاميشي حوضور چاديرينين گئرئشئنه، ربّئن حوضورونا گتئرسئن و الئني حيوانين باشينا قويوب، اونو ربّئن حوضوروندا کَسسئن.
سونرا مسح ادئلمئش کاهئن گاميشين قانيندان گؤتوروب، حوضور چاديرينا گتئرسئن.
کاهئن بارماغيني قانا باتيريب، ربّئن حوضوروندا، موقدّس يرئن پردهسي قاباغيندا، يدّي دفه سَپسئن.
سونرا کاهئن حوضور چاديريندا، ربّئن قاباغيندا اولان عطئرلي بوخور قوربانگاهينين بوينوزلارينا او قاندان بئر آز چکسئن، گاميشين قانينين قالان حئصّهسئني او قوربانگاهين آلتليغينا تؤکسون کي، حوضور چاديرينين گئرئشئنده يانديرما قوربانلاري اوچون قورولوب.
کاهئن گوناه قورباني اولان گاميشين پئيئني کامئل گؤتورسون. ائچ‌آلاتي اؤرتَن پئيي و اوستونده‌کي بوتون پئيي،
بلئنده‌کي هر ائکي بؤيره‌يي اوستونده‌کي پئيي ائله، قارا جئيه‌رئن قويروغا بَنزَر حئصّهسئني. بونلاري بؤيرَکلري ائله بئرلئکده چيخارتسين.
بونلارين هاميسي باريش قورباني اولان اؤکوزدن گؤتورولدويو کئمي گؤتورولسون و کاهئن اونلاري يانديرما قوربانلاري اوچون قورولان قوربانگاهدا توستوله‌دئب يانديرسين.
لاکئن گاميشين دَرئسئني، بوتون اَت و باشيني، آياقلار و ائچ‌آلاتيني، و باغيرساغيني،
يعني، هر قالان حئصّهسئني دوشَرگه‌دن قيراغا چيخارديب، کول تؤکولَن پاک بئر يره گتئرسئن و اورادا اودون اوستونده اونو يانديرسين. کول توکولَن يرده گرک يانديريلسين.
اگر بوتون ائسرايئل جاماعاتي سَهو اتسهلر و بو اونلارين نظرئندن قاچسا، و ربّئن قدغن اتدئکلرئنئن بئرئني يرئنه يتئرئب، تقصئرکار اولسالار،
اتدئکلري گوناه آشکارا چيخاندا، جاماعات مال-حيواندان گوناه قورباني اولاراق بئر گاميش گؤتوروب، حوضور چاديرينين قاباغينا گتئرسئنلر.
جاماعاتين آغساقّاللاري ربّئن حوضوروندا اللرئني گاميشين باشينا قويوب، ربّئن حوضوروندا اونو کَسسئنلر.
سونرا مسح ادئلمئش کاهئن گاميشين قانيندان گؤتوروب، حوضور چاديرينا گتئرسئن.
کاهئن بارماغيني قانا باتيريب، ربّئن حوضوروندا پردهنئن قاباغينا يدّي دفه سَپسئن.
کاهئن او قاندان بئر آزيني حوضور چاديريندا ربّئن قاباغينداکي قوربانگاهين بوينوزلارينا چکسئن و گاميشين قانينين قالان حئصّهسئني او قوربانگاهين آلتليغينا تؤکسون کي، حوضور چاديرينين گئرئشئنده يانديرما قوربانلاري اوچون قورولوب.
او گرک حيوانين بوتون پئيئني گؤتورسون و قوربانگاهدا توستوله‌دئب يانديرسين؛
گوناه قورباني اولان گاميشا نه جور اتسه، بو گاميشا دا هَمن جور اتسئن. بونونلا کاهئن خالق اوچون کفّاره اتسئن و خالق باغيشلانار.
سونرا کاهئن گاميشي دوشَرگه‌دن قيراغا چيخارديب، اَوّلکي گاميشي يانديران کئمي، اونو دا يانديرسين. بو، جاماعات اوچون ورئلَن گوناه قوربانيدير.
باشچيلاردان بئري بئلمه‌دن گوناه ائشله‌دنده و سَهوَن تاريسي ربّئن قدغن اتدئيي بئر ائش گؤروب تقصئرکار چيخاندا،
ائشلَتدئيي گوناه اؤزونه آشکار اولان واخت، تقدئمي اوچون بئر اِرکَک و عيبسئز کِچي قوربان گتئرسئن.
اَلئني اِرکَک کِچئنئن باشينا قويوب، اونو ربّئن حوضوروندا، يانديرما قوربانلار کَسئلَن يرده کَسسئن. بو، گوناه قوربانيدير.
سونرا کاهئن بارماغي ائله گوناه قوربانينين قانيندان بئر آز گؤتوروب، يانديرما قوربانلاري اوچون قورولان قوربانگاهين بوينوزلارينا چکسئن. قانين قالان حئصّهسئني ده يانديرما قوربانلاري اوچون قورولان قوربانگاهين آلتليغينا تؤکسون.
سونرا او حيوانين بوتون پئيئني باريش قوربانينين پئيي کئمي قوربانگاهدا توستوله‌دئب يانديرسين. بونونلا کاهئن او آدام اوچون گوناهيني کفّاره اتسئن، و او باغيشلانار.
اگر خالقدان بئر نفر سَهوَن ربّئن قدغن اتدئکلرئنئن بئرئنه عَمل ادئب، اؤزونو تقصئرکار چيخارتسا،
ائشلَتدئيي گوناه اؤزونه آشکار اولاندا، او گوناهينا گؤره عيبسئز بئر دئشي کِچي اؤزو اوچون قوربان گتئرسئن،
و اَلئني گوناه قوربانينين باشينا قويوب، بو گوناه قوربانيني يانديرما قوربانلاري کَسئلَن يرده کَسسئن.
سونرا کاهئن بارماغي ائله قوربانين قانيندان بئر آز گؤتوروب، يانديرما قوربانلاري اوچون قورولان قوربانگاهين بوينوزلارينا چکسئن؛ قانين قالان حئصّهسئني ده قوربانگاهين آلتليغينا تؤکسون.
سونرا حيوانين بوتون پئيئني باريش قوربانينين پئيئني چيخارتديغي کئمي چيخارديب، اونو ربّئن خوشونا گلن عطئرلي قوربان کئمي قوربانگاهدا توستوله‌دئب يانديرين. بونونلا کاهئن او آدام اوچون کفّاره اتسئن و او، باغيشلانار.
اگر آدام گوناه قورباني اولاراق قوزو گتئرسه، قوي او قوزو عيبسئز دئشي حيوان اولسون.
و اَلئني گوناه قوربانينين باشينا قويسون و اونو يانديرما قوربانلاري کَسئلَن يرده کَسسئن.
سونرا کاهئن بارماغي ائله گوناه قوربانينين قانيندان بئر آز گؤتوروب، يانديرما قوربانلاري اوچون قورولان قوربانگاهين بوينوزلارينا چکسئن؛ قانين قالان حئصّهسئني ده قوربانگاهين آلتليغينا تؤکسون.
سونرا او آدام قوزونون بوتون پئيئني باريش قورباني اولان قويونون پئيئني کئمي چيخارتسين و کاهئن اونو ربّه تقدئم ادئب قوربانگاهدا توستوله‌دئب يانديرسين. بونونلا کاهئن او آدام اوچون، ائشلَتدئيي گوناهي کفّاره اتسئن، و او باغيشلانار.
اگر بئر نفر گؤردويو و يا اشئتدئيي بئر شي حاقّيندا جاماعات قاباغيندا شهادت ورمه‌سه، تقصئري اؤز بوينونادير.
بئلمه‌دن هر هانسي بئر نجئس شيه توخونان، ائستر نجئس وحشي حيوانين لِشي اولسون، ائستر نجئس مال-حيوانين لِشي، يا دا قايناشان نجئس حيوانين لِشي، او آدام نجئس و تقصئرکار ساييلير.
اگر بئلمه‌دن ائنسان مدفوعونا توخونسا، اونو نجئسله‌ين شيه توخونان آدام اونو بئلَنده تقصئرکار ساييلير.
هر کس کي، پئسلئک و يا ياخشيليق اتمک اوچون، دوشونمه‌دن و بئلمه‌دن احتياطسيز بئر آند ائچئر، بونو بئلَنده تقصئرکار ساييلير.
بو آدام بونلاردان بئرئنه گؤره تقصئرئني بئلَنده، گرک گوناهيني اعتئراف اتسئن.
و او گوناها گؤره ربّئن حوضوروندا تقصئرئني يوماق اوچون سورودن دئشي قوزو، يا دا دئشي کچي گؤتوروب، گوناه قورباني اولاراق گتئرسئن. بونونلا کاهئن او آدام اوچون گوناهيني کفّاره اتسئن.
لاکئن اگر او آدامين قوزو قورباني کَسمه‌يه گوجو چاتميرسا، گوناهينا گؤره تقصئرئني يوماق اوچون ربّه ائکي قومري قوشو، و يا دا ائکي گؤيرچئن گتئرسئن؛ بئرئني گوناه قورباني، و او بئرئني يانديرما قورباني.
اونلاري کاهئنه گتئرسئن. کاهئن قاباق گوناه قورباني اولان قوشو تقدئم اتسئن: باشيني بدندن آييرمادان بوينونو اوزسون
و گوناه قوربانينين قانيندان قوربانگاهين بئر طرفئنه سَپسئن، قانين قالانيني قوربانگاهين آلتليغينا تؤکسون. بو، گوناه قوربانيدير.
ائکئنجي قوش دا قايدا-قانونا موناسئب اولاراق يانديرما قورباني کئمي تقدئم اولونسون. بونونلا کاهئن او آدام اوچون ائشلَتدئيي گوناهي کفّاره اتسئن کي، او باغيشلانسين.
آمّا اگر او آدامين حتّا ائکي قومري قوشونا و يا ائکي گؤيرچئنه گوجو چاتميرسا، قوي ائشلَتدئيي گوناه اوچون نارين اوندان اِفانين اوندا بئرئني گوناه قورباني اولاراق تقدئم اتسئن. لاکئن اونون اوستونه نه ياغ قويسون، نه ده کوندور. چونکي بو گوناه قوربانيدير.
اونو کاهئنئن يانينا گتئرسئن. کاهئن اوندان خاطئره تقدئمي اولاراق بئر اوووج گؤتورسون و اونو ربّه تقدئم اتسئن و قوربانگاهدا توستوله‌دئب يانديرسين. بو، گوناه قوربانيدير.
بونونلا کاهئن او آدام اوچون ائشلَتدئيي هر هانسي بئر گوناهي کفّاره اتسئن کي، او آدام باغيشلانسين. قالان حئصّه تاخيل تقدئمي کئمي کاهئنه عاييددير.»"
رب موسايا ددي:
«خَيانت ادن و ربّئن موقدّس شيلرئنه سَهوَن گوناه ادن هر کس، تقصئر قورباني اولاراق سورودن عيبسئز بئر قوچ گتئرسئن. بو تقصئر قورباني موقدّس مکانين شِکِلئنه موناسئب، گوموش شِکِلله گرک قئيمت قويولسون.
موقدّس شيه ووردوغو زئياني دا قوي او آدام ورسئن و اوستونه بِشده بئرئني علاوه ادئب کاهئنه ورسئن؛ کاهئن اونون اوچون تقصئر قورباني اولان قوچلا کفّاره اتسئن کي، او باغيشلانسين.
اگر بئر نفر ربّئن قدغن اتدئيي بوتون امرلرئنئن ضئدّئنه بئر ائش گؤروب گوناه ائشلَتسه و بونو بئلمه‌دن اتسه، گئنه ده تقصئرکار ساييليب جزاسيني چکمه‌لي‌دئر.
او، کاهئنئن يانينا تقصئر قورباني اولاراق سورودن عيبسئز و سنئن قئيمت قويدوغونا موطابئق بئر قوچ گتئرسئن. بونونلا کاهئن اونون بئلمه‌دن اتدئيي سهو گوناهي کفّاره اتسئن کي، او باغيشلانسين.
بو تقصئر قوربانيدير. بو آدام قطعن ربّئن حوضوروندا تقصئرکاردير.
رب موسايا ددي:
"او زامان کي، بئر آدام ربّئن ضئدّئنه گوناه ادئب وفاسيزلئق ادئر، و آيري آدامدان آلديغي گئروو و يا امانتده حئيله ائشله‌دئر، يا دا اوغورلايير، و اگر اونو سويور،
و يا ائتمئش بئر شيي تاپيب او بارهده يالان ديئب آند ائچئر، اله آدامين گوناه ائشله‌دئب اتدئيي هر هانسي بئر شيدن اؤتري گوناهکار چيخير،
گوناه اتدئيئني و تقصئرئني بئلَنده، قوي سوياراق و يا ناحاقليقلا گؤتوردويو اشياني، و يا يانيندا اولان امانت و گئرووو، و يا تاپديغي ائتمئش شيي،
و يا اونا گؤره يالاندان آند ائچدئيي هر شيي تامام-کامال قايتارسين؛ اشيانين اساس دَيَرئنئن اوستونه بِشده بئرئني ده علاوه ادئب تقصئر قوربانيني تقدئم ادن گون، صاحئبئنه ورسئن.
سونرا سوروسوندن عيبسئز و سنئن قئيمت قويدوغونا موطابئق بئر قوچ، تقصئر قورباني اولاراق، ربّه تقدئم اوچون کاهئنئن يانينا گتئرسئن.
بونونلا کاهئن ربّئن حوضوروندا او آدام اوچون کفّاره اتسئن و گوناه ادن آدام تقصئرئنه سبب اولدوغو هر شيدن باغيشلانار."
رب موسايا ددي:
"هارونلا اوغوللارينا امر ادئب دِه: «يانديرما قورباني بارهده قانون بودور: يانديرما قورباني بوتون گجه سحره قدر قوربانگاهداکي اود اوستونده قالسين، قوربانگاهين اودو گرک سؤنمه‌دن يانسين.
کاهئن کتان پالتاريني، کتان آلت پالتاريني اَينئنه گيئب، يانديرما قوربانينين کولونو کي، قوربانگاهدا اود اوستونده يانيب کول اولوب، گؤتورسون و او کولو قوربانگاهين يانينا قويسون.
سونرا کاهئن پالتاريني چيخارديب، آيري پالتار گيئنسئن و کولو دوشَرگه‌دن قيراغا داشي‌ييب پاک بئر يره تؤکسون.
قوربانگاهدا يانان اود گرک يانار ساخلانسين و سؤنمه‌سئن. لاکئن کاهئن هر سحر اونون اوستونده اودون يانديرسين، اوستونه يانديرما قوربانيني دوزسون و باريش قوربانلارينين پئيئني اونون اوستونده توستوله‌دئب يانديرسين.
قوربانگاهدا يانان اود گرک همئشه يانار ساخلانسين و سؤنمه‌سئن.
تاخيل تقدئمي بارهده قانون بودور: هارون اؤولادلاري بونو ربّئن حوضوروندا قوربانگاهين قاباغيندا تقدئم اتسئنلر.
سونرا اونلاردان بئري بئر اوووج تاخيل تقدئمئنئن نارين اونونو، ياغي و اوستونده‌کي بوتون کوندورله گؤتورسون و قوربانگاهين اوستونده توستوله‌دئب يانديرسين؛ بو ربّه خوش عطئر اوچون، خاطئره تقدئمي‌دئر.
تقدئمئن قالان حئصّهسئني هارونلا اؤولادلاري يسئنلر؛ اونو موقدّس بئر يرده-حوضور چاديرينين حيطئنده ماياسيز چؤرک کئمي يسئنلر.
بو، مايا ائله گرک پئشئرئلمه‌سئن. من اونو، منه يانديريلان تقدئملرئمدن کاهئنلره دوشَن پاي کئمي ورمئشم. او گوناه قورباني و تقصئر قورباني کئمي لاپ موقدّسدئر.
هارون اؤولادلاريندان هر اِرکَک، اوندان يسئن. بو، ربّه اودلا تقدئم اولانلاردان سئزئن نسئل‌لرئنئزه ابدی بئر قايدادير. اونلارا توخونان هر کس موقدّس ساييلير.»"
سونرا رب موسايا ددي:
"هارونون مسح اولاناجاغي گون، هارونلا اوغوللارينين ربّه اده‌جکلري تقدئم بودور: «دائمي تاخيل تقدئمي اولاراق نارين اوندان اِفانين اوندا بئرئنی، ياريسيني سحر، ياريسيني دا آخشام،
ياغلا ساجدا حاضيرلانسين. ياخشي قاريشيلديغي زامان اونو گتئرئن. بو تاخيل تقدئمئني تئکه-تئکه قيزارميش، ربّه خوش عطئر اولاراق گتئرئن.
اونو او کاهئن تقدئم اتسئن کي، هارون اوغوللاريندان مسح اولونوب و اونون يرئنه کچئب؛ ابدی بئر قايدايا گؤره، بو گرک تامامن توستوله‌دئلئب يانديريلسين.
بلجه کاهئنئن گتئردئيي هر تاخيل تقدئمي تامامن يانديريلسين؛ او يِيئلمَزدئر."
سونرا رب موسايا ددي:
"هارونلا اوغوللارينا بله دِه: «گوناه قورباني بارهده اولان قانون بودور: گوناه قورباني، يانديرما قوربان کَسئلَن يرده ربّئن حوضوروندا کَسئلسئن. بو قوربان لاپ موقدّسدئر.
گوناه قوربانيني تقدئم ادن کاهئن اونو يسئن. او گرک موقدّس بئر يرده، حوضور چاديرينين حيطئنده يِيئلسئن.
اونون اَتئنه توخونان هر بئر شي موقدّس ساييلار؛ او قوربانين قانيندان هر پالتارا سيچراسا، او پالتار گرک موقدّس بئر يرده يويولسون.
اَتئن پئشئرئلدئيي ساخسي قاب دا سينديريلسين؛ اگر او بورونج قابدا پئشئرئلئب، اوندا بو قاب اووولوب، سو ائله ياخالانسين.
کاهئن نسلئندن هر اِرکَک اونو يسئن؛ او لاپ موقدّسدئر.
لاکئن گوناه قوربانيندان کي، اونون قاني کفّاره اوچون حوضور چاديرينا گتئرئلئب، يِيئلمه‌سئن. او قوربان اوددا يانديريلمالي‌دير.
تقصئر قورباني بارهده قانون بودور؛ او، لاپ موقدّسدئر.
تقصئر قورباني، يانديرما قوربانلار کَسئلن يرده کَسئلسئن و کاهئن اونون قانيني قوربانگاهين هر طرفئنه سَپسئن.
اونون بوتون پئيئني تقدئم اتسئن: قويروغونو، ائچ‌آلاتي اؤرتَن پئيي،
بلئنده‌کي هر ائکي بؤيره‌يئني اوستونده‌کي پئيي ائله، قارا جئيه‌رئن قويروغا بَنزَر حئصّهسئني؛ بونلاري بؤيرَکلري ائله بئرلئکده چيخارتسين.
کاهئن بونلاري اودلا ربّه تقدئم اولان قوربان اولاراق قوربانگاهدا توستوله‌دئب يانديرسين؛ بو، تقصئر قوربانيدير.
کاهئن نسلئندن اولان هر اِرکَک اوندان يسئن؛ موقدّس بئر يرده يِيئلسئن؛ او، لاپ موقدّسدئر.
تقصئر قورباني دا، گوناه قورباني کئميدئر، اونلارين حاقّيندا آنجاق بئر قانون وار؛ قوربانين اَتي کفّاره ادن کاهئنه عاييددير.
بئر آدامين گتئردئيي يانديرما قوربانينين دَرئسي ده همئن قورباني تقدئم ادن کاهئنه عاييددير.
تندئرده پئشئرئلمئش هر تاخيل تقدئمي، تاوادا، ساجدا حاضيرلانان هر بئر شي، اونو تقدئم ادن کاهئنه عاييددير.
ياغلا قاتيلميش، يا دا هر قورو تاخيل تقدئمي بوتون هارون اؤولادلاري آراسيندا برابر پايلارا بؤلونسون.
ربّه تقدئم اولونان باريش قورباني بارهده قانون بودور:
اگر کئمسه اونو تشکّور اتمک اوچون قوربان گتئرسه، اوندا او، تشکّور قورباني ائله بئرلئکده، ياغلا قاتيلميش ماياسيز فطئرلر، اوستونه ياغ سورتولموش ماياسيز کولچه‌لر و ياغلا قاتيلميش نارين اوندان کؤکه‌لر گتئرسئن.
تشکّور اوچون باريش قوربانيني تقدئم ادن، گرک تقدئمئني مايالي چؤرک کؤکه‌لري ائله گتئرسئن.
بونلارين هر جوروندن بئرئني ربّه قالديريلان پاي کئمي تقدئم اتسئن. او، باريش قوربانينين قانيني سَپَن کاهئنه عاييددير.
تشکّور اوچون باريش قوربانينين اَتي، قوربان کسئلن گون يِيئلسئن. اوندان هچ بئر شي سحره قدر قالماسين.
آمّا اگر کئمسه اتدئيي نذره گؤره، و يا اؤز گؤيلو ائله قوربان تقدئم اتسه، قوربانين اَتي، کَسئلدئيي گون يِيئلسئن، و قالان حئصّهسي ده صاباحکي گون يِيئله بئلر،
لاکئن قوربانليق اَتئندن قالان هر شي اوچونجو گون اوددا يانديريلسين.
اگر باريش قوربانلارينين اَتئندن اوچونجو گون يِيئلسه، او قورباني گتئرن آدام مقبول اولماز. قوربانين دا فايداسي اولماز. بو اَت ائيرنج ساييلار و اونو يئين آدامين تقصئري اؤز بؤينونا اولار.
نجئس ساييلان هر هانسي بئر شيه توخونان اَت يِيئلمه‌لي ديئل؛ گرک اوددا يانديريلسين. هر پاک آدام آيري اَتدن يئيه بئلر؛
آمّا هر کس نجئس حالدا اولارکن ربّه کَسئلن باريش قوربانينين اَتئني يِسه، گرک اؤز خالقي آراسيندان قووولسون.
بئر نفر هر هانسي نجئسه، ائستر ائنسان نجئسلئيي، ائستر نجئس بئر حيوان، و يا هر هانسي نجئس بئر شيه توخونوب، امّا سونرا ربّئن باريش قوربانينين اَتئندن يِسه، او گرک خالقي آراسيندان قووولسون.»"
رب موسايا ددي:
"ائسرايئل اؤولادلارينا بله دِه: «اؤکوز، قويون، يا دا کچي پئيئني يِمه‌يئن.
اؤلو حيوانين پئيئني، قوردون پارچالاييب اؤلدوردويو حيوانين پئيئني هر آيري بئر ائش اوچون ائشله‌ده بئلرسئنئز، لاکئن اونو اصلا يميهجکسئنئز.
هر کس ربّه يانديريليب تقدئم اولونان حيوانين پئيئندن يِسه، خالقي آراسيندان قووولاجاق.
بوتون ياشاديغينيز يرلرده هچ واخت قوشلارين و حيوانلارين قانيني يميهجکسئنئز؛
قان يئين هر کس خالقي آراسيندان قووولاجاق.»"
رب موسايا ددي:
"ائسرايئل اؤولادلارينا بله دِه: «ربّه باريش قوربانلاري تقدئم ادن هر کس، باريش قوربانلارينين بئر حئصّهسئني ربّئن حوضورونا قوربان گتئرسئن.
يانديريلان قوربانيني اؤز الي ائله ربّه تقدئم گتئرسئن؛ حيوانين پئيئني، دؤشو اَتئني گتئرئب، دؤشو ربّئن حوضوروندا يِللَتمه تقدئمي ورسئن.
کاهئن پئيي قوربانگاهدا توستوله‌دئب يانديرسين؛ آمّا دؤش اَتي هارونلا اؤولادلارينا عاييد اولسون.
باريش قوربانلارينيزين صاغ بودونو قالديرما تقدئمي اولاراق کاهئنه ورئن؛
هارون اؤولادلارينين آراسيندان او کاهئن کي، باريش قوربانينين قان و پئيئني تقدئم ادئر، بو صاغ بود اونون پاييدير.
چونکي من يِللَتمه تقدئمئنئن دؤش اَتئني و قالديرما تقدئمئنئن بودو ائسرايئل اؤولادلاريندان، اونلارين باريش قوربانلاريندان گؤتوروب، کاهئن هارونلا اؤولادلارينا ائسرايئللی‌لردن گلن ابدی پاي اولاراق ورمئشم.
ربّه يانديريلان تقدئملردن هارون و اونون اوغوللارينا مخصوص اولان پاي بودور کي، هارون اونلاري کاهئنلئيه تعيئن اتدئيي گون، بو پايي اونلارا وردی.
رب هارون و اونون اؤولادلاريني مسح اتدئيي گون ائسرايئل اؤولادلارينا امر ورمئشدي کي، نسئلدن-نسله بو ابدی پايي اونلارا ورسئنلر.»"
بو، يانديرما قورباني، تاخيل تقدئمي، گوناه قورباني، تقصئر قورباني، تقدئس تقدئمي و باريش قوربانلاري بارهده اولان قانوندور
کي، رب سئنا داغيندا موسايا امر اتدي. رب بو امري ائسرايئل اؤولادلارينا سئنا چؤلونده، او گون وردی کي، اونلاردان ربّه قوربان گتئرمَکلرئني ائسته‌مئشدي.
رب موسايا ددي:
"هارونلا اوغوللاريني، کاهئن پالتارلاريني، مسح ياغيني و گوناه قورباني کسمک اوچون گاميشي، ائکي قوچو، ماياسيز چؤرک سبدئني گؤتور.
و بوتون جاماعاتي حوضور چاديرينين گئرئشئنه ييغ."
موسا ربّئن امرئنه عمل اتدي. جاماعات حوضور چاديرينين گئرئشئنه ييغيلاندا
موسا اونلارا ددي: "يرئنه يتئره‌جَيئمئز ربّئن امر اتدئيي بودور."
سونرا موسا هارونلا اوغوللاريني ائرهلي گتئرئب، اونلاري سودا غوصل وردی.
هارونون اَينئنه خئرقه‌ني گيئندئرئب، بلئنه قورشاغيني باغلادي و اوستوندن جوبّه‌ني گيئندئردي. سونرا اِفودو اوستونه قويدو و اِفودون کمرئني بلئنه باغلاييب بَرکئتدي.
اِفودون اوستونه دؤشلويونو، دؤشلويونه ده اورئم و تومّئمی يرلشدئردي.
اونون باشينا عمّامه‌ني، عمّامه‌نئن قاباق حئصّه‌سئنه قيزيل لؤوحه‌جئيي، موقدّس تاجي قويدو. نجه کي، رب موسايا امراتمئشدي.
سونرا موسا مسح ياغيني گؤتوروب، خيمهني و ائچئندهکي هر شيي مسح ادئب، تقدئس اتدي.
مسح ياغيني قوربانگاها يدّي دفه سَپدي، قوربانگاه و اونونلا بوتون اسبابلاريني، بؤيوک لَيَنله آلتليغيني تقدئس اتمک اوچون مسح اتدي.
سونرا مسح ياغيندان بئر آز هارونون باشينا تؤکوب، اونو تقدئس اتمک اوچون، مسح اتدي.
سونرا موسا هارونون اوغوللاريني ائرهلي گتئردي، اونلارا خئرقه گيئندئردي، بِللرئنه قورشاق باغلادي و باشلارينا پاپاق قويدو. نجه کي، رب موسايا امر اتمئشدي.
بوندان سونرا موسا گوناه قورباني اوچون نظرده توتولموش گاميشي گتئردي. هارون و اوغوللاري بو گاميشين باشينا اللرئني قويدولار.
موسا گاميشي کسدي، قانيني گؤتوروب بارماغي ائله قوربانگاهين بوينوزلارينين هر طرفئنه چکدي و قوربانگاهي تطهئر اتدي. سونرا قانين قالان حئصّهسئني قوربانگاهين آلتليغينا تؤکدو و اونا کفّاره اتمک اوچون تقدئس اتدي.
موسا حيوانين ائچ‌آلاتينين اوستونده‌کي بوتون پئيي، قارا جئيه‌رئن قويروغا بَنزَر حئصّهسئني، هر ائکي بؤيره‌يي پئيي ائله گؤتورودو و قوربانگاهدا توستوله‌دئب يانديردي.
لاکئن گاميش و دَرئسئني، اَتئني و باغيرساغيني دوشَرگهنئن اِشئيئنده اوددا يانديردي. نجه کي، رب موسايا امر اتمئشدي.
سونرا يانديرما قورباني اوچون نظرده توتولموش قوچو گتئردي. هارون و اوغوللاري اللرئني قوچون باشينا قويدولار.
موسا قوچو کسدي و قانيني قوربانگاهين هر طرفئنه سَپدي.
قوچو تئکه-تئکه دوغرادي؛ باشيني، تئکهلرئني و پئيئني توستوله‌دئب يانديردي.
ائچ آلات و آياقلاريني سو ائله يوياندان سونرا، موسا بوتون قوچو قوربانگاهدا توستوله‌دئب يانديردي. بو، خوش عطئر اوچون يانديرما قورباني ائدي؛ بو ربّه خوش عطئر اوچون، اودلا تقدئم اولونان قوربان ائدي. نجه کي، رب موسايا امر اتمئشدي.
سونرا موسا او بئري قوچو يعني تقدئس قوچونو گتئردي؛ هارون و اوغوللاري اللرئني قوچون باشينا قويدولار.
موسا اونو کسدي؛ قانيندان بئر آز گؤتوروب، هارونون صاغ قولاغينين مَرجه‌يئنه، صاغ الئنئن و صاغ آياغينين باش بارماغينا چکدي.
هارونون اوغوللاريني دا گتئرئب، اونلارين صاغ قولاق مَرجکلرئنه، صاغ اللرئنئن باش بارماقلارينا و صاغ آياقلارينين باش بارماقلارينا قان چکدي. سونرا قانين قالانيني قوربانگاهين هر طرفئنه سَپدي.
موسا پئيئني، قويروغونو، ائچ‌آلاتينين اوستونده‌کي بوتون پئيي، قارا جئيه‌رئنئن قويروغا بَنزَر حئصّهسئني، هر ائکي بؤيرَکله پئيئني و صاغ بودونو گؤتوردو.
ربّئن قاباغيندا اولان ماياسيز چؤرکلر سبدئندن، بئر ماياسيز چؤره‌يي، ياغلا قاتيلميش چؤرک کؤکه‌سي، و بئر کولچه گؤتوردو و پئي ائله صاغ بودون اوستونه قويدو.
سونرا بونلارين هاميسيني هارون و اونون اوغوللارينين اللرئنه وردی کي، ربّئن حوضوروندا يِللَتمه تقدئمي اولاراق تقدئم اتسئن.
سونرا موسا بو شيلري اونلارين اللرئندن آلسين و قوربانگاهدا يانديرما قورباني ائله توستوله‌دئب يانديردي. بونلار، خوش عطئر اوچون تقدئس قورباني ائدي؛ اودلا ربّه تقدئم اولان بئر قوربان ائدي.
موسا دؤش اَتئني گؤتوردو و اونو ربّئن حوضوروندا يِللَتمه تقدئمي اولاراق تقدئم اتدي. بو، تقدئس قورباني اولان قوچدان موسانين پايي ائدي، نجه کي، رب موسايا امراتمئشدي.
موسا مسح ياغيندان و قوربانگاهداکي قاندان بئر آز گؤتوروب، هارونا، اونون پالتارلارينا، اوغوللارينا و اونلارين پالتارلارينا سَپدي. بِلَجه، هارونو و اونون پالتارلاريني، اوغوللاريني و اونلارين پالتارلاريني تقدئس اتدي.
سونرا موسا هارونلا اوغوللارينا ددي: "اَتي حوضور چاديرينين گئرئشئنده قاينادين و و اورادا اونو تقدئس تقدئمئنئن سبدئنده اولان چؤرکله ييئن. نجه کي، امر ادئب ددئم: «هارون و اوغوللاري اونو يئيه‌جکلر.»
چؤره‌يئن و اَتئن قالان حئصّه‌لري اوددا يانديريلسين.
تقدئس گونلرئنئز باشا چاتانا قدر، يدّي گون حوضور چاديرينين گئرئشئندن قيراغا چيخمايين؛ او گونه کئمي کي، سئزئن وظئفهيه کچمه واختينيز حله باشا چاتماييب. چونکي او سئزي يدّي گون ائچئنده وظئفهيه قوياجاق.
رب اونون اوچون بو گون ادئلَن هر شيئن اولماسيني امر اتدي کی، سئزي کفّاره اتسئن.
يدّي گون، گجه-گوندوز حوضور چاديرينين گئرئشئنده قالين و ربّئن امرئني رئعايت ادئن کي، اؤلمَيه‌سئنئز. چونکي منه بله امر ورئلئب."
بلجه هارونلا اوغوللاري، ربّئن موسا واسئطهسئله امر اتدئيي هر شيه عمل اتدئلر.
سکّئزئنجي گون موسا هارونو، هارونون اوغوللاريني، و ائسرايئل آغساقّاللاريني يانينا چاغيريب
هارونا ددي: "اؤزون اوچون گوناه قورباني اولاراق عيبسئز بئر اِرکَک دانا، و يانديرما قورباني اولاراق عيبسئز بئر قوچ گؤتور، و ربّئن حوضوروندا تقدئم ات.
سونرا ائسرايئل اؤولادلاري ائله دانيشيب اونلارا دِه: «گوناه قورباني اولاراق بئر اِرکَک کچي، يانديرما قورباني اولاراق بئر-ائلّئک عيبسئز بئر دانا و بئر-ائلّئک عيبسئز بئر قوزو،
و باريش قورباني اولاراق بئر گاميش، بئر قوچ، ياغلا قاتيلميش تاخيل تقدئملري گؤتورون. چونکي بو گون رب سئزه گؤرونهجک.»"
بلجه اونلار موسانين امر اتدئيي هر شيي حوضور چاديرينين قاباغينا گتئردئلر و بوتون جاماعات ياخينلاشيب، ربّئن حوضوروندا دوردو.
موسا ددي: "بودور او شي کي، رب سئزه اده‌جيئني امر ادئب. اله کي، ربّئن جلالي سئزه گؤرونسون."
سونرا هارونا ددي: "قوربانگاها ياخينلاش و اؤزون اوچون گوناه قورباني ائله يانديرما قوربانيني تقدئم ات. اله کي، هم اؤزون، هم ده خالق اوچون کفّاره ادهسن. سونرا خالقين قوربانيني تقدئم ات کي، اونلار اوچون کفّاره ادهسن. نجه کي، رب امر ادئب."
هارون قوربانگاها ياخينلاشيب اؤزو اوچون گوناه قورباني اولان داناني کسدي.
اونون قانيني هارونون اوغوللاري آتالارينا تقدئم اتدئلر. هارون بارماغيني قانا باتيريب، قوربانگاهين بوينوزلارينا بئر آز چکدي؛ قانين قالان حئصّهسئني ده قوربانگاهين آلتليغينا تؤکدو.
سونرا گوناه قوربانينين پئيئني، بؤيرَکلرئني، قارا جئيه‌رئن قويروغا بَنزَر حئصّهسئني قوربانگاهدا توستوله‌دئب يانديردي. نجه کي، رب موسايا امراتمئشدي.
لاکئن قوربانين اَتي ائله دَرئسئني دوشَرگهنئن اشئيئنده يانديردي.
بوندان سونرا هارون يانديرما قوربانيني کسدي. اونون قانيني هارونون اوغوللاري آتالارينا گتئردئلر؛ او دا قاني قوربانگاهين هر طرفئنه سَپدي.
پارچا-پارچا کسئلن يانديرما قورباني باشي ائله هارونا گتئردئلر؛ او دا اونلاري قوربانگاهدا توستوله‌دئب يانديردي.
قوربانين ائچ‌آلاتي ائله آياقلاريني يويوب، قوربانگاهدا يانديرما قورباني ائله بئرلئکده توستوله‌دئب يانديردي.
سونرا هارون خالقين قوربانيني تقدئم اتدي. خالق اوچون گوناه قورباني اولان کچئني گؤتوروب کسدي؛ اونو بئرئنجي گوناه قورباني کئمي تقدئم اتدي.
يانديرما قورباني اوچون حيواني گتئرئب، اونو قايدا-قانونا موناسئب تقدئم اتدي.
سونرا هارون تاخيل تقدئمئني گتئردي. اوووجونو تاخيل تقدئمي ائله دولدورودو و قوربانگاهدا توستوله‌دئب يانديردي. بو سحر تقدئم اولونان يانديرما قوربانيندان علاوه ائدي.
هارون خالق اوچون باريش قورباني اولان گاميش و قوچو کسدي. هارونون اوغوللاري اونلارين قانيني آتالارينا گتئردئلر؛ او دا قاني قوربانگاهين هر طرفئنه سَپدي.
گاميش و قوچون پئيئني، قويروغونو، ائچ‌آلاتي اؤرتَن پئيئني، بؤيرَکلرئني، قارا جئيه‌رئنئن قويروغا بَنزَر حئصّهسئني گؤتوروب
پئي حئصّه‌لرئني دؤش اَتلرئنئن اوستونه قويدولار. هارون دا پئيلري قوربانگاهدا توستوله‌دئب يانديردي.
لاکئن دؤش اَتلرئني صاغ بودو ائله بئرلئکده ربّئن قاباغيندا يِللَتمه تقدئمي اولاراق تقدئم اتدي. نجه کي، موسا امراتمئشدي.
سونرا هارون اللرئني خالقا طرف قالديريب، اونلارا برکت وردی، و گوناه قوربانيني، يانديرما قوربانيني و باريش قوربانيني تقدئم ادندن سونرا آشاغي دوشدو.
موسا ائله هارون حوضور چاديرينا گئردئلر. چاديردان چيخيب خالقا برکت وردئکدن سونرا، ربّئن جَلالي بوتون خالقا گؤروندو.
سونرا ربّئن حوضوروندان اود چيخيب، قوربانگاهداکي يانديرما قورباني ائله پئيي يانديريب يوخ اتدي. بوتون خالق بونو گؤردوکده قيشقيريب اوزو اوسته يره دوشدولر.
هارون اوغوللاري ناداب و اَبئهو بوخوردانلاريني گؤتوروب، ائچئنه کؤزَرمئش کؤمور، کؤمورون اوستونه ده بوخور قويدولار و ربّئن حوضورونا حارام اود گتئردئلر. بله تقدئمي رب امر اتمه‌مئشدي.
ربّئن حوضوروندان اود گلئب، اونلاري محو اتدي. اونلار ربّئن حوضوروندا اؤلدولر.
موسا هارونا ددي: "بودور او سؤز کي، رب ددي: «منه ياخينلاشانلار، منی موقدّس ساياجاقلار، بوتون خالق منی عئزّتلَندئره‌جک.» لاکئن هارون ساکئت قالدي.
موسا هارونون عَمئسي اوزّئ‌اِلئن اوغوللاري مئشااِل و اِلصافاني چاغيريب ددي: «ياخين گلئن و قوحوملارينيزين جسدلرئني موقدّس يرئن قاباغيندان دوشَرگهنئن اشئيئنه آپارين.
بِلجه اونلار ياخينلاشيب، جسدلري خئرقه‌لري اَينئنده‌جه دوشَرگهنئن اشئيئنه آپارديلار. نجه کي، موسا دمئشدي.
موسا هارون و اونون اوغوللاري اِلعازار و ائتامارا ددي: "باشلارينيزين ساچلاريني داغيتمايين، پالتارلارينيزي جيرمايين کي، اؤلمَيه‌سئنئز و ربّئن قضبي ده بوتون جاماعاتا گلمه‌سئن. آنجاق بوتون ائسرايئللي هموطنلرئنئز، ربّئن يانديرديغي آداملارين ياسيني توتسونلار.
سئز حتّا حوضور چاديرينين گئرئشئندن اشئيه ده چيخمايين، يوخسا اؤلرسئنئز. چونکي ربّئن مسح ياغي، سئزئن اوستونوزده‌دئر.» اونلار دا موسانين ددئيي کئمي اتدئلر.
رب هارونا ددي:
"سن و اؤولادلارين حوضور چاديرينا گئرنده نه شراب، نه ده کِفلَندئرئجي آيري بئر ائچکي ائچمه‌يئن. يوخسا اؤلرسئنئز. بو، سئزئن اوچون نسئلدن-نسله ابدی قايدادير.
موقدّسله عادي شيلري آييرد ادئن، هم ده پاک و نجئس شيلر آراسيندا فرق قويون.
و موسا واسئطهسئله ربّئن ددئيي بوتون قايدالاري ائسرايئل اؤولادلارينا اؤيره‌دئن."
موسا هارون و اونون صاغ قالان اوغوللاري اِلعازار و ائتامارا ددي: "ربّه اودلا تقدئم اولونموشدان قالان تاخيل تقدئمئني گؤتورون و ماياسيز چؤرک پئشئرئب قوربانگاهين يانيندا ييئن، چونکي بو لاپ موقدّسدئر.
اونو موقدّس بئر يرده ييئن، چونکي بو، ربّه اودلا تقدئم اولانلاردان سنئن و سنئن اوغوللارينين پاييدير. منه ورئلمئش امر بله دئر.
لاکئن يِللَتمه تقدئمي اولان دؤش اَتئني و قالديرما تقدئمي اولان بود اَتئني سن، اوغوللارين، و قيزلارين پاک بئر يرده ييئن؛ چونکي بونلار ائسرايئل اؤولادلارينين باريش قوربانلاريندان سنئن و اؤولادلارينين پاييدير.
قالديريلان بود اَتي و يِللَدئلن دؤش اَتي ربّئن قاباغيندا يِللَتمه تقدئمي اولاراق يِل‌لَتمَک اوچون پئي تقدئمي ائله گتئرئن. بو، سئزئن و اؤولادلارينيزين ابدی پايي اولاجاق. نجه کي، رب امر ادئبدئر."
موسا گوناه قورباني اولان کچئني دئقّتله آختاردي. آمّا يانديريلميشدي. اونا گؤره ده، هارونون صاغ قالان اوغوللارينا، اِلعازارا و ائتامارا قضبله‌نئب ددي:
"سئز نه اوچون گوناه قوربانيني موقدّس يرده يِمه‌دئنئز؟ چونکي بو قوربان لاپ موقدّسدئر، و رب سئزه وردی کي، اونونلا جاماعاتين تقصئرئني قالديريب، اونلار اوچون ربّئن حوضوروندا کفّاره ادهسئنئز.
کچئنئن قاني ائچَرئيه، موقدّس يره گتئرئلمه‌دئيئنه گؤره، سئز اونون اَتئني حتمن موقدّس يرده يمه‌لي ائدئنئز. نجه کي، امراتمئشدئم."
آمّا هارون موسايا ددي: "باخ، اله بو گون اونلار گوناه قورباني و يانديرما قورباني ربّئن حوضوروندا تقدئم ادئبلر. باشيما بله شيلر گلدئکده، اگر من بو گون گوناه قوربانيني يمئش اولسايديم، مگر ربّئن نظرئنده مقبول اولاردي؟»
موسا بونو اشئدئکده نظرئنه خوش گلدي.
رب موسا ائله هارونا گئنه دانيشيب، بله ددي:
"ائسرايئل اؤولادلارينا بله ديئن: «قورودا ياشايان حيوانلاردان بِله‌لرئن اَتئني يئيه بئلرسئنئز.
هر هانسي کامئل قوشا ديرناقلي قؤوشه‌ين حيوانين اَتئني يئيه بئلرسئنئز،
لاکئن قؤوشه‌ين، و يا قوشا ديرناقلي حيوانلار ائچئنده بونلاري يِمه‌يئن: دَوه، چونکي او قؤوشه‌سه ده، قوشا ديرناقلي ديئل. بونا گؤره ده سئزئن اوچون حارامدير؛
قايا دووشاني، چونکي او قؤوشه‌سه ده، قوشا ديرناقلي ديئل. بونا گؤره ده سئزئن اوچون حارامدير؛
دووشان، چونکي او قؤوشه‌سه ده، قوشا ديرناقلي ديئل. بونا گؤره ده سئزئن اوچون حارامدير؛
دونگوز، چونکي او کامئل قوشا ديرناقلي اولسا دا، قؤوشه‌مئر. بونا گؤره ده سئزئن اوچون حارامدير.
اونلارين نه اَتئني ييئن، نه ده لِشئنه توخونون. اونلار سئزئن اوچون حارامدير.
سولاردا اولانلاردان بونلاري يئيه بئلرسئنئز؛ سولاردا، دهنزلرده، و يا چايلاردا ياشايان حيوانلاردان اوزمَک باله‌لري و پولجوقلاري اولانلارين هاميسيني يئيه بئلرسئنئز.
آمّا دهنزلرده، و يا چايلاردا قايناشان حيوانلاردان اوزمَک باله‌لري و پولجوقلاري اولمايان سولاردا ياشايان هر مخلوق، سئزئن اوچون ائيرنج اولسون.
اونلار سئزئن اوچون ائيرنج اولاجاق، اونلارين اَتئني يِمه‌يئن و لِشئندن ده ائيره‌نئن.
سولاردا اوزمَک باله‌لري و پولجوقلاري اولمايانلارين هاميسي سئزئن اوچون ائيرنج اولسون.
ائيرنج اولدوغونا گؤره قوشلاردان بونلاري يِمه‌يئن: قارتال، کِچَله‌کرکس، قارا کرکس،
چالاغان، شاهئن جئنسئندن اولانلار،
بوتون قارغا جئنسئندن اولانلار،
بايقوش، قارتال بايقوشو، دهنز قوشو، قيرغي جئنسئندن اولانلار،
بالا بايقوش، قاراباتداق، بؤيوک بايقوش،
آغ بايقوش، چؤل بايقوشو، لِش کرکسي،
لِيلَک، باليق‌اودان جئنسئندن اولانلار، شاناپئپئک، خوفّاش.
دؤرد آياقلا گزن، قانادلي حشره‌لرئن هاميسي دا سئزئن اوچون ائيرنج اولسون.
لاکئن دؤرد آياقلا گزن، قانادلي حشره‌لردن اونلاري کي، يرده سيچراماق اوچون اويناقلي آياقلاري وار، يئيه بئلرسئنئز؛
اونلاردان چَيئرتکه جئنسئندن اولانلاري، کِچَله چَيئرتکه جئنسئندن اولانلاري، سوساري جئنسئندن اولانلاري، جيرجيراما جئنسئندن اولانلاري يمک اولار.
لاکئن بوتون او بئري دؤرد آياقلي قانادلي حشره‌لر سئزئن اوچون ائيرنج اولسون.
بو حيوانلاردان سئز نجئس اولا بئلرسئنئز. اونلارين لِشئنه توخونان دا آخشاما قدر نجئس ساييلير.
اونلارين لِشئندن بئر حئصّهسئني داشييان هر کس پالتارلاريني يوسون و آخشاما قدر نجئس ساييلسين.
کامئل قوشا ديرناغي اولمايان، و يا قؤوشمه‌ين هر حيوان سئزئن اوچون نجئس اولسون. اونلارا توخونان هر کس نجئس ساييلسين.
پنجه‌لري اوستونده يرئين دؤرد آياقلي هر حيوان سئزئن اوچون نجئس اولسون؛ اونلارين لِشئنه توخونان هر کس آخشاما قدر نجئس ساييلسين.
اونلارين لِشئني داشييان، پالتارلاريني يوسون و آخشاما قدر نجئس ساييلسين. بو حيوانلار سئزئن اوچون نجئس ساييلسين.
يرده قايناشان حيوانلار آراسيندا سئزئن اوچون نجئس اولان بونلاردير: کور سئچان، سئچان، هر جور کَرتَنکَله،
گِکّون، واران، دووار کَرتَنکَله‌سي، کَلر، بالا سوسمار.
بونلار بوتون قايناشان حيوانلار آراسيندا سئزئن اوچون نجئس اولسون. اونلارين لِشئنه توخونان هر کس آخشاماجاق نجئس ساييلسين.
اونلاردان بئرئسئنئن لِشي، اوستونه دوشن هر شيي نجئس ادئر. هر تاختا، پارچا، دَري، و يا کئسه، هر نه ائش اوچون ائشله‌نن شي سويا سالينسين. آخشاما قدر نجئس ساييلسين، آخشامدان سونرا تمئز ساييلسين.
اونلاردان بئري گئل قابين ائچئنه دوشسه، اونون ائچئندهکي هر شي نجئس ساييلاجاق و قابي گرک سينديراسينيز.
بله بئر قابدان، خؤره‌يئن ائچئنه سو تؤکولسه، او خؤرک نجئسله‌نئر. بو جور قابين ائچئنده هر ائچکي نجئسله‌نئر.
او حيوانلاردان بئرئنئن لِشي، اوستونه دوشَن هر بئر شيي نجئس ادئر. ائستر تندئر، ائستر اوجاق، سؤکولسون، چونکي نجئسله‌نئب؛ اونلار سئزئن اوچون نجئس اولسون.
آنجاق سو بولاغي، و يا سو آنباري پاک ساييلسين. بو حيوانلارين لِشئنه توخونان هر کس نجئس ساييلسين.
بونلاردان بئرئنئن لِشي اَکئن اوچون آيريلميش توخومون اوستونه دوشسه، او توخوم تمئز ساييلسين.
آمّا لِش، سويا سالينميش توخومون اوستونه دوشسه، توخوم سئزئن اوچون نجئس اولسون.
اگر اَتي سئزئن اوچون يِمه‌لي حيوانلاردان بئري اؤلسه، لِشئنه توخونان آدام آخشاما قدر نجئس ساييلسين.
او حيوانين لِشئندن يئين آدام پالتاريني يوسون و آخشاما قدر نجئس ساييلسين. لِشئني داشييان آدام دا پالتاريني يوسون و آخشاما قدر نجئس ساييلسين.
ير اوزونده سورونن هر قايناشان حيوان سئزئن اوچون ائيرنج اولسون؛ اونو يمه‌يئن.
ائستر قارني اوستونده، ائستر دؤرد آياغي ائله سورونن، يا دا ير اوزوندهکي چوخ آياقلي اولان قايناشان حيوانلاردان يمه‌يئن، چونکي اونلار ائيرنجدئر.
قايناشان حيوانلارين هچ بئري ائله اؤزونوزو ائيرنج ادئب نجئسلَمه‌يئن، اله کي، نجئس اولاسينيز.
تارينيز رب منم. اؤزونوزو تقدئس ادئن و موقدّس اولون، چونکي من موقدّسم؛ اؤزونوزو يرده سورونن هچ بئر قايناشان حيوانلا نجئس اتمهيئن.
چونکي تارينيز اولماق اوچون سئزي مئصئر تورپاغيندان چيخاردان رب، منم. بونا گؤره، موقدّس اولون، چونکي من موقدّسم.
حيوان، قوش، سولاردا اوزَن هر جور جانلي مخلوق، ير اوزونده قايناشان هر جور حيوان حاقّيندا قانون بودور.
بونونلا پاکلا نجئس شيلر آراسيندا، يِيئلَن و يِيئلمه‌يَن حيوانلار آراسيندا فرق قويولور.»"
سونرا رب موسايا ددي:
"ائسرايئل اؤولادلارينا بله دِه: «بويلو اولوب اوغلان اوشاغي دوغان بئر آرواد، آيباشي نجئسلئک دؤورونده اولدوغو کئمي، يدّي گون نجئس ساييلسين.
سکّئزئنجي گون اوشاق ختنه اولونسون.
آرواد، قان آخمادان تمئزلَنمَک اوچون، داها اوتوز اوچ گون گؤزله‌سئن. بو تمئزلَنمه دؤورو قورتارانا قدر، آرواد هچ بئر موقدّس شيه توخونمامالي و موقدّس مکانا گئرمه‌مه‌لئدئر.
آمّا اگر قيز اوشاغي دوغسا، آيباشي واختي کئمي، ائکي هفته نجئس ساييلسين؛ و تمئزلَنمک اوچون آلتميش آلتي گون گؤزله‌سئن.
اوغلان و يا قيز اوشاغي دوغوب تمئزلَنمه مودّتي قورتاراندا، آرواد حوضور چاديرينين گئرئشئنده کاهئنئن يانينا يانديرما قورباني اولاراق بئر-ائلّئک بئر قوزو و گوناه قورباني اولاراق بئر گؤيرچئن، و يا قومري قوشونو گتئرسئن.
کاهئن بونلاري ربّئن حوضوروندا قوربان ادئب، زاهي آرواد اوچون کفّاره اتسئن کي، او قان آخماسيندان تمئز اولسون. قيز يا اوغلان دوغان زاهي آرواد اوچون قانون بودور.»"
اگر آروادين قوزو گتئرميه گوجو چاتمير، اوندا او، ائکي قومري قوشو، و يا ائکي گؤيرچئن گتئرسئن؛ بئرئني يانديرما قورباني، او بئرئني ده گوناه قورباني. بونونلا کاهئن همئن زاهي اوچون کفّاره اتسئن کي، او تمئز اولسون.
رب موسايا و هارونا دانيشيب، ددي:
"بئر آدامين بدنئنئن دَرئسئنده شئش، و يا سَپکي، و يا لَکه عمله گلئب، دَرئده جوزام کئمي گؤرونن بئر چئرک اتمه اولسا، قوي او آدام کاهئن هارونون، و يا اونون اوغوللاريندان اولان کاهئنلرئن بئرئنئن يانينا گتئرئلسئن.
کاهئن دَرئده‌کي علامته باخسين. اگر علامت ائچئندهکي توکلر، آغارميش و بدنئنئن دَرئسئندن داها درئن گؤرونسه، بو چئرک اتمه جوزامدير. کاهئن اونا باخاندان سونرا، او آدامي نجئس اعلان اتسئن.
آمّا اگر دَرئسئنده‌کي لَکه آغارميش، دَرئدن درئن گؤرونمه‌سه، اوستونده‌کي توکلري ده آغارميش اولماسا، کاهئن ناخوشو يدّي گون مودّتئنه قرنطئنه‌ده ساخلاسين.
يدّئنجی گون کاهئن گئنه ده اونا باخسين. علامت نظرئنده دَرئسئنه ياييلميش يوخ، يرئنده قاليبسا، کاهئن اونو گئنه ده يدّي گون مودّتئنه قرنطئنه‌ده ساخلاسين.
يدّئنجی گون کاهئن گئنه ده اونا باخسين. علامت سولوب دَرئسئنه ياييلماييبسا، کاهئن او آدامي تمئز اعلان اتسئن. بو مرض آنجاق دَري سَپمه‌سي‌دئر. او آدام پالتارلاريني يوسون و تمئز ساييلسين.
لاکئن کاهئن اونا باخيب تمئز سايديقدان سونرا، سَپمه دَرئسئنه ياييلسا، او گئنه ده اؤزونو کاهئنه گؤرسدسن.
کاهئن گئنه ده اونا باخسين، دَرئسئنده‌کي سَپمه ياييليبسا، اوندا کاهئن او آدامي نجئس اعلان اتسئن. بو جوزامدير.
بئر آدامين دَرئسئنده جوزام چئرک اتمه‌سي عمله گلسه، اوندا او آدام کاهئنئن يانينا گتئرئلسئن.
کاهئن اونا باخسين، اگر دَرئده توکلري آغاردان خورالي آغ بئر شئش وار، و شئشده قيرميزي اَت گؤرونور،
بو، آدامين دَرئسئنده‌کي کؤک سالميش جوزامدير. کاهئن او آدامي نجئس اعلان اتسئن، آمّا قرنطئنه‌ده ساخلاماسين، چونکي او نجئسدئر.
اگر جوزام دَرئيه ياييليب بوتون درئني بوروسه و علامت اونو تپهدن ديرناغاجاق توتماسي کاهئنه گؤرونسه،
قوي کاهئن باخسين. اگر جوزام، بوتون بدني اؤرتوب، کاهئن ناخوشو تمئز اعلان اتسئن. هاميسي آغارديغي اوچون او آدام تمئز ساييلسين.
لاکئن او آدامدا دئري اَت گؤرونسه او، نجئس ساييلسين.
کاهئن دئري اَته باخيب، اونو نجئس اعلان اتسئن. دئري اَت نجئسدئر، او، جوزامدير.
اگر دئري اَت تَکرار دؤنوب آغارسا، آدام کاهئنئن يانينا گتسئن
و کاهئن اونا باخسين؛ اگر چئرک اتمه آغا دؤنموش اولسا، او آدامي تمئز اعلان اتسئن، چونکي او، تمئزدئر.
بئر آدامين دَرئسئنده چئبان عمله گلئب صاغالاندان سونرا،
اگر يِرئنده آغ شئش، و يا قيرميزيمتيل-آغ لَکه عمله گلسه، بو علامت کاهئنه گؤرسدئلسئن.
کاهئن لکه‌يه باخسين. اگر دَرئدن درئن گؤرونسه و اوستونده‌کي توکلر آغارميش اولسا، کاهئن او آدامي نجئس اعلان اتسئن. بو چئبانلا باشلانان جوزامدير.
آمّا اگر کاهئن باخيب لکه‌نئن اوستونده آغ توکلر گؤرمه‌سه، لکه دَرئدن ده درئن اولماياراق سولغون حالدا اولسا، کاهئن ناخوشو يدّي گون مودّتئنه قرنطئنه‌ده ساخلاسين.
اگر دَرئده‌کي لکه ياييليرسا، کاهئن آدامي نجئس اعلان اتسئن. چونکي بو، علامتدئر.
آمّا اگر لکه يرئنده قاليب ياييلماييبسا، بو، چئباندان قالان چاپيقدير و کاهئن او آدامي تمئز اعلان اتسئن.
بئر آدامين دَرئسئنده‌کي اولان يانيغين دئري اَتي يرئنده قيرميزيمتيل- آغ، و يا آغ پارلاق لکه عمله گلسه،
کاهئن لکه‌يه باخسين، اگر لکه‌نئن اوستونده‌کي توکلر آغارميش و دَرئدن درئن گؤرونسه، بو، يانيقدا باشلانان جوزامدير. بونا گؤره کاهئن او آدامي نجئس اعلان اتسئن. بو جوزام علامتدئر.
لاکئن اگر کاهئن باخيب گؤرسه کي، لکه‌نئن اوستونده آغ توکلر يوخدور و لکه دَرئدن درئن اولماياراق سولغون حالدادير، اوندا کاهئن ناخوشو يدّي گون قرنطئنه‌ده ساخلاسين.
يدّئنجی گون کاهئن گئنه ناخوشا باخسين. اگر لکه دَرئيه ياييليبسا، کاهئن او آدامي نجئس اعلان اتسئن؛ بو جوزام علامتدئر.
آمّا اگر لَکه يِرئنده قاليب دَرئسئنه ياييلماييب، و سولوبسا، بو يانيقدان قالان شئشدئر؛ کاهئن او آدامي تمئز اعلان اتسئن، چونکي بو، يانيق ياراسينين قابوغودور.
اگر بئر کئشئنئن و يا آروادين باشيندا، يا دا چَنه‌سئنده چئرک اتمه وارسا،
کاهئن اونا باخسين. اگر چئرک اتمه دَرئدن درئن گؤرونسه و اوستونده‌کي توکلر ساري و نازئکدئرسه، کاهئن اونو نجئس اعلان اتسئن. بو باش و يا چَنه جوزامي‌دير، قوتوردور.
کاهئن قوتور علامتئنه باخسين. اگر علامت دَرئدن درئن گؤرونمه‌يئب، اوستونده ده قارا توکلر يوخدور، کاهئن قوتور آدامي يدّي گون قرنطئنه‌ده ساخلاسين.
يدّئنجی گونده گئنه علامته باخسين، اگر قوتورلوق ياييلماييبسا، اوستونده‌کي توکلر سارالماييبسا، قوتورلوق دا دَرئدن درئن گؤرونمورسه،
اوندا او آدام، قوتورلوق اولان يردن ساوايي، بوتون بدنئني قيرخسين. سونرا کاهئن اونو گئنه ده يدّي گون قرنطئنه‌ده ساخلاسين.
يدّئنجی گون کاهئن گئنه ده قوتورا باخسين. اگر قوتور دَرئيه ياييلماييبسا و دَرئدن درئن ده گؤرونمه‌سه، کاهئن او آدامي تمئز اعلان اتسئن. او آدام پالتارلاريني يوسون و تمئز ساييلسين.
لاکئن اگر کاهئن ناخوشو تمئز سايديقدان سونرا قوتورلوق دَرئيه ياييليرسا،
کاهئن اونا تکرار باخسين. اگر قوتورلوق دَرئسئنه ياييليبسا، کاهئن اوستونده‌کي ساري توکون اولوب-اولماماسينا باخماسين. او آدام نجئس ساييلسين.
لاکئن اگر نظرئنده قوتورلوق يرئنده قاليب و اوستونده قارا توک عمله گلئب، قوتور شفا تاپيب و او آدام تمئزدئر. کاهئن اونو تمئز اعلان اتسئن.
بئر کئشئنئن يا دا آروادين دَرئسئنده آغ پارلاق لکه‌لر اولسا،
اوندا کاهئن باخسين؛ اگر دَرئسئنده سولغون آغ لَکه‌لر وار، بو باشلانان دَمروودور. او آدام تمئز ساييلسين.
اگر بئر آدامين باشيندا اولان ساچ تؤکولسه، آدام کِچَلدئر. او تمئز ساييلسين.
اگر ساچي آلنيندان و باشينين طرفلرئندن تؤکولوبسه، او آدامين آلني آچيلميشدير. او، تمئز ساييلسين.
لاکئن کِچَل و يا آلني آچيلميش آدامين ساچي تؤکولَن يردن، قيرميزيمتيل-آغ لکه چيخسا، بو، کِچَل و يا آلني آچيلميش آدامين ساچي تؤکولَن يرده باشلانان جوزامدير.
کاهئن اونا باخسين، اگر کِچَل و يا آلني آچيلميش آدامداکي شئش، قيرميزيمتيل-آغديرسا و جوزام کئمي گؤرونور،
او کئشي جوزام ناخوشلوغونا توتولوب. و نجئسدئر. باشينداکي علامته گؤره کاهئن حَتمن اونو نجئس اعلان اتسئن.
بله جوزام ناخوشلوغا توتولان آدامين پالتارلاري جيريلمالي، ساچي دا داغينيق اولماليدير. او آدام بوغونو اؤرتوب چيغيرسين: نجئسَم! نجئسَم!"
دَرئسئنده علامت اولدوغو بوتون مودّت، او نجئس ساييلسين. نجئسلئيئنه گؤره دوشَرگهنئن اشئيئنده تک ياشاسين.
اوستونده کوف علامتي اولان هر جور پارچا: يون، يا دا کتان پالتار و يا،
هر جور توخونما پارچا، و يا دَري و دَرئدن اولان هر شيئن حاقّيندا تعلئمات بودور.
اگر پالتاردا، و يا دَرئده، يا دا هر جور پارچادا، دَرئدن دوزَلمئش هر بئر اشيادا عمله گلن علامت ياشيل‌تَهر و يا قيرميزيمتيل اولسا، بو، کوف علامتي‌دئر. قوي بو کاهئنه گؤرسدئلسئن.
کاهئن اونا باخيب، اشياني يدّي گون قرنطئنه‌ده ساخلاسين.
يدّئنجی گون گئنه ده اونا باخسين. اگر علامت پالتارا، پارچايا، دَرئيه، و يا دَرئدن دوزَلمئش شيلره ياييليب، بو علامت فاسئد کوفدور. نجئس ساييلسين.
کاهئن اوستونده علامت اولان يون، يا دا کتان پالتاري، و يا پارچاني، يا دا دَرئدن اولان اشياني يانديرسين. بو فاسئد کوفدور. او گرک يانديريلسين.
آمّا اگر کاهئن باخيب گؤرسه کي، علامت پالتارا، پارچايا، و يا دَرئدن اولان اشيايا ياييلماييب،
اوندا کاهئن امر ورسئن کي، اوستونده علامت اولان شي يويولسون. سونرا اونو گئنه ده يدّي گون قرنطئنه‌ده ساخلاسين.
علامت يويولدوقدان سونرا، کاهئن گئنه ده باخسين. اگر علامتئن گؤرونوشو، ياييلماسينا باخماياراق، دَيئشمه‌يئب، او شي نجئسدئر. اونو يانديرمالي‌سينيز، ائستر علامت اوز طرفئنده اولسون، ائستر آرخا طرفئنده.
لاکئن اگر کاهئن باخيب گؤرسه کي، علامت، يويولدوقدان سونرا، رنگي سولوب. کاهئن گرک اونو پالتاردان، دَرئدن، و يا پارچادان قوپارتسين.
اگر بوندان سونرا علامت پالتاردا، پارچادا، و يا دَري اشيادا تزهدن عمله گلسه، علامت آرتيق يايييليب و او شي گرک اوددا يانديريلسين.
يويولدوقدان سونرا علامت اوستوندن يوخ اولان پالتار، پارچا، و يا دَري اشيا گئنه ده يويولوب تمئز ساييلسين.
بو، يون و يا کتان پالتاردا، هر توخونما پارچادا، و دَرئدن اولان هر شيده عمله گلن کوف علامتئنه اَساسن اونو تمئز، يا نجئس سايماق اوچون قانوندور."
رب موسايا دانيشيب ددي:
"دَرئسئنده جوزام اولان آدامين تمئزلَنه‌جيي گون حاقّيندا قانون بودور؛ بو آدام کاهئنئن يانينا گتئرئلدئکده
کاهئن دوشَرگه‌دن قيراغا چيخيب، جوزاما توتولان ناخوشا باخسين؛ اگر جوزام علامتي صاغاليب،
اوندا کاهئن تمئزلَنَن آدام اوچون امر اتسئن کي، ائکي تمئز دئري قوش، سئدر آغاجينين بوداغي، قيرميزي ائپ و مَرجانکؤشک اؤتو گتئرسئن.
کاهئنئن امرئنه گؤره قوشلارين بئري ساخسي قابدا آخار سو اوستونده کَسئلسئن.
سونرا کاهئن صاغ قالان قوشو، سئدر آغاجينين بوداغيني، قيرميزي ائپي و مرجانکؤشک اوتونو گؤتوروب، اونلاري آخار سويون اوستونده کَسئلن قوشون قانينا باتيرسين.
سونرا جوزامدان تمئزلَنَن آدامين اوستونه يدّي دفه قاني سَپئب، اونو تمئز اعلان اتسئن. صاغ قالان قوشو دا چؤله بوراخسين.
تمئزلَنَن آدام پالتارلاريني يوسون، بوتون توکلرئني قيرخسين، سو ائله يويونسون و تمئز اولسون. بوندان سونرا دوشَرگه‌يه گئره‌بئلر. لاکئن او، يدّي گون اؤز چاديريندان اِشئکده ياشاسين.
يدّئنجی گون او آدام بوتون توکلرئني قيرخسين: باشيني، ساقّاليني، قاشلاريني، حتّا بدنئنده‌کي بوتون توکلرئني قيرخسين. سونرا پالتاريني يوسون، بدنئني سو ائله يوسون و تمئز اولسون.
سکّئزئنجي گون او آدام عيبسئز ائکي اِرکَک قوزو، بئر-ائلّئک عيبسئز دئشي قوزو، تاخيل تقدئمي اولاراق بئر اِفانين اوندا اوچ حئصّهسي قدر ياغلا قاتيلميش نارين اون و بئر لوق ياغ گتئرسئن.
تمئزلَنمه مراسئمي ائله مشغول اولان کاهئن، تمئزلَنَن آدامي و گتئردئيي تقدئملري حوضور چاديرينين گئرئشئنده ربّئن حوضورونا گتئرسئن.
سونرا کاهئن اِرکَک قوزولارين بئرئني گؤتوروب ياغ لوقو ائله تقصئر قورباني اولاراق گتئرسئن. اونلاري ربّئن حوضوروندا يِللَتمه تقدئمي اولاراق تقدئم اتسئن.
سونراسي اِرکَک قوزونو، گوناه قورباني و يانديرما قورباني کَسئلن يرده، موقدّس ساييلان يرده کسسئن؛ چونکي گوناه قورباني کئمي تقصئر قورباني دا کاهئنه عاييددير. او قوربان لاپ موقدّسدئر.
سونرا کاهئن تقصئر قوربانينين قانيندان بئر آز گؤتوروب، تمئزلَنَن آدامين صاغ قولاغينين مَرجه‌يئنه، صاغ الئنئن و صاغ آياغينين باش بارماغينا چکسئن.
کاهئن بئر آز ياغ لوقوندان گؤتوروب، سول اووجونا تؤکسون
و صاغ الئنئن بئر بارماغيني سول اووجونداکي ياغا باتيريب، بارماغي ائله ياغدان بئر آزيني ربّئن حوضوروندا يدّي دفه سَپسئن.
اووجوندا قالان ياغدان کاهئن تمئزلَنَن آدامين صاغ قولاق مَرجه‌يئنه، صاغ ال و صاغ آياغينين باش بارماغينا، يعني تقصئر قوربانينين قانيندان چکدئيي يِرلره سورتسون.
کاهئن اووجونداکي ياغين قالان حئصّهسئني بو تمئزلَنَن آدامين باشينا چکئب، بونونلا اونون اوچون ربّئن حوضوروندا کفّاره اتسئن.
بوندان سونرا کاهئن گوناه قوربانيني کسسئن. بونونلا تمئزلَنَن آدام اوچون نجئسلئيئني کفّاره اتسئن و سونرا يانديرما قوربانيني کسسئن.
کاهئن يانديرما قورباني و تاخيل تقدئمئني قوربانگاهدا تقدئم اتسئن. بلجه کاهئن او آدام اوچون کفّاره ادر و او، تمئز ساييلار.
اگر او آدام يوخسولدور و بو تقدئملره گوجو چاتمير، اؤزونون کفّاره‌سي اوچون يِللَدئلن تقصئر قورباني اولاراق بئر اِرکَک قوزو، تاخيل تقدئمي اولاراق ياغلا قاتيلميش بئر اِفا نارين اونون اوندا بئرئني، بئر لوق ياغلا،
بئري گوناه قورباني، او بئري يانديرما قورباني اولاراق ائکي قومري قوشو، و يا ائکي گؤيرچئن گؤتورسون. بونلارا گوجو چاتار.
سونرا سکّئزئنجي گون بونلاري کاهئنئن يانينا تمئزلَنمه‌سي اوچون، حوضور چاديرينين گئرئشئنده ربّئن حوضورونا گتئرسئن.
کاهئن تقصئر قورباني اولان قوزونو و بئر لوق ياغي گؤتوروب، يِللَتمه تقدئمي اولاراق ربّئن حوضورونا گتئرسئن.
تقصئر قورباني اولان قوزونو کسسئن. سونرا کاهئن تقصئر قوربانينين قانيندان بئر آز گؤتوروب، تمئزلَنَن آدامين صاغ قولاق مَرجه‌يئنه و صاغ اَلي ائله صاغ آياغينين باش بارماغينا چکسئن.
کاهئن ياغدان بئر آز سول اووجونا تؤکسون
و صاغ الئنئن بئر بارماغي ائله سول اووجونداکي ياغدان ربّئن حوضوروندا يدّي دفه چئله‌سئن.
اووجونداکي ياغدان، تمئزلَنَن آدامين صاغ قولاق مَرجه‌يئنه، صاغ الئنئن و صاغ آياغينين باش بارماغينا، يعني تقصئر قوربانينين قانيني چکدئيي يره چکسئن.
کاهئن اووجونداکي ياغين قالان حئصّهسئني تمئزلَنَن آدامين باشينا چکسئن. بونونلا اونون اوچون ربّئن حوضوروندا کفّاره اتسئن.
سونرا بو آدام قووّتئنده اولان قومري قوشلاريندان، يا دا گؤيرچئنلردن بئرئني
گوناه قورباني، قووّتئنده اولان او بئرئسئني ده تاخيل تقدئمي ائله بئرلئکده يانديرما قورباني اولاراق تقدئم اتسئن. بلجه کاهئن تمئزلَنَن آدام اوچون ربّئن حوضوروندا کفّاره اتسئن.
بو، جوزام ناخوشلوغو اولان و تمئزلَنمه‌سئنه گوجو چاتمايان آدام اوچون قانوندور."
رب موسايا و هارونا ددي:
"سئزه مولک اولاراق وره‌جيئم کَنَعان تورپاغينا گئرندن سونرا، من مولکونوز اولان اؤلکه‌نئزده، بئر اِوه کوف علامتي گؤندرسم،
اِو صاحئبي گدئب کاهئنه خبر ورسئن: «منه اِوئمده کوفه بَنزَر بئر شي گؤرونوب.»
کاهئن گلئب کوفه باخمادان قاباق، اِوئن بوشالتماسينا امر اتسئن کي، اِوده هر بئر شي نجئس ساييلماسين؛ سونرا گدئب او اِوه باخسين.
علامته باخسين: اگر اِوئن دووارلاريندا ياشيل‌تَهر و يا قيرميزيتيل لکه وار و دووارين سطحئندن درئن گؤرونور،
اوندا کاهئن اِودن قاپييا چيخسين و اِوي باغلاييب يدّي گون قرنطئنه اتسئن.
يدّئنجی گون کاهئن گلئب ائمتاحان اتسئن. اگر علامت اِوئن دووارلارينا ياييليبسا،
اوندا امر اتسئن کي، اونلار کوفلو داشلاري قوپارتسينلار و شهردن قيراغا، نجئس بئر يره آتسينلار.
سونرا اِوئن ائچئنئن هر طرفي قاشينيليب تمئزلَنسئن و قاشيديقلاريني شهردن قيراغا، نجئس بئر يره تؤکسونلر.
قوپاريلميش داشلارين يرئنه آيري داشلاري گؤتوروب قويسونلار، سونرا تزه مالا گؤتوروب، اِوي مالالاسينلار.
اگر داشلاري قوپارديقدان و اِوي قاشي‌ييب مالالاياندان سونرا، گئنه ده اِوده کوف علامتي عمله گلسه،
کاهئن گلئب باخسين. اگر علامت اِوه ياييليبسا، اِوده فاسئد بئر کوف وار. او نجئسدئر.
بله حالدا او گرک اِوي سؤکسون و اونون داشلاريني، تاختالاريني، بوتون مالاسيني شهردن قيراغا، نجئس بئر يره آتسين.
اِوئن قرنطئنه اولدوغو واخت، اِوه گئرن هر بئر آدام آخشاما قدر نجئسدئر.
او اِوده ياتان و يئين آدام پالتارلاريني يوسون.
لاکئن اگر اِو مالالاناندان سونرا، کاهئن گلئب اِوه باخسا و گؤرسه کي، علامت اِوه ياييلماييب، او، اِوي تمئز اعلان اتسئن، چونکي کوف کچئب گدئب.
اِوي تمئز اتمک اوچون او ائکي قوش، سئدر آغاجينين بوداغي، قيرميزي ائپ و مَرجانکؤشک اوتونو گؤتوروب،
قوشلارين بئرئني ساخسي قابدا آخار سو اوستونده کسسئن.
سونرا کاهئن سئدر آغاجينين بوداغيني، مَرجانکؤشک اوتونو، قيرميزي ائپي و صاغ قالان قوشو گؤتوروب، کَسئلن قوشون قانينا و آخار سويا باتيرسين و اِوه يدّي دفه سَپئب
قوشون قاني، آخار سو، صاغ قالان قوش، سئدر آغاجينين بوداغي، مَرجانکؤشک اؤتو و قيرميزي ائپله او اِوي تمئز اتسئن.
کاهئن صاغ قالان قوشو شهردن قيراغا، چؤله بوراخسين. بلجه او اِوي کفّاره اتسئن کي، اِو، تمئز ساييلسين.
بو، هر جور جوزام علامتي، حتّا قوتور،
پالتارلاردا و اِولرده عمله گلن کوف،
شئش، سَپمه و لکه اوچون تعلئماتدير
کي، نه واخت نجئس، نه واخت تمئز ساييلمالاري بارهده اونلارا اؤيرتسئن. جوزام و کوف حاقّيندا اولان قانون بودور."
رب موسايا و هارونا ددي:
"ائسرايئل اؤولادلارينا دانيشيب ديئن: «بئر نفرئن کئشئلئک عوضوونده آخينتي اولسا، آخينتيسي نجئس ساييلسين.
آخينتيسينا گؤره بو اونون نجئسلئيي‌دئر: کئشئلئک عوضوونون آخينتيسي ائستر آزاد آخسين، ائستر قاتيلميش، او شخص نجئس ساييلير.
اوستونده ياتديغي هر ياتاق و اوتوردوغو هر شي نجئس ساييلسين.
کئم اونون ياتاغينا توخونسا، پالتاريني يوسون، سو ائله يويونسون؛ و آخشاما قدر نجئس ساييلسين.
هر کس کي، بدن آخينتيسي اولان شخصئن اوستونده اوتوردوغو اشيانين اوستونده اوتورور، پالتارلاريني يوسون، سو ائله يويونسون، و آخشاما قدر نجئس ساييلسين.
هر کس کی، بدن آخينتيسي اولان شخصئن بدنئنه توخونور، پالتاريني يوسون و سو ائله يويونسون، و آخشاما قدر نجئس ساييلسين.
اگر بدن آخينتيسي اولان شخص تمئز آداما توپورسه، او آدام پالتاريني يوسون، سو ائله يويونسون. و آخشاما قدر نجئس ساييلسين.
بدن آخينتيسي اولان شخصئن مئندئيي هر يَهر نجئس ساييلسين.
اونون آلتيندا اولموش هر شيه توخونان هر کس آخشاما قدر نجئس ساييلسين. اونلاري داشييان دا پالتارلاريني يوسون، سو ائله يويونسون، و آخشاما قدر نجئس ساييلسين.
بدن آخينتيسي اولان شخص اللرئني يوماميش کئمه توخونسا، او آدام پالتارلاريني يوسون و سو ائله يويونسون، و آخشاما قدر نجئس ساييلسين.
بدن آخينتيسي اولان شخصئن توخوندوغو هر ساخسي قاب سينديريلسين، آمّا هر تاختا قاب سو ائله يويولسون.
بو آدام، اؤز آخينتيسي کسئلدئيي حالدا، تمئزلنمک اوچون يدّي گون گؤزله‌سئن، سونرا پالتاريني يوسون، بدنئني آخار سو ائله يوسون و تمئز ساييلسين.
سکّئزئنجي گون ائکي قومري قوشو و يا ائکي گؤيرچئن گؤتوروب ربّئن حوضور چاديرينين گئرئشئنده ربّئن حوضورونا گلسئن و بونلاري کاهئنه ورسئن.
و کاهئن اونلاري تقدئم اتسئن، بئرئني گوناه قورباني، او بئرئني ده يانديرما قورباني. بونلارلا کاهئن او شخص اوچون آخينتيسينا گؤره ربّئن حوضوروندا کفّاره اتسئن.
توخومو تؤکولن هر کئشي بوتون بدنئني سو ائله يوسون و آخشاما قدر نجئس ساييلسين.
اوستونه توخوم تؤکولولن هر پالتار و يا دَري اشيا سو ائله يويولسون و آخشاما قدر نجئس ساييلسين.
کئشي آروادلا ياخينليق ادئب توخومو تؤکولسه، ائکئسي ده سو ائله يويونسونلار و آخشاما قدر نجئس ساييلسينلار.
آيباشي واختي قان آخماسي اولان هر آرواد يدّي گون نجئس ساييلسين، اونا توخونان هر کس ده آخشاما قدر نجئس ساييلسين.
آيباشي مودّتي آرواد نه‌يئن اوستونده اوزانيب و يا اوتورسا، نجئس ساييلسين.
او آروادين ياتاغينا توخونان هر کس اؤز پالتاريني يوسون، سو ائله يويونسون و آخشاما قدر نجئس ساييلسين.
او آروادين اوتوردوغو هر شيه توخونان هر کس ده پالتارلاريني يوسون، سو ائله يويونسون، و آخشاما قدر نجئس ساييلسين.
اگر بئر آدام او آروادين ياتاغينا، يا دا اوستونده اوتوردوغو شيه توخونسا، او آدام آخشاما قدر نجئس ساييلسين.
اگر کئشي او آروادلا ياخينليق اتسه، قان آخما نجئسلئيي اونا دا بولاشار. کئشي ده گرک يدّي گون نجئس ساييلسين؛ کئشئنئن ياتديغي هر ياتاق دا نجئس ساييلسين.
آيباشي واختيندان کنار، يا دا سونرا نچه گون داوام ادن قان آخماسي اولان آرواد، بوتون بو آخينتي مودّتي آيباشي نجئسلئيي دؤورونده‌کي کئمي نجئس ساييلسين.
بوتون آخينتي واختي، آيباشي نجئسلئيي واختي کئمي، اوستونده ياتديغي هر ياتاق و اوتوردوغو هر شي نجئس ساييلسين.
اونلارا توخونان هر کس ده نجئس ساييلسين. قوي او، پالتاريني يوسون، سو ائله يويونسون و آخشاما قدر نجئس ساييلسين.
اگر آخينتيسي کسئلسه، او آرواد يدّي گون گؤزله‌سئن، سونرا تمئز ساييلسين.
سکّئزئنجي گون همئن آرواد ائکي قومري قوشو، يا دا ائکي گؤيرچئن گؤتوروب حوضور چاديرينين گئرئشئنده، کاهئنئن يانينا گتئرسئن.
کاهئن قوشلارين بئرئني گوناه قورباني، او بئرئسئني ده يانديرما قورباني اولاراق تقدئم اتسئن. بونلارلا کاهئن بو آرواد اوچون آخينتيسينئن نجئسلئيئني ربّئن حوضوروندا کفّاره اتسئن.
بلجه ائسرايئل اؤولادلاريني اؤز نجئسلئيئندن آييرين کي، آرالاريندا اولان خيمه‌مي، نجئسلئکلري ائله نجئس ادئب اؤلمه‌سئنلر.
بو قانون بدن آخينتيسي اولان آداملار اوچون و توخومو تؤکولمکله نجئسلَنَن هر کئشي اوچون،
آيباشي اولوب نجئسلَنَن هر آرواد اوچون، آيري بئر آخينتييا دوچار اولان هر کئشي و هر آرواد اوچون، نجئس آروادلا ياخينليق ادن هر کئشي اوچوندور.
هارونون ائکي اوغلونون ربّئن حوضورونا ياخينلاشيب اؤلدويوندن سونرا، رب موسا ائله دانيشدي.
رب موسايا ددي: "قارداشين هارونا دِه کي، پردهنئن ائچ طرفئندهکي موقدّس يره، سانديق اوستونده‌کي کفّاره قاپاغينين قاباغينا هچ واخت کچمه‌سئن، يوخسا اؤلر؛ چونکي من بولوددا کفّاره قاپاغينين اوستونده گؤرونه‌جيم.
بونا گؤره هارون آنجاق بونلارلا موقدّس يره گئره بئلر: گوناه قورباني اوچون بئر گاميش، و يانديرما قورباني اوچون بئر قوچلا.
موقدّس کتان خئرقه گيسئن، اَينئنده کتان آلت پالتاري دا اولسون، بِلئنه کتان قورشاق باغلاسين، باشينا کتان عمّامه قويسون. بونلار موقدّس پالتارلاردير. هارون اوّل بدنئني سو ائله يوسون، سونرا اونلاري گيسئن.
ائسرايئل اؤولادلارينين جاماعاتيندان گوناه قورباني اوچون ائکي اِرکَک کچي و يانديرما قورباني اوچون بئر قوچ گؤتورسون.
سونرا هارون اؤزو اوچون گوناه قورباني اولان گاميشي تقدئم اتسئن کي، هم اؤزو، هم ده عايئله‌سي اوچون کفّاره اتسئن.
هارون ائکي کچئني گؤتوروب، حوضور چاديرينين گئرئشئنده ربّئن حوضورونا گتئرسئن.
هارون بو کچئلرئن آراسيندا پوشک آتيب، بئرئني رب اوچون، او بئرئسئني ده عَزازئل اوچون سِچسئن.
سونرا هارون پوشکله ربّه عاييد اولان کچئني گوناه قورباني اولاراق تقدئم اتسئن.
لاکئن پوشکله آزاد بوراخيلماق اوچون سچئلن کچئني ربّئن قاباغيندا دئري ساخلاسين کي، کفّاره‌ني اونون اوستونه قويوب عَزازئل اولاراق چؤله آزاد بوراخسين.
سونرا هارون گوناه قورباني اولان گاميشي تقدئم ادئب، بونونلا اؤزو ائله عايئله‌سي اوچون کفّاره اتسئن و اؤزو اوچون گوناه قورباني اولان گاميشي کسسئن.
ربّئن حوضوروندان، قوربانگاهدان گؤتورولَن کؤزَرمئش کؤمورله دولموش بئر بوخوردان گؤتوروب، ائکي اوووج دولو نارين اَزئلَن خوش عطئرلي بوخورلا پردهنئن ائچ طرفئنه کچسئن.
ربّئن حوضوروندا بوخورو اودا قويسون. بلجه بوخورون توستو بولودو شهادت سانديغينين اوستونده اولان کفّاره قاپاغيني اؤرتسون، يوخسا اؤلر.
گاميشين قانيندان بئر آز گؤتوروب، بارماغي ائله کفّاره قاپاغينين شرق سمتئنه، هم ده اونون موقابئلئنه بارماغي ائله قاندان يدّي دفه سَپسئن.
سونرا خالق اوچون گوناه قورباني اولان کچئني کسسئن و اونون قانيني پردهنئن ائچ طرفئنه گتئرئب، قانيني گاميشين قاني کئمي کفّاره قاپاغينين و اونون موقابئلئنه سَپسئن.
بونونلا هارون ائسرايئل اؤولادلارينين نجئسلئکلرئنه، بوتون گوناهلاري اوچون اولان تقصئرلرئنه لاپ موقدّس ير اوچون کفّاره اتسئن؛ حوضور چاديرينا دا کي، اونلارين نجئسلئيئنئن آراسيندا يرله‌شئر، بله اتسئن.
لاپ موقدّس يرده کفّاره اتمَيه گئرندن چيخانا قدر، حوضور چاديريندا هچ کئم اولماسين. هارون اؤزو، عايئله‌سي و بوتون ائسرايئل جاماعاتي اوچون کفّاره اتسئن.
سونرا ربّئن حوضوروندا اولان قوربانگاها گدئب، اونون اوچون کفّاره اتسئن؛ گاميشين و کچئنئن قانيندان بئر آز گؤتوروب، قوربانگاهين بوينوزلارينين هر طرفئنه چکسئن.
هارون قوربانگاهين اوستونه بارماغي ائله يدّي دفه قاندان بئر آز سَپئب اونو تمئزله‌سئن. بلجه اونو ائسرايئل اؤولادلارينين نجئسلئکلرئندن تقدئس اتسئن.
هارون لاپ موقدّس يري، حوضور چاديريني، و قوربانگاهي کفّاره ادئب قورتاراندان سونرا، صاغ قالان کچئني تقدئم اتسئن.
ائکي الئني او دئري کچئنئن باشينا قويوب، ائسرايئل اؤولادلارينين بوتون گوناهلاريني و اونلارين خاطالاري اوچون اولان بوتون تقصئرلرئني اعتئراف اتسئن. و اونلاري کچئنئن باشينا قويوب، بو ائش اوچون تعيئن اولونان آدامين واسئطهسئله اونو چؤلده بوراخسين.
کچي اونلارين بوتون تقصئرلرئني اؤز اوستونده آياق ديمه‌مئش تورپاغا آپارار. و کچئني چوله آزاد بوراخسين.
هارون حوضور چاديرينا گئرسئن و لاپ موقدّس يره گئرمه‌دن قاباق گيمئش اولدوغو کتان پالتاري چيخارديب اورادا قويسون.
موقدّس بئر يرده بدنئني سو ائله يوسون و اؤز پالتاريني گيسئن و گلئب کفّاره اوچون اؤز يانديرما قوربانيني و خالقين يانديرما قوربانيني تقدئم اتسئن.
گوناه قوربانينين پئيئني ده قوربانگاهدا توستوله‌دئب يانديرسين.
عَزازئل کچئسئني آزاد بوراخان آدام دا پالتاريني و بدنئني سو ائله يوسون، سونرا دوشَرگه‌يه گئرسئن.
لاپ موقدّس يرده کفّاره اتمک اوچون قاني اورايا گتئرئلَن گوناه قورباني اولان گاميش ائله کچئنئن دَرئسي، اَتي و باغيرساقلاري دوشَرگهنئن کنارينا آپاريليب يانديريلسين.
اونلاري يانديران آدام پالتاريني و بدنئني سو ائله يوسون، اوندان سونرا دوشَرگه‌يه گئرسئن.
بو سئزئن اوچون ابدی بئر قايدا اولسون. يدّئنجی آيين اونونجو گونونده اؤزونوزو هر شيدن محروم ادئب هچ بئر ائش گؤرمه‌يئن؛ هم يِرلی‌لرئنئز، هم ده آرانيزدا ياشايان ياد‌اِلّي‌لرئنئز بله اتسئن.
چونکي او گون سئزي تمئزلمک اوچون کفّاره اولونسون کي، ربّئن حوضوروندا بوتون گوناهلارينيزدان تمئزلنه‌سئنئز.
او گون سئزئن اوچون سَبّت گونونه بَنزَر ائستئراحت گونودور، اله کي، سئز جانلارينيزي موته‌واضِع ادهسئنئز. بو ابدی بئر قايدادير.
آتاسينين يرئنه کاهئنلئک اتمک اوچون مسح ادئلمئش وظئفه‌لي کاهئن بله کفّاره اتسئن: او، موقدّس کتان پالتارلاريني گيئب
موقدّس مکان، حوضور چاديري و قوربانگاه اوچون کفّاره اتسئن؛ کاهئنلر و بوتون جاماعات اوچون ده کفّاره اتسئن.
ائلده بئر دفه ائسرايئل اؤولادلارينين بوتون گوناهلارينين کفّاره ادئلمه‌سي اوچون بو، سئزه ابدی قايدا اولسون." رب نجه موسايا امراتمئشدي، او دا اله اتدي.
رب موسايا دانيشيب، ددي:
"هارونلا اوغوللارينا و بوتون ائسرايئل اؤولادلارينا دِه: ربّئن امر اتدئيي بودور:
«اگر ائسرايئل خالقيندان بئري دوشَرگه‌ده، يا دا دوشَرگه‌دن اِشئک، بئر اؤکوز، و يا بئر قوزو، و يا بئر کچي کَسسه
و اونو حوضور چاديرينين گئرئشئنه، ربّئن خيمهسئنئن قاباغيندا ربّه بئر قوربان کئمي تقدئم اتمه‌سه، قان تؤکمکده موقَصّئر ساييلسين. بله آدام قان تؤکوب و گرک خالقي آراسيندان قووولسون.
بو امره دلئل بودور کي، ائسرايئل اؤولادلاري چؤلده کسدئکلري قوربانلاريني، ربّئن حوضورونا، حوضور چاديرينين گئرئشئنه، کاهئنئن يانينا گتئرئب، ربّه باريش قوربانلاري اولاراق تقدئم اتسئنلر.
کاهئن بله قوربانين قانيني حوضور چاديري گئرئشئنئن يانينداکي ربّئن قوربانگاهينا سَپسئن، پئيئني ده ربّئن خوشونا گلن عطئرلي تقدئم اولاراق توستوله‌دئب يانديرسين.
ائسرايئل اؤولادلاري بئر داها ربّه خَيانت ادئب، کچي تئمثالينداکي ائبلئسلره قوربان کسمه‌سئنلر. بو، نسئلدن-نسله اونلار اوچون ابدی قايدا اولسون.
بئر ده کي اونلارا دِه: ائسرايئل خالقيندان، و يا آرالاريندا ياشايان ياد اِللئلردن، کئم يانديرما قوربانيني، يا دا بئر قوربان کَسسه،
و اونو ربّئن حوضورونا تقدئم اتمک اوچون حوضور چاديرينين گئرئشئنه قوربان گتئرمه‌سه، او آدام خالقي آراسيندان قووولسون.
ائسرايئل خالقيندان، يا دا آرالارينيزدا ياشايان ياد اِللی‌لردن هر جور قاني يئيَن آدامدان من اوز دؤنده‌رئب، اونو خالقي آراسيندان قوواجاغام،
چونکي هر مخلوقون حياتي اونون قانيندادير. من اونو حياتينيزين کفّاره‌سي اوچون قوربانگاهدا تقدئم اولونماغا تعيئن اتمئشم؛ چونکي حيات وردئيئنه گؤره کفّاره ادن قاندير.
بونا گؤره ده من ائسرايئل اؤولادلارينا دمئشم: سئزدن هچ بئر کس، آرانيزدا ياشايان ياداِلّي ده قان يمه‌سئن.
ائسرايئل اؤولادلاريندان، يا دا آرالاريندا ياشايان ياد اِللی‌لردن هر کس، اگر يِيئله بئلن حيوان، يا دا قوش اوولايا، اونون قانيني يره آخيديب، تورپاقلا اؤرتسون.
چونکي هر مخلوقا حيات ورن اونون قاني‌دير. بونا گؤره من ائسرايئل اؤولادلارينا ددئم کي، هچ بئر مخلوقون قانيني يِمه‌يئن. چونکي هر مخلوقا حيات ورن اونون قاني‌دير. اونو يئين هر کس خالقينين آراسيندان قووولسون.
اؤلموش، و يا وحشي حيوان واسئطهسئله پارچالانيب اؤلَن حيواني يئين آدام، ائستر يرلي، ائستر ياداِلّي اولسون، گرک پالتاريني يوسون، سو ائله يويونسون، آخشاماجاق نجئس، سونرا تمئز ساييلسين.
اگر بله آدام پالتاريني و بدنئني يوماسا، تقصئري اؤز بوينوندا اولاجاق.»"
سونرا رب موسايا دانيشيب، ددي:
"ائسرايئل اؤولادلاري ائله دانيش و اونلارا ده: «تارينيز رب منم.
نه قاباق ياشاديغينيز مئصئر تورپاغيندا ادئلن ائشلره عمل ادئن، نه ده سئزي آپاراجاغيم کَنَعان تورپاغيندا ادئلن ائشلره. اونلارين قايدالاري ائله ياشاماياجاقسينيز.
گرک منئم حؤکملرئمه عمل ادئب، منئم قايدالاريمي ساخلاياسينيز و اونلارا موناسئب ياشاياسينيز. تارينيز رب منم.
بونا گؤره قايدالاريمي و حؤکملرئمي ساخلايين کي، آدام بونلاري اتدئيئنده ياشايار. رب منم.
هچ کس اؤز ياخين قوحوملاري ائله جئنسي رابئطه‌ده اولماسين. رب منم.
آتانين ناموسونا توخونما، يعني، اؤز آنانلا ياخينليق اتمه. او سنئن آناندير. اونون عئصمتئنه توخونما.
آتانين آروادي ائله ياخينليق اتمه. او سنئن آتانين ناموسودور.
آتاندان و يا آناندان بئر اولان، سنئنله بئر اِوده، و يا آيري يرده دوغولان باجينلا ياخينليق اتمه.
اوغلونون و يا قيزينين قيزي ائله ياخينليق اتمه، چونکي اونلارين ناموسو سنئن ناموسوندور.
آتانين آيري آرواديندان دوغولان قيزي ائله ياخينليق اتمه؛ چونکي او سنئن آتاندان بئر اولان باجين ساييلير. اونون ناموسونا توخونما.
بئبئنله ياخينليق اتمه، چونکي او آتانين ياخين قوحومودور.
خالانلا ياخينليق اتمه، چونکي او آنانين ياخين قوحومودور.
عَمئنئن ناموسونا توخونما؛ اونون آروادي ائله ياخينليق اتمه، او سنئن عَمي‌آرواديندير.
گلئنئنئنن ناموسونا توخونما؛ او سنئن اوغلونون آرواديدير، اونونلا ياخينليق اتمه.
قارداشين آروادي ائله ياخينليق اتمه. او سنئن قارداشينين ناموسودور.
بئر آروادين هم اؤزو، هم ده قيزي ائله ياخينليق اتمه. او آروادين اوغول، يا دا قيز نوه‌سي ائله ده ياخينليق اتمه، بونلار آروادين ياخين قوحوملاريدير. بو، عئفّتسئزلئکدئر.
آروادين صاغ اولارکن، اونون باجيسيني اؤزونه آرواد آليب اونا بئر رقئب ياراتما، ناموسونا توخونما.
آيباشي نجئسلئيي زاماني بئر آروادلا ياخينليق اتمه.
آيري آدامين آروادي ائله ياخينليق ادئب اؤزونو نجئسلَمه.
اؤولادلارينين هچ بئرئني مولِک بوتونه قوربان اولاراق تقدئم اتمه. بلجه، اؤز تارينين آديني لکه‌لمه. رب منم.
کئشي آروادلا ياخينليق اتدئيي کئمي، بئر کئشي ائله ياخينليق اتمه؛ بو، ائيرنجدئر.
هچ بئر حيوانلا ياخينليق ادئب اؤزونو اونونلا نجئسلَمه، هچ بئر آرواد دا بئر حيوانلا ياخينليق اتمه‌سئن. بو، رَذئللئکدئر.
بو شيلرئن هچ بئري ائله اؤزونوزو نجئس اتمهيئن، چونکي قاباغينيزدان قوواجاغام مئلّتلر، بونلارين هاميسي ائله نجئسله‌نئبلر،
اؤلکه ده نجئسله‌نئب. بونا گؤره ده من او تورپاغي جزالانديرميشام، اله کي، تورپاق، ساکئنلرئني قوصوب.
آمّا سئز گرک قايدالاريمي و حؤکملرئمي ساخلاياسينيز و بو ائيرنج ائشلرئن هچ بئرئني اتمَيه‌سئنئز، ائستر يرلي، ائستر آرانيزدا ياشايان ياد اِللي اولسون.
چونکي قاباغينيزداکي اؤلکهنئن ساکئنلري بوتون بو ائيرنج ائشلري ادئبلر و تورپاق نجئسله‌نئب.
آمّا اگر سئز ده بو تورپاغي نجئسلَيه‌سئنئز، تورپاق سئزي ده، سئزدن قاباق اولان مئلّت کئمي قوصوب آتاجاق.
بونا گؤره ده بو ائيرنج ائشلرئن هر هانسي بئرئنه عمل ادن هر کس، خالقينين آراسيندان قووولمالي‌دير.
بلجه، ددئيئمي يرئنه يتئرئن. قاباغينيزدا ادئلن ائيرنج عادتلره عمل ادئب، اونلارلا اؤزونوزو نجئسلَمه‌يئن. تارينيز رب منم.
رب موسايا دانيشيب ددي:
"بوتون ائسرايئل اؤولادلارينين جاماعاتينا دانيش و اونلارا دِه: «موقدّس اولون، چونکي من تارينيز رب موقدّسم.
سئزدن هر کس آتاسينا و آناسينا حؤرمت اتسئن و منئم سَبّت گونلرئمي ساخلايين. تارينيز رب منم.
بوتلره طرف دؤنمه‌يئن و اؤزونوزه تؤکمه آللاهلار دوزلتمه‌يئن. تارينيز رب منم.
ربّه باريش قوربانلاري گتئرنده، اله گتئرئن کي، قوربانينيز قبول ادئلسئن.
قوربانينيز، کسئلن گون و يا صاباحيسي يِيئلسئن، لاکئن اوچونجو گونه قالان حئصّه گرک اوددا يانديريلسين.
اگر اوندان اوچونجو گون يِيئلسه، ائيرنج ساييلار و او قوربان قبول اولونماز.
او قورباني يئين آدام ربّئن موقدّس يِمه‌يئني نجئس اتدئيئنه گؤره تقصئرکار قالار. او آدام، خالقي آراسيندان گرک قووولسون.
تورپاغينيزدا محصول بئچَنده، زمئنئن قيراقلاريني بئچمه‌يئن و بئچئندن تؤکولن سونبوللري ده ييغمايين.
اوزوم باغيندا دا تَنَکلري کامئل تمئزلمه‌يئن، يره دوشَن سالخيملاري دا ييغمايين. اونلاري کاسيبلار و قرئبلر اوچون بوراخين قالسين. تارينيز رب منم.
اوغورلامايين، بئربئرئنئزئن باشينا بؤرک قويمايين، بئربئرئنئزه يالان دا دمه‌يئن.
منئم آديما يالاندان آند ائچمه‌يئن، اله کي، تارينيزين آديني لکه‌ليه‌سئنئز. رب منم.
قونشونوزا ظولم اتمهيئن، اونو سويمايين؛ موزدلو ائشچئنئن زحمت حاقّيني آخشامدان سحره‌جک يانينيزدا ساخلامايين.
کار آدامي سؤيمه‌يئن و کور آدامين موقابئلئنه ده بودرهدن هچ بئر شي قويمايين. تارينيزا حؤرمت ادئن. رب منم.
قضاوت ادنده حاقسيزليق اتمهيئن. نه يوخسولا طرفدار اولون، نه ده وارليني اوستون توتون. قونشونوزا عدالتله قضاوت ادئن.
خالقينيز آراسيندا خبرچئلئک اتمهيئن؛ قونشونوزون جانينا ضرر ورمک ائستمه‌يئن. رب منم.
اوره‌يئنئزده وطنداشينيز حاقّيندا نئفرت ساخلامايين. قونشونو گرک نصئحت ادهسئنئز، مبادا سئز ده اوندان اؤتري گوناها باتاسينيز.
اؤز خالقينيزين آراسيندا هچ کسدن قئصاص آلمايين، هچ کئمدن کئن ساخلامايين. آنجاق قونشونوزو اؤزونوز کئمي سِوئن. رب منم.
منئم قايدالاريمي ساخلايين. فرقلي جئنسدن اولان مال-حيواني جوتلَشدئرمه‌يئن. زمئنئزده ائکي جور توخوم اَکمه‌يئن. اَينئنئزه ائکي جور ساپدان توخونموش پالتار گِيمه‌يئن.
اگر بئر کئشي آيري بئر کئشئنئن نئشانلي‌سي اولان کنئزله کي، حله قئيمتي حقئقتن ورئلمه‌مئش، آزاد دا اولونماميشدير، ياتسا، اونا جزا ورئلسئن. آمّا اونلار اؤلدورولمه‌سئنلر، چونکي آرواد آزاد ديئلمئش.
او کئشي ربّئن حوضورونا، حوضور چاديرينين گئرئشئنه تقصئر قورباني اولاراق بئر قوچ گتئرسئن.
کاهئن او کئشئنئن ائشلَتدئيي گوناهيني، تقصئر قورباني اولان قوچلا ربّئن حوضوروندا کفّاره اتسئن و ائشلَتدئيي گوناه اونا باغيشلانار.
کَنَعان تورپاغينا گئرئب، يمک اوچون هر مئيوه آغاجيني اَکه‌سئز، مئيوه‌سي سئزئن اوچون حارام ساييلير. بو مئيوه سئزئن اوچون اوچ ائل حارام اولاجاق. اونو يمه‌يئن.
دؤردونجو ائلده اونون بوتون مئيوه‌سي شوکور تقدئمي اولاراق رب اوچون موقدّس ساييلسين.
بشئنجي ائلده او آغاجين مئيوه‌سئني يئيه بئلرسئنئز. بونو ادئن کي، محصولو سئزئن اوچون آرتسين. تارينيز رب منم.
هچ بئر اَتي قانلي-قانلي يمه‌يئن. باخيجيليق و فالچيليق اتمهيئن.
باشينيزين يان طرفئندهکي ساچلاري قيرخمايين، ساقّاللارينيزين کنارلاريني کسمه‌يئن.
اؤلولره گؤره بدنئنئزه يارا وورمايين، بدنئنئزه هچ بئر شکئل دؤيدورمه‌يئن. رب منم.
قيزينيزي فاحئشه‌لئيه چکئب اونو لَکَلَمه‌يئن، اله کي، فاحئشه‌لئک اؤلکهيه ياييلماسين و اؤلکه عئفّتسئزلئکله دولوب داشماسين.
سَبّت گونلرئمي ساخلايين. موقدّس مکانيما دا حؤرمت ادئن. رب منم.
جئنچئلره و روح چاغيرانلارا طرف دؤنمه‌يئن، اونلارلا دانيشمايين، يوخسا اونلاردان نجئسلَنَرسئنئز. تارينيز رب منم.
ياشلي‌لارين قاباغيندا آياغا دورون، آغساقّاللارا احتئرام قويون. تارينيزا حؤرمت ادئن. رب منم.
سئزئنله اؤلکه‌نئزده ياشايان هچ بئر قرئبه حاقسيزليق اتمهيئن.
آرانيزدا ياشايان قرئب آدام يرلي کئمي اولاجاق، اونو اؤزونوزو سِوَن کئمي سِوئن. چونکي سئز اؤزونوز ده مئصئر اؤلکهسئنده قرئب ائدئنئز. تارينيز رب منم.
قضاوتده، اؤلچوده، چکي‌ده و مئقداردا حاقسيزليق اتمهيئن.
تَره‌زئنئز، چکي داشينيز، تاخيل و مايع اؤلچوسو اوچون ائشلَنَن قابلارينيز دوز اولسون. سئزي مئصئر تورپاغيندان چيخاردان تارينيز رب منم.
منئم بوتون قايدالاريمي و حؤکملرئمي ساخلاييب، اونلارا عمل ادئن. رب منم.»"
رب موسايا دانيشيب ددي:
"ائسرايئل اؤولادلارينا بونو دا دِه: «ائسرايئللی‌لردن و ائسرايئلده ياشايان ياد اِللی‌لردن هر کئم اؤولادلاريندان بئرئني مولِک بوتونه تقدئم اتسه، گرک اؤلدورولسون. اؤلکه خالقي اونو داشلاسين.
اؤز اؤولاديني مولِکه تقدئم اتدئيي اوچون من ده او آدامدان اوز دؤنده‌رئب، خالقي آراسيندان اونو قوواجاغام. چونکي او منئم موقدّس مکانيمي نجئسله‌يئب، موقدّس آديمي لَکَله‌يئبدئر.
اگر اؤلکه خالقي گؤرسه کي، او آدام اؤولاديني مولِکه تقدئم ادئر و گؤز يوموب او آدامي اؤلدورمَسه،
من اؤزوم همئن آدامدان و عايئله‌سئندن اوز دؤنده‌رئب، اونو و اونونلا بئرلئکده مولِکله منه خَيانت ادن هر کسي خالقين آراسيندان قوواجاغام.
منه خَيانت ادئب جئنچئلره و روح چاغيرانلارا طرف دؤنَن هر کسدن ده اوز دؤنده‌رئب، اونو خالقينين آراسيندان قوواجاغام.
بونا گؤره ده اؤزونوزو تقدئس ادئن و موقدّس اولون، چونکي تارينيز رب منم.
قايدالاريمي ساخلاييب اونلارا عمل ادئن؛ سئزي تقدئس ادن رب منم.
آتا-آناسينا لعنت ادن هر کس گرک اؤلدورولسون. او آدامين قاني اؤز آتا-آناسينا لعنت اتدئيي اوچون اؤز بوينونادير.
اگر بئر کئشي آيري بئر کئشئنئن آروادي ائله زئنا اتسه، دوستونون آروادي ائله زئنا ادن کئشي، زئناکار آروادلا بئرلئکده گرک اؤلدورولسون.
آتاسينين آروادي ائله ياخينليق ادن کئشي آتاسينين ناموسونا توخونوب. اونلارين هر ائکئسي گرک اؤلدورولسون. بونلارين قانلاري اؤز بويونلارينادير.
گلئني ائله ياخينليق ادن کئشي، گلئني ائله بئرلئکده، هر ائکئسي گرک اؤلدورولسون. اونلار اؤزلرئنه محرم اولان بئری ائله زئنا ادئبلر و قانلاري اؤز بويونلارينادير.
اگر بئر کئشي، آروادينان ياخينليق ادن کئمي، آيري بئر کئشي ائله ياخينليق اتسه، اونلارين ائکئسي ده ائيرنج ائش ادئبلر و گرک اؤلدورولسونلر؛ اونلارين قانلاري اؤز بويونلارينادير.
هر کس بئر قيزي، آناسي ائله بئرلئکده اؤزونه آرواد آلسا، عئفتسئزلئک ادئر؛ آرانيزدا بله عئفتسئزلئک اولماماق اوچون، هم کئشي هم ده آروادلار گرک يانديريلسينلار.
حيوانلا جئنسي رابئطه‌يه گئرن کئشي گرک اؤلدورولسون؛ حيواني دا گرک اؤلدورهسئنئز.
هر هانسي بئر حيوانلا جئنسي رابئطه‌يه گئرن آرواد، حيوانلا بئرلئکده گرک اؤلدورولسون. اونلارين قانلاري اؤز بويونلارينادير.
اگر بئر آدام آنا و يا آتا طرفئندن اولان باجيسيني آليب اونونلا جئنسي رابئطه‌يه گئرسه، رَذئللئک ادئر؛ اونلار خالقينين گؤزلري قاباغيندا قووولسونلار. بله آدام باجيسينين ناموسونا توخونوب؛ تقصئري اؤز بوينوندادير.
آيباشي اولان آروادلا ياخينليق ادن کئشي، آروادين ناموسونا توخونوب، اونون قان‌آخماسيني آشکار ادئبدئر. آرواد دا قان آخماسيني آشکار ادئب. بونا گؤره اونلارين هر ائکئسي ده خالقلاري آراسيندان قووولسونلار.
خالانلا و يا بئبئنله ياخينليق اتمه، چونکي بله بئر آدام ياخين قوحوملاري ائله ياخينليق ادئب؛ اونلارين تقصئري اؤز بويونلاريندادير.
عَمئسي آروادي ائله ياخينليق ادن کئشي، اؤز عَمئسئنئن ناموسونا توخونوب؛ ائکئسئنئن ده گوناهي اؤز بويونلارينادير. اونلار اؤولادسيز اؤله‌جکلر.
قارداشي آرواديني آلان کئشي نجئس ائش گؤرور؛ او، قارداشينين ناموسونا توخونور. اونلار اؤولادسيز قالاجاقلار.
سئز منئم قايدالاريمي و حؤکملرئمي ساخلايين و اونلارا عمل ادئن کي، ياشاماق اوچون آپاراجاغيم تورپاق سئزي قوصوب آتماسين.
بوندان علاوه، قاباغينيزدان قوواجاغيم مئلّتلرئن رسم-روسوملاريني اؤزونوز اوچون دَب اتمهيئن؛ اونلار بوتون بو شيلري اتدئکلرئنه گؤره، منئم گؤزومده ائيرنجدئرلر.
من سئزه ددئم کي، اونلارين تورپاغينا سئز صاحئب اولاجاقسينيز و من او اؤزوم، سود، و بال آخان تورپاغي سئزه ورئرم کي، اونا مالئک اولاسينيز. سئزي او بئري خالقلاردان آييران تارينيز رب منم.
بِلَجه، سئز تمئز و نجئس حيوان و قوشو بئربئرئندن آييرد ادئن. سئزئن اوچون آييرد اتدئيئم نجئس ساييلان حيوانلار، و يا قوشلار، يا دا يرده سورونن مخلوقلارلا اؤزونوزو ائيرنج اتمهيئن.
سئز منئم اوچون موقدّس اولماليسينيز، چونکي من رب موقدّسم. من سئزي او بئري خالقلاردان آييرديم کي، سئز منئم اولاسينيز.
جئنچي و يا روح چاغيران بئر کئشي و يا آرواد گرک اؤلدورولسون. اونلار داشلانسينلار. بونلارين قانلاري اؤز بويونلارينادير.»"
سونرا رب موسايا ددي: "هارون نسلئندن اولان کاهئنلرله دانيش و اونلارا بله دِه: «هچ کاهئن اؤز خالقي آراسيندان اولان هر هانسي بئر مِيئته گؤره اؤزونو نجئس اتمه‌سئن؛
مگر کاهئنئن اؤز ياخين قوحومو اولسون؛ آناسي، آتاسي، اوغلو، قيزي، قارداشي،
يانيندا ياشايان باکئره سوباي باجيسي دا. کاهئن بو باجيسينا گؤره ده اؤزونو نجئس اده بئلر.
کاهئن، اِولئلئک سببي ائله اونا قوحوم اولانين مِيئتي ائله ده اؤزونو نجئس ادئب لَکَلَمه‌سئن.
کاهئنلر باشلارينين هچ بئر حئصّهسئني قيرخماسينلار، ساقّاللارينين کناريني کسمه‌سئنلر، بدنلرئنه ده يارا وورماسينلار.
اونلار تاريلاري اوچون موقدّس اولسونلار و اونون آديني لَکَلَمه‌سئنلر، چونکي اونلار اودلا ربّه تقدئم گتئرئرلر، يعني تاريلارينا پاي گتئرئرلر؛ بونا گؤره ده موقدّس اولمالي‌ديرلار.
کاهئنلر فاحئشهلئکله لکه‌لنمئش، و يا اَرئندن بوشانميش آروادي دا آرواد آلماسينلار، چونکي کاهئن تاريسي اوچون موقدّسدئر.
اونو موقدّس ساي، چونکي تارينيزا گتئرئلن پايي، او تقدئم ادئر؛ او سنئن اوچون موقدّس اولسون، چونکي من، سئزي تقدئس ادن رب، موقدّسم.
فاحئشهلئکله لَکَله‌نن کاهئن قيزي، آتاسيني دا لَکَله‌يئب؛ بو قيز اوددا يانديريلمالي‌دير.
قارداشلاري آراسيندا اوستون اولان، باشيندا مسح ياغي ائله مسح اولونان، و کاهئنلئک پالتارلاري گئين باش کاهئن نه ساچيني داغيتسين، نه ده اَينئنده‌کي پالتاريني جيرسين.
بو کاهئن هچ بئر مِيئته، حتّا اؤلن آتا-آناسينا ياخينلاشيب اؤزونو نجئس اتمه‌سئن.
او، موقدّس مکاني نه ترک اتسئن، نه ده تاريسينين موقدّس مکانيني لَکَله‌سئن، چونکي تاريسينين نئشانه‌سي اولان مسح ياغي اوستوندهدئر. رب منم.
بو کاهئن اؤزونه باکئره بئر قيز آرواد آلسين؛
دول، بوشانميش و يا فاحئشهلئکله لکه‌لَنمئش آرواد يوخ، آنجاق اؤز خالقيندان اولان باکئره قيز آلسين کي،
اؤولادلاريني، خالقي آراسيندا لکهلي اتمه‌سئن. اونو تقدئس ادن رب، منم.»"
سونرا رب موسايا ددي:
"هارونا دانيشيب اونا ده: «نسئلدن-نسله اؤولادلاريندان معيوب اولان آدام، تاريسينا پاي تقدئم اتمک اوچون ياخينلاشماسين.
معيوب اولان هچ کس بو خئدمته ياخينلاشماسين؛ نه کور، نه آخساق، نه عِيبه‌جَر، نه علئل،
نه اَل-آياغيندان شئکست،
نه قوزبِل، نه جيرتدانبوي، نه گؤزو معيوب، نه خورالي، و يا دَمروولو، نه آختا –
کاهئن هارونون نسلئندن اولان هر کسئن کي، بدنئنده بئر عيبي وار، ربّئن يانديرما تقدئملرئني تقدئم اتمک اوچون ياخينلاشماسين. او، تاريسينا پاي تقدئم اتمک اوچون ياخينلاشمامالي‌دير.
بله آدام تاريسينا گتئرئلن پايدان، هم لاپ موقدّس يمکدن، هم ده موقدّس يمکدن يئيه بئلر.
لاکئن او، بدنئنده معيوب اولدوغونا گؤره نه موقدّس پرده‌يه ياخينلاشسين، نه ده قوربانگاها. اله کي، موقدّس مکانلاريمي لَکَلَمه‌سئن. چونکي اونلاري تقدئس ادن رب، منم.»"
موسا هارونلا اوغوللارينا و بوتون ائسرايئل اؤولادلارينا بله ددی.
سونرا رب موسايا دانيشيب ددي:
"هارونلا اوغوللارينا دِه کي، ائسرايئل اؤولادلاري منئم اوچون وقف اتدئکلري موقدّس شيلرده احتئياطلي اولسونلار و موقدّس آديمي لَکَلَمه‌سئنلر. رب منم.
اونلارا دِه: «نسئلدن-نسله سئزئن اؤولادلارينيزدان هر کس کي، نجئس حالدا، ائسرايئل اؤولادلارينين رب اوچون وقف اتدئکلري موقدّس شيلره ياخينلاشسا، منئم حوضورومدان قووولمالي‌دير. رب منم.
هارون نسلئندن جوزاملي، و يا بدن آخينتيسي اولان هچ کس، تمئز اولانا قدر، موقدّس يمکدن يمه‌سئن؛ اگر بئر آدام مِيئته گؤره نجئس اولان شيه توخونسا، و يا توخومو تؤکولسه،
و يا اگر بئر آدام اونو نجئس ادن قايناشان جانلي مخلوقا و يا هر جور نجئسلئيي اولان آداما توخونسا،
بله شيلره توخونان هر کس، آخشاماجاق نجئس ساييلسين و بدنئني يومايينجا موقدّس يمکدن يمه‌سئن.
لاکئن گونش باتاندا او آدام تمئز ساييلسين، سونرا موقدّس يمکدن يسئن، چونکي بو، اونون خؤره‌يي‌دئر.
کاهئن اؤلموش حيوان، يا دا وحشي حيوانين وسئلهسئله پارچالانميش حيوانين اَتئندن يِيئب اؤزونو نجئسلَمه‌سئن. رب منم.
اونلار منئم ددئيئمي رئعايت اتسئنلر کي، بلجه گوناها باتماسينلار و اونو لَکَله‌دئکلري اوچون اؤلمه‌سئنلر. اونلاري تقدئس ادن رب، منم.
کاهئن عايئله‌سئندن اولمايان، کاهئنله ياشايان قرئب، يا دا موزده آلينان ائشچي موقدّس يمکدن يِمه‌مه‌لي‌دئر.
لاکئن کاهئنئن پوللا ساتين آليب مالئک اولدوغو، يا دا اِوئنده دوغولان قوللار او يمکدن يئيه بئلرلر.
اگر کاهئنئن قيزي کاهئن عايئله‌سئندن اولمايان بئري ائله اِولَنسه، او آدام موقدّس يمکدن يئيه بئلمز.
آمّا جاوانليغيندا دول قالميش و يا بوشانميش کاهئنئن قيزي کي، اؤولادسيز آتاسينين اِوئنه قاييديب، آتاسينين يمه‌يئندن يئيه بئلر. لاکئن کاهئن عايئله‌سئندن اولمايان هچ کس اوندان يئيه بئلمز.
سَهوَن موقدّس يمکدن يئين آدام، بِشده بئرئني علاوه ادئب موقدّس يمه‌يي کاهئنه ورسئن.
کاهئنلر ائسرايئل اؤولادلارينين ربّه تقدئم اتدئکلري موقدّس تقدئملري لَکَلَمه‌سئنلر،
و باعئث اولماسينلار کي، ائسرايئل اؤولادلاري موقدّس تقدئملرئن يمه‌يي ائله گوناها باتيب، تقصئرلري اوچون جزالانسينلار. چونکي اونلاري تقدئس ادن رب، منم.»"
سونرا رب موسايا دانيشيب ددي:
"هارونلا اوغوللارينا و بوتون ائسرايئللیلره بله دِه: «ائسرايئل خالقيندان و يا ائسرايئلده ياشايان ياد اِللی‌لردن هر کس کي، تقدئمئني گتئرئر، ربّه يانديرما قورباني اولاراق بو تقدئم ائستر بئر نذره گؤره اولسون، ائستر اؤز گؤيلو ائله،
گرک معيوب اولمايان اِرکَک مال-حيواندان، يا قويوندان، يا دا کچئدن اولسون کي، سئزدن قبول اولونسون.
معيوب اولاني تقدئم اتمک اولماز، چونکي بله تقدئم سئزدن قبول اولونماز.
هر کس کي، ائستهيئر ربّه اتدئيي نذرئني يرئنه يتئرسئن و يا اؤز گؤيلو ائله مال-حيواندان، يا دا سورودن باريش قوربانلاري تقدئم اتسئن، قوربانين قبول اولونماسي اوچون، قوربان گرک کامئل اولسون؛ اونون بدنئنده گرک هچ بئر عيب اولماسين.
کور، شئکست، يارالي، قايساقلي، خورالي، دَمروولو حيوانلاري ربّه تقدئم اتمهيئن، اونلاري ربّئن قوربانگاهيندا دا يانديرما قورباني اتمهيئن.
چولاق و يا عوضولرئنده ناقئص اولان ائنک و يا بئر قوزونو اؤز گؤيلونله تقدئم اده بئلرسن، لاکئن نذره وفا اتمک اوچون او قبول اولونماز.
خاياسي زده‌لَنمئش، اَزئلمئش، بورولموش، يا دا کسئلمئش حيواني ربّه تقدئم اتمهيئن، اؤلکه‌نئزده ده قوربان اتمهيئن.
بله بئر حيواني ياد اِللی‌لردن گؤتوروب پاي اولاراق تارينيزا تقدئم اتمهيئن، چونکي بله حيوانلارين شئکستي ائچلرئنده‌دئر، معيوبدورلار، سئزدن قبول اولونماز.»"
سونرا رب موسايا دانيشيب ددي:
"اؤکوز، قوزو، يا دا کچي بالاسي دوغولاندا، يدّي گون آناسينين يانيندا قالسين. سکّئزئنجي گوندن ربّه تقدئم اولونان يانديرما قوربان اولاراق قبول اولونار.
ائستر ائنَک اولسون، ائستر قويون، اونو بالاسي ائله بئر گونده کَسمه‌يئن.
ربّه تشَکّور قورباني گتئرنده اله گتئرئن کي، او سئزدن مقبول اولسون.
قوربانين اَتي اله او گون يِيئلسئن، اوندان هچ بئر شي سحره قدر ساخلامايين. رب منم.
منئم امرلرئمي ساخلايين و اونلارا عمل ادئن؛ رب منم.
منئم موقدّس آديمي لَکَلَمه‌يئن. من ائسرايئل اؤولادلاري آراسيندا موقدّس تانيناجاغام؛ سئزي تقدئس ادن رب منم کي،
تارينيز اولماق اوچون سئزي مئصئر تورپاغيندان چيخارتديم. رب منم."
سونرا رب موسايا دانيشيب ددي:
"ائسرايئل اؤولادلارينا دانيش و اونلارا بله دِه: «ربّئن تعيئن اتدئيي واختلار کي، اونلاري موقدّس ييغينلار چاغيراجاقسينيز، منئم تعيئن اتدئيئم واختلار بونلاردير:
آلتي گون ائش گؤرولسون، آمّا يدّئنجی گون سَبّت ائستئراحتي و موقدّس ييغين گونودور. هچ بئر ائش گؤرمَيه‌جکسئنئز. بو گون ياشاديغينيز بوتون يرلرده ربّه بئر سَبّتدئر.
بونلار ربّئن تعيئن اتدئيي واختلاردير، موقدّس ييغينلارديرلار کي، سئز گرک اونلارا بو واختلاري بايرام اعلان ادهسئنئز
بئرئنجي آيين اون دؤردونجو گون، آخشامچاغي ربّئن پاسخا بايرامي‌دير.
همئن آيين اون بشئنجي گونو ربّئن ماياسيز چؤرک بايرامي‌دير. يدّي گون ماياسيز چؤرک يئيهجکسئنئز.
بئرئنجي گون موقدّس ييغينيز اولسون؛ بو گونده گوندهلئک ائشلرئنئزي گؤرمه‌يئن.
بو يدّي گون عرضئنده ربّه اودلا تقدئم اولان بئر تقدئم گتئرئن؛ يدّئنجی گون موقدّس ييغينيز اولسون؛ گوندهلئک ائشلرئنئزي گؤرمه‌يئن.»"
سونرا رب موسايا دانيشيب بله ددي:
"ائسرايئل اؤولادلاري ائله دانيش و اونلارا دِه: «سئزه وره‌جيئم تورپاغا گلدئيئنئز زامان، اونون محصولونو بئچَنده، بئچدئيئنئز ائلک دَرزي کاهئنئن يانينا گتئرئن.
کاهئن او دَرزي ربّئن حوضوروندا يِللَده‌رَک تقدئم اتسئن کي، قبول اولوناسينيز. کاهئن اونو سَبّتئن اِرته‌سي گون گرک يِللَتسئن.
دَرزي يِللَتدئيئنئز گونو، ربّه بئر-ائلّئک عيبسئز اولان اِرکَک قوزو يانديرما قورباني اولاراق کسئن.
اونون تاخيل تقدئمي ياغلا قاتيلميش بئر اِفانين اوندا ائکئسی مئقدار نارين اون گرک اولسون. بو، رب اوچون اودلا تقدئم اولان خوش عطئردئر. اونون مايع تقدئمي ده گرک بئر هئن شرابين دؤردده بئری اولسون.
تارينيزا بو قورباني تقدئم اتدئيئنئز همئن گونه قدر نه چؤرک ييئن، نه قووورغا، نه ده تزه سونبول. بو بوتون ياشاديغينيز يرلرده نسئلدن-نسله سئزئن اوچون ابدی قايدا اولسون.
سَبّت گونونون صاباحيندان، يعني دَرزي گتئرئب يِللَدئره‌رَک تقدئم اتدئيئنئز گوندن تام يدّي سَبّت ساياجاقسينيز.
يدّئنجی سَبّت گونون صاباحي اَلّي گون سايميش اولاجاقسينيز. او گون ربّه تزه تاخيل تقدئمي گتئرئن.
ياشاديغينيز يردن يِللَتمه تقدئمي اولاراق ائکي چؤرک گتئرئن کي، بئر اِفانين اوندا ائکئسي مئقدار نارين اوندان مايا ائله پئشئرئلمئشدئر و ربّه نوبار تقدئمي‌دئر.
چؤرکله بئرلئکده بئر-ائلّئک يدّي عيبسئز اولان قوزو، مال-حيواندان بئر گاميش و ائکي قوچ تقدئم ادئن؛ اونلار ربّه يانديرما قورباني‌ديرلار. اونلارين تاخيل تقدئملرئني و مايع تقدئملرئني ده گتئرئن. بو، ربّه اودلا تقدئم اولان خوش عطئر اوچوندور.
گوناه قورباني اوچون بئر اِرکَک کچي، و باريش قورباني اوچون ائکي بئر-ائلّئک اِرکَک قوزو گتئرئن.
کاهئن بو ائکي قوزونو نوبار چؤره‌يي ائله بئرلئکده ربّئن حوضوروندا يِللَتمه تقدئمي اولاراق يِللَتسئن. بونلار کاهئنئن رب اوچون موقدّس پايي اولسون.
همئن گون موقدّس ييغين اعلان ادئن و هچ بئر گوندهلئک ائش گؤرمه‌يئن. بو بوتون ياشاديغينيز يرلرده نسئلدن-نسله سئزئن اوچون ابدی قايدا اولسون.
تورپاغينيزدا محصول بئچَنده، زمئنئن قيراقلاريني بئچمه‌يئن و بئچئندن تؤکولن سونبوللري ده ييغمايين. اونلاري کاسيبلار و قرئبلر اوچون بوراخين قالسين. تارينيز رب، منم.»"
رب گئنه دانيشيب موسايا ددي:
"ائسرايئل اؤولادلارينا دانيشيب اونلارا بله دِه: «يدّئنجی آيين بئرئنجي گونو سئزئن اوچون ائستئراحت گونودور. موقدّس بئر ييغين کي، کَره‌ناي چالينماقلا سئزه خاطيرلاناجاق.
او گون هچ بئر گوندهلئک ائش گؤرمه‌يئن، آنجاق ربّه اودلا تقدئم اولان تقدئم گتئرئن.»"
رب موسايا دانيشيب ددي:
"ائسرايئل اؤولادلارينا دِه: «يدّئنجی آيين اونونجو گونو کفّاره گونودور، سئزئن اوچون موقدّس ييغين اولسون؛ اؤزونوزو هر شيدن محروم ادئن و ربّه اودلا تقدئم اولان تقدئم گتئرئن.
بو گون هچ بئر ائش گؤرمه‌يئن، چونکي بو، تارينيز ربّئن حوضوروندا سئزئن اوچون کفّاره ادئلن کفّاره گونودور.
بو گون اؤزونو هر شيدن محروم اتمه‌ين آدام، خالقي آراسيندان قووولسون.
او گون هر هانسي بئر ائش گؤرن آدامي، من خالقي آراسيندان يوخ ادهجيم.
هِج بئر ائش اصلا گؤرمه‌يئن. بو، بوتون ياشاديغيز يِرلرده نسئلدن- نسله سئزئن اوچون ابدی قايدا اولسون.
او گون سئزئن اوچون سَبّت ائستئراحت گونو کئميدئر. اؤزونوزو هر شيدن گرک محروم ادهسئنئز. آيين دوقّوزونجو گونو آخشامدان، گلن آخشاما قدر سَبّت گونونو ساخلايين.»"
رب گئنه موسايا دانيشيب ددي:
"ائسرايئل اؤولادلارينا دانيشيب اونلارا دِه: «يدّئنجی آيين اون بشئنجي گونوندن رب اوچون يدّي گون چارداقلار بايرامي اولاجاق.
بئرئنجي گون موقدّس ييغين گونودور. بو گونده هچ بئر ائش گؤرمه‌يئن.
بو يدّي گون عرضئنده ربّه اودلا تقدئم اولان بئر تقدئم گتئرئن. سکّئزئنجي گون موقدّس ييغينيز اولسون و ربّه اودلا تقدئم اولان بئر تقدئم گتئرئن. بو گون جاماعاتين ييغين گونودور. بو گونده، گوندهلئک ائشلرئنئزي گؤرميه‌جکسئنئز.
بونلار ربّئن تعيئن اتدئيي بايراملاردير: بو زامان موقدّس ييغين چاغيريب ربّه اودلا تقدئملر گتئرئن؛ يانديرما قوربانلاري، تاخيل تقدئملري، قوربانلار و مايع تقدئملري. هر بئرئني اؤز گونونده تقدئم ادئن.
بونلار ربّئن سَبّتلرئندن و ربّه وردئيئنئز هدئيّه‌لردن، نذرلردن و اؤز گؤيلو ائله تقدئم اتدئيئنئز تقدئملردن علاوه‌دئر.
يدّئنجی آيين اون بشئنجي گونو، تورپاغين محصوللاريني ييغاندان سونرا، يدّي گون رب اوچون بايرام کچئردئن. بئرئنجي گون و سکّئزئنجي گون ائستئراحت گونلري اولسون.
بئرئنجي گون گؤزل آغاجلارين مئيوه‌لرئني، خورما آغاجلارينين بوداقلاريني، سيخ يارپاقلي آغاجلارين و چاي قيراغيندا بئتَن سؤيود آغاجلارينين بوداقلاريني اؤزونوز اوچون ييغيب، تارينيز ربّئن حوضوروندا يدّي گون شَنلئک ادئن.
هر ائل رب اوچون بو بايرامي يدّي گون کچئردئن. بو نسئلدن-نسله ابدی قايدادير؛ بو بايرامي يدّئنجی آيدا جشن توتون.
يدّي گون چارداقلاردا قالين؛ بوتون يرلي ائسرايئللی‌لر چارداقلاردا ياشاسينلار.
بلجه سئزئن نسئل‌لرئنئز بئله‌جک کي، من ائسرايئل اؤولادلاريني مئصئر تورپاغيندان چيخارداندان سونرا اونلاري چارداقلاردا يرلشدئردئم. تارينيز رب، منم.
بلجه موسا ائسرايئل اؤولادلارينا ربّئن تعيئن اتدئيي بايراملار بارهسئنده نقل اتدي.
سونرا رب موسايا دانيشيب ددي:
"ائسرايئل اؤولادلارينا امر ات کي، سنه ائشيق اوچون خالئص سيخما زيتون ياغي گتئرسئنلر. بو ياغدان همئشه بئر چيراق
حوضور چاديريندا، شهادت پرده‌سئنئن بايير طرفئنده يانسين. هارون اونو هر آخشام ربّئن حوضوروندا يانديريب سحره قدر نظارت اتسئن. بو نسئلدن-نسله سئزئن اوچون ابدی قايدا اولسون.
ربّئن حوضوروندا خالئص قيزيلدان دوزَلمئش چيراقدانداکي چيراقلارا همئشه نظارت اتسئن.
نارين اون گؤتوروب، اون ائکي فطئر پئشئر؛ هر فطئرده بئر اِفانين اوندا ائکئسئ قدر اون اولسون.
اونلاري ربّئن حوضوروندا خالئص قيزيلدان دوزه‌لمئش مئزه، ائکي سيرايا آلتي-آلتي قوي.
هر سيرانين اوستونه خالئص کوندور قوي. چؤرکلرئن اوستونده‌کي کوندور ربّه اود تقدئمي اولان خاطئره تقدئمي اولسون.
او گرک بو چؤرکلري هر سَبّت گونو دائم ربّئن حوضوروندا دوزسون؛ بو، ائسرايئل اؤولادلاري اوچون ابدی عهددئر.
بو چؤرکلر هارونلا اؤولادلارينين پاييدير. اونلار بو چؤرکلري موقدّس بئر يرده يسئنلر. چونکي بونلار ربّئن اود تقدئملرئندن لاپ موقدّس، هارون اوچون ابدی پايدير."
بئر گون آناسي ائسرايئللي، آتاسي مئصئرلي اولان بئر آدام، ائسرايئل اؤولادلارينين آراسينا چيخدي. او، دوشَرگه‌ده بئر ائسرايئللي ائله ساواشدي.
آناسي ائسرايئللي اولان آدام تارينين آدينا کوفر و لعنت اتدي. او آدامي موسانين يانينا گتئردئلر. اونون آناسينين آدي شِلومئت، دئبري قيزي دان قبئلهسئندن ائدي.
او آدامي حبس ادئب گؤزله‌دئلر کي، ربّئن قراري اونلارا آيدين اولسون.
رب موسايا دانيشيب، ددي:
"لعنت اده‌ني دوشَرگه‌دن قيراغا چيخارت؛ قوي بو لعنتي اشئدنلرئن هاميسي، اللرئني او آدامين باشينا قويسونلار. سونرا بوتون جاماعات اونو داشا باسسينلار.
ائسرايئل اؤولادلارينا دانيشيب اونلارا دِه: «تاريسينا لعنت ادن هر کس، اؤز گوناهينين آلتيندا قالاجاق؛
بوندان علاوه، ربّئن آدينا کوفر دئين هر کس گرک اؤلومه ورئلسئن؛ بوتون جاماعات گرک اونو داشلاسين. ائستر قرئب اولسون، ائستر يرلي، تارينين آدينا کوفر ددئيئنده اؤلومه ورئلسئن.
آيري بئر آدامين جانيني آلان هر کس گرک اؤلدورولسون.
حيواني اؤلدورن آدام، جان عوضئنه جان اولاراق، ضررئن عوضئني ورسئن.
بئر آدام آيري آدامي يارالاسا، او نه جور ادئب، اونا دا بله ادئلسئن:
سينيق عوضئنه سينيق، گؤز عوضئنه گؤز، دئش عوضئنه دئش؛ او آداما نه جور يارا ووروبسا، اونا دا بله وورولسون.
حيوان اؤلدورن، ضررئن عوضئني ورسئن، آمّا آدام اؤلدورن آدام، اؤزو ده اؤلدورولسون.
ائستر قرئب، ائستر يرلي سئزئن آرانيزدا بئر حؤکم اولاجاق؛ چونکي تارينيز رب، منم.»"
موسا ائسرايئل اؤولادلارينا بونو ددی. لعنت اده‌ني دوشَرگه‌دن قيراغا چيخارديب، داشا باسديلار. ائسرايئل اؤولادلاري، ربّئن موسايا امر اتدئيي کئمي، بونا عمل اتدئلر.
سونرا رب سئنا داغيندا موسايا دانيشيب ددي:
"ائسرايئل اؤولادلارينا دانيشيب اونلارا دِه: «سئزه وره‌جَيئم تورپاغا داخئل اولاندا، اؤلکه رب اوچون سَبّتي ساخلامالي‌دير.
آلتي ائل زمئني اَک، اوزوملويونون هَرز بوداقلاريني کس و اونون محصولونو ييغ.
لاکئن يدّئنجی ائل تورپاغين دئنجَلمَک سَبّتي اولسون. بو، ربّئن دئنجلئک سَبّت ائلي‌دئر. بو ائل سن نه زمئني اَک، نه ده اوزوملويونو هَرز بوداقلاردان تمئزله،
بئچئنئندن دوشن توخومدان بئتن محصولو بئچمه و اؤزونه بوراخيلميش اوزوم آغاجلاريندان، سالخيملاري ييغما. تورپاغين گرک بئر ائل دئنجلئيي اولسون.
بو دئنجلئک ائلئنده تورپاغين وردئيي هر محصول سئزئن اوچون يمک اولاجاق؛ قولونوز، کنئزئنئز، موزدلو ائشچئنئز، آرانيزدا ياشايان قرئبئنئز،
حتّا مال-حيوانينيز و اؤلکه‌ده‌کي اولان حيوانلار دا اونون بوتون محصولوندان يئيه‌جکلر.
اؤزون اوچون يدّي دئنجلئک ائلي، يعني يدّي دفه يدّي ائل ساي. يدّي دئنجلئک ائلئن مودّتي قيرخ دوقّوز ائلدئر.
سونرا يدّئنجی آيين اونونجو گونونده کَره‌ناي چالينسين؛ يعني کفّاره گونونده بوتون اؤلکه‌نئزده اوجا سسله کَره‌ناي چالينسين.
بلجه اَللئنجي ائلي تقدئس ادئن و اؤلکهنئن بوتون ساکئنلري اوچون آزادليق اعلان ادئن. بو ائل سئزئن اوچون آزادليق ائلي اولسون؛ هامينيز اؤز مولکونه، اؤز عايئلهسئنه قاييتسين.
اَللئنجي ائل سئزئن اوچون آزادليق ائلي اولسون. او ائل هچ نه اَکمه‌يئن، دوشن توخومدان بئتن محصولو بئچمه‌يئن، اوزوم آغاجلارينيزدان سالخيملاري ييغمايين،
چونکي بو آزادليق ائلي‌دئر؛ سئزئن اوچون موقدّس اولماليدير. زمئنئن محصولونو ييئن.
بو آزادليق ائلئنده هر کس اؤز مولکونه قاييتسين.
اگر دوستونا زمي ساتيب يا دا آليرسان، اوندا حاقسيزليق اتمه.
سن گرک آزادليق ائلئندن نچه ائل کچمه‌سئنه گؤره قئيمتلَندئرئب دوستوندان آلاسان. ساتان آدام دا محصول گؤتوره‌جيي ائللره موناسئب اولاراق ساتسين.
اونون قئيمتئني ائللرئن چوخلوغونا گؤره قالدير، اونون قئيمتئني ائللرئن آزليغينا گؤره اِندئر، چونکي او سنه، محصوللارين مئقداريني ساتير.
بئر-بئرئنئزئن حاقيندا حاقسيزليق اتمهيئن. تارينيزدان قورخون، چونکي تارينيز رب، منم.
منئم قايدالاريما عمل ادئن، حؤکملرئمي ده ساخلايين کي، اونلارا عمل اتمکله اؤلکهده آرخايين ياشاياسينيز.
تورپاق دا باريني ورهجک کي، سئز دويونجا يِيئب اورادا اَمئن-آمانليقدا ياشاياسينيز.
آمّا اگر دئيهسئنئز: «محصول اَکئب-بئچمه‌يَک، يدّئنجی ائلده نه يئيه‌جيئک؟»
آلتينجي ائل اوستونوزه اله برکت تؤکه‌جيم کي، تورپاق اوچ ائلّئک محصول ورهجک.
سکّئزئنجي ائل توخوم اَکَن واخت، حله ده کؤهنه محصولدان يئيه بئلرسئنئز. دوقّوزونجو ائلئن تزه محصولو يِتئشَنه قدر، کؤهنه‌ني ييئن.
اوستهلئک تورپاق دا ابدی اولاراق ساتيلماز؛ چونکي تورپاق منئمدئر، سئز ده منئم يانيمدا قرئب و موسافئرسئنئز.
بلجه مولکونوزدن ساحه ساتاندا، اونون گری آلينما حاقّيني ساخلامالي‌سينيز.
اگر يانينداکي وَطَنداشين يوخسوللاشيب مولکوندن بئر ساحه ساتمالي‌دير، اونون لاپ ياخين قوحومو گلئب، او قوحومونون ساتديغي ساحه‌ني گری آلا بئلر.
اگر گری آلان قوحومو اولماسا، لاکئن سونرالار او تورپاغي گری آلماغا اؤزونون گوجو چاتسا،
او زامان ساتيلان واختدان نچه ائللر کچدئيئني حسابلاسين و قئيمتئن قالان مئقداريني ساتديغي آداما قايتاريب، گئنه اؤز مولکونه مالئک اولسون.
آمّا اگر اونو گری آلماغا يِته‌رئنجه تاپماييب گوجو چاتماسا، ساتديغي ساحه آزادليق ائلئنه قدر، اونو آلان آدامين الئنده قالسين؛ لاکئن آزادليق ائلئنده قايتاريلمالي‌دير کي، ساتان آدام گئنه اؤز مولکونه مالئک اولسون.
اِلَجه ده، اگر بئر آدام قالالي شهرده اولان ياشاديغي اِوئني ساتسا، اونون گری آلينما حاقّي، ساتديغي گوندن تام بئر ائل اعتئباري وار؛ ساتان آدامين گری آلما حاقّي فَقط بئر ائل اعتئبارلي‌دير.
آمّا اگر ائل باشا چاتماميش او آدام اِوي گری آلا بئلمَسه، قالالي شهرده‌کي اِو، همئشهلئک، نسئلدن-نسله اونو آلانين اولاجاق. بو، آزادليق ائلئنده قايتاريلماز.
آنجاق کَندده اولان اِولر کي، اونلارين دووارلاري يوخدور، تورپاق ساحه‌لري کئمي ساييلسين؛ اونلارين گری آلينما حوقوقو واردير و آزادليق ائلئنده قايتاريلار.
لاکئن لاوئلی‌لرئن شهرلرئنده، شهرلرده مالئک اولدوقلاري اِولرئن گری آلينما حوقوقونا همئشهلئک مالئکدئرلر.
بِلَجه، لاوئلره عاييد اولان گری آلينا بئلر و شهرده اولان ساتديغي اِو، آزادليق ائلئنده اونا قايتاريلار. چونکي لاوئلی‌لرئن اِولري، اونلارين ائسرايئل اؤولادلاري آراسينداکي مولکلردئر.
آمّا اونلارين شهرلرئنئن اطراف اوتلاقلاري ساتيلماز، چونکي بونلار لاوئلی‌لرئن همئشهلئک مولکودور.
اگر يانينداکي وطنداشين يوخسوللاشيب و اؤزونو تأمئن اده بئلمئر، اونا کؤمک اتمهليسن. او، سنئن يانيندا ياداِلّي، يا دا موسافئر کئمي ياشايا بئلر.
اوندان سَلَم، و منفعت آلما. تاريندان قورخ و قوي وطنداشين سنئن يانيندا ياشاياسين.
اونا منفعتله پول ورمه، منفعتئني گودمک اوچون ده يمک ورمه.
منم تارينيز رب کي، سئزه کَنَعان تورپاغيني ورمک اوچون و تارينيز اولماق اوچون سئزي مئصئر اؤلکهسئندن چيخارتديم.
اگر يانينداکي وطنداشين يوخسوللاشيب سنه اؤزونو قول کئمي ساتسا، اونا قولون آغير ائشئني گؤردورمه.
او، سنئن يانيندا موزدلو ائشچي، يا دا قوناق کئمي اولاجاق. او، سنه آزادليق ائلئنه‌جک ائشلَيه‌جک،
سونرا اوشاقلاري ائله بئرلئکده، عايئلهسئنئن يانينا گدهجک کي، آتالارينين مولکونه قاييتسين.
چونکي اونلار منئم مئصئر اؤلکهسئندن چيخارتديغيم قوللاريم‌دير؛ اونلار قول کئمي ساتيلمامالي‌ديرلار.
او وطنداشينا شئدّتله آغاليق اتمه. تاريندان قورخ.
قوللارينيز و کنئزلرئنئز اطرافينيزداکي مئلّتلردن اولسون. سئز اونلاردان نؤکر و کنئز ساتين آلا بئلرسئنئز.
آرانيزدا ياشايان موسافئر‌لردن و اونلارين اؤلکه‌نئزده دوغولموش عايئله عوضولرئندن ده ساتين آلا بئلرسئنئز. بونلار سئزئن مولکئيّه‌تئنئز اولاجاق.
سئز اؤزونوزدن سونرا بونلاري اوغوللارينيزا املاک کئمي وصئيّت اده بئلرسئنئز و اونلاري همئشهلئک قول کئمي ائشلَده بئلرسئنئز. آنجاق ائسرايئللي هموطنلرئنئز آراسيندا هچ کئم وطنداشينا شئدّتله آغاليق اتمه‌سئن.
اگر آرانيزدا اولان ياداِلّي و يا موسافئر بئري وارلي اولوب، يانينداکي وطنداشين يوخسوللاشسا و اؤزونو او وارلي ياداِلّي، يا دا موسافئر، و يا اونون عايئله‌سئندن بئرئنه قول کئمي ساتسا،
ساتيلديقدان سونرا اونون گری آلما حوقوقي وار. قارداشلاريندان بئري اونو گری آلا بئلر؛
عَمئسي، يا دا عَمئسي اوغلو دا اونو گری آلا بئلر. عايئله‌سئندن هر بئر ياخين قوحومو اونو گری آلا بئلر. اؤز گوجو چاتاندا، او آدام اؤزونو گری آلا بئلر.
بو آدام اَربابي ائله اؤزونو ساتديغي ائلدن آزادليق ائلئنه قدر، موزدلو ائشچئنئن ائش مودّتي کئمي حسابلاشار و ائللرئن سايينا گؤره قئيمتي قويولار.
اگر حله آزادليق ائلئنه چوخ ائل قالير، ساتين آلينديغي پولون بئر حئصّهسئني اونلارا گری قايتارار.
لاکئن اگر آزادليق ائلئنه آز قالير، او مودّته گؤره حساب ادئب گری آلينمانين قئيمتي اولاراق آز ورَر.
آغاسينين يانيندا ائل به ائل اولان موزدلو ائشچي کئمي ساييلار. آغاسي دا سنئن گؤزونونده اونا شئدّتله آغاليق اتمه‌مه‌لي‌دئر.
اگر او آدام بو يوللالا گری آلينماميشدير، گئنه ده آزادليق ائلئنده اوشاقلاري ائله بئرلئکده آزاد اولسون.
چونکي ائسرايئل اؤولادلاري منئم قوللاريم‌دير، اونلار منئم مئصئر اؤلکهسئندن چيخارتديغيم قوللاريم‌دير. تارينيز رب، منم.
اؤزونوزه بوتلر دوزلتمه‌يئن؛ اويما بوت، و يا موقدّس سوتون دا اؤزونوز اوچون قويمايين، اؤلکه‌نئزده يونولموش داش قويوب قاباغيندا سجده اتمهيئن؛ چونکي تارينيز رب، منم.
سَبّت گونلرئمي ساخلايين، موقدّس مکانيما دا حؤرمت ادئن. رب منم.
اگر قانونلاريملا ياشاياسينيز و امرلرئمي ائطاعت ادهسئنئز کي، اونلاري يرئنه يتئرهسئنئز،
سئزه مؤوسومونده ياغيش گؤندرهجيم کي، تورپاق اؤز محصولونو، زَمئده‌کي آغاجلار دا مئيوه‌لرئني ورسئن.
سئزئن خرمنئنئز اوزوم ييغيمينا قدر داوام ادهجک، اوزومونوز او قدر بول اولاجاق کي، اونون ييغيلماسي اَکئن واختينا قدر داوام ادهجک. چؤره‌يئنئزي دويونجا يِيئب، اؤلکه‌نئزده آرخايين ياشاياجاقسينيز.
اؤلکه‌نئزه صولح ورهجيم؛ ياتاندا سئزي واهئمه‌يه سالان اولماياجاق. ييرتيجي حيوانلاري اؤلکه‌دن قوواجاغام و موحارئبه اوزو گؤرمَيه‌جکسئنئز.
دوشمنلرئنئزي قوواجاقسينيز و اونلار قيلينج ضربه‌لري ائله قاباغينيزدا يره ييخيلاجاقلار.
بِشئنئز يوز آدامي، يوزونوز اون مئن آدامي قوواجاق. دوشمنلرئنئز قيلينج ضربه‌لري ائله قاباغينيزدا يره ييخيلاجاقلار.
من اوزومو سئزه چوئره‌جيم، سئزي آرتيريب چوخالداجاغام، سئزئنله باغلاديغيم اؤز عهدئمي يرئنه يتئره‌جيم.
ساخلاديغينيز محصولو يئيهجکسئنئز و تزه محصول اوچون کؤهنه‌ني بوشالداجاقسينيز.
اوستهلئک، من آرانيزدا ساکئن اولاجاغام و جانيم سئزدن ائکراه اتمَيه‌جکدئر.
من ده آرانيزدا ياشاييب سئزئن تارينيز اولاجاغام، سئز ده منئم خالقيم اولاجاقسينيز.
سئزي مئصئر تورپاغيندان چيخاردان و اونلارين نؤکرچئلئيئندن آزاد ادن، يوغونوزون گئره‌لرئني قيريب باشينيزي اوجالدان تارينيز رب، منم.
آمّا اگر مندن ائطاعت اتمهيئب بوتون بو امرلرئمه عمل اتميهسئنئز،
اگر قانونلاريما خور باخيب حؤکملرئمي قَلبئنئزدن ردّ ادهسئنئز، اله کي، منئم بوتون امرلرئمه عمل اتمهيئب، عهدئمي پوزاسينيز،
من ده سئزه بونو ادهجيم: اوستوزه دهشت سالاجاغام. سل و قيزديرما گؤزلرئنئزئن نورونو سؤندوره‌جک، جانينيزي گَمئره‌جک. توخوملارينيزي هدر يره اَکه‌جکسئنئز؛ اونلاردان عمله گلن محصولو دوشمنلرئنئز يئيهجک.
اوزومو سئزدن دؤندره‌جيم اله کي، دوشمنلرئنئزئن موقابئلئنده وورولوب يره ييخيلاسينيز. سئزدن نئفرت ادنلر، اوستونوزده حؤکم سوره‌جکلر؛ سئزي قووان اولماسا دا، قاچاجاقسينيز.
اگر بونلارا باخماييب گئنه مندن ائطاعت اتمَيه‌سئنئز، او واخت گوناهلارينيزا گؤره سئزي يدّي قات آرتيق جزالانديراجاغام.
گوجلو تکبّورونوزو قيراجاغام. باشينيز اوستونده اولان گؤيلر دمئر و آياغينيز آلتينداکي يري بورونج کئمي ادهجيم.
قووّتئنئز هدر يره تؤکَنه‌جک، چونکي نه تورپاغينيز محصول ورهجک، نه ده اؤلکه‌ده‌کي آغاجلارينيز مئيوه ورهجک.
اگر منئمله عداوت ادئب، سؤزلرئمدن حله ده ائطاعت اتمک ائستَميه‌سئنئز، من ده سئزه گوناهلارينيزا گؤره يدّي قات آرتيق بلا گؤندره‌رم.
اوستونوزه وحشي حيوانلار گؤندره‌رم کي، اؤولادلارينيزي اؤلدوروب مال-حيوانلارينيزي پارچالايالار و سايينيزي آزالدالار و يوللارينيز ترک اولونموش قالار.
اگر بونلاردان عئبرت درسي آلماييب منه دؤنمَيه‌سئنئز و حله ده منئمله عداوت ادهسئنئز،
من ده سئزئنله عداوت ادهجيم و گوناهلارينيزا گؤره سئزي يدّي قات آرتيق جزالانديراجاغام.
عهدي پوزدوغونوزا گؤره قئصاص آلماق اوچون اوستونوزه قيلينج گؤندرهجيم. شهرلرئنئزده سيغيناندا آرانيزا وَبا سالاجاغام کي، دوشمنئن اَلئنه دوشهسئنئز.
چؤره‌يئنئزي کسدئيئم زامان، اون آرواد بئر تندئرده چؤرک پئشئره‌جک و اونو چکي ائله پايلاياجاقلار، اله کي، ييئب دويماياسينيز.
اگر سئز بوندان سونرا دا مندن ائطاعت اتمَيه‌سئنئز و منئمله عداوت ادهسئنئز،
بو دفه من ده سئزئن حاقّيزدا قضبله عداوت ادهجيم و من، بلی من، سئزي گوناهلارينيزا گؤره يدّي قات آرتيق تنبه ادهجيم.
اوغوللارينيز و قيزلارينيزين اَتئني يئيهجکسئنئز.
سجده‌گاهلارينيزي محو ادئب، بوخور قوربانگاهلارينيزي يوخ ادهجيم، بوتلرئنئزي دِوئره‌جيم و سئزئن مِيئتلرئنئزي بوتلرئنئزئن مِيئتلرئنئن اوستونه سَره‌جيم، چونکي جانيم سئزدن ائيرَنه‌جکدئر.
شهرلرئنئزي خارابا قوياجاغام، موقدّس مکانلارينيزي وئرانه‌لئيه دؤنده‌رئب، خوش عطئرلرئنئزي قبول اتميه‌جيم.
اؤلکه‌نئزي اله وئرانه قوياجاغام کي، اوراني ائشغال ادن دوشمنلرئنئز، دهشته دوشسونلر.
لاکئن سئزي مئلّتلر آراسينا داغيداجاغام و آرخانيزجا قيلينجلا دوشه‌جيم. تورپاغينيز وئرانه‌لئيه، شهرلرئنئز خاراباليغا دؤنهجک.
سئز دوشمن تورپاغيندا ياشايارکَن، اؤلکه بوتون وئرانليق گونلرئنده سَبّتلرئني توتاجاق؛ بوتون بو واخت عرضئنده اؤلکه دئنجه‌لئب سَبّت ائللرئني توتاجاق.
اؤلکه بو وئرانليق گونلرئنده، او راحاتليغي گؤرهجک کي، سئزئن اورادا ياشاديغينيز سَبّتلرئنئزده گؤرمه‌دي.
دوشمن اؤلکه‌لرئنده سئزدن صاغ قانلارين اورَکلرئنه اومئدسئزلئک سالاجاغام و اونلار حتّا کولَکدن تَرپه‌نَن يارپاغين خيشيلتيسيندان قورخوب قاچاجاقلار. اونلاري قووان اولماسا دا، قيلينج قاباغيندان قاچان کئمي قاچيب ييخيلاجاقلار؛
بئربئرئنئن اوستونه اله بودرهيهجکلر کي، اله بئل، قيلينج قاباغيندان قاچيرلار، حال بو کي، هچ کئم اونلاري قووالامير؛ دوشمنلرئنئز موقابئلئنده دورماغا قووّتئنئز اولماياجاق.
مئلّتلر آراسيندا هلاک اولاجاقسينيز، دوشمنلرئنئزئن تورپاغي سئزي اوداجاق.
سئزدن صاغ قالانلار دا دوشمن اؤلکه‌لرئنده هم اؤز خاطالاري اوچون، هم ده آتالارينين خاطالاريندان اؤتري اونلارلا چورويه‌جکلر.
اگر اؤزلرئنئن و آتالارينين خاطالارينا اعتئراف ادئب، منئم ضئدّئمه اتدئيي خَيانته، هم ده منئمله اتدئيي عداوته ائقرار ادهلر،
و بونا دا کي، من اونلارلا عداوت ادئب اونلاري دوشمنلرئنئن تورپاغينا آپارميشام. اگر اونلارين ختنه اولونماميش اورَکلري يومشاليب خاطالاريني قبول ادهلر.
او زامان من يعقوبلا، ائسحاقلا، ائبراهئمله باغلاديغيم عهدئمي و اؤلکهني خاطيرلاياجاغام.
چونکي اؤلکهني ترک ادهجکلر و تورپاق اونلارسيز وئران قاليب سَبّت دئنجلرئندن لذّت آپاراجاق. بو آرادا اونلار اؤز خاطالارينين جزاسيني چکهجکلر، چونکي حؤکملرئمي ردّ اتدئلر و جانلاري منئم قانونلاريمدان ائيرَندي.
بونا باخماييب، دوشمن اؤلکهسئنده ياشاديقلاري زامان، اونلارا خور باخيب ردّ اتميه‌جيم. بلجه من اونلاري محو ادئب باغلاديغيم عهدئمي پوزماياجاغام، چونکي اونلارين تاريسي رب، منم.
آنجاق اونلارين حاقّيندا، اَجدادلاري ائله باغلاديغيم عهدي خاطيرلاياجاغام. او اجدالاريني کي، آيري مئلّتلرئن گؤزلري قاباغيندا، اونلارين تاريسي اولماق اوچون مئصئر تورپاغيندان چيخارتديم. رب منم.»"
بونلار ربّئن اؤزو ائله ائسرايئل اؤولادلاري آراسيندا، سئنا داغيندا موسا واسئطهسئله وردئيي قايدالار، حؤکملر و قانونلاردير.
گئنه رب موسايا دانيشيب ددي:
"ائسرايئل اؤولادلاري ائله دانيشيب اونلارا دِه: «ائنسانلاري ربّه تقدئم ادن آدام، نذرئني بو دَيَرئنه گؤره وره بئلر:
موقدّس مکانين شِکِلئنئن اؤلچوسونه گؤره، ائيئرمي ياشيندان آلتميش ياشينا قدر کئشئنئن دَيَري، اَلّي شِکِل گوموشدور؛
آروادين دَيَري اوتوز شِکِلدئر؛
بش ياشيندان ائيئرمي ياشينا قدر اوغلانين دَيَري، ائيئرمي شِکِل، قيزين دا اون شِکِلدئر؛
بئر آيدان بش ياشا قدر اولان اوغلانين دَيَري بش شِکِل گوموش؛ قيزين دَيَري ده اوچ شِکِل گوموشدور؛
آلتميش ياشيندان يوخاري اولان کئشئنئن دَيَري اون بش شِکِل، آروادين اون شِکِلدئر؛
اگر نذرئنه عمل ادن آدام بله دَيَري ورمک اوچون چوخ کاسيبدير، قوي تقدئم اتدئيي آدامي کاهئنئن قاباغينا گتئرسئن کي، کاهئن اونو قئيمتلَندئرسئن. نذرئنه عمل ادهنئن گوجو نَيه چاتير، کاهئن اونون قئيمتئني تعيئن اتسئن.
اگر بئر نفر ربّه قوربان گتئرئلَن حيوانلاردان بئرئني تقدئم اتسه، بونلاردان ربّه ورئلَن هر بئري موقدّسدئر.
او آدام حيواني دَيئشدئرمه‌سئن. نه پئسي ياخشي ائله، نه ياخشيسيني پئس ائله عوض اتمه‌سئن. اگر او، حيوانين عوضئنه حيواني دَيئشدئرئرسه، او و دَيئشدئرئلَن حيوان موقدّس ساييلسين.
اگر ربّه قوربان گتئرميه لايئق اولمايان هر هانسي نجئس حيوانلاردان بئرئني تقدئم اتسه، قوي او حيواني کاهئنئن يانينا گتئرسئن؛
کاهئن اونو ياخشي، و يا پئس اولدوغونا گؤره قئيمتلَندئرسئن؛ اونون دَيَرئني تعيئن ات و دَيَري او اولاجاقدير.
اگر حيواني تقدئم ادن اونو گری آلماق ائسته‌سه، اوندا سنئن تعيئن اتدئيئن دَيَره بِشده بئري قدر علاوه ادئب ورسئن.
بئر نفر اؤز اِوئني موقدّس تقدئم کئمي ربّه وقف ادنده، کاهئن اِوي ياخشي و يا پئس اولدوغونا گؤره قئيمتلَندئرسئن. قئيمت کاهئنئن تعيئن اتدئيي کئمي قالسين.
اگر او آدام اِوئني گری آلماق ائسته‌سه، اونون قئيمتئنه بِشده بئرئني علاوه ادئب ورسئن و اِو اونا قاييتسين.
اگر بئر نفر مولکو اولان زمي ساحه‌سئني ربّه وقف ادئر، اورادا اَکئلَن توخوم مئقدارينا گؤره، بئر حومِر آرپا اَکئلَن زمئنئن قئيمتي، اَلّي شِکِل گوموش اولسون.
اگر او آدام زمئسئني آزادليق ائلئندن باشلاييب وقف ادئر، اونون دَيَري تامام قالسين.
اگر زمئسئني آزادليق ائلئندن سونرا وقف ادئر، کاهئن اونونلا قئيمتئني سونراکي آزادليق ائلئنه قدر قالان مودّته گؤره حسابلاسين و دَيَري بله آشاغي سالينسين.
اگر زمئني وقف ادن آدام اونو گری آلماق ائسته‌سه، اونون قئيمتئنه بِشده بئرئني علاوه ادئب ورسئن و زمي اونا قاييتسين.
اگر زمئني گری آلمادان آيري بئرئنه ساتسا، سونرا اونو هچ واخت گری آلا بئلمز.
او زمي آزادليق ائلئنده آزاد اولاندا، تقدئم اولونموش بئر زمي کئمي، رب اوچون وقف ادئلمئش ساييلسين؛ او، کاهئنئن مولکو اولسون.
اگر بئر نفر اؤز مولکو اولماياراق، ساتين آلديغي بئر زمئني ربّه وقف اتسه،
قوي کاهئن اونون اوچون دَيَرئني آزادليق ائلئنه قدر حسابلاسين. او آدام همئن گون قئيمتي رب اوچون وقف ادئلمئش بئر شي کئمي ورسئن.
آزادليق ائلئنده همئن زمي ساتين آلينديغي آداما کي، زمئنئن صاحئبي ائدي، قايتاريلسين.
بوتون دَيَر موقدّس مکانداکي شِکِله گؤره ساييلسين. بو شِکِل ائيئرمي گِرايا برابردئر.
حيوانلار آراسيندا ائلک دوغولان ربّه عاييددير. هِج کئم اونو وقف اتمه‌سئن. ائستر اؤکوز اولسون، ائستر قويون، اونلار ربّئندئر.
اگر نجئس حيوانين بالاسي اولسا، اونو گتئرن آدام اونون دَيَرئنه بِشده بئرئني علاوه ادئب گری آلا بئلر. اگر او گری آلينميرسا، دَيَرئنه گؤره ساتيلسين.
بئر نفرئن اؤز املاکيندان ائستر آدام، ائستر حيوان، ائستر مولکو اولان زمي ساحه‌سي، يعني، ربّه همئشهلئک تقدئم اتدئيي هر بئر شي نه ساتيلسين، نه ده گری آلينسين. همئشهلئک تقدئم اولونموش هر شي رب اوچون لاپ موقدّسدئر.
محو ادئلميه وقف اولونموش هچ کسه عوض ورئله بئلمز، گرک اؤلدورولسون.
تورپاغين محصولوندان، اونون وردئيي تاخيلدان و آغاجلارين مئيوه‌سئندن اوندا بئر حئصّهسي ربّه عاييددير و رب اوچون وقف اولونوب.
اگر بئر نفر اؤز اوندا بئر حئصّهسئني گری آلماق ائسته‌سه، قوي قئيمتئنه بِشده بئرئني علاوه ادئب ورسئن.
بوتون رَمه‌نئن يا دا سورونون اوندا بئري اوچون، چوبان دَيَنَکئنئن آلتيندان کچن هر اونونجو حيوان، رب اوچون وقف اولونموش ساييلسين.
حيوان صاحئبي حيوانلارا ياخشي و يا پئس فرق قويوب باخماسين؛ بئرئني او بئري ائله ديئشدئرمه‌سئن. اگر او بله ديئشدئرسه، او و ديئشدئرئلن حيوان موقدّس ساييليب گری آلينماز.»"
بونلار، ربّئن موسايا، ائسرايئل اؤولادلاري اوچون، سئنا داغيندا وردئيي امرلردئر.
ائسرايئل اؤولادلارينين مئصئر اؤلکهسئندن چيخماسينين ائکئنجي ائلئنده، ائکئنجي آيين بئرئنجي گونو سئنا صحراسيندا، حوضور چاديريندا رب موسايا بله ددی:
"بوتون ائسرايئل اؤولادلاري جاماعاتيني، عايئلهلري و آتالارينين اِو اَهلي ائله بئرلئکده سئياهييا آلين. بوتون اِرکَکلري بئر-بئر سايئب آدلاريني يازين.
ائسرايئلده ائيئرمي و اوندان يوخاري ياشدا دؤيوشه قابئل اولان هر کئشئني، سن و هارون فوجلارينا گؤره ساياجاقسينيز.
سئزئنله برابر هر قبئلهدن بئر کئشي اولسون؛ بو کئشئلر عايئله باشچيسي اولمالي‌ديرلار.
سئزه کؤمک ادهجک آداملار بونلاردير: رِعوبئن قبئلهسئندن: شِده‌اور اوغلو اِلئصور؛
شَمعوندان: صورئشَدّاي اوغلو شِلومئيِل؛
يهودادان: عَمّئناداب اوغلو نَخشون؛
يئسّاکاردان: صوغَر اوغلو نِته‌نِل؛
زِبولوندان: خِلون اوغلو اِلئآب؛
يوسئف اؤولادلاريندان: اِفرايئمدن: عَمّئهود اوغلو اِلئشاماع مِنَسّه‌دن: پِدَهصور اوغلو گَملي‌اِل؛
بِنيامئندن: گئدعوني اوغلو اَبئدان؛
داندان: عَمّئشَدّاي اوغلو اَخئعَزَر؛
آشِردن: اوکران اوغلو پَگعي‌اِل؛
جاددان: دِعواِل اوغلو اِلياساف؛
نَفتالئدن: عِينان اوغلو اَخئرَع."
بونلار جاماعاتدان تعيئن ادئلمئش آداملار، اؤز آتا-بابالارينين قبئله رهبرلري و ائسرايئلئن طايفا باشچيلاري ائدئلر.
بلجه موسا و هارون آدلاري بئلدئرئلَن بو آداملاري گتئرتدئلر.
ائکئنجي آيين بئرئنجي گونونده بوتون جاماعاتي ييغديلار؛ عايئله‌لرئنه و آتالارينين اِو اهلئنه گؤره آدلارينين سئياهيسي ائله ائيئرمي و اوندان يوخاري ياشدا اولانلار آيري- آيري يازيلديلار،
نجه کي، رب موسايا امراتمئشدي. بلجه موسا اونلاري سئنا صحراسيندا سئياهييا آلدي.
ائسرايئلئن ائلک اوغلو رِعوبئنئن اؤولادلاريندان، ائيئرمي و اوندان يوخاري ياشدا دؤيوشه قابئل اولان هر کئشي، منصوب اولدوغو نسئل و عايئله‌يه گؤره آدلار سئياهيسينا آيري-آيري قيد ادئلدي.
رِعوبئن قبئلهسئندن ساييلانلار ۴۶۵۰۰ کئشي ائدي.
شَمعون اؤولادلاريندان، ائيئرمي و اوندان يوخاري ياشدا دؤيوشه قابئل اولان هر کئشي، منصوب اولدوغو نسئل و عايئله‌يه گؤره ساييليب، آدلار سئياهيسينا آيري-آيري قيد ادئلدي.
شَمعون قبئلهسئندن ساييلانلار ۵۹۳۰۰ کئشي ائدي.
جاد اؤولادلاريندان، ائيئرمي و اوندان يوخاري ياشدا دؤيوشه قابئل اولان هر کئشي، منصوب اولدوغو نسئل و عايئله‌يه گؤره آدلار سئياهيسينا قيد ادئلدي.
جاد قبئلهسئندن ساييلانلار ۴۵۶۵۰ کئشي ائدي.
يهودا اؤولادلاريندان، ائيئرمي و اوندان يوخاري ياشدا دؤيوشه قابئل اولان هر کئشي، منصوب اولدوغو نسئل و عايئله‌يه گؤره آدلار سئياهيسينا قيد ادئلدي.
يهودا قبئلهسئندن ساييلانلار ۷۴۶۰۰ کئشي ائدي.
يئسّاکار اؤولادلاريندان، ائيئرمي و اوندان يوخاري ياشدا دؤيوشه قابئل اولان هر کئشي، منصوب اولدوغو نسئل و عايئله‌يه گؤره آدلار سئياهيسينا قيد ادئلدي.
يئسّاکار قبئلهسئندن ساييلانلار ۵۴۴۰۰ کئشي ائدي.
زِبولون اؤولادلاريندان، ائيئرمي و اوندان يوخاري ياشدا دؤيوشه قابئل اولان هر کئشي، منصوب اولدوغو نسئل و عايئله‌يه گؤره آدلار سئياهيسينا قيد ادئلدي.
زِبولون قبئلهسئندن ساييلانلار ۵۷۴۰۰ کئشي ائدي.
يوسئف اؤولادلاريندان، يعني اِفرايئم اؤولادلاريندان، ائيئرمي و اوندان يوخاري ياشدا دؤيوشه قابئل اولان هر کئشي، منصوب اولدوغو نسئل و عايئله‌يه گؤره آدلار سئياهيسينا قيد ادئلدي.
اِفرايئم قبئلهسئندن ساييلانلار ۴۰۵۰۰ کئشي ائدي.
مِنَسّه اؤولادلاريندان، ائيئرمي و اوندان يوخاري ياشدا دؤيوشه قابئل اولان هر کئشي، منصوب اولدوغو نسئل و عايئله‌يه گؤره آدلار سئياهيسينا قيد ادئلدي.
مِنَسّه قبئلهسئندن ساييلانلار ۳۲۲۰۰ کئشي ائدي.
بِنيامئن اؤولادلاريندان، ائيئرمي و اوندان يوخاري ياشدا دؤيوشه قابئل اولان هر کئشي، منصوب اولدوغو نسئل و عايئله‌يه گؤره آدلار سئياهيسينا قيد ادئلدي.
بِنيامئن قبئلهسئندن ساييلانلار ۳۵۴۰۰ کئشي ائدي.
دان اؤولادلاريندان، ائيئرمي و اوندان يوخاري ياشدا دؤيوشه قابئل اولان هر کئشي، منصوب اولدوغو نسئل و عايئله‌يه گؤره آدلار سئياهيسينا قيد ادئلدي.
دان قبئلهسئندن ساييلانلار ۶۲۷۰۰ کئشي ائدي.
آشِر اؤولادلاريندان، ائيئرمي و اوندان يوخاري ياشدا دؤيوشه قابئل اولان هر کئشي منصوب اولدوغو نسئل و عايئله‌يه گؤره آدلار سئياهيسينا قيد ادئلدي.
آشِر قبئلهسئندن ساييلانلار ۴۱۵۰۰ کئشي ائدي.
نَفتالي اؤولادلاريندان، ائيئرمي و اوندان يوخاري ياشدا دؤيوشه قابئل اولان هر کئشي، منصوب اولدوغو نسئل و عايئله‌يه گؤره آدلار سئياهيسينا قيد ادئلدي.
نَفتالي قبئلهسئندن ساييلانلار ۵۳۴۰۰ کئشي ائدي.
بونلار موسا، هارون و ائسرايئلئن اون ائکي رهبري طرفئندن سئياهييا آلينديلار؛ هر بئري منصوب اولدوقلاري عايئله‌ني تمثئل ادئردي.
بلجه ائسرايئل اؤولادلاريندان ائيئرمي و اوندان يوخاري ياشدا دؤيوشه قابئل اولان کئشئلرئن هاميسي، منصوب اولدوقلاري عايئله‌يه گؤره سئياهييا آلينديلار.
سئياهييا آلينانلارئن جَمي ۶۰۳۵۵۰ کئشي ائدي.
لاکئن اونلارين آراسيندا لاوئلی‌لر آتالارينين قبئلهسئنه گؤره سئياهييا آلينمادي.
چونکي رب موسا ائله دانيشيب اونا دمئشدي:
«آنجاق لاوي قبئله‌سئني سئياهييا آلما، ساييلاريني دا او بئري ائسرايئل اؤولادلارينين سئياهيسينا قاتما.
آمّا شهادت خيمهسي ائله اونون بوتون آوادانليغينين مسعولئيّتئني، هم ده خيمه‌يه عاييد اولان هر شيئن مسعولئيّتئني اونلارين اوستونه قوي. خيمهني و اونون بوتون آوادانليغيني اونلار داشيسينلار، خيمه‌يه باخسينلار، اونون اطرافيندا دا دوشَرگه سالسينلار.
خيمه داشيناجاغي زامان، لاوئلی‌لر اونو ييغسينلار. خيمه بئر يره قويولاجاغي زامان، گئنه لاوئلی‌لر اونو قورسونلار. اونلاردان باشقا خيمه‌يه ياخينلاشان هر کس اؤلدورولسون.
ائسرايئل اؤولادلاريندان هر کس چاديريني اؤز بؤلوکونده قورسون. هر کس اؤز دوشَرگه‌سئنده اؤز بؤلوکونون بايراغي آلتيندا اولسون.
لاوئلی‌لر ده شهادت خيمهسي اطرافيندا دوشَرگه سالسينلار کي، ائسرايئل جاماعاتي ربّئن قضبئنه دوچار اولماسين. لاوئلی‌لر شهادت خيمهسئنه مسعول اولسونلار.»
ائسرايئل اؤولادلاري بوتون بونلاري ربّئن موسايا امر اتدئيي کئمي اتدئلر.
رب موسا و هارونلا دانيشيب اونلارا ددي:
«ائسرايئل اؤولادلاري حوضور چاديريني اَحاطه ادئب، بئر آز کناردا، هر بئري اؤز بايراغينين آلتيندا آتالارينين اِو اَهلئنئن نئشاني ائله دوشَرگه سالسينلار.
شرق طرفئنده، گون دوغان طرف يهودا اوردوگاهينا عاييد بؤلوکلر اؤز بايراغينين آلتيندا دوشَرگه سالسينلار. يهودالي‌لارين رهبري عَمّئناداب اوغلو نَخشون اولسون.
يهودا اوردوسوندا ۷۴۶۰۰ نفر سئياهييا آليندي.
اونون يانيندا دوشَرگه سالانلار يئسّاکار قبئله‌سي اولاجاق. يئسّاکارلي‌لارين رهبري صوغَر اوغلو نِته‌نِل اولسون.
اونون اوردوسوندان ۵۴۴۰۰ نفر سئياهييا آليندي.
سونرا زِبولون قبئله‌سي دوشَرگه سالاجاق. زِبولون اؤولادلارينين رهبري خِلون اوغلو اِلئآب اولسون.
اونون اوردوسوندان ۵۷۴۰۰ نفر سئياهييا آليندي.
يهودا اوردوگاهيندان بؤلوکلرئنه گؤره بوتون ساييلانلار ۱۸۶۴۰۰ نفر ائدي. اونلار بئرئنجي کؤچه‌جکلر.
جنوب طرفئنده رِعوبئن اوردوگاهينا عاييد بؤلوکلر اؤز بايراغينين آلتيندا دوشَرگه سالاجاقلار. رِعوبئنلی‌لرئن رهبري شِدِه‌اور اوغلو اِلئصور اولسون.
رِعوبئن اوردوسوندان ۴۶۵۰۰ نفر سئياهييا آليندي.
اونون يانيندا دوشَرگه سالانلار شَمعون قبئله‌سي اولاجاق. شَمعونلولارين رهبري صورئشَدّاي اوغلو شِلومئيِل اولسون.
اونون اوردوسوندان ۵۹۳۰۰ نفر سئياهييا آليندي.
سونرا جاد قبئله‌سي دوشَرگه سالاجاق. جادلي‌لارين رهبري دِعواِل اوغلو اِلياساف اولسون.
اونون اوردوسوندان ۴۵۶۵۰ نفر سئياهييا آليندي.
رِعوبئن اوردوگاهيندان فوجلارينا گؤره ساييلانلارين جَمي ۱۵۱۴۵۰ نفر ائدي. ائکئنجي اونلار کؤچه‌جکلر.
سونرا حوضور چاديري يولا دوشسون و لاوئلی‌لرئن دوشَرگه‌سي، دوشَرگه‌لرئن اورتاسيندا اولسون. هَره نجه دوشَرگه ساليب، همئن نئظاملا، اؤز بايراغي آلتيندا يولا دوشسون.
قرب طرفئنده اِفرايئم اوردوگاهينا عاييد بؤلوکلر اؤز بايراغينين آلتيندا دوشَرگه سالاجاقلار. اِفرايئملی‌لرئن رهبري عَمّئهود اوغلو اِلئشاماع اولسون.
اِفرايئم اوردوسوندان ۴۰۵۰۰ نفر سئياهييا آليندي.
اونون يانيندا مِنَسّه قبئله‌سي اولاجاق. مِنَسّه‌لی‌لرئن رهبري پِدَهصور اوغلو گَملي‌اِل اولسون.
اونون اوردوسوندان ۳۲۲۰۰ نفر سئياهييا آليندي.
سونرا بِنيامئن قبئله‌سي دوشَرگه سالاجاق. بِنيامئنلی‌لرئن رهبري گئدعوني اوغلو اَبئدان اولسون.
اونون اوردوسوندان ۳۵۴۰۰ نفر سئياهييا آليندي.
اِفرايئم اوردوگاهيندان فوجلارينا گؤره ساييلانلارين جَمي ۱۰۸۱۰۰ نفر ائدي. اوچونجو اونلار کؤچه‌جکلر.
شئمال طرفئنده دان اوردوگاهينا عاييد بؤلوکلر اؤز بايراغينين آلتيندا دوشَرگه سالاجاقلار. دانلي‌لارين رهبري عَمّئشَدّاي اوغلو اَخئعَزَر اولسون.
دان اوردوسوندان ۶۲۷۰۰ نفر سئياهييا آليندي.
اونون يانيندا دوشَرگه سالانلار آشِر قبئله‌سي اولاجاق. آشِرلی‌لرئن رهبري عوکران اوغلو پَگعي‌اِل اولسون.
اونون اوردوسوندان ۴۱۵۰۰ نفر سئياهييا آليندي.
سونرا نَفتالي قبئله‌سي دوشَرگه سالاجاق. نَفتالی‌لرئن رهبري عِينان اوغلو اَخئرَع اولسون.
اونون اوردوسوندان ۵۳۴۰۰ نفر سئياهييا آليندي.
دان اوردوگاهيندان جَمي ۱۵۷۶۰۰ نفر سئياهييا آليندي. اؤز بايراقلارينين آلتيندا لاپ آخيري اونلار کؤچه‌جکلر.»
ائسرايئل اؤولادلاريندان آتالارينين اِو اَهلئنه گؤره سئياهييا آلينانلار بونلاردير. اوردوگاهلاردان بؤلوکلرئنه گؤره جَمي ۶۰۳۵۵۰ نفر سئياهييا آليندي.
آنجاق ربّئن موسايا امر اتدئيي کئمي، لاوئلی‌لر او بئري ائسرايئل اؤولادلاري ائله بئرلئکده سئياهييا آلينماديلار.
ائسرايئل اؤولادلاري ربّئن موسايا امر اتدئيي هر شيي يرئنه يتئردئلر. بايراقلارينين آلتيندا بله دوشَرگه سالديلار و هر کس اؤز عايئله‌سي ائله آتاسينين اِو اَهلئنه گؤره بله يولا دوشدو.
رب سئنا داغيندا موسا ائله دانيشديغي زامان، هارونلا موسانين نسئل تارئخچه‌سي بلهدئر.
هارونون اوغوللارينين آدلاري بلهدئر: ائلک دوغولان ناداب، اَبئهو، اِلعازار و ائتامار.
هارونون کاهئنلئک وظئفهسئنه کچئرتدئيي اوغوللارينين آدلاري بونلاردير کي، مسح اولونموش کاهئنلر ائدئلر.
لاکئن ناداب ائله اَبئهو سئنا صحراسيندا ربّئن حوضوروندا حارام اود تقدئم اِدَرکَن اؤلدولر. اونلارين اؤولادلاري يوخ ائدي. بونا گؤره اِلعازارلا ائتامار آتالاري هارونون يانيندا کاهئنلئک اتدئلر.
سونرا رب موسا ائله دانيشيب اونا ددي:
"لاوي قبئله‌سئني گتئر و کاهئن هارونون قاباغيندا داياندير کي، اونا خئدمت اتسئنلر.
قوي حوضور چاديرينين قاباغيندا هارون و بوتون جاماعات اوچون اؤز وظئفه‌لرئني يرئنه يتئرسئنلر و خيمهنئن خئدمتئني اتسئنلر.
حوضور چاديرينين بوتون آوادانليغينا باخسينلار و خيمه‌يه خئدمت ادئب، ائسرايئل اؤولادلاري اوچون وظئفه‌لرئني يرئنه يتئرسئنلر.
بلجه سن لاوئلی‌لري هارونلا اوغوللارينين ائختئيارينا ورمه‌لي‌سن؛ اونلار ائسرايئل اؤولادلاري آراسيندان کامئل اونون خئدمتئنه ورئلئبدئر.
هارونلا اوغوللاريني تعيئن ات کي، کاهئنلئک وظئفه‌لرئني يرئنه يتئرسئنلر؛ آمّا موقدّس مکانا ياخينلاشان عادي آدام اؤلدورولسون."
رب گئنه موسا ائله دانيشيب اونا ددي:
"باخ، ائسرايئل آروادينين دوغدوغو ائلک اوغلان اوشاغينين عوضئنه، ائسرايئللی‌لر آراسيندان لاوئلی‌لري سچمئشم. بونا گؤره ده لاوئلی‌لر منئمدئرلر.
چونکي بوتون ائلک اوغلانلار منئمدئرلر. مئصئر تورپاغيندا بوتون ائلک اوغلانلاري محو اتدئيئم گون، ائسرايئلده ائستر ائنسان، ائستر حيوان، بوتون ائلک اوغلانلاري اؤزوم اوچون آييرديم. اونلار منئم اولاجاقلار. رب منم."
رب سئنا صحراسيندا موسا ائله دا‌نشيب اونا ددي:
"لاوئلی‌لري آتالارينين اِو اَهئلنه و عايئله‌لرئنه گؤره سئياهييا آل. بئر آيليق و اوندان يوخاري ياشدا اولان بوتون کئشي جئنسئندن اولانلاري سئياهييا آل.»
موسا دا ربّئن سؤزونه گؤره امر ادئلدئيي کئمي اونلاري سئياهييا آلدي.
لاوي اوغوللارينين آدلاري بونلاردير: گِرشون، قوحات و مِراري.
گِرشون اوغوللارينين آدلاري اونلارين عايئله‌لرئنه گؤره بونلاردير: لئبني و شئمعي.
قوحات اوغولاري عايئله‌لرئنه گؤره: عَمرام، ائزحار، خِبرون و اوزّي‌يِل.
مِراري اوغولاري عايئله‌لرئنه گؤره: مَخلي و موشي. آتالارينين اِو اَهلئنه گؤره لاوي عايئلهلري بونلاردير.
لئبني و شئمعي نسئللري گِرشون نسلئندندئر. گِرشون طايفالاري بونلار ائدي.
بئر آيليق و اوندان يوخاري ياشدا اولان بوتون کئشي جئنسئندن ساييلانلار ۷۵۰۰ نفر ائدئلر.
گِرشون عايئلهلري قرب طرفئنده خيمهنئن آرخاسيندا دوشَرگه سالمالي ائدئلر.
گِرشونلولارا منصوب اولان آتالارينين اِو اَهلئنئن رهبري لايِل اوغلو اِلياساف ائدي.
حوضور چاديريندا گِرشون اؤولادلاري خيمه‌يه، چاديرا و اونون اؤرتويونه، حوضور چاديرينين گئرئشئنده اولان آراکَسمه‌يه،
حيطئن پرده‌لرئنه، خيمه ائله قوربانگاهين اطرافينداکي حيطئن دروازاسينين آراکَسمه‌سئنه، ائپلرئنه و بونلارا مربوط اولان بوتون خئدمته مسعول ائدئلر.
عَمرام، ائزحار، خِبرون و اوزّي‌يِل نسئللري قوحات نسلئندن ائدي. قوحات عايئلهلري بونلار ائدي.
بئر آيليق و اوندان يوخاري ياشدا اولان بوتون کئشي جئنسئندن اونلار ۸۶۰۰ نفر ائدئلر. اونلار موقدّس مکانين ائشلرئنه مسعول ائدئلر.
قوحات نسئللري خيمهنئن جنوب طرفئنده دوشَرگه سالمالي ائدئلر.
قوحات نسئللرئنه منصوب آتالارينين اِو اَهلئنئن رهبري اوزّي‌يِل اوغلو اِلئصافان ائدي.
اونلار سانديغا، مئزه، چيراقدانا، قوربانگاهلارا، موقدّس مکاندا عئبادت اوچون ائشلَنَن بوتون اشيالارا، آراکَسمه پرده‌سئنه و بونلارا مربوط اولان خئدمته مسعول ائدئلر.
لاوئلي رهبرلرئنئن رهبري، کاهئن هارونون اوغلو اِلعازار ائدي. او، موقدّس مکانين وظئفه‌لرئنه مسعول اولانلارا نظارتچي تعيئن ادئلمئشدي.
مَخلي و موشي نسئللري مِراري نسلئندن ائدي. مِراري نسئللري بونلار ائدي.
بئر آيليق و اوندان يوخاري ياشدا اولان بوتون کئشي جئنسئندن اولانلار ۶۲۰۰ نفر ائدئلر.
مِراري نسئللرئنه منصوب آتالارينين اِو اَهلئنئن رهبري اَبئخايِل اوغلو صوري‌اِل‌دئر. اونلار خيمهنئن شئمال طرفئنده دوشَرگه سالمالي ائدئلر.
خيمهنئن چَرچئوه‌لري، دئرَکلري، سوتونلاري، آلتليقلاري، بوتون آوادانليغي و بونلارا مربوط اولان بوتون خئدمت،
خيمهنئن اطرافينداکي حيطئن سوتونلاري ائله آلتليقلاري، ميخلاري و ائپلري مِراري اوغوللارينين بوينونا قويولدو.
موسا و هارونلا اوغوللاري خيمهنئن شرق طرفئنده، گون دوغان طرفده حوضور چاديرينين قاباغيندا دوشَرگه سالمالي‌ديرلار. اونلار ائسرايئل اؤولادلاري اوچون موقدّس مَکا‌‌ندا اؤز وظئفه‌لرئني يرئنه يتئرمه‌لئدئرلر. لاکئن اورايا ياخينلاشان عادي آدام اؤلدورولمه‌لئدئر.
ربّئن امري ائله موسا و هارونون لاوي عايئله‌لرئندن سايديقلاري بئر آيليق و اوندان يوخاري ياشدا کئشي جئنسئندن اولانلارين جَمي ۲۲۰۰۰ نفر ائدي.
رب سونرا موسايا ددي: "بئر آيليق و اوندان يوخاري ياشدا کئشي جئنسئندن ائلک دوغولان بوتون ائسرايئل اؤولادلاريني ساي و اونلارين آدلاريني سئياهييا آل.
ائسرايئل اؤولادلارينين بوتون ائلک اوغلانلارينين عوضئنه، لاوئلی‌لري و ائسرايئللیلرئن ائلک دوغولان حيوانلارينين عوضئنه لاوئلی‌لرئن حيوانلاريني منئم اوچون آيير. رب منم."
بلجه موسا ربّئن اونا امر اتدئيي کئمي ادئب، ائسرايئل اؤولادلاري آراسيندا بوتون ائلک دوغولانلاري سايدي.
آدلاري قيد ادئلَن، بئر آيليق و اوندان يوخاري ياشدا ائلک دوغولان کئشي جئنسئندن ساييلانلارين جَمي ۲۲۲۷۳ نفر ائدي.
سونرا رب موسا ائله دانيشيب اونا ددي:
"لاوئلی‌لري ائسرايئل اؤولادلارينين ائلک دوغولانلارينين عوضئنه و لاوئلی‌لرئن حيوانلاريني اونلارين حيوانلاري عوضئنه آيير. لاوئلی‌لر منئم اولاجاق؛ رب منم."
ائسرايئللیلرئن ائلک اوغلانلاريندان اولوب لاوئلی‌لرئن ساييسيني آشان ۲۷۳ نفرئن فئدئيه‌سئني آلماق مقصدي ائله،
هر آدام اوچون بش شِکِل گؤتور؛ اونلاري موقدّس مکانين شِکِلئنه موطابئق گؤتورمه‌لي‌سن (هر شِکِل ائيئرمي گِرادير.)
لاوئلی‌لرئن ساييسيني آشانلارين فئدئيه حاقّيني هارونا و اونون اوغوللارينا ور."
بلجه موسا او آداملاردان کي، ساييلاري لاوئلی‌لرئن ساييلاريندان علاوه ائدي، فئدئيه حاقيني آلدي.
ائسرايئل اؤولادلارينين ائلک اوغلانلاريندان موقدّس مکانين شِکِلئنه گؤره ۱۳۶۵ شِکِل آلدي.
سونرا موسا ربّئن امرئنه گؤره، فئدئيه حاقّيني هارونا و اونون اوغوللارينا وردي؛ نجه کي، رب امراتمئشدي.
سونرا رب موسا هارونلا دانيشيب اونلارا ددي:
"لاوئلی‌لر آراسيندان قوحات اؤولادلارينا منصوب آتالارينين اِو اَهلي و نسئللري سئياهييا آلين.
حوضور چاديريندا خئدمت اتمه‌يه گلن اوتوز ياشيندان اَلّي ياشينا قدر کئشئلرئن هاميسيني حسابلايين.
قوحاتلي‌لارين حوضور چاديريندا لاپ موقدّس اشيالار حاقّيندا خئدمتي بودور:
دوشَرگه يولا دوشَنده هارونلا اوغوللاري ائچَري گئرسئنلر، آراکَسمه پرده‌سئني اِندئرئب، اونونلا شهادت سانديغيني اؤرتسونلر.
اونون اوستونه سو ائتي دَرئسئندن اؤرتوک چکئب، اوستونه بوسبوتون لاجورد کتان سَرسئنلر و اونون دئرَکلرئني يرئنه قويسونلار.
تقدئس چؤره‌يئن مئزي اوستونه لاجورد کتان سَرئب، کتانين اوستونه نئمچه‌لري، قابلاري، لَيَنلري و مايع تقدئمي تؤکمَک اوچون پئياله‌لري قوياجاقلار. دائمي چؤرک اونون اوستونده قالماليدير.
اونلارين اوستونه قيرميزي بئر کتان سَرئب، سو ائتي دَرئسئندن بئر اؤرتوک چکسئنلر و اونون دئرَکلرئني يرئنه قويسونلار.
لاجورد کتان گؤتوروب، ائشيق ورن چيراقداني، چيراقلاريني، پئلته ماشالاريني، سئنئلرئني و چيراقدان خئدمتئنه ائشله‌دئلَن بوتون ياغ قابلاريني اؤرتسونلر.
چيراقداني و اونون بوتون آوادانليغيني سو ائتي دَرئسئندن بئر اؤرتوکله ساري‌ييب، خَره‌يه قويسونلار.
قيزيل قوربانگاهين اوستونه لاجورد کتان سَرئب، اونو سو ائتي دَرئسئندن بئر اؤرتوکله اؤرتسونلر و دئرَکلرئني تاخسينلار.
موقدّس مکاندا عئبادت زاماني ائشله‌دئلَن بوتون اشيالاري گؤتوروب لاجورد کتانلا ساريسينلار و سو ائتي دَرئسئندن بئر اؤرتوکله اؤرتوب، خَره‌يه قويسونلار.
سونرا قوربانگاهدان ياغ و کولو تمئزله‌يئب، اوستونه ارغواني کتان چکسئنلر.
عئبادت زاماني ائشله‌دئلَن بوتون اشيالاريني دا اونونلا قويسونلار: خَکَندازلاريني، چَنگل‌لري، کورَکلري، لَيَنچه‌لري، قوربانگاهين بوتون آوادانليغيني. سونرا بونلارين اوستونو سو ائتي دَرئسئندن بئر اؤرتوکله اؤرتوب، دئرَکلرئني تاخسينلار.
دوشَرگه يولا دوشَنده، هارونلا اوغوللاري موقدّس اشيالاري و موقدّس مکانين بوتون آوادانليغينين اؤرتمه‌يئني قورتاراندان سونرا، قوحاتلي‌لار اونو داشيماغا گلسئنلر. بلجه موقدّس شيلره توخونماييب اؤلمَزلر. حوضور چاديريندا اولان بو شيلري گرک قوحاتلي‌لار داشيسينلار.
کاهئن هارون اوغلو اِلعازارين ائشي چيراق اوچون ياغا، عطئرلي بوخورا، دائمي تاخيل تقدئمي و مسح ياغينا نظارت اتمکدئر. او بوتون خيمه و ائچئنده اولان هر شيه، موقدّس مکانلا آوادانليغينا نظارت ادهجکدئر."
رب موسا و هارونلا دانيشيب اونلارا ددي:
"قويمايين کي، لاوئلی‌لر آراسيندان قوحاتلي‌لارين عايئله‌لرئنئن قبئله‌سي يوخ اولسون.
آنجاق بونو اونا گؤره ات کي، لاپ موقدّس شيلره ياخينلاشديقلاري دئري قاليب اؤلمه‌سئنلر؛ هارونلا اوغوللاري ائچَري گئرئب، اونلارين هَره‌سئني اؤز ائشئنئن اوستونه و اؤز يوکونون باشينا قويسونلار.
لاکئن قوحاتلي‌لار بئر آن بِله، ائچَري گئرئب، موقدّس اشيالارا باخماياجاقلار، يوخسا اؤلرلر."
سونرا رب موسا ائله دانيشيب اونا ددي:
"گِرشونلولاري دا منصوب اولدوقلاري آتالارينين اِو اَهلئنه گؤره سئياهييا آل.
اونلاردان اوتوز ياشيندان اَلّي ياشينا قدر اولانلاري سئياهييا آل؛ بوتون اونلاري کي، حوضور چادرينا خئدمت اوچون گئرئب، اونون ائشلرئني گؤرورلر.
ائش گؤرمَک و يوک داشيماق خوصوصوندا گِرشون نسئل‌لرئنئن وظئفه‌سي بودور:
خيمهنئن پرده‌لرئني، حوضور چاديري ائله اونون اؤرتويونو، اوستونده‌کي سو ائتي دَرئسئندن اولان اؤرتويو، حوضور چاديرينين گئرئشئنده اولان آراکَسمه‌ني،
حيطئن پرده‌لرئني، خيمه و قوربانگاهين اطرافينداکي حيطئن دروازاسينين آراکَسمه‌سي ائله ائپلرئني، و اونلارين عئبادت اوچون ائشله‌نَن بوتون اشيالاريني داشيسينلار؛ بو شيلرله گؤروله‌جک بوتون ائشلري گِرشونلولار گؤرسونلر.
گِرشونلولارين بوتون خئدمتي، ائستر يوک داشيماق، ائستر آيري ائش گؤرمک، گرک هارونلا اوغوللارينين امري ائله گؤرولسون. گِرشونلولارين بوتون يوکلرئني سن گرک اونلارا تعيئن ادهسن.
حوضور چاديريندا گِرشون نسئل‌لرئنئن عايئله‌لرئنئن خئدمتي بودور. اونلارين وظئفه‌لري کاهئن هارون اوغلو ائتامارين نظارتي آلتيندا اولاجاق.
مِرارئلی‌لري منصوب اولدوقلاري آتالارينين اِو اَهلئنه گؤره سئياهييا آل.
اوتوز ياشيندان اَلّي ياشينا قدر حوضور چاديرينين ائشئني گؤرمک اوچون گلنلرئن هاميسيني سئياهييا آل.
حوضور چاديريندا خئدمت اِدَرکَن اونلارين وظئفه‌سي بودور: خيمهنئن چَرچئوه‌لرئني، دئرَکلرئني، سوتونلاريني، آلتليقلاريني
چاديرين اطرافينداکي حيطئن سوتونلاري ائله آلتليقلاريني، ميخلاريني، ائپلرئني، بوتون آوادانليغيني و ائشلَتدئکلري هر شيي داشيماق. هر کسي آدباآد تعيئن ات کي، اشيالاري داشيسين.
حوضور چاديريندا مِراري نسئل‌لرئنئن وظئفه‌سي بودور. اونلار کاهئن هارون اوغلو ائتامارين نظارتي آلتيندا خئدمت ادهجکلر."
بلجه موسا، هارون، و جاماعات باشچيلاري، قوحاتليلاردان عايئله‌لره و نسئل‌لره گؤره،
اوتوز ياشيندان اَلّي ياشينا قدر، حوضور چاديرينا خئدمت ادئب ائش گؤرمَک اوچون گلن کئشئلرئن هاميسيني سئياهييا آلديلار.
عايئله‌لرئنه گؤره سايديقلاري کئشئلر ۲۷۵۰ نفر ائدي.
حوضور چاديريندا خئدمت ادن قوحات نسئل‌لرئنئن عايئله‌لرئنه منصوب ساييلان کئشئلرئن جَمي بو ائدي کي، ربّئن موسايا وردئيي امره گؤره موسا ائله هارون اونلاري سئياهييا آلديلار.
گِرشونلولاردان عايئله‌لرئنه و نسئللرئنه گؤره،
اوتوز ياشيندان اَلّي ياشينا قدر، حوضور چاديريندا خئدمت ادئب ائش گؤرمک اوچون گلن کئشئلرئن هاميسي سئياهييا آليندي.
آتالارينين اِو اَهلئنه گؤره سايديقلاري کئشئلر ۲۶۳۰ نفر ائدي.
گِرشون نسلئندن سئياهييا آلينان، حوضور چاديريندا خئدمت ادن کئشئلرئن جَمي بو ائدي کي، ربّئن امرئنه گؤره موسا ائله هارون اونلاري سئياهييا آلديلار.
مِراري اؤولادلاريندان آتالارينين اِو اَهلئنه گؤره
اوتوز ياشيندان اَلّي ياشينا قدر، حوضور چاديريندا خئدمت ادئب ائش گؤرمَک اوچون گلن کئشئلرئن هاميسي سئياهييا آليندي.
عايئله‌لرئنه گؤره سايديقلاري کئشئلر ۳۲۰۰ نفر ائدي.
حوضور چاديريندا خئدمت ادن مِراري عايئله‌لرئنه منصوب ساييلان کئشئلرئن جَمي بو ائدي کي، ربّئن موسايا امر اتدئيي کئمي، موسا ائله هارون اونلاري سئياهييا آلديلار.
موسا ائله هارون و ائسرايئل رهبرلري، آتالارينين اِو اَهلئنه گؤره لاوئلی‌لري،
اوتوز ياشيندان اَلّي ياشينا قدر، حوضور چاديريندا خئدمت اتمک و يوک داشيماق اوچون گلن کئشئلرئن هاميسيني سئياهييا آلديلار.
سايديقلاري کئشئلر ۸۵۸۰ نفر ائدي.
ربّئن امرئنه گؤره هر بئري اده‌جَيي خئدمته و داشيياجاغي يوکه گؤره موسانين نظارتي ائله سئياهييا آلينديلار؛ بونلار موسانين ساييلان کئشئلري ائدئلر، نجه کي، رب موسايا امراتمئشدي.
سونرا رب موسا ائله دانيشيب اونا ددی:
"ائسرايئل اؤولادلارينا امر ات کي، بوتون جوذاملي‌لاري، بدن آخينتيسي اولانلاري، و مِيئتدن نجئسله‌نَن هر کسي دوشَرگه‌دن چيخارتسينلار.
هم کئشئلري دوشَرگه‌دن چيخارت، هم ده آروادلاري. اونلاري اِشئيه چيخارت کي، آراسيندا اولدوغوم دوشَرگه‌لرئني نجئس اتمه‌سئنلر."
ائسرايئل اؤولادلاري بله اتدئلر و اونلاري دوشَرگه‌دن چيخارتديلار. رب موسايا نجه دمئشدي، ائسرايئل اؤولادلاري اله ده اتدئلر.
رب موسا ائله دانيشيب اونا ددی:
"ائسرايئل اؤولادلارينا دِه: «ائنسانلارين ائشلَتدئيي گوناهلاردان بئرئني ادن هر کئشي يا دا آرواد ربّه خَيانت ادئر و تقصئرکاردير.
قوي او، ائشلَتدئيي گوناهلاري اعتئراف اتسئن و تقصئرئنئن عوضئني بِشده بئرئني علاوه ادئب، قاباغيندا تقصئرکار اولان آداما ورسئن.
اگر او آدامين هچ قوحومو يوخدور کي، تقصئرکار آدام اونا تقصئرئنئن عوضئني وره بئلسئن، ورئلهجک عوض گرک ربّه ورئلسئن؛ بو عوض، تقصئرکار اوچون ورئلدئيي کفّاره قوچلا بئرلئکده کاهئنئنکي اولسون.
ائسرايئل اؤولادلارينين کاهئنه تقدئم اتدئکلري بوتون موقدّس اَعانه‌لر ده کاهئنه مخصوصدور.
بلجه هر کسئن اؤزو اوچون تقدئس اتدئيي اشيالار اؤزونه مخصوصدور، آمّا کاهئنه نه ورسه، کاهئنه عاييددئر.»"
سونرا رب موسا ائله دانيشيب اونا ددی:
"ائسرايئل اؤولادلاري ائله دانيشيب اونلارا دِه: «اگر بئر کئشئنئن آروادي اَيري يولا دوشوب اونا خَيانت اتسه،
و آيري کئشي ائله ياخينليق ادئب بو جئنسي رابئطه‌ني اَرئندن گئزلَتسه و بلجه آروادينين خَيانتي اورتايا چيخماسا، گرچي اؤزونو نجئس اتدئيي حالدا اونون ضئدّئنه هچ بئر شاهئد يوخدور، عمل اوستونده ده توتولماييب،
اَري حسودلوق ادئب نجئس ائش گؤرَن آرواديندان شوبهه‌لَنمَيه باشلايارسا و يا آروادي نجئس ائش گؤرمه‌دئيي حالدا گئنه ده حسودلوق ادئب اوندان شوبهه‌لَنَرسه،
کئشي آرواديني کاهئنئن يانينا آپارسين و آروادي اوچون اِفانين اوندا بئري قدر آرپا اونو تقدئم اتسئن. اونون اوستونه نه ياغ تؤکسون، نه ده کوندور قويسون، چونکي بو حسودلوق اوچون تاخيل تقدئمدئر. تقصئرکارليغي خاطيرلادان خاطئره تقدئمدئر.
کاهئن آروادي ياخين گتئرئب ربّئن حوضوروندا دوردورسون؛
گئل قابا موقدّس سو آلسين و موقدّس خيمهنئن دؤشَمه‌سئندن توز گؤتوروب، سويا سالسين.
کاهئن آروادي ربّئن قاباغيندا دايانديريب، اونون ساچيني داغيتسين. خاطئره تقدئمئني کي، حسودلوق اوچون تاخيل تقدئمي‌دئر، اونون اللرئنه قويسون. آمّا کاهئنئن الئنده لعنت گتئرن آجي سو گرک اولسون.
کاهئن آروادا آند ائچدئرئب دِسئن: ‹اگر هچ کئشي سنئنله ياخينليق اتمهيئب، اگر اَرئنئن نئکاهي آلتيندا اولاراق اَيري يولا دوشوب نجئسلئک اتمهيئبسن، لعنت گتئرن بو آجي سو سنه ضرر وورماسين.
لاکئن اگر اَرئنئن نئکاهي آلتيندا اولاراق اَيري يولا دوشوبسن، و اؤزونو نجئس ادئب اَرئندن باشقا آيري بئر کئشي ائله ياخينليق ادئبسن›
(اوندا کاهئن آروادا لعنت آنديني ائچدئرئب بله دسئن): ‹رب سني خالقينين آراسيندا لعنت و آندا دوچار اتسئن، سنئن بطنئني سونسوز ادئب قارنيني شئشئرتسئن.
لعنت گتئرن بو سو سنئن بدنئنه گئرسئن و قارنيني شئشئردئب بطنئني سونسوز اتسئن.› و آرواد دسئن: ‹آمئن، آمئن!›
سونرا کاهئن بو لعنتلري بئر طومارا يازسين و آجي سودا ائسلاتسين.
سونرا لعنت گتئرن آجي سويو آروادا ائچئرتسئن. لعنت گتئرن سو اونون ائچئنه گئرهجک و آجي اولاجاق.
کاهئن حسودلوق اوچون تاخيل تقدئمئني آروادين الئندن آلسين و ربّئن حوضوروندا يِلله‌دئکدن سونرا قوربانگاها گتئرسئن.
خاطئره تقدئمي اولاراق تاخيل تقدئمئندن اوووج دولوسو گؤتورسون و قوربانگاهدا توستوله‌دئب يانديرسين، سونرا دا آروادا سويو ائچئرتسئن.
آروادا سويو ائچدئکدن سونرا اگر اؤزونو نجئسله‌يئب اَرئنه خَيانت اتمئشسه، لعنت گتئرن او سو اونون ائچئنه گئرهجک و آجيليق ورهرک؛ قارني شئشه‌جک، بطني سونسوز اولاجاق و اؤزو خالقينين آراسيندا لعنتلَنه‌جکدئر.
اگر آرواد نجئسلئک اتمهيئب و پاکديرسا، جزاسيز اولاجاق و اوشاق دوغا بئله‌جکدئر.
حسودلوغا عاييد اولان قانون بلهدئر: بئر آرواد اَري ائله نئکاهدا اولاراق اَيري يولا دوشوب نجئس اولاندا
و يا بئر کئشي حسودلوق ادئب آرواديندان شوبهه‌لَنَنده کاهئن آروادي ربّئن حوضوروندا دايانديرسين و اونا بوتون بو قانوني ائجرا اتسئن.
کئشي تقصئردن آزاد اولاجاق، آمّا او آرواد اؤز تقصئرئنئن جزاسيني چکه‌جکدئر.»"
رب گئنه موسا ائله دانيشيب اونا ددي:
"ائسرايئل اؤولادلارينا دانيش و اونلارا دِه: «بئر کئشي و يا بئر آرواد مخصوص بئر نذر، نذئرئلئک وعدهسي ادئب اؤزونو ربّه وقف اتسه،
گرک شراب و کفلندئرن ائچکئدن چکئنسئن. حتّا شراب سئرکه‌سي ده، کفلندئرن ائچکئدن حاضيرلانميش سئرکه ده، اوزوم سويو دا ائچمه‌سئن؛ نه اوزوم، نه ده کئشمئش يسئن.
نذئري اولدوغو مودّتده توخومدان قابيغا قدر مِينه‌دن آلينميش هچ بئر شي يمه‌سئن.
نذئري اولدوغو بوتون مودّتده باشينا اولگوج دَيمه‌سئن. اؤزونو ربّه وقف اتدئيي مودّت قورتارانا قدر موقدّس اولسون؛ ساچيني اوزاتسين.
اؤزونو ربّه وقف اتدئيي بوتون گونلرده مِيئته ياخينلاشماسين.
آتاسي و آناسي، قارداشي و باجيسي اؤلسه، اونلارا گؤره اؤزونو نجئس اتمه‌سئن؛ چونکي اؤزونو تارييا وقف اتدئيي اونون باشيندادير.
نذئري اولدوغو بوتون مودّتده او، ربّه وقف ادئلئب.
آمّا اگر يانيندا بئر آدام بئردن-بئره قَفلَتَن اؤلسه و نذئرئنئن ساچيني نجئس اِتسه، اوندا تمئز اولدوغو گون باشيني قيرخديرسين؛ اونو يدّئنجی گون قيرخديرسين.
سکّئزئنجي گون حوضور چاديرينين گئرئشئنده کاهئنه ائکي قومري قوشو و يا ائکي گؤيرچئن گتئرسئن.
کاهئن بئرئني گوناه قورباني و او بئرئني يانديرما قورباني تقدئم اتسئن کي، مِيئت اوچون باتديغي گوناهي کفّاره اولسون. همئن گون تزهدن باشيني تقدئس اتسئن.
نذئره کئمي گونلرئني ربّه وقف اتسئن و تقصئر قورباني اولاراق بئر-ائلّئک اِرکَک قوزو گتئرسئن. آمّا اَوّلکي گونلر ساييلماياجاق، چونکي نذئرئلئيي نجئسلَنمئشدئر.
نذئره‌يه عاييد اولان قانون بودور: اؤزونو وقف اتدئيي مودّت قورتاراندا، قورباني حوضور چاديرينين گئرئشئنه گتئرسئن.
اورادا ربّه بو قوربانلاري تقدئم اتسئن: يانديرما قورباني اولاراق بئر-ائلّئک عيبسئز بئر اِرکَک قوزو، گوناه قورباني اولان بئر-ائلّئک عيبسئز بئر دئشي قوزو، باريش قورباني اولان عيبسئز بئر قوچ،
بئر سبد ماياسيز چؤرک، نارين اوندان ياغلا قاتيلميش ماياسيز فطئرلردن و اوستونه ياغ سورتولموش ماياسيز کولچه‌لردن تاخيل تقدئملري و مايع تقدئملري.
کاهئن ربّئن حوضوروندا اونلاري تقدئم اتسئن و اونون گوناه قوربانيني و يانديرما قوربانيني گتئرسئن.
ماياسيز فطئر سبدي ائله بئر قوچو دا ربّه باريش قورباني کئمي تقدئم اتسئن؛ کاهئن اونون تاخيل تقدئمي ائله مايع تقدئمئني ده تقدئم اتسئن.
سونرا نذئره اولان، حوضور چاديرينين گئرئشئنده، اؤز وقف اتدئيي ساچيني قيرخسين، سونرا ساچيني گؤتوروب باريش قوربانينين آلتينداکي اودا قويسون.
نذئره اولان، وقف اتدئيي ساچيني قيرخديقدان سونرا، کاهئن قوچون پئشمئش بئر قولونو، سبددن گؤتوردويو ماياسيز بئر فطئر و ماياسيز بئر کولچه ائله نذئره‌نئن اَللرئنه قويسون.
سونرا يِللَتمه تقدئمي کئمي اونلاري ربّئن حوضوروندا يِللَتسئن. اونلار يِلله‌دئلَن دؤش اَتي و قالديريلان بودلا بئرلئکده موقدّسدئر، کاهئنه مخصوصدور. اوندان سونرا نذئره شراب ائچه بئلر.
اؤزونو وقف اتدئيئنه گؤره ربّه تقدئمئني و بونا علاوه اولاراق وره بئله‌جَيي آيري شيلري نذر ادن نذئره‌يه مربوط اولان قانون بودور. نذئره‌لئک قانونا گؤره نذئره نه نذر اتمئشسه، اونو ائجرا اتمه‌لي‌دئر.»"
سونرا رب موسايا ددي:
"هارون و اوغوللاري ائله دانيشيب اونلارا دِه: ائسرايئل اؤولادلارينا بله برکت ورئن. اونلارا بله ديئن:
«رب سئزه برکت ورئب، سئزي قوروسون؛
رب اؤز نورلو اوزونو سئزه ساچسين. سئزه عئنايت گؤرسدسئن؛
رب اوزونو سئزه طرف چِوئرسئن، سئزه باريش ورسئن.»
بلجه کاهئنلر منئم آديملا ائسرايئل اؤولادلارينا برکت ورسئنلر، من ده اونلارا برکت ورهجيم.»"
موسا خيمهني قوروب قورتاراندا، اونو و بوتون آوادانليغيني مسح و تقدئس اتدي. قوربانگاه و بوتون آوادانليغيني دا مسح و تقدئس اتدي.
سونرا ائسرايئل رهبرلري کي، آتالارينين اِو اَهلي ائدئلر، تقدئم گتئردئلر. (اونلار قبئله‌لرئن رهبرلري ائدئلر، همئن آداملار کي، سئياهييا آلينان خالقا نظارت ادئردئلر.)
ربّه تقدئم اولاراق اوستو اؤرتولو آلتي آرابا و اون ائکي اؤکوز گتئردئلر؛ هر ائکي رهبر اوچون بئر آرابا و هر رهبر اوچون بئر اؤکوز. بو تقدئملري خيمهنئن قاباغيندا تقدئم اتدئلر.
او واخت رب موسا ائله دانيشيب اونا ددي:
"اونلاري بو آداملاردان گؤتور کي، حوضور چاديرينداکي خئدمتده ائشله‌نئلسئن. اونلاري لاوئلی‌لره، هر بئرئنئن وظئفهسئنه گؤره ور."
موسا عارابالاري و اؤکوزلري گؤتوروب، لاوئلی‌لره وردی.
گِرشونلولارا وظئفه‌لرئنه گؤره ائکي آرابا و دؤرد اؤکوز وردی،
مِرارئلی‌لره ده وظئفه‌لرئنه گؤره دؤرد آرابا و سکّئز اؤکوز وردی. اونلارين هاميسي کاهئن هارون اوغلو ائتامارين نظارتي آلتيندا ائدي.
لاکئن قوحاتلي‌لارا بئر شي ورمه‌دي، چونکي اونلارين وظئفه‌سي موقدّس اشيالاري چئيئنلرئنده داشيماق ائدي.
قوربانگاه مسح ادئلَنده، رهبرلر اونون تقدئسي اوچون تقدئملرئني گتئرئب، قوربانگاهين قاباغيندا تقدئم اتدئلر.
سونرا رب موسايا ددي: "قوربانگاهين تقدئسي اوچون هر گون بئر رهبر تقدئمئني گتئرسئن."
بئرئنجي گون تقدئمي گتئرن يهودا قبئلهسئندن عَمّئناداب اوغلو نَخشون اولدو.
اونون تقدئملري بونلار ائدي: موقدّس مکانين شِکِلئنه گؤره يوز اوتوز شِکِل آغيرليغيندا بئر گوموش سئني، يتمئش شِکِل‌لئک بئر گوموش لَيَنچه؛ بونلارين ائکئسي ده تاخيل تقدئمي اولاراق ياغلا قاتيلميش نارين اونونلا دولو ائدي؛
بوخور دولو اون شِکِل آغيرليغيندا بئر قيزيل قاب؛
يانديرما قورباني اولاراق بئر گاميش، بئر قوچ، بئر ائلّئک اِرکَک قوزو؛
گوناه قورباني اولاراق بئر اِرکَک کچي؛
باريش قورباني اولاراق ائکي اؤکوز، بش قوچ، بش اِرکَک کچي، بئر ائلّئک بش اِرکَک قوزو. عَمّئناداب اوغلو نَخشونون گتئردئيي تقدئملر بونلار ائدي.
ائکئنجي گون يئسّاکار رهبري صوعار اوغلو نِته‌نِل تقدئملرئني گتئردي.
اونون تقدئملري بونلار ائدي: موقدّس مکانين شِکِلئنه گؤره يوز اوتوز شِکِل آغيرليغيندا بئر گوموش سئني؛ يتمئش شِکِل‌لئک بئر گوموش لَيَنچه؛ بونلارين ائکئسي ده تاخيل تقدئمي اولاراق ياغلا قاتيلميش نارين اونلا دولو ائدي؛
بوخور دولو اون شِکِل آغيرليغيندا بئر قيزيل قاب؛
يانديرما قورباني اولاراق بئر گاميش، بئر قوچ، بئر ائلّئک بئر اِرکَک قوزو؛
گوناه قورباني اولاراق بئر اِرکَک کچي؛
باريش قورباني اولاراق ائکي اؤکوز، بش قوچ، بش اِرکَک کچي، بئر ائلّئک بش اِرکَک قوزو. صوعار اوغلو نِته‌نِلئن گتئردئيي تقدئملر بونلار ائدي.
اوچونجو گون زِبولونلولارين رهبري خِلون اوغلو اِلئآب تقدئملرئني گتئردي.
اونون تقدئملري بونلار ائدي: موقدّس مکانين شِکِلئنه گؤره يوز اوتوز شِکِل آغيرليغيندا بئر گوموش سئني، يتمئش شِکِل‌لئک بئر گوموش لَيَنچه؛ بونلارين ائکئسي ده تاخيل تقدئمي اولاراق ياغلا قاتيلميش نارين اونلا دولو ائدي.
بوخور دولو اون شِکِل آغيرليغيندا بئر قيزيل قاب؛
يانديرما قورباني اولاراق بئر گاميش، بئر قوچ، بئر ائلّئک بئر اِرکَک قوزو؛
گوناه قورباني اولاراق بئر اِرکَک کچي؛
باريش قورباني اولاراق ائکي اؤکوز، بش قوچ، بش اِرکَک کچي، بئر ائلّئک بش اِرکَک قوزو. خِلون اوغلو اِلئآبين گتئردئيي تقدئملر بونلار ائدي.
دؤردونجو گون رِعوبئنلی‌لرئن رهبري شِدِه‌اور اوغلو اِلئصور تقدئملرئني گتئردي.
اونون تقدئملري بونلار ائدي: موقدّس مکانين شِکِلئنه گؤره يوز اوتوز شِکِل آغيرليغيندا بئر گوموش سئني، يتمئش شِکِل‌لئک بئر گوموش لَيَنچه؛ بونلارين ائکئسي ده تاخيل تقدئمي اولاراق ياغلا قاتيلميش نارين اونونلا دولو ائدي؛
بوخور دولو اون شِکِل آغيرليغيندا بئر قيزيل قاب؛
يانديرما قورباني اولاراق بئر گاميش، بئر قوچ، بئر ائلّئک بئر اِرکَک قوزو؛
گوناه قورباني اولاراق بئر اِرکَک کچي؛
باريش قورباني اولاراق ائکي اؤکوز، بش قوچ، بش اِرکَک کچي، بئر ائلّئک بش اِرکَک قوزو. شِدِعور اوغلو اِلئصورون گتئردئيي تقدئملر بونلار ائدي.
بِشئنجي گون شَمعونلولارين رهبري صورئشَدّاي اوغلو شِلومئيِل تقدئملرئني گتئردي.
اونون تقدئملري بونلار ائدي: موقدّس مکانين شِکِلئنه گؤره يوز اوتوز شِکِل آغيرليغيندا بئر گوموش سئني، يتمئش شِکِل‌لئک بئر گوموش لَيَنچه؛ بونلارين ائکئسي ده تاخيل تقدئمي اولاراق ياغلا قاتيلميش نارين اونلا دولو ائدي؛
بوخور دولو اون شِکِل آغيرليغيندا بئر قيزيل قاب؛
يانديرما قورباني اولاراق بئر گاميش، بئر قوچ، بئر ائلّئک بئر اِرکَک قوزو؛
گوناه قورباني اولاراق بئر اِرکَک کچي؛
باريش قورباني اولاراق ائکي اؤکوز، بش قوچ، بش اِرکَک کچي، بئر ائلّئک بش اِرکَک قوزو. صورئشَدّاي اوغلو شِلومئيِلئن گتئردئيي تقدئملر بونلار ائدي.
آلتينجي گون جادلي‌لارين رهبري دِعواِل اوغلو اِلياصاف تقدئملرئني گتئردي.
اونون تقدئملري بونلار ائدي: موقدّس مکانين شِکِلئنه گؤره يوز اوتوز شِکِل آغيرليغيندا بئر گوموش سئني، يتمئش شِکِل‌لئک بئر گوموش لَيَنچه؛ بونلارين ائکئسي ده تاخيل تقدئمي اولاراق ياغلا قاتيلميش نارين اونلا دولو ائدي؛
بوخور دولو اون شِکِل آغيرليغيندا بئر قيزيل قاب؛
يانديرما قورباني اولاراق بئر گاميش، بئر قوچ، بئر ائلّئک بئر اِرکَک قوزو؛
گوناه قورباني اولاراق بئر اِرکَک کچي؛
باريش قورباني اولاراق ائکي اؤکوز، بش قوچ، بش اِرکَک کچي، بئر ائلّئک بش اِرکَک قوزو. دِعواِل اوغلو اِلياصافين گتئردئيي تقدئملر بونلار ائدي.
يدّئنجی گون اِفرايئملی‌لرئن رهبري عَمّئهود اوغلو اِلئشاماع تقدئملرئني گتئردي.
اونون تقدئملري بونلار ائدي: موقدّس مکانين شِکِلئنه گؤره يوز اوتوز شِکِل آغيرليغيندا بئر گوموش سئني، يتمئش شِکِل‌لئک بئر گوموش لَيَنچه؛ بونلارين ائکئسي ده تاخيل تقدئمي اولاراق ياغلا قاتيلميش نارين اونلاا دولو ائدي؛
بوخور دولو اون شِکِل آغيرليغيندا بئر قيزيل قاب؛
يانديرما قورباني اولاراق بئر گاميش، بئر قوچ، بئر ائلّئک بئر اِرکَک قوزو؛
گوناه قورباني اولاراق بئر اِرکَک کچي؛
باريش قورباني اولاراق ائکي اؤکوز، بش قوچ، بش اِرکَک کچي، بئر ائلّئک بش اِرکَک قوزو. عَمّئهود اوغلو اِلئشاماعين گتئردئيي تقدئملر بونلار ائدي.
سکّئزئنجي گون مِنَسّه‌لی‌لرئن رهبري پِدَهصور اوغلو گَملي‌اِل تقدئملرئني گتئردي.
اونون تقدئملري بونلار ائدي: موقدّس مکانين شِکِلئنه گؤره يوز اوتوز شِکِل آغيرليغيندا بئر گوموش سئني، يتمئش شِکِل‌لئک بئر گوموش لَيَنچه؛ بونلارين ائکئسي ده تاخيل تقدئمي اولاراق ياغلا قاتيلميش نارين اونلا دولو ائدي؛
بوخور دولو اون شِکِل آغيرليغيندا بئر قيزيل قاب؛
يانديرما قورباني اولاراق بئر گاميش، بئر قوچ، بئر ائلّئک بئر اِرکَک قوزو؛
گوناه قورباني اولاراق بئر اِرکَک کچي؛
باريش قورباني اولاراق ائکي اؤکوز، بش قوچ، بش اِرکَک کچي، بئر ائلّئک بش اِرکَک قوزو. پِدَهصور اوغلو گَملي‌اِلئن گتئردئيي تقدئملر بونلار ائدي.
دوقّوزونجو گون بِنيامئنلی‌لرئن رهبري گئدعوني اوغلو اَبئدان تقدئملرئني گتئردي.
اونون تقدئملري بونلار ائدي: موقدّس مکانين شِکِلئنه گؤره يوز اوتوز شِکِل آغيرليغيندا بئر گوموش سئني، يتمئش شِکِل‌لئک بئر گوموش لَيَنچه؛ بونلارين ائکئسي ده تاخيل تقدئمي اولاراق ياغلا قاتيلميش نارين اونلا دولو ائدي؛
بوخور دولو اون شِکِل آغيرليغيندا بئر قيزيل قاب؛
يانديرما قورباني اولاراق بئر گاميش، بئر قوچ، بئر ائلّئک بئر اِرکَک قوزو؛
گوناه قورباني اولاراق بئر اِرکَک کچي؛
باريش قورباني اولاراق ائکي اؤکوز، بش قوچ، بش اِرکَک کچي، بئر ائلّئک بش اِرکَک قوزو. گئدعوني اوغلو اَبئدانين گتئردئيي تقدئملر بونلار ائدي.
اونونجو گون دانلي‌لارين رهبري عَمّئشَدّاي اوغلو اَخي‌يِزِر تقدئملرئني گتئردي.
اونون تقدئملري بونلار ائدي: موقدّس مکانين شِکِلئنه گؤره يوز اوتوز شِکِل آغيرليغيندا بئر گوموش سئني، يتمئش شِکِل‌لئک بئر گوموش لَيَنچه؛ بونلارين ائکئسي ده تاخيل تقدئمي اولاراق ياغلا قاتيلميش نارين اونلا دولو ائدي؛
بوخور دولو اون شِکِل آغيرليغيندا بئر قيزيل قاب؛
يانديرما قورباني اولاراق بئر گاميش، بئر قوچ، بئر ائلّئک بئر اِرکَک قوزو؛
گوناه قورباني اولاراق بئر اِرکَک کچي؛
باريش قورباني اولاراق ائکي اؤکوز، بش قوچ، بش اِرکَک کچي، بئر ائلّئک بش اِرکَک قوزو. عَمّئشَدّاي اوغلو اَخي‌يِزِرئن گتئردئيي تقدئملر بونلار ائدي.
اون بئرئنجي گون آشِرلی‌لرئن رهبري عوکران اوغلو پَگعي‌اِل تقدئملرئني گتئردي.
اونون تقدئملري بونلار ائدي: موقدّس مکانين شِکِلئنه گؤره يوز اوتوز شِکِل آغيرليغيندا بئر گوموش سئني، يتمئش شِکِل‌لئک بئر گوموش لَيَنچه؛ بونلارين ائکئسي ده تاخيل تقدئمي اولاراق ياغلا قاتيلميش نارين اونلا دولو ائدي؛
بوخور دولو اون شِکِل آغيرليغيندا بئر قيزيل قاب؛
يانديرما قورباني اولاراق بئر گاميش، بئر قوچ، بئر ائلّئک بئر اِرکَک قوزو؛
گوناه قورباني اولاراق بئر اِرکَک کچي؛
باريش قورباني اولاراق ائکي اؤکوز، بش قوچ، بش اِرکَک کچي، بئر-ائلّئک بش اِرکَک قوزو. عوکران اوغلو پَگعي‌اِلئن گتئردئيي تقدئملر بونلار ائدي.
اون‌ائکئنجي گون نَفتالی‌لرئن رهبري عِينان اوغلو اَخئرَع تقدئملرئني گتئردي.
اونون تقدئملري بونلار ائدي: موقدّس مکانين شِکِلئنه گؤره يوز اوتوز شِکِل آغيرليغيندا بئر گوموش سئني، يتمئش شِکِل‌لئک بئر گوموش لَيَنچه؛ بونلارين ائکئسي ده تاخيل تقدئمي اولاراق ياغلا قاتيلميش نارين اونلا دولو ائدي؛
بوخور دولو اون شِکِل آغيرليغيندا بئر قيزيل قاب؛
يانديرما قورباني اولاراق بئر گاميش، بئر قوچ، بئر ائلّئک بئر اِرکَک قوزو؛
گوناه قورباني اولاراق بئر اِرکَک کچي؛
باريش قورباني اولاراق ائکي اؤکوز، بش قوچ، بش اِرکَک کچي، بئر ائلّئک بش اِرکَک قوزو. عِينان اوغلو اَخئرَعنين گتئردئيي تقدئملر بونلار ائدي.
قوربانگاه مسح ادئلَنده ائسرايئل رهبرلرئنئن اونون وقفي اوچون گتئردئيي تقدئملر بونلاردير: اون ائکي گوموش سئني، اون ائکي گوموش لَيَنچه، اون ائکي قيزيل قاب؛
هر گوموش سئنئنئن آغيرليغي يوز اوتوز شِکِل و هر لَيَنچه‌نئن آغيرليغي يتمئش شِکِل ائدي؛ بوتون گوموش قابلارين آغيرليغي موقدّس مکانين شِکِلئنه گؤره ائکي مئن دؤرد يوز شِکِل ائدي؛
بوخورونان دولي اون ائکي قيزيل قابدان هر بئرئنئن آغيرليغي موقدّس مکانين شِکِلئنه گؤره اون شِکِل ائدي. بِلَجه، قابلاردا‌کي بوتون قيزيلين آغيرليغي يوز ائيئرمي شِکِل ائدي؛
يانديرما قورباني اولاراق، مال-حيوانلاردان گاميشلارين جَمي اون ائکي، بوتون قوچلارين جَمي اون ائکي، بئر ائلّئک اِرکَک قوزولارين جَمي تاخئل تقدئملري ائله بئرلئکده اون ائکي، و گوناه قورباني اولاراق کِچئلرئن جَمي اونائکي ائدي؛
باريش قورباني اوچون اؤکوزلرئن جَمي ائيئرمي دؤرد گاميش، آلتميش قوچ، آلتميش اِرکَک کِچي، بئر ائلّئک آلتميش اِرکَک قوزي. قوربانگاه مسح ادئلَندن سونرا اونون وقفي اوچون ورئلَن تقدئملر بونلار ائدي.
موسا رب ائله دانيشماق اوچون حوضور چاديرينا گئردئيي زامان، شهادت سانديغينين اوستونده اولان کفّاره قاپاغيندان ربّئن سَسئني اشئتدي کي، ائکي کَرّوبون آراسيندان اونا خئطاب ادئردي. بلجه رب موسا ائله دانيشدي.
سونرا رب موسا ائله دانيشيب اونا ددي:
"هارونلا دانيشيب اونا بله دِه: «چيراقلاري يِرلَشدئردئيئن زامان، يدّي چيراق، چيراقدانين قاباغيني ائشيقلانديراجاق.»"
هارون بله اتدي؛ ربّئن موسايا امر اتدئيي کئمي چيراقلاري چيراقدانين قاباغيندا يِرلَشدئردي.
چيراقدان قيزيلدان بله دوزَلدئلمئشدي: آلتليغيندان گول تَصوئرلرئنه قدر ياستيلانميش قيزيلدان حاضيرلانميشدي. او، چيراقداني ربّئن موسايا گؤرستدئيي نومونهيه گؤره دوزلتدي.
گئنه رب موسا ائله دانيشيب اونا ددي:
"ائسرايئل اؤولادلارينين آراسيندان لاوئلی‌لري گؤتور و اونلاري تطهئر ات.
اونلاري تطهئر اتمک اوچون بله ات: تمئزلَمه سويونو اوستلرئنه سَپ. قوي بدنلرئنده‌کي بوتون توکلري قيرخيب پالتارلاريني يوسونلار. بلجه، تمئز اولارلار.
او زامان بئر گاميش و اونون تاخيل تقدئمي ائله بئرلئکده کي، ياغلا قاتيلميش نارين اوندور، گؤتورسونلر. گوناه قورباني اولاراق داها بئر گاميش گؤتور.
لاوئلی‌لري حوضور چاديرينين قاباغينا گتئر. ائسرايئل اؤولادلارينين بوتون جاماعاتيني دا بئر يره ييغ.
لاوئلی‌لري ربّئن حوضورونا گتئر؛ و ائسرايئل اؤولادلاري اللرئني اونلارين اوستونه قويسونلار.
هارون يِللَتمه تقدئمي اولاراق ائسرايئل اؤولادلارينين آراسيندان لاوئلی‌لري ربّئن قاباغينا گتئرهجک کي، ربّه خئدمت اتسئنلر.
لاوئلی‌لر اللرئني گاميشلارين باشلارينا قويسونلار؛ سونرا بئرئني گوناه قورباني و او بئرئني ده يانديرما قورباني اولاراق ربّه تقدئم ات کي، لاوئلی‌لر اوچون کفّاره اتسئنلر.
لاوئلی‌لري هارونلا اوغوللارينين قاباغيندا داياندير، اله کي، اونلاري ربّه يِللَتمه تقدئمي اولاراق وقف ادهسن.
لاوئلی‌لري او بئري ائسرايئل اؤولادلاري آراسيندان بلجه آيير کي، لاوئلی‌لر منئم اولسون.
بوندان سونرا لاوئلی‌لر حوضور چاديرينين خئدمتي اوچون گده بئلرلر. آنجاق سن اونلاري تمئز ادئب يِللَتمه تقدئمي اولاراق وقف اتمهليسن.
چونکي ائسرايئل اؤولادلاري آراسيندان اونلار کامئل منه ورئلئب؛ بطنئن ائلک دوغدوغو عوضئنه، يعني ائسرايئللي آروادلارين دوغدوغو بوتون ائلک اوغلانلارين عوضئنه اونلاري اؤزومه گؤتورموشم.
چونکي ائسرايئل اؤولادلاري آراسيندا ائلک دوغولان بوتون اوغلانلار و بوتون حيوان بالالاري منئمدئر؛ مئصئر دئياريندا بوتون ائلک اوغلانلاري محو اتدئيئم گون، اونلاري اؤزومه تقدئس اتدئم.
آمّا ائسرايئل اؤولادلاري آراسيندا بوتون ائلک اوغلانلارين يرئنه لاوئلی‌لري گؤتورموشم.
ائسرايئل اؤولادلاري آراسيندان لاوئلی‌لري هارونا و اوغوللارينا هدئيّه ورمئشم کي، حوضور چاديريندا ائسرايئل اؤولادلاري اوچون خئدمتي يرئنه يتئرئب، اونلار اوچون کفّاره اتسئنلر و بلجه موقدّس مکانا ياخينلاشان ائسرايئللی‌لري بلايا دوشمکدن حئفظ اتسئنلر."
موسا ائله هارون و بوتون ائسرايئل جاماعاتي لاوئلی‌لره بله اتدئلر؛ ائسرايئل اؤولادلاري ربّئن لاوئلی‌لر حاقّيندا موسايا امر اتدئيي هر شيي يرئنه يتئردئلر.
لاوئلی‌لر ده اؤزلرئني گوناهدان تمئز ادئب پالتارلاريني يودولار. هارون اونلاري ربّئن حوضوروندا يِللَتمه تقدئمي اولاراق وقف اتدي. اونلار اوچون کفّاره ده اتدي کي، تمئز اولسونلار.
اوندان سونرا لاوئلی‌لر گتدئلر کي، حوضور چاديريندا هارونلا اوغوللارينين نظارتي آلتيندا خئدمتلرئني يرئنه يتئرسئنلر؛ رب موسايا لاوئلی‌لر حاقّيندا نه امراتمئشدي، اله ده اتدئلر.
رب موسا ائله دانيشيب اونا ددي:
"بو قانون لاوئلی‌لره عاييددير. ائيئرمي بش ياش و اوندان يوخاري اولانلار حوضور چاديرينين ائشئني گؤرمک اوچون خئدمته گئرسئنلر.
لاکئن اَلّي ياشا چاتاندا گؤردوکلري خئدمتلرئني دايانديريب داها ائشلَمه‌سئنلر.
حوضور چاديريندا اؤز وظئفه‌لرئني يرئنه يتئرن قارداشلارينا کؤمک اده بئلرلر، لاکئن اؤزلري خئدمت اتمه‌سئنلر. لاوئلی‌لرئن وظئفه‌لرئني بله قايدايا سال"
ائسرايئل اؤولادلاري مئصئر تورپاغيندان چيخديقدان سونرا، ائکئنجي ائلئن بئرئنجي آييندا، رب سئنا صحراسيندا موسا ائله دانيشيب اونا ددي:
"ائسرايئل اؤولادلاري پاسخا بايراميني تعيئن اولونموش واختدا توتسونلار.
اونو آيين اون دؤردونجو گونونده، آخشامچاغي، تعيئن اولونموش واختدا توتون؛ اونو بوتون قايدالارينا و حؤکملرئنه گؤره ساخلايين.»"
بلجه موسا ائسرايئل اؤولادلارينا امر اتدي کي، پاسخا بايراميني کچئرتسئنلر.
اونلار بئرئنجي آيين اون دؤردونجو گونونده، آخشامچاغي پاسخا بايراميني سئنا صحراسيندا توتدولار. ائسرايئل اؤولادلاري ربّئن موسايا امر اتدئيي هر شيي يرئنه يتئردئلر.
آمّا مِيئته توخونان نجئس آداملار وار ائدئلر کي، او گون پاسخا بايراميني کچئرده بئلمه‌دئلر. اونا گؤره ده، او گون بو آداملار موسا و هارونون يانينا گلئب
بله ددئلر: "گرچي اؤلويه گؤره بئز نجئسئک، آمّا نه اوچون بئز آيري ائسرايئل اؤولادلاري کئمي، تعيئن اولونموش واختدا ربّه قوربان تقدئم اتمه‌دن محروم اولاق؟»
موسا اونلارا ددي: «دايانين، گؤروم رب سئزئن بارهده نه امر ادهجک.»
رب موسا ائله دانيشيب اونا ددي:
"«ائسرايئل اؤولادلاري ائله دانيشيب اونلارا دِه: «اگر سئزدن و يا نسئلئنئزدن بئر نفر مِيئته توخونوب نجئس اولسا و يا اوزاق يولدا اولسا، گئنه ده ربّئن پاسخا بايراميني توتا بئلر.
ائکئنجي آيين اون دؤردونجو گونو آخشامچاغي پاسخا بايراميني توتسونلار. پاسخا قوربانيني ماياسيز چؤرک و آجي گؤيَرتي ائله يسئنلر.
اوندان صاباحا قدر هچ نه قالماسين و بئر سوموک بله قيريلماسين. پاسخايا عاييد اولان بوتون قانونلاري يرئنه يتئرسئنلر.
آمّا کئم کي، پاکدير، اوزاق يولدا دا ديئل و پاسخاني کچئرتمئر، او آدام اؤز خالقي آراسيندان قووولسون؛ چونکي تعيئن اولونان واختدا ربّئن تقدئمئني گتئرمه‌يئب. او آدامين گوناهي بوينوندا قالار.
اگر سئزئنله ياشايان بئر ياداِلّي ربّئن پاسخا بايراميني کچئرتسه، پاسخاني قايدالارينا و حؤکملرئنه گؤره بله کچئرتسئن؛ هم ياداِلّي اوچون، هم ده يرلي اهالي اوچون قايدا بئر اولسون.»
خيمهنئن قورولدوغو گون بولود خيمهني يعني شهادت چاديريني بورودو؛ آخشامدان سحره قدر خيمهنئن اوستونده‌کي بولود اودا اوخشاييردي.
دائم بله اولدو؛ گوندوز بولود خيمهني بورويردو، گجه ده اود گورونوشو.
بولود چاديرين اوستوندن قالخان زامان، ائسرايئل اؤولادلاري دا کؤچَردئلر؛ بولودون دايانديغي يرده ده ائسرايئل اؤولادلاري دوشَرگه سالارديلار.
اونلار ربّئن امرئنه گؤره يولا دوشَردئلر و ربّئن امرئنه گؤره ده دوشَرگه سالارديلار. نه قدر کي، بولود خيمهنئن اوستونده قالاردي، اونلار دا دوشَرگه سالديقلاري يرده قالارديلار.
بولود اوزون مودّت خيمهنئن اوستونده داياناندا دا ائسرايئل اؤولادلاري ربّئن ددئيئني ساخلايارديلار و يولا دوشمَزدئلر.
اگر بعضن بولود خيمهنئن اوستونده بئر نچه گون قالاردي؛ اونلار دا ربّئن امرئنه گؤره دوشَرگه سالديقلاري يرده قالارديلار. سونرا گئنه ربّئن امرئنه گؤره يولا دوشَردئلر.
بعضن ده بولود آخشامدان سحره قدر داياناردي؛ سحر بولود قالخديقدا يولا دوشَردئلر. ائستر گجه، ائستر گوندوز، بولود قالخديقدا يولا دوشَردئلر.
ائستر ائکي گون اولسون، ائستر بئر آي، يا دا بئر ائل، بولود خيمه اوستونده دايانيب قالاندا، ائسرايئل اؤولادلاري دوشَرگه سالديقلاري يرده قاليب يولا دوشمزدئلر. لاکئن قالخان زامان يولا دوشَردئلر.
ربّئن امرئنه گؤره دوشَرگه سالارديلار و ربّئن امرئنه گؤره ده يولا دوشَردئلر. اونلار ربّئن ددئيئني موسايا امر اتدئيي کئمي ساخلايارديلار.
سونرا رب موسا ائله دانيشيب اونا بله ددي:
"اؤزونه ياستيلانميش گوموشدن ائکي کَره‌ناي دوزلت. بونلاري، جاماعاتي چاغيرماق و دوشَرگه‌ده‌کئلرئن يولا دوشمه‌سي اوچون ائشلَت.
ائکي کَره‌ناي چالينارسا، بوتون جاماعات سنئن يانينا، حوضور چاديرينين گئرئشئنه ييغيلسين.
اگر تَک بئري چالينارسا، رهبرلر، ائسرايئلئن طايفا باشچيلاري سنئن يانينا ييغيلسينلار.
ائخطار ورن کئمي چاليناندا، شرقي دوشَرگه‌ده‌کئلر يولا دوشسونلر.
گئنه ده ائخطار ورن کئمي چاليناندا، جنوبي دوشَرگه‌ده‌کئلر يولا دوشسونلر. اونلاري يولا سالماق اوچون گرک کَره‌ناي ائخطار ورن کئمي چالينسين.
جاماعاتي ييغماق لازيم اولاندا چالين، آنجاق ائخطار ورن کئمي چالمايين.
بوندان علاوه، کَره‌نايلاري هارون اوغوللاري اولان کاهئنلر چالسينلار. بو، نسئلدن-نسله سئزئن اوچون ابدی قايدا اولسون.
او زامان کي، تورپاغينيزدا سئزه هوجوم گتئرن دوشمنئن ضئدّئنه جنگه چيخيرسينيز، کَره‌نايلاري ائخطار ورن کئمي چالين کي، تارينيز ربّئن حوضوروندا خاطيرلانيب، دوشمنلرئنئزدن خئلاص اولاسينيز.
شاد گونونوزده، تعيئن اولونان بايراملارينيزدا، و آيلارينيزين بئرئنجي گونونده، يانديرما و باريش قوربانلارينيزي تقدئم اِدَرکَن کَره‌ناي چالين؛ تارينيزين قاباغيندا بو سئزئن اوچون بئر خاطئره اولسون. تارينيز رب، منم."
ائکئنجي ائلئن ائکئنجي آييندا، آيين ائيئرمئنجي گونونده شهادت خيمهسئنئن اوستوندن بولود چکئلدي.
ائسرايئل اؤولادلاري کؤچلرئنه گؤره سئنا صحراسيندان يولا دوشدولر. بولود پاران صحراسيندا داياندي.
بلجه اونلار ائلک دفه اولاراق، ربّئن موسايا امر اتدئيي کئمي يولا دوشدولر.
هاميدان اوّل يهودانين قوشون دسته‌لري اؤز بايراقلاري آلتيندا يولا دوشدولر. بو قوشونا عَمّئناداب اوغلو نَخشون رهبرلئک ادئردي.
يئسّاکار قبئلهسئنئن قوشونونا صوعار اوغلو نِته‌نِل رهبرلئک ادئردي.
زِبولون قبئلهسئنئن قوشونونا دا خِلون اوغلو اِلئآب رهبرلئک ادئردي.
سونرا خيمه سؤکولدو؛ و خيمهني داشييان گِرشون و مِراري اؤولادلاري يولا دوشدولر.
رِعوبئنئن قوشون دسته‌لري اؤز بايراقلاري آلتيندا يولا دوشدولر. بو قوشونا شِدِه‌اور اوغلو اِلئصور رهبرلئک ادئردي.
شَمعون قبئلهسئنئن قوشونونا صورئشَدّاي اوغلو شِلومئيِل رهبرلئک ادئردي.
جاد قبئلهسئنئن قوشونونا دِعواِل اوغلو اِلياصاف رهبرلئک ادئردي.
موقدّس اشيالاري داشييان قوحاتلي‌لار يولا دوشدولر؛ او بئرئلر گلنه‌جک خيمهني قورارديلار.
اِفرايئمئن قوشون دسته‌لري اؤز بايراقلاري آلتيندا يولا دوشدولر. بو قوشونا عَمّئهود اوغلو اِلئشاماع رهبرلئک ادئردي.
مِنَسّه قبئلهسئنئن قوشونونا پِدَهصور اوغلو گَملي‌اِل رهبرلئک ادئردي.
بِنيامئن قبئلهسئنئن قوشونونا دا گئدعوني اوغلو اَبئدان رهبرلئک ادئردي.
آمّا لاپ آخيردا دانين قوشون دسته‌لري اؤز بايراقلاري آلتيندا يولا دوشدولر. بو قوشونا عَمّئشَدّاي اوغلو اَخئعَزَر رهبرلئک ادئردي.
آشِر قبئلهسئنئن قوشونونا عوکران اوغلو پَگعي‌اِل،
نَفتالي قبئلهسئنئن قوشونونا عِينان اوغلو اَخئرَع رهبرلئک ادئردي.
ائسرايئلئن قوشون دسته‌لري بو نئظاملا يولا دوشدولر.
موسا قايينآتاسي مئديانلي رِعواِل اوغلو خوبابا ددي: "ربّئن «سئزه ورهجيم» ددئيي يره يولا دوشوروک؛ بئزئمله گل، بئز سنه ياخشيليق ادهرئک. چونکي رب ائسرايئله ياخشيليق اده‌جَيئنه سؤز ورئب."
لاکئن حوباب اونا ددي: "گده بئلمه‌رم. من اؤز تورپاغيما و قوحوملاريمين يانينا گده‌جيم."
موسا ددي: "خاهئش ادئرم، بئزي ترک اتمه، چونکي صحرادا دوشَرگه سالاجاغيميز يرلري سن بئلئرسن. سن بئزه گؤز اولارسان.
اگر بئزئمله گدهسن، ربّئن بئزه اده‌جَيي ياخشيليغي بئز ده سنه ادهرئک."
بلجه ائسرايئل اؤولادلاري ربّئن داغيندان آيريليب، اوچ گون يول گتدئلر. ربّئن عهد سانديغي دا اوچ گون اونلارين قاباغيندا گدئردي کي، دئنجَله‌جکلري يري اونلارا گؤرسدسئن.
دوشَرگه سالديقلاري يردن يولا دوشدوکلري واخت، ربّئن بولودو گوندوز اونلارين اوستونده ائدي.
سانديق يولا دوشَنده موسا ددي: "يارب قالخ! قوي دوشمنلرئن داغيلسين، سندن نئفرت ادنلر سنئن حوضوروندان قاچسين."
سانديق داياناندا بله ددي: "يارب، ائسرايئل طايفالارينين اون‌مئنلر مئنلرئنئن يانينا قاييت."
جاماعات چکدئيي سيخينتيدان ربّه شئکايت اتدي. رب بونو اشئدنده قضبي آلوولاندي. ربّئن اودو اونلارين آراسيندا ياندي و دوشَرگهنئن اطرافلاريني يانديريب يوخ اتدي.
جاماعات موسايا فرياد اتدي. موسا ربّه يالواردي و اود سؤندو.
بونا گؤره او يِرئن آدي تَبعِرا قويولدو، چونکي ربّئن اودو اونلارين آراسيندا يانميشدي.
خالقين آراسيندا اولان آلچاق ياد اِللی‌لرئن طاماحلي هَوَسلري وار ائدي. ائسرايئل اؤولادلاري دا گئنه آغلاييب ددئلر: "کئم بئزه يمک اوچون اَت ورهجک؟
مئصئرده موفته يِدئيئمئز باليقلاري، خئيارلاري، قوحونلاري، کاوارلاري، صوغانلاري، و ساريمساقلاري ياديميزا ساليريق.
آمّا ائندي ائشتاهاميز گدئب، يِمه‌يه مانّادان باشقا هچ بئر شي گؤرموروک."
مانّا کِشنئش توخومو کئمي ائدي، رنگي ده قَطران رنگئنده ائدي.
جاماعات دولانيب اونو ييغارديلار و دَيئرماندا دارتيب، يا دا هَوَنگدسته ائله دؤيَردئلر. قازاندا قايناديب اوندان کؤکه دوزَلدَردئلر. اونون دادي ياغلا پئشئرئلمئش کؤکه‌لره اوخشاييردي.
مانّا گجه دوشَرگه اوستونه دوشَن شِحله برابر دوشَردي.
موسا خالقين، هر عايئله‌نئن چاديرينين گئرئشئنده آغلاماقلاريني اشئتدي؛ و ربّئن قضبي چوخ آلوولاندي. موسا ناراضي ائدي.
اونا گؤره ربّه ددي: "سن نه اوچون قولونلا بو قدر چتئن رفتار ادئرسن؟ نه اوچون سنئن گؤزونده لوطف تاپماميشام کي، بو خالقين يوکونو منئم اوستومه قويوبسان؟
مگر من بوتون بو خالقا بويلو اولموشام؟ مگر من بونلاري دوغموشام کي، ديئرسن: «سود اَمن اوشاغي گَزدئرن دايه کئمي اونلاري قوجاغيندا او اؤلکهيه آپار کي، سن اونون ورمه‌سئني اونلارين آتالارينا آند ائچئبسن؟»
بوتون بو خالقا يِدئرتمَک اوچون اَتي من هارادان تاپيم؟ چونکي اونلار قاباغيمدا آغلاييب ديئرلر: «بئزه اَت ور، يئيَک.»
من بو خالقي تک باشيما داشييا بئلمه‌رم، چونکي بو منئم اوچون چوخ آغيردير.
بونا گؤره ده اگر منئمله بو جور رفتار ادهجکسن، اگر گؤزونده لوطف تاپميشام، منی يوباتمادان اؤلدور و قويما کي، بدبختچئلئيئمي گؤروم."
رب موسايا ددي: "منه خالق آراسيندا رهبر و مؤعتَبَر سايديغين ائسرايئل آغساقّاللاريندان يتمئش نفر بئر يره ييغ. اونلاري حوضور چاديرينا گتئر و قوي سنئنله دورسونلار.
سونرا من اِنئب، اورادا سنئنله دانيشاجاغام. سنده اولان روحدان گؤتوروب اونلارا ورهجيم. اونلار دا خالقين يوکونو سنئنله برابر چکهجکلر، اله کي، بو يوکو تک باشينا داشيماياجاقسان.
خالقا دِه: «صاباح اوچون اؤزلرئنئزي تقدئس ادئن، و اَت يئيهجکسئنئز. چونکي آغلاييشلارينيزي ربّه اشئتدئرئب دِدئنئز: کاشکي اَتئمئز اولايدي! مئصئرده حاليميز ياخشي ائدي. اونا گؤره رب سئزه اَت ورهجک، سئز ده اَت يئيهجکسئنئز.
نه بئر گون، نه ائکي گون، نه بش گون، نه اون گون، نه ده ائيئرمي گون،
دوز بئر آي، بورنونوزدان گلنه قدر، ائيرَنه قدر يئيهجکسئنئز؛ چونکي آرانيزدا اولان رَبّي رَدّ اتدئنئز و اونون قاباغيندا آغلاييب دِدئنئز: نه اوچون مئصئردن چيخديق؟»"
لاکئن موسا ددي: "آراسيندا اولدوغوم بو خالقدا آلتي يوز مئن پئيادا وار و سن ديئرسن: «من اونلارا بئر آيليق يمک اوچون اَت ورهجيم.»
بوتون قويون-کچي و مال-حيوان کَسئلسه ده، اونلار مگر دويار؟ دهنزئن بوتون باليقلاري توتولسا دا، اونلار مگر دويار؟»"
رب موسايا ددي: "مگر ربّئن اَلي قيساليب؟ ائندي گؤرهجکسن سنه ددئکلرئم يرئنه يِتئشئر يا يوخ.»
بلجه موسا چيخدي و ربّئن سؤزلرئني خالقا چاتديردي. خالقين آغساقّاللاريندان يتمئش نفري ده ييغدي و چاديرين اطرافيندا دايانديردي.
او واخت رب بولوددا اِندي و موسا ائله دانيشدي. اونداکي روحدان گؤتوروب، يتمئش نفر آغساقّاللارا وردي؛ اونلارين اوستونه روح تؤکَن زامان پيغمبرلئک اتدئلر. آمّا بئر داها اتمه‌دئلر.
دوشَرگه‌ده ائکي آدام قالميشدي؛ بئرئنئن آدي اِلداد و او بئرئنئن آدي مئداد ائدي. اونلار يازيلان يتمئش نفر آراسيندا ائدئلر، لاکئن چاديرين يانينا گتمه‌مئشدئلر. روح اونلارين دا اوستونه دوشدو و اونلار دوشَرگه‌ده پيغمبرلئک اتدئلر.
بئر جاوان قاچاراق موسايا خبر ورئب، ددي: "اِلداد و مئداد دوشَرگه‌ده پيغمبرلئک ادئرلر."
نون اوغلو يوشَع کي، جاوانليغيندان بَري موسانين کؤمکچئسي ائدي، ددي: "آغام موسا، اونلاري قدغن ات."
آمّا موسا ددي: "منه گؤره مگر حسودلوق ادئرسن؟ کاشکي ربّئن بوتون خالقي پيغمبر اولايدي و رب اونلارا روحونو ورَيدي!"
سونرا موسا و ائسرايئل آغساقّاللاري دوشَرگه‌يه قاييتديلار.
رب بئر کولَک اَسدئردي و کولَک دهنز طرفئندن بئلدئرچئن گتئردي. کولَک بئلدئرچئنلري دوشَرگهنئن هر طرفئندن بئر گونلوک يول قدر اوزاقليغا، يِرئن اوستوندن ائکي قولاچ قدر اوجاليغا سالدي.
بوتون او گون، او گجه و او گونون صاباحي جاماعات چيخيب بئلدئرچئنلري ييغدي. لاپ آز ييغان اون حومِر ييغدي. بئلدئرچئنلري اؤزلري اوچون دوشَرگهنئن اطرافينا سَردئلر.
آمّا اَتي حله دئشلري آراسيندا چينَمه‌مئشدن، ربّئن قضبي خالقين ضئدّئنه آلوولاندي. رب اونلارا شئدّتلي بئر بلا گؤندردي.
بلجه او يِرئن آدي قئبروت-حاتّاوا قويولدو، چونکي طاماحکار اولانلار اورادا باسديريلدي.
جاماعات قئبروت-حاتّاوادان خَصِروتا کؤچوب اورادا قالدي.
مريمله هارون موسانين اِولَندئيي کوشلو آرواددان اؤتري اونون ضئدّئنه دانيشديلار. چونکي موسا کوشلو بئر آروادي آلميشدي.
اونلار ددئلر: "مگر رب فقط موسانين واسئطهسئله دانيشدي؟ مگر بئزئم واسئطهمئزله ده دانيشمادي؟" و رب بونو اشئتدي.
موسا ير اوزونده ياشايان بوتون آداملاردان داها باشي آشاغي بئر ائنسان ائدي.
رب بئردن موسايا، هارونا و مريمه ددي: "اوچونوز ده حوضور چاديرينا گلئن." اوچو ده اورايا گتدئلر.
او زامان رب بولود دئره‌يئنده اِندي و چاديرين گئرئشئنده دوروب، هارونلا مريمي چاغيردي؛ هر ائکئسي ائرهلي گلدئلر.
رب اونلارا ددي: "ائندي سؤزلرئمي اشئدئن؛ اگر آرانيزدا بئر پيغمبر وار، من رب رؤيادا اونا اؤزومو بئلدئرهرم، يوخودا اونونلا دانيشارام.
آمّا قولوم موسا ائله اله اتمئرم؛ او منئم بوتون اِوئمده وفالي‌دير.
من اونونلا موعَمّالارلا يوخ، اوزبه اوز آچيق دانيشيرام و او ربّئن شَکئلئني گؤرور. نه اوچون قولوم موسانين ضئدّئنه دانيشماقدان قورخمادينيز؟»
ربّئن قضبي اونلارين ضئدّئنه آلوولاندي و اورادان گتدي.
لاکئن بولود چاديرين اوستوندن چکئلَنده مريم جوزاما دوچار اولوب، قار کئمي آغارميشدي. هارون مريمه باخديقدا گؤردو کي، او جوزاما توتولوب.
هارون موسايا ددي: "ای آغام، يالواريرام کي، آخماقليق و گوناه ائشله‌دئيئمئزه گؤره بئزي بو گوناه اوچون تقصئرکار سايما.
قويما کي، اونون بدني آنانين بطنئندن چيخان اؤلو دوغولموش اوشاغين ياري چوروموش بدنئنه بَنزه‌سئن."
موسا ربّه فرياد ادئب ددي: "يالواريرام، ای تاري، اونا شَفا ور!"
آمّا رب موسايا ددي: "اگر آتاسي اونون اوزونه توپورموش اولسايدي، مگر يدّي گون اوتانج ائچئنده قالمازدي؟ قوي مريم دوشَرگه‌دن اِشئک يدّي گون ساخلانسين، اوندان سونرا گری گتئرئله بئلر."
مريم يدّي گون دوشَرگه‌دن اِشئک ساخلاندي. او گری گتئرئلئنجه‌يه قدر جاماعات کؤچمه‌دي.
اوندان سونرا جاماعات خَصِروتدان يولا دوشدو و پاران صحراسيندا دوشَرگه سالديلار.
سونرا رب موسا ائله دانيشيب اونا ددي:
"آداملار گؤندر کي، ائسرايئل اؤولادلارينا وره‌جَيئم کَنَعان تورپاغيني تجسّوس اتسئنلر؛ آتالارينين هر قبئلهسئندن بئر رهبر گؤندر."
موسا ربّئن امرئنه گؤره پاران صحراسيندان اونلاري گؤندردي؛ هاميسي ائسرايئل اؤولادلارينين باشچيلاري ائدئلر.
آدلاري بونلار ائدي: رِعوبئن قبئلهسئندن زَکّور اوغلو شَمّوعه؛
شَمعون قبئلهسئندن خوري اوغلو شافاط؛
يهودا قبئلهسئندن يِفونّه اوغلو کالئب؛
يئسّاکار قبئلهسئندن يوسئف اوغلو يئگال؛
اِفرايئم قبئلهسئندن نون اوغلو هوشِعه؛
بِنيامئن قبئلهسئندن رافو اوغلو پَلطي؛
زِبولون قبئلهسئندن سودي اوغلو گَدّي‌اِل؛
يوسئف قبئلهسئندن، يعني مِنَسّه قبئلهسئندن سوسي اوغلو گَدّي؛
دان قبئلهسئندن گِمَلّي اوغلو عَمّي‌اِل؛
آشِر قبئلهسئندن مئکايئل اوغلو سِتور؛
نَفتالي قبئلهسئندن ووفسي اوغلو نَخبي؛
جاد قبئلهسئندن ماکي اوغلو گِعواِل.
اؤلکهني تجسّوس اتمک اوچون موسانين گؤندردئيي آداملارين آدلاري بلهدئر: لاکئن موسا نون اوغلو هوشِعه‌يه يوشَع آديني وردی.
موسا اونلاري کَنَعان تورپاغيني تجسّوس اتمک اوچون گؤنده‌رَرکَن ددي: «بو يولدان نِگِبه گدئن، سونرا داغليغا چيخين.
اؤلکهنئن نجه اولدوغونو گؤرون. گؤرون اورادا ياشايان خالق گوجلودور يا ضعئف، آزدير يا چوخ؟
ياشاديقلاري شهرلري اؤلکه نجه، ياخشيدير يا پئس؟ شهرلري نجه، حاصارلي‌دير يا حاصارسيز؟
تورپاق نجه، محصوللو يا محصولسوز؟ اورادا آغاجلار وار يا يوخ؟ چاليشين اؤلکهنئن مئيوه‌سئندن بئر آز گتئرهسئنئز." او زامان اوزوم يِتئشَن مؤوسوم ائدي.
اونلار يولا دوشدولر و سئن صحراسيندان لِبو-خَماتداکي رِخوبا قدر اؤلکهني تجسّوس اتدئلر.
نِگِبه چيخديلار و خِبرونا چاتديلار؛ اورادا اَناقلي اَخئمَن، شِشَي و تَلمَي ياشاييردي. خِبرون مئصئرده‌کي صوعَن شهرئندن يدّي ائل قاباق تئکئلمئشدي.
سونرا اِشکول دره‌سئنه چاتديلار و اورادان بئر تَنَک بوداغي کَسدئلر اوستونده بئر سالخيم اوزوم وار ائدی و آداملارين ائکئسي بئر نِچه نار و اَنجئرله بئرلئکده تَنَک بوداغيني آرالاريندا بئر دئرَکده آپارديلار.
ائسرايئل اوغوللارينين اورادان کَسدئکلري سالخيما گؤره او يره اِشکول دره‌سي ديئلدي.
قيرخ گوندن سونرا اؤلکهنئن تجسّوسوندن قاييتديلار.
پاران صحراسينداکي قِدِشه، موسا ائله هارونون و بوتون ائسرايئل اؤولادلاري جاماعاتينين يانينا گلدئلر. اونلارا و بوتون جاماعاتا خبر گتئردئلر، سونرا اؤلکهنئن مئيوه‌سئني اونلارا گؤرستدئلر.
موسايا بله تشرئح ادئب ددئلر: "اؤلکهيه گتدئک و بئزي گؤندردئيئن يِره چاتديق. حقئقتن ده، اورادا سود و بال آخير. باخ بو دا او تورپاغين مئيوه‌سي‌دئر!
لاکئن اورادا ياشايان خالق گوجلودور. شهرلر ائستِحکاملي و چوخ بؤيوکدور. بوندان علاوه، اورادا عَناق نسلئني ده گؤردوک.
نِگِب اؤلکهسئنده عَمالِقلی‌لر، داغليقدا خئتلئلر، يِبوسلولار و اِمورلولار، دهنز کَناريندا و اوردون چايي ساحئلئنده ده کَنَعانليلار ياشاييرلار."
کالئب موسانين قاباغيندا جاماعاتي ساکئتلَشدئرئب ددي: "گدئب اوراني اَله کچئردک. چونکي بئز يقئن اونا قالئب گله‌جَيئک."
آمّا اونونلا گِدن آداملار ددئلر: "او خالقا هوجوم اده بئلمه‌رئک، چونکي اونلار بئزدن گوجلودورلر."
بلجه اونلار تجسّوس اتدئکلري تورپاق حاقّيندا ائسرايئل اؤولادلارينا پئس خبر گتئرئب ددئلر: "گتدئيئمئز و تجسّوس اتدئيئمئز تورپاق اؤز اَهالئسئنئن باشيني يئيَن تورپاقدير و اورادا گؤردويوموز هر کس اوجا بويلو کئشئلر ائدي.
اورادا نِفئل‌لري ده گؤردوک. (عَناق خالقي دا نِفئللی‌لردندئر.) اونلارين يانيندا اؤزوموزو چَيئرتکه کئمي حئسّ اتدئک، اونلارا دا اِله گؤروندوک."
بوتون جاماعات اوجا سَسله فرياد ادئب گجه بويو آغلاديلار.
بوتون ائسرايئل اؤولادلاري موسا و هارونون ضئدّئنه ديئندئلر؛ بوتون جاماعات اونلارا ددي: "کاشکي، مئصئر تورپاغيندا اؤلموشدوک! يا دا بو صحرادا اؤلموشدوک!
نه اوچون رب بئزي بو تورپاغا آپارير؟ يعني بئز قيلينلا قيريلاق؟ آروادلاريميز و اوشاقلاريميز تالان اولاجاقلار. مئصئره قاييتماق مگر بئزئم اوچون داها ياخشي اولمازدي؟»
سونرا بئر-بئرلرئنه ددئلر: "اؤزوموزه باشچي سِچک و مئصئره قاييداق."
او زامان موسا ائله هارون اورادا ييغيلميش بوتون ائسرايئل جاماعاتينين قاباغيندا اوزو اوسته يره دوشدولر.
نون اوغلو يوشَع و يِفونّه اوغلو کالئب کي، اؤلکهني تجسّوس ادنلردن ائدئلر، پالتارلاريني جيرديلار؛
بوتون ائسرايئل جاماعاتينا بله ددئلر: «تجسّوس اتمک اوچون ائچَرئسئندن کچدئيئمئز اؤلکه چوخ ياخشي بئر اؤلکه‌دئر.
اگر رب بئزدن راضي اولسا، بئزي او اؤلکهيه آپاراجاق، سود و بال آخان تورپاغي بئزه ورهجک.
آنجاق ربّه عاصئلئک اتمهيئن. اؤلکهنئن خالقيندان قورخمايين، اونلاري مغلوب اده بئله‌رئک. اونلار آرتيق مودافئعه‌سئزدئرلر، و رب بئزئمله‌دئر. اونلاردان قورخمايين!»
لاکئن بوتون جاماعات "اونلاري داشا باسين!" دئيَنده ربّئن عئزّتي حوضور چاديريندا بوتون ائسرايئل اؤولادلارينا گؤروندو.
رب موسايا بله ددي: "نه واختاجاق بو خالق منی ردّ ادهجک؟ آرالاريندا اتدئيئم علامتلري گؤره-گؤره نه واختا قدر منه ائمان گتئرميه‌جکلر؟
اونلاري وبا ائله جزالانديرجاغام. اونلاري قوواجاغام. سندن اله بئر مئلّت تؤرده‌جيم کي، اونلاردان چوخ بؤيوک و گوجلو اولسون."
موسا ربّه ددي: "او زامان مئصئرلی‌لر اشئده‌جک، چونکي بو خالقي اونلارين آراسيندان قودرَتئنله سن چيخارتدين.
بونو اؤلکهنئن اهالئسئنه آنلاداجاقلار. اشئتدئلر کي، سن رب بو خالقين آراسينداسان. چونکي، يارب، سن اونلارلا اوزبه اوز گؤروشورسن، سنئن بولودون اونلارين اوستونده دورور. سن گوندوز بولود دئره‌يي و گجه آلوو دئره‌يي ائله اونلارا يول گؤرسدئرسن.
اگر بو خالقي بئر نفر کئمي اؤلدوره‌سن، سنئن شؤهره‌تئني اشئدن مئلّتلر بله دئيهجکلر:
«رب بو خالقي صحرادا اؤلدوردو چونکی اونلاري آند ائچئب وعده وردئيي اؤلکهيه آپارا بئلمه‌دي.»
لاکئن ائندي، يالواريرام کي، پروردئگارين بؤيوک قودرتي گؤرسدئلسئن، نجه کي، سن ددئن:
«گِج قضبلَنَن، بول محبّتلي، تقصئري و عاصئلئيي باغيشلايان‌دير، لاکئن جزاسيز دا قويماز، آتالارين تقصئرئني اوچونجو-دؤردونجو نسله چکدئرَر.»
يالواريرام کي، مئصئردن چيخديقلاري گوندن بو گونه کئمي بو خالقي نجه باغيشلييبسان، اونلارين تقصئرئني بؤيوک محبّتئنه گؤره باغيشلا.»"
رب ددي: "سنئن خاهئشئنه گؤره باغيشلاديم،
آمّا دوغوردان دا، نه قدر کي، وارام، بوتون ير اوزو ربّئن جلاليندان دولاجاق.
دوغوردان دا بوتون بو آداملار کي، منئم جلاليمي و مئصئرده و صحرادا اتدئيئم علامتلري گؤروبلر، آمّا گئنه ده منی اون دفه ائمتاحانا چکئب و سَسئمه قولاق آسماييبلار،
آتالارينا ورميه آند ائچئب وعده وردئيئم تورپاغي اصلا گؤرميه‌جکلر و منی ردّ ادنلرئن هچ بئري اوراني گؤرميه‌جک.
آنجاق قولوم کالئبده آيري روح وار. او بوتون قلبي ائله داليمجا گتدي. اونو، گَزدئيي تورپاغا آپاراجاغام و اونون نسلی اورايا وارئث اولاجاق.
عَمالِقلی‌لر و کَنَعانليلار دره‌لرده ياشاييرلار. اونا گؤره صاباح قاييدين و قيرميزي دهنزئن يولو ائله صحرايا گدئن."
رب موسا و هارونلا دانيشيب ددي:
"نه واختا قدر بو پئس جاماعات منئم ضئدّئمه شئکايت ادهجک؟ ائسرايئل اوغوللارينين منه ديئنمه‌لرئني اشئتدئم.
اونلارا دِه کي، رب ديئر: «نه قدر کي، وارام، منئم ضئدّئمه ددئکلرئزئن عِينئسئني سئزه ادهجيم.
مِيئتلرئنئز بو صحرايا سَرئله‌جک. منئم ضئدّئمه شئکايت ادن ائيئرمي و اوندان يوخاري ياشدا اولوب سئياهييا آلينانلارين هاميسي صحرادا اؤله‌جکلر،
سئز، ساکئن اده‌جَيئمه آند ائچدئيئم تورپاغا گئرميهجکسئنئز. اورايا فقط يِفونّه اوغلو کالئب و نون اوغلو يوشَع گئرهجک.
لاکئن "تالان اولاجاقلار" دِدئيئنئز اوشاقلارينيزي اورايا آپاراجاغام و سئزئن ردّ اتدئيئنئز اؤلکهني اونلار تانيياجاقلار.
آمّا سئزه گلدئکده، مِيئتلرئنئز بو صحرايا سَرئله‌جک.
اؤولادلارينيز قيرخ ائل صحرادا چوبانليق ادهجکلر. نه واختا قدر کي مِيئتلرئنئز صحرايا سَرئلمه‌يئب، سئزئن خَيانَتئنئزئن آجيسيني چکهجکلر.
اؤلکهني تجسّوس اتدئيئنئز گونلرئن سايينا گؤره قيرخ گون، هر گون اوچون بئر ائل اولماقلا، قيرخ ائل تقصئرئنئزي چکهجکسئنئز و سئزدن اوز دؤندَردئيئمي بئلهجکسئنئز.
من رب ددئم: حقئقتن، منئم ضئدّئمه بئرلَشَن بو پئس جاماعاتا بله ده ادهجيم. بو صحرادا اؤلوب تَلَف اولاجاقلار.»"
او آداملار کي، موسا اونلاري اؤلکهيه تجسّوس اوچون گؤندرمئشدي، قاييديب اؤلکه حاقّيندا پئس خبر گتئردئلر و باعئث اولدولار کي، بوتون جاماعات ربّئن ضئدّئنه ديئنسئنلر.
اؤلکه حاقّيندا پئس خبر گتئرنلر ربّئن قاباغيندا وبادان اؤلدولر.
اؤلکهني تجسّوس اتمک اوچون گدنلردن فقط نون اوغلو يوشَع و يِفونّه اوغلو کالئب صاغ قالديلار.
موسا بو سؤزلري بوتون ائسرايئل اؤولادلاري ائله دانيشدي و خالق چوخ کَدَرلَندي.
اونلار سحر تزدن قالخديلار و داغليغين اوجا تپه‌سئنه چيخيب ددئلر: "باخ، گوناه اتمئشئک، آمّا ائندي ربّئن وعده وردئيي يره چيخيريق."
موسا ددي: "نه اوچون ربّئن امرئنه ضئدّ چيخيرسينيز؟ بونو باجارا بئلمزسئنئز.
دؤيوشه چيخمايين، چونکي رب آرانيزدا ديئل. مبادا دوشمنلرئنئزه مغلوب اولاسينيز.
چونکي عَمالِقلی‌لر و کَنَعانليلار اورادا قاباغينيزداديرلار و قيلينجلا اؤلهجکسئنئز؛ مادام کي ربّئن دالينجا گتمَکدن اوز دؤندَردئنئز، رب سئزئنله اولماياجاق.»
آنجاق اونلار اؤزلرئنه اعتئماد ادئب داغليغين اوجا تپه‌سئنه چيخديلار. لاکئن نه ربّئن عهد سانديغي، نه ده موسا دوشَرگه‌دن آيريلدي.
او زامان همئن داغليقدا ياشايان عَمالِقلی‌لر و کَنَعانليلار اِنئب اونلارا هوجوم اتدئلر و اونلاري خورما شهرئنه‌جک قوووب مغلوب اتدئلر.
رب موسا ائله دانيشيب اونا ددي:
"ائسرايئل اؤولادلاري ائله دانيشيب اونلارا دِه: «ساکئن اولماق اوچون سئزه وره‌جيئم تورپاغا گئره‌جيئنئز واخت،
اگر کئمسه ربّئن خوشونا گلن عطئرلي تقدئم گتئرمک اوچون ربّه اود تقدئمي اولاراق يانديرما قورباني، نذر قورباني، اؤز گؤيلو ائله قوربان و يا بايرام قورباني اولاراق مال-حيواندان و يا قويون-کچئدن ربّه تقدئم اتسه،
ربّه قوربان گتئرن آدام تاخيل تقدئمي اولاراق دؤردده بئر هئن ياغلا قاتيلميش اِفانين اوندا بئري قدر نارين اون گتئرسئن.
يانديرما قورباني و يا آيري بئر قوربان اوچون هر بئر قوزويا تؤکولَن مايع تقدئمي اولاراق دؤردده بئر هئن شراب حاضيرلايين.
قوچ اوچون تاخيل تقدئمي اولاراق هئنئن اوچده بئري قدر ياغلا قاتيلميش اِفانين اوندا ائکي حئصّهسي قدر نارين اون و
مايع تقدئمي اولاراق هئنئن اوچده بئري قدر شراب حاضيرلايين. بونلاري ربّئن خوشونا گلن عطئرلي تقدئم اولاراق ورئن.
ربّه يانديرما قورباني و يا قوربان اولاراق، نذر قورباني يرئنه يتئرمک اوچون و يا باريش قورباني کئمي بئر گاميش کَسنده
گاميشلا بئرلئکده تاخيل تقدئمي کئمي ياريم هئن ياغلا قاتيلميش اِفانين اوندا اوچو قدر نارين اون گتئرئن.
مايِع تقدئمي کئمي ياريم هئن شراب تقدئم ادئن. بو، ربّئن خوشونا گلن عطئرلي اود تقدئمدئر.
هر اؤکوز، قوچ، اِرکَک قوزو و يا کچي ده بله حاضيرلانسين.
حاضيرلاديغينيز حيوانلارين ساييسينا قدر، هر بئري ائله بئرلئکده همن تقدئمي گتئرئن.
هر بئر يرلي ائسرايئللي ربّئن خوشونا گلن عطئرلي تقدئم اولاراق اود تقدئمي گتئردئيي زامان بو شيلري بله اتسئن.
مووَقّتي و يا نسئلدن-نسله آرانيزدا ياشايان ياداِللي ربّئن خوشونا گلن عطئرلي اود تقدئمي گتئرمک ائسته‌سه، گرک سئزئن اتدئيئنئز کئمي اتسئن.
ای جاماعات، سئزئن اوچون و سئزئنله ياشايان ياداِلّي اوچون قايدا بئردئر، نسئللر بويو ابدی قايدادير، چونکي رب سئزه ده، ياد اِللی‌لره ده بئر گؤزله باخير.
سئزئن اوچون و سئزئنله ياشايان ياد اِللی‌لر اوچون همن قانون و همن حؤکم اولماليدير.»"
سونرا رب موسا ائله دانيشيب اونا بله ددي:
"ائسرايئل اؤولادلاري ائله دانيشيب اونلارا بله دِه: «من سئزي آپاراجاغيم تورپاغا گئره‌جَيئنئز واخت،
تورپاغين چؤره‌يئندن يئيَنده ربّه قالديرما تقدئمي تقدئم ادئن.
ائلک خمئرئنئزدن بئر کؤکه گتئرئن؛ بونو خَرمَنئنئزئن قالديرما تقدئمي اولاراق تقدئم ادئن.
ائلک خمئرئنئزدن ادئلَن بو قالديرما تقدئمئني نسئلدن-نسله قدر ربّه ورئن.
اگر سَهو ادئب ربّئن موسايا بويوردوغو بوتون بو امرلرئن يرئنه يتئرمه‌سئنده قوصور ادهسئنئز،
ربّئن امر اتدئيي گوندن باشلاياراق نسئلدن-نسله موسا واسئطهسئله سئزه بويوردوغو هر هانسي بئر شيه عمل اتمَيه‌سئنئز،
اگر بو ائش سَهون جاماعات طرفئندن بئلمه‌دن ادئلئبسه، اوندا بوتون جاماعات ربّئن خوشونا گلن عطئرلي تقدئم اولاراق قايدايا گؤره تاخيل و مايع تقدئملري ائله بئرلئکده يانديرما قورباني اولاراق بئر گاميش و گوناه قورباني اولاراق بئر اِرکَک کچي گتئرسئن.
سونرا کاهئن بوتون ائسرايئل اؤولادلارينين جاماعاتي اوچون کفّاره اتسئن. بلجه اونلار باغيشلانارلار، چونکي سهو اولموشدور و بو سهو اوچون ده ربّه اودلا تقدئم اولان قوربانلاريني و اونون حوضوروندا گوناه قوربانلاريني تقدئم ادئبلر.
بلجه بوتون ائسرايئل جاماعاتي و آرالاريندا ياشايان ياد اِللی‌لر باغيشلاناجاقلار، چونکي سهون بوتون خالقين باشينا گلئب.
اگر بئر نفر سَهون گوناه اتسه، قوي گوناه قورباني اولاراق بئر-ائلّئک دئشي کچي گتئرسئن.
کاهئن سَهون گوناه ائشله‌دن آدام اوچون ربّئن قاباغيندا کفّاره اتسئن کي، او باغيشلانسين. کفّاره ادنده آدام باغيشلاناجاق.
ائسرايئل اؤولادلاري آراسيندا ائستر يرلي ائستر ياداِلّي، سَهون گوناه ادنلر اوچون قانون بئر اولسون.
لاکئن اگر يرلي يا ياداِلّي قصدن گوناه ائشلَتسه، ربّه کوفر ادئب و خالقي آراسيندان قووولسون.
چونکي او، ربّئن سؤزونه حقارتله باخيب و اونون امرئني پوزوب. بله آدام گرک قووولسون و تقصئري اؤز باشيندا قالار.»"
ائسرايئل اؤولادلاري صحرادا اولارکن سَبّت گونونده اودون ييغان بئر آداما راست گلدئلر.
اودون ييغان آداملا راستلاشانلار اونو موسانين، هارونون و بوتون جاماعاتين قاباغينا گتئردئلر.
او آدامي حبس اتدئلر، چونکي اونونلا نه اده‌جکلري حله اعلان ادئلمه‌مئشدي.
رب موسايا ددي: "بو آدام گرک اؤلدورولسون؛ قوي بوتون جاماعات اونو دوشَرگه‌دن اِشئک داشا باسيب اؤلدورسون."
بلجه جاماعاتين هاميسي او آدامي دوشَرگه‌دن اِشئيه چيخارتديلار و اونو داشا باسيب اؤلدوردولر، نجه کي رب موسايا امراتمئشدي.
رب موسا ائله دانيشيب اونا ددي:
"ائسرايئل اؤولادلارينا دِه کي، نسئلدن-نسله پالتارلارينين اَتَکلرئنئن اوجلارينا قوتاز تئکسئنلر. هر اوجداکي قوتازين اوستونه لاجورد بئر قايتان سالسينلار.
بو قوتازلارا باخاندا ربّئن بوتون امرلرئني خاطيرلايين و اونلارا عمل ادئن؛ اؤز اوره‌يئنئزئن و گؤزلرئنئزئن ائستکلرئنه قاپيليب منه خَيانت اتمهيئن.
اِله کي، بوتون امرلرئمئن يرئنه يتئرمه‌سئني ياددا ساخلاييب، تارينيزا موقدّس اولاسينيز.
تارينيز اولماق اوچون سئزي مئصئر تورپاغيندان چيخاردان تارينيز رب منم؛ تارينيز رب، منم!»
لاوي اوغلو، قوحات اوغلو، يئصحار اوغلو قورَخ رِعوبئن نسلئندن اِلئآب اوغوللاري داتانلا اَبئرام و پِلِت اوغلو اونلا بئرلئکده عمله گئرئب
موسانين ضئدّئنه عوصيان قالديرديلار. ائسرايئل اؤولادلاريندان جاماعات ائچئندن سِچئلمئش و آد قازانميش ائکي يوز اَلّي نفر جاماعات باشچيسي اونلارا قوشولدو.
بئرلئکده موسا و هارونون ضئدّئنه ييغيليب ددئلر: "آرتيق بَسدئر! چونکي بوتون جاماعات موقدّسدئر، هاميسي موقدّسدئر. رب ده اونلارين آراسيندادير. نه اوچون سئز اؤزونوزو ربّئن جاماعاتيندان اوستون توتورسونوز؟"
موسا بونو اشئدنده اوزو اوسته يره دوشدو.
سونرا قورَخله بوتون يولداشلارينا ددي: "سحر رب کئمئن اونا مخصوص اولاني، کئمئن موقدّس اولدوغونو گؤرسدهجک و اونو اؤز حوضورونا آپاراجاق؛ حتّا کئمي سِچه‌جَيئني و اؤز يانينا آپاراجاغيني دا.
ای قورَخ و بوتون يولداشلاري، بونو ادئن. اؤزونوز اوچون بوخوردانلار آلين؛
صاباح ربّئن حوضوروندا اونلارين ائچئنه کؤزَرمئش کؤمور و بوخور قويون. رب کئمي سِچسه، موقدّس اولان اودور. ای لاوي اؤولادلاري، آرتيق بَسدئر!"
موسا قورَخه بونو دا ددي: "ای لاوي اؤولادلاري، ائندي اشئدئن!
ائسرايئلئن تاريسي سئزي ائسرايئل جاماعاتيندان سِچئب اؤز حوضورونا گلمه‌يئنئز اوچون ائمکان ياراديب کي، ربّئن خيمهسئنده ائش گؤرهسئنئز و جاماعاتين قاباغيندا دوروب اونلارا خئدمت ادهسئنئز.
سني ای قورَخ، و بوتون لاوئلي قارداشلاريني حوضورونا گتئرئب. بو سئزه مگر آز گلئر؟ ائندي کاهئنلئيي ده ائسته‌يئرسئنئز؟
دِمه‌لي، سن و بوتون يولداشلارين ربّئن ضئدّئنه قالخيرسينيز. هارون کئمدئر کي، اونون ضئدّئنه ديئنئرسئنئز؟»
موسا اِلئآب اوغوللاري داتاني و اَبئرامي چاغيرتديردي، آمّا اونلار ددئلر: "گلمَيه‌جَيئک!
بئزي صحرادا اؤلدورمک اوچون سود و بال آخان اؤلکه‌دن چيخارتديغين بس ديئل، حله ائستهيئرسن اوستوموزه باشچيليق دا ادهسن؟
بوندان آيري، بئزي سود و بال آخان بئر اؤلکهيه گتئرمه‌دئن، بئزه نه زَمئلر ائرث وردئن نه ده اوزوم باغلاري. بو آداملاري مگر کور حساب ادئرسن؟ گلمَيه‌جَيئک!"
موسا چوخ قضبله‌نئب ربّه ددي: "اونلارين تقدئمئني قبول اتمه! اونلاردان بئر اِششَک بِله، آلماميشام و اونلارين هچ بئرئنه پئسلئک اتمهمئشم."
موسا قورَخه ددي: "سن و بوتون يولداشلارين، صاباح ربّئن حوضوروندا اولون؛ هم سن، هم اونلار و هم ده هارون.
هر بئرئنئز اؤز بوخوردانينيزي گؤتوروب اوستونه بوخور قويون. سونرا ائکي يوز اَلّي نفرئن هر بئري بوخوردان گؤتوروب ربّئن حوضورونا گتئرسئن. سن و هارون دا بوخوردانينيزي گتئرئن."
هر کس اؤز بوخوردانيني گؤتوروب اوستونه کؤزَرمئش کؤمور و بوخور قويدو. سونرا موسا و هارونلا بئرلئکده حوضور چاديرينين گئرئشئنده دوردولار.
بلجه قورَخ بوتون يولداشلاريني حوضور چاديرينين گئرئشئنه ييغدي کی، موسا ائله هارونا ضئدّ چيخسين. و ربّئن جلالي بوتون جاماعاتا گؤروندو.
رب موسا و هارونلا دانيشيب ددي:
"بو جاماعاتدان آيريلين کي، اونلاري بئر آن ائچئنده محو ادئم."
لاکئن اونلار اوزو اوسته يره دوشدولر: "ای تاري، بوتون ائنسان روحلارينين تاريسي! بئر آدامين گوناهينا گؤره بوتون جاماعاتا مگر قضبله‌نئرسن؟"
رب موسا ائله دانيشيب ددي:
"جاماعاتلا دانيشيب اونلارا دِه: «قورَخ، داتان و اَبئرامين مسکنلرئنئن اطرافيندان چکئلئن!»"
موسا قالخيب داتانلا اَبئرامين يانينا گتدي. ائسرايئلئن آغساقّاللاري دا اونون دالينجا گتدئلر.
موسا جاماعاتلا دانيشيب اونلارا ددي: "بو پئس آداملارين مسکنلرئندن اوزاقلاشين و اونلارا عاييد اولان هچ بئر شيه توخونمايين. يوخسا اونلارين بوتون گوناهلارينا گؤره سئز محو اونلارسينيز."
هامي قورَخ، داتان و اَبئرامين مسکنلرئندن اوزاقلاشدي. داتانلا اَبئرام، آروادلاري، اوغوللاري و کؤرپه اوشاقلاري ائله چيخيب چاديرلارينين گئرئشئنده دوردولار.
موسا ددي: "بونونلا بئلرسئنئز کي، بوتون بو ائشلري گؤرميه رب منی گؤندرئب؛ اؤز باشيما بئر ائش گؤرمورم.
اگر بو آداملار هر کسئن اؤلدويو کئمي اؤلسه‌لر و يا هر کسئن باشينا گلن تجروبه‌لردن کچسه‌لر، اوندا رب منی گؤندرمه‌يئب.
لاکئن اگر رب تزه بئر شي اتسه و ير آغزيني آچيب اونلاري و اونلارا عاييد اولان هر شيي اودسا و اونلار اؤلولر دئيارينا دئري-دئري اِنسه‌لر، آنلاياجاقسينيز کي، بو آداملار ربّي تحقئر ادئبلر."
موسا بوتون بو شيلري دانيشيب قورتاراندا اونلارين آلتينداکي ير ياريلدي.
ير آغزيني آچدي، اونلاري، عايئله‌لرئني، قورَخه عاييد اولان بوتون آداملاري و بوتون ماللاريني اودّو.
بلجه اونلار و اونلارا عاييد اولانلارين هاميسي دئري- دئري اؤلولر دئيارينا اِندئلر. ير اوستلرئنه قاپاندي و جاماعات آراسيندان يوخ اولدولار.
اونلارين اطرافيندا اولان بوتون ائسرايئل اؤولادلاري اونلارين فريادلاريني اشئدنده قاچديلار، چونکي ديئردئلر: "يِر بئزي ده اودار!"
ربّئن حوضوروندان اود چيخدي و بوخور تقدئم ادن ائکي يوز اَلّي نفري محو اتدي.
سونرا رب موسا ائله دانيشيب اونا ددي:
"کاهئن هارون اوغلو اِلعازارا دِه کي، بوخوردانلاري اود آراسيندان گؤتورسون، چونکي موقدّسدئر. کؤزلري کَنارا داغيت.
بو آداملارين بوخوردانلاريندان کی، اؤز حياتي باهاسينا گوناه ادئبلر، قوربانگاه اوچون اؤرتوک اولاراق لؤوحه‌لر دوزلتسئنلر. چونکي بوخوردانلار ربّه تقدئم اولونوب و موقدّسدئرلر. قوي بونلار، ائسرايئل اؤولادلارينا علامت اولسون."
بلجه کاهئن اِلعازار يانديريلان آداملارين بورونج بوخوردانلاريني کی، تقدئم اتمئشدئلر، گؤتورودو. اونلاري دؤيدولر و اونلاردان قوربانگاهي اؤرتمک اوچون لؤوحه‌لر دوزلتدئلر
کي، ائسرايئل اؤولادلارينا بئر خاطئره اولسون و هارونون نسلئندن اولمايان هچ کس ربّئن حوضورونا گلئب بوخور يانديرماسين. اله کي، قورَخ و يولداشلاري کئمي اؤلمه‌سئن. نجه کي، رب اونا موسانين واسئطهسئله دمئشدي.
او گونون صاباحي ائسرايئلئن بوتون جاماعاتي موسا و هارونون ضئدّئنه ديئنئب ددئلر: «سئز باعئث اودونوز کی، ربّئن خالقي اؤلومه ورئلسئنلر.»
جاماعات موسايا و هارونا ضئدّ چيخماق اوچون ييغيليب حوضور چاديرينا طرف گِدنده، قَفلَتَن بولود چاديري بورودو و ربّئن جلالي گؤروندو.
موسا و هارون حوضور چاديرينين قاباغينا گلدئلر.
رب موسا ائله دانيشيب اونا ددي:
"بو جاماعاتين آراسيندان چيخين کي، اونلاري بئر آندا محو اِدئم." موسا ائله هارون اوزو اوسته يره دوشدولر.
موسا هارونا ددي: "اؤز بوخوردانيني گؤتور، اوستونه قوربانگاهدان کؤزَرمئش کؤمور گؤتور و بوخورو اوستونه قوي. سونرا تز جاماعاتا آپار و اونلار اوچون کفّاره ات. چونکي رب قضبئني تؤکوب و وبا باشلانيب."
هارون موسانين ددئيي کئمي بوخورداني گؤتوردو و جاماعاتين آراسينا قاچدي. گؤردو کي، خالق آراسيندا وبا باشلاييب. بونا گؤره بوخورو تقدئم ادئب خالق اوچون کفّاره اتدي.
هارون اؤلولرله دئرئلر آراسيندا دوردو، اله کي، وبا داياندي.
قورَخ اَحوالاتيندان اؤلَنلردن آيري، وبادان اؤلَنلر اون دؤرد مئن يدّي يوز نفر ائدي.
وبا دايانديغينا گؤره هارون موسانين يانينا حوضور چاديرينين گئرئشئنه قاييتدي.
سونرا رب موسا ائله دانيشيب اونا ددي:
"ائسرايئل اؤولادلارينا دِه و هر قبئله اوچون اونلاردان بئر عصا آل؛ اون ائکي عصا اونلارين بوتون قبئلهلري اوچون. هر بئرئنئن آديني اؤز عصاسي اوستونه ياز.
هارونون آديني لاوي عصاسي اوستونه ياز کي، هر قبئله باشچيسي اوچون بئر عصا اولسون.
عصالاري سئزئنله گؤروشدويوم يره، حوضور چاديرينداکي شهادت سانديغينين قاباغينا قوي.
او زامان سچه‌جيئم آدامين عصاسي تومورجوقلاياجاق و ائسرايئل اؤولادلارينين سئزه ضئدّ ديئنمه‌لرئنه آخير قوياجاغام."
موسا ائسرايئل اؤولادلاري ائله دانيشيب اونلارا بونو ددی. اونلارين بوتون رهبرلري اونا بئر عصا وردئلر. هر قبئله رهبري اوچون بئر عصا، اون ائکي عصا اولدو کي، هارونون عصاسي دا اونلارين عصالاري آراسيندا ائدي.
موسا عصالاري شهادت چاديريندا ربّئن حوضورونا قويدو.
صاباحي گون موسا شهادت چاديرينا گئردي و گؤردو کي، لاوي نسلئني تمثئل ادن هارونون عصاسي تومورجوقلاييب. تومورجوق قؤنچه‌له‌مئش، چئچک آچميش و بادام يتئشدئرمئشدي.
موسا عصالارين هاميسيني ربّئن حوضوروندان بوتون ائسرايئل اؤولادلارينين قاباغينا چيخارتدي. عصالارا باخديلار و هر کس اؤز عصاسيني گؤتوردو.
آمّا رب موسايا ددي: "هارونون عصاسيني شهادت سانديغينين قاباغينا قوي کي، عوصيان ادنلرئن ضئدّئنه علامت اولوب ساخلانسين. بلجه اونلارين منئم بارَمده ضئدّ ديئنمه‌لرئنه آخير قويارسان و اؤلمزلر."
موسا ربّئن امر اتدئيئنه عمل اتدي.
او زامان ائسرايئل اؤولادلاري موسا ائله دانيشيب اونا ددئلر: "يوخ اولاجاغيميز بَلّي‌دئر! هلاک اولاجاغيق! هاميميز هلاک اولاجاغيق!
ربّئن خيمهسئنه ياخينلاشان هر کس اؤلور. دوغوردان مگر هاميميز اؤله‌جَيئک؟"
رب هارونا ددي: "سن، اؤولادلارين و آتانين اِو اَهلي موقدّس مکانا مربوط اولان هر هانسي بئر تقصئر اوچون مسعوليّت داشيياجاقسينيز. کاهئنلئيئنه مربوط اولان خاطا اوچون مسعولئيّتي سن و اوغوللارين سنئنله داشيياجاق.
آتانين قبئله‌سي اولان لاوي قبئلهسئنه منصوب اولان قارداشلارينيزي دا اؤزونله گؤتور کي، سن و اؤولادلارين شهادت چاديرينين قاباغيندا ائکَن، سنه قوشولوب کؤمک اتسئنلر.
سنه جاوابده اولوب چاديرين بوتون ائشلرئنه باخسينلار. آنجاق موقدّس مکانين اشيالارينا و قوربانگاها ياخينلاشماسينلار کي، هم اونلار، هم ده سئز اؤلمه‌يه‌سئنئز.
اونلار سنه قوشولسونلار و حوضور چاديرينين ائشلرئنه، چاديرداکي بوتون خئدمته مسعول اولسونلار. آيري هچ کئم سئزه ياخينلاشمامالي‌دير.
موقدّس يره و قوربانگاها سئز مسعول اولون کي، ائسرايئل اؤولادلاري بئر ده قضبئمه دوچار اولماسينلار.
باخ، من ائسرايئل اؤولادلاري آراسيندان لاوئلي هموطنلرئنئزي سئزه هدئيّه اولاراق سچدئم. اونلار ربّه وقف اولونوبلار کی، حوضور چاديريندا خئدمت اتسئنلر.
لاکئن قوربانگاها و پردهنئن ائچ طرفئنه عاييد اولان هر شيه فقط سن و سنئنله اوغوللارين کاهئن کئمي خئدمت ادئن. کاهئنلئيي سئزه هدئيّه اولاراق ورئرم. لاکئن سئزدن باشقا موقدّس مکانا کئم ياخينلاشسا، اؤلدورولسون."
سونرا رب هارونا ددي: "باخ، من اؤزوم منه گتئرئلَن تقدئملره نظارت اتمه‌يي سنه تاپشيرميشام. ائسرايئل اؤولادلارينين بوتون موقدّس تقدئملرئني ابدی پاي اولاراق سنه و اؤولادلارينا ورمئشم.
قوربانگاهدا يانديريلمايان لاپ موقدّس تقدئملردن بونلار سنئن اولسون: اونلارين هر تقدئمي، حتّا هر تاخيل تقدئمي، هر گوناه قورباني، و هر تقصئر قورباني کي، منه گتئرئلئر. اونلار لاپ موقدّس تقدئملردئر و هاميسي سنئن و اؤولادلارينينکي‌دير.
بونلاري لاپ موقدّس شيلر کئمي يِه؛ کئشي جئنسئندن هر کس اونلاردان يسئن. اونو موقدّس ساي.
بو دا سنئن اولسون؛ هدئيّه‌لرئنئن تقدئمي، حتّا ائسرايئل اؤولادلارينين يِللَتمه تقدئملرئنئن هاميسي سنئندئر. اونلاري سنه و اوغوللارينلا قيزلارينا ابدی پاي اولاراق وردئم. سنئن عايئلَنده تمئز اولان هر کس اونو يئيه بئلر.
ربّه وردئکلري ائلک محصوللاري، زيتون ياغينين لاپ ياخشيسينين هاميسيني، تزه شرابين و بوغدانين لاپ ياخشيسينين هاميسيني سنه وردئم.
تورپاقلاريندا بئتَن تزه مئيوه نوبارلاريندان ربّه گتئردئکلرئنئن هاميسي سنئن اولسون؛ سنئن عايئلَنده تمئز اولان هر کس اونو يئيه بئلر.
ائسرايئلده ربّه وقف اولونان هر شي سنئن اولسون.
هر بَطندن ائلک دوغولان بوتون ائنسانلار و بوتون حيوان بالالاري کي، اونلار ربّه وقف ادئرلر، سنئندئر. آنجاق هر ائلک دوغولانين عوضئني گرک آلاسان. هر نجئس حيوانين ائلک بالاسينين دا عوضئني آل.
اونلار بئر آيليق اولاندا عوضلرئني آل؛ قئيمتئني سن قوياجاقسان کي، ائيئرمي گِرادان عئبارت اولان موقدّس مکانين شِکِلئنه گؤره بش گوموش شِکِلدئر
آنجاق ائنه‌يئن، قويونون، يا دا کچئنئن ائلک بالاسينين عوضئني آلما؛ اونلار موقدّسدئرلر. قانلاريني قوربانگاهين اوستونه سَپ و پئيلرئني توستوله‌دئب ياندير کي، ربّئن خوشونا گلن عطئرلي تقدئم اولسون.
يِللَتمه تقدئمي اولان دؤش اَتي و صاغ بودو کئمي، اونلارين اَتي ده سنئن اولسون.
ائسرايئل اؤولادلارينين ربّه قالديرما تقدئمي کئمي گتئردئکلري موقدّس تقدئملرئن هاميسيني من سنه و اوغوللارينلا قيزلارينا ابدی پاي اولاراق وردئم. بو، سنئن و نسلئن اوچون ربّئن حوضوروندا ابدی و پوزولماز عهددئر."
سونرا رب هارونا ددي: «اونلارين تورپاغيندا سنئن ائرثئن اولماياجاق و اونلار آراسيندا هچ بئر پايين اولماياجاق. ائسرايئل اؤولادلاري آراسيندا سنئن پايين و ائرثئن منم.
آمّا ائسرايئلده بوتون اوندا بئرئني لاوئلی‌لره ائرث اولاراق وردئم. بو، خئدمتلرئنئن، حوضور چاديريندا اتدئکلري خئدمتئن عوضي‌دئر.
آرتيق ائسرايئل اؤولادلاري حوضور چاديرينا ياخينلاشماسينلار، يوخسا گوناها باتيب اؤلرلر.
حوضور چاديرينين خئدمتئني فقط لاوئلی‌لر اتسئنلر و اونلارين خاطالاريني بويونلارينا آلسينلار؛ بو، نسئلدن-نسله سئزئن اوچون ابدی قايدادير. ائسرايئل اؤولادلاري آراسيندا اونلارين ائرثي اولماياجاق.
ائسرايئل اؤولادلارينين اوندا بئرئني کي، اونلار ربّه تقدئم کئمي گتئرئرلر، من لاوئلی‌لره ائرث اولاراق ورئرم؛ بونا گؤره لاوئلی‌لر اوچون ددئم کي، ائسرايئل اؤولادلاري آراسيندا اونلارين ائرثي اولماياجاق."
سونرا رب موسا ائله دانيشيب اونا ددي:
"لاوئلی‌لرله دانيش و اونلارا بله دِه: «ائسرايئل اؤولادلاريندان ائرثئنئز اولاراق سئزه وردئيئم اوندا بئر حئصّهسئني آلديغينيز واخت، بو حئصّهنئن اوندا بئرئني ربّه تقدئم گتئرئن.
تقدئمئنئز خَرمَنده دؤيولَن تاخيل و يا اوزوم سيخاندان چيخان محصول کئمي ساييلاجاق.
ائسرايئل اؤولادلاريندان آلاجاغينيز اوندا-بئرلرئنئزئن هاميسيندان دا ربّه تقدئم گتئرمَلئسئنئز؛ اوندان ربّه گتئرئلَن تقدئمي هارونا ورئن.
بوتون هدئيّه‌لرئنئزدن ربّه تقدئم گتئرئن؛ اونلارين لاپ ياخشيسيندان، اونلارين تقدئس اولونموش حئصّه‌سئندن.
اونلارا گرک دئيهسن: «اوندان لاپ ياخشيسيني تقدئم اتدئيئنئز زامان، قالاني لاوئلی‌لر اوچون خَرمن محصولو و اوزوم سيخان محصولو کئمي ساييلاجاق.
سئز و اِو خالقينيز هر يرده اونو يئيه‌بئلرسئنئز، چونکي او، سئزئن حاقّينيزدير، حوضور چاديريندا اولان خئدمتئنئزئن عوضي‌دئر.
اوندان لاپ ياخشيسيني تقدئم اتدئيئنئز اوچون، گوناها باتميش اولمازسينيز. لاکئن ائسرايئل اؤولادلارين موقدّس تقدئملرئني نجئس اتمهيئن، يوخسا اؤلرسئنئز.»"
سونرا رب موسا و هارونلا دانيشيب، اونلارا ددي:
"بو، ربّئن امر اتدئيي قانونون قايداسي‌دير: ائسرايئل اؤولادلارينا ديئن کي، تمئز، عيبسئز و قيرميزي بئر ائنَک گتئرسئنلر کي، اونون بوينونا هچ واخت يوغ تاخيلماييب.
اونو کاهئن اِلعازارا ورئن. ائنَک دوشَرگهنئن باييرينا چيخاريلسين و اونون قاباغيندا کسئلسئن.
سونرا کاهئن اِلعازار بارماغي ائله اونون قانيندان گؤتوروب، قانين بئر آزيني حوضور چاديرينين قاباق طرفئنه طرف يدّي دفه سَپسئن.
سونرا ائنَک اونون گؤزلري قاباغيندا يانديريلسين. دَرئسي، اَتي و قاني، باغيرساغي ائله بئرلئکده يانسين.
کاهئن سئدر آغاجينين بوداغيني، مرجانکؤشک اوتونو و قيرميزي ائپي گؤتوروب يانديريلان ائنه‌يئن اوستونه آتسين.
کاهئن پالتارلاريني يوسون، بدنئني سو ائله يوسون، سونرا دوشَرگه‌يه گئرسئن. لاکئن آخشاما قدر نجئس ساييلسين.
ائنه‌يي يانديران آدام دا پالتارلاريني سو ائله يوسون، بدنئني ده سو ائله يوسون و آخشاما قدر نجئس ساييلسين.
تمئز آدام ائنه‌يئن کولونو ييغيب دوشَرگهنئن باييريندا تمئز بئر يره قويسون و ائسرايئل اؤولادلارينين جاماعاتي گرک اونو پاکلاما سويو دوزلتمک اوچون ساخلاسين. بو، گوناهدان تمئزلَنمه‌دئر.
ائنه‌يئن کولونو ييغان آدام پالتارلاريني يوسون و آخشاما قدر نجئس ساييلسين. بو، ائسرايئل اؤولادلاري اوچون و آرالاريندا ياشايان ياد اِللي اوچون ده ابدی بئر قايدادير.
هانسي بئر ائنسان مِيئتئنه توخونان آدام يدّي گون نجئس اولاجاق.
اوچونجو و يدّئنجی گون اؤزونو سو ائله پاکلاسين کي، تمئز اولسون؛ آمّا اگر اوچونجو و يدّئنجی گون اؤزونو پاکلاماسا، تمئز اولماياجاق.
بئر اؤلويه، هر هانسي بئر ائنسان مِيئتئنه توخونان و اؤزونو تمئز اتمه‌يَن آدام ربّئن خيمهسئني نجئس اِدَر، او شخص ائسرايئلدن قووولسون. پاکلاما سويو اونون اوستونه سَپئلمه‌دئيي اوچون نجئس ساييلسين؛ اونون نجئسلئيي حله اوستونده قالير.
چاديردا اؤلَن آدام اوچون قانون بلهدئر: چاديرا گئرن و چاديردا اولان هر کس يدّي گون نجئس ساييلسين.
ائپله باغلانميش قاپاغي اولمايان هر آچيق قاب نجئس ساييلسين.
چؤلده قيلينجلا اؤلدورولموش اولانا، بئر اؤلويه و يا بئر ائنسان سومويونه، يا دا قبئره توخونان شخص يدّي گون نجئس ساييلسين.
نجئس آدام اوچون يانميش گوناه قورباني کولوندن گؤتوروب، اونون اوستونه آخار سو تؤکون.
پاک بئر آدام مرجانکؤشک اوتونو گؤتوروب، او سويا باتيرسين و چاديرين، بوتون قابلارين و اورادا اولانلارين اوستونه سَپسئن. سومويه، اؤلدورولَن آداما، مِيئته يا دا قبئره توخونان آدامين اوستونه ده سَپسئن.
پاک آدام نجئس آدامين اوستونه اوچونجو گون و يدّئنجی گون سَپسئن؛ يدّئنجی گون نجئسلئکدن تمئز اولاجاق. او، پالتارلاريني يوسون، سو ائله يويونسون و آخشام تمئز ساييلسين.
لاکئن نجئس اولوب اؤزونو تمئز اتمه‌يَن آدام جاماعات آراسيندان قووولسون، چونکي ربّئن موقدّس مکانيني نجئسله‌يئب؛ اونون اوستونه پاکلاما سويو سَپئلمه‌دئيي اوچون او نجئس ساييلسين.
بو اونلارا ابدی قايدادير. پاکلاما سويي سَپَن آدام پالتارلاريني يوسون و پاکلاما سويونا توخونان آدام آخشاما قدر نجئس ساييلسين.
نجئس آدامين توخوندوغو هر شي نجئس ساييلسين؛ او شيه توخونان آدام آخشاما قدر نجئس ساييلسين."
بئرئنجي آي بوتون ائسرايئل اؤولادلارينين جاماعاتي سئن صحراسينا گلدي. اونلار قِدِشده دايانديلار. مريم اورادا اؤلدو و اِله اورادا دا باسديريلدي.
جاماعات اوچون سو يوخ ائدي، اونا گؤره موسا و هارونون ضئدّئنه ييغيلديلار.
خالق موسايا ناراضيليق ادئب ددي: "کاشکي بئز ده هموطنلرئمئزله بئرلئکده ربّئن قاباغيندا اؤلَيدئک!
ربّئن جاماعاتيني بو صحرايا نه اوچون گتئردئنئز؟ گتئردئنئز کي، بئز و حيوانلاريميز بورادا اؤلک؟
نه اوچون بئزي مئصئردن چيخارديب بله پئس يره گتئردئنئز؟ بورا نه اَکئن، نه انجئر، نه اوزوم، نه ده نار يري‌دئر. ائچمه‌يه بِله، سو يوخدور."
موسا و هارون جاماعاتين قاباغيندان حوضور چاديرينين گئرئشئنه گلدئلر و اوزو اوسته يره دوشدولر. ربّئن جلالي اونلارا گؤروندو.
رب موسا ائله دانيشيب اونا ددي:
"عصاني گؤتور، سن و قارداشين هارون جاماعاتي ييغين و اونلارين گؤزو قاباغيندا قايايا ديئن کي، سو ورسئن. قايادان اونلارا سو چيخارت، جاماعاتا و حيوانلارينا ائچئرت."
موسا امر اولوندوغو کئمي عصاني ربّئن قاباغيندان گؤتوردو.
موسا و هارون جاماعاتي قايانين قاباغينا ييغديلار و اونلارا ددئلر: "ای ياغي‌لار، ائندي اشئدئن؛ بو قايادان سئزه مگر بئز سو چيخارداجاغيق؟"
سونرا موسا اَلئني قالديردي و عصاسي ائله ائکي دفه قايايا ووردو؛ قايادان بول سو چيخدي. جاماعات و اونلارين حيوانلاري سو ائچدئلر.
لاکئن رب موسا و هارونا ددي: «منه ائنانماديغينيز اوچون، ائسرايئل اؤولادلارينين گؤزو قاباغيندا منئمله موقدّس کئمي رفتار اتمه‌دئيئنئز اوچون، بو جاماعاتي سئز اونلارا وردئيئم اؤلکهيه آپارماياجاقسينيز."
بو سولار مِرئبا سولاري ائدي. چونکي بو يرده ائسرايئل اؤولادلاري ربله موباحئثه اتدئلر و رب اونلارا اؤز موقدّسلئيئني گؤرستدي.
موسا قِدِشدن اِدوم پادشاهينا قاصئدلر گؤندردي: "قارداشين ائسرايئل بله ديئر: «چکدئيئمئز زحمتئن هاميسيني بئلئرسن.
آتالاريميز مئصئره کؤچدولر و بئز بئر چوخ واخت مئصئرده ياشاديق. مئصئرلی‌لر بئزئمله و آتالاريميزلا پئس رفتار اتدئلر.
آمّا بئز ربّه فرياد اتدئکده، او سَسئمئزي اشئتدي و بئر مَلَک گؤندرئب، بئزي مئصئردن چيخارتدي. ائندي باخ، بئز قِدِشده‌يئک کي، سنئن سرحدئنه ياخين بئر شهردئر.
سندن خاهئش ادئرئک کي، تورپاغيندان کچمک اوچون بئزه ائجازه ورهسن. بئز زَمئدن، يا دا اوزوم باغيندان کچميه‌‌جَيئک؛ هچ بئر قويودان دا سو ائچميهجيئک. پادشاهين يولو ائله سنئن تورپاغيندان کچنه‌جک صاغا و سولا دؤنميه‌جيئک.»"
لاکئن اِدوم پادشاهي اونا ددي: "تورپاغيميزدان کچمه‌يئن، يوخسا قاباغينيزا قيلينجلا چيخارام."
ائسرايئل اؤولادلاري گئنه اونلارا ددئلر: "بئز گِنئش يوللا گده‌جيئک. اگر من و مال-حيوانلاريم سولاريندان ائچسَک، دَيَرئني ورهرم؛ فقط پئيادا کچئب گتمکدن باشقا هچ نه ائسته‌مئرم."
آمّا اِدوم پادشاهي ددي: "کچمک اولماز." اِدوملولار بؤيوک و گوجلو بئر قوشونلا اونلارين قاباغينا چيخديلار.
بلجه اِدوم پادشاهي ائسرايئللیلره ائجازه ورمه‌دی کی، تورپاقلاريندان کچسئنلر. اونا گؤره ده، ائسرايئللی‌لر اونلارين تورپاقلاريندان چکئلدئلر.
بوتون ائسرايئل جاماعاتي قِدِشدن يولا دوشوب حور داغينا گلدي.
سونرا رب اِدوم تورپاغي سرحدئنده، حور داغيندا، موسا و هارونلا دانيشيب اونا بله ددي:
"هارون اؤلوب اؤز خالقينا قوشولاجاق، چونکي مِرئبا سولاريندا سؤزومه عاصي اولدوغونوز اوچون، ائسرايئل اؤولادلارينا وردئيئم اؤلکهيه گئرمه‌يه‌جک.
هارون و اوغلو اِلعازاري گؤتور، اونلاري حور داغينا گتئر.
هارونون پالتارلاريني چيخارت و اونلاري اوغلو اِلعازارا گِيئندئر، بلجه هارون اورادا اؤلوب خالقينا قوشولاجاق."
موسا ربّئن امر اتدئيي کئمي اتدي و بوتون جاماعاتين گؤزلري قاباغيندا حور داغينا چيخديلار.
موسا، هارونون کاهئنلئک پالتارلاريني چيخارديب، اوغلو اِلعازارا گِيئندئردي. هارون اورادا داغين تپه‌سئنده اؤلدو. موسا ائله اِلعازار داغدان اِندئلر.
بوتون جاماعات هارونون اؤلدويونو گؤردو. بوتون ائسرايئل خالقي اونون اوچون اوتوز گون ياس توتدو.
نِگِبده ياشايان کَنَعانلي اَراد پادشاهي، ائسرايئل اؤولادلارينين اَتارئم يولوندان گلدئيئني اشئتدي. او، ائسرايئل اؤولادلاري ائله ووروشوب بئر نچه نفري اسئر توتدو.
ائسرايئل اؤولادلاري ربّه نذر ادئب ددئلر: "اگر، حقئقتن، بو خالقي اَلئمئزه تسلئم ادهسن، او زامان اونلارين شهرلرئني کامئل يوخ اده‌جَيئک."
رب ائسرايئللیلرئن سَسئني اشئتدي و کَنَعانليلاري اونلارا تسلئم اتدي. ائسرايئللی‌لر ده اونلاري و شهرلرئني کامئل يوخ اتدئلر و بلجه او يرئن آدي خورما قويولدو.
خالق حور داغيني ترک ادئب، اِدوم تورپاغينين اطرافيندان کچمک اوچون قيرميزي دهنز يولوندان کچدئلر. يول سفري اونلاري صبئرسئز اتدي.
خالق تاري و موسانين ضئدّئنه ديئندئلر: "نه اوچون سئز بئزي مئصئردن چيخارتدينيز؟ صحرادا اؤلمک اوچون؟ چونکي بورادا نه چؤرک، نه ده سو وار. بو دادسيز يمکدن ده ائيره‌نئرئک."
او زامان رب خالقين آراسينا زَهَرلي ائلانلار گؤندردي. ائلانلار خالقي سانجديلار و ائسرايئل اؤولادلاريندان چوخ آدام اؤلدو.
خالق گلئب موسايا ددي: "بئز گوناه اتدئک، چونکي رب و سنئن ضئدّئنه ديئندئک. ربّه يالوار کي، ائلانلاري بئزدن اوزاقلاشديرسين." موسا خالق اوچون ربّه يالواردي.
رب موسايا ددي: "اؤزونه بئر ائلان دوزلت و اونو دَيَنه‌يئن اوستونه قوي. ائلانين سانجديغي آدام اونا باخديقدا دئري قالاجاق.»
موسا بورونجدن بئر ائلان دوزلتدي و دَيَنه‌يئن اوستونه قويدو. ائلانين سانجديغي هر آدام، بورونج ائلانا باخديقدا دئري قالدي.
ائسرايئل اؤولادلاري يولا دوشوب اوبوتدا دوشَرگه سالديلار.
اوبوتدان کؤچوب، عئي-عبارئمده کي، موآبين شرقئنده‌کي صحرادادير، دوشَرگه سالديلار.
اورادان دا يولا دوشدولر و زِرِد دره‌سئنده دوشَرگه سالديلار.
اورادان دا يولا دوشوب اِمورلولارين سرحدئندن چيخان صحراداکي اَرنون درهسئنئن او تاييندا دايانديلار، چونکي اَرنون موآبلا اِمورلولارين اؤلکه‌سي آراسينداکي موآب سرحدي‌دئر.
بو بارهده "ربّئن دؤيوشلري کئتابيندا" يازيليب: "سوفادا اولان واهِب و دره‌لر، اَرنون،
آر شهرئنه دايانان و موآب سرحدئنه اوزانان دره‌لرئن ياماجلاري"
اورادان بِعِره يولا دوشدولر؛ بِعِر او قويودور کي، رب اورادا موسايا ددي: "خالقي بئر يره ييغ، اونلارا سو ورئم."
او زامان ائسرايئل اؤولادلاري بو نغمه‌ني اوخودولار: "ای قويو، سولارين فيشقيرسين، اونا نغمه اوخويون،
او قويو کي اونو باشچيلار آچديلار، خالقين اصئلزادهلري عصا و دَيَنَکله قازديلار." سونرا صحرادان مَتّانايا يوللانديلار.
مَتّانادان نَخه‌لئيِله، نَخه‌لئيِلدن باموتا،
باموتدان دا موآب تورپاغيندا اولان درهيه، چؤله باخان پئسگا داغينين زئروه‌سئنه گتدئلر.
ائسرايئل اِمورلولارين پادشاهي سئخونا قاصئدلر گؤندرئب ددي:
"خاهئش ادئرم، سنئن تورپاغيندان کچمک اوچون بئزه ائجازه ورهسن. نه زمئيه، نه ده باغا گئره‌جَيئک. قويولارينين سويوندان ائچميهجيئک. سنئن سرحدئندن کچنه‌جک فقط پادشاه يولو ائله گده‌جيئک."
آمّا سئخون ائسرايئله اؤز سرحددئندن کچمه‌يه ائجازه ورمه‌دي. بوتون خالقيني بئر يره ييغيب، ائسرايئل اؤولادلاري ائله ووروشماق اوچون صحرايا چيخدي و ياحِسه گلئب اونلارلا ووروشدو.
ائسرايئل اؤولادلاري اونو قيلينجدان کچئرتدئلر، و اونون تورپاغيني کي، اَرنوندان يَبّوقا و عَمّونلولارين سرحدئنه قدر اوزانميشدي، آلديلار. چونکي عَمّون سرحدئنئن مؤحکم ائستِحکاماتي وار.
ائسرايئل اؤولادلاري بو شهرلرئن هاميسيني اَله کچئرتدئلر و اِمورلولارين بوتون شهرلرئنده، خِشبوندا و اونون بوتون قصبه‌لرئنده ياشاديلار.
چونکي خِشبون اِمورلولارين پادشاهي سئخونون شهري ائدي. سئخون موآبين اوّلکي پادشاهي ائله دؤيوشموش و اَرنونا قدر اوزانان بوتون تورپاغيني اَله کچئرتمئشدي.
بونون اوچون شاعئرلر بله ديئرلر: "خِشبونا گلئن؛ قوي خِشبون تزهدن تئکئلسئن، سئخونون شهري برپا ادئلسئن.
چونکي خِشبوندان بئر اود، سئخونون شهرئندن آلوو چيخدي؛ موآبين عار شهرئني، اَرنونون تپه‌لرئنئن باشچيلاريني يانديريب محو اتدي.
واي حالينا، ای موآب! ای کِموشون خالقي، يوخ اولدون! اوغوللاريني اِمورلولارين پادشاهي سئخونا قاچقينليغا قيزلاريني دا اسئرلئيه ورئب.
لاکئن بئز اونلاري مغلوب اتمئشئک، خِشبون دئبونا قدر محو اولوب، مِدِبايا اوزانان نوفه‌خَيه قدر هر طرفي وئران اتمئشئک."
بلجه ائسرايئللی‌لر اِمورلولارين تورپاغيندا ساکئن اولدولار.
موسا يَعزِري نظردن کچئرتمَک اوچون آداملار گؤندردي. ائسرايئل اؤولادلاري اونون قصبه‌لرئني اَله کچئرتدئلر و اورادا ياشايان اِمورلولاري قوودولار.
سونرا دؤنوب باشانا يوللانديلار. باشان پادشاهي عوگ بوتون خالقي ائله برابر اِدرِعئده اونلارلا دؤيوشه چيخدي.
رب موسايا ددي: "اوندان قورخما، چونکي من اونو، بوتون خالقيني و تورپاغيني سنئن اَلئنه تسلئم اتمئشم. خِشبوندا ياشايان اِمورلولارين پادشاهي سئخونون باشينا گتئردئيئني، اونون دا باشينا گتئر.»
بلجه ائسرايئللی‌لر اونو، اؤولادلاريني و بوتون خالقيني بئر نفر قالمايانا قدر قيرديلار؛ و تورپاغيني اَله کچئرتدئلر.
ائسرايئل اؤولادلاري يولا دوشوب موآب اووالاريندا، اوردونون او بئري طرفئنده، اَرئحانين موقابئلئنده دوشَرگه سالديلار.
صئپّور اوغلو بالاق ائسرايئلئن اِمورلولارين باشينا گتئردئيي هر شيي گؤرموشدو.
جاماعاتي گؤردوکده موآبلي‌لار بَرک قورخدولار، چونکي ائسرايئل خالقي چوخ ائدي. موآب ساکئنلري ائسرايئل اؤولادلاريندان واهئمه‌يه دوشدولر.
موآبلي‌لار مئديان آغساقّاللارينا ددئلر: "اؤکوز چؤل اوتونو يِيئب يالاديغي کئمي، بو جاماعات دا بوتون اطرافيميزي يِيئب يالاياجاق." او واختلار صئپّور اوغلو بالاق موآب پادشاهي ائدي.
بالاق پِعور اوغلو بَلعامي چاغيرماق اوچون فَرات چايينين کناريندا اولان آماو اؤلکه‌سئنده‌کي پِتورا قاصئدلر گؤندرئب ددي: "مئصئردن بئر خالق چيخيب، باخ، ير اوزونو بورويه‌رک موقابئلئمده يرله‌شئب.
خاهئش ادئرم، ائندي گل، منئم خيرئمه بو خالقي لعنت ات، چونکي اونلار مندن چوخ گوجلودورلر. بلکه اوندا من اونلاري مغلوب ادئب، اؤلکه‌دن قووا بئلدئم. چونکي بئلئرم کي، سنئن برکت وردئيئن خيئر-دوعالي، لعنت اتدئيئن ده ملعون اولاجاق."
موآب آغساقّاللاري ائله مئديان آغساقّاللاري فالا باخماق اوجرتئني گؤتوروب بَلعامين يانينا گتدئلر و بالاقين سؤزلرئني اونا ددئلر.
بَلعام اونلارا ددي: "بو گجهني بورادا کچئردئن کي، ربّئن منه ددئيئني سئزه ديئم.» بِلَجه، موآب باشچيلاري بَلعامين يانيندا قالديلار.
تاري بَلعامين يانينا گلئب سوروشدو: "يانينداکي بو آداملار کئمدئر؟"
بَلعام تارييا ددي: "موآب پادشاهي صئپّور اوغلو بالاق منه سؤز گؤندرئب کي،
«باخ، مئصئردن چيخان خالق ير اوزونو بويورور. ائندي گل، منئم خيرئمه اونلاري لعنت ات. بلکه دؤيوشوب اونلاري قووا بئلئم.»"
تاري بَلعاما ددي: "او آداملارلا گتمه، او خالقا لعنت اتمه، چونکي موبارک خالقدير."
بَلعام سحر دوردو و بالاقين باشچيلارينا ددي: "تورپاغينيزا قاييدين، چونکي رب منه ائجازه ورمه‌دي کي، سئزئنله بئرلئکده گدئم."
موآب باشچيلاري قالخديلار و بالاقين يانينا گلئب ددئلر: "بَلعام ائستمه‌دی کي، بئزئمله بئرلئکده گلسئن."
گئنه بالاق اَوّلکئلردن داها چوخ و داها اِعتئبارلي باشچيلار گؤندردي.
اونلار بَلعامين يانينا گلئب، اونا ددئلر: "صئپّور اوغلو بالاق بله ديئر: «خاهئش ادئرم، يانيما گلمکدن ائمتئناع اتمه.
چونکي دوغوردان دا سنه سخاوتله حؤرمت ادهجيم و نه دِسن، هاميسيني ادهجيم. ائندي خاهئش ادئرم، گل، منئم خيرئمه بو خالقي لعنت ات.»"
بَلعام جاواب ورئب بالاقين آداملارينا ددي: "بالاق اِوئني قيزيل و گوموشله دولو منه ورسه بله، تاريم ربّئن سؤزونون ضئدّئنه هچ بئر ائش نه کئچئک، نه ده بؤيوک اده بئلمه‌رم.
ائندي خاهئش ادئرم، سئز ده بو گجه بورادا قالين و گؤروم رب منه باشقا نه دئيهجک."
تاري گجه بَلعاما گلئب اونا ددي: "اگر بو آداملار سني چاغيرماق اوچون گلئبلر، دور اونلارلا گت؛ آنجاق منئم سنه دئيه‌جيئم شيي ات."
بلجه بَلعام سحر قالخيب اِششه‌يئني پالانلادي و موآب باشچيلاري ائله بئرلئکده گتدي.
لاکئن اونون گتدئيي اوچون تارينين قضبي آلوولاندي و ربّئن مَله‌يي يول اوستونده اونون ضئدّئنه دوردو. بَلعام اِششه‌يئنه مئنمئشدي و ائکي نؤکري ده اونونلا ائدئلر.
اِششَک، يولدا دوران ربّئن مَله‌يئني سئيرئلمئش قيلينجي الئنده گؤره‌نده، يولدان دؤنوب زمئيه گئردي. بَلعام اِششه‌يي ووردو کي، اونو يولا دؤندَرسئن.
سونرا ربّئن مَله‌يي باغلارين آراسيندا دار بئر يولدا دوردو. هر ائکي طرف دووار ائدي.
اِششَک ربّئن مَله‌يئني گؤره‌نده دووارا سيخيلدي و بَلعامين آياغيني دووارا سيخيشديردي. او گئنه اِششه‌يي ووردو.
ربّئن مَله‌يي ائرهلي گتدي و اله دار بئر يرده دوردو کي، صاغا-سولا دؤنمک اوچون يول اولمادي.
اِششَک ربّئن مَله‌يئني گؤره‌نده بَلعامين آلتيندا خيخدي. بَلعامين قضبي آلوولاندي و دَيَنَکله اِششه‌يي ووردو.
رب اِششه‌يئن دئلئني آچدي و او، بَلعاما ددي: "سنه نه اتدئم کي، منی بو اوچ دفه ووردون؟"
بَلعام اِششه‌يه ددي: "چونکي منی مسخره اتدئن. اگر الئمده بئر قيلينج اولسايدي، سني ائندئيه کئمي اؤلدورموشدوم.»
اِششَک بَلعاما ددي: "عؤمرونون اوّلئندن بو گونه قدر بِلئنه مئندئيئن اِششه‌يئن من مگر ديئلم؟ مگر اولوب کي، من سنه بله ائش اتمئش اولوم؟» بَلعام ددي: "خِير."
سونرا رب بَلعامين گؤزلرئني آچدي. بَلعام ربّئن مَله‌يئني گؤردو کي، الئنده سئيرئلمئش قيلينجلا يول اوستونده دورور. و اَيئلئب اوزو اوسته يره سَرئلدي.
ربّئن مَله‌يي اونا ددي: "نه اوچون اِششه‌يئني بو اوچ دفه ووردون؟ باخ، من سنئن ضئدّئنه دورموشام، چونکي سنئن يولون منئم يولوما ضئدّدئر.
اِششَک منی گؤردو و بو اوچ دفه قاباغيمدان يانا دؤندو. اگر يولدان دؤنمه‌سَيدي، حقئقتن سني ائندئيه کئمي اؤلدورموشدوم و اونو صاغ بوراخميشديم."
بَلعام ربّئن مَله‌يئنه ددي: "گوناه اتمئشَم، چونکي سنئن منئم ضئدّئمه يولدا دوردوغونو بئلمه‌دئم. ائندي اگر بو سنئن گؤزونده پئس گؤرونور، قوي اِوئمه قاييديم."
لاکئن ربّئن مَله‌يي بَلعاما ددي: "بو آداملارلا گت، آمّا فقط سنه دئيه‌جَيئم سؤزو دِه." بلجه بَلعام بالاقين باشچيلاري ائله برابر گتدي.
بالاق بَلعامين گلدئيئني اشئتدئکده، موآبين بئر شهرئنه گتدي کي، اونو پئشواز اتسئن. موآب اَرنون سرحددئنده، سرحدّئندئن لاپ اوزاق يرئنده‌دئر.
بالاق بَلعاما ددي: «سني چاغيرتديرماق اوچون تعجئلله مگر آدام گؤندرمه‌دئم؟ نه اوچون منئم يانيما گلمه‌دئن؟ مگر من حقئقتن سنه حؤرمت اده بئلمئرم؟»
بَلعام بالاقا ددي: «باخ، ائندي سنئن يانينا گلدئم! آمّا نه دئيه بئله‌رم کی؟ آنجاق تارينين دئلئمه قوياجاق سؤزو دئيه‌جيم.»
بَلعام بالاقلا بئرلئکده گتدي و قئريَت-خوصوتا گلدئلر.
بالاق اؤکوز و قويون قوربان کسئب، بَلعاما و اونونلا بئرلئکده اولان باشچيلارا اَت گؤندردي.
سحر بالاق بَلعامي گؤتوردو و اونو باموت-بَعَله چيخارتدي. بَلعام اورادان ائسرايئل خالقينين بئر حئصّهسئني گؤردو.
بَلعام بالاقا ددي: "بورادا منه يدّي قوربانگاه دوزلت و منئم اوچون بورادا يدّي گاميش و يدّي قوچ حاضيرلا."
بالاق بَلعامين ددئيي کئمي اتدي. بالاقلا بَلعام هر قوربانگاهدا بئر گاميش و بئر قوچ تقدئم اتدئلر.
بَلعام بالاقا ددي: "سن يانديرما قوربانينين يانيندا دور، من گدئم. بلکه رب منئم گؤروشويومه گلسئن و منه نه گؤرسدسه، سنه بئلدئرهرم.» سونرا چيلپاق بئر تپه‌يه چيخدي.
تاري بَلعاملا گؤروشدو و بَلعام اونا ددي: "يدّي قوربانگاه حاضيرلاديم و هر قوربانگاهدا بئر گاميشلا بئر قوچ تقدئم اتدئم."
رب بَلعامين آغزينا بئر کلام قويوب ددي: "بالاقين يانينا قاييديب بله دِه."
بَلعام بالاقين يانينا قاييتدي. گؤردو کي، بالاق و موآبين بوتون باشچيلاري يانديرما قوربانينين يانيندا دورورلار.
بَلعام سؤزونو باشلاييب ددي: "بالاق منی اَرامدان، موآب پادشاهي منی شرق داغلاريندان گتئرئب کي، «گل، منئم خيرئمه يعقوبو لعنت ات، گل ائسرايئله قارغيش ات.»
تارينين لعنت اتمه‌دئيئنه من نجه لعنت ادئم؟ ربّئن قارغيش اتمه‌دئيئنه من نجه قارغيش ادئم؟
قايالارين باشيندان اونلاري گؤرورم، تپه‌لردن اونلارا باخيرام. باخ، موستقئل ياشايان بئر خالق، اِللَردن اؤزونو آييران بئر خالق!
يعقوبون توزونو کئم سايا بئلر؟ ائسرايئلئن دؤردده بئرئني کئم حسابلار؟ قوي صالح آداملارين اؤلومو ائله اؤلوم! قوي منئم آخيريم اونلارينکي کئمي اولسون."
بالاق بَلعاما ددي: "منه نه اتدئن؟ دوشمنلرئمه لعنت اتمک اوچون سني گتئردئم، باخ، سن اونلارا برکت وردئن!"
بَلعام جاواب ورئب ددي: «مگر من گرک ربّئن دئلئمه قويدوغونو دِمه‌يه دئقّتلي اولماييم؟"
بالاق اونا ددي: "خاهئش ادئرم، منئمله گل، باشقا بئر يره گدک کي، اورادان اونلاري گؤرهسن. اونلارين هاميسيني يوخ، آخير قئسمئني گؤرَرسن. اورادان منئم خيرئمه اونلاري لعنت ات."
بلجه بالاق اونو پئسگا تپه‌سئنده‌کي صوفئم يايلاغينا آپاردي. يدّي قوربانگاه دوزلتدي و هر قوربانگاهدا بئر گاميش و بئر قوچ تقدئم اتدي.
بَلعام بالاقا ددي: "سن بورادا يانديرما قوربانينين يانيندا دور، قوي من بئر آز ائرهلي گدئب رَبله گؤروشوم."
رب بَلعاما گؤروندو و اونون آغزينا بئر کلام قويوب ددي: "بالاقين يانينا قاييت و بله دِه."
بلجه، بَلعام بالاقين يانينا گلدي. گؤردو کي، بالاق يانديرما قوربانينين يانيندا دوروب. موآب باشچيلاري دا اونونلا برابر دوروبلار. بالاق اوندان سوروشدو: "رب نه ددي؟"
بَلعام سؤزونو باشلاييب ددي: «قالخ، ای بالاق! و اشئت؛ منه قولاق آس، ای صئپّور اوغلو.
تاري ائنسان ديئل کي، يالان دانيشسين. بشر اوغلو ديئل کي، فئکرئني ديئشدئرسئن. ددئيئني حياتا مگر کچئرتمَز؟ وردئيي سؤزو يرئنه مگر يتئرمَز؟
باخ، برکت ورمک اوچون امر آلديم؛ او، برکت وردئکده، من اونو ديئشه بئلمه‌رم.
يعقوبدا بدبختلئک، ائسرايئلده ده بلا گؤرمه‌يئب. تاريسي رب اونونلادير. پادشاهين شادليق نعره‌سي اونلارين آراسيندا!
تاري اونلاري مئصئردن چيخارتدي؛ تاري اونلارا چؤل اؤکوزونون قووّتي کئميدئر.
يعقوبون ضئدّئنه افسون يوخدور. ائسرايئلئن ضئدّئنه فالچيليق اولماز. واختي واختيندا يعقوبا، ائسرايئله ديئلهجک: «تاري نه‌لر اتدي!»
باخ، خالق دئشي آصلان کئمي اويانير، شئر کئمي قالخير، شئکاري يمه‌يئنجه، اؤلَنلرئن قانيني ائچمه‌يئنجه ياتماياجاق."
بالاق بَلعاما ددي: "اونلارا نه لعنت ات، نه ده برکت ور."
لاکئن بَلعام بالاقا جاواب ورئب ددي: "مگر سنه دمه‌دئم کي، رب نه دسه، اونو اتمه‌لي‌يم؟»
بالاق بَلعاما ددي: "خاهئش ادئرم گل، سني باشقا بئر يره آپاريم؛ بلکه تارينين گؤزونه خوش گلر کي، اورادان اونلاري منئم خيرئمه لعنت ادهسن."
بالاق بَلعامي چؤله باخان پِعور تپه‌سئنه آپاردي.
بَلعام بالاقا ددي: "بورادا منه يدّي قوربانگاه دوزلت و بورادا منئم اوچون يدّي گاميش و يدّي قوچ حاضيرلا."
بالاق بَلعامين ددئيي کئمي اتدي. هر قوربانگاهدا بئر گاميش و بئر قوچ تقدئم اتدي.
بَلعام ربّئن گؤزونده ائسرايئله برکت ورمهيئن ياخشي اولدوغونو گؤردوکده، اوّلکي کئمي باخيجيليق اتمهدي، آمّا اوزونو صحرايا طرف چِوئردي.
بَلعام گؤزلرئني قالديردي و ائسرايئلي قبئله‌لرئنه گؤره يرلشمئش گؤرنده اونون اوستونه تارينين روحو اِندي.
او، سؤزونو باشلاييب ددي: "پِعور اوغلو بَلعامين کلامي، گؤزو آچيلميش کئشئنئن کلامي،
تارينين سؤزلرئني اشئدن آدامين کلامي، قادئري‌موطلقئن رؤياسيني گؤرن، يره سَرئلَن، آمّا گئنه ده گؤزلري آچيق اولانين:
«ای يعقوب، سنئن چاديرلارين نه گؤزلدئر سنئن مسکنلرئن، ای ائسرايئل!
ياييلميش دره‌لر کئمي، چاي کنارينداکي باغلار کئمي، ربّئن اَکدئيي عؤد آغاجلاري کئمي، سولارين يانينداکي سئدر آغاجلاري کئمي.
سطئل‌لرئندن سولار آخاجاق، توخوملاري بول سو ائله سولاناجاق، پادشاهلاري اَقَق بؤيوک اولاجاق، مملَکتي اوجالاجاق.
تاري اونلاري مئصئردن چيخاردير؛ اونلارا چؤل اؤکوزونون قووّتي کئميدئر. اونا دوشمن اولان مئلّتلري يِيئب قورتاراجاق. سوموکلرئني قيراجاق، اوخلاري ائله اونلاري دَله‌جک.
کَمئن قوروب شئر کئمي ياتار، دئشي آصلانا اوخشار. اونو اويانديرماغا کئم جورعت اِدَر؟ سئزه برکت ورن خيئر-دوعالي اولسون، سئزه لعنت ادن قوي ملعون اولسون!»"
بالاقين قضبي بَلعامين اوستونه آلوولاندي؛ اَللرئني بئربئرئنه ووروب بَلعاما ددي: "سني دوشمنلرئمه لعنت اتمک اوچون چاغيرديم و باخ، هر اوچ دفه، اونلارا آنجاق برکت ورئبسن.
ائندي تِز گت، يرئنه قاييت. دمئشدئم کي، سنه سخاوتلي حؤرمت ادهجيم، آمّا باخ، رب سني اوندان محروم اتدي."
بَلعام بالاقا ددي: «يانيما گؤندردئيئن قاصئدلره مگر دمه‌دئم،
بالاق منه قيزيل و گوموشله دولو اِوئني ورسه بله، ربّئن سؤزوندن چيخا بئلمه‌رم، اؤز نظرئمه گؤره ياخشي يا پئس هچ بئر شي اده بئلمه‌رم. رب نه دسه، اونو دئيه‌جيم؟
ائندي من خالقيمين يانينا گدئرم. قوي سنه بئلدئرئم کي، بو خالق گلهجک گونلرده سنئن خالقينين باشينا نه گتئرهجک."
بَلعام سؤزونو باشلاييب ددي: «پِعور اوغلو بَلعامين کلامي، گؤزلري آچيلان کئشئنئن کلامي،
تارينين سؤزلرئني اشئدن آدامين کلامي، او آدام کي، اوجالاردا اولانين بئلئيئني بئلئر، قادئري‌موطلقئن رؤياسيني گؤرَن، يره سَرئلَن، آمّا گئنه ده گؤزلري آچيق اولان:
«اونو گؤرورَم، آمّا ائندي يوخ، اونا باخيرام، آمّا ياخيندان ديئل. يعقوبدان بئر اولدوز چيخاجاق، ائسرايئلدن بئر عصا اوجالاجاق، موآبليلارين آلينلاريني اَزهجک، بوتون شِت اؤولادلارينين باشلاريني قيراجاق.
اِدوم اونون مولکو اولاجاق، اونون دوشمنلري سِعئر ده اونون مولکو اولاجاق، آمّا ائسرايئل گوجلَنه‌جک.
يعقوبون نسلئندن اولان او آدام سلطنت سورهجک، شهرده‌کئلرئن قالانلاريني محو ادهجک.»"
بَلعام عَمالِقلئلره باخيب صؤحبته باشلادي: "عَمالِق مئلّتلرئن بئرئنجئسي ائدي، لاکئن عاقئبتي هلاکتدئر."
قِنلئلره باخيب سؤزونه داوام وردی: "مَسکنئنئز مؤحکم، يووانيز قايادا قورولوب.
لاکئن آشورلولار سئزي اسئر آلاندا، قِنلئلر يانيب يوخ اولاجاق؟"
بَلعام صؤحبتئنه داوام وردی: "واي، تاري بونو اتدئيي زامان کئم ياشايا بئله‌جک؟
کئتّئم ساحئللرئندن گَمئلر گلهجک، آشورلا عِبِري ذلئل ادهجک، بلجه اونلار دا محو اولاجاق."
بوندان سونرا بَلعام قالخيب يولا چيخدي و اِوئنه قاييتدي. بالاق دا اؤز يولونا داوام وردی.
ائسرايئل خالقي شئتّئمده ياشايارکَن، کئشئلري موآب قيزلاري ائله زئنا اتمه‌يه باشلاديلار.
بو آروادلار آللاهلارينا قوربان کسنده ائسرايئل خالقيني دا دعوت ادئردئلر. ائسرايئل خالقي يمک يدي و اونلارين آللاهلارينا سجده اتدي.
ائسرايئل اؤولادلاري پِعورداکي بَعَل بوتونه قوشولدولار و ربّئن قضبي ائسرايئللیلرئن اوستونه آلوولاندي.
رب موسايا ددي: "خالقين بوتون باشچيلاريني گؤتور و گوندوز ربّئن قاباغيندا دار آغاجيندان آسدير. بلجه، قوي ربّئن قضبي ائسرايئلدن دؤنسون."
بونا گؤره موسا ائسرايئلئن قاضي‌لارينا ددي: "هر بئرئنئز اؤز آداملارينيز آراسيندا پِعورداکي بَعَله قوشولانلاري اؤلدورون."
و باخ، بو آن ائسرايئل اؤولادلاريندان اولان بئر نفر گلدي، موسانين و حوضور چاديرينين گئرئشئنده آغلاشان بوتون ائسرايئل جاماعاتينين گؤزو قاباغيندا قوحوملارينا مئديانلي بئر آرواد گتئردي.
کاهئن هارون اوغلو اِلعازار اوغلو پئنِخاس بونو گؤردوکده جاماعاتين آراسيندان قالخدي و الئنه بئر نئزه گؤتوردو.
ائسرايئللي کئشئنئن دالينجا چاديرين ائچئنه گئردي، نئزه‌ني ائسرايئللي کئشئنئن و آروادينين قارنينا سوخدو. بلجه، ائسرايئل اؤولادلاريني قيران وبا داياندي.
وبادان اؤلَنلر ائيئرمي دؤرد مئن نفر ائدي.
رب موسا ائله دانيشيب اونا ددي:
"کاهئن هارون اوغلو اِلعازار اوغلو پئنِخاس منئم قضبئمي ائسرايئل اؤولادلاريندان دؤندَردي، چونکي آرالاريندا فقط او منئم قيرتئمي چکدي. بلجه، من اؤز قيرتئمده ائسرايئل اؤولادلاريني محو اتمه‌دئم.
بونا گؤره دِه: «باخ، من اونونلا باريش عهدئمي باغلاييرام.
بو اونون اوچون و اوندان سونرا گلن نسلی اوچون ابدی کاهئنلئک عهدي اولاجاق. چونکي تاريسينين قيرتئني چکئب، ائسرايئل اؤولادلاري اوچون کفّاره اتدي.»"
مئديانلي آروادلا بئرلئکده اؤلدورولَن ائسرايئللي کئشئنئن آدي سالو اوغلو زئمري ائدي. او، شَمعونلولارين آراسيندا بئر طايفا رهبري ائدي.
اؤلدورولَن مئديانلي آروادينين آدي صور قيزي کوزبي ائدي. صور مئدياندا بئر طايفا باشچيسي ائدي.
سونرا رب موسا ائله دانيشيب ددي:
"مئديانليلاري دوشمن حساب ات و اونلاري قير.
چونکي اونلار حئيلهلري ائله سئزه دوشمنچئلئک اتدئلر و اونلارلا سئزي پِعوردا مئديانلي باشچي قيزي کوزبي مَسَله‌سئنده آلداتديلار. او مَسَلهده کي، باجيلاري پِعوردا باش ورن وبا گونونده اؤلدورولدو."
وبادان سونرا رب موسا و کاهئن هارون اوغلو اِلعازارلا دانيشيب اونا ددي:
"ائسرايئل اؤولادلارينين بوتون جاماعاتيني عايئله‌لرئنه گؤره ائيئرمي و اوندان يوخاري ياشدا دؤيوشه قابئل اولانلاري سايين."
موسا ائله کاهئن اِلعازار اوردون چايي يانيندا، اَرئحانين موقابئلئنده، موآب اووالاريندا اونلارلا دانيشيب ددئلر:
"ربّئن موسايا امر اتدئيي کئمي ائيئرمي و اوندان يوخاري ياشدا اونلاري سئياهييا آلين!" مئصئر تورپاغيندان چيخان ائسرايئل اؤولادلاري بونلاردير:
ائسرايئلئن ائلک اوغلو رِعوبئن، رِعوبئن اؤولادلاري بونلاردير: خَنوخ نسلئندن خَنوخ نسلي؛ پَلّو نسلئندن پَلّو نسلي؛
خِصرون نسلئندن خِصرون نسلي؛ کَرمي نسلئندن کَرمي نسلی.
رِعوبئنلی‌لرئن نسئللري بونلاردير، سايلاري ۴۳۷۳۰ نفر ائدي.
پَلّونون اوغلو اِلئآب،
اِلئآبين اوغوللاري نِمواِل، داتان و اَبئرام ائدي. بونلار او داتانلا اَبئرامدير کي، جاماعات طرفئندن چاغيريلديلار و ربّه ضئدّ دوران قورَخئن طرفدارلارينا قوشولوب، موسا ائله هارونا ضئدّ چيخديلار.
و قورَخله ۲۵۰ يولداشيني اود يانديريب يوخ ادنده، ير آغزيني آچدي و اونلاري اودّو. قورَخله بئرلئکده اؤلَنلر، آيريلارينا دا بئر عئبرت اولدو.
لاکئن قورَخئن نسلی اؤلمه‌دي.
نسئللرئنه گؤره شَمعون اؤولادلارينين نسلی بونلاردير: نِمواِل نسلئندن نِمواِل نسلي؛ يامئن نسلئندن يامئن نسلي؛ ياکئن نسلئندن ياکئن نسلي؛
زِراخ نسلئندن زِراخ نسلي؛ شاعول نسلئندن شاعول نسلي؛
شَمعون نسئللري بونلاردير، سايلاري ۲۲۲۰۰ نفردئر.
نسئللرئنه گؤره جاد اؤولادلاري بونلاردير: صِفون نسلئندن صِفون نسلي؛ خَگّي نسلئندن خَگّي نسلي؛ شوني نسلئندن شوني نسلي؛
اوزني نسلئندن اوزني نسلي؛ عِري نسلئندن عِري نسلي:
اَرود نسلئندن اَرود نسلي؛ اَرِلي نسلئندن اَرِلي نسلی.
جاد نسئللري بونلاردير، سايلاري ۴۰۵۰۰ نفردئر.
يهودانين اوغوللاري وار ائدي: عِر و اونان. لاکئن اونلار کَنَعان تورپاغيندا اؤلدولر.
نسئللرئنه گؤره يهودا اؤولادلاري بونلاردير: شِلا نسلئندن شِلا نسلي؛ پِرِص نسلئندن پِرِص نسلي؛ زِراخ نسلئندن زِراخ نسلی.
پِرِص اؤولادلاري بونلاردير: خِصرون نسلئندن خِصرون نسلي؛ خامول نسلئندن خامول نسلی.
يهودا نسئللري بونلاردير، سايلاري ۷۶۵۰۰ نفردئر.
نسئللرئنه گؤره يئسّاکار اؤولادلاري بونلاردير: تولاع نسلئندن تولاع نسلي؛ پووا نسلئندن پووا نسلي؛
ياشوب نسلئندن ياشوب نسلي؛ شئمرون نسلئندن شئمرون نسلی.
يئسّاکار نسئللري بونلاردير، سايلاري ۶۴۳۰۰ نفردئر.
نسئللرئنه گؤره زِبولون اؤولادلاري بونلاردير: سِرِد نسلئندن سِرِد نسلي؛ اِلون نسلئندن اِلون نسلي؛ يَخلِه‌اِل نسلئندن يَخلِه‌اِل نسلی.
زِبولون نسئللري بونلاردير، سايلاري ۶۰۵۰۰ نفردئر.
نسئللرئنه گؤره يوسئفئن اوغوللاري: مِنَسّه و اِفرايئم.
مِنَسّه اؤولادلاري بونلاردير: ماکئر نسلئندن ماکئر نسلي، ماکئر گئلعادين آتاسي ائدي؛ گئلعاد نسلئندن گئلعاد نسلي؛
گئلعاد اؤولادلاري بونلاردير: ائعِزِر نسلئندن ائعِزِر نسلي؛ خِلِق نسلئندن خِلِق نسلي؛
اَسرئيِل نسلئندن اَسرئيِل نسلي؛ شِکِم نسلئندن شِکِم نسلي؛
شِمئداع نسلئندن شِمئداع نسلي؛ خِفِر نسلئندن خِفِر نسلی.
خِفِر اوغلو صِلوفخادين اوغلو اولمادي، آمّا مَخلا، نوعا، خوگلا، مئلکا و تئرصا آديندا قيزلاري وار ائدي.
مِنَسّه نسئللري بونلاردير، سايلاري ۵۲۷۰۰ نفردئر.
نسئللرئنه گؤره اِفرايئم اؤولادلاري بونلاردير: شوتِلَخ نسلئندن شوتِلَخ نسلي؛ بِکِر نسلئندن بِکِر نسلي؛ تَخَن نسلئندن تَخَن نسلي؛
شوتِلَخ اؤولادلاري بونلاردير: عِران نسلئندن عِران نسلی.
اِفرايئم اؤولادلارينين نسئللري بونلاردير، سايلاري ۳۲۵۰۰ نفردئر. نسئللرئنه گؤره يوسئف اؤولادلاري بونلاردير.
نسئللرئنه گؤره بِنيامئن اؤولادلاري بونلاردير: بِلَع نسلئندن بِلَع نسلي؛ اَشبِل نسلئندن اَشبِل نسلي؛ اَخئرام نسلئندن اَخئرام نسلي؛
شِفوفام نسلئندن شِفوفام نسلي؛ خوفام نسلئندن خوفام نسلی.
بِلَعئن اوغوللاري اَرد و نَعَمان نسلئندن عمله گلنلر بونلاردير: اَرد نسلئندن اَرد نسلي؛ نَعَمان نسلئندن نَعَمان نسلی.
نسئللرئنه گؤره بِنيامئن اؤولادلاري بونلاردير، سايلاري ۴۵۶۰۰ نفردئر.
نسئللرئنه گؤره دان اؤولادلاري بونلاردير: شوخام نسلئندن شوخام نسلی. نسئللرئنه گؤره دان نسئل‌لرئندن عمله گلن بونلاردير.
هاميسي شوخام نسلئندندئر، سايلاري ۶۴۴۰۰ نفردئر.
نسئللرئنه گؤره آشِر اؤولادلاري بونلاردير: يئمنا نسلئندن يئمنا نسلي؛ يئشوي نسلئندن يئشوي نسلي؛ بِرئعا نسلئندن بِرئعا نسلی.
بِرئعا اؤولادلاري بونلاردير: خِبِر نسلئندن خِبِر نسلي؛ مَلکي‌اِل نسلئندن مَلکي‌اِل نسلی.
آشِرئن سِرَخ آديندا بئر قيزي وار ائدي.
آشِر اؤولادلاري بونلاردير، ساييلاري ۵۳۴۰۰ نفردئر.
نسئللرئنه گؤره نَفتالي اؤولادلاري بونلاردير: يَخصِعِل نسلئندن يَخصِعِل نسلي؛ گونو نسلئندن گونو نسلي؛
يِصِر نسلئندن يِصِر نسلي؛ شئلّم نسلئندن شئلّم نسلی.
نَفتالي نسئللري بونلاردير، سايلاري ۴۵۴۰۰ نفردئر.
ساييلان ائسرايئل اؤولادلارينين جَمي ۶۰۱۷۳۰ نفر ائدي.
سونرا رب موسا ائله دانيشيب، اونا بله ددي:
"اؤلکه، آداملارين ساييسينا گؤره، بونلارين آراسيندا ائرث بؤلونسون.
ساييسي چوخ اولانا بؤيوک، ساييسي آز اولانا آز پاي وره‌جکسن. سئياهييا يازيلانلارين ساييسينا گؤره هر بئرئنه دوشن پاي ورئلسئن.
آنجاق اؤلکه پوشکله بؤلونسون. هر کسئن پايي آتالارينين عاييد اولدوغو قبئله‌لرئن آدينا گؤره اولاجاق.
هر قبئلهنئن پايي پوشکله بؤلونسون، ائستر بؤيوک اولسون، ائستر کئچئک."
نسئللرئنه گؤره ساييلان لاوئلی‌لر بونلاردير: گِرشون نسلئندن گِرشون نسلي؛ قوهات نسلئندن قوهات نسلي؛ مِراري نسلئندن مِراري نسلی.
بونلار دا لاوي نسئل‌لري‌دئر: لئبني نسلي، خِبرون نسلي، مَخلي نسلي، موشي نسلي، قورَخ نسلی. قوهات عَمرامين آتاسي ائدي.
عَمرامين آروادينين آدي يوکِبِد ائدي. او، مئصئرده لاوئدن دوغولموشدو. يوکِبِد عَمراما، هارون، موسا و باجيلاري مريمي دوغدو.
هارونون ناداب، اَبئهو، اِلعازار، و ائتامار آدلي اوشاقلاري اولدو.
ناداب و اَبئهو ربّئن حوضوروندا حارام اود تقدئم اِدَرکَن اؤلدولر.
لاوئلی‌لردن ساييلان بئر آيليق و اوندان يوخاري ياشدا بوتون کئشي جئنسئندن اولانلار ۲۳۰۰۰ نفر ائدي. بونلار او بئري ائسرايئل اؤولادلاري ائله بئرلئکده سئياهييا آلينماميشدي. چونکي ائسرايئل اؤولادلاري آراسيندا اونلارا مئراث ورئلمهمئشدي.
بونلاردير ائسرايئل اؤولادلارينين سئياهيسي کي، موسا و کاهئن اِلعازار طرفئندن اوردون چايينين يانيندا، اَرئحانين موقابئلئندهکي موآب اووالاريندا توتولدو.
آمّا موسا ائله کاهئن هارونون سئنا صحراسيندا سايديغي ائسرايئل اؤولادلاريندان هچ کئم بو سئياهيدا اولمادي.
اونا گؤره کي، رب اونلارا دِمئشدي: "اونلار قطعن صحرادا اؤله‌جکلر." اونلاردان يِفونّه اوغلو کالئبله نون اوغلو يوشَعدن باشقا کئمسه صاغ قالماميشدي.
مِنَسّه اوغلو ماکئر اوغلو گئلعاد اوغلو خِفِر اوغلو صِلوفخادين قيزلاري کي، يوسئف اوغلو مِنّسه‌نئن نسئللرئنه منصوب ائدئلر، ائرهلي گلدئلر؛ قيزلارينين آدلاري بلهدئر: مَخلا، نوعا، خوگلا، مئلکا و تئرصا.
اونلار حوضور چاديرينين گئرئشئنده موسانين، کاهئن اِلعازارين و رهبرلرله بوتون جاماعاتين قاباغيندا دوروب ددئلر:
"آتاميز صحرادا اؤلدو، لاکئن قورَخئن طرفئني توتوب ربّه عوصيان ادنلرئن آراسيندا ديئلدي. او اؤز گوناهينا گؤره اؤلدو و اوغلو اولمادي.
اوغلو اولماديغينا گؤره نه اوچون اونون آدي اؤز نسلی آراسيندان سئلئنمه‌لي‌دئر؟ آتاميزين قارداشلاري آراسيندا بئزه بئر مولک ورئن."
موسا اونلارين ائشئني ربّئن حوضورونا گتئردي.
رب موسا ائله دانيشيب اونا ددي:
"صِلوفخادين قيزلاري دوغرو ديئرلر. گرک اونلارا آتالارينين قارداشلاري آراسيندا مولک ورهسن و آتالارينين مئراثيني اونلارا کچئرده‌سن.
ائسرايئل اؤولادلارينا دِه کي، اگر بئر آدام اؤلسه و اوندان اوغول قالماسا، او زامان مئراثيني اونون قيزينا کچئردئن.
اگر اونون قيزي يوخدور، اوندا مئراثيني اونون قارداشلارينا ورئن.
اگر قارداشلاري يوخدور، اوندا مئراثيني عَمی‌لرئنه ورئن.
اگر عَمي‌لري يوخدور، او زامان مئراثيني نسلئندن اونا لاپ ياخين اولان قوحومونا ورئن کي، مولک اونون اولسون. بو، ربّئن موسايا امر اتدئيي کئمي ائسرايئل اؤولادلارينا قايدا و حؤکم اولسون."
سونرا رب موسايا ددي: "بو عَبارئم داغينا چيخ و ائسرايئل اوغوللارينا وردئيئم اؤلکهني گؤر.
اونو گؤردوکدن سونرا سن ده خالقينا قوشولاجاقسان، نجه کي، قارداشين هارون قوشولدو.
چونکي صئن چؤلونده جاماعاتين داعواسيندا منئم امرئمدن چيخدين و سويا گؤره اونلارين گؤزلري قاباغيندا منئم موقدّسلئيئمه موطابئق رفتار اتمه‌دئن." (بونلار صئن چؤلونده قِدِشده اولان مِرئبا سولاري‌دير.)
موسا رب ائله دانيشيب اونا ددي:
«يالواريرام کي، رب، بوتون بشر روحلارينين تاريسي، جاماعات اوستونه بئر آدام نصب اتسئن.
او کئشي جاماعاتين قاباغيندا چيخيب-گئرسئن، اونلارا هادي اولوب اونلاري آپاريب-گتئرسئن. قوي ربّئن جاماعاتي چوبانسيز سورو کئمي اولماسين."
اوندا رب موسايا ددي: "نون اوغلو يوشَعي کي، ائچئنده منئم روحوم وار، گؤتور و الئني اونون اوستونه قوي.
اونو کاهئن اِلعازار و بوتون جاماعات قاباغيندا داياندير و اونلارين گؤزلري قاباغيندا اونو منصوب ات.
اؤز ائقتئداريندان بئر آزيني اونا ور کي، بوتون ائسرايئل جاماعاتي اوندان ائطاعت اتسئن.
بوندان علاوه، او کاهئن اِلعازارين حوضوروندا دورمالي، اِلعازار دا اورئم واسئطهسئله رَبدن سوروشمالي‌دير. اونون امري ائله هم او، هم ده اونونلا اولان ائسرايئل اوغوللاري، حتّا بوتون جاماعات دا چيخيب گئرمه‌لی‌دئر."
موسا ربّئن اونا امر اتدئيي کئمي اتدي؛ يوشَعي گؤتوروب، کاهئن اِلعازارين و بوتون جاماعاتينين قاباغيندا دايانديردي.
سونرا اللرئني اونون اوستونه قويوب اونو منصوب اتدي، نجه کي، رب موسانين واسئطهسئله دمئشدي.
رب موسا ائله دانيشيب اونا ددی:
"ائسرايئل اؤولادلارينا امر ادئب دِه: «دئقّت ادئن کي، منه اولان تقدئمي، تقدئم اولونان قوربانلاريم اوچون يمه‌يئمي، و منئم خوشوما گلن عطئرلي تقدئملري، موعيّن واختلاردا تقدئم ادهسئنئز.»
اونلارا دِه: «ربّه ورهجيئنئز اودلا تقدئم اولونان قوربان بودور: دائمي يانديرما قورباني اولاراق هر گون بئر-ائلّئک عيبسئز ائکي اِرکَک قوزو.
قوزولاردان بئرئني سحر، او بئرئني آمّا آخشامچاغي تقدئم ادئن.
هم ده تاخيل تقدئمي اولاراق دؤردده بئر هئن سيخيلميش ياغلا قاتيلميش اِفانين اوندا بئري نارين اون تقدئم ادئن.
بو، دائمي يانديرما قورباني، سئنا داغيندا بويورولان، ربّئن خوشونا گلن اودلا تقدئم اولونان عطئرلي قورباندير.
هر قوزو ائله بئرلئکده اولان مايع تقدئمي دؤردده بئر هئن اولاجاق. کفلندئرن ائچکئني ربّه موقدّس يرده تؤکون.
او بئري قوزونو آخشامچاغي تقدئم ادئن. سحرکي کئمي تاخيل تقدئمي و مايع تقدئمي ائله بئرلئکده اونو تقدئم ادئن. بو، اودلا تقدئم اولونان، ربّئن خوشونا گلن عطئرلي قورباندير.
سَبّت گونونده بئر-ائلّئک عيبسئز ائکي اِرکَک قوزو، و تاخيل تقدئمي اولاراق ياغلا قاتيلميش اوندا ائکي اِفا نارين اون و اونون مايع تقدئمئني تقدئم ادئن.
دائمي يانديرما قورباني و اونون مايع تقدئمئندن علاوه، هر سَبّتئن يانديرما قورباني اولان تقدئم بودور.
هر آيين باشيندا ربّه يانديرما قورباني اولاراق ائکي گاميش و بئر قوچ، بئر-ائلّئک عيبسئز يدّي اِرکَک قوزو تقدئم ادئن.
هر گاميش اوچون تاخيل تقدئمي اولاراق ياغلا قاتيلميش اوندا اوچ اِفا نارين اون و تک قوچ اوچون تاخيل تقدئمي اولاراق ياغلا قاتيلميش اوندا ائکي اِفا نارين اون؛
هر قوزو اوچون تاخيل تقدئمي اولاراق ياغلا قاتيلميش اوندا بئر اِفا نارين اون تقدئم ادئن. بو يانديرما قورباني، اودلا تقدئم اولونان، ربّئن خوشونا گلن عطئرلي قورباندير.
اونلارين مايع تقدئملري، بئر گاميش اوچون ياريم هئن شراب، قوچ اوچون اوچده بئر هئن، و بئر قوزو اوچون دؤرده بئر هئن. ائل بويو هر تزه آيدا ورئلهجک يانديرما قورباني بودور.
دائمي يانديرما قورباني و اونون مايع تقدئمئندن علاوه ربّه گوناه تقدئمي اولاراق بئر اِرکَک کچي ده تقدئم ادئن.
بئرئنجي آيين اون دؤردونجو گونو ربّئن پاسخا بايرامي‌دير.
بو آيين اون بشئنجي گونو بايرام اولسون. يدّي گون ماياسيز چؤرک ييئلسئن.
بئرئنجي گون موقدّس ييغين کچئردئن؛ گوندهلئک ائشلرئنئزي گؤرمه‌يئن.
ربّه اودلا تقدئم اولونان قوربان، يانديرما قورباني اولاراق ائکي گاميش، بئر قوچ و بئر-ائلّئک يدّي اِرکَک قوزو تقدئم ادئن؛ هاميسي عيبسئز اولسون.
هر گاميش اوچون تاخيل تقدئمي اولاراق ياغلا قاتيلميش اوندا اوچ اِفا نارين اون، قوچ اوچون اوندا ائکي،
يدّي قوزودان هر قوزو اوچون اوندا بئر اِفا تقدئم ادئن.
اؤزونوزو کفّاره اتمک اوچون گوناه قورباني اولاراق بئر اِرکَک کچي تقدئم ادئن.
هر سحر تقدئم اده‌جيئنئز دائمي يانديرما قوربانينا علاوه اولاراق، بونلاري دا تقدئم ادئن.
بلجه، هر گون ربّئن اودلا تقدئم اولونان قوربانين يمه‌يئني، اونون خوشونا گلن عطئرلي تقدئمي يدّي گون تقدئم ادئن. دائمي يانديرما قورباني ائله مايع تقدئمئنه علاوه اولاراق تقدئم ادئن.
يدّئنجی گون موقدّس ييغين کچئردئن، گوندهلئک ائشلرئنئزي گؤرمه‌يئن.
نوبارين ييغيلما گونو هفته‌لر بايرامينيزدا ربّه تزه تاخيل تقدئمي گتئرنده موقدّس ييغين کچئردئن، گوندهلئک ائشلرئنئزي گؤرمه‌يئن.
ربّئن خوشونا گلن عطئرلي تقدئمئني يانديرما قورباني اولاراق ائکي گاميش، بئر قوچ و بئر-ائلّئک يدّي اِرکَک قوزو تقدئم ادئن.
هر گاميش اوچون تاخيل تقدئمي اولاراق ياغلا قاتيلميش اوندا اوچ اِفا، تک قوچ اوچون اوندا ائکي اِفا،
يدّي قوزودان هر قوزو اوچون اوندا بئر اِفا نارين اون تقدئم ادئن.
اؤزونوزو کفّاره اتمک اوچون بئر اِرکَک کچي ده تقدئم ادئن.
دائمي يانديرما قورباني و اونون تاخيل تقدئمئندن علاوه، اونلاري اونلارين مايع تقدئملري ائله تقدئم ات. اونلار عيبسئز اولماليدير.
يدّئنجی آيين بئرئنجي گونونده موقدّس ييغين کچئردئن، هچ بئر گوندهلئک ائشلرئنئزي گؤرمه‌يئن. او گون سئزئن اوچون کَره‌ناي چالما گونو اولاجاق.
ربّئن خوشونا گلن عطئرلي تقدئمئني يانديرما قورباني اولاراق تقدئم ادئن: بئر گاميش، بئر قوچ و عيبسئز بئر ائلّئک يدّي اِرکَک قوزو.
گاميش اوچون تاخيل تقدئملري اولاراق ياغلا قاتيلميش اوندا اوچ اِفا، قوچ اوچون اوندا ائکي اِفا،
يدّي قوزودان هر قوزو اوچون اوندا بئر اِفا نارين اون تقدئم ادئن.
اؤزونوزو کفّاره اتمک اوچون، گوناه قورباني اولاراق، بئر اِرکَک کچي ده تقدئم ادئن.
بونلار، قايدالارينا گؤره، تزه آي اوچون اولان يانديرما قورباني و اونون تاخيل تقدئمئندن، دائمي يانديرما قورباني و اونون تاخيل تقدئمئندن، و اونلارين مايع تقدئملرئندن علاوه اولاجاق. بو، اودلا تقدئم اولونان، ربّئن خوشونا گلن عطئرلي قورباندير.
همئن يدّئنجی آيين اونوندا موقدّس ييغين کچئردئن؛ اؤزونوزو هر شيدن محروم ادئن و هچ بئر ائش گؤرمه‌يئن.
ربّه خوش عطئر کئمي يانديرما قورباني تقدئم ادئن: بئر گاميش، بئر قوچ، بئر-ائلّئک يدّي اِرکَک قوزو. اونلار عيبسئز اولماليدير.
گاميش اوچون تاخيل تقدئملري اولاراق ياغلا قاتيلميش اوندا اوچ اِفا، قوچ اوچون اوندا ائکي اِفا،
يدّي قوزودان هر قوزو اوچون اوندا بئر اِفا نارين اون تقدئم ادئن.
گوناه قورباني اولاراق بئر اِرکَک کچي ده تقدئم ادئن. بونلاري کفّاره اوچون اولان گوناه قوربانيندان، دائمي يانديرما قورباني و اونون تاخيل تقدئمي و مايع تقدئملرئندن علاوه تقدئم ادئن.
يدّئنجی آيين اون بشئنجي گونونده موقدّس ييغين کچئردئن؛ هچ بئر گوندهلئک ائشلرئنئزي گؤرمه‌يئن. ربّه يدّي گون بايرام توتون.
ربّئن خوشونا گلن عطئرلي تقدئمي يانديرما قورباني اولاراق، اودلا تقدئم اولونان قوربان تقدئم ادئن: هر اون اوچ گاميش، هر ائکي قوچ و بئر-ائلّئک اون دؤرد اِرکَک قوزو. اونلار عيبسئز اولماليدير.
هر گاميش اوچون تاخيل تقدئملري اولاراق ياغلا قاتيلميش اوندا اوچ اِفا، هر قوچ اوچون اوندا ائکي اِفا،
اون دؤرد قوزودان هر قوزو اوچون اوندا بئر اِفا نارين اون گتئرئن.
گوناه قورباني اولاراق اِرکَک بئر کچي ده تقدئم ادئن. بونلاري دائمي يانديرما قورباني ائله تاخيل و مايع تقدئمئندن علاوه اولاراق تقدئم ادئن.
ائکئنجي گون: اون ائکي گاميش، ائکي قوچ، بئر ائلّئک عيبسئز اون دؤرد اِرکَک قوزو.
گاميش، قوچ و قوزولارين سايينا گؤره اونلارين لازيمي تاخيل تقدئمئني و مايع تقدئملرئني اؤز قايدالارينا گؤره گتئرئن.
گوناه قورباني اولاراق بئر اِرکَک کچي ده تقدئم ادئن. بونلاري دائمي يانديرما قورباني و اونون تاخيل تقدئمئندن و مايع تقدئملرئندن علاوه اولاراق تقدئم ادئن.
اوچونجو گون: اون بئر گاميش، ائکي قوچ، بئر ائلّئک عيبسئز اون دؤرد اِرکَک قوزو.
گاميش، قوچ و قوزولارين سايينا گؤره لازيمي تاخيل و مايع تقدئملرئني اؤز قايدالارينا گؤره گتئرئن.
گوناه قورباني اولاراق بئر اِرکَک کچي ده تقدئم ادئن. بونلاري دائمي يانديرما قورباني ائله تاخيل و مايع تقدئملرئندن علاوه اولاراق تقدئم ادئن.
دؤردونجو گون: اون گاميش، ائکي قوچ، بئر-ائلّئک عيبسئز اون دؤرد اِرکَک قوزو.
گاميش، قوچ و قوزولارين سايينا گؤره اونلارين لازيمي تاخيل و مايع تقدئملرئني اؤز قايدالارينا گؤره تقدئم ادئن.
گوناه قورباني اولاراق بئر اِرکَک کچي ده تقدئم ادئن. بونلاري دائمي يانديرما قورباني ائله تاخيل و مايع تقدئملرئندن علاوه اولاراق تقدئم ادئن.
بشئنجي گون: دوقّوز گاميش، ائکي قوچ، بئر-ائلّئک عيبسئز اون دؤرد اِرکَک قوزو.
گاميش، قوچ و قوزولارين سايينا گؤره لازيمي تاخيل و مايع تقدئملرئني اؤز قايدالارينا گؤره تقدئم ادئن.
گوناه قورباني اولاراق بئر اِرکَک کچي ده تقدئم ادئن. بونلاري دائمي يانديرما قورباني ائله تاخيل و مايع تقدئملرئندن علاوه اولاراق تقدئم ادئن.
آلتينجي گون: سکّئز گاميش، ائکي قوچ، بئر-ائلّئک عيبسئز اون دؤرد اِرکَک قوزو.
گاميش، قوچ و قوزولارين سايينا گؤره اونلارين لازيمي تاخيل و مايع تقدئملرئني اؤز قايدالارينا گؤره گتئرئن.
گوناه قورباني اولاراق بئر اِرکَک کچي ده تقدئم ادئن. بونلاري دائمي يانديرما قورباني ائله تاخيل و مايع تقدئملرئندن علاوه اولاراق تقدئم ادئن.
يدّئنجی گون: يدّي گاميش، ائکي قوچ، بئر-ائلّئک عيبسئز اون دؤرد اِرکَک قوزو.
گاميش، قوچ و قوزولارين سايينا گؤره اونلارين لازيمي تاخيل و مايع تقدئملرئني اؤز قايدالارينا گؤره گتئرئن.
گوناه قورباني اولاراق بئر اِرکَک کچي ده تقدئم ادئن. بونلاري دائمي يانديرما قورباني ائله تاخيل و مايع تقدئملرئندن علاوه اولاراق تقدئم ادئن.
سکّئزئنجي گون اؤزونوز اوچون بايرام ادئن؛ هچ بئر گوندهلئک ائشلرئنئزي گؤرمه‌يئن.
ربّئن خوشونا گلن عطئرلي تقدئم اولان يانديرما قورباني، اودلا تقدئم اولونان قوربان تقدئم ادئن: بئر گاميش، بئر قوچ و بئر-ائلّئک عيبسئز يدّي اِرکَک قوزو.
گاميش، قوچ و قوزولارين سايينا گؤره اونلارين لازيمي تاخيل و مايع تقدئملرئني اؤز قايدالارينا گؤره گتئرئن.
گوناه قورباني اولاراق بئر اِرکَک کچي ده تقدئم ادئن. بونلاري دائمي يانديرما قورباني ائله تاخيل و مايع تقدئملرئندن علاوه اولاراق تقدئم ادئن.
بونلاري تعيئن اولونموش واختلاردا گرک ربّه تقدئم ادهسئنئز. بونلار سئزئن نذئرلر و اؤز گؤيلونوزله گتئردئيئنئز تقدئملردن، يانديرما قوربانلارينيز، تاخيل تقدئملرئنئز، مايع تقدئملرئنئز و باريش قوربانلارينيزدان علاوه اولاجاق.»"
موسا ربّئن اونا امر اتدئيي هر شيي ائسرايئل اؤولادلارينا بئلدئردي.
موسا ائسرايئل اؤولادلارينين قبئله باشچيلاري ائله دانيشيب اونلارا ددي: "ربّئن امر اتدئيي سؤز بلهدئر:
اگر بئر کئشي ربّه نذئر ادئر، يا دا آند ائچئب بوينونا بئر تکلئف گوتورور، وردئيي سؤزو پوزمامالي‌دير؛ آغزيندان چيخان هر شيي گرک يرئنه يتئرسئن.
اگر آتاسينين اِوئنده ياشايان جاوان قيز ربّه نذئر ادئب بوينونا بئر تکلئف گؤتورور،
و آتاسي اونون نذئرئني و گؤتوردويو تکلئفي اشئدئر و هچ بئر شي دِمئر، قيزين اتدئيي بوتون نذئرلر و گؤتوردويو تکلئفلرئن هاميسي قووّه‌ده قالار.
آمّا آتاسي بونلاري اشئدن گون مانع اولسا، قيزين اتدئيي نذئرلر و گؤتوردويو تکلئفلر قووّه‌دن دوشر. رب اونو باغيشلايار، چونکي آتاسي اونا مانع اولوب.
اگر قيز نذئر اتدئکدن، يا دا دوشونمه‌دن بوينونا بئر تکلئف گؤتوردوکدن سونرا اَره گتسه،
اَري بونو اشئدن واخت، اشئتدئيي گون اونا هچ بئر شي دمه‌سه، اونون اتدئيي نذئرلر و گؤتوردويو تکلئفلر قووّه‌ده قالار.
آمّا اگر اَري بونو اشئدن گون مانع اولسا، گلئنئن اتدئيي نذئر و گؤتوردويو تکلئف قووّه‌دن دوشر. رب اونو باغيشلايار.
آمّا دول و يا بوشانان آروادينين نذئري و گؤتوردويو هر تکلئف قووّه‌ده قالار.
اگر آرواد اَرئنئن اِوئنده نذئر ادئر، و يا بوينونا بئر تکلئف گؤتورور،
و اَري بونو اشئدنده اونا بئر شي دمه‌يئب مانع اولمور، آروادينين بوتون نذئرلري و يا گؤتوردويو تکلئفلرئن هاميسي قووّه‌ده قالار.
آمّا اگر اَري بونلاري اشئدن گون اونا حقئقتن مانع اولسا، آروادينين بوتون نذئرلري و گؤتوردويو تکلئفلر قووّه‌دن دوشر. اَري مانع اولدوغو اوچون رب آروادي باغيشلايار.
اَر، آروادينين اؤزونو محروم اتمک اوچون اتدئيي هر نذئري و يا آند ائچه‌رک بوينونا گؤتوردويو هر تکلئفي تصدئق يا دا اونا مانع اولا بئلر.
آمّا اگر اَري بئر گون ائچئنده بو بارهده اونا هچ بئر شی دمه‌سه، بوتون نذئرلرئني و يا تکلئفلرئني تصدئقله‌مئش اولور. اونلاري اشئدن گون آروادا هچ بئر شي دمه‌مکله تصدئقله‌مئش ساييلار.
اگر اونلاري اشئتدئکدن بئر مودّت سونرا مانع اولسا، آروادينين جزاسيني اَري چکر.»
کئشي ائله آروادي، آتاسي ائله اونون اِوئنده ياشايان جاوان قيزي آراسيندا اولان موناسئبت بارهده، ربّئن موسايا امر اتدئيي قايدالار بونلاردير.
سونرا رب موسا ائله دانيشيب اونا بله ددی:
"ائسرايئل اؤولادلارينين قئصاصيني مئديانلي‌لاردان آل. اوندان سونرا اؤلوب اؤز خالقينا قوشولاجاقسان."
موسا خالقلا دانيشيب اونلارا بله ددي: "دؤيوش اوچون آرانيزدان بعضی آداملاري سئلاحلانديرين کي، مئديانلي‌لارلا دؤيوشه چيخيب، ربّئن قئصاصيني اونلاردان آلسينلار.
ائسرايئل قبئله‌لرئنئن هر بئرئندن مئن نفر دؤيوشه گؤنده‌رئن."
بلجه، ائسرايئلئن طايفالاريندان، هر قبئلهدن مئن نفر اولماقلا دؤيوشه حاضير اون ائکي مئن نفر سچئلدي.
موسا هر قبئلهدن مئن نفري کاهئن اِلعازارين اوغلو پئنِخاسلا بئرلئکده دؤيوشه گؤندردي. پئنِخاس اؤزو ائله موقدّس يره عاييد بعضی اشيالاري و خبردارليق اتمک اوچون کَره‌نايلاري گؤتوردو.
اونلار ربّئن موسايا امر اتدئيي کئمي مئديانلي‌لارلا دؤيوشوب بوتون کئشئلري قيرديلار.
اونلار باشقا اؤلدورولَنلرله مئديان پادشاهلاريني دا اؤلدوردولر: اِوي، رِقِم، صور، خور و رِبَع، بش مئديان پادشاهي. پِعور اوغلو بَلعامي دا قيلينجلا اؤلدوردولر.
سونرا ائسرايئل اؤولادلاري مئديان آروادلاري ائله اوشاقلاريني اسئر گؤتوروب، اونلارين بوتون مال-حيوانلاريني و سورولرئني، بوتون اشيالاريني تالان اتدئلر.
سونرا مئديانليلارين ياشاديقلاري بوتون شهرلره، اوبالارا اود ووردولار.
ائنسانلاري، حيوانلاري، بوتون قنئمتي، و تالان ماللاريني گؤتوردولر.
اسئرلري، قنئمتي، تالان ماللاريني اوردون چايينين شرقئنده، اَرئحانين موقابئلئنده، موآب اووالارينداکي دوشَرگه‌ده موسا ائله کاهئن اِلعازارين و ائسرايئل اؤولادلارينين بوتون جاماعاتي يانينا گتئردئلر.
موسا، کاهئن اِلعازار و جاماعات رهبرلري دوشَرگهنئن کنارينا چيخديلار کی، اونلاري پئشواز اتسئنلر.
موسا دؤيوشدن قاييدان سرکرده‌لره، مئن‌باشي‌لارا، و يوزباشي‌لارا قضبله‌نئب
اونلارا ددي: "بوتون آروادلاري صاغ ساخلاييبسينيز؟"
باخ، بونلار همئن آروادلاردير کي، بَلعامين وردئيي نصئحته قولاق آسيب، پِعور حادئثه‌سئنده ائسرايئل اؤولادلارينين ربّه اهانت اتمهسئنه سبب اولدولار. اونا گؤره ده ربّئن جاماعاتي آراسينا وبا دوشدو.
ائندي بوتون اوغلان اوشاقلاريني و کئشي ائله ياخينليق اتمئش آروادلاري اؤلدورون.
فقط کئشي ائله ياخينليق اتمهمئش قيزلاري اؤزونوز اوچون صاغ ساخلايين.
دوشَرگهنئن کناريندا يدّي گون قالين؛ هر کس کي، آدام اؤلدوروب يا دا مِيئته توخونوب. اوچونجو و يدّئنجی گون اؤزونوزو، هم ده اسئرلرئنئزي تمئز ادئن.
هر پالتاري، دَرئدن، کچي توکوندن و آغاجدان دوزه‌لن نه وارسا، هاميسيني تمئز ادئن."
بوندان سونرا کاهئن اِلعازار دؤيوشدن قاييدان عسگرلره ددي: "ربّئن موسايا امر اتدئيي قانونون قايداسي بلهدئر.
آنجاق قيزيلي، گوموشو، بورونجو، دَمئري، قالايي، قورغوشونو،
اودا داواملي اولان هر شيي آلوودان کچئردئن کي، تمئز ساييلسين. لاکئن پاکلاما سويو ائله ده پاکلانسين. آمّا اودا داوامسيز اولان شيلري سودان کچئردئن.
يدّئنجی گون پالتارلارينيزي يويون، اوندا تمئز اونلارسينيز، سونرا دوشَرگه‌يه گئرئن."
رب موسا ائله دانيشيب اونا ددی:
"سن، کاهئن اِلعازار و جاماعاتين طايفا باشچيلاري اَله کچئردئلن تالان ماللاريني هم ائنسانلاري، هم ده حيوانلاري، سايين.
تالان ماللاريني دؤيوشه چيخان ائگئدلرله جاماعاتين قالان قئسمي آراسيندا ياري بؤلون.
دؤيوشه گدن ائگئدلره دوشَن ائنسان، مال-حيوان، اِششَک، قويون-کچي پاييندان ورگي اولاراق بش يوزده بئرئني ربّه آييرين.
بو ورگئني ائگئدلره بؤلونن پايدان گؤتوروب، ربّه بئر تقدئم اولاراق کاهئن اِلعازارا ورئن.
او بئري ائسرايئل اؤولادلارينا دوشن پايدان ائنسان، مال-حيوان، اِششَک، قويون-کچي و باشقا حيوانلاردان اَلّئده بئرئني گؤتوروب ربّئن خيمهسئنده خئدمت ادن لاوئلی‌لره ورئن."
موسا و کاهئن اِلعازار ربّئن موسايا امر اتدئيي کئمي عمل اتدئلر.
دؤيوشه گدن ائگئدلرئن گؤتوردويو تالان ماليندان بو قنئمتلر قالميشدي: ۶۷۵۰۰۰ قويون،
۷۲۰۰۰ مال-حيوان،
۶۱۰۰۰ اِششَک،
کئشي ائله ياخينليق اتمهمئش قيزلارين سايي ۳۲۰۰۰ ائدي.
بونلارين ياريسي دؤيوشه گدن ائگئدلره پاي دوشدو: قويون-کچئنئن سايي ۳۳۷۵۰۰،
بونلاردان ربّه ورگي ورئلن ۶۷۵ قويون- کچي ائدي؛
مال-حيوانين سايي ۳۶۰۰۰ ائدي کي، بونلاردان ۷۲ مال-حيوان ربّه ورگي اولاراق آيريلدي؛
اِششَکلرئن سايي ۳۰۵۰۰ ائدي کي، بونلاردان ۶۱ اِششَک ربّه ورگي اولاراق آيريلدي؛
آداملارين سايي ۱۶۰۰۰ نفر ائدي کي، بونلاردان ۳۲ نفر ربّه ورگي اولاراق آيريلدي.
موسا ربّئن اونا امر اتدئيي کئمي ربّه ورگي اولاراق آيريلانلاري کاهئن اِلعازارا وردی.
موسانين دؤيوشه گدن ائگئدلردن آييرديغيندان ائسرايئل اؤولادلارينا دوشن پايين ياريسي بونلاردير:
جاماعاتا دوشن ياري پاي ۳۳۷۵۰۰ قويون-کچي،
۳۶۰۰۰ مال-حيوان،
۳۰۵۰۰ اِششَک،
۱۶۰۰۰ ائنسان.
موسا ائسرايئل اؤولادلارينين پاييندان هر اَلّي نفردن و حيواندان بئرئني سچئب ربّئن خيمهسئنده خئدمت ادن لاوئلی‌لره وردي؛ نجه کي، رب موسايا امر اتمئشدي.
قوشون بؤلمه‌لرئنده حؤکم ورن سرکرده‌لر، مئنباشيلار و يوزباشيلار موسانين يانينا گدئب،
ددئلر: «بئز، قوللارين، حؤکم اتدئيئمئز دؤيوشچولرئن ساييني بئلدئک. بئزدن هچ کئم اَسکئک ديئلدئر.
اونا گؤره ده هر کَسئن تاپديغي موختلئف قيزيل اشيالاري–بازوبَندلري، دَستبَندلري، اوزوکلري، گوشوارالاري، بويونباغي‌لاري تقدئم اولاراق ربّه گتئردئک کي، ربّئن قاباغيندا اؤزوموز اوچون کفّاره اِدَک."
موسا ائله کاهئن اِلعازار قيزيلي و هر جور بَزَک اشيالاريني اونلاردان آلديلار؛
مئن‌باشي‌لاردان و يوزباشيلاردان ربّه تقدئم گتئرئلن قيزيل ۱۶۷۵۰ شِکِل آغيرليغيندا ائدي.
دؤيوشه گدن ائگئدلرئن هر بئري اؤزلري اوچون تالان ادئلمئش مالدان گؤتورموشدو.
موسا ائله کاهئن اِلعازار مئن‌باشي‌لاردان و يوزباشيلاردان قيزيلي آليب، ائسرايئل اؤولادلاري اوچون ربّئن قاباغيندا بئر خاطئره اولاراق حوضور چاديرينا گتئردئلر.
رِعوبئن اؤولادلاري ائله جاد اؤولادلارينئن چوخلو حيوانلاري وار ائدي. اونلار يَعزِرله گئلعاد تورپاقلاريني گؤرنده حيوان اوتارماق اوچون بو يرلرئن موناسئب اولدوغونو باشا دوشدولر.
جاد اؤولادلاري ائله رِعوبئن اؤولادلاري گلئب موسايا، کاهئن اِلعازارا و جاماعاتين رهبرلري ائله دانيشيب اونلارا ددئلر:
"عَطاروت، دئبون، يَعزِر، نئمرا، خِشبون، اِلعالِه، سِبام، نِبو و بِعون،
ربّئن ائسرايئل جاماعاتينا تسلئم اتدئيي بو اؤلکه حيوان اوتارماق اوچون موناسئب يردئر؛ قوللارينين دا حيوانلاري وار."
سونرا علاوه اتدئلر: "اگر بئز سنئن گؤزونده لوطف تاپميشيق، قوي بو تورپاق مولک اولاراق بئز قوللارينا ورئلسئن. بئزي اوردوندان او تايا کچئرتمه‌يئن."
آمّا موسا جادلي‌لارين و رِعوبئنلی‌لرئن اؤولادلارينا ددي: "ائسرايئللي قارداشلارينيز دؤيوشمهيه گِدرکَن سئز مگر بورادا قالماق نئيّتئنده‌سئنئز؟
نه اوچون ائسرايئل اؤولادلاريني مأيوس ادئرسئنئز کي، چايين او تايينا کچئب ربّئن اونلارا وره‌جيي تورپاغا گتمه‌سئنلر؟
آتالارينيز دا کی، قِدِش‌بَرنِعه‌دن او تورپاغي گؤزدن کچئرتمه‌يه گؤندرمئشدئم، بله حرکت اتدئلر.
اونلار اِشکول دره‌سئنه چاتيب تورپاغي گؤردوکده، ائسرايئل اؤولادلاريني مأيوس اتدئلر کي، ربّئن اونلارا وردئيي تورپاغا گتمه‌سئنلر.
او گون ربّئن قضبي آلوولاندي و آند ائچئب ددي:
"مئصئردن چيخان ائيئرمي و اوندان يوخاري ياشدا اولان آداملارين هچ بئري ائبراهئمه، ائسحاقا و يعقوبا آند ائچئب وعده وردئيئم تورپاغي گؤرميه‌جک، چونکي بوتون اورَکلري ائله منئم داليمجا گلمه‌دئلر.
آنجاق قِنئزلي يِفونّه اوغلو کالئب و نون اوغلو يوشَع بو تورپاغي گؤرهجک، چونکي اونلار ربّئن دالينجا بوتون اورَکله گلدئلر."
بلجه ربّئن قضبي ائسرايئله آلوولاندي و رب گؤزونده پئسلئک اتمئش نسئل اؤلَنه قدر، اونلاري قيرخ ائل صحرادا گَزدئردي.
باخ، آتالارينيزين يرئنه، سئز گوناهلي‌لار نسلی قالخيب، ربّئن آلوولانان قضبئني ائسرايئلئن ضئدّئنه داها دا آلوولانديريرسينيز.
اگر سئز ربّئن دالينجا گتمَکدن دؤنهسئنئز، او بوتون بو خالقي گئنه ده صحرادا ترک ادهجک و سئز اونلارين اؤلومونه سبب اولاجاقسينيز."
او واخت اونلار موسايا ياخينلاشيب ددئلر: "بورادا سورولرئمئز اوچون آغيللار، اؤولادلاريميز اوچون شهرلر تئکه‌جَيئک.
آمّا بئز اؤزوموز سئلاحلانيب ائسرايئل اؤولادلارينين قاباغيندا گتمه‌يه حاضيريق. اونلاري اؤزلرئنئن اولاجاق اؤلکهيه قدر گؤتوره‌نه‌جک، اونلاري ترک اتمه‌رئک. آنجاق اوشاقلاريميز مؤحکَملَنمئش شهرلرده قالسينلار کي، بو تورپاغين ساکئنلرئندن قورونسونلار.
ائسرايئل اؤولادلاريندان هر بئري اؤز ائرثئني آلانا قدر اِولرئمئزه قاييتماياجاغيق.
بئز اونلارلا بئرلئکده اوردونون او بئري تايينداکي هچ تورپاقدان ائرث ائستميه‌جيئک، چونکي بئزئم پاييميز شرقه طرف، اوردونون بو طرفئنه دوشوب."
موسا اونلارا بله جاواب وردی: "اگر سئز بله رفتار ادئب، ربّئن حوضوروندا دؤيوشه گتمک اوچون سئلاحلاناسينيز،
و رب دوشمنلرئني حوضوروندان قووانا قدر، هامينيز اونون حوضوروندا اوردونون او بئري تايينا سئلاحلي اولاراق کِچه‌سئنئز،
و بو تورپاق ربّئن حوضوروندا تابع اولسا، اوندا قاييدا بئلرسئنئز. ربّئن و ائسرايئلئن قاباغيندا بورجلارينيزدان آزاد اولارسينيز. او واخت بو تورپاق ربّئن حوضوروندا سئزئن مولکونوز اولار.
لاکئن اگر بله اتمَيه‌سئنئز، باخ، ربّئن ضئدّئنه گوناهاتمئش اولورسونوز و بئلئن کي، گوناهينيزا گؤره جزا آلاجاقسينيز.
اوشاقلارينيز اوچون شهرلر، سورولرئنئز اوچون آغيللار دوزَلدئن و وعده وردئيئنئزي يرئنه يتئرئن."
جاد اؤولادلاري ائله رِعوبئن اؤولادلاري موسا ائله دانيشيب اونا ددئلر: "آغاميز نجه بويورور، بئز قوللارين اله ده ادهرئک.
اوشاقلاريميز، آروادلاريميز، حيوانلاريميز و بوتون مال- حيوانيميز، اورادا گئلعاد شهرلرئنده قالارلار.
آغاميز بويوردوغو کئمي سنئن قوللارين، هاميميز موحارئبهيه سئلاحلانيب، ربّئن حوضوروندا دؤيوش اوچون چايين او طرفئنه کچه‌جيئک."
موسا اونلارين حاقّيندا کاهئن اِلعازارا، نون اوغلو يوشَعه و ائسرايئل اؤولادلارينين قبئله باشچيلارينا امر اتدي.
موسا اونلارا ددي: "اگر جادلي‌لارلا رِعوبئن اؤولادلاري سئلاحلانيب ربّئن حوضوروندا سئزئنله اوردون چايينين او بئري تايينا کچسه‌لر و اؤلکه سئزه تابع اولسا، اوندا گئلعاد تورپاغيني اونلارا مولک اولاراق ورئن.
آمّا اگر اونلار سئلاحلانيب سئزئنله چايين او بئري تايينا کچمسه‌لر، اونلار سئزئن آرانيزدا، کَنَعان تورپاغيندا مئراث آلاجاقلار."
جاد اؤولادلاري ائله رِعوبئن اؤولادلاري بله جاواب وردئلر: "رب سنئن قوللارينا نجه ديئب، بئز ده اله اده‌جيئک.
بئز ربّئن حوضوروندا سئلاحلانيب چايدان کَنَعان تورپاغينا کچه‌جيئک، لاکئن بئزئم مئراث آلاجاغيميز تورپاق اوردونون بو تاييندا اولسون."
بلجه موسا اِمورلولار پادشاهي سئخونون اؤلکهسئني، باشان پادشاهي عوگون اؤلکهسئني، اطراف شهرلري و تورپاقلاري ائله بئرلئکده رِعوبئن اؤولادلاري ائله جاد اؤولادلارينا و يوسئف اوغلو مِنَسّه قبئلهسئنئن ياريسينا وردی.
جاد اؤولادلاري دئبونو، عَطاروتو، عَروعِري،
عَتروت-شوفاني، يَعزِري، يوگبوهاني،
بِت‌نئمراني، بِت‌خاراني مؤحکَملَنمئش شهرلر اولاراق برپا اتدئلر و سورولر اوچون آغيللار دوزلتدئلر.
رِعوبئن اؤولادلاري خِشبونو، اِلعالِه‌ني، قئرياته‌يئمي،
نِبونو و بَعَل‌مِعونو کي، بو آخير ائکي آد ديئشئلدي، هم ده سئبماني برپا اتدئلر. تئکدئکلري شهرلره آيري آدلار قويدولار.
مِنَسّه اوغلو ماکئرئن اؤولادلاري گئلعادا گدئب اوراني اَله کچئرتدئلر و اوراداکي اِمورلولاري قوودولار.
موسا گئلعادي مِنَسّه اوغلو ماکئره وردی و ماکئر اورادا ساکئن اولدو.
مِنَسّه نسلئندن اولان ياعئر گدئب اِمورلولارين شهرلرئني آلدي و آدلاريني خَوّوت-ياعئر قويدو.
نوبَخ گدئب قِناتي و اطرافداکي کَندلري آلدي. اوراني دا اؤز آدينا گؤره نوبَخ قويدو.
ائسرايئل اؤولادلارينين کؤچلري بونلاردير کي، موسا و هارونون باشچيليغي ائله قوشون-قوشون مئصئردن چيخديلار.
موسا ربّئن امرئنه گؤره اونلارين کؤچلرئني و قالديقلاريني قيد اتدي. اونلارين کؤچلري و قالديقلاري يرلر بونلاردير:
ائسرايئل اؤولادلاري پاسخا بايرامينين سحري، بئرئنجي آيين اون بشئنده مئصئرلی‌لرئن گؤزو قاباغيندا جسارتله رَعمِسِسدن يولا دوشدولر.
او واخت مئصئرلی‌لر ربّئن قيرديغي بوتون ائلک اوغوللاريني باسديريرديلار. رب اونلارين آللاهلاريني دا جزالانديرميشدي.
ائسرايئل اؤولادلاري رَعمِسِسدن يولا چيخيب، سوکّوتدا دوشَرگه سالديلار.
سوکّوتو ترک ادئب، صحرانين قيراغينداکي اِتامدا دوشَرگه سالديلار.
اِتامدان کؤچوب، بَعَل‌صِفونون شرقئنده پي‌حَخئروتا قاييتديلار و مئگدولون موقابئلئنده دوشَرگه سالديلار.
پي‌حخئروتو ترک ادئب، دهنزئن اورتاسيندان کچه‌رک صحرايا چيخديلار. اِتام صحراسيندا اوچ گون يول گدئب، سونرا مارادا دوشَرگه سالديلار.
مارادان کؤچوب، اِلئمه گلدئلر؛ اِلئمده اون ائکي سو چشمه‌سي و يتمئش خورما آغاجي وار ائدي. اونلار اورادا دوشَرگه سالديلار.
اِلئمي ترک ادئب، قيرميزي دهنزئن کناريندا دوشَرگه سالديلار.
قيرميزي دهنزئن کناريندان آيريليب، سئن صحراسيندا دوشَرگه سالديلار.
سئن صحراسيندان کؤچوب، دوفقادا دوشَرگه سالديلار.
دوفقادان کؤچوب، آلوشدا دوشَرگه سالديلار.
آلوشو ترک ادئب، رِفئدئمده دوشَرگه سالديلار؛ اورادا ائدي کي، خالق اوچون ائچمه‌يه سو تاپيلمادي.
رِفئدئمدن آيريليب، سئنا صحراسيندا دوشَرگه سالديلار.
سئنا صحراسيندان يولا دوشوب، قئبروت-هَتّعه‌وادا دوشَرگه سالديلار.
قئبروت-هَتّعه‌واني ترک ادئب، خَصِروتدا دوشَرگه سالديلار.
خَصِروتو ترک ادئب، رئتما‌دا دوشَرگه سالديلار.
رئتماني ترک ادئب، رئمّون‌پِرِصده دوشَرگه سالديلار.
رئمّون‌پِرِصدن کؤچوب، لئبنادا دوشَرگه سالديلار.
لئبنادان آيريليب، رئسّادا دوشَرگه سالديلار.
رئسادان کؤچوب، قِهِلاتادا دوشَرگه سالديلار.
قِهِلاتادان کؤچوب، شِفِر داغيندا دوشَرگه سالديلار.
شِفِر داغيني ترک ادئب، خَرادادا دوشَرگه سالديلار.
خَرادادان آيريليب، مَقهِلوتدا دوشَرگه سالديلار.
مَقهِلوتو ترک ادئب، تاخَتده دوشَرگه سالديلار.
تاخَتدن آيريليب تِرَخده دوشَرگه سالديلار.
تِرَخدن کؤچوب، مئتقادا دوشَرگه سالديلار.
مئتقاني ترک ادئب، خَشمونادا دوشَرگه سالديلار.
خَشمونادان آيريليب، موسِروتدا دوشَرگه سالديلار.
موسِروتو ترک ادئب، بِنه‌يَعه‌قاندا دوشَرگه سالديلار.
بِنه‌يَعه‌قاندان آيريليب، خور‌حَگّئدگاددا دوشَرگه سالديلار.
خور‌حَگّئدگادي ترک ادئب، يوطباتادا دوشَرگه سالديلار.
يوطباتادان کؤچوب، عَبرونادا دوشَرگه سالديلار.
عَبروناني ترک ادئب، عِصيون گِبِرده دوشَرگه سالديلار.
عِصيون گِبِري ترک ادئب، سئن صحراسيندا، يعني قِدِشده دوشَرگه سالديلار.
قِدِشدن آيريليب، اِدوم اؤلکه‌سئنئن قيراغينداکي هور داغيندا دوشَرگه سالديلار.
اوندا کاهئن هارون ربّئن امرئنه گؤره هور داغينا چيخدي و ائسرايئل اؤولادلارينين مئصئر اؤلکهسئندن چيخماسينين قيرخينجي ائلئنده، بشئنجي آيين بئرئنجي گونونده اورادا اؤلدو.
هارون هور داغيندا اؤلَنده يوز ائيئرمي اوچ ياشيندا ائدي.
کَنَعان اؤلکه‌سئنئن نِگِب بؤلگهسئنده ياشايان کَنَعانلي عَراد پادشاهي اشئتدي کي، ائسرايئل اؤولادلاري گلئب.
ائسرايئل اؤولادلاري هور داغيندان آيريليب صَلمونادا دوشَرگه سالديلار.
صَلموناني ترک ادئب، پونوندا دوشَرگه سالديلار.
پونوندان کؤچوب، اوبوتدا دوشَرگه سالديلار.
اوبوتو ترک ادئب، موآب سرحدئنده‌کي عئيِه‌عَبارئمده دوشَرگه سالديلار.
عئيئمي ترک ادئب، دئبون-گاددا دوشَرگه سالديلار.
دئبون-گاددان آيريليب، عَلمون‌دئبلاتايئمده دوشَرگه سالديلار.
عَلمون‌دئبلاتايئمي ترک ادئب، نِبونون موقابئلئنده اولان عَبارئم داغلاريندا دوشَرگه سالديلار.
عَبارئم داغلاريندان آيريليب، اوردون چايي يانيندا، اَرئحانين موقابئلئنده اولان موآب اووالاريندا دوشَرگه سالديلار.
اوردون چايي بويونجا بِت‌يِشئموتدان آبِل-شئتّئمه قدر موآب اووالاريندا دوشَرگه سالديلار.
اورادا، اوردون چايي يانيندا، اَرئحانين موقابئلئندهکي موآب اووالاريندا رب موسايا بله ددي:
"ائسرايئل اؤولادلاري ائله دانيشيب اونلارا بله دِه: «اوردون چاييندان کَنَعان اؤلکهسئنه کچنده،
اؤلکهده ياشايان بوتون اهالئني قووون. اويما داشلارينين، تؤکمه بوتلرئنئن هاميسيني يوخ ادئن. اونلارين بوتون پرستئشگاهلاريني داغيدين.
اؤلکهني اَله کچئردئب اورادا ياشايين، چونکي اوراني سئزه ورمئشم کي، اونا مالئک اولاسينيز.
پوشکله اؤلکهني طايفالارينيز آراسيندا مئراث بؤلون. بؤيوکونه بؤيوک تورپاق پايي، کئچئيئنه کئچئک تورپاق پايي ورئن. کئمئن پوشکونه نه چيخسا، قوي اورا اونون اولسون. پايلارينيزي آتالارينيزين قبئله‌لرئنه گؤره ائرث آلين.
آمّا اگر يرلي اهالئني قووماياسينيز، قالانلار چؤپ کئمي گؤزونوزده، تئکان کئمي ده بؤيرونوزده قالاجاق. ياشاياجاغينيز اؤلکهده سئزه اَذئيّت ورهجکلر.
من ده اونلارا نه اتمک نئيّتئنده اولسام، اونو سئزئن باشينيزا گتئره‌رم.»"
سونرا رب موسا ائله دانيشيب ددي:
"ائسرايئل اؤولادلارينا امر ات و اونلارا دِه: «کَنَعان اؤلکهسئنه گئره‌جَيئنئز، ائرث اولاراق سئزه دوشهجک تورپاق، يعني کَنَعان تورپاغي سرحدلرئنه گؤره بودور:
جنوب طرفئنئز سئن صحراسيندان اِدوم سرحدي بويونجا اوزاناجاق. جنوب سرحدئنئز شرقه طرف دوز دهنزئنئن اوجوندان باشلاياجاق.
سرحدئنئز جنوبدان عَقره‌بّئم گردنه‌سئنه طرف دؤنوب، سئن صحراسينا کچهجک و اورادان قِدِش‌بَرنِعه‌نئن جنوبونا قدر اوزاناجاق. اورادان خَصَره‌دّارا اوزانيب، عَصمونا کچهجک.
سرحد عَصموندان مئصئر دره‌سئنه قدر گدهجک و اونون اوجو دهنزئن يانيندا اولاجاق.
قرب سرحدئنئز بؤيوک دهنزي و اونون کناري اولاجاق، قرب سرحدئنئز بله اولاجاق.
شئمال سرحدئنئز بو اولاجاق: بؤيوک دهنزدن هور داغينا قدر سرحد نئشاني قوياجاقسينيز.
هور داغيندان دا لِبو‌خَمات گردنه‌سئنه قدر نئشان قوياجاقسينيز. سرحدئن اوجو صِدادا اولاجاق.
سرحد زئفرونا قدر اوزاناجاق و اونون آخيري خَصَر‌عِيناندا اولاجاق. بو، شئمال سرحدئنئز اولاجاق.
شرق سرحدئنئزه خَصَر عِيناندان شِفاما قدر نئشان قوياجاقسينيز.
سرحد شِفامدان عَيئنئن شرق طرفئنده اولان رئبلايا اِنهجک؛ و اورادان کئنّرِت دهنزئنئن شرق کنارينداکي ياماجا چاتاجاق.
سونرا سرحد اوردون چايي بويونجا اِنهجک و اونون اوجو دوز دهنزئنئن يانيندا اولاجاق. هر طرفدن اؤلکه‌نئزئن سرحدلري بونلار اولاجاق.»"
بلجه موسا ائسرايئل اؤولادلارينا امر ادئب ددي: "بو او تورپاقدير کي، سئز اونو پوشکله بؤلمه‌لي‌سئنئز. ربّئن امري ائله اونو دوقّوز ياريم قبئله آراسيندا بؤلمه‌لي‌سئنئز.
چونکي رِعوبئن اؤولادلارينين قبئله‌سي، جاد اؤولادلارينين قبئله‌سي، و مِنَسّه قبئلهسئنئن او بئري ياريسي اؤز ائرثئني آليبلار.
بو ائکي ياريم قبئله اَرئحانين موقابئلئنده، اوردون چايينين شرق طرفئنده ائرثلرئني آليبلار."
سونرا رب موسا ائله دانيشيب ددي:
"بودور او آداملارين آدلاري کي، تورپاقلاري سئزه ائرث بؤله‌جکلر: کاهئن اِلعازار و نون اوغلو يوشَع.
تورپاقلاري بؤلمَک اوچون هر قبئلهدن بئر نفر رهبر گؤتورون.
بو آداملار بونلاردير: يهودا قبئلهسئندن يِفونّه اوغلو کالئب؛
شَمعون اؤولادلارينين قبئلهسئندن عَمّئهود اوغلو شَموئل؛
بِنيامئن قبئلهسئندن کئسلون اوغلو اِلئداد؛
دان اؤولادلارينين قبئلهسئندن رهبر اولان يوگلي اوغلو بوقي؛
يوسئف اوغوللاريندان: مِنَسّه اؤولادلارينين قبئلهسئندن رهبر اولان اِفود اوغلو خَنّي‌اِل؛
اِفرايئم اؤولادلارينين قبئلهسئندن رهبر اولان شئفطان اوغلو قِمواِل؛
زِبولون اؤولادلارينين قبئلهسئندن رهبر اولان پَرناک اوغلو اِلئصافان؛
يئسّاکار اؤولادلارينين قبئلهسئندن رهبر اولان عَزّان اوغلو پَلطي‌اِل؛
آشِر اؤولادلارينين قبئلهسئندن رهبر اولان شِلومي اوغلو اَخئهود؛
نَفتالي اؤولادلارينين قبئلهسئندن رهبر اولان عَمّئهود اوغلو پِده‌‌هِل.»
بونلار ربّئن امر اتدئيي آداملاردير کي، کَنَعان تورپاغيندا ائسرايئل اؤولادلارينا تورپاقلاري ائرث بؤله‌جک ائدئلر.
اوردون چايينين يانيندا، اَرئحانين موقابئلئنده اولان موآب اووالاريندا رب موسا ائله دانيشيب اونا ددي:
"ائسرايئل اؤولادلارينا امر ات کي، مولک اتدئکلري تورپاقدا، لاوئلی‌لره ياشاماق اوچون شهرلر ورسئنلر؛ سن شهرلرئن اطرافيندا لاوئلی‌لره اوتلاقلار دا ور.
بلجه، لاوئلی‌لرئن ياشاماق اوچون شهرلري اولاجاق، مال-حيوانلاري، سورولري و بوتون باشقا حيوانلاري اوچون ده اوتلاقلاري اولاجاق.
لاوئلی‌لره وره‌جيئن شهرلرئن اطرافينداکي اوتلاقلار، شهر دوواريندان مئن قولاچ اوزاناجاق.
شهر اورتادا اولوب، شهرئن باييريندان شرق طرفئني ائکي مئن قولآچ، جنوب طرفئني ائکي مئن قولآچ، قرب طرفئني ائکي مئن قولآچ، و شئمال طرفئني ائکي مئن قولآچ اؤلچون. بو اونلار اوچون شهر اوتلاقلاري اولسون.
لاوئلی‌لره وره‌جيئن شهرلرئن آلتيسي پناه شهري اولاجاق کي، آدام اؤلدورَن بئري اورايا قاچا بئلسئن. بونلاردان باشقا قيرخ ائکي شهر ده ورئن.
لاوئلی‌لره وره‌جيئن شهرلرئن جَمي قيرخ سکّئز شهر اولاجاق. اونلاري اوتلاقلاري ائله بئرلئکده ورئن.
ائسرايئل اؤولادلاريندان لاوئلی‌لره وره‌جيئن شهرلري هر قبئلهيه دوشَن پايين نئسبَتئنده آلين؛ چوخ شهري اولان قبئلهدن چوخ شهر، آز شهري اولان قبئلهدن آز شهر آلين."
سونرا رب موسا ائله دانيشيب اونا ددي:
"ائسرايئل اؤولادلاري ائله دانيش و اونلارا دِه: «سئز اوردون چاييني کچئب کَنَعان تورپاغينا گئرنده
اؤزونوز اوچون بعضی شهرلري پناهگاه شهرلر سچئن کي، سَهوَن آدام اؤلدورَن اورايا قاچسين.
بونلار اؤله‌نئن قئصاصيني آلاندان پناهگاه شهرلرئنئز اولسون کي، آدام اؤلدورَن شخص جاماعاتين قاباغيندا موحاکئمه اولونانا قدر اؤلدورولمه‌سئن.
ورهجيئنئز بو آلتي شهر پناهگاه شهرلر اولسون.
اوردون چايينين او بئري تاييندا اوچ شهر و کَنَعان تورپاغيندا دا اوچ شهر ورئن. بونلار پناهگاه شهرلر اولسون.
بو آلتي شهر ائسرايئل اؤولادلارينا، آرالاريندا ياشايان ياد اِللی‌لره و قرئبلره پناهگاه شهرلري اولاجاق؛ بله کي سهون بئرئني اؤلدورَن هر کس اورايا قاچا بئلسئن.
اگر بئري دمئر بئر آلَتله آيري بئرئني ووروب اؤلدورب، او آدام قاتئلدئر. قاتئل اؤلدورولمه‌لي‌دئر.
اگر بئري آيري بئرئني بئر داشينان وورسا و آدام اؤلسه، اوندا او آدام قاتئلدئر. قاتئل اؤلدورولمه‌لي‌دئر.
و يا اگر اونو الئنده‌کي آغاج بئر آلَتله وورسا و او آدام اؤلسه، او آدام قاتئلدئر. قاتئل اؤلدورولمه‌لي‌دئر.
تؤکولَن قانين قئصاصيني آلان، اؤزو قاتئلي اؤلدورسون، اونونلا راست گلدئيي زامان اؤلدورسون.
اگر اونو کئنله ائته‌له‌يئب و يا کمئنده دوروب اونا طرف بئر شي آتيب اؤلدوروب،
يا دا عداوته گؤره اونو الي ائله ووروب اؤلدوروب، ووران گرک اؤلدورولسون. او قاتئلدئر، تؤکولَن قانين قئصاصيني آلان آدام قاتئله راست گلدئيي زامان اونو اؤلدورسون.
لاکئن عداوتي اولماياراق بئرئني قَفلَتَن ائته‌له‌مئش اولسا، و يا کمئنده دورمادان اونا بئر شي آتميش اولسا،
يا دا اونو گؤرمهمئش اوستونه آدام اؤلدوره بئلَن بئر داش دوشوردوب اؤلدورموش اولسا، حال بو کي، اونا دوشمن ديئلمئش و زئيان يتئرمک ده ائستمه‌مئشدئر،
او زامان، آدام اؤلدورَنله تؤکولَن قانين قئصاصيني آلان آدام آراسيندا بو حؤکملره موطابئق جاماعات حؤکم چيخارداجاق.
جاماعات آدام اؤلدوره‌ني، تؤکولَن قانين قئصاصيني آلانين الئندن قورتاراجاق، قاچديغي پناهگاه شهره گری گؤندره‌جک؛ و او، موقدّس ياغلا مسح اولونموش باش کاهئنئن اؤلومونه قدر اورادا قالاجاق.
اگر آدام اؤلدورَن قاچديغي پناهگاه شهرئن سرحدئني کچسه،
او واخت اگر تؤکولَن قانين قئصاصيني آلان آدام، اؤلدوره‌ني پناهگاه شهرئن سرحد کناريندا تاپيب اؤلدورسه، او، قاتئل ساييلماياجاق.
چونکي آدام اؤلدورَن، باش کاهئنئن اؤلومونه قدر، پناه توتدوغو شهرده قالمالي ائدي. لاکئن باش کاهئنئن اؤلوموندن سونرا اؤز مولکو اولان تورپاغينا قاييدا بئلر.
بونلار نسئلدن-نسله بوتون ياشاديغينيز يرلرده قايدا و حؤکم اولاجاق.
آدام اؤلدورَن، شاهئدلرئن شهادتي ائله اؤلدورولسون. لاکئن هچ بئر قاتئل تک شاهئدئن شهادتي ائله اؤلدورولمه‌سئن.
اؤلوم جزاسينا لايئق قاتئلئن جاني اوچون کفّاره آلمايين، چونکي او، اؤلدورولمه‌لي‌دئر.
پناهگاه شهرئنه قاچان اوچون کفّاره آلمايين کي، باش کاهئنئن اؤلوموندن قاباق تورپاغينا دؤنوب ياشاسين.
بلجه اولدوغونوز اؤلکهني نجئسلَمه‌يئن. چونکي قان تؤکمک اؤلکهني نجئس ادر، و اؤلکهده تؤکولَن قانين عوضي آنجاق اونو تؤکه‌نئن قاني ائله کفّاره اولونا بئلر.
ياشاديغينيز، اؤلکهني کي، من ده اوندا ساکئنم، نجئس اتمهيئن. چونکي من ائسرايئل اؤولادلاري آراسيندا ساکئن اولان ربّم.»"
يوسئف اؤولادلارينين نسئل‌لرئندن مِنَسّه اوغلو، ماکئر اوغلو، گئلعاد اؤولادلارينين عايئله باشچيلاري ياخينلاشيب، موسانين قاباغيندا و ائسرايئل طايفالارينين باشچيلاري اولان رهبرلرئن قاباغيندا دانيشيب،
بله ددئلر: "رب آغاميزا امر اتدي کي، اؤلکهني ائسرايئل اؤولادلارينا پوشکله ائرث اولاراق ورئن. رب طرفئندن آغاميزا امر اولوندو کي، قارداشيميز صِلوفخادين ائرثئني اونون قيزلارينا ورسئن.
اگر صِلوفخادين قيزلاري آيري بئر ائسرايئل قبئلهسئنئن کئشئلرئنه اَره گتسه‌لر، اونلارين ائرثي بئزئم آتالاريميزين ائرثئندن گؤتورولوب، اَرلرئنئن قبئله ائرثئنه قاتيلاجاق. بلجه، پوشکله بئزه دوشَن پاي آزالاجاق.
ائسرايئل اؤولادلارينين آزادليق ائلي گلنده، قيزلارين ائرثي اَرلرئنئن قبئله ائرثئنه علاوه اولوناجاق. بلجه، قيزلارين ائرثي آتالاريميزين قبئلهسئنه دوشَن ائرثدن دوشهجک."
موسا ربّئن امرئنه گؤره ائسرايئل اؤولادلارينا امر ادئب ددي: "يوسئف اؤولادلارينين قبئله‌سي دوز ديئر.
صِلوفخادين قيزلاري حاقّيندا ربّئن امر ادئب ددئيي سؤز بودور: «اونلار اؤز ائستهدئکلري کئشئيه اَره گده بئلرلر، آنجاق آتالارينين منصوب اولدوغو قبئلهدن اولان آداما کي، نسئل ائچئندهدئر، اَره گتمه‌لي‌دئرلر.
بلجه ائسرايئل اؤولادلارينين ائرثي قبئلهدن قبئلهيه کچمز. چونکي ائسرايئل اؤولادلارينين هر بئري آتالاري قبئلهسئنئن ائرثئنه باغلي قالماليدير.
ائسرايئل قبئلهلرئندن هر هانسي بئرئنده ائرثه مالئک اولان هر قيز، آتاسينين منصوب اولدوغو قبئلهدن و نسئلدن اَره گتمه‌لي‌دئر کي، هر بئر ائسرايئل اؤولادي آتالارينين ائرثئنه مالئک اولسون.
بلجه هچ بئر ائرث بئر قبئلهدن آيري قبئلهيه کچمز. چونکي هر بئر ائسرايئل قبئله‌سي اؤز ائرثئنه باغلي قالماليدير.»"
نجه کي، رب موسايا امراتمئشدي، صِلوفخادين قيزلاري دا اِله اتدئلر.
صِلوفخادين قيزلاري مَخلا، تئرصا، خوگلا، مئلکا، و نوعا، عَمئسي اوغلانلارينا اَره گتدئلر.
اونلار يوسئف اوغلو مِنَسّه اؤولادلارينين نسئللرئنه منصوب کئشئلره اَره گتدئلر. اونا گؤره ده ائرثي آتالارينين منصوب اولدوغو قبئله و نسئل ائچئنده قالدي.
بونلار ربّئن ائسرايئل اؤولادلارينا وردئيي امرلر و حؤکملردئر کي، اونلاري موسا واسئطهسئله اوردون چايينين يانيندا، اَرئحانين موقابئلئندهکي موآب اووالاريندا وردی.
بونلار موسانين بوتون ائسرايئله ددئيي سؤزلردئلر کي، اونلاري اوردون چايينين شرق طرفئنده، صحرادا پارانلا توفِل، لابان، خَصِروت و دي‌ذاهاب آراسيندا، سوفون موقابئلئنده اولان عَرابا دره‌سئنده ددی.
سِعئر داغينين يولو ائله خورِبدن قِدِش‌بَرنِعه‌يه گتمک اوچون اون بئر گون يول چکر.
لاکئن مئصئردن چيخديقلارينين قيرخينجي ائلئنده، اون بئرئنجي آيين بئرئنده، موسا ربّئن ائسرايئل اؤولادلارينا ورمک اوچون اونا امر اتدئيي هر شيي ددی.
بونو او زامان اتدي کي، خِشبوندا ياشايان اِمورلولارين پادشاهي سئخونو، عَشتاروت و اِدرِه‌عي‌ده ده ياشايان باشان پادشاهي عوگو مغلوب اتدي.
اوردون چايينين شرق طرفئنده يِرلَشَن موآب تورپاغيندا، موسا بو قانوني تشرئح اتمه‌يه باشلادي.
"خورِبده اولاندا تاريميز رب بئزئمله دانيشيب بله ددي: «بَسدئر بو داغدا قالديغينيز!
بورادان کؤچون و سفره داوام ورئب، اِمورلولارين داغليق بؤلگهسئنه گدئن، عَرابا دره‌سئنده، داغلاردا، هامار بؤلگه‌ده، نِگِبده و دهنز کناريندا ياشايان بوتون قونشو خالقلارين آراسينا گدئن، کَنَعان تورپاغينا و لوبنانا گدئن کي، بؤيوک فَرات چايينا قدر اوزانير.
باخين، بو تورپاقلاري سئزه وردئم؛ گدئن و بو تورپاغا کي، رب اونو آتالارينيزا، يعني ائبراهئمه، ائسحاقا، يعقوبا و اونلاردان سونرا گلن اؤولادلارينا ورمه‌سئني آند ائچئب، مالئک اولون.»
او واخت من سئزئنله دانيشيب بله ددئم: تکباشينا سئزئن يوکونوزو داشيماغا قادئر ديئلم.
تارينيز رب سئزي چوخالديب و باخ، بو گون سئز گؤيون اولدوزلاري قدر چوخسونوز.
قوي آتالارينيزين تاريسي ربّ، وعده وردئيي کئمي، سئزي اولدوغونوزدان مئن قات آرتيق چوخالتسين و سئزه برکت ورسئن.
من سئزئن زحمتئنئزه، يوکونوزه، و داعوالارينيزا تک باشينا نجه تاب گتئره بئله‌رم؟
اؤزونوز اوچون هر قبئلهدن حئکمتلي، بصئرتلي، و تجروبه‌لي کئشئلر سچئن. من اونلاري سئزه باشچي تعيئن ادهجيم.
سئز ده جاواب ورئب دِدئنئز: اتمه‌يئمئز اوچون سن دئيَن ياخشيدير.
بلجه من قبئله‌لرئنئزئن حئکمتلي و تجروبه‌لي باشچيلاريني گؤتوروب سئزه مئنباشي، يوزباشي، اَلّي‌باشي، اونباشي و قبئله مأمورلاري تعيئن اتدئم.
او واخت حاکئملرئنئزه امر ادئب ددئم: آرالاريندا موناقئشه‌سي اولان هموطنلرئنئزي اشئدئن. موناقئشه ائستر ائسرايئللي هموطنلرئنئز آراسيندا اولسون، ائستر بئر ائسرايئللي ائله ياداِلّي آراسيندا اولسون، حؤکم چيخاردارکَن عدالتلي اولون.
هچ کئمه طرفدارليق اتمهيئن؛ کئچئيي ده بؤيوک کئمي اشئدئب حؤکم چيخاردين. ائنساندان قورخمايين، چونکي حؤکم تارينيندير. سئزئن اوچون چتئن اولان موناقئشه‌لي مَسَله‌‌ني منئم يانيما گتئرئن. من اونلارا قولاق آسارام.
او واخت اده‌جَيئنئز شيلرئن هاميسيني سئزه امر اتدئم.
سونرا بئز خورِبدن کؤچدوک. تاريميز ربّئن بئزه امر اتدئيي کئمي گؤردويونوز بؤيوک و قورخولي صحراني کچئب، اِمورلولارين داغليق بؤلگهسئنه طرف کؤچدوک و قِدِش‌بَرنِعه‌يه چاتديق.
من سئزه ددئم: تاريميز ربّئن بئزه وره‌جيي اِمورلولارين داغليق بؤلگهسئنه چاتيبسينيز.
گؤرون، تارينيز رب بو تورپاغي سئزه ورئب. قالخين و آتالارينيزين تاريسي ربّئن سئزه ددئيي کئمي اورايا مالئک اولون. هچ نَدن قورخوب چکئنمه‌يئن.
او زامان هامينيز يانيما گلئب دِدئنئز: قوي اؤزوموزدن قاباق آداملار گؤنده‌رک کي، تورپاغي بئزئم اوچون نظردن کچئرتسئنلر. قوي گده‌جيئمئز يول و چاتاجاغيميز شهرلر بارهده اونلار بئزه معلومات گتئرسئنلر.
بو فئکئر خوشوما گلدي. اون ائکي نفر گؤتوردوم يعني هر قبئلهدن بئر نفر.
اونلار داغليق بؤلگهسئنه دؤنوب اورايا گتدئلر. اِشکول دره‌سئنه قدر گلئب اوراني گؤزدن کچئرتدئلر.
سونرا بو تورپاغين ثمرئندن اَللرئنه گؤتوروب، يانيميزا اِنئب قاييتديلار و بله معلومات وردئلر: تاريميز ربّئن بئزه وره‌جيي تورپاق، ياخشي تورپاقدير
آمّا سئز تارينيز ربّئن امرئنه عاصي چيخيب، اورايا گتمک ائستمه‌دئنئز.
اؤز چاديرلارينيزدا ديئنئب دِدئنئز: رب بئزدن نئفرت اتدئيي اوچون، بئزي مئصئر اؤلکهسئندن چيخارتدي کي، اِمورلولارين الئنه تسلئم ادئب بئزي هلاک اتسئن.
آخي بئز هارا گِدئرئک؟ قارداشلاريميز اوره‌يئمئزي اوزدولر. ديئرلر: ‹او خالق ساييجا بئزدن چوخ و اوجابويدور؛ شهرلري بؤيوکدور و گؤيه چاتان دووارلاري وار. بوندان علاوه، عَناقلي‌لاري دا اورادا گؤردوک.›
او واخت من سئزه ددئم: اونلاردان قورخمايين، چکئنمه‌يئن.
قاباغينيزدا گِدن تارينيز رب اؤزو سئزئن اوچون دؤيوشه‌جک، نجه کي، گؤزلرئنئزئن قاباغيندا مئصئرده اتدي.
صحرادا، يِرئدئيئنئز بوتون يولدان بو يره چاتانا قدر، گؤردونوز کي، ائنسان اؤز بالاسيني آپارديغي کئمي، تارينيز رب ده سئزي اِله آپاردي.
بوتون بونلاري نظرده آلماييب تارينيز ربّه اعتئماد اتمه‌دئنئز،
اونا کي، قاباغينيزجا يول گِدئر و سئزئن دوشَرگه سالماغينيز اوچون ير آختارير؛ گجه اودلا، گوندوز ده بولودلا گده‌جَيئنئز يولو سئزه گؤرسدئر.
رب بو دانيشاجاغينيزي اشئدئب قضبلَندي و آند ائچئب ددی:
بو آداملارين هچ بئري، بو پئس نسئل، آتالارينيزا ورمک اوچون آند ائچدئيئم بو ياخشي تورپاغي گؤرمَيه‌جک،
مگر يِفونّه اوغلو کالئب؛ کالئب اوراني گؤرهجک. آياق باسديغي تورپاغي اونا و اونون اؤولادلارينا ورهجيم، چونکي کامئل بئر شکئلده ربّئن دالينجا گدئب.
سئزه گؤره رب منه ده قضبلَندي و بله ددي: سن ده اورايا گئرمَيه‌جکسن.
اورايا سنئن کؤمکچئن نون اوغلو يوشَع گئرهجک. اونو تشوئق ات، چونکي ائسرايئلئن اورايا مالئک اولاجاغينا او باعئث اولاجاق.
بالالارينيز کي، ديئردئنئز ‹اسئر اولاجاقلار›، و اؤولادلارينيز کي، ياخشيني پئسدن حله آييرا بئلمئرلر، اورايا گئرهجکلر. اؤلکهني اونلارا ورهجيم و اونلار اورايا مالئک اولاجاقلار.
آمّا سئز دؤنون و قيرميزي دهنز يولوندان صحرايا کؤچون.
سونرا سئز منه بله جاواب ورئب دِدئنئز: ربّئن ضئدّئنه گوناه اتمئشئک. دوغرودان دا چيخيب تاريميز ربّئن بئزه امر اتدئيي کئمي دؤيوشه‌جيئک. هامينيز دؤيوش سئلاحلاريني گِيئندئنئز و داغليغا چيخماغين آسان اولدوغونو دوشوندونوز.
رب منه ددي: اونلارا دِه: ‹دؤيوشه چيخمايين، من سئزئن آرانيزدا يوخام. مبادا دوشمنلرئنئزه مغلوب اولاسينيز.›
من ده سئزه بله ددئم، آمّا سئز منئم سؤزومه قولاق آسمادينيز. ربّئن امرئنه عاصي اولوب، اؤزباشليق ادئب داغليق بؤلگه‌يه چيخدينيز.
بو داغليق بؤلگهسئنده ياشايان اِمورلولار موقاوئمَت گؤرسدئب، سئزه آري کئمي هوجوم اتدئلر و سئزي سِعئردن خورمايا قدر قيرديلار.
او واخت قاييديب ربّئن حوضوروندا آغلادينيز، لاکئن رب سئزئن سَسئنئزي اشئتمه‌دي و سئزه قولاق آسمادي.
بلجه اوزون بئر زامان اورادا، قِدِشده قالدينيز.
ربّئن منه امر اتدئيي کئمي قاييديب، قيرميزي دهنز يولو ائله صحرايا کؤچدوک. چوخ گونلر سِعئر داغيني گَزئب دولانديق.
رب منئمله بله دانيشيب، ددي:
بَسدئر بو قدر بو داغي گَزئب دولانماغينيز. ائندي شئمالا طرف دؤنون.
خالقا بله امر ات: ‹عئسو اؤولادلارينين تورپاغيندان کی، سِعئرده ياشايان قوحوملارينيزدير، کچه‌جکسئنئز. اونلار سئزدن قورخاجاقلار، بونا گؤره چوخ دئقّتلي اولون.
اونلارلا موناقئشه ياراتمايين، چونکي تورپاقلاريندان بئر قاريش دا سئزه ورمَيه‌جيم. چونکي من سِعئر داغيني عئسونون نسلئنه ورمئشم کي، اونلارا مولک اولسون.
اونلاردان يِمه‌يي ده، سويو دا پوللا آلين، قوی يِيئب- ائچمه‌يئنئز بله اولسون.›
چونکي تارينيز رب اَلئنئزده اولان هر ائشه برکت ورئب. بو گِنئش چؤلده گَزئب-دولانديغينيز ربّئن نظرئنده‌دئر. بو قيرخ ائل عرضئنده سئزئنله اولوب؛ هچ نَيه اِحتئياجينيز اولماييب.
بئز سِعئر داغيندا ياشايان قارداشلاريميز عئسو اؤولادلاريندان، عَرابا يولوندان، اِيلَت و عِصيون‌گِبِردن گتدئک. دؤنوب موآب صحراسي يولوندان کچدئک.
رب منه ددي: موآبلي‌لاري ائنجئتمه و اونلارلا دؤيوشه گئرمه. من اونلارين تورپاغيندان سئزه هچ مولک ورميه‌جيم، چونکي عار شهرئني لوط اؤولادلاري اولان موآبلي‌لارا ورمئشم کي، اونلارا مولک اولسون.
اورادا اَوّل اِملي‌لر ياشاييرديلار؛ اونلار عَناقلي‌لار کئمي گوجلو، چوخ سايلي و اوجابوي بئر خالقديرلار.
اونلار دا عَناقلي‌لار کئمي رِفالي‌لار ساييلير، لاکئن موآبلي‌لار اونلاري اِملي‌لر چاغيريرلار.
سِعئرده ده اوّللر خورلولار ياشاييردي. لاکئن عئسو اؤولادلاري اونلاري قوودولار و اونلاري قيريب، تورپاقلاريندا ساکئن اولدولار، نجه کي، ائسرايئللی‌لر، ربّئن اونلارا مولک وردئيي تورپاغين اهالئسئنه اتدئلر.
‹ائندي دورون و زِرِد چاييني کِچئن.› بئز ده زِرِد چاييني کچدئک.
قِدِش‌بَرنِعه‌دن کؤچوب زِرِد چاييني کچنه‌جک اوتوز سکّئز ائل چکدي. اله کي، ربّئن آند ائچدئيي کئمي دوشَرگه‌ده اولان او دؤورده‌کي نسلئن دؤيوشچولرئنئن هاميسي اؤلدولر.
دوغرودان دا، ربّئن اَلي اونلارين ضئدّئنه ائدي کي، اونلاري اوردوگاهدان هلاک ادئب هاميسيني يوخ اتسئن.
خالقين بوتون دؤيوش آداملاري اؤلوب-قورتاراندان سونرا،
رب منئمله دانيشيب بله ددي:
سئز بو گون موآب سرحدئندن يعني عار شهرئندن کچه‌جکسئنئز.
عَمّون اؤولادلارينا ياخينلاشاندا، اونلاري ائنجئتمه‌يئن و موناقئشه ياراتمايين، چونکي عَمّون اؤولادلارينين تورپاغيندان سئزه هچ مولک ورميه‌جيم، اونا گؤره کي اوراني دا لوط اؤولادلاري اولان عَمّونلولارا مولک ورمئشم.
(اورا رِفالي‌لارين تورپاغي دا ساييلير، چونکي اَوّللر اورادا رِفالي‌لار ياشاييردي. عَمّونلولار اونلاري زَمزوملولار چاغيريرلار.
اونلار عَناقلي‌لار کئمي گوجلو، چوخ سايلي و اوجابوي بئر خالق ائدي، آمّا رب اونلاري عَمّونلولارين قاباغيندان يوخ اتمئشدي. عَمّونلولار اونلاري قوووب، يرلرئنده ساکئن اولموشدولار.
رب سِعئرده ياشايان عئسو اؤولادلاري اوچون ده همئن ائشي گؤروب، خورلولاري اونلارين قاباغيندان يوخ اتمئشدي. عئسو اؤولادلاري خورلولاري قوووب، يرلرئنده بو گونه قدر ساکئندئرلر.
کَفتوردان چيخان کَفتورلولار دا، کَندلرده ياشايان عَوّئلی‌لري، غَزّه‌يه قدر، قيرديلار و اونلارين يرئنده ساکئن اولدولار.)
رب ددي: قالخين، کؤچون، و اَرنون دره‌سئندن کچئن. باخين! خِشبون پادشاهي اِمورلو سئخونو و اونون اؤلکهسئني سئزئن اَلئنئزه ورمئشم. اوراني آلماغا باشلايين و اونلارلا دؤيوشه گئرئن.
بو گوندن من باشلاييرام کي، سئزئن قورخو و دهشتئنئزي گؤي آلتيندا اولان بوتون خالقلارين اوره‌يئنه ساليم. سئزئن سوراغينيزي اشئدنلر قاباغينيزدا تئترهيئب بوزوشه‌جکلر.
قِدِموت صحراسيندان خِشبون پادشاهي سئخونون يانينا قاصئدلر گؤندردئم کي، باريش بارهده دانيشسينلار. اونا ددئم:
ائجازه ور، سنئن تورپاغيندان کِچک. فقط گِنئش يولدان کچه‌جيئک، اورادان نه صاغا، نه ده سولا دؤنه‌جيئک.
يِمه‌يئمئز اوچون بئزه يمک ساتارسينيز، ائچمه‌يئمئز اوچون بئزه سو ساتارسينيز. بئزه اؤلکهني پئيادا کچمک کئفايتدئر.
سِعئرده ياشايان عئسو اؤولادلاري و عاردا ياشايان موآبلي‌لار اتدئيي کئمي، سن ده ائجازه ور کي، اوردون چاييندان تاريميز ربّئن بئزه وره‌جيي تورپاغا کِچک.
لاکئن خِشبون پادشاهي سئخون بئزي تورپاغيندان کچمه‌يه قويمادي. چونکي تارينيز رب، سئزه تسلئم اتمک اوچون، اونون روحونو عئنادکار و اوره‌يئني داش اتدي، نجه کي، بو گون اِله اولوب.
رب منه ددي: باخ، سئخونو و اونون اؤلکهسئني سنه تسلئم اتمه‌يه باشلاميشام. اوراني تصرّوف اتميه باشلا کي، اونون مولکونه مالئک اولاسان.
سئخون بوتون خالقي ائله دؤيوشمَک اوچون ياهَصده بئزئم قاباغيميزا چيخدي.
تاريميز رب اونو بئزه تسلئم اتدي. بئز ده سئخونو، اوغوللاريني و بوتون قوشونونو قيرديق.
او واخت اونون بوتون شهرلرئني آلديق. هر بئر شهري کئشي، آرواد و اوشاقلاري ائله بئرلئکده کامئل محو اتدئک. هچ کسي صاغ قويماديق.
آنجاق حيوانلاريني گؤتوروب، آلديغيميز شهرلري تالان اتدئک.
اَرنون درهسئنئن کَناريندا عَروعِردن و دره‌ده اولان شهردن گئلعاداجاق قاباغيميزا بئزدن گوجلو بئر شهر چيخمادي. تاريميز رب اونلارين هاميسيني بئزه تسلئم اتدي.
آنجاق عَمّون اؤولادلارينين اؤلکهسئنه، بوتون يَبّوق چايي کنارينا و داغليق بؤلگه‌سئنده‌کي شهرلره و تاريميز ربّئن قدغن اتدئيي هچ يره ياخينلاشمادينيز.
سونرا دؤنوب باشانا طرف يولا دوشدوک. باشان پادشاهي عوگ بوتون خالقي ائله برابر اِدرِه‌عي‌ده بئزئمله دؤيوشه چيخدي.
آمّا رب منه ددي: اوندان قورخما، چونکي من اونو، بوتون خالقيني و تورپاغيني سنئن الئنه تسلئم اتمئشم. خِشبوندا ياشايان اِمورلولارين پادشاهي سئخونون باشينا نه گتئردئنئز، اونون دا باشينا اله گتئرئن.
بلجه تاريميز رب باشان پادشاهي عوگو و بوتون خالقي بئزئم اَلئمئزه تسلئم اتدي. بئز ده هچ کسي صاغ بوراخمادان اونلاري قيرديق.
او واخت بوتون شهرلرئني آلديق، اونلاردان آلماديغيميز بئر شهر بله قالمادي؛ آلتميش شهر، بوتون اَرگوب دئياريني، يعني عوگون باشاندا اولان مملکتئني.
شهرلرئن هاميسي قالالي و اوجا دووارلي ائدي، دروازالاري و چَفته‌لري وار ائدي. بوندان علاوه چوخلو دووارسيز کَندلر ده وار ائدي.
خِشبون پادشاهي سئخونون باشينا گتئردئيئمئز کئمي، اونلاري دا قيريب، کئشي، آرواد و اوشاقلاري ائله برابر شهرلرئن هاميسيني کامئل محو اتدئک.
آنجاق بوتون حيوانلاري گؤتوروب، شهرلري تالان اتدئک.
بلجه او واختلار اِمورلولارين ائکي پادشاهينين اَلئندن اوردون چايينين شرقئنده‌کي اؤلکهني کي، اَرنون دره‌سئندن خِرمون داغينا قدر اوزانيردي، آلديق.
صئدونلولار خِرمونو سئريون چاغيريرلار. اِمورلولار دا اورايا سِنئر ديئرلر.
دره‌ده اولان بوتون شهرلري، بوتون گئلعادي، سَلکا و اِدرِعي‌يه قدر بوتون باشان تورپاغيني، باشان پادشاهي عوگون مملکتئني آلديق.
رِفالي‌لاردان آنجاق باشان پادشاهي عوگ صاغ قالميشدي. اونون ياتاغي دمئر تخت ائدي. عَمّون اؤولادلارينين رَبّا شهرئنده‌دئر. بو ياتاغين اؤلچوسو، او گون ائشله‌دئلَن قولآچ اؤلچوسونه گؤره، اوزونلوغوندا دوقّوز، اِنئنده ده دؤرد قولآچ ائدي.
او واخت بو تورپاقلاري اؤز مالئکئيّتئمئزه گؤتوردوک: اَرنون درهسئنئن يانيندا اولان عَروعِردن باشلانان اؤلکهني، گئلعادين داغليق بؤلگه‌سئنئن ياريسيني، شهرلري ائله برابر رِعوبئنلی‌لره و جادلي‌لارا وردئم.
گئلعادين قالان حئصّهسئني، عوگون اؤلکه‌سي اولان بوتون باشاني مِنَسّه قبئلهسئنئن ياريسينا وردئم. يعني باشان اولان بوتون اَرگوب دئياريني کي، رِفالي‌لار اؤلکه‌سي چاغيريلير.
مِنَسّه اوغلو ياعئر گِشورلولار و مَعَکاتلي‌لارين سرحدئنه قدر بوتون اَرگوب دئياريني آلدي. اورايا يعني باشانا اؤز آدي اوچون خَوّوت‌ياعئر آديني وردی کي، بو گونه قدر ده بله آدلانير.
گئلعادي ماکئره وردئم.
رِعوبئنلی‌لرله جادلي‌لارا گئلعاددان اَرنون دره‌سئنه قدر اوزانان تورپاقلاري وردئم. دره‌نئن اورتاسي اونلارين سرحدي يَبّوق چايينا قدر کي، عَمّونلولارين سرحدي ائدي.
عَرابادا سرحد اوردون چايي ائدي: کئنّرِتدن عَرابا دهنزئنه، يعني دوز دهنزئنه، شرق طرفده‌کي پئسگا ياماجلارينين آلتينا قدر اوزانيردي.
او واختلار سئزه امر ادئب ددئم: رب تارينيز بو تورپاغي سئزه مولک اولماق اوچون ورئب؛ سئزئن بوتون جنگ‌آورلرئنئز سئلاحلانيب قارداشلارينيز ائسرايئل اؤولادلارينين موقابئلئنده گدئن.
لاکئن آروادلارينيز، اوشاقلارينيز، و حيوانلارينيز (بئلئرم کي، چوخ حيوانلارينيز وار) سئزه وردئيئم شهرلرده قالمالي‌ديرلار.
او زاماناجاق کي، رب سئزئن کئمي، هموطنلرئزه ده راحاتليق ورسئن، و اونلار دا ربّئن اوردون چايينين او تاييندا، اونلارا وره‌جيي تورپاغي مالئکئيّته کچئرتسئنلر. او واخت سئز هر بئرئنئز سئزه مولک وردئيئم يره قاييدا بئلرسئنئز.
او واختلار يوشَعه امر ادئب ددئم: گؤزلرئن گؤروب کي، تارين رب بو ائکي پادشاهين باشينا نه گتئرئب! رب کچه‌جيئنئز بوتون اؤلکهلره ده بله ادهجک.
اونلاردان قورخمايين، چونکي سئزئن اوچون دؤيوشَن، تارينيز رب اؤزودور!
او زامان ربّه يالواريب ددئم:
ای پروردئگار رَب، سن اؤز بؤيوکلويونو و قودرتلي اَلئني بو قولونا گؤرسدميه باشلايبسان. گؤيده و يرده هانسي تاري وار کي، سنئن اتدئيئن بله ائشلري، قووّتلي عمللري اده بئلسئن؟
خاهئش ادئرم، قوي اوردون چاييني کچئب، اونون قرب طرفئنده اولان گؤزل تورپاغي يعني او ياخشي داغليق بؤلگه‌سئني و لوبناني گؤروم.
لاکئن سئزئن اوزونوزدن منه قضبلي ائدي و منه قولاق آسميردي؛ و رب منه ددي: بَسدئر! بو بارهده بئر داها منئمله دانيشما!
پئسگاه تپه‌سئنه چيخيب قربه، شئمالا، جنوبا و شرقه گؤز گَزدئر و اؤز گؤزلرئنله گؤر، چونکي سن اوردون چاييني کچميه‌جکسن.
يوشَعي وظئفهيه قوي، اونا اورک ور و اونو قووّتلَندئر، چونکي بو خالقين قاباغيندا او بو چايي کچهجک و گؤره‌جيئن تورپاغي اونلارا مئراث ورهجکدئر.
بونا گؤره ده بِيت‌پِعور موقابئلئنده اولان دره‌ده دايانديق.
ائندي، ای ائسرايئل، سئزه اؤيرده‌جيئم قايدالارا و حؤکملره قولاق آسين. اونلارا عمل ادهسئنئز، ياشاياجاقسينيز، آتالارينيزين تاريسي ربّئن سئزه وره‌جيي تورپاغا گئرئب، اورايا مالئک اولاجاقسينيز.
سئزه وره‌جيئم سؤزه هچ نه آرتيب-اَسکئلتمه‌يئن. فقط سئزه امر ادهجيم تارينيز ربّئن فرمانلاريني ساخلايين.
ربّئن بَعَل‌پِعور مَسَله‌سئنده نَلر اتدئيئني اؤز گؤزونوزله گؤردونوز. تارينيز رب بَعَل‌پِعورون دالينجا گدنلرئن هاميسيني آرانيزدان محو اتدي.
آمّا سئز هامينيز تارينيز ربّه باغلي قالديغينيز اوچون بو گون صاغسينيز.
باخين، تاريم ربّئن منه امر اتدئيي قايدالار و حؤکملري سئزه اؤيرتمئشم کي، مالئک اولماق اوچون گئره‌جيئنئز تورپاقدا بونلارا عمل ادهسئنئز.
اونلاري ساخلايين و اونلارا عمل ادئن، بو، آيري خالقلارا نه قدر حئکمتلي و عاغيلّي اولدوغونوزو گؤرسدر. اونلار بوتون بو قايدالاري اشئدنده دئيهجکلر کي، ‹بو بؤيوک مئلّت، حقئقتن، حئکمَتلي و عاغيلّي بئر خالقدير.›
تاريميز رب، هر دفه دوعا ادنده بئزه ياخينلاشار. هانسي مئلّت بله بؤيوکدور کي، تاريسي اونا بو جور ياخين اولسون؟
هانسي مئلّت بله بؤيوکدور کي، بو گون قاباغينيزا گتئردئيئم بو شرئعت کئمي عدالتلي قايدالارا و حؤکملره مالئک اولسون؟
آنجاق عاغلينيزي باشينيزا ييغين و دئقّتله چاليشين کي، گؤزلرئنئزلهگؤردوکلرئنئزي ياددان چيخارتماياسينيز و اونلار عؤمرونوزون بوتون گونلرئنده اوره‌يئنئزدن آيريلماسين؛ اونلاري اوغوللارينيزا و نوه‌لرئنئزه اؤيره‌دئن.
خورِبده تارينيز ربّئن قاباغيندا دايانديغينيز گونو خاطيرلايين. او زامان رب منه ددي: خالقي منئم حوضوروما بئر يره ييغ. من اؤز سؤزلرئمي اونلارا اشئتدئره‌جيم، بله کي ير اوستونده ياشاديقلاري بوتون زاماندا آنجاق مندن قورخماغي اؤيرنسئنلر و اؤولادلارينا دا اؤيرتسئنلر.
سئز ياخينلاشيب داغين اَته‌يئنده داياندينيز. داغ ياندي، آلووو گؤيون درئنلئکلرئنه چاتدي؛ گؤيون هر ياني قارانليق، بولود، و قالين ظولمت ائچئنده ائدي.
او واخت رب سئزئنله بو آلووون ائچَرئسئندن دانيشدي. سئز اونون دانيشيق سَسئني اشئتدئنئز، لاکئن هچ بئر شي گؤرمه‌دئنئز. فقط بئر سَس وار ائدي.
او سئزه عهدئني، يعني عمل اتمه‌يئنئز اوچون امر اتدئيي اون فرماني اعلان اتدي. بونلاري ائکي داش لؤوحه اوستونه يازدي.
اله او واخت رب منه امر اتدي کي، قايدالار و حؤکملري سئزه اؤيره‌دئم، اله کي، مالئک اولماق اوچون گده‌جيئنئز تورپاقدا اونلارا عمل ادهسئنئز.
بونا گؤره چوخ دئقّتلي اولون، چونکي رب خورِبده آلووون ائچَرئسئندن سئزئنله دانيشان گون هچ بئر صورت گؤرمه‌دئنئز،
اله کي، فاسئد اولماييب، اؤزونوز اوچون هر هانسي بئر جئسمه بَنزَر، کئشي و يا آروادا بَنزَر،
يرده اولان هر هانسي بئر حيوانا بَنزَر، گؤيده اوچان هر هانسي بئر قانادلي قوشا بَنزَر،
تورپاقدا سورونن هر هانسي بئر مخلوقا بَنزَر، يِرئن درئنلئکلرئنده اولان سودا ياشايان هر هانسي بئر باليغا بَنزَر، اويما بوت دوزلتمَيه‌سئنئز.
مبادا گؤزلرئنئزي گؤيه قالديريب گونو، آيي، اولدوزلاري و بوتون گؤي جئسئملرئني گؤرنده آزاسينيز و اونلاري پرستئش ادئب، اونلارا خئدمت ادهسئنئز، او شيلره کي، تارينيز رب اونلاري بوتون گؤي آلتينداکي خالقلارا ورئبدئر.
آمّا رب سئزي گؤتوروب دمئر ارئدن کورهنئن ائچئندن يعني مئصئردن چيخارديب کي، بوگونکي کئمي اونا مخصوص خالق اولاسينيز.
سئزئن اوزوزدن رب منه قضبلَندي و آند ائچدي کي، من اوردون چاييني کچميه‌جيم و ائرث اولاراق سئزه وره‌جيی او ياخشي تورپاغا گئرميه‌جيم.
چونکي من اوردون چاييني کچه بئلمه‌يئب بو تورپاقدا اؤله‌جيم. آمّا سئز او ياخشي تورپاغا کچه‌جکسئنئز و اورايا مالئک اولاجاقسينيز.
احتئياطلي اولون کي، تارينيز ربّئن سئزئنله باغلاديغي عهدي ياددان چيخارتماياسينيز و تارينيز ربّئن قدغن اتدئيي هر هانسي بئر شيه بَنزَر اويما بوت دوزلتمَيه‌سئنئز.
چونکي تارينيز رب هر شيي يانديريب ياخان آلوودور. او، قيرتلي بئر تاريدير.
سئز اؤلکهده اوزون زامان ياشاديقدان و اؤولادلارينيز، نوه‌لرئنئز دوغولاندان سونرا، اؤزونوزه هر هانسي بئر شيئن صورتئنده بوت ياراداراق اؤلکهده ياشلانديقدان سونرا يولدان آزاسينيز، تارينيز ربّئن گؤزونده پئس اولاني ادئب اونو آجيقلانديراسينيز،
سئزئن قاباغينيزدا بو گون گؤي و يري شاهئد توتورام کي، مالئک اولماق اوچون اوردون چاييني کچئب گتدئيئنئز تورپاق اوستوندن تِزلئکله يوخ اولاجاقسينيز. او تورپاقدا اوزون عؤمور سورميه‌جکسئنئز، کامئل محو اولاجاقسينيز.
رب سئزي خالقلار آراسينا داغيداجاق و آپاراجاغي يرده مئلّتلر آراسيندا ساييدا چوخ آز قالاجاقسينيز.
اورادا دا سئز ائنسانين اَل ائشي اولان آللاهلارا يعني گؤرمه‌يَن، اشئتمه‌يَن، يمه‌يَن، ائي بئلمه‌يَن آغاجدان و يا داشدان اولان آللاهلارا قوللوق ادهجکسئنئز.
آمّا او يرده تارينيز ربّي آختاراجاقسينيز. اگر اونو بوتون قَلبئنئزله، بوتون جانينيزلا آختاراسينيز، تاپاجاقسينيز.
عذابدا اولان واخت، بوتون بو شيلر باشينيزا گلن واخت، آخير گونلرده تارينيز ربّه دؤنوب اونا قولاق آساجاقسينيز.
چونکي تارينيز رب رَحملي تاريدير؛ او سئزي آتماز، محو اتمز. آتالارينيزا آندلا تصدئق اتدئيي عهدي ياددان چيخارتماز.
ائندي تارينيزين ير اوستونده ائنسان ياراتديغي گوندن بَري سئزدن اَوّلکي دؤورون گونلري بارهده گؤيلرئن بئر باشيندان او بئري باشينا قدر هاميدان سوروشون. بله بؤيوک حادئثه مگر اولوب؟ بله بئر شي مگر اشئدئلئب؟
هانسي بئر خالق سئزئن کئمي آلوو ائچَرئسئندن دانيشان تارينين سَسئني اشئدئب و صاغ قاليب؟
يا دا هانسي تاري، سئزئن تارينيز رب کئمي، مئصئرده، گؤزلرئنئز قاباغيندا، سئزئن خِيِرئنئزه ائشله‌يئب، ائمتاحانلارلا، علامتلرله، مؤجوزه‌لرله، دؤيوشلرله، قووّتلي اَلي ائله، اوزانان قولو ائله، بؤيوک زَهملري ائله آيري مئلّتدن اؤز مئلّتئني آلماغا چاليشيب؟
بوتون بونلار سئزه گؤرسدئلدي کي، ربّي تاني‌ياسينيز، رب تاريدير؛ اوندان باشقا يوخدور.
سئزي تَربئيه اتمک اوچون گؤيلردن سَسئني سئزه اشئتدئردي. ير اوستونده اؤز بؤيوک آلووونو سئزه گؤرستدي و آلووون ائچَرئسئندن اونون سؤزلرئني اشئتدئنئز.
آتالارينيزي سِودئيئندن، اونلاردان سونرا، اؤولادلاريني سچدي. و اؤزو شخصن سئزي بؤيوک قودرتي ائله مئصئردن چيخارتدي کي،
سئزدن بؤيوک و قووّتلي مئلّتلري قاباغينيزدان قووسون و سئزي اورايا گتئرسئن کي، بو گونکي کئمي، اونلارين تورپاغيني ائرث آلاسينيز.
بونا گؤره، بو گون بئلئن و اوره‌يئنئزده ساخلايين کي، يوخاريدا اولان گؤيده و آشاغيدا اولان يرده رب تاريدير. اوندان باشقا يوخدور.
بلجه بو گون سئزه وردئيئم ربّئن قايدالار و امرلرئني ساخلايين کي، سئزه و سئزدن سونرا گلن اؤولادلارينيزا خيئر گتئرسئن و تارينيز ربّئن ابدی اولاراق وردئيي بو تورپاقدا اوزون عؤمور سوره‌سئنئز."
او زامان موسا اوردون چايينين شرق طرفئنده اوچ شهر آييردي
کي، قونشوسو ائله کچمئشدن عداوتي اولمايان و بئلمه‌دن اونو اؤلدورَن آدام اورايا قاچسين و بو شهرلردن بئرئنه قاچماقلا صاغ قالسين.
بونلار رِعوبئن قبئله‌سي اوچون هامار بؤلگه‌ده يِرلَشَن صحراداکي بِصِر شهري، جادليلار اوچون گئلعادداکي راموت شهري، مِنَسّه قبئله‌سي اوچون ده باشانداکي گولان شهري ائدي.
بودور او شرئعت کي، موسا ائسرايئل اؤولادلارينين قاباغينا قويدو.
بونلار او شهادتلر، قايدالار و حؤکملردئر کي، موسا مئصئردن چيخان زامان ائسرايئل اؤولادلاري ائله دانيشدي.
بونلاري موسا اوردون چايينين شرقئنده ددی، او زامان کي، مئصئردن چيخيب بِيتپِعورون موقابئلئندهکي دره‌ده ائدئلر. بِيت‌پعور خِشبوندا ياشايان اِمورلولار پادشاهي سئخونون اؤلکه‌سي ائدي. موسا و ائسرايئل اؤولادلاري سئخونو مئصئردن چيخان زامان شئکست وردئلر.
اونون اؤلکهسئني و باشان پادشاهي عوگون اؤلکهسئني يعني اوردون چايينين شرق طرفئنده اِمورلولارين ائکي پادشاهينين اؤلکهسئني اَله کچئرتدئلر،
اَرنون دره‌سي کناريندا اولان عَروعِردن حتّا سئيون داغينا قدر يعني خِرمونا قدر،
اوردون چايينين شرقئنده اولان بوتون عَراباني حتّا عَرابا دهنزئنه قدر اولان پئسگاه ياماجلارينين آلتيناجاق آلديلار.
او واخت موسا بوتون ائسرايئللی‌لري چاغيريب ددي: "اشئت، ای ائسرايئل! بو گون سنه ددئيئم قايدالار و حؤکملري اؤيره‌نئب، اونلارا دئقّتله عمل ات!
تاريميز رب بئزئمله خورِبده عهد باغلادي.
رب بو عهدي آتالاريميزلا يوخ، بئزئمله، بوتون بورادا بو گون دئري قالانلاريميزلا باغلادي.
رب داغداکي آلووون ائچَرئسئندن سئزئنله اوزبه اوز دانيشدي.
او زامان ربّئن سؤزونو اعلان اتمک اوچون، سئزئنله ربّئن آراسيندا من دايانميشديم. چونکي سئز آلوودان قورخدوغونوزا گؤره داغا چيخمادينيز. رب ددی:
«تارين رب منم کي، سني مئصئر تورپاغيندان، نؤکرچئلئک دئياريندان چيخارتديم.
مندن باشقا هچ آللاهلارين اولماسين.
اؤزون اوچون هچ بئر اويما بوت، نه يوخاريداکي گؤيده يا دا آشاغيداکي يرده، نه ده يرئن آلتينداکي سولاردا اولان شيلرئن هچ بئرئنئن اوخشاري دوزلتمه.
بله شيلري پرستئش اتمه، اونلارا خئدمت ده اتمه. چونکي من، سنئن تارين رب، قيرتلي تارييام. مندن نئفرت ادن آتالارين جزاسيني اوچ-دؤرد نسله قدر اؤولادلارينا چکدئره‌رم.
لاکئن منی سِوئب امرلرئمه عمل ادنلرئن مئنلر نسلئنه قدر مهرئبانليق گؤرسده‌رم.
تارين ربّئن آديني بوش يره دئلئنه گتئرمه، چونکي رب اؤز آديني بوش يره دئلئنه گتئره‌ني جزاسيز قويماز.
سَبّت گونونو ساخلا و اونو موقدّس توت. نجه کي، تارين رب سنه امر ادئب.
آلتي گون چاليشيب بوتون ائشلرئني گؤر.
لاکئن يدّئنجی گون تارين ربّئن سَبّت گونودور. بو گون سن، اوغلون، قيزين، قولون، کنئزئن، اؤکوزون، اِششه‌يئن، هچ بئر حيوانين، يانيندا قالان ياد اِلّئن ده هچ بئر ائش گؤرمه‌سئن، اِله کي، قول-کنئزئن ده سنئن کئمي ائستئراحت اتسئن.
ياديندا ساخلا کي، مئصئر تورپاغيندا قول ائدئن، و تارين رب سني اورادان قووّتلي اَلي ائله، اوزانان قولو ائلهچيخارتدي؛ بونا گؤره تارين رب سنه امر اتدي کي، سَبّت گونونو ساخلاياسان.
تارين ربّئن امر اتدئيي کئمي آتا-آنانا حؤرمت ات کي، عؤمرون اوزون اولسون و تارين ربّئن سنه وره‌جيي تورپاقدا حياتين خوش کچسئن.
قتل اتمه.
زئنا اتمه.
اوغورلوق اتمه.
قونشونون ضئدّئنه يالاندان شهادت ورمه.
قونشونون آروادينا طاماح سالما. قونشونون اِوئنه، زمئسئنه، قولونا، کنئزئنه، اؤکوزونه، اِششه‌يئنه و يا هچ بئر شيئنه طاماح سالما.»
رب بو سؤزلري بوتون جاماعاتينيزا داغدا آلووون، بولودون و قالين ظولمَتئن ائچَرئسئندن اوجادان ددی و آيري بئر سؤز دِمه‌دي. سونرا بونلاري ائکي داش لؤوحه‌سي اوستونه يازيب منه وردی.
داغ آلوولانيب يانارکَن، ظولمت ائچئندن سئز اونون سَسئني اشئدنده، بوتون قبئله باشچيلارينيز و آغساقّاللارينيز منه ياخينلاشدي.
سئز بله دِدئنئز: «باخ، تاريميز رب بئزه احتئشاميني و عظمتئني گؤرسه‌دئب، بئز ده اونون سَسئني آلووون ائچَرئسئندن اشئتمئشئک. بو گون گؤردوک کي، تاري ائنسانلا دانيشير و ائنسان حله ده صاغ قالير.
ائندي نئيه اؤلَک؟ چونکي بو بؤيوک آلوو بئزي کوله دؤندره‌جک. اگر تاريميز ربّئن سَسئني داها آرتيق اشئدک، اؤله‌جَيئک.
بوتون بشرئيّت آراسيندا کئم وار کي، وار اولان تارينين سَسئني بئزئم کئمي آلوو ائچَرئسئندن اشئتسئن و صاغ قالسين؟
سن اونا ياخينلاش و تاريميز ربّئن دئيه‌جيي هر شيه قولاق آس. سونرا تاريميز ربّئن ددئيي هر شيي بئزه دِه! بئز ده اونا قولاق آسيب عمل ادهرئک.»
سئز منه بونلاري دئيَنده، رب سئزئن بو سؤزلرئنئزي اشئتدي، و رب منه ددي: «بو خالقين سنه ددئکلرئني اشئتدئم. ددئيي هر شيي ياخشي ادئبلر.
کاشکي بله اورَکلري اولسايدي، کاشکي مندن قورخسايديلار و بوتون امرلرئمي هر زامان ساخلاسايديلار. او زامان هم اؤزلرئنئن، هم ده اؤولادلارينين حياتي ابده کئمي خوش کچردي.
گت، اونلارا دِه: ‹چاديرلاريزا قاييدين.›
آمّا سن بورادا يانيمدا دايان. بوتون امرلري، قايدالار و حؤکملري سنه دئيه‌جيم. سن خالقا اؤيرت کي، مولک اوچون اونلارا وره‌جيئم تورپاقدا بونلاري يرئنه يتئرسئنلر.»
بلجه تارينيز ربّئن سئزه امر اتدئکلرئني دئقّتله ساخلايين، اونلاردان نه صاغا، نه ده سولا دؤنون.
تارينيز ربّئن سئزه امر اتدئيي بوتون يولدا گَزئن کي، صاغ قالاسينيز و حياتينيز خوش کچسئن. و مولک اوچون آلاجاغينيز تورپاقدا اوزون عؤمور سوره‌سئنئز.
بودور او امر، قايدالار، و حؤکملر کي، تارينيز رب سئزه اؤيرَتمَک اوچون منه بويورموشدو. اونا گؤره ده مالئک اولماق اوچون گده‌جيئنئز تورپاقدا بونلارا عمل ادئن.
اِله کي، سئز، اؤولادلارينيز، و نوه‌لرئنئز عؤمور بويو تارينيز ربدن قورخاسينيز و اونون سئزه ددئيئم بوتون قايدالار و حؤکملرئني ساخلاياسينيز و عؤمرونوز اوزون اولسون.
اشئت، ای ائسرايئل! بونلارا دئقّتله عمل ات کي، آتالارينين تاريسي ربّئن سنه وعده وردئيي کئمي، سود و بال آخان تورپاقدا حياتين خوش کچسئن و چوخاليب آرتاسان.
اشئت، ای ائسرايئل! تاريميز رب يگانه ربدئر.
تارين ربّي بوتون اوره‌يئنله، بوتون جانينلا، و بوتون وار گوجونله سِو.
بو گون سنه امر اتدئيئم بو سؤزلر اوره‌يئنده کؤک سالسين.
بونلاري سعي‌له اؤولادلارينا اؤيرت. اِوئنده اوتوراندا، يول گدنده، ياتاندا، دوراندا بونلار بارهده دانيش.
اونلاري يازيب قولونا بئر نئشان کئمي، گؤزلرئنئن آراسينا دا آلين باغي کئمي باغلا،
اِولرئنئن قاپي چَرچئوه‌لرئنه و دروازالارينا ياز.
او واخت تارين رب سني آتالارينا، يعني ائبراهئمه، ائسحاقا، و يعقوبا ائچدئيي آندا گؤره، وره‌جيي تورپاغا آپاراجاق؛ اورادا سنه بئنا اتمه‌دئيئن بؤيوک و گؤزل شهرلر ورهجک،
ييغماديغين گؤزل شيلرله دولو اِولر، زحمتئني چکمه‌دئيئن قازيلميش سو آنبارلاري، سالماديغين اوزوملوکلر و زيتونلوقلار ورهجک، و سن يِيئب دوياجاقسان.
او زامان دئقّتلي اول کي، سني مئصئر تورپاغيندان، نؤکرچئلئک دئياريندان چيخاردان ربّي ياددان چيخارتماياسان.
آنجاق تارين ربدن قورخ و اونو پرستئش ادئب، آندلاريني اونون آديندا ائچ.
ياد آللاهلارين يعني سنئن اطرافيني توتان آيري خالقلارين آللاهلاري دالينجا گتمه،
چونکي آرانيزدا اولان تارين رب قيرتلي بئر تاريدير؛ مبادا تارين ربّئن قضبي سنئن ضئدّئنه آلوولانسين و سني ير اوزوندن محو اتسئن.
تارينيز ربّي مَسّادا ائمتاحان اتدئيئنئز کئمي ائمتاحان اتمهيئن.
تارينيز ربّئن سئزه وردئيي امرلره، شهادتلرئنه و قايدالارا سعي‌له عمل ادئن.
ربّئن گؤزونده دوز و ياخشي ساييلانا عمل ادئن کي، حياتينيز خوش کچسئن و گدئب ربّئن آتالارينيزا ورمه‌سئني آند ائچدئيي ياخشي تورپاغا مالئک اولاسينيز.
رب ده وعده وردئيي کئمي بوتون دوشمنلري قاباغينيزدان قوواجاق.
اگر گلهجکده اؤولادينيز سئزه گلئب سوروشالار: «تاريميز ربّئن سئزه وردئيي شهادتلردن، قايدالار و حؤکملردن آماج ندئر؟»
اونا بله ديئن: «بئز مئصئرده فئرعونون نؤکري ائدئک. رب بئزي اورادان قووّتلي اَلي ائله چيخارتدي.
بوندان علاوه، رب گؤزلرئمئزئن قاباغيندا، مئصئرئن، فئرعونون و اونون بوتون عايئلهسئنئن ضئدّئنه بؤيوک و دهشتلي علامتلر و مؤجوزهلر گؤرستدي.
او بئزي مئصئردن چيخارتدي کي، آتالاريميزا ورمه‌سئني آند ائچدئيي بو تورپاغا گتئرسئن و اوراني بئزه ورسئن.
بلجه رب بوتون بو قايدالارا عمل اتمه‌يي، اؤز خيئرئمئز و صاغ قالماغيميز اوچون تاريميز ربدن قورخماغي بئزه امر اتدي، نجه کي، بو گون گؤرورسونوز.
اگر تاريميز ربّئن حوضوروندا بئزه بويوردوغو بوتون بو امرلره دئقّتله عمل اِتسَک، بونو بئزه صالحلئک ساياجاق.»
تارينيز رب مالئک اولاجاغينيز اؤلکهيه سئزي گتئرنده، قاباغينيزدان بئر چوخ مئلّتي قوواجاق؛ خئتلئلري، گئرگاشلي‌لاري، اِمورلولاري، کَنَعانليلاري، پِرئزلی‌لري، خئولی‌لري، يِبوسلولاري. سئزدن داها چوخ و داها قووّتلي يدّي مئلّتي قوواجاق.
تارينيز رب اونلاري سئزه تسلئم ادنده، سئز ده اونلارا قالئب گلنده، اونلاري کامئل محو ادئن. اونلارلا عهد باغلامايين و اونلارا رحم اتمهيئن.
بوندان علاوه، اونلارلا اِولَنمه‌يئن، اوغوللارينا قيزلارينيزي ورمهيئن، اوغوللارينيزا اونلارين قيزلاريني آلمايين.
چونکي اونلار اؤولادلارينيزي منئم داليمجا گتمکدن دؤنده‌رئب، آيري آللاهلارا قوللوق اتدئره‌جکلر. او واخت ربّئن قضبي سئزئن ضئدّئنئزه آلوولاناجاق و تِزلئکله سئزي محو ادهجک.
اونلارلا بله رفتار ادئن: قوربانگاهلاريني داغيديب، موقدّس سوتونلاريني سينديرين، اَشِرا بوتلرئني بالتالاييب، اويما تئمثاللاريني اوددا يانديرين.
چونکي سئز تارينيز ربّئن موقدّس خالقيسينيز؛ تارينيز رب سئزي يِر اوزوندهکي بوتون خالقلار ائچئندن اؤزونه مخصوص خالق سچدي.
ربّئن سئزي سِومه‌سي، سئزي سچمه‌سي او بئري خالقلاردان داها چوخ اولدوغونوز اوچون ديئلدي. حقئقتن، سئز اونلاردان داها آز ائدئنئز.
رب سئزي سِودئيي اوچون و آتالارينيزا آند ائچه‌رک وردئيي سؤزو يرئنه يتئرمَک اوچون، سئزي قووّتلي اَلي ائله مئصئردن چيخارتدي. او سئزي نؤکرچئلئک دئياريندان، مئصئر پادشاهي فئرعوندان ساتين آلدي.
بئلئن کي، تارينيز رب تاريدير. او، وفالي تاريدير. عهدئنه صادئق قاليب اونو سِوَنلرئن، امرلرئني يرئنه يتئرنلرئن بئر مئن نسلئنه محبّتئني گؤرسدَر.
آمّا اوندان نئفرت ادنلردن قئصاص آليب اونلاري محو ادهجک. اوندان نئفرت ادندن قئصاصيني آلماغي يوباتماياجاق، عوضئني ورهجکدئر.
اونا گؤره سئزه بو گون وردئيئم امري، قايدالاري و حؤکملري ساخلاييب يرئنه يتئرئن.
بو حؤکملره قولاق آسيب دئقّتله عمل اده‌جَيئنئز اوچون، تارينيز رب ده آتالارينيزا ائچدئيي آندا صادئق قاليب، عهدئنه عمل ادهجک و محبّتئني گؤرسدهجک.
او سئزي سِوه‌جک، سئزه برکت ورئب سئزي چوخالداجاق. سئزه ورمک اوچون آتالارينيزا آند ائچدئيي تورپاقدا، بَطنئنئزدن دوغولانلارينيزي، تورپاغينيزين بَهره‌سئني، بوغدانيزي، تزه شرابينيزي، زيتون ياغينيزي، مال- حيوانينيزين و قويون-کِچئلرئنئزئن بالالاريني برکتلي ادهجک.
سئز او بئري خالقلاردان داها چوخ برکت آلاجاقسينيز. آرانيزدا هچ بئر کئشي و آرواد سونسوز، هچ بئر حيوانينيز دا قيصير اولماياجاق.
رب اوستونوزدن بوتون ناخوشلوقلاري گؤتورهجک. سئزي مئصئرده گؤردويونوز دهشتلي ناخوشلوقلارين هچ بئرئنه دوچار اتمهيهجک. بو بلالاري سئزدن نئفرت ادنلرئن باشينا گتئرهجک.
تارينيز ربّئن سئزه تسلئم اده‌جَيي بوتون خالقلاري محو ادهجکسئنئز. اونلارا رحم اتمهيئن، آللاهلارينا قوللوق اتمهيئن. اگر بله ادهسئنئز، بو سئزه تله اولار.
اگر اوره‌يئنئزده دوشونه‌سئنئز کي، «بو مئلّتلر بئزدن گوجلودورلر، اونلاري نجه قووا بئله‌رئک؟»
اونلاردان قورخمايين. تارينيز ربّئن فئرعونا و بوتون مئصئره نه اتدئيئني همئشه خاطيرلايين.
گؤزونوزله گؤردويونوز بؤيوک ائمتاحانلاري، سئزي مئصئردن چيخاردان زامان تارينيز ربّئن گؤرستدئيي علامتلري، مؤجوزهلري، قودرتلي اَلئني، اوزانان قولونو خاطيرلايين. تارينيز رب قورخدوغونوز خالقلارين هاميسيني بو حالا سالاجاق.
تارينيز رب يرده قاليب سئزدن گئزلَنَن‌لرئن اوستونه ده اِششَک‌چئبئني گؤنده‌رئب هاميسيني يوخ ادهجک.
اونلاردان هچ دهشت اتمهيئن، چونکي آرانيزدا اولان تارينيز رب عظمتلي و زَهملي تاريدير.
تارينيز رب ياواش-ياواش او مئلّتلري قاباغينيزدان قوواجاق. اونلاري تِزلئکله محو اده بئلمَيه‌جکسئنئز، يوخسا وحشي حيوانلار ساييدا حَددن آرتيق چوخاليب اوستونوزه داراشارلار.
لاکئن تارينيز رب اونلاري سئزه تسلئم ادهجک و محو اولونانا قدر اونلاري بؤيوک واهئمه‌يه سالاجاقدير.
اونلارين پادشاهلاريني دا سئزئن اَلئنئزه تسلئم ادهجک، اِله کي، سئز اونلارين آدلاريني گؤي آلتيندان سئله‌جکسئنئز؛ سئز اونلاري قيرارکَن، هچ کس قاباغينيزدا دورا بئلميهجک.
اونلارين تاري سايديقلاري اويما بوتلري اوددا يانديرين. اونلارين اوستونده اولان قيزيل- گوموشه نه طاماح سالين، نه ده اؤزونوز اوچون گؤتورون، يوخسا تَله‌يه دوشَرسئنئز، چونکي اونلار تارينيز ربّئن گؤزونده ائيرنجدئر.
ائيرنج بئر شيي اِوئنئزه گتئرمه‌يئن، يوخسا سئز ده اونون کئمي حارام اولارسينيز. ائيرنج بئر شيدن کامئل ائکراه و نئفرت اتمه‌لي‌سئنئز، چونکي بله شي حارامدير.
بو گون سئزه بويوردوغوم بوتون امرلري يرئنه يتئرمَيه چاليشين کي، ياشاييب چوخالاسينيز و ربّئن آتالارينيزا ورمه‌سئني آند ائچدئيي تورپاغا گئرئب اورايا مالئک اولاسينيز.
تارينيز ربّئن سئزه قيرخ ائل صحرادا يول گؤرستدئيئني يادا سالين. بونو اونا گؤره اتدي کي، کئبئرئنئزي قيرسين و سئزي ائمتاحان ادئب، اوره‌يئنئزده اولاني بئلسئن؛ گؤرسون کي، آيا اونون امرلرئنه عمل ادهجکسئنئز يا يوخ.
تَکَبّورونوزو سينديردي و سئزي آج قويدو، سونرا دا نه سئزئن، نه ده آتالارينيزين گؤردويو مانّا ائله سئزي يِدئرتدي. بونونلا سئزه آنلاتماق ائسته‌دي کي، ائنسان آنجاق چؤرکله يوخ، ربّئن آغزيندان چيخان هر بئر سؤزله ياشايا بئلر.
بو قيرخ ائل عرضئنده پالتارينيز ييرتيليب داغيلمادي، آياقلارينيز شئشمه‌دي.
بونو اورَکدن درک اتمه‌لئسئنئز کي، تارينيز رب ده، آتا ورن کئمي، اؤز اوغلونا تربئيه ورئر.
بلجه تارينيز ربّئن امرلرئني ساخلاييب، اونون يوللاري ائله گدئن و اوندان قورخون.
چونکي تارينيز رب سئزي ياخشي تورپاغا، چاي و گؤللري اولان، دره و تپه‌لرئنده بولاقلار آخان يرلره آپارير؛
بوغدا، آرپا، اوزوم، انجئر، نار، زيتون ياغي و بال اولان اؤلکهيه.
اِله بئر اؤلکهيه کي، اورادا قيتليق اولمادان چؤرک يئيهجکسئنئز، هچ نَيه ده مؤحتاج اولماياجاقسينيز؛ داشلاريندان دمئر، تپه‌لرئندن ده مئس چيخاردا بئلهجکسئنئز.
يِيئب-دوياندا سئزه وردئيي ياخشي تورپاغا گؤره تارينيز ربّي موبارک چاغيراجاقسينيز.
احتئياطلي اولون کي، تارينيز ربّئن امرلرئني، حؤکملرئني و قايدالاريني يرئنه يتئرمه‌مکله اونو ياددان چيخارتماياسينيز، اونلاري کي، بو گون سئزه امر ادئرم.
يوخسا يِيئب دوياندا، گؤزل اِولر تئکئب ائچه‌رئسئنده اوتوراندا،
ناخيرينيز و سورونوز چوخالاندا، قيزيل-گوموشوز و هر شيئنئز آرتاندا،
اوره‌يئنئز کئبئرله دولار و سئزي مئصئر تورپاغيندان، نؤکرچئلئک دئياريندان چيخاردان تارينيز ربّي ياددان چيخاردارسينيز.
رب سئزي او بؤيوک و قورخولو صحرادا، زَهَرلي ائلان و عَقرَبلرله دولو اولان او سوسوز شوران تورپاقلاردا گَزدئردي؛ سئزه داش قايادان سو چيخارتدي.
صحرادا سئزي آتالارينيزا معلوم اولمايان مانّا ائله يدئرتدي کي، کئبئرئنئزي سينديرسين و سئزي ائمتاحان ادئب، نهايت سئزه خيئر يتئرسئن.
مبادا اوره‌يئنئزده دئيهسئنئز: «بئز اؤز قابئلئيّتئمئزله، اَلئمئزئن قودرتي ائله بو ثروتي قازانديق.»
آمّا سئز تارينيز ربّي خاطيرلايين، چونکي اودور کي، سئزه بو ثروتي قازانماق قابئلئيّتئني ورئر. او بونو ادئر کي، آتالارينيزا آند ائچدئيي عهدئني تصدئق اتسئن. نجه کي، بو گون گؤرورسونوز.
اگر تارينيز ربّی ياددان چيخارديب، آيري آللاهلارين دالينجا گدهسئنئز، اونلارا قوللوق ادئب اونلاري پرستئش ادهسئنئز، بو گون ضئدّئنئزه شهادت ورئرم کي، حقئقتن محو اولاجاقسينيز!
رب سئزئن قاباغينيزدان مئلّتلري يوخ اتدئيي کئمي، سئزي ده يوخ اِدَر، چونکي تارينيز ربّئن سؤزونه قولاق آسمادينيز.
ای ائسرايئللی‌لر، قولاق آسين! بو گون اوردون چاييني کچئرسئنئز کي، سئزدن داها بؤيوک، داها قودرتلي مئلّتلرئن تورپاقلارينا مالئک اولاسينيز. اونلارين شهرلري بؤيوک، قالالاري دا گؤيلره چاتير.
بو گوجلو، اوجابوي خالق عَناقلي‌لاردير. اونلاري تاني‌ييرسينيز و حاقلاريندا بله اشئدئبسئنئز: «عَناقلي‌لارين قاباغيندا کئم دايانا بئلر؟»
اونا گؤره بو گون بئلئن کي، سئزئن قاباغينيزدا گدن تارينيز رب، هر شيي يانديريب ياخان آلوودور. رب اونلاري قيراجاق، قاباغينيزدا بويون اَيدئره‌جک، اله کي، ربّئن سئزه ددئيي کئمي اونلاري قوووب تزلئکله محو ادهسئنئز.
تارينيز رب اونلاري قاباغينيزدان قوواندا اوره‌يئنئزده دمه‌يئن: «رب بئزي بورايا صالحلئيئمئزه گؤره گتئردي کي، بو اؤلکهني آليب اونا صاحئب اولاق.» رب بو مئلّتلري اونلارين شرارتلرئنه گؤره قاباغينيزدان قووور.
تورپاقلارينا گئرئب اورايا مالئک اولماغينيز سئزئن صالحلئيئنئزه گؤره، اوره‌يئنئزئن دوزلويونه گؤره ديئل. آنجاق تارينيز رب بو مئلّتلري پئس عمللرئنه گؤره سئزئن قاباغينيزدان قووور کي، آتالارينيز ائبراهئمه، ائسحاقا، و يعقوبا ائچدئيي آندي تصدئق اتسئن.
بئلئن کي، تارينيز رب صالحلئيئنئزه گؤره بو گؤزل تورپاغي مولک آلماق اوچون سئزه ورمئر، چونکي سئز دئکباش بئر خالقسينيز.
خاطيرلايين و بونو ياددان چيخارتمايين کي، تارينيز ربّي صحرادا نجه قضبلَندئردئنئز؛ مئصئر تورپاغيندان چيخديغينيز گوندن بو يره گلنه‌جک ربّئن ضئدّئنه نه قدر عوصيان اتدئنئز.
سئز ربّي حتّا خورِبده قضبلَندئردئنئز و رب او قدر قضبلَنمئشدي کي، سئزي محو ادهجک ائدي.
او زامان کي، ربّئن سئزئنله اتدئيي عهدئن داش لؤوحه‌لرئني آلماق اوچون داغا چيخديم، اورادا قيرخ گون-قيرخ گجه قالديم: نه چؤرک يدئم، نه ده سو ائچدئم.
رب تاري منه اؤز بارماغي ائله يازديغي ائکي داش لؤوحه وردی. ييغيلديغينيز گون داغدا ربّئن سئزه آلووون ائچئندن بئلدئردئيي بوتون سؤزلر اونلارين اوستونده يازيلميشدي.
رب ائکي داش لؤوحه‌ني يعني عهد لؤوحه‌لرئني قيرخ گون-قيرخ گجهنئن آخيريندا منه وردی.
سونرا رب منه ددي: «قالخ، بورادان تز آشاغي اِن، چونکي مئصئردن چيخارتديغين خالق عئفّتسئزلئک ادئر. اونلار بويوردوغوم يولدان يامان تز آزيبلار؛ اؤزلرئنه تؤکمه بوت ياراديبلار.»
رب منه بونو دا ددي: «گؤرورم کي، بو خالق حقئقتن دئکباش خالقدير.
قوي اونلاري محو ادئم. آدلاريني گؤيلرئن آلتيندان سئلئم. سندن اونلاردان داها گوجلو، داها بؤيوک مئلّت تؤرده‌رم.»
داغ آلوولانيب يانارکَن، من دؤنوب آشاغي اِندئم. عهدئن يازيلديغي ائکي لؤوحه الئمده ائدي.
گؤردوم کي، حقئقتن تارينيز ربّئن ضئدّئنه گوناه ادئبسئنئز. اؤزونوز اوچون دانايا بَنزَر بئر تؤکمه بوت دوزَلدئبسئنئز و ربّئن سئزه بويوردوغو يولدان يامان تز آزيبسينيز.
بونا گؤره ده الئمده توتدوغوم ائکي لؤوحه‌ني آتديم و گؤزونوز قاباغيندا اونلاري پارچا-پارچا اتدئم.
گئنه ربّئن حوضوروندا قيرخ گون-قيرخ گجه يره سَرئلئب قالديم، نه چؤرک يدئم، نه ده سو ائچدئم؛ چونکي گوناه اتمئشدئنئز و ربّئن گؤزونده پئس ساييلان ائشلر گؤروب اونو قضبلَندئرمئشدئنئز.
ربّئن آلوولانان قضبي قاباغيندا قورخدوم. قضبي او قدر آلوولانميشدي کي، سئزي محو اتمک ائسته‌يئردي. آمّا رب گئنه ده يالواريشيمي اشئتدي.
ربّئن قضبي هارونا دا قالخميشدي. ائسته‌يئردی اونو دا محو اتسئن. او آن هارون اوچون ده يالوارديم.
اتدئيئنئز گوناه اسبابيني يعني او دانايا بَنزَر تؤکمه بوتو گؤتوروب اودا آتديم و سينديرديم، اَزئب توزا دؤنده‌ردئم. سونرا توزو داغدان آخان سويا تؤکدوم.
سئز تَبعِرادا، مَسّادا، قئبروت‌هَتّعه‌وادا دا ربّي قضبلَندئردئنئز.
رب سئزي قِدِش‌بَرنِعه‌دن يولا سالارکَن بله بويورموشدو: «گدئن، سئزه وره‌جيئم تورپاغي اؤزونوز اوچون مولک ادئن.» سئز آمّا تارينيز ربّئن امرئنه عاصي چيخدينيز؛ ربّه اعتئماد اتمه‌دئنئز، سؤزونه ده قولاق آسمادينيز.
سئزي تانيديغيم گوندن ربّه عاصي اولدونوز.
رب سئزي محو اده‌جيئني ددئيي اوچون، قيرخ گون-قيرخ گجه اونون حوضوروندا يره دؤشهنئب قالديم.
ربّه يالواريب ددئم: «يا پروردئگار رب، خالقيني، اؤز ائرثئني، عظمتئنله خئلاص اتدئيئن، قودرتلي اَلئنله مئصئردن چيخارتديغيني محو اتمه.
قوللارين ائبراهئمي، ائسحاقي، يعقوبو يادا سال. بو خالقين دئکباشليغينا، پئسلئيئنه، گوناهينا نظر سالما.
يوخسا بئزي چيخارتديغين اؤلکهنئن خالقي دئيهجک کي، رب اونلاري وعده وردئيي تورپاغا آپارا بئلمه‌دي و بو خالقا نئفرت اتدئيي اوچون اونلاري صحرادا محو اتمک مقصدي ائله مئصئردن چيخارتدي.
حال بوکي، اونلار سنئن خالقين، سنئن ائرثئندئر. سن اونلاري بؤيوک قودرتله، اوزانان قولونلا مئصئردن چيخارديبسان.»
او واخت رب منه ددي: «اَوّلکي کئمي اؤزون اوچون ائکي داش لؤوحه يون و يانيما داغا چيخ. آغاجدان بئر سانديق دا اؤزون اوچون دوزلت.
قيرديغين اوّلکي لؤوحهلرده يازيلان سؤزلري تزه لؤوحه‌لرئن اوستونه يازاجاغام. اونلاري سانديغا قوي.»
اَقاقئيا آغاجيندان بئر سانديق دوزهلدئب، اوّلکي کئمي ائکي داش لؤوحه‌ني يوندوم. سونرا بو ائکي داش لؤوحه‌ني الئمه گؤتوروب داغا چيخديم.
رب، ييغين اولان گون، داغدا آلووون ائچئندن سئزه دانيشديغي اون فرماني بو لؤوحه‌لرئن اوستونه گئنه ده اوّلکي کئمي يازدي و منه وردی.
من دؤنوب داغدان اِندئم و ربّئن منه امر اتدئيي کئمي بو لؤوحهلري دوزلتدئيئم سانديغا قويدوم کي، حله ده اوراداديرلار.
ائسرايئل اؤولادلاري بِعِروت‌بِنِه‌يَعه‌قاندان موسِرا‌يا کؤچدولر. هارون اورادا اؤلوب دَفن اولوندو. اونون يرئنه اوغلو اِلعازار کاهئن اولدو.
اورادان گودگودايا و گودگودادان دا آخار سولار دئياري اولان يوطباتايا کؤچدولر.
او زامان رب لاوي قبئله‌سئني آييردي کي، ربّئن عهد سانديغيني داشيسينلار، ربّه خئدمت ادئب اونون آدي ائله برکت ورهرک حوضوروندا دايانسينلار. اونلار بو گونه‌جک همن ائشي گؤرورلر.
بونا گؤره ده لاوئلی‌لره قارداشلاري ائله بئرلئکده پاي و تورپاق مئراثي دوشمه‌دي. رب اونلارين مئراثي ائدي، نجه کي، تارينيز رب اونلارا دمئشدي.
اوّلکي کئمي گئنه ده قيرخ گون-قيرخ گجه داغدا قالديم. رب بو دفه ده منی اشئتدي و اونا گؤره ائستمه‌دي کی، سئزي قيرسين.
سونرا رب منه ددي: «قالخ، کؤچَن خالقين قاباغيندا گت کي، آتالارينا ورمه‌سئني آند ائچدئيئم تورپاغا گئرئب اورايا مالئک اولسونلار.»
ائندي، ای ائسرايئل، تارين رب سندن نه ائستهيئر؟ مگر بونو ائسته‌مئر کي، تارين ربدن قورخاسان، اونون بوتون يوللاريني توتاسان، اونو سِوهسن، و تارين ربّه بوتون اوره‌يئنله و بوتون جانينلا خئدمت ادهسن،
و بو گون سنئن خيئرئنه دِدئيئم ربّئن امرلرئني و قايدالاريني ساخلاياسان.
باخ، گؤيلر، گؤيلرئن لاپ اوجالاري بِله، ير اوزو و ير اوستونده اولان هر شي تارين ربّئندئر.
لاکئن رب آتالارينيزا شفقتلي اولدو. اونلاري سِوئب سونراکي نسئل اولان سئزي، بوگونکي کئمي، بوتون خالقلار آراسيندان سچدي.
بونا گؤره ده اورَکلرئنئزي ختنه ادئن و بئر داها دئکباش اولمايين.
چونکي تارينيز رب آللاهلارين تاريسي، حؤکمدارلارين حؤکمراني‌دير. او طرفدارليق اتمه‌يَن، روشوت آلمايان، عظمتلي، قودرتلي، و زَهملي تاريدير.
او، يِتئمئن و دولون دادينا چاتير. قرئبي سِوئر، اونا چؤرک و پالتار ورئر.
سئز ده قرئبي سِوئن، چونکي اؤزونوز ده مئصئر اؤلکهسئنده قرئب ائدئنئز.
تارينيز ربدن قورخون، اونا خئدمت ادئب باغلي قالين و آندلارينيزي آنجاق اونون آدينا ائچئن.
سئزئن فَخرئنئز اودور. بو عظمتلي و زَهملي عمللري تاري ادئر کي، گؤزلرئنئزله گؤرورسونوز.
آتالارينيز يتمئش نفر اولاراق مئصئره گتدئلر. آمّا ائندي تارينيز رب سئزي چوخالديب گؤيدهکي اولدوزلار قدر ادئبدئر.
تارينيز ربّي سِوئن. همئشه اونون بويوردوقلارينا، قايدالارينا، حؤکملرئنه، و امرلرئنه عمل ادئن.
بو گون بئلئن کي، سئزئن بئلمه‌يَن و تارينيز ربّئن تَنبِهئني گؤرمه‌يَن اؤولادلارينيزلا دانيشميرام، سئزئنله دانيشيرام. اونون عظمتئني، قودرتلي الئني، و اوزانان قولونو گؤروبسونوز.
مئصئرده، مئصئر پادشاهي فئرعونا و بوتون اؤلکهسئنه اتدئيي علامتلري، اتدئيي ائشلري گؤروبسونوز.
گؤروبسونوز کي، رب مئصئر قوشونونا، اونلارين آتلارينا، دؤيوش عارابالارينا نه اتدي؛ نجه اونلاري، دالينيزجا دوشَرکَن، قيرميزي دهنزئن سولاريندا قرق اتدي. نجه اونلاري بوسبوتون محو اتدي.
گؤروبسونوز کي، صحرادا، بو يره چاتاناجاق سئزئن اوچون نه ادئب.
گؤردونوز کي، رِعوبئنلي اِلئيابين اوغوللارينا يعني داتانا و اَبئراما نه اتدي؛ بوتون ائسرايئللیلرئن آراسيندا يري ياردي، اونلاري و اِو اهلئني چاديرلار و اونلارا عاييد اولان بوتون جانلي‌لاري ائله برابر اودّو.
گؤزلرئنئز ربّئن اتدئيي بو عظمتلي ائشلرئن هاميسيني گؤروب.
بو گون سئزه بويوردوغوم امرلرئن هاميسينا عمل ادئن کي، قووّتلي اولاسينيز و مالئک اولماغينيز اوچون اوردون چاييني کچه‌جيئنئز تورپاغا گئرئب اورايا مالئک اولاسينيز.
ربّئن آتالارينيزا و اونلارين اؤولادلارينا وره‌جه‌يئني آند ائچدئيي تورپاقدا اوزون عؤمور سوره‌سئنئز؛ سود و بال آخان تورپاقدا.
چونکي مالئک اولماق اوچون گئره‌جيئنئز تورپاق، چيخميش اولدوغونوز مئصئر اؤلکهسئنه بنزه‌مئر. اورادا توخوموزونو اَکئردئنئز، بوستان کئمي آياغيزلا سولاييردينيز.
آمّا مالئک اولماق اوچون گده‌جيئنئز تورپاق داغلي-دره‌لي بئر دئياردير. بو تورپاق گؤيون ياغيش سويونو ائچئر.
اورا تارينيز ربّئن لوطف گؤرستدئيي اله بئر تورپاقدير کي، ائلئن اوّلئندن آخيرينا قدر تارينيز ربّئن نظري آلتيندادير.
رب ديئر: "اگر بو گون سئزه بويوردوغوم امرلره ياخشي قولاق آساسينيز، تارينيز ربّي سِوئب، بوتون اوره‌يئنئزله و بوتون جانينيزلا اونا خئدمت ادهسئنئز،
او زامان تورپاغينيزا ياغيشي يعني ياز ياغيشلا پاييز ياغيشي واختلي-واختيندا ورهجيم. او واخت تاخيلينيزي، تزه شرابينيزي و زيتون ياغينيزي ييغاجاقسينيز.
زَمئلرئنئزده حيوانلارينيزا اوت ورهجيم. سئز دويونجا يئيهجکسئنئز."
آييق اولون مبادا اوره‌يئنئز آلدانسين. آزمايين، آيري آللاهلارا قوللوق ادئب، اونلارا پرستئش اتمهيئن.
يوخسا ربّئن قضبي سئزئن ضئدّئنئزه آلوولانار. او، گؤيلري باغلاييب ياغيش ياغديرماز، تورپاق محصولونو ورمز و تِزلئکله ربّئن سئزه وردئيي او ياخشي تورپاقدان محو اولارسينيز.
بونا گؤره ده منئم بو سؤزلرئمي اوره‌يئنئزده و جانينيزدا ساخلايين؛ اَلئنئزه بئر نئشان کئمي، گؤزلرئنئزئن آراسينا آلين باغي کئمي باغلايين.
اونلاري اؤولادلارينيزا اؤيره‌دئن. اِوئنئزده اوتوراندا، يولدا گِدنده، ياتاندا، دوراندا بونلار بارهده دانيشين.
اونلاري اِولرئنئزئن قاپي چَرچئوه‌لرئنه، شهرلرئنئزئن دروازالارينا يازين.
بله ادهسئنئز، ربّئن آتالارينيزا وره‌جه‌يئني آند ائچدئيي تورپاقلاردا سئزئن ده، اؤولادلارينيزين دا عؤمرو اوزون اولار و گؤي يِر اوستونده دوردوقجا اورادا ياشايارسينيز.
اگر عمل اتمه‌يئنئز اوچون سئزه بويوردوغوم بوتون بو امري دئقّتله يرئنه يتئرهسئنئز، تارينيز ربّي سِوئب اونون بوتون يوللاري ائله گدهسئنئز و فقط اونا باغلي قالاسينيز،
اوندا رب قاباغينيزدان بوتون بو مئلّتلري قوواجاق و سئزدن داها بؤيوک، داها گوجلو مئلّتلرئن تورپاقلارينا مالئک اولاجاقسينيز.
آياق باساجاغينيز هر ير سئزئن اولاجاق؛ سرحدئنئز صحرادان لوبنانا، فَرات چاييندان قرب دهنزئنه قدر اوزاناجاق.
سئزئن قاباغينيزدا هچ کئم دايانا بئلميهجک؛ تارينيز رب، سئزه وعده وردئيي کئمي، آياق باساجاغينيز هر يره واهئمه و قورخونوزو ياياجاق.
باخ، بو گون قاباغينيزا برکت و لعنت قويورام.
تارينيز ربّئن امرلرئنه، بو گون سئزه بويوردوغوم امرلره قولاق آساسينيز، برکت تاپاجاقسينيز.
اگر تارينيز ربّئن امرلرئني اشئتمَيه‌سئنئز، تانيماديغينيز آيري آللاهلارين دالينجا گده‌رک، بو گون سئزه امر اتدئيئم يولدان آزاسينيز، لعنته دوچار اولاجاقسينيز.
تارينيز رب مالئک اولماق اوچون گئره‌جيئنئز تورپاغا سئزي آپاراندا، گِرئزئم داغيندا برکت، عِيبال داغيندا دا لعنت قوياجاقسينيز.
مگر بو ائکي داغ اوردون چايينين او بئري تاييندا، يولون شرقئنده يعني عَرابادا ياشايان کَنَعانليلار اؤلکهسئنده، گئلگال موقابئلئنده، مورِه پاليدلارينين يانيندا ديئل؟
تارينيز ربّئن سئزه وره‌جيي تورپاغا مالئک اولماق اوچون اوردون چاييني عنقرئب کچه‌جکسئنئز. اوراني اَله کچئردئب اورادا يِرلَشَنده
دئقّتلي اولون کي، بو گون قاباغينيزا قويدوغوم بوتون قايدالار و حؤکملري يرئنه يتئرهسئنئز.
بونلار او قايدالار و حؤکملردئر کي، سئز گرک اونلاري عؤمور بويو او اؤلکهده رئعايت ادهسئنئز کي، آتالارينيزين تاريسي رب اوراني سئزه مولک ورهجک.
هانسي مئلّتلرئن تورپاغيني آلاسينيز، آللاهلارينا قوللوق اتدئکلري اوجا داغلاردا، تپه‌لرده، بول يارپاقلي هر آغاجين آلتيندا اولان بوتون يرلري حتمن وئران ادئن.
قوربانگاهلاريني داغيديب، موقدّس سوتونلاري سينديرين، اَشِرا بوتلرئني اوددا يانديريب، تاري سايديقلاري اويما بوتلري بالتالايين و آدلاريني او يردن سئلئن.
سئز تارينيز ربّي اونلار کئمي گرک پرستئش اتميهسئنئز.
ربّی او يرده آختارين کي، تارينيز رب بوتون قبئله‌لرئنئز آراسيندان اوراني سچئر و اورايا آديني قويور اورادا ساکئن اولور. سئز اورايا گلمه‌لي‌سئنئز.
يانديرما قوربانلارينيزي، قوربانلارينيزي، قازانجينيزين اوندا بئر حئصّهسئني، اَلئنئزئن ائعانه‌لرئني، نَذر اتدئيئنئز تقدئملري، اؤز ائختئيارينيزلا تقدئم اتدئکلرئنئزي، مال-حيوان و قويون-کچئلرئنئزئن ائلک بالالاريني اورايا گتئرئن.
اورادا تارينيز ربّئن قاباغيندا عايئله‌لرئنئزله بئرلئکده يمک يئيهجکسئنئز، و اَل آتديغينيز هر شيده کي، تارينيز رب سئزه برکت ورئب، شادليق ادهجکسئنئز.
بو گون بورادا اتدئکلرئنئزي اورادا اصلا اتمهيئن. بورادا هر کس اؤز نظرئنده نه‌يي دوز ساييرسا، اونو دا ادئر.
چونکي حله تارينيز ربّئن سئزه وره‌جيي راحاتليق و ائرث تورپاغا چاتماييبسينيز.
اوردون چاييني کچئب تارينيز ربّئن ائرث اولاراق سئزه وره‌جيي تورپاقدا ساکئن اولاندا، رب سئزي اطرافينيزداکي بوتون دوشمنلردن قورتاريب راحاتليق ورهجک و اَمئن-آمانليقدا ياشاياجاقسينيز.
او زامان سئزه امر اتدئيئم هر شيي تارينيز ربّئن اؤز آدينا مسکن سچه‌جيي يره گتئره‌جکسئنئز؛ يعني ائعانه‌لرئنئزي، قوربانلارينيزي، قازانجينيزين اوندا بئر حئصّهسئني، اَلئنئزئن قالديرما تقدئملرئني و ربّه نذر اتدئيئنئز بوتون سچمه تقدئملرئنئزي.
تارينيز ربّئن قاباغيندا شادليق ادئن؛ قوي سئز، اوغوللارينيز، قيزلارينيز، قوللارينيز، کنئزلرئنئز، شهرلرئنئزده ياشايان سئزئنله بئرلئکده پايي و مئراث تورپاغي اولمايان لاوئلی‌لر سِوئنسئن.
دئقّت ادئن کي، يانديرما قوربانلارينيزي گؤردويونوز هر يرده تقدئم اتميهسئنئز.
يانديرما قوربانلارينيزي او يرده تقدئم ادئن کي، رب سئزئن قبئله‌لرئنئزئن بئرئنده سچئر. سئزه امر اتدئيئم هر شيي اورادا يرئنه يتئرئن.
آنجاق تارينيز ربّئن سئزه وردئيي برکته گؤره، ياشاديغينيز شهرلرده اوره‌يئنئز ائسته‌يَن قدر حيوان کسئب اَتئندن يئيه بئلرسئنئز. پاک و يا نجئس ائنسان بو اَتي جِيران و يا مارال اَتي يِدئيئنئز کئمي يئيه بئلر.
آنجاق قانيني يميهجکسئنئز. اونو يره سو کئمي تؤکه‌جکسئنئز.
تاخيلينيزين، تزه شرابلارينيزين، زيتون ياغينيزين اوندا بئر حئصّهسئني، مال-حيوان و قويون-کِچئلرئنئزئن ائلک بالالاريني، نَذر اتدئکلرئنئزئن هاميسيني، اؤز ائختئيارينيزلا تقدئم اتدئکلرئنئزي، و يا اَلئنئزئن ائعانه‌لرئني ياشاديغينيز شهرلرده يمه‌يئن.
سئز، اوغولونوز، قيزينيز، قوللارينيز و کنئزلرئنئز، شهرلرئنئزده ياشايان لاوئلی‌لر بونلاري تارينيز ربّئن حوضوروندا، اونون سچه‌جيي يرده يئيهجکسئنئز. تارينيز ربّئن حوضوروندا اَل آتديغينيز هر ائشده شادليق تاپاجاقسينيز.
دئقّت ادئن کي، بو تورپاقدا ياشاديغينيز مودّتده لاوئلی‌لره سايماماقليق اتميهسئنئز.
تارينيز ربّئن سئزه وعده وردئيي کئمي سرحدئنئزي گِنئشلَندئرَنده اَت يمک ائستيه‌رک "گلئن اَت يئيَک" دئيهسئنئز، اوره‌يئنئز ائسته‌يَن قدر اَت يئيه بئلرسئنئز.
اگر تارينيز ربّئن آديني قويماق اوچون سچه‌جيي ير سئزدن اوزاق اولسا، امر اتدئيئم کئمي ربّئن وردئيي مال-حيوانلارينيزدان، سورولرئنئزدن حيوان کسئب اؤز شهرلرئنئزده اوره‌يئنئز ائسته‌يَن قدر اَت يئيه بئلرسئنئز.
پاک و يا نجئس ائنسان بو اَتي جيران و يا مارال اَتي کئمي يئيه بئلر.
لاکئن احتئياطلي اولون کي، اَتي قانلي-قانلي يميه‌سئنئز، چونکي قان، حياتدير. حياتي اَتله بئرلئکده يمه‌يئن.
اونو يمه‌يئن، اونو سو کئمي يِره تؤکون.
قان يمه‌يئن. اله کي، سن و سندن سونرا گلن اوغوللارينيز اوچون حيات خوش کچسئن، چونکي ربّئن گؤزلرئنده دوز اولاني اتمئش اولارسينيز.
آنجاق موقدّس تقدئملرئنئزي و نَذر اتدئيئنئز تقدئملري گؤتوروب ربّئن سچه‌جيي يره گدئن.
يانديرما قوربانلارينيزي، اَتي و قاني، تارينيز ربّئن قوربانگاهيندا تقدئم ادئن. قوربانلارينيزين قاني، تارينيز ربّئن قوربانگاهيندا تؤکولسون و اَتئني ييئن.
دئقّتلي اولون کي، سئزه ددئيئم بوتون بو امرلره قولاق آساسينيز، اله کي، تارينيز ربّئن گؤزلرئنده ياخشي و دوز ائشلر گؤردويونوز اوچون سئزئن و سئزدن سونرا گلن اؤولادلارينيزين خوش بئر حياتي اولسون.
تارينيز رب تورپاقلاريني آلماغا گده‌جيئنئز مئلّتلري قاباغينيزدان محو ادنده، اونلاري قوووب تورپاقلاريندا ساکئن اولاندا،
اونلاري محو ادنده احتئياطلي اولون کي، اونلارين تَله‌لرئنه دوشمه‌يئب اونلارين عمللرئني اتميهسئنئز. اونلارين آللاهلارينا طالئب اولوب دميه‌سئز کي، «بو مئلّتلر آللاهلارينا نجه قوللوق ادئردئلر، قوي من ده اله ادئم.»
تارينيز رَبله بله رفتار اتمهيئن. اونلار اؤز آللاهلاري اوچون ربّئن نئفرت اتدئيي هر ائيرنج ائشي گؤروبلر؛ بله کي حتّا اوغوللاريني، قيزلاريني اوددا يانديراراق آللاهلارينا قوربان ادئرلر.
سئزه بويوردوغوم بوتون امرلره دئقّتله عمل ادئن. اونلارا هچ نه آرتيرماييب، اونلاردان هچ نه ده اَسکئلتمه‌يئن.
اگر آرانيزدان بئر پيغمبر و يا بئر رؤيا گؤرن چيخيب سئزه بئر علامت يا دا مؤجوزه اولاجاغيني دسه،
سونرا «تانيماديغينيز باشقا آللاهلارين دالينجا گدک و اونلارا سئتايئش ادک» دسه، بحث اتدئيي علامت و يا مؤجوزه حياتا کچسه ده،
بله پيغمبرئن و يا رؤيا گؤره‌نئن سؤزلرئنه قولاق آسمايين. چونکي تارينيز رب سئزي ائمتاحان ادئر کي، سئزئن تارينيز ربّی بوتون قَلبئنئزله و بوتون جانينيزلا سِوئب سِومه‌دئيئنئزي گؤرسون.
سئز تارينيز ربّئن دالينجا گدئن و اوندان قورخون. اونون امرلرئنه عمل ادئب سؤزلرئنه قولاق آسين، اونا خئدمت ادئن و اونا باغلي قالين.
لاکئن او پيغمبر و يا رؤيا گؤرن اؤلدورولسون، چونکي سئزي چکئردي کي، سئزي مئصئر اؤلکهسئندن چيخاردان و نؤکرچئلئک اِوئندن قورتاران تارينيز ربّئن ضئدّئنه گدهسئنئز و سئزي آلداديردي کي، تارينيز ربّئن امر اتدئيي يولدان آزاسينيز. بو جور پئسلئيي آرانيزدان محو ادئن.
اگر قارداشينيز، آنانيزين اوغلو، اؤز اوغلونوز و يا قيزينيز، سِودئيئنئز آروادينيز يا دا جاندان عَزئز دوستونوز سئزي گئزلئجه توولاديب دِسه کي، «گل گدک و سنه و آتالارينيزا نامعلوم اولان باشقا آللاهلارا قوللوق ادک»
اطراف خالقلارين آللاهلاري کي، دونيانين بو باشيندان او بئري باشينا قدر سئزه ياخين و يا اوزاقديرلار،
اونا تسلئم اولمايين، سؤزونه ده قولاق آسمايين. اونا رحمئنئز گلمه‌سئن، اونو قورومايين، اونا پناه ورمهيئن.
آمّا حتمن اونو اؤلدورون؛ اوّلجه سنئن اَلئن، سونرا دا بوتون خالقين اَلي اونون اؤلومونه اوزانسين.
بلجه اونو داشا باسمالي‌سان، چونکي چاليشدي کي، سئزي مئصئر اؤلکهسئندن، نؤکرچئلئک اِوئندن چيخاردان تارينيز ربدن آزديرسين.
او واخت بونون سوراغيني آلان بوتون ائسرايئللی‌لر قورخاجاقلار و بئر ده آرانيزدا بونا بَنزَر بئر پئس ائش اتميه‌جکلر.
اگر تارينيز ربّئن سئزه ياشاماق اوچون وره‌جيي شهرلرئن بئرئنده اشئده‌سئنئز کي،
سئزئن آرانيزدان ياراماز آداملار چيخيب شهرلرئنده ياشايان آداملاري آزديريبلار و اونلارا ديئبلر کي، «گلئن تانيماديغينيز باشقا آللاهلارين دالينجا گدک و اونلارا قوللوق ادک.»
بونو آراشديرين و آختاريب کامئل بئر شکئلده تفتئش ادئن. اگر اشئتدئکلرئنئز دوغرودور و آرانيزدان بئرئسئنئن بله ائيرنج ائش گؤردويو ثابئت اولونوب،
او شهرده ياشايانلاري حتمن قيلينجدان کچئردئن. شهري کامئل محو ادئب، اوراداکي بوتون خالقي و حيوانلاري قيلينجدان کچئردئن.
تالان ماللارينين هاميسيني ييغيب، ميدانين اورتاسينا قالايين. شهري و ماللارين هاميسيني تارينيز رب اوچون يانديرما تقدئمي اولاراق کامئل يانديرين. قوي بو شهر ابده کئمي وئرانه قالسين. بو شهر هچ واخت تزهدن بئنا اولماسين.
محو ادئلمه‌يه وقف ادئلن ماللاردان هچ نه‌يي اَلئنئزه گؤتورمه‌يئن. او واخت ربّئن آلوولانان قضبي ياتار و آتالارينيزا آند ائچئب سؤز وردئيي کئمي سئزه رحم ادر، و سئزه مرحمت گؤرسدئب سئزي چوخالدار؛
اگر تارينيز ربّئن سؤزونو اشئده‌سئنئز، بو گون سئزه ددئيئم امرلره عمل ادئب، تارينيز ربّئن گؤزونده دوز اولاني ادهسئنئز.
سئز تارينيز ربّئن اؤولاديسينيز. اؤلَن اوچون بدنئنئزي يارالامايين و ساچينيزين قاباق طرفئني قيرخمايين.
چونکي سئز تارينيز ربّئن موقدّس خالقيسينيز. رب ير اوستونده اولان بوتون خالقلار آراسيندان سئزي سچئب کي، اونا مخصوص خالق اولاسينيز.
ائيرنج بئر شي يمه‌يئن.
بو حيوانلارين اَتئني يئيه بئلرسئنئز: اؤکوز، قويون، کچي،
مارال، جيران، خاللي مارال، داغ کچئسي، غزال، آهو، داغ قويونو.
حيوانلاردان کامئل قوشا ديرناقلي اولان و گؤوشه‌يَن حيوانلارين هاميسينين اَتئندن يئيه بئلرسئنئز.
لاکئن گؤوشه‌يَن و يا قوشا ديرناقلي اولان بو حيوانلارين اَتئني يِمه‌يئن: دَوه، دووشان، و قايا دووشاني. چونکي اونلار گرچي گؤوشه‌يئرلر، لاکئن قوشا ديرناقلي ديئللر. بونا گؤره سئزئن اوچون حارامديرلار.
لاکئن دونگوز قوشا ديرناقلي اولسا دا، گؤوشه‌مئر، او سئزئن اوچون حارامدير. اونلارين نه اَتئني ييئن، نه ده لِشئنه توخونون.
سولاردا ياشايان حيوانلاردان اوزمَک باله‌لري و پولجوقلاري اولانلارين هاميسيني يئيه بئلرسئنئز.
آمّا اوزمَک باله‌لري و پولجوقلاري اولمايانلارين هچ بئرئني يمه‌يئن؛ اونلار سئزه حارامدير.
بوتون تمئز قوشلارين اَتئندن يئيه بئلرسئنئز.
لاکئن بو قوشلارين اَتئني يمه‌مه‌لي‌سئنئز: قارتال، کِچَله کرکس، قارا کرکس،
چالاغان، شاهئن، چالاغان جئنسئندن اولانلار،
بوتون قارغا جئنسئندن اولانلار،
بايقوش، قارتال بايقوشو، دهنز قوشو، قيرغي جئنسئندن اولانلار،
بالا بايقوش، بؤيوک بايقوش، آغ بايقوش،
چؤل بايقوشو، لِش کرکسي، قاراباتداق،
لِيلَک، بوتون باليق‌اودان جئنسئندن اولانلار، شاناپئپئک، خوفّاش.
قانادلي قايناشان حيوانلار سئزئن اوچون حارامدير، يمه‌يئن.
قانادي اولان تمئز حيوانلارين هاميسيني يئيه بئلرسئنئز.
اؤلو حالدا تاپيلان حيوان اَتئندن يمه‌يئن. شهرئنئزده اولان اَجنَبئيه وره بئلرسئنئز کي، يسئن، يا دا ياد اِللی‌لره ساتا بئلرسئنئز. لاکئن سئز تارين ربّئن موقدّس خالقيسينيز. کچي بالاسيني آناسينين سودونده پئشئرمه‌يئن.
ائل به ائل زمئلرئنئزده بئتَن بوتون محصوللارين اوندا بئر حئصّهسئني گرک آييراسينيز.
همئشه تارينيز ربدن قورخماغي اؤيرنمَک اوچون تاخيلينيزين، تزه شرابينيزين، زيتون ياغينيزين اوندا بئر حئصّهسئني، مال- حيوانينيزين، قويون- کچئلرئنئزئن ائلک بالالاريني تارينيز ربّئن حوضوروندا، اؤز آدينا مسکن سچدئيي يرده ييئن.
اگر تارينيز ربّئن اؤز آدينا مسکن سچه‌جيي ير سئزدن چوخ اوزاقدادير و يولون اوزاقليغيندان سئز تارينيز ربّئن سئزه برکت وردئيي محصوللارين اوندا بئر حئصّهسئني اورايا آپارا بئلمئرسئنئز،
او زامان بونلاري ساتيب پولا چِوئرئن، و بو پولو گؤتوروب تارينيز ربّئن سچه‌چيي يره گدئن.
بو پوللا اوره‌يئنئز ائسته‌دئيئني آلين: مال-حيوان، سورو، شراب، کفلَندئرئجي ائچکي، و يا اوره‌يئنئزئن ائسته‌دئيئني؛ سئز و اِوئنئزئن اهلي اورادا تارينيز ربّئن قاباغيندا يِيئب شادليق ادئن.
شهرلرئنئزده ياشايان لاوئلی‌لري ياددان چيخارتمايين، چونکي اونلارين سئزئنله بئرلئکده پايي و ائرثي تورپاغي يوخدور.
هر اوچ ائلئن آخيريندا، اوچونجو ائلده بئتَن بوتون محصولونوزون اوندا بئر حئصّهسئني چيخارديب شهرلرئنئزده آنبار ادئن.
سئزئنله بئرلئکده پايي و ائرثي تورپاغي اولمايان لاوئلی‌لر، شهرلرئنئزده اولان قرئبلر، يِتئملر و دوللار قوي گلئب بوندان دويونجا يسئنلر. بله ادئن کي، تارينيز رب سئزه اَلئنئزئن بوتون زحمتئنده برکت ورسئن.
هر يدّي ائلئن آخيريندا بورجلو اولانلاري باغيشلايين.
بورجلارين باغيشلانما ائشئني بله ادئن: طلبکار اولان شخص قونشوسونون بورجونو باغيشلاسين؛ قونشوسونو و يا هموطنئني مجبور اتمه‌سئن کی، بورجونو گری قايتارسين، چونکي رب طرفئندن بورجلارين باغيشلانما ائلي اعلان اولوبدور.
ياد اِللي‌لردن بورجلارينيزي گری آلا بئلرسئنئز، لاکئن هموطنلرئنئزئن بورجلاريني باغيشلامالي‌سينيز.
او واخت آرانيزدا کاسيب اولماز، چونکي تارينيز رب سئزه مئراث آلماق اوچون وره‌جيي تورپاقدا سئزه البتّه برکت ورهجک،
اگر تارين ربّئن سؤزوندن ائطاعت ادهسئنئز، بو گون سئزه ددئيئم امرلرئن هاميسينا دئقّتله عمل ادهسئنئز،
تارينيز رب سئزه وعده وردئيي کئمي برکت ورهجک. سئز بئر چوخ مئلّتلره بورج ورهجکسئنئز، لاکئن اونلاردان بورج آلماياجاقسينيز. سئز بئر چوخ مئلّتلره حؤکمرانليق ادهجکسئنئز، لاکئن اونلار سئزه حؤکمرانليق اتميه‌جکلر.
اگر تارينيز ربّئن سئزه وره‌جيي تورپاغين هر هانسي بئر شهرئنده ياشايان هموطنلرئنئزدن بئري کاسيبدير، داش اورکلي اولمايين. کاسيب هموطنلرئنئزئن قاباغيندا اَلئنئز باغلي اولماسين.
عکسئنه، اَلي‌آچيق اولون، نَيه احتئياجي وارسا، اونا لازيمي اولدوغو قدر بورج ورئن.
مبادا دئيهسئنئز: «يدّئنجی ائل يعني بورجلارين باغيشلانما ائلي ياخيندير» و اوره‌يئنئزه پئس فئکئرلر گتئرهسئنئز. کاسيب هموطنئنئز اوچون خَسئسلئک اتمهيئن، اونا کؤمک اتمکدن بويون قاچيرتمايين. يوخسا او سئزدن ربّه شئکايت ادر، و گوناه قازانارسينيز.
کاسيبا سخاوتله، اؤز گؤيلونوزله کؤمک ادئن، چونکي بونا گؤره تارينيز رب بوتون بويونا آلديقلارينيزا، اَل آتديغينيز هر ائشه برکت ورهجکدئر.
اؤلکهده همئشه کاسيبلار اولاجاقلار، بونا گؤره من سئزه بله امر ادئرم: اؤز اؤلکه‌نئزده‌کي کاسيب و مؤحتاج هموطنلرئنئزه اَلي‌آچيق اولون.
اگر عئبراني هموطنلرئنئزدن بئر کئشي و يا آرواد سئزه قول اولاراق ساتيليبسا، بو قول آلتي ائل سئزه قوللوق ادندن سونرا، يدّئنجی ائل اونو آزاد ادئن.
آزاد ادنده اونو اَلي‌بوش يولا سالمايين.
سخاوت گؤرسدئب سورونوزدن، تاخيلينيزدان، شرابينيزدان اونا ورئن. تارينيز رب سئزه نجه برکت ورئبسه، سئز ده اونلارا اله ورئن.
مئصئرده قول اولدوغونوزو، تارينيز ربّئن سئزي قورتارديغيني يادا سالين. بو گون اونا گؤره بو امري ورئرم.
اگر قولونوز سئزي و سئزئن اِو اهلئنئزي سِوئر و سئزئنله خوش بئر حياتي وار و «سئزدن آيريلماق ائسته‌مئرم» ديئر،
اوندا بئر بئز گؤتورون و قولونوزون قولاق مَمه‌سئني دِشئب قاپييا باغلايين. بوندان سونرا او عؤمرو بويو قولونوز قالاجاق. کنئزئنئزله ده بو جور رفتار ادئن.
قولونوزو آزاد اتمک سئزه چتئن گلمه‌سئن. او، سئزه قوللوق اتدئيي آلتي ائل عرضئنده، موزدلو ائشچئدن ائکي قات آرتيق ائش گؤروبدور. سئزه تارينيز رب هر ائشده برکت ورهجک.
مال-حيوان و قويون-کچئلرئنئزئن ائلک دوغولان بالالاريندان هر اِرکَک حيواني تارينيز رب اوچون تقدئس ادئن. مال-حيوانينيزين ائلک بالالاريني ائشلَتمه‌يئن، قويون-کچئلرئنئزئن ائلک بالالارينين يونونو قيرخمايين.
سئز عايئله‌لرئنئزله بئرلئکده هر ائل تارينيز ربّئن حوضوروندا، اونون سچه‌جيي يرده بو حيوانلارين اَتئني ييئن.
لاکئن اگر بئر حيوانين عيبي وارسا، آخساق و يا کوردور، يا دا شئکَستي وار، اونو تارينيز ربّه قوربان اتمهيئن.
بله حيوانلاري کسئب شهرلرئنئزده يئيه بئلرسئنئز. پاک و يا نجئس ائنسان بو اَتدن جيران و يا مارال اَتي يدئيي کئمي يئيه بئلر.
آنجاق قانيني يمه‌يئن؛ اونو سو کئمي تورپاغا تؤکون.
آبئب آييني رئعايت ادئن و تارينيز ربّئن پاسخا بايراميني توتون. چونکي تارينيز رب سئزي مئصئردن آبئب آييندا گجه ائکن چيخارتدي.
تارينيز ربّئن اؤز آدينا مسکن سچه‌جيي يرده قويون- کچئلرئنئزدن، مال- حيوانينيزدان پاسخا قورباني کسئن.
قوربان اَتي ائله بئرلئکده مايالي چؤرک يمه‌يئن؛ اونونلا يدّي گون ماياسيز چؤرک، يعني اذئيّت چؤره‌يي ييئن. چونکي مئصئر اؤلکهسئندن تَلَسئک چيخدينيز. اله کي، عؤمور بويو مئصئردن چيخديغينيز گونو ياددا ساخلاياسينيز.
اؤلکه‌نئزئن هچ بئر يرئنده يدّي گون مايا گؤرونمه‌سئن. قوربان کَسدئيئنئز حيوانلارين اَتي بئرئنجي گونون آخشاميندان صاباحا قالماسين.
پاسخا قوربانلاريني تارينيز ربّئن سئزه وره‌جيي شهرلرئن هچ بئرئنده کسمه‌يئن،
آنجاق تارينيز ربّئن اؤز آدينا مسکن سچه‌جيي يرده کسئن. پاسخا قوربانيني آخشام، گون باتاندا، مئصئردن چيخديغينيز ساعاتلاردا کسئن.
اَتي تارينيز ربّئن سچه‌جيي يرده پئشئرئب ييئن. سحر آچيلاندا اورادان چيخيب چاديرلارينيزا قاييدين.
آلتي گون ماياسيز چؤرک ييئن. يدّئنجی گون تارينيز رب اوچون طَنطَنه‌لي ييغين کچئردئن و هچ بئر ائش گؤرمه‌يئن.
يدّي هفته اؤزونوز اوچون سايين، اَکئنه اوراق ووردوغونوز ائلک گوندن يدّي هفته سايين.
تارينيز ربّئن سئزه وردئيي برکته گؤره، اؤز گؤيلو ائله تقدئم ورمکله تارينيز رب اوچون هفته‌لر بايرامي کچئردئن.
تارينيز ربّئن حوضوروندا يعني اونون اؤز آدينا مسکن سچه‌جيی يرده سئز، اوغولونوز، قيزينيز، قولونوز، کنئزئنئز، شهرلرئنئزده ياشايان لاوئلی‌لر، آرانيزدا ياشايان قرئبلر، يتئملر و دوللار بئرلئکده شادليق ادهجکسئنئز.
مئصئرده قول اولدوغونوزو يادا سالين و بو قايدالارا دئقّت ائله عمل ادئن.
خَرمَنئنئزدن، اوزوم سيخانينيزدان محصول گؤتورندن سونرا، اؤزونوز اوچون يدّي گون چارداقلار بايرامي توتون.
بو بايرامدا سئز، اوغولونوز، قيزينيز، قولونوز، کنئزئنئز، شهرلرئنئزده ياشايان لاوئلی‌لر، قرئبلر، يتئملر و دول‌لارلا بئرلئکده شادليق ادهجکسئنئز.
تارينيز ربّئن سچه‌جيی يرده رب اوچون يدّي گون بو بايرامي توتون، چونکي تارينيز رب بوتون محصول‌لارينيزا، اَللرئنئزئن هر ائشئنه برکت ورئب و سئز هامينيز شادليق ائچئنده ياشاياجاقسينيز.
بوتون کئشئلرئنئز ائلده اوچ دفه ماياسيز چؤرک بايراميندا، هفته‌لر بايراميندا، و چارداقلار بايراميندا تارينيز ربّئن حوضوروندا اولماق اوچون اونون سچه‌جيی يره گتسئنلر. ربّئن حوضورونا هچ کئم اَلي‌بوش گتمه‌سئن.
هر کس تارينيز ربّئن سئزه وردئيي برکته گؤره گوجو چاتديغي قدر ورمه‌لي‌دئر.
تارينيز ربّئن سئزه وره‌جيي شهرلرده هر قبئله‌نئز اوچون قاضيلار و مأمورلار تعيئن ادئن. قوي اونلار خالقا عدالتله قضاوت اتسئنلر.
حؤکم اِدَرکَن حاقسيزليق اتمهيئن، هچ کئمئن طرفئني ساخلامايين. روشوت آلمايين، چونکي روشوت حئکمتلي ائنسانين گؤزلرئني کور ادئر و صالح آدامين سؤزلرئني اَيری ادئر.
عدالتئن، آنجاق عدالتئن دالينجا گدئن کي، ياشاياجاقسينيز و تارينيز ربّئن سئزه وره‌جيي تورپاغا مالئک اولاسينيز.
تارينيز رب اوچون قوراجاغينيز قوربانگاهين يانينا اَشِرانين هچ بئر آغاج سوتونونو قويمايين.
تارينيز ربّئن نئفرت اتدئيي موقدّس بئر سوتون قويمايين.
هر هانسي بئر عِيب و يا شئکستي اولان اؤکوزو يا دا قويونو تارينيز ربّه قوربان اتمهيئن. بله اتمک تارينيز رب اوچون ائيرنجدئر.
تارينيز ربّئن سئزه وره‌جيي شهرلرئن بئرئنده، اگر آرانيزدان هر هانسي بئر کئشي يا دا آرواد چيخسا کي، اونون عهدئني پوزوب و تارينيز ربّئن گؤزونده پئس اولاني ادئب،
و گدئب منئم امرئمئن ضئدّئنه آيري آللاهلارا، گونه، آيا و يا گؤي جئسئملرئندن هر هانسي بئرئنه قوللوق ادئب پرستئش اتسه،
اگر بو حادئثهدن خبردار اولاسينيز، اشئتدئکلرئنئزي دئقّتله آراشديرين. اگر بو خبر دوغرودور و بله ائيرنج شيئن ائسرايئلده باش وردئيي ثابئت اولسا،
او واخت بله پئس حرکت ادن کئشئني و يا آروادي شهرئن دروازاسينا گتئرئن و داشا باسيب اؤلدورون.
اؤلومه محکوم اولان آدام ائکي و يا اوچ نفرئن شاهئدلئيي ائله اؤلدورولمه‌لي‌دئر. تک بئر نفرئن شاهئدلئيي ائله اؤلدورولمه‌سئن.
او آدامي اوّلجه شاهئدلر، سونرا ده بوتون خالق داشا باسسين. بلجه، بو پئسلئک آرانيزدان آتيلسين.
اگر شهرلرئنئزده آدام اؤلدورمک، موناقئشه و يا يوگوروب يارالاماق داعوالاري وار کي، محکمه‌لرئنئزده اونلار بارهده قرار چيخارتماقدا چتئنلئکلره راست گلئرسئنئز، اوندا قالخين و تارينيز ربّئن سچه‌جيی يره گدئن.
او دؤورده خئدمت ادن لاوئلي کاهئنلرئن يا دا قاضينين يانينا گدئب اونلاردان بو بارهده نظر آلين. داعوانين قراريني اونلار سئزه اعلان ادهجکلر.
ربّئن سچه‌جيی يردن سئزه ديئلن قرارا عمل ادئن. دئقّت ادئن کي، سئزه اؤيرتدئکلرئنئن هاميسينا عمل ادهسئنئز.
اؤيره‌دئلن قانونا و ديئلن قرارا گؤره رفتار ادئن. امر ادئلنلردن نه صاغا، نه ده سولا دؤنون.
هر کس کي، اهانت ادئب تارينيز ربّئن حوضوروندا دوران قاضييا و يا کاهئنه قولاق آسماسا، گرک اؤلدورولسون؛ بلجه بو پئسلئيي ائسرايئلدن سئلرسن.
بوتون خالق بو خبري اشئدئب قورخار و بئر داها بو اهانت اولماز.
تارينيز ربّئن سئزه وره‌جيي تورپاغا گئرنده، اورايا مالئک اولوب اوراني مسکن ادنده، اگر دئيهسئنئز: «بوتون اطراف اؤلکه‌لرده‌کي کئمي بئر پادشاه تعيئن ادک.»
آرخايين اولون کي، تارينيز ربّئن سچه‌جيی آدامي پادشاه قوياسينيز. پادشاه تعيئن اتدئيئنئز آدام اؤز هموطنلرئنئزدن اولماليدير. هموطنئنئز اولمايان ياداِلّي بئر آدامي پادشاه اده بئلمزسئنئز.
قوي پادشاه اؤزو اوچون آت چوخالتماسين. آتلاريني آرتيرماق اوچون خالقي مئصئره دؤنمه‌يه چکمه‌سئن، چونکي رب سئزه بله ديئب: «بئر ده بو يولدان گری قاييتمايين.»
پادشاه چوخ آرواد آلماسين، يوخسا اوره‌يي آزار؛ اؤزو اوچون چوخلو قيزيل-گوموش ده ييغماسين.
پادشاهليق تختئنه چيخاندا، لاوئلي کاهئنلرئن نظارتي آلتيندا بو قانوندان بئر صورتئني اؤزو اوچون طومارا يازسين.
بو قانونون صورتي اونون يانيندا اولسون و عؤمرونون بوتون گونلرئنده اونو اوخوسون کي، بو قانونون بوتون سؤزلرئنه و بو قايدالارا عمل اتمکله تارينيز ربدن قورخماغي اؤيرنسئن.
اله کي، اؤزونو هموطنلرئندن اوستون توتماسين و امردن نه صاغا، نه ده سولا دؤنسون. او واخت ائسرايئلده اؤزونون و نسلئنئن پادشاهليغي اوزون اولار.
لاوئلي کاهئنلرئن، بوتون لاوي قبئلهسئنئن او بئري ائسرايئللیلرله بئرلئکده پايي و ائرثي اولماياجاق. اونلار ربّه اودلا تقدئم ادئلَنلرله و ربّئن پايي ائله دوياجاقلار.
لاوئلی‌لرئن هموطنلري آراسيندا ائرثي تورپاقلاري اولماياجاق؛ اونلارين ائرثي رب اؤزودور، نجه کي، سؤز ورئب.
خالق آراسيندا اؤکوز و يا قويون قورباني تقدئم ادنلرئن کاهئنلره وره‌جيي پاي بو اولاجاق: قول، چَنه و ائچ‌آلات.
تاخيلينيزين، تزه شرابينيزين، زيتون ياغينيزين نوباريني و قويونلارينيزدان قيرخديغينيز ائلک يونو کاهئنلره ورئن.
چونکي تارينيز رب اونلاري و اؤولادلاريني بوتون قبئله‌لرئنئز آراسيندان سچئب کي، دائم ربّئن آدينا خئدمتده دايانسينلار.
اگر بئر لاوئلي ياشاديغي ائسرايئل شهرلرئنئن بئرئندن اؤز گؤيلو ائله ربّئن سچه‌جيی يره گلسه،
اورادا تاريسي ربّئن حوضوروندا دايانان لاوئلي هموطنلري کئمي، ربّئن آدينا خئدمت اتسئن.
اونلارين پايي بئر اولاجاق مگر نه کي، آتا مولکونون ساتيشيندان اَله گتئرئر.
تارينيز ربّئن سئزه وره‌جيي تورپاغا گئردئيئنئز زامان، او مئلّتلرئن ائيرنج رسم-روسوملاريني اؤيره‌نئب تقلئد اتمهيئن.
آرانيزدا اوغول و قيزيني اوددا قوربان ادن، فالچي، گله‌جيي دئيَن، باخيجي، جادوگر،
اووسونچو، جئنلرله رابئطه ساخلايان، روحلار و يا اؤلولري چاغيران اولماسين.
بله ائش گؤرَنلر ربّه ائيرنجدئرلر؛ و اله بو ائيرنج ائشلره گؤره تارينيز رب اونلاري سئزئن قاباغينيزدان قوواجاق.
تارينيز ربّئن گؤزو قاباغيندا کامئل اولون.
چونکي تورپاقلاريني آلاجاغينيز بو مئلّتلرئن گله‌جيي دئيَنلرئن و فالچيلارين سؤزلرئنه قولاق آسيرلار. آمّا سنه گلئنجه؛ تارينيز رب سئزئن اوچون بونا ائجازه ورمئر.
تارينيز رب سئزئن اوچون آرانيزدان، اؤز هموطنلرئنئز ائچئندن منئم کئمي بئر پيغمبر يتئرهجک. اونا قولاق آسين.
چونکي خورِبده ييغيلديغينيز گون، تارينيز ربدن بونو آرزو اتمئشدئنئز: «قوي بئر ده تاريم ربّئن سَسئني اشئتمه‌يئم و بئر داها بو بؤيوک آلووو گؤرمه‌يئم، يوخسا اؤله‌رَم.»
او واخت رب منه ددي: «ددئکلري دوغرودور.
اونلار اوچون هموطنلري آراسيندان سنئن کئمي بئر پيغمبر يتئره‌جيم و سؤزلرئمي اونون آغزينا قوياجاغام. او امر اتدئيئم هر شيي اونلارا دئيهجک.
منئم آديمدا دئيه‌جيي سؤزلره قولاق آسمايان آدامي من اؤزوم جزالانديراجاغام.
لاکئن هانسي بئر پيغمبر اونا امر اتمه‌دئيئم سؤزو منئم آديمدا دِمَيه جورعت اتسه، و يا آيري آللاهلارين آديندا دانيشسا، او پيغمبر گرک اؤلدورولسون.»
مومکوندور اوره‌يئنئزده دئيهسئنئز: «بو سؤزون رَبدن اولوب-اولماديغيني نجه بئلَک؟»
اگر بئر پيغمبر ربّئن آديندا دانيشاندا، ددئيي سؤز باش ورمَزسه، و يا دوز چيخمازسا، اونو رب دمه‌مئشدئر. او پيغمبر گوستاخليقلا دانيشيب. اوندان قورخمايين.
تارينيز رب، تورپاقلاريني سئزه وره‌جيی مئلّتلري محو ادنده، و سئز اونلارين مولکونو آليب شهرلرئنده و اِولرئنده ساکئن اولاندا،
تارينيز ربّئن مالئک اولماق اوچون سئزه وره‌جيی تورپاغين مرکزئنده اؤزونوز اوچون اوچ شهر آييرين.
اؤزون اوچون يوللار چکئب، تارينيز ربّئن سئزه مولک وره‌جيی اؤلکهني اوچ بؤلگه‌يه آييرين. بله کي، آدام اؤلدورن بو شهرلردن بئرئنه قاچسين.
صاغ قالماق اوچون اورايا قاچان قاتئل حاقّيندا، يعني قونشوسو ائله اوّلجهدن عداوتي اولمادان و بئلمه‌دن اونو اؤلدورن آدام بارهده قايدا بودور.
مثلن، اودون کَسمَک اوچون قونشوسو ائله مِشه‌يه گدئب آغاج دوغراماق اوچون بالتا ووراندا، بالتانين دمئري ساپيندان چيخيب قونشوسونا دَيسه و قونشوسو اؤلسه، اؤلومه باعئث آدام بو شهرلردن بئرئنه قاچيب جانيني قورتارسين.
يوخسا قان قئصاصيني آلان قضبئنئن حئدّتئنده قاتئلئن دالينا دوشه بئلر. يول اوزاق اولسا، چاتيب اونو اؤلدوره بئلر، گرچي اونونلا قاباقدان عداوتي اولماديغينا گؤره اؤلوم جزاسينا لايئق ديئل.
بونون اوچون سئزه امر ادئرم: اؤزوزه اوچ شهر آييرين.
اگر تارينيز رب، آتالارينيزا آند ائچدئيي کئمي، سئزئن سرحدئنئزي گِنئشلَندئرسه و آتالارينيزا وعده وردئيي بوتون اؤلکهني سئزه ورسه،
اگر بو گون سئزه ددئيئم بو امري دئقّتله رئعايت ادهسئنئز، يعني تارينيز ربّی سِوه‌سئز و همئشه اونون يوللاريندا يِرئيه‌سئنئز، او زامان اؤزونوز اوچون بو اوچ شهردن علاوه، اوچ شهر ده سِچئن.
بلجه تارينيز ربّئن ائرث اولاراق سئزه وره‌جيی تورپاقدا گوناهسيز قان تؤکولميه‌جک؛ و هم ده قان تؤکمَکده تقصئرکار اولمازسينيز.
لاکئن اگر بئرئنئن قونشوسو ائله عداوتي وار، و کمئنده دوروب اونو گؤزله‌سه و هوجوم ادهرک اونو ووروب اؤلدورسه، و بو شهرلردن بئرئنه قاچسا،
بو آدامين شهرئنئن آغساقّاللاري آدام گؤندرئب، اونو اورادان آليب، اؤلمَک اوچون قان قئصاصي آلانا تسلئم اتسئنلر.
اونا رحم اتمهيئن. گوناهسيز قاني ائسرايئلدن تمئزله‌يئن کي، حياتينيز خوش کچسئن.
تارينيز ربّئن مالئک اولماق اوچون مئراث آلاجاغينيز ائرثئنئزده، قونشونوزون اجدادلار طرفئندن قويولان سرحدئني ديئشدئرمه‌يئن.
هر هانسي بئر تقصئر و يا گوناه بارهده تک بئر شاهئدئن شهادتي کئفايت ديئل؛ هر ائدّئعا ائکي و يا اوچ شاهئدئن سؤزو ائله تصدئق ادئلسئن.
اگر بئر يالانچي شاهئد پئس مقصدله بئرئني تقصئرلَندئرسه،
آرالاريندا موناقئشه اولان ائکي آدام ربّئن حوضوروندا، او دؤورده خئدمت ادن کاهئنلرئن و قاضيلارين قاباغيندا دايانسينلار.
حاکئملر داعواني ياخشي آراشديرسينلار. اگر شاهئد يالانچيدير و هموطنئنه يالاندان ائتّئهام ووروب،
اوندا هموطنئنه اتمک ائسته‌دئيئني، اونون اؤز باشينا گتئرئن. بلجه آرانيزدان بو پئسلئيي سئلرسئنئز.
قالانلاري دا بونو اشئدئب قورخاجاقلار و بئر داها سئزئن آرانيزدا بو جور پئسلئک اتميه‌جکلر.
بله آداما رحم اتمهيئن: جان عوضئنه جان، گؤز عوضئنه گؤز، دئش عوضئنه دئش، اَل عوضئنه اَل، آياق عوضئنه آياق.
دوشمنلرئنئزئن ضئدّئنه دؤيوشه چيخاندا، آتلاري، دؤيوش عارابالاريني و سئزدن بؤيوک بئر قوشونو گؤرنده قورخمايين، چونکي سئزي مئصئر تورپاغيندان چيخاردان تارينيز رب سئزئنله‌دئر.
کاهئن دؤيوشدن قاباق قوشونون يانينا گلئب خالقلا دانيشسين.
اونلارا بله دسئن: «ای ائسرايئللی‌لر، قولاق آسين! بو گون دوشمنلرئنئزله دؤيوشه چيخيرسينيز. اوره‌يئنئز اوزولمه‌سئن. اونلاردان قورخوب اورکمه‌يئن، اونلارين قاباغيندا دا اَسمه‌يئن،
چونکي تارينيز رب سئزئنله گدئر کي، دوشمنلرئنئزله دؤيوشسون و سئزه نئجات ورسئن.»
افسرلر ده خالقا بله دسئنلر: «کئم وار کي، تزه اِو تئکئب و ائچئنده حله اوتورماييب؟ قوي اِوئنه قاييتسين. اولماسين کي، دؤيوشده اؤلسون و اِوئنده آيري آدام ياشاسين.
کئم وار کي، اوزوم باغي ساليب، محصولونو حله ييغماييب؟ قوي او دا اِوئنه قاييتسين. اولماسين دؤيوشده اؤلسون و محصولونو آيريسي ييغسين.
کئم وار کي، بئر قيزا نئشانلي اولوب، آمّا حله اِولَنمه‌يئب؟ او دا دؤنوب اِوئنه قاييتسين. اولماسين کي، دؤيوشده اؤلسون و نئشانليسيني آيري بئري آلسين.»
افسرلر خالقلا دانيشماغا داوام ورئب بله دسئنلر: «کئم وار کي، قورخوسوندان اوره‌يئني ييئر؟ او آدام دؤنوب اِوئنه قاييتسين اِله کي، هموطنلرئنئن ده اوره‌يئني اؤز اوره‌يي کئمي اوزمه‌سئن.»
افسرلر قوشونلا دانيشماقلاريني قورتاراندان سونرا خالقا قوشون رهبرلري تعيئن اتسئنلر.
دؤيوشمَک اوچون هانسي شهرئن ضئدّئنه يوروش ادهسئنئز، اوّل اونون خالقيني باريشا چاغيرين.
اگر حاضير اولوب سئزئنله صولح اتسهلر و دروازالاريني سئزه آچسالار، او واخت اورانين بوتون اهالئسي سئزه ائجباري چاليشيب خئدمت اتسئنلر.
يوخ، اگر سئزئن باريش دعوتئنئزي ردّ ادئب، دؤيوشه باشلاسالار، اوندا شهري موحاصئرهيه آلين.
تارينيز رب شهري سئزه تسلئم ادنده، اورانين بوتون کئشئلرئني قيلينجدان کچئردئن.
آروادلاريني، اوشاقلاري، حيوانلاري و شهرده اولان بوتون ماللاري دا تالان ادئن. تارينيز ربّئن سئزه وردئيي دوشمن ماليني اؤزونوزه صرف اده بئلرسئنئز.
سئزدن اوزاقلاردا يِرلَشَن شهرلرئن هاميسينا دا کي، ياخينينيزدا اولان مئلّتلرئن ديئللر، بله رفتار ادئن!
آنجاق تارينيز ربّئن ائرث اولاراق سئزه وره‌جيی بو مئلّتلرئن شهرلرئنده نَفَسي اولان هچ بئر جانليني بِله، صاغ بوراخمايين.
خئتلئلري، اِمورلولاري، کَنَعانليلاري، پِرئزلی‌لري، خئولی‌لري، يِبوسلولاري تارينيز ربّئن سئزه امر اتدئيي کئمي کامئل محو ادئن کي،
آللاهلارينا اتدئکلري بوتون ائيرنج شيلرئن اتمه‌يئني سئزه اؤيرتمه‌سئنلر و سئز تارينيز ربّئن ضئدّئنه گوناه اتميهسئنئز.
هر هانسي بئر شهرله دؤيوشَنده، اگر اورانين موحاصئره‌‌سي اوزون چکسه، آغاجلاري بالتالاييب محو اتمهيئن. بو آغاجلارين محصولوندان يئيه بئلرسئنئز، آمّا اونلاري قيرمايين. مگر چؤلدهکي آغاجلار ائنساندير کي، اونلاري موحاصئرهيه آلاسينيز؟
آنجاق او آغاجلاري کَسئب محو ادهبئلرسئنئز کي، اونلارين بار ورمه‌مکلرئني بئلئرسئنئز. سئزئنله دؤيوشه چيخان شهري آلاناجاق، موحاصئره عملئيّاتيندا بو آغاجلاردان ائستئفاده اده بئلرسئنئز.
تارينيز ربّئن مالئک اولماق اوچون سئزه وره‌جيی تورپاقدا، اگر چؤلده، يره سَرئلمئش اله بئر ميئت تاپاسينيز کي، اونون کئمئن طرفئندن اؤلدورولدويو بئلئنمئر،
آغساقّاللارينيز و حاکئملرئنئز گدئب مِيئتئن اولدوغو يرله اطراف شهرلر آراسينداکي مسافه‌ني اؤلچسونلر.
مِيئته لاپ ياخين شهر هانسي‌دير، اورانين آغساقّاللاري ائشه قوشولماميش، يوغ تاخيلمايان بئر دئشي بوزوو گؤتورسونلر.
دئشي بوزوو شوخوملانماميش، اَکئلمه‌مئش تورپاقداکي آخار سولو درهيه گتئرسئنلر و اورادا بوزووون بوينونو سينديرسينلار.
سونرا لاوئلي کاهئنلر ده اورايا گلسئنلر، چونکي تارينيز رب اونلاري اؤزونه خئدمتچي سچئب کي، ربّئن آديندا برکت ورسئنلر؛ آرانيزداکي هر موناقئشه و دؤيوشمه داعوايا باخسينلار.
ميئته لاپ ياخين شهرئن بوتون آغساقّاللاري دره‌ده بوينو سينديريلميش دئشي بوزووون اوستونده اَللرئني يوسونلار؛
و جاواب ورئب دسئنلر: «بئزئم اَللرئمئز بو قان تؤکمه‌يئب. کئمئن اتدئيئني ده گؤزلرئمئز گؤرمه‌يئب.
يارب، قورتارديغين خالقين ائسرايئلي باغيشلا. سنئن خالقين ائسرايئلي ناحاق تؤکولَن قان اوچون تقصئرکار توتما.» بلجه، قان تؤکمَک گوناهي باغيشلانار.
ربّئن گؤزونده دوز اولاني اتدئيئنئز اوچون، ناحاق قان بوينونوزدان گؤتورولهجک.
دوشمنلرئنئزله دؤيوشه چيخاندا، و تارينيز رب اونلاري سئزئن اَلئنئزه تسلئم ادنده، و سئز اونلاري اسئر گؤتورنده،
اگر اسئرلرئن آراسيندا گؤزل آرواد گؤروب اونا وورولاسينيز، اونو اؤزونوزه آرواد آلماق ائستَيه‌سئنئز،
او واخت او آروادي اؤز اِوئنئزه گتئرئن، و او، باشيني قيرخيب ديرناقلاريني توتسون،
اسئر آليناندا گئيَن پالتارلاري چيخارتسين و اِوئنئزده قاليب آتا-آناسي اوچون بئر آي کامئل ياس توتسون؛ بوندان سونرا آروادي اونون يانينا گئرئب، اونون اَري اولا بئلرسئنئز و او سئزئن آروادينيز اولار.
اگر او سونرادان سنئن خوشونا گلمه‌سه، گؤيلو ائسته‌دئيي کئمي اونو آزاد بوراخ. لاکئن آروادي اصلا پولا ساتا بئلمزسن، اونونلا پئس رفتار اده بئلمزسن، چونکي اونو ذلئل ادئبسن.
اگر بئر کئشئنئن ائکي آروادي وارسا، بئرئني سِوئب آيريسيني سِومئرسه، و هر ائکي آرواد دا اونا اوغوللار دوغموشسا، اگر ائلک اوغول سِومه‌دئيي آرواددان‌دير،
بو کئشي اَملاکيني ائرث اولاراق اوغوللاري آراسيندا بؤلَنده، ائلک اوغوللوق حاقّيني سِودئيي آروادينين اوغلونا وره بئلمز.
سِومه‌دئيي آروادينين اوغلونو ائلک اوغول اولاراق تانيسين و بؤلونَن مالين ائکي قات پاييني اونا ورسئن، چونکي گوجونون ائلک يادئگاري‌دير؛ ائلک اوغوللوق حاقّي اونوندور.
اگر بئر آدامين دئکباش، عاصي، والئدِينئنه قولاق آسمايان، آتا-آنا تربئيهسئنه محل قويمايان بئر اوغلو وارسا،
آتا-آناسي اونو توتوب، شهرئن دروازاسينا، شهرئن آغساقّاللارينين يانينا گتئرسئنلر.
شهر آغساقّاللارينا بله دسئنلر: «بئزئم اوغلوموز دئکباش و عاصي‌دئر. سؤزوموزه هچ باخمير، قارينقولو و عيّاشدير.»
او واخت شهرئن اهالئسي اونو داشا باسيب اؤلدورسونلر؛ بلجه بو پئسلئيي آرانيزدان تمئزله‌يئن. بوتون ائسرايئللی‌لر بو خبري اشئدئب قورخاجاقلار.
اگر بئر آدام اؤلوم جزاسينا لايئق بئر گوناهدان اؤتري اؤلومه ورئلئب و اونو آغاجدان آسيرسينيز،
ميئتي گجه آغاجدا آسيلي قويمايين. گرک اونو همئن گون باسديراسينيز، چونکي آسيلان آدام تارينين لعنتئنه دوچار اولوب. بلجه تارينيز ربّئن ائرث اولاراق سئزه وره‌جيی تورپاغي نجئسلَمَزسئنئز.
اگر هموطنئنئن آزميش اؤکوز و يا قويونونو گؤرهسن، اؤزونو گؤرمه‌مَزلئيه وورما. اؤکوزو و يا قويونو هموطنئنه گری قايتارماليسان.
اگر هموطنئن سندن اوزاقدادير يا دا حيوانين کئمه عاييد اولدوغونو بئلمئرسن، اوندا اونو اؤز اِوئنه آپار. هموطنئن اونو آختاراناجاق بو حيوان اِوئنده قالسين. سونرا اونو گری قايتار.
هموطنئنئن اِششه‌يئني، پالتاريني و يا ائتئردئيي آيري شيلري تاپاندا دا بو جور اتمهليسن. اؤزونو گؤرمه‌مَزلئيه وورما.
گؤرنده کي، هموطنئنئن اِششه‌يي و يا اؤکوزو يولدا ييخيليب، اؤزونو گؤرمه‌مَزلئيه وورما. گرک کؤمک ادئب حيواني آياغا قالديراسان.
آرواد کئشي پالتاري، کئشي ده آرواد پالتاريني گيئنمه‌سئن؛ چونکي بله شيلري ادن هر کس تارينيز ربّه ائيرنج گؤرونور.
اگر تصادوفن يولدا، آغاجدا و يا تورپاق اوستونده بئر قوش يوواسي گؤرهسن و آنا قوش بالالارينين يا دا يومورتالارينين اوستونده اوتورموشسا، آنا قوشو بالالاري ائله بئرلئکده گؤتورمه.
اؤزون اوچون بالالاريني گؤتوره بئلرسن، آمّا آناسيني گرک بوراخاسان. بله ادهسن، حياتين خوش، عؤمرون اوزون اولار.
تزه تئکدئيئن اِوئن دامينين کنارينا قيسا دووار چک کي، کئمسه داميندان ييخيليب اؤلسه، قاني اِوئنئن اوستونه دوشمه‌سئن.
باغيندا ائکي جور توخومو قاريشديريب اَکمه. بله ادهسن، اَکدئيئن توخومون دا، باغين محصولو دا نجئسدئر.
شوخوملاماق اوچون اِششَکله اؤکوزو ياناشي قوشما.
يونلا کتاندان توخونموش قاريشيق پارچادان پالتار گيئنمه.
بوروندويون عبانين دؤرد طرفئنه قوتاز سال.
اگر بئر نفر آرواد آليب ياخينليق ادندن سونرا اونو بَيَنمسه،
و اونا شر آتيب آديني لَکه‌لَسه و دسه: «بو قيزي آلديم، اونونلا ياخينليق ادندن سونرا گؤردوم کي، باکئره ديئل.»
اوندا آتا-آناسي قيزين «اوز آغليق مَلَفه‌سئني» دروازايا، شهر آغساقّاللارينين يانينا گتئرسئنلر.
قيزين آتاسي شهر آغساقّاللارينا بله دسئن: «بو آداما قيزيمي آرواد وردئم. ائندي قيزيمي بَيَنمئر.
باخين، بو آدام قيزيمين آديني لَکه‌له‌يئب ديئر: «سنئن قيزيني باکئره تاپماديم.» لاکئن بو، قيزيمين اوز آغليق مَلَفه‌سي‌دئر. مَلَفه‌ني شهرئن آغساقّاللارينين قاباغينا سَرسئنلر.
شهرئن آغساقّاللاري او آدامي توتوب جزالانديرسينلار.
اونو يوز گوموش شِکِل جزاسينا محکوم ادئب، قيزين آتاسينا ورسئنلر، چونکي او آدام ائسرايئلده بئر قيزين آديني لَکه‌له‌يئب. بو آرواد همئن آدامين آروادي اولاجاق و عؤمرو بويو اونو بوشايا بئلمز.
آمّا اگر ائدّئعا دوغرودور و قيز باکئره تاپيلماسا،
اوندا جاوان آروادي، آتاسينين اِوئنئن قاپيسينا چيخارتسينلار. شهرئن کئشئلري اونو داشا باسيب اؤلدورسونلر، چونکي آتا اِوئنده زئنا اتمکله ائسرايئلده ناموسسوزلوق ادئب. بلجه آرانيزدان بو پئسلئيي تمئزله‌يئن.
کئم آيريسينين آروادي ائله ياتاقدا توتولسا، او زامان هر ائکئسي ده اؤلدورولسون؛ آرواد و آروادلا ياتان کئشي. بلجه ائسرايئلدن بو پئسلئيي تمئزله‌يئن.
اگر بئر قيز بئر کئشئيه نئشانليديرسا، و شهرده کئمسه اونو تاپيب اونونلا ياخينليق اتسه،
او زامان اونلارين ائکئسئني ده او شهرئن دروازاسينا گتئرئن و داشا باسيب اؤلدورون؛ چونکي قيز شهرده اولدوغو حالدا قيشقيرماييب، کئشي ده هموطنئنئن آروادينين ناموسونا توخونوب. بلجه آرانيزدان بو پئسلئيي آتين.
اگر بئر کئشي نئشانلي قيزا چؤلده راست گلسه، اونو زورلاييب اونونلا ياخينليق اتسه، او زامان فقط اونونلا ياخينليق ادن کئشي اؤلدورولسون.
جاوان آروادا هچ نه اتمهيئن؛ اوندا اؤلومه لايئق بئر گوناه يوخدور. اونا گؤره کي، بئر آدام قونشوسونا نجه هوجوم ادئب اؤلدورَرسه، بو ائش ده اله‌دئر.
چونکي کئشي قيزا چؤلده راست گلئب. نئشانلي قيز قيشقيريب، آمّا کؤمه‌يئنه چاتان اولماييب.
اگر کئمسه نئشانلانماميش باکئره بئر قيزا راست گلسه، و اونو توتوب اونونلا زورلا ياتسا و توتولسالار،
او زامان اونونلا ياخينليق ادن آدام قيزين آتاسينا اَلّي شِکِل گوموش ورسئن و همئن قيز اونون آروادي اولسون، چونکي اونو ذلئل ادئبدئر؛ او، آروادي عؤمرو بويو بوشايا بئلمز.
هچ کئم آتاسينين آرواديني آلماسين و آتاسينين اِولئلئک ياتاغيني لَکه‌لَمه‌سئن.
جئنسئيّت عوضوو اَزئلمئش يا دا کَسئلمئش شخص ربّئن جاماعاتينا داخئل اولا بئلمز.
نامشروع دوغولان ربّئن جاماعاتينا داخئل اولا بئلمز. اونون اؤولادلاري، حتّا اونونجو نسله قدر ربّئن جاماعاتينا داخئل اولا بئلمزلر.
ربّئن جاماعاتينا هچ بئر عَمّونلو و يا موآبلي داخئل اولا بئلمز. اونلارين هچ بئر اؤولادي، حتّا اونونجو نسله قدر ده ربّئن جاماعاتينا اصلا داخئل اولا بئلمز،
چونکي اونلار مئصئردن چيخديغينيز زامان، يولدا سئزي چؤرک و سو ائله پئشواز اتمه‌دئلر. سئزه لعنت اتمک اوچون اَرام‌نَخه‌ره‌يئمده‌کي پِتور شهرئندن بِعور اوغلو بَلعامي اوجرتله توتدولار.
آمّا تارينيز رب بَلعامي اشئتمک ائستمه‌دي. تارينيز رب بو لعنتي سئزئن اوچون برکته چِوئردي، چونکي او سئزي سِوئر.
نه قدر عؤمرونوز وارسا، اونلارين صولحو و يا رئفاهي اوچون چاليشمايين.
آمّا اِدوملولاردان ائيرَنمه‌يئن، چونکي اونلار سئزئن قوحوملارينيزدير. مئصئرلی‌لردن ده ائيرَنمه‌يئن، چونکي تورپاقلاريندا قرئب ائدئنئز.
اونلاردان دوغولانلارين اوچونجو نسلی ربّئن جاماعاتينا داخئل اولا بئلر.
دوشمنلرئنئزله دؤيوشمَک اوچون چيخاندا، اؤزونوزو هر جور پئسلئکدن حئفظ ادئن.
اگر گجه ياتارکن آرانيزدا توخومو تؤکولَن شخص اولسا، او، اوردوگاهدان کنارا چيخسين و اورايا تکرار گئرمه‌سئن.
آخشاماجاق سو ائله يويونسون و گون باتان واخت اوردوگاها قاييتسين.
اوردوگاهينيزدان کناردا آياق يولو اوچون ير تعيئن ادئن.
اسبابلارينيز آراسيندا ير قازماق اوچون بِل ده اولسون کي، آياق يولونا گدنده ائفرازاتين اوستونو باسديرا بئلهسئنئز.
تارينيز رب سئزي قورتارماق و دوشمنلرئنئزي سئزه تسلئم اتمک اوچون اوردوگاهينيزين ائچئنده گَزئر. اونا گؤره اوردوگاهينيز موقدّس اولسون کي، رب نانَجئب بئر شي گؤروب سئزدن اوز دؤندَرمه‌سئن.
آغاسينين يانيندان سئزئن يانينيزا قاچان قولو آغاسينا قايتارمايين.
قوي اؤزو سچه‌جيی يرده، بَيَندئيي بئر شهرده آرانيزدا ياشاسين. اونونلا پئس رفتار اتمهيئن.
ائسرايئللي آرواد و يا کئشي هچ بئر معبده فاحئشه‌لئک اتمه‌سئن.
آروادين و يا کئشئنئن فاحئشهلئکله قازانديغي قازانجي تارينيز ربّئن معبدئنه تقدئم اتمهيئن. هر ائکئسي تارينيز ربّه ائيرنجدئر.
هموطنئنئزه پولو ، ارزاقي، يا دا فايض گتئرن آيري بئر شيي سَلَمه بورج ورمهيئن.
ياد اِللئدن فايض آلا بئلرسئنئز، آمّا هموطنئنئزدن آلمايين کي، تارينيز رب مالئک اولماق اوچون گده‌جيئز تورپاقدا اَل آتديغيز هر ائشه برکت ورسئن.
تارينيز ربّه بئر نذر ادنده، نذئري يوباتمايين، چونکي اونو يرئنه يتئرمه‌مه‌يئنئز گوناه ساييلير و تارينيز رب بونو سئزدن طلب ادهجک.
آمّا اگر نذر اتمکدن چکئنئرسئنئز، بو، سئزه گوناه ساييلماز.
دئقّت ادئن کي، آغزينيزدان چيخاني يرئنه يتئرهسئنئز، چونکي تارينيز ربّه اؤز ائختئيارينيزلا اورَکدن نذر ادئبسئنئز.
قونشونوزون باغينا گئرنده دويونجا اوزوم يئيه بئلرسئنئز، آمّا سبدئنئزه ييغمايين.
قونشونوزون زمئسئنه گئرنده اَلئنئزله باشاق ييغا بئلرسئنئز، آمّا زمئيه اوراق وورمايين.
کئمسه بئر آروادي آليب، اِولئلئک زاماني اوندا اوتانديريجي بئر شي تاپديغي اوچون آروادي بَيَنمَسه، بوشانما کاغيذي يازيب اَلئنه ورسئن و اِوئندن گؤندرسئن.
آرواد او اِوي ترک ادئب گدر و آيري کئشئيه اَره گده بئلر.
اگر او بئري کئشي ده اونو بَيَنمَسه، اونا بوشانما کاغيذي يازيب اَلئنه ورسئن و اِوئندن گؤندرسئن. و يا اگر اونو آلان کئشي اؤلسه،
اونو اِودن چيخارتميش اوّلکي اَري اونو تکرار اؤزونه آرواد آلا بئلمز، چونکي آروادي لَکه‌له‌مئشدئر؛ بو، ربّئن حوضوروندا ائيرنجدئر. تارينيز ربّئن سئزه ائرث اولاراق وره‌جيی اؤلکهده بله گوناها يول ورمهيئن.
تزه اِولَنَن آدام دؤيوشه گتمه‌سئن. هچ وظئفهيه قويولماسين. قوي بئر ائل اِوئنده آزاد قاليب، آلديغي آروادي سِوئندئرسئن.
دَيئرماني و يا اوست داشيني کئمسه گئروو گؤتورمه‌سئن، چونکي او آدامين حياتيني گئروو گؤتورموش اولور.
اگر ائسرايئل اؤولادلاري آراسيندا کئمسه هموطنئني اوغورلاييب اونونلا ياوا رفتار ادئب و يا اونو ساتارسا، بو اوغرو اؤلدورولمه‌لي‌دئر. بلجه آرانيزدان بو پئسلئيي تمئزله‌يئن.
جوزام ناخوشلوغو بارهده دئقّتلي اولون و لاوئلي کاهئنلرئن امر اتدئيي کئمي سئزه اؤيرده‌جکلري هر شيه دئقّتله عمل ادئن؛ اونلارا امر اتدئيئم کئمي دئقّتله عمل ادئن.
خاطرلايين کي، مئصئردن چيخاندان سونرا تارينيز رب يولدا مريمه نه اتدي.
قونشونوزا بئر شي بورج ورنده، گئروو گؤتورمک اوچون اونون اِوئنه گئرمه‌يئن.
باييردا دايانين، قوي بورج وردئيئنئز آدام اؤزو گئرووو باييرا چيخارتسين.
اگر او آدام کاسيبدير، اونون گئرووو سئزده اولا-اولا ياتمايين.
گئروو گؤتوردويونوزون اوست پالتاريني گرک گون باتاندا گری قايتاراسينيز کي، او اؤز اوست پالتاريندا ياتيب سئزه خيئر-دوعا اتسئن؛ و بو، تارينيز ربّئن حوضوروندا سئزئن اوچون صالحلئک ساييلار.
کاسيب و مؤحتاج بئر اوجرتله ائشلَيه‌نه ظولم اتمهيئن؛ ائستر بئر هموطنئنئز اولسون، ائستر اؤلکه‌نئزده‌کي شهرلرده ياشايان هر هانسي بئر قرئب.
اوجرتئني هر گون، گون باتمادان قاباق ورئن، چونکي کاسيبدير و اونا اومئد باغلاييب. يوخسا سئزدن ربّه فرياد ادر و سئزه گوناه ساييلار.
اوغولا گؤره آتا، آتايا گؤره اوغول اؤلدورولمه‌سئن؛ هر کس اؤز گوناهينا گؤره اؤلدورولسون.
قرئبي و يِتئمي عدالتدن محروم اتمهيئن و دول آروادين پالتاريني دا گئروو گؤتورمه‌يئن.
خاطيرلايين کي، سئز ده مئصئرده قول ائدئنئز و تارينيز رب سئزي اورادان قورتاردي. بونون اوچون بله رفتار اتمه‌يي سئزه امر ادئرم.
زَمئنئزده اَکئني بئچن زامان، اگر بئر دَرز ياددان چيخارديبسينيز، اونو گؤتورمک اوچون گری قاييتمايين. قوي او، قرئبئن، يِتئمئن و دولون اولسون. او واخت تارينيز رب اَله گؤتوردويونوز هر ائشده سئزه برکت ورر.
زيتون آغاجلارينيزي دؤيوب زيتون ييغان زامان، بوداقلاردا قالاني دنله‌مک اوچون گری قاييتمايين. قوي او، قرئبئن، يِتئمئن و دولون اولسون.
باغينيزين اوزوملرئني ييغان زامان، تَنَکلرده قالاني اوچون گری قاييتمايين. قوي او، قرئبئن، يِتئمئن و دولون اولسون.
مئصئر تورپاغيندا قول اولدوغونوزو خاطيرلايين. بونون اوچون بله رفتار اتمه‌يي سئزه امر ادئرم.
ائنسانلار آراسيندا موناقئشه اولسا، قوي اونلار محکمهيه گتسئنلر. حاکئملر بو ائشه باخيب حاقلي آداما برائت، آمّا حاقسيزا جزا ورسئنلر.
اگر تقصئرکار آدام کؤتَکلَنمه‌يه لايئقدئر، قوي حاکئم اونو يره اوزانديريب کؤته‌يي گوناهينين آغيرليغينا گؤره ووردورسون.
تقصئرکارا قيرخ ضربدن آرتيق وورولماسين. اگر قيرخدان چوخ ضربه ووراسينيز، هموطنئنئز گؤزونوز قاباغيندا ذلئل اولا بئلر.
خرمن دؤيَن اؤکوزون آغزيني باغلامايين.
قارداشلار بئر يرده ياشايان زامان، اگر اونلاردان بئري اؤلسه و اؤله‌نئن اوغلو اولماسا، دول آرواد آيري عايئلهدن اولان بئر آداما اَره گتمه‌سئن. اَرئنئن قارداشي گلئب اونو آرواد آلسين و قايين-قَيّوملوق وظئفهسئني يرئنه يتئرسئن.
آروادين دوغاجاغي ائلک اوغول، اؤلَن قارداشينين آديني ياشاتسين. قوي ائسرايئلده مرحومون آدي باتماسين.
کئم مرحوم قارداشينين دول آرواديني آلماق ائستَمه‌سه، دول آرواد دروازادا يِرلَشَن آغساقّاللارين يانينا گتسئن و بله دسئن: «قاينيم ائمتئناع ادئر کی، ائسرايئلده قارداشينين آديني ياشاتسين. ائسته‌مئر کی، منئم اوچون قايين-قَيّوملوق وظئفهسئني ائجرا اتسئن.»
او واخت شهر آغساقّاللاري اونون قاينيني چاغيريب دانيشاجاقلار. اگر او عئناد ادئب گئنه ده «اونو آلميرام» دِسه،
او زامان همئن آرواد آغساقّاللار قاباغيندا گلئب قاينينين چاريغيني آياغيندان چيخارتسين و اوزونه توپوروب دسئن؛ «قارداشينين نسلئني ياشاتمايانا بله ادئلئر.»
ائسرايئلده اونون نسلی «چاريغي چيخارديلانين نسلي» آدلاناجاق.
اگر ائکي کئشي بئربئري ائله ساواشيرلار و اونلارين بئرئنئن آروادي ياخين گلئر کي، اَرئني دؤيَن کئشئنئن اَلئندن قورتارسين، و اَلئني اوزاديب او بئري کئشئنئن جئنسئيّت عوضووندن ياپيشير،
بله آروادين اَلئني کَسئن و رحم گؤرسدمه‌يئن.
توربانيزدا ائکي جور چکي داشي، بئري آغير، او بئري يونگول اولماسين.
اِوئنئزده سئزئن اوچون ائکي جور اؤلچو، بئري بؤيوک، او بئري کئچئک اؤلچَن اولماسين.
چکي داشينيز، اؤلچونوز دوز و دقئق اولسون کي، تارينيز ربّئن سئزه وره‌جيی تورپاقدا اوزون عؤمور سوره‌سئنئز.
چونکي تارينيز رب بله پئس ائشلر گؤرن و حاقسيزليق ادنلردن ائيره‌نئر.
مئصئردن چيخاندان سونرا عَمالِقلي‌لرئن يولدا سئزه نه اتدئيئني يادا سالين.
سئز يورولوب اَلدن دوشَرکَن، اونلار يولدا سئزه هوجوم اتدئلر، آرخادا قالان بوتون گوجسوزلري قيرديلار؛ و تاريدان قورخماديلار.
تارينيز رب مولک اتمک اوچون ائرث اولاراق سئزه وره‌جيی تورپاقدا و اطرافينيزدا اولان دوشمنلرئن هاميسيندان راحاتليق ورنده، گؤيلرئن آلتيندان عَمالِقلي‌لرئن خاطئره‌سئني سئلئن؛ بونو گرک ياددان چيخارتماياسينيز.
تارينيز ربّئن ائرث اولاراق سئزه وره‌جيی تورپاغا گئرئب اورادا اونا مالئک اولوب ساکئن اولاندا
تارينيز ربّئن سئزه وره‌جيی اؤلکهنئن تورپاقلاريندان ييغديغينيز بوتون محصوللارين نوباريني گؤتوروب، بئر سبده ييغين. سونرا تارينيز ربّئن اؤز آدينا مسکن سچه‌جيی يره گدئن.
او دؤورده خئدمت ادن کاهئنئن يانينا گدئب ديئن: «تاريم ربّه بو گون اعلان ادئرم کي، ربّئن آتالاريميزا ورميه آند ائچدئيي اؤلکهيه داخئل اولموشام.»
کاهئن اَلئنئزدن سبدي آليب اونو تارينيز ربّئن قوربانگاهي قاباغيندا يره قويسون.
تارينيز ربّئن قاباغيندا جاواب ورئب ديئن: «آتام کؤچَري اَرَملي ائدي، مئصئره گدئب اورادا ساکئن اولدو، سايدا چوخ آز ائدي؛ لاکئن بؤيوک، گوجلو و چوخسايلي بئر مئلّت اولدو.
مئصئرلی‌لر بئزئمله پئس رفتار اتدئلر. بئزي ذلئل ادئب اوستوموزه آغير ائش يوکله‌دئلر.
او واخت آتالاريميزين تاريسي ربّه فرياد اتدئک و رب سَسئمئزي اشئتدي. عذابيميزي، اَذئيّتئمئزي و ذلالتئمئزي گؤردو.
رب قووّتلي اَلي، اوزانان قولو، بؤيوک زَهمي، علامت و مؤجوزهلري ائله بئزي مئصئردن چيخارتدي.
او بئزي بو يره گتئرئب سود و بال آخان بو تورپاغي بئزه وردی.
ائندي، يارب، منه وردئيئن تورپاغين محصول نوباريني سنه گتئرمئشَم.» سونرا سبدي تارينيز ربّئن قاباغينا قويوب اونون حوضوروندا سجده ادئن.
سئز، لاوئلی‌لر، آرانيزدا ياشايان قرئبلر تارينيز ربّئن سئزه و عايئله‌نئزه وردئيي بوتون ياخشي شيلر اوچون شادليق ادهجکسئنئز.
اوچونجو ائل، اوندا بئر حئصّهسئني تقدئم اتمه ائلي، محصولونوزون بوتون اوندا-بئرئني بئر يانا ييغين. آييرما ائشئني قورتاراندان سونرا، اوندا-بئر حئصّهسئني لاوئلی‌لره، قرئبلره، يِتئملره و دول آروادلارا ورئن کي، شهرلرئنئزده اونلار دا يِيئب دويسونلار.
تارينيز ربّه ديئن: «منه امر اتدئيئن بوتون امرلره موطابئق، من موقدّس پايي اِودن چيخارديب لاوئلی‌لره، قرئبلره، يِتئملره و دوللارا وردئم. امرلرئندن چيخماديم، هچ بئرئني ياددان چيخارماديم.
بو پايدان ياس توتارکَن يمه‌دئم، اونو اِودن چيخارداندا نجئس ديئلدئم و اونو اؤلولره تقدئم اتمه‌دئم. تاريم ربّئن سؤزونه قولاق آسديم؛ منه امر اتدئکلرئنئن هاميسيني يرئنه يتئردئم.
موقدّس مسکنئندن، گؤيلردن آشاغييا باخ. خالقين ائسرايئله، آتالاريميزا ائچدئيئن آندا گؤره بئزه وردئيئن تورپاغا، سود و بال آخان تورپاغا برکت ور.»
بو گون تارينيز رب سئزه امر ادئر کي، بو قايدالارا، حؤکملره عمل ادهسئنئز. اونلارا بوتون قلبئنئزله، بوتون جانينيزلا عمل اتمک اوچون دئقّتلي اولون.
بو گون ربّئن تارينيز اولدوغونو، اونون يوللاري ائله گده‌جَيئنئزي، قانونلارينا، امرلرئنه، حؤکملرئنه رئعايت اده‌جَيئنئزي، اونون سؤزونه قولاق آساجاغينيزي بيان اتدئنئز.
بو گون رب سئزه وردئيي سؤزه گؤره بيان اتدي کي، اونا مخصوص خالق اولاسينيز. اونا گؤره ده بوتون امرلرئنه رئعايت اتمه‌لي‌سئنئز.
او زامان ددئيي کئمي رب، ياراتديغي بوتون مئلّتلردن تعرئفده، شؤهرتده و حؤرمتده سئزي اوستون ادهجک کي، تارينيز رب اوچون تقدئس ادئلمئش خالق اولاسينيز."
موسا ائله ائسرايئلئن آغساقّاللاري خالقا بله امر اتدئلر: "بو گون سئزه بويوردوغوم بوتون امرلري ساخلايين.
اوردون چاييني کچئب، تارينيز ربّئن سئزه وره‌جيی تورپاغا گدن گونده بؤيوک داشلاري دئک قويوب اَهَنگله‌يئن.
آتالارينيزين تاريسي ربّئن وعده وردئيي کئمي اونون سئزه وره‌جيی اؤلکهيه، سود و بال آخان تورپاغا گئرنده بو قانونون بوتون سؤزلرئني بو داشلارا يازين.
بو داشلاري بو گون سئزه امر اتدئيئم کئمي اوردون چاييني کچندن سونرا عِيبال داغيندا دئکله‌دئب اَهَنگله‌يئن.
اورادا تارينيز ربّه دمئر آلت وورولماميش داشلاردان بئر قوربانگاه دوزَلدئن.
تارينيز ربّئن قوربانگاهيني يونولماميش داشلاردان دوزَلدئب، اوستونده تارينيز ربّه يانديرما قوربانلاري تقدئم ادئن.
باريش قوربانلاريني اورادا کسئب ييئن، و تارينيز ربّئن قاباغيندا سِوئنئن.
بو قانونون بوتون سؤزلرئني بو داشلارا چوخ آيدين يازين."
سونرا موسا ائله لاوئلي کاهئنلر بوتون ائسرايئللیلره بله ددئلر: "ای ائسرايئللی‌لر، ساکئتجه قولاق آسين! بو گون سئز تارينيز ربّئن خالقي اولوبسونوز.
بو گون سئزه بويوردوغوم کئمي تارينيز ربّئن سؤزلرئنه قولاق آسيب اونون امرلرئنه و قايدالارينا عمل ادئن."
او گون موسا خالقا امر ادئب بله ده ددي:
"اوردون چاييني کچنده خالقا برکت ورمک اوچون بو قبئله‌لر گِرئزئم داغيندا دورسونلار: شَمعون، لاوي، يهودا، يئسّاکار، يوسئف، بِنيامئن.
لعنتله‌مَک اوچون بو قبئله‌لر عِيبال داغيندا دورسونلار: رِعوبئن، جاد، آشِر، زِبولون، دان، نَفتالي.
لاوئلی‌لر بوتون ائسرايئل خالقينا اوجادان جاواب ورئب بله دسئنلر:
"لعنت اولسون او آداما کي، ربّئن ائيرَندئيي، بئر صَنَتکارين اَل ائشي اولان اويما و يا تؤکمه بوت يارادير و گئزلئجه بله شيلر برپا ادئر!" و بوتون خالق جاواب ورسئن: "آمئن!"
"لعنت اولسون او آداما کي، آتا-آناسي ائله حؤرمتسئز رفتار ادئر!" بوتون خالق دسئن: "آمئن!"
"لعنت اولسون او آداما کي، قونشوسونون سرحدئني ديئشدئرئر!" بوتون خالق دسئن: "آمئن!"
"لعنت اولسون او آداما کي، کور اولاني يولدان آزديرير!" بوتون خالق دسئن: "آمئن!"
"لعنت اولسون او آداما کي، قرئبه، يِتئمه، دول آروادا حاقسيزليق ادئر." بوتون خالق دسئن: "آمئن!"
"لعنت اولسون او آداما کي، آتاسينين آروادي ائله ياتير! چونکي او، آتاسينين ناموسونا توخونوب". بوتون خالق دسئن: "آمئن!"
"لعنت اولسون او آداما کي، هر هانسي بئر حيوانلا جئنسي رابئطه قورور!" بوتون خالق دسئن: "آمئن!"
"لعنت اولسون او آداما کي، آتادان و يا آنادان بئر اولان باجيسي ائله ياتير!" بوتون خالق دسئن: "آمئن!"
"لعنت اولسون او آداما کي، قاييناناسي ائله ياتير!" بوتون خالق دسئن: "آمئن!"
"لعنت اولسون او آداما کي، گئزلئجه قونشوسونو اؤلدورور!" بوتون خالق دسئن: "آمئن!"
"لعنت اولسون او آداما کي، گوناهسيز قاني تؤکمَک اوچون روشوت آلير!" بوتون خالق دسئن: "آمئن!"
"لعنت اولسون او آداما کي، بو قانونون سؤزلرئنه رئعايت اتمه‌يئر، اونو تصدئق اتمه‌يئر!" بوتون خالق دسئن: "آمئن!"
اگر تارينيز ربدن دئقّتله ائطاعت ادئب بو گون سئزه بويوردوغوم بوتون امرلرئنه عمل ادهسئنئز، تارينيز رب سئزي ير اوزوندهکي بوتون مئلّتلردن اوستون ادهجک.
اگر تارينيز ربدن ائطاعت ادهسئنئز، بوتون بو برکتلر سئزه گلهجک و اوستونوزده قالاجاق.
شهرده و چؤلده خيئر-دوعالي اولاجاقسينيز.
دوغولان اؤولادلارينيز، تورپاغينيزين محصولو، حيوانلارينيزين، مال-حيوان و قويون-کچئلرئنئزئن بالالاري برکتلي اولاجاق.
سبد و خمئر تاغارينيز برکتلي اولاجاق.
هر گئرئشئنئز، هر چيخيشينيز برکتلي اولاجاق.
رب سئزه هوجوم ادن دوشمنلرئنئزي قاباغينيزدا مغلوب ادهجک. اونلار سئزه بئر يولدان هوجوم اِنَنده قاباغينيزدان يدّي يوللا قاچاجاقلار.
رب آنبارلارينيزا، اَل آتديغينيز هر ائشه برکت امر ورهجک، و تارينيز رب سئزه وره‌جيی تورپاغا برکت ياغديراجاق.
اگر تارينيز ربّئن امرلرئني ساخلاياسينيز و اونون يوللاري ائله گدهسئنئز، رب، آند ائچدئيي کئمي، سئزي اؤزو اوچون موقدّس بئر خالق کئمي برقرار ادهجک.
ير اوستونده‌کي بوتون خالقلار ربّئن آدي ائله چاغيريلديغينيزي گؤروب سئزدن قورخاجاقلار.
رب سئزه ورميه آتالارينيزا آند ائچدئيي تورپاقدا سئزي بوللوق ائچئنده ياشاداجاق. دوغولان اؤولادلارينيزين نسلئني چوخالداجاق، حيوانلارينيزين بالالاريني، تورپاغينيزين محصولونو آرتيملي ادهجک.
رب تورپاغينيزا ياغيشي واختلي-واختيندا ياغديراجاق و اَلئنئزئن بوتون زحمتئنه برکت ورمک اوچون گؤيلردن وارلي خزئنه‌سئني آچاجاق. سئز بئر چوخ مئلّتلره بورج ورهجکسئنئز، لاکئن هچ کئمدن بورج آلماياجاقسينيز.
رب سئزي قويروق يوخ، باش ادهجک. اگر بو گون سئزه امر اتدئيئم تارينيز ربّئن امرلرئنه قولاق آساسينيز، اونلارا دقئق عمل ادهسئنئز، آشاغيدا يوخ، آنجاق يوخاريدا اولاجاقسينيز.
بو گون سئزه امر اتدئيئم سؤزلردن کنارا، صاغا-سولا چيخمايين، آيري آللاهلارين دالينجا گتمه‌يئن، اونلارا قوللوق اتمهيئن.
آمّا اگر تارينيز ربدن ائطاعت اتميهسئنئز، بو گون سئزه امر اتدئيئم امرلرئن و قايدالارين هاميسيني يرئنه يتئرميه‌سئنئز، بوتون بو لعنتلر سئزي ياخالاياجاقدير.
شهرده و چؤلده ملعون اولاجاقسينيز.
سبد و خمئر تاغارينيز لعنت آلتيندا اولاجاق.
دوغولان اؤولادلارينيز، تورپاقلارينيزين محصولو، مال-حيوان و قويون-کچئلرئنئزئن بالالاري لعنت آلتيندا اولاجاق.
هر گئرئشئنئز، هر چيخيشينيز لعنتلي اولاجاق.
رب اَل آتديغينيز هر ائشده اوستونوزه لعنت گؤندره‌جک، سئزي واهئمه‌يه ساليب چارهسئز قوياجاق، اله کي، محو اولوب تزلئکله آرادان گدهسئنئز، چونکي ربدن اوز دؤنده‌رئب پئس عمللر ادئبسئنئز.
رب سئزي وبايا دوچار ادهجک، اله کي، مولک آلماق اوچون گده‌جَيئنئز تورپاقدان يوخ اولاسينيز.
او سئزي وَرَم، قيزديرما، ائلتئهاب، قوووران ائستئلئک، قوراقليق، سَموم کوله‌يي و کوفله جزالانديراجاق. سئز يوخ اولونجايا قدر بونلار سئزدن اَل چکميه‌جک.
باشينيز اوستونده اولان گؤيلر بورونج، آياغينيز آلتينداکي ير ده دمئر اولاجاق.
رب تورپاغينيزا ياغيش عوضئنه توز-تورپاق ياغديراجاق. سئز هلاک اولونجايا قدر گؤيدن اوستونوزه بونلار ياغاجاق.
رب سئزي دوشمنلرئنئزئن قاباغيندا مغلوب ادهجک؛ اونلارا بئر يولدان هوجوم اِنَنده، قاباقلاريندان يدّي يوللا قاچاجاقسينيز. دونيانين بوتون اؤلکه‌لرئنه دهشتلي عئبرت اولاجاقسينيز.
جَسَدلرئنئز گؤيدهکي بوتون قوشلارا، يرده‌کي حيوانلارا يِم اولاجاق، اونلاري اورکودوب قووان اولماياجاق.
رب سئزي صاغالماز مئصئر چئبانلاري، شئشلر، خورالار و قوتورلارلا جزالانديراجاق.
او سئزي جزالانديريب، دَلي و کور ادهجک، اوره‌يئنئزي ده قوبارلاداجاق.
گون اورتا کور بئر آدامين اَل توخوندورا-توخوندورا قارانليقدا گَزدئيي کئمي گَزه‌جکسئز. يوللارينيز اوغورسوز اولاجاق، ائضطئراب چکئب دائم تالان اولاجاقسينيز. سئزي قورتاران دا اولماياجاق.
نئشانلانديغينيز قيزلا آيريسي ياتاجاق. تئکدئيئنئز اِوده ياشاماياجاقسينيز. سالديغينيز باغين محصولونو دَرمَيه‌جکسئنئز.
اؤکوزونوز گؤزونوز قاباغيندا کَسئله‌جک، اَتئندن يِميه‌جکسئنئز. اِششه‌يئنئز سئزدن زورلا آليناجاق و گری قايتاريلماياجاق. قويونونوز دوشمنلرئنئزه ورئلهجک و سئزي قورتاران اولماياجاق.
اوغوللارينيز و قيزلارينيز گؤزونوز قاباغيندا آيري بئر خالقا تسلئم ادئلهجک و اونلارين حسرتئندن گونبهگون گؤزلرئنئزئن نورو سؤنه‌جک. اَلئنئزدن ده هچ نه گلميه‌جک.
تورپاغينيزين و بوتون زحمتئنئزئن محصولونو تانيماديغينيز بئر خالق يئيهجک، لاکئن سئز همئشه ائضطئراب چکئب اَزئله‌جکسئنئز.
گؤزلرئنئزله گؤردوکلرئنئز سئزي دَلي ادهجک.
رب دئزلرئنئزه، باجاقلارينيزا تپهدن ديرناغا قدر صاغالماز آغريلي چيبانلار چيخارداجاق.
رب سئزي، اؤز اوستونوزه تعيئن اده‌جيئنئز پادشاهلا بئرلئکده اله بئر مئلّته اسئر آپارتديراجاق کي، نه اؤزونوز اونلاري تاني‌ييرسينيز نه ده آتالارينيز. اورادا آغاجدان، داشدان دوزَلدئلمئش باشقا آللاهلارا قوللوق ادهجکسئنئز.
ربّئن سئزي اسئر اده‌جيي خالقلار آراسيندا، حيرت، مثل و کئنايه هدفئنه چِورئله‌جکسئنئز.
زَمئيه چوخ توخوم سَپئب، آز ييغاجاقسينيز، چونکي اونو چَيئرتکه يِيئب قورتاراجاق.
اوزوم باغلاري ساليب بِجَره‌جکسئنئز، لاکئن اوزوموندن دَرمه‌يئب شرابيندان ائچميه‌جکسئنئز، چونکي اونلاري قورد يئيهجک.
تورپاغينيزين هر طرفئنده زيتون آغاجلاري بئتسه ده، اونلاردان ياغ چکه بئلميهجکسئنئز، چونکي زيتون آغاجلارينيز اؤز مئيوه‌سئني تؤکه‌جک.
اوغوللارينيز، قيزلارينيز اولاجاق، لاکئن يانينيزدا قالماياجاق، چونکي اسئرلئيه آپاريلاجاقلار.
بوتون آغاجلارينيزين و اَکئن ساحه‌لرئنئزئن بَهَرئنه چَيئرتکه‌لر داراشاجاق.
آرانيزدا ياشايان ياد اِللي سئزدن اولدوقجا اوستون اولاجاق، و سئز اِندئکجه آشاغي اِنه‌جکسئنئز.
سئزه او بورج ورهجک، سئز اونا بورج وره بئلميهجکسئنئز، او باش، سئز آمّا قويروق اولاجاقسينيز.
بو لعنتلرئن هاميسي سئزئن اوستونوزه تؤکولهجک. سئزي هلاک اولاناجاق قوووب ياخالاياجاقلار، چونکي تارينيز ربدن ائطاعت اتمه‌دئنئز و سئزه بويوردوغو امرلره و قايدالارا عمل اتمه‌دئنئز.
بونلار سئزه و اؤولادلارينيزا ابدی بئر علامت و حيرت اولاجاق.
مادام کي بوللوق واختيندا تارينيز ربّه شادليقلا، سِوئنَن اورکله ائطاعت اتمه‌دئنئز،
ربّئن سئزه ضئدّ گؤندره‌جيي دوشمنلره آج-سوسوز، چيلپاق و هر جور احتئياج ائچئنده قوللوق ادهجکسئنئز. رب سئزي هلاک ادنه قدر بوينونوزا دمئر يوغ سالاجاق.
رب اوزاقدان، دونيانين او بئري باشيندان بئر مئلّتي، دئلئني باشا دوشمه‌دئيئنئز بئر مئلّتي چوللانانان قارتال کئمي باشينيزا گتئرهجک.
بو اله رحمسئز بئر مئلّتدئر کي، نه قوجالارا حؤرمتي وار، نه ده اوشاقلارا رحمي گلئر.
بو مئلّت سئزي هلاک ادئنجه‌يه قدر حيوانلارينيزين بالالاريني، تورپاغينيزين محصولونو يِيئب بئتئره‌جک، سئزي محو اده‌نه قدر، سئزئن اوچون نه تاخيل، نه تزه شراب، نه زيتون ياغي، نه مال-حيوانينيزين، نه ده قويون-کچئلرئنئزئن بالالاريني قوياجاق.
بوتون شهرلرئنئزي موحاصئرهيه آليب اؤلکه‌نئزده‌کي بِل باغلاديغينيز اوجا و مؤحکم دووارلارينيزي کامئل يرله يکسان ادهجکلر. تارينيز ربّئن سئزه وره‌جيی اؤلکهنئن بوتون شهرلرئني موحاصئرهيه آلاجاقلار.
موحاصئرهيه دوشنده دوشمنلرئنئزئن سئزه وره‌جيی آجليقدان، دوغولان اؤولادلارينيزين، تارين ربّئن سئزه وردئيي اوغوللارينيزين و قيزلارينيزين اَتئني يئيهجکسئنئز.
آرانيزدا اوره‌يي نازئک و لاپ حسّاس آدام بِله، اؤز قارداشينا، سِودئيي آروادينا، صاغ قالان اؤولادلارينا دوشمن اولاجاق.
يئيه‌جيي اوشاقلارين اَتئندن اونلارين هچ بئرئنه ورميه‌جک، چونکي موحاصئره اولوناندا دوشمنلرئنئزئن ياراتديغي دارليغا گؤره بوتون شهرلرئنئزده يميه هچ نه قالماياجاق.
آرانيزدا اوره‌يي نازئک و حسّاس آرواد، ظرئفلئيئندن و نازئکلئيئندن آياغيني يره باسماق ائستَمه‌يَن آرواد بِله، سِودئيي اَرئنه، اؤز اوغلونا و قيزينا رحم اتميهجک.
بطنئندن چيخان جوفتو و دوغدوغو اوشاقلاري دوشمن اولاجاق، هچ بئر شي قالماديغي اوچون گئزلي يئيهجک، چونکي شهرلرئنئز موحاصئرهيه دوشَنده دارليق اولاجاق.
اگر بو کئتابا يازيلميش بو قانونون بوتون سؤزلرئنه دئقّتله عمل اتميهسئنئز، تارينيز ربّئن عظمتلي و زَهملي آديندان قورخماياسينيز،
رب سئزي و نسلئنئزي دهشتلي بلالارا، بؤيوک و قورتارمايان موصئبتلره، صاغالماز، آغير ناخوشلوقلارا دوچار ادهجک.
قورخدوغونوز بوتون مئصئر ناخوشلوقلاريني گئنه باشينيزا گتئرهجک، بو ناخوشلوقلارا توتولاجاقسينيز.
بو شرئعت کئتابيندا يازيلماميش هر جور ناخوشلوق و بلاني، رب سئزي يوخ ادنه‌جک باشينيزا گتئرهجک.
گؤيدهکي اولدوزلار قدر چوخالماق عوضئنه ساييجا چوخ آز قالاجاقسينيز، چونکي تارينيز ربدن ائطاعت اتمه‌دئنئز.
سئزه ياخشيليق اتمک و آرتيرماقدان رب نجه راضي قاليرديسا، سئزي هلاک اتدئيي و يوخ اتدئيي اوچون ده اله راضي قالاجاق. مولک آلماق اوچون گده‌جيئنئز اؤلکه‌دن قوپاريلاجاقسينيز.
رب سئزي دونيانين بو باشيندان او بئري باشيناجاق بوتون خالقلارين آراسينا داغيداجاق. اورادا سئزئن ده، آتالارينيزين دا تانيماديغي، آغاجدان و يا داشدان دوزَلدئلمئش باشقا آللاهلارا قوللوق ادهجکسئنئز.
بو مئلّتلر آراسيندا نه راحاتينيز اولاجاق، نه ده آياغينيز اوچون دئنجَلمَک يري. رب سئزه اورادا اورَک تئتره‌مه‌سي، گؤزلَمَکدن يورولان گؤزلر و اومئدسئزلئک ورهجک.
جانينيزين قيدئني چکهجکسئنئز، گجه-گوندوز واهئمه ائچئنده ياشاياجاقسينيز. حياتينيزين آسايئشي اولماياجاق.
اوره‌يئنئزه دولان واهئمه‌دن و گؤزلرئنئزله گؤردويونوز حادئثهلر اوزوندن سحر اولاندا «کاشکي آخشام اولايدي»، آخشام اولاندا دا «کاشکي سحر اولايدي» دئيهجکسئنئز.
من سئزه دمئشدئم کي، گلدئيئنئز يولو تکرار گؤرميه‌جکسئنئز. رب سئزي گَمئلرله مئصئره گری قايتاراجاق. اورادا قول و کنئز کئمي دوشمنلرئنئزه اؤزونوزو ساتاجاقسينيز، لاکئن سئزي پوللا آلان اولماياجاق."
رب ائسرايئل اؤولادلاري ائله خورِب داغيندا عهد باغلاميشدي. موآبدا دا موسايا امر اتدي کي، تزهدن عهد باغلاسين. عهدئن سؤزلري بونلاردير:
موسا بوتون ائسرايئللی‌لري بئر يره ييغيب اونلارا بله ددي: "ربّئن مئصئرده گؤزلرئنئز قاباغيندا فئرعونا، بوتون اعيانلارينا و بوتون اؤلکهسئنه نه اتدئيئني گؤردونوز.
بؤيوک ائمتاحانلاري، او بؤيوک علامتلري و مؤجوزهلري اؤز گؤزونوزله گؤردونوز.
لاکئن رب بو گونه‌جک سئزه آنلاماق اوچون اورَک، گؤرمک اوچون ائکي گؤز، اشئتمک اوچون ائکي قولاق ورمه‌يئب.
رب ديئر: «سئزي قيرخ ائل صحرادا گزدئردئم. اَينئنئزده‌کي پالتار، آياغينيزداکي چاريق ييرتيلمادي.
چؤرک يِمه‌دئنئز، شراب يا دا کِفلَندئرن ائچکي ائچمه‌دئنئز. بونلاري اونا گؤره اتمئشم کي، منئم تارينيز رب اولدوغومو بئلهسئنئز.»
بورايا چاتاندا خِشبون پادشاهي سئخونلا باشان پادشاهي عوگ بئزئمله دؤيوشه باشلاديلار. آمّا اونلاري مغلوب اتدئک.
تورپاقلاريني اَله کچئردئب ائرث اولاراق رِعوبئنلی‌لره، جادلي‌لارا، مِنَسّه قبئلهسئنئن ياريسينا وردئک.
اَله گؤتوردويونوز هر ائشده اوغور قازانماق اوچون بو عهدئن هر سؤزونه دئقّتله عمل ادئن.
بو گون سئز هامينيز، قبئله باشچيلارينيز، آغساقّاللارينيز، مأمورلارينيز، ائسرايئللیلرئن هاميسي،
اوشاقلارينيز، آروادلارينيز، اوردوگاهينيزدا ياشاييب اودونوزو دوغرايان و سويونوزو داشييان ياد اِللی‌لر تارينيز ربّئن قاباغيندا دايانيبسينيز کي،
بو گون تارينيز ربّئن آند ائچه‌رک سئزئنله باغلاديغي بو عهدي حياتا کچئرده‌سئنئز،
اِله کي، بو گون او سئزي اؤز خالقي اولاراق برقرار اتسئن، سئزه سؤز وردئيي کئمي آتالارينيز ائبراهئمه، ائسحاقا، يعقوبا ائچدئيي آندا گؤره سئزئن تارينيز اولسون.
من بو عهدي و آندي فقط سئزئنله يوخ،
تاريميز ربّئن حوضوروندا بئزئمله برابر دورانلارلا و بو گون يانيميزدا اولمايانلارلا دا باغلاييرام.
مئصئرده نجه ياشاديغيميز، او بئري مئلّتلرئن آراسيندان کچئب بورايا نجه گلدئيئمئزي اؤزونوز ده بئلئرسئنئز.
اونلارين آراسيندا ائيرنج شيلري، آغاجدان، داشدان، قيزيلدان، و گوموشدن دوزَلدئلَن بوتلري گؤردونوز.
مبادا بو گون آرانيزدا بو مئلّتلرئن آللاهلارينا گدئب سئتايئش اتمک اوچون تارينيز ربدن اوره‌يي دؤنَن نه کئشي، نه آرواد، نه نسئل، نه ده قبئله اولسون. مبادا آرانيزدا بله زَهَرلي و آجي کؤک اولسون.
بو آندين سؤزلرئني اشئدن زامان کئمسه اؤز-اؤزونه گؤز آيدينليغي ورئب بله بئر فئکره دوشمه‌سئن: «سالامات قالاجاغام، اوره‌يئمئن عئناديندا يرئدئيئم حالدا ياشاييم.» بو فئکئر سولو تورپاغا قورولوق گتئرَر.
بله آدامي رب باغيشلاماق ائسته‌مز. او آدامين ضئدّئنه ربّئن قضبي قالخار و قيرتي او آدامين ضئدّئنه آلوولانار. بو کئتابدا يازيلان بوتون لعنتلر باشينا تؤکولر و رب اونون آديني گؤيون آلتيندان سئلر.
رب بو شرئعت کئتابيندا يازيلان عهدئن ائچئندهکي لعنتلرئن هاميسينا گؤره اونو ائسرايئلئن بوتون قبئلهلري ائچئندن چيخاردار کي، فلاکته دوشسون.
گلهجک نسئل، سئزدن سونرا گلن اؤولادلارينيز و اوزاق دئياردان گلن ياد اِللی‌لر بو اؤلکهنئن بلالاريني، ربّئن اورايا گؤندردئيي ناخوشلوقلاري گؤروب دئيهجکلر.
بوتون اؤلکه ياناجاق، گوگورد و دوزلا اؤرتوله‌جک، توخوم اَکئلميه‌جک، گؤيَرتي گؤرونميه‌جک، اوت بئتميه‌جک. اؤلکه ربّئن آلوولانان قضبي ائله وئران اولاجاق، نجه کي، سودوم، گومورا، اَدما و صِبويئم يِرله بئر اولموشدو.
بوتون مئلّتلر دئيهجکلر: «رب بو اؤلکهيه نئيه بله اتدي؟ بو بؤيوک قضب نئيه آلوولاندي؟»
او زامان جاواب ورهجکلر: «چونکي اونلاري مئصئر دئياريندان چيخاردارکن آتالارينين تاريسي ربّئن اونلارلا باغلاديغي عهدي آتديلار.
گدئب تانيماديقلاري آللاهلارا، ربّئن اونلارا بخش اتمه‌دئيي باشقا آللاهلارا قوللوق و پرستئش اتدئلر.
اونا گؤره ربّئن قضبي بو اؤلکهنئن ضئدّئنه آلوولاندي، اوراني بو کئتابدا يازيلان بوتون لعنتلره دوچار اتدي.
رب قضب، حئرص و بؤيوک حئدّتله اونلاري اؤلکه‌لرئندن قوپارتدي و بو گون اولدوغو کئمي اونلاري آيري بئر تورپاغا آتدي.»
سئرّلر تاريميز ربّئندئر، لاکئن آشکار ادئلَن شيلر بئزه و اؤولادلاريميزا ابدئلئک عاييددير، اله کي، بو قانونون بوتون سؤزلرئنه عمل ادک.
بوتون بو حادئثهلر، قاباغينيزا قويدوغوم برکت و لعنت باشينيزا گلنده، تارينيز ربّئن سئزي داغيتديغي مئلّتلر آراسيندا بونلاري خاطيرلاياجاقسينيز.
سئز و اؤولادلارينيز تارينيز ربّه طرف دؤنوب بو گون سئزه امر اتدئيئم هر ائشده اونون سؤزونو بوتون قلبئنئزله و بوتون جانينيزلا قولاغينيزدا ساخلاياسينيز،
تارينيز رب سئزي اسئرلئکدن گری قايتاراجاق، سئزه رحم ادئب داغيتديغي بوتون خالقلارين آراسيندان ييغاجاق.
داغيليب گؤيون آلتينداکي لاپ اوزاق اؤلکهيه دوشهسئنئز بِله، تارينيز رب سئزي اورادان ييغيب گری قايتاراجاق.
سئزي آتالارينيزا مولک وردئيي تورپاغا گتئرهجک. اورايا مالئک اولاجاقسينيز، تارينيز رب حياتينيزي خوش ادهجک و سئزي آتالارينيزدان دا آرتيق چوخالداجاق.
تارينيز رب سئزئن و اؤولادلارينيزين اوره‌يئني ختنه ادهجک اِله کي، تارينيز ربّی بوتون قَلبئنئزله، بوتون جانينيزلا سِوهسئنئز و ياشاياسينيز.
تارينيز رب بوتون بو لعنتلري ده سئزدن نئفرت و ظولم ادن دوشمنلرئنئزئن اوستونه تؤکه‌جک.
سئز گئنه ربّئن سؤزونه قولاق آسيب بو گون سئزه ددئيئم بوتون امرلرئني يرئنه يتئره‌جکسئنئز.
او واخت تارينيز رب اَلئنئزده اولان هر ائشئنئزي اوغورلو ادهجک، سئزه چوخلو اؤولاد، حيوانلارينيزا چوخلو بالا، تورپاقلارينيزا بول محصول ورهجک. رب آتالارينيزا ياخشيليق اتمکدن نجه راضي قاليرديسا، سئزه ده ياخشيليق اتمکدن اله راضي قالاجاق.
اگر تارينيز ربدن ائطاعت ادئب اونون بو شرئعت کئتابيندا يازيلان امرلرئنه و قايدالارينا عمل ادهسئنئز، اگر بوتون قلبئنئزله، بوتون جانينيزلا تارينيز ربّه طرف دؤنهسئنئز.
بو گون سئزه وردئيئم بو امر سئزئن اوچون چَتئن و اَلچاتماز ديئل.
گؤيلرده ديئل کي، دئيهسئنئز: «کئم بئزئم اوچون گؤيلره چيخاجاق و اونو اورادان گؤتوروب بئزه اشئتدئره‌جک کي، بئز بونا عمل ادک؟»
او، دهنزئن او تاييندا ديئل کي، دئيهسئنئز: «کئم بئزئم اوچون دهنزئن او تايينا گدهجک و اونو بئزئم اوچون گؤتوروب بئزه اشئتدئره‌جک کي، اونا عمل ادک؟»
يوخ، بو کلام سئزه عمل اتمک اوچون چوخ ياخيندير، او، دئلئنئزده و اوره‌يئنئزده‌دئر.
باخ بو گون سئزئن قاباغينيزدا حياتلا خوشبختلئيي، اؤلومله بدبختلئيي قويموشام.
و سئزه بو گون امر ادئرم کي، تارينيز ربّی سِوهسئنئز، و يوللارينيزدا اونون امرلرئني، قايدالاريني، و حؤکملرئني رئعايت ادهسئنئز. بله ادهسئنئز، ياشاييب آرتاجاقسينيز و مولک آلماق اوچون گده‌جيئنئز تورپاقدا رب سئزه برکت ورهجک.
اگر اوره‌يئنئز بو يولدان آزا و اوندان ائطاعت اتميهسئنئز، لاکئن آزيب، باشقا آللاهلارا پرستئش ادئب اونلارا قوللوق ادهسئنئز،
بو گون سئزه اعلان ادئرم کي، محو اولاجاقسينيز. اوردون چاييني کچئب مولک آلماق اوچون گده‌جيئنئز اؤلکهده اوزون عؤمور سورميه‌جکسئنئز.
قاباغينيزدا حياتلا اؤلومو، برکتله لعنتي قويدوغوم اوچون بو گون گؤيو و يري سئزه شاهئد توتورام. حياتي سچئن کي، سئز و اؤولادلارينيز ياشايا بئلهسئنئز.
تارينيز ربّی سِوئن، سؤزوندن ائطاعت ادئن، و اونو مؤحکم توتون؛ چونکي سئزئن حياتينيز و عؤمرونوزون اوزونلوغو اودور. بله ادهسئنئز، ربّئن آتالارينيز ائبراهئمه، ائسحاقا و يعقوبا ورمه‌يئني آند ائچدئيي تورپاقدا ياشاياسينيز."
موسا چيخيب بو سؤزلري بوتون ائسرايئللیلرله دانيشدي.
و اونلارا بله ددي: "آرتيق من يوز ائيئرمي ياشيندايام، داها سئزه باشچيليق اتمه‌يه طاقَتئم يوخدور. رب منه ديئبدئر کي؛ «بو اوردون چايينين او تايينا کچميه‌جکسن.»
تارينيز ربدئر کي، سئزدن قاباق او تايا کچهجک؛ او، بو مئلّتلري قاباغينيزدان محو ادهجک، سئز ده اوراني آلاجاقسينيز. يوشَعدئر کي، سئزئن قاباغينيزدا گدئب کچهجک، نجه کي، رب ديئبدئر.
رب اِمورلو پادشاهلاري سئخونو و عوگو هلاک ادهرک اؤلکه‌لرئنئن باشينا نه گتئردئيئني، بو مئلّتلرئن ده باشينا گتئرهجک.
رب اونلاري سئزه تسلئم ادهجک و سئز اونلارلا بوتون امر اتدئيئم کئمي رفتار اتمه‌لی‌سئنئز.
گوجلو و اورَکلي اولون! اونلاردان قورخوب تئتره‌مه‌يئن! چونکي تارينيز رب سئزئنله گدئر. او سئزي آتماز، ترک اتمَز!"
سونرا موسا يوشَعي چاغيريب بوتون ائسرايئللیلرئن گؤزلري قاباغيندا اونا بله ددي: "گوجلو و اورَکلي اول، چونکي ربّئن آتالارينا ورمه‌يه ائچدئيي اؤلکهيه بو خالقلا بئرلئکده سن گدهجکسن. اؤلکهني ائرث اولاراق اونلارا سن وره‌جکسن.
سندن قاباق گدن ربدئر؛ او سنئنله اولاجاق، سني آتماياجاق، ترک اتميهجک. قورخوب چکئنمه!"
موسا بو قانونو يازيب سونرا ربّئن عهد سانديغيني آپاران لاوئلي کاهئنلره و بوتون ائسرايئل آغساقّاللارينا وردی.
سونرا اونلارا بله بويوردو: "هر يدّي ائلئن آخيريندا، بورجلارين باغيشلانما زامانيندا، چارداقلار بايراميندا،
بوتون ائسرايئل تارينيز ربّئن حوضوروندا اولماق اوچون اونون سچه‌جيی يره گلنده، بو قانونو بوتون ائسرايئله اوخويوب اشئتدئرئن.
خالقين کئشي، آرواد و اوشاقلاريني، همچئنئن شهرئنئزده ياشايان ياد اِللی‌لري ييغين. قوي هامي اِشئدئب اؤيرَنسئن و تارينيز ربدن قورخوب بو قانونون بوتون سؤزلرئنه دقئق عمل اتسئن.
قوي قانونو بئلمه‌يَن اوشاقلاري دا اشئتسئنلر و مولک آلماق اوچون اوردون چاييندان کچئب گده‌جيئنئز اؤلکهده عؤمور بويو تارينيز ربدن قورخماغي اؤيرَنسئنلر."
سونرا رب موسايا ددي: "اؤلومونه آز قاليب. يوشَعي چاغير. حوضور چاديريندا حاضير دايانين کي، اونا امرلرئمي بئلدئرئم.» بلجه، موسا ائله يوشَع گدئب حوضور چاديريندا گؤزله‌دئلر.
رب چاديردا بئر بولود دئره‌يي ائچئنده گؤروندو. بولود سوتونو چاديرين قاپيسي اوستونده داياندي.
رب موسايا بله ددي: "عنقرئب اؤلوب آتالارينا قوشولاجاقسان؛ بو خالق دا قالخيب گده‌جيي اؤلکهنئن آللاهلارينا باغلانيب، منه خيانت ادهجک. منی آتيب، اونلارلا باغلاديغيم عهدي پوزاجاقلار.
او واخت اونلارا قضبلَنه‌جيم، اونلاري آتيب اونلاردان اوز دؤندره‌جيم. اونلار آيريلارينا يِم اولاجاقلار، باشلارينا چوخ بلالار و موصئبتلر گلهجک. اله کي، همئن گون دئيهجکلر: «مگر بو پئسلئکلر تاريميزين بئزئمله اولماديغي اوچون باشيميزا گلمئر؟»
آمّا من، اونلارين اده‌جيي پئسلئکلر اوچون، آيري آللاهلارا طرف دؤنمک اوچون، اوزومو اونلاردان گئزلَده‌جيم.
ائندي اؤزونوز اوچون بو نغمه‌ني يازين و اونو ائسرايئل اؤولادلارينا اؤيره‌دئن. اونو دوداقلارينين اوستونه قويون. بله کي بو نغمه ائسرايئل اؤولادلارينين ضئدّئنه منئم شاهئدئم اولسون.
چونکي اونلاري آتالارينا آند ائچدئيئم سود و بال آخان تورپاغا گتئرنده، يِيئب دويوب کؤکه‌لَنده باشقا آللاهلارا طرف دؤنوب اونلارا قوللوق ادهجکلر، منی ردّ ادئب عهدئمي پوزاجاقلار.
اونلارا چوخ پئسلئکلر و بلالار يتئشنده، بو نغمه اونلارين ضئدّئنه شاهئد کئمي سَسلَنه‌جک، چونکي بو نغمه نسئللرئن دئلئندن دوشميهجک؛ اونا گؤره کي، من اونلارا آند ائچدئيئم تورپاغا گتئرمَزدن اوّل، بو گون بِله، فئکئرلرئندن کچنلري بئلئرم."
همئن گون موسا بو نغمه‌ني يازيب ائسرايئل اؤولادلارينا اؤيرَتدي.
رب او گون نون اوغلو يوشَعي ائش باشينا قويوب ددي: "گوجلو و اورَکلي اول، چونکي ائسرايئل اؤولادلاريني اونلارا آند ائچدئيئم اؤلکهيه سن آپاراجاقسان و من سنئنله اولاجاغام."
موسا بو شرئعتئن سؤزلرئني اوّلدن آخيرا کئمي کئتابا يازيب قورتاراندا،
ربّئن عهد سانديغيني داشييان لاوئلی‌لره بو امري وردی:
"بو شرئعت کئتابيني گؤتوروب تارينيز ربّئن عهد سانديغينين يانينا قويون. قوي سئزئن ضئدّئنئزه بئر شاهئد کئمي اورادا قالسين.
چونکي سئزئن عاصي و دئکباش اولدوغونوزو بئلئرم. بو گون من صاغ اولاراق آرانيزدا ائکَن بِله، ربّه عاصي اولدونوز، گؤر من اؤلَندن سونرا نجه اولاجاقسينيز؟
قبئله‌لرئنئزئن بوتون آغساقّاللاريني و سرکرده‌لرئني يانيما ييغين کي، بو سؤزلري اونلارا اشئتدئرئم، گؤيو و يِري اونلارين ضئدّئنه شاهئد توتوم.
اؤلومومدن سونرا بوسبوتون فاسئد اولدوغونوزو، سئزه امر اتدئيئم يولدان آزاجاغينيزي بئلئرم. آخير گونلرده موصئبتلرله راست گله‌جکسئنئز. چونکي ربّئن گؤزونده پئس اولان ائشلري يرئنه يتئرئب، اَللرئنئزئن عمللري ائله اونو قضبلَندئره‌جکسئنئز."
موسا بو نغمه‌نئن سؤزلرئني آخيراجاق اوخودو کي، بوتون ائسرايئل جاماعاتي بو نغمه‌نئن سؤزلرئني اشئتسئن.
"ای گؤيلر، قولاق آسين، قويون دانيشيم، قوي ير اوزو آغزيمدان چيخان سؤزلري اشئتسئن.
قوي تعلئمئم باهار ياغيشلاري کئمي تؤکولسون، سؤزوم شح کئمي دوشسون، چمن اوستونه دوشَن نارين ياغيش کئمي اولسون، اوت اوستونه تؤکولَن سولارا اوخشاسين.
چونکي ربّئن آديني اعلان ادئرم! تاريميزين عظمتئني مدح ادئن!
او، قايادير، ائشلري کامئلدئر، چونکي بوتون يوللاري حاقدير، وفالي تاريدير، حاقسيزليق اوندا تاپيلماز، صالح و دوز اولان اودور.
اونون ضئدّئنه خيانت اتدئلر، فاسئد اولدوقلارينا گؤره، اونون اؤولادلاري ديئللر اَيري و تَرسه بئر نسئلدئرلر.
ربّه بله عوض ورئرسئنئز، ای آغيلسيز، آخماق خالق؟ مگر سئزي ساتين آلان او آتانيز ديئل؟ سئزي يارادان، سئزي برقرار ادن اودور.
کچن گونلري يادينيزا سالين، کچمئش نسئللرئن ائللرئنه باخين، آتانيزدان سوروشون، او سئزه دئيَر، آغساقّاللارينيزدان سوروشون، اونلار سئزه دانيشارلار.
اوجالاردا اولان مئلّتلره ائرثي تورپاق بؤلرکَن، بشر اؤولادلاريني آييرارکَن، ائسرايئل اؤولادلارينين سايينا گؤره خالقلارا سرحد قويدو.
چونکي ربّئن پايي اؤز خالقي‌دير! يعقوب اونون پايينا دوشَن ائرثئدئر.
اونو کؤشَنده، اولويان، بوش بئر صحرادا تاپدي. اونو دؤوره‌لَدي، اونون قيدئنه قالدي، گؤز بَبه‌يي کئمي اونو حئفظ اتدي.
يوواسيندا بالالاريني اوچورماغا قيشقيرتيب، اونلار اوستونده قاناد چالان قارتال کئمي، او قانادلاريني آچدي و اونلاري توتدو، اونلاري پَرلرئنئن اوستونده آپاردي.
اونا يول گؤرسدن فقط رب ائدي. يانيندا اؤزگه بئر تاري يوخ ائدي.
اونو ير اوزونون اوجالارينا مئندئردي، زَمئنئن محصولوندان يِدئرتدي. اونو قايادان سوزولَن باللا، چاخماق داشيندان چکئلَن ياغلا اَمئزدئردي.
اونو ائنَکلرئن قاتيغي ائله، سورونون سودي ائله، قوزولارين پئيي ائله، باشانداکي قوچلارلا، تَکه‌لرله، لاپ ياخشي بوغدا ائله کؤکَلتدي. اوزومون قاني ائله شراب ائچدئن،
لاکئن يِشورون کؤکه‌‌لئب تَپئک آتدي، کؤکَه‌لئبسن، يوغونلاشيبسان، پئيله‌شئبسن! سونرا اونو يارادان تاريني ترک اتدي، خئلاصکاري اولان قايايا گوستاخليق اتدي.
باشقا آللاهلارلا تاريني قيرته گتئردئلر، ائيرنج عمللرله اونو قضبلَندئردئلر.
تاري اولمايان ائبلئسلره، تانيماديقلاري آللاهلارا، آتالارينين قورخماديقلاري، آخير زامانلار تزه گلن آللاهلارا قوربان کسدئلر.
سئز، سئزي حياتا گتئرن قاياني آتدينيز. سئزي يارادان تاريني ياددان چيخارتدينيز.
رب بونو گؤروب اونلاري ردّ اتدي، چونکي اوغوللاري و قيزلاري اونو قضبه گتئردئلر.
او واخت رب ددي: «اونلاردان اوزومو گئزلَده‌جيم، اونلارين عاقئبتئنئن نه اولاجاغيني گؤره‌جيم. چونکي اونلار تَرسه بئر نسئل، وَفاسيز اؤولادلارديلار.
منی تاري اولمايانلارلا قيرته گتئرئبلر، بوش بوتلري ائله منی قضبلَندئرئبلر. من ده اونلاري خالق اولمايان بئر خالقلا پاخيل‌ليغا سالاجاغام، آخماق بئر مئلّتله قضبلَندئره‌جيم.
چونکي قضبئمدن بئر اود آلوولانيب، اؤلولر دئيارينين دئبئنه‌جک يانير. دونياني و نعمتلرئني اودوب قورتارير، داغلارين بونؤورهلري اودلايير.
من اونلارين اوستونه بلالار ييغاجاغام، اوخلاريمي اونلارين طرفئنه آتاجاغام.
قيتليقدان تلف اولاجاقلار، وبادان قيريلاجاقلار، آجي هلاکتدن يوخ اولاجاقلار. وحشي حيوانلارين دئشلرئني، تورپاقدا سورونن ائلانلارين زَهَرئني اونلارا ساري دؤندره‌جيم.
اِشئکده قيلينج اونلاري اؤولادسيز ادهجک، اِولرئنده دهشت حؤکم سورهجک، جاوان اوغلاني، باکئره قيزي، سود اَمن کؤرپهني، آغساچلي کئشئني محو ادهجک.
دِمئش اولايديم: «اونلاري پارچالاياجاغام، اونلاري ائنسانلارين خاطئره‌سئندن پوزاجاغام»
مگر دوشمنئن ائستِهزاسيندان قورخماديم کي، مبادا اونلارلا ساواشانلار سَهو آنلاييب دسئنلر: «اؤز اَللرئمئز بئزه ظفر قازانيب، بوتون بو ائشلري گؤرن رب ديئل.»
چونکي اونلار دوشونجه‌سئز بئر مئلّتدئر، اونلاردا فهم يوخدور.
کاشکي، حئکمتلي اولوب بونو درک اتسَيدئلر، کاشکي، عاقئبتلرئني دوشونسَيدئلر.
اگر اونلارين قاياسي اونلاري ساتماسايدي، اگر رب اونلاري تسلئم اتمه‌سَيدي، بئر آدام مئن نفري نجه قووا بئلردي؟ ائکي کئشي اون مئن نفري نجه قاچيردا بئلردي؟
حقئقتن، اونلارين قاياسي بئزئم قاياميز کئمي ديئل، حتّا دوشمنلرئمئز بونو قبول ادئر.
تَنَکلري سودومداکي اوزوم آغاجلاريندان‌دير، گومورا باغلاريندان‌دير. اوزوملري زهرلي‌دئر، سالخيملاري آجي‌دير.
شرابلاري ائلانلار زهري‌دئر، اَفعئلرئن اؤلدوروجو زهري‌دئر.
«مگر بونلارين هاميسي يانيمدا ساخلانمادي؟ بونلار مگر خزئنه‌لرئمده مؤهورلَنمه‌دئلر؟
قئصاص منئمدئر، عوضئني من ورهجيم. واختي چاتارکَن آياقلاري سوروشه‌جک، چونکي اونلارين هلاک گونو ياخيندير، اجل‌لري تز چاتار.»
رب اؤز خالقينين حاقيني آلاجاق. قوللارينين گوجونون قورتارديغيني گؤرنده، نه قولدان، نه آزاددان کئمسه قالماياندا، اونلارا رحم ادهجک.
دئيهجک: «هاني اونلارين آللاهلاري، هاني اونلارين سيغيناجاقلاري قايا؟
قوربانلارينين پئيئني يئيَن کئم ائدي؟ مايع تقدئملرئنئن شرابيني ائچَن کئم ائدي؟ قوي سئزه کؤمک اتمک اوچون قالخسينلار، پناهگاهينيز اولسونلار.
ائندي گؤرون کي، تاري فقط منم. باشقاسي يوخدور. منم اؤلدورَن و حيات ورن، منم يارالايان و شفا ورن، هچ کئم الئمدن قورتارا بئلمز.
دوغوردان دا الئمي گؤيلره قالديريب ديئرَم: ‹ابدی وارليغيما آند اولسون کي،
اگر شئمشک چيخان قيلينجيمي ائتئلدئب عدالتي الئمه آلسام، دوشمنلرئمدن قئصاص آلاجاغام، مندن نئفرت ادنلردن عوض چيخاجاغام.
اونلارين قاني ائله اوخلاريمي کِفلَندئره‌جيم، قيلينجيم اَتي، قيريلانلارين، اسئر ادنلرئن قانيني، دوشمن رهبرلرئنئن باشيني اوداجاق.›»
ای مئلّتلر، اونون خالقي ائله برابر سِوئنئن! چونکي او، قوللارينين قان قئصاصيني آلاجاق، دوشمنلرئندن عوض چيخاجاق، اؤلکه‌سي و خالقي اوچون کفّاره ادهجک."
موسا نون اوغلو يوشَعله برابر گلئب، بو نغمه‌نئن بوتون سؤزلرئني خالقين قاباغيندا ددی.
موسا بوتون ائسرايئله بو سؤزلرئن هاميسيني ديئب قورتاراندا،
اونلارا بله ددي: "بو گون سئزه بيان اتدئيئم سؤزلرئن هاميسينا اورَکدن باغلانين کي، اؤولادلارينيزا بو قانونون بوتون سؤزلرئنه دئقّتله عمل اتمه‌يي امر ادهسئنئز.
چونکي بو سئزئن اوچون بوش بئر سؤز ديئل؛ حقئقتن کي، بو سؤزلر حياتينيزدير. بو سؤزلر مولک آلماق اوچون اوردون چاييني کچئب گده‌جيئنئز تورپاقدا سئزه اوزون عؤمور ورهجکدئر"
رب اله همئن گون موسا ائله دانيشيب اونا ددي:
"اَرئحانين موقابئلئنده، موآب تورپاغيندا اولان بو عَبارئم داغينا، نِبو داغينا چيخ. ائسرايئل اؤولادلارينا مولک وره‌جيئم کَنَعان تورپاغيني گؤر.
قارداشين هارون حور داغيندا اؤلوب اجدادلارينا قوشولدوغو کئمي، سن ده چيخاجاغين داغدا اؤلوب خالقينا قوشولاجاقسان.
چونکي سئن صحراسيندا، مِرئبا-قِدِش سولاريندا، ائسرايئل اؤولادلارينين قاباغيندا منئمله موقدّس کئمي رفتار اتمه‌دئن.
اونا گؤره اؤلکهني اوزاقدان گؤرهجکسن، لاکئن ائسرايئل اؤولادلارينا وره‌جيئم تورپاغا گئرميه‌جکسن."
تاري آدامي موسا، اؤلوموندن قاباق، ائسرايئل اؤولادلارينا بو خيئر- دوعاني وردی.
موسا ددي: «رب سئنا داغيندان گلدي، اونلارا سِعئردن ظوهور اتدي، پاران داغيندان شفق ساچدي، اون مئنلر موقدّسلر آراسيندا گلدي. صاغ الئنده اونلار اوچون آلوو ساچان شئمشک وار ائدي.
دوغوردان دا، او خالقي سِوئر! بوتون موقدّسلرئن سنئن الئندهدئر! اونلار سنئن آياغينين ائزلرَئنده گتدئلر؛ سؤزلرئني اشئدئرلر.
موسا بئزه شرئعته عمل اتمه‌يي تاپشيردي، بو، يعقوبون جاماعاتي اوچون بئر ائرثدئر.
ائسرايئل قبئلهلري، خالقين رهبرلري بئر يره ييغيلاندا، رب يِشوروندا پادشاه ائدي.
قوي رِعوبئن اؤلمه‌سئن، ياشاسين! کئشئلرئنئن سايي آزالماسين!"
موسا يهودا اوچون بله ددي: "يارب، يهودانين سَسئني اشئت، اونو اؤز خالقينا گتئر. او، اونلار اوچون اؤز اللري ائله دؤيوشدو، دوشمنلرئنئن قاباغيندا اونا کؤمک ات!"
لاوي اوچون بله ددي: "تومّئمئن و اورئمئن سنئن صادئق قولون اوچون اولسون. اونو مَسّادا ائمتاحاندان کچئردئن، اونونلا مِرئبا سولاريندا موباحئثه اتدئن.
او، آتا- آناسي اوچون ددي: «اونلارا نظر سالماديم.» قارداشلاريني تانيمادي، اؤولادلاريني ياددان چيخارتدي، چونکي سنئن سؤزونو ساخلاديلار، سنئن عهدئني حئفظ اتدئلر.
حؤکملرئني يعقوب نسلئنه، قانونونو ائسرايئله اؤيرَده‌جکلر. اونلار حوضوروندا بوخورو، قوربانگاهيندا بوتؤو يانديرما قوربانلاريني تقدئم ادهجکلر.
يارب، اونلارين مالينا برکت ور، اَللرئنئن ائشلرئني قبول ات. اونلارين ضئدّئنه قالخانلارين، اونلاردان نئفرت ادنلرئن بِلئني قير کي، بئر داها قالخماسينلار!"
بِنيامئن اوچون بله ددي: "ربّئن عزئزي اونون يانيندا اَمئن-آمانليقدا ياشاسين! رب گون بويو اونو قورويور، او دا ربّئن قوجاغيندا ساکئندئر."
يوسئف اوچون بله ددي: "اونون تورپاغي ربدن برکت آلسين، گؤيون سچئلمئش شيلري ائله، شِحله، ير آلتيندا ياتان درئنلئکلرله،
گونشئن يِتئشدئردئيي لاپ گؤزل بارلارلا، هر آي يِتئشَن لاپ گؤزل بَهَرلرله،
قدئم داغلارين اَعلا نعمتلري ائله، ابدی تپه‌لرئن سچئلمئش شيلري ائله،
يِرئن لاپ قئيمتلي محصولو و بوللوغي ائله، بوتادا مسکن سالانين لوطفو ائله قوي برکت آلسين! يوسئفئن باشي اوستونه، قارداشلاريندان مومتاز اولانين باشي اوستونه قوي برکت ياغسين!
او، ائلک دوغولان اؤکوز قدر هيبتلئ‌دئر، بوينوزلاري چؤل اؤکوزونون بوينوزلاري‌دير. بو بوينوزلارلا خالقلاري، بئردن ير اوزونون او بئري اوجلارينا قدر ووراجاق. باخ، بونلار اِفرايئمئن اون مئنلري، باخ، بونلار مِنَسّهنئن مئنلري."
زِبولون اوچون بله ددي: "ای زِبولون، يولا دوشَنده سِوئن، ای يئسّاکار، چاديرلاريندا سِوئن!
اونلار خالقلاري داغا چاغيراجاقلار؛ اورادا صالح قوربانلاري کَسه‌جکلر. دهنز نعمتلرئنئن بوللوغو ائله، قوملاردا گئزلَنَن خزئنه‌لرله دوياجاقلار."
جاد اوچون بله ددي: "جادين اَراضئسئني آرتيرانا شوکور اولسون! جاد آصلان تَک ياشايير، قولو، باشي قوپاردير.
او اؤزو اوچون ائلک حئصّهني ساخلادي. چونکي اورادا سردارين پايي ساخلانيلدي. خالق رهبرلري ييغيلاندا ربّئن عدالتئني ائسرايئللیلره گتئردئيي حؤکملري ائجرا اتدي."
دان اوچون بله ددي: "دان باشاندان سيچرايان آصلان بالاسيدير."
نَفتالي اوچون بله ددي: "ای ربّئن لوطفو و برکتي ائله دولو اولان نَفتالي، قربي و جنوبو مولک ادهجکسن."
آشِر اوچون بله ددي: "اوغوللار آراسيندا آشِر لاپ چوخ برکت آلسين! قارداشلارينين لاپ چوخ بَيَندئيي او اولسون! آياغيني ياغا باتيرسين.
دروازالارينين چفته‌لري دمئردن و بورونجدن اولاجاق، قووّتئن عؤمرون بويو قورتارماياجاق!
يِشورونون تاريسي کئمي يوخدور، او کي، سنه کؤمک اتمک اوچون، گؤيلر و بولودلارا عظمتي ائله مئنئر.
سيغيناغين ابدی تاريدير، سني داشييان اونون ابدی قوللاري‌دير. دوشمنئني سنئن قاباغيندان قوودو، «يوخ ات اونلاري!» ددی.
اونا گؤره ائسرايئل اَمئن-آمانليقدا ياشاياجاق. تاخيل و تزه شراب تورپاغيندا يعقوبون چشمه‌سي اَمئن-آمانليقدا قالاجاق، گؤيلري شِح داميزديرير.
ای ائسرايئل! نجه موبارکسن، سنئن کئمي بئري مگر وار؟ ربّئن قورتارديغي خالقسان! رب قالخاندير، کؤمه‌يئنه چاتاندير، عظمتئنئن قيلينجي‌دير. سنه دوشمنلر يالتاقلاناجاق، سن اونلارين پرستئشگاهلاريني تاپدالاياجاقسان."
موسا موآب اووالاريندان نِبو داغينا گدئب، اَرئحانين موقابئلئنده اولان پئسگا تپه‌سئنه چيخدي. رب اونا بوتون اؤلکهني گؤرستدي. دانا قدر اوزانان گئلعادي،
بوتون نَفتالئني، اِفرايئم و مِنَسّه تورپاقلاريني، قرب دهنزئنه قدر اوزانان بوتون يهودا تورپاغيني،
نِگِبي، خورمالار شهري اَرئحا درهسئنئن صوعَره قدر اوزانان اوواني گؤرستدي.
سونرا رب اونا ددي: "ائبراهئمه، ائسحاقا و يعقوبا ورميه آند ائچدئيئم تورپاق بودور کي، دِمئشدئم: «اوراني سئزئن اؤولادلارينيزا ورهجيم.» من ائجازه وردئم کي، اوراني اؤز گؤزلرئنله گؤرهسن. لاکئن اورايا گئرميه‌جکسن."
ربّئن سؤزونه گؤره قولو موسا اله اورادا، موآب تورپاغيندا اؤلدو.
رب اونو موآب تورپاغيندا اولان بِيتپِعورون موقابئلئنده‌کی دره‌ده دفن اتدي. بو گونه قدر هچ کئم اونون قبرئنئن يرئني بئلمئر.
گرچي موسا اؤلَنده يوز ائيئرمي ياشيندا ائدي، لاکئن گؤزو نوردان دوشمه‌مئش، طاقتي ده چکئلمه‌مئشدي.
ائسرايئل اؤولادلاري موسا اوچون موآب اووالاريندا اوتوز گون ياس توتدولار. موسا اوچون اولان ماتم گونلري قورتاردي.
نون اوغلو يوشَع حئکمت روحو ائله دولموشدو، چونکي موسا اونون اوستونه اللرئني قويموشدو؛ ائسرايئل اؤولادلاري دا اونا قولاق آسديلار و ربّئن موسايا امر اتدئيي هر شيه عمل اتدئلر.
ائسرايئلده موسا کئمي بئر پيغمبر داها چيخماييب کی، رَبله اوز-اوزه گؤروشسون.
رب اونو گؤندرمئشدي کي، مئصئر تورپاغيندا فئرعونا، اونون بوتون اعيانلارينا، و بوتون اؤلکهسئنه چوخلو علامتلر و مؤجوزهلر گؤرسدسئن.
موسانين عمللري بوتون ائسرايئلئن گؤزلري قاباغيندا چوخ قودرتلي و بؤيوک زَهملي ائدي.
ربّئن قولو موسانين اؤلوموندن سونرا، رب موسانين خئدمتچئسي نون اوغلو يوشَعه دانيشيب ددی:
"قولوم موسا اؤلدو. ائندي قالخ، سن و بوتون بو خالق اوردون چاييني کِچئب ائسرايئل اؤولادلارينا وره‌جيئم تورپاغا گدئن.
موسايا ددئيئم کئمي، آياق قوياجاغينيز هر يري سئزه ورمئشم.
صحرا و بو لوبناندان بؤيوک چايا قدر، يعني فَرات چايينا قدر، خئتلی‌لرئن بوتون اؤلکه‌سي بؤيوک دهنزه قدر کي، گونشئن باتديغي طرف اولسون، يِر سئزئن تورپاقلارينيز اولاجاق.
بوتون عؤمرون بويو هچ کس سنه ضئدّ چيخا بئلميهجک. موسا ائله اولدوغوم کئمي، سنئنله ده اولاجاغام، سني بوراخماياجاغام، سني ترک اتميه‌جيم.
گوجلو و اورَکلي اول، چونکي آتالارينا ورمک اوچون آند ائچدئيئم بو تورپاغي، سن بو خالقا مولک وره‌جکسن.
آنجاق چوخ گوجلو و اورَکلي اول؛ دئقّت ات کي، قولوم موسانين سنه تاپشيرديغي بوتون قانونا عمل ادهسن؛ اوندان نه صاغا، نه ده سولا دؤن کي، گده‌جيئن هر ياندا اوغور قازاناسان.
بو شرئعت کئتابينين سؤزلري دئلئندن دوشمه‌سئن، گجه-گوندوز اونون اوستونده دوشون کي، اورادا يازيلان هر شيه دقئق عمل ادهسن. چونکي او واخت يولون اوغورلو اولاجاق و آماجينا چاتاجاقسان.
مگر سنه امر اتمهمئشم؟ گوجلو و اورَکلي اول! قورخما، اوره‌يئن ده اوزولمه‌سئن. چونکي تارين رب گده‌جيئن هر يرده سنئنله‌دئر."
او واخت يوشَع خالقين سرکرده‌لرئنه امر ادئب ددی:
"اوردوگاهي گَزئن و خالقا امر ادئب ديئن: «اؤزونوزه آذوقه حاضيرلايين، چونکي گلن اوچ گونده اوردون چاييني کچه‌جيئک و تارينيز ربّئن سئزه مولک اولاراق وردئيي تورپاغا گئرئب اورايا مالئک اولاجاقسينيز.»"
يوشَع رِعوبئنلی‌لره، جادلي‌لارا، و مِنَسّه قبئلهسئنئن ياريسينا بله ددی:
"يادينيزا سالين کي، ربّئن قولو موسا سئزه بله امراتمئشدي: «تارينيز رب سئزه راحاتليق ورئر و بو تورپاغي سئزه ورهجک.»
آروادلارينيز، اوشاقلارينيز، و مال-حيوانلارينيز اوردون چايينين بو تاييندا، موسانين سئزه وردئيي تورپاقدا قالسين. لاکئن سئز يعني سئزئن بوتون ائگئد آداملارينيز گرک سئلاحلانيب، قارداشلارينيزين قاباغيندا او تايا کچه‌سئنئز. سئز گرک اونلارا کؤمک ادهسئنئز.
او زاماناجاق کي، رب، سئزه وردئيي کئمي، سئزئن قارداشلارينيزا دا راحاتليق ورسئن و اونلار دا تارينيز ربّئن اونلارا وره‌جيی تورپاغا مالئک اولسونلار. سونرا اؤز مولکونوزه قاييديب اونا مالئک اولارسينيز، او مولک کي، ربّئن قولو موسا اوردون چايينين شرقئنده سئزه مولک وردی."
اونلار يوشَعه جاواب ورئب ددئلر: "بئزه نه امر ادئبسن، اده‌جيئک و هارايا گؤندره‌سن، گده‌جَيئک.
نجه هر ائشده موسادان ائطاعت ادئردئک، سندن ده اِله ائطاعت اده‌جيئک. آنجاق تارين رب قوي موسا ائله اولدوغو کئمي، سنئنله ده اولسون.
سنئن امرلرئنه ضئدّ چيخان و بويوردوغون سؤزه قولاق آسمايان هر کس اؤلدوروله‌جک. آنجاق سن گوجلو و اورَکلي اول."
نون اوغلو يوشَع شئطّئمدن ائکي کئشئني جاسوسلوق اتمه‌يه گئزلي گؤندرئب ددي: "گدئن اورانين تورپاغيني خوصوصن ده اَرئحاني گؤزدن کچئردئن." اونلار گتدئلر و راخاب آدلي بئر فاحئشهنئن اِوئنه گئرئب اورادا قالديلار.
اَرئحا پادشاهينا خبر آپاريلدي: "باخ، بو گجه ائسرايئل اؤولادلاريندان بورايا آداملار گلئب کي، تورپاغيميزي گؤزدن کچئرتسئنلر."
اَرئحا پادشاهي راخابا خبر گؤندرئب ددي: "سنئن يانينا گلن و سنئن اِوئنه گئرن آداملاري چيخارت، چونکي اونلار بوتون تورپاغيميزين جاسوسلوغونا گلئبلر."
لاکئن راخاب او ائکي کئشئني گؤتوروب گئزلَتمئشدي. راخاب ددي: "بلی، آداملار يانيما گلمئشدي، آمّا هارادان اولدوقلاريني بئلمئردئم.
آخشام واختي دروازا باغلاناندا او آداملار چيخديلار؛ بئلمئرم هارايا گتدئلر. تِز داللارينجا گدئن کي، اونلاري توتا بئلهسئنئز."
لاکئن آرواد اونلاري داما چيخارديب، دامدا سَردئيي کتان لئفلرئن آراسيندا گئزلَتمئشدي.
پادشاهين گؤندردئيي آداملار جاسوسلاري يول بويو اوردون چايينين کچئدئنه قدر تعقئب اتدئلر. تعقئبچئلر باييرا چيخان واخت دروازا باغلاندي.
جاسوسلار ياتماميش آرواد اونلارين يانينا داما چيخدي.
و بو آداملارا ددي: "بئلئرم کي، رب بو تورپاغي سئزه ورئب. سئز بئزي دهشته ساليبسينيز و بو تورپاغين بوتون ساکئنلري سئزئن قاباغينيزدا اَرئيئبلر.
چونکي اشئتمئشئک کي، مئصئردن چيخديغينيز زامان، رب قيرميزي دهنزئن سولاريني نجه قاباغينيزدا قوروتدو و اوردون چايينين او تاييندا محو اتدئيئنئز ائکي اِمور پادشاهي سئخون و عوگا نه اتدئنئز.
بونلاري اشئدنده اوره‌يئمئز اوزولدو و سئزئن قورخونوزدان، هچ کئمئن طاقتي قالمادي، چونکي تارينيز رب يوخاريدا گؤيون و آشاغيدا يِرئن تاريسيدير.
ائندي خاهئش ادئرم، منه ربّئن آديندا آند ائچئن کي، سئزه مهرئبانليقلا رفتار اتدئيئم اوچون، سئز ده منه و آتامين عايئلهسئنه مهرئبان اولاجاقسينيز. منه اعتئبارلي بئر نئشانه ورئن کي،
آتامي، آنامي، قارداشلاريمي، باجيلاريمي، اونلارين يانيندا اولان هر کسي صاغ قوياجاقسينيز و جانيميزي اؤلومدن قورتاراجاقسينيز."
آداملار اونا ددئلر: "اگر بو ائشئمئزئن اوستونو آچماياسينيز، جانيميز سئزه فدا اولسون. رب بو تورپاغي بئزه ورن واخت، سؤزوموزه وفا ادئب سئزه مهرئبان اولاجاغيق."
او واخت آرواد اونلاري ائپل پنجرهدن آشاغي اِندئردي، چونکي اونون اِوي شهرئن قالا دوواريندا ائدي و او، دووارين ائچئنده ياشاييردي.
آرواد اونلارا ددي: "داغليغا گدئن کي، تعقئبچئلر سئزه چاتماسينلار، اونلار قاييدانا قدر، اوچ گون اورادا گئزله‌نئن. سونرا يولونوزا داوام ورَرسئنئز."
آداملار اونا ددئلر: "سنئن بئزه ائچدئردئيئن بو آندين آلتيندا اولماياجاغيق،
مگر بو تورپاغا گلدئيئمئز واخت، بئزي دوشوردويون پنجره‌يه بو قيرميزي ائپي باغلاياسان. آتاني، آناني، قارداشلاريني و آتانين بوتون قوحوملاريني يانينا، اؤز اِوئنه ييغ.
سنئن اِوئنئن قاپيسيندان کئم باييرا چيخسا، قاني اؤز باشينا اولاجاق و بئز بونا گوناهکار اولماياجاغيق. لاکئن سنئنله بئرلئکده اِوئنده اولان هر کسه توخونولسا، قوي اونون قاني بئزئم باشيميزا اولسون.
آمّا اگر بو ائشئمئزئن اوستونو آچاسان، اوندا سنئن بئزه ائچدئردئيئن بو آنددان آزاد اولاجاغيق."
راخاب ددي: "نجه ديئرسئنئز، اله ده اولسون.» سونرا اونلاري يولا سالدي و اونلار گتدئلر. راخاب قيرميزي ائپي پنجره‌يه باغلادي.
بو آداملار گتدئلر و داغليغا چيغيب، تعقئبچئلر قاييدانا قدر، اوچ گون اورادا قالديلار. تعقئبچئلر بوتون يول بويو اونلاري آختارميشديلار، لاکئن تاپماميشديلار.
سونرا او ائکي کئشي گری دؤنوب داغليق بؤلگه‌دن اِندئلر، و چايي کچئب نون اوغلو يوشَعئن يانينا گلدئلر و باشلارينا گلن هر شيي اونا نقل اتدئلر.
اونلار يوشَعه ددئلر: "حقئقتن، رب بوتون او تورپاغي بئزئم اَلئمئزه ورئب؛ او تورپاغين بوتون ساکئنلري ده قاباغيميزدا قورخودان اَرئيئبلر."
يوشَع سحر اِرکَن قالخدي؛ اونونلا بئرلئکده بوتون ائسرايئل اؤولادلاري شئطّئمدن چيخيب اوردون چايينا گلدئلر. اونلار چايي کِچمَزدن اوّل اورادا قالديلار.
اوچونجو گونون آخيريندا سرکرده‌لر اوردوگاهي گَزدئلر.
و خالقا امر ادئب ددئلر: "تارينيز ربّئن عهد سانديغيني لاوئلی‌لردن اولان کاهئنلرئن داشيديغيني گؤرنده، سئز ده يرئنئزدن قالخيب اونون دالينجا گدئن.
آنجاق سئزئنله اونون آراسيندا ائکي مئن قول‌آچا قدر مسافه اولماليدير. اونا ياخينلاشمايين کي، هانسي يوللا گده‌جيئنئزي بئلهسئنئز، چونکي سئز قاباق هچ واخت بو يولدان کچمه‌يئبسئنئز."
سونرا يوشَع خالقا ددي: "اؤزونوزو تقدئس ادئن، چونکي صاباح رب آرانيزدا مؤجوزهلر گؤرسدهجک."
کاهئنلره ده بله ددي: "عهد سانديغيني گؤتورون و خالقين قاباغيندا گدئن." اونلار دا عهد سانديغيني گؤتوروب، خالقين قاباغيندا گتدئلر.
رب يوشَعه ددي: "بو گون من سني بوتون ائسرايئللیلرئن گؤزونده اوجالتماغا باشلاياجاغام کي، اونلار موسا ائله اولدوغوم کئمي سنئنله ده اولدوغومو بئلسئنلر.
بوندان علاوه، عهد سانديغيني داشييان کاهئنلره امر ادئب دِه: «سئز اوردون چايينين کنارينا چاتاندا اورادا دايانين.»"
يوشَع ائسرايئل اؤولادلارينا ددي: "بورايا ياخينلاشين و تارينيز ربّئن سؤزلرئني اشئدئن."
يوشَع ددي: "وار اولان تارينين آرانيزدا اولماسيني بوندان بئلهجکسئنئز کي، او سئزئن قاباغينيزدان کَنَعانليلاري، خئتلئلري، خئولی‌لري، پِرئزلی‌لري، گئرگاشلي‌لاري، اِمورلولاري و يِبوسلولاري حتمن قوواجاق.
باخ، بوتون يِر اوزونون صاحئبئنئن عهد سانديغي سئزدن قاباق کچئب اوردون چايينا گئرهجک.
ائندي اؤزونوزه ائسرايئل قبئلهلرئندن اونائکي کئشي گؤتورون، يعني هر قبئلهدن بئر نفر.
بوتون يِر اوزونون صاحئبي ربّئن سانديغيني داشييان کاهئنلرئن آياقلاري اوردون چايينين سولارينا دَيَن واخت، چايين سولاري کسئله‌جک. يوخاريدان آخان سولار، ييغين حاليندا داياناجاق."
بلجه خالق اوردون چاييني کچمک اوچون چاديرلاريندان چيخاندا، عهد سانديغيني داشييان کاهئنلر خالقين قاباغيندا گدئردئلر.
محصول واختي عرضئنده، اوردون چايينين سولاري داشيب بوتون ساحئل‌لرئني باسيردي. سانديغي داشييان کاهئنلر اوردونا گئرنده و اونلارين آياقلاري چايين سولارينا دَيَنده،
يوخاريدان آخان سولار چوخ اوزاقدا، صارِتان يانيندا اولان آدام شهرئنده، ييغين حاليندا دايانيب قالخدي؛ عَرابا گؤلونه، يعني دوز گؤلونه آخان سولار کامئل کسئلدي. بلجه خالق چايي اَرئحانين موقابئلئنده کچدي.
ربّئن عهد سانديغيني داشييان کاهئنلر ده اوردون چايينين اورتاسيندا قورولوق يرده مؤحکم دوردولار. بوتون ائسرايئللی‌لر اوردون چاييني کامئل کچنه قدر قورولوق يرده گدئردئلر.
بوتون مئلّت کامئل اوردون چاييني کچندن سونرا، رب يوشَعه ددي:
"خالق آراسيندان اؤزونه اونائکي کئشي گؤتور، يعني هر قبئلهدن بئر نفر.
اونلارا امر ادئب ده: «بورادان، اوردون چايينين اورتاسيندان، کاهئنلرئن آياقلارينين مؤحکم دوردوغو يردن اون ائکي داش گؤتورون. بو داشلاري آپاريب بو گجه قالديغينيز يرده قويون.»"
يوشَع ائسرايئل اؤولادلارينين آراسيندان سچدئيي اون ائکي کئشئني چاغيردي، هر قبئلهدن بئر نفري.
يوشَع اونلارا ددي: "تارينيز ربّئن سانديغي قاباغيندان، اوردون چايينين اورتاسينا کچئب، ائسرايئل قبئله‌لرئنئن سايينا گؤره هر بئرئنئز چئينئنئزه بئر داش گؤتورون.
قوي بو سئزئن آرانيزدا بئر علامت اولسون. سئزدن سونرا اؤولادلارينيز «بو داشلار ندئر؟» سوروشاندا،
اونلارا بله دئيَرسئنئز: «اونا گؤره دئر کي، اوردون چايينين سولاري ربّئن عهد سانديغينين قاباغيندا کسئلدي؛ عهد سانديغيني اوردون چاييندان کچئردنده، اوردون چايينين سولاري کسئلمئشدي.» بلجه بو داشلار ائسرايئل اؤولادلارينا ابدی بئر يادئگار اولاجاق."
ائسرايئللی‌لر يوشَعئن امر اتدئيي کئمي اتدئلر و ربّئن يوشَعه ددئيي کئمي، ائسرايئل قبئله‌لرئنئن سايينا گؤره اوردون چايينين اورتاسيندان اونائکي داش گؤتوردولر. داشلاري اؤزلري ائله گجه قالاجاقلاري يِره آپاريب، اونلاري اورادا يِره قويدولار.
سونرا يوشَع اوردون چايينين اورتاسيندا، عهد سانديغيني داشييان کاهئنلرئن آياقلارينين مؤحکم دوردوغو يِره، اون ائکي داش قويدو. اونلار بو گونه قدر اوراداديرلار.
سانديغي داشييان کاهئنلر اوردون چايينين اورتاسيندا دايانميشديلار، اِله کي، خالقا دمک اوچون ربّئن يوشَعه امر اتدئيي شيلر قورتاردي. نجه کي، موسا يوشَعه امراتمئشدي. خالق تَله‌سئک چايي کچدئلر.
خالق چايي کچئب قورتاراندان سونرا، ربّئن سانديغي و کاهئنلر خالقين قاباغينا کچدئلر.
رِعوبئنلی‌لر، جادليلار و مِنَسّه قبئلهسئنئن ياريسي موسانين اونلارا ددئيي کئمي سئلاحلانيب، ائسرايئل اؤولادلارينين قاباغيندا چايي کچدئلر.
دؤيوش اوچون سئلاحلانميش قيرخ مئن قدر آدام ربّئن قاباغيندا اَرئحا اووالارينا کچدئلر.
او گون رب يوشَعي بوتون ائسرايئل خالقينين گؤزونده اوجالتدي. اونلار دا يوشعه چوخ حؤرمت گؤرستدئلر، نجه کي، موسايا اونون بوتون عؤمرو بويو گؤرستمئشدئلر.
رب يوشَعه ددي:
"شهادت سانديغيني داشييان کاهئنلره امر ات کي، اوردون چاييندان چيخسينلار."
يوشَع ده کاهئنلره امر ادئب ددي: "اوردون چاييندان چيخين!"
ربّئن عهد سانديغيني داشييان کاهئنلر اوردون چايينين اورتاسيندان چيخاندا، کاهئنلرئن آياقلاري قورولوق تورپاغا دَيَن واخت، اوردون چايينين سولاري اؤز يرئنه قاييتدي. گئنه اوّلکي کئمي سولار داشيب بوتون ساحئللري باسدي.
بئرئنجي آيين اونونجو گونونده، خالق اوردون چاييندان چيخيب، اَرئحانين شرق سرحدئنده اولان گئلگالدا اوردوگاه قوردولار.
يوشَع اوردون چاييندان گؤتورولموش همئن اونائکي داشي گئلگالدا قوردو.
او، ائسرايئل اؤولادلارينا ددي: "سونرا اؤولادلارينيز آتالاريندان «بو داشلار نَيه گؤرهدئر؟» سوروشاندا،
اؤولادلارينيزا ديئن: «ائسرايئللی‌لر اوردون چاييني قورولوق يِر اوستونده کچدئلر.»
چونکي تارينيز رب اوردون چايينين سولاريني سئز کچنه قدر قوروتدو، نجه کي، تارينيز رب قيرميزي دهنزه اتمئشدي و بئز کچنه قدر اونون سويونو قاباغيميزدا قوروتدو.
اله کي، ير اوزونون بوتون خالقلاري ربّئن اَلئنئن قودرتلي اولدوغونو بئلسئن و سئز ده تارينيز ربدن ابده کئمي قورخاسينيز."
اوردون چايينين قرب طرفئنده اولان بوتون اِمورلولارين پادشاهلاري، و دهنز کناريندا ياشايان بوتون کَنَعان پادشاهلاري اشئتدئلر کي، رب ائسرايئل اؤولادلارينين قاباغيندا نجه اوردون سولاريني قوروتدو، اله کي، اونلار کچسئنلر. و اورَکلري قورخويا دوشدو. ائسرايئل اؤولادلارينين واهئمه‌سئندن اونلاردا طاقت قالمادي.
او زامان رب يوشَعه ددي: "اؤزون اوچون چاخماق داشيندان بيچاقلار دوزلت و ائسرايئل اؤولادلاريني قاباقکي دفه کئمي ختنه ات."
يوشَع اؤزو اوچون چاخماق داشيندان بيچاقلار دوزَلدئب، گئبعَت‌‌حاعَرالوتدا ائسرايئل اؤولادلاريني ختنه اتدي.
يوشَعئن ختنه اتمه‌سئنئن سببي بودور: بوتون دؤيوش قابئلئيّتي اولان اِرکَکلر، مئصئردن چيخاندان سونرا يول بويو صحرادا اؤلدولر.
اورادان چيخان خالقين هاميسي ختنهلي ائدي، آمّا مئصئردن چيخاندان سونرا يول بويو صحرادا دوغولانلارين هچ بئري ختنه اولونماميشدي.
ائسرايئل اؤولادلاري قيرخ ائل صحرادا گَزدئلر، اله کي، مئصئردن چيخان دؤيوش قابئلئيّتي اولان آداملارين هاميسي اؤلدولر. چونکي اونلار ربّئن سؤزونه قولاق آسماديلار. رب آند ائچمئشدي کي، بئزه ورمک اوچون آتالاريميزا آند ائچدئيي سود و بال آخان تورپاغي ائطاعت اتمه‌يَنلره گؤرسدميه‌جک.
بونون عوضئنه رب اونلارين اؤولادلاريني يتئشدئردي و يوشَع اونلاري ختنه اتدي. چونکي اونلار ختنهسئز ائدئلر و يولدا اونلاري هچ کئم ختنه اتمه‌مئشدي.
بوتون ائسرايئللیلرئن ختنه اولونماسي قورتارديقدان سونرا، اونلار صاغالانا قدر اوردوگاهدا اؤز يرلرئنده قالديلار.
سونرا رب يوشَعه ددي: "مئصئر روسوايچيليغيني بو گون اوستوزدن هِل‌له‌دئب آتديم." اونا گؤره ده بو گونه قدر او يرئن آدينا گئلگال ديئلئر.
ائسرايئل اؤولادلاري گئلگالدا اوردوگاه قوردولار. آيين اون دؤردونجو گونو، آخشام واختي اَرئحا اوواسيندا پاسخا بايراميني توتدولار.
پاسخانين صاباحيسي، اِله همئن گون بو تورپاغين بَهره‌سئندن اولان ماياسيز چؤرک و قووورولموش باشاق يدئلر.
اونلار او تورپاغين بَهره‌سئندن يِدئکلري گونون سحري مانّانين تؤکولمه‌سي کسئلدي. آرتيق ائسرايئل اؤولادلارينين مانّاسي يوخ ائدي و او ائل کَنَعان تورپاغينين محصوللاري ائله دولانديلار.
يوشَع اَرئحانين ياخينليغيندا اولاندا، باشيني قالديريب باخدي و اَلئنده سئيرئلمئش قيلينج اولان بئر شخص گؤردو کي، قاباغيندا دايانيب. يوشَع اونون يانينا گلئب اوندان سوروشدو: "سن بئزئم طرفئمئزدنسن، يوخسا دوشمنلرئمئز طرفئندن؟"
او ددي: "خير، من کي، ائندي گلمئشم، ربّئن قوشونونون باشچيسي‌يام." يوشَع اوزو اوسته يره ييخيلدي و اونا سجده ادئب ددي: "آغامين بو قولونا نه سؤزو وار؟"
ربّئن قوشونونون باشچيسي يوشَعه ددي: "چاريغيني آياغيندان چيخارت، چونکي اوستونده دوردوغون ير موقدّسدئر." و يوشَع بله اتدي.
ائسرايئل اؤولادلارينين اوزوندن اَرئحا برک باغلانميشدي. اورايا گئرئب-چيخان يوخ ائدي.
رب يوشَعه ددي: "باخ اَرئحاني، اونون پادشاهي ائله ائگئد آداملاريني سنه تسلئم اتمئشم.
سئز، يعني بوتون دؤيوشچولر شهرئن اطرافينا بئر دفه دولانين؛ آلتي گون بله ادئن.
عهد سانديغينين قاباغيندا، يدّي کاهئن، قوچ بوينوزوندان اولان يدّي کَره‌ناي داشيسين. يدّئنجی گون شهري يدّي دفه دولانين و کاهئنلر کَره‌نايلاري چالسينلار.
او زامان کي، اونلار قوچ بوينوزوندان اولان کَره‌نايي اوزون بئر شکئلده چاليرلار و سئز اونو اشئدئرسئنئز، بوتون خالق گور سَسله باغيرسين. او واخت شهرئن قالا دووارلاري يره ييخلار و خالقين هر بئري دايانديغي يردن شهره قالخار."
نون اوغلو يوشَع کاهئنلري چاغيريب اونلارا ددي: "عهد سانديغيني گؤتورون. ربّئن سانديغي قاباغيندا يدّي کاهئن قوچ بوينوزوندان اولان يدّي کَره‌ناي داشيسين."
خالقا دا ددي: "قاباغا گدئن، و شهري دولانين. قويون سئلاحلي آداملار ربّئن سانديغي قاباغيندا گتسئنلر."
يوشَع بونو خالقا ددئيئنده، يدّي کاهئن قوچ بوينوزوندان اولان يدّي کَره‌نايي گؤتوردولر و ربّئن قاباغيندا کچئب کَره‌نايلاري چالديلار؛ ربّئن عهد سانديغي دا اونلارين دالينجا آپاريلدي.
سئلاحلي آداملار کَره‌نايلاري چالان کاهئنلرئن قاباغيندا گدئردئلر. کاهئنلر کَره‌نايلاري چالا-چالا گِدَرکن، آرخادا اولان دسته سانديغين دالينجا گدئردي.
لاکئن يوشَع خالقا امر ادئب ددي: "سئزه «چيغيرين» دئيه‌جيئم گونه قدر چيغيرمايين، سَسئزي اشئتدئرمه‌يئن، آغزينيزدان هچ بئر سؤز چيخماسين. آنجاق من دئيَن واخت چيغيرين."
بلجه ربّئن عهد سانديغيني شهرئن اطرافينا بئر دفه دولانديردي؛ سونرا اوردوگاها گلدئلر و اورادا گِجَله‌دئلر.
يوشَع سحر اِرکَن قالخدي. کاهئنلر ده ربّئن سانديغيني گؤتوردولر.
يدّي کاهئن کي، قوچ بوينوزوندان اولان يدّي کَره‌نايي داشي‌ييرديلار، ربّئن سانديغي قاباغيندا گدئردئلر و کَره‌نايلاري چاليرديلار؛ سئلاحلي آداملار اونلارين قاباغيندا گدئردي. آرخا دسته ده، کاهئنلر شيپورلاري چالارکَن اونلارين دالينجا گدئردي.
بلجه اونلار ائکئنجي گون ده شهري بئر دفه دولانديلار و اوردوگاها قاييتديلار؛ آلتي گون بله اتدئلر.
يدّئنجی گون تزدن سحر آچيلاندا قالخديلار و شهري يدّي دفه بو قايدا ائله دولانديلار؛ آنجاق او يدّئنجی گون، شهري يدّي دفه دولانديلار.
يدّئنجی دفه دولانان زامان، کاهئنلر کَره‌نايلاري چالاندا، يوشَع خالقا ددي: "چيغيرين! چونکي رب شهري سئزه ورئب.
شهر بئزه حارامدير، شهر و اوندا اولان هر شي ربّه عاييددير؛ آنجاق فاحئشه راخاب و اونونلا بئرلئکده اِوده اولانلارين هاميسي گرک صاغ قالسين. چونکي او، گؤندردئيئمئز اِلچئلري گئزلَتدي.
لاکئن سئز، حارام اولموش شيلردن اوزاق دورون، اله کي، طاماحلانماييب حارام اولان شيلردن هچ نه گؤتورمَيه‌سئنئز. و ائسرايئل اوردوگاهيني لعنت آلتينا سالماييب باشينا بلا گتئرمَيه‌سئنئز.
آنجاق بوتون قيزيل و گوموش، بورونج و دمئر اشيالار ربّه مخصوصدور؛ اونلار گرک ربّئن خزئنهسئنه ورئلسئن."
خالق چيغيردي و کاهئنلر کَره‌نايلاري چالديلار. خالق کَره‌ناي سَسئني اشئدنده اوجادان چيغيردي. او واخت قالا دووارلاري ييخيليب يرله بئر اولدو و خالقين هر بئري ائرهلي گدئب شهري آلديلار.
اونلار شهرده اولانلارين هاميسيني حارام اولاراق قيلينجدان کچئردئب کامئل محو اتدئلر؛ کئشئني، آروادي، جاواني، قوجاني، اؤکوزو، قويونو، اِششه‌يي.
يوشَع اؤلکهني گؤزدن کچئردن او ائکي نفر جاسوسا ددي: "فاحئشه آروادين اِوئنه گدئن، اونا آند ائچدئيئنئز کئمي آروادي و اونون يانينداکيلارين هاميسيني اِودن چيخاردين."
بلجه بو جاوان جاسوسلار گدئب راخابي، آتاسيني، آناسيني، قارداشلاريني، و بوتون وار-يوخونو گتئردئلر؛ اونلار حتّا اونون بوتون قوحوملاريني دا گتئردئلر و اونلاري ائسرايئل اوردوگاهينين کناريندا قويدولار.
شهره و اورادا اولان هر شيه اود ووروب يانديرديلار. آنجاق قيزيل و گوموشو، بورونج و دمئر اشيالاري ربّئن خَزئنه‌سئنه قويدولار.
لاکئن يوشَع فاحئشه راخابي، اونون آتاسينين عايئلهسئني و اونون بوتون وار-يوخونو حئفظ اتدي؛ آرواد بو گونه قدر ائسرايئللیلرئن آراسيندا ياشاييب، چونکي اَرئحاني گؤزدن کچئرتمَک اوچون يوشَعئن گؤندردئيي اِلچئلري يانيندا گئزلَتدي.
يوشَع او واخت خالقا آند ائچدئرئب اونلارا ددي: "ربّئن حوضوروندا ملعون اولسون او آدام کي، بو اَرئحا شهرئني برپا ادئر؛ بونو ادن آدام اونون بونؤورهسئني ائلک اوغلونون حياتي باهاسينا قوياجاق، اونون دروازالاريني دا کئچئک اوغلونون حياتي باهاسينا برپا ادهجک."
بلجه رب يوشَعله و اونون شؤهرتي بوتون اؤلکهيه ياييلدي.
آمّا ائسرايئل اؤولادلاري حارام شيلر بارهده خيانت اتدئلر. چونکي يهودا قبئلهسئندن زِراخ اوغلو زَبدي اوغلو کَرمي اوغلو آکان حارام اولونموش شيلردن گؤتوردو. اونا گؤره ده ربّئن قضبي ائسرايئل اؤولادلارينين ضئدّئنه آلوولاندي.
يوشَع اَرئحادان بِيت‌آوِنئن يانيندا اولان عاي شهرئنه کي، بِيت ائلئن شرقئنده ائدي، آداملار گؤندرئب اونلارا ددي: "گدئن، اؤلکهني گؤزدن کچئردئن." آداملار چيخيب عاي شهرئني گؤزدن کچئرتدئلر.
اونلار يوشَعئن يانينا قاييديب ددئلر: "بوتون خالق گتمه‌سئن، عايي وورماق اوچون آنجاق ائکي يا اوچ مئن نفر آداما احتياج وار؛ بوتون خالقي اورايا گؤندرئب يورما، چونکي اونلار آزديرلار."
بلجه، اورايا خالقدان اوچ مئن نفره قدر گتدئلر، لاکئن اونلار عاي ساکئنلرئنئن قاباغيندان قاچديلار.
عايلي‌لار اونلاردان اوتوز آلتي نفر اؤلدوردولر و ائسرايئللی‌لري شهرئن دروازاسي قاباغيندان شِبارئمه قدر قوودولار و باييردان آشاغي قاچانلاري قيرديلار. اونا گؤره خالقين اوره‌يي قورخودان اَرئيئب سو کئمي اولدو.
يوشَع پالتاريني جيردي، اؤزو و ائسرايئلئن آغساقّاللاري ربّئن سانديغي قاباغيندا اوزو اوسته آخشاما کئمي يره سَرئردئلر؛ و باشلارينا تورپاق تؤکدولر.
يوشَع ددي: "آه، ای پروردئگار رب، آيا بئزي اِمورلولارا تسلئم اتمک اوچون، بئزي محو اتمک اوچوندور کي، بو خالقي اوردون چاييندان کچئرتدئن؟ کاشکي اوردون چايينين او تاييندا ياشاماغا راضي اولايديق.
ای پروردئگار، ائسرايئللی‌لر دوشمنلرئنه آرخا چِوئردئکدن سونرا، من نه دئيه بئله‌رم؟
کَنَعانليلار و بو اؤلکهده ياشايان بوتون خالقلار بونو اشئدهجکلر، بئزي موحاصئرهيه آليب، آديميزي ير اوزوندن سئله‌جکلر. بس سن اؤز بؤيوک آدين اوچون نه ادهجکسن؟"
رب يوشَعه ددي: "قالخ، نه اوچون بله اوزو اوسته ييخيليبسان؟"
ائسرايئللی‌لر گوناه ادئبلر و اونلارا امر اتدئيئم عهدئمي پوزوبلار. حتّا حارام اولونموش شيلردن گؤتوروبلر، اونلاردان هم اوغورلاييب هم ده مَکر ادئبلر. بوندان علاوه اونلاري اؤز اشيالاري آراسيندا گئزلَدئبلر.
بونا گؤره ده ائسرايئل اؤولادلاري دوشمن قاباغيندا دورا بئلمئرلر؛ دوشمنه آرخا چِوئرئرلر. چونکي اونلار لعنته دوچار اولوبلار. اگر حارام شيلري آرانيزدان يوخ اتميهسئنئز، بئر داها سئزئنله اولماياجاغام.
قالخ! خالقي تقدئس ات و دِه: «صاباحکي گون اوچون اؤزونوزو تقدئس ادئن، چونکي ائسرايئلئن تاريسي رب بله ديئر: ای ائسرايئللی‌لر، آرانيزدا حارام شي وار. اونو آرانيزدان گؤتورميه‌سئنئز، دوشمنلرئنئز قاباغيندا دورا بئلمزسئنئز.
صاباح سحر قبئلهبهقبئله ربّئن حوضورونا چيخارسينيز و اونون پوشکله سچدئيي قبئله نسئل‌به‌نسئل ائرهلي گلر. ربّئن سچدئيي نسئل، عايئله‌به‌عايئله ائرهلي چيخار. و ربّئن گؤرستدئيي عايئله کئشي‌به‌کئشي قاباغا گلر.
حارام اولونموش شيلردن گؤتورن آدام و اونا عاييد اولانلارين هاميسي اوددا يانديريلاجاق، چونکي او، ربّئن عهدئني پوزوب و ائسرايئلده روسوايچيليق ادئبدئر.»"
يوشَع سحر تزدن قالخدي و ائسرايئللی‌لري، قبئلهبهقبئله ربّئن حوضورونا گتئردي و يهودا قبئله‌سي گؤتورولدو.
يهودا قبئلهسئنئن نسئللرئني ائرهلي چيخارتدي و زِراخ نسلئني گؤتوردو؛ زِراخ نسلئني عايئله‌به‌عايئله گؤره ائرهلي چيخارتدي و زَبدي عايئله‌سي گؤتورولدو.
زَبدي عايئلهسئني کئشي‌به‌کئشي ائرهلي چيخارتدي؛ زِراخ اوغلو، زَبدي اوغلو، کَرمي اوغلو آکان کي، يهودا قبئلهسئندن ائدي، گؤتورولدو.
يوشَع آکانا ددي: "اوغلوم، سنه يالواريرام، ائسرايئلئن تاريسي ربّی عئزّتلَندئر، و اونو حمد ات؛ ائندي منه دِه گؤروم نه ادئبسن؟ مندن گئزلَتمه."
آکان يوشَعه جاواب وردی: "حقئقتن، من ائسرايئلئن تاريسي ربّئن ضئدّئنه گوناه اتمئشم. اتدئيئم بودور:
او زامان کي، تالان مالي آراسيندا شئنعار مالي اولان گؤزل بئر پالتار، ائکي يوز شِکِل گوموش، و آغيرليغي اَلي شِکِل اولان بئر قيزيل تئکه‌سي گؤردوم، اونلارا طاماح ساليب گؤتوردوم. باخ، هاميسي چاديريمين اورتاسيندا تورپاغا باسديريليب، گوموش ده اونلارين آلتيندادير."
يوشَع آداملار گؤندردي و اونلار چاديرا قاچديلار. باخ، شيلر اونون چاديريندا گئزلَدئلمئشدي، گوموش ده آلتيندا ائدي.
اونلاري چاديرين ائچئندن گؤتوروب يوشَعئن و بوتون ائسرايئل اؤولادلارينين يانينا گتئردئلر و ربّئن قاباغيندا يره قويدولار.
يوشَع و اونونلا بئرلئکده بوتون ائسرايئللی‌لر، زِراخ اوغلو آکاني، گوموشو، پالتاري، قيزيل تئکهني، اوغوللاريني، قيزلاريني، اؤکوزلرئني، اِششَکلرئني، قويونلاريني، چاديريني و بوتون ماليني گؤتوروب، آکور دره‌سئنه چيخارتديلار.
يوشَع ددي: "نه اوچون بئزي بلايا سالدين؟ رب بو گون سني بلايا سالاجاق." بوتون ائسرايئللی‌لر اونلاري داشا باسديلار؛ سونرا دا اوددا يانديرديلار.
اونلارين اوستونه بؤيوک داش قالاغي ييغديلار کي، بو گونه قدر دورور. بوندان سونرا ربّئن قضب آلووو سؤندو. بونون اوچون بو گونه قدر او يرئن آدينا آکور دره‌سي ديئلئر.
رب يوشَعه ددي: "قورخما، اوره‌يئن ده اوزولمه‌سئن. بوتون دؤيوشچولرئني اؤزونله گؤتور و عاي شهرئنه هوجوم ات. باخ، من عاي شهرئنئن پادشاهيني، خالقيني، شهرئني و تورپاغيني سنه تسلئم اتمئشم.
اَرئحانين و اورانين پادشاهينين باشينا نه گتئردئن، عاي شهرئنئن و اونون پادشاهينين باشينا دا اِله گتئر؛ آنجاق ماللاريني و حيوانلاريني اؤزونوز اوچون قارت ادئن. شهرئن ضئدّئنه آرخا طرفدن کمئن قورون."
يوشَعله بوتون دؤيوشچولر عاي شهرئنه گتمک اوچون قالخديلار؛ يوشَع اوتوز مئن ائگئد آدام سچئب، اونلاري گجه ائکن اورايا گؤندردي.
و اونلارا بله امر اتدي: "قولاق آسين، شهرئن ضئدّئنه آرخا طرفدن کمئن قوراجاقسينيز، شهردن چوخ اوزاغا گتمه‌يئن، لاکئن هامينيز حاضير دورون.
من و يانيمدا اولان بوتون خالق شهره ياخينلاشاجاغيق. اوّلکي کئمي شهرئنئن ساکئنلري بئزئم ضئدّئمئزه چيخاندا، بئز ده اونلارين قاباغيندان قاچاجاغيق.
آرخاميزجا او قدر آپاراجاغيق کي، شهردن اوزاق دوشسونلر. چونکي «اوّلکي کئمي قاباغيميزدان قاچيرلار» دئيهجکلر. بلجه اونلارين قاباغيندان قاچاجاغيق.
او واخت سئز کمئندن قالخيب شهري آلين، چونکي تارينيز رب اوراني سئزه تسلئم ادهجک.
شهري اَله کچئرتدئيئنئز زامان، شهره اود وورون. بونو ربّئن سؤزونه گؤره ادئن. گؤرون، سئزه بله امر اتدئم."
بلجه، يوشَع اونلاري گؤندردي. اونلار کمئن يرئنه گتدئلر و بِيت ائلله عاي شهري آراسيندا کمئنده، عاي شهرئنئن قرب طرفئنده گؤزله‌دئلر. آمّا يوشَع گجهني جاماعاتين آراسيندا کچئرتدي.
يوشَع سحر تزدن دوردو، خالقا نئظام وردی، اؤزو و خالقين آغساقّاللاري خالقين قاباغيندا عاي شهرئنئن طرفئنه گتدئلر.
بوتون دؤيوشچولر ده اونونلا بئرلئکده گتدئلر و ياخينلاشيب شهرئن قاباغينا گلدئلر و عاي شهرئنئن شئمال طرفئنده ييغيلديلار. ائندي يوشَعله عاي شهري آراسيندا آنجاق بئر دره وار ائدي.
يوشَع بش مئنه قدر آدام گؤتوردو، اونلاري بِيت ائلله عاي شهري آراسيندا، شهرئن قرب طرفئنده کمئنه قويدو.
شهرئن شئماليندا اولان بوتون قوشون و شهرئن قربئنده کمئنده دورانلار دؤيوش اوچون يِرلَشدئرئلدي. يوشَع او گجهني دره‌نين اورتاسينا کچئرتدي.
عاي شهرئنئن پادشاهي بونو گؤردوکده، سحر تزدن شهرئن آداملاري ائله بئرلئکده تَله‌سئک قالخدي و بوتون جاماعات موعيّن يرده ائسرايئللیلرئن ضئدّئنه عَرابا درهسئنئن قاباغيندا دؤيوشه چيخديلار. لاکئن پادشاه بئلمئردي کي، شهر آرخاسيندا اونون ضئدّئنه کمئن قورولوب.
يوشَعله بوتون ائسرايئللی‌لر اؤزلرئني اونلارين قاباغيندا مغلوب اولموش کئمي گؤرسدئب چؤله طرف قاچديلار.
شهرده اولان بوتون جاماعات چاغيريلدي کي، اونلاري تعقئب اتسئنلر. اونلار يوشَعي تعقئب ادئب شهردن اوزاقلاشديلار.
عاي و بِيت ائل شهرلرئنده بئر نفر ده قالمادي کي، ائسرايئللیلرئن دالينجا گتمه‌سئن. اونلار شهري آچيق قويوب ائسرايئللی‌لري تعقئب اتدئلر.
او واخت رب يوشَعه ددي: "اَلئنده‌کي نئزه‌ني عاي شهرئنه طرف اوزات، چونکي اوراني سنه تسلئم ادهجيم." يوشَع اَلئنده‌کي نئزه‌ني عاي شهرئنه طرف اوزاتدي.
يوشَع اَلئني شهره طرف اوزاتديقدا، کمئنده دورانلار جَلد يرلرئندن قالخديلار. قاچيب شهره گئردئلر و اوراني آلديلار. و تزلئکله شهره اود ووردولار.
عاي شهرئنئن اهالئسي آرخايا دؤنوب باخاندا، گؤردولر کي، شهردن گؤيه توستو قالخير و اونلارين او يان بو يانا قاچماغا دا يرلري يوخ ائدي. چونکي چؤله طرف قاچان ائسرايئللی‌لر ده اونلاري تعقئب ادنلره طرف دؤندولر.
يوشَع و بوتون ائسرايئلليلر او واخت کي، گؤردولر کمئنده اولان آداملار شهري آليبلار و شهردن توستو گؤيه قالخير، دؤنوب عاي شهرئنئن آداملارينا هوجوم اتدئلر.
او بئري ائسرايئللی‌لر ده شهردن اونلارا طرف چيخديلار. او واخت اونلار ائکي طرفدن گلن ائسرايئللیلرئن آراسيندا تلهيه دوشدولر. اونلاري او قدر قيرديلار کي، اونلاردان هچ کس دئري و يا قاچميش اولمادي.
آمّا عاي شهرئنئن پادشاهيني دئري توتوب يوشَعئن يانينا گتئردئلر.
ائسرايئللی‌لر عاي شهرئنئن اهالئسئنئن هاميسيني اؤلدوروب قورتارانا قدر، اونلاري زَمئده و تعقئب اتدئکلري چؤلده قيلينجدان کچئرتدئلر. سونرا بوتون ائسرايئللی‌لر عاي شهرئنه قاييديب، اورادا قالانلاري دا قيلينجدان کچئرتدئلر.
او گون قيريلان کئشئلر و آروادلارين ساييسي، اون ائکي مئن نفر ائدي؛ يعني عاي شهرئنئن بوتون اهالئسئني.
چونکي يوشَع بوتون عاي شهرئنئن اهالئسئني کامئل قيريب قورتارانا قدر، نئزه اوزادان اَلئني گری چکمه‌دي.
آنجاق ربّئن يوشَعه بويوردوغو سؤزه گؤره، ائسرايئللی‌لر او شهرئن حيوانلاريني و اشيالاريني تالان ادئب اؤزلرئنه گؤتوردولر.
بلجه يوشَع عاي شهرئني يانديردي. اوراني ابدی بئر داش قالاغينا دؤندَردي، يعني بئر وئرانه‌يه کي، بو گونه قدر قالير.
او، عاي شهرئنئن پادشاهيني آغاجدان آسيب آخشاما قدر ساخلادي. گون باتاندا يوشَع امر وردی و اونون جسدئني آغاجدان دوشورتدولر. اونو شهر دروازاسينين گئره‌جيئنه آتديلار. اوستونه اِله بؤيوک داش قالاغي ييغديلار کي، بو گونه کئمي قالير.
او زامان يوشَع عِيبال داغيندا ائسرايئلئن تاريسي ربّه بئر قوربانگاه قوردو.
او، اوستونه هچ کئمئن دمئر وورماديغي، يونولماميش داشلاردان بئر قوربانگاه دوزلتدي، نجه کي، ربّئن قولو موسا ائسرايئل اؤولادلارينا امراتمئشدي و موسانين شرئعت کئتابيندا يازيلميشدي؛ اونون اوستونده ربّه يانديرما قوربانلاري و باريش قوربانلاري تقدئم اتدئلر.
يوشَع اورادا، موسانين ائسرايئل اؤولادلاري حوضوروندا يازديغي شرئعتئن بئر نوسخه‌سئني داشلار اوستونه يازدي.
بوتون ائسرايئللی‌لر، آغساقّاللار، سرکرده‌لر، حاکئملر، و حتّا قرئبلر ربّئن عهد سانديغينين ائکي طرفئنده، سانديغي داشييان لاوئلي کاهئنلرئن قاباغيندا دايانديلار. خالقين ياريسي گِرِزئم داغينين، او بئري ياريسي دا عِيبال داغينين قاباغيندا دوردو. نجه کي، ربّئن قولو موسا ائسرايئل خالقينا برکت ورمک اوچون اوّللر بو جور دايانماغي بويورموشدو.
اوندان سونرا يوشَع شرئعتئن بوتون سؤزلرئني، برکت و لعنتي، يعني شرئعت کئتابيندا يازيلانلارين هاميسيني اوخودو.
بوتون ائسرايئل جاماعاتينين، آروادلارين، اوشاقلارين و آرالاريندا اولان قرئبلرئن حوضوروندا موسانين بوتون بويوردوقلاريندان هچ بئر سؤز قالمادي کي يوشَع اونو اوخوماميش اولسون.
اوردون چايينين قرب طرفئنده، داغليقدا، هامار بؤلگه‌ده، لوبنانا قدر اوزانان بؤيوک دهنزئن ساحئلئنده ياشايان خئتلئلر، اِمورلولار، کَنَعانليلار، پِرئزلئلر، خئولئلر و يِبوسلولارين بوتون پادشاهلاري بونو اشئتدئلر
و بئر يره ييغيلديلار کي، يوشَع و ائسرايئللیلرئن ضئدّئنه بئرلئکده دؤيوشسونلر.
لاکئن گئبعون اهالئسي يوشَعئن اَرئحا و عاي شهرئنئن باشينا نه گتئردئکلرئني اشئتدئکده،
حئيله ائله رفتار اتدئلر؛ گدئب اؤزلرئني اِلچي کئمي گؤرستدئلر و کؤهنه‌لنمئش توربالار، کؤهنه، ييرتيق و باغلانميش شراب تولوقلاريني اِششَکلرئنه يوکله‌دئلر.
آياقلاريندا جيريق و ياماقلي چاريقلاري، اَيئنلرئنده کؤهنه پالتارلاري وار ائدي. يمکلري اولان بوتون چؤرکلر قوروموش و کوفسه‌مئشدي.
اونلار گئلگالدا اولان اوردوگاها، يوشَعئن يانينا گتدئلر، اونا و ائسرايئللیلره ددئلر: "بئز اوزاق بئر اؤلکه‌دن گلمئشئک، ائندي بئزئمله عهد باغلايين."
ائسرايئللی‌لر خئولئلره ددئلر: "بلکه سئز بئزئم آراميزدا ياشايارسينيز. بئز سئزئنله نجه عهد باغلاياق؟"
اونلار يوشَعه ددئلر: "بئز سنئن قوللارينيق." آمّا يوشَع اونلارا ددي: "سئز کئمسئنئز و هارادان گلئرسئنئز؟"
اونا ددئلر: "بئز قوللارين، سنئن تارين ربّئن شؤهرتلي آدينا گؤره چوخ اوزاق اؤلکه‌دن گلمئشئک. چونکي ربّئن خبرئني، و اونون مئصئرده اتدئيي بوتون شيلري اشئتمئشئک.
اشئتمئشئک کي، اوردون چايينين او طرفئنده اولان اِمورلولارين ائکي پادشاهي يعني خِشبون پادشاهي سئخونون و عَشتاروتداکي باشان پادشاهي عوگون باشينا نه گتئردي.
اونا گؤره آغساقّاللاريميز و اؤلکه‌مئزئن بوتون اهالئسي بئزه بله ددئلر: «يول اوچون ارزاق گؤتوروب اونلارين گؤروشويونه گدئن و ديئن: ‹بئز سئزئن قوللاريزيق، ائندي بئزئمله عهد باغلايين.›»
يانينيزا گلمک اوچون چيخديغيميز گون بو چؤره‌يئمئزي ارزاق اولاراق اِولرئمئزدن ائستي-ائستي گؤتورموشدوک، باخ، آمّا ائندي قورويوب و کوفسه‌يئب.
دولدوردوغوموز بو شراب تولوقلاري تزه ائدي، باخ، آمّا ائندي ييرتيليب. يولون چوخ اوزونلوغوندان پالتارلاريميز و چاريقلاريميز دا کؤهنه‌لَنئب."
بلجه ائسرايئللی‌لر اونلارين ارزاقلارينين بئر آزيني گؤتوردولر و ربدن مصلحت آلماديلار.
يوشَع اونلارلا صولح ادئب، عهد باغلادي کي، اونلاري صاغ بوراخسين؛ جاماعاتين رهبرلري ده بونون اوچون آند ائچدئلر.
اونلارلا عهد باغلاديقدان اوچ گون سونرا اشئتدئلر کي، بو آداملار ائسرايئللیلرله قونشولوقدا، اِله اؤز آرالاريندا ياشاييرلار.
ائسرايئللی‌لر چيخيب اوچونجو گون اونلارين شهرلرئنه گلدئلر. اونلارين شهرلري گئبعون، کِفئرا، بِعِروت و قئريَت‌يِعه‌رئم ائدي.
ائسرايئللی‌لر اونلارا هوجوم اتمه‌دئلر، چونکي جاماعات رهبرلري اونلار اوچون ائسرايئلئن تاريسي ربّه آند ائچمئشدئلر. بوتون جاماعات رهبرلرئن ضئدّئنه ديئندئلر.
آمّا رهبرلرئن هاميسي جاماعاتا ددئلر: "بئز اونلار اوچون ائسرايئلئن تاريسي ربّه آند ائچمئشئک و اونلارا توخونا بئلمه‌رئک.
اونا گؤره ده بله ادک: اونلاري صاغ بوراخاق، يوخسا ائچدئيئمئز آندا گؤره اوستوموزه قضب گلر."
رهبرلر خالقا ددئلر: "قوي اونلار صاغ قالسينلار." بلجه اونلار رهبرلرئن سؤزلري کئمي بوتون جاماعات اوچون اودون کَسن و سو داشييان اولدولار.
سونرا يوشَع اونلاري چاغيريب بله ددي: "آراميزدا ياشاديغينيز حالدا، نه اوچون بئزي آلداديب دِدئنئز: «بئز سئزدن چوخ اوزاغيق؟»
ائندي لعنت اولوبسونوز. دائم نؤکر اولاجاقسينيز. تاريميزين اِوي اوچون اودون کَسئب سو داشيياجاقسينيز."
اونلار يوشَعه جاواب ورئب ددئلر: "بئز سنئن نؤکرلرئن اشئتمئشدئک کي، سنئن تارين رب اؤز قولو موسايا امر ادئب کي، بوتون اؤلکهني سئزه ورسئن و اؤلکهنئن بوتون ساکئنلرئني سئزئن قاباغينيزدان محو اتسئن. بونا گؤره ده سئزئن اوزونوزدن جانيميز اوچون چوخ قورخوب بله اتدئک.
آرتيق سنئن اَلئنده‌يئک. سنئن گؤزونه نه خوش و دوز گلئر، بئزه ات."
يوشَع اونلارلا بله رفتار اتدي و اونلاري ائسرايئل اؤولادلارينين اَلئندن قورتاردي و اونلاري اؤلدورمه‌دئلر.
او گون يوشَع جاماعات اوچون و ربّئن سچه‌جيی يرده‌کي اؤز قوربانگاهي اوچون، اونلاري اودون کَسن و سو داشيماق ائشئنه تعيئن اتدي و بو گونه قدر ده بلهدئر.
او زامان کي، اورشلئم پادشاهي اَدوني‌صِدِق اشئتدي کي، يوشَع عاي شهرئني آليب و اونو کامئل محو ادئب (نجه کي، هم اَرئحا ائله پادشاهينين، هم ده عاي شهري ائله پادشاهينين باشينا گتئرمئشدي)، گئبعون اهالئسي ده ائسرايئللیلرله صولح باغلاييب اونلارين آراسينداديرلار،
چوخ قورخويا دوشدو، چونکي گئبعون شهري شاهنئشئن شهرلردن بئري کئمي بؤيوک بئر شهر ائدي. گئبعون عاي شهرئندن ده بؤيوک ائدي و اورانين بوتون آداملاري ائگئد ائدئلر.
بونون اوچون اورشلئم پادشاهي اَدوني‌صِدِق، خِبرون پادشاهي هوهاما، يَرموت پادشاهي پئراما، لاکئش پادشاهي يافئعه، عِگلون پادشاهي دِبئره خبر گؤندرئب ددي:
"يانيما گلئب گئبعونلولاري قيرماقدا منه کؤمک ادئن، چونکي اونلار يوشَع و ائسرايئل اؤولادلاري ائله صولح ادئبلر."
بلجه بش اِمور پادشاهي يعني اورشلئم پادشاهي، خِبرون پادشاهي، يَرموت پادشاهي، لاکئش پادشاهي، عِگلون پادشاهي، بوتون قوشونلاري بئرلَشدئرئب چيخديلار و گئبعون قاباغيندا اوردوگاه قوروب اونونلا ووروشدولار.
گئبعون آداملاري گئلگالداکي اوردوگاها، يوشَعه خبر گؤندرئب ددئلر: "اَلئني قوللارينين اوستوندن چکمه، تز يانيميزا گل، بئزي قورتار و بئزه کؤمک ات. چونکي داغليقدا ياشايان بوتون اِمور پادشاهلاري بئزئم ضئدّئمئزه بئرلَشئبلر."
يوشَع، اونونلا بئرلئکده بوتون دؤيوشچولر و بوتون ائگئد آداملار گئلگالدان چيخديلار.
رب يوشَعه ددي: "اونلاردان قورخما، چونکي اونلاري سنه تسلئم اتمئشم؛ اونلاردان هچ کئم سنئن قاباغيندا دورا بئلميهجک."
يوشَع گئلگالدان بوتون گجهني يول گدئب قَفلَتَن اونلارين اوستونه گلدي.
رب اونلاري ائسرايئللیلرئن قاباغيندا گئجَلتدي، و ائسرايئللی‌لر اونلاري گئبعوندا بؤيوک بئر شکئلده قيرديلار و اونلاري بِيت خورونا چيخان يول بويونجا تعقئب ادئب عَزِقا و مَقّدايا قدر قيرديلار.
اِمورلولار ائسرايئللیلرئن قاباغيندان قاچديقلاري زامان، بِيت خورون اِنئشئنده ائکن، رب اونلارين اوستونه عَزِقايا قدر گؤيدن بؤيوک داشلار آتدي و اونلار اؤلدولر؛ داش دولوسو ائله اؤلَنلر ائسرايئل اؤولادلارينين قيلينجلا اؤلدوردوکلرئندن داها چوخ ائدي.
رب اِمورلولاري ائسرايئل اؤولادلارينا تسلئم اتدئيي گون يوشَع ربّه يالواردي و ائسرايئللیلرئن گؤزو قاباغيندا ددي: "ای گونش، گئبعون اوستونده دايان، ای آي، سن ده اَيّالون دره‌سئنده."
ائسرايئل خالقي دوشمنلرئندن قئصاص آلانا قدر گونش اورادا داياندي و آي يرئنده قالدي. مگر بو، ياشار کئتابيندا يازيلماييبدير؟ گونش گؤيون اورتاسيندا دوردو و گِجئدئب تخمئنن بوتون گون باتمادي.
ربّئن ائنسان سَسئني اشئتدئيي او گون کئمي بئر گون، نه اوندان اوّل، نه ده اوندان سونرا اولدو؛ چونکي رب ائسرايئل اوچون ووروشدو.
سونرا يوشَع و اونونلا بئرلئکده بوتون ائسرايئللی‌لر گئلگالداکي اوردوگاها قاييتديلار.
بو بش پادشاه قاچيب مَقّدادا اولان ماغارادا گئزلَندئلر.
يوشَعه خبر وردئلر: "بش پادشاه تاپيليب. اونلار مَقّداداکي ماغارادا گئزلَنئبلر."
يوشَع ددي: "ماغارانين آغزينا بؤيوک داشلار يووارلادين و يانينا آداملار قويون کي، اونو گؤز آلتيندا ساخلاسينلار.
لاکئن سئز اؤزونوز دايانمايين؛ دوشمنلرئنئزي تعقئب ادئن و اونلارا آرخادان هوجوم گتئرئن. اونلاري قويمايين کي، شهرلرئنه گئرسئن. چونکي تارينيز رب اونلاري سئزه تسلئم ادئب."
يوشَع و ائسرايئل اؤولادلاري دوشمنی، محو اولاناجاق، چوخ آغير بئر شکئلده قيرديلار. صاغ قالانلار قالالي شهرلرده پناه توتدولار.
بوتون خالق مَقّداداکي اوردوگاها، يوشَعئن يانينا سالامات قاييتدي و بوندان سونرا ائسرايئل اؤولادلارينين ضئدّئنه هچ کئم بئر سؤز دئيه بئلمه‌دي.
او واخت يوشَع ددي: "ماغارانين آغزيني آچين، بو بش پادشاهي منئم يانيما گتئرئن."
اِله ده اتدئلر، ماغارادان بو بش پادشاهي يعني اورشلئم پادشاهيني، خِبرون پادشاهيني، يَرموت پادشاهيني، لاکئش پادشاهيني و عِگلون پادشاهيني اونون يانينا گتئردئلر.
بو پادشاهلاري يوشَعئن يانينا گتئرن زامان، او بوتون ائسرايئل آداملاريني چاغيردي. اونونلا گدن دؤيوشچولرئن باشچيلارينا ددي: "ياخينلاشين، آياقلارينيزي بو پادشاهلارين بوينونا قويون." اونلار ياخينلاشيب آياقلاريني اونلارين بوينونا قويدولار.
يوشَع اونلارا ددي: "قورخمايين، اوره‌يئنئز اوزولمه‌سئن. گوجلو و جسارتلي اولون. چونکي رب ووروشاجاغينيز بوتون دوشمنلرئنئزئن باشينا بله ادهجک."
اوندان سونرا يوشَع اونلاري ووروب اؤلدوردو. اونلاري بش آغاجدان آسدي و آخشاما کئمي آغاجدان آسيلي قالديلار.
گون باتاندا يوشَع امر اتدي کي، اونلاري آغاجدان اِندئرسئنلر و اونلاري گئزلَندئکلري ماغارايا آتديلار. ماغارانين آغزينا دا بؤيوک داشلار قويدولار و بو داشلار بو گونه قدر ده اورادادير.
يوشَع او گون مَقّداني آلدي، اونو و اونون پادشاهيني قيلينج آغزينا وردي؛ اونو و اوندا اولان هر کسي کامئل محو اتدي. بئر آدامي بِله، صاغ بوراخمادي. اَرئحا پادشاهينين باشينا گتئردئيئني، مَقّدا پادشاهينين دا باشينا گتئردي.
يوشَع و اونونلا بئرلئکده بوتون ائسرايئللی‌لر، مَقّدادان لئبنايا کچدئلر و لئبنانين ضئدّئنه ووروشدولار.
رب هم شهري، هم ده اونون پادشاهيني ائسرايئللیلره تسلئم اتدي. يوشَع پادشاهي و اورادا اولان بوتون آداملاري قيلينجدان کچئردئب بئر آدامي بِله، صاغ بوراخمادي. اَرئحا پادشاهينين باشينا گتئردئيئني، اورانين پادشاهينين دا باشينا گتئردي.
يوشَع و اونونلا بئرلئکده بوتون ائسرايئللی‌لر لئبنادان لاکئشه کچدئلر و اونلارين قاباغيندا اوردوگاه قوروب لاکئشلئلرله ووروشدولار.
رب لاکئشي ائسرايئللیلره تسلئم اتدي؛ يوشَع اوراني ائکئنجي گون آلدي. لئبنادا اتدئکلري کئمي، لاکئش و اوراداکي بوتون آداملاري دا قيلينجدان کچئرتدئلر.
او زامان گِزِر پادشاهي خورام، لاکئشه کؤمک اتمک اوچون گلدي. يوشَع او و اونون خالقيني دا قيردي و هچ کسي صاغ بوراخمادي.
يوشَع و اونونلا بئرلئکده بوتون ائسرايئللی‌لر لاکئشدن عِگلونا کِچدئلر، و اوردوگاه قوروب عِگلونلولارلا ووروشدولار.
اِله همئن گون اوراني آلديلار و قيلينجدان کچئرتدئلر؛ لاکئشده اتدئکلري کئمي، عِگلونداکي بوتون آداملاري او گون کامئل محو اتدئلر.
سونرا يوشَع و اونونلا بئرلئکده بوتون ائسرايئللی‌لر، عِگلوندان خِبرونا کِچدئلر و اوراداکيلارلا ووروشدولار.
اوراني دا آليب پادشاهيني، بوتون کَندلري و بوتون اهالئسئني قيلينجدان کچئرتدئلر. يوشَع عِگلوندا اتدئکلري کئمي، خِبروندا دا دئري بئر آدام قويمادي؛ اوراني و اوراداکي بوتون آداملاري کامئل محو اتدي.
يوشَع و اونونلا بئرلئکده بوتون ائسرايئللی‌لر، دِبئره قاييتديلار و اوراداکيلارلا ووروشدولار.
يوشَع دِبئري، پادشاهيني و بوتون کَندلرئني آليب اهالئسئني قيلينجدان کچئرتدي. اورادا اولان بوتون آداملاري کامئل محو اتدي. بئر آدام بِله، صاغ قويمادي. يوشَع خِبرونون، لئبنانين و اونون پادشاهينين باشينا گتئردئيئني، دِبئرئن و اونون پادشاهينين دا باشينا گتئردي.
بلجه يوشَع بوتون اؤلکهني يعني داغليق يرلري، نِگِبي، هامار بؤلگه‌ني و داغ ياماجلاريني توتدو و بوتون او يرلرئن پادشاهلاريني قيردي. ائسرايئلئن تاريسي ربّئن امر اتدئيي کئمي، بئر آدامي بِله، صاغ بوراخمادي، نَفَس آلان هر آدامي کامئل محو اتدي.
يوشَع قِدِش‌بَرنِعه‌دن غَزّه‌يه قدر، بوتون گوشِن دئياريندا ياشايانلاري حتّا گئبعونا قدر مغلوب اتدي.
يوشَع بوتون بو پادشاهلاري و اونلارين اؤلکهلرئني بئر موحارئبه‌ده آلدي، چونکي ائسرايئلئن تاريسي رب، ائسرايئل اوچون ووروشدو.
بلجه يوشَع و اونونلا بئرلئکده بوتون ائسرايئللی‌لر گئلگالداکي اوردوگاها قاييتديلار.
خاصور پادشاهي يابئن، بونو اشئدنده، مادون پادشاهي يوبابا، شئمرون پادشاهينا، اَکشاف پادشاهينا،
شئمالدا، داغليق يرلرده‌کي کئنّروت دهنزئنئن جنوبوندا اولان عَراباداکي هامار بؤلگه‌ده‌کي و قربده يِرلَشن نافوت دورداکي پادشاهلارا،
شرقده و قربده ياشايان کَنَعانليلارا و اِمورلولارا، خئتلئلره، پِرِزلی‌لره، داغليقدا ياشايان يِبوسلولارا، خِرمون داغينين آشاغيسينداکي مئصپا دئياريندا ياشايان خئولی‌لره خبر گؤندردي.
بونلار بوتون قوشونلاري ائله دهنز ساحئلئندهکي قوم قدر بؤيوک بئر قوشون و چوخلو آت و دؤيوش عارابالاري ائله گلدئلر.
بوتون بو پادشاهلار بئرلَشدئلر و ائسرايئللیلرله ووروشماق اوچون گلئب مِروم سولاري يانيندا بئرلئکده اوردوگاه قوردولار.
رب يوشَعه ددي: "اونلاردان قورخما، چونکي صاباح بو واخت هاميسيني ائسرايئللیلره اؤلو تسلئم ادهجيم؛ اونلارين آتلارينين آياق وَتَرئني کسه‌جکسن، دؤيوش عارابالارينا اود ووروب يانديراجاقسان."
يوشَع و اونونلا بئرلئکده بوتون دؤيوشچولر، مِروم سولاري يانيندا قَفلَتَن دوشمنلرئن اوستونه گلدئلر و اونلارا هوجوم اتدئلر.
رب اونلاري ائسرايئللیلره تسلئم اتدي. بلجه اونلارا قالئب گلئب بؤيوک صئدونا و مئسرِفوت‌مه‌يئمه قدر، شرق طرفده‌کي مئصپا دره‌سئنه قدر دوشمنلري قوودولار و بئر نفر صاغ قالمايانا قدر هاميسيني قيرديلار.
يوشَع ربّئن اونا ددئيي کئمي اونلارلا رفتار اتدي؛ آتلارينين آياق وَتَرئني کسدي و دؤيوش عارابالارينا اود ووروب يانديردي.
او واخت يوشَع گری قاييديب، خاصورو آلدي و اونون پادشاهيني قيلينجلا اؤلدوردو. خاصور اوّلجه بوتون بو اؤلکه‌لرئن باشي ائدي.
اورادا اولان بوتون آداملاري قيلينجدان کچئردئب، کامئل محو اتدئلر. نفس چکن بئر نفر ده بله قالمادي. سونرا خاصورا اود ووردو.
يوشَع بو سلطنتلرئن بوتون شهرلرئني و بوتون پادشاهلاريني توتدو و هاميسيني قيلينجدان کچئردئب کامئل محو اتدي، نجه کي، رب قولو موسايا امر اتمئشدي.
ائسرايئللی‌لر يوشَع يانديرديغي خاصوردان باشقا، تپه‌جئکلر اوستونده اولان شهرلردن هچ بئرئني يانديرماديلار.
ائسرايئل اؤولادلاري بو شهرلرئن بوتون شيلرئني و حيوانلاريني تالان اتدئلر. هاميسيني هلاک ادنه‌جک قيلينجدان کچئردئب محو اتدئلر. نفس چکن بئر آدام بِله، قالمادي.
رب هر نه کي، قولو موسايا امر اتمئشدي، موسا دا يوشَعه امر اتدي و يوشَع ده اله اتدي. رب موسايا نه امراتمئشدي، هاميسيني يرئنه يتئردي.
بلجه يوشَع بوتون اؤلکهني آلدي؛ داغليق بؤلگه‌ني، بوتون نِگِبي، بوتون گوشِن بؤلگه‌سئني، هامار بؤلگه‌ني، عَراباني، داغليق بؤلگهسئنده اولان ائسرايئلي و اونون هامار بؤلگه‌سئني،
خالاق داغيندان کي، سِعئره طرف اوزانير، حتّا خِرمون داغينين اَته‌يئنده لوبنان دره‌سئنده اولان بَعَل‌گادا قدر. يوشَع اونلارين بوتون پادشاهلاريني توتدو و ووروب اؤلدوردو.
يوشَع اوزون مودّت بو پادشاهلارلا ووروشدو.
گئبعونون اهالئسي اولان خئولئلردن باشقا، ائسرايئل اؤولادلاري ائله صولح باغلايان آيري بئر شهر يوخ ائدي؛ بوتون يرلري دؤيوشله آلديلار.
چونکي رب اونلارين اورَکلرئني بَرک اتمئشدي، اله کي، دؤيوش اوچون ائسرايئللیلرئن قاباغينا چيخسينلار و يوشَع اونلاري کامئل محو اتسئن. اونلارا هچ رحم اولونماسين و يوشَع اونلاري آرادان آپارسين؛ نجه کي، رب موسايا امراتمئشدي.
او واخت يوشَع گدئب داغليق خِبروندا، دِبئرده، عَنابدا، بوتون يهودانين داغليق بؤلگهسئنده و بوتون ائسرايئلئن داغليق بؤلگهسئنده اولان عَناقلي‌لاري قيريب محو اتدي. يوشَع اونلاري شهرلري ائله بئرلئکده کامئل يرله يکسان اتدي.
ائسرايئل اؤولادلارينين تورپاغيندا عَناقلي‌لاردان قالمادي، لاکئن اونلاردان بعضئلري غَزّه‌ده، گَتده و اَشدوددا قالديلار.
ربّئن موسايا ددئيي کئمي يوشَع بوتون اؤلکهني آلدي. يوشَع اوراني ائسرايئللیلره، هر قبئلهيه ائرث اولاراق اؤز پاييني وردی. اؤلکه موحارئبه‌دن اَمئن-آمانليغا چيخدي.
ائسرايئل اؤولادلاري بو پادشاهلارا قالئب گلدئلر و اونلارين تورپاقلاريني–اوردون چايينين شرقئنده‌کي بوتون عَرابا ائله اَرنون دره‌سئندن خِرمون داغينا قدر اولان يري ضبط ادئب اؤزلرئنه مولک اتدئلر.
خِشبوندا ياشايان اِمورلولارين پادشاهي سئخون بو تورپاقلاردا حؤکمرانليق اتمئشدي: اَرنون دره‌سي ساحئلئندهکي عَروعِردن- دره‌نئن اورتاسيندان باشلاييب عَمّونلولارين سرحدي اولان يَبّوق چايينا قدر اوزانيردي و گئلعادين ياريسينا شامئل اولوردو،
عَرابا بؤلگه‌سئنئن شرقي ده اونا عاييد ائدي. بوراسي کئنّروت دهنزئندن عَرابا دهنزئنه، يعني دوز دهنزئنه قدر اوزانيردي. شرقده بِيت‌يِشئموتا، جنوبدا دا پئسگاه داغينين ياماجلارينا ياپيشيردي.
باشان پادشاهي عوگ کی، صاغ قالان رِفالي‌لاردان بئري ائدی، عَشتاروتدا و اِدره‌عي‌ده ياشاييردي.
او، خِرمون داغيندا، سالکادا، گِشورلولار و مَعَکاتليلار سرحدئنه قدر بوتون باشاندا، خِشبون پادشاهي سئخونون سرحدئنه قدر گئلعادين ياريسيندا حؤکمرانليق ادئردي.
ربّئن قولو موسا و ائسرايئل اؤولادلاري اونلارا قالئب گلدئلر. سونرا ربّئن قولو موسا اونلارين تورپاقلاريني ائرث اولاراق رِعوبئنلی‌لره، جادلي‌لارا، مِنَسّه قبئلهسئنئن ياريسينا وردی.
لوبنان دره‌سئنده اولان بَعَل‌گاددان سِعئره چيخان خالاق داغينا قدر، اوردون چايينين قرب طرفئنده اولان تورپاقلاردا يوشَعله ائسرايئل اؤولادلارينين قالئب گلدئکلري پادشاهلار بونلاردير:
يوشَع داغليق بؤلگه‌ده، هامار بؤلگه‌ده، عَرابادا، ياماجلاردا، چؤللوکده، نِگِبده يِرلَشن بو تورپاقلاري، يعني خئتلئلر، اِمورلولار، کَنَعانليلار، پِرئزلئلر، خئولئلر و يِبوسلولار اؤلکهسئني، ائسرايئل قبئله‌لرئنه اونلارين بؤلوملرئنه موطابئق ائرث پايي کئمي مولک وردي؛
اَرئحا پادشاهي؛ بِيت‌ائلئن يانينداکي عاي شهرئنئن پادشاهي؛
اورشلئم پادشاهي؛ خِبرون پادشاهي؛
يَرموت پادشاهي؛ لاکئش پادشاهي؛
عِگلون پادشاهي؛ گِزِر پادشاهي؛
دِبئر پادشاهي؛ جادِر پادشاهي؛
خورما پادشاهي؛ اَراد پادشاهي؛
لئبنا پادشاهي؛ عَدولّام پادشاهي؛
مَقّدا پادشاهي؛ بِيت‌ائل پادشاهي؛
تَپّواَخ پادشاهي؛ خِفِر پادشاهي؛
عَفِق پادشاهي؛ لَشارون پادشاهي؛
مادون پادشاهي؛ خاصور پادشاهي؛
شئمرون‌مِرون پادشاهي؛ اَکشاف پادشاهي؛
تَعنَک پادشاهي؛ مِگئدّو پادشاهي؛
قِدِش پادشاهي؛ کَرمِلده‌کي يوقنِعام پادشاهي؛
نافوت دورداکي دور پادشاهي؛ گئلگالداکي گويئم پادشاهي؛
تئرسا پادشاهي. بوتون پادشاهلار جَمي ۳۱ نفر ائدئلر.
يوشَع ياشلانيب قوجالميشدي. رب اونا ددي: "سن قوجاليب ياشلي اولوبسان، و چوخ ير حله قاليب کي، گرک آلينسين.
قالان يرلر بونلاردير: فئلئسطلی‌لرئن بوتون بؤلگه‌لري، گِشورلولارين بوتون تورپاقلاري؛
مئصئر قاباغيندا اولان شئخور چاييندان شئمالا طرف کَنَعانليلارين تورپاغي ساييلان عِقرون سرحدئنه قدر تورپاقلار؛ فئلئسطلی‌لرئن بش آغاسينا عاييد، غَزّه‌لئلرئن، اَشدودلولارين، اِشقِلونلولارين، گَتلی‌لرئن تورپاقلاري و عِقرونلولارين آغالارينا عاييد، تورپاقلار؛ عَوّئلرئن تورپاغي؛
جنوبدا بوتون کَنَعان تورپاغي، صئدونلولارا مخصوص، ماغارادان اَفِقه يعني اِمورلولارين سرحدلرئنه قدر اولان تورپاقلار؛
گِباللي‌لارين تورپاغي، خِرمون داغي اَته‌يئنده اولان بَعَل‌گاددان خَمات کِچئدئنه قدر شرقه طرف بوتون لوبنان؛
لوبناندان مِسرِفوت‌مه‌يئمه قدر بوتون داغليق اهالئسي و بوتون صئدونلولاري دا ائسرايئل اؤولادلارينين قاباغيندان من اؤزوم قوواجاغام. لاکئن بو تورپاقلاري سنه امر اتدئيئم کئمي ائسرايئللیلره ائرث اولاراق بؤل.
ائندي بو يرلري دوقّوز قبئله ائله مِنَسّه قبئلهسئنئن ياريسينا ائرث اولاراق بؤل."
مِنَسّه قبئلهسئنئن ياريسي ائله بئرلئکده رِعوبئنلئلر و جادليلار موسانين اوردون چايينين شرق طرفئنده اونلارا وردئيي ائرث تورپاقلاري آلميشديلار، نجه کي، ربّئن قولو موسا اونلارا ورمئشدي؛
اَرنون درهسئنئن کناريندا اولان عَروعِردن دره‌نئن اورتاسيندا اولان شهر، دئبونا قدر بوتون مِدِبا يايلاسي؛
عَمّونلولارين سرحدئنه قدر خِشبوندا حؤکمرانليق ادن اِمورلولارين پادشاهي سئخونون بوتون شهرلري؛
گئلعاد، گِشورلولار و مَعَکاتلي‌لارين تورپاقلاري، بوتون خِرمون داغي، سَلکايا قدر بوتون باشان؛
عوگون بوتون تورپاقلاري کي، عَشتاروت و اِدرِ‌عي‌ده حؤکمرانليق ادئردي. رِفالي‌لاردان آنجاق تَک او اورادا قالميشدي، چونکي موسا اونلاري ووروب قووموشدو.
لاکئن ائسرايئللی‌لر گِشورلولاري و مَعَکاتلي‌لاري قووماديلار. گِشورلولارلا مَعَکاتليلار بو گونه قدر ائسرايئللی‌لر آراسيندا ياشاييرلار.
آمّا لاوي قبئلهسئنه ائرث اولاراق تورپاق ورئلمه‌دي، چونکي ربّئن موسايا ددئيي کئمي، اونلارين ائرثي ائسرايئلئن تاريسي ربّه گتئرئلَن اود تقدئملردئر.
موسا رِعوبئن اؤولادلارينين قبئلهسئنه نسئللرئنه گؤره پاي وردی.
اونلارين سرحدي بله ائدي: اَرنون دره‌سي کنارينداکي عَروعِردن، بو دره‌نئن اورتاسينداکي شهر و مِدِبا يانيندا اولان بوتون يايلا؛
خِشبون و يايلادا يِرلَشن شهرلرئن هاميسي يعني دئوون، باموت‌بَعَل، بِيت‌بَعَل‌مِعون،
يَهصا، قِدِموت، مِپاعَت،
قئرياته‌يئم، سئبما، دره داغيندا اولان صِرِت‌شَخَر،
بِيت‌پِعور، پئسگاه ياماجلاري، بِيت-يِشئموت،
حتّا بو يايلانين بوتون شهرلري و خِشبوندا حؤکمرانليق ادن اِمورلولار پادشاهي سئخونون بوتون اؤلکه‌سي کي، موسا سئخونو و مئديان باشچيلاري اولان اِوي، رِقِمي، صورو، خورو، و رِبه‌عي ووردو. بو آغالار سئخونون اؤلکهسئنده ياشاييرديلار.
ائسرايئل اؤولادلاري اؤلدوردوکلري آداملارلا بئرلئکده بِعور اوغلو فالچي بَلعامي دا قيلينجدان کچئرتدئلر.
رِعوبئن اؤولادلارينين سرحدي اوردون چايي ائدي. بو رِعوبئن اؤولادلارينين نسئللرئنه گؤره ائرثي اولان شهرلر و کَندلري ائدي.
موسا جاد قبئلهسئنه، جاد اؤولادلارينا نسئللرئنه گؤره تورپاق وردی.
اونلارين سرحدي بله ائدي: يَعزِر، گئلعادين بوتون شهرلري و عَمّون اؤولادلاري اؤلکه‌سئنئن ياريسي کي، رَبّا موقابئلئنده اولان عَروعِره قدر اوزانميشدي.
خِشبوندان رامَت‌مئصپِه و بِطونئمه قدر؛ مَحَنه‌يئمدن دِبئر سرحدئنه قدر؛
دره‌ده بِيت‌هارام، بِيت‌نئمرا، سوکّوت، صافون، خِشبون پادشاهي سئخونون اؤلکه‌سئنئن قالان حئصّهسي، اوردون چايي ائله اونون ساحئل تورپاقلاري، اوردون چايينين شرق طرفئندن کئنّروت گؤلونون جنوب ساحئلئنه قدر ائدي.
جاد اؤولادلارينين نسئللرئنه گؤره تورپاق ائرثي اولان شهرلر و اونلارين کَندلري بونلار ائدي.
موسا مِنَسّه قبئلهسئنئن ياريسينا دا تورپاق وردی کي، بو دا مِنَسّه اؤولادلاري قبئلهسئنئن ياريسي اوچون نسئللرئنه گؤره ائدي.
اونلارين تورپاغي مَحنايِمدن، بوتون باشان دئياري، باشان پادشاهي عوگون بوتون اؤلکه‌سي و باشاندا اولان ياعئرئن بوتون قصبه‌لر ائدي کي، آلتميش شهر اولسون.
گئلعادين ياريسي باشان پادشاهي عوگون اؤلکه‌سئنده‌کي عَشتاروت و اِدرَعي شهرلرئني ده اَحاطه ادئردي. بونلار مِنَسّه اوغلو ماکئر اؤولادلارينا نسئللرئنه گؤره، ماکئر اؤولادلارينين ياريسينا ورئلمَک اوچون ائدي.
بونلار او تورپاقلار ائدي کي، اَرئحا شهرئنئن موقابئلئنده، اوردون چايينين شرق طرفئندهکي موآب اووالاريندا موسا ائرث اولاراق بؤلموشدو.
آنجاق موسا لاوي قبئلهسئنه ائرث اولاراق تورپاق ورمه‌دي؛ اونلارين ائرثي ائسرايئلئن تاريسي ربدئر. نجه کي، اونلارا وعده ورمئشدي.
بونلاردير او تورپاقلار کي، ائسرايئل اؤولادلاري کَنَعان تورپاغيندان ائرث آلديلار؛ بو تورپاقلاري کاهئن اِلعازار، نون اوغلو يوشَع و ائسرايئل اؤولادلاري قبئله‌لرئنئن نسئل باشچيلاري،
ربّئن موسا واسئطهسئله بويوردوغو کئمي دوقّوز قبئله و بئر قبئلهنئن ياريسي اوچون ائرث اولاراق پوشکله بؤلدولر.
چونکي موسا ائکي قبئله ائله ياريم قبئلهنئن ائرث اولان تورپاغيني اوردونون شرق طرفئنده اونلارا ورمئشدي، لاکئن اونلارين آراسيندا لاوئلی‌لره ائرث اولاراق تورپاق ورمه‌مئشدي.
چونکي يوسئف اؤولادلاري مِنَسّه و اِفرايئم ائکي قبئله ائدئلر. بوندان سونرا لاوئلی‌لره ياشاماقدان اؤتري شهرلردن، سورولري و ناخيرلاري اوچون اوتلاقلاردان آيري هچ بئر تورپاق حئصّهسي ورئلمه‌دي.
ائسرايئل اؤولادلاري ربّئن موسايا بويوردوغو کئمي اتدئلر و تورپاغي بؤلوشدولر.
بله بئر زاماندا يهودا اؤولادلاري گئلگالا، يوشَعئن يانينا گلدئلر. قِنئزلي يِفونّه اوغلو کالئب يوشَعه ددي: "سن اؤزون بئلئرسن کي، قِدِش‌بَرنِعه‌ده رب سنئنله منئم حاقّيمدا تاري آدامي موسايا نه ددی.
قيرخ ياشيندا ائدئم کي، ربّئن قولو موسا منی اؤلکهني گؤزدن کچئرتمک اوچون قِدِش‌بَرنِعه‌دن گؤندردي و من گؤردوکلرئمي اوره‌يئمده حئسّ اتدئيئم کئمي اونا خبر وردئم.
لاکئن منئمله بئرلئکده گدن هموطنلرئم، خالقين اوره‌يئني اوزدولر. آمّا بوتون اورَکله تاريم ربّئن دالينجا گتدئم.
او گون موسا آند ائچئب ددي: «قدم باسديغين تورپاق حتمن سنه و سنئن اؤولادلارينا ابدئلئک ائرث ورئلهجک، چونکي سن تاريم ربّئن دالينجا بوتون اورَکله گدئبسن.»
ائندي باخ، رب وردئيي سؤزه عمل اتدي و منی داها قيرخ بش ائل ياشاتدي. رب بو سؤزو موسايا ائسرايئللیلرئن صحرادا گَزدئکلري واخت ِمئشدي. من بو گون هشتاد بش ياشيندايام.
موسانين منی گؤندردئيي واختدا اولدوغوم کئمي، بو گون ده قووّتلئيَم. او زامان قووّتئم نجه ائدي، ائندي ده گئرئب-چيخماق و دؤيوشمک اوچون اله قووّتئم وار.
بونا گؤره ده ربّئن او زامان ددئيي بو داغليق يري سن ائندي منه ور. او گون سن ده اشئتدئن کي، بو داغليق يرده عَناقلي‌لار و بؤيوک و قالا دووارلي شهرلرئن وار. بلکه رب منئمله اولار و من ده ربّئن ددئيي کئمي اونلاري قووارام."
يوشَع اونا برکت وردی. خِبرونو يِفونّه اوغلو کالئبه ائرث اولاراق وردی.
بونون اوچون خِبرون بو گونه قدر قِنئزلي يِفونّه اوغلو کالئبئن ائرث تورپاغي‌دير. چونکي او بوتون اورَکله ائسرايئلئن تاريسي ربّئن دالينجا گتمئشدي.
خِبرونون آدي اوّلجه قئريَت‌اَربَع ائدي. عَناقلي‌لار آراسيندا اَربَع لاپ بؤيوک آدام اولموشدو. اؤلکه موحارئبه‌دن اَمئن-آمانليغا چيخدي.
يهودا اؤولادلاري قبئلهسئنه دوشَن تورپاق، نسئللرئنه گؤره، اِدوم سرحدئنه، جنوبا طرف و اورانين لاپ جنوبوندا يِرلَشَن سئن صحراسينا قدر چاتيردي.
اونلارين جنوب سرحدي دوز دهنزي قورتاران يردن يعني جنوبدا يِرلَشن خلئجدن باشلاييردي.
سونرا عَقرَبّئم کچئدئنئن جنوبوندان کچئب، سئنه يتئشئردي و اورادان قِدِش‌بَرنِعه‌نئن جنوبوندان قالخيب خِصرونا چاتيردي. بورادان اَدّارا قالخيب قَرقاعا دؤنوردو.
سونرا دا عَصموندن کچئب، مئصئر دره‌سئنه چيخيردي و بو سرحدئن آخيري دهنزده قورتاريردي. جنوب سرحدلري بو ائدي.
شرق سرحدي دوز دهنزئندن اوردون چايينين آغزينا قدر ائدي. شئمال طرفدن ده بو سرحد اوردون چاييندا يِرلَشن دهنز خلئجئندن باشلاييردي.
سونرا بو سرحد بِيت‌حوگلايا قالخيب، بِيت‌عَرابانين شئماليندان کچئردي و رِعوبئن اوغلو بوهه‌نئن قاياسينا چاتيردي.
سونرا دا آکور دره‌سئندن دِبئره چيخيب، شئمالا، گئلگالا طرف دونوردو کي، اَدومّئمئن يوخاري بؤلگه‌سئنئن موقابئلئنده ائدي؛ سرحد بورادان عِين‌شِمِش سولارينا کچئردي و اونون آخيري عِين‌روگِلئن يانيندا ائدي.
سونرا سرحد بِن‌هئنّوم دره‌سئندن کچه‌رک، يِبوسلولارين شهرئنئن، يعني اورشلئمئن جنوب سمتئندن کچئردي. بورادان داغين تپه‌سئنه قالخيردي کي، قربده هئنّوم درهسئنئن موقابئلئنده‌دئر، يعني رِفاعئم درهسئنئن شئمال سمتئنده.
بو داغين تپه‌سئندن ده نِفتواَخ سولارينين منبعئنه طرف اوزانيب، عِفرون داغينداکي شهرلره چيخيردي و اورادان بَعَله، يعني قئريَت‌يِعه‌رئمه طرف اوزانيردي.
بَعَله‌دن قربه طرف، سِعئر داغينا قدر دؤنَندن سونرا، يِعه‌رئم داغينين، يعني کِسالونون شئمال طرفئندن کِچئب، بِيت‌شِمِش اِنئردي و تئمنايا چاتيردي.
سونرا دا عِقرونون يانيندان شئمالا طرف چيخيردي. سونرا سرحد شئکّرونا اوزانيب، بَعَله داغينا کچئردي و يَبنِعِله قالخيردي. بورادا سرحدئن آخيري دهنزده قورتاريردي.
قرب سرحدي بؤيوک دهنزئن ساحئلي ائدي. يهودا اؤولادلارينين نسئللرئنه گؤره ورئلَن تورپاغين اطراف سرحدي بله ائدي.
يوشَع يهودالي‌لارين تورپاغيندا اولان قئريَت‌اَربَعه‌ني، يعني خِبرونو، ربّئن امرئنه گؤره ائرث اولاراق يِفونّه اوغلو کالئبه وردی. اَربَع عَناقين آتاسي ائدي.
کالئب اورادان عَناقين اوچ اوغلونو قوودو؛ شِشه‌يي، اَخئمنی و تَلمه‌يي کي، عَناقين اوغلوللاري ائدئلر.
سونرا دِبئر اهالئسئنئن ضئدّئنه چيخدي؛ دِبئرئن اوّلکي آدي قئريَت‌سِفِر ائدي.
کالئب ددي: "کئم قئريَت‌سِفِرلی‌لري قيريب اوراني آلسا، قيزيم عَکساني اونا اَره ورهجيم."
اوراني کالئبئن قارداشي قِنَزئن اوغلو عوتني‌اِل آلدي. کالئب ده قيزي عَکساني اونا اَره وردی.
عَکسا عوتني‌اِلئن يانينا گلدئکده اونو راضي اتدي کي، کالئبدن بئر زَمي ائسته‌سئن. قيز اِششه‌يئندن دوشَنده کالئب اونا ددي: "نه ائستهيئرسن؟"
عَکسا ددي: "منه بئر برکت ور. ائندي کي نِگِب تورپاغيني منه ورئبسن، اوندا سو قايناقلاريني دا منه ور." کالئب اونا يوخاريداکي و آشاغيداکي سو قايناقلاريني وردی.
يهودا اؤولادلارينين قبئلهسئنئن ائرث تورپاغي، نسئللرئنه گؤره، بودور:
يهودا اؤولادلاري قبئلهسئنئن اِدوم سرحدئنه طرف لاپ جنوبدا يِرلَشن شهرلري بونلاردير: قَبصِه‌اِل، عِدِر، ياگور،
قئنا، دئمونا، عَدعادا،
قِدِش، خاصور، يئتنان،
زئف، طِلِم، بِعَلوت،
خاصورخَده‌تا، قِرئيوت‌خِصرون، يعني خاصور
اَمام، شِمَع، مولادا،
خَصَرگَدّا، خِشمون، بِيت‌پِلِط،
خَصَرشوعال، بئرشئباع، بئزيوتِيا،
بَعَله، عئيئم، عاصِم،
اِلتولَد، کِسئل، خورما،
صئقلَگ، مَدمَنّا، سنسنّا،
لِباوت، سئلخئم، عَيئن و رئمّون. بو شهرلرئن هاميسي کَندلري ائله بئرلئکده ائيئرمي دوقّوز شهر ائدي.
هامار بؤلگه‌ده يِرلَشن شهرلر ده بونلاردير: اِشتاول، صورعا، اَشنا،
زانواَخ، عِين‌گَنّئم، تَپّواَخ، عِينام،
يَرموت، عَدولّام، سوکو، عَزئقه،
شَعه‌ره‌يئم، عَدئته‌يئم، گِدِرا و گِدِروته‌يئم. بونلار دا کَندلري ائله بئرلئکده اون دؤرد شهر ائدي.
صِنان، خَداشا، مئگدَل‌گاد،
دئلعان، مئصپِه، يوقتِه‌اِل،
لاکئش، بوصقَت، عِگلون،
کَبّون، لَخماس، کئتلئش،
گِدِروت، بِيت‌داگون، نَعَما و مَقّدا. بونلار دا کَندلري ائله بئرلئکده اون آلتي شهر ائدي.
لئبنا، عِتِر، عاشان،
يئفتاخ، اَشنا، نِصئب،
قِعئلا، اَکزئب و مارِشا. بونلار دا کَندلري ائله بئرلئکده دوقّوز شهر ائدي.
قصبه‌لري و کَندلري ائله بئرلئکده عِقرون،
عِقروندان دهنزه قدر کَندلري ائله بئرلئکده بوتون اَشدود اطرافيندا يِرلَشنلر،
اَشدود و اونون قصبه‌لري ائله کَندلري، مئصئر دره‌سئنه و بؤيوک دهنزئن ساحئلئنه قدر اولان غَزّا و اونون قصبه‌لري ائله کَندلري.
داغليق بؤلگهسئنده يِرلَشن شهرلر ده بونلاردير: شامئر، يَتّئر، سوکو،
دنّا، قئريَت‌سنّا يعني دِبئر،
عَناب، اِشتِمو، عانئم،
گوشِن، خولون و گئلو. بونلار دا کَندلري ائله بئرلئکده اون بئر شهر ائدي.
اَرَب، دوما، اِشعان،
يانوم، بِيت‌تَپّواَخ، اَفِقا،
خومطا، قئريَت‌اَربَع يعني خِبرون، صئعور. بونلار دا کَندلري ائله بئرلئکده دوقّوز شهر ائدي.
ماعون، کَرمِل، زئف، يوطّا،
يئزرِعِل، يوقدِعام، زانواَخ،
قه‌يئن، گئبعا، تئمنا. بونلار دا کَندلري ائله بئرلئکده اون شهر ائدي.
خَلخول، بِيت‌صور، گِدور،
مَعه‌رات، بِيت‌عَنوت، اِلتِقون. بونلار دا کَندلري ائله بئرلئکده آلتي شهر ائدي.
قئريَت‌بَعَل، يعني قئريَت‌يِعه‌رئم، رَبّا. بونلار دا کَندلري ائله بئرلئکده ائکي شهر ائدي.
چؤللوکده يِرلَشَن شهرلر ده بونلاردير: بِيت‌عَرابا، مئدّئن، سِکاکا،
نئبشان، دوز شهري، عِين‌گِدي. بونلار دا کَندلري ائله بئرلئکده آلتي شهر ائدي.
لاکئن يهودا اؤولادلاري اورشلئمده ياشايان يِبوسلولاري قووا بئلمه‌دئلر و يِبوسلولار بو گونه قدر يهودا اؤولادلاري ائله بئرلئکده اورشلئمده ياشاييرلار.
يوسئف اؤولادلارينا پوشکله دوشَن تورپاقلارين سرحدي اَرئحانين اوردونوندان، اَرئحا سولارينين شرقئندن باشلاييب چؤللويه، اَرئحادان داغليق بؤلگهسئنده اولان بِيت ائله قالخيردي.
بِيت ائلدن ده لوزا چيخيب، اَرکلئلر بؤلگهسئنه، عطاروتا کچئردي.
سونرا قربه طرف يَفلِطلی‌لر بؤلگهسئنه، آشاغي بِيت‌خورونا قدر اِنئردي، حتّا گِزِره قدر چاتيردي. بو سرحدئن آخيري دهنزده قورتاريردي.
يوسئفئن اؤولادلاري مِنَسّه و اِفرايئم ائرث تورپاقلاريني آلديلار.
اِفرايئم اؤولادلارينين نسئللرئنه گؤره ائرث تورپاغينين سرحدي بله ائدي: شرقه طرف عَطِروت‌اَدّار، يوخاري بِيت‌خورونا قدر.
سونرا سرحد قربه طرف دؤنوردو و شئمالدا اولان مئکمِتادا شرقه طرف دؤنوب، تَعَنَت‌شئلو شهرئندن دؤنه‌رک يانوخانين شرقئنه چيخيردي.
يانوخانين ده عطاروتا و نَعه‌رايا اِنئب، اورادان اَرئحايا چاتيردي و آخيري اوردون چاييندا قورتاريردي.
بو سرحد تَپّواَخدن قربه طرف قانا دره‌سئنه گدئب، آخيري دهنزده قورتاريردي. اِفرايئم اؤولادلاري قبئلهسئنئن نسئللرئنه گؤره ائرث تورپاغي بونلاردير.
بوندان علاوه مِنَسّه اؤولادلارينا دوشَن تورپاقلاردا دا اِفرايئم اؤولادلاري اوچون آيريلان شهر و کَندلر وار ائدي.
آمّا اِفرايئم اؤولادلاري گِزِرده ياشايان کَنَعانليلاري قووماديلار. اونلار بو گونه قدر اِفرايئم اؤولادلاري آراسيندا ياشاييرلار و زور آلتيندا اونلارين خئدمتچئلري اولوبلار.
مِنَسّه قبئلهسئنئن پوشکونه بو تورپاقلار دوشدو، چونکي مِنَسّه يوسئفئن ائلک اوغلو ائدي. گئلعادين آتاسي ماکئر مِنَسّهنئن ائلک اوغلو ائدي. ماکئره گئلعاد و باشان تورپاغي ورئلدي، چونکي دؤيوشچو ائدي.
مِنَسّهنئن او بئري اوغوللاري اوچون يعني اَبئعِزِرئن، خِلِقئن، اَسري‌الئن، شِکِمئن، خِفِرئن و شِمئداعين اوغوللاري اوچون ده نسئللرئنه گؤره پوشک دوشدو. بونلار نسئللرئنه گؤره يوسئف اوغلو مِنَسّهنئن کئشي نسلی ائدي.
لاکئن مِنَسّه اوغلو ماکئر اوغلو گئلعاد اوغلو خِفِر اوغلو صِلوفخادين اوغلانلاري يوخ ائدي. آمّا قيزلاري وار ائدي. قيزلارينين آدلاري بله ائدي: مَخلا، نوعا، حوگلا، مئلکا، تئرصا.
اونلار کاهئن اِلعازارين، نون اوغلو يوشَعئن و رهبرلرئن قاباغينا گلئب ددئلر: "رب موسايا امر اتدي کي، هموطنلرئمئزئن يانيندا بئزه ائرث تورپاق ورسئن." بلجه يوشَع ربّئن امرئنه گؤره آتالارينين کئشي قوحوملاري آراسيندا اونلارا ائرث تورپاغي وردی.
مِنَسّه‌يه اوردون چايينين او تاييندا اولان گئلعاد و باشان تورپاغيندان آيري، اون حئصّه تورپاق دا دوشدو.
چونکي مِنَسّه قيزلاري دا اونون اوغوللاري آراسيندان ائرث تورپاغي آلديلار. گئلعاد دئياري مِنَسّهنئن قالان اوغوللارينا عاييد ائدي.
مِنَسّهنئن سرحدي آشِردن شِکِمئن شرقئنده اولان مئکمِته اوزانيب، جنوبا طرف عِين‌تَپّواَخ اَهالئسئنئن يرلرئنه گلئب چاتيردي.
تَپّواَخ تورپاغي مِنَسّهنئن ائدي، آمّا مِنَسّه سرحدئنده اولان تَپّواَخ شهري اِفرايئم اوغوللارينا عاييد ائدي.
سرحد قانا دره‌سئنه اِنئردي. بو دره‌نئن جنوبوندا اولان شهرلر مِنَسّهنئن شهرلري آراسيندا اولسا دا، اِفرايئمئن ائدي. مِنَسّهنئن سرحدي دره‌نئن شئمال طرفئنده ائدي، آخيري دا دهنزده قورتاريردي.
جنوب سمتي اِفرايئمئن، شئمال سمتي ده مِنَسّهنئن ائدي. دهنز اونلارين سرحدي ائدي؛ سرحد شئمالدان آشِره، شرقدن يئسّاکارا گدئب چاتيردي.
يئسّاکار و آشِر تورپاقلارينين داخئلئنده اولان بو شهرلر مِنَسّهنئن ائدي: بِيت‌شِه‌آن و اونون قصبه‌لري، يئبلِعام و اونون قصبه‌لري، دور اهالئسي ائله قصبه‌لرئنئن اهالئسي، عِين‌دور اهالئسي ائله قصبه‌لرئنئن اهالئسي، تَعنَک اهالئسي ائله قصبه‌لرئنئن اهالئسي، مِگئدّو اهالئسي ائله قصبه‌لرئنئن اهالئسي. بونلار بئرلئکده اوچ بؤلگه‌دن عئبارت ائدي.
لاکئن مِنَسّه اؤولادلاري بو شهرلرده ياشايانلاري قووا بئلمه‌دئلر چونکي کَنَعانليلار دا بو تورپاقدا قالماغا قَرارلي ائدئلر.
ائسرايئللی‌لر قووّتلَنَنده کَنَعانليلاري اؤزلرئنه زورلا خئدمتچي اتدئلر، آمّا اونلاري کامئل قووماديلار.
سونرا يوسئف اؤولادلاري يوشَعه بله ددئلر: "ائرث تورپاق آلماق اوچون نئيه بئزه تک پوشکله بئر پاي وردئن؟ بئز بؤيوک خالقيق و ائندئيه قدر رب بئزه برکت ورئب."
يوشَع اونلارا ددي: "اگر سئز بؤيوک خالقسينيز و اِفرايئمئن داغليق بؤلگه‌سي سئزه دارليق ادئر، مِشه‌لئيه چيخين، اورادا پِرئزلئلر و رِفالي‌لار تورپاغيندا اؤزونوزه ير آچين."
يوسئف اؤولادلاري ددئلر: "داغليق بؤلگه‌سي بئزه بس ديئل. لاکئن دره‌ده اولان تورپاقدا ياشايان بوتون کَنَعانليلارين، هم بِيت‌شِه‌آن و اونون قصبه‌لرئنده، هم ده يئزرِعِل دره‌سئنده ياشايانلارين دمئر دؤيوش عارابالاري وار."
او واخت يوشَع يوسئف نسلئنه يعني اِفرايئملی‌لره و مِنَسّه‌لئلره بله ددي: "سئز بؤيوک سايلي خالقسينيز، قووّتئنئز ده بؤيوکدور، اونا گؤره سئزه بئر پوشک کئفايت ديئل.
داغليق بؤلگه ده سئزئن اولاجاق. او ير مِشه‌لئکدئر، آمّا سئز اوراني تمئزلَيه‌جکسئنئز و لاپ اوزاق يرلرئنه‌جک سئزئن اولاجاق. کَنَعانليلار قووّتلي اولسا دا، اونلارين دمئر دؤيوش عارابالاري اولسا دا، سئز اونلاري قوواجاقسينيز."
بوتون ائسرايئل اؤولادلارينين جاماعاتي شئلويا ييغيشيب، اورادا حوضور چاديريني قوردولار؛ بو تورپاق اونلارين حؤکمرانليغي آلتيندا ائدي.
ائسرايئل اؤولادلارينين آراسيندا يدّي قبئله قالميشدي کي، اونلارين آراسيندا ائرث اولان تورپاقلاري حله بؤلونمه‌مئشدي.
يوشَع ائسرايئل اؤولادلارينا ددي: "نه قدر يوباداجاقسينيز و آتالارينيزين تاريسي ربّئن سئزه وردئيي بو تورپاغا گئرمه‌يئب اونا مالئک اولماياجاقسينيز؟
هر قبئلهدن اؤزونوزه اوچ آدام سچئن. اونلاري گؤندرهجيم کي، چيخيب اؤلکهني دولانسينلار و آلاجاقلاري ائرث تورپاقلارا گؤره اوراني توصيف ادئب منئم يانيما گلسئنلر.
اونلار اوراني يدّي حئصّه‌يه بؤلسونلر؛ يهودا جنوبدا اولان اؤز تورپاغيندا قالسين، يوسئفئن نسلی ده شئمالدا اولان تورپاغيندا قالسين.
سئز اؤلکهني يدّي حئصّه‌ده توصيف ادئن و اونو بورايا منه گتئرئن. بورادا تاريميز ربّئن حوضوروندا سئزئن اوچون پوشک آتاجاغام.
آمّا آرانيزدا لاوئلی‌لرئن پايي يوخدور، چونکي اونلارين ائرثي ربّئن کاهئنلئيي‌دئر. جاد و رِعوبئن قبئلهلري و مِنَسّه قبئلهسئنئن ياريسي اوردون چايينين شرق طرفئنده ربّئن قولو موسانين اونلارا وردئيي ائرث تورپاقلاريني آليبلار."
آداملار قالخيب گتدئلر و يوشَع اؤلکهني توصيف اتمه‌يه گدنلره امر ادئب ددي: "گدئن، اؤلکهني گَزئب اوراني توصيف ادئن و يانيما قاييدين. من ده بورادا، شئلودا، ربّئن حوضوروندا سئزئن اوچون پوشک آتاجاغام."
آداملار گدئب اؤلکهني دولانديلار. اوراني شهرلرئنه گؤره يدّي حئصّه‌يه آييريب کئتابا يازديلار؛ و شئلوداکي اوردوگاها، يوشَعئن يانينا قاييتديلار.
يوشَع شئلودا ربّئن حوضوروندا اونلار اوچون پوشک آتدي و اورادا ائسرايئل اؤولادلارينين بؤلوکلرئنه گؤره تورپاغي پايلادي.
ائلک پوشک نسئللرئنه گؤره بِنيامئن اؤولادلاري قبئلهسئنه دوشدو. اونلارا دوشَن حئصّه يهودا اؤولادلاري ائله يوسئف اؤولادلارينين تورپاغي آراسيندا ائدي.
شئمال طرفدن اونلارين سرحدي اوردون چاييندان باشلاييردي. سرحد اَرئحانين شئمال طرفئندهکي ياماجينا قالخيب، سونرا قربه طرف داغليغا چاتيردي، آخيري دا بِيت آوِن چؤلونده قورتاريردي.
سرحد اورادان لوزا، يعني بِيت ائله، لوزون جنوب ياماجلارينا چاتيردي. سونرا سرحد آشاغي بِيت‌خورونون جنوبوندا اولان داغليقدان عَطِروت‌اَدّارا اِنئردي.
سرحد اورادان اوزانيب قرب طرفدن جنوبا طرف، بِيت‌خورونون موقابئلئنده اولان داغدان جنوبا طرف دؤنوردو. اونون آخيري يهودا اؤولادلارينين شهري اولان قئريَت‌بَعَلده، يعني قئريَت‌يِعه‌رئمده قورتاريردي؛ قرب سرحدي بو ائدي.
جنوب طرفي قئريَت‌يِعه‌رئمئن کَناريندان باشلاييردي و قربه چاتيب نِفتواَخ سولارينين چِشمه‌سئنه اوزانيردي.
اوندان سونرا سرحد رِفاعئم درهسئنئن شئماليندا بِن‌هئنّوم درهسئنئن موقابئلئندهکي داغين لاپ آخير حئصّه‌سئنه اِنئردي؛ بورادان دا هئنّوم دره‌سئنه، يِبوسون جنوب ياماجينا اِنئب عِين‌روگِله چاتيردي.
سونرا سرحد شئمالا طرف اوزانيب عِين‌شِمِشه چيخيردي، اَدومّئمه قالخان يولون موقابئلئنده اولان گِلئلوتا چاتيردي؛ اورادان دا رِعوبئن اوغلو بوهه‌نئن قاياسينا اِنئردي.
سونرا شئمالا طرف عَرابانين ضئدّئنه طرفئنه کچئب عَرابايا اِنئردي.
سرحد شئمالا طرف بِيت‌حوگلايا کچئب، سرحدئن آخيري دوز گؤلونون شئمال خلئجئنده، اوردون چايينين جنوبوندا قورتاريردي. بو، جنوب سرحدي ائدي.
اونون شرق طرفدن سرحدي اوردون چايي ائدي. بو بِنيامئن اوغوللارينين نسئللرئنه گؤره ائرث تورپاقلارينين اراضئسي ائدي.
بِنيامئن اؤولادلاري قبئلهسئنئن نسئللرئنه گؤره شهرلري بونلار ائدي: اَرئحا، بِيت‌حوگله، عِمِق‌قِصئص،
بِيت‌عَرابا، صِماره‌يئم، بِيت ائل،
عَوّئم، پارا، عوفرا،
کِفَر‌عَمّوني، عوفني، گِبَع، يعني کَندلري ائله بئرلئکده اون ائکي شهر؛
گئبعون، راما، بِعِروت،
مئصپه، کَفئرا، موصا،
رِقِم، يئرپِه‌اِل، تَره‌لا،
صِله، هااِلِف، يِبوس يعني اورشلئم، گئبعَت، قئريَت، يعني کَندلري ائله بئرلئکده اون دؤرد شهر. نسئللرئنه گؤره بِنيامئن اؤولادلارينين ائرث تورپاقلاري بونلاردير.
ائکئنجي پوشک، نسئللرئنه گؤره، شَمعونا، شَمعون اؤولادلارينين قبئلهسئنه دوشدو. اونلارين ائرث تورپاغي يهودا اؤولادلارينين ائرث تورپاغي آراسيندا ائدي.
اونلارين ائرث تورپاقلاري بونلار ائدي: بئرشئباع، شِبَع، مولادا،
خَصَرشوعال، بالا، عاصِم،
اِلتولَد، بِتول، خورما،
صئقلَگ، بِيت‌مارکابوت، خَصَر‌سوسا،
بِيت لِباعوت، شاروخِن؛ يعني کَندلري ائله بئرلئکده اون اوچ شهر؛
عَيئن، رئمّون، عِتِر، عاشان؛ يعني کَندلري ائله بئرلئکده دؤرد شهر؛
بو شهرلرئن اطرافينداکي بوتون کَندلر بَعَلَت‌بِعِره قدر، يعني جنوبدا رامايا قدر اونلارين ائرث اولان تورپاغي ائدي. بونلار نسئللرئنه گؤره شَمعون اؤولادلاري قبئلهسئنئن ائرث اولان تورپاقلاري‌دير.
شَمعون اؤولادلارينين ائرث اولان تورپاغي يهودا اؤولادلارينين پاييندان آليندي، چونکي يهودا اؤولادلارينين پايي اونلار اوچون چوخ ائدي؛ بونا گؤره ده شَمعون اؤولادلاري اونلارين تورپاقلاري آراسيندا تورپاق ائرث آلديلار.
اوچونجو پوشک، نسئللرئنه گؤره، زِبولون اؤولادلارينا دوشدو. اونلارين ائرث اولان تورپاغينين سرحدي سارئده قدر ائدي.
سونرا سرحدي مَرعه‌لايا قدر، قربه طرف قالخيردي و دَبّشِتدن کِچئب يوقنِعام موقابئلئنده اولان درهيه چاتيردي.
سارئددن شرقه، گون دوغانا طرف کئسلوت‌تابور سرحدئنه دؤنوب، دابِرَته يتئشئردي و يافئعه‌يه چاتيردي.
اورادان شرقه طرف گَت‌خِفِره، عِت قاصئنه کچئردي و نِعايا دؤنَن رئمّونا قالخيردي.
سرحد شئمالا طرف، خَنّاتونا دؤنوب، آخيري يئفته‌خِل دره‌سئنده ائدي.
قَطّات، نَهَلال، شئمرون، يئده‌لا، بِيت‌لِخِم؛ يعني کَندلري ائله بئرلئکده اون ائکي شهر ائدي.
نسئللرئنه گؤره زِبولون اؤولادلارينين ائرثي اولان تورپاق کَندلري ائله بئرلئکده بو شهرلر ائدي.
دؤردونجو پوشک، نسئللرئنه گؤره، يئسّاکارا، يئسّاکار اؤولادلارينا دوشدو.
اونلارين تورپاغي يئزرِعِل، کِسولوت، شونِم،
خَفاره‌يئم، شي‌اون، اَناخَرَت،
رَبّئت، قئشيون، آبِص،
رِمِت، عِين‌گَنّئم، عِين‌خَدّا، بِيت‌پَصّص ائدي.
سرحد تابورا، شَخه‌سئمايا، بيت‌شِمِشه چاتيردي. سرحدلرئنئن آخيري اوردون چاييندا ائدي. بونلار کَندلري ائله بئرلئکده اون آلتي شهر ائدي.
نسئللرئنه گؤره يئسّاکار اؤولادلاري قبئلهسئنئن ائرثي اولان کَندلري ائله بئرلئکده بو شهرلر ائدي.
بشئنجي پوشک، نسئللرئنه گؤره، آشِر اؤولادلاري قبئلهسئنه دوشدو.
اونلارين تورپاغي خِلقَت، خَلي، بِطِن، اَکشاف،
اَلَم‌مِلِک، عَمعاد و مئشال ائدي. سرحد قربه طرف کَرمِله، شئخورلئبناتا چاتيردي،
گون دوغانا طرف بِيت‌داگونا دؤنوردو. سونرا شئمالا طرف زِبولونا، يئفته‌خِل دره‌سئنه، اورادان بِيت‌عِمِقه، نِعي‌اِله چاتيردي، سونرا شئمالا طرف کابولا،
خِبرونا، رِحوبا، خَمّونا، قانايا، بؤيوک صئدونا قدر چاتيردي.
او واخت سرحد رامايا، قالالي صور شهرئنه دؤنوردو؛ سونرا سرحد خوشايا دؤنوردو، آخيري اَکزئب،
عوما، عَفِق، رِخوب تورپاغيندا دهنزده قورتاريردي. بونلار کَندلري ائله بئرلئکده ائيئرمي ائکي شهر ائدي.
نسئللرئنه گؤره آشِر اؤولادلاري قبئلهسئنئن ائرث اولان تورپاقلاري کَندلري ائله بئرلئکده بو شهرلر ائدي.
آلتينجي پوشک، نَفتالي اؤولادلاري اوچون، نسئللرئنه گؤره نَفتالي اؤولادلارينا دوشدو.
اونلارين سرحدي خِلِفدن شَعَنَن‌نئمده‌کي پاليد آغاجيندان باشلاييب اَدامي نِگِب و يَبنِه‌اِلي کِچئب، لَقّوما چاتيردي، آخيري دا اوردون چاييندا بئتئردي.
سرحد قربه طرف اَزنوت تابورا دؤنوب، اورادان خوقوقا قالخيردي؛ جنوبدا زِبولونا، قربده آشِره، گون دوغان طرفده اوردون چاييندان يهودايا چاتيردي.
قالالي شهرلر بونلار ائدي: صئدّئم، صِر، خَمّت، رَقّت، کئنّرِت،
اَداما، راما، خاصور،
قِدِش، اِدرِعي، عِين‌خاصور،
يئرون، مَجدَل‌اِل، خورِم، بِيت‌عَنات، بِيت‌شِمِش. بونلار کَندلري ائله بئرلئکده اون دوقّوز شهر ائدئلر.
نسئللرئنه گؤره نَفتالي اؤولادلاري قبئلهسئنئن ائرث اولان تورپاقلاري کَندلري ائله بئرلئکده بو شهرلر ائدي.
يدّئنجی پوشک، نسئللرئنه گؤره، دان اؤولادلاري قبئلهسئنه دوشدو.
ائرث تورپاقلاري بونلار ائدي: صورعا، اِشتاول، عئرشِمِش،
شَعَله‌بّئن، اَيّالون، يئتلا،
اِيلون، تئمنا، عِقرون،
اِلتِقا، گئبّتون، بَعَلَت،
يِهود، بِنِه‌بِرَق، گَت‌رئمّون،
مِه‌يَرقون، يافا موقابئلئنده اولان سرحدي ائله رَقّون.
آمّا دان اؤولادلارينين تورپاغي اونلارين اَلئندن چيخدي. اونا گؤره ده دان اؤولادلاري لِشِم اوستونه دؤيوشه گتدئلر. اوراني آليب اهالئسئني قيلينجدان کچئرتدئلر و اورايا صاحئب اولوب مسکن سالديلار. اونلار آتالاري دانين شَرَفئنه گؤره لِشِمه دان آدي وردئلر.
نسئللرئنه گؤره دان اؤولادلاري قبئلهسئنئن ائرث اولان کَندلري ائله بئرلئکده بو شهرلر ائدي.
اؤلکهني تورپاق پايلارينا گؤره ائرث اولاراق بؤلوشدوروب قورتاراندان سونرا، ائسرايئل اؤولادلاري نون اوغلو يوشَعه آرالاريندا ائرث تورپاق وردئلر.
ربّئن امرئنه گؤره ائسته‌دئيي شهري يعني اِفرايئمئن داغليق بؤلگهسئنده تئمنَت‌سَره‌خي اونا وردئلر. او دا بو شهري تئکئب اورادا ياشادي.
بونلار او ائرث تورپاقلارديرلار کی، کاهئن اِلعازار. نون اوغلو يوشَع، ائسرايئل قبئله‌لرئنئن نسئل باشچيلاري شئلوداکي حوضور چاديرينين گئرئشئنده، ربّئن حوضوروندا پوشکله بؤلدولر. بلجه، اونلار اؤلکهنئن بؤلوشدورمه‌سئني باشا چاتديرديلار.
سونرا رب يوشَعله دانيشيب اونا ددي:
"ائسرايئل اؤولادلارينا دِه: «اؤزونوز اوچون موسا واسئطهسئله ددئيئم سيغيناجاق شهرلري سچئن کي،
بئلمه‌دن، سهون بئر آدامي اؤلدورن قاتئل اورايا قاچسين. اورا سئزئن اوچون قان قئصاصيني آلان آدامدان سيغيناجاق يري اولسون.
قوي قاتئل بو شهرلردن بئرئنه قاچسين، شهر قاپيسينين گئره‌جيئنده دورسون. اورادا او شهرئن آغساقّاللارينا اؤز عملئني دانيشسين. اونلار دا اونو شهره، يانلارينا آپارسينلار و اونا ير ورسئنلر کي، اونلارلا ياشاسين.
اگر قان قئصاصي آلان اونو تعقئب اتسه، او زامان قاتئلي اونا تسلئم اتمه‌سئنلر، چونکي قونشوسونو بئلمه‌دن اؤلدوروب، اوّلدن اونونلا عداوتي يوخ ائدي.
بو آدام جاماعات موقابئلئنده موحاکئمه اولانا قدر و او دؤورده اولان باش کاهئنئن اؤلومونه قدر بو شهرده ياشاسين. بوندان سونرا قاتئل اؤز شهرئنه، اؤز اِوئنه، اوندان قاچديغي شهره قاييدا بئلر.»"
سيغيناجاق شهر اوچون جَلئلدن، نَفتالئنئن داغليق بؤلگهسئنده قِدِشي، اِفرايئمئن داغليق بؤلگهسئنده شِکِمي و يهودانين داغليق بؤلگهسئنده قئريَت‌اَربَعي، يعني خِبرونو آييرديلار.
اوردون چايينين او بئري طرفي اَرئحانين شرقئنده ده رِعوبئن قبئلهسئنئن تورپاغيندان يايلادا يِرلَشن صحراداکي بِصِري، جاد قبئلهسئنئن تورپاغيندان اولان گئلعادداکي راموتو، مِنَسّه قبئلهسئندن اولان باشاندا گولاني آييرديلار.
بونلار بوتون ائسرايئللی‌لر اوچون و آرالاريندا ياشايان ياد اِللی‌لر اوچون تعيئن اولونان شهرلر ائدي کي، سهون قتل ادن هر بئر کس اورايا قاچا بئلردي و جاماعات قاباغيندا موحاکئمه اولوناجاق قان قئصاصيني آلانين اَلي ائله اؤلدورولمَزدي.
او زامان لاوئلی‌لرئن نسئل باشچيلاري کاهئن اِلعازارا، نون اوغلو يوشَعه و ائسرايئل اؤولادلاري قبئله‌لرئنئن نسئل باشچيلارينا ياخينلاشديلار.
کَنَعان تورپاغيندا يِرلَشن شئلودا اونلارلا دانيشيب بله ددئلر: "رب موسا واسئطهسئله امر اتدي کي، بئزه ياشاماق اوچون شهرلر، حيوانلاريميز اوچون ده اونلارين اوتلاقلاري ورئلسئن."
بلجه ائسرايئل اؤولادلاري ربّئن امرئنه گؤره اؤز ائرث تورپاقلاريندان بو شهرلري و اورانين اوتلاقلاريني لاوئلی‌لره وردئلر.
پوشک قوحاتدان اولان نسئل‌لره دوشدو. لاوئلی‌لردن اولان کاهئن هارون اؤولادلارينا يهودا، شَمعون و بِنيامئن قبئلهلرئندن پوشکله اون اوچ شهر ورئلدي.
آيري قوحات اؤولادلارينا دا اِفرايئم قبئلهسئنئن نسئل‌لرئندن، دان قبئلهسئندن و مِنَسّه قبئلهسئنئن ياريسيندان پوشکله اون شهر ورئلدي.
گِرشون اؤولادلارينا يئسّاکار قبئله‌سي نسئل‌لرئندن، آشِر و نَفتالي قبئلهلرئندن، باشاندا مِنَسّه قبئلهسئنئن ياريسيندان پوشکله اون اوچ شهر ورئلدي.
مِراري اؤولادلارينا نسئللرئنه گؤره رِعوبئن، جاد، و زِبولون قبئلهلرئندن اون ائکي شهر ورئلدي.
ائسرايئل اؤولادلاري، ربّئن موسا واسئطهسئله اتدئيي امره گؤره، بو شهرلري و اونلارين اوتلاقلاريني پوشکله لاوئلی‌لره وردئلر.
اونلارا يهودا و شَمعون اؤولادلارينين قبئلهلرئندن آدلاري آپاريلان بو شهرلري وردئلر.
بونلار هارون اؤولادلاري اوچون ائدي کي، لاوئلی‌لردن اولان قوحات اؤولادلارينين نسئلئندن ائدئلر. چونکي ائلک پوشک اونلارين ائدي.
بونا گؤره يهودانين داغليق بؤلگه‌سئنده‌کي قئريَت‌اَربَع شهرئني يعني خِبرونو و اطرافيندا اولان اوتلاقلاري اونلارا وردئلر. اَربَع عَناق آتاسي ائدي.
آمّا شهرئن زَمئلري ائله کَندلرئني يِفونّه اوغلو کالئبه مولک ورمئشدئلر.
خِبرونلا يعني سهون آدام اؤلدورنلر اوچون سيغيناجاق شهري ائله اوتلاقلاريني، لئبنا ائله اوتلاقلاريني،
يَتّئرله اوتلاقلاريني، اِشتِموعَعله اوتلاقلاريني،
خولونلا اوتلاقلاريني، دِبئرله اوتلاقلاريني،
عَيئن، يوطّا، بِيت‌شِمِش شهرلري ائله اوتلاقلاريني؛ بو ائکي قبئلهدن جَمي دوقّوز شهر.
بِنيامئن قبئلهسئندن ده بو شهرلري وردئلر: جِبِعونلا اوتلاقلاريني، گِبَعله اوتلاقلاريني،
عَناتوتلا اوتلاقلاريني، عَلمونلا اوتلاقلاريني؛ دؤرد شهر.
هارون اؤولادلارينين، يعني کاهئنلرئن بوتون شهرلري اوتلاقلاري ائله بئرلئکده اون اوچ شهر ائدي.
لاوئلی‌لردن اولان دئگر قوحات اؤولادلارينا نسئللرئنه گؤره او شهرلري وردئلر کي، پوشکله اِفرايئم قبئلهسئنه عاييد ائدي.
اونلارا شِکِمله يعني اِفرايئمئن داغليق بؤلگهسئنده سهون آدام اؤلدورنلر اوچون سيغيناجاق شهري ائله اوتلاقلاريني، گِزِرله اوتلاقلاريني،
قئبصه‌يئمله اوتلاقلاريني، بِيت‌خورونلا اوتلاقلاريني وردئلر؛ دؤرد شهر.
دان قبئلهسئندن بو شهرلري وردئلر: اِلتِقِه ائله اوتلاقلاريني، جِبِتونلا اوتلاقلاريني،
اَيّالونلا اوتلاقلاريني، گَت‌رئمّونلا اوتلاقلاريني؛ دؤرد شهر.
مِنَسّه قبئلهسئنئن ياريسيندان دا بو شهرلري وردئلر: تَعَنَکله اوتلاقلاريني، گَت‌رئمّونلا اوتلاقلاريني؛ ائکي شهر.
آيري قوحات اؤولادلارينا نسئللرئنه گؤره ورئلَن بوتون شهرلر، اوتلاقلاري ائله بئرلئکده، اون شهر ائدي.
لاوئلی‌لر نسئل‌لرئندن گِرشون اؤولادلارينا مِنَسّه قبئلهسئنئن ياريسيندان باشاندا اولان گولانلا يعني سهون آدام اؤلدورن اوچون سيغيناجاق بو شهرله اوتلاقلاريني، بَعَشتِرا ائله اوتلاقلاريني وردئلر؛ ائکي شهر.
يئسّاکار قبئلهسئندن قئشيونلا اوتلاقلاريني، دابِرَتله اوتلاقلاريني،
يَرموتلا اوتلاقلاريني، عِين‌گَنّئمله اوتلاقلاريني وردئلر؛ دؤرد شهر.
آشِر قبئلهسئندن مئشاللا اوتلاقلاريني، عَبدونلا اوتلاقلاريني،
خِلقاتلا اوتلاقلاريني، رِخوبلا اوتلاقلاريني وردئلر؛ يعني دؤرد شهر.
نَفتالي قبئلهسئندن جَلئلده‌کي قِدِشله يعني سهون آدام اؤلدورنلر اوچون سيغيناجاق بو شهرله اوتلاقلاريني، خَمّوت‌دورلا اوتلاقلاريني و قَرتانلا اوتلاقلاريني وردئلر؛ اوچ شهر.
نسئللرئنه گؤره گِرشونلولارين بوتون شهرلري، اوتلاقلاري ائله بئرلئکده، اون اوچ شهر ائدي.
لاوئلی‌لردن اولان مِراري اؤولادلارينين نسئللرئنه بو شهرلري وردئلر: زِبولون قبئلهسئندن يوقنِعاملا اوتلاقلاريني، قَرتا ائله اوتلاقلاريني،
دئمنا ائله اوتلاقلاريني، نَحه‌لاللا اوتلاقلاريني؛ دؤرد شهر.
اونلارا رِعوبئن قبئلهسئندن بِصِرله اوتلاقلاريني، يَهصا ائله اوتلاقلاريني،
قِدِموتلا اوتلاقلاريني، مِفاعَتله اوتلاقلاريني وردئلر؛ دؤرد شهر.
جاد قبئلهسئندن گئلعادداکي راموتلا، يعني سهون آدام اؤلدورنلر اوچون سيغيناجاق بو شهرله اوتلاقلاريني، مَخَنه‌يئمله اوتلاقلاريني،
خِشبونلا اوتلاقلاريني، يَعزِرله اوتلاقلاريني وردئلر؛ هاميسي دؤرد شهر.
بونلارين هاميسي مِراري اؤولادلارينين، يعني لاوئلی‌لردن قالان نسئللرئن شهرلري ائدي؛ اونلارين پوشکو اون ائکي شهره دوشموشدو.
ائسرايئل اؤولادلارينين مولکو آراسيندا، لاوئلی‌لرئن بوتون شهرلري، اوتلاقلاري ائله بئرلئکده، قيرخ سکّئز شهر ائدي.
بو شهرلرئن هر بئرئنئن اطرافيندا اوتلاقلاري وار ائدي. شهرلرئن هاميسي بله ائدي.
بلجه رب آتالارينا ائچدئيي آندا گؤره، وعده وردئيي بوتون تورپاغي ائسرايئللیلره وردی. اونلار بو تورپاغا مالئک اولدولار و اورادا مسکن سالديلار.
رب آتالارينا ائچدئيي آندا گؤره، هر شيده اونلارا هر طرفدن دئنجلئک وردی و بوتون دوشمنلرئندن هچ بئري اونلارين موقابئلئنده دورا بئلمه‌دي؛ رب بوتون دوشمنلرئني اونلارا تسلئم اتدي.
ربّئن ائسرايئل نسلئنه وردئيي بوتون ياخشي وعده‌لردن هچ بئري بوشا چيخمادي؛ هاميسي يرئنه يتئشدي.
او زامان يوشَع رِعوبئنلی‌لري، جادلي‌لاري، مِنَسّه قبئلهسئنئن ياريسيني چاغيريب،
اونلارا ددي: "سئز ربّئن قولو موسانين امر اتدئيي هر شيه عمل اتدئنئز و منئم سئزه امر اتدئيئم هر شيده سؤزومه قولاق آسدينيز.
بو گونه قدر کچن اوزون مودّتده هموطنلرئنئزي ترک اتمه‌دئنئز و تارينيز ربّئن سئزه بويوردوغو ائشلره عمل اتدئنئز.
اونا گؤره ده تارينيز رب هموطنلرئنئزه وعده وردئيي کئمي دئنجلئک ورئب. ائندي دؤنون و چاديرلارينيزا، ربّئن قولو موسانين اوردون چايينين او طرفئنده سئزه مولک وردئيي تورپاغا قاييدين.
آنجاق دئقّت ادئن کي، ربّئن قولو موسانين سئزه بويوردوغو امره و قانونا عمل ادهسئنئز. تارينيز ربّی سِوهسئنئز، تارينين بوتون يوللاري ائله گدهسئنئز و امرلرئني يرئنه يتئرهسئنئز، اونا باغلي قالاسينيز و بوتون قَلبئنئزله، بوتون جانينيزلا اونا قوللوق ادهسئنئز."
بلجه يوشَع اونلارا برکت ورئب اونلاري يولا سالدي و اونلار چاديرلارينا قاييتديلار.
موسا باشاندا مِنَسّه قبئلهسئنئن ياريسينا ائرث تورپاغي ورمئشدي. لاکئن يوشَع بو قبئلهنئن او بئري ياريسينا، اوردون چايينين قرب طرفئنده، هموطنلري آراسيندا ائرث تورپاغي وردی. يوشَع اونلاري چاديرلارينا گؤندرن زامان اونلارا برکت وردی.
اونلارا بله ددي: "ائندي اؤز چاديرلارينيزا چوخلو وار دؤولتله و چوخلو حيوان، قيزيل-گوموش، بورونج، دمئر و چوخلو پالتارلا قاييدين. دوشمنلرئنئزدن تالان اتدئيئنئز بو مالي هموطنلرئنئزله پايلاشين."
رِعوبئن اؤولادلاري، جاد اؤولادلاري، مِنَسّه قبئلهسئنئن ياريسي کَنَعان تورپاغينداکي شئلودان، ائسرايئل اؤولادلارينين يانيندان قاييتديلار. اونلار ربّئن امرئنه گؤره موسا واسئطهسئله صاحئب اولدوقلاري گئلعاد تورپاغينا يعني اونلارا مولک ورئلن تورپاغا يولا دوشدولر.
اونلار کَنَعان تورپاغيندا اولان گِلئلوتا چاتديلار کي، اوردون چايينين يانيندا ائدي. اورادا، اوردون چايينين يانيندا، رِعوبئن اؤولادلاري، جاد اؤولادلاري و مِنَسّه قبئلهسئنئن ياريسي مؤحتشم گؤرونوشلو بئر قوربانگاه دوزلتدئلر.
ائسرايئل اؤولادلاري بونون خبرئني اشئتدئلر: "باخ، رِعوبئن اؤولادلاري، جاد اؤولادلاري و مِنَسّه قبئلهسئنئن ياريسي کَنَعان تورپاغينين سرحدئنده، اوردون چايينين يانينداکي گِلئلوتدا، ائسرايئل اؤولادلارينا عاييد اولان طرفده بئر قوربانگاه قوروبلار."
ائسرايئل اؤولادلاري بونو اشئدن واخت، بوتون ائسرايئل اؤولادلارينين ائجماعسيني شئلويا چاغيرديلار کي، اونلارين ضئدّئنه دؤيوشه چيخسينلار.
ائسرايئل اؤولادلاري گئلعاد تورپاغينا، رِعوبئن اؤولادلارينين، جاد اؤولادلارينين و مِنَسّه قبئلهسئنئن ياريسينين يانينا کاهئن اِلعازار اوغلو پئنِخاسي،
اونونلا بئرلئکده اون رهبر ده گؤندردئلر کي، هر بئري بئر قبئلهنئن باشچيسي ائدي. اونلارين هر بئري ائسرايئل طايفالاري آراسيندا نسئل باشچيلاري ائدئلر.
اونلار گئلعاد تورپاغينا، رِعوبئن اؤولادلارينين، جاد اؤولادلارينين و مِنَسّه قبئلهسئنئن ياريسينين يانينا گلئب اونلارا بله ددئلر:
"ربّئن جاماعاتي هاميليقلا بله ديئر: "بو خيانت عملي ندئر کي، سئز ائسرايئلئن تاريسينين ضئدّئنه ادئبسئنئز؟ نئيه بو گون اونون يولوندان اوز دؤندَرئبسئنئز و اؤزونوز اوچون باشقا قوربانگاه دوزلتمکله ربّئن ضئدّئنه عوصيان ادئبسئنئز؟
مگر پِعور تقصئري بئزه بس ديئل کي، اوندان حله بو گونه کئمي تمئزلَنمه‌مئشئک، گرچي اونون اوزوندن ربّئن جاماعاتي اوستونه بلا دا گلدي؟
بو گون ربّئن يولوندان دؤنورسونوز؟ اگر سئز بو گون ربّئن ضئدّئنه قالخاسينيز، او دا صاباح بوتون ائسرايئل جاماعاتينا قضبلَنه‌جک.
اگر صاحئب اولدوغونوز تورپاق نجئسدئر، ربّئن خيمهسئنئن يِرلَشدئيي يره، ربّئن مولکو اولان تورپاغا کچئن. قوي تورپاق پايينيز بئزئم آراميزدا اولسون. تاريميز ربّئن قوربانگاهيندان باشقا اؤزونوزه قوربانگاه قورماقلا ربّئن و بئزئم ضئدّئمئزه چيخمايين.
مگر زِرَخ اوغلو آکان حارام اولان شيلردن گؤتورمکله خيانت اتمهدي؟ مگر اونا گؤره بوتون ائسرايئل جاماعاتي اوستونه قضب گلمه‌دي؟ بو گوناهدان اؤتري او آدام تک اؤزو محو اولمادي.»"
رِعوبئن اؤولادلاري، جاد اؤولادلاري، مِنَسّه قبئلهسئنئن ياريسي ائسرايئل طايفالارينين باشچيلارينا جاواب وردئلر:
"قادئر تاري رب! قادئر تاري رب! او بئلئر، قوي ائسرايئل اؤزو ده بئلسئن. اگر بو ائشئمئز عوصيان اوزوندندئر، و يا اگر ربّئن ضئدّئنه خيانت عملي ادئرئک، قوي بو گونوموز آخيرا گلمه‌سئن!
اگر بو قوربانگاهي قورموشوق کي، ربّئن يولوندان دؤنک و اوستونده يانديرما قوربانلاري، تاخيل تقدئملري، باريش قوربانلاري تقدئم ادک، قوي رب اؤزو بونون جاوابيني بئزدن ائسته‌سئن.
حقئقتن ده بونو بو مقصدله اتدئک کي، صاباح سئزئن اؤولادلارينيز اؤولادلاريميزا دِمه‌سئنلر: «ائسرايئلئن تاريسي ربدن سئزه نه؟
ای رِعوبئن اؤولادلاري، ای جاد اؤولادلاري! رب سئزئنله بئزئم آراميزدا اوردون چاييني سرحد قويوب. ربده سئزئن پايينيز يوخدور.» و بلجه سئزئن اؤولادلارينيز بئزئم اؤولادلاريميزي رب قورخوسوندان دؤندره بئلرلر.
اونا گؤره بله ددئک: «گلئن اؤزوموزه بئر قوربانگاه دوزَلدَک. بو قوربانگاه يانديرما قورباني و آيري قوربانلار اوچون ديئل،
بئزئمله سئزئن آرانيزدا و سونراکي نسئل‌لرئمئز آراسيندا شاهئد اولماق اوچوندور. تا کي بئز ده يانديرما قوربانلاريميزلا، آيري قوربانلاريميزلا و باريش قوربانلاريميزلا ربّئن حوضوروندا اونا خئدمت ادک. صاباح سئزئن اؤولادلارينيز دا بئزئم اؤولادلاريميزا دمه‌سئنلر کي، «ربده سئزئن پايينيز يوخدور.»
بئز ددئک: «صاباح بئزه و يا نسئل‌لرئمئزه بله دسهلر، بئز ده بله جاواب وره‌رئک کي، آتالاريميزين قوردوغو ربّئن قوربانگاهينين صورتئنه باخين. بو يانديرما قوربانلاري و آيري قوربانلار اوچون ديئل، فقط سئزئنله بئزئم آراميزدا شاهئد اولماق اوچوندور.»
قوي بئزدن ايراق اولسون کي، ربّئن ضئدّئنه چيخاق، بو گون ربّئن يولوندان دؤنک، يانديرما قورباني، تاخيل تقدئملري، آيري قوربانلار اوچون تاريميز ربّئن خيمهسي قاباغيندا اولان اؤز قوربانگاهيندان آيري قوربانگاه دوزَلدَک."
کاهئن پئنِخاس، اونونلا بئرلئکده اولان جاماعات رهبرلري، يعني ائسرايئل طايفالارينين باشچيلاري رِعوبئن اؤولادلارينين، جاد اؤولادلارينين و مِنَسّه اؤولادلارينين ددئکلرئني اشئدنده بو سؤزلري بَيَندئلر.
کاهئن اِلعازار اوغلو پئنِخاس رِعوبئن اؤولادلارينا، جاد اؤولادلارينا و مِنَسّه اؤولادلارينا ددي: "بو گون بئلدئک کي، رب آراميزدادير، چونکي اونون ضئدّئنه بو خيانتي اتمه‌دئنئز؛ ائندي ائسرايئل اؤولادلاريني ربّئن اَلئندن قورتاردينيز."
کاهئن اِلعازار اوغلو پئنِخاس و رهبرلر رِعوبئن اؤولادلاري و جاد اؤولادلارينين يانيندان، گئلعاد تورپاغيندان کَنَعان تورپاغينا ائسرايئل اؤولادلارينين يانينا قاييديب اونلارا خبر گتئردئلر.
بو ائشي ائسرايئل اؤولادلاري دا بَيَندئلر. اونلار تارييا شوکور اتدئلر و رِعوبئن اؤولادلارينين، جاد اؤولادلارينين ضئدّئنه موحارئبه اتمک و اونلارين ياشاديقلاري اؤلکهني وئران اتمک فئکرئندن دؤندولر.
رِعوبئن اؤولادلاري و جاد اؤولادلاري قوربانگاهين آديني "شاهئد" قويدولار. چونکي اونلار ددئلر: "بو قوربانگاه بئزئم آراميزدا شاهئددئر کي، رب تاريدير."
رب ائسرايئللیلره هر طرفدن دوشمنلرئندن دئنجلئک ورندن سونرا، اوزون مودّت کچدي. آرتيق يوشَع قوجاليب ياشي چوخالميشدي.
او بوتون ائسرايئلي، آغساقّاللاري، باشچيلاري، حاکئملري و سرکرده‌لري چاغيردي و اونلارا ددي: "من قوجالميشام، ياشيم چوخدور.
تارينيز ربّئن سئزئن حاقّينيزدا بوتون بو مئلّتلره نه اتدئيئني گؤردونوز، چونکي تارينيز رب اؤزو سئزئن اوچون دؤيوشدو.
باخ، اوردون چاييندان گونشئن باتديغي طرفه، بؤيوک دهنزه قدر قيرديغيم بوتون مئلّتلرئن تورپاقلاري ائله برابر قالان بو مئلّتلرئن ده تورپاقلاريني قبئله‌لرئنئز اوچون ائرث پايلاديم.
تارينيز رب اؤزو اونلاري قاباغينيزدان سئلئب آتاجاق و اونلاري گؤزونوزون قاباغيندان قوواجاق. و سئز اونلارين تورپاغينا مالئک اولاجاقسينيز، نجه کي، تارينيز رب سئزه وعده ورئب.
اونا گؤره ده چوخ دئقّتلي اولون کي، موسانين شرئعت کئتابيندا يازيلان هر شيي ساخلاياسينيز. اله کي، اوندان نه صاغا، نه ده سولا دؤنهسئنئز.
سئزئنله قالان بو مئلّتلره قاريشمايين، آللاهلارينين آديني چکمه‌يئن، اونلارا آند ائچمه‌يئن، اونلارا قوللوق اتمهيئن، اونلارا سجده قيلمايين.
فقط بو گونه قدر اتدئيئنئز کئمي ربّه باغلي قالين.
چونکي رب قاباغينيزدان بؤيوک و قووّتلي مئلّتلري قوووب؛ بو گونه قدر سئزئن قاباغينيزدا هچ کئم دورا بئلمه‌يئب.
سئزدن بئر آدام مئن آدامي قووا بئلدي، چونکي تارينيز رب سئزه ددئيي کئمي سئزئن اوچون اؤزو دؤيوشدو.
بونون اوچون دئقّت ادئن کي، تارينيز ربّی سِوهسئنئز.
اگر گری دؤنهسئنئز، سئزئن آرانيزدا ياشايان بو مئلّتلردن قالانلارا باغلاناسينيز، اونلارلا قوحوم اولاسينيز، اونلارلا اوتوروب دوراسينيز،
يَقئن بئلئن کي، تارينيز رب بو مئلّتلري گؤزونوز قاباغيندان بئر داها قووماياجاق. تارينيز ربّئن وردئيي بو نعمتلي تورپاق اوستوندن يوخ اولانا قدر، اونلار سئزئن اوچون کمند، تله، بؤيورلرئنئزه قامچي و گؤزلرئنئزه تئکان اولاجاقلار.
باخ، بو گون من ده هامي کئمي دونيادان کؤچه‌جيم. بوتون قلبئنئزله، بوتون جانينيزلا بئلئرسئنئز کي، تارينيز ربّئن حاقّينيزدا ددئيي بوتون ياخشي شيلردن هچ بئري بوشا چيخمادي. هاميسي سئزئن اوچون يرئنه يتئشدي. اونون سؤزلرئندن هچ بئري بوشا چيخمادي.
تارينيز ربّئن سئزه وعده وردئيي بوتون نعمتلي شيلر نجه يرئنه يتئشدي، بوتون پئس شيلري ده رب بلجه سئزئن باشينيزا گتئرهجک، او زاماناجاق کي، وردئيي بو ياخشي تورپاق اوستوندن سئزي هلاک اتسئن.
اگر تارينيز ربّئن سئزه بويوردوغو عهدي پوزاسينيز، گدئب آيري آللاهلارا قوللوق ادهسئنئز، اونلارا سجده ادهسئنئز، ربّئن قضبي سئزئن ضئدّئنئزه آلوولاناجاق و سئزه وردئيي نعمتلي تورپاق اوستوندن تزلئکله يوخ اولاجاقسينيز."
يوشَع ائسرايئلئن بوتون قبئله‌لرئني شِکِمه ييغدي و ائسرايئلئن آغساقّاللاريني، باشچيلاريني، حاکئملرئني و سرکرده‌لرئني چاغيردي. اونلار تارينين حوضوروندا دوردولار.
يوشَع بوتون خالقا ددي: "ائسرايئلئن تاريسي رب بله ديئر: "آتالارينيز يعني ائبراهئم و ناخورون آتاسي تِرَخ، کِچمئشَدن چايين او بئري تاييندا ياشاييرديلار و باشقا آللاهلارا قوللوق ادئردئلر.
آتانيز ائبراهئمي چايينين او بئري تاييندان گؤتوروب، بوتون کَنَعان تورپاغيندا گَزدئردئم و نسلئني چوخالديب اونا ائسحاقي وردئم.
ائسحاقا يعقوب و عئسونو وردئم. عئسويا سِعئر داغيني وردئم کي، اونا مالئک اولسون؛ لاکئن يعقوبلا اؤولادلاري مئصئره گتدئلر.
سونرا موسا و هارونو گؤندرئب، اورادا اتدئکلرئمله مئصئري بلالارا دوچار اتدئم و سونراسي سئزي اورادان چيخارتديم.
آتالارينيزي مئصئردن چيخارتديم و سئز دهنزه طرف گلدئنئز. مئصئرلی‌لر دؤيوش عارابالار و آتلي‌لارلا، آتالارينيزي قيرميزي دهنزه قدر تعقئب اتدئلر.
لاکئن آتالارينيز ربّه فرياد ادنده او، مئصئرلی‌لرله سئزئن آرانيزدا قارانليق ياراتدي، اونلارين اوستونه دهنزي گتئردي و اونلار سولارين آلتيندا قالديلار؛ مئصئرده اتدئيئم شيلري گؤزونوزله گؤردونوز و اوزون مودّت صحرادا ياشادينيز.
سونرا سئزي اوردون چايينين شرق طرفئنده ياشايان اِمورلولار تورپاغينا گتئردئم، اونلار سئزئنله ووروشدولار؛ اونلاري سئزه تسلئم اتدئم، اونلاري قاباغينيزدان يوخ اتدئيئم زامان، سئز اونلارين تورپاقلارينا مالئک اولدونوز.
موآب پادشاهي صئپّور اوغلو بالاق قالخيب، ائسرايئللیلرله ووروشدو و خبر گؤندرئب بِعور اوغلو بَلعامي چاغيردي کي، سئزه لعنت اتسئن.
لاکئن بَلعامي اشئتمک ائستمه‌دئم. بلجه مجبور قالدي کي، سئزه برکت ورسئن و سئزي اونون الئندن قورتارديم.
اوردون چاييندان کچئب اَرئحايا گلدئنئز. اَرئحا اهالئسي، اِمورلولار، پِرئزلئلر، کَنَعانليلار، خئتلئلر، گئرگاشلي‌لار، خئولئلر، يِبوسلولار سئزئن ضئدّئنئزه ووروشدولار، لاکئن اونلاري سئزه تسلئم اتدئم.
سئزئن قاباغينيزجا اِششَک‌چئبئني چيخارديب اونونلا اِمورلولارين ائکي پادشاهيني قاباغينيزدان قوودوم. بو ائش سئزئن قيلينجينيزلا و اوخ-کامانينيزلا اولمادي.
اوستونده ائشلَمه‌دئيئنئز بئر تورپاغي، تئکمه‌دئيئنئز شهرلري سئزه وردئم کي، اورادا ياشاياسينيز؛ سالماديغينيز باغلاردان و زيتونلوقلاردان يِيئرسئنئز.»
اونا گؤره ده ائندي رَبدن قورخون، صداقت و حقئقتله اونا قوللوق ادئن؛ چايين او بئري تاييندا و مئصئرده آتالارينيزين قوللوق اتدئيي آللاهلاري آتين و فقط ربّه قوللوق ادئن.
اگر ربّه قوللوق اتمه‌يي بَيَنمئرسئنئز، بو گون کئمه قوللوق اده‌جيئنئزي اؤزونوز سچئن: مگر آتالارينيزين چايين او تاييندا قوللوق اتدئکلري آللاهلارا يا دا تورپاقلاريندا ياشاديغينيز اِمورلولارين آللاهلارينا قوللوق ادهجکسئنئز؟ آمّا من و منئم اِوئمده‌کئلر ربّه قوللوق ادهجک."
خالق جاواب ورئب ددئلر: "ايراق اولسون کي، ربّی ترک ادئب آيري آللاهلارا قوللوق ادک!
چونکي بئزي و آتالاريميزي مئصئر تورپاغيندان يعني نؤکرچئلئک دئياريندان چيخاردان تاريميز ربدئر کي، گؤزوموزون قاباغيندا بو بؤيوک علامتلري گؤرستدي و گتدئيئمئز هر يولدا، آراسيندان کِچدئيئمئز بوتون خالقلار آراسيندا بئزي حئفظ اتدي.
رب بوتون خالقلاري، يعني بو تورپاقدا ياشايان اِمورلولاري قاباغيميزدان قوودو. بئز ده ربّه قوللوق اده‌جيئک، چونکي تاريميز اودور."
يوشَع خالقا ددي: "ربّه قوللوق اده بئلمزسئنئز، چونکي او، موقدّس تاريدير. او، قيرتلي تاريدير؛ تقصئرلرئنئزي و گوناهلارينيزي باغيشلاماياجاق.
اگر ربّی ترک ادئب اؤزگه بوت آللاهلارينا قوللوق ادهسئنئز، سئزه ياخشيليق ادن رب ضئدّئنئزه دؤنوب، سئزي ووراجاق و سئزي محو ادهجک."
خالق يوشَعه ددي: "خير، آنجاق ربّه قوللوق اده‌جيئک."
يوشَع خالقا ددي: "سئز اؤزونوز، اؤزونوزون ضئدّئنه شاهئدسئنئز کي، قوللوق اتمک اوچون اؤزونوزه ربّی سِچدئنئز." و اونلار ددئلر: "بئز شاهئدئک."
يوشَع ددي: "اِله ده ائندي آرانيزدا اولان ياد آللاهلاري آتين، اوره‌يئنئزي ائسرايئلئن تاريسي ربّه دؤندرئن."
خالق يوشَعه ددي: "تاريميز ربّه قوللوق اده‌جيئک و فقط اونون سؤزونه قولاق آساجاغيق."
يوشَع او گون خالق آدينا عهد باغلادي. اونلار اوچون شِکِمده قانون و حؤکم قويدو.
يوشَع بو سؤزلري تارينين شرئعت کئتابينا يازدي؛ سونرا بؤيوک بئر داش گؤتوروب ربّئن موقدّس مکانينين يانيندا اولان چؤل بوتا‌سي آلتيندا يِرلَشدئردي.
يوشَع بوتون خالقا ددي: "باخين، بو داش بئزئم ضئدّئمئزه شاهئددئر، چونکي ربّئن بئزه ددئيي بوتون سؤزلري او اشئتدي؛ قوي بو داش سئزئن ضئدّئنئزه شاهئد اولسون کي، تارينيزي ائنکار اتميهسئنئز."
بوندان سونرا بوتون خالقي ائرث آلديغي تورپاقلارا گؤندردي.
بئر مودّت سونرا ربّئن قولو نون اوغلو يوشَع يوز اون ياشيندا وفات اتدي.
اونو گاعَش داغينين شئماليندا، اِفرايئمئن داغليق بؤلگه‌سئنده‌کي تئمنَت‌سِرَخده ائرث اولان تورپاغينين ساحه‌سئنده دفن اتدئلر.
يوشَع ياشاديقجا و يوشَعدن سونرا ياشايان و ربّئن ائسرايئل اوچون اتدئيي هر شيي بئلَن آغساقّاللار ياشاديقجا، ائسرايئل خالقي ربّه قوللوق اتدي.
ائسرايئللی‌لر مئصئردن چيخاندا يوسئفئن سوموکلرئني اؤزلري ائله گؤتورموشدولر. بونلاري يعقوبون شِکِمده‌کي زَمئسئنده باسديرديلار. يعقوب بو زَمئني شِکِمئن آتاسي خَمورون اؤولادلاريندان يوز پارچا گوموشه ساتين آلميشدي؛ و بو تورپاق يوسئف اؤولادلارينين ائرثي اولدو.
بوندان سونرا هارون اوغلو اِلعازار اؤلدو. اونو اِفرايئمئن داغليق بؤلگهسئنده اولان گئبعَتده کي، اوغلو پئنِخاسا ورئلمئشدي، دفن اتدئلر.
يوشَعئن اؤلوموندن سونرا، ائسرايئل اؤولادلاري ربدن سوروشدولار: "بئزئم اوچون کَنَعانليلارين ضئدّئنه دؤيوشه بئرئنجي کئملر چيخاجاق؟"
رب ددي: "يهوداليلار چيخاجاق، باخ، من اؤلکهني اونلارا تسلئم اتمئشم."
يهوداليلار هموطنلري شَمعونلولارا ددئلر: "تورپاغين بئزه دوشَن حئصّه‌سئنه گلئن، کَنَعانليلارين ضئدّئنه ووروشماق اوچون بئزئمله دؤيوشه چيخين؛ بئز ده تورپاغين سئزه دوشَن حئصّه‌سئنه گله‌رئک." بلجه شمعونلولار اونلارلا گتدئلر.
يهوداليلار دؤيوشه چيخديلار. رب کَنَعانليلارلا پِرئزلی‌لري اونلارا تسلئم اتدي و يهوداليلار بازِقده اونلاردان اون مئن نفر آدامي قيرديلار.
بازِقده اَدوني بازِقي تاپيب اونونلا ووروشدولار و هم کَنَعانليلاري، هم ده پِرئزلی‌لري قيرديلار.
لاکئن اَدوني بازِق قاچدي. يهوداليلار اونون دالينجا گدئب اونو توتدولار و اَللرئنئن و آياقلارينين باش بارماقلاريني کسدئلر.
اَدوني بازِق ددي: "منئم مئزئمئن آلتيندا، يتمئش پادشاه اَل و آياقلارينين باش بارماقلاري کَسئلمئش حالدا چؤرک قيرينتي‌لاري ييغارديلار. من نجه اتمئشدئم، تاري دا منه عوضئني اِله ورئب." يهوداليلار اَدوني بازِقي اورشلئمه گتئردئلر و او اورادا اؤلدو.
يهودا اؤولادلاري اورشلئمه هوجوم ادئب ووروشدولار و اوراني آليب اهالئسئني قيلينجدان کچئرتدئلر. شهره ده اود ووروب يانديرديلار.
بوندان سونرا يهودا اؤولادلاري آشاغي اِندئلر کي، داغليق بؤلگه‌ده، نِگِبده و هامار بؤلگه‌ده ياشايان کَنَعانليلارلا ووروشسونلار.
بلجه يهوداليلار خِبروندا (اوّلکي آدي قئريات اَربَع ائدي) ياشايان کَنَعانليلارين ضئدّئنه يوروش ادئب، شئشا‌يي، اَخئماني و تَلمايي مغلوب اتدئلر.
اورادان دا دِبئر اهالئسئنئن ضئدّئنه يوروش اتدئلر کي، اوّلکي آدي قئريات سِفئر ائدي.
کالئب ددي: "کئم قئريات سِفئره هوجوم ادئب اوراني آلسا، قيزيم عَکسه‌ني اونا اَره ورهجيم."
اوراني عوتنئ‌يِل آلدي کي، کالئبئن کئچئک قارداشي قِنازين اوغلو ائدي. کالئب قيزي عَکسه‌ني اونا اَره وردی.
قيز عوتنئ‌يِله اَره گدنده اَرئني قانديردي کي، اونون آتاسيندان بئر زمي ده ائسته‌سئن. قيز اِششَکدن دوشنده کالئب اونا ددي: "نه ائستهيئرسن؟"
عَکسه کالئبه ددي: "منه بئر ارمغان دا ور. ائندي کي، منه نِگِب تورپاغيني وردئن، سو قايناقلاريني دا ور." بلجه کالئب اونا يوخاريداکي و آشاغيداکي سو قايناقلاريني وردی.
موسانين قِنلي قايين‌آتاسينين نسلئندن اولانلار، يهودالي‌لارلا بئرلئکده خورما شهرئندن چيخيب عَرادين جنوبوندا اولان يهودا صحراسينا گتدئلر و او خالقين آراسيندا ساکئن اولدولار.
سونرا يهوداليلار هموطنلري شَمعونلولارلا بئرلئکده گدئب صِفَتده قالان کَنَعانليلاري قيرديلار و اوراني کامئل محو اتدئلر. اونا گؤره ده او شهرئن آدي حورما آدلانديريلدي.
يهوداليلار غَزّه‌ني و بوتون اراضئسئني، اَشقِلونو و بوتون اراضئسئني، عِقرونو و بوتون اراضئسئني آلديلار.
رب يهودالي‌لارلا ائدي. يهوداليلار داغليق بؤلگه‌سئني اَله کچئرتدئلر؛ لاکئن دره ساکئنلرئني قووا بئلمه‌دئلر، چونکي اونلارين دمئر دؤيوش عارابالاري وار ائدي.
موسانين ددئيي کئمي خِبرونو کالئبه وردئلر. او دا عناقين اوچ اوغلونو اورادان قوودو.
لاکئن بِنيامئن اؤولادلاري اورشلئمده قالان يِبوسلولاري قووماديلار؛ بونا گؤره ده يبوسلولار بو گونه قدر بِنيامئن اؤولادلاري ائله بئرلئکده اورشلئمده ياشاييرلار.
يوسئف نسلی ده بِيت ائله هوجوم اتدئلر و رب اونلارلا ائدي.
يوسئف نسلی بِيت ائله جاسوسلار گؤندردئلر. شهرئن اوّلکي آدي لوز ائدي.
جاسوسلار شهردن چيخان بئر آدامي گؤروب ددئلر: "شهرئن گئرئش يولونو بئزه گؤرسد، بئز ده سنئنله مهرئبان رفتار ادهرئک."
بو آدام اونلارا شهره گئرمک اوچون يول گؤرستدي. اونلار دا شهر اهالئسئني قيلينجدان کچئرتدئلر، لاکئن بو آدامي قوحوملاري ائله آزاد بوراخديلار.
بو آدام خئتلی‌لرئن تورپاغينا گتدي و اورادا بئر شهر تئکئب آديني لوز قويدو کي، بو گونه قدر آدي بلهدئر.
آمّا مِنَسّه قبئله‌سي بيِت شانلا قصبه‌لرئنئن اهالئسئني، تَعَنَکله قصبه‌لرئنئن اهالئسئني، دورلا قصبه‌لرئنئن اهالئسئني، يِبلِعاملا قصبه‌لرئنئن اهالئسئني و مِگئدّو ائله قصبه‌لرئنئن اهالئسئني قووماديلار. بلجه کَنَعانليلار بو اؤلکهده ياشاماقدا داها قرارلي اولدولار.
ائسرايئللی‌لر بو تورپاقلاردا قودرتلَنَنده، کَنَعانليلاري زورلا ائش آلتينا باسديلار، آمّا کامئل قووماديلار.
اِفرايئم قبئله‌سي جازِرده اولان کَنَعانليلاري قوومادي. اونا گؤره ده کَنَعانليلار جازِرده، اونلارين آراسيندا ياشاديلار.
زِبولون قبئله‌سي قِطرون اهالئسئني و نَهلول اهالئسئني قوومادي. کَنَعانليلار دا اونلارين آراسيندا قاليب زور آلتيندا اونلارا نؤکرچئلئک اتدئلر.
آشِر قبئله‌سي عَکو اهالئسئني، صئدون، اَحلَب، اَکزئب، حَلَبه، عَفئق و رِحوب اهالئسئني قوومادي.
بلجه آشِرلئلر بو اؤلکهنئن ساکئنلري اولان کَنَعانليلار آراسيندا ياشاديلار؛ چونکي اونلاري قووماديلار.
نَفتالي قبئله‌سي بِيت شِمِش و بِيت عَنات اهالئسئني قووماييب بو اؤلکهنئن ساکئنلري اولان کَنَعانليلار آراسيندا ياشادي. بِيت شِمِش و بِيت عَنات اهالئسي اونلار اوچون زور آلتيندا نؤکرچئلئک اتدئلر.
اِمورلولار دان اؤولادلاريني وادار اتدئلر کي، داغليق بؤلگهسئنه کؤچسونلر و اونلاري درهيه دوشمه‌يه قويماديلار.
اِمورلولار حارِس داغيندا، اَيَلون و شَعلَبئمده قاليب اورادا ياشاماقدا قرارلي ائدئلر. آنجاق يوسئف نسلی قووّتلَنَنده، اِمورلولار اونلار اوچون زور آلتيندا نؤکرچئلئک اتدئلر.
اِمورلولارين سرحدي عَقره‌بئم کِچئدئندن، سالَعدن يوخارييا اوزانيردي.
ربّئن مَله‌يي گئلگالدان بوکئمه گلئب ددي: "سئزي مئصئردن من چيخارديب آتالارينيزا آند ائچدئيئم تورپاغا گتئردئم؛ و ددئم: «سئزئنله اولان عهدئمي هچ واخت پوزماياجاغام.
آمّا سئز ده گرک بو تورپاغين اهالئسي ائله عهد باغلاماياسينيز و اونلارين قوربانگاهلاريني داغيداسينيز.» لاکئن سئز منئم سؤزومه قولاق آسمادينيز. بو اتدئيئنئز نه‌دئر؟
بونا گؤره ده ددئم: «اونلاري قاباغينيزدان قووماياجاغام و اونلار بؤيرونوزه تئکان، آللاهلاري دا سئزه تله اولاجاقلار.»"
ربّئن مَله‌يي بو سؤزلري ائسرايئل اؤولادلارينا ددئيي زامان، خالق بَرکدن آغلاماغا باشلادي.
اونا گؤره ده او يرئن آدينا بوکئم ددئلر و اورادا ربّه قوربان تقدئم اتدئلر.
يوشَع خالقي يولا سالاندان سونرا، ائسرايئل اؤولادلاريندان هر بئري گتدي کي، اؤز تورپاق پايلارينا صاحئب اولسون.
خالق يوشَعئن بوتون عؤمرو بويو و يوشَعدن سونرا صاغ قالان آغساقّاللارين بوتون عؤمرو بويو کي، ربّئن ائسرايئل اوچون اتدئيي بوتون بؤيوک ائشلري گؤرموشدولر، ربّه قوللوق اتدئلر.
ربّئن قولو نون اوغلو يوشَع يوز اون ياشيندا وفات اتدي.
اونو گاعَش داغينين شئماليندا، اِفرايئمئن داغليق بؤلگهسئنده اولان تئمنَت‌خِرِسده کي، اونون ائرث تورپاغي ائدي، دفن اتدئلر.
يوشَعله بئر دؤورده ياشايان بوتون نسئل ده اؤلوب آتالارينا قوشولدو. بوندان سونرا آيري بئر نسئل ووجودا گلدي کي، نه ربّی تاني‌ييردي، نه ده اونون ائسرايئل اوچون اتدئيي ائشلري بئلئردي.
ائسرايئل اؤولادلاري ربّئن گؤزونده پئس اولان ائشلر گؤروب، بَعَل بوتلرئني پرستئش اتدئلر،
و رَبّي، آتالارينين تاريسيني، اونلاري مئصئر اؤلکهسئندن چيخارداني آتديلار و آيري آللاهلارا يعني اطرافلاريندا ياشايان مئلّتلرئن آللاهلارينا سئتايئش ادئب اونلارا سجده اتدئلر. بلجه ربّئن قضبئني آلوولانديرديلار.
اونلار ربّی آتيب، بَعَل و عَشتاروت بوتلرئني پرستئش اتدئلر.
ربّئن قضبي ائسرايئلئن ضئدّئنه آلوولاندي و اونلاري تالانچيلارين الئنه تسلئم اتدي. تالانچيلار دا اونلاري تالان اتدئلر؛ رب اونلاري اطرافلارينداکي دوشمنلره ساتدي، اله کي، ائسرايئل اؤولادلاري دوشمن قاباغيندا آرتيق تاب گتئره بئلمه‌دئلر.
نه زامان دؤيوشدولر، ربّئن اَلي، ددئيي کئمي، آند ائچدئيي کئمي اونلارين ضئدّئنه ائدي کي، اونلارا زئيان يتئرسئن. بلجه اونلار پئس وضعئيّته دوشوب چوخ اذئيّت چکدئلر.
سونرا رب ائسرايئل اؤولادلاري اوچون داورلر قالديردي کي، اونلاري تالانچيلارين الئندن قورتارسينلار.
لاکئن اونلار داورلره ده قولاق آسماديلار. آيري آللاهلارين يولوندا زئنايا چکئلئب اونلارا سئتايئش اتدئلر. ربّئن امرلرئنه ائطاعت ادن آتالارينا بَنزَمه‌دئلر و تزلئکله اجدادلاري گدن يولدان آزديلار؛ اونلار آتالاري کئمي اتمه‌دئلر.
رب اونلار اوچون داورلر قالديرديغي زامان، اؤزو ده داورله ائدي و داورئن عؤمرو بويونجا رب ائسرايئللی‌لري دوشمنلرئن الئندن قورتاريردي؛ او زامان کي، اونلارا سئتم و ذلئللئک چکدئرنلرئن الئندن فغان ادئردئلر، رب اونلارا رحم ادئردي.
هر هانسي داور اؤلَندن سونرا، خالق گئنه آزيب آتالاريندان داها چوخ فساد ائشله‌دئردئلر، آيري آللاهلارا پِيرَو اولوب اونلارا پرستئش ادئردئلر و اونلارين قاباغيندا يره دوشوردولر؛ اونلار بو عمللرئندن، بو عئنادکارليق‌لاريندان اَل چکمه‌دئلر.
اونا گؤره ده ربّئن قضبي ائسرايئللیلرئن ضئدّئنه آلوولانيب ددي: "ائندي کي بو مئلّت منئم آتالارينا امر اتدئيئم عهدي پوزوب سؤزومه قولاق آسمادي،
من ده يوشَع وفات ادنده، بو تورپاقلاردا ساخلاديغي مئلّتلرئن هچ بئرئني داها اونلارين قاباغيندان قووماياجاغام.
ائسرايئللی‌لري بو مئلّتلر واسئطهسئله ائمتاحاندان کچئرده‌جيم کي، آتالاري کئمي بو يولونان گدئب-گتميه‌جکلرئني گؤروم."
بلجه رب بو مئلّتلرئن همئن تورپاقلاردا قالماسينا ائجازه وردی و تزلئکله اونلاري قوومادي؛ اونلاري يوشَعئن الئنه تسلئم اتمهدي.
بونلار او مئلّتلردئلر کي، رب اونلاري ائسرايئللی‌لري ائمتاحان اتمک اوچون ساخلادي، يعني بوتون اونلاري کي، کَنَعان دؤيوشلرئنئن هچ بئرئنده اولماميشديلار.
اونا گؤره کي، قاباقجا دؤيوش گؤرمه‌يَن ائسرايئل اؤولادلارينين نسئللري دؤيوش اؤيرنسئنلر.
بو مئلّتلر بونلارديرلار: بش فئلئسطلي آغاسي، بوتون کَنَعانليلار و صئدونلولار، اِلَجه ده خئولئلر کي، بَعَل‌خِرمون داغيندان خَمات کِچئدئنه قدر لوبنان داغلاريندا ياشاياييرديلار.
اونلاري اورادا رب اونا گؤره ساخلادي کي، ائسرايئللی‌لري ائمتاحان اتسئن و موسا واسئطهسئله آتالارينا وردئيي امرلره نجه ائطاعت ادئب- اتمه‌يه‌جکلرئني اؤيرنسئن.
بلجه، ائسرايئل اؤولادلاري کَنَعانليلار، خئتلئلر، اِمورلولار، پِرئزلئلر، خئولئلر و يِبوسلولار آراسيندا ياشاديلار.
اونلارين قيزلاريندان اؤزلرئنه آرواد آلديلار، اؤز قيزلاريني دا اونلارين اوغوللارينا وردئلر و اونلارين آللاهلارينا پرستئش اتدئلر.
ائسرايئل اؤولادلاري ربّئن گؤزونده پئس اولان ائشلر گؤردولر. اونلار اؤز تاريلاري ربّی ياددان چيخارتديلار و بَعَل و اَشِرا بوتلرئنه پرستئش اتدئلر.
اونا گؤره ده ربّئن قضبي ائسرايئللیلرئن ضئدّئنه آلوولاندي و اونلاري اَرام‌نَخه‌ره‌يئم پادشاهي کوشَن‌رئشعاته‌يئم اَلئنه بوراخدي؛ ائسرايئل اؤولادلاري سکّئز ائل کوشَن‌رئشعاته‌يئمه قوللوق اتدئلر.
ائسرايئل اؤولادلاري ربّه فرياد ادنده، رب اونلار اوچون بئر قورتاريجي قالديردي کي، اونلاري قورتارسين. قورتاريجي عوتني‌اِل ائدي کي، کالئبئن کئچئک قارداشي قِنازين اوغلو ائدي.
ربّئن روحو عوتني‌اِلئن اوستونه اِندي. او، ائسرايئلئن داوري اولدو. دؤيوشه چيخاندا رب اَرَم‌نَحه‌ره‌يئم پادشاهي کوشَن‌رئشعاته‌يئمي عوتني‌اِله تسلئم اتدي. او، کوشَن‌رئشعاته‌يئمدن داها گوجلو اولدو.
سونرا اؤلکهيه قيرخ ائل راحاتليق دوشدو. قِنَزئن اوغلو عوتني‌اِل اؤلدو.
ائسرايئل اؤولادلاري گئنه ده ربّئن گؤزونده پئس اولان ائشلر گؤردولر. رب ده موآب پادشاهي عِگلونو ائسرايئللیلرئن ضئدّئنه قالديريب قووّتلَندئردي. چونکي اونلار ربّئن گؤزونده پئس اولان ائشلري گؤرموشدولر.
عِگلون، عَمّون و عَمالِق اؤولادلاريني اؤز يانينا ييغيب، ائسرايئللی‌لري مغلوب اتدي و خورما شهرئني آلدي.
بِلَجه، ائسرايئل اؤولادلاري موآب پادشاهي عِگلونا اون سکّئز ائل قوللوق اتدئلر.
لاکئن ائسرايئل اؤولادلاري ربّه فرياد ادنده، رب بِنيامئنلي گِرانين اوغلو سولاخاي اِهودو اونلارا قورتاريجي قالديردي. ائسرايئل اؤولادلاري موآب پادشاهي عِگلونا اِهود واسئطهسئله خراج گؤندردئلر.
اِهود اؤزونه ائکي آغيزلي بئر خنجر دوزلتدي کي، اوزونلوغو بئر قولآچ ائدي. و اونو پالتارينين آلتيندا صاغ بودونا باغلادي.
اِهود خراجي موآب پادشاهي عِگلونا تقدئم اتدي. عِگلون چوخ يوغون آدام ائدي.
اِهود خراج تقدئمئني بئتئرندن سونرا، هدئيّه گتئرن آداملاري گری گؤندردي.
آمّا اؤزو گئلگالين ياخينليغينداکي داش بوتلرئن يانيندان گِرئيه قاييديب پادشاها ددي: "ای پادشاه، سنه گئزلي بئر سؤزوم وار." پادشاه ددي: "ساکئت اول." او واخت يانيندا دايانان آداملارين هاميسي اِشئيه چيخديلار.
اِهود اونون يانينا گلدي. پادشاه بالاخاناداکي سَرئن اوتاغيندا تک باشينا اوتورموشدو. اِهود اونا ددي: "تاريدان سنه بئر سؤزوم وار." پادشاه تختئندن قالخدي.
اِهود سول اَلئني اوزاديب صاغ بودونا باغلاديغي خنجري چيخارتدي و پادشاهين قارنينا سوخدو.
خنجري اله برک ووردو کي، خنجرئن تئيه‌سي دالينجا قبضه‌سي ده اونون قارنينا گئردي و باغيرساقلاري يره تؤکولدو. خنجرئن تئيه‌سئني ده پئي توتدو، چونکي اِهود خنجري پادشاهين قارنيندان چيخارتمادي.
اِهود ايوانا چيخيب داليسيجا يوخاريداکي اوتاغين قاپيلاريني اؤرتوب قيفيلّادي.
او چيخاندا پادشاهين قوللاري گلئب باخديلار. يوخاري اوتاغين قاپيسيني قيفيلّي گؤرنده ددئلر: "يقئن پادشاه يوخاري اوتاقدا آياق يولونا گدئر."
پادشاهي گؤزله‌دئلر، لاکئن اوتاغين قاپيسيني آچان اولماديغينا گؤره نئگاران اولدولار. اونا گؤره ده آچار گؤتوروب قاپيلاري آچاندا گؤردولر کي، آغالارينين مِيئتي يره سَرئلئب.
اونلار پادشاهي گؤزله‌ين زامان، اِهود آرتيق آرادان چيخميشدي و داش بوتلرئن يانيندان کچئب سِعئره‌يه قاچميشدي.
اورايا چاتديقدا اِفرايئمئن داغليق بؤلگهسئنده کَره‌ناي چالدي؛ ائسرايئل اؤولادلاري اونونلا بئرلئکده داغليق بؤلگه‌دن آشاغي اِندئلر. اِهود اونلارين قاباغيندا گدئردي.
اِهود ائسرايئللیلره ددي: "داليمجا گلئن، چونکي رب دوشمنئمئز موآبلي‌لاري سئزه تسلئم ادئب." ائسرايئل اؤولادلاري دا اِهودون دالينجا اِنئب، موآبليلارين ضئدّئنه بوتون اوردون چايينين کچئدلرئني باغلاديلار کي، هچ کئم کچه بئلمه‌سئن.
او زامانکي دؤيوشده، موآبلي‌لاردان اون مئن نفره قدر قيرديلار. اونلارين دا هر بئري قووّتلي بئر ائگئد ائدي و هچ کئم جانيني قورتارا بئلمه‌دي.
بلجه او گون موآب اؤلکه‌سي ائسرايئللیلره تابع اولدو و ائسرايئل اؤلکهسئنه هشتاد ائل راحاتليق دوشدو.
بوندان سونرا عَنات اوغلو شَمگَر داور اولدو و او، آلتي يوز فئلئسطلئني اؤکوز دَيَنَکي ائله قيريب ائسرايئلي خئلاص اتدي.
اِهود اؤلَندن سونرا، ائسرايئل اؤولادلاري گئنه ده ربّئن گؤزونده پئس اولان ائشلر گؤردولر.
بونا گؤره ده رب اونلاري کَنَعان پادشاهي يابئنه تسلئم اتدي کي، خاصوردا پادشاهليق ادئردي. يابئنئن قوشون باشچيسي سئسِرا ائدي. او، خَروشِت‌حَقّويئمده ياشاييردي.
ائسرايئل اؤولادلاري ربّه فرياد اتدئلر؛ چونکي يابئنئن دوقّوز يوز دمئر دؤيوش آراباسي وار ائدي و ائيئرمي ائل ائسرايئل اؤولادلارينا ذئلّت چکدئرئب چوخ ظولم ادئردي.
او واختلار لَپّئدوتون آروادي دِبورا کي، بئر پيغمبر ائدي، ائسرايئلده داورلئک ادئردي.
بو آرواد اِفرايئمئن داغليق بؤلگهسئنده، دِبورانين خورما آغاجي آلتيندا اوتوراردي کی، راما ائله بِيت ائل آراسيندا ائدی؛ و ائسرايئل اؤولادلاري دا قضاوت اوچون اونون يانينا گلئردئلر.
دِبورا آدام گؤندردي و نَفتالي بؤلگهسئنده قِدِش شهرئندن اَبئنوعَم اوغلو باراقي چاغيريب ددي: "ائسرايئلئن تاريسي رب سنه امر ادئب «نَفتالي و زِبولون اؤولادلاريندان اون مئن نفر يانينا آليب تابور داغينا چيخ.
من ده يابئنئن قوشون باشچيسي سئسِراني و اونون دؤيوش عارابالاري ائله قوشونونو يولوندان دؤنده‌رئب، قئشون چايينا گتئره‌جيم و سنه تسلئم ادهجيم.»"
باراق دِبوره‌يه ددي: "اگر سن منئمله برابر گدهسن، من ده گده‌رم؛ لاکئن اگر منئمله بئر گتميه‌سن، من ده گتميه‌جيم."
دِبورا ددي: "من يقئن کي، سنئنله بئر گده‌جيم، آمّا بونو دا بئل کي، گتدئيئن يولون شؤهرتي سنئن اولماياجاق، چونکي رب سئسِراني بئر آروادين اَلئنه تسلئم ادهجک." دِبورا آياغا قالخدي و باراقلا بئرلئکده قِدِشه گتدي.
باراق زِبولون و نَفتالي اؤولادلاريني قِدِشه چاغيردي و اون مئن نفر اونون دالينجا گتدي؛ دِبورا ده باراقلا بئرلئکده يولا دوشدو.
قِنلي خِبِر کي، موسانين قايني خوبابين نسلئندن ائدي، او بئري قِنلی‌لردن آيريلميشدي. او، قِدِشئن ياخينليغيندا، صَعَنانّئمده‌کي پاليد آغاجينين يانيندا اؤز چاديريني قورموشدو.
سئسِرايا خبر چاتدي کي، اَبئنوعَم اوغلو باراق تابور داغينا چيخيب.
سئسِرا دوقّوز يوز دمئر عارابادان عئبارت بوتون دؤيوش عارابالاريني و يانينداکي بوتون خالقي خَروشِت حَقّويئمدن قئشون چايينا ييغدي.
دِبورا باراقا ددي: "قالخ! چونکي ربّئن سئسِراني سنه تسلئم اتدئيي گون بو گوندور. باخ، مگر رب سنئن قاباغيندا گتمه‌يئب؟!" بلجه باراق داليسيجا گلن اون مئن نفر کئشي ائله بئرلئکده تابور داغيندان اِندي.
رب سئسِراني و بوتون دؤيوش عارابالاري ائله قوشونونو باراقين موقابئلئنده قيلينج قورخوسوندان دهشته سالدي و اونلاري مغلوب اتدي؛ سئسِرا اؤز دؤيوش آراباسيندان دوشوب پئيادا قاچدي.
باراق اونلارين دؤيوش عارابالاري ائله قوشونونو خَروشِت حَقّويئمه قدر قوودو و سئسِرانين بوتون قوشونو قيلينجدان کچئردئلدي؛ حتّا بئر نفر ده صاغ قالمادي.
سئسِرا قِنلي خِبِرئن آروادي يااِلئن چاديرينا پئيادا قاچدي، چونکي خاصور پادشاهي يابئنله قِنلي خِبِر آراسيندا صولح وار ائدي.
يااِل سئسِرانين پئشوازينا باييرا چيخيب ددي: "گل ائچَري، آغام، بئزه گل! قورخما." سئسِرا اونون چاديرينا گئردي و آرواد اونون اوستونو کئلئمله اؤرتدو.
سئسِرا آروادا ددي: "سوسوزلاميشام، خاهئش ادئرم، منه بئر ائچئم سو ور." آرواد سود تولوغونو آچيب اونا سود وردی و سونرا اوستونو اؤرتدو.
سئسِرا آروادا ددي: "چاديرين قاپيسيندا دايان، اگر بئر آدام گلئب سندن سوروشسا کي، «بورادا کئمسه وار؟» دئيَرسن کي، «يوخ.»"
لاکئن خِبِرئن آروادي يااِل اَلئنه بئر چادير ميخي، بئر ده توخماق گؤتوروب ياواش-ياواش اونا ياخينلاشدي. سئسِرا چوخ يورولدوغوندان درئن يوخويا گتمئشدي. يااِل چادير ميخيني اونون گئجگاهينا ضَربله اِله ووردو کي، ميخ اونون باشيندان کچئب، يره گئردي و سئسِرا بله اؤلدو.
بو واخت باراق سئسِراني تعقئب ادئردي. يااِل اونون قاباغينا چيخيب ددي: "گل، آختارديغين آدامي سنه گؤرسدئم." او، يااِل‌له بئرلئکده چاديرا گئرنده، گؤردو کي، سئسِرا گئجگاهيندا ميخ، اؤلوب يره سَرئلئب.
بلجه او گون تاري کَنَعان پادشاهي يابئني ائسرايئل اؤولادلارينا تابع اتدي.
ائسرايئل اؤولادلارينين اَلي کَنَعان پادشاهي يابئنه ضئد گت-گده قووّتلَندي و نهايت کَنَعان پادشاهي يابئني محو اتدئلر.
او گون دِبورا و اَبئنوعَم اوغلو باراق بو نغمه‌ني اوخودولار:
باشچيلار ائسرايئلده رهبرلئک اتدئلر، خالق اؤز گؤيلو ائله آياق قاباغا قويدو. رب موبارک اولسون!
قولاق آسين، ای پادشاهلار! قولاق آسين، امئرلر! من ربّه اوخوياجاغام، ائسرايئلئن تاريسي ربّه سئتايئش نغمه‌سي اوخوياجاغام!
يارب، سن سِعئردن چيخاندا، اِدوم چؤلوندن کچنده، يِر تئترهدي، گؤيلر دامدي. بلی، بولودلاردان سولار آخدي.
داغلار ربّئن حوضوروندا، سئنا داغي، ائسرايئلئن تاريسي ربّئن حوضوروندا تئتره‌يه گلدي.
عَنات اوغلو شَمگَر زامانيندا، يااِل زامانيندا يوللار بوش قالدي، سفره چيخانلار اطراف يوللارلا گتدئلر.
من دِبورا آياغا قالخاناجاق، ائسرايئلده آنا کئمي ميدانا چيخاناجاق، ائسرايئلده کَندلئلر آرتيق ياشاميردي.
تزه آللاهلار سِچئلدي؛ سونرا دا دروازالاردا دؤيوش قالخدي. قيرخ مئن ائسرايئللي‌نئن اَلئنده نه نئزه، نه ده قالخان گؤروندو.
منئم اوره‌يئم ائسرايئله حؤکم ادنلرله‌دئر، خالق ائچئندن اؤز گؤيلو ائله آياق قاباغا قويانلارلادير. رب موبارک اولسون!
سئز ای آغ اِششَکلره مئنَنلر، سئز ای اَلوان قاليلار اوستونده اَيلَشَنلر، ای بوتون يولدان کچنلر، باخين!
اوخ آتانلارين سَس-کويوندن اوزاقدا، سو چکَنلر آراسيندا، اورادا ربّئن صالح عمللرئندن، ائسرايئلده‌کي کَندلئلرئن ظفرلرئندن نقل ادهجکلر. او زامان ربّئن خالقي دروازالارا اِندي.
اويان، ای دِبورا، اويان! اويان، اويان، بئر نغمه اوخو! آياغا قالخ، ای باراق! سن، ای اَبئنوعَم اوغلو، گل اسئرلرئني آپار!
او زامان صاغ قالانلار اعيانلارين يانينا اِندئلر. ربّئن خالقي جنگ‌آور کئمی يانيما گلدي.
عَمالِق نسلئندن اولانلار اِفرايئمدن گلدئلر، سنئن دالينجا گلن خالق آراسيندا بِنيامئن ده وار ائدي. ماکئردن اَمئرلر، زِبولوندان سرکرده عصاسيني داشييانلار گلدئلر.
يئسّاکارداکي آغالار دِبورا ائله گلدئلر. يئسّاکار نجهدئر، باراق دا اِله ائدي؛ اونون دالينجا درهيه هوجوم چکدئلر. رِعوبئن قبئلهسئنئن بؤلمه‌لري بؤيوک قَرارسيزليق ائچئنده ائدي.
چوبانلارين سورولرئنه چالديغي توتَک سَسئني اشئتمَک اوچون نئيه آغيللار آراسيندا اوتوردونوز؟ رِعوبئن قبئلهسئنئن بؤلمه‌لري چاشيب قالميشدي.
گئلعاد خالقي اوردون چايينين او تاييندا قالدي. بس نئيه دان گَمئلرئن يانيندا ساکئن اولدو؟ آشِر دهنزلرئن ساحئلئنده ساکئن اولدو، اؤز بندرلرئنده قالدي.
لاکئن زِبولون خالقي، نَفتالي خالقي، جانلاريني دؤيوش ميدانينين اوجا يرلرئنده خطره آتديلار!
پادشاهلار گلئب ووروشدولار. سونرا دا تَعنَکده، مِگئدّو سولاري کناريندا کَنَعان پادشاهلاري ووروشدولار. گوموش قنئمت آلان اولمادي.
اولدوزلار گؤيدن دؤيوشدولر، سئسِرانين ضئدّئنه اؤز دؤوره‌سئنده دؤيوشدولر.
اونلاري قئشون چايي آپاردي، او قدئم چاي، قئشون چايي! ای جانيم، سن قووّتله ائرهلي گت!
او زامان آتلار دؤردنالا چاپديلار، دؤردنالا-دؤردنالا چاپارکَن قووّتلي آتلار.
ربّئن مَله‌يي ددي: "مِروز شهرئنه لعنت ادئن، اونون اهالئسئنه لعنتلر گؤندرئن. چونکي ربّئن کؤمه‌يئنه، جنگ‌آورلره ضئدّ ربّئن کؤمه‌يئنه گلمه‌دئلر."
قِنلي خِبِرئن آروادي يااِل آروادلار آراسيندا هاميدان آرتيق موبارکدئر، چاديردا ياشايان آروادلاردان داها بَختَوَردئر!
سئسِرا سو ائسته‌يئنده، يااِل اونا سود وردی. آغالارا لايئق بئر جامدا آيران وردی.
اَلئني چاديرين ميخينا اوزاتدي، صاغ اَلئنه ائشچي توخماغيني گؤتوردو، اونلارلا سئسِراني ووردو، باشيني اَزدي؛ سينديريب، گئجگاهلاريني دِشدي.
او ييخيليب يااِلئن آياقلاري آلتينا سَرئلدي، يِره دؤشَندي، او ييخيليب آياقلاري آلتينا سَرئلدي، ييخيلديغي يره سَرئلئب اؤلدو.
سئسِرانين آناسي پنجره آرخاسيندان، موشَبّکدن نئگاران-نئگاران باخيب چيغيردي: "نه اوچون اونون دؤيوش آراباسي بو قدر يوبادير؟ دؤيوش عارابالارينين سَسي آخي نئيه اِشئدئلمئر؟"
حئکمتلي اَصئلزاده خانيملار اونا جاواب ورئردي، او دا اؤز- اؤزونه سؤزلرئني تکرار- تکرار ديئردي:
«بلکه قنئمت ماليني تاپيب بؤلوشدورورلر، يقئن کي هر ائگئده بئر-ائکي قيز دوشور. سئسِرايا تالان ماليندان اَلوان پالتارلار دوشور، بلی، تالان ماليندان ناخيشلي اَلوان پالتارلار. قارَت اتدئکلرئنئن ائچئندن تاپيب بؤلوشدوردولر، تالانچيلارين بويونلاري اوچون ائکي طرفدن اَلوان ناخيشلي پالتارلار.»
يارب، بوتون دوشمنلرئن بله يوخ اولسون. آمّا سني سِوَنلر قودرتي ائله دوغان گونش کئمي اولسونلار!" بوندان سونرا اؤلکهيه قيرخ ائل راحاتليق دوشدو.
ائسرايئل اؤولادلاري گئنه ده ربّئن گؤزونده پئس ائشلر گؤردولر؛ رب ده اونلاري يدّي ائل مئديانلي‌لارا تسلئم اتدي.
مئديانليلارين گوجلو اَلي ائسرايئللیلرئن ضئدّئنه قالخدي. مئديانليلارين اوزوندن ائسرايئل اؤولادلاري اؤزلري اوچون داغلاردا سيغيناجاق يرلري، ماغارالار و قالالار قوردولار.
ائسرايئللی‌لر اَکئن اَکَنده مئديانليلار، عمالِقلی‌لر و باشقا شرق خالقلاري گلئب ائسرايئللیلره هوجوم ادئردئلر.
ائسرايئلئن ضئدّئنه اوردوگاه قوروب تورپاغين محصوللاريني غَزّه‌يه قدر محو ادئردئلر. ائسرايئللیلره دولانماق اوچون هچ نه قويمازديلار، نه قويون، نه اؤکوز، نه ده اِششَک.
چونکي اونلار اؤز حيوانلاري و چاديرلاري ائله چيخيرديلار. گلنده ده چَيئرتکه کئمي او قدر چوخ گلئردئلر کي، نه اؤزلرئنئن، نه ده دَوه‌لرئنئن سايي-حسابي اولوردو. اونلار گلئردئلر کي، اؤلکهني وئران اتسئنلر.
ائسرايئللی‌لر مئديانليلارين اَلئندن چوخ ذلئل اولدولار. اونا گؤره ده ائسرايئل اؤولادلاري ربّه فرياد اتدئلر.
مئديانليلارين اَلئندن ائسرايئل اؤولادلاري ربّه فرياد ادنده،
رب ائسرايئل اؤولادلارينا بئر پيغمبر گؤندردي. او، ائسرايئللیلره بله ددي: "ائسرايئلئن تاريسي رب بله ديئر: «سئزي مئصئردن چيخاردان، نؤکرچئلئک دئياريندان قورتاران من ائدئم.
سئزي مئصئرلی‌لرئن و بوتون ظولمکارلارين اَلئندن آزاد اتدئم، اونلاري قاباغينيزدان قوودوم و تورپاقلاريني سئزه وردئم.
سئزه ددئم کي، «تارينيز رب منم، تورپاغيندا ياشاديغينيز اِمورلولارين آللاهلاريندان قورخمايين.» آمّا سئز منئم سؤزومه قولاق آسماديز.»"
سونرا ربّئن مَله‌يي گلئب اَبئعِزِرلي يوآشين عوفرا شهرئنده‌کي چؤل پوسته‌سي آغاجينين آلتيندا اوتوردو. يوآشين اوغلو جِدعون اوزوم سيخيلان يرده تاخيلي دويوردو کي، مئديانلي‌لاردان گئزلَتسئن.
ربّئن مَله‌يي اونا گؤرونوب ددي: "ای جسور جنگ‌آور، رب سنئنله‌دئر."
جِدعون اونا ددي: "آه منئم آغام، اگر رب بئزئمله‌دئر، بس بوتون بو ائشلر باشيميزا نئيه گلئب؟ اونون او بوتون موجوزه‌لري بس هاني کي، آتالاريميز اونلاردان دانيشيب ديئردئلر: «مگر رب بئزي مئصئردن چيخارتمادي؟» ائندي رب بئزي آتيب و مئديانليلارين اَلئنه ورئب."
رب اونا باخيب ددي: "بو قووّتئنله گت، ائسرايئلي مئديانليلارين اَلئندن قورتار. سني گؤندرَن من مگر ديئلم؟"
جِدعون اونا ددي: "ای آغام، ائسرايئلي من نجه قورتاريم؟ باخ، منئم طايفام مِنَسّه قبئله‌سئنده هاميسيندان لاپ کئچئکدئر، من ده آتامين اِوئنده هاميدان لاپ کئچئيَم."
لاکئن رب اونا ددي: "من يقئن سنئنله اولاجاغام، سن ده مئديانليلارين هاميسيني بئر نفر کئمي قيراجاقسان."
جِدعون ددي: "اگر ائندي سنئن گؤزونده لوطف تاپميشام، منه بئر علامت گؤرسد، بئلئم کي، منئمله دانيشان سنسن.
خاهئش ادئرم، بورادان گتمه کي، گِدئم قوربانيمي گتئرئب سنه تقدئم اِدئم." رب جِدعونا ددي: "سن گری قاييدانا قدر من بورادا گؤزلَيه‌رم."
جِدعون ائچَري گئردي. بئر کچي بالاسي کسئب بئر اِفا اوندان ماياسيز چؤرکلر پئشئردي؛ اَتي سبده قويدو، اَتئن سويونو دا قازانا تؤکدو. سونرا اونلاري چؤل پوسته‌سي آغاجينين آلتيندا ربّئن يانينا گتئرئب اونا تقدئم اتدي.
تارينين مَله‌يي اونا ددي: "اَتي و ماياسيز چؤره‌يي گؤتور، بو قايانين اوستونه قوي و اَتئن سويونو دا اورايا تؤک." جِدعون بله ده اتدي.
ربّئن مَله‌يي اَلئنده اولان عصانين اوجونو اورايا اوزاديب اَتله ماياسيز چؤره‌يه توخوناندا، قايادان آلوو چيخدي و اَتله ماياسيز چؤره‌يي اودوب يوخ اتدي. سونرا ربّئن مَله‌يي اونون گؤزونون قاباغيندان قِيب اولدو.
جِدعون اونون ربّئن مَله‌يي اولدوغونو آنلاييب ددي: "آي آمان، ای پروردئگار رَب! من ربّئن مَله‌يئني اوز به اوز گؤرموشم."
رب اونا ددي: "آرام اول، قورخما، اؤلمَيه‌جکسن."
جِدعون اورادا ربّه بئر قوربانگاه دوزلتدي و اونون آديني يَهوه-شالوم قويدو. بو قوربانگاه بو گونه قدر اَبئعِزِرلی‌لرئن عوفرا شهرئنده‌دئر.
همئن گجه رب جِدعونا ددي: "گت، آتانين گاميشيني، يدّي ائلّئک ائکئنجي گاميشيني گؤتور. سونرا گت، آتانين بَعَل بوتونه دوزلتدئيي قوربانگاهي داغيت و يانينداکي اَشِرا بوتونو کَس.
بو تَپه‌نئن باشيندا تارين ربّه لايئق بئر قوربانگاه دوزلت. سونرا کسدئين اَشِرانين آغاج بوتونه اود ووروب گؤتورودويون ائکئنجي گاميشي اونونلا يانديرما قورباني تقدئم ات."
جِدعون نؤکرلرئندن اون نفري اؤزو ائله گؤتوروب، ربّئن ددئيي کئمي اتدي؛ لاکئن آتاسينين اِو اهلئندن و شهر ساکئنلرئندن قورخدوغو اوچون ائشي گوندوز يوخ، گجه اتدي.
شهر ساکئنلري سحر تزدن قالخيب گؤردولر کي، بَعَل قوربانگاهي کامئل داغيديليب و يانينداکي اَشِرا بوتو کسئلئب. قورولان تزه قوربانگاه اوستونده ده ائکئنجي گاميش يانديرما قورباني کئمي تقدئم اولونوب.
آداملار بئربئرلرئنه ددئلر: "بو ائشي کئم ادئب؟" اونلار بونو آراشديراندان سونرا ددئلر: "بو ائشي گؤرَن يوآشين اوغلو جِدعوندور."
شهر ساکئنلري يوآشا ددئلر: "اوغلونو بورايا گتئر کي، اؤلدورولسون. چونکي او، بَعَلئن قوربانگاهيني داغيديب و يانينداکي اَشِرا بوتونو ده کسئب."
آمّا يوآش اونون ضئدّئنه چيخانلارين هاميسينا بله ددي: "بَعَلدن مگر سئز دئفاع ادهجکسئنئز؟ مگر سئز اونو قورتاراجاقسينيز؟ بَعَلدن طرفدارليق ادن سحره قدر اؤلهجک. اگر او، حقئقتن، آللاهدير، قوي اؤزو اؤزوندن دئفاع اتسئن، چونکي بئري اونون قوربانگاهيني داغيديب."
بوندان سونرا جِدعونون آدي يِروب‌بَعَل قويولدو، يعني "قوي بَعَل اونونلا موبارئزه اتسئن." چونکي او، بَعَلئن قوربانگاهيني داغيتميشدي.
بو واخت بوتون مئديانليلار، عَمالِقلی‌لر و باشقا شرق خالقلاري بئر يره ييغيلديلار؛ و اوردون چاييني کچئب يئزرِعِل دره‌سئنده اوردوگاه قوردولار.
ربّئن روحو جِدعونون اوستونه اِندي؛ جِدعون کَره‌ناي چاليب اَبئعِزِرلی‌لري اؤز يانينا چاغيردي.
او بوتون مِنَسّه‌يه قاصئدلر گؤندردي و اونلاري دا اؤز يانينا چاغيردي؛ سونرا آشِره، زِبولونا و نَفتالئيه قاصئد گؤندردي. اونلار قاصئدلرئن پئشوازينا چيخديلار.
سونرا جِدعون تارييا ددي: "سؤز وردئيئن کئمي اگر ائسرايئلي منئم اَلئمله قورتاراجاقسان،
قوي من خَرمَنئن اوستونه قويوندان قيرخيلان يون قويوم. اگر شح فقط يونو ائسلادسا، آمّا تورپاق قورو قالسا، اوندا بئله‌جيم کي، سن، ددئيئن کئمي، ائسرايئلي منئم اَلئمله قورتاراجاقسان."
بله ده اولدو. جِدعون او گونون صاباحي تزدن قالخيب يونو سيخدي. يوندان بئر کاسا دولو سو چيخارتدي.
سونرا جِدعون تارييا ددي: "قوي منئم ضئدّئمه قضبئن آلوولانماسين، گئنه بئر خاهئشئم وار. ائسته‌يئرَم بو يونلا بو ائشي بئر ده ائمتاحان اِدئم. ائندي قوي فقط بو يون قورو قالسين و بوتون يِر شِحله ائسلانميش اولسون."
تاري او گجه بله ده اتدي. بوتون تورپاق شِحه بوروندو، لاکئن قيرخيلميش يون قورو قالدي.
يِروب‌بَعَل، يعني جِدعون و اونونلا برابر بوتون خالق تزدن دوروب خَرود چشمه‌سئنئن باشيندا اوردوگاه قوردولار. مئديان اوردوگاهي دا اونلارين شئمال طرفئنده مورِه تپه‌سئنئن يانينداکي دره‌ده ائدي.
رب جِدعونا ددي: "يانيندا اولان خالقين سايي چوخدور، اونا گؤره مئديانليلاري اونلارا تسلئم اتمئرم. چونکي ائسرايئللی‌لر فخر ادئب دئيَرلر: «اؤز قووّتئمئزله اؤزوموزو قورتارديق.»
ائندي سن خالقا بونو اشئتدئرئب دِه: «کئم قورخودان اسئر، گئلعاد داغيندان گری قاييتسين.»" خالقدان ائيئرمي ائکي مئن نفري گری قاييتدي، اون مئن نفري قالدي.
رب جِدعونا ددي: "خالقين سايي گئنه ده چوخدور، اونلاري سو قيراغينا اِندئر و اورادا آداملاري سنئن اوچون اَلَکدن کچئرده‌جيم. «بو سنئنله گدهجک» دِدئيئم آدام، سنئنله گدهجک و «بو سنئنله گتميهجک» دِدئيئم بوتون آداملار دا گتميه‌جکلر."
جِدعون خالقي سو قيراغينا اِندئرَنده رب اونا ددي: "سويو ائت کئمي دئلي ائله ائچَنلرئن هاميسيني بئر طرفه، سو ائچمک اوچون دئز اوسته اوتورانلارين هاميسيني دا او بئري طرفه آييريب ييغارسان."
اَللرئني آغيزلارينا آپاريب سويو دئلي ائله ائچَنلرئن سايي اوچ يوز نفر اولدو. لاکئن خالقين قالان حئصّهسي سو ائچمک اوچون دئز اوسته يره اوتوردولار.
رب جِدعونا ددي: "سئزي دئلي ائله سو ائچَن بو اوچ يوز نفرله قورتاراجاغام و مئديانليلاري سنه تسلئم ادهجيم. قوي خالقين قالان حئصّهسي اؤز يرلرئنه قاييتسين."
بو اوچ يوز آدام خالقين آذوقه‌سئني و کَره‌نايلاري اَللرئندن آلدي. جِدعون قالان ائسرايئللیلرئن هاميسيني اؤز چاديرلارينا گؤندردي، آمّا اوچ يوز نفري يانيندا ساخلادي؛ مئديان اوردوگاهي جِدعونون اولدوغو يِرئن آشاغيسينداکي دره‌ده ائدي.
او گجه رب اونا ددي: "قالخ، مئديان اوردوگاهينا اِن، چونکي اونلاري سنه تسلئم اتمئشم.
اگر اوردوگاها اِنمَيه قورخورسان، نؤکرئن پورا ائله برابر اِن.
اورادا سن اونلارين صؤحبتئني اشئده‌جکسن، اوندا قووّت آليب اوردوگاهين ضئدّئنه اِنَرسن." او زامان جِدعون و نؤکري پورا، اوردوگاهين کَناريندا اولان سئلاحلي آداملارين يانينا اِندئلر.
درهيه ييغيلان مئديانليلار، عَمالِقلی‌لر و بوتون باشقا شرق خالقلارينين سايي چَيئرتکه قدر چوخ ائدي. دَوه‌لرئنئن ده دهنز ساحئلئندهکي قوم قدر سايي-حسابي يوخ ائدي.
جِدعون گلدئکده اشئتدي کي، بئر نفر يولداشينا اؤز يوخوسونو دانيشير و بله ديئر: "باخ، يوخومدا گؤرموشم کي، آرپا اونوندان پئشئرئلمئش بئر يومرو چؤرک يووارلانيب مئديان اوردوگاهينا گلدي و چاديرا چاتدي. چاديري ووردو و اونو ييخيب آلت- اوست اتدي و چادير يره سَرئلدي."
يولداشي اونا جاواب وردی: "بو ائسرايئللي يوآش اوغلو جِدعونون قيلينجيندان آيري بئر شي ديئل؛ تاري مئدياني و بوتون اوردوگاهيني اونا تسلئم ادئب."
جِدعون يوخو دانيشان آدامين حکايه‌سئني و معناسيني اشئدنده تارييا سجده اتدي و ائسرايئل اوردوگاهينا قاييديب ددي: "قالخين، چونکي رب مئديان قوشونونو سئزه تسلئم ادئب."
يانيندا اولان اوچ يوز نفري اوچ دسته‌يه آييردي. هاميسينين اَلئنه کَره‌نايلار و بوش دولچالار وردی و دولچالارين ائچئنه مشعللر قويدو.
اونلارا تاپشيردي کي، "منه باخين، من نجه ادئرم، سئز ده اِله ادئن. باخ، من اوردوگاهين کنارينا چاتان زامان نه اتسَم، سئز ده اِله ادئن.
من و منئمله برابر اولانلارين هاميسي کَره‌ناي چالديقدا سئز ده اوردوگاهين بوتون اطرافيندا کَره‌نايلارينيزي چالين و باغيرين: «رب اوچون و جِدعون اوچون!»"
جِدعونلا يانيندا اولان يوز نفر کئشي اورتا نؤوبه‌سئنئن باشلانيشيندا، نؤوبَتچئلر تزه دَيئشئلَن زامان، اوردوگاهين قيراغينا چاتديلار. اونلار کَره‌نايلاريني چاليب، اَللرئنده‌کي دولچالاري قيرديلار.
اوچ دسته ده کَره‌ناي چاليب دولچالاري قيردي، سول اَللرئنده مشعل، صاغ اَللرئنده ده چالديقلاري کَره‌نايي توتوب باغيرديلار: "ربّئن و جِدعونون قيلينجي!"
اوردوگاهين اطرافيندا هامي اؤز يرلرئنده داياندي؛ و بوتون مئديان قوشونو قاچديلار، اونلار باغيرا-باغيرا قاچديلار.
اوچ يوز نفر شيپور چالاندا، رب دوشمن اوردوگاهينداکي‌لارين قيلينجيني بئربئرئنئن ضئدّئنه قالديردي؛ دوشمن قوشونو صِرِرايا طرف بِيت‌شئطّايا قدر، طَبّاتين يانيندا اولان آبِل‌مِخولا سرحدئنه قدر قاچدي.
نَفتالئدن، آشِردن و بوتون مِنَسّه‌دن چاغيريلميش ائسرايئللی‌لر مئديانليلاري قوودولار.
جِدعون بوتون اِفرايئمئن داغليق بؤلگهسئنه قاصئد گؤندرئب ددي: "اِنئن، مئديانلي‌لارا هوجوم ادئن. اونلارين يولونو کَسمَک اوچون بيت بارايا قدر اوردون چايينين سولاريني توتون." بوتون اِفرايئملی‌لر ييغيليب، بيت باره‌يه قدر اوردون چايينين سولاريني توتدولار.
سونرا ائکي مئديان باشچيسي عورِبله ذِعِبي توتدولار. عورِبي عورِب قاياسيندا، ذِعِبي ده ذِعِب اوزوم سيخانيندا اؤلدوردولر. مئديانليلاري قوودولار و اوردون چاييني کچئب عورِبله ذِعِبئن باشلاريني جِدعونا گتئردئلر.
اِفرايئملی‌لر جِدعونا ددئلر: "بو نه ائشدئر باشيميزا گتئردئن؟ مئديانلي‌لارلا دؤيوشه گِدنده نئيه بئزي چاغيرمادين؟" بوندان اؤتري اونونلا آغير موباحئثه اتدئلر.
آمّا جِدعون اونلارا ددي: "آخي سئزئن گؤردويونوز ائشلرئن يانيندا، ائندي گؤردويوم بو ائش ندئر کي؟ اِفرايئمئن اوزوم باشاقلاري اَبئعِزِرئن اوزوم باغينين محصوللاريندان مگر ياخشي ديئل؟
مئديان باشچيلاري عورِب و ذِعِبي، تاري سئزه تسلئم ادئب؛ مگر سئزئن گؤردويونوز ائشلرئن يانيندا من نه اده بئلمئشم؟» بونو دئيَندن سونرا اِفرايئملی‌لرئن اونا اولان قضبي ياتدي.
جِدعون اوردون چايينا چاتدي، اؤزو و يانينداکي اوچ يوز نفرله برابر چايي کچدئلر. اونلار يورولماقلارينا باخماييب دوشمنلرئن تعقئبئنه داوام ورئردئلر.
او گلئب سوکّوت آداملارينا ددي: "خاهئش ادئرم، آرخامجا گلن آداملارا بئر پارچا چؤرک ورئن، چونکي طاقتدن دوشوبلر. آمّا من مئديان پادشاهلاري زِبَخ و صَلمونّاعين دالينجا گدئرم."
سوکّوت باشچيلاري اونا ددئلر: "مگر زِبَخ و صَلمونّاعين اَلي ائندي سنئن اَلئندهدئر کي، سنئن دؤيوشچولرئنه چؤرک ورَک؟"
جِدعون اونلارا ددي: "نِينَک، رب زِبَخ و صَلمونّعي منه تسلئم ادنده سئزئن اَتئنئزي چؤلون تئکانلاري و کول‌لاري ائله دئده‌جيم."
اورادان گلئب پِنوعِله چيخدي و اوراداکي‌لاردان دا هَمن شيي ائسته‌دي. سوکّوت ساکئنلري نجه اونا جاواب ورمئشدئلر، پِنوعِل ساکئنلري ده اونا اِله جاواب وردئلر.
جِدعون پِنوعِل ساکئنلرئنه ده بله ددي: "صاغ-سالامات گِرئيه قاييتديغيم زامان، بو بورجو داغيداجاغام."
زِبَخله صَلمونّع بوتون شرق خالقلارينين قوشونوندان صاغ قالانلارلا قَرقوردا ائدئلر و اونلارين سايي اون بش مئن نفره قدر اولاردي؛ اونلارين اوردوسوندان يوز ائيئرمي مئن جنگاور يره سَرئلمئشدي.
جِدعون نوبَخ و يوگبوهانين شرقئندن، يعني کؤچَري‌لرئن يولوندان کچئب، لاقيد دايانان دوشمن اوردوگاهينا هوجوم اتدي.
زِبَخ و صَلمونّع قاچديقدا، جِدعون دا اونلاري تعقئب اتدي. او، مئديانين ائکي پادشاهي زِبَخله صَلمونّعي توتوب، بوتون قوشونو مغلوب اتدي.
سونرا يوآش اوغلو جِدعون خِرِسئن يوخاريسيندان دؤيوشدن قاييتدي.
سوکّوت ساکئنلرئندن بئر جاواني توتوب اوندان سؤز آلدي. او دا اونا سوکّوت باشچيسي اولان يتمئش يدّي آغساقّالين آديني يازيب وردی.
جِدعون سوکّوت ساکئنلرئنئن يانينا گلئب ددي: "باخ، بو دا زِبَخ و صَلمونّع کي، اونون بارهسئنده منی اِله ساليب دِدئنئز: «مگر زِبَخ و صَلمونّعئن اَلي سنئن اَلئندهدئر کي، سنئن يورغون آداملارينا چؤرک وِرَک؟»"
سونرا او، شهر آغساقّاللاريني ييغدي؛ سوکّوتون بو کئشئلرئني چؤل تئکانلاري و کوللارينان دؤيوب تَنبِه اتدي.
بوندان سونرا دا گلئب پِنوعِل بورجونو داغيتدي و شهرئن کئشئلرئني قيردي.
جِدعون زِبَخله صَلمونّعه ددي: "تابوردا اؤلدوردويونوز آداملار نجه آداملار ائدئلر؟" اونلار ددئلر: "هاميسي سنئن کئمي پادشاه اوغوللارينا اوخشاييردي."
جِدعون ددي: "اونلار منئم قارداشلاريم، آنامين اوغوللاري ائدئلر. وار اولان رب حاقّي، اگر سئز اونلاري صاغ بوراخسايدينيز، من ده سئزي اؤلدورمَزدئم."
و ائلک اوغلو يِتِره ددي: "قالخ اونلاري اؤلدور." لاکئن اوغلان قيلينجيني چکمه‌دي، چونکي حله جاوان اولدوغونا گؤره قورخوردو.
زِبَخ و صَلمونّع ددئلر: "دور، بئزي سن وور، چونکي بئر کئشئني آنجاق بئر کئشي اؤلدورَر." جِدعون قالخيب زِبَخله صَلمونّعي اؤلدوردو و سونرا آی پارالاريني کی، اونلارين دَوه‌لرئنئن بويونلاريندان آسيلميشدي، گؤتوردو.
ائسرايئللی‌لر جِدعونا ددئلر: "سن، اوغلون و نَوَن بئزه حاکئم اولون. چونکي بئزي مئديانين اَلئندن سن قورتاردين."
لاکئن جِدعون اونلارا ددي: "نه من سئزئن اوستونوزده حاکئم اولاجاغام، نه ده اوغلوم. سئزئن اوستونوزه رب حؤکمرانليق ادهجک."
سونرا جِدعون اونلارا ددي: "آنجاق سئزدن بئر خاهئشئم وار کي، گؤتوردويونوز تالان ماليندان هر کس منه بئر گوشوارا ورسئن." چونکي دوشمنلر ائسماعئل‌لي اولدوقلاري اوچون قيزيل گوشوارا تاخيرديلار.
اونلار جِدعونا ددئلر: "بونو مَمنونئيّتله وره‌رئک." اونلار يره بئر پالتار سَردئلر و هامي تالان ماليندان بئر گوشوارا بو پالتارين اوستونه آتدي.
آي‌پارالاردان، بويونباغي‌لاردان، مئديان پادشاهلارينين اَينئنده‌کي اَرغواني پالتارلاردان و دَوه‌لرئن بوينونداکي زنجئرلردن علاوه بو قيزيل گوشوارالارين چکئسي مئن يدّي يوز شِکِل گلئردي.
جِدعون اونلاردان بئر اِفود دوزلتدي و اونو اؤز شهري عوفرادا قويدو. بوندان سونرا بوتون ائسرايئللی‌لر اورادا بو اِفودا سجده ادئب بلجه ربّه خيانت اتدئلر. بو اِفود جِدعون و اونون اِو اهلي اوچون تله اولدو.
مئديانليلار ائسرايئل اؤولادلارينا تابع اولوب بئر داها باشلاريني قالديرا بئلمه‌دئلر. جِدعونون دؤورونده اؤلکهيه قيرخ ائل راحاتليق دوشدو.
يوآش اوغلو يِروب‌بَعَل قاييديب گئنه اؤز اِوئنده ياشادي.
اونون بِلئندن گلن يتمئش اوغلو وار ائدي، چونکي آروادي چوخ ائدي.
شِکِمده اولان جارئيه‌سي ده اونا بئر اوغول دوغدو و جِدعون اونون آديني اَبئمِلِک قويدو.
يوآش اوغلو جِدعون اوزون و ياخشي عؤمور سوروب اؤلدو. او، اَبئعِزِرلی‌لرئن عوفرا شهرئنده، آتاسي يوآشين مقبره‌سئنده دفن اولوندو.
جِدعونون وفاتيندان سونرا ائسرايئل اؤولادلاري گئنه ده بَعَل بوتلرئنه سئتايئش ادئب، زئنايا چکئلدئلر. اونلار بَعَل-بِرئتي اؤزلرئنه آللاه اتدئلر.
بلجه ائسرايئل اؤولادلاري تاريلاري ربّی کی، اونلاری اطرافلارينداکي بوتون دوشمنلرئنئن اَلئندن قورتارميشدي، يادا سالماديلار.
يِروب‌بَعَلئن، يعني جِدعونون ائسرايئللیلره اتدئيي بوتون خيئرخاهليغين عوضئنه، اونون نسلی ائله ده ياخشي رفتار اتمه‌دئلر.
يِروب‌بَعَلئن اوغلو اَبئمِلِک شِکِمه، آناسينين قوحوملاري يانينا گتدي. اونلارا و آناسينين بوتون آتا طايفاسينا بله ددي:
"بوتون شِکِم اهالئسئنه بونو اشئتدئرئب ديئن: «سئزئن اوچون هانسي ياخشيدير، يِروب‌بَعَلئن يتمئش اوغلو سئزه داورلئک اتسئن، يوخسا بئر نفر؟ ياددان چيخارتمايين کي، من سئزئن سوموک و اَتئنئزدنَم.»"
آناسينين قوحوملاري اونون ددئيي بو سؤزلري بوتون شِکِم اَهالئسئنه چاتديرديلار؛ اونلارين دا اورَکلري اَبئمِلِکه مايئل اولدو و ددئلر: "او بئزه قارداشدير."
اونا بَعَل‌بِرئتئن عئبادت اِوئندن يتمئش شِکِل گوموش وردئلر. اَبئمِلِک ده اؤزونه اوجرَتله ياراماز و بلالي آداملار توتدو. اونلار اَبئمِلِکئن دالينجا گتدئلر.
اَبئمِلِک عوفرايا، اؤز آتا اِوئنه گلدي و قارداشلاري يِروب‌بَعَلئن يتمئش اوغلونو بئر داش اوستونده اؤلدوردو. تَکجه يِروب‌بَعَلئن کئچئک اوغلو يوتام اؤزونو گئزلَتدئيئنه گؤره صاغ قالميشدي.
بوتون شِکِم و بِيت‌مئلّو اهالئسي ييغيليب گتدئلر و شِکِمده داش سوتونون يانينداکي پاليد آغاجينين ياخينليغيندا اَبئمِلِکي پادشاه اعلان اتدئلر.
بو خبر يوتاما چاتاندا، او گدئب گِرئزئم داغينين تپه‌سئنده دوردو و اوجا سَسله چاغيريب اونلارا بله ددي: "ای شِکِم اهالئسي، منی اِشئدئن کي، تاري دا سئزي اشئتسئن.
گونلرئن بئر گونونده بوتون آغاجلار، اؤزلري اوچون پادشاه مسح اتمکدن اؤتري، گدئب زيتون آغاجينا ددئلر: "بئزئم پادشاهيميز اول."
لاکئن زيتون آغاجي اونلارا ددي: "تارينين و ائنسانين شَرَفي اوچون مندن آلينان ياغي آتيب آغاجلارين اوستونده ساللانيب قاليم؟!"
سونرا آغاجلار انجئر آغاجينا ددئلر: "گل سن بئزه پادشاه اول."
آمّا انجئر آغاجي اونلارا ددي: "شئرئنلئيئمي و گؤزل مئيوه‌لرئمي آتيب آغاجلارين اوستونده ساللانيب قاليم؟!"
بو دفه آغاجلار اوزوم تَنه‌يئنه ددئلر: "گل سن بئزه پادشاه اول."
لاکئن اوزوم تَنه‌يي اونلارا ددي: "تاريني و ائنسانلاري سِوئندئرَن تزه شرابلاريمي آتيب آغاجلارين اوستونده ساللانيب قاليم؟!"
نهايت، بوتون آغاجلار گلئب تئکانا ددئلر: "گل سن بئزه پادشاه اول."
تئکان ددي: "اَگَر، حقئقتن، سئز منی اؤزونوزه پادشاه مسح ادئرسئنئز، گلئن منئم کؤلگَمه سيغينين. بله اولمازسا، قوي تئکاندان آلوو چيخسين و لوبنانين سئدر آغاجلاريني يانديريب ياخسين."
ائندي اگر اَبئمِلِکي پادشاه اتمکده حاق نئيّت و دوغرولوقلا رفتار ادئبسئنئز؟ اگر يِروب‌بَعَل و اونون نسلئنه ياخشيليق ادئبسئنئز، نجه کي، لايئق ائمئش؟
چونکي آتام سئزئن اوچون دؤيوشدو و اؤز جانيني خطره آتيب سئزي مئديانين اَلئندن قورتاردي.
آمّا سئز بو گون آتامين اِو اهلئنئن ضئدّئنه چيخيب، يتمئش اوغلونو بئر داش اوستونده اؤلدوروبسونوز، سونرا دا جارئيه‌سئندن اولان اوغلو اَبئمِلِکي شِکِم اهالئسئنئن پادشاهي ادئبسئنئز، چونکي قوحومونوزدور.
بس ائندي اگر بو گون يِروب‌بَعَلله اونون اِو اهلئنه حاق نئيّت و دوغرولوقلا رفتار ادئبسئنئز، اوندا اَبئمِلِکدن سِوئنئن و قوي او دا سئزئنله سِوئنسئن.
يوخسا قوي اَبئمِلِکدن آلوو چيخيب شِکِم و بِيت‌مِلو اهالئسئني محو اتسئن، شِکِم و بيت‌مِلو اهالئسئندن ده اود چيخيب اَبئمِلِکي محو اتسئن."
يوتام قاچيب آرادان چيخدي و بِعِره گتدي. قارداشي اَبئمِلِکئن قورخوسوندان اورادا قالدي.
اَبئمِلِک اوچ ائل ائسرايئل اوستونده باشچيليق اتدي.
سونرا تاري اَبئمِلِکله شِکِم اهالئسئنئن آراسينا شَر بئر روح گؤندردي؛ و اونلار اَبئمِلِکه خيانت اتدئلر.
بو اونا گؤره باش وردی کي، هم اَبئمِلِک، يِروب‌بَعَلئن يتمئش اوغلونا اتدئيي گوناهين جزاسيني چکسئن، هم ده اَبئمِلِکدن و اونو بو قتله چکن شِکِم اهالئسئندن، تؤکدوکلري قانلارين قئصاصي آلينسين.
شِکِم اهالئسي داغلارين باشيندا اَبئمِلِکئن ضئدّئنه کمئن قوروب، يولدا يانلاريندان کچنلرئن هاميسيني سويوردولار. بونو اَبئمِلِکه خبر وردئلر.
عِبِدئن اوغلو گَعَل و قوحوملاري گلئب شِکِمده ساکئن اولدولار. شِکِم اهالئسي اونا بِل باغلاديلار.
اونلار چؤله، باغلارا گدئب اوزوم ييغديلار. سونرا بو اوزوملري اَزئب شَنلئک قوردولار و اؤز آللاهلارينين عئبادتگاهينا گدئب يِيئب- ائچدئلر و اَبئمِلِکه لعنت اتدئلر.
عِبِد اوغلو گَعَل ددي: "اَبئمِلِک کئمدئر، شِکِم کئمدئر کي، بئز اونا خئدمت اِدَک؟ مگر يِروب‌بَعَلئن اوغلو ديئل؟ مگر اونون موعاوئني ده زِبول ديئل؟ گلئن شِکِمئن آتاسي خَمورون آداملارينا خئدمت ادئن! نه اوچون گرک اَبئمِلِکه خئدمت اِدَک؟
کاش بو خالق منئم اَلئمده اولايدي! او زامان اَبئمِلِکي قووارديم." سونرا گَعَل اَبئمِلِکه ددي: "قوشونونو ييغ، مِيدانا چيخ!"
شهر ريئسي زِبول عِبِدئن اوغلو گَعَلئن بو سؤزلرئني اشئدنده قضبدن آليشيب ياندي.
حئيله ائشلَتدي وَ اَبئمِلِکئن يانينا قاصئدلر گؤندرئب ددي: "باخ، عِبِد اوغلو گَعَلله قوحوملاري شِکِمه گلئب شهري سنئن ضئدّئنه قالديريرلار.
ائندي سن و آداملارين بو گجه قالخيب چؤلده کمئنده دورون.
سحر آچيلاندا گونش دوغار-دوغماز قالخيب شهره هوجوم اِدَرسن؛ باخ، گَعَلله آداملاري سنئن ضئدّئنه چيخاندا اَلئندن گلني ات."
اَبئمِلِکله آداملاري گجه ائکَن قالخديلار و دؤرد دسته اولوب شِکِمئن ياخينليغيندا کمئنده دوردولار.
عِبِد اوغلو گَعَل چيخيب شهر دروازاسينين گئرئش يِرئنده دوردو؛ اَبئمِلِک و آداملاري کمئندن چيخديلار.
گَعَل اونلاري گؤرنده زِبولا ددي: "باخ، داغلارين تپه‌سئندن بئر دسته خالق اِنئر." زِبول اونا ددي: "گؤردويون، داغلارين کؤلگهسيدئر، آداملارا اوخشاديرسان."
گَعَل سؤزونه داوام ورئب ددي: "باخ اؤلکهنئن يوخاريلاريندان خالق اِنئر. فالچيلار پاليدي يولوندان دا بئر دسته گلئر."
او زامان زِبول اونا ددي: "ائندي او کئبئرلي دئلئن هارادادير کي، ددئن: «اَبئمِلِک کئمدئر کي، بئز اونا خئدمت اِدَک؟» حقارتله باخديغين خالق مگر بو خالق ديئل؟ ائندي ميدانا چيخ، اونلارلا دؤيوش."
گَعَل شِکِم اهالئسئنئن قاباغينا چيخيب اَبئمِلِکله دؤيوشدو.
اَبئمِلِک اونو قوودو، گَعَل اونون قاباغيندان قاچدي. آداملارين چوخو يارالانيب دروازانين گئرئش يرئنه قدر يره سَرئلدئلر.
اَبئمِلِک اَرومادا ياشادي. آمّا زِبول گَعَلله قوحوملاريني قوووب قويمادي کي، شِکِمده ياشاسينلار.
صاباحيسي شِکِم خالقي چؤله چيخاندا بو بارهده اَبئمِلِکه خبر ورئلدي.
او، قوشونونو گؤتوروب اوچ دسته‌يه آييردي و اونلار چؤلده کمئن قوروب گودّولر؛ اَبئمِلِک خالقين شهردن چيخديغيني گؤرنده قالخيب هوجوم اتدي و اونلاري قيلينجدان کچئرتدي.
اَبئمِلِکله دستهسي جَلد ائرهلي کچئب، شهر دروازاسينين گئرئشئنده دايانديلار؛ او بئري ائکي دسته چؤلدهکي خالقين اوستونه دوشوب اونلاري قيرديلار.
اَبئمِلِک بوتون گون شهرئن ضئدّئنه دؤيوشدو و اؤراني آليب اورادا اولان آداملاري قيردي؛ سونرا شهري وئران ادئب، يرئنه دوز اَکدي.
شِکِمئن بورجونده‌کي باشچيلار بونو اشئدنده اِل‌بِرئت معبدئنئن قالاسينا گئردئلر.
اَبئمِلِکه خبر چاتدي کي، بوتون شِکِم بورجونده‌کي باشچيلار اورايا ييغيليبلار.
اَبئمِلِک بوتون آداملاري ائله برابر صَلمون داغينا چيخدي. اَلئنه بالتا گؤتوروب آغاجدان بئر بوداق کسدي و اونو چئيئنلرئنئن اوستونه قويوب يانينداکي خالقا بله ددي: "جَلد اولون، من نجه ادئرم، سئز ده اِله ادئن."
بوتون خالق بئر بئر بوداقلاري کَسئب اَبئمِلِکئن داليسيجا گتدي و بوداقلاري قالانين اطرافيندا قويوب اود ووردو. شِکِم بورجونده‌کي آداملاردان مئنه قدر کئشي و آرواد يانيب اؤلدو.
اَبئمِلِک تِبِصه گتدي و اوراني موحاصئره ادئب آلدي.
شهرئن اورتاسيندا مؤحکم بئر بورج وار ائدي. بوتون شهر اهالئسي، کئشئلر و آروادلار بورجه قاچيب قاپيني ائچَرئدن باغلاديلار و بورجون دامينا چيخديلار.
اَبئمِلِک گلئب بورجه هوجوم اتدي. بورجون قاپيسينا ياخينلاشدي کي، اورايا اود وورسون.
او واخت بئر آرواد دَيئرمانين اوست داشيني اَبئمِلِکئن باشينا توللاييب کَلّه‌سئني اَزدي.
اَبئمِلِک تِز سئلاح داشييان جاواني چاغيريب ددي: "چک قيلينجي، منی اؤلدور. قوي منئم بارهمده دِمه‌سئنلر کي، اونو بئر آرواد اؤلدوردو.» جاوان قيلينجي ائله اونو ووردو و اَبئمِلِک اؤلدو.
ائسرايئللی‌لر گؤرنده کي اَبئمِلِک اؤلوب، هاميسي اؤز يرئنه قاييتديلار.
بونونلا دا تاري اَبئمِلِکئن يتمئش قارداشيني اؤلدورمکله آتاسينا اتدئيي پئسلئيي اؤز باشينا گتئردي.
تاري شِکِم اَهالئسئنئن ده بوتون پئسلئيئني اؤز باشلارينا گتئردي. يِروب‌بَعَلئن اوغلو يوتامين لعنتي اونلارين اوستونه دوشدو.
اَبئمِلِکدن سونرا يئسّاکار قبئلهسئندن دودو اوغلو پوآ اوغلو تولاع آدلي بئر آدام چيخدي کي، ائسرايئلي خئلاص اتسئن. او، اِفرايئمئن داغليق بؤلگه‌سئنده‌کي شامئرده ياشاييردي.
ائسرايئلده تولاع ائيئرمي اوچ ائل داورلئک ادندن سونرا اؤلدو و شامئرده دفن اولوندو.
بوندان سونرا گئلعادلي ياعئر چيخيب ائيئرمي ائکي ائل ائسرايئلده داورلئک اتدي.
اونون اوتوز سيپايا مئنَن اوتوز اوغلو و اوغلانلارينين دا اوتوز شهري وار ائدي. گئلعاد بؤلگهسئنده اولان بو شهرلره بو گونه قدر خَوّوت‌ياعئر ديئلئر.
ياعئر اؤلدو و قاموندا دفن اولوندو.
ائسرايئل اؤولادلاري گئنه ده ربّئن گؤزونده پئس اولان ائشلر گؤروب بَعَل و عَشتاروت بوتلرئنه، اَرام آللاهلارينا، صئدون آللاهلارينا، موآب آللاهلارينا، عَمّون اؤولادلارينين آللاهلارينا، فئلئسطلی‌لرئن آللاهلارينا پرستئش اتدئلر؛ ربّی آتديلار و اونا پرستئش اتمه‌دئلر.
بونا گؤره ده ربّئن قضبي ائسرايئللیلرئن ضئدّئنه آلوولاندي و اونلاري فئلئسطلی‌لره، و عَمّون اؤولادلارينا تسلئم اتدي.
او ائل اونلار ائسرايئللی‌لري ذلئل ادئب اَزدئلر؛ اونلار اون سکّئز ائل اوردون چايينين او تاييندا گئلعادداکي اِمورلولار دئياريندا اولان بوتون ائسرايئل اؤولادلاريني ذلئل اتدئلر.
عَمّون اؤولادلاري اوردون چاييني کچئردئلر کي، حتّا يهودا، بِنيامئن، و اِفرايئم قبئلهلري ائله ده دؤيوشسونلر. بونا گؤره ائسرايئللی‌لر بؤيوک بئر سيخينتي آلتيندا ائدئلر.
ائسرايئل اؤولادلاري ربّه فرياد ادئب ددئلر: "سنئن ضئدّئنه گوناه اتمئشئک، دوغرودان دا کي، تاريميزي آتيب بَعَل بوتلرئنه پرستئش اتمئشئک."
رب ائسرايئل اؤولادلارينا ددي: "سئزي مئصئرلی‌لردن، اِمورلولاردان، عَمّون اؤولادلاريندان، و فئلئسطلی‌لردن من مگر قورتارماديم؟
صئدونلولار، عَمالِقلی‌لر، ماعونلولار سئزي سيخيشديراندا دا منه فرياد اتدئنئز، سئزي اونلارين اَلئندن ده قورتارديم.
آمّا سئز منی آتيب آيري آللاهلارا پرستئش اتدئنئز؛ بونا گؤره ده بئر داها سئزي قورتارماياجاغام.
گدئن سِچدئيئنئز آللاهلارا فرياد ادئن؛ قوي اونلار سئزي بو عذابلي واختينيزدا قورتارسينلار."
ائسرايئل اؤولادلاري ربّه ددئلر: "گوناه اتمئشئک. گؤزونده نه خوش گؤرونسه، اونو بئزه ات. آنجاق يالواريريق، بو گون بئزي قورتار."
اونلار آرالاريندان ياد آللاهلاري آتديلار و ربّه پرستئش اتدئلر؛ رب ائسرايئللیلرئن بو عذابينا آرتيق دؤزه بئلمه‌دي.
عَمّون اؤولادلاري چاغيريليب گئلعاددا اوردوگاه قوردولار. ائسرايئل اؤولادلاري دا ييغيليب مئصپادا اوردوگاه قوردولار.
خالق و گئلعاد باشچيلاري بئربئرلرئنه ددئلر: "کئم عَمّون اؤولادلارينين ضئدّئنه دؤيوشه باشلاسا، او آدام بوتون گئلعاد اهالئسئنه رهبر اولاجاق."
گئلعادلي يئفتاخ ائگئد دؤيوشچو ائدي، لاکئن فاحئشه بئر آروادين اوغلو ائدي. اونون آتاسي گئلعاد ائدي.
گئلعادين آروادي اونا اوغوللار دوغدو؛ و بو آروادين اوغوللاري بؤيويَن زامان يئفتاخي قوووب اونا ددئلر: "آتاميزين اِوئندن سنه مئراث دوشمور، اونا گؤره کي، سن آيري آروادين اوغلوسان."
يئفتاخ قارداشلارينين يانيندان قاچيب طوب دئياريندا ياشادي؛ يئفتاخين باشينا دَيَرسئز آداملار ييغيليب اونونلا دولانيرديلار.
بئر مودّتدن سونرا، عَمّون اؤولادلاري ائسرايئللیلرئن ضئدّئنه دؤيوشه چيخديلار.
عَمّون اؤولادلاري ائسرايئللیلرئن ضئدّئنه چيخان زامان، گئلعاد آغساقّاللاري گتدئلر کي، يئفتاخي طوب دئياريندان گتئرسئنلر.
اونلار يئفتاخا ددئلر: "گل بئزه سرکرده‌لئک ات کي، عَمّون اؤولادلارينين ضئدّئنه ووروشاق."
يئفتاخ گئلعاد آغساقّاللارينا ددي: "مگر سئز مندن نئفرت ادئب آتامين اِوئندن منی قوومادينيز؟ بس ائندي نئيه چتئنلئيه دوشَنده، منئم يانيما گلئبسئنئز؟"
گئلعاد آغساقّاللاري يئفتاخا ددئلر: "سنئن يانينا اونا گؤره گلمئشئک کي، ائندي سن بئزئمله گدئب عَمّون اؤولادلارينين ضئدّئنه دؤيوشه‌سن و بوتون گئلعاد اهالئسئنه باشچي اولاسان."
يئفتاخ گئلعاد آغساقّاللارينا ددي: "اگر منی آپاراسينيز کي، عَمّون اؤولادلارينين ضئدّئنه دؤيوشم و رب اونلاري منه تسلئم اده، آيا سئزئن باشچينيز اولاجاغام؟"
گئلعاد آغساقّاللاري يئفتاخا ددئلر: "سنئنله بئزئم آراميزدا قوي رب شاهئد اولسون! بئز حقئقتن سنئن سؤزونه عمل اده‌جيئک."
يئفتاخ گئلعاد آغساقّاللاري ائله برابر گتدي و خالق دا اونو اؤزونه باشچي و سرکرده اتدي؛ يئفتاخ مئصپادا، ربّئن حوضوروندا بوتون شرطلرئني ددی.
بوندان سونرا يئفتاخ عَمّون پادشاهينين يانينا قاصئدلر گؤندرئب ددي: "بئزئم آراميزدا نه اولوب کي، تورپاغيمدا منئمله ووروشماغا گلئبسن؟"
عَمّون اؤولادلارينين پادشاهي يئفتاخين قاصئدلرئنه ددي: "اونا گؤره کي، ائسرايئللی‌لر مئصئردن چيخان زامان، منئم تورپاقلاريمي اَرنوندان يَبّوق و اوردون چايلارينا قدر آليبلار. ائندي اونلاري منه دؤيوشسوز گری قايتارين."
يئفتاخ گئنه ده عَمّون خالقينين پادشاهينين يانينا قاصئدلر گؤندردي.
قاصئدلر اونا ددئلر: "يئفتاخ بله ديئر: «ائسرايئللی‌لر نه موآب تورپاغيني آليبلار، نه ده عَمّون اؤولادلارينين تورپاغيني.
چونکي ائسرايئللی‌لر مئصئردن چيخاندا، قيرميزي دهنزه قدر صحرادان کچئب قِدِشه گلدئلر،
سونرا ائسرايئل اِدوم پادشاهينين يانينا قاصئدلر گؤندرئب بله دِمئشدي: ‹خاهئش ادئرئک تورپاغيندان کچمک اوچون بئزه ائجازه ورهسن.› لاکئن اِدوم پادشاهي اونلارا قولاق آسمادي. موآب پادشاهينين يانينا دا آداملار گؤندردئلر، آمّا او دا راضي اولمادي. اونا گؤره ده ائسرايئللی‌لر قِدِشده قالديلار.
سونرا ائسرايئللی‌لر صحرانين ائچئندن گتدئلر، اِدوملا موآب تورپاقلارينين اطرافيندان کچئب، موآب اؤلکه‌سئنئن شرق سمتئنه چاتديلار و اَرنون درهسئنئن او بئري طرفئنده دوشَرگه سالديلار. لاکئن موآبين سرحدئني کچمه‌دئلر، اونا گؤره کي، اَرنون موآبين سرحدي ائدي.
ائسرايئللی‌لر اِمورلولارين پادشاهي، خِشبون پادشاهي سئخونون يانينا قاصئدلر گؤندرئب دِمئشدئلر: {خاهئش ادئرئک، اؤز اؤلکه‌مئزه چاتانا قدر ائجازه ورهسن کي، سنئن تورپاغيندان کِچک.}
آمّا سئخون ائسرايئللیلره اعتئبار اتمهدي کي، اونلارا اؤز تورپاغيندان کچمک يولو ورسئن؛ بوتون خالقيني ييغيب ياهِصادا اوردوگاه قوردو و ائسرايئللیلرله دؤيوشدو.
ائسرايئلئن تاريسي رب سئخون و اونون بوتون خالقيني ائسرايئللیلره تسلئم اتدي و اونلاري مغلوب اتدئلر؛ بلجه، ائسرايئللی‌لر او يرده ياشايان اِمورلولارين تورپاغينا مالئک اولدولار.
ائسرايئللی‌لر بلجه اَرنوندان يَبّوق چايينا قدر، صحرادان اوردون چايينا قدر بوتون اِمورلولار تورپاقلارينا مالئک اولدولار.
ائندي کي، ائسرايئلئن تاريسي رب اؤز خالقي ائسرايئللیلرئن قاباغيندان اِمورلولاري قوووب، مگر سن بورايا صاحئب چيخاجاقسان؟
مگر سن اؤز تارين کِموشون سنه وردئکلرئنه مالئک اولمازسان؟ بئز ده تاريميز ربّئن بوتون بئزه وردئکلرئني اؤزوموزه آلاجاغيق.
ائندي سنئن موآب پادشاهي صئپّور اوغلو بالاقدان نه‌يئن ياخشيدير؟ گؤر او، ائسرايئلله هچ چکئشدي؟ و يا اونلارين ضئدّئنه هچ دؤيوشدو؟
اوچ يوز ائل ائسرايئل خِشبونلا عَروعِرده، بونلارين اطراف قصبه‌لرئنده و اَرنون دره‌سي بويونجا يِرلَشَن بوتون شهرلرده ياشادي. نه اوچون بو مودّتده بو تورپاقلاري گری آلمادينيز؟
من سنئن ضئدّئنه گوناه اتمهمئشم. آمّا سن منئم ضئدّئمه دؤيوشمکله منه پئسلئک ادئرسن؛ قوي حؤکم ادن رب بو گون ائسرايئل اؤولادلاري ائله عَمّون اؤولادلاري آراسيندا حؤکم اتسئن.»"
لاکئن عَمّون پادشاهي، يئفتاخين اونا گؤندردئيي سؤزلره قولاق آسمادي.
ربّئن روحو يئفتاخين اوستونه اِندي. او، گئلعاددان و مِنَسّه‌دن کچدي؛ سونرا گئلعادداکي مئصپا‌دن کچئب، عَمّون اؤولادلارينين اوستونه گتدي.
يئفتاخ ربّه نذر ادئب ددي: "اگر عَمّون اؤولادلاريني حقئقتن منه تسلئم ادهسن،
او زامان عَمّون اؤولادلارينين دؤيوشوندن صاغ سالامات قاييداندا، اِوئمئن دروازاسيندان قاباغيما بئرئنجي نه چيخسا، ربّئن اولاجاق و اونو يانديرما قورباني ادهجيم."
يئفتاخ عَمّون اؤولادلاري ائله دؤيوشه چيخدي. رب ده عَمّون اؤولادلاريني يئفتاخا تسلئم اتدي.
عَمّون اؤولادلاريني عَروعِردن مئنّئته چاتانا قدر، ائيئرمي شهري، آبِل‌کِرامئمه قدر قتلي‌عام اتدي. بلجه اونلار ائسرايئللیلره موطئع اولدولار.
يئفتاخ مئصپايا، اؤز اِوئنه قاييداندا، يئفتاخين قيزي دف چاليب اويناياراق اونون پئشوازينا چيخدي. بو اونون يگانه اؤولادي ائدي؛ اوندان باشقا نه اوغلو وار ائدي، نه ده قيزي.
او، قيزيني گؤرنده پالتاريني جيريب ددي: "واي، قيزيم! بِلئمي اَيدئن، منی فلاکته قويدون! من ربّه نذر اتمئشم، آرتيق سؤزومدن دؤنه بئلمه‌رم."
قيزي اونا ددي: "آتا، سن ربّه نذر ادئبسن. ائندي کي، رب دوشمنلرئندن، عَمّون اؤولادلاريندان سنئن اوچون قئصاص آليب، سؤز آغزيندان نجه چيخيب، منه اِلَجه ده ات."
سونرا قيز آتاسينا ددي: "آنجاق بو آرزومو يرئنه يتئر؛ منه ائکي آي ائجازه ور، قوي رفئقه‌لرئمله داغلارا گدئب اؤز ناکام قيزليغيم اوچون آغلاييم."
آتاسي اونا ددي: "گت." بلجه اونا ائکي آي ائجازه وردی. او دا رفئقه‌لري ائله برابر گدئب داغلاردا اؤز ناکام قيزليغينا آغلادي.
ائکي آي کچندن سونرا، آتاسينين يانينا قاييتدي و آتاسي اونون بارهسئنده اتدئيي نذري يرئنه يتئردي؛ قيزين هچ کئشي ائله رابئطه‌سي يوخ ائدي. بوندان سونرا ائسرايئلده بو بئر عادت اولدو
کي، هر ائل ائسرايئل قيزلاري گدئب گئلعادلي يئفتاخين قيزي اوچون ائلده دؤرد گون ياس توتدولار.
اِفرايئملی‌لر ييغيليب صافونا گتدئلر و يئفتاخا ددئلر: "سن نئيه عَمّون اؤولادلاري ائله دؤيوشه چيخدين، لاکئن بئزي اؤزونله گتمه‌يه چاغيرمادين؟ بونا گؤره بئز سنئن اِوئني سنئن باشينا يانديراجاغيق."
يئفتاخ اونلارا ددي: "من و خالقيم عَمّون اؤولادلاري ائله آغير دؤيوشده اولان واخت سئزي کؤمَيه چاغيرديم، لاکئن سئز گلئب منی اونلارين اَلئندن قورتارمادينيز.
من ده گؤردوم کي، سئز منی قورتارميرسينيز، حياتيمي خطره ساليب عَمّون اؤولادلاري ائله دؤيوشمَک اوچون او تايا کچدئم. و رب اونلاري منه تسلئم اتدي. نه اوچون بو گون منئمله داعوايا چيخيبسينيز؟"
سونرا يئفتاخ بوتون گئلعادلي‌لاري ييغيب اِفرايئملی‌لرله دؤيوشدو و گئلعادلي‌لار اِفرايئملی‌لره شئکست وردئلر، چونکي اِفرايئملی‌لر بله دِمئشدئلر: "ای اِفرايئمله مِنَسّه آراسيندا ياشايان گئلعادلي‌لار، سئز اِفرايئمدن قاچان فَرارئلرسئنئز!"
گئلعادلي‌لار اِفرايئمئن موقابئلئندهکي اوردون چايينين کچئدلرئني توتدولار. اگر قاچيب قورتولماق ائسته‌يَن اِفرايئملی‌لردن بئري گلئب "قوي چايي کچئم" دِسَيدي، گئلعادلي‌لار اوندان سوروشارديلار: "آيا اِفرايئملي‌سن؟" اگر او "خير" دِسَيدي،
او زامان اونا دئيَردئلر: "بئر «شئبّولِت» دِه گؤرک" او دا کلمه‌ني دوغرو دئيه بئلمه‌يئب "سئبّولِت" دئيردي. او واخت گئلعادلي‌لار اونو توتوب اوردون چايينين کچئدلرئنده اؤلدورَردئلر. او واخت اِفرايئملی‌لردن قيرخ ائکي مئن نفر قيريلدي.
يئفتاخ آلتي ائل ائسرايئلده داورلئک اتدي. سونرا گئلعادلي يئفتاخ اؤلدو و گئلعادين بئر شهرئنده دفن اولوندو.
اوندان سونرا بِيت‌لِخِملي ائبصان ائسرايئلده داورلئک اتدي.
اونون اوتوز اوغلو و اوتوز قيزي وار ائدي. قيزلاريني آيري طايفالارا اَره ورمئش، اوغوللارينا دا آيري طايفالاردان اوتوز گلئن گتئرمئشدي. ائبصان ائسرايئلده يدّي ائل داورلئک اتدي.
سونرا ائبصان اؤلدو و بِيت‌لِخِمده دفن اولوندو.
اوندان سونرا زِبولونلو ائلون اون ائل ائسرايئلده داورلئک اتدي.
زِبولونلو ائلون دا اؤلدو و زِبولون تورپاغيندا، اَيّالوندا دفن اولوندو.
اوندان سونرا پئرعاتونلو خئلّل اوغلو عَبدون ائسرايئلده داورلئک اتدي.
اونون قيرخ اوغلو و اوتوز نوه‌سي وار ائدي کي، يتمئش اِششه‌يه مئنَردئلر؛ او، سکّئز ائل ائسرايئلده داورلئک اتدي.
پئرعاتونلو خئلّل اوغلو عَبدون دا اؤلدو و عَمالِقلی‌لرئن داغليق بؤلگه‌سئنده‌کي اِفرايئم تورپاغيندا، پئرعاتوندا دفن اولوندو.
ائسرايئل اؤولادلاري گئنه ده ربّئن گؤزونده پئس ائشلر اتدئلر. اونا گؤره رب ده اونلاري قيرخ ائل فئلئسطلی‌لره تسلئم اتدي.
دان قبئلهسئندن مانواَخ آدلي صورعالي بئر آدام وار ائدي؛ اونون آروادي سونسوز ائدي و اوشاغي اولموردو.
ربّئن مَله‌يي بو آروادا گؤرونوب ددي: "باخ، ائندي سن سونسوزسان، دوغمورسان، آمّا بويلو اولوب بئر اوغلان دوغاجاقسان.
ائندي دئقّتلي اول کي، شراب، و کِفلَندئرن ائچکئلر ائچمَيه‌سن، دئلئنه ده هچ بئر ناپاک شي دَيمه‌سئن.
اونا گؤره کي، سن بويلو اولوب بئر اوغول دوغاجاقسان. اونون باشينا اولگوج دَيمه‌مَلي‌دئر. چونکي اوشاق آنا بطنئندن تارييا نذئره‌دئر او، ائسرايئلي فئلئسطلی‌لرئن اَلئندن قورتارماغا باشلاياجاق."
آرواد گدئب اَرئنه بله ددي: "منئم يانيما بئر تاري آدامي گلمئشدي. او، تارينين مَله‌يي گؤرونوشونده چوخ زَهملي ائدي. بونا گؤره ده اونون هارادان گلدئيئني سوروشماديم. منه آديني دا بئلدئرمه‌دي.
لاکئن منه ددي: «باخ، سن بويلو اولوب بئر اوغول دوغاجاقسان. شراب، و آيري کِفلَندئرن ائچکئلر ائچمه. دئلئنه ده هچ بئر ناپاک شي دَيمه‌سئن، چونکي اوشاق آنا بطنئندن، اؤلَن گونونه قدر تارينين نذئره‌سي اولاجاق.»"
مانواَخ ربّه يالواريب ددي: "يارب، يالواريرام، گؤندردئيئن تاري آدامي قوي يانيميزا گئنه گلسئن و دوغولاجاق اوشاق بارهده نه اده‌جيئمئزي بئزه اؤيرتسئن."
تاري مانواَخئن سَسئني اشئتدي؛ آرواد، چؤلده اوتوراندا، تارينين مَله‌يي گئنه اونون يانينا گلدي. لاکئن آروادين اَري مانواَخ اونون يانيندا ديئلدي.
آرواد جَلد قاچيب اَرئنه خبر وردی: "باخ، کچن گون يانيما گلن او آدام گئنه منه گؤروندو."
مانواَخ دوروب آروادينين داليسيجا گتدي. او آدامين يانينا گلئب سوروشدو: "بو آروادلا صؤحبت ادن آدام سنسن؟" او ددي: "منم."
مانواَخ ددي: "سنئن سؤزلرئن يرئنه يِتئشَنده، اوشاغين حيات طرزي و ائشي نه اولاجاق؟"
ربّئن مَله‌يي مانواَخه ددي: "قوي آروادين اونا تاپشيرديغيم شيلردن اؤزونو قوروسون.
تَنَکدن عمله گلن شيلردن هچ نه يِمه‌سئن. شراب، و کِفلَندئرن هچ ائچکي ائچمه‌سئن، دئلئنه ده هچ بئر ناپاک شي دَيمه‌سئن؛ قوي او، اونا امر اتدئيئم هر شيي رئعايت اتسئن."
مانواَخ ربّئن مَله‌يئنه ددي: "خاهئش ادئرم، بئر آياق ساخلا، سنئن اوچون بئر کچي بالاسي کسئب يمک حاضيرلاياق."
ربّئن مَله‌يي مانواَخه ددي: "منی بورادا ساخلاياسان دا، سنئن خوره‌يئندن يِمه‌رم. لاکئن اگر يانديرما قورباني حاضيرلاييرسان، اونو ربّه تقدئم ات." چونکي مانواَخ بئلمئردي کي، بو، ربّئن مَله‌يي‌دئر.
مانواَخ ربّئن مَله‌يئنه ددي: "سنئن آدين ندئر کي، سؤزلرئن يرئنه يِتئشَنده سني شَرَفلَندئرک؟"
ربّئن مَله‌يي اونا ددي: "نئيه آديمي سوروشوب اونو اعجازلي گؤرورسن؟"
مانواَخ کچي بالاسي و تاخيل تقدئمئني گؤتوروب قايا اوستونده ربّه تقدئم اتدي. ملک ده مانواَخله آروادينين گؤزو قاباغيندا عجايئب ائشلر گؤردو.
قوربانگاهين اوستوندن آلوو گؤيه قالخاندا، ربّئن مَله‌يي ده قوربانگاهين آلوو ائچئنده گؤيه قالخدي. مانواَخله آروادي بونو گؤرنده ائکئسي ده اوزو اوسته يره دوشدولر.
ربّئن مَله‌يي بوندان سونرا مانواَخله آروادينا بئر داها گؤرونمه‌دي. مانواَخ او زامان بئلدي کي، او، ربّئن مَله‌يي ائدي.
مانواَخ آروادينا ددي: "بئز حتمن اؤلهجيئک، چونکي تاريني گؤرموشوک."
آروادي اونا ددي: "اگر رب ائسته‌سيدي کی، بئزي اؤلدورسون، بئزدن يانديرما قورباني و تاخيل تقدئمي قبول اتمَزدي. بو شيلري بئزه گؤرسدمَزدي، ائندي اشئتدئکلرئمئزي ده دِمَزدي."
بِلَجه، آرواد بئر اوغول دوغدو و آديني شَمشون قويدو؛ اوشاق بؤيودو و رب اونا برکت وردی.
ربّئن روحي مَخَنِداندان، صورعا ائله اِشتاول آراسيندا، اونو قالديرماغا باشلادي.
بئر گون شَمشون تئمنايا گتدي و تئمنادا فئلئسطلي قيزلاريندان بئر آرواد گؤردو.
او، آتا-آناسينين يانينا قاييديب ددي: "تئمنادا فئلئسطلي قيزلارينين آراسيندا بئر آرواد گؤرموشم، گدئن، اونو منئم اوچون آرواد آلين."
آتاسي ائله آناسي اونا ددئلر: "مگر قوحوملارينين قيزلاري آراسيندا، بوتون اؤز خالقيميز آراسيندا بئر آرواد يوخدور کي، گدئب اؤزونه ختنهسئز فئلئسطلی‌لردن آرواد آليرسان؟" شَمشون آتاسينا ددي: "منئم اوچون اونو آل، چونکي گؤزومه او خوش گؤرونور."
آتا و آناسي بئلمئردي کي، بو ائستَک ربدندئر. اونا گؤره کي، رب فئلئسطلی‌لرئن ضئدّئنه بئر فورصت آختاريردي. او واخت فئلئسطلی‌لر ائسرايئللیلرئن اوستونده حؤکمرانليق ادئردئلر.
شَمشون آتا و آناسي ائله بئرلئکده تئمنايا گتدي. اونلار تئمنانين اوزوم باغلارينا چاتاندا، قَفلَتَن جاوان بئر آصلان نعره چکه‌رک اونون قاباغينا چيخدي.
ربّئن روحو شَمشونون اوستونه قودرتلي بئر شکئلده اِندي، اله کي، جاوان آصلاني بئر کچي بالاسي کئمي اَلي يالين پارچالادي. لاکئن نه اتدئيئني آتا-آناسينا بئلدئرمه‌دي.
سونرا گدئب آروادلا صؤحبت اتدي؛ آرواد شَمشونون گؤزونه خوش گؤروندو.
بئر مودّت کچندن سونرا، شَمشون آروادي آلماق مقصدي ائله گری قاييتدي. آصلانين لِشئنه باخماق اوچون، او، اؤز يولوندان دؤندو. گؤردو کي، آصلانين لِشئنئن اوستونده آري سوروسو ائله بال وار.
او، اوووجلاريندا بالدان گؤتوروب يئيه-يئيه گتدي. آتا آناسينين يانينا گلدئکده بالين بئر آزيني اونلارا دا وردی، لاکئن اونلارا بئلدئرمه‌دي کي، بالي آصلانين لِشئنئن اوستوندن گؤتوروب.
سونرا آتاسي آروادين اِوئنه گتدي؛ و شَمشون اورادا ضئيافت قوردو، چونکي او زامانلار جاوانلار بله اِدَردئلر.
اونو گؤرن خالق، موشايئعت اوچون اونا اوتوز نفر صاغدوش-سولدوش سچدئلر.
شَمشون اونلارا ددي: "قويون سئزه بئر تاپماجا دِيئم. اگر ضئيافتئن يدّئنجی گونونه قدر آچماسيني منه دئيهسئنئز، من سئزه اوتوز کتان پالتار و اوتوز بايرام لئباسي ورهرم.
يوخ، اگر تاپماجانين آچماسيني منه دئيه بئلمَيه‌سئنئز، اوندا سئز منه اوتوز کتان پالتار و اوتوز بايرام لئباسي ورمَلي‌سئنئز." اونا ددئلر: "تاپماجاني دِه، بئر اونا قولاق آساق."
شَمشون اونلارا ددی: "يئيَندن بئر يِمه‌لي شي چيخدي، گوجلودن بئر شئرئن شي چيخدي." اوچ گون عرضئنده اونلار تاپماجاني تاپا بئلمه‌دئلر.
دؤردونجو گون شَمشونون آروادينا ددئلر: "اَرئني توولا کي، بئزه بو تاپماجانين جاوابيني دسئن، يوخسا سنئن ده، آتانين دا اِوئني يانديراريق. مگر سئز بئزي بورايا سويماغا چاغيريبسينيز؟"
شَمشونون آروادي اونون قاباغيندا آغلاييب ددي: "سنئن مندن زَهلَن گدئر، منی سِومئرسن؛ خالقيمين اوغوللارينا تاپماجا ديئبسن، آمّا جاوابيني منه آچماييبسان." شَمشون اونا ددي: "باخ، هچ آتا-آناما دا بو تاپماجانين جاوابيني آچماميشام. سنه آچيم؟"
يدّي گون ضئيافت عرضئنده آرواد اونون قاباغيندا آغلادي. يدّئنجی گون شَمشون تاپماجانين آچماسيني آروادينا ددی، چونکي آرواد اونو جانا گتئرمئشدي. آرواد دا گدئب تاپماجانين جاوابيني اؤز خالقينا ددی.
شهرئن آداملاري يدّئنجی گون، گون باتمادان شَمشونا ددئلر: "بالدان شئرئني مگر وار؟ آصلاندان گوجلوسو مگر وار؟" شَمشون اونلارا ددي: "اگر منئم دئشي ائنَکئمله جوت سورمه‌سَيدئنئز، تاپماجامي تاپا بئلمزدئنئز."
بوندان سونرا ربّئن روحو قودرتلي بئر شکئلده اونون اوستونه اِندي. شَمشون اَشقِلونا گدئب اوراداکي‌لاردان اوتوز نفري اؤلدوردو و اونلارين ماللاريني تالان ادئب، تاپماجانين آچماسيني دئيَنلره بايرام لئباسي وردی. سونرا او، آلوولو قضبله آتاسينين اِوئنه گتدي.
آمّا شَمشونون آرواديني شَمشونون صاغدوشلاريندان بئرئنه وردئلر.
بئر مودّت کچندن سونرا، بوغدا بئچئني مؤوسومونده، شَمشون بئر کچي بالاسي گؤتوروب، آروادينا باش چکمه‌يه گتدي و ددي: "ائسته‌يئرم آرواديمين يانينا، اونون اوتاغينا گئرئم.» لاکئن آروادين آتاسي قويمادي کی، شَمشون گئرسئن.
قيزين آتاسي ددي: "اِله بئلدئم کي، سنئن اوندان، حقئقتن، زَهلَن گدئر، اونا گؤره ده آرواديني سنئن صاغدوشونا اَره وردئم. باخ، مگر کئچئک باجيسي اوندان گؤزل ديئل؟ خاهئش ادئرم، قوي اونون يرئنه، بو سنئن اولسون."
شَمشون اونلارا ددي: "بو دفه فئلئسطلی‌لره پئسلئک اِتسَم، هچ تقصئرکار اولمارام."
شَمشون گدئب اوچ يوز چاقّال توتدو و مشعللر گؤتوردو. چاقّاللاري جوت-جوت قويروق-قويروغا باغلادي و قويروقلارين آراسينا بئر مشعل قويدو.
مشعل‌لري يانديريب، چاقّاللاري فئلئسطلی‌لرئن اَکئنلرئنه بوراخدي و بونونلا دا تاخيل دَرزلرئنه، اَکئنلره، اوزوملوکلره، زيتونلوقلارا اود ووردو.
فئلئسطلی‌لر بئربئرئندن سوروشدولار: "گؤرهسن بونو کئم ادئب؟" ددئلر: «بونو تئمنالينين کوره‌کَني شَمشون ادئب، چونکي قايينآتاسي گؤتوروب اونون آرواديني صاغدوشونا اَره ورئب." فئلئسطلی‌لر چيخيب او آروادلا آتاسينا اود ووروب يانديرديلار.
شَمشون اونلارا ددي: "ائندي کي سئز بله اتدئنئز، سئزدن قئصاصيمي آلماميش اَل چکمه‌يه‌جيم."
شَمشون اونلارا آمانسيزجا هوجوم ادئب، اونلاردان بئر چوخونو قيردي؛ و گدئب اِيتام قاياسينين ماغاراسيندا قالدي.
فئلئسطلی‌لر چيخيب يهودادا اوردوگاه قوردولار و لِخئده ياييلديلار.
يهودا آداملاري ددئلر: "نه اوچون بئزئم ضئدّئمئزه چيخيبسينيز؟» اونلار ددئلر: "بئز گلمئشئک کي، شَمشونون اَل-قولونو باغلاياق و بئزئم باشيميزا گتئردئيئني، اونون باشينا گتئرک."
يهودادان اوچ مئن نفر اِيتام قاياسينين ماغاراسينا گدئب شَمشونا ددئلر: "بئلمئرسن فئلئسطلی‌لر بئزئم اوستوموزده داوردئر؟ بو نه ائشدئر کي، باشيميزا گتئردئن؟" شَمشون اونلارا ددي: "اونلارين منه نه اتدئکلرئني باشلارينا گتئرمئشم."
يهوداليلار اونا ددئلر: "بئز گلمئشئک کي، سنئن اَل-قولونو باغلاييب فئلئسطلی‌لره تسلئم ادک.» شَمشون اونلارا ددي: "آند ائچئن کي، سئز اؤزونوز منی اؤلدورمه‌يه‌جکسئنئز."
يهوداليلار اونا ددئلر: "يوخ، بئز آنجاق سني مؤحکم باغلاييب اونلارا تسلئم اده‌جيئک، لاکئن سني اصلا اؤلدورميه‌جيئک." سونرا اونو ائکي تزه ائپله ساريديلار و قايادان چيخارتديلار.
شَمشون لِخئدن گلنده، فئلئسطلی‌لر اونو باغيرا-باغيرا پئشواز اتدئلر. اله او آندا ربّئن روحو قودرتلي بئر شکئلده شَمشونون اوستونه اِندي. قوللارينا باغلانان ائپ آليشيب يانان کتان کئمي قيريليب يره تؤکولدو.
شَمشون يرده تزه اؤلموش بئر اِششه‌يئن چنه سومويونو تاپدي. اَل آتيب سومويو گؤتورودو و اونونلا مئن نفر کئشئني قيردي.
سونرا شَمشون ددی: "اِششه‌يئن چنه سومويو ائله قالاق اوستونه قالاق ياراتديم. اِششه‌يئن چنه سومويو ائله مئن نفري قيرديم."
شَمشون بو سؤزلري ديئب قورتاراندان سونرا، اِششه‌يئن چنه سومويونو توللادي. اونا گؤره ده او يِره رامَت‌لِخي ديئلئر.
بوندان سونرا شَمشون چوخ سوسوزلادي و ربّه فرياد ادئب ددي: "سن قولونا بو بؤيوک قَلَبه‌ني وردئن، آمّا ائندي مگر من سوسوزلوقدان اؤلوب، ختنه‌سئزلرئن اَلئنه دوشه‌جيم؟"
او واخت تاري لِخئده چوخور ياريب سو آخيتدي. شَمشون سو ائچدئکده قووّتي دؤنوب جاني تزه‌لَندي. بونا گؤره بو چشمه‌‌نئن آديني عِين‌حَقّوره قويدو کي، بو گونه قدر لِخئده‌دئر.
فئلئسطلی‌لرئن دؤورونده، شَمشون ائسرايئلده ائيئرمي ائل داورلئک اتدي.
شَمشون غَزّه‌يه گتدي و اورادا بئر فاحئشه گؤروب اِوئنه گئردي.
غَزّه‌لئلره خبر چاتدي کي، شَمشون بورايا گلئب. غَزّه‌لئلر اِوي موحاصئرهيه آلديلار، بوتون گجهني شهرئن دروازاسيندا کمئنده دوروب اونو گؤزله‌دئلر. بوتون گجهني ساکئت دوروب ديئردئلر: "قوي سحر ائشيغينا قدر گؤزله‌يَک، سونرا اونو اؤلدوره‌رئک."
شَمشون گجه‌ياريسينا قدر ياتدي، سونرا آياغا قالخيب گلدي، شهر دروازاسينين هر ائکي دئره‌يئندن توتوب چفته قاريشيق دروازاني چئينئنه قويدو و خِبرونون موقابئلئندهکي داغين تپه‌سئنه چيخارتدي.
بوندان بئر قدر سونرا، شَمشون سورِق دره‌سئنده دَلئله آدلي بئر آروادا وورولدو.
فئلئسطلی‌لرئن آغالاري او آروادين يانينا گلئب ددئلر: "شَمشونو دئله توتوب اؤيرَن، گؤر اوندا بو قدر گوج هاراداندير؟ نجه اونا زور گلئب باغلايا بئله‌رئک؟ ذلئل اده بئله‌رئک؟ بوندان اؤتري هَره‌مئز سنه مئن يوز شِکِل گوموش وره‌رئک."
بلجه دَلئله شَمشونا ددي: "خاهئش ادئرم، منه دِه گؤروم سندهکي بو بؤيوک قودرت هارادان گلئر؟ سني نجه باغلاييب گوجدن سالماق اولار؟"
شَمشون اونا ددي: "اگر منی قوروماميش يدّي تزه ائپله کي، اوندان کامان يايي دوزَلدئرلر، باغلاسالار، او زامان گوجدن دوشوب عادي آدام کئمي اولارام."
فئلئسطلی‌لرئن آغالاري آروادين يانينا قورومامئش يدّي تزه ائپ گتئردئلر و دَلئله بونلارلا شَمشونو باغلادي.
ائچ اوتاقدا آروادين کمئنده دوران آداملاري وار ائدي. آرواد شَمشونا ددي: "فئلئسطلی‌لر سنئن اوستونه گلدئلر، شَمشون!" لاکئن شَمشون قوللارينداکي ائپلري اودا توخونوب قيريلان کتان لئفي کئمي قيردي و گوجونون سئرّي بئلئنمه‌دي.
دَلئله شَمشونا ددي: "باخ، منی لاغا قويوب يالان ددئن؛ خاهئش ادئرم، منه دِه گؤروم سني نجه باغلاماق اولار؟"
شَمشون ددي: "اگر هچ ائشلَدئلمه‌مئش تزه ائپلرله منی ياخشيجا باغلاسالار، او زامان گوجدن دوشوب عادي بئر آدام کئمي اولارام."
دَلئله تزه ائپلر گؤتوردو و اونلارلا شَمشونو باغلاييب ددي: "فئلئسطلی‌لر سنئن اوستونه گلدئلر، شَمشون!" کمئنده دورانلار ائچ اوتاقدا قالميشديلار. او آمّا قوللارينداکي ائپلرئن ساريغيني ساپ کئمي قيردي.
دَلئله شَمشونا ددي: "بَسدئر، ائندئيه قدر منی لاغا قويوب يالان ددئن. ائندي دِه گؤروم، سني نجه باغلاماق اولار؟" شَمشون ددي: "اگر ساچيمين يدّي حؤرويونو توخوجو دَزگاهينداکي پارچا ائله توخوياسان."
شَمشون ياتارکَن، دَلئله اونون ساچينين يدّي حؤرويونو پايايا بَرکئتدي و اونو سَسله‌دي: "فئلئسطلی‌لر سنئن اوستونه گلدئلر، شَمشون!" آمّا او يوخودان اويانيب، توخوجو دَزگاهينين پاياسيني پارچا ائله قوپارتدي.
او واخت دَلئله ددي: "نجه منه «سني سِوئرَم» ديئرسن، حال بو کي، اوره‌يئن منده ديئل؟ اوچ دفهدئر کي، منی لاغا قويورسان و بؤيوک قودرتئنئن هارادان اولدوغونو منه بئلدئرمئرسن."
آرواد بو سؤزلرله هر گون اونو زورا قويوب باش‌آغري ورئردي، اِله کي، جاني بوغازينا ييغيلدي.
اونا گؤره ده اوره‌يئنئن سئرّئني آروادا آچدي: "منئم باشيما اولگوج اصلا دَيمه‌يئب، چونکي من آنا بَطنئندن تارينين نذئره‌سئيَم. اگر باشيم قيرخيلسا، او زامان بو قودرت مندن چيخار و گوجدن دوشوب عادي بئر آدام کئمي اولارام."
دَلئله او زامان کي، گؤردو شَمشون اوره‌يئنئن سئرّئني اونا آچيب، فئلئسطلی‌لرئن آغالارينا خبر گؤندرئب اونلاري چاغيردي و ددي: "بو دفه ده بورايا گلئن، چونکي او، اورهيئندهکي سئرّي منه آچدي." فئلئسطلی‌لرئن آغالاري اؤزلري ائله گوموش گؤتوروب دَلئله‌نئن يانينا گلدئلر.
دَلئله دئزلري اوستونده شَمشونو يوخويا وردی. سونرا آدام چاغيريب اونون ساچينين يدّي حؤرويونو قيرخديردي و بونونلا اونو ذلئل اتدي، و گوجدن دوشدو.
دَلئله ددي: "فئلئسطلی‌لر سنئن اوستونه گلدئلر، شَمشون!" شَمشون يوخودان اويانيب ددي: "آيري واختلاردا اولدوغو کئمي، بو دفه ده سئلکه‌لَنئب اؤزومو آزاد اده‌رم." لاکئن بئلمئردي کي، رب اوندان آيريليب.
فئلئسطلی‌لر اونو ياخالاييب گؤزلرئني چيخارتديلار؛ اونو غَزّه‌يه گتئرئب بورونج زنجئرلرله باغلاديلار. او، زئنداندا دَيئرمان داشي چکئردي.
لاکئن شَمشونون قيرخيلميش ساچي تزهدن بئتمه‌يه باشلادي.
فئلئسطلی‌لرئن آغالاري ييغيلديلار کی، اؤز آللاهلاري داگونا بؤيوک بئر قوربان تقدئمي اوچون شَنلئک اتسئنلر، چونکي ددئلر: "تاريميز دوشمنئمئز شَمشونو بئزه تسلئم ادئب."
خالق شَمشونو گؤرنده اؤز آللاهلارينا حمد ادئب ددئلر: "اؤلکه‌مئزه زئيان ووروب بئزدن بئر چوخلاريني اؤلدورَن دوشمنئمئزي بئزه اؤز آللاهيميز تسلئم ادئب."
اونلارين کِفي کؤکه‌لَنده ددئلر: "شَمشونو بورايا گتئرئن، قوي باشيميزي قال اِله‌سئن." اونلار شَمشونو زئنداندان چاغيرتديرديلار و شَمشون اونلارين باشيني قال اِله‌دي. اونو سوتونلارين آراسيندا دايانديرديلار.
شَمشون اَلئندن توتان اوغلانا ددي: "قوي معبدئن داميني ساخلايان سوتونلارا توخونوم و اونلارا سؤيکه‌نئم."
معبد کئشي و آروادلارلا دولو ائدي. فئلئسطلی‌لرئن بوتون آغالاري دا اورادا ائدئلر. شَمشونون قال اِله‌دئيئنه تاماشا ادن اوچ مئنه قدر کئشي و آرواد دا دامين اوستونده ائدي.
او واخت شَمشون ربّه فرياد ادئب ددي: "ای پروردئگار رَب، يالواريرام، منی يادا سال. يالواريرام سنه ای تاري، منه آنجاق بو دفهلئک قودرت ور کي، بو فئلئسطلی‌لردن ائکي گؤزوم اوچون بئر قئصاص آليم."
شَمشون اَللرئني معبدئن داميني ساخلايان ائکي اورتا سوتونا اوزاتدي. صاغ اَلي ائله بئر سوتوندان، سول اَلي ائله ده او بئري سوتوندان ياپيشدي.
شَمشون ددي: "قوي من ده فئلئسطلی‌لرله اؤلوم!" سونرا وار گوجو ائله اَيئلئب سوتونلاري ائتَله‌دي و معبدئن داميني اوراداکي بوتون آغالارين و خالقين اوستونه ييخدي. بلجه، شَمشون اؤلَنده حياتي بويو اؤلدوردويو آداملاردان داها چوخ آدام قيردي.
اونون قارداشلاري، آتاسينين بوتون اِو اهلي گلدئلر و شَمشونون مِيئتئني اورادان چيخارديب آپارديلار. اونو صورعا ائله اِشتاول آراسيندا، آتاسي مانواَخئن مقبره‌سئنده دفن اتدئلر. بلجه شَمشون ائسرايئلده ائيئرمي ائل داورلئک اتدي.
اِفرايئمئن داغليق بؤلگهسئندن اولان مئکا آدلي بئر آدام وار ائدي.
او، آناسينا بله ددي: "سندن اوغورلانان مئن يوز شِکِل گوموشدن اؤتري کي، لعنت اتدئن و من ده اشئتدئم، باخ، او گوموش مندهدئر، اونو من گؤتورموشم." آناسي اونا ددي: "اوغلوم، قوي رب سنه برکت ورسئن."
او، مئن يوز شِکِل گوموشو آناسينا قايتاردي. آناسي اونا ددي: "بو گوموشون هاميسيني رب اوچون وقف ادئرم. قوي اوغلوم اوندان بئر اويما و بئر تؤکمه بوت دوزلتسئن. بونون اوچون ده ائندي بو گوموشو سنه قايتاريرام."
گوموشو آناسينا گری قايتارارکَن، آناسي ائکي يوز شِکِل گوموش گؤتوروب زرگره وردی. اوندان بئر اويما و بئر تؤکمه بوت دوزلتدئردي. بو بوتلري مئکانين اِوئنه قويدولار.
مئکانين عئبادتگاهي وار ائدي. او بئر اِفود و اِو بوتلري دوزَلدئب اوغوللاريندان بئرئني اؤزونه کاهئن تعيئن اتدي.
او گونلرده ائسرايئلده پادشاه يوخ ائدي؛ هَره اؤز گؤزونده دوغرو گؤرونَن ائشي ادئردي.
جاوان لاوئلي وار ائدي کي، يهودانين بِيت‌لِخِم شهرئندن اولان بئر يهودالي عايئله‌نئن يانيندا ياشاييردي.
همئن آدام ياشاماغا بئر يِر تاپماق اوچون يهودانين بِيت‌لِخِم شهرئندن چيخدي. سفره چيخارکَن، اِفرايئمئن داغليق بؤلگهسئنه، مئکانين اِوئنه گلدي.
مئکا اونا ددي: "هارادان گلئرسن؟" او، مئکايا ددي: "من يهودانين بِيت‌لِخِم شهرئندن گلن بئر لاوئلي‌يَم، ياشاماق اوچون بئر يِر آختاريرام."
مئکا اونا ددي: "منئمله قال، منه آتا و کاهئن اول. من ده سنه ائلده اون شِکِل گوموش، بئر دست پالتار و يِمه‌يئني ورهرم." لاوئلي اونونلا گتدي.
او، مئکا ائله قالماغا راضي اولدو و بو جاوان اونا بئر اوغول کئمي اولدو.
مئکا لاوئلئني اؤزونه کاهئن تعيئن اتدي و بو جاوان اونون اِوئنده ياشادي.
سونرا مئکا ددي: "ائندي بئلئرم کي، رب منه ياخشيليق ادهجک، چونکي بئر لاوئلي کاهئنئم وار."
او گونلرده ائسرايئلده پادشاه يوخ ائدي. اِله همئن گونلرده دان قبئله‌سي، ياشاماق اوچون اؤزلرئنه ائرثي تورپاق آختاريردي، چونکي او گونه قدر ائسرايئل قبئلهلري آراسيندا اونلارا ائرث تورپاق دوشمه‌مئشدي.
دان اؤولادلاري صورعا و اِشتاول شهرلرئندن اولان بوتون طايفالاريندان بش نفر ائگئد آدامي اؤلکهنئن تَجَسّوسونه گؤندردئلر و اونلارا ددئلر: "گدئن، اؤلکهني آختارين." اونلار اِفرايئمئن داغليق بؤلگهسئنه، مئکانين اِوئنه گلدئلر و گجهني اورادا قالديلار.
حله مئکانين اِوي يانيندا ائکَن، جاوان لاوئلي‌نئن سَسئني تانيديلار؛ اِوه طرف دؤنوب اوندان سوروشدولار: "بورايا سني کئم گتئرئب؟ بورادا نه ادئرسن؟ سنئن بورادا نه ائشئن وار؟"
لاوئلي اونلارا ددي: "مئکا منئم اوچون فئلان بَهمان ائشلر گؤردو. او منی اوجرَتله توتوب، من ده اونون کاهئني اولموشام."
دانلي‌لار اونا ددئلر: "خاهئش ادئرئک، تاريدان سوروش. گؤر بئزئم گتدئيئمئز بو يول اوغورلو اولاجاق يا يوخ."
کاهئن اونلارا ددي: "سالامات گدئن، گتدئيئنئز بو يول ربّئن نظرئنده‌دئر."
بو بش ائگئد گدئب لَيئشه چاتديلار و گؤردولر کي، اورادا ياشايان خالق اَمئن-آمانليقداديرلار. صئدونلولار کئمي دئنج و راحات ياشاييرلار؛ چونکي بو بؤلگه‌ده هچ کئم یوخ ائدی کی، اونلارا حؤکم ادئب اذئيّت ورسئن. اونلار صئدونلولاردان اوزاق ائدئلر و هچ کسله ده رابئطه‌لري يوخ ائدي.
ائگئدلر صورعا و اِشتاول شهرلرئنه، اؤز خالقينين يانينا قاييداندا خالق اونلارا ددي: "نه اؤيرَنه بئلدئنئز؟"
ائگئدلر اونلارا ددئلر: "قالخين، اونلارا هوجوم اِدَک، چونکي اونلارين تورپاغيني گؤردوک، چوخ ياخشيدير. نئيه هچ نه اتمئرسئنئز؟ گدئب تورپاغي آلماغي يوباتمايين!
اورايا چاتاندا آرخايين بئر خالق و گِنئش بئر تورپاق گؤرهجکسئنئز. تاري بو تورپاغي سئزه تسلئم ادئب. اورا اِله تورپاقدير کي، هچ نَيه اِحتئياجي يوخدور."
دان نسلئندن آلتي يوز کئشي سئلاحلانيب صورعا و اِشتاولدان يولا دوشدولر.
يهودايا قالخيب گجهني قئريَت‌يِعه‌رئمده قالديلار. بونا گؤره ده او يِر بو گونه قدر مَخَنِدان چاغيريلير. او يِر قئريَت‌يِعه‌رئمئن قربئنده يِرلَشئر.
اورادان اِفرايئمئن داغليق بؤلگهسئنه کچدئلر و مئکانين اِوئنه گلدئلر.
او بش نفر کي، لَيئش دئيارينين تفتئشي اوچون گتمئشدئلر، اؤز خالقينا ددئلر: "آيا بئلئرسئنئز کي، بو اِولرده اِفود، اِو بوتلري، هم ده اويما و تؤکمه بوتلر وار؟ ائندي گؤرون نه ادئرسئنئز، بو بارهده بئر قَرارا گلئن."
اونلار اورايا دؤنوب، او جاوان لاوئلي‌نئن قالديغي مئکانين اِوئنه گلدئلر و اونون حال-اَحواليني خبر آلديلار.
دان اؤولادلاريندان دؤيوش اوچون سئلاحلانميش آلتي يوز نفر اونون دروازاسينين گئرئشئنده داياندي.
اؤلکهني آختارماغا گِدن او بش ائگئد اِوه گئرئب اويما بوتو، اِفودلا اِو بوتلرئني و تؤکمه بوتو گؤتوردولر. کاهئن سئلاحلانميش آلتي يوز نفرئن يانيندا دروازانين گئرئشئنده دايانميشدي.
اونلار مئکانين اِوئنه گئرئب اويما بوتو، اِفودلا اِو بوتلرئني و تؤکمه بوتو گؤتورَنده کاهئن اونلارا ددي: "نه ادئرسئنئز؟"
او واخت ددئلر: "ساکئت اول، اَلئنله آغزيني اؤرت. دور بئزئمله گِدَک، بئزه آتا و کاهئن اول. سنئن اوچون بئر آدامين اِوئنده کاهئنلئک اتمک ياخشيدير، يوخسا بئر ائسرايئل قبئلهسئنه، بئر نسله؟"
کاهئنئن اوره‌يي شاد اولدو، اِفودلا اِو بوتلرئني و اويما بوتو گؤتوروب خالقلا برابر گتدي.
اونلار اؤز اِو اهلئني، حيوانلاري و اِو اشيالاريني قاباقلارينا قاتيب يولا دوشدولر.
مئکانين اِوئندن اوزاقلاشاندا مئکانين اِو اهلي ييغيليب دان اؤولادلارينا چاتديلار.
اونلار دان اؤولادلارينا قيشقيرديلار. دان اؤولادلاري دؤنوب مئکايا ددئلر: "سنه نه اولوب کي، بونلاري بورايا ييغيبسان؟"
مئکا اونلارا ددي: "دوزلتدئيئم آللاهلاري و کاهئني گؤتوروب گتدئنئز، مگر آرتيق منه بئر شي قاليب؟ نجه منه دئيه بئلرسئنئز: «سنه نه اولوب؟»"
دان اؤولادلاري اونا ددئلر: "سَسئن آراميزدا اِشئدئلمه‌سئن، يوخسا تِز قضبلَنَن آداملاريميز سنئن اوستونه هوجوم اِدَر، هم اؤز حياتيني، هم ده اِوئندهکئلرئن حياتيني ائتئرَرسن."
دان اؤولادلاري يوللارينا داوام وردئلر. مئکا بو آداملارين اوندان گوجلو اولدوغونو گؤروب اِوئنه قاييتدي.
دان اؤولادلاري مئکانين دوزلتدئيي شيلري و اونون کاهئنئني گؤتوروب لَيئشه، دئنج و آرام بئر خالقا هوجوم اتدئلر. اهالئسئني قيلينجدان کچئردئب شهره اود ووردولار.
اونلاري قورتاران اولمادي، چونکي لَيئش صئدوندان اوزاقدا ائدي. بو خالقين هچ کسله ده رابئطه‌سي يوخ ائدي. بو شهر بِيت‌رِخوبون يانيندا اولان بئر دره‌ده يِرلَشئر. دانلي‌لار بو شهري تزهدن تئکئب اورادا ياشاديلار.
اونلار ائسرايئلده دوغولان اؤز آتالاري دانين خاطئرئنه بو شهرئن آديني دان قويدولار. آمّا شهرئن اوّلکي آدي لَيئش ائدي.
دان اؤولادلاري اورادا اؤزلري اوچون اويما بوتو قوردولار؛ اؤلکهنئن اسئرلئيه دوشَن گونونه قدر موسا اوغلو گِرشوم اوغلو يوناتان اؤزو و اوغوللاري دان قبئلهسئنه کاهئن اولدولار.
تارينين عئبادتگاهي شئلودا اولارکن، بوتون بو دؤورده دانلي‌لار مئکانين دوزلتدئيي اويما بوته سئتايئش ادئردئلر.
ائسرايئلده پادشاه اولمايان او گونلرده، اِفرايئمئن داغليق بؤلگه‌سئنئن اوزاقلاريندا بئر لاوئلي ياشاييردي. او، يهودانين بِيت‌لِخِم شهرئندن اؤزو اوچون بئر جارئيه آلميشدي.
بو جارئيه آيري بئر آداملا زئنا اتدي و اوندان آيريليب آتاسينين اِوئنه، يهودانين بِيت‌لِخِم شهرئنه قاييديب اورادا دؤرد آي قالدي.
اَري اونون دالينجا گتدي کي، جارئيه‌نئن گؤيلونو آليب اونو گری قايتارسين. او اؤزو ائله نؤکرئني و بئر جوت اِششَک گؤتوردو. جارئيه اَرئني آتا اِوئنه آپاردي و آتاسي کئشئني گؤرنده شادليقلا پئشوازا چيخدي.
بو کئشئنئن قايينآتاسي يعني جاوان آروادين آتاسي اونو اِوئنده قوناق ساخلادي. کئشي اونلاردا اوچ گون قالدي و اونلار يِيئب-ائچئب اورادا قوناق قالديلار.
دؤردونجو گون سحر تزدن دوردولار. کئشي گتمه‌يه حاضيرلاشاندا، جاوان آروادين آتاسي کوره‌کَنئنه ددي: "بئر تئکه چؤرک يِه کي، قووّت آلاسان، اوندان سونرا گِدَرسئنئز."
اونلار اوتوردولار و ائکئسي ده بئرلئکده يِيئب-ائچدئلر؛ سونرا جاوان آروادين آتاسي بو کئشئيه ددي: "خاهئش ادئرم، بو گجهني ده بئزئمله قال، قوي اوره‌يئن شاد اولسون."
کئشي يولا دوشمَک اوچون آياغا قالخدي، لاکئن قايينآتاسي اونون قالماسينا چوخ تأکئد اتدي، اونا گؤره ده، او گجهني گئنه اورادا کچئرتدي.
بشئنجي گون کئشي گری قاييتماق اوچون سحر تزدن قالخدي. جاوان آروادين آتاسي اونا ددي: "خاهئش ادئرم، بئر آز يمک يِه کي، قووّت آلاسان. گون‌اورتادان سونرايا قدر گؤزله." اونلار ائکئسي ده بئرلئکده يمک يدئلر.
کئشي جارئيه‌سي و نؤکري ائله گتمک اوچون آياغا قالخاندا، قايينآتاسي، يعني جاوان آروادين آتاسي اونا ددي: "باخ، گون آرتيق باتير؛ خاهئش ادئرم، بو گجهني ده بورادا قال. چونکي گون باشا گلئب آخشام دوشور. گجهني بورادا قالين. قوي اوره‌يئن شاد اولسون. صاباح سحر سفرئنئز اوچون تزدن دورارسينيز و اِوئنه قاييدارسان."
لاکئن بو کئشي ائستمه‌دی کی، گجهني اونونلا قالسين و آياغا قالخيب يولا دوشدو. او، يِبوس، يعني ائندئکي اورشلئم شهرئنئن موقابئلئنه گلئب چيخدي. اونون پالانلي ائکي اِششه‌يي وار ائدي، جارئيه‌سي ده يانيندا ائدي.
اونلار يِبوسا ياخينلاشاندا، آرتيق گون باتماقدا ائدي. نؤکري آغاسينا ددي: "خاهئش ادئرم، گل يِبوسلولارين بو شهرئنه گئرک و گجهني بورادا کچئردک."
آمّا آغاسي اونا ددي: "يوخ، ائسرايئل اؤولادلاريندان اولمايان ياد اِللی‌لرئن شهرئنه گئرمه‌يَک، گئبعايا گدک."
سونرا آغاسي نؤکرئنه ددي: "گل چاليشاق گئبعايا يا دا رامايا چاتاق. گجهني اونلارين بئرئنده قالاريق."
اونلار اورادان کچئب گتدئلر. بِنيامئنئن گئبعا شهرئنه ياخينلاشارکَن آرتيق گونش باتميشدي.
گئبعايا دؤندولر کي، گجهني اورادا قالسينلار. شهره گئرئب ميداندا اوتوردولار، لاکئن هچ کس اونلاري اِوئنه قوناق آپارمادي.
بو زامان آخشام بئر قوجا کئشي زَمئده اولان ائشئندن اِوه قاييديردي. او، اِفرايئمئن داغليق بؤلگهسئندن ائدي و گئبعادا ياشاييردي. آمّا اورانين ساکئنلري بِنيامئنلی‌لردن ائدئلر.
بو قوجا کئشي باشيني قالديردي و شهرئن ميدانينداکي موسافئري گؤروب ددي: "هارادان گلئب، هارايا گِدئرسن؟"
کئشي اونا ددي: "بئز يهودانين بِيت‌لِخِم شهرئندن اِفرايئمئن داغليق بؤلگه‌سئنئن اوزاقلارينا گدئرئک. من اورالي‌يام. يهودانين بِيت‌لِخِم شهرئنه گتمئشدئم، ائندي ده اِوئمه قاييديرام. آمّا منی اِوئنه آپاران يوخدور.
حال بو کي، اِششَکلرئمئزئن ساماني دا وار، يِمي ده وار. منئم، جارئيه‌مئن و يانيمداکي نؤکرئن چؤره‌يي و شرابي وار؛ هچ نَيه احتئياجيميز يوخدور."
قوجا کئشي ددي: "جانين صاغ اولسون! قويون سئزئن احتئياجلارينيزي من رفع ادئم. آنجاق گجهني ميداندا قالمايين."
اونو گؤتوروب اِوئنه گتئردي و اِششَکلرئنه يِم وردی. هامي آياقلاريني يوياندان سونرا يِيئب-ائچدئلر.
يِيئب-ائچدئکلري زامان، شهر ساکئنلرئندن بئر دسته ياراماز آدام اِوي احاطه‌يه آليب قاپيني دؤيدولر. بو آداملار اِو صاحئبي قوجايا ددئلر: "اِوئنه گلن کئشئني باييرا چيخارت، اونونلا ياتاق."
اِو صاحئبي باييرا چيخيب اونلارا ددي: "يوخ، هموطنلرئم، يالواريرام، بله بئر پئسلئک اتمهيئن. ائندي کي بو آدام منئم اِوئمه گلئب، بو آلچاقليغي اتمهيئن.
باخ منئم اِوده اَره گتمهمئش قيزيم و او کئشئنئن جارئيه‌سي وار. قوي اونلاري بورايا چيخارديم، بو بي‌آبيرچيليغي اونلارلا ادئن، اونلارلا گؤزونوزه خوش گؤرونه‌ني ادئن، لاکئن بو کئشي ائله بله آلچاقليق اتمهيئن."
لاکئن بو آداملار اونا قولاق آسماق ائستَمه‌دئلر. اونا گؤره ده لاوئلي جارئيه‌سئنئن قولوندان توتوب باييرا، اونلارين يانينا چيخارتدي. اونلار اونا تَجاووز ادئب بوتون گجهني سحره‌جک اونونلا پئس ائشلر گؤردولر. سحر آچيلاندا آروادي بوراخديلار.
آرواد گون آغاراندا آغاسينين قالديغي يره، قوجا آدامين اِوئنه قاييديب قاپينين يانيندا يره ييخيلدي و هاوا آچيلانا قدر اورادا قالدي.
آغاسي سحر قالخيب اِوئن قاپيلاريني آچدي و يولونا داوام اتمک اوچون چيخاندا، جارئيه‌سئني اِوئن دروازاسيندا اَللري آستانادا يره ييخيلميش گؤردو.
کئشي آروادا ددي: "دور، گِدَک." لاکئن اوندان هچ بئر جاواب گلمه‌دي. سونرا کئشي جارئيه‌سئني اِششه‌يئن اوستونه قويوب، اؤز شهرئنه يولا دوشدو.
او، اِوئنه چاتاندا، بئر بيچاق گؤتوروب جارئيه‌سئنئن جَسَدئني اون ائکي تئکه‌يه بؤلدو و دوغراديغي تئکهلري بوتون ائسرايئل بؤلگه‌لرئنه گؤندردي.
بو حئصّه‌لري گؤرَن هر کس ددي: "ائسرايئل اؤولادلاري مئصئردن چيخاندان بو گونه‌جک، بله بئر حادئثه نه اولوب، نه ده گؤرونوب. بو بارهده دوشونون، مصلحتله‌شئب وردئيئنئز قَراري بئلدئرئن."
بوتون ائسرايئل اؤولادلاري، داندان بئرشئباعيا قدر بؤلگه‌دن و گئلعاد تورپاغيندان مئصپايا چيخديلار. جاماعات بئر نفر کئمي ربّئن قاباغيندا بئر يره ييغيلدي.
بوتون خالقين، بوتون ائسرايئل قبئله‌لرئنئن باشچيلاري تارينين خالقينين ييغينيندا اؤز يرلرئني توتدولار. اورادا قيلينج داشييان دؤرد يوز مئن پئيادا وار ائدي.
بِنيامئن اؤولادلاري ائسرايئل اؤولادلارينين مئصپايا چيخديقلاريني اشئتدئلر. اورادا ائسرايئل اؤولادلاري ددئلر: "دانيشين گؤرَک، بو پئس حادئثه نجه باش وردي؟"
اؤلدورولَن آروادين اَري اولان لاوئلي اونلارا جاواب وردی: "منئمله جارئيَم گجه‌لَمَک اوچون بِنيامئنئن گئبعا شهرئنه داخئل اولدوق.
گئبعا کئشئلري منه ضئد قالخديلار و گجه واختي قالديغيم اِوي موحاصئرهيه آلديلار، منی اؤلدورمک ائسته‌دئلر و جارئيه‌مي زورلاديلار. بونون نتئجهسئنده آرواد اؤلدو.
من ده جارئيه‌مي گؤتوردوم و تئکه-تئکه دوغراييب هر حئصّهسئني ائسرايئلئن ائرث تورپاقلارينين بوتون بؤلگه‌لرئنه گؤندردئم، چونکي ائسرايئلده پوزغونچولوق و آلچاقليق ادئلئب.
ای ائسرايئل اؤولادلاري! باخين هامينيز بورادا اؤز فئکئر و مصلحتئنئزي ورئن."
بوتون خالق بئر نفر کئمي آياغا قالخيب ددي: "بئزدن هچ کئم چاديرينا گتمَيه‌جک و هچ کئم اِوئنه قاييتماياجاق.
ائندي بله بئر ائش گؤرمَلي‌يئک: پوشک آتيب گئبعايا هوجوم اده‌جيئک.
قوشونا آذوقه گتئرمک اوچون ائسرايئلئن بوتون قبئله‌لرئنئن هر يوز نفردن اونونو، مئن نفرئندن يوزونو، اون مئن نفرئندن مئنئني گؤتوره‌جيئک کي، بِنيامئنئن گئبعا شهرئنه گدئب چاتاندا، ائسرايئلده اتدئکلري آلچاق ائشلرئن هاميسينين عوضئني اونلارا اده بئلسئنلر."
بوتون ائسرايئللی‌لر بئر نفر کئمي بئرله‌شئب او شهرئن ضئدّئنه ييغيلديلار.
ائسرايئل قبئلهلري بِنيامئن قبئلهسئنئن تورپاقلارينين هر طرفئنه قاصئدلر گؤندرئب ددئلر: "بو نه پئسلئکدئر، سئزئن آرانيزدا باش ورئب؟
ائندي گئبعادا اولان او ياراماز آداملاري بئزه ورئن، اونلاري اؤلدورک و بونونلا ائسرايئلدن بو پئسلئيي تمئزلَيَک.» لاکئن بِنيامئن اؤولادلاري ائستَمه‌دئلر کي، هموطنلري اولان ائسرايئل اؤولادلارينين سؤزونه قولاق آسالار.
بِنيامئن اؤولادلاري ائسرايئل اؤولادلاري ائله دؤيوشه چيخماق اوچون اؤز شهرلرئندن گئبعايا ييغيلديلار.
همئن گون شهرلردن گلن قيلينج داشييان بِنيامئن اؤولادلاري ائيئرمي آلتي مئن کئشي ائدي. بوندان علاوه گئبعا اهالئسئندن ده يدّي يوز نفر سچئلمئش آدام ييغيلديلار.
بوتون بو خالقين آراسيندا سولاخاي اولان يدّي يوز سچمه آدام وار ائدي کي، هر بئري سرراست ساپاند آتيب، داشلا باشدا اولان بئر توکو بِله، وورا بئلئردي و آتديقلاري بوشا چيخميردي.
بِنيامئنلی‌لردن باشقا، ائسرايئللی‌لردن قيلينج داشييان دؤرد يوز مئن کئشئني سايديلار کي، بونلارين دا هاميسي دؤيوشچو ائدي.
ائسرايئل اؤولادلاري بِيت ائله چيخديلار و تارينين حوضورونا گلئب ددئلر: "بِنيامئن اؤولادلارينين ضئدّئنه بئزئم طرفدن اوّلجه کئم دؤيوشه چيخاجاق؟" رب ددي: "اوّلجه يهودا قبئله‌سي چيخاجاق."
بلجه ائسرايئل اؤولادلاري سحر تزدن قالخيب گئبعانين ضئدّئنه اوردوگاه قوردولار.
ائسرايئللی‌لر بِنيامئنلی‌لرله دؤيوشه چيخيب گئبعادا اونلارين ضئدّئنه دوزولدولر.
بِنيامئن اؤولادلاري گئبعادان چيخديلار و او گون ائسرايئللی‌لردن ائيئرمي ائکي مئن کئشئني ووروب يره سَردئلر.
لاکئن ائسرايئل قوشونو جسارته گلئب اوّلکي گون دوزولدوکلري يرده گئنه ده دؤيوشه دوزولدولر.
ائسرايئل اؤولادلاري بِيت ائله چيخيب ربّئن قاباغيندا آخشاما قدر آغلاديلار و رَبدن سوروشوردولار: "آيا هموطنئمئز بِنيامئن اؤولادلاري ائله گئنه دؤيوشه گئرئشَک؟" رب اونلارا ددي: "اونلارين قاباغينا چيخين."
ائکئنجي گون ائسرايئل اؤولادلاري بِنيامئن اؤولادلارينا ياخينلاشديلار.
همئن گون ده بِنيامئنلی‌لر اونلارين قاباغينا چيخيب ائسرايئل اؤولادلاريندان بو دفه اون سکّئز مئن کئشئني ووروب يره سَردئلر. بونلارين هاميسي قيلينج داشييان آداملار ائدي.
بوتون ائسرايئل اؤولادلاري و بوتون قوشون بِيت ائله چيخيب آغلادي؛ اورادا ربّئن قاباغيندا قاليب آخشاما قدر اوروج توتدولار. ربّئن حوضوروندا يانديرما و باريش قوربانلاري تقدئم اتدئلر.
ائسرايئل اؤولادلاري رَبدن مصلحت ائسته‌دئلر، چونکي تارينين عهد سانديغي او گونلر اورادا ائدي.
هارون اوغلو اِلعازار اوغلو پئنِخاس او گونلرده سانديغين قاباغيندا خئدمت ادئردي. اونلار ربّه ددئلر: "هموطنلرئمئز بِنيامئن اؤولادلارينين ضئدّئنه بئر داها دؤيوشه چيخاق، يوخسا بو ائشدن اَل چکَک؟" رب ددي: "چيخين، چونکي صاباح اونلاري سئزه تسلئم ادهجيم."
ائسرايئللی‌لر گئبعانين اطرافيندا کمئن قوروب آداملار قويدولار.
اوچونجو گون گئنه ائسرايئل اؤولادلاري بِنيامئن اؤولادلارينين ضئدّئنه چيخديلار و اوّلکي کئمي گئبعانين ضئدّئنه دوزولدولر.
بِنيامئن اؤولادلاري دا بو خالقين ضئدّئنه چيخديلار و شهردن کنارا چکئلدئلر. اوّلکي کئمي اونلار ائسرايئللی‌لري قيرماغا باشلاديلار. بِيت ائله و گئبعايا گدن اصلي يوللاردا، هم ده آچيق تورپاقدا اوتوز نفره قدر ائسرايئللي قيريلدي.
بِنيامئن اؤولادلاري ديئردئلر: "اَوّلکي کئمي اونلار گئنه ده قاباغيميزدا مغلوبدورلار." لاکئن ائسرايئل اؤولادلاري ديئردئلر: "قاچاق، اونلاري شهردن اوزاغا اصلي يوللارا چيخارداق."
بوتون ائسرايئللی‌لر يرلرئندن قالخيب بَعَل‌تاماردا دوزولدولر؛ گئبعانين قرب سمتئنده کمئنده دوران ائسرايئللی‌لر ده يرلرئندن چيخديلار.
او زامان کي، بوتون ائسرايئلدن سچئلمئش اون مئن کئشي گئبعايا هوجوم اتدي، دؤيوش شئدّتلي ائدي؛ آمّا بِنيامئنلی‌لر موصئبتله راستلاشديقلاريني بئلمه‌دئلر.
رب ائسرايئلئن قاباغيندا بِنيامئنلی‌لري دارماداغين اتدي. همئن گون ائسرايئل اؤولادلاري بِنيامئنلی‌لردن ائيئرمي بش مئن يوز کئشئني هلاک اتدئلر. بونلارين هاميسي قيلينج گَزدئرن آداملار ائدي.
بِنيامئن اؤولادلاري گؤردولر کي، مغلوب اولوبلار. بله اولدو کي، ائسرايئللی‌لر گئبعانين ضئدّئنه قوردوقلاري کمئنده دورانلارا بِل باغلاديقلارينا گؤره بِنيامئنلی‌لره ميدان ورمئشدئلر.
کمئنده دوران آداملار جَلد تَرپه‌نئب گئبعايا هوجوم اتدئلر؛ کمئنده دوران آداملار اطرافا ياييليب بوتون شهري قيلينجدان کچئرتدئلر.
شهردن قالخان بؤيوک توستو، ائسرايئللیلرله کمئنده دورانلار آراسيندا تعيئن اولونموش علامت ائدي.
بو علامته گؤره دؤيوش ميدانينداکي ائسرايئللی‌لر دؤنوب بِنيامئنلی‌لرئن اوستونه گتمه‌يه باشلاديلار. بِنيامئنلی‌لر ائسرايئللی‌لري قيرماغا باشلاميشديلار و اوتوز نفره قدر آدامي اؤلدوردولر. چونکي ديئردئلر: "يقئن اَوّلکي دؤيوشده اولدوغو کئمي قاباغيميزدا مغلوبدورلار."
لاکئن شهردن توستو سوتون کئمي قالخماغا باشلاياندا، بِنيامئنلی‌لر آرخايا باخيب گؤردولر کی، بوتون شهردن توستو گؤيه قالخير.
ائسرايئللی‌لر دؤنوب اونلارين اوستونه گلنده بِنيامئنلی‌لري دهشت بورودو، چونکي فَلاکَتله راستلاشديقلاريني گؤردولر.
اونلار ائسرايئللیلرئن قاباغيندان گری چکئلئب چؤله طرف قاچديلار، لاکئن دؤيوش اوراني دا بورودو. شهرلردن چيخانلار، اونلاري موحاصئرهيه آليب قيرديلار.
بِنيامئنلی‌لري موحاصئرهيه آلديلار و دايانمادان اونلاري تعقئب اتدئلر و گئبعانين قاباغيندا گون دوغان طرفده اونلاري اَزدئلر.
بِنيامئنلی‌لردن اون سکّئز مئن نفر يره سَرئلدي. بونلارين هاميسي ائگئد جنگ‌آور ائدئلر.
قالانلاري دؤنوب چؤله طرف، رئمّون قاياسينا قاچديلار. ائسرايئللی‌لر اصلي يوللار بويونجا اونلاردان بش مئن کئشئني قيرديلار. سونرا گئدعوما قدر بِنيامئنلی‌لرئن دالينجا دوشوب داها ائکي مئن کئشئني اؤلدوردولر.
همئن گون قيلينج گَزدئرَن ائيئرمي بش مئن بِنيامئنلي قيريلدي. بونلارين هاميسي ائگئد جنگ‌آور ائدي.
لاکئن آلتي يوز کئشي دؤنوب چؤله طرف، رئمّون قاياسينا قاچديلار و دؤرد آي اورادا قالديلار.
ائسرايئللی‌لر بِنيامئن اؤولادلارينين تورپاقلارينا قاييديب بوتون شهر ساکئنلرئني و حيوانلاريني، اَللرئنه نه کچدي، هاميسيني قيلينجدان کچئرتدئلر. سونرا قاباقلارينا چيخان بوتون شهرلره اود ووردولار.
ائسرايئللی‌لر مئصپادا آند ائچئب دِمئشدئلر: "بئزدن هچ کئم قيزيني بِنيامئنلئيه اَره ورمهيهجک."
خالق بِيت ائله گدئب اورادا آخشاما قدر تارينين حوضوروندا اوتوردولار و باغيريب آجي-آجي آغلاديلار.
اونلار ددئلر: "ای ائسرايئلئن تاريسي رَب، نئيه ائسرايئلده بله حادئثه باش وردي؟ نه اوچون بو گون ائسرايئلدن بئر قبئله اَسکئلدي؟"
او گونون صاباحي خالق تزدن قالخيب اورادا ربّه بئر قوربانگاه تئکدئلر و يانديرما و باريش قوربانلاري تقدئم اتدئلر.
ائسرايئل اؤولادلاري ددئلر: "بوتون ائسرايئل قبئلهلرئندن کئم وار کي، ربّئن قاباغينداکي ييغينيميزا گلمه‌دي؟" چونکي مئصپادا ربّئن حوضورونداکي ييغينا گلمه‌يَنلر حاقّيندا بَرک آند ائچمئشدئلر کي، اونلار اؤلدورولمه‌لي‌دئرلر.
ائسرايئل اؤولادلاري اؤز هموطنلري بِنيامئنلی‌لردن اؤتري کَدَرله‌نئب ديئردئلر: "بو گون ائسرايئلدن بئر قبئله کَسئلدي.
اونلاردان صاغ قالانلارا آرواد تاپماق اوچون نه اِدَک؟ آخي اونلارا قيزلاريميزي اَره ورمهمک اوچون ربّئن حاقّينا آند ائچمئشئک."
سونرا ددئلر: "ائسرايئل قبئلهلرئندن مئصپايا، ربّئن حوضورونا کئم گلمه‌يئب؟" ييغين اوچون اوردوگاها يابِش‌گئلعاددان هچ کئم گلمه‌مئشدي،
چونکي خالق سئياهييا آليناندا، يابِش‌گئلعاد اهالئسئندن هچ کئم اورادا ديئلدي.
جاماعات اورايا اون ائکي مئن ائگئد جنگ‌آور گؤنده‌رئب اونلارا امر اتدئلر: "گدئن، يابش گئلعاد اهالئسئني اونلارين آروادلار و اوشاقلاري ائله بئر قيلينج آغزيندان کچئردئن.
اده‌جيئنئز ائش بله اولاجاق: هر کئشئني و کئشي ائله ياتان آروادلارين هاميسيني کامئل محو ادئن."
يابش گئلعاد اهالئسي آراسيندا دؤرد يوز باکئره قيز تاپديلار کي، هچ کئشي ائله ياتماميشديلار. و اونلاري کَنَعان تورپاغيندا اولان شئلوداکي اوردوگاها گتئردئلر.
بوتون جاماعات رئمّون قاياسيندا اولان بِنيامئن اؤولادلارينين يانينا آدام گؤندرئب اونلارلا دانيشديلار و اونلاري باريشيغا چاغيرديلار.
او واخت بِنيامئنلی‌لر قاييتديلار و يابش گئلعاد آروادلاريندان صاغ قالان آروادلار اونلارا ورئلدي، لاکئن گتئرئلَنلر اونلارين هاميسينا چاتمادي.
خالق بِنيامئنلی‌لردن اؤتري کَدَرلَندي، چونکي رب ائسرايئل قبئلهلري آراسيندا بئر ياريق آچميشدي.
سونرا جاماعاتين آغساقّاللاري ددئلر: "قالانلار اوچون نجه آرواد تاپاق؟ چونکي بِنيامئنده‌کي آروادلار هلاک اولوبلار."
ددئلر: "بنيامئنده صاغ قالان اوغوللارين وارئثي اولماليدير کي، ائسرايئلدن بئر قبئله سئلئنمه‌سئن.
بئز قيزلاريميزي اونلارا اَره وره بئلمه‌رئک، چونکي ائسرايئل اؤولادلاري آند ائچئب دِمئشدئلر کي، "لعنت اولسون او آداما کي، بِنيامئنلئيه قيز ورئر."
و ددئلر: "باخين بِيت‌ائلئن شئماليندا، بِيت‌ائلدن شِکِمه چيخان اصلي يولون شرقئنده، لِبونانين جنوبوندا اولان شئلودا ائل‌به‌ائل ربّئن بايرامي اولور."
بلجه، بِنيامئن اؤولادلارينا بله امر اتدئلر: "گدئن و اوزوم باغلاريندا کمئنده دورون
و گودون. اگر شئلو قيزلاري اويناماق اوچون چيخديلار، جَلد باغلاردان چيخين، هر کس بئر شئلو قيزيني اؤزونه آرواد گؤتوروب بِنيامئن تورپاغينا گتسئن.
اگر اونلارين آتالاري، يا دا قارداشلاري بئزئم يانيميزا شئکايته گلسه‌لر، اونلارا دئيه‌رئک: "بئزئم خاطئرئمئزه بِنيامئنلی‌لري باغيشلايين، چونکي اسئر آلديغيميز قيزلار هاميسينا چاتمادي. سئز ده اونلارا قيز ورمه‌دئيئنئزه گؤره تقصئرکار ديئلسئنئز.»"
بِنيامئن اؤولادلاري بله ده اتدئلر و اؤز سايلارينا گؤره اوينايان قيزلاردان گؤتوروب آپارديلار. اونلار گدئب اؤز ائرثي تورپاقلارينا قاييتديلار و شهرلري تزهدن تئکئب اونلاردا ياشاديلار.
او واخت ائسرايئل اؤولادلاري اوراني ترک اتدئلر. هر بئري اؤز قبئلهسئنه و اؤز عايئلهسئنئن يانينا قاييتدي، هر بئري اؤز ائرثي تورپاغينا گتدي.
او گونلرده ائسرايئلده پادشاه يوخ ائدي؛ هَره اؤز گؤزونده دوغرو گؤرونَن ائشي ادئردي.
داورلرئن حؤکم اتدئيي گونلرده، اؤلکهده قيتليق اولدو. اِله بو واختلاردا يهودانين بِيت‌لِخِم شهرئندن بئر کئشي آروادي و ائکي اوغلو ائله بئرلئکده موآب تورپاغينا کؤچدو کی، اورادا مووَقّتي ياشاسين.
بو کئشئنئن آدي اِلئمَلِک، آروادينين آدي ناعومي، بئر اوغلونون آدي مَخلون، او بئرئنئن آدي دا کئليون ائدي. اونلار يهودانين بِيت‌لِخِم شهرئندن اولان اِفراتلي‌لار ائدئلر. بو آداملار موآب تورپاغينا گلئب اورادا قالديلار.
سونرا ناعومئنئن اَري اِلئمَلِک اؤلدو و او، ائکي اوغلو ائله قالدي.
اوغوللاري اؤزلرئنه موآب قيزلاريندان آرواد آلديلار. بو آروادلارين بئرئنئن آدي عورپا، او بئرئنئن آدي دا روت ائدي. اونلار اون ائله ياخين بو تورپاقدا ياشاديلار.
سونرا مَخلون و کئليون دا اؤلدو، ناعومي هم اوغولسوز، هم ده اَرسئز قالدي.
بئر گون ناعومي گلئنلري ائله آياغا قالخدي کي، موآب تورپاغيندان گری قاييتسين. چونکي او، موآب تورپاغيندا اشئتمئشدي کي، رب اؤز خالقينا نظر ساليب اونلارا چؤرک ورئب.
بلجه ناعومي ياشاديغي يردن آيريلدي، اونون ائکي گلئني ده اونونلا ائدئلر؛ گِدئردئلر کي، يهودا اؤلکهسئنه قاييتسينلار.
ناعومي هر ائکي گلئنئنه ددي: "گدئن، هر بئرئنئز آنانيزين اِوئنه قاييدين. رب سئزه مهرئبان اولسون، نجه کي، سئز منه و مَرحوملارا مهرئبانليق اتدئنئز.
رب اِله اتسئن کي، هر بئرئنئز اَر اِوئنده راحاتليق تاپاسينيز.» سونرا او، گلئنلرئني اؤپدو و اونلار هؤنکوروب آغلاديلار.
گلئنلري اونا ددئلر: "خير، بئز ده سنئنله بئرلئکده خالقينين يانينا گدئرئک."
آمّا ناعومي ددي: "قيزلاريم، قاييدين گدئن. نئيه گرک منئمله گدهسئنئز؟ مگر بطنئمده گئنه اوغوللاريم وار کي، سئزه اَر اولسونلار؟
قاييدين، قيزلاريم! گدئن. من ائندي اَره گتمک اوچون چوخ ياشلي‌يام. دسم کي، اومئدئم وار، حتّا بو گجه اَره گدئب اوغوللار دوغاجاغام،
مگر اونلار بؤيويه‌نه قدر گؤزله‌يَرسئنئز؟ اَره گتمه‌يئب مگر صبر ادرسئنئز؟ يوخ، قيزلاريم! منئم وضعئم سئزئنکئندن داها چتئندئر، چونکي منئم ضئدّئمه قالخان ربّئن اَلئدئر."
اونلار گئنه ده بَرکدن آغلاشديلار. عورپا قايين‌آناسيني اؤپوب وئداعلاشدي، آمّا روت اونا ساريلدي.
ناعومي روتا ددي: "باخ، قاينين آروادي اؤز خالقينين و آللاهلارينين يانينا قاييتدي، گل سن ده اونون دالينجا گری قاييت."
آمّا روت ددی: "مجبور اتمه کي، سني ترک اِدئم َ و سنئنله گتمه‌يئم. بئل کي، هارايا گدهسن، اورايا گده‌جيم، هارادا قالاسان، اورادا قالاجاغام؛ خالقين منئم خالقيم اولاجاق، تارين دا منئم تاريم.
هارادا اؤله‌سن، اورادا اؤله‌رم، اورادا دا باسديرالارام. اگر اؤلومدن باشقا بئر شي منی سندن آييرسا، قوي رب منه بله‌سئني و بوندان داها بَتَرئني اتسئن."
ناعومي روتون اونونلا گتمک اوچون بله قرارلي اولدوغونو گؤرنده آرتيق اونا بئر شي دمه‌دي.
بلجه هر ائکئسي بِيتلِخِمه قدر گدئب اورايا چاتديلار. بِيتلِخِمه داخئل اولاندا، دؤنوشلري بوتون شهر اهالئسئني حرکته گتئردي و ددئلر: "ناعومي بودور؟"
ناعومي اونلارا ددي: "منه ناعومي دمه‌يئن، منه مارا ديئن، چونکي قادئري موطلق حياتيمي آجي ادئب.
من بورادان دولو چيخديم، رب منی بوش قايتاردي. ائندي کي رب منئم ضئدّئمه قالخيب و قادئري موطلق باشيما موصئبت گتئرئب، داها نئيه منی ناعومي چاغيريرسينيز؟"
بلجه، ناعومي موآب تورپاغيندان گلئني موآبلي روتلا برابر گری قاييتدي. اونلار بِيتلِخِمه آرپا بئچئني باشلاناندا گلدئلر.
ناعومئنئن اَري طايفاسيندان بوعَز آدلي وارلي بئر قوحومو وار ائدي کي، اِلئمَلِکئن طايفاسيندان ائدي.
بئر گون موآبلي روت ناعومئيه ددي: "ائجازه ور، زمئيه گدئم. کئمئن گؤزونده لوطف تاپسام، اونون دالينجا باشاق ييغيم." ناعومي اونا ددي: "گت، قيزيم."
روت گتدي و بئر زمئيه گئرئب بئچئنچئلرئن دالينجا باشاق ييغماغا باشلادي؛ روت تصادوفن او ساحه‌يه گئرمئشدي کي، اِلئمَلِکئن طايفاسيندان اولان بوعَزئنکي ائدي.
بو واخت بوعَز بِيت‌لِخِمدن گلدي و بئچئنچئلره ددي: "رب سئزئنله اولسون!" بئچئنچئلر جاواب وردئلر: "رب سنه برکت ورسئن."
بوعَز بئچئنچئلره نظارت ادن نؤکرئنه ددي: "بس بو جاوان آرواد کئمئندئر؟"
بئچئنچئلره نظارت ادن نؤکر جاواب وردی: "بو، او جاوان موآبلي آرواددير کي، ناعومي ائله بورايا موآب تورپاغيندان گلئب.
منه ددي: «خاهئش ادئرم، قوي بئچئنچئلرئن دالينجا دوشَن باشاقلاري دَرزلرئن آراسيندان ييغيم.» سحردن گلئب، ائندئيهجک بورادادير، تالوار آلتيندا دا لاپ آز دئنجه‌لئب."
او واخت بوعَز روتا ددي: "منه قولاق آس، قيزيم! باشاق ييغماق اوچون آيري زمئيه گتمه. بورادان گتمه، منئم کنئز قيزلاريملا قال.
گؤزونو بئچئنچئلرئن بئچدئيي بو زمئيه دئک و قيزلارين دالينجا گت. نؤکرلره امراتمئشم کي، هچ کئمئن سنئنله ائشي اولماسين. سوسوز اولاندا، سو قابلارينين يانينا گت و نؤکرلرئن چکدئيي سودان ائچ."
روت باشيني اَيئب يره‌جک تعظئم اتدي و ددي: "نه‌يه گؤره من گؤزلرئنده لوطف تاپديم کي، منئم قيدئمه قالاسان. من کي، بئر قرئبم؟"
بوعَز اونا جاواب وردی: "اَرئن اؤلَندن سونرا قايين‌آنانا اتدئيئن هر شيي اشئتمئشم. سن آتاني، آناني، دوغما تورپاغيني آتيب، تانيماديغين بئر خالقين يانينا گلئبسن."
بو ائشئنئن عوضئني، قوي رب ورسئن! قوي قانادي آلتينا سيغينماق اوچون گلدئيئن ائسرايئلئن تاريسي رب، سنه بول عوض ورسئن!
روت ددي: "قوي سنئن گؤزونده تاپديغيم بو لوطف اَسکئلمه‌سئن. نجه ده منه تسلّی وردئن. سنئن کنئزلرئنه تاي اولماديغيم حالدا، بو کنئزئنه مهرئبان سؤزلر ددئن."
يمک زاماني بوعَز روتا ددي: "بورايا گل، سن ده چؤرکدن يِه، تئکهني سئرکه-شئره‌يه باتير." بلجه آرواد گلئب بئچئنچئلرئن يانيندا اَيلَشدي. بوعَز اونا قووورغا اوزاتدي. آرواد يِيئب دويدو و يِمه‌يئندن آرتيق دا قالدي.
روت باشاق ييغماق اوچون آياغا قالخاندا، بوعَز نؤکرلرئنه امر ادئب ددي: "قويون او حتّا دَرزلردن ده باشاق ييغسين، اونو ائنجئتمه‌يئن.
دَرزلر آراسيندان چکئب اونون اوچون ده آتين کي، او دا ييغسين. اونو قينامايين."
روت آخشاما قدر زَمئده باشاق ييغدي و ييغديغي باشاغي دؤيوب بئر اِفايا ياخين آرپا چيخارتدي.
سونرا اونو گؤتوروب شهره گلدي. قايين‌آناسي اونون نه قدر باشاق ييغديغيني گؤردو. روت ناهاردا دوياندان سونرا آرتيق قالان يِمه‌يئني قايين‌آناسينا وردی.
قايين‌آناسي اونا ددي: "بو گون هارادا باشاق ييغدين؟ هارادا ائشله‌دئن؟ سنه حؤرمت ادن قوي برکت آلسين!" روت يانيندا ائشله‌دئيي آدام حاقّيندا قايين‌آناسينا دانيشيب ددي: "بو گون يانيندا ائشله‌دئيئم آدامين آدي بوعَزدئر."
ناعومي گلئنئنه ددي: "دئرئلردن و اؤلولردن اؤز مهرئبانليغيني قييمايان رب، قوي اونا برکت ورسئن!" ناعومي گئنه روتا ددي: "او کئشي ياخين قوحوملاريميزدان بئرئدئر. او بئزي قورتاراجاق قَيّومدور"
موآبلي روت ددي: "بئر ده او منه ددی کي، «منئم بئچئنئم قورتارانا قدر ائشچئلرئمله بئرلئکده ائشله.»"
ناعومي گلئنئنه ددي: "قيزيم، اونون کنئز قيزلاري ائله ائشلَمه‌يئن چوخ ياخشيدير، يوخسا آيري زَمئلرده سني ائنجئدَرلر."
بِلَجه، روت آرپا و بوغدا بئچئنلري قورتارانا قدر، بوعَزئن کنئز قيزلارينين يانيندا باشاق ييغدي و قايين‌آناسي ائله بئرلئکده ياشادي.
بئر گون قايين‌آناسي ناعومي روتا ددي: "قيزيم، مگر منه گرکلي ديئل کي، سنئن راحاتليغين اوچون بئر ير آختاريم؟
کنئز قيزلاري ائله ساحه‌سئنده ائشله‌دئيئن بوعَز مگر بئزئم قوحوموموز ديئل؟ باخ، او بو آخشام خرمنده آرپا سووورور.
سن ده يويون، عطئرلَن و لاپ گؤزل پالتاريني گِيئنئب خرمنه اِن. آمّا او يِيئب-ائچمه‌يئني قورتارمايينجا اؤزونو اونا گؤرسدمه.
اِله کي ياتماغا گتدي، يرئني تاپيب آياقلارينين اوستونو آچ و اورادا يات. سونرا نه اتمک لازيمدير، او اؤزو سنه دئيهجک."
روت اونا ددي: "ددئکلرئنئن هاميسينا عمل اده‌رم."
روت خرمنه اِندي و قايين‌آناسينين بوتون تاپشيريقلارينا عمل اتدي.
بوعَز يِيئب-ائچئب کِفي کؤکَلَندن سونرا، ياتماق اوچون محصول تاياسينين کنارينا گتدي. روت دا گئزلئجه گلدي و آياقلارينين اوستونو آچيب اورادا اوزاندي.
گجه ياريسي بئردن بوعَز دئسکئندي و چِورئلئب باخاندا گؤردو کي، آياقلاري آلتيندا بئر آرواد اوزانيب.
بوعَز آروادا ددي: "سن کئمسن؟" آرواد جاواب وردی: "من کنئزئن روتام. اَته‌يئنله بو کنئزئنئن ده اوستونو اؤرت، چونکي سن منئم قورتاراجاق قَيّومومسان."
بوعَز ددي: "قوي رب سنه برکت ورسئن، قيزيم! آخيرکي مهرئبانليغين اَوّلکئندن ده ياخشيدير. چونکي جاوان کئشئلرئن دالينجا گتمه‌دئن، ائستر کاسيب اولسون، ائستر وارلي.
قيزيم، داها قورخما! ددئيئن هر شيي سنئن اوچون ادهجيم. شهرئمئزئن بوتون اهالئسي ياخشي بئلئر کي، سن شخصئيّتلي بئر آروادسان.
دوزدور، سنئن قَيّومون منم، آمّا مندن ده ياخين بئر قَيّوم وار.
بو گجهني قال، صاباح اگر او آدام سنه قَيّوم اولماق ائسته‌سه، چوخ ياخشي، قوي اولسون. يوخ، اگر بوندان ائمتئناع اتسه، وار اولان رب حاقّي، سنئن قَيّومون من اؤزوم اولاجاغام. حلهلئک صاباحا قدر يات."
بلجه روت اونون آياقلاري آلتيندا صوبحه‌جک ياتدي و سحرئن آلاقارانليغيندا، گؤزون حله ياخشي سچمه‌دئيي واختدا آياغا قالخدي، چونکي بوعَز دمئشدي: "قوي هچ کس بئلمه‌سئن کي، خرمنه آرواد گلئب."
سونرا بوعَز روتا ددي: "اوست اؤرتويونو گؤتور، بورادا توت." روت اؤرتويونو گؤتوروب کناريندان توتدو. بوعَز آلتي اؤلچو آرپاني اؤرتويون اوستونه تؤکوب اونا وردی. روت شهره قاييتدي.
او، قايين‌آناسينين يانينا گلنده، قايين‌آناسي اونا ددي: "نجه اولدو، قيزيم؟" روت بوعَزئن اونا نه اتدئيئني ناعومئيه دانيشدي.
سونرا ددي: "او منه بو آلتي اؤلچو آرپاني ورئب ددی کي، قايين‌آنانين يانينا اَلئبوش قاييتما."
ناعومي روتا ددي: "قيزيم، گؤزله، گؤر بو ائشئن آخيري نجه قورتارير؛ چونکي او آدام بو ائشي بو گون آخيرا چاتديرمايينجا آرام اولماياجاق."
بوعَز شهرئن دروازاسينا چيخيب آداملار ييغيلان يرده اوتوردو. بوعَزئن ددئيي قَيّوم اورادان کچئردي. بوعَز اونا ددي: "دوستوم، بئر دؤن، بورادا اوتور." او دا گلئب اورادا اوتوردو.
شهر آغساقّاللاريندان اون آدامي دا چاغيريب اونلارا ددي: "سئز ده بورادا اوتورون." اونلار دا گلئب اوتوردولار.
بوعَز بو قَيّوما ددي: "موآب تورپاغيندان قاييدان ناعومي، مجبوردور قارداشيميز اِلئمَلِکئن زمئسئني ساتسين.
من ده دوشوندوم کي، سنه خبر ورئم: بورادا اوتورانلارين و خالقيمين آغساقّاللاري حوضوروندا اوراني ساتين آل. اگر سن بو قَيّوملوق وظئفهسئني يرئنه يتئره‌جکسن، بونو ات، اگر بوندان ائمتئناع ادئرسن، بونو آچيق دِه، من ده بئلئم؛ چونکي سندن باشقا کئمسه يوخدور کي، بو وظئفهني عؤهده‌سئنه گؤتورسون. فقط سندن سونرا من وارام." او، بوعَزه ددي: "قَيّوملوق وظئفهسئني من يرئنه يتئرهرم."
بوعَز ددي: "زمئني ناعومئدن ساتين آلاندا، اونون مرحوم اوغلونون آروادي موآبلي روتو دا آرواد آلمالي‌سان کي، مرحومون آدي اؤز ائرثي اوستونده قالسين."
قَيّوم اولان آدام ددي: "من اونا قَيّوملوق اده بئلمه‌رم، يوخسا اؤز ائرثئم داغيلار. منئم وظئفه‌مي سن اؤز عؤهده‌نه گؤتور، من قَيّوم اولا بئلمه‌رم."
قَدئم زامانلاردا ائسرايئلده بله بئر عادت وار ائدي: قَيّوملوق وظئفهسئني ائجرا ادنده و مال دَيئشنده بئري اؤز چاريغيني چيخارديب آيريسينا ورَردي کي، موقاوئله‌نئن باغلانماسينا شهادت اولسون. بو، ائسرايئلده راضيلاشما اوصولو ائدي.
قَيّوم اولان آدام بوعَزه ددي: "سن اؤزون ساتين آل." سونرا دا اؤز چاريغيني چيخارتدي.
بوعَز آغساقّاللارا و بوتون خالقا ددي: "سئز بو گون شاهئدسئنئز کي، من اِلئمَلِکئن بوتون مولکونو، کئليون و مَخلونون بوتون مولکلرئني ناعومئدن ساتين آليرام.
بوندان علاوه، مَخلونون دول آروادي موآبلي روتو دا اؤزومه آرواد آليرام کي مرحومون آدي اؤز ائرثي اوستونده قالسين، اله کي، مرحومون آدي قارداشلاري آراسيندان، يورد قاپيلاريندان سئلئنمه‌سئن. سئز ده بو گون شاهئدسئنئز."
دروازا يانينا ييغيلان بوتون خالق و آغساقّاللار ددئلر: "بئز شاهئدئک. قوي رب سنئن اِوئنه گلن آروادي، ائسرايئل اِوئني قوران او ائکي آرواد راحئل و لئيه کئمي اتسئن. اِفراتادا ياخشي ائشلر گؤرهسن و بِيت‌لِخِمده آدين تانينسين.
قوي رب سنئن اِوئني بو جاوان آرواددان گلن نسلله، تامارين يهودايا دوغدوغو پِرِصئن اِوي کئمي اتسئن."
بلجه بوعَز روتو آلدي و روت اونا آرواد اولدو. بوعَز اونونلا ياتدي. رب روتون بطنئنه قووّت وردی و روت بئر اوغول دوغدو.
آروادلار ناعومئيه ددئلر: "ربّئن آدي موبارَک اولسون کي، بو گون سني قَيّومسوز بوراخمادي. قوي اونون آدي ائسرايئلده تانينسين.
قوي بو کؤرپه سني جانلانديرسين و قوجا واختيندا سني ساخلاسين. چونکي اونو، سني سِوَن گلئنئن، سنه يدّي اوغولدان داها ياخشي اولان دوغوبدور."
ناعومي اوشاغي باغرينا باسيب اونون دايه‌سي اولدو.
قونشو آروادلار اونا آد قويوب ددئلر: "ناعومي اوچون اوغول دوغولوب." اونون آديني عوبِد قويدولار. او، داوودون آتاسي يَسّه‌نئن آتاسيدير.
پِرِصئن نسلی بودور: پِرِص خِصرونا آتا اولدو.
خِصرون راما آتا اولدو. رام عَمّئنادابا آتا اولدو.
عَمّئناداب نَخشونا آتا اولدو. نَخشون سَلمونا آتا اولدو.
سَلمون بوعَزه آتا اولدو. بوعَز عوبِده آتا اولدو.
عوبِد يَسّه‌يه آتا اولدو. يَسّه ده داوودا آتا اولدو.
اِفرايئمئن داغليق بؤلگهسئنده يِرلَشَن رامه‌ته‌يئم‌صوفئم شهرئنده اِلقانا آدلي بئر آدام ياشاييردي؛ او صوف اوغلو توخو اوغلو اِلئهو اوغلو يِروخام اوغلو بئر اِفرايئملي ائدي.
اِلقانانين خَنّا و پِنئنّا آديندا ائکي آروادي وار ائدي. پِنئنّانين اوشاقلاري وار ائدي، آمّا خَنّانين اؤولادي يوخ ائدي.
اِلقانا هر ائل اؤز شهرئندن شئلوها گِدَردي کی، قوشونلار ربّئنه پرستئش ادئب قوربان کَسسئن. عِلي‌نئن خوفني و پئنخاس آدلي ائکي اوغلو اورادا ربّئن کاهئنلري ائدئلر.
اِلقانا قوربان کسئلن گون آروادي پِنئنّايا، و اونون اوغوللار و قيزلارينين هاميسينا پاي ورَردي.
لاکئن خَنّايا ائکي قات پاي ورَردي، چونکي اونو سِوئردي، آمّا رب اونون بطنئني باغلاميشدي.
گونوسو پِنئنّا همئشه خَنّايا ساتاشيردي کي، اونو ائنجئتسئن. چونکي خَنّانين بطني رب طرفئندن باغلانميشدي.
بو، ائللر بله داوام ادئردي. خَنّا هر دفه ربّئن اِوئنه گِدنده، گونوسو اونا سؤز آتاردي؛ خَنّا دا آغلاييب يمک يِمَزدي.
بئر گون اَري اِلقانا اوندان سوروشدو: "خَنّا، نئيه آغلاييرسان؟ نئيه يمک يمئرسن؟ آخي اوره‌يئن نئيه قوصّه‌لي‌دئر؟ مگر من سنه اون اوغولدان دا آرتيق ديئلم؟"
اونلار شئلودا يِيئب-ائچَندن سونرا خَنّا آياغا قالخدي. کاهئن عِلي ربّئن معبدئنئن قاپي آستاناسينين يانينداکي کورسوده اوتورموشدو.
خَنّا اورَک يانيغي ائله ربّه دوعا ادئب آجي-آجي آغلادي.
ربّه نذر ادئب ددي: "ای قوشونلارين ربّي، اگر اؤز کنئزئنئن ذلئل‌لئيئني گؤرهسن، منی يادا ساليب، ياددان چيخارتماياسان، منه بئر اوغول ورهسن، من ده اونون بوتون حيات گونلرئني سنه وقف ادئب، قويمارام کي، اونون باشينا اولگوج دَيسئن."
خَنّا ربّئن حوضوروندا دوعاسينا داوام ورَرکَن، عِلي اونون آغزينا باخيردي.
خَنّا قلبئنده يالوارديغي اوچون فقط دوداقلاري تَرپه‌نئردي، سَسي اشئدئلمئردي. اونا گؤره ده، عِلي اله گومان اتدي کي، او، کفلئدئر.
عِلي اونا ددي: "نه واختا قدر کفلئلئک ادهجکسن؟ بسدئر، آت بو شرابي."
لاکئن خَنّا جاوابيندا ددي: "خير، آغام، من نه شراب ائچمئشم، نه ده کفلَندئرئجي آيري بئر ائچکي. روحونو قَم باسميش بئر آروادام کي، اوره‌يئمي آنجاق ربّئن حوضوروندا بوشالديرام.
کنئزئني ياراماز آرواد سانما. بو يالواريشيم، ائندئيهجک چکدئيئم بؤيوک اورَک يوکو و اذئيّته گؤرهدئر."
عِلي جاواب ورئب ددي: "سالامات گت، قوي ائسرايئلئن تاريسي سني مورادينا چاتديرسين!"
خَنّا ددي: "قوي کنئزئن سنئن گؤزونده لوطف تاپسين." بلجه آرواد يولو ائله گتدي و يمک يدي. آرتيق سئماسي قَملي ديئلدي.
او گونون صاباحي اونلار سحر تزدن قالخيب ربّئن حوضوروندا پرستئش اتدئلر و گئنه راماداکي اِولرئنه قاييتديلار. اِلقانا آروادي خَنّا ائله ياخينليق اتدي و رب خَنّاني يادا سالدي.
واخت کچدي، خَنّا بويلو اولوب بئر اوغول دوغدو. "اونو ربدن آرزو اتدئم" ديئب آديني سمويئل قويدو.
سونرا اِلقانا بوتون اِو اهلي ائله شئلويا گتدي کي، ربّه ائلّئک قوربانيني و نذرئني يرئنه يتئرسئن.
آمّا خَنّا گتمه‌دي، اَرئنه ددي: "کؤرپهني سوددن کَسندن سونرا گتئره‌رم کي، ربّئن خئدمتئنه گئرسئن و عؤمرو بويو اورادا قالسين."
اَري اِلقانا اونا ددي: "گؤزونده نه خوشدور، اله ده ات، اونو سوددن آييرانا قدر اِوده قال؛ قوي رب اؤز سؤزونو تصدئق اتسئن." بلجه آرواد اِوده قاليب اوغلونو سوددن آييرانا قدر اَمئزدئردي.
اوشاغي سوددن آييراندان سونرا خَنّا اونو اوچ ياشيندا بئر گاميش، بئر اِفا اون و بئر تولوق شرابلا بئرلئکده ربّئن شئلوداکي اِوئنه آپاردي، گرچي اوشاق حله بالاجا ائدي.
گاميشي کَسندن سونرا اوشاغي عِلي‌نئن يانينا گتئردئلر.
خَنّا ددي: "ای آغام، سنئن جانين حاقّي، ای آغام، من هَمن او آروادام کي، بورادا، سنئن يانيندا دوروب ربّه يالوارديم.
يالواريشيم بو اوشاق اوچون ائدي و رب موراديمي يرئنه يتئردي.
من اونو ربّه وقف اتمئشم؛ عؤمرو بويو ربّه وقف اولونوب." اوشاق اورادا ربّه پرستئش اتدي.
خَنّا ربّه دوعا ادئب ددي: "اوره‌يئم ربده جوشا گلئر، رب منه بؤيوک گوج ورئر، آغزيم دوشمنلرئمئن قاباغيندا فخرله دانيشير، چونکي سنئن نئجاتيندا سوئنئرم.
رب کئمي موقدّس بئري يوخدور، دوغرودان دا، سنئن کئمي هچ کس يوخدور! تاريميز کئمي قايا يوخدور!
آرتيق بؤيوک-بؤيوک دانيشمايين، آغزينيزدان تکَبّورلو سؤزلر چيخماسين. چونکي رب هر شيي بئلَن تاريدير، اودور عمللري اؤلچَن!
جنگاورلرئن کامانلاري قيريلير، آمّا ييخيلانلار قودرتله قورشانيرلار.
توخلار چؤرک اوچون اوجرَته ائشله‌يئرلر، لاکئن آجلار دويورولورلار. حتّا سونسوز آرواد يدّي اؤولاد دوغور، آمّا چوخ‌اوشاقلي آرواد سولور.
رب اؤلدورور ده، دئرئلدئر ده. اؤلولر دئيارينا اِندئرئر و چيخاردير.
رب يوخسوللوق و وار-دؤولت گؤندرئر، آلچالدير دا، اوجالدير دا.
او، يوخسوللاري توز-تورپاغين ائچئندن قالديرير، فاغيرلاري کوللوکدن چيخاردير کي، نجئبزاده‌لرله اوتورسونلار، و شرف تختئني مئراث آلسينلار. چونکي يرئن پايالاري ربّئندئر، دونياني اونلارين اوستونده قوردو.
موتّقي‌لرئنئن قدملرئني حئفظ ادئر، لاکئن پئسلر ظولمتده ساکئت اولورلار. چونکي ائنسان اؤز قووّه‌سي ائله ظفره چاتماز.
ربّه ضئدّ دورانلار پارچا-پارچا اولاجاقلار، اونلارين اوستونه گؤيلري گورولتويه گتئرهجک. رب بوتون دونياني موحاکئمه ادهجک، اؤز پادشاهينا قووّت ورهجک، مسح اتدئيئنه بؤيوک گوج ورهجکدئر!»
سونرا اِلقانا راماداکي اِوئنه قاييتدي. آمّا اوغلان اوشاغي سمويئل کاهئن عِلي‌نئن نظري آلتيندا ربّه خئدمت ادئردي.
عِلي‌نئن اوغوللاري ياراماز آداملار ائدئلر؛ نه ربّی تاني‌ييرديلار،
نه ده خالقلا کاهئنلر عادتئنه گؤره رفتار ادئردئلر. قوربان تقدئم ادئلن زامان، اَت قاينايارکَن، کاهئنئن خئدمتچئسي اَلئنده اوچ‌دئشلي اَت قارماغي ائله گلردي.
اَت قارماغيني قازانا، چاينئکه، تاوايا، يا دا بارداغا سالاردي و قارماقلا نه چيخاردي، کاهئن اونو اؤزو اوچون گؤتورَردي. اونلار شئلوها قوربان گتئرن ائسرايئللیلرئن هاميسي ائله بله رفتار ادئردئلر.
اوستهلئک ده قوربانين پئيئني يانديرمادان اوّل، کاهئنئن خئدمتچئسي گلئب قوربان گتئرن آداما دئيَردي: "کاهئنه کاباب اوچون اَت ور. چونکي سندن پئشمئش اَت يوخ، چئي اَت قبول ادهجک."
اگر قوربان گتئرن دئيَردي: "گرک اوّلجه پئيي يانديرسينلار و سونرا ائسته‌دئيئن قدر گؤتور"، خئدمتچي جاواب ورَردي: "خير، گرک ائندي ورهسن، يوخسا زورلا گؤتورهرم."
ربّئن گؤزو قاباغيندا بو جاوانلارين گوناهي چوخ بؤيوک ائدي، چونکي اونلار ربّه گتئرئلَن تقدئملري تحقئر ادئردئلر.
اوغلان اوشاغي سمويئل اَينئنه کتان اِفود گئيه‌رک ربّئن حوضوروندا خئدمت ادئردي.
آناسي سمويئله کئچئک جوبّه تئکَردي. هر ائل اَري ائله ائلّئک قورباني تقدئم اتمک اوچون شئلوها گلنده، جوبّه‌ني ده گتئرئب اوغلونا ورَردي.
سونرا کاهئن عِلي اِلقانا ائله آروادينا برکت ورئب دئيَردي: "قوي رب سنه ربّه وقف اتدئيئن اوشاغين يرئنه بو آرواددان اؤولادلار ورسئن." بوندان سونرا اونلار اِولرئنه قاييدارديلار.
ربّئن لوطفي ائله خَنّا گئنه بويلو اولوب اوچ اوغول و ائکي قيز دوغدو. اوغلان اوشاغي سمويئل ده ربّئن حوضوروندا بؤيويوردو.
عِلي آرتيق چوخ قوجالميشدي. او، اوغوللارينين بارهسئنده هر شيي اشئتمئشدي کي، نجه بوتون ائسرايئللیلرله ياوا رفتار ادئرلر و حوضور چاديرينين گئرئشئنده خئدمت ادن آروادلارلا ياتيرلار.
عِلي اونلارا ددي: "نئيه بله ائشلر گؤرورسونوز؟ نئيه بوتون خالقدان اشئتدئيئم بو پئس عمللري ادئرسئنئز؟
يوخ، اوغوللاريم! ربّئن خالقي آراسيندا گَزَن اشئتدئيئم خبرلر ياخشي ديئل.
اگر کئمسه، کئمسهنئن ضئدّئنه گوناه ائشلَدسه، اونلار اوچون تاري شفئع اولار. آمّا ربّئن ضئدّئنه گوناه ائشلَدنه کئم شفئع اولا بئلر؟" لاکئن اونلار آتالارينين سؤزلرئنه قولاق آسمازديلار، چونکي رب اونلاري اؤلومه محکوم اتمئشدي.
اوغلان اوشاغي سمويئل گتدئکجه بؤيويوب، ربّئن و ائنسانلارين گؤزونده لوطف قازانيردي.
بو سيرالاردا بئر تاري آدامي عِلي‌نئن يانينا گلئب ددي: "رب بله ديئر: «مگر من اؤزومو مئصئرده آتانين اِوي نسلئنه، فئرعونون خالقينا قول اولارکن آيدين گؤرسدمه‌دئم؟
مگر بوتون ائسرايئل قبئلهلري آراسيندان اونلاري سچمه‌دئم کي، کاهئنلرئم اولسونلار، قوربانگاهيما ياخين گلئب بوخور يانديرسينلار و منئم حوضورومدا اِفود داشيسينلار؟ مگر ائسرايئللیلرئن بوتون اودلا تقدئم اولانلاريني آتانين اِوي نسلئنه ورمه‌دئم؟
بس نه اوچون مسکنئمه امر اتدئيئم قوربان و تقدئملري پايمال ادئرسئنئز؟ نه اوچون خالقيم ائسرايئلئن بوتون تقدئملرئنئن لاپ اعلاسي ائله اؤزونوزو کؤکَلدئب، اوغوللاريني مندن اوستون توتورسان؟»"
اونا گؤره ده ائسرايئلئن تاريسي رب بله ديئر: "حقئقتن دمئشدئم کي، عايئلَن و آتا نسلئن همئشهلئک منئم حوضورومدا خئدمت ادهجک." آمّا ائندي رب ديئر: "ائراق اولسون مندن، چونکي منه حؤرمت ادنلره حؤرمت ادهجيم. آمّا منی سايمايانلار حقارت آلتيندا قالاجاقلار!
باخ، اله گونلر گلئر کي، سنئن ده، آتا نسلئنئن ده گوجونو قيراجاغام و نسلئندن هچ کئم اوزون عؤمور سورمه‌يه‌جک.
گرچي ائسرايئله ياخشيليق ادهجيم، لاکئن سن مسکنئمئن پرئشانليغيني گؤرهجکسن و آرتيق نسلئندن هچ کئم اوزون عؤمور سورمه‌يه‌جک.
لاکئن قوربانگاهيمدان بوتون نسلئنئن آياغيني کسميه‌جيم، اله کي، گؤزلرئن آغلاماقدان کور اولاجاق و جانين عذاب چکهجک و نسلئندن اولانلارين هاميسي جاوانليقلاريندا اؤله‌جکلر.
ائکي اوغلونون يعني خوفني و پئنخاسين هَمن بئر گونده اؤلمه‌سي سنه بئر علامت اولاجاق.
آمّا من اؤزومه وفالي بئر کاهئن سچه‌جيم کي، اوره‌يئمئن و جانيمين ائسته‌دئيئني يرئنه يتئرسئن. اونون اِوئني مؤحکم بئنا ادهجيم. او، مسح اتدئيئمئن حوضوروندا ابدهجک خئدمت ادهجک.
عايئلَندن صاغ قالان هر کس بئر آز گوموش پول يا دا بئر پارچا چؤرک اوچون گلهجک و اونون قاباغيندا اَيئلئب يالواراجاق: «نه اونلار، بئر پارچا چؤرک اوچون منه هر هانسي بئر کاهئنلئک ائشي ور.»"
جاوان سمويئل عِلي‌نئن باشچيليغي آلتيندا ربّه خئدمت ادئردي. او گونلرده ربّئن سؤزونون نازئل اولماسي و رؤيالارين گؤرولمه‌سي نادئر حاللاردا باش ورئردي.
بئر گجه عِلي ياتاغيندا اوزانميشدي. گؤزلري ضعئف اولدوغونا گؤره ياخشي گؤرموردو.
تارينين چيراغي حله سؤنمه‌مئشدي و سمويئل ربّئن مَقدَسئنده، تارينين سانديغي اولان يرده اوزانميشدي کي،
رب سمويئلي چاغيردي. او دا ددي: "بورادايام."
سونرا دا عِلي‌نئن يانينا قاچيب ددي: "منی چاغيردين، من بورادايام." آمّا عِلي جاواب وردی: "من چاغيرماميشام، گت يات." سمويئل گدئب ياتدي.
رب تزهدن چاغيردي: "سمويئل!" سمويئل گئنه قالخيب عِلي‌نئن يانينا گتدي و ددي: "منی چاغيردين؟ من بورادايام!" عِلي گئنه ده جاواب وردی: "من چاغيرماديم اوغلوم، گت يات."
سمويئل ربّی حله تانيميردي و ربّئن سؤزو اونا حله آچيلماميشدي.
رب اوچونجو دفه سمويئلي چاغيردي و سمويئل گئنه قالخيب عِلي‌نئن يانينا گتدي و اونا ددي: "باخ بورادايام، منی سن چاغيردين." او آندا عِلي آنلادي کي، بو اوغلاني چاغيران ربدئر.
بونا گؤره ده سمويئله ددي: "گت اوزان، گئنه سني چاغيرسا، بله دئيَرسن: «دانيش، يارب، قولون سني اشئدئر.»" بلجه سمويئل گدئب يرئنده ياتدي.
رب گلئب اورادا دوردو و اوّلکي کئمي چاغيردي: "سمويئل! سمويئل!" سمويئل ددي: "دانيش، قولون سني اشئدئر."
رب سمويئله ددي: "باخ ائسرايئلده اله بئر ائش گؤره‌جيم کي، اشئده‌نئن قولاقلاري جئنگئلده‌يه‌جک.
همئن گون عِلي‌نئن اِوي حاقّيندا ددئکلرئمئن هاميسيني اوّلدن آخيرا قدر يرئنه يتئره‌جيم.
چونکي اونا چاتديرميشديم کي، اؤزو بئلدئيي گوناهلارينا گؤره اونون اِوئني همئشهلئک محکوم ادئرم، چونکي تارييا لعنت گتئردئلر، آمّا عِلي اونلارين قاباغيني آلمادي.
بونا گؤره ده عِلي‌نئن اِوئنه آند ائچمئشم کي، عِلي‌نئن اِوئنئن تقصئري هچ واخت نه قوربان، نه ده آيري تقدئملرله باغيشلاناجاق."
سمويئل سحره قدر اوزاندي، سونرا ربّئن اِوئنئن قاپيلاريني آچدي. لاکئن قورخدو کي، گؤردويو رؤياني عِلئيه بئلدئرسئن.
سونرا عِلي سمويئلي چاغيريب ددي: "سمويئل، اوغلوم." سمويئل جاواب ورئب ددي: "بلی، بورادايام."
عِلي اوندان سوروشوب ددي: "رب سنه نه ددي؟ خاهئش ادئرم، مندن گئزلَتمه. اگر سنه ددئکلرئندن بئرئني بِله، مندن گئزله‌ده‌سن، تاري سنه بِله‌سئني و بوندان بَتَرئني اتسئن."
بلجه سمويئل اونا هر شيي ددی و هچ نه گئزلَتمه‌دي. عِلي ده ددي: "او، ربدئر، قوي گؤزونده نه خوشدور، اونو اتسئن."
سمويئل بؤيودو. رب اونونلا ائدي و رب اونون سؤزلرئندن هچ بئرئني بوشا چيخارتمادي.
بوتون ائسرايئل، داندان بئرشئباعا قدر، سمويئلئن ربّئن پيغمبري اولدوغونو باشا دوشدو.
رب گئنه شئلودا گؤرونمه‌يه باشلادي. چونکي رب شئلودا اؤزونو سمويئله کلامي ائله گؤرسدمئشدي.
سمويئلئن سؤزو بوتون ائسرايئله ياييلدي. او دؤورده ائسرايئللی‌لر فئلئسطلی‌لرله دؤيوشمک اوچون چيخديلار. ائسرايئللی‌لر اِبِنعِزِرده، فئلئسطلی‌لر ده اَفِقده اوردوگاه قوردولار.
فئلئسطلی‌لر ائسرايئللیلرله دؤيوشمک اوچون دوزولدولر. دؤيوش قيزيشاندا ائسرايئللی‌لر فئلئسطلی‌لره مغلوب اولدولار و دؤيوش ميدانيندا دؤرد مئنه ياخين ائسرايئللي قيريلدي.
خالق اوردوگاها قاييدارکَن ائسرايئلئن آغساقّاللاري بئربئرئندن سوروشدولار: "گؤرهسن رب بو گون بئزي فئلئسطلی‌لر قاباغيندا نه اوچون مغلوب اتدي؟ شئلودان ربّئن عهد سانديغيني يانيميزا گتئرک. قوي آراميزدا اولسون و بئزي دوشمنلرئن اَلئندن قورتارسين."
بلجه خالق شئلويا آدام گؤندردي. کرّوبلار آراسيندا تخت قورموش قوشونلار ربّئن عهد سانديغيني اورادان گتئردئلر؛ عِلي‌نئن ائکي اوغلو خوفني و پئنخاس تارينين عهد سانديغينين يانيندا ائدي.
ربّئن عهد سانديغي اوردوگاها چاتان کئمي بوتون ائسرايئللی‌لر وار گوجلري ائله اِله قيشقيرديلار کي، ير تئترهدي.
فئلئسطلی‌لر بو قيشقيريغين گورولتوسونو اشئدنده ددئلر: "عئبرانئلرئن اوردوگاهيندا نئيه بله بؤيوک قيشقيريق و گورولتو وار؟" سونرا بئلدئلر کي، ربّئن سانديغي اوردوگاها گلئب.
فئلئسطلی‌لر قورخوب ددئلر: "تاري اوردوگاها گلئب، واي حاليميزا! چونکي بوندان اوّل بله بئر شي اولماييبدير.
واي حاليميزا! بو قودرتلي آللاهلارين اَلئندن بئزي کئم قورتاراجاق؟ بونلار او آللاهلارديلار کي، صحرادا مئصئرلی‌لره هر جور بلالار وردئلر.
ای فئلئسطلی‌لر، جسور اولون، کئشي کئمي دايانين! يوخسا عئبرانئلر سئزه نجه بويون اَيدئلر، سئز ده اونلارا اِله بويون اَيه‌جکسئنئز! بونا گؤره کئشي کئمي دايانين و دؤيوشون!"
فئلئسطلی‌لر ووروشدولار و ائسرايئل مغلوب اولدو، و هر کس اؤز چاديرينا قاچدي. چوخ بؤيوک قيرغين اولدو و ائسرايئللی‌لردن اوتوز مئن پئيادا هلاک اولدو.
تارينين سانديغي اسئر آپاريلدي و علي‌نئن ائکي اوغلو حوفني و پئنِخاس اؤلدولر.
بئر نفر بِنيامئنلي دؤيوش يرئندن قاچدي و اله همئن گون گلئب شئلويا چاتدي. اونون پالتاري جيريلميش، باشي دا توز-تورپاق ائچئنده ائدي.
باخ، او گلن زامان عِلي کورسو اوستونده اوتوروب يول کناريندا گؤزله‌يئردي و تارينين سانديغيندان اؤتري اوره‌يي چيرپينيردي. بو آدام شهره گئرئب باش ورن حادئثهلري دانيشاندا بوتون شهرده شئون قالخدي.
عِلي بو سَسي اشئدنده ددي: "بو نه قيشقيريقدير؟" بو آدام تز گلئب هر شيي عِلئيه ددی.
بو زامان عِلي دوخسان سکّئز ياشيندا ائدي، آرتيق گؤزلري توتولموشدو، گؤرموردو.
همئن آدام عِلئيه ددي: "من دؤيوش ميدانيندان گلمئشم. بو گون دؤيوشدن قاچديم." عِلي سوروشدو: "اوغلوم، نه باش وردي؟"
خبر گتئرن آدام بله جاواب وردی: "ائسرايئللی‌لر فئلئسطلی‌لرئن قاباغيندان قاچيبلار و خالق آراسيندا بؤيوک قيرغين اولوب. ائکي اوغلون حوفني ائله پئنِخاس اؤلوب، تارينين سانديغي دا اسئر آپاريليبدير."
بو آدام تارينين سانديغيندان دانيشان زامان عِلي کورسودن آرخايا، قاپينين يانينا ييخيلدي؛ هم قوجا، هم ده کؤک اولدوغو اوچون بوينو سينيب اؤلدو. او، قيرخ ائل ائسرايئل خالقينا داورلئک اتمئشدي.
عِلئ‌نئن گلئني، يعني پئنِخاسين آروادي بويلو ائدي. دوغما واختي چاتميشدي. تارينين سانديغينين اَله کچئرئلدئيئني، قايينآتاسي ائله اَرئنئن اؤلوم خبرئني اشئدن واخت آغريسي توتدو و چؤمبه‌لئب دوغدو.
اؤلوم آياغيندا اورادا دوران آروادلار ددئلر: "قورخما، بئر اوغلون اولدو." آمّا او اعتئنا اتمهيئب جاواب ورمه‌دي.
اوغلانين آديني ائکابود قويوب ددي: "جلال ائسرايئلدن گدئب." چونکي تارينين سانديغي اَله کچمئش، قايينآتاسي ائله اَري ده اؤلموشدو.
او ددي: "جَلال ائسرايئلدن گدئب، چونکي تارينين سانديغي اسئر آپاريليب."
فئلئسطلی‌لر تارينين سانديغيني اَله کچئردئب اِبِنعِزِردن اَشدودا آپارديلار.
تارينين سانديغيني داگونون معبدئنه گتئرئب داگونون هيکلئنئن يانينا قويدولار.
او گونون صاباحي اَشدودلولار اِرکَن دوراندا گؤردولر کي، داگون ربّئن سانديغينين قاباغيندا اوزو اوسته يره دوشوب. اونلار داگونو گؤتوروب اؤز يرئنه قويدولار.
آمّا صاباحيسي گون سحر اِرکَن دوردوقلاري واخت گؤردولر کي، داگون گئنه ربّئن سانديغينين قاباغيندا اوزو اوسته يره دوشوبدور. بو دفه داگونون باشي ائله ائکي اَلي قيريليب، قاپي آغزينا دوشموش و فقط بدني قالميشدي.
بونا گؤره بو گونه قدر اَشدودداکي داگون معبدئنه گلنلر ده بو معبدئن قاپيسي آغزينا آياق باسميرلار.
ربّئن اَلي اَشدودلولارين اوستونده آغيرلاشدي. اونلارا و اطرافينداکي جاماعاتا بلا ورئب بدنلرئنه شئشلر چيخارتدي.
اَشدودلولار وضعئيّتئن بله اولدوغونو گؤرنده ددئلر: "ائسرايئل تاريسينين سانديغي بئزئم يانيميزدا گرک قالماسين، چونکي اونون اَلي بئزي و آللاهيميز داگونو آغير بئر شَکئلده ذلئل ادئر."
اونا گؤره ده هر طرفه قاصئدلر گؤندردئلر و بوتون فئلئسطلی‌لرئن آغالاريني يانلارينا ييغيب سوروشدولار: "ائسرايئل تاريسينين سانديغيني نه اِدَک؟" فئلئسطلی‌لرئن آغالاري ددئلر: "ائسرايئل تاريسينين سانديغي گَته آپاريلسين." بِلَجه، ائسرايئل تاريسينين سانديغيني گَته آپارديلار.
اونلار سانديغي گَته گتئرندن سونرا، ربّئن اَلي بو شهرئن اوستونده ده آغيرلاشدي. شهري دهشتلي بئر قورخو بورودو. شهر ساکئنلرئنئن هاميسيني بؤيوکدن کئچئيه قدر ووردو. اونلارين دا بدنلرئنه شئش چيخدي.
بو حادئثهدن سونرا تارينين سانديغيني عِقرونا گؤندردئلر. تارينين سانديغي عِقرونا چاتاندا، عِقرونلولار فرياد ادئب ددئلر: "ائسرايئلئن تاريسينين سانديغيني بورايا گتئرئبلر کي، هم بئزي هم ده خالقيميزي اؤلدورسونلر!"
اونا گؤره ده هر طرفه قاصئدلر گؤندردئلر و بوتون فئلئسطلی‌لرئن آغالاريني يانلارينا ييغيب ددئلر: "ائسرايئل تاريسينين سانديغيني اؤز يرئنه گری گؤنده‌رئن اِله کي، بئزي و خالقيميزي قيرماسين." چونکي بوتون شهري اؤلوم واهئمه‌سي بوروموشدو و تارينين اَلي اورا اوچون ده چوخ آغير اولموشدو.
صاغ قالانلارين دا بدنلرئنه شئش چيخدي و شهرئن فريادي عرشه قالخدي.
ربّئن سانديغي فئلئسطلی‌لرئن دئياريندا يدّي آي قالدي.
فئلئسطلی‌لر کاهئنلرله فالچيلاري چاغيريب ددئلر: "بو ربّئن سانديغيني نه اِدَک؟ بئزه ديئن اونو اؤز يرئنه نجه گری گؤنده‌رک."
اونلار ددئلر: "اگر ائسرايئل تاريسينين سانديغيني گری گؤندرمک ائسته‌يئرسئنئز، اونو بوش گؤندرمه‌يئن. اونو حتمن بئر تقصئر تقدئمي‌ائله گؤندرئن. او زامان صاغالارسينيز و او سئزدن نه اوچون اَل چکمه‌دئيئني بئلدئرر."
فئلئسطلی‌لر سوروشدولار: "اونا گؤندره‌جيئمئز تقصئر تقدئمي نه اولماليدير؟» کاهئنلر و فالچيلار بله جاواب وردئلر: "فئلئسطلی‌لرئن آغالارينين سايينا گؤره بش قيزيل شئش صورتي ائله بش قيزيل سئچان صورتي دوزَلدئب گؤندرئن. چونکي هَمن بلا هم سئزئن، هم ده آغالارينيزين اوستوندهدئر.
اونا گؤره ده هم شئشلرئنئزئن، هم ده اؤلکه‌نئزي داغيدان سئچان صورتلرئني يارادين و ائسرايئلئن تاريسينا عئزّت ورئن. بلکه او سئزئن، آللاهلارينيزين و تورپاغينيزين اوستونده اَلئني يونگوللَشدئردي.
نه اوچون سئز ده مئصئرلی‌لرله فئرعون کئمي اوره‌يئنئزي عئنادکار ادئرسئنئز؟ تاري اونلارلا شئدّتلي رفتار ادنده، مگر ائسرايئللی‌لري آزاد بوراخماديلار؟
ائندي تزه بئر آرابا دوزَلدئن و يوغا قوشولمايان ائکي سود ورن ائنه‌يي آرابايا قوشون. لاکئن بالالاريني اونلاردان آييريب اِوه گؤندرئن.
ربّئن سانديغيني گؤتوروب آرابايا قويون و تقصئر تقدئمي اولاراق اونا ورهجيئنئز قيزيل اشيالاري دا بئر موجري ائچئنده سانديغين يانينا قويون، سونرا دا يولا سالين، گتسئن.
آمّا باخين، اگر اونلار سانديغين اولدوغو تورپاغا يعني بِيت‌شِمِش يولونا گده‌لر، دِمه‌لي اودور کي، بئزه بو بؤيوک بلاني گتئرئب. آمّا اگر اورايا گتمسه‌لر، اوندا بئله‌جيئک کي، بئزي ووران اونون اَلي ديئل و بو قضا باشيميزا تصادوفَن گلئبدئر."
آداملار بله ده اتدئلر. ائکي سود ورن ائنَک گتئرئب آرابايا قوشدولار و بالالاريني دا اِوده باغلاديلار.
ربّئن سانديغيني آرابايا قويدولار، ائچئنده سئچانلار و شئشلرئن قيزيل صورتلري قويولان موجرئني ده آرابايا قويدولار.
ائنَکلر بئرباشا بِيت‌شِمِشه گدن يوللا، صاغا-سولا دؤنمه‌دن، بؤيوره-بؤيوره گتدئلر. فئلئسطلی‌لرئن آغالاري دا اونلاري بِيت شِمِش سرحدئنه قدر اؤتوردولر.
او زامان بِيت‌شِمِشلی‌لر دره‌ده بوغدا بئچئردئلر. اونلار باشلاريني قالديريب سانديغي گؤرنده سوئندئلر.
آرابا بِيت‌شِمِشلي يوشَعئن زمئسئنه گئرئب بؤيوک بئر داشين يانيندا داياندي. بيت‌شِمِشلی‌لر آرابانين آغاجلاريني قيرديلار، ائنَکلري ده ربّه يانديرما قورباني تقدئم اتدئلر.
لاوئلی‌لر ربّئن سانديغيني و اونون يانينداکي قيزيل اشيالار ييغيلميش موجرئني آرابادان اِندئرئب، او بؤيوک داشين اوستونه قويدولار. او گون بيت‌شِمِشلی‌لر ربّه يانديرما قورباني ورئب آيري قوربانلار دا کسدئلر.
فئلئسطلی‌لرئن بش آغاسي بو حادئثهني گؤردوکدن سونرا همئن گون عِقرونا قاييتديلار.
فئلئسطلی‌لرئن تقصئر تقدئمي اولاراق ربّه قايتارديغي قيزيل شئشلر بونلارديرلار: بئري اَشدودا، بئري غَزّه‌يه، بئري اَشقِلونا، بئري گَته، بئري عِقرونا.
قيزيل سئچانلارين دا ساييسي، بش آغايا عاييد اولان بوتون فئلئسطلي قالالي شهرلرله اطراف کَندلرئن سايينا گؤره بش دنه ائدي. بِيت‌شِمِشلي يَهوشَعئن زمئسئنده ربّئن سانديغي قويولان بؤيوک داش بو گونه قدر شاهئد کئمي قالير.
تاري بِيت‌شِمِشلی‌لري ده ووردو، چونکي ربّئن سانديغينين ائچئنه باخميشديلار. تاري بوتون خالقدان اَلّي مئن يتمئش نفري ووردو. خالق ربّئن اونلارين باشينا گتئردئيي موصئبته گؤره ياس توتدو.
بيت‌شِمِشلی‌لر ددئلر: "ربّئن قاباغيندا، بو موقدّس تارينين قاباغيندا کئم دايانا بئلر؟ بئزدن سونرا کئمئن يانينا گدهجک؟"
بونا گؤره ده قئريَت‌يِعه‌رئم اهالئسئنه قاصئدلر گؤندرئب ددئلر: "فئلئسطلی‌لر ربّئن سانديغيني گری قايتارديلار، گلئن اونو آپارين."
قئريَت‌يِعه‌رئم اهالئسي گلئب ربّئن سانديغيني آپارديلار. اونو تپه‌ده اولان اَبئنادابين اِوئنه چيخارتديلار و اوغلو اِلعازاري تقدئس اتدئلر کي، ربّئن سانديغينا گودوکچو اولسون.
سانديق قئريَت‌يِعه‌رئمه گلن گوندن چوخ واخت کچدي، ائيئرمي ائل سوردو. بوتون ائسرايئل خالقي رب اوچون حسرت چکئردي.
سَمويئل بوتون ائسرايئللیلره خئطاب ادئب ددي: "اگر بوتون قلبئنئزله ربّه دؤنهسئنئز، ياد آللاهلاري، عَشتاروت بوتلرئني آتيب، اوره‌يئنئزي ربّه ورهسئنئز و فقط اونا قوللوق ادهسئنئز، او سئزي فئلئسطلی‌لرئن اَلئندن قورتارار."
او زامان ائسرايئل اؤولادلاري بَعَل و عَشتاروت بوتلرئني آتيب فقط ربّه قوللوق اتدئلر.
سمويئل ددي: "بوتون ائسرايئللی‌لري مئصپايا ييغين و من سئزه گؤره ربّئن حوضوروندا دوعا ادهجيم."
اونلار مئصپايا ييغيلديلار، سو چکئب ربّئن قاباغينا تؤکدولر و او گون اورادا اوروج توتوب ددئلر: "ربّئن ضئدّئنه گوناه اتمئشئک." سمويئل مئصپادا ائسرايئللیلره داورلئک اتدي.
فئلئسطلی‌لر ائسرايئل اؤولادلارينين مئصپادا ييغيلديغيني اشئدنده، فئلئسطلی‌لرئن آغالاري ائسرايئللیلرئن ضئدّئنه چيخديلار. ائسرايئل اؤولادلاري بونو اشئدن واخت قورخدولار.
اونا گؤره ده ائسرايئل اؤولادلاري سمويئله ددئلر: "تاريميز ربّه دورمادان يالوار کي، بئزي فئلئسطلی‌لرئن اَلئندن قورتارسين."
سمويئل بئر اَملئک قوزو گؤتوروب اونو بوتؤولوک ربّه يانديرما قورباني تقدئم اتدي. او، ائسرايئل اوچون ربّه يالواردي و رب سمويئله جاواب وردی.
سمويئل يانديرما قورباني ورَرکَن، فئلئسطلی‌لر ياخينلاشيرديلار کي، ائسرايئله هوجوم اتسئنلر. آمّا رب او گون گوجلو سَسله گورلاييب، فئلئسطلی‌لرئن اوستونه ولوله سالدي اله کي، ائسرايئلئن قاباغيندا مغلوب اولدولار.
ائسرايئللی‌لر مئصپادان چيخيب بِيت‌کار آلتينا چاتانا قدر فئلئسطلی‌لري قوووب قيرديلار.
سونرا سمويئل بئر داش گؤتوروب، مئصپا ائله سن آراسينا قويدو و "رب بئزه بورايا قدر کؤمک اتدي" دئيه‌رک بو داشي اِبِنعِزِر آدلانديردي.
بلجه فئلئسطلی‌لر مغلوب اولوب بئر داها ائسرايئل تورپاغينا گلمه‌دئلر. سمويئلئن بوتون عؤمرو بويو ربّئن اَلي فئلئسطلی‌لرئن ضئدّئنه ائدي.
فئلئسطلی‌لرئن ائسرايئلدن آلديقلاري شهرلر، عِقروندان گَته قدر، گری قايتاريلدي. ائسرايئللی‌لر تورپاقلاريني فئلئسطلی‌لرئن اَلئندن قورتارديلار. بلجه ائسرايئللیلرله اِمورلولارين آراسيندا صولح ياراندي.
سمويئل عؤمرو بويو ائسرايئله داورلئک اتدي.
او، ائل‌به‌ائل، نؤوبه ائله بِيت ائلي، گئلگالي، مئصپا‌ني گَزئب بو يرلرده ائسرايئله داورلئک ادئردي.
سونرا دا رامايا قاييديردي، چونکي اِوي اورادا ائدي. اورادان دا ائسرايئله داورلئک ادئردي. او همئن يرده ربّه بئر قوربانگاه تئکدي.
سمويئل قوجالاندا اوغوللاريني ائسرايئله داور اتدي.
اونون ائلک اوغلونون آدي يواِل، ائکئنجئسئنئن آدي دا اَبئيا ائدي. اونلار بئرشئباعدا داور ائدئلر.
لاکئن اوغوللاري اونون يولو ائله گتمه‌يئب، حاقسيز قازانج دالينجا دوشدولر و روشوت آليب، عدالتي آياق آلتينا قويوردولار.
بوتون ائسرايئل آغساقّاللاري ييغيليب رامايا، سمويئلئن يانينا گلدئلر.
و اونا ددئلر: "باخ، سن قوجاسان و اوغوللارين سنئن يولونلا گتمئرلر. ائندي بئزه بئر پادشاه تعيئن ات کي، آيري مئلّتلر کئمي بئزه حاکئملئک اتسئن."
لاکئن سمويئل اونلارين بو سؤزوندن کي، ديئردئلر "بئزه بئر پادشاه تعيئن ات کي، بئزه حاکئملئک اتسئن"، ناراحات اولدو. و سمويئل ربّئن حوضورونا دوعا اتدي.
رب سمويئله ددي: "خالقين سنه ددئيي بوتون مطلبلره قولاق آس، چونکي ردّ اتدئکلري سن ديئلسن، اونلار منی اونلارين پادشاهي اولماقدان ردّ ادئبلر.
اونلاري مئصئردن چيخارتديغيم گوندن بو گونه قدر، بوتون عمللري ائله منی ترک ادئب، باشقا آللاهلارا قوللوق ادئبلر. منه اتدئکلرئني ائندي هَمن شَکئلده سنه ادئرلر.
ائندي اونلارين سؤزلرئنه قولاق آس، لاکئن آچيقجا اونلارا ائخطار ور کي، اونلارا پادشاهليق ادن پادشاهين حاکئمئيّتي نجه اولاجاق."
بلجه سمويئل اوندان پادشاه ائسته‌ين خالقا ربّئن بوتون سؤزلرئني ددی.
او ددي: "سئزه پادشاهليق ادن پادشاهين حؤکمرانليغي بله اولاجاق: اوغوللارينيزي گؤتوروب اونلاري دؤيوش عارابالارينا و آتلي‌لاري آراسينا قوياجاق و اونلار دؤيوش عارابالارينين قاباغيندا قاچاجاقلار.
اونلاردان بعضئلرئني مئنباشي و اَلّي‌باشي تعيئن ادهجک، بعضئلرئنه تورپاقلاريني شوخوملاداجاق و اَکئنئني بئچدئره‌جک، بعضئلرئني ده حربي سئلاحلار و دؤيوش عارابالارينا لوازئمات حاضيرلاماق اوچون ائشله‌ده‌جک.
قيزلارينيزي عطئر دوزلتمک، آشپاز و چؤرکچي ائشلَتمک اوچون آپاراجاق.
لاپ ياخشي زمئلرئنئزي، اوزوم و زيتون باغلارينيزي آليب نؤکرلرئنه ورهجک.
تاخيل‌لارينيزين و اوزوملوکلرئنئزئن محصوللاريندان اوندا بئرئني آليب سرکرده‌لرئنه و خادئملرئنه ورهجک.
قوللارينيزلا کنئزلرئنئزي، لاپ سچمه جاوانلارينيزي و اِششَکلرئنئزي گؤتوروب اؤز ائشئنده ائشله‌ده‌جک.
سورولرئنئزئن اوندا بئرئني اؤزونه گؤتورهجک و سئز اؤزونوز اونون قولو اولاجاقسينيز.
گون گلهجک کي، اؤزونوز اوچون سچدئيئنئز پادشاهين اَلئندن فرياد ادهجکسئنئز، آمّا او واخت رب سئزه جاواب ورميه‌جک."
آمّا خالق سمويئلئن سؤزونه قولاق آسماق ائستَمه‌يئب ددئلر: "يوخ، گرک اوستوموزده بئر پادشاه اولسون کي،
بئز ده آيري مئلّتلر کئمي اولاق. پادشاهيميز بئزه حؤکمرانليق اتسئن و قاباغا دوشوب دؤيوشلرئمئزه باشچيليق اتسئن."
سمويئل خالقين هر سؤزونو اشئدئب، ربّئن قولاغينا چاتديردي.
رب سمويئله ددي: "اونلارين سؤزلرئنه قولاق آس و اونلارا بئر پادشاه تعيئن ات." سمويئل ائسرايئللیلره ددي: "هر کس اؤز شهرئنه قاييتسين."
بِنيامئندن اَفي‌اَخ اوغلو بِکورَت اوغلو صِرور اوغلو اَبي‌اِل اوغلو قئش آدلي بئر آدام وار ائدي. بو آدام سؤزو کچن بئري ائدي.
اونون شاعول آدلي جاوان و ياراشيقلي اوغلو وار ائدي و ائسرايئل اؤولادلاري آراسيندا اوندان ياراشيقليسي يوخ ائدي. او، خالقين هاميسيندان بئر بويون اوجا ائدي.
شاعولون آتاسي قئشئن اِششَکلري ائتمئشدي. قئش، اوغلو شاعولا ددي: "قالخ، نؤکرلردن بئرئني يانينا آل، گت، اِششَکلري آختار."
اونلار اِفرايئمئن داغليق بؤلگه‌سئني گَزدئلر و شالئشا دئياريندان کچدئلر، لاکئن اِششَکلري تاپماديلار. شَعلئم دئياريني دولانديلار، اِششَکلر اورادا دا ديئلدي. سونرا بِنيامئن تورپاغيني گَزدئلر، لاکئن اِششَکلري تاپماديلار.
بوندان سونرا صوف بؤلگهسئنه گلدئلر و شاعول يانينداکي نؤکرئنه ددي: "گل قاييداق، يوخسا آتام اِششَکلري ياددان چيخارديب بئزئم اوچون نئگاران اولاجاق."
نؤکري اونا ددي: "باخ بو شهرده بئر تاري آدامي وار. او، مؤحتَرَم بئر آدامدير و نه ديئر، هاميسي حتمن دوغرو چيخير. گل اورايا گِدَک، بلکه بئزه گده‌جيئمئز يولو او گؤرستدي."
شاعول نؤکرئنه ددي: "اگر گتسَک، او آداما نه آپاراق؟ آرتيق توربالاريميزدا چؤرک قورتاريب و تاري آدامينا ورمک اوچون بئر هدئيّه‌مئز يوخدور. مگر نه‌يئمئز وار؟»
نؤکر شاعولا جاواب ورئب گئنه ددي: "باخ اَلئمده دؤردده بئر شِکِل گوموش وار. من اونو تاري آدامينا ورهرم، او دا بئزه يولوموزو گؤرسدَر."
(اَوّللر ائسرايئلده تارينين ائرادهسئني بئلمک اوچون گدنده آداملار بله دئيَردئلر: "گل گؤروجونون يانينا گِدَک." او واخت پيغمبرلري گؤروجو چاغيريرديلار.)
او واخت شاعول نؤکرئنه ددي: "ياخشي ديئرسن، گل گِدَک.» بلجه اونلار تاري آدامينين اولدوغو شهره گتدئلر.
اوزو يوخاري يولدان شهره چيخاندا، جاوان قيزلارا راست گلدئلر کي، سو چکمَک اوچون شهردن چيخيرديلار. اونلارا ددئلر: "آيا گؤروجو بورادادير؟"
اونلارا جاواب ورئب ددئلر: "بورادادير، سئزدن قاباقدادير. تَله‌سئن، اله بو گون شهره گلئب، چونکي خالق بو گون پرستئشگاهدا قوربان کَسه‌جک.
شهره گئرن کئمي اونو يمک اوچون پرستئشگاها قالخمازدان اوّل تاپارسينيز، اونا گؤره کي او گلمه‌يئنجه خالق يِمَيه باشلاماز. چونکي گرک قوربانا برکت ورسئن، سونرا چاغيريلانلار يئيَرلر. تِز قالخاسينيز، اونا چاتارسينيز."
اونلار شهره گتدئلر. شهره گئرَرکَن سمويئله راست گلدئلر کي، پرستئشگاها چيخيردي.
شاعول گلمهمئشدن بئر گون اوّل رب سمويئله بونو بئلدئرئب دمئشدي:
"صاباح بو واختلار سنئن يانينا بِنيامئن تورپاغيندان بئر آدام گؤندرهجيم. اونو منئم خالقيم ائسرايئللیلره باشچي آديندا گرک مسح ادهسن. فئلئسطلی‌لرئن اَلئندن خالقيمي او قورتاراجاق. چونکي خالقيمي گؤرموشم. اونا گؤره کي، فريادي گلئب منه چاتيب."
سمويئل شاعولو گؤرنده رب اونا ددي: "باخ، سنه ددئيئم بو آدام، خالقيما حؤکمرانليق ادهجک."
شاعول دروازادا سمويئله ياخينلاشيب ددي: "خاهئش ادئرم، گؤروجونون اِوئنئن هارادا اولدوغونو منه گؤرسدهسئنئز."
سَمويئل شاعولا جاواب وردی: "گؤروجو منم، مندن قاباق پرستئشگاها چيخين. بو گون منئمله برابر يمک يئيهجکسئنئز، صاباح آچيلاندا سئزي يولا سالارام، اوره‌يئنده اولانلارين هاميسيني دا سئزه بئلدئرهرم.
اوچ گون قاباق ائتَن اِششَکلرئنه گلئنجه، اونلارين فئکرئني چکمه، آرتيق تاپيليبلار. بوتون ائسرايئل نه‌يئن حسرتئنده‌دئر؟ مگر سن و آتانين اِو اهلي اوچون ديئل؟"
شاعول جاواب وردی: "مگر من ائسرايئل قبئله‌لرئنئن لاپ کئچئيي اولان بِنيامئندن ديئلم؟ مگر نسلئم بِنيامئن قبئلهسئنئن نسئل‌لرئنئن لاپ کئچئيي ديئل؟ بس نه اوچون منه بله سؤز ديئرسئنئز؟"
سمويئل شاعوللا نؤکري گؤتوروب اوتاغا آپاردي و اوتوز نفره قدر چاغيريلميش آداملارين آراسيندا باش طرفده اونا يِر وردی.
سمويئل آشپازا ددي: "او پايي بورايا گتئر کي، سنه ورئب ددئم: «بونو بئر يانا آيري قوي.»"
آشپاز بود و اونون اوستونده اولاني شاعولون قاباغينا قويدو. سمويئل ددي: "بو سنئن اوچون آيريلان پايدير! بويور يِه. بونو سنئن اوچون ساخلاديم کي، تعيئن اتدئيئم گون چاغيرديغيم خالقلا بئرلئکده يئيه‌سن." بلجه او گون شاعول سمويئلله بئرلئکده يمک يِدي.
اونلار پرستئشگاهدان شهره اِندئلر، سمويئل شاعولا اِوئن داميندا صؤحبت اتدي.
اونلار اِرکَن قالخديلار. سحر آچيلاندا سمويئل شاعولو دامدان چاغيريب ددي: "دور، سني يولا ساليم." او دا قالخيب سمويئلله بئرلئکده باييرا چيخدي.
اونلار شهر کنارينا اِنَرکَن، سمويئل شاعولا ددي: "نؤکره دِه کي، قاباقدا گتسئن و بئزي کچسئن. آمّا سن ائندي آياق ساخلا کي، تارينين سؤزونو سنه بئلدئرئم."
سمويئل بئر قاب زيتون ياغي گؤتوروب شاعولون باشينا تؤکدو و اونو اؤپوب ددي: "مگر رب سني مسح اتمهيئب کي، اؤز ائرثي اولان ائسرايئل اوستونده باشچي اولاسان؟
بو گون مندن آيريلاندان سونرا بِنيامئن تورپاغيندا، صِلصَخده اولان راحئلئن مزاري يانيندا ائکي آداما راست گله‌جکسن و اونلار سنه دئيهجکلر: «آختارماغا گتدئيئن اِششَکلر تاپيليبلار. آرتيق آتان، اِششَکلري ياددان چيخارديب سئزئن اوچون نئگاراندير و ديئر: ‹اوغلوما گؤره نه اِدئم؟›»
اورادان دا ائرهلي کچئب تابورداکي پاليد آغاجينين يانينا چاتاجاقسان و همئن يرده سني بِيت ائله، تارينين حوضورونا چيخان اوچ آدام پئشواز ادهجک. اونلاردان بئري اوچ کِچي بالاسي، او بئري اوچ کؤمبه چؤرک، بئري ده بئر تولوق شراب آپارير.
اونلار سني سالاملاييب سنه ائکي کؤمبه چؤرک ورهجکلر. سن ده او چؤرکلري اونلاردان آلاجاقسان.
بوندان سونرا فئلئسطلي کشئک دستهسئنئن اولدوغو يره يعني گئبعَت‌اِلوهئمه چاتاجاقسان. شهره گئرن زامان اورادا پرستئشگاهدان اِنَن بئر پيغمبر دسته‌سئنه راست گله‌جکسن. اونلارين قاباقلاريندا چنگ، دف، ني و طنبور چاليناجاق و اونلار پيغمبرلئک ادهجکلر.
او واخت ربّئن روحو سنئن اوستونه قووّتله اِنهجک و سن ده اونلارلا بئرلئکده پيغمبرلئک ادهجکسن و دؤنوب باشقا بئر آدام اولاجاقسان.
بو علامتلر سنده باش ورنده وضعئيّته موناسئب حرکت ات، چونکي تاري سنئنله‌دئر.
سن مندن اوّل گئلگالا اِنه‌جکسن، من ده اورايا گله‌جيم کي، يانديرما قوربانلاري تقدئم ادئب باريش قوربانلاري کَسئم. من يانينا گلئب نه اده‌جيئني سنه بئلدئره‌نه‌جک، يدّي گون گؤزله‌مَلي اولاجاقسان."
شاعول سمويئلئن يانيندان يولا دوشمَک اوچون چِورئلَنده، تاري اونون اوره‌يئني دَيئشدئردي و بوتون بو علامتلر او گون يرئنه يتئشدي.
اورادان گئبعايا گِدَرکَن، اونلارا بئر پيغمبر دستهسي راست گلدي و تارينين روحو شاعولون اوستونه قووّتله اِندي، اله کي، اونلارين آراسيندا شاعول دا پيغمبرلئک اتمه‌يه باشلادي.
اوّلدن اونو تانييان جاماعاتين هاميسي اونون پيغمبرلئک اتدئيئني گؤرنده بئربئرئنه ددئلر: "قئشئن اوغلونا نه اولوب؟ مگر شاعول دا پيغمبرلرئن سيراسيندادير؟"
بئر آدام جاواب ورئب ددي: "گؤرون اونلارين آتاسي کئمدئر؟" بونا گؤره ده "مگر شاعول دا پيغمبرلر سيراسيندادير؟" سؤزو مَثَله چِورئلدي.
شاعول پيغمبرلئک ادندن سونرا پرستئشگاها قالخدي.
شاعولون عَمئسي اوندان و نؤکرئندن سوروشدو: "هارا گتمئشدئنئز؟" شاعول ددي: "اِششَکلري آختارماغا گتمئشدئک، تاپا بئلمه‌دئيئمئزي گؤرن واخت، سمويئلئن يانينا گتدئک."
شاعولون عَمئسي ددي: "خاهئش ادئرم، سمويئلئن سنه نه ددئيئني منه دانيش."
شاعول عَمئسئنه ددي: "اِششَکلرئن تاپيلديغيني بئزه آيدين بئلدئردي." لاکئن پادشاهليق حاقّيندا سمويئلئن سؤزونو عَمئسئنه دانيشمادي.
بوندان سونرا سمويئل خالقي ربّئن حوضورونا، مئصپايا چاغيردي.
او، ائسرايئل اؤولادلارينا ددي: "ائسرايئلئن تاريسي رب بله ديئر: «ائسرايئلي مئصئردن من چيخارتديم. مئصئرلی‌لرئن و سئزه ظولم ادن بوتون سلطنتلرئن اَلئندن سئزي من آزاد اتدئم.»
لاکئن بلالارينيزدان و موصئبتلرئنئزدن سئزي قورتاران تارينيزي بو گون ردّ ادئبسئنئز و اونا "اوستوموزه بئر پادشاه قوي" ديئبسئنئز. ائندي قبئله‌لرئنئزه و نسئل‌لرئنئزه گؤره ربّئن حوضوروندا دورون."
سمويئل ائسرايئلئن بوتون قبئله‌لرئني بئر-بئر قاباغا چيخارتدي، بِنيامئن قبئله‌سي پوشکله سچئلدي.
سونرا بِنيامئن قبئله‌سئني نسئل‌به‌نسئل قاباغا چيخارتدي. پوشک مَطري نسلئنه دوشدو. نهايت قئش اوغلو شاعول سچئلدي. لاکئن اونو آختاريب تاپا بئلمه‌دئلر.
گئنه ربدن سوروشدولار: "او بورايا حله مگر گلمه‌يئب؟" رب ددي: "باخ، يوکلرئن آراسيندا گئزله‌نئب."
قاچيب شاعولو اورادان گتئردئلر. خالق آراسيندا دوران زامان شاعول خالقين هاميسيندان بئر بويون اوجا گؤرونوردو.
سمويئل بوتون خالقا ددي: "آيا ربّئن سچدئيي آدامي گؤرورسونوز؟ دوغرودان دا بوتون خالقين آراسيندا اونا بَنزَر هچ کس يوخدور." او زامان خالق بئر سَسله قيشقيريب ددئلر: "ياشاسين پادشاه!"
سمويئل پادشاهليق قايدالاريني خالقا ددی و کئتابا يازيب ربّئن حوضورونا قويدو. سونرا سمويئل بوتون خالقي اِوئنه گؤندردي.
شاعول دا گئبعايا، اؤز اِوئنه قاييتدي و قلبلرئنده تارينين اويانيش ياراتديغي جنگاورلر ده اونونلا برابر گتدئلر.
لاکئن بعضی ياراماز آداملار ددئلر: "بو آدام بئزي نجه قورتاراجاق؟" اونا حقارتله باخيب هدئيّه گتئرمه‌دئلر. لاکئن شاعول بونا ساکئت قالدي.
عَمّونلو ناخاش گلئب يابِش‌گئلعادي موحاصئرهيه آلدي. بوتون يابش اهالئسي ناخاشا ددئلر: "بئزئمله عهد باغلا، بئز ده سنه قوللوق ادهرئک."
آمّا عَمّونلو ناخاش اونلارا ددي: "بو شرطله سئزئنله باغلايارام کي، هر بئرئنئزئن صاغ گؤزونو چيخارديب بوتون ائسرايئلي روسواي اِدئم."
يابش آغساقّاللاري اونا ددئلر: "بئزه يدّي گون مؤهلَت ور کي، ائسرايئلئن بوتون اراضئسئنه قاصئدلر گؤنده‌رَک و اگر بئزي خئلاص ادن بئري اولماسا، سنه تسلئم اولاريق."
قاصئدلر شاعولون گئبعا شهرئنه گلدئلر و خالق آراسيندا بو سؤزلري جار چکدئلر. بوتون خالق دا شئون ادئب آغلادي.
بو واخت شاعول اؤکوزلرئن داليسيجا زمئدن گلئردي. او ددي: "خالقا نه اولوب کي، آغلايير؟" اونا يابِشلی‌لرئن سؤزونو چاتديرديلار.
همئن سؤزلري اشئدن زامان تارينين روحو شاعولون اوستونه قووّتله اِندي، قضبدن اود توتوب ياندي.
او، بئر جوت اؤکوزونو گؤتوروب پارچا-پارچا دوغرادي و اونلاري قاصئدلرئن اَلي ائله بوتون ائسرايئل اراضئسئنه گؤندرئب ددي: "کئم شاعولون و سمويئلئن دالينجا گتمه‌سه، اؤکوزلرئنئن باشينا بو گلهجک." خالقين آراسينا ربّئن قورخوسو دوشدو و هامي بئر نفر کئمي يولا چيخدي.
شاعول اونلاري بِزِقده سايدي: ائسرايئل اؤولادلاري اوچ يوز مئن و يهودا آداملاري دا اوتوز مئن نفر اولدو.
گلن قاصئدلره ددئلر: "يابِش گئلعادلي‌لارا بله دئيَرسئنئز: «صاباح گون قيزينجا سئزه قورتولوش اولاجاق.»" قاصئدلر گدئب بونو يابِشلی‌لره بئلدئردئلر و اونلار دا سِوئندئلر.
يابِشلی‌لر عَمّونلولارا ددئلر: "صاباح تسلئم اولاجاغيق و بئزئمله گؤزونوزده خوش گؤرونَن کئمي رفتار ادئن."
صاباحيسي شاعول خالقي اوچ قئسمته بؤلدو و سحر کشئک نؤوبتئنده دوشمنئن اوردوگاهينين ائچئنه گئرئب، گون قيزانا قدر عَمّونلولاري قيرديلار. قالانلار دا اله داغيلديلار کي، اونلاردان ائکي نفر بئر يرده قالمادي.
خالق سمويئله ددي: "کئملردئر او آداملار کي، دِمئشدئلر «مگر شاعول اوستوموزده پادشاه اولاجاق؟» او آداملاري ورئن، اؤلدورَک."
لاکئن شاعول ددي: "بو گون هچ کس اؤلدورولمه‌يه‌جک، چونکي رب بو گون ائسرايئله قورتولوش ورئب."
سمويئل خالقا ددي: "گلئن گئلگالا گِدَک و اورادا پادشاهليغي تزهدن تصدئق اِدَک."
بلجه بوتون خالق گئلگالا گتدي. اورادا، گئلگالدا شاعولو ربّئن حوضوروندا پادشاه اتدئلر. ربّئن حوضوروندا باريش قوربانلاري دا کَسدئلر. بوتون ائسرايئللی‌لر شاعوللا بئرلئکده بؤيوک بايرام اتدئلر.
سمويئل ائسرايئللیلرئن هاميسينا ددي: "باخين من سئزئن هر دِدئيئنئزه قولاق آسيب اوستونوزه بئر پادشاه تعيئن اتمئشم.
ائندي قاباغينيزدا پادشاه گدئر، لاکئن من آرتيق قوجالميشام، ساچلاريم آغاريب. باخ، اوغلانلاريم دا سئزئنله‌دئر. جاوانليغيمدان بو گونه قدر سئزئن قاباغينيزدا گتمئشم.
باخ، قاباغينيزدايام، هانسينيزين اؤکوزونو آلميشام؟ کئمئن اِششه‌يئني آلميشام؟ کئمي آلداتميشام، کئمه ظولم اتمئشم، يا دا کئمدن روشوَت آليب حاقسيز عملئنه گؤز يومموشام؟ ربّئن و اونون مسح اتدئيئنئن قاباغيندا منه ضئدّ شهادت ادئن کي، حاقّينيزي ورئم."
اونلار بله جاواب وردئلر: "سن بئزي هچ واخت آلداتماييبسان، ظولم اتمهيئبسن، هچ کئمئن اَلئندن ده هچ نه آلماييبسان."
سمويئل اونلارا ددي: "سئزئن ضئدّئنئزه اَلئمده بئر شي تاپماديغينيزا بو گون رب و اونون مسح اولونموش پادشاهي دا شاهئددئر." خالق ددي: "بلی، شاهئددئر."
سمويئل خالقا ددي: "موساني و هارونو تعيئن ادن، آتالارينيزي مئصئر دئياريندان چيخاردان ربدئر.
ائندي، دايانين. قويون ربّئن حوضوروندا، ربّئن سئزه و آتالارينيزا اتدئيي بوتون صالح عمللر بارهده ثوبوتلار گؤرسدئم.
يعقوب مئصئره گتدي. سونرا آتالارينيز ربّه فرياد اتدئلر. رب موسا و هارونو گؤندردي کي، آتالارينيزي مئصئردن چيخارديب بو يرده ساکئن اتسئن.
لاکئن اونلار تاريلاري ربّی ياددان چيخارتديلار، رب ده اونلاري خاصور قوشونونون باشچيسي سئسِرايا، فئلئسطلی‌لره و موآب پادشاهينا تسلئم اتدي. اونلار آتالارينيزين ضئدّئنه ووروشدولار.
خالق ربّه فريادلا ددي: «بئز گوناه اتمئشئک، چونکي ربّی آتيب، بَعَل و عَشتاروت بوتلرئنه قوللوق اتمئشئک. ائندي يارب، بئزي دوشمنلرئمئزئن اَلئندن قورتار و بئز سنه قوللوق ادهرئک.»
رب ده يِروب‌بَعَلي، يئفتاخي و من سمويئلي گؤندردي. او سئزي اطرافينيزداکي دوشمنلرئن اَلئندن قورتاردي و اَمئن-آمانليقدا ياشادينيز.
سئز عَمّون پادشاهي ناخاشين سئزئن ضئدّئنئزه گلدئيئني گؤرنده، رب تارينيز سئزه پادشاه ائکَن منه دِدئنئز: «خير، گرک بئزه بئر پادشاه حؤکمرانليق اتسئن.»
ائندي باخين. بو دا سِچدئيئنئز و ائسته‌دئيئنئز پادشاه! باخين، رب اوستونوزه بئر پادشاه تعيئن ادئب.
اگر ربدن قورخوب اونا قوللوق ادهسئنئز و سَسئنه قولاق آسيب امرئنه ضئدّ چيخماياسينيز، او واخت هم سئزه حؤکمرانليق ادن پادشاهينيز، هم ده سئز تارينيز ربّئن دالينجا گِدَرسئنئز.
يوخ، اگر ربّئن سَسئنه قولاق آسماياسينيز و ربّئن امرئنه ضئدّ چيخاسينيز، او زامان ربّئن اَلي آتالارينيزا ضئدّ اولدوغو کئمي، سئزئن ده ضئدّئنئزه اولار.
حتّا ائندي دايانين، ربّئن گؤزونوز قاباغيندا اده‌جَيي بو بؤيوک حادئثهني گؤرون.
بو گون مگر بوغدا بئچئمي ديئل؟ ربّئن حوضورونا يالواراجاغام کي، گؤي گورولتوسو و ياغيش گؤندرسئن. او زامان گؤرَرسئنئز کي، اؤزونوز اوچون پادشاه ائسته‌مَکله اتدئيئنئز پئسلئک، ربّئن گؤزونده نه قدر بؤيوکدور.
سمويئل ربّی چاغيردي و رب او گون گؤي گورلاديب ياغيش ياغديردي. بوتون خالق ربدن و سمويئلدن چوخ قورخدو.
او واخت جاماعات سمويئله ددي: "قوللارين اوچون تارين ربّه يالوار کي، اؤلمه‌يک، چونکي بوتون گوناهلاريميزين اوستونه اؤزوموزه پادشاه ائسته‌مک تقصئرئني ده علاوه اتدئک."
لاکئن سمويئل خالقا ددي: "قورخمايين، بوتون بو پئسلئيي سئز ادئبسئنئز، آمّا گئنه ده ربّئن دالينجا گتمکدن دؤنمه‌يئن، بوتون قلبئنئزله ربّه قوللوق ادئن.
دؤنمه‌يئن، چونکي او زامان بوش بوتلرئن دالينجا گتمئش اولاجاقسينيز، او بوتلر کي فايدا ورمَزلر، خئلاص دا اتمَزلر، چونکي پوچدورلار.
چونکي رب خالقيني اؤز بؤيوک آدينين خاطئرئنه آتماياجاق، اونا گؤره کي، سئزي اؤز خالقي اتمک ربّئن خوشونا گلئب.
بوندان علاوه، منه گلئنجه، مندن ائراق اولسون کي، سئزئن اوچون دوعا اتمکدن اَل چکئب، بلجه ربّئن ضئدّئنه گوناه اِدئم. من سئزه ياخشي و حاق يولونو اؤيرَده‌جيم.
آنجاق ربدن قورخون و اونا حقئقتده بوتون قلبئنئزله خئدمت ادئن. گؤرون سئزئن اوچون نجه عظمتلي ائشلر گؤروب.
آمّا اگر پئسلئک اتمکده داوام ادهسئنئز، هم سئز محو اولاجاقسينيز، هم ده پادشاهيز."
شاعول پادشاه اولان زامان اوتوز ياشيندا ائدي و ائسرايئلئن اوستونده قيرخ ائکي ائل پادشاهليق اتدي.
شاعول اؤزو اوچون اوچ مئن نفر ائسرايئللي سچدي. بونلاردان ائکي مئن نفر مئکماسدا و بِيت‌ائل تپه‌لرئنده شاعولون يانيندا قالديلار، مئن نفر ده بِنيامئنئن گئبعا شهرئنده يوناتانين يانيندا ائدئلر. شاعول خالقين قالان حئصّهسئني اؤز چاديرلارينا گؤندردي.
يوناتان گئبعاداکي فئلئسطلی‌لرئن کشئک دسته‌سئني مغلوب اتدي. فئلئسطلی‌لر بونو اشئتدئلر. شاعول بوتون اؤلکهده کَره‌ناي چالديريب ددی: "عئبرانئلر اشئتسئنلر."
ائسرايئللیلرئن هاميسي اشئتدئلر کي، شاعول فئلئسطلی‌لرئن کشئک دسته‌سئني مغلوب ادئب و فئلئسطلی‌لر ائسرايئلدن ائيره‌نئرلر. سونرا خالق شاعولون اطرافيندا ييغيلماق اوچون گئلگالا چاغيريلدي.
فئلئسطلی‌لر ائسرايئلله ووروشماق اوچون ييغيلديلار. اوتوز مئن دؤيوش عاراباسي، آلتي مئن آتلي و دهنز ساحئلئندهکي قوم قدر جاماعات چيخيب بِيت‌آوِنئن شرقئنده، مئکماسدا اوردوگاه قوردولار.
ائسرايئللی‌لر مَضئقه‌يه دوشدوکلرئني گؤردولر، چونکي خالق ائضطئراب ائچئنده ائدي. او واخت خالق ماغارالاردا، مِشه‌لئکلرده، قايالاردا، يِرآلتي آنبارلاردا و قويولاردا گئزلَندي.
عئبرانئلردن بعضئلري اوردون چاييندان جاد و گئلعاد تورپاغينا کچمئشدئلر. لاکئن شاعول حله ده گئلگالدا ائدي و بوتون خالق قورخودان اَسه-اَسه اونون دالينجا گدئردي.
شاعول سمويئلئن تعيئن اتدئيي واختا قدر يدّي گون گؤزلهدي، لاکئن سمويئل گئلگالا گلمه‌دي، اونا گؤره ده خالق شاعولون يانيندان داغيلماغا باشلادي.
شاعول ددي: "يانديرما قوربانيني و باريش قوربانيني يانيما گتئرئن." و يانديرما قوربانيني تقدئم اتدي.
يانديرما قوربانينين تقدئمي قورتاراندا سمويئل گلئب چاتدي و شاعول سالاملاشماق اوچون اونون پئشوازينا چيخدي.
آمّا سمويئل ددي: "سن نه ادئبسن؟" شاعول ددي: "گؤردوم کي، اطرافيمداکي خالق داغيلير، سن ده تعيئن اتدئيئن گون گلمه‌دئن و فئلئسطلی‌لر مئکماسدا ييغيليرلار،
ددئم کي، ائندي فئلئسطلی‌لر گئلگالا، اوستومه گلهجکلر، آمّا من حله ربّئن راضيليغيني آلماميشام. اونا گؤره ده اؤزومو مجبور ادئب، يانديرما قوربانيني تقدئم اتدئم."
سمويئل شاعولا ددي: "آغيلسيزليق ادئبسن، تارين ربّئن سنه وردئيي امره عمل اتمهيئبسن. بله اولماسايدي، رب ائسرايئل اوستونده سنئن پادشاهليغيني ابدی ساخلاياجاق ائدي.
لاکئن ائندي پادشاهليغين داوام اتميهجک. رب اؤزو اوچون، اؤز اوره‌يئنه ياتان بئر آدام تاپيب. و رب بو آدامي خالقينا باشچي تعيئن ادئب. چونکي سن ربّئن وردئيي امرلري ساخلاماييبسان."
بوندان سونرا سمويئل گئلگالي ترک ادئب بِنيامئنلی‌لرئن گئبعا شهرئنه گتدي. شاعول يانيندا اولان خالقي سايدي: تقرئبن آلتي يوز نفر ائدئلر.
شاعول، اوغلو يوناتان، و يانيندا اولان خالق بِنيامئنلی‌لرئن گئبعا شهرئنده ائدئلر. فئلئسطلی‌لر ده مئکماسدا اوردوگاه قورموشدولار.
فئلئسطلی‌لرئن اوردوگاهيندان قارَتچي هوجومچولار اوچ دسته‌يه بؤلونوب چيخديلار: بئر دسته عوفرا يولونا، شوآل تورپاغينا طرف گتدي،
آيري دسته بِيت‌خورون يولونا طرف گتدي. او بئري دسته ده سرحد يولونا يؤنَلدي کي، چؤل سمتئنده صِبوعئم دره‌سئنه باخيردي.
بوتون ائسرايئل اؤلکهسئنده بئر نفر ده اولسون، دمئرچي يوخ ائدي. فئلئسطلی‌لر دمئشدئلر کي، "قوي عئبرانئلر قيلينج يا دا نئزه دوزلتمه‌سئنلر."
بلجه بوتون ائسرايئللی‌لر کوتانلاريني، کَرکئلرئني، بالتالاريني و اوراقلاريني ائتئلتمک اوچون فئلئسطلی‌لرئن يانينا گلئردئلر.
کوتانين و کَرکئنئن ائتئلتمه قئيمتي شِکِلئن اوچده ائکئسي ائدي. چَنگلئن، بالتالارين و بئزلر ائتئلتمه قئيمتي شِکِلئن اوچده بئري.
اونا گؤره ده موحارئبه زاماني شاعوللا يوناتانين يانيندا اولان خالقين اَلئنده قيلينج و نئزه يوخ ائدي، بو سئلاحلار آنجاق شاعولون و اوغلو يوناتانين اَلئنده وار ائدي.
فئلئسطلی‌لرئن کشئک دستهسي مئکماس کچئدئنه چيخدي.
بئر گون شاعولون اوغلو يوناتان اؤز سئلاحدارينا کي، جاوان ائدي، ددي: «گل او تايدا اولان فئلئسطلی‌لرئن کشئک دسته‌سئنه کِچک.» لاکئن بونو آتاسينا بئلدئرمه‌دي.
شاعول گئبعا کَناريندا مئقرونداکي نار آغاجي آلتيندا اوتورموشدو. يانينداکي خالق تقرئبن آلتي يوز نفر اونلاردي.
شئلودا ربّئن کاهئني، عِلي اوغلو پئنخاس اوغلو ائکابودون قارداشي اَخئطوبون اوغلو اَخئيا، اِفود گِيئنمئشدي. يوناتانين گتدئيئندن خالقين خبري يوخ ائدي.
فئلئسطلی‌لرئن کشئک دسته‌سئنه گتمَک اوچون، يوناتانين کِچمَک ائسته‌دئيي کِچئدلر ائکي تئز قايانين آراسيندا ائدي. قايانين بئرئنئن آدي بوصِص، او بئرئنئن آدي دا سِنّه ائدي.
قايانئن بئري شئمال طرفدن مئکماسا، او بئري قايا دا جنوب طرفدن گئبعايا باخيردي.
يوناتان سئلاحداري جاوانا ددي: «گل بو ختنه‌سئزلرئن کشئک دسته‌سئنه کِچک، بلکه رب بئزئم اوچون بئر ائش گؤردو. چونکي آدامين آز يا دا چوخ اولماسي ربّئن قورتولوشونا مانع اولا بئلمز.»
سئلاحداري اونا ددي: «اوره‌يئنده نه وارسا، ات. گت، باخ، من ده سنئن اوره‌يئنئن ائستهيئنه مووافئق، سن ائنه‌نَم.»
او واخت يوناتان ددي: «باخ، بو آداملارا طرف گدئب، اؤزوموزي اونلارا گؤرسده‌جَيئک.
اگر بئزه دِسه‌لر: "دايانين بئز سئزئن يانينيزا گلَک"، او زامان يِرئمئزده دوروب اونلارين يانينا چيخماريق.
لاکئن اگر دِسه‌لر: "يانيميزا چيخين"، او زامان يِرئمئزدن دوروب اونلارين يانينا چيخاريق، چونکي رب اونلاري بئزه تسلئم ادئب و بو بئزئم اوچون علامت اولاجاق.»
او زامان کي، ائکئسي ده اؤزلرئني فئلئسطلی‌لرئن کشئک دسته‌سئنه گؤرستدئلر، فئلئسطلی‌لر ددئلر: «باخ، عئبرانئلر گئزلَندئکلري دِشئکلردن چيخيرلار.»
عسگرلر يوناتانا و اونون سئلاحدارينا باغيريب ددئلر: «يانيميزا چيخين، سئزه بئر شي دئيه‌جَيئک.» يوناتان سئلاحدارينا ددي: «داليمجا گل، چونکي رب اونلاري ائسرايئله تسلئم ادئب.»
يوناتان، اونون دالينجا سئلاحداري، اَل و آياقلاري ائله يوخاري ديرماشديلار. يوناتان فئلئسطلی‌لري قيريب تؤکدو، آرخادان سئلاحداري دا اونلاري اؤلدوروب ائشلرئني بئتئرئردي.
بو ائلک دؤيوشده ياريم ساحه تورپاقدا يوناتانينان سئلاحداري ائيئرمي نفره قدر قيرديلار.
اوردوگاها، چؤله، بوتون خالق آراسينا وَلوَله دوشدو. کشئکچي عسگرلر و قارَت هوجومچولاري آراسينا اِله بئر اَسمَجه دوشدو کي، اِله بئل بؤيوک زَلزَله اولموشدو.
شاعولون بِنيامئنده اولان گئبعا شهرئنده‌کي گؤزَتچئلري باخاندا گؤردولر کي، فئلئسطلي قوشوني داغيليب اورايا-بورايا قاچير.
شاعول يانيندا اولان خالقا ددي: «ائندي سايين، گؤرون بئزدن کئم يوخدور.» سايديقلاري زامان يوناتانينان سئلاحداري اولمادي.
شاعول اخئيايا ددي: «تارينين سانديغيني بورايا گتئرئن.» چونکي او واختلار تارينين سانديغي ائسرايئللیلرئن يانيندا ائدي.
شاعول کاهئن ائله دانيشارکَن، فئلئسطلی‌لرئن اوردوگاهيندان گورولتي گتدئکجه چوخاليردي، اونون اوچون ده شاعول کاهئنه ددي: «اَل ساخلا!»
شاعول و يانيندا اولان بوتون خالق ييغيليب دؤيوش مِيدانينا گتدئلر. باخ، فئلئسطلی‌لردن هر بئري، قيلينجي اؤز فئلئسطلي يولداشينا چکئردي. چوخ بؤيوک بئر ائغتئشاش اولموشدو.
اوّلجهدن فئلئسطلی‌لر طرفئنه کِچَن عئبرانئلر، فئلئسطلی‌لر ائله برابر اوردوگاها گلمئشدئلر. اونلار دا شاعولون و يوناتانين يانيندا اولان ائسرايئللی‌لر ائله بئرلَشدئلر.
اِفرايئمئن داغليق بؤلگهسئنده گئزلَنَن بوتون ائسرايئللی‌لر ده، فئلئسطلی‌لرئن قاچديغيني اشئتدئکده، دؤيوش مِيدانيندا فئلئسطلی‌لري قووماغا باشلاديلار.
بلجه او گون رب ائسرايئلي قورتاردي و دؤيوش بِيت‌آوِندن او طرفه کِچدي.
ائسرايئللی‌لر او گون چوخ فئشار آلتيندا قالميشديلار. چونکي شاعول خالقا آند ائچدئرئب دِمئشدي: «آخشاما قدر دوشمنلرئمدن قئصاص آلانا قدر کئم چؤرک يِسه، لعنت اولسون!» خالقدان هچ کئم دئلئنه هچ نه وورمادي.
بوتون خالق مِشه‌يه گتدي و تورپاق اوستونده اولان بال شانيسينا راست گلدئلر.
خالق مِشه‌ده بال شانيسينا راست گلنده، شانيدان بال سوزولوردي، لاکئن هچ کس اَلئني آغزينا آپارمادي، چونکي خالق آنددان قورخوردي.
لاکئن يوناتان آتاسينين خالقا آند ائچدئردئيئني اشئتمه‌مئشدي. اونا گؤره ده، اَلئنده‌کي دَيَنه‌يي اوزاديب اوجوني شاني بالينا باتيردي و اَلئني آغزينا آپاردي. و گؤزلرئنه ائشيق گلدي.
او واخت جاماعات آراسيندان بئر نفر ددي: «آتان خالقا بَرک آند ائچدئرئب کي، "بو گون کئم چؤرک يِسه، اونا لعنت اولسون!"» خالق آرتيق طاقَتدن دوشموشدي.
يوناتان ددي: «آتام اؤلکهيه عذاب ورئب. باخين، بو بالدان بئر آز دادّيم، گؤر نجه گؤزلرئم ائشيقلاندي!
اگر بو گون دوشمنلردن اَله کچئردئلَن يمکلري خالق دويونجا يِمئش اولسايدي، گؤر نه‌لر اونلاردي! چونکي فئلئسطلی‌لرئن اؤلدورولمه‌سي ائندئيه کئمي اِله ده بؤيوک اولماييب.»
همئن گون ائسرايئللی‌لر مئکماسدان اَيّالونا قدر فئلئسطلی‌لري قيرديلار. خالق چوخ يورغون ائدي.
خالق دوشمن مالي اوستونه دوشوب قويون-کِچئلري، اؤکوزلري، و بوزوولاري يِرئنده‌جه کَسدئلر و اونلاري قانلي-قانلي يدئلر.
بونو شاعولا خبر وردئلر: «باخ، خالق اَتي قانلي-قانلي يئيه‌رَک ربّئن ضئدّئنه گوناه ادئر.» شاعول ددي: «خيانت ادئبسئز، بو گون منی بؤيوک بئر داش آلتيندا اَزئن.»
شاعول سؤزونه داوام وردی: «خالقين آراسينا گدئب اونلارا ديئن: "هر کس اؤکوزوني يا دا قويونوني يانيما گتئرسئن. اونو بورادا کَسئب يِسئن. اَتي قانلي-قانلي يئيه‌رَک ربّئن ضئدّئنه گوناه اتمهيئن."» بلجه بوتون خالق او گجه اؤکوزوني اؤز اَلي ائله اورايا گتئرئب کَسدي.
شاعول ربّه بئر قوربانگاه دوزلتدي. بو اونون رب اوچون قوردوغي ائلک قوربانگاه ائدي.
شاعول ددي: «فئلئسطلی‌لرئن دالينجا گجه ائکَن دوشَک کي، سحر آچيلانا قدر اونلاري تالان اِدَک و اونلاردان هچ کئمي صاغ بوراخماياق.» اونا ددئلر: «گؤزونده نه خوشدور، ات». لاکئن کاهئن ددي: «گلئن بورايا، تارينين حوضورونا ياخينلاشاق.»
شاعول تاريدان سوروشدو: «آيا فئلئسطلی‌لرئن دالينجا دوشوم؟ آيا اونلاري ائسرايئللیلره تسلئم ادهجکسن؟» لاکئن تاري او گون اونا جاواب ورمه‌دي.
شاعول ددي: «ای بوتون خالقين باشچيلاري، بورايا ياخينلاشين. آراشديريب گؤرون بو گون بو گوناه نجه باش ورئب.
چونکي ائسرايئلي قورتاران، وار اولان ربّه آند اولسون، بو ائشده اوغلوم يوناتان تقصئرکار اولسا بِله، گرک اؤلومه ورئلسئن.» لاکئن خالق آراسيندان اونا جاواب ورن اولمادي.
شاعول بوتون ائسرايئللیلره ددي: «سئز بئر طرفده، من و اوغلوم دا آيري بئر طرفده دوراق.» خالق شاعولا ددي: «گؤزونده نه خوشدور، ات.»
شاعول ائسرايئلئن تاريسي ربّه ددي: «حقئقتي اوزه چيخارت!» پوشک شاعوللا يوناتانا دوشدو. خالق تمئزه چيخدي.
شاعول ددي: «منئمله اوغلوم يوناتان آراسيندا دا پوشک آتين.» پوشک يوناتانا دوشدو.
شاعول يوناتانا ددي: «نه ادئبسن، منه بئلدئر!» يوناتان اونا ددي: «آنجاق اَلئمده اولان دَيَنه‌يئن اوجي ائله بئر آز بال دادميشام، بونا گؤره مگر اؤلمَلئ‌يَم؟»
شاعول ددي: «يوناتان، تاري منه بِله‌سئني و بوندان بَتَرئني اتسئن! سن حقئقتن اؤلمَلئ‌سن.»
خالق شاعولا بله ددي: «ائسرايئلده بله بؤيوک قورتولوش گتئرن يوناتان مگر گرک اؤلسون؟ اصلا! وار اولان ربّه آند اولسون، اونون باشيندان بئر توک بِله، يِره دوشمَيه‌جک. چونکي بو گون او، تارينين کؤمهيي ائله ائش گؤردو.» بِلَجه، خالق يوناتاني خئلاص اتدي و او اؤلمه‌دي.
شاعول داها فئلئسطلی‌لري تعقئب اتمهيئب گری قاييتدي و فئلئسطلی‌لر اؤز يِرلرئنه قاييتديلار.
بِلَجه، شاعول ائسرايئل اوستونده پادشاه اولاندان سونرا اطرافداکي بوتون دوشمنلرئنئن ضئدّئنه يعني موآبليلارين، عَمّونلولارين، اِدوملولارين، صوبا پادشاهلارينين و فئلئسطلی‌لرئن ضئدّئنه دؤيوشدي. هانسي طرفه دؤنوردي، اونلارين باشينا بلا گتئرئردي.
او شوجاعَت گؤرسدئب عَمالِقلئلري مغلوب اتدي و ائسرايئلي تالان ادنلرئن اَلئندن قورتاردي.
شاعولون اوغوللاري يوناتان، يئشوي و مِلکئشوعه ائدي. ائکي قيزيندان بؤيوکونون آدي مِرَب، کئچئيئنئن آدي دا مئکَل ائدي.
شاعولون آروادينين آدي اَخئماعاص قيزي اَخئنوعَم ائدي. قوشونونون باشچيسي دا عَمئسي نِرئن اوغلو آبنِر ائدي.
شاعولون آتاسي قئش ائله آبنِرئن آتاسي نِر، اَبئ‌اِلئن اوغوللاري ائدئلر.
شاعولون عؤمري بويي فئلئسطلی‌لرئن ضئدّئنه شئدّتلي دؤيوشلر ده اولدو و او، گوجلو يا دا جَسور بئر آدام گؤرَن زامان اونو اؤز يانينا گؤتوروردي.
سمويئل شاعولا ددي: "رب منی گؤندردي کي، سني اؤز خالقي ائسرايئل اوستونده پادشاه اولماق اوچون مسح ادئم. ائندي ربّئن سؤزونو اشئت.
قوشونلار ربّی بله ديئر: «عَمالِقلی‌لري جزالانديراجاغام. ياديمدادير کي، نجه ائسرايئللی‌لر مئصئردن چيخان زامان، يولدا اونلارين ضئدّئنه دوردولار.
ائندي گت، عَمالِقلی‌لري قير، هر شيلرئني کامئل دارماداغين ات و اونلارا حِيفئن گلمه‌سئن. کئشئدن آرواداجاق، اوشاقدان کؤرپه‌يه‌جک، اؤکوزدن قويوناجاق، دَوه‌دن اِششيه‌جک هاميسيني قير.»"
شاعول خالقي چاغيردي و اونلاري طِلائمده سايدي: ائکي يوز مئن پئيادا عسگرله برابر يهودادان اون مئن نفر وار ائدي.
شاعول عَمالِقلی‌لرئن شهرئنه گلئب دره‌ده کمئن قوردو.
او، قِنلی‌لره ددي: "گدئب عَمالِقلی‌لردن آيريلين کي، سئزي ده اونلارلا برابر قيرماييم. چونکي ائسرايئل اؤولادلاري مئصئردن چيخان زامان سئز اونلارا مهرئبانليق اتدئنئز.» بلجه قِنلی‌لر عَمالِقلی‌لردن آيريلديلار.
شاعول خَوئلادان مئصئرئن شرقي اولان شورا قدر عَمالِقلی‌لري قيردي.
عَمالِق پادشاهي اَگَگي صاغ توتدو و بوتون خالقي کامئل بئر شکئلده قيلينجدان کچئرتدي.
آمّا شاعول و خالق اَگَگه و عَمالِقلی‌لرئن لاپ ياخشي قويونلارينا، اؤکوزلرئنه، کؤکَلدئلمئش حيوانلارينا، قوزولارينا و ياخشي شيلرئن هاميسينا حيفي گلئب کامئل محو اتمک ائستمه‌دئلر. کامئل محو اولونان فايداسيز و دَيَرسئز شيلر ائدي.
بوندان سونرا ربّئن سؤزو سمويئله نازئل اولدو:
"شاعولو پادشاه اتدئيئمه پشمان اولدوم. چونکي او منئم داليمجا گلمکدن دؤنوب، سؤزلرئمي يرئنه يتئرمه‌يئبدئر." سمويئل قضبلَندي و بوتون گجهني ربّه فغان اتدي.
سحر اِرکَن دوردو کي، شاعوللا گؤروشسون. آمّا اونا بله خبر وردئلر: "شاعول کَرمِله گلدي و اؤزونه يادبود بئر سوتون قوياندان سونرا دؤنوب، ائره‌لئده‌کي گئلگالا اِندي."
سمويئل شاعولون يانينا گلدي. شاعول اونا ددي: "قوي رب سنه برکت ورسئن، من ربّئن امرئنه عمل اتدئم."
آمّا سمويئل ددي: "بس قولاقلاريما گلن بو قويون مَلَشمه‌سي و اشئتدئيئم بو اؤکوز بؤيورتوسو ندئر؟"
شاعول ددي: "اونلاري عَمالِقلی‌لردن گتئرئبلر. چونکي خالق قويون-کچئلرئن و اؤکوزلرئن لاپ ياخشيسيني ساخلادي کي، سنئن تارين ربّه قوربان اتسئنلر. لاکئن قالانلاريني کامئل يوخ اتدئک."
او واخت سمويئل شاعولا ددي: "دايان، قوي کِچَن گجه ربّئن منه ددئکلرئني سنه ديئم." شاعول ددي: "دانيش."
سمويئل ددي: "سن اؤز گؤزونده کئچئک اولدوغون حالدا، مگر ائسرايئل قبئله‌لرئنئن باشچيسي اولمادين؟ مگر رب سني ائسرايئل اوستونه پادشاه مسح اتمهدي؟
رب سني وظئفه اوچون گؤندرئب ددي: «گت و گوناهکارلاري، بو عَمالِقلی‌لري کامئل محو ات. اونلاري قيريب قورتارانا قدر اونلارلا ووروش.»
بس نه اوچون ربّئن سؤزوندن ائطاعت اتمه‌دئن، تالانا گئرئشدئن و ربّئن گؤزونده پئس ساييلان ائشي گؤردون؟"
شاعول سمويئله ددي: "من ربّئن سؤزوندن ائطاعت اتدئم و ربّئن منی گؤندردئيي وظئفهيه گتدئم. عَمالِق پادشاهي اَگَگي بورايا گتئرمئشم، عَمالِقلی‌لري ده کامئل محو اتمئشم.
لاکئن خالق تالان ماليندان قويون-کچئلري و اؤکوزلري، محو ادئلمه‌يه وقف اولونانلاردان لاپ ياخشيسيني گؤتوردو کي، گئلگالدا سنئن تارين ربّه قوربان اتسئن."
سمويئل ددي: "ربّئن نَدَن خوشو گلر، سؤزونون ائطاعت اولماسيندان يا يانديرما قورباني و آيري قوربانلاردان؟ باخ ائطاعت اتمک قورباندان، قولاق آسماق قوچلارين پئيئندن داها ياخشيدير.
چونکي عاصئلئک فالچيليغا برابر گوناهدير، عئنادکارليق دا بوت‌پَرَستلئک تقصئرئنه برابردئر. ائندي کي، سن ربّئن سؤزونو ردّ ادئبسن، او دا سني پادشاهليقدان ردّ ادئب."
او واخت شاعول سمويئله ددي: "گوناه اتمئشم. دوغرودان دا ربّئن امرئني و سنئن سؤزلرئني پوزموشام، چونکي خالقدان قورخوب اونلارين سؤزونه قولاق آسميشام.
خاهئش ادئرم، گوناهيمي باغيشلا و ائندي منئمله برابر گری قاييت کي، ربّه پرستئش ادئم."
سمويئل شاعولا ددي: "من سنئنله گری قاييتماياجاغام، چونکي سن ربّئن سؤزونو ردّ ادئبسن. اونا گؤره رب ده سني ائسرايئل اوستونده پادشاه اولماقدان ردّ ادئب."
سمويئل گری قاييتماق اوچون دؤنَن زامان، شاعول اونون جوبّه‌سئنئن اَته‌يئندن ياپيشاندا اَتَک ييرتيلدي.
سمويئل اونا ددي: "بو گون رب ده سندن ائسرايئل پادشاهليغيني بو جور ييرتيب و سندن ياخشي اولان قونشونا ورئب.
ائسرايئلئن عئزّتي اولان يالان دِمَز و فئکرئني دَيئشمَز. چونکي او، ائنسان ديئل کي، فئکرئني دَيئشسئن."
شاعول ددي: "گوناها باتديم. خاهئش ادئرم، ائندي خالقيمين آغساقّاللاري و ائسرايئل موقابئلئنده منه حؤرمت ات و منئمله بئرلئکده گری قاييت کي، تارين ربّه پرستئش اِدئم."
سمويئل شاعولون داليسيجا گری قاييتدي و شاعول ربّه پرستئش اتدي.
سونرا سمويئل ددي: "عَمالِق پادشاهي اَگَگي بورايا، منئم يانيما گتئرئن." اَگَگ اونون يانينا بَشّاش گلدي. اَگَگ اؤز-اؤزونه ديئردي: "يقئن کي، اؤلومون آجيليغي کچئب گدئب."
سمويئل ددي: "سنئن قيلينجين آروادلاري نجه اؤولادسيز قويوب، سنئن آنان دا آروادلار آراسيندا بلجه اؤولادسيز قالاجاق." سمويئل گئلگالدا، ربّئن حوضوروندا اَگَگي دوغرادي.
سونرا سمويئل رامايا گتدي، آمّا شاعول گئبعاداکي اِوئنه قالخدي.
سمويئل اؤلَنه قدر داها شاعولو گؤرمه‌دي، چونکي شاعول اوچون ماتم توتموشدو. رب شاعولو ائسرايئلئن پادشاهي اتدئيئنه پشمان اولموشدو.
رب سمويئله ددي: "ائندي کي، شاعولو ائسرايئل اوستونده پادشاه اولماقدان ردّ اتمئشم، نه واختا قدر اونون دردئني چکه‌جکسن؟ ياغ بوينوزونو ياغلا دولدور و گت. سني بِيت‌لِخِملي يَسّه‌نئن يانينا گؤندرهجيم. چونکي اونون اوغوللاري آراسيندان اؤزوم اوچون پادشاه تعيئن اتمئشم."
لاکئن سمويئل ددي: "نجه گده بئله‌رم؟ شاعول اشئتسه، منی اؤلدورَر." رب ددي: "اؤزونله بئر بوزوو گؤتوروب ده: «ربّه قوربان کسمک اوچون گلمئشم.»
يَسّه‌ني ده قوربان مراسئمئنه دعوت ات، و سونرا نه اده‌جيئني سنه بئلدئرهرم. سنه دئيه‌جيئم آدامي منئم اوچون مسح اِدَرسن."
سمويئل ربّئن ددئيي کئمي ادئب بِيتلِخِمه گلدي. شهرئن آغساقّاللاري اونو تئتره‌يه‌رک پئشواز اتدئلر و سوروشدولار: "بو گلئشئن آيا خيئردئر؟"
او جاواب وردی: "بلی، خيئردئر. ربّه قوربان کسمک اوچون گلمئشم. اؤزونوزو تقدئس ادئن و منئمله برابر قوربان مراسئمئنه گلئن." سمويئل يَسّه ائله اوغوللاريني دا تقدئس ادئب اونلاري دا قوربان مراسئمئنه دعوت اتدي.
اونلار گلدئکده سمويئل اِلئيابا باخيب ددي: "دوغرودان دا، ربّئن مسح اتدئيي، ربّئن حوضوروندادير!"
لاکئن رب سمويئله ددي: "اونون گؤرونوشونه و اوجا بويونا باخما، من اونو ردّ اتمئشم. اونا گؤره کي، رب ائنسانين گؤردويو کئمي گؤرمَز، چونکي ائنسان ظاهئره، رب آمّا اورهيه باخار."
او زامان يَسّه اَبئنادابي چاغيردي و اونو سمويئلئن حوضوروندان کچئرتدي. سمويئل ددي: "رب بونو دا سچمهيئب."
يَسّه شمّاني گتئردي و سمويئل ددي: "رب بونو دا سچمهيئب."
بلجه يَسّه اوغلانلارينين يدّئسئني ده سَمويئلئن قاباغيندان کچئرتدي. آمّا سمويئل يَسّه‌يه ددي: "رب بونلاري سچمهيئب."
سونرا يَسّه‌دن سوروشدو: "اوغلانلارينين هاميسي بودور؟" يَسّه جاواب وردی: "لاپ کئچئيي ده وار، لاکئن ائندي قويون اوتارير." سمويئل يَسّه‌يه ددي: "داليسيجا آدام گؤندر و اونو دا بورايا گتئر. چونکي او بورايا گلمَسه، بئز سوفرهيه اوتورماياجاغيق."
يَسّه آدام گؤندرئب اونو ائچَري گتئرتدي. اوغلان آل‌ياناق، گؤزلري گؤزل، ظاهئري ده ياراشيقلي ائدي. رب سمويئله ددي: "دور، اونو مسح ات، چونکي سِچئلمئش بودور."
سمويئل ياغ بوينوزونو گؤتوروب قارداشلاري آراسيندا اونو مسح اتدي و او گوندن ربّئن روحو قووّتله داوودون اوستونه اِندي. سونرا سمويئل قالخيب رامايا گتدي.
ربّئن روحو شاعولدان آيريلميشدي. ربّئن گؤندردئيي شر بئر روح اونا عذاب چکدئرئردي.
شاعولون نؤکرلري اونا بله ددئلر: "باخ، تارينين گؤندردئيي شر بئر روح سنه اذئيّت ورئر.
ای آغاميز، قاباغيندا اولان قوللارينا امر ات کي، ياخشي چنگ چالان بئر آدام آختارسينلار. تارينين گؤندردئيي شر روح سنئن اوستونه گلن زامان او چنگ چالار، سن ده روحلانارسان."
شاعول نؤکرلرئنه ددي: "منئم اوچون ياخشي چنگ چالان بئر آدام تاپيب يانيما گتئرئن."
جاوان نؤکرلردن بئري جاواب وردی: "من گؤرموشم کي، بِيت‌لِخِملي يَسّه‌نئن اوغلو ياخشي چنگ چالير. او، ائگئد، جسور دؤيوشچو، حئکمتله دانيشان، ياراشيقلي بئر اوغلاندير و رب اونونلادير."
شاعول يَسّه‌نئن يانينا قاصئدلر گؤندرئب ددي: "قويون اوتاران اوغلون داوودو منئم يانيما گؤندر."
يَسّه بئر اِششه‌يه چؤرک، بئر تولوق شراب، بئر کچي بالاسي يوکله‌دي و اوغلو داوودون اَلي ائله شاعولا گؤندردي.
داوود شاعولون يانينا گلدي و اونون قوللوغوندا دوردو. داوود شاعولون چوخ خوشونا گلدي و اونو اؤز سئلاحداري اتدي.
سونرا شاعول يَسّه‌نئن يانينا آدام گؤندرئب ددي: "خاهئش ادئرم، قوي داوود يانيمدا قالسين، چونکي او، گؤزومده لوطف تاپيب."
بلجه هر دفه تارينين گؤندردئيي شر روح شاعولا گلن زامان، داوود چنگ گؤتوروب چالاردي، شاعول ساکئتله‌شَردي، ياخشي اولاردي و شر روح اوندان آيريلاردي.
فئلئسطلی‌لر موحارئبه اوچون قوشونلاريني ييغيب يهودانين سوکو شهرئنده جَملَشدئلر. و اِفِس‌دَمئمده اوردوگاه قوردولار کي، سوکولا عَزِقا شهري آراسيندادير.
شاعوللا ائسرايئللی‌لر ييغيليب اِلا دره‌سئنده اوردوگاه قوردولار و فئلئسطلی‌لرئن ضئدّئنه دؤيوش اوچون دوزولدولر.
فئلئسطلی‌لر بئر تپه‌نئن اوستونده، ائسرايئللی‌لر ده او بئري تپه‌ده دايانميشديلار، آرالاريندا دره وار ائدي.
گَت شهرئندن اولان گوليات آدلي بئر قهرمان فئلئسطلی‌لرئن اوردوگاهيندان ائرهلي چيخدي. اونون بويو آلتي قولآچ بئر قاريش ائدي.
باشيندا بورونج دَبئلقه‌سي واردي، اَينئنه بش مئن شِکِل آغيرليغيندا بورونجدن پوللي زئرِه گِيمئشدي.
بالديرلارينا بورونج زئرِه تاخميشدي و کوره‌يئنده ده بورونج مئزراق واردي.
نئزه‌سئنئن تاختاسي توخوجو دَزگاهينين تئري کئمي ائدي، اونون دمئر اوجو دا آلتي يوز شِکِل آغيرليغيندا ائدي. سئپر داشييان سئلاحداري دا اونون قاباغيندا گدئردي.
گوليات ائسرايئل فوجلارينين موقابئلئنده دايانيب قيشقيرا-قيشقيرا ددي: "نئيه دؤيوشه چيخيب دوزولوبسونوز؟ مگر من فئلئسطلي، سئز ده شاعولون قوللاري ديئلسئنئز؟ آرانيزدان بئر کئشي سچئن، قويون يانيما گلسئن.
اگر منئمله ووروشا بئلئب منی اؤلدورسه، اوندا بئز سئزه قول اولاريق، يوخ اگر من اونو ووروب اؤلدورسَم، اوندا سئز بئزه قول اولوب قوللوق ادهجکسئنئز."
فئلئسطلي گئنه ددي: "بو گون من ائسرايئل فوجلارينا ميدان اوخويارام. منئم قاباغيما تک‌به‌تک ووروشماق اوچون بئر کئشي چيخاردين!"
شاعول و بوتون ائسرايئللی‌لر، فئلئسطلي‌نئن بو سؤزلرئني اشئدن واخت، واهئمه‌يه دوشوب چوخ قورخدولار.
داوود يهودانين بِيت‌لِخِم شهرئندن اولان يَسّه آدلي بئر اِفراتلينين اوغلو ائدي. يَسّه‌نئن سکّئز اوغلو وار ائدي. شاعولون دؤورونده يَسّه قوجاليب ياشلانميشدي.
اونون اوچ بؤيوک اوغلو شاعولون دالينجا دؤيوشه گتمئشدئلر. دؤيوشه گدن اوچ اوغلونون آدي بله ائدي: ائلک دوغولاني اِلئآب، ائکئنجئسي اَبئناداب و اوچونجوسو شَمّا.
داوود يَسّه‌نئن لاپ کئچئک اوغلو ائدي. اوچ بؤيوک اوغلو شاعولون دالينجا گدئردي.
لاکئن داوود آتاسينين سوروسونو اوتارماق اوچون شاعولون يانيندان بِيتلِخِمه گدئب گلردي.
فئلئسطلي گوليات قيرخ گون سحر-آخشام گلئب ائسرايئللیلره ميدان اوخودو.
بئر گون يَسّه، اوغلو داوودا ددي: "ائندي قارداشلارين اوچون بو بئر اِفا قووورغا و اون کؤمبه چؤره‌يي گؤتور، اوردوگاها، قارداشلارينين يانينا تَلَسئک گت.
بو اون تئکه پِندئري ده مئنباشي اوچون گؤتور، اوندان قارداشلارينين حال-احواليني سوروش و منه اونلاردان بئر خبر گتئر."
داوودون قارداشلاري، شاعول، و بوتون ائسرايئللی‌لر ائلاه دره‌سئنده فئلئسطلی‌لرله دؤيوشده ائدئلر.
داوود سحر تزدن دوروب قويونلاريني چوبانا تاپشيردي و يَسّه‌نئن بويوردوغو کئمي ارزاقلاري گؤتوروب گتدي. او، اوردوگاها گلن زامان قوشون دؤيوش ميدانينا چيخيردي و نعره چکه‌رک دؤيوشه دوزولوردو.
ائسرايئللیلرله فئلئسطلی‌لر دؤيوشمک اوچون اوز-اوزه دايانديلار.
داوود گتئردئيي شيلري لوازئمات کشئکچئسئنه وردی و اؤزو جبهه‌يه قاچدي و قارداشلارينين يانينا گلئب اونلاري سالاملادي.
داوود اونلارلا صؤحبت اِدَرکَن، فئلئسطلی‌لرئن گَت شهرئندن اولان گوليات آدلي قهرمان، اؤز فوجلارينين آراسيندان ائرهلي چيخيب گئنه اوّلکي کئمي سؤزلر ددی. داوود بونلاري اشئتدي.
بوتون ائسرايئللی‌لر بو آدامي گؤرنده، اونون قاباغيندان قاچديلار و چوخ قورخدولار.
ائسرايئللی‌لر ددئلر: "قاباغا چيخان بو آدامي گؤرورسونوز؟ دوغرودان دا، او، ائسرايئله ميدان اوخوماغا چيخير. کئم اونو اؤلدورسه، پادشاه اونو وار-دؤولته چاتديراجاق، قيزيني اونا ورهجک و آتاسينين عايئلهسئني ائسرايئلده‌کي ورگئدن آزاد ادهجک."
داوود يانينداکي آداملارلا دانيشيب ددي: "بو فئلئسطلئني اؤلدوروب ائسرايئلي بو خجالتدن قورتاران آداما نه ادئلهجک؟ چونکي بو ختنهسئز فئلئسطلي کئمدئر کي، وار اولان تارينين قوشونلارينا ميدان اوخوسون؟"
خالق بو سؤزه موطابئق اونا جاواب ورئب ددئلر: "اونو اؤلدورَن آداما بله ادئلهجک."
داوود آداملارلا دانيشارکَن، لاپ بؤيوک قارداشي اِلئآب اونون سَسئني اشئتدي و قضبدن آلوولانيب ددي: "سن نئيه آشاغي اِنئبسن؟ چؤلدهکي بئر نچه قويونوموزو کئمه تاپشيريبسان؟ بئلئرم، سنئن تکَبّوروندن و اوره‌يئنئن پئس نئيّتئندن خبرئم وار، چونکي بورايا دؤيوشه تاماشا اتمک اوچون گلئبسن."
آمّا داوود ددي: "ائندي مگر نه اتمئشم؟ يعني دانيشا دا بئلمه‌رم؟"
داوود اورادان دؤنوب آيري بئرئندن سوروشدو و خالق اونا گئنه ده اوّلکي کئمي جاواب ورئب هَمن سؤزلري ددی.
داوودون بو سؤزلرئني اشئدنلر، بونو شاعولا چاتديرديلار. شاعول اونو يانينا چاغيرتديردي.
داوود شاعولا ددي: "بو آدامدان اؤتري هچ کئم اوره‌يئني اوزمه‌سئن. سنئن قولون گدئب او فئلئسطلي ائله ووروشاجاق."
شاعول داوودا ددي: "بو فئلئسطلي ائله ووروشماغا سنئن گوجون چاتماز، چونکي سن حله جاوانسان، او آمّا جاوانليغيندان دؤيوشچودور."
داوود شاعولا ددي: "سنئن قولون آتاسينين قويونلاريني اوتاريردي. آصلان يا دا آيي گلئب سورودن بئر قوزو گؤتورَنده
من اونون دالينجا گدئب اونا هوجوم اِدَردئم و قوزونو آغزيندان قورتارارديم. اگر اوستومه آتيلاردي، من بوغازينين توکلرئندن توتاراديم و يره چيرپيب اؤلدورَردئم.
بو قولون هم آصلان، هم ده آيي اؤلدوروب، بو ختنهسئز فئلئسطلي ده اونلاردان بئري کئمي اولاجاق، چونکي او، وار اولان تارينين فوجلارينا ميدان اوخويوب."
داوود سؤزونه داوام وردی: "منی آصلان پنجه‌سئندن، آيي پنجه‌سئندن قورتاران رب بو فئلئسطلي‌نئن ده اَلئندن قورتاراجاق." شاعول داوودا ددي: "گت، رب سنه يار اولسون!"
شاعول اؤز پالتارلاريني داوودا گِيئندئردي و باشينا بورونج دَبئلقه قويوب اَينئنه زئرِه گِيئندئردي.
داوود بو زئرِهئن اوستوندن قيلينج تاخيب يِرئمَيه چاليشدي، چونکي اونا آليشماميشدي. سونرا داوود شاعولا ددي: "بونلارا آليشماديغيم اوچون يِرئيه بئلمئرم." و اونلاري اَينئندن چيخارتدي.
اَلئنه دَيَنه‌يئني گؤتوروب، چايدان اؤزونه بش هامار داش سچدي و اونلاري اوستونده‌کي چوبان تورباسينين جئبئنه قويوب اَلئنده ساپاند، فئلئسطلئيه ياخينلاشدي.
فئلئسطلي ائرهلي گلئب داوودا ياخينلاشدي. سئپر داشييان نؤکري اونون قاباغيندا ائدي.
نظر ساليب داوودو گؤرنده اونا اهانتله باخدي. چونکي داوود جاوان، آل‌ياناق و اوزو گؤيچک ائدي.
فئلئسطلي داوودا ددي: "مگر من ائتَم کي، اوستومه دَيَنَکلرله گلئرسن." فئلئسطلي اؤز آللاهلاري ائله داوودو لعنتله‌دي،
و ددي: "يانيما گل، سنئن اَتئني گؤيدهکي قوشلارا و چؤلدهکي حيوانلارا ورهجيم."
او واخت داوود فئلئسطلئيه ددي: "سن منئم اوستومه قيلينج، نئزه و مئزراقلا گلئرسن، لاکئن من سنئن اوستونه سؤيدويون ائسرايئل فوجلارينين تاريسي قوشونلار ربّئن آدي ائله گلئرَم.
بو گون رب سني منه تسلئم ادهجک و من سني اؤلدوره‌جيم. باشيني بدنئندن آييراجاغام. بو گون فئلئسطلي قوشونونون لِشلرئني گؤيدهکي قوشلارا و يرده‌کي حيوانلارا ورهجيم کي، بوتون دونيا بئلسئن کي، ائسرايئلده بئر تاري وار.
بوتون بو جاماعات دا بئله‌جک کي، رب قيلينج يا دا نئزه ائله خئلاص اتمَز، چونکي بو دؤيوش ربّئندئر و او سئزي بئزئم اَلئمئزه ورهجک."
فئلئسطلي داوودون قاباغينا چيخماق اوچون دوروب ياخينلاشاندا، داوود جَلد اونو قاباقلاييب فئلئسطلي فوجلارينا طرف قاچدي.
داوود اَل آتيب تورباسيندان بئر داش گؤتوردو، ساپاندلا فيرلاديب فئلئسطلي‌نئن آلنيندان ووردو. داش اونون آلنينا باتدي و او، اوزو اوسته يره ييخيلدي.
داوود فئلئسطلئني بئر ساپاند، بئر داشلا مغلوب اتدي و اونو ووروب اؤلدوردو. داوودون اَلئنده هچ قيلينج يوخ ائدي.
او قاچيب بو فئلئسطلي‌نئن اوستوده دوردو. فئلئسطلي‌نئن قيلينجي گؤتوردو، قينيندان چکئب اونو اؤلدوردو و بو قيلينجلا اونون باشيني کَسدي. فئلئسطلی‌لر اؤز قهرمانلارينين اؤلدورولدويونو گؤرنده قاچديلار.
ائسرايئللیلرله يهوداليلار دا قالخيب نعره چکدئلر و فئلئسطلی‌لري گَتئن گئرئشئنه و عِقرونون دروازالارينا چاتانا قدر قوودولار. فئلئسطلی‌لردن اؤلَنلر شَعه‌رئم يولو بويو گَتئن و عِقرونا قدر يره سَرئلمئشدئلر.
ائسرايئل اؤولادلاري فئلئسطلی‌لري آرخادان قوواندان سونرا قاييديب اونلارين اوردوگاهيني تالان اتدئلر.
داوود گولياتين باشيني گؤتوروب اورشلئمه گتئردي، لاکئن سئلاحيني اؤز چاديرينا قويدو.
شاعول داوودون فئلئسطلي‌نئن ضئدّئنه چيخديغيني گؤرَن زامان، قوشون باشچيسي آبنِره ددي: "آبنِر، بو جاوان کئمئن اوغلودور؟" آبنِر ده ددي: "پادشاه صاغ اولسون، بئلمئرم."
پادشاه ددي: "سوروش گؤر، بو جاوان کئمئن اوغلودور."
داوود گولياتي اؤلدوروب قاييداندان سونرا، آبنِر اونو گؤتوروب شاعولون حوضورونا گتئردي. فئلئسطلي‌نئن باشي اونون اَلئنده ائدي.
شاعول اوندان سوروشدو: "ای جاوان، کئمئن اوغلوسان؟" داوود جاواب وردی: "قولون بِيت‌لِخِملي يَسّه‌نئن اوغلويام."
داوود شاعوللا صؤحبتئني قورتارميشدي کي، يوناتانين قلبي داوودون قلبئنه باغلاندي و يوناتان اونو اؤز جاني کئمي سِودي.
شاعول او گون داوودو اؤز يانيندا ساخلاييب ائجازه ورمه‌دي کي، آتاسينين اِوئنه قاييتسين.
يوناتان داوودلا عهد باغلادي، چونکي اونو اؤز جاني کئمي سِوئردي.
يوناتان جوبّه‌سئني اَينئندن چيخارديب قيلينج، اوخ-کامان و کمرئني ائله برابر داوودا وردی.
بلجه داوود شاعولون گؤندردئيي هر يره گدئردي، و او اوغور قازانيردي. شاعول داوودو دؤيوشچولرئنئن باشچيسي اتدي و بو هم خالقين، هم ده شاعولون اعيانلارينين گؤزونه خوش گؤروندو.
داوود فئلئسطلي گولياتي اؤلدوروب قاييداندا، عسگرلر گری گلرکن، ائسرايئلئن بوتون شهرلرئندن آروادلار دفلر و جوربهجور موسئقي آلَتلرله شَنلئک ماهنيسي اوخوياراق و اويناياراق چيخيرديلار کي، شاعول پادشاهي پئشواز اتسئنلر.
آروادلار اويناييب بله ماهني اوخويوردولار: "شاعول قيردي مئنلري، داوود اون مئنلري."
شاعول بوندان چوخ قضبلَندي، چونکي بو سؤز اونون خوشونا گلمه‌دي و ددي: "داوود اوچون اون مئنلري، منئم اوچون آنجاق مئنلري ديئرلر. آيري داها نه وار، تَکجه پادشاهليق قالدي کي، اونا ورئلسئن؟"
او گوندن سونرا شاعول داووددان شوبهه‌لَندي.
او گونون صاباحي تارينين طرفئندن شر روح شاعولون اوستونه قووّتله گلدي و او، اِوئنئن اورتاسيندا دَلي حالينا دوشدو. داوود دا هر گون اتدئيي کئمي، گئنه ده اَلئنده چنگ چاليردي. شاعولون اَلئنده بئر نئزه وار ائدي.
شاعول "داوودو بو نئزه ائله دووارا ياپيشديريم" دوشونوب، نئزه‌ني آتدي. لاکئن داوود اونون قاباغيندان ائکي دفه کنارا چکئلدي.
شاعول داووددان قورخدو، چونکي رب داوودلا ائدي و شاعولدان آيريلميشدي.
اونا گؤره ده شاعول اونو اؤز يانيندان اوزاقلاشديريب مئنباشي اتدي و داوود خالقي دؤيوشه آپاريب-گتئرميه باشلادي.
داوود بوتون يوروشلرئنده اوغور قازانيردي، چونکي رب اونونلا ائدي.
شاعول داوودون بؤيوک اوغورلار قازانديغيني گؤرنده داها دا قورخدو.
آمّا بوتون ائسرايئل و يهودا خالقي داوودو سِوئردئلر، چونکي اونلاري دؤيوشلره آپاريب-گتئرئردي.
او واخت شاعول داوودا ددي: "باخ، بودور بؤيوک قيزيم مِرَب، اونو سنه اَره ورهجيم. آنجاق سن منئم خاطئرئم اوچون جسور اول و ربّئن دؤيوشلرئني آپار." چونکي بله دوشوندو: "قوي منئم اَلئم يوخ، فئلئسطلی‌لرئن اَلي اونون ضئدّئنه اولسون."
داوود شاعولا ددي: "مگر من کئمَم کي؟ جانيمين نه دَيَري وار؟ يا دا ائسرايئلده آتامين نسلی کئمدئر کي، پادشاها کوره‌کَن اولوم؟"
لاکئن شاعولون قيزي مِرَب، داوودا ورئله‌جيي واخت، مِخولالي عَدري‌اِله اَره ورئلدي.
شاعولون او بئري قيزي مئکَل داوودا وورولموشدو. بو خبري شاعولا چاتديرديلار و بو اونون گؤزونده خوش گؤروندو.
شاعول دوشوندو: "داوودا مئکَلي ورئم کي، بو اونا بئر تله اولسون. قوي فئلئسطلی‌لرئن اَلي داوودون ضئدّئنه اولسون." اونا گؤره ده داوودا ددي: "بو گون منه کوره‌کن اولماغا گئنه فورصتئن وار."
سونرا اعيانلارينا امر اتدي: "داوودا گئزلئجه ديئن: «باخ پادشاهين سندن خوشو گلئر و بوتون اعيانلاري دا سني سِوئر؛ گل ائندي پادشاها سن کوره‌کَن اول.»"
شاعولون اعيانلاري بو سؤزلري داوودا اشئتدئرَنده، او ددي: "مگر پادشاها کوره‌کن اولماق سئزئن گؤزونوزه کئچئک گلئر، هم ده من کي، کاسيب و اَهَمئيّتسئز بئر آدامام؟"
شاعولون اعيانلاري داوودون ددئکلرئني شاعولا خبر وردئلر.
او واخت شاعول ددي: "داوودا دئيَرسئنئز: «پادشاه سندن باشليق پولو ائسته‌مئر. آنجاق پادشاهين دوشمنلرئندن قئصاص آلماق اوچون يوز فئلئسطلي‌نئن ختنه دَرئسئني ائستهيئر.»" شاعول بونو قوراشديرميشدي کي، داوودو فئلئسطلی‌لرئن اَلي ائله هلاک اتسئن.
شاعولون اعيانلاري بو سؤزلري داوودا چاتديرديلار و پادشاهين کوره‌کني اولماق اونون گؤزونده خوش گؤروندو. تعيئن اولونان گونلر حله باشا چاتماميش،
داوود قالخيب آداملاري ائله گتدي و فئلئسطلی‌لردن ائکي يوز کئشئني اؤلدوردو. پادشاهين کوره‌کني اولماق اوچون داوود اونلارين ختنه دَرئلرئني گتئردي و اونلاري تام سايدا پادشاها وردئلر. شاعول قيزي مئکَلي داوودا اَره وردی.
شاعول ربّئن داوودلا اولدوغونو، قيزي مئکَل ده داوودو سِودئيئني گؤرنده
داووددان داها دا قورخدو. و عؤمرونون آخيرينا قدر اونا دوشمن اولدو.
فئلئسطلی‌لرئن باشچيلاري دؤيوشه چيخيرديلار. اونلار هر دفه دؤيوشه چيخاندا، داوود شاعولون اعيانلارينين هاميسيندان داها چوخ باشاريلي اولوردو. بونا گؤره ده اونون آدي چوخ شؤهرَتلَنمئشدي.
شاعول، اوغلو يوناتانا و بوتون اعيانلارينا تاپشيردي کي، داوودو اؤلدورسونلر. لاکئن شاعولون اوغلو يوناتانين داووددان چوخ خوشو گلئردي.
يوناتان داوودا خبر ورئب ددي: "آتام شاعول سني اؤلدورمک ائستهيئر. اونا گؤره خاهئش ادئرم، سحره قدر اؤزونو قورو. گئزلَنه بئله‌جيئن بئر يِر تاپ، گئزلَن.
من ده چؤلده، سنئن گئزلَندئيئن يره گلئب آتامين يانيندا دايانارام و سنئن حاقّيندا اونونلا دانيشارام. اگر بئر شي گؤرسَم، سنه خبر ورهرم."
يوناتان آتاسي شاعولا داوودو تعرئفله‌يئب ددي: "پادشاه، قولو داوودون ضئدّئنه گوناه اتمه‌سئن، چونکي او سنئن ضئدّئنه هچ واخت گوناه اتمهيئب و اونون ائشلري سنئن اوچون چوخ خيئرلي اولوب.
او، جانيني اَلئنه آليب گولياتي اؤلدوردو و رب بوتون ائسرايئله بؤيوک قَلَبه قازانديردي. بونو سن ده گؤروب سِوئندئن. داوودو بوش يره اؤلدورمکله نه اوچون ناحاق قان تؤکوب گوناه ادئرسن؟"
شاعول يوناتانين سؤزونو اشئتدي و آند ائچئب ددي: "وار اولان رب حاقّي، اونو اؤلدورمَيه‌جيم."
يوناتان داوودو چاغيردي و بوتون بو سؤزلري اونا خبر وردی. سونرا او، داوودو شاعولون يانينا گتئردي و داوود اوّلکي کئمي شاعولون قوللوغوندا دوردو.
تزهدن موحارئبه باشلاندي. داوود قالخيب فئلئسطلی‌لرئن ضئدّئنه ووروشدو، اونلاري بؤيوک بئر شکئلده قيريب مغلوب اتدي. فئلئسطلی‌لر داوودون قاباغيندان قاچديلار.
شاعول اَلئنده نئزه اِوده اوتورموشدو، ربّئن طرفئندن شر بئر روح اونون اوستونه اِندي. داوود چنگ چاليردي.
شاعول داوودو نئزه ائله دووارا ياپيشديرماغا چاليشدي، لاکئن داوود شاعولون قاباغيندان قاچدي، نئزه دووارا ياپيشدي. داوود او گجه قاچيب جانيني قورتاردي.
شاعول داوودون اِوئنه آداملار گؤندردي کي، اونو گودوب سحر واختي اؤلدورسونلر. آمّا داوودون آروادي مئکَل بونو داوودا خبر ورئب ددي: "اگر بو گجه جانيني قورتارماياسان، صاباح اؤلومه ورئله‌جکسن."
سونرا مئکَل داوودو پنجرهدن آشاغي سالدي و او اِشئيه چيخيب قاچدي و قورتولدو.
مئکَل عايئله بوتونو گؤتوروب ياتاغا اوزاتدي و باشينا توکلي کچي دَرئسي کچئردئب اوستونو پالتارلا اؤرتدو.
شاعولون داوودو ياخالاماق اوچون گؤندردئيي آداملار گلنده مئکَل ددي: "او ناخوشدور."
سونرا شاعول داوودو گؤرمک ائسته‌دي. اونون اوچون آيري آداملار گؤندرئب ددي: "اونو ياتاغي ائله يانيما گتئرئن کي، اؤلدوروم."
بو آداملار ائچَري گئرئب گؤردولر کي، ياتاقدا باشينا توکلو کچي دَرئسي کچئردئلمئش بوت اوزانيب.
شاعول مئکَله ددي: "نئيه منی بله آلداديب دوشمنئمي بوراخدين کي، قورتولسون؟" مئکَل شاعولا جاواب وردی: "داوود منه ددی کي، منی بوراخ، گدئم! آخي نئيه سني اؤلدوروم؟"
داوود قاچيب قورتولدو و رامايا، سمويئلئن يانينا گلدي و شاعولون اونا اتدئيي بوتون شيلري سمويئله ددی. داوود و سمويئل نايوتا گدئب اورادا قالديلار.
شاعولا خبر وردئلر: "باخ، داوود راماداکي نايوتدادير."
شاعول داوودو توتماق اوچون اورايا آداملار گؤندردي. آداملار سمويئلئن باشچيليغي آلتيندا پيغمبرلر دستهسئنئن پيغمبرلئک اتدئيئني گؤردولر. او واخت بو آداملارين دا اوستونه تارينين روحو اِندي و اونلار دا پيغمبرلئک اتمه‌يه باشلاديلار.
بونو شاعولا خبر وردئلر، او آيري آداملار گؤندردي و اونلار دا پيغمبرلئک اتدئلر. شاعول اوچونجو دفه گئنه آداملار گؤندردي، اونلار دا پيغمبرلئک اتدئلر.
آخيردا اؤزو رامايا گتدي و سِکودا اولان بؤيوک قويونون يانينا گلئب اوراداکي‌لاردان سوروشدو: "سمويئل و داوود هاراداديرلار؟" بئر نفر ددي: "باخ، رامانين نايوتوندا."
شاعول راماداکي نايوتدا گِدنده، اونون دا اوستونه تارينين روحو اِندي و رامه‌ده‌کي نايوتا چاتانا قدر پيغمبرلئک ادئب گتدي.
سونرا او دا، پالتاريني سويونوب سمويئلئن قاباغيندا پيغمبرلئک اتدي و گلئب بوتون او گونو و گجهني لوت يره سَرئلدي. بونا گؤره دئر ده کي، ديئرلر: "مگر شاعول دا پيغمبرلرئن سيراسيندادير؟"
داوود راماداکي نايوتدان قاچدي و گلئب يوناتاندان سوروشدو: "مگر من نه اتمئشم؟ تقصئرئم ندئر؟ آتانين ضئدّئنه نه گوناهيم وار کي، جانيمين قصدئنه دوروب؟"
يوناتان اونا جاواب وردی: "ائراق اولسون! سن اؤلمَيه‌جکسن. باخ، آتام منه دِمه‌مئش هچ بئر ائش گؤرمَز، ائستر بؤيوک اولسون، ائستر کئچئک. اونا گؤره ده نه اوچون آتام مندن بو ائشي گئزلَتسئن؟ بله شي اولا بئلمز!"
داوود گئنه آند ائچئب ددي: "آتان ياخشي بئلئر کي، من سنئن گؤزونده لوطف تاپميشام. اونا گؤره ديئب: «قويمايين يوناتان بونو بئلسئن، يوخسا ناراحات اولار.» لاکئن وار اولان ربّه و جانينا آند اولسون، منئمله اؤلوم آراسيندا، حقئقتن، آنجاق بئر قَدَم وار."
يوناتان داوودا ددي: "سن نه دئيهسن، اونو دا ادهجيم."
داوود يوناتانا ددي: "صاباح تزه آي مراسئمئدئر و قطعن پادشاهلا يِمَيه اوتورمالي‌يام. لاکئن سن منه اوچونجونون آخشاميناجاق ائجازه ور، گدئب چؤلده گئزله‌نئم.
اگر آتان منئم يوخلوغومو آنلاسا، او واخت دِه کي، داوود اؤز شهري بِيتلِخِمه دَيمَک اوچون مندن ائجازه ائسته‌دي. چونکي اورادا بوتون عايئلهسئنئن ائلّئک قورباني وار.
اگر دِسه: «لاپ ياخشي.» دِمَلي سنئن قولون سالاماتدير، يوخ، اگر قضبلَنسه، اوندا او منه پئسلئک اتمک نئيّتئنده‌دئر.
بونا گؤره بو قولونا خيئرخاهليق ات، چونکي قولونو اؤزونله ربّئن عهدئنه سالدين. لاکئن اگر منئم تقصئرئم وار، اِله سن اؤزون منی اؤلدور، نه اوچون منی آتانين يانينا آپاراسان؟"
يوناتان ددي: "اصلا، بو سنئن باشينا گلمَز! آتامين سنه پئسلئک اتمک نئيّتئنده اولدوغونو بئلسَيدئم، سنه مگر خبر ورمَزدئم؟"
داوود يوناتانا ددي: "آتان اگر سنه بو بارهده بَرک بئر جاواب ورسه، بونو منه کئم بئلدئرَر؟"
يوناتان داوودا ددي: "گل چؤله چيخاق." ائکئسي ده چؤله چيخديلار.
سونرا يوناتان داوودا ددي: "ائسرايئلئن تاريسي رب شاهئد اولسون! صاباح و يا او بئرئسي گون بو واختلاراجاق من آتامدان فئکرئني اؤيرَنمئش اولارام. اَگَر، حقئقتن، داوودون ضئدّئنه فئکري ياخشي اولسا، مگر بو خبري سنه چاتديرمارام؟
يوخ، اگر آتامين خوشونا بو گلسه کي، سنه پئسلئک اتسئن و من بونو سنه بئلدئرمه‌سَم کي، سالامات چيخيب گدهسن، رب يوناتانا بِله‌سئني و بوندان بَتَرئني اتسئن. رب نجه آتاملا اولوب، سنئنله ده اِله اولسون.
سن منئم حياتيم بويونجا، منه ربّئن مهرئبانليغيني گؤرسد کي، اؤلمه‌يئم.
بو مهرئبانليغي رب داوودون بوتون دوشمنلرئني ير اوزوندن سئلَن زامان دا هچ واخت اِوئمدن کسميه‌جکسن."
بلجه يوناتان داوود نسلی ائله عهد باغلاييب ددي: "قوي رب داوودون دوشمنلرئني اؤزو جزالانديرسين!"
يوناتان داوودا اولان سِوگئسئنه گؤره بئر ده اونا آند ائچدئردي، چونکي اونو اؤز جاني کئمي سِوئردي.
يوناتان ددي: "صاباح تزه آي مراسئمئدئر، يِرئن بوش اولدوغو اوچون اورادا اولماديغين باشا دوشوله‌جک.
اوچ گون قالاندان سونرا، تزدن بورا اِنَرسن و اوّل گئزلَندئيئن يره گلئب «اِسِل» داشينين يانيندا اوتورارسان.
من هَدفه آتان کئمي، داشين بئر طرفئنه اوچ اوخ آتارام.
سونرا «گت اوخلاري تاپ» دِئيب بئر اوشاق گؤندره‌رم باخ، اگر اوشاغا مخصوصَن دِسَم کي: «اوخلار سنئن بو يانيندادير، گت اونلاري اورادان گؤتور.» يانيما گل، چونکي سنئن اوچون سالاماتليقدير و وار اولان ربّه آند اولسون، هچ بئر شي يوخدور.
لاکئن اگر اوشاغا «اوخلار سندن اوزاقدادير» دِسَم، اؤز يولونلا چيخ گت، چونکي رب سني اوزاغا گؤندرئب.
آراميزدا دانيشديغيميز سؤزه گلئنجه، بئل کي، رب ابده کئمي سنئنله منئم آرامدادير."
بلجه داوود چؤلده گئزلَندي. تزه آي مراسئمي باشلايارکَن پادشاه يِمَيه اوتوردو.
همئشه‌کي کئمي پادشاه اؤز يرئنده، دووارين يانيندا اوتوردو. يوناتان آياغا قالخدي و آبنِر شاعولون يانيندا اوتوردو. آمّا داوودون يري بوش ائدي.
شاعول او گون بئر سؤز دِمه‌دي، چونکي دوشونوردو: "داوودون باشينا بئر شي گلمئش اولمالي، طاهئر ديئل، حَتمن طاهئر ديئل."
او گونون صاباحيسي يعني تزه آي مراسئمئنئن ائکئنجي گونو داوودون يري گئنه ده بوش ائدي. اونون اوچون شاعول اوغلو يوناتاندان سوروشدو: "نه اوچون يَسّه‌نئن اوغلو نه دونَن، نه ده بو گون يِمَيه گلمه‌يئب؟"
يوناتان شاعولا جاواب وردی: "داوود بِيتلِخِمه گتمک اوچون مندن ائصرارلا ائجازه ائسته‌دي.
منه ددي: «خاهئش ادئرم، ائجازه ور گدئم، چونکي شهرده عايئله‌مئزئن قورباني وار. بؤيوک قارداشيم منه امر ادئب کي، اورادا اولوم. اگر ائندي گؤزونده لوطف تاپميشام، خاهئش ادئرم، منی بوراخ، گدئم قارداشلاريملا گؤروشوم.» بونا گؤره ده پادشاهين سوفره‌سئنه گله بئلمه‌يئب."
يوناتانين ضئدّئنه شاعولون قضبي آلوولاندي و اونا ددي: "ای خيانتکار و اَيري آروادين اوغلو! يَسّه‌نئن اوغلو داوودون طَرفدارليغيني اتمه‌يئندن مگر خبرئم يوخدور؟ بو هم سنه، هم ده سني دوغوران آنانا بيآبيرچيليقدير.
نه قدر کي يَسّه‌نئن اوغلو يِر اوزونده ياشايير، نه سن برقرار اولاجاقسان، نه ده پادشاهليغين. ائندي آدام گؤندر، و اونو يانيما گتئرت، چونکي او اؤلوم جزاسينا لايئقدئر."
يوناتان آتاسي شاعولا جاواب وردی: "نه اوچون اؤلمَلي‌دئر؟ مگر نه ادئب؟"
شاعول يوناتاني اؤلدورمک اوچون نئزه آتدي. او واخت يوناتان باشا دوشدو کي، آتاسي، داوودو اؤلدورمک نئيّتئنده‌دئر.
يوناتان آلوولانان قضبله سوفره اوستوندن قالخدي. تزه آيين ائکئنجي گونونده يمک يِمه‌دي، چونکي آتاسينين داوودا نامردلئک اتدئيي اوچون قاني قارالميشدي.
او گونون صاباحي يوناتان داوودلا تعيئن اتدئيي واخت چؤله گتدي. يانيندا کئچئک بئر اوشاق وار ائدي.
او، اوشاغا ددي: "قاچ، ائندي آتاجاغيم اوخلاري تاپ." اوشاق قاچارکَن يوناتان اونون باشي اوستوندن بئر اوخ آتدي.
اوشاق يوناتانين آتديغي اوخون يانينا چاتاندا، يوناتان اوشاغي آرخادان چاغيريب ددي: "اوخ سندن اوزاقدا مگر ديئل؟"
يوناتان اوشاغي گئنه آرخادان چاغيريب ددي: "تِز اول، قاچ، دايانما!" يوناتانين نؤکري اوخو گؤتوروب آغاسينين يانينا گلدي.
لاکئن اوشاغين هچ نَدن خبري يوخ ائدي. بو ائشي آنجاق يوناتانلا داوود بئلئردي.
يوناتان سئلاحلاريني اوشاغا ورئب ددي: "گت، بونلاري شهره آپار."
اوشاق گِدندن سونرا، داوود داشين جنوب طرفئندن چيخيب اوزو اوسته يره دوشدو و اوچ دفه اونون موقابئلئنده اَيئلدي. اونلار اؤپوشوب آغلاشديلار، داوود داها چوخ آغلادي.
يوناتان داوودا ددي: "صاغ-سالامات گت، چونکي «سنئنله منئم آرامدا و سنئن اؤولادلارينلا منئم اؤولادلاريم آراسيندا ابده کئمي رب اولاجاق» دئيه‌رک ائکئمئز ده ربّئن آدينا آند ائچمئشئک." بوندان سونرا داوود قالخيب اؤز يولو ائله گتدي، يوناتان دا شهره قاييتدي.
داوود نوب شهرئنه، کاهئن اَخئمِلِکئن يانينا گلدي. اَخئمِلِک قورخودان اَسه‌‌رک داوودون پئشوازينا چيخيب ددي: "نئيه تک گلئبسن؟ نئيه يانيندا هچ کئم يوخدور؟"
داوود کاهئن اَخئمِلِکه ددي: "پادشاه منه ائش بويوروب و منه ديئب کي، سني نه اوچون گؤندردئيئمي و سنه امر اتدئيئم ائشي هچ کئم بئلمه‌سئن. اونا گؤره ده آداملاري موعيّن بئر يره گؤندرمئشم.
ائندي يانيندا يِمَيه نه وار؟ منه بش کؤمبه چؤرک يا دا نه وارسا، ور."
کاهئن داوودا ددي: "عادي چؤرک يوخدور، آنجاق اگر آداملار آروادلارلا ياخينليق اتمهيئبلر، موقدّس چؤرک وار."
داوود کاهئنه جاواب ورئب ددي: "عادته گؤره منئم آداملاريم عادي سفره چيخاندا بِله، بدنلرئني طاهئر ساخلاييرلار و آروادلارلا ياخينليق اتمئرلر. بس نه قدر چوخ بوگونکي سفره، کي، هامي طاهئر اولمالي‌ديرلار."
کاهئن اونا موقدّس چؤرک وردی، چونکي رب اوچون تقدئس اولموش چؤرکلردن باشقا، چؤرک يوخ ائدي. او چؤرکلر ربّئن قاباغيندان گؤتورولموشدو کي، گؤتورولدويو گون يرئنه ائستي چؤرکلر قويولسون.
او گون شاعولون اعيانلاريندان بئر نفر اورادا ائدي. او، ربّئن قاباغيندا اولان دئني مراسئمه گؤره يوبانميشدي. بو، شاعولون باش چوباني اِدوملو دواِق ائدي.
داوود اَخئمِلِکه ددي: "آيا بورادا يانينيزدا بئر نئزه يا دا بئر قيلينج وار؟ چونکي پادشاه منه تَعجئلي ائش بويوردوغو اوچون، نه قيلينجيمي گؤتوره بئلدئم، نه ده سئلاحلاريمي."
کاهئن ددي: "ائلاه دره‌سئنده اؤلدوردويون فئلئسطلي گولياتين قيلينجي بِزه بوکولو اورادا، اِفودون آرخاسيندادير. اگر اونو ائستهيئرسن، گؤتور، چونکي بورادا اوندان باشقا يوخدور." داوود ددي: "اونون کئمي هچ قيلينج يوخدور، اونو منه ور."
او گون داوود شاعولدان قاچدي و گَت پادشاهي آکئشئن يانينا گتدي.
لاکئن آکئشئن اعيانلاري اونا ددئلر: "مگر بو اؤز اؤلکه‌سئنئن پادشاهي داوود ديئل؟ مگر آروادلار اويناياندا، بونو ترنّوم ادئب اوخوموردولار؛ «شاعول قيردي مئنلري، داوود اون مئنلري؟»"
داوود بو سؤزلري اوره‌يئنه ساليب گَت پادشاهي آکئشدن چوخ قورخدو.
اؤزونو دَلئلئيه ووردو و يانلاريندا دَلي کئمي رفتار ادئب، دروازا قاپيسينين تايلاريني جيرماقلادي و آغزينين سويونو ساقّالينا آخيتدي.
آکئش اعيانلارينا ددي: "باخ گؤرورسونوز کي، بو آدام دَلي‌دئر. نه اوچون اونو منئم يانيما گتئرئبسئنئز؟
مگر منئم دَلی‌لرئم اَسکئکدئر کي، قاباغيمدا دَلي‌لئک اتمک اوچون بونو دا گتئردئنئز؟ مگر بله آدام گرک منئم اِوئمه گلسئن؟
داوود گَت شهرئندن يولا چيخيب عَدولّام ماغاراسيندا گئزلَندي. قارداشلاري و آتاسينين اِو اهلي بونو اشئدنده اورايا اونون يانينا گلدئلر.
وضعئيّتي آغير اولان هر کس، بورجو اولان، ناراضي اولان هر کس اونون يانينا ييغيلدي و داوود اونلارين باشچيسي اولدو. ائندي اونون يانيندا دؤرد يوز نفره قدر آدام وار ائدي.
داوود اورادان موآبين مئصپا شهرئنه گلئب موآب پادشاهينا ددي: "خاهئش ادئرم، تارينين منه نه اده‌جيئني بئلَنه قدر، قوي آتاملا آنام گلئب يانيندا قالسين."
داوود اونلاري موآب پادشاهينين يانيندا قويدو و اؤزو قالادا قالديغي مودّتده، آتا و آناسي موآب پادشاهينين يانيندا قالديلار.
جاد پيغمبر داوودا ددي: "سن قالادا قالما، يهودا دئيارينا گت." داوود اورادان چيخيب خِرِت مِشه‌سئنه گتدي.
شاعول اشئتدي کي، داوودلا يانينداکي آداملارين يري بَلّي اولوب. او، گئبعاداکي بئر تپه‌ده، گَز آغاجينين آلتيندا اوتورموشدو و اَلئنده بئر نئزه وار ائدي، بوتون اعيانلاري دا اطرافيندا دايانميشديلار.
شاعول اونلارا ددي: "قولاق آسين، ای بِنيامئنلی‌لر! مگر يَسّه‌نئن اوغلو سئزئن هامينيزا زَمئلر و اوزوملوکلر ورَر؟ مگر هامينيزي مئنباشي و يوزباشي اِدَر؟
چونکي هامينيز منئم اوچون فئتنه قوروبسونوز، منئم اوغلوم يَسّه‌نئن اوغلو ائله عهد باغلايان زامان، بونو قولاغيما چاتديران اولمادي و هچ بئرئنئزئن منه يازيغي گلمه‌دي. اوغلوم منئم اوستومه قولومو قيزديرير کي، منه کمئن قورسون، نجه کي، بو گوندور. و بونو قولاغيما چاتديران يوخدور."
لاکئن اِدوملو دواِق ده کي، شاعولون اعيانلارينين يانيندا دايانميشدي، شاعولا ددي: "يَسّه‌نئن اوغلونو نوبدا، اَخئطوب اوغلو اَخئمِلِکئن يانينا گلنده گؤردوم.
اورادا اَخئمِلِک داوود اوچون ربدن مصلحت ائسته‌دي و اونا هم ارزاق، هم ده فئلئسطلي گولياتين قيلينجيني وردی."
او زامان پادشاه آدام گؤندردي کي، اَخئطوب اوغلو کاهئن اَخئمِلِکي، آتاسينين بوتون عايئلهسئني، و نوبدا اولان کاهئنلري اونون يانينا گتئرسئنلر. اونلارين هاميسي پادشاهين يانينا گلدي.
شاعول ددي: "ای اَخئطوب اوغلو، ائندي منی قولاق آس." اَخئمِلِک ددي: "بويورون، آغام."
شاعول ددي: "نه اوچون سن و يَسّه‌نئن اوغلو منئم ضئدّئمه فئتنه قوروبسونوز و سن اونا چؤرک و قيلينج ورئبسن، تاريدان دا اونون اوچون مصلحت ائسته‌يئبسن؟ بونون اوچون کي، منئم ضئدّئمه قالخسين و بو گونکي کئمي منه کمئن قورسون؟"
اَخئمِلِک پادشاها جاواب وردی: "بوتون اعيانلارينين آراسيندا داوود کئمي وفاليسي مگر وار؟ او، پادشاهين کوره‌کني، موحافئظه‌چئلرئن باشچيسي و سنئن اِوئنده مؤحترم ساييلان آدامدير.
اونون اوچون تاريدان مصلحت ائستَمه‌يي مگر او گوندن باشلاميشام؟ اصلا! پادشاهيم بو قولونا و آتامين عايئلهسئنه شر آتماسين، چونکي قولونون بو ائشدن هچ بئر خبري يوخدور."
لاکئن پادشاه ددي: "ای اَخئمِلِک، سن و آتانين اِو اهلي قطعن اؤلمَلي‌سئنئز."
پادشاه يانينداکي گودوکچو عسگرلره ددي: "دؤنون، ربّئن کاهئنلرئني اؤلدورون. اونا گؤره کي، اونلار دا داوودلا بئرله‌شئبلر. چونکي اونون قاچديغيني بئلئردئلر، لاکئن بو خبري قولاغيما چاتديرماديلار." آمّا پادشاهين آداملاري ائستمه‌دئلر کي، ربّئن کاهئنلرئنه اَل قالديريب اؤلدورسونلر.
پادشاه اِدوملو دواِقه ددي: "دؤن، بو کاهئنلره هوجوم ات." اِدوملو دواِق دؤنوب کاهئنلره هوجوم اتدي و او گون کتان اِفود گئيَن هشتاد بش کاهئني اؤلدوردو.
سونرا او، کاهئنلرئن شهري اولان نوبو دا قيلينجدان کچئرتدي. بوتون کئشئلر، آروادلار، اوشاقلار و کؤرپه‌لري، اِلَجه ده اؤکوزلري، اِششَکلري و قويونلاري قيلينجدان کچئرتدي.
اَخئطوبون اوغلو اَخئمِلِکئن اوغوللاريندان اِبياتار آدلي بئر نفر قورتولوب داوودون يانينا قاچدي.
اِبياتار داوودا خبر وردی کي، شاعول ربّئن کاهئنلرئني اؤلدوروب.
داوود اِبياتارا ددي: "او گون اِدوملو دواِق اورادا اولاندا يقئن بئلئردئم کي، بونو شاعولا چاتديراجاق. آتانين بوتون اِو اهلئنئن قيريلماسينا سبب من اولدوم.
يانيمدا قال، قورخما، چونکي منئم جانيمي آلماق ائسته‌ين سنئن ده جانيني آلماق ائستهيئر. منئم يانيمدا سالامات قالارسان."
داوودا خبر ورئب ددئلر: "باخ، فئلئسطلی‌لر قِعئلايا هوجوم چکئب خرمنلري تالان ادئرلر."
داوود مصلحت اوچون ربّئن حوضورونا گلئب ددي: "آيا گدئب فئلئسطلی‌لرله ووروشوم؟" رب داوودا ددي: "گت فئلئسطلی‌لره هوجوم ات و قِعئلاني قورتار."
لاکئن داوودون آداملاري اونا ددئلر: "باخ بورادا، يهودادا بئز قورخو ائچئندهيئک. بس نه قدر چوخ قِعئلايا، فئلئسطلي قوشونلارينين ضئدّئنه چيخاندا اولاجاغيق؟"
داوود تزهدن مصلحت اوچون ربّئن حوضورونا گلدي و رب اونا جاواب ورئب ددي: "قالخ قِعئلايا اِن، چونکي فئلئسطلی‌لري سنه تسلئم ادهجيم."
داوودلا آداملاري قِعئلايا گدئب فئلئسطلی‌لره هوجوم اتدئلر. داوود اونلارين مال-حيوانلاريني آپاردي و فئلئسطلی‌لري بؤيوک بئر شکئلده قيردي و قِعئلا اهالئسئني قورتاردي.
اَخئمِلِکئن اوغلو اِبياتار قِعئلايا، داوودون يانينا قاچاندا بئر اِفوددا اَلئنده آپارميشدي.
داوودون قِعئلايا گلمه‌سي شاعولا چاتديريلدي. شاعول ددي: "تاري اونو منئم اووجومون ائچئنه قويوب، چونکي چفته‌لي دروازالاري اولان بئر شهره گئرمَکله او اؤزونو چيخيلماز بئر وضعئيّته ساليب."
شاعول بوتون خالقي موحارئبهيه چاغيردي کي، قِعئلايا اِنسئنلر و داوودلا آداملاريني موحاصئرهيه آلسينلار.
داوود بئلئردي کي، شاعول اونون ضئدّئنه پئس بئر فئتنه قورور. اونون اوچون ده کاهئن اِبياتارا ددي: "اِفودو بورايا گتئر."
سونرا سؤزونه داوام وردی: "ای ائسرايئلئن تاريسي رب، بو قولون اشئدئب کي، شاعول منه گؤره شهري محو اتمک اوچون ائستهيئر قِعئلايا گلسئن.
آيا قِعئلا ساکئنلري منی اونا تسلئم ادهجکلر؟ آيا شاعول بو قولونون اشئتدئيي کئمي گلهجک؟ ای ائسرايئلئن تاريسي رب، يالواريرام، بونو قولونا آگاه ات."
او واخت داوود سوروشدو: "آيا قِعئلالي‌لار منی و آداملاريمي شاعولا تسلئم ادهجکلر؟" رب ددي: "تسلئم ادهجکلر."
داوود و آداملاري، تخمئنن آلتي يوز نفر، قالخيب قِعئلادان چيخديلار و گده بئله‌جيي هر يره گتدئلر. داوودون قِعئلادان قاچديغيني شاعولا خبر ورنده، او تعقئبدن اَل چکدي.
داوود چؤللوکده قالالاردا قاليب، زئف صحراسينداکي داغليق بؤلگهسئنده ياشادي. شاعول هر گون داوودو آختاريردي، لاکئن تاري اونو شاعولا تسلئم اتمهدي.
داوود زئف صحراسينداکي خورِشده اولاندا گؤردو کي، شاعول اونون جانيني آلماق اوچون يولا چيخيب.
شاعولون اوغلو يوناتان قالخيب مِشه‌لئيه، داوودون يانينا گلدي و اونو تاري آدي ائله اورَکلَندئردي.
اونا ددي: "قورخما، آتام شاعولون اَلئنه دوشمَيه‌جکسن، ائسرايئلئن پادشاهي سن اولاجاقسان، من سندن سونرا ائکئنجي اولاجاغام. بونو حتّا آتام شاعول دا بئلئر."
سونرا ائکئسي ده ربّئن حوضوروندا عهد باغلاديلار؛ داوود خورِشده قالدي، يوناتان دا اِوئنه قاييتدي.
زئفلی‌لر گئبعايا، شاعولون يانينا گلئب ددئلر: "مگر داوود بئزئم يانيميزدا، يِشئمونون جنوبونداکي تپه‌سئنده، خورِشده‌کي قالالاردا گئزلنمه‌يئب؟
ائندي ای پادشاه، ائندي اورايا اِنه‌سن، اورهيئندهکي آرزونا چاتارسان. بئزئم پاييميز بودور کي، اونو پادشاها تسلئم اِدَک."
شاعول ددي: "منه اورک يانديرديغينيز اوچون رب سئزه برکت ورسئن.
گدئن، داها ياخشي آراشديرين و اؤيره‌نئن کي، هارا آياق باسيب، کئملر اونو اورادا گؤروب. چونکي ديئرلر کي، او چوخ حئيله‌گَردئر.
گئزلَندئيي يرلرئن هاميسيني تاپيب اؤيره‌نئن، دوغرو خبرله يانيما گلئن و من ده سئزئنله اورايا گده‌جيم. اگر او بؤلگه‌ده اولسا، اونو يهودا طايفالارينين هاميسي آراسيندا آختاراجاغام."
زئفلی‌لر قالخيب شاعولدان قاباق زئفه قاييتديلار. داوودلا آداملاري يِشئمونون جنوبوندا، عَراباداکي ماعون صحراسيندا ائدئلر.
شاعوللا آداملاري اونو آختارماق اوچون همئن يره گتدئلر. بو، داوودا خبر ورئلدي و او دا قاياليغا اِنئب ماعون صحراسيندا قالدي. شاعول بونو اشئدنده ماعون صحراسيندا داوودو تعقئب اتدي.
شاعول داغين بئر طرفئندن گتدي، داوودلا آداملاري دا داغين او بئري طرفئندن. داوود تَله‌سئردي کي، شاعولون قاباغيندان قاچسين، چونکي شاعوللا آداملاري داوودلا آداملاريني توتماق اوچون اوراني موحاصئرهيه آليرديلار.
بو واخت شاعولون يانينا بئر قاصئد گلئب ددي: "تِز اول، گری قاييت، چونکي فئلئسطلی‌لر اؤلکهيه هوجوم ادئبلر."
بلجه شاعول داوودو تعقئب اتمکدن اَل چکئب فئلئسطلی‌لرئن ضئدّئنه دؤيوشه گتدي. اونا گؤره ده او يره "قاچماق قاياسي" آدي ورئلدي.
داوود اورادان چيخيب عِين‌گِدي قالالاريندا قالدي.
شاعول فئلئسطلی‌لرئن تعقئبئندن دؤنَنده اونا بله خبر ورئلدي: "داوود عِين‌گِدي صحراسيندادير."
او بوتون ائسرايئلدن اوچ مئن سچمه آدام گؤتوروب، داوودلا آداملاريني آختارماق اوچون داغ کچئلري قاياليغينين ياخينليغينا گتدي.
يول کنارينداکي قويون آغيل‌لارينا گلدي. اورادا بئر ماغارا وار ائدي. شاعول آياق يولونا گتمک اوچون اورايا گئردي. داوود آداملاري ائله ماغارانين لاپ ائچَري طرفئنده اوتورموشدولار.
داوودون آداملاري اونا ددئلر: "باخ، ربّئن سنه ددئيي گون بو گوندور کي، «باخ دوشمنئني سنه تسلئم ادهجيم، گؤزونده نه خوشدورسا، اونا ادهجکسن.»" داوود قالخيب گئزلئجه شاعولون جوبّه‌سئنئن اَته‌يئندن کَسدي.
سونرا شاعولون اَته‌يئندن بئر پارچا کَسدئيئنه گؤره، داوودون وئجداني ناراحات اولدو.
اونا گؤره ده آداملارينا ددي: "ربّئن مسح اتدئيي آغاما اَل قالديريب بله بئر ائش گؤرمه‌يي رب مندن اوزاق اتسئن، چونکي او، ربّئن مسح اولونموشودور."
داوود بو سؤزلرله آداملاريني قانع ادئب قويمادي کي، شاعولون ضئدّئنه قالخسينلار. شاعول ماغارادان چيخيب يولونا داوام وردی.
اوندان سونرا داوود قالخيب ماغارادان چيخدي و شاعولون داليسيجا چيغيردي: "آغام پادشاه!" شاعول آرخايا باخدي. داوود اوزو اوسته يره‌جک تعظئم اتدي.
داوود شاعولدان سوروشدو: "«داوود سنئن پئسلئيئني ائستهيئر» دئيَن آداملارين سؤزونه نئيه قولاق آسيرسان؟
باخ اؤز گؤزلرئنله گؤردون کي، بو گون رب ماغارادا سني منه نجه تسلئم اتدي. منه تکلئف اتدئلر کي، سني اؤلدوروم، لاکئن منئم سنه رحمئم گلدي. ددئم کي، آغامين ضئدّئنه اَل قالديرمارام، چونکي او، ربّئن مسح اولونموشودور.
ای آتام، اَلئمده‌کئنه باخ، بو سنئن جوبّه‌نئن اَته‌يي‌دئر. جوبّه‌نئن اَته‌يئندن کَسئب سني اؤلدورمه‌دئيئمدن گؤر و آنلا کي، سنئن ضئدّئنه پئسلئک و قئيام اتمک اَلئمدن گلمئر. سن جانيمي آلماق اوچون منئم کمئنئمه اوتورارکن من سنئن ضئدّئنه گوناه اتمهمئشم.
سنئنله منئم آرامدا قوي رب حؤکم اتسئن! قوي رب سندن منئم قئصاصيمي آلسين. من سنه اَل قالديرمارام.
نجه کي، قدئم زامانلاردان قالميش مَثَل ديئر: «پئسلئک پئسلردن چيخار.» لاکئن منئم اَلئم سنئن ضئدّئنه قالخماياجاق.
ائسرايئلئن پادشاهي کئمئن ضئدّئنه چيخيب؟ سن کئمي قووورسان؟ اؤلو ائتي قووورسان، يوخسا بئر بئره‌ني؟
قوي رب سنئنله منئم آرامدا داور اولوب حؤکم ورسئن. باخيب بو داعوامي او اتسئن و منی سنئن اَلئندن قورتارسين."
داوود بو سؤزلري شاعولا ديئب قورتاراندان سونرا شاعول ددي: "اوغلوم داوود، بو سنئن سَسئندئر؟" و اوجا سَسله آغلادي.
سونرا داوودا ددي: "من سنئن قدر صالح ديئلم، سن منه ياخشيليق اتدئن، حالبوکي، من سنه پئسلئک اتدئم.
اِله بو گون منه اتدئيئن ياخشيليغي بئلدئردئن، چونکي رب منی سنئن اَلئنه وردی، آمّا سن منی اؤلدورمه‌دئن.
مگر ائنسان دوشمنئني تاپاندا اونو سالامات بوراخار؟ بونا گؤره ده منه اتدئيئن بو گونکو ائشئنئن عوضئني، رب سنه ياخشيليقلا ورسئن.
ائندي باخ، بئلئرم کي، سن قطعن پادشاه اولاجاقسان و ائسرايئلئن پادشاهليغي سنئن اَلئنه کچئب برقرار اولاجاق.
ائندي ربّئن حاقّي آدينا منه آند ائچ کي، مندن سونرا نسلئمي کَسمَيه‌جکسن و آتامين نسلئندن آديمي سئلمَيه‌جکسن."
داوود شاعولا آند ائچدي و شاعول اِوئنه قاييتدي. داوود دا آداملاري ائله سيغيناجاغا چيخدي.
سمويئل اؤلدو و بوتون ائسرايئل ييغيليب اونون اوچون ياس توتدولار. اونو رامادا، اؤز اِوئنئن يانيندا دفن اتدئلر. داوود دوروب پاران صحراسينا اِندي.
ماعوندا بئر آدام ياشاياييردي کي، کَرمِلده مولکو وار ائدي. چوخ دا وارلي بئر آدام ائدي. اونون اوچ مئن باش قويونو، مئن باش دا کچئسي وار ائدي. او، قويونلاريني کَرمِلده قيرخديريردي.
بو آدامين آدي نابال، آروادينين آدي دا اَبئگائل ائدي. آرواد آغيلّي و گؤزل ائدي. لاکئن کالئب نسلئندن اولان بو کئشي داش اورَکلي و رفتاريندا پئس ائدي.
داوود صحرادا اشئتدي کي، نابالين قويون قيرخيمي وار.
او، اون جاوان گؤندرئب اونلارا ددي: "کَرمِله نابالين يانينا گدئن و مندن اونا سالام ديئن.
اونا ديئن: «عؤمرون اوزون اولسون، سن و اِو اهلئن سالامات اولسون، سنئن اولان بوتون شيلر سالامات اولسونلار!
اشئتمئشم کي، ائندي سئزده يون قيرخيمي‌دير. سنئن چوبانلارين بئزئم يانيميزدا اولاندا بئز اونلاري ائنجئتمه‌دئک و کَرمِلده قالديقلاري گونلر عرضئنده هچ نه‌لري ده اَسکئلمهدي.
بونو اؤز نؤکرلرئندن ده سوروشا بئلرسن و اونلار دا سنه دئيَرلر. قوي آداملاريم سنئن گؤزونده لوطف تاپسين، چونکي يانينا بايرام زاماني گلمئشئک. خاهئش ادئرم کي، قوللارينا و اوغلون داوودا اَلئنده اولانيندان ور.»"
داوودون آداملاري گلئب بوتون بو سؤزلري داوودون آديندان نابالا ديئب گؤزله‌دئلر.
آمّا نابال داوودون آداملارينا بله جاواب وردی: "بو داوود دا کئم؟ يَسّه اوغلو دا کئم؟ بو گونلرده بئر چوخ نؤکر آغالاريني بوراخيب گدئر.
چؤره‌يئمي، سويومو و قيرخينچيلار اوچون کَسدئيئم حيوانلارين اَتئني گؤتوروب او آداملارا ورئم کي، هارادان اولدوقلاريني بئلمئرم؟"
داوودون آداملاري اؤز يوللاري ائله گِرئيه قاييتديلار و گلئب بو سؤزلرئن هاميسيني داوودا ددئلر.
داوود آداملارينا ددي: "هامي قيلينجيني باغلاسين." هر کس قيلينجيني باغلادي. داوود دا قيلينجيني باغلادي. دؤرد يوز نفر داوودون دالينجا گتدي و ائکي يوز نفر ده اَسبابلارين يانيندا قالدي.
نابالين نؤکرلرئندن بئري اونون آروادي اَبئگائله خبر وردی: "باخ، داوود آغاميزي سالاملاماق اوچون صحرادان قاصئدلر گؤندردي، آمّا آغاميز اونلارا اهانت اتدي.
آمّا بو آداملار بئزه چوخ ياخشيليق اتدئلر و بئزي ائنجئتمهدئلر. چؤلده اولدوغوموز زامان، اونلارلا گَزدئيئمئز بوتون گونلر عرضئنده هچ نه‌يئمئز اَسکئلمهدي.
قويونلاري اوتارارکن يانلاريندا اولدوغوموز گونلر گجه و گوندوز بئزه حاصار اولدولار.
آمّا ائندي باخ، نه اده‌جيئني دوشون، چونکي پئسلئک آغاميز و اونون بوتون عايئلهسئنئن ضئدّئنه قرار ورئلئر. نابال دا اِله دَيَرسئز آدامدير کي، اونا هچ کس بئر سؤز دئيه بئلمئر."
او واخت اَبئگائل جَلد تَرپه‌نئب، ائکي يوز کؤمبه چؤرک و ائکي تولوق شراب حاضيرلادي. حاضيرلانميش بش قويون، بش اؤلچو قووورغا، يوز سالخيم قورو اوزوم و ائکي يوز پارچا باسيلميش انجئر لاواشاسي گؤتوروب اِششَکلره يوکله‌دي.
سونرا نؤکرلرئنه ددي: "سئز قاباقدا گدئن، من آرخانيزدان گلئرم." لاکئن بو بارهده اَري نابالا هچ نه بئلدئرمه‌دي.
اَبئگائل اِششه‌يه مئنئب داغين باغلي طرفئندن اِنَرکَن داوود دا آداملاري ائله اورايا اِنمَکده ائدي و آرواد اونلارلا راستلاشدي.
داوود دمئشدي: "دوغرودان دا، عبث يره بو آدامين چؤلده اولان بوتون ماللاريني قورودوم کي، اونون هچ نه‌يي اَسکئلمه‌سئن. او منه ياخشيليغيمين عوضئنده پئسلئک اتدي.
اگر سحره‌جک اونون بوتون مالئک اولدوقلاريندان بئر کئشي بِله، صاغ بوراخسام، قوي تاري دا داوودون دوشمنلرئنه بِله‌سئني و بوندان دا بَتَرئني اتسئن."
اَبئگائل داوودو گؤرجک جَلد اِششَکدن دوشدو و داوودون قاباغيندا اوزونو يره قويوب تعظئم اتدي.
سونرا اونون آياقلارينا دوشوب ددي: "ای آغام، بو گوناهي منئم اوستومه قوي. ائجازه ور کي، کنئزئن سنئنله دانيشسين. کنئزئنئن سؤزلرئنه قولاق آس.
خاهئش ادئرم آغام نابالين، بو دَيَرسئز آدامين آجيغيني قلبئنه سالماسين، چونکي آدي نجهدئر، اؤزو ده اِلهدئر. آدي نابال اولدوغو کئمي اؤزو ده آخماقدير. ای آغام، من کنئزئن آغامين گؤندردئيي آداملاري گؤرمهدئم.
مادام کي، رب سني ائندي قانا باتماقدان و اؤز اَلئنله قئصاص آلماقدان ساخلادي، وار اولان ربّه و جانينا آند اولسون، آغامين دوشمنلري و بدخاهلاري نابال کئمي اولسون.
لاکئن ائندي ائجازه ور، کنئزئنئن آغاما گتئردئيي بو هدئيّهلر آرخانجا گلن جاوانلارا ورئلسئن.
يالواريرام، کنئزئنئن گوناهيني باغيشلا، چونکي رب قطعن آغاما برقرار بئر نسئل ياراداجاق، اونا گؤره کي، آغام ربّئن دؤيوشلرئني ادئر و عؤمرون بويو سنده شر تاپيلماياجاق.
کئمسه قالخيب سني قووماق و جانيني آلماق ائسته‌يئنده آغامين جانيني رب تاري حيات ائچئنده ساخلاياجاق، لاکئن سنئن دوشمنلرئنئن جانيني ساپاندين اورتاسيندان آتيلان داش کئمي آتاجاقدير.
رب آغاما ددئيي ياخشيليقلارين هاميسيني حياتا کچئردنده و سني ائسرايئله حؤکمدار ادنده،
آغام ناحاق قان تؤکوب اؤزو اوچون قئصاص آلديغينا گؤره پشمان اولماياجاق، وئجدان عذابي دا چکميه‌جک. رب آغاما ياخشيليق ادنده کنئزئني ده يادا سال."
داوود اَبئگائله ددي: "ائسرايئلئن تاريسي رب موبارک اولسون کي، بو گون سني منئم پئشوازيما گؤندردي.
بصئرتئن موبارک اولسون، موبارک اولاسان کي، بو گون منی قان تؤکمَکدن و اَلئمله اؤز قئصاصيمي آلماقدان ساخلادين.
حقئقتن، منی سئزه پئسلئک اتمکدن سن ساخلادين، ائسرايئلئن تاريسي وار اولان ربّه آند اولسون، اگر جَلد تَرپه‌نئب منئم قاباغيما چيخماسايدين، قطعن سحر ائشيغينا قدر نابالين کئشئلرئندن بئري ده صاغ قالماياجاق ائدي."
داوود اونون گتئردئيي شيلري اَلئندن آليب ددي: "اِوئنه سالامات گت، باخ، سنئن سؤزونه باخيب خاهئشئني يرئنه يتئردئم."
او واخت اَبئگائل نابالين يانينا گلدي. نابالين اِوئنده پادشاه ضئيافتئنه اوخشار بئر ضئيافت کچئردي. نابال کفلي اولدوغونا گؤره گؤيلو نشعه‌لي ائدي. اونا گؤره ده سحر آچيلانا قدر اَبئگائل اونا هچ نه بئلدئرمه‌دي.
سحر آچيلاندا، نابال شرابدان آييلان کئمي آروادي باش ورن حادئثهلري اونا دانيشدي و نابالين اوره‌يي اوزولدو، بدني داشا دؤندو.
تخمئنن اون گوندن سونرا رب نابالي ووردو و او، اؤلدو.
داوود نابالين اؤلدويونو اشئدنده ددي: "رب موبارک اولسون کي، نابالين اتدئيي اهانتي گؤروب داعوامي او اتدي و قولونون اَلئني پئسلئکدن ساخلادي. رب نابالين پئسلئيئني اؤز باشينا گتئردي." داوود اَبئگائله اِلچي گؤندرئب اونو اؤزونه آرواد ائسته‌دي.
داوودون اِلچئلري کَرمِله، اَبئگائلئن يانينا گلئب ددئلر: "داوود بئزي اِلچي گؤندرئب کي، سني اؤزونه آرواد ائسته‌سئن."
اَبئگائل قالخيب يره‌جک تعظئم ادئب ددي: "باخ، کنئزئن آغامين قوللارينين آياقلاريني يوماق اوچون بئر کنئزدئر."
او جَلد قالخيب اِششه‌يه مئندي. اونا خئدمت ادن بش جاوان آروادي يانينا آليب داوودون قاصئدلرئنئن دالينجا گتدي و داوودون آروادي اولدو.
داوود يِزرِعِللي اَخئنوعَمي ده آلميشدي. هر ائکئسي اونون آروادي اولدولار.
آمّا شاعول، قيزي مئکَلي کي، داوودون آروادي ائدي، گلّئملي لايئش اوغلو پَلطئيه اَره ورمئشدي.
زئفلی‌لر گئبعايا، شاعولون يانينا گلئب ددئلر: "مگر داوود خَکئلا تپه‌سئنده کی، يِشئمونون موقابئلئنده‌دئر، گئزلَنمئر؟"
شاعول دوروب ائسرايئلدن اوچ مئن سچمه آدام گؤتوردو و داوودو آختارماق اوچون زئف صحراسينا اِندي.
او، يِشئمونلا اوزبهاوز اولان خَکئلا تَپه‌سئنده‌کي يولون کناريندا اوردوگاه قوردو. داوود صحرادا قاليردي. شاعولون اونون دالينجا گلدئيئني گؤرنده،
داوود جاسوسلار گؤندردي و حقئقتن، شاعولون گلدئيئني اؤيرَندي.
او قالخيب شاعولون اوردوگاه قوردوغو يره گلدي و شاعوللا قوشون باشچيسي نِر اوغلو آبنِرئن ياتديغي يِره باخدي. شاعول اوردوگاهين اورتاسيندا ياتيردي. خالق اونون دؤوره‌سئنده دوشَرگه سالميشدي.
داوود خئتلي اَخئمِلِکه و يوآبين قارداشي صِرويا اوغلو ابئشه‌يه ددي: "کئم منئمله اوردوگاها، شاعولون يانينا اِنَر؟" اَبشه‌ي ددي: "من سنئنله اِنه‌رم."
داوود و اَبشه‌ي گجه خالقين يانينا چاتديلار و باخ، شاعول اوردوگاهين اورتاسيندا ياتيب يوخويا گتمئشدي، نئزه‌سي ده باشي اوستونده يره سانجيلميشدي. آبنِرله خالق دا اونون اطرافيندا ياتميشديلار.
اَبشه‌ي داوودا ددي: "تاري بو گون دوشمنئني سنه تسلئم ادئب. ائندي ده قوي نئزه ائله اونو بئردفهلئک يره اله ياپيشديريم کي، ائکئنجي دفه وورماغا احتئياج اولماسين."
آمّا داوود ابئشه‌يه ددي: "يوخ، اونو اؤلدورمه! چونکي ربّئن مسح اتدئيئنه اَل قالديران، مگر گوناهسيز ساييلار؟"
داوود گئنه ددي: "وار اولان ربّه آند اولسون، رب اونو قطعن ووراجاق. اله گون گلهجک کي، اؤز اجلي ائله اؤلهجک يا دا دؤيوشده هلاک اولاجاق.
مندن ائراق اولسون کي، ربّئن مسح اتدئيئنه اَل قالديرام. خاهئش ادئرم، ائندي باشينين يانينداکي نئزه‌سئني و سو قابيني گؤتور، گِدَک."
داوود شاعولون باشينين يانينداکي نئزه‌سي ائله سو قابيني گؤتوردو و اونلار گتدئلر. اونلاري گؤرن و بو ائشي بئلن اولمادي. چونکي هامي ياتميشدي. رب طرفئندن اونلارين اوستونه درئن يوخو گلدئيئنه گؤره هامي ياتميشدي.
داوود او بئري طرفه کچئب اوزاقدا، داغين باشيندا دوردو؛ اونلارين آراسيندا چوخ آرا وار ائدي.
داوود خالقي و نِر اوغلو آبنِري چاغيريب ددي: "آبنِر، مگر منه جاواب ورميه‌جکسن؟" آبنِر جاواب وردی: "سن کئمسن کي، قيشقيرا-قيشقيرا پادشاهي چاغيريرسان؟"
داوود آبنِره ددي: "مگر سن کئشي ديئلسن؟ ائسرايئلده سنه بَنزَر کئم وار؟ بس نئيه آغان پادشاهين کشئيئني چکمئرسن؟ چونکي خالق آراسيندان بئري گلمئشدي کی، آغان پادشاهي اؤلدورسون.
ائشئني ياخشي گؤرمورسن. وار اولان رب حاقّي، هامينيز اؤلومه لايئق آداملارسينيز، اونا گؤره کي آغانيزين، ربّئن مسح اتدئيئنئن کشئيئني چکمئرسئنئز. باخ، پادشاهين باشينين يانيندا اولان نئزه و سو قابي ائندي هارادادير؟"
شاعول داوودون سَسئني تاني‌ييب ددي: "بو سنئن سَسئندئر، اوغلوم داوود؟" داوود ددي: "منئم سَسئمدئر، آغام پادشاه."
سونرا سؤزونه داوام وردی: "آغام نه اوچون قولونو بله تعقئب ادئر؟ مگر من نه اتمئشم؟ اَلئمدن نه پئسلئک گلئب؟
خاهئش ادئرم، آغام پادشاه ائندي قولونون سؤزلرئنه قولاق آسسين. اگر منئم ضئدّئمه سني قالديران ربدئر، قوي بئر تقدئم قبول اتمه‌يه راضي اولسون. يوخ، اگر بشر اؤولادلاريدير، اونلار رب حوضوروندا ملعوندورلار. چونکي بو گون منی قوووبلار کي، ربّئن ائرثئندن پاييم اولماسين و ديئرلر: «گت، باشقا آللاهلارا قوللوق ات.»
ائندي قويما قانيم ربّئن حوضوروندان اوزاق يرده تؤکولسون. ائسرايئل پادشاهي تَک بئره‌ني آختارماق اوچون اله گلئب کي، اله بئل، داغلاردا کَکلئک شئکار ادئر."
او واخت شاعول ددي: "گوناه اتدئم، قاييت، اوغلوم داوود. منئم جانيم بو گون سنئن گؤزونده قئيمتلي اولدوغو اوچون، بئر داها سنه پئسلئک اتميه‌جيم. باخ، آغيلسيزليق ادئب لاپ چوخ سهو اتمئشم."
داوود جاواب وردی: "بودور نئزَن، ای پادشاه! قوي نؤکرلرئندن بئري گلئب اونو آپارسين.
رب هر کسه اؤز صالحلئيئنئن و وفاسينين عوضئني ورهجک. بو گون رب سني منئم اَلئمه وردی، آمّا من ائستمه‌دئم کی، ربّئن مسح اتدئيئنه اَل قالديريم.
قوي بو گون سنئن جانين گؤزومده نجه قئيمتلي اولدوغو کئمي، منئم جانيم دا ربّئن گؤزونده اله قئيمتلي اولسون و منی هر دارليقدان قورتارسين."
او زامان شاعول داوودا ددي: "اوغلوم داوود، بَختَوَر اولاسان! سن بؤيوک ائشلر گؤروب قطعن ظفر قازاناجاقسان." بوندان سونرا داوود اؤز يولو ائله گتدي و شاعول دا اؤز يرئنه قاييتدي.
داوود اوره‌يئنده دوشوندو: "بئر گون شاعولون اَلئنده اؤله‌جيم. منئم اوچون فئلئسطلی‌لرئن اؤلکهسئنه قاچماقدان ياخشي چاره يوخدور. شاعول دا منی بوتون ائسرايئل تورپاغيندا آختارماق فئکرئندن اَل چکَر و من اونون اَلئندن قورتارارام."
داوود دوروب يانينداکي آلتي يوز کئشي ائله گَت پادشاهي ماعوک اوغلو آکئشئن طرفئنه کچدي.
داوود هم اؤزو، هم ده آداملارينين هر بئري اِو اهلي ائله، داوودون ائکي آروادي يِزرِعِللي اَخئنوعَم و کَرمِل‌لي نابالين دول آروادي اَبئگائلله بئرلئکده گَتده، آکئشئن يانيندا قالدي.
داوودون گَته قاچديغيني شاعولا خبر وردئلر و او دا بئر داها اونو آختارمادي.
داوود آکئشه ددي: "اگر ائندي سنئن گؤزونده لوطف تاپميشام، قوي اطراف شهرلرئن بئرئنده منه ير ورئلسئن و من ده اورادا قاليم. آخي نه اوچون بو قولون پادشاه شهرئنده سنئن يانيندا قالسين؟"
او گون آکئش اونا صئقلَگ شهرئني وردی. بو گونه قدر صئقلَگ يهودا پادشاهلارينا عاييددير.
داوودون فئلئسطلی‌لرئن اؤلکهسئنده قالديغي مودّت بئر ائل دؤرد آي ائدي.
داوودلا آداملاري گلئب گِشورلولارا، گئرزلی‌لره و عَمالِقلی‌لره هوجوم اتدئلر. بو خالقلار قدئم زامانلاردان بَري شورا چاتاناجاق، مئصئر اؤلکهسئنه قدر اولان اَراضئده مسکن سالميشديلار.
داوود بو يره هوجوم اتدي و اورادا هچ آرواد يا کئشئني دئري بوراخمادي. اونلارين قويون-کچئلرئني، اؤکوزلرئني، اِششَکلرئني، دوه‌لرئني و پالتارلاريني گؤتوروب آکئشئن يانينا قاييتدي.
آکئش اوندان سوروشدو: "بو گون هارايا هوجوم اتدئنئز؟" داوود جاواب وردی: "يهودانين، يِرَخمِه‌اِللئلرئن و قِنلئلرئن جنوب بؤلگهسئنه هوجوم اتدئک."
داوود هچ کئشي و آروادي صاغ بوراخمادي کي، گَته خبر گتئرسئنلر و ديئردي: "يوخسا بئزئم حاقّيميزدا خبر ورئب دئيَرلر: «فئلئسط بؤلگهسئنده ياشاياندان داوود بله ادئب و بله ياشاييب.»"
آکئش داوودا ائنانيب ددي: "آرتيق او اؤز خالقي ائسرايئلئن گؤزوندن کامئل دوشوب و بوندان سونرا همئشهلئک قولوم اولاجاق."
همئن دؤورده ائسرايئلئن ضئدّئنه دؤيوشمَک اوچون فئلئسطلی‌لر قوشونلاريني دؤيوشه ييغديلار. آکئش داوودا ددي: "حتمن کي، سن و آداملارين منئمله بئر قوشوندا دؤيوشه‌جکسئنئز."
داوود آکئشه ددي: "حتمن! سن قولونون نه اده بئله‌جيئني گرک گؤرهسن." آکئش داوودا ددي: "چوخ ياخشي، من سني اؤزوم اوچون همئشهلئک موحافئظه‌چي قويارام."
سمويئل اؤلموشدو و بوتون ائسرايئل اونون اوچون ياس توتموشدو. اونو رامادا، يعني اؤز شهرئنده دفن اتمئشدئلر. شاعول دا بوتون جئندارلاري و روح‌چاغيرانلاري اؤلکه‌دن قووموشدو.
فئلئسطلی‌لر ييغيليب گلدئلر و شونِمده اوردوگاه قوردولار. شاعول دا بوتون ائسرايئلي ييغيب گئلبوعا داغيندا اوردوگاه قوردو.
شاعول فئلئسطلي اوردوگاهيني گؤرنده قورخودان اوره‌يي اَسدي.
ربدن مصلحت ائسته‌دئيئنده ده، رب اونا يوخو، يا اورئم، يا دا پيغمبرلر واسئطهسئله جاواب ورمه‌دي.
او واخت شاعول اعيانلارينا ددي: "منئم اوچون بئر جئندار آرواد تاپين کي، گدئب اوندان مصلحت آليم." اعيانلاري اونا ددئلر: "باخ، عِين دوردا بئر جئندار آرواد وار."
شاعول ظاهئري گؤرونوشونو دَيئشدئردي، آيري پالتار گِيئنئب، ائکي نفرله برابر اورايا گتدي و گجه ائکَن آروادين يانينا گلئب ددي: "خاهئش ادئرم، منئم اوچون روحلارلا دانيش و کئمي دِسَم، اونو منئم اوچون ظاهئر ات."
آرواد ددي: "باخ، شاعولون بو اؤلکهده نه اتدئيئني، جئندارلاري و روح‌چاغيرانلاري نجه قيرديغيني بئلئرسن. بس نئيه منی اؤلدورمک اوچون جانيما تله قورورسان؟"
شاعول ربّه آند ائچئب ددي: "وار اولان ربّه آند اولسون، بو ائشئن سنه بئر زئياني اولماياجاق."
آرواد ددي: "سنئن اوچون کئمي ظاهئر ادئم؟" شاعول ددي: "منه سمويئلي ظاهئر ات."
آرواد سمويئلي گؤرونجه برکدن چيغيريب شاعولا ددي: "سن کي شاعولسان، نئيه منی آلداتدين؟"
پادشاه اونا ددي: "قورخما، دِه گؤروم، نه گؤرورسن؟" آرواد شاعولا ددي: "يِر آلتيندان چيخان ائلاهي بئر مؤوجود گؤرورَم."
شاعول ددي: "او کئمه اوخشايير؟" آرواد ددي: "جوبّه گِيئنمئش قوجا بئر آدام چيخير." شاعول اونون سمويئل اولدوغونو باشا دوشدو و اوزو اوسته دوشوب يره سَرئلدي.
سمويئل شاعولا ددي: "منی ظاهئر اتمکله نئيه منی ناراحات اتدئن؟" شاعول جاواب وردی: "چؤخ دارا دوشموشم، چونکي فئلئسطلی‌لر منئم ضئدّئمه موحارئبه ادئرلر. آرتيق تاري دا مندن اوز دؤنده‌رئب، داها منه پيغمبرلر، يا دا يوخولار واسئطهسئله جاواب ورمئر. اونا گؤره ده سني چاغيرديم کي، نه اتمه‌لي اولدوغومو منه بئلدئره‌سن."
سمويئل ددي: "ائندي کي، رب سندن اوز دؤنده‌رئب و سنه دوشمن اولوبدور، نئيه مندن سوروشورسان؟
رب منئم واسئطَمله ددئيئني ادئب؛ پادشاهليغي سنئن اَلئندن آليب و اونو سنئن ياخينين داوودا ورئب.
سن ربّئن سؤزونه باخماديغين و اونون آلوولانان قضبئني عَمالِقلئلرئن اوستونه گتئرمه‌دئيئن اوچون، بو گون او سني بو حالا ساليب.
رب سنئنله برابر ائسرايئلي ده فئلئسطلی‌لره تسلئم ادهجک و صاباح سن و اوغوللارين منئمله برابر اولاجاقسينيز، چونکي رب ائسرايئل قوشونونو دا فئلئسطلی‌لره تسلئم ادهجک."
شاعول او زامان کامئل يره سَرئلدي. اونا گؤره کي، سمويئلئن سؤزلرئندن چوخ قورخموشدو، هم ده جانيندا طاقت قالماميشدي، چونکي بوتون گونو و گجهني چؤرک يِمه‌مئشدي.
آرواد شاعولون يانينا گلدي و اونو دهشت ائچئنده گؤردوکده ددي: "باخ، کنئزئن سنئن سؤزوندن ائطاعت اتدي. جانيمي اَلئمه آليب منه ددئيئن سؤزلره قولاق آسديم.
خاهئش ادئرم، ائندي کنئزئنئن سؤزونه قولاق آس. قوي قاباغينا بئر تئکه چؤرک قويوم. اونو يِه کي، يولا دوشَنده قووّتئن اولسون."
لاکئن شاعول بونو ردّ ادئب ددي: "يِمئرَم." آمّا اعيانلاري دا آروادلا برابر اونو مجبور اتدئکده شاعول اونلارين سؤزونه قولاق آسدي. يردن قالخيب ياتاغين اوستونده اوتوردو.
آروادين اِوئنده کؤکَلدئلمئش بئر دانا وار ائدي. تز اونو کسدي و اون گؤتوروب يوغوردو، اوندان ماياسيز چؤرک پئشئردي.
سونرا اونو شاعوللا اعيانلارينين قاباغينا قويدو. اونلار يِيئب آياغا قالخديلار و همئن گجه ده دوروب گتدئلر.
فئلئسطلی‌لر بوتون قوشونلاريني اَفِقده ييغديلار. ائسرايئللی‌لر يئزرِعِلده اولان بولاغين يانيندا اوردوگاه قوردولار.
فئلئسطلی‌لرئن آغالاري يوز نفرلئک و مئن نفرلئک دستهلرله ائرهلي گدئردئلر. داوودلا آداملاري دا آکئشله بئرلئکده آرخادان گلئردئلر.
فئلئسطلی‌لرئن آغالاري ددئلر: "بو عئبرانئلرئن بورادا نه ائشي وار؟" آکئش اونلارا ددي: "بو ائسرايئل پادشاهي شاعولون قولو داووددور کي، بو گونلرده، يا داها دوغروسو، بو ائل‌لرده منئم يانيمدا قاليب. منئم يانيما گلن گوندن بَري اوندا پئس بئر شي گؤرمهمئشم."
فئلئسطلی‌لرئن آغالاري آکئشئن اوستونه قضبله‌نئب اونا ددئلر: "بو آدامي گری قايتار، قوي او تعيئن اتدئيئن يره قاييتسين و بئزئمله دؤيوشه گتمه‌سئن، يوخسا دؤيوشده بئزه دوشمنچئلئک اِدَر. چونکي او اؤزونو آغاسينا مقبول اتمک اوچون داها نه ياخشي يول تاپا بئلر؟ مگر بو آداملارين کَسئک باشلاري اولماز؟
مگر بو او داوود ديئل کي، رقصلرده ترنّوم ادئب اوخويوردولار: «شاعول قيردي مئنلري، داوود اون مئنلري؟»"
آکئش داوودو چاغيريب اونا ددي: "وار اولان ربّه آند اولسون، سن دوز آدامسان. قوشوندا منئمله يوروشه چيخماغين گؤزومده خوشدور، چونکي يانيما گلدئيئن گوندن بو گونه قدر سنده پئس بئر شي تاپماديم. لاکئن آغالارين گؤزونه خوش گؤرونمورسن.
ائندي صاغ-سالامات اؤز يرئنه قاييت کي، فئلئسطلی‌لرئن آغالارينين گؤزونده پئس گؤرونمه‌يه‌سن."
داوود آکئشه ددي: "مگر من نه اتمئشم؟ يانينا گلن گوندن بو گونه قدر قولوندا نه تاپيبسان کي، آغام پادشاهين دوشمنلرئنه ضئدّ گدئب ووروشماييم؟"
آکئش داوودا جاواب وردی: "بئلئرم کي، منئم گؤزومده سن تارينين مَله‌يي کئمي ياخشي‌سان، آمّا فئلئسطلی‌لرئن باشچيلاري ديئبلر: «او گرک بئزئمله بئر دؤيوشه چيخماسين.»
ائندي سنئنله گلن آغانين قوللاري ائله بئرلئکده سحر تزدن قالخين. صوبح تزدن قالخين و سحر آچيلار-آچيلماز بورادان گدئن."
بلجه داوود و آداملاري سحر اِرکَن قالخديلار کي، آيريليب فئلئسطلی‌لرئن تورپاغينا قاييتسينلار. فئلئسطلی‌لر ده يئزرِعِله گتدئلر.
داوودلا آداملاري اوچونجو گون صئقلَگه چاتديلار. اله بو زامان عَمالِقلی‌لر نِگِبه و صئقلَگه هوجوم ادئب صئقلَگ شهرئنه اود وورموشدولار.
اورادا اولان آروادلاري و بوتون اهالئني بؤيوکدن کئچئيه قدر اسئر ادئب اؤلدورمه‌مئشدئلر و اؤز يوللاري ائله گتمئشدئلر.
داوود آداملاري ائله شهره گلئب گؤردو کي، شهر يانديريليب و اونلارين آروادلاري، اوغوللاري و قيزلاري اسئر آپاريليب.
بونا گؤره داوود يانينا ييغيلان جاماعاتلا بئرلئکده طاقتدن دوشَنه قدر هؤنکوروب آغلاديلار.
اسئر آپاريلانلار آراسيندا داوودون ائکي آروادي، يئزرِعِللي اَخئنوعَمله کَرمِل‌لي نابالين دول آروادي اَبئگائل دا وار ائدي.
داوودون اوره‌يي چوخ سيخيليردي، چونکي خالق "اونو داشلاياق" ديئردي. اونا گؤره کي، جاماعاتين هر بئرئنئن اوغول و قيزيندان اؤتري جاني آجي چکئردي. لاکئن داوود اؤزونو تاريسي ربده قووّتلَندئردي.
او، اَخئمِلِکئن اوغلو کاهئن اِبياتارا ددي: "خاهئش ادئرم، اِفودو منئم اوچون بورايا گتئر." اِبياتار دا اِفودو داوودون يانينا گتئردي.
داوود ربدن مصلحت ائسته‌يئب ددي: "بو فوجون داليسيجا دوشسَم، اونلارا چاتارام؟" رب اونا ددي: "اونلارين داليسيجا گت، قطعن اونلارا چاتاجاقسان و قطعن اسئرلري قورتاراجاقسان."
داوود يانيندا اولان آلتي يوز نفرله گدئب بِسور دره‌سئنه چاتديلار. دالا قالانلار اورادا قالديلار.
لاکئن داوود دؤرد يوز نفرله تالانچيلارين تعقئبئنه داوام وردی، چونکي ائکي يوز نفر يورولوب بِسور دره‌سئني کچه بئلمهمئشدي.
چؤلده بئر مئصئرلي تاپديلار و اونو داوودون يانينا گتئردئلر. اونا چؤرک يِدئردئب، سو ائچئرتدئلر.
سونرا بئر تئکه باسيلميش انجئر لاواشاسي ائله ائکي سالخيم قورو اوزوم وردئلر. او دا يِيئب اؤزونه گلدي. چونکي اوچ گون-اوچ گجه چؤرک يمه‌مئش و سو ائچمه‌مئشدي.
داوود اونا ددي: "سن کئمئن قولوسان؟ هارادانسان؟" او ددي: "بئر عَمالِقلي‌نئن قولو، مئصئرلي بئر جاوانام. اوچ گون قاباق ناخوشلاديم، اونا گؤره ده آغام منی آتدي.
بئز کِرِتلی‌لرئن نِگِبئنه، يهودا تورپاغينا و کالئبئن نِگِبئنه هوجوم اتدئک، صئقلَگه اود ووروب يانديرديق."
داوود اوندان سوروشدو: "منی بو تالانچيلارين يانينا آپارارسان؟" آدام جاواب وردی: "تاري حاقّي اوچون آند ائچ کی، منی اؤلدورمَيه‌جکسن و آغاما تسلئم اتمَيه‌جکسن. من ده سني تالانچيلارين يانينا آپارارام."
او، داوودو تالانچيلارين يانينا اِندئردي. بو زامان اونلار هر يانا ياييلميشديلار. فئلئسطلي و يهودا دئياريندان بؤيوک تالان مالي گؤتوردوکلري اوچون يِيئب-ائچئب شَنلئک ادئردئلر.
داوود گون باتاندان صاباحيسي گونون آخشاميناجاق اونلاري قيردي. هچ کئم جانيني قورتارا بئلمه‌دي مگر دؤرد يوز نفر جاوان کي، دوه‌لره مئنئب قاچديلار.
او، عَمالِقلئلرئن گؤتوروب آپارديغي هر شيي گری قايتاردي، ائکي آرواديني دا قورتاردي.
اونلارين هچ بئر شيلري ائتمه‌مئشدي ائستر بؤيوک اولسون، ائستر کئچئک، اوغوللار اولسون، يا دا قيزلار، عَمالِقلی‌لرئن تالان اتدئکلرئنئن هاميسيني داوود گری قايتاردي و اونلاردان هچ نه اَسکئک اولمادي.
داوود قويون-کچئلرله اؤکوزلري ده گری قايتاردي. اونلاري او بئري حيوانلارين قاباغيندان سوروب ديئردئلر: "بو، داوودون تالان مالي‌دير."
داوود يورولوب دالينجا گله بئلمه‌يَن و بِسور دره‌سئنده قالان ائکي يوز نفرئن يانينا گلدي. اونلار داوودون و يانينداکي آداملارين پئشوازينا چيخديلار. داوود اورايا ياخينلاشيب سالام وردی.
داوودلا بئرلئکده گدن آداملار آراسيندا اولان دَيَرسئز آداملار ددئلر: "اونلار بئزئمله بئرلئکده گتمه‌دئکلري اوچون بئز ده قورتارديغيميز تالان ماليندان اونلارا هچ نه ورميه‌جيئک. آنجاق هر آداما اؤز آرواد-اوشاقلاريني وره‌جيئک. قوي اونلاري گؤتوروب بورادان گتسئنلر."
آمّا داوود اونلارا ددي: "خير، قارداشلاريم! ربّئن بئزه وردئيي شيلرله بله اتميهجکسئنئز. رب ائدي کي، بئزي قورودو و اوستوموزه گلن تالانچيلاري او بئزه تسلئم اتدي.
سئزئن بو سؤزونوزه کئم قولاق آسار؟ چونکي دؤيوشه گده‌نئن پايي نه قدردئر، اَسبابلارين يانيندا قالانين دا پايي او قدر اولاجاق، برابر بؤلونه‌جک."
داوود بونو او گوندن بو گونه قدر بوتون ائسرايئل اوچون بئر قانون و حؤکم تعيئن اتدي.
داوود صئقلَگه گلدي و تالاندان دوستلاري اولان يهودانين آغساقّاللارينا گؤنده‌رئب ددي: "باخين، سئز اوچون ربّئن دوشمنلرئندن آلينان تالاندان بئر هدئيّه."
بِيت ائلده اولانلارا، نِگِبده‌کي راموتدا اولانلارا، يَتّئرده اولانلارا،
عَروعِرده اولانلارا، سئفموتدا اولانلارا، اِشتِموعه‌ده اولانلارا،
راکالدا اولانلارا، يِرَخمِه‌اِللئلرئن و قِنلئلرئن شهرلرئنده اولانلارا،
خورمادا اولانلارا، بورعاشاندا اولانلارا، عَتاقدا اولانلارا،
خِبروندا اولانلارا، و بوتون او يرلره کي، داوودلا آداملاري اونلاري گَزئردئلر.
فئلئسطلی‌لر ائسرايئللیلرله دؤيوشوردولر. ائسرايئللی‌لر فئلئسطلی‌لرئن قاباغيندان قاچديلار و گئلبوعا داغيندا قيريليب دوشدولر.
فئلئسطلی‌لر شاعوللا اوغوللاريني تعقئب ادئب شاعولون اوغوللاري يوناتاني، اَبئنادابي و مِلکئشوعه‌عي اؤلدوردولر.
دؤيوش شاعولون اطرافيندا شئدّتلننده اوخ‌آتانلار اونو تاپديلار و آغير يارالاديلار.
شاعول اؤز سئلاحدارينا ددي: "قيلينجيني چک، منی وور، يوخسا بو ختنهسئزلر گلئب قيلينجلاريني منه سوخوب باشلاريني قال ادهجکلر." لاکئن سئلاحداري چوخ قورخدوغوندان بونو اتمک ائستمه‌دي. اونا گؤره ده شاعول قيلينجي گؤتوروب اؤزونو اونون اوستونه ييخدي.
سئلاحداري شاعولون اؤلدويونو گؤرنده، او دا اؤزونو قيلينجينين اوستونه ييخيب شاعوللا بئرلئکده اؤلدو.
او گون شاعول، اوچ اوغلو، سئلاحداري، بوتون آداملاري ائله بئرلئکده هلاک اولدولار.
دره‌نئن او بئري طرفئنده و اوردون چايينين او بئري تاييندا اولان ائسرايئللی‌لر، ائسرايئل قوشونونون قاچديغيني و شاعوللا اوغوللارينين اؤلدويونو گؤرنده شهرلري قويوب قاچديلار. فئلئسطلی‌لر گلئب او يرلرده ياشاديلار.
او گونون صاباحي فئلئسطلی‌لر اؤلدورولَنلري سويماق اوچون گلنده، گئلبوعا داغيندا شاعوللا اوچ اوغلونون مِيئتئني تاپديلار.
شاعولون باشيني کسئب سئلاحلاريني گؤتوردولر. بوتلرئنئن معبدئنه و خالقا خوش خبر ورمک اوچون فئلئسطلی‌لرئن اؤلکه‌سئنئن هر طرفئنه قاصئد گؤندردئلر.
شاعولون سئلاحلاريني ائلاهه عَشتاروتون معبدئنه قويدولار و جسدئني بِيت‌شه‌آن شهرئنئن دووارينا ميخلاديلار.
يابش گئلعاد اهالئسي فئلئسطلی‌لرئن شاعولا اتدئکلرئني اشئدنده،
بوتون جنگاورلري قالخديلار و گجه بويو يول گدئب شاعولون و اوغوللارينين جسدئني بِيت‌شِه‌آنين دوواريندان گؤتوردولر و يابِشه گلئب اورادا جسدلري يانديرديلار.
سونرا جسدلرئن سوموکلرئني گؤتوروب يابِشده، گَز آغاجينين آلتيندا باسديرديلار و يدّي گون اوروج توتدولار.
شاعولون اؤلوموندن سونرا داوود عَمالِقلئلري مغلوب ادئب قاييدان زامان ائکي گون صئقلَگده قالدي.
اوچونجو گون شاعولون يانيندان، اوردوگاهدان پالتاري جيريلميش، باشي توز-تورپاغا باتميش بئر آدام گلدي. او، داوودون يانينا گلدئکده قاباغيندا اوزونو يره قويوب تعظئم اتدي.
داوود اوندان سوروشدو: "هارادان گلئرسن؟" آدام اونا ددي: "ائسرايئل اوردوگاهيندان قاچميشام."
داوود اونا ددي: "اورادا نه باش ورئب؟ خاهئش ادئرم، منه دِه." آدام ددي: "خالق دؤيوش ميدانيندان قاچيبلار و اونلارين بئر چوخو قيريليب اؤلوبلر. شاعوللا اوغلو يوناتان دا هلاک اولوب."
داوود اونا خبر ورن جاوان آدامدان سوروشدو: "سن هارادان بئلئرسن کي، شاعوللا يوناتان دا اؤلوب؟"
داوودا خبر ورن جاوان بله ددي: "تصادوفن گئلبوعا داغيندا ائدئم و گؤردوم کي، شاعول نئزه‌سئنه سؤيکه‌نئب. دؤيوش عارابالاري و آتليلار دا اونو چوخ ياخين بئر شکئلده تعقئب ادئردئلر.
شاعول گِرئيه باخاندا منی گؤروب چاغيردي. من ددئم: "بويورون."
منه ددي: "سن کئمسن؟" اونا ددئم: "من بئر عَمالِقلئيم."
او واخت شاعول منه ددي: «گل اَيئل اوستومه، منی اؤلدور، جانيم عذاب چکئر و بو آغريلاردان قورتارماق ائسته‌يئرم.»
اله بونا گؤره ده من اونون اوستونه اَيئلئب نفسئني کسدئم. چونکي بئلئردئم کي، ييخيلاندان سونرا آرتيق ياشايا بئلميهجک. سونرا اونون باشينين تاجيني و قولونون دستبندئني گؤتوردوم و بورايا، آغام اوچون گتئردئم."
داوود پالتارلاريني توتوب جيردي و يانينداکي بوتون آداملار دا بله اتدئلر.
اونلار شاعول اوچون، اوغلو يوناتان اوچون، ربّئن خالقي و بوتون ائسرايئل نسلی اوچون آخشاماجاق ياس توتوب آغلاديلار و اوروج توتدولار، چونکي اونلار قيلينج آغزيندان کچئب اؤلدورولموشدولر.
داوود احوالاتي اونا دانيشان جاواندان سوروشدو: "هارالي‌سان؟" او جاواب وردی: "من ياداِللي‌يم، بئر عَمالِقلي‌نئن اوغلويام."
داوود اونا ددي: "بس نئيه قورخماييب اَل قالديردين کي، ربّئن مسح اولونموش پادشاهيني اؤلدوره‌سن؟"
داوود آداملاريندان بئرئني چاغيريب ددي: "گت، اونو اؤلدور." او دا عَمالِقلئني ووروب اؤلدوردو.
داوود عَمالِقلئيه دمئشدي: "قانين اؤز باشيندادير! چونکي اؤز آغزين سنئن ضئدّئنه شاهئدلئک ادئب ددي: «من ربّئن مسح اولونموش پادشاهيني اؤلدوردوم.»"
او واخت داوود شاعول و اوغلو يوناتانين ياسيندا بو مرثئيه‌ني اوخودو.
سونرا تاپشيردي کي، "اوخ‌آتان کامان" آدلي بو مرثئيه‌ني يهودا اؤولادلارينا اؤيرَتسئنلر. بو مرثئيه، ياشار کئتابيندا يازيليب:
ای ائسرايئل، گؤزل‌لئيئن اؤز اوجا يرلرئنئن اوستونده قيلينج آغزيندان کچئب! نجه ده جنگاورلر قيريليب دوشوب!
بونو گَتده بئلدئرمه‌يئن، اَشقَلون کوچه‌لرئنده يايمايين. مبادا فئلئسطلی‌لرئن قيزلاري سِوئنسئنلر، ختنه‌سئزلرئن قيزلاري فَرَحلَنسئنلر.
ای گئلبوعا داغلاري، اوستونه شِح، ياغيش دوشمه‌سئن، قوي زمئلرئن محصول ورمه‌سئن! چونکي اورادا لَکه‌لَندي ائگئدلرئن قالخاني، شاعولون بئر داها ياغلا سئلئنمَيه‌جک قالخاني.
اؤلدورولَنلرئن قانينا، ائگئدلرئن پئيئنه گؤره يوناتانين کاماني گری دؤنمَزدي، شاعولون قيلينجي بوش قاييتمازدي.
شاعوللا يوناتان حياتلاريندا نجه سِوئملي، نجه عزئز، اؤلومده ده بئربئرئندن آيريلماديلار! اونلار قارتاللاردان سورعتلي ائدئلر، آصلانلاردان قووّتلي ائدئلر.
ای ائسرايئل قيزلاري، آغلايين شاعول اوچون. او سئزه قئيمتلي قيرميزي قوماشلار گِيدئرَردي، پالتارينيزا قيزيل ناخيشلار ووراردي.
دؤيوش ميدانيندا نجه ده ائگئدلر قيريليب دوشوب! يوناتان سنئن اوجا يرلرئنده قيلينج آغزيندان کچئب.
ای قارداشيم يوناتان، سنئن اوچون اوره‌يئم يانير. سن منه چوخ عزئز ائدئن. سنئن منه اولان محبّتئن حيران ادئجي ائدي، آرواد محبّتئندن ده اوستون ائدي.
ائگئدلر نجه ده ييخيليب! دؤيوش سئلاحلاري نجه ده يوخ اولوب!
بوندان سونرا داوود ربدن مصلحت آختاريب سوروشدو: "آيا يهودا شهرلرئندن بئرئنه گدئم؟" رب اونا جاواب وردی: "گت." داوود ددي: "هارايا قالخيم؟" رب ددي: "خِبرونا."
بلجه داوود، ائکي آروادي يِزرِعِللي اَخئنوعام و کَرمِل‌لي نابالين دول آروادي اَبئگائلله خِبرونا گتدي.
داوودون يانيندا اولان آداملاري اؤز عايئله‌لرئني گؤتوروب خِبرونون و اونون اطراف محلّه‌لرئنده ساکئن اولدولار.
او واخت يهودا آداملاري گلئب داوودو اورادا يهودا اِوئنئن پادشاهي آديندا مسح اتدئلر. و داوودا بئلدئردئلر کي، "شاعولو دفن ادنلر يابش گئلعاد اهالئسي ائدئلر."
داوود يابش گئلعادين ساکئنلرئنئن يانينا قاصئدلر گؤندرئب ددي: "رب سئزه برکت ورسئن، چونکي آغانيز شاعولا شفقت گؤرسدئب اونو دفن ادئبسئنئز.
قوي رب ده سئزه شفقت و حقئقتله رفتار اتسئن! بو ائشئنئزئن و بو ياخشيليغينيزين عوضئني من ده سئزه ورهجيم.
آغانيز شاعولون اؤلدويو اوچون، قوي ائندي قوللارينيز قووّتدن دوشمه‌سئن و جسور اولون. چونکي يهودا نسلی منی اؤز اوستونه پادشاه مسح ادئب."
لاکئن شاعولون قوشون باشچيسي نِر اوغلو آبنِر شاعولون اوغلو ائشبوشِتي گؤتوروب مَخه‌نايئمه آپارميشدي.
اورادا آبنِر اونو گئلعاد، آشورئلر، يئزرِعِل، اِفرايئم، بِنيامئن و حتّا بوتون ائسرايئلئن اوستونه پادشاه اتدي.
شاعول اوغلو ائشبوشِت ائسرايئلئن پادشاهي اولان زامان قيرخ ياشيندا ائدي. او، جَمي ائکي ائل پادشاهليق اتدي. گرچي يهودا نسلی داوودا پِيرَو ائدي.
داوودون خِبروندا، يهودا نسلی اوستونه پادشاه اولماسي يدّي ائل آلتي آي ائدي.
بئر گون نِر اوغلو آبنِر، شاعول اوغلو ائشبوشِتئن اعيانلاري ائله مَخه‌نايئمدن گئبعونا گتدي.
صِرويا اوغلو يوآب دا داوودون آداملاري ائله چيخيب، گئبعون حوووضونون يانيندا اونلاري گؤرمَيه گتدي. يوآب آداملاري ائله حوووضون بئر طرفئنده، آبنِر ده آداملاري ائله حوووضون او بئري طرفئنده اَيلَشدي.
آبنِر يوآبا ددي: "قوي جاوانلار قالخيب قاباغيميزدا تَک‌به‌تَک دؤيوشسونلر." يوآب ددي: "قالخسينلار."
اونلار قالخديلار. بِنيامئن و شاعول اوغلو ائشبوشِت طرفئندن اون ائکي نفر و داوودون آداملاريندان دا اون ائکي نفر قالخيب سايي-حسابي ائله يرلرئنه کچدئلر.
اونلار بئربئرئنئن باشيندان توتوب هر بئري اؤز قيلينجيني قاباغيندا اولانين بؤيرونه سوخدو. هاميسي بئرلئکده يره ييخيلديلار. بونا گؤره ده گئبعوندا اولان او يره خَلقَت‌هَصّورئم ديئلئر.
او گون دؤيوش چوخ شئدّتلي اولدو و آبنِرله ائسرايئللی‌لر داوودون آداملاري قاباغيندا مغلوب اولدولار.
صِرويانين اوچ اوغلو يوآب، اَبشه‌ي و عَساهِل ده اورادا ائدئلر. عَساهِل چؤل جِيراني کئمي آياقدان ائتي ائدي.
او، آبنِرئن دالينجا دوشوب اونو قوووردو و آبنِرئن تعقئبئنده نه صاغا، نه ده سولا دؤنوردو.
آبنِر آرخايا باخيب ددي: "عَساهِل، بو مگر سنسن؟" او ددي: "بلی، منم."
آبنِر اونا ددي: "بئر ساغينا و يا سولونا دؤن. او جاوانلاردان بئرئني توت، اونون سئلاحلاريني آل." لاکئن عَساهِل اَل چکمهدن اونو قوووردو.
آبنِر عَساهِله بئر ده ددي: "قاييت، اَل چک، منی قووما! آخي نئيه سني اؤلدوروب يره سَرئم؟ سونرا قارداشين يوآبين اوزونه نجه باخارام؟"
لاکئن عَساهِل يولوندان دؤنمَک ائستمه‌دي. آبنِر ده نئزه‌سئنئن آرخا اوجو ائله اونون قارنيندان اله ووردو کي، نئزه اونون کوره‌يئندن چيخدي. عَساهِل اورادا دوشوب او يرده اؤلدو. بو حادئثهدن سونرا عَساهِلئن ييخيليب اؤلدويو يره گلنلرئن هاميسي، آياق ساخلاديلار.
يوآبلا اَبشه‌ي آبنِرئن دالينجا قاچديلار و گون باتارکن گئبعون چؤلو يولوندا گئيَخله اوزبهاوز اولان اَمّا تپه‌سئنه چاتديلار.
بِنيامئن اؤولادلاري آبنِرئن آرخاسينا ييغيلديلار و بئر دسته اولوب بئر تپه‌نئن باشيندا گؤزله‌دئلر.
آبنِر يوآبا اوز توتوب چيغيردي: "همئشه مگر گرک قيلينج اودسون؟ مگر بئلمئرسن کي، بونون آخيري آجي اولاجاق؟ نه واختا قدر بو خالقا دِمَيه‌جکسن کي، هموطنلرئنئن تعقئبئندن اَل چکسئنلر؟"
يوآب ددي: "وار اولان تارييا آند اولسون، اگر سن بو سؤزلري دِمه‌سَيدئن، حقئقتن، صاباحا قدر دؤيوشچولر دايانمادان اؤز هموطنلرئني تعقئب ادهجک ائدئلر."
سونرا يوآب کَره‌ناي چالدي و بوتون خالق داياندي. آرتيق ائسرايئللی‌لري تعقئب اتمه‌دئلر، دؤيوشمهيه ده داوام ورمه‌دئلر.
آبنِرله آداملاري بوتون گجهني عَرَبا وادئسئنده يول گتدئلر. اوردون چاييني کچئب بوتون صاباحي يول گدئب مَخه‌نايئمه چاتديلار.
يوآب آبنِرئن دالينجا دوشمکدن اَل چکئب قاييتدي و بوتون خالقي بئر يره ييغدي. داوودون آداملاريندان عَساهِلدن باشقا اون دوقّوز نفر اَسکئک ائدي.
داوودون آداملاري دا بِنيامئنلی‌لري و آبنِرئن آداملاريني ووردولار و اوچ يوز آلتميش نفر اؤلدوردولر.
عَساهِلي گؤتوروب آتاسينين بِيت‌لِخِمده اولان قَبرئنده دفن اتدئلر. سونرا يوآب و آداملاري بوتون گجهني يول گتدئلر و گون دوغاندا خِبرونا چاتديلار.
شاعول نسلی ائله داوود نسلی آراسيندا چکئشمه اوزون چکدي. و داوود نسلی گتدئکجه قووّتلَندي، آمّا شاعول نسلی ضعئفله‌دي.
خِبروندا داوودا اوغوللار دوغولدو: ائلک اوغلو يِزرِعِللي اَخئنوعَمدن دوغولان اَمنون ائدي.
ائکئنجئسي کَرمِل‌لي نابالين دول آروادي اَبئگائلدن دوغولان کئلاب، اوچونجوسو گِشور پادشاهي تَلمه‌يئن قيزي مَعَکادان دوغولان اَبشالوم،
دؤردونجوسو خَگّئتدن دوغولان اَدونئيا، بِشئنجئسي اَبئطالدان دوغولان شِفَطيا،
آلتينجيسي دا داوودون آروادي عِگلادان دوغولان يئترِعام ائدي. بونلار خِبروندا داوودا دوغولدولار.
شاعول نسلی ائله داوود نسلی آراسيندا اولان چکئشمه زاماني، آبنِر اؤزونو شاعول نسلی آراسيندا قووّتلَندئرئردي.
شاعولون اَيّا قيزي رئصپا آدلي بئر جارئيه‌سي وار ائدي. ائشبوشِت آبنِره ددي: "نئيه آتامين جارئيه‌سي ائله ياتدين؟"
ائشبوشِتئن بو سؤزلرئنه گؤره آبنِر چوخ قضبلَندي و ددي: "مگر من يهودايا عاييد اولان بئر ائت باشي‌يام؟ من بو گون آتان شاعولون نسلئنه، اونون قارداشلار و دوستلارينا مهرئبانليق گؤرسدئب سئزي داوودا تسلئم اتمهمئشم، لاکئن ائندي سن او آرواددان اؤتري منئم اوستومه گوناه ييخيرسان؟
قوي تاري آبنِره بونو و بوندان بَتَرئني اتسئن، اگر ربّئن داوودا آند ائچدئيئني، من اونون اوچون يرئنه يتئرمه‌سم،
و پادشاهليغي شاعول نسئلئندن گؤتوروب داوودون تختئني ائسرايئل و يهودا اوستونه داندان بئرشئباعا قدر قورماسام."
بله اولاندا ائشبوشِت هچ بئر جاواب وره بئلمه‌دي، چونکي آبنِردن قورخوردو.
سونرا آبنِر داوودون يانينا قاصئدلر گؤندرئب ددي: «بو تورپاق کئمئندئر؟ گل سن منئمله عهد باغلا و باخ، منئم اَلئم ده سنئنله اولاجاق کي، بوتون ائسرايئلي سنئن طرفئنه چکسئن."
داوود ددي: "لاپ ياخشي، من سنئنله عهد باغلايارام. آنجاق سندن بونو ائسته‌يئرم: منی گؤرميه گلدئيئنده شاعولون قيزي مئکَلي ده گتئر. يوخسا منی گؤرميه‌جکسن."
بلجه داوود شاعول اوغلو ائشبوشِتئن يانينا قاصئدلر گؤندرئب ددي: "يوز فئلئسطلي‌نئن ختنه دَرئسئني گتئرئب نئشانلاديغيم آرواديم مئکَلي منه قايتار."
ائشبوشِت آدام گؤندرئب آروادي اَري لايئش اوغلو پَلطي‌اِلدن آلدي.
اونون اَري آغلايا-آغلايا بَخورئمه قدر آروادينين دالينجا گتدي. بورادا آبنِر اونا ددي: "گری قاييت." او دا قاييتدي.
آبنِر ائسرايئل آغساقّاللاري ائله مصلحتلَشئب دمئشدي: "کچمئشده چوخ ائسته‌يئردئنئز کي، داوود پادشاهينيز اولسون.
ائندي ائسته‌دئيئنئزي يرئنه يتئرئن! چونکي رب داوود حاقّيندا دانيشيب و ديئب: «قولوم داوودون اَلي ائله خالقيم ائسرايئلي فئلئسطلی‌لرئن و بوتون دوشمنلرئنئن اَلئندن قورتاراجاغام.»
آبنِر بونو بِنيامئنلی‌لره ده ددی و ائسرايئلله بوتون بِنيامئن نسلئنئن گؤزونده خوش اولان هر شيي گدئب خِبروندا داوودا نقل اتدي.
آبنِر و اونونلا برابر ائيئرمي نفر خِبرونا، داوودون يانينا گلدئلر. داوود آبنِرله آداملاري اوچون ضئيافت قوردو.
آبنِر داوودا ددي: "قوي گدئم، بوتون ائسرايئلي آغام پادشاهين يانينا ييغيم کي، سنئنله عهد باغلاسينلار. سن ده اوره‌يئن ائسته‌ين کئمي هر شيئن اوستونه پادشاهليق ات." داوود آبنِري بوراخدي، او دا صاغ-سالامات چيخيب گتدي.
بو واخت داوودون آداملاري و يوآب بئر هوجومدان قاييتميشديلار و اؤزلري ائله چوخلو تالان مالي گتئرمئشدئلر. لاکئن آبنِر خِبروندا داوودون يانيندا ديئلدي، چونکي داوود اونو بوراخميشدي، او دا صاغ-سالامات چيخيب گتمئشدي.
او زامان کي، يوآب و اونونلا اولان بوتون قوشون گلدئلر، يوآبا خبر وردئلر: "نِر اوغلو آبنِر پادشاهين يانينا گلمئشدي و پادشاه اونو بوراخدي، او دا صاغ-سالامات چيخيب گتدي."
يوآب پادشاهين يانينا گلئب ددي: "سن نه ادئبسن؟ باخ، آبنِر سنئن يانينا گلدي، بس نه اوچون اونو بوراخدين کي، گتسئن؟
سن نِر اوغلو آبنِري تاني‌ييرسان. بئلئرسن کي، او سني آلداتماق اوچون، هارا گدئب-گلدئيئني اؤيرنمک و اتدئيئن هر شيي بئلمک اوچون گلمئشدي."
يوآب داوودون يانيندان چيخديقدا آبنِرئن داليسيجا قاصئدلر گؤندردي و اونو سئرا قويوسونون يانيندان گری قايتارديلار، لاکئن داوودون بوندان خبري يوخ ائدي.
آبنِر خِبرونا قاييداندا يوآب اونو دروازانين ائچئنه چکدي کي، اونونلا تکلئکده دانيشسين. و قارداشي عَساهِلئن قانيندان اؤتري آبنِري قارنيندان ووروب اؤلدوردو.
سونرا داوود بوندان خبر توتاندا ددي: "ربّئن حوضوروندا نِر اوغلو آبنِرئن قانيندان اؤتري من و پادشاهليغيم ابده کئمي گوناهکار ديئل.
قوي بو گوناه يوآبين باشينا و آتاسينين بوتون نسلئنئن اوستونه دوشسون. قوي يوآبين نسلئندن يارا-خورالي، جوزاملي، قولتوق آغاجينا سؤيکَنَن، قيلينجدان کِچَن و يا آجليق چکن آداملار هچ واخت اَسکئک اولماسين."
بلجه يوآبلا قارداشي اَبشه‌ي آبنِري اؤلدوردولر، چونکي آبنِر اونلارين قارداشي عَساهِلي گئبعونداکي دؤيوشده اؤلدورموشدو.
سونرا داوود يوآبا و يانيندا اولان بوتون خالقا بله ددي: "پالتارلارينيزي جيرين، چولا بورونوب آبنِر اوچون ياس توتون." داوود پادشاه تابوتون دالينجا گدئردي.
آبنِري خِبروندا دفن اتدئلر. پادشاه آبنِرئن قبري اوستونده اوجا سَسله آغلادي و بوتون خالق اونا قوشولوب آغلاديلار.
پادشاه آبنِر اوچون مرثئيه اوخودو: «مگر آبنِر، بئر آخماق کئمي اؤلمه‌لي ائدي؟
اَللرئن باغلانماميشدي، آياقلارينا دا زنجئر وورولماميشدي. شر آداملار قاباغيندا يره دوشَن بئر آدام کئمي ييخيلدين." بوتون خالق گئنه آبنِر اوچون آغلادي.
سونرا بوتون خالق داوودون يانينا گلدئلر کي، حله گوندوز ائکَن اونو چؤرک يميه مجبور اتسئنلر. لاکئن داوود آند ائچئب ددي: "اگر گون باتمادان اوّل چؤرک و يا آيري بئر شي دئلئمه وورسام، قوي تاري منه بِله‌سئني و بوندان بَتَرئني اتسئن!"
بوتون خالق بونا دئقّت وردی و اونلارين گؤزونه چوخ خوش گلدي، نجه کي، پادشاهين اتدئيي هر شي اونلارين گؤزونه خوش گلمئشدي.
او گون خالق و بوتون ائسرايئللی‌لر باشا دوشدولر کي، نِر اوغلو آبنِرئن اؤلدورولمه‌سي پادشاهين ائسته‌يي ديئلدي.
سونرا پادشاه اعيانلارينا ددي: "مگر بئلمئرسئنئز کي، بو گون ائسرايئلده بئر رهبر، بؤيوک بئر آدام هلاک اولوب؟
من مسح ادئلمئش بئر پادشاه اولدوغوم حالدا بو گون حله ضعئفم. بو آداملار يعني صِرويانين اوغوللاري منه حددن آرتيق موشکولدورلر. قوي رب پئسلئک اده‌نه عوضئني ورسئن!"
شاعول اوغلو ائشبوشِت، آبنِرئن خِبروندا اؤلدويونو اشئدنده جسارتئني اَلدن وردی و بوتون ائسرايئلي دهشت بورودو.
شاعول اوغلو ائشبوشِتئن دسته باشچيسي اولان ائکي آدامي وار ائدي: بئرئنئن آدي بَعَنا، او بئرئنئن آدي دا رِکاب ائدي، بونلار بِنيامئن اؤولادلاريندان اولان بِعِروتلو رئمّونون اوغوللاري ائدئلر. بِعِروت دا بِنيامئنئن بئر حئصّهسي ساييلير.
چونکي بِعِروتلولار گئتّايئمه قاچديلار و بو گونه قدر اورادا قرئبلئکده ياشاييرلار.
شاعول اوغلو يوناتانين آياقدان شئکَست بئر اوغلو وار ائدي. يئزرِعِلدن شاعوللا يوناتانين اؤلوم خبري چاتاندا، اونون بش ياشي وار ائدي. دايه‌سي اونو گؤتوروب قاچدي. تَله‌سئب قاچاندا اوشاق اَلئندن دوشوب توپال اولدو. بو اوشاغين آدي مِفئبوشِت ائدي.
ائشبوشِت گون اورتا واختي دئنجَلَنده، بِعِروتلو رئمّونون اوغوللاري رِکاب و بَعَنا يولا چيخيب گون اورتانين ائستي چاغيندا اونون اِوئنه چاتديلار.
رِکاب قارداشي بَعَنا ائله بوغدا داشييانلار گؤرونوشونده اِوه گئردئلر و ائشبوشِتي قارنيندان ووروب آرادان چيخديلار.
اونلار اِوه گئرَنده ائشبوشِت ياتاق اوتاغيندا، اؤز ياتاغيندا ياتيردي. اونو ووروب اؤلدوردولر، باشيني کسدئلر و باشيني گؤتوروب بوتون گجهني عَرَبا يولو ائله گتدئلر.
ائشبوشِتئن باشيني خِبرونا، داوودون يانينا گتئردئلر و پادشاها ددئلر: "باخ، بو دا دوشمنئن شاعول اوغلو ائشبوشِتئن باشي کي، سنئن جانينين قصدئنده ائدي. رب شاعولدان و اونون اؤولادلاريندان آغام پادشاها بو گون قئصاصلار احسان ادئب."
داوود بِعِروتلو رئمّونون اوغوللارينا، رِکابلا قارداشي بَعَنايا جاواب ورئب ددي: "جانيمي هر جور بلالاردان قورتاران وار اولان ربّه آند اولسون،
صئقلَگده اولاندا او آدامي کي، منه خبر گتئردي کي، «شاعول اؤلوب.» و اِله دوشونوردو کي، گويا خوش خبر گتئرئب. من اونو ياخالاييب اؤلدوردوم. اونا، گتئردئيي خبره گؤره، بو پاداشي وردئم.
ائندي شر آداملار بئر گوناهسيزي اؤز اِوئنده، ياتاغي اوستونده اؤلدورَنده، مگر سئزدن اونون قان قئصاصيني آليب سئزي ير اوزوندن يوخ اتميه‌جيم؟"
سونرا داوود نؤکرلرئنه امر اتدي، نؤکرلر اونلاري اؤلدوردولر و اَل-آياقلاريني کسئب خِبرونداکي حوووضون يانيندان آسديلار. آمّا ائشبوشِتئن باشيني گؤتوروب خِبروندا آبنِرئن قبرئنده باسديرديلار.
ائسرايئلئن بوتون قبئلهلري خِبرونا، داوودون يانينا گلئب بله ددئلر: "باخ بئز سنئن سومويوندن، سنئن اَتئندنئک.
اوّللر، شاعول پادشاهيميز اولاندا سن ائدئن کي، ائسرايئللی‌لري يوروشلره آپاريب گتئرئردئن. رب سنه دمئشدي کي، «خالقيم ائسرايئله سن چوبانليق ادهجکسن، ائسرايئل اوستونده سن حؤکمدار اولاجاقسان.»"
ائسرايئلئن بوتون آغساقّاللاري خِبرونا، پادشاه داوودون يانينا گلدئلر و پادشاه اورادا ربّئن حوضوروندا اونلارلا عهد باغلادي. آغساقّاللار داوودو ائسرايئل اوستونده پادشاه اولماق اوچون مسح اتدئلر.
داوود پادشاه اولاندا اوتوز ياشي وار ائدي و قيرخ ائل پادشاهليق اتدي.
او، خِبروندا يهودا اوستونده يدّي ائل آلتي آي ائدي کي، پادشاهليق اتمئشدي و اورشلئمده، بوتون ائسرايئلله يهودا اوستونده ده اوتوز اوچ ائل پادشاهليق اتدي.
پادشاهلا آداملاري اورشلئمه گدئب او تورپاغين يرلي اهالئسي يِبوسلولارا هوجوم اتدئلر. يِبوسلولار داوودا ددئلر: "سن بورايا گئره بئلمزسن. سني حتّا کورلار و توپاللار دا بله گری قايتارارلار." اونلار اله دوشونوردولر کي، "داوود بو شهره گئره بئلمز."
لاکئن داوود صهيون قالاسيني آلدي. بو قالايا ائندي "داوود شهري" ديئلئر.
داوود او گون ددي: "يِبوسلولارا کئم هوجوم اتسه، قوي داوودون جاني نئفرت ادن او توپاللارا و کورلارا ير آلتيندا اولان سو کچئدئندن چاتسين." اله بونا گؤره ده ديئرلر کي، کورلار و توپاللار سارايا گئرميه‌جکلر."
داوود قالادا ساکئن اولدو و قالاني داوودون شهري آدلانديردي. سونرا اطرافدا، قالا ياماجيندان ائچَرئيه طرف اولان ساحه‌ني تئکدي.
داوود گتدئکجه گوجله‌نئردي، چونکي قوشونلار تاريسي رب اونونلا ائدي.
صور پادشاهي خئرام داوودون يانينا قاصئدلرله سئدر آغاجلاري، دولگرلر و داشچيلار گؤندردي. اونلار داوود اوچون بئر اِو تئکدئلر.
او واخت داوود باشا دوشدو کي، رب اونو ائسرايئل اوستونده پادشاه نصب ادئب و خالقي ائسرايئلئن خاطئرئنه اونون پادشاهليغيني اوجالديبدير.
داوود خِبروندان گلندن سونرا اورشلئمدن اؤزونه تزه آروادلارلا جارئيه‌لر آلدي. اونلار داوودا گئنه اوغوللار و قيزلار دوغدولار.
اونون اورشلئمده دوغولان اوغوللارينين آدلاري بلهدئر: شَمّوعه، شوباب، ناتان، سوليمان،
يئبخار، اِلئشوعه، نِفِگ، يافئعه،
اِلئشاماع، اِلياداع و اِلئفِلِط.
فئلئسطلی‌لر اشئتدئلر کي، داوود ائسرايئل اوستونده پادشاه اولماق اوچون مسح ادئلئب. او واخت هاميسي داوودو آختارماغا چيخديلار. داوود بونو اشئدئب قالايا اِندي.
فئلئسطلی‌لر گلئب رِفاعئم دره‌سئنه ياييلديلار.
داوود ربدن سوروشدو: "آيا فئلئسطلی‌لرئن ضئدّئنه چيخيم؟ آيا اونلاري منه تسلئم ادهجکسن؟" رب داوودا جاواب وردی: "چيخ، آرخايين اول کي، فئلئسطلی‌لري سنه تسلئم ادهجيم."
بلجه داوود بَعَل‌پِراصئمه گلئب فئلئسطلی‌لري قيردي و بله ددي: "سِللر بندلري داغيتديغي کئمي رب ده دوشمنلرئمي منئم حوضورومدا اله داغيتدي." بونا گؤره ده او يِرئن آديني بَعَل‌پِراصئم قويدولار.
فئلئسطلی‌لر قاچاندا بوتلرئني اورادا قويدولار. داوودلا آداملاري او بوتلري گؤتوروب آپاردي.
فئلئسطلی‌لر گئنه ده رِفاعئم دره‌سئنه چيخاراق ياييلديلار.
بونا گؤره داوود ربدن مصلحت ائسته‌دي و رب ددي: "اونلارين قاباغينا چيخما، آرخالاريندان دولانيب بالزام آغاجلارينين قاباغيندا بو دوشمنلرئن اوستونه گل.
بالزام آغاجلارينين باشيندان قدم سَسلرئني اشئدنده جَلد حرکته کچ، چونکي او زامان رب سنئن قاباغينجا چيخيب کي، فئلئسطلی‌لرئن قوشونونو مغلوب اتسئن."
رب داوودا نجه بويورموشدو، او دا اله اتدي و فئلئسطلی‌لري گِبَعدن گِزِره قدر قيردي.
داوود ائسرايئلده تزهدن بوتون سچمه آداملاري ييغدي. اونلار اوتوز مئن نفر ائدئلر.
داوود دوروب يانينداکي خالقلا بئرلئکده بَعَله‌يهودا شهرئنه گتدئلر کي، کرّوبلار اوستونده تخت قوران قوشونلار ربّئنئن آدي ائله تانينان تارينين سانديغيني اورادان چيخارتسينلار.
تارينين سانديغيني بئر تزه عارابايا قويوب، عَبئنادابين تپه‌ده‌کي اِوئندن چيخارتديلار. تزه عاراباني عَبئنادابين اوغوللاري عوزّا و اَخيو سوروردولر.
اونلار تارينين سانديغيني عَمّئنادابين تپه‌ده‌کي اِوئندن عارابايا قويوب چيخارتديلار. اَخيو سانديغين قاباغيندا گدئردي.
بو آرادا داوودلا بوتون ائسرايئل نسلی ربّئن حوضوروندا بوتون قووّتلري ائله جشن توتموشدولار و چنگلر، طنبورلار، دفلر، زئنقئروولار و سئنجلرله چاليب اويناييرديلار
ناکونون خرمنگاهينا چاتاندا، اؤکوزلر بودرهدئلر و عوزّا اَل اوزاديب تارينين سانديغيندان توتدو.
عوزّا‌نئن ضئدّئنه ربّئن قضبي آلوولاندي و تاري اونو سَهوئنه گؤره اورادا ووردو. عوزّا اورادا، تارينين سانديغي يانيندا اؤلدو.
داوود ربّئن عوزّا‌ني وورماسيندان قضبلَندي. او يره بو گونه قدر پِرِص‌عوزّا ديئلئر.
همئن گون داوود ربدن قورخوب ددي: "ربّئن سانديغي منئم يانيما نجه گله بئلر؟"
داوود مايئل ديئلدي کي، ربّئن سانديغيني اؤز يانينا، داوودون شهرئنه آپارسين. سانديغي يولوندان دؤنده‌رئب گَتلي عوبِد اِدومون اِوئنه قويدو.
ربّئن سانديغي اوچ آي گَتلي عوبِد اِدومون اِوئنده قالدي. رب عوبِد اِدوما و اونون بوتون عايئلهسئنه برکت وردی.
داوود پادشاها خبر ورئلئب ديئلدي: "رب عوبِد اِدومون اِوئنه و اونا مخصوص هر شيه تارينين سانديغينا گؤره برکت ورئب." داوود گدئب عوبِد اِدومون اِوئندن تارينين سانديغيني شادليقلا داوودون آدي ورئلن شهره گتئردي.
ربّئن سانديغيني داشييانلار آلتي قدم گدندن سونرا، داوود بئر اؤکوز و کؤکَلدئلمئش بئر بوزوو قوربان کسدي.
او، کتان اِفود گيئب ربّئن حوضوروندا وار گوجو ائله اويناييردي.
داوودلا بوتون ائسرايئل نسلی ربّئن سانديغيني هاي-کوي و کَره‌ناي سَسي ائله گتئرئردئلر.
ربّئن سانديغي داوودون شهرئنه گتئرئلَنده، شاعولون قيزي مئکَل پنجرهدن باخيب پادشاه داوودو ربّئن قاباغيندا آتيليب اوينايارکَن گؤردو و اوره‌يئنده اونا حقارت اتدي.
بلجه ربّئن سانديغيني گتئرئب داوودون اونون اوچون قوردوغو چاديرين ائچه‌رئسئنده اونون اوچون آيريلان يره قويدولار. داوود ربّئن حوضوروندا يانديرما و باريش قوربانلاري کسدي.
داوود يانديرما و باريش قوربانلاريني تقدئم ادئب قورتاراندان سونرا، قوشونلار ربّئن آدي ائله خالقا برکت وردی.
بوندان علاوه، خالقين هاميسينا، بوتون ائسرايئل جاماعاتينا، ائستر آرواد، ائستر کئشي، هَره‌يه بئر کؤمبه چؤرک، بئر پارچا خورما لاواشاسي و بئر پارچا کئشمئش لاواشاسي پايلادي. سونرا خالقين هاميسي اؤز اِوئنه قاييتدي.
داوود اؤز عايئلهسئنه برکت ورمک اوچون قاييداندا، شاعولون قيزي مئکَل داوودون قاباغينا چيخيب اونا ددي: "گؤر بو گون ائسرايئلئن پادشاهي نجه ده شرف قازاندي! سَفِهلردن بئري کئمي اوتانمادان بو گون اعيانلارينين کنئزلري قاباغيندا سويوندو!"
داوود مئکَله ددي: "بو او ربّئن حوضوروندا ائدي کي، منی آتانين و اونون بوتون نسلئنئن يرئنه سچدي و اؤز خالقي ائسرايئله حؤکمدار قويدو. بونا گؤره ده ربّئن حوضوروندا شَنلئک ادهجيم.
بوندان سونرا بوندان بَتَر آلچاليب اؤز منلئيئمي هچ ادهجيم، لاکئن سن ددئيئن آداملارين کنئزلري قاباغيندا بؤيوک اولاجاغام."
شاعول قيزي مئکَلئن اؤلَنه قدر هچ اؤولادي اولمادي.
داوود پادشاه اؤز اِوئنده ساکئن اولاندا و رب داوود پادشاها اطرافيندا اولان بوتون دوشمنلرئنئن اَلئندن راحاتليق ورن زامانلاردا،
پادشاه پيغمبر ناتانا ددي: "باخ، من سئدر آغاجيندان تئکئلَن بئر سارايدا ياشاييرام، لاکئن تارينين سانديغي بئر چاديردا قالير."
ناتان پادشاها ددي: "گت، اورهيئندهکي نئيّتئني يرئنه يتئر، چونکي رب سنئنله‌دئر."
لاکئن او گجه ربّئن سؤزو ناتانا نازئل اولوب ددي:
"گت، قولوم داوودا دِه: رب ديئر: "مگر سن منه ياشاماق اوچون اِو تئکه‌جکسن؟
ائسرايئل اؤولادلاريني مئصئردن چيخارتديغيم گوندن بو گونه قدر من هچ بئر اِوده ياشاماميشام، آنجاق بئر سيّار چاديردا، حتّا خيمه‌ده اورايا-بورايا کؤچموشم.
بوتون او يِرلرده‌کی ائسرايئل اؤولادلاري ائله بئرلئکده گَزدئم، مگر اولوب کي، ائسرايئل قبئلهلرئندن بئرئنه دئيَم: «نئيه منه سئدر آغاجيندان بئر اِو تئکمه‌دئنئز؟» او قبئلهلره کی، خالقيمين چوبانليغيني اونلارين اوستونه قويدوم؟"
ائندي قولوم داوودا دِه: قوشونلار ربّی بله ديئر: «من سني اوتلاقلاردا قويون اوتاراندا گؤتوروب، خالقيم ائسرايئله حؤکمدار اتدئم.
گتدئيئن هر يرده سنئنله اولدوم و سنئن قاباغيندان بوتون دوشمنلرئني قيريب آتديم. آديني دا دونياداکي بؤيوکلرئن آدي کئمي بؤيوک ادهجيم.
خالقيم ائسرايئل اوچون بئر ير تعيئن ادئب اونلاري اورادا ساکئن ادهجيم کي، اؤز يوردلاريندا ياشاسينلار و بئر داها نه پرئشان اولسونلار نه ده شر آداملار اوّللر کئمي اونلارا ظولم اتسئنلر،
حتّا او گوندن کي، خالقيم ائسرايئل اوستونه داورلر تعيئن اتدئم. من سئزه بوتون دوشمنلرئنئز اَلئندن راحاتليق ورهجيم.» رب سنه بونو دا بئلدئرئر کي، رب اؤزو سنه اِو تئکه‌جک.
«عؤمرون باشا چاتيب آتالارينلا ياتاندا، يرئنه سنئن نسلئندن يعني بِلئندن گلن اؤولاديني قالديراجاغام و اونون پادشاهليغيني برقرار ادهجيم.
او منئم آديم اوچون اِو تئکه‌جک و اونون شاهليق تختئني ابدهجک برقرار ادهجيم.
من اونا آتا، او دا منه اوغول اولاجاق. گوناه ادنده اونو ائنسانلارين دَيَنه‌يي ائله، بشر اؤولادلارينين کؤتَکلري ائله ووراجاغام.
لاکئن شفقتئم اوندان آيريلماياجاق، نجه کي، شفقتئمي سنئن قاباغيندان گؤتوردويوم شاعولدان گؤتوردوم.
سنئن نسلئن و پادشاهليغين منئم حوضورومدا ابدهجک سورهجک و تختئن ابدهجک پايدار قالاجاق.»"
ناتان داوودا بوتون بو سؤزلري و بوتون بو وَحيي نقل اتدي.
داوود پادشاه ائچَري کچدي و ربّئن حوضوروندا اوتوروب ددي: "ای پروردئگار رب، من کئمم و نسلئم کئمدئر کي، سن منی بو يره چيخارتدين؟
ای پروردئگار رب، سنئن گؤزونده بو دا کئچئک گؤروندو، حله بو قولونون نسلئنئن گله‌جيي حاقّيندا دا خبر ورئبسن. مگر ائنسانلارلا بله رفتار ادئرسن، ای پروردئگار رب؟
داوود سنه داها نه ديئه بئلر؟ ای پروردئگار رب، سن بو قولونو تاني‌ييرسان!
سن بوتون بو بؤيوک شيلري قولونا باشا سالماق اوچون، هم ده اؤز سؤزونون خاطئري اوچون اؤز اوره‌يئنجه ادئبسن.
بونون اوچون، ای پروردئگار رب، سن بؤيوکسن. قولاقلاريميزلا اشئتدئکلرئمئزئن هاميسينا گؤره سنئن کئمئسي هچ يوخدور و سندن باشقا تاري يوخدور.
ير اوستونده خالقين ائسرايئل کئمي بئر مئلّت مگر وار؟ ای تاري، سن اونو اؤزونه خالق اتمک اوچون ساتين آلماغا گتدئن کي، اؤزونه شؤهرت قازاناسان و اونلار اوچون بؤيوک ائشلر و اؤلکَن اوچون خارئقه‌لي ائشلر ادهسن؛ بله کي، سن مئصئردن ساتين آلديغين اؤز خالقين قاباغيندان مئلّتلري و اونلارين آللاهلاريني قوودون.
خالقين ائسرايئلي اؤزون اوچون ابده کئمي برقرار اتدئن و سن، يارب، اونلارين تاريسي اولدون.
ائندي ده، يارب تاري، بو قولون و اونون نسلی حاقّيندا ددئيئن سؤزو ابدی ساخلا و ددئيئنه عمل ات.
قوي ديئلسئن: «قوشونلار ربّی ائسرايئلئن اوستونه تاريدير.» و بلجه آدين ابدهجک اوجالديلسين. و قولون داوودون نسلی سنئن حوضوروندا پايدار اولسون.
چونکي سن قوشونلار ربّي، ائسرايئلئن تاريسي بو قولونا وحي گؤندرئب ددئن: «سنه اِو تئکه‌جيم.» اونا گؤره ده قولون جسارت تاپدي کی، سنه بو دوعاني اتسئن.
ای پروردئگار رب، سن تاريسان، سنئن سؤزلرئن حقئقتدئر و بو قولونا بو ياخشي شيي وعده ورئبسن.
قوي بو قولونون نسلئنه برکت ورمک سنئن گؤزونه خوش گلسئن و سنئن حوضوروندا ابدهجک قالسين. چونکي سن ای رب پروردئگار، دانيشيبسان. قوي بو قولونون نسلی سنئن برکتئنله ابدئلئک برکت آلسين!"
بوندان سونرا داوود فئلئسطلی‌لري مغلوب ادئب اونلاري اؤزونه موطئع اتدي و مِتِگ‌‌عَمّاني فئلئسطلی‌لردن آلدي.
موآبلي‌لاري دا مغلوب اتدي. اونلاري يره اوزاديب اؤلچو ائپي ائله اؤلچدو، اؤلچدويو ائکي سيراني اؤلدوردو، لاکئن بئر سيراني صاغ بوراخدي. موآبلي‌لار داوودا قول اولوب خراج وردئلر.
داوود صوبا پادشاهي رِخوب اوغلو هَدَدعِزِري ده مغلوب اتدي. هَدَدعِزِر بو زامان گدئردي کي، فَرات چايينين اطرافيندا اؤز حاکئمئيّتئني تزهدن برپا اتسئن.
او، هَدَدعِزِرئن مئن يدّي يوز آتليسيني و ائيئرمي مئن پئيادا عسگرئني اسئر اتدي و آتلاردان يوزه قَدَرئني دؤيوش عاراباسي اوچون ساخلاييب آتلارين آياق وَتَرئني کسدي.
دَمَشقده ياشايان اَراملي‌لار صوبا پادشاهي هَدَدعِزِره کؤمک اتمه‌يه گلنده، داوود اونلاردان ائيئرمي ائکي مئن نفري قيردي.
داوود دَمَشقده اولان اَراملي‌لار آراسيندا حربي دسته‌لر يرلشدئردي و اَراملي‌لار اونا قول اولوب خراج وردئلر. رب داوودا گتدئيي هر يرده ظفر قازانديردي.
او، هَدَدعِزِرئن سرکرده‌لرئنئن گَزدئردئيي قيزيل قالخانلاري گؤتوروب اورشلئمه گتئردي.
داوود پادشاه هَدَدعِزِرئن بِتَخ و بِروته‌ي شهرلرئندن چوخلو بورونج آلدي.
خَمات پادشاهي توعي اشئدنده کي، داوود هَدَدعِزِرئن بوتون قوشونونو مغلوب ادئب،
اوغلو يورامي اونون يانينا گؤندردي کي، داوود پادشاهي سالاملاسين و هَدَدعِزِري دؤيوشده مغلوب اتدئيئنه گؤره اونا تبرئک ورسئن. چونکي توعي هَدَدعِزِرله همئشه موحارئبه اتمئشدي. يورام اؤزو ائله داوودا قيزيل، گوموش و بورونج اشيالاري گتئردي.
داوود پادشاه بونلاري دا اؤزونه موطئع اتدئردئيي بوتون مئلّتلردن آلديغي گوموش و قيزيل‌لارلا ربّه وقف اتدي:
يعني اَراملي‌لاردان، موآبلي‌لاردان، عَمّونلولاردان، فئلئسطلی‌لردن، عَمالِقلی‌لردن آلديغي گوموش و قيزيلي، هم ده صوبا پادشاهي رِخوب اوغلو هَدَدعِزِردن آلينان تالاني.
بلجه داوود دوز دره‌سئنده اِدوملولاردان اون سکّئز مئن نفري قيريب قايينداندا اؤزونه آد قازاندي.
اِدوما حربي دسته‌لر يرلشدئردي. اِدومون هر طرفئنه حربي دسته‌لري يرلشدئرندن سونرا، اِدوملولارين هاميسي داوودا موطئع اولدولار. رب داوودا گتدئيي هر يرده ظفر قازانديردي.
داوود بوتون ائسرايئله پادشاهليق اتدي. او بوتون خالقينا عدالت و ائنصافلا حؤکمرانليق ادئردي.
صِرويا اوغلو يوآب قوشون باشچيسي ائدي؛ اَخئلود اوغلو يِهوشافاط سالنامه‌چي ائدي؛
اَخئطوب اوغلو صادوق و اِبياتار اوغلو اَخئمِلِک کاهئن ائدئلر؛ سِرايا مئرزه ائدي؛
يِهوياداع اوغلو بِنايا کِرِتلی‌لر و پِلِتلی‌لرئن باشچيسي ائدي؛ داوودون اوغوللاري دا کاهئن ائدئلر.
داوود ددي: "آيا شاعولون نسلئندن صاغ قالان بئري وار کي، يوناتانين خاطئرئنه اونا ياخشيليق ادئم؟"
شاعولون نسلئنده صئبا آدلي خئدمتچي بئر کئشي وار ائدي. اونو داوودون يانينا چاغيرديلار و پادشاه اونا ددي: "آيا صئبا سنسن؟" او ددي: "قولونام."
داوود ددي: "شاعولون نسلئندن آيا هچ بئر آدام قالماييب کي، اونا تارينين شفقتئني گؤرسدئم؟" صئبا پادشاها ددي: "يوناتانين ائکي آياغيندان شئکَست بئر اوغلو حله قالير."
پادشاه اونا ددي: "هارادادير؟" صئبا پادشاها ددي: "باخ، ائندي او، لودِباردا عَمّي‌اِل اوغلو ماکئرئن اِوئنده‌دئر."
داوود پادشاه آدام گؤندرئب لودِباردان عَمّي‌اِل اوغلو ماکئرئن اِوئندن مِفئبوشِتي گتئرتدي.
شاعول اوغلو يوناتان اوغلو مِفئبوشِت داوودون يانينا گلدي و اوزو اوسته يره دوشوب تعظئم اتدي. داوود ددي: "مِفئبوشِت!" او دا ددي: "قولون سنئن حوضوروندادير."
داوود اونا ددي: "قورخما، آتان يوناتانين خاطئرئنه قطعن سنه شفقت گؤرسده‌جيم و بابان شاعولون بوتون تورپاغيني سنه قايتاراجاغام. سن همئشه منئم سوفره‌مده يمک يئيه‌جکسن."
مِفئبوشِت گئنه تعظئم ادئب ددي: "مگر بو قولون کئمدئر کي، منئم کئمي اؤلو بئر ائته بله ائلتئفات ادهسن؟"
پادشاه، شاعولون خئدمتچئسي صئباني چاغيريب ددي: "شاعولا و اونون نسلئنه عاييد اولان هر شيي سنئن آغانين نوه‌سئنه ورمئشم.
آغانيزين نوه‌سئنئن تورپاغيني سن، اوغوللارين و قوللارين بِجَره‌جک. محصولونو اونا ورهجکسئنئز کي، آذوقه‌سي اولسون. آغانيزين نوه‌سي مِفئبوشِت ده همئشه منئم سوفره‌مده يمک يئيهجک." صئبانين اون بش اوغلو و ائيئرمي قولو وار ائدي.
صئبا پادشاها ددي: "من آغام پادشاهين بو قولونا امر اتدئيي هر شيي يرئنه يتئره‌جيم." بلجه، مِفئبوشِت پادشاه اوغوللاريندان بئري کئمي داوودون سوفرهسئنده يمک يِيئردي.
مِفئبوشِتئن کئچئک بئر اوغلو وار ائدي. اونون آدي مئکا ائدي. صئبانين اِوئنده ياشايانلارين هاميسي مِفئبوشِتئن خئدمتچئلري ائدئلر.
بلجه مِفئبوشِت اورشلئمده قالدي، چونکي همئشه پادشاهين سوفرهسئنده يمک يِيئردي. او، ائکي آياغيندان شئکَست ائدي.
بئر مودّت سونرا عَمّونلولارين پادشاهي اؤلدو و اونون يرئنه اوغلو خانون پادشاه اولدو.
داوود ددي: "آتاسي منه ياخشيليق اتدئيئنه گؤره، من ده ناخاشين اوغلو خانونا ياخشيليق ادهجيم." داوود اعيانلاردان بئر نچه‌سئني خانونون يانينا گؤندردي کي، اونا آتاسينين اؤلومو اوچون باش‌صاغليغي آرزو اتسئنلر. لاکئن داوودون آداملاري عَمّون اؤلکهسئنه چاتاندا،
عَمّونلولارين باشچيلاري اؤز آغالاري خانونا ددئلر: "سن اله بئلئرسن کي، داوود بو باش‌صاغليغي ورن آداملاري سنئن آتانا حؤرمتي اولدوغو اوچون گؤندرئب؟ داوودون سنئن يانينا آداملاريني گؤندرمه‌سي مگر بونون اوچون ديئل کی، شهري گؤزدن کچئرتسئن، جاسوسلوق اتسئن و بوراني ييخسين؟"
خانون داوودون آداملاريني توتدو و ساقّاللاريني ياريياجاق قيرخديريب، پالتارلاريني اوتوراجاق يرئنه قدر آشاغيدان کسدئردي و اونلاري گری گؤندردي.
بونو داوودا خبر وردئلر، داوود دا اونلاري گؤرمک اوچون آداملار گؤندردي، چونکي اونلارا چوخ حقارت ادئلمئشدي. پادشاه ددي: "ساقّالينيز چيخانا قدر اَرئحادا قالين، سونرا قاييدين."
عَمّونلولار اؤزلرئنئن ضئدّئنه داووددا نئفرت اوياتديقلاريني گؤرنده، آدام گؤنده‌رئب بيت رِخوبون اَراملي‌لاريندان و صوبانين اَراملي‌لاريندان ائيئرمي مئن پئيادا عسگري، مَعَکا پادشاهي ائله مئن آدامي و طوب اهالئسئندن اونائکي مئن نفري اوجرتله توتدولار.
داوود بونو اشئدنده يوآبلا بوتون جنگاور قوشونونو اونلارين اوستونه گؤندردي.
عَمّونلولار چيخيب دروازانين گئرئشئنده دؤيوشه دوزولدولر. صوبا و رِخوب اَراملي‌لاري ائله طوب و مَعَکا آداملاري، چؤلده آيريجا دورموشدولار.
يوآب قاباقدان و آرخادان دوشمنلرئن اونا ضئدّ دوزولدوکلرئني گؤرنده، بوتون ائسرايئلئن سچمه دؤيوشچولرئندن بئر قئسمئني آييريب اَراملي‌لارين ضئدّئنه دوزدو.
آمّا خالقين قالان حئصّه‌سئنه قارداشي اَبشه‌يي باشچي قويدو و اونلاري عَمّونلولارين ضئدّئنه دوزدو.
يوآب ددي: "اگر اَراملي‌لار مندن گوجلو چيخسالار، سن منه کؤمک اِدَرسن، لاکئن اگر عَمّونلولار سندن گوجلو چيخسالار، من گلئب سنه کؤمک اده‌رم.
جسارتلي اول. گل خالقيميزين خاطئرئنه و تاريميزين شهرلري خاطئرئنه ائگئدلئک گؤرسدک. قوي رب ده گؤزونده خوش اولاني اتسئن."
يوآب و يانينداکي قوشون اَراملي‌لارين ضئدّئنه دؤيوشه ياخينلاشديلار؛ اونلار يوآبين قاباغيندان قاچديلار.
عَمّونلولار اَراملي‌لارين قاچديغيني گؤرنده، اونلار دا اَبشه‌يئن قاباغيندان قاچيب شهره گئردئلر. عَمّونلولارلا دؤيوش قورتاراندان سونرا، يوآب اورشلئمه قاييتدي.
اَراملي‌لار ائسرايئللیلرئن قاباغيندا مغلوب اولدوقلاريني گؤرنده بئر يره ييغيلديلار.
هَدَدعِزِر آدام گؤندرئب فَرات چايينين او تايينداکي اَراملي‌لاري دؤيوشه چيخارتدي. اونلار خِيلاما گلدئلر و هَدَدعِزِرئن قوشون باشچيسي شوبَک اونلارا باشچيليق ادئردي.
بونو داوودا خبر ورنده، او، بوتون ائسرايئللی‌لري ييغيب اوردون چاييني کچدي و خِيلاما گلدي. اَراملي‌لار داوودون ضئدّئنه دوزولوب اونونلا ووروشدولار.
لاکئن اَراملي‌لار ائسرايئللیلرئن قاباغيندان قاچديلار. داوود اَراملي‌لاردان يدّي يوز دؤيوش آراباچيسي ائله قيرخ مئن آتليني قيردي و اورادا قوشون باشچيسي شوبَکي ووروب اؤلدوردو.
هَدَدعِزِره موطئع اولان پادشاهلارين هاميسي، ائسرايئل قاباغيندا مغلوب اولدوقلاريني گؤرنده، ائسرايئللیلرله صولح باغلاييب اونلارا قول اولدولار. اَراملي‌لار آرتيق عَمّونلولارا کؤمک اتمه‌يه قورخدولار.
باهار گلنده پادشاهلار موحارئبهيه چيخان واخت، داوود يوآبي، سرکرده‌لرئني، بوتون ائسرايئل قوشونو ائله بئرلئکده موحارئبهيه گؤندردي. اونلار عَمّونلولاري قيريب رَبّاني موحاصئرهيه آلديلار. آمّا داوود اورشلئمده قالدي.
بئر آخشامچاغي داوود ياتاغيندان قالخيب پادشاه سارايينين دامي اوستونده گَزئردي. او، دامدان باخيب گؤردو کي، بئر آرواد يويونور. آرواد چوخ گؤزل ائدي.
داوود آدام گؤندرئب بو آرواد بارهسئنده خبر آلدي. بئري بله ددي: "مگر بو آرواد اِلئآم قيزي خئتلي اورئيانين آروادي بَتشِبَع ديئل؟"
داوود قاصئدلر گؤندرئب اونو يانينا گتئرتدي. آرواد اونون يانينا گلدئکده داوود اونونلا ياتدي و آرواد اؤزونو نجئسلئيئندن تمئز ادندن سونرا اِوئنه قاييتدي.
آرواد بوندان بويلو اولوب داوودا خبر گؤندردي: "من بويلويام."
داوود يوآبين يانينا آدام گؤندرئب ددي: "خئتلي اورئياني منئم يانيما گؤندر." يوآب اورئياني داوودون يانينا گؤندردي.
اورئيا داوودون يانينا گلنده داوود يوآبين، خالقين و دؤيوشون وضعئيّتئني سوروشدو.
سونرا داوود اورئيايا ددي: "اِوئنه گت، ائستئراحت اِله." اورئيا پادشاهين ساراييندان چيخاندا پادشاه داليسيجا اونا هدئيّه ده گؤندردي.
لاکئن اورئيا پادشاهين سارايينين قاپيسيندا، آغاسينين بوتون موحافئظه‌چئلري ائله بئرلئکده ياتيب اِوئنه گتمه‌دي.
داوودا خبر وردئلر: "اورئيا اِوئنه گتمه‌دي." داوود اورئيايا ددي: "مگر سن يولدان گلمه‌يئبسن؟ نئيه اِوئنه گتمه‌دئن؟"
اورئيا داوودا ددي: "عهد سانديغي، ائسرايئللی‌لر و يهوداليلار چاديرلاردا قالارکن، آغام يوآب و آغامين سرکرده‌لري چؤللرده مسکن سالارکن، من نجه يمک-ائچمَک و آرواديملا ياتماق اوچون اِوئمه گده بئله‌رم؟ حياتينا و جانينا آند اولسون، من بله شي اتمه‌رم."
داوود اورئيايا ددي: "بو گون ده بورادا قال، صاباح سني يولا سالارام." اورئيا او گونو و گونون صاباحيني اورشلئمده قالدي.
داوود اونو چاغيردي و اورئيا اونون حوضوروندا يِيئب ائچدي. داوود اونو کِفلَندئردي. اورئيا پادشاهين يانيندان آخشام اوستو چيخدي. او گئنه ده اوئنه گتمه‌دی؛ آغاسينين موحافئظه‌چئلرئنئن يانينا گدئب، اورادا اؤز ياتاغيندا ياتدي.
سحر آچيلاندا داوود يوآبا مکتوب يازدي و مکتوبو اورئيانين اَلي ائله يوآبا گؤندردي.
مکتوبوندا بله يازميشدي: "اورئياني آلوولانان دؤيوشلره گؤندر و اونو لاپ قاباق خطّه قوي و يانيندان چکئل کي، وورولوب اؤلدورولسون."
يوآب شهري موحاصئره آلتيندا ساخلايارکن، اورئياني او يره تعيئن اتدي کي، بئلئردی دوشمنئن جنگاورلرئنئن لاپ جسورلاري اورادادير.
شهرئن آداملاري قالخيب يوآبلا دؤيوشه چيخديلار. داوودون آداملاريندان اؤلَنلر اولدو. خئتلي اورئيا دا اؤلَنلر آراسيندا ائدي.
يوآب داوودون يانينا آدام گؤندرئب دؤيوش حاقّيندا اولان معلوماتلارين هاميسيني خبر وردی.
قاصئده امر ادئب ددي: "دؤيوش حاقّيندا اولان بوتون معلوماتلاري پادشاها ديئب بئتئرَنده،
پادشاه سنه قضبله‌نئب دئيَر: «شهره هوجوم اتمک اوچون نئيه بو قدر ياخينلاشدينيز؟ مگر بئلمئردئنئز کي، دووارين اوستوندن سئزه اوخ آتاجاقلار؟
يِروبّشِت اوغلو اَبئمِلِکي کئم ووردو؟ مگر دووارين اوستوندن بئر آرواد ديئرمانين اوست داشيني اونون اوستونه آتمادي، اله کي، تِبِصده اؤلدو؟ بس نئيه بو قدر دووارا ياخينلاشدينيز؟» او زامان دئيَرسن: «قولون خئتلي اورئيا دا اؤلوب.»"
قاصئد يولا دوشدو و داوودون يانينا گلئب يوآبين گؤندردئيي معلوماتلارين هاميسيني اونا خبر وردی.
قاصئد داوودا ددي: "آداملار بئزه قالئب گلدئلر. اونلار بئزئم ضئدّئمئزه دؤيوشمَک اوچون چؤله چيخديلار. اونلاري دروازانين گئرئشئنه قدر قوودوق.
اوخ‌آتانلار دوواردان دؤيوشچولرئن اوستونه اوخ ياغديرديلار و پادشاهين آداملاريندان اؤلَنلر ده اولدو. قولون خئتلي اورئيا دا اؤلَنلر آراسيندادير."
داوود قاصئده ددي: "يوآبا دئيَرسن کي، «بو حادئثه سنئن گؤزونده پئس گؤرونمه‌سئن، چونکي قيلينج گاه بئرئنئن، گاه دا آيريسينين باشيني يِيئر. شهرئن ضئدّئنه دؤيوشو گوجلَندئرئب اوراني ييخ.» بونونلا يوآبي تشوئق ات."
اورئيانين آروادي اَرئنئن اؤلومونو اشئدنده اونون اوچون ياس توتدو.
ياس قورتاراندان سونرا داوود آدام گؤندرئب بَتشِبَعي اؤز اِوئنه گتئردي و او، داوودون آروادي اولدو. سونرا داوودا بئر اوغول دوغدو. لاکئن داوودون گؤردويو بو ائش ربّئن گؤزونده پئس ائدي.
رب ناتاني داوودون يانينا گؤندردي. ناتان اونون يانينا گلئب اونا ددي: "بئر شهرده ائکي آدام وار ائدي. اونلاردان بئري وارلي، او بئري ده کاسيب ائدي.
وارلي آدامين چوخلو سورولري و ناخيري وار ائدي.
لاکئن کاسيب آدامين هچ بئر شيي يوخ ائدي مگر ساتين آليب بَسله‌دئيي بئر کؤرپه دئشي قوزو. او، قوزوسونو اؤز يانيندا اوشاقلاري ائله برابر بؤيوتموش، اونا اؤز يِمه‌يئندن يدئرتمئش، اؤز ائچدئيي قابدان سو ائچئرتمئش و قوينوندا ياتيرتميشدي. قوزو اونا دوغما قيزي کئمي ائدي.
بئر گون وارلي آدامگئله بئر موسافئر قوناق گلدي. وارلي آدام قييمادي کي، اؤز سوروسوندن و ناخيريندان حيوان گؤتوروب کَسسئن و اونلارا گلن قوناغا يمک حاضيرلاسين. او گدئب کاسيبين قوزوسونو گؤتوروب کسدي و يانينا گلن قوناغا يمک حاضيرلادي."
بو واخت داوودون قضبي او آدامين ضئدّئنه آلوولاندي و ناتانا ددي: "وار اولان ربّئن حاقّي اوچون، بونو ادن آدام اؤلومه لايئقدئر.
بو ائشي گؤردويونه گؤره، رحم اتمه‌دئيئنه گؤره، قوزونون عوضئني دؤرد قات ورهجک."
او واخت ناتان داوودا ددي: "او آدام سنسن! ائسرايئلئن تاريسي رب بله ديئر: «من ائدئم کی، سني ائسرايئلئن اوستونده پادشاه مسح اتدئم. من ائدئم کی، سني شاعولون اَلئندن قورتارديم.
سنه آغانين اِوئني ده وردئم. آغانين آروادلاريني قوينوندا ياتيرديب، ائسرايئل و يهودا نسلئني سنه وردئم. اگر بو سنه آزليق اولسايدي، سنه بله شيلردن داها چوخونو علاوه اِدَردئم.
نه اوچون ربّئن سؤزونه حقارتله باخيب، ربّئن گؤزونده پئس اولان ائشي اتدئن؟ خئتلي اورئياني قيلينج آغزيندان کچئرتدئن، اونون آرواديني اؤزونه آرواد اتدئن. اورئياني عَمّون اؤولادلارينين قيلينجي ائله اؤلدورتدوردون.
بوندان سونرا هچ واخت قيلينج سنئن اِوئندن آيريلماياجاق، چونکي سن منی تحقئر اتدئن و خئتلي اورئيانين آرواديني اؤزونه آرواد اتدئن."
بونا گؤره ده رب ديئر: «باخ سنئن ضئدّئنه پئسلئيي اؤز اِو اهلئندن چيخارداجاغام. سنئن گؤزونون قاباغيندا حتّا آروادلاريني گؤتوروب ياخينينا ورهجيم. او دا گوندوزون گون‌اورتا چاغي سنئن آروادلارينلا ياتاجاق.
بو ائشي سن گئزلي اتدئن، آمّا من بو ائشي بوتون ائسرايئللیلرئن قاباغيندا گوندوزون گون‌اورتا چاغي ادهجيم.»"
داوود ناتانا ددي: "من ربّئن ضئدّئنه گوناه اتمئشم." ناتان داوودا ددي: "رب ده سنئن گوناهيني سئلئبدئر، اؤلمَيه‌جکسن.
لاکئن بونو اتمکله ربّئن دوشمنلرئنه بؤيوک فورصت ورئبسن کي، اونا کوفر دسئنلر. اونا گؤره ده قطعن سندن دوغولان اوشاق اؤلهجک."
سونرا ناتان اِوئنه قاييتدي. رب داوودون اورئيانين دول آرواديندان اولان اوشاغيني ووردو و اوشاق ناخوشلادي.
داوود اوشاق اوچون تارييا يالواردي. اوروج توتوب گتدي و بوتون گجهني قورو يرده اوزاندي.
اِوئنئن آغساقّاللاري اونو يردن قالديرماق اوچون يانيندا دايانديلار، لاکئن او قالخماق ائستمه‌دي و اونلارلا بئرلئکده چؤرک يمه‌دي.
يدّئنجی گون کؤرپه اؤلدو. داوودون اعيانلاري قورخدولار کی، اوشاغين اؤلدويونو اونا بئلدئرسئنلر و بله دوشوندولر: "اوشاق صاغ ائکَن اونو دئله توتدوق، لاکئن سؤزوموزه قولاق آسمادي. ائندي اوشاغين اؤلدويونونو اونا نجه دئيَک؟ اؤزونه بئر زئيان يتئرَر."
داوود اعيانلارينين پيچيلداشماسيني گؤرنده باشا دوشدو کي، اوشاق اؤلوب. اونا گؤره ده اعيانلارينا ددي: "آيا اوشاق اؤلدو؟" اونلار ددئلر: "اؤلدو."
داوود يردن قالخدي، يويونوب باشينا زيتون ياغي سورتدو و پالتارلاريني دَيئشئب، ربّئن اِوئنه گتدي و پرستئش اتدي. اِوه قاييديب يمک ائسته‌يئنده قاباغينا يمک قويدولار و او يدي.
او واخت اعيانلاري اونا ددئلر: "بو نه ائشدئر کي، ادئرسن؟ کؤرپه صاغ ائکن نه اوچون اوروج توتوب آغلادين، آمّا کؤرپه اؤلَنده دوروب چؤرک يدئن؟"
داوود جاواب وردی: "اوشاق صاغ اولاندا اوروج توتوب آغلاييرديم و ديئردئم کي، بلکه رب منه لوطف اِدَر، اوشاق صاغ قالار.
لاکئن ائندي اوشاق اؤلوب، نه اوچون اوروج توتوم؟ مگر اونو گری قايتارا بئله‌رم؟ من اونون يانينا گده‌جيم، لاکئن او منئم يانيما قاييتماياجاق."
داوود آروادي بَتشِبَعه تسلّی وردی و يانينا گئرئب اونونلا ياتدي. بَتشِبَع اونا بئر اوغول دوغدو و داوود اونون آديني سولِيمان قويدو. رب بو اوشاغي سِودی
و ناتان پيغمبرئن وسئلهسئله سؤز گؤندردي. او دا ربّئن آدينا اوشاغين آديني يِدئدياه قويدو.
يوآب عَمّون اؤولادلارينين رَبّا شهرئنه هوجوم ادئب شاهنئشئن شهري آلدي.
سونرا يوآب داوودون يانينا قاصئدلر گؤندرئب ددي: "رَبّا شهري ائله موحارئبه ادئب سو منبعلرئني آلميشام.
آمّا ائندي سن خالقين قالان حئصّهسئني بئر يره ييغ و شهرئن ضئدّئنه اوردوگاه قوروب اوراني آل. يوخسا من گدئب شهري آلارام و بو ائش منئم آديما چيخار."
بلجه داوود دا بوتون خالقي ييغيب رَبّا شهرئنه گتدي و شهره هوجوم ادئب اوراني آلدي.
سونرا اونلارين پادشاهينين باشيندان تاجيني گؤتوردو. تاج قيزيلدان اولوب چکئسي بئر تالانت ائدي. اونون اوستونده قئيمتلي بئر داش وار ائدي. بو تاج داوودون باشينا قويولدو. داوود بو شهردن چوخلو قنئمت آپاردي.
او، شهرده اولان خالقي کؤچوردوب اَره، دمئر کولونگ، دمئر بالتا ائله گؤرولَن ائشلرده و کرپئج اِعماليندا ائشلَتدي. داوود عَمّونلولارين بوتون شهرلرئنده بله ادندن سونرا، بوتون خالقلا بئرلئکده اورشلئمه قاييتدي.
داوودون اوغلو اَبشالومون تامار آدلي گؤزل دوغما باجيسي وار ائدي. رَبّا شهرئنئن آلينماسيندان بئر مودّت سونرا، داوودون اوغلو اَمنون تامارا وورولدو.
اَمنون اؤگِي باجيسي تاماردان اؤتري او قدر پرئشان ائدي کي، لاپ ناخوشلوغا دوشدو. چونکي تامار باکئره قيز ائدي و اَمنونا چتئن گلئردي کي، اونونلا بئر شي اده بئلسئن.
اَمنونون يوناداب آدلي بئر دوستو وار ائدي. يوناداب داوودون قارداشي شئمعانين اوغلو ائدي و اؤزو ده چوخ حئيلهگر بئر آدام ائدي.
يوناداب اَمنونا ددي: "ای شاهزاده، نئيه گوندن-گونه ضعئفله‌يئرسن؟ آيا بونو منه بئلدئرمزسن؟" اَمنون اونا ددي: "قارداشيم اَبشالومون دوغما باجيسي تامارا وورولموشام."
يوناداب اونا ددي: "ياتاغينا گئر و اؤزونو ناخوش گؤرسد. آتان سني گؤرميه گلنده اونا بله دِه: «خاهئش ادئرم، باجيم تامار گلئب منه چؤرک يدئرتسئن و گؤزومون قاباغيندا يمک حاضيرلاسين، من ده اونو گؤروم، پئشئردئيي يمه‌يي اونون اَلئندن آليب يِيئم.»"
اَمنون ياتاغا گئرئب اؤزونو ناخوش گؤرستدي. پادشاه اونو گؤرميه گلنده اَمنون پادشاها ددي: "خاهئش ادئرم، باجيم تامار گلسئن و گؤزومون قاباغيندا ائکي کؤکه پئشئرسئن کي، من ده او کؤکه‌لري اونون اَلئندن آليب يِيئم."
داوود اِوه آدام گؤندرئب تامارا ددي: "ائندي قارداشين اَمنونون اِوئنه گت و اونا يمک حاضيرلا."
تامار قارداشي اَمنونون اِوئنه گتدي. اَمنون اوزانميشدي. تامار خمئر دوزلتدي و اونون گؤزو قاباغيندا کؤکه‌لر دوزَلدئب پئشئردي.
تاواني گؤتوروب اونون قاباغينا بوشالتدي. لاکئن او يمک ائستمه‌دي. اَمنون ددي: "هاميني يانيمدان چيخاردين." هامي اونون يانيندان چيخدي.
او واخت اَمنون تامارا ددي: "يِمه‌يي ياتاق اوتاغينا گتئر کي، سنئن اَلئندن آليب يِيئم." تامار پئشئردئيي کؤکه‌لري گؤتوروب قارداشي اَمنونون ياتاق اوتاغينا گتئردي.
کؤکه‌لري يمک اوچون اَمنونون يانينا گتئرنده، اَمنون تاماردان ياپيشيب ددي: "گل منئمله يات، باجيم."
لاکئن تامار جاواب وردی: "يوخ، قارداشيم! منئم ناموسوما توخونما، چونکي ائسرايئلده بله ائشلر اتمک اولماز. بو ائيرنج ائشي گؤرمه.
من بو روسوايچيليقدان نجه قورتارا بئله‌رم؟ سني ده ائسرايئلده آخماق بئري کئمي تانييارلار. بونا گؤره ائندي خاهئش ادئرم، گت پادشاهلا دانيش، او منی سنه ورَر، يوخ دِمَز."
لاکئن اَمنون ائستمه‌دی کی، اونون سؤزونو اشئتسئن و قيزدان قووّتلي اولدوغو اوچون قيزي زورلاييب اونونلا ياتدي.
بوندان سونرا اَمنون تاماردان حددن چوخ نئفرت اتدي؛ اونا اولان نئفرتي اوّلکي سِوگئسئندن داها گوجلو ائدي. اَمنون اونا ددي: "دور، بورادان چيخ گت."
آمّا تامار ددي: "يوخ! ائندي بو پئسلئک کي، منی قووورسان، منه اتدئيئن او بئري پئسلئکدن داها بؤيوکدور."
لاکئن اَمنون ائستمه‌دی کی، اونا قولاق آسسين. نؤکرئني يانينا چاغيريب ددي: "بو آروادي يانيمدان باييرا آت و داليسيجا دا قاپيني قيفيللا."
قيزين اَينئنده اَلوان پالتار وار ائدي، چونکي پادشاهين باکئره قيزلاري بله پالتار گئيَردئلر. اَمنونون نؤکري تاماري باييرا آتيب داليسيجا قاپيني قيفيلّادي.
تامار باشينا کول تؤکدو. اَينئنده‌کي الوان پالتاريني جيردي و اَللري ائله باشيني توتوب گتدي. او گده-گده آغلاييردي.
قارداشي اَبشالوم اونا ددي: "آيا سنه توخونان قارداشين اَمنون ائدي؟ حلهلئک ساکئت اول، باجيم، او سنئن قارداشيندير، بونو قلبئنه سالما." بلجه تامار قارداشي اَبشالومون اِوئنده قالدي و هاميدان اؤزونو اوزاق ساخلادي.
داوود پادشاه بو مطلبلرئن هاميسيني اشئدئب چوخ قضبلَندي.
آمّا اَبشالوم اَمنونا نه ياخشي، نه ده يامان بئر سؤز ددی؛ چونکي باجيسي تاماري زورلاديغينا گؤره اَمنوندان نئفرت ادئردي.
ائکي ائل تامام اولاندان سونرا، اَبشالوم اِفرايئمه ياخين بَعَل‌خاصوردا قويون قيرخيمي کچئردئردي. اَبشالوم پادشاهين بوتون اوغوللاريني اورايا دَعوَت اتدي.
او، پادشاهين يانينا گلئب ددي: "باخ، بو قولون قويون قيرخيمي کچئردئر. خاهئش ادئرم، قوي پادشاه و اعيانلاري بو قولونون يانينا گلسئنلر."
لاکئن پادشاه اَبشالوما ددي: "يوخ، اوغلوم، قوي هاميميز گتمه‌يک، سنه آغيرليق دوشَر." گرچي اَبشالوم چوخ دا تأکئد اتدي، آمّا پادشاه گتمک ائستمه‌دي. لاکئن اونا برکت وردی.
سونرا اَبشالوم ددي: "هچ اولماسا، قوي قارداشيم اَمنون بئزئمله گتسئن." پادشاه اونا ددي: "آخي نه اوچون او سنئنله گتسئن؟"
اَبشالومون تأکئدي قاباغيندا داوود اَمنونو و بوتون شاهزاده‌لري اونونلا گؤندردي.
اَبشالوم نؤکرلرئنه بله امر اتدي: "باخين، اَمنونون اوره‌يي شرابلا نشعه‌لَنَنده سئزه «اَمنونو وورون!» دئيه‌جيم؛ او زامان اونو اؤلدورون، قورخمايين. سئزه امر ورن مگر من ديئلم؟ جسور و ائگئد اولون."
اَبشالوم نجه امراتمئشدي، نؤکرلري ده اله اتدئلر. بونو گؤرن بوتون شاهزاده‌لر قالخديلار و هر بئري اؤز قاطيرينا مئنئب قاچدي.
حله اونلار يولدا ائکن داوودا بله خبر چاتدي: "اَبشالوم بوتون شاهزاده‌لري قيريب، اونلاردان هچ بئرئني صاغ قويماييب."
پادشاه قالخيب پالتاريني جيردي و يره سَرئلدي. يانينداکي اعيانلارين هاميسي اؤز پالتاريني جيرديلار.
داوودون قارداشي شئمعانين اوغلو يوناداب ددي: "آغام بوتون جاوانلاري، شاهزاده‌لري اؤلموش ظنّ اتمه‌سئن، تکجه اَمنون اؤلوب. اونا گؤره کي او، اؤگِي باجيسي تاماري زورلاديغي گوندن بَري اَبشالوم بو نئيّتده ائدي.
اونون اوچون ده آغام پادشاهيم، بوتون شاهزاده‌لرئن اؤلوم خبرئني اوره‌يئنه سالماسين، چونکي تکجه اَمنون اؤلوب."
اَبشالوم قاچميشدي. کشئک ورن جاوان، باشيني قالديريب باخدي. آرخا يولدان داغين ياماجيندان چوخ آدام گلئردي.
يوناداب پادشاها ددي: "باخ، شاهزاده‌لر گلئر، قولون نجه دمئشدي، اله ده اولدو."
او سؤزونو قورتارديقدا شاهزاده‌لر ائچَري گئرئب برکدن آغلاديلار و پادشاهلا بوتون اعيانلاري دا آجي گؤز ياشلاري تؤکدولر.
اَبشالوم قاچيب گِشور پادشاهي عَمّئهود اوغلو تَلمه‌يئن يانينا گتدي. داوود، اوغلو اَمنون اوچون هر گون ياس توتوردو.
اَبشالوم کي، گِشورا قاچميشدي، اوچ ائل اورادا قالدي.
اَبشالوم اوچون داوود پادشاه اوره‌يئنده حسرت چکئردي، چونکي اَمنونون اؤلومونه گؤره آرتيق تسلّی تاپميشدي.
صِرويا اوغلو يوآب باشا دوشموشدو کي، پادشاه اَبشالومون حسرتئني چکئر.
بونا گؤره ده تِقوعه‌يه آدام گؤندرئب اورادان حئکمتلي بئر آرواد گتئرتدي و اونا ددي: "خاهئش ادئرم، اؤزونو ياسلي آدام کئمي گؤرسد. ياس پالتاري گِيئن، باشينا زيتون ياغي سورتمه، اؤزونو اله بئري بَنزَت کي، اله بئل، اؤلو اوچون چوخدان بَري ياسلي‌دير.
سونرا پادشاهين يانينا گت و اونونلا بله دانيش." بلجه يوآب آروادا نه دمک لازيم اولدوغونو اؤيرَتدي.
تِقوعه‌لي آرواد پادشاهين حوضوروندا گلنده اوزو اوسته يره دوشوب تعظئم اتدي و اونا بله ددي: "کؤمک ات، ای پادشاه!"
پادشاه اونا ددي: "دردئن ندئر؟" آرواد جاواب وردی: "حقئقتن، من دول بئر آروادام، اَرئم اؤلوب.
کنئزئنئن ائکي اوغلو وار ائدي. بئر گون اونلارين ائکئسي ده چؤلده بئر-بئري ائله ساواشديلار. اورادا اونلاري آييران هچ کئم يوخ ائدي و بئري او بئرئني ووروب اؤلدوردو.
ائندي بوتون عايئله بو کنئزئنه ضئدّ چيخيب ديئرلر: «قارداش قاتئلئني بئزه ور، اؤلدوردويو قارداشينين جاني عوضئنه اونو اؤلدورَک، قوي مئراثا وارئث اولان قارداش دا هلاک اولسون.» بلجه اونلار اوجاغيمين قالان کؤزونو ده سؤندوره‌جکلر و اَرئمئن ير اوزونده نه آدي، نه ده يادئگاري قالاجاق."
پادشاه آروادا ددي: "اِوئنه قاييت. من سنئن حاقّيندا فرمان ورهرم."
تِقوعه‌لي آرواد پادشاها ددي: "آغام پادشاه، گوناهين قوي منئم و آتامين نسلی اوستونه دوشسون! قوي پادشاهلا تختي گوناهسيز قالسين!"
پادشاه ددي: "کئم سنه بئر سؤز دِسه، اونو منئم يانيما گتئر؛ او سنه آرتيق توخونماياجاق."
آرواد ددي: "خاهئش ادئرم، پادشاه، تاريسي ربّی خاطيرلاسين اِله کي، قان قئصاصيني آلان، هلاک اتمَيه آرتيق چاليشماسين. يوخسا اونلار منئم اوغلومو هلاک ادهجکلر." داوود ددي: "وار اولان رب حاقّي، اوغلونون باشيندان بئر توک بِله، اَسکئک اولماياجاق."
او واخت آرواد ددي: "خاهئش ادئرم، ائجازه ور، کنئزئن آغام پادشاها بئر سؤز دانيشسين." او ددي: "دِه."
آرواد ددي: "اگر بلهدئر، بس نه اوچون تاري خالقينين ضئدّئنه بو جور ائش گؤرورسن؟ چونکي پادشاهين بو سؤزو اونون اؤزونو ده تقصئرکار ادئر. اونا گؤره کي، آوارا اتدئيي آدامي قايتاريب گری گتئرتمئر.
هاميميز اؤلهجيئک، يره داغيلان و تزهدن بئر يره ييغيلمايان سو کئمئيئک. لاکئن تاري جاني آلماز، بئر چاره دوشونر کي، آواراليغا دوشن آدام، اؤزوندن اوزاق دوشمه‌سئن.
ائندي آغام پادشاها بو سؤزو دِمَک اوچون گلمه‌يئمئن سببي بودور کي، خالق منی قورخودوب. اونا گؤره ده بو کنئزئن ددي: «قوي ائندي گدئب پادشاهلا دانيشيم، بلکه پادشاه کنئزئنئن خاهئشئني يرئنه يتئرَر.
اونا گؤره کي، پادشاه بو کنئزئني اِشئدَر و او آدامدان قورتارار کي، ائستهيئر هم منی، هم ده اوغلومو تارينين ائرث وردئيئندن آتسين."
او واخت کنئزئن دوشوندو: "خاهئش ادئرم، آغام پادشاهين سؤزو منه تسّلي ورسئن، چونکي ياخشيني-پئسي باشا دوشمکده تارينين مَله‌يي نجهدئر، آغام پادشاه دا اله‌دئر. قوي رب تارين سنه يار اولسون!"
بو سؤزدن سونرا پادشاه آروادا جاواب ورئب ددي: "سندن بئر شي سوروشاجاغام، خاهئش ادئرم هچ بئر شيي مندن گئزلَتمه." آرواد ددي: "آغام پادشاه، بويور، خاهئش ادئرم."
پادشاه ددي: "آيا سنئن بو ائشلرئنئن هاميسيندا يوآبين دا اَلي وار؟" آرواد جاواب وردی: "سنئن جانين اوچون ديئرم کي، آغام پادشاهين سؤزوندن هچ کئم نه صاغا، نه ده سولا دؤنه بئلر. دوغرودان دا قولون يوآب منه امر اتدي و بو سؤزلرئن هاميسيني کنئزئنه او، اؤيرَتدي.
قولون يوآب بونو ائشئن گؤرونوشونو ديئشمک اوچون بله اتدي. لاکئن آغام تارينين مَله‌يي قدر حئکمتلئدئر، ير اوزونده اولوب-کچن هر شيي بئلئر."
پادشاه يوآبا ددي: "ياخشي، اونو اده‌رم. گت، او جاواني، اَبشالومو گری گتئر."
يوآب اوزو اوسته يره دوشدو و تعظئم ادئب پادشاها تبرئک ددی. سونرا يوآب ددي: "آغام پادشاه، بو گون سنئن گؤزونده لوطف تاپديغيني بو قولون بئلئر، چونکي پادشاه قولونون خاهئشئنه عمل اتدي."
بلجه يوآب دوروب گِشورا گتدي و اَبشالومو اورشلئمه گتئردي.
لاکئن پادشاه ددي: "قوي او اؤز اِوئنه قاييتسين، منئم گؤزومه گؤرونمه‌سئن." بلجه اَبشالوم اِوئنه قاييتدي و پادشاهين گؤزونه گؤرونمه‌دي.
بوتون ائسرايئلده هچ کئم يوخ ائدي کي، ياخيشيقليغينا گؤره، اَبشالوم قدر تعرئفلنسئن. تپهدن ديرناغا قدر اوندا بئر عيئب يوخ ائدي.
هر ائلئن آخيريندا ساچيني اونا آغيرليق اتدئيي اوچون کَسَردي، باشيندان ساچيني کسنده ساچي پادشاه تَره‌زئسي ائله ائکي يوز شِکِل گلردي.
اَبشالومون اوچ اوغلو و تامار آديندا بئر قيزي وار ائدي. تامار چوخ گؤزل بئر آرواد اولموشدو.
اَبشالوم ائکي ائل تامام اورشلئمده قالدي و پادشاهين اوزونو گؤرمه‌دي.
سونرا يوآبين يانينا آدام گؤندردي کي، اونو پادشاهين يانينا گؤندرسئن. آمّا يوآب ائستمه‌دی کی، اونون يانينا گلسئن. اَبشالوم ائکئنجي دفه يوآبين يانينا آدام گؤندردي، او گئنه ده ائستمه‌دي کی، گلسئن.
سونرا اَبشالوم قوللارينا ددي: "باخين، يوآبين زمئسي منئمکئنه بئتئشئکدئر و اورادا اونون آرپاسي وار. گدئن اورايا اود وورون." اَبشالومون قوللاري گدئب زمئيه اود ووردولار.
يوآب دوروب اَبشالومون اِوئنه گلدي و اونا ددي: "نئيه سنئن قوللارين گلئب منئم زمئمه اود ووردولار؟"
اَبشالوم يوآبا ددي: "باخ سنئن يانينا آدام گؤندرئب ددئم: «بورايا گل کي، سني پادشاهين يانينا گؤندرئم کي، اونا دئيهسن: {من گِشوردان بورايا نه اوچون گلمئشم؟ اورادا قالسايديم، منئم اوچون بوندان داها ياخشي اولاردي.} بونا گؤره ائندي قوي پادشاهين اوزونو گؤروم و اگر خاطام وارسا، قوي منی اؤلدورسون.»"
يوآب دا پادشاهين يانينا گلئب بونو اونا بئلدئردي. پادشاه اَبشالومو چاغيردي. اَبشالوم پادشاهين يانينا گدئب اونون قاباغيندا اوزو اوسته يره تعظئم اتدي و پادشاه اونو اؤپدو.
بئر مودّت کچندن سونرا اَبشالوم اؤزو اوچون بئر دؤيوش عاراباسي ائله آتلار و اونون قاباغيندا قاچماق اوچون اَلّي آدام حاضيرلادي.
اَبشالوم سحر تزدن دوروب دروازا يولونون کناريندا داياناردي. حؤکم آلماق اوچون پادشاهين يانينا آپاريلاجاق داعواسي اولان هر آدامي اؤز يانينا چاغيريب دئيَردي: "سن هانسي شهردنسن؟" او آدام دا دئيَردي کي، قولون ائسرايئلئن فئلان قبئله‌سئندن‌دئر.
سونرا اَبشالوم اونا بله دئيَردي: "باخ، سنئن ائشئن ياخشي و دوزگوندور، لاکئن پادشاه طرفئندن هچ کئم سنه قولاق آسماياجاق."
و علاوه اِدَردي: "کاش بو اؤلکهيه منی حاکئم قويارديلار. او زامان منئم يانيما داعواسي، يا دا ائدّئعاسي اولوب گلن هر آدامين ائشئنه عدالتله باخارديم."
بئر نفر اونا تعظئم اتمک اوچون ياخينلاشاندا، او اَل اوزاديب اونو قوجاقلاياردي و اونو اؤپَردي.
اَبشالوم حؤکم اوچون پادشاهين يانينا گلن بوتون ائسرايئللیلرله بله رفتار اِدَردي. ائسرايئللیلرئن اوره‌يئني بو صورتده اَله آلاردي.
دؤرد ائل باشا چاتديقدا اَبشالوم پادشاها ددي: "خاهئش ادئرم، ائجازه ور، گدئب خِبروندا ربّه نذر اتدئيئم قورباني تقدئم ادئم.
چونکي قولون اَرام تورپاغينين گِشور شهرئنده قالاندا بله نذر اتمئشدي: "اگر رب منی اورشلئمه گری قايتارسا، اونا قوللوق ادهجيم."
پادشاه اونا ددي: "سالامات گت." اَبشالوم قالخيب خِبرونا گتدي.
اَبشالوم ائسرايئل قبئله‌لرئنئن هاميسينا گئزلي قاصئدلر گؤندرئب اونلارا تاپشيردي: «کَره‌ناي سَسئني اشئدنده ديئن: «اَبشالوم خِبروندا پادشاه اولدو.»"
اورشلئمدن چاغيرديغي ائکي يوز نفر ده اَبشالوملا گتدئلر. اونلار تمئز نئيّتله اونون داليسيجا گدئردئلر و هچ بئر شيدن خبرلري يوخ ائدي.
اَبشالوم قوربانلاري تقدئم اِدَرکَن داوودون موشاوئري گئلو‌لو اَخئتوفِلي، اؤز شهري گئلودان اؤز يانينا گتئرتدي. فئتنه‌کار دسته قووّتلي ائدي، چونکي اَبشالومون يانيندا اولان خالق گت-گده چوخاليردي.
او واخت بئر آدام گلئب داوودا خبر وردی: "ائسرايئللیلرئن اورَکلري اَبشالوما رغبت باغلايير."
داوود اورشلئمده، يانيندا اولان بوتون اعيانلارينا ددي: "دورون قاچاق، يوخسا اَبشالومون قاباغيندان هچ کئم قاچيب قورتولا بئلمز. جَلد اولون، گِدَک، يوخسا او تز گلئب بئزه چاتار، باشيميزا بلا آچار و شهري قيلينجدان کچئردر."
پادشاهين اعيانلاري ددئلر: "باخ، سنئن بو قوللارين حاضيرديلار کي، آغام پادشاهين نه ائسته‌دئيئني يرئنه يتئرسئنلر."
پادشاه و اونون دالينجا بوتون اِو اهلي چيخدي. لاکئن پادشاه جارئيه‌لرئندن اون آروادي اِوه نظارت اتمک اوچون قويدو.
پادشاه و دالينجا بوتون خالق چيخيب شهرئن آخيرينداکي اِوئن يانيندا دايانديلار.
بوتون اعيانلاري اونون قاباغيندان کچدئلر و بوتون کِرِتلی‌لر، پِلِطلی‌لر و گَتدن اونون دالينجا گلمئش آلتي يوز نفر گَتلي ده پادشاهين قاباغيندان کچدئلر.
سونرا پادشاه گَتلي ائتّه‌يه ددي: "سن نئيه بئزئمله گدئرسن؟ قاييت تزه پادشاهلا قال. سن کي ياداِلّي‌سن و اؤز يوردوندان اسئرلئيه آپاريلميش آدامسان، اؤز يرئنه قاييت.
سن بورا حله دونَن گلئبسن. من کي، اؤزوم هارايا گده‌جيئمي بئلمئرم، مگر سني ده بو گون اؤزوموزله آوارا اده‌جيئک؟ سن قاييت، اؤز هموطنلرئني ده گری قايتار. رحمت و حقئقت سنه يار اولسون!"
لاکئن ائتّه‌ي پادشاها جاواب ورئب ددي: "وار اولان ربّه و آغام پادشاهيمين جانينا آند اولسون، پادشاهيم هارادا اولسا، قطعن بو قولون اؤلوم اوچون ده، حيات اوچون ده اولسا، اورادا اولاجاق."
داوود ائتّه‌يه ددي: "اوندا گل، کچ." گتلي ائتّه‌يله بوتون آداملاري و يانيندا اولان بوتون اوشاقلار گلئب کچدئلر.
جاماعات کِچَرکَن بوتون بؤلگه اهالئسي برکدن آغلاييردي. پادشاه دا قئدرون دره‌سئني کچدي و بوتون جاماعات چؤله طرف ائرهلي گتدي.
سونرا صادوق تارينين عهد سانديغيني داشييان بوتون لاوئلی‌لرله برابر گلدي. تارينين سانديغيني يره قويدولار. بوتون خالق شهردن چيخاناجاق، اِبياتار قوربان تقدئم ادئردي.
پادشاه صادوقا گئنه ددي: "تارينين سانديغيني شهره قايتار. اگر من ربّئن گؤزونده لوطف تاپسام، او منی گری قايتاريب اؤز سانديغيني و مسکنئني گئنه منه گؤرسدر.
لاکئن «سندن راضي ديئلم» دسه، باخ، قوي گؤزونده نه ياخشي گؤرونسه، منئم اوچون اله اتسئن. من حاضيرام."
پادشاه کاهئن صادوقا ددي: "سن گؤروجو مگر ديئلسن؟ سالامات شهره قاييت. سن و اِبياتار، اوغوللارينيز اَخئمَعَص و يوناتاني اؤزونوزله گؤتورون.
باخين، سئزدن منه حال-احوالي بئلدئرن سؤز چاتانا قدر، من چؤلده، چايين داهاز يرئنده گؤزليه‌جيم."
صادوقلا اِبياتار تارينين سانديغيني اورشلئمه گری قايتارديلار و اورادا قالديلار.
داوود زيتون داغينين اوستونه چيخدي و چيخارکن آغلاييردي. باشي اؤرتولو، آياق‌يالين گدئردي. اونونلا برابر گدن بوتون خالق دا باشي اؤرتولو داغا چيخديلار و گده-گده آغلاييرديلار.
کئمسه داوودا خبر وردی: "اَخئتوفِل اَبشالومون يانيندا فئتنه‌چئلر آراسيندادير." داوود ددي: "يارب، سندن آرزو ادئرم، اَخئتوفِلئن مصلحتلرئني بوشا چيخارت."
داوود خالقين تارييا پرستئش اتدئيي تپه‌نئن باشينا چاتاندا، اَرکلي خوشه‌ي پالتاري جيريلميش و باشي توز-تورپاق ائچئنده اونون پئشوازينا چيخدي.
داوود اونا ددي: "اگر سن ده منئمله گدهسن، منه يوک اولارسان.
لاکئن اگر شهره قاييديب اَبشالوما دئيهسن: «ای پادشاه، من ده سنئن قولون اولاجاغام. کچمئشده آتانا قول ائدئم، لاکئن ائندي سنه قول اولاجاغام.» او زامان منئم خيرئمه اَخئتوفِلئن مصلحتئني پوزا بئلرسن.
مگر کاهئن صادوق و کاهئن اِبياتار اورادا سنئنله ديئللر؟ پادشاه ساراييندان اشئده‌جيئن هر شيي کاهئن صادوق و کاهئن اِبياتارا بئلدئرَرسن.
باخ، اونلارين ائکي اوغلو، يعني صادوقون اوغلو اَخئمَعَص و اِبياتارين اوغلو يوناتان اونلارين يانيندادير و اشئده‌جيئز هر شيي اونلارين اَلي ائله منه چاتديرارسينيز."
اَبشالوم اورشلئمه گئرَرکَن، داوودون دوستو خوشه‌ي ده شهره گئردي.
داوود تپه باشيندان بئر آز او يانا کچرکن، مِفئبوشِتئن خئدمتچئسي صئبا ائکي يوز کؤمبه چؤرک، يوز کئشمئش لاواشاسي، يوز عدد ياي مئيوه‌سي و بئر تولوق شراب يوکلَنمئش بئر جوت پالانلي اِششَکله اونون پئشوازينا چيخدي.
پادشاه صئبايا ددي: "بونلار نه اوچوندور؟" صئبا ددي: "اِششَکلر پادشاهين اِو اهلئنئن مئنمه‌سي، چؤرکله ياي مئيوه‌لرئني نؤکرلرئن يمه‌سي و بو شرابي دا چؤلده اولان يورغونلارين ائچمه‌سي اوچون گتئرمئشم."
پادشاه صئبايا ددي: "بس سنئن آغانين اوغلو هارادادير؟" صئبا پادشاها ددي: "باخ، او اورشلئمده قالير، چونکي ديئردي: «بو گون ائسرايئل نسلی آتامين پادشاهليغيني منه گری قايتاراجاق."
پادشاه صئبايا ددي: "اگر بلهدئر، اوندا مِفئبوشِتئن هر شيي سنئندئر." صئبا جاواب وردی: "آياغينين تورپاغي اولوم، آغام پادشاه، قوي سنئن گؤزونده لوطف تاپيم."
پادشاه داوود بَخورئمه گلدي. اورادان شاعولون نسلئندن اولان گِرا اوغلو شئمعي آدلي بئر نفر چيخدي. شئمعي داوودا لعنت اده-اده چيخيردي.
داوودا و داوودون آداملارينا داش آتيردي. بوتون خالق و جنگاورلرئن هاميسي داوودون ساغيندا و سولوندا ائدي.
شئمعي داوودا لعنت ادئب بله ديئردي: "ردّ اول، ردّ اول، ای اَلي‌قانلي، آلچاق آدام!
رب سندن يرئنه پادشاه اولدوغون شاعول نسلئنئن بوتون تؤکولَن قان قئصاصيني آلير. رب پادشاهليغي اوغلون اَبشالوما ورئب. باخ، سن اؤز پئسلئيئنئن تله‌سئنه دوشوبسن، چونکي سن اَلي‌قانلي بئر آدامسان."
صِرويا اوغلو اَبشه‌ي پادشاها ددي: "بو ائت لِشي نه اوچون آغام پادشاها بله لعنت اتسئن؟ ائجازه ور گدئم، اونون باشيني کسئم."
آمّا پادشاه ددي: "ای صِرويا اوغوللاري، سئزه نه؟ اگر لعنت ادئر، و اگر رب اونا ديئب کي، «داوودا لعنت ات.» او واخت کئم اونا دئيه بئلر: «بله اتمه.»
سونرا ابئشه‌يه و بوتون اعيانلارينا ددي: "باخ، اگر اؤز بِلئمدن گلن اوغلوم جانيمي آلماق ائستهيئر، بس نه قدر چوخ بو بِنيامئنلي؟ اونو بوراخين، قوي او، لعنتئني اتسئن، چونکي رب اونا بله امر ادئب.
بلکه رب چکدئيئم عذابي گؤروب، بو گون اونون اتدئيي لعنتلرئن عوضئنه منه ياخشيليق اِدَر."
داوود و آداملاري يوللا گتدئلر. شئمعي ده اونلارلا يانبايان داغين ياماجي ائله گدئردي و گده-گده داوودا لعنت ادئب، اونا داش-تورپاق آتيردي.
پادشاه و يانينداکي بوتون خالق گدهجکلري يره يورغون چاتديلار و بو يرده دئنجلرئني آلديلار.
اَبشالوم و بوتون خالق، ائسرايئل آداملاري اورشلئمه گلدئلر، اَخئتوفِل ده اَبشالوملا ائدي.
داوودون دوستو اَرکلي خوشه‌ي اَبشالومون يانينا گلئب ددي: "ياشاسين پادشاه! ياشاسين پادشاه!"
اَبشالوم خوشه‌يه ددي: "دوستونا اولان وَفان بودور؟ نه اوچون دوستونلا گتمه‌دئن؟"
خوشه‌ي اَبشالوما ددي: "خير، من آنجاق ربّئن، بو خالقين، و بوتون ائسرايئل آداملارينين سچدئيي آدامين طرفئنده اولاجاغام و اونونلا دا قالاجاغام.
بئر دِه گؤروم، من کئمه خئدمت ادهجيم؟ مگر دوستومون اوغلونا ديئل؟ آتانا نجه قوللوق اتمئشم، سنه ده اله قوللوق ادهجيم."
سونرا اَبشالوم اَخئتوفِله ددي: "مصلحتئنئزي ورئن گؤرَک، نه اتمه‌لئيئک؟"
اَخئتوفِل اَبشالوما ددي: "اِوه نظارت اتمک اوچون آتانين قويوب گتدئيي جارئيه‌لرئن يانينا گئر. او واخت بوتون ائسرايئللی‌لر اشئدهجکلر کي، آتانين نئفرتئني قازانيبسان. بلجه سنئن طرفئنده اولانلارين هاميسينين اَل-قولو قووّتلَنه‌جک."
دام اوستونده اَبشالوم اوچون چادير قوردولار، اَبشالوم دا بوتون ائسرايئللیلرئن گؤزو قاباغيندا آتاسينين جارئيه‌لرئنئن يانينا گئردي.
او زامانلار اَخئتوفِلئن وردئيي مصلحت تارينين سؤزوندن آلينان مصلحتلرله برابر ساييليردي. اَخئتوفِلئن هر مصلحتي هم داوود اوچون، هم ده اَبشالوم اوچون بو جور ائدي.
بوندان علاوه، اَخئتوفِل اَبشالوما ددي: "ائندي قوي اون ائکي مئن نفر سچئم کي، چيخيب بو گجه داوودو تعقئب ادئم.
گرک اونو يورغون و قول-قانادي قيريلميش ائکن قورخويا ساليم. او واخت يانيندا اولان بوتون خالق قاچار و من ده فقط پادشاهي اؤلدوره‌رم.
بوتون خالقي دا سنه قايتارارام. هامينين سنه طرف دؤنمه‌سي آختارديغين آداما باغلي‌دير. او زامان بوتون خالق باريش ائچئنده اولار."
بو سؤز اَبشالومون و بوتون ائسرايئل آغساقّاللارينين نظرئنده خوش گؤروندو.
لاکئن اَبشالوم ددي: "ائندي اَرکلي خوشه‌يي ده چاغيرين، قويون اونون دا ددئيئنه قولاق آساق."
خوشه‌ي اَبشالومون يانينا گلنده اَبشالوم اونا ددي: "اَخئتوفِل بله بئر مصلحت وردی. آيا اونون وردئيي مصلحته عمل اِدَک؟ اگر يوخ، سن نه مصلحت گؤرورسن."
خوشه‌ي اَبشالوما ددي: "اَخئتوفِلئن بو دفه وردئيي مصلحت ياخشي ديئل."
سونرا سؤزونه داوام وردی: "بئلئرسن کي، آتان و آداملاري جنگاوردئلر. اونلار چؤلده بالالاري توتولموش آيي کئمي جيريب يارتانديلار. آتان موحارئبه‌ده تجروبه‌لي‌دئر و خالقلا بئر يرده گجهني سحر اتمز.
باخ ائندي او ماغارالارين بئرئنده يا دا آيري بئر يرده گئزله‌نئب. ائلک حمله‌ده سئزلردن قيريلانلار اولسا، هر اشئدن دئيهجک: «اَبشالومون دالينجا گدن خالقين آراسيندا قيرغين وار.»
حتّا آصلان اوره‌يي کئمي اوره‌يي اولان ائگئد اوغول دا بوندان کامئل اوزولوب اَرئيه‌جک. چونکي بوتون ائسرايئل بئلئر کي، آتان جنگاور بئر آدامدير، اونونلا اولانلار آداملار دا جسوردورلار.
لاکئن من بله مصلحت ورئرم: داندان بئرشئباعا قدر بوتون ائسرايئللی‌لر کي، دهنز کنارينداکي قوم کئمي‌دئرلر، سنئن يانينا ييغيلسينلار و دؤيوشه شخصن سن گدهسن.
داوودون قالديغي يرلرئن بئرئنده اونون اوستونه هوجوم گتئرئب تورپاغا دوشن شح کئمي اونلارين اوستونه اِله سَپَلَنه‌رئک کي، نه اؤزو، نه ده کي يانينداکي آداملاردان بئري بله، صاغ قالار.
اگر او بئر شهره چکئلمئش اولسا، او زامان بوتون ائسرايئللی‌لر شهره ائپلر گتئرئب اوراني اله درهيه چکئب آتاريق کي، اورادا بئر چينقيل بله تاپيلماسين."
او واخت اَبشالوملا بوتون ائسرايئللی‌لر ددئلر: "اَرکلي خوشه‌يئن مصلحتي اَخئتوفِلئن مصلحتئندن ياخشيدير." چونکي رب اَبشالومون باشينا فلاکت گتئرمک اوچون، اَخئتوفِلئن ياخشي مصلحتئنئن پوزولماسينا قرار ورمئشدي.
خوشه‌ي سونرا کاهئن صادوقا و کاهئن اِبياتارا ددي: "اَخئتوفِل اَبشالوما و ائسرايئل آغساقّاللارينا بو جور مصلحت وردی، من ده بله مصلحت وردئم.
ائندي جَلد داوودون يانينا آدام گؤندرئن و اونا ديئن: «بو گجه چؤلده، چايين داهاز يرئنده قالما، هر نه جور اولسا، چايين او بئري طرفئنه کچ، يوخسا پادشاه و اونونلا اولان بوتون خالق محو اولاجاقلار.»"
يوناتانلا اَخئمَعَص عِين‌روگِلده قاليرديلار. بئر کنئز قيز گدئب اونلارا خبر ورَردي، اونلار دا گدئب بونو پادشاه داوودا چاتديرارديلار. اونا گؤره کي، شهر ائچئنده گؤرونه بئلمزدئلر.
لاکئن بئر جاوان اونلاري گؤروب اَبشالوما خبر وردی. اونا گؤره ده يوناتانلا اَخئمَعَص جَلد گدئب بَخورئمده اولان بئر آدامين اِوئنه گئردئلر. بو آدامين حيطئنده بئر قويو وار ائدي. اونلار قويونون ائچئنه گئردئلر.
اِو صاحئبئنئن آروادي بئر اؤرتوک گؤتوروب قويونون آغزينا دؤشه‌دي. اورايا يارما تؤکدو کي، هچ بئر شي بئلئنمه‌سئن.
اَبشالومون آداملاري بو اِوه، آروادين يانينا گلئب ددئلر: "اَخئمَعَص و يوناتان هارادادير؟" آرواد اونلارا ددي: "چايي کچدئلر." اونلار آختارماغا باشلاديلار، لاکئن هچ کسي تاپا بئلمه‌يئب اورشلئمه قاييتديلار.
اَبشالومون آداملاري گدندن سونرا، يوناتانلا اَخئمَعَص قويودان چيخديلار و گدئب پادشاه داوودا خبر وردئلر: "قالخين، تز بو چايدان کِچئن، چونکي اَخئتوفِل سئزئن ضئدّئنئزه مصلحت ورئب."
داوود و يانيندا اولان بوتون خالق قالخيب اوردون چاييني کچدئلر و سحر آچيلانا قدر چايي کچمه‌مئش آدام قالمادي.
اَخئتوفِل گؤرنده کي، ائشلر اونون مصلحتئنه گؤره ادئلمه‌يئب، اِششه‌يئني پالانلاييب يولا چيخدي و اؤز شهرئنه، اؤز اِوئنه گتدي. اِو ائشلرئني نئظاما سالاندان سونرا، اؤزونو آسيب اؤلدوردو و اونو آتاسينين قبرئنده باسديرديلار.
داوود مَخه‌نايئمه گلدي. اَبشالوملا يانيندا اولان بوتون ائسرايئللی‌لر ده اوردون چاييني کچدئلر.
اَبشالوم عَماساني يوآبين يرئنه قوشون باشچيسي قويموشدو. عَماسا ائسرايئللي يئترا آدلانان بئر آدامين اوغلو ائدي کي، ناخاشين قيزي اَبئگائلئن يانينا گئرمئشدي. اَبئگائل يوآبين آناسي صِرويانين باجيسي ائدي.
ائسرايئللیلرله اَبشالوم گئلعاد تورپاغيندا اوردوگاه قوردولار.
داوود مَخه‌نايئمه گلنده، عَمّون اوغوللارينين رَبّا شهرئندن ناخاش اوغلو شوبي، لودِباردان عَمّي‌اِل اوغلو ماکئر و روگِلئمدن گئلعادلي بَرزئل‌له‌ي
داوودلا يانينداکي جاماعاتا دؤشکلر، لَيَنلر، گئل قابلار، يمک اوچون بوغدا، آرپا، اون، قووورغا، پاخلا، مَرجئمَک و قوورولموش دن،
بال، قاتيق، ائنَک پندئري و قويون گتئردئلر. چونکي دوشونوردولر: "خالق چؤلده آج، يورغون و سوسوزدور."
داوود يانينداکي خالقي سايدي. اونلارين اوستونه مئنباشيلار و يوزباشيلار تعيئن اتدي.
داوود خالقي اوچ دسته‌يه بؤلدو. بئرئنجئسئنه يوآبي، ائکئنجئسئنه يوآبين قارداشي صِرويا اوغلو اَبشه‌يي، اوچونجوسونه ده گَتلي ائتّه‌يي باشچي اتدي. پادشاه خالقا ددي: "من اؤزوم ده سئزئنله برابر دؤيوشه چيخاجاغام."
لاکئن خالق اونا ددي: "يوخ، سن دؤيوشه چيخماياجاقسان، چونکي اگر بئز قاچساق، بئزه اهمئيّت ورمزلر، ياريميز اؤلسک بله، گئنه ده اهمئيّتي اولماز. لاکئن سن بئزئم اون مئنئمئزدن ده قئيمتلي‌سن. بونا گؤره داها ياخشيسي اودور کي، شهرده قاليب بئزه کؤمک اتمه‌يه حاضير اولاسان."
پادشاه اونلارا ددي: "سئزئن گؤزونوزده ياخشي ساييلان نه اولسا، اونو اده‌رم." بلجه پادشاه دروازانين يانيندا داياندي و بوتون خالق يوز-يوز، مئن-مئن شهردن چيخدي.
پادشاه يوآبا، ابئشه‌يه و ائتّه‌يه امر ادئب ددي: "منئم خاطئرئمه او جاوان اَبشالوملا مولايئم رفتار ادئن!" پادشاهين اَبشالومون حاقّيندا بو باشچيلارا امر اتدئيئني بوتون خالق اشئتدي.
خالق چؤله، ائسرايئلئن ضئدّئنه دؤيوشه چيخدي و موحارئبه اِفرايئم مِشه‌سئنده باش وردی.
ائسرايئللی‌لر اورادا داوودون آداملاري قاباغيندا مغلوب اولدولار. او گون او يرده بؤيوک قيرغين اولدو، ائيئرمي مئن نفر قيريلدي.
اورادا اولان دؤيوش بوتون اطرافا ياييلدي و او گون قيلينجلا قيريلانلاردان چوخ، مِشه‌ده قيريلانلار اولدو.
اَبشالوم داوودون آداملارينا راست گلدي. او، قاطيرا مئنمئشدي و قاطير بؤيوک بئر چؤل پوسته‌سي آغاجينين سيخ بوداقلاري آلتيندان کچنده، اَبشالومون ساچي چؤل پوسته‌سي آغاجينا ائلئشدي. آلتينداکي قاطير يولونا داوام وردی، لاکئن او، گؤيله ير آراسيندا آسيلي قالدي.
بئر نفر بونو گؤروب يوآبا خبر وردی: "باخ، اَبشالومو گؤردوم کي، بئر چؤل پوسته‌سي آغاجيندان آسيليب."
يوآب اونا خبر ورن آداما ددي: "باخ، اگر اونو گؤردون، بس نئيه اونو اورادا ووروب يره سَرمه‌دئن؟ او واخت من سنه اون پارا گوموش و بئر کمر ورَردئم."
آدام يوآبا ددي: "اووجوما مئن گوموش ورئلسه بله، پادشاهين اوغلونا اَل قالديرمارام. چونکي پادشاهين سنه، ابئشه‌يه و ائتّه‌يه وردئيي امري قولاقلاريميزلا اشئتدئک کي، «منئم خاطئرئمه او جاوان اَبشالومو قورويون.»
اگر من خيانت ادئب اونون جانيني آلميش اولسايديم، هچ بئر شي پادشاهدان گئزلئن قالماز و سن اؤزون ده اؤزونو مندن اوزاق ساخلاردين."
يوآب ددي: "سنئنله بله واخت هدر اده بئلمه‌رم." اَبشالوم چؤل پوسته‌سي آغاجينين ائچئنده حله صاغ ائکن، يوآب اَلئنه اوچ مئزراق آليب اونون سئنهسئنه ساپلادي.
يوآبين سئلاحلاريني داشييان اون نفر جاوان آدام اَبشالومو اَحاطه اتدئلر و اونو ووروب اؤلدوردولر.
يوآب کَره‌ناي چالدي و قوشون ائسرايئللی‌لري تعقئب اتمکدن اَل چکدي، چونکي يوآب بونا مانع اولدو.
اَبشالومو گؤتوروب مِشه‌ده‌کي درئن چوخورا آتديلار و اوستونه بؤيوک داش قالاغي ييغديلار. بوتون ائسرايئللی‌لر قاچيب اؤز اِولرئنه داغيليشديلار.
اَبشالوم حله صاغ ائکن بئر سوتونو گؤتوروب اؤزو اوچون برپا اتمئشدي، چونکي ديئردي: "آديمي ياشادان بئر اوغلوم يوخدور." بو سوتون پادشاه دره‌سئنده‌دئر. بلجه ابشالوم بو سوتونا اؤز آديني قويدو و بو گونه قدر اونا اَبشالومون يادبودو ديئلئر.
او واخت صادوق اوغلو اَخئمَعَص ددي: "قوي قاچيم، پادشاها موژده ورئم کي، رب اونو دوشمنلرئن اَلئندن قورتاريب."
آمّا يوآب اونا ددي: "سن بو گون موژده‌چي اولماياجاقسان، موژده‌ني آيري گون ورَرسن. بو گون هچ خبر آپارما، اونا گؤره کي پادشاهين اوغلو اؤلوب."
يوآب کوشلو کئشئيه ددي: "گت، بوتون گؤردوکلرئني پادشاها خبر ور." کوشلو کئشي يوآبين قاباغيندا باش اَيدي و قاچدي.
صادوق اوغلو اَخئمَعَص گئنه يوآبا ددي: "نه اولورسا- اولسون، قوي من ده کوشلو کئشئنئن دالينجا قاچيم." يوآب ددي: "نه اوچون قاچاسان، اوغلوم؟ گتدئيئن اوچون پاداش آلماياجاقسان."
لاکئن او ددي: "نه اولورسا-اولسون، قاچاجاغام." يوآب دا ددي: "ياخشي، قاچ." اَخئمَعَص دره يولو ائله قاچيب کوشلو کئشئني اؤتدو.
بو واخت داوود ائچَري و چؤل دروازالارين آراسيندا اوتورموشدو. نؤوبَتچي دووارا، دروازانين اوستونه چيخدي و باشيني قالديريب گؤردو کي، بئر آدام تک باشينا قاچير.
نؤوبتچي قيشقيريب پادشاها خبر وردی. پادشاه ددي: "اگر او تک گلئر، دمه‌لي موژده گتئرئر." آدام گتدئکجه ياخينلاشيردي.
سونرا نؤوبتچي قاچان آيري بئر آدام گؤردو و قاپيچييا قيشقيريب ددي: "باخ، تک باشينا قاچان داها بئر آدام دا گلئر." پادشاه ددي: "او دا موژده گتئرئر."
نؤوبتچي ددي: "منه گؤره بئرئنجئسئنئن قاچيشي صادوق اوغلو اَخئمَعَصئن قاچيشينا بَنزه‌يئر." پادشاه ددي: "او ياخشي آدامدير، موژده ائله گلئر."
اَخئمَعَص چيغيريب پادشاها ددي: "سالاماتليقدير." سونرا پادشاها تعظئم ادئب اوزو اوسته يره دوشدو و ددي: "تارين رب موبارک اولسون کي، آغام پادشاها اَل قالديرانلاري اونا تسلئم ادئب."
پادشاه ددي: "آيا او جاوان اَبشالوم سالاماتدير؟" اَخئمَعَص جاواب وردی: "يوآب پادشاهين بئر قولونو و من قولونو گؤندرَن زامان گؤردوم کي، اورادا بؤيوک بئر قاريشيقليق وار، لاکئن نه اولدوغونو بئلمه‌دئم."
پادشاه ددي: "چکئل، بئر ياندا دايان." او دا چکئلئب بئر ياندا داياندي.
باخ، کوشلو گلدي و ددي: "آغام پادشاها موژده وار! رب سنه آرخا اولوب بو گون سني، سنئن ضئدّئنه قالخانلارين هاميسينين اَلئندن قورتاريب."
او واخت پادشاه کوشلويا ددي: "آيا او جاوان اَبشالوم سالاماتدير؟" کوشلو جاواب وردی: "قوي آغام پادشاهين دوشمنلري، پئس نئيّتله سنئن ضئدّئنه قالخانلارين هاميسي او جاوان کئمي اولسون."
پادشاه ائضطئرابدان تئترهيئب دروازانين اوستونده‌کي اوتاغا قالخدي و آغلادي. قَدَمله‌يئب بله ديئردي: "اوغلوم اَبشالوم، اوغلوم، اوغلوم اَبشالوم! کاش سنئن يرئنه من اؤلَيدئم، اوغلوم! اوغلوم، اَبشالوم!"
يوآبا ديئلدي: "باخ، پادشاه، اَبشالوم اوچون ياس توتوب آغلايير."
او گون ظفر خالق اوچون ياسا چِورئلدي، چونکي بوتون خالق اشئتدي کي، پادشاه اوغلو اوچون ياس توتوب.
او گون قوشون شهره اله قاييتدي کي، اله بئل، دؤيوشدن قاچان فراري بئري اوتانديغيندان اوغرو کئمي قاييدير.
پادشاه اوزونو اؤرتوب فريادلا چيغيريردي: "اوغلوم اَبشالوم، ای اَبشالوم، اوغلوم، اوغلوم!"
او واخت يوآب اِوه، پادشاهين يانينا گلئب ددي: "بو گون بوتون قوللارينين اوزونو خجالتدن قيزارتدين، اونلارين اوزونو کي، سنئن جانيني، اوغوللارينين، قيزلارينين و جارئيه‌لرئنئن جانلاريني خئلاص اتدئلر.
چونکي سندن نئفرت ادنلري سِوئب، سني سِوَنلردن نئفرت ادئرسن. بو گون سن آشکار اتدئن کي، باشچيلارين و آداملارين سنئن گؤزونده دَيَرسئزدئلر. من بو گون باشا دوشدوم کي، اگر اَبشالوم صاغ قاليب، بئز هاميميز بو گون اؤلسَيدئک، بوندان راضي قالاردين.
آمّا ائندي قالخ، اِشئيه گت و آداملارينلا محبّتلي دانيش. چونکي من ربّئن حاقّي اوچون آند ائچئرم، خالقين قاباغينا چيخماياسان، بو گجه سنئنله تک بئر نفر بله، قالماياجاق. بو دا سنئن اوچون اوشاقليقدان ائندئيهجک باشينا گلن موصئبتلرئن هاميسيندان بَتَر اولاجاق."
بلجه پادشاه قالخيب دروازادا اوتوردو. بوتون خالقا خبر ورئلدي کي، "باخ، پادشاه دروازا آغزيندا اوتوروب." او واخت بوتون جاماعات پادشاهين حوضورونا گلدي. بو زامان ائسرايئللیلرئن هاميسي اؤز اِولرئنه داغيلميشديلار.
ائسرايئلئن بوتون قبئله‌لرئنده هر کس موباحئثه ادئب ديئردي: "پادشاه بئزي دوشمنلرئمئزئن اَلئندن قورتاردي و فئلئسطلی‌لرئن اَلئندن خئلاص اتدي. ائندي آمّا اَبشالوما گؤره او، بو اؤلکه‌دن قاچيب.
هر حالدا بئزه حاکئم اولماق اوچون مسح اتدئيئمئز اَبشالوم دؤيوشده اؤلوب. ائندي پادشاهي گری قايتارماق بارهده نئيه ساکئت قاليرسينيز؟"
داوود پادشاه کاهئن صادوق و کاهئن اِبياتارا بو خبري گؤندرئب ددي: "يهودا آغساقّاللارينا دانيشين و اونلارا بله ديئن: «پادشاهي اِوئنه قايتارماقدا سئز نئيه آخيرا قاليرسينيز؟ بوتون ائسرايئلده گَزَن سؤز-صوحبت پادشاهين قولاغينا چاتيب.
سئز منئم قارداشلاريم، اَتئمدن، سومويومدنسئنئز. بس نئيه پادشاهي گری قايتارماقدا آخيرا قاليبسينيز؟"
عَماسايا دا ديئن کي، مگر سن ده منئم اَتئمدن و سومويومدن ديئلسن؟ قوي تاري منه بله‌سئني و بوندان بَتَرئني اتسئن اگر سن همئشه منئم قاباغيمدا يوآبين يرئنه قوشون باشچيسي اولماسان."
بلجه او، بوتون يهودالي‌لارين اوره‌يئني بئر نفر کئمي اَله گتئردي و اونلار پادشاهين يانينا آدام گؤندرئب ددئلر: "قاييت، هم سن هم ده بوتون آداملارين."
پادشاه گری قاييتدي و اوردون چايينا قدر گلدي. يهوداليلار پادشاهي پئشواز اتمک و اونو اوردون چاييندان کچئرتمَک اوچون گئلگالا گلدئلر.
بَخورئمدن اولان بِنيامئنلي گِرانين اوغلو شئمعي ده يهودا آداملاري ائله بئرلئکده پادشاه داوودون پئشوازينا جَلد ترپه‌نئب آشاغي اِندي.
اونون يانيندا بِنيامئندن مئن نفر و شاعول اِوئنئن خئدمتچئسي صئبا ائله اون بش اوغلو و ائيئرمي قولو وار ائدي. اونلار اوردون چايينا طرف پادشاهين قاباغينا چيخماغا تَلَسدئلر.
سونرا پادشاهين عايئلهسئني چايدان کچئرتمک اوچون و اونون گؤزونده خوش گؤرونَن ائشلر اوچون داهاز يردن او تايا-بو تايا کچدئلر. گِرا اوغلو شئمعي، پادشاهين اوردون چاييني کچن آن، اونون قاباغيندا يره سَرئلدي.
او، پادشاها ددي: "قوي آغام منی گوناهکار سايماسين و آغام پادشاه اورشلئمدن چيخديغي گون بو قولونون اتدئيي سهوئني اوره‌يئنه ساليب خاطيرلاماسين.
چونکي گوناه اتدئيئمي بو قولون اؤزو ده بئلئر و باخ، بو گون آغام پادشاهي پئشواز اتمک اوچون، بوتون يوسئف نسلئندن، هاميدان اوّل من گلمئشم."
لاکئن صِرويا اوغلو اَبشه‌ي جاواب ورئب ددي: "مگر شئمعي ربّئن مسح اتدئيئنه لعنت ياغديرديغي اوچون اؤلدورولمه‌لي ديئل؟"
داوود ددي: "ای صِرويا اوغوللاري، آخي سئزه نه؟ نئيه منه دوشمنچئلئک ادئرسئنئز؟ بو گونده مگر اولار کي، ائسرايئلده کئمسهني اؤلومه وِرَک؟ مگر من بئلمئرم کي، بو گون ائسرايئلئن پادشاهي منم؟"
پادشاه سونرا شئمعئيه ددي: "سن اؤلومه ورئلميه‌جکسن." و بلجه پادشاه اونا آند ائچدي.
شاعولون نوه‌سي مِفئبوشِت پادشاهي پئشواز اتميه گلدي. پادشاه گدن گوندن اِوئنه صاغ-سالامات قاييدان گونه قدر او، آياقلارينا باخماميش، بيغلاريني کسمه‌مئش و پالتارلاريني يوماميشدي.
پادشاهين پئشوازينا اورشلئمه گلن زامان پادشاه اونا ددي: "مِفئبوشِت، نئيه سن ده منئمله گتمه‌دئن؟"
مِفئبوشِت جاواب ورئب ددي: "ای آغام پادشاه، خئدمتچئم منی آلداتدي، چونکي بو قولون دمئشدي کي، "پادشاهلا برابر گتمک اوچون اِششه‌يي پالانلاييب اوستونه مئنئم. چونکي قولون علئل بئر آدامدير.
لاکئن خئدمتچئم آغام پادشاهين قاباغيندا قولونا بؤهتان آتدي. آمّا آغام پادشاه تارينين مَله‌يي کئمئدئر. ائندي سنئن گؤزونده نه خوشدور، منه ات.
آتامين بوتون اِوي آغام پادشاهين قاباغيندا اؤلومدن آيري بئر شيه لايئق ديئلکَن، سن بو قولونو اؤز سوفرَنده يمک يئيَنلر آراسيندا قويدون. آرتيق پادشاهدان بئر شي ائستَمه‌يه نه حاقّيم وار کي؟"
پادشاه اونا ددي: "اؤز ائشلرئن حاقّيندا نه اوچون سؤزو اوزاديرسان؟ آرتيق قرار ورمئشم؛ سن و صئبا تورپاغي اؤز آرانيزدا بؤلون."
مِفئبوشِت پادشاها ددي: "ائندي کي پادشاه اؤز اِوئنه سالامات گلدي، قوي هر شيي او گؤتورسون."
گئلعادلي بَرزئل‌له‌يي روگِلئمدن گلمئشدي. او دا اوردون چايينا قدر گتدي کي، پادشاهي اوردون چاييندان کچئرتسئن.
بَرزئل‌له‌ي هشتاد ياشينا چاتميش و آرتيق قوجالميشدي. پادشاه مَخه‌نايئمده قالان، زامان بَرزئل‌له‌ي اونون دولاناجاغيني تأمئن اتمئشدي، چونکي او چوخ بؤيوک بئر آدام ائدي.
پادشاه بَرزئل‌له‌يه ددي: "منئمله برابر چايي کچ، سنئن کچنه‌جيئني اؤزومله اورشلئمده تأمئن اده‌رم."
بَرزئل‌له‌ي پادشاها ددي: "مگر عؤمرومدن نه قدر قاليب کي، پادشاهلا برابر اورشلئمه گدئم؟
منئم بو گون هشتاد ياشيم وار، مگر آرتيق ياخشيني پئسدن آييرا بئله‌رم؟ بو قولون مگر هچ يدئيئنئن، ائچدئيئنئن داديني بئلئر؟ کئشي و آرواد خانَنده‌لرئن سَسئني مگر اشئده بئله‌رم؟ بونا گؤره ده، نه اوچون بو قولون آغام پادشاها آرتيق يوک اولسون؟
بو قولون آنجاق پادشاهلا اوردون چاييني کچئب. نه‌يه گؤره پادشاه منه بله پاداش ورسئن؟
قوي بو قولون قاييتسين، قوي اؤز شهرئمده، آتا-آنامين قبرئنئن يانيندا اؤلوم. آمّا باخ، بو، قولون کئمهامدير، قوي کئمهام، آغام پادشاهلا چايي کچسئن و سن ده گؤزونده خوش گؤرونه‌ني اونون اوچون ات."
پادشاه ددي: "کئمهام منئمله برابر او تايا کچهجک، سنئن گؤزونده خوش اولاني اونون اوچون ادهجيم. مندن طلب اتدئيئن هر شيي سنئن اوچون ادهجيم."
بوتون خالق اوردون چاييني کچدي. پادشاه دا چايي کچدي. سونرا پادشاه بَرزئل‌له‌يي اؤپدو و اونا برکت وردی. او دا اؤز يرئنه قاييتدي.
پادشاه گئلگالا طرف گتدي و کئمهام دا اونونلا بئرلئکده گتدي. بوتون يهودا خالقي و ائسرايئل خالقينين ياريسي پادشاهي موشايئعت ادئردي.
بوتون ائسرايئللی‌لر پادشاهين يانينا گلئب، پادشاها ددئلر: "نه اوچون قارداشيميز يهوداليلار سني اوغورلاديلار؟ نه اوچون پادشاهلا عايئلهسئني و يانينداکي بوتون آداملاري اوردون چاييندان کچئرتدئلر؟"
بوتون يهوداليلار ائسرايئللیلره جاواب وردئلر: "چونکي پادشاه ياخين قوحوموموزدور. نئيه بوندان بله قضبله‌نئبسئنئز؟ مگر بئز پادشاه شوتونا بئر شي يِمئشئک؟ و يا پادشاه بئزه مگر بئر هدئيّه ورئب؟"
ائسرايئللی‌لر يهودالي‌لارا جاواب ورئب ددئلر: "پادشاه بئزه سئزدن اون قات آرتيق ياخيندير، اونون اوچون ده داووددا بئزئم سئزدن ده آرتيق حاقّيميز وار. بس نئيه بئزه حقارتله باخيرسينيز؟ مگر اوّل بئز ديئلدئک کي، پادشاهي گری قايتارماقدان صؤحبت اتدئک؟" لاکئن يهودالي‌لارين سؤزلري ائسرايئللیلرئن سؤزلرئندن داها مؤحکم و آجي ائدي.
اله بو زامانلار بِنيامئنلي بئکري اوغلو شِبَع آديندا دَيَرسئز بئر آدام تصادوفن گئلگالدا ائدي. او، کَره‌ناي چاليب ددي: "بئزئم داوودلا رابئطه‌مئز قالماييب. يَسّه‌نئن اوغلوندا هچ بئر پاييميز يوخدور! ای ائسرايئللی‌لر، هامينيز اِوئنئزه دؤنون!"
بوتون ائسرايئللی‌لر ده داوودو آتيب بئکري اوغلو شِبَعئن دالينجا گتدئلر. لاکئن يهوداليلار، پادشاهلاري داوودا صادئق قاليب اوردون چاييندان اورشلئمه قدر اونو موشايئعت اتدئلر.
داوود پادشاه اورشلئمدهکي اِوئنه گدئب اون آروادي، اِوي حئفظ اتمک اوچون ساخلاديغي جارئيه‌لري گؤتوروب اؤز نظارتي آلتيندا ساخلادي و اونلارين ياشاييشيني تأمئن اتدي، لاکئن يانلارينا گئرمه‌دي. اؤلَنه قدر بو آروادلار دول کئمي قاليب باغلي ساخلانديلار.
پادشاه عماسايا ددي: "اوچ گون عرضئنده يهودالي‌لاري منئم يانيما چاغير و اؤزون ده بورادا اول."
عماسا يهودالي‌لاري بئر يره چاغيرماق اوچون گتدي، لاکئن يوبانيب اونون اوچون تعيئن اولونان واختدا گری قاييتمادي.
داوود ابئشه‌يه ددي: "ائندي بئکري اوغلو شِبَع بئزه اَبشالومدان داها چوخ زئيان ووراجاق. سن آغانين قوللاريني گؤتور، اونو تعقئب اتمه‌يه گت. يوخسا او اؤزونه قالا دووارلي شهرلر تاپار و گؤزوموزدن قاچار."
بلجه يوآبين آداملاري، کِرِتلی‌لرله پِلِطلی‌لر و بوتون جنگاورلر اورشلئمدن چيخديلار کي، بئکري اوغلو شِبَعي تعقئب اتسئنلر.
اونلار گئبعونداکي بؤيوک قايانين يانيندا اولاندا، عماسا اونلارين پئشوازينا گلدي. يوآب دؤيوش پالتاريني گِيمئشدي و پالتارينين اوستونده کمري وار ائدي. کمرئنه باغلي قينيندا اولان بئر قيلينج بلئنده ائدي. او قاباغا گِدَرکَن قيلينج قينيندان چيخدي.
يوآب عماسايا ددي: "قارداشيم، آيا ياخشي‌سان؟" سونرا يوآب صاغ اَلي ائله عماسانين ساقّاليندان ياپيشدي کي، اونو اؤپسون.
آمّا عماسا يوآبين سول اَلئنده‌کي قيلينجا اهمئيّت ورمه‌دي. يوآب قيلينجي ائله عماسانين قارنيندان ووروب باغيرساقلاريني يره اله تؤکدو کي، ائکئنجي ضربه‌يه احتئياج قالمادان عماسا اؤلدو. سونرا يوآب و قارداشي اَبشه‌ي بئکري اوغلو شِبَعي تعقئب اتدئلر.
يوآبين آداملاريندان بئري اونون يانيندا دوروب ددي: "کئم يوآبدان راضيدير، کئم داوودون طرفئنده‌دئر، يوآبين دالينجا گلسئن."
لاکئن عماسا اصلي يولون اورتاسيندا قان ائچئنده اوزوردو. يوآبين طرفداري اولان بو آدام گؤردو کي، عماسانين جسدئنئن يانينا گلن هر کس دايانير. خالقين دايانديغيني گؤردويو اوچون جسدي اصلي يولدان گؤتوروب چؤله آپاردي و اوستونه بئر پالتار آتدي.
عماسانين جسدي اصلي يولدان گؤتورولدوکده، هامي يوآبين دالينجا گتدئلر کي، بئکري اوغلو شِبَعي تعقئب اتسئنلر.
شِبَع بوتون ائسرايئل قبئله‌لرئنئن ائچَرئسئندن آبِله، حتّا بِيت‌مَعَکا و بوتون بِرئم دئيارلارينا قدر کچدي و بوتون جاماعات ييغيليب اونون دالينجا گتدي.
يوآبين يانينداکي بوتون خالق گلئب شِبَعئن قالديغي آبِل‌بِيت‌مَعَکا شهرئني موحاصئرهيه آلديلار و شهر دووارينا ضئدّ دايانان بئر تورپاق ييغيني قوردولار و دوواري ييخماغا باشلاديلار.
بئر آغيلّي آرواد شهردن قيشقيريب ددي: "قولاق آسين! قولاق آسين! خاهئش ادئرم، يوآبا ديئن: «بورايا ياخينلاش، سنه سؤزوم وار.»"
يوآب اونا ياخينلاشاندا آرواد سوروشدو: "يوآب سنسن؟" او جاواب وردی: "بلی، منم." آرواد اونا ددي: "سن بو کنئزئنئن سؤزونه قولاق آس." يوآب ددي: "اشئدئرم."
آرواد سؤزونه داوام وردی: "قدئم زامانلاردا دئيَردئلر «آبِلده مصلحت آلين.» و داعواني بله حلّ اِدَردئلر.
من صولح سِوَن و ائسرايئله وفالي آداملاردان بئرئيم. سن ائستهيئرسن کی، ائسرايئلده شهرلرئن آناسي اولان بئر شهري داغيداسان. نه اوچون ائستهيئرسن کی، ربّئن ائرثئني محو ادهسن؟"
يوآب جاواب وردی: "ائراق اولسون، مندن ائراق اولسون کي، داغيتماق و يا محو اتمک نئيّتئنده اولام!
مطلب بله ديئل. لاکئن اِفرايئمئن داغليق بؤلگهسئندن بئکري اوغلو شِبَع آدلي بئر آدام، داوود پادشاهين ضئدّئنه عوصيان قالديريب. فقط اونو بئزه ورئن، من ده بو شهردن چکئله‌رم." آرواد يوآبا ددي: "باخ، اونون باشي، شهر دوواريندان سنه آتيلاجاق."
آرواد آغيلّي تَرپه‌نئب خالقينين يانينا گتدي. اونلار دا بئکري اوغلو شِبَعئن باشيني کسئب يوآبا آتديلار. بوندان سونرا يوآب شيپور چالدي و قوشون شهرئن موحاصئره‌سئندن چکئلدي. هامي اؤز اِوئنه قاييتدي. يوآب دا اورشلئمه، پادشاهين يانينا قاييتدي.
يوآب بوتون ائسرايئل قوشونونون باشچيسي ائدي. يِهويادانين اوغلو بِنايا کِرِتلی‌لرئن و پِلِطلی‌لرئن باشچيسي ائدي.
اَدورام ائجباري ائشچئلرئن باشچيسي و اَخئلود اوغلو يِهوشافاط دا سالنامه‌چي ائدي.
شِوا مئرزه، صادوق و اِبياتار دا کاهئن ائدئلر،
ياعئرلي عئرا دا داوودون کاهئني ائدي.
داوودون دؤورونده اوچ ائل دالبادال قيتليق اولدو. داوود بونا گؤره ربدن مصلحت ائسته‌دي. رب ددي: "بو قيتليق شاعول و اونون قان تؤکَن نسلئنه گؤرهدئر. چونکي او، گئبعونلولاري اؤلدوردو.»
پادشاه گئبعونلولاري چاغيردي و اونلارلا دانيشدي. (گئبعونلولار ائسرايئل اؤولادلاري ديئلدئلر. اِمورلولاردان صاغ قالان بئر خالق ائدئلر کي، ائسرايئللی‌لر اونلارلا عهد باغلاميشديلار. لاکئن شاعول ائسرايئل و يهودايا اولان قيرتي اوزوندن اونلاري يوخ اتمه‌يه جَهد اتمئشدي.)
داوود گئبعونلولارا ددي: "سئزئن اوچون من نه اده بئله‌رم؟ ادئلن بو گوناهي نه ائله تمئزليه بئله‌رم کي، سئز ربّئن ائرثئنه برکت ورهسئنئز؟"
گئبعونلولار اونا ددئلر: "شاعوللا اونون نسلئندن قيزيل-گوموش ائسته‌مک فئکرئنده ديئلئک. ائسرايئلده بئرئني اؤلومه ورمک ده بئزئم ائختئياريميزدا ديئل." داوود ددي: "سئز نه دئيهسئنئز، اونو اده‌رم."
اونلار پادشاها ددئلر: "بئزي قيريب محو ادن و ائسرايئل اراضئسئنده قالماماق اوچون بئزه قصد قوران آدامين اؤولادلاريندان
يدّي نفر بئزه ورئلسئن. بئز ده ربّئن سچدئيي شاعولون گئبعا شهرئنده، اونلاري ربّئن حوضوروندا آساجاغيق." پادشاه ددي: "من اونلاري سئزه ورهرم."
لاکئن پادشاه شاعول اوغلو يوناتان اوغلو مِفئبوشِتي اونلارين اَلئنه ورمه‌دي، چونکي ربّئن حوضوروندا شاعول اوغلو يوناتانا آند ائچمئشدي.
بلجه پادشاه اَيّا قيزي رئصپانين ائکي اوغلونو يعني شاعولدان دوغدوغو اَرموني ائله مِفئبوشِتي، بئر ده شاعولون قيزي مِرابين مِخولالي بَرزئل‌له‌ي اوغلو عَدري‌اِلدن دوغدوغو بش اوغلونو گؤتوردو
و اونلاري گئبعونلولارا تسلئم اتدي. گئبعونلولار اونلاري ربّئن حوضوروندا، داغين اوستونده آسديلار و يدّئسي ده بئرلئکده اؤلدو. اونلار بئچئن واختينين ائلک گونلرئنده، آرپا بئچئني باشلانيشيندا اؤلدورولدولر.
اَيّانين قيزي رئصپا چول گؤتوروب اؤزو اوچون بئر قايا اوستونه سَردي. بئچئن مؤوسومونون باشلانيشيندان ياغيش مؤوسومونه‌جک رئصپا اورادا قاليب اونلارين ميئتلرئني گوندوز گؤيدهکي قوشلاردان، گجه ده وحشي حيوانلاردان قورودو.
شاعولون جارئيه‌سي اَيّا قيزي رئصپانين اتدئيي بو ائشي داوودا خبر وردئلر.
داوود گدئب شاعولون سوموکلرئني و اوغلو يوناتانين سوموکلرئني يابِش‌گئلعاد اهالئسئندن آلدي. فئلئسطلی‌لر گئلبوعا‌دا شاعولو اؤلدوردوکلري گون اونلارين جسدلرئني بِيت‌شِه‌آن ميدانيندا آسميشديلار، يابِش- گئلعاد اهالئسي ده گلئب جسدلري اورادان اوغورلاميشديلار.
داوود شاعولون و اوغلو يوناتانين سوموکلرئني گتئرتدي و آسيلانلارين دا سوموکلرئني ييغديلار.
اونلار شاعولون و اوغلو يوناتانين سوموکلرئني بِنيامئن تورپاغيندا، شِلاعدا، شاعولون آتاسي قئشئن مقبره‌سئنده باسديرديلار، پادشاهين اونلارا امر اتدئيي هر شيه عمل اتدئلر. بوندان سونرا تاري اؤلکه اوچون دوعالاري قبول اتدي.
گئنه فئلئسطلی‌لرئن ائسرايئللیلرله دؤيوشو اولدو. داوود آداملاري ائله بئرلئکده دؤيوشه گتدي. اونلار فئلئسطلی‌لرله دؤيوشَرکَن داوود يورولدو.
رافا اؤولادلاريندان يئشبي‌بِنوب بو نئيّتده ائدي کي، داوودو اؤلدورسون. اونون نئزه‌سئنئن باشي اوچ يوز شِکِل آغيرليغيندا بورونجدن ائدي و بِلئنه تزه قيلينج باغلاميشدي.
لاکئن صِرويا اوغلو اَبشه‌ي داوودون کؤمه‌يئنه چاتدي و بو فئلئسطلئني ووروب اؤلدوردو. او زامان داوودون آداملاري اونا آند ائچئب ددئلر: "بئر داها سن بئزئمله برابر دؤيوشه چيخما کي، ائسرايئلئن چيراغيني سؤندورميه‌سن."
بوندان سونرا گئنه فئلئسطلی‌لرله گوبدا دؤيوش اولدو. او زامان خوشالي سئبّه‌که‌ي، رافا اؤولادلاريندان صَفي اؤلدوردو.
گئنه فئلئسطلی‌لرله گوبدا دؤيوش اولدو و بِيت‌لِخِملي يَعرِه‌اورِگئمئن اوغلو اِلخانان، گَتلي گولياتي اؤلدوردو. گولياتين نئزه‌سئنئن ساپي توخوجو دَزگاهينين اَرئش آغاجي بويدا ائدي.
گَتده گئنه موحارئبه باش وردی. اورادا اوجابوي بئر آدام وار ائدي کي، او دا رافا اؤولادلاريندان ائدي. بو آدامين اَللري و آياقلاري آلتي بارماقلي ائدي؛ ائيئرمي دؤرد بارماغي وار ائدي.
او، ائسرايئله ميدان اوخودو. اونو داوودون قارداشي شئمعا اوغلو يوناتان اؤلدوردو.
بو دؤرد کئشي رافا اؤولادلاريندان اولوب گَتده دوغولموشدولار. اونلار داوودون و اونون آداملارينين اَلي ائله قيريلديلار.
رب داوودو بوتون دوشمنلرئنئن و شاعولون اَلئندن قورتاراندا، داوود بو نغمه‌نئن سؤزلرئني ربّه ددی؛
او بله اوخودو: "منئم قايام، منئم قالام، منئم قورتاريجيم ربدئر.
تاريم قايامدير، اونا پناه آپاريرام، اودور قالخانيم، گوجلو خئلاصکاريم، بورجوم، سيغيناجاق يِرئم. خئلاصکاريم؛ سن منی قدّارليق اَلئندن قورتاريرسان!
حمدلره لايئق اولان ربّی چاغيريرام، دوشمنلرئمدن خئلاص اولورام.
اؤلوم شپهلري اطرافيما دولاشدي، هلاکت سل‌لري منی قورخوتدو.
اؤلولر دئيارينين ائپلري اطرافيما ساريلدي، اؤلوم تله‌لري قاباغيما چيخدي.
سيخينتيم ائچئنده ربّی چاغيرديم، تاريما يالوارديم. او، معبدئندن سَسئمي اشئتدي، کؤمک ائسته‌ين فرياديم اونون قولاغينا يتئشدي.
او زامان ير لرزهيه دوشدو، تئترهدي، گؤيلر پايالاريندان اسئردئلر، تئتره‌يئردئلر، چونکي او قضبلَنمئشدي.
اونون بورنوندان دومان قالخدي، آغزيندان يانديريب ياخان اود چيخدي، کؤز کؤمورلر اوندان توتوشدولار.
رب، گؤيلري ياريب اِندي. قارا بولودلار اونون آياقلاري آلتيندا ائدئلر.
رب کَرّوبا مئنئب اوچدو، يِل قانادلاري اوستونده گؤروندو.
اطرافيني ظولمته بورودو، سولارين ييغينيني، گؤيون قارا بولودلاريني.
اونون پاريلدايان حوضوروندان اودلو کؤزلر دوشوب آلوولاندي.
رب گؤيدن گورلادي، اوجالاردا اولانين سَسي سَسلَندي.
اوخلاريني آتيب اونلاري داغيتدي، شئمشه‌يئني چاخديريب اونلاري سَرسَم اتدي.
ربّئن تَنبِهئندن، بورنونون نفسئنئن ووروشوندان، دهنزلرئن دئبي گؤروندو، دونيانين بونؤورهلري آچيلدي.
رب اوجالاردان اَلئني اوزاديب منی توتدو، منی او درئن سولاردان چيخارتدي.
قودرتلي دوشمنئمدن منی قورتاردي؛ مندن نئفرت ادنلردن کي، اونلارا گوجوم چاتميردي.
بلالي گونومده ضئدّئمه قالخديلار، لاکئن رب منه داياق اولدو.
منی گِنئشلئيه چيخارديب قورتاردي، چونکي مندن خوشلاندي.
رب صالحلئيئمه گؤره اجرئمي ورئب، اَللرئمئن پاکليغينين موطابئقئنده منه عوض ورئب.
چونکي ربّئن يوللاريني توتموشام، تاريما عوصيان اتمهمئشم.
اونون هامي حؤکملرئني قاباغيما قويموشام، اونون امرلرئنئن ائطاعتئندن چيخماميشام.
اونون گؤزونون قاباغيندا کاماللا ياشاميشام، اؤزومو تقصئردن ساخلاميشام.
رب صالحلئيئمه گؤره، گؤزونون قاباغيندا تمئزلئيئمئن موطابئقئنده منه عوض ورئب.
سنه وفالي قالانا، اؤزونو وفالي گؤرسدئرسن، کاماللا ياشايان آداما، اؤزونو کامئل گؤرسدئرسن.
پاک آداما اؤزونو پاک گؤرسدئرسن، لاکئن اَيري آدامين قاباغيني آليرسان.
فاغير آداملارا نئجات ورئرسن، لووغالارا گؤز قويورسان، اونلاري آلچالديرسان.
يارب، سن منئم چيراغيمسان، قارانليغيمي ائشيغا دؤنده‌رن، رب تاريمدير.
سنئنله بئر قوشونو اَزه‌رم، تاريملا دووار اوستوندن اوچارام.
تارينين يولو کامئلدئر، ربّئن سؤزو خالئصدئر، رب اونا پناه گتئرن هرکسه قالخاندير.
ربدن باشقا تاري کئمدئر؟ بئزئم تاريدان ساوايي قايا کئمدئر؟
تاري قالامدير، منئم يولومو او، کامئل ادئر.
آياقلاريمي مارال آياقلاري کئمي ادئر، اوجا يرلرده منی برک دوردورور.
اَللرئمه دؤيوشمک اوچون تعلئم ورئر، قوللاريم بورونج کاماني دا اَيئر.
سن منه نئجاتينين قالخانيني ورئبسن، عئنايتئن منی بؤيوک ادئب.
آتديغيم قدملرئن يرئني گِنئشلَتدئن کي، آياقلاريم سوروشمه‌سئن.
دوشمنلرئمي قووالاديم، اونلاري قيرديم، اونلار محو اولاناجاق، گری قاييتماديم.
اونلاري اَزئب قورتارديم، اله کي، قالخا بئلمه‌دئلر، اونلار آياقلاريمين آلتينا دوشدولر.
موحارئبه اوچون منی قووّته سئلاحلانديران سنسن؛ منه ضئدّ اولانلاري آياغيمين آلتينا سالدين،
دوشمنلرئمئن آرخاسيني منه دؤنده‌ردئن، مندن نئفرت ادنلري محو اتدئم.
کؤمک اوچون باغيرديلار، لاکئن اونلارين دادينا يِتئشَن هچ کس يوخ ائدي، ربّی چاغيرديلار، لاکئن اونلارا جاواب ورمه‌دي.
سونرا اونلاري يرده‌کي توز کئمي داغيتديم، کوچهلرئن پالچيغي کئمي تاپدالاديم.
خالقيمين چکئشمه‌سئندن منی قورتاريبسان، مئلّتلره منی ريئس قويوبسان، اله کي، تانيماديغيم خالق دا منه قوللوق ادئر.
ياداِلّي‌لر منه بويون اَيئرلر. سَسئمي اشئدنده مندن ائطاعت ادئرلر.
اورکلري اوزولور، قالالاريندان تئتره‌يه-تئتره‌يه اشئيه چيخيرلار.
رب دئري‌دئر، منئم قاياما حمد اولسون! قورتولوش قايام، منئم تاريم اوجالسين!
ائنتئقاميمي آلان تاريدير، خالقلاري منه موطئع ادن، اودور.
او منی دوشمن ائچئندن چيخاردير، ضئدّئمه قالخانلاردان منی چوخ اوجالديبسان، قدّار آدامدان منی خئلاص ادئبسن.
اونا گؤره ده، يارب، مئلّتلر آراسيندا سنه شوکر ادئرم، سنئن آدينا پرستئش نغمهلري اوخوياجاغام.
رب پادشاهينا بؤيوک ظفرلر ورئر، مسح اتدئيئنه سِوگي گؤرسدئر. داوودا و اونون نسلئنه، ابده کئمي."
داوودون آخير سؤزلري بونلاردير: يَسّه اوغلو داوود ديئر! تارينين اوجالتديغي آدام، يعقوبون تاريسينين مسح اتدئيي، ائسرايئلئن شئرئن مزمور شاعئري بله ديئر:
ربّئن روحو منئم واسئطَمله ددی؛ اونون سؤزو دئلئمئن اوستونده ائدي.
ائسرايئلئن تاريسي بله ددی، ائسرايئلئن قاياسي منه بله ددی: ائنسانلار اوستونده دوغرولوقلا حؤکم سورَن آدام، تارينين قورخوسو ائله حؤکم سورَن آدام،
بولودسوز گؤيده، گون دوغارکَن صوبح شفقي کئمئدئر؛ شوعاسي ياغيشدان سونرا يردن تزه اوت بئتئرئر.
مگر منئم اِوئم تاري ائله بله ديئل؟ چونکي او منئمله ابدی عهد باغلاييب، کامئل و تام تأمئناتلي عهد باغلاييب، مگر قورتولوشومو، مگر آرزومو تام حياتا کچئرتمز؟
بوتون دَيَرسئز آداملار تئکانلار کئمي آتيلاجاقلار، چونکي اونلاري هچ کئم اَلئنده توتا بئلمز.
لاکئن اونلارا توخونانلار دمئرله، نئزه ساپي ائله سئلاحلانمالي‌ديرلار. دَيَرسئزلر يِرئنده‌جه کامئل يانديريلاجاقلار.
داوودون ائگئد دؤيوشچولرئنئن آدلاري بلهدئر: تَخکِمونلو يوشِب‌بِشّبِت، اوچ ائگئدئن باشچيسي ائدي. او، نئزه‌سئني قالديريب بئر هوجومدا سکّئز يوز نفري ووروب اؤلدورموشدو.
اوندان سونرا اَخوخ نسلئندن دودو اوغلو اِلعازار ائدي. او، دؤيوش اوچون اورادا ييغيلان فئلئسطلی‌لره ميدان اوخوناندا، داوودون يانينداکي اوچ ائگئددن بئري ائدي. ائسرايئللی‌لر دؤيوش ميدانيندان گِرئيه چکئلَنده
اِلعازار مؤحکم داياندي و قيلينج چکئب اَللري طاقتدن دوشَنه قدر فئلئسطلی‌لري قيردي و قيلينج اَلئنه ياپيشدي. رب او گون ائسرايئللیلره بؤيوک ظفر وردی. ائسرايئللی‌لر اونون دالينجا آنجاق تالان مالي گؤتورمک اوچون قاييتديلار.
اوندان سونرا هارارلي آگِه اوغلو شَمّا ائدي. فئلئسطلی‌لر مَرجئمَک اَکئلن بئر زمي ساحه‌سئنئن يانيندا ييغيلميشديلار. خالق فئلئسطلی‌لرئن قاباغيندان قاچدي.
لاکئن شَمّا زمئنئن اورتاسيندا دوروب اوراني قورودو و فئلئسطلی‌لري قيردي. رب ائسرايئللیلره بؤيوک بئر ظفر وردی.
بئچئن زاماني اوتوز باشچي آراسيندان "اوچ ائگئد" داوودون يانينا، عَدولّام ماغاراسينا گتدئلر. بو واخت فئلئسطلی‌لرئن بئر دؤيوش دستهسي رِفاعئم دره‌سئنده اوردوگاه قورموشدو.
بو زامان داوود قالادا ائدي. فئلئسطلی‌لرئن بئر کشئکچي دستهسي ده بِيت‌لِخِمده ائدي.
داوود حسرت چکه‌رک ددي: "کاش کي، بئري بِيت‌لِخِم دروازاسي يانينداکي قويودان منه ائچمک اوچون سو گتئرَيدي!"
بونا گؤره بو "اوچ ائگئد" فئلئسطلی‌لرئن اوردوگاهيني ياريب، دروازانين يانيندا اولان بِيت‌لِخِم قويوسوندان سو چکدئلر و اونو گؤتوروب داوودا گتئردئلر. لاکئن داوود ائستمه‌دی کی، بو سويو ائچسئن و اونو ربّه تقدئم اولاراق يره تؤکدو.
و ددي: "يارب، بونو اتمک مندن ائراق اولسون، مگر من بو آداملارين قانيندان کی، گدئب جانلاريني خطره سالديلار، ائچه‌جيم؟" بونا گؤره ده ائستمه‌دی کی، بو سويو ائچسئن. بونلاري او "اوچ ائگئد" اتمئشدي.
يوآبين قارداشي صِرويا اوغلو اَبشه‌ي او اوتوزون باشچيسي ائدي. او، نئزه‌سئني اوچ يوز نفرئن ضئدّئنه قالديريب اونلاري قيردي. بونا گؤره اونون دا آدي اوچ ائگئدئن آدي قدر شؤهرتلندي.
اصلئنده او، اوتوز نفرئن لاپ شؤهرتلئسي ائدي. بونا گؤره ده اونلارا باشچي اولدو. لاکئن او اوچ ائگئده يتئشمه‌دي.
يِهوياداع اوغلو بِنايا دا ائگئد آدام ائدی و بؤيوک ائشلر گؤرموشدو. او، قَبصِه‌اِلدن گلمئشدي. بِنايا موآبلي اَري‌اِلئن ائکي اوغلونو اؤلدوردو. او، قارلي گونده چوخورا اِنئب بئر شئر اؤلدوردو.
او هم ده قد-قامتلي بئر مئصئرلئني ووروب اؤلدوردو. مئصئرلئنئن اَلئنده نئزه وار ائدي. بِنايا اونون اوستونه دَيَنَکله گتدي و مئصئرلئنئن اَلئندن نئزه‌سئني چکئب آلدي، اونو اؤز نئزه‌سي ائله اؤلدوردو.
بونلاري يِهوياداع اوغلو بِنايا اتدي. بونا گؤره ده اونون "اوچ ائگئد" قدر شؤهرتي وار ائدي.
او، "اوتوز ائگئد" آراسيندا مَشهور ائدي، لاکئن او اوچ ائگئده يتئشمزدي. داوود اونو اؤز کشئکچئلرئنه باشچي قويدو.
اوتوز ائگئدئن آراسيندا اولانلار: يوآبين قارداشي عَساهِل، بِيت‌لِخِملي دودو اوغلو اِلخانان،
خَرودلو شَمّا و اِلئقا،
پَلَطلي خِلِص، تِقوعَعلي عئقّش اوغلو عئرا،
عَناتوتلو اَبئعِزِر، خوشالي مِبونّه‌ي،
اَخوخلو صَلمون، نِطوَفالي مَهره‌ي،
نِطوَفالي بَعَنا اوغلو خِلِب، بِنيامئن اؤولادلاريندان گئبعالي رئبه‌ي اوغلو ائتّه‌ي،
پئرعاتونلو بِنايا، گاعَش دره‌لرئندن هئدّه‌ي،
عَربالي اَبي عَلبون، بَرخوملو عَزماوِت،
شَعَلبونلو اِليَخبا، ياشِنئن اوغوللاري، يوناتان،
هَرارلي شَمّا، اَرارلي شارار اوغلو اَخئآم،
مَعَکالي اَخَسبه‌ي اوغلو اِلئفِلِط، گئلو‌لو اَخئتوفِل اوغلو اِلئعام،
کَرمِل‌لي خِصره‌ي، اَرَ‌بلي پَعه‌ره‌ي،
صوبالي ناتان اوغلو يئگال، جادلي باني،
عَمّونلو صِلِق، صِرويا اوغلو يوآبين سئلاحداري اولان بِعِروتلو نَخره‌ي،
يَتّئرلي عئرا و يَتّئرلي گارِب،
خئتلي اورئيا. هاميسي بئرلئکده اوتوز يدّي نفر ائدئلر.
ربّئن قضبي گئنه ائسرايئلئن ضئدّئنه آلوولاندي و داوودو اونلارين ضئدّئنه تحرئک ادئب ددي: "گت، ائسرايئللیلرله يهودالي‌لاري ساي."
پادشاه يانينداکي قوشون باشچيسي يوآبا ددي: "ائندي داندان بئرشئباعا قدر ائسرايئلئن بوتون قبئلهلري آراسيندا دولانين و خالقي سئياهييا آلين کي، ساييني بئلئم."
لاکئن يوآب پادشاها ددي: "قوي تارين رب بو خالقا اولدوقلاريندان يوز قات چوخ آرتيرسين و آغام پادشاه بونو گؤزلري ائله گؤرسون. آمّا نئيه بله شيلر آغام پادشاهين خوشونا گلئر؟"
لاکئن پادشاهين سؤزو يوآبا و اونون قوشون باشچيلارينا قالئب گلدي. بلجه يوآبلا قوشون باشچيلاري پادشاهين حوضوروندان چيخديلار کی، ائسرايئل خالقيني سئياهييا آلسينلار.
اوردون چاييني کچدئلر و يَعزِره باخان عَروعِرده دوشَرگه سالديلار، يعني جاد درهسئنئن اورتاسيندا اولان شهرئن صاغ طرفئنده.
سونرا گئلعادا و تَختئم‌خودشي تورپاغينا گتدئلر و دان‌‌يَعه‌ني کچئب صئدونا چاتديلار.
سور قالاسينا و خئولی‌لرله کَنَعانليلارين بوتون شهرلرئنه يتئشئب، نهايت، يهودانين جنوبوندا اولان بئرشئباعا گلدئلر.
بوتون اؤلکهني دولانديلار و دوقّوز آي ائيئرمي گون کچندن سونرا اورشلئمه قاييتديلار.
يوآب خالقين سئياهيسيني پادشاها وردی. ائسرايئلده قيلينج چکن سکّئز يوز مئن ائگئد، يهودادا دا بش يوز مئن ائگئد وار ائدي.
لاکئن خالقي ساياندان سونرا، داوود وئجدان عذابينا دوشدو. بونا گؤره ده ربّه ددي: "بو ائشي گؤرمکله بؤيوک گوناه اتمئشم. آمّا ائندي، يارب، يالواريرام، قولونون بو تقصئرئندن کچ، چونکي چوخ آغيلسيزليق اتمئشم."
او گونون صاباحي سحر آچيلاندا، ربّئن سؤزو داوودون گؤروجوسو جاد پيغمبره گلدي. رب ددي:
"گت، داوودا دِه کي، رب بله ديئر: «سنئن قاباغينا اوچ شي قويورام، اؤزون اوچون بونلارين بئرئني سچ کي، سنه ادئم.»"
جاد داوودون يانينا گلئب بونو اونا بئلدئردي: "سنئن اؤلکَنده يدّي ائل آجليق اولسون، يوخسا سني تعقئب ادن دوشمنلرئن قاباغيندا اوچ آي قاچاسان، يا دا اؤلکَنده اوچ گون وبا اولسون؟ ائندي ياخشي فئکئرلَش و قرار ور، منی گؤنده‌رنه من نه جاواب ورئم؟"
داوود جادا ددي: "من چوخ پرئشانام. قوي ائندي ربّئن اَلئنه دوشَک، چونکي اونون رحمي چوخدور. لاکئن قويما من ائنسان اَلئنه دوشوم."
بلجه رب صاباحدان تعيئن اولونان واختا قدر ائسرايئلئن اوستونه وبا گؤندردي. داندان بئرشئباعا قدر خالقدان يتمئش مئن نفر اؤلدو.
خالقي هلاک ادن مَلَک اورشلئمي محو اتمک اوچون اورايا طرف اَلئني اوزاداندا، رب وره‌جيی بلادان واز کچئب مَله‌يه ددي: "بسدئر، اَل ساخلا!" ربّئن مَله‌يي يِبوسلو اَرَونانين خرمنئنئن يانيندا ائدي.
داوود، خالقي قيران مَله‌يي گؤرن زامان، ربّه ددي: "باخ، گوناه ادن منم، من تقصئرکارام. بس بو قويونلار نه ادئب؟ قوي سنئن اَلئن منئم و آتا نسلئمئن ضئدّئنه قالخسين."
او گون جاد داوودون يانينا گلئب ددي: "چيخ، يِبوسلو اَرَونانين خرمنئنده ربّه بئر قوربانگاه دوزلت."
جادين سؤزو ائله داوود، ربّئن امر اتدئيي کئمي چيخدي.
اَرَونا آشاغي باخيب گؤردو کي، پادشاهلا اعيانلاري اونا طرف گلئرلر. باييرا چيخيب پادشاهين قاباغيندا يره قدر تعظئم اتدي.
سونرا اَرَونا ددي: "نه اوچون آغام پادشاه بو قولونون يانينا گلئب؟" داوود ددي: "ربّه قوربانگاه قورماق اوچون سندن بو خرمنئني ساتين آلماغا گلدئم کي، خالقين اوستونه گلن وبا دايانسين."
اَرَونا داوودا ددي: "قوي آغام پادشاه، گؤزونه خوش گؤرونه‌ني گؤتورسون و ربّه تقدئم اتسئن. باخ يانديرما قورباني اوچون اؤکوزلر، يانديرماغا اودون يرئنه وَللر و اؤکوزلرئن يوغلاري.
ای پادشاه، اَرَونا بونلارين هاميسيني سنه ورئر." اَرَونا پادشاها گئنه ددي: "قوي تارين رب سندن قبول اتسئن."
لاکئن پادشاه اَرَونايا ددي: "بله يوخ، آمّا سندن بونو قطعن قئيمت قويوب ساتين آلاجاغام. چونکي من هاوايي مالي تاريم ربّه يانديرما قورباني ورمه‌رم." بلجه، داوود خرمنی و اؤکوزلري اَلّي شِکِل گوموشه ساتين آلدي.
داوود اورادا ربّه بئر قوربانگاه دوزَلدئب يانديرما قوربانلاري و باريش قوربانلاري تقدئم اتدي. رب اؤلکه اوچون ادئلَن دوعالاري قبول اتدي و ائسرايئلئن اوستونه گلن وباني دايانديردي.
داوود پادشاه قوجاليب ياشلانميشدي؛ اونون اوستونو اؤرتوکلرله نه قدر اؤرتوردولر، گئنه ده قيزيشميردي.
بونا گؤره اعيانلاري اونا ددئلر: "قوي آغاميز پادشاه اوچون جاوان باکئره بئر قيز آختارسينلار. قوي او، پادشاهين يانيندا قاليب اوندان پرستارليق اتسئن. و قوينوندا ياتسين کي، آغاميز پادشاه قيزيشسين."
اونلار ائسرايئلئن بوتون اراضئسئنده گؤزل بئر قيز آختارديلار و شونِملي اَبئشَگي تاپيب پادشاهين يانينا گتئردئلر.
قيز چوخ گؤزل ائدي. او، پادشاهين پرستاري اولوب اونا خئدمت اتدي، آمّا پادشاه اونونلا ياخينليق اتمهدي.
داوودون خَگّئتدن اولان اوغلو اَدونئيا "من پادشاه اولاجاغام" ديئب اؤزونو اوجالتدي. او اؤزو اوچون دؤيوش عارابالاري، آتليلار و اَلّي نفر حاضيرلادي کي، قاباغيندا قاچسينلار.
آتاسي هچ واخت اونا آجيقلانيب دمه‌مئشدي کی، "نئيه بله ادئبسن؟" اَدونئيا چوخ ياراشيقلي ائدي. او، اَبشالومدان سونرا دونيايا گلمئشدي.
اَدونئيا صِرويا اوغلو يوآب و کاهئن اِبياتارلا اَلبئر اولدو، اونلار دا اَدونئيايا کؤمک اتدئلر.
آمّا کاهئن صادوق، يِهوياداع اوغلو بِنايا، پيغمبر ناتان، شئمعي، رِيعي و داوودون جنگاورلري اَدونئيانين طرفئنده ديئلدئلر.
اَدونئيا عِين‌روگِلئن ياخينليغينداکي زوخِلِت قاياسيندا قويون، اؤکوز و بَسلَنمئش حيوانلار قوربان کسدي. بوتون قارداشلاريني، يعني پادشاهين اوغوللاريني و پادشاها قوللوق ادن بوتون يهودالي‌لاري چاغيردي،
آمّا پيغمبر ناتاني، بِناياني، جنگاورلري و قارداشي سوليماني چاغيرمادي.
او واخت ناتان سوليمانين آناسي بَتشِبَعدن سوروشدو: "مگر اشئتمه‌يئبسن کي، خَگّئت اوغلو اَدونئيا آغاميز داوودون خبري اولمادان پادشاه اولوب؟
ائندي گل، قوي سنه مصلحت ورئب هم سنئن هم ده اوغلون سوليمانين جانيني حئفظ ادئم:
درحال داوود پادشاهين يانينا گت و اونا دِه: "ای آغام پادشاه! مگر بو کنئزئنه آند ائچئب دِمه‌دئن کي، ‹مندن سونرا اوغلون سوليمان قطعن پادشاه اولاجاق و تختئمده او اوتوراجاق›؟ بس اوندا نه اوچون اَدونئيا پادشاه اولوب؟»
باخ، سن اورادا پادشاهلا دانيشارکن من سندن سونرا گلئب، سؤزلرئني تصدئق ادهجيم."
بَتشِبَع اوتاغا، پادشاهين يانينا گتدي. پادشاه چوخ قوجالميشدي و شونِملي اَبئشَگ اونا خئدمت ادئردي.
بَتشِبَع پادشاهين قاباغيندا دئزه دوشوب تعظئم اتدي. پادشاه ددي: "نه ائستهيئرسن؟"
بَتشِبَع اونا ددي: "منئم آغام! بو کنئزئنه تارين ربّئن حاقّي اوچون آند ائچئب ددئن کي، «مندن سونرا اوغلون سوليمان قطعن پادشاه اولاجاق و تختئمده او اوتوراجاق.»
ائندي باخ، آغام پادشاه، اَدونئيا پادشاه اولوب و سنئن بوندان خبرئن يوخدور.
او، چوخلو اؤکوز، بَسلَنمئش حيوان و قويون-کچي قوربان کسئب و پادشاهين بوتون اوغوللاريني، کاهئن اِبياتاري و قوشون باشچيسي يوآبي چاغيريب، آمّا قولون سوليماني چاغيرماييب.
آغام پادشاه، بوتون ائسرايئلئن گؤزو سندهدئر؛ سن اونلارا بئلدئرمه‌لي‌سن کي، آغام پادشاهدان سونرا تختئنده کئم اوتوراجاق.
يوخسا آغام پادشاه اؤلوب آتالاري ائله ياتديقدا، من و اوغلوم سوليمان موقصّئر ساييلاجاغيق."
بَتشِبَع حله پادشاهلا دانيشيردي کي، پيغمبر ناتان گلدي.
پادشاها خبر وردئلر: "پيغمبر ناتان بورادادير." ناتان پادشاهين حوضورونا گلدي و اوزو اوسته اَيئلئب تعظئم اتدي.
ناتان ددي: "آغام پادشاه! آيا ديئبسن کي، «مندن سونرا اَدونئيا پادشاه اولاجاق و تختئمده او اوتوراجاق؟»
اَدونئيا بو گون گدئب چوخلو اؤکوز، بَسلَنمئش حيوان و قويون قوربان کسئب و پادشاهين بوتون اوغوللاريني، قوشون باشچيلاريني و کاهئن اِبياتاري چاغيريب. باخ، اونلار اونون حوضوروندا يِيئب ائچئرلر و «ياشاسين پادشاه اَدونئيا!» ديئرلر.
آمّا من قولونو، کاهئن صادوقو، يِهوياداع اوغلو بِنايا و قولون سوليماني چاغيرماييبدير.
آيا بو ائش آغام پادشاهين امري ائله اولوب؟ و سن قوللارينا بئلدئرمه‌يئبسن کي، آغام پادشاهدان سونرا تختئنده کئم اوتوراجاق؟"
او واخت داوود پادشاه ددي: "بَتشِبَعي يانيما چاغيرين!" بَتشِبَع پادشاهين حوضورونا گلئب قاباغيندا دوردو.
پادشاه آند ائچئب ددي: "وار اولان ربّه کی، جانيمي بوتون دارليقلاردان قورتاريب، آند اولسون،
نجه سنئن اوچون ائسرايئلئن تاريسي ربّه آند ائچئب ددئم کي، «مندن سونرا اوغلون سوليمان پادشاه اولاجاق و منئم يرئمده تختئمده او، اوتوراجاق.» بونو بو گون حقئقتن يرئنه يتئره‌جيم."
بَتشِبَع پادشاهين قاباغيندا اوزو اوسته يره اَيئلئب تعظئم اتدي و ددي: "آغام داوود پادشاه ابدهجک ياشاسين!"
سونرا داوود پادشاه ددي: "کاهئن صادوقو، پيغمبر ناتاني و يِهوياداع اوغلو بِناياني منئم يانيما چاغيرين." اونلارين هاميسي پادشاهين حوضورونا گلدئلر.
پادشاه اونلارا ددي: "آغانيزين اعيانلاريني يانينيزا آلين و اوغلوم سوليماني منئم قاطيريما مئندئرئب گئخون بولاغينا اِندئرئن.
اورادا کاهئن صادوق و پيغمبر ناتان اونو ائسرايئلئن پادشاهي آديندا مسح اتسئنلر. کَره‌ناي چاليب ديئن: «ياشاسين پادشاه سوليمان!»
سونرا اونون دالينجا قالخين، او دا گلئب تختئمده اوتورسون، چونکي منئم يرئمه پادشاه اولاجاق. اونو ائسرايئل و يهودايا حؤکمدار تعيئن اتمئشم."
يِهوياداع اوغلو بِنايا پادشاها جاواب ورئب ددي: "آمئن! آغام پادشاهين تاريسي رب بله ديئر.
رب آغام پادشاها يار اولدوغو کئمي، سوليمانا دا يار اولسون و اونون تختئني آغام داوود پادشاهين تختئندن داها بؤيوک اتسئن."
کاهئن صادوق، پيغمبر ناتان، يِهوياداع اوغلو بِنايا، کِرِتلی‌لر و پِلِطلی‌لر آشاغي اِنئب سوليماني داوود پادشاهين قاطيرينا مئندئردئلر و اونو گئخونا قدر آپارديلار.
کاهئن صادوق عئبادت چاديريندان ياغ بوينوزونو گؤتوروب سوليماني مسح اتدي. کَره‌نايي چالديلار و بوتون جاماعات ددي: "ياشاسين پادشاه سوليمان!"
بوتون جاماعات اونون دالينجا قالخيب گتدئلر. اونلار نِي چالاراق اِله سِوئنئردئلر کي، سَسلرئندن ير تئتره‌يئردي.
اَدونئيا و اونونلا اولان بوتون قوناقلار يمکلرئني قورتاراندا بو سَسي اشئتدئلر. يوآب کَره‌ناي سَسئني اشئدنده ددي: "شهردن نئيه بله گورولتو گلئر؟"
او، سؤزونو قورتارماميش، بئردن کاهئن اِبياتارين اوغلو يوناتان گلدي. اَدونئيا اوندان سوروشدو: "گل، سن ائگئد آدامسان، ياخشي خبر گتئرَرسن."
يوناتان اَدونئيايا جاواب ورئب ددي: "يوخ، اله ديئل. آغاميز داوود پادشاه، سوليماني پادشاه ادئب.
پادشاه کاهئن صادوقو، پيغمبر ناتاني، يِهوياداع اوغلو بِنايانی، کِرِتلی‌لري و پِلِطلی‌لري ده سوليمانلا بئرلئکده گؤندرئب. اونلار دا اونو پادشاهين قاطيرينا مئندئرئبلر.
کاهئن صادوق و پيغمبر ناتان گئخوندا اونو پادشاه آديندا مسح ادئبلر و اورادان شادليقلا گدئبلر. بونا گؤره ده شهرده بله گورولتو وار. اشئتدئيئنئز سَس بودور.
سوليمان حتّا پادشاهليق تختئنده اوتوروب.
اوستهلئک پادشاهين اعيانلاري آغاميز داوود پادشاهين يانينا تبرئک اتميه گلئب ددئلر: «سنئن تارينين سوليمانين آديني سنئن آديندان داها بؤيوک، تختئني سنئن تختئندن داها اوجا اتسئن!» پادشاه دا ياتاغينين اوستونده اَيئلئب.
پادشاه بونو دا ديئب: «ائسرايئلئن تاريسي رب موبارک اولسون کي، بو گون حله گؤزلرئم گؤرَرکَن، تختئمده اوتوران بئر نفر ورئب!»"
اَدونئيانين بوتون قوناقلاري تشوئشه دوشوب قالخديلار و هر کس اؤز يولو ائله گتدي.
اَدونئيا سوليماندان قورخوردو. قالخيب گتدي و قوربانگاهين بوينوزلاريندان ياپيشدي.
بونو سوليمانا بئلدئرئب ددئلر: "اَدونئيا سوليمان پادشاهدان قورخور و قوربانگاهين بوينوزلاريندان ياپيشيب ديئر «قوي سوليمان پادشاه اوّلجه منه آند ائچسئن کي، بو قولونو قيلينج آغزينا ورميه‌جک.»"
سوليمان ددي: "اگر او، دَيَرلي آدام اولسا، باشيندان بئر توک بله، يره دوشمَز، لاکئن اگر اوندا بئر پئسلئک تاپيلسا، اؤله‌جکدئر."
سوليمان پادشاه آدام گؤندرئب اَدونئياني قوربانگاهدان دوشورتدو. او دا گلئب سوليمان پادشاها تعظئم اتدي. سوليمان اونا ددي: "اِوئنه گت!"
داوودون اؤلوم گونو ياخينلاشاندا، اوغلو سوليمانا وصئيّت ادئب ددي:
"بو ياخينلاردا من ده هامي کئمي دونيادان گده‌جيم. بونا گؤره مؤحکم و ائگئد اول.
تارين ربّئن طلب اتدئکلرئني يرئنه يتئر: اونون يولو ائله گت. اونون قايدالارينا، امرلرئنه، حؤکملرئنه و شهادتلرئنه، موسانين شرئعت کئتابيندا يازيلديغي کئمي، عمل ات کي، اتدئيئن هر ائشده و گتدئيئن هر يرده اوغور قازاناسان.
او واخت رب منه وردئيي بو سؤزو يرئنه يتئرهجک: «اگر اؤولادلارين اؤز يوللارينا دئقّت اتسهلر، بوتون اورکلري و جانلاري ائله منئم حوضورومدا حقئقتله يِرئسه‌لر، ائسرايئل تختئنده سنئن نسلئندن بئر کئشي اَسکئک اولماياجاق.»
سن صِرويا اوغلو يوآبين منه نه اتدئيئني ده بئلئرسن: ائسرايئل قوشونونون ائکي باشچيسي نِر اوغلو آبنِرله يِتِر اوغلو عَماساني اؤلدوروب، صولح زاماني حرب قاني تؤکدو و بِلئنده‌کي کمرله آياغينداکي چاريقلاري قانا بولاشديردي.
سن اؤز حئکمتئنه گؤره رفتار ات، قويما اونون آغارميش باشي اؤلولر دئيارينا سالامات ائچئنده اِنسئن.
لاکئن گئلعادلي بَرزئل‌له‌يئن اوغوللارينا محبّت ات، قوي سوفرَنده يمک يئيَنلر آراسيندا اولسونلار. چونکي من قارداشين اَبشالومون قاباغيندان قاچديغيم واخت، اونلار منه کؤمک اتدئلر.
باخ، بَخورئمدن اولان بِنيامئنلي گِرا اوغلو شئمعي سنئن يانيندادير. او ائدي کي، مَخه‌نايئمه گتدئيئم گون منه برک لعنت اتدي. لاکئن سونرا منی پئشواز اتمک اوچون اوردون چايينا گلنده، من اونا ربّئن حاقّي اوچون آند ائچئب ددئم: «سني قيلينجلا اؤلدورميه‌جيم.»
ائندي اونو جزاسيز قويما، چونکي سن حئکمتلي آدامسان و اونا نه اده‌جيئني بئلئرسن و اونون آغارميش باشيني قان ائچئنده اؤلولر دئيارينا اِندئرَرسن."
داوود اؤلوب آتالاري ائله ياتدي و داوودون شهرئنده باسديريلدي.
داوودون ائسرايئل اوستونه پادشاهليق اتمه‌سي قيرخ ائل سوردو: يدّي ائل خِبروندا و اوتوز اوچ ائل ده اورشلئمده پادشاهليق اتدي.
سوليمان، آتاسي داوودون تختئنده اوتوردو و اونون پادشاهليغي مؤحکم بئر شکئلده برقرار اولدو.
خَگّئت اوغلو اَدونئيا سوليمانين آناسي بَتشِبَعئن يانينا گتدي. بَتشِبَع اوندان سوروشدو: "آيا خيئرله گلئرسن؟" اَدونئيا جاواب وردی: "بلی."
سونرا ددي: "سنه دئيهجک سؤزوم وار." بَتشِبَع ددي: "دِه."
اَدونئيا ددي: "سن بئلئرسن کي، پادشاهليق منئم ائدي و بوتون ائسرايئل منئم پادشاه اولاجاغيمي گؤزله‌يئردي، آمّا هر شي دَيئشدي، پادشاهليق قارداشيمين اَلئنه کچدي، چونکي ربّئن طرفئندن اونون ائدي.
ائندي سندن بئر خاهئشئم وار، منه «يوخ» دِمه". بَتشِبَع اونا ددي: "دِه."
او ددي: "خاهئش ادئرم، سوليمان پادشاهلا دانيش، او سنه «يوخ» دِمَز، اونا ده کي، شونِملي اَبئشَگي منه آرواد اولماق اوچون ورسئن."
بَتشِبَع ددي: "ياخشي، من سنئن حاقّيندا پادشاهلا دانيشارام."
بَتشِبَع سوليمان پادشاهين يانينا گتدي کي، اَدونئيا بارهده اونونلا دانيشسين. پادشاه اونون پئشوازينا آياغا قالخدي و اونا تعظئم اتدي، سونرا تختئنه اوتوردو. پادشاه آناسي اوچون ده بئر تخت قويدوردو. او دا پادشاهين ساغيندا اوتوردو.
سونرا ددي: "منئم سندن کئچئک بئر خاهئشئم وار، منه «يوخ» دِمه." پادشاه اونا ددي: "سوروش آنام، من سنه «يوخ» دِمه‌رم."
بَتشِبَع ددي: "قوي شونِملي اَبئشَگ قارداشين اَدونئيايا آرواد اولماق اوچون ورئلسئن."
سوليمان پادشاه آناسينا جاواب ورئب ددي: "نئيه شونِملي اَبئشَگي اَدونئيا اوچون ائستهيئرسن؟ پادشاهليغي دا اونون اوچون ائسته، او منئم بؤيوک قارداشيمدير، اونا، کاهئن اِبياتارا، صِرويا اوغلو يوآبا!"
سوليمان پادشاه ربّئن حاقّي اوچون آند ائچئب ددي: "اگر اَدونئيا بو سؤزو اؤز حياتي باهاسينا دِمه‌مئشسه، تاري منه بله و بوندان بَتَرئني اتسئن.
ائندي منی مؤحکملَندئرئب آتام داوودون تختئنده اوتورتموش و ددئيي کئمي منه بئر اِو قورموش وار اولان ربّه آند اولسون کي، اَدونئيا قطعن بو گون اؤلدوروله‌جک!"
سوليمان پادشاه يِهوياداع اوغلو بِنايايا امر اتدي. بِنايا دا گدئب اَدونئياني ووردو و او اؤلدو.
پادشاه، کاهئن اِبياتارا ددي: "عَناتوتا، اؤز زَمئلرئنه گت! سن اؤلومه لايئقسن، آمّا بو گون سني اؤلدورميه‌جيم، چونکي سن آتام داوودون قاباغيندا پروردئگار ربّئن سانديغيني داشيدين و آتامين چکدئيي هر عذابي سن ده چکدئن."
بلجه سوليمان اِبياتاري ربّئن کاهئنلئيئندن قوودو. بونونلا دا ربّئن شئلودا عِلي اِوئنئن ضئدّئنه ددئيي سؤز يرئنه يتئشدي.
خبر يوآبا چاتدي. يوآب اَبشالوما قوشولماديغي حالدا، اَدونئيانين طرفئني توتموشدو. بونا گؤره ده او، ربّئن عئبادت چاديرينا قاچدي و قوربانگاهين بوينوزلاريندان ياپيشدي.
سوليمان پادشاها ددئلر کي، يوآب ربّئن عئبادت چاديرينا قاچيب و ائندي قوربانگاهين يانيندادير. سوليمان يِهوياداع اوغلو بِناياني گؤنده‌رئب ددي: "گت، اونو اؤلدور."
بِنايا ربّئن عئبادت چاديرينا گلئب يوآبا ددي: "چيخ! پادشاه بله ديئب!" يوآب ددي: "يوخ، بورادا اؤله‌جيم." بِنايايا پادشاها خبر گتئرئب ددي: "يوآب بله ددی و منه بو جاوابي وردی."
پادشاه اونا ددي: "اونون ددئيي کئمي ات؛ اونو اؤلدور و باسدير کي، يوآبين سببسئز تؤکدويو قانين تقصئرئني منئم و آتامين اِوي اوستوندن گؤتورهسن.
رب اونون قانيني اؤز باشينا دؤندره‌جک، چونکي او اؤزوندن داها صالح و داها ياخشي اولان ائکي نفري قيلينجلا ووردو: آتام داوودون خبري اولمادان ائسرايئل قوشونونون باشچيسي نِر اوغلو آبنِرله يهودا قوشونونون باشچيسي يِتِر اوغلو عَماساني اؤلدوردو.
بلجه اونلارين قاني همئشهلئک يوآبين و اونون نسلئنئن اوستونده قالاجاق، لاکئن رب داوودا، اونون نسلئنه، اِوئنه و تختئنه ابدهجک اَمئن-آمانليق ورهجکدئر."
بلجه يِهوياداع اوغلو بِنايا گتدي و يوآبي ووروب اؤلدوردو و اونو چؤلدهکي اِوئنده باسديرديلار.
پادشاه يوآبين يرئنه يِهوياداع اوغلو بِناياني قوشون باشچيسي قويدو. اِبياتارين يرئنه ده کاهئن صادوقو تعيئن اتدي.
پادشاه شئمعئني چاغيرتديريب اونا ددي: "اورشلئمده اؤزونه بئر اِو تئک و اورادا ياشا، اورادان هچ يره گتمه.
اورادان چيخيب قئدرون دره‌سئني کچدئيئن گون، بئل کي، قطعن اؤله‌جکسن و قانين اؤز اوستونده قالاجاق."
شئمعي پادشاها ددي: "بو سؤز ياخشيدير، آغام پادشاه نجه ديئب، قولون دا اِله ادهجک." شئمعي اوزون مودّت اورشلئمده ياشادي.
اوچونجو ائلئن آخيريندا شئمعئنئن ائکي قولو گَت پادشاهي مَعَکا اوغلو اَکئشئن يانينا قاچديلار. شئمعئيه خبر گلدي کي، قوللاري گَتده‌دئر.
قالخيب اِششه‌يئني پالانلادي و قوللاريني آختارماق اوچون گَته، اَکئشئن يانينا گتدي. شئمعي گدئب قوللاريني گَتدن گتئردي.
شئمعئنئن اورشلئمدن گَته گدئب-گلمک خبري سوليمانا چاتدي.
پادشاه شئمعئني چاغيرتديريب اونا ددي: "ربّئن حاقّينا مگر سنه آند ائچدئرمه‌دئم کي، «چيخيب بئر يره گتدئيئن گون، بئل کي، قطعن اؤله‌جکسن؟» مگر بو بارهده سنه ائخطار ورمه‌دئم؟ مگر منه «اشئتدئيئم بو سؤز ياخشيدير» دمه‌دئن؟»
بس نئيه ربّه ائچدئيئن آندا و سنه وردئيئم امره عمل اتمه‌دئن؟"
سونرا پادشاه شئمعئيه ددي: "سن آتام داوودون ضئدّئنه اوره‌يئنده ساخلاديغين و اتدئيئن پئسلئيئن هاميسيني بئلئرسن. پئسلئيئني رب سنئن اؤز باشينا دؤندره‌جک.
لاکئن سوليمان پادشاه موبارک اولاجاق و داوودون تختي ربّئن حوضوروندا ابدهجک برقرار قالاجاق."
بلجه پادشاه يِهوياداع اوغلو بِنايايا امر اتدي، بِنايا دا گدئب شئمعئني ووردو و او، اؤلدو. بلجه، پادشاهليق سوليمانين اَلي ائله مؤحکملَندي.
سوليمان مئصئر پادشاهي فئرعونلا موتّفئق اولوب قيزيني آرواد آلدي. فئرعونون قيزيني داوودون شهرئنه گتئردي و اؤز ساراييني، ربّئن معبدئني و اورشلئمئن اطرافينداکي دوواري تئکئب قورتارانا قدر، اونو اورادا ساخلادي.
لاکئن خالق حله ده پرستئشگاهلاردا قوربان تقدئم ادئردئلر، چونکي او گونلره قدر ربّئن آدينا تئکئلمئش بئر معبد يوخ ائدي.
سوليمان ربّی سِوئردي و آتاسي داوودون قايدالارينا موطابئق ياشاييردي، آنجاق پرستئشگاهلاردا دا قوربان تقدئم ادئب، بوخور يانديريردي.
پادشاه قوربان تقدئمي اوچون گئبعونا گتدي، چونکي اورا پرستئشگاهلارين لاپ بؤيوکو ائدي. سوليمان او قوربانگاهدا مئن باش يانديرما قورباني تقدئم اتدي.
گئبعوندا رب سوليمانا گجه يوخوسوندا گؤروندو. تاري ددي: "نه ائستهيئرسن، سنه ورئم؟"
سوليمان ددي: "سن قولون آتام داوودا بؤيوک شفقت گؤرسدئبسن، چونکي او سنئن حوضوروندا صداقت، صالحلئک، و اورک دوغرولوغو ائله ياشادي. بو گون ده تختئنده اوتوران بئر اوغول ورمکله اونا اؤز بؤيوک مهرئبانليغيني ساخلاييبسان.
ائندي، يارب تاريم، بو قولونو آتام داوودون يرئنه پادشاه ادئبسن حال بو کي، من کئچئک بئر اوشاغام، نه ادئب-اتمه‌جيئمي بئلمئرم.
قولون سنئن سچدئيئن خالقين آراسيندادير؛ اله بؤيوک بئر خالق کي، ساييسيز-حسابسيزدير.
بونا گؤره منه اله بئر درّاکهلي اورک ور کي، ياخشي ائله پئسي آييرد ادئب سنئن خالقينا حؤکم اده بئلئم. چونکي سنئن بو بؤيوک خالقينا کئم حؤکم اده بئلر؟"
سوليمانين بو ائسته‌يي ربّئن گؤزونه خوش گلدي.
تاري اونا ددي: "چونکي بونو ائسته‌دئن و اؤزون اوچون اوزون عؤمور، وار-دؤولت، يا دا دوشمنلرئنئن جانيني ائستمه‌دئن، بونلارين يرئنه درّاکه ائسته‌دئن کي، عدالتي آييرد ادهسن،
باخ، من ائسته‌يئني يرئنه يتئرمئشم: باخ، سنه اله بئر حئکمتلي و درّاکهلي اورک ورمئشم کي، سنئن کئمئسي نه سندن اوّل اولموش، نه ده سندن سونرا اولاجاق.
سنه ائستمه‌دئيئني ده ورمئشم؛ هم وار-دؤولتي، هم ده جاه-جلالي. بله کي بوتون عؤمرون بويو پادشاهلار آراسيندا سنئن کئمئسي اولماياجاق.
اگر سن آتان داوود کئمي قايدالاريما و امرلرئمه عمل ادئب يوللاريملا گدهسن، او زامان عؤمرونو اوزاداجاغام."
سوليمان اوياندي. گؤردو کي، بو، بئر يوخو ائدي. اورشلئمه گلدي و ربّئن عهد سانديغينين قاباغيندا دوروب، يانديرما و باريش قوربانلاري تقدئم اتدي و بوتون اعيانلاري اوچون ضئيافت وردی.
بئر گون ائکي فاحئشه آرواد گلئب پادشاهين حوضوروندا دوردولار.
آروادلاردان بئري ددي: "آي آغام! من و بو آرواد بئر اِوده ياشاييريق. بو آرواد اِوده اولارکن بئر اوشاق دوغدوم.
دوغدوغوم گوندن اوچ گون سونرا بو آرواد دا بئر اوشاق دوغدو. اِوده فقط ائکئمئز ائدئک. بئزدن آيري هچ کس يوخ ائدي.
گجهنئن عرضئنده بو آروادين اوغلو اؤلدو، چونکي آرواد يوخودا اونون اوستونه دوشدو.
سنئن بو کنئزئن يوخودا ائکن، گجه ياريسي بو آرواد قالخيب اوغلومو يانيمدان گؤتوردو و اؤز قوينونا آليب، اؤلو اوغلونو منئم قوينوما قويدو.
سحر اوغلومو اَمئزدئرمک اوچون دوراندا گؤردوم کي، او اؤلوب. آمّا سحر دئقّتله باخاندا بئلدئم کي، بو منئم دوغدوغوم اوشاق ديئل."
سونرا او بئري آرواد ددي: "يوخ، صاغ اولان اوشاق منئم اوغلومدور و اؤلَن سنئنکي‌دئر." لاکئن بئرئنجي آرواد ددي: "يوخ، اؤلَن اوشاق سنئن اوغلوندور، صاغ اولان منئمکي‌دئر." پادشاهين حوضوروندا اونلار بلجه موباحئثه ادئردئلر.
او واخت پادشاه ددي: "بئري ديئر، صاغ اولان اوشاق منئم اوغلومدور، اؤلَن سنئنکي‌دئر؛ او بئري ده ديئر، يوخ! اؤلَن اوشاق سنئن اوغلوندور، صاغ اولان منئمکي‌دئر."
پادشاه ددي: "منه بئر قيلينج گتئرئن!" پادشاهين حوضورونا بئر قيلينج گتئردئلر.
پادشاه ددي: "صاغ اولان اوشاغي ائکي يره بؤلون، ياريسيني بئرئنه، ياريسيني دا او بئرئنه ورئن!"
اوغلو صاغ اولان آرواد، بالاسي اوچون اوره‌يي يانديغينا گؤره، پادشاها بله ددي: "آمان، آغام، صاغ اولان اوشاغي اونا ورئن، اوشاغي اؤلدورمه‌يئن." لاکئن او بئري ددي: "قوي نه اونون اولسون، نه منئم. بؤلون."
او واخت پادشاه ددي: "صاغ اولان اوشاغي بئرئنجي آروادا ورئن، اونو اؤلدورمه‌يئن، اوشاغين آناسي اودور."
بوتون ائسرايئللی‌لر پادشاهين وردئيي حؤکمو اشئدئب اونا چوخ حؤرمت اتدئلر، چونکي گؤردولر کي، عدالته عمل اتمک اوچون اوندا تارينين حئکمتي وار.
سوليمان پادشاه بوتون ائسرايئل اوستونده حؤکمران ائدي.
اعيانلاري بونلار ائدئلر: صادوق اوغلو عَزَريا کاهئن ائدي،
شئشانين اوغوللاري اِلئخورِف و اَخئيا مئرزه‌لر ائدئلر، اَخئلود اوغلو يِهوشافاط سالنامه‌چي ائدي،
يِهوياداع اوغلو بِنايا قوشون باشچيسي ائدي، صادوق و اِبياتار کاهئنلر ائدئلر،
ناتان اوغلو عَزَريا باش والي ائدي، کاهئن ناتان اوغلو زابود پادشاهين هم‌صؤحبتي ائدي،
اَکئشار ساراي ريئسي ائدي، عَبدا اوغلو اَدونئرام ائجباري ائشچئلر اوستونده نظارتچي ائدي.
سوليمانين بوتون ائسرايئل اوستونده اونائکي بؤلگه والئسي وار ائدي. اونلار پادشاهين و اونون سارايينين ارزاقيني تأمئن ادئردئلر؛ هر بئري ائلده بئر آيليق ارزاق گؤندرمه‌لي ائدي.
اونلارين آدلاري بلهدئر: اِفرايئمئن داغليق بؤلگهسئنده بِنخور؛
ماقَص، شَعَلبئم، بِيت‌شِمِش و اِيلون-بِيت-خانان بؤلگهلرئنده بِندِقِر؛
سوکو و بوتون خِفِر تورپاغينين دا عاييد اولدوغو اَروبّوت بؤلگهسئنده بِن‌خِسِد؛
بوتون طافَتئن دور بؤلگهسئنده سوليمانين قيزي طافَتئن اَري اولان بِن عَبئناداب؛
تَعنَک، مِگئدّو، يئزرِعِل آلتينداکي صارِته‌نئن يانيندا اولان بوتون بِيت-شِآن بؤلگهسئنده و بِيت-شِآندان آبِل‌مِخولايا، يوقمِعامين او بئري طرفئنه قدر اوزانان بؤلگه‌ده اَخئلود اوغلو بَعَنا؛
گئلعاددا اولان مِنَسّه اوغلو ياعئرئن کَندلرئنئن و باشاندا اولان اَرگوب اطرافيندا دووارلار و بورونج چفته‌لري ائله باغلانميش آلتميش بؤيوک شهرئن عاييد اولدوغو راموت-گئلعاد بؤلگهسئنده بِن‌گِبِر؛
مَخه‌نايئم بؤلگهسئنده عئدّو اوغلو اَخئناداب؛
نَفتالي تورپاغيندا اَخئمَعَص کي، سوليمانين قيزي باسِمَتي آرواد آلميشدي؛
آشِر تورپاغيندا و بِعالوت بؤلگهسئنده خوشاي اوغلو بَعَنا؛
يئسّاکار تورپاغيندا پارواَخ اوغلو يِهوشافاط؛
بِنيامئن تورپاغيندا اِلا اوغلو شئمعي؛
گئلعاد تورپاغيندا اوري اوغلو گِبِر. بو بؤلگه کچمئشده اِمورلولارين پادشاهي سئخونا و باشان پادشاهي عوگا عاييد ائدي. گِبِر يهودا بؤلگه‌سئنئن تَک والئسي وار ائدي.
يهوداليلار و ائسرايئللی‌لر دهنز ساحئلئندهکي قوم قدر چوخ ائدئلر. اونلار يِيئب-ائچئب و خوشبخت ياشاييرديلار.
سوليمان فَرات چاييندان فئلئسطلی‌لرئن تورپاغينا و مئصئر سرحدئنه قدر بوتون پادشاهليقلار اوستونده حؤکمرانليق ادئردي. اونلار سوليمانين عؤمرو بويو خراج وردئلر و اونا قوللوق اتدئلر.
سوليمانين سارايينين گوندهلئک ارزاقي بونلاردان عئبارت ائدي: اوتوز کور نارين اون و آلتميش کور کَپَکلي اون،
اون باش بَسلَنمئش اؤکوز، ائيئرمي اوتلاق اؤکوزو، يوز قويون-کچي، مارال، جيران، خاللي مارال و بَسلَنمئش اِو قوشلاري.
تئفسَخدن غَزّه‌يه قدر فَرات چايينين بو تايينداکي بوتون تورپاقلار و چايين بو تايينداکي بوتون پادشاهلار اوستونده سوليمان حؤکمرانليق ادئردي و بوتون اطراف اؤلکه‌لرله صولح شرايئطئنده ياشاييردي.
اونون بوتون عؤمرو بويو داندان بئرشِبَعه قدر يهودا و ائسرايئلده هر کس اؤز اوزوم آغاجينين و انجئر آغاجينين آلتيندا دئنجلئک ائچئنده ياشاييردي.
سوليمانين دؤيوش عارابالاري ائله آتلاري اوچون قيرخ مئن آخيري وار ائدي.
بو والئلرئن هر بئري اؤز آييندا سوليمان پادشاها و اونون سوفره‌سئنه گلنلرئن هاميسينا ارزاق گؤندرئردي و هچ بئر شيه احتئياج قالميردي.
هر والي اونا ورئلمئش امره گؤره دؤيوش و چاپار آتلارينين اولدوقلاري يره آرپا-سامان گؤندرئردي.
تاري سوليمانا دهنز ساحئلئندهکي قوم قدر حئکمت، بول درّاکه و اورَک گِنئشلئيي وردی.
سوليمانين حئکمتي بوتون شرق خالقلارينين و مئصئرلی‌لرئن حئکمتئندن اوستون ائدي.
او بوتون آداملاردان، اِزراخلي اِيتاندان، ماخولون اوغوللاري حِيمان، کَلکول و دَردَعدن حئکمتلي ائدي، شؤهرتي بوتون اطراف مئلّتلر آراسيندا ياييلميشدي.
او، اوچ مئن مَثَل دمئشدي و اونون مئن بش نغمه‌سي وار ائدي.
لوبناندان اولان سئدر آغاجيندان دوواردا بئتَن مَرجانکؤشک اوتونا قدر بئتکي‌لر بارهده بحث اتدي، همچئنئن حيوانلار، قوشلار، سوروننلر و باليقلار حاقّيندا دانيشدي.
سوليمانين حئکمتئنه قولاق آسماق اوچون بوتون خالقلاردان و اونون حئکمتي بارهده اشئتمئش بوتون دونيا پادشاهلاريندان يانينا آداملار گلئردي.
صور پادشاهي خئرام آتاسينين يرئنه سوليمانين پادشاه اولماق اوچون مسح ادئلدئيئني اشئدنده، اؤز آداملاريني اونون يانينا گؤندردي، چونکي خئرام داوودلا بوتون عؤمرو بويو دوست اولموشدو.
سوليمان خئراما خبر گؤندرئب ددي:
"سن بئلئرسن کي، آتام داوود، تاريسي ربّئن آدينا بئر معبد تئکه بئلمه‌دي. چونکي رب دوشمنلرئني اونون آياقلاري آلتينا آتانا قدر، اطرافيندا موحارئبهلر گدئردي.
آنجاق ائندي تاريم رب منه هر طرفدن اَمئن-آمانليق ورئب: نه بئر دوشمن وار، نه ده بئر قاراباختليق.
باخ، من بو نئيّتده‌يم کي، تاريم ربّئن آدينا بئر معبد تئکئم، نجه کي رب آتام داوودا دمئشدي: «اوغلون منئم آديما معبد تئکه‌جک کي، اونو سنئن يرئنده تختئنده اوتورداجاغام.»
ائندي امر ات کي، منئم اوچون لوبناندان سئدر آغاجلاري کَسسئنلر. آداملاريم دا سنئن آداملارينلا بئرلئکده اولاجاق و من سنئن آداملارين اوچون نه قدر دئيهسن، او قدر زحمت حاقّي ورهرم. چونکي بئلئرسن کي، بئزده صئدونلولار کئمي آغاج کَسمه‌يي بئلَن آداملار يوخدور."
خئرام سوليمانين سؤزلرئني اشئدنده چوخ سِوئندي و ددي: "بو گون رب موبارک اولسون کي، بو بؤيوک خالقي ائداره اتمک اوچون داوودا بله حئکمتلي اوغول ورئب!"
او، سوليمانا خبر گؤندرئب ددي: "منه گؤندردئيئن سؤزو اشئتدئم. من سنئن سئدر و شام آغاجلاري بارهده هر ائسته‌يئني يرئنه يتئره‌جيم:
منئم آداملاريم اونلاري لوبناندان دهنزه اِندئرَرلر و من بو آغاجلاردان سال‌لار دوزَلده‌رم، دهنز يولو ائله تعيئن اده‌جيئن يره آپارارام و اونلاري اورادا آييريب ييغارام، سن ده گؤتورَرسن. آنجاق سن ده منئم ائسته‌يئمي يرئنه يتئرئب ساراييمي ارزاقلا تأمئن ات."
خئرام سوليمانا بوتون ائسته‌دئيي قدر سئدر و شام آغاجلاري ورئردي.
سوليمان دا هر ائل خئرامين سارايينا ارزاق اوچون ائيئرمي مئن کور بوغدا و ائيئرمي کور خالئص زيتون ياغي ورئردي.
رب وعده وردئيي کئمي سوليمانا حئکمت وردی. خئراملا سوليمان آراسيندا صولح وار ائدي و اونلار بئر-بئري ائله عهد باغلاميشديلار.
سوليمان پادشاه بوتون ائسرايئلدن فَعله ييغدي. ييغيلميش فَعله‌لر اوتوز مئن نفر ائدي.
هر آي اونلارين اون مئن نفرئني نؤوبه ائله لوبنانا گؤندرئردي؛ بئر آي لوبناندا، ائکي آي اِولرئنده قاليرديلار. اونلارين اوستونده اَدونئرام نظارت ادئردي.
سوليمانين يوک داشييان يتمئش مئن و داغلاردا داش يونان هشتاد مئن آدامي وار ائدي.
بونلاردان آيري، سوليمان ائشه نظارت اتمک اوچون اوچ مئن اوچ يوز نفر مأمور قويموشدو. اونلار ائش گؤرن آداملارا نظارت ادئردئلر.
پادشاهين امرئنه گؤره ائشچئلر بؤيوک و دَيَرلي داشلار کَسئب گتئردئلر کي، معبدئن بونؤورهسئني يونولموش داشدان قويسونلار.
سوليمانين و خئرامين اوستالاري گِباللي‌لارلا بئرلئکده معبدي تئکمک اوچون تاختالار و داشلار کَسئب حاضيرلاديلار.
ائسرايئل اؤولادلاري مئصئر تورپاغيندان چيخديقدان دؤرد يوز هشتاد ائل سونرا، سوليمانين ائسرايئل اوستونده پادشاهليغينين دؤردونجو ائلئنده، ائکئنجي آي اولان زئو آييندا، سوليمان ربّئن معبدئني تئکمه‌يه باشلادي.
سوليمان پادشاهين ربّه تئکدئيي معبدئن اوزونلوغو آلتميش قولآچ، اِني ائيئرمي قولآچ، و بويو اوتوز قولآچ ائدي.
معبدئن بؤيوک اوتاغينين قاباغيندا اولان اِيوانين اوزونلوغو، معبدئن اِنئنه گؤره، ائيئرمي قولآچ و اِني معبدئن قاباغيندا اون قولآچ ائدي.
او، معبد اوچون دارالان موشَبّک پنجره‌لر دوزلتدي.
معبدئن دووارينا بئتئشئک هر طرفدن آرتيرما تئکدي کي، بؤيوک اوتاغي و ائچ اوتاغي دؤوره‌يه آليردي. اونون ائچئنده معبدي اَحاطه ادن يان اوتاقلار دوزلتدي.
آرتيرمانين آلت مرتبه‌سئنئن اِني بش قولآچ، اورتاسينداکينين اِني آلتي قولآچ اوچونجوسونون اِني ده يدّي قولآچ ائدي. معبدئن دووارينين اطرافيندا بايير طرفدن چيخينتي‌لار دوزَلدئلمئشدي کي، آرتيرمانين دئرَکلري معبدئن دووارينا دَيمه‌سئن.
معبدئن تئکئلمه‌سي اوچون کارخانادا يونولموش داشلار ائشله‌دئلمئشدي. معبدئن تئکئنتي زاماني، نه چکوج سَسي، نه ائسکَنه سَسي، نه ده آيري بئر دَمئر آلَت سَسي اشئدئلدي.
آشاغي مرتبهنئن گئرئشي معبدئن جنوب طرفئنده ائدي. دؤنَر پئلّه‌کن اورتا مرتبه‌‌يه، اورتا مرتبهدن ده اوچونجو مرتبه‌‌يه چيخيرديلار.
بلجه سوليمان معبدي تئکئب قورتاردي. معبدي سئدر آغاجيندان اولان تئرلر و تاختالارلا اؤرتدو.
بوتون معبده بئتئشئک اولان مرتبه‌لري بش قولآچ هوندورلويونده تئکدي و بونلار سئدر دئرَکلرله معبده بَرکئدئلمئشدي.
ربّئن بو سؤزو سوليمانا نازئل اولدو:
"سن معبد تئکئرسن. اگر سن منئم قايدالاريملا گدهسن، حؤکملرئمه عمل ادئب و امرلرئمه موناسئب ياشاياسان، من ده آتان داوودا وردئيئم سؤزو، سنئن واسئطَنله يرئنه يتئرهرم:
ائسرايئل اؤولادلارينين آراسيندا ساکئن اولاجاغام و خالقيم ائسرايئلي ترک اتميه‌جيم."
بلجه سوليمان معبدي تئکئب قورتاردي.
معبدئن دووارلارينا ائچه‌رئدن سئدر تاختالارلا اؤرتوک ووردو؛ معبدئن دؤشَمه‌سئندن تاوانا قدر، اونون دووارلاريني ائچه‌رئدن تاختا ائله اؤرتدو و معبدئن دؤشَمه‌سئني شام آغاجينين تاختالاري ائله اؤرتدو.
معبدئن آرخا طرفئنده، دؤشَمه‌دن تاوانا قدر، بئر بؤلمه آييردي کي، سئدر تاختالارلا اؤرتولموشدو و اوزونلوغو ائيئرمي قولآچ ائدي. ائچه‌رئسئنده لاپ موقدّس ير اوچون بئر ائچ اوتاق حاضيرلادي.
ائچ اوتاغين باييريندا اولان بؤيوک اوتاق، قيرخ قولآچ اوزونلوغوندا ائدي.
معبدئن ائچئندهکي سئدر آغاجلارينين اوستونده بالقاباق و آچيلميش گوللرئن تصوئري اويولموشدو. هر شي سئدرله اؤرتولموشدو، داش هچ گؤرونموردو.
معبدئن ائچه‌رئسئنده‌کي ائچ اوتاغي دا او، ربّئن عهد سانديغيني قويماق اوچون حاضيرلادي.
ائچ اوتاغين اوزونلوغو ائيئرمي، اِني ائيئرمي و بويو ائيئرمي قولآچ ائدي. اوراني خالئص قيزيللا اؤرتدو. سئدر آغاجيندان اولان قوربانگاهين دا اوستونو خالئص قيزيللا اؤرتدو.
سوليمان معبدي ائچه‌رئدن خالئص قيزيللا اؤرتدو، ائچ اوتاغين قاباغيندان قيزيل زنجئرلر کچئرتدي و اونو قيزيللا اؤرتدو.
بلجه بوتون معبد آخيرا چاتانا قدر، ائچه‌رئسئني باشدان-باشا قيزيللا اؤرتدو. ائچ اوتاغا عاييد اولان قوربانگاهي دا قيزيللا اؤرتدو.
ائچ اوتاقدا ائيده آغاجيندان ائکي کَرّوب دوزلتدي کي، هر بئرئنئن بويو اون قولآچ ائدي.
کَرّوبون بئر قانادينين اوزونلوغو بش قولآچ، او بئري قانادينين دا اوزونلوغو بش قولآچ ائدي؛ بئر قانادينين اوجوندان او بئري قانادينين اوجونا قدر اون قولآچ ائدي.
او بئري کَرّوبون اؤلچوسو ده اون قولآچ ائدي. هر ائکي کَرّوب هَمن اؤلچوده و هَمن گؤرکَمده ائدئلر.
ائکئسئنئن ده بويو اون قولآچ ائدي.
سوليمان کَرّوبلاري معبدئن ائچ اوتاغينين اورتاسينا قويدو. کَرّوبلارين قانادلاري آچيق ائدي. بئر کَرّوبون قانادي بئر دووارا، او بئرئسئنئن قانادي دا او بئري دووارا توخونوردو. اونلارين او بئري قانادلاري معبدئن اورتاسيندا بئربئرئنه توخونوردو.
او، کَرّوبلاري قيزيللا اؤرتدو.
معبدئن ائچ و بايير اوتاغينداکي بوتون دووارلاريندا کَرّوبلارين، خورما آغاجلارينين و آچيلميش گوللرئن اويما تصوئرئني دوزلتدي.
معبدده ائچ و بايير اوتاغين دؤشَمه‌سئني قيزيللا اؤرتدو.
ائچ اوتاغين گئرئشي اوچون ائيده آغاجيندان چَرچئوه‌لي قاپيلار دوزلتدي. چَرچئوه‌لي قاپينين گِنئشلئيي، معبدئن گِنئشلئيئنئن بِشده‌بئري ائدي.
او، ائيده آغاجيندان دوزَلدئلمئش ائکي قاپي اوستونده کَرّوبلارين، خورما آغاجلارينين و آچيلميش گوللرئن تصوئرئني اويدو و قاپيلاري قيزيللا اؤرتدو. کَرّوبلارين و خورما آغاجلارينين اوستونه قيزيل چکدي.
اِلَجه ده بؤيوک اوتاغين گئرئشي اوچون ائيده آغاجيندان چَرچئوه دوزلتدي کي، دووارين دؤردده بئري ائدي،
هَمچئنئن شام آغاجيندان ائکي قاپي دوزلتدي. بئر قاپينين هر ائکي تايي قاتلانيردي، او بئري قاپينين دا هر ائکي تايي قاتلانيردي.
اونلارين اوستونده کَرّوبلارين، خورما آغاجلارينين، آچيلميش گوللرئن تصوئرئني اويدو و اويما ائشئنئن اوستونو قيزيللا دوزگون بئر شکئلده اؤرتدو.
او، ائچَري حَيَطي اوچ ردئف يونولموش داشلاردان و بئر ردئف سئدر دئرَکلردن تئکدي.
دؤردونجو ائلده، زئو آييندا ربّئن معبدئنئن بونؤورهسي قويولدو،
اون‌بئرئنجي ائلده، سکّئزئنجي آي اولان بول آييندا، معبد، بوتون لوازئماتي ائله بئرلئکده، بوتون نقشه‌سئنه موطابئق، تئکئلئب قورتاردي. بلجه سوليمان اونو يدّي ائلده تئکدي.
لاکئن سوليمانا اون‌اوچ ائل زامان چکدي کي، بوتون اؤز ساراييني تئکئب قورتارسين.
اونون تئکدئيي "لوبنان مِشه‌سي" آدلي سارايين اوزونلوغو يوز قولآچ، اِني اَلّي قولآچ، بويو دا اوتوز قولآچ ائدي. بو ساراي دؤرد ردئف سئدر سوتونلاردان و سوتونلار اوستونده اولان سئدر دئرَکلردن عئبارت ائدي.
سوتونلار اوستونده‌کي قيرخ بش دئره‌يئن اوستونده، سئدردن اولان تئرلر سالينميشدي و هر ردئفده اون بش دئرَک وار ائدي.
موشَبّک پنجره‌لر اوچ ردئف ائدي و اونلارين ائچئنده اوز-اوزه اوچ ردئف پنجره وار ائدي.
بوتون گئرئشلر و اونلارين چَرچئوه‌لري دؤردگوشه‌لي ائدي. پنجره‌لر اوچ ردئفده اوز-اوزه ائدئلر.
سوليمان سوتونلو بئر ايوان تئکدي. اونون اوزونلوغو اَلّي و اِني اوتوز قولآچ ائدي. ايوانين قاباغيندا آرتيرما و سوتونلار، اونلارين قاباغيندا دا هَشتي دوزلتدي.
او همچئنئن حؤکم وره‌جيی تخت اِيوانيني، يعني محکمه ايوانيني تئکدي و اونو دؤشَمه‌دن تاوانا قدر سئدر آغاجي ائله اؤرتدو.
اونون ياشاديغي ساراي، اِيوانين آرخاسيندا، او بئري حَيَطده ائدي و هَمن قورولوشدا تئکئلمئشدي. سوليمان آرواد آلديغي فئرعون قيزي اوچون ده بو اِيوان کئمي بئر اِو تئکدئردي.
بوتون بونلار بونؤورهدن داما و بايير طرفدن بؤيوک حَيَطه قدر کيفئيّتلي داشلاردان دوزَلمئشدي. بو داشلار ائچ و بايير طرفدن، اؤلچويه گؤره يونولموش و داش اَرّه‌سي ائله کَسئلمئشدئلر.
بونؤوره بؤيوک و کيفئيّتلي داشلاردان قويولموشدو؛ اون قول‌آچليق و سکّئز قول‌آچليق داشلاردان.
اونلارين اوستونده اؤلچويه گؤره يونولموش کيفئيّتلي داشلار و سئدر دئرَکلر وار ائدي.
بؤيوک حَيَط ده، ربّئن معبدئنئن ائچَري حَيَطي و معبدئن ايواني کئمي، اوچ ردئف يونولموش داش و بئر ردئف سئدر دئرَکلرله اَحاطه اولموشدو.
سوليمان پادشاه خئرام آدلي بئر نفري صوردان گتئرتدي.
اونون آناسي نَفتالي قبئلهسئندن دول بئر آرواد، آتاسي دا صورلو بئر مئسگر ائدي. خئرام بورونجدن هر جور شي قاييرماق ائشئنده حئکمتلي، درّاکهلي و بئلئکلي آدام ائدي. او، سوليمان پادشاهين يانينا گلئب اونون بوتون ائشلرئني گؤردو.
خئرام ائکي بورونج سوتون دوزلتدي. بئرئنجي سوتونون بويو اون سکّئز قولآچ ائدي. ائکئنجئسئنئن اطرافينا اونائکي قول‌آچليق بئر ائپ دولانميشدي.
او، سوتونلارين اوستونه تؤکمه بورونجدن ائکي باشليق دوزلتدي. هر ائکي باشليغين بويو بش قولآچ ائدي.
سوتونلارين اوستونده اولان باشليقلاردا حؤرمه تورلار و زنجئرواري چَلَنگلر وار ائدي. هر باشليقدا يدّي دنه وار ائدي.
او، سوتونلاري بله دوزلتدي. حؤرمه تورلارين اطرافيندا ائکي ردئف نار دوزلتدي کي، سوتونلارين اوستونده‌کي باشليقلاري اؤرتسونلر. هر باشليق اوچون ده بله اتدي.
اِيواندا اولان سوتونلارين اوستونده‌کي باشليقلار سو زانباغي شکلئنده دوزَلدئلمئشدي و هر بئرئنئن بويو دؤرد قولآچ ائدي.
هر ائکي سوتونون يوخاريسيندا اولان باشليقلار، حؤرمه تورلارين يانينداکي گئرده چيخينتينين اوست طرفئنده ائدي. هر باشليغين اوستونده دايره شکلئنده چَلَنگلرده ائکي يوز نار تصوئري وار ائدي.
خئرام معبدئن اِيوانيندا سوتونلار قويدو. صاغ طرفده اولان سوتونو قويوب اونو ياکئن، چاغيردي. سول طرفده اولان سوتونو قويوب اونو دا بوعَز آدلانديردي.
سوتونلارين اوستونده‌کي باشليقلار سو زانباغي شکلئنده ائدي. بلجه سوتونلارين ائشي قورتاريلدي.
خئرام تؤکولموش بورونجدن دايره شکلئنده بئر حوووض دوزلتدي. بئر کناريندان او بئري کنارينا قدر اون قولآچ ائدي، اونون درئنلئيي بش قولآچ ائدي و اوتوز قول‌آچليق بئر ائپ ده اونون اطرافينا دولانميشدي.
هر طرفدن کنارينين آلتيندان اونو بالقاباق تصوئرلري اَحاطه ادئردي. هر قول‌آچدا اون بالقاباق وار ائدي. بالقاباقلار ائکي ردئف ائدئلر و اونلار حوووضلا بئرلئکده تؤکولموشدولر.
حوووض اونائکي تؤکمه اؤکوزون اوستونده دوردو: اوچو شئمالا، اوچو قربه، اوچو جنوبا، اوچو ده شرقه باخيردي. حوووض يوخاريدا، اونلارين اوستونده ائدي و اؤکوزلرئن بوتون آرخا حئصّه‌لري ائچَرئيه طرف ائدي.
حوووضون قالينليغي دؤرد بارماق قالينليغيندا ائدي، اونون کناري کاسا کناري کئمي دوزَلدئلمئشدي و آچيلان زانباغا بَنزه‌يئردي. او، ائکي مئن بَت سو توتوردو.
خئرام بورونجدن اون پايا دوزلتدي. هر پايانين اوزونلوغو دؤرد، اِني دؤرد و بويو دا اوچ قولآچ ائدي.
پايالار بله حاضيرلانميشدي: اونلارين يان لؤوحهلري وار ائدي و لؤوحه‌لر چَرچئوه‌يه بَرکئدئلمئشدي.
چَرچئوه‌نئن آراسيندا اولان لؤوحه‌لر اوستونده شئر، اؤکوز و کَرّوب تصوئرلري وار ائدي. همچئنئن چَرچئوه، شئر و بوزوو تصوئرلرئنئن يوخاريسيندا و آشاغيسيندا آسما چَلَنگلر وار ائدي.
هر پايانين دؤرد بورونج چرخي، بورونج اوخلاري و لَيَن اوچون دؤرد تؤکمه دسته‌يي وار ائدي. دستکلر هر طرفدن چَلَنگلرله بَزه‌دئلمئشدي.
پايانين باشليغيندا بئر دهنه وار ائدي. باشليغين بويو بئر قولآچ ائدي، دهنه ده مودوّر و بئر قولآچ ياريم اِنئنده ائدي، اوستونده اويمالار وار ائدي. لؤوحه‌لر دايره شکلئنده يوخ، دؤردگوشه‌لي ائدي.
دؤرد چرخ لؤوحه‌لرئن آلتيندا ائدي و چرخلرئن اوخلاري پايادا ائدي. بئر چرخين بويو بئر قولآچ ياريم ائدي.
چرخلرئن قورولوشو دؤيوش عارابالارينين چرخلري قورولوشو کئمي ائدي. اونلارين اوخلاري، فلکه‌لري، مئللري و توپلاري-هر شيي تؤکمه ائدي.
هر پايانين دؤرد کونجونده چيخينتي وار ائدي. چيخينتي‌لار پايايا بئتئشئک ائدي.
پايانين باشيندا ياريم قولآچ بويوندا مودوّر بئر چنبر وار ائدي. پايانين باشيندا اولان دستکلري و لؤوحهلري اؤزونه بئتئشئک ائدي.
خئرام دستکلرئن و لؤوحه‌لرئن اوستونده يِر چاتان قدر کَرّوب، شئر، خورما آغاجي تصوئرلري، اطرافيندا دا چَلَنگلر اويدو.
بلجه اون پايا دوزلتدي. اونلارين هاميسي بئر تؤکمه، بئر اؤلچوده و بئر قورولوشدا ائدي.
خئرام بورونجدن اون لَيَن دوزلتدي، هر لَيَن قيرخ بَت توتوردو؛ هر لَيَن دؤرد قولآچ اِنئنده ائدي و اون پايالارين هر بئري اوستونده بئر لَيَن وار ائدي.
پايالارين بِشئني معبدئن جنوب طرفئنده، بِشئني ده معبدئن شئمال طرفئنده قويدو. حوووضو دا معبدئن جنوب-شرق کونجونده يِرلَشدئردي.
خئرام قازانلار، کورَکلر و لَيَنچه‌لر ده دوزلتدي. خئرام ربّئن معبدي اوچون سوليمان پادشاهين امري ائله بوتون بو ائشلري گؤروب قورتاردي:
ائکي سوتون؛ سوتونلارين اوستونده ائکي مودّور باشليق؛ ائکي حؤرمه تور کي، سوتونلارين اوستونده‌کي ائکي مودّور باشليغي اؤرتسونلر؛
ائکي ردئفده دؤرد يوز نار تصوئري کي، سوتونلارين اوستونده اولان مودّور باشليقلاري اؤرتسونلر؛
اون پايا؛ پايالارين اوستونده اون لَيَن؛
حوووض؛ حوووضون آلتيندا اون ائکي تؤکمه اؤکوز؛
خَکَندازلار، کورَکلر، و لَيَنچه‌لر. بوتون بو اشيالاري خئرام ربّئن معبدي اوچون پادشاه سوليمانين امري ائله جئلالانميش بورونجدن دوزلتمئشدي.
پادشاه بونلاري اوردون چايينين کنارينداکي اووادا، سوکّوتلا صارِتان آراسينداکي گئل‌لي تورپاقلاردا تؤکموشدو.
بوتون بو اشيالار حَددن آرتيق چوخ اولدوغو اوچون، سوليمان اونلاري چکمه‌دي و بورونجون چکئسئني موعَيّن اتمهدي.
سوليمان ربّئن معبدئنده‌کي بوتون بو اشيالاري دوزلتدي: قيزيل قوربانگاه؛ قيزيل مئز کي، اوستونه تقدئس چؤرکلري قويولاردي؛
خالئص قيزيلدان چيراقدانلار کي، ائچ اوتاغين قاباغيندا بِشي صاغ طرفده، بِشي ده سول طرفده دوروردولار؛ قيزيلدان اولان قؤنچه، چيراقلار و ماشالار؛
خالئص قيزيلدان کاسالار، پئلته ماشالاري، لَيَنچه‌لر، قاشيقلار و بوخوردانلار؛ ائچ اوتاغين، يعني لاپ موقدّس يِرئن و بؤيوک اوتاغين قاپي تايلاري اوچون قيزيلدان لولالار.
سوليمان پادشاهين، ربّئن معبدئنده گؤردويو بوتون ائشلر قورتاردي. سوليمان آتاسي داوودون تقدئس اتدئيي قيزيل-گوموشو و اشيالاري ائچَري گتئرئب، ربّئن معبدئنئن خزئنه‌لرئنه قويدو.
او زامان سوليمان پادشاه ائسرايئلئن آغساقّاللاريني، بوتون قبئله باشچيلاريني، يعني ائسرايئل اؤولادلارينين نسئل رهبرلرئني اورشلئمه، اؤزونون يانينا ييغدي کي، ربّئن عهد سانديغيني داوودون شهري اولان صَحيوندان يوخاري گتئرسئنلر.
يدّئنجی آيدا اولان بايرام واختي، يعني اتانئم آييندا بوتون ائسرايئل خالقي سوليمان پادشاهين يانينا ييغيلدي.
سونرا بوتون ائسرايئل آغساقّاللاري گلدئلر و کاهئنلر ربّئن سانديغيني گؤتوردولر.
کاهئنلر و لاوئلی‌لر، ربّئن سانديغيني و اونونلا بئرلئکده، حوضور چاديريني و چاديردا اولان بوتون موقدّس اشيالاري يوخاري گتئردئلر.
سوليمان پادشاه و اونون يانينا ييغيلميش بوتون ائسرايئل جاماعاتي سانديغين قاباغيندا او قدر قويون-کچي و اؤکوز قوربان کَسدئلر کي، چوخلوغونا گؤره سايي-حسابا گلمَز.
کاهئنلر ربّئن عهد سانديغيني معبدئن ائچ اوتاغينا، يعني لاپ موقدّس يره، کَرّوبلارين قانادلاري آلتينداکي اؤز يرئنه گتئردئلر.
کَرّوبلار قانادلاريني سانديغين يري اوستونده آچميشديلار، اونلار سانديغي و اونون دئرَکلرئني يوخاريدان اؤرتموشدولر.
دئرَکلر اله اوزون ائدي کي، اونلارين اوجو ائچ اوتاغين قاباغينداکي موقدّس يردن گؤرونوردو، آنجاق بايير طرفدن گؤرونموردو. اونلار بو گونه قدر اوراداديرلار.
سانديقدا هچ بئر شي يوخ ائدي، مگر موسانين خورِبده قويدوغو ائکي داش لؤوحه‌سي. رب اورادا ائسرايئل اؤولادلاري ائله، مئصئر تورپاغيندان چيخديقلاري زامان عهد باغلادي.
کاهئنلر موقدّس يردن چيخديقلاري واخت، بولود ربّئن معبدئني اله دولدوردو کي،
کاهئنلر بولودا گؤره دايانيب خئدمت اده‌بئلمه‌دئلر. چونکي ربّئن شؤوکتي اونون معبدئني دولدورموشدو.
او واخت سوليمان ددي: "رب بويوروب کي، قالين قارانليقدا ساکئن اولاجاق.
دوغرودان دا من سنئن اوچون شؤوکتلي بئر معبد تئکمئشم کي، سنئن ابدی ياشاياجاغين يِر اولسون."
پادشاه اوزونو دؤنده‌رئب بوتون ائسرايئل جاماعاتينا برکت وردی. بو زامان بوتون ائسرايئل جاماعاتي آياق اوسته دورموشدو.
پادشاه ددي: "ائسرايئلئن تاريسي رب موبارک اولسون کي، آتام داوودا اؤز آغزي ائله دانيشدي و اؤز اَلي ائله اونو يرئنه يتئردي. او دمئشدي:
«من خالقيم ائسرايئلي مئصئردن چيخارتديغيم گوندن بَري ائسرايئلئن هچ بئر قبئلهسئندن بئر شهر سچمه‌دئم کي، اورادا بئر معبد تئکئم و آديم اوستونده اولسون.»
آتام داوودون اوره‌يئنده آرزو وار ائدي کي، ائسرايئلئن تاريسي ربّئن آدينا بئر معبد تئکسئن.
لاکئن رب آتام داوودا ددي: «سن ياخشي ادئبسن کي، منئم آديما بئر معبد تئکمک نئيّتئنه دوشوبسن.
آنجاق معبدي سن تئکميه‌جکسن، سنئن بِلئندن گلن اوغلون منئم آديما معبد تئکه‌جک.»
رب وعده وردئيئني يرئنه يتئردي: چونکي من آتام داوودون يرئنه قالخيب، ربّئن ددئيي کئمي ائسرايئل تختئنده اوتورموشام و ائسرايئلئن تاريسي ربّئن آدينا معبد تئکمئشم.
اورادا سانديق اوچون يِر حاضيرلاميشام کي، ربّئن باغلاديغي عهد اونون ائچئندهدئر، او عهد کي، رب آتالاريميزي مئصئر تورپاغيندان چيخارتديغي واخت اونلارلا باغلادي."
سوليمان ربّئن قوربانگاهي قاباغيندا، بوتون ائسرايئل جاماعاتينين حوضوروندا دوردو و اَللرئني گؤيه طَرف آچيب
ددي: "يارب، ائسرايئلئن تاريسي! نه يوخاريدا گؤيده، نه ده آشاغيدا يرده سنئن کئمي تاري وار. سن عهدئني و محبّتئني بوتون او قوللارينلا ساخلاييرسان کي، بوتون اورَکلري ائله سنئن حوضوروندا ياشاييرلار.
سن قولون آتام داوودا وردئيئن وعدهيه عمل ادئبسن؛ اؤز دئلئن ائله ددئيئني بو گون اؤز اَلئنله يرئنه يتئرئبسن.
يارب، ائسرايئلئن تاريسي، ائندي ده قولون آتام داوودا وردئيئن وعدهيه عمل ات، اؤزون دمئشدئن: «اگر سن يولوملا گتدئيئن کئمي، اوغوللارين دا يولوملا گدئب اؤز عمللرئنه دئقّت اتسهلر، ائسرايئل تختئنده سنئن نسلئندن بئر کئشي اَسکئک اولماياجاق.»
ای ائسرايئلئن تاريسي، ائندي قولون آتام داوودا ددئيئن سؤزون تصدئق ادئلسئن!
لاکئن، مگر تاري دوغرودان دا يرده ساکئن اولار؟ سن گؤيه و گؤيلرئن گؤيونه سيغمازسان، او کي قالدي منئم تئکدئيئم معبده!
آنجاق سن بو قولونون دوعاسينا و يالواريشينا نظر سال، يارب تاريم، بو گون سنئن قاباغيندا اتدئيي فرياديني و دوعاسيني اشئت.
قوي سنئن نظرئن گجه-گوندوز بو معبدئن اوستونده اولسون. بو يِر بارهده سن ديئبسن: «منئم آديم اورادا اولاجاق.» قولونون بورايا اوز توتوب اتدئيي دوعاسيني اشئت.
بو يِره طرف دوعا اتدئکلري واخت، اؤز قولونون و خالقين ائسرايئلئن يالواريشلاريني سن اشئت؛ گؤيلرده اولان مسکنئنده اشئت و باغيشلا!
اگر بئر آدام اؤز ياخينينين ضئدّئنه گوناه اتسه و اوندان آند ائچمک طلب اولونسا، او دا گلئب بو معبده، سنئن قوربانگاهين قاباغيندا آند ائچسه،
او واخت سن گؤيده اشئت، عمل ات، و قوللارينا حؤکم ات. شَرور آدامين عملئني اؤز باشينا دؤنده‌ره‌رک اونو محکوم ات و صالح آداما صالحلئيئنه گؤره بَرائت ور.
خالقين ائسرايئل سنئن ضئدّئنه گوناه اتدئيي اوچون دوشمن قاباغيندا مغلوب اولاندا، اگر اونلار تکرار سنه طرف دؤنوب آديني دئللرئنه گتئرسه‌لر و بو معبده سنه يالواريب فرياد اتسهلر،
او واخت سن گؤيده اشئت و خالقين ائسرايئلئن گوناهيني باغيشلا، اونلاري گئنه آتالارينا وردئيئن تورپاغا قايتار.
خالقين سنئن ضئدّئنه گوناه اتدئيي اوچون گؤي باغلانيب ياغيش ياغمايان واخت، اگر بو يره طرف دوعا ادئب آديني دئللرئنه گتئرسه‌لر و اگر سن اونلارا بلا گؤندردئيئن واخت اؤز گوناهلاريندان دؤنسه‌لر،
او واخت سن گؤيده اشئت، قوللارينين و خالقين ائسرايئلئن گوناهيني باغيشلا و گدهجکلري طرف ياخشي يولو اونلارا اؤيرَت. خالقينا ائرث وردئيئن تورپاغينا دا ياغيش گؤندر.
اگر اؤلکهده آجليق اولسا، وبا اولسا، ائستي يِل يا دا کوف، چَيئرتکه يا دا بئتکي قوردو اولسا، اگر دوشمن اونلاري اؤلکهنئن هر هانسي بئر شهرئنده موحاصئرهيه آلسا، هانسي بلا، هانسي ناخوشلوق اولور، اولسون،
بئر شخصئن، يا دا بوتون خالقين ائسرايئل طرفئندن بئر دوعا و يالواريشي اولسا، هر کس اؤز اوره‌يئنئن دردئني بئلئب بو معبده طرف اَللرئني آچسا،
او واخت سن گؤيده، اؤز مسکنئنده اشئت، باغيشلا و بئر علاج ات. اوره‌يئني بئلدئيئن هر آداما بوتون عمللرئنه گؤره عوض ور، چونکي هر ائنسانين اوره‌يئني فقط سن بئلئرسن.
اله کي، اونلار آتالاريميزا وردئيئن تورپاقدا ياشاديقلاري بوتون گونلر بويو سندن قورخسونلار.
اگر خالقين ائسرايئلدن اولمايان ياداِللي ده سنئن آدينين خاطئرئنه اوزاق اؤلکه‌دن گلسه،
چونکي سنئن بؤيوک آدين، قودرتلي اَلئن و اوزانان قولون بارهده اشئدهجکلر، او ياداِللي گلئب بو معبده طرف دوعا ادنده،
او واخت سن گؤيده، اؤز مسکنئنده اشئت و ياد اِللي‌نئن سنه فرياد اتدئيي هر شيي ات کي، يِر اوزونون بوتون خالقلاري دا سنئن آديني تانيسينلار، خالقين ائسرايئل کئمي سندن قورخسونلار و بئلسئنلر کي، تئکدئيئم بو معبد سنئن آدينلا چاغيريلير.
اگر خالقين گؤنده‌ردئيئن يوللا دوشمنلرئنئن ضئدّئنه موحارئبهيه چيخسالار و سنئن سچدئيئن شهره طرف، سنئن آدينا تئکدئيئم معبده طرف ربّه دوعا اتسهلر،
سن گؤيده اونلارين دوعا و يالواريشلاريني اشئت، اونلارين طرفئنده اول.
اگر اونلار سنئن ضئدّئنه گوناه اتسهلر–چونکي گوناه اتمه‌ين ائنسان يوخدور–سن قضبله‌نئب اونلاري دوشمنه تسلئم ادهسن و دوشمن اونلاري اسئر ادئب ياخين يا اوزاق تورپاغينا آپارسا،
اگر اونلار اسئرلئکده اولدوقلاري اؤلکهده اورَکلرئني دؤنده‌رئب تؤوبه اتسهلر و اسئر اولان يرده سنه دوعا ادئب دِسه‌لر کي، «بئز گوناه و خاطا اتمئشئک، پئسلئک اتمئشئک»،
اگر اونلاري اسئر ادن دوشمنلرئن اؤلکهسئنده بوتون اورَکلري و جانلاري ائله سنه طرف دؤنسه‌لر، آتالارينا وردئيئن تورپاغا، سچدئيئن شهره و آدينا تئکدئيئم معبده طرف اوز توتوب سنه دوعا اتسهلر،
او واخت سن گؤيده، اؤز مسکنئنده اونلارين دوعا و يالواريشلاريني اشئت، اونلارين طرفئنده اول.
سنئن ضئدّئنه گوناه ادن خالقيني و اونلارين سنئن ضئدّئنه اتدئکلري بوتون تقصئرلري باغيشلا و اونلاري اسئر آلانلارا شفقت ور کي، اونلارلا شفقتلي رفتار اتسئنلر.
چونکي اونلار سنئن خالقين، سنئن ائرثئندئرلر. سن اونلاري مئصئردن، دمئر اَرئتمه کوره‌سئنئن ائچئندن چيخارديبسان.
بو قولونون و خالقين ائسرايئلئن يالواريشينا نظر يتئر کي، اونلارين سنه فرياد اتدئکلري هر سؤزو اشئدهسن.
چونکي، يا پروردئگار رب، سن ائرثئن اولماق اوچون اونلاري يِر اوزونون بوتون خالقلاريندان آييردين. نجه کي، بونو آتالاريميزي مئصئردن چيخارتديغين واخت قولون موسا واسئطهسئله دمئشدئن."
سوليمان بوتون بو دوعا و يالواريشيني ربّه ديئب قورتاراندان سونرا، ربّئن قوربانگاهي قاباغيندان، اَللري گؤيه آچيق حالدا، دئزه دوشدويو يردن قالخدي.
او آياغا دوردو و بوتون ائسرايئل جاماعاتينا اوجا سَسله برکت ورئب ددی:
"رب موبارک اولسون کي، وردئيئن وعدهلرئن هاميسينا موطابئق خالقي ائسرايئله دئنجلئک ورئب! اؤز قولو موسانين واسئطهسئله وردئيي ياخشي وعده‌لرئندن هچ بئري هدر اولماييب.
قوي تاريميز رب آتالاريميزا يار اولدوغو کئمي بئزه ده يار اولسون، قوي بئزي بوراخماسين و ترک اتمه‌سئن.
بئزئم اورَکلرئمئزي اؤزونه طرف يؤنَلتسئن کي، اونون بوتون يوللاري ائله گِدَک و اونون آتالاريميزا بويوردوغو امرلرئنه، قايدالارينا و حؤکملرئنه عمل اِدَک.
قوي ربّئن قاباغيندا بو يالواريش سؤزلرئم گجه-گوندوز رب تاريميزين خاطئرئنده اولسون، اؤز قولونون و خالقي ائسرايئلئن ياخشيليغي اوچون گون به گون چاليشسين.
اله کي يِر اوزونون بوتون خالقلاري بئلسئن کي، فقط رب تاريدير، اوندان باشقا يوخدور.
قوي سئزئن اوره‌يئنئز کامئل بئر شکئلده تاريميز ربّه صادئق اولسون کي، بو گون اولدوغو کئمي اونون قايدالاري ائله گدهسئنئز و اونون امرلرئنه عمل ادهسئنئز."
پادشاه و اونونلا بئرلئکده بوتون ائسرايئل ربّئن قاباغيندا قوربانلار کَسدي.
سوليمانين ربّه تقدئم اتدئيي باريش قوربانلارينين سايي ائيئرمي ائکي مئن اؤکوز و يوز ائيئرمي مئن قويون-کچي ائدي. بلجه، پادشاه و بوتون ائسرايئل اؤولادلاري ربّئن معبدئني تقدئس اتدئلر.
همئن گون پادشاه ربّئن معبدي قاباغينداکي حَيَطئن اورتاسيني تقدئس اتدي کي، يانديرما قوربانلاريني، تاخيل تقدئملرئني و باريش قوربانلارينين پئيئني اورادا تقدئم اتسئن، چونکي ربّئن قاباغينداکي بورونج قوربانگاه کئچئک ائدي و يانديرما قوربانلاري، تاخيل تقدئملري و باريش قوربانلارينين پئيي اورايا يِرلَشمَزدي.
او واخت سوليمان و اونونلا بئرلئکده بؤيوک بئر جاماعات، خَمات کِچئدئندن مئصئر دره‌سئنه قدر ياشايان بوتون ائسرايئل، تاريميز ربّئن قاباغيندا يدّي گون و داها يدّي گون يعني اون دؤرد گون بايرام توتدو.
سکّئزئنجي گون سوليمان خالقي بوراخدي. اونلار پادشاها برکت ورئب، ربّئن قولو داوودا و خالقي ائسرايئله اتدئيي بوتون ياخشيليقلارا گؤره شادليقلا و شاد اورَکله اؤز اِولرئنه گتدئلر.
سوليمان ربّئن معبدئني، پادشاه ساراييني و تئکمک ائسته‌دئيي بوتون شيلري تاماملاييب قورتاراندان سونرا،
رب گئبعوندا گؤروندويو کئمي ائکئنجي دفه اونا گؤروندو.
رب سوليمانا ددي: "من حوضورومدا اتدئيئن دوعا و يالواريشيني اشئتدئم. آديمي ابدئلئک اورايا قويماق اوچون تئکدئيئن بو معبدي تقدئس اتدئم. منئم نظرئم و اوره‌يئم دائم اورادا اولاجاق.
اگر منئم سنه امر اتدئکلرئمي يرئنه يتئرئب آتان داوودون يِرئدئيي کئمي اورَک صداقتلئيي و دوغرولوقلا حوضورومدا يِرئيه‌سن، منئم قايدالاريما و حؤکملرئمه عمل ادهسن،
سنئن پادشاهليق تختئني ائسرايئل اوستونده ابدهجک پايدار ادهجيم. نجه کي، بونو آتان داوودا دا وعده ورئب دمئشدئم: «ائسرايئل تختئنده سنئن نسلئندن بئر کئشي اَسکئک اولماياجاق.»
آمّا اگر سئز و اؤولادلارينيز داليمجا گتمکدن دؤنوب، قاباغينيزا قويدوغوم امرلرئمه و قايدالاريما عمل اتميهسئنئز، گدئب آيري آللاهلارا قوللوق ادئب اونلارا پرستئش ادهسئنئز،
او واخت من ائسرايئلي اونلارا وردئيئم تورپاقدان کَسه‌جيم و اؤز آديما تقدئس اتدئيئم بو معبدي حوضورومدان آتاجاغام. بلجه ائسرايئل بارهده بوتون خالقلار آراسيندا مَثَل و کئنايه ديئلهجک.
اوجا اولان بو معبدئن يانيندان کِچَن هر کس مات قاليب دئيهجک: «نه اوچون رب بو تورپاغا و بو معبده بونو اتدي؟»
و دئيهجکلر: «اونا گؤره کي، بو خالق اؤزلرئنئن رب تاريلاريني ترک اتدئلر، او تاري کي، آتالاريني مئصئر تورپاغيندان چيخارتدي و اونلار آيري آللاهلاردان ياپيشيب اونلارا پرستئش و قوللوق اتدئلر. بونا گؤره ده رب بوتون بو بلاني اونلارين اوستونه گؤندردي.»"
سوليمان ائکي اِوي يعني ربّئن معبدئني و پادشاه ساراييني ائيئرمي ائلده تئکئب قورتارديقدان سونرا،
سور پادشاهي خئراما گالئل دئياريندا ائيئرمي شهر وردی، چونکي خئرام سوليمانا اونون بوتون آرزوسونا گؤره سئدر و شام آغاجلاري و قيزيل گؤندرمئشدي.
خئرام صوردان چيخدي کي، سوليمانين اونا وردئيي شهرلره باخسين. اونلار خئرامين خوشونا گلمه‌دي.
او ددي: "قارداشيم، بو نه شهرلردئر کي، منه ورئبسن؟" اونلاري کابول بلجه اونلار بو گونه قدر کابول تورپاغي چاغيريلير.
خئرام پادشاها يوز ائيئرمي تالانت قيزيل گؤندردي.
سوليمان پادشاه ائجباري فَعله‌لر قويوب بو ائشلري گؤردو: ربّئن معبدئني، اؤز ساراييني، قالا ياماجيني، اورشلئم دوواريني، خاصورو، مِگئدّونو و گِزِري تئکدي.
چونکي مئصئر پادشاهي فئرعون گلئب گِزِري توتموشدو و اوراني اوددا يانديرميشدي. شهرده ياشايان کَنَعانليلاري قيرميشدي و بو شهري سوليمانين آروادي اولان قيزينا جِهئز ورمئشدي.
سوليمان تزهدن گِزِري و او آشاغي بِيت-خورونو تئکدي.
بَعَلاتي، اؤلکه‌ده‌کي صحراليقدا اولان تَماري،
اؤزونون بوتون آنبار شهرلرئني، دؤيوش عارابالارينين اولدوغو شهرلري، آتلي‌لارين اولدوغو شهرلري، اورشلئمده، لوبناندان و اونون حؤکمرانليغي آلتيندا اولان بوتون يِرلرده تئکمک ائسته‌دئيي هر شيي تئکدي.
اؤلکهده ائسرايئل اؤولادلاريندان اولمايان آيري خالقلار يعني اِمورلولار، خئتلئلر، پِرئزلئلر، خئولئلر و يِبوسلولار قالميشدي،
چونکي ائسرايئللی‌لر اونلاردان سونراکي نسئللرئني کي، اؤلکهده بوراخيلميشديلار، محو اده بئلمه‌مئشدئلر. سوليمان اونلاري ائجباري فَعله‌لر اتدي و بو گونه قدر بلهدئر.
لاکئن ائسرايئل اؤولادلاريني قول اتمهدي؛ چونکي دؤيوشچو، اعيانلار، ريئسلر، سرکرده‌لر، اونون دؤيوش عارابالارينين و آتلي‌لارينين باشچيلاري ائدئلر.
بونلار سوليمانين ائشئنه نظارت ادن باش ريئسلر ائدئلر. ائش گؤرَن خالقا ريئسلئک ادن بو آداملار بش يوز اَلّي نفر ائدئلر.
فئرعونون قيزي داوودون شهرئندن سوليمانين اونون اوچون تئکدئيي اِوئنه کؤچدويونده، سوليمان قالا ياماجيني تئکدي.
سوليمان ربّه تئکدئيي قوربانگاهين اوستونده ائلده اوچ دفه يانديرما و باريش قوربانلاري گتئرئردي، بونونلا برابر ربّئن حوضوروندا بوخور يانديريردي. بلجه او، معبدئن ائشئني باشا چاتديردي.
سوليمان پادشاه همچئنئن اِدوم اؤلکهسئنده، قيرميزي دهنزئن کناريندا، اِلوتون يانيندا اولان عِصيون-گِبِرده گَمئلر دوزلتدي.
خئرام دهنزه بَلَد اولان اؤز گَمئچئلرئني سوليمانين آداملاري ائله بئرلئکده گَمئلرله گؤندردي.
اونلار اوفئره گلدئلر و اورادان دؤرد يوز ائيئرمي تالانت قيزيل گؤتوروب، پادشاه سوليمانا گتئردئلر.
صَبا مَلَکه‌سي ربّئن آديندان اؤتري، سوليمانين شؤهره‌تئني اشئدئب گلدي کي، اونو تاپماجالارلا ائمتاحان اتسئن.
او، چوخ بؤيوک کاروانلا، عطرئيّات، چوخلو قيزيل و قئيمتلي داشلارلا يوکلَنمئش دَوه‌لرله اورشلئمه، سوليمانين يانينا گلدي و اوره‌يئنده اولان هر شي بارهده اونونلا صؤحبت اتدي.
سوليمان اونون بوتون سوآللارينا جاواب وردي؛ اله بئر گئزلي شي اولمادي کي، پادشاه اونا تشرئح اتمه‌سئن.
شِبا مَلَکه‌سي سوليمانين بوتون حئکمتئني و اونون تئکدئيي سارايي،
سوفره‌سئنده‌کي يِمه‌يي، اعيانلارينين اوتوروشونو، قوللوقچولارينين خئدمتئني و اونلارين پالتارلاريني، ساقئلرئني، و اونا عاييد اولان و اونون ربّئن معبدئنه گتئردئيي يانديرما قوربانلاريني گؤرنده حيران قالدي.
او، پادشاها ددي: "سنئن ائشلرئن و حئکمتئن بارهده اؤز اؤلکَمده اشئتدئيئم خبر دوز ائمئش.
گلئب اؤز گؤزلرئمله گؤرَنه قدر من بو خبره ائنانماميشديم. باخ، منه هچ گؤردوکلرئمئن ياريسي دانيشيلماميشدي، سنئن حئکمتئن و وار-دؤولَتئن منئم اشئتدئيئمدن داها اوستوندور.
سنئن آداملارين و قوللوقچولارين نه بَختَوَردئرلر کي، همئشه حوضوروندا دوروب حئکمتئني اشئدئرلر.
تارين رب موبارک اولسون کي، سندن خوشلانيب، سني ائسرايئل تختئنده اوتورتدو! رب ائسرايئله اولان ابدی سِوگئسي اوزوندن سني پادشاه اتدي کي، عدالت و صالحلئکله عمل ادهسن.»
شِبا مَلَکه‌سي پادشاها يوز ائيئرمي تالانت قيزيل، چوخلو عطرئيّات و قئيمتلي داشلار باغيشلادي. اونون سوليمان پادشاها وردئيي قدر چوخ عطرئيّات داها هچ واخت گلمه‌دي.
اوفئردن قيزيل گتئرن خئرامين گَمئلري، اورادان چوخلو اَردَج آغاجي و قئيمتلي داشلار گتئردئلر.
پادشاه اَردَج آغاجيندان ربّئن معبدي و پادشاه سارايي اوچون دستکلر، موسئقئچئلر اوچون طنبورلار و چنگلر دوزلتدي؛ هچ واخت بو قدر اَردَج آغاجي گلمه‌مئشدي و بو گونه قدر گؤرونمه‌مئشدي.
سوليمان پادشاه اؤز سخاوتئنه گؤره شِبا مَلَکه‌سئنه وردئکلرئندن آيري، اونون آرزولاديغي و ائسته‌دئيي بوتون شيلري وردی. او دا آداملاري ائله بئرلئکده قاييديب اؤز اؤلکهسئنه گتدي.
بئر ائلده سوليمانا گلن قيزيلين چکئسي آلتي يوز آلتميش آلتي تالانت ائدي.
آل-وِر ادن آداملاردان، تاجئرلرئن تئجارتئندن، بوتون عرب پادشاهلاريندان و ائسرايئلئن والئلرئندن گلن قيزيل بوندان آيري ائدي.
سوليمان پادشاه دؤيمه قيزيلدان ائکي يوز سئپر دوزلتدي. هر بئر سئپره آلتي يوز شِکِل قيزيل ائشلَندي.
او، دؤيمه قيزيلدان اوچ يوز قالخان دا دوزلتدي. هر بئر قالخانا اوچ مئنا قيزيل ائشلَندي. پادشاه اونلاري "لوبنان مِشه‌سي" آدلي سارايينا قويدو.
پادشاه فئل دئشئندن بؤيوک بئر تخت ده دوزلتدي و اونو خالئص قيزيللا اؤرتدو.
تختئن آلتي پئلّه‌سي وار ائدي. آرخا طرفده تختئن باشي مودوّر ائدي. اوتوراجاغين هر ائکي طرفئنده قوللاري وار ائدي، قوللارين يانيندا ائکي شئر موجسّمه‌سي دورموشدو.
آلتي پئلّه‌نئن ائکي طرفئنده ده اون ائکي شئر موجسّمه‌سي وار ائدي. هچ بئر پادشاهليقدا بله شي دوزَلدئلمه‌دي.
سوليمان پادشاهين بوتون ائچکي قابلاري قيزيلدان ائدي، "لوبنان مِشه‌سي" آدلي ساراييندا اولان بوتون اشيالار دا خالئص قيزيلدان ائدي. گوموشدن هچ بئر شي يوخ ائدي، چونکي گوموش سوليمانين دؤورونده هچ نه ساييليردي.
چونکي پادشاهين دهنزده خئرامين گَمئلري ائله بئرلئکده تَرشئش گَمئلري وار ائدي. اوچ ائلده بئر دفه تَرشئش گَمئلري گلئب قيزيل، گوموش، فئل دئشي، ميمونلار و طاووسلار گتئرئردئلر.
بلجه سوليمان پادشاه وار-دؤولَتده و حئکمتده يِر اوزونون بوتون پادشاهلاريندان اوستون ائدي.
هامي ائسته‌يئردي کي، سوليمانين حوضورونا گلسئن و تارينين اونون اوره‌يئنه قويدوغو حئکمتي اشئتسئن.
اونون يانينا گلن هر کس هدئيّه گتئرئردي. بلجه اونا هر ائل قيزيل و گوموش قابلار، پالتارلار، سئلاحلار، عطرئيّات، آتلار و قاطيرلار گتئرئلئردي.
سوليمان دؤيوش عارابالاري و آتليلار ييغدي؛ اونون مئن دؤرد يوز دؤيوش عاراباسي و اون ائکي مئن آتليسي وار ائدي. اونلاري عارابالار اوچون آيريلان شهرلرده و اورشلئمده، پادشاهين يانيندا يِرلَشدئردي.
پادشاه اورشلئمده چوخلوغونا گؤره گوموشو داشلار کئمي، سئدر آغاجيني دا هامار بؤلگه‌ده بئتَن وحشي انجئر آغاجي کئمي اتمئشدي.
سوليمانين آتلاري مئصئردن و قِوِه‌دن گتئرئلئردي، پادشاهين تاجئرلري اونلاري قِوِه‌دن ساتين آليرديلار.
هر بئر دؤيوش عاراباسي آلتي يوز شِکِل گوموشه، هر بئر آت دا يوز اَلّي شِکِل گوموشه مئصئردن گتئرئلئردي؛ بوتون خئت و اَرام پادشاهلاري دا بونلاري سوليمانين تاجئرلرئنئن واسئطهسئله آليرديلار.
سوليمان پادشاه فئرعونون قيزيندان آيري، موآبلي‌لار، عَمّونلولار، اِدوملولار، صئدونلولار و خئتلی‌لردن چوخلو ياداِللي آرواد سِودي.
رب ائسرايئل اؤولادلارينا بو خالقلار بارهده دمئشدي: "اونلاردان قيز آلمايين و اونلارا قيز ورمهيئن. اگر بله ادهسئنئز، يقئن کي، اوره‌يئنئزي اؤز آللاهلارينا طرف آزديراجاقلار." لاکئن سوليمان اونلارا سِوگي ائله باغلاندي.
اونون شاهزاده‌گان نسلئندن يدّي يوز آروادي و اوچ يوز کنئزي وار ائدي. آروادلاري اونون اوره‌يئني يولدان چيخارتديلار.
سوليمانين ياشلانديغي واخت، آروادلاري اونون اوره‌يئني آيري آللاهلارا طرف آزديرديلار. او، بوتون اوره‌يئني، آتاسي داوودون اتدئيي کئمي، ربّه ورمه‌مئشدي.
سوليمان صئدونلولارين ائلاهه‌سي عَشتورِتئن و عَمّونلولارين ائيرنج بوتو مئلکومون دالينجا گتدي.
سوليمان ربّئن گؤزونده پئس اولان ائشلر اتدي و آتاسي داوودون اتدئيي کئمي، ربّه کامئل بئر شکئلده پِيرَو اولمادي.
او واخت سوليمان اورشلئمئن شرقئنده‌کي داغدا موآبين ائيرنج بوتو کِموش اوچون و عَمّون اؤولادلارينين ائيرنج بوتو مولِک اوچون پرستئشگاه دوزلتدي.
او بوتون ياداِللي آروادلاري اوچون ده بله اتدي کي، اؤز آللاهلارينا بوخور يانديريب قوربان کَسسئنلر.
رب سوليمانا قضبلَندي، چونکي اونون اوره‌يي ائسرايئلئن تاريسي ربدن دؤنموشدو. رب اونا ائکي دفه گؤرونوب
بو بارهده امر ورمئشدي کي، آيري آللاهلارين دالينجا گتمه‌سئن. لاکئن او ربّئن امرئنه عمل اتمهدي.
اونا گؤره ده رب سوليمانا ددي: "بو نئيّتده اولدوغونا گؤره، سنه امر اتدئيئم عهدئمه و قايدالاريما عمل اتمه‌دئيئن اوچون، من ده پادشاهليغيني اَلئندن چکئب آلاجاغام و اونو سنئن قولونا ورهجيم.
آنجاق آتان داوودون خاطئرئنه من بونو سنئن دؤورونده اتميه‌جيم، اونو سنئن اوغلونون اَلئندن چکئب آلاجاغام.
هم ده بوتون پادشاهليغي چکئب آلماياجاغام، قولوم داوودون خاطئرئنه و منئم سچدئيئم اورشلئمدن اؤتري، بئر قبئله‌ني سنئن اوغلونا ورهجيم."
رب اِدوملو هَدَدي سوليمانا دوشمن قالديردي. او، اِدومون پادشاه نسلئندن ائدي.
داوود اِدومدا اولارکن، قوشون باشچيسي يوآب اؤلَنلري باسديرماق اوچون گلمئشدي و اِدومدا بوتون کئشئلري قيرميشدي.
يوآب بوتون ائسرايئللیلرله بئرلئکده اِدومدا آلتي آي قاليب بوتون کئشئلري اورادا قيرديلار.
او زامان هَدَد و آتاسينين اعيانلاردان بعضی اِدوملولار، اونونلا بئرلئکده، مئصئره طرف قاچميشديلار. هَدَد بالاجا بئر اوشاق ائدي.
اونلار مئدياندان قالخيب پارانا گلدئلر، پاراندان اؤزلري ائله آداملار گؤتوروب مئصئره، مئصئر پادشاهي فئرعونون يانينا گلدئلر. او، هَدَده اِو و تورپاق وردی، اونو آذوقه ائله تأمئن اتدي.
هَدَد فئرعونون گؤزونده بؤيوک ائلتئفات قازاندي و فئرعون آروادي مَلَکه تَخپِنِسئن باجيسيني اونا آرواد وردی.
تَخپِنِسئن باجيسي اونا اوغلو گِنوبَتي دوغدو. تَخپِنِس اؤزو فئرعونون اِوئنده اونو بؤيوتدو. گِنوبَت فئرعونون اِوئنده، فئرعونون اوغوللاري آراسيندا ائدي.
آمّا هَدَد مئصئرده اولاندا داوودون اؤلوب آتالاري ائله ياتديغيني و قوشون باشچيسي يوآبين اؤلدويونو اشئدئب فئرعونا ددي: "منی گؤندر کي، اؤز اؤلکَمه گِدئم."
فئرعون اوندان سوروشدو: "مگر منئم يانيمدا بئر شيه احتئياجين وار کي، اؤز اؤلکَنه گتمک ائستهيئرسن؟" او جاواب وردی: "يوخ، آمّا گرک منه ائجازه ورهسن کي، گِدئم."
تاري همچئنئن اِلياداع اوغلو رِزونو دا کي، آغاسي صوبا پادشاهي هَدَدعَزَردن قاچميشدي، سوليمانا دوشمن قالديردي.
داوود صوبا‌لي‌لاري قيراندان سونرا او، يانينا آداملار ييغيب بئر حَرامي دستهسئنئن باشچيسي اولموشدو. بو آداملار دَمَشقه گدئب اورادا قالميشديلار و دَمَشقده حؤکمرانليق ادئردئلر.
هَدَدئن اتدئيي پئسلئکله بئرلئکده، او، سوليمانين بوتون عؤمرو بويو ائسرايئله دوشمن ائدي. او ائسرايئلدن نئفرت ادئردي و اَرامدا پادشاهليق ادئردي.
صِرِ‌دادان اولان اِفرايئملي نِباط اوغلو يَروبعام کي، سوليمانا خئدمت ادئردي و اونون آناسينين آدي صِروعا ائدي. صِروعا دول بئر آرواد ائدی.
يَروبعامين پادشاها ضئدّ چيخماسينين سببي بو ائدي کي، سوليمان قالا ياماجيني تئکدي و آتاسي داوودون شهرئنئن دووارينداکي ياريغي تعمئر اتدي.
يَروبعام باجاريقلي آدام ائدي. سوليمان جاوان اوغلانين ائش باجاريغيني گؤردو و اونو يوسئفئن نسلئندن اولان بوتون ائجباري فَعله‌لر اوستونه ريئس قويدو.
او واخت، يَروبعام اورشلئمدن چيخدي و يولدا شئلولو پيغمبر اَخئيا اونون پئشوازينا چيخدي. اَخئيا تزه پالتار گِيمئشدي. زمئده فقط اونلار ائکئسي ائدئلر.
اَخئيا اونون اَينئنده اولان تزه پالتاري گؤتوروب اون ائکي يره جيردي.
سونرا يَروبعاما ددي: "اؤزونه اون حئصّه گؤتور، چونکي ائسرايئلئن تاريسي رب بله ديئر: «باخ، من پادشاهليغي سوليمانين اَلئندن چکئب آليرام و اون قبئله سنه ورئرم.
آنجاق قولوم داوودون خاطئرئنه و ائسرايئلئن بوتون قبئلهلرئندن سچدئيئم شهر اولان اورشلئمدن اؤتري بئر قبئله اونون اولاجاق.
بونو اونا گؤره ادئرم کي، اونلار منی ترک ادئبلر و صئدونلولارين ائلاهه‌سي عَشتورِته، موآب آللاهي کِموشا، عَمّونلولارين آللاهي مئلکوما پرستئش ادئبلر. منئم يوللاريمي توتماييبلار، منئم گؤزومده دوغرو اولانا عمل اتمهيئبلر، قايدالاريمي و حؤکملرئني ساخلاماييبلار. نجه کي، آتاسي داوود بونلارا عمل اتمئشدي.
لاکئن بوتون پادشاهليغي اونون اَلئندن چکئب آلماياجاغام. سچدئيئم قولوم داوودون خاطئرئنه کي، امرلرئمه و قايدالاريما عمل اتدي، اونو بوتون عؤمرو بويو حؤکمدار ادهجيم.
آنجاق پادشاهليغي اونون اوغلونون اَلئندن چکئب آلاجاغام و اون قبئله سنه ورهجيم.
اونون اوغلونا دا بئر قبئله ورهجيم کي، منئم حوضورومدا، آديمي اورايا قويماق اوچون سچدئيئم شهر اولان اورشلئمده همئشه قولوم داوودون چيراغي يانسين.
من سني سچئرم، سن اوره‌يئن ائسته‌دئيي هر شي اوستونده حؤکمرانليق ادهجکسن و ائسرايئلئن پادشاهي اولاجاقسان.
اگر قولوم داوود کئمي منئم قانونلاريما و امرلرئمه عمل ادئب سنه بويوردوغوم هر شيه قولاق آسان، منئم يوللاريملا گدهسن و منئم گؤزومده دوز اولان ائشلر گؤرهسن، اوندا من ده سنئنله اولاجاغام. داوود اوچون قوردوغوم کئمي سنئن اوچون ده پايدار بئر سولاله قوراجاغام و ائسرايئلي سنه ورهجيم.
من بوندان اؤتري داوودون نسلئني آلچالداجاغام، آنجاق همئشهلئک يوخ.»"
سوليمان يَروبعامي اؤلدورمک ائسته‌دي، آمّا يَروبعام قالخيب مئصئره، مئصئر پادشاهي شئشَقئن يانينا قاچدي و سوليمانين اؤلومونه قدر مئصئرده قالدي.
سوليمانين قالان ائشلري، اتدئيي هر شي و اونون حئکمتي بارهده مگر سوليمانين عمللري کئتابيندا يازيلماييبدير؟
او، اورشلئمده بوتون ائسرايئل اوستونده قيرخ ائل پادشاهليق اتدي.
سوليمان اؤلوب آتالاري ائله ياتدي و آتاسي داوودون شهرئنده باسديريلدي. اونون يرئنه اوغلو رِحوبعام پادشاهليق اتدي.
رِحوبعام شِکِمه گتدي، چونکي بوتون ائسرايئللی‌لر شِکِمه گلمئشدئلر کي، اونو پادشاه اتسئنلر.
نِباط اوغلو يَروبعام بونو اشئتدئيي زامان، حله مئصئرده ائدي. اورايا سوليمان پادشاهين اَلئندن قاچميشدي و مئصئرده ياشاييردي.
اونو چاغيرتديرديلار. يَروبعام گلدي و ائسرايئلئن بوتون جاماعاتي ائله بئرلئکده رِحوبعاملا دانيشيب اونا ددی:
"آتان اوستوموزه آغير يوغ قويدو. ائندي سن، آتانين چتئن قوللوغونو و اوستوموزه قويدوغو آغير يوغو يونگوللَشدئر، بئز ده سنه قوللوق ادهرئک."
رِحوبعام اونلارا ددي: "ائندي گدئن و اوچ گوندن سونرا گئنه منئم يانيما گلئن." خالق گتدي.
پادشاه رِحوبعام آتاسي سوليمانين صاغليغيندا اونا مصلحت ورن آغساقّاللاردان سوروشدو: "بو خالقا جاواب ورمک اوچون منه نه مصلحت ورئرسئنئز؟"
آغساقّاللار اونا ددئلر: "اگر بو گون سن بو خالقا خئدمتچي اولاسان، اونلارا قوللوق ادهسن و اونلارلا ياخشي دانيشاسان، دائم سنه قول اولاجاقلار."
لاکئن او، آغساقّاللارين وردئکلري مصلحته محل قويمادي، اونونلا بئرلئکده بؤيوموش و اونا خئدمت ادن جاوان آداملارلا مصلحتلَشدي.
اونلارا ددي: "سئز نه مصلحت ورئرسئنئز؟ منه ديئن بو خالقا کي، «آتانين اوستوموزه قويدوغو يوغو يونگوللَشدئر» ديئرلر، نه جاواب ورئم؟"
اونونلا بئرلئکده بؤيوموش جاوان آداملار اونا ددئلر: "سنه «آتان اوستوموزه آغير يوغ قويدو، سن اونو يونگوللَشدئر» دئين بو خالقا بله دِه: «منئم کئچئک بارماغيم آتامين بِلئندن يوغوندور.
آتام سئزي آغير يوغلا يوکله‌مئشدي، آمّا من سئزئن يوغونوزو داها دا آرتيراجاغام؛ آتام سئزي قامچيلارلا تَنبِه اتدي، آمّا من سئزي عقربلرله تَنبِه ادهجيم.»"
يَروبعام بوتون خالقلا بئرلئکده، پادشاهين ددئيي کئمي کي، "اوچ گون سونرا گئنه يانيما گلئن" اوچ گون سونرا رِحوبعامين يانينا گلدئلر.
پادشاه خالقا ياوا جاواب وردی، آغساقّاللارين اونا وردئيي مصلحته محل قويماييب
جاوان آداملارين مصلحتئنه گؤره خالقا ددي: "آتام سئزي آغير يوغلا يوکله‌مئشدي، آمّا من سئزئن يوغونوزو داها دا آرتيراجاغام؛ آتام سئزي قامچيلارلا تَنبِه ادئردي، آمّا من عقربلرله تَنبِه ادهجيم."
بلجه پادشاه خالقا قولاق آسمادي، چونکي بو حادئثه رب طرفئندن اولدو کي، او، شئلولو اَخئيا واسئطهسئله نِباط اوغلو يَروبعاما ددئيي سؤزو يرئنه يتئرسئن.
بوتون ائسرايئللی‌لر پادشاهين اونلارا قولاق آسماديغيني گؤرنده جاواب ورئب ددئلر: "داوودلا بئزئم نه ائشئمئز وار؟ يَسّه‌نئن اوغلوندا ائرثئمئز يوخدور! ای ائسرايئللی‌لر، گدئن اِوئنئزه، ای داوود، ائندي اؤز اِوئنه باخ!" ائسرايئللی‌لر اِولرئنه گتدئلر.
رِحوبعام فقط يهودا شهرلرئنده ياشايان ائسرايئل اؤولادلاري اوستونده پادشاهليق اتدي.
رِحوبعام پادشاه ائجباري فَعله‌لر اوستونده نظارتچي اولان اَدورامي گؤندردي، بوتون ائسرايئللی‌لر اونو داشا باسيب اؤلدوردولر. پادشاه رِحوبعام تَلَسئک اؤز دؤيوش عاراباسينا مئندي و اورشلئمه قاچدي.
بلجه ائسرايئل داوود سولاله‌سئنئن ضئدّئنه قالخدي و بو گونه قدر بلهدئر.
بوتون ائسرايئللی‌لر يَروبعامين قاييتديغيني اشئدنده، اونو اؤز ائجلاسينا چاغيرتديرديلار و بوتون ائسرايئل اوستونده اونو پادشاه اتدئلر. يهودا قبئلهسئندن آيري، داوود سولاله‌سئنئن داليسيجا گِدن اولمادي.
رِحوبعام اورشلئمه گلدئکده، بوتون يهودا اِوي ائله بِنيامئن قبئله‌سئني بئر يره ييغدي کي، ائسرايئل اِوي ائله موحارئبه ادئب پادشاهليغي سوليمان اوغلو رِحوبعاما قايتارسين: او يوز هشتاد مئن سچمه دؤيوشچوسونو ييغدي.
لاکئن تارينين بو سؤزو تاري آدامي شَمَعيايا نازئل اولدو:
"يهودا پادشاهي سوليمان اوغلو رِحوبعاما، بوتون يهودا و بِنيامئن اِوئنه، قالان خالقا دِه کي،
رب بله ديئر: «سئز گرک گتمه‌يه‌سئنئز و اؤز هموطنلرئنئز ائسرايئل اؤولادلاري ائله موحارئبه اتمهيهسئنئز. هر کس اؤز اِوئنه قاييتسين، چونکي بو ائش منئم طرفئمدن اولوب.»" بلجه اونلار ربّئن سؤزونه قولاق آسديلار و ربّئن سؤزونه گؤره گری قاييتديلار.
يَروبعام اِفرايئمئن داغليق بؤلگهسئنده شِکِمي تئکدي و اورادا ياشادي. اورادان چيخيب پِنواِلي تئکدي.
يَروبعام اوره‌يئنده دوشوندو: "پادشاهليق گئنه داوود سولاله‌سئنه قاييداجاق.
اگر بو خالق اورشلئمه، ربّئن معبدئنه قوربان گتئرمک اوچون گده‌لر، بو خالقين اوره‌يي آغالارينا، يعني يهودا پادشاهي رِحوبعاما طرف دؤنهجک. اونلار دا منی اؤلدوروب يهودا پادشاهي رِحوبعامين طرفئنه کچه‌جکلر."
پادشاه مصلحتله‌شئب، ائکي قيزيل دانا دوزلتدي و خالقا ددي: "سئزه اورشلئمه گتمک چوخ آغير زحمتدئر. ای ائسرايئللی‌لر، باخين، بو دا سئزي مئصئر تورپاغيندان چيخاردان آللاهلارينيز!"
او، دانالاردان بئرئني بِيت ائلده، او بئرئني ده داندا قويدو.
بو ائش گوناه اولدو. چونکي خالق اونلاردان بئرئنه پرستئش اتمک اوچون دانا قدر گدئردي.
يَروبعام پرستئشگاهلاردا معبدلر تئکدي و خالقين آراسيندان لاوئلی‌لردن اولمايان کاهئنلر تعيئن اتدي.
يَروبعام سکّئزئنجي آيين اون بشئنجي گونو، يهودادا کچئردئلَن بايرام کئمي، بئر بايرام باشلاتدي و بِيت ائلده دوزلتدئيي دانالارا قوربان گتئرمک اوچون قوربانگاها قالخدي و تئکدئيي پرستئشگاهلارين کاهئنلرئني بِيت ائلده وظئفهيه قويدو.
او سکّئزئنجي آيين اون بشئنجي گونو، حتّا اؤزوندن ائختئراع اتدئيي آي، ائسرايئل اؤولادلاري اوچون بايرام کچئرتدي و بوخور يانديرماق اوچون بِيت ائلده دوزلتدئيي قوربانگاها قالخدي.
يَروبعام بوخور يانديرماق اوچون قوربانگاهين يانيندا دورارکَن، بئر تاري آدامي ربّئن سؤزو ائله يهودادان بِيت ائله گلئب،
ربّئن سؤزو ائله قوربانگاهين ضئدّئنه فرياد ادئب ددي: "قوربانگاه، ای قوربانگاه! رب بله ديئر: «باخ، داوودون نسلئنده بئر اوغلان اوشاغي دوغولاجاق، اونون آدي يوشئيا اولاجاق. او سنئن اوستونده، بوخور يانديران پرستئشگاهلارين کاهئنلرئني قوربان ادهجک و سنئن اوستونده ائنسان سوموکلري يانديراجاق.»"
تاري آدامي همئن گون بئر علامت ورئب ددي: "ربّئن ددئيي علامت بودور: «باخ، بو قوربانگاه آرادان بؤلونه‌جک و اوستونده‌کي کول تؤکوله‌جکدئر.»"
يَروبعام پادشاه تاري آدامينين بِيت ائلده قوربانگاهين ضئدّئنه ددئيي سؤزو اشئدنده، قوربانگاهين اوستوندن اَلئني اوزاديب ددي: "اونو توتون." لاکئن تاري آدامينين ضئدّئنه اوزاتديغي اَلي قورودو و اَلئني اؤزونه طرف دؤندره بئلمه‌دي.
قوربانگاه دا آرادان ائکي بؤلوندو و کول قوربانگاهدان تؤکولدو، اِله او علامته موطابئق کي، تاري آدامي ربّئن سؤزو ائله ورمئشدي.
پادشاه تاري آدامينا ددي: "خاهئش ادئرم رب تارينا يالوار و منئم اوچون دوعا ات کي، اَلئم اؤزومه طرف دؤنسون." تاري آدامي ربّه يالواردي و پادشاهين اَلي اؤزونه طرف دؤنوب اَوّلکي کئمي اولدو.
پادشاه تاري آدامينا ددي: "منئمله بئرلئکده اِوه گل و بئر آز دئنجَل. من ده سنه هدئيّه ورهرم."
آمّا تاري آدامي پادشاها ددي: "سن منه اِوئنئن ياريسيني دا ورهسن، سنئنله گتمه‌رم، بو يرده چؤرک يِيئب سو دا ائچمه‌رم.
چونکي ربّئن سؤزو ائله منه بله امر گلدي: «اورادا نه چؤرک يِه، نه ده سو ائچ. گتدئيئن يوللا دا گری قاييتما.»"
بلجه تاري آدامي آيري يوللا گتدي و بِيت ائله گلدئيي يوللا گری قاييتمادي.
بِيت ائلده قوجا بئر پيغمبر ياشاييردي. اونون اوغوللاريندان بئري گلئب تاري آدامينين همئن گون بِيت ائلده اتدئيي بوتون ائشلر بارهده اونا خبر وردی. اوغوللاري اونون پادشاها ددئيي سؤزلري ده آتالارينا بئلدئردئلر.
آتالاري اونلارا ددي: "او هانسي يوللا گتدي؟" اوغوللاري يهودادان گلن تاري آدامينين هانسي يوللا گتدئيئني گؤرموشدولر.
آتا، اوغوللارينا ددي: "منئم اوچون اِششه‌يي پالانلايين." اِششه‌يي اونون اوچون پالانلاديلار و او، اِششه‌يئن اوستونه مئنئب
تاري آدامينين دالينجا گتدي. اونو چؤل پوسته‌سي آغاجينين آلتيندا اوتورموش حالدا تاپدي و اوندان سوروشدو: "آيا يهودادان گلن تاري آدامي سنسن؟" او دا جاواب وردی: "منم."
او واخت قوجا پيغمبر اونا ددي: "منئمله اِوئمه گل و چؤرک يه."
او ددي: "سنئنله قاييدا بئلمه‌رم، گده ده بئلمه‌رم، سنئنله بو يرده چؤرک يِيئب سو دا ائچه بئلمه‌رم.
چونکي ربّئن سؤزو ائله منه بله امر ادئلدي: «اورادا نه چؤرک يِه، نه سو ائچ. گتدئيئن يوللا دا گری قاييتما.»"
قوجا پيغمبر اونا ددي: "من ده سنئن کئمي بئر پيغمبرم. بئر مَلَک ربّئن سؤزو ائله منه ددي: «اونو اؤزونله اِوئنه گری گتئر کي، چؤرک يِيئب سو ائچسئن.»" لاکئن بونو اونا يالاندان ددی.
تاري آدامي اونونلا قاييتدي و اونون اِوئنده چؤرک يِيئب سو ائچدي.
اونلار سوفره باشيندا اوتورارکَن، اونو يولدان قايتاران پيغمبره ربّئن سؤزو نازئل اولدو.
او، يهودادان گلن تاري آداميني خئطاب ادئب ددي: "رب بله ديئر: «ائندي کي، ربّئن امرئنه ناموطئع اولوب تارين ربّئن سنه اتدئيي امرئنه عمل اتمهيئبسن،
گری قاييديب اونون سنه ‹چؤرک يِيئب سو ائچمه› ددئيي يرده، چؤرک يِيئب سو ائچئبسن، جسدئن آتالارينين قبرئنه گئرميهجک.»"
تاري آدامي يِيئب ائچدئکدن سونرا، قوجا پيغمبر اونون اوچون يعني گری گتئرمئش پيغمبر اوچون اِششه‌يي پالانلادي.
تاري آدامي گتدي، يولدا اونا بئر شئر راست گلدي و اونو اؤلدوردو. اونون جسدي يولا سَرئلمئشدي و اِششَک اونون يانيندا دايانميشدي، شئر ده جسدئن يانيندا دورموشدو.
آداملار اورادان کچدئلر و يولا سَرئلمئش جسدي، جسدئن يانيندا دا دورموش شئري گؤردولر و گلئب قوجا پيغمبرئن ياشاديغي شهرده ددئلر.
اونو يولدان قايتاران پيغمبر بونو اشئدنده ددي: "او، ربّئن سؤزونه ضئدّ گِدن تاري آدامي‌دير. رب ده اونا ددئيي سؤزه گؤره، اونو شئره وردی و شئر اونو پارچالاييب اؤلدوردو."
سونرا اوغوللاري ائله دانيشيب اونلارا ددي: "منئم اوچون اِششه‌يي پالانلايين." اونلار اِششه‌يي پالانلاديلار.
او گدئب يولا سَرئلمئش جسدي تاپدي. اِششَک و شئر جسدئن يانيندا دورموشدولار. شئر نه جسدي يِمئشدي، نه ده اِششه‌يي پارچالاميشدي.
قوجا پيغمبر تاري آدامينين جسدئني گؤتوروب، اِششه‌يئن اوستونه قويدو و اؤز شهرئنه گری گتئردي کي، اونون اوچون ياس توتوب باسديرسين.
اونون جسدئني اؤزونون قبرئنه قويدو و ياس توتوب ديئردئلر: "واي، قارداشيم!"
اونو باسديراندان سونرا قوجا پيغمبر اوغوللاري ائله دانيشيب اونلارا ددي: "اؤلَنده منی تاري آدامينين باسديريلديغي قبئرده باسديرين، سوموکلرئمي اونون سوموکلرئنئن يانينا قويون.
چونکي ربّئن بِيت ائلده اولان قوربانگاها و سامئره شهرلرئنده اولان پرستئشگاهلارين بوتون معبدلرئنئن ضئدّئنه ديئلمئش سؤزو حتمن يرئنه يِتئشه‌جک."
بو ائشدن سونرا دا يَروبعام اؤز پئس يولوندان دؤنمه‌دي. گئنه ده پرستئشگاهلارا خالقين هر طبقه‌سئندن اولان کاهئنلر قويدو. او، پرستئشگاهلارين کاهئني اولماق ائسته‌ين هر کسي تقدئس اتدي.
بو ائش يَروبعامين اِو اهلئنه گوناه ساييلدي و ير اوزوندن سئلئنئب آتيلماسينا و محو اولماسينا سبب اولدو.
او واخت يَروبعامين اوغلو اَبئيا ناخوشلادي.
يَروبعام آروادينا ددي: "قالخ اؤز قئيافه‌ني اله دَيئش کي، سنئن يَروبعامين آروادي اولدوغونو بئلمه‌سئنلر. شئلويا گت. باخ، پيغمبر اَخئيا اورادادير. او منئم بارَمده دمئشدي کي، بو خالقين پادشاهي اولاجاغام.
اَلئنه اون کؤمبه چؤرک، کولچه‌لر و بئر کوپه بال گؤتوروب اونون يانينا گت. اوغلانا نه اولاجاغيني او سنه بئلدئرهجک."
يَروبعامين آروادي بله ده اتدي؛ قالخيب شئلويا گتدي و اَخئيانين اِوئنه گلدي. اَخئيا آرتيق گؤره بئلمئردي، قوجالديغي اوچون گؤزلري ضعئفله‌مئشدي.
رب اخئيايا دمئشدي: "باخ، يَروبعامين آروادي گلئر کي، سندن اوغلو بارهده سوروشسون، چونکي اوغلو ناخوشدور. او گلنده آيري بئر قئيافه‌ده اولاجاق. سن اونا فئلان و بهمان دئيَرسن."
آرواد قاپيدان گئرَنده، اَخئيا اونون آياق سَسلرئني اشئدئب ددي: "يَروبعامين آروادي، ائچَري گل! نه اوچون قئيافه‌ني دَيئشئبسن؟ من گؤندرئلمئشم کي، سنه آغير بئر خبر ورئم.
گت، يَروبعاما دِه کي، ائسرايئلئن تاريسي رب بله ديئر: «من سني خالقين ائچئندن اوجالديب، خالقيم ائسرايئلئن اوستونده حؤکمران اتدئم.
پادشاهليغي داوودون اِوئندن چکئب آلديم و سنه وردئم. آمّا سن قولوم داوود کئمي اولماييبسان. او، امرلرئمه عمل ادئب بوتون اوره‌يي ائله منه پِيرَو اولدو و آنجاق گؤزومده دوز اولاني اتدي.
سن ده اؤزوندن قاباق اولانلارين هاميسيندان چوخ پئسلئک ادئبسن. منی قضبلَندئرمَک اوچون گدئب اؤزونه آيري آللاهلار، تؤکمه بوتلر دوزَلدئبسن و منی آرخانا آتيبسان.
بونون اوچون من يَروبعامين نسلی اوستونه بلا گتئرئرم. ائسرايئلده يَروبعامين نسلئندن بوتون اِرکَک جئنسئني، ائستر قول اولسون، ائستر آزاد، کَسئب آتاجاغام و اونلاري پِيئن يانديريلان کئمي يانديريب محو ادهجيم، اله کی، هاميسي يانيب قورتارسين.
يَروبعامدان شهرده اؤلَنلري ائتلر، چؤلده اؤلَنلري ده گؤيلرئن قوشلاري يئيهجک، چونکي رب بله ديئب.»
ائندي سن قالخ و اِوئنه گت. شهره آياقلاريني باسديغين واخت اوغلان اؤلهجک.
بوتون ائسرايئللی‌لر اونون اوچون ياس توتوب اونو باسديراجاقلار. يَروبعام نسلئندن فقط او، قبئره گدهجک، چونکي يَروبعامين نسلئندن ائسرايئلئن تاريسي رب اوچون، فقط اوندا ياخشي بئر شي تاپيلدي.
بوندان علاوه، رب اؤزو اوچون ائسرايئل اوستونده بئر پادشاه قوياجاق، او دا يَروبعامين نسلئني بو گون، حتّا ائندئدن بله کَسئب آتاجاق.
رب ائسرايئلي سودا يِللَنَن بئر قاميش کئمي ووراجاق و ائسرايئللی‌لري آتالارينا وردئيي بو ياخشي تورپاقدان چکئب چيخارداجاق، اونلاري فَرات چايينين او طرفئنه سَپَلَيه‌جک، چونکي اؤزلرئنه ائلاهه اَشِرا بوتلري دوزَلدئب ربّی قضبلَندئرئبلر.
يَروبعامين اتدئيي گوناهلارينا گؤره کي، اونلارلا ائسرايئلي گوناها باتيردي، رب ائسرايئلدن اوز دؤندره‌جک."
يَروبعامين آروادي قالخيب گتدي و تئرصايا گلدي. اِوئن آستاناسينا آياق باسديغي واخت اوغلان اؤلدو.
بوتون ائسرايئللی‌لر اونو باسديريب اونون اوچون ياس توتدولار. بلجه ربّئن سؤزو کی، اؤز قولو اَخئيا پيغمبرئن واسئطهسئله دمئشدی، يرئنه يِتئشدي.
يَروبعامين قالان ائشلري، نجه دؤيوشدويو و نجه پادشاهليق اتدئيي بارهده، باخ، ائسرايئل پادشاهلارينين سالنامه‌لر کئتابيندا يازيليبدير.
يَروبعامين پادشاهليغي ائيئرمي ائکي ائل سوردو. او، اؤلوب آتالاري ائله ياتدي و يرئنه اوغلو ناداب پادشاه اولدو.
سوليمان اوغلو رِحوبعام يهودادا سلطنت ادئردي. رِحوبعام، پادشاه اولان واخت، قيرخ بئر ياشيندا ائدي. او اورشلئمده اون يدّي ائل پادشاهليق اتدي. رب ائسرايئلئن بوتون قبئلهلرئندن بو شهري سچمئشدي کي، اؤز آديني اونا قويسون. اونون آناسينين آدي عَمّونلو نَعَمه ائدي.
يهوداليلار ربّئن گؤزونده شرارت اتدئلر و آتالارينين اتدئيي بوتون گوناهلاردان داها چوخ گوناه اتمکله ربّئن قِيرَتئني قيزديرديلار.
اونلار دا هر اوجا تپه اوستونده و بول يارپاقلي هر آغاج آلتيندا اؤزلري اوچون پرستئشگاهلار، موقدّس سوتونلار و ائلاهه اَشِرا بوتلري دوزلتدئلر.
اؤلکهده يالان دئنلره گؤره کئشي فاحئشهلر ده وار ائدي. خالق او مئلّتلرئن بوتون ائيرنج ائشلرئنه گؤره رفتار اتدي کي، رب اونلاري ائسرايئل اؤولادلارينين قاباغيندان قووموشدو.
رِحوبعامين پادشاهليغينين بشئنجي ائلئنده مئصئر پادشاهي شئشَق اورشلئمه هوجوم اتدي.
او، ربّئن معبدئنئن و پادشاه سارايينين خزئنهلرئني گؤتوردو. هر شيي آلدي، حتّا سوليمانين دوزلتدئيي بوتون قيزيل قالخانلاري دا گؤتوردو.
رِحوبعام پادشاه اونلارين يرئنه بورونج قالخانلار دوزلتدي و بونلاري پادشاه سارايينين قاپيسيني قورويان کشئکچي ريئسلرئنئن اَلئنه وردی.
هر دفه پادشاه ربّئن معبدئنه گلنده، کشئکچئلر اونلاري داشي‌ييرديلار و سونرا کشئکچئلرئن اوتاغينا گری گتئرئردئلر.
رِحوبعامين قالان ائشلري و اونون اتدئيي هر شي بارهده مگر يهودا پادشاهلارينين سالنامه‌لر کئتابيندا يازيلماييبدير؟
رِحوبعاملا يَروبعام آراسيندا همئشه موحارئبه گدئردي.
رِحوبعام اؤلوب آتالاري ائله ياتدي و داوودون شهرئنده، آتالارينين يانيندا باسديريلدي. آناسي عَمّونلو نَعَمه ائدي. اونون يرئنه اوغلو اَبئيا پادشاه اولدو.
نِباط اوغلو يَروبعامين پادشاهليغينين اون سکّئزئنجي ائلئنده، اَبئيا يهودا اوستونده پادشاه اولدو.
او، اورشلئمده اوچ ائل پادشاهليق اتدي؛ آناسينين آدي اَبئشالوم قيزي مَعَکا ائدي.
اَبئيا آتاسينين اوندان قاباق اتدئيي بوتون گوناهلاري ائله گتدي؛ اونون اوره‌يي آتاسي داووددان فرقلي ائدی؛ تاريسي ربّه کامئل باغلي ديئلدي.
لاکئن تاريسي رب، داوودون خاطئرئنه، اونا اورشلئمده بئر چيراق وردی کي، اؤزوندن سونرا اوغلونو اونون يرئنه اوتورتسون و اورشلئمي مؤحکملَندئرسئن.
چونکي داوود ربّئن گؤزونده دوز اولان ائشلر اتدي و بوتون عؤمرو بويو اونون امر اتدئيي هچ بئر شيدن آزمادي، مگر خئتلي اورئيا ائله اولان ائشده.
رِحوبعاملا يَروبعامين آراسيندا موحارئبه، ابئيانين بوتون عؤمرو بويو داوام وردی.
اَبئيانين قالان ائشلري و اونون اتدئيي هر شي بارهده مگر يهودا پادشاهلارينين سالنامه‌لر کئتابيندا يازيلماييبدير؟ اَبئيا ائله يَروبعام آراسيندا موحارئبه گدئردي.
اَبئيا اؤلوب آتالاري ائله ياتدي و اونو داوودون شهرئنده باسديرديلار. اونون يرئنه اوغلو آسا پادشاه اولدو.
ائسرايئل پادشاهي يَروبعامين پادشاهليغينين ائيئرمئنجي ائلئنده، آسا پادشاه اولوب يهودا اوستونده سلطنت اتدي.
او، اورشلئمده قيرخ بئر ائل پادشاهليق اتدي. بؤيوک نَنه‌سئنئن آدي اَبئشالوم قيزي مَعَکا ائدي.
آسا آتاسي داوود کئمي ربّئن گؤزونده دوز اولان ائشلر اتدي.
او، کئشي فاحئشه‌لري کی، يالان دئنلرئن موطابئقئنه اؤلکهده وار ائدئلر، اؤلکه‌دن قوودو و آتالارينين دوزلتدئيي بوتون بوتلري آرادان قالديردي.
بؤيوک نَنه‌سي مَعَکاني ده ملکه‌لئکدن محروم اتدي، چونکي او، ائلاهه اَشِرا اوچون ائيرنج بئر بوت دوزلتمئشدي. آسا اونون ائيرنج بوتونو کَسئب قئدرون دره‌سئنده يانديردي.
پرستئشگاهلار آرادان قالديريلمادي، لاکئن آسانين اوره‌يي بوتون عؤمرو بويو ربّه کامئل بئر شکئلده باغلي ائدي.
او، آتاسينين و اؤزونون وقف اتدئيي اشيالاري، يعني قيزيلي، گوموشو و قابلاري ربّئن معبدئنه گتئردي.
آسا ائله ائسرايئل پادشاهي بَعشا آراسيندا بوتون عؤمورلري بويو موحارئبه گدئردي.
ائسرايئل پادشاهي بَعشا يهودايا هوجوم اتدي و راما شهرئني گوجلَندئردي کي، يهودا پادشاهي آسانين يانينا گلئب-گدنلره مانع اولسون.
آسا ربّئن معبدئنئن و پادشاه سارايينين خزئنهلرئندن قالان بوتون قيزيل-گوموشو گؤتوروب اعيانلارينا وردی. پادشاه آسا اونلاري دَمَشقده ياشايان اَرام پادشاهي خِزيون اوغلو طَبرئمّون اوغلو بِن‌‌هَدَده بو خبرله گؤندردي:
"سنئن آتانلا منئم آتام آراسيندا سازئش وار ائدي، قوي بئزئم اَراميزدا دا سازئش اولسون. باخ، سنه قيزيل-گوموش هدئيّه گؤندرمئشم. ائسرايئل پادشاهي بَعشا ائله اولان سازئشئني پوز کي، مندن گری چکئلسئن."
بِن‌هَدَد آسا پادشاها قولاق آسدي و قوشون باشچيلاريني ائسرايئل شهرلرئنئن اوستونه گؤندردي. اونون قوشونو بوتون نَفتالي تورپاغيندان علاوه، عئيّونو، داني، آبِل-بِيت-مَعَکاني و بوتون کئنِروتو ده اَله کچئرتدي.
بَعشا بونو اشئتدئکده راماني تئکمه‌يي دايانديردي و تئرصادا قالدي.
آسا پادشاه ائستئثنا اتمه‌دن بوتون يهودالي‌لاري چاغيردي و اونلار رامادا بَعشانين تئکمکده اولدوغو يرلرئن داشلاريني و دئرکلرئني داشيديلار. بونلارلا پادشاه آسا بِنيامئن تورپاغينداکي گئبعاني و مئصپا‌ني تئکدي.
آسانين بوتون قالان ائشلري، اونون بوتون قووّتي، اتدئيي هر شي و تئکدئيي شهرلر بارهده مگر يهودا پادشاهلارينين سالنامه‌لر کئتابيندا يازيلماييبدير؟ لاکئن قوجاليق زامانيندا آسانين آياقلارينا مرض دوشدو.
آسا اؤلوب آتالاري ائله ياتدي و آتاسي داوودون شهرئنده، آتالارينين يانيندا باسديريلدي. اونون يرئنه اوغلو يِهوشافاط پادشاه اولدو.
يهودا پادشاهي آسانين پادشاهليغينين ائکئنجي ائلئنده، يَروبعام اوغلو ناداب ائسرايئل اوستونده پادشاه اولدو و ائسرايئل اوستونده ائکي ائل پادشاهليق اتدي.
او، ربّئن گؤزونده پئس اولان ائشلر اتدي، آتاسينين يولو و ائسرايئله اتدئردئيي گوناهي ائله گتدي.
يئسّاکار قبئلهسئندن اَخئيا اوغلو بَعشا اونون ضئدّئنه فئتنه قوردو و فئلئسطلی‌لره عاييد اولان گئبّتوندا اونو اؤلدوردو. او زامان ناداب و بوتون ائسرايئللی‌لر گئبّتونو موحاصئرهيه آلميشديلار.
يهودا پادشاهي آسانين پادشاهليغينين اوچونجو ائلئنده، بَعشا نادابي اؤلدوردو و اونون يرئنه پادشاه اولدو.
او، پادشاه اولدوقدا يَروبعامين بوتون نسلئني قيردي. يَروبعامدان نفس چکن هر کسي محو ادنه قدر، بئر نفري صاغ بوراخمادي. بلجه ربّئن اؤز قولو شئلولو اَخئيا واسئطهسئله ددئيي سؤز يرئنه يِتئشدي.
بو يَروبعامين گوناهلارينا گؤره، ائسرايئله اتدئردئيي گوناهلارا گؤره، و ائسرايئلئن تاريسي ربّی قيزديريب قضبه گتئرمه‌سئنه گؤره باش وردی.
نادابين قالان ائشلري و اونون اتدئيي هر شي بارهده مگر ائسرايئل پادشاهلارينين سالنامه‌لر کئتابيندا يازيلماييبدير؟
آسا ائله ائسرايئل پادشاهي بَعشا آراسيندا بوتون عؤمورلري بويو موحارئبه گدئردي.
يهودا پادشاهي آسانين پادشاهليغينين اوچونجو ائلئنده، اَخئيا اوغلو بَعشا بوتون ائسرايئل اوستونده پادشاه اولدو و تئرصادا ائيئرمي دؤرد ائل پادشاهليق اتدي.
او، ربّئن گؤزونده پئس اولان ائشلر اتدي، يَروبعامين يولو و ائسرايئله اتدئردئيي گوناهي ائله گتدي.
بَعشانين ضئدّئنه خَنّاني اوغلو يِيهويا ربّئن بو سؤزو نازئل اولدو:
"سني توز-تورپاقدان قالديريب خالقيم ائسرايئل اوستونده حؤکمران اتدئم، آمّا سن يَروبعامين يولو ائله گتدئن و خالقيم ائسرايئله گوناه اتدئردئب منی قضبلَندئردئن.
باخ، من بَعشاني و اونون نسلئني يانديريب محو ادهجيم، و سنئن نسلئني نِباط اوغلو يَروبعامين نسلی کئمي ادهجيم.
بَعشادان شهرده اؤلَنلري ائتلر، چؤلده اؤلَنلري گؤيلرئن قوشلاري يئيه‌جکلر."
بَعشانين قالان ائشلري، اتدئيي هر شي و اونون قووّتي بارهده مگر ائسرايئل پادشاهلارينين سالنامه‌لر کئتابيندا يازيلماييبدير؟
بَعشا اؤلوب آتالاري ائله ياتدي و تئرصادا باسديريلدي. اونون يرئنه اوغلو اِلا پادشاه اولدو.
بوندان علاوه، ربّئن سؤزو خَنّاني اوغلو پيغمبر يِيهو واسئطهسئله بَعشانين و اونون نسلئنئن ضئدّئنه نازئل اولدو، چونکي هم ربّئن گؤزونده بوتون پئس اولاني ادئب، اَللرئنئن عمللري ائله ربّئن قضبئني آلوولانديرميشديلار، هم يَروبعامين نسلی کئمي اولموشدولار کي، رب اونا گؤره اونلاري ووردو.
يهودا پادشاهي آسانين پادشاهليغينين ائيئرمي آلتينجي ائلئنده، بَعشا اوغلو اِلا ائسرايئل اوستونده پادشاه اولدو و تئرصادا ائکي ائل پادشاهليق اتدي.
اونا خئدمت ادن زئمري کي، اونون دؤيوش عارابالارينين ياريسينا باشچيليق ادئردي، اونون ضئدّئنه فئتنه قوردو. اِلا تئرصادا، اؤز ساراي ريئسي اولان اَرصانين اِوئنده ائچئب مست اولاندا،
زئمري ائچَري گئردي و اونو ووروب اؤلدوردو و اونون يرئنه پادشاه اولدو. بو حادئثه يهودا پادشاهي آسانين پادشاهليغينين ائيئرمي يدّئنجی ائلئنده اولدو.
او پادشاه اولوب تختده اوتوردوقدا، بَعشانين بوتون نسلئني قيردي؛ ائستر اونون قوحوملاريندان، ائستر ده دوستلاريندان بئر کئشئني بله صاغ بوراخمادي.
بلجه زئمري بَعشانين بوتون نسلئني محو اتدي، نجه کي، رب، پيغمبر يِيهو واسئطهسئله بَعشانين ضئدّئنه بويورموشدو.
چونکي بَعشا و اوغلو اِلا اؤز بوتلري ائله اتدئکلري و ائسرايئله اتدئردئکلري بوتون گوناهلارا گؤره ائسرايئلئن تاريسي ربّی قضبلَندئرمئشدئلر.
اِلانين قالان ائشلري و اونون اتدئيي هر شي بارهده مگر ائسرايئل پادشاهلارينين سالنامه‌لر کئتابيندا يازيلماييبدير؟
يهودا پادشاهي آسانين پادشاهليغينين ائيئرمي يدّئنجی ائلئنده، زئمري تئرصادا يدّي گون پادشاهليق اتدي. او واخت خالق، فئلئسطلی‌لره عاييد اولان گئبّتونون ضئدّئنه اوردوگاه قورموشدولار.
اوردوگاه قوران خالق اشئتدي کي، "زئمري فئته قوروب و پادشاهي ووروب اؤلدوروب." بونا گؤره ده بوتون ائسرايئل او گون اوردوگاهدا قوشون باشچيسي عومرئني ائسرايئل اوستونده پادشاه اتدئلر.
عومري بوتون ائسرايئللیلرله بئرلئکده گئبّتونا گلئب تئرصاني موحاصئرهيه آلدي.
زئمري شهرئن آليناجاغيني گؤرنده پادشاه سارايينين قالاسينا گئردي و پادشاه ساراييني اؤزو ائله اوددا اودلادي و هلاک اولدو.
اونا گؤره کي گوناه ادئب، ربّئن گؤزونده پئس اولان ائشلر اتمئشدي؛ يَروبعامين يولو و گوناهي ائله گدئب ائسرايئله گوناه اتدئرمئشدي.
زئمرئنئن قالان ائشلري و اونون قوردوغو فئتنه بارهده مگر ائسرايئل پادشاهلارينين سالنامه‌لر کئتابيندا يازيلماييبدير؟
او واخت ائسرايئل خالقي ائکي حئصّه‌يه بؤلوندو: خالقين ياريسي گئنَت اوغلو تئبني‌نئن دالينجا گتدي کي، اونو پادشاه اتسئن. خالقين ياريسي دا عومرئنئن دالينجا گتدي.
لاکئن عومرئنئن دالينجا گدن خالق، گئنَت اوغلو تئبني‌نئن دالينجا گدن خالقا قالئب گلدي. بلجه، تئبني اؤلدو و عومري پادشاه اولدو.
يهودا پادشاهي آسانين پادشاهليغينين اوتوز بئرئنجي ائلئنده، عومري ائسرايئل اوستونده پادشاه اولدو و اون ائکي ائل پادشاهليق اتدي؛ او تئرصادا آلتي ائل پادشاهليق اتدي.
او، سامئره تپه‌سئني شِمِر آدلي بئرئندن ائکي تالانت گوموشه ساتين آلدي و تپه‌نئن اوستونده شهر تئکئب، آديني اَوّلکي صاحئبي شِمِرئن آدينا گؤره سامئره قويدو.
عومري ربّئن گؤزونده پئس اولان ائشلر اتدي و اؤزوندن قاباق اولانلارين هاميسيندان چوخ پئسلئک اتدي.
او، نِباط اوغلو يَروبعامين يولو ائله گتدي کي، ائسرايئله گوناه اتدئردي و بوتلري ائله ائسرايئلئن تاريسي ربّی قضبلَندئردي.
عومرئنئن اتدئيي قالان ائشلر و گؤرستدئيي شوجاعت بارهده مگر ائسرايئل پادشاهلارينين سالنامه‌لر کئتابيندا يازيلماييبدير؟
عومري اؤلوب آتالاري ائله ياتدي و سامئرهده باسديريلدي. اونون يرئنه اوغلو اَخاب پادشاه اولدو.
يهودا پادشاهي آسانين پادشاهليغينين اوتوز سکّئزئنجي ائلئنده، عومري اوغلو اَخاب ائسرايئل اوستونده پادشاه اولدو. او، سامئرهده ائيئرمي ائکي ائل پادشاهليق اتدي.
عومري اوغلو اَخاب ربّئن گؤزونده اؤزوندن قاباق اولانلارين هاميسيندان چوخ پئسلئک اتدي.
نِباط اوغلو يَروبعامين گوناهلاري ائله گتمک، اله بئل، اونا آز گلئردي کي، صئدونلولارين پادشاهي اتبَعَلئن قيزي ائزِبِلي ده آرواد آلدي و بَعَله گدئب قوللوق اتدي و اونو پرستئش اتدي.
او، سامئرهده تئکدئيي بَعَل معبدئنده، بَعَل اوچون قوربانگاه قوردو.
ائلاهه اَشِرا بوتو ده دوزلتدي. اَخاب اؤزوندن قاباق اولان بوتون ائسرايئل پادشاهلاريندان چوخ پئسلئک ادئب ائسرايئلئن تاريسي ربّی قضبلَندئردي.
اونون دؤورونده بِيت ائلي خي‌اِل اَرئحاني تئکدي. شهرئن بونؤورهسئني ائلک اوغلو ابئرامين اؤلومو باهاسينا قويدو، اونون دروازالاريني دا لاپ کئچئک اوغلو سِگوبون اؤلومو باهاسينا. نجه کي، رب نون اوغلو يوشَع واسئطهسئله بويورموشدو.
گئلعاد ساکئنلرئندن اولان تئشبِلي ائليا اَخابا ددي: "حوضوروندا دوردوغوم ائسرايئلئن تاريسي وار اولان ربّه آند اولسون کي، منئم سؤزوم اولمايينجا، بو ائل‌لرده شح و ياغيش اولماياجاق."
اونا ربّئن بو سؤزو نازئل اولدو:
"بورادان گت و شرقه طرف دؤن، اوردون چايينين شرقئنده اولان کِرِت آرخينين يانيندا گئزلَن.
اورادا آرخدان سو ائچه‌جکسن، قارغالارا دا امراتمئشم کي، سني اورادا يِدئرتسئنلر."
او، ربّئن سؤزونه عمل اتدي و اوردون چايينين شرقئنده اولان کِرِت آرخينين يانينا گدئب اورادا قالدي.
قارغالار اونا هر سحر و آخشام چؤرک و اَت گتئرَردئلر، آرخدان دا سو ائچَردي.
بئر مودّت سونرا آرخ قورودو، چونکي اؤلکهده ياغيش ياغميردي.
سونرا ائليايا ربّئن بو سؤزو نازئل اولدو:
"قالخ صئدونون صارِفَت شهرئنه گت و اورادا قال. باخ، اورادا بئر دول آروادا امراتمئشم کي، سنه يمک ورسئن."
او قالخيب صارِفَته گتدي. شهرئن دروازاسينا چاتاندا بئر دول گؤردو کي، اودون ييغيردي. اونو چاغيريب ددي: "خاهئش ادئرم منه بئر قابدا آزجا سو گتئر، ائچئم."
آرواد سو گتئرميه گدنده اونو چاغيريب ددي: "خاهئش ادئرم بئر تئکه چؤرک ده گتئر."
آرواد ددي: "وار اولان تارين ربّه آند اولسون کي، پئشمئش هچ نه‌يئم يوخدور، آنجاق کوپده بئر اوووج اون، قابدا دا بئر آز زيتون ياغي وار. باخ، من بئر آز اودون ييغيرام کي، ائچَري گئرئب اؤزومله اوغلوم اوچون بونلاردان يمک حاضيرلاييم. بئز اونو يئيه‌جيئک، سونراسي دا اؤلهجيئک."
ائليا اونا ددي: "قورخما، گت ددئيئن کئمي ات. آمّا اوّلجه منئم اوچون اوندان کئچئک بئر کؤکه دوزلت و منه گتئر، اؤزونله اوغلون اوچون سونرا حاضيرلايارسان.
چونکي ائسرايئلئن تاريسي رب بله ديئر: «رب تورپاق اوستونه ياغيش وره‌جيی گونه قدر، نه کوپده اون قورتاراجاق، نه ده قابدا زيتون ياغي.»"
آرواد گدئب ائليانين سؤزونه عمل اتدي. آرواد و اونون عايئله‌سي ائليا ائله بئرلئکده اوزون مودّت عرضئنده يمک يدئلر.
ائليا واسئطهسئله ربّئن ددئيي سؤزه گؤره نه کوپده اون قورتاردي، نه ده قابدا زيتون ياغي.
بوندان سونرا اِو صاحئبي آروادين اوغلو ناخوشلادي، ناخوشلوغو چوخ آغير اولدو، بله کي، اوندا هچ نفس قالماميشدي.
آرواد ائليايا ددي: "من سنه نه اتدئم مگر، ای تاري آدامي؟ يانيما گلئبسن کي، تقصئرئمي خاطيرلاداسان و اوغلومو اؤلدوره‌سن؟"
ائليا اونا ددي: "اوغلونو منه ور." اوشاغي آروادين قوجاغيندان گؤتوروب اؤزونون قالديغي يوخاري اوتاغا چيخارتدي و اونو اؤز ياتاغينين اوستونه اوزانديردي.
او، ربّی چاغيريب ددي: "ای تاريم رب، يانيندا قالديغيم دول آروادين اوغلونو اؤلدورمکله اونون باشينا بلا گتئرئبسن؟"
سونرا اوشاغين اوستونه اوچ دفه اوزاندي و ربّی چاغيريب ددي: "ای تاريم رب، سنه يالواريرام، قوي بو اوشاغين جاني اؤزونه قاييتسين."
رب ائليانين سَسئني اشئتدي: اوشاغين جاني اؤزونه قاييتدي و او دئرئلدي.
ائليا اوشاغي گؤتوروب يوخاري اوتاقدان اِوه دوشورتدو و اونو آناسينا ورئب ددي: "باخ، اوغلون صاغدير."
آرواد ائليايا ددي: "ائندي بئلدئم کي، سن تاري آداميسان و سنئن آغزيندا ربّئن سؤزو حقئقتدئر."
اوزون مودّت سونرا، قوراقليغين اوچونجو ائلئنده، ائليايا ربّئن بو سؤزو نازئل اولدو: "گت، اَخابا گؤرون. من تورپاغين اوستونه ياغيش ورهجيم."
ائليا اَخابا گؤرونمک اوچون گتدي. او واخت سامئرهده قيتليق آغير ائدي.
اَخاب ساراي ريئسي عوبَدياني چاغيردي. (عوبَديا ربدن چوخ قورخوردو.
ائزِبِل ربّئن پيغمبرلرئني قيران زامان، عوبَديا پيغمبرلردن يوز نفري آپاريب اونلاري اَلّي-اَلّي ماغارادا گئزلَتمئشدي، چؤرک و سو ائله ده تأمئن اتمئشدي.)
اَخاب عوبَديايا ددي: "اؤلکهده اولان بوتون سو بولاقلارينا و دره‌لره گت. بلکه اوت تاپديق، آتلاري و قاطيرلاري سالامات ساخلاديق، و حيوانلارين بئر آزيني اؤلدورمه‌يه ده مجبور اولماديق."
اونلار اؤلکهني آرالاريندا بؤلدولر کي، هر طرفي آختارسينلار. اَخاب آيريجا، بئر يوللا، عوبَديا دا آيريجا، آيري بئر يوللا گتدي.
عوبَديا يولدا ائکَن، ائليا اونا راست گلدي. او، ائلياني تانيدي و اوزو اوسته يره دوشوب ددي: "آغام ائليا، آيا بو، سن اؤزونسن؟"
ائليا ددي: "منم. گت، آغانا دِه کي، ائليا بورادادير."
او ددي: "نه گوناه اتمئشم کي، من قولونو اؤلدورمک اوچون اَخابين اَلئنه ورئرسن؟
وار اولان تارين ربّه آند اولسون کي، آغام سني آختارماغا آدام گؤندرمه‌دئيي بئر مئلّت، يا دا بئر مملکت قالماييب. اونلار «او بورادا ديئل» ددئکلري واخت، همئن پادشاهليغا و مئلّته سني تاپماديقلارينا آند ائچدئردي.
و ائندي سن ديئرسن: «گت، آغانا دِه کي، ائليا بورادادير.»
سنئن يانيندان گتدئيئم واخت، ربّئن روحو سني بئلمه‌دئيئم بئر يره آپاراجاق. من ده گدئب اَخابا بئلدئرَنده، او سني تاپماياجاق و منی اؤلدورهجک. هر چند بو قولون من، جاوانليغيمدان بَري، ربدن قورخورام.
ائزِبِل ربّئن پيغمبرلرئني قيران زامان، مگر منئم اتدئيئم ائش آغاما بئلدئرئلمه‌دي؟ من اوندا ربّئن پيغمبرلرئندن يوز نفري اَلّي-اَلّي ماغارادا گئزلَتدئم و اونلاري چؤرک و سو ائله تأمئن اتدئم.
و ائندي سن ديئرسن: «گت، آغانا دِه کي، ائليا بورادادير.» او منی اؤلدورَر."
ائليا ددي: "حوضوروندا دوردوغوم وار اولان قوشونلارين ربّئنه آند اولسون کي، بو گون دوغرودان دا اؤزومو اونا گؤرسده‌جيم."
عوبَديا اَخابين پئشوازينا چيخدي و اونا هر شيي ددی. اَخاب دا ائليانين گؤروشويونه گلدي.
اَخاب ائلياني گؤرنده اوندان سوروشدو: "آيا بو، سن اؤزونسن، ای ائسرايئلي دَرده سالان آدام؟"
او جاواب وردی: "ائسرايئلي من يوخ، سن و آتانين اِوي دَرده ساليبسينيز. سئز ربّئن امرلرئندن دؤنوب بَعَل بوتلرئنئن دالينجا گدئبسئنئز.
ائندي بوتون ائسرايئللی‌لري منئم اوچون کَرمِل داغينا چاغيرتدير، اونلارلا ائزِبِلئن سوفرهسئنده يمک يئيَن دؤرد يوز اَلّي بَعَل پيغمبرئني و دؤرد يوز ائلاهه اَشِرا پيغمبرئني ده ييغ."
اَخاب بوتون ائسرايئل اؤولادلارينا خبر گؤنده‌رئب، اونلاري پيغمبرلرله بئرلئکده کَرمِل داغينا چاغيرتديردي.
ائليا بوتون خالقين يانينا گلئب ددي: "داها نه واختا قدر ائکي طرف آراسيندا لَنگه‌يه‌جکسئنئز؟ اگر رب تاريدير، اونا پِيرَو اولون، يوخ، اگر بَعَل تاريدير، اوندا اونون دالينجا گدئن." خالق اونون سؤزونه جاواب ورمه‌دي.
او واخت ائليا خالقا ددي: "ربّئن پيغمبرلرئندن تَکجه من قالميشام. آمّا بَعَلئن پيغمبرلري دؤرد يوز اَلّي نفردئرلر.
ائندي قوي بئزه ائکي اؤکوز ورئلسئن: قوي اونلار اؤزلري اوچون بئر اؤکوز سچسئنلر، اونو دوغراييب اودونلارين اوستونه قويسونلار، لاکئن اود وورماسينلار. من ده آيري اؤکوزو حاضيرلاييب، اونو اودونلارين اوستونه قوياجاغام، آنجاق اود وورماياجاغام.
سئز اؤز آللاهينيزين آديني چاغيرين، من ده ربّئن آديني چاغيراجاغام؛ او تاري کي، اودلا جاواب ورسه، تاري اودور." بوتون خالق جاواب ورئب ددي: "ياخشي سؤزدور."
ائليا بَعَل پيغمبرلرئنه ددي: "بئر اؤکوزو اؤزونوز اوچون سچئن و مندن اوّل اونو حاضيرلايين، چونکي سئز چوخسونوز. سئز اؤز آللاهينيزين آديني چاغيرين، لاکئن اود وورمايين."
اونلار اؤزلرئنه ورئلَن اؤکوزو گؤتوروب حاضيرلاديلار و سحردن گون-اورتايا قدر بَعَلئن آديني چاغيريب ديئردئلر: "ای بَعَل، بئزه جاواب ور!" آمّا هچ سَس-سوراق يوخ ائدي. اونلار دوزلتدئکلري قوربانگاهين اطرافيندا آتيليب دوشدولر.
گون اورتا اولاندا ائليا اونلاري لاغا قويوب ددي: "اونو اوجا سَسله چاغيرين. چونکي او بئر آللاهدير؛ يا فئکئره گدئب، يا دا آياق‌يولوندادير، بلکه ده سفره چيخميش؟ مومکوندور ياتميش اولسون و اونو اوياتماق لازيمدير."
اونلار اوجا سَسله چاغيرديلار و روسوملارينا گؤره بدنلرئندن قان آخانا قدر قيلينج و نئزه‌لرله اؤزلرئني يارالاديلار.
گون اورتا کِچئنجه، آخشام قورباني تقدئم اولونان واختا قدر جوشوب دَلي‌لئک اتدئلر، آمّا نه بئر سَس- سوراق، نه ده بئر قولاق آسان وار ائدي.
او واخت ائليا بوتون خالقا ددي: "منئم يانيما گلئن." بوتون خالق اونون يانينا گلدي. او، ربّئن داغيديلميش قوربانگاهيني تعمئر اتدي.
ائليا يعقوب اوغوللاري قبئله‌لرئنئن سايينا گؤره اون ائکي داش گؤتوردو، چونکي يعقوبا ربّئن سؤزو نازئل اولوب دمئشدي: "سنئن آدين ائسرايئل اولاجاق."
ائليا داشلارلا ربّئن آدينا بئر قوربانگاه تئکدي. او، قوربانگاهين اطرافيندا ائکي اؤلچو توخوم توتاجاق قدر بئر خندق دوزلتدي.
سونرا اودونلاري دوزدو، اؤکوزو دوغراييب اودونلارين اوستونه قويدو و ددي: "اونو دؤرد سَهَنگ سو ائله دولدورون. سويو يانديرما قوربانينين و اودونلارين اوستونه تؤکون."
سونرا او ددي: "ائکئنجي دفه ادئن." اونلار ائکئنجي دفه اتدئلر. او ددي: "اوچونجو دفه ادئن." اونلار اوچونجو دفه اتدئلر.
سو قوربانگاهين اطرافينا آخدي و خندق ده سو ائله دولدو.
آخشام قورباني تقدئم ادئلَن واخت، ائليا پيغمبر ياخين گلئب ددي: "ای ائبراهئمئن، ائسحاقين و ائسرايئلئن تاريسي رب! قوي بو گون بئلئنسئن کي، ائسرايئلده سن تاريسان و من سنئن قولونام، بوتون بو ائشلري ده سنئن سؤزونله اتدئم.
منه جاواب ور، يارب، منه جاواب ور. قوي بو خالق بئلسئن کي، سن تاريسان، يارب. و اونلارين اوره‌يئني اؤزونه طرف دؤندرئبسن."
او واخت ربّئن اودو نازئل اولدو و يانديرما قوربانيني، اودونلاري، داشلاري، و تورپاغي يانديريب ياخدي و خندقده اولان سويو قوروتدو.
بوتون خالق بونو گؤرنده اوزو اوسته دوشوب ددئلر: "رب تاريدير! رب تاريدير!"
او واخت ائليا اونلارا ددي: "بَعَل پيغمبرلرئني توتون، قويمايين اونلاردان بئر نفر ده قاچسين." اونلاري توتدولار. ائليا اونلاري قئشون دره‌سئنه اِندئرئب اورادا اؤلدوردو.
ائليا اَخابا ددي: "گت، يِيئب-ائچ، چونکي گوجلو ياغيشين سَسي گلئر."
اَخاب يِيئب-ائچمه‌يه گتدي. لاکئن ائليا کَرمِل داغينين تپه‌سئنه چيخدي؛ يره اَيئلئب اوزونو دئزلري آراسينا قويدو.
نؤکرئنه ددي: "ائندي چيخ و دهنز طرفئنه باخ." نؤکر قالخدي و دئقّتله باخيب ددي: "بئر شي يوخدور." ائليا يدّي دفه اونا "گئنه گت" ددی.
يدّئنجی دفه گدنده نؤکر ددي: "باخ، دهنزدن ائنسان اووجو بويدا کئچئک بئر بولود چيخير." ائليا ددي: "گت، اَخابا دِه: «عاراباني قوشوب آشاغي اِن کي، ياغيش سنه مانع اولماسين.»"
بئر آز کچمه‌مئشدي کي، گؤيلر بولودلارلا قارالدي، کولَک اَسدي و گوجلو ياغيش، ياغماغا باشلادي. اَخاب عارابايا مئنئب يئزرِعِله گتدي.
ائليايا ربّئن قووّتي گلدي و او، کمرئني باغلاييب اَخابين قاباغيندا يئزرِعِله گئره‌جيئنه قدر قاچدي.
اَخاب ائليانين اتدئيي بوتون ائشلري و اونون نجه بوتون پيغمبرلري قيلينجلا اؤلدوردويونو ائزِبله دانيشدي.
ائزِبِل ائليانين يانينا قاصئد گؤندرئب ددي: "صاباح بو واختاجاق اگر من سني اونلارين گونونه سالماسام، قوي آللاهلار منه بله و بوندان بَتَرئني اتسئنلر.»
ائليا قورخدو و قالخيب جانيني قورتارماق اوچون يهودايا عاييد اولان بئرشئباعا گلدي. نؤکرئني اورادا قويوب
اؤزو چؤلده بئر گونلوک يول گتدي. و گلئب بئر سوپورگه بوتاسينين آلتيندا اوتوردو و جانينا اؤلوم آرزو ادئب ددي: "بَسدئر، يارب، ائندي منئم جانيمي آل، چونکي من آتالاريمدان ياخشي ديئلم."
او، سوپورگه بوتاسينين آلتيندا اوزانيب يوخويا گتدي. باخ، بو زامان بئر مَلَک اونا توخونوب ددي: "قالخ يمک يِه!"
ائليا باخيب گؤردو کي، باشينين کناريندا ائستي داش اوستونده پئشَن بئر کؤکه و بئر بارداق سو وار. او يِيئب ائچدي و گئنه يوخويا گتدي.
ربّئن مَله‌يي گئنه گلدي و اونا توخونوب ددي: "قالخ يمک يِه، چونکي يول سنئن اوچون چوخ اوزوندور."
او قالخدي و يِيئب ائچدي. يِمه‌يئن گوجو ائله قيرخ گون-قيرخ گجه تارينين داغي خورِبه قدر گتدي.
ائليا اوراداکي ماغارايا گئردي و گجهني اورادا قالدي. باخ، ربّئن سؤزو نازئل اولوب ددي: "ائليا، بورادا نه ادئرسن؟"
ائليا ددي: "من قوشونلارين تاريسي رب اوچون چوخ قيرت گؤرستدئم. چونکي ائسرايئل اؤولادلاري سنئن عهدئني ترک ادئبلر، قوربانگاهلاريني داغيديبلار، و پيغمبرلرئني قيلينجلا اؤلدوروبلر. تَکجه من قالميشام، و اونلار منی ده آختاريرلار کي، جانيمي آلسينلار."
او ددي: "چيخ، داغدا ربّئن حوضوروندا دور." و باخ، رب اورادان کچئردي. داغلاري ياران و ربّئن قاباغيندا قايالاري پارچالايان بؤيوک و گوجلو بئر کولَک اسئردي، آنجاق رب کولَکده ديئلدي. کولَکدن سونرا زلزله اولدو، آمّا رب زلزلهده ديئلدي.
زلزله‌دن سونرا اود دوشدو، آمّا رب اوددا ديئلدي. اوددان سونرا خفئف بئر سَس گلدي.
ائليا بونو اشئدنده، اوزونو جوبّه‌سي ائله اؤرتدو و چيخيب ماغارانين آغزيندا داياندي. بئر سَس اونا ددي: "ائليا، بورادا نه ادئرسن؟"
ائليا ددي: "من قوشونلارين تاريسي رب اوچون چوخ قيرت گؤرستدئم. چونکي ائسرايئل اؤولادلاري سنئن عهدئني ترک ادئبلر، قوربانگاهلاريني داغيديبلار، و پيغمبرلرئني قيلينجلا اؤلدوروبلر. تَکجه من قالميشام، منی ده آختاريرلار کي، جانيمي آلسينلار."
رب اونا ددي: "قالخ، يولونلا دَمَشق صحراسينا قاييت. اورايا چاتاندا خَزااِلي اَرام اوستونده پادشاه اولماق اوچون مسح ات،
نئمشي اوغلو يِيهونو دا گرک ائسرايئل اوستونده پادشاه اولماق اوچون مسح ادهسن، آبِل-مِخولادان اولان شافاط اوغلو اِلئشَعي ده اؤز يرئنه پيغمبر اولماق اوچون مسح ات.
خَزااِل قيلينجيندان قورتاراني يِيهو اؤلدورهجک، يِيهونون قيلينجيندان قورتاراني اِلئشَع اؤلدورهجک.
آنجاق من ائسرايئلده يدّي مئن آدامي قورويوب ساخلاميشام، بوتون اونلاري کي، بَعَلئن قاباغيندا دئزه دوشمه‌يئبلر و اونون آغزيني اؤپمه‌يئبلر."
ائليا اوراني ترک اتدي و شافاط اوغلو اِلئشَعي تاپدي. او، ير شوخوملاييردي، قاباغيندا اون ائکي جوت اؤکوز وار ائدي و اؤزو اون‌ائکئنجي جوت اؤکوزو سوروردو. ائليا اِلئشَعئن يانيندان کچنده جوبّه‌سئني اونون اوستونه آتدي.
اِلئشَع اؤکوزلري قويوب ائليانين دالينجا قاچدي و ددي: "قوي گدئب آتا- آنامي اؤپوم، سونرا سنئن دالينجا گله‌رَم." ائليا اونا ددي: "گری قاييت، مگر من سنه نه اتدئم؟"
اِلئشَع اونون آرديندان گری قاييتدي. اؤز بئر جوت اؤکوزونو گؤتوروب اونلاري قوربان کَسدي. اؤکوزلري کوتانين تختلري ائله پئشئرئب اَتلرئني خالقا وردی و اونلار يدئلر. سونرا قالخيب ائليانين دالينجا گتدي و اونا خئدمت اتدي.
اَرام پادشاهي بِن‌هَدَد بوتون قوشونونو ييغدي. اونونلا بئرلئکده اوتوز ائکي پادشاه، آتلار و دؤيوش عارابالاري وار ائدي. بِن‌هَدَد گلئب سامئره‌ني موحاصئرهيه آلدي و شهره هوجوم اتدي.
او، شهره، ائسرايئل پادشاهي اَخابين يانينا قاصئدلر گؤندرئب ددي:
"بِن‌هَدَد بله ديئر: «سنئن قيزيل-گوموشون منئمدئر، آروادلارينين و اؤولادلارينين لاپ گؤزَلي ده منئمدئر.»"
ائسرايئل پادشاهي جاواب ورئب ددي: "آغام پادشاه سنئن ددئيئن کئمي اؤزوم و هر نه‌يئم وار، سنئندئر."
قاصئدلر گئنه گلئب ددئلر: "بِن‌هَدَد بله ديئر: «هر چند کي سنه ‹قيزيل- گوموشونو، آروادلاريني و اوغوللاريني منه ور› ديئب خبر گؤندردئم،
آنجاق صاباح بو واخت آداملاريمي سنئن يانينا گؤندرهجيم. اِوئني و اعيانلارينين سارايلاريني آختاراجاقلار و سنئن خوشونا گلن هر شيي گؤتوروب گتئرهجکلر.»"
ائسرايئل پادشاهي اؤلکهنئن بوتون آغساقّاللاريني چاغيريب ددي: "گؤرون بو آدام نجه پئسلئک آختارير. آروادلاريمي، اوغوللاريمي، قيزيل-گوموشومو مندن طلب اتدي، من اونا يوخ دِمه‌دئم."
بوتون آغساقّاللار و خالق اونا ددئلر: "قولاق آسما، راضي دا اولما."
او، بِن‌هَدَدئن قاصئدلرئنه ددي: "آغام پادشاها ديئن: «بو قولوندان اوّلجه ائسته‌دئيئن هر شيي ورهرم، آنجاق بونو اده بئلمَيه‌جيم.»" قاصئدلر گدئب اونون سؤزونو چاتديرديلار.
بِن‌هَدَد اونا خبر گؤندرئب ددي: "اگر سامئره تورپاغي منئم داليمجا گدن قوشونون اوووجلاريني دولدورماغا بس اتسه، قوي آللاهلار منه بله و بوندان بَتَرئني اتسئنلر.»
ائسرايئل پادشاهي جاواب ورئب ددي: "ديئن، زئره‌هئني گِيمه‌دن اوّل يوخ، سويوناندان سونرا فَخر اتسئن."
بِن-هَدَد بو سؤزو اشئدنده، پادشاهلارلا بئرلئکده چارداقلاردا شراب ائچئردي. او، عسگرلرئنه ددي: "سيرايا دوزولون!" اونلار شهرئن موقابئلئنده سيرايا دوزولدولر.
بو واخت بئر پيغمبر ائسرايئل پادشاهي اَخابين يانينا گلئب ددي: "رب بله ديئر: «بوتون بو بؤيوک قوشونو گؤرورسن؟ باخ، بو گون اونلاري سنه تسلئم ادهجيم و بئلهجکسن کي، رب منم.»"
اَخاب ددي: "کئمئن واسئطهسئله؟" او ددي: "رب بله ديئر: «وئلايت باشچيلارينين خئدمتئنده اولان ائگئدلرئن واسئطهسئله بونو ادهجيم.»" او واخت اَخاب سوروشدو: "دؤيوشو کئم باشلاياجاق؟" او جاواب وردی: "سن."
سونرا اَخاب وئلايت باشچيلارينين ائگئدلرئني سيرايا دوزدو. اونلار ائکي يوز اوتوز ائکي نفر ائدئلر. اونلاردان سونرا اورادا اولان خالقين هاميسيني، حتّا بوتون ائسرايئل اؤولادلاريني سيرايا دوزدو؛ اونلار يدّي مئن نفر ائدئلر.
اونلار گون اورتا اورادان چيخديلار. بِن‌هَدَد و اونا کؤمک ادن اوتوز ائکي پادشاه چارداقلاردا ائچئب کِفلَنمئشدئلر.
اَوّل وئلايت باشچيلارينين ائگئدلري چيخديلار. بِن‌هَدَدئن گؤندردئيي جاسوسلار اونا ددئلر: "سامئرهدن آداملار چيخيب."
او ددي: "اگر صولح اوچون چيخيبلار، اونلاري دئري توتون، اگر دؤيوش اوچون چيخيبلار، گئنه اونلاري دئري توتون."
او واخت بو آداملار، يعني هم وئلايت باشچيلارينين ائگئدلري، هم ده اونلارين دالينجا گلن قوشون، آرتيق شهردن چيخميشدي.
اونلاردان هر بئري قاباغيندا دوراني ووردو. اَراملي‌لار قاچديلار و ائسرايئللی‌لر اونلاري تعقئب اتدئلر. اَرام پادشاهي بِن‌هَدَد آت اوستونده آتلي‌لاري ائله بئرلئکده قاچيب قورتاردي.
ائسرايئل پادشاهي اورادان چيخيب آتلارا و دؤيوش عارابالارينا هوجوم اتدي و اَراملي‌لاري بؤيوک بئر شکئلده قيلينجدان کچئرتدي.
همئن پيغمبر ائسرايئل پادشاهينين يانينا گلئب اونا ددي: "گت اؤزونو مؤحکملَندئر، گؤر کي، نه اتمهليسن. چونکي باهار گلنده اَرام پادشاهي گئنه سنئن اوستونه گلهجک."
اَرام پادشاهينين اعيانلاري اونا ديئردئلر: "ائسرايئللیلرئن آللاهي، داغلار آللاهلاري‌دير، بونا گؤره ده بئزدن داها قووّتلي ائدئلر. اونلارلا هامار بؤلگه‌ده ووروشساق، حتمن اونلاردان قووّتلي اولاجاغيق.
بله ات: پادشاهلارين هر بئرئني وظئفه‌سئندن گؤتور و اونلارين يرئنه والئلر تعيئن ات.
سن ده آت يرئنه آت، عارابا يرئنه عارابا قويوب ائتئردئيئن قوشون کئمي اؤزون اوچون بئر قوشون دوزلت کي، بئز اونلارين ضئدّئنه هامار بؤلگه‌ده ووروشاق. حتمن بئز اونلاردان داها قووّتلي اولاجاغيق." بِن‌هَدَد اونلارين سؤزونه قولاق آسدي و بله اتدي.
باهار گلنده بِن‌هَدَد اَراملي‌لاري ييغدي و ائسرايئللیلرله ووروشماق اوچون اَفِقه طرف گتدي.
ائسرايئل اؤولادلاري دا ييغيلديلار، آذوقه حاضيرلاديلار و اونلارين پئشوازينا گتدئلر. ائسرايئل اؤولادلاري اونلارين قاباغيندا ائکي کئچئک کچي سوروسو کئمي اوردوگاه قوردولار، لاکئن اَراملي‌لار اؤلکهني دولدوردولار.
بئر تاري آدامي ائسرايئل پادشاهينين يانينا گلئب ددي: "رب بله ديئر: «اَراملي‌لار ديئرلر کي، ‹رب داغلار تاريسيدير، اووالار تاريسي ديئل.› بونا گؤره ده من بو بؤيوک قوشونو سنه تسلئم ادهجيم و بئلهجکسئنئز کي، رب منم.»"
اونلار بئربئرلرئنئن قاباغيندا يدّي گون اوردوگاهدا قالديلار. يدّئنجی گون دؤيوش باشلاندي. ائسرايئل اؤولادلاري بئر گونده اَراملي‌لارين پئيادا قوشونوندان يوز مئن نفري قيرديلار.
اونلارين قالانلاري اَفِقه، شهرئن ائچئنه قاچديلار. شهرئن دوواري قالان ائيئرمي يدّي مئن نفرئن اوستونه ييخيلدي. بِن‌هَدَد شهره قاچيب ائچَري بئر اوتاغا گئردي.
اعيانلاري اونا ددئلر: "بئز اشئتمئشئک کي، ائسرايئل پادشاهلاري مرحمتلي پادشاهلارميش. گلئن بِللرئمئزه چول، باشلاريميزا ائپ ساريياق و ائسرايئل پادشاهينين يانينا گِدَک. بلکه او سني صاغ بوراخار."
اونلار بِللرئنه چول، باشلارينا ائپ باغلاديلار و گلئب ائسرايئل پادشاهينا ددئلر: "قولون بِن‌هَدَد ديئر: «يالواريرام، منی صاغ بوراخ.»" ائسرايئل پادشاهي ددي: "مگر او حله ده صاغدير؟ او منئم قارداشيمدير."
بو آداملار بئر علامت گؤزلهيئردئلر، پادشاهين سؤزونو ياخشي علامت ساييب جَلد ددئلر: "بِن‌هَدَد سنئن قارداشيندير." او ددي: "گدئن، اونو گتئرئن." بِن‌هَدَد اونون يانينا گلدي و او، بِن‌هَدَدي اؤز دؤيوش آراباسينا مئندئردي.
بِن‌هَدَد اونا ددي: «منئم آتامين سنئن آتاندان آلديغي شهرلري گری قايتاريرام. آتامين سامئرهده دوزلتدئيي کئمي، سن ده دَمَشقده اؤزون اوچون بازارلار دوزَلدَرسن." اَخاب ددي: "بو عهدله سني صاغ بوراخارام." بلجه بِن‌هَدَدله عهد باغلاييب اونو آزاد بوراخدي.
پيغمبرلردن اولان بئر نفر ربّئن سؤزو ائله اؤز يولداشينا ددي: "خاهئش ادئرم منی وور." لاکئن او آدام اونو وورماق ائستَمه‌دي.
او واخت پيغمبر او آداما ددي: "ائندي کي، سن ربّئن سؤزونه قولاق آسمادين، باخ، منئم يانيمدان آيريلديقدا بئر شئر سني اؤلدورهجک." پيغمبرئن يانيندان آيريلديقدا بئر شئر اونا راست گلئب اونو اؤلدوردو.
پيغمبر آيري بئر آدام تاپيب اونا ددي: "خاهئش ادئرم، منی وور." او آدام پيغمبري ووروب يارالادي.
پيغمبر گتدي و گؤزلرئني بئر اؤرتوکله اؤرتوب قئيافه‌سئني دَيئشدي و پادشاهين يولو اوستونده داياندي.
پادشاه کچنده اونو سَسله‌يئب ددي: "بو قولون دؤيوشون اورتاسينا گئرمئشدي. باخ، بئر آدام کنارا چکئلدي و منئم يانيما بئر نفر گتئرئب ددي: «بو آدامي گود. اگر آرادان چيخسا، عوضئنده يا جانيني وره‌جکسن يا دا بئر تالانت گوموش.»
بو قولون اورادا-بورادا مشغول اولارکن او، يانيمدان قاچدي." ائسرايئل پادشاهي بو آداما ددي: "حؤکمون اِله ده اولماليدير، اؤزون قرار ورئبسن."
او جَلد گؤزلرئندن اؤرتويو گؤتوردو. ائسرايئل پادشاهي اونون پيغمبرلردن بئري اولدوغونو گؤردو.
او، ائسرايئل پادشاهينا ددي: "رب بله ديئر: «منئم اؤلومه لعنت اتدئيئم آدامي، سن اَلدن بوراخدين. بونا گؤره ده اونون يرئنه سن اؤله‌جکسن و اونون خالقينين باشينا گلهجک ائشلر، سنئن خالقينين باشينا گلهجک.»"
ائسرايئل پادشاهي قاشقاباقلي و قضبلي سامئرهده اولان سارايينا گلدي.
يئزرِعِلده، سامئره پادشاهي اَخابين سارايينين يانيندا يئزرِعِللي نابوط آدلي بئرئنئن بئر اوزوم باغي وار ائدي.
بئر گون اَخاب نابوتلا دانيشيب اونا ددي: "اوزوم باغيني منه ور کي، اوراني اؤزوم اوچون بوستان ادئم، چونکي ساراييما ياخيندير. من اونون عوضئنه سنه داها ياخشي باغ ورهرم، يا دا اگر مايئلسن، اونون دَيَرئني سنه پوللا ورهرم."
لاکئن نابوت اَخابا ددي: "رب مندن ائراق اتسئن کي، آتالاريمين مئراثيني سنه ورئم!"
اَخاب سارايينا قاشقاباقلي و قضبلي گلدي، چونکي يئزرِعِللي نابوت اونا دمئشدي کي، "آتالاريمين مئراثيني سنه ورمه‌رم." او، ياتاغي اوستونه اوزانيب اوزونو چِوئردي و يمک يِمه‌دي.
آروادي ائزِبِل يانينا گلئب اوندان سوروشدو: "نئيه قانين قارادير، هچ يمک ده يِمئرسن؟"
او جاواب وردی: "من يئزرِعِللي نابوتلا دانيشيب اونا ددئم: «اوزوم باغيني پوللا منه سات، يا دا ائستيهسن، اونون عوضئنده سنه باشقا اوزوم باغي ورهرم.» آمّا او جاواب وردی: "اوزوم باغيمي سنه ورمه‌رم."
آروادي ائزِبِل اوندان سوروشدو: "سن ائسرايئل اوستونده بلجه پادشاهليق ادئرسن؟ قالخ يمک يِه، اوره‌يئني سيخما. يئزرِعِللي نابوتون اوزوم باغيني من سنه ورهرم."
او، اَخابين آديندان مکتوبلار يازدي و اونلاري اَخابين مؤهورو ائله مؤهورله‌دي. نابوتون شهرئنده اونونلا بئرلئکده ياشايان آغساقّاللارا و اعيانلارا مکتوبلار گؤندردي.
ائزِبِل مکتوبلاردا بله يازدي: "اوروج اعلان ادئن و نابوتو خالقين آراسيندا يوخاري باشدا اَيلَشدئرئن.
ائکي نفر دَيَرسئز آدامي اونون قاباغيندا اوتوردون و اونلار اونون ضئدّئنه شاهئدلئک ادئب دسئنلر: «سن هم تارييا، هم ده پادشاها لعنت اتدئن.» سونرا اونو باييرا چيخاردين و اؤلَنه قدر داشا باسين."
نابوتون ياشاديغي شهرئن آداملاري، اورادا ياشايان آغساقّاللار و اعيانلار ائزِبِلئن اونلارا گؤندردئيي مکتوبلاردا يازديغي کئمي اتدئلر.
اونلار اوروج اعلان اتدئلر و نابوتو خالقين آراسيندا يوخاري باشدا اَيلَشدئردئلر.
ائکي نفر دَيَرسئز آدام گلئب اونون قاباغيندا اوتوردو. اونلار خالقين قاباغيندا نابوتون ضئدّئنه شاهئدلئک ادئب ددئلر: "نابوت هم تاريني، هم ده پادشاهي لعنتله‌دي." سونرا اونو شهرئن باييرينا چيخارتديلار و داشا باسيب اؤلدوردولر.
اونلار ائزِبِله خبر گؤندرئب ددئلر: "نابوت اؤلَنه‌جک داشا باسيليب."
ائزِبِل نابوتون داشا باسيليب اؤلدويونو اشئدنده اَخابا ددي: "قالخ يئزرِعِللي نابوتون اوزوم باغيني کی، ائستمه‌دی اونو سنه پوللا ورسئن، اؤزونه مولک گؤتور، چونکي نابوت صاغ ديئل، اؤلوب."
اَخاب نابوتون اؤلدويونو اشئدنده، قالخدي کي، يئزرِعِللي نابوتون اوزوم باغينا گتسئن و اوراني اؤزونه مولک گؤتورسون.
او واخت تئشبه‌لي ائليايا ربّئن بو سؤزو نازئل اولدو:
"قالخ سامئرهده ائسرايئل پادشاهي اَخابين پئشوازينا گت. او، نابوتون اوزوم باغيندادير. گدئب کي، اوراني اؤزونه گؤتورسون.
سن اونونلا دانيشيب اونا دِه کي، رب بله ديئر: «آدام اؤلدوروب اؤزونه مولک ده گؤتورورسن؟» سونرا اونا دِه کي، رب بله ديئر: «نابوتون قانيني ائتلر هارادا يالاديلار، سنئن قانيني دا اورادا يالاياجاقلار.»"
اَخاب ائليادان سوروشدو: "ای دوشمنئم، نهايت منی ده تاپدين؟" او جاواب وردی: "سني ده تاپديم، چونکي سن ربّئن گؤزونده اؤزونو شرارت اتمه‌يه ساتيبسان.
«باخ، سنئن اوستونه بلا گتئره‌جيم، سني يانديريب محو ادهجيم. ائسرايئلده اَخابين نسلئندن هر اِرکَک جئنسئني ائستر قول اولسون، ائستر آزاد، کَسئب آتاجاغام.
من سنئن اِوئني نِباط اوغلو يَروبعامين اِوي کئمي، اَخئيا اوغلو بَعشانين اِوي کئمي ادهجيم. چونکي سن ائسرايئله گوناه اتدئرمکله منی قضبلَندئردئن.»"
رب ائزِبِل بارهده دانيشيب ددي: "يئزرِعِل دووارينين ائچه‌رئسئنده، ائزِبِلي ائتلر يئيه‌جکلر.
اَخابين نسلئندن شهرده اؤله‌ني ائتلر، چؤلده اؤله‌ني ده گؤيلرئن قوشلاري يئيهجک."
حقئقتن، اَخاب کئمي ربّئن گؤزونده شرارت اتمه‌يه اؤزونو ساتان حله اولماميشدي. چونکي آروادي ائزِبِل اونو بونا تحرئک ادئردي.
اَخاب اِمورلولارين اتدئيي کئمي بوتلره پِيرَو اولماقدا چوخ ائيرنج ائشلر اتدي. رب اِمورلولاري ائسرايئل اؤولادلارينين قاباغيندان قووموشدو.
اَخاب بو سؤزلري اشئدنده پالتاريني جيريب اَينئنه چول گِيدي. او، اوروج توتوب چولدا ياتدي و ياواش قدملرله گتدي.
او واخت تئشبه‌لي ائليايا ربّئن بو سؤزو نازئل اولدو:
"گؤرورسن اَخاب منئم حوضورومدا نجه اؤزونو آلچالديب؟ قاباغيمدا اؤزونو آلچالتديغي اوچون من بو بلاني اونون دؤورونده گؤندرميه‌جيم، آمّا اوغلونون دؤورونده بو بلاني اونون اِوئنه گؤندرهجيم."
اوچ ائل کچدي. بو مودّتده اَراملا ائسرايئل آراسيندا موحارئبه گتمئردي.
اوچونجو ائلده يهودا پادشاهي يِهوشافاط ائسرايئل پادشاهينين يانينا گلدي.
ائسرايئل پادشاهي اعيانلارينا ددي: "آيا بئلئرسئنئز کي، راموت گئلعاد بئزئمدئر و بئز هچ نه اتمئرئک کی، اونو اَرام پادشاهينين اَلئندن گری آلاق؟"
سونرا او، يِهوشافاطدان سوروشدو: "آيا سن منئمله بئرلئکده راموت گئلعادا گِدَرسن کی، اونلارلا شاواشاق؟" يِهوشافاط ائسرايئل پادشاهينا جاواب وردی: "منی اؤزون کئمي، خالقيمي خالقين کئمي، آتلاريمي آتلارين کئمي حساب ات."
يِهوشافاط گئنه ائسرايئل پادشاهينا ددي: "اوّلجه گؤرَک ربّئن سؤزو ندئر؟"
ائسرايئل پادشاهي دؤرد يوزه قدر پيغمبري ييغدي و اونلاردان سوروشدو: "ووروشماق اوچون راموت گئلعادا گدئم يا گتمه‌يئم؟» اونلار ددئلر: "گت، رب اونو پادشاها تسلئم ادهجک."
يِهوشافاط سوروشدو: "بورادا اولانلاردان باشقا، ربّئن بئر پيغمبري يوخدور کي، اوندان سوروشاق؟"
ائسرايئل پادشاهي يِهوشافاطا ددي: "ربدن سوروشماق اوچون بئر نفر ده وار: يئملا اوغلو مئکايا. آنجاق منئم اوندان زَهلَم گدئر، چونکي ياخشيليغيما يوخ، پئسلئيئمه پيغمبرلئک ادئر." يِهوشافاط ددي: "قوي پادشاه بله دِمه‌سئن."
ائسرايئل پادشاهي بئر ساراي خئدمتچئسئني چاغيريب ددي: "تِز يئملا اوغلو مئکاياني بورايا گتئر."
ائسرايئل پادشاهي و يهودا پادشاهي يِهوشافاط سامئره دروازاسينين گئره‌جيئنده‌کي خرمن يرئنده، شاهليق لئباسي گِيمئش حالدا، هر بئري اؤز تختئنده اوتورموشدو و بوتون پيغمبرلر اونلارين قاباغيندا پيغمبرلئک ادئردئلر.
کِنَعَنا اوغلو صئدقئيا اؤزونه دمئر بوينوزلار دوزَلدئب ددي: "رب بله ديئر: «اَراملي‌لاري قيريب قورتارانا قدر، اونلاري بونلارلا بوينوزلاياجاقسان.»"
بوتون پيغمبرلر ده پيغمبرلئک ادئب ديئردئلر: "راموت- گئلعادا گت، قالئب گله‌جکسن، چونکي رب اونو پادشاها تسلئم ادهجک."
او قاصئد کي، مئکاياني چاغيرماق اوچون گتمئشدي، اونونلا دانيشيب اونا ددي: "باخ، پيغمبرلر پادشاها بئرلئکده خوش سؤزلر ديئرلر. قوي سنئن سؤزون ده اونلاردان بئرئنئن سؤزو کئمي اولسون و خوش دانيش."
مئکايا ددي: "وار اولان ربّه آند اولسون کي، رب منه نه دِسه، اونو دئيه‌جيم."
او، پادشاهين يانينا گلدئکده پادشاه اونا ددي: "مئکايا، ووروشماق اوچون راموت گئلعادا گِدَک، يوخسا گتمه‌يک؟" مئکايا اونا ددي: "گت، قاليب گله‌جکسن، رب اونو پادشاها تسلئم ادهجک."
پادشاه اونا ددي: "سنه نچه دفه گرک آند ائچدئرئم کي، منه ربّئن آديندا حقئقتدن باشقا بئر شي دِمَيه‌سن؟"
مئکايا ددي: "من گؤردوم کی، بوتون ائسرايئللی‌لر داغلار اوستونده، چوباني اولمايان سورو کئمي سَپَله‌نئبلر. رب ددي: «اونلارين آغاسي يوخدور. قوي هر بئري سالامات اؤز اِوئنه قاييتسين.»"
ائسرايئل پادشاهي يِهوشافاطا ددي: "مگر سنه دِمه‌دئم کي، او منئم ياخشيليغيما يوخ، پئسلئيئمه پيغمبرلئک ادهجک؟"
مئکايا ددي: "او واخت ربّئن سؤزونو اشئت. من ربّی گؤردوم کي، اؤز تختئنده اوتوروب و بوتون گؤيلر قوشونو اونون ساغيندا و سولوندا دوروبلار.
رب سوروشدو: «اَخابي کئم توولاياجاق کي، راموت- گئلعادا گدئب هلاک اولسون؟» بئري اله ددی، او بئري بله.
او واخت بئر روح ائرهلي گلئب ربّئن قاباغيندا داياندي و ددي: «من اونو توولايارام.» رب اونا ددي: «نجه؟»
او جاواب وردی: «من گدئب بوتون پيغمبرلرئن آغزيندا يالانچي بئر روح اولارام.» رب ددي: «سن اونو توولاياجاقسان و بونو باجاريرسان، گت و بله ات.»
بس ائندي، باخ، رب سنئن بوتون بو پيغمبرلرئنئن آغزينا يالانچي بئر روح قويوب. رب سنئن باشينا بلا گتئرمه‌يي اعلان ادئب."
او واخت کِنَعَنا اوغلو صئدقئيا ياخينلاشدي و مئکايانين ياناغينا ووروب سوروشدو: "ربّئن روحو مندن سنه نجه کچدي کي، سنه دانيشسين؟"
مئکايا جاواب وردی: "باخ، سن بونو او گون گؤرهجکسن کي، گئزلَنمک اوچون ائچَري اوتاغا گئرئرسن."
ائسرايئل پادشاهي امر اتدي: "مئکاياني گؤتورون، اونو شهر ريئسي آمونون و پادشاهين اوغلو يوآشين يانينا گؤندرئن.
اونلارا ديئن کي، پادشاه بله ديئر: «بو آدامي زئندانا آتين و من سالامات قاييدانا قدر اونا آنجاق او قدر چؤرک و سو ورئن کي، اؤلمه‌سئن.»"
مئکايا ددي: "اگر سن سالامات قاييداسان، رب منئم واسئطَمله دانيشماييبدير." سونرا ددي: "ای جاماعات، هامينيز اشئدئن!"
ائسرايئل پادشاهي و يهودا پادشاهي يِهوشافاط راموت-گئلعادين ضئدّئنه گتدئلر.
ائسرايئل پادشاهي يِهوشافاطا ددي: "من قئيافه‌مي دَيئشئب دؤيوشه گئره‌جيم، لاکئن سن اؤز شاهليق پالتاريني گِي." بلجه ائسرايئل پادشاهي قئيافه‌سئني دَيئشئب دؤيوشه گئردي.
اَرام پادشاهي اؤز دؤيوش عارابالارينين اوتوز ائکي باشچيسينا امر ادئب دمئشدي: "نه کئچئکله، نه ده بؤيوکله ووروشون، فقط ائسرايئل پادشاهي ائله دؤيوشه گئرئن."
دؤيوش عارابالارينين باشچيلاري يِهوشافاطي گؤرنده ددئلر: "يقئن ائسرايئل پادشاهي بودور." دؤنوب اونونلا ووروشماغا گتدئلر. او واخت يِهوشافاط چيغيردي.
دؤيوش عارابالارينين باشچيلاري اونون ائسرايئل پادشاهي اولماديغيني گؤرنده دالينجا گتمه‌يئب گری قاييتديلار.
بئر آدام نئشان آلمادان کامان چکئب ائسرايئل پادشاهيني زئرِهئنئن بئرلَشدئيي يردن ووردو. پادشاه عاراباچيسينا ددي: "دؤندَر و منی دؤيوشدن چيخارت، چونکي آغير يارالانميشام."
او گون دؤيوش قيزيشدي. پادشاه اؤز دؤيوش عاراباسيندا اَراملي‌لارين قاباغيندا داياندي و آخشام او اؤلدو. دؤيوش عاراباسي اونون ياراسينين قانينا بولاشدي.
گونش باتماقدا ائکن اوردوگاهين ائچئنده جار چکئلدي: "هر کس اؤز شهرئنه! هر کس اؤز اؤلکهسئنه!"
بلجه پادشاه اؤلدو و اونو سامئره‌يه گتئرئب اورادا باسديرديلار.
عاراباني سامئره حوووضونون سويوندا يودولار، و ربّئن ددئيي سؤزونه گؤره، ائتلر اونون قانيني يالاديلار. بو حوووضدا فاحئشهلر يويوناردي.
اَخابين قالان ائشلري و اونون اتدئيي هر شي، فئل دئشئندن بَزه‌دئيي ساراي و تئکدئيي بوتون شهرلر بارهده مگر ائسرايئل پادشاهلارينين سالنامه‌لر کئتابيندا يازيلماييبدير؟
بلجه اَخاب اؤلوب آتالاري ائله ياتدي و يرئنه اوغلو اَخَزيا پادشاه اولدو.
ائسرايئل پادشاهي اَخابين پادشاهليغينين دؤردونجو ائلئنده، آسا اوغلو يِهوشافاط يهودا اوستونده پادشاهليق اتدي.
يِهوشافاط، پادشاه اولدوغو واخت، اوتوز بش ياشيندا ائدي. او، اورشلئمده ائيئرمي بش ائل پادشاهليق اتدي. آناسينين آدي شئلخي قيزي عَزوبا ائدي.
او، آتاسي آسانين يولو ائله گتدي و اوندان آزماييب ربّئن گؤزونده دوز اولان ائشلر اتدي. آنجاق پرستئشگاهلار آرادان قالديريلمادي و خالق حله ده بو پرستئشگاهلاردا قوربان گتئرئب بوخور يانديريردي.
يِهوشافاط ائسرايئل پادشاهي ائله صولح ائچئنده ياشادي.
يِهوشافاطين قالان ائشلري، اونون گؤرستدئيي قووّت و نجه دؤيوشدويو بارهده مگر يهودا پادشاهلارينين سالنامه‌لر کئتابيندا يازيلماييبدير؟
او، کئشی فاحئشه‌لری کی، آتاسي آسانين زامانيندان قالميشدي، اؤلکه‌دن قوودو.
اِدومدا پادشاه يوخ ائدي، بئر جانئشئن اورادا حؤکمرانليق ادئردي.
يِهوشافاط تَرشئش گَمئلري دوزلتدي کي، قيزيل دالينجا اوفئره گتسئنلر. آمّا گده بئلمه‌دئلر، چونکي گَمئلر عِصيون‌گِبِرده سيندي.
او واخت اَخاب اوغلو اَخَزيا يِهوشافاطا ددي: "قوي گَمئلرده سنئن آداملارينلا بئرلئکده، منئم آداملاريم دا گتسئنلر." لاکئن يِهوشافاط راضي اولمادي.
يِهوشافاط اؤلوب آتالاري ائله ياتدي و آتاسي داوودون شهرئنده، آتالارين يانيندا باسديريلدي. اونون يرئنه اوغلو يِهورام پادشاه اولدو.
يهودا پادشاهي يِهوشافاطين پادشاهليغينين اون يدّئنجی ائلئنده، اَخاب اوغلو اَخَزيا سامئرهده ائسرايئل اوستونده پادشاه اولدو. او، ائکي ائل ائسرايئل اوستونده پادشاهليق اتدي.
اَخَزيا ربّئن گؤزونده پئس اولان ائشلر اتدي، آتا-آناسينين و ائسرايئله گوناه اتدئرمئش نِباط اوغلو يَروبعامين يولو ائله گتدي.
اَخَزيا، آتاسينين اتدئيي کئمي، بَعَله قوللوق و اونا پرستئش اتدي و ائسرايئلئن تاريسي ربّی قضبلَندئردي.
اَخابين اؤلوموندن سونرا موآب ائسرايئلئن ضئدّئنه عوصيان قالديردي.
پادشاه اَخَزيا سامئره‌ده‌کي سارايينين بالاخاناداکي موشَبّک پنجره‌‌سئندن ييخيليب ناخوشلادي. او، قاصئدلر دالينجا گؤندرئب اونلارا ددي: "گدئن، عِقرون آللاهي بَعَلزِبوبدان سوروشون، آيا بو ناخوشلوقدان صاغالاجاغام؟"
لاکئن ربّئن مَله‌يي تئشبِلي ائليايا ددي: "قالخ سامئره پادشاهينين قاصئدلرئنئن پئشوازينا چيخ و اونلارا دِه: «ائسرايئلده تاري يوخدور کي، عِقرون آللاهي بَعَلزِبوبدان سوروشماغا گِدئرسئنئز؟»
بونا گؤره ده رب بله ديئر: «اوستونده اوزانديغين ياتاقدان قالخا بئلميه‌جکسن، قطعن اؤله‌جکسن!»" سونرا ائليا گتدي.
قاصئدلر پادشاهين يانينا قاييتديقدا، پادشاه اونلارا ددي: "نئيه گری قاييتدينيز؟"
اونا ددئلر: "بئر آدام بئزئمله راستلاشدي و بئزه ددي: «سئزي گؤندرَن پادشاهين يانينا قاييديب اونا ديئن کي، رب بله ديئر: ‹ائسرايئلده تاري يوخدور کي، عِقرون آللاهي بَعَلزِبوبدان سوروشماق اوچون قاصئدلر گؤندردئن؟› بونا گؤره ده اوستونده اوزانديغين ياتاقدان قالخا بئلميه‌جکسن، قطعن اؤله‌جکسن!»"
پادشاه اونلاردان سوروشدو: "سئزئنله راستلاشان و سئزه بو سؤزلري دئيَن آدام نه قئيافه‌ده ائدي؟"
اونا ددئلر: "اَينئنده توکلو بئر پالتار اولان آدام ائدي، بِلئنه ده دَري قورشاق باغلاميشدي." پادشاه ددي: "او، تئشبِلي ائليادير."
پادشاه بئر اَلّي‌باشي ائله اَلّي آداميني ائليانين يانينا گؤندردي. اَلّي‌باشي اونون يانينا گلدي. ائليا تپه‌نئن باشيندا اوتورموشدو. اَلّي‌باشي اونا ددي: "ای تاري آدامي، پادشاه ديئر «آشاغي دوش.»"
ائليا اَلّي‌باشي‌يا جاواب ورئب ددي: "اگر من تاري آدامي‌يام، گؤيدن اود ياغسين، سني و اَلّي آداميني تَلَف اتسئن!" او واخت گؤيدن اود ياغدي، اَلّي‌باشي ائله اَلّي آداميني تلف اتدي.
پادشاه باشقا بئر اَلّي‌باشي ائله اَلّي آداميني اونون يانينا گؤندردي. اَلّي‌باشي اونا ددي: "ای تاري آدامي، پادشاه بله ديئر: «تِز آشاغي دوش.»"
ائليا اونلارا جاواب ورئب ددي: "اگر من تاري آدامي‌يام، گؤيدن اود ياغسين، سني و اَلّي آداميني تلف اتسئن!" او واخت گؤيدن تارينين اودو ياغدي، اَلّي‌باشي ائله اَلّي آداميني تلف اتدي.
پادشاه گئنه اوچونجو بئر اَلّي‌باشي ائله اَلّي آداميني گؤندردي. اوچونجو اَلّي‌باشي گلئب چاتديقدا، ائليانين قاباغيندا دئزه دوشدو و اونا يالواريب ددي: "ای تاري آدامي، خاهئش ادئرم، منئم و بو اَلّي قولونون جانينا يازيغين گلسئن.
باخ، گؤيدن اود ياغيب اوّل گلن ائکي اَلّي‌باشيني و اونلارين هَره‌سئنئن اَلّي آداميني تلف اتدي. ائندي منئم جانيما يازيغين گلسئن."
او واخت ربّئن مَله‌يي ائليايا ددي: "اونونلا بئرلئکده آشاغي دوش، اوندان قورخما." ائليا قالخيب آشاغي دوشدو و اَلّي‌باشي ائله بئرلئکده پادشاهين يانينا گلدي.
اونا ددي: "رب بله ديئر: «ائسرايئلده سؤزونو سوروشماغا تاري يوخدور کي، عِقرون آللاهي بَعَلزِبوبدان سوروشماق اوچون قاصئدلر گؤندردئن؟ بونا گؤره ده اوستونده اوزانديغين ياتاقدان قالخا بئلميه‌جکسن، قطعن اؤله‌جکسن!»"
بلجه اَخَزيا ائليانين ددئيي ربّئن سؤزونه گؤره اؤلدو. اوغلو اولماديغي اوچون يرئنه قارداشي يورام پادشاه اولدو. بو دا يهودا پادشاهي يِهوشافاط اوغلو يِهورامين پادشاهليغينين ائکئنجي ائلئنده اولدو.
اَخَزيانين اتدئيي قالان ائشلري مگر ائسرايئل پادشاهلارينين سالنامه‌لر کئتابيندا يازيلماييبدير؟
ائليا، اِلئشَعله گئلگالدان گتدي. بو او زامان باش وردی کي، رب ائلياني عنقرئب فيرلانان يِل‌له گؤيه آپاراجاق ائدي.
او واخت ائليا اِلئشَعه ددي: "خاهئش ادئرم بورادا قال، چونکي رب منی بِيت ائله گؤندرئر." اِلئشَع ددي: "وار اولان ربّه و سنئن جانينا آند اولسون کي، سندن اَل چکمه‌رم.» اونلار بِيت ائله گتدئلر.
بِيت ائلده اولان پيغمبرلر اؤولادلاري اِلئشَعئن يانينا گلئب اوندان سوروشدولار: "آيا بئلئرسن رب بو گون آغاني سنئن باشين اوستوندن گؤتورهجک؟" اِلئشَع ددي: "بلی، بئلئرم، ساکئت اولون."
ائليا اونا ددي: "اِلئشَع، خاهئش ادئرم بورادا قال، چونکي رب منی اَرئحايا گؤندرئر." آمّا اِلئشَع ددي: «وار اولان ربّه و سنئن جانينا آند اولسون کي، سندن اَل چکمه‌رم." اونلار اَرئحايا گلدئلر.
اَرئحادا اولان پيغمبرلر اؤولادلاري اِلئشَعئن يانينا گلئب اوندان سوروشدولار: "آيا بئلئرسن رب بو گون آغاني سنئن باشين اوستوندن گؤتورهجک؟" اِلئشَع جاواب وردی: "بلی، بئلئرم، ساکئت اولون!"
او واخت ائليا اونا ددي: "خاهئش ادئرم بورادا قال، چونکي رب منی اوردون چايينين يانينا گؤندرئر." اِلئشَع ددي: "وار اولان ربّه و سنئن جانينا آند اولسون کي، سندن اَل چکمه‌رم." اونلار گتدئلر.
پيغمبرلر اؤولادلاريندان اَلّي آدام گدئب اوزاقدا اونلارين موقابئلئنده داياندي. اونلار دا اوردون چايينين يانيندا دايانديلار.
ائليا جوبّه‌سئني گؤتوردو و اونو بوکوب سويا ووردو. سو ائکي يره آيريلدي و اونلار قورو يرئن اوستوندن کچدئلر.
اونلار کچندن سونرا ائليا اِلئشَعدن سوروشدو: "من سنئن يانيندان گؤتورولمه‌دن، مندن بئر شي ائسته؛ سنئن اوچون نه اِدئم؟" اِلئشَع ددي: "لوطفن سنده اولان روح، ائکي قات مَنده اولسون."
ائليا ددي: "سن چتئن بئر شي ائسته‌دئن. اگر سنئن يانيندان گؤتورولدويومو گؤرهسن، سنئنله بله اولاجاق، يوخسا بو اولماياجاق."
اونلار دانيشا- دانيشا گِدَرکَن قفلتن اودلو بئر عارابا و اودلو آتلار گؤروندولر و اونلاري بئر-بئرئندن آييرديلار. ائليا فيرلانان يِل‌له گؤيه قالديريلدي.
اِلئشَع بونو گؤروب قيشقيردي: "آتام، ای آتام! ائسرايئلئن عاراباسي و آتلي‌لاري!" و ائلياني داها گؤرمه‌دي. او واخت اؤز پالتارلاريني گؤتوردو و اونلاري جيريب ائکي يره بؤلدو.
سونرا ائليانين اَينئندن دوشَن جوبّه‌ني گؤتوروب گری دؤندو و اوردون چايينين قيراغيندا داياندي.
ائليانين اَينئندن دوشَن جوبّه‌ني گؤتوروب سويا ووردو و ددي: "ائليانين تاريسي رب هارادادير؟" او دا جوبّه‌ني سويا ووراندا، سو ائکي يره آيريلدي. اِلئشَع اورادان کِچدي.
اَرئحادا اولان پيغمبرلر اؤولادلاري اونو اوزاقدان گؤروب ددئلر: "ائليانين روحو اِلئشَعئن اوستوندهدئر." اونلار اِلئشَعئن پئشوازينا گلدئلر و اونون قاباغيندا يره قدر تعظئم اتدئلر.
اونا ددئلر: "باخ، بو قوللارينين يانيندا اَلّي ائگئد وار، لوطفن قوي گدئب آغاني آختارسينلار. بلکه ربّئن روحو اونو قالديريب داغلارين، يا دا دره‌لرئن بئرئنه آتيبدير؟" اِلئشَع ددي: "گؤندرمه‌يئن."
آمّا اونلار او قدر عئناد اتدئلر کي، اِلئشَع اوتانيب ددي: "گؤندرئن." اَلّي نفر گؤندردئلر و اونلار اوچ گون آختارديلار، آنجاق ائلياني تاپا بئلمه‌دئلر.
سونرا اِلئشَعئن يانينا کي، اَرئحادا قالميشدي، قاييتديلار. اِلئشَع اونلارا ددي: "من سئزه دِمه‌دئم کي، گتمه‌يئن؟"
شهرئن آداملاري اِلئشَعه ددئلر: "آغامين گؤردويو کئمي بو شهرئن يري ياخشيدير، آنجاق سويو پئسدئر، تورپاغي ثمر ورمئر."
او ددي: "منه تزه بئر قاب گتئرئن و اونون ائچئنه دوز قويون." بونو اونا گتئردئلر.
او، بولاغا چيخدي، دوزو اورايا آتيب ددي: "رب بله ديئر: «بو سولاري تمئز اتمئشم، آرتيق اوندا اؤلوم و ثمرسئزلئک اولماياجاق.»"
اِلئشَعئن ددئيي سؤزه گؤره بو سو بو گونه قدر ده تمئز قالير.
اِلئشَع اورادان بِيت ائله قالخدي. او يولا دوشَنده کئچئک اوغلانلار شهردن چيخديلار و اونو لاغا قويوب ددئلر: "گؤيه قالخ، کِچَل، گؤيه قالخ، کِچَل!"
او آرخايا دؤنوب اوغلانلاري گؤردو و اونلاري ربّئن آدي ائله لعنتله‌دي. مِشه‌دن ائکي دئشي آيي چيخيب اونلاردان قيرخ ائکي نفري پارچالادي.
اِلئشَع اورادان کَرمِل داغينا گتدي، اورادان دا سامئره‌يه قاييتدي.
يهودا پادشاهي يِهوشافاطين پادشاهليغينين اون‌سکّئزئنجي ائلئنده، اَخاب اوغلو يورام سامئرهده ائسرايئل اوستونده پادشاه اولدو و اون ائکي ائل پادشاهليق اتدي.
او، ربّئن گؤزونده پئس اولان ائشلر اتدي، گرچي آتاسي و آناسي کئمي ديئلدي، چونکي آتاسينين دوزلتدئيي بَعَل سوتونونو آرادان آپاردي.
آمّا هرحالدا نِباط اوغلو يَروبعامين ائسرايئله اتدئردئيي گوناهلاردان ياپيشدي؛ اونلاردان اَل چکمه‌دي.
موآب پادشاهي مِيشَع قويون يِتئشدئرئردي. او، ائسرايئل پادشاهينا هر ائل يوز مئن قوزو و يوز مئن قوچون يونونو گؤندرَردي.
اَخابين اؤلوموندن سونرا، موآب پادشاهي ائسرايئل پادشاهينين ضئدّئنه عوصيان قالديردي.
او واخت پادشاه يورام سامئرهدن چيخدي و بوتون ائسرايئللی‌لري ييغدي.
سونرا گدئب يهودا پادشاهي يِهوشافاطا خبر گؤندردي و اونا ددي: "موآب پادشاهي منئم ضئدّئمه عوصيان قالديريب. آيا منئمله بئرلئکده موآبين ضئدّئنه گِدَرسن؟" يِهوشافاط جاواب وردی: "گده‌رم، منی اؤزون کئمي، خالقيمي خالقين کئمي، آتلاريمي آتلارين کئمي حساب ات."
يورام سوروشدو: "هانسي يوللا چيخاق؟" او جاواب وردی: "اِدوم چؤلونون يولو ائله."
ائسرايئل پادشاهي، يهودا پادشاهي و اِدوم پادشاهي گدئب او يولو يدّي گون گَزدئلر. عسگرلر و داللارينجا گلن حيوانلار اوچون سو يوخ ائدي.
او واخت ائسرايئل پادشاهي ددي: "آي آمان! رب بو اوچ پادشاهي بئر يره چاغيريب کي، اونلاري موآبلي‌لارا تسلئم اتسئن."
يِهوشافاط سوروشدو: "بورادا ربّئن بئر پيغمبري يوخدور کي، اونون واسئطهسئله ربدن مصلحت آلاق؟" ائسرايئل پادشاهينين اعيانلاردان بئري جاواب ورئب ددي: "شافاط اوغلو اِلئشَع بورادادير. او، ائليانين اَلئنه سو تؤکَردي."
يِهوشافاط ددي: "اوندا ربّئن سؤزو وار." بلجه ائسرايئل پادشاهي، يِهوشافاط و اِدوم پادشاهي اِلئشَعئن يانينا گتدئلر.
اِلئشَع ائسرايئل پادشاهيندان سوروشدو: "مندن سنه نه؟ آتانين پيغمبرلرئنئن، آنانين پيغمبرلرئنئن يانينا گت." ائسرايئل پادشاهي اونا ددي: "يوخ! چونکي رب بو اوچ پادشاهي بئر يره چاغيريب کي، اونلاري موآبليلارين اَلئنه تسلئم اتسئن."
اِلئشَع ددي: "حوضوروندا دوردوغوم وار اولان قوشونلار ربّئنه آند اولسون کي، يهودا پادشاهي يِهوشافاطا حؤرمت اتمَسَيدئم، نه سنه باخارديم، نه سني گؤرَردئم.
ائندي منئم يانيما چنگ چالان بئر آدام گتئرئن." گتئرئلَن آدام چنگ چالارکن، ربّئن قووّتي اِلئشَعئن اوستونه گلدي.
او ددي: "رب بله ديئر: «بو دره‌نئن هر يرئنده خندقلر قازين.»
چونکي رب بله ديئر: «سئز کولَک و ياغيش گؤرميه‌جکسئنئز، لاکئن بو دره سو ائله دولاجاق. سئز، مال-حيوانينيز و حيوانلارينيز دويونجاق سو ائچهجکسئنئز.»
بو، ربّئن گؤزونده آسان بئر شيدئر. او، موآبلي‌لاري دا سئزه تسلئم ادهجک.
بوتون قالالي شهرلري و سچمه شهرلري ووروب داغيداجاقسينيز، هر ياخشي آغاجي کَسه‌جکسئنئز، بوتون بولاقلارين گؤزونو توتاجاقسينيز و هر ياخشي زَمئني داشلارلا دولدوراجاقسينيز."
صاباحي گون سحر، تقدئم گتئرئلَن زامان، بئردن اِدوم يولوندان سو گلدي و تورپاق سو ائله دولدو.
بوتون موآبلي‌لار اشئتدئلر کي، پادشاهلار اونلارلا ووروشماغا گلئبلر. سئلاح داشييا بئلَن هر کسي و اونلاردان ياشدا بؤيوک اولانلاري چاغيرديلار. اونلار سرحدده دايانديلار.
موآبلي‌لار سحر تزدن دوران زامان گونش چيخيب، سولارين اوستونه شفق سالميشدي. اونلار قاباقلارينداکي سولاري قان کئمي قيرميزي گؤردولر.
او واخت ددئلر: "بو قاندير، يقئن پادشاهلار بئربئرلري ائله ووروشوب، بئربئرلرئني قيريبلار. ائندي، ای موآبلي‌لار، گِدَک قارَته!"
آمّا ائسرايئل اوردوگاهينا گلدئکلري واخت، ائسرايئللی‌لر قالخيب موآبلي‌لاري قيرديلار. موآبلي‌لار اونلارين قاباغيندان قاچديلار. ائسرايئللی‌لر قاباغا گدئب موآب تورپاغينا گئردئلر و موآبلي‌لاري قيرديلار.
اونلار شهرلري داغيتديلار، هر کس ياخشي بئر زمئيه داش آتيب اوراني دولدوردو. بلجه بوتون بولاقلارين گؤزونو توتدولار و هر ياخشي آغاجي کَسدئلر. فقط قئر-خَرِسِتئن داشلاري يرئنده قالدي، آنجاق ساپاندچيلار اونو دا موحاصئرهيه آليب ووردولار.
موآب پادشاهي دؤيوشده مغلوب اولدوغونو گؤرنده، اؤزو ائله يدّي يوز نفر قيلينجلي آدام گؤتوردو کي، اِدوم پادشاهينين قوشونونو ياريب قاچسينلار، لاکئن بونو اده بئلمه‌دئلر.
سونرا او، ائلک اوغلونو کي، اونون يرئنده سلطنت ادهجک ائدي، گؤتوردو و دووارين اوستونده اونو يانديرما قورباني تقدئم اتدي. او واخت ائسرايئللیلرئن ضئدّئنه بؤيوک بئر قضب اوياندي، اونلار دا اوراني ترک ادئب، اؤز اؤلکه‌لرئنه قاييتديلار.
پيغمبرلر اؤولادلاريندان اولان بئر آدامين آروادي اِلئشَعه فرياد ادئب ددي: "سنئن قولون اَرئم اؤلدو! بئلئرسن کي، او قولون ربدن قورخوردو. ائندي بئر طلبکار گلئب کي، ائکي اوغلومو اؤزونه قول گؤتورسون."
اِلئشَع اوندان سوروشدو: "سنئن اوچون نه ادئم؟ منه دِه گؤروم، اِوئنده نه‌يئن وار؟" آرواد جاواب وردی: "بئر قاب زيتون ياغيندان باشقا بو کنئزئنئن اِوئنده هچ نه يوخدور."
اِلئشَع ددي: "گت بوتون قونشولاريندان بوش قابلار بورج آل، آز قاب يوخ، چوخ!
سونرا ائچَري گئر، اؤزونون و اوغوللارينين دالينجا قاپيني باغلا، اؤز ياغيني بوتون بو قابلارا تؤک و اونلاري دولدوروب بئر طرفه قوي."
آرواد اونو ترک ادئب قاپيني اؤزونون و اوغوللارينين دالينجا باغلادي. اوغوللاري قابلاري اونون يانينا گتئرئردئلر، او دا دولدوروردو.
قابلار دولدوقدا او، اوغوللاريندان بئرئنه ددي: "منه داها بئر قاب دا گتئر." اوغلو اونا ددي: "داها قاب قالمادي." او واخت زيتون ياغي کَسئلدي.
آرواد گلئب بونلاري تاري آدامينا خبر وردی. او دا ددي: "گت، زيتون ياغيني ساتيب بورجونو ور. قالاني ائله ده اوغوللارينلا بئرلئکده کِچئنَرسن."
بئر گون اِلئشَع شونِمدن کچئردي. اورادا وارلي بئر آرواد ياشاييردي و آرواد اِلئشَعي يمک يِمَيه دعوت اتدي. سونرالار، اِلئشَع هر دفه کِچَنده، يمک يمک اوچون اورايا گِدَردي.
آرواد اَرئنه ددي: "باخ، ائندي بئلدئم کي، همئشه يانيميزدان کِچَن بو آدام موقدّس بئر تاري آدامي‌دير.
گل دامدا اونا کئچئک بئر اوتاق دوزَلدَک، اورايا اونون اوچون ياتاق، مئز، تخت، بئر ده چيراق قوياق کي، بئزه گلنده اورادا قالسين."
بئر گون اِلئشَع اورايا گلدي و دامداکي اوتاغا چيخيب اورادا ياتدي.
سونرا نؤکري گِخَزئيه ددي: "شونِملي آروادي چاغير." او، آروادي چاغيردي و آرواد اونون موقابئلئنده داياندي.
اِلئشَع نؤکرئنه ددي: "ائندي آروادا دِه: «باخ، بئزئم اوچون بو قدر زحمت چکئبسن. من سنئن اوچون نه اده بئله‌رم؟ سنئن حاقّيندا پادشاهلا يا دا قوشون باشچيسي ائله دانيشيم؟»" آرواد ددي: "يوخ، لازيم ديئل، من اؤز خالقيملا بئرلئکده ياشاييرام."
اِلئشَع سوروشدو: "اگر اِلهدئر، اونون اوچون نه اده بئله‌رم؟" گِخَزي جاواب وردی: "دوغروسو، اوغلو يوخدور، اَري ده قوجادير."
اِلئشَع ددي: "آروادي چاغير." گِخَزي آروادي چاغيردي و او گلئب قاپيدا دوردو.
اِلئشَع ددي: "بئر ائلدن سونرا بو فصئلده قوجاغيندا بئر اوغلون اولاجاق." آرواد ددي: "يوخ، ای آغام تاري آدامي، کنئزئنه يالان دِمه!"
اِلئشَعئن ددئيي کئمي آرواد بويلو اولدو و بئر ائل سونرا همئن فصئلده بئر اوغلان دوغدو.
اوشاق بؤيودو. او بئر گون آتاسينين يانينا کي، بئچئنچئلرله بئرلئکده ائشلهيئردي، گتدي.
او، آتاسينا ددي: "باشيم آغري‌يير، باشيم!" آتاسي نؤکره ددي: "اونو آناسينين يانينا آپار."
نؤکر اونو گؤتوروب آناسينين يانينا گتئردي. او، گون‌اورتايا قدر آناسينين دئزلري اوستونده قالدي و سونرا اؤلدو.
آرواد يوخاري چيخيب اوشاغي تاري آدامينين ياتاغي اوستونه اوزانديردي، سونرا قاپيني دالينجا اؤرتوب چيخدي.
او، اَرئني چاغيريب ددي: "نؤکرلرئندن بئري ائله منه بئر اِششَک گؤندر. تِز تاري آدامينين يانينا گدئب، قاييداجاغام."
اَري ددي: "نه اوچون بو گون اونون يانينا گدئرسن؟ نه تزه آي مراسئمي، نه ده سَبّت گونودور." آرواد ددي: "عيبي يوخ."
او، اِششه‌يي پالانلاييب نؤکرئنه ددي: "سور و من سنه دِمَيئنجه دايانما."
او گتدي و کَرمِل داغينا، تاري آدامينين يانينا گلدي. تاري آدامي آروادي اوزاقدان گؤردوکده، نؤکري گِخَزئيه ددي: "باخ، شونِملي آرواد بورايا گلئر.
ائندي اونون پئشوازينا قاچ و سوروش: «نجه‌سن، آيا ياخشي‌سان، اَرئن ياخشيدير؟ اوغلون ياخشيدير؟»" آرواد جاوابدا ددي: "ياخشي‌ييق."
آرواد داغا چيخيب تاري آدامينين يانينا گلدي و اونون آياقلارينا ساريلدي. گِخَزي ياخينلاشدي کي، اونو گری ائتَله‌سئن. آمّا تاري آدامي ددي: "اونو بوراخ، چونکي اوره‌يي، ائچئنده چوبالايير. رب بونون سببئني گئزله‌دئب و منه بئلدئرمه‌يئب."
آرواد ددي: "من آغامدان مگر اوشاق ائسته‌دئم؟ مگر «منی آلداتما» دِمه‌دئم؟"
اِلئشَع گِخَزئيه ددي: "بِلئني باغلا و عصامي اَلئنه گؤتوروب گت. اگر بئر آداملا راستلاشاسان، اونا سالام ورمه و سنه سالام وره‌نئن سالاميني دا آلما. گت، عصامي اوغلانين اوزونون اوستونه قوي."
اوغلانين آناسي ددي: "وار اولان ربّه و سنئن جانينا آند اولسون کي، سندن اَل چکمه‌رم." اِلئشَع قالخيب اونون دالينجا گتدي.
گِخَزي اونلاردان قاباق گتدي و عصاني اوغلانين اوزونون اوستونه قويدو، آنجاق نه بئر سَس، نه ده بئر جاواب اولدو. گِخَزي قاييتدي کي، اِلئشَعي گؤرسون و اونا خبر ورسئن کي، "اوغلان دئرئلمه‌دي."
اِلئشَع اِوه گئردي. باخ، اؤلَن اوغلان اونون ياتاغي اوستونده اوزانميشدي.
او ائچَري گئرئب قاپيني اونلارين اوزونه باغلادي و ربّه دوعا اتدي.
سونرا ياتاغا قالخيب اوشاغين اوستونه اَيئلدي. آغزيني اونون آغزينين، گؤزلرئني اونون گؤزلرئنئن، اوووجلاريني اونون اوووجلارينين اوستونه قويدو. اوشاغين اوستونه سَرئلدي و اوشاغين بدني قيزيشدي.
اِلئشَع ياتاقدان دوشوب اِوده او طرفه-بو طرفه گَزدي. سونرا گئنه ياتاغا قالخيب اونون اوستونه اَيئلدي. اوغلان يدّي دفه آسقيريب گؤزلرئني آچدي.
اِلئشَع گِخَزئني چاغيريب ددي: "شونِملي آروادي چاغير." او، آروادي چاغيردي. آرواد اِلئشَعئن يانينا گلنده، او ددي: "آل اوغلونو."
آرواد گلئب اِلئشَعئن آياقلارينا دوشدو. يره قدر اَيئلئب اوغلونو گؤتوردو و گتدي.
اِلئشَع گئلگالا قاييتديقدا، اؤلکهيه قيتليق دوشموشدو. پيغمبرلر اؤولادلاري اونون قاباغيندا اوتورموشدولار. او، نؤکرئنه ددي: "بؤيوک قازاني اوجاغا قوي و پيغمبرلر اؤولادلاري اوچون شوربا پئشئر."
اونلاردان بئري اوت ييغماق اوچون چؤله چيخدي. بئر چؤل تَنه‌يي تاپيب اوندان اَتَک دولوسو قرئب بالقاباق ييغدي و گتئرئب شوربا قازانينا دوغرادي. بونون نه اولدوغونو بئلمئردئلر.
شورباني يمک اوچون آداملارا وردئلر. شوربا يئيَنلر قيشقيريب ددئلر: "قازانداکي يمکدن يِسَک، اؤله‌رئک، ای تاري آدامي!" هچ کس اوندان يئيه بئلمه‌دي.
اِلئشَع ددي: "اون گتئرئن." سونرا اونو قازانا آتيب ددي: "آداملار اوچون تؤک، يِسئنلر." قازاندا ضررلي بئر شي اولمادي.
بَعَل‌‌شالئشادان بئر آدام گلدي. او، تاري آدامي اوچون ائلک ثمردن ائيئرمي کؤمبه آرپا چؤره‌يي و اؤز محصولوندان سونبوللر گتئردي. اِلئشَع ددي: "آداملارا ور، يِسئنلر."
اونا خئدمت ادن ددي: "بونو يوز آدامين قاباغينا نجه قوياق؟" اِلئشَع ددي: "آداملارا ور، يِسئنلر. چونکي رب بله ديئر: «يئيه‌جکلر، حله آرتيق دا قالاجاق.»"
بلجه يِمه‌يي اونلارين قاباغينا قويدو. ربّئن ددئيي کئمي اونلار يدئلر و يمک آرتيق قالدي.
اَرام پادشاهينين قوشون باشچيسي نَعَمان آغاسينين يانيندا حؤرمت و اعتئبار صاحئبي ائدي، چونکي رب اونون واسئطهسئله اَراما ظفر ورمئشدي. او، جسور بئر دؤيوشچو ائدي، لاکئن جوزاملي ائدي.
اَراملي‌لار دستهلرله چيخيب ائسرايئل تورپاغيندان کئچئک بئر قيزي اسئر گؤتورموشدولر. بو قيز نَعَمانين آروادينين يانيندا قاليردي.
او، خانيمينا ددي: "کاشکي آغام سامئرهده اولان پيغمبرئن يانيندا اولسايدي. او زامان پيغمبر اونون جوزامينا شفا ورَردي."
نَعَمان گتدي و آغاسي ائله دانيشيب اونا ددي: "ائسرايئل تورپاغيندان اولان قيز فئلان و بَهمان ددی."
اَرام پادشاهي ددي: "گت، من ائسرايئل پادشاهينا بئر مکتوب گؤندره‌رم.» نَعَمان اؤزو ائله آلتي مئن شِکِل قيزيل، اون تالانت گوموش و اون دست پالتار گؤتوروب گتدي.
مکتوبو ده ائسرايئل پادشاهينا گتئردي. اورادا بله يازيلميشدي: "ائندي بو مکتوبلا برابر قولوم نَعَماني دا يانينا گؤندرمئشم کي، سن اونون جوزامينا شفا ورهسن."
ائسرايئل پادشاهي مکتوبو اوخوياندا پالتاريني جيريب ددي: "مگر من تارييام کي، اؤلدوروب دئرئلدَم؟ نئيه بو آدام منئم يانيما سؤز گؤندرئر کي، بئر آداما جوزاميندان شفا ورئم؟ دئقّت ادئن و گؤرون کي، منئمله داعوا اتمک اوچون نجه بهانه آختارير."
تاري آدامي اِلئشَع ائسرايئل پادشاهينين اؤز پالتاريني جيرديغيني اشئدنده اونا خبر گؤندرئب ددي: "نه اوچون پالتاريني جيردين؟ قوي ائندي او منئم يانيما گلسئن و بئلسئن کي، ائسرايئلده بئر پيغمبر وار."
نَعَمان آتلاري و دؤيوش عاراباسي ائله گلدي و اِلئشَعئن اِوئنئن قاپيسيندا داياندي.
اِلئشَع اونون يانينا قاصئد گؤندرئب ددي: "گت، اوردون چاييندا يدّي دفه يويون، بدنئن صاغاليب جوزامدان تمئز اولارسان."
آمّا نَعَمان قضبله‌نئب گتدي و ددي: "باخ، گومان ادئردئم کي، اِشئيه چيخيب يانيما گلهجک، دوروب تاريسي ربّئن آدي ائله چاغيريب اَلئني جوزاملي يرئن اوستونده يِلله‌يئب شفا ورهجک.
مگر دَمَشقئن چايلاري اَبانا و فَرپَر، ائسرايئلئن بوتون سولاريندان داها ياخشي ديئل؟ مگر اونلاردا يويونوب تمئز اولا بئلمزدئم؟" بلجه حئرصله دؤنوب گتدي.
نَعَمانين آداملاري اونون يانينا گلدئلر و اونونلا دانيشيب ددئلر: "ای آتاميز، اگر پيغمبر سنه بؤيوک بئر شي امر اتسَيدي، مگر اونا عمل اتمَزدئن؟ بس نه قدر چوخ ائندي کي، سنه «يويون و تمئز اول» ديئر."
بوندان سونرا نَعَمان تاري آدامينين سؤزونه گؤره اوردون چايينا اِنئب، يدّي دفه سويا باتيب چيخدي. اونون بدني صاغالدي و بئر کؤرپه بدني کئمي تمئز اولدو.
نَعَمان بوتون دستهسي ائله گئنه تاري آدامينين يانينا گلدي و اونون قاباغيندا دايانيب ددي: "باخ، ائندي بئلدئم کي، ائسرايئلدن باشقا، دونيانين هچ بئر يرئنده تاري يوخدور. بويور، ائندي بو قولونون هدئيّه‌سئني گؤتور."
لاکئن اِلئشَع ددي: "حوضوروندا دوردوغوم وار اولان ربّه آند اولسون کي، هچ نه گؤتورميه‌جيم." نَعَمان گؤتورمَيي تأکئد اتدي، لاکئن اِلئشَع ائستمه‌دي.
نَعَمان ددي: "اگر گؤتورمورسن، اوندا قوي بو قولونا بورادان ائکي قاطير يوکو تورپاق ورئلسئن. چونکي بو قولون آرتيق آيري آللاهلارا يوخ، فقط ربّه يانديرما قوربانلاري و قوربانلار گتئرهجک.
آنجاق رب بو ائشي قولونا باغيشلاسين: آغام پادشاه پرستئش اوچون رئمّون معبدئنه گئرَنده، منئم اَلئمه سؤيکه‌نئر. من ده رئمّون معبدئنده سجده اتمه‌لي‌يَم. اورادا سجده اتدئيئمي رب قولونا باغيشلاسين."
اِلئشَع اونا ددي: "سالامات گت." نَعَمان اونون يانيندان چيخيب بئر آز يول گتدي.
آمّا تاري آدامي اِلئشَعئن نؤکري گِخَزي دوشوندو: "باخ، آغام ائستمه‌دی کی، بو اَراملي نَعَماندان گتئردئيي شيي گؤتورسون. وار اولان ربّه آند اولسون کي، اونون دالينجا قاچيب اوندان بئر شي آلاجاغام."
گِخَزي نَعَمانين دالينجا قاچدي. نَعَمان دالينجا بئر نفرئن گلدئيئني گؤرنده، اونو پئشواز اتمک اوچون عارابادان دوشوب ددي: "خيئر اولا؟"
گِخَزي ددي: "خيئردئر. آغام منی گؤندردي کي، سنه دِيئم: «اِله ائندئجه اِفرايئمئن داغليق بؤلگهسئندن يانيما پيغمبرلردن اولان ائکي جاوان اوغلان گلدي. خاهئش ادئرم، اونلارا بئر تالانت گوموش و ائکي دست پالتار ور.»"
نَعَمان ددي: "بويور ائکي تالانت گؤتور." اونا تأکئد ادئب ائکي تالانت گوموشو ائکي توربايا قويوب باغلادي و ائکي دست پالتارلا بئرلئکده نؤکرلرئندن ائکئسئنه وردی. نؤکرلر گِخَزئنئن قاباغيندا بونلاري داشيديلار.
تپه‌يه چاتاندا گِخَزي شيلري اونلارين اَلئندن آليب اِوئنه قويدو. نؤکرلري گری گؤندردي و اونلار گتدئلر.
سونرا آغاسي اِلئشَعئن يانينا گدئب قاباغيندا داياندي. اِلئشَع اوندان سوروشدو: "هارادان گلئرسن، گِخَزي؟" گِخَزي جاواب وردی: "بو قولون هچ يره گتمه‌دي."
اِلئشَع اونا ددي: "او آدام سني پئشواز اتمک اوچون عاراباسيندان دوشَنده اوره‌يئم مگر اورادا ديئلدي؟ مگر ائندي گوموش گؤتورمک، پالتار، زيتون و اوزوم باغلاري، قويون-کچي، مال-حيوان، نؤکرلر و کنئزلر آلماق واختيدير؟
بونا گؤره ده نَعَمانين جوزامي ابدی اولاراق سنه و سنئن نسلئنه ياپيشاجاق." گِخَزي قار کئمي جوزاملي اولوب اونون حوضوروندان چيخدي.
بئر گون پيغمبرلر اؤولادلاري اِلئشَعه شئکايت اتدئلر: "باخ، ائندي سنئن يانيندا قالديغيميز ير بئزه چوخ داردير.
قوي اوردون چايينين کنارينا گِدَک، هَره‌مئز بئر آغاج کسئب گتئرَک و قالماق اوچون اورادا اؤزوموزه يِر دوزَلدَک." اِلئشَع ددي: "گدئن."
اونلاردان بئري ددي: "خاهئش ادئرم، سن ده بو قوللارينلا گل.» اِلئشَع ددي: "گله‌رم."
و اونلارلا گتدي. اونلار اوردون چايينين قيراغينا گلدئلر و آغاج کَسميه باشلاديلار.
اونلاردان بئري آغاج کَسَنده بالتانين دمئري سويا دوشدو. او قيشقيريب ددي: "واي، آغام! اونو بورج آلميشديم."
تاري آدامي سوروشدو: "هارايا دوشدو؟" او، اِلئشَعه دوشَن يري گؤرستدي. اِلئشَع بئر بوداق کَسئب اورايا آتدي و دمئر سويون اوزونه چيخدي.
اِلئشَع ددي: "اونو گؤتور." آدام اَلئني اوزاديب اونو توتدو.
اَرام پادشاهي ائسرايئلئن ضئدّئنه موحارئبه ادئردي. او اعيانلاري ائله مصلحتله‌شئب ددي: "فئلان و بَهمان يرده اوردوگاه قورارام."
تاري آدامي ائسرايئل پادشاهينا خبر گؤندرئب ددي: "موواظئب اول کي، او يردن کچميه‌سن، چونکي اَراملي‌لار اورايا اِنئرلر."
ائسرايئل پادشاهي تاري آدامينين ددئيي يره خبر گؤندردي. بلجه پادشاه اونون خبردارليق اتدئيي يرلرده دفهلرله اؤزونو قورودو.
اَرام پادشاهي بوندان چوخ قضبلَندي و اعيانلاريني چاغيريب اونلاردان سوروشدو: "منه ديئن گؤرَک، بئزئمکئلردن ائسرايئل پادشاهينا طرفدار اولان کئمدئر؟"
اعيانلاردان بئري ددي: "هچ کئم، آغام پادشاه. ائسرايئلده اولان پيغمبر اِلئشَعدئر کي، ائسرايئل پادشاهينا ياتاق اوتاغيندا ددئيئن سؤزلري بئلدئرئر."
پادشاه ددي: "گدئن گؤرون، او هارادادير کي، من آدام گؤندرئب اونو توتوم." پادشاها ديئلدي: "او، دوتاندادير."
پادشاه اورايا آتلار، دؤيوش عارابالاري و چوخلو قوشون گؤندردي و اونلار گجه ائکن گلئب شهري موحاصئرهيه آلديلار.
تاري آدامينا خئدمت ادن سحر تزدن دوروب باييرا چيخدي و گؤردو کي، شهرئن اطرافيني قوشون، آتلار و دؤيوش عارابالاري موحاصئرهيه آليب. او، تاري آدامينا ددي: "واي، آغام، نه اده‌جيئک؟"
اِلئشَع جاواب وردی: "قورخما، چونکي بئزئمله اولانلار، اونلارلا اولانلاردان چوخدورلار."
سونرا اِلئشَع دوعا ادئب ددي: "يارب، اونون گؤزلرئني آچ کي، گؤرسون." رب نؤکرئن گؤزلرئني آچدي و او گؤردو کي، داغ آتلار و اودلو دؤيوش عارابالاري ائله دولودور. اونلار اِلئشَعي اَحاطه‌يه آلميشديلار.
قوشون اونا طرف اِنَنده، اِلئشَع ربّه دوعا ادئب ددي: "لوطفن بو آداملاري کور ات." اِلئشَعئن سؤزونه گؤره رب اونلاري کور اتدي.
اِلئشَع اونلارا ددي: "يول بو ديئل، شهر ده بو ديئل. داليمجا گلئن، سئزي، آختارديغينيز آدامين يانينا آپاريم." اِلئشَع اونلاري سامئره‌يه گتئردي.
اونلار سامئره‌يه گئرَنده اِلئشَع ددي: "يارب، اونلارين گؤزلرئني آچ کي، گؤرسونلر." رب اونلارين گؤزلرئني آچدي و اونلار گؤردولر کي، سامئرهنئن اورتاسينداديرلار.
ائسرايئل پادشاهي اونلاري گؤرنده اِلئشَعدن سوروشدو: "منئم آتام، اونلاري قيريب محو اِدئم؟"
اِلئشَع جاواب وردی: "اونلاري قيرماياجاقسان. مگر قيلينجين و اوخ-کامانينلا اسئر اتدئيئن آداملاري قيرارسان؟ اونلارين قاباغينا چؤرک و سو قوي کي، يِيئب-ائچسئنلر و سونرا اؤز آغالارينين يانينا گتسئنلر."
او، اَراملي‌لار اوچون بؤيوک بئر ضئيافت وردی و اونلار يِيئب-ائچَندن سونرا اونلاري گؤندردي و اونلار اؤز آغالارينين يانينا گتدئلر. اَراملي‌لارين دسته‌لري بئر داها ائسرايئل تورپاغينا گلمه‌دئلر.
بئر مودّت سونرا اَرام پادشاهي بِن‌هَدَد بوتون قوشونونو ييغيب چيخدي و سامئره‌ني موحاصئرهيه آلدي.
سامئرهده بؤيوک بئر آجليق اولدو. شهري او قدر موحاصئره‌ده ساخلاميشديلار کي، بئر اِششَک باشي هشتاد شِکِل گوموشه و بئر کابين دؤردده بئري قدر گؤيرچئن پِيئني بش شِکِل گوموشه ساتيليردي.
بئر دفه ائسرايئل پادشاهي قالا دووارينين اوستوندن کچنده بئر آرواد فرياد ادئب اونا ددي: "آغام پادشاه، کؤمک ات!"
پادشاه ددي: "رب سنه کؤمک اتمَسه، من سنه نجه کؤمک ادئم؟ خرمندن يوخسا اوزوم سيخاندان؟"
سونرا پادشاه اوندان سوروشدو: "نه ائستهيئرسن؟" او جاواب وردی: "بو آرواد منه دمئشدي: «سن اؤز اوغلونو ور، بو گون يئيَک، منئم اوغلومو دا صاباح يئيه‌رئک.»
اوغلومو پئشئرئب يِدئک. او گونون صاباحي اونا ددئم: «اؤز اوغلونو ور، يئيَک.» آمّا او، اوغلونو گئزله‌دئب."
پادشاه آروادين سؤزلرئني اشئدنده پالتاريني جيردي. او بو واخت قالا دووارينين اوستوندن کچئردي و خالق گؤردو کي، اونون اَينئنده چول وار.
پادشاه ددي: "اگر بو گون شافاط اوغلو اِلئشَعئن باشي چئيني اوستونده قالسا، تاري منه بله و بوندان داها بَتَرئني اله‌سئن."
اِلئشَع اؤز اِوئنده اوتورموشدو، آغساقّاللار دا اونون يانيندا اَيلَشمئشدئلر. پادشاه حوضوروندان بئر قاصئد گؤندردي. آمّا قاصئد اونون يانينا گلمه‌دن قاباق اِلئشَع آغساقّاللارا ددي: "آيا گؤرورسونوز بو قاتئل منئم باشيمي کَسمک اوچون نجه آدام گؤندرئب؟ باخين قاصئد گلنده قاپيني باغلايين و اونو ائچَري بوراخمايين. مگر اونون داليسيجا آغاسينين دا آياق سَسلري گلمئر؟"
اِلئشَع حله اونلارلا دانيشارکن، قاصئد اونون يانينا گلئب ددي: "باخ، بو بلاني گؤندرَن ربدئر. نه اوچون داها ربدن کؤمک گؤزلَيَک؟"
اِلئشَع ددي: "ربّئن سؤزونو اِشئدئن، رب بله ديئر: «صاباح بو ساعاتلاردا سامئره دروازاسيندا بئر اؤلچو نارين اون بئر شِکِله، ائکي اؤلچو آرپا دا بئر شِکِله ساتيلاجاق.»"
او سرکرده‌کي پادشاه اونون اَلئنه سؤيکَنَردي، تاري آدامينا جاواب ورئب ددي: "باخ، رب گؤيلرده پنجره‌لر آچسا دا، مگر بو ائش اولا بئلر؟" او واخت تاري آدامي ددي: "باخ، سن گؤزلرئنله بونو گؤرهجکسن، لاکئن اوندان يِمَيه‌جکسن."
شهر دروازاسينين قاباغيندا دؤرد جوزاملي آدام وار ائدي. اونلار بئربئرلرئنه ددئلر: "نه اوچون بئز اؤلَنه قدر بورادا اوتوروب قالاق؟
دِسَک شهره گئرَک، شهرده اولان آجليقدان اؤلهجيئک، اگر بورادا قالساق، بورادا دا اؤلهجيئک. بونا گؤره ده گلئن اَراملي‌لارين اوردوگاهينا گدئب تسلئم اولاق. اگر بئزي صاغ بوراخسالار، صاغ قالاريق. اؤلدورسه‌لر ده، اؤله‌رئک."
اونلار اَراملي‌لارين اوردوگاهينا گتمک اوچون آخشام قالخيب آلاقارانليغيندا اونون کنارينا گلدئلر. اورادا هچ کس يوخ ائدي.
چونکي رب اَراملي‌لارين اوردوسونا دؤيوش عارابالارينين گورولتوسونو، آتلارين تاپّيلتيسيني و بؤيوک قوشونون سَسئني اشئتدئرمئشدي. اونلار بئربئرلرئنه دِمئشدئلر: "ائسرايئل پادشاهي، خئت و مئصئر پادشاهلاريني اوجرَتله توتوب کي، بئزئم اوستوموزه گلسئنلر."
اونلار آخشام آلاقارانليغيندا قالخيب قاچميشديلار. چاديرلاريني، آتلاريني، اِششَکلرئني، حتّا بوتون اوردوگاهي اولدوغو کئمي بوراخميشديلار. جانلاريني قورتارماق اوچون قاچميشديلار.
بو جوزاملي‌لار اوردوگاهين کنارينا گلئب بئر چاديرا گئردئلر و يِيئب-ائچدئلر. اورادان قيزيل، گوموش و پالتار گؤتوروب گتدئلر و اونلاري گئزلَتدئلر. سونرا قاييديب آيري بئر چاديرا گئردئلر. اورادان دا شيلر گؤتوروب گتدئلر و اونلاري دا گئزلَتدئلر.
اونلار بئربئرلرئنه ددئلر: "اتدئيئمئز ياخشي ديئل، بو گون موژده گونودور، آمّا بئز ساکئت قالميشيق. اگر سحر آچيلانا قدر گؤزله‌يَک، باشيمزا جزا گلر. گلئن گِدَک و ساراي آداملارينا بو خبري بئلدئرَک."
بلجه اونلار گلئب شهرئن قاپيچيلاريني سَسله‌دئلر و اونلارا بئلدئرئب ددئلر: "اَراملي‌لارين اوردوگاهينا گتدئک. باخ، اورادا هچ کس يوخ ائدي، ائنسان سَسي ده گلمئردي. آنجاق باغلي آتلار، باغلي اِششَکلر و اولدوغو کئمي قالان چاديرلار وار ائدي."
قاپيچيلار قيشقيريب بو خبري ساراي ائچه‌رئسئنده اولان آداملارا بئلدئردئلر.
پادشاه گجه ائکن قالخيب اعيانلارينا ددي: "ائندي سئزه دئيه‌رم کي، اَراملي‌لار بئزه نه ادئبلر: اونلار بئلئرلر کي، بئز آجيق، بونا گؤره ده اوردوگاهدان چيخيب چؤلده گئزله‌نئبلر و ديئرلر: «شهردن چيخاندا اونلاري دئري توتاريق و شهره گئره‌رئک.»"
اعيانلاردان بئري جاواب ورئب ددي: "قوي بئر نچه آدام شهرده قالميش آتلاردان بِشئني گؤتورسون و اونلاري گؤنده‌رک. قوي گدئب گؤرسونلر. اونلارين دا عاقئبتي قالان بوتون ائسرايئل جاماعاتينين عاقئبتي کئمي اولاجاق، چونکي بوتون ائسرايئل جاماعاتي هلاک اولاجاق."
اونلار آتلار قوشولموش ائکي دؤيوش عاراباسي گؤتوردولر. پادشاه اونلاري اَرام قوشونونون دالينجا گؤنده‌رئب ددي: "گدئن گؤرون."
اونلار اَراملي‌لارين دالينجا اوردون چايينا قدر گتدئلر. بوتون يول، اَراملي‌لارين تَلَسئکدن آتديقلاري پالتار و اشيالارلا دولو ائدي. قاصئدلر گری قاييديب پادشاها بو خبري بئلدئردئلر.
بلجه خالق چيخيب اَراملي‌لارين اوردوگاهيني قارَت اتدي. ربّئن ددئيي کئمي بئر اؤلچو نارين اون بئر شِکِله، ائکي اؤلچو آرپا دا بئر شِکِله ساتيلدي.
پادشاه، اَلئنه سؤيکَنَن سرکرده‌ني دروازانين آغزينا قويدو. آمّا خالق دروازانين آغزيندا اونو آياق آلتيندا تاپدالاديلار و او اؤلدو؛ نجه کي، تاري آدامي، پادشاهين اونون يانينا گلدئيي واخت دمئشدي.
تاري آدامينين پادشاها ددئيي کئمي اولدو. او دمئشدي: "صاباح بو ساعاتلاردا سامئره دروازاسيندا ائکي اؤلچو آرپا بئر شِکِله، بئر اؤلچو نارين اون بئر شِکِله ساتيلاجاق."
سرکرده ده تاري آدامينا جاواب ورئب دمئشدي: "رب گؤيلرده پنجره‌لر آچسا دا، مگر بو ائش اولا بئلر؟" تاري آدامي دا دمئشدي: "باخ، سن گؤزلرئنله بونو گؤرهجکسن، لاکئن اوندان يِمَيه‌جکسن."
همئن ائش ده اونون باشينا گلدي؛ خالق اونو دروازانين آغزيندا آياق آلتيندا تاپدالادي و او اؤلدو.
اِلئشَع اوغلونو دئرئلتدئيي آروادلا دانيشيب اونا ددي: "قالخ اؤز اِو اَهلئنله بئرلئکده گت و قالا بئله‌جيئن يرده قال. چونکي رب آجليق گؤندرميه قرار ورئب و يدّي ائل اؤلکهده آجليق اولاجاق."
آرواد قالخيب تاري آدامينين ددئيي کئمي اتدي و اِو اَهلي ائله بئرلئکده گدئب فئلئسطلی‌لرئن اؤلکهسئنده يدّي ائل قالدي.
يدّي ائلدن سونرا، آرواد فئلئسطلی‌لرئن اؤلکهسئندن قاييتدي. او، اِوئني و زمئسئني ائسته‌مک اوچون پادشاهين يانينا گتدي.
او واخت پادشاه تاري آدامينين نؤکري گِخَزي ائله دانيشيب اونا ديئردي: "خاهئش ادئرم، اِلئشَعئن اتدئيي بوتون بؤيوک ائشلري منه دانيش."
او، اِلئشَعئن اؤلونو نجه دئرئلتدئيئني پادشاها دانيشديغي واخت، اوغلو دئرئلَن آرواد دا اِوئني و زمئسئني ائسته‌مک اوچون پادشاها يالوارماغا باشلادي. گِخَزي ددي: "آغام پادشاه، بو اله او آرواددير، اِلئشَعئن دئرئلتدئيي اوغلو دا باخ، بودور."
پادشاه آرواددان سوروشاندا او، پادشاها هر شيي دانيشدي. پادشاه اونا بئر ساراي خئدمتچئسي ورئب ددي: "اونون هر شيئني قايتار، اؤلکهني ترک اتدئيي گوندن ائندئيه قدر زمئسئنئن يتئردئيي بوتون محصولو اونا ور."
اِلئشَع دَمَشقه گلدي. اَرام پادشاهي بِن‌هَدَد ناخوش ائدي. اونا خبر ورئب ددئلر: "تاري آدامي بورايا گلئب."
پادشاه خَزااِله ددي: "اَلئنده بئر هدئيّه گؤتوروب تاري آدامينين گؤروشويونه گت و اونون واسئطهسئله ربدن سوروش: «آيا بو ناخوشلوقدان صاغالاجاغام؟»"
خَزااِل اونون گؤروشويونه گتدي. اَلئنده‌کي هدئيّه ائله بئرلئکده دَمَشقئن بوتون ياخشي شيلرئندن قيرخ دَوه يوکو هدئيّه گؤتوروب گلدي و اونون قاباغيندا دوروب ددي: "اوغلون اَرام پادشاهي بِن‌هَدَد منی سنئن يانينا گؤنده‌رئب ديئر: «آيا بو ناخوشلوقدان صاغالاجاغام؟»"
اِلئشَع اونا ددي: "گت، اونا دِه کي، «حَتمن صاغالاجاقسان.» لاکئن رب منه گؤرسدئب کي، او قطعن اؤلهجک."
تاري آدامي خَزااِله او قدر گؤزونو دئکدي کي، خَزااِل اوتاندي. تاري آدامي سونرا آغلادي.
خَزااِل سوروشدو: "آغام نه اوچون آغلايير؟" او جاواب وردی: "اونا گؤره کي ائسرايئل اؤولادلارينا سنئن اده‌جيئن پئسلئيي بئلئرم: اونلارين قالالارينا اود ووراجاقسان، جاوانلاريني قيلينجلا اؤلدوره‌جکسن، اوشاقلاريني داشلارا چيرپاجاقسان و بويلو آروادلارين قارينلاريني ييرتاجاقسان."
خَزااِل سوروشدو: "بو ائت قولون کئمدئر کي، بو بؤيوک ائشي اتسئن؟" اِلئشَع جاواب وردی: "رب منه گؤرسدئب کي، سن اَرام اوستونده پادشاه اولاجاقسان."
خَزااِل اِلئشَعي ترک ادئب آغاسينين يانينا گلدي. آغاسي اوندان سوروشدو: "اِلئشَع سنه نه ددي؟" او جاواب وردی: "منه ددی کي، سن قطعن صاغالاجاقسان."
او گونون صاباحي خَزااِل بئر اؤرتوک گؤتوروب سويا باتيردي، آغاسينين اوزونون اوستونه چکدي و او، اؤلدو. اونون يرئنه خَزااِل پادشاه اولدو.
ائسرايئل پادشاهي اَخاب اوغلو يورامين پادشاهليغينين بشئنجي ائلئنده، يِهوشافاط يهودا پادشاهي اولاندا، اونون اوغلو يِهورام دا پادشاه اولماغا باشلادي.
او، پادشاه اولدوغو واخت، اوتوز ائکي ياشيندا ائدي و اورشلئمده سکّئز ائل پادشاهليق اتدي.
او دا، اَخاب نسلئنئن اتدئيي کئمي، ائسرايئل پادشاهلارينين يولو ائله گتدي، چونکي اَخابين قيزي اونون آروادي ائدي؛ يِهورام ربّئن گؤزونده پئس اولان ائشلر اتدي.
آمّا رب اؤز قولو داوودون خاطئرئنه ائسته‌مئردي کي، يهوداني محو اتسئن. چونکي وعده ورمئشدي کي، داوودا و اونون نسلئنه همئشهلئک بئر چيراق ورسئن.
اونون دؤورونده اِدوملولار عوصيان قالديريب يهودانين اسارتي آلتيندان چيخديلار و اؤزلرئنه بئر پادشاه قويدولار.
او واخت يِهورام بوتون دؤيوش عارابالاري ائله بئرلئکده صاعئره گتدي. گجه ائکن قالخيب اونو هر طرفدن اَحاطه ادن اِدوملولاري و عارابا سرکرده‌لرئني قيردي، لاکئن قوشونو اؤز چاديرلارينا قاچدي.
بلجه اِدوملولار بو گونه قدر يهودانين ضئدّئنه عوصيان قالديرديلار. همئن واخت لئبنا شهري ده عوصيان قالديردي.
يِهورامين قالان ائشلري، و اتدئيي هر شي بارهده مگر يهودا پادشاهلارينين سالنامه‌لر کئتابيندا يازيلماييبدير؟
يِهورام اؤلوب آتالاري ائله ياتدي و داوودون شهرئنده، آتالارينين يانيندا باسديريلدي. اونون يرئنه اوغلو اَخَزيا پادشاه اولدو.
ائسرايئل پادشاهي اَخاب اوغلو يورامين پادشاهليغينين اون‌ائکئنجي ائلئنده، يِهورام اوغلو اَخَزيا يهودا اوستونده پادشاه اولدو.
اَخَزيا، پادشاه اولدوغو واخت، ائيئرمي ائکي ياشيندا ائدي و اورشلئمده بئر ائل پادشاهليق اتدي. آناسينين آدي عَتَليا، ائسرايئل پادشاهي عومري‌نئن نوه‌سي ائدي.
اَخَزيا دا اَخاب نسلئنئن يولو ائله گتدي و اونلار کئمي ربّئن گؤزونده پئس اولان ائشلر اتدي، چونکي اَخاب نسلئنئن کوره‌کَني ائدي.
او، اَخاب اوغلو يوراملا بئرلئکده راموت-گئلعادا گتدي کي، اَرام پادشاهي خَزااِلئن ضئدّئنه ووروشسون. اَراملي‌لار يورامي يارالاديلار.
يورام پادشاه يئزرِعِله قاييتدي کي، راموت-گئلعاددا اَرام پادشاهي خَزااِلئن ضئدّئنه ووروشارکن، اَراملي‌لارين اونا ووردوقلاري يارالاردان صاغالسين. يهودا پادشاهي يِهورام اوغلو اَخَزيا يئزرِعِله گلدي کی، اَخاب اوغلو يورامي گؤرسون، چونکي او، يارالي ائدي.
پيغمبر اِلئشَع پيغمبر اؤولادلاريندان بئرئني چاغيريب اونا ددي: «بِلئني باغلا و بو ياغ قابيني اَلئنه آليب راموت-گئلعادا گت.
اورايا چاتينجا نئمشي اوغلو يِهوشافاط اوغلو يِيهونو تاپ. گئرئب اونو قارداشلارينين آراسيندان چاغير و ائچَري اوتاغا آپار.
ياغ قابيني گؤتور و ياغي اونون باشينا تؤکوب دِه: «رب بله ديئر: ‹سني مَسح اتمئشم کي، ائسرايئل اوستونده پادشاه اولاسان.›» سونرا قاپيني آچيب قاچ و اورادا دورما."
پيغمبرئن نؤکري اولان بو جاوان اوغلان راموت-گئلعادا گتدي.
اورايا گلئب گؤردو کي، قوشون باشچيلاري بورادا اوتوروبلار. او ددي: "ای سردار، سنه سؤزوم وار." يِيهو سوروشدو: "اَراميزدان کئمه؟" نؤکر جاواب وردی: "سنه، ای سردار."
يِيهو قالخيب ائچَري گئردي. نؤکر ياغي اونون باشينا تؤکوب ددي: "ائسرايئلئن تاريسي رب بله ديئر: «سني ربّئن خالقي اوستونده، بلی ائسرايئل اوستونده پادشاه اولماغا مَسح اتمئشم.
آغان اَخابين نسلئني قيريب محو ادهجکسن کي، قوللاريم پيغمبرلرئن و ربّئن بوتون قوللارينين قان قئصاصيني ائزِبِلدن آليم.
بوتون اَخاب نسلی محو اولاجاق: ائسرايئلده اَخابدان بوتون کئشئلري، ائستر قول اولسون، ائستر آزاد، کَسئب آتاجاغام.
اَخابين نسلئني نِباط اوغلو يَروبعامين نسلی و اَخئيا اوغلو بَعشانين نسلی کئمي ادهجيم.
ائزِبِلي يئزرِعِل زمئسئنده ائتلر يئيهجک و اونو باسديران اولماياجاق.»" سونرا او، قاپيني آچيب قاچدي.
يِيهو چيخيب آغاسينين نؤکرلرئنئن يانينا گلدي. اونلاردان بئري يِيهودان سوروشدو: "خيئر اولا؟ بو دَلي سنئن يانينا نه اوچون گلدي؟" يِيهو اونلارا ددي: "اونون نجه آدام اولدوغونو و نه دئيه‌جيئني ياخشي بئلئرسئنئز."
اونلار ددئلر: "يالان ديئرسن! اونون نه ددئيئني بئزه بئلدئر." يِيهو ددي: "منه فئلان و بَهمان ددی. ددی کي، رب بله ديئر: «سني ائسرايئل اوستونده پادشاهليق اوچون مَسح اتمئشم.»"
هامي تِز قالخيب اؤز پالتاريني گؤتوردو و اونلاري پئلّه‌کَنئن اوستونه، يِيهونون آياغي آلتينا سَردي. اونلار کَره‌ناي چاليب ددئلر: "يِيهو پادشاهدير!"
نئمشي اوغلو يِهوشافاط اوغلو يِيهو، يورامين ضئدّئنه قصد حاضيرلادي. بو واخت يورام بوتون ائسرايئللیلرله راموت-گئلعادي اَرام پادشاهي خَزااِلئن هوجوموندان موحافئظت ادئردئلر.
آنجاق يورام پادشاه يئزرِعِله قاييتميشدي کي، خَزااِلئن ضئدّئنه ووروشارکن اَراملي‌لارين اونا ووردوقلاري يارالاردان صاغالسين. يِيهو ددي: "اگر سئز منئمله راضيسينيز، قوي شهري هچ کس ترک اتمه‌سئن کي، بو خبر يئزرِعِله گدئب چاتماسين."
يِيهو عارابايا مئنئب يئزرِعِله گتدي، چونکي يورام اورادا ياتيردي. يهودا پادشاهي اَخَزيا گلمئشدي کي، يورامي گؤرسون.
يئزرِعِلده بورج اوستونده دوران گؤزَتچي، يِيهونون اورايا ياخينلاشان فوجونو گؤروب ددي: "بئر فوج گؤرورَم." يورام ددي: "بئر آتلي گؤتوروب اونلارين پئشوازينا گؤندر کي، سوروشسون: «خيئر اولا؟»"
بئر آتلي يِيهونون پئشوازينا چيخدي و اونا ددي: "پادشاه بله ديئر: «خيئر اولا؟»" يِيهو ددي: "خيئردن سنه نه؟ دؤن، داليمجا گل." گؤزَتچي خبر گؤندردي: "قاصئد اونلارين يانينا گلدي، آنجاق گری قاييتمادي."
پادشاه ائکئنجي آتليني گؤندردي. او دا يِيهونون يانينا گلئب ددي: "پادشاه بله ديئر: «خيئر اولا؟»" يِيهو ددي: "خيئردن سنه نه؟ دؤن، داليمجا گل."
گؤزَتچي ددي: "قاصئد اونلارين يانينا گلدي، آنجاق گری قاييتمادي. عارابا سورمه‌يي نئمشي اوغلو يِيهونون سورمه‌يئنه اوخشايير، چونکي او، دَلي کئمي سورور."
او واخت يورام ددي: "عارابامي قوش." اونون عاراباسيني قوشدولار. ائسرايئل پادشاهي يورام و يهودا پادشاهي اَخَزيا اؤز عارابالاريندا يِيهونون پئشوازينا چيخديلار و اونونلا يئزرِعِللي نابوطون زمئسئنده راستلاشديلار.
يورام يِيهونو گؤرنده سوروشدو: "خيئر اولا، يِيهو؟" يِيهو جاواب وردی: "آنان ائزِبِلئن زئناکارليغي و جادوگرلئکلري بو قدر چوخ اولدوغو حالدا، نجه خيئر اولا بئلر؟"
يورام عاراباسيني دؤنده‌رئب قاچدي و اَخَزيايا ددي: "خيانت، ای اَخَزيا!"
يِيهو اوخ-کامانيني بوتون قووّتي ائله چکدي و يورامي کوره‌يئندن ووردو. اوخ اونون اوره‌يئندن کچئب چيخدي و او اؤز عاراباسينا ييخيلدي.
يِيهو سرکرده‌سي بئدقَره ددي: "اونو گؤتوروب يِئزرِعِللي نابوطون زمئسئنه آت. يادينا سال، من سنئنله بئرلئکده اونون آتاسي اَخابين دالينجا گِدَرکَن، رب اونون ضئدّئنه بله دمئشدي:
رب ديئر: «دوغرودان دا من دونَن نابوطون و اونون اوغوللارينين قانيني گؤرموشم.» رب ديئر: «سندن بو زمئده قئصاص آلاجاغام.» ائندي ربّئن سؤزونه گؤره اونو گؤتور و زمئيه آت."
يهودا پادشاهي اَخَزيا بونو گؤردوکده بِيت‌حَگّان يولو ائله قاچدي. يِيهو اونو تعقئب ادئب ددي: "اونو دا وورون." يئبلِعام يانيندا اولان گور يولوندا اونو عارابادا ووردولار. لاکئن او، مِگئدّويا قاچيب اورادا اؤلدو.
نؤکرلري اونو عارابا ائله اورشلئمه گتئردئلر و داوودون شهرئنده، آتالارينين يانيندا، اؤز قبئرئنده باسديرديلار.
اَخاب اوغلو يورامين پادشاهليغينين اون بئرئنجي ائلئنده، اَخَزيا يهودا اوستونده پادشاه اولدو.
يِيهو يئزرِعِله گلدئکده، ائزِبِل بونو اشئتدي. گؤزلرئنه سورمه چکئب باشينا بَزَک ووردو و پنجرهدن بويلانيب باخدي.
يِيهو دروازادان گئرَنده، ائزِبِل سوروشدو: "خيئر اولا، زئمري، ای آغاسيني اؤلدورَن آدام؟"
يِيهو اوزونو پنجره‌يه طرف قالديريب ددي: "کئم منئم طَرفداريمدير، کئم؟" ائکي-اوچ ساراي خئدمتچئسي بويلانيب اونا باخديلار.
يِيهو ددي: "اونو آشاغي آتين." ائزِبِلي آشاغي آتديلار. اونون قانينين بئر آزي دووارا و آتلارين اوستونه سيچرادي و آتلار اونون جسدئني آياق آلتيندا تاپدالاديلار.
يِيهو ائچَري گئردي و يِيئب-ائچدي. و ددي: "بو لعنته گلمئش آروادي گؤتورون و باسديرين، چونکي پادشاه قيزي‌دير."
اونلار ائزِبِلي باسديرماق اوچون گتدئلر. آنجاق اونون کَلّه‌سئندن، آياقلاريندان و اوووجلاريندان باشقا هچ نه تاپماديلار.
گری قاييديب يِيهويا خبر وردئلر. يِيهو ددي: "بو ربّئن سؤزودور کي، قولو تئشبِلي ائليا واسئطهسئله بله دمئشدي: «يئزرِعِل زمئسئنده ائزِبِلئن اَتئني ائتلر يئيه‌جکلر.
ائزِبِلئن جسدي يئزرِعِل زمئسئنه تؤکولموش پِيئن کئمي اولاجاق و هچ کس دئيه بئلميهجک کي، بو ائزِبِلدئر.»"
اَخابين نسلئندن سامئرهده يتمئش نفر شاهزاده وار ائدي. يِيهو يئزرِعِل باشچيلارينا، آغساقّاللارا و اَخابين نسلئندن اولان اوشاقلاريني قورويانلارا مکتوبلار يازيب، سامئره‌يه گؤندردي. او بله يازدي:
"آغانيزين شاهزاده‌لري سئزئن يانينيزدادير، دؤيوش عارابالارينيز و آتلارينيز، قالالي شهرئنئز و سئلاحلارينيز وار. بو مکتوب سئزه چاتاندا،
آغانيزين شاهزاده‌لرئندن لاپ ياخشيسيني، لاپ لايئقئني سچئن و اونو آتاسينين تختئنده اوتوردون و آغانيزين نسلی اوچون ووروشون."
آمّا اونلار چوخ قورخوب ددئلر: "باخين، ائکي پادشاه اونون قاباغيندا دايانا بئلمه‌دي، بئز نجه داياناجاغيق؟"
ساراي ريئسي، شهر باشچيسي، آغساقّاللار و اوشاقلاري قورويانلار يِيهويا خبر گؤندرئب ددئلر: "بئز سنئن قوللارينيق و بئزه ددئيئن هر شيي ادهرئک، هچ کسي ده پادشاه اتميه‌جيئک. سنئن نظرئنده نه ياخشيدير، اونو ات."
يِيهو ائکئنجي مکتوبوندا اونلارا بله يازدي: "اگر سئز منئمله راضي اولوب سؤزومه قولاق آسيرسينيز، آغانيزين اوغوللارينين باشلاريني گؤتوروب صاباح بو واخت يئزرِعِله، يانيما گلئن." يتمئش نفر شاهزاده اونلاري تربئيه ادن شهرئن بؤيوک آداملارينين يانيندا قاليرديلار.
مکتوب اونلارا چاتاندا اونلار يتمئش نفر شاهزاده‌ني توتوب اؤلدوردولر و باشلاريني سبدلره قويوب يئزرِعِله، يِيهويا گؤندردئلر.
قاصئد گلدي و اونا خبر ورئب ددي: "شاهزاده‌لرئن باشلاريني گتئرئبلر." يِيهو ددي: "اونلاري ائکي قالاق ادئب دروازانين گئرئشئنده سحره قدر قويون."
سحر واختي يِيهو باييرا چيخدي و قالخيب بوتون خالقا ددي: "سئزئن تقصئرئنئز يوخدور. باخ، آغامين ضئدّئنه من قصد حاضيرلاديم و اونو من اؤلدوردوم. لاکئن بونلارين هاميسيني کئم قيردي؟
بئلئن کي، اَخابين نسلئنئن ضئدّئنه ربّئن ددئيي سؤزلردن هچ بئري هدر گده بئلمز. رب اؤز قولو ائليا واسئطهسئله ددئيي ائشي ادئبدئر."
بلجه يِيهو يئزرِعِلده، اَخابين ساراييندا اولان آداملاردان صاغ قالانلارين هاميسيني–اونون بوتون بؤيوکلرئني، ياخين آداملاريني و کاهئنلرئني قيردي، اونون بئر آداميني دا صاغ بوراخمادي.
يِيهو قالخيب سامئره‌يه طرف يولا دوشدو. يولدا چوبانلارا عاييد اولان بِيت‌عِقِدّن کچنده،
يهودا پادشاهي اَخَزيانين قوحوملارينا راست گلدي و اونلاردان سوروشدو: "سئز کئمسئنئز؟" اونلار جاواب وردئلر: "بئز اَخَزيانين قوحوملاري‌ييق. گلمئشئک کي، پادشاهين اؤولادلاريني و آنا ملکه‌نئن اؤولادلاريني سالاملاياق."
يِيهو ددي: "بونلاري دئري توتون." اونلاري دئري توتدولار و بو قيرخ ائکي نفر آدامي بِيت عِقِد قويوسونون يانيندا اؤلدوردولر. يِيهو اونلاردان هچ بئرئني صاغ بوراخمادي.
يِيهو اورادان گدنده، رِکاب اوغلو يِهونادابا راست گلدي کي، اونون گؤروشويونه گلئردي. و اونو سالاملاييب ددي: "منئم اوره‌يئم نجه سنئنله دوزدور، آيا سنئن اوره‌يئن ده منئمله بلهدئر؟" يِهوناداب جاواب وردی: "بلی." يِيهو ددي: "اگر اِلهدئر، اَلئني منه ور." او، اَلئني يِيهويا وردی و يِيهو اونو اؤز عاراباسينا قالديردي.
سونرا ددي: «منئمله گل و رب اوچون گؤرستدئيئم قِيرَتي گؤر.» اونو يِيهونون آراباسينا مئندئرئب آپارديلار.
يِيهو سامئره‌يه گلدي و ربّئن ائليايا ددئيي سؤزو کئمي، اَخابين سامئرهده قالان بوتون آداملاريني کامئل قيريب محو اتدي.
يِيهو بوتون خالقي ييغيب اونلارا ددي: "اَخاب بَعَله آز سجده اتدي، آنجاق يِيهو اونا چوخ سجده ادهجک.
ائندي بَعَلئن بوتون پيغمبرلرئني، اونو پرستئش ادنلرئن هاميسيني، اونون بوتون کاهئنلرئني منئم يانيما چاغيرين؛ هچ کس قالماسين، چونکي بَعَله بؤيوک قوربانيم وار. کئم گلمَسه، صاغ قالماياجاق." آنجاق يِيهو بورادا حئيله ائشلَتدي کي، بَعَلي پرستئش ادنلري محو اتسئن.
يِيهو ددي: "بَعَل اوچون تقدئس اولونموش بئر ييغين چاغيرين." اونلار ييغين چاغيرديلار.
يِيهو ائسرايئلئن هر طرفئنه خبر گؤندردي. بَعَلي پرستئش ادنلرئن هاميسي گلدي، گلمه‌يَن بئر نفر ده قالمادي. اونلار بَعَل معبدئنه گئردئلر و بَعَل معبدي آغزيناجاق آداملا دولدو.
يِيهو پالتارلارا باخان آداما ددي: "بَعَله پرستئش ادنلرئن هاميسي اوچون عَبا ور." بو آدام دا اونلار اوچون عَبا وردی.
يِيهو رِکاب اوغلو يِهونادابلا بئرلئکده بَعَل معبدئنه گئرئب بَعَلي پرستئش ادنلره ددي: "آختاريب باخين، بورادا ربّی پرستئش ادن بئر نفر سئزئنله اولماسين، فقط بَعَلي پرستئش ادنلر اولسون."
سونرا اونلار قوربانلار و يانديرما قوربانلاري گتئرمک اوچون قاباغا گلدئلر. يِيهو باييردا هشتاد آدام قويموشدو و اونلارا دمئشدي: "اَلئنئزه وردئيئم بو آداملاردان بئري کئمدن قاچيب قورتارسا، او آدام عوضئنده اؤز جانيني ورهجک."
يانديرما قوربانلاري گتئرئلمه‌سي آخيرا چاتاندا، يِيهو کشئکچئلره و ريئسلره ددي: "ائچَري گئرئب اونلاري قيرين، هچ کس چيخا بئلمه‌سئن." کشئکچئلر و ريئسلر اونلاري قيلينجدان کچئردئب قيرديلار و مِيئتلرئني باييرا آتديلار. سونرا بَعَل معبدئنئن ائچَري اوتاغينا گئردئلر.
بَعَل معبدئنئن تئمثال سوتونولاريني چيخارديب يانديرديلار.
بلجه بَعَله قويولان سوتونو ييخديلار. بَعَل معبدئني ده داغيديب آياق يولو اتدئلر، اورا بو گونه قدر ده بلهدئر.
بلجه، يِيهو ائسرايئلدن بَعَلئن کؤکونو کَسدي.
آنجاق يِيهو نِباط اوغلو يَروبعامين ائسرايئله اتدئردئيي گوناهلاردان، حتّا بِيت ائلده و داندا اولان قيزيل دانالاري پرستئش اتمکدن اَل چکمه‌دي.
رب يِيهويا ددي: "سن گؤزومده دوغرو اولان ائشلر گؤرمَکله ياخشي اِله‌دئن و منئم اوره‌يئمده اولان هر شيه گؤره اَخابين آداملاري ائله رفتار اتدئن. بونا گؤره ده دؤردونجو نسلئنه قدر سنئن اؤولادلارين ائسرايئل تختئنده اوتوراجاق."
آنجاق يِيهو دئقّت اتمهدي کي، بوتون قلبي ائله ائسرايئلئن تاريسي ربّئن قانونو ائله ياشاسين؛ او يَروبعامين ائسرايئله اتدئردئيي گوناهلاردان اَل چکمه‌دي.
رب او دؤورده ائسرايئل تورپاغيني کَسئب کئچئلتمَيه باشلادي. خَزااِل بوتون ائسرايئل حودودلاريندا اونلاري مغلوب اتدي:
اوردون چايينين شرق طرفئندهکي جادلي‌لارا، رِعوبئنلی‌لره و مِنَسّه‌لئلره عاييد اولان بوتون گئلعاد تورپاغيني کي، اَرنون درهسئنئن کناريندا اولان عَروعِردن گئلعادا و باشانا قدردئر.
يِيهونون قالان ائشلري، اتدئيي هر شي و اونون بوتون قودرتي بارهده مگر ائسرايئل پادشاهلارينين سالنامه‌لر کئتابيندا يازيلماييبدير؟
يِيهو اؤلوب آتالاري ائله ياتدي و اونو سامئرهده باسديرديلار. اونون يرئنه اوغلو يِهوآخاز پادشاه اولدو.
يِيهونون سامئرهده ائسرايئل اوستونده پادشاهليق اتدئيي مودّت ائيئرمي سکّئز ائل ائدي.
اَخَزيانين آناسي عَتَليا اوغلونون اؤلدويونو گؤرنده قالخيب بوتون پادشاه نسلئني محو اتدي.
آنجاق يِهورام پادشاهين قيزي، اَخَزيانين باجيسي يِهوشِبَع، اؤلدورولَن شاهزاده‌لر آراسيندان اَخَزيانين اوغلو يوآشي گئزلئجه آپاردي و اونو دايه‌سي ائله بئرلئکده ياتاق اوتاغيندا يِرلَشدئردي. بلجه يوآشي عَتَليادان گئزلَتدئلر و او، اؤلدورولمه‌دي.
او، آلتي ائل ربّئن معبدئنده دايه‌سي ائله بئرلئکده گئزلي قالدي و بو زامان عَتَليا اؤلکه اوستونده پادشاهليق ادئردي.
يدّئنجی ائلده يِهوياداع کاريالي‌لارين و کشئکچئلرئن يوزباشيلاريني چاغيرتديردي، اونلاري اؤز يانينا، ربّئن معبدئنئن ائچَرئسئنه گتئردي. اورادا بو آداملارلا عهد باغلاييب اونلارا آند ائچدئردي و شاهزاده‌ني اونلارا گؤرستدي.
سونرا يِهوياداع اونلارا امر ادئب ددي: "سئز بله ادئن: سَبّت گونو نؤوبه چکَنلرئنئزئن اوچده بئري سارايين کِشئيئني چکسئن،
اوچده بئري سور دروازاسيندا دورسون، اوچده بئري ده کشئکچئلرئن آرخاسينداکي دروازادا دايانسين. بلجه نؤوبه ائله سارايين کِشئيئني چکئن.
سئزئن ائکي بؤلويونوز، حتّا سَبّت گونو نؤوبه چکمينلرئن هاميسي، پادشاهين طرفئنده اولوب ربّئن معبدئنئن کِشئيئني چکسئن.
هر کس سئلاحي اَلئنده پادشاهي اَحاطه‌يه آلسين، ردئفلرئنئزه گئرن هر کس اؤلدورولسون. پادشاهين گئرئب-چيخديغي واخت اونونلا اولون."
يوزباشيلار کاهئن يِهويادانين امر اتدئيي هر شيي اتدئلر: هر بئري اؤز آداملاريني، سَبّت گونو نؤوبه چکَنلري و سَبّت گونو نؤوبه‌ده اولمايانلاري گؤتوروب کاهئن يِهويادانين يانينا گلدي.
کاهئن يوزباشي‌لارا پادشاه داوودون نئزه‌لرئني و قالخانلاريني کي، ربّئن معبدئنده ائدي، وردی.
کشئکچئلر معبدئن صاغ طرفئندن سول طرفئنه قدر، قوربانگاهين و معبدئن يانيندا، پادشاهين اطرافيندا دايانديلار. هر کَسئن سئلاحي اَلئنده ائدي.
او واخت کاهئن شاهزاده‌ني ائرهلي چيخارتدي و تاجي باشينا قويوب شهادتنامه‌ني اونا وردی. اونو پادشاه اولماق اوچون مسح اتدئلر و اَل چاليب ددئلر: "ياشاسين پادشاه!"
عَتَليا کشئکچئلرئن و خالقين سَسئني اشئدنده خالقين يانينا، ربّئن معبدئنه گلدي.
او باخيب گؤردو کي، پادشاه رسمه گؤره سوتونون يانيندا دايانميش، ريئسلر و کَره‌ناي چالانلار دا پادشاهين يانينداديرلار. بوتون اؤلکه خالقي سِوئنئب کَره‌ناي چاليردي. عَتَليا پالتاريني جيريب باغيردي: "خيانت! خيانت!"
کاهئن يِهوياداع قوشون اوچون باشچي اولان يوزباشي‌لارا امر ادئب ددي: "اونو ردئفلرئن آراسيندان چيخاردين و دالينجا گلني قيلينجلا اؤلدورون." چونکي کاهئن دمئشدي: "قوي او، ربّئن معبدئنده اؤلدورولمه‌سئن."
عَتَلياني توتدولار، آتلارين پادشاه سارايينا گئردئيي دروازايا يِتئشَنده، اونو اورادا اؤلدوردولر.
يِهوياداع رَبله پادشاه و خالق آراسيندا عهد باغلادي کي، اونلار ربّئن خالقي اولسونلار. او، پادشاهلا خالق آراسيندا دا عهد باغلادي.
بوتون اؤلکه خالقي بَعَل معبدئنه گتدي. اونو داغيديب قوربانگاهلاريني و بوتلرئني تئکه-تئکه اتدئلر، بَعَل کاهئني مَتّاني قوربانگاهلارين قاباغيندا اؤلدوردولر. کاهئن ربّئن معبدئنه گؤزَتچئلر قويدو.
او، يوزباشيلاري، کاريالي‌لاري، کشئکچئلري، بوتون اؤلکه خالقيني اؤزو ائله گؤتوردو. اونلار پادشاهي ربّئن معبدئندن گتئردئلر و کشئکچئلر دروازاسينين يولو ائله پادشاه سارايينا گلدئلر. يوآش پادشاهلارين تختئنده اوتوردو.
بوتون اؤلکه خالقي سِوئندي و شهر ساکئتلَشدي. چونکي عَتَلياني پادشاه ساراييندا قيلينجلا اؤلدورموشدولر.
يوآش پادشاه اولدوغو واخت يدّي ياشيندا ائدي.
يِيهونون پادشاهليغينين يدّئنجی ائلئنده، يوآش پادشاه اولدو و اورشلئمده قيرخ ائل پادشاهليق اتدي. آناسينين آدي صئبيا ائدي. صئبيا بئرشئباعدان ائدي.
يِهوياداع کاهئنئن يوآشي اؤيرَتدئيي دؤور عرضئنده، يوآش ربّئن گؤزونده دوغرو اولان ائشلر اتدي.
لاکئن پرستئشگاهلار آرادان قالديريلمادي، خالق حله ده پرستئشگاهلاردا قوربان گتئرئب بوخور يانديريردي.
يوآش کاهئنلره ددي: "موقدّس شيلر کئمي ربّئن معبدئنه گتئرئلَن گوموشو، سئياهييا آلما زاماني ييغيلميش گوموشو، هر کَسئن اؤز جاني عوضئنه وردئيي گوموشو و ربّئن معبدئنه گتئرمک اوچون هر کَسئن اوره‌يي ائسته‌دئيي قدر وردئيي گوموشون هاميسيني
کاهئنلرئن هر بئري اؤز خَزئنه‌داريندان گؤتورسون و معبدده هارادا اوچوق بئر ير وار، او اوچوقلاري اؤزلري تعمئر اتسئنلر."
آمّا يوآش پادشاهين پادشاهليغينين ائيئرمي اوچونجو ائلئنده، کاهئنلر حله معبدئن اوچوقلاريني تعمئر اتمهمئشدئلر.
يوآش پادشاه کاهئن يِهوياداعني و او بئري کاهئنلري چاغيريب اونلاردان سوروشدو: "نه اوچون سئز معبدئن اوچوقلاريني تعمئر اتمئرسئنئز؟ ائندي داها خَزئنه‌دارلارينيزدان اؤزونوز اوچون گوموش آلمايين، اونو معبدئن اوچوقلارينين تعمئري اوچون ورئن."
کاهئنلر راضي اولدولار کي، نه خالقدان گوموش آلسينلار، نه ده معبدئن اوچوقلاريني اؤزلري تعمئر اتسئنلر.
کاهئن يِهوياداع بئر سانديق گؤتوردو و اونون قاپاغيندا دَلئک آچدي. اونو قوربانگاهين يانينا، ربّئن معبدئنه گئرَن يرده صاغ طرفه قويدو. قاپيدا کشئک چکَن کاهئنلر ربّئن معبدئنه گتئرئلَن گوموشون هاميسيني اورايا قويوردولار.
سانديقدا چوخلو گوموش اولدوغونو گؤرنده، پادشاهين مئرزه‌سي و باش کاهئن گلئب ربّئن معبدئنده اولان گوموشو ساييب توربالارا دولدوروردولار.
چکئلَن گوموشو ربّئن معبدئنئن ائشئنه نظارت ادن ريئسلره ورئردئلر. اونلار دا بونو ربّئن معبدئنده ائشله‌يَن دولگَرلره، اوستالارا،
بَنّالارا، داش‌يونانلارا، ربّئن معبدئنئن اوچوقلاريني تعمئر اتمک اوچون تخته و يونولموش داشلار ساتين آلان آداملارا ورئردئلر و معبدئن بوتون تعمئر ائشلرئنه خرجله‌يئردئلر.
آنجاق ربّئن معبدئنه گتئرئلمئش گوموشدن معبد اوچون گوموش کاسالار، پئلته ماشالار، لَيَنچه‌لر، کَره‌نايلار و قيزيل يا دا گوموش قابلار دوزَلدئلمئردي.
چونکي گوموشو ائش گؤرَنلره ورئردئلر و اونونلا ربّئن معبدئني تعمئر ادئردئلر.
ائش گؤرَنلره ورمک اوچون اَللرئنه گوموش وردئکلري آداملاردان حساب ائسته‌مئردئلر، چونکي اونلار صداقتله چاليشيرديلار.
تقصئر تقدئملرئنئن و گوناه تقدئملرئنئن گوموشو ربّئن معبدئنه گتئرئلمه‌دي، چونکي او، کاهئنلرئن ائدي.
او واخت اَرام پادشاهي خَزااِل گلدي و گَته هوجوم ادئب اوراني آلدي. سونرا او، يؤنَلدي کي، اورشلئمه هوجوم اتسئن.
يهودا پادشاهي يوآش، آتالاري اولان يهودا پادشاهلاري يِهوشافاطين، يِهورامين و اَخَزيانين تقدئس اتدئيي بوتون شيلري، اؤزونون تقدئس اتدئيي شيلري، ربّئن معبدئنئن و سارايين خزئنهلرئندن تاپيلان بوتون قيزيلي گؤتوروب، اَرام پادشاهي خَزااِله گؤندردي. او دا اورشلئمدن گری چکئلدي.
يوآشين قالان ائشلري و اتدئيي هر شي بارهده مگر يهودا پادشاهلارينين سالنامه‌لر کئتابيندا يازيلماييبدير؟
اعيانلاري قالخيب اونون ضئدّئنه قصد حاضيرلاديلار و سئللايا اِنَن يولداکي بِيت‌مئلّودا يوآشي ووردولار.
اونو اؤلدورَنلر اعيانلاري شئمعات اوغلو يوزاکار و شومِر اوغلو يِهوزاباد ائدي. يوآش اؤلدو و اونو داوودون شهرئنده، آتالارينين يانيندا باسديرديلار. اونون يرئنه اوغلو اَمَصيا پادشاه اولدو.
يهودا پادشاهي اَخَزيا اوغلو يوآشين پادشاهليغينين ائيئرمي اوچونجو ائلئنده، يِيهونون اوغلو يِهوآخاز سامئرهده ائسرايئل اوستونده پادشاه اولدو و اون يدّي ائل پادشاهليق اتدي.
او، ربّئن گؤزونده پئس اولان ائشلر اتدي و نِباط اوغلو يَروبعامين ائسرايئله اتدئردئيي گوناهلارين دالينجا گتدي، اونلاردان اَل چکمه‌دي.
ربّئن قضبي ائسرايئلئن ضئدّئنه آلوولاندي و اونلاري اوزون مودّت اَرام پادشاهي خَزااِلئن و خَزااِلئن اوغلو بِن‌هَدَدئن اَلئنه وردی.
او واخت يِهوآخاز ربّه اوز توتوب يالواردي و رب اونو اشئتدي، چونکي ائسرايئللیلرئن عذابيني و اَرام پادشاهينين اونلارا نجه ظولم اتدئيئني گؤردو.
رب ائسرايئللیلره بئر قورتاريجي وردی و اونلار اَرامين اَسارَتي آلتيندان چيخديلار. ائسرايئللی‌لر اَوّلکي کئمي اؤز اِولرئنده ياشاديلار.
آنجاق اونلار يَروبعام نسلئنئن ائسرايئله اتدئردئيي گوناهلاردان اَل چکمه‌دئلر و بو گوناهلارين دالينجا گتدئلر، اَشِرا بوتو ده سامئرهده قاليردي.
اَلّي آتلي‌دان، اون دؤيوش عاراباسيندان و اون مئن پئيادادان باشقا، يِهوآخازين داها قوشونو قالمادي، چونکي اَرام پادشاهي اونلاري محو ادئب خرمنده توز کئمي اتمئشدي.
يِهوآخازين قالان ائشلري، اتدئيي هر شي و اونون قودرتي بارهده مگر ائسرايئل پادشاهلارينين سالنامه‌لر کئتابيندا يازيلماييبدير؟
يِهوآخاز اؤلوب آتالاري ائله ياتدي و اونو سامئرهده باسديرديلار. اونون يرئنه اوغلو يوآش پادشاه اولدو.
يهودا پادشاهي يوآشين پادشاهليغينين اوتوز يدّئنجی ائلئنده، يِهوآخاز اوغلو يِهوآش سامئرهده ائسرايئل اوستونده پادشاه اولدو و اون آلتي ائل پادشاهليق اتدي.
او، ربّئن گؤزونده پئس اولان ائشلر اتدي؛ نِباط اوغلو يَروبعامين ائسرايئله اتدئردئيي بوتون گوناهلاردان اَل چکمه‌دي و بو گوناهلارين دالينجا گتدي.
يِهوآشين قالان ائشلري، اتدئيي هر شي و يهودا پادشاهي اَمَصيا ائله دؤيوشده گؤرستدئيي قودرت بارهده مگر ائسرايئل پادشاهلارينين سالنامه‌لر کئتابيندا يازيلماييبدير؟
يِهوآش اؤلوب آتالاري ائله ياتدي و اونون تختئنده يَروبعام اوتوردو. يِهوآش سامئرهده ائسرايئل پادشاهلارينين يانيندا باسديريلدي.
اِلئشَع اؤلومجول حالدا ناخوشلاميشدي. ائسرايئل پادشاهي يِهوآش اونا باش چکمک اوچون يانينا گلدي و اونون اوستونده آغلاييب ددي: "آتام، ای آتام! ائسرايئلئن دؤيوش عارابالاري و آتلي‌لاري!"
اِلئشَع اونا ددي: "کامان و اوخلار گؤتور." او، کامان و اوخلار گؤتوردو.
اِلئشَع ائسرايئل پادشاهينا ددي: "کاماني چک." او، کاماني چکدي. اِلئشَع اَللرئني پادشاهين اَللري اوستونه قويدو.
سونرا ددي: "شرق طرفئنه باخان پنجره‌ني آچ." او آچدي. اِلئشَع ددي: "اوخو آت." او آتدي. اِلئشَع ددي: "بو، ربّئن قورتولوش اوخودور، حتّا اَرامين ضئدّئنه ده قورتولوش اوخودور! چونکي سن اَراملي‌لاري اَفِقده آخيرا قدر قيراجاقسان."
سونرا ددي: "اوخلاري گؤتور." او گؤتوردو. اِلئشَع ائسرايئل پادشاهينا ددي: "يره وور." او، يره اوچ دفه ووروب داياندي.
تاري آدامي اونا قضبله‌نئب ددي: "بِش-آلتي دفه وورمالي ائدئن. او واخت اَراملي‌لاري آخيرا قدر قيرا بئلردئن، لاکئن ائندي اونلاري اوچ دفه قيراجاقسان."
اِلئشَع اؤلدو و اونو باسديرديلار. موآبليلارين دسته‌لري هر باهار فصلئنده اؤلکهيه هوجوم گتئرَردئلر.
بئر دفه بئر نفري باسديرارکَن آداملار بئر دسته گؤردولر و اؤلونو اِلئشَعئن قبرئنه آتديلار. اؤلو اِلئشَعئن سوموکلرئنه توخونان واخت دئرئلدي و آياق اوسته قالخدي.
اَرام پادشاهي خَزااِل، يِهوآخازين بوتون عؤمرو بويو ائسرايئللیلره ظولم اتدي.
لاکئن رب ائبراهئم، ائسحاق و يعقوبلا باغلاديغي عهدئندن اؤتري لوطف و مرحمت گؤرسدئب اونلاردان اوزونو دؤندَرمه‌دي، اونلاري محو اتمک ائستمه‌دي و ائندئيه قدر اؤز حوضوروندان آتمادي.
اَرام پادشاهي خَزااِل اؤلدوکده، يرئنه اوغلو بِن‌هَدَد پادشاه اولدو.
يِهوآخاز اوغلو يِهوآش موحارئبه‌ده آتاسي يِهوآخازين اَلئندن آلينان شهرلري خَزااِلئن اوغلو بِن‌هَدَدئن اَلئندن آلدي. يِهوآش اَراملي‌لاري اوچ دفه قيريب ائسرايئل شهرلرئني گری آلدي.
ائسرايئل پادشاهي يِهوآخاز اوغلو يِهوآشين پادشاهليغينين ائکئنجي ائلئنده، يهودا پادشاهي يوآشين اوغلو اَمَصيا پادشاه اولدو.
او پادشاه اولدوغو واخت، ائيئرمي بش ياشيندا ائدي و اورشلئمده ائيئرمي دوقّوز ائل پادشاهليق اتدي. آناسينين آدي يِهوعَدّان ائدي. يِهوعَدّان اورشلئمدن ائدي.
اَمَصيا ربّئن گؤزونده دوغرو اولان ائشلر اتدي، لاکئن آتاسي داوود کئمي يوخ، آتاسي يوآشين بوتون اتدئکلري کئمي اتدي.
آنجاق پرستئشگاهلار آرادان قالديريلمادي و خالق حله ده بو پرستئشگاهلاردا قوربان گتئرئب بوخور يانديريردي.
پادشاهليق اَلئنده مؤحکَملَنَنده، اَمَصيا، آتاسي پادشاهي اؤلدورَن اعيانلاري اؤلدوردو.
آنجاق موسانين شرئعت کئتابيندا يازيلديغي کئمي، قاتئللرئن اوغوللاريني اؤلدورمه‌دي، چونکي رب امر ادئب دمئشدي: "اوغوللارا گؤره آتالار، آتالارا گؤره اوغوللار اؤلدورولمه‌سئن، هر کس اؤز گوناهينا گؤره اؤلدورولمه‌لي‌دئر."
او، اون مئن نفر اِدوملونو دوز دره‌سئنده قيريب، سِلَعي موحارئبه ائله آلدي. اونون آديني يوقتِه‌اِل قويدو و بو گونه قدر ده بلهدئر.
او واخت اَمَصيا ائسرايئل پادشاهي يِيهو اوغلو يِهوآخاز اوغلو يِهوآشين يانينا قاصئدلر گؤنده‌رئب ددي: "گل، اوز-اوزه گؤروشَک."
ائسرايئل پادشاهي يِهوآش، يهودا پادشاهي اَمَصيايا جاواب ورئب ددي: "لوبنانداکي قانقال، لوبناندا اولان سئدر آغاجينا خبر گؤندرئب ددي: «قيزيني اوغلوما آرواد ور.» آمّا لوبناندا اولان بئر وحشي حيواني اورادان کچئب، قانقالي آياق آلتيندا تاپدالادي.
اَلبَتّه، سن اِدوملولاري قيريبسان و اوره‌يئن کئبئرله‌نئب. بونونلا فخر ات و اؤز اِوئنده اوتور. نه اوچون اِله بئر بلا قالديراسان کي، يهودالي‌لارلا بئرلئکده سن اؤزون ده ييخيلاسان؟"
آمّا اَمَصيا قولاق آسمادي. ائسرايئل پادشاهي يِهوآش چيخيب، يهودا پادشاهي اَمَصيا ائله يهودادا اولان بِيت شِمِشده اوز-اوزه دوردولار.
يهوداليلار ائسرايئللیلرئن قاباغيندا مغلوب اولدولار و هر کس اؤز اِوئنه قاچدي.
ائسرايئل پادشاهي يِهوآش، يهودا پادشاهي اَخَزيا اوغلو يوآش اوغلو اَمَصياني بِيت‌شِمِشده توتدو. يِهوآش اورشلئمه گلئب، اورشلئم دووارينين اِفرايئم دروازاسيندان کونج دروازاسينا قدر دؤرد يوز قول‌آچيني اوچورتدو.
ربّئن معبدئنده و سارايين خزئنه‌لرئنده تاپيلان بوتون قيزيل-گوموشو، بوتون اشيالاري آپاردي. گئروگان آلديغي آداملاري دا گؤتوروب سامئره‌يه قاييتدي.
يِهوآشين اتدئيي قالان ائشلري، اونون قودرتي و يهودا پادشاهي اَمَصيا ائله نجه ووروشدوغو بارهده مگر ائسرايئل پادشاهلارينين سالنامه‌لر کئتابيندا يازيلماييبدير؟
يِهوآش اؤلوب آتالاري ائله ياتدي و سامئرهده ائسرايئل پادشاهلارينين يانيندا باسديريلدي. اونون يرئنه اوغلو يَروبعام پادشاه اولدو.
يهودا پادشاهي يوآش اوغلو اَمَصيا ائسرايئل پادشاهي يِهوآخاز اوغلو يِهوآشين اؤلوموندن سونرا داها اون بش ائل ياشادي.
اَمَصيانين قالان ائشلري بارهده مگر يهودا پادشاهلارينين سالنامه‌لر کئتابيندا يازيلماييبدير؟
اَمَصيانين ضئدّئنه اورشلئمده قصد حاضيرلاديلار. او، لاکئشه قاچدي. اونون دالينجا لاکئشه آداملار گؤندرئب، اورادا اونو اؤلدوردولر.
اونو آت اوستونده گتئردئلر. او، اورشلئمده، داوودون شهرئنده، آتالارينين يانيندا باسديرديلدي.
بوتون يهودا خالقي اون آلتي ياشلي عَزَرياني گؤتوروب آتاسي اَمَصيانين يرئنه پادشاه اتدئلر.
پادشاه آتالاري ائله ياتديقدان سونرا، عَزَريا اِلاتي يهودايا قايتاريب اوراني تئکدي.
يهودا پادشاهي يوآش اوغلو اَمَصيانين پادشاهليغينين اون بشئنجي ائلئنده، يِهوآش اوغلو يَروبعام سامئرهده ائسرايئل اوستونده پادشاه اولدو و قيرخ بئر ائل پادشاهليق اتدي.
او، ربّئن گؤزونده پئس اولان ائشلر اتدي و نِباط اوغلو يَروبعامين ائسرايئله اتدئردئيي بوتون گوناهلاردان اَل چکمه‌دي.
او، خَمات کچئدئندن عَرَبا دهنزئنه قدر ائسرايئل تورپاقلاريني گری آلدي، نجه کي، ائسرايئلئن تاريسي رب اؤز قولو اَمئتّي اوغلو يونوس پيغمبر واسئطهسئله دمئشدي. يونوس گَت‌خِفِرلي ائدي.
چونکي رب ائسرايئللیلرئن آجي فلاکتئني گؤرموشدو: نه قول قالميشدي، نه آزاد. نه ده ائسرايئل اوچون بئر کؤمکچي.
رب دِمه‌مئشدي کي، ائسرايئلئن آديني گؤيلر آلتيندان سئلهجک. بونا گؤره ده يِهوآش اوغلو يَروبعامين واسئطهسئله اونلارا نئجات وردی.
يَروبعامين قالان ائشلري، اتدئيي هر شي، اونون قودرتي، نجه ووروشدوغو و اَوّللر يهودايا عاييد اولان دَمَشقي و خَماتي ائسرايئله نجه قايتارماسي بارهده مگر ائسرايئل پادشاهلارينين سالنامه‌لر کئتابيندا يازيلماييبدير؟
يَروبعام اؤلوب آتالاري ائسرايئل پادشاهلاري ائله ياتدي و يرئنه اوغلو زِکَريا پادشاه اولدو.
ائسرايئل پادشاهي يَروبعامين پادشاهليغينين ائيئرمي يدّئنجی ائلئنده، يهودا پادشاهي اَمَصيانين اوغلو عَزَريا پادشاه اولدو.
او، پادشاه اولدوغو واخت، اون آلتي ياشيندا ائدي و اورشلئمده اَلّي ائکي ائل پادشاهليق اتدي. آناسي اورشلئمدن ائدي، آدي دا يِکوليا.
عَزَريا، آتاسي اَمَصيانين اتدئيي کئمي، ربّئن گؤزونده دوغرو اولان ائشلر اتدي.
آنجاق پرستئشگاهلار آرادان قالديريلمادي، خالق حله ده بو پرستئشگاهلاردا قوربان گتئرئب بوخور يانديريردي.
رب پادشاها بلا گؤندردي، اِله کي، اؤلومونه قدر جوزاما دوچار ائدي. پادشاه آيري بئر اِوده ياشاييردي. اونون اوغلو يوتام سارايا باخيب اؤلکه خالقينا حؤکم ادئردي.
عَزَريانين قالان ائشلري و اتدئيي هر شي بارهده مگر يهودا پادشاهلارينين سالنامه‌لر کئتابيندا يازيلماييبدير؟
عَزَريا اؤلوب آتالاري ائله ياتدي و اونو داوودون شهرئنده، آتالارينين يانيندا باسديرديلار. اونون يرئنه اوغلو يوتام پادشاه اولدو.
يهودا پادشاهي عَزَريانين پادشاهليغينين اوتوز سکّئزئنجي ائلئنده، يَروبعام اوغلو زِکَريا سامئرهده ائسرايئل اوستونده پادشاه اولدو و آلتي آي پادشاهليق اتدي.
او، آتالارينين اتدئيي کئمي، ربّئن گؤزونده پئس اولان ائشلر اتدي و نِباط اوغلو يَروبعامين ائسرايئله اتدئردئيي گوناهلاردان اَل چکمه‌دي.
يابش اوغلو شَلّوم اونون ضئدّئنه قصد حاضيرلادي؛ اونو خالقين قاباغيندا ووروب اؤلدوردو و يرئنه پادشاه اولدو.
باخ، زِکَريانين قالان ائشلري بارهده ائسرايئل پادشاهلارينين سالنامه‌لر کئتابيندا يازيليبدير.
ربّئن يِيهويا دانيشيب ددئيي سؤز بو ائدي: "دؤردونجو نسلئنه قدر سنئن اؤولادلارين ائسرايئل تختئنده اوتوراجاقلار." و بله ده اولدو.
يهودا پادشاهي عوزئيّانين پادشاهليغينين اوتوز دوقّوزونجو ائلئنده، يابش اوغلو شَلّوم پادشاه اولدو و سامئرهده بئر آي پادشاهليق اتدي.
جادي اوغلو مِناخِم تئرصادان چيخيب سامئره‌يه گلدي. سامئرهده يابش اوغلو شَلّومو ووروب اؤلدوردو و يرئنه پادشاه اولدو.
باخ، شَلّومون قالان ائشلري و نجه قصد حاضيرلاديغي بارهده ائسرايئل پادشاهلارينين سالنامه‌لر کئتابيندا يازيليبدير.
او واخت مِناخِم تئرصادان چيخيب تئفصَخده و اونون سرحدلرئنده ياشايانلارين هاميسيني قيردي. دروازالاري اونون اوزونه آچماديقلارينا گؤره اونلاري محو اتدي و اورادا اولان بوتون بويلو آروادلارين قارينلاريني ييرتدي.
يهودا پادشاهي عَزَريانين پادشاهليغينين اوتوز دوقّوزونجو ائلئنده، جادي اوغلو مِناخِم ائسرايئل اوستونده پادشاه اولدو و سامئرهده اون ائل پادشاهليق اتدي.
او، ربّئن گؤزونده پئس اولان ائشلر اتدي و بوتون عؤمرو بويو نِباط اوغلو يَروبعامين ائسرايئله اتدئردئيي گوناهلاردان اَل چکمه‌دي.
آشور پادشاهي پول اؤلکهيه هوجوم اتدي. مِناخِم اونا مئن تالانت گوموش وردی کي، پادشاهليغيني مؤحکملَندئرمک اوچون فول اونونلا موتّفئق اولسون.
مِناخِم آشور پادشاهينا ورمک اوچون ائسرايئلئن وارلي آداملارينين هاميسيندان گوموش ييغدي، اونلارين هر بئرئندن اَلّي شِکِل گوموش آلدي. او واخت آشور پادشاهي بو اؤلکهده قالماييب گری قاييتدي.
مِناخِمئن قالان ائشلري و اتدئيي هر شي بارهده مگر ائسرايئل پادشاهلارينين سالنامه‌لر کئتابيندا يازيلماييبدير؟
مِناخِم اؤلوب آتالاري ائله ياتدي و يرئنه اوغلو پِقَخيا پادشاه اولدو.
يهودا پادشاهي عَزَريانين پادشاهليغينين اَلّئنجي ائلئنده، مِناخِم اوغلو پِقَخيا سامئرهده ائسرايئل اوستونده پادشاه اولدو و ائکي ائل پادشاهليق اتدي.
او، ربّئن گؤزونده پئس اولان ائشلر اتدي؛ نِباط اوغلو يَروبعامين ائسرايئله اتدئردئيي گوناهلاردان اَل چکمه‌دي.
رِمَليا اوغلو پِقَخ کي، پِقَخيانين کشئکچئلر ريئسي ائدي، اونون ضئدّئنه قصد حاضيرلادي. گئلعادلي‌لاردان اَلّي نفرئن کؤمهيي ائله، سامئرهده، سارايين قالاسيندا، اونو اَرگوب و اَريِه ائله بئرلئکده ووروب اؤلدوردو و اونون يرئنه پادشاه اولدو.
باخ، پِقَخيانين قالان ائشلري و اتدئيي هر شي بارهده ائسرايئل پادشاهلارينين سالنامه‌لر کئتابيندا يازيليبدير.
يهودا پادشاهي عَزَريانين پادشاهليغينين اَلّي‌ائکئنجي ائلئنده، رِمَليا اوغلو پِقَخ سامئرهده ائسرايئل اوستونده پادشاه اولدو و ائيئرمي ائل پادشاهليق اتدي.
او، ربّئن گؤزونده پئس اولان ائشلر اتدي؛ او نِباط اوغلو يَروبعامين ائسرايئله اتدئردئيي گوناهلاردان اَل چکمه‌دي.
ائسرايئل پادشاهي پِقَخئن دؤورونده، آشور پادشاهي تئگلَت‌پئلِسِر گلئب عئيّونو، آبِل‌بِيت‌مَعَکاني، يانواَخي، قِدِشي، خاصورو، گئلعادي، گالئلي و بوتون نَفتالي تورپاغيني توتدو و اهالئسئني آشورا اسئر اتدي.
اِلا اوغلو هوشِعَع، رِمَليا اوغلو پِقَخئن ضئدّئنه قَصد حاضيرلادي؛ اونو ووروب اؤلدوردو و عوزئيّا اوغلو يوتامين پادشاهليغينين ائيئرمئنجي ائلئنده اونون يرئنه پادشاه اولدو.
باخ پِقَخئن قالان ائشلري و اتدئيي هر شي بارهده ائسرايئل پادشاهلارينين سالنامه‌لر کئتابيندا يازيليبدير.
ائسرايئل پادشاهي رِمَليا اوغلو پِقَخئن پادشاهليغينين ائکئنجي ائلئنده، عوزئيّا اوغلو يوتام يهودا اوستونده پادشاه اولدو.
او، پادشاه اولدوغو واخت، ائيئرمي بش ياشيندا ائدي و اورشلئمده اون آلتي ائل پادشاهليق اتدي. آناسي، صادوق قيزي يِروشا ائدي.
يوتام، آتاسي عوزئيّانين اتدئيي کئمي، ربّئن گؤزونده دوغرو اولان ائشلر اتدي.
لاکئن پرستئشگاهلار آرادان قالديريلمادي؛ خالق حله ده بو پرستئشگاهلاردا قوربان گتئرئب بوخور يانديريردي. او، ربّئن معبدئنئن يوخاري دروازاسيني تعمئر اتدي.
يوتامين اتدئيي قالان ائشلري بارهده مگر يهودا پادشاهلارينين سالنامه‌لر کئتابيندا يازيلماييبدير؟
رب او دؤورده اَرام پادشاهي رِصئني و رِمَليا اوغلو پِقَخي يهودانين اوستونه گؤندرميه باشلادي.
يوتام اؤلوب آتالاري ائله ياتدي و آتاسي داوودون شهرئنده، آتالارينين يانيندا باسديريلدي. اونون يرئنه اوغلو آخاز پادشاه اولدو.
رِمَليا اوغلو پِقَخئن پادشاهليغينين اون يدّئنجی ائلئنده، يوتام اوغلو آخاز يهودا اوستونده پادشاه اولدو.
آخاز، پادشاه اولدوغو واخت، ائيئرمي ياشيندا ائدي و اورشلئمده اون آلتي ائل پادشاهليق اتدي. او، تاريسي ربّئن گؤزونده دوغرو اولان ائشلر اتمهدي، نجه کي، آتاسي داوود اتمئشدي.
آخاز ائسرايئل پادشاهلارينين يولو ائله گتدي و حتّا اوغلونو دا اوددا قوربان اتدي، نجه کي، ربّئن ائسرايئل اؤولادلارينين قاباغيندان قوودوغو مئلّتلرئن ائيرنج عمللري ائدي.
او، پرستئشگاهلاردا، تپه‌لر اوستونده و بول يارپاقلي هر آغاج آلتيندا قوربان گتئرئب بوخور يانديريردي.
او واخت اَرام پادشاهي رِصئن و ائسرايئل پادشاهي رِمَليا اوغلو پِقَخ اورشلئمئن اوستونه هوجوم گتئردئلر و آخازي موحاصئرهيه آلديلار، لاکئن اونو مغلوب اده بئلمه‌دئلر.
او واخت اَرام پادشاهي رِصئن، اِلاتي اَراما قايتاردي و يهودالي‌لاري اِلاتدان قوووب چيخارتدي. اِدوملولار اِلاتا گلدئلر و بو گونه قدر اورادا ياشاييرلار.
آخاز آشور پادشاهي تئگلَت‌پئلِسِرئن يانينا قاصئدلر گؤندرئب ددي: "من سنئن قولون و اوغلونام. گل، منی اوستومه هوجوم ادن اَرام و ائسرايئل پادشاهلارينين اَلئندن قورتار."
آخاز ربّئن معبدئنده و سارايين خزئنه‌لرئنده تاپيلان قيزيل-گوموشو گؤتوروب آشور پادشاهينا هدئيّه گؤندردي.
بونا گؤره ده آشور پادشاهي اونا قولاق آسدي: دَمَشقه هوجوم ادئب اوراني آلدي، اهالئسئني قئره اسئر آپاردي و رِصئني اؤلدوردو.
آخاز پادشاه آشور پادشاهي تئگلَت‌پئلِسِرئن گؤروشويونه دَمَشقه گتدي. او، دَمَشقده اولان قوربانگاهي گؤردو، قوربانگاهين بوتون قورولوشونو و تصوئرئني کاهئن اورئيايا گؤندردي.
کاهئن اورئيا پادشاه آخازين دَمَشقدن گؤندردئيي بوتون شيلره گؤره بئر قوربانگاه دوزلتدي. کاهئن اورئيا، پادشاه دَمَشقدن قاييدانا قدر بونو اتدي.
پادشاه دَمَشقدن قاييتديقدا، قوربانگاهي گؤردو. ياخينلاشيب قوربانگاهين اوستونه قالخدي.
قوربانگاهين اوستونده اؤز يانديرما قوربانيني و تاخيل تقدئمئني يانديردي، تؤکمه تقدئمئني تؤکدو و باريش قوربانلارينين قانيني اورايا سَپدي.
ربّئن قاباغيندا اولان بورونج قوربانگاهي معبدئن قاباق طرفئندن، اؤز قوربانگاهي ائله ربّئن معبدي آراسيندان گتئردي و اونو اؤز قوربانگاهينين شئمال طرفئنه قويدو.
آخاز پادشاه کاهئن اورئيايا امر ادئب ددي: "سحرئن يانديرما قوربانيني، آخشامين تاخيل تقدئملرئني، پادشاهين يانديرما قوربانيني و تاخيل تقدئملرئني، بوتون اؤلکه خالقينين يانديرما قوربانيني، تاخيل تقدئمئني و تؤکمه تقدئمئني بؤيوک قوربانگاهين اوستونده ياندير. يانديرما قوربانلارينين و آيري قوربانلارين بوتون قانيني اونون اوستونه سَپ. آنجاق بورونج قوربانگاه مصلحتلَشمک اوچون منئم اولاجاق."
کاهئن اورئيا دا آخاز پادشاهين امر اتدئيي هر شيي يرئنه يتئردي.
آخاز پادشاه پايالارين يان لؤوحه‌لرئني کَسئب پايالارين اوستوندن لَيَنلري گؤتوردو. حوووضو آلتيندا اولان بورونج اؤکوزلرئن اوستوندن قالديريب، بئر داش سَکئنئن اوستونه قويدو.
ربّئن معبدئندن سَبّت گونو اوچون معبدده دوزَلدئلمئش اوستو اؤرتولو يولو، و پادشاهين باييرداکي گئرئش يرئني آشور پادشاهيندان اؤتري گؤتوردو.
آخازين اتدئيي قالان ائشلري بارهده مگر يهودا پادشاهلارينين سالنامه‌لر کئتابيندا يازيلماييبدير؟
آخاز اؤلوب آتالاري ائله ياتدي و داوودون شهرئنده، آتالارينين يانيندا باسديريلدي. اونون يرئنه اوغلو خئزقئيا پادشاه اولدو.
يهودا پادشاهي آخازين پادشاهليغينين اون‌ائکئنجي ائلئنده، اِلا اوغلو هوشِعَع سامئرهده ائسرايئل اوستونده پادشاه اولدو و دوقّوز ائل پادشاهليق اتدي.
او، ربّئن گؤزونده پئس اولان ائشلر اتدي، آنجاق اؤزوندن قاباقکي ائسرايئل پادشاهلاري کئمي ديئلدي.
آشور پادشاهي شَلمَنِسِر هوشِعَعئن اوستونه هوجوم گتئردي و هوشِعَع اونا تابع اولوب خراج وردی.
آمّا آشور پادشاهي هوشِعَعئن قصد حاضيرلاديغيندان خبردار اولدو، چونکي او هم مئصئر پادشاهي سونون يانينا قاصئدلر گؤندرمئشدي، هم ده هر ائل اولدوغو کئمي آشور پادشاهينا خراج ورمه‌مئشدي. بونا گؤره ده آشور پادشاهي اونو توتوب زئنداندا اسئر ساخلادي.
آشور پادشاهي بوتون اؤلکهيه هوجوم گتئردي. او، سامئره‌يه ياخينلاشدي و اوراني اوچ ائل موحاصئره‌ده ساخلادي.
هوشِعَعئن پادشاهليغينين دوقّوزونجو ائلئنده، آشور پادشاهي سامئره‌ني آلدي و ائسرايئللی‌لري آشور تورپاغينا اسئر آپاردي. اونلاري خِلَخده، خابور چايي ساحئلئندهکي گوزاندا، و ماد شهرلرئنده يِرلَشدئردي.
بو ائش اونا گؤره ائسرايئل اؤولادلارينين باشينا گلدي، چونکي تاريلاري ربّئن ضئدّئنه گوناه اتمئشدئلر، او رب کي، اونلاري مئصئر پادشاهي فئرعونون اَسارتي آلتيندان، مئصئر تورپاغيندان چيخارتميشدي. ائسرايئللی‌لر آيري آللاهلارا حؤرمت اتدئلر
و ربّئن ائسرايئل اؤولادلارينين قاباغيندان قوودوغو مئلّتلرئن روسوملارينا و ائسرايئل پادشاهلارينين قويدوغو عادتلره گؤره ياشاديلار.
گئزلئنده اؤز تاريلاري ربّئن ضئدّئنه دوغرو اولمايان ائشلر گؤردولر. بوندان علاوه، بوتون شهرلرئنده کشئکچي بورجوندن قالالي شهره قدر اؤزلري اوچون پرستئشگاهلار تئکدئلر.
هر اوجا تپه‌نئن اوستونده، بول يارپاقلي هر آغاجين آلتيندا اؤزلري اوچون موقدّس سوتونلار و اَشِرا بوتلري برپا اتدئلر.
ربّئن اونلارين قاباغيندان قوودوغو مئلّتلرئن اتدئيي کئمي، بوتون بو پرستئشگاهلاردا بوخور يانديرديلار و پئس ائشلر گؤروب ربّی قضبه گتئردئلر.
ربّئن اونلارا "بله اتمهيئن" دِمئش اولدوغونا باخماييب، بوتلره قوللوق اتدئلر.
رب بوتون پيغمبرلرئنئن و گؤروجولرئنئن واسئطهسئله ائسرايئله و يهودايا ائخطار ورئب دمئشدي: "پئس يولونوزدان دؤنون. و بوتون شرئعتده اولان امرلرئمه و قايدالاريما کي، آتالارينيزا امر اتدئم و قوللاريم پيغمبرلرئن واسئطهسئله سئزه گؤندردئم، عمل ادئن."
آمّا اونلار بو سؤزلره قولاق آسماميشديلار و تاريلاري ربّه ائمان اتمه‌يَن آتالاري کئمي دئکباشليق اتدئلر.
اونون قايدالاريني، آتالاري ائله باغلاديغي عهدئني، و اونلارا وردئيي ائخطارلاري ردّ اتدئلر. بوش شي دالينجا گدئب بوش آداملار اولدولار. رب "اطرافينيزداکي مئلّتلر کئمي اتمهيئن" ددئيي حالدا، اونلار کئمي رفتار اتدئلر.
اؤز تاريلاري ربّئن بوتون امرلرئندن اوز دؤنده‌رئب، تؤکمه تئمثاللاري حتّا ائکي تؤکمه دانا بوتونو اؤزلرئنه تاري اتدئلر. اَشِرا بوتو دوزهلدئب بوتون گؤي جئسئملرئني پرستئش اتدئلر و بَعَله قوللوق اتدئلر.
سونرا دا اوغوللاريني و قيزلاريني اوددا قوربان وردئلر، فالچيليغا و باخيجيليغا اوز گتئردئلر. ربّئن گؤزونده پئس اولان ائشلره اؤزلرئني ساتيب اونو قضبلَندئردئلر.
بونا گؤره ده رب ائسرايئللیلره چوخ قضبله‌نئب، اونلاري اوز حوضوروندان آتدي. يهودا قبئلهسئندن باشقا، هچ بئري قالمادي.
يهوداليلار دا اؤز تاريلاري ربّئن امرلرئنه عمل اتمه‌دئلر و ائسرايئللیلرئن قويدوغو عادتلرله ياشاديلار.
رب بوتون ائسرايئل نسلئندن اوز دؤنده‌رئب اونلاري ذلئل اتدي. اونلاري تالانچيلارين اَلئنه وردی و نهايت، اونلاري حوضوروندان اِشئيه آتدي.
رب ائسرايئلي داوود سولاله‌سئندن کَسئب آتديقدا، ائسرايئللی‌لر نِباط اوغلو يَروبعامي پادشاه اتدئلر. يَروبعام اونلاري ربّئن يولوندان آزديردي و اونلارا بؤيوک گوناه اتدئردي.
ائسرايئل اؤولادلاري يَروبعامين اتدئيي بوتون گوناهلارا گؤره رفتار اتدئلر و بو گوناهلاردان اَل چکمه‌دئلر.
رب اؤز قولو اولان بوتون پيغمبرلر واسئطهسئله ددئيي کئمي، نهايت، ائسرايئللی‌لردن اوز دؤنده‌ردي. اونلار اؤز تورپاقلاريندان آشور تورپاغينا اسئر آپارديرديلار و بو گونه قدر بلهدئر.
آشور پادشاهي بابئلدن، کوتادان، عَوّادان، خَماتدان و سِفَروَيئمدن آداملار گتئرئب، ائسرايئل اؤولادلارينين يرئنه سامئرهنئن شهرلرئنده يِرلَشدئردي. اونلار سامئره‌يه صاحئب اولدولار و اورانين شهرلرئنده ياشاديلار.
اونلار اورادا ياشاماغا باشلاياندا، ربّه حؤرمت اتمه‌دئلر. رب ده آرالارينا شئرلر گؤندردي و شئرلر اونلاردان بعضي‌لرئني اؤلدوردولر.
اونلار آشور پادشاهي ائله دانيشيب اونا ددئلر: "اسئر ادئب سامئرهنئن شهرلرئنده يِرلَشدئردئيئن مئلّتلر، بو اؤلکه تاريسينين رسم-روسوملاريني بئلمئرلر. او تاري دا آرالارينا شئرلر گؤندرئب و شئرلر اونلاري اؤلدورور، چونکي بو آداملار اؤلکه تاريسينين رسم-روسوملاريني بئلمئرلر."
آشور پادشاهي امر ادئب ددي: "اورادان اسئر اتدئيئنئز کاهئنلردن بئرئني گری قايتارين، گدئب اورادا ياشاسين و اؤلکه تاريسينين رسم-روسوملاريني اونلارا اؤيرَتسئن."
سامئرهدن اسئر اتدئکلري کاهئنلردن بئري گلئب بِيت ائلده ياشادي و ربّه نجه حؤرمت اتمه‌يي اونلارا اؤيرَتدي.
لاکئن هر مئلّت اؤز آللاهلارينين بوتونو دوزلتدي. اونلاري ياشاديقلاري شهرلرده سامئره‌لئلرئن تئکدئکلري پرستئشگاهلارين معبدلرئنه قويدولار:
بابئللی‌لر سوکّوت بِنوت بوتونو، کوتلي‌لار نِرگل بوتونو، خَماتلي‌لار اَشئما بوتونو،
عَوّه‌لئلر نئبخَز و تَرتاق بوتلرئني دوزلتدئلر. سِفَروَيئملی‌لر اوغوللاريني سِفَروَيئم آللاهلاري اَدرَم‌مِلِک و عَنَم‌مِلِک اوچون اوددا يانديريرديلار.
اونلار ربّه ده حؤرمت ادئردئلر. پرستئشگاهلارين معبدلرئنده خئدمت اتمک اوچون اؤز آرالاريندان کاهئنلر سچئب قويدولار.
اونلار هم ربّه حؤرمت ادئردئلر، هم ده آرالاريندان اسئر اولوندوقلاري مئلّتلرئن روسوملارينا گؤره اؤز آللاهلارينا قوللوق ادئردئلر.
اونلار بو گونه قدر ده اَوّلکي روسوملارينا گؤره رفتار ادئرلر؛ و ربّه حؤرمت اتمئرلر، اونلارين قايدالارينا، حؤکملرئنه، يا دا شرئعتئنه عمل اتمئرلر. و ربّئن يعقوبون نسلئنه بويوردوغو امرلري کي، آديني ائسرايئل قويموشدو، يرئنه يتئرمئرلر.
رب يعقوب اؤولادلاري ائله عهد باغلاييب، اونلارا امر ادئب دمئشدي: "باشقا آللاهلارا حؤرمت اتمهيئن. اونلارا باش اَيمه‌يئن، اونلارا قوللوق ادئب قوربان گتئرمه‌يئن.
لاکئن او ربّه حؤرمت ادئن کي، سئزي بؤيوک قودرتي و اوزاتديغي اَلي ائله مئصئر تورپاغيندان چيخارتدي و آنجاق اونون حوضوروندا اَيئلئن و آنجاق اونا قوربان گتئرئن.
سئزئن اوچون يازديغي قايدالارا، حؤکملره، قانونا و امرلره همئشه عمل ادئن و آيري آللاهلارا حؤرمت اتمهيئن.
سئزئنله باغلاديغيم عهدي ياددان چيخارتمايين. آيري آللاهلارا حؤرمت اتمهيئن،
فقط تارينيز ربّه حؤرمت ادئن و او سئزي بوتون دوشمنلرئنئزئن اَلئندن قورتارار."
آمّا اونلار بو سؤزلره قولاق آسماديلار و اؤزلرئنئن اَوّلکي روسوملارينا گؤره رفتار اتِدئلر.
بلجه بو مئلّتلر هم ربّه حؤرمت ادئردئلر، هم ده اؤز بوتلرئنه قوللوق اتمئشدئلر. آتالاري نجه ادئردي، اوغوللاري و نوهلري ده بو گونه قدر بله ادئرلر.
ائسرايئل پادشاهي اِلا اوغلو هوشِعَعئن پادشاهليغينين اوچونجو ائلئنده، آخاز اوغلو خئزقئيا يهودا اوستونده پادشاه اولدو.
او، پادشاه اولدوغو واخت، ائيئرمي بش ياشيندا ائدي و اورشلئمده ائيئرمي دوقّوز ائل پادشاهليق اتدي. آناسي زِکَريا قيزي اَبي ائدي.
خئزقئيا، آتاسي داوودون اتدئيي کئمي، ربّئن گؤزونده دوغرو اولان ائشلر اتدي.
او، پرستئشگاهلاري آرادان قالديردي، موقدّس سوتونلاري پارچا-پارچا اتدي و اَشِرا بوتونو کَسدي. موسانين دوزلتدئيي بورونج ائلاني تئکه-تئکه اتدي، چونکي ائسرايئللی‌لر اونون آديني نِخوشتان قويوب او واختا قدر اونا بوخور يانديريرديلار.
خئزقئيا ائسرايئلئن تاريسي ربّه اعتئماد اتدي. اؤزوندن اَوّل و سونرا اولان بوتون يهودا پادشاهلاري آراسيندا اونون کئمئسي اولمادي.
او، ربدن ياپيشيب اونون يولوندان دؤنمه‌دي و ربّئن موسايا وردئيي امرلرئنه عمل اتدي.
رب ده اونونلا ائدي و هارايا گدئردي، اوغور قازانيردي. خئزقئيا آشور پادشاهين ضئدّئنه عوصيان ادئب اونا قوللوق اتمکدن بويون قاچيرتدي.
فئلئسطلی‌لري غَزّه و اونون سرحدلرئنه‌جک، کشئکچي بورجوندن قالالي شهره قدر مغلوب اتدي.
خئزقئيانين پادشاهليغينين دؤردونجو ائلئنده، يعني ائسرايئل پادشاهي اِلا اوغلو هوشِعَعئن پادشاهليغينين يدّئنجی ائلئنده، آشور پادشاهي شَلمَنِسِر سامئره اوستونه هوجوم ادئب اوراني موحاصئرهيه آلدي.
اوچ ائلدن سونرا شهري آلديلار. خئزقئيانين پادشاهليغينين آلتينجي ائلئنده، يعني ائسرايئل پادشاهي هوشِعَعئن پادشاهليغينين دوقّوزونجو ائلئنده سامئره آليندي.
آشور پادشاهي ائسرايئللی‌لري آشور تورپاغينا اسئر آپاردي و اونلاري خِلَخده، خابور چايي ساحئلئندهکي گوزاندا، و ماد شهرلرئنده يِرلَشدئردي.
بو ائش اونا گؤره اونلارين باشينا گلدي کي، اؤز تاريلاري ربّئن سؤزوندن ائطاعت اتمه‌دئلر و اونون عهدئني، ربّئن قولو موسانين امر اتدئيي هر شيي پوزدولار. اونلار بونا نه قولاق آسميشديلار، نه ده عمل اتمئشدئلر.
خئزقئيانين پادشاهليغينين اون دؤردونجو ائلئنده، آشور پادشاهي سَنخِرئب، يهودانين بوتون قالالي شهرلرئنه هوجوم ادئب اونلاري آلدي.
او واخت يهودا پادشاهي خئزقئيا لاکئشه، آشور پادشاهينا خبر گؤندرئب ددي: "تقصئرکارام، اوستومدن گری چکئل، مندن نه قدر خراج طلب ادهسن، ورهرم." آشور پادشاهي يهودا پادشاهي خئزقئيادان خراج اوچون اوچ يوز تالانت گوموش و اوتوز تالانت قيزيل طلب اتدي.
خئزقئيا ربّئن معبدئنده و سارايين خزئنه‌لرئنده تاپيلان گوموشون هاميسيني وردی.
او واخت يهودا پادشاهي خئزقئيا ربّئن معبدئنئن قاپيلارينين و قاپي سوتونلارينين اوستونه اؤزونون اؤرتدويو قيزيلي چيخارتدي و اونو آشور پادشاهينا وردی.
آشور پادشاهي تَرتاني، رَبسارئسي، رَبشاقِه‌ني لاکئشدن بؤيوک قوشونلا اورشلئمه، پادشاه خئزقئيانين يانينا گؤندردي. اونلار چيخيب اورشلئمه گلدئلر و پالتار آغاردان زمئسي يولونا، يوخاري حوووضون سو کمرئنئن يانينا قالخيب اورادا دايانديلار.
اونلار پادشاهي چاغيرديلار. ساراي ريئسي خئلقئيا اوغلو اِلياقئم، مئرزه شِبنا و سالنامه‌چي آساف اوغلو يوآخ اونلارين يانينا گلدئلر.
رَبشاقِه اونلارا ددي: "ائندي خئزقئيايا ديئن: «بؤيوک پادشاه، آشور پادشاهي بله ديئر: ‹نه‌يه بِل باغلاييرسان؟
آيا اِله دوشونورسن کي، بومبوش سؤزلر موحارئبه اوچون تدبئر و گوج اولا بئلر؟ ائندي سن کئمه بِل باغلاييرسان کي، منئم ضئدّئمه عوصيان ادئبسن؟
ائندي باخ، سن اَزئلمئش قاميش چوبوغونا، يعني مئصئره بِل باغلاييرسان. بئل کي، کئم اونا سؤيکَنسه، اوووجونا باتيب دِشَر. مئصئر پادشاهي فئرعون اونا بِل باغلايانلارين هاميسي اوچون بلهدئر.›
لاکئن اگر منه ديئرسئنئز: ‹بئز تاريميز ربّه بِل باغلاييريق.› مگر بو همئن تاري ديئلدي کي، خئزقئيا اونون پرستئشگاهلاريني و قوربانگاهلاريني آرادان قالديردي؟ مگر يهودالي‌لارا و اورشلئملی‌لره دِمه‌دي کي، ‹فقط اورشلئمدهکي بو قوربانگاهين قاباغيندا پرستئش ادئن›؟
ائندي آغام آشور پادشاهي ائله مَرج اِله: اگر سن ائکي مئن سوواري تاپا بئلهسن، من سنه او قدر آت ورهرم.
بس نجه اده بئلرسن کي، آغامين کئچئک قولو اولان بئر باشچيني دفع ادئب دؤيوش عارابالاري و آتليلار اوچون مئصئره بِل باغلاياسان؟
مگر ائندي من بو يري وئران اتمه‌يه ربّئن ائسته‌يي ائله گلمهمئشم؟ رب منه ددي: ‹بو اؤلکهيه هوجوم آپار و اونو وئران ات.›»"
خئلقئيا اوغلو اِلياقئم، شِبنا و يوآخ رَبشاقِه‌يه ددئلر: "خاهئش ادئرئک، بو قوللارينلا اَرامي دئلئنده دانيش، بئز بو دئلي باشا دوشوروک، دووار اوستونده‌کي خالقين اشئتدئيي يرده بئزئمله يهودي دئلئنده دانيشما."
لاکئن رَبشاقِه اونلارا ددي: "مگر آغام منی گؤندرئب کي، بو سؤزلري تَکجه سنئن آغانا و سنه دِيئم، و دووار اوستونده اوتوران بو آداملارا دِمه‌يئم کي، سئزئنله بئرلئکده نجئسلرئني يِيئب سودوکلرئني ائچه‌جکلر؟"
او واخت رَبشاقِه دوروب يهودي دئلئنده اوجا سَسله باغيردي: "بؤيوک پادشاهين، آشور پادشاهينين سؤزونو اشئدئن!
پادشاه بله ديئر: «قويمايين خئزقئيا سئزي آلداتسين، چونکي او، سئزي منئم اَلئمدن قورتارا بئلميهجک.
قويمايين دا کي، خئزقئيا سئزي ربّه آرخايين ادئب دسئن: ‹رب بئزي قطعن قورتاراجاق و بو شهر آشور پادشاهينا تسلئم ادئلميه‌جک.›»
اونا قولاق آسمايين! چونکي آشور پادشاهي بله ديئر: «منئمله صولح باغلايين و يانيما گلئن. هر کس اؤز اوزوم آغاجينين و اؤز انجئر آغاجينين مئيوه‌سئندن يِيئب اؤز قويوسونون سويوندان ائچسئن.
سونرا من گلئب سئزي اؤلکه‌نئزه بَنزَر بئر اؤلکهيه، بوغدا، تزه شراب، چؤرک، اوزوم باغلاري، زيتون ياغي و بال اولان بئر تورپاغا آپارارام. بلجه اؤلمه‌يئب صاغ قالارسينيز. ‹رب بئزي قورتاراجاق› ديئب سئزي آزديران خئزقئيايا قولاق آسمايين.
مگر مئلّتلرئن آللاهلاريندان بئري اؤز اؤلکهسئني آشور پادشاهينين اَلئندن قورتاردي؟
هاني خَماتين و اَرپادين آللاهلاري؟ هاني سِفَروَيئمئن، هِنَعئن و عئوّانين آللاهلاري؟ مگر اونلار سامئره‌ني منئم اَلئمدن قورتارديلار؟
بوتون بو آللاهلاردان هانسي اؤز اؤلکهسئني منئم اَلئمدن قورتاردي کي، رب ده اورشلئمي منئم اَلئمدن قورتارا بئلسئن؟»"
خالق ساکئت قالدي و اونون جاوابيندا هچ بئر سؤز دِمه‌دي. چونکي پادشاه امراتمئشدي: "اونا جاواب ورمهيئن."
ساراي ريئسي خئلقئيا اوغلو اِلياقئم، مئرزه شِبنا و سالنامه‌چي آساف اوغلو يوآخ جيريلميش پالتارلاردا خئزقئيانين يانينا گلئب، رَبشاقِه‌نئن سؤزلرئني اونا چاتديرديلار.
پادشاه خئزقئيا بونو اشئدنده پالتاريني جيردي و چولا بورونوب ربّئن معبدئنه گئردي.
سونرا ساراي ريئسي اِلياقئمي، مئرزه شِبنايي و کاهئنلرئن آغساقّاللاريني چولا بورونموش حالدا آموص اوغلو پيغمبر اِشَعيانين يانينا گؤندردي.
اونلار اِشَعيايا ددئلر: "خئزقئيا بله ديئر: «بو گون دارليق، تحقئر و روسوايچيليق گونودور، چونکي اوشاقلارين دوغولماسي واختي چاتيب، آنجاق دوغماغا گوج يوخدور.
بلکه سنئن تارين رب رَبشاقِه‌نئن سؤزلرئني اِشئدَر، او آدامين سؤزلرئني کي، اونون آغاسي آشور پادشاهي اونو گؤنده‌رئب کي، ياشايان تاريني تحقئر اتسئن. و تارين رَب، اشئتدئيي سؤزلري توبئخ اِدَر. اونا گؤره ده قالانلار اوچون دوعا ات.»"
بلجه خئزقئيا پادشاهين نؤکرلري اِشَعيانين يانينا گلدئلر.
اِشَعيا اونلارا ددي: "آغانيزا ديئن کي، رب بله ديئر: «اشئتدئيئن آشور پادشاهينين نؤکرلرئنئن سؤزلرئندن کي، اونونلا منه کوفر اتدئلر، قورخما.
باخ، من اونون ائچئنه اِله بئر روح قوياجاغام کي، بئر خبر اشئدئب اؤز اؤلکهسئنه قاييداجاق و اؤز اؤلکهسئنده اونو قيلينجلا اؤلدورتدوره‌جيم.»"
رَبشاقِه گری قاييديب آشور پادشاهينين لئبنا شهري اوستونه هوجوم اتدئيئني گؤردو. چونکي پادشاهين لاکئشدن گری چکئلدئيئني اشئتمئشدي.
آشور پادشاهينا خبري چاتدي کي، "کوش پادشاهي تئرهاقا سنئن اوستونه ووروشماغا گلئب." او، خئزقئيانين يانينا تزهدن قاصئدلر گؤندرئب ددي:
"يهودا پادشاهي خئزقئيايا بله ديئن: «قويما بِل باغلاديغين تارين سني آلداديب دسئن: ‹اورشلئم آشور پادشاهينين اَلئنه ورئلميه‌جک.›
باخ، اشئدئبسن کي، آشور پادشاهلاري بوتون اؤلکهلره نه ادئبلر، اونلاري نجه بوسبوتون وئران ادئبلر. مگر سن قورتولا بئلهجکسن؟
آتالاريمين محو اتدئکلري مئلّتلرئن، حتّا گوزانين، خارانين، رِصِفئن و تِلَسّاردا اولان عِدِنلی‌لرئن آللاهلاري مگر اونلاري قورتاردي؟
هاني خَمات پادشاهي، اَرپاد پادشاهي؟ هاني لاعئرئن، سِفَروَيئمئن، هِنَعئن و عئوّانين پادشاهي؟»"
خئزقئيا مکتوبو قاصئدلرئن اَلئندن آليب اوخودو. او، ربّئن معبدئنه قالخيب، مکتوبو ربّئن قاباغيندا يره سَردي.
خئزقئيا ربّئن قاباغيندا دوعا ادئب ددي: "ای کَرّوبلار اوستونده اَيلَشَن ائسرايئلئن تاريسي رب! بوتون دونيا پادشاهليقلارينين تاريسي آنجاق سنسن. گؤيو و يري سن ياراديبسان.
يارب، قولاق ور و اشئت. گؤزونو آچ و گؤر يارب، سَنخِرئبئن سؤزلرئنه قولاق آس کي، وار اولان تارييا کوفر اتمک اوچون گؤنده‌رئب.
يارب، دوغرودور، آشور پادشاهلاري مئلّتلري و اونلارين تورپاقلاريني محو ادئبلر،
آللاهلاريني اودا آتديلار. چونکي اونلار تاري ديئلدئلر، ائنسانلار اونلاري آغاج و داشدان دوزلتمئشدئلر. اونا گؤره ده آرادان گتدئلر.
ائندي ای تاريميز رب، يالواريرام، بئزي اونون اَلئندن قورتار و بوتون دونيا پادشاهليقلاري بئلسئنلر کي، يارب، سن، فقط سن تاريسان!"
او واخت آموص اوغلو اِشَعيا خئزقئيايا خبر گؤندرئب ددي: "ائسرايئلئن تاريسي رب بله ديئر: «آشور پادشاهي سَنخِرئب بارهده منه اتدئيئن دوعاني اشئتدئم.»
اونون ضئدّئنه ربّئن ددئيي سؤز بودور: "باکئره صَهيون قيزي، سنه خور باخيب لاغ ادئر، اورشلئم قيزي، سنئن آرخانجا باشيني تَرپه‌دئب.
کئمي سؤيوب کوفر ادئبسن؟ کئمئن ضئدّئنه سَسئني قالديريبسان؟ کئمه لووغاليقلا باخيبسان؟ ائسرايئلئن موقدّسئنه!
قاصئدلرئنئن واسئطهسئله ربّی تحقئر ادئبسن: ديئبسن: ‹چوخلو دؤيوش عارابالاريملا داغلارين زئروه‌سئنه، لوبنانين لاپ اوزاق يرلرئنه چيخديم. اوجا سئدر آغاجلاريني، سچمه شام آغاجلاريني کَسدئم، لاپ آخير مسکنئنه، ثمرهلي ياشيل مِشه‌لرئنه چيخديم.
قويو قازديم و اؤزگه سولاريني ائچدئم، مئصئرئن بوتون چايلاريني آياغيمين داباني ائله قوروتدوم.›
مگر اشئتمه‌يئبسن؟ من بونو چوخ قاباق اتدئم. قدئمدن بَري اونون نقشه‌سئني چکدئم. ائندي يرئنه يتئرمئشم کي، سن قالالي شهرلري وئرانه‌لئيه چِوئره‌سن.
بونا گؤره بو شهرلرئن ساکئنلري ضعئف ائدئلر، هراسا، خجالته دوشدولر. يِتئشمه‌مئشدن اوّل يانديريلان چؤل اوتو کئمي، گؤيَرتي کئمي، دامدا بؤيومه‌دن يانيب گِدن اوت کئمي اولدولار
سنئن اوتوروشونو، گئرئشئني-چيخيشيني، منئم ضئدّئمه اولان حئدّتئني بئلئرم.
منئم ضئدّئمه حئدّتلَندئيئنه گؤره، لووغاليغين قولاغيما چاتديغينا گؤره، حالقامي بورنونا و جئلووومو آغزينا تاخاجاغام، سني گلدئيئن يوللا گری قايتاراجاغام.
سنئن اوچون علامت بو اولاجاق؛ بو ائل و گلن ائل اؤزو يِتئشَن باريني ييئن، آمّا اوچونجو ائل اَکئن ادئن، بئچئن ادئن، اوزوم باغلاري ساليب اونلارين بهره‌سئني ييئن.
يهودا نسلئندن خئلاص اولوب قالانلار، گئنه آشاغييا طرف کؤک سالاجاقلار، يوخارييا طرف بهره ورهجکلر.
چونکي قالانلار اورشلئمدن، خئلاص اولانلار صَهيون داغيندان چيخاجاقلار. قوشونلار ربّئنئن قيرتي بونو ادهجک.»
بونا گؤره رب آشور پادشاهي بارهده بله ديئر: «او بو شهره گئرميهجک، اورايا اوخ آتماياجاق، موقابئلئنه قالخانلا چيخماياجاق، قاباغيندا تورپاق قالاغي قورماياجاق.
آنجاق گلدئيي يوللا گری قاييداجاق، و بو شهره گئرميه‌جکدئر.» رب بله بويورور.
«من بو شهري اؤزوم اوچون، قولوم داوودون خاطئرئنه قورويوب خئلاص ادهجيم.»"
او گجه ربّئن مَله‌يي چيخيب آشور اوردوگاهيندا يوز هشتاد بش مئن نفري قيردي. سحر اِرکَن قالخيب گؤردولر کي، اونلارين هاميسي اؤلدورولوب.
آشور پادشاهي سَنخِرئب گری چکئلئب گتدي و نِينَوادا قالدي.
او اؤز آللاهي نئسروکون معبدئنده پرستئش اِدَرکَن، اوغوللاري اَدرَم‌مِلِک و شَرِ‌سِر اونو قيلينجلا اؤلدوردولر و آرارات اؤلکهسئنه قاچديلار. سَنخِرئبئن يرئنه اوغلو اِسَرخَدّون پادشاه اولدو.
او گونلرده خئزقئيا اؤلومجول ناخوشلادي. آموص اوغلو پيغمبر اِشَعيا اونون يانينا گلئب ددي: "رب بله ديئر: «اِوئنئن ائشلرئنئن ترتئباتيني ات، چونکي ناخوشلوقدان صاغالماييب اؤله‌جکسن.»"
خئزقئيا اوزونو دووارا چِوئردي و ربّه دوعا ادئب ددي:
"يالواريرام، يارب، يادينا سال کي، نجه سنئن قاباغيندا صالحلئک و کامئل اورَکله ياشاميشام، نجه سنئن گؤزونده ياخشي اولان ائشلراتمئشم." خئزقئيا آجي-آجي آغلادي.
اِشَعيا حله اورتا حَيَطدن چيخماميش ربّئن بو سؤزو اونا نازئل اولدو:
"قاييت، منئم خالقيمين رهبري خئزقئيايا دِه کي، آتان داوودون تاريسي رب بله ديئر: «سنئن دوعاني اشئتدئم، گؤز ياشلاريني گؤردوم. باخ، سني صاغالداجاغام و اوچونجو گون ربّئن معبدئنه قالخاجاقسان.
سنئن عؤمرونو اون بش ائل آرتيراجاغام. سني و بو شهري آشور پادشاهينين اَلئندن قورتاراجاغام، اونو اؤزوم اوچون و قولوم داوودون خاطئرئنه حئفظ ادهجيم.»"
سونرا اِشَعيا ددي: "انجئر کونده‌سي گؤتورون." بونو گؤتوروب چئبانين اوستونه قويدولار و پادشاه صاغالدي.
خئزقئيا اِشَعيادان سوروشدو: "ربّئن منی صاغالداجاغينا و اوچونجو گون ربّئن معبدئنه قالخاجاغيما علامت ندئر؟"
اِشَعيا جاواب وردی: "سنه ربّئن ددئيي سؤزه عمل اده‌جيئنه علامت بودور: آيا کؤلگه اون قدم اوزانسين، و يا قيسالسين؟"
خئزقئيا ددي: "کؤلگه اوچون اون قدم اوزانماق آساندير. قوي اون قدم قيسالسين."
پيغمبر اِشَعيا ربّی چاغيردي، رب ده آخازين تئکدئيي پئلّه‌که‌نئن اوستونه دوشَن کؤلگه‌ني اون قدم گری چکدي.
او زامان بابئل پادشاهي بَلَدان اوغلو مِرودوک بَلَدان خئزقئيايا مکتوبلار و هدئيّهلر گؤندردي، چونکي خئزقئيانين ناخوشلاديغيني اشئتمئشدي.
خئزقئيا اونلارا قولاق آسدي. او، خزئنه‌سئنده اولان بوتون شيلري، قيزيل-گوموشو، عطرئيّاتي، قئيمتلي ياغلاري، سئلاح آنبارينداکي بوتون اشيالاري اِلچئلره گؤرستدي. خئزقئيانين ساراييندا و بوتون پادشاهليغيندا اونلارا گؤرستمه‌دئيي بئر شي قالمادي.
او واخت اِشَعيا پيغمبر، خئزقئيا پادشاهين يانينا گلئب اوندان سوروشدو: "بو آداملار نه ددئلر؟ سنئن يانينا هارادان گلدئلر؟" خئزقئيا ددي: "اوزاق بئر اؤلکه‌دن، بابئلدن گلدئلر."
اِشَعيا سوروشدو: "سنئن ساراييندا نه گؤروبلر؟" خئزقئيا ددي: "ساراييمدا اولان بوتون شيلري گؤروبلر. خزئنه‌لرئمده اونلارا گؤرستمه‌دئيئم بئر شي قالمادي."
اِشَعيا خئزقئيايا ددي: "ربّئن سؤزونو اشئت:
«باخ، اله گونلر گلهجک کي، سنئن ساراييندا اولان هر شي و آتالارينين بو گونه قدر ييغديقلاري شيلر بابئله آپاريلاجاق، هچ نه قالماياجاق.» رب ديئر.
"سنئن نسلئندن اولان و سندن عمله گلن بعضی اوغوللاريني گؤتوروب آپاراجاقلار و اونلار بابئل پادشاهينين ساراييندا حرم‌آغاسي اولاجاقلار.»"
سونرا خئزقئيا اِشَعيايا ددي: "ددئيئن ربّئن سؤزو ياخشيدير." چونکي دوشونوردو: "هچ اولماسا منئم دؤورومده صولح و اَمئن-آمانليق اولاجاق."
خئزقئيانين قالان ائشلري، اونون بوتون قووّتي، نجه حوووض و سو کمري دوزَلدئب سويو شهره گتئرمه‌سي بارهده مگر يهودا پادشاهلارينين سالنامه‌لر کئتابيندا يازيلماييبدير؟
خئزقئيا اؤلوب آتالاري ائله ياتدي و يرئنه اوغلو مِنَسّه پادشاه اولدو.
مِنَسّه پادشاه اولدوغو واخت، اون ائکي ياشيندا ائدي و اورشلئمده اَلّي بش ائل پادشاهليق اتدي. آناسينين آدي خِفصئباه ائدي.
مِنَسّه، ربّئن گؤزونده پئس اولان ائشلر ادئب، او مئلّتلرئن ائيرنج ائشلري کئمي اتدي کي، رب اونلاري ائسرايئل اؤولادلارينين قاباغيندان قووموشدو.
آتاسي خئزقئيانين داغيتديغي پرستئشگاهلاري تزهدن تئکدي. ائسرايئل پادشاهي اَخابين اتدئيي کئمي بَعَل بوتو اوچون قوربانگاهلار قوردو و اَشِرا بوتو دوزلتدي، بوتون گؤي جئسئملرئنه سجده و قوللوق اتدي.
ربّئن "آديمي اورشلئمده قوياجاغام" ددئيي معبدئنده، مِنَسّه قوربانگاهلار تئکدي.
ربّئن معبدئنئن هر ائکي حَيَطئنده بوتون گؤي جئسئملرئنه قوربانگاهلار دوزلتدي.
او، اوغلونو اوددا قوربان وردی، فالچيليغا مشغول اولدو، باخيجيليق ادئب جئندارلارا و روح چاغيرانلارا اوز گتئردي. او، ربّئن گؤزونده چوخلو پئس ائشلر گؤروب اونون قضبئني آلوولانديردي.
دوزلتدئيي اويما اَشِرا بوتونو معبده قويدو. او معبده کي، رب داوودا و اوغلو سوليمانا دمئشدي: "بو معبدده و بوتون ائسرايئل قبئلهلرئندن سچدئيئم اورشلئمده، اؤز آديمي ابدهجک قوياجاغام.
اگر منئم بوتون اونلارا بويوردوقلاريما و قولوم موسانين اونلارا امر اتدئيي بوتون قانونا عمل اتسهلر، ائسرايئللی‌لري قویمایاجاغام کی، آتالارينا وردئيئم تورپاقدان دئدَرگئن دوشسونلر."
آمّا اونلار قولاق آسماديلار. مِنَسّه اونلاري اله يولدان چيخارتدي کي، ربّئن ائسرايئل اؤولادلارينين قاباغيندا محو اتدئيي مئلّتلردن ده چوخ پئس ائشلر اتسئنلر.
رب اؤز قوللاري پيغمبرلر واسئطهسئله دانيشيب ددي:
"ائندي کي، يهودا پادشاهي مِنَسّه بو ائيرنج ائشلري اتمکله، اؤزوندن اَوّلکي اِمورلولارين اتدئکلرئندن ده چوخ پئسلئک ادئب و بوتلري ائله يهودالي‌لاري دا گوناها چکئب،
بونا گؤره ائسرايئلئن تاريسي رب ديئر: «باخ، من اورشلئمئن و يهودانين اوستونه اله بئر بلا گتئرئرم کي، اونو اشئدن هر کسئن قولاقلاري جئنگئلده‌يه‌جک.
سامئره‌ني اؤلچدويوم ائپي و اَخاب نسلئنئن اوستونه چکدئيئم شاقولو، اورشلئمئن اوستونه ده چکه‌جيم. بئر نفر بوشقابي نجه سئلئب اوزو اوسته چِوئرئر، من ده اورشلئمي اله سئله‌جيم.
ائرثئمئن قالانلاريندان اوز دؤندره‌جيم، اونلاري دوشمنلرئنه تسلئم ادهجيم و دوشمنلري اونلاري سويوب تالان ادهجکلر.
چونکي گؤزومده شرارت ادئبلر و آتالارينين مئصئردن چيخديقلاري گوندن حتّا بو گونه قدر منی قضبلَندئرئبلر.»"
مَنسّه ربّئن نظرئنده پئس ائشلري ادهرک، يهودالي‌لاري گوناها باتيرماقلا بس اتمهدي، اورشلئمي بئر اوجدان او بئري اوجونا قدر گوناهسيز قانلارلا دا بولادي.
مِنَسّهنئن قالان ائشلري، اتدئيي هر شي و اِله‌دئيي گوناه بارهده مگر يهودا پادشاهلارينين سالنامه‌لر کئتابيندا يازيلماييبدير؟
مِنَسّه اؤلوب آتالاري ائله ياتدي و اؤز سارايينين باغچاسيندا، عوزّا باغچاسيندا باسديريلدي. اونون يرئنه اوغلو آمون پادشاه اولدو.
آمون، پادشاه اولدوغو واخت، ائيئرمي ائکي ياشيندا ائدي و اورشلئمده ائکي ائل پادشاهليق اتدي. آناسي يوطبالي خاروصون قيزي مِشول‌لِمِت ائدي.
آمون، آتاسي مِنَسّهنئن اتدئيي کئمي، ربّئن گؤزونده پئس اولان ائشلر اتدي.
آتاسينين يولو ائله گدئب اونون قوللوق اتدئيي بوتلره پرستئش و قوللوق اتدي.
بلجه آتالارينين تاريسي ربّی ترک اتدي و ربّئن يولو ائله گتمه‌دي.
آمونون اعيانلاري اونون ضئدّئنه قصد حاضيرلاديلار و پادشاهي اؤز ساراييندا اؤلدوردولر.
اؤلکه خالقي پادشاه آمونون ضئدّئنه قصد حاضيرلايانلارين هاميسيني قيرديلار و اونون يرئنه اوغلو يوشئياني پادشاه اتدئلر.
آمونون اتدئيي قالان ائشلري بارهده مگر يهودا پادشاهلارينين سالنامه‌لر کئتابيندا يازيلماييبدير؟
او، عوزّا باغچاسيندا، اؤز قبئرئنده باسديريلدي. اونون يرئنه اوغلو يوشئيا پادشاه اولدو.
يوشئيا، پادشاه اولدوغو واخت، سکّئز ياشيندا ائدي و اورشلئمده اوتوز بئر ائل پادشاهليق اتدي. آناسينين آدي يِدئدا ائدي، بوصقَطلي عَدايانين قيزي ائدي.
يوشئيا، ربّئن گؤزونده دوغرو اولان ائشلر اتدي، هر ائشده آتاسي داوودون يولو ائله گدئب صاغا-سولا دؤنمه‌دي.
يوشئيانين پادشاهليغينين اون سکّئزئنجي ائلئنده، پادشاه، مِشولّام اوغلو اَصَليا اوغلو مئرزه شافاني ربّئن معبدئنه گؤندرئب ددي:
"باش کاهئن خئلقئيانين يانينا گت. قوي او، ربّئن معبدئنه گتئرئلَن پولو کي، قاپيدا دوران کشئکچئلر خالقدان ييغيبلار، تَره‌زئده چکسئن.
اونو ربّئن معبدئنئن ائشئنه نظارت ادنلره ورسئنلر. اونلار دا پولو ربّئن معبدئنده اولان ائشچئلره ورسئنلر کي، معبدي تعمئر اتسئنلر؛
دولگرلره، اوستالارا، بنّالارا، معبدي تعمئر اتمک اوچون تخته و يونولموش داش آلماغا ورسئنلر.
آنجاق اَللرئنه ورئلَن پولون حسابي اونلارلا آپاريلماسين، چونکي صداقتله چاليشيرلار."
باش کاهئن خئلقئيا مئرزه شافانا ددي: "ربّئن معبدئنده شرئعت کئتابيني تاپميشام." خئلقئيا کئتابي شافانا وردی و شافان اونو اوخودو.
مئرزه شافان پادشاهين يانينا گلدي و اونا خبر گتئرئب ددي: "قوللارين معبدده تاپيلان پولو بوشالتديلار و اونو ربّئن معبدئنئن ائشئنه نظارت ادنلره وردئلر."
مئرزه شافان پادشاها بونو دا خبر ورئب ددي: "کاهئن خئلقئيا منه بئر کئتاب ورئب." شافان اونو پادشاهين حوضوروندا اوخودو.
پادشاه شرئعت کئتابينين سؤزلرئني اشئدنده پالتاريني جيردي.
پادشاه کاهئن خئلقئيايا، شافان اوغلو اَخئقاما، مئکايا اوغلو عَکبورا، مئرزه شافانا و پادشاهين خئدمتچئسي عَسايايا امر ادئب ددي:
"گدئن، تاپيلميش بو کئتابين سؤزلرئنه گؤره منئم اوچون، خالق اوچون، و بوتون يهودا اوچون ربدن مصلحت آلين، چونکي ربّئن بئزئم ضئدّئمئزه آلوولانميش قضبي بؤيوکدور. اونا گؤره کي، آتالاريميز کئتابين بوتون سؤزلرئنه قولاق آسماييبلار و اورادا بئزئم اوچون يازيلميش بو شيلره عمل اتمهيئبلر."
کاهئن خئلقئيا، اَخئقام، عَکبور، شافان و عَسايا نَبئيّه خولدانين يانينا گتدئلر. او، خَرخَس اوغلو تئقوا اوغلو پالتارلارا باخان شَلّومون آروادي ائدي و اورشلئمده ائکئنجي محلّه‌ده ياشاييردي. اونلار اونونلا صؤحبت اتدئلر.
خولدا اونلارا ددي: "ائسرايئلئن تاريسي رب بله ديئر: «سئزي منئم يانيما گؤنده‌رن آداما ديئن کي،
رب بله ديئر: ‹من بو يره و بورادا ياشايانلارين اوستونه بلا گتئرئرم، بوتون او بلالاري کي، يهودا پادشاهي اوخويوب.
چونکي اونلار منی ترک ادئبلر و آيري آللاهلارا بوخور يانديريب بوتون عمللري ائله منی قضبلَندئرئبلر. بونا گؤره ده بو يرئن ضئدّئنه قضبئم آلوولاناجاق و سؤنميه‌جکدئر.›»
آنجاق ربدن مصلحت آلماق اوچون سئزي گؤنده‌رن يهودا پادشاهينا ديئن کي، ائسرايئلئن تاريسي رب اشئتدئيئن سؤزلر بارهده بله ديئر:
«چونکي منئم بو يرئن و اورادا ياشايانلارين حاقّيندا ‹وئرانهلئک و لعنت اولسون› ددئيئم سؤزو اشئدنده اوره‌يئن يومشالدي و ربّئن قاباغيندا اؤزونو آلچالتدين، پالتاريني جيريب حوضورومدا آغلادين. بونا گؤره ده من سني اشئتمئشم.» رب بله بويورور.
«باخ، من ده سني آتالارينا قوشاجاغام، راحاتليق ائچئنده اؤز قبرئنه قويولاجاقسان و بو يرئن اوستونه گتئره‌جيئم بوتون بلاني گؤزلرئن گؤرميه‌جک.»" اونلار بو خبري پادشاها چاتديرديلار.
پادشاه، يهودا و اورشلئمئن بوتون آغساقّاللاريني چاغيرتدي و اونلار اونون يانينا ييغيلديلار.
پادشاه و اونونلا بئرلئکده بوتون يهودا آداملاري و اورشلئمده ياشايانلار، کاهئنلر، پيغمبرلر و بؤيوکدن کئچئيه قدر بوتون خالق ربّئن معبدئنه گتدئلر. پادشاه، ربّئن معبدئنده تاپيلميش عهد کئتابينين بوتون سؤزلرئني اونلارا اوخودو.
پادشاه سوتونون يانيندا داياندي. او، ربّئن قاباغيندا عهد باغلادي کي، ربّئن يولو ائله گدئب اونون امرلرئنه، شهادتلرئنه، قايدالارينا بوتون قلبي، بوتون جاني ائله عمل اتسئن و بو کئتابدا يازيلميش عهدئن سؤزلرئني يرئنه يتئرسئن. بوتون خالق دا عهد باغلادي.
پادشاه باش کاهئن خئلقئيايا، کؤمکچي کاهئنلره و قاپيدا دوران کشئکچئلره امر اتدي کي، بَعَل، اَشِرا و بوتون گؤي جئسئملري اوچون دوزَلدئلمئش شيلرئن هاميسيني ربّئن معبدئندن چيخارتسينلار. اونلاري اورشلئمئن اِشئيئنده اولان قئدرون دره‌سئنده‌کي زمئلرده يانديردي و کول‌لرئني بِيت ائله آپاردي.
او، بوتپرست کاهئنلري کي، يهودا پادشاهلاري اونلاري يهودا شهرلرئنده و اورشلئمئن اطرافيندا اولان پرستئشگاهلاردا بوخور يانديرماق اوچون قويموشدولار، ائشدن برکنار اتدي. بَعَله، گونشه، آيا، بورجلره، بوتون گؤي جئسئملرئنه بوخور يانديرانلاري دا ائشدن چيخارتدي.
اَشِرا بوتونو ربّئن معبدئندن اورشلئمئن کنارينا، قئدرون دره‌سئنه چيخارتدي. اونو قئدرون دره‌سئنده يانديردي، اَزئب توز اتدي و توزونو عوام آداملارين قبئرلري اوستونه سَپدي.
ربّئن اِوئنده معبد فاحئشه‌لئيي ائله مشغول اولان کئشئلرئن اِولرئني داغيتدي. آروادلار اورادا اَشِرا بوتو اوچون قوماشلار توخويوردولار.
يوشئيا يهودا شهرلرئندن بوتون کاهئنلري چاغيريب گتئرتدي، گِبَعدن بئرشئباعا قدر بو کاهئنلرئن بوخور يانديرديقلاري پرستئشگاهلاري نجئس اتدي. شهر ريئسي يوشَعئن دروازاسينين گئرهجک يرئنده، سول طرفده اولان شهر دروازاسينداکي پرستئشگاهلاري داغيتدي.
لاکئن پرستئشگاهلارين کاهئنلري اورشلئمده ربّئن قوربانگاهينا قالخماديلار، آمّا قارداشلاري ائله بئرلئکده ماياسيز چؤرک يدئلر.
يوشئيا، بِن‌هئنّوم دره‌سئنده اولان توفِتي نجئس اتدي کي، هچ کس اوغلونو و يا قيزيني مولِک اوچون اوددا قوربان اتمه‌سئن.
او، ربّئن معبدئنئن گئرئشئنه، ساراي خئدمتچئسي نَتَن‌مِلِکئن حَيَطده اولان اوتاغينا، يهودا پادشاهلارينين گونشه وقف اتدئکلري آتلارين گتئرئلمه‌سئنه آخير قويدو و گونشه وقف ادئلمئش عارابالاريني اوددا يانديردي.
آخازين يوخاري اوتاغينين داميندا يهودا پادشاهلارينين دوزلتدئيي قوربانگاهلاري و ربّئن معبدئنئن ائکي حَيَطئنده مِنَسّهنئن دوزلتدئيي قوربانگاهلاري دا پادشاه داغيتدي. اونلاري اورادا اَزدي و توزلاريني قئدرون دره‌سئنه آتدي.
اورشلئمئن شرق طرفئنده، هلاک داغينين جنوب طرفئنده صئدونلولارين ائيرنج بوتو عَشتورِت، موآبليلارين ائيرنج بوتو کِموش و عَمّونلولارين ائيرنج بوتو مئلکوم اوچون ائسرايئل پادشاهي سوليمانين دوزلتدئيي پرستئشگاهلاري، پادشاه نجئس اتدي.
او، موقدّس سوتونلاري تئکه-تئکه اتدي، اَشِرا بوتلرئني کَسدي و اونلارين يرلرئني ائنسان سوموکلري ائله دولدوردو.
همچئنئن بِيت ائلده اولان قوربانگاهي و ائسرايئله گوناه اتدئرمئش نِباط اوغلو يَروبعامين دوزلتدئيي پرستئشگاهي داغيتدي. او قوربانگاه و پرستئشگاهي داغيتدي، داشلاريني ييخدي و اَزئب توز اتدي، اَشِرا بوتونو ده يانديردي.
يوشئيا دؤنوب موقابئلئندهکي داغدا اولان قبئرلري گؤردو و آدام گؤنده‌رئب سوموکلري قبئرلردن گؤتوردو. بو ائشلري قاباقجادان اعلان ادن تاري آدامينين ددئيي ربّئن سؤزونه گؤره، اونلاري قوربانگاه اوستونده يانديريب اونو نجئس اتدي.
سونرا يوشئيا سوروشدو: "بورادا گؤردويوم يادبود موجسّمه‌سي ندئر؟" شهرئن آداملاري اونا ددئلر: "يهودادان گلن تاري آدامينين قَبري‌دئر. او، بِيت ائلده‌کي قوربانگاهينين ضئدّئنه سنئن اتدئيئن بو ائشلري قاباقجادان دمئشدي."
او ددي: "اونا توخونمايين، هچ کَسئن اونون سوموکلري ائله ائشي اولماسين." بلجه اونون و سامئرهدن گلمئش اولان پيغمبرئن سوموکلرئنه توخونماديلار.
يوشئيا سامئره شهرلرئنده اولان بوتون پرستئشگاهلاردا اولان اِولري آرادان قالديردي. ائسرايئل پادشاهلاري بو اِولري تئکئب ربّی قضبلَندئرمئشدئلر. او، بِيت ائلده اتدئيي بوتون ائشلري بو يرلرده ده اتدي.
يوشئيا قوربانگاهلارين اوستونده، همئن پرستئشگاهلارداکي بوتون کاهئنلري قوربان گتئردي و اونلارين اوستونده ائنسان سوموکلري يانديردي. سونرا اورشلئمه قاييتدي.
پادشاه بوتون خالقا امر ادئب ددي: "بو عهد کئتابيندا يازيلديغي کئمي تارينيز رب اوچون پاسخا بايراميني کچئردئن."
ائسرايئله حؤکم ادن داورلرئن دؤوروندن بَري، ائسرايئل و يهودا پادشاهلارينين بوتون دؤورو بويو پاسخا بايرامي بله کچئرئلمه‌مئشدي.
لاکئن يوشئيانين پادشاهليغينين اون سکّئزئنجي ائلئنده، بو پاسخا رب اوچون اورشلئمده کچئردئلدي.
بوندان باشقا، يوشئيا ربّئن معبدئنده کاهئن خئلقئيانين تاپديغي کئتابدا يازيلان شرئعتئن سؤزلرئنه عمل ادئب جئندارلاري و اووسونچولاري، اِو بوتلرئني و آيري بوتلري، يهودا اؤلکهسئنده و اورشلئمده گؤزونه دَيَن بوتون ائيرنج شيلري محو اتدي.
موسانين بوتون شرئعتئنه گؤره بوتون قلبي، بوتون جاني، بوتون گوجو ائله اونون کئمي ربّه اوز توتان بئر پادشاه نه اوندان اوّل، نه ده اوندان سونرا اولدو.
آمّا رب يهودانين ضئدّئنه آلوولانان بؤيوک قضبئندن دؤنمه‌دي، چونکي مِنَسّه ربّی بوتون اتدئکلري عمللري ائله قضبلَندئرمئشدي.
رب ددي: "ائسرايئلي حوضورومدان ردّ اتدئيئم کئمي، يهوداني دا ردّ ادهجيم. سچدئيئم شهر اورشلئمدن و "آديم اورادا اولاجاق" دِدئيئم معبددن اوز دؤندره‌جيم."
يوشئيانين قالان ائشلري و اتدئيي هر شي بارهده مگر يهودا پادشاهلارينين سالنامه‌لر کئتابيندا يازيلماييبدير؟
اونون دؤورونده مئصئر پادشاهي فئرعون نِکو، فَرات چايينا طرف آشور پادشاهينين کؤمَيئنه گلدي. يوشئيا پادشاه اونون پئشوازينا چيخدي. فئرعون نِکو يوشئيا ائله مِگئدّودا راستلاشيب اونو اؤلدوردو.
نؤکرلري اونون جسدئني مِگئدّودان گؤتوروب دؤيوش عاراباسي ائله اورشلئمه گتئردئلر و اؤز قبرئنده باسديرديلار. اؤلکه خالقي يوشئيانين اوغلو يِهوآخازي گؤتوروب مسح اتدئلر و اونو آتاسينين يرئنه پادشاه اتدئلر.
يِهوآخاز، پادشاه اولدوغو واخت، ائيئرمي اوچ ياشيندا ائدي و اورشلئمده اوچ آي پادشاهليق اتدي. آناسينين آدي خَموطَل ائدي. او لئبنالي اِرِميانين قيزي ائدي.
يِهوآخاز، آتالارينين اتدئيي کئمي ربّئن گؤزونده پئس اولان ائشلر اتدي.
فئرعون نِکو خَمات تورپاغينداکي رئبلادا اونو اسئر آلدي کي، اورشلئمده پادشاهليق اده بئلمه‌سئن. او، اؤلکه اوستونه بئر تالانت قيزيل و يوز تالانت گوموش مئقداريندا خراج قويدو.
فئرعون نِکو يوشئيانين اوغلو اِلياقئمي آتاسي يوشئيانين يرئنه پادشاه اتدي و اونون آديني دَيئشدئرئب يِهوياقئم قويدو. آمّا يِهوآخازي گؤتوروب آپاردي. يِهوآخاز مئصئره گلئب اورادا اؤلدو.
بلجه يِهوياقئم فئرعونا قيزيل-گوموش وردی و اؤلکه اوستونه ورگي قويدو کي، فئرعونون امر اتدئيي قدر گوموش ورسئن. او، اؤلکه خالقيندان هر کسه تعيئن اولونموش مبلغه گؤره قيزيل-گوموش آلدي کي، فِرعون نِکويا ورسئن.
يِهوياقئم، پادشاه اولدوغو واخت، ائيئرمي بش ياشيندا ائدي و اورشلئمده اون بئر ائل پادشاهليق اتدي. آناسي رومالي پِدايا‌نين قيزي ائدي، آدي زِبئدا.
يِهوياقئم، آتالارينين اتدئيي کئمي، ربّئن گؤزونده پئس اولان ائشلر اتدي.
يِهوياقئمئن دؤورونده بابئل پادشاهي نَبوکَدنِصّر اونون اوستونه هوجوم اتدي. يِهوياقئم اوچ ائل اونا قول اولدو؛ آمّا سونرا بويون قاچيرديب اونون ضئدّئنه عوصيان اتدي.
رب اونون ضئدّئنه کَلدانئلرئن، اَراملي‌لارين، موآبليلارين و عَمّونلولارين دسته‌لرئني گؤندردي. بلجه او دا اونلاري يهودانين اوستونه گؤندردي کي، اوراني محو اتسئنلر. نجه کي، رب اؤز قوللاري پيغمبرلر واسئطهسئله دمئشدي.
حقئقتن، ربّئن سؤزونه گؤره يهودانين باشينا بو ائش گلدي کي، مِنَسّهنئن اتدئيي بوتون گوناهلاردان اؤتري رب اونلاري اؤز حوضوروندان ردّ اتسئن.
تؤکدويو گوناهسيز قان اوچون ده. چونکي او، اورشلئمي گوناهسيز قانلا دولدوردو و رب ائستمه‌دي کي، باغيشلاسين.
يِهوياقئمئن قالان ائشلري و اتدئيي هر شي بارهده مگر يهودا پادشاهلارينين سالنامه‌لر کئتابيندا يازيلماييبدير؟
يِهوياقئم اؤلوب آتالاري ائله ياتدي و يرئنه اوغلو يِهوياکئن پادشاه اولدو.
مئصئر پادشاهي بئر داها اؤز اؤلکهسئندن کنارا چيخمادي، چونکي مئصئر دره‌سئندن فَرات چايينا قدر مئصئر پادشاهينين اَوّللر ائشغال اتدئيي هر يري، بابئل پادشاهي توتموشدو.
يِهوياکئن، پادشاه اولدوغو واخت، اون سکّئز ياشيندا ائدي و اورشلئمده اوچ آي پادشاهليق اتدي. آناسي اورشلئملي اِلناتانين قيزي ائدي، آدي نِخوشطا.
يِهوياکئن، آتاسينين اتدئيي کئمي، ربّئن گؤزونده پئس اولان ائشلر اتدي.
او زامان بابئل پادشاهي نَبوکَدنِصّرئن عسکرلري اورشلئمه گلدئلر و شهر موحاصئرهيه آليندي.
عسکرلري شهري موحاصئرهيه آلاندا، بابئل پادشاهي نَبوکَدنِصّر شهره ياخينلاشدي.
يهودا پادشاهي يِهوياکئن آناسي، اعيانلاري، ريئسلري و ساراي خئدمتچئلري ائله بئرلئکده بابئل پادشاهينا تسلئم اولدو. بلجه بابئل پادشاهي اونو پادشاهليغينين سکّئزئنجي ائلئنده اسئر آلدي.
او ربّئن معبدئنئن و پادشاه سارايينين خزئنهلرئني اورادان چيخارتدي. ائسرايئل پادشاهي سوليمانين ربّئن معبدي اوچون دوزلتدئيي بوتون قيزيل شيلري تئکه-تئکه اتدي، نجه کي، رب دمئشدي.
او بوتون اورشلئملی‌لري، بوتون ريئسلري، ائگئد آداملارين هاميسيني، جَمي اون مئن نفري و بوتون اوستالارلا دمئرچئلري اسئر اتدي. اؤلکهده لاپ يوخسول خالقدان باشقا، هچ کس قالمادي.
يِهوياکئني ده بابئله اسئر آپاردي. پادشاهين آناسيني، آروادلاريني، ساراي خئدمتچئلرئني و اؤلکهنئن آدلي-سانلي آداملاريني اورشلئمدن اسئر ادئب بابئله آپاردي.
بابئل پادشاهي بوتون دؤيوشچولري کي، ساييدا يدّي مئن نفر ائدئلر، مئن نفر اوستاني و دمئرچئني، موحارئبه‌ده ائش گؤرَن بوتون باجاريقلي آداملاري اسئر ادئب بابئله گتئردي.
بابئل پادشاهي يِهوياکئنئن يرئنه عَمئسي مَتّنياني پادشاه اتدي و اونون آديني دَيئشئب صئدقئيا قويدو.
صئدقئيا، پادشاه اولدوغو واخت، ائيئرمي بئر ياشيندا ائدي و اورشلئمده اون بئر ائل پادشاهليق اتدي. آناسي لئبنالي اِرِميانين قيزي خَموطَل ائدي.
صئدقئيا، يِهوياقئمئن اتدئيي کئمي ربّئن گؤزونده پئس اولان ائشلر اتدي.
حقئقتن، ربّئن قضبئنه گؤره اورشلئمئن و يهودانين باشينا بو ائش گلدي و رب اونلاري اؤز حوضوروندان آتدي. صئدقئيا بابئل پادشاهينين ضئدّئنه عوصيان اتدي.
صئدقئيانين پادشاهليغينين دوقّوزونجو ائلئنده، اونونجو آيين اونونجو گونو بابئل پادشاهي نَبوکَدنِصّر بوتون قوشونو ائله اورشلئمئن اوستونه هوجوم اتدي، اورايا ضئدّ اوردوگاه قوردو و اطرافيندا موحاصئره دوواري دوزلتدي.
صئدقئيا پادشاهين حاکئمئيّتئنئن اون بئرئنجي ائلئنه قدر، شهر موحاصئره‌ده قالدي.
دؤردونجو آيين دوقّوزونجو گونو شهرده آجليق اله گوجلَندي کي، اؤلکه خالقينين يِمَيه چؤره‌يي قالمادي.
همئن واخت شهرئن دووارلاريندا دَلئک آچيلدي. گجه ائکن کَلدانئلر شهرئن اطرافيندا اولاندا پادشاه و بوتون دؤيوشچولر پادشاه باغچاسينين يانيندا اولان ائکي دووار آراسينداکي دروازادان چيخيب عَرَبا اوواسينا گدن يوللا گتدئلر.
آنجاق کَلدانئلرئن قوشونو پادشاهي تعقئب اتدي و اَرئحا اووالاريندا اونا چاتدي. پادشاهين بوتون قوشونو اونو ترک ادئب داغيلميشدي.
پادشاهي توتوب رئبلايا، بابئل پادشاهينين يانينا آپارديلار و اونون حاقّيندا حؤکم وردئلر.
صئدقئيانين اوغوللاريني اونون گؤزو قاباغيندا اؤلدوردولر، اؤزونون ده گؤزلرئني چيخارتديلار و زنجئرله‌يئب بابئله آپارديلار.
بابئل پادشاهي نَبوکَدنِصّرئن پادشاهليغينين اون دوقّوزونجو ائلئنده، بشئنجي آيين يدّئنجی گونو نِبوزَره‌دان کي، بابئل پادشاهينين اعياني اولان کشئکچئلر ريئسي ائدي، اورشلئمه گلدي.
او، ربّئن معبدئنه، پادشاه سارايينا، اورشلئمدهکي بوتون اِولره اود ووروب بوتون اَساس بئنالاري يانديردي.
کشئکچئلر ريئسي ائله بئرلئکده گلن بوتون کَلدانئلر قوشونو اورشلئمئن اطرافينداکي دووارلاري اوچورتدي.
کشئکچئلر ريئسي نِبوزَره‌دان شهرده قالان خالقي، بابئل پادشاهينين طرفئنه کِچَن فرارئلري و باشقا اهالئني اسئر اتدي.
آنجاق او، باغچيليق و اَکئنچئلئک اتمک اوچون اؤلکه‌ده‌کي لاپ يوخسوللارين بئر حئصّهسئني اورادا ساخلادي.
کَلدانئلر ربّئن معبدئنده اولان بورونج سوتونلاري، پايالاري و بورونج حوووضو پارچالاييب، بورونج‌لرئني بابئله آپارديلار.
عئبادت زاماني ائشله‌دئلن خَکَندازلاري، کورَکلري، پئلته ماشالاري، قاشيقلاري و بوتون بورونج قابلاري گؤتوروب آپارديلار.
کشئکچئلر ريئسي خالئص قيزيلدان و گوموشدن اولان بوتون شيلري–بوخوردانلاري و لَيَنچه‌لري گؤتوردو.
ربّئن معبدي اوچون سوليمانين دوزلتدئيي ائکي سوتوندا، حوووضدا و پايالاردا اولان بوتون بورونجون آغيرليغي حسابا گلمزدي.
بئر سوتونون بويو اون‌سکّئز قولاچ ائدي و اوستونده بورونج بئر باشليق وار ائدي. باشليغين بويو اوچ قولاچ ائدي. بو باشليغين اطرافيندا حؤرمه تور و نارلار وار ائدي. هر شي بورونجدن دوزَلدئلمئشدي. او بئري سوتون دا حؤرمه تورلا بئرلئکده بو جور ائدي.
کشئکچئلر ريئسي باش کاهئن سِراياني، باش کاهئنئن موعاوئني صِفَنياني و اوچ قاپي کشئکچئسئني اسئر آلدي.
شهرده قالان دؤيوشچولرئن سرکرده‌سئني، پادشاهين مصلحتچئلرئندن شهرده اولان بش نفري، اؤلکه خالقيني قوشونا يازان سرکرده‌نئن مئرزه‌سئني و اؤلکه خالقيندان شهرده قالان آلتميش نفري اسئر توتدو.
کشئکچئلر ريئسي نِبوزَره‌دان اونلاري گؤتوروب رئبلايا، بابئل پادشاهينين يانينا آپاردي.
بابئل پادشاهي خَمات تورپاغيندا اولان رئبلادا اونلاري اؤلدوردو. بلجه يهودا خالقي اؤز اؤلکهسئندن اسئر اولوندو.
يهودا اؤلکهسئنده بابئل پادشاهي نَبوکدنِصّرئن توخونماديغي قالان خالقا گلئنجه، پادشاه شافان اوغلو اَخئقام اوغلو گِدَلياني اونلارين اوستونده والي قويدو.
بابئل پادشاهينين گِدَلياني والي قويدوغونو اشئتدئکده، بوتون قوشون باشچيلاري و اونلارين آداملاري–نِتَنيا اوغلو اِسماعئل، قارِاَخ اوغلو يوخانان، نِطوَفالي تَنخومِت اوغلو سِرايا، بئر مَعَکالينين اوغلو يَعَزنيا و اونلارين دؤيوشچولري مئصپايا، گِدَليانين يانينا گلدئلر.
گِدَليا اونلارين اؤزلرئنه و آداملارينا آند ائچئب ددي: "کَلدانئلرئن نؤکرلرئندن قورخمايين. اؤلکهده قاليب بابئل پادشاهينا قوللوق ادئن. بله ادهسئنئز، سئزئن اوچون ياخشي اولار."
يدّئنجی آيدا پادشاه نسلئندن اولان اِلئشاماع اوغلو نِتَنيا اوغلو اِسماعئل اون نفرله بئرلئکده گلئب گِدَلياني اؤلدوردو. اونلار مئصپادا گِدَليانين يانيندا اولان يهودالي‌لاري و کَلدانئلري ده اؤلدوردولر.
بؤيوکدن کئچئيه قدر بوتون خالق و قوشون باشچيلاري قالخيب مئصئره قاچدي، چونکي کَلدانئلردن قورخوردولار.
يهودا پادشاهي يِهوياکئنئن اسئرلئکده اولماغينين اوتوز يدّئنجی ائلئنده اِوئل مِرودَک بابئل پادشاهي اولدو. همئن ائلئن اون‌ائکئنجي آيينين ائيئرمي يدّئنجی گونو اِوئل مِرودَک يهودا پادشاهي يِهوياکئني زئنداندان آزاد اتدي.
اونونلا مهرئبانليقلا صؤحبت اتدي و اونون اوچون بابئلده‌کي قاباقکي پادشاهلارين تختلرئندن داها اوستون بئر تخت قويدوردو.
يِهوياکئن حَبسخانا پالتارلاريني اَينئندن چيخارتدي. او ياشاديغي مودّتده پادشاهين سوفرهسئنده يمک يئيَردي.
بوتون عؤمرو بويو اونا پادشاه طرفئندن گوندهلئک آذوقه ورئلئردي.
آدَم، شيت، اِنوش،
قِنان، مَهَل‌اَلِل، يِرِد،
خَنوخ، مِتوشِلَخ، لَمِک،
نوح. سام، خام و يافِت.
يافِتئن اوغوللاري: گومِر، ماگوگ، ماداي، ياوان، توبال، مِشِک و تئراس.
گومِرئن اوغوللاري: اَشکَناز، رئفات و توگَرما.
ياوانين اوغوللاري: اِلئشا، تَرشئش، کئتّئم و رودانئم.
خامين اوغوللاري: کوش، مئصره‌يئم، پوت و کَنَعان.
کوشون اوغوللاري: سِبا، خَوئلا، سَبتِکا، رَعما و سَبَتکا. رَعمانئن اوغوللاري: شِبا و دِدان.
کوشون نَمرود آدلي بئر اوغلو دا اولدو. او، يِر اوزونده قودرتلي بئر دؤيوشچو اولدو.
مئصره‌يئمئن نسئللري بونلاردير: لودلولار، عَناملي‌لار، لِهابلي‌لار، نَفتوخلولار،
پَتروسلولار، فئلئسطلی‌لرئن اَجدادي کَسلوخلولار، و کَفتورلولار.
کَنَعانين نسئللري بونلاردير: ائلک اوغلو صئدون، خِت،
يِبوسلولار، اِمورلولار، گئرگاشلي‌لار،
خئولئلر، عَرقلی‌لر، سئنلی‌لر،
اَروادلي‌لار، صِمارلي‌لار و خَماتلي‌لار.
سامين اوغوللاري: عِيلام، آشور، اَرفَکشَد، لود، اَرام، عوص، خول، گتِر و مِشِک.
اَرفَکشَددان شِلَخ تؤره‌دي و شِلَخدن عِبِر تؤره‌دي.
عِبِرئن ائکي اوغلو اولدو: بئرئنئن آدي پِلِگ ائدي، چونکي اونون دؤورونده ير اوزو بؤلوندو. قارداشينين آدي يوقتان ائدي.
يوقتاندان اَلموداد، شِلِف، خَضَرماوِت، يِرَخ،
حَدورام، اوزال، دئقلا،
اِبال، اَبئماعِل، شِبا،
اوفئر، خَوئلا و يوباب تؤره‌دي. بونلارين هاميسي يوقطانين اوغوللاري ائدئلر.
سام، اَرفَکشَد، شِلَخ،
عِبِر، پِلِگ، رِعو،
سِروگ، ناخور، تِرَخ،
اَبرام، يعني ائبراهئم.
ائبراهئمئن اوغوللاري: ائسحاق و ائسماعئل.
اونلارين اوغوللاري بونلاردير: ائسماعئلئن ائلک اوغلو نِبايوت، سونرا قِدار، اَدبِعِل، مئبسام،
مئشماع، دوما، مَسّا، خَدَد، تِيما،
يِطور، نافئش و قِدِما. بونلار ائسماعئلئن اوغوللاريدير.
ائبراهئمئن جارئيه‌سي قِطورانين دوغدوغو اوغوللار بونلاردير: زئمران، يوقشان، مِدان، مئديان، يئشباق و شواَخ. يوقشانين اوغوللاري: شِبا و دِدان.
مئديانين اوغوللاري: عِفا، عِفِر، خَنوخ، اَبئداع و اَلدَعه. بونلارين هاميسي قِطورانين اؤولادلاريدير.
ائبراهئمدن ائسحاق تؤره‌دي. ائسحاقين اوغوللاري: عئسو و ائسرايئل.
عئسونون اوغوللاري: اِلئفاز، رِعواِل، يِعوش، يَعلام و قورَخ.
اِلئفازين اوغوللاري: تِمان، اومار، صِفي، گَعتام، قِناز، تئمناعدان دوغان عَمالِق.
رِعواِلئن اوغوللاري: نَخَت، زِرَخ، شَمّه و مئزّا.
سِعئرئن اوغوللاري: لوطان، شوبال، سئبعون، عَنا، دئشون، اِصِر و دئشان.
لوطانين اوغوللاري: حوري و هومام، لوطانين باجيسي تئمناع.
شوبالين اوغوللاري: عَليان، مانه‌خَت، عِبال، شِفي و اونام. سئبعونون اوغوللاري: اَيّا و عَنا.
عَنانين اوغلو دئشون. دئشونون اوغوللاري: خَمران، اِشبان، يئتران و کِران.
اِصِرئن اوغوللاري: بئلهان، زَعه‌وان و يَعه‌قان. دئشانين اوغوللاري: عوص و آران.
ائسرايئللیلره بئر کس پادشاهليق اتمه‌دن قاباق، اِدوم اؤلکهسئنده پادشاهليق ادن آداملار بونلارديرلار: بِعور اوغلو بِلَع. اونون شهري دئنهابا ائدي.
بِلَع اؤلدو و اونون يرئنه زِراخ اوغلو بوصرالي يوباب پادشاه اولدو.
يوباب اؤلدو و اونون يرئنه تِمانلي‌لارين تورپاغيندان اولان خوشام پادشاه اولدو.
خوشام اؤلدو و اونون يرئنه موآب تورپاغيندا مئديانليلاري قيران بِدَد اوغلو هَدَد پادشاه اولدو. اونون شهري عَوئت ائدي.
هَدَد اؤلدو و اونون يرئنه مَسرِقادان اولان سَمله پادشاه اولدو.
سَمله اؤلدو و اونون يرئنه فَرات چايينداکي رِخوبوتدان گلن شاعول پادشاه اولدو.
شاعول اؤلدو و اونون يرئنه عَکبور اوغلو بَعَل‌خانان پادشاه اولدو.
بَعَل‌خانان اؤلدو و اونون يرئنه هَدَد پادشاه اولدو. اونون شهري پاعي ائدي. اونون آروادينين آدي مِزاحاب قيزي مَطرِد قيزي مِهِته‌بِل ائدي.
هَدَد اؤلدو. بونلار اِدومون اَمئرلري اولدولار: اَمئر تئمناع، اَمئر اَليا، اَمئر يِتِت،
اَمئر اوهولئباما، اَمئر اِلا، اَمئر پئنون،
اَمئر قِناز، اَمئر تِيمان، امئر مئبصار،
اَمئر مَگدي‌اِل، اَمئر عئرام. اِدومون اَمئرلري بونلاردير.
ائسرايئلئن اوغوللاري بونلاردير: رِعوبئن، شَمعون، لاوي، يهودا، يئسّاکار، زِبولون،
دان، يوسئف، بِنيامئن، نَفتالي، جاد و اَشِر.
يهودانين اوغوللاري: عِر، اونان و شِلا. اونون بو اوچ اوغلو کَنَعانلي بَتشوعه‌دن دوغولدو. يهودانين ائلک اوغلو عِر ربّئن گؤزونده پئس آدام ائدي، اونا گؤره ده رب اونو اؤلدوردو.
يهودانين گلئني تامار اونا پِرِصي و زِرَخي دوغدو. يهودانين جَمئسي بش اوغلو وار ائدي.
پِرِصئن اوغوللاري: خِصرون و خامول.
زِرَخئن اوغوللاري: زئمري، اِيتان، هِيمان، کَلکول، و دارَع. بونلار جَمئسي بش نفر ائدي.
کَرمئنئن اوغلو عاکار وقف اولونموش شيده خائنلئک ادئب، ائسرايئلي بلايا سالدي.
اِيتانين اوغلو عَزَريا ائدي.
خِصرونون اوغوللاري: يِرَخمِعِل، رام، و کِلوباي.
رام عَمّئنادابا آتا اولدو و عَمّئناداب يهودالي‌لارين رهبري نَخشونا آتا اولدو.
نَحشوندان سَلما، سَلمادان دا بوعَز گلدي.
بوعَز عوبِده آتا اولدو، و عوبِد يَسّه‌يه آتا اولدو.
يَسّه‌نئن اوغوللاري بونلار ائدي: ائلک اوغلو اِلئآب، ائکئنجئسي اَبئناداب، اوچونجوسو شئمعا،
دؤردونجوسو نِته‌نِل، بِشئنجئسي رَدّي،
آلتينجيسي اوصِم، يِدّئنجئسي داوود.
اونلارين باجيلاري صِرويا و اَبئگائل ائدي. صِرويانين اوچ اوغلو وار ائدي: اَبشه‌ي، يوآب، و عَساهِل.
اَبئگائل عَماساني دوغدو. عَماسانين آتاسي اِسماعئل‌لي يِتِر ائدي.
خِصرون اوغلو کالئبئن آروادي عَزوبا و يِرئعوت اونا اؤولادلار دوغدولار. کالئبئن عَزوبا‌دان اولان اوغوللاري بونلاردير: يِشِر، شوباب و اَردون.
عَزوبانين اؤلوموندن سونرا، کالئب اِفراتي آرواد آلدي و او دا کالئبه خورو دوغدو.
خوردان اوري، اورئدن ده بِصه‌لِل گلدي.
بوندان سونرا خِصرون، آلتميش ياشيندا ائکَن، گئلعادين آتاسي اولان ماکئرئن قيزيني آرواد آلدي؛ او، خِصرونا سِگوبو دوغدو.
سِگوب ياعئرئن آتاسي ائدي. ياعئرئن گئلعاد تورپاغيندا ائيئرمي اوچ شهري وار ائدي.
آمّا گِشور و اَرام اونلاردان ياعئرئن شهرلرئني آلديلار، بوندان علاوه، قِناتي و اونون قصبه‌لرئني ده آلديلار. جَمئسي آلتميش شهري آلديلار. بونلارين هاميسي گئلعادين آتاسي ماکئرئن نسئللري ائدي.
خِصرون کالئب اِفراتادا اؤلدوکدن سونرا، خِصرونون آروادي اَبئيا اونا تِقوعه‌نئن قوروجوسو اَشخورو دوغدو.
خِصرونون ائلک اوغلو يِرَخمِعِلئن اوغوللاري: ائلک اوغلو رام، بونا، اورِن، اوصِم و اَخئيا.
يِرَخمِعِلئن آيري بئر آروادي وار ائدي، اونون آدي عطارا ائدي. اونامين آناسي او ائدي.
يِرَخمِعِلئن ائلک اوغلو رامين اوغوللاري: مَعَص، يامئن و عِقِر.
اونامين اوغوللاري: شَمّه‌ي و ياداع. شَمّهيئن اوغوللاري: ناداب و اَبئشور.
اَبئشورون آروادينين آدي اَبئگائل ائدي. او، اَبئشورا اَخباني و مولئدي دوغدو.
نادابين اوغوللاري: سِلِد و اَپّه‌يئم. سِلِد اوغولسوز اؤلدو.
اَپّه‌يئمئن اوغلو يئشعي ائدي. يئشعئنئن اوغلو شِشان ائدي. شِشانين اوغلو اَخلاي ائدي.
شَمّهيئن قارداشي ياداعين اوغوللاري: يِتِر و يوناتان. يِتِر اوغولسوز اؤلدو.
يوناتانين اوغوللاري: پِلِت و زازا. بونلار يِرَخمِعِلئن نسئللري ائدئلر.
شِشانين اوغوللاري يوخ ائدي، فقط قيزلاري وار ائدي. شِشانين بئر مئصئرلي قولو وار ائدي، اونون آدي يَرخاع ائدي.
شِشان قولو يَرخاعيا قيزيني آرواد وردی. آروادي اونا عَتّه‌يي دوغدو.
عَتّه‌يدن ناتان، ناتاندان دا زاباد گلدي.
زاباددان اِفلال، اِفلالدان دا عوبِد گلدي.
عوبِددن يِيهو، يِيهودان دا عَزَريا گلدي.
عَزَريادان خِلِص، خِلِصدن ده اِلعاسا گلدي.
اِلعاسادان سئسمه‌ي، سئسمه‌يدن ده شَلّوم گلدي.
شَلّومدان يِقَميا، يِقَميادان دا اِلئشاماع گلدي.
يِرَخمِعِلئن قارداشي کالئبئن اوغوللاري: زئفئن آتاسي ائلک اوغلو مِيشاع، خِبرونون آتاسي مارِشا.
خِبرونون اوغوللاري: قورَخ، تَپّواَخ، رِقِم و شِمَع.
شِمَعدان يورقوعامين آتاسي رَخَم، رِقِمدن ده شَمّه‌ي گلدي.
شَمّهيئن اوغلو ماعون ائدي. ماعوندان بِيت صور گلدي.
کالئبئن جارئيه‌سي عِيفا خاراني، موصاني و گازِزي دوغدو. خاران گازِزئن آتاسي ائدي.
ياهدايين اوغوللاري: رِگِم، يوتام، گِيشان، پِلِت، عِيفا و شاعَف.
کالئبئن جارئيه‌سي مَعَکا شِبِري و تئرخه‌ناني دوغدو.
او، هم ده، مَدمَنّا‌نين آتاسي شَعَفي، مَکبِنانين و گئبعانين آتاسي شِواني دوغدو. کالئبئن قيزي عَکسا ائدي.
بونلار کالئبئن نسئللري ائدئلر. اِفراتانين ائلک اوغلو خورون اوغوللاري بونلاردير: قئريَت‌يِعه‌رئمئن آتاسي شوبال،
بِيت‌لِخِمئن آتاسي سَلما، بِيت گادِرئن آتاسي خارِف.
قئريَت‌يِعه‌رئمئن آتاسي شوبالين نسئللري بونلاردير: هارواِ‌لئلر، مِنوخوتلو‌لارين ياريسي.
قئريَت‌يِعه‌رئمئن نسئللري: يِتِرلی‌لر، پوتلولار، شومالي‌لار، مئشرالي‌لار. بونلارين آراسيندان صورعالي‌لار و اِشتااول‌لولار چيخديلار.
سَلمانين نسئللري: بِيت‌لِخِملی‌لر، نِطوَفالي‌لار، عَطروت بِيت يوآبلي‌لار، مانه‌خَتلی‌لرئن ياريسي و صورعئلئلر.
يَعبِصده ياشايان مئرزه‌لرئن نسئللري: تئرعالي‌لار، شئمعاتلي‌لار، سوکاتلي‌لار. بونلار بِيت رِکابين آتاسي خَمّتئن نسلئندن اولان قئنلی‌لردئرلر.
داوودون خِبروندا دوغولان اوغوللاري بونلاردير: ائلک اوغلو يِزرِعِللي اَخئنوعَمدن دوغولان اَمنون، ائکئنجئسي کَرمِل‌لي اَبئگائلدن دوغولان داني‌اِل،
اوچونجوسو گِشور پادشاهي تَلمه‌يئن قيزي مَعَکادان دوغولان اَبشالوم، دؤردونجوسو خَگّئتدن دوغولان اَدونئيا،
بِشئنجئسي اَبئطالدان دوغولان شِفَطيا، آلتينجيسي آروادي عِگلادان دوغولان يئترِعام.
داوودون بو آلتي اوغلو خِبروندا دوغولدو. داوود اورادا يدّي ائل آلتي آي پادشاهليق اتدي. اورشلئمده ده اوتوز اوچ ائل پادشاهليق اتدي.
داوودون اورشلئمده دوغولان اوغوللاري بونلاردير: عَمّي‌اِلئن قيزي بَتشوعه‌دن دوغولان دؤرد اوغلو: شئمعا، شوباب، ناتان و سوليمان؛
يئبخار، اِلئشاماع، اِلئفِلِط،
نوگاه، نِفِگ، يافئعَع،
اِلئشاماع، اِلياداع و اِلئفِلِط؛ جَمي دوقّوز نفر.
جارئيه‌لرئندن دوغولان اوغوللاريندان باشقا، بوتون بونلار داوودون اوغوللاري ائدي. تامار دا اونلارين باجيسي ائدي.
سوليمانين اوغلو رِحوبعام، اونون اوغلو اَبئيا، اونون اوغلو آسا، اونون اوغلو يِهوشافاط،
اونون اوغلو يِهورام، اونون اوغلو اَخَزيا، اونون اوغلو يوآش،
اونون اوغلو اَمَصيا، اونون اوغلو عَزَريا، اونون اوغلو يوتام،
اونون اوغلو آخاز، اونون اوغلو خئزقئيا، اونون اوغلو مِنَسّه،
اونون اوغلو آمون، اونون اوغلو يوشئيا.
يوشئيانين اوغوللاري: ائلک اوغلو يوخانان، ائکئنجئسي يِهوياقئم، اوچونجوسو صئدقئيا، دؤردونجوسو شَلّوم.
يِهوياقئمئن جانئشئنلري: اونون اوغلو يِکونيا، و صئدقئيا.
اسئر آپاريلميش يِکونيانين اوغوللاري: شِعَلتئيِل،
مَلکئرام، پِدايا، شِنَصّر، يِقَميا، هوشاماع و نِدَبيا.
پِدايا‌نين اوغوللاري: زِروبّابِل و شئمعي. زِروبّابِلئن اوغوللاري: مَشولّام و خَنَنيا، اونلارين باجيسي شِلومئت،
داها بش اوغلو: خَشوبا، اوهِل، بِرِکيا، خَسَديا و يوشَب خِسِد.
حَنَنيانين نسئللري: پَلَطيا، يِشعَيا، رِفايانين اوغوللاري، اَرنانين اوغوللاري، عوبَديانين اوغوللاري، شِکَنيانين اوغوللاري.
شِکَنيانين اوغلو شِمَعيا ائدي. شِمَعيانين آلتي اوغلو: خَطّوش، يئگال، باري‌اَخ، نِعَريا و شافاط.
نِعَريانين اوچ اوغلو: اِليوعِنه‌ي، خئزقئيا و عَزرئقام.
اِليوعِنه‌يئن يدّي اوغلو: هودَويا، اِلياشئب، پِلايا، عَقّوب، يوخانان، دِلايا و عَناني.
يهودانين اوغوللاري: پِرِص، خِصرون، کَرمي، خور و شوبال.
شوبالين اوغلو رِآيادان يَخَت، يَخَتدن ده اَخومه‌ي و لاهَد گلدي. بونلار صورعالي‌لارين نسئللري ائدئلر.
عِطامين اوغوللاري بونلاردير: يئزرِعِل، يئشما و يئدباش. اونلارين باجيسينين آدي خَصلِلفوني‌دئر.
پِنوعِلدن گِدور، عِصِردن ده خوشا گلدي. بونلار بِيت‌لِخِمئن قوروجوسو اِفراتانين ائلک اوغلو خورون اؤولادلاريديرلار.
تقوعَعئن قوروجوسو اَشخورون ائکي آروادي وار ائدي: خِلا و نَعَرا.
نَعَرا اونا بونلاري دوغدو: اَخوزّام، خِفِر، تِماني و هااَخَشطاري. بونلار نَعَرانين اوغوللاري ائدئلر.
خِلانين اوغوللاري: صِرِت، يئسخَر، اَتنان.
قوس عانوب، صوبِبا و هاروم اوغلو اَخَرخِلئن نسئللرئنه آتا اولدو.
يَعبِص قارداشلاريندان داها حؤرمتلي ائدي. آناسي اونون آديني يَعبِص قويموشدو، چونکي دمئشدي: "اونو آغري ائله دوغدوم."
يَعبِص ائسرايئلئن تاريسيني چاغيريب ددي: "کاش سن منه حقئقتن برکت وره‌يدئن و تورپاقلاريمي گِنئشلَندئره‌يدئن، کاش کي، اَلئن منئمله اولايدي و منی شَردن قورويايدين کي، عذاب چکمه‌يئم." تاري دا ائسته‌دئيي هر شيي اونا وردی.
شوخانين قارداشي کِلوبدان مِخئر گلدي. مِخئردن اِشتون گلدي.
اِشتوندان بِيت رافا، پاسِه‌اَخ، عئر و ناخاشين آتاسي تِخئنّا گلدي. بونلار رِکالي‌لارديرلار.
قِنه‌زئن اوغوللاري: عوتني‌اِل و سِرايا. عوتني‌اِلئن اوغوللاري خَتَت و
عوفرانين قوروجوسي اولان مِعونوته‌ي. سِرايادان گِخَراشئم آتاسي يوآب گلدي. بو شهرئن ساکئنلري اوستالار اولدوغونا گؤره بله آدلانيرديلار.
يِفونّه‌نئن اوغلو کالئبئن اوغوللاري: عئرو، اِلا و ناعَم. اِلانين اوغلو قِنَز ائدي.
يِهَل‌لِلِلئن اوغوللاري: زئف، زئفا، تئريا و اَسه‌رِل.
عِزرانين اوغوللاري: يِتِر، مِرِد، عِفِر، يالون. مِرِدئن آرواد آلديغي فئرعون قيزي بئتيانين اوغوللاري: مئريام، شَمّه‌ي و اِشتِموعَعئن آتاسي يئشبَخ.
يهودالي آروادي دا بونلاري دوغدو: گِدورون قوروجوسو يِرِد، سوکونون قوروجوسو خِبِر و زانواَخئن قوروجوسو يِقوتي‌اِل.
نَخَمئن باجيسي حودئيانين آروادي ائدي. اونون اوغوللاريندان گَرملي قِعئلا و مَعَکالي اِشتِموعَعئن گلدي.
شئمونون اوغوللاري: اَمنون، رئنّا، بِنخانان و تئلون. يئشعئنئن اوغوللاري: زوخِت و بِن‌زوخِت.
يهودانين اوغلو شِلانين نسئللري: لِکانين آتاسي عِر، مارِشانين آتاسي لَعه‌دا و بِيت اَشبِعَعده اولان نازئک کتان توخويانلارين نسئللري،
يوقئم و کوزِبالي‌لار، يوآش و ساراف کي، موآبدا و ياشوبي لِخِمده حؤکمدارليق ادئردئلر. بو، قدئم حادئثه‌لردئر.
اونلار کوزه‌گَر ائدئلر، نِتاعئمده و گِدِرادا ياشاييرديلار. پادشاه اوچون ائش گؤره‌رک اورادا قالديرديلار.
شئمعونون اوغوللاري: نِمِه‌اول، يامئن، يارئب، زِرَخ و شاعول.
شاعولون اوغلو شَلّوم، اونون اوغلو مئبسام، اونون اوغلو مئشماع.
مئشماعين اوغوللاري: اونون اوغلو خَمّواِل، اونون اوغلو زَکّور، اونون اوغلو شئمعي.
شئمعئنئن اون آلتي اوغلو و آلتي قيزي وار ائدي، لاکئن قارداشلارينين اوغوللاري چوخ ديئلدي و اونلارين بوتون نسلی يهودا اوغوللاري قدر چوخالمادي.
اونلار بو يرلرده ياشاييرديلار: بئرشئباع، مولادا، خَصَرشوعال،
بئلحا، عِصِم، تولاد،
بِتوعِل، خورما، صئقلَگ،
بِيت مَرکابوت، خَصَر سوسئم، بِيت بئري و شَعَرايئم. داوودون پادشاهليق اتدئيي دؤوره قدر اونلارين شهرلري بونلار ائدي.
اونلارين قصبه‌لري بونلار ائدي: اِيطام، عَيئن، رئمّون، توکِن و عاشان؛ جَمي بش قصبه.
بو قصبه‌لرئن اطرافيندا بَعَله قدر اولان بوتون کَندلر ده اونلارين ياشاديقلاري يرلر ائدي. اونلارين نسئل شجرهسي بلهدئر:
مِشوباب، يَملِک، اَمَصيا اوغلو يوشا،
يواِل، عَسي‌اِل اوغلو سِرايا اوغلو يوشئبيا اوغلو يِيهو،
اِليوعِنه‌ي، يَعه‌قوبا، يِشوخايا، عَسايا، عِدي‌اِل، يِسئمي‌اِل، بِنايا،
شِمَعيا اوغلو شئمري اوغلو يِدايا اوغلو اَلّون اوغلو شئفعي اوغلو زيزا.
بو آدلاري چکئلَنلر نسئل رهبرلري ائدئلر و اونلارين نسئللري آرتيب چوخالميشدي.
اونلار گِدورون ياخينليغينا، دره‌نئن شرق طرفئنه قدر گتدئلر کي، سورولري اوچون اوتلاق آختارسينلار.
بول و ياخشي اوتلاق تاپديلار، اؤلکه ده گِنئش، ساکئت و دئنج ائدي. اونلاردان قاباق اورادا خاملي‌لار ياشاييردي.
بو آدلاري يازيلانلار، يهودا پادشاهي خئزقئيانين دؤورونده گلئب، اؤز چاديرلاريندا اولان خاملي‌لار و اورادا اولان مِعونلولاري قيرديلار. اونلاري کامئل محو ادئب يرلرئنده ياشاديلار، چونکي اورادا سورولري اوچون اوتلاق وار ائدي. بو گونه قدر ده بلهدئر.
همئن شئمعونلولاردان بش يوز نفر سِعئر داغينا گتدئلر. يئشئعئن اوغوللاري پِلَطيا، نِعَريا، رِفايا و اوزّي‌اِل اونلارا باشچيليق ادئردي.
اونلار صاغ قالان عَمالِقلي قاچانلاري قيرديلار. اونلار بو گونه قدر ده اورادا ياشاييرلار.
ائسرايئلئن ائلک اوغلو رِعوبئن ائدي، آمّا آتاسينين ياتاغيني نجئسله‌دئيي اوچون اونون ائلک اوغوللوق حاقّي ائسرايئلئن اوغلو يوسئفئن نسلئنه ورئلدي و رِعوبئنئن نسلی شجره‌ده ائلک اوغول کئمي ساييلمادي.
آنجاق يهودا قارداشلاري آراسيندا داها گوجلو اولدو و حؤکمدار اونون نسلئندن چيخدي. آمّا ائلک اوغوللوق حاقّي يوسئفئن ائدي.
ائسرايئلئن ائلک اوغلو رِعوبئنئن اوغوللاري: خَنوخ، پالّو، خِصرون و کَرمي.
يواِلئن نسلي: اونون اوغلو شِمَعيا، اونون اوغلو گوگ، اونون اوغلو شئمعي،
اونون اوغلو مئکا، اونون اوغلو رِآيا، اونون اوغلو بَعَل،
اونون اوغلو بِعِرا. اونو آشور پادشاهي تئگلَت‌پئلِسِر اسئرلئيه آپارميشدي. بِعِرا رِعوبئنلی‌لرئن باشچيسي ائدي.
نسئل شجره‌لرئنه گؤره اونلارين قوحوملاري بونلار ائدي: باشچي يِعي‌اِل، زِکَريا،
يواِل اوغلو شِمَع اوغلو آزاز اوغلو بِلَع. او، عَروعِرده ياشاييردي، تورپاغي نِبويا و بَعَل‌مِعونا قدر اوزانيردي.
شرقه طرف فَرات چايينين بو تايينداکي چؤلون باشلانيش يرئنه قدر تورپاقلار اونون ائدي، چونکي گئلعاد تورپاغيندا چوخلو حيوانلاري وار ائدي.
شاعولون دؤورونده بو آداملار هاجرلئلرله موحارئبه ادئب اونلاري مغلوب اتدئلر و گئلعادين شرقئنده‌کي بوتون تورپاقلاردا حَگَرلي‌لرئن چاديرلاريندا ياشاديلار.
جادليلار سَلکايا قدر اوزانان باشان تورپاغيندا رِعوبئنلی‌لرئن موقابئلئنده ياشاديلار.
باشاندا باشچي يواِل، کؤمکچئسي شافام، سونرا يَعنَه‌ي و شافاط ائدي.
اؤز نسئل‌لرئندن اولان قوحوملاري بونلاردير: مئکائل، مِشولّام، شِبَع، يوره‌ي، يَعکان، زئيَع و عِبِر جَمي يدّي نفر.
بونلار بوز اوغلو يَخدو اوغلو يِشئشه‌ي اوغلو مئکائل اوغلو گئلعاد اوغلو يارواَخ اوغلو خوري اوغلو ابئخه‌يئلئن اوغوللاري ائدئلر.
گونو اوغلو عَبدي‌اِل اوغلو اَخي اونلارين نسئل باشچيسي ائدي.
اونلار گئلعاددا، باشاندا و اونون قصبه‌لرئنده، شارونون سرحدلرئنه قدر اوزانان بوتون اوتلاق تورپاقلاريندا ياشاديلار.
يهودا پادشاهي يوتامين و ائسرايئل پادشاهي يَروبعامين دؤورونده اونلارين هاميسي نسئل شجره‌لرئنده قيد اولوندو.
رِعوبئنلی‌لردن، جادلي‌لاردان، مِنَسّه قبئلهسئنئن ياريسيندان اولان، قالخان و قيلينج داشييان، اوخ آتان، دؤيوش اوچون تعلئم گؤرموش و دؤيوشمه‌يي باجاران ائگئد آداملار قيرخ دؤرد مئن يدّي يوز آلتميش نفر ائدي.
اونلار حَگَرلي‌لردن اولان يِطورون، نافئشئن و نودابين نسئللري ائله موحارئبه اتدئلر.
ائسرايئللی‌لر دوشمنلري ائله دؤيوشده کؤمک آلديقلاري اوچون حَگَرلي‌لري و اونلارلا اولانلارين هاميسيني مغلوب اتدئلر، چونکي ائسرايئللی‌لر دؤيوشده تاريني چاغيرديلار و اونا بِل باغلاديقلاري اوچون تاري اونلاري اشئتدي.
اونلار دوشمنلرئنئن حيوانلاريني اَلّي مئن دَوه‌سئني، ائکي يوز اَلّي مئن قويون-کچئسئني، ائکي مئن اِششه‌يئني اَله کچئرتدئلر و يوز مئن آداميني گؤتوروب آپارديلار.
هلاک اولانلار چوخ اولدو، چونکي بو دؤيوش تاريدان ائدي. اونلار اسئر اولونان زامانا قدر حَگَرلي‌لرئن يرلرئنده ياشاديلار.
مِنَسّه قبئلهسئنئن ياريسينين نسئللري ده همئن تورپاقدا ياشادي. اونلار چوخاليب باشاندان بَعَل خِرمونا، سِنئره يعني خِرمون داغينا قدر اوزانان تورپاغا ياييلديلار.
اونلارين نسئل باشچيلاري بونلار ائدئلر: عِفِر، يئشعي، اِلي‌اِل، عَزري‌اِل، اِرِميا، هوداويا و يَخدي‌اِل. بونلار ائگئد دؤيوشچولر، آدلي-سانلي آداملار و نسئل باشچيلاري ائدئلر.
آمّا اونلار آتالارينين تاريسينين ضئدّئنه خائنلئک اتدئلر و اونلارين قاباغيندا تارينين محو اتدئيي اؤلکه خالقلارينين آللاهلارينا سئتايئش ادئب خيانت اتدئلر.
او واخت ائسرايئلئن تاريسي آشور پادشاهي پولدا، يعني تئگلَت‌پئلِسِرده نئيّت اويانديردي، او دا رِعوبئنلی‌لري، جادلي‌لاري و مِنَسّه قبئلهسئنئن ياريسيني اسئر آپاريب خَله‌خه، خابورا، هارايا و گوزان چايينين ساحئلئنده يِرلَشدئردي. اونلار بو گونه قدر ده اوراداديرلار.
لاوئنئن اوغوللاري: گِرشون، قوحات و مِراري.
قوحاتين اوغوللاري: عَمرام، يئصهار، خِبرون و اوزّي‌اِل.
عَمرامين اؤولادلاري: هارون، موسا و مريم. هارونون اوغوللاري: ناداب، اَبئهو، اِلعازار و ائتامار.
اِلعازاردان پئنِخاس تؤره‌دي. پئنِخاسدان اَبئشوعَع تؤره‌دي.
اَبئشوعَعدن بوقّي تؤره‌دي. بوقّئدن عوزّي تؤره‌دي.
عوزّئدن زِرَخيا تؤره‌دي. زِرَخيادان مِرايوت تؤره‌دي.
مِرايوتدن اَمَريا تؤره‌دي. اَمَريادان اَخئتوب تؤره‌دي.
اَخئتوبدان صادوق تؤره‌دي. صادوقدان اَخئمَعَص تؤره‌دي.
اَخئمَعَصدن عَزَريا تؤره‌دي. عَزَريادان يوخانان تؤره‌دي.
يوخاناندان عَزَريا تؤره‌دي. اورشلئمده سوليمانين تئکدئيي معبده عَزَريا کاهئن ائدي.
عَزَريادان اَمَريا تؤره‌دي. اَمَريادان اَخئتوب تؤره‌دي.
اَخئتوبدان صادوق تؤره‌دي. صادوقدان شَلّوم تؤره‌دي.
شَلّومدان خئلقئيا تؤره‌دي. خئلقئيادان عَزَريا تؤره‌دي.
عَزَريادان سِرايا تؤره‌دي. سِرايادان يِهوصاداق تؤره‌دي.
نَبوکَدنِصّرئن واسئطهسئله رب يهودالي‌لاري و اورشلئملی‌لري اسئر اتدئيي زامان، يِهوصاداق دا اسئر اولوندو.
لاوئنئن اوغوللاري: گِرشوم، قوحات و مِراري.
گِرشومون اوغوللارينين آدلاري بلهدئر: لئبني و شئمعي.
قوحاتين اوغوللاري: عَمرام، يئصهار، خِبرون و اوزّي‌اِل.
مِرارئنئن اوغوللاري: مَخلي و موشي. نسئللرئنه گؤره لاوئلی‌لرئن اؤولادلاري بونلاردير.
گِرشومون نسلي: اونون اوغلو لئبني، اونون اوغلو يَخَت، اونون اوغلو زئمّا،
اونون اوغلو يوآخ، اونون اوغلو عئدّو، اونون اوغلو زِرَخ، اونون اوغلو يِه‌آتِره‌ي.
قوحاتين نسلي: اونون اوغلو عَمّئناداب، اونون اوغلو قورَخ، اونون اوغلو اَسّئر،
اونون اوغلو اِلقانا، اونون اوغلو اِبياساف، اونون اوغلو اَسّئر،
اونون اوغلو تَخَت، اونون اوغلو اوري‌اِل، اونون اوغلو عوزئيّا و اونون اوغلو شاعول.
اِلقانانين اوغوللاري: عماسه‌ي، اَخئموت
و اِلقانا. اِلقانانين نسلي: اونون اوغلو صوَفه‌ي، اونون اوغلو نَخَت،
اونون اوغلو اِلئآب، اونون اوغلو يِروخام، اونون اوغلو اِلقانا.
سَمويئلئن اوغوللاري: ائلک اوغلو يواِل و ائکئنجئسي اَبئيا.
مِرارئنئن نسلي: اونون اوغلو مَخلي، اونون اوغلو لئبني، اونون اوغلو شئمعي، اونون اوغلو عوزّا،
اونون اوغلو شئمعا، اونون اوغلو هَگّئيا، اونون اوغلو عَسايا.
عهد سانديغي راحاتليق يرئنه قويولدوقدان سونرا ربّئن معبدئنده موسئقي خئدمتي اوستونده داوودون قويدوغو آداملار بونلاردير.
سوليمان اورشلئمده ربّئن معبدئني تئکَنه قدر، اونلار خيمه اولان حوضور چاديرينين قاباغيندا ائلاهي اوخوماقلا خئدمت ادئردئلر و نؤوبهلرئنه گؤره اؤز خئدمتلرئنده دايانيرديلار.
اورادا خئدمت ادنلر و اونلارين اوغوللاري بونلاردير: قوحاتين نسلئندن نغمه اوخويان هِيمان. اونون نسئل شجرهسي بلهدئر: يواِل اوغلو سَمويئل اوغلو
اِلقانا اوغلو يِروخام اوغلو اِلي‌اِل اوغلو تواَخ اوغلو
صوف اوغلو اِلقانا اوغلو مَخَت اوغلو عَماسه‌ي اوغلو
اِلقانا اوغلو يواِل اوغلو عَزَريا اوغلو صَفَنيا اوغلو
تَخَت اوغلو اَسّئر اوغلو اِبياساف اوغلو قورَخ اوغلو
يئصهار اوغلو قوحات اوغلو لاوي اوغلو ائسرايئل اوغلو.
صاغيندا خئدمت ادن قوحومو آساف. اونون نسئل شجرهسي بلهدئر: بِرِکيا اوغلو شئمعا اوغلو
مئکائل اوغلو بَعَسِيا اوغلو مَلکئيا اوغلو
اتني اوغلو زِرَخ اوغلو عَدايا اوغلو
اِيتان اوغلو زئمّا اوغلو شئمعي اوغلو
يَخَت اوغلو گِرشوم اوغلو لاوي اوغلو.
سول طرفئنده خئدمت ادن قوحوملاري مِرارئنئن نسلئندن اِيتان. اونون نسئل شجرهسي بلهدئر: قئشي اوغلو عَبدي اوغلو مَلّوک اوغلو
خَشَبيا اوغلو اَمَصيا اوغلو خئلقئيا اوغلو
اَمصي اوغلو باني اوغلو شِمِر اوغلي
مَخلي اوغلو موشي اوغلو مِراري اوغلو لاوي اوغلو.
اونلارين قوحوملاري اولان لاوئلی‌لر خيمه اولان تارينين معبدئنئن بوتون خئدمت ائشلرئنه تعيئن اولموشدولار.
آمّا هارونون و اونون نسلئنئن عؤهده‌سئنه بو ائشلر قويولموشدو: يانديرما قوربانگاهيندا و بوخور قوربانگاهيندا تقدئم گتئرئلمه‌سي، لاپ موقدّس يره عاييد هر ائش-ائسرايئللیلرئن گوناهلاريني کفّاره اتمک اوچون تارينين قولو موسانين امر اتدئيي بوتون ائشلر.
هارونون نسلی بودور: اونون اوغلو اِلعازار، اونون اوغلو پئنِخاس، اونون اوغلو اَبئشوعَع،
اونون اوغلو بوقّي، اونون اوغلو عوزّي، اونون اوغلو زِرَخيا،
اونون اوغلو مِرايوت، اونون اوغلو اَمَريا، اونون اوغلو اَخئتوب،
اونون اوغلو صادوق، اونون اوغلو اَخئمَعَص.
لاوئلی‌لرئن اؤز تورپاقلاريندا ياشاديغي يرلر بونلاردير: ائلک پوشک قوحات نسلئندن اولان هارونون اؤولادلارينا دوشدويو اوچون اونلارا
يهودا تورپاغيندا اولان خِبرونو و اونون اطرافينداکي اوتلاقلاري وردئلر.
آنجاق بو شهرئن چؤلونو و کَندلرئني يِفونّه اوغلو کالئبه وردئلر.
هارونون نسلئنه بو شهرلري وردئلر: سيغيناجاق شهري اولان خِبرون، لئبنا ائله اوتلاقلاري، يَتّئر، اِشتِموعَعله اوتلاقلاري،
حئلِنله اوتلاقلاري، دِبئرله اوتلاقلاري،
عاشانلا اوتلاقلاري، بِيت شِمِشله اوتلاقلاري،
بِنيامئن قبئلهسئنئن تورپاغيندان گِبَعله اوتلاقلاري، عالِمِتله اوتلاقلاري، عَناتوتلا اوتلاقلاري. اونلارين بوتون شهرلري نسئللرئنه گؤره اون‌اوچ شهردئر.
آمّا آيري قوحات اؤولادلارينا مِنَسّه قبئلهسئنئن ياريسينين تورپاغيندان پوشکه گؤره اون شهر ورئلدي.
گِرشوم اؤولادلارينا نسئللرئنه گؤره يئسّاکار قبئلهسئنئن، آشِر قبئلهسئنئن، نَفتالي قبئلهسئنئن و باشاندا اولان مِنَسّه قبئلهسئنئن تورپاغيندان اون‌اوچ شهر ورئلدي.
مِراري اؤولادلارينا نسئللرئنه گؤره رِعوبئن، جاد و زِبولون قبئله‌لرئنئن تورپاغيندان پوشکله اونائکي شهر ورئلدي.
ائسرايئل اؤولادلاري لاوئلی‌لره بو شهرلري و اونلارين اوتلاقلاريني وردئلر.
يهودا، شَمعون و بِنيامئن قبئله‌لرئنئن تورپاغيندان آدلاري گؤرسدئلَن بو شهرلري پوشکه گؤره وردئلر.
قوحات نسلئندن بعضئلرئنه اِفرايئم قبئلهسئنه عاييد شهرلري وردئلر.
اِفرايئمئن داغليق بؤلگهسئنده سيغيناجاق شهري اولان شِکِمله اوتلاقلاري، گِزِرله اوتلاقلاري،
يوقمِعاملا اوتلاقلاري، بِيت خورونلا اوتلاقلاري،
اَيّالونلا اوتلاقلاري، گَت‌رئمّونلا اوتلاقلاري.
مِنَسّه قبئلهسئنئن ياريسينين تورپاغيندان عانِرله اوتلاقلاري، بئلعاملا اوتلاقلاري قوحات نسلئنئن قالانينا ورئلدي.
گِرشوم نسلئنه بو يرلر ورئلدي: اوغوللارينا مِنَسّه قبئلهسئنئن ياريسينين تورپاغيندان باشانداکي گولانلا اوتلاقلاري، عَشتاروتلا اوتلاقلاري،
يئسّاکار قبئلهسئنئن تورپاغيندان قِدِشله اوتلاقلاري، دابِرَتله اوتلاقلاري،
راموتلا اوتلاقلاري، عانِمله اوتلاقلاري،
آشِر قبئلهسئنئن تورپاغيندان ماشاللا اوتلاقلاري، عَبدونلا اوتلاقلاري،
خوقوقلا اوتلاقلاري، رِخوبلا اوتلاقلاري،
نَفتالي قبئلهسئنئن تورپاغيندان گالئلده اولان قِدِشله اوتلاقلاري، خَمّونلا اوتلاقلاري، قئرياته‌يئمله اوتلاقلاري.
مِراري نسلئنئن قالان آداملارينا بو يرلر ورئلدي: زِبولون قبئلهسئنئن تورپاغيندان رئمّونو ائله اوتلاقلاري، تابورلا اوتلاقلاري،
اَرئحانين موقابئلئندهکي، اوردون چايينين شرق طرفئنده اولان رِعوبئن قبئلهسئنئن تورپاغيندان صحراداکي بِصِرله اوتلاقلاري، يَهصا ائله اوتلاقلاري،
قِدِموتلا اوتلاقلاري، مِيفه‌‌عَتله اوتلاقلاري،
جاد قبئلهسئنئن تورپاغيندان گئلعادداکي راموتلا اوتلاقلاري، مَخه‌نايئمله اوتلاقلاري،
خِشبونلا اوتلاقلاري، يَعزِرله اوتلاقلاري.
يئسّاکار اوغوللاري: تولاع، پوآ، ياشوب و شئمرون–جَمئسي دؤرد نفر.
تولاعين اوغوللاري: عوزّي، رِفايا، يِري‌اِل، يَخمه‌ي، يئبسام و سَمويئل. بونلار تولاعين نسئل باشچيلاري ائدئلر. داوودون دؤورونده اونلارين نسلئندن اولان ائگئد دؤيوشچولر ائيئرمي ائکي مئن آلتي يوز نفر ائدي.
عوزّئنئن نسلي: يئزرَخيا و اونون اوغوللاري: مئکائل، عوبَديا، يواِل، يئشّئيا–جَمئسي بش نفر. اونلارين هاميسي باشچي ائدي.
بونلاردان آيري، نسئل شجره‌لرئنه گؤره دؤيوشه بئلَن دسته‌لرده اوتوز آلتي مئن نفر وار ائدي، چونکي اونلارين چوخلو آروادلاري و اوغوللاري وار ائدي.
يئسّاکار بوتون نسئللري آراسيندا ائگئد دؤيوشچولر اولان قوحوملاري نسئل شجره‌سئنه گؤره جَمئسي هشتاد يدّي مئن نفر ائدي.
بِنيامئنئن اوغوللاري: بِلَع، بِکِر و يِدئعه‌اِل–جَمئسي اوچ نفر.
بِلَعئن اوغوللاري: اِسبون، عوزّي، اوزّي‌اِل، يِرئموت و عئري–جَمئسي بش نفر نسئل باشچيسي. اونلارين نسلئندن اولان ائگئد دؤيوشچولر نسئل شجره‌لرئنه گؤره ائيئرمي ائکي مئن اوتوز دؤرد نفر ائدي.
بِکِرئن اوغوللاري: زِمئرا، يوعاش، اِلئعِزِر، اِليوعِنه‌ي، عومري، يِرِموت، اَبئيا، عَناتوت و عالِمِت. بونلارين هاميسي بِکِرئن اوغوللاري ائدئلر.
نسئل باشچيلارينين شجره‌سئنه گؤره اونلارين ائگئد دؤيوشچولري ائيئرمي مئن ائکي يوز نفر ائدي.
يَدئعه‌اِلئن نسلي: بئلهان و اونون اوغوللاري يِعوش، بِنيامئن، اِهود، کِنه‌عَنا، زِيتان، تَرشئش و آکئشاخَر.
بونلارين هاميسي يَدئعِلئن نسئل باشچيلاري ائدي. اونلاردان دؤيوشه بئلَن ائگئد دؤيوشچولر اون يدّي مئن ائکي يوز نفر ائدي.
عئرئن نسئللري: شوپلولار و خوپلولار. خوشلولار دا اَخِرئن نسلئندن ائدئلر.
نَفتالئنئن اوغوللاري: يَخه‌صي‌اِل، گونو، يِسِر، شَلّوم. بونلار بئلهانين نسئللري ائدي.
مِنَسّهنئن اوغوللاري: اَراملي جارئيه‌سئنئن دوغدوغو اَسري‌اِل، همئن آروادين دوغدوغو گئلعادين آتاسي ماکئر.
ماکئر خوپلولاردان و شوپلولاردان بئر آرواد آلدي. اونون باجيسينين آدي مَعَکا ائدي. ماکئرئن ائکئنجي اوغلونون آدي صِلوفخاد ائدي. اونون فقط قيزلاري وار ائدي.
ماکئرئن آروادي مَعَکا ائدي. او، بئر اوغول دوغوب آديني پِرِش قويدو. پِرِشئن قارداشينين آدي شِرِش ائدي، اونون اوغوللاري دا اولام و رِقِم ائدي.
اولامين اوغلو بِدان ائدي. مِنَسّه اوغلو ماکئر اوغلو گئلعادين نسلی بونلاردير.
اونون باجيسي هَمّولِکِت ائشهودو، اَبئعِصِري و مَخلاني دوغدو.
شِمئداعنين اوغوللاري: اَخيان، شِکِم، لئقخي و اَنئعام.
اِفرايئمئن نسلي: شوتِه‌لَخ، اونون اوغلو بِرِد، اونون اوغلو تَخَت، اونون اوغلو اِلعادا، اونون اوغلو تَخَت،
اونون اوغلو زاباد، اونون اوغلو شوتِه‌لَخ. او تورپاغين يرلي ساکئنلري اولان گَتلی‌لر عِزِر و اِلعاديني اؤلدوردولر، چونکي اونلارين حيوانلاريني اوغورلاماغا گتمئشدئلر.
آتالاري اِفرايئم اوزون مودّت اونلارا ياس توتدو و قوحوملاري اونا تسلّی ورمک اوچون گلدئلر.
سونرا او، آروادينين يانينا گئردي، آرواد بويلو اولدو و بئر اوغول دوغدو. آتاسي اونون آديني بِرئعا قويدو، چونکي اِوئنه بلا گلمئشدي.
اونون شِعِرا آدلي قيزي دا وار ائدي. او، آشاغي و يوخاري بِيت خورونو، اوزّن‌شِعِراني تئکدي.
رِشِفله رِفَخ، اونون اوغلو رِشِف، اونون اوغلو تِلَخ، اونون اوغلو تَخَن،
اونون اوغلو لَعدان، اونون اوغلو اَبئهود، اونون اوغلو اِلئشاماع،
اونون اوغلو نون، اونون اوغلو يوشَع.
اونلارين مولکلري و ياشاديقلاري يرلر بونلاردير: بِيتائلله قصبه‌لري، شرق طرفده نَعه‌ران، قرب طرفده گِزِرله قصبه‌لري، شِکِمله قصبه‌لرئني، اَيّا ائله قصبه‌لرئنه قدر،
هم ده مِنَسّه‌لی‌لرئن تورپاغينا ياخين اولان بِيت شِآنلا قصبه‌لري، تَعَنَکله قصبه‌لري، مِگئدّو ائله قصبه‌لري، دورلا قصبه‌لري. ائسرايئل اوغلو يوسئفئن نسلی بو يرلرده ياشادي.
آشِرئن اوغوللاري: يئمنا، يئشوا، يئشوي، بِرئعا و اونلارين باجيسي سِرَخ.
بِرئعانين اوغوللاري: خِبِر و بئرزاوِتئن آتاسي اولان مَلکي‌اِل.
خِبِر بونلارين آتاسي ائدي: يَفلِط، شومِر، خوتام و اونلارين باجيسي شوعا.
يَفلِطئن اوغوللاري بونلاردير: پاسَک، بئمهال و عَشوَت.
شِمِرئن اوغوللاري: اَخي، روهگا، يِخوبّا و اَرام.
اونون قارداشي هِلِمئن اوغوللاري: صوفَخ، يئمناع، شِلِش و عامال.
صوفاخين اوغوللاري: سواَخ، خَرنِفِر، شوعال، بِري، يئمراخ،
بِصِر، هود، شَمّا، سئلشا، يئتران و بِعِرا.
يِتِرئن اوغوللاري: يِفونّه، پئسپا و اَرا.
عولّانين اوغوللاري: اَرَخ، خَنّي‌اِل و رئصيا.
آشِرئن نسلئندن اولان بو آداملارين هاميسي نسئل باشچيلاري، سِچئلمئش آداملار، ائگئد دؤيوشچولر و باش ريئسلر ائدئلر. اونلاردان دؤيوشه بئلَن آداملار نسئل شجره‌لرئنه گؤره ائيئرمي آلتي مئن نفر ائدي.
بِنيامئنئن اوغوللاري بونلاردير: ائلک اوغلو بِلَع، ائکئنجئسي اَشبِل، اوچونجوسو اَخرَخ،
دؤردونجوسو نوخا، بِشئنجئسي رافا.
بِلَعئن اوغوللاري بونلاردير: اَدّار، گِرا، اَبئهود،
اَبئشوعَع، نَعَمان، اَخواَخ،
گِرا، شِفوفان و خورام.
اِخودون اوغوللاري کي، گِبَعده ياشايانلارين نسئل باشچيلاري ائدي و سونرا دا ماناخَته کؤچورولدو، بونلاردير:
نَعَمان، اَخئيا و اونلاري کؤچورَن گِرا. گِرادان عوزّا و اَخئخود تؤره‌دي.
شَخه‌رايئم آروادلاري خوشئم و بَعه‌راني بوشاديقدان سونرا، موآب اؤلکهسئنده اؤولاد آتاسي اولدو،
آروادي خودِش اونا بونلاري دوغدو: يوباب، صئبيا، مِشا، مَلکام،
يِعوص، ساکِيا و مئرما. اونون بو اوغوللاري نسئل باشچيلاري ائدئلر.
خوشئم ده اونا اَبئطوبو و اِلپَعَلي دوغموشدو.
اِلپَعَلي اوغوللاري: عِبِر، مئشعام و شِمِد. شِمِد اونو ائله لودو و اونون قصبه‌لرئني تزهدن تئکدي.
اَيّالوندا ياشايانلارين نسئل باشچيلاري بِرئعا و شِمَع ائدي. اونلار گَتده ياشايانلاري قوودولار.
بِرئعانين اوغوللاري: اَخيو، شاشاق، يِرِموت،
زِبَديا، اَراد، عِدِر،
مئکائل، يئشپا و يوخا.
اِلپَعَلئن اوغوللاري: زِبَديا، مِشولّام، خئزقي، خِبِر،
يِشمِه‌رَي، يئزلئيا و يوباب.
شئمعئنئن اوغوللاري: ياقئم، زئکري، زَبدي،
اِلئعِنه‌ي، صئلّته‌ي، اِلي‌اِل،
عَدايا، بِرايا و شئمرات.
شاشاقين اوغوللاري: يئشپان، عِبِر، اِلي‌اِل،
عَبدون، زئکري، خانان،
خَنَنيا، عِيلام، عَنتوتئيا،
يئفدِيا و پِنوعِل.
يِروخام اوغوللاري: شَمشِره‌ي، شِخَريا، عَتَليا،
يَعَرِشيا، ائليا و زئکري.
بونلار نسئل شجره‌لرئنه گؤره نسئل باشچيلاري ائدئلر و اورشلئمده ياشاييرديلار.
گئبعونون آتاسي يِعي‌اِل گئبعوندا ياشاييردي و آروادينين آدي مَعَکا ائدي.
ائلک اوغلو عَبدون ائدي، او بئرئلري ده بونلار ائدئلر: صور، قئش، بَعَل، ناداب،
گِدور، اَخيو، زِکِر،
شئمانين آتاسي مئقلوت. اونلار قوحوملارينين يانيندا، اورشلئمده قوحوملاري ائله بئرلئکده ياشاييرديلار.
نِردن قئش تؤره‌دي و قئشدن شاعول تؤره‌دي. شاعولدان يوناتان، مَلکئشوعَع، اَبئناداب و اِشبَعَل تؤره‌دي.
يوناتانين اوغلو مَرئب‌بَعَل ائدي. مَرئب‌بَعَلدن مئکا تؤره‌دي.
مئکانين اوغوللاري: پئتون، مِلِک، تَرِعَع و آخاز.
آخازدان يِهوعَدّا تؤره‌دي. يِهوعَدّادان عالِمِت، عَزماوِت و زئمري تؤره‌دي. زئمرئدن موصا تؤره‌دي.
موصادان بئنعا تؤره‌دي. بئنعانين اوغلو رافا، اونون اوغلو اِلعاسا، اونون اوغلو آصِل.
آصِلئن آلتي اوغلو وار ائدي، اونلارين آدلاري بلهدئر: عَزرئقام، بوکرو، اِسماعئل، شِعَريا، عوبَديا و خَنان. بونلارين هاميسي آصِلئن اوغوللاري ائدئلر.
اونون قارداشي عِشِق اوغوللاري: ائلک اوغلو اولام، ائکئنجئسي يِعوش و اوچونجوسو اِلئفِلِط.
اولامين اوغوللاري اوخ آتان ائگئد دؤيوشچولر ائدئلر. اوغوللاري و نوهلري چوخ ائدي: يوز اَلّي نفر. بونلارين هاميسي بِنيامئنئن نسلئندندئر.
بلجه بوتون ائسرايئللی‌لر نسئل شجره‌لرئنده قيد اولموشدو و بونلار ائسرايئل پادشاهلارينين کئتابيندا يازيلميشدير. يهوداليلار خائنلئکلرئنه گؤره بابئله اسئر آپاريلميشديلار.
ائسرايئللی‌لردن بئرئنجي آداملار کي، مولکلرئنه قاييديب اورادا ساکئن اولدولار، کاهئنلر، لاوئلی‌لر و معبد قوللوقچولاري ائدئلر.
اورشلئمده ده يهودالي‌لاردان، بِنيامئنلی‌لردن، اِفرايئملی‌لردن و مِنَسّه‌لی‌لردن اولان بو آداملار تزهدن ساکئن اولدولار.
يهودانين اوغلو پِرِصئن نسلئندن: باني اوغلو ائمري اوغلو عومري اوغلو عَمّئهود اوغلو عوته‌ي.
شئلونون نسلئندن: ائلک اوغلو عَسايا و اونون اوغوللاري.
زِرَخئن نسلئندن: يِعواِل و اونون قوحوملاري. هاميسي بئرلئکده آلتي يوز دوخسان نفر ائدئلر.
بِنيامئنئن نسلئندن: هَسّنوعا اوغلو هودَويا اوغلو مِشولّام اوغلو سَلّو،
يِروخام اوغلو يئبنِيا، مئکري اوغلو عوزّي اوغلو اِلا و يئبنِيا اوغلو رِعواِل اوغلو شِفَطيا اوغلو مِشولّام.
اونلار قوحوملاري ائله بئرلئکده نسئل شجره‌لرئنه گؤره دوقّوز يوز اَلّي آلتي نفر ائدئلر. بونلارين هاميسي نسئل باشچيلاري ائدئلر.
کاهئنلردن: يِدَعيا، يِهويارئب، ياکئن،
تاري معبدئنئن ريئسي اَخئتوب اوغلو مِرايوت اوغلو صادوق اوغلو مِشولّام اوغلو خئلقئيا اوغلو عَزَريا،
مَلکئيا اوغلو پَشخور اوغلو يِروخام اوغلو عَدايا و ائمّر اوغلو مِشئل‌لِمئت اوغلو مِشولّام اوغلو يَخزِرا اوغلو عَدي‌اِل اوغلو مَعسه‌ي.
بونلار نسئل باشچيلاري ائدئلر. اونلار قوحوملاري ائله بئرلئکده، تاري معبدئنئن خئدمتي ائشئنده باجاريقلي اولان بو آداملار مئن يدّي يوز آلتميش نفر ائدئلر.
لاوئلی‌لردن: مِرارئنئن نسلئندن خَشَبيا اوغلو عَزرئقام اوغلو خَشّوب اوغلو شِمَعيا،
بَقبَقّر، خِرِش، گالال، آساف اوغلو زئکري اوغلو مئکا اوغلو مَتّنيا،
يِدوتون اوغلو گالال اوغلو شِمَعيا اوغلو عوبَديا و اِلقانا اوغلو آسا اوغلو بِرِکيا کي، نِطوَفالي‌لارين کَندلرئنده ياشاييردي.
معبد قاپيچيلاري: شَلّوم، عَقّوب، طَلمون، اَخئمان و اونلارين قوحوملاري. شَلّوم اونلارين باشچيسي ائدي.
اونلار بو گونه قدر ده معبدئن شرق طرفده‌کي پادشاه قاپيسيندا کشئک چکئرلر. لاوئلی‌لرئن دوشَرگه قاپيچيلاري بونلاردير.
قورَخ اوغلو اِبياساف اوغلو قورِه اوغلو شَلّوم و اونون قورَخ نسلئندن اولان قوحوملاري معبدئن آستانالاريندا کشئکچئلرئن خئدمت ائشئنه باشچيليق ادئردئلر. اونلارين بابالاري ربّئن دوشَرگه‌سئنه گئرهجک يِرئنئن کِشئيئني چکئردي.
اَوّللر اِلعازار اوغلو پئنِخاس اونلارين باشچيسي ائدي و رب اونونلا ائدي.
حوضور چاديرينين گئرئشئنده مِشِلِميا اوغلو زِکَريا قاپيچي ائدي.
آستانالاردا قاپيچي اولماق اوچون سِچئلَن بوتون بو آداملار ائکي يوز اون ائکي نفر ائدئلر. اونلار اؤز کندلرئنده نسئل شجره‌لرئنده قيد ادئلمئشدئلر. اونلاري وظئفه‌لرئنه داوود و گؤروجو سَمويئل تعيئن اتمئشدي.
بو آداملار و اونلارين نسئللري ربّئن معبدئنئن قاپيلاريندا حتّا چاديردا کشئک چکئردئلر.
بو کشئکچئلر معبدئن دؤرد طرفئنده، شرق، قرب، شئمال و جنوب قاپيلاريندا دوروردولار.
اؤز کَندلرئنده ياشايان قوحوملاري، واختدان-واختا، يدّي گونلويه اونلارين يانينا گلمه‌لي ائدئلر.
لاوئلي اولان دؤرد قاپيچيلار ريئسي تاري معبدئنئن اوتاقلارينين و خزئنه‌لرئنئن کِشئيئنه قويولموشدولار.
اونلار گجه ده تاري معبدئنئن اطرافيندا قاليرديلار، چونکي اونون کِشئيئني چکمک و هر سحر قاپيلاري آچماق اونلارين ائشي ائدي.
اونلارين بعضئسي خئدمت قابلارينا باخيردي: بونلاري ساييب ائچَري گتئرئردئلر و ساييب اِشئيه آپاريرديلار.
بعضئلري ده باشقا اشيالارا، موقدّس مکانين بوتون شيلرئنه، نارين اون، شراب، زيتون ياغي، کوندور، عطرئيّاتلار اوستونده نظارتچي قويولموشدولار.
کاهئنلردن بعضئسي عطرئيّاتلاردان قاتيشيق مادّه حاضيرلاييرديلار.
کؤکه‌لرئن ساجدا پئشئرئلمه‌سي قورَخ نسلئندن اولان شَلّومون ائلک اوغلو لاوئلي مَتّئتيانين عؤهده‌سئنده ائدي.
اونلارين قوحات نسلئندن اولان قوحوملاريندان بعضئسئنه ده هر سَبّت گونو تقدئم چؤره‌يئنئن حاضيرلانماسي تاپشيريلميشدي.
لاوئلی‌لرئن نسئل باشچيلاري اولان نغمه‌چئلر باشقا خئدمتدن آزاد اولوب، معبدئن اوتاقلاريندا قاليرديلار، چونکي اونلار گجه-گوندوز اؤز ائشلري ائله مشغول اولمالي ائدئلر.
بونلار نسئل شجره‌لرئنه گؤره لاوئلی‌لرئن نسئل باشچيلاري ائدئلر و اورشلئمده ياشاييرديلار.
گئبعونون آتاسي يِعي‌اِل گئبعوندا ياشاييردي و آروادينين آدي مَعَکا ائدي.
ائلک اوغلو عَبدون ائدي، او بئرئلري ده: سور، قئش، بَعَل، نِر، ناداب،
جِدور، اَخيو، زِکَريا و مِقلوت.
مِقلوتدان شئمام گلدي. اونلار قوحوملارينين يانيندا، اورشلئمده قوحوملاري ائله بئرلئکده ياشاييرديلار.
نِردن قئش گلدي، قيشدن ده شاعول. شاعولدان يوناتان، مِلکئشو، اَبئناداب و اِشبَعَل گلدي.
يوناتانين اوغلو مَرئب‌بَعَل ائدي. مَرئب‌بَعَلدن مئکا تؤره‌دي.
مئکانين اوغوللاري: فئتون، مالَک، تَخرِعَع و آخاز.
آخازدان يَهوعَدّه گلدي، يَهوعَدّه‌دن ده عالِمِت، عَزماوِت و زئمري. زئمرئدن موصا گلدي.
موصادان بئنعا گلدي. بئنعانين اوغلو رِفايا، اونون اوغلو اِلعاسه، اونون اوغلو اَصئل.
اَصئلئن آلتي اوغلو وار ائدي، اونلارين آدلاري بلهدئر: عَزرئقام، بوکرو، اِسماعئل، شَعَريا، عوبَديا و خَنان. بونلار اَصئلئن اوغوللاري ائدئلر.
فئلئسطلی‌لر ائسرايئللیلرله دؤيوشدو. ائسرايئللی‌لر فئلئسطلی‌لرئن قاباغيندان قاچديلار و قيريلانلار گئلبوعَع داغيندا قالدي.
فئلئسطلی‌لر شاعوللا اوغوللاريني تعقئب ادئب شاعولون اوغوللاري يوناتاني، اَبئنادابي و مِلکئشوعه‌ني اؤلدوردولر.
دؤيوش شاعولون اطرافيندا شئدّتلَنَنده اوخ‌آتانلار اونو تاپديلار و آغير يارالاديلار.
شاعول اؤز سئلاحدارينا ددي: "قيلينجيني چک، قارنيما سوخ، يوخسا بو ختنهسئزلر گلئب منی حقارته چکهجکلر." لاکئن سئلاحداري چوخ قورخدوغوندان ائستمه‌دي بونو اتسئن. اونا گؤره ده شاعول قيلينجي گؤتوروب اؤزونو اونون اوستونه ييخدي.
سئلاحداري شاعولون اؤلدويونو گؤرنده، او دا اؤزونو قيلينجينين اوستونه ييخيب اؤلدو.
بلجه شاعول و اوچ اوغلو اؤلدولر، بوتون نسلی ده اونونلا بئرلئکده اؤلدو.
دره‌ده اولان بوتون ائسرايئللی‌لر اؤز قوشونلارينين قاچديغيني و شاعوللا اوغوللارينين اؤلدويونو گؤرنده، شهرلرئني قويوب قاچديلار. فئلئسطلی‌لر گلئب او يرلرده ياشاديلار.
او گونون صاباحي فئلئسطلی‌لر اؤلدورولَنلري سويماق اوچون گلنده، گئلبوعَع داغيندا شاعوللا اوغوللارينين مِيئتئني تاپديلار.
اونون پالتارلاريني سويوندوردولار، باشيني و سئلاحلاريني گؤتوردولر، و اؤلکهنئن هر يرئنه قاصئدلر گؤندردئلر کي، بو خوش خبري اؤز بوتلرئنئن معبدئنه و خالقا يتئرسئنلر.
شاعولون سئلاحلاريني اؤز آللاهلارينين معبدئنه قويدولار و باشيني داگون بوتونون معبدئنه ميخلاديلار.
يابش گئلعادين بوتون اهالئسي فئلئسطلی‌لرئن شاعولا اتدئکلرئني اشئدنده،
اونلارين بوتون ائگئدلري قالخيب، شاعوللا اوغوللارينين جسدئني گؤتوردولر و يابِشه گتئردئلر. اونلارين سوموکلرئني يابِشده اولان چؤل پوسته‌سي آغاجينين آلتيندا باسديرديلار و يدّي گون اوروج توتدولار.
بلجه شاعول ربّئن ضئدّئنه خيانت اتدئيي اوچون اؤلدو. او، ربّئن سؤزونو ساخلاماييب جئندارلاردان مصلحت ائسته‌دي.
ربدن مصلحت ائستمه‌دي. اونا گؤره ده رب اونو اؤلدوردو و پادشاهليغي يَسّه‌نئن اوغلو داوودا وردی.
بوتون ائسرايئللی‌لر خِبرونا، داوودون يانينا ييغيليب ددئلر: "باخ بئز سنئن سومويوندن، سنئن اَتئندنئک.
کچمئش واختلاردا، شاعول پادشاه اولاندا دا ائسرايئللی‌لري يوروشلره آپاران و گتئرن سن ائدئن. تارين رب سنه دمئشدي کي، خالقيم ائسرايئله سن چوبانليق ادهجکسن، خالقيم ائسرايئل اوستونده سن حؤکمدار اولاجاقسان."
ائسرايئلئن بوتون آغساقّاللاري خِبرونا، پادشاهين يانينا گلدئلر. داوود خِبروندا، ربّئن حوضوروندا اونلارلا عهد باغلادي و اونلار سَمويئل واسئطهسئله ربّئن ددئيي سؤزه گؤره داوودو ائسرايئل اوستونده پادشاه مسح اتدئلر.
داوود و بوتون ائسرايئللی‌لر اورشلئمه گلدئلر. او واخت شهر يِبوس آدلانيردي و اورادا يِبوسلولار ياشاييرديلار. يِبوس ساکئنلري
داوودا ددئلر: "سن بورايا گئره بئلمزسن." لاکئن داوود صَهيون قالاسيني (يعني "داوودون شهرئنئ") آلدي.
داوود دمئشدي: "يِبوسلولاري هاميدان اوّل کئم مغلوب اتسه، ريئس و قوشون باشچيسي او اولاجاق." صِرويا اوغلو يوآب هاميدان اوّل يِبوسا قالخدي و بونا گؤره ده او، باشچي اولدو.
داوود قالادا مسکن سالدي و بونا گؤره اونو "داوودون شهري" آدلانديرديلار.
او، قالا ياماجيندان قالانين اطرافينا قدر بوتون يرلري تئکدي. يوآب دا شهرئن قالان حئصّهسئني برپا اتدي.
داوود گتدئکجه اوجاليردي، چونکي قوشونلار ربّی اونونلا ائدي.
بونلاردير داوودون ائگئد دؤيوشچولرئنئن باشچيلاري کي، بوتون ائسرايئللیلرله بئرلئکده ربّئن سؤزونه گؤره، داوودو ائسرايئل اوستونده پادشاه اتمک اوچون اونون پادشاهليغيندا شوجاعت گؤرسدئردئلر.
داوودون ائگئد دؤيوشچولرئنئن سئياهيسي بلهدئر: "اوتوز ائگئدئن باشچيسي اولان خَکموني اوغلو ياشوبعام. او، بئر هوجومدا اوچ يوز نفري نئزه‌سي ائله ووروب اؤلدوردو.
اوندان سونرا اوچ ائگئددن بئري اولان اَخوخلو دودو اوغلو اِلعازار ائدي.
فئلئسطلی‌لر دؤيوشمَک اوچون پَس-دَمّئمده ييغيشاندا، او دا داوودلا بئرلئکده اورادا ائدي. اورادا آرپا اَکئلَن بئر زمي ساحه‌سي وار ائدي. خالق فئلئسطلی‌لرئن قاباغيندان قاچدي.
لاکئن اِلعازار و دؤيوشچولري بو ساحهنئن اورتاسيندا دوروب اوراني قورودولار و فئلئسطلی‌لري قيرديلار. رب ائسرايئللی‌لري بؤيوک ظفرله خئلاص اتدي.
اوتوز باشچي آراسيندان اوچ ائگئد قايايا، داوودون يانينا، عَدولّام ماغاراسيندا اِنئب گلدئلر. فئلئسطلی‌لرئن قوشونو رِفاعئم دره‌سئنده اوردوگاه قورموشدو.
بو زامان داوود قالادا ائدي، آمّا فئلئسطلی‌لرئن کشئکچي دستهسي بِيت‌لِخِمده ائدي.
داوود حسرت چکه‌رک ددي: "کاش کي بئري بِيت‌لِخِم دروازاسينين يانينداکي قويودان منه ائچمک اوچون سو گتئرَيدي!"
بو اوچ نفر فئلئسطلی‌لرئن اوردوگاهيني ياريب دروازانين يانيندا اولان بِيت‌لِخِم قويوسوندان سو چکدئلر و اونو گؤتوروب داوودا گتئردئلر. لاکئن داوود سويي ائچمک ائستمه‌دي و ربّه تقدئم اولاراق يره تؤکدو.
او ددي: "تاريم بونو اتمکدن منی اوزاق اِله‌سئن. مگر بو آداملارين قانيني ائچه‌جيم؟ آخي جانلاريني خطره سالاراق بو سويي گتئردئلر." بونا گؤره ده بو سويو ائچمک ائستمه‌دي. بونلاري اوچ ائگئد اتمئشدي.
يوآبين قارداشي اَبشه‌ي بو اوچ ائگئدئن باشچيسي ائدي. او، نئزه‌سئني قالديريب اوچ يوز نفري قيردي. بونا گؤره ده اونون آدي اوچ ائگئدئن آدي قدر شؤهرتلَندي.
اصلئنده اوچ ائگئددن ائکي قات آرتيق شؤهرتي وار ائدي و اونلارا باشچي اولموشدو، لاکئن اوچ ائگئد کئمي ديئلدي.
يِهوياداع اوغلو بِنايا دا بؤيوک ائشلر گؤرموش ائگئد آدام ائدي. او، قَبصِه‌اِلدن گلمئشدي. بِنايا ائکي موآبلي ائگئدي اؤلدوردو. او، قارلي گونده چوخورا اِنئب بئر شئر اؤلدوردو.
او هم ده بويو بش قولآچ اولان بئر مئصئرلئني اؤلدوردو. مئصئرلئنئن اَلئنده توخوجو دَزگاهينين اَرئش آغاجي بويدا نئزه وار ائدي. بِنايا اونون اوستونه دَيَنَکله گتدي، نئزه‌ني مئصئرلئنئن اَلئندن چکئب آلدي و اونو اؤز نئزه‌سي ائله اؤلدوردو.
بونلاري يِهوياداع اوغلو بِنايا اتدي، بونا گؤره ده اونون اوچ ائگئد قدر شؤهرتي وار ائدي.
او، اوتوز ائگئددن داها شؤهرتلي ائدي، لاکئن اوچ ائگئد کئمي ديئلدي. داوود اونو اؤز کشئکچئلرئنه باشچي قويدو.
قوشونون ائگئد دؤيوشچولري بونلاردير: يوآبين قارداشي عَساهِل، بِيت‌لِخِملي دودو اوغلو اِلخانان،
هَرورلو شَمّوت، پِلونلو خِلِص،
تِقوعَعلي عئقّش اوغلو عئرا، عَناتوتلو اَبئعِزِر،
خوشالي سئبّه‌که‌ي، اَخوخلو عئله‌ي،
نِطوَفالي مَهره‌ي، نِطوَفالي بَعَنا اوغلو خِلِد،
بِنيامئن اؤولادلاريندان گئبعه‌لي رئبه‌ي اوغلو ائته‌ي، پئرعاتونلو بِنايا،
گاعَش دره‌سئندن اولان خوره‌ي، عَربالي اَبي‌اِل،
بَخه‌روملو عَزماوِت، شَعَلبونلو اِليَخبا،
گئزونلو هَشِمئن اوغوللاري، هَرارلي شاگِه اوغلو يوناتان،
هَرارلي ساکار اوغلو اَخيام، اور اوغلو اِلئفَل،
مِکِرالي خِفِر، پِلونلو اَخئيا،
کَرمِل‌لي خِصرو، اِزباي اوغلو نَعه‌ره‌ي،
ناتانين قارداشي يواِل، هَگري اوغلو مئبخار،
عَمّونلو صِلِق، صِرويا اوغلو يوآبين سئلاحداري اولان بِعِروتلو نَخره‌ي،
يئترئلي عئرا، يِتِرلي گارِب،
خئتلي اورئيا، اَخلاي اوغلو زاباد،
رِعوبئنلی‌لرئن باشچيسي رِعوبئنلي شئزا اوغلو عَدئنا و اونونلا بئرلئکده اوتوز نفر،
مَعَکا اوغلو خانان و مئتئنلي يوشافاط،
عَشتِراتلي عوزئيّا، عَروعِرلي خوتامين اوغوللاري شاماع و يِعي‌اِل،
شئمري اوغلو يِدئعه‌اِل و قارداشي تئصلي يوخا،
مَخَولي اِلي‌اِل و اِلناعَم اوغوللاري يِرئبه‌ي، يوشَويا و موآبلي يئتما،
اِلي‌اِل، عوبِد و مِشوبالي يَعه‌سي‌‌اِل.
داوود، قئش اوغلو شاعولدان گئزلَنَن واخت بئر نِچه نفر صئقلَگه، داوودون يانينا گلدئلر. اونلار دؤيوشده اونا کؤمک ادن ائگئدلر آراسيندا ائدئلر.
بو آداملار اوخ-کامانلا سئلاحلانيب، صاغ و سول اَلله ساپانددان داش آتماغي و کامانلا اوخ آتماغي باجاريرديلار. اونلار بِنيامئن نسلئندن، شاعولون قوحوملاريندان ائدئلر.
اونلارين باشچيسي اَخئعِزِر و گئبعه‌لي شِماعانين اوغوللاري، يوآش، عَزماوِتئن اوغوللاري يِزي‌اِل و پِلِط، بِراکا و عَناتوتلو يِيهو،
اوتوز ائگئددن بئري اولان و اونلارا باشچيليق ادن گئبعونلو يئشمَعيا. سونرا اِرِميا، يَخهزياِل، يوخانان، گِدِرالي يوزاباد،
اِلوزه‌ي، يِرئموت، بِعَليا، شِمَريا، خَروفلو شِفَطيا،
اِلقانا، يئشّئيا، عَزَرِل، يوعِزِر، يَشوبعام، قوراخلي‌لار،
گِدورلو يِروخام اوغوللاري يوعِلا و زِبَديا.
جادلي‌لاردان سئپر و نئزه ائشله‌ده بئلَن، دؤيوشمه‌يي باجاران جنگاورلر داوودون طرفئنه کچدئلر و چؤلدهکي قالايا گلدئلر. اونلارين اوزلري شئر اوزو کئمي ائدي و داغلارداکي جيرانلار کئمي قاچا بئلئردئلر.
بئرئنجئسي عِزِر ائدي، ائکئنجئسي عوبَديا، اوچونجوسو اِلئآب،
دؤردونجوسو مئشمَنّا، بِشئنجئسي اِرِميا،
آلتينجيسي عَتّه‌ي، يِدّئنجئسي اِلي‌اِل،
سکّئزئنجئسي يوخانان، دوقّوزونجوسو اِلزاباد،
اونونجوسو اِرِميا، اون بئرئنجئسي مَکبَنّه‌ي.
بو جادليلار قوشون باشچيلاري ائدئلر. لاپ ضعئفي يوز آدامين، لاپ گوجلوسو ده مئن آدامين قاباغينا چيخا بئلردي.
اونلار بئرئنجي آيدا، اوردون چايي بوتون ساحئللري بويو داشاندا، اونو کچئب دره‌لرده ياشايانلارين هاميسيني شرقه و قربه طرف قوودولار.
سونرا بِنيامئنلی‌لردن و يهودالي‌لاردان دا داوودون يانينا، قالايا آداملار گلدئلر.
داوود اونلارين پئشوازينا چيخدي و اونلارا ددي: "اگر منه کؤمک اوچون صولحله گلئبسئنئز، گؤزوم اوسته يِرئنئز وار، آمّا اگر گلئبسئنئز کي، منی دوشمنلرئمئن اَلئنه تسلئم ادهسئنئز، قوي آتالاريميزين تاريسي بونو گؤرسون و حؤکم اتسئن، چونکي من سَهو بئر ائش اتمهمئشم."
روح اوتوز ائگئدئن باشچيسي عَماسه‌يئن اوستونه اِندي و او ددي: "بئز سنئنله ائک، ای داوود، بئز سنئن طرفئنده‌يئک، ای يَسّه اوغلو، صولح، صولح اولسون سنه و سنه کؤمک ادنه، دوغرودان دا تارين سنه کؤمک ادئر." داوود اونلاري قبول ادئب دسته باشچيلاري تعيئن اتدي.
داوود فئلئسطلی‌لرله بئرلئکده شاعوللا موحارئبهيه چيخاندا، مِنَسّه‌لی‌لردن ده بعضئسي داوودون طرفئنه کچدئلر، لاکئن فئلئسطلی‌لره کؤمک اتمه‌دئلر. چونکي فئلئسطلی‌لرئن آغالاري مصلحتله‌شئب ددئلر: "داوود بئزئم باشيميزين باهاسينا آغاسي شاعوللا باريشار." و اونو گری گؤندردئلر.
داوود صئقلَگه گِدَرکَن مِنَسّه‌لي‌لر اونون طرفئنه کچدئلر: عَدنَخ، يوزاباد، يِدئعه‌اِل، مئکايئل، يوزاباد، اِلئهو و صئلّه‌تاي. بونلار مِنَسّه‌لي‌لر آراسيندا مئنباشي ائدئلر.
اونلار حرامي دستهسئنئن ضئدّئنه اولان دؤيوشده داوودا کؤمک اتدئلر، چونکي اونلارين هاميسي جنگاور ائدئلر، قوشون سرکرده‌لري ائدئلر.
بلجه گوندن-گونه داوودا کؤمک اتمک اوچون اونون يانينا دؤيوشچولر گلئردئلر، اِله کي، اونون قوشونو تاري قوشونو قدر بؤيوک اولدو.
بودور دؤيوش اوچون سئلاحلانميش دؤيوشچولرئن سايي کي، خِبرونا، داوودون يانينا گلدئلر. اونلار گلدئلر کي، ربّئن سؤزونه گؤره شاعولون پادشاهليغيني داوودا ورسئنلر:
يهودالي‌لاردان آلتي مئن سکّئز يوز نفر، دؤيوش اوچون سئپر و نئزه ائله سئلاحلانميش.
شَمعونلولاردان دؤيوش اوچون يدّي مئن يوز نفر ائگئد دؤيوشچو،
لاوئلی‌لردن دؤرد مئن آلتي يوز نفر،
هارون اِوئنئن رهبري يِهوياداع و اونونلا بئرلئکده اوچ مئن يدّي يوز نفر،
صادوق دا کي، جاوان و ائگئد بئر دؤيوشچو ائدي و اونون نسلئندن اولان ائيئرمي ائکي سرکرده،
بِنيامئنلی‌لردن، شاعولون قوحوملاريندان اوچ مئن نفر. چونکي او واختاجاق اونلارين اَکثَرئيّتي شاعول اِوئنه وَفالي قالميشديلار.
اِفرايئملی‌لردن ائيئرمي مئن سکّئز يوز نفر جنگاور و اؤز نسئل‌لرئنئن آدلي-سانلي آداملاري،
مِنَسّه قبئلهسئنئن ياريسينين آراسيندان اون سکّئز مئن نفر کي، گلئب داوودو پادشاه اتمک اوچون تعيئن اولونموشدولار،
يئسّاکارلي‌لاردان دؤورون وضعئيّتئني آنلايان و ائسرايئله نه اتمک لازيم گلدئيئني بئلَن آداملار کي، اونلارين باشچيلاري ائکي يوز نفر ائدئلر؛ و اونلارين امري آلتيندا اولان بوتون قوحوملاري،
زِبولونلولاردان دؤيوشمه‌يي باجاران و بوتون سئلاحلارلا دؤيوش نئظاميني قورا بئلَن و صادئق اورَکله داوودا کؤمک ادن اَلّي مئن نفر،
نَفتالئلی‌لردن مئن باشچي و اونلارلا بئرلئکده سئپر و نئزه‌سي اولان اوتوز يدّي مئن نفر،
دانلي‌لاردان دؤيوش نئظاميني قورا بئلَن ائيئرمي سکّئز مئن آلتي يوز نفر،
آشِرلی‌لردن دؤيوشمه‌يي باجاران و دؤيوش نئظاميني قورا بئلَن قيرخ مئن نفر،
اوردون چايينين او تاييندا ياشايان رِعوبئنلی‌لردن، جادلي‌لاردان و مِنَسّه قبئلهسئنئن ياريسيندان دؤيوش اوچون هر جور سئلاحي اولان يوز ائيئرمي مئن نفر.
بونلارين هاميسي، دؤيوشمه‌يي باجاران بو جنگاورلر، مؤحکم بئر قرارلا خِبرونا گلدئلر کي، داوودو بوتون ائسرايئله پادشاه اتسئنلر؛ ائسرايئللیلرئن قالان حئصّهسي ده بو نئيّتده اونلارلا بئر ائدئلر کي، داوودو پادشاه اتسئنلر.
دؤيوشچولر اورادا اوچ گون داوودلا بئرلئکده قالديلار و يِيئب-ائچدئلر، چونکي قوحوملاري اونلار اوچون حاضيرليق گؤرموشدولر.
اونلارا ياخين اولانلار دا، يئسّاکارا، زِبولونا و نَفتالئيه قدر اوزاقدا ياشايانلار دا، اونلارا اِششَکلر، دَوه‌لر، قاطيرلار و اؤکوزلر اوستونده بول ارزاق، اون، انجئر لاواشاسي، کئشمئش، شراب، زيتون ياغي، مال-حيوان و قويون-کچي گتئردئلر. او زامان ائسرايئلده دوغرودان دا شادليق ائدي.
داوود مئنباشيلار، يوزباشيلار و بوتون باشچيلارلا مصلحتلَشدي.
او بوتون ائسرايئل جاماعاتينا ددي: "اگر بو ائش سئزه خوش گلسه و تاريميز ربّئن ائرادهسي ائله اولسا، ائسرايئلئن هر طرفئنده ياشايان هموطنلرئمئزه، اونلارلا بئرلئکده اوتلاغي اولان شهرلرده ياشايان کاهئنلره و لاوئلی‌لره خبر گؤندره‌رک کي، بئزئم يانيميزا گلسئنلر.
گلئن تاريميزين سانديغيني يانيميزا قايتاراق، چونکي شاعولون دؤورونده بئز اونا محل قويماديق."
بوتون جاماعات ددئلر کي، اله ادهجکلر. چونکي بو ائش بوتون خالقين نظرئنده دوز ائدي.
داوود مئصئرده‌کي شئخور چاييندان لِبو-خَماتا قدر اوزانان تورپاقدا ياشايان بوتون ائسرايئللی‌لري ييغدي کي، تارينين سانديغيني قئريَت يِعه‌رئمدن گتئرسئنلر.
داوود بوتون ائسرايئللیلرله بئرلئکده بَعَلايا، يعني يهودايا عاييد اولان قئريَت يِعه‌رئمه گلدي کي، تارينين سانديغيني، کَرّوبلار اوستونده تخت قوران و آدي اورادا چاغيريلان ربّئن سانديغيني گتئرسئنلر.
تارينين سانديغيني تزه بئر عارابايا قويوب، عَبئنادابين اِوئندن آپارديلار. عاراباني عوزّا و اَخيو سوروردو.
داوود و بوتون ائسرايئللی‌لر تارينين حوضوروندا بوتون قووّتله جشن توتموشدولار، و اوخويوب، طنبورلارلا، چَنگلرله، دَفلرله، سئنجلرله و کَره‌نايلارلا چاليب اويناييرديلار.
کئدونون خرمن يرئندن کچنده اؤکوزلر بودرهدئلر. بونا گؤره ده عوزّا اَل اوزاديب سانديغي توتدو.
ربّئن قضبي عوزّانين ضئدّئنه آلوولاندي و اونو ووردو، چونکي عوزّا اَلئني اوزاديب سانديغا توخوندو. بلجه عوزّا اورادا تارينين حوضوروندا اؤلدو.
داوود قضبلَندي چونکي ربّئن قضبي عوزّانين اوستونه دوشموشدو؛ و او يري پِرِص عوزّا چاغيردي کي، بو گونه کئمي پِرِص عوزّا ديئلئر.
داوود او گون تاريدان قورخوب سوروشدو: "تارينين سانديغيني نجه يانيما گتئره بئله‌رم؟"
بونا گؤره ده داوود سانديغي اؤز يانينا، داوودون شهرئنه گتئرمه‌دي، اونو يولوندان دؤنده‌رئب گَتلي عوبِد اِدومون اِوئنه قويدو.
بلجه تارينين سانديغي اوچ آي عوبِد اِدومون اِوئنده، اونون عايئلهسئنئن يانيندا قالدي. رب عوبِد اِدومون عايئلهسئنه و اونا عاييد هر شيه برکت وردی.
صور پادشاهي خئرام داوودون يانينا قاصئدلر گؤندردي و اونلارلا دا سئدر آغاجلاري، بنّالار و دولگرلر کي، داوودا بئر ساراي تئکسئنلر.
او واخت داوود باشا دوشدو کي، رب اونو ائسرايئل اوستونده پادشاه کئمي برقرار ادئب و خالقي ائسرايئلئن خاطئرئنه اونون پادشاهليغيني چوخ اوجالديب.
داوود اورشلئمده آيري آروادلار آلدي، و گئنه اوغوللار و قيزلار آتاسي اولدو.
اونون اورشلئمده دوغولان اؤولادلارينين آدلاري بلهدئر: شَمّوعَع، شوباب، ناتان، سوليمان،
يئبخار، اِلئشوعَع، اِلپِلِط،
نوگاح، نِفِگ، يافئعَع،
اِلئشاماع، بِعِلياداع و اِلئفِلِط.
فئلئسطلی‌لر اشئتدئلر کي، داوود بوتون ائسرايئل اوستونده پادشاه اولماق اوچون مسح ادئلئب. او واخت هاميسي داوودو آختارماغا چيخديلار. داوود بونو اشئدئب اونلارلا راستلاشماغا چيخدي.
فئلئسطلی‌لر گلئب رِفاعئم دره‌سئنه هوجوم ادئردئلر.
داوود تاريدان مصلحت ائسته‌دي: "آيا فئلئسطلی‌لرئن قاباغينا چيخيم؟ آيا اونلاري منئم اَلئمه تسلئم ادهجکسن؟" رب اونا جاواب وردی: "چيخ، اونلاري سنئن اَلئنه تسلئم ادهجيم."
اونلار بَعَل پِراصئمه چيخديلار و داوود فئلئسطلی‌لري اورادا قيردي. داوود ددي: "سِللر بندلري داغيتديغي کئمي، تاري دا منئم اَلئمله دوشمنلرئمي داغيتدي." بونا گؤره ده او يِرئن آديني بَعَل پِراصئم قويدولار.
فئلئسطلی‌لر قاچاندا اؤز آللاهلارينين بوتلرئني اورادا قويدولار. داوودون امري ائله بونلار اوددا يانديريلدي.
آمّا فئلئسطلی‌لر گئنه او درهيه هوجوم اتدئلر.
داوود گئنه تاريدان مصلحت ائسته‌دي و تاري اونا ددي: "اونلارين داليسيجا چيخما، اونلارين اطرافينا دولانيب بالزام آغاجلارينين قاباغيندا بو دوشمنلرئن اوستونه گل.
بالزام آغاجلارينين باشيندان قدم سَسلري اشئدنده دؤيوشه چيخ، چونکي او زامان تاري سنئن قاباغينجا چيخاجاق کی، فئلئسطلی‌لرئن قوشونونو مغلوب اتسئن."
داوود تارينين اونا بويوردوغو کئمي اتدي و اونلار گئبعوندان گِزِره قدر فئلئسطلی‌لرئن قوشونونو قيرديلار.
او واخت داوودون شؤهرتي بوتون اؤلکهلره ياييلدي و رب اونون قورخوسونو بوتون مئلّتلرئن اوره‌يئنه سالدي.
داوود اؤزو اوچون داوودون شهرئنده اِولر تئکدي؛ و تارينين سانديغي اوچون ده ير حاضيرلاييب چادير قوردو.
او واخت داوود ددي: "لاوئلی‌لردن باشقا هچ کس تارينين سانديغيني داشييا بئلمز، چونکي رب اونلاري سچئب کي، سانديغي داشيسينلار و اونا ابدهجک خئدمت اتسئنلر."
داوود بوتون ائسرايئللی‌لري اورشلئمه ييغدي کي، ربّئن سانديغيني اونون اوچون حاضيرلاديغي يره گتئرتسئن.
داوود هارونون نسلئندن اولان آداملاري و لاوئلی‌لري ييغدي:
قوحات نسلئندن باشچي اوري‌اِل و اونون يوز ائيئرمي نفر قوحومو،
مِرارئنئن نسلئندن باشچي عَسايا و اونون ائکي يوز ائيئرمي نفر قوحومو،
گِرشوم نسلئندن باشچي يواِل و اونون يوز اوتوز نفر قوحومو،
اِلئصافان نسلئندن باشچي شِمَعيا و اونون ائکي يوز نفر قوحومو،
خِبرون نسلئندن باشچي اِلي‌اِل و اونون هشتاد نفر قوحومو،
عوزّي‌اِل نسلئندن باشچي عَمّئناداب و اونون يوز اون ائکي نفر قوحومو.
سونرا داوود کاهئن اولان صادوقو و اِبياتاري، لاوئلي اولان اوري‌اِلي، عَساياني، يواِلي، شِمَعياني، اِلي‌اِل و عَمّئنادابي چاغيريب
اونلارا ددي: "سئز لاوئلی‌لر آراسيندا نسئل باشچيلاريسينيز. سئز و قوحوملارينيز اؤزونوزو تقدئس ادئن کي، ائسرايئلئن تاريسي ربّئن سانديغيني اونون اوچون حاضيرلاديغيم يره گتئرهسئنئز.
چونکي کچن دفه سئز اونو داشيمادينيز و رب بئزه قضبئني تؤکدو، چونکي ربّئن سؤزونه موطابئق اونو آختارماديق."
بلجه کاهئنلرله لاوئلی‌لر اؤزلرئني تقدئس اتدئلر کي، ائسرايئلئن تاريسي ربّئن سانديغيني گتئرسئنلر.
لاوئلی‌لر تارينين سانديغينين دئرَکلرئني چئيئنلرئنه قويوب اونو داشيديلار، نجه کي، موسا ربّئن سؤزونه گؤره امر اتمئشدي.
داوود لاوئلی‌لرئن باشچيلارينا امر اتدي کي، شادليق اتمک اوچون اؤز قوحوملاري آراسيندان موسئقي آلَتلرئنده، چنگلرده، طنبورلاردا و سئنجلرده چاليب اوخويان نغمه‌چئلر تعيئن اتسئنلر.
لاوئلی‌لر يواِل اوغلو هِيماني، و اونون قوحوملاريندان، بِرِکيا اوغلو آسافي، و اونون قوحوملاريندان، مِراري نسلئندن قوسايا اوغلو اِيتاني و اونون قوحوملاريني،
اونلارلا بئرلئکده ائکئنجي ردئفده اولان قاپيچي قوحوملاري زِکَريا، بِن، يَعه‌زي‌اِل، شِمئراموت، يِخي‌اِل، عونّي، اِلئآب، بِنايا، مَعه‌سِيا، مَتّئتيا، اِلئفِلِهو، مئقنِيا، عوبِد اِدوم، و يِعي‌اِل.
ائلاهئچئلر هِيمان، آساف و اِيتان کي، بورونج سئنجلر چالسينلار،
زِکَريا، عَزي‌اِل، شِمئراموت، يِخي‌اِل، عونّي، اِلئآب، مَعه‌سِيا، بِنايا کي، نازئک سَسلي چنگلر چالسينلار،
مَتّئتيا، اَلئفَليا، مئقنِيا، عوبِد اِدوم، يِعي‌اِل و عَزَزيا کي، رهبرلئک اتمک اوچون سکّئز تِلّي طنبور چالسينلار.
لاوئلی‌لرئن رهبري کِنَنيا موسئقئيه رهبرلئک ادئردي و موسئقي بارهده اونلارا مصلحت ورئردي، چونکي اونون بو ائشده باجاريغي وار ائدي.
بِرِکيا و اِلقانا سانديغين يانيندا قاپيچي ائدئلر،
کاهئنلر شِبانيا، يوشافاط، نِته‌نِل، عَماسه‌ي، زِکَريا، بِنايا و اِلئعِزِر تارينين سانديغي قاباغيندا کَره‌ناي چاليرديلار، عوبِد اِدوم و يِخئيا سانديغين يانيندا قاپيچي ائدئلر.
داوود، ائسرايئل آغساقّاللاري و مئن‌باشيلارلابئرلئکده گتدي کي، ربّئن عهد سانديغيني شادليقلا عوبِد اِدومون اِوئندن گتئرسئنلر.
ربّئن عهد سانديغيني داشييان لاوئلی‌لر يدّي گاميش و يدّي قوچ قوربان کَسدئلر، چونکي تاري اونلارا کؤمک ادئردي.
داوود نازئک کتاندان جوبّه گِيئنمئشدي، سانديغي داشييان بوتون لاوئلی‌لر، نغمه‌چئلر و نغمه‌چئلر رهبري کِنَنيا دا بله گِيئنمئشدي. داوودون اَينئنده کتان اِفود دا وار ائدي.
بوتون ائسرايئللی‌لر کَره‌ناي، شيپور، سئنج چالا-چالا چنگلرئن و طنبورلارين اوجا سَسي آلتيندا ربّئن عهد سانديغيني گتئردئلر.
ربّئن عهد سانديغي داوودون شهرئنه گتئرئلَنده، شاعولون قيزي مئکَل پنجرهدن باخدي و داوود پادشاهي گؤردو کي، آتيليب دوشور و اوينايير. و اوره‌يئنده اونا حقارت اتدي.
تارينين سانديغيني گتئرئب اونو او چاديرين اورتاسينا قويدولار کي، داوود اونون اوچون قورموشدو. تارينين حوضوروندا يانديرما و باريش قوربانلاري تقدئم اتدئلر.
داوود يانديرما و باريش قوربانلاريني تقدئم ادئب قورتاراندان سونرا ربّئن آدي ائله خالقا برکت وردی.
او بوتون ائسرايئللیلره، کئشئلرئن و آروادلارين هر بئرئنه بئر کؤمبه چؤرک، خورما لاواشاسي و کئشمئش لاواشاسي پايلادي.
داوود لاوئلردن بعضئلرئني بو خئدمته قويدو کي، ربّئن سانديغي قاباغيندا خئدمت اتسئنلر، ائسرايئلئن تاريسي ربّی چاغيريب اونا شوکور و حمد اتسئنلر:
باشچي آساف، اونون کؤمکچئسي زِکَريا، سونرا يِعي‌اِل، شِمئراموت، يِخي‌اِل، مَتّئتيا، اِلئآب، بِنايا، عوبِد اِدوم و يِعي‌اِل، موسئقي آلَتلري ائله، چنگلر و طنبورلارلا. آساف دا سئنجلري چاليردي،
کاهئن اولان بِنايا و يَخزي‌اِل تارينين عهد سانديغي قاباغيندا دائم کَره‌نايلار چاليرديلار.
او گون داوود ائلک دفه اولاراق آسافلا قوحوملاريني ربّه شوکور اتمک خئدمتئنه قويدو.
"ربّه شوکور ادئن، اونون آديني چاغيرين، عمللرئني خالقلار آراسيندا اعلان ادئن!
اونا اوخويون، اونا حمدلر اوخويون؛ بوتون عجايئب ائشلرئني بيان ادئن!
اونون موقدّس آدينا جلال اولسون، قوي ربّی آختارانلارين اوره‌يي سِوئنسئن!
رَبّي، اونون قووّتئني آختارين، همئشه اونون حوضورونو آختارين.
اونون اتدئيي عجايئب ائشلرئني، مؤجوزهلري، دئلئندن چيخان حؤکملري خاطيرلايين،
ای اونون قولو ائسرايئل نسلي، ای يعقوب اؤولادلاري، ای اونون سِچدئکلري!
تاريميز رب اودور، حؤکملري بوتون ير اوستوندهدئر.
اونون عهدئني همئشه خاطيرلايين، مئن نسئله امر اتدئيي سؤزو،
ائبراهئمله باغلاديغي عهدي، ائسحاقا ائچدئيي آنديني.
بونو قايدا کئمي يعقوب اوچون ده تصدئق اتدي، ائسرايئله ابدی بئر عهد کئمي.
ددي: «کَنَعان تورپاغيني اؤولادلارين پايينا دوشَن مئراث کئمي سنه ورهجيم.»
او زامان کي، اونلار ساييجا آز ائدئلر، چوخ آز، هم ده اؤلکهده قرئب،
اؤلکه‌دن-اؤلکهيه، مملکتدن-مملکته کؤچوردولر.
رب هچ کئمي قويمادي کي، اونلارا عذاب ورسئن، اونلارا گؤره پادشاهلاري تَنبِه اتدي.
ددي: «مسح اتدئکلرئمه دَيمه‌يئن، پيغمبرلرئمه زئيان يتئرمهيئن.»
ای بوتون دونيا، ربّه اوخويون، اونون نئجاتيني گوندن-گونه موژده ورئن.
اِحتئشاميني مئلّتلر آراسيندا، عجايئب ائشلرئني بوتون خالقلارا اعلان ادئن!
چونکي رب عظمتلي‌دئر، بول حمده لايئقدئر، او بوتون آللاهلاردان داها هيبتلي‌دئر.
بوتون اؤزگه خالقلارين آللاهلاري بوتلردئر، لاکئن گؤيلري يارادان ربدئر.
احتئشام و عظمت اونون حوضوروندادير، قودرتله سِوئنج اونون يرئنده‌دئر.
ای خالقلارين طايفالاري، ربّی وصف ادئن، احتئشامي، قودرتي ربّه ورئن،
آدينا لايئق احتئشامي ربّه ورئن، تقدئم گتئرئن، حوضورونا گلئن. موقدّسلئيئن شؤوکتئنده ربّه پرستئش ادئن.
ای بوتون دونيا، اونون حوضوروندا لرزهيه گلئن! دوغرودان دا دونيا مؤحکم قورولوب، لرزهيه دوشمَز.
قوي گؤيلر سِوئنسئن، قوي ير اوزو شادليق اتسئن! قوي مئلّتلر آراسيندا دسئنلر: «رب حؤکمرانليق ادئر.»
قوي دهنز و بوتون اوندا اولانلار گورله‌سئن، چؤللر و بوتون اوندا اولانلار فَرَحلَنسئن،
او واخت مِشه‌ده‌کي آغاجلار، ربّئن حوضوروندا شادليق نغمه‌سي اوخوياجاقلار! چونکي او، دونيانين حؤکمونو ورمک اوچون گلئر.
ربّه شوکور ادئن، اونا گؤره کي ياخشيدير، چونکي محبّتي ابديدئر.
ديئن: «ای نئجاتيميزين تاريسي، بئزي قورتار، بئزي مئلّتلرئن آراسيندان بئر يره ييغ و آزاد ات کي، موقدّس آدينا شوکور اِدَک، فَخرله سنه حمد ورک.»
موبارک اولسون ائسرايئلئن تاريسي رَب اَزَلدن ابدهجک!" او واخت بوتون خالق ددي: "آمئن." و ربّه حَمد اتدئلر.
بلجه داوود اورادا، ربّئن عهد سانديغينين قاباغيندا، آساف و اونون قوحوملاريني قويدو کي، هر گونون ائشئنه گؤره دائم خئدمت اتسئنلر؛
هم ده عوبِد اِدوم و اونون آلتميش سکّئز نفر قوحومو، يِدوتون اوغلو عوبِد اِدوم و خوساني قاپيچيليغا.
او، گئبعوندا اولان پرستئشگاهدا، ربّئن خيمهسي قاباغيندا، کاهئن صادوقو و اونون کاهئن قوحوملاريني قويدو کي،
ربّئن ائسرايئله امر اتدئيي قانوندا يازيلانلارين هاميسينا گؤره، دائم سحر و آخشام، ربّه يانديرما قوربانلاري اوچون دوزَلدئلَن قوربانگاهدا، اونا يانديرما قوربانلاري ورسئنلر.
اونلارلا بئرلئکده هِيماني، يِدوتونو و آدلاري چکئلَن باشقا سچئلمئش آداملاري تعيئن اتدي کي، ربّه شوکور اتسئنلر، چونکي اونون محبّتي ابديدئر.
هِيمان، يِدوتون و همئن آداملارين اَلئنده کَره‌نايلار، سئنجلر و باشقا آلَتلر وار ائدي کي، تارييا نغمه چالسينلار. يِدوتونون اوغوللاري دا قاپيچي اولدولار.
سونرا بوتون خالق آيريلدي و هر کس اؤز اِوئنه گتدي. داوود دا گری قاييتدي کي، اؤز اِو اهلئنه برکت ورسئن.
داوود ساراييندا ياشايان واخت پيغمبر ناتانا ددي: "باخ، من سئدر آغاجيندان تئکئلَن بئر سارايدا ياشاييرام، آمّا ربّئن عهد سانديغي چادير آلتيندادير."
ناتان داوودا ددي: "اورهيئندهکي نئيّتي حياتا کچئرت، چونکي تاري سنئنله‌دئر."
لاکئن او گجه ناتانا تارينين بو سؤزو نازئل اولدو:
"گت قولوم داوودا دِه کي، رب بله ديئر: «ياشاماق اوچون منه اِوي سن تئکميه‌جکسن،
چونکي ائسرايئلي چيخارتديغيم گوندن بو گونه قدر هچ بئر اِوده ياشاماميشام، چاديردان چاديرا، مسکندن مسکنه گزمئشم.
بوتون ائسرايئللیلرله بئرلئکده گَزدئيئم يرلرده، خالقيما چوبانليق اتمه‌يي امر اتدئيئم ائسرايئل داورلرئندن بئرئنه مگر هچ اولوب دئيَم کي، ‹نئيه منه سئدر آغاجيندان بئر اِو تئکمه‌دئن؟›»
ائندي قولوم داوودا دِه کي، قوشونلار ربّی بله ديئر: «من سني اوتلاقلاردا قويون اوتارارکَن گؤتوروب خالقيم ائسرايئله حؤکمدار اتدئم.
گتدئيئن هر يرده سنئنله اولموشام، قاباغيندان بوتون دوشمنلرئني قيريب آتميشام. آديني دونياداکي بؤيوکلرئن آدي کئمي مشهور ادهجيم.
خالقيم ائسرايئل اوچون بئر ير تعيئن ادهجيم، اونلاري اَکه‌جيم، اله کي، اؤز يرلرئنده مسکن ساليب، بئر داها لرزهيه دوشمه‌سئنلر. شر آداملار دا، اَوّللر کئمي، حتّا خالقيم ائسرايئللیلره داورلر تعيئن اتدئيئم گونلردن بَري اتدئکلري کئمي، اونلاري بئر داها قيريب تؤکميه‌جکلر.
بوتون دوشمنلرئني اَزه‌جيم. سنه بئلدئرئرم کي، رب سنه بئر اِو تئکه‌جک.
عؤمرون باشا چاتيب. اؤلوب آتالارينا قوشولاجاغين زامان، يرئنه سنئن نسلئندن بئرئني قوياجاغام کي، سنئن اوغوللاريندان اولاجاق؛ و اونون پادشاهليغيني برقرار ادهجيم.
او منئم اوچون اِو تئکه‌جک و من اونون تختئني ابدهجک برقرار ادهجيم.
من اونا آتا، او دا منه اوغول اولاجاق. محبّتئمي اوندان گری آلماياجاغام، نجه کي، سندن قاباقکي آدامدان گری آلديم.
اونو اؤز اِوئمئن و پادشاهليغيمين اوستونه ابدهجک قوياجاغام و اونون تختي ابدهجک پايدار قالاجاق.»"
ناتان داوودا بوتون بو سؤزلري و بوتون بو وَحيي نقل اتدي.
او واخت پادشاه داوود ائچَري گتدي و ربّئن قاباغيندا اوتوروب ددي: "يارب تاري، من کئمَم و نسلئم کئمدئر کي، سن منی بو يره چيخارديبسان؟
ای تاري، سنئن گؤزونده بو کئچئک بئر ائش ائدي، لاکئن بو قولونون نسلئنئن گله‌جَيي حاقّيندا بؤيوک بئر خبر ورئبسن و منه بؤيوک بئر آدام کئمي باخيبسان، يارب تاري!
بو قولونا عئزّت وردئيئن اوچون من داوود سنه داها نه دئيه بئله‌رم؟ چونکي سن بو قولونو تاني‌ييرسان.
يارب، قولوندان اؤتري، اؤز اوره‌يئنه گؤره، بو بؤيوک ائشلرئن هاميسيني ادئبسن کي، بوتون بو بؤيوک ائشلرئني گؤرسده‌سن.
يارَب، قولاقلاريميزلا اشئتدئکلرئمئزئن هاميسينا گؤره، سنئن کئمئسي هچ يوخدور و سندن آيري تاري يوخدور.
ير اوستونده خالقين ائسرايئل کئمي بئر مئلّت مگر وار؟ ای تاري، سن گتدئن کي، اونو اؤزونه خالق ساتين آلاسان. سن مئصئردن ساتين آلديغين خالقينين قاباغيندان مئلّتلري قوودون و بؤيوک و هيبتلي ائشلرله اؤزونه شؤهرت قازاندين.
خالقين ائسرايئلي ابدهجک اؤزونه خالق اتدئن، سن، يارب، اونلارين تاريسي اولدون.
ائندي يارب، قوي بو قولون و اونون نسلی حاقّيندا ددئيئن سؤز ابدی اولاراق پايدار قالسين و ددئيئنه موطابئق عمل ات.
قوي آدين ابدهجک قالسين و عئزّتلَنسئن، دسئنلر: «قوشونلار ربّی ائسرايئلئن تاريسيدير، ائسرايئلئن تاريسي.» قولون داوودون نسلی ده سنئن حوضوروندا پايدار قالسين.
چونکي، سن ای تاريم، بو قولونا بئلدئرئبسن کي، اونا بئر اِو تئکه‌جکسن. بونا گؤره قولون جسارت تاپيب کي، سنئن حوضوروندا دوعا اتسئن.
ائندي يارب، سن تاريسان و قولونا بو ياخشي شيي وعده ورئبسن.
ائندي ده سنه خوش گؤرونوب کي، بو قولونون نسلئنه برکت ورهسن و اونلار سنئن حوضوروندا ابدهجک پايدار قالالار. چونکي سن، يارب، برکت ورئبسن و او ابدهجک برکت آليب."
بوندان سونرا داوود فئلئسطلی‌لري مغلوب ادئب اؤزونه تابع اتدي و گَتي، اونون قصبه‌لرئني فئلئسطلی‌لرئن اَلئندن آلدي.
او، موآبلي‌لاري دا مغلوب اتدي و موآبلي‌لار داوودا تابع اولوب خراج ورئردئلر.
داوود صوبا پادشاهي هَدَد عِزِري ده کي، فَرات چايينين اطرافينداکي يرلرده حاکئمئيّتئني برپا اتمه‌يه گدئردي، خَماتدا مغلوب اتدي.
او، هَدَد عِزِرئن مئن دؤيوش عاراباسيني آلدي، يدّي مئن آتليسيني، ائيئرمي مئن پئيادا عسگرئني اسئر اتدي و آتلاردان يوزه قَدَرئني دؤيوش عاراباسي اوچون ساخلاييب قالان آتلارين آياق وَتَرئني کَسدي.
دَمَشقده ياشايان اَراملي‌لار صوبا پادشاهي هَدَد عِزِره کؤمک اتمه‌يه گلنده، داوود اونلاردان ائيئرمي ائکي مئن نفري قيردي.
داوود دَمَشق اَرامينا حربي دسته‌لر يرلَشدئردي و اَراملي‌لار اونا تابع اولوب خراج ورئردئلر. رب، داوودا، گتدئيي هر يرده ظفر قازانديردي.
او، هَدَد عِزِرئن سرکرده‌لرئنئن گَزدئردئيي قيزيل قالخانلاري گؤتوروب اورشلئمه گتئردي.
داوود هَدَد عِزِرئن شهرلري طئبخَتدن و کوندان چوخلو بورونج آلدي. سونرالار سوليمان اوندان بورونج حؤووضو، سوتونلار و بورونج قابلاري دوزلتدي.
خَمات پادشاهي توعو اشئتدي کي، داوود صوبا پادشاهي هَدَد عِزِرئن بوتون قوشونونو مغلوب ادئب.
او، اؤز اوغلو هَدورامي داوودون يانينا گؤندردي کي، اونو سالاملاييب، هَدَد عِزِره دؤيوشده مغلوب اتدئيئنه گؤره تبرئک دسئنلر؛ چونکي هَدَد عِزِر توعو ائله همئشه موحارئبه اتمئشدي. هَدورام هر جور قيزيل-گوموش و بورونج اشيالار گتئردي.
داوود پادشاه بونلاري دا بوتون مئلّتلردن، يعني اِدوملولاردان، موآبلي‌لاردان، عَمّونلولاردان، فئلئسطلی‌لردن و عَمالِقلی‌لردن آليب گتئردئيي قيزيل گوموشله بئرلئکده ربّه وقف اتدي.
صِرويا اوغلو اَبشه‌ي دوز دره‌سئنده اِدوملولاردان اون سکّئز مئن نفري قيردي.
سونرا اِدوما حربي دسته‌لر يرلَشدئردي و بوتون اِدوملولار داوودا تابع اولدولار. رب داوودا گتدئيي هر يرده ظفر قازانديردي.
داوود بوتون ائسرايئلئن پادشاهي اولدو. او بوتون خالقينا عدالت و صالحلئکله حؤکمرانليق ادئردي.
صِرويا اوغلو يوآب قوشون باشچيسي ائدي؛ اَخئلود اوغلو يِهوشافاط سالنامه‌چي ائدي؛
اَخئطوب اوغلو صادوق و اِبياتار اوغلو اَبئمِلِک کاهئن ائدئلر؛ شَوشا مئرزه ائدي؛
يِهوياداع اوغلو بِنايا کِرِتلی‌لر و پِلِطلی‌لرئن باشچيسي ائدي؛ داوودون اوغوللاري دا پادشاهين باش مأمورلاري ائدئلر.
بئر مودّتدن سونرا عَمّون اؤولادلارينين پادشاهي ناخاش اؤلدو و يرئنه اوغلو پادشاه اولدو.
داوود ددي: "ناخاشين اوغلو خانونا ياخشيليق ادهجيم، چونکي آتاسي منه ياخشيليق اتدي." داوود قاصئدلر گؤندردي کي، آتاسينا گؤره خانونا باش‌صاغليغي ورسئنلر. لاکئن داوودون آداملاري عَمّون اؤولادلارينين اؤلکهسئنه، اونون يانينا باش صاغليغي ورمک اوچون گلنده
عَمّونلولارين باشچيلاري خانونا ددئلر: «سن اله بئلئرسن کي، داوود بو باش‌صاغليغي ورن آداملاري سنئن آتانا حؤرمتي اولدوغو اوچون گؤندرئب؟ اونون آداملاري مگر گلمه‌يئبلر کي، بو تورپاغي آختاريب، جاسوسلوق ادئب ييخسينلار؟"
خانون داوودون آداملاريني توتوب، ساقّاللاريني قيرخديردي و پالتارلاريني اوتوراجاق يرئنه قدر آشاغيدان کَسدئردي و اونلاري گری گؤندردي.
بو آداملار بارهده داوودا خبر چاتدي. داوود اونلارين پئشوازينا قاصئدلر گؤندردي، چونکي بو آداملار چوخ اوتانديريلميشديلار. پادشاه ددي: "ساقّالينيز چيخانا قدر اَرئحادا قالين، سونرا قاييدين."
خانون و عَمّونلولار داوودون يانيندا نئفرت قازانديقلاريني گؤرنده، اَرام‌نَخه‌ره‌يئمدن، اَرام‌مَعَکادان، و صوبادان مئن تالانت گوموش گؤندردئلر کي، اؤزلرئنه اوجرَتله دؤيوش عارابالاري و آتليلار توتسونلار.
بلجه اؤزلري اوچون اوتوز ائکي مئن دؤيوش عاراباسي، مَعَکا پادشاهيني و اونون قوشونلاريني اوجرتله توتدولار، اونلار دا گلئب مِدِبانين قاباغيندا اوردوگاه قوردولار. عَمّونلولار دا اؤز شهرلرئندن ييغيليب دؤيوشه گلدئلر.
داوود بونو اشئدنده، يوآبلا بوتون جنگاور قوشونونو گؤندردي.
عَمّونلولار چيخيب شهرئن گئرئشئنده دؤيوش اوچون دوزولدولر، گلن پادشاهلار دا آيريجا چؤلده ائدئلر.
يوآب او زامان کي، دوشمنلرئن اونون ضئدّئنه قاباقدان و آرخادان دوزولدوکلرئني گؤردو، بوتون ائسرايئلئن سچمه دؤيوشچولرئندن بعضئلرئني آييريب اَراملي‌لارين ضئدّئنه دوزدو.
لاکئن خالقين قالان حئصّه‌سئنه قارداشي اَبشه‌يي باشچي قويدو و اونلار عَمّونلولارين موقابئلئنده دوزولدولر.
يوآب ددي: "اگر اَراملي‌لار مندن گوجلو اولسالار، سن منه کؤمک اِدَرسن، آمّا اگر عَمّونلولار سندن گوجلو اولسالار، من سنه کؤمک اده‌رم.
گوجلو اول. گل خالقيميز آدينا و تاريميزين شهرلري آدينا ائگئدلئک گؤرسدَک. قوي رب گؤزونده خوش اولاني اتسئن."
يوآب و يانينداکي قوشون ووروشماق اوچون اَراملي‌لارا ياخينلاشديلار. اَراملي‌لار يوآبين قاباغيندان قاچديلار.
عَمّونلولار اَراملي‌لارين قاچديغيني گؤرنده، اونلار دا يوآبين قارداشي اَبشه‌يئن قاباغيندان قاچيب شهره گئردئلر. سونرا يوآب اورشلئمه گلدي.
اَراملي‌لار ائسرايئللیلرئن قاباغيندا مغلوب اولدوقلاريني گؤرنده قاصئدلر گؤندرئب، فَرات چايينين او تايينداکي اَراملي‌لاري دؤيوشه چيخارتديلار. اونلارين باشچيسي هَدَد عِزِرئن قوشون باشچيسي شوفَک ائدي.
بو خبر داوودا چاتاندا، او، بوتون ائسرايئللی‌لري ييغيب اوردون چاييني کچدي و اَراملي‌لارين قاباغينا گلئب قوشونونو اونلارين ضئدّئنه دوزدو. داوود اؤز قوشونونو اَراملي‌لارين قاباغينا چيخارتدي و اَراملي‌لار اونونلا ووروشدولار.
اَراملي‌لار ائسرايئللیلرئن قاباغيندان قاچديلار. داوود اَراملي‌لاردان يدّي مئن عارابا دؤيوشچوسونو و قيرخ مئن پئياداني قيردي، قوشون باشچيسي شوفَکي ده اؤلدوردو.
هَدَد عِزِرئن آداملاري ائسرايئللیلرئن قاباغيندا مغلوب اولدوقلاريني گؤرنده، داوودلا صولح باغلاديلار و اونا تابع اولدولار. اَراملي‌لار بئر داها عَمّونلولارا کؤمک اتمک ائستمه‌دئلر.
باهار گلنده، پادشاهلار موحارئبهيه چيخان واخت، يوآب قوشونونو سفره چيخارتدي. او، عَمّونلولارين اؤلکهسئني وئران اتدي و گلئب رَبّاني موحاصئرهيه آلدي. لاکئن داوود اورشلئمده قالدي. يوآب ربّه‌ني ووروب داغيتدي.
داوود اونلارين پادشاهينين باشيندان تاجيني گؤتوردو. تاجينين چکئسي بئر تالانت قيزيل ائدي. اونون اوستونده قئيمتلي داش وار ائدي. بو تاج داوودون باشينا قويولدو. داوود بو شهردن چوخلو قنئمت آپاردي.
او، شهرده اولان خالقي کؤچورتدو و اَللرئنه اَره، دَمئر تئشه، کولونگ و بالتا ورئب آغير ائشلره قويدو. داوود عَمّونلولارين بوتون شهرلرئنه بله اتدي. سونرا داوود و بوتون خالق اورشلئمه قاييتديلار.
بوندان سونرا گِزِرده فئلئسطلی‌لرله دؤيوش اولدو. او زامان خوشالي سئبّه‌که‌ي رافا اؤولادلاريندان سئپّه‌يي اؤلدوردو. بلجه فئلئسطلی‌لر تابع اولدولار.
فئلئسطلی‌لرله داها بئر دؤيوشده ياعئر اوغلو اِلخانان گَتلي گولياتين قارداشي لَخمئني اؤلدوردو. اونون نئزه‌سئنئن ساپي، توخوجو دَزگاهينين اَرئش آغاجي بويدا ائدي.
گَتده گئنه دؤيوش اولدو. اورادا اوجابوي بئر آدام وار ائدي کي، اَللري و آياقلاري آلتي بارماقلي ائدي و جَمي ائيئرمي دؤرد بارماغي وار ائدي. بو آدام دا رافا اؤولادلاريندان ائدي.
او، ائسرايئله ميدان اوخودو. اونو داوودون قارداشي شئمعانين اوغلو يِهوناتان اؤلدوردو.
بونلار گَتده رافا نسلئندن ائدئلر. اونلار داوودون و اونون آداملارينين اَلي ائله قيريلديلار.
شيطان ائسرايئللیلرئن ضئدّئنه قالخدي و داوودو تحرئک اتدي کي، ائسرايئللی‌لري سئياهييا آلسين.
داوود يوآبا و خالقين باشچيلارينا ددي: "گدئن، بئرشئباعدان دانا قدر ائسرايئللی‌لري سئياهييا آلين و سئياهيني منه گتئرئن کي، اونلارين ساييني بئلئم."
يوآب ددي: "رب خالقيني اولدوغوندان يوز قات آرتيق اتسئن. آمّا، آغام پادشاه، مگر اونلارين هاميسي آغامين قوللاري ديئل؟ نه اوچون آغام بونو ائستهيئر؟ نه اوچون آغام ائسرايئله تقصئر سببي گتئرسئن؟"
لاکئن پادشاهين سؤزو يوآبا قالئب گلدي. يوآب چيخيب بوتون ائسرايئلي گَزدي، سونرا دا اورشلئمه گلدي.
او، خالقين سئياهيسيني داوودا وردی. بوتون ائسرايئلده قيلينج چکن بئر مئليون يوز مئن نفر، يهودادا دا قيلينج چکن دؤرد يوز يتمئش مئن نفر آدام وار ائدي.
لاکئن يوآب اونلارين آراسيندا لاوئلی‌لري و بِنيامئنلی‌لري سئياهييا آلمادي، چونکي پادشاهين سؤزوندن آجيغي گلمئشدي.
بو ائش تارينين گؤزونده خوش ديئلدي، اونا گؤره ده ائسرايئلي جزالانديردي.
داوود تارييا ددي: "بو ائشي گؤرمکله بؤيوک گوناه اتمئشم. ائندي آمّا، يالواريرام، بو قولونون تقصئرئندن کِچ، چونکي چوخ آغيلسيزليق اتمئشم."
رب داوودون گؤروجوسو جادا ددي:
"گت، داوودا دِه کي، رب بله ديئر: «سنه اوچ شي تکلئف ادئرم، اؤزون اوچون بونلارين بئرئني سِچ کي، سنه اِدئم.»"
جاد داوودون يانينا گلئب اونا ددي: "رب بله ديئر: «اؤزون اوچون سِچ:
يا اوچ ائل آجليق اولاجاق، يا اوچ آي دوشمنلرئن سني تعقئب ادهجک، و اونلارين قيلينجي سني ووراجاق، يا دا اوچ گون ربّئن قيلينجي اولان وبا اؤلکهنئن اوستونه گلهجک و ربّئن مَله‌يي ائسرايئل تورپاغيندا هر يرده قيراجاق.» ائندي قرار ور گؤرک منی گؤنده‌رنه نه جاواب ورئم؟"
داوود جادا ددي: "بؤيوک بئر سيخينتيدايام. قوي ربّئن اَلئنه دوشوم، چونکي اونون رحمتلري چوخ بؤيوکدور. آمّا قويما ائنسان اَلئنه دوشوم."
بلجه رب ائسرايئل اوستونه وبا گؤندردي و ائسرايئللی‌لردن يتمئش مئن نفر هلاک اولدو.
تاري بئر ملک گؤندردي کي، اورشلئمي محو اتسئن. ملک عنقرئب بو ائشي باشلاياجاغي واخت، رب بونو گؤروب بو بلايا گؤره تأسّوفلَندي و هلاک ادن مَلَيه ددي: "ائندي بَسدئر، اَل ساخلا!" ربّئن مَله‌يي يِبوسلو اورنانين خرمنئنئن يانيندا دايانميشدي.
داوود باشيني قالديريب ربّئن مَله‌يئني گؤردو. ملک اَلئنده‌کي سئيرئلمئش قيلينجي اورشلئمئن اوستونه اوزاديب، يِرله گؤيون آراسيندا دايانميشدي. چولا بورونَن داوود و آغساقّاللار اوزو اوسته يره قاپانديلار.
داوود تارييا ددي: "خالقي سئياهييا آلماغي امر ادن مگر من ديئلدئم؟ من گوناه اتدئم و حقئقتن، پئس ائش گؤردوم، لاکئن بو يازيق خالق نه ادئب؟ يارب تاريم، قوي سنئن اَلئن منئم و آتا نسلئمئن ضئدّئنه قالخسين، آمّا اؤز خالقينا وبا گؤندرمه."
او واخت ربّئن مَله‌يي جادا امر اتدي کي، داوودا دسئن: "قوي داوود چيخيب يِبوسلو اورنانين خرمنئنده ربّه بئر قوربانگاه دوزلتسئن."
ربّئن آدي ائله جادين ددئيي سؤزه گؤره داوود چيخدي.
اورنان گری دؤنوب مَله‌يي گؤردو. اونونلا بئرلئکده اولان دؤرد اوغلو اؤزلرئني گئزلَتدئلر. اورنان بوغدا دؤيوردو.
داوود اورنانين يانينا گلنده، اورنان باخيب داوودو گؤردو، خرمندن چيخدي و اونا يره قدر تعظئم اتدي.
داوود اورنانا ددي: "بو خرمنگاهي منه ور کي، بورادا رب اوچون قوربانگاه تئکئم. اونو منه کامئل دَيَرئنه سات کي، خالقين اوستونه گلن وبا دايانسين."
اورنان داوودا ددي: "گؤتور، سنئن اولسون، قوي آغام پادشاه گؤزونده خوش اولاني اتسئن. من يانديرما قورباني اوچون اؤکوزلر، اودون يرئنه بوغدا دؤوَنلري، تاخيل تقدئمي اوچون ده بوغداني ورئرم، بونلارين هاميسيني ورئرم."
لاکئن داوود پادشاه جاواب وردی: "يوخ، حتمن کامئل دَيَرئنه ساتين آلاجاغام، چونکي سنئن ماليني رب اوچون گؤتورمه‌رم، هاوايي مالي ائله ده يانديرما قورباني ورمه‌رم."
بونا گؤره ده داوود بو ير اوچون اورنانا آلتي يوز شِکِل آغيرليغيندا قيزيل وردی.
داوود اورادا ربّه بئر قوربانگاه دوزَلدئب، يانديرما و باريش قوربانلاري تقدئم اتدي. او، ربّی چاغيردي، رب ده يانديرما قوربانلارينين گتئرئلدئيي قوربانگاها گؤيدن اود گؤندرئب اونا جاواب وردی.
رب مَلَيه امر اتدي، او دا قيلينجيني قينينا قويدو.
او واخت داوود، يِبوسلو اورنانين خرمنگاهيندا، ربّئن اونا جاواب وردئيئني گؤردوکده اورادا قوربان کَسدي.
چونکي او واخت موسانين صحرادا دوزلتدئيي ربّئن خيمهسي و يانديرما قوربانلاري اوچون دوزَلدئلَن قوربانگاه، گئبعونداکي پرستئشگاهدا ائدي.
آمّا داوود تاريدان سوروشماق اوچون اونون حوضورونا گده بئلمئردي، چونکي ربّئن مَله‌يئنئن قيلينجيندان قورخوردو.
بونا گؤره ده داوود ددي: "رب تارينين اِوي بورادا اولسون، بورادا ائسرايئل اوچون يانديرما قوربانلاري گتئرئلَن قوربانگاه دا اولسون."
داوود امر اتدي کي، ائسرايئل تورپاغيندا اولان قرئبلري بئر يره ييغسينلار و اونلارين آراسيندان داش يونانلار تعيئن اتدي کي، تاري معبدئنئن تئکئلئشئنه داشلار يونسونلار.
داوود قاپي تايلارينين ميخلاري و رَزه‌لري اوچون چوخلو دَمئر حاضيرلادي. او قدر بورونج حاضيرلاميشدي کي، چکئيه گلمَزدي.
سايسيز-حسابسيز سئدر آغاجلاري دا ييغدي. چونکي صئدونلولار و صورلولار داوودا چوخلو سئدر آغاجلاري گتئرمئشدئلر.
داوود ددي: "اوغلوم سوليمان جاواندير، تجروبه‌سي يوخدور، ربّه تئکئله‌جک معبد گرک عظمتلي اولسون، شؤهرتي و اِحتئشامي گرک بوتون اؤلکهلره ياييلسين. بونا گؤره اونون اوچون حاضيرليق گؤرمه‌لئيَم.» بلجه، داوود، اؤلوموندن قاباق چوخلو حاضيرليق ائشلري گؤردو.
داوود اوغلو سوليماني چاغيردي و ائسرايئلئن تاريسي رب اوچون معبد تئکمه‌يي اونا وصئيّت اتدي.
داوود سوليمانا ددي: "اوغلوم، منئم اوره‌يئمده بو ائستَک وار ائدي کي، تاريم ربّئن آدينا بئر معبد تئکئم.
آمّا ربّئن بو سؤزو منه نازئل اولدو: «سن چوخلو قان تؤکوبسن و بؤيوک موحارئبهلر ادئبسن. سن منئم آديما معبد تئکميه‌جکسن، چونکي حوضورومدا يره چوخلو قان تؤکوبسن.
باخ، سنئن بئر اوغلون اولاجاق. او، دئنج ياشاياجاق؛ اونا اطرافينداکي بوتون دوشمنلرئندن راحاتليق ورهجيم. اونون آدي سوليمان اولاجاق. اونون دؤورونده ائسرايئله صولح و اَمئن-آمانليق ورهجيم.
او منئم آديما معبد تئکه‌جک. او منه اوغول اولاجاق، من ده اونا آتا اولاجاغام. اونون پادشاهليق تختئني ائسرايئل اوستونده ابدئلئک پايدار ادهجيم.»
ائندي، اوغلوم، قوي رب سنه يار اولسون کي، باشاريليق قازاناسان و تارين ربّئن معبدئني، سنئن حاقّيندا ددئيي کئمي، تئکه‌سن.
آنجاق رب سنه بصئرت و فهم ورسئن و سني ائسرايئل اوستونه حؤکمدار قويسون کي، تارين ربّئن وردئيي شرئعته عمل ادهسن.
اگر ائسرايئل بارهده ربّئن موسايا امر اتدئيي قايدالارا و حؤکملره عمل ادهسن، اوغور قازانارسان. گوجلو و اورَکلي اول. قورخما و روحدان دوشمه.
باخ، بؤيوک عذابلارلا ربّئن معبدي اوچون يوز مئن تالانت قيزيل، بئر مئليون تالانت گوموش، چوخ اولدوغوندان چکئيه گلمَز بورونج و دَمئر ييغميشام. آغاجلار و داشلار دا حاضيرلاميشام. سن ده بونلارين اوستونه علاوه اده بئلرسن.
سنئن يانيندا چوخلو ائشچئلر، داش يونانلار، بنّالار، دولگرلر،
هر جور قيزيل، گوموش، بورونج و دَمئر ائشئني باجاران اوستالار وار. اونلارين سايي-حسابي يوخدور. قالخ و ائشه باشلا. قوي رب سنئنله اولسون."
داوود ائسرايئلئن بوتون باشچيلارينا امر اتدي کي، اوغلو سوليمانا کؤمک اتسئنلر. ددي:
"مگر تارينيز رب سئزئنله ديئل؟ مگر سئزه هر طرفدن دئنجلئک ورمه‌يئب؟ چونکي او، اؤلکهنئن ساکئنلرئني منئم اَلئمه ورئب و اؤلکه ربّه و اونون خالقينا تابع اولونوب.
ائندي اوره‌يئنئزي و جانينيزي تارينيز ربّی آختارماغا يؤنَلدئن. قالخين و رب تارينين موقدّس مکانيني تئکئن، اِله کي، ربّئن عهد سانديغيني و تارينين موقدّس اشيالاريني ربّئن آدينا تئکئلمئش معبده گتئرهسئنئز."
داوود قوجاليب ياشالاناندا اؤز اوغلو سوليماني ائسرايئل اوستونده پادشاه اتدي.
داوود ائسرايئلئن بوتون باشچيلاريني، کاهئنلر و لاوئلی‌لرله بئر يره ييغدي.
اوتوز ياشيندا و بوندان يوخاري ياشدا اولان لاوئلی‌لر سئياهييا آليندي. اونلاردان کئشئلرئن سايي اوتوز سکّئز مئن نفر ائدي.
بونلاردان ائيئرمي دؤرد مئن نفري ربّئن معبدئنده نظارت اوچون قويولدو. آلتي مئني سرکرده و داور،
دؤرد مئني ده قاپيچي اولدو. دؤرد مئن نفر ده داوودون او موسئقي آلَتلري ائله کي، داوود اونلاري ربّئن حمد-ثناسي اوچون دوزلتمئشدي، ربّه حمد ادئردئلر.
داوود لاوئنئن نسئللرئنه گؤره کي، گِرشون، قوحات و مِراري اولسون، اونلاري بؤلمه‌لره آييردي.
گِرشونون نسلئندن لَعدان و شئمعي ائدئلر.
لَعدانين اوغوللاري: ائلک اوغلو يِخي‌اِل، زِتام و يواِل-اوچ نفر.
شئمعئنئن آيري اوغوللاري: شِلومئت، خَزي‌اِل و هاران-اوچ نفر. بونلار لَعدانين نسئل باشچيلاري ائدئلر.
شئمعئنئن اوغوللاري: يَخَت، زيزا، يِعوش و بِرئعا. بو دؤرد نفر شئمعئنئن اوغوللاري ائدئلر.
يَخَت ائلک اوغلو، زيزا دا ائکئنجئسي ائدي. لاکئن يِعوشون و بِرئعانين اوغوللاري چوخ ديئلدي. اونلار بئرلئکده بئر نسئل کئمي سئياهييا آلينديلار.
قوحاتين اوغوللاري: عَمرام، يئصهار، خِبرون و اوزّي‌اِل-دؤرد نفر.
عَمرامين اوغوللاري: هارون و موسا. هارون لاپ موقدّس شيلري تقدئس اتمک اوچون تعيئن اولوندو. اونون نسلی ابدهجک ربّئن حوضوروندا بوخور يانديرماق، ربّه خئدمت اتمک و همئشه اونون آدي ائله برکت ورمک اوچون تعيئن اولوندو.
تاري آدامي موسايا گلئنجه، اونون نسلی لاوي قبئله‌سي آراسيندا سئياهييا آليندي.
موسانين اوغوللاري گِرشوم و اِلئعِزِر ائدئلر.
گِرشومون اوغلو باشچي شِبواِل ائدي.
اِلئعِزِرئن اوغلو باشچي رِخَبيا ائدي. اِلئعِزِرئن آيري اوغلو يوخ ائدي، آمّا رِخَبيانين اوغوللاري چوخ ائدي.
يئصهارين اوغلو باشچي شِلومئت ائدي.
خِبرونون اوغوللاري: ائلک اوغلو يِرئيا، ائکئنجئسي اَمَريا، اوچونجوسو يَخهزياِل و دؤردونجوسو يِقَمعام.
اوزّي‌اِلئن اوغوللاري: ائلک اوغلو مئکا و ائکئنجئسي يئشّئيا.
مِرارئنئن اوغوللاري مَخلي و موشي ائدئلر. مَخلي‌نئن اوغوللاري اِلعازار و قئش ائدئلر.
اِلعازار اؤلَنده اونون اوغلو يوخ ائدي، آنجاق قيزلاري وار ائدي. اونا گؤره ده، عَمئلري قئشئن اوغوللاري اونلاري آرواد آلديلار.
موشي‌نئن اوچ اوغلو وار ائدي: مَخلي، عِدِر و يِرِموت.
بونلار آدلاري ائله سئياهييا دوشَن لاوئلی‌لرئن عايئله باشچيلاريدير. ربّئن معبدئنئن خئدمت ائشئني گؤرَن لاوئلی‌لر، ائيئرمي ياشيندا و بوندان يوخاري ياشدا ائدي.
چونکي داوود دمئشدي: "ائسرايئلئن تاريسي رب خالقينا دئنجلئک ورئبدئر و اورشلئمده ابدهجک ساکئن اولاجاق.
لاوئلی‌لر خيمهني و اونون بوتون خئدمت اشيالاريني داها داشيماياجاقلار.
بونا گؤره ده داوودون آخير سؤزلرئنه گؤره ائيئرمي ياشيندا و بوندان يوخاري ياشدا اولان لاوئلی‌لر سئياهييا آليندي.
اونلارين وظئفه‌سي ربّئن معبدئنده هارونون نسلئندن اولانلارين يانيندا دايانيب بو خئدمت ائشلرئني گؤرمَک ائدي: حَيَطلره و يان اوتاقلارا باخماق، بوتون موقدّس اشيالاري تمئزلَمَک، تارينين معبدئنده خئدمت اتمک،
تقدئم چؤرکلرئنه، تاخيل تقدئمي اوچون ورئلَن اونا، ماياسيز کولچه‌لره، اونلارين پئشمه‌سئنه و قاتيشماسينا، هر جور اؤلچو و اندازه قابلارينا باخماق ائدي.
اونلار گرک هر سحر دوروب ربّه شوکور و حمد ادئردئلر. هر آخشام دا گرک اله ادئردئلر.
سَبّت گونلرئنده، تزه آي مراسئملرئنده، بايراملاردا امر ادئلَن قايدالارا گؤره دوزگون سايدا دائم ربّئن قاباغيندا يانديرما قوربانلاري تقدئم ادئردئلر.
اونلار هم ده ربّئن معبدئنئن خئدمت ائشي اوچون حوضور چاديرينين، موقدّس يرئن و قوحوملاري هارون نسلئندن اولان کاهئنلره کؤمک اتمه‌لي ائدئلر.
هارون نسلئنئن بؤلوکلري بونلاردير. هارونون اوغوللاري: ناداب، اَبئهو، اِلعازار و ائتامار.
لاکئن ناداب و اَبئهو آتالاريندان اوّل اؤلدو و اوغوللاري دا يوخ ائدي. بونا گؤره ده اِلعازار و ائتامار کاهئن اولدولار.
داوود، اِلعازار نسلئندن صادوق و ائتامار نسلئندن اَخئمِلِکله خئدمت ائشلرئنه گؤره نؤوبه‌لره آييردي.
اِلعازار نسلی آراسيندا ائتامار نسلئندن داها چوخ نسئل باشچيسي تاپيلدي، اونا گؤره ده اونلار بله بؤلوندولر: اِلعازار نسلئندن نسئل باشچيسي اون آلتي نفر، ائتامار نسلئندن نسئل باشچيسي سکّئز نفر.
بلجه اونلار پوشکله هَمن قايدا ائله آيريلديلار، چونکي هم اِلعازار نسلئندن، هم ده ائتامار نسلئندن موقدّس يرده و تارينين حوضوروندا دورماق اوچون باشچيلار وار ائدي.
پادشاهين، ريئسلرئن، کاهئن صادوقون، اِبياتار اوغلو اَخئمِلِکئن، کاهئنلرئن و لاوئلی‌لرئن نسئل باشچيلارينين قاباغيندا لاوئلي مئرزه نِته‌نِل اوغلو شِمَعيا اونلاري قيده آلدي. بئر نسئل اِلعازار اوچون، او بئري ائتامار اوچون آليندي.
بئرئنجي پوشک يِهويارئبه، ائکئنجئسي يِدَعيايا،
اوچونجوسو خارئمه، دؤردونجوسو سِعورئمه،
بِشئنجئسي مَلکئيايا، آلتينجيسي مئيامئنه،
يِدّئنجئسي هَقّوصه، سکّئزئنجئسي اَبئيّايا،
دوقّوزونجوسو يِشوعَعه، اونونجوسو شِکَنيايا،
اون بئرئنجئسي اِلياشئبه، اون ائکئنجئسي ياقئمه،
اون اوچونجوسو خوپّايا، اون دؤردونجوسو يِشِبابا،
اون بِشئنجئسي بئلگايا، اون آلتينجيسي ائمّره،
اون يِدّئنجئسي خِزئره، اون سکّئزئنجئسي هَپّئص‌صِصه،
اون دوقّوزونجوسو پِتَخيايا، ائيئرمئنجئسي يِخِزقِله،
ائيئرمي بئرئنجئسي ياکئنه، ائيئرمي ائکئنجئسي گامولا،
ائيئرمي اوچونجوسو دِلايايا، ائيئرمي دؤردونجوسو مَعَزيايا چيخدي.
ائسرايئلئن تاريسي ربّئن امر اتدئيي کئمي آتالاري هارونون واسئطهسئله اونلارا ورئلَن قايدالارينا گؤره، ربّئن معبدئنه گئرمک اوچون خئدمت ائشلري بله ائدي.
لاوئلی‌لرئن قالان بؤلمه‌لري بونلاردير: عَمرامين نسلئندن شوبااِل، شوبااِلئن نسلئندن يِخدِيا.
رِخَبلی‌لره گلئنجه رِخَبيالي‌لارا نسلئندن ائلک اوغلو يئشّئيا.
يئصهارين نسلئندن شِلوموت، شِلوموتون نسلئندن يَخَت.
خِبرونون اوغوللاري: ائلک اوغلو يِريا، ائکئنجئسي اَمَريا، اوچونجوسو يَخهزياِل، دؤردونجوسو يِقَمعام.
اوزّي‌اِلئن نسلئندن مئکا، مئکانين نسلئندن شامئر.
مئکانين قارداشي يئشّئيا، يئشّئيانين نسلئندن زِکَريا.
مِرارئنئن اوغوللاري: مَخلي و موشي. يَعَزيانين اوغلو: بِنو.
مِراري نسلئندن اولان يَعَزيانين اوغوللاري: بِنو، شوهَم، زَکّور و عئبري.
مَخلي‌نئن نسلئندن اِلعازار. اونون اوغلو يوخ ائدي.
قئشئن نسلئندن يِرَخمِه‌اِل.
موشي‌نئن اوغوللاري: مَخلي، عِدِر و يِرئموت. بونلار نسئللرئنه گؤره لاوئلی‌لرئن بؤلوکلرئدئر.
اونلار دا قوحوملاري اولان هارون نسلی کئمي پادشاه داوودون، صادوقون، اَخئمِلِکئن، کاهئنلرئن نسئل باشچيلارينين و لاوئلی‌لرئن قاباغيندا پوشک آتديلار. بؤيوک نسئل باشچيلاري دا، قوحوملاري اولان کئچئک نسئل باشچيلاري دا هَمن قايدا ائله پوشک آتديلار.
داوود و قوشون باشچيلاري، آسافين، هِيمانين و يِدوتونون نسلئندن بعضئلرئني خئدمت ائشئنه آييرديلار کي، طنبورلارلا، چنگلرله و سئنجلرله پيغمبرلئک اتسئنلر. بو خئدمت ائشئني گؤرَنلرئن سئياهيسي بودور:
آسافين نسلئندن: اونون اوغوللاري زَکّور، يوسئف، نِتَنيا، اَشه‌رِلا. آسافين باشچيليغي آلتيندا اولان اوغوللاري کي، پادشاهين امرئنه گؤره پيغمبرلئک ادئردئلر.
يِدوتونون نسلئندن: اونون اوغوللاري گِدَليا، صِري، اِشَعيا، شئمعي، خَشَبيا، مَتّئتيا. آتالاري يِدوتونون باشچيليغي آلتيندا اولان بو آلتي نفر ربّه شوکور و حمد ادهرک چنگله پيغمبرلئک ادئردئلر.
هِيمانين نسلئندن: اونون اوغوللاري بوقّئيا، مَتّنيا، عوزّي‌اِل، شِبواِل، يِرئموت، خَنَنيا، خَناني، اِلئآتا، گئدّلتي، رومَمتي‌عِزِر، يوشبِقاشا، مَلّوتي، هوتئر و مَخه‌زي‌اوت.
بونلارين هاميسي پادشاهين گؤروجوسو هِيمانين اوغوللاري ائدئلر، چونکي هِيماني اوجالتماق بارهده تارينين وردئيي سؤزه گؤره، تاري اونا اون دؤرد اوغول و اوچ قيز ورمئشدي.
اونلارين هاميسي، ربّئن معبدئنده، آتالارينين باشچيليغي آلتيندا، تاري معبدئنئن خئدمتي اوچون سئنجلر، چنگلر و طنبورلار چاليب ائلاهي اوخويوردولار. لاکئن آساف، يِدوتون و هِيمان پادشاهين باشچيليغي آلتيندا ائدئلر.
ربّه ائلاهي اوخوماق اوچون اؤيرَدئلمئش آداملارين سايي، قوحوملاري ائله بئرلئکده کي، بونو باجارا بئلئردئلر، ائکي يوز هشتاد سکّئز نفر ائدي.
هاميسي، بؤيوکو ده، کئچئيي ده، موعَلّئمي ده، شاگئردي ده هَمن قايدا ائله وظئفه‌لري اوچون پوشک آتديلار.
بئرئنجي پوشک آسافين نسلئندن اولان يوسئفه دوشدو. اونلار اون ائکي نفر ائدئلر. ائکئنجئسي قوحوملاري و اوغوللاري ائله بئرلئکده گِدَليايا دوشدو. اونلار اون ائکي نفر ائدئلر.
اوچونجوسو اوغوللاري و قوحوملاري ائله بئرلئکده زَکّورا دوشدو. اونلار اون ائکي نفر ائدئلر.
دؤردونجوسو اوغوللاري و قوحوملاري ائله بئرلئکده يئصرئيه دوشدو. اونلار اون ائکي نفر ائدئلر.
بِشئنجئسي اوغوللاري و قوحوملاري ائله بئرلئکده نِتَنيايا دوشدو. اونلار اون ائکي نفر ائدئلر.
آلتينجيسي اوغوللاري و قوحوملاري ائله بئرلئکده بوقّئيايا دوشدو. اونلار اون ائکي نفر ائدئلر.
يِدّئنجئسي اوغوللاري و قوحوملاري ائله بئرلئکده يِسَراِلايا دوشدو. اونلار اون ائکي نفر ائدئلر.
سکّئزئنجئسي اوغوللاري و قوحوملاري ائله بئرلئکده اِشَعيايا دوشدو. اونلار اون ائکي نفر ائدئلر.
دوقّوزونجوسو اوغوللاري و قوحوملاري ائله بئرلئکده مَتّنيايا دوشدو. اونلار اون ائکي نفر ائدئلر.
اونونجوسو اوغوللاري و قوحوملاري ائله بئرلئکده شئمعئيه دوشدو. اونلار اون ائکي نفر ائدئلر.
اون بئرئنجئسي اوغوللاري و قوحوملاري ائله بئرلئکده عَزه‌رِله دوشدو. اونلار اون ائکي نفر ائدئلر.
اون ائکئنجئسي اوغوللاري و قوحوملاري ائله بئرلئکده خَشَبيايا دوشدو. اونلار اون ائکي نفر ائدئلر.
اون اوچونجوسو اوغوللاري و قوحوملاري ائله بئرلئکده شوبااِله دوشدو. اونلار اون ائکي نفر ائدئلر.
اون دؤردونجوسو اوغوللاري و قوحوملاري ائله بئرلئکده مَتّئتيايا دوشدو. اونلار اون ائکي نفر ائدئلر.
اون بِشئنجئسي اوغوللاري و قوحوملاري ائله بئرلئکده يِرِموتا دوشدو. اونلار اون ائکي نفر ائدئلر.
اون آلتينجيسي اوغوللاري و قوحوملاري ائله بئرلئکده خَنَنيايا دوشدو. اونلار اون ائکي نفر ائدئلر.
اون يِدّئنجئسي اوغوللاري و قوحوملاري ائله بئرلئکده يوشبِقاشايا دوشدو. اونلار اون ائکي نفر ائدئلر.
اون سکّئزئنجئسي اوغوللاري و قوحوملاري ائله بئرلئکده خَنانئيه دوشدو. اونلار اون ائکي نفر ائدئلر.
اون دوقّوزونجوسو اوغوللاري و قوحوملاري ائله بئرلئکده مَلّوتئيه دوشدو. اونلار اون ائکي نفر ائدئلر.
ائيئرمئنجئسي اوغوللاري و قوحوملاري ائله بئرلئکده اِلياتايا دوشدو. اونلار اون ائکي نفر ائدئلر.
ائيئرمي بئرئنجئسي اوغوللاري و قوحوملاري ائله بئرلئکده هوتئره دوشدو. اونلار اون ائکي نفر ائدئلر.
ائيئرمي ائکئنجئسي اوغوللاري و قوحوملاري ائله بئرلئکده گئدّلتئيه دوشدو. اونلار اون ائکي نفر ائدئلر.
ائيئرمي اوچونجوسو اوغوللاري و قوحوملاري ائله بئرلئکده مَخه‌زي‌اوتا دوشدو. اونلار اون ائکي نفر ائدئلر.
ائيئرمي دؤردونجوسو اوغوللاري و قوحوملاري ائله بئرلئکده رومَمتي عَزَره دوشدو. اونلار اون ائکي نفر ائدئلر.
قاپيچيلارين بؤلوکلري بلهدئر: قورَخ نسلئندن، آسافين اؤولادلاريندان اولان قوره اوغلو مِشِلِميا.
مِشِلِميانين اوغوللاري: ائلک اوغلو زِکَريا، ائکئنجئسي يِدئعه‌اِل، اوچونجوسو زِبَديا، دؤردونجوسو يَتني‌اِل،
بِشئنجئسي عِيلام، آلتينجيسي يِهوخانان، يِدّئنجئسي اِلئهوعِنه‌ي.
عوبِد اِدومون اوغوللاري: ائلک اوغلو شِمَعيا، ائکئنجئسي يِهوزاباد، اوچونجوسو يوآخ، دؤردونجوسو ساکار، بِشئنجئسي نِته‌نِل،
آلتينجيسي عَمّي‌اِل، يِدّئنجئسي يئسّاکار، سکّئزئنجئسي پِعول‌لِتَي؛ تاري، عوبِد اِدوما دوغرودان دا برکت ورمئشدي.
اونون اوغلو شِمَعيانين دا اوغوللاري اولدو و اونلار نسئل باشچيلاري اولدولار، چونکي ائگئد آداملار ائدئلر.
شَمَعيانين اوغوللاري: عوتني، رِفاعِل، عوبِد و اِلزاباد. قوحوملاري اِلئهو و سِمَکيا دا ائگئد آداملار ائدئلر.
بونلارين هاميسي عوبِد اِدومون نسلئندن ائدي. اؤزلري، اوغوللاري و قوحوملاري خئدمت ائشئنده باجاريقلي و گوجلو آداملار ائدئلر. هاميسي عوبِد ادومدان آلتميش ائکي نفر ائدئلر.
مِشِلِميانين اوغوللاريندان و قوحوملاريندان اون سکّئز نفر ائگئد آداملار.
مِراري نسلئندن اولان خوسانين اوغوللاري: بئرئنجئسي شئمري کي، ائلک اوغلو اولماديغي حالدا آتاسي اونو بئرئنجي اتدي،
ائکئنجئسي خئلقئيا، اوچونجوسو طِبليا، دؤردونجوسو زِکَريا. خوسانين بوتون اوغوللاري و قوحوملاري اون اوچ نفر ائدئلر.
بو آداملارين باشچيليق اتدئيي قاپيچي بؤلوکلري آيري قوحوملاري کئمي ربّئن معبدئنده خئدمت اتمک اوچون وظئفه‌لرئنه تعيئن اولوندولار.
بؤيوکو ده، کئچئيي ده آتا نسئللرئنه گؤره هر قاپي اوچون پوشک آتدي.
پوشکده شرق قاپيسي شِلِميايا دوشدو. اونون اوغلو آغيلّي مصلحتچي اولان زِکَريا اوچون ده پوشک آتديلار. اونون پوشکو شئمال قاپيسينا دوشدو.
عوبِد اِدوم اوچون پوشک جنوب قاپيسينا، اوغوللاري اوچون ده آنبار اِوئنه دوشدو.
شوپّئم و خوسا اوچون پوشک قرب قاپيسينا و يوخاري قالخان يولدا اولان شَللِکِت قاپيسينا دوشدو. بونلارين هاميسي نؤوبه ائله بلجه کشئک چکئردئلر.
شرق قاپيسي اوچون آلتي لاوئلي، شئمال قاپيسي اوچون گونده دؤرد لاوئلي، جنوب قاپيسي اوچون گونده دؤرد لاوئلي و آنبار اوچون ائکي لاوئلي.
قرب طرفده اولان حَيَط اوچون ده يولدا دؤردو، حَيَطده ائکئسي دوروردو.
بونلار قورَخ و مِراري نسئل‌لرئندن اولان قاپيچي بؤلمه‌لرئدئر.
تاري معبدئنئن خزئنه‌لرئنه و تقدئس اولونان شيلرئن خزئنه‌لرئنه نظارت ادن لاوئلی‌لر-اونلارين قوحوملاري بونلاردير:
گِرشونلولاردان اولان لَعدانين نسلئندن، لَعدانين نسئل باشچيسي گِرشونلو يِخي‌اِل‌لئلر،
ربّئن معبدئنئن خزئنه‌لرئنه نظارت ادن يِخي‌اِلئن اوغوللاري زِتام و اونون قارداشي يواِل.
عَمرامين، يئصهارين، خِبرونون و عوزّي‌اِلئن نسئل‌لرئندن
موسا اوغلو گِرشومون نسلئندن اولان شِبواِل خزئنهلر اوستونده باش نظارتچي ائدي.
گِرشومون قارداشي اِلئعِزِرئن نسلي: اونون اوغلو رِخَبيا، اونون اوغلو اِشِعيا، اونون اوغلو يورام، اونون اوغلو زئکري، اونون اوغلو شِلومئت.
شِلومئت و اونون قوحوملاري بوتون تقدئس اولونان شيلر خزئنهلري اوستونده نظارتچي ائدئلر. بو شيلري پادشاه داوود، مئنباشي و يوزباشي اولان نسئل و قوشون باشچيلاري تقدئس اتمئشدي.
موحارئبه‌لرده اَله کچئردئلَن قنئمتئن بئر حئصّهسئني ربّئن معبدئني تعمئر اتمک اوچون تقدئس اتمئشدئلر.
هر کَسئن تقدئس اتدئيي شيلر-گؤروجو سَمويئلئن، قئش اوغلو شاعولون، نِر اوغلو اَبنِرئن و صِرويا اوغلو يوآبين تقدئس اتدئيي شيلرئن هاميسي شِلومئتئن و اونون قوحوملارينين نظارتي آلتيندا ائدي.
يِئصهار نسلئندن کِنَنيا و اونون اوغوللاري ائسرايئل اوستونده مأمور و حاکئم اولوب معبددن کَنارداکي ائشلره باخيرديلار.
خِبرونون نسلئندن ائگئد آداملار اولان خَشَبيا و اونون قوحوملاري-مئن يدّي يوز باجاريقلي نفر ربّئن بوتون ائشلري اوچون و پادشاهين خئدمتي اوچون اوردون چايينين قرب تاييندا ياشايان ائسرايئللی‌لر اوستونده مأمور ائدئلر.
خِبرونون نسلئندن اولان يِرئيا خِبرونلولارين نسئل باشچيسي ائدي. داوودون پادشاهليغينين قيرخينجي ائلئنده اونلارين نسئل شجره‌لرئنه باخيلدي و گئلعادين يَعزِر شهرئنده اونلارين آراسيندا ائگئد آداملار تاپيلدي.
يِرئيانين نسئل باشچيلاري اولان قوحوملاري ائگئد آداملار ائدئلر و سايلاري ائکي مئن يدّي يوز نفر ائدي. پادشاه داوود تارينين و پادشاهين بوتون ائشي اوچون رِعوبئنلي‌لر، جادليلار و مِنَسّه قبئلهسئنئن ياريسي اوستونه اونلاري مأمور قويدو.
ائلئن هر آييندا بئر بؤلمه نؤوبه چکدئردي. هر بؤلمه‌ده ائيئرمي دؤرد مئن نفر وار ائدي. بو بؤلمه‌لرئن بوتون ائشلرئنده پادشاها خئدمت ادن ائسرايئللیلرئن نسئل باشچيلارينين، مئنباشي‌لارين، يوزباشي‌لارين و مأمورلارين سئياهيسي بودور:
بئرئنجي آي اوچون بئرئنجي بؤلمه‌يه زَبدي‌اِل اوغلو ياشوبعام باشچيليق ادئردي. اونون بؤلمه‌سئنده ائيئرمي دؤرد مئن نفر وار ائدي.
او، پِرِص نسلئندن ائدي و بئرئنجي آي اوچون بوتون قوشون باشچيلارينين ريئسي ائدي.
ائکئنجي آيين بؤلمهسئنه اَخوخلو دوده‌ي باشچيليق ادئردي. مئقلوت باشچي سرکرده ائدي و اونون بؤلمه‌سئنده ائيئرمي دؤرد مئن نفر وار ائدي.
اوچونجو آي اوچون اوچونجو قوشون باشچيسي کاهئن يِهوياداعين اوغلو بِنايا ائدي. اونون بؤلمه‌سئنده ائيئرمي دؤرد مئن نفر وار ائدي.
بو بِنايا اوتوز ائگئددن بئري و اوتوز ائگئدئن باشچيسي ائدي. اونون بؤلمه‌سي اوستونه اوغلو عَمّئزاباد باشچيليق ادئردي.
دؤردونجو آي اوچون دؤردونجو باشچي يوآبين قارداشي عَساهِل ائدي، اوندان سونرا اوغلو زِبَديا جانشئن اولدو. اونون بؤلمه‌سئنده ائيئرمي دؤرد مئن نفر وار ائدي.
بِشئنجي آي اوچون بِشئنجي باشچي يئزراخلي شَمهوت ائدي. اونون بؤلمه‌سئنده ائيئرمي دؤرد مئن نفر وار ائدي.
آلتينجي آي اوچون آلتينجي باشچي تِقوعَعلي عئقّشئن اوغلو عئرا ائدي. اونون بؤلمه‌سئنده ائيئرمي دؤرد مئن نفر وار ائدي.
يدّئنجی آي اوچون يدّئنجی باشچي اِفرايئم اؤولادلاريندان پِلونلو خِلِص ائدي. اونون بؤلمه‌سئنده ائيئرمي دؤرد مئن نفر وار ائدي.
سکّئزئنجي آي اوچون سکّئزئنجي باشچي زِراخ نسلئندن خوشالي سئبّه‌که‌ي ائدي. اونون بؤلمه‌سئنده ائيئرمي دؤرد مئن نفر وار ائدي.
دوقّوزونجو آي اوچون دوقّوزونجو باشچي بِنيامئنلی‌لردن عَنه‌توتلو اَبئعِزِر ائدي. اونون بؤلمه‌سئنده ائيئرمي دؤرد مئن نفر وار ائدي.
اونونجو آي اوچون اونونجو باشچي زِراخ نسلئندن نِطوَفالي مَهره‌ي ائدي. اونون بؤلمه‌سئنده ائيئرمي دؤرد مئن نفر وار ائدي.
اون بئرئنجي آي اوچون اون بئرئنجي باشچي اِفرايئم اؤولادلاريندان پئرعاتونلو بِنايا ائدي. اونون بؤلمه‌سئنده ائيئرمي دؤرد مئن نفر وار ائدي.
اون ائکئنجي آي اوچون اون ائکئنجي باشچي عوتنئيِلئن نسلئندن نِطوَفالي خِلده‌ي ائدي. اونون بؤلمه‌سئنده ائيئرمي دؤرد مئن نفر وار ائدي.
ائسرايئل قبئلهلري اوستونده اولان باشچيلار بونلاردير: رِعوبئنلی‌لرئن باشچيسي زيکري اوغلو اِلئعِزِر؛ شَمعونلولارين باشچيسي مَعَکا اوغلو شِفَطيا؛
لاوئلی‌لرئن باشچيسي قِمواِل اوغلو خَشَبيا، هارون نسلئنئن باشچيسي صادوق؛
يهودالي‌لارين باشچيسي داوودون قارداشلاريندان بئري اِلئهو؛ يئسّاکارلي‌لارين باشچيسي مئکايئل اوغلو عومري؛
زِبولونلولارين باشچيسي عوبَديا اوغلو يئشمَعيا؛ نَفتالی‌لرئن باشچيسي عَزري‌اِل اوغلو يِرئموت؛
اِفرايئم اؤولادلارينين باشچيسي عَزَزيا اوغلو هوشِعَع؛ مِنَسّه قبئلهسئنئن ياريسينين باشچيسي پِدايا اوغلو يواِل؛
گئلعاددا اولان مِنَسّه قبئلهسئنئن ياريسينين باشچيسي زِکَريا اوغلو عئدّو؛ بِنيامئنلی‌لرئن باشچيسي اَبنِر اوغلو يَعه‌سي‌‌اِل؛
دانلي‌لارين باشچيسي يِروخام اوغلو عَزَرِل. بونلار ائسرايئل قبئله‌لرئنئن باشچيلاريدير.
داوود ائيئرمي ياشيندا و بوندان آشاغي ياشدا اولانلاري حسابا آلمادي، چونکي رب وعده ورمئشدي کي، ائسرايئلي گؤيلرده‌کي اولدوزلار قدر چوخالداجاق.
صِرويا اوغلو يوآب سئياهييا آلماغا باشلادي، لاکئن بونو باشا چاتديرمادي. بو سئياهييا آلمادان اؤتري ربّئن قضبي ائسرايئل اوستونه گلدي و سئياهييا آلما پادشاه داوودون سالنامه‌لر کئتابينا داخئل اولمادي.
پادشاهين آنبارلارينا نظارت ادن عَدي‌اِل اوغلو عَزماوِت؛ عوزئيّا اوغلو يِهوناتان زمئلرده، شهرلرده، کَندلرده، بورجلرده اولان آنبارلارا نظارت ادئردي؛
کِلوب اوغلو عِزري زمئده چاليشان اَکئنچئلرئن اوستونده نظارتچي ائدي؛
اوزوم باغلارينا نظارت ادن رامالي شئمعي ائدي؛ اوزوم باغينداکي شراب آنبارلارينا ييغيلان اوزوم محصولونا نظارت ادن شئفئملي زَبدي ائدي؛
هامار بؤلگه‌ده اولان زيتونلوقلار و وحشي انجئر آغاجلارينا نظارت ادن گِدِرلي بَعَل‌خانان ائدي؛ ياغ آنبارلارينا نظارت ادن ده يوآش ائدي؛
شارون دوزَنلئيئنده اوتلايان مال-حيوانا باخان شارونلو شئطره‌ي ائدي؛ دره‌لرده اولان مال-حيوانا باخان عَدلاي اوغلو شافاط ائدي؛
دَوه‌لره باخان اِسماعئل‌لي عوبئل ائدي؛ اِششَکلره باخان دا مِرونوتلو يِخدِيا ائدي؛
قويون کِچئيه باخان خَگِرلي يازئز ائدي. بونلارين هاميسي داوود پادشاهين مولکلرئنه باخان ريئسلر ائدئلر.
داوودون عَمئسي يِهوناتان مصلحتچي ائدي. او، آغيلّي و مئرزه ائدي. خَکموني اوغلو يِخي‌اِل پادشاه اوغوللارينين تربئيه‌چئسي ائدي.
اَخئتوفِل پادشاهين مصلحتچئسي ائدي. اَرکلي خوشه‌ي پادشاهين دوستو ائدي.
اَخئتوفِلدن سونرا يرئنه بِنايا اوغلو يِهوياداع و اِبياتار اولدولار. پادشاهين قوشون باشچيسي دا يوآب ائدي.
داوود ائسرايئلئن بوتون باشچيلاريني يعني قبئله باشچيلاريني، پادشاها خئدمت ادن بؤلمه‌لرئن باشچيلاريني، مئنباشي‌لاري و يوزباشيلاري، پادشاهلا اوغوللارينين بوتون مولکونه و حيوانلارينا باخانلارين باشچيلاريني، ساراي خئدمتچئلرئني، سرکرده‌لري و بوتون ائگئد آداملاري اورشلئمه ييغدي.
داوود پادشاه آياغا قالخيب ددي: "قارداشلاريم و خالقيم، منه قولاق آسين! اوره‌يئمده بو آرزو وار ائدي کي، ربّئن عهد سانديغي و تاريميزين آياق کورسوسو اوچون دائمي بئر اِو تئکئم. بونا گؤره ده اونو تئکمک اوچون حاضيرليق گؤردوم.
لاکئن تاري منه ددي: «سن منئم آديما معبد تئکميه‌جکسن، چونکي سن حرب آداميسان و قان تؤکوبسن.»
لاکئن ائسرايئلئن تاريسي رب بوتون نسلئمدن منی سِچدي کي، ائسرايئل اوستونده ابدئلئک پادشاه اولوم. چونکي او يهوداني و يهودا قبئلهسئندن ده منئم نسلئمي سچدي کي، حؤکمدار اولسون. بوتون ائسرايئل اوستونده پادشاه اتمک اوچون نسلئمئن آراسيندا، من اونون خوشونا گلدئم.
ربّئن منه وردئيي چوخلو اوغول آراسيندان دا اوغلوم سوليماني سچدي کي، ائسرايئل اوستونده ربّئن پادشاهليق تختئنده اوتورسون.
رب منه ددي: «اوغلون سوليمان دا همئن آدامدير کي، منئم معبدئمي و صَحنلرئمي تئکه‌جک، چونکي اونو اؤزومه اوغول سِچمئشم، من ده اونا آتا اولاجاغام.
اگر بو گون اولدوغو کئمي امرلرئمه و حؤکملرئمه عمل اتمکده صادئق اولسا، اونون پادشاهليغيني ابدهجک برقرار ادهجيم.»
بونا گؤره ائندي بوتون ائسرايئللیلرئن، ربّئن جاماعاتينين گؤزو قاباغيندا، تاريميز دا اِشئدرکن، بله تاپشيريرام: تارينيز ربّئن بوتون امرلرئنه عمل ادئن و اونلاري اؤيره‌نئن کي، بو نعمتلي تورپاغي مولک ادهسئنئز و سئزدن سونرا اؤولادلارينيزا اونو ابدی مئراث ورهسئنئز.
سن ده، اوغلوم سوليمان، آتانين تاريسيني تاني، بوتون اورَک و فئکئرله اونا قوللوق ات، چونکي رب بوتون اورَکلري تفتئش ادئر و فئکئرلرئن بوتون نئيّتلرئني بئلئر. اگر اونو آختارسان، اونو تاپارسان. لاکئن اگر اونو ترک ادهسن، او دا سني ابدهجک آتار.
ائندي باخ، رب سني سچئبدئر کي، موقدّس مکان اولان اِوي تئکه‌سن. جسارتلي اول و بو ائشي گؤر."
داوود اوغلو سوليمانا اِيوانين، اونون بئنالارينين، خزئنه‌لرئنئن، يوخاري اوتاقلارين، ائچ اوتاقلارين، کفّاره قاپاغينين، نقشه‌سئني و
روحون واسئطهسئله اونا آشکار اولموش بوتون بونلارين نقشه‌سئني وردی: ربّئن معبدئنئن حَيَطلري، اطرافداکي بوتون اوتاقلار، تاري معبدئنئن خزئنهلري، تقدئس اولونان شيلرئن خزئنهلري،
کاهئنلرئن و لاوئلی‌لرئن بؤلوکلري، ربّئن معبدئنده هر جور خئدمت ائشي، ربّئن معبدئنده اولان بوتون خئدمت اشيالاري،
هر جور خئدمت اوچون ائشله‌دئلَن بوتون قيزيلين چکئسئنه گؤره قيزيل اشيالار، هر جور خئدمت اوچون ائشله‌دئلَن بوتون گوموشون چکئسئنه گؤره گوموش اشيالار،
هر چيراقدانين و اونون چيراقلارينين چکئسئنه گؤره قيزيل چيراقدانلار و اونلارين قيزيل چيراقلاري، هر جور خئدمت اوچون چکئسئنه گؤره گوموش چيراقدانلار و اونلارين چيراقلاري،
تقدئم چؤرکلري قويولان مئزلر اوچون هر مئزئن چکئسئنه گؤره قيزيل، هر گوموش مئز اوچون گوموش،
خالئص قيزيلدان اولان چَنگل‌لر، لَيَنچه‌لر و سَهَنگلر، هر کاسانين چکئسئنه گؤره قيزيل کاسالار، هر کاسانين چکئسئنه گؤره گوموش کاسالار،
چکئسئنه گؤره خالئص قيزيلدان بوخور قوربانگاهي. داوود حتّا کَرّوبلارين تصوئرئني ده وردی کي، نجه قانادلاريني آچيب ربّئن عهد سانديغيني اؤرتموشدولر.
داوود ددي: "بونلارين هاميسينين تصوئري بوتون تفسئلاتي ائله يازيلي شکئلده رب طرفئندن منه آشکار ادئلدي."
داوود اوغلو سوليمانا ددي: "گوجلو و جسارتلي اول، بو ائشي گؤر. قورخما و روحدان دوشمه، چونکي رب تاري، منئم تاريم، سنئنله‌دئر. ربّئن معبدئنئن بوتون خئدمت ائشي آخيرا چاتماميش او نه سني آتار، نه ده سني ترک اِدَر.
کاهئنلرئن و لاوئلی‌لرئن بؤلوکلري تاري معبدئنئن بوتون خئدمتي اوچون حاضير دورورلار. سنئن يانيندا آداملار دا وار کي، اؤز گؤيلو ائله بوتون ائشلر اوچون هر جور خئدمتي باجاريرلار. ريئسلر و بوتون خالق سنئن هر امرئني گؤزلهيئر."
داوود پادشاه بوتون جاماعاتا ددي: "تارينين سِچدئيي اوغلوم سوليمان جاوان و تجروبه‌سئزدئر و بو ائش بؤيوکدور، چونکي بو معبد ائنسان اوچون يوخ، رب تاري اوچوندور.
بوتون سَعيئمله تاريمين معبدئندن اؤتري، قيزيل شيلر اوچون قيزيل، گوموش شيلر اوچون گوموش، بورونج شيلر اوچون بورونج، دَمئر شيلر اوچون دَمئر، آغاج شيلر اوچون آغاج، دامارلي عقئق داشلاري و اونلارين ساغاناقلاري، جوربهجور رنگلي داشلار، هر جور قئيمتلي داشلار و چوخلو مرمر داشلار حاضيرلاميشام.
بوندان علاوه، تاريمين معبدئنه اولان سِوگئم اوزوندن، موقدّس معبد اوچون حاضيرلاديغيم هر شيدن علاوه نه قدر قيزيل-گوموش خزئنَم وارسا، اونو دا تاريمين معبدي اوچون ورئرم:
اوفئر قيزيليندان اوچ مئن تالانت قيزيلي، يدّي مئن تالانت خالئص گوموشو بئنالارين دوواريني اؤرتمک اوچون،
قيزيل شيلر اوچون قيزيلي، گوموش شيلر اوچون گوموشو اوستالارين دوزَلده‌جَيي بوتون ائشلر اوچون ورئرم. کئم بو گون ائستهيئر کي، ربّه اؤز گؤيلو ائله نذئر تقدئم اتسئن؟"
نسئل باشچيلاري، ائسرايئل قبئله‌لرئنئن باشچيلاري، مئنباشيلار، يوزباشيلار و پادشاهين ائشلري اوستونده اولان ريئسلر اؤز گؤيلو ائله
تاري معبدئنئن خئدمتي اوچون بش مئن تالانت و اون مئن دِرهَم قيزيل، اون مئن تالانت گوموش، اون سکّئز مئن تالانت بورونج و يوز مئن تالانت دَمئر وردئلر.
کئمده قئيمتلي داشلار وار ائدي، اونلاري ربّئن معبدئنئن خزئنهسئنه ورئردي کي، گِرشون نسلئندن اولان يِخي‌اِلئن نظارتي آلتيندا ائدي.
خالق اونلارين اؤز گؤيلو ائله نذئر ورمه‌سئنه سِوئندي، چونکي بوتون قَلبله ربّه نذئر تقدئم اتمئشدئلر. داوود پادشاه دا چوخ سِوئندي.
داوود بوتون جاماعاتين گؤزو قاباغيندا ربّه سئتايئش ادئب ددي: "ای آتاميز ائسرايئلئن تاريسي رب، اَزَلدن ابدهجک موبارکسن!
يارب، عظمت، قودرت، جلال، ظفر و حئشمت سنئندئر، دوغرودان دا گؤيلرده و يرده اولان هر شي سنئندئر. يارب، پادشاهليق سنئندئر و حؤکمدار اولاراق اؤزونو اوجالديرسان.
وار-دؤولتله حؤرمت سندن گلئر و سن هر شيه حؤکمرانليق ادئرسن. اَلئنده قودرت و گوج وار. هر کسي اوجالتماق و گوجلَندئرمَک سنئن اَلئندهدئر.
ائندي، ای تاريميز، بئز سنه شوکور ادئرئک و عئزّتلي آدينا حمد ورئرئک.
آمّا من کئمَم و خالقيم کئمدئر کي، بو جور اؤز گؤيلو ائله نذئرلر وره بئلک؟ چونکي هر شي سندندئر و سنئن اَلئندن آلديغيميزي سنه ورمئشئک.
بئز بوتون آتالاريميز کئمي سنئن قاباغيندا بئر قرئب و قوناغيق. گونلرئمئز يِر اوزونده کؤلگه کئمئدئر و هچ نَيه اومئدئمئز يوخدور.
يارب تاريميز، سنئن موقدّس آدينا معبد تئکمک اوچون حاضيرلاديغيميز بوتون بو وار-دؤولت سنئن اَلئنله ورئلئب و بونلارين هاميسي سنئندئر.
بئلئرم کي، ای تاريم، سن اوره‌يي ائمتاحان ادئرسن و دوزلويو سِوئرسن. من بوتون بو شيلري اوره‌يئمئن دوزلويو ائله، اؤز گؤيلومله تقدئم اتدئم و ائندي بورادا اولان خالقينين سنه اؤز گؤيلو ائله نذئر وردئيئني شادليقلا گؤردوم.
يارب، آتالاريميز ائبراهئمئن، ائسحاقين و ائسرايئلئن تاريسي! خالقينين اورهيئندهکي ائستَکلرئنده بونو ابدهجک قورويوب ساخلا و اونلارين اوره‌يئني اؤزونه طرف يؤنَلت.
اوغلوم سوليمانا صادئق بئر اورَک ور کي، سنئن امرلرئنه، شهادتلرئنه و قايدالارينا عمل اتسئن، بوتون بو ائشلري گؤرسون و تئکئلئشئنه حاضيرليق گؤردويوم بو معبدي تئکسئن."
داوود بوتون جاماعاتا ددي: "ائندي تارينيز ربّه حمد ادئن." بوتون جاماعات آتالارينين تاريسي ربّه حمد اتدي. اونلار اَيئلئب ربّه و پادشاها تعظئم اتدئلر.
او گونون صاباحي ربّه قوربانلار کَسدئلر و ربّه يانديرما قورباني اولاراق مئن باش گاميش، مئن باش قوچ، مئن باش قوزو، اونلارين مايع تقدئملرئني و بوتون ائسرايئل اوچون چوخلو قوربانلار تقدئم اتدئلر.
او گون اونلار بؤيوک شادليقلا ربّئن قاباغيندا يِيئب-ائچدئلر. سونرا ائکئنجي دفه داوود اوغلو سوليماني پادشاه اتدئلر. رب اوچون اونو حؤکمدار و صادوقو کاهئنلئيه مسح اتدئلر.
سوليمان آتاسي داوودون يرئنه پادشاه اولوب ربّئن تختئنده اوتوردو و اوغور قازاندي. بوتون ائسرايئللی‌لر اوندان ائطاعت اتدئلر.
بوتون ريئسلر، ائگئد آداملار، هم ده داوودون بوتون اوغوللاري پادشاه سوليمانا باغلي قالماقلاريني اعلان اتدئلر.
رب سوليماني بوتون ائسرايئللیلرئن گؤزونده چوخ اوجالتدي و اونا اِله بئر پادشاهليق عظمتي وردی کي، اؤزوندن اوّل ائسرايئلده هچ بئر پادشاه اونا مالئک اولماميشدي.
بلجه، يَسّه اوغلو داوود بوتون ائسرايئل اوستونده پادشاهليق اتدي.
اونون ائسرايئل اوستونده پادشاهليق اتدئيي مودّت قيرخ ائل ائدي؛ يدّي ائل خِبروندا و اوتوز اوچ ائل اورشلئمده پادشاهليق اتدي.
او، اوزون عؤمور سوروب، ثروت و شؤهرتدن دويموش حالدا، خوش بئر قوجاليق چاغيندا اؤلدو و يرئنه اوغلو سوليمان پادشاه اولدو.
پادشاه داوودون اوّلدن آخيرا قدر بوتون ائشلري گؤروجو سَمويئلئن کئتابيندا، پيغمبر ناتانين کئتابيندا و گؤروجو جادين کئتابيندا يازيليبدير.
داوودون پادشاهليغي و قودرتي، اونون، ائسرايئلئن و بوتون اؤلکه‌لرئن پادشاهليقلارينين باشينا گلن احوالاتلار بارهده يازيليبدير.
داوود اوغلو سوليمان اؤز پادشاهليغيني مؤحکَملَندئردي، تاريسي رب اونونلا ائدي و اونو چوخ اوجالتدي.
سوليمان بوتون ائسرايئللی‌لري، مئنباشي‌لاري، يوزباشيلاري، قاضي‌لاري، بوتون ائسرايئلده هر بئر رهبري و عايئله باشچيلاريني چاغيردي.
سوليمان و اونونلا برابر بوتون جاماعات گئبعوندا اولان پرستئشگاها گتدئلر، چونکي تارينين حوضور چاديري کي، ربّئن قولو موسا اونو چؤلده قورموشدو، اورادا ائدي.
لاکئن داوود تارينين سانديغيني قئريَت يِعه‌رئمدن اونون اوچون حاضيرلاديغي يره گتئرمئشدي، چونکي داوود اونون اوچون اورشلئمده بئر چادير قورموشدو.
خور اوغلو اوري اوغلو بِصه‌لِلئن دوزلتدئيي بورونج قوربانگاه گئبعوندا، ربّئن خيمهسي قاباغيندا ائدي و سوليمانلا جاماعات اورايا ربدن مصلحت آلماغا گتدئلر.
سوليمان اورايا، ربّئن حوضورونا، حوضور چاديرينين قاباغينداکي بورونج قوربانگاها قالخدي و اونون اوستونده مئن باش يانديرما قورباني تقدئم اتدي.
همئن گجه تاري سوليمانا گؤرونوب اونا ددي: "نه ائستهيئرسن، سنه ورئم؟"
سوليمان تارييا ددي: "سن آتام داوودا بؤيوک شفقت گؤرسدئبسن و اونون يرئنه منی پادشاه ادئبسن.
ائندي، يارب تاري، آتام داوودا وردئيئن وعده يرئنه يِتئشسئن، چونکي سن منی اله بئر خالقين اوستونه پادشاه ادئبسن کی، يرئن توزو قدر چوخدورلار.
ائندي منه حئکمت و بئلئک ور کي، بو خالقا حؤکم اده بئلئم، چونکي سنئن بو بؤيوک خالقينا کئم حؤکم اده بئلر؟"
تاري سوليمانا ددي: "ائندي کي اوره‌يئنده بو ائستَک وار و سن وار-دؤولت، ثروت، عئزّت، حتّا سندن نئفرت ادنلرئن جانيني و اؤزونه اوزون عؤمور ائستمه‌دئن، آمّا اؤزون اوچون حئکمت و بئلئک ائسته‌دئن کي، سني اوستونده پادشاه اتدئيئم خالقيما حؤکم ادهسن،
حئکمت و بئلئک سنه عطا اولوندو. سنه اله وار-دؤولت، ثروت و عئزّت ورهجيم کي، نه سندن قاباق اولان پادشاهلاردا اولوب، نه ده سندن سونراکي‌لاردا اولاجاق."
سوليمان گئبعوندا اولان پرستئشگاهدان، حوضور چاديرينين قاباغيندان اورشلئمه گتدي و ائسرايئل اوستونده پادشاهليق اتدي.
سوليمان دؤيوش عارابالاري و آتليلار ييغدي؛ اونون مئن دؤرد يوز دؤيوش عاراباسي و اون ائکي مئن آتليسي وار ائدي. اونلاري عارابالار اوچون آيريلان شهرلرده و اورشلئمده، پادشاهين يانيندا يِرلَشدئردي.
پادشاه اورشلئمده قيزيل و گوموشو او قدر چوخ اتدي کي، داشلارا برابر اولدو، سئدر آغاجيني دا او قدر بول اتدي کي، هامار بؤلگه‌ده بئتَن وحشي انجئر آغاجينا برابر اولدو.
سوليمانين آتلاري مئصئردن و قِوِه‌دن گتئرئلئردي، پادشاهين تاجئرلري اونلاري قِوِه‌دن ساتين آليرديلار.
هر بئر دؤيوش عاراباسي آلتي يوز شِکِل گوموشه، هر بئر آت دا يوز اَلّي شِکِل گوموشه مئصئردن گتئرئلئردي. بوتون خئت و اَرام پادشاهلاري دا بونلاري سوليمانين تاجئرلرئنئن واسئطهسئله آليرديلار.
سوليمان قصد اتدي کي، ربّئن آدينا بئر معبد، اؤزو اوچون ده بئر ساراي تئکسئن.
بونا گؤره ده يوک داشييان يتمئش مئن نفر و داغلاردا داش يونان هشتاد مئن نفر تعيئن اتدي. اونلارين اوستونه ده اوچ مئن آلتي يوز نظارتچي قويدو.
سونرا صور پادشاهي خوراما خبر گؤندرئب ددي: "نجه آتام داوودلا اِتدئن و اونا سئدر آغاجلاري گؤندردئن کي، ياشاماق اوچون اؤزونه ساراي تئکسئن، اِله ده منه گؤندر.
باخ، من تاريم ربّه تقدئس اتمک اوچون اونون آدينا بئر معبد تئکئرم کي، اونون حوضوروندا خوش عطئرلي بوخور يانديرماق اوچون، دائمي تقدئم چؤرکلري اوچون، سحر-آخشام، سَبّت گونلرئنده، تزه آي مراسئملرئنده و تاريميز ربّئن بايراملاريندا يانديرما قوربانلاري اوچون اولسون. بونلار ائسرايئل اوچون ابدی قايدادير.
تئکه‌جيئم معبد بؤيوک اولاجاق، چونکي تاريميز بوتون آللاهلاردان بؤيوکدور.
لاکئن کئم اونا اِو تئکمه‌يه قادئردئر؟ او، گؤيه و گؤيلرئن گؤيونه سيغماز و من کئمَم کي، اونا بئر اِو تئکَم؟ اونون قاباغيندا آنجاق بوخور يانديرماق اوچون بئر ير تئکه بئله‌رم.
ائندي منه بئر آدام گؤندر کي، قيزيل، گوموش، بورونج، دَمئر ائشلرئني، ارغواني، قيرميزي رنگلي و لاجورد پارچا ائشلرئني باجارسين، هر جور اويما ائشي گؤرسون و آتام داوودون حاضيرلاديغي و منئم يانيمدا، يهودادا و اورشلئمده اولان اوستالارلا بئرلئکده ائشله‌سئن.
لوبناندان منه سئدر، شام و اَردَج آغاجلاري گؤندر، چونکي بئلئرم کي، سنئن آداملارين لوبناندان آغاج کَسمه‌يي باجاريرلار. باخ، منئم آداملاريم سنئن آداملارينلا ائشلَيه‌جکلر کي،
منه بول تاختا دئرَکلري حاضيرلاسينلار. چونکي تئکه‌جيئم معبد بؤيوک و خارئقه اولاجاق.
باخ، من ده سنئن آداملارينا، يعني آغاج کَسنلره ائيئرمي مئن کور يارما، ائيئرمي مئن کور آرپا، ائيئرمي مئن بَت شراب و ائيئرمي مئن بَت زيتون ياغي ورهرم."
صور پادشاهي خورام گؤندردئيي مَکتوبونان سوليمانا جاواب وردی: «رب خالقيني سِودئيي اوچون سني اونلارين اوستونده پادشاه ادئب.»
خورام بله داوام وردی: «گؤيي و يري يارادان ائسرايئلئن تاريسي رب موبارَک اولسون کي، پادشاه داوودا حئکمتلي، دَرّاکه‌لي و فَهئم اوغول ورئب، اِله کي، رب اوچون بئر معبد، اؤزو اوچون ده بئر پادشاه سارايي تئکسئن.
ائندي سنئن يانينا خورام-آبي آديندا اوستا و عاغيلّي بئرئني گؤنده‌رئرم.
او، دانلي بئر آروادين و صورلو بئر آتانين اوغلودور. بو آدام قيزيل، گوموش، بورونج، دَمئر، داش، آغاج ائشلرئني، ارغواني، لاجورد، قيرميزي پارچا و نازئک کتان ائشلرئني باجارير، هر جور اويما ائشئني و اونا تاپشيريلان هر ناخيشي چکه بئلئر. سنئن اوستالارينلا و آتان آغام داوودون اوستالاري ائله بئرلئکده اونا دا ائش تاپشيريلسين.
ائندي آغام ددئيي بوغداني و آرپاني، زيتون ياغيني و شرابي قوللارينا گؤندرسئن.
بئز ده سنه لازيم اولدوغو قدر لوبناندان آغاج کَسه‌رئک و اونو ساللارلا دهنز يولو ائله سنئن يانينا يافايا گتئره‌رئک، سن ده اونو اورشلئمه چيخاردارسان."
سوليمان ائسرايئلده اولان بوتون قرئبلري، آتاسي داوودون سئياهييا آلديغيندان سونرا بئر ده سايدي. قرئبلر يوز اَلّي اوچ مئن آلتي يوز نفر ائدئلر.
اونلاردان يتمئش مئن نفري يوک داشيماغا، هشتاد مئن نفري داغلاردا داش يونماغا قويدو. اوچ مئن آلتي يوز آدامي دا خالقي ائشلَتمَک اوچون نظارتچي اتدي.
سوليمان اورشلئمده ربّئن آتاسي داوودا گؤروندويو مورئيا داغيندا ربّئن معبدئني تئکمه‌يه باشلادي، او يرده کي، داوود يِبوسلو اورنانين خرمنئنده حاضيرلاميشدي.
اونو پادشاهليغينين دؤردونجو ائلئنده، ائکئنجي آيين ائکئنجي گونونده تئکمه‌يه باشلادي.
تارينين معبدئنئن تئکئلمه‌سي اوچون سوليمانين قويدوغو بونؤوره‌لر بونلاردير: بونؤوره‌لرئن اوزونلوغو کؤهنه اؤلچويه گؤره آلتميش قولآچ و اِني ائيئرمي قولآچ ائدي.
معبدئن قاباغينداکي اِيوانين اوزونلوغو معبدئن اِني ائله برابر و ائيئرمي قولآچ ائدي، بويو دا يوز ائيئرمي قولآچ ائدي. اونو ائچه‌رئدن خالئص قيزيللا اؤرتدو.
بؤيوک اوتاغا شام آغاجي ائله اؤرتوک ووروب اونو خالئص قيزيللا اؤرتدو و اونون اوستونه خورما آغاجلاري و زنجئر تصوئرلري ناخيشلاتدي.
معبدي قئيمتلي داشلارلا بَزه‌دي. قيزيل، پَروايئم قيزيلي ائدي.
معبدي و اونون دئرَکلرئني، آستانالاريني، دووارلاريني و قاپيلاريني قيزيللا اؤرتدو، دووارلاردا کَرّوبلارين تصوئرئني اويدو.
سوليمان لاپ موقدّس يري ده تئکدي. اونون اوزونلوغو معبدئن اِني ائله برابر و ائيئرمي قولآچ ائدي و اِني ده ائيئرمي قولآچ ائدي. اونو آلتي يوز تالانت خالئص قيزيللا اؤرتدو.
قيزيل ميخلارين آغيرليغي اَلّي شِکِل ائدي. يوخاري اوتاقلاري دا قيزيللا اؤرتدو.
لاپ موقدّس يرده هيکل‌تراش ائشي اولان ائکي کَرّوب دوزلتدي و اونلاري قيزيللا اؤرتدو.
کَرّوبلارين قانادلاري ائيئرمي قولآچ اوزونلوغوندا ائدي. بئر کَرّوبون قانادي بش قولآچ ائدي و معبدئن دووارينا دَيئردي. او بئري قانادي دا بش قولآچ ائدي و او بئري کَرّوبون قانادينا دَيئردي.
او بئري کَرّوبون دا قانادي بش قولآچ ائدي و اِوئن دووارينا دَيئردي. او بئري قانادي دا بش قولآچ ائدي و او بئري کَرّوبون قانادينا ياپيشيردي.
بو کَرّوبلارين قانادلاري ائيئرمي قولآچ اوزانيردي. کَرّوبلار آياق اوسته دورموشدولار و اوزلري بؤيوک اوتاغا طرف چِورئلمئشدي.
او، لاجورد، اَرغواني، قيرميزي پارچا و نازئک کتاندان پرده تئکدي، اوستونده کَرّوبلار ائشلَمه‌لري وار ائدي.
سوليمان معبدئن قاباغيندا ائکي سوتون دا دوزلتدي کي، اوتوز بش قولآچ بويوندا ائدي و هر بئر سوتونون اوستونده‌کي باشليق بش قولآچ ائدي.
ائچ اوتاقدا اولان زنجئرلر کئمي، زنجئرلر دوزلتدي و اونلاري سوتونلارين باشينا قويدو، يوز نار دوزلتدي و اونلاري زنجئرلرئن اوستونه قويدو.
او، سوتونلاري معبدئن قاباغينا، بئرئني صاغ طرفه و او بئرئني سول طرفه قويدو. صاغدا اولاني ياکئن، سولدا اولاني دا بوعَز آدلانديردي.
سوليمان بورونجدن بئر قوربانگاه تئکدي. اونون اوزونلوغو و اِني ائيئرمي قولآچ، بويو دا اون قولآچ ائدي.
او، تؤکولموش بورونجدن دايره شکلئنده بئر حوووض دوزلتدي. بو قيراغيندان او بئري قيراغينا قدر اون قولآچ ائدي. اونون درئنلئيي بش قولآچ ائدي و اوتوز قولاجليق بئر ائپ ده اونون اطرافينا دولانميشدي.
آلتينين هر طرفئندن اونو اؤکوزون تصوئرلري اَحاطه ادئردي. هر قول‌آچدا اون اؤکوز وار ائدي. اؤکوزلر ائکي ردئف ائدئلر و اونلار حوووضلا بئرلئکده تؤکولموشدولر.
حوووض اون ائکي تؤکمه اؤکوزون اوستونده دوروردو: اوچو شئمالا، اوچو قربه، اوچو جنوبا، اوچو ده شرقه باخيردي. حوووض يوخاريدا، اونلارين اوستونده ائدي و اؤکوزلرئن بوتون آرخا حئصّه‌لري ائچَرئيه طرف ائدي.
حوووضون قالينليغي دؤرد بارماق قالينليغيندا ائدي. اونون کناري، کاسا کناري کئمي دوزَلدئلمئشدي و آچيلان زانباغا بَنزه‌يئردي. او، اوچ مئن بَت سو توتوردو.
سوليمان اون لَيَن دوزلتدي، اونلاردا يوماق اوچون بِشئني معبدئن صاغ طرفئنه، بِشئني ده سول طرفئنه قويدو. يانديرما قورباني اولاجاق شيلري اونلارين ائچئنده يويارديلار. آنجاق حوووض کاهئنلرئن يويونماسي اوچون ائدي.
او، نقشه‌سئنه گؤره اون قيزيل چيراقدان دوزلتدي، و اونلاري معبدده، بِشئني صاغدا، بِشئني ده سولدا قويدو.
اون مئز دوزلتدي، اونلاري معبدده، بِشئني صاغدا، بِشئني ده سولدا قويدو. قيزيلدان يوز لَيَنچه ده دوزلتدي.
سونرا کاهئنلر حَيَطئني، بؤيوک حَيَطي، حَيَطئن قاپيلاريني دوزلتدي و اونلارين قاپيلاريني بورونجله اؤرتدو.
حوووضو معبدئن ساغيندا، جنوب-شرق کونجونده يِرلَشدئردي.
خورام قازانلاري، کورَکلري و لَيَنچه‌لري ده دوزلتدي. بلجه خورام تارينين معبدي اوچون سوليمان پادشاهين امري ائله بو ائشلري گؤروب قورتاردي:
ائکي سوتون؛ سوتونلارين اوستونده ائکي مودوّر باشليق؛ ائکي حؤرمه تور کي، سوتونلارين اوستونده‌کي باشليقلاري اؤرتسونلر؛
ائکي حؤرمه تور اوچون دؤرد يوز نار تصوئري کي، سوتونلارين اوستونده اولان مودوّر باشليقلاري اؤرتسونلر.
پايالار؛ پايالارين اوستونده اون لَيَن؛
حوووض؛ حوووضون آلتيندا اون ائکي تؤکمه اؤکوز؛
خَکَندازلار، کورَکلر و بؤيوک چَنگل‌لر و اونلارين بوتون لوازئماتي. بوتون بو اشيالاري خورام-آبي ربّئن معبدي اوچون پادشاه سوليمانين امري ائله جئلالانميش بورونجدن دوزلتمئشدي.
پادشاه بونلاري اوردون چايينين کنارينداکي اووادا، سوکّوتلا صِرِداتا آراسينداکي گئل‌لي تورپاقلاردا تؤکموشدو.
سوليمان بو اشيالارين هاميسيندان لاپ چوخ دوزلتدي و اونلارا ائشله‌دئلَن بورونجون چکئسي موعَيّن اولا بئلمئردي.
سوليمان تارينين معبدئنده‌کي بوتون اشيالاري دوزلتدي: قيزيل قوربانگاه؛ تقدئس چؤرکلري قويولان مئزلر؛
قايدايا گؤره ائچ اوتاغين قاباغيندا يانديرماق اوچون خالئص قيزيلدان چيراقدانلار و اونلارين چيراقلاري؛
خالئص قيزيلدان اولان قؤنجه‌لر، چيراقلار و ماشالار؛
خالئص قيزيلدان پئلته ماشالاري، لَيَنچه‌لر، قاشيقلار، و بوخوردانلار؛ معبدئن قاپيلاري، يعني لاپ موقدّس يره آچيلان ائچَري قاپي تايلاري و معبدئن بؤيوک اوتاغينين قاپي تايلاري.
بلجه ربّئن معبدي اوچون سوليمانين گؤردويو بوتون ائشلر قورتاردي. سوليمان آتاسي داوودون تقدئس اتدئيي قيزيل-گوموشو و بوتون اشيالاري ائچَري گتئرئب، تارينين معبدئنئن خزئنه‌لرئنه قويدو.
او زامان سوليمان ائسرايئلئن آغساقّاللاريني، بوتون قبئله باشچيلاريني، يعني ائسرايئل اؤولادلارينين نسئل رهبرلرئني اورشلئمه، اؤزونون يانينا ييغدي کي، ربّئن عهد سانديغيني داوودون شهري اولان صَحيوندان گتئرسئنلر.
يدّئنجی آيدا اولان بايرام واختي بوتون ائسرايئل خالقي پادشاهين يانينا ييغيلدي.
سونرا بوتون ائسرايئل آغساقّاللاري گلدئلر و لاوئلی‌لر سانديغي گؤتوردولر.
لاوئلي کاهئنلر اونونلا بئرلئکده حوضور چاديريني و چاديردا اولان بوتون موقدّس اشيالاري گتئردئلر.
سوليمان پادشاه و اونون يانينا ييغيلميش بوتون ائسرايئل جاماعاتي، سانديغين قاباغيندا او قدر قويون-کچي و گاميش قوربان کَسدئلر کي، چوخلوغونا گؤره سايي-حسابا گلمَزدي.
کاهئنلر ربّئن عهد سانديغيني معبدئن ائچ اوتاغينا، يعني لاپ موقدّس يره، کَرّوبلارين قانادلاري آلتينداکي اؤز يرئنه گتئردئلر.
کَرّوبلار قانادلاريني سانديغين يري اوستونده آچميشديلار و سانديغي و اونون دئرَکلرئني يوخاريدان اؤرتموشدولر.
دئرَکلر اله اوزون ائدي کي، اونلارين اوجو ائچ اوتاغين قاباغينداکي موقدّس يردن گؤرونوردو، آنجاق بايير طرفدن گؤرونموردو. اونلار بو گونه قدر اوراداديرلار.
سانديقدا هچ بئر شي يوخ ائدي، مگر موسانين خورِبده قويدوغو ائکي لؤوحه. رب اورادا، ائسرايئل اؤولادلارينين مئصئردن چيخديقلاري واخت، اونلارلا عهد باغلاميشدي.
کاهئنلر موقدّس يردن چيخديلار. حاضير اولان کاهئنلرئن هاميسي بؤلمه‌لرئني گؤزلَمه‌دن اؤزلرئني تقدئس اتمئشدئلر.
نغمه اوخويان لاوئلی‌لرئن هاميسي دا، آساف، هِيمان، يِدوتون و اونلارين اوغوللاري ائله قوحوملاري نازئک کتان گِيئنمئش، سئنجلر، چنگلر و طنبورلارلا قوربانگاهين شرق طرفئنده دايانديلار و اونلارلا برابر يوز ائيئرمي کاهئن کَره‌ناي چاليردي.
کَره‌ناي چالانلار و نغمه‌چئلر بئر سَسله ربّه حمد و شوکور اتمکله سَسلرئني بئرلئکده اوجالتديلار. کَره‌نايلارين، سئنجلرئن، و باشقا موسئقي آلَتلرئنئن سَسي اوجالاندي. اونلار ربّه حمد ادئب ددئلر: "او، دوغرودان ياخشيدير، چونکي محبّتي ابديدئر." او واخت ربّئن معبدي بئر بولودلا اله دولدو کي،
کاهئنلر او بولودا گؤره اورادا دايانيب خئدمت اده بئلمه‌دئلر، چونکي ربّئن شؤوکتي تارينين معبدئني دولدورموشدو.
او زامان سوليمان ددي: "رب بويوروب کي، قالين قارانليقدا ساکئن اولاجاق.
من سنئن اوچون اوجا بئر معبد تئکمئشم کي، سنئن ابدی ياشاياجاغين ير اولسون."
پادشاه دؤنوب بوتون ائسرايئل جاماعاتينا برکت وردی. بو زامان بوتون ائسرايئل جاماعاتي آياق اوسته دورموشدو.
پادشاه ددي: "ائسرايئلئن تاريسي رب موبارک اولسون کي، آتام داوودا اؤز آغزي ائله دانيشدي و اؤز اَلي ائله اونو يرئنه يتئرئب. او دمئشدي:
«من خالقيمي مئصئر تورپاغيندان چيخارتديغيم گوندن بَري، ائسرايئلئن هچ بئر قبئلهسئندن بئر شهر سچمه‌دئم کي، اورادا بئر معبد تئکئم و آديم اوستونده اولسون. بئر آدام دا سچمه‌دئم کی، خالقيم ائسرايئل اوستونده حؤکمدار اولسون.
لاکئن اورشلئمي سچمئشم کي، آديم اورادا اولسون. داوودو دا سچمئشم کي، خالقيم ائسرايئل اوستونده حؤکمدار اولسون.»
آتام داوودون اوره‌يئنده آرزو وار ائدي کي، ائسرايئلئن تاريسي ربّئن آدينا بئر معبد تئکسئن.
لاکئن رب آتام داوودا ددي: «سن ياخشي ادئبسن کي، منئم آديما بئر معبد تئکمک نئيّتئنه دوشوبسن.
لاکئن معبدي سن تئکميه‌جکسن، سنئن بِلئندن گلن اوغلون منئم آديما معبد تئکه‌جک.»
رب ددئيي سؤزونو يرئنه يتئردي: چونکي من آتام داوودون يرئنه قالخميشام، ربّئن ددئيي کئمي ائسرايئل تختئنده اوتورموشام و ائسرايئلئن تاريسي ربّئن آدينا معبد تئکمئشم.
صانديغي اورايا قويموشام. ربّئن ائسرايئل اؤولادلاري ائله باغلاديغي عهد اونون ائچئندهدئر."
سوليمان ربّئن قوربانگاهي قاباغيندا، بوتون ائسرايئل جاماعاتينين قاباغيندا دوروب اَللرئني گؤيلره آچدي.
او، بورونجدن بئر کورسو دوزلتمئشدي کي، اوزونلوغو ائله اِني بش قولآچ، بويو دا اوچ قولآچ ائدي و اونو حَيَطئن اورتاسينا قويموشدو. سوليمان اونون اوستونده دوردو. بوتون ائسرايئل جاماعاتي قاباغيندا دئزه دوشوب اَللرئني گؤيه آچدي.
سوليمان ددي: "يارب، ائسرايئلئن تاريسي! نه گؤيده، نه ده يرده سنئن کئمي تاري وار. سن عهدئني و محبّتئني بوتون او قوللارينلا ساخلاييرسان کي، بوتون اورَکلري ائله سنئن حوضوروندا ياشاييرلار.
سن قولون آتام داوودا وردئيئن وعدهيه عمل ادئبسن؛ اؤز دئلئنله ددئيئني بو گون اؤز اَلئنله يرئنه يتئرئبسن.
ائندي، يارب ائسرايئلئن تاريسي، قولون آتام داوودا ددئيئن سؤزه عمل ات. وعده ورئب دِمئشدئن کي: «سن يولوملا گتدئيئن کئمي، اوغوللارين دا اگر قانونوما موطابئق عمل ادئب اؤز يوللارينا دئقّت ادهلر، ائسرايئل تختئنده سنئن نسلئندن بئر کئشي اَسکئک اولماياجاق.»
ائندي ای ائسرايئلئن تاريسي رب، قوي قولون آتام داوودا ددئيئن سؤزلر تصدئق اولونسون!
لاکئن، مگر تاري حقئقتن يرده، ائنسانلارين يانيندا ساکئن اولار؟ باخ، سن گؤيه و گؤيلرئن گؤيونه سيغمازسان، نه قدر آز منئم تئکدئيئم بو معبده!
لاکئن سن بو قولونون دوعاسينا و يالواريشينا نظر سال، يارب تاريم، سنئن حوضوروندا اتدئيي فريادي و دوعاني اشئت.
قوي سنئن نظرئن گجه-گوندوز بو معبدئن اوستونده اولسون. بو يِر بارهده سن ديئبسن کي، آديني اورادا قويورسان. قولونون بورايا اوز توتوب اتدئيي دوعاني اشئت.
بو يره طرف دوعالار اتدئکلري واخت، اؤز قولونون و خالقين ائسرايئلئن يالواريشلاريني سن اشئت، گؤيلرده اولان مسکنئندن اشئت؛ اشئت و باغيشلا!
اگر بئر آدام اؤز ياخينينين ضئدّئنه گوناه اتسه و اوندان آند ائچمک طلب اولونسا، او دا گلئب بو معبدده، سنئن قوربانگاهين قاباغيندا آند ائچسه،
او واخت سن گؤيدن اشئت و عمل ات. قوللارينا حؤکم ات: شرور آدامين عملئني اؤز باشينا دؤنده‌رئب اونو محکوم ات و صالح آداما صالحلئيئنه گؤره برائت ور.
اگر خالقين ائسرايئل سنئن ضئدّئنه گوناه اتدئيي اوچون دوشمن قاباغيندا مغلوب اولسا و اونلار تکرار سنه طرف دؤنوب آديني دئللرئنه گتئرسه‌لر و بو معبدده سنه يالواريب فرياد اتسهلر،
او واخت سن گؤيدن اشئت و خالقين ائسرايئلئن گوناهيني باغيشلا، اونلاري گئنه اونلارا و آتالارينا وردئيئن تورپاغا قايتار.
اگر خالقين سنئن ضئدّئنه گوناه اتدئيي اوچون گؤي باغلانيب ياغيش ياغماسا، اگر بو يِره طرف دوعا ادئب آديني دئللرئنه گتئرسه‌لر و اونلاري ذلئل اتدئيئن زامان اؤز گوناهلاريندان دؤنسه‌لر،
او واخت سن گؤيدن اشئت، قوللارينين و خالقين ائسرايئلئن گوناهيني باغيشلا؛ و گدهجکلري ياخشي يولو اونلارا اؤيرَت. خالقينا ائرث وردئيئن تورپاغينا دا ياغيش گؤندر.
اگر اؤلکهده آجليق اولسا، وبا اولسا، ائستي يِل، کوف، چَيئرتکه يا دا بئتکي قوردو اولسا، اگر دوشمن اونلاري اؤلکهنئن هر هانسي بئر شهرئنده موحاصئرهيه آلسا؛ هانسي بلا، هانسي ناخوشلوق اولور، اولسون –
هر کَسئن طرفئندن، يا دا بوتون خالقين ائسرايئل طرفئندن بئر دوعا و يالواريش اولسا، هر کس اؤز ذلئل‌لئيئني و دردئني بئلئب بو معبده طرف اَللرئني آچسا،
او واخت سن گؤيدن، اؤز مسکنئندن اشئت و باغيشلا. اوره‌يئني بئلدئيئن هر آداما، بوتون عمللرئنه گؤره عوض ور، چونکي ائنسان اورَکلرئني فقط سن بئلئرسن.
اله کي اونلار سندن قوخسونلار و آتالاريميزا وردئيئن تورپاقدا ياشاديقلاري بوتون گونلر بويو، سنئن يولونلا گتسئنلر.
اگر خالقين ائسرايئلدن اولمايان ياداِللي ده اوزاق اؤلکه‌دن سنئن آدينين خاطئرئنه گلسه، سنئن بؤيوک آدين، قودرتلي اَلئن و اوزانان قولون بارهده اشئدئب بو معبده طرف دوعا اتسه،
او واخت سن گؤيدن، اؤز مسکنئندن اشئت و ياد اِللي‌نئن سنه فرياد اتدئيي هر شيي ات کي، ير اوزونون بوتون خالقلاري دا سنئن آديني تانيسينلار، خالقين ائسرايئل کئمي سندن قورخسونلار و بئلسئنلر کي، تئکدئيئم بو معبد سنئن آدينلا چاغيريلير.
اگر خالقين گؤندردئيئن يوللا دوشمنلرئنئن ضئدّئنه موحارئبهيه چيخسا و سنئن سِچدئيئن بو شهره طرف، سنئن آدينا تئکدئيئم معبده طرف سنه دوعا اتسه،
سن گؤيدن اونلارين دوعاسيني و يالواريشيني اشئت، اونلاردان حئمايت ات.
اگر اونلار سنئن ضئدّئنه گوناه اتسهلر-چونکي گوناه اتمه‌يَن ائنسان يوخدور-و سن قضبله‌نئب اونلاري دوشمنه تسلئم ادهسن و دوشمن اونلاري اسئر ادئب ياخين يا دا اوزاق تورپاغينا آپارسا،
اگر اونلار اسئرلئکده اولدوقلاري اؤلکهده اورَکلرئني دؤنده‌رئب تؤوبه اتسهلر و اسئر اولان اؤلکهده سنه دوعا ادئب «بئز گوناه و حاقسيزليق اتمئشئک، پئسلئک اتمئشئک» دِسه‌لر،
اگر اونلارين اسئر اولونوب آپاريلديغي اؤلکهده، بوتون اورَکلري و جانلاري ائله، سنه طرف دؤنسه‌لر، آتالارينا وردئيئن تورپاغا، سچدئيئن شهره و آدينا تئکدئيئم معبده طرف سنه دوعا اتسهلر،
او واخت سن گؤيدن، اؤز مسکنئندن اونلارين دوعا و يالواريشلاريني اشئت و اونلاردان حئمايت ات و سنئن ضئدّئنه گوناه ادن خالقيني باغيشلا.
ائندي، ای تاريم، سنه يالواريرام، بو يرده ادئلَن دوعاني گؤزلرئن گؤرسون و قولاقلارين اشئتسئن.
ائندي يارب تاري، چيخ ياشاياجاغين يره! سن و قووّتئنئن مظهري اولان سانديغينلا بئرلئکده؛ يارب تاري، قوي کاهئنلرئن نئجاتلا اَحاطه اولونسون، موتّقي‌لرئن سنئن ياخشيليغيندا سِوئنسئنلر.
يارب تاري، مسح اتدئيئندن اوز دؤنده‌رمه، قولون داوودا گؤرستدئيئن محبّتئني يادا سال."
سوليمان دوعاني قورتارديقدا، گؤيدن اود دوشوب يانديرما قوربانلاري و قوربانلاري اودّو. ربّئن جلالي معبدي دولدوردو.
کاهئنلر ربّئن معبدئنه گئره بئلمئردئلر، چونکي ربّئن جلالي ربّئن معبدئني دولدورموشدو.
بوتون ائسرايئل اؤولادلاري اودون دوشدويونو و معبدئن اوستونده اولان ربّئن جلاليني گؤرنده، داش دؤشَمه‌نئن اوستونده اوزو اوسته يره دوشوب پرستئش اتدئلر و ربّه حمدلر ورئب ددئلر: "رب ياخشيدير، اونون محبّتي ابديدئر."
پادشاه و بوتون خالق ربّئن حوضوروندا قوربانلار کَسدئلر.
سوليمان پادشاه قوربان اولاراق ائيئرمي ائکي مئن اؤکوز و يوز ائيئرمي مئن قويون-کچي تقدئم اتدي. بلجه، پادشاه و بوتون خالق تارينين معبدئني تقدئس اتدئلر.
کاهئنلر اؤز وظئفه‌لرئنه موطابئق دايانديلار، لاوئلی‌لر ده ربّئن موسئقي آلَتلري ائله دوردولار. پادشاه داوود بونلاري دوزلتمئشدي کي، اؤزو "ربّه شوکور اولسون، چونکي محبّتي ابدئ‌دئر" اوخويوب حمد ادنده، لاوئلی‌لر چالسينلار. کاهئنلر ده اونلارين قاباغيندا کَره‌نايلار چاليرديلار و بوتون ائسرايئللی‌لر آياق اوسته دايانميشديلار.
سوليمان ربّئن معبدي قاباغينداکي حَيَطئن اورتاسيني تقدئس اتدي کي، يانديرما قوربانلاري و باريش قوربانلارينين پئيئني اورادا تقدئم اتسئن. چونکي دوزلتدئيي بورونج قوربانگاها يانديرما قوربانلاري، تاخيل تقدئملري و پئي يِرلَشمَزدي.
او واخت سوليمان و اونونلا بئرلئکده چوخ بؤيوک بئر جاماعات، خَمات کِچئدئندن مئصئر دره‌سئنه قدر ياشايان بوتون ائسرايئللی‌لر يدّي گون بايرام توتدولار.
سکّئزئنجي گون شؤوکتلي بئر ييغين توتدولار. قوربانگاهين تقدئسي اوچون يدّي گون ده بايرام اتدئلر.
يدّئنجی آيين ائيئرمي اوچونجو گونو سوليمان خالقي اؤز اِولرئنه گؤندردي. اونلار ربّئن داوودا، سوليمانا و خالقي ائسرايئله اتدئيي ياخشيليقلارا گؤره، اورَکلرئنده شاد و خوشحال ائدئلر.
بلجه سوليمان ربّئن معبدئني و پادشاه ساراييني تئکئب قورتاردي. ربّئن معبدئنده و اؤز ساراييندا اوره‌يي ائسته‌دئيي هر شيي باجاريقليقلا اتدي.
رب سوليمانا گجه گؤرونوب اونا ددي: "سنئن دوعاني اشئتمئشم و بو يري اؤزومه قوربان اِوي سچمئشم.
گؤيلري باغلاديغيم و ياغيش اولماديغي واخت، چَيئرتکه‌يه امر اتدئيئم زامان کی، يِری يِيئب قورتارسينلار، خالقيمين آراسينا دا وبا گؤندردئيئم زامان،
اگر منئم آديملا چاغيريلان خالقيم اؤزلرئني آلچالتسالار، دوعا ادئب اوزومو آختارسالار و پئس يوللاريندان دؤنسه‌لر، او واخت گؤيدن اشئدئب اونلارين گوناهيني باغيشلاياجاغام و تورپاقلاريني صاغالداجاغام.
ائندي بو يرده ادئلَن دوعاني گؤزلرئم گؤرهجک و قولاقلاريم اِشئده‌جک.
ائندي بو معبدي سچئب تقدئس اتمئشم کي، آديم ابده‌لئک اورادا اولسون. منئم نظرئم و اوره‌يئم دائم اورادا اولاجاق.
اگر منئم بوتون سنه امر اتدئکلرئمي يرئنه يتئرئب، آتان داوودون يِرئدئيي کئمي يولوملا گدهسن، منئم قايدالاريما و حؤکملرئمه عمل ادهسن،
سنئن پادشاهليق تختئني پايدار ادهجيم، نجه کي، آتان داوودلا عهد باغلاييب دمئشدئم: «سنئن نسلئندن ائسرايئله حؤکم ادن بئر کئشي اَسکئک اولماياجاق.»
آمّا اگر دؤنوب قاباغينيزا قويدوغوم قايدالاريمي و امرلرئمي ترک ادهسئنئز، گدئب آيري آللاهلارا قوللوق ادئب اونلارا پرستئش ادهسئنئز،
من سئزي اونلارا وردئيئم تورپاقدان قوووب آتاجاغام و اؤز آديما تقدئس اتدئيئم بو معبدي حوضورومدان ردّ ادهجيم. او واخت ائسرايئلي بوتون خالقلار آراسيندا مَثَل و عئبرت سؤزو ادهجيم.
اوجا اولان بو معبدئن يانيندان کچن هر کس حيرتدن مات قاليب دئيهجک: «نه اوچون رب بو تورپاغا و بو معبده بونو اتدي؟»
و دئيهجکلر: «اونا گؤره کي، اونلار اؤزلرئنئن رب تاريلاريني، آتالاريني مئصئر تورپاغيندان چيخاردان رب تاريلاري ترک اتدئلر و آيري آللاهلاردان ياپيشيب، اونلارا پرستئش و قوللوق اتدئلر. بونا گؤره ده او بوتون بو بلاني اونلارين اوستونه گؤندردي.»"
سوليمان ربّئن معبدئني و اؤز ساراييني ائيئرمي ائلده تئکئب قورتارديقدان سونرا،
خورامين اونا وردئيي شهرلري تزهدن تئکدي و ائسرايئل اؤولادلاريني اورادا يِرلَشدئردي.
سونرا سوليمان خَمات-صوبايا گتدي و اونو آلدي.
صحرادا تَدمورو تزهدن تئکدي و خَماتدا تئکدئيي بوتون آنبار شهرلرئني باشا چاتديردي.
يوخاري بِيت‌خورونو و آشاغي بِيت خورونو، قالالي شهرلري، دووارلار، قاپيلار و چفته‌لري ائله تئکدي.
بَعَلاتي، اؤزونون آنبار شهرلرئني، بوتون دؤيوش عارابالارينين اولدوغو شهرلري، آتلي‌لارين اولدوغو شهرلري، اورشلئمده، لوبناندان و اونون حؤکمرانليغي آلتيندا اولان بوتون يرلرده تئکمک ائسته‌دئيي هر شيي تئکدي.
اؤلکهده ائسرايئللی‌لردن اولمايان آيري خالقلار، خئتلئلر، اِمورلولار، پِرئزلئلر، خئولئلر و يِبوسلولار قالميشدي.
چونکي ائسرايئل اؤولادلارينين محو اتمه‌دئيي بو آداملارين نسئللري اؤلکهده بوراخيلميشدي. سوليمان اونلاري ائجباري فَعله‌لر اتدي و بو، ائندئيه قدر بلهدئر.
لاکئن ائسرايئل اؤولادلاريندان هچ کَسي اؤز ائشي اوچون قول اتمهدي؛ اونلار سوليمانين دؤيوشچولري، سرکرده ريئسلري، دؤيوش عارابالارينين و آتلي‌لارينين باشچيلاري ائدئلر.
بونلار سوليمان پادشاهئن نظارت ادن باش ريئسلر ائدئلر. خالقا ريئسلئک ادن بو آداملار ائکي يوز اَلّي نفر ائدئلر.
سونرا سوليمان فئرعونون قيزيني داوودون شهرئندن اونون اوچون تئکدئيي اِوئنه کؤچورتدو. چونکي او ددي: "آرواديم ائسرايئلئن پادشاهي داوودون ساراييندا ياشاماسين، اونا گؤره کي، ربّئن سانديغينين گئردئيي يرلر موقدّسدئر."
سونرا سوليمان ايوانين قاباغيندا دوزلتدئيي ربّئن قوربانگاهيندا، ربّه يانديرما قوربانلاري تقدئم اتدي.
بونو موسانين سَبّت گونلرئنده، تزه آي مراسئملرئنده، ائلده اوچ دفه بايراملاردا يعني ماياسيز چؤرک بايراميندا، هفته‌لر بايراميندا و چارداقلار بايراميندا امر اتدئيي کئمي تقدئملر گونونده تقدئم اتدي.
آتاسي داوودون وردئيي ترتئباتا موطابئق، او، کاهئنلرئن بؤلمه‌لرئني خئدمتلرئنه موطابئق، هر گونون قايداسي ائله کاهئنلرئن يانيندا حمد و خئدمت اتمک اوچون لاوئلی‌لري وظئفه‌لرئنه موطابئق و هر قاپييا قاپيچيلاري بؤلمه‌لرئنه موطابئق تعيئن اتدي. چونکي تاري آدامي داوود بله امر اتمئشدي.
اونلار هر مَسَلهده، خزئنه‌لرله باغلي مَسَله‌لرده پادشاهين کاهئنلره و لاوئلی‌لره اولان امرئندن چيخماديلار.
ربّئن معبدئنئن بونؤوره‌سئنئن قويولماسيندان تئکئلئب قورتارانا قدر سوليمانين هر ائشي يرئنه يِتئشمئشدي. بلجه ربّئن معبدي تئکئلئب قورتاردي.
سوليمان اِدوم اؤلکهسئنده، دهنزئن کناريندا اولان عِصيون-گِبِره و اِلوتا گتدي.
خورام، نؤکرلرئنئن واسئطهسئله اونا گَمئلر و دهنزه بَلَد آداملار گؤندردي. اونلار سوليمانين آداملاري ائله بئرلئکده اوفئره گتدئلر و اورادان دؤرد يوز اَلّي تالانت قيزيل گؤتوروب سوليمان پادشاها گتئردئلر.
شِبا ملکهسي سوليمانين شؤهره‌تئني اشئدئب اورشلئمه گلدي کي، اونو تاپماجالارلا ائمتاحان اتسئن. او، چوخ بؤيوک کاروانلا، عطرئيّات، چوخلو قيزيل و قئيمتلي داشلارلا يوکلَنمئش دَوه‌لرله سوليمانين يانينا گلدي و اوره‌يئنده اولان هر شي بارهده اونونلا صؤحبت اتدي.
سوليمان اونون بوتون سوآللارينا جاواب وردي؛ هچ بئر گئزلي شي اولمادي کي، پادشاه اونا تشرئح اتمه‌سئن.
شِبا ملکهسي سوليمانين حئکمتئني و اونون تئکدئيي سارايي،
سوفره‌سئنده‌کي يِمه‌يي، اعيانلارينين اوتوروشونو، قوللوقچولارينين خئدمتئني و اونلارين پالتارلاريني، ساقئلرئني و اونلارين پالتارلاريني، ربّئن معبدئنده گتئردئيي يانديرما قوربانلاريني گؤرنده حيران قالدي.
او، پادشاها ددي: "سنئن ائشلرئن و حئکمتئن بارهده اؤز اؤلکَمده اشئتدئيئم خبر دوز ائمئش.
هرچند گلئب اؤز گؤزلرئمله گؤره‌نه قدر، من اونلارين سؤزلرئنه ائنانماميشديم. باخ، منه سنئن بؤيوک حئکمتئنئن ياريسي بله، دانيشيلماييب. سن اشئتدئکلرئمدن ده اوستونسن.
سنئن آداملارين و قوللوقچولارين نه بَختَوَردئرلر کي، همئشه حوضوروندا دوروب حئکمتئني اشئدئرلر.
تارين رب موبارک اولسون کي، سندن راضی اولوب و سني تارين رب اوچون تختئنده پادشاه اوتوردوب! سنئن تارين ائسرايئلي سِودئيي اوزوندن هم ده اونو ابدهجک پايدار اتمکدن اؤتري، سني اونلارين اوستونه پادشاه ادئب کي، عدالت و صالحلئکله عمل ادهسن."
شِبا ملکهسي پادشاها يوز ائيئرمي تالانت قيزيل، چوخلو عطرئيّات و قئيمتلي داشلار باغيشلادي. اونون پادشاه سوليمانا وردئيي قدر عطرئيّات هچ واخت گلمه‌مئشدي.
اوفئردن قيزيل گتئرن خورامين آداملاري ائله سوليمانين آداملاري، اَردَج آغاجي و قئيمتلي داشلار دا گتئردئلر.
پادشاه اَردَج آغاجيندان ربّئن معبدي و پادشاه سارايي اوچون پئلّه‌کَنلر، موسئقئچئلر اوچون طنبورلار و چنگلر دوزلتدي. يهودا دئياريندا بو گونه قدر بِله‌سي گؤرونمه‌مئشدي.
سوليمان پادشاه شِبا ملکه‌سئنه آرزولاديغي و ائسته‌دئيي بوتون شيلري وردی. سوليمان ملکه‌نئن گتئردئکلرئندن داها چوخ وردی. او دا آداملاري ائله بئرلئکده قاييديب اؤز اؤلکهسئنه گتدي.
بئر ائلده سوليمانا گلن قيزيلين چکئسي آلتي يوز آلتميش آلتي تالانت ائدي.
آل-وِر ادن آداملارين و تاجئرلرئن گتئردئيي قيزيل بورايا داخئل ديئلدي. بوتون عرب پادشاهلاري و ائسرايئلئن والئلري ده سوليمانا قيزيل و گوموش گتئردئلر.
سوليمان پادشاه دؤيمه قيزيلدان ائکي يوز سئپر دوزلتدي. هر بئر سئپره آلتي يوز شِکِل دؤيمه قيزيل ائشلَندي.
او، دؤيمه قيزيلدان اوچ يوز قالخان دا دوزلتدي و هر بئر قالخانا اوچ يوز شِکِل قيزيل ائشلَندي. پادشاه اونلاري "لوبنان مِشه‌سي" آدلي سارايينا قويدو.
پادشاه فئل دئشئندن بؤيوک بئر تخت دوزلتدي و اونو خالئص قيزيللا اؤرتدو.
تختئن آلتي پئلّه‌سي و آياق قويماق اوچون قيزيل کَتئلي وار ائدي، بونلار تخته باغلي ائدئلر. اوتوراجاغين هر ائکي طرفئنده قوللار وار ائدي و قوللارين يانيندا ائکي شئر موجسّمه‌سي وار ائدي.
آلتي پئلّه‌نئن ائکي طرفئنده ده اون ائکي شئر موجسّمه‌سي وار ائدي. هچ پادشاهليقدا بله بئر شي دوزَلدئلمه‌دي.
سوليمان پادشاهين بوتون ائچکي قابلاري قيزيلدان ائدي. "لوبنان مِشه‌سي" آدلي ساراييندا اولان بوتون اشيالار دا خالئص قيزيلدان ائدي. چونکي گوموش سوليمانين دؤورونده دَيَرلي ساييلميردي.
پادشاهين گَمئلري خورامين آداملاري ائله بئرلئکده تَرشئشه گِدَردي. اوچ ائلده بئر دفه تَرشئش گَمئلري گلئب قيزيل، گوموش، فئل دئشي، ميمونلار و طاووسلار گتئرَردئلر.
بلجه سوليمان پادشاه وار-دؤولتده و حئکمتده ير اوزونون بوتون پادشاهلاريندان اوستون ائدي.
بوتون ير اوزونون پادشاهلاري ائسته‌يئردئلر کي، سوليمانين حوضورونا گلسئنلر و تارينين اونون اوره‌يئنه قويدوغو حئکمتي اشئتسئنلر.
اونون يانينا گلن هر کس هدئيّه گتئرئردي. بلجه اونا هر ائل قيزيل و گوموش قابلار، پالتارلار، سئلاحلار، عطرئيّات، آتلار و قاطيرلار گتئرئلئردي.
سوليمانين دؤرد مئن آخوروندا دؤيوش عارابالاري اوچون آتلاري و اون ائکي مئن آتليسي وار ائدي. اونلاري عارابالار اوچون آيريلان شهرلرده و اورشلئمده، پادشاهين يانيندا يِرلَشدئردي.
او، فَرات چاييندان فئلئسطلی‌لرئن تورپاغينا و مئصئر سرحدئنه قدر بوتون پادشاهلار اوستونده حؤکمرانليق ادئردي.
پادشاه اورشلئمده گوموشو، چوخلوغوندان داشلارا، سئدر آغاجيني دا هامار بؤلگه‌ده بئتَن وحشي انجئر آغاجينا برابر اتمئشدي.
سوليمانين آتلاريني مئصئردن و بوتون باشقا اؤلکه‌لردن گتئرئردئلر.
سوليمانين قالان ائشلري، ائلک ائشلرئندن آخير ائشلرئنه قدر، مگر ناتان پيغمبرئن تارئخ کئتابيندا و شئلولو اَخئيانين پيغمبرلئيئنده و گؤروجو يَعدّونون نِباط اوغلو يَروبعام حاقّينداکي وحي‌لرئنده يازيلماييبدير؟
سوليمان، اورشلئمده بوتون ائسرايئل اوستونده قيرخ ائل پادشاهليق اتدي.
سوليمان اؤلوب آتالاري ائله ياتدي و آتاسي داوودون شهرئنده باسديريلدي. اونون يرئنه اوغلو رِحوبعام سلطنت اتدي.
رِحوبعام شِکِمه گتدي، چونکي بوتون ائسرايئللی‌لر شِکِمه گلمئشدئلر کي، اونو پادشاه اتسئنلر.
نِباط اوغلو يَروبعام، بونو اشئتدئيي زامان، مئصئردن قاييتدي چونکي سوليمان پادشاهين اَلئندن اورايا قاچميشدي.
اونو چاغيرتديرديلار. يَروبعام گلدي و بوتون ائسرايئللیلرله بئرلئکده رِحوبعاملا دانيشيب اونا ددي:
"آتان اوستوموزه آغير يوغ قويدو. سن ائندي آتانين چتئن قوللوغونو و اوستوموزه قويدوغو آغير يوغو يونگوللَشدئر، بئز ده سنه قوللوق ادهرئک."
رِحوبعام اونلارا ددي: "اوچ گوندن سونرا گئنه منئم يانيما گلئن." خالق گتدي.
پادشاه رِحوبعام آتاسي سوليمانين صاغليغيندا اونا مصلحت ورن آغساقّاللارلا مصلحتله‌شئب ددي: "بو خالقا جاواب ورمک اوچون منه نه مصلحت ورئرسئنئز؟"
آغساقّاللار اونا ددئلر: "اگر سن بو خالقا مهرئبان اولاسان و اونلاري راضي ادئب اونلارلا ياخشي دانيشاسان، دائم سنه قول اولارلار."
آمّا او، آغساقّاللارين وردئکلري مصلحته محل قويمادي و اونونلا بئرلئکده بؤيوموش و اونا خئدمت ادن جاوان آداملارلا مصلحتلَشدي.
اونلاردان سوروشدو: "سئز نه مصلحت ورئرسئنئز؟ منه ديئن. بو خالقا کي، «آتانين اوستوموزه قويدوغو يوغو يونگوللَشدئر» ديئرلر، نه جاواب ورئم؟"
اونونلا بئرلئکده بؤيوموش جاوان آداملار اونا ددئلر: "سنه «آتان اوستوموزه آغير يوغ قويدو، سن اونو يونگوللَشدئر» دئيَن بو خالقا بله دِه: «منئم کئچئک بارماغيم آتامين بِلئندن يوغوندور.
آتام سئزي آغير يوغلا يوکله‌مئشدي، آمّا من سئزئن يوغوزنوزو داها دا آرتيراجاغام. آتام سئزي قامچيلارلا تَنبِه اتدي، آمّا من سئزي عقربلرله تَنبِه ادهجيم.»"
يَروبعام بوتون خالقلا بئرلئکده پادشاهين ددئيي کئمي کي، "اوچ گون سونرا گئنه يانيما گلئن"، اوچ گون سونرا رِحوبعامين يانينا گلدئلر.
پادشاه اونلارا ياوا جاواب وردی. پادشاه رِحوبعام آغساقّاللارين مصلحتئنه محل قويماييب،
جاوان آداملارين مصلحتئنه موطابئق، خالقا ددي: "آتام سئزي آغير يوغلا يوکله‌مئشدي، آمّا من اونو داها دا آرتيراجاغام. آتام سئزي قامچيلارلا تَنبِه اتدي، آمّا من عقربلرله تَنبِه ادهجيم."
بلجه پادشاه خالقا قولاق آسمادي، چونکي بو حادئثه تاري طرفئندن اولدو کي، رب شئلولو اَخئيا واسئطهسئله نِباط اوغلو يَروبعاما ددئيي سؤزو يرئنه يتئرسئن.
بوتون ائسرايئللی‌لر پادشاهين اونلارا قولاق آسماديغيني گؤرنده اونا جاواب ورئب ددئلر: "داوودلا بئزئم نه ائشئمئز وار؟ يَسّه‌نئن اوغلوندا ائرثئمئز يوخدور! ای ائسرايئللي، هر کس اِوئنه! ای داوود، ائندي اؤز اِوئنه باخ!" بوتون ائسرايئللی‌لر اِولرئنه گتدئلر.
رِحوبعام فقط يهودا شهرلرئنده ياشايان ائسرايئل اؤولادلاري اوستونده پادشاهليق اتدي.
پادشاه رِحوبعام ائجباري فَعله‌لر اوستونده نظارتچي اولان هَدورامي گؤندردي. ائسرايئل اؤولادلاري اونو داشا باسيب اؤلدوردولر. پادشاه رِحوبعام تَلَسئک اؤز عاراباسينا مئندي کي، اورشلئمه قاچسين.
بلجه ائسرايئل داوودون سولاله‌سئنئن ضئدّئنه قالخدي و بو، بو گونه کئمي بلهدئر.
رِحوبعام اورشلئمه گلدئکده، يهودا و بِنيامئن اِوئني- يوز هشتاد مئن سچمه دؤيوشچوسونو بئر يره ييغدي کي، ائسرايئللیلرله موحارئبه ادئب سلطنتي رِحوبعاما قايتارسين.
لاکئن ربّئن بو سؤزو تاري آدامي شِمَعيايا نازئل اولدو:
"يهودا پادشاهي سوليمان اوغلو رِحوبعاما، يهودا و بِنيامئنده اولان بوتون ائسرايئللیلره دِه کي،
رب بله ديئر: «گرک گتميه‌سئنئز و هموطنلرئنئزله موحارئبه اتميهسئنئز. هر کس اؤز اِوئنه قاييتسين، چونکي بو ائش منئم طرفئمدن اولوب.»" بلجه اونلار ربّئن سؤزونه قولاق آسديلار و يَروبعامين اوستونه گتمکدن اَل چکدئلر.
رِحوبعام اورشلئمده ياشادي و يهودانين دئفاعسي اوچون شهرلر تئکدي.
تئکدئيي شهرلر بِيت‌لِخِم، اِيتام، تَقوعَع،
بِيت‌صور، سوکو، عَدولّام،
گَت، مارِشا، زئف،
اَدوره‌يئم، لاکئش، عَزِقا،
صورعا، اَيّالون و خِبرون ائدي. او يهودا و بِنيامئن تورپاغيندا اولان بو قالالي شهرلري تئکدي.
قالالاري مؤحکمله‌دئب اونلارا سرکرده‌لر تعيئن اتدي و اونلاردا ارزاق، زيتون ياغي، و شراب آنبار اتدي.
هر شهره سئپر و نئزه‌لر قويدو، اونلاري چوخ مؤحکملَندئردي. بلجه يهودا ائله بِنيامئن تورپاقلاري اونون طرفئنده قالديلار.
بوتون ائسرايئلده اولان کاهئنلر و لاوئلی‌لر ده اونلارين بوتون محل‌لرئندن گلئب رِحوبعامين يانينا ييغيلديلار.
لاوئلی‌لر اوتلاقلاريني و مولکلرئني قويوب يهودايا و اورشلئمه گلدئلر. چونکي يَروبعام اونلاري اوغوللاري ائله بئرلئکده ربّه کاهئنلئک اتمکدن برکنار اتمئشدي.
او، پرستئشگاهلار اوچون هم ده دوزلتدئيي کچي و دانا بوتلري اوچون اؤز کاهئنلرئني قويموشدو.
اونلارين دالينجا بوتون ائسرايئل قبئلهلرئندن اولان ائسرايئلی‌لر ده کي، صادئق اورَکله ربّی آختارماق ائسته‌يئردئلر، اورشلئمه گلدئلر کي، آتالارينين تاريسي ربّه قوربان تقدئم اتسئنلر.
يهودا پادشاهليغيني مؤحکملَندئردئلر و اوچ ائل سوليمانين اوغلو رِحوبعاما کؤمک اتدئلر. چونکي اوچ ائل داوودون و سوليمانين يولو ائله گتدئلر.
رِحوبعام ماخَلَتي اؤزونه آرواد آلدي. ماخَلَت داوودون اوغلو يِرئموتلا يَسّه‌نئن اوغلو اِلئآبين قيزي اَبئحه‌يئلئن قيزي ائدي.
او، رِحوبعاما اوغوللار دوغدو: يِعوشو، شِمَرياني، زاهَمي.
ماخَلَتدن سونرا اَبشالومون قيزي مَعَکاني آلدي. او، اَبئياني، عَتّه‌يي، زئزاني و شِلومئتي دوغدو.
رِحوبعام اَبشالومون قيزي مَعَکاني بوتون آيري آروادلاري و جارئيه‌لرئندن داها چوخ سِوئردي. او، اون سکّئز آرواد و آلتميش جارئيه آلميشدي، ائيئرمي سکّئز اوغولون و آلتميش قيزين آتاسي اولدو.
رِحوبعام مَعَکا اوغلو اَبئياني قارداشلاري آراسيندا باشچي و رهبر تعيئن اتدي چونکي اونو پادشاه اتمک نئيّتئنده ائدي.
آغيلّي رفتار ادئب بوتون يهودا و بِنيامئن تورپاغيندا هر قالالي شهره اوغوللاريني گؤندردي و اونلارا بول ارزاق وردی، اونلار اوچون چوخلو آرواد آلدي.
رِحوبعام پادشاهليغي مؤحکمله‌نئب قووّتلَندئکده، او و اونونلا برابر بوتون ائسرايئللی‌لر ربّئن قانونوندان اوز دؤندَردئلر.
رِحوبعامين پادشاهليغينين بِشئنجي ائلئنده مئصئر پادشاهي شئشَق اورشلئمه هوجوم اتدي. چونکي رِحوبعاملا خالق ربّه خيانت اتمئشدئلر.
شئشَقئن مئن ائکي يوز دؤيوش عاراباسي، آلتميش مئن آتليسي و مئصئردن اونونلا بئرلئکده گلن لوبلو، سوکلو و کوشلو ساييسيز-حسابسيز عسکري وار ائدي.
او، يهودانين قالالي شهرلرئني آلدي و اورشلئمه ياخينلاشدي.
شِمَعيا پيغمبر رِحوبعامين و يهودا ريئسلرئنئن يانينا کي، شئشَقدن اؤتري اورشلئمه ييغيلميشديلار، گلئب اونلارا ددي: "رب بله ديئر: «سئز منی ترک ادئبسئنئز، من ده سئزي شئشَقئن اَلئنه ورمئشم.»"
ائسرايئل ريئسلري ائله پادشاه اؤزلرئني آلچالتديلار و ددئلر: "رب عادئلدئر."
رب اونلارين آلچالديغيني گؤرنده شَمَعيايا ربّئن بو سؤزو گلدي: "اؤزلرئني آلچالتديقلاري اوچون اونلاري محو اتميه‌جيم، اونلارا بئر آز قورتولوش ورهجيم، شئشَقئن اَلي ائله قضبئم اورشلئمئن اوستونه تؤکولميه‌جک.
آمّا اونون قوللاري اولاجاقلار کي، منه قوللوق اتمکله باشقا اؤلکه‌لرئن پادشاهليقلارينا قوللوق اتمهيئن فرقئني باشا دوشسونلر."
مئصئر پادشاهي شئشَق اورشلئمه هوجوم اتدي و ربّئن معبدئنئن و پادشاه سارايينين خزئنهلرئني گؤتوردو. هر شيي آلدي. سوليمانين دوزلتدئيي قيزيل قالخانلاري دا گؤتوردو.
رِحوبعام پادشاه اونلارين يرئنه بورونج قالخانلار دوزلتدي و بونلاري پادشاه سارايينين قاپيسيني قورويان کشئکچي ريئسلرئنئن اَلئنه وردی.
هر دفه پادشاه ربّئن معبدئنه گلنده کشئکچئلر گلئب اونلاري داشي‌ييرديلار. سونرا دا کشئکچئلرئن اوتاغينا گری گتئرئردئلر.
اؤزونو آلچالتديقدا ربّئن قضبي اونون اوستوندن دؤندو کي، اونو کامئل محو اتمه‌سئن. يهودادا ياخشي ائشلر ده وار ائدي.
بلجه رِحوبعام پادشاه اورشلئمده اؤزونو مؤحکملَندئرئب پادشاهليق اتدي. رِحوبعام، پادشاه اولان واخت، قيرخ بئر ياشيندا ائدي. او، اورشلئمده اون يدّي ائل پادشاهليق اتدي. رب بوتون ائسرايئل قبئلهلرئندن بو شهري سچمئشدي کي، اؤز آديني اورايا قويسون. اونون آناسينين آدي عَمّونلو نَعَما ائدي.
رِحوبعام شرارت اتدي، چونکي اوره‌يئني ربّی آختارماغا قويمادي.
رِحوبعامين اتدئيي ائشلر، ائلک ائشلرئندن آخير ائشلرئنه قدر، مگر شِمَعيا پيغمبرئن و گؤروجو عئدّونون تارئخ کئتابلاريندا نسئل شجره‌سئنه موطابئق يازيلماييبدير؟ رِحوبعاملا يَروبعام آراسيندا همئشه موحارئبه گدئردي.
رِحوبعام اؤلوب آتالاري ائله ياتدي و داوودون شهرئنده باسديريلدي. اونون يرئنه اوغلو اَبئيا پادشاه اولدو.
يَروبعامين پادشاهليغينين اون سکّئزئنجي ائلئنده اَبئيا يهودا اوستونده پادشاه اولدو.
او، اورشلئمده اوچ ائل پادشاهليق اتدي. آناسي گئبعالي اورئيِلئن قيزي مئکايا ائدي. اَبئيا ائله يَروبعامين آراسيندا موحارئبه گدئردي.
اَبئيا دؤرد يوز مئن سچمه ائگئد دؤيوشچو قوشونلا جنگه گئرئشدي. لاکئن يَروبعام سکّئز يوز مئن سچمه ائگئد دؤيوشچوسونو اونون ضئدّئنه دوزدو.
اَبئيا اِفرايئمئن داغليق بؤلگهسئنده اولان صِمارايِم داغينا قالخيب ددي: "ای يَروبعام و بوتون ائسرايئللی‌لر، منی اشئدئن!
مگر بئلمئرسئنئز کي، ائسرايئلئن تاريسي رب ائسرايئل اوستونده پادشاهليغي ابده کئمي داوودا و اونون اوغوللارينا ورئبدئر؟ بونو دوزلا عهد ادئب.
لاکئن نِباط اوغلو يَروبعام، داوود اوغلو سوليمانين قولو، قالخيب آغاسينين ضئدّئنه عوصيان اتدي.
اونون اطرافينا بوش و دَيَرسئز آداملار ييغيليب سوليمان اوغلو رِحوبعاما ضئدّ چيخديلار. رِحوبعام جاوان و قورخاق اولدوغو اوچون اونلارين ضئدّئنه دورا بئلمه‌دي.
ائندي سئز دوشونورسونوز کي، داوود اوغوللارينين اَلئنده اولان ربّئن پادشاهليغينا ضئدّ دوراسينيز. سئز بؤيوک بئر قوشونسونوز و يَروبعامين سئزه آللاهلار دوزلتدئيي قيزيل دانالار دا سئزئنله‌دئر.
مگر هارون نسلئندن اولان ربّئن کاهئنلرئني و لاوئلی‌لري قووماييبسينيز؟ مگر آيري اؤلکه‌لرئن خالقلاري کئمي اؤزونوزه کاهئنلر قويماييبسينيز؟ هر کس کي، بئر گاميش و يدّي قوچلا تقدئس اولونماق اوچون گلسه، يالانچي آللاهلارين کاهئني اولا بئلر.
آمّا بئزه گلئنجه، رب بئزئم تاريميزدير و بئز اونو ترک اتمهمئشئک؛ بئزده هارون نسلئندن اولان کاهئنلر ربّه خئدمت ادئرلر و لاوئلی‌لر ده خئدمت باشيندا حاضيرديرلار.
اونلار هر سحر، هر آخشام ربّه يانديرما قوربانلاري و خوش عطئرلي بوخور يانديريرلار، تمئز مئز اوستونه چؤرک تقدئمي قويورلار و هر آخشام قيزيل چيراقداني چيراقلاري ائله حاضيرلاييب يانديريرلار. چونکي بئز تاريميز ربّئن قويدوغو امرلرئنه عمل ادئرئک، آمّا سئز اونو ترک ادئبسئنئز.
باخ، تاري بئزئمله‌دئر، باشيميزين اوستوندهدئر. اونون کاهئنلري ده بئزئمله‌دئرلر. اَللرئنده کَره‌نايلار وار کي، سئزئن ضئدّئنئزه چالسينلار. ای ائسرايئل اؤولادلاري، آتالارينيزين تاريسي ربّئن ضئدّئنه موحارئبه اتمهيئن، چونکي باجارا بئلمزسئنئز."
لاکئن يَروبعام اونلارين آرخاسيندان کمئن قورموشدو. بلجه ائسرايئل يهودالي‌لارين قاباغيندا ائدي. کمئن ده اونلارين آرخاسيندا ائدي.
يهوداليلار دؤندوکده گؤردولر کي، اونلارا قاباقدان و آرخادان هوجوم اولوندو. اونلار ربّه فرياد اتدئلر و کاهئنلر کَره‌نايلاري چالديلار.
يهوداليلار نعره چکدئلر. اونلار نعره چکنده، تاري يَروبعامي و بوتون ائسرايئللی‌لري اَبئيانين و يهودانين قاباغيندا قيردي.
ائسرايئل اؤولادلاري يهودالي‌لارين قاباغيندان قاچديلار و تاري اونلاري، يهودالي‌لارين اَللرئنه تسلئم اتدي.
اَبئيا ائله خالقي اونلاري بؤيوک تَلَفاتا سالديلار: اِله کي، ائسرايئللی‌لردن بش يوز مئن سچمه آدام هلاک اولدو.
بلجه او واخت ائسرايئل اؤولادلاري موطئع اولدولار و يهوداليلار آتالارينين تاريسي ربّه بِل باغلاديقلاري اوچون قالئب گلدئلر.
اَبئيا يَروبعامي تعقئب اتدي و اوندان بِيت ائلله قصبه‌لرئني، يِشانا ائله قصبه‌لرئني، اِفرونلا قصبه‌لرئني آلدي.
اَبئيانين دؤورونده يَروبعام بئر داها گوجلو اولمادي. رب اونو ووردو و او اؤلدو.
لاکئن اَبئيا داها دا گوجلَندي. او، اون دؤرد آرواد آلدي، ائيئرمي ائکي اوغولون و اون آلتي قيزين آتاسي اولدو.
اَبئيانين قالان ائشلري، عمللري و سؤزلري مگر پيغمبر عئدّونون تفسئرئنده يازيلماييبدير؟
اَبئيا اؤلوب آتالاري ائله ياتدي و اونو داوودون شهرئنده باسديرديلار. يرئنه اوغلو آسا پادشاه اولدو. اونون دؤورونده اؤلکه اون ائل راحات ياشادي.
آسا تاريسي ربّئن گؤزونده ياخشي و دوغرو اولان ائشلر اتدي.
اؤزگه آللاهلارين قوربانگاهلاريني و پرستئشگاهلاري آرادان قالديردي، موقدّس سوتونلاري قيردي، اَشِرا بوتلرئني کَسدي.
آسا يهودايا امر اتدي کي، آتالارينين تاريسي ربّی آختارسينلار و شرئعت و امرلري يرئنه يتئرسئنلر.
يهودانين بوتون شهرلرئندن پرستئشگاهلاري و بوخور قوربانگاهلاريني آرادان قالديردي. اونون دؤورونده اؤلکه راحات ياشادي.
او، يهودادا قالالي شهرلر تئکدي، چونکي او ائل‌لرده اؤلکه اَمئن-آمانليقدا ائدي و اونون ضئدّئنه هچ کس موحارئبه اتمئردي. رب اونا دئنجلئک ورمئشدي.
آسا يهودالي‌لارا ددي: "گلئن بو شهرلري تئکَک، اطرافيندا دووارلار، بورجلر، دروازالار و چفته‌لر دوزَلدَک. اؤلکه حله بئزئمدئر، چونکي بئز تاريميز ربّی آختارميشيق، اونو آختارديغيميزا گؤره تاري بئزه هر طرفدن دئنجلئک ورئب." اونلار بلجه تئکدئلر و کامياب اولدولار.
آسانين قوشونو يهودادان سئپر و نئزه داشييان اوچ يوز مئن نفر و بِنيامئندن قالخان داشييان و کامان چکن ائکي يوز هشتاد مئن نفردن عئبارت ائدي. اونلارين هاميسي ائگئد دؤيوشچولر ائدئلر.
بونلارين ضئدّئنه کوشلو زِرَخ چوخ بؤيوک بئر قوشون و اوچ يوز دؤيوش عاراباسي ائله مارِشايا گلدي.
آسا اونون قاباغينا چيخدي و مارِشادا صِفاته دره‌سئنده دؤيوش اوچون دوزولدو.
آسا تاريسي ربّی چاغيريب ددي: "يارب، سندن آيريسي يوخدور کي، دؤيوشده گوجلولر و گوجسوزلر آراسيندا کؤمک اتسئن؛ يارب تاريميز، بئزه کؤمک ات، چونکي سنه بِل باغلاميشيق و سنئن آدينلا بو بؤيوک قوشونون اوستونه گلمئشئک. يارب، تاريميز سنسن، قوي ائنسان سنه قالئب گلمه‌سئن."
رب آسانين و يهودالي‌لارين قاباغيندا کوشلولاري قيردي و کوشلولار قاچماغا باشلاديلار.
آسا و اونونلا بئرلئکده اولان خالق اونلاري گِرارا قدر تعقئب اتدئلر. کوشلولاردان او قدر اؤلَن اولدو کي، هچ کس سالامات قالمادي، چونکي ربّئن و اونون قوشونونون قاباغيندا محو اولموشدولار. يهوداليلار چوخلو قنئمت اَله کچئرتدئلر.
گِرارين اطرافينداکي بوتون قصبه‌لري داغيتديلار، چونکي ربّئن قورخوسو اونلارين جانينا دوشموشدو. بوتون شهرلري قارت اتدئلر، اورادا چوخلو قنئمت وار ائدي.
چوبان چاديرلاريني دا داغيتديلار، چوخلو قويون-کچي و دَوه آپارديلار. سونرا اورشلئمه قاييتديلار.
عودِد اوغلو عَزَريانين اوستونه تارينين روحو گلدي.
عَزَريا آسانين قاباغينا چيخيب اونا ددي: "ای آسا، بوتون يهوداليلار و بِنيامئنلی‌لر، منه قولاق آسين! سئز ربله برابر اولارکن، او دا سئزئنله‌دئر. اگر سئز اونو آختاراسينيز، قويار کي، اونو تاپاسينيز. لاکئن اگر اونو ترک ادهسئنئز، او دا سئزي ترک اِدَر.
اوزون بئر زاماندان بَري ائسرايئلده حقئقي تاري يوخ ائدي. اؤيره‌دن بئر کاهئن و شرئعت ده يوخ ائدي.
آنجاق آغير گونلرئنده ائسرايئلئن تاريسي ربّه قاييديب اونو آختارديلار و او دا اؤزونو اونلارا گؤرستدي.
او واختلار گدئب-گلن اوچون امنئيت يوخ ائدي. چونکي بوتون اؤلکه‌لرئن اهالئسئني بؤيوک ائضطئرابلار ذلئل اتمئشدي.
مئلّت مئلّتي، شهر شهري آياق آلتيندا پايمال ادئردي. چونکي تاري اونلاري هر جور بلا ائله ائضطئرابا سالميشدي.
لاکئن سئز گوجلو اولون و اَللرئنئز گوجدن دوشمه‌سئن، چونکي ائشئنئز اوچون پاداش آلاجاقسينيز."
آسا بو سؤزلري و پيغمبر عودِد اوغلو عَزَريانين نَبئلئيئني اشئتدئکده جسارت تاپيب بوتون يهودا و بِنيامئن تورپاغيندان و اِفرايئمئن داغليق بؤلگهسئنده اولان آلديغي شهرلردن ائيرنج بوتلري گؤتوروب آتدي، ربّئن ايواني قاباغيندا اولان ربّئن قوربانگاهيني تعمئر اتدي.
بوتون يهودالي‌لاري و بِنيامئنلی‌لري، اونلارين آراسيندا ياشايان اِفرايئملی‌لري، مِنَسّه‌لي‌لري و شَمعونلولاري بئر يره ييغدي. چونکي ائسرايئلدن چوخلاري تاريسي ربّئن اونونلا اولدوغونو گؤردوکده اونون طرفئنه کچمئشدئلر.
بلجه آسانين پادشاهليغينين اون بِشئنجي ائلئنئن اوچونجو آييندا اونلار اورشلئمه ييغيلديلار.
او گون گتئردئکلري قنئمتدن يدّي يوز اؤکوز و يدّي مئن قويون-کچي ربّه قوربان اتدئلر.
عهد باغلاديلار کي، آتالارينين تاريسي ربّی بوتون اورَکلري ائله و بوتون جانلاري ائله آختارسينلار.
ائسرايئلئن تاريسي ربّی آختارمايان هر کس ده اؤلومه ورئلسئن، ائستر کئچئک اولسون ائستر بؤيوک، ائستر کئشي اولسون، ائستر آرواد.
شيپورلار و کَره‌نايلار چالاراق اوجا سَس و باغيرتي ائله ربّه آند ائچدئلر.
بو آندا گؤره بوتون يهوداليلار سِوئندئلر، چونکي بوتون اورَکلري ائله آند ائچمئشدئلر، صداقتله ربّی آختارميشديلار. رب ده اونلارا اؤزونو گؤرسدمئشدي. رب اونلارا هر طرفدن دئنجلئک وردی.
آسا پادشاه نَنه‌سي مَعَکاني ملکه‌لئکدن محروم اتدي، چونکي او، ائلاهه اَشِرا اوچون ائيرنج بئر بوت دوزلتمئشدي. آسا اونون ائيرنج بوتونو کَسدي و اَزئب قئدرون دره‌سئنده يانديردي.
لاکئن پرستئشگاهلار ائسرايئلده آرادان قالديريلمادي. آنجاق آسانين اوره‌يي بوتون عؤمرو بويو ربّه کامئل بئر شکئلده باغلي قالدي.
او، آتاسينين و اؤزونون وقف اتدئيي شيلري-يعني قيزيلي، گوموشو و قابلاري تارينين معبدئنه گتئردي.
آسانين پادشاهليغينين اوتوز بشئنجي ائلئنه قدر موحارئبه اولمادي.
آسانين پادشاهليغينين اوتوز آلتينجي ائلئنده ائسرايئل پادشاهي بَعشا يهودايا هوجوم اتدي و راما شهرئني گوجلَندئردي کي، يهودا پادشاهي آسانين يانينا گلئب-گِدنلره مانع اولسون.
آسا ربّئن معبدئنئن و پادشاه سارايينين خزئنهلرئندن قيزيل- گوموشو گؤتوردو و اونلاري دَمَشقده ياشايان اَرام پادشاهي بِن-هَدَده بو خبرله گؤندردي:
"نجه سنئن آتانلا منئم آتام آراسيندا سازئش وار ائدي، قوي بئزئم اَراميزدا دا سازئش اولسون. باخ، سنه قيزيل-گوموش گؤندرمئشم؛ گت ائسرايئل پادشاهي بَعشا ائله اولان سازئشئني پوز کي، مندن گری چکئلسئن."
بِن-هَدَد آسا پادشاها قولاق آسدي و قوشون باشچيلاريني ائسرايئل شهرلرئنئن اوستونه گؤندردي. اونون قوشونلاري عئيّونو، داني، آبِل‌مايئمي و نَفتالئنئن بوتون آنبار شهرلرئني اَله کچئرتدئلر.
بَعشا بونو اشئتدئکده راماني تئکمه‌يي دايانديردي و ائشئني بوراخدي.
آسا پادشاه بوتون يهودالي‌لاري يانينا ييغدي. اونلار رامادا بَعشانين تئکمکده اولدوغو يرلرئن داشلاريني و دئرَکلرئني داشيديلار. آسا بونلارلا گئبعاني و مئصپا‌ني تئکدي.
او واخت گؤروجو خَناني، يهودا پادشاهي آسانين يانينا گلئب اونا ددي: "ائندي کي تارين ربّه يوخ، اَرام پادشاهينا بِل باغلادين، بونا گؤره ده اَرام پادشاهينين قوشونو سنئن اَلئندن قاچدي.
مگر کوشلولار و لوبلولار دؤيوش آتلي و دؤيوش عارابالاري ائله چوخ بؤيوک بئر قوشون ديئلدئلر؟ لاکئن ربّه بِل باغلاديغين اوچون، او دا اونلاري سنه تسلئم اتدي.
چونکي ربّئن گؤزلري ير اوزونو سِير ادئر کي، اوره‌يي کامئل بئر شکئلده اونونلا اولانلاري قووّتلَندئرسئن. آغيلسيزليق اتدئن. دوغرودان دا ائندئدن بله موحارئبه‌لرئن اولاجاق."
آسا گؤروجويه قضبلَندي و اونو زئندانا سالدي، چونکي بونون اوچون اونا حئدّتلَنمئشدي. او واخت آسا خالقدان بعضئلرئنه ظولم اتدي.
آسانين ائشلري، ائلک ائشلرئندن آخير ائشلرئنه قدر، باخ، يهودا و ائسرايئل پادشاهلارينين کئتابيندا يازيليبدير.
آسا، پادشاهليغينين اوتوز دوقّوزونجو ائلئنده، آياقلارينا مرض دوشدو، ناخوشلوغو گت-گده آغيرلاشدي، لاکئن ناخوش اولدوقدا دا ربّی يوخ، حکئملري آختاردي.
آسا پادشاهليغينين قيرخ بئرئنجي ائلئنده اؤلوب آتالاري ائله ياتدي.
اونو داوودون شهرئنده اؤزو اوچون قازديغي قبئرده باسديرديلار و اونو گؤزل ادوئيّات و هر جور قاتيشميش عطرئيّاتلا دولو ياتاغا قويدولار. اونون خاطئرئنه چوخ بؤيوک بئر اود قالاسي يانديرديلار.
آسانين يرئنه اوغلو يِهوشافاط پادشاه اولدو و ائسرايئلئن ضئدّئنه اؤزونو مؤحکملَندئردي.
يهودانين بوتون قالالي شهرلرئنه قوشون قويدو و يهودا تورپاغينا و آتاسي آسانين آلديغي اِفرايئم شهرلرئنه حربي دسته‌لر يِرلَشدئردي.
رب يِهوشافاطلا ائدي، چونکي آتاسي داوودون باشلانيشداکي يوللاري ائله گتدي و بَعَل بوتلرئني يوخ،
آتاسينين تاريسيني آختاردي و اونون امرلري ائله گتدي. او ائسرايئلئن اتدئيي کئمي اتمهدي.
رب پادشاهليغي اونون اَلئنده مؤحکملَندئردي و بوتون يهوداليلار يِهوشافاطا خراج گتئردئلر. اونون بول ثروت و احتئشامي وار ائدي.
ربّئن يوللاريندا فخر ادئردي و گئنه پرستئشگاهلاري و اَشِرا بوتلرئني يهودادان گؤتوردو.
پادشاهليغينين اوچونجو ائلئنده سرکرده‌لري بِنخه‌يئل، عوبَديا، زِکَريا، نِته‌نِل و مئکاياني گؤندردي کي، يهودا شهرلرئنده خالقا تعلئم ورسئنلر.
اونلارلا برابر لاوئلی‌لر: شِمَعيا، نِتَنيا، زِبَديا، عَساهِل، شِمئراموت، يِهوناتان، اَدونئيا، طوبئيا، توب‌اَدونئيا و اونلارلا بئرلئکده کاهئنلر: الئشاماع و يِهورامي دا گؤندردي.
اونلار يهودادا خالقا تعلئم وردئلر. يانلاريندا ربّئن شرئعت کئتابي وار ائدي. اونلار يهودانين بوتون شهرلرئني دولانديلار و خالقا تعلئم وردئلر.
ربّئن قورخوسو يهودانين اطرافيندا اولان بوتون اؤلکه‌لرئن پادشاهليقلاري اوستونه دوشدو و يِهوشافاطين ضئدّئنه موحارئبه اتمه‌دئلر.
فئلئسطلی‌لردن بعضئسي يِهوشافاطا هدئيّه و خراج اولاراق گوموش گتئردئلر. عربلر ده اونا سورولر-يدّي مئن يدّي يوز قوچ و يدّي مئن يدّي يوز اِرکَک کچي گتئردئلر.
يِهوشافاط گت-گده عظمت قازاندي. يهودادا قالالار و آنبار شهرلري تئکدي.
يهودا شهرلرئنده چوخلو آذوقه وار ائدي، اورشلئمده ده ائگئد دؤيوشچولر.
نسئللرئنه گؤره اونلارين سئياهيسي بو ائدي: يهودادان مئنباشيلار: باشچي اَدنا و اونونلا برابر اوچ يوز مئن ائگئد دؤيوشچو؛
اوندان سونرا باشچي يِهوخانان و اونونلا بئرلئکده ائکي يوز هشتاد مئن نفر؛
اوندان سونرا زئکري اوغلو اَمَصيا کي، اؤز گؤيلو ائله ربّئن ائشئني بوينونا گؤتورموشدو، و اونونلا بئرلئکده ائکي يوز مئن ائگئد دؤيوشچو؛
بِنيامئندن ائگئد دؤيوشچو اِلياداع و اونونلا برابر اوخ-کامان و قالخانلا سئلاحلانميش ائکي يوز مئن نفر،
اوندان سونرا يِهوزاباد و اونونلا دؤيوشه حاضير اولان يوز هشتاد مئن نفر.
بونلار پادشاها خئدمت ادن ائگئدلر ائدئلر کي، پادشاهين بوتون يهوداداکي قالالي شهرلره قويدوغو دؤيوشچولردن علاوه ائدئلر.
يِهوشافاطين بول ثروت و احتئشامي وار ائدي. او، اِولئلئک يولو ائله اَخابلا موتّفئق اولدو.
بئر نچه ائل سونرا اَخابلا گؤروشمک اوچون سامئره‌يه گتدي. اَخاب اونون اوچون و اونونلا برابر اولان خالق اوچون چوخ قويون-کچي و اؤکوز کَسدي، اونو تحرئک اتدي کي، راموت-گئلعادا قالخسين.
ائسرايئل پادشاهي اَخاب يهودا پادشاهي يِهوشافاطدان سوروشدو: "آيا سن، منئمله بئرلئکده راموت-گئلعادا گِدَرسن؟" يِهوشافاط اونا جاواب وردی: "منی اؤزون کئمي، خالقيمي خالقين کئمي حساب ات، دؤيوشده سنئنله اولاجاغيق."
يِهوشافاط گئنه ائسرايئل پادشاهينا ددي: "اوّلجه گؤرَک ربّئن سؤزو ندئر؟"
ائسرايئل پادشاهي دؤرد يوز پيغمبري ييغدي و اونلاردان سوروشدو: "ووروشماق اوچون راموت-گئلعادا گِدَک يا گتمه‌يک؟" اونلار ددئلر: "گت، تاري اونو پادشاها تسلئم ادهجک."
آمّا يِهوشافاط سوروشدو: "بورادا اولانلاردان باشقا، آيا ربّئن بئر پيغمبري يوخدور کي، اوندان سوروشاق؟"
ائسرايئل پادشاهي يِهوشافاطا ددي: "ربدن سوروشماق اوچون بئر نفر ده وار: يئملا اوغلو مئکايا. آنجاق منئم اوندان زَهلَم گدئر، چونکي همئشه ياخشيليغيما يوخ، پئسلئيئمه پيغمبرلئک ادئر." يِهوشافاط ددي: "قوي پادشاه بله دِمه‌سئن."
ائسرايئل پادشاهي بئر ساراي خئدمتچئسئني چاغيريب ددي: "تِز يئملا اوغلو مئکاياني بورايا گتئر."
بو زامان ائسرايئل پادشاهي و يهودا پادشاهي يِهوشافاط سامئره دروازاسينين گئره‌جيئنده‌کي خرمن يرئنده، شاهليق لئباسي گِيمئش حالدا اوتورموشدولار. هر بئري اؤز تختئنده اوتورموشدو و بوتون پيغمبرلر اونلارين قاباغيندا پيغمبرلئک ادئردي.
کِنه‌عَنا اوغلو صئدقئيا اؤزونه دَمئر بوينوزلار دوزَلدئب ددي: "رب بله ديئر: «اَراملي‌لاري قيريب قورتارانا قدر اونلاري بونلارلا بوينوزلاياجاقسان.»"
بوتون پيغمبرلر ده پيغمبرلئک ادئب ديئردئلر: "راموت-گئلعادا گت، قالئب گله‌جکسن، چونکي رب اونو پادشاها تسلئم ادهجک."
او قاصئد کي، مئکاياني چاغيرماق اوچون گتمئشدي، اونونلا دانيشيب ددي: "باخ، پيغمبرلر پادشاها بئرلئکده خوش سؤزلر ديئرلر. قوي سنئن سؤزون ده اونلاردان بئرئنئن سؤزو کئمي اولسون و اونونلا خوش دانيش."
آمّا مئکايا ددي: "وار اولان ربّه آند اولسون کي، تاريم منه نه دِسه، اونو دئيه‌جيم."
او، پادشاهين يانينا گلدئکده، پادشاه اونا ددي: "مئکايا، ووروشماق اوچون راموت-گئلعادا گِدَک، يوخسا گتمه‌يک؟" مئکايا اونا ددي: "گدئن، قالئب گله‌جکسئنئز، اونلار سئزه تسلئم ادئلهجک."
پادشاه اونا ددي: "سنه نچه دفه گرک آند ائچدئرئم کي، منه ربّئن آديندا حقئقتدن آيري بئر شي دِمَيه‌سن؟"
مئکايا ددي: "من بوتون ائسرايئللی‌لري داغلار اوستونده چوباني اولمايان سورو کئمي سَپَلَنمئش گؤردوم. رب ددي: «اونلارين آغاسي يوخدور. قوي هر بئري سالامات اؤز اِوئنه قاييتسين.»"
ائسرايئل پادشاهي يِهوشافاطا ددي: "مگر سنه دِمه‌دئم کي، او منئم ياخشيليغيما يوخ، پئسلئيئمه پيغمبرلئک ادهجک؟"
مئکايا ددي: "او واخت ربّئن سؤزونو اشئدئن. من ربّی گؤردوم کي، اؤز تختئنده اوتوروب و بوتون گؤيلر قوشونو اونون ساغيندا و سولوندا دوروبلار.
رب سوروشدو: «ائسرايئل پادشاهي اَخابي کئم توولاياجاق کي، راموت-گئلعادا گدئب هلاک اولسون؟» بئري اِله ددی، او بئري بِله.
او واخت بئر روح ائرهلي گلئب ربّئن قاباغيندا داياندي و سوروشدو: «من اونو توولايارام.» رب اونا ددي: «نجه؟»
او جاواب وردی: «من گدئب بوتون پيغمبرلرئن آغزيندا يالانچي بئر روح اولارام.» رب ددي: «سن اونو توولاياجاقسان و بونو باجاريرسان، گت و بله اِله.»
ائندي، باخ، رب سنئن بو پيغمبرلرئنئن آغزينا يالانچي بئر روح قويوب. چونکي سنئن باشينا بلا گتئرمه‌يي اعلان ادئب."
او واخت کِنه‌عَنا اوغلو صئدقئيا ياخينلاشدي و مئکايانين ياناغينا ووروب جاواب وردی: "ربّئن روحو مندن سنه نجه کچدي کي، سنئنله دانيشسين؟"
مئکايا ددي: "باخ، بونو او گون گؤرهجکسن کي، گئزلَنمک اوچون ائچه‌ري بئر اوتاغا گئرئرسن."
ائسرايئل پادشاهي ددي: "مئکاياني گؤتورون، اونو شهر ريئسي آمونون و پادشاهين اوغلو يوآشين يانينا گؤندرئن.
اونلارا امر ادئن کي، پادشاه بله ديئر: "بو آدامي زئندانا آتين و من سالامات قاييدانا قدر اونا آنجاق او قدر چؤرک و سو ورئن کي، اؤلمه‌سئن."
مئکايا ددي: "اگر سن سالامات قاييداسان، دِمه‌لي رب منئم واسئطَمله دانيشماييبدير." سونرا ددي: "ای جاماعات، هامينيز اشئدئن!"
ائسرايئل پادشاهي و يهودا پادشاهي يِهوشافاط راموت-گئلعادا گتدئلر.
ائسرايئل پادشاهي يِهوشافاطا ددي: "من قئيافه‌مي دَيئشئب دؤيوشه گئره‌جيم، لاکئن سن اؤز شاهليق پالتاريني گِي." بلجه ائسرايئل پادشاهي قئيافه‌سئني دَيئشئب دؤيوشه گئردي.
اَرام پادشاهي اؤز دؤيوش عارابالارينين باشچيلارينا امراتمئشدي: "نه کئچئکله، نه ده بؤيوکله ووروشون، فقط ائسرايئل پادشاهي ائله دؤيوشه گئرئن."
دؤيوش عارابالارينين باشچيلاري يِهوشافاطي گؤرنده ددئلر: "ائسرايئل پادشاهي بودور." و دؤنوب اونونلا ووروشماغا گتدئلر. او واخت يِهوشافاط چيغيردي. رب اونا کؤمک اتدي، تاري اونلاري اونون يانيندان گری چکدي.
دؤيوش عارابالارينين باشچيلاري اونون ائسرايئل پادشاهي اولماديغيني گؤرنده اونون دالينجا گتمه‌يئب قاييتديلار.
بئر آدام نئشان آلمادان کامان چکئب ائسرايئل پادشاهيني زئرِهئنئن بئرلَشدئيي يردن ووردو. پادشاه عاراباچيسينا ددي: "دؤندَر و منی دؤيوشدن چيخارت، چونکي آغير يارالانميشام."
او گون دؤيوش قيزيشدي. ائسرايئل پادشاهي آخشاماجاق اؤز دؤيوش عاراباسيندا اَراملي‌لارين قاباغيندا سؤيکه‌نئب داياندي. گونش باتماقدا ائکن او اؤلدو.
يهودا پادشاهي يِهوشافاط اورشلئمه، اِوئنه سالامات قاييتدي.
خَناني اوغلو گؤروجو يِيهو اونون گؤروشويونه گدئب پادشاه يِهوشافاطدان سوروشدو: "مگر لازيم ائدي کي، پئس آداما کؤمک اتمک و ربدن نئفرت ادنلري سِومَکله ربّئن قضبئني اوستونه گتئرهسن.
لاکئن سنئن ياخشي ائشلرئن ده وار: اَشِرا بوتلرئني اؤلکه‌دن يوخ ادئبسن و اؤز اوره‌يئني تاريني آختارماغا ورئبسن."
يِهوشافاط اورشلئمده ياشادي. تکرار بئرشئباعاعدان اِفرايئمئن داغليق بؤلگهسئنه قدر خالق آراسيندا گَزدي و اونلاري آتالارينين تاريسي ربّه طرف دؤنده‌ردي.
اؤلکهيه، يهودانين بوتون قالالي شهرلرئنه، شهر به شهر داور قويدو.
او، داورلره ددي: "نه اتدئيئنئزه باخين، چونکي ائنسان اوچون يوخ، رب اوچون قاضيليق ادئرسئنئز و قاضيليق ائشئنده او سئزئنله‌دئر.
ائندي قويون سئزئن اوستونوزده ربّئن قورخوسو اولسون. نه اتدئيئنئزده احتئياط ادئن، چونکي تاريميز ربده حاقسيزليق، طرفدارليق و روشوَتخورلوق يوخدور."
يِهوشافاط ربّئن قاضيليغينا و موباحئثه‌لي ائشلر اوچون اورشلئمه ده بعضی لاوئلی‌لري، کاهئنلري، و ائسرايئلئن نسئل باشچيلاريني تعيئن اتدي. و اونلار اورشلئمده ياشاديلار.
سونرا اونلارا امر ادئب ددي: "ربّئن قورخوسوندا صداقت و بوتون اورَکله بله ادئن:
اؤز شهرلرئنده ياشايان هموطنلرئنئزدن سئزه گلهجک هر موباحئثه‌لي ائش اوچون، ائستر قان داعواسي اولسون، ائسترسه ده قانون، امر، قايدالار و حؤکملر بارهده اولسون، اونلارا ائخطار ورئن کي، ربّئن قاباغيندا تقصئرکار اولماسينلار و قضب سئزئن و هموطنلرئنئزئن اوستونه گلمه‌سئن. بله اتمکله سئز تقصئرکار اولماياجاقسينيز.
باخ، ربّئن هر ائشي اوچون باش کاهئن اَمَريا، پادشاهين هر ائشي اوچون ده يهودانين قبئله ريئسي اِسماعئل اوغلو زِبَديا باشچينيز اولاجاق، قاباغينيزدا دا لاوئلی‌لر مأمور اولاجاقلار. جسارتله رفتار ادئن. رب ياخشيليق ادنلرله اولسون."
بوندان سونرا موآبلي‌لار و عَمّونلولار، اونلارلا برابر ماعونلولاردان بعضئسي گلدئلر کي، يِهوشافاطين ضئدّئنه دؤيوشسونلر.
بعضی آداملار گلئب يِهوشافاطا خبر گتئرئب ددئلر: "دهنزئن او بئري طرفئندن، اِدومدان سنئن ضئدّئنه بؤيوک بئر قوشون گلئر. باخ، ائندي اونلار خَصِصون-تامارداديرلار. (يعني عِين‌گِدئده)"
يِهوشافاط قورخدو و اوزونو ربّی آختارماغا دؤندَردي و بوتون يهودا اوچون اوروج اعلان اتدي.
يهوداليلار ربدن کؤمک ائسته‌مک اوچون ييغيلديلار، حتّا يهودانين بوتون شهرلرئندن ده گلدئلر کي، ربّی آختارسينلار.
يِهوشافاط ربّئن معبدئنده، تزه حَيَطئن قاباغيندا، يهودا و اورشلئم جاماعاتينين قاباغيندا دوروب ددي:
"يارب، آتالاريميزين تاريسي، گؤيلرده اولان تاري مگر سن ديئلسن؟ بوتون مئلّتلرئن پادشاهليقلاري اوستونه حاکئم اولان مگر سن ديئلسن؟ قودرتله قووّت سنئن اَلئندهدئر و هچ کئم سنئن ضئدّئنه دورا بئلمز.
ای تاريميز، مگر سن ديئلسن کي، بو تورپاقدا ياشايانلاري خالقين ائسرايئلئن قاباغيندا قوودون و اونو دوستون ائبراهئمئن نسلئنه ابدی اولاراق وردئن؟
اورادا مسکن سالديلار، اورادا سنئن آدينا موقدّس بئر مکان تئکدئلر و ددئلر:
«اگر اوستوموزه بلا، قيلينج، جزا، وبا و يا آجليق گلسه، آدين بو معبده اولدوغونا گؤره بو معبدئن قاباغيندا، يعني سنئن قاباغيندا دوراجاغيق و چتئن گونلرده سنه فرياد اده‌جيئک، اوندا سن اشئده‌جکسن و خئلاص ادهجکسن.»
ائندي باخ، عَمّونلولار، موآبلي‌لار، سِعئر داغينين ساکئنلري نه ادئر! مئصئر تورپاغيندان گلرکَن ائسرايئللی‌لري اونلارين تورپاغينا گئرميه قويمادين، ائسرايئللی‌لر ده دؤنوب اونلاري محو اتمه‌دئلر.
ائندي گؤر عوضئني نجه ورئرلر؛ گلئرلر کي، بئزه ائرث وردئيئن مولکوندن بئزي قووسونلار.
ای تاريميز، اونلارا مگر حؤکم اتميه‌جکسن؟ چونکي اوستوموزه گلن بو بؤيوک قوشونون ضئدّئنه گوجوموز يوخدور، نه اده‌جيئمئزي بئلمئرئک، آنجاق گؤزلرئمئز سنه دئکئلئب."
بوتون يهوداليلار کؤرپه‌لري، آروادلاري و اوشاقلاري ائله ربّئن حوضوروندا دورموشدولار.
جاماعاتين آراسيندا ربّئن روحو آساف نسلئندن اولان بئر لاوئلي، مَتّنيا اوغلو يِعي‌اِل اوغلو بِنايا اوغلو زِکَريا اوغلو يَخه‌زي‌اِلئن اوستونه گلدي.
او ددي: "بوتون يهوداليلار و اورشلئمده ياشايانلار و سن پادشاه يِهوشافاط، ياخشي اشئدئن! رب سئزه بله ديئر: «بو بؤيوک قوشوندان قورخمايين و اوره‌يئنئز اوزولمه‌سئن، چونکي دؤيوش سئزئن يوخ، تارينيندير.
صاباح اونلارين ضئدّئنه اِنئن. باخ، اونلار صئص يوخوشو ائله قالخيب گلهجکلر و اونلاري دره‌نئن آخيريندا، يِروعِل چؤلونون قاباغيندا تاپاجاقسينيز.
بو موحارئبه‌ده دؤيوشمک سئزه لازيم اولماياجاق. ای يهوداليلار و اورشلئملی‌لر، صف باغلاييب دورون، اؤز حاقّينيزدا ربّئن خئلاصيني گؤرون. قورخمايين و اوزولمه‌يئن. صاباح اونلارين قاباغينا گدئن و رب سئزئنله اولاجاق.»"
يِهوشافاط اوزو اوسته يِره قاپاندي و بوتون يهوداليلار و اورشلئمده ياشايانلار ربّئن حوضوروندا يره قاپانيب اونو پرستئش اتدئلر.
قوحات و قورَخ نسئل‌لرئندن اولان لاوئلی‌لر آياغا قالخيب ائسرايئلئن تاريسي ربّه چوخ اوجا سَسله شوکور اتدئلر.
اونلار سحر تزدن قالخديلار و تِقوعَع چؤلونه چيخديلار. چيخديقلاري زامان يِهوشافاط دوروب ددي: "ای يهودا و اورشلئمده ياشايانلار، منی اشئدئن: تارينيز ربّه بِل باغلايين، پايدار قالارسينيز، اونون پيغمبرلرئنه ائنانين و اوغور قازانارسينيز."
خالقلا مصلحت اتدئکدن سونرا، ربّه نغمه اوخويانلاري تعيئن اتدي کي، قوشونونون قاباغيندا گتسئنلر و موقدّس جلالينا حمد ادئب اوخوسونلار: "ربّه شوکور ادئن، چونکي اونون محبّتي ابديدئر."
تَرَنّومله حمده باشلاديقلاري زامان، رب يهودايا گلن عَمّونلولارين، موآبليلارين، و سِعئر داغينين ساکئنلرئنئن ضئدّئنه کمئن قوردو و اونلار قيريلديلار.
چونکي عَمّونلولارلا موآبلي‌لار سِعئر داغينين ساکئنلرئنئن ضئدّئنه قالخيب اونلاري کامئل قيرديلار. سِعئر ساکئنلرئني قيراندان سونرا دا بئربئرلرئني محو اتمه‌يه باشلاديلار.
يهوداليلار چؤله باخان گؤزَتچي يرئنه چاتديقدا، قوشونا باخيب يره ييخيلميش مِيئتلر گؤردولر. صاغ قالان يوخ ائدي.
يِهوشافاط و اونون خالقي اونلارين قنئمتئني گؤتورميه گلدئلر، اونلارين آراسيندا دؤيوش ماللار، پالتارلار و قئيمتلي شيلر تاپديلار. بونلاردان او قدر ييغديلار کي، داشييا بئلمه‌دئلر. قنئمت او قدر چوخ ائدي کي، اونو اوچ گون ييغيرديلار.
دؤردونجو گون بِراکا دره‌سئنده ييغيلديلار کي، ربّه حمد اتسئنلر. بوندان اؤتري او يرئن آديني بِراکا دره‌سي قويدولار و بو گونه قدر ده بلهدئر.
يهودا و اورشلئمدن اولان آداملارين هاميسي، يِهوشافاطين باشچيليغي آلتيندا شادليقلا اورشلئمه گری دؤندولر، چونکي رب دوشمنلري اوستونده ظفره گؤره اونلارا شادليق ورمئشدي.
چنگلر، طنبورلار و کَره‌نايلار چالاراق اورشلئمه، ربّئن معبدئنه گلدئلر.
بوتون اؤلکه‌لرده‌کي پادشاهلار او زامان کي، ائسرايئلئن دوشمنلرئنئن ضئدّئنه ربّئن دؤيوشدويونو اشئتدئلر، اونلارين اوستونه تارينين قورخوسو دوشدو.
بلجه يِهوشافاطين پادشاهليغينا اَمئن-آمانليق ساکئن اولدو، چونکي تاريسي اونا هر طرفدن دئنجلئک وردی.
يِهوشافاط يهودا اوستونده پادشاه اولدو. پادشاه اولدوغو واخت اوتوز بش ياشيندا ائدي. او، اورشلئمده ائيئرمي بش ائل پادشاهليق اتدي. آناسينين آدي شئلخي قيزي عَزوبا ائدي.
يِهوشافاط آتاسي آسانين يولو ائله گتدي و اوندان آزماييب ربّئن گؤزونده دوز اولان ائشلر اتدي.
آنجاق پرستئشگاهلار آرادان قالديريلمادي و خالقين اوره‌يي حله آتالارينين تاريسي ربّه طرف دؤنمه‌مئشدي.
يِهوشافاطين قالان ائشلري، ائلک ائشلرئندن آخير ائشلرئنه قدر، خَناني اوغلو يِيهونون تارئخ کئتابيندا يازيليب کي، ائسرايئل پادشاهلارينين کئتابيندادير.
اوندان سونرا يهودا پادشاهي يِهوشافاط، ائسرايئل پادشاهي اَخَزيا ائله ائتّئفاق قوردو. اونون بو عملي شرارت ائدي.
موتّفئق اولدولار کي، تَرشئشه گتمه‌يه گَمئلر دوزلتسئنلر و گَمئلري عِصيون‌گِبِرده دوزلتدئلر.
مارِشادان اولان دوداوياهونون اوغلو اِلئعِزِر يِهوشافاطين ضئدّئنه پيغمبرلئک ادئب ددي: "اَخَزيا ائله ائتّئفاق قوردوغون اوچون رب سنئن ائشلرئني پوزدو." بلجه گَمئلر پارچالاندي و تَرشئشه گده بئلمه‌دئلر.
يِهوشافاط اؤلوب آتالاري ائله ياتدي و داوودون شهرئنده، آتالارينين يانيندا باسديريلدي. اونون يرئنه اوغلو يِهورام پادشاه اولدو.
اونون قارداشلاري، يِهوشافاطين اوغوللاري بونلار ائدي: عَزَريا، يِخي‌اِل، زِکَريا، عَزَرياهو، مئکايئل و شِفَطيا. بونلارين هاميسي ائسرايئل پادشاهي يِهوشافاطين اوغوللاري ائدئلر.
آتالاري اونلارا چوخ هدئيّهلر-قيزيل، گوموش و قئيمتلي شيلر، هم ده يهودادا اولان قالالي شهرلر وردی. آمّا پادشاهليغي يِهوراما وردی، چونکي او، ائلک اوغول ائدي.
يِهورام آتاسينين پادشاهليق تختئنه چيخيب اؤزونو مؤحکملَندئکده، بوتون قارداشلاريني و ائسرايئل ريئسلرئندن بعضئسئني ده قيلينجدان کچئرتدي.
يِهورام، پادشاه اولدوغو واخت، اوتوز ائکي ياشيندا ائدي و اورشلئمده سکّئز ائل پادشاهليق اتدي.
او دا اَخاب نسلئنئن اتدئيي کئمي، ائسرايئل پادشاهلارينين يولو ائله گتدي، چونکي اَخابين قيزي اونون آروادي ائدي. يِهورام ربّئن گؤزونده پئس اولان ائشلر اتدي.
آمّا رب داوودلا اتدئيي عهددن اؤتري ائسته‌مئردي کي، داوودون سولاله‌سئني محو اتسئن. چونکي وعده ورمئشدي کي، داوودا و اونون نسلئنه همئشهلئک بئر چيراق ورسئن.
اونون دؤورونده اِدوملولار عوصيان قالديريب، يهودانين اسارتي آلتيندان چيخديلار و اؤزلرئنه بئر پادشاه قويدولار.
يِهورام، ريئسلري و بوتون دؤيوش عارابالاري ائله بئرلئکده گتدي. گجه ائکن قالخيب اونو هر طرفدن اَحاطه ادن اِدوملولاري و عارابا سرکرده‌لرئني قيردي.
بلجه اِدوم بو گونه قدر يهودانين ضئدّئنه عوصيان قالديريب. همئن واخت لئبنا شهري ده اونون اسارتي آلتيندان چيخدي، چونکي يِهورام آتالارينين تاريسي ربّی ترک اتمئشدي.
او، يهودا داغلاريندا دا پرستئشگاهلار تئکدي و باعئث اولدو کي، اورشلئمده ياشايانلار زئنايا چکئلئب يهوداني دا يولدان آزديرسينلار.
سونرا اونا پيغمبر ائليادان بو مکتوب گلدي: "آتان داوودون تاريسي رب بله ديئر: «چونکي آتان يِهوشافاطين و يهودا پادشاهي آسانين يوللاري ائله يوخ،
ائسرايئل پادشاهلارينين يولو ائله گدئبسن و اَخاب نسلئنئن اتدئيي کئمي، يهوداني و اورشلئمده ياشايانلاري زئنايا چکئبسن، هم ده آتانين نسلئندن قارداشلاريني، سندن داها ياخشي اولانلاري اؤلدوروبسن،
باخ، رب سنئن خالقينا، اوغوللارينا، آروادلارينا و بوتون مالينا بؤيوک بئر بلا گتئرهجک.
سن ده آغير ناخوشلاياجاقسان. بو ناخوشلوق اوزوندن باغيرساقلارين اِشئيه تؤکولَنه قدر گونلرجه سورونه‌جکسن.»"
رب يِهورامين ضئدّئنه فئلئسطلی‌لرئن روحونو و کوشلولارين قونشولوغوندا ياشايان عربلرئن روحونو قيزديردي.
اونلار يهودانين ضئدّئنه قالخيب اورايا هوجوم گتئردئلر. پادشاهين ساراييندا تاپديقلاري بوتون مالي، اونون اوغوللاريني و آروادلاريني آپارديلار. اوغوللارينين لاپ بالاجاسي يِهوآخازدان، آيري اوغلو قالمادي.
بونلارين هاميسيندان سونرا رب يِهورامي باغيرساقلاريندان صاغالماز بئر ناخوشلوغونان ووردو.
زامان کچدي. نهايت، ائکئنجي ائلئن آخيريندا ناخوشلوغونا گؤره باغيرساقلاري تؤکولدو و او، شئدّتلي آغريلارلا اؤلدو. اونون خالقي يِهورامين خاطئرئنه آتالارينا يانديرديقلاري کئمي اود قالاسي يانديرماديلار.
يِهورام، پادشاه اولدوغو واخت، اوتوز ائکي ياشيندا ائدي و اورشلئمده سکّئز ائل پادشاهليق اتدي. اؤلومونه هچ کس تَعَسّوف اتمهدي. اونو داوودون شهرئنده باسديرديلار، لاکئن پادشاهلارين قبئرلرئنده باسديرماديلار.
اورشلئمده ياشايانلار اونون يرئنه لاپ کئچئک اوغلو اَخَزياني پادشاه اتدئلر، چونکي عربلرله بئرلئکده اوردوگاها گئرن دسته بوتون بؤيوک اوغوللاريني اؤلدورموشدولر. بلجه يهودا پادشاهي يِهورامين اوغلو اَخَزيا پادشاه اولدو.
اَخَزيا، پادشاه اولدوغو واخت، ائيئرمي ائکي ياشيندا ائدي و اورشلئمده بئر ائل پادشاهليق اتدي. آناسينين آدي عَتَليا ائدي؛ عومري‌نئن نوه‌سي.
اَخَزيا دا اَخاب نسلئنئن يوللاري ائله گتدي، چونکي آناسي اونا پئسلئک اتمک اؤيره‌دئردي.
اَخَزيا دا، اَخاب نسلی کئمي، ربّئن گؤزونده پئس اولان ائشلر اتدي. چونکي آتاسينين اؤلوموندن سونرا، بو آداملار اونون محو اولماسينا قدر، اونون مصلحتچئلري اولدولار.
اونلارين مصلحتي ائله ائسرايئل پادشاهي اَخاب اوغلو يوراملا بئرلئکده راموت گئلعادا گتدي کي، اَرام پادشاهي خَزاعِلئن ضئدّئنه ووروشسون. اَراملي‌لار يورامي يارالاديلار.
يورام يئزرِعِله قاييتدي کي، راموتدا اَرام پادشاهي خَزاعِلئن ضئدّئنه ووروشارکَن، آلديغي يارالاردان صاغالسين. يهودا پادشاهي يِهورام اوغلو اَخَزيا، اَخاب اوغلو يورامي گؤرمک اوچون يئزرِعِله گلدي، چونکي او يارالي ائدي.
اَخَزيانين محو اولماسي تاريدان ائدي. او، يورامين يانينا گلدي و يوراملا نئمشي اوغلو يِيهونون ضئدّئنه چيخدي. رب يِيهونو مسح اتمئشدي کي، اَخاب نسلئني يوخ اتسئن.
يِيهو اَخاب نسلئنه حؤکمي ائجرا اِدَرکَن، يهودا ريئسلرئني و اَخَزيانين اونا خئدمت ادن قارداشي اوغوللاريني تاپدي و اونلاري قيلينجدان کچئرتدي.
اَخَزياني آختاردي و اونو سامئرهده گئزلَندئيي حالدا توتدولار. يِيهونون يانينا گتئردئلر و اونو اؤلدوردولر. سونرا اونو باسديرديلار، چونکي ددئلر: "ربّی بوتون اوره‌يي ائله آختاران يِهوشافاطين اوغلو بودور." بِلَجه، اَخَزيانين نسلئنده اِله بئر آدام قالمادي کي، پادشاهليغي اَلده ساخلايا بئلسئن.
اَخَزيانين آناسي عَتَليا، اوغلونون اؤلدويونو گؤرنده، قالخيب يهودانين بوتون پادشاه نسلئني محو اتدي.
آنجاق پادشاهين قيزي يِهوشَبعَت اؤلدورولَن شاهزاده‌لر آراسيندان، اَخَزيانين اوغلو يوآشي گئزلئجه آپاردي و اونو دايه‌سي ائله بئرلئکده ياتاق اوتاغيندا يِرلَشدئردي. يِهوشَبعَت کي، کاهئن يِهويادانين آروادي و پادشاه يِهورامين قيزي ائدي، اَخَزيانين باجيسي اولدوغو اوچون يوآشي عَتَليادان گئزلَتدي و عَتَليا اونو اؤلدوره بئلمه‌دي.
يوآش آلتي ائل اونلارلا تارينين معبدئنده گئزلي قالدي. بو زامان عَتَليا اؤلکه اوستونده پادشاهليق اتدي.
يدّئنجی ائلده يِهوياداع اؤزونو مؤحکمله‌دئب و يوزباشيلار يِروخام اوغلو عَزَريا، يِهوخانان اوغلو اِسماعئل، عوبِد اوغلو عَزَريا، عَدايا اوغلو مَعَسِيا و زئکري اوغلو اِلئشافاطلا عهد باغلادي.
اونلار يهوداني گَزئب اورانين بوتون شهرلرئندن لاوئلی‌لري و ائسرايئلئن نسئل باشچيلاريني ييغديلار و اورشلئمه گلدئلر.
سونرا بوتون جاماعات تاري معبدئنده پادشاهلا عهد باغلاديلار. يِهوياداع اونلارا ددي: "باخين، پادشاهين اوغلو سلطنت ادهجک. نجه کي، رب داوودون اوغوللاري حاقّيندا ديئب.
سئز بله ادئن: سئزدن سَبّت گونو نؤوبه چکن کاهئنلرئن و لاوئلی‌لرئن اوچده بئري آستانادا دايانان قاپيچيلار اولسون،
اوچده بئري پادشاهين ساراييندا اولسون و اوچده بئري ده بونؤوره دروازاسيندا. بوتون خالق دا ربّئن معبدئنئن حَيَطلرئنده اولسون.
لاکئن کاهئنلردن و خئدمت ادن لاوئلی‌لردن آيري ربّئن معبدئنه هچ کس گئرمه‌سئن، اونلار گئرسئنلر، چونکي موقدّسدئرلر. بوتون خالق ربّئن بويوردوغونو قوروسون.
لاوئلی‌لر هر بئري سئلاحي اَلئنده پادشاهي اَحاطه‌يه آلسينلار؛ معبده گئرن هر کس اؤلدورولسون. پادشاهين گئرئب-چيخديغي واخت اونونلا اولسونلار."
لاوئلی‌لرله بوتون يهوداليلار کاهئن يِهوياداعين امر اتدئيي هر شيي اتدئلر. هر بئري اؤز آداملاريني، سَبّت گونو نؤوبه چکنلري و نؤوبه‌ده اولمايانلاري گؤتوردو، چونکي کاهئن يِهوياداع بؤلمه‌لرئن هچ بئرئني بوراخماميشدي.
کاهئن يِهوياداع يوزباشي‌لارا تارينين معبدئنده اولان داوود پادشاهين نئزه‌لرئني، قالخانلاريني و سئپرلرئني وردو.
بوتون خالقي معبدئن صاغ طرفئندن سول طرفئنه قدر قوربانگاهين و معبدئن يانينا، پادشاهين اطرافينا قويدو. هر کسئن سئلاحي اَلئنده ائدي.
او واخت يِهوياداعلا اوغوللاري شاهزاده‌ني ائرهلي چيخارتديلار و تاجي باشينا قويوب شهادتنامه‌ني اونا وردئلر. و اونو پادشاه اتدئلر. يِهوياداع و اوغوللاري اونو مسح ادئب ددئلر: "ياشاسين پادشاه!"
عَتَليا قاچيشان و پادشاهي مدح ادن خالقين سَسئني اشئتدئکده خالقين يانينا، ربّئن معبدئنه گلدي.
او باخيب گؤردو کي، پادشاه گئرهجک يرده، اؤز سوتونونون يانيندا دايانيب، ريئسلر و کَره‌ناي چالانلار دا پادشاهين يانينداديرلار. بوتون اؤلکه خالقي سِوئنئب کَره‌ناي چاليردي. نغمه‌چئلر ده موسئقي آلَتلري چالاراق حمد ادئردئلر. عَتَليا پالتاريني جيريب باغيردي: "خيانت! خيانت!"
کاهئن يِهوياداع قوشون اوچون باشچي اولان يوزباشيلاري چاغيريب ددي: "اونو ردئفلرئن آراسيندان چيخاردين و دالينجا گلن قيلينجلا اؤلدورولسون." چونکي کاهئن دمئشدي: "اونو ربّئن معبدئنده اؤلدورمه‌يئن."
عَتَلياني توتدولار. اونو پادشاه سارايينين آتلار دروازاسينين گئرهجک يرئنه گتئردئلر و اورادا اونو اؤلدوردولر.
يِهوياداع اؤزو و بوتون خالقلا پادشاه آراسيندا عهد باغلادي کي، اونلار ربّئن خالقي اولسونلار.
بوتون خالق بَعَل معبدئنه گتدي. اونو داغيديب قوربانگاهلاريني و بوتلرئني تئکه-تئکه اتدئلر. بَعَل کاهئني مَتّاني قوربانگاهلارين قاباغيندا اؤلدوردولر.
يِهوياداع ربّئن معبدي اوستونده مسعولئيّتي او لاوئلي کاهئنلره وردی کي، داوود اونلاري ربّئن معبدئنده تعيئن اتمئشدي کي، اؤز قايداسينا گؤره، شادليقلا و نغمه ائله موسانين قانونوندا يازيلديغي کئمي ربّه يانديرما قوربانلاري تقدئم اتسئنلر.
ربّئن معبدئنئن قاپيلارينا قاپيچيلار دا قويدو کي، نجئس اولان کئمسه اورايا گئرمه‌سئن.
او، يوزباشيلاري، اعيانلاري، خالقين ريئسلرئني، بوتون اؤلکه خالقيني اؤزو ائله گؤتوردو. اونلار پادشاهي ربّئن معبدئندن گتئردئلر و يوخاري دروازاسينين يولو ائله سارايا گلدئلر و پادشاهي سلطنت تختئنده اوتورتدولار.
بوتون اؤلکه خالقي سِوئندي و شهر ساکئتلَشدي، چونکي عَتَلياني قيلينجلا اؤلدورموشدولر.
يوآش، پادشاه اولدوغو واخت، يدّي ياشيندا ائدي و اورشلئمده قيرخ ائل پادشاهليق اتدي. آناسي بئرشئباعدان ائدي آدي دا ظئبيا.
يوآش کاهئن يِهوياداعين بوتون عؤمرو بويو ربّئن گؤزونده دوغرو اولان ائشلر اتدي.
يِهوياداع اونا ائکي آرواد آلدي. او، اوغوللار و قيزلار آتاسي اولدو.
بوندان سونرا يوآش بو نئيّتده اولدو کي، ربّئن معبدئني تعمئر اتسئن.
کاهئنلرله لاوئلی‌لري بئر يره ييغيب اونلارا ددي: "يهودانين شهرلرئنه چيخين و تارينيزين معبدئني هر ائل تعمئر اتمک اوچون بوتون ائسرايئللی‌لردن پول ييغين، بو ائشي گؤرمکده گرک تَلَسه‌سئنئز." لاکئن لاوئلی‌لر تَلَسمه‌دئلر.
پادشاه باش کاهئن يِهوياداعي چاغيردي و اوندان سوروشدو: "نه اوچون لاوئلی‌لردن طلب اتمهيئبسن کي، ربّئن قولو موسانين و ائسرايئل جاماعاتينين شهادت چاديري اوچون قويدوقلاري ورگئني يهودادان و اورشلئمدن گتئرسئنلر؟"
چونکي او خبئث آرواد عَتَليانين اوغوللاري تارينين معبدئنه زورلا گئرمئشدئلر و ربّئن معبدئنئن بوتون موقدّس شيلرئني ده بَعَل بوتلري اوچون ائشلَتمئشدئلر.
پادشاه امر اتدي و بئر سانديق دوزَلدئب اونو ربّئن معبدئنئن دروازاسينا، بايير طرفه قويدولار.
يهودادا و اورشلئمده اعلان اتدئلر کي، تارينين قولو موسانين چؤلده ائسرايئل اوستونه قويدوغو ورگئني رب اوچون گتئرسئنلر.
ريئسلرله بوتون خالق سِوئندي و سانديق دولانا قدر ورگئني گتئرئب اونون ائچئنه قويدولار.
پادشاهين مأمورلاري لاوئلی‌لرئن اونلارين يانينا گتئردئکلري سانديقدا چوخلو گوموش اولدوغونو گؤرنده، پادشاهين مئرزه‌سي ائله باش کاهئنئن مأمورو گلئب سانديغي بوشالدارديلار، سونرا اونو گئنه يرئنه قايتارارديلار. هر گون بله اتمکله اولدوقجا چوخ پول ييغديلار.
پادشاهلا يِهوياداع اونو ربّئن معبدئنئن خئدمت ائشئني گؤرَنلره وردئلر؛ ربّئن معبدئنئن اَوّلکي حالينا دؤنده‌رمه‌سي اوچون داش‌يونانلاري و دولگَرلري، ربّئن معبدئني تعمئر اتمک اوچون ده دَمئر و بورونج اوستالاريني اوجرَتله توتدولار.
ائشچئلر ائشله‌دئلر، تعمئر ائشي اونلارين اَلئنده ائرهلي گتدي و تارينين معبدئني اَوّلکي حالينا گتئرئب اونو مؤحکملَندئردئلر.
ائشي قورتارديقلاري واخت، يرده قالان پولو پادشاهين و يِهوياداعين حوضورونا گتئردئلر و بونونلا ربّئن معبدي اوچون اشيالار، يعني خئدمت و يانديرما قوربانلاري اوچون قاشيقلار، قابلار، قيزيل و گوموش اشيالار دوزلتدئلر. اونلار يِهوياداعين بوتون عؤمرو بويو دائم ربّئن معبدئنده يانديرما قوربانلاري تقدئم اتدئلر.
يِهوياداع قوجاليب ياشلاندي و اؤلدو. او، اؤلدويو زامان، يوز اوتوز ياشيندا ائدي.
اونو داوودون شهرئنده پادشاهلارين يانيندا باسديرديلار، چونکي ائسرايئل اوچون و تاري ائله معبدي اوچون ياخشيليق اتمئشدي.
يِهوياداعين اؤلوموندن سونرا يهودا ريئسلري گلئب پادشاها باش اَيدئلر. او زامان پادشاه اونلارا قولاق آسدي.
خالق آتالارينين تاريسي ربّئن معبدئني ترک اتدئلر، اَشِرا بوتلرئنه و آيري بوتلره قوللوق اتدئلر. اونلارين بو گوناهيندان اؤتري ده يهودا ائله اورشلئم اوستونه قضب گلدي.
رب اونلارين يانينا پيغمبرلر گؤندردي کي، اونلاري اؤزونه طرف دؤنده‌رسئن. گرچي پيغمبرلر اونلارين ضئدّئنه شهادت وردئلر، لاکئن خالق قولاق آسمادي.
او واخت تارينين روحو کاهئن يِهوياداعين اوغلو زِکَريانين اوستونه گلدي و خالقين قاباغيندا دايانيب اونلارا ددي: "تاري بله ديئر: نه اوچون ربّئن امرلرئني پوزورسونوز و ائشلرئنئز ياخشي گتمئر؟ چونکي سئز ربّی ترک اتدئيئنئز کئمي، او دا سئزي ترک اتدي."
اونون ضئدّئنه قصد حاضيرلاديلار و اونو پادشاهين امري ائله ربّئن معبدئنئن حَيَطئنده داشا باسديلار.
بلجه پادشاه يوآش زِکَريانين آتاسي يِهوياداعين اونا اتدئيي مهرئبانليغي يادا سالمادي و اونون اوغلونو اؤلدوردو. زِکَريا اؤلرکَن ددي: "رب گؤرسون و قئصاص آلسين."
ائلئن آخيريندا اَرام قوشونو يوآشين اوستونه گلدي. اونلار يهودايا و اورشلئمه هوجوم اتدئلر. خالقين بوتون ريئسلرئني محو اتدئلر و اونلاردان آلينان بوتون قنئمتي دَمَشق پادشاهينا گؤندردئلر.
دوغرودان دا اَراملي‌لار آز قوشونلا گلدئلر، لاکئن رب چوخ بؤيوک بئر قوشونو اونلارا تسلئم اتدي، چونکي خالق آتالارينين تاريسي رَبدن اوز دؤنده‌رمئشدي. بلجه، يوآشين ضئدّئنه حؤکملري ائجرا اتدئلر.
يوآشين يانيندان گتدئکلري زامان، اونو چوخ يارالي بئر وضعئيّتده قويدولار. اونون اعيانلاري کاهئن يِهوياداعين اوغلونون قانينا گؤره، اونون ضئدّئنه قصد حاضيرلاديلار و اونو ياتاغيندا اؤلدوردولر. يوآش اؤلدو و اونو داوودون شهرئنده باسديرديلار، آمّا پادشاهلارين مقبره‌لرئنده باسديرماديلار.
اونون ضئدّئنه قصد قورانلار بونلارديرلار: شئمعات آدلي عَمّونلو آروادين اوغلو زاباد و شئمرئت آدلي موآبلي آروادين اوغلو يِهوزاباد.
يوآشين اوغوللاري، اونا ادئلَن چوخ نَبئلئک و تاري معبدئنئن تعمئري بارهده پادشاهلارين تفسئر کئتابيندا يازيليبدير. يوآشين يرئنه اوغلو اَمَصيا پادشاه اولدو.
اَمَصيا، پادشاه اولدوغو واخت، ائيئرمي بش ياشيندا ائدي و اورشلئمده ائيئرمي دوقّوز ائل پادشاهليق اتدي. آناسي اورشلئمدن ائدي، آدي دا يِهوعَدّان.
اَمَصيا ربّئن گؤزونده دوغرو اولان ائشلر اتدي، لاکئن بونلاري بوتون اوره‌يي ائله اتمهدي.
پادشاهليق اَلئنده مؤحکملَنَنده، اَمَصيا او اَعيانلاريني کی، آتاسی پادشاه اولان واخت اونو اؤلدورموشدولر، اؤلدوردو.
آنجاق موسانين شرئعت کئتابيندا يازيلديغي کئمي، اونلارين اوغوللاريني اؤلدورمه‌دي، چونکي رب امر ادئب دمئشدي: "اوغولارا گؤره آتالار، آتالارا گؤره اوغوللار اؤلدورولمه‌سئنلر، هر کس اؤز گوناهينا گؤره اؤلمه‌لي‌دئر."
اَمَصيا يهودالي‌لاري ييغدي و نسئللرئنه گؤره بوتون يهودالي‌لاري و بِنيامئنلی‌لري مئنباشي‌لارين و يوزباشي‌لارين باشچيليغي آلتينا قويدو. ائيئرمي ياشدا و اوندان يوخاري اولانلاري ييغيب اونلارين آراسيندان نئزه و سئپر داشييان، دؤيوشمَک باجاران اوچ يوز مئن سچمه آدام تاپدي.
يوز تالانت گوموشه ائسرايئلدن يوز مئن ائگئد دؤيوشچوسونو ده اوجرَتله توتدو.
لاکئن بئر تاري آدامي گلئب اونا ددي: "ای پادشاه، قويما ائسرايئل قوشونو سنئنله برابر گتسئن، چونکي رب ائسرايئللیلرله، بوتون بو اِفرايئم اؤولادلاري ائله ديئل.
حتّا اگر گدئب دؤيوشده جسارتلي ساواشاسان، تاري سني دوشمنئن قاباغيندا ييخاجاق، چونکي تارينين هم کؤمک اتمه‌يه، هم ده ييخماغا قودرتي وار."
اَمَصيا تاري آداميندان سوروشدو: "بس ائسرايئل فوجونا وردئيئم يوز تالانت اوچون نه اِدئم؟" تاري آدامي جاواب وردی: "رب سنه بوندان آرتيغيني وره بئلر."
اَمَصيا اِفرايئمدن يانينا گلن قوشونو آييردي کي، يرلرئنه گتسئنلر. بوندان اؤتري ده اونلارين قضبي يهودانين ضئدّئنه آلوولاندي و آلوولانان قضبله يرلرئنه قاييتديلار.
اَمَصيا اؤزونو مؤحکمله‌دئب، خالقيني گؤتوردو و دوز دره‌سئنه گتدي، سِعئرلی‌لردن اون مئن نفري قيردي.
يهوداليلار صاغ قالان داها اون مئن نفري اسئر آلديلار، اونلاري قايانين باشينا گتئرئب اورادان آشاغي آتديلار. اونلارين هاميسي تئکه-تئکه اولدولار.
آنجاق اؤزو ائله بئرلئکده آپارماييب قايتارديغي فوجلار، سامئرهدن بِيت‌حورونا قدر يهودا شهرلرئنه هوجوم اتدئلر. اونلاردان اوچ مئن نفري قيرديلار و چوخ قنئمت اَله کچئرتدئلر.
اَمَصيا اِدوملولاري قيريب گلدئکدن سونرا، سِعئرلی‌لرئن بوتلرئني گتئرئب اونلاري اؤزو اوچون آللاهلار قويدو. او بونلارين قاباغيندا سجده اتدي و اونلارا بوخور يانديردي.
ربّئن قضبي اَمَصيانين ضئدّئنه آلوولاندي و اونون يانينا بئر پيغمبر گؤندردي. بو پيغمبر اونا ددي: "نه اوچون او خالقين آللاهلارينا کي، اؤز خالقلاريني سنئن اَلئندن قورتارا بئلمه‌دئلر، اوز گتئردئن؟"
بونو دئيَرکَن اَمَصيا اونا ددي: "مگر سني پادشاها مصلحتچي تعيئن اتمئشئک؟ ساکئت اول، مگر اؤلمَک ائستهيئرسن؟" پيغمبر ساکئت اولوب ددي: "بئلئرم کي، تاري سني محو اتمه‌يه قرار ورئب، چونکي بونو ادئبسن و منئم مصلحتئمه قولاق آسماييبسان."
يهودا پادشاهي اَمَصيا مصلحتله‌شئب، ائسرايئل پادشاهي يِيهو اوغلو يِهوآخاز اوغلو يِهوآشين يانينا خبر گؤندرئب ددي: "گل، اوز-اوزه گؤروشَک."
ائسرايئل پادشاهي يِهوآش يهودا پادشاهي اَمَصيايا جاواب ورئب ددي: "لوبناندانداکي قانقال، لوبناندا اولان سئدر آغاجينا خبر گؤنده‌رئب ددي: «قيزيني اوغلوما آرواد ور.» آمّا لوبناندان اولان بئر وحشي حيوان اورادان کچئب قانقالي آياق آلتيندا تاپدالادي.
سن «اِدوملولاري قيرميشام» دئيه‌رَک، اوره‌يئن کئبئرله‌نئب، بونونلا فخر ادئرسن. ائندي اؤز اِوئنده اوتور. نه اوچون اِله بئر بلا قالديراسان کي، يهودالي‌لارلا بئرلئکده سن اؤزون ده ييخيلاسان؟"
آمّا اَمَصيا قولاق آسمادي. بو ائش تاريدان اولدو کي، اونلاري يِهوآشين اَلئنه تسلئم اتسئن. چونکي اَمَصيا اِدومون آللاهلارينا اوز گتئرمئشدي.
ائسرايئل پادشاهي يِهوآش چيخيب يهودا پادشاهي اَمَصيا ائله يهودادا اولان بِيت‌شِمِشده اوز-اوزه دوردو.
يهوداليلار ائسرايئللیلرئن قاباغيندا مغلوب اولدولار و هر کس اؤز اِوئنه قاچدي.
ائسرايئل پادشاهي يِهوآش، يهودا پادشاهي يِهوآخاز اوغلو يوآش اوغلو اَمَصياني بِيت شِمِسده توتدو و اونو اورشلئمه گتئردي. او، اورشلئمئن دووارينين اِفرايئم دروازاسيندان کونج دروازاسينا قدر دؤرد يوز قول‌آچيني اوچورتدو.
بوتون قيزيل-گوموشو، تارينين معبدئنده عوبِد اِدومون ائختئياريندا اولان بوتون اشيالاري، سارايين خزئنهلرئني آپاردي. گئرووگان آلديغي آداملاري دا گؤتوروب سامئره‌يه قاييتدي.
يهودا پادشاهي يوآش اوغلو اَمَصيا ائسرايئل پادشاهي يِهوآخاز اوغلو يِهوآشين اؤلوموندن سونرا داها اون بش ائل ياشادي.
اَمَصيانين قالان ائشلري، ائلک ائشلرئندن آخير ائشلرئنه قدر بارهده، مگر يهودا و ائسرايئل پادشاهلارينين کئتابيندا يازيلماييبدير؟
او زاماندان کي، اَمَصيا ربّئن يولوندان آزدي، اونون ضئدّئنه اورشلئمده قصد حاضيرلاديلار. او، لاکئشه قاچدي. اونون دالينجا لاکئشه آداملار گؤنده‌رئب اورادا اونو اؤلدوردولر.
اونو آت اوستونده گتئرئب يهودا شهرئنده، آتالارينين يانيندا باسديرديلار.
بوتون يهودا خالقي اون آلتي ياشلي عوزّئياني گؤتوروب آتاسي اَمَصيانين يرئنه پادشاه اتدئلر.
پادشاه اؤلوب آتالاري ائله ياتديقدان سونرا، عوزئيّا اِليوتو تئکئب يهودايا قايتاردي.
عوزئيّا، پادشاه اولدوغو واخت، اون آلتي ياشيندا ائدي و اورشلئمده اَلّي ائکي ائل پادشاهليق اتدي. آناسي اورشلئمدن ائدي، آدي دا يِکوليا.
عوزئيّا، آتاسي اَمَصيانين اتدئيي کئمي، ربّئن گؤزونده دوغرو اولان ائشلر اتدي.
زِکَريانين گونلرئنده کي، تاريدان گلن وحي بارهده فهمي وار ائدي، عوزئيّا ربّی آختارماغا داوام وردی و رب اونو کامياب اتدي.
او چيخيب فئلئسطلی‌لرئن ضئدّئنه دؤيوشدو و گَت، يَبنِه و اَشدود شهرلرئنئن دووارلاريني ييخدي. اَشدود اطرافيندا و فئلئسطلی‌لر آراسيندا شهرلر تئکدي.
تاري اونا فئلئسطلی‌لرئن، گوربَعَلده ياشايان عربلرئن، و ماعونلولارين قاباغيندا کؤمک اتدي.
عَمّونلولار عوزّئيايا خراج وردئلر. اونون شؤهرتي مئصئرئن سرحدئنه قدر ياييلدي، چونکي او چوخ گوجلو اولدو.
عوزئيّا اورشلئمده کونج و دره دروازالاري و دووارين کونجو اوستونده بورجلر تئکئب مؤحکملَتدي.
او، چؤلده ده بورجلر دوزلتدي و چوخ سو آنباري اوچون ير قازدي، چونکي هامار بؤلگه‌ده و هامار بؤلگه‌ده چوخ حيوانلاري وار ائدي. داغليق و بارلي بؤلگه‌لرده کَندلئلري و اوزومچولري وار ائدي، چونکي تورپاغي سِوَردي.
عوزئيّانين دؤيوشمهيه حاضير لشکري ده وار ائدي کي، قوشون مئرزه‌سي يِعي‌اِلئن و سرکرده مَعَسِيانين دوزدويو دسته‌لرئن سايلارينا گؤره، دسته-دسته دؤيوشه چيخارديلار. بو ائکي نفر بو ائشي خَنَنيانين نظارتي آلتيندا گؤروردولر کي، پادشاهين سرکرده‌لرئندن بئري ائدي.
نسئل باشچيلارينين سايي جَمئده ائکي مئن آلتي يوز نفر ائگئد دؤيوشچو ائدي.
اونلارين اَلي آلتيندا اوچ يوز يدّي مئن بش يوز نفرلئک حربي قووّه وار ائدي کي، دوشمنئن ضئدّئنه بؤيوک جسارتله دؤيوشوب پادشاها کؤمک ادئردئلر.
عوزئيّا بوتون قوشون اوچون قالخانلار، نئزه‌لر، دَبئلقه‌لر، زئرِه‌لر، کامانلار و ساپاند داشلاري حاضيرلادي.
اورشلئمده اوخلار و بؤيوک داشلار آتماق اوچون مهارتلي آداملارين ائختئراع اتدئيي مانجاناقلار دوزَلدئب، بورجلر و کونجلر اوستونه قويدو. اونون شؤهرتي اوزاقلارا ياييلدي، چونکي اونا مؤجوزهلي بئر شکئلده کؤمک اولدوغونا گؤره قووّتلَندي.
لاکئن قووّتلَنَنده اوره‌يي اله کئبئرلَندي کي، فسادا چکئلدي و تاريسي ربّه خيانت ادئب بوخور قوربانگاهي اوستونده بوخور يانديرماق اوچون ربّئن معبدئنه داخئل اولدو.
کاهئن عَزَريا و اونونلا برابر ربّئن هشتاد ائگئد کاهئني اونون دالينجا گئردئلر.
پادشاه عوزّئيانين ضئدّئنه دوردولار و اونا ددئلر: "ای عوزئيّا، ربّه بوخور يانديرماق سنئن ائشئن ديئل، بوخور يانديرماق تقدئس ادئلمئش هارون نسلئندن اولان کاهئنلرئن ائشئدئر، موقدّس مکاندان چيخ، چونکي خيانت ادئبسن و رب تاريدان سنه عئزّت اولماياجاق."
آمّا عوزئيّا قضبلَندي. بوخور يانديرماق اوچون اَلئنده بوخوردان وار ائدي. کاهئنلرئن ضئدّئنه قضبلَندئکده، اونلارين قاباغيندا، ربّئن معبدئنده، بوخور قوربانگاهينين يانيندا آلنيندان جوزاما دوچار اولدو.
باش کاهئن عَزَريا و بوتون کاهئنلر اونا باخيب آلنيندان جوزاما توتولدوغونو گؤردولر. اونو اورادان تز باييرا چيخارتديلار. اؤزو ده چيخماغا تَلَسدي، چونکي رب اونا بلا گؤندرمئشدي.
عوزئيّا پادشاه اؤلومونه قدر جوزاملي قالدي. او آيري بئر اِوده ياشاييردي، چونکي جوزاملي اولدوغو اوچون ربّئن معبدئندن قدغن اولدو. اونون اوغلو يوتام سارايا باخيب اؤلکه خالقينا حؤکم ادئردي.
عوزئيّانين قالان ائشلري بارهده، ائلک ائشلرئندن آخير ائشلرئنه قدر آموص اوغلو پيغمبر اِشَعيا يازيبدير.
عوزئيّا اؤلوب آتالاري ائله ياتدي و اونو آتالارينين يانيندا پادشاهلارين قَبرئستانليغينين باشقا بئر يرئنده باسديرديلار، چونکي "جوزاملي‌دير" ددئلر. اونون يرئنه اوغلو يوتام پادشاه اولدو.
يوتام، پادشاه اولدوغو واخت، ائيئرمي بش ياشيندا ائدي و اورشلئمده اون آلتي ائل پادشاهليق اتدي. آناسي صادوقون قيزي يِروشا ائدي.
يوتام آتاسي عوزئيّانين اتدئيي کئمي، ربّئن گؤزونده دوغرو اولان ائشلر اتدي، آمّا ربّئن معبدئنه گئرمه‌دي. خالق حله ده فساد ائشله‌دئردي.
او، ربّئن معبدئنئن يوخاري دروازاسيني دوزلتدي، عوفِل دوواريندا چوخ تعمئرات اتدي.
يهودانين داغليق بؤلگهسئنده شهرلر، مِشه‌لرده ده قالالار و بورجلر تئکدي.
يوتام عَمّونلولار پادشاهينين ضئدّئنه ووروشدو و اونلاري مغلوب اتدي. عَمّونلولار اونا او ائل يوز تالانت گوموش و اون مئن کور بوغدا، اون مئن کور آرپا وردئلر. ائکئنجي و اوچونجو ائل ده عَمّونلولار اونا بو قدر وردئلر.
يوتام قووّتلَندي، چونکي تاريسي ربّئن حوضوروندا اؤز يوللاريني دوزلتمئشدي.
يوتامين قالان ائشلري، بوتون دؤيوشلري و عمللري بارهده ائسرايئل و يهودا پادشاهلارينين کئتابيندا يازيليبدير.
او، پادشاه اولدوغو واخت، ائيئرمي بش ياشيندا ائدي و اورشلئمده اون آلتي ائل پادشاهليق اتدي.
يوتام اؤلوب آتالاري ائله ياتدي و اونو داوودون شهرئنده باسديرديلار. اونون يرئنه اوغلو آخاز پادشاه اولدو.
آخاز، پادشاه اولدوغو واخت، ائيئرمي ياشيندا ائدي و اورشلئمده اون آلتي ائل پادشاهليق اتدي. او، ربّئن گؤزونده دوغرو اولان ائشلر اتمهدي، نجه کي، آتاسي داوود اتمئشدي.
آخاز ائسرايئل پادشاهلارينين يوللاري ائله گتدي، هم ده بَعَل‌لر اوچون تؤکمه بوتلر دوزلتدي.
بِن‌هئنّوم دره‌سئنده بوخور يانديردي و اوغوللاريني اوددا قوربان اتدي، نجه کي، ربّئن ائسرايئل اؤولادلاري قاباغيندان قوودوغو مئلّتلر بو ائيرنج عمللرئني ادئردئلر.
او، پرستئشگاهلاردا، تپه‌لر اوستونده و هر بول يارپاقلي آغاج آلتيندا قوربان گتئرئب، بوخور يانديردي.
بوندان اؤتري تاريسي رب اونو اَرام پادشاهينا تسلئم اتدي. اَراملي‌لار اونو مغلوب ادئب چوخ اسئر گؤتوردولر و اونلاري دَمَشقه گتئردئلر. اؤزو ده ائسرايئل پادشاهينا تسلئم ادئلدي. او دا اونو بؤيوک تلفاتلا مغلوب اتدي.
رِمَليا اوغلو پِقَخ يهودادا يوز ائيئرمي مئن آدامي بئر گونده اؤلدوردو، هاميسي ائگئد آدام ائدئلر. چونکي اونلار آتالارينين تاريسي ربّی ترک اتمئشدئلر.
اِفرايئملي بئر ائگئد اولان زئکري، پادشاهين اوغلو مَعَسِياني و ساراي ريئسي عَزرئقامي اؤلدوردو. او اِلقاناني دا کي، پادشاهدان سونرا بئرئنجي آدام ائدي، اؤلدوردو.
ائسرايئللی‌لر اؤز قارداشلاريندان آروادلار، اوغوللار، قيزلار، ائکي يوز مئن نفر اسئر گؤتوردولر، هم ده اونلاردان چوخ قنئمت گؤتوروب سامئره‌يه آپارديلار.
آنجاق اورادا ربّئن بئر پيغمبري وار ائدي. اونون آدي عودِد ائدي. او، سامئره‌يه گلن قوشونون قاباغينا چيخدي و اونلارا ددي: "باخ، آتالارينيزين تاريسي رب يهودايا قضبلَندئيي اوچون اونلاري سئزه تسلئم اتدي، سئز ده اونلاري اِله بئر قضبله اؤلدوردونوز کي، آلووسو گؤيلره چاتير.
ائندي ائسته‌يئرسئنئز يهودا و اورشلئم خالقيني اؤزونوزه قول و کنئز ادهسئنئز. مگر تارينيز ربّه سئز هچ گوناه اتمئرسئنئز؟
ائندي منه قولاق آسين! قارداشلارينيزدان آلديغينيز اسئرلري گری گؤنده‌رئن، چونکي ربّئن آلوولانان قضبي اوستونوزده‌دئر."
يِهوخانان اوغلو عَزَريا، مِشئل‌لِموت اوغلو بِرِکيا، شَلّوم اوغلو يِخئزقئيا و خَدلاي اوغلو عَماسا کي، اِفرايئملی‌لرئن باشچيلاريندان ائدئلر، دؤيوشدن گلنلرئن ضئدّئنه قالخيب،
اونلارا ددئلر: "اسئرلري بورايا گتئرمه‌يئن، يوخسا ربّئن ضئدّئنه گوناه ائشلَتمئش اولاجاغيق. مگر ائسته‌يئرسئنئز کي، گوناهلار و تقصئرلرئمئزي چوخالداسينيز؟ اونسوز دا تقصئرئمئز چوخدور و ربّئن آلوولانان قصبي ائسرايئل خالقينين اوستوندهدئر."
سئلاحلي عسگرلر اسئرلري و قنئمتي ريئسلرئن و بوتون جاماعاتين قاباغينا قويدولار.
آدلاري چکئلَن آداملار قالخديلار و اسئرلري گؤتوروب اونلاردان لوت اولانلارين هاميسيني قنئمتدن گؤتورولموش پالتار و چاريقلا گِيئندئردئلر. اونلاري يِدئردئب-ائچئرتدئلر و اونلارا زيتون ياغي سورتدولر، ضعئف اولانلارين هاميسيني اِششَکلره مئندئردئلر و اونلاري خورما آغاجلاري شهري اِرئحايا، قارداشلارينين يانينا آپارديلار و سونرا سامئره‌يه قاييتديلار.
او زامان آخاز، پادشاه کؤمک اوچون، آشور پادشاهينا خبر گؤندردي.
چونکي گئنه اِدوملولار گلئب يهودالي‌لاري مغلوب ادئب اسئر گؤتورموشدولر.
فئلئسطلی‌لر ده هامار بؤلگه‌ده و يهودانين نِگِبئنده اولان شهرلره هوجوم اتدئلر. بِيت‌شِمِشي، اَيّالونو، گِدِروتو و سوکو ائله قصبه‌لرئني، تئمنا ائله قصبه‌لرئني و گئمزو ائله قصبه‌لرئني آلميشديلار و اورادا ياشاييرديلار.
چونکي ائسرايئل پادشاهي آخازين اوزوندن، رب يهوداني آلچالتميشدي، چونکي آخاز، يهوداني ياغيليق اتمه‌يه ساليب، ربّه چوخ خيانت اتمئشدي.
بلجه آشور پادشاهي تئگلَت‌پئلِسِر اونون اوستونه گلئب کؤمک اتمک عوضئنه اونو ذلئل اتدي.
آخاز ربّئن معبدئندن، پادشاهين ساراييندان و ريئسلرئن اِولرئندن پاي ييغيب اونو آشور پادشاهينا وردی. لاکئن بو اونا کؤمک اتمهدي.
آخاز پادشاه بو سيخينتيلي واختيندا دا ربّئن ضئدّئنه خائنلئيي آرتيردي.
اونو مغلوب ادن دَمَشقليلرئن بوتلرئنه قوربان کَسدي و ددي: "چونکي اَرام پادشاهلارينين آللاهلاري اونلارا کؤمک اتدئلر، من ده اونلارا قوربان کَسه‌جيم کي، منه ده کؤمک اتسئنلر." لاکئن اونلار اونون و بوتون ائسرايئلئن ييخيلماسينا سبب اولدولار.
آخاز تاري معبدئنئن اشيالاريني ييغيب تئکه-تئکه اتدي و ربّئن معبدئنئن قاپيلاريني باغلادي. اورشلئمئن هر کونجونده قوربانگاهلار دوزلتدي،
يهودانين هر شهرئنده آيري آللاهلارا بوخور يانديرماق اوچون پرستئشگاهلار دوزلتدي. بلجه آتالارينين تاريسي ربّی قضبلَندئردي.
اونون قالان ائشلري و بوتون عمللري، ائلک ائشلرئندن آخير ائشلرئنه قدر، يهودا و ائسرايئل پادشاهلارينين کئتابيندا يازيليبدير.
آخاز اؤلوب آتالاري ائله ياتدي و اونو اورشلئم شهرئنده باسديرديلار. اونو ائسرايئل پادشاهلارينين قبئرلرئنه گتئرمه‌دئلر. اونون يرئنه اوغلو خئزقئيا پادشاه اولدو.
خئزقئيا، پادشاه اولدوغو واخت، ائيئرمي بش ياشيندا ائدي و اورشلئمده ائيئرمي دوقّوز ائل پادشاهليق اتدي. آناسي زِکَريا قيزي اَبئيا ائدي.
خئزقئيا، آتاسي داوودون اتدئيي کئمي، ربّئن گؤزونده دوغرو اولان ائشلر اتدي.
خئزقئيا، پادشاهليغينين بئرئنجي ائلئنده، بئرئنجي آيدا، ربّئن معبدئنئن قاپيلاريني آچدي و اونلاري تعمئر اتدي.
کاهئنلري و لاوئلی‌لري چاغيردي، اونلاري شرق ميدانينا ييغدي.
خئزقئيا اونلارا ددي: "ای لاوئلی‌لر، منی اِشئدئن! ائندي اؤزونوزو و آتالارينيزين تاريسي ربّئن معبدئني تقدئس ادئن و موقدّس يردن نجئس شيلري چيخاردين.
آتالاريميز وفاسيز اولوب تاريميز ربّئن نظرئنده پئس اولان ائشلر ادئبلر و اونو ترک ادئبلر. ربّئن خيمه‌سئندن اوز دؤنده‌رئب اونا آرخا چِوئرئبلر.
ايوانين قاپيلاريني دا باغلاييبلار، چيراقلاري سؤندوروبلر، ائسرايئل تاريسينين موقدّس يرئنده بوخور يانديرماييبلار و يانديرما قوربانلاري گتئرمه‌يئبلر.
بونا گؤره ده ربّئن قضبي يهودانين و اورشلئمئن اوستونه گلدي و گؤزلرئنئزله گؤردويونوز کئمي اونلاري دهشت، تشوئش و حقارت آلتينا سالدي.
اونا گؤره ده آتالاريميز قيلينجلا اؤلدورولموش، اوغوللاريميز، قيزلاريميز و آروادلاريميز اسئرلئکدهدئر.
ائندي اوره‌يئمه قويموشام کي، ائسرايئلئن تاريسي ربله عهد باغلاييم، اِله کي، اؤز آلوولانان قضبئني بئزدن دؤنده‌رسئن.
اوغوللاريم، لاقيد اولمايين، چونکي رب سئزي سِچئب کي، اونون حوضوروندا دوروب خئدمت ادهسئنئز و اونون بوخور يانديران خئدمتچئلري اولاسينيز."
لاوئلی‌لردن بو آداملار قالخديلار: قوحات نسلئندن عَماسه‌ي اوغلو مَخَت و عَزَريا اوغلو يواِل؛ مِراري نسلئندن عَبدي اوغلو قئش و يِهَل‌لِلِل اوغلو عَزَريا؛ گِرشون نسلئندن زئمّا اوغلو يوآخ و يوآخ اوغلو عِدِن؛
اِلئصافان نسلئندن شئمري و يِعي‌اِل؛ آساف نسلئندن زِکَريا و مَتّنيا؛
هِيمان نسلئندن يِخي‌اِل، شئمعي و يِدوتون نسلئندن شِمَعيا و اوزّي‌اِل.
اونلار قارداشلاريني ييغديلار و اؤزلرئني تقدئس اتدئلر. پادشاهين امر اتدئيي کئمي، ربّئن سؤزلرئنه گؤره گتدئلر کي، ربّئن معبدئني تمئزله‌سئنلر.
کاهئنلر ده ربّئن معبدئنئن ائچ حئصّه‌سئنه گئردئلر کي، اوراني تمئزله‌سئنلر و ربّئن معبدئنده تاپديقلاري هر نجئس شيي معبدئن حَيَطئنه چيخارتديلار. سونرا لاوئلی‌لر اونلاري گؤتوروب باييرا، قئدرون دره‌سئنه آپارديلار.
بئرئنجي آيين بئرئنجي گونونده تقدئس‌اتمه ائشئنه باشلاديلار و همئن آيين سکّئزئنجي گونونده ربّئن ايوانينا قدر چاتديلار. سکّئز گونده ربّئن معبدئني تقدئس اتدئلر و بئرئنجي آيين اون آلتينجي گونونده باشا چاتديرديلار.
سونرا خئزقئيا پادشاهين يانينا گلئب ددئلر: "بئز ربّئن بوتون معبدئني، يانديرما قوربانلارينين گتئرئلدئيي قوربانگاهيني و اونون بوتون آوادانليغيني، تقدئم چؤرکلري قويولان مئزي و اونون بوتون لوازئماتيني تمئزله‌دئک.
آخاز پادشاهين پادشاهليغي زامانيندا، خائنلئکله آتديغي بوتون اشيالاري دا حاضيرلاديق و تقدئس اتدئک. ائندي اونلار ربّئن قوربانگاهي قاباغينداديرلار."
خئزقئيا پادشاه سحر تزدن دوردو و شهرئن ريئسلرئني ييغيب ربّئن معبدئنه گتدي.
پادشاهليق، موقدّس مکان، و يهودا اوچون يدّي گاميش، يدّي قوچ، يدّي قوزو و يدّي اِرکَک کچي يانديرما قوربانيني گتئردئلر. او، هارون نسلئندن اولان کاهئنلره امر اتدي کي، اونلاري ربّئن قوربانگاهيندا تقدئم اتسئنلر.
گاميشلاري کَسدئلر و کاهئنلر قاني گؤتوروب قوربانگاها سَپدئلر، قوچلاري کَسدئلر و قاني قوربانگاها سَپدئلر، قوزولاري کَسدئلر و قاني قوربانگاها سَپدئلر.
سونرا اِرکَک کچئلري ده کي، گوناه قورباني ائدي، پادشاهين و جاماعاتين قاباغينا گتئردئلر و اَللرئني اونلارين اوستونه قويدولار.
کاهئنلر اونلاري کَسدئلر و قانلاريني قوربانگاها آخيتديلار کي، بوتون ائسرايئللیلرئن گوناهلاريني کفّاره اتسئن. چونکي پادشاه امر اتمئشدي کي، يانديرما قورباني و گوناه قورباني بوتون ائسرايئل اوچون گتئرئلسئن.
داوودون، پادشاهين گؤروجوسو جادين و پيغمبر ناتانين امرئنه گؤره، خئزقئيا لاوئلی‌لري سئنجلرله، چنگلرله و طنبورلارلا ربّئن معبدئنه تعيئن اتدي. بو امر پيغمبرلر واسئطهسئله ربدن گلمئشدي.
لاوئلی‌لر داوودون موسئقي آلَتلري ائله، کاهئنلر ده کَره‌نايلارلا دايانديلار.
خئزقئيا امر اتدي کي، يانديرما قورباني قوربانگاهدا تقدئم ادئلسئن. يانديرما قوربانينين تقدئمي باشلاناندا، کَره‌نايلارين و ائسرايئل پادشاهي داوودون موسئقي آلَتلرئنئن سَسي آلتيندا ربّئن نغمه‌سي ده باشلاندي.
بوتون جاماعات سجده اتدي، نغمه‌چئلر نغمه اوخودولار، کَره‌نايلارين چالانلار چالديلار. بونلارين هاميسي يانديرما قوربانينين تقدئمي قورتارانا قدر داوام وردی.
يانديرما قوربانينين تقدئمي قورتاراندا، پادشاه و يانيندا اولانلارين هاميسي اَيئلئب سجده اتدئلر.
خئزقئيا پادشاه و ريئسلر لاوئلی‌لره امر اتدئلر کي، داوودون و گؤروجو آسافين سؤزلري ائله ربّه حمد اوخوسونلار. اونلار شادليقلا حمد اوخودولار و اَيئلئب سجده اتدئلر.
سونرا خئزقئيا ددي: "ائندي کي، اؤزونوزو ربّه وقف ادئبسئنئز، ياخين گلئن، ربّئن معبدئنه قوربانلار و شوکور تقدئملري گتئرئن." جاماعات قوربانلار و شوکور تقدئملري گتئردئلر، اوره‌يي ائسته‌يَنلرئن هاميسي يانديرما قوربانلاري تقدئم اتدئلر.
جاماعاتين گتئردئيي يانديرما قوربانلارينين سايي يتمئش گاميش، يوز قوچ، ائکي يوز قوزو ائدي. بونلارين هاميسي ربّه يانديرما قورباني گتئرئلدي.
تقدئس اولونان حيوانلارين سايي دا آلتي يوز گاميش و اوچ مئن قويون ائدي.
آمّا کاهئنلر آز ائدئلر و بوتون يانديرما قوربانلارينين دَرئسئني سويا بئلمه‌دئلر. ائش قورتارانا قدر، کاهئنلر ده اؤزلرئني تقدئس ادنه قدر، قارداشلاري لاوئلی‌لر، کاهئنلره کؤمک اتدئلر. چونکي لاوئلی‌لر کاهئنلردن آرتيق خالئص اورَکله اؤزلرئني تقدئس اتمئشدئلر.
باريش قوربانلارينين پئيي و يانديرما قوربانلاري ائله بئرلئکده گتئرئلمئش مايع تقدئملر ده چوخ ائدي. بلجه ربّئن معبدئنئن خئدمتي تزهدن باشلاندي.
خئزقئيا و بوتون خالق تارينين خالق اوچون گؤردويو ائشئنه گؤره سِوئندئلر. چونکي بو ائش گؤزلَنئلمه‌دن اولموشدو.
خئزقئيا بوتون ائسرايئللیلره و يهوداليلار خبر گؤندردي، اِفرايئملی‌لره و مِنَسّه‌لي‌لره ده مکتوبلار يازدي کي، ائسرايئلئن تاريسي ربّه پاسخا بايرامي جشن توتماق اوچون اورشلئمده اولان ربّئن معبدئنه گلسئنلر.
چونکي پادشاهلا ريئسلري و بوتون اورشلئمدهکي جاماعات بو قرارا گلمئشدئلر کي، پاسخا بايراميني ائکئنجي آيدا کچئرتسئنلر.
اونو، لازيم اولان واخت، اده بئلمه‌مئشدئلر، چونکي لازيمي قدر کاهئنلر اؤزلرئني تقدئس اتمهمئشدئلر، خالق دا اورشلئمه ييغيلماميشدي.
اونا گؤره ده بو قرار پادشاهين و بوتون جاماعاتين گؤزونده دوز ائدي.
اونلار قرار وردئلر کي، بئرشئباعدان دانا قدر بوتون ائسرايئلده بئر فرمان اعلان ادئلسئن کي، خالق گلئب ائسرايئل تاريسي ربّئن پاسخا بايراميني اورشلئمده توتسون. چونکي بونو بؤيوک بئر ساييدا نجه کي، يازيلميشدي، اتمهمئشدئلر.
پادشاهين امرئنه گؤره چاپارلار پادشاهين و ريئسلرئن يازديغي مکتوبلارلا بوتون ائسرايئل و يهودا تورپاغيني دولانيب ددئلر: "ای ائسرايئل اؤولادلاري، ائبراهئمئن، ائسحاقين و ائسرايئلئن تاريسي ربّه قاييدين! او دا سئزه قاييداجاق، سئز کي، آشور پادشاهلارينين اَلئندن قاچيب صاغ قاليبسينيز.
آتالارينيز و قارداشلارينيز کئمي اولمايين کي، آتالارينين تاريسي ربّه خيانت اتدئلر، بله کي، گؤردويونوز کئمي رب اونلاري دهشته دؤنده‌ردي.
ائندي آتالارينيز کئمي دئکباش اولمايين، ربّه موطئع اولون و اونون ابدی بو مکانينا کي، اونو ابده کئمي تقدئس ادئب، گلئن و تارينيز ربّه قوللوق ادئن کي، آلوولانان قضبي سئزدن دؤنسون.
سئز ربّه دؤندوکده قارداشلارينيز و اوغوللارينيز دا، اونلاري اسئر آلانلارين قاباغيندا، ائلتئفات قازاناجاقلار و بو تورپاغا قاييداجاقلار. چونکي تارينيز رب فِيضلي و رحملي‌دئر. اگر اونا دؤنهسئنئز، سئزدن اوز دؤنده‌رمَز."
چاپارلار اِفرايئم و مِنَسّه تورپاقلاريندان زِبولونا قدر بو شهردن او شهره کچدئلر. لاکئن اونلار چاپارلارا گولدولر و اونلاري لاغا قويدولار.
آمّا آشِردن، مِنَسّه‌دن و زِبولوندان بعضی آداملار کئبئرلرئني قيريب اورشلئمه گلدئلر.
تارينين اَلي يهودالي‌لارلا دا ائدي و اونلارا هَمن اورَک وردی کي، ربّئن سؤزونه گؤره پادشاهين و ريئسلرئن امرلرئني يرئنه يتئرسئنلر.
ائکئنجي آي چوخ خالق، بؤيوک بئر جاماعات اورشلئمده ييغيلدي کي، ماياسيز چؤرک بايراميني کچئرتسئنلر.
اونلار قالخيب اورشلئمده اولان قوربانگاهلاري و بوتون بوخور قوربانگاهلاريني آرادان قالديرديلار و قئدرون دره‌سئنه آتديلار.
ائکئنجي آيين اون دؤردونجو گونو پاسخا قوربانلاريني کَسدئلر. کاهئنلر و لاوئلی‌لر اؤزلرئندن خجالت چکئردئلر، و اؤزلرئني تقدئس اتدئلر و ربّئن معبدئنه يانديرما قوربانلاري گتئردئلر.
تاري آدامي موسانين قانونوندا يازيلميش قايدالارينا گؤره، اؤز يرلرئنده دوردولار. کاهئنلر لاوئلی‌لردن آلديقلاري قاني سَپدئلر.
جاماعات ائچئنده اؤزلرئني تقدئس اتمهمئش چوخ آدام وار ائدي، بونا گؤره ده لاوئلی‌لر تمئز اولمايان هر آدامين پاسخا قوربانيني کَسمَک ائشئني بويونا آلميشديلار کي، اونلاري ربّه تقدئس اتسئنلر.
چونکي خالقين بؤيوک بئر حئصّهسي، اِفرايئم و مِنَسّه، يئسّاکار و زِبولون قبئلهلرئندن بئر چوخو اؤزلرئني تمئزلَمه‌يئب يازيلانلارا موناسئب اولماياراق اؤز پاسخا قوربانلاريندان يدئلر.
خئزقئيا اونلار اوچون دوعا ادئب دمئشدي: "قوي ياخشي اولان رب، موقدّس ير اوچون تمئز اولماديقلاري حالدا خالئص اورَکله تاريني، آتالارينين تاريسي ربّی آختارماغا حاضيرلاشميش هر کَسي باغيشلاسين."
رب خئزقئياني اشئتدي و خالقا شفا وردی.
اورشلئمده اولان ائسرايئل اؤولادلاري يدّي گون ماياسيز چؤرک بايراميني بؤيوک شادليقلا کچئرتدئلر. لاوئلی‌لر و کاهئنلر اوجا سَسلي موسئقي آلَتلري ائله هر گون ربّه حمد ادئردئلر.
خئزقئيا ربّئن خئدمتئنه باجاريقلي اولان بوتون لاوئلی‌لرله دانيشيب اونلاري تشوئق اتدي. اونلار باريش قوربانلاريني کَسئب و آتالارينين تاريسي ربّه شوکورلر اده‌رَک يدّي گون بايرام يِمه‌يي يدئلر.
بوتون جاماعات بله قرارا گلدي کي، داها يدّي گون ده بايرام اولسون. يدّي گونو ده شادليقلا کچئرتدئلر.
يهودا پادشاهي خئزقئيا جاماعاتا تقدئم اتمک اوچون مئن گاميش و يدّي مئن قويون وردی، ريئسلر ده جاماعاتا مئن گاميش و اون مئن قويون وردئلر. بئر چوخ کاهئن ده اؤزونو تقدئس اتدي.
بوتون يهودا جاماعاتي، کاهئنلر، لاوئلی‌لر، ائسرايئلدن گلن بوتون جاماعات، هم ائسرايئل تورپاغيندان اولان، هم ده يهودادا ياشايان قرئبلر سِوئندئلر.
بلجه اورشلئم بؤيوک شادليق ائچئنده ائدي، چونکي ائسرايئل پادشاهي داوود اوغلو سوليمانين دؤوروندن بَري اورشلئمده بله بايرام اولماميشدي.
لاوئلي کاهئنلر قالخيب خالقا برکت وردئلر، تاري اونلارين سَسلرئني اشئتدي، چونکي دوعالاري اونون موقدّس مسکنئنه، گؤيلره چاتدي.
بوتون بو ائش قورتاراندا، اورادا اولان بوتون ائسرايئللی‌لر يهودا شهرلرئنه چيخيب، موقدّس سوتونلاري تئکه-تئکه اتدئلر، اَشِرا بوتلرئني کَسدئلر. بوتون يهودا، بِنيامئن، اِفرايئم و مِنَسّه تورپاقلاريندا اولان پرستئشگاهلاري و قوربانگاهلاري آخيرا قدر داغيتديلار. سونرا بوتون ائسرايئل اؤولادلاري اؤز شهرلرئنه، هر کس اؤز مولکونه قاييتدي.
خئزقئيا کاهئنلري و لاوئلی‌لري بؤلمه‌لره آييردي و کاهئنلر و لاوئلی‌لردن هر کَسي اؤز ائشئنه موناسئب اولان بؤلمه‌يه تعيئن اتدي. او، ربّئن دروازالارلا حاصارلانميش يرلرئنده، يانديرما و باريش قوربانلاريني گتئرمک، خئدمت اتمک، شوکور و حمد اوخوماق اوچون تعيئن اتدي.
ربّئن قانونوندا يازيلديغينا گؤره يانديرما قوربانلاري يعني سحر و آخشامين يانديرما قوربانلاري، سَبّت گونلرئنئن، تزه آي مراسئملرئنئن و بايراملارين يانديرما قوربانلاري اوچون پادشاه اؤز ماليندان پاي آييردي.
اورشلئمده ياشايان خالقا امر اتدي کي، کاهئنلرئن و لاوئلی‌لرئن پايلاريني اونلارا ورسئنلر، اِله کي، اونلار اؤزلرئني ربّئن قانونونا وقف اتسئنلر.
بو امر هر يانا ياييلاندا ائسرايئل اؤولادلاري تاخيلين، تزه شرابين، زيتون ياغينين، بالين و بوتون زمي محصوللارينين نوباريندان بول-بول وردئلر. هر شيئن اوندا بئرئني بول-بول گتئردئلر.
يهودا شهرلرئنده ياشايان ائسرايئللی‌لر و يهوداليلار اؤکوزلرئن و قويون-کچئلرئن اوندا بئرئني، اؤزلرئنئن تاريلاري ربّه تقدئس اولونان موقدّس شيلرئن اوندا بئرئني ده گتئردئلر و قالاق-قالاق وردئلر.
اوچونجو آيدا بونلاري قالاقلارلا اوست-اوسته ييغماغا باشلاديلار و يدّئنجی آيدا قورتارديلار.
خئزقئيا و ريئسلر گلئب قالاقلاري گؤرنده، ربّی موبارک چاغيريب اونون خالقي ائسرايئله برکت وردئلر.
خئزقئيا بو قالاقلار بارهده کاهئنلردن و لاوئلی‌لردن سوروشدو.
صادوقون نسلئندن اولان باش کاهئن عَزَريا اونا بله جاواب وردی: "ربّئن معبدئنه نذئرلر گتئرئلَن واختدان بَري بئز يِيئب دويوروق، حله آرتيق دا قالير. چونکي رب اؤز خالقينا برکت ورئب و بو بول شيلر ده آرتيق قاليب."
خئزقئيا امر اتدي کي، ربّئن معبدئنده‌کي اوتاقلاري حاضيرلاسينلار. اونلار حاضيرلاديلار.
نذئرلري، اوندا بئرلري و تقدئس اولونان شيلري صداقتله اورايا گتئردئلر. بو شيلرئن ساخلاماسينا لاوئلي کونَنيا مأمور ائدي و موعاوئني ده قارداشي شئمعي ائدي.
يِخي‌اِل، عَزَزيا، نَخَت، عَساهِل، يِرئموت، يوزاباد، اِلي‌اِل، يئسمَکيا، مَخَت و بِنايا دا پادشاه خئزقئيانين و تاري معبدئنده ريئس اولان عَزَريانين امرئنه گؤره، کونَنيانين و قارداشي شئمعئنئن اَلي آلتيندا مأمور ائدئلر.
شرق دروازاسيندا قاپيچي اولان لاوئلي يئمنا اوغلو قورِه ربّه ورئلَن نذئرلره و لاپ موقدّس شيلري پايلاماقدان اؤتري اؤز گؤيلو ائله تاري اوچون ورئلَن تقدئملره نظارت ادئردي.
عِدن، مئنيامئن، يِشوع، شَمَعيا، اَمَريا و شِکَنيا، بؤلمه‌لرئنه گؤره، کاهئن شهرلرئنده بؤيوکدن کئچئيه قدر، قورِه‌نئن نظارتي آلتيندا بو قارداشلارينا پايلاريني بؤلمک ائشي تاپشيريلميشدي:
نسئل شجره‌لرئنه باخماياراق، اوچ ياشيندا و اوندان يوخاري ياشدا اولان، وظئفه‌لرئنه و بؤلمه‌لرئنه گؤره گوندهلئک خئدمت ائشي اوچون ربّئن معبدئنه گئرَن کئشئلرئن هاميسي؛
نسئل شجره‌لرئنده يازيلديغي کئمي نسئللرئنه گؤره کاهئنلر، وظئفه‌لرئنه، هم ده بؤلمه‌لرئنه گؤره ائيئرمي ياشيندا و اوندان يوخاري ياشدا اولان لاوئلی‌لر؛
نسئل شجره‌لرئنه گؤره بوتون جاماعاتين اوشاقلاري، آروادلاري، اوغول و قيزلاري-چونکي اونلار اؤزلرئني صداقتله موقدّس خئدمت اوچون تقدئس اتمئشدئلر-
اؤز شهرلرئنئن اطراف چؤللرئنده ياشايان هارون نسلئندن کاهئنلر. هر شهرده آدلاري چکئلَن آداملار قويولموشدو کي، کاهئنلر آراسينداکي بوتون کئشئلره و لاوئلی‌لر آراسيندا نسئل شجره‌لرئنده يازيلانلارين هاميسينا پاي ورسئنلر.
خئزقئيا بوتون يهودادا بله اتدي، تاريسي ربّئن قاباغيندا ياخشي، دوغرو و صداقتلي ائشلر گؤردو.
او اؤز تاريسيني آختاراراق تاري معبدئنئن خئدمتئنه، قانونا و امره عمل اتمکده باشلاديغي هر ائشي بوتون قلبي ائله يرئنه يتئردي و اوغور قازاندي.
بو صداقتلي ائشلردن سونرا، آشور پادشاهي سَنخِرئب گلئب يهودايا گئردي. او، قالالي شهرلرئن ضئدّئنه اوردوگاه قوردو و ائسته‌دي کي، اونلاري اَله کچئرتسئن.
خئزقئيا، سَنخِرئبئن اورشلئم اوستونه دؤيوشمک اوچون گلدئيئني گؤردوکده،
اؤز ريئسلري و سرکرده‌لري ائله مصلحتلَشدي کي، شهردن کَناردا اولان سو منبعلرئني کَسسئن و اونلار خئزقئيايا کؤمک اتدئلر.
چوخلو خالق ييغيلدي و بوتون سو منبعلرئنئن و اؤلکه‌دن آخان چايين يوللاريني کَسدئلر. ديئردئلر: "آشور پادشاهلاري نه اوچون گلئب بول سو تاپسينلار؟"
خئزقئيا قرارلي اولوب دووارين بوتون اوچموش يرلرئني تئکدي و اونون اوستونده بورجلر دوزلتدي. بايير طرفدن آيري بئر دووار دا تئکدي، داوودون شهرئنده اولان قالا ياماجيني دا مؤحکملَندئردي. چوخلو سئلاح و قالخان دوزلتدي.
او، خالقين اوستونه سرکرده‌لر قويدو، اونلاري شهر دروازاسي ميدانيندا يانينا ييغدي و اونلاري اورَکلَندئرئب ددي:
"گوجلو و جسور اولون. آشور پادشاهيندان و اونون يانيندا اولان چوخ قوشوندان قورخمايين، روحدان دوشمهيئن، چونکي بئزئمله اولان، اونونلا اولاندان بؤيوکدور.
اونونلا اولان ائنسان گوجودور، لاکئن بئزئمله اولان تاريميز ربدئر کي، بئزه کؤمک ادئر و موحارئبه‌لرئمئزده ووروشور." خالق يهودا پادشاهي خئزقئيانين سؤزلرئندن اورَکلَندي.
بوندان سونرا آشور پادشاهي سَنخِرئب يانيندا اولان بوتون قرارگاهي ائله لاکئشئن قاباغيندا دايانارکَن اورشلئمه، يهودا پادشاهي خئزقئيانين و اورشلئمده اولان بوتون يهودالي‌لارين يانينا نؤکرلرئني گؤندردي و اونلار ددي:
"آشور پادشاهي سَنخِرئب بله ديئر: «سئز نَيه بِل باغلاييرسينيز کي، اورشلئمده موحاصئرهيه اوتورورسونوز؟
مگر خئزقئيا سئزي آجليقلا و سوسوزلوقلا اؤلومه ورمک اوچون آلداديب دِمئر: ‹تاريميز رب بئزي آشور پادشاهينين اَلئندن قورتاراجاق؟›
او مگر همئن خئزقئيا ديئل کي، تارينين پرستئشگاهلاريني و قوربانگاهلاريني آرادان قالديردي، يهودايا و اورشلئمه امر ادئب ددی کي ‹بئر قوربانگاهين قاباغيندا پرستئش ادهجکسئنئز و اونون اوستونده بوخور يانديراجاقسينيز؟›
مگر بئلمئرسئنئز کي، بوتون اؤلکه‌لرئن خالقلارينا، من و آتالاريم نه اتدئک؟ مگر او اؤلکه‌لرئن مئلّتلرئنئن آللاهلاري اؤز تورپاقلاريني منئم اَلئمدن قورتارا بئلدئلر؟
آتالاريمين کامئل محو اتدئکلري او مئلّتلرئن بوتون آللاهلاري آراسيندا، هانسي بئري اؤز خالقيني اَلئمدن قورتارا بئلدي کي، سئزئن تارينيز دا سئزي منئم اَلئمدن قورتارا بئلسئن؟
قويمايين ائندي خئزقئيا سئزي آلداتسين و بو جور آزديرماسين، اونا ائنانمايين. چونکي هچ بئر مئلّتئن و هچ بئر اؤلکهنئن آللاهلاريندان هچ بئري اؤز خالقيني منئم و آتالاريمين اَلئندن قورتارا بئلمه‌دي. سئزئن تارينيز دا سئزي منئم اَلئمدن قورتارا بئلمَيه‌جک!»"
سَنخِرئبئن نؤکرلري رب تارينين و اونون قولو خئزقئيانين ضئدّئنه چوخ شيلر ددئلر.
او اؤزو ده مکتوبلار يازئب ائسرايئلئن تاريسي ربّی تحقئر اتدي و اونون ضئدّئنه دانيشيب ددي: "اؤلکه‌لرئن مئلّتلرئنئن آللاهلاري اؤز خالقلاريني نجه اَلئمدن قورتارا بئلمه‌دئلر، خئزقئيانين تاريسي دا خالقيني منئم اَلئمدن قورتارا بئلمَيه‌جک."
اونون نؤکرلري دووار اوستونده اولان اورشلئم خالقينا بونلاري اوجا سَسله يهودي دئلئنده باغيرديلار کي، اونلاري قورخودوب دهشته سالسينلار و شهري آلسينلار.
اونلار اورشلئمئن تاريسي بارهده اله دانيشديلار کي، اله بئل، اَلله دوزَلمئش ير اوزونون اؤزگه خالقلارينين آللاهلاري‌دير.
لاکئن خئزقئيا پادشاه و آموص اوغلو اِشَعيا پيغمبر دوعا ادئب گؤيه فرياد اتدئلر.
رب بئر ملک گؤندردي و او، آشور پادشاهينين اوردوگاهيندا اولان بوتون ائگئد دؤيوشچولري، سرکرده‌لري و ريئسلري محو اتدي. آشور پادشاهي بي‌آبيرچيليقلا اؤز اؤلکهسئنه قاييتدي. بئر گون او اؤز آللاهينين معبدئنه گئردئکده، اؤز دوغما اوغوللاريندان بعضئلري اورادا اونو قيلينجلا اؤلدوردولر.
بلجه رب خئزقئياني و اورشلئمده ياشايانلاري آشور پادشاهي سَنخِرئبئن و بوتون باشقا دوشمنلرئنئن اَلئندن قورتاردي و اونلاري هر طرفدن قورودو.
او واخت چوخ آدام اورشلئمه، ربّه هدئيّهلر و يهودا پادشاهي خئزقئيايا دَيَرلي شيلر گتئردئلر. بوندان سونرا خئزقئيا بوتون مئلّتلرئن گؤزونده اوجالدي.
او گونلرده خئزقئيا اؤلومجول ناخوشلادي. او، ربّه دوعا اتدي، رب ده اونا جاواب وردی و اونا بئر علامت گؤرستدي.
لاکئن خئزقئيا اونا ادئلَن ياخشيليغين عوضئني ورمه‌دي. چونکي اوره‌يي کئبئرلَنمئشدي، بونا گؤره ده تارينين قضبي اونون، يهودانين و اورشلئمئن اوستونه گلدي.
آمّا خئزقئيا اوره‌يئنئن کئبئرئندن اَل چکئب اؤزونو آلچالتدي، اورشلئمده ياشايانلار دا بله اتدئلر. بونا گؤره ده خئزقئيانين دؤورونده، اونلارين اوستونه ربّئن قضبي گلمه‌دي.
خئزقئيانين اولدوقجا چوخ ثروتي و شؤهرتي وار ائدي. او اؤزونه قيزيل-گوموش، قئيمتلي داشلار، عطرئيّات، قالخانلار و هر جور قئيمتلي اشيا اوچون خزئنهلر تئکدي.
بوغدا، تزه شراب و ياغ محصوللاري اوچون آنبارلار، هر جور حيوان اوچون آخورلار و سورولر اوچون آغيللار تئکدي.
او اؤزو اوچون شهرلر ده تئکدي. اونون چوخ قويون-کچئسي و مال-حيواني وار ائدي، چونکي تاري اونا لاپ چوخ مال-دوولت ورمئشدي.
همئن خئزقئيا ائدي کي، گئخون سولارينين يوخاري منبعئني باغلادي و اونلاري آشاغييا، قربه طرف، داوودون شهرئنه کچئرتدي. خئزقئيا بوتون ائشلرئنده اوغور قازاندي.
آمّا او زامان کي، بابئل حؤکمدارلاري اؤلکهده باش ورن علامت بارهده سوروشماق اوچون اِلچئلر گؤندردئلر، بو ائشده تاري خئزقئياني ائمتاحانا چکئب اوره‌يئنده اولان هر شيي بئلمک اوچون اونو ترک اتدي.
خئزقئيانين قالان ائشلري و صداقتلي عمللري بارهده آموص اوغلو اِشعيا پيغمبرئن نَبئلئيئنده، يهودا و ائسرايئل پادشاهلارينين کئتابيندا يازيليبدير.
خئزقئيا اؤلوب آتالاري ائله ياتدي و اونو داوود سولاله‌سئنئن قبئرلرئنئن يوخاريسيندا باسديرديلار. اؤلدويو زامان بوتون يهوداليلار و اورشلئمده ياشايانلار اونا احتئرام گؤرستدئلر. اونون يرئنه اوغلو مِنَسّه پادشاه اولدو.
مِنَسّه، پادشاه اولدوغو واخت، اون ائکي ياشيندا ائدي و اورشلئمده اَلّي بش ائل پادشاهليق اتدي.
او، ربّئن گؤزونده پئس اولان ائشلر ادئب، او مئلّتلرئن ائيرنج ائشلري کئمي اتدي کي، رب اونلاري ائسرايئل اؤولادلارينين قاباغيندان قووموشدو.
آتاسي خئزقئيانين داغيتديغي پرستئشگاهلاري تزهدن تئکدي، بَعَل بوتلري اوچون قوربانگاهلار قوردو و اَشِرا بوتلري دوزلتدي، بوتون گؤي جئسئملرئنه سجده و قوللوق اتدي.
ربّئن "آديم ابده کئمي اورشلئمده قالاجاق" ددئيي معبدئنده، مِنَسّه قوربانگاهلار تئکدي.
ربّئن معبدئنئن هر ائکي حَيَطئنده بوتون گؤي جئسئملرئنه قوربانگاهلار دوزلتدي.
او، اوغوللاريني بِن‌هئنّوم دره‌سئنده اوددا قوربان وردی، فالچيليغا مشغول اولدو، باخيجيليق و جادوگرلئک ادئب، جئندارلارا و روح چاغيرانلارا اوز گتئردي. ربّئن گؤزونده چوخلو پئس ائشلر گؤروب اونون قضبئني آلوولانديردي.
دوزلتدئيي اويما بوتو تارينين معبدئنه قويدو، او معبده کي، تاري داوودا و اوغلو سوليمانا دمئشدي: "بو معبدده و بوتون ائسرايئل قبئلهلرئندن سچدئيئم اورشلئمده اؤز آديمي ابدی قوياجاغام.
اگر منئم اونلارا بويوردوغوم هر شيه و موسا واسئطهسئله اونلارا ورئلَن بوتون قانونا، قايدالارا و حؤکملره عمل اتسهلر، قويماياجاغام کی، ائسرايئللیلرئن اؤولادلاري، آتالارينا تعيئن اتدئيئم تورپاقدان دئدَرگئن دوشسونلر."
مِنَسّه يهودالي‌لاري و اورشلئمده ياشايانلاري اله يولدان چيخارتدي کي، ربّئن ائسرايئل اؤولادلارينين قاباغيندا محو اتدئيي مئلّتلردن ده چوخ پئس ائشلر اتدئلر.
رب مِنَسّه و اونون خالقي ائله دانيشدي، آمّا اونلار قولاق آسماديلار.
رب آشور پادشاهينين قوشون باشچيلاريني اونلارين اوستونه گؤندردي. اونلار مِنَسّهنئن بورنونا چنگل تاخديلار و اونا بورونج زنجئر ووروب، بابئله آپارديلار.
او بو دارليغيندا تاريسي ربّه يالواردي و آتالارينين تاريسي قاباغيندا اؤزونو چوخ آلچالتدي،
تارييا دوعا اتدئکده، تاري دا اونون دوعاسيني قبول اتدي و يالواريشيني اشئتدي، اونو گئنه اورشلئمه، اؤز پادشاهليغينا گتئردي. او واخت مِنَسّه بئلدي کي، رب تاريدير.
بوندان سونرا او، دره‌ده اولان گئخونون قرب طرفئندن باليق دروازاسينين گئرهجک يرئنه قدر داوودون شهرئنه بايير طرفدن بئر دووار تئکدي، اونونلا عوفِل تپه‌سئني اَحاطه‌يه آلدي و اونو چوخ اوجالتدي. يهودانين بوتون قالالي شهرلرئنه قوشون باشچيلاري قويدو.
مِنَسّه اؤزگه آللاهلاري، ربّئن معبدئنده‌کي بوتو، ربّئن معبدئنئن داغيندا و اورشلئمده تئکدئيي بوتون قوربانگاهلاري آرادان قالديريب اونلاري شهرئن باييرينا آتدي.
او، ربّئن قوربانگاهيني تعمئر ادئب اورادا باريش و شوکور قوربانلاري تقدئم اتدي و يهودالي‌لارا امر اتدي کي، ائسرايئلئن تاريسي ربّه قوللوق اتسئنلر.
آمّا خالق حله ده پرستئشگاهلاردا قوربان گتئرئردي، هرچند کي، بو ائشله اؤزلرئنئن تاريسي ربّه گؤره ادئردي.
مِنَسّهنئن قالان ائشلري، اؤز تاريسينا دوعاسي و گؤروجولرئن سؤزلری کی، اونا ائسرايئلئن تاريسي ربّئن آدي ائله سؤز دِيئردئلر، ائسرايئل پادشاهلارينين تارئخ کئتابيندا يازيليبدير.
اونون دوعاسي و دوعاسينين اِشئدئلدئيي، بوتون گوناهي و خيانتي، اؤزونو آلچالتمادان اوّل پرستئشگاهلار تئکئب اَشِرا بوتلرئني و اويما بوتلري قويدوغو يِرلر بارهده خوزايين تارئخ کئتابيندا يازيليبدير.
مِنَسّه اؤلوب آتالاري ائله ياتدي و اونو اؤز ساراييندا باسديرديلار. اونون يرئنه اوغلو آمون پادشاه اولدو.
آمون پادشاه اولدوغو واخت، ائيئرمي ائکي ياشيندا ائدي و اورشلئمده ائکي ائل پادشاهليق اتدي.
او، آتاسي مِنَسّهنئن اتدئيي کئمي ربّئن گؤزونده پئس اولان ائشلر اتدي. آتاسي مِنَسّهنئن دوزلتدئيي بوتون اويما بوتلره آمون دا قوربان کَسدي و اونلارا قوللوق اتدي.
او، آتاسي مِنَسّه‌دن فرقلي اولاراق، اؤزونو ربّئن قاباغيندا آلچالتمادي، عکسئنه، آمون گوناهي داها دا آرتيردي.
اعيانلاري اونون ضئدّئنه قصد حاضيرلاديلار و اونو اؤز ساراييندا اؤلدوردولر.
اؤلکه خالقي، پادشاه آمونون ضئدّئنه قصد حاضيرلايانلارين هاميسيني قيرديلار و اونون يرئنه اوغلو يوشئياني پادشاه اتدئلر.
يوشئيا، پادشاه اولدوغو واخت، سکّئز ياشيندا ائدي و اورشلئمده اوتوز بئر ائل پادشاهليق اتدي.
او، ربّئن گؤزونده دوغرو اولان ائشلر اتدي، هر ائشده آتاسي داوودون يوللاري ائله گدئب اونلاردان صاغا-سولا دؤنمه‌دي.
پادشاهليغينين سکّئزئنجي ائلئنده، يوشئيا حله جاوان ائکن، آتاسي داوودون تاريسيني آختارماغا باشلادي. اون ائکئنجي ائلده بونو باشلادي کي، يهوداني و اورشلئمي پرستئشگاهلاردان، اَشِرا بوتلرئندن، اويما بوتلردن و تؤکمه بوتلردن تمئزله‌سئن.
يوشئيانين حوضوروندا بَعَل بوتلرئنئن قوربانگاهلاريني داغيتديلار. اونلارين اوستونده قويولان بوخور قوربانگاهلاريني کَسئب آتديلار. اَشِرا بوتلرئني، اويما بوتلري و تؤکمه بوتلري سينديرديلار، اونلاري اَزئب توز اتدئلر و بو بوتلره قوربان گتئرنلرئن قبئرلرئن اوستونه سَپدئلر.
يوشئيا کاهئنلرئن سوموکلرئني اؤز قوربانگاهلاريندا يانديردي، بلجه يهوداني و اورشلئمي تمئزله‌دي.
يوشئيا مِنَسّه، اِفرايئم و شَمعون قبئله‌لرئنئن شهرلرئنده و اطراف وئرانه‌لئکلرئنده ده نَفتالي تورپاغينا قدر قوربانگاهلاري داغيتدي.
اَشِرا بوتلرئني و اويما بوتلري توز اده‌نه قدر اَزدي، بوتون ائسرايئل اؤلکهسئنده بوخور قوربانگاهلارينين هاميسيني کَسئب آتدي، سونرا اورشلئمه قاييتدي.
پادشاهليغينين اون سکّئزئنجي ائلئنده، اؤلکهني و معبدي تمئزله‌دئکدن سونرا، يوشئيا اَصَليا اوغلو شافاني، شهر ريئسي مَعَسِياني، يوآخاز اوغلو سالنامه‌چي يوآخي گؤندردي کي، اؤز تاريسي ربّئن معبدئني تعمئر اتسئنلر.
اونلار باش کاهئن خئلقئيانين يانينا گلدئلر. بوتون قالان ائسرايئللیلرئن-مِنَسّه‌لی‌لرئن، اِفرايئملی‌لرئن، بوتون يهودالي‌لارين، بِنيامئنلی‌لرئن و اورشلئمده ياشايانلارين تاري معبدئنه گتئردئکلري، قاپيدا دوران لاوئلي کشئکچئلرئن ييغديقلاري پولو
ربّئن معبدئنئن ائشئنه نظارت ادنلره وردئلر و ربّئن معبدئنده ائشله‌يَن اوستالار اونو معبدئن تعمئر و برپاسي اوچون خرج اتدئلر.
اونلار دا پولو دولگرلره و اوستالارا وردئلر کي، يهودا پادشاهلارينين خارابا قويدوقلاري اِولر اوچون يونولموش داش و رَزه‌لرله دئرَکلر اوچون تخته آلسينلار.
بو آداملار صداقتله ائش گؤردولر. ائشه نظارت اتمک اوچون اونلارين اوستونه لاوئلی‌لر يعني مِراري نسلئندن اولان يَخَت و عوبَديا، قوحات نسلئندن اولان زِکَريا و مِشولّام، هر بئري موسئقي آلَتلرئنده چالا بئلَن لاوئلی‌لر قويولموشدو.
بونلار يوک داشييانلارين دا اوستونده ائدئلر و هر جور خئدمتده بوتون ائشي گؤرَنلره نظارت ادئردئلر. لاوئلی‌لردن بعضئلري ده مئرزه، مأمور، قاپيچي اولاراق ائش گؤردولر.
ربّئن معبدئنه گتئرئلمئش اولان پولو چيخارتديقلاري زامان، کاهئن خئلقئيا موسا واسئطهسئله ورئلَن ربّئن شرئعت کئتابيني تاپدي.
خئلقئيا مئرزه شافانلا دانيشيب اونا ددي: "ربّئن معبدئنده شرئعت کئتابيني تاپميشام." خئلقئيا کئتابي شافانا وردی.
شافان کئتابي پادشاهين يانينا آپاردي، هم ده اونا خبر گتئرئب ددي: "قوللارين تاپشيرديغين هر شيي ادئرلر.
ربّئن معبدئنده تاپيلان پولو بوشالتديلار، اونو نظارتچئلرئن و ائشچئلرئن اَلئنه وردئلر."
مئرزه شافان پادشاها بونو دا خبر ورئب ددي: "کاهئن خئلقئيا منه بئر کئتاب وردی." شافان اونو پادشاهين حوضوروندا اوخودو.
پادشاه شرئعت سؤزلرئني اشئدنده پالتاريني جيردي.
پادشاه خئلقئيايا، شافان اوغلو اَخئقاما، مئکا اوغلو عَبدونا، مئرزه شافانا و پادشاهين خئدمتچئسي عَسايايا امر ادئب ددي:
"گدئن، تاپيلميش کئتابين سؤزلرئنه گؤره منئم اوچون، ائسرايئللیلرئن و يهودالي‌لارين قالاني اوچون ربدن مصلحت آلين، چونکي ربّئن بئزئم ضئدّئمئزه تؤکولموش قضبي بؤيوکدور. اونا گؤره کي، آتالاريميز بو کئتابدا يازيلان هر شيه گؤره ربّئن سؤزونه عمل اتمهمئشدئلر."
خئلقئيا و پادشاهين آداملاري نَبئيّه خولدانين يانينا گتدئلر. او، خَسرا اوغلو توقَت اوغلو پالتارلارا باخان شَلّومون آروادي ائدي و اورشلئمده ائکئنجي محلّه‌ده ياشاييردي. اونونلا بو بارهده صؤحبت اتدئلر.
خولدا اونلارا ددي: "ائسرايئلئن تاريسي رب بله ديئر: «سئزي منئم يانيما گؤنده‌رَن آداما ديئن کي،
رب بله ديئر: {من بو يره و بورادا ياشايانلارين اوستونه بلا گتئرئرم، حتّا بوتون او لعنتلري ده کي، بو کئتابدا يازيليب و يهودا پادشاهين حوضوروندا اوخويوبلار.
چونکي اونلار منی ترک ادئبلر و آيري آللاهلارا بوخور يانديريب بوتون عمللري ائله منی قضبلَندئرئبلر. بونا گؤره ده بو يرئن ضئدّئنه قضبئم تؤکولهجک و سؤنميه‌جکدئر.}»
آنجاق ربدن مصلحت آلماق اوچون سئزي گؤنده‌رن يهودا پادشاهينا ديئن کي، ائسرايئلئن تاريسي رب اشئتدئيئن سؤزلر بارهده بله ديئر:
«اونا گؤره کي، تاري سؤزلرئني بو يرئن و اورادا ياشايانلارين ضئدّئنه اشئدنده اوره‌يئن يومشالدي و اونون قاباغيندا اؤزونو آلچالتدين، چونکي منئم حوضورومدا اؤزونو آلچالتدين، پالتاريني جيريب حوضورومدا آغلادين. بونا گؤره سني اشئتمئشدئم.» رب بله بويورور.
«باخ، من سني آتالارينا قوشاجاغام و راحاتليق ائچئنده اؤز قبرئنه قويولاجاقسان و بو يرئن و اورادا ياشايانلارين اوستونه گتئره‌جيئم بوتون بلاني گؤزلرئن گؤرميه‌جک.»" اونلار بو خبري پادشاها چاتديرديلار.
پادشاه يهودا و اورشلئمئن بوتون آغساقّاللاريني چاغيرتديريب اؤز يانينا ييغدي.
پادشاه، اونونلا بئرلئکده بوتون يهودا آداملاري، اورشلئمده ياشايانلار، کاهئنلر، لاوئلی‌لر و بؤيوکدن کئچئيه قدر بوتون خالق ربّئن معبدئنه گتدئلر. پادشاه، ربّئن معبدئنده تاپيلميش عهد کئتابينين بوتون سؤزلرئني اونلارا اشئتدئرئب اوخودو.
پادشاه اؤز يرئنده داياندي. او، ربّئن حوضوروندا عهد باغلادي کي، ربّئن يولو ائله گدئب اونون امرلرئني، شهادتلرئني، و قايدالاريني بوتون قلبي و بوتون جاني ائله ساخلاسين و بو کئتابدا يازيلميش عهدئن سؤزلرئني يرئنه يتئرسئن.
او، اورشلئمده اولانلارين هاميسينا و بِنيامئنلی‌لره بو عهدي تصدئق اتدئردي. اورشلئمده ياشايانلار تارينين، آتالارينين تاريسينين عهدئنه گؤره بله اتدئلر.
يوشئيا ائسرايئللیلرئن بوتون تورپاقلاريندا ائيرنج شيلرئن هاميسيني آرادان قالديردي و ائسرايئلده اولانلارين هاميسينا اؤزلرئنئن تاريسي ربّه قوللوق اتمه‌يي امر اتدي. اونون بوتون عؤمرو بويو، خالق آتالارينين تاريسي ربّئن دالينجا گتمکدن دؤنمه‌دئلر.
يوشئيا اورشلئمده رب اوچون پاسخا بايراميني جشن توتدو و بئرئنجي آيين اون دؤردونجو گونو پاسخا قوربانيني کَسدئلر.
او، کاهئنلري وظئفه‌لرئنه قويدو و اونلاري ربّئن معبدئنئن خئدمتي اوچون تشوئق اتدي.
لاوئلی‌لره ده کي، بوتون ائسرايئله تعلئم ورئردئلر و رب اوچون تقدئس ادئلمئشدئلر، ددي: "موقدّس سانديغي ائسرايئل پادشاهي داوود اوغلو سوليمانين تئکدئيي معبده قويون. او داها سئزئن چئيئنلرئنئزه يوک اولماياجاق. ائندي تارينيز ربّه و اونون خالقي ائسرايئله خئدمت ادئن.
ائسرايئل پادشاهي داوودون و اونون اوغلو سوليمانين يازديغي کئمي نسئل‌لرئنئزه و بؤلمه‌لرئنئزه گؤره حاضير اولون.
قوحوملارينيز اولان خالقين نسئل بؤلمه‌لرئنه و لاوئلی‌لرئن نسئل بؤلمه‌لرئنه گؤره موقدّس يرده دايانين.
پاسخا قوربانيني کَسئن، اؤزونوزو تقدئس ادئن و موسا واسئطهسئله ورئلَن ربّئن سؤزونه عمل ادئب قوحوملارينيز اوچون حاضيرليق گؤرون."
يوشئيا خالقا، اورادا اولان هر کسه پاسخا قورباني اولاراق، اوتوز مئن قوزو و کچي بالاسي و اوچ مئن گاميش وردی. بونلار پادشاهين ماليندان ائدي.
اونون ريئسلري ده اؤز گؤيلو ائله خالقا، کاهئنلره و لاوئلی‌لره هدئيّهلر وردئلر. تاري معبدئنئن ريئسلري خئلقئيا، زِکَريا و يِخي‌اِل، کاهئنلره پاسخا قورباني اوچون سورودن ائکي مئن آلتي يوز باش قوزو و اوچ يوز گاميش وردئلر.
کونَنيا، اونون قارداشلاري شِمَعيا و نِته‌نِل، لاوئلی‌لرئن ريئسلري خَشَبيا، يِعي‌اِل و يوزاباد لاوئلی‌لره پاسخا بايرامي اوچون بش مئن باش قوزو و بش يوز باش گاميش وردئلر.
خئدمت ائشي حاضير اولاندا، پادشاهين امري ائله کاهئنلر يرلرئنده و لاوئلی‌لر بؤلمه‌لرئنه گؤره دايانديلار.
پاسخا قوربانلاريني کَسدئلر. کاهئنلر اونلارين اَلئندن آلديقلاري قاني سَپدئلر، لاوئلی‌لر ده قوربانلارين دَرئسئني سويدولار.
يانديرما قوربانلاريني آييرديلار کي، خالقا نسئل بؤلمه‌لرئنه گؤره ورسئنلر و خالق ربّه يانديرما قوربانلاري تقدئم اتسئن. نجه کي، موسانين کئتابيندا يازيلميشدي. گاميشلارلا دا بله اتدئلر.
پاسخا قوربانيني دا حؤکمه گؤره اوددا قيزارتديلار. موقدّس شيلري تئيانلاردا، قازانلاردا و تاوالاردا پئشئردئلر و بوتون خالقا تَلَسئک پايلاديلار.
بوندان سونرا اؤزلري و کاهئنلر اوچون حاضيرلاديلار، چونکي هارون نسلئندن اولان کاهئنلر گجه دوشَنه قدر يانديرما قوربانلاري و پئيلري تقدئم اتمکله مشغول ائدئلر. بوندان اؤتري ده لاوئلی‌لر اؤزلري و هارون نسلئندن اولان کاهئنلر اوچون حاضيرليق گؤردولر.
آساف نسلئندن اولان نغمه‌چئلر داوودون، آسافين، هِيمانين و پادشاهين گؤروجوسو يِدوتونون امر اتدئيي يرلرده ائدئلر، قاپيچيلار دا هر دروازا آغزيندا دايانميشديلار. خئدمتلرئندن آيريلمالاري لازيم ديئلدي، چونکي لاوئلي اولان قوحوملاري اونلار اوچون حاضيرليق گؤرموشدولر.
پادشاه يوشئيانين امرئنه گؤره، پاسخا بايراميني جشن توتماق و ربّئن قوربانگاهيندا يانديرما قوربانلاري تقدئم اتمک اوچون ربّئن بوتون خئدمتي او گون بلجه حاضيرلاندي.
اورادا اولان ائسرايئل اؤولادلاري او زامان پاسخا بايراميني، و ماياسيز چؤرک بايراميني يدّي گون جشن توتدولار.
پيغمبر سَمويئلئن دؤوروندن بَري پاسخا بايرامي ائسرايئلده بله کچئرئلمه‌مئشدي. ائسرايئل پادشاهلاريندان هچ بئري يوشئيا ائله کاهئنلرئن و لاوئلی‌لرئن، بوتون يهودالي‌لارين، اورادا اولان ائسرايئللیلرئن و اورشلئمده ياشايانلارين توتدوغو بو پاسخا بايرامي کئمي بئر پاسخا کچئرتمه‌مئشدئلر.
بو پاسخا يوشئيانين پادشاهليغينين اون سکّئزئنجي ائلئنده کچئردئلدي.
يوشئيانين معبده گؤردويو بوتون بو ائشلردن سونرا، مئصئر پادشاهي نِکو موحارئبه اتمک اوچون فَرات چايينين يانيندا اولان کَرکِمئشه گلدي. يوشئيا اونونلا موقابئله اتمک اوچون چيخدي.
مئصئر پادشاهي اونون يانينا قاصئدلر گؤندرئب ددي: "ای يهودا پادشاهي، منئم سنئنله نه ائشئم وار؟ من بو گون سنئن اوستونه يوخ، موحارئبه اتدئيئم سولاله‌نئن ضئدّئنه گلمئشم. تاري منه امر ادئب کي، تَلَسئم. منئمله اولان تاريدان چکئن کي، سني هلاک اتمه‌سئن."
يوشئيا اونونلا موحارئبه اتمکدن اوز دؤنده‌رمه‌دي و اونونلا ووروشماق اوچون قئيافه‌سئني دَيئشدي، تاري طرفئندن اولان نِکونون سؤزلرئنه قولاق آسمادي و ووروشماق اوچون مِگئدّو اوواسينا گتدي.
اوخ‌آتانلار پادشاه يوشئياني اوخونان ووردولار. پادشاه نؤکرلرئنه ددي: "منی بورادان آپارين، چونکي آغير يارالانميشام."
نؤکرلري اونو عارابادان گؤتوردولر و اونو اؤزونون ائکئنجي عاراباسينا مئندئرئب اورشلئمه آپارديلار. يوشئيا اؤلدو و آتالارينين قبئرلرئنده باسديريلدي. بوتون يهوداليلار و اورشلئملی‌لر يوشئيا اوچون ياس توتدولار.
اِرِميا يوشئيا اوچون مرثئيه قوشدو. بوتون کئشي و آرواد خانَنده‌لر بو گونه قدر مرثئيه‌لرئنده يوشئيا بارهده دانيشيرلار. بو مرثئيه‌لري اوخوماغي ائسرايئلده عادت اتدئلر. باخين، بونلار مرثئيه‌لر کئتابيندا يازيليب.
يوشئيانين قالان ائشلري، ربّئن قانونوندا يازيلديغينا گؤره اتدئيي صداقتلي ائشلري،
ائلک ائشلرئندن آخير ائشلرئنه قدر ائسرايئل و يهودا پادشاهلارينين کئتابيندا يازيليبدير.
اؤلکه خالقي يوشئيانين اوغلو يِهوآخازي گؤتوروب آتاسينين يرئنه اورشلئمده پادشاه اتدئلر.
يِهوآخاز، پادشاه اولدوغو واخت، ائيئرمي اوچ ياشيندا ائدي و اورشلئمده اوچ آي پادشاهليق اتدي.
مئصئر پادشاهي اونو اورشلئمده تختدن سالدي و اؤلکه اوستونه بئر تالانت قيزيل و يوز تالانت گوموش مئقداريندا خراج قويدو.
مئصئر پادشاهي اونون قارداشي اِلياقئمي يهودا و اورشلئم اوستونده پادشاه اتدي و اونون آديني دَيئشدئرئب يِهوياقئم قويدو. نِکو اونون قارداشي يِهوآخازي گؤتوروب مئصئره آپاردي.
يِهوياقئم، پادشاه اولدوغو واخت، ائيئرمي بش ياشيندا ائدي و اورشلئمده اون بئر ائل پادشاهليق اتدي. او، تاريسي ربّئن گؤزونده پئس اولان ائشلر اتدي.
بابئل پادشاهي نَبوکَدنِصّر اونون اوستونه هوجوم گتئردي. بورونج زنجئر ووروب اونو باغلادي و بابئله آپاردي.
نَبوکَدنِصّر ربّئن معبدئنئن اشيالاريندان بعضئلرئني بابئله آپاردي و اونلاري بابئلده‌کي اؤز معبدئنه قويدو.
يِهوياقئمئن قالان ائشلري، اتدئيي ائيرنج ائشلر و اونون حاقّيندا آچيغا چيخان پئسلئکلر ائسرايئل و يهودا پادشاهلارينين کئتابيندا يازيليبدير. اونون يرئنه اوغلو يِهوياکئن پادشاه اولدو.
يِهوياکئن، پادشاه اولدوغو واخت، اون سکّئز ياشيندا ائدي و اورشلئمده اوچ آي اون گون پادشاهليق اتدي. او، ربّئن گؤزونده پئس اولان ائشلر اتدي.
باهار گلنده نَبوکَدنِصّر اونو ربّئن معبدئنئن قئيمتلي اشيالاري ائله بئرلئکده بابئله گتئرتدي و يِهوياکئنئن عَمئسي صئدقئياني يهودا و اورشلئم اوستونده پادشاه اتدي.
صئدقئيا، پادشاه اولدوغو واخت، ائيئرمي بئر ياشيندا ائدي و اورشلئمده اون بئر ائل پادشاهليق اتدي.
او، تاريسي ربّئن گؤزونده پئس اولان ائشلر اتدي، پيغمبر اِرِميانين قاباغيندا دا کي، ربّئن دئلي ائله دانيشيردي، اؤزونو آلچالتمادي.
نَبوکَدنِصّرئن ضئدّئنه ده کي، تارينين آدي ائله اونا آند ائچدئرمئشدي، عوصيان اتدي، دئکباشليقلا ائستمه‌دي کي، ائسرايئلئن تاريسي ربّه طرف دؤنسون و اوره‌يئني عئنادکار اتدي.
کاهئنلرئن بوتون رهبرلري ده خالقلا بئرلئکده آيري مئلّتلرئن بوتون ائيرنج ائشلرئنه موطابئق رفتار ادئب خيانت اتدئلر و ربّئن اورشلئمده تقدئس اتدئيي معبدئني نجئسله‌دئلر.
آتالارينين تاريسي رب دفهلرله اؤز اِلچئلرئنئن واسئطهسئله اونلارا پيام گؤندردي، چونکي اؤز خالقينا و مسکنئنه رحمي گلئردي.
لاکئن اونلار دالبادال تارينين اِلچئلرئني لاغا قويدولار، اونون سؤزلرئنه حقارتله باخديلار، پيغمبرلرئني ده تحقئر اتدئلر. اله کي، ربّئن قضبي اؤز خالقينين اوستونه گلدي و اونلارا هچ بئر چاره تاپيلمادي.
رب اونلارين اوستونه کَلداني‌لرئن پادشاهيني گؤنده‌ردي. او دا موقدّس مکانلاريندا اونلارين جاوانلاريني قيلينجلا اؤلدوردو، جاوان اوغلانا و باکئره قيزا، قوجايا و ضعئفه اصلا رحم اتمهدي. رب هاميسيني اونون اَلئنه تسلئم اتدي.
او، تارينين معبدئنئن بوتون بؤيوک و کئچئک اشيالاريني، ربّئن معبدئنئن خزئنهلرئني، پادشاهين و اونون ريئسلرئنئن خزئنهلرئني يعني هر شيي بابئله آپاردي.
کَلداني‌لر تارينين معبدئني يانديرديلار، اورشلئمئن دوواريني اوچورتدولار، اونون بوتون سارايلارينا اود ووردولار و اورادا اولان قئيمتلي اشيالارين هاميسيني محو اتدئلر.
کَلداني‌لر پادشاهي، قيلينجدان قورتارانلاري بابئله آپاردي. اونلار فارس پادشاهلارينين حؤکمرانليغينا قدر اونا و اونون اوغوللارينا قول اولدولار.
بلجه ربّئن اِرِميانين دئلي ائله ددئيي سؤز يرئنه يِتئشدي: "اؤلکه توتولمايان سَبّت ائللرئني تاماملايانا قدر، يتمئش ائل دولانا قدر، وئران قاليب دئنجَله‌جک."
رب فارس پادشاهي کوروشون حؤکمدارليغينين بئرئنجي ائلئنده، کوروشو قالديردي کي، ربّئن اِرِميانين دئلي ائله ددئيي سؤزو يرئنه يتئرسئن. اونا گؤره کوروش پادشاهليغينين بوتون اراضئسئنده يازيلي و شئفاهي اعلان اتدي:
"فارس پادشاهي کوروش بله ديئر: «گؤيلرئن تاريسي رب دونيانين بوتون پادشاهليقلاريني منه ورئب و منی تعيئن ادئب کي، يهوداداکي اورشلئم شهرئنده اونا بئر معبد تئکئم. آرانيزدا اونون خالقينا عاييد اولان هر کسه قوي تاريسي رب يار اولسون.»"
رب فارس پادشاهي کوروشون حؤکمدارليغينين بئرئنجي ائلئنده، اونو قالديردي کي، ربّئن اِرِميانين دئلي ائله ددئيي سؤزو يرئنه يتئرسئن. اونا گؤره کوروش پادشاهليغينين بوتون اراضئسئنده يازيلي و شئفاهي اعلان اتدي:
"فارس پادشاهي کوروش بله ديئر: «گؤيلرئن تاريسي رب دونيانين بوتون پادشاهليقلاريني منه ورئب و منی تعيئن ادئب کي، يهودانين اورشلئم شهرئنده، اونا بئر معبد تئکئم.
آرانيزدا اونون خالقينا عاييد اولان هر کسه قوي تاريسي يار اولسون! قوي اونلار يهوداداکي اورشلئم شهرئنه گتسئنلر و ائسرايئلئن تاريسي ربّئن معبدئني تزهدن تئکسئنلر. تاري اودور کي، اورشلئمدهدئر.
صاغ قالان ائسرايئللی‌لر هانسي يرده ياشاييرلار، قوي اورانين ساکئنلري اورشلئمدهکي تاري معبدئنه وره‌جکلري اؤز گؤيلو ائله ائعانه‌لردن آيري، قيزيل- گوموش، اشيا و حيوانلار ورسئنلر و بو آداملارا کؤمک اتسئنلر.»"
يهودا و بِنيامئن قبئله‌لرئنئن نسئل باشچيلاري، کاهئنلرله لاوئلی‌لر، اِلَجه ده تارينين تشوئق اتدئيي بوتون آداملار حاضيرلاشديلار کي، ربّئن اورشلئمدهکي معبدئني تئکمک اوچون يولا دوشسونلر.
آرالاريندا ياشاديقلاري يِرلي اهالئنئن هاميسي اؤز گؤيلو ائله وردئکلري ائعانه‌لردن آيري، قيزيللا، گوموش قابلارلا، اشيالارلا، مال-حيوانلارلا و باهالي شيلرله اونلارا کؤمک اتدئلر.
کوروش پادشاه او اشيالاري دا چيخارتدي کي، نَبوکَدنِصّر ربّئن اورشلئمدهکي معبدئندن گؤتوروب، اؤز آللاهلارينين معبدئنه قويموشدو.
فارس پادشاهي کوروش اونلاري خزئنه‌دار مئترِداتين اَلي ائله اورادان چيخارديب، هاميسيني سايدي و يهودانين حؤکمداري شِشبَصّره وردی.
اونلارين سايي بو ائدي: اوتوز قيزيل لَيَن، مئن گوموش لَيَن، ائيئرمي دوقّوز کاسا،
اوتوز قيزيل کاسا، بئربئرئنه اوخشايان دؤرد يوز اون گوموش کاسا و مئن عدد ده آيري قابلار.
قيزيل و گوموش قابلارين هاميسي بش مئن دؤرد يوز عدد ائدي. شِشبَصّر بوتون بونلاري بابئل اسئرلئيئندن اورشلئمه قايتاريلانلارلا بئرلئکده گتئردي.
بابئل پادشاهي نِبوکَدنِصّرئن بابئله آپارديغي بو اسئرلر، ياشاديقلاري وئلايتدن اورشلئمه و يهوداداکي اؤز شهرلرئنه قاييتديلار.
اونلار زِروبّابئل، يوشَع، نِحِميا، سِرايا، رِعِليا، موردوکاي، بئلشان، مئسپار، بئگواي، رِخوم، بَعَنا ائله گلدئلر. ائسرايئل خالقينين سايي:
پَرعوش اؤولادلاري–۲۱۷۲ نفر؛
شِفَطيا اؤولادلاري–۳۷۲ نفر؛
آرَخ اؤولادلاري–۷۷۵ نفر؛
يوشَع و يوآب نسلئندن پَخَتموآب اؤولادلاري–۲۸۱۲ نفر؛
عِيلام اؤولادلاري–۱۲۵۴ نفر؛
زَتّو اؤولادلاري–۹۴۵ نفر؛
زَکّاي اؤولادلاري–۷۶۰ نفر؛
باني اؤولادلاري–۶۴۲ نفر؛
بِباي اؤولادلاري–۶۲۳ نفر؛
اَزگاد اؤولادلاري–۱۲۲۲ نفر؛
اَدونئقام اؤولادلاري–۶۶۶ نفر؛
بئگواي اؤولادلاري–۲۰۵۶ نفر؛
عادئن اؤولادلاري–۴۵۴ نفر؛
آطِر، يعني خئزقئيا اؤولادلاري–۹۸ نفر؛
بِصاي اؤولادلاري–۳۲۳ نفر؛
يورا اؤولادلاري–۱۱۲ نفر؛
خاشوم اؤولادلاري–۲۲۳ نفر؛
گئبّار اؤولادلاري–۹۵ نفر؛
بِيت‌لِخِم ساکئنلري–۱۲۳ نفر؛
نِطوفا ساکئنلري–۵۶ نفر؛
عَناتوت ساکئنلري–۱۲۸ نفر؛
عَزماوِت اؤولادلاري–۴۲ نفر؛
قئريات‌آرئم، کِفئرا و بِعِروت اؤولادلاري–۷۴۳ نفر؛
راما و گِبَع اؤولادلاري–۶۲۱ نفر؛
مئکماس ساکئنلري–۱۲۲ نفر؛
بِيت‌ائل و عاي ساکئنلري–۲۲۳ نفر؛
نِبو اؤولادلاري–۵۲ نفر؛
مَگبئش اؤولادلاري–۱۵۶ نفر؛
آيري عِيلام اؤولادلاري–۱۲۵۴ نفر؛
خارئم اؤولادلاري–۳۲۰ نفر؛
لود، خادئد و اونو ساکئنلري–۷۲۵ نفر؛
اَرئحا ساکئنلري–۳۴۵ نفر؛
سِناعا ساکئنلري–۳۶۳۰ نفر.
کاهئنلر: يوشَع نسلئندن يِدَعيا اؤولادلاري–۹۷۳ نفر؛
ائمّر اؤولادلاري–۱۰۵۲ نفر؛
پَشخور اؤولادلاري–۱۲۴۷ نفر؛
خارئم اؤولادلاري–۱۰۱۷ نفر.
لاوئلی‌لر: هودَويا نسلئندن يوشَع و قَدمي‌اِل اؤولادلاري–۷۴ نفر.
نغمه‌چئلر: آساف اؤولادلاري–۱۲۸ نفر.
معبد قاپيچيلارين اؤولادلاري: شَلّوم اؤولادلاري، عاطِر اؤولادلاري، طَلمون اؤولادلاري، عَقّوب اؤولادلاري، خَطئطا اؤولادلاري و شوباي اؤولادلاري، بئرلئکده جَمي ۱۳۹ نفر.
معبدئن قوللوقچولاري: سئخا اؤولادلاري، خَسوفا اؤولادلاري، طَبّاعوت اؤولادلاري،
قِروس اؤولادلاري، سي‌اَعها اؤولادلاري، پادون اؤولادلاري،
لِبانا اؤولادلاري، خَگابا اؤولادلاري، عَقّوب اؤولادلاري،
خاگاب اؤولادلاري، شَلمه‌ي اؤولادلاري، خانان اؤولادلاري،
گئدّل اؤولادلاري، گَخَر اؤولادلاري، رِآيا اؤولادلاري،
رِصئن اؤولادلاري، نِقودا اؤولادلاري، گَزّام اؤولادلاري،
عوزّا اؤولادلاري، پاسِه‌اَخ اؤولادلاري، بِصاي اؤولادلاري،
اَسنا اؤولادلاري، مِعونئم اؤولادلاري، نِفوسئم اؤولادلاري،
بَقبوق اؤولادلاري، خَقوفا اؤولادلاري، خَرخور اؤولادلاري،
بَصلوت اؤولادلاري، مِخئدا اؤولادلاري، خَرشا اؤولادلاري،
بَرقوس اؤولادلاري، سئسِرا اؤولادلاري، تِمَخ اؤولادلاري،
نِصي‌اَخ اؤولادلاري، خَطئفا اؤولادلاري.
سوليمانين اعيانلارينين نسلئندن: سوطه‌ي اؤولادلاري، هَسّوفِرِت اؤولادلاري، پِرودا اؤولادلاري،
يَعلا اؤولادلاري، دَرقون اؤولادلاري، گئدّل اؤولادلاري،
شِفَطيا اؤولادلاري، خَطّئل اؤولادلاري، پوکِرِت-حاصّبايئم اؤولادلاري، آمي اؤولادلاري.
معبد قوللوقچولاري ائله سوليمانين قوللارينين اؤولادلاري–جَمي ۳۹۲ نفر.
بونلاردير اونلار کي، تِل‌‌مِلَخدان، تِلخَرشادان، کِروبدان، اَدّاندان، ائمّردن قاييتديلار، آنجاق عايئله‌لرئنئن و نسئل‌لرئنئن ائسرايئل اؤولادلاريندان اولدوغونو ثوبوت اده بئلمئردئلر:
دِلايا اؤولادلاري، طوبئيا اؤولادلاري، نِقودا اؤولادلاري–۶۵۲ نفر.
کاهئنلرئن نسلئندن: خوبه‌يا اؤولادلاري، هَقّوص اؤولادلاري، بَرزئل‌له‌ي اؤولادلاري کي، گئلعادلي بَرزئل‌له‌يئن قيزلاريندان آرواد آليب، قايين‌آتاسينين آديني گؤتورموشدولر.
بونلار نسئل شجره‌سئني آختارديلار، لاکئن اؤز آدلاريني تاپا بئلمه‌دئلر و بونا گؤره نجئس ساييليب کاهئنلئکدن چيخاريلديلار.
يهودا والئسي اونلارا امر اتدي: "اورئم و تومّئمي ائشله‌دن بئر کاهئن اولمايينجا، اونلار لاپ موقدّس يمکلردن يِمه‌سئنلر."
بوتون جاماعات بئرلئکده ۴۲۳۶۰ نفر ائدي.
بوندان باشقا ۷۳۳۷ نفر قول و کنئز، ۲۰۰ نفر کئشي و آرواددان عئبارت نغمه‌چي وار ائدي.
بو آداملارين ۷۳۶ آتي، ۲۴۵ قاطيري،
۴۳۵ دَوه‌سي، ۶۷۲۰ اِششه‌يي وار ائدي.
ربّئن اورشلئمدهکي معبدئنه گلن زامان، بعضی نسئل باشچيلاري تارينين معبدئني اؤز يِرئنده تئکمَک اوچون اؤز گؤيلي ائله ائعانه‌لر وردئلر.
اونلار بو ائش اوچون ائمکان داخئلئنده خَزئنه‌يه ۶۱۰۰۰ دِرهم قيزيل، بش مئن مئنا گوموش و يوز کاهئن پالتاري وردئلر.
کاهئنلر، لاوئلی‌لر، خالقين بعضئلري، نغمه‌چئلر، معبد قاپيچيلاري و قوللوقچولاري اؤز شهرلرئنده يِرلَشدئلر. بلجه بوتون ائسرايئللی‌لر ده اؤز شهرلرئنده يِرلَشدئلر.
يدّئنجی آي گلدئکده، آرتيق ائسرايئللی‌لر اؤز شهرلرئنده ائدئلر. خالق بئر نفر کئمي اورشلئمده بئر يره ييغيلدي.
يوصاداق اوغلو يوشَعله کاهئن قارداشلاري و سِعَلتي‌اِل اوغلو زِروبّابئل قارداشلاري ائله قالخديلار و ائسرايئل تاريسينين قوربانگاهيني قوردولار کي، اوستونده يانديرما قوربانلاري تقدئم ادئلسئن، نجه کي، تاري آدامي موسانين شرئعتئنده يازيلميشدي.
بلجه قوربانگاهي اَوّلکي بونؤوره اوستونده قوردولار، چونکي اطرافدا ياشايان خالقلاردان قورخوردولار. سونرا اونون اوستونده سحر و آخشام ربّه يانديرما قوربانلاري تقدئم اتدئلر.
يازييا گؤره، چارداقلار بايرامي کچئرتدئلر و قايدايا گؤره گونبهگون موعَيّن مئقداردا گوندهلئک يانديرما قوربانلاري تقدئم اتدئلر.
سونرا دائمي يانديرما قوربانلاري وردئلر. تزه آي مراسئملرئنئن، اِلَجه ده ربّئن تقدئس اتدئيي بوتون بايراملارين تقدئملرئني و هامينين اؤز گؤيلو ائله ربّه وردئکلرئني تقدئم اتدئلر.
اونلار يدّئنجی آيين بئرئنجي گونونده ربّه يانديرما قوربانلاري تقدئم اتمه‌يه باشلاديلار، لاکئن ربّئن معبدئنئن بونؤورهسي قويولماميشدي.
داش‌يونانلارا و دولگرلره پول وردئلر. فارس پادشاهي کوروشدان ائجازه آلديقلارينا گؤره، صئدونلو‌لارلا صورلو‌لارا يمک-ائچمَک و زيتون ياغي وردئلر کي، لوبناندان دهنز يولو ائله يافايا سئدر آغاجلاري گتئرسئنلر.
تاري معبدئنه، اورشلئمه يِتئشمه‌لرئنئن ائکئنجي ائلئن ائکئنجي آييندا، سِعَلتي‌اِل اوغلو زِروبّابئل و يوصاداق اوغلو يَشوع، او بئري قارداشلاري ائله يعني کاهئنلر، لاوئلی‌لر، اسئرلئکدن اورشلئمه قاييدانلارين هاميسي ائشه باشلاديلار. ائيئرمي و اوندان يوخاري ياشدا اولان لاوئلی‌لري ربّئن معبدئنئن تئکئنتي ائشئنه نظارتچي تعيئن اتدئلر.
لاوئلی‌لردن يوشَع و اؤولادلاري ائله قارداشلاري، يهودا نسلئندن عمله گلن قَدمئيِل اؤولادلاري، خِناداد اؤولادلاري، نوهلري و قارداشلاري تارينين معبدئنده ائشله‌ينلره نظارت اتدئلر.
بنّالار ربّئن معبدئنئن بونؤورهسئني قويان زامان، ائسرايئل پادشاهي داوودون قويدوغو قايدايا اَساسن، کاهئنلر اؤز مخصوص پالتاريني گِيئنئب، اَللرئنده‌کي کَره‌نايلارلا دوردولار، آساف اؤولادلاريندان اولان لاوئلی‌لر ده سئنجلرله اؤز يرلرئني توتدولار کي، ربّه حمد اتسئنلر.
اونلار اوخويوردولار و ربّه حمد و شوکور ادئب ديئردئلر: "رب ياخشيدير، چونکي ائسرايئلئن اوستونده محبّتي ابديدئر." بوتون خالق ربّه حمد ادنده، اونلار اوجادان قيشقيرديلار، چونکي ربّئن معبدئنئن بونؤورهسي قويولموشدو.
اَوّلکي معبدي گؤرموش بئر چوخ قوجا کاهئنلر، لاوئلی‌لر و نسئل باشچيلاري معبدئن بونؤوره‌سئنئن قويولدوغونو گؤرنده، هؤنکوروب آغلاديلار، لاکئن بئر چوخلاري سِوئنجدن هاراي چکدئلر.
خالقين گورولتولو شادليق سَسي ائله آغلاشما سَسئني بئربئرئندن آييرماق اولمازدي، چونکي اونلارين گورولتو ائله قوپان هاراي سَسي اوزاقلاردا اِشئدئلئردي.
يهودالي‌لارين و بِنيامئنلی‌لرئن دوشمنلري اشئتدئلر کي، اسئرلئکدن قاييدانلار، ائسرايئلئن تاريسي رب اوچون معبد تئکئرلر.
اونلار زِروبّابئله و نسئل باشچيلارينين يانينا گلئب ددئلر: "قوي بئز ده سئزئنله برابر بو معبدي تئکَک، چونکي بئز ده سئزئن کئمي سئزئن تارينيزا سئتايئش ادئرئک. آشور پادشاهي اِسَر-خَدّونون دؤوروندن بَري کي، بئزي بورايا گتئردي، سئزئن تارينيزا قوربان تقدئم ادئرئک."
لاکئن زِروبّابئل، يَشوع و ائسرايئلئن آيري نسئل باشچيلاري اونلارا بله ددئلر: "تاريميزين معبدئني قورماق اوچون سئزئن بئزئمله هچ بئر اورتاق ائشئنئز يوخدور. بئز اؤزوموز اَلبئر اولوب فارس پادشاهي کوروشون امرئنه اَساسن ائسرايئلئن تاريسي ربّه معبد تئکه‌جيئک."
او واخت بو اؤلکهنئن خالقي يهودا خالقيني تشوئقدن ساليب تئکئنتي ائشئنده اونلاري قورخوتدولار.
بو خالق يهودئلرئن ضئدّئنه اوجرَتله مصلحتچئلر توتدولار کي، اونلارين مقصدلرئني بوشا چيخارتسينلار. بونو فارس پادشاهلاري کوروشون دؤوروندن داريوشون دؤورونه قدر اتدئلر.
اَخَشوِروشون پادشاهليغيندا، اونون حؤکمدارليغينين باشلانيشيندا، اونلار يهودا و اورشلئمده ياشايانلارين ضئدّئنه بئر ائتّئهام مکتوبو يازديلار.
فارس پادشاهي اَرتَخشَستانين دؤورونده بئشلام، مئترِدات، طابِل و باشقا يولداشلاري پادشاه اَرتَخشَستايا مکتوب يازديلار. مکتوب اَرامي دئلئنده يازيليب اَرامي دئلئندن ده ترجومه ادئلدي.
سرکرده رِخوم و مئرزه شئمشه‌ي پادشاه اَرتَخشَستايا اورشلئمئن ضئدّئنه بله بئر مکتوب يازديلار.
سونرا سرکرده رِخوملا مئرزه شئمشه‌ي و قالان يولداشلاري مکتوبا حاکئملردن، امئرلردن، قوللوقچولاردان، فارسلاردان، اَرَکلی‌لردن، بابئللی‌لردن، شوشَنلی‌لردن، يعني عِيلاملي‌لاردان
و باشقا خالقلاردان کي، بؤيوک و شانلي آشوربانئپال اونلاري اسئر آپاريب سامئرئيه شهرئنده و فَرات چايينين قرب تورپاقلاريندا يِرلَشدئرمئشدي، ائمضا ييغديلار.
بودور اونلارين پادشاه اَرتَخشَستايا گؤندردئيي مکتوبون صورتي: "پادشاه اَرتَخشَستايا فَرات چايينين او بئري تايينين تورپاقلاريندا ياشايان قوللاريندان.
پادشاها معلوم اولسون کي، سئزئن يانينيزدان گلن يهودئلر بئزئم يانيميزا، اورشلئمه گلئبلر. اونلار بو عاصي و پئس شهري تزهدن تئکئرلر. دووارلارين تئکمه‌سئني قورتاريرلار و پايالاري دا تعمئر ادئرلر.
پادشاها معلوم اولسون کي، اگر بو شهر تزهدن تئکئلسه، دووارلاري دا قورتارسا، اونلار سنه خراج، جزيه، و باج ورميه‌جکلر. بونونلا دا پادشاهين گلئرئنه زئيان دَيه‌جک.
ائندي سارايين خئدمتئنده اولدوغوموزا گؤره، بئزه ياراشماز کي، پادشاها حؤرمتسئزلئک ادئلمه‌سئني گؤرَک. اونا گؤره ده پادشاها بو خبري گؤنده‌رئب چاتديريريق،
اله کي، سنئن آتالارينين دفترلري آختاريلسين. بو دفترلرده بو شهر حاقّيندا معلومات تاپاجاقسينيز کي، نجه هم عاصي، هم ده پادشاهلار و وئلايتلر اوچون ضررلي‌دئر. قدئمدن بَري اورادان عوصيان قالخيب و بونون اوچون شهر خارابايا چِورئلئب.
پادشاها معلوم ادئرئک کي، اگر بو شهر برپا ادئلسه و دووارلاري تئکئلئب قورتارسا، سنئن فَرات چايينين قرب تورپاقلاريندان پايين اولماياجاق."
پادشاه سرکرده رِخوما، مئرزه شئمشه‌يه و سامئره ائله فَرات چايينين او بئري تاييندا ياشايان يولداشلارينا بله جاواب گؤندردي: "سالاملار!
بئزه گؤندردئيئنئز مکتوب حوضورومدا ترجومه ادئلئب اوخوندو.
اونا گؤره من امر وردئم و تفتئش عمله کچدي. تصدئق اولوندو کي، بو شهرئن ساکئنلري قدئمدن بَري پادشاهلارين ضئدّئنه عوصيان قالديريبلار. خيانت و عوصيان بو شهردن باش قالديريب.
او زامان اورشلئمي ائداره ادن قودرتلي پادشاهلار وار ائدي. فَرات چايينين او بئري تاييندا بوتون تورپاقلار اوستونده بو پادشاهلار حؤکمرانليق ادئردئلر و بورانين اهالئسي اونلارا خراج، جزيه و باج ورئردئلر.
ائندي امر ورئن، بو آداملار، ائشي دايانديرسينلار و من امر ورنه قدر بو شهر تزهدن تئکئلمه‌سئن.
بو ائشه اعتئناسيز اولماقدان اوزاق دورون. نئيه شر آرتيب پادشاهلارا زئيان وورولسون؟"
پادشاه اَرتحشَستانين مکتوبونون صورتي رِخوملا مئرزه شئمشه‌يئن و يولداشلارينين حوضوروندا اوخوناندا، اونلار تَلَسئک اورشلئمه يهودئلرئن يانينا گتدئلر. اونلارين ائشئني قوشون زورو ائله دايانديرديلار.
بِلَجه، تارينين اورشلئمدهکي معبدئنئن تئکئلمه ائشي دايانديريلدي و بو ائش فارس پادشاهي داريوشون حؤکمدارليغينين ائکئنجي ائلئنه قدر داياندي.
پيغمبرلردن پيغمبر خَگّه‌ي ائله عئدّو اوغلو زِکَريا يهودادا و اورشلئمده ياشايان يهودئلره ائسرايئل تاريسينين آدي ائله کي، اونلارلا ائدي، پيغمبرلئک اتدئلر.
او زامان سِعَلتي‌اِل اوغلو زِروبّابئل و يوصاداق اوغلو يوشَع ائشه باشلاييب، تارينين اورشلئمدهکي معبدئنئن تزهدن تئکئلمه‌سئني باشلاديلار. تارينين پيغمبرلري ده اونلارلا ائدئلر و اونلارا کؤمک ادئردئلر.
او واختلار تَتِنه‌ي کي، فَرات چايينين قرب تورپاقلارين والئسي ائدي، شِتَربوزِنه‌ي و يولداشلاري ائله اونلارين يانينا گلئب بله ددي: "کئم سئزه فرمان صادئر اتدي کي، معبدي تزهدن تئکه‌سئنئز و اونون بئناسيني تامالاياسينيز؟
او واخت بئز اونلارا بو بئناني تئکَنلرئن آدلاريني بئلدئردئک.
تارينين نظري يهودي آغساقّاللارينين اوستونده ائدي. اونا گؤره بو ائشئن سوراغي داريوشا چاتاناجاق و بو بارهده مکتوبلا جاواب قاييداناجاق، اونلار يهودئلرئن ائشئني دايانديرماديلار.
فَرات چايينين قرب تورپاقلارينين والئسي تَتِنه‌ي، شِتَربوزِنه‌ي و يولداشلاري کي، پادشاهين فَرات چايينين قرب تورپاقلارينداکي مأمورلار ائدئلر، داريوش پادشاها بو صورتده مکتوب يوللاديلار.
اونا يوللاديقلاري مکتوبدا بله يازيلميشدي: "داريوش پادشاها صمئمي قلبدن سالاملار اولسون!
پادشاها معلوم اولسون کي، بئز يهودا وئلايتئنده‌کي بؤيوک تارينين معبدئنه گتدئک. معبد بؤيوک داشلاردان تئکئلئر، دووارلارين ائچَرئسئنه دئرَکلر قويولور. بو ائش چوخ دئقّتله گؤرولور و اونلارين اَلئنده ياخشي قاباغا گدئر.
اورانين آغساقّاللاريندان سوروشوب بله ددئک: «کئم سئزه فرمان صادئر اتدي کي، معبدي تزهدن تئکه‌سئنئز و اونون بئناسيني تامالاياسينيز؟»
هم ده اونلاردان بو ائشئن باشچيلارينين آديني سوروشدوق کي، بونلاري يازيب سئزه بئلدئرَک.
اونلار بئزه بله جاواب وردئلر: "بئز گؤيلرئن و يرئن تاريسينين قوللاري‌ييق. او معبدي تئکئرئک کي، بوندان چوخ ائل قاباق تئکئلمئشدي. ائسرايئلئن بؤيوک بئر پادشاهي اونو تئکئب باشا چاتديرميشدي.
لاکئن آتالاريميز گؤيلرئن تاريسيني قضبلَندئردئيي اوچون، تاري اونلاري بابئل پادشاهي کَلده‌لي نِبوکَدنِصّره تسلئم اتدي. او دا بو معبدي خارابايا چِوئردي و خالقيني بابئله اسئر آپاردي.
لاکئن بابئل پادشاهي کوروشون حاکئمئيّتئنئن بئرئنجي ائلئنده، کوروش پادشاه فرمان صادئر اتدي کي، تارينين معبدي تزهدن تئکئلسئن.
همچئنئن کوروش پادشاه، او قيزيل و گوموش قابلاري کی، نِبوکَدنِصّرتارينين اورشلئمدهکي معبدئندن گؤتوروب بابئل معبدئنه آپارميشدي، بابئلده‌کي معبددن چيخارتدي. اونلاري والي تعيئن اتدئيي شِشبَصّر آدلي بئر آداما وردی.
اونا ددي: ‹بو قابلاري گؤتوروب گت، اورشلئمدهکي معبده قوي. تارينين معبدي قوي اؤز يرئنده تزهدن تئکئلسئن.›
او زامان همئن شِشبَصّر گلئب تارينين اورشلئمدهکي معبدئنئن پايالاريني قويدو. او زاماندان ائندئيه قدر بو معبد تئکئلئر، لاکئن حله تاماملانماييب.»
ائندي اگر پادشاهين خوشونا گلسه، قوي پادشاهين بابئل سارايينداکي دفترلر آختاريلسين و تارينين اورشلئمدهکي معبدئنئن تئکئلمه‌سي اوچون کوروش پادشاهين وردئيي امر اوزه چيخاريلسين. سونرا دا بو ائش بارهده پادشاه اؤز ائرادهسئني بئزه بئلدئرسئن."
او زامان داريوش پادشاهين وردئيي امره اَساسن، بابئل خزئنه‌سئنده اولان دفترلر آختاريلدي.
ماد وئلايتئنده اولان اِکباتانا قالاسيندا بئر طومار تاپيلدي. بو طوماردا بله قيد ادئلمئشدي:
"کوروش پادشاهين پادشاهليغينين بئرئنجي ائلئنده کوروش پادشاه بله امر ورئب: «تارينين اورشلئمدهکي معبدي بارهده، قوي بو معبد، قوربانلار تقدئم ادئلَن بو ير، اَوّلکي بونؤورهسي اوستونده تزهدن تئکئلسئن. اوجاليغي ۶۰ قولآچ، اِني ده ۶۰ قولآچ اولسون.
اوچ ردئف بؤيوک داش، بئر ردئف دئرَکله تئکئلسئن. بو ائشئن خرجي پادشاه خزئنهسئندن ورئلسئن.
هم ده او قيزيل و گوموش قالار دا کی، نَبوکَدنِصّرتارينين اورشلئمدهکي معبدئندن چيخارديب بابئله گتئرنئشدي، گری قايتاريلسين. بونلارين هاميسي اؤز يرئنه، اورشلئمده اولان معبده آپاريلسين. اونلاري تارينين معبدئنه قويون.»
اونا گؤره فَرات چايينين قرب تورپاقلارينين والئسي تَتِنه‌ي، شِتَربوزِنه‌ي و يولداشلاري ائله کي، فَرات چايينين قرب تورپاقلارينداکي مأمورلاردير، اورادان اوزاق قالسينلار.
تاري معبدئنئن بو ائشئنه قاريشماسينلار. يهودئلرئن والئسي و يهودئلرئن آغساقّاللاري تارينين بو معبدئني اؤز يرئنده تزهدن تئکسئنلر.
من امر ادئرم کي، تارينين بو معبدئنئن تئکئلمه‌سئنده يهودئلرئن بو آغساقّاللارينا کؤمک ادهسئنئز، ائشلرئنئن دايانديريلماماسي اوچون بو آداملارين خرجي قطعن پادشاه خزئنهسئندن، فَرات چايينين قرب تورپاقلاريندان ييغيلان خراجدان ورئلسئن.
گؤيلرئن تاريسينا يانديرما قوربانلاري ورمک اوچون، احتئياجلارينا گؤره، جاوان گاميشلار، قوچ و قوزولار، اورشلئمدهکي کاهئنلرئن ائسته‌دئيي مئقداردا بوغدا، دوز، شراب، زيتون ياغي اَسکئک ادئلمه‌دن هر گون اونلارا ورئلسئن.
اونلار گؤيلرئن تاريسينا مقبول اولان قوربانلار تقدئم اتسئنلر و پادشاهلا اؤولادلاري اوچون دوعا اتسئنلر کي، جانلاري صاغ اولسون.
امر ادئرم کي، بو فرماني دَيئشدئرَن آدامين اِوئندن بئر دئرَک چيخارديليب دئک باسديريلسين و همئن آدام بو دئره‌يئن اوستونه ميخلانسين. قوي بله اِو خاراباليغا چِورئلسئن.
بو معبدي اؤز آدي اوچون مسکن ادن تاري، بو فرماني دَيئشدئرميه جهد ادن و اورشلئمدهکي معبدئن داغيلماسيني ائسته‌ين هر پادشاهي و خالقي يوخ اتسئن. من، داريوش امر ادئرم، امرئم سؤزسوز يرئنه يتئرئلسئن."
او زامان فَرات چايينين قرب تورپاقلارينين والئسي تَتِنه‌ي، شِتَربوزِنه‌ي و يولداشلاري ائله بئرلئکده داريوش پادشاهين گؤندردئيي بو امري سؤزسؤز يرئنه يتئردئلر.
يهودئلرئن آغساقّاللاري بئنا ائشئني داوام اتدئردئلر و پيغمبر خَگّه‌ي ائله عئدّو اوغلو زِکَريانين پيغمبرلئک سؤزلرئنه اَساسن، اونلارين ائشلري باجاريقلي گدئردي. ائسرايئل تاريسينين امرئنه گؤره، فارس پادشاهلاري کوروش، داريوش و اَرتَخشَستانين امري ائله معبدي تئکئب قورتارديلار.
معبد داريوش پادشاهين حاکئمئيّتئنئن آلتينجي ائلي، اَدار آيينين اوچونده باشا چاتدي.
ائسرايئل اؤولادلاري يعني کاهئنلر، لاوئلی‌لر و اسئرلئکدن قاييدانلار بو تاري معبدئنئن وقف مراسئمئني شادليقلا توتدولار.
تارينين معبدئنئن تقدئسي اوچون يوز گاميش، ائکي يوز قوچ، دؤرد يوز قوزو و بوتون ائسرايئل اوچون قبئله‌لرئنئن سايينا گؤره، گوناه قورباني اولاراق اون ائکي اِرکَک کچي تقدئم اتدئلر.
سونرا اونلار اورشلئمده، تارييا خئدمت اوچون، کاهئنلري اؤز دسته‌لرئنده و لاوئلی‌لري اؤز بؤلمه‌لرئنده دوزدولر، نجه کي، موسانين کئتابيندا يازيلميشدي.
اسئرلئکدن قاييدانلار پاسخا بايراميني بئرئنجي آيين اون دؤردونده کچئرتدئلر.
چونکي کاهئنلرله لاوئلی‌لر اؤزلرئني تمئز اتدئکلري اوچون هاميسي تمئز ائدئلر. لاوئلی‌لر بوتون اسئرلئکدن قاييدانلار اوچون، کاهئن قارداشلاري و اؤزلري اوچون پاسخا قورباني کَسدئلر.
اسئرلئکدن قاييدان ائسرايئل اؤولادلاري و ائسرايئلئن تاريسي ربّه سئتايئش اتمک اوچون اؤزلرئني اطراف مئلّتلرئن نجئسلئيئندن آييرانلارين هاميسي قوربان اَتي يدئلر.
يدّي گون شادليقلا ماياسيز چؤرک بايرامي کچئرتدئلر، چونکي اونلاري سِوئندئرَن رب ائدي. رب آشور پادشاهينين اوره‌يئنده ميل ياراتميشدي کي، ائسرايئل تاريسينين معبدئنئن تئکئلمه‌سي باشا گلسئن.
بو ائشلردن سونرا فارس پادشاهي اَرتَخشَستانين پادشاهليغيندا باش کاهئن هارون اوغلو اِلعازار اوغلو پئنِخاس اوغلو اَبئشوعَع اوغلو
بوقّي اوغلو عوزّي اوغلو
زِرَخيا اوغلو مِرايوت اوغلو عَزَريا اوغلو اَمَريا اوغلو
اَخئطوب اوغلو صادوق اوغلو شَلّوم اوغلو
خئلقئيّا اوغلو عَزَريا اوغلو سِرايا اوغلو عِزرا بابئلدن چيخدي.
بو عِزرا ائسرايئلئن تاريسي ربّئن موسايا وردئيي قانوني ياخشي بئلن شرئعت شوناس ائدي. تاريسي ربّئن اَلي اونون اوستونده اولدوغونا گؤره، پادشاه عِزرا‌نئن ائسته‌دئيي هر بئر شيي ورمئشدي.
پادشاه اَرتَخشَستانين حاکئمئيّتئنئن يدّئنجی ائلئنده ائسرايئل اؤولادلاريندان، کاهئنلردن، لاوئلی‌لردن، نغمه‌چئلردن، معبدده‌کي قاپيچيلاردان و قوللوقچولاردان بعضئلري اورشلئمه قاييتديلار.
عِزرا اورشلئمه چاتاندا اَرتخشَستانين پادشاهليغينين يدّئنجی ائلئنئن بشئنجي آيي ائدي.
او، بئرئنجي آيين بئرئنجي گونونده بابئلدن يولا دوشوب، بشئنجي آيين بئرئنده اورشلئمه چاتدي، چونکي تارينين ياخشي اَلي اونون اوستونده ائدي.
عِزرا اوره‌يئني بونا باغلاميشدي کي، ربّئن قانونونو اوخويوب ائجرايا قويسون و اونون قانون و حؤکملرئني ائسرايئلده اؤيرَتسئن.
بودور او مکتوبون صورتي کي، پادشاه اَرتَخشَستا اونو شرئعت شوناس، کاهئن و ربّئن امرلرئني و ائسرايئله بويوردوغو قايدالاري اؤيره‌دن عِزرايا وردی:
"پادشاهلار پادشاهي اَرتَخشَستادان گؤيلرئن تاريسينين قانونونو اؤيره‌دن کاهئن عِزرايا. سالاملار:
من فرمان صادئر اتمئشم کي، سلطنتئمده اولان ائسرايئل خالقيندان، کاهئنلردن، لاوئلی‌لردن اؤز گؤيلو ائله اولاراق اورشلئمه گتمک ائسته‌ين هر کس سنئنله گتسئن.
ائندي سن پادشاهلا يدّي مصلحتچئسي طرفئندن گؤندرئلئرسن کي، اَلئنده اولان تاري قانونلارينا اَساسن يهودا و اورشلئمدهکي وضعئيّتي اؤيرَنه‌سن.
و پادشاهين و مصلحتچئلرئنئن اؤز گؤيلو ائله تقدئم اتدئکلري قيزيل-گوموشو ائسرايئلئن تاريسينا کي، اورشلئمي اؤزونه مسکن ادئب، آپاراسان.
بونلارلا برابر خالقين و کاهئنلرئن اؤز گؤيلو ائله صورتده وردئکلري هدئيّهلري ده کي، ائسرايئلئن تاريسينين اورشلئمدهکي معبدئنه ورئبلر، گؤتور. بابئل وئلايتئنئن هر طرفئندن تاپاجاغين قيزيل-گوموشون هاميسيني دا گؤتور.
بو پوللا تِز گاميشلار، قوچلار، قوزولار، تاخيل و مايع تقدئملرئني آلارسان. اونلاري تارينيزين اورشلئمدهکي معبدئنئن قوربانگاهيندا تقدئم اِدَرسئنئز.
سن و قارداشلارين قيزيل-گوموشون قالان حئصّهسئني تارينين ائرادهسئنه موناسئب، ائسته‌دئيئن کئمي ائستئفاده اده بئلرسئنئز.
تارينين معبدئنده عئبادت زاماني ائشلَتمَک اوچون سنه قايتاريلان قابلاري دا اورشلئم تاريسينين حوضوروندا تحوئل ور.
تارينين معبدئنه باشقا نه لازيم اولسا، سن اونو پادشاه خزئنهسئندن ور.
من، پادشاه اَرتَخشَستا، فَرات چايينين قرب تورپاقلارينين بوتون خزئنه‌دارلارينا امر ادئرم کي، گؤيلرئن تاريسينين قانونونون شرئعت شوناسي کاهئن عِزرانين هر ائسته‌يي دئقّتله يرئنه يتئرئلسئن.
حتّا يوز تالانتا قدر گوموش، يوز کورا قدر بوغدا، يوز باتا قدر شراب، يوز باتا قدر زيتون ياغي و ائسته‌دئيي قدر دوز ورئن.
گؤيلرئن تاريسينين معبدي اوچون، گؤيلرئن تاريسي طرفئندن هر نه امر اولونارسا، قيرتله اونا عمل ادئلسئن، اله کي، اؤلکه، پادشاه، و اونون اؤولادلاري قضب آلتيندا قالماسين.
سئزه بئلدئرئرئک کي، کاهئنلردن، لاوئلی‌لردن، نغمه‌چئلردن، بو تارينين معبدئنئن قاپيچيلاريندان، قوللوقچولاريندان، و آيري خئدمتچئلرئندن خراج، جزيه و باج ائستمه‌يه ائجازه يوخدور.
سن، عِزرا، تارينين سنه وردئيي حئکمته گؤره داورلر و قاضيلار تعيئن ات. قوي اونلار فَرات چايينين قربئنده اولان بوتون خالقا، يعني سنئن تارينين قانونلاريني بئلَنلرئن هاميسينا حؤکم اتسئنلر. بئلمه‌ينلري ده سن اؤيرَتمه‌لي‌سن.
سنئن تارينين قانونونا و پادشاهين قانونونا عمل اتمه‌ين آدام گرک اؤلوم، تبعئد، اَملاک موصادئره‌سي و يا حبس جزالاري ائله جزالانسين."
آتالاريميزين تاريسي رب موبارک اولسون کي، پادشاهين قلبئنده ربّئن اورشلئمده اولان معبدئنه بله حؤرمت گؤرسدمک ائسته‌يئني قويوب
و پادشاهين، اونون مصلحتچئلرئنئن و بوتون گوجلو ريئسلرئنئن حوضوروندا منه مهرئبانليق ياراديب. بلجه تاريم ربّئن اوستومده اولان اَلئنه گؤره قووّتلَندئم و ائسرايئلئن باشچيلاريندان بعضئلرئني يانيما ييغديم کي، منئمله گتسئنلر.
اَرتَخشَستانين پادشاهليغي زاماني منئمله بابئلدن گلن و آدلاري قيد ادئلمئش نسئل باشچيلاري بونلاردير:
پئنِخاس اؤولادلاريندان گِرشوم، ائتامار اؤولادلاريندان دانيال، داوود اؤولادلاريندان خَطّوش،
شِکَنيا نسلئندن، پَرعوش اؤولادلاريندان، زِکَريا و اونونلا بئر نسئلدن قيده آلينان يوز اَلّي کئشي.
پَخَت-موآب اؤولادلاريندان زِرَخيا اوغلو اَلئهوعِنه‌ي و اونونلا برابر ائکي يوز کئشي.
يَخه‌زي‌اِلئن اوغلو شِکَنيانين اؤولادلاريندان اوچ يوز کئشي.
عادئن اؤولادلاريندان يوناتان اوغلو عِبِد و اونونلا برابر اَلّي کئشي.
عِيلام اؤولادلاريندان عَتَليا اوغلو اِشَعيا و اونونلا برابر يتمئش کئشي.
شِفَطيا اؤولادلاريندان مئکائل اوغلو زِبَديا و اونونلا برابر هشتاد کئشي.
يوآب اؤولادلاريندان يِخي‌اِل اوغلو عوبَديا و اونونلا برابر ائکي يوز اون سکّئز کئشي.
يوسئفيا اوغلو شِلومئت اؤولادلاريندان يوز آلتميش کئشي.
بِبه‌ي اؤولادلاريندان بِبه‌ي اوغلو زِکَريا و اونونلا برابر ائيئرمي سکّئز کئشي.
عَزگاد اؤولادلاريندان هَقّاطان اوغلو يوخانان و اونونلا برابر يوز اون کئشي.
اَدونئقامين کئچئک اوغوللاريندان آدلاري اِلئفِلِط، يِعي‌اِل، شِمَعيا و اونلارلا برابر آلتميش کئشي.
بئگوَي اؤولادلاريندان عوته‌ي، زَکّور و اونلارلا برابر يتمئش کئشي.
اونلاري اَخه‌وايا طرفه آخان کانال يانينا ييغديم و اوچ گون اورادا قالديق. خالقي و کاهئنلري گؤزدن کچئرتدئم، لاکئن اورادا لاوي اؤولادلاريندان هچ کئمي تاپماديم.
باشچيلاردان اِلئعِزِري، اَري‌اِلي، شِمَعياني، اِلناتاني، يارئبي، اِلناتاني، ناتاني، زِکَرياني، مِشولّامي، موعلّئملردن ده يويارئبي و اِلناتاني چاغيرتديرديم.
اونلاري عئدّونون يانينا گؤندردئم کي، کاسئفيا ديئلَن يرده باشچيليق ادئردي. اونلارا اؤيرَتدئم کي، کاسئفيا ديئلَن يرده عئدّو و قارداشلارينا، و معبدئن قوللوقچولارينا نه دسئنلر، يعني تاريميزين معبدئنه خئدمت ادن آداملاري بئزه گتئرسئنلر.
تاريميزين ياخشي اَلي اوستوموزده اولدوغونا گؤره، ائسرايئل اوغلو لاوي اوغلو مَخلي اؤولادلاريندان بصئرتلي اولان شِرِبياني گتئردئلر، هم ده اوغوللاريني و قارداشلاريني، جَمي اون سکّئز نفري.
خَشَبياني، اونونلا برابر مِراري اؤولادلاريندان اِشَعياني و قارداشلاري ائله اونلارين اؤولادلاريندان ائيئرمي نفري،
معبد قوللوقچولاريندان ائکي يوز ائيئرمي نفري ده کي، لاوئلی‌لره کؤمک اتمک اوچون داوودلا باشچيلاري تعيئن اتمئشدئلر. اونلارين هاميسي آدباآد قيد اولموشدو.
او واخت اورادا، اَخه‌وا کانالينين يانيندا اوروج اعلان اتدئم کي، تاريميزين قاباغيندا اؤزوموزو کئچئلدئب اوندان اؤزوموز، اؤولادلاريميز و بوتون ماليميز اوچون خطرسئز يول آرزو اتدئک.
چونکي اوتانيرديم کي، دوشمنئن قاباغيندا يولدا بئزه کؤمک اتمک اوچون پادشاهدان عسگر و آتليلار ائسته‌يئم. بئز پادشاهلا دانيشيب بله دِمئشدئک: "تاريميزين اَلي ياخشيليق اتمک اوچون اونو آختارانلارين اوستوندهدئر. لاکئن اوندان دؤنَنلرئن هاميسينا اؤز گوجونو و قضبئني گؤرسدئر."
اله بونا گؤره ده بئز اوروج توتوب تاريميزا يالوارديق. او بئزئم دوعاميزي موستَجاب اتدي.
کاهئنلرئن رهبرلري آراسيندان اون ائکي نفري يعني شِرِبيا، خَشَبيا و اونلارلا اون نفر قارداشلاريني سچدئم
و او قيزيل، گوموش، و قابلاري چکئب اونلارا وردئم کي، پادشاه، مصلحتچئلر، ريئسلر و اورادا اولان بوتون ائسرايئللی‌لر، تاريميزين معبدي اوچون تقدئم اتمئشدئلر.
اونلارين اَلئنه آلتي يوز اَلّي تالانت گوموش، يوز تالانت گوموش قاب، يوز تالانت قيزيل،
مئن دِرهَملئک دَيَري اولان ائيئرمي قيزيل کاسا چکئب اونلارا وردئم. پارلاق مئسدن ائکي گؤزل قابي دا کي، قيزيل قدر قئيمتلي ائدي، چکئب وردئم.
سونرا اونلارا ددئم: «سئز ربّئن موقدّسلرئسئنئز، بو قابلار دا موقدّسدئر. بو قيزيللا گوموش آتالارينيزين تاريسي رب اوچون اؤز گؤيلو ائله ادئلَن تقدئمدئر.
دئقّتلي اولون! اونلاري کاهئنلرئن رهبرلري، لاوئلی‌لر و ائسرايئلئن نسئل باشچيلاري قاباغيندا اورشلئمدهکي ربّئن معبدئنئن آنبارلاريندا چکئب تحوئل ورنه قدر موواظئب اولون.»
کاهئنلر و لاوئلی‌لر چکئلمئش قيزيل و گوموش ائله قابلاري گؤتوردولر کي، اونلاري اورشلئمه، تاريميزين معبدئنه آپارسينلار.
بئرئنجي آيين اون ائکئنجي گونو اَخه‌وا کانالينين يانيندان يولا دوشدوک کي، اورشلئمه گِدَک. تاريميزين اَلي اوستوموزده ائدي و بئزي دوشمنئن اَلئندن، يولوموزداکي کَمئنلردن قورتاردي.
بلجه اورشلئمه چاتديق و اورادا اوچ گون قالديق.
دؤردونجو گون تاريميزين معبدئنده قيزيل-گوموش قابلاري چکئب کاهئن اورئيانين اوغلو مِرِموتون اَلئنه وردئک. پئنِخاس اوغلو اِلعازار، لاوئلی‌لردن اولان يوشَع اوغلو يوزاباد و بئنّوي اوغلو نوعَديا دا اونلارلا ائدئلر.
اشيالارين هاميسي ساييليب چکئلدي و بوتون چکي مئقداري يازيلدي.
اسئرلئکدن قاييدانلار ائسرايئلئن تاريسينا بوتون ائسرايئل اوچون يانديرما قورباني اولاراق اون ائکي گاميش، دوخسان آلتي قوچ، يتمئش يدّي قوزو و گوناه قورباني اولاراق اون ائکي اِرکَک کچي تقدئم اتدئلر. بونلارين هاميسي ربّه يانديرما قوربانلاري ائدي.
سونرا اونلار پادشاهين فرمانلاريني پادشاهين ساتراپلارينا و فَرات چايينين قرب طرفئندهکي والئلرئنه وردئلر. اونلار دا خالقا و تارينين معبدئنه کؤمک اتدئلر.
بو ائشلر قورتاراندان سونرا، رهبرلر منه ياخينلاشيب ددئلر: "ائسرايئل خالقي کاهئنلر و لاوئلی‌لر اؤزلرئني اطرافلارينداکي خالقلاردان يعني کَنَعانلي‌لاردان، خئتلی‌لردن، پِرِزلی‌لردن، يِبوسلولاردان، عَمّونلولاردان، موآبلي‌لاردان، مئصئرلی‌لردن، اِمورلولاردان و ائيرنج روسوملاريندان اوزاق ساخلاماييبلار.
بله کي اونلار اؤزلرئنه و اوغوللارينا اطرافلارينداکي خالقلارين قيزلاريندان آليبلار. بونونلا موقدّس خالق اؤلکهنئن آيري خالقلاري ائله قاريشيب. دوغرودان دا کي، بو خيانته ائلک يول آچانلار ريئسلرله رهبرلر ائمئشلر."
من بو سؤزو اشئدنده پالتاريملا جوبّه‌مي جيريب، ساچ-ساقّاليمي يولدوم و مات اوتوردوم.
اسئرلئکدن قاييدانلاردان هر کس کي، بو خيانت بارهده ائسرايئل تاريسينين سؤزلرئني اشئتدي، اَسمه‌يه دوشوب يانيما ييغيلدي. من آخشام قوربانينين تقدئمي واختاجاق مات اوتوردوم.
آخشام قورباني واختي پرئشان حالدا آياغا قالخديم. پالتاريم و جوبّم جيريق ائدي. دئز چؤکوب اَللرئمي تاريم ربّه آچيب
بله دوعا اتدئم: "ای تاريم، اوتانيرام! اوزومو سن تاريما قالديرماغا خجالت چکئرم، چونکي گوناهلاريميز باشيميزدان آشيب، تقصئرلرئمئز بؤيويوب گؤيلره چاتيب.
آتالاريميزين دؤوروندن بو گونه قدر بؤيوک تقصئر ائچئندهيئک. اونا گؤره ده بوگونکي کئمي بئز، پادشاهلاريميز، کاهئنلرئمئز تقصئرلرئمئز اوزوندن ياداِللي پادشاهلارا تسلئم ادئلئب قيلينجا، اسئرلئيه، تالانا، روسوايچيليغا دوچار اولدوق.
آمّا ائندي بئزه تاريميز رب طرفئندن قيسا بئر مودّت اوچون فيض گؤرسدئلئب. اسئرلئکدن قورتولوب صاغ قالان بئر نچه آدامي تاريميز بئزئم اوچون ساخلاييب کي، موقدّس مکانيندا بئزه مؤحکم بئر ير ورسئن. گؤزوموزه نور ورسئن، نؤکرچئلئيئمئزده بئزه بئر آز حيات باغيشلاسين.
بئز نؤکرئک، لاکئن تاريميز بئزي نؤکرچئلئيئمئزده ترک اتمهيئب. فارس پادشاهلارينين اوره‌يئنده بئزه مهرئبانليق ياراديب کي، قووّتلَنَک و قالخيب تاريميزين معبدئني تئکَک و اونون خاراباليقلاريني آباد اِدَک و يهودا ائله اورشلئمده بئزه بئر قورونما دوواري اولسون.
ای تاريميز، آرتيق داها نه دئيه بئله‌رئک؟ چونکي سنئن امرلرئني ترک اتمئشدئک.
سن امرلرئني قوللارين پيغمبرلر واسئطهسئله ورئب ددئن: «مولک اولاجاق اوچون گتدئيئنئز اؤلکه نجئسدئر، اؤز اهالئسئنئن نجئسلئيي ائله، اوراني باشدان- باشا دولدوران ائيرنج رسم-روسوملاري و ناپاکليقلاري ائله چئرکابا باتان اؤلکه‌دئر.
بونا گؤره ده نه قيزلارينيزي اونلارين اوغوللارينا ورئن، نه ده قيزلاريندان اوغوللارينيزا آلين. اگر ائسته‌يئرسئنئز کي، قووّتلي اولوب بو تورپاغين نعمتلرئندن يئيهسئنئز، هچ واخت اونلارين آرامليغي و بوللوغو اوچون چاليشمايين. او واخت بو تورپاغي اؤولادلارينيزا ائرث اولاراق ابدی ساخلايارسينيز.»
بوندان سونرا هر شي پئس ائشلرئمئزدن و بؤيوک تقصئرلرئمئزدن اؤتري باشيميزا گلئب، لاکئن، ای تاريميز، سن بئزي تقصئرلرئمئزئن جزاسيندان داها آز جزالانديريبسان. اسئرلئکدن قورتولوب صاغ قالان بئر نچه آدامي يعني بونلاري بئزه ورئبسن.
گئنه مگر امرلرئني پوزاجاغيق؟ بله ائيرنج ائشلر گؤرَن خالقلارلا قوحوم اولاجاغيق؟ مگر سن قضبله‌نئب بئزي هلاک اتمَيه قالخمازسان، اله کي، بئزدن نه صاغ قالان اولسون نه ده قورتولا بئلَن؟
ای ائسرايئلئن تاريسي رب، سن صالحسن! بوگونکي کئمي کئچئک بئر دسته ساخلاييبسان. باخ، سنئن حوضوروندا تقصئر ائچئندهيئک و بونا گؤره هچ کس سنئن حوضوروندا دايانا بئلمز."
عِزرا تارينين معبدئنئن قاباغيندا دوعا ادئب اعتئراف ادئردي، آغلاييب يره سَرئلمئشدي. ائسرايئللی‌لردن چوخ بؤيوک بئر جاماعات، کئشئلر، آروادلار و اوشاقلار اونون يانينا ييغيلميشديلار. خالق دا آجي-آجي آغلاييردي.
عِيلام اؤولادلاريندان يِخي‌اِل اوغلو شِکَنيا عِزرايا ددي: "بئز تاريميزا خيانت ادئب اؤلکهنئن خالقلاريندان ياداِللي آروادلار آلميشيق. بونا باخماياراق حله ده ائسرايئل اوچون اومئد وار.
قوي ائندي تاريميزلا عهد باغلاياق و بوتون بو آروادلاريميزي اوشاقلاري ائله آتاق. قوي بو شرئعته اَساسن، آغامين و تاريميزين امري قاباغيندا اَسنلرئن مصلحتئنه موطابئق يرئنه يِتئشسئن.
قالخ، چونکي بو ائشئن مسعولئيّتئني داشييان سنسن، لاکئن بئز ده سنئنله‌يئک. اورَکلي اول، ائشه باشلا!"
او واخت عِزرا آياغا قالخدي. کاهئنلرئن رهبرلرئنه، لاوئلی‌لره و بوتون ائسرايئللیلره بو سؤزو يرئنه يتئرمه‌لري اوچون آند ائچدئردي. اونلار دا آند ائچدئلر.
عِزرا تاري معبدئنئن قاباغيندان آيريليب، اِلياشئبئن اوغلو يِهوخانانين اوتاغينا گئردي. گجهني اورادا کچئردئب آمّا نه چؤرک يِدي، نه ده سو ائچدي، چونکي اسئرلئکدن قاييدانلارين بو خيانتئنه گؤره ياس توتوردو.
يهودادا و اورشلئمده، اسئرلئکدن قاييدانلارين هاميسينا اعلان اتدئلر کي، اورشلئمه ييغيلسينلار.
باشچيلارين و آغساقّاللارين مصلحتئنه گؤره، اوچ گون عرضئنده بورايا گلمه‌ين هر آدامين بوتون املاکي موصادئره ادئلهجک و اؤزو ده اسئرلئکدن قاييدان جاماعاتين ائچئندن چيخاريلاجاق.
يهودانين و بِنيامئنئن بوتون آداملاري اوچ گون عرضئنده اورشلئمه ييغيلدي. بو، دوقّوزونجو آيين ائيئرمئسئنده اولدو. بوتون خالق تارينين معبدئنئن قاباغينداکي ميداندا اوتوردو و بو حادئثهدن، هم ده ياغيشدان اؤتري اسئردي.
او واخت کاهئن عِزرا آياغا قالخيب اونلارا ددي: "سئز خيانت ادئبسئنئز. ائسرايئلئن تقصئرئني داها دا آرتيريب ياداِللي آروادلار آليبسينيز.
ائندي آتالارينيزين تاريسي ربّه اؤز گوناهلارينيزي اعتئراف ادئن و اونون ائرادهسئني يرئنه يتئرئن. اطرافينيزداکي خالقلاردان، ياداِللي آروادلاردان آيريلين."
بوتون جاماعات بَرکدن جاواب ورئب ددي: "بلی، حاقلي‌سان، نجه کي، ديئرسن، بئز ده گرک اله عمل اِدَک.
آمّا خالق چوخدور، ياغيش واختيدير، باييردا دايانماغا طاقَتئمئز يوخدور. بو ائش ده بئر-ائکي گونون ائشي ديئل. چونکي بو بارهده تقصئرئمئز چوخ بؤيوکدور.
قوي بوتون خالقي رهبرلرئمئز تمثئل اتسئن. قوي شهرلرئمئزده‌کي هر ياداِللي آرواد آلان شخص شهر آغساقّاللاري و حاکئملرله ابرابر تعيئن اولوناجاق واختدا بورايا گلسئن، اِله کي، تاريميزين بو بارهده قالخان حئدّتلي قضب سؤنسون."
بونون ضئدّئنه آنجاق عَساهِل اوغلو يوناتان و تئقوا اوغلو يَخزِيا چيخديلار. مِشولّاملا لاوئلي شَبّته‌ي ده اونلارلا بئر اولدولار.
آمّا اسئرلئکدن قاييدانلار بو سؤزه عمل اتدئلر. کاهئن عِزرا هر نسئلدن، نسئل باشچيسيني آدباآد سچدي. بلجه اونونجو آيين بئرئنده اوتوروب بو ائشي آراشديرماغا باشلاديلار.
اونلار بئرئنجي آيين بئرئنجي گونونه قدر ياداِللي آرواد آلانلارين هاميسي بارهده آراشديرماني باشا چاتديرديلار.
کاهئن اؤولادلاري آراسيندا ياداِللي آرواد آلانلاردان بونلار دا تاپيلدي: يوصاداقين اوغلو يوشَع اؤولادلاريندان و قارداشلاريندان مَعَسِيا، اِلئعِزِر، يارئب و گِدَليا؛
اونلار بويونا آلديلار کي، آروادلاريني بوشاسينلار. اونلار اؤز تقصئرلرئنه گؤره سورودن بئر قوچ تقدئم اتدئلر.
ائمّر اؤولادلاريندان خَناني و زِبَديا،
خارئم اؤولادلاريندان مَعَسِيا، اِلئيّا، شِمَعيا، يِخي‌اِل، عوزئيّا،
پَشخور اؤولادلاريندان اِليوعِنه‌ي، مَعَسِيا، ائسماعئل، نِته‌نِل، يوزاباد و اِلعاسا؛
لاوئلی‌لردن: يوزاباد، شئمعي، قِلايا، يعني قِلئطا، پَتَخيا، يهودا و اِلئعِزِر؛
نغمه‌چئلردن: اِلياشئب، معبد قاپيچيلاريندان شَلّوم، طِلِم و اوري؛
ائسرايئلدن: پَرعوش اؤولادلاريندان رَميا، يئزّئيا، مَلکئيا، مئيامئن، اِلعازار، مَلکئيا و بِنايا؛
عِيلام اؤولادلاريندان مَتّنيا، زَکَريا، يِخي‌اِل، عَبدي، يِرِموت و اِلئيّا؛
زَتّو اؤولادلاريندان اِليوعِنه‌ي، اِلياشئب، مَتّنيا، يِرِموت، زاباد و عَزئزا؛
بِبه‌ي اؤولادلاريندان يِهوخانان، حَنَنيا، زَبّه‌ي، عَتلاي؛
باني اؤولادلاريندان مِشولّام، مَلّوک، عَدايا، ياشوب، شِآل، راموت؛
پَخَتموآب اؤولادلاريندان عَدنا، کِلال، بِنايا، مَعَسِيا، مَتّنيا، بِصه‌لِل، بئنّوي و مِنَسّه؛
خارئم اؤولادلاريندان اِلئعِزِر، يئشّئيّا، مَلکئيا، شئمَعيا و شَمعون،
بِنيامئن، مَلّوک، شِمَريا؛
خاشوم اؤولادلاريندان مَتّناي، مَتّتا، زاباد، اِلئفِلِط، يِرِمه‌ي، مِنَسّه، شئمعي؛
باني اؤولادلاريندان مَعَده‌ي، عَمرام، اوعِل،
بِنايا، بِدِيا، کِلوهي،
وَنيا، مِرِموت، اِلياشئب،
مَتّنيا، مَتّنه‌ي، يَعه‌سو،
باني، بئنّوي، شئمعي،
شِلِميا، ناتان، عَدايا،
مَکنَدبه‌ي، شاشه‌ي، شاراي،
عَزه‌رِل، شِلِميا، شِمَريا،
شَلّوم، اَمَريا، يوسئف؛
نِبو اؤولادلاريندان يِعي‌اِل، مَتّئتيا، زاباد، زِبئنا، يَدّه‌ي، يواِل و بِنايا.
بو آداملارين هاميسي ياداِلّي آرواد آلميشدي و بعضئلرئنئن بو آروادلاردان اوشاقلاري دا وار ائدي.
خَکَليا اوغلو نِحِميانين سؤزلري: من ائيئرمئنجي ائلده کئسلِو آييندا شوشَن قالاسيندا اولارکن
قارداشلاريمدان بئري خَناني و يهودادان بعضی آداملار گلدئلر. من اونلاردان اسئرلئکدن قاچيب قورتولان يهودئلرله اورشلئم بارهده سوروشدوم.
منه بله ددئلر: "اسئرلئکدن قاچيب قورتولانلار اورادا، وئلايتده بؤيوک مشقّت و خجالت ائچئنده ياشاييرلار. اورشلئمئن دوواري وئران اولوب، دروازالاري دا يانديريليبدير."
بو سؤزلري اشئتدئکده اوتوروب آغلاديم. گونلرله ياس توتدوم؛ گؤيلر تاريسينين حوضوروندا اوروج توتوب دوعا ادئردئم.
ددئم: "يالواريرام، ای گؤيلرئن تاريسي رب! ای بؤيوک و زَهملي تاري کي، سني سِوَنلرله، امرلرئنه عمل ادنلرله اؤز عهدئنه صادئق قاليب محبّت گؤرسدئرسن!
قوي قولاغين اشئتسئن، گؤزلرئن گؤرسون کي، حوضوروندا ائندي اتدئيئم دوعاني اِشئده‌سن. گجه-گوندوز قوللارين اولان ائسرايئل اؤولادلاري اوچون دعا ادئب، سنه اتدئيئمئز گوناهلاري اعتئراف ادئرم. من ده آتالاريم دا گوناه اتمئشئک.
سنه چوخ پئسلئک اتمئشئک. قولون موسايا بويوردوغون امرلره، قايدالارا و حؤکملره عمل اتمهمئشئک.
قولون موسايا بويوردوغون سؤزو خاطيرلا کي، دِمئشدئن: «اگر خيانت ادهسئنئز، سئزي خالقلار آراسينا سَپَلَيه‌جيم.
آمّا اگر منه طرف دؤنهسئنئز و امرلرئمي توتوب اونلارا عمل ادهسئنئز، گؤيلرئن او باشينا قووولسونوز بِله، اورادان سئزي بئر يره ييغاجاغام. او يره گتئره‌جيم کي، آديمي اورادا ساکئن اتمَيه سچمئشم.»
اونلار سنئن قوللارين و خالقيندير کي، اونلاري بؤيوک قودرتله و قووّتلي اَلئنله قورتاردين.
يارب، يالواريرام، بو قولونون دوعاسينا و او قوللارينين دوعاسينا کی، سنئن آدينا احتئرام اتمکدن ذؤوق آليرلار، دئقّتله قولاق آس! بو گون قولونون ائشئني اوغورلو ات و بو کئشئنئن گؤزونده اونا لوطف قازاندير." من او واخت پادشاهين ساقئسي ائدئم.
پادشاه اَرتَخشَستانين حاکئمئيّتئنئن ائيئرمئنجي ائلي، نئسان آيي ائدي. پادشاهين قاباغينا شراب قويولموشدو. من شراب جاميني قالديريب اونا وردئم. او گونه قدر من هچ واخت اونون حوضوروندا کَدَرلي گؤرونمه‌مئشدئم.
پادشاه منه ددي: "گرچي ناخوش ديئلسن، اوزون نئيه بله قملي‌دئر؟ بو آنجاق اورَک قمي اولا بئلر." او واخت من چوخ قورخدوم.
پادشاها ددئم: "پادشاه همئشه صاغ اولسون! آتالاريمين دفن ادئلدئيي شهر خاراباليغا دؤنوب، دروازالاري دا يانديريليب. نجه قملي اولماييم؟"
او واخت پادشاه مندن سوروشدو: "مندن نه ائستهيئرسن؟" من گؤيلرئن تاريسينا دوعا اتدئم.
و پادشاها جاواب وردئم: "اگر پادشاها بو خوش گلئر و قولون سنئن گؤزونده لوطف تاپيب، منی يهودايا، آتالاريمين دفن ادئلدئيي شهره گؤندر کي، اوراني تزهدن تئکئم."
ملکه ده پادشاهين يانيندا اوتورموشدو. پادشاه مندن سوروشدو: "بو سفرئن نه قدر چکر؟ نه واخت قاييداجاقسان؟" منی گؤنده‌رمک پادشاها مقبول اولدو و من قاييداجاغيم واختي موعيّن اتدئم.
سونرا پادشاها ددئم: "اگر پادشاها خوش گلئر، فَرات چايينين قربئنده‌کي وئلايتلرئن والئلري اوچون منه نامه‌لر ورئلسئن کي، يهودايا چاتانا قدر منی وئلايتلرئندن کچئرتسئنلر.
هم ده پادشاهين مِشه نظارتچئسي آسافا نامه گؤندرئلسئن کي، تئر دوزَلتمک اوچون معبدئن يانينداکي قالا دروازالارينا، شهرئن دووارينا و ائقامتگاهيما آغاج ورسئن.» تارينين مرحمتلي اَلي اوستومده اولدوغونا گؤره، پادشاهدان نه ائسته‌دئم، منه وردی.
فَرات چايينين قربئنده‌کي والئلرئن يانينا گتدئم و پادشاهين نامه‌لرئني وردئم. پادشاه منئمله بئرلئکده قوشون سرکرده‌لري ائله آتليلار دا گؤندرمئشدي.
خورونلو سنبَلّط و عَمّونلو مأمور طوبئيا بونو اشئتدئکده، ائسرايئل اؤولادلارينين خِيرئنه چاليشان بئر نفرئن گلدئيئندن خوشلانماديلار.
اورشلئمه گلئب اورادا اوچ گون قالديم.
گجه ائکن قالخيب يانيما بئر نچه آدام آلديم. هچ کسه آچماديم کي، تاري اورشلئم اوچون نه اتمک بارهده اوره‌يئمه نه قويوب. مئندئيئمدن باشقا هچ بئر حيوان دا گؤتورمه‌مئشدئم.
گجه دره دروازاسيندان چيخيب اژداها قويوسونا و پِيئن دروازاسينا طرف گتدئم، اورشلئمئن داغيديلان دووارلارينا و يانديريلان دروازالارينا نظر سالديم.
سونرا چشمه دروازاسينا و پادشاه حوووضونا طرف گتدئم، لاکئن مئندئيئم حيوان او يرلردن کچه بئلمئردي.
بلجه گجه وادي بويونجا چيخيب دوواري گؤزدن کچئرتدئم. سونرا دؤنوب دره دروازاسيندان گئردئم و گری قاييتديم.
حؤکومت مأمورلاري هارايا گتدئيئمي و نه اتدئيئمي بئلمئردئلر. يهودئلره، کاهئنلره، اعيانلارا، مأمورلارا و آيري وظئفه‌لي‌لره ده هچ بئر شي دانيشماميشديم.
سونرا اونلارا ددئم: "دوشدويوموز بو پئس وضعئيّتي گؤرورسونوز؛ اورشلئم خاراباليغا چِورئلئب، دروازالارينا دا اود وورولوبدور. گلئن اورشلئمئن دوواريني تزهدن تئکَک کي، بوندان آرتيق روسوايچيليق ائچئنده قالماياق."
اونلارا ددئم کي، نجه تارينين مرحمتلي اَلي اوستومده ائدي و پادشاه منه نه سؤزلر ددی. او واخت اونلار ددئلر: "گلئن قالخاق، بورالاري تزهدن تئکَک." بلجه اونلار بو خيئرلي ائش اوچون اَل-بئر اولدولار.
لاکئن خورونلو سنبَلّط، عَمّونلو مأمور طوبئيا و عَرب گِشِم بوندان خبر توتاندا، بئزي اَله سالديلار و تحقئر ادئب ددئلر: "بو نه ائشدئر کي، ادئرسئنئز؟ مگر پادشاهين ضئدّئنه عوصيان قالديريرسينيز؟"
من اونلارا جاواب ورئب ددئم: "گؤيلرئن تاريسي ائشئمئزي اوغورلو ادهجک. اونون قوللاري اولان بئزلر قالخيب بوراني تئکه‌جيئک. سئزئن ده اورشلئمده نه پايينيز، نه حاقّينيز، نه ده آدينيز اولاجاق."
باش کاهئن اِلياشئبله قارداشلاري قالخيب قويون دروازاسيني تئکدئلر. اونو تقدئس ادئب قاپي تايلاريني يرئنه قويدولار. اونلار دوواري يوز بورجونه و خَنه‌نِل بورجونه قدر تقدئس اتدئلر.
اِلياشئبئن يانينداکي حئصّهني ده اَرئحا ساکئنلري تئکدئلر. اونلارين يانيندا ائمري اوغلو زَکّور تئکدي.
باليقلار دروازاسيني هَسّناعا اوغوللاري تئکدئلر. اونلار تئرلري يرئنه قويدولار، قاپي تايلاريني، رَزه‌لرئني و چفته‌لرئني يرئنه تاخديلار.
اونلارين يانيندا دا حَقّوص اوغلو اورئيا اوغلو مِرِموت تعمئر ائشلرئني گؤردو. مِرِموتون يانيندا مِشِزه‌بِل اوغلو بِرِکيا اوغلو مِشولّام تعمئر ائشلرئني گؤردو. اونلارين يانيندا دا بَعَنا اوغلو صادوق تعمئر ائشلرئني گؤردو.
صادوقون يانيندا تِقوعَع ساکئنلري تعمئر ائشلرئني گؤردولر، لاکئن اورانين اصئلزادهلري نظارتچئلرئن وردئيي ائشلره بويون اَيمه‌دئلر.
کؤهنه دروازاسيني پاسِه‌اَخ اوغلو يوياداع و بِسوديا اوغلو مِشولّام تعمئر اتدئلر. اونلار تئرلري يرئنه قويوب قاپي تايلاريني، رَزه‌لري و چفته‌لري تاخديلار.
اونلارين يانيندا گئبعونلو مِلَطيا، مِرونوتلو يادون، گئبعون و مئصپا ساکئنلري تعمئر ائشلرئني گؤردولر. مئصپا فَرات چايينين قربئنده‌کي تورپاقلارين والئسئنئن والئلئک مکاني ائدي.
اونلارين يانيندا دا زرگرلردن خَرهَيا اوغلو اوزّي‌اِل تعمئر ائشلرئني گؤردو. اوزّي‌اِلئن يانيندا عطرئيّاتچي‌لاردان بئري اولان خَنَنيا تعمئر ائشلرئني گؤردو. اونلار اورشلئمي گِنئش دووارا قدر تزهدن تئکدئلر.
اونلارين يانينداکي دوواري خور اوغلو رِفايا تعمئر اتدي کي، اورشلئم شهرئنئن ياري حئصّه‌سئنئن مأمورو ائدي.
خَرومَف اوغلو يِدايا دا اونون يانيندا اؤز اِوئنئن موقابئلئنده تعمئر ائشلرئني گؤردو. اونونلا ياناشي خَشَبنِيا اوغلو خَطّوش تعمئر اتدي.
خارئم اوغلو مَلکئيا و پَخَتموآب اوغلو خَشّوب آيري بئر ساحه‌ني و تندئرلر بورجونو برپا اتدئلر.
مَلکئيانين و خَشّوبون يانيندا هَلّوخِش اوغلو شَلّوم کي، اورشلئم شهرئنئن او بئري ياريسينين مأمورو ائدي، قيزلاري ائله بئرلئکده تعمئر اتدي.
وادي دروازاسيني خانون و زانواَخ ساکئنلري تعمئر اتدئلر. اونلار دروازاني تئکئب قاپي تايلاريني، رَزه‌لرئني و چفته‌لرئني يرئنه تاخديلار. پِيئن دروازاسينا قدر مئن قولآچ مسافه‌يه دوواري تعمئر اتدئلر.
پِيئن دروازاسيني بِيت‌هَکّرِم وئلايتئنئن مأمورو رِکاب اوغلو مَلکئيا برپا اتدي. اوراني تئکئب قاپي تايلاريني، رَزه‌لرئني و چفته‌لرئني يرئنه تاخدي.
چشمه دروازاسيني مئصپا وئلايتئنئن مأمورو کول‌خوزه اوغلو شَلّون برپا اتدي. اوراني تئکئب اوستونو اؤرتدو و قاپي تايلاريني، رَزه‌لرئني، چفته‌لرئني يرئنه تاخدي. او، پادشاه باغچاسينين يانيندا شِلَخ حوووضونون دوواريني دا داوودون شهرئندن اِنَن پئلّه‌کنه قدر تئکدي.
شَلّوندان سونرا عَزبوق اوغلو نِحِميا کي، بِيت‌صور وئلايتئنئن ياري حئصّه‌سئنئن مأمورو ائدي، دوواري داوودون عايئله قَبئرلرئنئن قاباغينا، حوووضا و ائگئدلر اِوئنه قدر تئکدي.
اوندان سونرا دا لاوئلی‌لر باني اوغلو رِخومون رهبرلئيي آلتيندا تعمئر اتدئلر. رِخومون يانيندا قِعئلا وئلايتئنئن ياري حئصّه مأمورو خَشَبيا اؤز ايالتي اوچون تعمئر ائشلرئني گؤردو.
خَشَبيادان سونرا اونلارين قارداشلاري خِناداد اوغلو بَوّه‌يئن نظارتي آلتيندا کي، قِعئلا وئلايتئنئن ياري حئصّه مأمورو ائدي، تعمئر ائشلرئني گؤردولر.
اونون يانيندا يوشَع اوغلو عِزِر کي، مئصپا وئلايتئنئن مأمورو ائدي، سئلاح آنبارينا چيخان يولون قاباغيندان دووارين کونجونه قدر باشقا ساحه‌ني تعمئر اتدي.
اونون يانيندا زَبّه‌ي اوغلو باروک دووارين کونجوندن باش کاهئن اِلياشئبئن اِوئنئن گئرئشئنه قدر اولان باشقا بئر ساحه‌ني قيرتله تعمئر اتدي.
اوندان سونرا حَقّوص اوغلو اورئيا اوغلو مِرِموت، اِلياشئبئن اِوئنئن گئرئشئندن آخيرينا قدر تعمئر اتدي.
اوندان سونرا دا، او اطرافلاردا ياشايان کاهئنلر تعمئر ائشلرئني گؤردولر.
اونلاردان سونرا بِنيامئن و خَشّوب اؤز اِولرئنئن يانينداکي ساحه‌ني تعمئر اتدئلر. اونلاردان سونرا عَنانيا اوغلو مَعَسِيا اوغلو عَزَريا اؤز اِوئنئن يانينداکي ساحه‌ني تعمئر اتدي.
عَزَريادان سونرا خِناداد اوغلو بئنّوي، عَزَريانين اِوئندن دووارين کونج-بوجاغينا قدر اولان ساحه‌ني تعمئر اتدي.
اوزاي اوغلو پالال دووارين کونجوندن و پادشاهين يوخاري ساراييندان ائرهلي چيخان کشئکچي حَيَطئنئن يانيندا اولان گؤزَتچي بورجوندن باشلاييب تعمئر ائشلرئني گؤردو. اوندان سونرا پَرعوش اوغلو پِدايا ائله تعمئر اتدئلر.
عوفِلده ياشايان معبد قوللوقچولاري شرقه طرف سو دروازاسينين قاباغينا و گؤزَتچي بورجونه قدر ساحه‌ني تعمئر اتدئلر.
اونلارين يانيندا تِقوعَع ساکئنلري بؤيوک گؤزَتچي بورجوندن عوفِل دووارينا قدر آيري بئر ساحه‌ني تعمئر اتدئلر.
آت دروازاسينين يوخاري حئصّه‌سئنده کاهئنلردن هر بئري اؤز اِوئنئن قاباغيني برپا اتدي.
کاهئنلردن سونرا ائمّر اوغلو صادوق اؤز اِوئنئن قاباغيني تعمئر اتدي. اوندان سونرا شرق قاپيسينين گؤزَتچئسي شِکَنيا اوغلو شِمَعيا تعمئر ائشلرئني گؤردو.
اوندان سونرا شِلِميا اوغلو خَنَنيا و صالافين آلتينجي اوغلو خانون باشقا بئر ساحه‌ني برپا اتدئلر. خَنَنيا و خانوندان سونرا بِرِکيا اوغلو مِشولّام اؤز اِوئنئن قاباغيني تعمئر اتدي.
اوندان سونرا مَلکئيا آدلي بئر زرگر معبد قوللوقچولارينين و تاجئرلرئن نظارت دروازاسينين موقابئلئندهکي بئناسينا و دووارين کونج طرفده‌کي يوخاري اوتاغا قدر ساحه‌ني تعمئر اتدي.
دووارين کونج طرفده‌کي يوخاري اوتاغي ائله قويون دروازاسينين آراسيني زرگرلر و تاجئرلر تعمئر اتدئلر.
سنبَلّط دوواري تئکدئيئمئز بارهده اشئدنده قاني قارالدي، چوخ قضبلَندي و يهودئلري اَله سالماغا باشلادي.
او هموطنلرئنئن و وارلي سامئرهليلرئن قاباغيندا بله ددي: "بو عاجئز يهودئلر نه ادئرلر؟ اونلار بوراني تزهدن مگر قوراجاقلار؟ قوربان مگر کَسه بئلرلر؟ بو ائشي مگر بئر گونده قورتارا بئلرلر؟ مگر بو يانميش تورپاق وئرانه‌سئندن تزهدن داشلار يارادا بئلرلر؟"
اونون يانيندا اولان عَمّونلو طوبئيا ددي: "اگر تئکدئکلري داش دووارين اوستونه بئر تولکو آتيلسا، اونلارين داش دوواريني ييخاجاق."
"اشئت، ای تاريميز، گؤر بئزه نجه حقارتله باخيرلار! حقارتلرئني اؤز باشلارينا دوندَر و اونلاري اسئرلئک تورپاغيندا تالانچيلارا تسلئم ات.
اونلارين تقصئرئني عفو اتمه. قوي گوناهلاري سنئن ياديندان چيخماسين! چونکي اونلار بنّالاري روحدان ساليبلار."
بلجه بئز دووارين تئکمه‌سئنه داوام وردئک و اونون هر يري اوجاليغينين ياريسينا قدر بئتئشدئرئلدي. چونکي خالق اورَکدن چاليشيردي.
سنبَلّط، طوبئيا، عربلر، عَمّونلولار، و اَشدودلولار اورشلئم دووارينين تعمئر ائشلرئنئن داواميني و داغيديلميش يرلرئن تئکئلدئيئني اشئدنده چوخ حئرصلَندئلر.
اونلارين هاميسي بئرلَشدئلر کي، گلئب اورشلئمئن ضئدّئنه دؤيوشسونلر و اورادا قارماقاريشيقليق سالسينلار.
لاکئن بئز تاريميزا دوعا اتدئک و اونلارين اوزوندن اونلارين ضئدّئنه گجه-گوندوز گؤزَتچئلر قويدوق.
او زامان يهودادا ديئلدي: "ائشله‌يَنلر طاقتدن دوشوب، زئل-زئبئل حله ده چوخدور. بئز اؤزوموز قادئر ديئلئک کي، بو دوواري تزهدن تئکَک."
دوشمنلرئمئز ددئلر: "گلئن اونلار بئلمه‌دن، بئزي ده گؤرمه‌دن آرالارينا گئرئب اونلاري اؤلدورَک و بو ائشي دايانديراق."
اونلارين يانيندا ياشايان يهودئلر گلئب بئزه اون دفه ددئلر کي: "بئزه قوشولون، يوخسا سئزه هر طرفدن هوجوم ادهجکلر."
بونا گؤره ده من قيلينجلي، نئزه‌لي، اوخ-کامانلي آداملاري، نسئل‌به‌نسئل، دووارين آرخاسينداکي لاپ آشاغيداکي آچيق يرلره دوزدوم.
بو وضعئيّتي گؤرنده، قالخيب اصئلزادهلره، حؤکومت مأمورلارينا و خالقين قالانينا ددئم: "اونلاردان قورخمايين! بؤيوک و زَهملي ربّی خاطيرلايين! سئز هموطنلرئنئز، اوغوللارينيز، قيزلارينيز، آروادلارينيز و اِولرئنئز خاطئرئنه ووروشون."
دوشمنلرئمئز اشئتدي کي، بو ائش بئزه معلوم اولوب، چونکي تاري اونلارين نئيّتئني بوشا چيخارتميشدي. بونا گؤره هاميميز ائشئمئزه، دووارين تئکئلمه‌سئنه قاييتديق.
او گوندن سونرا آداملاريمين ياريسي تئکئنتئده چاليشدي. ياريسي دا نئزه‌لري، قالخانلاري، اوخ-کامانلاري توتوب زئرِه گِيدي. سرکرده‌لر بوتون دووار تئکَن يهودا خالقينين آرخاسيندا کشئک چکدئردئلر.
دوواري تئکَنلر و يوک داشييان فحله‌لر بئر اَلي ائله ائش گؤروب، او بئري اَلي ائله سئلاح توتوردولار.
بنّالارين دا هر بئري قيلينجي بِلئنه باغلاييب دووار تئکئردي. کَره‌نايچي دا منئم يانيمدا ائدي.
اصئلزادهلره، حؤکومت مأمورلارينا و خالقين قالانينا ددئم: "ائش چوخدور، تئکئنتي ساحه‌مئز گِنئشدئر. بئز دووار اوستونده بئربئرئمئزدن آيري‌ييق، اوزاقداييق.
هارادا کَره‌ناي سَسي اِشئده‌سئنئز، اورايا، يانيميزا ييغيلين. تاريميز بئزئم اوچون ووروشاجاق."
بلجه، ائشئمئزي گؤردوک و خالقين ياريسي گون چيخان واختدان اولدوزلار گؤرونه قدر نئزه توتموشدو.
او واخت من جاماعاتا ددئم: "هر کس اؤز نؤکري ائله بئرلئکده گجهني اورشلئمده کچئرتسئن و گجه کشئکده دوروب، گوندوز ده ائشله‌سئن."
نه من، نه هموطنلرئم، نه نؤکرلرئم، نه ده آرخامدا دايانان کشئکچئلر، هچ پالتارلاريميزي سويونماديق. سو باشينا گدنده ده سئلاح اَلئمئزده ائدي.
او زامان خالقين کئشئلري و آروادلاري يهودي هموطنلرئندن بَرک شئکايت اتمه‌يه باشلاديلار.
بعضئلري بله ديئردئلر: "بئز، اوغوللاريميز و قيزلاريميز چوخوق. بونا گؤره ده قويون تاخيل تاپاق کي، يِيئب ياشاياق."
بعضئلري ده بله ديئردئلر: "قيتليغين اوزوندن زَمئلرئمئزي، اوزوم باغلاريميزي و اِولرئمئزي گئروو قويوروق کي، تاخيل تاپاق."
بله دئيَنلر ده وار ائدي: "پادشاهين زَمئلرئمئزه و اوزوم باغلاريميزا قويدوغو خراجي ورمک اوچون پول بورج آلميشيق.
ائندي بئزئمله هموطنلرئمئز هَمن نسئلدئر، اوشاقلاريميز دا اونلارينکي کئميدئر. لاکئن باخ، بئز مجبوروق کي، اوغوللاريميزي و قيزلاريميزي قول کئمي ساتاق. آرتيق قيزلاريميزدان بعضئلري بله ساتيليب. بئز چاره‌سئزئک، چونکي زَمئلرئمئز و اوزوم باغلاريميز آيريلارين اَلئندهدئر."
من اونلارين شئکايت و بو ائتّئهاملاريني اشئدنده چوخ قضبلَندئم.
جئدّي دوشوندوکدن سونرا اعيانلارلا حؤکومت مأمورلاريني تنبه ادئب بله ددئم: "قارداشلارينيزدان سَلَم پولو آليرسينيز." اونلارين ضئدّئنه بؤيوک بئر ييغين ييغديم.
من اونلارا ددئم: "بئز ياد اِللي‌لره قول ساتيلان يهودي قارداشلارينيزي گوجوموز چاتانا قدر ساتين آلميشيق. ائندي سئز قارداشلارينيزي ساتيرسينيز کي، اونلاري تزهدن بئزه ساتسينلار؟" اونلار دِمَيه بئر سؤز تاپماييب ساکئت قالديلار.
گئنه ددئم: "اتدئيئنئز بو ائش ياخشي ديئل. مگر سئز دوشمنلرئمئز اولان ياداِللي مئلّتلرئن دانلاغيندان تاريميزين حؤرمتئنده ياشامالي ديئلسئنئز؟
من ده قارداشلاريم و نؤکرلرئمله بئرلئکده اونلارا پول و تاخيل بورج ورئرم. گلئن بو سَلَمچئلئيي دايانديراق.
خاهئش ادئرم اله ائندي بو گون اونلارا زمئلرئني، اوزوم باغلاريني، زيتونلوقلاريني، اِولرئني، اونلاردان آلديغينيز پولون، تاخيلين، تزه شرابين و ياغين يوزده-بئر سَلَمئني گری قايتاراسينيز."
اونلار ددئلر: "بئز بونلاري قايتاراريق و داها اونلاردان هچ بئر شي طَلَب اتمه‌رئک. سن نجه ديئرسن، بئز ده اِله ادهرئک." من کاهئنلري چاغيرديم و بو سؤزه عمل اده‌جکلري بارهده اونلارا آند ائچدئردئم.
سونرا اَته‌يئمي سئلکَله‌يئب ددئم: "قوي بو سؤزه عمل اتمه‌يَن هر کسي تاري اِوئندن، مال-مولکوندن بلجه سئلکَله‌سئن و او، سئکَله‌نئب بوشا چيخسين." بوتون جاماعات ددي: "آمئن!" و ربّه حمد اتدئلر. سونرا جاماعات بو سؤزه موطابئق عمل اتدئلر.
بوندان علاوه پادشاه اَرتَخشَستانين حؤکمدارليغينين ائيئرمئنجي ائلئندن اوتوز ائکئنجي ائلئنه قدر، يهودا تورپاغينا والي تعيئن ادئلدئيئم گوندن بَري، اون ائکي ائل من و هموطنلرئم والئلره تعيئن اولونموش آذوقه‌ني يِمه‌دئک.
آمّا مندن اَوّلکي والئلر خالقين اوستونده يوک اولموشدولار. اونلاردان يمک و شرابدان علاوه قيرخ شِکِل گوموش آليرديلار. حتّا او والئلرئن نؤکرلري ده خالقا آغاليق ادئردئلر. لاکئن من تاري قورخوسونا گؤره بله اتمئردئم.
من اؤزومو بو دووارين برپاسينا وقف اتدئم. بئز بئر زمي بِله، آلماديق. بوتون نؤکرلرئم اورايا، ائش باشينا ييغيلميشديلار.
اطراف مئلّتلردن يانيميزا گلنلردن علاوه، يهودئلردن و مأمورلاردان دا يوز اَلّي آدام سوفره‌مده اوتورارديلار.
هر گون منئم اوچون بئر اؤکوز، آلتي سچمه قويون و تويوقلار کَسئلردي. اون گوندن بئر جوربهجور شراب بوللوقلا گتئرئلردي. لاکئن گئنه ده من والئلره تعيئن اولونموش آذوقه‌ني طلب اتمئردئم، اونسوز دا خالقين يوکو آغير ائدي.
ای تاريم، بو خالق اوچون اتدئيئم ائشلره گؤره منی ياخشيليقلا خاطيرلا!
دووارين تزهدن تئکدئيئمي و اورادا دَلئک-دِشئيئن قالماديغيني سنبَلّطه، طوبئيايا، عرب گِشِمه و آيري دوشمنلرئمئزه خبر وردئلر. گرچي حله او واختا قدر دروازالارين قاپي تايلاريني يرئنه وورماميشديم.
سنبَلّط و گِشِم يانيما آدام گؤندرئب ددئلر: "گل اونون هامارليغينداکي کَندلرئن بئرئنده گؤروشَک." آمّا اونلار منه پئسلئک اتمک نئيّتئنده ائدئلر.
من اونلارين يانينا قاصئد گؤندرئب ددئم: "بؤيوک بئر ائشله مشغولام و اورايا اِنه بئلمه‌رم. بو ائشي قويوب يانينيزا اِندئيئم مودّت عرضئنده ائش نه اوچون دايانسين؟"
اونلار يانيما دؤرد دفه بو خبري گؤندردئلر، من ده اونلارا هَمن جاوابي وردئم.
سنبَلّط بِشئنجي دفه نؤکرئني هَمن خبره منئم يانيما يوللادي و اونون اَلئنده مؤهورلَنمه‌مئش نامه وار ائدي.
مکتوبدا بله يازيلميشدي: "آيري مئلّتلر آراسيندا سؤز ياييليب و گِشِم ديئر کي، سن و يهودئلر عوصيان اتمک نئيّتئنده ائمئشسئنئز. دوواري دا بونا گؤره تئکئرمئشسئز. شايئعه‌لره گؤره سن اونلارين پادشاهي اولماق ائسته‌يئرمئشسن.
اورشلئمده ده پيغمبرلر تعيئن ادئبسن کي، اؤزون حاقّيندا جار چکئب دسئنلر: «يهودادا پادشاه وار.» ائندي بو سؤزلر پادشاها چاتاجاق. بونا گؤره ده، گل، بو بارهده بئرلئکده مصلحتلَشَک."
او واخت من سنبَلّطئن يانينا آدام گؤندرئب ددئم: "ددئيئن شيلرئن هچ بئري اولماييب، سن اونلاري اؤزوندن چيخارديرسان."
چونکي هامي بئزي قورخوتماغا چاليشيب ديئردي: "بو ائشدن اَللري سويوياجاق و بو ائش باش توتماياجاق." ای تاري، ائندي سن اَللرئمه قووّت ور!
من مِحِطَبِل اوغلو دِلايا اوغلو شِمَعيانين اِوئنه گتدئم. او، اِوئنه قاپانيب قالميشدي. منه ددي: "گل تارينين اِوئنده، معبدده گؤروشَک و قاپيلاريني باغلاياق. چونکي سني اؤلدورمَيه آداملار گلهجک. بلی، گجه ائکن سني اؤلدورميه گلهجکلر."
لاکئن ددئم: "منئم کئمي آدام مگر قاچار؟ جانيني قورتارماق اوچون مگر منئم کئمي بئر آدام معبدده گئزلَنَر؟ اصلا بله اتمه‌رم!"
بونو باشا دوشدوم کي، شَمَعياني تاري گؤندرمه‌مئشدي. بو پيغمبرلئک سؤزونو منئم ضئدّئمه اونا گؤره دمئشدي کي، طوبئيا ائله سنبَلّط اونو پوللا توتموشدولار.
او منی قورخوتماق اوچون اوجرَتله توتولموشدو کي، من ددئيئني ادئب گوناها باتيم. بلجه منی پئسله‌يئب حؤرمتدن سالا بئلسئنلر.
ای تاريم، طوبئيا ائله سنبَلّطي، هم ده منی قورخوتماق ائسته‌يَن نَبئيّه نوعَديه‌ني و دئگر پيغمبرلري بو عمللرئنه گؤره ياددا ساخلا!
اِلول آيينين ائيئرمي بِشئنده، اَلّي ائکي گون عرضئنده دووارين تئکئلمه‌سي باشا چاتدي.
بوتون دوشمنلرئمئز، اطرافيميزداکي خالقلار بونو اشئدئب قورخدولار و جسارتلرئني اَلدن وردئلر؛ چونکي اونلار باشا دوشدولر کي، بو ائش تاريميزين کؤمهيي ائله ادئلئب.
هم ده او گونلر يهودانين اعيانلاري طوبئيايا چوخ نامه گؤندرئردئلر و طوبئيادان دا اونلارا جاوابلار گلئردي.
يهودادا چوخ آدام طوبئيا ائله باغلي قالاجاغينا آند ائچمئشدي. چونکي طوبئيا آرَخ اوغلو شِکَنيانين دامادي ائدي. هم ده طوبئيانين اوغلو يِهوخانان بِرِکيا اوغلو مِشولّامين قيزيني آلميشدي.
اعيانلار اونون ياخشي ائشلري حاقّيندا منئم يانيمدا دانيشيرديلار و منئم سؤزلرئمي اونا چاتديريرديلار. طوبئيا منی قورخوتماق اوچون نامه‌لر گؤندردي.
او زامان کي، دووار تئکئلئب قورتارميشدي و من قاپيلارين تايلاريني وورموشدوم، قاپيچيلار، نغمه‌چئلر و لاوئلی‌لر ده تعيئن اولونموشدو.
قارداشيم خَنانئني و قالا ريئسي خَنَنياني اورشلئمه مأمور تعيئن اتدئم. چونکي او بئر صادئق ائدي و تاريدان باشقالاردان داها چوخ قورخوردو.
سونرا اونلارا ددئم: "گون قيزانا قدر اورشلئمئن دروازالاري آچيلماسين. آداملار اوياق اولدوغو مودّت قاپيلاري باغلاييب قيفيللايين. اورشلئمده ياشايانلاردان دا کشئکچي تعيئن ادئن، قوي هامي اؤز اِوئنئن قاباغيندا کشئک چکسئن."
شهر گِنئش و بؤيوک ائدي، لاکئن ائچئنده آدام آز ائدي. اِولر ده حله تئکئلمه‌مئشدي.
تاريم اوره‌يئمه سالدي کي، اعيانلاري، حؤکومت مأمورلاريني و خالقي ييغيب سئياهييا آليم. سونرا ائلک قاييدانلارين نسئل شجره‌لرئنئن سئياهيسيني تاپيب، ائچئنده بله بئر يازييا راست گلدئم:
"بابئل پادشاهي نَبوکَدنِصّرئن آپارديغي بو اسئرلر، ياشاديقلاري وئلايتدن اورشلئمه و يهوداداکي اؤز شهرلرئنه قاييتديلار."
اونلار زِروبّابئل، يوشَع، نِحِميا، عَزاريا، رَعَميا، موردوکاي، بئلشان، مئسپِرِت، بئگواي، نِخوم، بَعَنا ائله گلدئلر. اسئرلئکدن قاييدان ائسرايئللیلرئن سايي:
پَرعوش اؤولادلاري–۲۱۷۲ نفر؛
شِفَطيا اؤولادلاري–۳۷۲ نفر؛
آرَخ اؤولادلاري–۶۵۲ نفر؛
يوشَع و يوآب نسلئندن پَخَتموآب اؤولادلاري–۲۸۱۸ نفر؛
عِيلام اؤولادلاري–۱۲۵۴ نفر؛
زَتّو اؤولادلاري–۸۴۵ نفر؛
زَکّاي اؤولادلاري–۷۶۰ نفر؛
بئنّوي اؤولادلاري–۶۴۸ نفر؛
بِبه‌ي اؤولادلاري–۶۲۸ نفر؛
عَزگاد اؤولادلاري–۲۳۲۲ نفر؛
اَدونئقام اؤولادلاري–۶۶۷ نفر؛
بئگواي اؤولادلاري–۲۰۶۷ نفر؛
عادئن اؤولادلاري–۶۵۵ نفر؛
عاطِر، يعني خئزقئيا اؤولادلاري–۹۸ نفر؛
خاشوم اؤولادلاري–۳۲۸ نفر؛
بِصاي اؤولادلاري–۳۲۴ نفر؛
خارئف اؤولادلاري–۱۱۲ نفر؛
گئبعون ساکئنلري–۹۵ نفر؛
بِيت‌لِخِم و نِطوَفا ساکئنلري–۱۸۸ نفر؛
عَناتوت ساکئنلري–۱۲۸ نفر؛
بِيت‌عَزماوِت ساکئنلري–۴۲ نفر؛
قئريَت‌يِعه‌رئم، کِفئرا و بِعِروت ساکئنلري–۷۴۳ نفر؛
راما و گِبَع ساکئنلري–۶۲۱ نفر؛
مئکماس ساکئنلري–۱۲۲ نفر؛
بِيت‌ائل و عاي ساکئنلري–۱۲۳ نفر؛
آيري نِبو ساکئنلري–۵۲ نفر؛
آيري عِيلام اؤولادلاري–۱۲۵۴ نفر؛
خارئم اؤولادلاري–۳۲۰ نفر؛
اَرئحا ساکئنلري–۳۴۵ نفر؛
لود، خادئد و اونو ساکئنلري–۷۲۱ نفر؛
سِناعا ساکئنلري–۳۹۳۰ نفر.
کاهئنلر: يوشَع نسلئندن يِدَعيا اؤولادلاري–۹۷۳ نفر؛
ائمّر اؤولادلاري–۱۰۵۲ نفر؛
پَشخور اؤولادلاري–۱۲۴۷ نفر؛
خارئم اؤولادلاري–۱۰۱۷ نفر.
لاوئلی‌لر: هودَويا نسلئندن يوشَعله قَدمي‌اِل اؤولادلاري–۷۴ نفر.
نغمه‌چئلر: آساف اؤولادلاري–۱۴۸ نفر.
معبد قاپيچيلاري: شَلّوم اؤولادلاري، عاطِر اؤولادلاري، طَلمون اؤولادلاري، عَقّوب اؤولادلاري، خَطئطا اؤولادلاري، شوباي اؤولادلاري–۱۳۸ نفر.
معبد قوللوقچولاري: صئخا اؤولادلاري، خَصوفا اؤولادلاري، طَبّاعوت اؤولادلاري،
قِروس اؤولادلاري، سئعا اؤولادلاري، پادون اؤولادلاري،
لِبانا اؤولادلاري، خَگابا اؤولادلاري، شَلمه‌ي اؤولادلاري،
خانان اؤولادلاري، گئدّل اؤولادلاري، گَخَر اؤولادلاري،
رِآيا اؤولادلاري، رِصئن اؤولادلاري، نِقودا اؤولادلاري،
گَزّام اؤولادلاري، عوزّا اؤولادلاري، پاسِه‌اَخ اؤولادلاري،
بِصه‌ي اؤولادلاري، مِعونئم اؤولادلاري، نِفئشسئم اؤولادلاري،
بَقبوق اؤولادلاري، خَقوفا اؤولادلاري، خَرخور اؤولادلاري،
بَصلئت اؤولادلاري، مِخئدا اؤولادلاري، خَرشا اؤولادلاري،
بَرقوس اؤولادلاري، سئسِرا اؤولادلاري، تِمَخ اؤولادلاري،
نِصي‌اَخ اؤولادلاري، خَطئفا اؤولادلاري.
سوليمانين اعيانلارينين نسلئندن: سوطه‌ي اؤولادلاري، سوفِرِت اؤولادلاري، پِرئدا اؤولادلاري،
يَعلا اؤولادلاري، دَرقون اؤولادلاري، گئدّل اؤولادلاري،
شِفَطيا اؤولادلاري، خَطّئل اؤولادلاري، پوکِرِت‌حاصّبايئم اؤولادلاري، آمون اؤولادلاري.
معبد قوللوقچولاري ائله سوليمانين اعيانلارينين اؤولادلاري–جَمي ۳۹۲ نفر.
بونلاردير اونلار کي، تِل‌مِلَخدن، تِلخَرشادان، کِروبدان، اَدّوندان، ائمّردن قاييتديلار، آنجاق عايئله‌لرئنئن و نسئل‌لرئنئن ائسرايئل اؤولادلاريندان اولدوغونو ثوبوت اده بئلمئردئلر:
دِلايا اؤولادلاري، طوبئيا اؤولادلاري، نِقودا اؤولادلاري–۶۴۲ نفر.
کاهئنلردن: خوبايا اؤولادلاري، حَقّوص اؤولادلاري، بَرزئل‌له‌ي اؤولادلاري کي، گئلعادلي بَرزئل‌له‌يئن قيزلاريندان آرواد آليب، قايين‌آتاسينين آديني گؤتورموشدولر.
بونلار نسئل شجره‌سئني آختارديلار، لاکئن اؤز آدلاريني تاپا بئلمه‌دئلر و بونا گؤره ده نجئس ساييليب کاهئنلئکدن چيخاريلديلار.
والي اونلارا امر اتدي کي، اورئم و تومّئمي ائشله‌دن بئر کاهئن اولمايينجا، اونلار لاپ موقدّس يمکلردن يِمه‌سئنلر.
بوتون جاماعات بئرلئکده ۴۲۳۶۰ نفر ائدي.
بوندان باشقا ۷۳۳۷ نفر قول و کنئز، ۲۴۵ نفر کئشي و آرواددان عئبارت نغمه‌چي وار ائدي.
بو آداملارين ۷۳۶ آتي، ۲۴۵ قاطيري،
۴۳۵ دَوه‌سي، ۶۷۲۰ اِششه‌يي وار ائدي.
نسئل باشچيلارينين بعضئلري ائشئن گؤرولمه‌سي اوچون ائعانه‌لر وردئلر. والي خزئنهيه ۱۰۰۰ درهم قيزيل، ۵۰ لَيَنچه، ۵۳۰ کاهئن پالتاري وردی.
نسئل باشچيلاريندان بعضئلري ائش اوچون خزئنهيه ۲۰۰۰۰ درهم قيزيل و ۲۲۰۰ مئنا گوموش وردئلر.
خالقين قالانلارينين وردئکلري ۲۰۰۰۰ درهم قيزيل، ۲۰۰۰ مئنا گوموش، و ۶۷ کاهئن پالتاري ائدي.
کاهئنلر، لاوئلی‌لر، قاپيچيلارلا نغمه‌چئلر، خالقين بعضئسي، معبد قوللوقچولاري و بوتون ائسرايئللی‌لر اؤز شهرلرئنده يِرلَشدئلر. يدّئنجی آي گلدئکده آرتيق ائسرايئللی‌لر اؤز شهرلرئنده ائدئلر.
بوتون خالق بئر نفر کئمي سو دروازاسينين قاباغيندا ميدانا ييغيلدي. خالق شرئعت شوناس عِزرادان سوروشدو کي، ربّئن ائسرايئللیلره امر اتدئيي موسانين شرئعت کئتابيني گتئرسئن.
يدّئنجی آيين بئرئنجي گونو کاهئن عِزرا بوتون جاماعاتين حوضورونا، کئشئلرئن، آروادلارين و بوتون اشئدئب آنلايا بئلَن آداملارين حوضورونا گتئردي.
عِزرا سو دروازاسينين قاباغينداکي ميداندا کئشئلرئن، آروادلارين و آنلاييب بئلَنلرئن قاباغيندا، سحر آچيلاندان گون‌اورتايا قدر، بو کئتابدان اوخودو. بوتون خالق شرئعت کئتابينا قولاق آسدي.
شرئعت شوناس عِزرا بو ائش اوچون تاختادان دوزَلدئلمئش اوجا کورسونون اوستوده داياندي. اونون صاغ طرفئنده مَتّئتيا، شِمَع، عَنايا، اورئيا، خئلقئيا و مَعسِيا، سولوندا دا پِدايا، مئشاعِل، مَلکئيا، خاشوم، خَشبَدّانا، زِکَريا و مِشولّام دايانميشدي.
عِزرا بوتون خالقين گؤزو قاباغيندا کئتابي آچدي، چونکي او بوتون خالقدان داها اوجادا دورموشدو. او کئتابي آچاندا، بوتون خالق آياغا قالخدي.
عِزرا بؤيوک تارييا، ربّه حمد اتدي و بوتون خالق اَللرئني قالديراراق "آمئن! آمئن!" ديئب جاواب وردئلر. سونرا باش اَيدئلر و اوزو اوسته يره دوشوب ربّه سجده قيلديلار.
يوشَع، باني، شِرِبيا، يامئن، عَقّوب، شَبِتّه‌ي، هودئيا، مَعَسِيا، قِلئطا، عَزَريا، يوزاباد، خانان، پِلايا، و لاوئلی‌لر قانوني خالقا تشرئح اتدئلر. خالق دا يرئنده دايانميشدي.
اونلار تارينين شرئعت کئتابيندان اوخويوب آيدينلاشديرديلار و معناسيني جاماعاتا تشرئح اتدئلر کي، اوخونان متن باشا دوشولسون.
والي نِحِميا، کاهئن و شرئعت شوناس عِزرا و خالقي اؤيره‌دن لاوئلی‌لر هامييا ددئلر: "بو گون تارينيز رب اوچون موقدّس گوندور. بونا گؤره ده ماتم توتوب آغلامايين." چونکي بوتون خالق شرئعتئن سؤزلرئني اِشئدَرکَن آغلاييردي.
نِحِميا دا اونلارا ددي: "گدئن، ياغلي يمک ييئن، شئرئن ائچکي ائچئن و حاضيرليق اتمه‌يَنلره ده پاي گؤنده‌رئن، چونکي بو گون رَبّئمئز اوچون موقدّسدئر. کَدَرلَنمه‌يئن، چونکي ربّئن وردئيي شادليق سئزئن قووّتئنئزدئر."
لاوئلی‌لر خالقي ساکئت ادئب ديئردئلر: "ساکئت اولون، چونکي بو گون موقدّسدئر. کَدَرلَنمه‌يئن."
بوتون خالق يِيئب-ائچمه‌يه، پايلار گؤندرمَيه و بؤيوک شَنلئک اتمه‌يه گتدي. چونکي خالق اونا ديئلَنلري باشا دوشدو.
ائکئنجي گون بوتون خالقين نسئل باشچيلاري، کاهئنلر و لاوئلی‌لر شرئعت شوناس عِزرانين يانينا ييغيلديلار کي، شرئعتئن سؤزلري بارهده فهم قازانسينلار.
ربّئن موسا واسئطهسئله بويوردوغو قانوندا بو يازييا راست گلدئلر کي، ائسرايئللی‌لر يدّئنجی آيين بايراميندا چارداقلاردا ياشامالي‌ديرلار.
اونلار بوتون شهرلرده و اورشلئمده بو خبري اعلان ادئب يايديلار: "تپهلره چيخين، يازيلديغي کئمي چارداق قورماق اوچون زيتون، ائيده، مَرسئن، خورما و سيخ يارپاقلي آغاجلارين بوداقلاريني اورايا آپارين."
خالق چيخيب بوداق گتئردي، هر کس اؤز اِوئنئن داميندا، حَيَطئنده، تارينين معبدئنئن حَيَطئنده، سو دروازاسينداکي ميداندا و اِفرايئم دروازاسينداکي ميداندا اؤزلرئنه چارداق دوزلتدي.
بوتون اسئرلئکدن گری قاييدان جاماعات چارداقلار قوروب اورادا قالديلار. اصلئنده نون اوغلو يوشَعئن دؤوروندن بو گونه قدر ائسرايئللی‌لر بله اتمهمئشدئلر. اورادا چوخ بؤيوک شادليق اولدو.
عِزرا بئرئنجي گوندن آخيرينجي گونه قدر، هر گون، تارينين شرئعت کئتابيندان اوخويوردو. اونلار يدّي گون بايرام کچئرتدئلر، سکّئزئنجي گون ده قايدا-قانونا گؤره موقدّس بئر ييغين قورولدو.
همئن آيين ائيئرمي دؤردونجو گونو، ائسرايئللی‌لر اوروج توتاراق، اَيئنلرئنده چول و باشلاري توز-تورپاق ائچئنده ييغيلديلار.
ائسرايئل اؤولادلاري اؤزلرئني بوتون ياداِللي‌لردن آييريب دوردو و اؤز گوناهلاريني و آتالارينين تقصئرلرئني اعتئراف اتدي.
اونلار اولدوقلاري يرده دايانيب، گونون دؤردده بئر حئصّهسئني تاريلاري ربّئن شرئعت کئتابيندان اوخودولار. گونون دؤردده بئر حئصّهسئني ده گوناهلاريني اعتئراف ادئب، تاريلاري ربّه عئبادت اتدئلر.
يوشَع، باني، قَدمي‌اِل، شِبَنيا، بونّي، شِرِبيا، باني و کِناني لاوئلی‌لرئن پئلّه‌کَنئن اوستونه قالخيب، تاريلاري ربّه اوجا سَسله يالوارديلار.
سونرا لاوئلی‌لر، يوشَع، قَدمِل، باني، خَشَبنِيا، شِرِبيا، هودئيا، شِبَنيا، و پِتَخيا ددئلر: "آياغا قالخين و ابدی اولان تارينيز ربّه حمد ادئن! قوي سنئن عئزّتلي آدين موبارک اولسون و اتدئيئنئز بوتون حمدلردن، شوکورلردن ده چوخ اوجالديلسين!
رب فقط سنسن، گؤيلر و گؤيلرئن لاپ گؤيونو و بوتون گؤي جئسئملرئني، ير اوزونو و اونون بوتون مخلوقلاريني، دهنزلرئني و ائچئندهکي هر شيي سن ياراديبسان و هاميسينا حيات ورئرسن. گؤي جئسئملري سني پرستئش ادئر!
سن او رب تاريسان کي، ائبرامي سچئب کَلدانئلرئن اور شهرئندن چيخارتدين و اونا ائبراهئم آديني وردئن.
سن اؤز حوضوروندا اونون اوره‌يئني وفالي گؤردون. و اونونلا عهد باغلادين کي، کَنَعانليلارين، خئتلی‌لرئن، اِمورلولارين، پِرئزلی‌لرئن، يِبوسلولارين و گئرگاشلي‌لارين دئياريني اونا و اونون اؤولادلارينا ورهسن. و وردئيئن وعدهني يرئنه يتئرئبسن. چونکي سن صالحسن.
مئصئرده آتالاريميزين ذلئل‌لئيئني گؤردون و قيرميزي دهنزئن يانينداکي فريادلاريني اشئتدئن.
سونرا فئرعونلا بوتون اعيانلارينا و اؤلکه‌سئنئن بوتون خالقينا علامتلر و مؤجوزهلر گؤرستدئن. چونکي مئصئرلی‌لرئن آتالاريميزا کئبئرلي رفتارلاريني گؤردون و اؤزونه بئر آد آچدين، نجه کي، بو گوندور.
آتالاريميزين قاباغيندا دهنزي ياردين، اله کي، اونلار دهنزئن اورتاسيندا قورو يردن کچئب گتدئلر. اونلاري تعقئب ادنلري ده درئنلئکلره، جوشقون سولارا آتيلان بئر داش کئمي آتدين.
آتالاريميزا گوندوز بولود دئره‌يي ائله، گجه‌لر ده اود دئره‌يي ائله يول گؤرستدئن کي، گدهجکلري يولو نورلانديراسان.
سئنا داغينين اوستونه اِنئب، اونلارلا گؤيلردن دانيشدين. اونلارا عدالتلي حؤکملر، دوغرو قانونلار، ياخشي قايدالار و امرلر وردئن.
سن موقدّس سَبّت گونونو اونلارا بئلدئردئن و قولون موسا واسئطهسئله امرلري، قايدالاري و قانونو بويوردون.
آتالاريميز آجاندا اونلارا گؤيلردن چؤرک گؤندردئن. سوسوز اولاندا اونلار اوچون قايادان سو چيخارتدين. آتالاريميزا بويوردون کي، ورمه‌سئني آند ائچدئيئن تورپاغا گئرئب اونا صاحئب اولسونلار.
لاکئن آتالاريميز تکَبّورلو اولوب دئکباشليق اتدئلر و سنئن امرلرئنه قولاق آسماديلار.
ائطاعت اتمک ائستمه‌يئب، سنئن اونلارين آراسيندا گؤرستدئيئن حيرتلي عمللرئني يادا سالماديلار؛ بلجه دئکباشليق ادئب، بئر باشچي تعيئن اتدئلر کي، مئصئرده اولان نؤکرچئلئک حياتلارينا قاييتسينلار. لاکئن سن باغيشلاماغي سِوَن، فيّاض، رحملي، گج قضبلَنَن و بول محبّتئلي تاري اولدوغونا گؤره اونلاري ترک اتمه‌دئن.
حتّا اؤزلري اوچون تؤکمه دانا دوزَلدئب «باخ، بو دا سني مئصئردن چيخاردان تارين!» ددئکلري زامان دا، بؤيوک کوفرلر اتدئکلري زامان دا،
سن اؤز بؤيوک مرحمتئنده اونلاري صحرادا تَک بوراخمادين. بولود دئره‌يي گوندوز اونلاري ترک اتمهيئب اونلارا گتدئکلري يولدا بَلَدچئلئک اتدي، گجه‌لر ده اود دئره‌يئني کي، گدهجکلري يولا ائشيق سالسين.
اؤز ياخشي روحونو اونلارا وردئن کي، اونلارا تعلئم ورسئن. ائسرايئل اؤولادلارينين آغيزلاريندان مانّاني اسئرگَمه‌دئن، سوسوز اولاندا اونلارا سو وردئن.
قيرخ ائل اونلاري صحرادا کؤکَلتدئن و اونلار هچ نَدن کورلوق چکمه‌دئلر. نه پالتارلاري کؤهنَله‌دي، نه آياقلاري شئشدي.
اؤلکهلري و خالقلاري دا اونلارا تسلئم اتدئن و تورپاقلاريني آرالاريندا بؤلوشدوردون. اونلار خِشبون پادشاهي سئخونون اؤلکهسئنه و باشان پادشاهي عوگون اؤلکهسئنه مالئک اولدولار.
اؤولادلاريني دا گؤيدهکي اولدوزلار قدر چوخالتدين. اونلاري او تورپاغا گتئردئن کي، آتالارينا گئرئب اورايا مالئک اولاجاقلاريني دِمئشدئن.
اونلارين اؤولادلاري او تورپاغا گئرئب مالئک اولدولار. سن اورانين اهالئسئني، يعني کَنَعانليلاري اونلارا تابع اتدئرئب پادشاهلاريني اؤلکهنئن اهالئسي ائله برابر اونلارا تسلئم اتدئردئن کي، او آداملارلا ائستهدئکلري کئمي رفتار اتسئنلر.
اونلار مؤحکملَنمئش شهرلري و برکتلي تورپاغي اَله کچئرتدئلر. مال-دؤولَتله دولو اِولره، قازيلميش قويولارا، اوزوم باغلارينا، زيتونلوقلارا و بول-بول مِيوه آغاجلارينا صاحئب اولدولار. بلجه يِيئب دويدولار، کؤکَلدئلر و وردئيئن بؤيوک نعمتلرله کِف اِله‌دئلر.
لاکئن اونلار ائطاعتسئزلئک ادئب سنئن ضئدّئنه عاصي اولدولار. قانونونا آرخا چِوئردئلر، سنه طرف دؤنمَک اوچون اونلارا ائخطار ورن پيغمبرلرئني اؤلدوردولر و بؤيوک کوفرلر اتدئلر.
او واخت سن اونلاري دوشمنلرئن اَلئنه تسلئم اتدئن. دوشمنلري ده اونلارا ظولم اتدئلر. لاکئن دارليق واختلاريندا سنه فرياد ادنده، سن اونلاري گؤيلردن اشئتدئن و اؤز بؤيوک مرحمتئنه گؤره اونلارا قورتاريجي‌لار گؤندردئن. اونلار دا ائسرايئللی‌لري دوشمن اَلئندن قورتارديلار.
لاکئن راحات اولان کئمي گئنه سنئن حوضوروندا پئس ائشلر گؤردولر. بونا گؤره ده سن اونلاري دوشمنلرئنه تسلئم اتدئن، دوشمنلري ده اونلارا حاکئم اولدولار. اونلار گئنه ده سنه فرياد اتدئلر، سن اونلاري گؤيلردن اشئدئب، اؤز مرحمتئنه گؤره دفهلرله اونلاري قورتاردين.
اونلارا ائخطار وردئن کي، سنئن قانونونا طرف دؤنسونلر. آمّا گئنه ده تکبّورلو اولوب امرلرئنه قولاق آسماديلار و حؤکملرئني پوزوب گوناه اتدئلر. حالبوکي او حؤکملره عمل ادن هر کس حيات تاپار. اونلار عئنادکارليغينان سنه آرخا چِوئرئب، دئکباشليق و ائطاعتسئزلئک اتدئلر.
لاکئن سن ائللر بويو اونلارلا صبئرله رفتار اتدئن. اؤز روحونلا، پيغمبرلرئن واسئطهسئله اونلارا ائخطار وردئن. لاکئن گئنه ده قولاق آسماديلار. اونا گؤره ده سن اونلاري اؤلکه‌لرئن خالقلارينا تسلئم اتدئن.
لاکئن سن بؤيوک مرحمتئنه گؤره ائسرايئللی‌لري محو اولماغا قويمادين، اونلاري ترک اتمه‌دئن، چونکي سن فيّاض و رحملي تاريسان.
ائندي ای عهدئنه صادئق اولان، بؤيوک، قودرتلي، زهملي تاريميز! آشور پادشاهلارينين دؤوروندن بو گونه قدر بئزئم چکدئيئمئز پادشاهلاريميزين، آغالاريميزين، کاهئنلرئمئزئن، پيغمبرلرئمئزئن، آتالاريميزين و خالقينين چکدئيي بوتون عذاب-اَذئيّت سنئن گؤزونده کئچئک گؤرونمه‌سئن.
سن باشيميزا گلن هر ائشده بئزئمله عادئل اولوبسان، بئزئمله وفالي رفتار ادئبسن؛ آمّا بئز شرارت اتمئشئک.
چونکي پادشاهلاريميز، ريئسلرئمئز، کاهئنلرئمئز، آتالاريميز سنئن قانونونو ساخلاماييبلار. سنئن امرلرئنه و وردئيئن ائخطارلارا قولاق آسماييبلار.
اونلار اؤز اؤلکه‌لرئنده وردئيئن بؤيوک نعمتلر ائچئنده، گِنئش، برکتلي تورپاقدا بِله، سنه قوللوق اتمه‌دئلر و پئس عمللرئندن اَل چکمه‌دئلر.
باخ، بو گون بئز نؤکرئک. آتالاريميزا مئيوه‌سئني و گؤزل محصولونو يمک اوچون وردئيئن او تورپاقدا بئز نؤکرچئلئک ادئرئک.
اونون بول محصولو گوناهيميز اوچون اوستوموزده حؤکم سورَن پادشاهلارا نصئب اولور. بئزئم بدنلرئمئزه ده، حيوانلاريميزا دا ائستهدئکلري کئمي حؤکم سورورلر. بئز بؤيوک دارليقداييک.
بوتون بونلارا گؤره سنئنله يازيلي بئر عهد باغلاييريق. ريئسلرئمئز، لاوئلی‌لرئمئز و کاهئنلرئمئز ده بو عهدي مؤهورله‌يئرلر."
عهدي مؤهورله‌يَنلر بونلار ائدئلر: خَکَليا اوغلو والي نِحِميا، صئدقئيا.
سِرايا، عَزَريا، اِرِميا،
پَشخور، اَمَريا، مَلکئيا،
خَطّوش، شِبَنيا، مَلّوک،
خارئم، مِرِموت، عوبَديا،
دانيال، گئنّتون، باروک،
مِشولّام، اَبئيا، مئيامئن،
مَعَزيا، بئلگاي، شِمَعيا. بونلار کاهئنلر ائدئلر.
لاوئلی‌لر: اَزَنيا اوغلو يوشَع، خِناداد اؤولادلاريندان بئنّوي و قَدمي‌اِل،
اونلارين قارداشلاري شِبَنيا، هودئيا، قِلئطا، پِلايا، خانان،
مئکا، رِخوب، خَشَبيا،
زَکّور، شِرِبيا، شِبَنيا،
هودئيا، باني، بِنئنو.
خالقين باشچيلاري: پَرعوش، پَحَت‌موآب، عِيلام، زَتّو، باني،
بونّي، عَزگاد، بِبه‌ي،
اَدونئيا، بئگوَي، عادئن،
عاطِر، خئزقئيا، عَزّور،
هودئيا، خاشوم، بِصاي،
خارئف، عَناتوت، نِباي،
مَگپئعاش، مِشولّام، خِزئر،
مِشِزَبِل، صادوق، يَدّوعَع،
پلَطيا، خانان، عَنايا،
هوشِعه، خَنَنيا، خَشّوب،
هَلّوخِش، فِلحا، شوبئق،
رِخوم، خَشَبنا، مَعَسِيا،
اَخئيا، خانان، عانان،
مَلّوک، خارئم، بَعَنا.
قالان خالق، کاهئنلر، لاوئلی‌لر، معبد قاپيچيلاري، نغمه‌چئلر، معبد قوللوقچولاري، تارينين قانونونا گؤره اطراف خالقلاردان آيريلان هر کس آروادلاري، آغلي کَسن اوغوللاري و قيزلاري ائله برابر
هموطنلري و اعيانلاري ائله بئرلَشدئلر و آند ائچدئلر کي، تارينين قولو موسانين اَلي ائله وردئيي شرئعته موطابئق ياشاسينلار و پروردئگاريميز ربّئن بوتون امرلرئني، حؤکملرئني و قايدالاريني رئعايت اتسئنلر. آند ائچئب عمل اتمه‌يَن هر کسه لعنت قويدولار.
آند ائچدئک کي، قيزلاريميزي اؤلکهنئن خالقلارينا ورمه‌يئب اونلارين قيزلاريني اؤز اوغوللاريميزا آلماياجاغيق.
اؤلکهنئن خالقلاريندان دا کي، بئزه سَبّت گونونده اشيا و تاخيل گتئرئب ساتيرلار، سَبّت گونو و يا آيري موقدّس بئر گونده اونلاردان هچ نه آلماياجاغيق. يدّي ائلده بئر دفه تورپاغي دئنجه قوياجاغيق و بوتون بورجلاري لَغو اده‌جيئک.
بويونا آلديق کي، ائلده شِکِلئن اوچده بئر حئصّهسئني تاريميزين معبدئنئن خئدمتي اوچون ورَک.
بو پول تقدئم چؤرکلري، دائمي تاخيل تقدئمي، دائمي يانديرما قورباني، سَبّت گونلري، تزه آي مراسئملري و آيري بايراملار، موقدّس شيلر، ائسرايئل اؤولادلارينين گوناهيني کفّاره اتمک اوچون گوناه قوربانلاري و تاريميزين معبدئنئن آيري ائشلري اوچوندور.
بئز کاهئنلر، لاوئلی‌لر و خالق هر ائل موعَيّن واختدا تاريميزين معبدئني اودونلا تأمئن اتمک اوچون آتالاريميزين نسئللرئنه گؤره پوشک آتديق. بو اودونلار شرئعتده يازيلديغي کئمي تاريميز ربّئن قوربانگاهيندا يانديريلمالي ائدي.
هر ائل تورپاغيميزين ائلک محصولونو و هر جور آغاجين نوباريني ربّئن معبدئنه آپارمالي‌ييق.
شرئعتده يازيلديغي کئمي ائلک دوغولان اوغوللاريميزي، حيوانلاريميزي، مال-حيوان و قويون-کچئمئزي تاريميزين معبدئنه، اورادا خئدمت ادن کاهئنلرئن يانينا گتئرمه‌لي‌يئک.
هم ده خمئرئمئزئن، تاخيل تقدئملرئمئزئن، هر جور آغاجلاريميزين مئيوه‌سئنئن، تزه شرابلاريميزين، زيتون ياغيميزين نوباريني کاهئنلره، تاريميزين معبدئنئن آنبارلارينا، تورپاق محصوللاريميزين اوندا بئرئني ده لاوئلی‌لره گتئرمه‌لي‌يئک. چونکي ائشله‌دئيئمئز بوتون شهرلرده اوندا بئر حئصّهسئني لاوئلی‌لر آليرلار.
لاوئلی‌لر اوندا بئر حئصّهسئني آلارکَن هارون اوغوللاريندان اولان کاهئن اونلارلا اولاجاق. لاوئلی‌لر ده آلاجاقلاري اوندا بئر حئصّهنئن اوندا بئرئني تاريميزين معبدئنه، آنبار اوتاقلارينا آپاراجاقلار.
چونکي ائسرايئللی‌لر و لاوئلی‌لر تاخيلين، تزه شرابين و زيتون ياغينين تقدئملرئني آنبار اوتاقلارينا گتئرمه‌لي‌دئرلر. اورادا موقدّس مکانين قابلاري، خئدمت ادن کاهئنلر، معبد قاپيچيلاري و نغمه‌چئلر اولاجاق. بلجه بئز تاريميزين معبدئنه لاقيد اولماياجاغيق.
خالقين ريئسلري اورشلئمده يِرلَشدئلر. خالقين يرده قالاني دا پوشک آتدي کي، هر اون نفردن بئري ياشاماق اوچون اورشلئمه، بو موقدّس شهره گتسئن، او بئري دوقّوزو دا او بئري شهرلرده ياشاسين.
خالق اورشلئمده اؤز گؤيلو ائله ياشاماغا گِدنلرئن هاميسينا برکت وردی.
اورشلئمده يِرلَشَن وئلايت باشچيلاري بونلاردير. آنجاق بعضی ائسرايئللی‌لر، کاهئنلر، لاوئلی‌لر، معبد قوللوقچولاري و سوليمانين اعيانلارينين اوغوللاري يهودا شهرلرئنده، هر کس اؤز شهرئنده‌کي مولکونده يِرلَشدي.
يهودا و بِنيامئن اؤولادلاريندان بعضئلري ده اورشلئمده ساکئن اولدولار. يهودا اؤولادلاريندان: پِرِص نسلئندن مَخَلِه‌لِل اوغلو شِفَطيا اوغلو اَمَريا اوغلو زِکَريا اوغلو عوزّئيا اوغلو عَتايا،
و شِلا نسلئندن زِکَريا اوغلو يويارئب اوغلو عَدايا اوغلو خَزايا اوغلو کول‌خوزه اوغلو باروک اوغلو مَعَسِيا.
پِرِص اؤولادلاريندان اورشلئمده يِرلَشَنلر ۴۶۸ نفر ائگئد آدام ائدئلر.
بِنيامئن اؤولادلاري بونلاردير: اِشَعيا اوغلو ائتي‌اِل اوغلو مَعَسِيا اوغلو قولايا اوغلو پِدايا اوغلو يوعِد اوغلو مِشولّام اوغلو سَلّو
و اوندان سونرا گَبّه‌ي و سَلّاي؛ ۹۲۸ نفر.
زئکري اوغلو يوعِل اونلارين رهبري ائدي، هَسّه‌نوآ اوغلو يهودا دا شهرئن والي موعاوئني ائدي.
کاهئنلردن: يويارئب اوغلو يِدَعيا، ياکئن،
اَخئطوب اوغلو مِرايوت اوغلو صادوق اوغلو مِشولّام اوغلو خئلقئيا اوغلو تارينين معبدئنئن باشچيسي سِرايا
و معبدده ائش گؤرَن قوحوملاري؛ ۸۲۲ نفر؛ مَلکئيا اوغلو پَشخور اوغلو زِکَريا اوغلو اَمصي اوغلو پِلَليا اوغلو يِروخام اوغلو عَدايا
و اونون نسئل باشچيسي اولان قوحوملاري؛ ۲۴۲ نفر؛ ائمّر اوغلو مِشئل‌لِموت اوغلو اَخزه‌ي اوغلو عَزه‌رِل اوغلو عَمَشسه‌ي
و اونون قارداشلاري؛ ۱۲۸ نفر ائگئد دؤيوشچو. هَگّدولئم اوغلو زَبدي‌اِل اونلارين رهبري ائدي.
لاوئلی‌لردن: بونّي اوغلو خَشَبيا اوغلو عَزرئقام اوغلو خَشّوب اوغلو شِمَعيا.
لاوئلی‌لرئن باشچيلاريندان شَبّته‌ي و يوزاباد تارينين معبدئنئن بايير ائشلرئني ائداره ادئردئلر.
آساف اوغلو زَبدي اوغلو مئکا اوغلو مَتّنيا شوکور دوعاسيني اوخويان معبد نغمه‌چئلرئن دسته رهبري و قارداشلاريندان بَقبوقيا اونون موعاوئني ائدي. يِدوتون اوغلو گالال اوغلو شَمّوعَع اوغلو اَبدا دا وار ائدي.
موقدّس شهرده ياشايان بوتون لاوئلی‌لر ۲۸۴ نفر ائدئلر.
معبد قاپيچيلاري عَقّوب، طَلمونلا قارداشلاري دروازالاردا کشئک چکَنلر، ۱۷۲ نفر ائدئلر.
ائسرايئللیلرئن، کاهئنلرئن، لاوئلی‌لرئن يرده قالانلاري بوتون يهودا شهرلرئنده ياشاييرديلار. هر کس اؤز مولکونده ياشاييردي.
لاکئن معبد قوللوقچولاري عوفِلده ياشاييرديلار. صئخا و گئشپا اونلارا رهبرلئک ادئردي.
تارينين معبدئنده‌کي عئبادته نغمه‌چئلر آساف اؤولادلاريندان مئکا اوغلو مَتّنيا اوغلو خَشَبيا اوغلو باني اوغلو عوزّي اورشلئمده لاوئلی‌لرئن رهبري ائدي.
بو نغمه‌چئلر پادشاهين فرمانينا تابع ائدئلر و هر گون وظئفه‌لرئني موعَيّن ادن امرلري يرئنه يتئرئردئلر.
يهودا اوغلو زِراخ اؤولادلاريندان مِشِزَبِل اوغلو پِتَخيا ائسرايئل خالقينين عومومي ائشلرئنده فارس پادشاهينا کؤمک ادئردي.
کَندلره و زَمئلرئنه گلئنجه، يهودا اؤولادلاريندان بعضئلري قئريَت اَربَعله قصبه‌لرئنده، دئبونونلا قصبه‌لرئنده، يِقَبصِه‌اِل‌له کَندلرئنده،
يِشوعدا، مولادادا، بِيت‌‌پِلِطده،
خَصَرشوعالدا و بئر شئباعلا قصبه‌لرئنده،
صئقلَگده، مِکونا قصبه‌لرئنده،
عِين‌رئمّوندا، صورعادا، يَرموتدا،
زانواَخده، عَدولّاملا کَندلرئنده، لاکئشله زَمئلرئنده، عَزِقا ائله قصبه‌لرئنده قالديلار. ياشاديقلاري منطقه بئرشئباعدان خئنّوم دره‌سئنه قدر ائدي.
بِنيامئن اؤولادلاري گِبَعدن باشلاييب مئکماسلا عَيادا، بِيتائلله قصبه‌لرئنده،
عَناتوتدا، نوبدا، عَنانيادا،
خاصوردا، رامادا، گئتّايئمدا،
خادئدّه، صِبوعئمده، نِبَلّاطدا،
لوددا، اونودا و صَنَتکارلار دره‌سئنده مسکن سالديلار.
يهوداداکي لاوئلی‌لرئن بعضی بؤلمه‌لري، بِنيامئن اراضئسي اوچون آيريلدي.
سِألتئيِل اوغلو زِروبّابئل و يوشَعله قاييدان کاهئنلر و لاوئلی‌لر بونلار ائدئلر: سِرايا، اِرِميا، عِزرا،
اَمَريا، مَلّوک، خَطّوش،
شِکَنيا، رِخوم، مِرِموت،
عئدّو، گئنّتوي، اَبئيا،
مئيامئن، مَعَديا، بئلگا،
شِمَعيا، يويارئب، يِدَعيا،
سَلّو، عاموق، خئلقئيا، يِدَعيا. بونلار يوشَعئن دؤورونده کاهئنلرئن و قارداشلارينين باشچيلاري ائدئلر.
لاوئلی‌لر: يوشَع، بئنّوي، قَدمي‌اِل، شِرِبيا، يهودا، مَتّنيا. مَتّنيا قارداشلاري ائله بئرلئکده شوکور نغمهلري اوچون مسعوليّت داشي‌ييردي.
اونلارين قارداشلاري بَقبوقيه ائله عونّي عئبادته اونلارين قاباغيندا دوردولار.
يوشَعدن يوياقئم گلدي، يوياقئمدن اِلياشئب گلدي، اِلياشئبدن يوياداع گلدي.
يوياداعدان يوناتان گلدي، يوناتاندان يَدّوعَع گلدي.
يوياقئمئن دؤورونده نسئل باشچيلاري اولان کاهئنلر بونلار ائدئلر: سِرايا نسلئندن مِرايا، اِرِميا نسلئندن خَنَنيا،
عِزرا نسلئندن مِشولّام، اَمَريا نسلئندن يِهوخانان،
مَلّوک نسلئندن يوناتان، شَبَنيا نسلئندن يوسئف،
خارئم نسلئندن عَدنا، مِرايوت نسلئندن خِلقاي،
عئدّو نسلئندن زِکَريا، گئنّتون نسلئندن مِشولّام،
اَبئيا نسلئندن زئکري، مئنيامئن نسلئندن، موعَديا نسلئندن پئلطاي،
بئلگا نسلئندن شَمّوعَع، شِمَعيا نسلئندن يَهوناتان،
يويارئب نسلئندن مَتّنه‌ي، يِدَعيا نسلئندن عوزّي،
سَلّه‌ي نسلئندن قَلّاي، عاموق نسلئندن عِبِر،
خئلقئيا نسلئندن خَشَبيا، يِدَعيا نسلئندن نِته‌نِل.
اِلياشئب، يوياداع، يوخانان و يَدّوعَعئن گونلرئنده لاوئلي نسئل باشچيلاري و کاهئنلر فارس پادشاهي داريوشون حؤکمرانليغي زامان قيد ادئلمئشدئلر.
لاوئلي نسئل باشچيلاري، اِلياشئب اوغلو يوخانانين گونلرئنه قدر سالنامه‌لر کئتابيندا يازيلدي.
لاوئلی‌لرئن باشچيلاري خَشَبيا، شِرِبيا و قَدمي‌اِل اوغلو يوشَع بئر طرفده، قارداشلاري دا او بئري طرفده دايانيب تاري آدامي داوودون تشرئحئنه موطابئق بئربئرئنئن جاوابيندا حمدلر و شوکورلر ادئردئلر.
مَتّنيا، بَقبوقيا، عوبَديا، مِشولّام، طَلمون و عَقّوب قاپيچيليق ادئب دروازالارداکي آنبارلاري قورويوردولار.
بونلار يوصاداق اوغلو يوشَع اوغلو يوياقئمئن گونلرئنده، والي نِحِميا و شرئعت شوناس کاهئن عِزرانين دؤورونده ياشاييرديلار.
اورشلئم دووارينين تقدئس‌اتمه مراسئمئنده لاوئلی‌لر ياشاديقلاري هر يردن چاغيريليب اورشلئمه گتئرئلدئلر کي، تقدئس اتمه مراسئمئني شادليقلا، شوکورله، نغمه‌لرله، سئنج، چنگ و طنبورلار کچئرتسئنلر.
اورشلئمئن اطرافينداکي ساحه‌دن و نِطوَفالي‌لارين کَندلرئندن،
بِيت‌گئلگالدان و گِبَعله عَزماوِت چؤللرئندن نغمه‌چئلر ييغيلديلار. چونکي نغمه‌چئلر اورشلئم اطرافيندا اؤزلري اوچون کَندلر تئکمئشدئلر.
کاهئنلر و لاوئلی‌لر اؤزلرئني طاهئر اتدئلر، خالقي، دروازالاري و دوواري دا طاهئر اتدئلر.
او واخت من يهودا ريئسلرئني دووارين اوستونه چيخارتديم و شوکور نغمهلري اوخويان ائکي بؤيوک دسته تعيئن اتدئم. اونلاردان بئري دووارين اوستو ائله صاغ طرفدن پِيئن دروازاسينا طرف گدئردي.
اونلارين دالينجا هوشَعيا و يهودا ريئسلرئنئن ياريسي،
عَزَريا، عِزرا، مِشولّام،
يهودا، بِنيامئن، شِمَعيا، اِرِميا،
کاهئن اوغوللاريندان بعضئلري ده کَره‌ناي اَللرئنده، يعني آساف اوغلو زَکّور اوغلو مئکايا اوغلو مَتّنيا اوغلو شِمَعيا اوغلو يوناتان اوغلو زِکَريا،
قوحوملاري شِمَعيا، عَزَرِل، مئله‌له‌ي، گئله‌له‌ي، ماعه‌ي، نِته‌نِل، يهودا، خَناني، تاري آدامي داوودون موسئقي آلَتلري ائله گدئردئلر. شرئعت شوناس عِزرا اونلارين قاباغيندا گدئردي.
چشمه دروازاسي يانيندا و اونلارين قاباغيندا دووار يوخوشوندا داوودون شهرئنئن پئلّه‌کَنلري ائله چيخيب، داوودون سارايينين اوست طرفئندن شرقه طرف، سو دروازاسينا قدر گتدئلر.
شوکور نغمهلري اوخويانلارين او بئري دستهسي، دووارين اوستو ائله سول طرفه گدئردي. من خالقين ياريسي ائله اونلارين دالينجا يِرئيئردئم. تَندئرلر بورجوندن کچئب گِنئش دووارا قدر،
اِفرايئم دروازاسينين اوستوندن کؤهنه دروازا، باليقلار دروازاسي، خَنه‌نِل بورجو، يوز بورجو و قويون دروازاسينا قدر گتدئک. اونلار کشئکچئلر دروازاسيندا دايانديلار.
شوکور نغمهلري اوخويانلارين ائکي دستهسي تاري معبدئنئن يانيندا آياق ساخلادي. من ده حؤکومت مأمورلارين ياريسي ائله دايانديم.
کَره‌ناي چالان کاهئنلر بونلار ائدئلر: اِلياقئم، مَعَسِيا، مئنيامئن، مئکايا، اِليوعِنه‌ي، زِکَريا و خَنَنيا؛
مَعَسِيا، شِمَعيا، اِلعازار، عوزّي، يِهوخانان، مَلکئيا، عِيلام و عِزِر. نغمه‌چئلر يئزرَخيانين رهبرلئيي آلتيندا نغمه اوخودولار.
او گون بؤيوک قوربانلار کَسئلدي و شادليق اولدو، چونکي تاري خالقا بؤيوک شادليق ورمئشدي. آروادلار و اوشاقلار دا سِوئنئردئلر و اورشلئمئن شَنلئيي اوزاقلاردان اِشئدئلئردي.
اِله او گون آداملار تعيئن اولوندو کي، ائعانه‌لرئن، ائلک محصولون و اوندا بئر حئصّه‌لرئن ييغيلاجاغي آنبارلاري حئفظ اتسئنلر. بوتون بونلار شرئعتده کاهئنلر و لاوئلی‌لر اوچون نظرده توتولان شهرلرئن اطرافينداکي زَمئلردن آنبارلارا گتئرئلمه‌لي ائدي. چونکي يهوداليلار عئبادت ادن کاهئنلرله لاوئلی‌لردن راضي ائدئلر.
اونلار، نغمه‌چئلرله معبد قاپيچيلاري داوود و اوغلو سوليمانين امرئنه اَساسن، اؤز تاريلارينا خئدمت ادئب طاهئر اولما مراسئمئني يرئنه يتئردئلر.
چونکي قدئم زامانلاردا، داوودون و آسافين گونلرئنده نغمه‌چئلر باشچيلاري وار ائدي و تارييا حمد و شوکور نغمهلري اوخونوردو.
بلجه زِروبّابئلئن و نِحِميانين دؤورونده بوتون ائسرايئللی‌لر هر گون نغمه‌چئلري و معبد قاپيچيلاريني گوندهلئک پايلارلا تأمئن اتدئلر. اونلار لاوئلی‌لره دوشَن پايي آييرديلار. لاوئلی‌لر ده هارون اؤولادلارينا دوشَن پايي آييرديلار.
او گون موسانين کئتابيندان اوخوندو و خالق قولاق آسيردي. بو کئتابدا بله بئر يازي تاپيلدي: "تارينين جاماعاتينا عَمّونلو و يا موآبلي هچ واخت داخئل اولا بئلمز."
چونکي موآب و عَمّون اؤولادلاري ائسرايئل اؤولادلاريني چؤرک و سو ائله پئشواز اتمهمئشدئلر. آمّا بَلعامي اوجرَتله توتموشدولار کي، ائسرايئل اؤولادلاريني لعنت اتسئن. گرچي تاريميز او لعنتي برکته چِوئردي.
ائسرايئل اؤولادلاري قانوني اشئتدئکده بوتون ياد اِللی‌لري ائسرايئلدن آييرديلار.
بوندان اَوّل کاهئن اِلياشئب کي، تاريميزين معبدئنئن آنبارلارينا نظارتچي تعيئن ادئلمئشدي، طوبئيا ائله قوحوم ائدي
و اونا بؤيوک بئر اوتاق حاضيرلاميشدي. اورايا اَوّللر تاخيل تقدئملري، کوندور، معبد اشيالاري، شرئعته موطابئق لاوئلی‌لره، نغمه‌چئلره و معبد قاپيچيلارينا ورئلَن تاخيلين، تزه شرابين و زيتون ياغينين اوندا بئر حئصّه‌لري و کاهئنلره ورئلَن ائعانه‌لر قويولاردي.
بو ائش باش ورنده من اورشلئمده ديئلدئم. اونا گؤره کي، بابئل پادشاهي اَرتَخشَستانين حاکئمئيّتئنئن اوتوز ائکئنجي ائلئنده اونون حوضورونا گتمئشدئم. بئر مودّت سونرا پادشاهدان ائجازه آليب
اورشلئمه قاييتديم. اِلياشئبئن اتدئيي پئسلئيي، يعني تاري معبدئنئن حَيَطئنده طوبئيايا بئر اوتاق حاضيرلاديغي بارهده خبر آلديم.
بو منه خوش گلمه‌دي، اونا گؤره ده طوبئيانين بوتون اِو اشيالاريني اوتاقدان باييرا آتديم.
سونرا امر وردئم و اونلار اوتاقلاري تمئزله‌دئلر؛ تاري معبدئنئن اشيالاريني، تاخيل تقدئملرئني، کوندورله بئرلئکده اورايا گری گتئردئم.
بئر ده خبر توتدوم کي، لاوئلی‌لرئن پايلاري اونلارا ورئلمه‌يئب و خئدمت ادن لاوئلی‌لرله نغمه‌چئلر هر بئري اؤز تورپاغينا قاييديبلار.
من حؤکومت مأمورلاريني تنبه ادئب ددئم: "نه اوچون تارينين معبدئنه اِهمال اولونوب؟" سونرا لاوئلی‌لرله نغمه‌چئلر ييغيب وظئفه‌لرئنه قايتارديم.
او واخت بوتون يهوداليلار تاخيلين، تزه شرابين و زيتون ياغينين اوندا بئر حئصّه‌لرئني آنبارلارا گتئردئلر.
کاهئن شِلِمياني، شرئعت شوناس صادوقو و لاوئلی‌لردن پِداياني آنبارلارا نظارتچي، مَتّنيا اوغلو زَکّور اوغلو خاناني دا اونلارين کؤمکچئسي تعيئن اتدئم. بو آداملار اعتئمادا لايئق ساييليرديلار و هموطنلرئنه پاي‌بؤلمه ائشي اونلارا دوشدو.
ای تاريم، بونا گؤره منی ياددا ساخلا. تاريمين معبدي و اوراداکي خئدمتلر اوچون اتدئيئم ياخشي ائشلرئمي يوخا چيخارتما!
او گونلر يهودادا گؤردوم کي، بعضی آداملار سَبّت گونو اوزوم سيخيلان يرده آياقلاري ائله اوزوم سيخيرديلار و تاخيل دسته‌لرئني گتئرئب اِششَکلرئن اوستونه يوکله‌يئردئلر. شراب، اوزوم، اَنجئر و هر جور يوکلري ده سَبّت گونونده اورشلئمئن ائچئنه گتئرئردئلر. بونا گؤره اِله او گون ارزاق ساتانلارا آجيقلانديم.
اورادا ياشايان صورلولار دا باليق و موختَلئف ماللار گتئرئب سَبّت گونو اورشلئمده يهودالي‌لارا ساتيرديلار.
يهودا اعيانلارينا آجيقلانيب اونلارا ددئم: "نه اوچون بو پئس ائشي گؤروب سَبّت گونونو نجئس ادئرسئنئز؟
آتالارينيز مگر بله ائشلر اتمه‌دئلر؟ تاريميز بوتون بو بلاني بئزئم و بو شهرئن اوستونه بونا گؤره مگر گتئرمه‌دي؟ سئز حله ده سَبّت گونونو نجئس ادئب اونون قضبئني ائسرايئل اؤولادلارينا آرتيريرسينيز."
اورشلئم دروازالاريندا سَبّتئن باشلاياجاغي آخشامچاغي امر اتدئم کي، قاپيلار قيفيلّانسين. تاپشيرديم کي، سَبّت قورتارانا قدر قاپيلاري آچماسينلار. بعضی نؤکرلرئمي ده دروازالارين قاباغينا قويدوم کي، سَبّت گونو شهره هچ بئر يوک گتئرئلمه‌سئن.
تاجئرلر و هر جور مال ساتانلار بئر-ائکي دفه گجهني اورشلئمئن اِشئيئنده کچئرتدئلر.
اونلارا ائخطار ورئب ددئم: "نه اوچون دووارين قاباغيندا گِجَله‌يئرسئنئز؟ بئر ده بله ادهسئنئز، سئزه اَل قالديرارام!" تاجئرلر ده او واختدان سَبّت گونو گلمه‌دئلر.
سونرا لاوئلی‌لره امر اتدئم کي، سَبّت گونونو تقدئس اتمک اوچون اؤزلرئني تمئزله‌يئب گلسئنلر و قاپيچي اولاراق دروازالارين کِشئيئني چکسئنلر. ای تاريم، بوندان اؤتري منی ياددا ساخلا و بؤيوک محبّتئننه گؤره رحم اِله!
هم ده او گونلر او يهودئلري گؤردوم کي، اَشدودلو، عَمّونلو و موآبلي‌لاردان آرواد آلميشديلار.
اونلارين اوشاقلارينين ياريسي اَشدود دئلئنده، يا دا اؤز خالقينين دئلئنده دانيشيردي و يهودي دئلئنده دانيشا بئلمئردي.
من اونلاري تنبه و لعنت اتدئم. بعضئلرئني ده دؤيوب ساچلاريني يولدوم. او آداملارا تاري حاقّينا آند ائچدئرئب ددئم: "قيزلارينيزي ياداِللي اوغوللارينا ورمهيئن، اوغوللارينيزا و اؤزونوزه اونلارين قيزلاريني آلمايين.
ائسرايئل پادشاهي سوليمان مگر بونا گؤره گوناها باتمادي؟ چوخ مئلّتلرئن آراسيندا اونون کئمي پادشاه يوخ ائدي و او، تاريسينين سِوئملئسي ائدي. تاري اونو بوتون ائسرايئل اوستونه پادشاه اتدي، لاکئن ياداِللي آروادلار اونو بله گوناها سالديلار.
ائندي بئز سئزئن بارهده اِشئدَک کي، تاريميزا خيانت ادئب ياداِللي آروادلار آلماقلا بو بؤيوک پئسلئيه عمل ادئبسئنئز؟"
حتّا باش کاهئن اِلياشئبئن اوغلو يويادا‌عين اوغوللاريندان بئري خورونلو سنبَلّطئن کوره‌کَني ائدي. بونا گؤره ده اونو يانيمدان قوودوم.
ای تاريم، اونلاري ياددا ساخلا، چونکي اونلار کاهئنلئيي، کاهئنلرله کَسدئين عهدي و لاوئلی‌لري نجئس ادئبلر!
بِلَجه، خالقي بوتون ياداِللي شيلردن تمئزله‌دئم. کاهئنلر و لاوئلی‌لرئن وظئفه‌لرئني موعَيّن اتدئم. هر کسي اؤز ائشئنئن باشينا قويدوم.
ترتئبات وردئم کي، اودون و نوبار محصولو تعيئن ادئلمئش واختدا گتئرئلسئن. ای تاريم، منئم خيئرئمه بونلاري ياددا ساخلا!
بو حادئثهلر اَخَشوِروشون دؤورونده باش ورمئشدي. اَخَشوِروش هودّودان کوشا قدر يوز ائيئرمي يدّي وئلايت اوستونده پادشاهليق ادئردي.
او دؤورده پادشاه اَخَشوِروش شوشَن قالاسيندا سلطنت تختئنده اوتورموشدو.
پادشاهليغينين اوچونجو ائلئنده او بوتون ريئسلري و اعيانلاري اوچون بئر ضئيافت قوردو. فارسين و مئديانين سرکرده‌لري، اصئلزادهلري و وئلايت باشچيلاري اونون حوضوروندا ائدئلر.
او، اوزون مودّت عرضئنده، يعني يوز هشتاد گون اؤز پادشاهليغينين جاه-جلاليني، عظمتئني و پارلاق شؤهره‌تئني نومايئش وردی.
بو ضئيافت گونلري قورتاراندان سونرا، پادشاه شوشَن قالاسيندا بؤيوکدن کئچئيه قدر بوتون خالقا، سارايينين حَيَط باغچاسيندا يدّي گون آيري بئر ضئيافت وردی.
باغچادا ارغواني ظرئف کتان قايتانلارلا پامبيق پارچادان آغ و لاجورد پرده‌لر وار ائدي کي، مرمر سوتونلارداکي گوموش حالقالارا کچئردئلمئشدي. سوماقداشي، مرمر، صدف و آيري قئيمتلي داشلاردان دوزَلدئلمئش دؤشَمه اوستونده قيزيل و گوموش کورسولر قويولموشدو.
شرابلار جوربهجور قيزيل جاملار دا قوناقلارا ورئلئردي و پادشاهين سخاوتئنه لايئق شاهانه شراب بول-بول تقدئم ادئلئردي.
پادشاهين امري ائله شراب ائچميه مجبورئيّت يوخ ائدي، چونکي پادشاه شراب مأمورلارينا امراتمئشدي کي، هر کسه ائستهيئنه گؤره خئدمت گؤرسدئلسئن.
ملکه وَشتي ده اَخَشوِروشون ساراييندا آروادلار اوچون ضئيافت قوردو.
يدّئنجی گون پادشاهين اوره‌يي شرابدان نَعشه‌لَنَنده، مَهومان کي، پادشاه اَخَشوِروشون حوضوروندا خئدمت ادئردي، بئزِتا، خَربونا، بئگتا، اَبَگتا، زِتَر و کَرکس آدلي يدّي حرم‌آغاسينا امر اتدي کي،
ملکه وَشتي، باشيندا ملکه‌لئک تاجي ائله، پادشاهين حوضورونا گتئرئلسئن. او ائسته‌يئردي کي، ملکه‌نئن گؤزل‌لئيئني خالقا و ريئسلره نومايئش اتدئرسئن. چونکي ملکه گؤزل ائدي.
لاکئن ملکه وَشتي پادشاه امرئندن کي، حرم‌آغالاري واسئطهسئله گؤندرئلمئشدي، اونون حوضورونا گلمک ائستمه‌دي. پادشاه بونا چوخ قضبلَندي و قضب اوره‌يئني يانديريب ياخدي.
پادشاه زامانلاري بئلَن حئکمتلي آداملارلا مصلحتلَشدي، چونکي پادشاها عادت ائدي کي، قانون و عدالتي بئلَن بوتون آداملارلا دانيشسين.
کَرشِنا، شِتار، اَدماتا، تَرشئش، مِرِس، مَرسِنا، مِموکان پادشاهين ياخين آداملاري ائدئلر و فارس و ماد پادشاهليغينين يدّي ريئسي، پادشاهلا اوز-اوزه گؤروشه بئلردئلر و پادشاهليقدا لاپ اوجا روتبه صاحئبي ائدئلر.
پادشاه سوروشدو: "قانونا اَساسن ملکه وَشتئيه نه گرک ادئلسئن؟ او، پادشاه اَخَشوِروشون حرم‌آغالاري واسئطهسئله گؤندردئيي امردن ائطاعت اتمهدي."
مِموکان پادشاهين و ريئسلرئن حوضوروندا ددي: "ملکه وَشتي فقط پادشاها يوخ، بوتون ريئسلرئن و پادشاه اَخَشوِروشون بوتون وئلايتلرئنده‌کي خالقلارين حاقّيندا ياوا رفتار ادئب.
چونکي ملکه‌نئن بو حرکتي هانسي آروادين قولاغينا چاتسا، اؤز اَرئنه حقارتله باخيب دئيهجک: «پادشاه اَخَشوِروش امر اتدي کي، ملکه وَشتي اونون حوضورونا گتئرئلسئن، آمّا او ائمتئناع اتدي.»
ملکه‌نئن بو گون گؤردويو ائشي اشئدن فارس و ماد خانيملاري، پادشاهين بوتون ريئسلري ائله بله رفتار ادهجکلر. بونونلا دا چوخ حقارتلر و قضبلر اولاجاق.
اگر پادشاهين گؤزونده خوش گؤرونسه، قوي پادشاه طرفئندن امر ورئلسئن کي، وَشتي بئر داها پادشاه اَخَشوِروشون حوضورونا چيخماسين. پادشاه دا اونون ملکه‌لئيئني داها ياخشيسينا ورسئن. قوي بو امر فارسلارين و مادلي‌لارين قانونلاري آراسينا يازيلسين کي، دَيئشدئرئلمه‌سئن.
پادشاهين وردئيي فرمان اؤز بؤيوک پادشاهليغينين هر يرئنده اعلان ادئلَنده، بوتون آروادلار، بؤيوکدن کئچئيه قدر، اؤز اَرلرئنه حؤرمتله رفتار ادهجکلر."
بو سؤز پادشاهين و ريئسلرئن خوشونا گلدي، پادشاه مِموکانين تکلئفئنه عمل اتدي.
پادشاهين بوتون وئلايتلرئنه يازيلي امرلر گؤندردي کي، هر کئشي اؤز عايئلهسئنده آغادير و خالقينين دئلئنده دانيشان دا اودور. بو امرلر هر وئلايته اؤز يازيسي و هر خالقا اؤز دئلي ائله يازيليب اعلان ادئلدي.
بئر مودّت کِچَندن سونرا، پادشاه اَخَشوِروشون قضبي سويودو. او، وَشتئني، اونون اتدئيي ائشي و ضئدّئنه وردئيي فرمانيني خاطيرلادي.
پادشاهين قوللوغوندا دايانان خئدمتچئلري ددئلر: "قوي پادشاه اوچون باکئره، جاوان و گؤزل قيزلار آختاريلسين.
پادشاه اؤز پادشاهليغينين بوتون وئلايتلرئنه موشاهئده‌چئلر تعيئن اتسئن. قوي گؤزل جاوان باکئره قيزلارين هاميسي شوشَن قالاسينا، حرمخانايا ييغيليب پادشاهين حرم‌آغاسي هِگه‌يه تحوئل ورئلسئن؛ گؤزل‌لَشمه‌لري اوچون نه لازيمدير، اونلارا ورئلسئن.
پادشاهين خوشونا گلن قيز وَشتي‌نئن يرئنه ملکه اولسون." بو فئکئر پادشاهين خوشونا گلدي و اونا عمل اتدي.
شوشَن قالاسيندا موردوکاي آدلي بئر يهودي وار ائدي. او، بِنيامئن قبئلهسئندن قئش اوغلو شئمعي اوغلو ياعئر اوغلو ائدي.
يهودا پادشاهي يِهوياکئن اسئر آليناندا، قئش ده اورشلئمئن ساکئنلري ائله برابر اسئر آپاريلميشدي. اونلاري اسئر آپاران بابئل پادشاهي نِبوکَدنِصّر ائدي.
موردوکايين عَمئسي قيزي هَده‌سّانين، يعني اِستِرئن، آتا-آناسي يوخ ائدي. بو قيزي موردوکاي بؤيوتموشدو. اِستِر گؤزل قامتلي و گؤزل صورتلي ائدي. آتا-آناسي اؤلَن گوندن، موردوکاي اونو قيزليغا گؤتورموشدو.
پادشاهين امري و فرماني اِشئدئلَنده، شوشَن قالاسينا هِگه‌يئن نظارتي آلتينا چوخ قيز ييغيلدي. او زامان اِستِر ده پادشاه ساراييندا حرم‌آغاسي هِگه‌يئن نظارتي آلتينا آپاريلدي.
بو قيز هِگه‌يئن خوشونا گلدي و اونون رغبتئني قازاندي. هِگه‌ي تزلئکله اونا گؤزل‌لَشمه لوازئماتي و يمکلر تأمئن اتدي. اِستِره پادشاه ساراييندان يدّي خئدمتچي قيز سچئب، اونونلا خئدمتچي قيزلاريني حرمخانانين لاپ ياخشي يرئنه آپارتديردي.
اِستِر اؤز مئلّئيَتئني و خالقيني هچ کئمه بئلدئرمه‌دي. چونکي موردوکاي اونا تاپشيرميشدي کي، بونو هچ کئمه بئلدئرمه‌سئن.
موردوکاي هر گون حرمخانانين حَيَطي قاباغيندا دولانيردي کي، اِستِرئن نه وضعئيّتده اولدوغونو و اونا نه ادئله‌جيئني اؤيرَنسئن.
هر جاوان قيزين پادشاه اَخَشوِروشون حوضورونا چيخماغا نؤوبهسي گلدئيئنده، آروادلار اوچون اولان قايدايا اَساسن، اون ائکي آيين آخيريندا کي، اونلارين گؤزل‌لَشدئرمه زاماني باشا چاتيردي-گؤزل‌لَشدئرمه مودّتي بوندان عئبارتدئر کي، اونلارا آلتي آي مور ياغي، آلتي آي دا عطئرلر و گؤزل‌لئشدئرئجي لوازئمات چکئردئلر-
قيز پادشاهين حوضورونا اله چيخاردي؛ حرمخانادان ائسته‌دئيي هر شيي گؤتوروب پادشاهين سارايينا آپاراردي.
او، آخشام پادشاهين يانينا گِدَردي و سحر آچيلاندا چيخيب ائکئنجي حرمخانايا کي، شَعَشگَزئن نظارتي آلتيندا ائدي، گؤندرئلردي. شَعَشگَز جارئيه‌لرئن ناظئري اولان پادشاهين حرم آغاسي ائدي. فقط پادشاهين بَيَندئيي و آدي ائله چاغيرديغي قيز بئر داها اونون يانينا گله بئلردي.
پادشاهين يانينا گلمک اوچون نؤوبه موردوکايين قيزليغا گؤتوردويو عَمئسي اَبئخه‌يئلئن قيزي اِستِره چاتاندا، او، پادشاهين حرم‌آغاسي هِگه‌يئن مصلحت گؤردويوندن آيري هچ نه ائستمه‌دي. حرمخانا هِگه‌يئن نظارتي آلتيندا ائدي. اِستِر اونو گؤرَنلرئن هاميسينين گؤزونده لوطف قازاندي.
پادشاه اَخَشوِروشون حؤکمدارليغينين يدّئنجی ائلئنئن اونونجو آييندا، طِبِت آييندا اِستِر پادشاهين سارايينا آپاريلدي.
پادشاه اِستِري آيري آروادلاردان چوخ بَيَندي. او، پادشاهين حوضوروندا بوتون آيري باکئره‌لردن داها لوطف و رغبت قازاندي. پادشاه اِستِرئن باشينا ملکه‌لئک تاجيني قويوب وَشتي‌نئن يرئنه ملکه اتدي.
سونرا دا اِستِرئن شرفئنه بؤيوک بئر ضئيافت قوردو. بو ضئيافته پادشاهين بوتون ريئسلري و اعيانلاري دعوت اؤلموشدو. پادشاه بوتون وئلايتلرده بايرام اعلان اتدي و اؤز سخاوتئنه گؤره هدئيّهلر وردی.
قيزلار ائکئنجي دفه ييغيلاندا، موردوکاي ساراي دروازاسيندا وظئفه صاحئبي ائدي.
اِستِر ده موردوکايين امر اتدئيي کئمي اؤز خالقيني و مئلّئيَتئني مَعلوم اتمه‌مئشدي. او، موردوکايين تربئيه‌سي آلتيندا اولان واختلاردا اولدوغو کئمي اونون امرلرئنه عمل ادئردي.
موردوکايين پادشاهين ساراي دروازاسيندا وظئفه صاحئبي اولدوغو گونلرده، پادشاهين بئگتان و تِرِش آدلي ائکي خادئمي کي، ساراي دروازاسينين کشئکچئلرئندن ائدئلر، قضبلَندئلر و پادشاه اَخَشوِروشا سوئي-قصد اتمک نئيّتئنه دوشدولر.
بو ائش موردوکايا معلوم اولدو و بونو ملکه اِستِره بئلدئردي. اِستِر ده موردوکايين آديندان بونو پادشاها خبر وردی.
تفتئش زاماني بو خبرئن حقئقت اولدوغو اوزه چيخاريلدي و هر ائکئسي دار آغاجيندان آسيلدي. بو حادئثه پادشاهين حوضوروندا سالنامه‌لر کئتابينا يازيلدي.
بئر مودّت کچندن سونرا پادشاه اَخَشوِروش اَگاگلي هَمِدّاتا اوغلو هاماني شَرَفلَندئرئب روتبه‌سئني قالديردي. اونا يانينداکي بوتون ريئسلردن اوستون منصب وردی.
پادشاهين امرئنه گؤره، پادشاهين ساراي دروازاسيندا اولان بوتون خادئملر هامانا باش اَيئب قاباغيندا تعظئم ادئردئلر. لاکئن موردوکاي هامانا باش اَيمه‌يئب تعظئم اتمئردي.
پادشاهين سارايينين دروازاسيندا اولان خادئملر موردوکايدان سوروشدولار: "نئيه پادشاهين امرئني آياق آلتينا قويورسان؟"
بونو اوندان هر گون سوروشوردولار، لاکئن موردوکاي اونلارا اهمئيّت ورمئردي. بونون خبري هامانا چاتدي، چونکي موردوکاي اونلارا يهودي اولدوغونو دمئشدي. هامي بئلمک ائسته‌يئردي کي، موردوکاي بله رفتار اتدئيئني داوام اتدئره‌جک، يا يوخ.
هامان موردوکايين اونا باش اَيمه‌يئب قاباغيندا تعظئم اتمه‌دئيئني گؤرنده قضبدن دولدو.
لاکئن تَکجه موردوکايي اؤلدورمک اونو راضي اتمئردي. موردوکايين هانسي خالقدان اولماسي هامانا معلوم ادئلمئشدي. اونا گؤره ده او، بو نئيّته دوشدو کی، موردوکايين خالقيني، يَعنی اَخَشوِروشون پادشاهليغينين هر طرفئنده ياشايان بوتون يهودئلري اؤلدورسون.
بو ائشئن گؤروله‌جَيي گونو و آيي موعَيّنلَشدئرمک اوچون، پادشاه اَخَشوروشون پادشاهليغينين اون ائکئنجي ائلئنده، بئرئنجي آي اولان نئسان آييندا هامانين قاباغيندا پور، يعني پوشک آتديلار. پوشک اون ائکئنجي آي اولان اَدارا دوشدو.
سونرا هامان پادشاه اَخَشوِروشا ددي: "بئر خالق وار کي، سنئن سلطنتئنئن هر وئلايتئنئن خالقلاري آراسينا داغيليب. اونلارين قانونلاري بوتون خالقلارين قانونلاريندان فرقلي‌دئر و پادشاهين قانونلارينا عمل اتمئرلر. اونلاري بو حالدا قويماق پادشاها ياخشي ديئل.
اگر پادشاهين خوشونا گلسه، قوي اونلارين محو اولونماسينا دايئر فرمان يازيلسين. بونا گؤره پادشاهين خزئنهسئنه، بو ائشي گؤرَنلر اوچون اون مئن تالانت گوموش چکئب گؤندره‌رم."
پادشاه بارماغيندان مؤهور اوزويونو چيخارديب يهودئلرئن دوشمنئنه، يعني اَگاگلي هَمِدّاتا اوغلو هامانا وردی.
پادشاه هامانا ددي: "گوموش ده سنئن ائختئياريندادير، او خالق دا. بو خالقا گؤزونده نه خوشدور، اونو دا ات."
بئرئنجي آيين اون اوچونجو گونونده پادشاهين مئرزه‌لري چاغيريلدي. هامانين امري هر وئلايته اؤز يازيسي و هر خالقا اؤز دئلي ائله يازيليب شاهين ساتراپلارينا، بوتون وئلايتلرئن والئلرئنه و خالقلارين ريئسلرئنه گؤندرئلدي. بو امر پادشاه اَخَشوِروشون آدي ائله يازيلدي و پادشاهين مؤهورلو اوزويو ائله مؤهورلَندي.
پادشاهين بوتون وئلايتلرئنه چاپارلار وسئلهسي ائله مکتوبلار گؤندرئلدي کي، بوتون يهودئلري، هم جاوان هم ده قوجالاري، هم آرواد هم ده اوشاقلاري بئر گونده قيريب کؤکوندن محو اتسئنلر؛ اون ائکئنجي آي اولان اَدار آيينين اون اوچونجو گونونده. ماللاريني دا تالان اتسئنلر.
بو فرمانين صورتي هر وئلايتده قانون کئمي دست‌خطه يازيلمالي و بوتون خالقلارا بئلدئرئلمه‌لي ائدي کي، او گون اوچون حاضير اولسونلار.
چاپارلار پادشاهين امري ائله جَلد يولا دوشدولر. فرمان شوشَن قالاسيندان صادئر اولوندو. پادشاهلا هامان اَيله‌شئب شراب ائچَرکَن، شوشَن شهري پرئشان قالميشدي.
موردوکاي باش ورمئش بو حادئثهلردن خبر توتاندا، پالتارلاريني جيردي و چولا بورونوب باشينا کول تؤکدو. شهرئن مرکزئنه چيخيب اوجا سَسله آجي شئون اتدي.
او آنجاق پادشاهين دروازاسينا قدر گلدي، چونکي چولا بورونَن آدام پادشاهين دروازاسيندان گئره بئلمزدي.
پادشاهين بو امري و فرماني هانسي وئلايته چاتميشدي، اوراداکي يهودئلر آراسيندا بؤيوک ماتم، اوروج، آغلاشما و فغان وار ائدي. بئر چوخو دا چولا بورونوب کول اوستونده اوزانميشديلار.
اِستِرئن خئدمتچي قيزلاري و حرم‌آغالاري گلئب بو خبري اونا چاتديرديلار. ملکه بوندان چوخ پرئشان اولدو. او، موردوکاي اوچون پالتار گؤندردي کي، چولونو چيخارتسين، لاکئن موردوکاي بونو قبول اتمهدي.
او واخت اِستِر هَتاکي کي، پادشاهين اونون خئدمتئنه تعيئن اتدئيي حرم‌آغالاريندان بئري ائدي، چاغيردي و تاپشيردي کي، موردوکايين يانينا گدئب بو ائشئن نه اولدوغونو و نئيه باش وردئيئني اؤيرَنسئن.
هَتاک ساراي دروازاسينين قاباغيندا اولان شهر ميدانينا، موردوکايين يانينا گتدي.
موردوکاي باشينا گلن بوتون حال-قضئيّه‌ني اونا دانيشدي و اونا ددی کي، يهودئلرئن محو ادئلمه‌سي اوچون هامان پادشاهين خزئنه‌لرئنه نه قدر گوموش ورمه‌سئني وعده ورئب.
سونرا يهودئلرئن محو ادئلمه‌سي اوچون شوشاندا دست‌خطه يازيلان فرمانين صورتلرئندن بئرئني وردی کي، بونو گؤرسدئب اِستِره تشرئح اتسئن، هم ده اونا تاپشيرسين کي، پادشاهين يانينا گدئب اؤز خالقي اوچون يالوارسين و اوندان مرحمت ائسته‌سئن.
هَتاک قاييديب موردوکايين سؤزلرئني اِستِره چاتديردي.
اِستِر ده موردوکايا هَتاک واسئطهسئله بله بئر خبر گؤندردي:
"پادشاهين بوتون خادئملري و پادشاه وئلايتلرئنئن خالقلاري بئلئرلر کي، هر کس، ائستر کئشي اولسون، ائستر آرواد، پادشاهين چاغيريشي اولمادان ائچه‌ري حَيَطه گئرسه، اونون حاقّيندا تَکجه اؤلوم حؤکمو ورئلهجک. فقط پادشاه قيزيل عصاصيني کئمه اوزاتسا، او صاغ قالار. اوتوز گوندور کي، پادشاهين يانينا گتمک اوچون چاغيريشيم يوخدور."
اِستِرئن بو سؤزلري موردوکايا چاتديريلدي.
موردوکاي اِستِره بله جاواب ورمه‌لرئني خاهئش اتدي: "اِله دوشونمه کي، پادشاهين ساراييندا اولدوغون اوچون او بئري يهودئلردن، سن صاغ قالاجاقسان.
اگر سن ساکئت قالاسان، يهودئلره کؤمک و قورتولوش آيري يردن گلهجک، آمّا سن و آتا اِوئن کامئل محو اولاجاق. کئم بئلئر، بلکه اِله بو گون اوچون سن ملکه‌لئيه چاتيبسان؟"
اِستِر موردوکايين بو جاوابي قاباغيندا بله ددي:
"گت، شوشاندا اولان بوتون يهودئلري بئر يره ييغ. اوچ گون-اوچ گجه يِمه‌يئب-ائچمه‌يئب منئم اوچون اوروج توتون. من ده بورادا خئدمتچي قيزلاريملا اوروج توتاجاغام و سونرا قانونو پوزوب پادشاهين يانينا گئره‌جيم. بونا گؤره اگر اؤلمه‌لئيَم، قوي اؤلوم."
موردوکاي گدئب اِستِرئن اونا تاپشيرديغي کئمي اتدي.
اوچونجو گون اِستِر ملکه پالتاريني گِيئندي و پادشاهين سارايينين ائچه‌ري حَيَطئنده پادشاهين اوتاغي ائله اوزبه اوز داياندي. پادشاه اوتاغيندا اوزو قاپييا طرف سلطنت تختئنده اوتورموشدو.
پادشاه، ملکه اِستِرئن حَيَطده دايانديغيني گؤرنده، اِستِر اونون گؤزونده لوطف قازاندي. پادشاه قيزيل عصاصيني اونا طرف اوزاتدي. اِستِر ده ياخينلاشيب عصانين اوجونا توخوندو.
پادشاه اوندان سوروشدو: "ملکه اِستِر، سنه نه اولوب؟ ائسته‌يئن ندئر؟ حتّا پادشاهليغين ياريسي اولسا بِله، سنه ورئلهجک."
اِستِر جاواب وردی: "اگر پادشاهين خوشونا گلسه، بو گون اونون اوچون قوردوغوم ضئيافته گلسئن، هاماني دا گتئرسئن."
پادشاه امر وردی: "هاماني تِز بورايا گتئرئن، اِستِرئن سؤزونو يرئنه يتئرَک!» پادشاهلا هامان اِستِرئن قوردوغو ضئيافته گلدئلر.
شرابلاريني ائچَنده پادشاه اِستِردن سوروشدو: "آرزون ندئر؟ دِه، سنه ورئلهجک! ائسته‌يئن ندئر؟ حتّا اگر پادشاهليغين ياريسي اولسا بله، ادئله‌جکدئر."
اِستِر جاواب وردی: "آرزو-ائسته‌يئم بودور:
اگر پادشاهين گؤزونده لوطف تاپميشام و منئم آرزو-ائسته‌يئمي يرئنه يتئرمک پادشاها خوش گؤرونور، قوي پادشاهلا هامان اونلار اوچون قوراجاغيم ضئيافته گلسئنلر. من ده صاباح پادشاهين سوآلينا جاواب ورهرم."
او گون هامان شادليقلا، گؤيلو خوش اورادان چيخدي، لاکئن ساراي دروازاسيندا موردوکايين آياغا قالخماديغيني و حوضوروندا يرئندن بِله، تَرپَنمه‌دئيئني گؤرنده موردوکايين ضئدّئنه قضبله دولدو.
هامان اؤزونه حاکئم اولوب اِوئنه گتدي. آدام گؤنده‌رئب دوستلاريني و آروادي زِرِشي چاغيرتديردي.
اونلارا جاه-جلاللا، چوخ اوغوللاريندان، پادشاهين نِچه دفه روتبه‌سئني قالديريب اونا آيري ريئسلردن و اعيانلاردان اوستون منصب ورمه‌سئندن دانيشدي.
و بله ده ددي: "بلی، حتّا ملکه اِستِر ده قوردوغو ضئيافته مندن باشقا هچ کسي لايئق گؤرمه‌دي کي، پادشاهلا برابر اورايا گلسئن. صاباح دا او منی پادشاهلا برابر ضئيافته دعوت ادئب.
آمّا من يهودي موردوکايي، ساراي دروازاسيندا اوتوران گؤرنده، گؤزومده هر شي قئيمتدن دوشور."
آروادي زِرِش و بوتون دوستلاري بله ددئلر: "اَلّي قولآچ اوجاليغيندا بئر دار آغاجي دوزلتدئر. سحر آچيلاندا دا پادشاها دِه کي، موردوکايي اوندان آسديرسين و پادشاهلا ضئيافته شادليقلا گت." بو سؤز هامانين اوره‌يئنه ياتدي و دار آغاجي دوزلتدئردي.
همئن گجه پادشاهين يوخوسو قاچدي. او امر اتدي کي، حؤکمدارليغينين خاطئره کئتابي، سالنامه‌لر کئتابي گتئرئلسئن. بونلار پادشاهين حوضوروندا اوخوندو.
اورادا يازي تاپيلدي کي، موردوکاي ساراي دروازاسينين کشئکچئلرئندن بئگتان و تِرِش آدلي ائکي خادئم حاقّيندا خبر ورمئشدي کي، پادشاه اَخَشوِروشا سوئي-قصد حاضيرلاييبلار.
پادشاه ددي: "بونا گؤره موردوکايا هانسي شرف و عئزّت ورئلدي؟" اونون خئدمتئنده دوران نؤکرلر ددي: "بونا گؤره اونا هچ نه ادئلمه‌يئب."
پادشاه ددي: "حَيَطده کئم وار؟" بو زامان هامان پادشاهين سارايينين بايير حَيَطئنه گئرمئشدي کي، پادشاهلا دانيشيب موردوکايي دوزلتدئيي دار آغاجيندان آسديرسين.
پادشاهين نؤکرلري اونا ددي: "باخ، هامان حَيَطده دايانيب." پادشاه ددي: "گلسئن ائچَري."
هامان ائچَري گلنده پادشاه اوندان سوروشدو: "پادشاهين شَرَفلَندئرمک ائسته‌دئيي آداما نه گرک ادئلسئن؟" هامان دا اؤزو اؤزونده دوشوندو: «مندن باشقا کئمي شَرَفلَندئرمک ائستر کي؟"
بو حالدا هامان پادشاها بله ددي: "پادشاه کئمي شَرَفلَندئرمک ائسته‌سه، قوي اونا بله ادئلسئن:
پادشاهين گِيئندئيي شاهليق لئباسي، پادشاهين مئندئيي آت کي، باشينا شاهليق تاجي تاخيلير، گتئرئلسئن.
همئن پالتار و آت پادشاهين لاپ اوجا روطبه‌لي ريئسلرئندن بئرئنئن اَلئنه ورئلسئن کي، پادشاهين شَرَفلَندئرمک ائسته‌دئيي آدامي گِيئندئرئب آتا مئندئرسئنلر و شهر ميدانيندا گَزدئرسئنلر و قاباغا دوشوب بله جار چکسئنلر: «پادشاه ائسته‌دئيي آدامي بو جور شَرَفلَندئرئر.»"
پادشاه هامانا ددي: "پالتار و آتي تز گؤتور و ساراي دروازاسيندا وظئفهيه دوران يهودي موردوکايا ددئکلرئنئن هچ بئرئني اَسکئلتمه‌دن ات."
هامان پالتاري و آتي گؤتوروب موردوکايا گِيئندئردي. سونرا آتا مئندئرئب شهرئن ميدانيندا گَزدئردي و قاباغيندا جار چکدي: "پادشاه ائسته‌دئيي آدامي بو جور شَرَفلَندئرئر."
بوندان سونرا موردوکاي ساراي دروازاسينا قاييتدي. لاکئن هامان ماتم ائچئنده باشي اؤرتولو حالدا تز اِوه قاييتدي.
او، آروادي زِرِشه و بوتون دوستلارينا باشينا گلن بوتون احوالاتلاري دانيشدي. حئکمتلي مصلحتچئلري ائله آروادي زِرِش اونا ددئلر: "اگر قاباغيندا ييخيلماغا باشلاديغين بو موردوکاي يهودي عئرقئندندئر، اونا گوجون چاتماز، قطعن قاباغيندا ييخيلاجاقسان."
اِله اونونلا صؤحبت ادئردئلر کي، پادشاهين حرم‌آغالاري گلئب هاماني تَلَسئک اِستِرئن قوردوغو ضئيافته آپارديلار.
پادشاهلا هامان مَلَکه اِستِرئن ضئيافتئنه گلدئلر.
ائکئنجي گون شراب ائچئلَنده پادشاه گئنه اِستِردن سوروشدو: «مَلَکه اِستِر، نه ائستهيئرسن؟ دِه، سنه ورئم! آرزون ندئر؟ حتّا پادشاهليغين ياريسي اولسا بِله، سنه ورئله‌جکدئر.»
مَلَکه اِستِر پادشاها جاواب ورئب ددي: «اگر سنئن گؤزونده لوطف تاپميشام، ای پادشاه، اگر پادشاهين خوشونا گلئر، ائسته‌يئم بودور کي، منه حياتيمي عطا ادهسن، خالقيم اوچون ده ائسته‌يئم بودور.
چونکي هم مَن، هم ده خالقيم قيريلماق، اؤلدورولمَک و محو ادئلمَک اوچون ساتيلميشيق. اگر بئزي، کئشئلري و آروادلاري، قول کئمي ساتسايديلار، ساکئت قالارديم، چونکي پادشاهي بله بئر دَرد ائله ناراحات اتمه‌يه دَيمَز.»
او زامان پادشاه اَخَشوروش مَلَکه اِستِردن سوروشدو: «بو ائشي کئم ادئر؟ هارادادير؟ کئمئن بله بئر ائسته‌يي وار؟»
اِستِر ددي: «بئزه عداوت ادن دوشمنئمئز بو شَرئر هاماندير!» پادشاهين و مَلَکه‌نئن حوضوروندا هاماني دهشت بورودو.
پادشاه قضب ائله شراب سوفرهسئندن قالخدي و سارايين باغچاسينا چيخدي. آمّا هامان ائچه‌رئده قالدي کي، مَلَکه اِستِره جاني اوچون يالوارسين، چونکي آنلاميشدي کي، پادشاه اونون اؤزونه زئيان يتئرمَيه قَرار ورئب.
پادشاه ساراي باغچاسيندان شراب ائچدئکلري ضئيافت يرئنه قاييداندا گؤردو کي، هامان اِستِرئن اولدوغو کورسونون اوستونه دؤشهنئب. پادشاه ددي: «بو آدام اِوئمده، منئم يانيمدا مَلَکه‌‌يه قَصد ادهجک مَگَر؟» اِله بو سؤز پادشاهين آغزيندان چيخاندا هامانين اوزونو اؤرتدولر.
حَرَم‌آغالاردان خَربونا آدلي بئر نفر کي، پادشاهين حوضوروندا ائدي، ددي: «باخ، هامانين اِوئنئن قاباغيندا اَلّي قولآچ اوجاليغيندا بئر دار آغاجي وار. هامان اونو پادشاها خيئر خبر ورن موردوکاي اوچون حاضيرلاتديريب.» پادشاه ددي: «اوندان اؤزونو آسين!»
بلجه هامانين موردوکاي اوچون دوزلتدئردئيي دار آغاجيندان اونون اؤزونو آسديلار. بوندان سونرا پادشاهين قضبي سويودي.
اِله همئن گون پادشاه اَخَشوِروش يهودئلرئن دوشمنی هامانين اِوئني ملکه اِستِره وردی. موردوکاي پادشاهين حوضورونا گلدي، چونکي اِستِر موردوکايين کئم اولدوغونو پادشاها معلوم اتمئشدي.
پادشاه هاماندان گری آلديغي مؤهورلو اوزويو چيخارديب موردوکايا وردی. اِستِر ده موردوکايي هامانين اِوئنه نظارتچي قويدو.
بوندان سونرا اِستِر گئنه ده پادشاها دانيشيب، اونون آياقلارينا دوشدو و آغلايا-آغلايا يالواردي کي، اَگاگلي هامانين يَهودئلره قَرَضله قوردوغو قصدئن قاباغيني آلسين.
پادشاه قيزيل عصاصيني اِستِره اوزاتدي. اِستِر آياغا قالخيب پادشاهين حوضوروندا دوردو.
سونرا دا ددي: "اگر پادشاهين خوشونا گلسه، اگر اونون حوضوروندا لوطف تاپميشام، اگر بو ائش پادشاهين گؤزونده دوز گؤرونور و منی بَيَنمئشدئر، قوي بئر فرمان يازيلسين کي، اَگاگلي هَمِدّاتا اوغلو هامانين قصد-قَرَضله پادشاهين بوتون وئلايتلرئنده ياشايان يهودئلري قيرماق اوچون يازديغي مکتوبلاري لغو اتسئن.
خالقيمين باشينا گلن بو موصئبته نجه دؤزه بئله‌رم؟ گؤزومون قاباغيندا قوحوملاريمين محو اولماسينا نجه دؤزه بئله‌رم؟"
پادشاه اَخَشوِروش ملکه اِستِره و يهودي موردوکايا ددي: "باخ، هامانين اِوئني اِستِره ورمئشم. هاماني دار آغاجيندان آسديرميشام، چونکي يهودئلرئن قصدئنه اَل اوزاديب.
ائندي گؤزونوزده نجه خوش گؤرونور، پادشاهين آديندا يهودئلره باشقا بئر مکتوب يازين و پادشاهين مؤهورلو اوزويو ائله مؤهورله‌يئن. چونکي پادشاهين آديندا يازيلميش و پادشاهين مؤهورلو اوزويو ائله مؤهورلَنَن فرماني هچ کئم لغو اده بئلمز."
اله او زامان اوچونجو آي يعني سئوان آيينين ائيئرمي اوچونده پادشاهين مئرزه‌لري چاغيريلدي. موردوکايين هودّودان کوشا قدر يوز ائيئرمي يدّي وئلايتده‌کي يهودئلره، ساتراپلارا، والئلره، وئلايتلرئنئن ريئسلرئنه امر اتدئيي هر شي يازيليب، هر وئلايته اؤز يازيسي ائله و هر خالقا اؤز دئلي ائله، يهودئلره ده اؤز يازي و دئللرئنده گؤنده‌رئلدي.
موردوکاي پادشاه اَخَشوِروشون آدي ائله اونون امرئني مکتوبلارا يازيب، پادشاهين مؤهورلو اوزويو ائله مؤهورله‌دي و چاپارلارلا کي، پادشاه اوچون بَسلَنَن خوصوصي چاپار آتلارا مئنمئشدئلر، بو مکتوبلاري گؤنده‌ردي.
بو مکتوبلارا گؤره پادشاه هر شهرده ياشايان يهودئلره ائجازه وردی کي، ييغيليب اؤز جانلاريني حئفظ اتسئنلر. اونلارا، آرواد و اوشاقلارينا هوجوم ادن هر مئلّتئن و يا هر وئلايتئن سئلاحلي دسته‌لرئني قيريب، اؤلدوروب، يوخ اتسئنلر، اَملاکلاريني دا تالان اتسئنلر.
پادشاه اَخَشوِروشون بوتون وئلايتلرئنده اون ائکئنجي آي اولان اَدار آيينين اون‌اوچو بو ائش اوچون موعيّن اولونموشدو.
بو فرمانين صورتي هر وئلايتده قانون کئمي دست-خطه يازيلمالي و بوتون خالقلارا اعلان اولونمالي ائدي کي، يهودئلر همئن گون اؤز دوشمنلرئندن قئصاص آلماغا حاضير اولسونلار.
قاصئدلر پادشاها خئدمت ادن چاپار پادشاهين آتلارينا مئندئرئلدي و پادشاهين امري ائله تَلَسدئرئلئب تز يولا ساليندي. فرمان شوشَن قالاسيندا دست-خطله اعلان ادئلدي.
موردوکاي پادشاهين حوضوروندان باشيندا بؤيوک قيزيل تاج، آغ و لاجورد شاهانه لئباسدا، اَرغواني نازئک کتان جوبّه ائله چيخدي. شوشَن شهري شادليق ائچئنده هاراي چکدي.
آرتيق يهودئلرئن آراسيندا نور، شادليق، سِوئنج و حؤرمت وار ائدي.
پادشاهين امري و فرماني هانسي وئلايته، هانسي شهره چاتيردي، اورادا يهودئلر اوچون شادليق، سِوئنج، ضئيافت و بايرام گونو اولوردو. اؤلکهنئن باشقا خالقلاري آراسيندان بئر چوخو، يهودئلردن قورخدوقلاري اوچون يهودي اولدولار.
اون ائکئنجي آي، يعني اَدار آيينين اون اوچو پادشاهين امري و فرمانينين ائجرا واختي ياخينلاشيردي. يهودئلرئن دوشمنلري اِله گومان اتمئشدئلر کي، او گون يهودئلر اونلارين حاکئمئيّتي آلتينا دوشهجک. لاکئن بونون عکسئنه، يهودئلر اونلاردان نئفرت ادنلر اوستونده ظفر قازانديلار.
يهودئلر پادشاه اَخَشوِروشون بوتون وئلايتلرئنده، ياشاديقلاري شهرلره ده ييغيلديلار کي، اونلارين قصدئنه چاليشانلارا هوجوم اتسئنلر. آرتيق اونلارين قاباغيندا هچ کئم دايانا بئلمزدي، چونکي اونلارين زَهمي بوتون خالقلاري بوروموشدو.
بوتون وئلايت باشچيلاري، ساتراپلار، والئلر و پادشاهين مأمورلاري يهودئلره کؤمک اتدي. چونکي موردوکايين اوزوندن اونلارين جانينا قورخو دوشموشدو.
موردوکاي پادشاهين ساراييندا اوجا روطبه‌يه صاحئب اولموشدو، شؤهرتي ده بوتون وئلايتلره ياييلميشدي. موردوکاي آرتيق بئر شخصئيّت کئمي گت-گده بؤيوک و قودرتلي اولوردو.
يهودئلر بوتون دوشمنلرئني قيلينجدان کچئردئب، اؤلدوروب، يوخ اتدئلر. اونلاردان نئفرت ادنلره نه ائسته‌دئلر، اونو دا اتدئلر.
يهودئلر شوشَن قالاسيندا بش يوز نفري اؤلدوروب يوخ اتدئلر.
بونلارلا برابر پَرشَنداطاني، دَلفونو، اَسپاتاني،
پوراتاني، اَدَلياني، اَرئداتاني،
پَرمَشتاني، اَرئسه‌يي، اَرئده‌يي، وَيزاتايي
يعني يهودئلرئن دوشمنی هَمِدّاتا اوغلو هامانين اون اوغلو ائدئلر، اؤلدوردولر. لاکئن تالانا اَل آتماديلار.
او گون شوشَن قالاسيندا اؤلدورولَنلرئن سئياهيسي پادشاهين حوضورونا گتئرئلدي.
پادشاه ملکه اِستِره ددي: "يهودئلر شوشَن قالاسيندا بش يوز نفري و هامانين اون اوغلونو اؤلدوروب يوخ ادئبلر. ائندي گؤر پادشاهين آيري وئلايتلرئنده نه ادئبلر! گئنه نه ائسته‌يئن وار؟ سنه ورئلهجک. نه آرزون وار؟ يرئنه يتئرئله‌جک."
اِستِر ددي: "اگر پادشاها خوش گؤرونور، شوشانداکي يهودئلره صاباح دا ائجازه ورئلسئن کي، بوگونکي فرماني ائجرا اتسئنلر. هامانين اون اوغلو دا دار آغاجيندان آسيلسينلار."
پادشاه بله ادئلمه‌سئني امر اتدي. شوشاندا فرمان اعلان ادئلدي. هامانين اون اوغلو دا آسيلدي.
شوشانداکي يهودئلر اَدار آيينين اون دؤردونده ده ييغيليب، اورادا اوچ يوز نفري اؤلدوردولر، لاکئن تالانا اَل آتماديلار.
پادشاهين وئلايتلرئنده ياشايان آيري يهودئلر اؤز جانلاريني حئفظ اتمک اوچون ييغيلديلار. اونلاردان نئفرت ادن يتمئش بش مئن نفري اؤلدوروب، دوشمنلرئندن آزاد اولدولار. لاکئن تالانا اَل آتماديلار.
بو ائش اَدار آيينين اون اوچونده باش وردی. اون دؤردونجو گون يهودئلر دئنجَلدئلر و او گونو ضئيافت و شادليق گونو تعيئن اتدئلر.
آمّا شوشانداکي يهودئلر همئن آيين اون اوچونده و اون دؤردونده ييغيليب آيين اون بِشئنده دئنجَلدئلر و اونو ضئيافت و شادليق گونو تعيئن اتدئلر.
اله بونا گؤره ده کَندلي يهودئلر و ايالت شهرلرئنده ياشايان يهودئلر اَدار آيينين اون دؤردونو شادليق، ضئيافت و بايرام گونو توتورلار و بئربئرلرئنه يمک گؤندرئرلر.
موردوکاي بو حادئثهلري قيد ادئب، پادشاه اَخَشوِروشون اوزاقدا و ياخيندا اولان بوتون وئلايتلرئنده‌کي يهودئلرئن هاميسينا مکتوب گؤندردي.
اونلارا امر اتدي کي، هر ائل اَدار آيينين اون دؤردونو و اون بِشئني جشن توتسونلار،
چونکي بو گونلر يهودئلر اؤز دوشمنلرئندن آزاد اولموشدولار و او آي کَدَرلري سِوئنجه، ماتملري ده بايرام گونونه چِورئلمئشدي. او گونلر شَنلئک قوروب سِوئنمه‌لي و بئر-بئرلرئنه يمک گؤنده‌رئب کاسيبلارا هدئيّه ورمه‌لي ائدئلر.
بلجه يهودئلر موردوکايين اونلارا يازديغي امرئني قبول ادئب باشلاتديقلاريني سوردوردولر.
چونکي اَگاگلي هَمِدّاتا اوغلو هامان کي، بوتون يهودئلرئن دوشمنی ائدي، يهودئلري يوخ اتمک اوچون اونلارا قصد قورموشدو. اونلاري اَزئب محو اتمک اوچون پور، يعني پوشک آتميشدي.
لاکئن ائش پادشاهين حوضورونا چاتاندا، پادشاه مکتوب واسئطهسئله امراتمئشدي کي، هامانين يهودئلره قوردوغو قصد-قَرَض هامانين اؤز باشينا گتئرئلسئن و هامانلا اوغوللاري دار آغاجيندان آسيلسين.
اله بونا گؤره ده بو گونلر پور کلمه‌سئنه گؤره پورئم آدلانديريلير. بو نامه‌ده ورئلَن تعلئماتدان، بو ائش حاقّيندا گؤردوکلرئندن و باشلارينا گلن حادئثهلردن اؤتري
يهودئلر اؤزلري و سونراکي نسئللري اوچون، هم ده اونلارا قوشولانلار اوچون بئر عادت قويوب بونو داوام اتدئردئلر. اله کي، بو ائکي گونو هر ائل قايدالارا و موعيّن واختا گؤره کچئرتمَکده اِهمال اتمه‌سئنلر.
بو گونلر هر نسئلده، هر عايئله‌ده، هر وئلايتده و هر شهرده خاطيرلانيب جشن توتولمالي ائدي، بو پورئم گونلري يهودئلر آراسيندان ائتمه‌مه‌لي و اؤولادلارينين ياديندان چيخمامالي ائدي.
ابئخه‌يئلئن قيزي ملکه اِستِر و يهودي موردوکاي بو ائکئنجي پورئم نامه‌سئني بوتون ائقتئدارلا تصدئق اتدئلر.
موردوکاي اَخَشوِروشون پادشاهليغينين يوز ائيئرمي يدّي وئلايتئنده ياشايان بوتون يهودئلره صولح و حقئقت سؤزلري يازيب مکتوب گؤندردي کي،
بو پورئم گونلرئني برقرار اتسئنلر، نجه يهودي موردوکايلا ملکه اِستِر اونلار اوچون برقرار اتمئشدي، نجه کي، توتاجاقلاري اوروج و ماتم واختلاري بارهدهکي تعلئماتلا اؤزلري و سونراکي نسئللري اوچون تعيئن اتمئشدئلر.
اِستِرئن امري پورئمئن بو قايدالاريني برقرار اتدي و کئتابدا يازيلدي.
پادشاه اَخَشوِروش اؤلکهيه و دهنز ساحئل‌لرئنه خراج قويدو.
پادشاهين بوتون گوجلو و قودرتلي ائشلري، اِلَجه ده موردوکايا وردئيي اوجا روطبه حاقّينداکي منصبئن کامئل حکايه‌سي مگر ماد و فارس پادشاهلارينين سالنامه‌لر کئتابيندا يازيلماييبدير؟
يهودي موردوکاي روطبه‌ده آنجاق پادشاه اَخَشوِروشدان آشاغي ائدي. يهودئلر آراسيندا بؤيوک بئر آدام ائدي و چوخلارينين حؤرمتئني قازانميشدي. او، خالقينين خيئرئني آختاردي و بوتون مئلّتئنئن رئفاهي اوچون دانيشدي.
عوص دئياريندا اَيّوب آدلي بئر آدام وار ائدي. اَيّوب کامئل و دوز بئر آدام ائدي؛ تاريدان قورخوردو و پئسلئکدن اؤزونو اوزاق ساخلاييردي.
اونون يدّي اوغلو و اوچ قيزي وار ائدي.
دونيا ماليندان اونون يدّي مئن قويونو، اوچ مئن دَوه‌سي، بش يوز جوت اؤکوزو، بش يوز دئشي اِششه‌يي و بئر چوخ نؤکري وار ائدي؛ اله کي، شرقده ياشايان بوتون آداملاردان لاپ بؤيوک ائدي.
اونون اوغوللاري گدئب هَره‌سي اؤز نؤوبهسئنده اِوئنده ضئيافت ورَردئلر و آدام گؤنده‌رئب اوچ باجيلاريني دا چاغيرارديلار کي، اونلارلا يِيئب ائچسئنلر.
اونلارين ضئيافت گونلري بئر دؤور باشا چاتاندان سونرا اَيّوب گؤنده‌رئب اونلاري تقدئس اِدَردي و سحر اِرکَن قالخيب اونلارين هاميسينين ساييسينا گؤره يانديرما قورباني تقدئم اِدَردي. چونکي دئيَردي: "بَلکي اؤولادلاريم گوناه ادئب اورَکلرئنده تارييا لعنت اتمئشلر." و اَيّوب همئشه بله اِدَردي.
بئر گون ائلاهي وارليقلار اؤزلرئني تقدئم اتمک اوچون ربّئن حوضورونا گلدئلر و شيطان دا اونلارلا گلدي.
رب شيطانا ددي: "هارادان گلئرسن؟" شيطان ربّه جاواب ورئب ددي: "دونياني دولانماقدان، ائچئنده گَزمَکدن."
رب شيطانا ددي: "آيا قولوم اَيّوبا ياخشي بئر دئقَّت اتدئن؟ دونيادا اونون کئمي هچ کس يوخ! کامئل و دوز بئر آدام کي، تاريدان قورخار و پئسلئکدن اؤزونو اوزاق ساخلايار."
او زامان شيطان ربّه جاواب ورئب ددي: "مگر اَيّوب تاريدان بوشونا قورخور؟!
مگر سن اونون اطرافينا، اِوئنئن اطرافينا، بوتون وار-يوخونون اطرافينا حاصار چکمه‌يئبسن؟! اونون اَللرئنئن ائشئنه برکت ورئبسن کي، مالي يرده چوخاليب.
آمّا ائندي اَلئني اوزات و بوتون وار-يوخونو آرادان آپار. گؤزونون قاباغيندا سنه لعنت ادهجک."
رب شيطانا ددي: "باخ، اونون بوتون وار-يوخو سنئن اَلئندهدئر، آنجاق اونون اؤزونه اَلئني اوزاتما!" بلجه شيطان ربّئن حوضوروندان اِشئيه چيخدي.
بئر گون، او زامان کي، اَيّوبون اوغوللاري و قيزلاري بؤيوک قارداشلارينين اِوئنده يِيئب شراب ائچئردئلر،
بئر قاصئد اَيّوبا گلئب ددي: "اؤکوزلر جوت سوروردولر، دئشي اِششَکلر ده اونلارين يانيندا اوتلاييرديلار.
او واخت سابالي‌لار هوجوم ادئب اونلاري آپارديلار و نؤکرلري قيلينج آغزيندان کچئرتدئلر. آنجاق تَک من قاچميشام کي، سنه خبر گتئرئم."
بو آدام حله دانيشيردي کي، آيري بئري گلئب ددي: "گؤيدن تارينين اودو دوشوب قويونلاري و نؤکرلري يانديردي و اونلاري تلف اتدي. آنجاق تَک من قاچميشام کي، سنه خبر گتئرئم."
بو آدام حله دانيشيردي کي، آيري بئري گلئب ددي: "کَلدانئلر اوچ دسته اولوب دَوه‌لرئن اوستونه هوجوم گتئردئلر و اونلاري گؤتوروب آپارديلار، نؤکرلري ده قيلينج آغزيندان کچئرتدئلر. آنجاق تَک من قاچميشام کي، سنه خبر گتئرئم."
بو آدام حله دانيشيردي کي، آيري بئري گلئب ددي: "اوغوللارين و قيزلارين بؤيوک قارداشلارينين اِوئنده يِيئب شراب ائچئردئلر کي،
بئردن صحرا طرفئندن گوجلو بئر يل گلئب اِوئن دؤرد کونجوندن اله ووردو کي، اِو جاوانلارين اوستونه ييخيلدي و اونلارين هاميسي اؤلدولر. آنجاق تَک من قاچميشام کي، سنه خبر گتئرئم."
او زامان اَيّوب قالخدي، جوبّه‌سئني ييرتدي، باشينين توکلرئني کَسدي، و يره دوشوب سجده اتدي.
و ددی: "آنامين قارنيندان لوت چيخديم، اورايا لوت ده گده‌رم. رب وردی، رب ده آلدي. ربّئن آدي موبارک اولسون."
بونلارين هاميسيندا اَيّوب گوناه اتمهدي و تارييا ياوا بئر سؤز دِمه‌دي.
ائلاهي مؤوجودلار گئنه اؤزلرئني تقدئم اتمک اوچون ربّئن حوضورونا گلدئلر. شيطان دا اونلارلا گلدي کي، اؤزونو ربّئن حوضوروندا تقدئم اتسئن.
رب شيطانا ددي: "هارادان گلئرسئن؟" شيطان ربّه جاواب ورئب ددي: "دونياني دولانماقدان، ائچئنده گَزمَکدن."
رب شيطانا ددي: "آيا قولوم اَيّوبا بئر دئقّت اتدئن؟ دونيادا اونون کئمي هچ کس يوخ! کامئل و دوز بئر آدام کي، تاريدان قورخار و اؤزونو پئسلئکدن اوزاق ساخلايار. گرچی اونو هلاک اتمک اوچون منی سببسئز تحرئک اتدئن، لاکئن او حله ده کاماليندا ثابئت دورور."
شيطان ربّه جاواب ورئب ددي: "دَري عوضئنه دَري. ائنسان اؤز جانيندان اؤتري بوتون وار-يوخوندان کِچَر.
آمّا اَلئني بئر اوزاديب اونون سومويونه و اَتئنه دَي، گؤزونون قاباغيندا سنه لعنت ادهجک."
رب شيطانا ددي: "باخ، او سنئن اَلئنده! آنجاق اونون جانيني آلما."
شيطان ربّئن حوضوروندان اِشئيه چيخدي و اَيّوبو، آياغينين آلتيندان تپه‌سئنه قدر، پئس چئبانلارلا ووردو.
اَيّوب اؤزونو قاشيماق اوچون بئر صاخسي پارچاسي گؤتوروب کول ائچئنده اوتوردو.
او واخت آروادي اونا ددي: "حله ده کاماليندا ثابئت دوروبسان؟ تاريني سؤو و اؤل باري."
آمّا اَيّوب اونا ددي: "آخماق آروادلارين بئري کئمي دانيشيرسان! تاريدان ياخشيليغي قبول اِدَک، آمّا يامانليغي قبول اتمه‌يک؟" و بونلارين هاميسيندا اَيّوب دئلي ائله هچ بئر گوناه اتمهدي. اَيّوبون اوچ دوستو
اَيّوبون اوچ دوستو تِيمانلي اِلئفَز، شوخلو بئلدَد، و نَعَماتلي صوفَر اونون باشينا گلن بوتون بلالاري اشئدئب، قرار وردئلر کی، هر بئري اؤز يرئندن اونون يانينا گلسئنلر و بئربئرلري ائله گؤروشدولر کي، بئرلئکده گدئب اونونلا همدرد اولسونلار و اونا تسلّی ورسئنلر.
اوزاقدان اَيّوبو گؤرنده اونو تانيماديلار و باغيريب هؤنکور-هؤنکور آغلاماغا باشلاديلار. هر بئري اؤز جوبّه‌سئني ييرتيب و گؤيه، باشلاري اوستونه تورپاق آتديلار.
اَيّوبلا يدّي گون يدّي گجه تورپاق اوستونده اوتوردولار. هچ بئري اونونلا بئر سؤز ده دانيشمادي، چونکي دردئنئن نه قدر بؤيوک اولدوغونو گؤردولر.
بوندان سونرا اَيّوب آغزيني آچيب دوغولدوغو گونه لعنت اتدي.
و دئله گلئب ددی:
"کاش کي، من دوغولان گون يوخ اولايدي! او گجه ده يوخ اولايدي کي، ددئلر: «بطنده بئر اوغلان عمله گلدي!»
او گون قارا گله‌يدي، يوخاريدان تاري اونون قيدئنه قالمايايدي، او گون اوچون سحر آچيلمايايدي.
او گونو ظولمت و قارا قارانليق بورويه‌يدي، اوزونو بولود توتايدي، ائشيغيني قارانليق باتيرايدي.
او گجه‌يه گلئنجه، قارا قارانليق اونو قاپسين، ائلئن گونلري آراسيندان کَسئلسئن، آيلارين ساييسينا گئرمه‌سئن.
بلی، قوي او گجه سونسوز اولسون، اوندان شادليق سَسي اِشئدئلمه‌سئن.
قوي گونو لعنت ادنلر اونو لعنت اتسئنلر، اونلار کي، لئوياتاني اويانديرماقدا ماهئردئرلر.
قوي اونون سحر اولدوزلاري سؤنسون، ائشيغا اومئد باغلاسين، لاکئن اولماسين، فجرئن شوعاعلاريني گؤرمه‌سئن.
چونکي آنامين بطنئنئن قاپيلاريني اوستومه باغلامادي، سيخينتيني گؤزلرئمدن گئزلَتمه‌دي.
نه اوچون آنا بطنئنده اؤلمه‌دئم؟ آنامين قارنيندان چيخينجا آخير نفسئمي چکمه‌دئم؟
پئشوازيما نئيه دئزلر چيخدي؟ نئيه دؤشلر چيخدي کي، اونلاردان اَمئم؟
چونکي ائندي اوزانميش و ساکئت اولارديم، او زامان ياتميش و دئنجَلمئش اولارديم؛
دونيانين او پادشاهلار و موشاوئرلري ائله کي، اؤزلرئنه وئرانه‌لري تزهدن بئنا ادئرلر؛
يا دا قيزيلي اولان ريئسلرله کي، اِولرئني گوموشله دولدورورلار.
نه اوچون دوشموش اوشاق کئمي، ائشيق اوزونو اصلا گؤرمه‌يَن بئر کؤرپه کئمي، باسديريلماديم؟
اورادا شرور آداملار قضبلرئندن آرتيق دوشورلر، و يورغونلار راحاتلاريني تاپيرلار.
اورادا محبوسلار بئرلئکده راحاتلانيرلار، زئندانبانين دا قيشقيرتيسيني اشئتمئرلر.
کئچئک ده اورادير، بؤيوک ده اورادادير، قول دا آغاسيندان آزاددير.
نه اوچون فلاکته دوشموش آدام ائشيق اوزو، جانلاري آجي اولانلار دا حيات گؤرور؟
اونلار کي، اؤلومو آرزولاييرلار، آمّا گلمئر، اونو خزئنه آختارانلار کئمي قازيب آختاريرلار.
اونلار کي، قبئري تاپاندا اويناييب شادليق ادئرلر.
نه اوچون يولو گئزلي اولان آداما ائشيق ورئلئر، اونا کي، تاري اونون اطرافيني چَپَرله‌يئب؟
چونکي آه-زاريم چؤره‌يئمدن قاباق گلئر، و ناله‌لرئم سو کئمي تؤکولور.
قورخدوغوم شيلر باشيما گلئر، دهشت اتدئيئم شيلر اوستومه تؤکولور.
آرامليغيم يوخدور، ساکئتلئيئم يوخدور، راحاتليغيم يوخدور، آنجاق سيخينتي وار."
او زامان تِيمانلي اِلئفَز جاواب ورئب ددی:
"اگر بئري سنه بئر سؤز دِسه، ائنجه‌‌يَرسن؟ آمّا کئم اؤزونو دانيشماقدان ساخلايا بئلر؟
باخ، سن چوخ آداملارا درس ورئبسن؛ ضعئف اَللره قووّت ورئبسن.
سؤزلرئن ييخيلاني قالديريب، اَسن دئزلري مؤحکمله‌دئبسن.
آمّا ائندي کي، سنئن اؤز باشينا گلئر، تابدان دوشوبسن، سنه توخونوب، اؤزونو ائتئرئبسن.
مگر سنئن بل باغلاديغين، تاريدان قورخدوغون ديئل؟ مگر اومئد باغلاديغين، اؤز يوللارينين کامالي ديئل؟
دوشون بئر آز: تقصئرسئز آدام مگر اولوب هلاک اولسون؟ هارادا دوز آداملار يوخ اولوبلار؟
منئم گؤردويومه گؤره، پئسلئيي شوخوملايانلار، زحمت توخومو سَپَنلر، اونو دا بئچَرلر.
تارينين نفسي ائله يوخ اولورلار، و قضبئنئن آلووو اونلاري اودور.
شئرئن نَرئلتئسي، آصلانين سَسي، جاوان شئرلرئن دئشلري کَسئلئر.
گوجلو آصلان، شئکاري اولماديغي اوچون، هلاک اولور، دئشي شئرئن بالالاري دا داغيلير.
منه گئزلئجه بئر سؤز گلدي، اوندان قولاغيم بئر پيچيلتي اشئتدي.
گجه رؤيالاريندان دوغان فئکئرلر ائچئنده، ائنسانلاري آغير يوخو باسان زامان،
اوستومه قورخو و تئتره‌مه گلدي، بوتون سوموکلرئمي لرزهيه سالدي.
اوزومون قاباغيندان بئر روح کچدي، بدنئمئن توکلري بئز-بئز دوردو.
او روح دوردو، لاکئن من گؤرونوشونو سِچه بئلمه‌دئم. گؤزلرئمئن قاباغيندا بئر شکئل وار ائدي؛ هر شي ساکئت ائدي، سونرا بئر سَس اشئتدئم:
مگر ائنسان تارينين حوضوروندا صالح اولا بئلر؟ مگر ائنسان خالئقئنئن حوضوروندا طاهئر اولا بئلر؟
باخ، او حتّا اؤز قوللارينا دا اعتئماد اتمَز، ملکلرئنده ده تقصئر تاپار.
بس گؤر نه قدر چوخ، پالچيق اِولرده ياشايانلاردا! اونلاردا کي، بونؤورهلري تورپاقدادير، اونلار کي، گووه‌دن تِز اَزئلئرلر.
سحرله آخشام آراسيندا محو اولورلار، کئمسه فرقئني ورمه‌دن يوخ اولورلار.
مگر چاديرلارينين ائپلري ائچلرئنده قوپاريلماييب؟ اؤلورلر، لاکئن حئکمتسئز.
ائندي چاغير؛ آيا سنه جاواب ورن بئري وار؟ موقدّسلرئن هانسي بئرئنه اوز توتاجاقسان؟
دوغرودان دا، سفه آدامي قضب اؤلدورَر، ناداني دا حسد هلاک اِدَر.
من سفه آدامين کؤک سالديغيني گؤرونجه، درحال يوردونو لعنت اتدئم.
اؤولادلاري اَمئن-آمانليقدان اوزاقديرلار، محکمه دروازسيندا اَزئلئرلر، اونلاري قورتاران دا يوخدور.
سفه آدامين بئچدئيئني آج آدام يِيئر، اونو تئکانلار آراسيندان بله آلير. و ثروتئني سوسوز آدام اودماق ائستهيئر.
چونکي فلاکت يردن چيخماز، زحمت ده تورپاقدان بئتمَز؛
اله بئل کي، هاوايا آتيلان اود قورلاري‌دير، ائنسان زحمت اوچون دوغولور.
من اولسايديم، تاريني آختارارديم، ائشئمي ده تارييا تاپشيرارديم.
او، درک اتمه‌دئيئمئز بؤيوک ائشلر گؤرور، ساييسيز عجايئبلر!
ير اوستونه ياغيش ورئر، چؤللره سولار آخيردير.
آلچاقلاري اوجا يرلره قويور، ياسلي اولانلاري اَمئن-آمانليغا چيخاردير.
حئيلهگر آداملارين تدبئرلرئني پوزور کي، اَللري هچ بئر ائش بِجَرمه‌سئن.
حئکمتلي آداملاري اؤز حئيلهلرئنده توتور، کلکباز آداملارين تدبئرلرئني تز ييخير.
گوندوزلري قارانليغا دؤنور، گون اورتا واختي اَل سورته-سورته يِرئيئرلر، اله بئل کي، گجه‌دئر.
لاکئن او، مؤحتاج آدامي، اونلارين آغزينين قيلينجيندان، قودرتلي آدامين اَلئندن قورتارير.
اله کي، چارهسئز آدامين اومئدي اولسون، و عدالتسئزلئک آغزيني باغلاسين.
خوش او آدامين حالينا کي، تاري اونو مذمّت ادئر. اونا گؤره ده، قادئرئ-موطلقئن تأدئبئني حقئر گؤرمه.
چونکي او يارالايار، لاکئن باغلايار دا؛ او وورار، لاکئن اَللري شفا ورَر ده.
آلتي سيخينتيدان سني قورتارار؛ يِدّئسئنده بله هچ بئر زئيان سنه توخونماز.
قحطئده سني اؤلومدن، موحارئبه‌ده سني قيلينجين قودرتئندن گری آلار.
قامچيلايان دئللردن اوزاق قالارسان، هلاکت گلدئيي واخت دا قورخمازسان.
هلاکت و آجليق واختي گولرسن، و يرئن وحشي حيوانلاريندان قورخمازسان.
چونکي چؤلون داشلاري ائله عهدئن اولار، چؤلون وحشي حيوانلاري دا سنئنله باريش ائچئنده اولارلار.
بئلرسن کي، چاديرين سالاماتدير، مولکونو يوخلايارسان و بئر اَسکئک تاپمازسان.
بئلرسن کي، نسئلئن چوخ اولاجاقدير، و اؤولادلارين يرئن اوتو کئمي.
کامئل قوجاليقدا قبئره گلرسن، نجه کي، تاخيل دسته‌لري مؤوسومونده ييغيلير.
باخ، بئز بونو آراشديرميشيق؛ بله دئر، اونون اوچون ده، قولاق آس و اؤزون اوچون آنلا.
او زامان اَيّوب جاواب ورئب ددي:
"کاشکي دردئم بئر چکئله‌يدي! بوتون فلاکتئم تَره‌زئيه قويولايدي!
او زامان دهنز قوموندان آغير گلردي؛ اونا گؤره ده، سؤزلرئم دئقّتسئزدئر.
چونکي قادئري-موطلقئن اوخلاري ائچئمده‌دئر؛ روحوم اونلارين زهرئني ائچئر، تارينين دهشتلري منئمله موحارئبهيه دوزولور.
اوت اولاندا وحشي اِششَک مگر آنقيرار؟ يِمي اولان اؤکوز مگر باغيرار؟
دوزسوز شئت يِمه‌يي مگر يمک اولار؟ يومورتا آغينين مگر بئر دادي وار؟
جانيم اونلارا توخونماغي بله ائسته‌مئر، اونلار منه ائيرنج يمک کئميدئر.
کاش آرزوما چاتايديم! تاري منه حسرتئنده اولدوغومو وره‌يدي!
لوطف ادئب منی اَزسَيدي، اَلئندن جَلد اولوب منی کَسسَيدي ده.
بو منه بئر تسلّی اولاردي، آمانسيز عذابين ائچئنده شادليقلا اوينارديم، چونکي موقدّس اولانين سؤزلرئني دانماميشام.
نه گوجوم وار کي، گؤزله‌يئم؟ آخيريم ندئر کي، حياتيمي اوزاديم؟
مگر قووّتئم داشلارين قووّتي‌دئر؟ مگر جئسمئم بورونجدندئر؟
ائندي کي، باجاريق جانيمدان چيخيب گدئب، مگر اؤزومه کؤمک اتمه‌يه بئر قودرتئم وار؟
فلاکته دوشموش آداما دوستونون وفاسي گرک، حتّا قادئري-موطلقئن قورخوسونو بوراخميش اولسا بِله.
قارداشلاريم خيانت اتدئلر؛ بئر وادي کئمي، آخيب گدن چايلار کئمي.
بو وادئلر بوزلار اَرئيَنده داشير، قار سولارلا دولور.
ائستي زاماني گؤزدن ائتئرلر، سيجاغين چوخلوغوندا يرلرئندن يوخ اولورلار.
اونلارين يولوندان کاروانلار آزيرلار، کؤشَنه چيخيب اورادا هلاک اولورلار.
تِيمانين کاروانلاري باخيرلار، شِبانين موسافئرلري اونا اومئد باغلاييرلار.
پرئشانديرلار، چونکي اعتئماد اتمئشدئلر؛ اورايا گلدئلر و مات قالديلار.
سئز ده ائندي منه بله اولوبسونوز؛ موصئبتي گؤرجک قورخدونوز.
هچ اولوب سئزه دئيَم: «منه بئر شي ورئن؟» و يا «مال-دؤولَتئنئزدن منه روشوَت گؤندرئن؟»
و يا «منی دوشمن اَلئندن قورتارين؟» و يا «منی ظالئم اَلئندن گری آلين؟»
منه اؤيره‌دئن، من ده ساکئت قالارام؛ هارادا سهو اتدئيئمي منه بئلدئرئن.
صادئق سؤزلر نه آجي‌دير! لاکئن سئزئن دانلاغينيز نه‌يي دانلايير؟
سؤزلرئمي دانلاماق ائسته‌يئرسئنئز؟ چارهسئز بئر آدامين سؤزلرئني يل کئمي حساب ادئرسئنئز؟
دوغرودان دا کي، يِتئملر اوچون بله پوشک آتيرسينيز، و دوستونوزو ساتيرسينيز.
آمّا ائندي کَرَم ادئب منه بئر باخين؛ چونکي من اوزونوزه يالان دئيَن آدام ديئلم.
يالواريرام دؤنون، آتين حاقسيزليغي، حاقسيزليق اولسون. دوشونون: بو داعوادا من حاقلي‌يام.
مگر دئلئمده بئر حاقسيزليق وار؟ مگر آغزيم يامان شيلري آنلايا بئلمئر؟
ائنسانين ير اوزوندهکي حياتي مگر زحمت چکمک اوچون ديئل؟ مگر گونلري ده فَحله‌‌نئن گونلري کئمي ديئل؟
کؤلگه‌يه حسرت چکن قول کئمي، اوجرَتئنه اومئد باغلايان فَحله‌لر کئمي،
منه مئراث بوش آيلار ورئلدي، پاييما مشقّت گجه‌لر دوشدو.
ياتان زامان دوشونورَم: نه زامان قالخاجاغام؟ لاکئن گجه اوزوندور، و سحره قدر ائکي يانيما وورنوخورام.
بدنئمه قورد دوشوب، قابيقلانير دَرئم چاتلايير، چئرک آخيدير.
گونلرئم جولّانين مَکئيئندن داها سورعتلي گدئر، اومئدسئز آخيرينا چاتير.
خاطيرلا کي، حياتيم بئر نفسدير؛ گؤزلرئم بئر داها ياخشيليق گؤرميه‌جک.
منه باخانين گؤزو، منی داها گؤرميه‌جک؛ گؤزلرئن اوستومده اولاجاق، آمّا من اولماياجاغام.
بولود داغيليب گتدئيي کئمي، اؤلولر دئيارينا اِنَن بئر داها چيخماز؛
بئر داها اِوئنه دؤنمَز، يري ده آرتيق اونو تانيماز.
بونا گؤره آغزيمين قاباغيني آلماياجاغام؛ روحومون دارليغيني دئله گتئره‌جيم؛ جانيمين آجيليغيندان شئکايت ادهجيم.
مگر من دهنزَم، مگر اَژداهايام کي، اوستومه گودوکچو قويورسان؟
اگر دئيَم: «ياتاغيم منی راحاتلار، دؤشه‌يئم شئکوه‌مي آزالدار»
او زامان منی يوخولارلا قورخودورسان، و رؤيالارلا جانيما ولوله ساليرسان.
اله کي، بوغولوب اؤلمه‌يه آرتيق راضي اولسون، و اؤلومو بو دردلردن داها سِوسئن.
حياتيمدان بِزمئشَم؛ اوزون عؤمور ائسته‌مئرم. مندن اَل چک؛ چونکي گونلرئم بئر نفس کئميدئر.
ائنسان ندئر کي، اونو بو قدر بؤيودورسن، قيدئنه قاليرسان،
اونا هر سحر باش چکئرسن، هر آن اونو ائمتاحان ادئرسن؟
داها نه زاماناجاق گؤزونو اوستومدن گؤتورميه‌جکسن، تَک بوراخماياجاقسان کي، آغزيمين سويونو بئر اودوم؟
مگر گوناه اتمئشم؟ سنه نه اتمئشم، ای ائنسانا گودوکچو اولان؟ نه اوچون منی اؤزونه هدف ادئبسن؟ اله کي، سنئن اؤزونه بئر يوک اولموشام؟
نه اوچون عوصيانيمي باغيشلاميرسان و خاطامي دا اوستومدن گؤتورمورسن؟ بئر آزدان تورپاق آلتيندا ياتاجاغام، منی آختاراجاقسان، و من اولماياجاغام."
او زامان شواَخلي بئلدَد جاواب ورئب ددی:
«نه واختا قدر بونلاري دئيه‌جکسن؟ آغزينين سؤزلري ده يِل کوله‌يي کئمي اولاجاق؟
مگر تاري عدالتي اَيَر؟ مگر قادئري-موطلق صالح اولاني اَيري اِدَر؟
بلکه اوغوللارين اونون ضئدّئنه گوناه ادئب، او دا اونلاري عوصيانلارينين اَلئنه ورئب.
اگر سن تاريني آختارسايدين، قادئري-موطلقه يالوارسايدين،
اگر طاهئر و دوز اولسايدين، يقئن کي، او دا سنه گؤره قالخاردي و حاقّين اولان يري سنه گری ورَردي.
باشلانيشين کئچئک اولسا دا، آخيرين چوخ بؤيوک اولار.
گل ائندي قدئم نسئللردن بئر سوروش، آتالارينين نه آراشديرديقلاريني بئر دوشون.
بئز دونَنکي اؤولادلاريق، بئر شي بئلمئرئق. ير اوزوندهکي گونلرئمئز آنجاق بئر کؤلگه کئميدئر.
مگر اونلار سنه اؤيره‌دئب دِمَزلر؟ مگر اورَکلرئندن سؤزلر چيخارتمازلار؟
مگر باتاقليق اولمايان يرده قاميش بئتَر؟ مگر سو اولمايان يرده نِي بؤيويَر؟
حله ياشيل ائکَن، داها کَسئلمه‌دن، هر اوتدان قاباق قورويار.
تاريني اونودان هر کَسئن يولو بلهدئر؛ تاريسيز آدامين اومئدي ده محو اولار.
تَوَکّول اتدئکلري قيريلار؛ بِل باغلاديقلاري اله بئل کي، حؤرومچک تورودور.
اِوئنه سؤيکَنَرکَن، اِوي اوچار. اوئندن بَرک توتارکَن، داغيلار.
گونون قاباغيندا ياشيل‌دير، بوداقلاري باغينين هر طرفئنه اوزانار.
کؤکلري داش ييغينلاري اوستونه حؤرولر؛ داشلار آراسيندا اؤزونه بئر ير آختارار.
آمّا يرئندن قوپاريلارکَن، ير اونو ائنکار ادئب دئيَر؛ سني هچ واخت گؤرمهمئشم.
باخ، اونون يولونون شادليغي بودور؛ اونون يرئنده، اؤزگهلري بئتَر.
باخ، تاري کامئل آدامي اؤزوندن ردّ اِتمَز، پئسلئک ادنلرئن ده اَلئندن توتماز.
سنئن آغزيني گئنه گولوشله، دوداقلاريني شادليق سَسي ائله دولدورار.
سندن نئفرت ادنلري روسوايچيليق بورويه‌جک، شرور آداملارين چاديري يوخ اولاجاقدير.»
او زامان اَيّوب جاواب ورئب ددی:
«يقئن بئلئرم کي، بلهدئر، لاکئن تارينين قاباغيندا ائنسان نجه حاقلي چيخا بئلر؟
اگر بئري اونونلا موباحئثهيه دورسا، اونون سؤزلرئنئن مئندن بئرئنه جاواب وره بئلمز.
اورَکده حئکمتلي و گوجده قووّتلي اولان اودور، کئم اونون قاباغيندا داياندي و سالامات قالدي؟
اودور کي، داغلاري يرئندن قالديرير، و اونلار بئلمئرلر، اونلاری قضبي ائله آلت-اوست اِدَر.
دونياني يرئندن تَرپه‌دن اودور، و اونون سوتونلاري اسئر؛
اودور کي، گونون چيخماماسينا امر ادئر، و اولدوزلارين ائشيغيني اؤرتوب مؤهورله‌يئر.
اودور کي، تَک باشينا گؤيلري سَرئر، و دهنزئن شپهلري اوستونه آياق باسير.
دوبّي-اکبر بورجونو، جبّار و ثورَيّا بورجونو، جنوبون بورجلرئني يارادان اودور.
اودور کي، عاغيلا سيغمايان بؤيوک شيلر، سايييا گلمه‌يَن عجايئب ائشلر گؤرور.
باخ، يانيمدان اِله کچر کي، اونو گؤرمه‌رم؛ کچئب گدر، هچ حئسّ اتمه‌رم.
باخ، قاپيب آپارسا، کئم اونا مانع اولار؟ کئم اونا «نه ادئرسن» دئيه بئلر؟
تاري قضبئني گری دؤنده‌رمز؛ اونون آلتيندا راحَبئن کؤمکچئلري اَيئلئرلر.
اوندا من نجه اونا جاواب وره بئله‌رم، حوضوروندا نجه سؤز تاپا بئله‌رم؟
حاقلي دا اولسام، اونا جاواب وره بئلمه‌رم؛ حؤکم اده‌نئمئن رحمئنه گرک يالواريم.
اگر اونو چاغيرام و منه جاواب ورسه ده، گئنه ائنانا بئلمه‌رم کي، سَسئمه قولاق آسيرميش.
چونکي منی طوفانلا اَزئر، سببسئز يارالاريمي چوخالدير.
نَفَسئمي آلماغا قويماياجاق، منی آجيليقلا دولدوراجاقدير.
اگر ائش قووّهدهدئر، باخ، قووّه‌لي اولان اودور. اگر ائش عدالتده‌دئر، کئم اونو محکمهيه چکه بئلر؟
صالح اولسام دا، آغزيم منی محکوم ادهجک؛ کامئل اولسام دا، او منی تقصئرکار چيخارداجاق.
من کامئلم؛ اؤزومو هچ بئر شي سايميرام، حياتيما خور باخيرام.
هاميسي بئردئر؛ اونا گؤره دِيئرَم: او هم کامئل آدامي يوخ ادئر، هم ده شر آدامي.
اگر موصئبت قفئلدن اؤلوم گتئرسه، تقصئرسئزلرئن چاره‌سئزلئيئنه گولور.
دونيا شرئرئن اَلئنه ورئلئب؛ حاکئملرئنئن اوزونو اؤرتَن اودور. اگر او ديئل، بس کئمدئر؟
گونلرئم چاپاردان داها سورعتلي گدئر، بئر خيئر تاپمادان قاچيرلار.
قاميش قاييقلار کئمي کچئب گدئرلر؛ شئکارينين اوستونه هوجوم ادن قارا قوش کئمي‌دئرلر.
اگر دئيَم: شئکايتئمي اونودوم؛ قوصّه‌لي اوزومو دَيئشئب فرحله‌نئم،
گئنه ده چکدئيئم بوتون عذابلاردان قورخورام، چونکي منی تقصئرسئز سايماياجاغيني بئلئرم.
مادام کي، گئنه گوناهکار چيخاجاغام، بوشونا نئيه بله زحمت چکئم؟
اگر قار سويو ائله يويونسام، اَللرئمي گئلابي ائله تمئزله‌سم،
گئنه ده منی چئرکابا آتاجاقسان، پالتاريم بِله، مندن ائيره‌نئر.
چونکي او منئم کئمي بشر ديئل کي، اونا جاواب ورئم، و بئرلئکده مَحکَمه‌يه گِدَک.
آراميزدا بئر حؤکم ادن ده يوخ کي، اَلئني ائکئمئزئن اوستونه قويسون.
قوي تاري آغاجيني بئر اوستومدن گؤتورسون، قوي قورخوسو منی بئر دهشته سالماسين،
او زامان اوندان قورخمادان دانيشارديم. آمّا ائچئمده اِله ديئلم.
جانيم حياتيمدان بِزئب؛ شئکايتئمي آزاد بوراخاجاغام، جانيمين آجيليغي ائله دانيشاجاغام.
تارييا دئيه‌جيم: «منی محکوم اتمه. بئر منه دِه گؤروم نئيه منئمله داعوا ادئرسن؟
مگر سنه خوشدور کي، ظولم ادهسن؟ اَللرئنئن ائشئني خور گؤرهسن؟ شرور آداملارين نئيّتلرئنه لوطف گؤزو ائله باخاسان؟
مگر سنده ائنسان گؤزلري وار؟ مگر سن ده ائنسان گؤردويو کئمي گؤرورسن؟
مگر گونلرئن ائنسان گونلري کئميدئر، مگر ائللرئن ائنسان ائللري کئميدئر کي،
خاطامي تفتئش ادئرسن، گوناهيمي آراشديريرسان؟
اؤزون بئلئرسن کي، شر آدام ديئلم، آمّا گئنه ده، منی سنئن اَلئندن قورتاران يوخدور.
سنئن اَللرئن منه شکئل وردی، منی ياراتدي؛ ائندي دؤنوب منی هلاک ادهجکسن؟
خاطيرلا کي، منه پالچيق کئمي شکئل وردئن؛ ائندي منی گئنه تورپاغا دؤندره‌جکسن؟
مگر منی سود کئمي تؤکمه‌دئن؟ پِندئر کئمي سالمادين؟
مگر اَت و درئني اَينئمه گِيدئرمه‌دئن؟ منی سوموکلر و وَتَرلرله توخومادين؟
منه حيات وردئن، محبّت گؤرستدئن؛ قيدئمه قالماغين، روحومو حئفظ ادئب.
بونلاري اوره‌يئنده گئزلَتدئيئن حالدا، بئلئرم کي، نئيّتئن بو ائدي.
اگر گوناه اتسَيدئم، منی گوده‌ردئن، تقصئرئمي جزاسيز قويمازدين.
اگر شر بئر آدام اولسام، واي حاليما! حتّا اگر صالح آدام دا اولسام، باشيمي قالديرا بئلمئرم، چونکي خجالت ائچئندهيم، نجه ده ذلئلم.
اگر باشيمي قالديرسام، سن شئر کئمي منی شئکار اِدَرسن، گئنه ضئدّئمه قودرتئني گؤرسدَرسن.
تزهدن قاباغيما شاهئدلر چيخاردارسان، و اوستومه قضبئني آرتيرارسان، ضئدّئمه فوج-فوج قوشون چکرسن.
نه اوچون منی آنامين بطنئندن چيخارتدين؟ اؤلردئم و هچ بئر گؤز منی گؤرمزدي.
اولماميش کئمي اولارديم، آنا بطنئندن قبئره گؤتورولردئم.
مگر گونلرئم آز ديئل؟ آرتيق اَل چک مندن، بوراخ کي، بئر آز دئنجه‌لئم؛
گِدَر-گلمَز يِره، قارانليق و ظولمت دئيارينا گتمه‌دن قاباق،
ظولمَت دئيارينا، قارانليغين اؤزونه، ظولمته، قاريشيقليق دئيارينا، اورايا کي، ائشيغي قارانليق کئميدئر.»"
او زامان نِعمِاتلي صوفَر جاواب ورئب ددي:
«آيا بو قدر سؤز جاوابسيز قالسين؟ چوخ دانيشان آدام حاقلي ساييلسين؟
سنئن لافلارين قاباغيندا ائنسانلار ساکئت قالسين؟ رئشخند ادهسن، هچ کس ده سني دانلاماسين؟
چونکي ديئرسن: «منئم تعلئمئم خالئصدئر، و سنئن گؤزونده طاهئرم.»
کاشکي تاري دانيشسايدي، آغزيني سنه آچسايدي
حئکمتئن سئرّئني سنه بئلدئرسَيدي! چونکي حئکمتئن ائکي اوزو وار. بئل کي، تاري تقصئرلرئنئن نچه‌سئندن کچئب.
آيا تارينين درئنلئيئني اؤلچه بئلرسن؟ قادئري موطلقئن نهايتلرئنه يِتئشه بئلرسن؟
گؤيلردن داها اوجادير، نه اده بئلرسن؟ اؤلولر دئياريندان داها درئندئر، نه آنلايا بئلرسن؟
اؤلچوسو يردن اوزوندور، دهنزدن گِنئش.
اگر آرادان بئر کچه، توتوب باغلايا، اگر موحاکئمهيه چکه، کئم قاباغيني آلا بئلر؟
چونکي او، يالانچيلاري تاني‌يير؛ حاقسيزليغي گؤرن واخت، اونو درک ادئر؟
نه زامان وحشي اِششَک ائنسان دوغسا، آخماق دا آغيلّي اولار.
اگر سن اوره‌يئني دوز ادهسن، اَللرئني اونون طرفئنه اوزادارسان.
اگر اَللرئنده تقصئر وار، اوندان اَل چک. قويما پئسلئک سنئن چاديريندا ساکئن اولسون.
دوغرودان دا، او زامان باشيني اوتانمادان دئک توتارسان، صاغ-سالامات، قورخوسوز ياشايارسان.
دار گونونو اونودارسان؛ اونو آخيب گتمئش سولار کئمي يادا سالارسان.
حياتين گون‌اورتانين گونشئندن داها ائشيقلي اولار، قارانليغين سحر کئمي آچيلار.
سن آرخايين اولارسان، چونکي اومئدئن وار. موحافئظت اولونارسان و امئن-آمانليقدا ياتارسان.
ياتارسان و هچ کس سني قورخوتماز؛ سنئن لوطفونو بئر چوخلاري آرزولار.
لاکئن پئس آداملارين گؤزلري قارالاجاق؛ پناه يرلري اولماياجاق، اومئدلري ده آخير نفسلرئني چکمک اولاجاقدير.»
او زامان اَيّوب جاواب ورئب ددی:
«دوغروردان دا خالق سئزسئنئز، سئز اؤلَنده حئکمت ده اؤلهجک!
سئزئن قدر منئم ده عاغليم وار؛ سئزدن ده هچ اَسکئک ديئلم. بو جور شيلري کئم بئلمئر؟!
دوستولاريما لاغ سببي اولموشام، من کي، تاريني چاغيريب جاواب اِشئدَردئم؛ عادئل و کامئل آدام لاغا دؤنوب!
راحاتليقدا اولان آدام فلاکتي بوش بئر شي سايير، آياغي سوروشَنلر اوچون فلاکت حاضير دايانير.
تالانچيلارين چاديرلاريندا راحاتليق وار، تاريني قضبلَندئرَنلر اَمئن-آمانليقداديرلار، اونلار تارييا يوخ، اؤز قوللارينا بِل باغلاييرلار.
گل، حيوانلاردان سوروش، سنه اؤيره‌دَرلر؛ گؤيون قوشلاريندان سوروش، سنه دئيَرلر.
تورپاغا دِه، سنه بئلدئرَر؛ دهنزئن باليقلاري دا سنه خبر ورَرلر.
بونلارين هانسي بئري بئلمئر کي، بونو ربّئن اَلي ادئب؟!
او رب کي، هر ياشايانين جاني، بوتون ائنسانلارين نفسي اونون اَلئندهدئر.
يِمه‌يئن داديني داماق دادان کئمي، قولاق دا سؤزلري مگر اِلَجه ائمتاحان اتمَز؟!
حئکمت آغساقّاللاردادير، فهم ده اوزون عؤمورلولرده.
حئکمت و قودرت اوندا وار، تدبئر و فهم اوندادير.
باخ، اونون ييخديغي تزهدن قايريلا بئلمز؛ قاپيني بئرئنئن اوزونه باغلاسا، داها آچيلماز.
باخ، سولاري کَسسه، قوراقليق اولار؛ سولاري بوراخسا، دونياني سل آپارار.
قودرت و حئکمت اوندادير، آزان دا اونوندور، آزديران دا اونوندور.
مشورت ورنلري سويولموش گؤندرَر، و حاکئملري آخماق اِدَر.
پادشاهلارين باغلاديغي باغي آچار، و بِللرئنه قورشاق سالار.
کاهئنلري تالان اتدئرَر، ثابئت قالانلاري دا ييخار.
مؤعتبر مشورتچئلري ساکئت اِدَر، آغساقّاللارين عاغليني آلار.
اصئلزاده‌لرئن اوستونه حقارت ياغديرار، گوجلولرئن قورشاغيني چيخاردار.
قارانليغين درئنلرئني گؤز قاباغينا قويار، و ظولمتي ائشيغا چيخاردار.
مئلّتلري بؤيوک اِدَر، سونرا دا اونلاري محو اِدَر؛ مئلّتلري بؤيودَر، سونرا دا هئدايت اِدَر.
دونيانين خالقينا ريئس اولانلارين عاغليني آلار، و يولو اولمايان بئر چؤلده اونلاري سرگردان اِدَر.
ائشيقسيز قارانليقدا اَل سورته-سورته يِرئيَرلر، و اونلاري کِفلي آشا-آشا گَزدئرَر.
باخ، گؤزوم بونون هاميسيني گؤروب، قولاقلاريم بونو اشئدئب و آنلاييب دا.
سئزئن بئلدئيئنئزي من ده بئلئرم. سئزدن هچ اَسکئک ده ديئلم.
لاکئن ائسته‌يئرم قادئري-موطلقله دانيشيم، تاري ائله داعوالاشيم.
آمّا سئز يالان دوزورسونوز، هامينيز دا دَيَرسئز حکئملرسئنئز.
کاشکي سئز کامئل ساکئت قالسايدينيز؛ اوندا حئکمتلي گؤرونَردئنئز!
ائندي بحثئمي بئر اشئدئن، دئلئمئن ائدّئعاسينا ياخشي قولاق آسين.
مگر تاري اوچون حاقسيز سؤزلر دانيشاجاقسينيز؟ مگر اونون اوچون يالان دئيهجکسئنئز؟
مگر اونون طرفئني توتاجاقسينيز؟ اونون داعواسيني مگر سئز ادهجکسئنئز؟
اگر سئزي تَفتئش اتسه، ياخشي اولار؟ ائنساني آلداتديغينيز کئمي، مگر اونو دا آلداداجاقسينيز؟
اگر اونون طرفئني گئزلي توتاسينيز، البتّه کي، سئزي تنبه اِدَر.
مگر اونون شؤوکتي سئزي واهئمه‌يه سالمير؟ دهشتي مگر اوستونوزه دوشمور؟
فئکرئنئزده ساخلاديقلارينيز کول قدر دَيَرسئزدئر، مودافئعه‌لرئنئز پالچيغا دَيمَز.
ساکئت قالين کي، بئر دانيشيم، اوندان سونرا قوي باشيما نه گلئر، گلسئن.
نه اوچون اَتئمي دئشئمه، جانيمي دا اَلئمه آليم؟
منی اؤلدورسه ده، اونا اومئد باغلاياجاغام. آمّا گئنه ده يوللاريمدان اؤتري اونون حوضوروندا دئفاع ادهجيم.
اصلئنده بو منئم نئجاتيم اولاجاق، چونکي تارييا ائنانمايان بئر آدام اونون حوضورونا گلمز.
سؤزومه دئقّتله قولاق آسين، قوي اعلان اتدئکلرئم قولاقلارينيزي دولدورسون.
باخين، موحاکئمهيه حاضيرلاميشام، حاقلي چيخاجاغيمي دا بئلئرم.
کئم منئمله داعوايا دوراجاق؟ چونکي او واخت ساکئت اولوب اؤله‌رم.
آنجاق بو ائکي شيي لوطف ات، اوندا سنئن اوزوندن گئزلَنمه‌رم.
اَلئني اوستومدن گؤتور، و قويما کي، سنئن دهشتئن منی قورخوتسون.
او زامان چاغير، جاواب ورهرم؛ يا دا من دانيشيم، سونرا سن جاواب ور.
خاطالاريم و گوناهلاريم نه قدردئر؟ منه عوصيانيمي و گوناهيمي بئلدئر.
نئيه اوزونو گئزله‌دئرسن، منی دوشمنئن ساييرسان؟
مگر يِلئن قوپارتديغي يارپاغي قورخوداجاقسان؟ مگر قورو سامان چؤپونو قووالاياجاقسان؟
چونکي منئم ضئدّئمه آجي شيلر يازيرسان، جاوانليغيمين خاطالاريني منه مئراث ورئرسن.
آياقلاريما کونده وورورسان، بوتون يوللاريما گؤز قويورسان، قدملرئمه حدّ تعيئن ادئرسن.
اونا گؤره چوروموش بئر شي کئمي تلف اولورام، گووه يِمئش پالتار کئمي‌يم.
آرواددان دوغولان ائنسانين حياتي قيسادير، سيخينتي ائله دولودور.
چئچک کئمي آچار و سولار، کؤلگه کئمي قاچار و دورماز.
مگر سن گؤزلرئني بله اولان بئرئنه دئکئرسن؟ موحاکئمه اتمک اوچون حوضورونا گتئرئرسن؟
کثئفدن تمئزي کئم چيخاردا بئلر؟ هچ کئم!
ائنسانين گونلري تعيئن اولونوب، آيلارينين ساييسي سنه بلّي‌دئر، اونون حودودونو سن قويوبسان کي، اوندان کچه بئلمز.
اوندان گؤزونو چک و اونو بوراخ کي، گونونو بئتئرَن بئر زحمتکش کئمي بئر آز دئنجَلسئن،
بئر آغاج اوچون حله ده اومئد وار؛ کَسئلسه، گئنه ده بئتَر، زوغلاري دا اَسکئلمَز.
کؤکو يرده قوجالسا دا، کؤتويو تورپاقدا اؤلموش اولسا دا،
سويون ائيسئندن چئچکله‌نر، تزه اکئلمئش آغاج کئمي شاخه‌لر ورَر.
آمّا ائنسان اؤلر و دَمَر ياتار. آخير نفسئني چکر و يوخ اولار.
نجه کي، دهنزدن سولار چيخيب گدر چايلار آزاليب قورويار،
ائنسان دا ياتاري، بئر داها قالماز، گؤيلرئن يوخ اولماسينا قدر اويانماز، يوخولاريندان دا اويانديريلماز.
کاشکي منی اؤلولر دئياريندا گئزلَده‌يدئن، قضبئن کچنه‌جک منی اؤرته‌يدئن، منه مؤهلت وره‌يدئن، سونرا منی يادا سالايدين.
ائنسان اگر اؤلسه، بئر داها مگر دئرئلر؟ نؤوبتئم چاتانا قدر، بو عذابدان قورتارماق اوچون هر گون گؤزلَيه‌جيم.
منی چاغيراجاقسان، من ده سنه جاواب ورهجيم؛ اَللرئنئن ائشئنه آرزو چکه‌جکسن.
او زامان قدملرئمي ساياجاقسان، گوناهيمي نظره آلماياجاقسان.
عوصيانيم توربايا سالينيب مؤهورلَنه‌جک، گوناهيمين اوستونو اؤرته‌جکسن.
آمّا داغين اوچوب داغيلماسي کئمي، قايانين يرئندن قوپماسي کئمي،
سو داشلاري يووارلاديغي کئمي، سِللر تورپاغي يويوب آپارديغي کئمي، سن ده ائنسانين اومئدئني بله يوخ ادئرسن.
اونو همئشهلئک مغلوب ادئرسن، و کؤچوب گدئر؛ گؤروشونو دَيئشدئرئب يولا ساليرسان.
اوغوللاري عئزّت قازانسالار دا، اونون خبري اولماز، ذئلّته دوشَنده ده، هچ نه‌يي باشا دوشمَز.
آنجاق اؤز بدنئنئن آغريسيني چکئر، و آنجاق اؤزو اوچون ياس توتور.»
او زامان تِيمانلي اِلئفَز جاواب ورئب ددی:
«مگر حئکمتلي بئر آدام هاوايي علمله جاواب وِرَر؟ مگر قارنيني شرق يِلي ائله دولدورار؟
مگر فايداسيز صؤحبتله، دَيَرسئز سؤزلرله موباحئثه اِدَر؟
آمّا سن تاري قورخوسونو بله قيراغا قويورسان، و تارينين حوضوروندا دوشونمه‌يه مانع اولورسان.
چونکي سنئن آغزين گوناهدان درس آلير، و حئيله‌گرلرئن دئلئني سِچئرسن.
سني محکوم ادن من ديئلم، اؤز دئلئندئر؛ دوداقلارين سنئن ضئدّئنه شهادت ورئر.
مگر ائلک دوغولان آدام سن ائدئن؟ يوخسا داغلاردان دا اوّل سن اولوبسان؟
مگر تارينين گئزلي مشورتئني اشئدئبسن؟ تَکجه اؤزونو مگر حئکمتلي ساييرسان؟
سن نه‌يي بئلئرسن کي، بئز اونو بئلمئرئک؟ سن نه آنلاييرسان کي، بئز آنلاميريق؟
آراميزدا هم ساچي آغارميش وار، هم ده ياشلي؛ سنئن آتاندان دا ياشلي.
مگر سنه تارينين تسلّي‌لري، ددئيي خوش سؤزلر کئفايت ديئل؟
نئيه قلبئن سني بله آزديرير؟ گؤزلرئندن شئمشک چاخير؟
اله کي، روحونو تارينين ضئدّئنه دؤنده‌رئرسن، و آغزيندان بله سؤزلر چيخارديرسان؟
ائنسان نه‌دئر کي، طاهئر اولسون؟ آرواددان دوغولان کئمدئر کي، صالح اولسون؟
باخ، او اؤز موقدّسلرئنه بله اعتئبار اتمئر، گؤيلر بله اونون گؤزونده طاهئر ديئل.
حاقسيزليغي سو کئمي ائچَن ائيرنج، کورلانميش ائنسانا او، مگر اعتئبار اِدَر؟
منه قولاق آس، سنه دِيئم؛ گؤردويومو سنه بيان ادهجيم.
حئکمتلي آداملارين ددئکلرئني، آتالاريندان آليب گئزلَتمه‌دئيي شيلري.
او آتالار کي، اؤلکه آنجاق اونلارا ورئلمئشدي، آرالارينا ياداِللي گئرمهمئشدي.
پئس آدام حياتي بويو عذاب چکئر، قدّار آدام اوچون آنبار اولموش ائللر ساييلي‌دير.
دهشتلر سَسي اونون قولاغيندادير، هر شي ياخشي گؤرونَرکَن، محو ادن اونا هوجوم ادئر.
قارانليقدان قاچاجاغينا ائنانماز، اونو قيلينج گؤزلر.
«هارادادير؟» ديئب چؤرک اوچون آوارا گَزَر قارا گونلرئنئن يانيندا اولدوغونو بئلر.
دارليق و مشقت اونو قورخودار، هوجوم اتميه حاضيرلانميش بئر پادشاه کئمي اونا قالئب گلر.
چونکي اَلئني تارينين ضئدّئنه اوزاديب، و قادئري-موطلقله دئکباشلي رفتار ادئر.
دئکباشليقلا اونون اوستونه يوگورور؛ ائري قوبّه‌لي قالخانيني توتوب.
اوزونو ياغلا اؤرتوب و قارنيني پئي باسيب،
وئرانه شهرلرده، کئمسه‌سئز، يرله يکسان اولان وئرانه‌لرده، عاقئبتي داغيلماق اولان اِولرده سالئن اولاجاق.
بئر داها وارلي اولماياجاق، ثروتي داوام گتئرميه‌جک. ماللاري اؤلکهني بوروميه‌جک.
قارانليقدان قاچماياجاق، زوغلاريني اود آلووو قوروداجاق، و تارينين آغزينين نفسي ائله يوخ اولاجاق.
قوي بوش شيه بِل باغلاماسين، اؤزونو آلداتماسين؛ چونکي عوضي بوشلوق اولاجاق.
واختيندان قاباق ائشي باشا گلهجک، بوداغي گؤيَرميه‌جک.
قوراسي تؤکولَن اوزوم آغاجي کئمي، چئچه‌يي تؤکولَن زيتون آغاجي کئمي اولاجاق.
چونکي تارييا ائنانمايان جاماعات قيصير اولار. روشوَتخورلارين چاديريني اود يانديريب يوخ اِدَر.
بلايا حامئله اولوب شر دوغار، قارينلاري حئيله حاضيرلايار.»
او زامان اَيّوب جاواب ورئب ددی:
«بله شيلردن چوخ اشئتمئشم؛ هامينيز بدبخت تسلّی ورنلرسئنئز.
آيا هاوايي سؤزلرئن آخيري يوخ؟ سئزي نه شي جاواب ورميه مجبور ادئر؟
سئزئن يِرئنئزده اولسايديم، من ده اله دانيشا بئلردئم. ضئدّئنئزه سؤزلر دوزوب باشيمي دا سئزه تَرپه‌ده بئلردئم.
آغزيم اورَکلَندئرئجي سؤزلر دئيردي، و دوداقلاريمدان تؤکولَن تسلّی دردئنئزي آزالدا بئلردي.
دانيشسام بله، دردئم آزالماز، دانيشماسام دا، اوندان نه اَسکئلر؟
آمّا ائندي تاري منی طاقتدن ساليب؛ بوتون منئمله اولانلاري دارماداغين ادئب.
منی باغلاييبسان و او منه شاهئد اولوب؛ ضعئفلئيئم ده اوزومه قالخيب ضئدّئمه شهادت ورئر.
قضبي ائله منی ييرتيب، يره چيرپيب، دئشلرئني منه قيجيرديب؛ دوشمنئم گؤزونو منه دئکئبدئر.
آغيزلاريني اوستومه بوزوبلر، ياناغيما حقارتله ووروبلار؛ ضئدّئمه بئربئرلري ائله بئرله‌شئبلر.
تاري منی ائنصافسيزلارين اَلئنه ورئب؛ شر آداملارين اَلئنه ساليب.
راحات ياشاييرديم، لاکئن منی پرئشان اتدي، بوينومدان توتوب منی پارچالادي. منی اؤزونه هدف قويدو.
اوخچولاري اطرافيمي آليرلار، آمان ورمه‌دن بؤيرَکلرئمي دِشئر؛ صَفرامي يره تؤکور.
بدنئمده يارا اوستوندن يارا وورور؛ جنگاور کئمي اوستومه يوگورور.
دَرئمئن اوستونه چول تئکمئشم، ذئلّت تورپاغينا اوتورموشام.
آغلاماقدان اوزوم قيزارير، کئرپئکلرئمئن اوستونه ظولمت دوشوب؛
اَللرئمده ظاليمليق يوخ ائکَن، دوعام خالئص اولدوغو حالدا.
ای تورپاق، قانيمين اوستونو اؤرتمه، فرياديمي هچ ير ساخلاماسين.
لاپ ائندئدن، باخ، شاهئدئم گؤيلرده‌دئر. مندن دئفاع ادن اوجالاردادير.
دوستلاريم منی اَله سااليرلار، گؤزلرئم تارييا باخيب آغلايير.
ائنسان قونشوسو اوچون يالوارديغي کئمي، بئري ده من ائنساندان اؤتري قوي تارييا يالوارسين.
چونکي بئر نچه ائل کِچَندن سونرا، گدر-گِتمَز يولا گده‌جيم.
روحوم پرئشاندير، گونلرئمئن نورو سؤنور. قبئر منی گؤزلهيئر.
دوغرودان دا اطرافيما اَله سالانلار ييغيليرلار، و گؤزلرئم اونلارين دوشمنچئلئيئني گؤرور.
ائندي منئم حاقّيمدا سن اؤزون قضاوت ات؛ کئم وار کي، منه ضامئن اولسون؟!
چونکي سن اونلارين قلبئني آنلاييش اوچون باغلاييبسان، اونا گؤره ده قويماياجاقسان کي، اونلار اوجالسينلار.
او آداملار کي، پاي اوچون دوستلارينا خيانت ادئرلر، اؤولادلارينين گؤزلرئنئن نورو سؤنه‌جک.
تاري منی خالقلارا مثل ادئب، آداملار گلئب اوزونه توپورورلر.
قوصّهدن گؤزومون نورو قاراليب، بوتون اعضالاريم کؤلگه کئميدئر.
دوز آداملار بونا حيرانديرلار، و گوناهسيزلار اؤزلرئني دئنسئزلرئن ضئدّئنه قالديريرلار.
آمّا گئنه ده صالح آدام اؤز يولونو توتور، اَلي تمئز اولان دا گتدئکجه قووّتله‌نئر.
لاکئن ائندي سئز هامينيز گئنه گلئن، و آرانيزدا حئکمتلي بئر آدام تاپمارام.
گونلرئم کچئب، نئيّتئنده اولدوقلاريم، اوره‌يئمئن ائستَکلري پَرَن-پَرَن دوشوب.
اونلار گجهني گوندوزه دؤنده‌رئرلر، ظولمته "ائشيق ياخيندير" ديئرلر.
اگر اؤلولر دئياريني اِوئم کئمي گؤزله‌سم، ياتاغيمي قارانليقدا سَرسَم،
اگر قبره "سن آتامسان"، قوردا دا "آنام-باجيم سنسن" دِسَم،
اوندا بس اومئدئم هاني؟ کئم منه بئر اومئد گؤرَر؟
مگر اومئد منئمله اؤلولر دئيارينا دوشَر؟ بئرلئکده تورپاغا اِنه‌رئک؟»
او زامان شواَخلي بئلدَد جاواب ورئب ددی:
«نه زامانا قدر سؤز شئکارينا چيخاجاقسينيز؟ آنلاقلي اولون، سونراسي دانيشاريق.
نئيه حيوانا بَنزه‌يک؟ گؤزلرئنئزه آخماق کئمي گؤرونَک؟
ای سن، اؤزونو قضبئنده دئدئب- داغيدان، سنئن خاطئرئن اوچون بو دونيا مگر ترک اولوناجاق؟ و يا قايا يرئندن چيخاجاق؟
البتّه کي، شر آدامين نورو سؤنه‌جک، و اودونون آلووو ائشيق ورميه‌جک.
چاديريندا نور قارانليغا دؤنهجک، يانينداکي دا سؤنه‌جکدئر.
گوجلو قدملري گوجدن دوشهجک، و اونو ييخان اؤز فَندي اولاجاقدير.
چونکي اؤز آياقلاري اونو تورا سالاجاق، اؤز آياغي ائله تلهيه دوشهجک.
کمند اونو توپوغوندان توتاجاق، تله آچيليب اونو قاپاجاق.
اونون اوچون تورپاقدا گئزلي کمند سَرئلئب، يولو اوستونده ده تله قورولوب.
دهشت اونو هر طرفدن بورويَر، هر قدمئنده اونو تعقئب اِدَر.
آجليق قووّه‌تئني يِيئب قورتاراجاق، يانيندا فلاکت حاضير داياناجاق.
دَرئسئني آزار يئيهجک، اؤلومون ائلک اؤولادي اعضالاريني يِيئب ائشئني بئتئره‌جک.
امئن-آمانليق چاديريندان کَسئلئب آتيلاجاق، و دهشتلر پادشاهينين يانينا آپاريلاجاق.
چاديريندا اونا عاييد هچ نه اولماياجاق، يوردونا گوگورد ياغاجاق.
آلتدان کؤکلري قوروياجاق، اوستدن ده بوداقلاري سولاجاق.
ير اوزوندن ذئکري کَسئله‌جک، محلّه-کوچهده ده آدي ياددان چيخاجاق.
ائشيقدان قارانليغا سوروله‌جک، دونيا خالقينين آراسيندان قووولاجاق.
خالقي آراسيندا نه اؤولادي اولاجاق، نه نسلي، مسکنئنده بئر کئمسه‌سي قالماياجاق.
قربده ياشايانلار اونون حالينا مات قالاجاقلار، شرقده ياشايانلاري دا دهشت بورويه‌جک.
دوغرودان دا کي، ائنصافسيزلارين مسکني بلهدئر، تاريني تانيمايانلارين يري ده بودور.
او زامان اَيّوب جاواب ورئب ددي:
«نه واختاجاق منی ائنجئده‌جکسئنئز، سؤزلرله منی اَزه‌جکسئنئز؟
اون دفهدئر کي، منی تحقئر ادئرسئنئز، منه ياوا رفتار اتمه‌يئنئزدن ده اوتانميرسينيز.
اگر دوغرودان آزميش دا اولسام، بو آنجاق اؤز تقصئرئمدئر.
اگر اؤزونوزو حقئقتن مندن اوستون توتورسونوز، عِيبئمي اوزومه وورورسونوز،
بئلئن کي، تاري منه حاقسيزليق ادئب، هر طرفدن منی تورونا ساليب.
باخين، "ظولمدور" ديئب باغيريرام، لاکئن جاواب آلميرام. کؤمک اوچون فرياد ادئرم، آمّا عدالت يوخدور.
يولوما دئوار چکئب کي، کِچه بئلمه‌يئم؛ يوللاريمي قارانليغا ساليب.
شرفئمي اَينئمدن سويوندوروب، باشيمدان تاجي گؤتوروب.
هر ياندان منی ييخير، اَلدن گدئرم؛ اومئدئمي آغاج کئمي کؤکوندن چيخارديب.
قضبئني ضئدّئمه توتوشدوروب، منی اؤزونه دوشمن ساييب.
قوشونلاري اوستومه بئرلئکده گلئرلر، ضئدّئمه يوللاريني ساهمانلاييرلار، چاديريمين اطرافيندا يِرله‌شئرلر.
قارداشلاريمي مندن اوزاقلاشديريب، تانيشلاريم منه کامئل ياد اولوبلار.
قوحوملاريم مندن اَل چکئبلر، ياخين دوستلاريم منی اونودوبلار.
اِوئمده ياشايانلار و کنئزلرئم منی اؤزگه ساييرلار، اونلارين گؤزلرئنده قرئب اولموشام.
قولومو چاغيريرام، آغيز آچيب يالوارسام بله، جاواب ورمئر.
نفسئمدن آرواديمين دا زَهله‌سي گدئر، اؤز قارداشلاريم دا مندن ائيره‌نئر.
کئچئک اوشاقلار بله منه حقارت ادئرلر، آياغا قالخديغيم زامان ضئدّئمه دانيشيرلار.
بوتون صمئمي دوستلاريم مندن ائکراه ادئرلر، سِودئکلرئم ده ضئدّئمه دوروبلار.
سوموکلرئم دَرئمه، اَتئمه ياپيشيب، دئشئمئن دَرئسي ائله آنجاق قاچميشام.
منه يازيغينيز گلسئن، يازيغينيز گلسئن، سئز ای دوستلاريم، چونکي تارينين اَلي منی ووروب.
نه اوچون سئز ده منه تاري کئمي ائشکَنجه ورئرسئنئز، نئيه اَتئمدن دويمورسونوز؟
کاشکي سؤزلرئم يازيلسايدي! کاشکي کئتابدا قيد اولسايدي!
دمئر قلم و قورغوشونلا همئشهلئک قايادا حَکّ اولسايدي!
لاکئن من، بئلئرم کي، قورتاريجيم دئرئدئر، آخيردا او، ير اوستونده داياناجاق.
دَرئم يوخ اولاندان سونرا، اَتئم اولمادان دا تاريني گؤره‌جيم.
اؤزوم، اؤز گؤزلرئمله اونو گؤره‌جيم، اؤزوم، اؤزگه‌سي يوخ! نجه اوره‌يئم باغريمدا اوزولور!
اگر دئيهسئنئز؛ «ائشئن کؤکو اوندادير، نجه اونا ائشکَنجه ورَک؟»
اوندا اؤزونوز ده قيلينجدان قورخون؛ چونکي قضب قيلينج جزاسي گتئرَر، اِله کي، موکافاتين وار اولدوغونو بئلهسئنئز.»
او زامان نِعَماتلي صوفَر جاواب ورئب ددی:
«ائچئمده اولان فئکئرلرئمه گؤره جاواب ورميه مجبورام.
منی اوتانديران بئر مذَمّتي اشئتدئم، دَرکئمئن روحو منی جاواب ورميه چکئر.
مگر بونو قدئم زاماندان، ائنسانين ير اوزونه قويولدوغو زاماندان بئلمئرسن کي،
شر آدامين ظفري قيسادير، دئنسئز آدامين دا شادليغي بئر آنليق؟
بويو گؤيلره چاتسا دا، باشي بولودلارا دَيسه ده،
همئشهلئک يوخ اولاجاق، اؤز فضله‌سي کئمي. اونو گؤرموش اولانلار «او هارادادير؟» دئيَرلر.
يوخو کئمي اوچار، بئر داها تاپيلماز. گجه رؤياسي کئمي يوخ اولار.
اونو گؤرَن گؤزلر بئر داها اونو گؤرمزلر، ياشاديغي يرده آرتيق گؤرونمز.
اوغوللاري فاغيرلارين مرحمتئني آرزولار، و ثروتئني اؤز اَللري گری ورَر.
سوموکلري جاوانليق آلووو ائله دولو اولدوغو حالدا، اونونلا تورپاقدا ياتار.
پئسلئک آغزينا شئرئن گلسه ده، اونو دئلئنئن آلتيندا گئزلَتسه ده،
اونا آرزو چکسه ده، داماغينين آلتيندا ساخلاسا دا،
يِدئيي يمک قارنيندا دَيئشئلر، ائچئنده افعي زهرئنه دؤنَر.
ثروتلري اودور، لاکئن اونلاري قوساجاق؛ تاري اونلاري اونون قارنيندان اِشئيه چيخارداجاق.
افعي ائلانلارين زهرئني اَمَر؛ افعي ائلانين دئلي اونو اؤلدورَر.
سو آرخلاريني، بال و آيران چايلاريني گؤرمَز
قازانديغيني گری ورَر و اونلاري اودا بئلمز؛ تئجارتئنئن منفعتئندن لذّت آپارا بئلمز.
چونکي فاغيرلارا ظولم ادئب، و اونلاري بوراخيب؛ اؤزو تئکمه‌دئيي اِوي زورلا قصب ادئب.
ائچئنده آرامليغي اولماديغي اوچون، آرزو اتدئيي هچ بئر شيي ساخلامير.
يِمه‌يي اوچون اونا هچ بئر شي قالماييب، اونا گؤره ده خوشبختلئيي داوام گتئرمز.
بوللوغونون دولولوغوندا بله دارليق چکهجک؛ بوتون فلاکت اَلي اونون ضئدّئنه قالخاجاقدير.
قارنيني دولدوران واخت، تاري شئدّتلي قضبئني اونون اوستونه گؤندره‌جک، و اونون جانينا ياغديراجاقدير.
دَمئر سئلاحدان بلکه ده قاچا بئلسئن، لاکئن بورونج اوخ اونو دَلئب-دِشه‌جک.
اوخ اونو دَلئب کچهجک و اونون بدنئندن چيخاجاق؛ پاريلدايان اوجو اونون جئيه‌رئندن چيخاجاق. دهشتلر اونون اوستوندهدئر.
خزئنه‌لرئنئن عاقئبتي قارانليق اولاجاق، اوفورولمه‌مئش اود اونو يِيئب قورتاراجاق، و چاديريندا قالانلاري دا يانديريب-ياخاجاق.
اونون خاطاسيني گؤيلر آشکارا چيخارداجاق، ير اونون ضئدّئنه قالخاجاق.
اِوئنئن محصولو سورولوب گؤتورولهجک، تارينين قضبي گونونده آخيب گده‌جکدئر.
پئس آدامين تاريدان آلديغي پاي بودور، اونون اوچون تاريدان تعيئن اولونان مئراث بودور.»
او واخت اَيّوب جاواب ورئب ددي:
"سؤزلرئمه دئقّتله قولاق آسين، سئز بونونلا منه تسلّی ورئن.
منه بئر دؤزون، من ده دانيشيم، من دانيشاندان سونرا لاغ ادئن.
يا من، مگر منئم شئکايتئم بئر ائنسانادير؟ نجه صبئرسئز اولماييم؟
منه باخيب مات قالين، اَلئنئزي آغزينيزين اوستونه قويون.
بونو حتّا خاطيرلاياندا دا دهشت منی بورويور؛ بدنئمه اَسمه دوشور.
نه اوچون پئس آداملار ياشاييرلار؟ ياشلانديقجا نئيه گوجلري آرتير؟
نسئللري يانلاريندا، اؤولادلاري دا گؤزلرئنئن قاباغيندا اونلارلا برقراردير،
اِولري امئن-آمانليقدادير، قورخودان اوزاقدير، تارينين دَيَنه‌يي ده اونلارا دَيمئر.
اؤکوزلري جوتله‌شئر و ائنه‌يي ردّ اتمئر، ائنکلري ده دوغور و سَقَطي اولمور.
بالالاريني سورو کئمي يولا سالير، اوشاقلاري اويناشير.
دف و طنبور سَسي ائله اوخويورلار، ني نغمه‌سي ائله شادليق ادئرلر.
گونلرئني کفله کچئردئرلر، و اؤلولر دئيارينا بئر آندا اِنئرلر.
تارييا ديئرلر: «بئزدن اوزاق اول! ائسته‌مئرئک يوللاريني بله بئلک.
قادئري-موطلق کئمدئر کي، بئز اونا قوللوق اِدَک؟ اونا دوعا اتمهيئن نه فايداسي وار؟!»
باخ، اونلارين خوشبختلئکلري اؤز اَللرئنده ديئل؛ شر آداملارين مشورتي قوي مندن ائراق اولسون!
نچه دفه اولوب کي، پئس آداملارين چيراغي سؤنسون؟ يا دا باشلارينا فلاکتلري گلسئن؟ مگر تاري اؤز قضبئنده اونلارا هلاکتي پاي ورئر؟
مگر اونلار يِل سوووران سامان کئمي دئرلر؟ مگر طوفان اونلاري سامان چؤپو کئمي گؤتوروب آپارير؟
ديئرسئنئز: «تاري آتانين جزاسيني اؤولادلارينا چکدئرئر. قوي تاري جزاسيني ورسئن کي، بونو بئلسئن.
قوي اؤز هلاکتئني گؤزلري ائله گؤرسون، قوي قادئري-موطلقئن قضبئندن ائچسئن.
چونکي آيلارينين سايي کَسئلدئيي واخت، اؤزوندن سونرا اِو اهلي اوچون نه‌يئن قيدئنه قالار؟
مگر تارييا معرئفت اؤيرَتمَک اولار، اونا کي، حتّا لاپ اوجا منصب صاحئبلرئنه حؤکم ادئر؟
بئري گوجونون کامئللئيئنده اؤلور، چوخ راحات و راضي؛
يانلاري ياغلا دولو! سوموکلري ائلئکلي!
بئري ده جان آجيليغي ائچئنده اؤلور، ياخشي بئر شي اصلا دادماميش اؤلور.
ائکئسي ده تورپاقدا ياتير، ائکئسئنئن ده بدنئني قورد باسير.
باخين، بئلئرم نه فئکئرده‌سئنئز، قَصدئنئز ضئدّئمه اولماقدير.
چونکي ديئرسئنئز: «هاني آغا آدامين اِوي؟ هاني پئس آداملارين چاديري، ساکئن اولدوغو يرلر هارادادير؟»
يولدان کِچَنلردن مگر سوروشماييبسينيز؟ مگر اونلارين شهادتلرئنه قولاق آسماييبسينيز کي،
پئس آدام فلاکت گونوندن ساخلانير، و قضب گونونده اونا يول گؤرسدئله‌جک؟!
کئم اونون عمللرئني اوزونه ووراجاق؟ کئم اونون اتدئکلرئنئن جزاسيني ورهجک؟
قبئرئستانا آپاريلارکَن، قبئرئن اوستونه گودوکچو قويارلار.
وادئنئن تورپاغي اونو نازلا بورويَر؛ هرکس اونون داليسينا دوشَر، قاباغيندا گِدنلرئن ده ساييسي چوخدور.
بس نجه سئز منه عبث يره تسلّی ورئرسئنئز؟ سئزئن جاوابلارينيزدان قالان شي آنجاق يالاندير."
او زامان تِيمانلي اِلئفَز جاواب ورئب ددی:
"مگر ائنسان تارييا فايدالي اولا بئلر؟ حئکمتلي بئر آدام دا مگر اونا فايدا ورَر؟
سنئن صالح اولدوغوندان قادئري-موطلق نه لذّت آلير؟ يوللارينين کامئل اولدوغونون اونا نه قازانجي وار؟
سني تنبه اتمه‌سي، موبارئزه آپارماسي مگر اونا گؤرستدئيئن حؤرمته گؤرهدئر؟
مگر پئسلئيئن بؤيوک ديئل؟ مگر تقصئرئن حدسئز ديئل؟
سببسئز قارداشلاريندان گئروو آلدين، اونلاري پالتارلاريندان سويوب لوت بوراخدين.
يورغونا بئر ائچئم سو ورمه‌دئن، آج آدامدان چؤره‌يي اسئرگه‌دئن.
لاکئن ير قودرتلي آدامينکي‌دير، حؤرمتلي آدام اوندا ساکئن اولور.
دول آروادلاري اَلي-بوش يولا سالدين، يِتئملرئن قووّتئني سينديردين.
بوندان اؤترودور کي، هر يانيني تله آليب، قفئلدن گلن قورخو سني دهشته ساليب.
ظولمت سني اله بورويوب کي، گؤره بئلمئرسن، سِل‌لرده بوغولورسان.
مگر تاري گؤيلرئن اوجالاريندا ديئل؟ لاپ اوزاق اولدوزلارا بئر نظر سال، گؤر نه قدر اوجالارداديرلار!
آمّا سن ديئرسن: «تاري نه بئلئر؟ مگر قالين قارانليق ائچئندن موحاکئمه اده بئلر؟
بولودلار اونا مانع اولور، اِله کي، گؤره بئلمئر. گؤي قوبّه‌سئنئن اوستونده گَزئر.»
پئس آداملارين گتدئيي قدئم يولو مگر توتاجاقسان؟
اونلار واختلاري چاتماميش قاپيلديلار، بونؤوره‌لرئني سل باسدي.
تارييا ددئلر: «بئزدن اوزاق اول! قادئري-موطلق بئزه نه ادهبئلر؟»
آمّا گئنه ده تاري اِولرئني نعمتلرله دولدوردو؛ اونا گؤره قوي پئس آداملارين مشورتي مندن اوزاق اولسون!
صالح آداملار بونو گؤروب سِوئنئرلر، معصوم آداملار اونلاري لاغا قويورلار.
ديئرلر: «دوغرودان دا دوشمنلرئمئز هلاک اولورلار، و اونلاردان قالاني دا اود يِيئب اودور.»
ائندي تارييا باش اَي، اونونلا باريش؛ بلجه ياخشيليق سنه گلر.
اونون آغزيندان چيخان تعلئمي قبول ات، اونون سؤزلرئني اوره‌يئنده ساخلا.
اگر قادئري-موطلقئن طرفئنه دؤنه‌سن، اوّلکي حالينا دؤنَرسن؛ اگر حاقسيزليغي چاديريندان اوزاق ادهسن،
قيزيليني تورپاغا قوياسان، اوفئرئن خالئص قيزيليني چايلارين داشلاري اوستونه آتاسان.
او زامان قادئري-موطلق سنئن قيزيلين اولار، خالئص گوموشون اولار.
او زامان قادئري-موطلقدن خوشلانارسان، و اوزونو تارييا قالديرارسان.
اونا دوعا اِدَرسن، سني اِشئدَر. اتدئيئن نذئرلري يرئنه يتئرَرسن.
قرار وردئيئن هر شي يرئنه يتئرئلر، يوللارينين اوستونه نور سَپئلر.
ائنسانلار سني آلچالداندا، سن «باش اوجاليغي‌دير» دئيَرسن، چونکي او باشيآشاغي آداملارا خئلاص ورَر.
او، گوناهسيز اولماياني بله قورتارار، سنئن اَللرئنئن تمئزلئيئنه گؤره گوناهکار خئلاص اولار."
او زامان اَيّوب جاواب ورئب ددی:
"بو گون ده شئکايتئم آجي‌دير، ناله ائچئنده اولدوغوم حالدا، اَلي اوستومه آغيردير.
کاشکي بئلسَيدئم اونو هارادا تاپا بئله‌جيم، کاشکي اونون مسکنئنه گده بئلسَيدئم.
او زامان داعوامي اونون حوضوروندا آچارديم، دلئل‌لرئمي دالبادال دوزَردئم.
منه وره‌جيی جاوابي بئلردئم، منه دئيه‌جيي سؤزلري آنلايارديم.
قودرتئنئن بؤيوکلوغو ائله مگر منئمله داعوالاشاردي؟! خِير! يقئن سؤزومه قولاق آساردي.
اورادا دوز بئر آدام اونونلا دلئل‌له‌شَردي؛ من ده حؤکم اده‌نئمئن اَلئندن همئشهلئک قورتارارديم.
باخين، ائرهلي گدئرم، اورادا ديئل. دالييا گدئرم، اونو تاپا بئلمئرم.
ائشله‌دئيي سول طرفه گدئرم، گؤزوم اونو سچمئر. ساغ طرفه دؤنور، اونو گؤره بئلمئرم.
آمّا توتدوغوم يولو او بئلئر؛ منی ائمتاحان ادن زامان، قيزيل کئمي چيخارام.
آياغيم اونون يولونو بَرک توتوب؛ يولونو توتموشام و اوندان دؤنمه‌مئشم.
دوداقلارينين امر اتدئيئندن آيريلماميشام؛ آغزينين سؤزلرئني، مؤحتاج اولدوغوم يمکدن داها چوخ دَيَر ورئب آنبار اتمئشم.
لاکئن اونون کئمي بئري يوخدور، کئم اونو دؤنده‌ره بئلر؟ جاني نه ائسته‌سه، اونو اِدَر.
منه تعيئن اولوناني يرئنه يتئرئر، و يانيندا بله حؤکملردن چوخ وار.
بونا گؤرهدئر کي، حوضوروندا بله دهشتده‌يم، بونلاري دوشونَن واخت اوندان قورخورام.
تاريدير کي، اوره‌يئمئن قووّتئني قيريب، قادئري-موطلقدئر کي، منی دهشته ساليب؛
لاکئن نه قارانليق منی ساکئت ادئب، نه ده اوزومو بورويَن قالين ظولمت.
نئيه قادئري-موطلق حؤکم اوچون زامان تعيئن اتمئر؟ نئيه اونو تانييانلار حؤکم گونلرئني گؤرمورلر؟
بعضئلر حودودلاري يرلرئندن قالديريرلار؛ سورولري قصب ادئب اوتاريرلار.
يِتئملرئن اِششَکلرئني سوروب آپاريرلار؛ دول آروادين اؤکوزونو گئروو گؤتورولر.
مؤحتاجلاري يولدان چيخارديرلار؛ اؤلکه‌ده‌کي فاغيرلارين هاميسي گئزلَنمَيه مجبور اولور.
باخ، کاسيبلار چؤل اِششَکلري کئمي، يمک آختارماق اوچون اِرته‌دن ائشه چيخيرلار؛ اؤولادلاري اوچون چؤلده چؤرک آختاريرلار.
يِملرئني زَمئده بئچئرلر، پئس آدامين اوزوم باغيندان اوزوم قاليقلاريني ييغيرلار.
گجهني پالتارسيز لوت کچئردئرلر، سويوقدا اوستلرئني اؤرتمَيه بئر شي تاپميرلار.
داغلارا ياغان ياغيشدان ائسلانيرلار، پناهسيزليقدان قاياني قوجاقلاييرلار.
يِتئم کؤرپه‌لري دؤشدن آييريرلار، فاغيرين کؤرپه‌سئني گئروو آليرلار.
بو يازيقلار پالتارسيز لوت دولانيرلار، آج اولا-اولا تاخيل دسته‌لرئني داشي‌ييرلار.
پئسلرئن چَپَرلري آراسيندا زيتون ياغي سيخيرلار، شراب اوچون اوزوم سيخيرلار، آمّا اؤزلري سوسوزلوقدان يانيرلار.
شهرلردن ائنسان ناله‌‌سي قالخير، يارالي جانلار کؤمک اوچون باغيريرلار، آمّا تاري حله ده حاقسيزليغي نظره آلمير.
آداملار وار کي، ائشيغين ضئدّئنه عوصيان ادئرلر؛ اونون يوللاريني تانيميرلار، طرئقلرئنده ده قالميرلار.
قاتئل گون باتاندا قالخير؛ فاغير و مؤحتاجي اؤلدورور، گجه واختي بئر اوغرويا بَنزه‌يئر.
زئناکارين گؤزو آخشام واختيني گؤزلهيئر؛ دوشونور: «هچ بئر گؤز منی گؤرمَز.» اوز-گؤزونو گئزله‌دئر.
قارانليقدا اِولري ياريرلار، لاکئن گوندوزده گئزله‌نئرلر. بونلار ائشيغي تانيميرلار.
چونکي اونلارين سحري قالين قارانليقدير، ظولمتئن دهشتلري ائله آشناديرلار.
آمّا سولارين اوزونده کؤپويه بَنزَرلر، اونلارين پايي ير اوزونده ملعوندور؛ اوزوم باغلارينا قاييتمازلار.
نجه قوراقليق و ائستئلئک قار اَرئدئب اودار، اؤلولر دئياري دا گوناهکارلاري اله گؤتوروب آپارار.
آنا بطني اونو ياددان چيخاردار، قوردلار اوچون لذئذ يِم اولارلار. ائنصافسيز آدام آرتيق يادلارا دوشمَز، آمّا آغاج کئمي سينار.
سونسوز آروادا يامانليق اِدَرلر، دول آروادا هچ ياخشيليق اتمَزلر.
آمّا تاري قودرتي ائله گوجلولري آشاغي چکر؛ اؤزو قالخار، لاکئن هچ کس حياتيندان آرخايين اولماز.
تاري اونلارا امئن-آمانليق يارادير، و اونا آرخايين اولورلار. و گؤزلري اونلارين يوللاريندادير.
قيسا بئر مودّت اوچون اوجاليرلار، بئر آز سونرا يوخ اولورلار؛ آلچاديليرلار، و باشقا هر شي کئمي آلينيب گؤتورولورلر؛ سونبول‌لرئن باشي کئمي کَسئلئرلر.
ائندي اگر بله ديئل، کئم منی يالانچي چيخاردا بئلر؟ کئم سؤزومو دَيَرسئز اده بئلر؟"
او زامان شواَخلي بئلدَد جاواب ورئب ددی:
"سلطنت و هيبت تارييا عاييددير؛ اوجا گؤيلرئنده نئظام قوران اودور.
مگر قوشونلارينين ساييسي وار؟ اونون ائشيغي کئمئن اوستونه دوشمَز؟
فاني ائنسان تارينين حوضوروندا نجه صالح چيخا بئلر؟ آرواددان دوغولان نجه طاهئر اولا بئلر؟
باخ، اونون گؤزونده آي بله پارلاق ديئل، اولدوزلار بله طاهئر ديئللر.
بس تورپاق قوردونا بَنزَر ائنسان نجه اولا بئلر؟ ائنسان اؤولادي کي، آنجاق يرئن قوردودور."
او زامان اَيّوب جاواب ورئب ددی:
"ضعئف آداما نه چوخ کؤمک اولدونوز! طاقتدن دوشن قولا نجه ده خئلاص وردئنئز!
حئکمتسئز آداما نجه مصلحت وردئنئز! اونا بصئرتي نه بول وردئنئز!
بو سؤزلري کئمه ديئرسن؟ سنئن آغزيندان کئمئن نفسي دانيشير؟
اؤلولر تئتره‌يئرلر، سولارين آلتيندا اولانلار، بوتون اونلاردا ياشايانلار لرزهيه گلئرلر.
تارينين حوضوروندا اؤلولر دئياري چيلپاق‌دير؛ هلاکت يرئنئن اؤرتوسو يوخدور.
بوش فضانين اوستونه شئمال گؤيلرئني سالير، يري هِچلئکدن آسير.
سولاري بولودلاريندا بوکور، اونلارين آغيرليغيندان بولودلار ييرتيلمير.
بَدئرلَنمئش آيين اوزونو اؤرتور، بولودلاريني اونون اوستونه چکئر.
سولارين اوستونه بئر سرحد چکئر، ائشيقلا قارانليغي بؤلور.
گؤيون سوتونلاري اسئرلر، اونون تأدئبئندن حيرته دوشورلر.
دهنزي قودرتي ائله چالخالادي، حئکمتي ائله راحَبي تئکه-تئکه اتدي.
اونون نفسي ائله گؤيلر آچيلير؛ اَلي قاچان ائلاني پارچالاييب.
باخ، بونلار آنجاق اتدئکلرئنئن بئر ذرّه‌سي‌دئر اوندان اشئتدئيئمئز ضعئف بئر پيچيلتي‌دير! لاکئن قودرتئنئن گورولتوسونو کئم آنلايا بئلر؟"
اَيّوب گئنه موباحئثه‌سئنه داوام ورئب ددی:
"حاقّيمي اَلئمدن آلان او دئري تارييا، جانيمي آجي ادن قادئري موطلقه آند اولسون،
نه قدر ائچئمده حيات وار بورنومدا دا تارينين نفسي،
دوداقلاريم ناحاق سؤز دِمَيه‌جک، دئلئم ده هچ حئيله دانيشماياجاق.
حاشا کي، سئزئن دوغرو اولدوغونوزو تصدئق ادئم؛ آخير نفسئمه قدر کامئللئيئمدن اَل چکميه‌جيم.
صالحلئيئمدن بَرک ياپيشميشام، بوراخماياجاغام دا. اوره‌يئم هچ بئر گونوم اوچون منی مذمّت اتمئر.
قوي دوشمنئم پئس آداملارين گونونه دوشسون، حاقسيز آداملارا نجهدئر، منه ضئدّ اولانا دا اِله اولسون.
چونکي تاري، اونو تانيمايان آدامي کَسئب آتاندا، جانيني آلاندا، اونون اومئدي نه‌دئر؟
دارليغا دوشَنده، مگر تاري فرياديني اشئده‌جک؟
مگر قادئري موطلقده کِف ادهجک؟ تاريني هر زامان چاغيراجاق؟
تارينين قودرتي حاقّيندا سئزه تعلئم ورهجيم؛ قادئري موطلقده اولاني گئزلَتميه‌جيم.
باخين، سئزئن هامينيز اونو گؤروبسونوز؛ بس نئيه بوش سؤزلرله اؤزونوزو هچ ادئرسئنئز؟
شر آدامين تاريدان آلديغي پاي، ظالئم آداما قادئري موطلقدن يِتئشدئيي مئراث بودور:
گرچي اؤولادلاري چوخالير، لاکئن اونلارين قدري قيلينج آغزي‌دير؛ نسئللري ده دويونجا چؤرک تاپان اولماياجاق.
اونون نسلئندن قالاني اؤلوم باسديراجاق، دول آروادلاري دا آغلايا بئلميه‌جکلر.
قوم قدر گوموش ييغسا دا، تورپاق ذرّه‌لري قدر پالتار ييغسا دا،
اونون ييغديغيني صالح آدام گئيَر، گوموشو ده گوناهسيزلار بؤلر.
اِوئني گووه کئمي، قوروقچونون قوردوغو کوما کئمي بئنا اِدَر.
وارلي ياتار، آمّا بونو بئر داها اده بئلمز؛ گؤزلرئني آچار، و واريندان آرتيق اثر يوخ.
دهشتلر اونو سل کئمي بورويَر، طوفان دا گجه اونو قاپيب آپارار.
شرق يِلي اونو قالديريب سووورار، و او گتمئش اولار، چونکي اونو يرئندن سوپوروب آپارار.
اونو توللايار و رحم اتمز، يقئن کي، اونون اَلئندن قاچماغا جهد اِدَر.
اونا اَل چالار، يرئندن اونا فيشيلدايار.
يقئن کي، گوموشون معدني وار، قيزيلين دا تصفئيه اتدئکلري يري.
دمئر تورپاقدان آلينير، مئس ده قايادان اَرئدئلئر.
ائنسان قارانليغا نهايت قويور. قارانليقدا، ظولمتده قاياني آخير حدّئنه قدر قازيب آختارير.
آداملارين ساکئن اولدوغو يردن اوزاق بئر دلئک آچير؛ ائنسان آياغي دَيمه‌يَن يرلرده. فاني ائنساندان اوزاقدا ساللانيب يِللَنه-يِللَنه قالير.
ير کي، اوندان چؤرک چيخير، دئبي اود کئمي آلت اوست اولور.
قايالاريندان لاجورد داشي چيخير، و اوندا قيزيل توزو وار.
اورانين يولونو شئکار قوشو دا بئلمئر، شاهئنئن گؤزو ده اوراني گؤرمه‌يئب.
مغرور وحشي حيوانلار اورايا آياق قويماييبلار، ييرتيجي آصلانلار دا اورادان کچمه‌يئب.
آدام اَلئني چاخماق داشينا اوزادير؛ داغلاري بونؤوره‌سئندن آلت-اوست ادئر.
قايالار ائچئندن تونل‌لر ياريب آچير، گؤزو هر جور قئيمتلي شيي گؤرور.
چايلارين آخينتيسينا سدّ چکئر؛ گئزلئني آشکارا چيخاردير.
آمّا حئکمتي هارادان تاپماق اولار؟ آنلاغين يري هارادادير؟
ائنسان اونون دَيَرئني بئلمئر، دئرئلر دئياريندا دا اونا راست گلمئر.
درئنلئکلر ديئر: «مَنده يوخدور.» دهنز ديئر: «مَنده ديئل.»
اونون عوضئنده خالئص قيزيل ورئله بئلمز، قئيمتي گوموشله اؤلچولمَز.
اونو اوفئر قيزيلي ائله قئيمتلَندئرمک اولماز، اونو دَيَرلي دامارلي عقئقله، لاجورد داشي ائله دَيَرلَندئرمک اولماز.
نه قيزيل اونا تاي اولار، نه ده گؤزل جام، خالئص قيزيل قابلار دا اونا عوض اولا بئلمز.
يانيندا مرجانين، بولّورون آدي چکئلمَز؛ حئکمتئن دَيَري مئروارئدن ده اوستوندور.
کوشون توپازي اونون تايي ديئل، اونون دَيَري خالئص قيزيللا اؤلچولمَز.
بس حئکمت هارادان گلئر؟ آنلاغين يري هارادادير؟
بلجه بوتون دئرئلرئن گؤزلرئندن گئزلي، گؤيون قوشلاريندان اؤرتولودور.
هلاکت يري ائله اؤلوم بله ديئر: قولاقلاريميز آنجاق سوراغيني اشئدئب.
اونون يولونو تاري آنلايير؛ يِرئني آنجاق او بئلئر.
چونکي يرئن او بئري اوجلارينا قدر باخير، و گؤيلرئن آلتينداکي هر شيي گؤرور.
يِله گوجونو تعيئن ادنده، سولاري اؤلچَنده،
ياغيشا قانون قوياندا، و ائلديريما يول آچاندا؛
حئکمته باخيب قئيمت قويدو؛ اونو برقرار ادئب، هم ده آراشديردي.
ائنسانا ددی: باخ، ربدن قورخماق حئکمتدئر، پئسلئکدن چکئلمک آنلاق‌دير!"
اَيّوب گئنه اؤز موباحئثه‌سئنه داوام ورئب ددي:
"کاشکي قدئم آيلارداکي کئمي اولسايديم، تارينين منی حئفظ اتدئيي گونلرده‌کي کئمي؛
چيراغينين باشيم اوسته ائشيق ساچديغي، نوري ائله قارانليقدا گَزدئيئم گونلر.
کاشکي حياتيمين چئچکلي گونلري گری دؤنسَيدي؛ او زامان کي، تارينين دوستلوغو چاديريمين اوستونده ائدي،
او زامان کي، قادئري-موطلق حله منئمله ائدي، و اؤولادلاريم اطرافيمدا دولانيرديلار.
او زامان کي، قدملرئم آيرانلا يويولوردو، قايا منئم اوچون ياغ بولاقلاري آخيرديردي.
من قاپيدان شهره چيخاندا، ميداندا کورسومو حاضيرلاياندا،
جاوانلار منی گؤروب گئزلَنَردئلر، ياشلي‌لار آياغا قالخيب دورارديلار.
ريئسلر صؤحبتدن دايانارديلار، اَللرئني آغيزلارينا قويارديلار.
امئرلرئن سَسي کَسئلردي، دئللري داماقلارينا ياپيشاردي.
قولاق منی اشئدن واخت، منی بَختَوَر چاغيراردي. گؤرَن گؤز ده منی تعرئفله‌يَردي.
چونکي کؤمَيه باغيران فاغيري، کؤمهيي اولمايان يِتئمي قورتارارديم.
اؤلوم آغزيندا اولانين خيئر-دوعاسي اوستومه گلردي، دول آروادين اوره‌يئني شادليقدان اوخوماغا قالديرارديم.
صالحلئيي گِيئنَردئم و منه ياراشاردي، عدالتئم منه جوبّه و تاج کئمي ائدي.
کورلارا گؤز ائدئم، توپاللارا آياق ائدئم.
مؤحتاجلارين آتاسي ائدئم، قرئبلرئن موشکول‌لرئنئن قيدئنه قالارديم.
ائنصافسيز آدامين چَنه‌سئني سينديرارديم، شئکاري اونون دئشلرئندن آلارديم.
دوشونَردئم: يووامدا اؤله‌جيم، گونلرئمي قوم قدر چوخالداجاغام.
کؤکوم سولار طرفئنه ياييلاجاق، بوداقلاريما شِح دوشهجک.
عئزّتئم يانيمدا تزه قالاجاق، و کامانيم اَلئمده تزه‌لَنه‌جک.
منه قولاق آسيب گؤزله‌يَردئلر؛ مشورتئم اوچون ساکئت قالارديلار.
هچ کئم سؤزومون اوستوندن سؤز دِمَزدي، سؤزلرئم اوستلرئنه تؤکولردي.
منی ياغيش کئمي گؤزله‌يردئلر، ياز ياغيشي کئمي سؤزلرئمي ائچَردئلر.
اوزلرئنه گولومسه‌يَنده، گؤزلرئنه ائنانمازديلار، و گولر اوزوم اونلارا جسارت وِرَردي.
اونلارين يولونو من سِچَردئم، ريئس کئمي اَيلَشَردئم، عسگرلرئن آراسيندا پادشاه کئمي اوتورارديم، ياسلي‌لارا تسلّی ورنه بَنزه‌يَردئم.
آمّا ائندي ياشجا مندن کئچئکلر منه لاغ ادئرلر؛ او آداملار کي، آتالاريني هچ حساب ادئب سورومون ائتلري ائله قويماغا بله راضي اولمازديم.
اونلارين اَللرئنئن قووّتئندن منه نه فايدا اولاردي؟ گوج اونلاردان آرتيق گتمئشدي.
يوخسوللوقدان، آجليقدان آريقديرلار گجه قارانليغيندا چؤل-بئياباندا بئتکي کؤکو گَمئرئرلر.
کوللوقلاردان دوزلو بئتکئلر ييغيرلار، و يئيه‌جکلري سوپورگه کوللارينين کؤکودور.
خالق آراسيندان قووولورلار، اونلارين اوستونه اِله قيشقيريرلار کي، دئيهسن اوغرودورلار.
دهشتلي وادئلرده، يرئن دلئکلرئنده، قايالار آراسيندا ياشاييرلار.
کوللارين آراسيندان آنقيريرلار؛ قارا تئکانين آلتيندا دالدالانيرلار.
آخماقلارين، آدسيزلارين اؤولادلاريديرلار، اؤلکه‌دن قووولموشدورلار.
ائندي من دئللرئنئن نغمه‌سي اولموشام؛ آغيزلاريندا مثل اولموشام.
مندن ائکراه ادئرلر، مندن اوزاق دورورلار، اوزومه توپورمکدن ده چکئنمئرلر.
ائندي کي، تاري کامانيمين ائپئني بوشلاييب و منی ذلئل ادئب، اونلار دا گؤزومون قاباغيندا جئلوولاريني آرتيق آتيبلار.
صاغيمدا زئل-زئبئل آداملار قالخيرلار؛ آياغيمي جايديريرلار، هلاک ادن يوللاريني منه طرف دوزَلدئرلر.
يولومو وئران ادئرلر، اونلارا کؤمک ادن بئري اولماسا دا، هلاکيما چاليشيرلار.
اله بئل کي، گِنئش بئر دلئکدن گلئرلر؛ وئرانه‌لئکدن اوستومه يووارلانيرلار.
دهشتلر اوستومه تؤکولور؛ شرفئمي يل کئمي سووورور، خوشبختلئيئم بولود کئمي کچئب گدئب.
ائندي جانيم ائچئمده اَرئيئر؛ ذلئللئک گونلري مندن بَرک ياپيشيب.
گجه‌لر سوموکلرئمي ائچئمده دِشئر، جانيمي گَمئرَن آغريلار هچ دايانمير.
تاري زورلا پالتاريمي اَينئمدن چيخاردير؛ مندن جوبّه‌مئن ياخاسي کئمي ياپيشير.
منی پالچيغا باتيرير، توزا دؤنموشَم، کوله دؤنموشَم.
کؤمک اوچون سنه باغيريرام، جاواب ورمئرسن. آياغا قالخيرام، منه بئر نظر ده سالميرسان.
منئم ضئدّئمه رحمسئزسن اَلئنئن گوجو ائله منی اَزئرسن.
منی قالديريب يل اوستونه مئندئرئرسن، طوفان ائچئنه ساليب دارماداغين ادئرسن.
بئلئرم کي، منی اؤلومه آپاراجاقسان؛ بوتون ياشايانلارا تعيئن اولونموش يره آپاراجاقسان.
ييخيلانين دوستو اولماز، موصئبتئنده کؤمک اوچون مگر باغيرمير؟
مگر من دارليغا دوشَنلر اوچون آغلامازديم؟! مگر اوره‌يئم فاغير اوچون يانمازدي؟!
ياخشيليق گؤزله‌دئم، يامانليق گلدي، ائشيق گؤزله‌دئم، قارانليق گلدي.
اوره‌يئم چيرپينير، راحاتليغي يوخدور، ذلئللئک گونلري يولومو کَسئب.
يوخدور بئر ائشيق اوجو، قارالا-قارالا گَزئرم، جاماعات آراسيندا دوروب کؤمک اوچون باغيريرام.
چاقّاللارا قارداش اولموشام، بايقوشلارا يولداش اولموشام.
دَرئم قاراليب اوستومدن تؤکولور؛ سوموکلرئم قيزديرمادان يانير.
طنبوروم ياس توتوب ناله چکئر، نِيئم زار-زار نيقّيلدايير.
گؤزلرئمله عهد باغلاميشام؛ باکئره بئر قيزا نجه گؤز دئکه بئله‌رم؟
ائنسانين پايي يوخاريدا اولان تاريدان نه‌دئر؟ مئراثي اوجالاردا اولان قادئري-موطلقدن نه‌دئر؟
مگر حاقسيزلارين باشينا فلاکت گلمئر؟ مگر فئتنه‌کارلارين باشينا موصئبت گلمئر؟
مگر او، يوللاريمي گؤرمور؟ مگر او، هر قدمئمي سايمير؟
اگر يالانچيليقلا يرئمئشم، اگر آياغيم حئيله اوچون تَله‌سئب،
قوي تاري منی دوز بئر تَره‌زئده چکسئن کامئل اولدوغومو گؤرسون.
اگر قدملرئم يولدان آزيب، اگر اوره‌يئم گؤزلرئمئن دالينجا گدئب، يا دا اَللرئم لکهلي اولوب؛
قوي اوندا اَکدئيئمي يادلار يِسئن؛ اَکئنئم کؤکوندن چيخاريلسين.
اگر اوره‌يئم بئر آروادا توولانيب، اگر قونشومون قاپيسيندا گئزلَنمئشم،
قوي اوندا آرواديم اؤزگه بئر آدامين دَيئرمانيني دارتسين، اونونلا اؤزگه کئشئلر ياتسينلار.
چونکي بو بئر خباثت اولاردي؛ اله بئر فساد کي، حاکئملر اونو جزالانديرارديلار.
چونکي او، هلاکت يرئنه‌جک يانديريب ياخان بئری اولاردي؛ بوتون محصولومو کؤکوندن چيخارداردي.
اگر نؤکرلرئم و کنئزلرئمئن حاقّيني، منئمله داعوالي اولان زامان دانميشام،
تاري آياغا قالخاندا، من نه اده بئله‌رم؟ تفتئش ادنده اونا نه جاواب وره بئله‌رم؟
مگر آنا بطنئنده منی يارادان، اونلاري دا ياراتماييب؟ مگر ائکئمئزي ده بطنده بَزه‌يَن او ديئل؟
اگر فاغير آداملارين ائسته‌دئکلرئنه مانع اولموشام، اگر دول آروادين گؤزلرئنئن نورونو سؤندورموشم،
اگر چؤره‌يئمي تک باشينا يِمئشَم، يِتئملرله اونو پايلاشماميشام-
حال بو کي، جاواليغيمدان بَري يِتئملره آتاليق اتمئشم، دوغولاندان بَري دول آروادا يول گؤرستمئشم-
اگر بئر آدامي پالتارسيزليقدان اؤلوم حاليندا گؤرموشم، يا دا اؤرتويه مؤحتاج اولان بئر آدامي.
اگر اونون بِلي منه خيئر-دوعا ورمه‌يئب، اگر قويونلاريمين يونو ائله قيزيشماييب؛
اگر محکمه‌ده حامئلرئم اولدوغو اوچون، اَلئمي يِتئمئن ضئدّئنه قالديرميشام؛
قوي اوندا چئينئم يرئندن دوشسون و قولوم لوله‌سئندن سينسين.
چونکي تارينين بلاسيندان قورخورام، شؤوکتئنئن قاباغيندا دايانا بئلمه‌رم.
اگر قيزيلا اومئد باغلاميشام، يا دا خالئص قيزيلا «اومئدئم سنسن» دِمئشَم؛
اگر ثروتئمئن چوخلوغونا گؤره، يا دا اَلئمئن چوخ قازانديغينا گؤره سِوئنمئشَم؛
اگر گونه ائشيغيني شاخاندا، يا دا آيا شؤوکتي ائچئنده گِدنده باخميشام؛
و اوره‌يئم گئزلئجه آلدانيب و آغزيم اَلئمي اؤپوب؛
بو دا اله بئر فساددير کي، حاکئملر اونو جزالانديرارديلار، چونکي يوخاريدا اولان تاريني دانميش اولارديم.
اگر دوشمنلرئمئن بدبختلئيئنه سِوئنمئشَم، زحمت آلتينا دوشَنده فرحلَنمئشم-
حال بو کي، هچ کئمئن جانينا قارقيش اتمکله دئلئمه گوناه اتمه‌يه يول ورمه‌مئشم-
اگر چاديريمين خالقي هچ واخت دمه‌يئبلر کي، اَيّوبون وردئيي اَتئندن دويمايان کئم وار؟-
هچ بئر قرئب گجهني چؤلده سحر اتمَزدي، قاپيم همئشه يولدان کِچَنلرئن اوزونه آچيق ائدي-
اگر تقصئرئمي گئزلَتمئشم، آدم کئمي عوصيانيمين اوستونو اؤرتموشم.
بؤيوک جاماعاتدان قورخدوغوم اوچون، اِلئن حقارتئندن دهشته گلدئيئم اوچون، دئنمه‌يئب قاپيدان اِشئيه چيخماميشام؛
کاشکي منی اشئدن بئري اولسايدي! بو سؤزومو تصدئق ادئرم؛ قوي قادئري-موطلق جاوابيمي ورسئن! ضئدّئمه بونو طومارا يازيب اَلئمه ورسئن.
شوبههسئز بو طوماري چئينئمده داشييارديم؛ تاج کئمي باشيما قويارديم.
بوتون قدملرئمئن حسابيني اونا خبر وِرَردئم؛ امئر کئمي اونا ياخينلاشارديم.
اگر اَکئن تورپاغيم منئم ضئدّئمه فرياد ادئر، جوتون آچديغي ياريقلار اَلئمدن بئرلئکده آغلايير؛
اگر پولونو ورمه‌دن محصولونو يِمئشم، صاحئبلرئنئن اؤلومونه باعئث اولموشام؛
قوي اوندا بوغدا يرئنه تئکان، آرپا يرئنه خار-خاشاک بئتسئن." اَيّوبون سؤزلري باشا گلئر.
بلجه بو اوچ کئشي اَيّوبا جاواب ورمکدن دايانديلار، چونکي او، اؤز نظرئنده صالح بئر آدام ائدي.
لاکئن رام نسلئندن بوزلو بَرَکِلئن اوغلو اِلئهونون قضبي اَيّوبون اوستونه آلوولاندي، چونکي اؤزونو تاريدان داها چوخ حاقلي حساب ادئردي.
اونون قضبي او اوچ دوستون اوستونه ده آلوولاندي، چونکي اَيّوبو محکوم اتدئيي حالدا، حله ده اونا بئر جاواب تاپا بئلمه‌مئشدئلر.
اِلئهو بوراجاق اَيّوبلا دانيشماغا گؤزله‌مئشدي، چونکي اونلار ياشدا اوندان بؤيوک ائدئلر.
لاکئن بو اوچ کئشئنين آغزيندا آرتيق جاواب اولماديغيني گؤرَن واخت، قضبي آلوولاندي.
بوزلو بَرَکِلئن اوغلو اِلئهو دانيشيب ددی: "ياشجا من کئچئيَم، آمّا سئز ياشلي؛ اونا گؤره ده چکئندئم، بئلدئيئمي سئزه دِمَکدن قورخدوم.
دوشوندوم: قوي اوزون عؤمور سورَنلر دانيشسينلار، قوي چوخ ائللرئن شاهئدلري حئکمت اؤيرَتسئنلر.
آمّا دوغرودان دا ائنساندا روح وار، قادئري-موطلقئن نفسي ائنسانا آغيل ورئر.
حئکمت ياشدا اولماز، عدالتي درک اتمک، ياشا باخماز.
اونا گؤره ده ديئرم: منه قولاق آسين. قويون من ده بئلدئيئمي ديئم.
باخين، سئز دانيشارکن، من گؤزله‌دئم، نه دئيه‌جيئزي آختارارکن، من سئزئن دلئلرئنئزه قولاق آسديم.
سئزه چوخ دا دئقّت اتدئم، لاکئن سئزدن هچ بئرئنئز اَيّوبون سهو دانيشديغيني ثوبوت اتمه‌دئنئز، اونون سؤزلرئنه جاواب ورمهدئنئز.
دِمهيئن: حئکمت تاپميشيق، اونو ووران ائنسان يوخ، تاريدير.
اَيّوب سؤزلرئني منئم ضئدّئمه دوزمه‌يئب، من ده سئزئن سؤزلرئنئزله اونا جاواب وِرميه‌جيم.
اونلار آرتيق حيرانديرلار، جاوابسيز قاليبلار، دِميه بئر سؤزلري ده يوخدور.
ائندي کي، اونلار ساکئتدئرلر، ائندي کي، آرتيق جاوابسيز قاليبلار، من مگر گؤزله‌مه‌لي‌يَم؟!
من ده جاوابيمي ورهجيم، من ده بئلدئيئمي گؤرسده‌جيم.
چونکي ائچئم سؤزله دولودور؛ ائچئمدهکي روح منی سيخير.
آز قالير باغريم، آچيلماميش شراب کئمي، تزه تولوقلار کئمي چاتلاسين.
قوي دانيشيم، اؤزومو راحاتلاييم؛ قوي آغيز آچيب جاواب ورئم.
هچ کئمئن طرفئني توتماياجاغام، هچ کئمه ده يالتاقليق اتميه‌جيم.
چونکي يالتاقبازليغي بئلَن ديئلم، بئلسَيدئم، يارادانيم حياتيمي بئر آندا باشا گتئرَردي!
ائندي اَيّوب، ددئيئمي اشئت، بوتون سؤزلرئمه قولاق آس.
باخ، آغزيمي آچيرام؛ آغزيمدا اولان دئلئم دانيشير.
سؤزلرئم اوره‌يئمئن صداقتئندن چيخير؛ دوداقلاريم دا معرئفتي بي‌رئيا ديئر.
تارينين روحو منی ياراديب، قادئري-موطلقئن نفسي منه حيات ورئب.
اگر اَلئندن گلئر، منه جاواب ور؛ قالخ و سؤزلرئني قاباغيمدا سيرايا دوز.
باخ، تارينين نظرئنده من ده سنئن کئمئيَم؛ من ده پالچيقدان يارانميشام.
دهشتئم سني قورخويا سالماسين؛ بو هوجوموم دا سنه آغير گلمه‌سئن.
حقئقتن، سَسئن حله قولاقلاريمدادير و سؤزونون سَسئني اشئتمئشم:
«پاکام، تقصئرسئزم، تمئزم، منده هچ بئر خاطا يوخدور.
باخ، او منئم ضئدّئمه بهانه آختارير، منی اؤزونه دوشمن سايير.
آياقلاريما کونده وورور، بوتون يوللاريما گؤز قويور.»
باخ، قوي سنه ديئم: سن بو بارهده حاقلي ديئلسن، چونکي تاري ائنساندان داها بؤيوکدور.
نه اوچون اوندان شئکايت ادئب ديئرسن کي، او، ائنسانين هچ بئر سؤزونه جاواب ورمز؟
چونکي تاري دانيشير؛ بو يوللا، او يوللا، حتّا اگر ائنسان اونو آنلاماسا دا.
يوخودا، گجه رؤياسيندا، ائنسانلاري آغير يوخو باساندا، ياتاق اوستونده يوخو ائچئنده اولاندا،
ائنسانلارين قولاغيني او زامان آچير، اونلاري تأدئبي ائله مؤهورله‌يئر کي،
ائنساني عملئندن دؤنده‌رسئن، اونو تکَبّوردن اوزاق اتسئن.
جانيني قويودان قورتارسين، حياتيني اؤلولر دئيارينا دوشمکدن ساخلاسين.
ائنسان ياتاغيندا دردله، سوموکلرئني کَسئلمه‌يَن سيزيلتي‌لارلا تنبه ادئر.
بله کي، حياتي يمکدن چکئنئر، جاني لذئذ يمکدن ائيره‌نئر.
اَتي تؤکولور، گؤرونمَز حالا دوشور، و گؤرونمه‌يَن سوموکلري اوزه چيخير.
جاني قويويا، حياتي دا اؤلوم گتئرنلره ياخينلاشير.
اگر اونون اوچون مئن مَله‌يئن ائچئندن بئر مَلَک وار کي، اونا شفئع اولسون، اونا دوغرو اولاني دسئن،
او زامان تاري اونا رحم ادئب دئير: اونو قويويا دوشمکدن قورتار؛ اونون اوچون بئر فئدئيه تاپميشام.
او زامان بدني اوشاق بدني کئمي تزه‌له‌نَر؛ جاوانليق گونلرئنه قاييدار.
تارييا دوعا اِدَر، و اونون نظرئنده مقبول اولار. اوزونو شادليقلا گؤرَر، صالحلئيئني ده ائنسانا گری وِرَر.
او آدام ائنسانلار حوضوروندا اوخويوب دئير: گوناه اتمئشدئم، دوزو اَيري اتمئشدئم، لاکئن او، لايئق اولدوغوم جزاني منه ورمه‌دي.
جانيمي قويويا دوشمکدن قورتاردي، و حياتيم نورو گؤره‌جکدئر.
باخ، تاري بونلارين هاميسيني ائنسانا ادئر، ائکي دفه، حتّا اوچ دفه-
اله کي، اونون جانيني قويويا دوشمکدن قورتارسين، و حياتين نورو اونا ساچسين.
قولاق آس، اَيّوب. سؤزومو اشئت؛ ساکئت اول کي، دانيشيم.
اگر دِمَيه بئر سؤزون وار، منه جاواب ور؛ دانيش، چونکي سني حاقلي چيخارتماق ائسته‌يئرم.
آمّا اگر سؤزون يوخوندور، اوندا منه قولاق آس؛ ساکئت اول کي، سنه حئکمت اؤيره‌دئم."
اِلئهو سؤزونه داوام ورئب ددی:
"سئز حئکمتلي کئشئلر، سؤزلرئمه قولاق آسين. سئز عارئف آداملار، منی اشئدئن.
چونکي نجه داماق، خؤره‌يئن داديني دادار، قولاق دا سؤزلري اله دادار.
گلئن، اؤزوموزه دوغرو اولاني سِچَک، گلئن، آراميزدا ياخشي اولاني بئلک.
چونکي اَيّوب ديئر: من صالح بئر آدامام، لاکئن تاري حاقّيمي اَلئمدن آليب؛
مگر حاقّيم بارهده يالان دانيشمالي‌يام؟ تقصئرسئز اولدوغوم حالدا، منه ووردوغو اوخ ياراسي شفاسيزدير.
اَيّوب کئمي کئم وار کي، کئنايه‌ني سو کئمي ائچسئن؟
فساد ادنلرله يولداشليق ادئر، شرارت ادنلرله آياق اولور.
چونکي ديئر: ائنسانا تاريني راضي اتمهيئن فايداسي يوخدور.
بونا گؤره، ای عاغيل صاحئبلري، منه قولاق آسين. حاشا کي، تاري پئسلئک اتسئن، حاشا کي، قادئري-موطلق حاقسيزليق اتسئن.
چونکي او، هر کَسئن عملئنئن عوضئني ورئر قازانديغيني باشينا گتئرئر.
دوغرودان دا کي، تاري پئسلئک اتمز، قادئري-موطلق عدالتي يولوندان چيخارتماز.
دونياني اونا کئم تسلئم اتدی؟ بوتون ير اوزونه اونو کئم تعيئن اِله‌دي؟
اگر قصدي بو اولسايدي، اگر روح و نفسئني اؤزونه گری چکسَيدي،
بئر آندا بوتون بشر يوخ اولاردي، ائنسان تورپاغا قاييداردي.
اگر آنلاغين وار، بونو اشئت؛ دِدئيئمه بئر قولاق آس.
مگر عدالتدن نئفرت ادن آدام سلطنت اده بئلر؟ مگر صالح و قادئر اولاني محکوم ادهجکسئنئز؟
اونو کي، پادشاهلارا ديئر: سئز دَيَرسئزسئنئز، و آغالارا: سئز شَرورسونوز.
اونو کي، ريئسلردن طرفدارليق اتمز، وارليني فاغيردان اوستون توتماز، چونکي اونلارين هاميسي اونون اَللرئنئن ائشي‌دئر.
بئر آن ائچئنده اؤلورلر، گجهنئن ياريسيندا؛ تئترهيئب اؤلورلر؛ گوجلولر بله، اَل دَيمه‌مئش آرادان گؤتورولورلر.
تاري گؤزلرئني ائنسانلارين يولوندان چکمئر؛ آتديقلاري هر قدمي گؤرور.
اله قارانليق يوخدور، اله ظولمت يوخدور کي، شرارت ادنلر اورادا گئزلَنه بئلسئنلر.
تارينين احتئياجي يوخدور کي، ائنساني ائمتاحان اتسئن و موحاکئمه اتمک اوچون اونو حوضورونا گتئرسئن.
تفتئش اتمه‌دن، گوجلو ائنسانلاري قيرير، يرلرئنه اؤزگه آداملاري قويور.
چونکي اونلارين ائشلرئني بئلئر، بئر گجه اونلاري ييخير، اونلار اَزئلئرلر.
پئسلئکلري اوزوندن اونلاري اله تنبه ادئر کي، هامي گؤره بئلسئن.
چونکي اونا تابع اولماقدان دؤندولر، يوللارينين هچ بئرئني سايماديلار.
اله کي، يوخسولون فريادي اونون حوضورونا چاتدي، فاغيرلارين فرياديني اشئتدي.
آمّا اگر تاري ساکئت قالسا، کئم اونو محکوم اده بئلر؟ اگر او، اوزونو گئزلَتسه، کئم اونو گؤره بئلر، او هم بئر مئلّت، هم ده بئر نفرئن اوستوندهدئر.
اله کي، دئنسئز آدام سلطنت اتمه‌سئن، خالقا تله قورماسين.
مگر بئري تارييا دئيه بئلئب کي، جزامي چکدئم، داها پئسلئک اتمه‌رم؟
گؤرمه‌دئيئمي سن منه گؤرسد؛ حاقسيزليق اتمئش اولسام دا، بئر داها اتمه‌رم.
اونو آتديغين حالدا، مگر سنه کِفئن ائسته‌يَن عوضي وِرَر؟ چونکي من يوخ، سن گرک سچه‌سن. اونا گؤره ده بئلدئيئني منه اعلان ات.
عاغيل صاحئبلري، منی اشئدن حئکمتلي آدام منه دئيهجک؛
اَيّوب عاوام-عاوام دانيشير، سؤزلرئنئن معناسي يوخدور.
پئس آدام کئمي جاواب وردئيي اوچون، قوي اَيّوب، آخيراجاق ائمتاحان ادئلسئن.
چونکي گوناهينا عوصيان دا آرتيرير، آراميزدا اَل چاليب تاريني رئشخند ادئر، تارينين ضئدّئنه دانيشديقجا دانيشير."
اِلئهو سؤزونه داوام ورئب ددي:
"آيا بونو ائنصاف ساييرسان؟ ديئرسن: من تاريدان داها چوخ صالحم؟
هم ده ديئرسن: بونون منه نه فايداسي اولاجاق؟ گوناه اتمه‌‌سم، نه قازانجيم اولاجاق؟
من سنه جاواب ورهرم، هم سنه، هم ده دوستلارينا.
گؤيلره باخ و گؤر؛ نظر سال باشينين اوستونده‌کي بولودلارا.
اگر گوناه ادهسن، بونون تارييا نه زئياني دَيَر؟ اگر تقصئرلرئن چوخالا، اونا نه ادهجک؟
اگر صالح اولاسان، اونا نه ورئرسن؟ يا دا اَلئندن نه‌يي آليب گؤتورور؟
شرارتئن آنجاق سنئن کئمي ائنسانلارا زئيان وورور؛ صالحلئيئن ده ائنسان اؤولادي اوچوندور.
ائنسانلار ظولمون چوخلوغوندان فرياد ادئرلر؛ گوجلولرئن اَلئندن کؤمک اوچون باغيريرلار.
آمّا دئيَن يوخدور کي، «منی يارادان تاري بس هاني، هاني بئزه گجه‌لر نغمهلر اوخوتدوران؟»
او بئزه ير اوزونون حيوانلاريندان داها چوخ اؤيره‌دئر، بئزه گؤيدهکي قوشلاردان داها چوخ حئکمت ورئر.
اورادا اونلار فرياد ادئرلر، لاکئن تاري پئس آداملارين تکَبّورو اوزوندن جاواب ورمئر.
اصلئنده تاري باطئل فريادا قولاق وِرمَز، قادئري-موطلق اونا اهمئيّت وِرمَز ده.
بس نه قدر آز سني اِشئدَر کي، اونو «گؤرمورم» ديئرسن؛ داعوان اونون حوضوروندادير، اونو گرک گؤزلَيه‌سن.
ائندي کي، اونون قضبي تنبه اتمئر، تقصئرئن چوخلوغونا دا باخمير،
اَيّوب آغزيني بوش يره يورور، عاوام-عاوام دانيشديقجا دانيشير."
اِلئهو سؤزونه داوام ورئب ددي:
"بئر آز داها منه دؤز، سنه گؤرسده‌جيم کي، تاري بارهده ديئلهجک چوخ سؤز وار.
گِنئش معلومات ييغاجاغام، يارادانيما حاق ورهجيم.
آرخايين اول کي، سؤزلرئم يالان ديئل؛ سنئن يانيندا دايانان معرئفتده کامئل بئر آدامدير.
باخ، تاري گوجلودور، لاکئن هچ کسي خور گؤرمز. عاغيلين قووّتئنده گوجلودور.
پئس آداملاري ياشاتماز، آمّا فاغيرلارين حاقّيني وِرَر.
صالح آدامدان گؤزونو چکمز، اونو پادشاهلارلا تختده اوتوردار، ابده کئمي اوجالار.
اگر زنجئرله‌نئب، بدبختلئک ائپلرئنه توتولموش اولسالار،
او زامان اونلارا عمللرئني و تقصئرلرئني بئلدئرَر، بئلدئرَر کي، تکَبّورلو رفتار ادئبلر.
قولاقلاريني تأدئبه آچار، پئسلئکدن دؤنمه‌لرئني امر اِدَر.
اگر قولاق آسالار و اونا خئدمت ادهلر، گونلرئني خوشبختلئکده، ائللرئني ده ياخشيليقدا ياشارلار.
آمّا اگر قولاق آسماسالار، قيلينجلا محو اولاجاقلار، و معرئفتسئز اؤله‌جکلر.
تاريسيزلار اورَکلرئنده کئن ساخلاييرلار؛ اونلاري باغلاديغي زامان دا کؤمک اوچون باغيرميرلار.
جاوانليقلاريندا اؤلوب گِدَرلر، و حياتلاري فاسئقلر آراسيندا محو اولار.
ذلئل‌لري ذلئللئکلرئندن قورتارار، دارليق زامانيندا قولاقلاريني آچار.
بلی، سني دارليغين ائچئندن چيخاردار؛ گِنئش بئر يره، ياغلي يمکلرله بَزَنمئش سوفرهيه چيخاردار.
آمّا سن شر آدامين داعواسي ائله دولوبسان، حؤکم و عدالت سني اسئر ادئب.
دئقّتلي اول کي، قضب سني لاغ ادن بئر آداما دؤنده‌رمه‌سئن، فئدئيه‌نئن بؤيوکلويو ده سني آزديرماسين.
مگر فريادين و يا قووّتئنئن بوتون گوجو سني دارليقدان قورتارار؟
او گجه‌يه آرزو چکمه کي، خالقلار يرلرئنده محو اولورلار.
دئقّتلي اول کي، شرارته دؤنميه‌سن؛ چونکي سن بونو ذلئل اولماقدان داها چوخ سچئبسن.
باخ، تاري اؤز قووّتئنده اوجالير. اونون کئمي موعلّئم کئم وار؟
اونون يولونو کئم اونا امر ادئب؟ کئم اونا «حاقسيزليق ادئبسن» دئيه بئلر؟
خاطيرلا کي، اونون ائشئني تعرئفليه‌سن؛ ائنسانلارين نغمه‌لرله اوخودوغو ائشيني مدح اتمهليسن.
بوتون خالق اونو گؤروب، هامي بو ائشلره اوزاقدان باخير.
دوغرودان دا تاري بؤيوکدور، اونو تانيميريق؛ ائللرئنئن ساييني آراشديرماق اولماز.
سو دامجيلاريني يوخاري چکر، بوخاريندان ياغيش ياغديرار.
بو ياغيشلار بولودلاردان تؤکولور، آداملارين باشينا بوللوقلا سَپئلئر.
بولودلارين نجه ياييلماسيني، اونون چاديرينين گورولتوسونو کئم آنلايا بئلر؟
باخ، اطرافيندا شئمشَکلرئني چاخديرير، دهنزئن دئبئني دولدورور.
چونکي خالقلارا بونلارلا حؤکم اِدَر؛ يئيه‌جکلرئني بوللوقلا اونلارا وِرَر.
اَللرئني شئمشَکله اؤرتَر، و اونا امر اِدَر کي، هدفه دَيسئن.
گورولتوسو طوفانين گله‌جيئندن خبر ورئر، حتّا مال-حيوانلارا دا اونون ياخينلاشماسيني بئلدئرئر.
بونا دا اوره‌يئم چيرپينير، يرئندن اوينايير.
اشئدئن! گورولده‌ين سَسئني، آغزيندان چيخان هارايي اشئدئن.
شئمشه‌يئني بوتون گؤيون آلتينا سالير، يرئن هر طرفئنه گؤنده‌رئر.
داليسيجا نعره چکئر؛ عظمتلي سَسي ائله گورولدايير. سَسي اشئدئلَنده ده شئمشه‌يئنئن قاباغيني آلمير.
تاري سَسي ائله عجئب بئر شکئلده گورولدايير؛ آنلايا بئلمه‌دئيئمئز بؤيوک ائشلر گؤرور.
قارا ديئر: يره ياغ! ياغيشا و شئدّتلي ياغان ياغيشا ديئر: شئدّتلي تؤکول!
هرکسئن اَلئني ائشدن ساخلايير، اله کي، ياراتديغي بوتون ائنسانلار اونون ائشئني بئلسئنلر.
حيوانلار يووالارينا چکئلئرلر؛ اؤز يرلرئنده قاليرلار.
اوتاغيندان فيرلانان يل گلئر، داغيلان يل‌لرئندن ده سويوق.
تارينين نفسي سولاري دوندورور گِنئش سولار بوز باغلاييرلار.
بولودلاري نَمله يوکله‌يئر، شئمشه‌يئني اونلارين ائچئندن يايير.
اونون رهبرلئيي ائله دؤنوب فيرلانيرلار، اله کي، ير اوزونده اونون امر اتدئکلرئني يرئنه يتئرسئنلر.
ائستر تنبه اوچون، ائستر دئياري اوچون، ائستر سِوگئسي اوچون بونون باش ورمه‌سئنه باعئث اولور.
بونو اشئت، اَيّوب: دايان و تارينين عجايئب ائشلرئني بئر دوشون.
آيا بئلئرسن کي، تاري بولودلارينا نجه نئظام قويور، شئمشَکدن نجه اود چيخاردير؟
آيا بولودلارين تارازليغيني، معرئفتده کامئل اولانين عجايئب ائشلرئني بئلئرسن؟
جنوب يلي، دئياري ساکئت ادن واخت، سن کي، ائستئدن پالتاريندا حالدان گدئرسن،
آيا سن ده اونون کئمي گؤي قوبّه‌سئني تؤکمه بورونج آيناسي کئمي سَره بئلئرسن؟
دِه بئزه اونا نه دئيَک؛ چونکي قارانليق سببئندن سؤزوموزو سيرايا دوزه بئلمئرئک.
آيا منئم دانيشماق ائستَمه‌يئم گرک اونا خبر ورئلسئن؟ مگر اولار کي، ائنسان اودولماغيني ائسته‌سئن؟
کولَک قورتاراندا، گؤيو تمئزله‌يَنده، گؤيده پارلايان ائشيغا هچ کئم باخا بئلمز.
شئمالدان قيزيل شؤوکتي ائله گلئر؛ تاري هيبتلي عظمتئنده گلئر.
بئز قادئري-موطلقي تاپا بئلمه‌رئک؛ قودرت و عدالتده او، بؤيوکدور. صداقتئنئن چوخلوغوندا او، هچ حاقسيزليق اتمز.
اونا گؤره ده، ائنسانلار اوندان قورخورلار، او، اورَکلرئنده حئکمتلي اولانلارا دا باخماز."
او زامان رب فيرلانان يل ائچئندن اَيّوبا جاواب ورئب ددی:
"بو کئمدئر کي، معرئفتسئز سؤزلرله مشورتي قارالدير؟
ائندي کئشي کئمي بِلئني باغلا؛ سندن سوروشاجاغام، سن ده منه جاواب وره‌جکسن.
يرئن بونؤورهسئني من قويارکَن، سن هارادايدين؟ دِه منه، اگر آنلاغين وار.
ائندي کي، بئلئرسن، دِه گؤروم اونون اؤلچوسونو کئم قويدو؟ يا دا اؤلچو خطّئني اونون اوستونه کئم چکدی؟
پايالاري نه‌يئن اوستونه قويولدو؟ کونج داشيني کئم قويدو؟
او زامان سحر اولدوزلاري بئرلئکده اوخويوردولار و تارينين بوتون اؤولادلاري شادليقدان هاراي چکئردئلر.
دهنز بطندن چيخيب فيشقيرارکَن، اونو قاپيلار آراسيندا کئم باغلادي؟
او زامان کي، بولودلاري اونا پالتار اتدئم، اونو قالين قارانليقدا قونداق اتدئم؟
او زامان کي، سرحدئني اونا چکدئم، قاپيلاريني و چفته‌لرئني قويدوم؟
او زامان کي، ددئم: بورايا قدر گله‌جکسن، آرتيق يوخ، و سنئن مغرور شپهلرئن بورادا داياناجاق؟
عؤمرونده اولوب سحره امر ادهسن شَفَقه يرئني گؤرسده‌سن؟
بله کي، ير اوزونو اوجلاريندان توتسون، شر آداملاري اوستوندن سئلکئب آتسين؟
اونون شکئلي دَيئشئر، مؤهور وورولاندا پالچيقدا عکسي قالان کئمي، پالتارداکي قيريشلار کئمي گؤزه گؤرونور.
پئس آداملارين ائشيغي باتيريلار، قالديرديقلاري قوللاري سينار.
هچ اولوب دهنزئن منبعلرئنه بئر گدهسن؟ درئنلرئن دئبئنده بئر گَزه‌سن؟
اولوب اؤلوم قاپيلاري سنه گؤرسه‌دئلسئن؟ ظولمت کؤلگه‌سئنئن دروازالاريني گؤروبسن؟
دونيانين گِنئشلئيئني آنلاييبسان؟ دِه گؤروم، اگر بوتون بونلاري بئلئرسن.
ائشيق مسکنئنه گدن يول هارادادير؟ قارانليغين اوتوردوغو ير هارادادير کي،
آليب اونلاري يرلرئنه آپاراسان؟ مگر اِولرئنئن يوللاريني بئلئرسن؟
البتّه کي، بئلئرسن، چونکي او زامان دوغولموشدون! سن چوخ ائللر ياشاييبسان!
هچ اولوب قارين آنبارلارينا بئر گئرهسن؟ دولونون آنبارلاريني بئر گؤرهسن؟
من اونلاري دارليق زاماني اوچون، جنگ و موحارئبه گونلري اوچون ساخلاييرام.
هانسي يوللا ائشيق ياييلار؟ شرق يلئنئن اَسدئيي ير هارادادير؟
کئم سِللر اوچون آرخ، ائلديريم اوچون يول آچدي کي،
آدام اولمايان دئياري، ائنسان ياشامايان چؤللري سولاسين؟
صحرالار-بئيابانلار دويونجا سو ائچسئن، و يردن ياشيل اوت گؤيَرتسئن؟
آيا ياغيشين آتاسي وار؟ شِح دامجيلاريني کئم ياراتدي؟
بوز کئمئن بطنئندن چيخيب؟ گؤيدن دوشَن شاختاني کئم دوغوب؟
سولار نه زامان داش کئمي بَرک اولور؟ درئنلرئن اوزو نه زامان دونور؟
آيا ثورَيّا اولدوزلاريني زنجئرلرله باغلايا بئلرسن؟ جبّارين باغلاريني آچا بئلرسن؟
آيا هر بورجو اؤز واختيندا چيخاردا بئلرسن؟ و يا دوبّي-اکبري اوغوللاري ائله بئرلئکده هئدايت اده بئلرسن؟
آيا گؤيلرئن قانونلاريني بئلئرسن؟ ير اوزونه اولارين حاکئمئيّتئني قورا بئلرسن؟
آيا سَسئني بولودلارا اوجالادا بئلرسن، اله کي، سو سِلي سني بوروسون؟
آيا شئمشَکلري گؤندره بئلرسن، اله کي، گدئب سنه دسئنلر: باخ، بوراداييق؟
اورهيه کئم حئکمت قويدو؟ و يا ذِهنه کئم آنلاق وردی؟
کئم بولودلاري حئکمتله سايا بئلر؟ گؤيلرئن کوپلرئني کئم بوشالدا بئلر؟
او زامان کي، تورپاق قورو پالچيق کئمي بَرکله‌يئر. و کَسَکلر بئربئرئنه ياپيشير؟
آيا دئشي شئر اوچون شئکاري سن اوولاييرسان و يا جاوان آصلانلارين آجليقلاريني سن دويورورسان،
او زامان کي، يووالاريندا اوتورورلار، و يا مِشه‌لئکده کمئنده ياتيرلار؟
قارغايا يِمه‌يئني کئم حاضيرلايير، او زامان کي، بالالاري تارينين درگاهينا باغيريرلار، و يمکلري اولماديغينا گؤره آوارا گَزئرلر؟
آيا داغ کچي‌لرئنئن نه واخت دوغدوغونو بئلئرسن؟ ماراللارين بالالاريني دوغدوغونا باخيبسان؟
آيا اونلارين بويلو اولان آيلاريني سايا بئلئرسن؟ دوغاجاق واختلاريني دا بئلئرسن؟
دئزه دوشوب بالالاريني دوغارلار؛ آغريلاردان قورتارار.
بالالاري چؤلده بؤيويوب گوج آلار، گِدَر، گری قاييتماز.
چؤل اِشّيئني کئم آزاد بوراخدي؟ وحشي اِشّه‌يئن باغلاريني کئم آچدي؟
اونا چؤللري مسکن من وردئم، شور چؤللري اونا يورد اتدئم.
شهرئن قالاباليغينا گولر، ناخيرچينين دا هاي-کويونو اشئتمَز.
گَزدئيي تپه‌لر اونون اوتلاغي‌دير. هر جور ياشيل گؤيَرتئني آختارار.
آيا چؤل اؤکوزو راضي اولار کي، سنه ائشله‌سئن؟ آيا گجهني سنئن آخوروندا قالار؟
آيا جوت سورمک اوچون اونو جوته قوشا بئلرسن؟ آيا سنئن دالينجا دره‌لرده شيريم آچا بئلر؟
آيا اونون حدسئز گوجونه بِل باغلايا بئلرسن؟ اونا آغير ائش گؤردوره بئلرسن؟
آيا اونا اعتئبار اده بئلرسن کي، اَکئنئنئن محصولونو داشيسين، اونو خرمنه ييغسين؟
دَوه قوشو قانادلاريني شادليقلا چيرپار، لاکئن اونو لِيله‌يئن قانادي و پرلري ائله موقايئسه اتمک اولماز.
يرده يومورتالايير، اونلاري توز-تورپاق اوستونده قيزديرير.
ياديندان چيخاردير کي، بئر آياق اونلاري اَزه بئلر، چؤل حيوانلارينين آياغي آلتيندا قالار.
بالالاري ائله قَسوَتله رفتار اِدَر، اِله بئل کي، اؤزونونکو ديئللر. چکدئيي زحمتئن بوشا چيخماسيندان قورخماز.
چونکي تاري اونا حئکمت ورمه‌يئب، آنلاقدان دا اونا پاي ورمه‌يئب.
آمّا گئنه ده قاچماق اوچون قاناد آچاندا هم آتا، هم ده آتلي‌يا گولر.
آيا آتا، گوجو سن ورئرسن؟ بوينونا دا يالالي قويان سنسن؟
آيا اونو چَيئرتکه کئمي سيچرادان سنسن؟ اونون شؤوکتلي کئشنَمه‌سي سَهملي‌دئر.
آياغينين ديرناغيني دره‌ده يره چيرپار، قووّتئندن کِف اِدَر، سئلاحلي‌لارين قاباغينا چيخار.
قورخويا گولر، هچ بئر شيدن قورخماز، قيلينج قاباغيندان دا دؤنمَز.
اونون اوستوندن اوخ، پاريلدايان نئزه و مئزراق شئمشَک کئمي کِچَر.
هيجان و قضبله يري-يوردو قاپار؛ کَره‌نايين سَسي گلدئکده يرئندن دئک آتيلار.
کَره‌ناي چالينان واخت "هئيّا" ديئب کئشنه‌يَر، موحارئبه‌نئن ائيسئني، سرکردهلرئن قيشقيرتيسيني، دؤيوشون نعره‌سئني اوزاقدان حئس اِدَر.
مگر قيرغي سنئن حئکمتئنله اوچور، قانادلاريني جنوب طرفئنه آچير؟
مگر قارتال سنئن امرلرئنله گؤيه قالخير، يوواسيني اوجالاردا قورور؟
قايادا ياشايار، قايانين اوجوندا، قايانين چاتلاقلاريندا مسکن توتار.
شئکاريني اورادان آختارار، گؤزلري اونو اوزاقدان گؤرَر.
بالالاري قان سومورَر؛ لِشلر هارادا اولسا، او دا اورادادير.
سونرا رب اَيّوبا ددی:
"مگر تنبهه لايئق اولان آدام قادئري-موطلقله موباحئثه اده بئلر؟ قوي بونا تاريني مذمّت ادن جاواب ورسئن."
او زامان اَيّوب ربّه جاواب ورئب ددی:
"باخ، من ذلئل بئر آدامام، سنه نه جاواب ورئم؟ آغزيمي اَلئمله توتموشام.
بئر دفه دانيشديم، داها جاوابيم يوخدور، آرتيق ائکئنجي دفه نه دانيشيم."
او زامان رب فيرلانان يِلئن ائچئندن اَيّوبا جاواب ورئب ددی:
"ائندي کئشي کئمي بِلئني باغلا؛ سندن سوروشاجاغام، سن ده منه جاواب وره‌جکسن.
آيا عدالتئمي هچ ساياجاقسان؟ منی محکوم اده جکسن کي، اؤزونو حاقلي چيخارداسان؟
آيا تارينين قولو کئمي قولون وار؟ آيا اونون سَسي کئمي سن ده گورولده‌يه بئلرسن؟
اگر بلهدئر، اؤزونو شؤوکت و حئشمته بورون، حؤرمت و عظمته گِيئن.
قوي قضبئنئن آلووو ساچسين، بوتون مغرور آداملارا باخ و اونلاري آلچالت.
بوتون مغرور آداملارا باخيب، اونلاري آشاغي اِندئر. پئس آداملاري اولدوقلاري يرده تَپئيئنئن آلتينا سال.
هاميسيني بئرلئکده تورپاق آلتيندا باسدير؛ اوزلرئني گئزلي يرده کَفَنه بورو.
او زامان من اؤزوم ده قبول اده‌رم کي، سنئن صاغ اَلئن سنه نئجات وِرَر.
سنئنله بئرلئکده ياراتديغيم بِهِموتا بئر باخ، اؤکوز کئمي اوت يِيئر.
گؤر بِلئنده نه قدر گوج وار، قارين عَضَله‌لري نجه مؤحکمدئر.
قويروغونو سئدر آغاجي کئمي دئکَر، بودلارينين وَتَرلري بئربئرئنه هؤرولوب.
سوموکلري بورونج لوله‌لري کئميدئر، قابيرغالاري، اله بئل، دمئر تئرلردئر.
تارينين بؤيوک عمللرئنئن باش اثري اودور، آنجاق اونو ياراداندير کي، قيلينجلا اونا ياخينلاشا بئلر.
تپه‌لر محصوللاريني اونا ورئرلر، چؤلون بوتون حيوانلاري يانيندا اويناشيرلار.
سو زانباقلارينين آلتيندا، قاميشليقلارلا اؤرتولو باتاقليقلاردا ياتار.
سو زانباقلاري اوستونه کؤلگه سالار، دره‌نئن سؤيودلري اونو دؤوره‌له‌ير.
چايلار قايناشسادا، او قورخماز؛ اوردون چايي بوغازينا چاتسا دا، آرخاييندير.
گؤزلري آچيق ائکَن کئم اونو توتا بئلر؟! کئم اونو تلهيه ساليب بورنونو دِشه بئلر؟!
آيا لئوياتاني باليق قارماغي ائله چکه بئلرسن؟ و يا دئلئني قايتانلا باغلايا بئلرسن؟
آيا بورنونا ائپ تاخا بئلرسن؟ قارماقلا چَنه‌سئني دَله بئلرسن؟
آيا سنه دفهلرله يالوارار؟ سنئنله يوموشاق سؤزلر دانيشار؟
آيا سنئنله عهد باغلار کي، همئشهلئک سنئن قولون اولسون؟
آيا اونونلا دا، بئر قوشلا اويناديغين کئمي، اوينايا بئلرسن؟ بوينونا ائپ باغلاييب اونو قيزلارين اوچون آپارا بئلرسن؟
آيا تاجئرلر اونو آليب ساتارلار؟ آرالاريندا اونو بؤلوشَرلر؟
آيا دَرئسئني چَنگلللرله، باشيني دا باليقچي نِشتَرلري ائله دولدورا بئلرسن؟
اَلئني اوستونه بئر قوي؛ نه موبارئزهيه دوشه‌جيئني تصوّور ات؛ اوندا بو ائشي بئر داها اِتمَزسن.
باخ، اونو توتماق ائستيه‌نئن اومئدي بوشدور؛ مگر اونون بئر گؤرونوشو آدامي ييخماز؟!
اونو اوياتماق اوچون هچ کئمده جسارت يوخدور. بس کئم منئم قاباغيمدا دورا بئلر؟
کئم منه بئر شي ورئب کي، ائندي گرک گری قايتاريم؟ گؤيون آلتيندا اولان هر شي منئمدئر.
سؤزومو کَسمه‌يئب اونون عوضولرئندن، قودرتئندن و گؤزل گؤرونوشوندن دئيه‌جيم.
اونون ائکي‌قات زئرِهئني کئم دِشه بئلر؟ ائکي چَنه‌سئنئن آراسينا کئم جئلوو تاخا بئلر؟
اوزونون قاپيلاريني کئم آچا بئلر؟ دئشلرئنئن اطرافي دهشتلي‌دئر.
کوره‌يي قوبّه‌لي قالخانلارا اوخشايير، بئربئرئنه مؤحکم باغلانيب.
بئربئرلرئنه او قدر ياخين باغلانيبلار کي، آرالارينا هاوا بله کِچمَز.
بئربئرئنه ياپيشيقديرلار، بئربئرلرئنه اله ياپيشيبلار کي، اصلا آيريلمازلار.
آسقيراندا اود سيچرايير، گؤزلري سحر ائشيغي کئمي پار-پار يانير.
آغزيندان آلوولو مشعللر چيخير؛ اود قورلاري سيچرايير.
بورنونون دِشئکلرئندن توستو چيخير، اِله بئل قازان قاينايير، قاميش يانير.
نفسئندن کؤمورلر کؤزه‌لئر، آغزيندان آلوو چيخير.
قووّت اونون بوينوندا ساکئندئر، دهشت ده قاباغيندا اوينايير.
اَتئنئن قاتلاري بئربئرئنه ياپيشيب، اوستونه اله بئتئشئب کي، اصلا تَرپَنمَز.
اوره‌يي داش کئمي بَرکدئر، دَيئرمانين آلت داشي کئمي بَرکدئر.
قالخماغيندان گوجلولر تئتره‌ير؛ دهشتدن حالدان گِدَرلر.
قيلينج اونا يِتئشسه ده، فايداسيزدير، نئزه، تئر، و مئزراق دا.
دمئري سامان چؤپو، بورونجو ده چوروموش اودون سايير.
کامان اوخو اونو قاچيردا بئلمز؛ اونا آتيلان ساپاند داشلاري سامانا دؤنَر.
دَيَنَکلري کولَش چؤپو سانير؛ مئزراقين ويييلتيسينا گولور.
قارنينين آلتي ائتي ساخسي پارچاسي کئميدئر، پالچيق اوستوندن سورونن ائتي جيرجير کئمي ائز قويور.
درئنلئکلري بئر قازان کئمي قاينادير، دهنزي عطئر کوپونه دؤنده‌رئر.
آرخاسيندا پارلاق بئر ائز بوراخير؛ درئنلئيي ائنسان آغاران ساچا اوخشادير.
ير اوزونده تايي يوخدور، قورخوسوز بئر مخلوقدور.
هر اوجا شيي گؤرور؛ بوتون تکبّورلولره او پادشاهدير."
او زامان اَيّوب ربّه جاواب ورئب ددی:
"بئلئرم، سن هر شيه قادئرسن، قصد اتدئکلرئنه مانع اولماق اولماز.
سوروشدون: «بو کئمدئر کي، معرئفتسئز سؤزلرله مشورتي قارالدير؟» دوغرودان دا کي، آنلاماديغيم شيلردن، آغليما سيغمايان عجايئبلردن دانيشديم.
بويوردون: «ائندي قولاق آس، دانيشاجاغام؛ سندن سوروشاجاغام، سن ده منه جاواب وره‌جکسن.»
سنئن حاقّيندا قولاقلاريملا اشئتمئشدئم، آمّا ائندي گؤزلرئم سني گؤروب.
اونا گؤره اؤزومدن زَهلَم گدئر، تورپاقدا، کولون ائچئنده تؤوبه ادئرم."
رب اَيّوبا بو سؤزلري دئيَندن سونرا، تِيمانلي اِلئفَزه ددي: "قضبئم سنئن ضئدّئنه و ائکي دوستلارينين ضئدّئنه آلوولانيب. چونکي سئز قولوم اَيّوب کئمي منئم حاقّيمدا دوغرو اولاني دِمه‌دئنئز.
ائندي اؤزونوز اوچون يدّي گاميش و يدّي قوچ آليب قولوم اَيّوبون يانينا گدئن و اؤزونوز اوچون يانديرما قوربانيني تقدئم ادئن. قولوم اَيّوب سئزئن اوچون دوعا اتسئن. من ده اونون دوعاسيني قبول ادئب، سئزئنله آخماقليغينيزا گؤره رفتار اتمه‌رم؛ چونکي سئز قولوم اَيّوب کئمي منئم حاقّيمدا دوغرو اولاني دِمه‌دئنئز."
بلجه تِيمانلي اِلئفَز، شواَخلي بئلدَد و نَعَماتلي صوفَر گدئب ربّئن اونلارا ددئکلرئني يرئنه يتئردئلر؛ و رب اَيّوبون دوعاسيني قبول اتدي.
اَيّوب دوستلاري اوچون دوعا ادندن سونرا، رب اوندان آلينديقلاريني اونا گری قايتاردي؛ رب اَيّوبا بوتون قاباکي ماليندان ائکي قات آرتيق مال- دؤولَت وردی.
اَيّوبون بوتون قارداشلاري و باجيلاري و بوتون اَوّلکي آشنالاري اونون يانينا گلئب اِوئنده اونونلا چؤرک يدئلر و اونون دردئنه شرئک اولدولار و ربّئن اونون باشينا گتئردئيي بوتون بلالاردان اؤتري اونا تسلّی وردئلر. هر بئري اونا بئر پارچا گوموش و بئر قيزيل حالقا وردی.
رب اَيّوبون آخير گونلرئني اَوّلکي گونلرئندن داها چوخ برکتلي اتدي؛ اونون ۱۴۰۰۰ قويونو، ۶۰۰۰ دَوه‌سي، ۱۰۰۰ جوت اؤکوزو، و ۱۰۰۰ دئشي اِشّه‌يي وار ائدي.
اَيّوبون يدّي اوغلو، اوچ قيزي اولدو.
بئرئنجئسئنئن آديني "يِمئما"، ائکئنجئسئنئن آديني "قِصئعا"، اوچوسونون آديني دا "قِرِن‌هَپّوک" قويدو.
بوتون اؤلکهده اَيّوبون قيزلاري کئمي گؤزل آرواد هچ يوخ ائدي. آتالاري دا اونلارا قارداشلاري آراسيندا مئراث وردی.
بوندان سونرا اَيّوب ۱۴۰ ائل ياشادي و اؤولادلاريني و دؤرد نسئل اؤولادلاريني گؤردو.
اَيّوب قوجاليب عؤموردن دويموش اؤلدو.
خوش او آدامين حالينا کي، پئس آداملارين مشورتئنده گزمز، گوناهکارلارين يولوندا دورماز، ائستِهزا ادنلرئن مجلئسئنده اوتورماز؛
لاکئن ربّئن شرئعتئندن حظّ ادر، گجه-گوندوز اونو درئن دوشونر.
او، سو آرخلارينين يانيندا اکئلمئش آغاج کئميدئر کي، باريني اؤز واختيندا ورر. اونون يارپاغي سولماز، اتدئيي هر ائش ياخشي گدر.
پئس آداملار بله ديئللر؛ سامان چؤپو کئمي‌دئرلر کي، يل اونلاري سوووروب آپارار.
اونا گؤره پئس آداملار موحاکئمه‌ده، گوناهکارلار صالحلرئن آراسيندا دورماياجاقلار.
چونکي صالحلرئن يولو ربّئن نظرئنده‌دئر؛ آمّا پئس آداملارين يولو محو اولاجاق.
نه اوچون مئلّتلر قايناشيرلار، طايفالار باطئل فئکئرله‌شئرلر؟
دونيانين پادشاهلاري قالخيرلار، امئرلر بئربئرئ ائله ربّئن ضئدّئنه، اونون مسح اتدئيئنئن ضئدّئنه مصلحتله‌شئرلر؛
ديئرلر: "گلئن اونلارين زنجئرلرئني قيراق، اوستوموزده‌کي زنجئرلرئني آتاق."
لاکئن گؤيلرده ساکئن اولان گولور؛ پروردئگار اونلاري ائستِهزا ادئر.
او زامان رب حئدّتي ائله اونلارلا دانيشاجاق، قضبئله اونلاري قورخويا سالاجاق؛
رب ديئر: "من اؤز پادشاهيمي موقدّس داغيم صحيون اوستونده قويموشام."
من ربّئن امرئني اعلان ادهجيم؛ او منه ددي: "سن منئم اوغلومسان. بو گون من سنه آتا اولدوم.
مندن ائسته، من مئلّتلري سنه مئراث ورهجيم، ير اوزونون دؤرد بوجاغيني سنه مولک ورهجيم.
اونلاري دمئر دينکله قيراجاقسان، کوزهگر قابلاري کئمي اونلاري تئکه-تئکه ادهجکسن."
ائندي اي پادشاهلار، عاغيلّي اولون! اي دونيانين حاکئملري، عئبرت آلين!
ربّه قورخو ائله قوللوق ادئن، تئتره‌يه-تئتره‌يه شادليق ادئن.
اوغولو اؤپون کي، قضبلنمه‌سئن، يوخسا توتدوغونوز يولدا محو اولارسينيز، چونکي آز قاليب قضبلنسئن. بختور بوتون اونا پناه آپارانلار!
يارب، دوشمنلرئم نه قدر چوخدور! ضئدّئمه قالخانلار، نه قدر چوخدور!
منئم بارهمده چوخ آدام ديئر: "تاريدان اونا نئجات يوخدور." سِلا
آمّا يارب، سن منئم قالخانيمسان، منئم عئزّتئم! باشيمي اوجالدان سنسن.
اوجا سَسله ربّي چاغيريرام، اؤز موقدّس داغيندان منه جاواب ورئر. سِلا
اوزانيب ياتيرام، گئنه اويانيرام، چونکي رب مني ساخلايير.
هر ياندان مني دؤوره‌له‌ين مئنلر نفردن ده قورخوم يوخدور!
يارب قالخ! تاريم منه نئجات ور، چونکي هامي دوشمنلرئمئن چنه‌سئنه وورارسان، پئس آداملارين دئشلرئني سسينديرارسان.
نئجات ربده‌دئر؛ برکتئن خالقينين اوستونده اولسون! سِلا
سني چاغيران واخت منه جاواب ور، اي صالح تاريم! دارليقدا اولان زامان مني گنئشلئيه چيخارت. منه يازيغين گلسئن و منئم دوعامي اشئت.
اي ائنسان اوغوللاري، نه واختا کئمي عئزّتئمي خجالته دؤندره‌جکسئنئز؟ نه واختا کئمي باطئل شيلري سوه‌جکسئنئز؟ يالاني آختاراجاقسينيز؟ سِلا
بئلئن کي، ربّ موتقّی آدامي اؤزو اوچون آييريب. ربّي چاغيرديغيم زامان، او، منئم سسئمي اشئدر.
تئتره‌يئن و آرتيق گوناه اتمهيئن. ياتاقلارينيزدا اولان زامان اوره‌يئنئزي درئن آراشديرين، ساکئت اولون. سِلا
صالحلئک قوربانلاريني تقدئم ادئن، ربّه اعتئماد ادئن.
چوخ آدام ديئر: "کئم بئزه ياخشيليق گؤرسدهجک؟" يارب، اوزونون نورونو بئزه سال.
منئم قلبئمه اونلارين بول تاخيليندان، اونلارين شرابيندان داها چوخ شادليق ورئبسن!
سالامات ياتيب يوخويا گده‌رم، چونکي يارب، آنجاق سن مني امئن-آمانليقدا ساکئن ادئرسن.
سؤزلرئمه قولاق ور، يارب! فغانيما باخ.
فرياديمين سسئني اشئت، اي پادشاهيم، تاريم، چونکي سنه دوعا ادئرم.
يارب، سحر واختي سسئمي اشئت. سسئمي سحر واختي سنه يؤنله‌دئب گؤزله‌يه‌جيم.
سن پئسلئکدن خوشلانان تاري ديئلسن. پئسلئک سنئن يانيندا ساکئن اولا بئلمز.
کئبئرلي ائنسانلار سنئن گؤزونون قاباغيندا دورا بئلمزلر. سن بوتون يامانليق ادنلردن نئفرت ادرسن.
يالان دانيشانلاري محو ادرسن. قان تؤکن و حئيلهگر آدامدان رب ائيره‌نر.
لاکئن من، سنئن بول سوگئنئن سايهسئنده، سنئن اوئنه گله‌جيم. حؤرمتله سنئن موقدّس معبدئنئن طرفئنه سجده قيلاجاغام.
يارب، دوشمنلرئمئن سببئندن، اؤز صالحلئيئنده منه رهبر اول. يولونو منئم قاباغيمدا دوز ات.
چونکي اونلارين آغزيندا دوغرولوق يوخدور؛ اورکلري هلاکلا دولودور؛ بوغازلاري آچيق قبئردئر؛ دئللري ائله حئيله دانيشيرلار.
اي تاري، اونلاري تقصئرکار اعلان ات. قوي اله اؤز مشورتلرئله ييخيلسينلار. عوصيانلارينين چوخلوغونا گؤره اونلاري آت، چونکي سنئن ضئدّئنه قالخيبلار.
قوي سنده پناه توتانلارين هاميسي سوئنسئن؛ قوي ابدي شادليقدان اوخوسونلار، چونکي اونلاري سن حئفظ ادئرسن. قوي سنئن آديني‌سِوَن ائنسانلار سنده سوئنسئنلر.
چونکي صالح آداما سن برکت ورئرسن، يارب. لوطفونله سئپر کئمي اونلاري حئفظ ادئرسن.
يارب، قضبئنده منه آجيقلانما، حئدّتئنده مني تنبه اتمه.
منه يازيغين گلسئن، يارب! چونکي آرتيق قووّتدن دوشموشم. منه صاغليق ور، يارب! چونکي سوموکلرئم تئترهيئر،
جانيم قورخودان اسئر، نه واختا کئمي، سن يارب؟
دؤن يارب، جانيمي قورتار، اؤز محبّتئنئن خاطئري اوچون مني خئلاص ات.
چونکي اؤلوب-گتمئش اولان سني آرتيق خاطيرلاماز. کئم سنه اؤلولر دئياريندا حمد ادهجک؟!
ناله‌مدن جانا گلمئشم؛ بوتون گجه آغلاماقدان ياتاغيم ياشدير، گؤز ياشلاريملا دؤشه‌يئمي ائسلاديرام،
قم اوزوندن گؤزومون ائشيغي سؤنور، بوتون دوشمنلرئم اوزوندن آرادان گدئر.
مندن اوزاق اولون، سئز يامانليق ادنلر، چونکي رب آغلاماغيمين سسئني اشئدئب.
رب منئم يالواريشيمي اشئدئب؛ رب منئم دوعامي قبول ادئر.
هامي دوشمنلرئم اوتاناجاق، پرئشان اولاجاق؛ دؤنوب قفئلدن خجالت ائچئنده اوتاناجاقلار.
يارب، تاريم، سنه پناه گتئرئرم. قووالايانلاريمين هاميسيندان منه نئجات ور، مني قورتار؛
يوخسا آصلان کئمي مني پارچالاياجاقلار، مني تئکه-تئکه ادهجکلر، اله کي، قورتاريجيم اولماياجاق.
يارب، منئم تاريم، اگر بله ائشلر اتمئشم: اگر اَللرئمده ناحاقليق وار،
اگر منئمله باريش ائچئنده اولان آداما يامانليق اتمئشم، يا دا سببسئز دوشمني سويموشام،
قوي دوشمن مني قووالاسين، قوي مني توتسون، قوي حياتيمي پايمال اتسئن، عئزّتئمي تورپاغا قويسون. سِلا
قالخ، يارب، اؤز قضبئنده قالخ. دوشمنلرئمئن قضبئنئن ضئدّئنه دور. اويان، تاريم، اونلاري محکوم ات.
قوي مئلّتلرئن جاماعاتي سنئن اطرافينا ييغيلسين، اوجالاردان اونلارا حؤکمرانليق ات.
رب خالقلارا حؤکم ادر؛ صالحلئيئمئن اساسينا گؤره، صداقتئمئن اساسينا گؤره، منه حؤکم ات، يارب.
اي صالح تاري، فئکئرلري، اورکلري آختاران! پئس آدامين پئسلئيئني باشا چاتدير، صالح آدامي امئن-آمانليقدا ساکئن ات.
منئم قالخانيم تاريدير؛ اوره‌يي-دوغرو اولانلاري قورتاران تاري!
تاري صالح داوردئر؛ آجيغيني دائم گؤرسدن تاري.
اگر ائنسان يولوندان دؤنمه‌سه، او، قيلينجيني ائتئلده‌جک. کامانيني چکئب نئشانا آلير،
تاري اؤلوملو سئلاحيني حاضيرلايير، آلوولانان اوخلاريني دوزه‌لدئر.
باخ، پئس آدام پئسلئيه بويلو اولار، فئساد آغريسيني چکئب يالان دوغار.
پئس آدام قويو قازار، اونو درئن قازار، سونرا قازديغي قويويا اؤزو دوشر.
سبب اولدوغو درد اونون اؤز باشينا گلر، اتدئيي يامانليق باشينين تپه‌سئنه تؤکولر.
من ربّه شوکور ادهجيم؛ اونون صالحلئيي اوچون. اوجالاردا اولان ربّئن آدينا پرستئش نغمه‌سي اوخوياجاغام.
يارب، آغاميز! بوتون ير اوزونده سنئن آدين نه عظمتلي‌دئر! سن کي، عئزّتئنله گؤيلري بورويوبسن.
خصملرئنئن اوزوندن اوشاقلارين و سود اَمنلرئن آغزيندان دووار چکدئن کي، خصمي، دوشمني و ائنتئقام آلاني کسه‌سن.
بارماقلارينين ياراتديغي گؤيلرئني گؤرونجه، يرلرئنده قويدوغون آي و اولدوزلاري گؤرونجه ددئم:
ائنسان نه‌دئر کي، سن اونون فئکرئنده اولاسان، و ائنسان اوغلو نه‌دئر کي، سن اونون قيدئنه قالاسان.
سن اونو تاريدان بئر آز آشاغي ياراتدين، باشينا عئزّت و حؤرمت تاجيني قويدون.
اللرئنئن ياراتديغي هر شي اوستونه، اونا سلطنت وردئن. هر شيي اونون آياقلاري آلتينا قويدون:
بوتون قويونلاري، سيغيرلاري، چؤلون وحشي حيوانلاريني دا بله،
گؤيون قوشلاريني، دهنزئن باليقلاريني، دهنزلرئن يوللاريندا اوزه‌نلري.
يارب، آغاميز، بوتون ير اوزونده آدين نه عظمتلي‌دئر!
بوتون قلبئمله سنه شوکور ادهجيم، يارب، سنئن حيرته سالان بوتون ائشلرئني نقل ادهجيم.
سنده سوئنئب شادليق ادهجيم؛ سنئن آدينا پرستئش نغمه‌سي اوخوياجاغام، اي اوجالاردا اولان.
دوشمنلرئم گري دؤنن زامان، سنئن حوضورونا گؤره ييخيليب محو اولدولار.
چونکي داعوامي سن گؤروب، حاقّيمي سن آليبسان؛ صالح بئر داور کئمي تختئنده اوتوروبسان.
مئلّتلره آجيقلانيب، پئس آدامي يوخ ادئبسن؛ اونلارين آديني ابددن ابدهجک سئلئبسن.
دوشمن ابدي وئرانه‌لئکده ائتئب-گدئب؛ اونلارين شهرلرئني بونؤورهدن محو ادئبسن؛ اونلاردان حتّا بئر نئشان دا بله قالماييب.
آمّا رب ابده کئمي سلطنت ادئر، موحاکئمه اتمک اوچون تختئني قوروب؛
او، دونيايا صالحلئکله حؤکم ادهجک، ائنسانلارا ائنصافلا سلطنت ادهجک.
رب مظلوم آدام اوچون پناه يري، دار گونلرده اوجا بئر قالادير.
سنئن آديني تانييانلار، سنه توکّول ادرلر، چونکي سني آختارانلاري، هچ واخت بوراخمازسان، يارب.
اي صحيوندا ساکئن اولانلار، ربّه پرستئش نغمه‌سي اوخويون؛ اونون نه اتدئکلرئني مئلّتلر آراسيندا اعلان ادئن.
چونکي تؤکولموش قانين ائنتئقاميني آلان رب، اونلاري خاطيرلايير: او، فاغيرلارين فرياديني ياددان چخارتماز.
منه يازيغين گلسئن يارب، اي اؤلوم قاپيلاريندان مني قالديران! مندن نئفرت ادنلر اوزوندن چکدئيئم زحمته باخ!
اله کي، سنئن بوتون حمدئني صحيون شَهَرئنئن دروازالاريندا نقل ادئم. من سنئن نئجاتيندا شادليق ادهجيم.
مئلّتلر، قازديقلاري قويويا دوشوبلر، آياقلاري، سردئکلري تورا ائلئشئب.
ربّ، اتدئيي عدالتلي ائشي ائله اؤزونو گؤرسه‌دئب؛ پئس آدام اؤز اللرئنئن ائشئنده توتولوب. هئگّايون سِلا
پئس آداملار، تاريني ياددان چيخاردان بوتون مئلّتلر، اؤلولر دئيارينا قاييداجاقلار.
لاکئن مؤحتاج آدام همئشهلئک ياددان چيخماز، فاغير آدامين اومئدي ده ابده کئمي محو اولماز.
قالخ، يارب! قويما ائنسان قالئب گلسئن؛ قوي مئلّتلر سنئن حوضوروندا موحاکئمه اولسونلار.
اونلارين ائچئنه قورخو سال، يارب، قوي مئلّتلر آنجاق بشر اولدوقلاريني آنلاسينلار. سِلا
يارب، نه اوچون اوزاقدا دورورسان؟ نه اوچون دارليق زامانلاريندا اؤزونو گئزله‌دئرسن؟
پئس آدام تکبّورونده فاغير آداما عذاب ورئر؛ قوي اله اتدئيي حئيله‌لره اؤزلري توتولسونلار.
چونکي پئس آدام اوره‌يئنئن هوسئنه فخر ادئر، طاماحکار آدام ربّه لعنت ادئب اونو حقئر گؤرور.
پئس آدام تکبّورلو اوزونه گؤره اونو آختارماز، بوتون دوشونجهلرئنده تاري اصلا يوخدور.
يوللارينين آخيري همئشه خوشدور، سنئن حؤکملرئن اونون گؤروشوندن چوخ اوزاقدير، بوتون دوشمنلرئني هچه سايير.
اوره‌يئنده ديئر: "هچ شي مني تئتره‌ده بئلمز، اصلا زحمته دوشمه‌رم."
اونون آغزي لعنتله، حئيله ائله، ظولمله دولودور؛ زحمت و پئسلئک دئلئنئن آلتيندادير.
کندلرئن قيراغيندا کمئن چکئب گؤزله‌يَر؛ گئزلي يرلرده گوناهسيز آدامي اؤلدورَر؛ گؤزلرئني چارهسئز قوربانلارينا دئکَر و گودَر.
يوواسيندا اوتورموش بئر آصلان کئمي، گئزلي يرده اوتوروب گودَر؛ فاغير آدامي توتماق اوچون اوتوروب گودَر؛ تورونا چکئب اونو توتار.
قوربانلاري چارهسئز دوشَر، اونون قودرتي آلتيندا ازئلَر.
پئس آدام اوره‌يئنده دئير: "تاري ياددان چيخارديب، اوزونو اؤرتوب، هچ گؤرمهيهجک."
قالخ يارب، اونو وور، اي تاري! فاغير آداملاري ياددان چيخارتما.
پئس آدام نه اوچون تاريني حقئر گؤرسون؟ نه اوچون اوره‌يئنده دسئن کي، "مندن حساب ائستمه‌يه‌جک"؟
لاکئن سن زحمتي و عذابي گؤرورسن کي، اؤز الئنله اونا جزا ورهسن. چارهسئز آدام اؤزونو سنه تاپشيرير؛ يتئملره ائمداد ادن سنسن.
پئس آدامين، شر آدامين قولونو سيندير، اونون پئسلئيئني او قدر آختاريب حسابلا کي، آرتيق هچ بئر شي تاپماياسان.
رب ابددن ابدهجک پادشاهدير! مئلّتلر اونون دئياريندان محو اولاجاقلار.
فاغير آداملارين ائسته‌يئني اشئده‌جکسن، يارب، اونلاري سن اورکلندئره‌جکسن، قولاقلارين اونلارين سسئني اشئده‌جک کي،
يتئملردن و مظلوملاردان دئفاع ادهسن، اله کي، تورپاقدان اولان ائنسان بئر داها قورخو سالماسين.
من ربّه پناه گتئرمئشم، بس نجه منه ديئرسئنئز: "اي قوش، داغينا اوچ"؟
باخ، پئس آداملار کامانلاريني چکئرلر؛ اوخلاريني کامانين زهي اوستونده حاضيرلاييرلار کي، قارانليقدان اورکلري دوغرو اولانلارا طرف آتسينلار.
اگر بونؤوره‌لر محو اولور، صالح آدام نه ادهبئلر؟
رب اؤز موقدّس معبدئنده‌دئر؛ ربّئن تختي گؤيدهدئر؛ ائنسان اوغلونا دئقّتله باخير؛ گؤزلري اونو ائمتاحان ادئر.
ربّ صالح آدامي ائمتاحان ادئر، آمّا پئس و ظولمو سون آدامدان جاني نئفرت ادئر.
اود، گوگورد، و يانديران يل اونلارين کاساسينين پايي اولاجاق.
چونکي رب صالحدئر، صالحلئيي ده سور. دوغرو آدام اونون اوزونو گؤره‌جکدئر.
يارب، نئجات ور، چونکي موتّقي آدام آرتيق قالماييب؛ وفالي آداملار ائنسانلار آراسيندان يوخ اولوبلار.
هرکس بئربئرئنه يالان ديئر؛ آلداتان دوداقلاري حئيله ائله دانيشير.
رب کسسئن بوتون آلداتان دوداقلاري! تکبّورله دانيشان دئلي!
ديئرلر: "دئلئمئزله ظفر تاپاجاغيق؛ دوداقلاريميز اولان حالدا، کئم بئزه آغا اولا بئلر؟!"
رب بويورور: "فاغير آداملارا ادئلن ظولم اوزوندن، مؤحتاج آداملارين ناله‌سئندن اؤتري، ائندي قالخاجاغام. خئلاص آرزوسوندا اولانلارا خئلاص ورهجيم."
ربّئن سؤزلري پاک سؤزلردئر؛ تصفئيه اوچون کورهده يدّي دفه ارئنمئش گوموش کئمي.
اونلاري سن ساخلاياجاقسان، يارب، اونلاري ابده کئمي بو نسئلدن سن حئفظ ادهجکسن.
آداملار آراسيندا رذئل‌لئک چوخالاندا، پئس آدام هر يرده گَزَر.
نه واختا کئمي، يارب، آيا ابده کئمي مني ياددان چيخارداجاقسان؟ نه واختا کئمي اوزونو مندن گئزلده‌جکسن؟
نه واختا کئمي دردلرئمله گوله‌شئم، اوره‌يئم گونبهگون قمله دولسون؟ نه واختا کئمي دوشمنئم اوستومه قالخاجاق؟
منه باخ، جاواب ور، يارب، تاريم! گؤزلرئمي آيدينلات، يوخسا اؤلوم يوخوسونا گده‌رم.
يوخسا دوشمنئم دئير: "من اونا قالئب گلمئشم." يوخسا خصمئم پرئشانليغيمدان سوئنر.
لاکئن من سنئن محبّتئنه توکّول اتمئشم، اوره‌يئم سنئن نئجاتيندا شادليق ادهجک.
ربّه نغمهلر اوخوياجاغام، چونکي او، منه ياخشيليق ادئب.
آخماق آدام اوره‌يئنده ديئر: "تاري يوخدور!" ائنسانلار فاسئد اولوبلار، عمللري ائيرنجدئر، ياخشيليق ادن يوخدور.
رب گؤيدن ائنسان اوغلوللارينا باخير کی، گؤرسون؛ آيا قانان، آيا تاريني آختاران بئری وار؟
هاميسي آزيب، هاميسی بئرلئکده فاسئد اولوب، ياخشيليق ادن يوخدور، بئر نفر ده يوخدور.
شر ائش گؤرنلر مگر قانميرلار کی، منئم خالقيمي چؤرک کئمي ييئرلر، ربّي چاغيرميرلار؟!
اورادا اونلاري بؤيوک قورخو بورويه‌جک، چونکي تاري صالح آداملارين يانيندادير.
سئز فاغير آدامين تدبئرئني هچه چيخارديرسينيز، لاکئن ربّ اونون پناهي‌دير.
کاش کي، ائسرايئلئن نئجاتي صحيوندان گلسيدي! خالقيني اسئرلئکدن گری گتئرنده، يعقوب سوئنهجک، ائسرايئل شاد اولاجاق.
يارب، سنئن چاديريندا کئم ساکئن اولا بئلر؟ سنئن موقدّس داغيندا کئم ياشايا بئلر؟
کاماللا رفتار ادن آدام، صالح عمللري يرئنه يتئرن آدام، او آدام کي، حقئقتي اوره‌يئندن دئير،
او کي، دئلي ائله بؤهتان آتماز، دوستونا پئسلئک اتمز، قونشوسونو بي‌آبير اله‌مز.
او کي، رذئل آداما حقارتله باخار، لاکئن ربدن قورخانلارا حؤرمت ادر؛ اؤز ضررئنه آند ائچسه ده، اونو ديئشدئرمز.
او کي، پولونو نوزولا ورمز، تقصئرسئز آدمين دا ضئدّئنه روشوت آلماز. بولاري ادن آدام هچ واخت يرئندن ترپنمز.
مني حئفظ ات، اي تاري، چونکي سنه پناه گتئرئرم.
ربّه ددئم: "سن منئم پروردئگاريمسان، سندن ساوايي ياخشي بئر شيئم يوخدور."
ير اوزونده اولان موقدّس ائنسانلارا گلئنجه، "اونلار او فاضئل‌لردئلر کي، بوتون شادليغيم اونلاردادير."
اؤزگه آللاهلارين دالينا دوشن ائنسانلارين قوصّه‌لري چوخالاجاق. اونلارين قانا باتميش مايع تقدئملرئني، من تقدئم اتمه‌رم؛ اونلارين آدلاريني دوداقلاريما دا آلمارام.
سن اي ربّئم، حئصّه‌مئن پايي، کاسامين پايي سنسن؛ پوشکومو امئن-آمانليقدا سن ساخلاييرسان.
قئسمتئم نعمتلي يرلره دوشوب. حقئقتن ده آلديغيم مئراث گؤزَلدئر.
منه نصئحت ورن ربّه حمد ادهجيم؛ اوره‌يئم حتّا گجه ده منه تعلئم ورئر.
ربّي دائم گؤزومون قاباغينا قويموشام؛ منئم صاغ الئمده اولدوغو اوچون يرئمدن ترپنمه‌رم.
اونون اوچون ده اوره‌يئم سوئنئر، جانيم شادليق ادئر؛ بلي، بدنئم ده امئن-آمانليقدا ساکئن اولاجاق.
چونکي مني اؤلولر دئيارينا بوراخمازسان، موتّقی اولاني چورومه‌يه قويمازسان.
حيات يولونو منه بئلدئرئرسن. شادليق دولولوقلا سنئن حوضوروندادير، صاغ طرفئنده ابدي کِفلردئر.
منئم حاقلي سؤزومو اشئت، يارب، فرياديما قولاق آس! حئيله‌سئز دوداقلاردان چيخان دوعاما قولاق ور!
قوي گوناهسيزليغيم سنئن حوضوروندان اعلان اولسون؛ قوي سنئن گؤزلرئن دوغرو اولانلاري گؤرسون.
اوره‌يئمي ائمتاحان ادئبسن، گجه مني يوخلاييبسان؛ مني ائمتاحان اتمئش ده اولاسان، هچ بئر شي تاپماييبسان. نئيّت اتدئم کي، آغزيملا هچ گوناه اتمهيئم.
ائنسانلارين ائشلرئنه گلئنجه- سنئن دوداقلارينين کلامي ائله، ظالئم آدامين يوللاريندان اؤزومو ساخلاديم.
قدملرئم سنئن يوللاريني برک توتوب، آياقلاريم سوروشمه‌يئب.
سني چاغيريرام، اي تاري، چونکي سن منئم سسئمي اشئدرسن؛ منه قولاق ور و سؤزومو اشئت.
وفالي اولدوغونو عجئب ائشلرئنده گؤرسد؛ سن کي، دوشمنلرئندن سنه پناه گتئرن آداملارا صاغ الئنله نئجات ورئرسن.
گؤزونون قاراسي کئمي مني حئفظ ات؛ مني قانادلارينين کؤلگهسي آلتيندا گئزلت:
منه دارليق ورن پئس آدامدان، اطرافيمي آلان جان دوشمنلرئمدن.
ياغ باغلاميش اورکلري مرحمت اوزونه باغلانيب؛ آغيزلاري بؤيوک لافلار وورور.
هر ياندان ائندي مني دؤوره‌له‌يئرلر، گؤزلرئني دئکئب مني يره چيرپماق اوچون فورصت آختاريرلار.
پارچالاماغا حرئص بئر آصلان کئمي‌دئرلر؛ کمئنده اوتورموش جاوان بئر آصلان کئمي.
قالخ، يارب! اونلارين قاباغيندا سن دور؛ اونلاري يره چيرپ؛ حياتيمي پئس آدام الئندن قيلينجلا خئلاص ات.
ائنسانلاردان، يارب، دونيانين آداملاريندان مني الئنله خئلاص ات؛ اونلارين حئصّهسي بو حياتدادير. قوي قارينلاري آنبار اتدئکلرئنله دولسون، قوي اوشاقلاري دا دويسونلار، قوي اؤولادلارينا دا ثروت بوراخسينلار.
لاکئن من، صالحلئکده سنئن اوزونو گؤره‌جيم؛ اويانان واخت سنئن صورتئندن دوياجاغام.
سني سوئرم يارب، اي قووّتئم!
منئم قايام، منئم قالام، منئم قورتاريجيم ربدئر؛ تاريم و پناه آپاراجاغيم قايادير، قالخانيم، گوجلو خئلاصکاريم، منئم سيغيناق يرئمدئر.
حمد اولسون! ربّي چاغيريرام، دوشمنلرئمدن خئلاص اولورام.
اؤلوم ائپلري اطرافيما دولاشدي، هلاکت سل‌لري مني قورخوتدو.
اؤلولر دئيارينين ائپلري اطرافيما ساريلدي، اؤلوم تله‌لري قاباغيما چيخدي.
سيخينتيم ائچئنده ربّي چاغيرديم، کؤمک ائسته‌ين سسئمي تاريما اوجالتديم. او، معبدئندن سسئمي اشئتدي، منئم کؤمک ائسته‌ين سَسئم اونون قولاقلارينا يتئشدي.
اونون قضبئندن ير لرزهيه دوشدو، تئترهدي؛ داغلارين بونؤورهلري اسدئلر، لرزهيه دوشدولر.
اونون بورنوندان دومان قالخدي، آغزيندان يانديريب-ياخان اود چيخدي، کؤز کؤمورلر اوندان توتوشدولار.
رب، گؤيلري ياريب اندي، قارا بولودلار اونون آياقلاري آلتيندا ائدئلر.
رب کرّوبا مئنئب اوچدو، يلئن قانادلاري اوستونده يوکسَلدي.
قارانليغي دؤوره‌سئنه اؤرتو اتدي، سو دولو قارا بولودلاري اؤزونه چادير اتدي.
اونون پاريلدايان حوضوروندان دولو و شئمشکلر قارا بولودلاري ياريب چيخديلار.
رب گؤيدن گورولدادي، اوجالاردا اولانين سسي سسلندي؛ دولو و شئمشکلرله.
اوخلاريني آتيب اونلاري داغيتدي؛ بؤيوک ائلديريملاريني ساليب، اونلاري کؤکوندن ووردو.
سنئن تنبهئندن، يارب، بورنونون نفسئنئن ووروشوندان، دهنزلرئن دئبي گؤروندو، دونيانين بونؤورهلري آچيلدي.
رب اوجالاردان الئني اوزاديب، مني توتدو؛ مني او درئن سولاردان چيخارتدي.
قودرتلي دوشمنئمدن مني قورتاردي؛ مندن نئفرت ادنلردن کي، اونلارا گوجوم چاتميردي.
بلالي گونومده ضئدّئمه قالخديلار، لاکئن ربّ منه داياق اولدو؛
مني گنئشلئيه چيخارديب قورتاردي، چونکي مندن خوشلاندي.
رب صالحلئيئمه گؤره اجرئمي ورئب، اللرئمئن پاکليغينين موطابئقئنده منه عوض ورئب.
چونکي ربّئن يوللاريني توتموشام، و تاريما عوصيان اتمهمئشم؛
اونون هامي حؤکملرئني قاباغيما قويموشام، اونون امرلرئنئن ائطاعتئندن چيخماميشام.
اونون گؤزونون قاباغيندا کاماللا ياشاميشام، اؤزومو گوناهدان ساخلاميشام.
رب صالحلئيئمه گؤره، گؤزونون قاباغيندا اولان اللرئمئن پاکليغينين موطابئقئنده منه عوض ورئب.
سنه وفالي قالانا، اؤزونو وفالي گؤرسدئرسن. کاماللا ياشايان آداما، اؤزونو کامئل گؤرسدئرسن.
پاک آداما، اؤزونو پاک گؤرسدئرسن؛ لاکئن اَيري آدامين قاباغيني آليرسان.
فاغير آداملارا نئجات ورئرسن، لاکئن تکبّورلو گؤزلري ذلئل ادئرسن.
چيراغيمي يانار ساخلايان سنسن، يارب! قارانليغيمي ائشيغا دؤندرن تاريمدير.
سنئنله بئر قوشونو ازه‌رم، تاريملا دوآر اوستوندن اوچارام.
تارينين يولو کامئلدئر؛ ربّئن سؤزو خالئصدئر، رب اونا پناه گتئرن هرکسه قالخاندير.
ربدن ساوايي تاري کئمدئر؟ بئزئم تاريدان ساوايي قايا کئمدئر؟
مني قووّته سئلاحلانديران تاريدير، منئم يولومو او کامئل ادئر؛
آياقلاريمي مارال آياقلاري کئمي ادئر، اوجا يرلرده مني برک دوردورور.
اللرئمه دؤيوشمک اوچون تعلئم ورئر؛ قوللاريم بورونج کاماني دا اَيئر.
سن منه نئجاتينين قالخانيني ورئبسن، صاغ الئن مني توتوب، عئنايتئن مني بؤيوک ادئب.
آتديغيم قدملرئن يرئني گنئشلتدئن کي، آياقلاريم سوروشمه‌سئن.
دوشمنلرئمي قووالاديم، اونلارا يتئشدئم؛ اونلار محو اولوناجاق گري قاييتماديم.
اونلاري پايمال اتدئم کي، قالماغا بئر داها قودرتلري اولماسين؛ اونلار آياقلاريمين آلتينا دوشدولر.
موحارئبه اوچون مني قووّته سئلاحلانديران سنسن. ضئدّئمه قالخانلاري، آياقلاريمين آلتينا سالدين.
دوشمنلرئمئن آرخاسيني منه دؤنده‌ردئن، مندن نئفرت ادنلري محو اتدئم.
کؤمک اوچون باغيرديلار، لاکئن اونلارين دادينا يتئشن هچ کس يوخ ائدي؛ ربّي چاغيرديلار، لاکئن اونلارا جاواب ورمه‌دي.
اونلاري يل قاباغينداکي توز کئمي داغيتديم، اونلاري کوچهلر پالچيغي کئمي آتديم.
خالقين چکئشمه‌سئندن مني قورتاريبسان؛ مئلّتلره مني ريئس ادئبسن، اله کي، تانيماديغيم خالق دا منه قوللوق ادئر.
مندن اشئتدئکلري زامان ائطاعت ادئرلر. قرئب آداملار منه بويون اَيئرلر.
اورکلري اوزولور، قالالاريندان تئتره‌يه-تئتره‌يه اشئيه چيخيرلار.
رب دئري‌دئر! منئم قاياما حمد اولسون! قورتاريجيم تاري اوجالسين!
ائنتئقاميمي آلان تاريدير. خالقلاري منه موطئع ادن اودور.
او تاري کي، دوشمنلرئمدن مني قورتاردي. ضئدّئمه قالخانلاردان مني چوخ اوجالديبسان، قدّار آدامدان مني خئلاص ادئبسن،
اونا گؤره ده، يارب، مئلّتلر آراسيندا سنه شوکر ادهجيم. سنئن آدينا پرستئش نغمهلري اوخوياجاغام.
رب پادشاهينا بؤيوک ظفرلر ورئر، مسح اتدئيئنه سوگي گؤرسدئر؛ داوودا و اونون نسلئنه، ابده کئمي.
گؤيلر تارينين جلاليني بيان ادئر، قوبّه اونون اللرئنئن عمللرئني خبر ورئر.
گون-گونه سؤز ديئر. گجه-گجه‌يه معرئفت نقل ادئر.
هچ دانيشيق يوخ، هچ سؤز يوخ کي، اونلارين سسي اشئدئلمه‌سئن.
اونلارين سسي بوتون عالمه گدئر، اونلارين سؤزلري دونيانين لاپ آخيرينا يتئشئر. گؤيلرده گون اوچون او، چادير قوروب.
اله کي، گون گَردَکدن چيخان بئر بَي کئمي چيخير، بئر پهلوان کئمي يولوندا قاچماغيندان سوئنئر.
گؤيون بئر اوجوندان چيخير، دؤورو اونون او بئري اوجونا قدردئر؛ اونون ائستئسئندن هچ بئر شي گئزلي ديئل.
ربّئن شرئعتي کامئلدئر، جاني تزه‌له‌يئر. ربّئن شهادتلري اعتئبارلي‌دير، ساده آداما حئکمت ورئر.
ربّئن حؤکملري دوغرودور، اوره‌يي سوئندئرئر. ربّئن امرلري پاکدير، گؤزلري آيدينلادير.
ربّه اولان حؤرمت خالئصدئر، ابده کئمي داوام ادئر. ربّئن قانونلاري حاقدير، هاميسي صالحدئر؛
قيزيلدان، چوخ مئقداردا اولان خالئص قيزيلدان دا ائستکلي، بالدان، شان باليندان دا شئرئندئر.
سنئن قولونا اونلاردير دا کي، ائخطار ورئر. اونلاري ساخلاماقدا بؤيوک اجر وار.
اؤز سهولرئني کئم آنلايا بئلر؟ مني گئزلي خاطالاريمدان طاهئر ات.
قولونو قصدي گوناهلاردان دا ساخلا، قويما منه موسلّط اولسونلار. او زامان خاطاسيز اولارام، او زامان بؤيوک عوصياندان تقصئرسئز چيخارام.
قوي آغزيمين سؤزلري، قوي اوره‌يئمئن دوشونجه‌سي، سنئن حوضوروندا مقبول اولسون؛ يارب، منئم قايام، منئم خئلاصکاريم.
سيخينتي گونلرئنده رب سني موستجاب اتسئن، يعقوبون تاريسينين آدي سني ساخلاسين.
موقدّس يرئندن سنه کؤمک گؤندَرسئن، صحيوندان سنه قووّت ورسئن.
بوتون تقديم اتدئکلرئني ياديندا ساخلاسين، يانديرما قوربانيني قبول اتسئن. سِلا
اوره‌يئنئن آرزوسونو سنه ورسئن، بوتون مورادلارينا چاتاسان.
سن قالئب گلدئيئن زامان، بئز شادليقدان هاراي چکه‌جيئک، تاريميزين آديندا بايراقلاريميزي آچاجاغيق. رب سنئن بوتون آرزو اتدئکلرئني يرئنه يتئرسئن.
ائندي بئلئرم کي، رب اؤز مسح اتدئيئنه ظفر ورئر؛ موقدّس گؤيوندن اونا جاواب ورهجک؛ صاغ الئنئن قودرتلي ظفرلري ائله.
بعضئلري موحارئبه عارابالارينا اومئد باغلاييرلار، بعضئلري آتلارا، آمّا بئز رب تاريميزين آدينا اومئد باغلاييريق.
اونلار دئزه دوشوب ييخيلارلار، آمّا بئز قالخيب داياناريق.
ظفر ور، يارب! چاغيرديغيميز گونده پادشاه بئزه جاواب ورسئن.
يارب، پادشاه سنئن قووّتئنده شادليق ادئر؛ سنئن وردئيئن ظفرلر اوچون، اونون شادليغي نه قدر بؤيوکدور!
اوره‌يئنئن آرزوسونو اونا ورئبسن، دوداقلارينين ائسته‌دئيئني اسئرگمه‌يئبسن. سِلا
گؤزل برکتلرله پئشوازينا چيخدين، باشينا خالئص قيزيلدان تاج قويدون.
سندن حيات ائسته‌دي، سن اونا وردئن؛ اوزون عؤمور، ابددن ابدهجک.
سنئن اونا وردئيئن ظفره گؤره، اونون عئزّتي بؤيوکدور؛ اوستونه شؤوکت و جلال قويوبسان.
يقئن کي، اونا ابدي برکتلر ورئبسن حوضورونون شادليغي ائله اونو سوئندئرئبسن.
چونکي پادشاه ربّه توکّول ادئر؛ اوجالاردا اولانين محبّتي ائله يرئندن ترپنمه‌يه‌جک.
الئن بوتون دوشمنلرئني تاپاجاق؛ صاغ الئن سندن نئفرت ادنلري تاپاجاق.
اؤزونو ظاهئر اتدئيئن زامان، يارب، اونلاري اودلو تندئر کئمي ادهجکسن؛ رب حئدّتئنده اونلاري اوداجاق، اود اونلاري ييئب بئتئره‌جک.
اونلارين اؤولادلاريني ير اوزوندن، اونلارين نسلئني ائنسانلار آراسيندان محو ادهجکسن.
گرچي سنئن ضئدّئنه پئس نئيّتلر ادئرلر، شرارت دوشونورلر، آمّا باجارا بئلمئرلر.
چونکي کامانيني اونلارا طرف چکدئيئن زامان، اونلاري قاباغيندان قاچماغا مجبور ادهجکسن.
يارب، قودرتئنله اوجاليغيني گؤرسد! سنئن قودرتئنه اوخوياجاغيق، اونا پرستئش نغمهلري اوخوياجاغيق.
تاريم، تاريم، نه اوچون مني ترک ادئبسن؟ نه اوچون منه نئجات ورمکدن، نه اوچون ناله‌لرئمئن سؤزلرئندن بو قدر اوزاقداسان؟
تاريم، گوندوز درگاهينا فغان ادئرم، آمّا جاواب ورمئرسن؛ گجه زامانيندا باغيريرام، لاکئن دئنجلمئرم.
آمّا سن موقدّسسن؛ سن، اي ائسرايئلئن حمدلرئنده تخت قوران.
آتالاريميز سنه توکّول اتدئلر، سنه اومئد باغلاديلار، سن اونلاري خئلاص اتدئن.
سنئن درگاهينا باغيرديلار، نئجات تاپديلار. سنه توکّول اتدئلر، خجالت آلتيندا قالماديلار.
آمّا من آدام يوخ، قوردام؛ ائنسانلار آراسيندا حقئر اولموشام، خالق آراسيندا خور اولموشام.
مني گؤره‌نلرئن هاميسي منه گولورلر، دوداقلاريني بوزوب باشلاريني ترپده-ترپده ديئرلر:
"ربّه اومئد باغلاييب، قوي رب اونو قورتارسين، قوي رب اونو خئلاص اتسئن، چونکي رب اوندان راضيدير."
لاکئن مني آنامين قارنيندان چيخاردان سنسن، آنامين قوجاغيندا اولاندا، منه اَمئنلئک ورن سن ائدئن.
بطندن دوغولاندان بري سنه ورئلدئم، آنامين قارنيندان بري منئم تاريم اولوبسان.
مندن اوزاق دورما، چونکي دارليق ياخيندير، چونکي کؤمک ادن يوخدور.
بئر چوخ گاميش مني دؤوره‌له‌يئب؛ باشانين گوجلو گاميشلاري مني آرايا ساليبلار.
پارچالايان و نرئلده‌ين آصلان کئمي، اوستومه آغيزلاريني آچيرلار.
سو کئمي تؤکولموشم؛ سوموکلرئمئن هاميسي بئربئرئندن آيريليب، اوره‌يئم بال مومو کئميدئر، سئنمده ارئيئر.
گوجوم صاقسي پارچاسي کئمي قورويوب، دئلئم داماغيما ياپيشيب، مني اؤلوم تورپاغينا قويوبسان.
ائتلر مني دؤوره‌له‌دي، فاسئدلر جاماعاتي مني آرايا سالدي. اللرئمي، آياقلاريمي دلدي.
بوتون سوموکلرئمي سايا بئله‌رم. دوشمنلرئم باخيرلار، گؤزلرئني منه دئکئرلر،
پالتارلاريمي آرالاريندا بؤلوشورلر، ردام اوچون پوشک آتيرلار.
لاکئن سن، يارب، اوزاق دورما؛ اي قووّتئم، کؤمه‌يئمه تز يتئش.
قيلينج آغزيندان جانيمي، ائتئن پنجه‌سئندن ووجودومو قورتار.
آصلانين آغزيندان مني خئلاص ات، چؤل اؤکوزلری مني بوينوزلايارکن منه جاواب ور.
سنئن آديني قارداشلاريما اعلان ادهجيم، جاماعات آراسيندا سنه حمد ادهجيم.
اي ربّه حؤرمت ادنلر، ربّه حمد ادئن! اي بوتون يعقوب نسلي، ربّي اوجالدين! اي بوتون ائسرايئل نسلي، ربّه حؤرمت گؤرسدئن!
چونکي او، فاغير آدامين قمئني تحقئر اتمهيئب؛ اوزونو اوندان گئزلتمه‌يئبدئر. اونو کؤمه‌يه چاغيران زامان او، اشئتدي.
بؤيوک جاماعات آراسيندا حمدئم سنه اولاجاق. اونا حؤرمت ادنلرئن يانيندا نذئرلرئمي تقدئم ادهجيم.
فاغير آداملار ييئب دوياجاقلار؛ اونو آختارانلار ربّه حمد ادهجکلر. قوي اوره‌يئنئز ابده کئمي ياشاسين!
دونيانين بوتون نهايتلري ربّي خاطيرلاييب اونا دؤنهجک؛ مئلّتلرئن بوتون طايفالاري سنئن حوضوروندا پرستئش ادهجکلر.
چونکي پادشاهليق ربّئندئر، او، مئلّتلره حؤکمرانليق ادئر.
دونيانين هامي بختورلري يئيه‌جکلر، پرستئش ادهجکلر. تورپاغا اِنَنلرئن هاميسي اونون حوضوروندا دئز چؤکه‌جکلر؛ اونلار کي، حتّا اؤزلرئني بله، دئري ساخلايا بئلمئرلر.
اؤولادلاري اونا قوللوق ادهجک؛ پروردئگار حاقّيندا گلن نسله ده نقل اولاجاق.
اونون صداقتئني سونرا دوغولان خالقا دا خبر ورهجکلر. خبر ورهجکلر کي، بونو ادن ربدئر.
رب منئم چوبانيمدير، هچ بئر شيه مؤحتاج اولمارام.
او مني ياشيل اوتلاقلاردا ياتيردير، آرام سولار قيراغيندا گزدئرئر،
جانيمي تزه‌له‌يئر، اؤز آدي اوچون مني صالحلئک يوللاريندا هئدايت ادئر،
ظولمت دره‌سئنده گزسم بله، شردن قورخوم يوخدور، چونکي سن يانيمداسان. سنئن دَيَنکئن، سنئن ال آغاجين منه اورک ورئر.
دوشمنلرئمئن قاباغيندا منئم اوچون سوفره آچيرسان، باشيمي ياغلا عطئرله‌يئرسن، منئم کاسام دولوب داشير.
يقئن عؤمرومون بوتون گونلرئنده، ياخشيليق و محبّت داليمجا گلهجک، و ربّئن اوئنده عؤمور بويو ساکئن اولاجاغام.
ير اوزو و اونو دولدورانلارين هاميسي ربّئندئر؛ دونيا و اوندا ياشايانلار.
چونکي او، يرئن اساسيني دهنزلر اوستونه قوردو، اونو چايلار اوستونده بئنا اتدي.
ربّئن داغينا کئم چيخا بئلر؟ اونون موقدّس مکانيندا کئم دورا بئلر؟
او آدام کي، اللري پاکدير، اوره‌يي طاهئردئر، اومئدئني باطئل شيلره باغلاماييب، يالاني قانديرماق اوچون آند ائچمه‌يئب.
او، برکتي ربدن، صالحلئيي خئلاصکاري تاريدان آلاجاق.
اونو آختارانلارين نسلي بلهدئر؛ سنئن اوزونو آختارانلارين نسلي بلهدئر، اي يعقوبون تاريسي، سِلا.
اي دروازالار، باشلارينيزي اوجالدين. آچيلين، اي ابدي قاپيلار. قوي جلال پادشاهي ائچه‌ري گئرسئن.
کئمدئر بو جلال پادشاهي؟ ربدئر؛ قودرتلي و قادئر رب، موحارئبه‌ده جبّار اولان رب.
اي دروازالار، باشلارينيزي اوجالدين. آچيلين، اي ابدي قاپيلار. قوي جلال پادشاهي ائچه‌ري گئرسئن.
بو کئمدئر، بو جلال پادشاهي کئمدئر؟ قوشونلارين ربّي؛ جلال پادشاهي اودور. سِلا
يارب، جانيمي سنه قالديريرام.
سنه توکّول ادئرم، اي تاريم. قويما خجالت آلتيندا قاليم، قويما دوشمنلرئم منه ظفر تاپسينلار.
قوي سنه اومئد باغلايان، هچ واخت خجالت آلتيندا قالماسين؛ لاکئن سببسئز خيانت ادنلر خجالت چکسئنلر.
يوللاريني منه بئلدئر، يارب. طرئقلرئني منه اؤيرت،
حقئقتئنده مني هئدايت ات، مني اؤيرت، چونکي خئلاصيمين تاريسي سنسن؛ همئشه سنه اومئد باغلاميشام.
يارب، مرحمتئني، محبّتئني خاطيرلا، چونکي اونلار اَزلدن‌دئر.
جاوانليق زامانيمين گوناهلاريني، عوصيانلاريني خاطيرلاما، محبّتئنه گؤره، ياخشيليغينا گؤره مني خاطيرلا، يارب.
رب ياخشي و دوغرودور. بونا گؤره گوناهکار ائنسانلارا يولو گؤرسدئر.
فاغير آداملاري حاق يولوندا هئدايت ادئر، اونلارا يولونو اؤيره‌دئر.
ربّئن عهدئني و امرلرئني ساخلايان آداملار اوچون اونون بوتون طرئقلري محبّت و حقئقتدئر.
يارب، اؤز آدينين خاطئرئنه گوناهيمي باغيشلا، چونکي گوناهيم بؤيوکدور.
ربدن قورخان آدام کئمدئر؟ اونا، سچه‌جيي يولو گؤرسدر.
عؤمرونو نعمت ائچئنده کچئرده‌جک. اؤولادلاري يري مئراث آلاجاقلار.
ربّئن سئرّي اوندان قورخانلار اوچوندور، عهدئني اونلارا بئلدئرئر.
گؤزلرئم دائم ربّه دئکئلئب، چونکي آياقلاريمي توردان او چيخاردير.
منه طرف دؤن، منه رحم اله، چونکي يالقوز و مظلومام.
اوره‌يئمئن سيخينتيلاري چوخاليب، مني مشقّتلرئمدن خئلاص ات.
منئم چاره‌سئزلئيئمه، منئم زحمتئمه باخ، بوتون گوناهلاريمي باغيشلا.
گؤر دوشمنلرئم نه قدر چوخدور، نجه ناحاق يره مندن نئفرت ادئرلر!
جانيمي حئفظ ات، مني خئلاص ات؛ قويما خجالت آلتيندا قاليم، چونکي سنه پناه گتئرئرم.
قوي کامال و دوغرولوق مني حئفظ اتسئن، چونکي سنه اومئد باغلاييرام.
ائسرايئلي بوتون سيخينتيلاريندان خئلاص ات، اي تاري.
مني حاقلي چيخارت يارب، چونکي کاماللا ياشاميشام. ربّه اعتئماد اتمئشم؛ ترپنمه‌يه‌جيم.
مني ائمتاحان ات يارب، مني يوخلا؛ اوره‌يئمي، فئکرئمي ائمتاحانا چک.
چونکي سنئن محبّتئن گؤزلرئمئن قاباغيندادير سنئن حقئقتئنده ياشاييرام.
نه رذئل ائنسانلارلا اوتورورام، نه ده ائکي اوزلو آداملارلا گلئش-گدئش ادئرم.
پئس ائشلر گؤرن آداملارين مجلئسئندن نئفرت ادئرم، شرور ائنسانلارلا اوتورمورام.
معصوملوقدا اللرئمي يويورام، سنئن قوربانگاهيني طواف ادئرم، يارب کي،
حمدئني اوجا سسله اشئتدئرئم، بوتون عجئب ائشلرئني اعلان ادئم.
ياشاديغين اوي، يارب، جلالينين ساکئن اولدوغو يري سوئرم.
جانيمي گوناهکارلارلا، حياتيمي آدام اؤلدورنلرله بئر يره گتئرمه.
او آداملارلا کي، پئسلئک اللرئنده‌دئر، صاغ اللري روشوتله دولودور.
لاکئن من کاماللا ياشاييرام؛ مني خئلاص ات، منه رحم اله.
آياغيم دوزلوکده دورور؛ جاماعاتلار ائچئنده ربّه حمد ادهجيم.
رب منئم ائشيغيم‌دير، رب منئم نئجاتيم‌دير، کئمدن قورخاجاغام؟ حياتيمين قالاسي ربدئر، کئمدن هراسيم اولاجاق؟
جانيمين اتئني يمک اوچون پئس آداملار اوستومه يوگورنده- او دوشمنلرئم، او خصملرئم- اؤزلري سوروشوب ييخيلديلار.
ضئدّئمه بئر قوشون دا دوزولسه، اوره‌يئم قورخماز. قاباغيما موحارئبه ده چيخسا، گئنه آرخايينام.
ربدن بئر شي آرزو ادئرم، اونو آختاريرام: کي، حياتيمين بوتون گونلرئنده ربّئن اوئنده ساکئن اولوم. کي، ربّئن گؤزل‌لئيئني گؤروم، اونون معبدئنده هئدايتئني آختاريم.
چونکي يامان گونده او، مني اؤز خيمهسئنده گئزلده‌جک؛ چاديرينين گئزلي يرئنده منه پناه ورهجک، او مني قايا اوستونه اوجالداجاق.
اونا گؤره باشيم، دؤورمده اولان دوشمنلرئمئن اوستونه اوجالاجاق. اونون چاديريندا شادليقلا قوربانلاريمي تقدئم ادهجيم. اوخوياجاغام، ربّه پرستئش نغمه‌سي اوخوياجاغام.
سني چاغيران واخت، سسئمي اشئت، يارب! منه يازيغين گلسئن، منه جاواب ور.
سنئن ددئيئنی دوشوندوم: "منئم اوزومو آختارين." ديئرم: سنئن اوزونو آختاريرام، يارب!
اوزونو مندن گئزلتمه؛ قضبئنده بو قولونو قووما. منئم کؤمه‌يئم همئشه سن اولوبسان. مني آتما، مني بوراخما، اي خئلاصيمين تاريسي!
آتام و آنام مني بوراخسالار دا، رب مني گؤتورهجک.
يولونو منه گؤرسد، يارب، دوشمنلرئمدن اؤتري مني دوز يولا هئدايت ات.
مني دوشمنلرئمئن الئنه ورمه، چونکي يالانچي شاهئدلر اوستومه قالخيبلار، آغيزلاريندان ظولم چيخير.
اگر ائنانماسايديم کي، دئرئلر دئياريندا ربّئن ياخشيليغيني گؤره‌جيم، اوره‌يئم جانيمدان چيخاردي.
ربّه اومئد باغلا، جسور اول، اوره‌يئن قووّتلنسئن، ربّه اومئد باغلا.
يارب، سني چاغيريرام، منئم قايام، منه اشئتمه‌مزلئک اتمه. چونکي اگر منه سوکوت ادهسن، قبئره اِنَنلر کئمي اولارام.
سني ائمدادا چاغيراندا، اللرئمي سنئن موقدّس محرابينين طرفئنه اوزاداندا، منئم مرحمت طلب ادن سسئمي اشئت.
مني شر آداملارلا، پئس ائش گؤرنلرله بئر توتما؛ او آداملارلا کي، قونشولارينا صولحدن دانيشيرلار، لاکئن اورکلرئنده پئسلئک وار.
اونلارين عمللرئنه گؤره، اتدئکلري يامانليقلارا گؤره، اونلارا جزا ور. اللرئنئن اتدئکلرئنه گؤره اونلارا جزا ور، لايئق اولدوقلاريني اونلارا ور.
رب اونلاري ييخاجاق، بئر داها اونلاري قالديرماياجاق. چونکي ربّئن ائشلرئنه، اونون اللرئنئن اتدئکلرئنه دئقّت اتمئرلر.
رب موبارک اولسون، چونکي مرحمت طلب ادن سسئمي اشئدئب.
رب منئم قووّتئم و قالخانيمدير؛ اوره‌يئم اونا توکّول ادئب، او دا ائمداديما يتئشئب. اوره‌يئم شادليقدان جوشوب داشير، اوندان نغممله تشکّور ادهجيم.
رب اؤز خالقينين قووّتي‌دئر، مسح اتدئيئنه نئجات قالاسي‌دير.
خالقيني قورتار، مئراثينا برکت ور؛ اونلارين چوباني اول، ابده کئمي اونلارين قيدئنه قال.
ربّي وصف ادئن، اي ائلاهي مؤوجودلار، ربّئن عئزّت و قودرتئني وصف ادئن،
ربّئن آدينين عئزّتئني وصف ادين؛ موقدّسلئيئنئن شؤوکتئنده ربّه سجده قيلين.
ربّئن سسي سولار اوستوندهدئر؛ جلال تاريسي گورولدايير، ربّ چوخلو سولارين اوستوندهدئر.
ربّئن سسي گوجلودور؛ ربّئن سسي شؤوکتلي‌دئر.
ربّئن سسي سئدر آغاجلاريني سينديرار؛ رب لوبنانين سئدر آغاجلاريني پارچالار.
لوبناني دانا کئمي، سئريونو چؤل اؤکوزو کئمي سيچرادار.
ربّئن سسي شئمشک چيخاردار.
ربّئن سسي چؤلو تئتره‌در؛ رب قادش چؤلونو تئتره‌در.
ربّئن سسي چؤل پوسته‌سی آغاجلاريني اَيدئرر، مشه‌لري چيلپاق ادر، اونون معبدئنده هرکس "جلال!" سسلنر.
ربّ سللر اوستونده تخته اوتورور، رب پادشاه کئمي ابدهجک تخته اوتورور.
رب اؤز خالقينا قودرت ورهجک؛ رب صولحله اؤز خالقيني برکتلندئره‌جک.
سني اوجالتاجاغام، يارب، چونکي مني قالديردين؛ قويمادين دوشمنلرئم اوستومه شادليق اتسئنلر.
يارب تاريم، سني چاغيرديم، سن منه شفا وردئن.
يارب، جانيمي اؤلولر دئياريندان چيخارديبسان، مني دئري ساخلاييبسان کي، قبئره اِنمه‌يئم.
سئز اونون موتّقی‌لری، ربّه پرستئش نغمهلري اوخويون؛ اونون موقدّس آدي اوچون اونا شوکور ادئن.
چونکي قضبي بئر آن چکر، آمّا لوطفو عؤمور بويو داوام ادر. آخشام واختي بلکه ده گؤزياشي تؤکولسون، لاکئن سحر آچيلاندا مسرّت گلر.
ائندي من بو راحاتليغيمدا ددئم: "يرئمدن اصلا ترپنمه‌رم."
يارب، لوطفونده مني داغ کئمي مؤحکم ادئبسن؛ لاکئن اوزونو گئزلتدئيئن زامان، قورخو مني بورودو.
سنه سَسلندئم، يارب؛ پروردئگاريما يالوارديم:
"منئم اؤلومومده، منئم قبئره اِنمه‌يئمده نه فايدا وار؟ آيا تورپاق سنه حمد ادهجک؟ آيا تورپاق سنئن وفادارليغيني اعلان ادهجک؟
اشئت يارب، منه يازيغين گلسئن. يارب، ائمداديما چات."
ياسيمي شادليغا دؤنده‌ردئن؛ اَينئمده‌کي پالاسي چيخارتدين منه شادليق پالتاري گيدئردئن کي،
قلبئم سنه نغمهلر اوخوسون، ساکئت دورماسين. يارب، تاريم، سنه ابده کئمي شوکر ادهجيم.
يارب، سنه پناه گتئرئرم، اوتانج آلتيندا هچ بئر زامان مني قويما. اؤز صالحلئيئنده مني قورتار.
منه قولاق آس، مني تز قورتار، منئم سيغيناق قايام اول، قالا کئمي مني حئفظ ادئب نئجات ور.
يقئن کي، قايام، يقئن کي، قالام سنسن. اؤز آدين اوچون مني هئدايت اله، منه رهبر اول.
منئم اوچون گئزلئجه سرئلمئش توردان، مني خئلاص ات، چونکي منئم قالام سنسن.
روحومو سنئن الئنه تاپشيريرام، مني قورتار، يارب، اي حقئقي تاري!
يالانچي بوتلره حؤرمت گؤرسدن آداملاردان نئفرت ادئرم، آمّا ربّه بل باغلاييرام.
سنئن محبّتئنده شاد اولوب سوئنه‌جيم، چونکي عذابلاريما گؤز يومّاييبسان، جانيمين نه قدر سيخينتي ائچئنده اولدوغونو بئلئرسن،
مني دوشمن الئنده اسئر اتمهيئبسن، آياقلاريمي گنئشلئکده دوردوروبسان.
منه رحم اله، يارب، دارليقدايام. قوصّهدن گؤزلرئمئن نورو گدئر، بلي، جانيم و بدنئم ده!
حياتيم قوصّه ائله کچئر، عؤمرومون ائللري ناله ائله. گوناهيم اوزوندن داها قودرتئم قالماييب، سوموکلرئم ده قورويور.
بوتون دوشمنلرئم اوزوندن اوزو-قارا اولموشام، قونشولاريمين آراسيندا بله. تانيشلاريما قورخو کئمي اولموشام، اشئکده مني گؤرنلر مندن قاچيرلار،
اؤلو بئر آدام کئمي يادلاردان چيخميشام، تئکه-تئکه اولموش کوزه کئمئيم.
چوخ آداملارين بؤهتانلاريني اشئدئرم، هر ياندا قورخو وار، منئم ضئدّئمه بئرلئکده مصلحتله‌شئرلر، جانيمي آلماق اوچون فئکئرله‌شئرلر.
لاکئن من سنه توکّول ادئرم، يارب، ديئرم؛ "سن منئم تاريمسان."
منئم واختلاريم سنئن الئندهدئر. مني دوشمنلرئمئن و عذاب ورنلرئمئن الئندن قورتار.
قوي اوزون بو قولونون اوزونه پارلاسين، اؤز محبّتئنده مني قورتار.
قويما خجالت آلتيندا قاليم، يارب، چونکي سني چاغيرميشام. قوي پئس آداملار خجالت آلتيندا قالسينلار، قوي اونلار اؤلولر دئياريندا سسلري باتسين.
قوي يالانچي دئللر، صالح آدامين ضئدّئنه تکبّورله بؤهتان آتان دئللر لال اولسونلار.
گؤر سنئن ياخشيليغين نه قدر بؤيوکدور! ائنسان اوغوللارينين گؤزونون قاباغيندا سن اونو سنه حؤرمت گؤرسدنلر اوچون ساخلاييبسان، سن اونو سنه پناه گتئرنلر اوچون ساخلاييبسان،
سن اونلاري ائنسانين حئيله‌سئندن اؤز حوضورونداکي پناهدا حئفظ ادئرسن؛ داعوا سالان دئللردن اؤز چارداغيندا اونلاري ساخلاييرسان.
رب موبارک اولسون! چونکي موحاصئرهيه دوشدويوم زامان، بؤيوک محبّتئني تعجّوبلو بئر شکئلده منه گؤرسدئب.
چونکي چاره‌سئزلئيئمده دمئشدئم: "گؤزلرئنئن قاباغيندان من قووولدوم." آمّا سني ائمدادا چاغيراندا منئم داديما چاتدين.
ربّي سوئن، سئز اونون بوتون موتّقي آداملاري! چونکي رب اونا وفالي قالانلاري حئفظ ادئر، آمّا مغرور ائنسانين جزاسيني آرتيقليقلا ورئر.
سئز، اي بوتون ربّه اومئد باغلايانلار، جسارتلي اولون، اوره‌يئنئز گوجلو اولسون.
خوش او آدامين حالينا کي، عوصياني باغيشلانير، گوناهي عفو اولور.
خوش او آدامين حالينا کي، رب اونا قوصور سايماز، روحوندا حئيله تاپيلماز.
آغزيمي اعتئرافا آچماديغيم زامان، ووجودوم چورويوردو؛ بوتون گون اتدئيئم ناله‌لر اوزوندن.
چونکي گجه-گوندوز، الئن منئم اوستومه آغيرلاشدي؛ گوجوم ياز اوتلاري کئمي قورودو. سِلا.
او واخت گوناهيمي سنه بئلدئردئم، گوناهيمين اوستونو اؤرتمه‌دئم. "ربّه عوصيانلاريمي اعتئراف ادهجيم" ددئم، سن گوناهيمين قوصورونو عفو اتدئن.
اونا گؤره ده، قوي موتّقي اولان هر کس سنی تاپان زامان سنه دوعا اتسئن؛ يقئن کي، قودرتلي سولار داشسا دا، اونا يتئشمه‌يه‌جک.
منئم سيغيناق يرئم سنسن؛ مني دارليقدان سن حئفظ ادئرسن، خئلاص نغمهلري ائله مني دؤوره‌له‌يئرسن. سِلا.
رب ديئر: "سنه تعلئم ورهجيم، گده‌جيئن يولو سنه گؤرسده‌جيم، سنه نصئحت ادهجيم، گؤزوم سنئن اوستوندن آيريلماياجاق.
آت يا دا قاطير کئمي قانماز اولمايين؛ اونلاري سورمک اوچون دهنه و جئلوو لازيمدير، يوخسا سنه ياخينلاشماياجاقلار."
پئس آدامين دردلري چوخدور، لاکئن ربّئن محبّتي اونا توکّول ادن آدامي دؤوره‌له‌ير.
اي صالح آداملار، ربده شادلانين، سوئنئن. سئز اي بوتون اوره‌يي دوغرو اولانلار شادليقدان اوخويون.
شادليقدان ربّه اوخويون، اي صالح آداملار، حمد اتمک دوروستکار آداما ياراشير.
طنبور چالاراق ربّه شوکور ادئن. اون سئملی چنگله ربّه ترنّوم ادئن.
اونا تزه بئر نغمه اوخويون؛ گؤزل چالين، شادليق سسي ائله.
چونکي ربّئن سؤزو دوغرودور، او، بوتون ائشلرئنده وفالي‌دير.
رب دوزلوک و عدالتي سور، ربّئن محبّتي ير اوزونو دولدورار.
ربّئن سؤزو ائله گؤيلر ياراندي، گؤيده اولان شيلر ده آغزينين نفسي ائله.
دهنزئن سولاريني بئر يره ييغير، درئن سولاري آنبارلاردا ساخلايير.
قوي بوتون عالم ربدن قورخسون؛ قوي ير اوزونده اولان بوتون ائنسانلار اوندان خوفلانسينلار،
چونکي ربّئن ددئيي واخت، هر شي وار اولدو، اونون بويوردوغو واخت، هر شي قورولدو.
رب مئلّتلرئن تدبئرلرئني پوزار، خالقلارين نئيّتلرئني هچ ادر.
لاکئن ربّئن تدبئري ابده کئمي دورور، اوره‌يئنئن نئيّتلري نسئلدن-نسله دورور.
خوش او مئلّتئن حالينا کي، رب اونون تاريسيدير؛ او خالق کي، رب اونو اؤزو اوچون مئراث سچدي.
رب گؤيدن باخير، بوتون ائنسان اوغوللاريني گؤرور.
ساکئن اولدوغو يردن، ير اوزونده اولان بوتون ائنسانلارا باخير.
هامينين اورکلرئني يارادان او، هرکسئن نه اتدئيئني بئلئر.
هچ پادشاه قوشونون چوخلوغو ائله ظفر تاپماز، هچ پهلوان دا قووّتئنئن چوخلوغو ائله خئلاص اولماز.
ظفر اوچون آت بوش شيدئر، قوووتئنئن چوخلوغو ائله هچ کسي قورتارا بئلمز.
باخ، ربّئن گؤزو اوندان قورخانلارين اوستوندهدئر، اونون محبّتئنه اومئد باغلايانلارين اوستوندهدئر کي،
اونلارين جانيني اؤلومدن قورتارسين، و آجليق زامانيندا اونلاري دئري ساخلاسين.
بئز ربّه بل باغلاييريق، ائمداديميز و قالخانيميز اودور.
اوره‌يئمئز اوندا سوئنئر، چونکي اونون موقدّس آدينا توکّول ادئرئک.
سنه اومئد باغلاديغيميزا گؤره، يارب، محبّتئن اوستوموزده اولسون.
هر زامان ربّه ثنا ادهجيم، اونون حمدي همئشه آغزيمدا اولاجاق.
جانيم ربّه حمد اوخوياجاق، قوي فاغير آدام اشئدئب سوئنسئن.
گلئن بئرلئکده ربّئن بؤيوکلويوندن دانيشاق، اونون آديني بئرلئکده اوجالداق.
ربّي آختارديم و منه جاواب وردي؛ مني بوتون قورخولاريمدان خئلاص اتدي.
اونا باخانلار شفقلندئلر؛ اونلارين اوزو خجالتلي اولمادي.
بو يازيق آدام اونو چاغيردي، رب اونون سسئني اشئتدي؛ رب اونو بوتون دارليقلاريندان نئجات وردي.
ربّئن مله‌يي اوندان قورخانلارين دؤوره‌سئنده اوردو قوروب اونلاري خئلاص ادر.
دادين و گؤرون رب نه ياخشيدير! خوش او آدامين حالينا کي، اونا پناه گتئرر.
سئز، اي اونون موقدّس آداملاري، ربدن قورخون، چونکي اوندان قورخانلار هچ بئر شيه مؤحتاج اولمازلار.
جاوان آصلانلار مؤحتاج اولوب آجليق چکرلر، لاکئن ربّه آرزو چکنلرئن هچ بئر نعمتي اسکئک اولماز.
گلئن اؤولادلاريم، منه قولاق آسين؛ ربّئن قورخوسونو سئزه اؤيرده‌رم.
حياتا آرزو چکن کئمدئر؟ شاد گونلر گؤرمک ائسته‌ين کئمدئر؟
دئلئني شرّدن و دوداقلاريني يالاندان ساخلا.
پئسلئکدن ال چک و ياخشيليق اله. صولحو آختار و اونون دالينا دوش.
ربّئن گؤزلري صالحلرئن اوستوندهدئر، قولاقلاري اونلارين فريادلارينا آچيقدير.
ربّئن اوزو پئسلئک ادنلرئن ضئدّئنهدئر کي، ير اوزوندن اونلارين ذئکرئني ده کسسئن.
صالحلر ربّي چاغيرارلار، رب اونلارين فرياديني اشئدر؛ رب اونلاري بوتون دارليقلاريندان خئلاص ادر.
رب اوره‌يي سينميش آداملارا ياخيندير و روحو ازئلمئش آداملارا نئجات ورر.
صالح آدامين دردلري چوخدور، لاکئن رب اونو هاميسيندان قورتارار.
اونون هامي سوموکلرئني موحافئظت ادر؛ اونلاردان بئري ده سينماز.
پئسلئک پئس آداملاري محو ادر، صالح آدامدان نئفرت ادنلر محکوم اولارلار.
رب اؤز قوللارينين جانيني قورتارار، و اونا پناه گتئرنلرئن هچ بئري محکوم اولماز.
يارب، منئمله چکئشنلرله سن چکئش، منئمله ساواشانلارلا سن ساواش.
قالخان و سئپري اله آل؛ قالخ، منئم ائمداديما گل.
نئزه و مئزراقي دا چک کي، مني قووالايانلارين يولونو کسه‌سن. جانيما ده: "سنئن نئجاتين منم."
قوي جانيمين قصدئنه دوشنلر اوتانسينلار، خجالت چکسئنلر، قوي ضررئمه فئکئر ادنلر گري چکئلسئنلر، روسواي اولسونلار،
قوي اونلار يلئن سوپوردويو سامان چؤپو کئمي اولسونلار، قوي ربّئن مله‌يي اونلاري قاباغينا قاتيب قووسون،
قوي اونلارين يولو قارانليق اولسون، سوروشکن اولسون، قوي ربّئن مله‌يي اونلاري قووالاسين.
چونکي سببسئز منئم اوچون تله قوردولار، سببسئز جانيمين قصدئنه قويو قازديلار.
قوي قفئلدن باشلارينا فلاکت گلسئن، قوردوقلاري تلهيه اؤزلري ائلئشسئنلر، فلاکت گلن واخت اورايا دوشسونلر.
او زامان جانيم ربده فرحلنه‌جک اونون نئجاتي اوچون شادلاناجاق.
بوتون سوموکلرئم دئيهجک: "سنئن کئمي کئم وار، يارب؟ سن کي، فاغير آدامي، اوندان داها چوخ قوووتلي اولانين الئندن قورتاريرسان. بلي، سن کي، يوخسول و مؤحتاج آدامي، اونو سويانين الئندن قورتاريرسان."
رحمسئز شاهئدلر قالخيرلار؛ بئلمه‌دئيئمي مندن سوروشورلار.
ياخشيليق عوضئنه منه يامانليق ادئرلر کي، جانيما هئجران اولسون.
لاکئن من، اونلار ناخوش اولاندا، پالاس گيئنئردئم، جانيمي اوروجلا حقئر ادئردئم؛ باشيم سئنه‌مه دوشموش دوعا ادئردئم،
قارداش يا دا دوستونو الدن ورمئش بئر آدام کئمي آوارا گزئردئم، آناسي اوچون ياس توتان بئر آدام کئمي قوصّهدن بوکولوردوم.
آمّا من ييخيلان واخت، شادليقلا ييغيليرلار، من بئلمه‌دن ضئدّئمه بئرله‌شئرلر، دايانمادان مني دئدئکله‌يئرلر.
کئفئر دئين تاريسيزلار کئمي اوستومه دئشلرئني قيجيرديرلار.
اي آغا، نه واختا کئمي باخاجاقسان؟ مني اونلارين هوجوموندان، عزئز حياتيمي آصلانلار الئندن قورتار.
بؤيوک جاماعات ائچئنده سنه شوکور ادهجيم، بئر چوخ خالق آراسيندا سنه حمد ادهجيم.
منئم حئيلهگر دوشمنلرئم، قويما اوستومه سوئنسئنلر، مندن سببسئز نئفرت ادنلر قويما بئربئرلرئنه گؤز وورسونلار.
چونکي اونلار صولحدن اصلا دانيشمازلار. اؤلکهده ساکئت اوتورانلارين ضئدّئنه حئيله‌لي شيلر دوشونرلر.
اوستومه آغيزلاريني بئر قاريش آچيب دئيرلر: "هاي، هاي، اؤز گؤزلرئمئزله گؤرموشوک."
سن ده بونو گؤروبسن، يارب! ساکئت قالما، مندن اوزاق قالما، اي پروردئگار،
اويان، قالخ تاريم، اي پروردئگاريم، دئوانيمي ات و مني حاقّلي چيخارت،
صالحلئيئمه گؤره مندن دئفاع ات يارب، تاريم، قويما اوستومه سوئنسئنلر،
قويما اورکلرئنده دسئنلر: "آها، موراديميزا چاتديق." قويما دسئنلر: "اونو يوخ اتدئک!"
قوي دوشدويوم فلاکتدن سوئننلر بئرلئکده اوتانيب روسواي اولسونلار. تکبّورله منه فخر ساتانلارين پالتاري، قوي خجالت و رذالت اولسون.
منئم حاقلي چيخماغيمي آرزو ادنلر، قوي سوئنئب شادليق اتسئنلر؛ همئشه دسئنلر: "قولونون سالاماتيني ائسته‌ين رب، شؤوکتلنسئن."
او زامان منئم دئلئم سنئن صالحلئيئني، سنئن حمدئني بوتون گون اعلان ادهجک.
پئس آدامين عوصياني حاقّدا اوره‌يئمئن دئبئنده بئر سؤز وار: اونون نظرئنده تارينين قورخوسو يوخدور،
اؤزونو اؤز گؤزونده اله بَيَنمئش کي، گوناهيني گؤرمز، اوندان نئفرت اتمز.
آغزينين سؤزلري شرارت و حئيله‌دئر. عاغيللانماقدان و ياخشيليق اتمکدن ال چکئب.
ياتاغينين اوستونده پئسلئک دوشونور؛ ياخشي اولمايان يولون اوستونده دورور؛ پئسلئکدن ائير‌نمئر.
يارب، محبّتئن گؤيلرده‌دئر، وفادارليغين بولودلارا چاتير،
صالحلئيئن اوجا داغلار کئميدئر، عدالتئن بؤيوک درئنلئکدئر؛ ائنسان و حيواني سن حئفظ ادئرسن، يارب.
محبّتئن نه دَيَرلي‌دئر، اي تاري! اونون اوچون ده، آدم اوغوللاري سنئن قانادلارينين کؤلگهسئنه پناه گتئرئرلر.
سنئن اوئنئن دولولوغوندان بول-بول دويورلار، اونلارا لذّتلرئنئن چاييندان سن ائچئردئرسن،
چونکي حياتين بولاغي سندهدئر، سنئن نوروندا نورو گؤروروک.
سني تاني‌يانلارا محبّتئني، اوره‌يي دوز اولانلارا صالحلئيئني همئشه گؤرسد.
قويما کئبئرلي آدامين آياغي ضئدّئمه گلسئن، ائجازه ورمه کي، پئس آدامين الي مني قووسون.
اورادا فئساد ائشله‌ينلر دوشوبلر، ييخيليبلار و قالخا بئلمهيهجکلر.
پئس آداملارين اوزوندن سيخيلما، يامانليق ادنلرئن حالينا دا پاخيلّيق اتمه،
چونکي اونلار اوت کئمي عنقرئب قوروياجاقلار، ياشيل سبزه کئمي سولاجاقلار.
ربّه توکّول ات و ياخشي ائشلر گؤر؛ اؤلکهده ساکئن اول، امئن-آمانليقدان کف ات.
ربدن لذّتئني آل، او دا سنه اوره‌يئنئن موراديني ورر.
يولونو ربّه تاپشير، اونا توکّول ات؛ رب اونو يرئنه يتئرر.
او، سنئن صالحلئيئني ائشيق کئمي چيخاردار، عدالتئني گون اورتا کئمي ادر.
ربّئن يانيندا آرام اول، صبئرله اونو گؤزله؛ بِجَرکلي اولان اوزوندن، فئساد ائشله‌ين اوزوندن سيخيلما.
قضبدن دوش، قيضي بوراخ، سيخيلما؛ بو، ائنساني آنجاق پئسلئيه چکر.
پئس آداملار کسئله‌جکلر؛ لاکئن ربّه اعتئماد ادنلر يري مئراث آلاجاقلار.
بئر آز داها زامان کچسئن، پئس آدام آرتيق يوخ اولار. او اولان يري آختارارسان، آمّا اونو تاپا بئلمزسن.
لاکئن حلئم آداملار يري مئراث آلارلار، خوشبختلئيئن بوللوغوندان کف ادرلر.
پئس آدام، صالح آدامين قصدئنه قالخار، اونا دئشلرئني قيجيردار.
آمّا پروردئگار اونا گولر، چونکي اَجَل گونون گلدئيئني گؤرور.
فاغير و مؤحتاج آدامي يره ييخماق اوچون، يولو دوغرو اولانلاري اؤلدورمک اوچون، پئس آداملار قيلينج چکئب کامانلاريني اَيئرلر.
لاکئن قيلينجلاري اؤز اورکلرئنه گئرهجک، کامانلاري سيناجاقدير.
صالح آدامين صاحئب اولدوغو آز، چوخ پئس آدامين ثروتئندن ياخشيدير.
چونکي پئس آداملارين قولو سينار، لاکئن رب صالح آداملارا داياق اولار.
دوز آداملارين گونلرئني رب بئلئر، اونلارين مئراثي ابدي اولار.
اونلار يامان گونلرده خجالت چکمزلر، آجليق زامانيندا توخ اولارلار.
دوغرودان دا پئس آداملار هلاک اولارلار؛ ربّئن دوشمنلري اوتلاقلارين شؤوکتي کئمي‌دئرلر؛ محو اولوب گدرلر، توستو ائچئنده محو اولوب گدرلر.
پئس آدام بورج آلير، بورجونو گري ورمئر، آمّا صالح آدام سخاوتلي‌دئر و ورئر.
ربدن برکت آلانلار يري مئراث آلارلار، لاکئن ربّئن طرفئندن لعنت اولونموشلار کسئلَرلر.
رب آدامين يولوندان خوشلانان واخت، اونون قدملرئني مؤحکم ادر؛
بودره‌سه ده ييخيلماز، چونکي رب الي ائله اونو توتار.
جاوان ائدئم و ائندي قوجايام؛ لاکئن گئنه ده، صالح بئر آدامين نه يالقوز بوراخيلديغيني گؤرموشم، نه ده اونون اؤولادلارينين چؤره‌يه مؤحتاج اولدوغونو.
او همئشه سخاوتلي‌دئر و بورج ورر، اونون اؤولادلاري موبارک اولارلار.
پئسلئکدن چکئل و ياخشيليق ات، او زامان ابددن ابدهجک ساکئن قالارسان.
چونکي رب عدالتي سور، اونا موتّقي اولانلاري بوراخماز؛ اونلار ابده کئمي حئفظ اولونارلار، آمّا پئس آدامين نسلي کسئلر.
صالح آداملار يري مئراث آلارلار، اورادا ابده کئمي ساکئن اولارلار.
صالح آدامين آغزي حئکمت نقل ادر، دئلي عدالت دانيشار.
تارينين شرئعتي اونون اورهيئندهدئر؛ قدملري سوروشمز.
پئس آدام صالح آدامي گودر، اونو اؤلدورمه‌يه چاليشار؛
رب صالح آدامي اونون الئنه بوراخماياجاق، موحاکئمه اولوندوغو زامان دا اونو محکوم اتمهيهجک.
ربّه اعتئماد ات و اونون يولونو توت. يري مئراث آلماق اوچون، او، سني اوجالداجاق. پئس آداملارين کسئله‌جيي واختي گؤرهجکسن.
پئس آدامي بؤيوک قودرتده گؤرموشم کي، نجه اؤزونو ياشيل آغاج کئمي بئتدئيي يرده ياييب؛
قفئلدن کچئب گتدي، باخ، آرتيق يوخ اولموشدو؛ اونو آختارديم، لاکئن اوندان هچ بئر اثر يوخ ائدي.
کامئل بئر آدامي گود، دوز بئر ائنسانا باخ؛ چونکي گلهجک صولح‌سِوَن آدامين‌دير.
آمّا عاصئلر بئرلئکده يوخ اولارلار؛ پئس آداملارين گله‌جيي کسئلر.
صالح آدامين نئجاتي ربدن گلئر؛ دارليق واختيندا اونلارين قالاسي ربدئر.
رب اونلارا ائمداد ادئب اونلاري قورتارار؛ پئس آداملارين الئندن اونلاري قورتارار، نئجات ورر، چونکي اونلار ربّه پناه گتئررلر.
يارب، قضبئنده مني مزمّت اله‌مه، قيضئنده مني تنبه اتمه.
چونکي سنئن اوخلارين مني پارچالاييب، سنئن الئن اوستومه آغير اِنئبدئر.
قضبئندن منئم بدنمئده صاغليق قالماييب، گوناهيم اوزوندن سوموکلرئمده سالاماتليق يوخدور.
گوناهلاريم باشيمدان آشيبدير، آغير بئر يوک کئمي طاقتئمدن آرتيقدير.
عاغيلسيزليغيم اوزوندن يارالاريم چئرک ادئب، پئس قوخويور.
اَيئلئب چوخ بوکولموشم. بوتون گون ماتم ائچئنده گزئرم.
بلئمه اود اوتوروب؛ بدنئمده صاغليق يوخدور.
قووّتدن دوشوب چوخ دا ازئلمئشم. اوره‌يئمئن آغريسيندان باغيريرام.
اي آغا، بوتون آرزولاريم سنئن حوضوروندادير. چکدئيئم آهلار سندن گئزلئن ديئل.
اوره‌يئم چوبالايير، قووّتئم بدنئمدن گدئب، گؤزلرئمئن ائشيغي دا آرتيق قالماييب.
دوشدويوم بلا اوزوندن سوگئلئلرئم، دوستلاريم مندن اوزاق دورورلار، قوحوملاريم دا مندن اوزاقلاشيرلار.
جانيمي آختارانلار منه تله قورورلار، ضررئمي ائسته‌ينلر پئس سؤزلر دانيشيرلار، بوتون گون کلک فئکرئنده‌دئرلر.
لاکئن من، کار بئر آدام کئمي اشئده بئلمئرم، لال بئر آدام کئمي دانيشا بئلمئرم.
اشئده بئلمه‌ين بئر آدام کئمئيم؛ آغزيمدا دا مودافئعه سؤزو اولمايان کئمي.
چونکي، يارب، سنه اومئد باغلاييرام. جاواب ورن سنسن، اي پروردئگار تاريم.
يالوارديم: "قويما اونلار اوستومه سوئنسئنلر، قويما آياغيم سوروشنده اوستومه فخر اتسئنلر."
آز قالير ييخيليم؛ دردئم همئشه گؤزومون قاباغيندادير.
خاطامي اعتئراف ادئرم، گوناهيم اوزوندن سيخيليرام.
آمّا جان دوشمنلرئم قووّتلي‌دئرلر، مندن سببسئز نئفرت ادنلر چوخدور.
ياخشيليق عوضئنده يامانليق ادئرلر، ياخشيليق داليسينا دوشدويوم اوچون، منه عداوت گؤرسدئرلر.
يارب، مني بوراخما؛ تاريم مندن اوزاق دورما.
ائمداديما تز گل، اي پروردئگار، منئم خئلاصيم.
ددئم: "يوللاريما دئقّت ادهجيم کي، دئلئمله گوناه اتمهيئم؛ پئس آدام قاباغيمدا اولان واخت، آغزيما جئلوو قوياجاغام."
آغزيمي توتوب ساکئت اولدوم، ياخشيليق اوچون ده بله سوکوت اتدئم؛ آمّا دردئم جوشا گلدي،
اوره‌يئم ائچئمده قيزيشدي، درئن دوشونرکن اود کئمي آلوو چکدي؛ او زامان دئلئمله دانيشديم:
يارب، عاقئبتئمي، گونلرئمئن ساييسينين نه قدر اولدوغونو منه بئلدئر، قوي عؤمرومون نه قدر قيسا اولدوغونو آنلاييم.
باخ، گونلرئمي بئر نچه قاريش قدر ادئبسن، عؤمروم سنئن يانيندا هچدئر. دوغرودان دا هر کس آنجاق نفس کئميدئر. سِلا.
دوغرودان دا هر کس بئر کؤلگه کئمي کچئر. دوغرودان دا بوش يره زحمت چکئر، مال-دؤولت ييغير، اوندان کئمئن ائستئفاده اده‌جيئني بئلمئر.
اونا گؤره، ای پروردئگار، نه‌يه توکّول ادئم؟ اومئدئم بئرجه سندهدئر.
مني بوتون عوصيانلاريمدان قورتار. مني آخماقلار يانيندا روسواي اتمه.
لال اولوب آغزيمي آچميرام، چونکي بونو ادن سنسن.
گؤندردئيئن بلاني اوستومدن گؤتور. الئنئن ووروشلاري ائله تلف اولموشام.
سن ائنساني گوناهين جزاسي اوچون وورورسان؛ اونون سودئيي شيلرئني گووه يدئيي کئمي هچ ادئرسن. دوغرودان دا هر کس آنجاق بئر نفس‌دئر. سِلا
دوعامي اشئت، يارب، فرياديما قولاق ور، گؤزياشلاريما گؤز يومّا؛ چونکي سنئن يانيندا بئر قرئبم، بوتون آتالاريم کئمي بئر موسافئرم.
گؤزونو مندن گؤتور کي، کچيب-گدئب يوخ اولماميشدان تزهدن خوشبخت اولوم.
ربّه صبئرله ائنتئظار چکدئم، او منه طرف دؤنوب فرياديمي اشئتدي؛
اؤلوم چوخوروندان، باتاقليق پالچيقدان مني اشئيه چيخارتدي، آياقلاريمي قايا اوستونه قويدو، قدملرئمي مؤحکم اتدي.
او، آغزيما تزه بئر نغمه قويوب؛ تاريميز اوچون حمدلر. چوخ آدام اونو گؤروب قورخاجاق، ربّه توکّول ادهجک.
خوش او آدامين حالينا کي، ربّه توکّول ادئب. تکبّورلو آداملارا، يالانا موشتاق اولان آداملارا اوز ورمه‌يئب.
يارب تاريم، بئزئم اوچون عجئب ائشلر چوخ ادئبسن. سنئن بئزئم اوچون اولان دوشونجه‌لرئن چوخدور. سنه تاي اولان يوخدور. اگر اونلاري اعلان ادئب نقل اِتسم، سايييا گلمز.
قورباندان يا دا تاخيل تقدئمئندن خوشلانمادين؛ سن يانديرما قورباني يا دا گوناه قورباني ائستمه‌دئن.
لاکئن منه آچيق قولاقلار وردئن. او زامان ددئم: "باخ! گلمئشم؛ کئتابين طوماريندا منئم حاقّيمدا يازيليب.
سنئن ائرادهني يرئنه يتئرمکدن خوشلانيرام، تاريم. سنئن شرئعتئن اوره‌يئمئن ائچئندهدئر."
بؤيوک جاماعات ائچئنده، صالحلئيئن خوش خبرئني اعلان اتدئم. دوغرودان دا کي، دوداقلاريمي باغلاميرام، يارب، سن اؤزون بئلئرسن.
سنئن صالحلئيئني قلبئمئن ائچئنده گئزلي ساخلاماميشام. سنئن وفادارليغيني، سنئن نئجاتيني اعلان اتمئشم؛ سنئن محبّتئني، سنئن اعتئبارلي اولدوغونو بؤيوک جاماعاتدان گئزلتمه‌مئشم.
مرحمتئني مندن اسئرگمه، يارب؛ قوي سنئن محبّتئن، سنئن اعتئبارلي اولدوغون همئشه مني حئفظ اتسئن،
چونکي ساييسيز پئسلئک اطرافيمي آليب. گوناهلاريم مني اله ياخالاييب کي، گؤره بئلمئرم. گوناهلاريم باشيمين توکوندن آرتيقدير؛ اونا گؤره ده اوره‌يئم طاقتدن دوشوب.
يارب، مني خئلاص اتمه‌يه راضي اول. يارب، ائمداديما تز يتئش!
قوي جانيمي هلاک اتمک ائسته‌ينلر، هاميسي بئرلئکده اوتانسينلار، پرئشان اولسونلار؛ قوي دوشدويوم بلادان سوئننلر، گري قايتاريليب خجالت چکسئنلر.
قوي منه "آها، آها" دئينلر، خجالتلري اوزوندن پرئشان اولسونلار.
قوي بوتون سني آختارانلار، سنده سوئنئب فرحلنسئنلر. قوي سنئن نئجاتيني سونلر دائم دسئنلر: "رب بؤيوک اولسون."
من آنجاق فاغيرام، مؤحتاجام؛ لاکئن پروردئگاريم منئم قيدئمه قالير. سن منئم ائمداديم، سن منئم خئلاصکاريمسان؛ يوبانما، تاريم!
خوش او آدامين حالينا کي، ضعئف آدامين قيدئنه قالير. يامان گونده رب اونو قورتاراجاق،
رب اونو حئفظ ادئب دئري ساخلاياجاقدير، اؤلکهده موبارک اولاجاق. سن اونو دوشمنلرئن الئنه بوراخماياجاقسان،
ناخوشلوق دؤشه‌يئنده رب اونا قووّت ورهجک. سن اونو ناخوشلوق ياتاغيندان صاغالداجاقسان.
من ددئم: "يارب، منه يازيغين گلسئن!" جانيما شفا ور، چونکي سنئن ضئدّئنه گوناه اتمئشم.
دوشمنلرئم منئم حاقّيمدا يامان دانيشيب ديئرلر: "نه واخت اؤلهجک؟ نه واخت آدي محو اولاجاق؟"
گؤروشويومه بئري گلن واخت، بوش سؤزلر دانيشماغا باشلايير، بو آرادا اوره‌يئنده بؤهتانلار ييغير، سوراسي دا اشئيه گدئب اونو هر يرده يايير.
بوتون منه کئن باغلايانلار، آرالاريندا پيچيلداشيرلار؛ منئم ضررئمه فئکئرله‌شئب ديئرلر:
"پئس بئر درد جانينا دوشوب؛ ياتديغي يردن آرتيق قالخماياجاق."
اعتئماد اتدئيئم ياخين دوستوم، حتّا چؤره‌يئمي يئين بله، منه خيانت ادئب.
لاکئن سن، يارب، منه يازيغين گلسئن و مني قالدير؛ قوي بو ائنسانلارا حاق اتدئکلرئني ورئم.
بوندان بئلئرم کي، مندن خوشلانيرسان، چونکي دوشمنئم منه قالئب گلمئر.
لاکئن منه گلئنجه، ائخلاصيم اوچون مني مؤحکم ساخلاييرسان، ابده کئمي حوضوروندا ساکئن ادئرسن.
ائسرايئلئن تاريسي ربّه حمد اولسون، ازلدن ابده کئمي! آمئن، آمئن.
مارال آخار سولارا نجه حسرت چکر، منئم ده جانيم سنه بله حسرت چکر، اي تاريم.
جانيم تاري اوچون، او دئري تاري اوچون سوسوزدور؛ نه زامان اونون يانينا گدئب اونونلا گؤروشوم؟
گجه-گوندوز گؤز ياشيم چؤره‌يئم اولوب، چونکي دايانمادان منه ديئرلر: "بس هارادادير سنئن تارين؟!"
جانيم ائچئمده ارئيئر، او زامان کي، خاطيرلاييرام: نجه خالقين قاباغيندا يرئيئب تارينين اوئنه گدردئم؛ شادليق و شوکور نغمه‌سي ائله، بايرام توتموش جاماعاتلا!
اي جانيم، نه اوچون بله بوکولوبسن؟ نه اوچون ائچئمده بله چوبالاييرسان؟ تارييا اومئد باغلا؛ من حله ده اونا حمد اوخوياجاغام؛ اونون نئجات ورن حوضورونا.
جانيم ائچئمده بوکولوب، اي تاريم؛ او سببدن سني اوردون دئياريندان خاطيرلاييرام، خِرمون و مئصعار داغلاريندان.
سنئن شلاله‌نئن سسئنه، درئنلئک درئنلئيي چاغيرير؛ بوتون شپهلرئن، بوتون سل‌لرئن اوستومدن کچئر.
گوندوز رب محبّتئني گؤرسه‌دئر، اله کي، گجه اونون نغمه‌سي منئمله اولور؛ حياتيمين تاريسينا بئر دوعا کئمي.
قايام اولان تارييا ديئرم: "نه اوچون مني ياددان چيخارديبسان؟ نه اوچون دوشمنلرئمئن ظولموندن ياسلي گزئم؟"
خصملرئم منه حقارت ادن واخت، سوموکلرئم بئربئرئندن آيريلير؛ اونلار دايانمادان ديئرلر: "بس هارادادير سنئن تارين؟"
اي جانيم، نه اوچون بله بوکولوبسن؟ نه اوچون ائچئمده بله چوبالاييرسان؟ تارييا اومئد باغلا. من حله ده اونا حمد اوخوياجايام، منه نئجات ورنه، منئم تاريما.
مني حاقلي چيخارت، اي تاريم، موتّقي اولمايان مئلّتدن منئم حاقّيمي آل؛ حئيله‌کار و حاقسيز آدامدان مني قورتار!
چونکي پناهيمين تاريسي سنسن؛ نه اوچون مني قوووبسان؟ نه اوچون دوشمنئن ظولموندن ياسلي گزئم؟!
نورونو و حقئقتئني گؤندَر، قوي اونلار مني هئدايت اتسئنلر؛ قوي مني سنئن موقدّس داغينا، سنئن مسکنئنه گتئرسئنلر.
او واخت تارينين قوربانگاهينا گده‌رم، مسرّتئمئن تاريسينا؛ سنه طنبورلا حمد اوخويارام، اي تاري، منئم تاريم.
اي جانيم، نه اوچون بله بوکولوبسن؟ نه اوچون ائچئمده بله چوبالاييرسان؟ تارييا اومئد باغلا؛ من حله ده اونا حمد اوخوياجايام، منه نئجات وِرَنه، منئم تاريما.
اي تاري، قولاقلاريميزلا اشئتمئشئک، آتالاريميز اونلارين گونلرئنده، او قدئم گونلرده، اونلارا اتدئيئن ائشلري بئزه نقل ادئبلر.
نجه سن، الئنله مئلّتلري قوودون، آمّا آتالاريميزي يرلشدئردئن؛ نجه طايفالاري ذلئل اتدئن، لاکئن آتالاريميزا ووسعت وردئن.
چونکي اونلار اؤلکهيه قيلينجلاري ائله مالئک اولماديلار، اونلارا ظفر ورن، اونلارين اؤز قوللاري ديئلدي؛ سنئن صاغ الئن ائدي، سنئن قولون، سنئن جمالينين نورو، چونکي اونلاردان راضي ائدئن.
سن منئم پادشاهيمسان، اي تاري، يعقوبون نسلئنئن نئجاتينا امر ات.
سنئن کؤمه‌يئنله دوشمنلرئمئزي يره چيرپاجاغيق. سنئن آدينلا ضئدّئمئزه قالخانلاري پايمال اده‌جيئک.
چونکي من اوخ کامانيما توکّول اتمه‌رم، قيلينجيم دا منه نئجات ورمز.
آنجاق سن بئزه دوشمنلرئمئزدن نئجات ورئبسن، بئزدن نئفرت ادنلري سن اوتانديريبسان.
بوتون گون تارييا فخر اده‌جيئک، سنئن آدينا ابده کئمي حمد اوخوياجاغيق. سِلا
آمّا ائندي سن بئزي بوراخيبسان، بئزي روسواي ادئبسن، بئزئم قوشونوموزلا چيخميرسان.
دوشمن قاباغيندا بئزي گري دؤنده‌رئرسن، بئزدن نئفرت ادنلر بئزي غارت ادئبلر.
قويوبسان کي، بئزي قويونلار کئمي يسئنلر، مئلّتلر آراسيندا بئزي داغيديبسان.
خالقيني هچ زادا ساتيرسان، اونلارين قئيمتي سنه فايدالي اولمور.
قونشولاريميز يانيندا بئزي اوزو-قارا ادئرسن، اطرافيميزدا اولانلارا لاغ هدفي اولموشوق.
مئلّتلر آراسيندا مثل اولموشوق، بئزي طايفالارين گولوش هدفي ادئرسن.
روسوايچيليغيم بوتون گون قاباغيمدادير، اوزومون خجالتي مني اؤزونده بورويوب؛
تحقئر و لعنت ادهنئن سسلري اوزوندن، دوشمن و ائنتئقام آلان قاباغيندان.
بوتون بولار باشيميزا گلئب، لاکئن سني ياددان چيخارتماميشيق، سنئن عهدئنه خيانت اتمهمئشئک.
اوره‌يئمئز گري دؤنمه‌يئب، قدملرئمئز سنئن يولوندان آزماييب.
حال بو کي، سن بئزي چاقّاللار يرئنده ازئبسن، اؤلوم کؤلگهسي ائله بئزي بورويوبسن.
اگر تاريميزين آديني اونوتموش اولسايديق، اگر اللرئمئزي ياد بئر آللاها طرف اوزاتميش اولسايديق،
تاري بونو مگر کشف اتمزدي؟ چونکي او اوره‌يئن بوتون سئرّلرئني بئلَندئر.
بلي، سنئن خاطئرئنه بوتون گون اؤلدورولوروک، قصّابليق قويونلار کئمي ساييليريق.
اي پروردئگار، اويان! نه اوچون ياتيبسان؟ قالخ! بئزي ابده کئمي بوراخما.
نئيه اوزونو بئزدن گئزله‌دئرسن؟ بئزئم جفاميزي، بئزئم ذلئل اولدوغوموزو اونودورسان؟!
چونکي تورپاغا قدر اَيئلمئشئک، بدنئمئز يره ياپيشيب.
بئزئم ائمداديميزا قالخ، محبّتئنئن خاطئرئنه بئزي خئلاص ات.
اوره‌يئم گؤزل سؤزلرله قاينايير؛ يازديقلاريمي پادشاهين شرفئنه ديئرم، دئلئم اوستا بئر کاتئبئن قلمي‌دئر.
سن ائنسانلارين لاپ گؤزلي‌سن؛ سنئن دوداقلاريندان فيض تؤکولور، چونکي تاري سنه ابده کئمي برکت ورئب.
قيلينجيني بلئنه باغلا، اي پهلوان، جلال و شؤوکتئنله.
شؤوکتئنله ظفر قازان؛ حقئقتئن، حلئملئيئن، و صالحلئيئن خاطئرئنه. آتينا مئن؛ قوي سنئن صاغ الئن سنه هيبتلي ائشلر گؤرسدسئن.
سنئن اوخلارين ائتي‌دئر، پادشاهين دوشمنلرئنئن اوره‌يئنده سنئن اوخلارين ائتي‌دئر؛ خالقلار سنئن آياغين آلتينا ييخيليرلار.
اي تاري، سنئن تختئن ابددن ابده‌جکدئر. پادشاهليغينين عصاسي ائنصاف عصاسي‌دير.
سن صالحلئيي سوئرسن، پئسلئکدن نئفرت ادئرسن؛ اونون اوچون ده تاري، سنئن تارين، شادليق ياغي ائله يولداشلارينين ائچئندن سني مسح ادئب.
سنئن بوتون پالتارلارين مور ائيي، عؤد ائيي، دارچين ائيي ورئر. فئل دئشي ائله بَزَنمئش سارايلاريندان ساز سسلري سني سوئندئرئر.
پادشاهين قيزلاري سنئن حؤرمتلي آروادلارين آراسيندادير، ملکه سنئن صاغ الئنده اوفئر قيزيل‌لاري ائچئنده دورور.
اشئت، اي قيز، باخ، قولاغيني آچ؛ خالقيني، آتان اوئني ياددان چيخارت کي،
پادشاه سنئن گؤيچکلئيئنه موشتاق اولسون؛ اونا سجده ات، چونکي او، سنئن آغان‌دير.
صور خالقي پئشکش‌له اورادا اولاجاق، خالقين وارلي‌لاري سنئن لوطفونه يالواراجاقلار.
شاهزاده قيز سارايين ائچئنده بوتون شؤوکتده‌دئر؛ پالتاري قيزيللا توخونوب.
الوان شئنل‌لرله پادشاهين حوضورونا آپاريلاجاق؛ داليسيجا باکئره قيزلار، اونون دوستلاري، سنئن حوضورونا گتئرئله‌جکلر.
شادليقلا، مسرّتله گتئرئله‌جکلر، پادشاهين سارايينا گئرهجکلر.
آتالارينين يرئني اوغوللارين آلاجاق، سن اونلاري بوتون ير اوزونه حاکئم ادهجکسن.
سنئن آديني بوتون نسئللرده خاطيرلانديراجاغام، اله کي، خالقلار ابده کئمي سنه حمد ادهجک، ابده کئمي.
بئزئم پناهيميز، بئزئم گوجوموز تاريدير، دارليقلاردا کؤمک اوچون همئشه حاضيردير.
اونا گؤره ده قورخماياجاغيق؛ اگر ير اوزو آلت-اوست اولسا دا، اگر داغلار دهنز دئبئنه تؤکولسه‌لر ده
اگر اونون سولاري داشيب جوشسا دا، اگر داغلار سولارين هوجوملاري ائله تئتره‌سه‌لر ده. سِلا
بئر چاي وار کي، اونون آرخلاري تارينين شهرئنه آخير، اوجالاردا اولانين موقدّس مسکنئنه شادليق گتئرئر.
تاري بو شهرئن ائچئندهدئر، يرئندن اصلا ترپشمز. سحر آچيلاندا تاري اونا کؤمک وِرَر.
مئلّتلر قايناشيرلار، اؤلکهلر ترپشئرلر؛ تاري سسله‌نئر و ير ارئيئر.
قوشونلارين ربّي بئزئمله‌دئر؛ يعقوبون تاريسي بئزئم قالاميزدير. سِلا
گلئن، ربّئن اتدئکلرئني گؤرون؛ گؤرون ير اوزونه نجه پرئشانليق گتئرئب!
يرئن او باشينا قدر موحارئبه‌لري دوردورور؛ اوخ-کامانيني سينديرير، نئزه‌ني آرادان بؤلور، دؤيوش آرابالاريني اوددا يانديرير.
"ساکئت دورون و بئلئن کي، تاري منم. مئلّتلر آراسيندا تاعالا اولاجاغام، ير اوزونده تاعالا اولاجاغام!"
قوشونلارين ربّي بئزئمله‌دئر؛ يعقوبون تاريسي بئزئم قالاميزدير. سِلا
اي بوتون خالقلار ال چالين! شادليق سسي ائله تارييا نئدا ادئن.
چونکي اوجالاردا اولان رب هيبتلي‌دئر؛ بوتون ير اوزونه بؤيوک پادشاه اودور.
او، خالقلاري بئزه تابع ادئب، طايفالاري آياقلاريميزين آلتينا ساليب.
مئراثيميزي بئزئم اوچون سچدي؛ سودئيي يعقوبون فخرئني. سِلا
تاري اوجا سس ائچئنده، رب شيپور سسي ائچئنده گؤيه قالخير.
تارييا پرستئش نغمه‌سي اوخويون، پرستئش نغمه‌سي اوخويون. پادشاهيميزا پرستئش نغمه‌سي اوخويون، پرستئش نغمه‌سي اوخويون.
چونکي تاري بوتون ير اوزونه پادشاهدير. مَسکئلله اونا پرستئش نغمه‌سي اوخويون.
تاري مئلّتلر اوستونه سلطنت ادئر، تاري موقدّس تختي اوستونده اوتورور.
خالقلارين اصئلزادهلري ييغيلير، ائبراهئمئن تاريسينين خالقي آديندا. چونکي دونيانين پادشاهلاري تارينيندير. او نه اوجادير!
رب بؤيوکدور، تاريميزين شهرئنده، اونون موقدّس داغيندا حمده چوخ لايئقدئر.
شئمال اته‌يئنده صحيون داغينين اوجاليغي گؤزلدئر، بوتون عالمئن شادليغي‌دير؛ بؤيوک پادشاهين شهري‌دئر.
تاري اونون قالالاريندادير؛ تاري اؤزونو بو شهرئن پناهي گؤرسه‌دئر.
باخ، پادشاهلار بئر يره ييغيلديلار، بئرلئکده گلدئلر،
صحيونو گؤرونجه حيران قالديلار؛ قورخويا دوشوب قاچديلار.
اوشاغيني دوغان آروادين آغريسي کئمي، تئتره‌مه اورادا اونلاري توتدو.
او زامان کئمي کي، سن شرقدن اَسَن قووّتلي يل‌له ترشئش گمي‌لرئني سينديردين.
قوشونلارين ربّئنئن شهرئنده، تاريميزين شهرئنده نه اِشئتمئشدئک، اله ده گؤردوک؛ تاري اونو ابده کئمي برقرار ادهجک. سِلا
سنئن معبدئنئن ائچئنده، اي تاري محبّتئنئن بارهسئنده درئن دوشونوروک.
نجه کي، آديندير، اي تاري، حمدئن ده يرئن او بئري باشلارينا قدر چاتير؛ صاغ الئن صالحلئکله دولودور.
حؤکملرئنئن سببئندن قوي صحيون داغي سوئنسئن. قوي يهودا شهرلري شادليق اتسئن.
صحيونون اطرافيني گزئب دولانين، اونون بورجلرئني سايين.
حئصارلارينا ياخشي باخين، قالالارينا تاماشا ادئن کي، گلهجک نسله نقل ادهسئنئز.
بو تاري ابددن ابده کئمي بئزئم تاريميزدير، اؤلومه قدر ده بئزه يول گؤرسدهجک.
اي بوتون خالقلار بونو اشئدئن؛ سئز بوتون دونيادا ياشايانلار قولاق آسين؛
هم عوام آداملار، هم ده اصئلزاده‌لر، هم وارلي آداملار، هم ده يوخسوللار.
آغزيم حئکمت سؤزلري دانيشاجاق، اوره‌يئمئن دوشونجهلري فهم ورهجکدئر.
مثله قولاق آساجاغام، تاپماجامي طنبورلاا آشکارا چيخارداجاغام.
يامان گونلردن نه اوچون قورخوم- او زامان کي، جانيما قصد ادنلرئن بلاسي مني دؤوره‌له‌يئر؟!
او آداملاردان کي، مال-دؤولتلرئنه بل باغلاييرلار، ثروتلرئنئن چوخلوغونا فخر ادئرلر.
باخ، هچ کس حياتيني ساتين آلا بئلمز، نه ده تارييا فئدئيه‌سئني وره بئلر-
چونکي بئر جانين فئدئيه‌سي باهالي‌دير هچ قئيمت اونا کئفايت اتمز کي،
ابده کئمي دئري قالسين، قبئر اوزو گؤرمه‌سئن.
آيديندير کي، حئکمتلي‌لر ده اؤلورلر، هم آخماقلار، هم ده سفه‌لر يوخ اولورلار؛ مال-دؤولتلرئني اؤزگه آداملارا قويوب گدئرلر.
قبئرلري ابده کئمي اولري اولاجاق، نسئلدن-نسله مسکنلري اولاجاقدير، گرچي تورپاقلارينا اؤز آدلاريني قويوبلار.
ائنسان عئزّتلي اولسا دا، همئشهلئک قالماز؛ هلاک اولان حيوانلارا بنزر.
آخماقلارين يولو بودور، اونلارين سؤزلرئني تصدئق ادن پيرولرئنکي ده بلهدئر. سِلا
قويون کئمي اؤلولر دئيارينا آپاريلاجاقلار، اؤلوم اونلاري هئدايت ادهجک. سحر اولونجا صالحلر اونلارا حاکئم اولاجاقلار؛ اونلارين شکئل‌لري چورويه‌جک، مسکنلري اؤلولر دئياري اولاجاق.
آمّا تاري منئم جانيمي، اؤلولر دئيارينين قودرتئندن خئلاص ادهجک، يانينا دا آلاجاقدير سِلا
بئر آدام وارلي اولاندا، اوئنئن ثروتي آرتاندا قورخما.
چونکي اؤلن زامان اؤزو ائله هچ بئر شي آپارا بئلمز؛ ثروتي اونون دالينجا آشاغي گتمز.
گرچي ياشايان زامان اؤزونو بختور ساييردي- مووفّق اولان زامان هامي سني تعرئفله‌ير-
لاکئن آتالارينين يانينا گدر، اونلار ابده کئمي نور گؤرمزلر.
عئزّتلي اولان، لاکئن درّاکه‌سي اولمايان ائنسان، هلاک اولان حيوانلارا بنزر.
قادئر اولان تاري، رب تاري دانيشير، گون دوغاندان گون باتانا قدر دونياني چاغيرير.
گؤزل‌لئيئن کامئلي اولان صحيوندان، پارلاق شاخير. تاريميز گلئر،
ساکئت قالماياجاق. قاباغيندا ياخيب-تؤکن اود، اطرافيندا نَرئلده‌ين يل گدئر.
خالقيني موحاکئمه اتمک اوچون يوخاريدان گؤيلره سَسله‌نئر، ير اوزونه ده:
"موتّقي‌لرئمي منئم حوضورما ييغين، او آداملاري کي، قوربان واسئطهسي ائله منئمله عهد باغلاييبلار."
گؤيلر اونون صالحلئيئني اعلان ادئر، چونکي تاري اؤزو داوردئر. سِلا
"اشئت، منئم خالقيم، دانيشاجاغام، اي ائسرايئل، سنئن ضئدّئنه شهادت ورهجيم: تاري منم، سنئن تارين.
سني تنبه اتمئرم، قوربانلاريندان اؤتري يوخ، يانديرما قوربانلاريندان اؤتري ده يوخ کي، اونلار دائم گؤزومون قاباغيندادير.
سنئن اوئندن بئر گاميشا نه احتئياجيم وار؟! آغيل‌لارينداکي کِچئلره نه احتئياجيم وار؟!
چونکي مشه‌نئن بوتون حيوانلاري منئمدئر، مئنلرجه داغلارداکي سيغيرلار دا منئمدئر.
داغلارين بوتون قوشلاريني تاني‌ييرام. چؤلون بوتون وحشي حيوانلاري دا منئمدئر.
اگر آج اولسايديم، سنه دِمَزدئم، چونکي دونيا و اوندا اولان هر شي منئمدئر.
مگر من گاميش اتي ييئرم؟! مگر من کچي قاني ائچئرم؟!
تارييا شوکور قوربانيني تقدئم ات. اوجالاردا اولانا نذئرلرئني يرئنه يتئر.
دارليق گونده مني چاغير، سني خئلاص ادرم، سن منه عئزّت وررسن."
آمّا تاري پئس آداملارا ديئر: "منئم شرئعتئمي ازبردن اوخوماغا نه حاقّين وار؟! يا دا منئم عهدئمي دئلئنه گتئرمه‌يه؟!
سن منئم تنبهئمدن نئفرت ادئرسن، سؤزلرئمي آرخانا آتيرسان.
بئر اوغرو گؤرونجه، اونا قوشولورسان، زئناکار آداملارلا شرئک اولورسان،
آغزيني يامان دمه‌يه بوراخيرسان، دئلئن حئيله ائختئراع ادئر،
اوتوروب قارداشيندان گئليلئک ادئرسن، اؤز آنانين اوغلونو تحقئر ادئرسن.
بو ائشلري ادئبسن، من دئنمه‌مئشم؛ گومان اتدئن کي، من ده سنئن کئمئيم. لاکئن سني تنبه ادهجيم، گوناهلاريني گؤزونون قاباغينا دوزه‌جيم.
سئز، تاريني اونودانلار، بونا دئقّت ادئن! يوخسا سئزي پارچالايارام، و خئلاص ادن اولماز.
منه شوکور قوربانيني تقدئم ادن، مني عئزّتلندئرئر؛ يولونو دوز ادن آداما، من تارينين نئجاتيني گؤرسده‌جيم."
اي تاري، محبّتئنه گؤره منه رحم ات، مرحمتئنئن چوخلوغونا گؤره عوصيانلاريمي سئل،
تقصئرئمدن مني تامامن يو، گوناهيمدان مني تمئزله.
چونکي عوصيانلاريمي بئلئرم، گوناهيم دائم گؤزومون قاباغيندادير.
سنئن ضئدّئنه، فقط سنئن ضئدّئنه گوناه اِتمئشم، سنئن گؤزلرئنده پئس اولاني يرئنه يتئرمئشم؛ اونا گؤره ده حؤکمون دوز، موحاکئمه اتمهيئن عادئلدئر.
دوغرودان دا من تقصئر ائچئنده دوغولدوم، آنام منه گوناه ائچئنده بويلو اولدو.
دوغرودان دا سن قلبئمئن درئنلئکلرئنده حقئقت ائستهيئرسن؛ ائچئمده منه حئکمت اؤيرت،
مني زوفا ائله تمئزله، او زامان پاک اولارام. مني يو، او زامان قاردان دا آغ اولارام.
منه شادليق و سوئنج سسئني اشئتدئر، اله کي، سينديرديغين سوموکلر فرحلنسئن.
اوزونو منئم گوناهلاريما اؤرت، بوتون تقصئرلرئمي سئل.
منده تمئز بئر اورک يارات، اي تاري، ائچئمه تزه و دوز بئر روح قوي.
مني اؤز حوضوروندان آتما، موقدّس روحونو مندن آلما.
نئجاتينين شادليغيني منه قايتار، منه اله بئر روح ور کي، سنه ائستکلي‌دئر، مني ساخلا.
او زامان عاصئلره سنئن يوللاريني اؤيرده‌رم، گوناهکارلار سنه دؤنرلر.
اي تاري، نئجاتيمين تاريسي، تؤکدويوم قان گوناهيندان مني قورتار کي، دئلئم سنئن صالحلئيئني ترنّوم اتسئن.
اي آغا، دوداقلاريمي آچ کي، آغزيم سنئن حمدئني بيان اتسئن.
چونکي سن قوربان سومئرسن، يوخسا تقدئم اِدَردئم؛ سن يانديرما قوربانيندان خوشلانميرسان.
تارييا مقبول اولان قوربان سينميش روحدور، سينميش و ازئلمئش اورکدئر؛ بولاري سن اي تاري حقئر گؤرمزسن.
کرمئنله صحيونا احسان گؤرسد، اورشلئمئن دووارلاريني بئنا ات.
او زامان صالحلئک قوربانلاري ائله، يانديرما قوربانلاري ائله، بوتؤو يانديرما قوربانلاري ائله خوشلانارسان. او زامان سنئن قوربانگاهيندا گاميشلار تقدئم اولونار.
نه اوچون پئسلئيه فخر ادئرسن، اي گوجلو؟ تارينين محبّتي دائمي‌دئر.
سنئن دئلئن پئسلئک ائختئراع ادئر، ائتي بئر اولگوج کئميدئر، اي حئيلهگر.
سن پئسلئيي ياخشيليقدان، يالاني دا دوز دانيشماقدان داها چوخ سوئرسن. سِلا
بوتون هلاک ادن سؤزلري سوئرسن، سن، اي حئيله چيخاردان دئل!
تاري دا سني همئشهلئک ييخاجاق، چاديريندان سني توتوب پارچالاياجاق، کؤکونو دئرئلر دئياريندان چيخارداجاق. سِلا
صالح آداملار بونو گؤروب قورخاجاقلار. اونا گولوب دئيهجکلر:
"باخين، بودور او آدام کي، تاريني اؤز پناهي اتمهدي، لاکئن دؤولتئن چوخلوغونا اعتئماد ادئب، اؤزگهلري محو اتدي."
آمّا من تارينين اوئنده ياشيل زيتون آغاجي کئمئيم؛ من تارينين محبّتئنه ابدهجک اعتئماد ادئرم.
اتدئکلرئن اوچون سنه ابده کئمي حمد ادهجيم؛ موتقّي آداملارينين حوضوروندا سنئن آدينا اومئد باغلاياجاغام، چونکي سنئن آدين ياخشيدير.
عاغيلسيز اوره‌يئنده ديئر: "تاري يوخدور." آداملار فاسئد اولوبلار، ائيرنج بئر شکئلئده يامانليق ادئرلر، ياخشيليق ادن يوخدور.
تاري گؤيدن ائنسانلارا باخير کي، گؤرسون؛ آيا قانان، آيا تاريني آختاران بئري وار؟
هاميسي آزيب، هاميسي بئرلئکده فاسئد اولوب؛ ياخشيليق ادن يوخدور، بئر نفر ده يوخدور.
شر ائش گؤرنلر مگر قانميرلار کي، منئم خالقيمي چورک کئمي ييئرلر، تاريني چاغيرميرلار؟!
اله بئر دَهشته دوچار اولاجاقلار کی، اصلا گؤرونمه‌مئش! چونکي تاري سنئن ضئدّئنه قوشون چکه‌نئن سوموکلرئني داغيب. سن اونلاري اوتانديريرسان، چونکي تاري اونلاري اؤزوندن آتيب.
کاشکي ائسرايئلئن نئجاتي صحيوندان گلسيدي! تاري خالقيني اسئرلئکدن گري گتئرنده يعقوب سوئنهجک، ائسرايئل شاد اولاجاق.
آدينلا منه نئجات ور، اي تاري، قووّتئنله حاقّيمي آل.
منئم دوعامي اشئت، اي تاري؛ آغزيمين سؤزلرئنه قولاق ور.
چونکي اجنبي‌لر ضئدّئمه قالخيبلار، ظالئملر جانيمي آختاريرلار؛ تاريني نظره آلميرلار. سِلا
باخ، تاري منئم کؤمه‌يئمدئر، پروردئگاريم حياتيما داياق اولاندير.
دوشمنلرئمئن اتدئيي پئسلئيي، اونلارين اؤز اوستونه دؤندره‌جک؛ وفادارليغيندا اونلاري محو ات.
بوتون رغبتله سنه قوربان کسه‌جيم، سنئن آدينا، يارب، شوکور ادهجيم، چونکي ياخشيدير،
چونکي مني هامي دارليقلاردان قورتاريب؛ گؤزوم دوشمنلرئمئن هلاکيني گؤروب.
دوعاما قولاق ور، اي تاري، يالواريشيمدان اؤزونو گئزلتمه.
منه قولاق آس، جاوابيمي ور. شئکايتئمده پرئشان اولموشام، ناراحاتام؛
دوشمن سسئندن، پئس آداملارين ظولموندن، چونکي منه عذاب ورئرلر، قضبله منه عداوت گؤرسدئرلر.
اوره‌يئم ائچئمده چوبالايير، اؤلوم دهشتي اوستومه دوشوب.
قورخو و تئتره‌مه مني توتوب، وحشت مني اؤزونده بورويوب.
ددئم: "کاشکي گؤيرچئن کئمي قانادلاريم اولسايدي! او زامان اوچوب گِدَردئم، راحات اولارديم.
دوغرودان دا اوزاق قاچارديم، کؤشنده قالارديم. سِلا
شئدّتلي اَسَن يِلدن-کولکدن تزلئکله سيغيناق بئر يره پناه آپارارديم."
اونلاري گئجلَت، اي پروردئگار، دئللرئني قاريشدير، چونکي شهرده قدّارليق گؤرورم، داعوا گؤرورم.
گجه-گوندوز شهرئن دووارلاري اوستونده دولانيرلار، اونون ائچئنده شر وار، عذاب وار،
آرالاريندا قيرغين وار؛ ميدانلاريندا شرارت و فيريلداق وار.
منه مذّمت ادن، دوشمن ديئلدي؛ يوخسا اونا دؤزه‌ردئم. ضئدّئمه تکبّورله قالخان، خصمئم ده ديئلدي؛ يوخسا اؤزومو اوندان گئزلده بئلَردئم؛
لاکئن سن ائدئن، تاييم کئمي بئر کئشي، منئم يولداشيم، منئم دوستوم.
بئرلئکده شئرئن-شئرئن مصلحتلَشردئک، جاماعاتلا تارينين اوئنه گِدَردئک.
قوي اؤلوم قفئلدن اونلارين اوستونه دوشسون، قوي دئري-دئري اؤلولر دئيارينا انسئنلر، چونکي پئسلئک اونلارين اولرئنده، اونلارين آراسيندادير.
آمّا من، تاريني چاغيراجاغام، رب منه نئجات ورهجک.
آخشام واختي، سحر واختي، گون اورتا واختي دوعا ادهجيم، اوجا سَسله باغيراجاغام، او منئم سسئمي اشئده‌جک.
ضئدّئمه اولان موحارئبه‌دن، مني سالاماتليقلا خئلاص ادهجک، چونکي ضئدّئمه قالخان چوخدور.
ازلدن بري تختئنده اوتوران تاري اشئده‌جک، اونلاري ذلئل ادهجک. سِلا. چونکي اونلار اصلا ديئشئلمئرلر، تاريدان قورخمورلار.
يولداشيم دوستونا اَل قالديرير، دوستلوق عهدئني پوزور. عهدئني سينديريب.
آغزينين سؤزلري کره ياغيندان داها ياغلي‌دير، لاکئن اوره‌يئنده موحارئبه وار؛ سؤزلري زيتون ياغيندان داها يومشاقدير، لاکئن يالين قيلينجلاردير.
يوکونو ربّه بوراخ، او، سني پايدار ادر؛ صالح آدامين ييخيلماغينا هچ واخت ائجازه ورمز.
آمّا سن، اي تاري، اونلاري هلاکت قويوسونا آتاجاقسان؛ قان تؤکَنلرئن، حئيلهگر آداملارين عؤمرو يارييا چاتماياجاق، لاکئن من سنه توکّول ادهجيم.
منه رحم ات، اي تاري، چونکي ائنسانلار منه عذاب ورئرلر؛ بوتون گون هوجوم گتئرئب، منه ظولم ادئرلر.
دوشمنلرئم بوتون گون تعقئب ادئرلر، چونکي ضئدّئمه تکبّورله هوجوم گتئرن چوخدور.
قورخدوغوم زامان سنه توکّول ادئرم.
تارييا، کلامينا حمد اتدئيئم تارييا توکّول ادئرم، هچ بئر شيدن قورخوم يوخدور. بشر منه نه اده بئلر؟!
بوتون گون سؤزلرئمي ترسه ادئرلر، منئم بارمده هامي فئکئرلري شر اوچوندور.
بئر يره ييغيليرلار، گئزله‌نئرلر، قدملرئمي گودورلر، چونکي جانيمي آلماق ائسته‌يئرلر.
گوناهلاري اوچون اونلاري جزالاندير، خالقلاري قضبئنده ييخ، اي تاري.
دردلرئمي سايدين، گؤزياشلاريمي طولوغونا ييغ؛ مگر اونلار سنئن کئتابيندا يازيلي ديئل؟
درگاهينا فرياد اتدئيئم گون، دوشمنلرئم گري قاييداجاقلار. بونو بئلئرم کي، تاري منئم طرفئمده‌دئر.
کلامينا حمد اتدئيئم تارييا، کلامينا حمد اتدئيئم ربّه،
تارييا توکّول ادئرم، هچ بئر شيدن قورخوم يوخدور. ائنسان منه نه اده بئلر؟
نذئرلرئن بوينومدادير، اي تاري؛ شوکور قوربانيني سنه تقدئم ادهجيم،
چونکي جانيمي اؤلومدن قورتاردين، آياقلاريمي سوروشمکدن کي، حياتين نوروندا، تارينين حوضوروندا يرئيئم.
منه رحم ات، اي تاري، منه رحم ات! چونکي جانيم سنه پناه گتئرئر؛ بو بلالارين کچئب-گتمه‌سئنه قدر، سنئن قانادلارينين کؤلگهسئنه پناه گتئرئرم.
اوجالاردا اولان تارينين درگاهينا فرياد ادهجيم، او تارينين درگاهينا کي، منئم ائنتئقاميمي آلير.
گؤيدن گؤنده‌رئب منه نئجات ورهجک؛ جانيمين قصدئنه دوران ظالئم آداملاري تنبه ادهجک. سِلا تاري محبّت و وفاسيني گؤندره‌جک.
جانيم آصلانلار آراسيندادير، آلوولانان آداملار آراسيندا ياتيرام کي، دئشلري نئزه‌دئر، اوخلاردير، دئللري ائتي قيلينجدير.
گؤيلر اوستونه داها اوجالان، اي تاري! قوي سنئن شؤوکتئن تامام دونيادان داها اوجا اولسون.
اونلار منئم قدملرئم اوچون تله قوروبلار؛ جانيم بوکولوب، قاباغيمدا قويو قازيبلار، اونون ائچئنه اؤزلري دوشوبلر. سِلا
اوره‌يئم قراريني ورئب، اي تاري! اوره‌يئم قراريني ورئب؛ اوخوياجاغام، پرستئش نغمه‌سي اوخوياجاغام.
اويان، اي جانيم! اويان، اي چنگ، اي طنبور! من سحري اويانديراجاغام.
خالقلار آراسيندا سنه حمد ادهجيم، اي پروردئگار؛ طايفالار آراسيندا سنه پرستئش نغمه‌سي اوخوياجاغام.
چونکي سنئن محبّتئن گؤيلره قدر بؤيوکدور، حقئقتئن بولودلارا يتئشئر.
گؤيلر اوستونه داها اوجالان، اي تاري! قوي شؤوکتئن بوتون ير اوستونده اولسون.
آيا دوغرودان ائنصافلا دانيشيرسينيز، سئز، اي قودرتلئلر؟ آيا ائنسانلارا عدالتله حؤکم ادئرسئنئز؟
يوخ، اورکلرئنئزده يامانليغا مشغولسونوز؛ ير اوزونده اللرئنئز قدّارليق ادئر.
پئس آداملار آنا قارنيندان آزيبلار؛ آنادان دوغولاندان يالان دانيشاراق چاشيبلار.
اونلارين زهري ائلان زهري کئميدئر، قولاغيني توتموش ساغير ائلان کئميدئر کي،
اوستا سحربازين، اوستا اَفسونچونون سسئني اشئتمک ائسته‌مز.
اونلارين دئشلرئني آغيزلاريندا سيندير، اي تاري! آصلان بالالارينين دئشلرئني قير، يارب!
قوي آخيب-گدن سولار کئمي يوخ اولسونلار؛ اوخ کامانيني چکنده، قوي اوخلاري تئکه-تئکه اولسون.
قوي اونلار حلزون کئمي گده-گده اَرئسئنلر، دوشوک اوشاق کئمي گون اوزونو گؤرمه‌سئنلر؛
قازانلارينيز تئکان اودونون ائستئسئني حئسّ اتمه‌دن. قوي طوفان يلي پئس آداملاري سوپوروب آپارسين؛ ياش اولاني دا، قورو اولاني دا.
صالح آدام اونلاردان آلينان ائنتئقامي گؤروب سوئنهجک؛ آياقلاريني پئس آدامين قانيندا يوياجاق.
او زامان آداملار دئيهجکلر: "بلي، صالح آدام اوچون دوغرودان دا اجر وار؛ يقئن کي، ير اوزونه حؤکم ادن، تاريدير."
مني دوشمنلرئمدن قورتار، اي تاريم! اوستومه قالخانلاردان مني حئفظ ات.
فئساد ائشله‌ينلردن منه خئلاص ور، آدام اؤلدورنلردن منه نئجات ور.
باخ، جانيم اوچون کمئنده اوتورورلار؛ گوجلولر منئم ضئدّئمه بئرله‌شئرلر؛ نه عوصيانيمدان اؤتري، نه ده گوناهيمدان اؤتري، يارب!
تقصئرسئز اولدوغوم حالدا قاچيب اؤزلرئني حاضيرلاييرلار. منئم ائمداديم اوچون اويان و باخ،
سن، اي قوشونلارين تاريسي رب! بوتون مئلّتلري جزالانديرماق اوچون اويان؛ خيانتکار پئس آداملارين هچ بئرئنه رحم اتمه. سِلا
آخشام واختي دؤنورلر، ائت کئمي اولويورلار، شهرئن اطرافيندا گزئرلر.
دوغرودان دا آغيزلاريندان کئفئر قوسورلار، دوداقلاريندا قيلينج وار، فئکئرله‌شرلر: "کئم اشئدئر؟"
لاکئن يارب، سن اونلارا گولورسن؛ بوتون مئلّتلري ائستهزا ادئرسن.
اي منئم قووّتئم، سني گؤزله‌يئرم. چونکي تاري منئم قالامدير.
منئم رحئم تاريم پئشوازيما چيخاجاق؛ تاري دوشمنلرئمئن هلاکيني منه گؤرسدهجک.
اونلاري اؤلدورمه، يوخسا خالقيم اونودار؛ قووّتئنله اونلاري داغيت، آلچاق ات، اي پروردئگار، قالخانيميز.
آغيزلارينين گوناهي اوچون، دوداقلارينين سؤزلري اوچون، ددئکلري لعنتلر و يالانلار اوچون، قوي تکبّورلرئنئن تله‌سئنه دوشسونلر.
قضبله اونلاري محو ات، محو ات، اله کي، آرتيق اونلاردان بئر نئشان دا قالماسين. قوي بئلسئنلر کي، يعقوبون نسلي اوستونه تاري سلطنت ادئر، دونيانين آخيرينا کئمي سلطنت ادئر. سِلا
آخشام واختي دؤنورلر، ائت کئمي اولويورلار، شهرئن اطرافيندا گزئرلر،
اونلار يمک اوچون آوارا گزئرلر، اگر دويماسالار، اولايارلار.
آمّا من سنئن قووّتئنه حمد اوخوياجاغام؛ سحر واختي سنئن محبّتئني اوجا سَسله اوخوياجاغام. چونکي سن منئم قالام اولموشدون، منئم دارليق گونومده پناهيم!
سنه، اي منئم قووّتئم، سنه پرستئش نغمه‌سي اوخوياجاغام، چونکي منئم قالام تاريدير، مني سِوَن تاريم!
بئزي اؤزوندن آتيبسان، اي تاري! بئزي قيريبسان! بئزه قضبله‌نئبسن! بئزي قاباقکي حاليميزا دؤندر.
يري تئتره‌مه‌يه ساليبسان، اونو پارچالاييبسان؛ بئتئشدئر اونون چاتلاقلاريني، چونکي تئترهيئر.
خالقينا چتئن گونلر گؤرسه‌دئبسن، سرسم ادن بئر شراب ائچئردئبسن بئزه.
سندن قورخانلارا بايراق ورئبسن کي، حقئقتدن اؤتري قالديرسينلار. سِلا
صاغ الئنله بئزي قورتار، بئزه جاواب ور کي، سِودئکلرئن خئلاص تاپسين.
تاري موقدّس يرئنده دانيشيب: "شِکئمي شادليقلا بؤله‌جيم، سوکّوت دره‌سئني اؤلچه‌جيم،
جئلعاد منئمدئر، مِنسّه ده منئم، افرايئم ده باشيمين دبئلقه‌سي‌دئر، يهودا عصامدير،
موآب يويونما لَگنئمدئر، اِدومون اوستونه چاريغيمي آتيب اونا مالئک اولاجاغام، فئلئسطئن اوستونه ظفرله هاراي چکه‌جيم."
کئم مني حاصارلي شهره آپاراجاق؟ کئم منه اِدوما قدر يول گؤرسدهجک؟
مگر سن بئزي اؤزوندن آتمادين، اي تاري؟ بئزئم قوشونلاريميزلا چيخميرسان، اي تاري.
دوشمن قاباغيندا بئزه ائمداد ات، چونکي ائنسانين کؤمهيي هچدئر.
تارينين کؤمهيي ائله قهرمانليق گؤرسده‌جيئک، چونکي دوشمنلرئمئزي آياق آلتينا سالان اودور.
فرياديمي اشئت، اي تاري، دوعاما قولاق ور.
اوره‌يئم تشوئشه دوشنده، يرئن نهايتئندن سني چاغيريرام، مندن اوجا اولان قايايا، مني چيخارت.
چونکي سن منئم اوچون سيغيناق بئر ير اولوبسان، دوشمن قاباغيندا قووّتلي بئر قالا!
ائسته‌يئرم کي، چاديريندا ابده کئمي ساکئن اولوم، قانادلارينين کؤلکه‌سئنه پناه گتئرئم. سِلا.
نذئرلرئمي اشئدئبسن، اي تاري، آديندان قورخانلارين مئراثيني منه ورئبسن.
پادشاهين حيات گونلرئنه گونلر آرتير، ائللري نسئلدن-نسله قدر چاتسين؛
تارينين حوضوروندا ابده کئمي تختئنه اوتورسون. اونو حئفظ اتمک اوچون محبّت ور، وفا ور.
او زامان سنئن آدينا ابده کئمي پرستئش نغمه‌سي اوخوياجاغام کي، نذئرلرئمي هر گون يرئنه يتئرئم.
جانيم سسسئز آنجاق تاريني گؤزلهيئر، چونکي خئلاصيم اوندان گلئر.
منئم قايام، منئم خئلاصيم آنجاق اودور، او منئم قالام‌دئر؛ يرئمدن تَرپنمه‌يه‌جيم.
نه واختا کئمي بئر آدامي اؤلدورمک اوچون، اونا هوجوم گتئره‌جکسئنئز؛ اونا کي، اَيئلمئش بئر دووار کئميدئر، يرئندن جايميش بئر چپر کئميدئر؟
آنجاق بونو دوشونورلر کي، نجه اونو اؤز شرفئندن آشاغي سالسينلار. يالانلاردان کف ادئرلر؛ آغيزلاري ائله برکت ورئرلر، لاکئن اورکلرئنده لعنت ادئرلر. سِلا
اي جانيم، سسسئز آنجاق تاريني گؤزله، چونکي اومئدئم اوندان گلئر.
منئم قايام، منئم خئلاصيم آنجاق اودور، او منئم قالام‌دئر، يرئمدن ترپنمه‌يه‌جيم.
خئلاصيم و عئزّتئم تاريدادير؛ قووّتلي قايام و پناهيم تاريدادير.
سئز، اي خالق، هر زامان اونا توکّول ادئن؛ اوره‌يئنئزي اونون حوضوروندا تؤکون، چونکي تاري بئزه سيغيناق يِردئر. سِلا.
دوغرودان دا کي، عوام خالق بئر بوخاردير؛ بَي‌زاده‌لر بئر يالان. اگر اونلاري تره‌زئيه قوياسان، اونلارين هاميسي بئرلئکده بوخاردان دا يونگولدور.
قدّارليغا توکّول اتمه، تالان مالينا دا بوشونا اومئد باغلاما؛ مال-دؤولت آرتسا دا، اونا اورک باغلاما.
تاري بئر دفه دانيشيب، من بونو ائکي دفه اشئتمئشم کي: قودرت تارينيندير.
محبّت ده سنئندئر، اي پروردئگار؛ چونکي سن هرکسه ائشئنه گؤره عوض ورئرسن.
اي تاري، سن منئم تاريمسان، اورکدن سني آختاريرام، جانيم سنئن اوچون سوسوزدور، ووجودوم سنئن اوچون ائنتئظار چکئر، قورو و جان‌سيخيجي بئر دئياردا، او دئياردا کي، سودان بئر اثر يوخدور.
سنئن موقدّس يرئنده سنه باخميشديم کي، قودرت و عئزّتئني گؤروم.
دوداقلاريم سنه حمد ادهجک، چونکي سنئن محبّتئن حياتدان ياخشيدير.
نه‌قدر جان بدنئمده وار، سنه حمد اوخوياجاغام، اَللرئمي قالديريب سنئن آديني چاغيراجاغام،
جانيم دويوب، گؤزل بئر يمکله دويان کئمي؛ شن دوداقلارلا آغزيم حمد اوخويور؛
ياتديغيم يرده سني خاطيرلاياندا، گجهنئن نؤوبهلرئنده سني دوشوننده!
قانادلارينين کؤلگهسي آلتيندا شادليقدان اوخوياجاغام، چونکي منئم کؤمه‌يئم سنسن.
جانيم سنه باغلي‌دير، سنئن صاغ اَلئن مني ساخلايير.
لاکئن جانيمي هلاک اتمه‌يه چاليشانلار محو اولاجاقلار، يرئن لاپ دئب يرلرئنه باتاجاقلار،
قيلينج آغزينا ورئله‌جکلر، چاقّاللارين يئيه‌جيي اولاجاقلار.
آمّا پادشاه تاريدا سوئنهجک، تارينين آدينا آند ائچن هر کس شادلاناجاق؛ حال بو کي، يالانچيلارين آغزي باغلاناجاقدير.
يالواران سسئمي اشئت، اي تاري؛ دوشمن قورخوسوندان حياتيمي حئفظ ات.
پئس آداملارين گئزلي مصلحتلشمه‌لرئندن، فئساد ائشله‌ينلرئن ولوله‌سئندن مني ساخلا.
اونلار قيلينج کئمي دئللرئني ائتئلدئرلر، آجي سؤزلرئني اوخ کئمي کامانلارينا قويورلار کي،
گئزلي يردن معصوم بئر ائنسانين اوستونه آتسينلار؛ قفئلدن آتيرلار و قورخولاري يوخدور.
پئس سؤزلرله اؤزلرئنه اورک ورئرلر، گئزلی تله‌لر قورماق اوچون دانيشيب ديئرلر: "کئم اونلاري گؤرهجک؟"
حاقسيزليق اتمه‌يي فئکئرله‌شئب ديئرلر: "گؤر نه ياخشي بئر کَلَک قوردوق!" ائنسانين هم ائچي، هم ده اوره‌يي بئلئنمزدئر.
لاکئن تاري اونلارا اوخ آتاجاق؛ قفئلدن يارالاناجاقلار،
اؤز دئللري اوزوندن ييخيلاجاقلار، اونلاري گؤرن هرکس بئر طرفدن قاچاجاق،
هامي ائنسانلار قورخوب تارينين ائشئني خبر ورهجکلر، اونون اتدئکلرئني دوشونه‌جکلر.
صالح آدام ربده سوئنئب اونا پناه گتئرهجک، بوتون اوره‌يي دوغرو اولانلار ربّه حمد ادهجکلر.
صحيوندا حمد سني گؤزلهيئر، اي تاري، سنه ادئلن نذئر يرئنه يتئرئله‌جک.
اي سن، دوعا اشئدن! بوتون بشر سنه گلهجک.
گوناهلار آلتيندا ازئلئرم، لاکئن سن عوصيانلاريميزي باغيشلارسان.
بختور او آدام کي، سن اونو سچئرسن، اؤزونه ياخينلاشديريرسان کي، سنئن صحنلرئنده ساکئن اولسون. سنئن اوئنئن نعمتلرئندن، موقدّس معبدئنئن نعمتلرئندن، بئز دوياجاغيق.
سن صالحسن، هيبتلي عمللرله بئزه جاواب ورئرسن، اي نئجاتيميزين تاريسي! اي سن کي، يرئن بوتون نهايتلرئنئن اومئدي‌سن! اوزاق دهنزلرئن اومئدي‌سن!
سن کي، قووّتئنله داغلاري قورورسان، قودرتله بورونورسن.
دهنزلرئن نعره‌سئني، شپه‌لرئنئن گورولتوسونو، طايفالارين ولوله‌سئني ساکئت ادن سنسن.
دونيانين نهايتلرئنده ساکئن اولانلار دا سنئن علامتلرئندن قورخورلار؛ گونون چيخديغي يردن باتديغي يره قدر، اونلاري شادليق اتمه‌يه چاغيريرسان.
تورپاغين گؤروشويونه گلئرسن و اونو سوواريرسان، اونو حاصئل‌لي ادئرسن. تارينين چايي سو ائله دولودور؛ ائنسانلارين بوغداسيني فراهم ادئرسن، چونکي سن اونو بله حاضيرلاييبسان.
تورپاغين شيريملاريني سولاييرسان، چالالاريني دوزه‌لدئرسن، ياغيشلارلا اونو يومشالديرسان، تورپاغين محصولونو برکتلندئرئرسن.
ياخشيليقلارينلا ائلي تاجدار ادئرسن، سنئن يوللاريندان ياغ دامير،
چؤلون اوتلاقلارينا دامير، تپه‌لر شادليقلا بورونور.
اوتلاقلار سورولرله گِيئنئر، دره‌لر بوغدا ائله اؤرتولور؛ شادليقدان چيغيريرلار، نغمه اوخويورلار.
اي بوتون ير اوزو، شادليقلا تارييا نئدا ادئن!
آدينين عئزّتئنه پرستئش نغمه‌سي اوخويون، اونون حمدئني شؤوکتلي ادئن!
تارييا ديئن: "ائشلرئن نه هيبتلي‌دئر! قودرتئنئن عظمتئندن دوشمنلرئن سنه تابع اولاجاقلار.
بوتون ير اوزونده اولانلار سنه پرستئش ادهجکلر، سنه پرستئش نغمه‌سي اوخوياجاقلار، اونلار سنئن آدينا پرستئش نغمه‌سي اوخوياجاقلار." سِلا.
گلئن و تارينين ائشلرئني گؤرون؛ ائنسانلارا اتدئيي ائشلري هيبتلي‌دئر.
دهنزي قورو يره دؤندَردي؛ چايدان آياقلا کچدئلر- گلئن اوندا سوئنک.
او قودرتي ائله ابده کئمي سلطنت ادئر، گؤزلري مئلّتلره دئقّتله باخير؛ قويما عاصئلر اؤزلرئني اوجالتسينلار. سِلا.
اي خالقلار، تاريميزا حمد ادئن، حمدلرئنئن سسئني اشئتدئرئن.
جانيميزا حيات ورن، آياقلاريميزي دا سوروشمه‌يه قويمايان اودور.
اي تاري، بئزي ائمتاحان ادئبسن. گوموشو اَرئدن کئمي، سن ده بئزي اَرئدئب خالئص چيخارديبسان.
بئزي تور ائچئنه آپاريبسان. بلئمئزه آغير يوک قويوبسان.
ائنسانلاري باشيميزا مئندئرئبسن. اوددان کچمئشئک، سودان کچمئشئک، لاکئن سن بئزي گئنه بوللوغا چيخارديبسان.
يانديرما قوربانلارلا سنئن اوئنه گئره‌جيم، سنه اتدئيئم نذئرلري يرئنه يتئره‌جيم،
اونلاري کي، دار گونومده دوداقلاريم بيان اتدي، آغزيم دانيشدي.
يانديريلان قوچلارين شئرئن ائيسي ائله سنه کؤکلمئش حيوانلاردان يانديرما قورباني تقدئم ادهجيم. گاميشلاري کچئلرله سنه تقدئم ادهجيم. سِلا.
گلئن، قولاق آسين، سئز بوتون تاريدان قورخانلار! جانيم اوچون نه اتدئيئني نقل ادهجيم.
آغزيملا اونو چاغيرديم، اونو دئلئمله عئزّتلندئردئم.
اگر اوره‌يئمده پئسلئيه ير وِرسَيدئم، پروردئگار مني اشئتمزدي.
لاکئن تاري يقئن کي، مني اشئدئب، دوعامين سسئنه قولاق آسيب.
تاري موبارک اولسون کي، دوعامي ردّ اتمهيئب، محبّتئني مندن گؤتورمه‌يئب.
تاري بئزه رحم اتسئن، برکت ورسئن، اوزونو بئزه ائشيقلانديرسين. سِلا.
اله کي، ير اوزونده سنئن يولون، بوتون مئلّتلر آراسيندا سنئن نئجاتين معلوم اولسون.
قوي خالقلار سنه حمد اوخوسونلار، اي تاري! قوي بوتون خالقلار سنه حمد اوخوسونلار.
قوي طايفالار سوئنسئنلر، شادليقدان نغمه اوخوسونلار. چونکي سن ائنصافلا حؤکم ادرسن، ير اوزونده طايفالارا رهبر اولارسان. سِلا.
قوي خالقلار سنه حمد اوخوسونلار، اي تاري؛ قوي بوتون خالقلار سنه حمد اوخوسونلار.
قوي تورپاق محصولونو ورسئن؛ تاري، بئزئم تاريميز بئزه برکت ورسئن.
قوي تاري بئزه برکت ورسئن، دونيانين بوتون نهايتلري اوندان قورخسون.
قوي تاري قالخسين و دوشمنلري داغيلسين. قوي اوندان نئفرت ادنلر اونون قاباغيندان قاچسينلار.
قوي اونلاري داغيتسين، داغيلان توستو کئمي؛ مومون اود قاباغيندا اَرئدئيي کئمي، قوي پئس آداملار دا تارينين حوضوروندا بله ارئسئنلر.
آمّا صالح آداملار سوئنسئنلر. قوي تارينين حوضوروندا شادليقدان جوشسونلار؛ بلي، شادليقلا فرحلنسئنلر.
تارييا نغمه اوخويون، اونون آدينا پرستئش نغمه‌سي اوخويون؛ عئزّت ورئن بولودلارا مئنه‌نه، ربدئر اونون آدي! اونون حوضوروندا شادليق ادئن.
موقدّس مسکنئنده اولان تاري يتئملره آتادير، دول آروادلارا موحافئظدئر.
تاري يالقوز آداملارا اِو ورئر، اسئرلري راحاتليغا چيخاردير؛ لاکئن عاصئلر قورو چؤلده ساکئن اولاجاقلار.
اي تاري، خالقينا رهبرلئک اتدئيئن زامان، چؤلده يرئدئيئن زامان، سِلا
ير تئترهدي، گؤي ده ياغيش تؤکدو؛ تارينين، سئنا داغينين تاريسي قاباغيندا، تارينين، ائسرايئلئن تاريسي قاباغيندا!
سن، اي تاري، بوللوقلا ياغيش ياغديردين، مئراثين يورولدوغو زامان اونا قووّت وردئن.
سنئن جاماعاتين اونون ائچئنده ساکئن اولوب؛ سن، اي تاري، ياخشيليغيندان اونو فاغير آدام اوچون حاضيرلاييبسان.
رب بويورور؛ خوش خبري گتئرن آروادلار بؤيوک بئر قوشوندورلار:
"قوشونلارين پادشاهلاري قاچير، قاچير." اِوي گؤزله‌ين آروادلار تالان ماليني بؤلورلر،
گرچي آغيللار آراسيندا ياتيرسينيز، و سئزئن اوچون ده گوموشله اؤرتونموش گؤيرچئن قانادلاري وار، خالئص قيزيللا بورونموش توکلري وار.
قادئری-موطلق پادشاهلاري اورادا داغيتدي، اله بئل کي، صَلمون داغينا قار گلئردي.
اي شؤوکتلي داغ، باشان داغي! اي قولّه‌لري اوجا اولان داغ، باشان داغي!
اي قولّه‌لري اوجا اولان داغلار، نه اوچون حسدله باخيرسينيز، او داغا کي، تاري اوندا ساکئن اولماغي ائستهيئر؟ بلي، رب اوندا ابده کئمي ساکئن اولاجاق.
تارينين موحارئبه عارابالاري چوخدور، مئنلرجه مئنلر؛ رب اونلارين آراسيندادير، سئنا داغيندا اولدوغو کئمي موقدّس يرئنده‌دئر.
سن اوجالارا چيخدين، دوشمنلري اسئر اتدئن؛ ائنسانلاردان تؤحفه‌لر قبول اتدئن، اي رب تاري. حتّا عاصئلردن ده، او آداملاردان کي، رب تارينين اورادا ساکئن اولماغيني ائسته‌مئردئلر.
هرگون يوکوموزو داشييان پروردئگاريميز، نئجاتيميز اولان تاري موبارک اولسون. سِلا
بئزئم تاريميز بئزه نئجات ورن تاريدير. اؤلوم الئندن خئلاص اولماق، پروردئگاريميز ربدندئر.
تاري دوشمنلرئنئن باشيني، گوناهلاريندا يرئيه‌نئن ساچلي تپه‌سئني ازهجک.
رب بويوروب: "اونلاري باشاندان گري گتئره‌جيم، دهنزئن دئبلرئندن اونلاري گري گتئره‌جيم کي،
آياقلارين اونلاري قاندا ازسئن، ائتلرئنئن دئلي سنئن دوشمنلرئندن پاييني آلسين."
سنئن يرئشئني گؤروبلر، اي تاري، تاريمين يرئشئني، پادشاهيمين موقدّس يره گدن يرئشئني!
خواننده‌لر قاباقدا گتدئلر، سازاندالار اونلارين آرخاسيندا؛ اونلارين آراسيندا دف چالان قيزلار:
"سئز، اي ائسرايئل چشمه‌سئندن اولانلار، مجلئسلرئنئزده تارييا، ربّه حمد اوخويون!"
قاباقدا کئچئک بنيامئن، يهودانين ريئسلري و اونلارلا گلنلر، زِبولونون ريئسلري و نَفتالئنئن ريئسلري.
اي تاري قودرتئني گؤرسد؛ بئزئم اوچون اتدئيئن کئمي قودرتئني گؤرسد، اي تاري،
اورشلئمده اولان معبدئندن. پادشاهلار سنه تؤحفه‌لر گتئرئرلر.
قاميشليقدا ياشايان حيوانلاري تنبه ات، او گاميشلار سوروسونو، او بوزوو خالقلاري؛ گوموش سِوَنلري آياق آلتيندا اَز، موحارئبه سِوَن خالقلاري داغيت.
مئصئردن الچئلر گلهجکلر، کوشلولار اللرئني تز تارييا اوزاداجاقلار.
اي ير اوزونون مملکتلري، تارييا نغمه اوخويون، پروردئگارا پرستئش نغمه‌سي اوخويون. سِلا
قدئم گؤيلرئن گؤيو اوستونه مئنه‌نه نغمه اوخويون؛ قولاق آسين، گوجلو سسئني اشئتدئرئر.
تارينين قودرتئني اعلان ادئن؛ اونون جلالي ائسرايئل اوستوندهدئر، اونون قودرتي گؤيلرده‌دئر.
اي تاري، موقدّس يرئنده نه هيبتلي‌سن! خالقينا قووّت و قودرت ورن تاري، ائسرايئلئن تاريسي اودور. تاري موبارک اولسون.
منه نئجات ور، اي تاري، چونکي سولار بوينوما قدر يتئشئب.
درئن باتاقليق پالچيغا باتيرام، دوراجاق ير ده يوخدور؛ درئن سولارا دوشموشم. سل مني باسيب.
باغيرماقدان يورولموشام. بوغازيم قورويوب؛ تاريمي گؤزلَمکدن گؤزلرئمئن ائشيغي گدئب.
مندن سببسئز نئفرت ادنلر باشيمين توکلرئندن داها چوخدور. حاقسيز يره مني يوخ اتمک ائسته‌ين دوشمنلرئم قووّتلي‌دئر. اوغورلاماديغيم شيي گري قايتارماغيمي ائسته‌يئرلر.
اي تاري، عاغيلسيزليغيمي سن بئلئرسن، خاطالاريم سندن گئزلي ديئل.
اي پروردئگار، قوشونلارين ربّي، قوي سني گؤزله‌ينلر منه گؤره اوتانماسينلار، اي ائسرايئلئن تاريسي، قوي سني آختارانلار منه گؤره روسواي اولماسينلار،
چونکي سنئن خاطئرئنه گؤره حقارت آلتيندايام، روسوايچيليق اوزومو بورويوب.
قارداشلاريما قرئب اولموشام، آنامين اوغوللارينا اجنبي اولموشام،
چونکي سنئن اوئنئن قيرتي مني يانديريب تؤکور، سنه حقئر باخانلارين حقارتي منئم اوستومه دوشور.
آغلاديم، جانيمي اوروجدا ساخلاديم، بو دا منه عاييب ساييلدي.
پالاسي اؤزومه پالتار اتدئم، اونلارين مسخره‌سي اولدوم.
دروازادا اوتوران آداملار، حاقّيمدا قيبت ادئرلر، عرقخورلارين نغمه‌سي اولموشام.
آمّا من، يارب، سنه يالواريرام، خوشلانديغين زامان منه جاواب ور. اي تاري، محبّتئنئن بوللوغوندا، منه او يقئن نئجاتينلا جاواب ور.
مني باتاقليق پالچيقدان قورتار، قويما باتيم؛ قوي مندن نئفرت ادنلرئن الئندن خئلاص اولوم، او درئن سولاردان.
قويما سولارين سلي مني باسسين، قويما گئرداب مني اودسون، قويما قويو آغزيني اوستومه باغلاسين.
منه جاواب ور، يارب، چونکي محبّتئن ياخشيدير. مرحمتئنئن چوخلوغونا گؤره منه طرف دؤن.
اوزونو قولوندان گئزلتمه، چونکي دارليقدايام؛ تزلئکله منه جاواب ور،
جانيما يتئش و اونو خئلاص ات، دوشمنلرئمدن اؤتري مني خئلاص ات.
منئم حقارتئمي، اوتانديغيمي، روسوايچيليغيمي بئلئرسن. خصملرئمئن هاميسي سنئن حوضوروندادير.
حقارت اوره‌يئمي سينديريب، دردلئيم. منه اوره‌يي يانان بئرئني آختاريرديم، آمّا هچ کس يوخ ائدي. تسلّي ورن بئرئني آختاريرديم، لاکئن هچ کسي تاپماديم.
خؤرک يرئنه منه آجي شي وردئلر، سوسوزلوغومدا منه سئرکه ائچدئردئلر.
قوي سوفره‌لري قاباقلاريندا تورا، دوستلاري بئر تلهيه دؤنسون.
گؤزلري قارالسين کي، آرتيق گؤرمه‌سئنلر. اونلارين بل‌لرئنه دائم لرزه سال.
قهرئني اونلارين اوستونه تؤک، قوي قضبئن اونلاري توتسون.
قوي اونلارين مسکني وئران اولسون، اونلارين چاديرلاريندا هچ کس ساکئن اولماسين.
چونکي ووردوغون آداما عذاب ورئرلر، يارالاديغين آداملارين دردئنه گولورلر، يامانلاييرلار.
اونلارين گوناهينين اوستونه گوناه آرتير، قويما سنئن صالحلئيئنه داخئل اولسونلار.
قوي اونلارين آدلاري حيات کئتابيندان سئلئنسئن، آدلاري صالح آداملارلا يازيلماسين.
لاکئن من فاغيرام، دردلئيم. قوي سنئن نئجاتين، اي تاري، مني اوجالتسين.
تارينين آدينا بئر نغمه ائله حمد اوخوياجاغام، شوکورلرله اونو اوجالتاجاغام.
بو، ربّه بوينوزلو-ديرناقلي اؤکوز و گاميشدان داها چوخ خوش گلهجک.
فاغير آداملار بونو گؤروب سوئنهجکلر؛ سئز، تاريني آختارانلار، اوره‌يئنئز دئرئلهجک.
چونکي رب کاسيبلارين سسئني اشئدئر، اسئرلئيه گدنلره حقارتله باخمير.
قوي گؤي و ير اونا حمد اوخوسون، دهنزلر و اوندا اولان هر مؤوجود.
چونکي تاري صحيونا نئجات ورهجک، يهودا شهرلرئني بئنا ادهجک کي، اونلار اوندا ساکئن اولوب اونا مالئک اولسونلار.
قوللارينين نسلي ده اونا وارئث اولاجاق، اونون آديني سِوَنلر اوندا ساکئن اولاجاقلار.
اي تاري، يتئش، مني خئلاص اتمه‌يه يتئش! يارب، منئم ائمداديما تز گل!
قوي جانيمين قصدئنه دوشنلر اوتانيب قيزارسينلار، قوي ضررئمي ائسته‌ينلر گري دؤنوب روسواي اولسونلار،
"آها-آها" دئينلر خجالتلرئندن گري دؤنسونلر.
قوي سني آختاران بوتون آداملار فرحلنئب سنده سوئنسئنلر؛ سنئن نئجاتيني سونلر دائم دسئنلر: "نه بؤيوکدور تاري!"
لاکئن من فاغير و مؤحتاجام؛ تاري، تز اول، ائمداديما چات! منئم کؤمه‌يئم، منئم قورتاريجيم سنسن؛ يارب، گج قالما!
يارب سنه پناه گتئرئرم؛ خجالت آلتيندا مني هچ واخت قويما.
اؤز صالحلئيئنده مني خئلاص ات، مني قورتار، منه قولاق آس و منه نئجات ور.
منه سيغيناق قايا اول، اله کي، هر زامان اونا پناه گتئرئم؛ منئم نئجاتيما امر ات، چونکي منئم قايام، منئم قالام سنسن.
اي تاريم، پئس آدامين الئندن، ائنصافسيز و قدّار آدامين ظولموندن مني قورتار،
چونکي منئم اومئدئم سنسن، اي پروردئگار رب، جاوانليغيمدان بل باغلاديغيم سنسن.
دوغولدوغوم گوندن بري سنه سؤيکنمئشم؛ آنامين قارنيندان مني دونيايا گتئرن سنسن. همئشه حمدئم سنه‌دئر.
چوخ آداملارا تعجّوبلو بئر علامت کئمي اولموشام، لاکئن سن منئم قووّتلي پناهيمسان.
آغزيم سنئن حمدئنله دولودور، بوتون گون سني عئزّتلندئرئرم.
قوجاليغيمدا مني اؤزوندن آتما، قووّتئم کسئلدئيي زامان مني بوراخما.
چونکي دوشمنلرئم ضئدّئمه دانيشيرلار؛ جانيمي گودَنلر بئربئرلري ائله مصلحتله‌شئرلر.
ديئرلر: "تاري اونو بوراخيب؛ اونو قووالاييب توتون، چونکي اونو خئلاص ادن يوخدور."
مندن اوزاق دورما، اي تاري؛ ائمداديما تز گل، تاريم!
قوي جانيمين قصدئنه دورانلار اوتانيب محو اولسونلار، قوي ضررئمي آختارانلار روسوايليق و رذالتله اؤرتولسونلر.
آمّا من، دائم اومئد باغلاييب سنه داها چوخ حمد ادهجيم،
آغزيم بوتون گون سنئن صالحلئيئني، سنئن نئجاتيني نئدا ادهجک، گرچي اونلارين حدّئني بئلمئرم.
اي پروردئگاريم ربّ، سنئن قووّتئنده گله‌جيم؛ سنئن، آنجاق سنئن صالحلئيئني نئدا ادهجيم.
اي تاري، جاوانليغيمدان بري منه تعلئم ورئردئن؛ بو گونه کئمي سنئن عجايئب ائشلرئني اعلان ادئرم.
ائندي کي، باشيم آغاريب قوجايام، قودرتئني گلهجک نسله، گوجونو گله‌جکلرئن هر بئرئنه بئلدئرَنه قدر، مني بوراخما، اي تاري.
صالحلئيئن گؤيه قدر اوجادير، اي تاري، سن کي، بؤيوک ائشلر ادئبسن؛ اي تاري، سنئن کئمي کئم وار؟!
سن کي، مني چوخلو چتئن بلالارا ساليبسان، لاکئن گئنه مني دئرئلده‌جکسن، تورپاغين درئنلئکلرئندن مني گئنه قالديراجاقسان.
منئم عظمتئمي آرتيراجاقسان، گئنه منه تسلّي وره‌جکسن.
من ده سنئن وفادارليغيني چنگله حمد ادهجيم، اي تاري! طنبورلا سنه پرستئش نغمه‌سي اوخوياجاغام، اي ائسرايئلئن قودّوسو!
سنه پرستئش نغمه‌سي اوخودوغوم زامان، دوداقلاريم و خئلاص اتدئيئن جانيم، بؤيوک بئر شادليقلا سوئنهجک.
دئلم ده بوتون گون سنئن صالحلئيئني دئيهجک؛ چونکي ضررئمي آختارانلار اوتانيبلار، روسواي اولوبلار.
اي تاري، عدالتئني پادشاها ور، صالحلئيئني شاهزاده‌يه.
اله کي، سنئن خالقينا ائنصافلا حؤکم ائسئن، فاغيرلارينا عدالتله.
داغلار، تپه‌لر صالحلئکده خالقا خوشبختلئک گتئرسئن،
خالقين فاغيرلارينا عدالت گتئرسئن، مؤحتاج آداملارينا نئجات ورسئن، ظالئملري اَزسئن.
گون و آي دوردوقجا، قوي خالق، نسئلدن-نسله سندن قورخسون.
قوي پادشاه بئچئلمئش چمن اوستونه ياغيش کئمي اولسون؛ شئدّتلي ياغان ياغيش کئمي اولسون کي، تورپاغي ائسلادير.
اونون گونلرئنده صالحلئک چئچکلَنسئن، آي ائشيغي اولدوقجا، خوشبختلئک آرتيقليقلا اولسون.
قوي دهنزدن دهنزه قدر، فرات چاييندان يرئن نهايتلرئنه قدر، او، سلطنت اتسئن.
قوي چؤلده ياشايانلار اونون قاباغيندا دئز چؤکسونلر، دوشمنلري تورپاغي يالاسينلار.
قوي تَرشئش و جزئره‌لرئن پادشاهلاري اونا باج ورسئنلر، شِبا و سِبا پادشاهلاري خراج گتئرسئنلر.
قوي بوتون پادشاهلار اونون قاباغيندا يره دوشسونلر، بوتون مئلّتلر اونا خئدمت اتسئنلر.
دوغرودان دا مؤحتاج آدام کؤمک اوچون باغيراندا، پادشاه اونا خئلاص وِرَر، ائمدادينا چاتاني اولمايان فاغير آداما دا خئلاص وِرَر.
فاغير و مؤحتاج آداما يازيغي گلر، مؤحتاج آداملارين جانيني قورتارار،
جانلاريني ظولم و قدّارليقدان خئلاص ادر؛ اونلارين قاني اونون نظرئنده قئيمتلي‌دئر.
اونا گؤره قوي پادشاه ياشاسين، شِبانين قيزيلي اونا ورئلسئن؛ اوندان اؤتري همئشه دوعا ادئلسئن، بوتون گون اونون خاطئرئنه حمد اوخونسون.
اؤلکهده بوغدا بوللوقلا اولسون، داغلار باشيندا شپه‌لنسئن، محصولو لوبنان مشه‌لري کئمي بول اولسون، شهرده اولانلار يرئن چمني کئمي گؤيرسئن.
قوي اونون آدي ابده کئمي قالسين؛ گون ائشيغي دوردوقجا، اونون آدي دا قالسين. بوتون ائنسانلار اوندا برکت تاپسينلار؛ بوتون مئلّتلر اونو موبارک چاغيرسينلار.
رب تاري، ائسرايئلئن تاريسي، موبارک اولسون. عجايئب ائشلر گؤرن آنجاق اودور!
اونون شؤوکتلي آدي ابده کئمي موبارک اولسون! قوي بوتون ير اوزو اونون عئزّتي ائله دولسون. آمئن و آمئن.
بورادا يَسّه اوغلو داوودون دوعالاري باشا چاتير.
دوغرودان دا تاري ائسرايئله ياخشيدير، اوره‌يي تمئز اولانلارا!
لاکئن منئم آياقلاريم آز قالدي کي، يرئندن جايسين. قدئملرئم آز قالدي کي، سوروشسون.
چونکي پئس آداملارين خوشبختلئيئني گؤرنده، مغرور آداما پاخيلّيغيم گلدي.
چونکي اؤلنه کئمي زحمتلري يوخدور، آنجاق هيکل کؤکَلدئبلر.
نه آيري آداملار کئمي زحمت چکئرلر، نه ده اونلار کئمي باشلارينا بلا گلئر.
اوندان اؤتري ده تکبّور بويونباغلاري‌دير، ظولم پالتار کئمي اونلاري اؤرتر.
کؤکلوکدن گؤزلري اشئيه چيخير، اورکلرئنئن ائسته‌يئنئن آخيري يوخ.
ائستهزا ادئرلر، ظولم اوچون يامان ديئرلر، تکبّورلو دانيشيرلار،
آغيزلاريني گؤيلرئن ضئدّئنه توتورلار، دئللري ير اوزونده گزئر.
اوندان اؤتري ده تارينين خالقي اونلارا دؤنور، سؤزلرئني سو کئمي آخيريناجاق ائچئر.
ديئرلر: "تاري هارادان بئله‌جک؟ مگر اوجالاردا اولانين معرئفتي وار؟"
بودور پئس آداملار؛ دائم راحاتليقداديرلار، مال-دؤولت آرتيريرلار.
دوغرودان دا من عبث يره قلبئمي تمئز ساخلاميشام، معصوملوقدا اللرئمي يوموشام.
بوتون گون موصئبت چکمئشم، سحر تنبه اولموشام.
اگر دِسَيدئم: "من ده اونلار کئمي دانيشاجاغام." باخ، سنئن اؤولادلارينا خيانت اِدَردئم.
بونو آنلاماق اوچون چوخ دوشوندوم، آمّا منئم اوچون چوخ چتئن ائدي.
آخيردا تارينين موقدّس يرئنه گئردئم، او زامان اونلارين عاقئبتئني آنلاديم.
دوغرودان دا سوروشن يرلره قويورسان اونلاري! هلاکته آتيرسان، اونلاري!
گؤر نجه بئر آندا هلاک اولوبلار! دهشت ائچئنده يوخ اولوب ائتئبلر.
يوخودان اويانان آدامين يوخوسو کئمي‌دئرلر کي، سن ای پروردئگار، اويانان زامان، اونلارين صورتئني حقئر گؤرورسن.
بلجه اوره‌يئمي قم دولدورموشدو، ائچئمده پرئشان اولموشدوم.
عاغيلسيز من، نجه آنلاميرديم! سنئن حوضوروندا بئر حيوان کئمي ائدئم.
لاکئن من دائم سنئن يانيندايام؛ سن منئم صاغ اَلئمدن توتورسان.
تدبئرئنله مني هئدايت ادهجکسن، سونرا دا مني جلال ائچئنه قبول ادهجکسن.
سندن ساوايي گؤيده کئمئم وار؟ ير اوزونده سندن ساوايي بئر شي ائستمه‌رم.
بدنئم تابدان دوشر، اوره‌يئم ده؛ لاکئن قلبئمئن قووّتي، منه دوشن پاي ابده کئمي تاريدير.
دوغرودان دا سندن اوزاق اولانلار هلاک اولاجاقلار؛ سنه وفالي اولمايانلارين هاميسيني محو ادهجکسن.
آمّا منئم اوچون تارييا ياخين گلمک ياخشيدير؛ من پروردئگاريم ربّي پناهيم اِتمئشم کي، سنئن بوتون ائشلرئني اعلان ادئم.
اي تاري، نه اوچون بئزي ابده کئمي بوراخيبسان؟ نه اوچون قضبئن اؤز اوتلاغينين قويونلاري اوستونه توتوشوب؟
قدئم زاماندان اؤزونه آلديغين جاماعاتيني خاطيرلا؛ ساتين آلديغين اؤز مئراثيني، اؤز قبئله‌ني، ساکئن اولدوغون بو صحيون داغيني.
قدملرئني ابدي وئرانه‌لر طرفئنه دؤندَر؛ دوشمن موقدّس يرده اولان هر شيي آرادان آپاردي.
دوشمنلرئن جاماعات ييغيلان يرئن اورتاسيندا نعره چکدئلر، بايراقلاريني ظفر علامتي اوچون دئکدئلر.
او آداملارا اوخشاييرديلار کي، آغاجلاري کسمک اوچون بالتا قالديريرلار.
موقدّس يرئن بوتون اويما ائشلرئني، بالتالار و چکوجلارلا، هاميسيني بئردن سينديريب تؤکدولر.
سنئن موقدّس يرئنه اود ووردولار؛ آدينين ساکئن اولدوغو يري تورپاغا چيرپديلار.
اورکلرئنده ددئلر: "گلئن اونلاري تامامن محو ادک." اؤلکهده جاماعاتين تاري اوچون ييغيلديغي بوتون يرلري يانديرديلار.
علامتلرئمئزي آرتيق گؤرموروک؛ داها پيغمبر يوخدور، آراميزدا هچ کس بئلمئر نه واختا کئمي.
نه واختا کئمي دوشمن سنه حقارت ادهجک، اي تاري؟ مگر سنئن آدينا خصم ابده کئمي کوفر دئيهجک؟
نه اوچون الئني، صاغ الئني، گري چکئرسن؟ اونو قوينوندان چيخارت و اونلاري محو ات.
اي تاري، قدئم زاماندان بري پادشاهيمسان؛ ير اوزونده نئجات گتئرن سنسن.
سن دهنزي اؤز قووّتئنله بؤلدون؛ دهنز اژداهالارينين باشيني اَزدئن،
لئوياتانين باشيني پارچالايان سن ائدئن، سن اونو چؤل حيوانلارينا يمک اوچون وردئن.
سن بولاغي فيشقيرتدين، سلي آخيتدين؛ سن ائدئن کی، همئشه‌آخان چايلاري قوروتدون.
گوندوز سنئندئر، گجه ده سنئن؛ آيي، گونو سن حاضيرلادين.
يرئن بوتون سرحدلرئني سن قويوبسان؛ يايي و قيشي سن ياراديبسان
دوشمنئن نجه سنه حقارت اتدئيئني خاطيرلا، يارب، عاغيلسيز خالقين سنئن آدينا نجه کوفر ددئيئني!
اؤز قومرونون جانيني وحشي حيوانا ورمه، اؤز فاغيرلارينين حياتيني ابده کئمي اونوتما.
عهده باخ! چونکي اؤلکهنئن هر قارانليق يري ظولم يوواسي اولوب.
قويما مظلوم آدام اوتانيب گري دؤنسون، قوي فاغير و مؤحتاج آدام سنئن آدينا حمد اتسئن.
قالخ اي تاري، اؤز داعواني يِرئت، عاغيلسيز آدامين بوتون گون سنه حقارت اتدئيئني خاطيرلا.
دوشمنلرئنئن سسئني ياددان چيخارتما؛ سنئن ضئدّئنه قالخانلارين ولوله‌سي دائم چوخالير.
سنه شوکور ادئرئک، اي تاري! سنه شوکر ادئرئک؛ سن ياخينسان، سنئن عجايئب ائشلرئن بونو اعلان ادئر.
سن ديئرسن: "من موعيّن زاماني سچئرم؛ ائنصافلا حؤکم ادن منم.
ير و بوتون اوندا اولانلار اسن زامان، اونون سوتونلاريني برک ادن منم." سِلا
مغرور آداملارا ديئرم: "آرتيق فخر اتمهيئن." پئس آداملارا ديئرم: "قودرتئنئزي قالديرمايين.
قودرتلرئنئزي گؤيون ضئدّئنه قالديرمايين، دئکباشلي دانيشمايين." َ
چونکي اوجالماق نه شرقدن گلئر، نه قربدن، نه ده چؤلدن.
حؤکم ادن آنجاق تاريدير؛ بئرئني اِندئرئر، بئرئني قالديرير.
چونکي ربّئن اَلئنده کاسا وار، ائچي قاريشيق قاينار شرابلا دولودور. رب اونو تؤکور، دوغرودان دا دونيانين هامي پئس آداملاري اونون دوردونو آخيراجاق چکئب ائچمه‌لي‌دئرلر.
آمّا من ابده کئمي اعلان ادهجيم، يعقوبون تاريسينا پرستئش نغمه‌سي اوخوياجاغام.
"پئس آداملارين قودرتئني سينديرجاغام، لاکئن صالح آداملارين قودرتي قالديريلاجاق."
يهودادا تاري مشهوردور. ائسرايئلده اونون آدي بؤيوکدور.
اونون چارداغي شالِمده‌دئر، ساکئن اولدوغو ير صحيوندا!
اورادا اودلو اوخلاريني سينديردي، قالخاني، قيلينجي، موحارئبه سئلاحيني سينديردي. سِلا
سن اوجا داغلاردان دا شؤوکتلي و عظمتلي‌سن.
جسور قهرمانلار سويولدولار؛ يوخويا گتدئلر. ائگئدلرئنئن هچ بئري اللرئني قالديرا بئلمه‌دي.
سنئن قهرئندن، اي يعقوبون تاريسي، هم دؤيوش عاراباسي، هم ده آت مات قاليب.
اي سن، نه هيبتلئسن، سن! قضبئن قالخان زامان، کئم سنئن حوضوروندا دورا بئلر؟
سنئن حؤکمون گؤيدن اعلان اولور، ير قورخودان ساکئت دورور؛
او زامان کي، يرئن فاغير آداملارينا نئجات ورمک اوچون موحاکئمه اتمه‌يه قالخيرسان، اي تاري. سِلا
حقئقتن کي، ائنسانين قضبي ده سنه حمد ادئر، قضبئندن قورتاريلانلار سنئن اطرافينا ييغيليرلار.
رب تارينيزا نذئر ادئب يرئنه يتئرئن، قوي بوتون اطرافدا اولانلار هيبتلي اولانا تؤحفه گتئرسئنلر.
او حؤکمدارلارين نفسئني کسر، دونيانين پادشاهلارينين جانينا قورخو سالار.
اوجا سَسله تارييا باغيريرام، اوجا سسله تارييا کي، منه قولاق ورسئن.
دار گونومده پروردئگاريمي آختارديم؛ بوتون گجه، يورولمادان اَلئمي اوزاتديم، جانيم تسلّي تاپماق ائستمه‌دي.
تاريني يادا سالاندا ناله ادئرم، دوشوننده روحوم اؤزومدن گدئر. سِلا.
گؤزلرئمي اوياق ساخلادين، جانيمين سيخيلديغيندان دانيشا بئلمئرم.
قدئم گونلري، کچمئش ائللري دوشونورم،
گجه ائچئنده نغمه‌مي خاطيرلاييرام، اوره‌يئمده درئن دوشونورم، روحوم دا ائچئمده بله سوروشور:
"آيا آغا بئزي ابده کئمي ردّ ادهجک؟ آيا بئر داها راضي اولماياجاق؟
آيا اونون محبّتي ابده کئمي کسئلئب؟ سؤزو نسئلدن-نسله بوشا چيخيب؟
آيا تاري رحم اتمه‌يي ياددان چيخارديب؟ مرحمتئني قضبئنده باغلاييب؟" سِلا
او زامان ددئم: "منئم قوصّم بودور کي، اوجالاردا اولان گوجونو آرتيق گؤرسدمئر."
ربّئن ائشلرئني خاطيرلاياجاغام؛ بلي، قدئم زاماندا اتدئيي مؤجوزه‌لرئني خاطيرلاياجاغام.
سنئن بوتون ائشلرئني درئن دوشونه‌جيم، قودرتلي عمللرئن حاقّيندا فئکئر ادهجيم.
سنئن يولون موقدّسدئر، اي تاري، تاري کئمي بؤيوک تاري کئمدئر؟
مؤجوزه ادن تاري سنسن. خالقلار آراسيندا قودرتئني بئلدئرئبسن.
قولونلا خالقيني خئلاص ادئبسن؛ يعقوب و يوسئفئن اؤولادلاريني! سِلا
سولار سني گؤردولر، اي تاري! سولار سني گؤروب تئتره‌دئلر، درئن سولار دا ده تئترهدي.
بولودلار سو تؤکدولر، گؤيلر گورولدادي؛ سنئن اوخلارين هر طرفه اوچدو،
سنئن ائلديريمينين سسي، طوفان ائچئندن اشئدئلدي، شئمشکلرئن ير اوزونه ائشيق ساچدي، ير تئترهيئب لرزهيه دوشدو،
سنئن يولون دهنزدن کچدي، سنئن يولون چوخ سولار آراسيندان! آمّا ائزلرئن بلّي ديئلدي.
موسا و هارونون الي ائله، خالقيني سورو کئمي هئدايت اتدئن.
اي منئم خالقيم، تعلئمئمه قولاق ورئن، آغزيمين سؤزلرئنه قولاق آسين.
آغزيمي مثل‌له آچاجاغام، قدئم زاماندان اولان تاپماجالاري بيان ادهجيم؛
اشئتدئيئمئزي، بئلدئيئمئزي، آتالاريميزين بئزه نقل اتدئيئني!
اونلاري اؤولادلاريندان گئزلتمه‌يه‌جيئک؛ ربّئن حمدلرئني، اونون قووّتئني! اتدئيي عجئب ائشلرئني گلن نسله ده نقل اده‌جيئک:
رب، يعقوب آراسيندا بئر شهادت قويدو، ائسرايئل آراسيندا بئر تعلئم؛ آتالاريميزا امر اتدي کي، اؤولادلارينا اونلاري اؤيرتسئنلر.
اله کي، گلهجک نسئل بئلسئن، دوغاجاق اوشاقلار دا. اونلار دا قالخيب اؤولادلارينا بئلدئرسئنلر کي،
اومئدلرئني تارييا باغلاسينلار، تارينين ائشلرئني ياددان چيخارتماسينلار، اونون امرلرئني يرئنه يتئرسئنلر،
آتالاري کئمي عئنادچي و عاصي بئر نسئل اولماسينلار؛ بئر نسئل کي، اوره‌يئني تارييا آييرمادي، روحو اونا وفالي قالمادي.
اِفرايئم اؤولادلاري کي، سئلاحلانميشديلار، اوخلاريني چکمئشدئلر، لاکئن موحارئبه گونونده گري دؤندولر.
تارينين عهدئني ساخلاماديلار، اونون تعلئمئنه گؤره ياشاماغي ردّ اتدئلر،
اونون ائشلرئني ياددان چيخارتديلار؛ اونلارا گؤرسدتدئيي عجايئب ائشلرئني.
مئصئر تورپاغيندا، صوعَن بؤلگهسئنده، آتالارينين گؤزلري قاباغيندا مؤجوزهلر گؤرستدي.
دهنزي ياردي و اونلاري کچئرتدي؛ سولاري ييغين کئمي دوردوردو.
گوندوز اونلاري بولودلا هئدايت اتدي، بوتون گجهني ده اود ائشيغي ائله.
چؤلده قايالاري ياردي، درئنلئکدن سل کئمي اونلارا بول-بول سو ائچئرتدي.
قايادان آخار سولار چيخارتدي، سولاري چايلار کئمي آخديردي.
آمّا اونون ضئدّئنه گئنه داها چوخ گوناه اتدئلر، چؤلده اوجالاردا اولانين ضئدّئنه عوصيان اتدئلر.
جانلاري اوچون يمک ائستمکله اورکلرئنده تاريني ائمتاحان اتدئلر.
بلي، تارينين ضئدّئنه دانيشيب ددئلر: "مگر تاري قادئردئر کي، چولده سوفره سالسين؟!
باخ، قايايا ووردو، سولار آخدي، دره‌لر داشدي؛ اولسون، آمّا چورک ده وره بئلر؟ آيا خالقينا اَت حاضيرلايا بئلر؟"
رب بونو اشئدئب قضبلندي: يعقوبون ضئدّئنه اود توتوشدو، ائسرايئلئن ضئدّئنه قضبي آلوولاندي.
چونکي تارييا ائنانماديلار، اونون نئجاتينا توکّول اتمه‌دئلر.
آمّا او، گئنه يوخاريدان گؤيه امر اتدي، گؤيلرئن قاپيلاريني آچدي،
يمک اوچون اونلارا مانّا ياغديردي، گؤيلرئن بوغداسيني اونلارا وردي.
ائنسان، ملکلرئن چؤره‌يئني يدي، اونلارا بوللوقلا يمک وردي.
گؤيلرده شرق يلئني اسدئردي، قودرتي ائله جنوب يلئني هئدايت اتدي.
اَتي اونلارين اوستونه توز کئمي، قانادلي قوشلاري دا دهنزلرئن قومو کئمي ياغديردي.
اونلاري اوردوگاهلارينين اورتاسينا، اوتوردوقلاري يرئن اطرافينا تؤکدو.
بلجه ييئب چوخ دويدولار؛ ائسته‌دئکلرئني اونلارا وردي.
هوسلري اورکلرئنده ائکن، يئيه‌جکلري حله آغيزلاريندا ائکن،
تارينين قضبي اونلارين ضئدّئنه قالخدي؛ اونلارين لاپ گوجلولرئني اؤلدوردو، ائسرايئلئن جاوانلاريني ييخدي.
لاکئن بوتون بولارا باخماييب گئنه ده گوناه اتدئلر، اونون عجايئب ائشلرئنه ائنانماديلار.
اونا گؤره ده، اونلارين گونلرئني عبث يره، ائللرئني دهشت ائچئنده کچئرتدي.
اونلاري اؤلدورن زامان تاريني آختارماغا باشلاديلار، گري دؤنوب قيرتله اونو طلب اتدئلر.
خاطيرلاديلار کي، تاري اونلارين قاياسي‌دير؛ اوجالاردا اولان تاري اونلارين خئلاصکاري‌دير.
لاکئن آغيزلاري ائله اونا يالتاقلانديلار، دئللري ائله اونا يالان دانيشديلار.
اورکلري اونونلا دوز ديئلدي، اونون عهدئنده وفالي ديئلدئلر.
آمّا او، گئنه مرحمتلي اولوب گوناهي باغيشلادي، اونلاري هلاک اتمهدي؛ بلي، دفه‌لر قضبئني اونلاردان قايتاردي، بوتون قهرئني آلوولانديرمادي.
خاطيرلادي کي، اونلار بشردئرلر، بئر يل کئمي کي، گدر و آرتيق قاييتماز.
نچه دفه چؤلده اونا عوصيان اتدئلر، چؤلده اونو ائنجئتدئلر.
دفهلرله تاريني ائمتاحان اتدئلر، ائسرايئلئن موقدّسئني حئرصلندئردئلر.
اونون قودرتئني خاطيرلاماديلار؛ اونلاري دوشمندن خئلاص ادن گونو،
مئصئرده گؤرستدئيي علامتلرئني، صوعَن بؤلگهسئنده اتدئيي مؤجوزه‌لرئني.
چايلاريني قانا دؤندَردي، اله کي، آخار سولاريندان ائچه بئلمئردئلر.
آرالارينا چئبئن سورولرئني گؤندردي کي، اونلاري يدئلر. قورباغالار گؤندردي کي، اونلاري محو اتدئلر.
اونلارين محصولونو تيرتيل‌لارا، اونلارين زحمتلرئنئن ثمرهسئني چيئرتگيه وردي.
اونلارين اوزوم آغاجلاريني دولو ائله يوخ اتدي، وحشي انجئر آغاجلاريني دا شاختا ائله.
مال-حيوانلاريني دولويا، سورولرئني ائلديريما تسلئم اتدي.
اونلارا قضبئنئن شئدّتئني گؤندردي؛ قهرئني، حئدّتئني، زحمتي، اؤلوم ملکلرئنئن قوشونونو.
قضبئنه يول آچدي؛ اونلارين جانيني اؤلومدن اَسئرگمه‌دي، حياتلاريني بلايا وردي.
مئصئرده بوتون ائلک اؤولادلاري اؤلدوردو؛ خامين چاديرلاريندا قووّتلرئنئن ائلکئني.
لاکئن اؤز خالقيني قويون کئمي سوروب آپاردي، سورو کئمي چؤلده اونلاري هئدايت اتدي.
اونلاري امئن-آمانليقلا هئدايت اتدي، اله کي، قورخماديلار؛ لاکئن اونلارين دوشمنلرئني دهنز اوتدو.
اونلاري اؤز موقدّس تورپاغينا گتئردي؛ اونون صاغ الئنئن قازانديغي بو داغا.
اونلارين قاباغيندان مئلّتلري قوودو، اؤلچو ائله اونلارا پاي بؤلدو، اونلارين چاديرلاريندا ائسرايئل قبئله‌لرئني ساکئن اتدي.
لاکئن اونلار اوجالاردا اولان تاريني ائمتاحان ادئب، اونون ضئدّئنه عوصيان اتدئلر، اونو قضبلندئردئلر و اونون شهادتلرئني ساخلاماديلار.
دؤنوب آتالاري کئمي خيانت اتدئلر؛ پوزغون بئر کامان کئمي اَيري اولدولار.
پرستئشگاهلاری ائله اونو قصبلندئردئلر، اويما بوتلري ائله اونو قيرته گتئردئلر.
تاري بونو اشئدن واخت قضبلندي، ائسرايئلي شئدّتله ردّ اتدي،
اله کي، شئلودا اولان خيمهني، ائنسانلار آراسيندا قوردوغو چاديري ترک اتدي.
اؤز قووّتئني اسئرلئيه، اؤز شؤوکتئني دوشمن الئنه تسلئم اتدي.
اؤز خالقيني قيلينج آغزينا وردي، مئراثينين اوستونه قضبلندي.
جاوان اوغلانلاريني اود يدي، قيزلارينا دا توي نغمهلري اوخونمادي.
کاهئنلري قيلينجلا دوشدولر، اونلارين دول آروادلاري آغلاماديلار.
او زامان پروردئگار قالخدي، اله بئل کي، يوخويا گتمئشدي؛ بئر پهلوان کئمي کي، شرابدان سرمست فرياد ادئر.
دوشمنلري ووروب دالي آتدي. اونلارا ابدي بئر خجالت وردي.
يوسئف نسئلئني ردّ اتدي. اِفرايئم قبئله‌سئني سچمه‌دي.
لاکئن يهودا قبئله‌سئني، سِودئيي صحيون داغيني سچدي.
موقدّس يرئني عرش کئمي، ابددن ابدهجک قوردوغو ير کئمي بئنا اتدي.
قولو داوودو سچدي، اونو قويون آغيليندان آلدي،
اونو امئزدئرن قويونلارين آرديندان گتئردي کي، اؤز خالقي يعقوبا، مئراثي اولان ائسرايئله چوبانليق اتسئن.
او دا اوره‌يئنئن کامئل‌لئيئنه گؤره، اونلارا چوبانليق اتدي، اللرئنئن باجاريغي ائله اونلاري هئدايت اله‌دي.
اي تاري، مئلّتلر سنئن مئراثينا گئرئبلر، موقدّس معبدئني نجئس ادئبلر، اورشلئمي وئرانه‌يه دؤنده‌رئبلر.
قوللارينين جسدلرئني يئيهجک اوچون گؤي قوشلارينا بوراخيبلار، موتّقئلرئنئن بدنئني ير اوزونون جانوارلارينا!
اورشلئمئن اطرافيندا اونلارين قانيني سو کئمي تؤکوبلر؛ اونلاري دفن ادن هچ کس يوخدور.
قونشولاريميزا رئشخند سببي اولموشوق، اطرافيميزداکي‌لارا ائستهزا سببي، لاغ سببي!
نه واختا کئمي قضبلي اولاجاقسان، يارب، ابده کئمي؟ نه واختا کئمي قيرتئن اود کئمي ياناجاق؟
قضبئني سني تانيمايان مئلّتلرئن اوستونه، سنئن آديني چاغيرمايان مملکتلر اوستونه تؤک.
چونکي يعقوبو محو ادئبلر، اونون يوردونو چؤله دؤندرئبلر.
کچن نسئللرئن گوناهيني بئزه سايما؛ قوي سنئن مرحمتئن تزلئکله قاباغيميزا چيخسين، چونکي ذلئل اولموشوق.
اؤز آدينين شؤوکتي اوچون بئزه ائمداد ات، اي تاري، نئجاتيميز! اؤز آدينين خاطئري اوچون بئزي قورتار، گوناهلاريميزي باغيشلا.
نه اوچون مئلّتلر دسئن: "هارادير اونلارين تاريسي؟" گؤزلرئمئزئن قاباغيندا اولان مئلّتلره بئلدئر کي، قوللارينين تؤکولموش قانلارينين ائنتئقامي اولاجاق.
اسئرلرئن ناله‌لري سنه يتئشسئن، قودرتئنئن عظمتئنه گؤره اؤلومه محکوم اولانلاري حئفظ ات.
قونشولاريميزين سنه اتدئيي حقارتلري، يدّي قات آرتيق اونلارا عوض ور، اي پروردئگار.
او زامان بئز، سنئن خالقين، سنئن اوتلاغينين قويونلاري، سنه ابده کئمي شوکور ادهرئک، سنئن حمدئني نسئلدن-نسله دئيه‌رئک
اي ائسرايئلئن چوباني، قولاق ور؛ سن کي، يوسئفي سورو کئمي هئدايت ادئرسن؛ نورونو ساچ، اي کرّوبلار اوستونده اوتوران!
اِفرايئم، بنيامئن و مِنَسّه قاباغيندا قودرتئني اوياندير. گل، بئزه نئجات ور.
بئزي قاباقکي حاليميزا دؤندَر، اي تاري؛ قوي اوزون بئزه ائشيق سالسين کي، بئز نئجات تاپاق.
يارب، قوشونلارين تاريسي، خالقينين دوعاسينين ضئدّئنه نه واختا کئمي قضبئن آلوولاناجاق؟
اونلارا گؤزياشي چؤره‌يي يدئردئبسن، بؤيوک اؤلچو ائله اونلارا گؤزياشي ائچئردئبسن.
بئزي قونشولاريميزا چکئشمه سببي ادئبسن، دوشمنلرئمئز آرالاريندا بئزه گولورلر.
بئزي قاباقکي حاليميزا دؤندَر، اي قوشونلارين تاريسي؛ قوي اوزون بئزه ائشيق سالسين کي، بئز نئجات تاپاق!
مئصئردن بئر اوزوم آغاجي گتئردئن؛ مئلّتلري قوووب اونو اکدئن،
اونون اوچون تورپاغي حاضيرلادين، درئن کؤک سالدي و بوتون مملکتي دولدوردو.
داغلار اونون کؤلگهسي ائله اؤرتولدو، قودرتلي سئدر آغاجلاري دا اونون بوداقلاري ائله!
شاخه‌لرئني دهنزه قدر، قوللاريني فرات چايينا قدر سالدي.
اونون دووارلاريني نه اوچون ييخيبسان؟ يولدان کچن هرکس اونون مئيوه‌سئني درئر.
مشه دونگوزلاري اونو وئران ادئرلر، چؤلون جاناوارلاري اوندان ييئرلر.
دؤن بئزه، اي قوشونلارين تاريسي، يالواريريق! گؤيدن باخ و گؤر. بو اوزوم آغاجين گؤروشويونه گل؛
صاغ الئن اکدئيي اوزوم باغين گؤروشويونه! اؤزون اوچون قودرتلي اتدئيئن اوغولون گؤروشويونه!
اونو اودلا کسئب يانديرديلار؛ قوي اوزونون قهري اونلاري يوخ اتسئن،
قوي الئن صاغيندا اولان آدامين اوستونده اولسون، اؤزون اوچون قودرتلي اتدئيئن ائنسان اوغلونون اوستونده.
بئز سندن دؤنمه‌يه‌جيئک؛ بئزي دئرئلت کي، سنئن آديني چاغيراق.
بئزي قاباقکي حاليميزا دؤندَر، اي قوشونلارين تاريسي رب! قوي اوزون بئزه ائشيق سالسين کي، بئز نئجات تاپاق.
قووّتئمئز اولان تارييا اوجا سسله اوخويون؛ يعقوبون تاريسينا شادليقلا هاراي چکئن.
نغمه سسئني اوجالدين، دف سسئني، شئرئن سسلي طنبور و چنگ سسئني.
تزه آيدا، بدئر واختيندا، بايراميميزين گونونده شيپور چالين.
چونکي بو، ائسرايئل اوچون بئر قايدادير، يعقوبون تاريسينين حؤکمودور.
مئصئر دئيارينين ضئدّئنه چيخان زامان، بونو يوسئفئن نسلئنه شهادت اوچون قويدو. بئر سس اشئتدئم، بئلمه‌دئيئم بئر دئلده:
"اونون چئينئني يوکدن قورتارديم؛ اللري زنبئل‌لردن دئنجلدي.
دار گونونده چاغيردين، من سني قورتارديم. گؤي گورولتوسونون گئزلي يرئنده سنه جاواب وردئم؛ سني مِرئبا سولارينين يانيندا ائمتاحان اتدئم. سِلا.
اشئت، منئم خالقيم، سئزه ائخطار ورهجيم؛ اي ائسرايئل، کاشکي مني بئر اشئده‌سئنئز!
سئزئن آرانيزدا اؤزگه بئر تاري اولماسين، اجنبي بئر تارييا عئبادت اتمهيئن.
رب تارين منم؛ سني مئصئر دئياريندان بورايا گتئرن! آغزيني ياخشي آچ و من اونو دولدورارام.
لاکئن منئم خالقيم سسئمي اشئتمه‌دي، ائسرايئل منه موطئع اولمادي.
اونون اوچون ده اونلاري اورکلرئنئن عئنادينا بوراخديم کي، اؤز ائسته‌دئکلرئنئن دالينجا گتسئنلر.
کاشکي منئم خالقيم سسئمي اشئتسَيدي، ائسرايئل منئم يوللاريمدا گزسَيدي.
دوشمنلرئني بئر آندا ييخارديم، الئمي خصملرئنئن ضئدّئنه قالديرارديم.
ربدن نئفرت ادنلر اونا دئز چؤکردئلر، اونلارين هلاکتي ابدي اولاردي.
آمّا سئزه بوغدانين لاپ اعلاسيني يدئردردئم، قايادان آخان باللا سئزي دويدورارديم."
تاري ائلاهي مجلئسده يرئني توتور، آللاهلار آراسيندا حؤکم ادئر:
"نه واختا کئمي ائنصافسيزليقلا حؤکم ادهجکسئنئز؟ پئس آداملارين طرفئني توتاجاقسينيز؟ سِلا
ضعئفئن و يِتئمئن حاقّيني ورئن، فاغيرا و يوخسولا عدالت گؤرسه‌دئن.
ضعئف و مؤحتاج آدامي قورتارين؛ اونلاري پئس آداملارين الئندن خئلاص ادئن."
اونلار بئلمئرلر، آنلاميرلار، قارانليقدا گزئرلر؛ يرئن بوتون بونؤورهلري لرزهيه دوشوب.
ددئم: "سئز آللاهلارسينيز، سئز هامينيز اوجالاردا اولانين اؤولادسينيز.
آمّا يوخ، سئز ائنسان کئمي اؤلهجکسئنئز، جنگاورلردن بئري کئمي دوشهجکسئنئز."
قالخ، اي تاري، ير اوزونه حؤکم ات؛ چونکي بوتون مئلّتلره سن مالئکسن.
سوکوت اتمه، اي تاري! ساکئت دورما، آرام دورما، اي تاري.
چونکي باخ، دوشمنلرئن نعره چکئرلر، سندن نئفرت ادنلر باش قالديريرلار.
سنئن خالقينين ضئدّئنه حئيله‌لي تدبئرلر ادئرلر، حئفظ اتدئيئن آداملارين ضئدّئنه مصلحتله‌شئرلر.
ديئرلر: "گلئن. اونلاري مئلّتلئکدن محو ادک؛ ائسرايئلئن آدي آرتيق يادلارا گلمه‌سئن."
بئرلئکده مصلحتله‌شئرلر، سنئن ضئدّئنه عهد باغلاييرلار-
اِدوملولار، ائسماعئلي‌لر، موآبلي‌لار، هاجرلي‌لر،
گِبال، عَمّون، عَمالئق، فئلئسطله صور خالقي.
آشور دا اونلارلا بئرلشدي، لوط اؤولادلارينا قووّت وردي. سِلا
مئديانا اتدئيئن کئمي اونلارا ات، قئشون وادئسئنده سئسِرايا و يابئنه اتدئيئن کئمي ات کي،
عِين دوردا محو اولدولار، تورپاق اوچون پِيئن اولدولار.
اونلارين اشرافيني عورِب و زعب کئمي ات، اونلارين بوتون آغالاريني "زِبَخ" و "صلمونّاع" کئمي ات.
اونلار دمئشدئلر: "گلئن، تارينين اوتلاقلاريني اؤزوموزه مولک ادک."
اي تاريم، اونلاري بورولان توز کئمي ات، يل الئنده سامان چؤپو کئمي،
مشهني يانديران اود کئمي، داغلاري توتوشدوران آلوولار کئمي،
سن ده اونلاري طوفانيندا بله قوو، بورولان يلئنله اونلاري دهشته سال.
اوزلرئني خجالتله دولدور، اله کي، سنئن آديني آختارسينلار، يارب.
قوي ابده کئمي اوتانيب قورخويا دوشسونلر، قوي خجالت ائچئنده هلاک اولسونلار،
قوي بئلسئنلر کي، سنئن آدين ربدئر، بوتون ير اوزونده هاميدان اوجالارد اولان آنجاق سنسن.
ساکئن اولدوغون ير نه سوئملي‌دئر، اي قوشونلارين ربّي!
جانيم ربّئن صحنلرئنئن آرزوسوندادير، اونلارا حسرت چکئر؛ اوره‌يئم و بدنئم دئري تارييا شادليقلا اوخويور.
اي قوشونلارين ربّي، پادشاهيم، تاريم، قوربانگاهلارينين يانيندا سرچه بله اؤزونه بئر اِو تاپير، قارانقوش دا اؤزونه بئر يووا کي، بالالاريني اورادا قويسون.
سنئن اوئنده ياشايانلار نه بختوردئرلر؛ دائم سنه حمد ادئرلر. سِلا
بختور اونلار کي، قووّتلري سندهدئر، زئيارت اوچون صحيون يوللاري اونلارين اورهيئندهدئر.
باکا دره‌سئندن کچنده اوراني بولاقلار يري ادئرلر؛ پاييز ياغيشي دا اونو برکتلرله اؤرتور.
گتدئکجه گوجلو اولورلار؛ تاريلارين تاريسي صحيوندا گؤرونهجک.
يارب، قوشونلارين تاريسي، منئم دوعامي اشئت؛ قولاق ور، اي يعقوبون تاريسي! سِلا
قالخانيميزا باخ، اي تاري! مسح اتدئيئن آدامين اوزونه نظر سال.
سنئن صحنلرئنده بئر گون ساکئن اولماق، اؤزگه يرلرئن مئن گونوندن ياخشيدير. منئم اوچون تاريمين اوئنده قاپيچي اولماق، پئس آدامين چاديرلاريندا ساکئن اولماقدان داها ياخشيدير.
چونکي رب تاري گونش‌دئر، قالخاندير؛ عئنايت و عئزّتي رب ورئر، کامئل‌لئکله ياشايانلارا رب هچ بئر نعمتي اسئرگه‌مز.
اي قوشونلارين ربّي، سنه توکّول ادن نه بختوردئر!
يارب، سن مملکتئندن راضي اولدون، يعقوبون اسئرلرئني گري گتئردئن.
خالقينين تقصئرلرئني باغيشلادين؛ بوتون گوناهلارينين اوستونو اؤرتدون. سِلا
بوتون قضبئني ياتيرتدين، حئرصئنئن شئدّتئندن دوشدون.
بئزي قاباقکي حاليميزا دؤندَر، اي نئجاتيميزين تاريسي! بئزه اولان حئدّتئندن دوش.
مگر ابده کئمي بئزه قضبلي اولاجاقسان؟ مگر حئرصئني نسئلدن-نسله اوزاداجاقسان؟
مگر بئزي تکرار دئرئلتمه‌يه‌جکسن کي، خالقين سنده سوئنسئن؟
محبّتئني بئزه گؤرسد، يارب، نئجاتيني بئزه احسان ات.
قويون رب تارينين دانيشديغيني اشئدئم، چونکي او، خالقينا، موتّقئلرئنه خوش سؤزلر دانيشاجاق؛ قوي اونلار قاباقکي عاغيلسيزليقلارينا دؤنمه‌سئنلر.
دوغرودان دا اوندان قورخانلار اوچون اونون نئجاتي ياخيندير، اله کي، عئزّت اؤلکه‌مئزده ساکئن اولسون.
محبّت و وفا بئربئرئنه راست گلهجک؛ صالحلئک و خوشبختلئک بئربئري ائله اؤپوشه‌جک،
حقئقت يردن جوشاجاق، صالحلئک گؤيدن نظر سالاجاق.
رب ياخشي اولاني احسان ادهجک، يرئمئزئن محصولونو ورهجک.
صالحلئک اونون قاباغيندا يرئيه‌جک، اونون قدملري اوچون يول ادهجک.
منه قولاق آس، يارب، منه جاواب ور؛ چونکي فاغير و مؤحتاجام.
جانيمي حئفط ات، چونکي سنه وفالي‌يام، سنه توکّول ادن بو قولونا نئجات ور، اي سن، تاريم!
منه يازيغين گلسئن، اي پروردئگار، چونکي بوتون گون سنه يالواريرام.
قولونون جانيني سوئندئر، چونکي جانيمي سنه اوجالديرام، اي پروردئگار.
چونکي سن اي پروردئگار، ياخشي و باغيشلايانسان، سنه يالوارانلارين هاميسينا چوخ مهرئبانسان.
دوعامي اشئت، يارب، يالواريشيمين سسئنه قولاق آس.
دار گونومده سني چاغيريرام، چونکي سن منه جاواب ورئرسن.
آللاهلار آراسيندا سنئن کئمي يوخدور، اي پروردئگار، سنئن ائشلرئن کئمئسي ده يوخدور.
ياراتديغين بوتون مئلّتلر گلهجکلر، سنئن حوضوروندا سجده ادهجکلر، سنئن آديني عئزّتلندئره‌جکلر، اي پروردئگار.
چونکي سن بؤيوکسن، عجايئب ائشلر گؤرورسن، تاري آنجاق سنسن.
يارب، يولونو منه اؤيرت کي، سنئن حقئقتئنده يرئيئم؛ اوره‌يئمئن فئکئرلرئني بئر ات کي، سنئن آدينا بؤيوک حؤرمت گؤرسدئم.
بوتون اوره‌يئمله سنه حمد ادئرم، اي پروردئگار، تاريم! سنئن آديني ابده کئمي عئزّتلندئره‌جيم،
چونکي منه اولان محبّتئن بؤيوکدور؛ جانيمي اؤلولر دئيارينين دئبئندن قورتاريبسان.
اي تاري، کئبئرلي ائنسانلار ضئدّئمه قالخيرلار، قدّار آداملار جانيمين قصدئنده‌دئرلر؛ اونلار سني گؤزلرئنئن قاباغينا آلميرلار.
لاکئن سن، اي پروردئگار، مهرئبان و مرحمتلي بئر تاريسان، صبئرلي‌سن، محبّتئن، حقئقتئن چوخدور.
منه دؤن و منه يازيغين گلسئن؛ قووّتئني بو قولونا ور؛ کنئزئنئن اوغلونا نئجات ور.
راضيليغيندان منه بئر علامت گؤرسد کي، مندن نئفرت ادنلر گؤروب اوتانسينلار، چونکي سن، يارب، منه ائمداد ادئبسن، منه تسلّي ورئبسن.
صحيونون بونؤورهسي موقدّس داغلاردادير.
يعقوب نسلئنئن بوتون مسکنلرئندن آرتيق، رب صحيونون دروازالاريني سِوَر.
سنئن حاقّيندا شؤوکتلي سؤزلر دانيشلير، اي تارينين شهري! سِلا
مني تانييانلار آراسيندا رَحَب و بابئلدن سؤز ادهجيم؛ فئلئسطدن، صور و کوشدان دا. دئيه‌جيم: "بو آدام صحيوندا دوغولوب."
و صحيون اوچون ديئلهجک: "بو آدام دا، او آدام دا اورادا دوغولوب." چونکي اوجالاردا اولان، اؤزو، اونو برقرار ادهجک.
رب خالقلاري قيد ادن زامان يازاجاق: "بو آدام صحيوندا دوغولوب." سِلا
خاننده‌لر و سازاندالار ديئرلر؛ "بوتون بولاقلاريم سندهدئر."
يارب، نئجاتيمين تاريسي، گجه-گوندوز سنه يالواريرام،
قوي دوعام سنئن حوضورونا يتئشسئن؛ فرياديما قولاق ور.
چونکي جانيم بلالارلا دولوب، حياتيم اؤلولر دئيارينا يتئشئب.
اؤلوم قويوسونا اِنَنلرله ساييليرام، قووّتي کسئلمئش بئر آدام کئمئيم،
اؤلولر آراسيندا ياددان چيخميش آداملار کئمي، قبئرده ياتان جسدلر کئمي، او آداملار کئمي کي، سن اونلاري آرتيق خاطيرلاميرسان، چونکي سنئن نظرئندن کسئلئبلر.
مني اؤلوم قويوسونون دئبئنه آتيبسان، قارانليقلارا، درئنلئکلره.
قضبئن منئم اوستومه آغير ياتير، بوتون شپه‌لرئني اوستومه اندئرئرسن. سِلا
تانيشلاريمي مندن اوزاقلاشديريبسان، مني اونلارا ائيرنج بئر شي ادئبسن. محبوسام و چيخا بئلمئرم؛
عذاب اوزوندن گؤزلرئمئن ائشيغي سؤنور، بوتون گون سني چاغيريرام، يارب، اللرئمي سنه اوزاديرام.
مگر مؤجوزه‌لرئني اؤلولره گؤرسده‌جکسن؟! مگر اؤلولر قالخيب سنه حمد ادهجکلر؟! سِلا
مگر سنئن محبّتئن قبئرده، وفادارليغين دا هلاکت يرئنده اعلان اولونور؟!
مگر سنئن مؤجوزه‌لرئن قارانليقدا، صالحلئيئن اونوتما دئياريندا بئلئنئر؟!
لاکئن، يارب، من سني ائمدادا چاغيريرام، سحر واختي دوعام سنئن پئشوازينا چيخير.
يارب، نه اوچون مني اؤزوندن آتيرسان؟ نه اوچون اوزونو مندن گئزلدئرسن؟
ازئلمئش بئر آدامام، اوشاقليغيمدان اؤلوم حاليندايام، قورخولارينين آلتيندا قووّتدن دوشموشم، چاره‌سئزم.
قضبئن اوستومو باسيب؛ قورخولارين مني محو ادئر.
اطرافيمي بوتون گون سو کئمي آلير؛ هاميسي بئردن مني آرايا سالير.
سوگئلي و قونشونو مندن اوزاقلاشديريبسان؛ تانيشيم بئرجه قارانليقدير.
ربّئن محبّتئني همئشه اوخوياجاغام؛ آغزيملا سنئن وفادارليغيني بوتون نسئل‌لره بئلدئره‌جيم.
اعلان ادئرم کي، سنئن محبّتئن ابده کئمي قالير. گؤيلرده وفادارليغيني مؤحکم ادئرسن.
ددئن: "سچدئيئم آداملا عهد باغلاميشام، قولوم داوودا آند ائچمئشم:
سنئن نسلئني ابده کئمي دوردوراجاغام، تختئني بوتون نسئللر اوچون قوراجاغام." سِلا
يارب، گؤيلر سنئن مؤجوزه‌لرئني حمد ادئر، وفادارليغيني موقدّسلر جاماعاتيندا ثنا ادئر.
گؤيده ربّه تاي اولان کئم وار؟! ائلاهي مؤوجودلار آراسيندا ربّه بنزر کئمدئر؟
موقدّسلر مجلئسئنده چوخ هيبتلي بئر تاريدير، اطرافيندا اولانلارين هاميسيندان قورخولودور.
يارب، قوشونلارين تاريسي، سنئن کئمي قودرتلي اولان کئم وار، يارب؟! وفادارليغين سني اَحاطه ادئر.
قاباران دهنزه، سن حؤکمرانليق ادئرسن؛ شپهلر قالخيب داشاندا، سن اونلاري ياتيرديرسان.
رَحَبي اَزئب بئر جسده دؤنده‌ردئن؛ قووّتلي قولونلا دوشمنلرئني داغيتدين.
گؤيلر سنئندئر، ير ده سنئندئر؛ دونيا و اوندا اولانلارين هاميسي- سن اونلاري بئنا ادئبسن.
شئمال و جنوب- اونلاري سن ياراديبسان؛ تابور و خِرمون سنئن آديني ترنّوم ادئر.
سنئن گوجلو قولون وار؛ اَلئن قودرتلي‌دئر، صاغ اَلئن اوجادير.
سنئن تختئنئن اساسي صالحلئک و عدالتدئر؛ محبّت و وفا سنئن قاباغيندا يِرئيئر.
بختور او خالق کي، بايرامين شادليق سسئني بئلئر. يارب، اونلار سنئن اوزونون ائشيغيندا گزئرلر؛
بوتون گون سنئن آدينلا سوئنئرلر، سنئن صالحلئيئنده عئزّتله‌نئرلر.
چونکي اونلارين شؤوکتلي قووّتي سنسن؛ سنئن لوطفونله گوجوموز آرتيلير.
چونکي قالخانيميز ربّئندئر، پادشاهيميز، ائسرايئلئن موقدّسئنئنن‌دئر.
کچمئشده موتّقئلرئنه رؤيا ائچئنده دانيشيب ددئن: "بئر ائگئده کؤمک اتمئشم، خالق آراسيندان سچئلمئش اولاني عئزّتلندئرمئشم.
قولوم داوودو تاپيب، اونو موقدّس ياغيملا مسح اتمئشم.
اَلئم دائم اونونلا قالاجاق، قولوم دا اونو قووّتلندئره‌جک.
دوشمن اونا قالئب گلمهيهجک، پئس آداملار اونو ذلئل اتمهيهجک.
قاباغيندا دوشمنلرئني قيراجاغام، اوندان نئفرت ادنلري ووراجاغام
وفادارليغيم و محبّتئم اونونلا قالاجاق، منئم آديمدا اونون گوجو آرتيلاجاق.
الئني دهنز اوستونه، صاغ الئني چايلار اوستونه قوياجاغام.
مني چاغيريب دئيهجک: سن منئم آتامسان، منئم تاريمسان، نئجاتيمين قاياسي‌سان.
من ده اونو ائلک اوغلوم ادهجيم؛ ير اوزونون پادشاهلارينين لاپ اوجاسي!
محبّتئمي اونون اوچون ابده کئمي ساخلاياجاغام، عهدئم اونونلا ثابئت قالاجاقدير.
اونون نسلئني ابدي ادهجيم، گؤيلر دوردوقجا، تختئني ساخلاياجاغام.
اگر اوغوللاري تعلئمئمي ترک ادئب، حؤکم اتدئيئم کئمي رفتار اتمسهلر،
اگر قانونلاريمي پوزوب، امرلرئمي ساخلاماسالار،
او زامان اونلاري عوصيانلاري اوچون دَيَنکله، فسادلاري اوچون ده بلالارلا تنبه ادهجيم.
آمّا محبّتئمي اوندان کسمه‌يه‌جيم، وفادارليغيمي يالانا دؤندرمه‌يه‌جيم.
عهدئمي پوزماياجاغام، آغزيمدان چيخان سؤزو ديئشدئرمه‌يه‌جيم.
بئر دفه موقدّسلئيئم آدينا آند ائچمئشم: داوودا يالان دمه‌يه‌جيم.
اونون نسلي ابده کئمي، تختي حوضورومدا گونش کئمي دوراجاقدير.
آي کئمي ابدهجک دوراجاق؛ گؤيلرده وفالي بئر شاهئد."
آمّا ائندي سن ردّ ادئب، اؤزوندن آتيبسان. مسح اتدئيئن پادشاها قضبله‌نئبسن.
قولونلا باغلاديغين عهدئني باطئل ادئب، اونون تاجيني تورپاقدا کئرله‌دئبسن.
بوتون دووارلاريني ييخيب، قالالاريني وئران ادئبسن.
يولدان کچن هر کس اونو سؤيور؛ قونشولارينا خجالت سببي اولوب.
دوشمنلرئنئن صاغ الئني اوجالديبسان؛ خصملرئنئن هاميسيني سِوئندئرئبسن.
قيلينجينين آغزيني کوت ادئبسن، اونا موحارئبه‌ده آرخا اولماييبسان.
اونون شؤوکتئني باشا گتئرئبسن، اونون تختئني يره چيرپيبسان.
جاوانليغينين گونلرئني قيسالاديبسان، اوستونو خجالتله اؤرتوبسن. سِلا
نه واختا کئمي، يارب؟ مگر اؤزونو ابده کئمي گئزلده‌جکسن؟ نه واختا قدر سنئن قضبئن اود کئمي آلوولاناجاق؟
عؤمرومون نه قدر قيسا اولدوغونو بئر خاطيرلا- بوتون ائنسان اوغوللاريني نه عبث بئر شي اوچون ياراديبسان!
ياشايانلار آراسيندا کئم وار کي، اؤلوم اوزو گؤرمه‌سئن؟! اؤلولر دئيارينين قودرتئندن کئم جانيني قورتارا بئلر؟! سِلا
اي پروردئگار، سنئن او قدئمکي محبّتئن هارادادير، وفادارليغيندا داوودا آند ائچدئيئن محبّت؟
قولونون خجالتئني خاطيرلا، اي پروردئگار؛ خاطيرلا کي، نجه چوخلو خالقلارين تحقئرئني باغريمدا داشي‌ييرام!
سنئن دوشمنلرئن اونونلا تحقئر ادئرلر، يارب؛ سنئن مسح اتدئيئنئن قدملرئني تحقئر اتدئلر.
رب ابده کئمي موبارک اولسون. آمئن، آمئن.
اي پروردئگار، سن بئزه مسکن اولوبسان؛ نسئل‌به‌نسئل؛
داغلار دوغمادان اوّل، حتّا ير و دونياني ياراتمادان اوّل. ازلدن ابده کئمي تاري سنسن!
ائنساني تورپاغا دؤنده‌رئب ديئرسن: "قاييدين، اي ائنسان اؤولادلاري!"
چونکي سنئن گؤزونده، بئر مئن ائل، کچئب-گتمئش دونن کئميدئر، گجهنئن بئر نؤوبهسي کئميدئر.
ائنسانلاري سوپوروب گؤتورورسن؛ بئر يوخو کئمي‌دئرلر، سحر واختي بئتن اوت کئمي‌دئرلر؛
سحر واختي چئچکله‌نئب بئتر، آخشام واختي سولوب قورويار.
بئز سنئن قضبئندن محو اولوروق؛ حئرصئن بئزي قورخودور.
تقصئرلرئمئزي اؤز قاباغينا قويوبسان؛ گئزلي گوناهلاريميزي اوزونون ائشيغينا.
بوتون گونلرئمئز سنئن قضبئنده کچئر؛ ائللرئمئز بئر آه کئمي کچئب گدئر.
عؤمروموز يتمئش ائلدئر، قووّتلي اولساق بلکه ده هشتاد. لاکئن اونون لاپ ياخشي زاماني دا آنجاق زحمت و مشقّتدئر. تزلئکله کچئب گدئر و اوچوب گدئرئک.
قضبئنئن قودرتئني کئم بئلئر؟ سنئن قورخون نجهدئر، اله ده سنئن قضبئن.
اونا گؤره ده گونلرئمئزي سايماغي بئزه اؤيرت کي، حئکمتلي بئر اورهيه صاحئب اولاق.
قاييت، يارب، نه واختا کئمئ؟ قوللارينا مرحمت گؤرسد.
سحر واختي بئزي محبّتئنله دولدور، اله کي، عؤمروموز بويو سوئنئب شادلاناق.
بئزي ذلئل اتدئيئن گونلرئن ساييسينا قدر، موصئبت چکدئيئمئز ائللرئن ساييسينا قدر سوئندئر.
قوي ائشلرئن قوللارينا گؤرونسون؛ سنئن شؤوکتئن اونلارين اوغوللارينا.
قوي تاريميز پروردئگارين لوطفو اوستوموزده اولسون. اللرئمئزئن ائشئني بئزئم اوچون برقرار ات. بلي، اللرئمئزئن ائشئني برقرار ات.
اوجالاردا اولانين پناهي آلتيندا اوتوران، هر شيه قادئر اولانين کؤلگه‌سئنده ياشايار.
ربّئم حاقّيندا دانيشيرام: "او منئم سيغيناق يرئمدئر، او منئم قالام‌دئر، منئم تاريم، او کي، اونا توکّول ادئرم."
يقئن کي، او سني اووچونون توروندان قورتارار، اؤلوملو طاعوندان!
سني پرلرئنئن آلتيندا اؤرتر؛ اونون قانادلاري آلتينا سيغينارسان، اونون اعتئبارلي اولدوغو سنئن قالخانين‌دير، سنئن سئپرئن‌دئر.
نه گجهنئن قورخوسوندان قورخاجاقسان، نه ده گوندوزده اوچان اوخدان،
نه قارانليقدا گَزَن طاعوندان، نه ده گون اورتادا هر شيي وئران ادن قيرغيندان.
يانيندا مئن نفر، صاغيندا اون‌مئن نفر قيريلسا بله، سنه خطر دَيمز.
آنجاق گؤزلرئنله باخارسان، پئس آداملارين جزاسيني گؤررسن.
چونکي ديئبسن: "رب منئم پناهيم‌دئر." چونکي اوجالاردا اولاني اؤزون اوچون مسکن ادئبسن،
موصئبت سنه توخونا بئلمز، فلاکت سنئن چاديرينا ياخينلاشماز.
چونکي سنئن اوچون ملکلرئنه فرمان ورهجک کي، بوتون يوللاريندا سني قوروسونلار.
اونلار سني اللري اوسته ساخلايارلار کي، آياقلارين بئر داشا ديمه‌سئن.
آصلانا، ساغير ائلان اوستونه آياق باسارسان، شئر بالاسيني، اژداهاني آياغين آلتيندا اَزَرسن.
"چونکي مني سوئر اونو قورتاراجاغام، چونکي منئم آديمي چاغيرير، اونا باشي‌اوجاليق ورهجيم.
او مني چاغيراندا، من اونا جاواب ورهجيم، زحمتده اونونلا اولاجاغام، اونو قورتاريب احتئراميني آرتيراجاغام.
اونو اوزون بئر عؤمورله دويوراجاغام، نئجاتيمي اونا گؤرسده‌جيم."
ربّه شوکور اتمک نه ياخشيدير، اي اوجالاردا اولان، سنئن آدينا پرستئش نغمه‌سي اوخوماق نه ياخشيدير.
سحر واختي محبّتئني، گجه‌لر وفادارليغيني،
اون سئملي سازلا، چنگله، طنبورون نغمه‌سي ائله اعلان اتمک نه ياخشيدير.
چونکي سن، يارب، ائشلرئنله مني سوئندئرئبسن؛ سنئن اللرئنئن ائشئنه گؤره شادليقلا اوخويورام.
يارب، سنئن ائشلرئن نه بؤيوکدور! سنئن فئکئرلرئن نه درئندئر!
آخماق آدام بونو بئله بئلمز، سفه آدام بونو آنلايا بئلمز؛
گرچي پئس آدام اوت کئمي بئتر، بوتون يامانليق ادنلر گول کئمي آچيلارلار، لاکئن اونلارين قدري ابدي هلاکتدئر.
آمّا سن، يارب، ابده کئمي اوجاسان.
يقئن کي، سنئن دوشمنلرئن، يارب، يقئن کي، سنئن دوشمنلرئن محو اولاجاقلار؛ بوتون يامانليق ادنلر داغيلاجاقلار.
آمّا سن بوينوزومو، چؤل اؤکوزونون بوينوزو کئمي اوجالديبسان؛ باشيما تزه ياغي تؤکوبسن.
گؤزلرئم دوشمنلرئمئن ييخيلماسيني گؤروب، قولاقلاريم منئم ضئدّئمه چيخانلارين هلاکتئني اشئدئب.
صادئق آدام خورما آغاجي کئمي گؤيه‌رَر، لوبنانداکي سئدر آغاجي کئمي بؤيوير.
اونلار ربّئن اوئنده اَکئلئب، بئزئم تارينين صحنلرئنده گول آچار.
قوجاليق زامانيندا حله ده مئيوه وِرَر؛ همئشه سولودور، همئشه ياشيل‌دير،
بو اعلان ادئر: "رب دوغرودور، منئم قايامدير، اوندا ناحاقليق يوخدور."
رب پادشاهدير، شؤوکتله گيئنئب؛ رب گيئنئب، قووّتله گيئنئب. دونيا مؤحکم قورولوب؛ اصلا اَسمه‌يه‌جک.
سنئن تختئن اَزلدن قورولوب، سن اَزلدن وارسان.
سللر اوجالديبلار، يارب، سسلرئني اوجالديبلار! سللر گورولتولرئني اوجالديرلار.
اوجالاردا اولان رب، قودرتلي سولارين سسلرئندن داها چوخ شؤوکتلي‌دئر، دهنزئن شپه‌لرئندن داها چوخ شؤوکتلي‌دئر.
سنئن شهادتلرئن همئشه قالير؛ سنئن اِوئنه قودسئيّت عؤمور بويو ياراشير، يارب
يارب، قئصاص آلان تاري، قئصاص آلان تاري، ائشيغيني سال.
قالخ، اي ير اوزونون حاکئمي، مغرور آداملارين جزاسيني ور.
يارب، نه واختا کئمي پئس آداملار، نه واختا کئمي پئس آداملار سوئنهجکلر؟
سوخنورلئک ادئرلر، تکبّورله دانيشيرلار؛ بوتون پئسلئک ادنلر اؤزلرئنه فخر ادئرلر.
سنئن خالقيني قيريب تؤکورلر، يارب، سنئن مئراثيني ذلئل ادئرلر.
دول آروادي، قرئب آدامي هلاک ادئرلر، يتئملري اؤلدورورلر.
ديئرلر: "رب گؤرمور، يعقوبون تاريسي اهمئيّت ورمئر."
آنلايين، سئز، اي خالق آراسيندا اولان سفه‌لر؛ نه زامان عاغيل‌لاناجاقسينيز، اي آخماقلار؟!
قولاغي يارادان نجه اشئتمز؟! گؤزه شکئل ورن نجه گؤرمز؟!
مئلّتلره تعلئم ورن، ائنسانا علم اؤيره‌دن، نجه تنبه اتمز؟!
رب ائنسانين فئکئرلرئني بئلئر، بئلئر کي، اونلار باطئلدئرلر.
خوش او آدامين حالينا کي، سن اونا تعلئم ورئرسن، يارب، اونا شرئعتئني اؤيره‌دئرسن،
اله کي، پئس آداملارا قويو قازيلانا قدر، اونا يامان گونلرده راحاتليق ورهسن.
چونکي رب خالقيني اؤزوندن آتماياجاق، مئراثيني دا بوراخماياجاقدير.
عدالت گئنه دوغرولوق اوستونه قورولاجاق، اوره‌يي دوز اولان هر کس اونون دالينجا گدهجک.
پئس آداملارين ضئدّئنه منئم اوچون کئم قالخاجاق؟ فساد ائشله‌ينلرئن ضئدّئنه منئم اوچون کئم داياناجاق؟
اگر رب منئم کؤمه‌يئم اولماسايدي، آز قالاردي کي، جانيم سوکوت دئياريندا اوتورسون.
"آياغيم سوروشور" ددئيئم واخت، محبّتئن مني، يارب، آياق اوستونده ساخلاياجاق.
ائچئمده اولان نئگارانچيليقلارين چوخلوغوندا، سنئن تسلّي‌لرئن جانيمي خوشلانديرير.
مگر فاسئد حاکئم سنه يولداش اولور، او کي، قانون بهانه‌سي ائله شر قورور؟!
صالح آدامين حياتينين ضئدّئنه بئر يره ييغيليرلار، گوناهسيز آدامي اؤلومه محکوم ادئرلر.
آمّا رب منه قالا اولوب، تاريم منه سيغيناق قايا اولوب.
پئسلرئن شر ائشلرئني اؤز باشلارينا گتئرهجک، اؤز پئسلئکلري ائله اونلاري کسئب آتاجاق؛ رب تاريميز اونلاري کسئب آتاجاقدير.
گلئن ربّه سوئنجله اوخوياق، نئجاتيميزين قاياسينا شادليق سسئمئزي اوجالداق.
اونون حوضورونا حمدله گلک، شادليق سسئمئزي اونا پرستئش نغمهلري ائله اوجالداق.
چونکي رب بؤيوک بئر تاريدير؛ بوتون آللاهلاردان اوستون بؤيوک بئر پادشاه!
يرئن درئن يرلري اونون الئندهدئر، داغلارين تپه‌لري ده اونوندور.
دهنز اونوندور، چونکي اؤزو ياراديب. قورولوغا دا اونون اَللري شکئل ورئب.
گلئن، پرستئش ادک و اَيئلک، بئزي يارادان ربّئن حوضوروندا دئزه دوشک!
چونکي او، تاريميزدير، بئز اونون اوتلاغينين خالقي‌ييق، الئنئن قويونلاري‌ييق. کاشکي بو گون اونون سسئني اشئده‌سئنئز!
مِرئبادا، او گون چؤلده، مَسّادا اولدوغو کئمي، اورکلرئنئزي برک اتمهيئن.
او زامان آتالارينيز، عملئمي گؤردوکلري حالدا، مني ائمتاحان ادئب ثوبوت اتمه‌يه چکدئلر.
قيرخ ائل او نسئلئن دردئني چکدئم، ددئم: "بولار اورکلرئنده آزميش بئر خالقديرلار، منئم يوللاريمي تانيميرلار."
اونا گؤره ده قضبئمده آند ائچدئم کي، "منئم راحاتيما گئرمهيهجکلر."
ربّه تزه بئر نغمه اوخويون؛ اي بوتون ير اوزو، ربّه نغمه اوخويون.
ربّه نغمه اوخويون، آديني تبارک ادئن؛ اونون نئجاتيني هر گون نئدا ادئن.
اونون شؤوکتئني مئلّتلر آراسيندا، عجايئب ائشلرئني بوتون خالقلار آراسيندا اعلان ادئن.
چونکي رب بؤيوکدور، چوخ حمدلره لايئقدئر؛ بوتون آللاهلاردان چوخ اوندان قورخمالي‌سينيز.
چونکي خالقلارين بوتون آللاهلاري بوتلردئر، لاکئن رب گؤيلري ياراتدي.
عئزّت و شؤوکت اونون حوضوروندادير؛ قودرت و گؤزللئک اونون موقدّس يرئنده.
سئز، اي خالقلارين طايفالاري، ربّي وصف ادئن. ربّئن عئزّت و قودرتئني وصف ادئن.
ربّئن آدينين عئزّتئني وصف ادئن؛ بئر تؤحفه گتئرئب اونون صحنلرئنه گلئن.
موقدّسلئيئن شؤوکتئنده ربّه سجده قيلين؛ اي بوتون ير اوزو، اونون حوضوروندا تئتره!
مئلّتلره ديئن: "رب سلطنت ادئر!" دونيا اله مؤحکم قورولوب کي، اصلا ترپنمه‌يه‌جک؛ رب خالقلارا ائنصافلا حؤکم ادهجک.
قوي گؤيلر سوئنسئن، ير شادليق اتسئن؛ قوي دهنز و بوتون اوندا اولانلار گورولداسين؛
قوي زمي و بوتون ائچئنده‌کئلر فرحلنسئن. او زامان مشه‌نئن بوتون آغاجلاري شادليقدان اوخوياجاق؛
ربّئن حوضوروندا. چونکي او، گلئر، چونکي ير اوزونه حؤکم اتمک اوچون گلئر. دونيايا عدالتله حؤکم ادهجک، خالقلارا اؤز وفاسي ائله.
رب سلطنت ادئر! قوي ير اوزو سوئنسئن، قوي بئر چوخ جزئره‌لر شادليق اتسئن!
بولودلار و قالين قارانليق اونون اطرافيندادير؛ صالحلئک و عدالت اونون تختئنئن پايالاري‌دير.
اونون قاباغيندا اود گدئر، هر طرفده دوشمنلرئني يانديرير.
شئمشکلری دونياني ائشيقلانديرير؛ ير اوزو اونو گؤروب تئترهيئر.
داغلار ربّئن حوضوروندا موم کئمي اَرئيئر؛ بوتون ير اوزونون پروردئگاری قاباغيندا.
گؤيلر اونون صالحلئيئني اعلان ادئر؛ بوتون خالقلار اونون شؤوکتئني گؤرور.
بوتلره عئبادت ادنلرئن هاميسي خجالت چکئرلر، او آداملار کي، فخرلري بوتلردئر؛ بوتون آللاهلار ربّئن حوضوروندا اَيئلئرلر.
سنئن حؤکملرئندن اؤتري، يارب، صحيون اشئدئر و سوئنئر، يهودا شهرلري مسرور اولور.
چونکي بوتون ير اوزونده، يارب، اوجالاردا اولان سنسن؛ سن هامي آللاهلاردان چوخ اوجاسان.
اي ربّي سونلر، پئسلئکدن نئفرت ادئن؛ رب موتّقئلرئنئن جانيني حئفظ ادئر؛ اونلاري پئس آداملارين الئندن قورتارير.
صالح آداما نور ساچير؛ اوره‌يي دوز اولانا دا شادليق.
ربده سوئنئن، اي صالحلر! اونون موقدّس آدينا شوکور ادئن.
ربّه تزه بئر نغمه اوخويون، چونکي عجايئب ائشلر گؤروب. اونون صاغ اَلي و موقدّس قولو اونا ظفر گتئرئب.
رب نئجاتيني بئلدئرئب، صالحلئيئني مئلّتلرئن گؤزونده آچيقجا گؤرسدئب.
ائسرايئل اوي اوستونه محبّت و وفاسيني خاطيرلاييب، ير اوزونون بوتون نهايتلري تاريميزين نئجاتيني گؤروب.
اي بوتون ير اوزو، شادليق سسئنئزي ربّه اوجالدين؛ مسرّتله پرستئش نغمه‌سي اوخويون،
ربّه طنبورلا پرستئش نغمه‌سي اوخويون، طنبور و موسئقي سسي ائله،
کَره‌نايلار و شيپور سسي ائله. پادشاه اولان ربّئن حوضوروندا شادليق سسئنئزي اوجالدين.
قوي دهنز و بوتون اوندا اولانلار، ير اوزو و اوندا ياشايانلار گورولداسين.
قوي چايلار اَل چالسين؛ قوي تپه‌لر بئرلئکده شادليقدان اوخوسون،
ربّئن حوضوروندا. چونکي او، ير اوزونه حؤکم اتمک اوچون گلئر. دونيايا عدالتله حؤکم ادهجک، خالقلارا ائنصافلا.
رب سلطنت ادئر! قوي خالقلار تئتره‌سئنلر. کرّوبلار اوستونه اوتوروب! قوي ير اوزو لرزهيه دوشسون.
رب صحيوندا بؤيوکدور؛ بوتون خالقلاردان اوجادير.
قوي سنئن بؤيوک و قورخولو آدينا حمد اتسئنلر؛ او موقدّسدئر!
اي قودرتلي پادشاه، اي عدالت سِوَن، سن ائنصافي قوروبسان، سن يعقوبدا عدالت و صالحلئيي ائشه آليبسان.
رب تاريميزي اوجالدين؛ اونون قدمگاهيندا پرستئش ادئن، او موقدّسدئر!
موسا و هارون اونون کاهئنلري آراسيندا ائدئلر، سمويئل ده اونون آديني چاغيرانلار آراسيندا ائدي. ربّي چاغيراندا رب اونلارا جاواب وردي.
بولود سوتونوندا اونلارلا دانيشدي؛ اونون شهادتلرئني حئفظ اتدئلر، اونلارا وردئيي قانونو ساخلاديلار.
سن، اي رب تاريميز، اونلارا جاواب وردئن؛ اونلارا باغيشلايان بئر تاري ائدئن، لاکئن اتدئکلري پئسلئيئن قئصاصيني آليردين.
رب تاريميزي اوجالدين، اونون موقدّس داغيندا اونا پرستئش ادئن، چونکي رب تاريميز موقدّسدئر.
اي بوتون ير اوزو، شادليق سسئني ربّه اوجالدين.
مسرّتله ربّه خئدمت ادئن؛ اونون حوضورونا نغمه‌لرله گلئن.
بئلئن کي، رب تاريدير. بئزي يارادان اودور، بئز اونونوق؛ اونون خالقي‌ييق، اونون اوتلاغينين قويونلاري‌ييق.
اونون قاپيلاريندان حمدله گئرئن، اونون صحنلرئنه ثنا ائله. ربّه شوکور ادئن، اونون آدينا تبارک اوخويون.
چونکي رب ياخشيدير؛ محبّتي ابديدئر، وفادارليغي نسئلدن-نسله سورور.
محبّت و عدالت حاقّيندا اوخوياجاغام؛ سنه پرستئش نغمه‌سي اوخوياجاغام، يارب.
کامال يولوندا حئکمتله رفتار ادهجيم. منئم يانيما نه واخت گله‌جکسن؟ اوئمئن ائچئنده طاهئر بئر اورکله ياشاياجاغام.
گؤزلرئمئن قاباغينا پئس اولان هچ بئر شي قويماياجاغام. فاسئد آداملارين ائشئندن نئفرت ادئرم، اله ائش منه ياپيشماز.
قوي اَيري اورک مندن اوزاق اولسون؛ پئسلئيي تانيماياجاغام.
دوستونون ضئدّئنه گئزلئجه دانيشان آدامي يوخ ادهجيم. گؤزلري تکبّورلو، اوره‌يي مغرور اولان آداما دؤزمه‌يه‌جيم.
گؤزلرئم اؤلکهنئن امئن اولان آداملاري اوستونده اولاجاق کي، منئم يانيمدا ساکئن اولسونلار. کامال يولوندا يرئين آدام منه خئدمت ادهجک.
حئيله ائشله‌دن آدام اوئمئن ائچئنده ساکئن اولماياجاق؛ يالان دانيشان آدام آرتيق منئم حوضورومدا دورماياجاق.
هر سحر اؤلکهنئن بوتون پئس آداملاريني يوخ ادهجيم کي، بوتون پئسلئک ادنلري ربّئن شهرئندن کسئب آتيم.
يارب، دوعامي اشئت؛ قوي فرياديم سنئن يانينا يتئشسئن.
منئم بو دار گونومده اوزونو مندن گئزلتمه، منه قولاق آس؛ سني چاغيرديغيم گون منه تزلئکله جاواب ور.
چونکي گونلرئم توستو کئمي يوخ اولور، سوموکلرئم تندئر کئمي يانير.
اوره‌يئم اوت کئمي کسئلئب قورويور؛ چؤرک يمک بله، ياديمدان چيخير.
ناله‌مئن سسئندن سوموکلرئم درئمه ياپيشير.
چؤلون بايقوشونا بنزه‌يئرم، وئرانه‌لرئن بايقوشو کئمي اولموشام.
گؤزومه يوخو گئرمئر؛ دام اوستونده يالقوز قالان بئر قوش کئمئيم.
دوشمنلرئم بوتون گون منه اهانت ادئرلر؛ مني لاغا قويانلار آديما لعنت ورئرلر.
يمه‌يئم چؤرک يرئنه کول اولوب، ائچه‌جيئم گؤزياشلاريملا قاريشير،
سنئن قضب و قهرئن اوزوندن؛ چونکي مني قالديريب يره چيرپدين.
گونلرئم اوزانان کؤلگه کئميدئر، اوت کئمي قورويورام.
لاکئن سن، يارب، ابده کئمي تختئنده اوتورورسان؛ سنئن آدين نسئل‌به‌نسئل دورور.
سن قالخيب صحيونا رحم ادهجکسن، چونکي اونا مرحمت گؤرسدمک واخت يتئشئب؛ تعيئن اولموش زامان گلئب.
سنئن قوللارين صحيونون داشلاريني عزئز توتورلار، اونون تورپاغينا اورکلري يانير.
مئلّتلر ربّئن آديندان، يرئن بوتون پادشاهلاري سنئن شؤوکتئندن قورخاجاقلار.
چونکي رب صحيونو بئنا ادهجک؛ شؤوکتئنده ظاهئر اولاجاقدير.
چاره‌سئزلرئن دوعاسينا قولاق آساجاق، اونلارين دوعالاريني حقئر گؤرمهيهجکدئر.
بولار گلهجک نسئل اوچون يازيلسين کي، حله دوغولماميش خالق ربّه حمد اوخوسون؛
او، موقدّس اوجاليغيندان يره باخدي. رب گؤيدن يره نظر سالدي کي،
اسئرلرئن ناله‌سئني اشئتسئن، اؤلومه محکوم اولانلاري آزاد اتسئن.
اله کي، ربّئن آدي صحيوندا، اونون حمدلري اورشلئمده اعلان اولسون.
او زامان کي، خالقلار و مملکتلر اونا پرستئش اتمک اوچون ييغيليرلار.
رب حيات يولوندا گوجومو قيردي، گونلرئمي قيسالتدي.
ديئرم: "اي تاريم، عؤمرومون اورتاسيندا مني گؤتوروب آپارما. سنئن ائللرئن نسئل‌به‌نسئل قالير."
يرئن بونؤورهسئني ازلدن قوردون، گؤيلر سنئن اللرئنئن ائشي‌دئر.
اونلار يوخ اولارلار، لاکئن سن قالارسان؛ هاميسي پالتار کئمي کؤهنه‌لنر. اونلاري ردا کئمي ديئشدئرئرسن؛ اونلار کچئب گدرلر.
لاکئن سن ديئشئلمزسن، ائللرئن اصلا قورتارماز.
سنئن قوللارينين اؤولادلاري امئن-آمانليقدا ياشاياجاق؛ اونلارين نسلي سنئن حوضوروندا مؤحکم قالاجاقدير.
اي جانيم، ربّه حمد ات، اي بوتون وارليغيم، اونون موقدّس آدينا حمد ات.
اي جانيم، ربّه حمد ات، اونون بوتون ياخشيليقلاريني ياددان چيخارتما.
او کي، سنئن بوتون خاطالاريني باغيشلايير، بوتون مرضلرئنه شفا ورئر.
او کي، سنئن حياتيني اؤلوم قويوسوندان قورتارير، باشينا محبّت و مرحمت تاجيني قويور.
او کي، سنئن بوتون عؤمرونو ياخشيليقلا دويورور، اله کي، جاوانليغين قارتالينکي کئمي تزهلهنئر.
رب بوتون مظلوملارا حاق و عدالت اِدَندئر.
يوللاريني موسايا، عمللرئني ائسرايئل خالقينا بئلدئردي.
رب مرحمتلي و مهرئباندير، چوخ صبئرلي‌دئر و محبّتي چوخدور.
ابده کئمي ائتّئهام وورماز، قضبئني همئشهلئک ساخلاماز.
بئزئمله گوناهلاريميزا گؤره رفتار اتمز، خاطالاريميزا گؤره بئزه جزا ورمز.
چونکي ير اوستونه گؤيلر نجه اوجادير، ربّئن محبّتي اوندان قورخانلار اوستونه اله بؤيوکدور.
شرق قربدن نه قدر اوزاقديرسا، عوصيانلاريميزي بئزدن او قدر اوزاقلاشديريب.
نجه بئر آتا اؤولادلارينا مهرئباندير، رب، اوندان قورخانلارا اله مهرئباندير.
چونکي او، بئزئم نجه ياراديلماغيميزي بئلئر، ياديندادير کي، بئز تورپاغيق.
بشر-اونون گونلري اوت کئميدئر؛ زمئنئن گولو کئمي چئچک آچير،
اوستوندن يل اَسئب کچنده يوخ اولور، آرتيق يري ده اونو تانيمير.
لاکئن ربّئن محبّتي اوندان قورخانلار اوچون ازلدن ابده کئميدئر، صالحلئيي اؤولادلارين اؤولادلاري اوچون؛
او آداملار اوچون کي، اونون عهدئني ساخلاييرلار، اونون امرلرئني يرئنه يتئرمه‌يي ياددان چيخارتميرلار.
رب تختئني گؤيلرده قوروب، اونون حوکمرانليغي هامينين اوستونه حاکئمدئر.
سئز اي اونون ملکلري، اي اونون ائشئني يرئنه يتئرن قووّتلي‌لر، اي اونون ددئيي سؤزه موطئع اولانلار، ربّه حمد ادئن.
ربّه حمد اوخويون، اي اونون قوشونلاري، اي اونون ائسته‌دئيئني يرئنه يتئرن قوللار!
اي مملکتئنئن هر يرئنده‌کي بوتون ائشلر، اونا حمد ادئن. اي جانيم، ربّه حمد ات.
اي جانيم، ربّه حمد ات، يارب، تاريم، سن چوخ بؤيوکسن. عئزّت و شؤوکته گِيئنئبسن.
نورا بئر ردا کئمي بورونوبسن. گؤيلري بئر چادير کئمي آچان،
سنسن ساراييني يوخاريدا اولان سولار اوستونده قوران، بولودلاري اؤزونه عارابا ادن، يلئن قانادلاريني مئنئب-گزن،
سنسن يل‌لري اؤزونه خبرچي ادن، اؤد آلوولاريني اؤزونه قول ادن.
يري بونؤورهلري اوستونده بئنا اتدئن، اله کي، هچ واخت تئتره‌مه‌سئن.
درئنلري اونا پالتار کئمي گيئندئردئن، سولار داغلار اوستونده دوردو.
سولار سنئن قهرئندن، سنئن ائلديريمينين سسئندن تله‌سئک قاچديلار.
داغلارا قالخديلار، دره‌لره اِندئلر؛ اونلار اوچون تعيئن اتدئيئن يرلره.
اونلارا سرحد تعيئن ادئبسن کي، اوندان آشماسينلار، قاييديب ير اوزونو اؤرتمه‌سئنلر.
بولاقلاري دره‌لره سن آخيرديرسان؛ داغلارين آراسيندان آخيرلار،
چؤل حيوانلارينين هاميسينا سو ورئرلر؛ وحشي اششکلر سوسوزلوقلاريني ياتيرديرلار.
گؤيون قوشلاري اونلارين يانينا قونورلار؛ بوداقلارين آراسيندان اوخويورلار.
يوخاريدا اولان ساراييندان داغلاري سولاييرسان؛ ير سنئن عمللرئنئن ثمره‌سئندن دويور.
مال-حيوان اوچون اوت گؤيردئرسن؛ ائنسان اوچون گؤيرتي بئتئرئرسن کي، ائشله‌يئب يردن يمک چيخارتسين؛
ائنسانين اوره‌يئني فرحلندئرن شرابي، اوزو نورلو ادن ياغي، ائنسانين حياتيني ساخلايان چؤره‌يي.
ربّئن آغاجلاري دويونجاق سو ائچئر؛ اکدئيي لوبنانين سئدر آغاجلاري.
قوشلار اولاردا يووالاريني تئکئر؛ لِيله‌يئن اِوي شام آغاجلاريندادير.
اوجا داغلار داغ کچئلري اوچوندور؛ قايالار قايا دووشانلارينين سيغيناق يرئدئر.
فصئللري بلّي اتمک اوچون آيي ياراتدين؛ گون، باتاجاق واختيني بئلئر.
قارانليق سن ادئرسن، و گجه اولور، او زامان مشه‌نئن بوتون حيوانلاري چيخير،
جاوان آصلانلار اوولاري اوچون نرئلده‌يئرلر، يمکلرئني تاريدان طلب ادئرلر.
گون دوغان زامان چکئلئرلر، يووالاريندا ياتيرلار.
آداملار اؤز ائشلرئنئن باشينا گدئرلر، آخشاما قدر ائشله‌يئرلر.
يارب، سنئن ائشلرئن نه چوخدور! اونلارين هاميسيني حئکمتله ادئبسن: ير اوزو سنئن ياراتديقلارينلا دولودور.
بودور بؤيوک و گنئش دهنز! اورادا ساييسيز حيوانلار وار، ياشايان شيلر، هم بؤيوک هم ده کئچئک.
اورادا گمئلر گدرلر، لئوياتاني دا کي، اورادا اويناماق اوچون ياراديبسان.
اونلارين هاميسي سنه باخيرلار کي، يمکلرئني واختيندا اونلارا ورهسن.
اونلارا وردئيئن زامان ييغيرلار. الئني آچديغين زامان نعمتلرله دويورلار.
اوزونو گئزلتدئيئن زامان دهشته دوشورلر؛ نفسلرئني آلديغين زامان اؤلوب تورپاغا قاييديرلار.
روحونو گؤندردئيئن آن، يارانيرلار؛ سن ير اوزونو تزه‌له‌يئرسن.
قوي ربّئن شؤوکتي ابده کئمي قالسين؛ قوي رب اؤز اتدئکلرئنده سوئنسئن.
رب يره باخاندا ير تئترهيئر. داغلارا دينده اونلار توستوله‌نئر.
نه قدر کي، وارام، ربّه اوخوياجاغام؛ نه قدر کي، ووجودوم وار، تاريما پرستئش نغمه‌سي اوخوياجاغام.
قوي فئکئرلرئم اونون خوشونا گلسئن؛ من ربده سوئنه‌جيم.
قوي گوناهکارلار ير اوزوندن محو اولسونلار، قوي پئس آداملار آرتيق اولماسينلار. اي جانيم، ربّه حمد ات. ربّه حمد ادئن!
ربّه شوکر ادئن، آديني چاغيرين، خالقلارا اونون عمللرئني بئلدئرئن.
اونا اوخويون، اونا پرستئش نغمه‌سي اوخويون؛ اونون بوتون عجايئب ائشلرئندن ديئن.
اونون موقدّس آديندا فخر ادئن؛ قوي ربّي آختارانلارين اورکلري سوئنسئن.
ربّي و اونون قووّتئني طلب ادئن؛ اونون حوضورونو دائم آختارين.
اونون اتدئيي عجايئب ائشلرئني يادا سالين؛ اونون مؤجوزه‌لرئني، آغزيندان چيخان حؤکملرئني.
اي اونون قولو، ائبراهئمئن نسلي، اي يعقوب اؤولادلاری، اونون سچدئکلري.
رب تاريميز اودور؛ اونون حؤکملري بوتون ير اوزونده‌دئر.
او، اؤز عهدئني ابده کئمي، بويوردوغو سؤزو مئن نسله قدر يادا گتئرئر،
او عهدي کي، ائبراهئمله باغلادي، او وعدهني کي، ائسحاقا آند ائچدي،
و اونو يعقوب اوچون قانون، ائسرايئل اوچون ابدي عهد قويوب ددي:
"کنعان تورپاغيني سئزه ورهجيم کي، مئراث پايينيز اولسون."
او زامان کي، اونلار ساييدا آز ائدئلر، آز بئر عئدّه، اورادا قرئب ائدئلر ده،
بو مئلّتدن او بئري مئلّته، بو مملکتدن او بئري مئلّته کؤچوردولر،
رب هچ کسي قويمادي کي، اونلارا سئتم اتسئن؛ اونلارين خاطئرئنه پادشاهلاري بله تنبه ادئب ددي:
"منئم مسح اتدئکلرئمه ديمه‌يئن، منئم پيغمبرلرئمه ضرر يتئرمهيئن."
سونرا، اؤلکهيه قيتليق گتئردي، اونلارين تداروک گؤردويو بوتون چؤرکلرئني محو اتدي،
قاباقلاريندان بئر آدام گؤندرمئشدي، بئر قول آديندا ساتيلان يوسئف ائدي بو.
آياقلاريني کونده ائله ائنجئتمئشدئلر، بوينونو دمئر حالقاسينا سالميشديلار.
او زاماناجاق کي، ددئيي سؤز يرئنه يتئشدي، ربّئن سؤزو يوسئفي خالئصلشدئردي.
پادشاه آدام گؤنده‌رئب يوسئفي آزاد اتدي؛ خالقلارين حؤکمداري اونو آزاد بوراخدي.
اونو اوئنئن آغاسي اتدي، اونو بوتون وار-يوخونا حؤکمدار قويدو کي،
ريئسلرئني جاني ائسته‌دئيي کئمي تعلئم ورسئن، آغساقّاللارينا حئکمت اؤيرتسئن.
سونرا ائسرايئل مئصئره گلدي: يعقوب خام وئلايتئنده قرئب ياشادي.
رب اونون خالقيني چوخ ثمرهلي ادئب، اونلاري دوشمنلرئندن داها چوخ قودرتلي اتدي.
سونرا دوشمنلرئن اورکلرئني دؤنده‌ردي کي، اونون خالقيندان نئفرت اتسئنلر، اونون قوللاري ائله مکرله داورانسينلار.
قولو موساني، سچدئيي هارونو گؤنده‌ردي.
اونلار اونون علامتلرئني خالقين آراسيندا، مؤجوزه‌لرئني حام وئلايتئنده يرئنه يتئردئلر.
ظولمت گؤنده‌رئب مملکتي قارانليق اتدي؛ لاکئن اونون سؤزلرئنئن ضئدّئنه عوصيان اتدئلر.
سولاريني قانا دؤنده‌ردي، باليقلاريني اؤلدوردو.
مملکتلرئنده قورباغالار قايناشدي، پادشاهلارين اوتاقلاريندا دا بله.
امر اتدي و چئبئن سورولري گلدئلر، ميغميغالار اونلارين بوتون اؤلکه‌لرئنه ياييلديلار.
ياغيش عوضئنه دولو وردي، مملکتلرئنه آلوولانميش اود ياغديردي.
اوزوم و انجئر آغاجلاريني ووردو، اؤلکه‌لرئنده اولان آغاجلاري قيردي.
بويوردو و چيئرتگه‌لر گلدئلر، ساييسيز جاوان چيئرتگه‌لر.
اونلارين مملکتلرئنده اولان بوتون گؤي اوتو يدئلر، اونلارين يرلرئنئن محصولونو يدئلر.
اونلارين مملکتلرئنده بوتون ائلک دوغولانلاري ووردو، اونلارين قووّتلرئنئن ائلکئني.
سونرا ائسرايئلي گوموش و قيزيللا چيخارتدي، اونلارين قبئلهلري آراسيندا يولدا قالان يوخ ائدي.
اونلار چيخان زامان، مئصئر سوئنئردي، چونکي ائسرايئل قورخوسو جانلارينا دوشموشدو.
کؤلگه اوچون اونلارا بولود آچدي، گجه اونلارا ائشيق ورمک اوچون اود وردي.
ائسته‌دئلر و اونلارا بئلدئرچئن گتئردي، گؤيدن اونلارا بوللوقجا چؤرک وردي.
قاياني ياردي، سو اشئيه فيشقيردي؛ قوروموش چؤله بئر چاي کئمي آخدي.
چونکي او موقدّس وعدهسئني، قولو ائبراهئمي يادا سالدي.
بلجه او، خالقيني شادليقلا، سچدئکلرئني ترنّومله چيخارتدي.
اونلارا مئلّتلرئن تورپاقلاريني وردي؛ طايفالارين ثروتئنه صاحئب اولدولار کي،
ربّئن قانونلاريني ساخلاسينلار اونون تعلئملرئني يرئنه يتئرسئنلر. ربّه حمد ادئن!
ربّه حمد ادئن! ربّه شوکور ادئن، چونکي او ياخشيدير؛ چونکي محبّتي ابديدئر.
ربّئن قودرتلي ائشلرئني کئم آنلادا بئلر، يا دا اونون بوتون حمدئني کئم اعلان اده بئلر؟!
خوش او آداملارين حالينا کي، عدالتي ساخلاييرلار، همئشه دوروست اولاني يرئنه يتئرئرلر.
يارب، خالقينا لوطفونو گؤرستدئيئن زامان، مني يادا سال. اونلاري قورتاران زامان منه کؤمک ات کي،
سچدئکلرئنئن خوشبختلئيئني گؤروم، مئلّتئنئن شادليغيندا سوئنئم، سنئن مئراثيندا فخر ادئم.
هم بئز و هم آتالاريميز گوناه اتمئشئک؛ خاطايا باتميشيق، شرارت اتمئشئک.
آتالاريميز مئصئرده اولان واخت، سنئن عجايئب ائشلرئني آنلاماديلار، سنئن محبّتئنئن چوخلوغونو خاطيرلاماديلار، دهنزئن يانيندا، قيزيل دهنزئن يانيندا عوصيان اتدئلر.
لاکئن رب، اؤز آدينين خاطئري اوچون، اونلارا نئجات وردي کي، اؤز جبروتونو بئلدئرسئن.
قيزيل دهنزه آجيقلاندي و دهنز قورودو. اونلاري دهنزئن دئبئندن اله آپاردي کي، دئيهسن اونلاري کؤشنده آپارير.
بلجه رب، اونلاري خصم الئندن قورتاردي، دوشمن الئندن اونلاري آزاد اتدي.
خصملري سولار اؤرتدو؛ اونلاردان بئري ده قالمادي.
او واخت اونون سؤزلرئنه ائنانديلار؛ اونون حمدئني اوخودولار.
آمّا چوخ چکمه‌دي کي، اونون ائشلرئني ياددان چيخارتديلار؛ اونون مصلحتئني گؤزلمه‌دئلر،
چؤلده، حددن آرتيق، هوسلري دالينجا اولدولار، صحرادا تاريني ائمتاحانا چکدئلر.
ائسته‌دئکلرئني اونلارا وردي، لاکئن جانلارينا آريقليق سالدي.
اونلار اوردوگاهدا موسايا، ربّئن موقدّسي هارونا پاخيلّيق اتدئلر.
ير آچيليب داتاني اوددو، ابئرامين جاماعاتيني اؤرتدو.
آرالارينا اود دا دوشوب، شر آداملاري آلوو يانديردي.
خورِبده دانا هيکلي دوزلدئب تؤکمه بئر تئمثالا عئبادت اتدئلر.
تارينين شؤوکتئني، اوت يئين اؤکوزون صورتي ائله ديئشدئردئلر.
خئلاصکارلاري تاريني ياددان چيخارتديلار، مئصئرده اونلارا بؤيوک ائشلر گؤره‌ني؛
خام اؤلکهسئنده عجايئب ائشلرئني، قيزيل دهنزئنده هيبتلي عمللرئني.
بونون اوچون، ددئيي کئمي، اونلاري هلاک ادهجک ائدي- اگر سچدئيي موسا آرادا دوروب، قضبئني اونلاري محو اتمکدن دؤنده‌رمه‌سَيدي.
سونرا او گؤزل دئياري حقئر گؤردولر، اونون وعدهسئنه ائنانماديلار.
چاديرلاريندا ميريلدانديلار، ربّئن سسئندن ائطاعت اتمه‌دئلر.
اونا گؤره ده، الئني قالديريب اونلارا آند ائچدي کي، چولده اونلاري يره ييخاجاق،
نسئللرئني مئلّتلر آراسينا ساليب ير اوزونده داغيداجاق.
سونرا اؤزلرئني بَعَل‌پِعورا باغلاديلار، اؤلولره تقدئم اولموش قوربانلاري يدئلر.
عمللري ائله تارينين قضبئني قالديرديلار، اوندا آرالارينا وبا دوشدو.
لاکئن پئنِخاس قالخيب آرايا گيردي، وبا کسئلدي؛
بو اونا، نسئلدن نسله‌جک، ابده کئمي صالحلئک ساييلدي.
مِرئبا سولارين قيراغيندا ربّي قضبلندئردئلر، اونلارين اوزوندن موسا عذاب چکدي.
چونکي موسانين روحونو ائنجئتدئلر، او دا تدبئرسئز سؤزلر دانيشدي.
ربّئن اونلارا امر اتدئيي کئمي خالقلاري هلاک اتمه‌دئلر،
عکسئنه، آيري مئلّتلرله قاريشديلار، اونلارين اتدئکلرئني اؤيرندئلر.
اونلارين بوتلرئنه قوللوق اتدئلر کي، اونلارا بئر تله اولدو.
اوغوللاريني، قيزلاريني جئنلره قوربان اتدئلر؛
معصوم قانلاري تؤکدولر، اوغوللارينين و قيزلارينين قانيني کي، کَنَعانين بوتلرئنه قوربان کسدئلر؛ اؤلکه اونلارين قاني ائله کئرلندي.
بلجه ائشلري ائله نجئس اولدولار، اؤز عمللري ائله زئنا اتدئلر.
او زامان ربّئن قضبي خالقينين ضئدّئنه قالخدي، اؤز مئراثيندان نئفرت اتدي.
اونلاري مئلّتلر الئنه بوراخدي، اله کي، اونلاردان نئفرت ادنلر، اونلارا حؤکمرانليق اتدئلر.
دوشمنلري اونلاري سئتم آلتينا سالديلار، اونلارين اَلي آلتيندا ذلئل اولدولار.
رب اونلاري چوخ دفه قورتاردي، آمّا اونلار اؤز مصلحتلري ائله اونا عاصي اولدولار، گوناهلاري اوزوندن ذئلّته دوشدولر.
لاکئن رب اونلارين فرياديني اشئتدي، باخيب گؤردو کي، دارليقداديرلار؛
اونلار اوچون باغلاديغي عهدئني خاطيرلاييب، محبّتئنئن چوخلوغونا گؤره اونلارا رحم اتدي.
اله اتدي کي، اونلاري اسئر آپارانلارين هاميسينين اونلارا رحمي گلدي.
بئزه نئجات ور، يارب، تاريميز، بئزي مئلّتلر آراسيندان بئر يره ييغ کي، سنئن موقدّس آدينا شوکورلر ادک، سنئن حمدئنده پرستئش ادک.
ائسرايئلئن تاريسي رب موبارک اولسون، ازلدن ابده کئمي. بوتون خالق دسئن: "آمئن." ربّه حمد ادئن!
ربّه شوکور ادئن، چونکي ياخشيدير؛ چونکي محبّتي ابديدئر.
ربّئن خئلاص اتدئکلري بله دسئنلر؛ دوشمن الئندن خئلاص تاپانلار،
شرقدن، قربدن، شئمالدان، جنوبدان، مملکتلردن بئر يره ييغديقلاري.
بعضئلري چؤلده، بومبوش کؤشنده سرگردان ائدئلر، ساکئن اولماغا بئر شهر تاپا بئلمئردئلر.
آج و سوسوز، جانلاري ائچلرئنده طاقتدن دوشدو.
او زامان دارليقلاريندا ربّه فرياد اتدئلر، رب اونلاري دردلرئندن قورتاردي.
دوز يولدا اونلاري هئدايت اتدي، او قدر کي، آوادان بئر شهره يتئشدئلر.
قوي اونلار ربّه محبّتي اوچون شوکور اتسئنلر، اونون ائنسانلارا اتدئيي عجايئب ائشلري اوچون.
چونکي سوسوز اولان جاني دويورور، آج جاني ياخشي شيلرله دولدورور.
بعضئلري قارانليقدا، ظولمتده ياشاييرديلار، فلاکت و دمئرلره باغلي!
چونکي تارينين سؤزلرئنه عوصيان اتدئلر، اوجالاردا اولانين تدبئرئنه حقارتله باخديلار.
اونا گؤره، جانلاريني آغير ائشله ذلئل اتدي؛ ييخيلديلار و اونلارا کؤمک ادن يوخ ائدي.
او زامان دارليقلاريندا ربّه فرياد اتدئلر، رب اونلارا دردلرئندن نئجات وردي.
اونلاري قارانليقدان، ظولمتدن چيخارتدي، زنجئرلرئني قيردي.
قوي اونلار ربّه محبّتي اوچون شوکور اتسئنلر، اونون ائنسانلارا اتدئيي عجايئب ائشلري اوچون.
چونکي بورونج قاپيلاري سينديردي، دمئر چفته‌لري ائکي پارچالادي.
آخماق آداملار عوصيانلاري اوزوندن، گوناهلاري اوزوندن فلاکته دوشدولر؛
جانلاري هر جور يمکدن ائيرندي، اؤلوم قاپيلارينا ياخينلاشديلار.
او زامان دارليقلاريندا ربّه فرياد اتدئلر؛ رب اونلارا دردلرئندن نئجات وردي.
کلاميني گؤنده‌ردي و اونلارا شفا وردي، اونلاري اؤلوم قويوسوندان قورتاردي.
قوي اونلار ربّه محبّتي اوچون شوکور اتسئنلر، اونون ائنسانلارا اتدئيي عجايئب ائشلري اوچون.
قوي شوکور قوربانلاري تقدئم اتسئنلر، شاد ترنّومله اونون عمللرئني اعلان اتسئنلر.
بعضئلري گمئلرده دهنزه اندئلر، قودرتلي سولاردا ائش بجرتدئلر.
اونلار ربّئن عمللرئني گؤردولر، درئنلرده اونون عجايئب ائشلرئني گؤردولر.
چونکي امر اتدي، طوفان يلئني قالديردي کي، دهنزئن شپه‌لرئني قالديرديلار.
گؤيه قالخديلار، درئنلره اندئلر؛ جورعتلري بلالاريندان ارئدي.
کفلي کئمي ساللانديلار، لاخلانديلار، عاغيللاري باشلاريندان گتدي.
او زامان دارليقلاريندا ربّه فرياد اتدئلر؛ رب اونلارا دردلرئندن نئجات وردي.
طوفاني ياتيردي، شپهلر ساکئت اولدو.
او واخت سوئندئلر، چونکي ساکئتلئک ائدي. رب، اونلاري آرزو اتدئکلري بندره آپاردي.
قوي اونلار ربّه محبّتي اوچون شوکور اتسئنلر، اونون ائنسانلارا اتدئيي عجايئب ائشلري اوچون.
خالقين جاماعاتيندا اونو عئزّتلندئرسئنلر، آغساقّاللار مجلئسئنده اونا حمد اوخوسونلار.
رب چايلاري چؤله دؤنده‌رئر، سو چشمه‌لرئني سوسوز قورولوغا،
ثمرهلي تورپاغي، اورادا ساکئن اولانلارين پئسلئيي اوزوندن شور تورپاغا دؤنده‌رئر.
چولو سو گؤلونه، قورو يري سو چشمه‌لرئنه دؤنده‌رئر؛
اورادا آجلاري ساکئن ادئر. اونلار ياشاماق اوچون بئر شهر بئنا ادئرلر،
اکئن اکئرلر، اوزوم باغي تئکئرلر، محصول عمله گتئرئرلر.
رب برکت ورئب اونلاري چوخ آرتيرير، قويمور دا کي، مال-حيوانلاري آزالسين.
سورا، سئتم، دارليق، و قوصّه اوزوندن آزاليب ذلئل اولورلار،
امئرلرئن اوستونه حقارت تؤکور، يولسوز چؤلده اونلاري سرگردان ادئر.
آمّا مؤحتاج آدامي فلاکتدن قالديرير، اونون عايئلهسئني قويون-کچي سوروسو کئمي چوخالدير.
دوز آداملار گؤروب سوئنهجکلر؛ پئس اولان هرکس آغزيني يوماجاق.
عاغيلّي اولان کئمدئر؟ قوي او بولارا قولاق آسسين، قوي ربّئن محبّتئني درئن دوشونسون.
اوره‌يئم قراريني ورئب، اي تاري؛ بوتون جانيمدان اوخوياجاغام، پرستئش نغمه‌سي اوخوياجاغام.
اويان، اي روباب، اي چنگ! من سحري اويانديراجاغام.
خالقلار آراسيندا سنه حمد ادهجيم، يارب؛ طايفالار آراسيندا سنه پرستئش نغمه‌سي اوخوياجاغام.
چونکي محبّتئن بؤيوکدور، گؤيلردن اوجا، وفادارليغين بولودلارا يتئشئر.
گؤيلر اوستونه داها اوجالان، اي تاري، قوي شؤوکتئن بوتون ير اوستونده اولسون،
سودئکلرئن خئلاص تاپسين. صاغ اَلئنله نئجات ور، بئزه جاواب ور.
تاري موقدّس يرئنده دانيشيب: "شِکِمي شادليقلا بؤله‌جيم، سوکّوت دره‌سئني اؤلچه‌جيم.
جئلعاد منئمدئر، منسّه ده منئم، اِفرايئم ده باشيمين دبئلقه‌سي‌دئر؛ يهودا عصامدير.
موآب يويونماق لگنئمدئر، اِدوم اوستونه چاريغيمي آتيب اونا مالئک اولاجاغام، فئلئسطئن اوستونه ظفرله هاراي چکه‌جيم."
کئم مني حاصارلي شهره آپاراجاق؟ کئم منه ادوما قدر يول گؤرسدهجک؟
مگر سن بئزي اؤزوندن آتمادين، اي تاري؟ بئزئم قوشونلاريميزلا چيخميرسان، اي تاري.
دوشمن قاباغيندا بئزه ائمداد ات؛ چونکي ائنسانين کؤمهيي هچدئر.
تارينين کؤمهيي ائله قهرمانليق گؤرسده‌جيئک، چونکي دوشمنلرئمئزي آياق آلتينا سالان اودور.
اي حمدئمئن تاريسي، ساکئت دورما،
چونکي پئس آداملار، آلداتان آداملار، آغيزلاريني اوستومه آچديلار؛ منئم ضئدّئمه يالان دئللرله دانيشيرلار.
نئفرت دولو سؤزلرله مني دؤوره‌له‌يئبلر، سببسئز منئمله ساواشيرلار.
محبّتئمئن عوضئنده منه بؤهتان آتيرلار، لاکئن من دوعا ادئرم.
بلجه ياخشيليغيمين عوضئنده پئسلئک، سوگئمئن عوضئنده نئفرت ادئرلر.
اونون اوستونه پئس بئر آدام تعيئن ات، قوي مذمّت ادن اونون صاغيندا دورسون.
حؤکم اولوندوغو زامان تقصئرکار چيخسين، دوعاسي دا گوناه ساييلسين.
قوي اونون گونلري آز اولسون، وظئفهسئني اؤزگه‌سي آلسين.
قوي اوشاقلاري يتئم، آروادي دول اولسون.
قوي اؤولادلاري دئد‌رگئن اولوب يولچولوغا دوشسونلر؛ چؤرکلرئني وئرانه‌لرئنده آختارسينلار.
قوي طلبکار اونون بوتون وار-يوخونو آلسين، قازانديغيني اؤزگهلر قارت اتسئنلر.
قوي اونا مرحمت گؤرسدن اولماسين، اونون يتئملرئنه ده رحم ادن تاپيلماسين.
قوي اونون نسلي کسئلسئن، گلهجک نسئلدن آدلاري سئلئنسئن.
آتالارينين تقصئري ربّئن حوضوروندا خاطيرلانسين، آناسينين گوناهي دا سئلئنمه‌سئن.
گوناهلاري همئشه ربّئن حوضوروندا اولسون، ربّ اونلارين ذئکرئني ير اوزوندن کسسئن؛
چونکي مرحمت گؤرسدمه‌يي يادينا گتئرمه‌دي، لاکئن فاغير و مؤحتاج آداما عذاب وردي. چاليشدي کي، اوره‌يي سينميش آدامي اؤلدورسون.
لعنت اتمه‌يي سودي؛ قوي لعنت اونون اؤز باشينا گلسئن، برکتدن خوشلانمادي؛ قوي برکت اوندان اوزاق اولسون.
لعنتي پالتار کئمي گيدي؛ قوي لعنت سو کئمي اونون ائچئنه، ياغ کئمي اونون سوموکلرئنه گئرسئن.
قوي او لعنت اونا، گيدئيي پالتار کئمي، بلئنه باغلاديغي قاييش کئمي اولسون.
قوي مني مذمّت ادنلر اوچون، منئم ضئدّئمه پئس سؤزلر دئينلر اوچون، بو، ربّئن جزاسي اولسون.
لاکئن سن، يارب، اي پروردئگار، آدينين خاطئرئنه گؤره منئمله عمل ات؛ چونکي سنئن محبّتئن ياخشيدير، مني قورتار.
چونکي من فاغير و مؤحتاجام، اوره‌يئم ائچئمده يارالي‌دير.
گون باتان واختيندا محو اولان کؤلگه کئمئيم، سئلکئنئب آتيلميش چيئرتگه کئمئيم.
دئزلرئم اوروج توتماقدان اَسئر، بئر دري، بئر سوموک قالميشام.
مذمّت ادنلرئم اوچون رئشخند سببي اولموشام؛ مني گؤرن زامان باشلاريني ترپه‌دئرلر.
منه کؤمک ات، يارب، تاريم! محبّتئنه گوره منه نئجات ور کي،
بئلسئنلر بو، سنئن الئندئر؛ بونو ادن سنسن، يارب!
قوي اونلار لعنت اتسئنلر، لاکئن سن برکت ورئرسن. قالخان زامان قوي اوتانسينلار، لاکئن قوي سنئن قولون شادليق اتسئن.
قوي مذمّت ادنلرئم خجالته بورونسونلر، ردا کئمي خجالتلري ائله اؤرتونسونلر.
آغزيملا ربّه چوخ شوکور ادهجيم؛ بلي، جاماعاتلار آراسيندا اونا حمد ادهجيم.
چونکي رب مؤحتاجين صاغيندا دورور کي، حؤکم ادنلرئنئن الئندن اونا نئجات ورسئن.
رب منئم پروردئگاريما ددي: "دوشمنلرئني آياقلارينين آلتينا سالاناجاق صاغيمدا اوتور."
رب سنئن قودرتئنئن عصاسيني صحيوندان گؤندره‌جک. دوشمنلرئنئن اوستونه سلطنت ات.
سنئن موحارئبه گونونده، خالقين سنه اؤز ميلي ائله خئدمت ادهجک. جاوانلارين موقدّس پالتارا گيئنئب، سحرئن شحي کئمي سنه گلهجکلر.
رب آند ائچئب، پشمان اولماياجاق: "مِلکئصِدِق ترتئبئنده، سن ابده کئمي کاهئنسن."
پروردئگار سنئن صاغيندادير؛ قضبلندئيي گون پادشاهلاري ووراجاق.
مئلّتلري موحاکئمه ادهجک، جسدلر ير اوزونو دولدوراجاق، دونيانين هر يرئنده باشلاري ازهجک.
يولداکي چايدان ائچهجک؛ او سببدن ده باشيني اوجا ساخلاياجاقدير.
ربّه حمد ادئن! دوز آداملارين مجلئسئنده، جاماعات آراسيندا، بوتون اوره‌يئمله ربّه شوکور ادهجيم.
ربّئن ائشلري بؤيوکدور، اونلاردان کف ادن بوتون آداملار اونلاري دوشونورلر،
اونون ائشي عئزّت و شؤوکتله دولودور، صالحلئيي ابده کئمي دورور.
عجايئب ائشلرئني يادئگار قويوب؛ رب مرحمتلي و مهرئباندير.
اوندان قورخانلارا يمک ورئب؛ عهدئني ابده کئمي خاطيرلاياجاقدير.
مئلّتلرئن مئراثيني اونلارا ورمکله ائشلرئنئن قودرتئني خالقينا گؤرسه‌دئب.
اللرئنئن ائشلري حقئقت و عدالتدئر؛ بوتون امرلري اعتئبارلي‌دير.
اونلار ابددن ابدهجک ثابئتدئرلر، حقئقتده، دوغرولوقدا يارانيبلار.
خالقينا خئلاصيني گؤندردي، عهدئني ابده کئمي برقرار ادئب؛ اونون آدي موقدّس و دهشتلي‌دئر.
ربّئن قورخوسو حئکمتئن باشلانيشيدير؛ امرلرئني يرئنه يتئرن هر آدامين ياخشي فهمي وار. اونون حمدي ابده کئمي دورور.
ربّه حمد ادئن! ربدن قورخانين، اونون امرلرئندن کف ادهنئن خوش حالينا!
اونون نسلي ير اوزونده قووّتلي اولاجاق؛ دوز آداملارين نسلي موبارک اولاجاقدير.
بوللوق و دؤولت اِوئنده‌دئر، صالحلئيي ابده کئمي دورار.
دوز آداملارا قارانليقدا ائشيق دوغار؛ اونلار مرحمتلي، مهرئبان، و صالحدئرلر.
سخاوتله بورج ورن آداما هر شي ياخشي گدر؛ او آداما کي، ائشلرئني ائنصافلا يرئنه يتئرئر.
او اصلا يرئندن ترپنمز؛ صالح آدام همئشه يادلاردا قالار.
يامان خبردن قورخماز؛ اونون اوره‌يي آرخاييندير، ربّه توکّول ادئر.
دوشمنلرئنه آرزو اتدئيئني گؤره‌نه قدر اوره‌يي ثابئتدئر، قورخماياجاقدير.
ماللاريني عوضسئز پايلايار، مؤحتاج آداملارا ورر؛ اونون صالحلئيي ابده کئمي دورار؛ قودرتي شؤوکتله آرتار.
پئس آدام بونو گؤروب قضبله‌نر؛ دئشلرئني قيجيردار، اَرئيئب-گدر؛ پئس آداملارين آرزوسو يوخ اولار.
ربّه حمد ادئن! اي ربّئن قوللاري، اونا حمد ادئن، ربّئن آدينا حمد ادئن!
ربّئن آدي ائندئدن ابده کئمي موبارک اولسون!
گون دوغان يردن باتان يره قدر، ربّئن آدي حمد ادئلمه‌لي‌دئر.
رب هامي مئلّتلردن اوجادير، اونون شؤوکتي گؤيلردن يوخاري‌دير.
تاريميز رب کئمي کئم وار؟! او، اوجالاردا اوتوروب،
آمّا گؤيلرده و ير اوزونده اولانلارا باخماق اوچون اَيئلئر.
ضعئف آدامي تورپاقدان قالديرير، مؤحتاج آدامي کوللوکدن اوجالدير کي،
اعيانلارلا، خالقينين اعيانلاري ائله بئر يرده اوتورسون.
سونسوز آروادا اِو ورئر، اونا اؤولاد ورمکله اونو بختور بئر آنا ادئر. ربّه حمد ادئن!
ائسرايئل مئصئردن چيخان واخت، يعقوب اِوي ياد دئل دانيشان خالقين آراسيندان چيخان واخت،
يهودا ربّئن موقدّس يري اولدو، ائسرايئل اونون پادشاهليغي.
دهنز اونلاري گؤروب قاچدي؛ اوردون چايي گري چکئلدي.
داغلار قوچلار کئمي، کئچئک تپه‌لر قوزولار کئمي اويناديلار.
اي دهنز، سنه نه اولدو کي، قاچدين؟ اي اوردون چايي، نه اوچون گري چکئلدئن؟
اي داغلار نه اوچون قوچلار کئمي، اي تپه‌لر نه اوچون قوزولار کئمي اوينادينيز؟
پروردئگارين حوضوروندا، اي دونيا، يعقوبون تاريسينين حوضوروندا لرزهيه دوش.
او کي، قاياني سو گؤلونه دؤنده‌رئر، بلي، چاخماق داشيني سو بولاغينا!
بئزئم اوچون يوخ، يارب، بئزئم اوچون يوخ، اؤز محبّتئن اوچون، اؤز حقئقتئن اوچون آدينا عئزّت ور.
نه اوچون مئلّتلر دسئنلر: "هاني، هارادادير اونلارين تاريسي؟"
بئزئم تاريميز گؤيلرده‌دئر؛ ائسته‌دئيي هر شيي اِدَر.
اونلارين بوتلري گوموش و قيزيلدير، ائنسان اللرئنئن ائشي‌دئر.
آغيزلاري وار، لاکئن دانيشميرلار؛ گؤزلري وار، لاکئن گؤرمورلر؛
قولاقلاري وار، لاکئن اشئتمئرلر؛ بورونلاري وار، لاکئن ائيله‌مئرلر؛
اللري وار، لاکئن ال سورتمورلر؛ آياقلاري وار، لاکئن يرئمئرلر؛ بوغازلاري ائله ده سس ورمئرلر.
اونلاري قاييرانلار اونلار کئمي اولارلار؛ الجه ده اونلارا توکّول ادن هرکس.
اي ائسرايئل، ربّه توکّول ات! اونون کؤمهيي، اونون قالخاني اودور.
اي هارون اِوي، ربّه توکّول ات! اونون کؤمهيي، اونون قالخاني اودور.
اي ربدن قورخانلار، ربّه توکّول ادئن! اونلارين کؤمهيي، اونلارين قالخاني اودور.
رب بئزي يادا ساليب؛ او بئزه برکت ورهجک، ائسرايئل اوئنه برکت ورهجک، هارون اوئنه برکت ورهجک.
رب اوندان قورخانلارين کئچئکدن بؤيوکونه قدر برکت ورهجکدئر.
رب سئزي، سئزي و اؤولادلارينيزي چوخالتسين.
گؤي و يري يارادان رب سئزه برکت ورسئن.
گؤيلر ربّئن گؤيلري‌دئر؛ لاکئن ير اوزونو او، ائنسان اؤولادينا ورئب،
اؤلولر، سوکوت دئيارينا اننلر ربّه حمد اتمئرلر.
لاکئن بئز، ائندئدن ابده کئمي ربّه حمد اوخوياجاغيق. ربّه حمد ادئن!
ربّي سوئرم، چونکي سسئمي، يالواريشلاريمي اشئدئر.
سسئمه قولاق آسديغي اوچون، نه قدر وارام، اونو چاغيراجاغام،
اؤلوم ائپلري مني اؤزونده توتموشدو، اؤلولر دئيارينين سيخينتيلاري مني بوروموشدو. دارليغا دوشموشدوم، پرئشان اولموشدوم.
او زامان ربّئن آديني چاغيرديم: "آماندير، يارب، جانيمي قورتار!"
رب مرحمتلي و صالحدئر؛ تاريميز شفقتلي‌دئر.
رب ساده آداملاري حئفظ ادئر؛ عاجئز اولدوغوم زامان، او منه نئجات وردي.
اي جانيم، راحاتينا دؤن، چونکي رب سنه ياخشيليق اتدي.
جانيمي اؤلومدن، گؤزلرئمي گؤز ياشيندان، آياقلاريمي سوروشمکدن قورتاريبسان.
ياشايانلارين دئياريندا ربّئن حوضوروندا يرئيه‌جيم.
ائمانيمي ساخلاديم، حتّا او زامان دا کي، ددئم: "من چوخ عذاب چکئرم."
دهشتئمده ددئم: "بوتون ائنسانلار يالانچيدير."
ربّئن منه اتدئيي بوتون ياخشيليقلاري اوچون، ربّه نه عوض ورهجيم؟!
نئجات پئيالهسئني قالديريب، ربّئن آديني چاغيراجاغام.
بوتون خالقينين حوضوروندا، ربّه اتدئيئم نذئرلري يرئنه يتئره‌جيم.
ربّئن گؤزونده اونون موتّقئلرئنئن اؤلومو دَيَرلي‌دئر.
آماندير، يارب، من سنئن قولونام؛ من کنئزئنئن اوغلو قولونام؛ بندلرئمي سن آچيبسان.
سنه شوکور قورباني تقدئم ادهجيم، ربّئن آديني چاغيراجاغام.
بوتون خالقينين حوضوروندا، ربّه اتدئيئم نذئرلري يرئنه يتئره‌جيم؛
ربّئن اوئنئن صحنلرئنده، سنئن ائچئنده، اي اورشلئم. ربّه حمد ادئن!
سئز اي بوتون مئلّتلر، ربّه حمد ادئن. سئز اي بوتون طايفالار، اونو پرستئش ادئن.
چونکي اونون بئزه اولان محبّتي بؤيوکدور، اونون حقئقتي ابديدئر. ربّه حمد ادئن!
ربّه شوکر ادئن، چونکي ياخشيدير! چونکي محبّتي ابديدئر.
ائسرايئل دسئن: "اونون محبّتي ابديدئر."
هارون اِوي دسئن: "اونون محبّتي ابديدئر."
قوي اوندان قورخانلار دسئنلر: "اونون محبّتي ابديدئر."
دارليقدا ربّي چاغيرديم؛ رب منه جاواب وردي، مني گنئشلئيه چيخارتدي.
رب يانيمدادير، قورخمارام. ائنسان منه نه اده بئلر؟!
رب منه کؤمک اتمک اوچون يانيمدادير؛ اونا گؤره ده، مندن نئفرت ادنلرئن ييخيلماسيني گؤره‌جيم.
ربّه پناه گتئرمک، ائنسانا توکّول اتمکدن ياخشيدير.
ربّه پناه گتئرمک اعيانلارا توکّول اتمکدن ياخشيدير.
بوتون مئلّتلر مني موحاصئرهيه آلديلار، لاکئن ربّئن آديندا اونلاري محو اتدئم.
مني دؤوره‌له‌دئلر، بلي، مني دؤوره‌له‌دئلر؛ لاکئن ربّئن آديندا اونلاري محو اتدئم.
بال چئبئنلري کئمي مني دؤوره‌له‌دئلر؛ لاکئن تئکان آلووو کئمي سؤندولر؛ چونکي ربّئن آديندا اونلاري محو اتدئم.
مني شئدّتله ائتله‌دئن کي، ييخيليم، آمّا رب منه کؤمک اتدي.
رب منئم قووّتئم و پرستئش نغممدئر، منه نئجات ورن اودور.
صالح آداملارين چاديرلاريندا شادليق و ظفر سسي وار: "ربّئن صاغ الي قودرتلي ائشلر ادئر!
ربّئن صاغ الي اوجادير، ربّئن صاغ الي قودرتلي ائشلر ادئر!"
اؤلمه‌يه‌جيم، ياشاياجاغام، ربّئن ائشلرئني اعلان ادهجيم.
رب مني شئدّتله تنبه ادئب، لاکئن جانيمي اؤلومه ورمه‌يئب.
صالحلئک دروازالاريني منه آچين، اونلاردان گئره‌جيم و ربّه شوکور ادهجيم.
بو ربّئن او دروازاسي‌دير کي، صالح آداملار اوندان گئررلر.
سنه شوکور ادئرم، چونکي منه جاواب ورئبسن، منئم نئجاتيم اولوبسان.
بنّالارين ردّ اتدئيي داش، بئنا کونجونون باش داشي اولدو.
بو ربّئن ائشي ائدي؛ گؤزلرئمئزئن قاباغيندا عجايئب ائشدئر.
بو گون ربّئن ياراتديغي گوندور؛ اوندا سوئنئب شاد اولاجاغيق.
آماندير، يارب، بئزه نئجات ور. آماندير، يارب، بئزه اوغور ور.
ربّئن آدي ائله گلن موبارک اولسون! ربّئن اوئندن سئزه برکت ورمئشئک.
رب تاريدير، بئزه ائشيق ورئب؛ بايرام قوربانيني ائپلرله باغلايين، قوربانگاهين بوينوزلارينا قدر گتئرئن.
سن منئم تاريمسان، سنه شوکور ادهجيم؛ سن منئم تاريمسان، سني اوجالتاجاغام.
ربّه شوکور ادئن، چونکي ياخشيدير! چونکي محبّتي ابديدئر.
رفتاريندا کامئل اولانلارين خوش حالينا، اونلار کي، ربّئن شرئعتئنده ياشاييرلار!
اونون شهادتلرئني ساخلايانلارين خوش حالينا، اونلار کي، بوتون اورکله اونو آختاريرلار.
هچ حاقسيزليق اتمئرلر؛ اونون يوللاريندا يرئيئرلر.
سن بئزه امر ادئبسن کي، قايدالاريني دئقّتله ساخلاياق.
سنئن قانونلاريني ساخلاماق اوچون، کاشکي يوللاريم مؤحکم اولسون!
او زامان سنئن بوتون امرلرئنه باخان واخت اوتانمارام.
سنئن عادئل حؤکملرئني اؤيرندئيئم زامان، صمئمي اورکله سنه حمد ادهجيم.
قانونلاريني ساخلاياجاغام، مني اؤزوندن کامئل آتما.
بئر جاوان يولونو نجه تمئز ساخلايا بئلر؟ سنئن سؤزلرئنه باغلي قالماقلا.
بوتون اوره‌يئمله سني آختارميشام؛ امرلرئندن مني آزديرما!
سؤزونو اوره‌يئمده گئزلتمئشم کي، سنه گوناه اتمهيئم.
سن موبارکسن، يارب! قانونلاريني منه اؤيرت.
آغزيندان چيخان حؤکملرئني دوداقلاريملا اعلان اتمئشم.
شهادتلرئنه عمل ادنده اله شادليق اتمئشم کي، اله بئل، بوتون مال-دؤولت منئم اولوب.
قايدالاريني درئن دوشونورم؛ يوللارينا دئقّتله باخيرام.
قانونلاريندا کف ادئرم؛ سنئن سؤزونو ياددان چيخارتميرام.
لوطفونو بو قولونا گؤرسد کي، ياشاييم و سؤزونو ساخلاييم.
گؤزلرئمي آچ کي، شرئعتئندن عجايئب ائشلر گؤروم.
ير اوزونده قرئبم؛ امرلرئني مندن گئزلتمه.
حؤکملرئنئن آرزوسوندان هر آن جانيم اَزئلئر.
تکبّورلولره، لعنتلي‌لره سن آجيقلانيرسان، اونلار کي، سنئن امرلرئندن آزيرلار.
خجالت و حقارتي اوستومدن گؤتور، چونکي سنئن شهادتلرئني ساخلاميشام.
حاکئملر ده ييغيليب منئم ضئدّئمه دانيشيرلار، لاکئن بو قولون سنئن قانونلاريندا درئن دوشونور.
شهادتلرئن منه بؤيوک کفدئر، اونلاردان مصلحت آليرام.
جانيم تورپاغا ياپيشير؛ سؤزونه گؤره مني دئرئلت.
يوللاريمي سنه بئلدئرمئشم، منه جاواب ورئبسن؛ قانونلاريني منه اؤيرت.
قايدالاريني منه آنلات؛ اله کي، سنئن عجايئب ائشلرئنئن اوستونده درئن دوشونوم.
جانيم قم-قوصّهدن ارئيئر؛ سؤزونه گؤره منه قووّت ور.
يالان يولونو مندن اوزاقلاشدير، شرئعتئنه گؤره منه مرحمت ات.
وفا يولونو سچمئشم؛ حؤکملرئني گؤزومون قاباغينا قويموشام.
سنئن شهادتلرئنه ياپيشيرام؛ يارب مني اوتانديرما!
امرلرئنئن يولوندا قاچاجاغام، چونکي سن فراستئمه ووسعت ورئرسن.
قانونلارينين يولونو منه اؤيرت، يارب، من اونو آخيراجاق ساخلايارام.
منه فراست باغيشلا، من سنئن شرئعتئني ساخلايارام؛ اونو بوتون اوره‌يئمله ساخلايارام.
مني امرلرئنئن يولوندا گزدئر، چونکي اونلاردان کف ادئرم.
اوره‌يئمي طاماحکارليغا يوخ، شهادتلرئنه ياپيشدير.
بوش شيه باخماقدان گؤزلرئمي دؤندر، اؤز يوللاريندا مني دئرئلت.
وعده وردئيئن سؤزو بو قولون اوچون يرئنه يتئر، او سؤزو کي، اونو سندن قورخانلار اوچون وعده ورئبسن.
قورخدوغوم حقارتي مندن سوووشدور، چونکي سنئن حؤکملرئن ياخشيدير.
باخ، قايدالارينين آرزوسوندايام؛ صالحلئيئنده مني دئرئلت.
محبّتئني منه گؤرسد، يارب، سؤزونه گؤره منه نئجات ور.
او زامان منه حقارت ادن آداما جاوابيم اولار، چونکي سنئن سؤزونه توکّول ادئرم.
حقئقت سؤزونو آغزيمدان کامئل گؤتورمه، چونکي سنئن حؤکملرئنه اومئد باغلاميشام.
شرئعتئني همئشه، ابددن ابدهجک ساخلاياجاغام.
آزادليقلا گزه‌جيم، چونکي سنئن قايدالاريني درئن دوشونموشم.
پادشاهلار حوضوروندا دا سنئن شهادتلرئندن دانيشاجاغام، اوتانماياجاغام.
سودئيئم امرلرئنده کف ادئرم.
سودئيئم امرلرئنه حؤرمت گؤرسده‌رم. قانونلاريني دئقّتله درئن دوشونه‌رم.
قولونا ددئيئن سؤزو يادا سال کي، اونونلا منه اومئد وردئن.
فلاکتئمده منه تسلّي اولان بودور کي، سنئن سؤزون منه حيات ورئب.
تکبّورلو آداملار منه چوخ رئشخند ادئرلر، لاکئن سنئن شرئعتئندن دؤنمورم.
قدئمدن اولان حؤکملرئني خاطيرلاديم، يارب، تسلّي تاپميشام.
شرئعتئني ترک ادن پئس آداملار اوزوندن حئرص مني توتوب.
ساکئن اولدوغوم قوربت اِوئنده، سنئن قانونلارين منه پرستئش نغمه‌سي اولوب.
گجه آديني يادا ساليرام، يارب، شرئعتئني ساخلاييرام.
منئم پاييم بو اولوب، چونکي قايدالاريني ساخلاميشام.
منئم پاييم سنسن، يارب؛ دمئشم کي، سنئن سؤزلرئني ساخلاياجاغام.
بوتون اوره‌يئمله سنه يالواريرام؛ سؤزونه گؤره منه مرحمتلي اول.
يوللاريم حاقّيندا دوشوندوم، آياقلاريمي سنئن شهادتلرئنئن طرفئنه دؤنده‌ردئم.
امرلرئني ساخلاماق اوچون تله‌سدئم و يوبانماديم.
گرچي پئس آداملارين ائپلري مني دولاييب، لاکئن سنئن شرئعتئني ياددان چيخارتماميشام.
گجه ياريسيندا قالخارام کي، عادئل حؤکملرئن اوچون سنه شوکور ادئم.
سنئن قايدالاريني ساخلايانلارا، بوتون سندن قورخانلارا من دوستام.
ير اوزو سنئن محبّتئنله دولودور، يارب؛ قانونلاريني منه اؤيرت.
يارب، سؤزونه گؤره قولونا ياخشيليق ادئبسن.
منه ياخشي بصئرت و علم اؤيرت، چونکي سنئن امرلرئنه ائنانيرام.
موصئبته دوشمه‌دن قاباق آزارديم، آمّا ائندي سنئن سؤزونو ساخلاييرام.
سن ياخشي‌سان و ياخشيليق ادئرسن؛ قانونلاريني منه اؤيرت.
تکبّورلو آداملار يالانلاري ائله منه قارا ياخيرلار، آمّا من سنئن قايدالاريني بوتون اورکله ساخلايارام.
اونلارين اوره‌يي ياغدان پئي باغلاييب، آمّا من سنئن شرئعتئنده کف ادئرم.
موصئبته دوشمه‌يئم منئم اوچون ياخشي اولدو، اله کي، سنئن قانونلاريني اؤيره‌نئم.
آغزيندان چيخان شرئعت منئم اوچون مئنلر قيزيلدان، مئنلر گوموشدن داها ياخشيدير.
سنئن اللرئن مني ياراتدي، مني مؤحکم ساخلادي؛ منه فراست ور کي، امرلرئني اؤيره‌نئم.
سندن قورخانلار مني گؤرن زامان سوئنهجکلر، چونکي سنئن سؤزونه اومئد باغلاميشام.
يارب بئلئرم کي، حؤکملرئن دوغرودور، مني موصئبته سالديغين حالدا دا وفالي‌سان.
بو قولونا وردئيئن سؤزونه گؤره، محبّتئن منه تسلّي ورسئن.
قوي مرحمتلرئن منه گلسئن کي، ياشاييم؛ چونکي سنئن شرئعتئن منئم کفئمدئر.
قوي تکبّورلو آداملار اوتانسينلار، چونکي يالانلا مني آلداتديلار؛ آمّا من سنئن قايدالاريني درئن دوشونه‌جيم.
قوي سندن قورخانلار، سنئن شهادتلرئني بئلنلر منه دؤنسونلر.
اوره‌يئم سنئن قانونلاريندا کامئل اولسون کي، خجالت آلتيندا قالماييم.
جانيم سنئن نئجاتينا حسرت چکئر، سنئن سؤزونه اومئد باغلاييرام.
سؤزونه ائنتئظار چکمکدن گؤزلرئمئن نورو گدئر، ديئرم: "نه زامان منه تسلّي وره‌جکسن؟"
توستو ائچئندهکي تولوق کئمي اولموشام، آمّا گئنه ده سنئن قانونلاريني ياددان چيخارتميرام.
بو قولونون گونلري نه قدردئر؟ نه زامان منه عذاب ورنلره حؤکم ادهجکسن؟
شرئعتئنه اهمئيّت ورمه‌ين تکبّورلو آداملار، منئم ضئدّئمه قويو قازيبلار.
سنئن بوتون امرلرئن اعتئبارلي‌دير؛ آداملار ناحاق يره منه عذاب ورئرلر؛ ائمداديما يتئش!
آز قالدي کي، مني ير اوزوندن محو اتسئنلر، آمّا من سنئن قايدالاريني ترک اتمهمئشم.
محبّتئنه گؤره مني دئرئلت کي، آغزينين شهادتئني ساخلاييم.
يارب سؤزون گؤيلرده همئشهلئک ثابئتدئر.
وفادارليغين نسئلدن-نسله سورور؛ يري قوردون، و دورور.
سنئن حؤکملرئنئن اوستوندهدئر کي، بو گونه کئمي دورورلار، چونکي هاميسي سنئن قوللارين‌ديرلار.
اگر شرئعتئن منئم کفئم اولماسايدي، موصئبتئمده يوخ اولوب گتمئش ائدئم.
سنئن قايدالاريني هچ واخت ياددان چيخارتمارام، چونکي اونلارلا منه حيات ورئبسن.
من سنئنکئيم، منه نئجات ور، چونکي سنئن قايدالاريني درئن دوشونموشم.
پئس آداملار مني يوخ اتمک اوچون گودورلر، آمّا سنئن حؤکملرئني آراشديريرام.
کامئل اولان هر شيئن ده حدّئني گؤرورم، لاکئن سنئن امرئن حدسئزدئر.
سنئن شرئعتئني نه قدر سوئرم! بوتون گون بوتون فئکئرئم اودور.
امرلرئن مني دوشمنلرئمدن داها عاغيلّي ادئر، چونکي اونلار همئشه منئملهدئر.
فراستئم بوتون موعلّئملرئمدن داها چوخدور، چونکي فئکر اتدئکلرئم سنئن شهادتلرئن‌دئر.
قوجالاردان داها چوخ آنلاييرام، چونکي سنئن قايدالاريني ساخلاييرام.
آياقلاريمي هر پئس يولدان ساخلاميشام کي، سنئن سؤزونو حئفظ ادئم.
حؤکملرئندن چيخماميشام، چونکي سن اؤزون اونلاري منه اؤيردئبسن.
سؤزلرئن داماغيما نه قدر شئرئندئر! آغزيما بالدان دا شئرئندئر!
قايدالاريني آراشديريرام؛ اونا گؤره ده، هر يالان يولدان نئفرت ادئرم.
سؤزون آياقلاريم اوچون چيراق، يولوم اوچون ائشيقدير.
آند ائچئب تصدئق اتمئشم کي، سنئن صالح حؤکملرئني ساخلاياجاغام.
يامان ذلئل اولموشام؛ يارب، سؤزونه گؤره مني دئرئلت.
آغزيمين کؤنوللو حمدلرئني قبول ات، يارب، حؤکملرئني منه اؤيرت.
گرچي جانيم دائم خطرده‌دئر، آمّا گئنه ده شرئعتئني ياددان چيخارتميرام.
پئس آداملار منئم اوچون تله قوروبلار، آمّا گئنه ده سنئن قايدالاريندان آزماميشام.
سنئن شهادتلرئن ابدي مئراثيمدير، چونکي اونلار اوره‌يئمئن شادليغي‌دير.
اوره‌يئمي بونا باغلاميشام کي، سنئن قانونلاريني ابده کئمي، آخيرا قدر، يرئنه يتئرئم.
فئکرئنده ثابئت اولمايان آدامدان نئفرت ادئرم، لاکئن سنئن شرئعتئني سوئرم.
پناه آپاراجاق يرئم و قالخانيم سنسن؛ سنئن سؤزونه اومئد باغلاييرام.
مندن اوزاقلاشين، سئز فساد ائشله‌ينلر، من تاريمين امرئني يرئنه يتئره‌جيم.
سؤزونه گؤره مني ساخلا کي، ياشاييم؛ اومئدئمي بوشا چيخارتما.
مني آياقلاريم اوستونده ساخلا کي، نئجات تاپيم؛ قانونلاريني همئشه نظره آلاجاغام.
قانونلاريندان آزان هر کسي سن ردّ ادئرسن، چونکي اونلارين حئيلهسي يالاندير.
ير اوزونون بوتون پئس آداملاريني، دمئرئن يانيغي کئمي چؤله آتيرسان؛ اونا گؤره ده، سنئن شهادتلرئني سوئرم.
بدنئم سنئن قورخوندان تئترهيئر، سنئن حؤکملرئندن يامان قورخورام.
ائنصاف و عدالتي يرئنه يتئرمئشم؛ مني، منه ظولم ادنلرئن الئنه بوراخما.
قولونا ياخشيليق اوچون ضامئن اول؛ قويما تکبّورلو آداملار منه ظولم اتسئنلر.
سنئن نئجاتينا، سنئن عادئل سؤزونه ائنتئظار چکمکدن گؤزومون نورو گدئر.
اؤز محبّتئنه گؤره بو قوللا رفتار ات، قانونلاريني منه اؤيرت.
من سنئن قولونام؛ منه فراست ور کي، شهادتلرئني بئلئم.
ائندي سنئن ائشله‌يه‌جک واختيندير، يارب، چونکي شرئعتئني آياق آلتينا قويوبلار.
اونا گؤره امرلرئني سوئرم، قيزيلدان، بلي خالئص قيزيلدان دا چوخ.
اونا گؤره هر شيده بوتون قايدالاريني ساخلاييرام؛ هر يالان يولدان نئفرت ادئرم.
شهادتلرئن عجايئبدئر؛ بونون اوچون جانيم اونلاري ساخلايير.
کلامينين آچيليشي ائشيقلانديرير؛ ساده آداما فراست ورئر.
آغزيمي آچيب آه چکئرم، چونکي سنئن امرلرئنه حسرت چکئرم.
منه باخ و منه يازيغين گلسئن، نجه کي، آديني سونلر اوچون سنئن عادتئندئر.
قدملرئمي سؤزلرئنله مؤحکملندئر، قويما هچ حاقسيزليق منه حاکئم اولسون.
ائنسان ظولموندن مني قورتار کي، سنئن قايدالاريني ساخلاييم.
اوزونو بو قولونون اوستونه ائشيقلاندير، قانونلاريني منه اؤيرت.
گؤزلرئمدن سو آرخلاري آخير، چونکي ائنسانلار سنئن شرئعتئني ساخلاميرلار.
يارب، سن صالحسن، حؤکملرئن دوغرودور.
بويوردوغون شهادتلر عادئل و چوخ اعتئبارلي‌دير.
قيرتئم مني يانديريب تؤکور، چونکي دوشمنلرئم سنئن سؤزلرئني ياددان چيخارديبلار.
سنئن سؤزون چوخ خالئصدئر؛ بونون اوچون قولون اونو سوئر.
من کئچئيم، حقئرم، آمّا گئنه ده قايدالاريني ياددان چيخارتميرام.
صالحلئيئن ابده کئمي صالحدئر، شرئعتئن حقئقتدئر.
دارليق و مشقّت مني اؤزونده بوغوب، آمّا گئنه ده امرلرئن اوريئمئن کفي‌دئر.
شهادتلرئن ابده کئمي صالحدئر؛ منه فراست ور کي، حيات تاپيم.
بوتون اوره‌يئمدن چاغيريرام؛ منه جاواب ور، يارب! قانونلاريني ساخلاياجاغام.
سني چاغيريرام؛ منه نئجات ور. شهادتلرئني ساخلاياجاغام.
سحر، گونون دوغماسيندان قاباق قالخيرام، کؤمه‌يه چاغيريرام؛ سنئن سؤزونه اومئد باغلاييرام.
گجه نؤوبهلرئنده گؤزلرئم اوياقدير کي، وردئيئن سؤزون اوستونده درئن دوشونوم.
محبّتئنه گؤره سسئمي اشئت؛ يارب، عدالتئنه گؤره مني دئرئلت.
حئيله دالينجا قاچانلار ياخينلاشيرلار؛ سنئن شرئعتئندن چوخ اوزاقديرلار.
ياخين اولان سنسن، يارب، بوتون امرلرئن حقئقتدئر.
سنئن شهادتلرئن حاقّيندا چوخدان بئلمئشم کي، اونلاري ابده کئمي برقرار ادئبسن.
دوشدويوم فلاکته باخ، مني خئلاص ات، چونکي سنئن شرئعتئني ياددان چيخارتميرام.
داديما سن يتئش و مني قورتار؛ سؤزونه گؤره مني دئرئلت.
نئجات پئس آداملاردان اوزاقدير، چونکي سنئن قانونلاريني آختارميرلار.
يارب، مرحمتلرئن چوخدور؛ حؤکملرئنه گؤره مني دئرئلت.
منه عذاب ورنلر و دوشمنلرئم چوخدورلار، آمّا گئنه ده سنئن شهادتلرئندن دؤنمورم.
خائنلري گؤرورم و اونلاردان ائيره‌نئرم، چونکي سنئن سؤزونو ساخلاميرلار.
گؤر سنئن قايدالاريني نجه سوئرم! محبّتئنه گؤره مني دئرئلت، يارب.
سؤزلرئنئن بونؤورهسي حقئقتدئر، عدالتلي حؤکملرئنئن هر بئري ابديدئر.
حاکئملر سببسئز منه عذاب ورئرلر، لاکئن اوره‌يئم سنئن سؤزوندن قورخور.
سنئن سؤزوندن سوئنئرم، بؤيوک بئر قنئمت تاپان بئر آدام کئمي.
يالاندان نئفرت ادئرم، ائيره‌نئرم، لاکئن سودئيئم سنئن شرئعتئندئر.
سنئن عدالتلي حؤکملرئن اوچون، گونده يدّي دفه سنه حمد ادئرم.
شرئعتئني سونلره بؤيوک آرامليق وار، هچ شي اونلاري سوروشدورمه‌يه‌جک.
يارب، سنئن نئجاتينا اومئد باغلاييرام، سنئن امرلرئني يرئنه يتئرئرم.
جانيم شهادتلرئني ساخلايير، اونلاري چوخ سوئرم.
قايدالاريني، شهادتلرئني ساخلاييرام، چونکي بوتون يوللاريم سنئن گؤزونون قاباغيندادير.
قوي فرياديم سنه چاتسين، يارب؛ سؤزونه گؤره منه فراست ور.
يالواريشيم حوضورونا يتئشسئن؛ سؤزونه گؤره مني قورتار.
دوداقلاريم حمد اوخويار، چونکي قانونلاريني منه، سن اؤيره‌دئرسن.
دئلئم سنئن سؤزونو اعلان ادر، چونکي بوتون امرلرئن صالحدئر.
قوي الئن کؤمه‌يئم اولسون، چونکي سنئن قايدالاريني سچمئشم.
نئجاتينا حسرت چکئرم، يارب، شرئعتئن اوريئمئن کفي‌دئر.
قوي جانيم ياشاسين کي، سنه حمد ادئم. قوي حؤکملرئن ائمداديما چاتسين.
ائتمئش بئر قويون کئمي آزميشام؛ بو قولونو آختار، چونکي امرلرئني ياددان چيخارتميرام.
دارليغيمدا ربّي چاغيرديم، منه جاواب وردي.
يارب، يالان دانيشان دوداقدان، آلداتان دئلدن جانيمي قورتار.
اي آلداتان دئل، رب سنه نه ورهجک؟ سنه داها نه ورهجک؟
جنگاورئن ائتي اوخلاريني، يانان سوپورگه آغاجيندان دوشن کؤزلري!
يازيق جانيم، مِشِکده قرئب اولموشام، قِدار چاديرلاريندا ياشاييرام!
صولحدن نئفرت ادنلر آراسيندا، جانيم حددن آرتيق ساکئن اولوب.
من صولح اهلئيَم؛ لاکئن من دانيشان واخت، اونلار موحارئبهيه قالخيرلار.
گؤزلرئمي داغلارا طرف قالديريرام؛ منئم کؤمه‌يئم هارادان گلهجک؟
منئم کؤمه‌يئم گؤي و يري يارادان ربدن گلئر.
قويماياجاق کي، آياغين سوروشسون؛ سني ساخلايان ياتماياجاق.
باخ، ائسرايئلي ساخلايان نه ياتار، نه ده يوخويا گدر.
سني ساخلايان ربدئر؛ صاغ طرفئنده رب سنه کؤلگهدئر.
گوندوز گونش، گجه ده آي سني وورماز.
رب سني هر پئسلئکدن حئفظ ادر؛ او سنئن جانيني حئفظ ادر.
ائندئدن ابده کئمي، رب سنئن چيخيش و گئرئشئني حئفظ ادهجک.
سوئندئم او زامان کي، منه ددئلر: "گلئن، ربّئن اوئنه گدک."
اي اورشلئم، آياقلاريميز سنئن دروازالاريندا دوروردو!
اورشلئم تامام عيار بئر شهر کئمي تئکئلئب.
قبئله‌لر، ربّئن قبئلهلري، ائسرايئله ورئلن شهادته گؤره اورايا گدئرلر کي، ربّئن آدينا حمد اتسئنلر.
موحاکئمه تختلري، داوود اوئنئن تختلري، اورادا قورولوب.
اورشلئمئن صولحو اوچون دوعا ادئن: "سني سِوه‌نه سالاماتليق اولسون،
دووارلارينين ائچئنده صولح اولسون، سارايلارينين ائچئنده سالاماتليق اولسون."
قارداشلاريم و دوستلاريمدان اؤتري دوعا ادئرم: "سنئن ائچئنده صولح اولسون."
تاريميز ربّئن اوئندن اؤتري سنئن ياخشيليغيني ائسته‌يئرم.
گؤزلرئمي سنه قالديريرام، اي گؤيلرده تخت قوران.
باخ، نجه کي، قوللارين گؤزلري آغالارينين الئنه، کنئزئن گؤزلري خانيمينين الئنه باخار، بئزئم ده گؤزلرئمئز تاريميز ربّه باخير، بئزه رحم اده‌نه قدر.
بئزه رحم ات، يارب، بئزه رحم ات! چونکي حقارتله چوخ دولموشوق.
جانيميز راحاتليقدا اولانلارين رئشخندئندن، تکبّورلو آداملارين حقارتئندن چوخ دويوب.
ائندي ائسرايئل بله دسئن: "اگر رب بئزئم يانيميزدا اولماسايدي،
آداملارين بئزئم ضئدّئمئزه قالخديغي واخت، اگر رب بئزئم يانيميزدا اولماسايدي،
قضبلري بئزئم ضئدّئمئزه آلوولانديغي واخت، بئزي دئري اوتارديلار.
او زامان سولار بئزي گؤتوروب آپاراردي، جانيميزين اوستوندن سل کچردي.
او واخت شپه‌له‌نن سولار جانيميزين اوستوندن کچردي."
رب موبارک اولسون، او رب کي، بئزي اونلارين دئشلرئنه اوو کئمي ورمه‌يئب.
اووچولارين تله‌سئندن قورتولان قوش کئمي‌يئک؛ تله قيريليب و بئز قورتولموشوق.
بئزه ربّئن آديندان، گؤي و يري ياراداندان کؤمک گلئر.
ربّه توکّول ادنلر صحيون داغي کئمي، ترپدئله بئلمز ابده کئمي دورار.
داغلار اورشلئمي آرايا سالديغي کئمي، رب ده خالقيني اله آرايا سالير؛ ائندئدن ابدهجک.
پئس آداملارين اساسي صالح آداملارا ورئلن يرئن اوستونده دورماياجاق کي، مبادا صالح آداملار اللرئني حاقسيزليغا اوزاتسينلار.
ياخشي اولانلارا، يارب، اورکلرئنده دوز اولانلارا ياخشيليق ات.
آمّا اؤز اَيري يوللارينا دؤنن آداملاري، رب فساد ائشله‌ينلرله برابر توتار. ائسرايئله صولح اولسون!
رب صحيونون خوشبختلئيئني گري گتئرنده، يوخو گؤرنلر کئمي ائدئک.
او زامان آغزيميز گولوشله دئلئمئز شادليق نغمه‌سي ائله دولدو. او زامان مئلّتلر آرالاريندا ددئلر: "رب اونلار اوچون بؤيوک ائشلر گؤروب."
رب بئزئم اوچون بؤيوک ائشلر گؤروب، اونا گؤره ده سوئنئرئک.
"نِگِب" چؤلونده آخان سولار کئمي، اسئرلرئمئزي گري گتئر، يارب.
گؤز ياشلاري ائله اکنلر، شادليق نغمه‌سي ائله بئچرلر.
آغلايا-آغلايا توخوم داشي‌ييب اکن، البتّه کي، بوغدا دسته‌لرئني گؤتورهجک، شادليق نغمه‌سي ائله گلهجکدئر.
اگر اِوي رب بئنا اتمه‌سه، بنّالارين زحمتي عبثدئر. اگر شهري رب قوروماسا، قوروقچونون اوياق قالماسي عبثدئر.
سئزئن اوچون عبثدئر کي، سحر ارکن قالخاسينيز، گج يوخويا گدهسئنئز، زحمتله قازانديغينيز چؤره‌يي يئيهسئنئز، چونکي رب، اؤز سودئکلرئنه يوخو ورئر.
باخ، اؤولاد ربدن گلن مئراثدير، بطنئن ثمرهسي اونون انعامي‌دير.
جنگاورئن الئنده اوخلار نجهدئر، جاوانليق اؤولادي دا بلهدئر.
خوش او آدامين حالينا کي، اوخلوغو اونلاردان دولودور؛ دروازا يانيندا دوشمنلري ائله موباحئثه ادن واخت، خجالت آلتيندا قالماياجاقلار.
خوش هر آدامين حالينا کي، ربدن قورخور، اونون يوللاريندا يرئيئر.
اؤز اللرئنئن ثمرهسئني يئيه‌جکسن؛ خوشبخت اولاجاقسان، هر شي سنه ياخشي گدهجک.
اوئنئن ائچئنده آروادين، ثمرهلي اوزوم آغاجي کئمي اولاجاق، اؤولادلارين دا سوفره‌نئن اطرافيندا زيتون آغاجلاري کئمي اولاجاقلار.
باخ، ربدن قورخان آدام بله برکت آلاجاق.
رب سنه صحيوندان برکت ورسئن، حياتينين بوتون گونلرئنده اورشلئمئن ياخشيليغيني گؤرهسن.
بلي، اؤولادلارينين اؤولادلاريني دا گؤرهسن. ائسرايئله صولح اولسون!
قوي ائسرايئل دسئن: "جاوانليغيمدان بري منه چوخ زحمت ورئبلر،
جاوانليغيمدان بري منه چؤخ زحمت ورئبلر، آمّا گئنه ده منه قالئب گله بئلمه‌يئبلر.
جوتچولر کوره‌يئمده جوت سوردولر؛ شيريملاريني اوزاتديلار."
رب صالحدئر؛ پئس آداملارين ائپلرئني کسئب.
قوي صحيوندان نئفرت ادنلرئن هاميسي اوتانيب گري دونسونلر.
دامدا بئتن اوت کئمي اولسونلار کي، قوپاريلماقدان قاباق قورويور.
اونونلا بئچئنچي اللرئني، دسته باغلايان دا قوجاغيني دولدورا بئلمئر.
يانيندان کچنلر ده دمزلر: "ربّئن برکتي اوستونده اولسون، ربّئن آديندا سنه برکت ورئرئک."
درئن يرلردن سني چاغيريرام، يارب؛
اي پروردئگاريم، سسئمي اشئت! قوي قولاقلارين ناله‌لرئمئن سسئني اشئتسئن.
اگر سن، يارب، بئزئم گوناهلاريميزي حسابا آلاسان، کئم دورا بئلر، اي پروردئگاريم؟
لاکئن سنده عفو وار کي، سندن قورخسونلار.
من ربّي گؤزله‌يئرم، جانيم گؤزلهيئر، من اونون سؤزونه اومئد باغلاييرام.
جانيم پروردئگاريمي گؤزلهيئر، صاباحي گؤزله‌ين قوروقچولاردان دا داها چوخ، بلي، صاباحي گؤزله‌ين قوروقچولاردان دا داها چوخ.
اي ائسرايئل، ربّه اومئد باغلا! چونکي ربده محبّت، اوندا خئلاص ورن بؤيوک قودرت وار.
اودور کي، ائسرايئلي بوتون گوناهلاريندان خئلاص ادئر.
يارب، نه اوره‌يئم تکبّورلو اولوب، نه ده گؤزلرئم کئبرله‌نئب. نه اؤزومو بؤيوک ائشلرله، نه ده حدّئمدن آرتيق عجايئب شيلرله مشغول اتدئم.
يقئن کي، جانيمي آرام اتمئشئم، ساکئت اتمئشم، آنا قوجاغيندا سوددن کسئلمئش بئر اوشاق کئمي؛ جانيم ائچئمده سوددن کسئلمئش بئر اوشاق کئميدئر.
اي ائسرايئل، ربّه اومئد باغلا، ائندئدن ابده کئمي.
يارب، داوودو و اونون بوتون فلاکتئني يادا سال؛
نجه ربّه آند ائچدي، يعقوبون قادئر تاريسينا نذر اتدي:
"اوئمئن چاديرينا گئرمه‌يه‌جيم، ياتاغيمين اوستونده ده راحاتلاماياجاغام.
گؤزومه يوخو ورمه‌يه‌جيم، قويماياجاغام دا کي، کئرپئکلرئم آغيرلانسين.
او قدر کي ربّه بئر ير، يعقوبون قادئر تاريسينا بئر مسکن تاپيم."
باخ، عهد صانديغي حاقّيندا اِفراتادا اشئتدئک، اونو ياعَر چؤلونده تاپديق.
"قوي اونون مسکنئنه گدک، قوي اونون قدمگاهيندا پرستئش ادک."
يارب، راحاتلاما يرئنه قالخ؛ سن و قودرتئنئن صانديغي.
قوي سنئن کاهئنلرئن صالحلئيه گيئنسئنلر، قوي سنئن موتّقئلرئن شادليقدان فرياد اتسئنلر.
قولون داوودون خاطئري اوچون، مسح اتدئيئندن اوز چوئرمه.
رب داوودا حقئقتله آند ائچئب، اوندان دؤنمه‌يه‌جکدئر: "سنئن تختئنه، بدنئنئن ثمره‌سئندن بئرئني اوتورداجاغام.
اگر اوغوللارين منئم عهدئمي، اونلارا اؤيرده‌جيئم شهادتلري ساخلايالار، اونلارين اوغوللاري دا سنئن تختئنه ابده کئمي اوتوراجاقلار."
چونکي رب صحيونو سچئب، اونو اؤزونه مسکن ائسته‌يئب.
"بو ابده کئمي منئم راحات يرئمدئر. بورادا ساکئن اولاجاغام، چونکي بونو آرزو اتمئشم.
بو يره چوخ روزي-برکت ورهجيم، يوخسوللاريني چؤرکله دويوراجاغام.
کاهئنلرئني نئجاتلا گيئندئره‌جيم، موتّقئلري شادليقدان فرياد ادهجکلر.
اورادا داوودا گوجلو بئر پادشاه چيخارداجاغام؛ مسح اتدئيئم پادشاهين چيراغيني يانار ساخلاياجاغام.
دوشمنلرئني خجالتله بورويه‌جيم، آمّا اونون تاجي باشيندا ائشيق ساچاجاق."
باخ، قارداشلارين بئرلئکده ياشاماقلاري نه ياخشي، نه خوشدور!
باشين اوستونده‌کي دَيَرلي ياغ کئميدئر، او ياغ کي، ساقّالدان، هارونون ساقّاليندان، اونون پالتارينين اَتکلرئنه اِنئر.
صحيون داغلاري اوستونه اِنَن خِرمون شحي کئميدئر؛ چونکي رب اورادا برکتي، ابدي حياتي بويوردو.
سئز، ربّئن بوتون قوللاري، ربّئن اوئنده گجه‌لر دورانلار، اونا حمد ادئن!
اللرئنئزي موقدّس يره طرف قالديريب، ربّه حمد ادئن!
گؤي و يري يارادان رب، صحيوندان سئزه برکت ورسئن.
ربّه حمد ادئن! ربّئن آدينا حمد ادئن! اي ربّئن قوللاري، اونا حمد ادئن؛
سئز، اي ربّئن اوئنده دورانلار، تارينين اوئنئن صحنلرئنده دورانلار.
ربّه حمد ادئن، چونکي رب ياخشي‌دئر؛ اونون آدينا پرستئش نغمه‌سي اوخويون، چونکي شئرئندئر.
چونکي رب يعقوبو اؤزو اوچون، ائسرايئلي اؤز مولکو سچئب.
بئلئرم رب بؤيوکدور، بئزئم پروردئگاريميز بوتون آللاهلاردان يوخاري‌دير.
گؤي اوزونده، ير اوزونده، دهنزلرده، بوتون درئن يرلرده، رب ائسته‌دئيئني ادئر.
دونيانين نهايتئندن بولودلار قالديرير، ياغيش اوچون شئمشک دوزه‌لدئر؛ آنبارلاريندان يل گتئرئر.
ائنساندان حيوانا قدر، مئصئر اهلئنه ائلک دوغولانلاري هلاک اتدي؛
سنئن ائچئنده، اي مئصئر، فئرعونلا بوتون خئدمتچئلري اوستونه، علامتلر و مؤجوزهلر گؤنده‌ردي.
چوخ مئلّتلري هلاک اتدي، قودرتلي پادشاهلاري اؤلدوردو:
اِمورلولارين پادشاهي سئخونو، باشان پادشاهي عوگو، کَنَعانين بوتون پادشاهلاريني.
اونلارين تورپاغيني مئراث، اؤز خالقي ائسرايئله مئراث وردي.
سنئن آدين ابديدئر، يارب، سنئن شؤهرتئن بوتون نسئللرده گزئر، يارب؛
چونکي رب اؤز خالقيني حاقلي چيخارداجاق، قوللارينا مرحمت ادهجکدئر.
مئلّتلرئن بوتلري گوموش و قيزيلدير، ائنسان الئنئن ائشي‌دئر.
آغيزلاري وار، لاکئن دانيشميرلار. گؤزلري وار، لاکئن گؤرمورلر.
قولاقلاري وار، لاکئن اشئتمئرلر؛ آغيزلاريندا نفس ده يوخدور.
اونلاري قاييرانلار اونلار کئمي اولاجاقلار: الجه ده اونلارا توکّول ادن هر کس.
اي ائسرايئل اِوي، ربّه حمد ادئن! اي هارون اِوي، ربّه حمد ادئن!
اي لاوي اِوي، ربّه حمد ادئن! اي ربدن قورخانلار، ربّه حمد ادئن!
اورشلئمده ساکئن اولان رب، صحيوندان موبارک اولسون! ربّه حمد ادئن!
ربّه شوکور ادئن، چونکي ياخشيدير، چونکي محبّتي ابديدئر.
تاريلارين تاريسينا شوکور ادئن، چونکي محبّتي ابديدئر.
پروردئگارين پروردئگارينا شوکور ادئن، چونکي محبّتي ابديدئر.
اونا کي، آنجاق او، بؤيوک و عجايئب ائشلر ادئر، چونکي محبّتي ابديدئر.
اونا کي، گؤيلري حئکمتله ياراتدي، چونکي محبّتي ابديدئر.
اونا کي، يري سولار اوستونده يايدي، چونکي محبّتي ابديدئر.
اونا کي، بؤيوک ائشيقلار ياراتدي، چونکي محبّتي ابديدئر.
گوندوزه حؤکمرانليق اتمک اوچون گونو ياراتدي، چونکي محبّتي ابديدئر.
گجه‌يه حؤکمرانليق اتمک اوچون آي و اولدوزلاري ياراتدي، چونکي محبّتي ابديدئر.
اونا کي، مئصئرليلرئن ائلک دوغولانلاريني قيردي، چونکي محبّتي ابديدئر.
ائسرايئلي اونلارين آراسيندان چيخارتدي، چونکي محبّتي ابديدئر.
قووّتلي ال‌له، اوزاديلميش قوللا، چونکي محبّتي ابديدئر.
اونا کي، قيزيل دهنزي ائکي بؤلدو، چونکي محبّتي ابديدئر.
ائسرايئلي اونون اورتاسيندان کچئرتدي، چونکي محبّتي ابديدئر.
آمّا فئرعون و اونون قوشونونو قيزيل دهنزه تؤکدو، چونکي محبّتي ابديدئر.
اونا کي، خالقينا چؤلده رهبرلئک اتدي، چونکي محبّتي ابديدئر.
اونا کي، بؤيوک پادشاهلاري ووروب ييخدي، چونکي محبّتي ابديدئر.
گوجلو پادشاهلاري اؤلدوردو، چونکي محبّتي ابديدئر.
اِمورلولارين پادشاهي سئخونو، چونکي محبّتي ابديدئر.
باشانين پادشاهي عوگو، چونکي محبّتي ابديدئر.
اونلارين تورپاغيني مئراث وردي، چونکي محبّتي ابديدئر.
قولو ائسرايئله بئر مئراث، چونکي محبّتي ابديدئر.
او کي، ذئلّتئمئزده بئزي يادا سالدي، چونکي محبّتي ابديدئر.
بئزي دوشمنلرئمئزدن خئلاص اتدي، چونکي محبّتي ابديدئر.
او کي، بوتون مؤوجودلارا يمک ورئر، چونکي محبّتي ابديدئر.
گؤيلرئن تاريسينا شوکور ادئن، چونکي محبّتي ابديدئر.
بابئل چايلاري قيراغيندا، اورادا اوتوردوق، صحيونو يادا سالاندا آغلاديق.
چنگلرئمئزي اورادا اولان سؤيوت آغاجلاريندان آسديق.
چونکي اورادا، بئزي اسئرلئيه آپارانلار، بئزدن بئر نغمه ائسته‌دئلر، بئزه عذاب ورنلر بئزدن شنلئک طلب اتدئلر. ديئردئلر: "صحيون نغمه‌لرئندن بئرئني بئزه اوخويون."
اجنبي تورپاغيندا ربّئن نغمه‌سئني نجه اوخوياجاغيق؟
اگر سني ياددان چيخارتسام، اي اورشلئم، صاغ الئم هونرئني ياددان چيخارتسين!
اگر سني خاطيرلاماسام، قوي دئلئم داماغيما ياپيشسين؛ اگر سني، اي اورشلئم، لاپ بؤيوک شادليغيمدان دا يوخاري توتماسام.
يارب، اِدوملولاري بئر يادا سال کي، اورشلئمئن ييخيلديغي گون ددئلر: "ييخين، اونو بونؤوره‌سئنه قدر ييخين!"
اي سن، محو اولاجاق بابئل شهري؛ خوش اونون حالينا کي، بئزه اتدئيئنئن جزاسيني سنه ورسئن!
خوش اونون حالينا کي، بالالاريني توتوب قايايا چيرپسين!
بوتون اوره‌يئمله سني حمد ادهجيم؛ ائلاهي مؤوجودلار حوضوروندا سنه پرستئش نغمه‌سي اوخوياجاغام.
موقدّس معبدئنئن طرفئنه سجده قيلاجاغام، محبّتئن اوچون، حقئقتئن اوچون، سنئن آدينا شوکورلر ادهجيم، چونکي آديني و سؤزونو هر شيدن داها اوجا ادئبسن.
چاغيرديغيم گونده منه جاواب وردئن، جانيمدا قووّتله مني اورکلندئردئن.
ير اوزونون بوتون پادشاهلاري سنه حمد ادهجکلر، يارب، چونکي آغزيندان چيخان سؤزلري اشئتدئلر.
بلي، ربّئن يوللاريني اوخوياجاقلار، چونکي ربّئن شؤوکتي بؤيوکدور.
گرچي رب اوجالاردادير، آمّا گئنه ده آلچاق آدامي گؤرور؛ لاکئن تکبّورلو آدامي اوزاقدان تاني‌يير.
مشقّت ائچئنده گزسم بله، دوشمنلرئمئن قضبئندن مني ساخلاييرسان، ساغ الئن منه نئجات ورئر.
رب منئم اوچون اولاني تکمئل ادهجک؛ سنئن محبّتئن، يارب، ابديدئر؛ اللرئنئن ائشئني ترک اتمه.
يارب، مني ائمتئحانا چکئبسن و تاني‌ييبسان.
نه زامان اوتوردوغومو، نه زامان قالخديغيمي بئلئرسن: فئکرئمي اوزاقدان آنلاييرسان.
يولومو و ياتديغيم يري گؤز آلتينا آليرسان، منئم بوتون يوللاريمدان خبرئن وار.
دئلئمه بئر سؤز گلمهمئش، باخ، يارب، سن اونون هاميسيني بئلئرسن.
آرخادان و قاباقدان مني آرايا ساليب الئني اوستومه قويوبسان.
بو معلومات منئم اوچون چوخ عجايئبدئر؛ او قدر يوخاري کي، اونا چاتا بئلمئرم.
سنئن روحوندان هارايا گده بئله‌رم؟ سنئن حوضوروندان هارايا قاچا بئله‌رم؟
گؤيلره چيخسام، اوراداسان. دؤشه‌يئمي اؤلولر دئياريندا سالسام، اوراداسان.
اگر سحرئن قانادلاري ائله اوچوب گدم، دهنزئن او بئري باشيندا منزئل ادم،
اورادا دا سنئن الئن منه يول گؤرسه‌در، صاغ الئن مني توتار.
دسم: "قوي قارانليق مني اؤرتسون، قوي اطرافيمداکي ائشيق گجه‌يه دؤنسون"،
يقئن کي، قارانليق دا سنئن اوچون قارانليق ديئل، گجه ده گون کئمي ائشيقلانار، سنئن اوچون قارانليق و ائشيق بئردئر.
بؤيرکلرئمي سن ياراديبسان، آنامين بطنئنده سن مني توخويوبسان.
سنه شوکور ادئرم، چونکي هيبتلي و عجايئب بئر تَحَر يارانميشام! سنئن ائشلرئن قرئبه‌دئر؛ جانيم بونو ياخشي بئلئر.
گئزلي يرده ياراديلديغيم زامان، دونيانين درئن يرلرئنده قورولدوغوم زامان، بدنئم سندن گئزلي ديئلدي.
جنئن ائکن گؤزلرئن مني گؤردو؛ منئم اوچون تعيئن اولونان گونلرئن هاميسي، داها اونلاردان هچ بئري يوخ ائکن، سنئن کئتابيندا يازيلميشدي.
فئکئرلرئن منئم اوچون نه ديرلي‌دئر، اي تاري! ساييلاري نه قدر چوخدور!
اگر اونلاري سايسام، قوم دنه‌لرئندن چوخ اولاجاق؛ اويانديغيم زامان حله ده سنئن يانيندايام.
کاشکي پئس آدامي اؤلدورسَيدئن، اي تاري! سئز، اي قاتئللر، مندن اوزاق دورون!
چونکي سنئن حاقّيندا کوفر دانيشيرلار، سنئن آدينين ضئدّئنه پئس سؤزلر ديئرلر.
يارب، سندن نئفرت ادنلردن مگر نئفرت اتمئرم؟! سنئن ضئدّئنه قالخانلاردان مگر ائير‌نمئرم؟!
بوتون نئفرتئمله اونلاردان نئفرت ادئرم: اونلاري اؤزوم اوچون دوشمن ساييرام.
مني تفتئش ات، اي تاري، اوره‌يئمي بئل. مني ائمتئحانا چک و فئکئرلرئمي بئل.
باخ گؤر آيا قلبئمده پئسلئيه يول ورئرم؟ ابدي يولدا منه رهبر اول.
شر آداملاردان مني قورتار، يارب، قدّار آدامدان مني حئفظ ات؛
اونلار اورکلرئنده پئسلئک دوشونورلر، دائم موحارئبه اوچون ييغيليرلار.
دئللرئني ائلان کئمي ائتئلدئرلر، افعي زهري دوداقلارينين آلتيندا وار. سِلا
پئس آداملارين الئندن مني حئفظ ات، يارب، قدّار آدامدان مني ساخلا؛ اونلار قدملرئمي سوروشدورمه‌يه قصد ادئرلر.
تکبّورلو آداملار منئم اوچون کمند و ائپلر سرئبلر، يولون قيراغيندا تور سرئبلر، منئم اوچون تله دوزهلدئبلر. سِلا
ربّه ددئم: "منئم تاريم سنسن؛ يالواريشلاريمين سسئنه قولاق آس، يارب."
يارب، پروردئگاريم، اي نئجاتيمين قووّتي، موحارئبه گونونده منئم باشيمي سن اؤرتوبسن.
يارب، پئس آدامين ائسته‌دئيئني يرئنه يتئرمه؛ پئس نئيّتلرئني مقصدئنه چاتديرما، مبادا کئبرلَنسئن. سِلا
قوي مني دؤوره‌له‌ينلرئن باشيني، دوداقلاريندان تؤکولن پئسلئک اؤرتسون.
قوي يانديريب-ياخان کؤز اونلارا تؤکولسون؛ درئن قويولارا آتيلسينلار، اله کي، تکرار قالخا بئلمه‌سئنلر.
قويما بؤهتان آتان آدام ير اوزونده برقرار اولسون، قدّار آدامي يوخ اتمک اوچون قوي پئسلئک اونو قووالاسين.
بئلئرم کي، رب فاغير آدامين دادينا چاتاجاق، يوخسوللارا عدالت گؤرسدهجک.
يقئن کي، صالح آداملار سنئن آدينا شوکور ادرلر؛ دوز آداملار سنئن حوضوروندا ساکئن اولارلار.
يارب، سني چاغيريرام؛ منه تز يتئش! سنه فرياد اتدئيئم زامان سسئمه قولاق آس.
قوي دوعام سنئن حوضورونا رايئحه کئمي قالخسين، پرستئشئم آخشام قورباني کئمي اولسون.
آغزيما، يارب، گودوکچو قوي؛ دوداقلاريمين قاپيسيني سن حئفظ ات.
قويما اوره‌يئم هچ پئس شيه چکئلسئن، فاسئد آداملارلا پئس ائشلر گؤرمه‌يه مشغول اولماييم. اونلارين دادلي يمکلرئندن ده يمه‌يئم.
قوي مني صالح آدام وورسون؛ منه محبّتدئر. قوي مني تأدئب اتسئن؛ باشيمين ياغيدير، قويما باشيم اونو ردّ اتسئن. چونکي حله ده دوعام پئس آداملارين ائشلرئنئن ضئدّئنهدئر.
اونلارين حاکئملري قايانين اوچوروموندان آتيلاندا، سؤزومو اشئدهجکلر، چونکي سؤزوم شئرئندئر.
جوت سورولوب ياريلميش تورپاق کئمي، سوموکلرئمئز اؤلولر دئيارينين قاپيسينا داغيليب.
لاکئن گؤزلرئم سنه دئکئلئب، يارب، اي پروردئگاريم؛ سنه پناه گتئرئرم، جانيمي مؤحتاج بوراخما.
منه قوردوقلاري تله‌دن، فساد ائشله‌ينلرئن تله‌سئندن، مني حئفظ ات.
من تک سالامات قاچار ائکن، قوي پئس آداملار اؤز تورلارينا دوشسونلر.
اوجا سسله ربّه فرياد ادئرم، اوجا سسله ربّه يالواريرام.
شئکايتئمي اونون حوضورونا تؤکورم، زحمتئمي اونون حوضوروندا اعلان ادئرم.
روحوم ائچئمده حالدان گتدئيي زامان يولومو بئلئردئن. يرئدئيئم يولدا منئم اوچون گئزلئجه تله قوردولار.
منئم صاغ طرفئمه باخ و گؤر، چونکي هچ تانيش يوخدور. هچ پناهيم يوخدور، هچ کس جانيمين قيدئنده ديئل.
سني چاغيريرام، يارب؛ ددئم: "منئم پناهيم سنسن، دئرئلر دئياريندا پاييم سنسن."
فرياديما قولاق ور، چونکي ذلئل اولموشام؛ منه عذاب ورنلردن مني قورتار، چونکي مندن داها قووّتلئدئرلر.
جانيمي زئنداندان چيخارت کي، آدينا شوکور ادئم؛ صالح آداملار اطرافيما ييغيلارلار، چونکي سن منه بوللوقجا احسان ادرسن.
يارب، دوعامي اشئت، يالواريشلاريما قولاق ور! وفادارليغيندا، صالحلئيئنده منه جاواب ور.
قولونلا موحاکئمهيه گئرمه، چونکي ياشايانلاردان هچ بئري سنئن نظرئنده صالح ديئل.
دوشمن جانيما عذاب ورئب؛ حياتيمي يره چيرپيب؛ چوخدان اؤلموش آداملار کئمي، مني قارانليقدا ساکئن ادئب.
اونا گؤره ده روحوم ائچئمده حالدان گدئب، اوره‌يئم ائچئمده پرئشاندير.
قدئم گونلري خاطيرلاييرام؛ سنئن بوتون ائشلرئن اوستونده درئن دوشونورم؛ اللرئنئن ائشي اوستونده فئکئرله‌شئرم.
اللرئمي سنه طرف اوزاديرام؛ جانيم سوسوز بئر ير کئمي سنه حسرت چکئر. سِلا
منه تز جاواب ور، يارب؛ روحوم قووّتدن دوشور. اوزونو مندن گئزلتمه، يوخسا قبئره اننلر کئمي اولارام.
محبّتئني سحر واختي منه اشئتدئر، چونکي سنه توکّول ادئرم: گده‌جيئم يولو منه بئلدئر، چونکي جانيمي سنه قالديريرام.
دوشمنلرئمدن مني قورتار، يارب؛ سنه پناه گتئرئرم.
منه اؤيرت کي، سنئن ائسته‌يئني يرئنه يتئرئم، چونکي تاريم سنسن؛ سنئن ياخشي روحون دوز يولدا مني هئدايت اتسئن.
آدينين خاطئرئنه، يارب، مني دئرئلت! صالحلئيئنئن خاطئرئنه جانيمي دارليقدان قورتار.
محبّتئنده خصملرئمي قير، بوتون جان دوشمنلرئمي محو ات، چونکي من سنئن قولونام.
قايام اولان رب موبارک اولسون، او کي، اللرئمي جنگه، بارماقلاريمي موحارئبهيه اؤيره‌دئر؛
وفالي دوستوم و قالام، اوجا بورجوم و منئم قورتاريجيم، قالخانيم و اونا پناه آپارديغيم اودور، او کي، خالقيمي مندن ائطاعت اتمه‌يه چکئر.
يارب، ائنسان نه‌دئر کي، اونو تانيياسان؟ ائنسان اؤولادي نه‌دئر کي، اونون قيدئنه قالاسان؟
ائنسان بئر نفس کئميدئر، گونلري کچئب گدن بئر کؤلگه کئميدئر.
يارب، گؤيلرئني يار و آشاغي ان؛ داغلارا دَي کي، توستولنسئن.
شئمشک چاخدير و دوشمنلري داغيت، اوخلاريني آت و اونلاري پرئشان ات.
الئني يوخاريدان اوزات؛ مني بؤيوک سولاردان، اجنبي الئندن قورتار و آزاد ات،
اونلارين آغيزلاري بوش سؤزلر دانيشير، صاغ اللري يالانين صاغ الي‌دئر.
سنه تزه بئر نغمه اوخوياجاغام، اي تاري، اون سئملي چنگله سنه پرستئش نغمه‌سي اوخوياجاغام،
سنه کي، پادشاهلارا ظفر ورئرسن، قولون داوودو اؤلوملو قيلينجدان قورتاريرسان.
مني قورتار و مني اجنبئلر الئندن آزاد ات. اونلارين آغيزلاري بوش سؤزلر دانيشير، صاغ اللري يالانين صاغ الي‌دئر.
او زامان، اوغوللاريميز جاوانليغيندا بؤيوموش آغاجلار کئمي اولارلار. قيزلاريميز سارايين يونولموش سوتونلاري کئمي اولارلار.
آنبارلاريميز دولوب، اونلاردان جوربهجور محصول چيخسين. قويونلاريميز زمئلرئمئزده مئنلر و اون مئنلرله چوخالسين.
ماللاريميز بالالارلا آغيرلانسين. نه دوواريميز چاتلاسين، نه ده اسئرلئيه گده‌نئمئز اولسون. کوچه‌لرئمئزده شئون سسي اولماسين.
بله اولان خالقين خوش حالينا؛ خوش او خالقين حالينا کي، اونلارين تاريسي ربدئر.
سني اوجالتاجاغام، اي تاريم، اي پادشاه، سنئن آدينا ابددن ابدهجک حمد اوخوياجاغام.
هرگون سنه حمد اوخوياجاغام، سنئن آدينا ابددن ابدهجک حمد ادهجيم.
رب بؤيوکدور، بؤيوک حمدلره لايئقدئر، اونون عظمتئنه عاغيل قد ورمز.
نسئلدن-نسله سنئن ائشلرئن تعرئفلنه‌جک، سنئن قودرتلي عمللرئني اعلان ادهجک.
جلالينين عئزّتلي شؤوکتي بارهده، سنئن عجايئب ائشلرئن حاقّيندا درئن دوشونه‌جيم.
ائنسانلار سنئن هيبتلي ائشلرئنئن قودرتئندن دانيشاجاقلار، من ده سنئن عظمتئني اعلان ادهجيم.
اونلار سنئن ياخشيليغينين خاطئره‌سئني اعلان ادهجکلر، صالحلئيئني شادليقلا اوخوياجاقلار.
رب مرحمتلي و مهرئباندير، چوخ صبئرلي‌دئر و محبّتي بؤيوکدور.
رب هامييا ياخشيدير، مهرئبانليغي دا بوتون ائشلري اوستوندهدئر.
يارب، بوتون ائشلرئن سنه حمد ادهجک، موتّقئلرئن سنه حمد اوخوياجاقلار.
پادشاهليغينين شؤوکتئندن دئيهجکلر، سنئن قودرتئندن دانيشاجاقلار کي،
ائنسان اؤولادلارينا اونون قودرتلي عمللرئني، پادشاهليغينين شؤوکتلي جلاليني بئلدئرسئنلر.
سنئن پادشاهليغين ابدي پادشاهليقدئر، سلطنتئن نسئل‌به‌نسئل سورور. رب وردئيی بوتون وعده‌لرئنی توتار، بوتون عمللرئنده صادئقدئر.
رب بوتون دوشنلره داياق اولور، بوتون اَيئلمئش اولانلاري قالديرير.
هامينين گؤزو سني گؤزلهيئر، سن اونلارين يمه‌يئني واختيندا ورئرسن.
الئني آچيرسان، هر ياشاياني ائستهيئنه گؤره دويورورسان.
رب بوتون يوللاريندا صالحدئر، بوتون ائشلرئنده مهرئبان.
رب اونو چاغيرانلارين هاميسينا، اونو حقئقتله چاغيران هرکسه ياخيندير.
اوندان قورخانلارين آرزولاريني اونلارا ورهجک اونلارين فرياديني دا اشئدئب اونلارا نئجات ورهجکدئر.
رب اونو سِوَنلرئن هاميسيني حئفظ ادئر، لاکئن بوتون پئس آداملاري هلاک ادهجک.
آغزيم ربّئن حمدئني دانيشاجاق، بوتون مؤوجودلار ابددن ابدهجک اونون موقدّس آدينا حمد اوخوياجاقلار.
ربّه حمد ادئن! ربّه حمد ات، اي جانيم.
عؤمروم اولدوقجا ربّه حمد ادهجيم؛ نه قدر وارام، تاريما پرستئش نغمه‌سي اوخوياجاغام.
نه اعيانلارا توکّول ادئن، نه ده قورتارا بئلمه‌ين ائنسان اؤولادينا.
روحو اوندان آيريلار، تورپاغا دؤنر، اله او گونده نئيّت اتدئکلري يوخ اولار.
خوش او آدامين حالينا کي، يعقوبون تاريسي اونون کؤمه‌يي‌دئر، اومئدئني تاريسي ربّه باغلايير.
او رب کي، گؤي و يري ياراتدي، دهنز و اوندا اولانلارين هاميسيني. او رب کي، ابده کئمي وفالي قالير.
او رب کي، مظلوم آداملارا عدالت گؤرسه‌دئر، آج آداملارا چؤرک ورئر. رب اسئرلري آزاد ادئر،
رب کورلارين گؤزلرئني آچير، اَيئلمئش اولانلاري قالديرير. رب صالح آداملاري سِوئر.
رب قرئبلري حئفظ ادئر، آتاسيز و دول آروادين الئندن توتور، لاکئن پئس آدامين يولونو آلت-اوست ادئر.
سنئن تارين رب، ابده کئمي، اي صحيون، نسئلدن-نسله سلطنت ادهجک. ربّه حمد ادئن!
ربّه حمد ادئن. تاريميزا پرستئش نغمه‌سي اوخوماق نه ياخشيدير! چونکي خوشدور، حمده لايئقدئر.
رب اورشلئمي بئنا ادر؛ ائسرايئلئن اسارتده اولانلاريني بئر يره ييغيب گتئرر،
اوره‌يي سينميشلاري صاغالدار، اونلارين يارالاريني باغلايار.
اولدوزلارين ساييني سايار؛ اونلارين هاميسيني آدلاري ائله چاغيرار.
بئزئم پروردئگاريميز بؤيوکدور، قودرتي چوخدور؛ علمئنه حد يوخدور.
رب باشي آشاغي آداملاري اوجالدار؛ پئس آداملاري يره قدر آلچاق ادر.
ربّه شوکورلرله اوخويون؛ تاريميزا طنبورلا پرستئش نغمه‌سي اوخويون،
او کي، گؤيلري بولودلارلا اؤرتور، او کي، ياغيشي ير اوچون حاضيرلايير، او کي، داغلاردا اوت بئتدئرئر.
حيوانلارا، چيغيريشان قارغا بالالارينا او، يمکلرئني ورئر.
آتين قووّتئندن شادليق اتمز، ائنسانين بودلاريندان خوشلانماز.
رب اوندان قورخانلاردان، محبّتئنه اومئد باغلايانلاردان خوشلانار.
ربّه حمد ات، اي اورشلئم! تارينا حمد ات، اي صحيون!
چونکي دروازالارينين چفته‌لرئني قووّتلندئرئب، ائچئنده اولان اؤولادلارينا برکت ورئب.
او، سنئن سرحدلرئنه صولح حاکئم ادر، بوغدانين اعلاسي ائله سني دويورار.
امرئني يره گؤنده‌رَر؛ سؤزو تز آخار.
آغ يون کئمي قار ورر؛ شاختاني کول کئمي سپر.
دولوسونو تئکه-تئکه آتار؛ اونون سويوغونون قاباغيندا کئم دايانا بئلر؟
سؤزونو گؤنده‌رر و اونلاري ارئدر؛ يلئني اسدئرر و سولاريني آخاردار.
سؤزونو يعقوبا، قانونلاريني و حؤکملرئني ائسرايئله اعلان ادر.
هچ بئر مئلّته بله اتمهيئب؛ اونون حؤکملرئني بئلمئرلر. ربّه حمد ادئن!
ربّه حمد ادئن! گؤيلردن ربّه حمد ادئن، اوجالاردا اونا حمد ادئن!
اونا حمد ادئن، اي اونون بوتون ملکلري، اونا حمد ادئن، اي اونون بوتون قوشونلاري!
اونا حمد ادئن، اي گون و آي، اونا حمد ادئن، اي پاريلدايان بوتون اولدوزلار!
اونا حمد ادئن، اي گؤيلرئن گؤيلري، اي گؤيلرئن اوستونده اولان سولار!
قوي اونلار ربّئن آدينا حمد اتسئنلر، چونکي امر اتدي و يارانديلار؛
اونلاري ابددن ابدهجک دوردوروب. پوزولمايان بئر قانون قويوب.
ير اوزوندن ربّه حمد ادئن، اي دهنز اژداهالاري و بوتون درئنلئکلر،
اود و دولو، قار و توستو، اونون امرئني يرئنه يتئرن کولکلي يل،
داغ و بوتون تپه‌لر، مئيوه‌لي آغاجلار و بوتون سئدر آغاجلاري،
وحشي حيوانلار و بوتون اهلي حيوانلار، سوروننلر و اوچان قوشلار،
ير اوزونون پادشاهلاري و بوتون طايفالار، امئرلر و يرئن بوتون حاکئملري،
جاوان اوغلانلار و قيزلار، قوجالار و اوشاقلار!
قوي اونلار ربّئن آدينا حمد اتسئنلر، چونکي آنجاق اونون آدي اوجالميشدير؛ اونون شؤوکتي يرئن و گؤيون اوستوندهدئر.
رب خالقينين قودرتئني اوجالديب کي، اؤزونه ياخين بئر خالق اولان ائسرايئل اؤولادلارينا، بوتون موتّقئلرئنه حمد اولسون. ربّه حمد ادئن!
ربّه حمد ادئن! ربّه تزه بئر نغمه اوخويون، اونون حمدي موتّقئلرئنئن جاماعاتيندا اولسون.
قوي ائسرايئل اؤز خالئقئنده سوئنسئن؛ قوي صحيون اؤولادلاري پادشاهلاريندا شادليق اتسئن.
قوي اونون آديني رقصله حمد اتسئنلر، قوي اونا دف و طنبورلا پرستئش نغمه‌سي اوخوسونلار.
چونکي رب اؤز خالقيندان راضيدير؛ باشي آشاغي اولانلاري نئجاتلا گؤزل‌لَشدئرئر.
قوي موتّقئلر عئزّت ائچئنده سوئنسئنلر؛ قوي ياتاقلاريندا سوئنجله ترنّوم اتسئنلر.
آغيزلاريندا تارينين اوجا حمدي، اللرئنده ائکي آغيزلي قيلينج اولسون کي،
مئلّتلردن ائنتئقام آلسينلار، طايفالاري تنبه اتسئنلر؛
پادشاهلاريني زنجئرلرله، نجئبزاده‌لرئني دمئر کوندهلرله باغلاسينلار؛
يازيلميش اولان حؤکمو اونلارين ضئدّئنه يرئنه يتئرسئنلر. بو شرف اونون بوتون موتقئلرئنئن‌دئر. ربّه حمد ادئن!
ربّه حمد ادئن! موقدّس يرئنده تارييا حمد ادئن؛ قودرتئنئن قوبّه‌سئنده اونا حمد ادئن!
قودرتلي ائشلري اوچون اونا حمد ادئن؛ عظمتئنئن چوخلوغونا گؤره اونا حمد ادئن!
شيپور سسي ائله اونا حمد ادئن؛ چنگ و طنبورلا اونا حمد ادئن.
دف و رقصله اونا حمد ادئن؛ سازلار و نِی‌له اونا حمد ادئن.
اوجا سسلي سنجلرله اونا حمد ادئن، خوش سسلي سنجلرله اونا حمد ادئن.
قوي نفسي اولان هرکس ربّه حمد اتسئن. ربّه حمد ادئن!
ائسرايئل پادشاهي، داوودون اوغلو سوليمانين مثللري:
حئکمت و تربئيه‌ني بئلمک اوچون، آنلاقلي سؤزلري باشا دوشمک اوچون،
صالحلئک، عدالت و ائنصاف بارهده عاغيلّي تربئيه‌ني آلماق اوچون،
جاهئل آداملارا شوعور، جاوان اوغلانا معرئفت و دوشونجه ورمک اوچون؛
قوي حئکمتلي آدام قولاق آسيب علمي آرتيرسين و فهئم آدام تدبئر قازانسين.
اوندان اؤتري کي، مثللر و کئنايه‌لري، حئکمتلي آداملارين سؤزلر و تاپماجالاريني آنلاسين.
ربدن قورخماق معرئفتئن باشلانيشيدير، آمّا سفه‌لر حئکمت و تربئيه‌ني حقئر گؤرَرلر.
اوغلوم، آتانين وردئيي تربئيه‌ني اشئت، آنانين اؤيرتدئکلرئني بوراخما.
چونکي سنئن باشينا گؤزل بئر چلنگ کئمي، بوينونا بويونباغي کئمي اولار.
اوغلوم، اگر گوناهکارلار سني آزديرماق ائستهسهلر، راضي اولما.
اگر دسهلر: "بئزئمله گل، قوي قان تؤکمک اوچون گئزله‌نک، ناحاق يره گوناهسيز ائنسان اوچون کمئنده گؤزله‌يک.
گل اونلاري اؤلولر دئياري کئمي دئري-دئري اوداق، دئبسئز قبئره دوشنلر کئمي تامامن اوداق.
جوربهجور قئيمتلي شيلر تاپاريق، قارت مالي ائله اِولرئمئزي دولدوراريق.
بئزئمله آياق اول، قوي کئسه‌مئز بئر اولسون."
اوغلوم، اونلار گدن يوللاري گتمه، آياغيني اونلارين يولوندان اوزاق ساخلا.
چونکي اونلارين آياقلاري پئسلئک اوچون قاچير، قان تؤکمه‌يه تله‌سئرلر.
دوغرودان دا، بئر قوشون گؤزو قاباغيندا تور سرمک فايداسيزدير.
لاکئن اونلار اؤز قانلاريني تؤکمک اوچون گئزله‌نئرلر، اؤز جانلاري اوچون کمئنده گؤزلهيئرلر.
حاقسيز قازانجا طاماح ادن هر کسئن يوللاري بلهدئر؛ طاماحي اونون جانيني آلار.
حئکمت باييردا اوجا سسله چاغيرير، سسئني ميدانلاردا اوجالدير.
سسلي-کويلو کوچهلرئن باشيندا چيغيرير، شهرئن دروازالاريندا بله ديئر:
"نه واختا کئمي سئز جاهئل آداملار، اؤز جهالتئنئزي سوه‌جکسئنئز؟ نه واختاجاق رئشخند ادنلر اؤز رئشخندلرئندن حظّ ادهجکلر؟ آخماقلار دا معرئفتدن نئفرت ادهجکلر؟
اگر منئم مذمّتئمدن دوزَلسَيدئنئز؛ روحومو اوستونوزه تؤکردئم، سؤزلرئمي ده سئزه بئلدئرَردئم.
چونکي سئزي چاغيرديم، سئز مني ردّ اتدئنئز، الئمي اوزاتديم، هچ کس دئقّت ورمه‌دي.
منئم بوتون نصئحتلرئمي هچ سايدينيز، مذمّتلرئمي قبول اتمه‌دئنئز.
بونا گؤره ده، بلا اوستونوزه گلنده من ده سئزه گوله‌جيم، دهشت سئزي بوروينده، من ده سئزي رئشخند ادهجيم.
دهشت سئزه طوفان کئمي هوجوم ادنده، بلا سئزه فيرلانان يل کئمي گلنده، دارليق و زحمت اوستونوزه دوشنده،
اونلار مني چاغيراجاقلار، لاکئن من جاواب ورمه‌يه‌جيم. مني جهدله آختاراجاقلار، لاکئن تاپا بئلمهيهجکلر.
چونکي اونلار معرئفتدن نئفرت اتدئلر، ربّدن قورخماغي سچمه‌دئلر.
منئم نصئحتلرئمي ائسته‌مه‌يئب، بوتون مذمّتلرئمي اله سالديلار.
اونون اوچون ده، اؤز يولونون ثمره‌سئندن يئيه‌جکلر، اؤز مشورتلرئندن دوياجاقلار.
چونکي جاهئل آداملارين اؤزباشيناليق‌لاري اونلاري اؤلدورهجک، آخماق آداملارين لاقيدلئيي اونلاري يوخ ادهجک؛
آمّا منه قولاق آسان هرکس امئن-آمانليقدا ياشاياجاق، پئسلئيئن دهشتئندن قورخوماييب راحات قالاجاقدير."
اوغلوم، اگر منئم سؤزلرئمي قبول ادهسن، اگر وردئيئم امرلري اوره‌يئنده ساخلاياسان،
اله کي، حئکمته قولاق آسيب، اوره‌يئني فراست الئنه ورهسن.
هم ده اگر آنلاق اوچون باغيريب، فراست اوچون سسئني اوجالداسان.
اگر اونو گوموش کئمي، گئزله‌دئلمئش بئر خزئنه کئمي آختاراسان؛
او زامان ربدن قورخماغي آنلايارسان و تاريني تانييارسان.
چونکي حئکمتي رب ورئر، معرئفت و فراست اونون آغزيندان گلئر.
صالح ائنسانلار اوچون شوعور ساخلايير، دوغرولوقلا گزنلر اوچون سئپردئر.
عدالت يولونو قورويور، مؤمئنلرئنئن يولونو حئفظ ادئر.
او زامان صالحلئک و عدالتي، ائنصاف و هر ياخشي يولو آنلايارسان.
چونکي حئکمت اوره‌يئنه گئرر، جانين معرئفتدن خوشلانار،
دوشونجه سني حئفظ ادر، فراست سني قورويار.
اله کي، سني پئس آدامين يولوندان، ترسه دانيشان آدامين الئندن قورتارار.
او آداملاردان کي، دوز يوللاري بوراخيب، قارانليق يوللاريندا گزئرلر.
او آداملاردان کي، پئس ائشلردن سوئنئرلر، پئس آدامين ترسه سؤزلرئندن کف ادئرلر.
او آداملاردان کي، يوللاري اَيري‌دئر، يوللاري دولاشيقدير.
اله کي، سني عئفّتسئز آرواددان، اونون آلداتان يومشاق سؤزلرئندن قورتارار.
او آرواددان کي، جاوانليغيندا گدن اَري بوراخير، تارينين عهدئني ياددان چيخاردير.
چونکي اونون اِوي اؤلومه، اونون يوللاري اؤلولره گدئر.
يانينا گدنلردن هچ بئري دؤنه بئلمز، حيات طرئقلرئنه ده آرتيق چاتا بئلمز.
بلجه، ياخشي آداملارين يولوندا گزر‌سن، صالحلرئن طرئقلرئني توتارسان.
چونکي صالح ائنسانلار يرده ساکئن اولاجاقلار، کامئل ائنسانلار اوندا قالاجاقلار.
لاکئن پئس آداملار ير اوزوندن کسئله‌جک، خائنلرئن ده کؤکو قوپاريلاجاق.
اوغلوم، تعلئمئمي ياددان چيخارتما، قوي اوره‌يئن سنه وردئيئم امرلره عمل اتسئن؛
اونلار سنئن عؤمرونو اوزادار، حياتينا ائللر ورر، آرامليق ورر.
قويما مهرئبانليق و وفا سني بوراخسين؛ اونلاري بوينونا باغلا، اونلاري اوره‌يئنئن لؤوحه‌سئنه ياز.
بلجه تاري و ائنسان گؤزونده لوطف و اعتئبار قازانارسان.
بوتون اوره‌يئنله ربّه توکّول ات و اؤز آنلاغينا دايانما.
بوتون يوللاريندا اونو تاني؛ او، سنئن يوللاريني دوز ادر.
اؤز گؤزونده حئکمتلي اولما؛ ربدن قورخ، پئسلئکدن دؤن.
بو سنئن بدنئنه شفا، سوموکلرئنه ائلئک اولار.
مال-دؤولتئنله، بوتون محصوللارينين نوباري ائله ربّه عئزّت ور.
بلجه آنبارلارين نعمتله دولار، شراب چَنلَرئن تزه شرابلا دولوب داشار.
اوغلوم، ربّئن تربئيه‌سئني حقئر گؤرمه. اونون تأدئبئندن نئفرت اتمه.
آتا سودئيي اوغولو نجه توبئخ ادر، رب ده سودئيئني اله توبئخ ادر.
خوش او آدامين حالينا کي، حئکمتي تاپير، فراستي قازانير.
چونکي او قازانج، گوموش قازانجيندان، قيزيل گلئرئندن داها ياخشيدير.
حئکمت ياقوتلاردان داها دَيَرلئدئر، جانين ائسته‌دئيي هچ بئر شي اونا برابر گلمز.
اونون صاغ اَلئنده اوزون عؤمور، سول الئنده ثروت و شرف وار،
اونون يوللاري، گؤزللئک يوللاري، بوتون طرئقلري امئن-آمانليقدير.
حئکمت، اونو توتانلارا حيات آغاجي‌دير، اونا باغلانان بوتون آداملار نه بختوردئرلر!
رب حئکمت وسئلهسي ائله يرئن بونؤره‌سئني قويدو، فراست واسئطهسي ائله گؤيلري برقرار اتدي.
معرئفتئنئن واسئطهسي ائله درئنلر ياريلدي، بولودلار شح داميزديرديلار.
اوغلوم، قويما بونلار گؤزوندن آيريلسين، شوعور و دوشونجهني برک توت.
اونلار جانينا حيات اولار، بوينونا زئنت اولار.
او زامان، يولوندا امئن-آمانليقلا گدرسن، آياقلارين بودره‌مز.
ياتان زامان دهشته دوشمزسن، بلي، ياتارسان، شئرئن يوخو تاپارسان.
قفئلدن گلن دهشت، شر آداملارا گلن طوفان سني قورخوتماز.
چونکي توکّول اتديئن ربدئر، او، سنئن آياقلاريني تله‌لردن حئفظ ادر.
اگر الئندن بئر ياخشيليق گلئر، اونو، اونا مؤحتاج اولان آداملاردان کسمه.
ائمکانين وارسا، قونشونا دمه؛ "گت، سورا گل، صاباح سنه ورهرم."
يانيندا ساکئت ياشايان قونشون اوچون، شر قورما.
سنه پئسلئک اتمه‌ين بئر آداملا سببسئز داعوالاشما.
ظالئم آداما حسد آپارما، او گدن يوللارين هچ بئرئني سچمه.
چونکي يولدان آزان آدام ربّه مکروهدور، آمّا رب عملي-صالحلرله دوست اولار.
ربّئن لعنتي شر آدامين اِوئنده‌دئر، لاکئن صالح ائنسانلارين اوئنه برکت ورئر.
او، رئشخند ادنلره رئشخند ادهجک، آمّا مظلوم ائنسانلارا لوطف گؤرسده‌جکدئر.
حئکمتلي‌لرئن مئراثي شرف اولاجاق، لاکئن آخماقلارين پايي خجالتدئر.
اي اوغوللار، آتا وردئيي تربئيه‌ني اشئدئن. دئقّت ادئن کي، معرئفت آنلاغيني آلاسينيز.
چونکي سئزه علم اؤيره‌دئرم؛ تعلئمئمي بوراخمايين.
آتامين اوئنده اوشاق اولاندا، آنامين گؤزونده عزئز اولاندا، بئري-بئردانه اولاندا،
آتام منه تعلئم ورئب ددي: "قوي اوره‌يئن سؤزلرئمي برک توتسون. وردئيئم امرلري يرئنه يتئر کي، عؤمرون اوزون اولسون.
حئکمت قازان، آنلاق قازان! سنه ددئيئم سؤزلري نه ياددان چيخارت، نه ده اونلاردان دؤن!
حئکمتي بوراخما، او، سني حئفظ ادر. اونو سو، سني ساخلار.
حئکمتئن باشلانيشي بودور؛ حئکمتي قازان، بوتون قازانديقلاريندا فهم قازان.
حئکمته دَيَر ور؛ سني اوجالدار. اگر اونو قوجاقلاياسان، سني شرفه چاتديرار.
سنئن باشينا فيض چلنگي قويار، عئزّت تاجيني سنه وِرَر."
اشئت، اوغلوم، سؤزلرئمي قبول ات، عؤمرونون ائللري چوخالار.
من سنه حئکمت يولوندا تعلئم ورمئشم. سني دوز يوللاردا هئدايت اتمئشم.
گزنده يولونو بئر شي کسمز، قاچان زامان دا سوروشمزسن.
وردئيئم تربئيه‌ني برک توت، اونو بوراخما. اونو ساخلا، چونکي سنئن حياتيندير.
پئس آداملارين يولونا گئرمه، شر آدامين يولوندا دا گتمه.
اوندان اوزاق قال، اوندا سفره چيخما. اوندان دؤن، کچئب-گت.
چونکي شر آداملار پئسلئک اتمسهلر، ياتا بئلمزلر. کئمسهني ييخماسالار، يوخولاري آپارماز.
چونکي شرارت چؤره‌يئني ييئرلر، قدّارليق شرابيني ائچئرلر.
آمّا صالح آدامين يولو، سحر ائشيغي کئميدئر کي، گون اورتا واختينا گده-گده داها چوخ ائشيقلانير.
شر آداملارين يولو ظولمتدئر. بئلمئرلر کي، اونلاري بودرهدن نه‌دئر.
اوغلوم، سؤزلرئمه دئقّت ات، ددئکلرئمه قولاق آس.
قويما اونلار گؤزونون قاباغيندان آيريلسين. اونلاري اوره‌يئنئن ائچئنده ساخلا.
چونکي اونلاري تاپانلار، حيات و جان‌صاغليغي تاپار.
هر شيدن چوخ، بوتون جهدله اؤز اوره‌يئني حئفظ ات، چونکي حيات چشمه‌سي اودور.
اَيري دانيشان آغيزي اؤزوندن آت، آزميش دوداقلاري اؤزوندن اوزاقلاشدير.
قوي گؤزلرئن ائرهلئيه باخسين، کئرپئکلرئن دوپّه‌دوز قاباغينا دئکئلسئن.
آياغيني قويدوغون طرئقي ياخشي آراشدير، بوتون يوللارين برقرار اولار.
نه صاغا دؤن، نه سولا. آياغيني پئسلئکدن چک.
اوغلوم، حئکمتئمه دئقّت ات. فراستئمه قولاق آس،
اوندا دوشونجهني حئفظ ادرسن، دوداقلارين معرئفتي ساخلار.
چونکي عئفّتسئز آروادين دوداقلاري بال داميزديرير، دئلي شئرئن، ياغدان يومشاقدير؛
آمّا عاقئبتي يووشان اوتو کئمي آجي‌دير، ائکي آغيزلي قيلينج کئمي ائتئدئر.
اونون آياقلاري اؤلومه اِنئر، قدملري اؤلولر دئيارينا آپارير.
حيات طرئقئني آراشديرمير، يوللاري دولاشيقدير، اوزو ده بئلمئر.
ائندي، اي اوغوللار، منه قولاق آسين، آغيزيمدان چيخان سؤزلردن دؤنمه‌يئن.
بله آرواددان اوزاق اول. اونون اِوئنئن قاپيسينا ياخينلاشما.
يوخسا شرفئني اؤزگهلره، عؤمور ائللرئني قدّار آداما وررسن.
يادلار سنئن ماليندان وارلي اولارلار، قازانجين اؤزگهنئن اِوئنه گدر.
عؤمرونون آخيري چاتاندا، جانيندا طاقت قالماياندا،
ناله ادئب دئيرسن: نجه تربئيهدن نئفرت اتدئم! نجه اوره‌يئم تأدئبي اله سالدي!
نه موعلّئملرئمئن سسئني اشئتدئم، نه ده مني اؤيره‌دنلرئن سؤزلرئنه قولاق آسديم.
خالق آراسيندا، جاماعات گؤزونده آز قالدي کي، کامئل موصئبته دوچار اولوم.
اؤز سو آنباريندان، ائچمه‌لي اولان سويو، اؤز قويوندان ائچ.
نئيه سنئن بولاقلارين کوچهلره، سو آرخلارين ميدانلارا آخسين؟
قوي اونلار آنجاق سنئن اولسون، يادلارا پايلاما!
قوي سنئن چشمه‌ن برکتلي اولسون، جاوانليغينين آروادي ائله خوشبخت ياشا.
او سوئملي مارالين‌دير، گؤزل جيرانين‌دير، قوي همئشه اونون دؤشلري سني دويورسون، همئشه اونون سوگئسي ائله مست اول.
اوغلوم، نئيه عئفّتسئز آروادين مستي اولاسان؟ نئيه ياد بئر آروادي قوينونا آلاسان؟
چونکي ائنسانين يوللاري ربّئن گؤزونون قاباغيندادير، رب اونون بوتون طرئقلرئني محک وورور.
پئس آدامي اله اؤز پئسلئيي توتار، گوناهينين کمندئنه توتولار.
تربئيه‌سئزلئيي اوزوندن اؤلر، سفه‌لئيئنئن چوخلوغوندان آزار.
اوغلوم، اگر قونشون اوچون ضامئن اولوبسان، اگر ياد بئر آدام اوچون اَل ورئبسن،
اگر اؤز آغزينين سؤزلري ائله تلهيه دوشوبسن، اگر آغزيندان چيخان سؤزلرله توتولوبسان،
اوندا، اوغلوم، بونو ات و اؤزونو قورتار، چونکي قونشونون الئنه دوشوبسن: گت، اؤزونو آلچالت، قونشونا يالوار.
گؤزلرئنه يوخو گئرمه‌سئن کئرپئکلرئن يوخودان قاماشماسين.
اؤزونو اووچو الئندن جيران کئمي، قوشباز الئندن قوش کئمي قورتار.
قاريشقانين يانينا گت، اي تنبل! اونون يوللارينا دئقّت ات، حئکمت آل.
باشي اوسته نه ارباب وار، نه ناظئر، نه ده حؤکمدار.
آمّا گئنه ده اؤز چؤره‌يئنئن احتئياطيني يايدا گؤرور، بئچئن واختي يئيه‌جيئني ييغير.
نه واختا کئمي ياتاجاقسان، اي تنبل؟ نه واخت يوخوندان اوياناجاقسان؟
بئر آز يات، بئر آز يوخولا، بئر آز الي ال‌اوسته قويوب اوزان،
گؤر يوخسوللوق نجه حرامي کئمي، احتئياج نجه سئلاحلانميش بئر آدام کئمي سنه هوجوم چکر.
ياراماز آدام، شر آدام، اَيري دانيشان بئر آغيزلا گزر.
گؤزلري ائله گؤز وورار، آياقلاري ائله ائشاره ادر، بارماقلاري ائله گؤرسه‌در.
ترسه‌لئک اونون اورهيئندهدئر، دائم شر قورار، داعوا سالار.
اونا گؤره ده، بلا قفئلدن باشينا گلر، بئردن سينار، اونا علاج اولماز.
ربّئن زَهله‌سي آلتي شيدن گدئر، بلي، يدّي شي وار کي، جاني اونلاردان ائکراه ادئر:
تکبّورله باخان گؤزلر، يالان دانيشان دئل، ناحاق قاني تؤکن اللر،
قَرَضله دوشونن اورک، پئس ائشلر دالينجا قاچان آياقلار،
آغزيندان آنجاق يالان چيخان يالانچي شاهئد، قارداشلار آراسينا نئفاق سالان آدام.
اوغلوم، آتانين امرئنه عمل ات، آنانين وردئيي تعلئمي بوراخما.
اونلاري دائم اوره‌يئنئن باشينا باغلا؛ اونلاري بوينونا تاخ.
گزدئيئن زامان، اونلار سنه يول گؤرسه‌در، ياتان زامان سني حئفظ ادر، اويانان زامان سنئنله دانيشار.
چونکي بو امر چيراق‌دير، بو تعلئم ائشيقدير، ائنساني ائصلاح ادن مذمّتلر حيات يولودور کي،
سني پئس آرواددان، زئناکار آروادين يومشاق دئلئندن ساخلار.
قويما اوره‌يئن اونون گؤزل‌لئيئنه چکئلسئن؛ قويما سني کئرپئکلري ائله ياخالاسين.
چونکي زانئيه بئر آرواد، آخيردا سني گئرده بئر چؤره‌يه بله مؤحتاج سالار، اَرلي بئر آرواد ائنسانين قئيمتلي جاني دالينجادير.
مگر اولار کي، کئشي اودو قوينوندا گؤتورسون و پالتاري يانماسين؟!
مگر اولار کي، بئر کئشي کؤز کؤمور اوستونده گزسئن، آمّا آياقلاري قوورولماسين؟
قونشوسونون آروادي ائله ياخينليق ادن آدامين دا حالي بلهدئر؛ او آروادا توخونان کئشي جزاسيز قالماز.
قارنيني دويورماق اوچون آج اوغرو اگر اوغورلاسا، کئمسه اونو قيناماز.
لاکئن توتولسا، يدّي‌قات عوض ورملي‌دئر؛ بوتون اِو-اشئيئني ورملي‌دئر.
اَرلي بئر آروادلا زئنا ادن کئشي عاغيلسيزدير. بونو ادن آدام، اؤزونو محو ادئر.
يارالانيب خجالت آلتيندا اَرئيَر بو روسوايچيليق هچ واخت سئلئنمز.
چونکي قيرت اَري قضبلندئرر، اونون اوچون ده، ائنتئقام گونونده يومشالماز.
هچ بئر عوض قبول اتمز، روشوتئني نه قدر آرتيراسان، راضي اولماز.
اوغلوم، سؤزلرئمي ساخلا، وردئيئم امرلري يانيندا آنبار ات.
امرلرئمي ساخلا کي، ياشاياسان. سنه وردئيئم تعلئمي گؤزونون توخومو کئمي ساخلا.
اونلاري بارماغينا تاخ، اونلاري اوره‌يئنئن لؤوحه‌سئنه ياز.
حئکمته ده: "سن منئم باجيمسان." آنلاغي اؤزونه لاپ ياخين قوحوم کئمي نظرده توت کي،
سني عئفّتسئز آرواددان، يومشاق سؤزلري ائله آلداتان زئناکار آرواددان حئفظ اتسئن.
اوئمئن پَنجره‌سئندن، چرچئوه‌نئن ائچئندن باخديم.
ساده آداملار آراسيندا، جاوانلار آراسيندا، عاغيلسيز بئر اوغلان گؤردوم؛
کوچه‌دن، او آروادين اِوئنئن تئنئندن کچئب، اونون اِوئنئن يولوندان گدئردي؛
آلا قارانليقدا، گون باتاندا، گجه دوشنده، هاوا قارالاندا،
اورادا بئر آرواد، حئيله‌لي اورکله، زانئيه پالتاريندا اونونلا گؤروشمه‌يه گلدي.
او هاي-کويچودور، بي‌حيادير، اونون آياقلاري اوده قالماز.
گاه اشئکده، گاه دا ميدانلاردا، هر تئنئن باشيندا کمئن چکر.
بلجه او اوغلاني توتوب اؤپدو؛ حياسيز اوزله اونا ددي:
"باريش قوربانلاريمي کسمه‌يه بورجلو ائدئم، بو گون نذئرلرئمي يرئنه يتئرمئشم.
اونون اوچون ده، سنئنله گؤروشمه‌يه چيخديم. سني چوخ آختارديم و تاپميشام.
ياتاغيما مئصئر کتانيندان توخونان الوان اوز چکمئشم.
يورغان-دوشه‌يئمي مورله، عؤد آغاجي و دارچينلا عطئرله‌مئشم.
گل، سحره کئمي دويونجا عشق ادک، قوي سوگئدن کف آپاراق.
چونکي اَرئم اوده ديئل، اوزون بئر سفره گدئب.
پول کئسه‌سئني گؤتوروب، آيين بدئرلنمئش واختي اِوه گلهجک."
چوخلو يومشاق سؤزلري ائله اونو توولادي، شئرئن دئله توتوب يولدان چيخارتدي.
اوغلان بئردن اونون دالينجا گتدي؛ کسئلمه‌يه گدن بئر اؤکوز کئمي، کمنده سالينان بئر مارال کئمي کي،
بئر اوخ جئيه‌رئني دشسئن، تله طرفئنه تله‌سن بئر قوش کئمي، بئلمئردي کي، بو اوخ اونون جانيني آلاجاق.
اونا گؤره ده، اوغوللاريم، ائندي منه قولاق آسين. آغزيمدان چيخان سؤزلره دئقّت ادئن.
قويما اوره‌يئن او آروادين يوللارينا دؤنسون. اونون يولونا دؤنمه.
چونکي او چوخ کئشئلري هلاکا آپاريب، اونون الئنده اؤلن آداملارين سايي چوخدور.
اونون اِوي اؤلولر دئيارينين يولودور. اؤلوم اوتاقلارينا اِنئر.
مگر حئکمت چاغيرمير؟ مگر فراست سسئني اوجالتمير؟
يولون قيراغيندا اولان اوجا يرلرده، طرئقلرئن بئرلشدئيي يرده دورور.
دروازالارين يانيندا، شهرئن قاباغيندا، قاپيلارين گئرئش يرئنده سسله‌نئر:
"سئزي چاغيريرام، اي ائنسانلار، سَسئم ائنسان اوغوللاريني خئطاب ادئر.
سئز، اي ساده‌لر، شوعور آلين؛ سئز، اي آخماقلار، عاغيل اؤيره‌نئن.
قولاق آسين، چونکي اعلا شيلردن دانيشارام، دوداقلاريمدان دوز شيلر چيخار.
آغزيم حقئقتي دئير؛ دوداقلاريم شردن ائيره‌نئر.
آغزيمدان آنجاق صالحلئک سؤزلري چيخير، سؤزلرئم مکرلي ديئل، ترسه ديئل.
آنلاقلي اولانا اونلارين هاميسي آيديندير، معرئفت تاپانلارا دوزدور.
گوموش يوخ، تربئيه‌مي قبول ادئن، سچمه قيزيلدان آرتيق معرئفتي آلين.
چونکي حئکمت ياقوتلاردان ياخشيدير، جانين ائسته‌دئيي هچ بئر شي اونا تاي ديئل.
من، حئکمتم، شوعورلا مسکن سالميشام، معرئفتي، دوشونجهني تاپميشام.
ربدن قورخماق، پئسلئکدن نئفرت اتمکدئر؛ قوروردان، تکبّوردن، پئس يولدان، ترسه دانيشان آغيزدان من نئفرت ادئرم.
نصئحت و شوعور منئمدئر؛ آنلاق منم، قووّتئم وار.
منئم واسئطمله پادشاهلار حؤکمرانليق ادئرلر، حؤکمدارلار عدالتله امر ادئرلر.
منئم واسئطمله ريئسلر و آغالار، بوتون صالح حاکئملر حؤکم ادئرلر.
مني سونلري سوئرم، مني جهدله آختارانلار مني تاپير.
ثروت و عئزّت، داوام گتئرن مال-دؤولت و صالحلئک منئم يانيمدادير؛
منئم ثمرم قيزيلدان، بلي، خالئص قيزيلدان، محصولوم دا سچمه گوموشدن ياخشيدير.
صالحلئک طرئقئنده، عدالت يوللارينين اورتاسيندا گزئرم کي،
مني سونلره وارليليق باغيشلاييم، اونلارين خزئنهلرئني دولدوروم.
رب يولونون باشلانيشيندا، قدئم ائشلرئنئن اوّلئنده مني ياراتدي.
ازلدن، او باشلانيشدان، دونيانين اوّلئندن قاباق من برقرار اولموشام.
درئنلر يوخ ائکن، سويو بول اولان چشمه‌لر حله يوخ ائکن، من دوغولدوم؛
داغلارين قورولوشوندان قاباق، تپه‌لردن قاباق من دوغولدوم.
او زامان کي، يري، يا چؤللري، يا دا دونيانين ائلک تورپاغيني ياراتماميشدي.
گؤيلري برقرار ادن زامان اورادا ائدئم، او زامان کي، درئنلئک اوزونه بئر دائره چکدي.
او زامان کي، بولودلاري يوخاريدا قوردو، او زامان کي، درئنلئيئن چشمه‌لرئني باغلادي.
او زامان کي، دهنزه حدّ تعيئن اتدي، اله کي، سولار اونون امرئندن کچمه‌سئنلر. او زامان کي، يرئن بونؤوره‌لرئني نئشانلاندي.
او زامان اونون يانيندا معمار ائدئم، هر گون اونون شادليغي ائدئم. همئشه اونون حوضوروندا سوئنئردئم؛
بوتون دونياسيندا سوئنئردئم، شادليغيم ائنسان اوغوللاري ائله ائدي.
اونا گؤره ده، اوغوللاريم، ائندي منه قولاق آسين، چونکي منئم يوللاريمي توتانلار بختوردئرلر.
وردئيئم تربئيه‌ني اشئدئن و حئکمت آلين، اونو ردّ اتمهيئن.
خوش او آدامين حالينا کي، منه قولاق آسير، منئم دروازالاريمدا هر گون اوياق دورور، قاپيلاريمين سوتونلاري يانيندا گؤزلهيئر.
چونکي مني تاپان حياتي تاپير، ربّئن ريضاسيني قازانير؛
لاکئن مني الدن ورن آدام، اؤز جانيني کورلايير؛ بوتون مندن نئفرت ادنلر اؤلومو سوئرلر."
حئکمت اؤز اوئني تئکئب، يدّي سوتونونو يونوب.
اَتئني کسئب، شرابيني حاضيرلاييب، سوفره‌سئني ده ساليبدير.
کنئزلرئني گؤنده‌رئب، شهرئن اوجا يرلرئندن چاغيتديرير:
"ساده اولان هر کس، قوي بورايا دؤنسون." آغيلسيز اولانا دا ديئر:
"گل چؤره‌يئمدن يه، حاضيرلاديغيم شرابدان ائچ.
ساده‌‌لئيئني بوراخ و ياشا، آنلاق يولوندا گت.
رئشخند ادن آدامي تأدئب ادن، اؤزونو روسوايچيليغا سالار، شر آدامي دانلايان اؤزونه خجالت گتئرر.
رئشخند ادن آدامي دانلاما، يوخسا سندن نئفرت ادر. حئکمتلي آدامي دانلا، سني سور.
حئکمتلي آداما نصئحت ور، داها حئکمت آلاجاقدير. صالح بئر آداما اؤيرت، علمي داها آرتاجاق.
ربدن قورخماق حئکمتئن باشلانيشيدير، موقدّس اولاني تانيماق آنلاق‌دير.
چونکي گونلرئن منئم واسئطمله چوخالاجاق، و عؤمرونه ائللر آرتاجاق.
اگر حئکمت آلاسان، اؤزون اوچون آلارسان. اگر رئشخند ادهسن، ضررئني آنجاق اؤزون چکرسن."
آخماق آرواد هاي-کويلودور، جاهئلدئر، هچ شي بئلمز.
اِوئنئن قاپيسي يانيندا اوتورار، کتئل اوسته شهرئن اوجا يرلرئنده اَيله‌شر کي،
يولدان کچنلري، طرئقلري دوز اولانلاري چاغيرسين:
"ساده اولان هر کس، قوي بورايا دؤنسون." عاغيلسيز اولانا دا ديئر:
"اوغورلانميش سو شئرئندئر، گئزلي ييئلن چؤره‌يئن آيري بئر لذّتي وار."
لاکئن بئلمز کي، اورادا اؤلولر وار، قوناقلاري اؤلولر دئيارينين دئبئنده‌دئر.
سوليمانين مثللري: حئکمتلي اوغول آتاسيني سوئندئرر، لاکئن آخماق اوغول آناسينا درددئر.
شر يوللا ييغيلان خزئنهنئن فايداسي يوخدور، لاکئن صالحلئک ائنساني اؤلومدن قورتارار.
رب صالح ائنساني آج قويماز، آمّا پئس آداملارين آرزولاريني ردّ ادر.
تنبل ال‌له ائشله‌ين يوخسول اولار، آمّا چاليشقان آدامين الي اونا ثروت قازانار.
عاغيلّي اوغول يايدا بئچئني ييغار، بئچئن واختي ياتان اوغول خجالت گتئرر.
صالح ائنسانين باشيندان برکت ياغار، شر آدامين دئلي زوراکيليغي اؤرتوب گئزله‌در.
صالح ائنساندان قالان يادئگار برکتدئر، لاکئن شر آدامين آدي چورويه‌جک.
اوره‌يي حئکمتلي اولان آدام امرلري قبول ادر، آمّا سفه-سفه دانيشان آدام ييخيلار.
کاماللا گزن آدام امئن-آمانليقدا گزر، لاکئن يوللاريندا اَيري اولان آدام اوزه چيخار.
گؤز ووران آدام باشينا بلا آچار، سفه-سفه دانيشان آدام ييخيلار.
صالح ائنسانين آغزي حيات بولاغي‌دير، آمّا شر آدامين دئلي زوراکيليغي اؤرتوب گئزله‌در.
نئفرت داعوالار قالديرار، لاکئن محبّت بوتون خاطالاري اؤرتر.
فهئم آدامين دوداقلاريندا حئکمت تاپيلار، آمّا دينک عاغيلسيز آدامين کوره‌يي اوچوندور.
حئکمتلي آداملار معرئفت ييغار، لاکئن سفهئن آغزي اونو ييخيلماغا ياخينلاشديرار.
مال-دؤولت وارلي آدامين قالالي شهري‌دئر، آمّا يوخسوللوق کاسيب آدامي ييخار.
صالح آدامين پاداشي حياتدير، لاکئن شر آدامين قازانجي گوناهدير.
تربئيه‌ني قبول ادن آدام حيات طرئقئنده‌دئر، آمّا تأدئبي بوراخان آدام يولونو آزار.
نئفرتي گئزله‌دن آدامين يالانچي دوداقلاري وار، بؤهتاني يايان آدام آخماقدير.
سؤزلرئن چوخلوغوندا خاطا اسکئک اولماز، دئلئنئن قاباغيني آلان آدام عاغيلّي‌دير.
صالح آدامين دئلي سچمه گوموشدور؛ شر آدامين اوره‌يئنئن دَيَري آزدير.
صالح ائنسانين دوداقلاري چوخ آداملاري دويورار، آمّا سفه‌لر عاغيلسيزليقدان اؤلرلر.
ربّئن برکتي ائنسانا ثروت گتئرر، اونونلا قوصّه آرتيرماز.
شر ائش گؤرمک آخماق آداما کفدئر، فراستلي اولان آدامين حئکمتي وار.
شر آدامين قورخدوغو اونون اؤز باشينا گلر، آمّا صالح آدام مورادينا چاتار.
فيرلانان يل اسئب گلنده، شر آدامي سوپوروب آپارار، لاکئن صالح آدامين ابدي بونؤورهسي وار.
سئرکه دئشلره، توستو گؤزلره نجهدئر، تنبل آدام دا اونو گؤنده‌رنلر اوچون اله‌دئر.
ربدن قورخماق عؤمور اوزادار، آمّا شر آداملارين عؤمور ائللري آزالار.
صالح ائنسانلارين گؤزله‌دئيي شادليقدير، لاکئن شر آدامين اومئدي آرادان گدر.
کامئل ائنسانين پناهي ربّئن يولودور، آمّا شر قوران ائنسانلارين باشينا هلاکت گلر.
صالح آدام اصلا ترپنمز، لاکئن شر آداملار اؤلکهده قالمازلار.
صالح ائنسانين آغزي حئکمتله چئچکله‌نَر، آمّا ترسه دانيشان دئل کسئلَر.
صالح آدامين دوداقلاري راضي سالماغي باجارار، لاکئن شر آدامين آغزيندان ترسه سؤزلر چيخار.
آلداتان تره‌زي ربّه مکروهدور، آمّا دوز چکي داشيندان او، خوشلانار.
تکبّور گلئنجه شرفسئزلئک ده گلئر، لاکئن حئکمت تواضؤعکارين يانيندادير.
دوز آداملارين کامئل‌لئيي اولارا يول گؤرسه‌در، آمّا خائن آداملارين اَيرئلئک‌لري اونلاري هلاک ادر.
قضب گونونده مال-دؤولتئن فايداسي يوخدور، لاکئن صالحلئک ائنساني اؤلومدن قورتارار.
کامئل آدامين صالحلئيي اونون يولونو دوز ادر، آمّا پئس آدامين اؤز پئسلئيي اونو ييخار.
دوز آداملارين صالحلئيي اونلاري قورتارار، لاکئن خائنلر اؤز هوسلرئنئن واسئطهسي ائله توتولارلار.
شر آدام اؤلنده، اومئدي آرادان گدر، ظالئم آدامين گؤزله‌دئيي ده محو اولار.
صالح آدام دارليقدان خئلاص اولار، اونون يرئنه شر آدام دوشر.
دئنسئز آدام آغزي ائله قونشوسونو محو ادر، آمّا معرئفت وسئلهسي ائله صالح آدام خئلاص اولار.
دونيا صالح آداملارين مورادينا گدنده، شهر شاد اولار، شر آداملار هلاک اولاندا شادليق هارايي چکئلر.
دوز آداملارين برکتي ائله شهر عئزّتله‌نر، آمّا شر آدامين آغزي اونو وئران قويار.
عاغيلسيز آدام قونشوسونو حقئر گؤرر، آمّا فراستلي آدام دئنج دايانار.
خبرچي آدام سئرّلري آچيب يايار، لاکئن اعتئبارلي آدام سؤزو گئزلي ساخلار.
دوز مصلحت ورئلمه‌ين خالق ييخيلار، لاکئن نصئحت ورنلرئن چوخلوغو خئلاص گتئرر.
ياد آداما ضامئن اولان بلايا دوشر، آمّا ضامئنلئکدن زهله‌سي گدن آدام دئنج ياشايار.
مهرئبان آرواد شرفدن، ظالئم آداملار دا ثروتدن ياپيشار.
صادئق آدام اؤزونه ياخشيليق ادئر، آمّا قدّار آدام اؤزونه ضرر وورور.
شر آدام حئيله ائله پاداش قازانار، لاکئن صالحلئک توخومو اکن، حقئقتن، اونون عوضئني آلار.
صالحلئکده داوام ادن آدام حياتا، پئسلئک دالينجا گدن آدام دا اؤز اؤلومونه گدر.
اورکلري اَيري اولان آداملار ربّه مکروهدورلار، آمّا يوللاريندا کامئل اولان ائنسانلار اونو خوشلانديرارلار.
دوغرودان دا پئس آدام جزاسيز قالماز، لاکئن صالح ائنسانين نسلي خئلاص اولار.
آغيلي اولمايان گؤزل آرواد، بورنونا قيزيل حالقا تاخيلميش دونگوزا بنزر.
صالحلرئن آرزوسو آنجاق ياخشيليق، آمّا شر آداملارين پايي قضبدئر.
آدام وار کي، پايلاييب آرتيق تاپار، آدام دا وار کي، حاقّيندان چوخ ساخلار، لاکئن احتئياجا دوشر.
الي-آچيق آدامين جاني کؤکه‌لر، سو وره‌نه، سو ورئلر.
بوغداني آنباردا گئزله‌دنه جاماعات لعنت ادر، آمّا اونو ساتانين باشينا برکت ياغار.
ياخشيليق دالينجا جهدله گزن آدام ائلتئفات آختارير، آمّا پئسلئک دالينجا گزن آدامين باشينا پئسلئک گلر.
ثروتئنه توکّول ادن آدام ييخيلار، لاکئن صالح آداملار ياشيل يارپاق کئمي گؤيَرَرلر.
اؤز اِوئني زحمته سالان آدام، يلي مئراث آلار، سفه آدام اوره‌يي حئکمتلئيه قول اولار.
صالح آدامين مئيوه‌سي حيات آغاجي‌دير، جانلاري قازانان آدام دا حئکمتلئدئر.
اگر صالح آدام ير اوزونده عوض آلير، بس نه قدر آرتيق شر و گوناهکار آدام!
تربئيه‌ني سِوَن معرئفت سِوَر، آمّا تأدئبدن نئفرت ادن عاغيلسيزدير.
ياخشي آدام ربّئن ريضاسيني قازانار، آمّا شر قوران آدامي، او، محکوم ادر.
ائنسان شرارتله برقرار اولماز، لاکئن صالح آداملارين کؤکو يرئندن ترپه‌دئلمز.
فضئلتلي آرواد ارئنئن تاجي‌دير، آمّا خجالت گتئرن آرواد اونون سوموکلرئنئن چورويو کئميدئر.
صالح آداملارين فئکئرلري عدالتدئر، شر آداملارين مشورتلري حئيله‌دئر.
شر آداملارين سؤزلري اؤلوم اوچون کمئن قورار، آمّا دوز ائنسانلارين آغيزي اونلاري خئلاص ادر.
شر آداملار ييخيليب يوخ اولارلار، لاکئن صالح آداملارين اِوي برقرار قالار.
ائنسان عاغيلّي سؤزلرئنه گؤره تعرئفله‌نر، آمّا اوره‌يي اَيري اولان آدام حقارت چکر.
شؤهرتسئز، لاکئن قول صاحئبي اولان آدام، اؤزونو بؤيودن، لاکئن چؤره‌يه مؤحتاج آدامدان ياخشيدير.
صالح آدام حيوانلارينين احتئياجيني بئلئر، لاکئن شر آدامين مرحمتئنده ده قدّارليق وار.
تورپاغيندا چاليشيب اونو بِجَرن آدام چؤرکله دويار، آمّا بوش شيلرئن دالينجا گدن آدام عاغيلسيزدير.
شر آدام پئسلرئن شئکارينا حسرت چکر، لاکئن صالح آداملارين کؤکو ثمره ورر.
پئس آدام دوداقلارينين خاطاسي ائله تلهيه دوشر، آمّا صالح آدام دارليقدان سالامات چيخار.
ائنسان آغزينين مئيوه‌سي ائله ياخشيليقدان دويار، اللرئنئن نه اتدئکلري اونون اؤزونه قاييدار.
سفه آدامين يولو اؤز گؤزونده دوز گؤرونور، لاکئن نصئحته قولاق آسان حئکمتلئدئر.
سفه آدامين قضبي آنَن بلّي اولار، آمّا شوعورلو آدام شرفسئزلئيئن اوستونو اؤرتر.
صداقتله دانيشان آدام عدالتي اورتايا چيخاردار، آمّا يالانچي شاهئد حئيلهني.
فئکئرسئز دانيشان وار کي، سؤزلري قيلينج کئمي يارالايار، لاکئن حئکمتلي آدامين دئلي شفا ورر.
حقئقتي دئين دوداق همئشهلئک برقرار قالار، آمّا يالان دانيشان دئل آنجاق بئر آن اوچوندور.
شر قورانلارين اورکلرئنده حئيله وار، نصئحت ورئب صولحه چاغيران شادليق تاپار.
صالح آدام هچ بلايا دوشمز، آمّا شر آداملار پئسلئکله دولارلار.
يالان دانيشان دوداقلار ربّه مکروهدور، آمّا وفالي رفتار ادنلردن او، خوشلانار.
شوعورلو آدام معرئفتئن اوستونو اؤرتر، لاکئن آخماق آدامين اوره‌يي سفهلئيي جار چکر.
چاليشقان آدامين اَلي آغاليق ادر، آمّا تنبل آدام قوللوغا ورئلر.
اورکده اولان نئگرانچيليق ائنسانين بلئني اَيَر، لاکئن ياخشي سؤز اونو سوئندئرر.
صالح آدام قونشوسونا يول گؤرسه‌در، آمّا پئسلرئن يوللاري اؤزلرئني آزديرار.
تنبلئن الئنه شئکار دوشسه ده، اونو پئشئرمز، چاليشقانليق ائنسانين ديرلي مالي‌دير.
صالحلئک طرئقئنده حيات وار، او يوللا گتمکده اؤلوم يوخدور.
حئکمتلي اوغول آتاسينين وردئيي تربئيه‌يه قولاق آسار، آمّا رئشخند ادن مذمّتي اشئتمز.
ائنسان آغزينين مئيوه‌سي ائله ياخشيليق يئير، لاکئن خائن آدامين جاني قدّارليقدان دويار.
دئلئنئن قاباغيني توتان جانيني حئفظ ادر، آمّا آغزيني گِن آچانين باشينا هلاکت گلر.
تنبل آرزولاديغينا چاتماز، لاکئن چاليشقان آدامين جاني کؤکه‌لر.
صالح آدام يالان سؤزدن نئفرت ادر، آمّا شر آدام خجالت و روسوايچيليق گتئرر.
يولو کامئل اولاني، صالحلئک حئفظ ادر، لاکئن گوناهکاري شر ييخار.
آدام وار کي، بئر شيي يوخ ائکن، اؤزونو وارلي گؤرسه‌دئر، آدام دا وار کي، چوخ مال-دؤولتي وار ائکن، اؤزونو يوخسول گؤرسه‌دئر.
آدامين جانينين قان‌باهاسي اونون ثروتئدئر. آمّا يوخسول آدام هچ مذمّتي اشئتمز
صالح آداملارين ائشيغي سِوئندئرر، لاکئن شر آداملارين چيراغي سؤنر.
تکبّوردن آنجاق داعوا چيخار، آمّا حئکمت نصئحت آلان آداملادير.
کلکله قازانميش مال-دؤولت آرادان گدر لاکئن زحمتله قازانان آدام مال-دؤولتئنه آرتيرار.
يوبانان اومئد اوره‌يي ناخوشلادار، آمّا يرئنه يتئشن آرزو حيات آغاجي‌دير.
نصئحته حقارتله باخان، اؤزونو هلاک ادر، آمّا امره حؤرمت گؤرسدن عوضئني آلار.
حئکمتلي آدامين تعلئمي حيات بولاغي‌دير، آدامي اؤلوم تله‌لرئندن دؤنده‌رر.
شوعورلو آدام لوطف قازانار، خائنئن يولو چتئندئر.
شوعورلو آدام بوتون ائشئني معرئفتله گؤرر، آمّا آخماق اؤز سفه‌لئيئني هامييا گؤرسه‌در.
پئس قاصئد بلايا دوشر، لاکئن اعتئبارلي اِلچي شفا ورر.
تربئيه‌ني ردّ ادن، يوخسوللاشيب شرفدن دوشر، آمّا تأدئبه قولاق آسان عئزّت تاپار.
يرئنه يتئشن آرزو جانا شئرئن گلر، لاکئن پئسلئکدن دؤنمک آخماقلارا مکروهدور.
حئکمتلي آداملارلا گزن، حئکمتلي اولار، آمّا آخماقلارلا آياق اولان بدبختلئيه دوشر.
گوناهکار آداملاري پئسلئک قووار، آمّا صالح آداملارا ياخشي بئر عوض ورئلر.
ياخشي بئر آدام نوه‌لرئنه ده مئراث قويار، لاکئن گوناهکارين ييغديغي ثروت صالحه قالار.
يوخسوللارين اَکئني بول محصول ورسه ده، عدالت اولمايان يرده بادا گدر.
اوغلوندان کؤته‌يي اسئرگه‌ين سانکي اوندان نئفرت ادر، اوغلونو سون اونا دئقّتله تربئيه ورر.
صالح آدامين جاني دويونجاق يئير، آمّا شر آداملارين قارني آج قالار.
حئکمتلي آرواد اِوئني تئکر، آمّا سفه آرواد اونو اؤز اللري ائله ييخار.
دوز يولدا گزن، ربدن قورخار، لاکئن يوللاريندان آزان، اونا خور باخار.
سفهئن آغزيندا تکبّور دَيَنَکي وار، آمّا حئکمتلي آداملارين دوداقلاري اونلاري حئفظ ادر.
اؤکوز اولمايان يرده آخور تمئز اولار، لاکئن محصولون بوللوغو اؤکوزون قووّتئندن گلئر.
حقئقي شاهئد يالان دمز، يالانچي شاهئدئن آغزيندان چيخان هر شي يالاندير.
رئشخند ادن حئکمت آختارار و اونو تاپماز، لاکئن فهئم آداما معرئفت تاپماق آساندير.
آخماق آدامين قاباغيندان چيخ گت، چونکي اوندا معرئفت دوداقلاري تاپمازسان.
شوعورلو آدام حئکمتي ائله اؤز يولونو آنلايار، لاکئن آخماق سفهلئيي ائله اؤز-اؤزونو آلدادار.
سفه‌لر گوناها رئشخند ادرلر، آمّا ائلتئفات دوز آداملار آراسيندادير.
اورک اؤز دردئني بئلر، اونون شادليغينا ياد بئر آدام شرئک اولماز.
شر آداملارين اِوي يره ييخيلار، لاکئن دوز آداملارين يوردو چئچک آچار.
يول وار کي، آدامين قاباغيندا دوز گؤرونور، آمّا آخيري اؤلومدور.
گولرکن بله، اورک قملي اولا بئلر، شادليق بئتئنجه قوصّه گئنه گؤرونه بئلر.
اوره‌يئنده آزان اؤز يوللاري ائله دويار، لاکئن ياخشي آدام عمللرئنئن عوضئني آلار.
جاهئل آدام هر سؤزه ائنانار، آمّا شوعورلو آدام قدملرئنه دئقّت ادر.
حئکمتلي آدام قورخار و پئسلئکدن دؤنر، آخماق آدام احتئياطسيز اولار و اؤزونه بل باغلار.
حؤوصلهسئز سفه-سفه ائش گؤرر، حئيلهگر آدامدان هامي نئفرت ادر.
جاهئل آداملارين مئراثي سفهلئکدئر، آمّا شوعورلو آدامين باشينا معرئفت تاجي قويولار.
پئس آداملار ياخشي آداملارين قاباغيندا، شر آداملار صالح آدامين قاپيسيندا تعظئم ادرلر.
يوخسول آدامدان قونشوسو دا نئفرت ادر، لاکئن وارلي آدامي سِوَن چوخدور.
قونشوسونو تحقئر ادن، گوناه ادئر، خوش او آدامين حالينا کي، مظلوملارا سخاوت گؤرسه‌دئر.
مگر شر قوران آداملار آزميرلار؟ لاکئن صالحلئک و وفا ياخشيليق دوشوننلرئندئر.
هر زحمتده بئر فايدا وار، آمّا بوش سؤزلر ائنساني احتئياجا سالار.
حئکمتلي آداملارين تاجي اونلارين ثروتئدئر، لاکئن آخماقلارين سفهلئيي آنجاق سفهلئکدئر.
حقئقي شاهئد جانلاري قورتارار، آمّا يالانلار دئين حئيله ائشله‌در.
ربدن قورخان تام آرخاييندير، اؤولادلارينين بئر پناهي اولاجاق.
ربدن قورخماق حيات بولاغي‌دير، آدامي اؤلوم تله‌لرئندن دؤنده‌رَر.
پادشاهين شؤوکتي خالقين چوخلوغوندادير، لاکئن مئلّتئن اولماماسينا گؤره، حؤکمدار يره ييخيلار.
گج قضبلنن آدامين بؤيوک فراستي وار، آمّا حؤوصلهسئز آدام سفهلئک قالديرار.
راحات اورک بدنئن حياتي‌دير، لاکئن حسد سوموکلري چورودَر.
کاسيبا ظولم ادن آدام، اونو ياراداني حقئر گؤرر، آمّا اونا حؤرمت ادن، مؤحتاج آداما سخاوت گؤرسه‌در.
شر آدام اؤز پئسلئيي اوزوندن قووولار، صالح آدامين اؤلومونده بله، پناهي وار.
حئکمت فهئم اورکده اؤزونه راحات يووا قورار، آمّا آخماق آداملارين قلبئنده اولانلار آشکارا چيخار.
بئر مئلّتي صالحلئک اوجالدار، لاکئن گوناه هر خالق اوچون بيآبيرچيليقدير.
پادشاه عاغيلّي قولدان خوشلانار، لاکئن قضبي خجالت گتئرنه دوشر.
يومشاق جاواب قضبي ياتيردار، آمّا کَدَرلندئرن سؤز حئدّتي آرتيق آلوولانديرار.
حئکمتلي آداملارين دئللري معرئفتي تعرئفله‌ير، آخماقلارين آغزي سفهلئک آخيدار.
ربّئن گؤزلري هر يرده‌دئر، پئسلري و ياخشيلاري نظره سالار.
شفا ورن دئل حيات آغاجي‌دير، آمّا اَيري دئل اورک قيرار.
سفه آدام آتاسينين تربئيه‌سئني اله سالار، تأدئبي قبول ادن شوعورلودور.
صالح آدامين اِوئنده بؤيوک بئر خزئنه وار، آمّا شر آدامين گلئرئنده عذاب وار.
حئکمتلي‌لرئن دوداقلاري معرئفت يايار، لاکئن آخماق آدامين اوره‌يي بله اده بئلمز.
شر آداملارين قورباني ربّه مکروهدور، آمّا دوز آداملارين دوعاسيندان خوشلانار.
شر آدامين يولو ربّه مکروهدور، لاکئن صالحلئک دالينجا گده‌ني سِوَر.
شئدّتلي تنبه دوز يولو بوراخان اوچوندور، تأدئبدن نئفرت اده‌نه اؤلوم گلر.
اؤلولر دئياري و هلاکت ربّه آشکاردير، بس نه قدر چوخ ائنسان اوغوللارينين اوره‌يي!
رئشخند ادن اونو دانلاياني سِومز، حئکمتلي‌لرئن يانينا دا گتمز.
شاد اورک اوزو خوش گؤروندورَر، آمّا اوره‌يئن کدري ائنسانين روحونو سينديرار.
فهئم آدامين اوره‌يي معرئفت آختارار، آخماقلارين آغيزلاري سفه‌لئکله بسله‌نَر.
مظلوم آدامين بوتون گونلري پئسدئر، آمّا اوره‌يئن خوشلوغو داواملي ضئيافتدئر.
ربّئن قورخوسو ائله قازانيلان آز شي، زحمتله ييغيلان بؤيوک خزئنه‌دن ياخشيدير.
محبّت اولان يرده بئر آز سبزي، نئفرت اولان يرئن بسلَنمئش اؤکوزوندن ياخشيدير.
قضبلي آدام داعوا قالديرار، لاکئن صبئرلي ديئشمه‌ني ياتيردار.
تنبل آدامين طرئقي تئکانلي چپر کئميدئر، آمّا دوز آدامين يولو گنئش جادّه‌دئر.
حئکمتلي اوغول آتاسيني سوئندئرر، لاکئن آخماق آدام آناسينا خور باخار.
عاغيلسيز آداما سفهلئک شادليقدير، آمّا آنلاغي اولان آدام دوز يولدا گزر.
مصلحتلتسئز نئيّت بوشا چيخار، مصلحت ورنلرئن چوخلوغوندان ائش باش توتار.
ائنسانين شادليغي آغزينين جاوابيندان گلر، واختيندا ديئلن سؤز نه ياخشيدير!
عاغيلّي آدام اوچون حيات طرئقي اوزو-يوخاري طرفدئر کي، او، آشاغيداکي اؤلولر دئياريندان دؤنسون.
رب تکبّورلو آدامين اِوئني ييخار، دول آروادين سرحدئني برقرار ادر.
پئس آداملارين فئکئرلري ربّه مکروهدور، آمّا خوش سؤزلر خالئصدئر.
طاماحکار آدام اؤز اوئني زحمته سالار، روشوتدن نئفرت ادهنئن عؤمرو اوزون اولار.
صالح آدامين اوره‌يي جاواب ورمکدن قاباق دوشونر، آمّا شر آدامين آغزيندان پئسلئک تؤکولر.
رب پئس آدامدان اوزاقدير، لاکئن صالح آداملارين دوعالاريني اشئدر.
گؤزلرئن آيدينليغي اوره‌يي سوئندئرر، خوش بئر خبر سوموکلره پئی وِرَر.
حياتين تأدئبلرئني اشئدن، حئکمتلي‌لر آراسيندا ساکئن اولار.
تربئيه‌ني ردّ ادن آدام اؤز جانيني حقئر گؤرر، لاکئن تأدئبه قولاق آسان فهم قازانار.
ربدن قورخماق حئکمتئن تربئيه‌سي‌دئر؛ حلئملئک شرفدن اوّل گلر.
اوره‌يئن ترتئباتي ائنسانينکي‌دير، آمّا دئلئن جاوابي ربدندئر.
ائنسانين بوتون يوللاري اؤز نظرئنده طاهئردئر، لاکئن روحلاري تفتئش ادن ربدئر.
ائشلرئني ربّه بوراخ، فئکئرلرئن برقرار اولار.
رب هر شيي مقصدئنه مووافئق ياراديب، بلي، حتّا شر آداملاري بلا گونو اوچون.
اوره‌يئنده مغرور اولان آدام ربّه مکروهدور؛ دوغرودان دا جزاسيز قالماز.
صالحلئک و وفا ائله فسادين اوستو اؤرتولر، ربدن قورخماقلا آدام پئسلئکدن دؤنر.
آدامين يوللاري ربّئن خوشونا گلسه، دوشمنلرئني ده اونونلا باريشديرار.
صالحلئکله قازانيلان آز شي، حاقسيز يوللا اولان بول گلئردن ياخشيدير.
ائنسان اوره‌يئنده اؤزو اوچون يول قورار، لاکئن رب قدملرئني هئدايت ادر.
ائلاهي قرار پادشاهين دوداقلاريندادير؛ حؤکم اتمکده اونون آغزي گرک سهو اتمه‌سئن.
دوغرو تره‌زي و چکي ربّئندئر؛ او، تورباداکي هر چکي داشيني موعيّن ادر.
شرارت اتمک پادشاهلارا مکروهدور، چونکي بئر تخت صالحلئکله برقرار اولار.
صالح دوداقلاردان پادشاهلار خوشلانارلار، اونلار دوز دانيشانلاري سِوَرلر.
پادشاهين قضبي اؤلوم الچئسئدئر، آمّا حئکمتلي آدام اونون اوستونو اؤرتر.
پادشاهين اوزونون نوروندا حيات وار، راضيليغي ياز ياغيشي گتئرن بولودا اوخشار.
حئکمت قازانماق قيزيلدان نه قدر ياخشيدير! بلي، آنلاق قازانماق گوموشدن داها افضلدئر.
دوز آداملارين جادّه‌سي پئسلئکدن دؤنمکدئر؛ يولونو ساخلايان آدام جانيني حئفظ ادر.
هلاکتدن قاباق تکبّور گدر، ييخيلماقدان قاباق دا مغرور اورک.
مظلوم بئر آداملا باشي آشاغي اولماق، تکبّورلو آداملارلا قارت ماليني پايلاشماقدان ياخشيدير.
سؤزه دئقّت ادن ياخشيليق تاپار، ربّه توکّول ادن نه بختوردئر!
اوره‌يي حئکمتلي اولان دا فهئم چاغيريلار، دوداقلارين شئرئنلئيي علمي آرتيرار.
عاغيل، صاحئبئنه حيات بولاغي‌دير، لاکئن سفه‌لرئن تربئيه‌سي سفهلئکدئر.
حئکمتلي آدامين اوره‌يي اونون آغزيني آغيلّي ادر، دوداقلاري اوستونه علم آرتيرار.
خوش سؤزلر شان بالي کئميدئر، جانا شئرئندئر، سوموکلره شفا.
يول وار کي، آدامين قاباغيندا دوز گؤرونور، آمّا آخيري اؤلومدور.
زحمتکش آدام اؤزو اوچون زحمت چکر، چونکي آج آغزي اونو مجبور ادر.
ياراماز آدام پئسلئک قازار، دوداقلاريندا اله بئل کي، يانديران اود وار.
اَيري آدام داعوا سالار، سؤز گزدئرن آدام دا ياخين دوستلاري بئربئرئندن آييرار.
زور دئين آدام اؤز قونشوسونو آلدادار، اونو ياخشي اولمايان بئر يولا چکر.
نئيّتي حئيله‌لي اولان گؤز وورار؛ دوداق بوزَر، شر قورار.
آغارميش ساچلار شرف تاجي‌دير، صالحلئک يولونون قازانجي‌دير.
گج قضبلنمک ائگئد اولماقدان ياخشيدير، نفسئنه حاکئم اولماق دا بئر شهري آلماقدان ياخشيدير.
پوشک اَتَکده آتيلار، آمّا اونون هر حؤکمو ربدن گلر.
باريشلا بئر تئکه قورو چؤرک، ديئشمه ائله ضئيافت دولو اِودن داها ياخشيدير.
عاغيلّي نؤکر آدباتيران اوغولون آغاسي اولار، قارداشلار آراسيندا مئراث پايي آلار.
پوتا گوموش اوچوندور و کوره قيزيل اوچون، لاکئن اورکلره محک ووران ربدئر.
پئسلئک ادن شر دوداقلارا دئقّت ورر، يالانچي آدام فئتنه سالان دئله قولاق آسار.
يوخسول آداملاري رئشخند ادن، اونو يارادانا خور باخار، اؤزگهنئن بلاسينا سِوئنن آدام جزاسيز قالماز.
نوه‌لر ياشلي‌لارين تاجي‌دير، اوغوللارين عئّزتي آتالاري‌دير.
فضئلتلي سؤز عاغيلسيز آداما ياراشماز، نه قدر آرتيق يالان دانيشان دوداقلار بئر آغايا!
روشوت اونو وره‌نئن گؤزونده قئيمتلي بئر داشدير، نه طرفه دؤنسه، ائش باش توتار.
خاطانين اوستونو اؤرتن آدام محبّت آختارير، آمّا سؤز گزدئرن، ياخين دوستلاري بئربئرئندن آييرير.
آنلاغي اولان آداما بئر ائراد، آخماغا وورولان يوز دَيَنَک ضربه‌سئنئن آغريسيندان داها آرتيقدير.
پئس آدام آنجاق عوصيان آختارار، اونون ضئدّئنه قدّار قاصئد گؤنده‌رئلر.
بالالاريني ائتئرمئش بئر آيي‌يا راست گلمک، سفاهته باتميش آخماقلا راستلاشماقدان ياخشيدير.
کئم ياخشيليق عوضئنه پئسلئک اتسه، پئسلئک اونون اِوئندن آيريلماز.
داعوانين باشلانيشي سويون بندئندن آچيلماسينا بنزر، داعوا باشلانماميش موناقئشه‌ني ترک ات.
شر آدامي گوناهسيز چيخارتماق، صالح آدامي محکوم اتمک، هر ائکئسي ده ربّه مکروهدور.
نه اوچون آخماق آدامين الئنده، حئکمتي ساتين آلماق اوچون مال وار؟! اونون کي، بونا عاغيلي يوخدور.
بئر دوست همئشه سِوَر، قارداش دارليق اوچون آنادان اولوب.
عاغيلسيز، آيري بئر آداملا ال‌بئر اولار، قونشوسونا ضامئن دورار.
خاطاکارليغي سون داعواني سِوَر، قاپيسيني اوجالدان هلاک آختارار.
اَيري اورکلي خيئر گؤرمز، ترسه دانيشان دئل ده بلايا دوشر.
آخماغين آتاسي قوصّه‌يه آتا اولور، عاغيلسيزين آتاسينين شادليغي ائتر.
شاد اورک ياخشي بئر درماندير، لاکئن سينيق بئر روح سوموکلري قورودار.
شر آدام قولتوغونون آلتيندان روشوت آلار کي، عدالتئن يوللاريني پوزسون.
حئکمت، آنلايان آدامين نظرئنده‌دئر، آخماغين گؤزلري دونيانين او تاييني آختارار.
آخماق اوغول آتاسينا قوصّه، اونو دوغان آناسينا آجيليق‌دير.
صالح بئر آدامي تنبه اتمک ياخشي ديئل، نجئبزاده‌لري ده دوزلوکلري اوچون دؤيمک ياخشي ديئل.
معرئفتي اولان آز دانيشار، فراستلي آدامين دا آرام روحو وار.
حتّا سفه بئر آدام دا ساکئت قالسا، حئکمتلي حساب ادئلر، آغزيني يومسا، فهئم گؤرونر.
اؤزونو هاميدان آييران، اؤز ائسته‌يئني آختارار؛ هر شوعورلو يولا ضئدّ دورار.
آخماق آدام فراستدن خوشلانماز، اوره‌يئني اورتايا تؤکمکدن خوشلانار.
شر آدام گلئنجه، حقارت ده گلر؛ خجالتله ده روسوايچيليق گلر.
آدامين آغزينين سؤزلري درئن سولاردير؛ حئکمتئن بولاغي آخان چايدير.
محکمه‌ده صالحي حاقسيز چيخارتماق اوچون، پئس آداما طرفدارليق اتمک ياخشي ديئل.
آخماغين دئلي موناقئشه‌يه گئرئشر، آغزي دؤيولمه‌يي دعوت ادر.
آخماق آدامين آغزي اونو ييخار، دوداقلاري جانينا تله‌دئر.
قيبتچي آدامين سؤزلري شئرئن تئکه‌لر کئمی‌دئر کی،، قارنين لاپ درئن يرلرئنه اِنَر.
ائشئنده لنگئين آدام، محو ادن آداما قارداشدير.
ربّئن آدي قووّتلي بئر قالادير. صالح آدام اونا قاچيب اورادا پناه توتار.
وارلي آدامين مال-دؤولتي اونون قالالي شهرئدئر، اؤز گومانيندا اونا پناه دوواري‌دير.
اوره‌يئن تکّبورو اَجلدن اوّل گلر، عئزّتدن ده قاباق حلئملئک.
اشئتمه‌دن قاباق جاواب ورمک ائنسان اوچون سفهلئک و بيآبيرچيليقدير.
آدامين روحو ناخوشلوغا دؤزَر، لاکئن سينيق بئر روحا کئم تاب گتئره بئلر؟
فهئم اورک معرئفت قازانار، حئکمتلي آداملارين قولاغي معرئفت آختارار.
ائنسانين هدئيه‌سي اونا ير آچار، اونو بؤيوک آداملارين حوضورونا گتئرر.
ائدّئعاسيني اوّل دئين حاقلي گؤرونر، او زاماناجاق کي، قونشوسو گلر و اونون پاخيريني آچار.
پوشک آتماق داعوالاري ياتيردار، ساواشانلاري بئربئرئندن آييرار.
ائنجئمئش بئر قارداشين اوره‌يئني اله گتئرمک، قالالي بئر شهردن داها چتئندئر، بله داعوالار قاپيسي، چفته‌لي قالا کئميدئر.
آدامين قارني آغزينين ميوهسئندن دويار، دوداقلارينين محصولوندان توخ اولار.
اؤلوم و حيات دئلئن الئندهدئر، اونو سِوَنلر اونون باريندان يئيرلر.
اؤزونه آرواد تاپان ياخشي بئر شي تاپار، ربّئن ريضاسيني قازانار.
يوخسول آدام يالوارا-يالوارا دانيشار، لاکئن وارلي آدام برک جاواب ورر.
دوستلاري چوخ اولان آدام بلايا دوشر، آمّا دوست وار کي، قارداشدان دا داها ياخيندير.
کاماللا گزن يوخسول، اَيري دانيشان آخماقدان ياخشيدير.
معرئفتسئزلئک ائنسان اوچون ياخشي ديئل، آياقلاري ائله تله‌سن آدام دا يولوندان چيخار.
ائنسانين سفهلئيي اونون يولونو آلت-اوست ادر، اوره‌يي ربّه قيزار.
مال-دؤولت دوستلاري آرتيرار، لاکئن کاسيب آدامين دوستو اونو بوراخار.
يالانچي شاهئد جزاسيز قالماز، يالانلار دئين آدام خئلاص اولماز.
سخاوتلي آدامين ائلتئفاطيني قازانماغا چوخ آدام چاليشار، هدئيّهلر باغيشلايان آداما هر کس دوست اولار.
يوخسول آداملارين بوتون قارداشلاري اوندان نئفرت ادر؛ گؤر دوستلاري اوندان نه قدر چوخ اوزاقلاشار! يالوارا-يالوارا داللارينجا گتسه ده، ياخينينا گلمزلر.
معرئفت قازانان اؤز جانيني سِوَر؛ فراست ساخلايان ياخشيليق تاپار.
يالانچي شاهئد جزاسيز قالماز، يالان دئين آدام دا هلاک اولار.
آخماغا دبدبده‌لي ياشاماق ياراشماز، قولون ريئسلره آغاليق اتمه‌سي نه قدر آز ياراشاجاق!
ائنسانين عاغيلي اونون حئدّتئني گِجئکدئرَر، اؤزگهنئن خاطاسيني نظره آلماماق اونا شرف گتئرر.
پادشاهين قضبي شئر نعره‌سئنه بنزر، لاکئن ريضاسي اوت اوستونه دوشن شحه بنزر.
آخماق اوغول، آتاسينا بلا اولار، آروادين ديئشمه‌لري دايانمادان دامان سو دامّاسي کئميدئر.
اِو و مال-دؤولت آتالار مئراثي‌دير، آمّا عاغيلّي آرواد ربدندئر.
تنبل‌لئک ائنسانا درئن يوخو گتئرر، آوارا آدام آجليق چکر.
امري يرئنه يتئرن جانيني حئفظ ادر، لاکئن يوللارينين قيدئنه قالمايان آدام اؤلر.
کاسيبا سخاوتلي اولان آدام ربّه بورج ورئر، رب اونا عوضئني ورهجکدئر.
اومئد وار ائکن اوغلونا تربئيه ور، اؤلومونه باعئث اولما.
قضبده ائفراط ادن آدام تنبه اولار؛ اونو قورتاراسان بله، گئنه ده داوام ادر.
نصئحته قولاق آس، تربئيه‌ني قبول ات، بونون نتئجهسئنده حئکمتلي اولارسان.
آدامين اوره‌يئنده چوخ فئکئرلر اولار، لاکئن برقرار دوران ربّئن نئيّتي‌دئر.
ائنسانين زئنتي اونون شفقتي‌دئر، يوخسول اولماق دا يالانچي اولماقدان ياخشيدير.
ربدن قورخماق ائنساني حياتا آپارار، او، توخ ياتار؛ پئسلئک اونا ياخين گلمز.
تنبل آدام الئني قابا باتيرار، لاکئن اونو آغزينا گري گتئرمه‌يي بله ائسته‌مز.
رئشخند ادن آدامي دؤي، جاهئل آدام شوعورلو اولار، فهئم آدامي دانلا، معرئفتي قازانار.
آتاسيني سويان و آناسيني قووان آدام، خجالت و روسوايچيليق گتئرن اوغولدور.
اگر معرئفت سؤزلرئندن آزماغي ائستهيئرسن، اوغلوم، تربئيه‌ني اشئتمه‌يي بوراخ.
دَيَرسئز شاهئد عدالته رئشخند ادر، شر آداملارين آغزي شر تيخار.
رئشخند ادنلر اوچون موحاکئمه، آخماقلارين کوره‌يي اوچون کؤتک حاضيرلانار.
شراب رئشخند ادندئر، کفلندئرن ائچکي هاي-کويلودور، اونونلا مست اولان هچ کس حئکمت آلماز.
پادشاهدان گلن دهشت آصلان نعره‌سئنه بنزر؛ اونو قيزديران اؤز جانيني ائتئرر.
ديئشمه‌دن گري چکئلمک ائنسانا عئزّتدئر، هر سفه داعوا باشلايا بئلر.
تنبل آدام پاييز واختي جوت سورمز؛ اونا گؤره ده بئچئن واختي آختاريب بئر شي تاپماز.
ائنسانين نئيّتلري درئن سولارا اوخشار، فراستلي آدام اونو چکئب چيخاردار.
ائنسانلارين چوخو اؤزلرئنئن صالح اولدوقلاريني جار چکر، آمّا امئن آدامي کئم تاپا بئلر؟
صالح آدام اؤز کاماليندا ياشايار، اوغوللاري اؤزوندن سورا نه بختوردئرلر!
حؤکم تختئنده اوتوران پادشاه، بوتون پئسلئيي گؤزلري ائله آييرار.
کئم دئيه بئلر: "اوره‌يئمي تمئزله‌مئشم، گوناهيمدان سئلئنمئشم؟"
فرقلي چکي داشلاري و فرقلي اؤلچولر، ائکئسي ده ربّه مکروهدور.
بئر اوغلان عمللري ائله، اتدئيي ائشلرئن تمئز و صالح اولماغي ائله اؤزونو تانيدار.
اشئدن قولاق و گؤرن گؤز، ائکئسئني ده رب ياراديب.
يوخونو سِومه، يوخسا يوخسول اولارسان؛ گؤزلرئني آچ، چؤرکله دويارسان.
ساتين آلان "دَيَري يوخدور" دئير، آمّا آليب گدندن سونرا، اؤزونه فخر ادر.
قيزيل وار، ياقوت دا چوخ وار، آمّا معرئفتلي دوداقلار دَيَرلي جواهئردئر.
ياد آروادا ضامئن اولاندان دا گِری آل، اونو قرئبلر اوچون گئروو ساخلا.
کلکله اله گلن چورک شئرئن اولار، لاکئن سورا آدامين آغزي قوملا دولار.
هر فئکئر مشورتله برقرار اولار، موحارئبه‌ني تدبئرله ات.
سؤز گزدئرن سئرّلري آچيب يايار، اونا گؤره ده، هرزه دانيشان آداملا آشناليق اتمه.
آتاسيني، يا دا آناسيني لعنت ادن آدامين چيراغي قارانليق واختي سؤنه‌جکدئر.
واختيندان اوّل اله گلن مئراث، آخيريندا برکتلي اولماز.
دمه: «پئسلئيئن عوضئني ورهجيم»، ربّي گؤزله و او، سني خئلاص ادر.
فرقلي چکي داشلاري ربّه مکروهدور، آلداتان تره‌زي ياخشي ديئل.
کئشئنئن قدملري ربدندئر، بس نجه بئر آدام اؤز يولونو آنلايا بئلر؟
ائنسانا تله‌دئر کي، بئر شيي تعجئلله وقف اتسئن، سورا اتدئيي نذئرلري دوشونسون.
حئکمتلي بئر پادشاه شر آداملاري سووورار، ديئرمان داشيني اونلارين اوستوندن چکر.
ائنسانين روحو ربّئن چيراغي‌دير، قارنين لاپ درئن يرلرئني تفتئش ادر.
صالحلئک و وفا پادشاهي حئفظ ادر، تختئني صالحلئکله ساخلار.
جاوان آداملارين عئزّتي اونلارين قووّتلري‌دئر، قوجا آداملارين زئنتي اونلارين آغارميش ساچلاريدير.
يارالايان ووروشلار پئسلئيي تمئزله‌ير، ضربه‌لر قارنين لاپ درئن يرلرئنه اِنَر.
پادشاهين اوره‌يي ربّئن الئندهدئر، سو آرخلاري کئمي اونو ائسته‌دئيي طرفه دؤنده‌رَر.
ائنسانين هر يولو اؤز نظرئنده دوغرو گؤرونر، لاکئن اورکلري تفتئش ادن ربدئر.
صالحلئک و عدالتي يرئنه يتئرمک، ربّه، قورباندان داها افضلدئر.
مغرور بئر باخيش، تکبّورلو بئر اورک، شر آداملارين ائشيغي و گوناهي‌دير.
چاليشقان آدامين فئکئرلري فايدا ورر، تله‌سن هر آدام احتئياجا دوشر.
يالان دانيشان دئلله خزئنه ييغماق هاوايا قالخان بوخاردير کي، اؤلوم آختارانلار اونون دالينا دوشورلر.
شر آداملارين قدّارليغي اونلاري سئلئب آپاراجاق، چونکي عدالتي يرئنه يتئرمکدن بويون قاچيرديرلار.
خاطايا باتميش آدامين يولو دولاشيقدير، آمّا تمئز آدامين ائشي صالحدئر.
دامين کونجونده اوتورماق، داعواچي بئر آروادلا بؤيوک بئر اِوده ساکئن اولماقدان داها ياخشيدير.
پئس آدامين جاني پئسلئيي آرزولايار؛ قونشوسو اونون گؤزونده مرحمت تاپماز.
رئشخند ادن تنبه اولاندا، جاهئل آدام حئکمت آلار، لاکئن حئکمتلي آداما عاغيل اؤيره‌دنده، معرئفت قازانار.
صالح ائنسان شر آدامين اِوئنه دئقّت ورر، پئس آداملار پئسلئيه ييخيلارلار.
قولاغيني کاسيب آدامين فريادينا باغلايان آدام، اؤزو ده باغيراندا جاواب آلماز.
گئزلي ورئلن هدئيه حئدّتي، قولتوقدان ورئلن روشوت قضبي ياتيردار.
عدالتي يرئنه يتئرمک صالح آدام اوچون شادليقدير، آمّا شر قورانلارين باشينا هلاکت گلر.
عاغيل يولوندان آزان آدام، اؤلولر جاماعاتيندا ساکئن اولاجاق.
کف سِوَن آدام احتئياجا دوشر؛ شراب و ياغلي يمه‌يي سِوَن، هچ واخت ثروت قازانماز.
پئس آدام صالح آدامين فئدئيه‌سي، خائن آدام دا دوز آدامين عوضي اولار.
چوللرده ياشاماق، داعواچي و قيزميش بئر آروادلا بئر يرده ياشاماقدان داها ياخشيدير.
حئکمتلي‌نئن اوئنده خزئنه و زيتون ياغي وار، لاکئن آخماق نه‌يي وارسا، يِيئب-قورتارار.
صالحلئک و صداقت دالينجا گدن، حيات، صالحلئک و عئزّت تاپار.
حئکمتلي بئر آدام ائگئدلرئن شهري اوستونه چيخار، شهرئن اعتئماد اتدئيي قالاسيني يره ييخار.
آغزيني، دئلئني قورويان آدام جانيني دارليقلاردان قورويار.
مغرور و تکبّورلو آدام؛ اونون آدي "رئشخند ادن" دئر. او لاپ چوخ تکبّورله رفتار ادر.
تنبلئن آرزوسو اونو اؤلدورَر، چونکي اللري ائشله‌مک ائسته‌مز.
او، بوتون گون طاماحلا آرزولايار، آمّا صالح آدام ورر و اسئرگه‌مز.
پئس آداملارين قورباني مکروهدور؛ گؤر پئس نئيّتله تقدئم اتسه، نه قدر آرتيق!
يالانچي شاهئد هلاک اولار، لاکئن قولاق آسان آدام دائم دانيشاجاق.
شر آدام، اوزونو حياسيز گؤرسه‌در، لاکئن صالح آدام يولونا دئقّت ادر.
ربّئن ضئدّئنه نه حئکمت وار، نه فراست وار، نه ده مصلحت.
آت دؤيوش گونو اوچون حاضيرلانار، آمّا خئلاص ربده‌دئر.
ائنسانلار آراسيندا ياخشي بئر آد آچماق، بؤيوک ثروتدن و ائلتئفات سِومَک، گوموش و قيزيلدان داها ياخشيدير.
وارلي و يوخسول بوندا بئردئرلر؛ هاميلاريني يارادان ربدئر.
شوعورلو آدام شري قاباقجادان گؤرر و اؤزونو گئزله‌در، لاکئن جاهئل آداملار ائرهلي گدئب جزالانار.
تواضؤعکارليغين و ربدن قورخماغين نتئجهسي وارليليق، شرف و حياتدير.
اَيري اولان آدامين يولوندا تئکانلار و تله‌لر وار؛ جانيني قورويان اونلاردان اوزاق قالار.
اوغلانا گده‌جيي يولا گؤره تعلئم ور، حتّا قوجالاندا دا اوندان دؤنمز.
وارلي آدام يوخسول آداملارا آغاليق ادر، بورجلو آدام دا بورج وره‌نئن قولودور.
حاقسيزليق اکن شر بئچر، قضبئنئن دَيه‌نَيي محو ادئلر.
گؤزو دويموش آدام برکت تاپار، چونکي چؤره‌يئندن کاسيب آداما ورر.
رئشخند ادن آدامي قوو، داعوا دا قورتارار. بلي، موباحئثه و خجالتئن ده آرخاسي کسئلر.
اورک تمئزلئيئني سِوَن، دوداقلاريندا فيض اولان، پادشاهين دوستو اولار.
ربّئن گؤزلري معرئفتي حئفظ ادر، آمّا خائن آدامين سؤزلرئني بوشا چيخاردار.
تنبل آدام دئير: "اشئکده شئر گزئر، کوچهلره چيخسام، مني پارچالار."
عئفّتسئز آروادين آغزي درئن چالادير؛ رب کئمه قضبلنسه، اورايا دوشر.
سفهلئک اوغلانين اوره‌يئنده باغلي‌دير، آمّا تنبه آغاجي اونو اوندان اوزاقلاشديرار.
وارلي اولماق اوچون کاسيبا ظولم ادئب وارلي‌يا ورن آدام دا احتئياجا دوشر.
قولاق آس و حئکمتلي آداملارين سؤزلرئني اشئت، اوره‌يئني منئم معرئفتئمه ور.
چونکي اونلاري اؤز ائچئنده ساخلاياسان، ياخشي اولار؛ اونلارين هاميسيني دئلئنه سال.
بو گون سنه خبر وردئم کي، توکّولون ربّه اولسون.
مگر سنه مشورتلر و معرئفتئن اوتوز سؤزونو يازماميشام کي،
حقئقت سؤزلرئنئن دوغرولوغونو بئلهسن، سني گؤنده‌رَنلره حقئقتله جاواب ورهسن؟!
کاسيب آدامي کاسيب اولدوغو اوچون سويما، دروازادا اولان مظلوما دا ظولم اتمه.
چونکي اونلارين داعواسيني رب ادر، اونلاري سويانلارين جانيني رب سويار.
تِز قضبلَنَن آداملا يولداش اولما، حئدّتلي آداملا گلئش-گدئش اتمه.
مبادا اونون طرئقلرئنه بلد اولاسان، و جانيني تلهيه سالاسان.
ال ورنلردن، بورجلارا ضامئن اولانلاردان اولما؛
گئرو عوضئني ورمه‌يه بئر شيئن اولماسا، آلتيندان ياتاغيني آپارارلار!
آتالاريندان قالان قدئم سَرحد داشينين يرئني ديئشمه.
ائشئنده ماهئر اولان آدامي گؤرورسن؟ تانيلمايان آداملارين قاباغيندا يوخ، پادشاهلار قاباغيندا دوراجاق.
بئر حؤکمدارلا يمک يمه‌يه اوتوردوغون زامان، قاباغيندا اولانا ياخشي دئقّت ات.
اگر ائشتاهالي بئر آدامسان، بوغازينا بيچاق قوي.
اونون دادلي يمکلرئنه هوسلنمه، چونکي آلداتان خورکدئر.
ثروت قازانماق اوچون اؤزونو يورما؛ بو فئکئردن دوش!
گؤزونو ثروته دئکه‌سن، يوخ اولار، اؤزونه قانادلار دوزهلدئب، قارتال کئمي گؤيلره اوچار.
خسئس آدامين خؤره‌يئني يمه؛ اونون دادلي يمکلرئنه ده هوسلنمه؛
چونکي اوره‌يئنده هر شيئن حسابيني ادر. سنه دئير: "يه، ائچ"، لاکئن اوره‌يي دئلي ائله بئر ديئل.
يدئيئن تئکهني قوساجاقسان، ددئيئن شئرئن سؤزلر بادا گدهجک.
آخماق آدامين قولاغينا بئر شي دمه، چونکي سؤزلرئنده اولان عاغيلا حقارتله باخاجاق.
قدئمکي سرحد داشينين يرئني ديئشمه، يتئملرئن زمئلرئنه ده گئرمه؛
چونکي اونلارين قيّومو قودرتلئدئر؛ سنئنله اولان موناقئشه‌يه، او، باخار.
اوره‌يئني تربئيه‌يه، قولاقلاريني معرئفت سؤزلرئنه ور.
تربئيه‌ني اوشاقدان کسمه، چونکي تربئيه آغاجي اونو اؤلدورمز.
سن اونو آغاجلا وور کي، جانيني اؤلولر دئياريندان قورتاريرسان.
اوغلوم، اگر اوره‌يئن حئکمت آلسا، منئم ده اوره‌يئم سوئنر.
دوداقلارين دوز دئين زامان، بلي، ائچئم ده شادلاناجاق.
اوره‌يئن گوناهکارلارا حسد آپارماسين، آنجاق ربّئن قورخوسوندا ياشا.
مادام کي، آخير-عاقئبت وار، اومئدئن کسئلمه‌يه‌جک.
اشئت اوغلوم و حئکمت آل؛ يولدا اوره‌يئني دوز ات.
شرابلا کفلي اولانلارلا، يا دا ات قارينپاسي اولانلارلا قاتيشما؛
چونکي کفلئلر و قارينپالار يوخسول‌لوغا دوشرلر، باش گئجَلمه‌سي آدامي جيرجينديرا گيئندئرر.
سني ووجودا گتئرن آتانا قولاق آس، آنانا قوجا اولدوغو زامان خور باخما.
حقئقتي آل و اونو ساتما؛ حئکمتي، تربئيه‌ني، و آنلاغي دا آل.
صالح آدامين آتاسي کف ادهجک، حئکمتلي اوشاغي اولان دا سوئنه‌جکدئر.
قوي آتان و آنان سوئنسئن، قوي سني بو دونيايا دوغان کف اتسئن.
اوغلوم، اوره‌يئني منه ور، قوي گؤزلرئن يوللاريما باخسين.
چونکي عئفّتسئز بئر آرواد درئن بئر چالادير، توولايان آرواد دا دار قويودور.
قولدور کئمي کمئن قورار، ائنسانلار آراسيندا خائنلري آرتيرار.
کئمدئر ياسلي؟ کئمدئر دردلي؟ داعوالار کئمئن وار؟ شئکايت کئمئن وار؟ سببسئز يارالار کئمئن وار؟ قيزارميش گؤزلر کئمئن وار؟
شرابدان اؤتري اوزون مودّت اوتورانلارين، قاريشديريلميش شرابين دالينجا آختارانلارين،
شرابين قيرميزي اولماسينا، قدحده پاريلداماسينا، يومشاق آشاغي آخماسينا باخما.
آخيردا ائلان کئمي سانجار، افعي کئمي زهرله‌ير.
گؤزلرئن قرئبه شيلر گؤرر، اوره‌يئن ترسه شيلر دانيشار.
بلي، آچيق دهنزده ياتان کئمي اولارسان، حتّا گمي دئره‌يئنئن باشيندا ياتان کئمي اولارسان. دئيرسن:
"مني دؤيدولر، لاکئن آغري چکمه‌دئم؛ مني ووردولار، لاکئن آنلاماديم. نه زامان اوياناجاغام کي، شرابي گئنه آختاريم؟!"
پئس آداملارا حسد آپارما، اونلارا قوشولماق ائستَمه.
چونکي اونلارين اورکلري ظولم دوشونر، دئللري قدّارليقدان دانيشار.
اِو حئکمتله تئکئلر، فراستله برقرار اولار؛
اوتاقلاري معرئفتله، جوربهجور دَيَرلي و خوش شيلرله دولار.
حئکمتلي کئشي قودرتلئدئر، بلي، معرئفت صاحئبي قووّتئني آرتيرار؛
چونکي مشورتله موحارئبه ادرسن، مشورت ورنلرئن چوخلوغوندا سالاماتليق وار.
سفه اوچون حئکمت اَلچاتمازدير، دروازادا آغزيني آچماز.
شر قوران، فئتنه‌کار آدلانار.
سفهئن پئس ائشي گوناه ساييلار، رئشخند ادن، آداملار يانيندا مکروهدور.
دارليق گونونده اگر طاقتدن دوشه‌سن، سنئن قووّتئن نه آزدير!
اؤلومه آپاريلانلاري قورتار، اؤلدورولمه‌يه ييخيلانلاري قيريلماقدان مانع اول.
اگر "بونو بئلمئردئک" دئيهسن، اورکلري تفتئش ادن، مگر بونو گؤرمز؟ سنئن جانيني ساخلايان مگر بونو بئلمز؟ مگر ائنسانا عملئنه گؤره جزا ورمز؟
اوغلوم، بال يه، چونکي ياخشيدير، شاني بالينين شئرئن دادي داماغيندا قالار؛
بئل کي، حئکمت ده سنئن جانينا بله اولار، اگر اونو تاپيبسان، سنئن اوچون آخير-عاقئبتي وار، اومئدئن کسئلمه‌يه‌جکدئر.
اي شر آدام، صالح آدامين مسکني اوچون گئزلنمه؛ اونون او-آوادانيني سويما،
چونکي صالح آدام يدّي دفه ييخيلسا بله، گئنه قالخار. لاکئن شر آدامي شر ييخاجاق.
دوشمنئن ييخيلان زامان سوئنمه، اونون ييخيلماسينا گؤره اوره‌يئن کف اتمه‌سئن.
يوخسا ربّ اونو گؤرر و اوندان خوشلانماز، قضبئني اونون اوستوندن گؤتورر.
پئسلئک ادنلردن اؤتري قضبلنمه، شر آداملارا حسد آپارما؛
چونکي پئس آداما آخير-عاقئبت اولماياجاق؛ شر آداملارين چيراغي سؤنه‌جک.
اوغلوم، ربدن و پادشاهدان قورخ؛ خيانتکارلارلا گلئش-گدئش اتمه؛
چونکي اونلارين بلاسي قفئلدن گلر، هر ائکئسئنئن وره‌جيي جزاني کئم بئلئر؟!
بولار دا حئکمتلئنئن سؤزلري‌دئر: موحاکئمه‌ده طرفدارليق اتمک ياخشي ديئل.
شر آداما "سن صالح آدامسان" دئينه، خالقلار لعنت ادرلر و مئلّتلر اوندان ائيره‌نرلر.
آمّا اونو دانلايانلاردان خوشلانارلار، اونلارين اوستونه ياخشيليق برکتي گلر.
دوغرو بئر جاواب ورن آدام، دوداقلاري اؤپن کئميدئر.
اوّلجه اشئکده‌کي ائشئني حاضيرلا، زمي سال، سورا اوئني تئک.
سببسئز قونشونون ضئدّئنه شاهئدلئک اتمه، دوداقلارينلا توولاما.
دمه: "منه اتدئتئني من ده اونا ادهجيم، اونون عمللرئنئن عوضئني ورهجيم."
تنبل آدامين زمئسئندن و عاغيلسيز آدامين اوزوم باغيندان کچدئم؛
باخ، هر يانيني تئکان باسميش، آلاق اوتلا دولموشدو؛ داش-دوواري ييخيلميشدي.
من اونو گؤرن واخت، اونا دئقّتله باخديم؛ اونا باخديم و عئبرت آلديم:
بئر آز يات، بئر آز يوخولا، ائستئراحت اوچون بئر آز اَلي، اَل اوسته قوي؛
او زامان يوخسوللوق سنه اوغرو کئمي، احتئياج سنه سئلاحلي آدام کئمي هوجوم ادهجک.
بولار دا سوليمانين مثللري‌دئر کي، يهودا پادشاهي خئزقيانين آداملاري بئر يره ييغيب يازديلار:
بئر ائشي گئزلتمک تارينين عئزّتئدئر، لاکئن ائشي آراشديرماق پادشاهلارين عئزّتئدئر.
نجه گؤيو اوجاليغيندا، يري ده درئنلئيئنده، اله ده پادشاهلارين اوره‌يئني آراشديرماق اولماز.
گوموشدن چوروفو آيير، زرگره بئر قاب چيخار.
شرور آدامي پادشاهين يانيندان آيير، اونون تختي صالحلئکده برقرار اولار.
پادشاهين حوضوروندا اؤزونو اوجالتما، بؤيوک آداملارين يرئنده ده دورما:
چونکي "بويور يوخاري" دعوتئني آلماق، بئر اصئلزاده حوضوروندا آشاغي اندئرئلمَکدن داها ياخشيدير.
عجله ائله داعوايا آتيلما، سورا قونشون سني اوتانديرسا، نه ادرسن؟
داعواني قونشونلا اؤزون حل ات اؤزگه بئر آدامين سئرّئني آچما.
مبادا هر اِشئدن سنه خور باخسين، و اعتئبارين آرادان گتسئن.
يرئنده ديئلمئش سؤز، گوموش اويمالار ائچئنده قيزيل آلمالار کئميدئر.
سؤزه باخان قولاغا حئکمتلي دانلاق، قيزيل حالقاسي، خالئص قيزيل کوپّه‌سي کئميدئر.
بئچئن واختيندا قار کئمي سرئنلئک نجهدئر، اعتئبارلي الچي ده اونو گؤنده‌رنلر اوچون بلهدئر، چونکي او، آغالارينين جانيني تزه‌له‌يئر.
ورمه‌دئيي بخشئشلرئندن فخر ادن آدام، ياغيشسيز بولودا و کولَيه بنزهيئر.
اوزون صبئرله بئر حؤکمداري دا قانديرماق اولار، شئرئن دئل سوموکلري بله، سينديرار.
بال تاپسان، اوندان احتئياجين قدر يه، اگر آج‌گؤزلوکله يئيه‌سن، قوسارسان.
قوشونون اوئنه آز-آز گت، يوخسا بِزَر، سندن نئفرت ادر.
قونشوسونون ضئدّئنه يالانچي شاهئدلئک ادن، توپّوز، قيلينج و ائتي اوخا بَنزه‌يئر.
دار گونده خائن آداما اعتئماد اتمک، چوروموش دئشه، بورولموش بئر آياغا بنزهيئر.
اوره‌يي قم دولو آداما نغمهلر اوخويان، سويوق گونده پالتاريني چيخاردان کئميدئر، شورا اوستونه تؤکولموش سئرکه کئميدئر.
اگر دوشمنئن آجدير، اونا چؤرک ور يسئن؛ اگر سوسوزدور، سو ور ائچسئن؛
بله اتمکله سانکي باشينا کؤز کؤمور تؤکورسن، بونون عوضئني ربدن آلارسان.
شئمال يلي ياغيش دوغورار، قيبت ادن دئل ده قضبلي اوز!
دامين کونجونده اوتورماق، داعواچي بئر آروادلا بؤيوک بئر اِوده ساکئن اولماقدان داها ياخشيدير.
سوسوز جانا سويوق سو نجهدئر، اوزاق مملکتدن گلن خوش خبر ده بلهدئر.
پئس آدامين قاباغيندا صالح آدامين باش ايمه‌سي، بولانديريلميش چشمه و نجئسلنمئش قويو کئميدئر.
چوخ بال يمک ياخشي ديئل؛ اله ده اؤز عئزّتئني آختارماق، آداما عئزّت ديئل.
نفسئنه حاکئم اولمايان بئر آدام، داغيلميش، حاصارسيز بئر شهر کئميدئر.
نجه ياي واختيندا قار ياراشماز، بئچئن واختيندا دا ياغيش، آخماق بئر آداما دا عئزّت اله ياراشماز.
سرچه نجه اوچوب کؤچر، قارانقوش نجه اوچوب گدر، سببسئز لعنت ده اله‌دئر، يرئنه يتئشمز.
آتا قامچي، اِششَيه جئلوو، آخماق آداملارين دالينا دا آغاج.
آخماق آداما سفه‌لئيئنه گؤره جاواب ورمه، يوخسا سن ده اونون کئمي اولارسان.
آخماق آداما سفه‌لئيئنه گؤره جاواب ور، يوخسا اؤز گؤزونده اؤزونو حئکمتلي سايار.
آخماق بئر آدامين الي ائله خبر گؤنده‌رن، اؤز آياقلاريني کسن و اؤز ضررئني ائچن کئميدئر.
آخسايان بئر آدامين آياغي نجه لاخلار، مثل ده آخماق آداملارين آغزيندا اله‌دئر.
داشي ساپاندا قويان آدام نجهدئر، آخماغا حؤرمت ادن آدام دا اله‌دئر.
کفلي بئر آدامين الئنه باتميش بئر تئکان نجهدئر، مثل ده آخماق آداملارين آغزيندا اله‌دئر.
هدفسئز اوخ آتان آدام نجه هاميني يارالايار، آخماق آدامي، يولدان کچن هر کسي ائشه آلان دا اله‌دئر.
ائت اؤز قوسدوغونا نجه دؤنر، آخماق آدام دا تکرار سفهلئک ادر.
اؤز گؤزونده حئکمتلي اولان بئر آدامي گؤروبسن؟ آخماق بئر آداما اوندان آرتيق اومئد باغلاماق اولار.
تنبل آدام دئير: "يولدا آصلان وار! کوچهلرده شئر گزئر!"
قاپي اؤز داباني اوسته نجه دؤنر، تنبل آدام دا ياتاغيندا اله دؤنر.
تنبل آدام الئني قابا باتيرار؛ لاکئن اونو آغزينا گري گتئرمه‌يه اَرئنر.
تنبل اؤز گؤزونده، عاغيلّيجا جاواب ورن يدّي نفردن داها حئکمتلئدئر.
اؤزونه مربوط اولمايان داعوايا قاريشان، اله بئل کوچه‌ده‌کي ائتي قولاقلاريندان توتور.
اود، اوخ، و اؤلوم گتئرن دلي آدام نجهدئر،
قونشوسونو آلداتيب، "ظارافات ادئردئم" دئين آدام دا اله‌دئر.
اودون اولمايان يرده اود سؤنر؛ قيبتچي اولمايان يرده ده داعوا ياتار.
کؤز اوچون کؤمور و اود اوچون اودون نجهدئر، داعواني آلوولانديرماق اوچون داعواچي آدام دا اله‌دئر.
قيبتچي آدامين سؤزلري شئرئن تئکه‌لر کئميدئر کي، قارنين لاپ درئن يرلرئنه انر.
جئلالانميش صاخسي بئر قاب نجهدئر، هوسلي دوداقلارلا شر دولو بئر اورک ده اله‌دئر.
دوشمن نئفرتي دوداقلاري ائله گئزله‌در، حئيلهني اؤز ائچئنده ساخلايار.
مهرئبان دانيشان زامان اونا ائنانما، چونکي اوره‌يئنده يدّي جور مکروه شي وار:
گرچي نئفرتي مکرله اؤرتولوب، لاکئن شرارتي جاماعاتين قاباغيندا آشکارا چيخاجاق.
چوخور قازان آدام اؤزو اونا دوشر، داش دا اونو يووارلايانين اوستونه قاييدار.
يالانچي دئل يارالاديغي آداملاردان نئفرت ادر، آلداتان آغيز دا وئرانليغا سبب اولار.
صاباحکي گون اوچون فخر اتمه، چونکي گونون نه دوغاجاغيني بئلمئرسن.
اؤز آغزين يوخ، قوي ياد بئري سني تعرئفله‌سئن؛ اؤز دوداقلارين يوخ، قرئب بئر آدام.
داش آغيردير، قوم دا يوک، آمّا سفه آدامين قضبي ائکئسئندن ده آغيردير.
قضب قدّاردير و حئدّت سل، لاکئن حسدئن قاباغيندا کئم دورا بئلر؟!
آچيقجا دانلاماق اؤرتولو محبّتدن داها ياخشيدير.
دوست ووران يارالار وفاني گؤرسه‌در، آمّا دوشمنئن اؤپوشلری آلداتاندير.
توخ جان پتک باليندان چکئنر، لاکئن آج جانا هر آجي شي شئرئندئر.
يوواسيندان آزان قوش نجهدئر، يرئندن آوارا اولان آدام دا اله‌دئر.
ياغ و عطئر نجه اوره‌يي سوئندئرر، بئر دوستون شئرئنلئيي ده جانيندان گلن نصئحتدن گلر.
دوستونو و آتانين دوستونو بوراخما، بلا گونونده ده قارداشينين اوئنه گتمه؛ چونکي ياخين قونشو اوزاق قارداشدان ياخشيدير.
اوغلوم، حئکمت آل، اوره‌يئمي سوئندئر، اله کي، مني روسواي ادن آداما جاواب ورئم.
شوعورلو آدام شري قاباقجادان گؤرر و اؤزونو گئزله‌در، لاکئن جاهئل آداملار ائرهلي گدئب جزالانارلار.
ياد اوچون ضامئن اولان آدامين پالتاريني آل، ياد آروادا ضامئن اولاندان دا گري آل.
سحر ارکن قالخيب، اوجا سسله قونشوسونا سالام دئين آدامين سالاملاماسي لعنت ساييلار.
ياغيشلي گونده دايانمادان دامان دامجيلار، و داعواچي بئر آرواد بئربئرئنه نه اوخشاييرلار!
اونو توتماق يلي توتماق کئميدئر، ياغي اوووجدا توتماق کئميدئر.
دمئر دمئري نجه ائتئلَر، آدام دا دوستونون اوزونه اله جلا ورر.
انجئر آغاجي ساخلايان اونون مئيوه‌سئني يئير؛ آغاسينين قيدئنه قالان دا عئزّتله‌نر.
سو اوزو نجه اوزو گؤرسه‌در، ائنسانين اوره‌يي ده آدامي اله گؤرسه‌در.
اؤلولر دئياري و هلاکت يري دويماديغي کئمي، ائنسانين دا گؤزو اله دويماز.
پوتا گوموش اوچون، کوره قيزيل اوچوندور، آدام دا اؤزگه آداملارين تعرئفي ائله دَيَرله‌نر.
سفه آدامي بوغدا ائله هَونگه تؤکوب توخماقلا دؤيه‌سن ده، سفهلئيي گئنه اوندان چيخماز.
قويون-کچئنئن حاليني بئلمه‌يه جهد ات، سورونه يتئش،
چونکي وار-دؤولت همئشهلئک ديئل، تاج دا نسئل‌به‌نسئل قالماز.
قورو اوت ييغيلان واخت، تزه اوت دا گؤرونن واخت، داغلارين اوتو توپلانان واخت،
قوزولارين سنئن پالتاريني گتئرر، کچئلرئن ده بئر اوتلاق قئيمتئني؛
کچئلرئن سودو سنئن يئيه‌جيئن اوچون، سنئن اِو آداملارينين خؤره‌يي اوچون، و کنئزلرئنئن کچئنه‌جيي اوچون کئفايتدئر.
شر آدام قووالايان يوخ ائکن قاچار، آمّا صالح آدام آصلان کئمي جسور دايانار.
اؤلکه ده عوصيان اولان واخت، اونون ريئسلري چوخ اولار، لاکئن آنلايان و بئلن آدام اونو برقرار ادر.
کاسيب آداملارا ظولم ادن يوخسول کئشي، سل کئمي آخان ياغيش کئميدئر کي، چؤرک قويماز.
تعلئمي بوراخانلار شر آدامي تعرئفله‌يرلر، آمّا اونو ساخلايانلار اونلارا ضئدّ دورارلار.
پئس آداملار عدالتي آنلامازلار، لاکئن ربّي آختارانلار هر شيي آنلايارلار.
کامئللئکده ياشايان يوخسول، يوللاريندا اَيري اولان وارليدان داها ياخشيدير.
تعلئمه عمل ادن هر کس آنلاقلي اوغولدور، آمّا قارينقولولارلا آياق اولان آدام آتاسيني اوتانديرار.
مال-دؤولتئني موعامئله و سلمخورلوقلا آرتيران آدام، اونو کاسيبلارا يازيغي گلن اوچون بوراخار.
قولاغيني تعلئمي اشئتمکدن دؤنده‌رن آدامين دوعاسي دا مکروهدور.
کئم صالح آداملاري پئس يولا آزديرسا، قازديغي چوخورا اؤزو دوشر؛ لاکئن کامئللر ياخشي مئراث آلارلار.
وارلي آدام اؤز نظرئنده حئکمتلئدئر، آمّا آنلايان کاسيب اونو آراشديرار.
صالح آداملار شاد اولاندا بؤيوک عئزّت اولار، لاکئن شر آداملار حاکئم اولاندا خالق اؤزونو گئزله‌در.
خاطالارينين اوستونو اؤرتن آدام مووفّق اولماز، اونلاري اعتئراف ادئب، اونلاردان ال چکن آدام مرحمت تاپار.
خوش او آدامين حالينا کي، همئشه ربدن قورخور؛ لاکئن اوره‌يئني برک ادن آدام بلايا دوشر.
کاسيب خالقين اوستونه پئس حاکئم، نرئلده‌ين آصلان و جومان آيي کئميدئر.
فراستسئز آغا بؤيوک بئر ظالئم اولار، آمّا طاماحدان نئفرت ادن عؤمرونو اوزادار.
بئر کئمسهنئن قاني بوينوندا اولان آدام قبئره قاچار، اونا هچ کس کؤمک اتمه‌سئن.
کامئل آدام نئجات تاپار، لاکئن يوللاري اَيري اولان آدام بئردن ييخيلار.
تورپاغيندا ائشله‌ين آدام چؤرکله دويار، لاکئن بوش شيلرئن دالينجا گدن آدام يوخسوللوقلا دويار.
اعتئبارلي آدامين برکتلري چوخدور، آمّا ثروت قازانماغا تله‌سن آدام جزاسيز قالماز.
طرفدارليق اتمک ياخشي ديئل، چونکي بئر آدام بئر تئکه چؤرک اوچون خاطا ادر.
خسئس آدام مال-دؤولت دالينجا قاچار، و بئلمز کي، احتئياج اوستونه گلئر.
بئر آدامي دانلايان آخيردا، يوموشاق دئلله آلداتان آدامدان داها چوخ لوطف قازانار.
آتاسيني، يا دا آناسيني سويوب "خاطا ديئل" دئين آدام، محو ادنله شرئکدئر.
اوره‌يئنده تکبّورلو اولان داعوا قالديرار، آمّا ربّه توکّول ادن آدام بول دويار.
اؤز عاغلينا اعتئماد ادن، آخماغين بئري‌دئر، لاکئن حئکمتله ياشايان آدام قورتولار.
يوخسولا ورن آدام مؤحتاج قالماز، لاکئن اوندان گؤز چوئرن آداما چوخ لعنت اولار.
شر آداملار قالخاندا، خالق اؤزونو گئزله‌در، اونلار هلاک اولاندا، صالح آداملار آرتار.
دفهلرله نصئحت اشئدئب، لاکئن بوينونو يوغون ادن آدام بئردن بئره يوخ اولاجاق و اونا چاره اولماز.
صالح آداملار آرتاندا خالق سوئنر، لاکئن شر آدامين آغاليغيندا خالق آه چکر.
حئکمتي سِوَن آدام آتاسيني سوئندئرر، آمّا عئفّتسئز آروادلارلا آياق اولان آدام ماليني تلف ادر.
پادشاه عدالتله اؤلکهني برقرار ادر، آمّا روشوتخور آدام اونو ييخار.
قونشوسونا حئيله ائله يومشاق دانيشان آدام، اؤز آياقلاري اوچون تور سرر.
پئس آدامين خاطاکارليغي اؤزونه تله‌دئر، آمّا صالح آدام نغمه اوخويوب سِوئنر.
صالح آدام کاسيب آداملارين حاقلارينين قيدئنه قالار، لاکئن شر آدامين بله بئر معرئفتي يوخدور.
رئشخند ادن آداملار بئر شهري بادا وررلر، آمّا حئکمتلي آداملار قضبي ياتيردارلار.
حئکمتلي آدام سفه آدامي موحاکئمهيه ورسه، سفه ائستر قيزسين، ائستر گولسون، اورادا آرتيق دئنج قالماز.
قان تؤکن آداملار کامئل ائنساندان نئفرت ادرلر، و صالح آداملارين جانيني آلماغا چاليشارلار.
آخماق آدام بوتون حئسّلرئني اورتايا تؤکر، آمّا حئکمتلي آدام صبئرلي دايانار.
يالان سؤزه دئقّت ورن آغانين بوتون نؤکرلري شر اولار.
يوخسول آدام و ظالئم آدام بئر شيده بئردئرلر؛ ربدئر کي، اونلارين ائکئسئنئن ده گؤزلرئنه نور ورئر.
کاسيب آداملارا حقئقتله حؤکم ادن پادشاهين تختي همئشهلئک برقرار قالار.
آغاج و تأدئب حئکمت گتئرر، آمّا اؤز باشينا بوراخيلان اوغلان آناسينا خجالت گتئرر.
شر آداملار چوخالاندا خاطا چوخالار، لاکئن صالح آداملار اونلارين ييخيلديغيني گؤرر.
اوغلونا تربئيه ور، سنئن جانينا کف اولار، بلي، سنئن جانينا لذّت ورر.
وحي اولمايان يرده خالق آرادان گدر، آمّا خوش او آدامين حالينا کي، تعلئمه عمل ادر.
قول سؤزلرله تربئيه آلماز، چونکي باشا دوشسه بله، جاواب اولماز.
سؤزلرئنده تله‌سن بئر آدامي گؤروبسن؟ آخماغا اوندان داها چوخ اومئد وار.
کئم قولونو اوشاقليغيندان نازلي بؤيوتسه، آخيردا اونو درده سالار.
قضبلي آدام داعوا قالديرار، قيزقين آدام دا خاطادا قرق اولار.
ائنسانين تکبّورو اونو آلچالدار، لاکئن باشي آشاغي آدام عئزّت تاپار.
اوغرو ائله پايلاشان آدام اؤز جانيندان نئفرت ادر؛ حقئقتي دمه‌يه آند ائچدئرئلسه ده، بئر شي دمز.
ائنسان قورخوسو تله گتئرر، آمّا ربّه توکّول ادن امئن-آمانليقدا اولار.
آغانين ريضاسيني آختاران چوخدور، لاکئن ائنسان اوچون عدالت ربدن گلئر.
ائنصافسيز آدام صالح آداملارا مکروهدور، يولوندا صالح اولان آدام دا شر آداما مکروهدور.
ياقِه اوغلو آگورون سؤزلري، اونون کلامي. بو آدام بله ددي: يورولموشام، اي تاري، يورولموش و تؤکنمئشم.
چونکي هر کسدن داها چوخ عاغيلسيزام، ائنسان آنلاغي منده يوخدور.
نه حئکمت اؤيره‌ندئم، نه ده موقدّس اولانين معرئفتي منده وار.
گؤيلره کئم چيخيب و انئب؟ يلي کئم اوووجونا ييغيب؟ سولاري کئم پالتارا بوکوب؟ يرئن بوتون نهايتلرئني کئم قوروب؟ آدي نه‌دئر؟ اوغلونون آدي نه‌دئر؟ اگر بئلئرسن؟
تارينين هر سؤزو خالئصدئر. اونا پناه آپاران آداملارا، او، سئپردئر.
اونون سؤزلرئنه علاوه اتمه، يوخسا سني تأدئب ادر و يالانچي چيخارسان.
سندن ائکي شي ائسته‌دئم: من اؤلمه‌دن اونلاري مندن اسئرگمه.
بوش و يالان سؤزلري مندن اوزاقلاشدير؛ منه نه يوخسوللوق ور، نه ده ثروت. آنجاق منه لازيم اولان چؤره‌يي ور؛
مبادا دويوب سني ائنکار ادئم، و ديئم: "رب کئمدئر؟!" يا دا يوخسول اولوب اوغورلوق ادئم، و تاريمين آديني باتيريم.
بئر قولا آغاسينين يانيندا بؤهتان آتما، مبادا لعنتلنه‌سن و سن تقصئرکار تاپيلاسان.
اله آدام وار کي، آتاسينا لعنت ادر، و آناسينا خيئر-دوعا اتمز.
اله آدام وار کي، اؤز نظرئنده تمئزدئر، لاکئن گئنه ده نجئسلئيئندن يويولماييب.
آدام وار کي، گؤزلري نه تکبّورلودور! کئرپئکلري نجه يوخاري قالخيب!
آدام وار کي، ير اوزوندن مظلوملاري، ائنسانلار آراسيندان مؤحتاجلاري اودماق اوچون دئشلري قيلينج کئميدئر، و چنه‌لري بيچاق کئمي.
سولويون ائکي قيزي وار کي، باغيريرلار: "ور، ور." اوچ شي وار کي، دويماز، دؤرد شي ده وار کي، "بسدئر" دمز.
اؤلولر دئياري، سونسوز بطن، سودان دويمايان تورپاق، و "بسدئر" دمه‌ين اود.
آتاسيني رئشخند ادن، و آناسينا ائطاعت اتمه‌يه حقارتله باخانين گؤزونو، وادئنئن قارغالاري اويار، و کرکس بالالاري اونو يئيَر.
منئم اوچون آغليمدان کنار اوچ شي وار، بلي، دؤرد شي کي، اونلاري آنلاميرام:
هاوادا قارتالين طرزي، قايا اوستونده ائلانين طرزي، دهنزئن اورتاسيندا گمئنئن طرزي، و قيزلا اولان کئشئنئن طرزي.
زئناکار بئر آروادين يولو بودور: يئير و آغزيني سئلئب دئير: "نه پئسلئک اتمئشم؟!"
اوچ شيدن ير تئتره‌ير، بلي، دؤرد شيئن آلتيندا تاب گتئره بئلمز:
پادشاهليق ادن قولدان، يمکدن دويان آغيلسيز آدامدان،
اَره گدن سوئلمز آرواددان، و خانيمينين يرئنه اوتوران کنئزدن.
دؤرد شي وار کي، ير اوزونده کئچئکدئر، آمّا چوخ دا حئکمتلي:
قاريشقالار، قووّتلي اولمايان خالقلار، لاکئن يئيه‌جکلرئني يايدا حاضيرلايارلار،
قايا دووشانلاري قووّتسئز بئر عئدّه‌دئرلر، لاکئن اِولرئني قايا ائچئنده تئکرلر.
چيئرتگه‌لرئن پادشاهلاري اولماز، لاکئن هاميلاري دسته-دسته قاباغا گدرلر.
کرتنکله ال‌له بله توتولار، آمّا پادشاهلار سارايلاريندا تاپيلار.
اوچ شي وار کي، يرئشي ياخشيدير، بلي، دؤرد شي وار کي، گدئشي گؤزلدئر:
شئر کي، حيوانلار آراسيندا قودرتلئدئر، و هچ بئرئسئنئن قاباغيندان گري دؤنمز.
طمطراقلا گدن خوروز، هم ده تَکه، و قوشونونون قاباغيندا چيخان پادشاه.
اگر تربئيه‌سئزلئک ادئب اؤزونو اوجالديبسان، يا دا حئيله ائشله‌دئبسن، الئني آغزينا قوي.
چونکي نجه سودو سيخاندا قايماق بورنو سيخاندا قان چيخار، قضبي سيخاندا دا داعوا.
لِمواِل پادشاهين سؤزلري، آناسينين اونا اؤيره‌تدئيي کلام:
نه ديئم، اوغلوم؟ نه ديئم، بطنئمئن اوغلو؟ نه ديئم، نذئر اتدئيئم اوغلوم؟
قووّتئني آروادلارا؛ يوللاريني بو پادشاهلاري يوخ ادنلره ورمه.
پادشاهلارا ياراشماز، اي لِمواِل؛ پادشاهلارا شراب ائچمک ياراشماز، حؤکمدارلارا دا کفلندئرن ائچکئلري سومک ياراشماز؛
مبادا شراب ائچئب شرئعتي ياددان چيخارتسينلار، بوتون ذلئلرئن حاقلاريني ترسه اتسئنلر.
کفلندئرن ائچکئني هلاکا گِده‌نه، شرابي دا آجي اورکلئيه ور.
قوي ائچئب يوخسوللوغونو ياددان چيخارتسين، و مشقّتئني آرتيق خاطيرلاماسين.
آغزيني دئلسئز اوچون، بوتون مؤحتاجلارين حاقلاري اوچون آچ.
آغزيني آچ و ائنصافلا حؤکم ات، فاغيرلارلا مؤحتاجلارين حاقلاريني ور.
فضئلتلي آروادي کئم تاپا بئلر؟ چونکي اونون دَيَري ياقوتلاردان چوخ آرتيقدير.
اَرئنئن اوره‌يي اوندان آرخاييندير؛ اونا گؤره ده قازانجي اسکئک اولماز.
بوتون عؤمور بويو ارئنه پئسلئک يوخ، ياخشيليق ادر.
يون آختارار، کتان آختارار، اللري ائله چاليشقانليقلا ائشله‌ير.
تئجارت گمئلري کئميدئر؛ ارزاغيني اوزاق يرلردن گتئرر.
حله گجه ائکن يوخودان قالخار، اؤز عايئله‌سي اوچون يمک حاضيرلايار. کنئزلرئنه ده بئر پاي ورر.
زمي نظردن کچئردئب ساتين آلار، الئنئن باريندان اوزوم باغي اکر.
بلئني قووّتله باغلار، قوللارينين قودرتئني آرتيرار.
تئجارتئنئن ياخشي اولدوغونو دادار، گجه واختيندا اونون چيراغي سؤنمز.
اللرئني جهره‌يه قويار، جهره‌نئن ائيئني اللري ائله برک توتار.
مظلوملارا الي‌آچيقدير، بلي، الئني مؤحتاج آداملارين کؤمه‌يئنه اوزادار.
اِوئنئن خالقي اوچون قارين ياغماغيندان قورخماز، چونکي هاميلاري ائکئقات گيئنئبدئر.
ياتاغينا بزکلي پارچالار دوزه‌لدر؛ پالتاري خالئص کتان و ارغواندير.
اَري، شهرئن دروازالاري يانيندا تانينميشدير، مملکتئن آغساقّاللاري ائله اوتورار.
کتان پالتار دوزهلدئب ساتار، تاجئرلره قاييشلار ورر.
اونون پالتاري قووّت و عئزّتدئر؛ گلهجک اوچون سوئنر.
آغزيني حئکمتله آچار، دئلي اوستونده صالحلئک تعلئمي وار.
اِوي خالقينين گدئشئنه موواظئبدئر، تنبل‌لئک چؤره‌يئني يمز.
اؤولادلاري قالخيب اونا بختور دئيرلر؛ اري ده اونو تعرئفله‌ير:
"باجاريقلي قيزلار چوخدور، لاکئن سن اونلارين هاميسيندان اعلاسان."
لطافت آلداتان، گؤيچکلئک باطئلدئر، لاکئن ربدن قورخان آرواد تعرئفه لايئقدئر.
اللرئنئن ثمرهسئني اونا ور، قوي شهر داروازالاريندا ائشلري اونا تعرئف گتئرسئن.
اورشلئمده پادشاهليق ادن داوود اوغلو واعئظئن سؤزلري.
واعئظ ديئر: باشدان باشا باطئلدئر! باشدان باشا باطئلدئر! هر شي باطئلدئر.
ائنسانين گون آلتيندا چکدئيي بوتون زحمتلرئنئن نه فايداسي وار؟
بئر نسئل گدئر، او بئري نسئل گلئر، آمّا ير دائم دورور.
گون چيخير، گون باتير؛ تَله‌سئک يرئنه دؤنور کي، تزهدن چيخسين.
يل جنوب سمتئنه اسئر، سونرا شئمال سمتئنه دؤنور، دؤنه-دؤنه گدئر؛ دؤنوشلرئني تکرار ادئر.
بوتون چايلار دهنزه آخيرلار، آمّا دهنز هچ دولمور. آخديقلاري يره دؤنورلر کي، تزهدن آخسينلار.
هر شي يورور؛ بئر آدامين دئيه‌بئله‌جَيئندن ده چوخ! گؤز گؤرمکدن دويمور، قولاق دا اشئتمکدن.
نه اولوب، گئنه اولاجاق، نه ادئلئب، گئنه ادئلهجک؛ اونا گؤره ده گون آلتيندا هچ تزه بئر شي يوخدور.
مگر اِله بئر شي وار کي، اونون حاقّيندا ديئلسئن: "باخ، تزه بئر شي!" او دا چوخدان وار ائمئش، بئزئم زامانيميزدان دا قاباق.
قاباقکي شيلردن هچ نه خاطيرلانمير، گلهجکده باش ورن شيلردن ده، بوندان سونرا گلنلر آراسيندا هچ نه خاطيرلانماياجاق.
من واعئظ، ائسرايئل اوستونه اورشلئمده پادشاه ائدئم.
اوره‌يئمي بونا قويدوم کي، بوتون گؤيون آلتيندا عمل ادئلنلري حئکمتله تفتئش ادئب آراشديريم. تاري ائنسانلارا نه دردلي بئر وظئفه ورئب کي، اونون آلتيندا زحمت چکسئن!
گون آلتيندا ادئلن بوتون ائشلري گؤردوم، و باخ، هاميسي باطئلدئر؛ يل دالينجا قاچماقدير.
اَيري اولان دوز اولا بئلمز، اسکئک اولان ساييلماز.
قلبئمده ددئم: "باخ، من بؤيوک بئر آدام اولموشام و مندن قاباق اورشلئمده اولان پادشاهلارين هاميسيندان چوخ حئکمت آرتيرميشام. اوره‌يئم چوخ حئکمت و معرئفت گؤروب."
سونرا، اوره‌يئمي بونا قويدوم کي، حئکمتي آنلاييم، دلئلئک و سفهلئيي بئلئم. و بئلدئم کي، بو دا يل دالينجا قاچماقدير.
چونکي حئکمت چوخ اولدوقجا کَدَر ده چوخالير، معرئفت آرتديقجا، درد ده آرتير.
اوره‌يئمده فئکئرلَشدئم: "گل ائندي، سني لذّتله ائمتاحان ادئم، کفه باخ." و گؤردوم کي، بو دا باطئلدئر.
گولمک حاقّيندا ددئم: "دلئلئکدئر!" و لذّت حاقّيندا ددئم: "نه فايداسي وار؟"
اوره‌يئمده بونو آراشديرديم کي، نجه بدنئمي شرابلا شادلانديريم و نجه عاغيلسيزليغي اَله گتئرئم. اوره‌يئم حله ده مني حئکمتله هئدايت ادئردي. ائسته‌يئردئم گؤروم گؤيون آلتيندا ائنسانلار اوچون اونلارين بو نچه گون عؤمورلرئنده دَيَرلي اولان نه وار.
بؤيوک ائشلر اتدئم: اؤزومه اِولر تئکدئم، اؤزومه اوزوم باغلاري سالديم،
اؤزومه باغچالار و باغلار دوزلتدئم و اونلاردا هر جور مئيوه آغاجي اَکدئم.
اؤزومه سو حوووضلاري قاييرديم کي، مشه‌ده بئتن آغاجلاري سووارسين.
نؤکرلر و کنئزلر آلديم، اِوئمده دوغولان قوللاريم دا وار ائدي. هم ده مال-حيوانيم و سورولرئم، او قدر کي، بوتون مندن ائرهلي اورشلئمده اولانلارينکيندان چوخ ائدي.
اؤزومه قيزيل و گوموش، پادشاهلار و وئلايتلرئن خزئنهلرئني ده ييغديم. اؤزومه کئشي و آرواد خانَنده‌لر آلديم، اؤزومه کئشئلرئن لذّت آلديغي حرملري ده چوخالتديم.
بلجه بؤيودوم و بوتون مندن ائرهلي اورشلئمده اولانلاردان داها بؤيوک اولدوم. حئکمتئم ده يانيمدا قالدي.
گؤزلرئمئن بوتون آرزو اتدئيئني اونلاردان اسئرگَمه‌دئم، اوره‌يئمي هچ بئر حظّدن محروم اتمه‌دئم. قلبئم چکدئيئم بوتون مشقّتلردن راضي ائدي. بو، چکدئيئم بوتون مشقّتلرئن پايي ائدي.
دؤنوب اَللرئمئن اتدئيي بوتون ائشلره، اتدئکلرئمده چکدئيئم بوتون مشقّته باخديم. باخ، هاميسي باطئل ائدي، يل دالينجا قاچماق ائدي، گون آلتيندا هچ فايداسي يوخ ائدي.
سونرا دؤنوب حئکمته باخديم، دلئلئيه و عاغيلسيزليغا باخديم. پادشاهين يرئنه اوتوران جانئشئن نه اده‌بئله‌جک کي، چوخدان ادئلمهمئش اولماسين.
و گؤردوم کي، نجه ائشيق قارانليقدان اوستوندور، حئکمت ده عاغيلسيزليقدان اِله اوستوندور.
حئکمتلي آدامين گؤزلري باشيندادير، لاکئن سَفِه آدام قارانليقدا گزئر. آمّا بونو دا بئلئرم کي، هر ائکئسئنئن باشينا گلن احوالات بئردئر.
اوره‌يئمده فئکئرلشدئم: "سَفِه آدامين باشينا گلن احوالات منئم ده باشيما گلهجک؛ بس حئکمتلي اولماغيمين نه فايداسي وار؟" اونا گؤره ده اوره‌يئمده ددئم: "بو دا باطئلدئر."
چونکي حئکمتلي آدام دا سَفِه آدام کئمي، بئر داها خاطيرلانماياجاق، گلهجک گونلرده هاميسي يادلاردان چيخاجاق. واي کي، حئکمتلي آدام دا سَفِه کئمي اؤلور!
بلجه حياتدان نئفرت اتدئم، چونکي گون آلتيندا ادئلن ائشلر منه يامان گؤروندو. هر شي باطئلدئر، يل دالينجا قاچماقدير.
بله اولدو کي، گون آلتيندا چکدئيئم زحمتلرئن بوتون ثمره‌سئندن نئفرت اتدئم، چونکي اونو مندن سونرا گلن آداما بوراخمالي‌يام.
و کئم بئلئر کي، او، حئکمتلي بئر آدام اولاجاق، يوخسا عاغيلسيزين بئري؟ لاکئن هر حالدا، گون آلتيندا حئکمتلي رفتار ادئب چکدئيئم بوتون زحمتلرئن ثمرهسئني اَلي آلتينا آلاجاق. بو دا باطئلدئر.
اونا گؤره ده اوره‌يئم گون آلتيندا چکدئيئم بوتون مشقّتلردن اومئدئني ائتئردي.
آدام وار کي، حئکمتله، معرئفتله، مهارتله زحمت چکئب، سونرا دا پاييني اونون اوچون زحمت چکمه‌مئش بئر آداما بوراخير. بو دا باطئلدئر، بؤيوک بئر درددئر.
چونکي آدامين گون آلتيندا چکدئيي بوتون زحمتئندن، اوره‌يئنئن آرزو اتدئيئندن اونا نه فايدا وار؟
هامي گونلري آنجاق درددئر، ائشلري آنجاق کَدَردئر. حتّا گجه بله اوره‌يي راحاتلامير. بو دا باطئلدئر.
آدام اوچون داها ياخشي بئر شي نه وار؟ مگر بو کي، ييئب ائچسئن و چکدئيي زحمتئندن جانينا کِف قازانسين. گؤردوم کي، بو دا تاري طرفئندن گلئر.
چونکي مندن باشقا کئم يئيه بئلر؟ کئم کف ادهبئلر؟
چونکي نظرئنده ياخشي اولان آداما، تاري حئکمت، معرئفت، و شادليق ورئر، آمّا گوناهکارلارا ييغماق و آنبار اتمک زحمتئني. اِله کي، اونلاري تارينين نظرئنده ياخشي اولانا ورسئن. بو دا باطئلدئر، يل دالينجا قاچماقدير.
هر شيئن واختي وار، گؤيون آلتيندا هر ائشئن واختي وار،
دوغولماغين واختي وار، اؤلمه‌يئن واختي. اَکمه‌يئن واختي وار، کؤکوندن چيخارتماغين واختي.
اؤلدورمه‌يئن واختي وار، صاغالتماغين واختي. ييخماغين واختي وار، بئنا اتمهيئن واختي.
آغلاماغين واختي وار، گولمه‌يئن واختي. ياس توتماغين واختي وار، اويناماغين واختي.
داشلاري داغيتماغين واختي وار، داشلاري ييغماغين واختي. قوجاقلاشماغين واختي وار، قوجاقلاشمدان اؤزونو اوزاق ساخلاماغين واختي.
آختارماغين واختي وار، ائتئرمه‌يئن واختي. ساخلاماغين واختي وار، آتماغين واختي.
ييرتماغين واختي وار، تئکمه‌يئن واختي. ساکئت اولماغين واختي وار، دانيشماغين واختي.
سِومه‌يئن واختي وار، نئفرت اتمهيئن واختي. موحارئبه‌نئن واختي وار، صولحون واختي.
ائشله‌ين آداما زحمت چکدئيي ائشدن نه فايدا وار؟
گؤرموشم کي، بو ائشي تاري ائنسانلارا ورئب کي، اوستونده زحمت چکسئنلر.
او هر شيي اؤز واختيندا گؤزل ياراديب. ابدئيّتي ده ائنسانلارين اوره‌يئنده قويوب. آمّا اِله ادئب کي، ائنسان تارينين اتدئيي ائشئني اَوّلئندن آخيرينا قدر آنلايا بئلمه‌سئن.
بئلئرم کي، اونلار اوچون شادليق اتمکدن و عؤمورلري اولدوقجا ياخشيليق اتمکدن داها ياخشي بئر شي يوخدور.
هم ده هر کسئن ييئب ائچمه‌يي و چکدئيي بوتون زحمتلرئندن راضي اولماغي تارينين هدئيّه‌سي‌دئر.
بئلئرم کي، تارينين اتدئيي هر ائش ابده کئمي دورور؛ اونا نه آرتيرماق اولار، نه ده اوندان اسکئلتمک. تاري بونو اونون اوچون ادئر کي، ائنسانلار اوندان قورخسونلار.
هر نه کي، ائندي وار، کچمئشده ده وار ائدي. هر نه ده کي، اولاجاق، قدئمدن اولوبدور. تاري اولوب-کچنلرئن حسابيني طلب ادئر.
گونون آلتيندا باشقا بئر شي ده گؤردوم: عدالت يرئنده پئسلئک وار، صالحلئک يرئنده شرارت.
اوره‌يئمده فئکئرلَشدئم: "تاري هم صالح آدامي هم ده پئس آدامي موحاکئمه ادهجک، چونکي هر ائشئن واختي وار، هر عملئن واختي."
ائنسانلار حاقّيندا اوره‌يئمده فئکئرلَشدئم: "تاري اونلاري ائمتاحان ادئر کي، اؤزلرئنئن آنجاق حيوان اولدوقلاريني گؤرسونلر."
چونکي ائنسانلارين باشينا گلن، حيوانلارين باشينا دا گلئر؛ ائکئسئنئن ده آخيري بئردئر. نجه کي، بو اؤلور، او بئري ده اِله اؤلور. ائکئسئنئن ده نفسي بئردئر و ائنسان حيواندان هچ ده اوستون ديئل، چونکي هاميسي باطئلدئر.
هاميسي بئر يره گدئر؛ هاميسي تورپاقدان گلئب، تورپاغا دا دؤنور.
کئم بئلئر کي، ائنسانلارين روحو يوخارييا چيخير و حيوانلارين روحو آشاغييا، ير آلتينا اِنئر.
و گؤردوم کي، آدامين اؤز ائشلرئنده کِف اتمه‌سئندن داها ياخشي بئر شي يوخدور، چونکي اونون پايي بودور. چونکي اونو کئم گتئرهجک کي، اؤزوندن سونرا اولاجاغيني گؤرسون؟
تکرار باخديم و گون آلتيندا ادئلن بوتون ظولملري گؤردوم: باخ، مظلوملارين گؤزواشلاريني گؤردوم، و اونلارا تسلّي ورن اصلا يوخ ائدي. قودرت ظولم ادنلر اَلئنده ائدي، مظلوملارا تسلّي ورن اصلا يوخ ائدي.
اؤلوب-گتمئش اولانلاري، دئري ياشايانلاردان داها خوشبخت سايديم.
آمّا اونلارين هر ائکئسئندن داها خوشبخت، اونلارديرلار کي، حله دوغولماييبلار، و گون آلتيندا ادئلن پئسلئيي گؤرمه‌يئبلر.
گؤردوم کي، بوتون زحمت و بوتون ياخشي گدن ائش آدامين قونشوسونا پاخيلّيغي گلمکدن باش آلير. بو دا باطئلدئر، يل دالينجا قاچماقدير.
سَفِه آدام اَلئني قوينونا قويور، اؤز بدنئني اوزور.
راحاتليقلا بئر اوووج دولوسو، زحمت و يل دالينجا قاچماقلا اَله گلن ائکي اوووج دولوسوندان ياخشيدير.
گئنه گون آلتيندا اولان باطئل بئر شيي گؤردوم:
يالقوز بئر کئشي وار ائدي، نه اوغلو وار ائدي، نه ده قارداشي. بوتون زحمتلرئنه ده آخير يوخ ائدي. لاکئن گئنه ده گؤزلري مال-دؤولتدن دويموردو. هچ واخت اؤزوندن سوروشموردو کي، "کئم اوچون بو قدر زحمت چکئرم؟ کئم اوچون جانيمي لذّتدن محروم ادئرم؟" بو دا باطئلدير، يامان بئر زحمتدئر.
ائکي آدام بئر آدامدان ياخشيدير، چونکي زحمتلري اوچون ياخشي اوجرت آلاجاقلار؛
اگر بئري ييخيلسا، يولداشيني او بئري قالديرار. لاکئن واي او آدامين حالينا کي، ييخيلير و اونو قالديران بئري يوخدور.
بوندان علاوه، اگر ائکئسي بئر يرده ياتالار، قيزيشارلار. آمّا تک باشينا بئر آدام نجه قيزيشار؟
و اگر بئري هوجوم گتئرسه، ائکئسي اونون قاباغيندا دورا بئلرلر. اوچ قاتلي بئر ائپ تز قيريلماز.
فاغير و حئکمتلي بئر جاوان، ائخطار قبول اتمه‌ين قوجا و سَفِه بئر پادشاهدان ياخشيدير.
چونکي او جاوان بو اؤلکهده يوخسوللوق ائچئنده دوغولسا دا، زئندانا دوشسه ده، چيخيب پادشاه اولا بئلر.
گؤردوم کي، گون آلتيندا گزن بوتون ياشايانلار، پادشاهين يرئنه اوتوران بو جاوانين آردينجا گدئرلر.
اونون باشينا ييغيلان بوتون خالقين سايي-حسابي يوخ ائدي. لاکئن سونرا گلن نسئللر اوندان سِوئنميه‌جکلر. بو دا باطئلدئر، يل دالينجا قاچماقدير.
تارينين اِوئنه گتدئيئن زامان، آياغينا موواظئب اول. قولاق آسماق اوچون ياخينلاشماق، سَفِهلرئن قوربانيني تقدئم اتمکدن داها ياخشيدير، چونکي اونلار نه پئس ائش اتدئکلرئني بئلمئرلر.
آغزين تَلَسمه‌سئن، اوره‌يئن بئر مطلبي تارينين حوضورونا گتئرمکده عجله اتمه‌سئن. چونکي او گؤيلرده‌دئر و سن ير اوزونده‌سن. بونون اوچون سؤزلرئن آز اولسون.
نجه ائشئن چوخلوغو ائله رؤيالار گلر، سؤزون چوخلوغو ائله ده سَفِهئن سَسي گلر.
تارييا نذئر اتدئيئن زامان، اونو يرئنه يتئرمکده يوبانما، چونکي او، سَفِهلردن خوشلانماز. نذئر اتدئيئني يرئنه يتئر.
نذئر اتمه‌مه‌يئن، نذئر ادئب اونو يرئنه يتئرمه‌مه‌يئندن داها ياخشيدير.
قويما سؤزلرئن سني گوناها باتيرسين. سؤز گتئره‌نه ده دمه کي، "اتدئيئم نذئر سهو ائدي." نه اوچون تاري سنئن سؤزونله قضبلنسئن و سنئن اَللرئنئن ائشئني محو اتسئن؟
چونکي رؤيالارين چوخلوغوندا و سؤزلرئن چوخلوغوندا باطئل شيلر چوخ اولار. سن آنجاق تاريدان قورخ.
اگر گؤرورسن کي، بئر وئلايتده فاغيرلارا ظولم ادئلئر، عدالت و صالحلئک آياق آلتيندا تاپدالانير، گؤردويونه تعجّوب اتمه. چونکي هر منصب صاحئبئنه اؤزوندن اوستون بئر نظارتچي قويولوب و اونلارين باشيندا دا اؤزلرئندن اوستون اولانلار وار.
زَمئنئن سورولمه‌سئني ائسته‌يَن بئر پادشاه، اؤلکه اوچون هر باخيمدان فايدالي‌دير.
پولو سِوَن پولدان دويماز، مال-دؤولتي سِوَن ده قازانجدان. بو دا باطئلدئر.
مال چوخالينجا، اونو يئينلر ده چوخالار. گؤزلري ائله اونو گؤرمکدن ساوايي صاحئبئنه نه فايداسي وار؟
فحله‌نئن يوخوسو شئرئندئر، فرق اتمز آز يسئن يا چوخ. آمّا وارلي آدامين توخلوغو قويماز کي، او ياتسين.
گون آلتيندا گوردويوم بؤيوک بئر پئسلئک ده وار: ساخلانميش ثروت، صاحئبئنئن جانينا بلا اولور.
همئن ثروت پئس ائشله آرادان گدئر، صاحئبئنه اوغول دوغولاندا، اونا بوراخماغا آرتيق اَلئنده هچ بئر شيي يوخدور.
آناسينين قارنيندان نجه لوت دوغولوب، لوت ده قاييداجاق؛ گلدئيي کئمي گدهجک. اؤز زحمتئندن اَلئنده گؤتورمک اوچون هچ بئر شي آپارماياجاق.
بو دا بؤيوک بئر پئسلئکدئر: ائنسان نجه گلئر، تامامن اله ده گدئر. و يل اوچون زحمت چکمه‌سئندن اونا نه قالير؟
عؤمور بويو قارانليقدا يِيئر، بؤيوک سيخينتي، ناخوشلوق و قضب ائچئنده.
باخ، ائنسان اوچون منئم گؤردويوم ياخشي و گؤزل شي بودور کي، يِسئن، ائچسئن، و تارينين اونا وردئيي نچه گون عؤمرونده، گون آلتيندا چکدئيي بوتون زحمتلرئندن کف اتسئن؛ چونکي اونون پايي بودور.
هم ده، تاري هر کسه ثروت و دؤولت ورئب، اونا بو قودرتي ده ورئب کي، اونلاردان يِسئن، پاييني آلسين و زحمتئندن کف اتسئن؛ بو تارينين هدئيّه‌سي‌دئر.
اونا گؤره ده بله ائنسان عؤمرونون گونلرئني چوخ يادا سالماز. چونکي تاري اونو اوره‌يئنئن سوئنجي ائله مشغول ساخلايير.
گون آلتيندا گؤردويوم بئر پئسلئک وار و ائنسانلار آراسيندا چوخ ياييليب:
آدام وار کي، تاري اونا وار-دؤولت و عئزّت ورئب، اله کي، آرزو اتدئيي هر شيدن جاني اوچون اَسکئيي يوخدور، آنجاق اونا بو شيلردن ييئب-ائچه‌يه ائمکان ورمئر. ياد بئر آدام اونون ماليني يِيئر. بو دا باطئلدئر، يامان بئر درددئر.
بئر آدام يوز اوشاغين آتاسي اولوب چوخ ائللر ياشاسا دا، اوزون عؤمرونون عوضئنده جاني ياخشيليقلا دويماييب، حؤرمتله دفن اولونماسا، منجه دوشموش اوشاق اوندان ياخشيدير.
چونکي بله اوشاق بوش يره دوغولور، قارانليق ائچئنده ائتئب-گدئر، هچ آدي دا چکئلمئر.
گرچي نه گون گؤروب نه ده بئر شي بئلئب، لاکئن بو اوشاغين راحاتليغي او آدامدان داها چوخدور.
حتّا اگر ائکي دفه مئن ائل ياشاسا دا، ياخشي شيلردن کف اتمه‌يي بئلمئر. مگر هر ائکئسي ده بئر يره گتمئر؟
ائنسانين بوتون زحمتي قارني اوچوندور، لاکئن گئنه ده جاني دويماز.
حئکمتلي آدامين سَفِهدن نه اوستونلويو وار؟ فاغيرا نه فايدا وار کي، ياشايانلار آراسيندا نجه رفتار اتمه‌يئني بئلسئن؟
گؤزون گؤرمه‌سي جانين آرزو چکمه‌سئندن ياخشيدير. بو دا باطئلدئر، يل دالينجا قاچماقدير.
نه وارسا، چوخدان اونا آد قويولوب، ائنسانين نه اولدوغو دا بئلئنئب؛ هچ کس اؤزوندن قووّتلي اولانلا گولَشه بئلمز.
سؤزلرئن چوخلوغوندا باطئللئک ده چوخدور، بونون ائنسانا نه فايداسي وار؟
چونکي کؤلگه کئمي گلئب گِدن عؤمورونون بوش گونلرئنده، کئم بئلئر کي، ائنسان اوچون ياخشي شي نه‌دئر؟ کئم بئر آداما دئيه بئلر کي، اوندان سونرا گون آلتيندا نه باش ورهجک؟
ياخشي آد عطئرلي ياغدان، اؤلوم گونو ده آدامين دوغوم گونوندن ياخشيدير.
ياس اوئنه گتمک، ضئيافت اوئنه گتمکدن ياخشيدير، چونکي هر آدامين آخيري اؤلومدور؛ ياشايان هرکس گرک بونو ياديندا ساخلاسين.
کَدَر گولمکدن ياخشيدير، چونکي اوزون قمگئن اولماسي اوره‌يي سِوئندئرَر.
حئکمتلي آدامين اوره‌يي ياس اوئنده‌دئر، آمّا سَفِهئن اوره‌يي شادليق اوئنده.
حئکمتلي آدامين مذمّتئني اشئتمک، سَفِهئن نغمه‌سئني اشئتمکدن ياخشيدير،
چونکي سَفِهئن گولمه‌يي، قازان آلتيندا يانان تئکانين سَسي کئميدئر. بو دا باطئلدئر.
دوغرودان دا کي، ظولم حئکمتلي آدامي آخماغا دؤنده‌رَر، روشوت ده اوره‌يي فسادا چکر.
بئر شيئن آخيري، اونون باشلانيشيندان ياخشيدير. روحوندا صبئرلي اولان آدام، روحوندا مغرور اولاندان ياخشيدير.
روحوندا حئرصلَنميه تَلَسمه، چونکي قضب سَفِهلرئن قوجاغيندا اوتورور.
دِمَه: "نه اوچون قاباقکي گونلر بو گونلردن ياخشي ائدي؟" چونکي بو حاقدا سوروشدوغون سوآل حئکمتلي ديئل.
حئکمت، مئراث قدر ياخشيدير، گونشي گؤرَنلره فايدالي‌دير،
چونکي نجه پول، آدامي کؤلگه‌سئنده حئفظ اِدَر، حئکمت ده آدامي اله حئفظ اِدَر. لاکئن معرئفتئن اوستونلويو بودور کي، حئکمت اونا صاحئب اولانا حيات وِرَر.
تارينين ائشئنه بئر دئقّت ات؛ اونون اَيري اتدئيئني کئم دوز اده بئلر؟
ياخشي گونلرده شادلي اول، آمّا يامان گونلرده دئقّت ات؛ يقئن کي، اونلارين هر ائکئسئني ده تاري تعيئن ادئب، اله کي، آدام اؤزوندن سونرا نه باش وره‌جيئنئ تاپا بئلمه‌سئن.
بوتون بونلاري باطئل گونلرئمده گؤردوم: صالح بئر آدام وار کي، صالحلئيي ائچئنده هلاک اولور، پئس آدام دا وار کي، پئسلئيئنده عؤمرونو اوزادير.
حددن آرتيق صالح اولما، حددن ده آرتيق حئکمتلي؛ نه اوچون اؤزونو هلاک ادهسن؟
حددن آرتيق شرور اولما، حددن ده آرتيق عاغيلسيز؛ نه اوچون اجلئن گلمهمئش اؤله‌سن؟
ياخشيدير کي، بئرئني توتاسان، او بئرئندن ده اَلئني بوراخماياسان، چونکي تاريدان قورخان آدام هر ائفراطدان قاچار.
حئکمت عاغيلّي آداما، شهرده اولان اون حؤکمداردان داها چوخ قووّت وِرَر.
دوغرودان دا، ير اوزونده اله بئر صالح آدام يوخدور کي، ياخشيليق ادئب هچ گوناه اتمه‌سئن.
بوندان علاوه، آداملارين ددئيي سؤزلري اوره‌يئنه آلما، اولماسين اِشئده‌سن کي، قولون سني سؤيور.
چونکي سنئن اؤز اوره‌يئن ده ياخشي بئلئر کي، سن ده چوخ دفه اؤزگه آداملاري سؤيوبسن.
بونلارين هاميسيني حئکمتله ثوبوت اتدئم. ددئم: "حئکمتلي اولاجاغام." آمّا بو مندن چوخ اوزاق ائدي.
او کي، بو قدر اوزاق، چوخ دا درئندئر، کئم اونو تاپا بئلر؟
اوره‌يئمي بونا قويدوم کي، حئکمتي و شيلرئن سببئني بئلئم، آختاريم و آراشديريم. سَفِهلئيئن پئسلئيئني ده بئلئم، حتّا عاغيلسيزليغي و دَلئلئيي ده بئلئم.
اوره‌يي تله اولان، اوره‌يي تور اولان آروادي اؤلومدن ده آجي تاپديم، او آروادي کي، اَللري زنجئردئر. تاريني راضي ادن آدام اوندان قاچار، لاکئن گوناهکار آدام اونا توتولار.
او واعئظ ديئر: "باخ، شيلرئن سببي تاپماق اوچون بئر-بئر حسابا قويوب تاپديغيم بودور-
جانيم حله ده اونو آختارير، لاکئن تاپا بئلمئر: مئنده بئر کئشي تاپديم، آمّا اونلارين هاميسيندا بئر آرواد تاپماديم.
باخ آنجاق بونو تاپديم کي، تاري ائنسانلاري دوز ياراتدي، آمّا اونلار چوخ فئتنهلر دالينجا گتدئلر.
حئکمتلي آدام کئمي کئم وار؟ بئر شيئن معناسيني کئم بئلئر؟ آدامين حئکمتي اونون اوزونو ائشيقلانديرار، اوزونون توتقونلوغو دَيئشَر. پادشاهدان ائطاعت ات.
سنه نصئحت ادئرم: پادشاهين حؤکمونو تارييا اتدئيئن آندين خاطئرئنه ساخلا.
اونون حوضوروندان چيخماغا تَلَسمه. پئس ائشئن اوستونده دورما، چونکي او، ائسته‌دئيي هر شيي اده بئلر.
پادشاهين سؤزو هارادا اولسا، اورادا قودرت وار. کئم اونا دئيه بئلر: "نه ادئرسن؟"
اونون حؤکمونو يرئنه يِتئرَن يامان شيه دوشمز، حئکمتلي آدامين اوره‌يي هم واختي آييرد اِدَر، هم ده اونون نجه يرئنه يتئرمه‌سئني.
چونکي هر شيئن هم اؤز واختي وار، هم ده نجه يرئنه يتئرئلمه‌سي، گرچي ائنسانين داشيديغي موصئبت آغيردير.
اونا گؤره کي، نه اولاجاغي بئلمئر؛ نه واخت اولاجاغي اونا کئم دئيه بئلر؟
آدام يوخ کي، روحون اوستونه قودرتي اولسون و اونو توتوب ساخلاسين، اؤلوم گونو اوستونه هچ کسئن قودرتي يوخدور. بو موحارئبه ده مورَخّصلئک يوخدور، پئسلئک ده صاحئبئني قورتارماز.
بونون هاميسيني گؤردوم و گون آلتيندا يرئنه يتئرئلَن هر شيه دئقّت اتدئم: زامان وار کي، بئر آدامين آيري آداما آغاليق اتمه‌سي جانينين بلاسي اولور.
سونرا پئس آداملارين دفنئني ده گؤردوم. او آداملار کي، موقدّس يره گلئب گِدَردئلر و بونو اتدئکلري هر يرده، ياشاديقلاري شهرئن خالقي طرفئندن تَعرئفلَنَردئلر. بو دا باطئلدئر.
پئس ائشئن جزاسي تِز ورئلمه‌دئيئنه گؤره، ائنسانلارين اوره‌يي پئسلئک اتميه جسارت تاپير.
گرچي گوناهکار آدام يوز دفه پئسلئک ادئب حياتيني اوزادير، لاکئن يقئن بئلئرم کي، تاريدان قورخانلارين، اونون حوضوروندا حؤرمتله دورانلارين خيرئنه اولاجاقدير.
آمّا پئس آداما ياخشيليق اولماياجاق و اونون گونلري ده کؤلگه اوزالان کئمي اوزاديلماياجاقدير، چونکي تارينين حوضوروندا حؤرمتله دورمور.
ير اوزونده باش ورن آيري بئر باطئللئک ده وار؛ صالح آداملار وار کي، باشلارينا گلنلر، پئس آداملارين باشينا گلمه‌لي‌دئر. پئس آداملار دا وار کي، اونلارين باشلارينا گلن صالح آداملارين باشينا گلمه‌لي‌دئر. ددئم کي، بو دا باطئلدئر.
بلجه کِفه باخماغي اوستون سايديم، چونکي گون آلتيندا ائنسان اوچون يمکدن، ائچمکدن، و کِفه باخماقدان داها ياخشي بئر شي يوخدور. چونکي گون آلتيندا تارينين اونا وردئيي عؤمور بويو زحمتدن آنجاق بو اونا قالير.
او زامان کي، اوره‌يئمي حئکمتي بئلميه قويدوم، اله کي، ير اوزونده ادئلن ائشلري گؤروم. گؤروم کي، نجه گجه-گوندوز آدامين گؤزلرئنه يوخو گلمئر.
او زامان تارينين بوتون ائشلرئني گؤردوم. گؤردوم کي، ائنسان گون آلتيندا ادئلن ائشي آنلايا بئلمز. نه قدر آختارماغا چاليشسا دا، گئنه اونو آنلاماياجاقدير. حئکمتلي بئر آدام دا اونو بئلمه‌يئني ائدّئعا اتسه، گئنه اونو تاپا بئلميه‌جکدئر.
بلجه بونلارين هاميسيني اوره‌يئمده آراشديريب بو نتئجه‌يه گلدئم: صالحلر و حئکمتلئلر و اونلارين ائشلري تارينين اَلئندهدئر. ائستر سِوگي اولسون ائستر نئفرت، ائنسان قاباغينا نه چيخاجاغيني بئلمز.
چونکي هامينين باشينا گلن احوالات بئردئر؛ صالحلرئن و پئسلرئن، ياخشي‌لارين و يامانلارين، طاهئرلرئن و نجئسلرئن، قوربان تقدئم ادنلرئن و قوربان تقدئم اتمه‌ينلرئن. نجه ياخشي‌لارادير، اله ده گوناهکارلارادير؛ آند ائچَنلره ده آند ائچمکدن قورخانلارا کئميدئر.
گون آلتيندا يرئنه يتئرئلن بوتون شيلرئن پئسلئيي بوندادير کي، هاميسينا راست گلن قدر بئردئر. دوغرودان دا کي، ائنسانلارين اوره‌يي پئسلئکله دولودور: نه قدر کي، ياشاييرلار، دَلئلئک اورَکلرئنده وار و اوندان سونرا اؤلولرئن يانينا گدئرلر.
آمّا دئرئلر جاماعاتينا قوشولانين اومئدي وار، چونکي دئري بئر ائت اؤلو بئر شئردن ياخشيدير.
چونکي دئرئلر اؤله‌جکلرئني بئلئرلر، لاکئن اؤلولر بئر شي بئلمئرلر و آرتيق اونلار اوچون اَجر يوخدور، چونکي اونلارين ذئکري ده يادلاردان چيخيب.
اؤلولرئن سِوگئلري، نئفرتلري، اونلارين پاخيلّيقلاري دا چوخدان محو اولوبدور؛ گون آلتيندا يرئنه يتئرئلن هچ بئر شيدن آرتيق پايلاري اولماياجاقدير.
گت چؤره‌يئني شادليقلا يِه، شرابيني شاد اورَکله ائچ؛ چونکي تاري، اتدئکلرئندن چوخدان راضيدير.
قوي پالتارين همئشه آغ اولسون، باشيندان ياغ اَسکئک اولماسين.
باطئل عؤمرونون بوتون گونلرئنده، سِودئيئن آروادلا خوش بئر حيات کچئرت؛ او عؤمرونده، تارينين گون آلتيندا سنه وردئيي بوتون باطئل گونلرئنده. چونکي حياتينين پايي، گون آلتيندا چکدئيئن زحمتئن پايي اودور.
اَللرئنئن اتميه تاپديغي هر شيي بوتون قووّتئنله ات؛ چونکي گده‌جيئن قبئرده نه ائش وار، نه دوشونجه، نه معرئفت وار نه ده حئکمت.
گئنه باخديم و گون آلتيندا گؤردوم کي، ميدان بَرک قاچانلارينکي ديئل، موحارئبه ده پهلوانلارينکي، چؤرک حئکمتلئلرئنکي ديئل، ثروت ده آنلاقلي اولانلارينکي، ائلتئفات عالئملرئنکي ديئل، چونکي واخت و بخت اونلارين هاميسينين قاباغينا چيخير.
بوندان علاوه، ائنسان اؤز واختيني بئلمئر؛ باليقلارين يامان بئر تورا دوشدويو کئمي، قوشلارين تلهيه ائلئشدئيي کئمي، ائنسانلار دا پئس بئر زامانا دوشَرلر، او زامان کي، قَفئلدن اونلارين اوستونه گلر.
گون آلتيندا بله بئر حئکمت ده گؤردوم و منه چوخ تأثئر اتدي:
کئچئک بئر شهر وار ائدي، ائچئنده آز آدام. بؤيوک بئر پادشاه اونون ضئدّئنه قالخيب اونو آرايا سالدي و اونون اطرافينا بؤيوک تله‌لر تئکدي.
اورادا فاغير آمّا حئکمتلي بئر آدام ياشاييردي و او، حئکمتي ائله شهري خئلاص اتدي. لاکئن هچ کس بو فاغير آدامي خاطيرلامادي.
او زامان ددئم: "حئکمت قودرتدن ياخشيدير، لاکئن فاغير آدامين حئکمتي تحقئر اولونور، و سؤزلري اِشئدئلمئر.
حئکمتلي آداملارين سَس‌سئزلئکده ددئيي سؤزلر، سَفِهلرئن آراسيندا حاکئم اولانين قيشقيرتيسيندان داها ياخشيدير.
حئکمت موحارئبه سئلاحلاريندان ياخشيدير؛ لاکئن بئر گوناهکار چوخ ياخشيليغي آرادان آپارار.
اؤلو مئلچکلر عطّارين ياغيني قوخودوب خاراب اِدَر، بئر آز عاغيلسيزليق حئکمت و حؤرمت صاحئبئنه ده بله اِدَر.
حئکمتلي آدامين اوره‌يي دوزلويه طرف يؤنه‌لر، لاکئن سَفِهئن اوره‌يي اَيرئلئيه.
عاغيلسيز بئر آدام، حتّا گتدئيي يولدا دا عاغلي آزدير و هامييا عاغيلسيز اولدوغونو گؤرسدر.
اگر حاکئمئن قضبي سنئن اوستونه قالخسا، يرئندن تَرپَنمه؛ چونکي ساکئتلئک، بؤيوک گوناهلارين اوستونو اؤرتَر.
گون آلتيندا گؤردويوم بئر پئسلئک وار، او دا حؤکمدارين اَلئندن چيخان سهودئر:
عاغيلسيز چوخ اوجا مقاملارا قويولور، حال بو کي، وارليلار آشاغيدا اوتورورلار.
گؤردوم کي، نجه قوللار آتلار اوستونده گدئرلر، و ريئسلر قول کئمي يرده يِرئيئرلر.
قويو قازان اؤزو اونا دوشَر، دوواري سؤکَني ده ائلان سانجار.
داش کَسَني داشلار يارالار، اودون ياراني دا، اودون خطره سالار.
اگر بالتا کوت اولسا، اونون آغزيني دا ائتئلمَيه ورمسه‌لر، داها چوخ گوج صرف اولونمالي‌دير؛ لاکئن حئکمت آداما مووفّقئيّت گتئرر.
اگر ائلان سِحر اولونماقدان قاباق سانجسا، او زامان سِحربازدان دا فايدا يوخ.
حئکمتلي آدامين آغزينين سؤزلري فيضلي‌دئر، لاکئن سَفِهئن دوداقلاري اونون هلاکينا يول آچار؛
آغزينين سؤزلري عاغيلسيزليقلا باشلانار، سؤزلرئنئن آخيري دا يامان دَلئلئکدئر.
عاغيلسيز آدام سؤزو چوخالدار. نه اولاجاغيني هچ کس بئلمز؛ اوندان سونرا نه اولاجاغيني اونا کئم دئيه بئلر؟
سَفِهلرئن چکدئيي زحمت اونلارين اؤزلرئني يورار، اونلار شهره نجه گده‌جکلرئني ده بئلمزلر.
واي سنه ای مملکت، اگر پادشاهين بئر اوشاقدير، و ريئسلرئن سحر اِرکَن ضئيافته باشلاييرلار.
خوش حالينا ای مملکت، اگر پادشاهين بئر نجئبزاده‌دئر، و ريئسلرئن واختيندا، کِفلَنمک اوچون يوخ، قووّت اوچون يِيئرلر.
تنبل‌لئکدن اِوئن دامي ييخيلار، اَللرئن تنبلئيئندن ده اِو دامار.
شادليق اوچون ضئيافت وِرَرلر و شراب حياتي کِفله دولدورار؛ آمّا هر شيه جاواب اولان پولدور.
پادشاهي حتّا فئکرئنده ده سؤيمه؛ وارلي آدامي حتّا ياتاق اوتاغيندا دا سؤيمه؛ چونکي گؤيون بئر قوشو سنئن سَسئني آپارار، و گؤيده اوچان قوشلارين بئري مطلبي خبر وِرَر.
چؤره‌يئني سولار اوستونه آت، چونکي چوخ گونلردن سونرا اونو تاپارسان.
يدّي کئشئيه، حتّا سکّئز کئشئيه پاي ور، چونکي ير اوزونده نه پئس گون گلهجيئني بئلمئرسن.
اگر بولودلار ياغيشدان دولو اولسالار، اؤزلرئني ير اوزونه بوشالدارلار؛ اگر بئر آغاج دا جنوب و يا شئمال طرفئنه ييخيلسا، اِله ييخيلديغي يرده ده قالار.
يلي موشاهئده ادن توخوم سَپمَز، بولودلاري گؤرن ده بئچمَز.
نجه کي، يلئن يولونو بئلمئرسن، نجه کي، بويلو آروادين قارنيندا سوموکلرئن نجه بؤيودويونو بئلمئرسن، اِله ده، بوتون بو شيلري يارادان تارينين ائشلرئني بئلمئرسن.
توخومونو سحر واختي سَپ، آخشاما قدر اَلئني دئنجلمک اوچون چکمه؛ چونکي بئلمئرسن کي، بو ياخشي اولاجاق، يوخسا او، يا دا هر ائکئسي بئرلئکده ياخشي اولاجاقلار.
دوغرودان دا ائشيق شئرئندئر، گونشي گؤرمک ده گؤزلره خوشدور؛
بئر آدام چوخ ائللر ده ياشاسا، اونلارين هاميسيندا شادليقلا ياشاسين. لاکئن قارانليق گونلرئن اولدوغونو دا ياددان چيخارتماسين، چونکي اونلار چوخ اولاجاقلار. گلهجک هر شي باطئلدئر.
ای جاوان، جاوانليغيندا سِوئن، قوي اوره‌يئن سني جاوانليق گونلرئنده سِوئندئرسئن؛ اوره‌يئنئن ائسته‌دئيئنده، گؤزلرئنئن گؤردوکلرئنده يِري؛ لاکئن بئل کي، تاري بونلارين هاميسينا گؤره سني موحاکئمه ادهجکدئر.
اوندان اؤتری ده، کَدَري اوره‌يئندن چيخارت، زحمتي ده بدنئندن اوزاقلاشدير، چونکي جاوانليق دا، جاوانليغين قووّتي ده باطئلدير.
جاوانليق گونلرئنده سني ياراداني خاطيرلا؛ يامان گونلرئن گلمه‌يئندن قاباق، او ائللرئن يتئشدئيئندن قاباق کي، دئيهسن: "اونلاردان خوشوم گلمئر."
او واختدا کي، گون و ائشيق، آي و اولدوزلار حله سؤنمه‌يئبلر، بولودلار دا ياغيشدان سونرا حله قاييتماييبلار.
او گونده کي، اِوي ساخلايانلار اَسئرلر، پهلوانلار اَيئلئرلر، دَيئرمان دارتانلار آزالديقلاري اوچون ائشدن قاليرلار، پِنجره‌لردن باخانلار قاراليرلار،
کوچهيه آچيلان قاپيلار باغلانيرلار، دَيئرمانلار سَسدن دوشورلر. او واختدا کي، آدام قوشون سَسئندن اويانير، و بوتون نغمه قيزلارينين سَسي آلچالير.
حتّا او واختدا کي، اونلار اوجا يرلردن، يولون دهشتئندن قورخورلار. او واختدا کي، بادام آغاجي چئچکله‌نئر، چَيئرتکه اؤزونو گوجله چکئر، هوس ياتير. سونرا دا آدام اؤز ابدی اِوئنه گدئر، و ياس توتانلار کوچهلره دوشورلر.
گوموش زنجئري قوپماميش، قيزيل کاسا قيريلماميش، بولاق باشيندا کوزه تئکه-تئکه اولماميش، قويو يانيندا چرخ سينماميش سني يارادان تاريني خاطيرلا.
چونکي تورپاق گلدئيي يره قاييداجاق، روح دا اونو ورن تاريا دؤنهجکدئر.
او واعئظ ديئر: "باشدان باشا باطئلدئر! هر شي باطئلدئر."
بوندان علاوه، او واعئظ، حئکمتلي اولدوغو اوچون آداملارا معرئفت اؤيرَتمه‌يئنه داوام وردی. بلی، او دَيَرله‌دي، آختاردي و بئر چوخ مثل ترتئب اتدي.
او واعئظ مقبول سؤزلري تاپماق اوچون تفتئش اتدي و اونون يازديقلاري دوزدور؛ حقئقتئن سؤزلري‌دئر.
حئکمتلئلرئن سؤزلري بئز کئمي و عالئملرئن سؤزلري ده ياخشي چاخيلميش ميخلار کئميدئر کي، بئر چوباندان ورئلئر.
بونلاردان علاوه، اوغلوم دئقّتلي اول. چوخ کئتابلار يازماغا آخير يوخدور. چوخ موطالئعه ده بدني يورولدور.
ائندي کي، هر شي اِشئدئلئب، مطلبئن آخيري بودور: تاريدان قورخ، و اونون امرلرئني ساخلا، چونکي ائنسانين بوتون وظئفه‌سي بودور.
چونکي تاري هر ائشي، هر گئزلي شيي، ائستر ياخشي ائستر يامان، موحاکئمهيه چکه‌جکدئر.
سوليمانين نغمه‌لرئنئن نغمه‌سي.
قوي منی آغزينين اؤپوشلري ائله اؤپسون! چونکي سنئن محبّتئن شرابدان ياخشيدير.
عطئرلرئنئن نه گؤزل ائيسي وار! آدين تؤکولموش عطئردئر، بوندان اؤترو ده قيزلار سني سِوئرلر.
منی اؤزونه چک، قوي تَلَسَک. پادشاه منی اؤز حئجله‌لرئنه گتئرئب. سنده سِوئنئب شاد اولاجاغيق، شرابدان چوخ سنئن محبّتئني خاطيرلاياجاغيق. سني سِومَکده اونلارين حاقّي وار.
ای اورشلئم قيزلاري، من قاراشينام؛ قِدار چاديرلاري کئمي، سوليمانين پرده‌لري کئمي. لاکئن گؤزَلَم.
باخمايين کي، قارالميشام، گون منی يانديريب. آنامين اوغوللاري منه حئرصلَندئلر؛ منی اوزوم باغلارينا قوروجو قويدولار، آمّا من اؤز اوزوم باغيمي قوروماميشام.
ای جانيمين سِودئيي، منه دِه، سورونو هارادا اوتاريرسان؟ گون اورتا واختي اونلاري هارادا ياتيرديرسان؟ سنئن دوستلارينين سورولري يانيندا، نه اوچون اوزونو اؤرتَن بئر آرواد کئمي اولوم؟
اگر سنه بَلّي ديئل، ای قيزلارين لاپ گؤزلي، سورونون ائزلرئني توت، چَپئشلرئني چوبانلارين چاديرلاري يانيندا اوتار.
سن فرعون عارابالاريني چَکَن گؤزل ماديانا بنزه‌يئرسن، ای سِوگئلئم.
ياناقلارين او زنجئرلرله، بويونون او قيزيل بويونباقلارلا نه گؤزلدئر!
سنه گوموش دويمه‌لي قيزيل زنجئرلر قاييراجاغيق.
پادشاه سوفرهسئنده اوتوراندا، سونبول عطئرئم ائيسئني وردی.
سِوگئلئم منه دؤشلرئم آراسيندا مور تورباسيدير.
سِوگئلئم منه عِين جِدي باغلاريندا بئر سالخيم حَنا گولودور.
گؤر، سن نه گؤزَلسن، سِوگئلئم، گؤر، سن نه گؤزَلسن! سنئن گؤيرچئن گؤزلرئن واردير!
گؤر، سن نه ياراشيقليسان، سِوگئلئم، نه شئرئنسن! ياشيلّيقدير ياتاغيميز.
اِولرئمئزئن دئرَکلري صئدر آغاجي‌دير، تاوانيميزين اويمالاري شام آغاجي!
من شارون درهسئنئن قيزيل گولويم، دره‌لرئن زانباغي.
زانباق تئکانلار آراسيندا نجهدئر، سِوگئلئم ده قيزلار آراسيندا اِلهدئر.
آلما آغاجي مِشه‌نئن آغاجلاري آراسيندا نجهدئر، سِوگئلئم ده اوغلانلار آراسيندا اِلهدئر. اونون کؤلگه‌سئنده اوتورماقدان کِف ادئرم و ميوهسي داماغيما شئرئندئر.
منی ضئيافت اِوئنه گتئردي، بايراغي منئم اوستومده محبّت ائدي.
کئشمئش فطئرلري ائله منه قووّت ورئن، آلمالارلا منی جانلانديرين، چونکي من عشقئن ناخوشويام.
سول اَلي باشيمين آلتيندادير، صاغ اَلي منی قوجاقلايير.
ای اورشلئم قيزلاري، سئزي جيرانلارا، چؤلون ماراللارينا آند ورئرم، اؤزو موشتاق اولمايانا قدر سِوگئني دئندئرمه‌يئن، اويانديرمايين،
سِوگئلئمئن سَسي! باخ، او گلئر؛ داغلار اوستوندن آتيلا-آتيلا، تپه‌لر اوستوندن اوچا-اوچا.
سِوگئلئم جيران کئميدئر، مارال بالاسي کئمي. باخ، دئواريميزين داليندا دورور؛ پنجره‌لردن ائچه‌ري باخير، شبکه‌لردن تاماشايا دوروب.
سِوگئلئم دانيشيب منه ددی: "قالخ، سِوگئلئم، منئم گؤزَلئم، گل.
باخ، قيش کچئب، ياغيش کچئب گدئب.
اؤلکهده چئچکلر چيخير؛ نغمه اوخوماق زاماني گلئب، دئياريميزدا قومرونون سَسي اِشئدئلئب.
انجئر آغاجي ياشيل انجئرلرئني چيخارديب، اوزوم آغاجلاري دا چئچکله‌نئب خوش رايئحه ورئر. قالخ، سِوگئلئم، منئم گؤزَلئم، گل!"
ای قايانين چاتلاقلاريندا، اوچوروملارين گئزلي يرلرئنده اولان گؤيرچئنئم، قوي اوزونو گؤروم، قوي سَسئني اِشئدئم؛ سَسئن شئرئندئر، اوزون گؤزَلدئر.
تولکولري بئزه توتون، اوزوم باغلاريني خاراب ادن کئچئک تولکولري، چونکي اوزوم آغاجلاريميز چئچکله‌نئب.
سِوگئلئم منئمدئر، من ده سِوگئلئمئن. سوروسونو زانباقلار آراسيندا اوتارير.
گون سَرئلَنجه، کؤلگه‌لر قاچانجا قاييت، سِوگئلئم. جيران کئمي اول، بِتِر داغلارين باشيندا مارال بالاسي کئمي اول.
بوتون گجه ياتاغيمدا اونو، جانيمين سِودئيئني آختارديم، آختارديم، لاکئن اونو تاپا بئلمه‌دئم.
ائندي قالخيب شهري دولاناجاغام، کوچه‌لرئني، ميدانلاريني. جانيمين سِودئيئني آختاراجاغام. آختارديم، لاکئن اونو تاپا بئلمه‌دئم.
شهرده دولانان قوروجولار منی تاپديلار. ددئم: "اوني، جانيمين سِودئيئني، گؤروبسونوز؟"
اونلاردان آيريلديغيم زامان، اونو، جانيمين سِودئيئني تاپديم. اونو توتدوم و بوراخماديم، اِله کي، اونو آنامين اِوئنه، منه حامئله اولدوغو اوتاغا گتئردئم.
ای اورشلئم قيزلاري، سئزي جيرانلارا، چؤلون ماراللارينا آند ورئرم، اؤزو موشتاق اولمايانا قدر، سِوگئني دئندئرمه‌يئن، اويانديرمايين.
صحرادان گلن بو کئمدئر؟ توستو سوتونو کئمي، مور و بوخورلا عطئرلَنمئش، عطّارين بوتون عطئرلري ائله.
باخ، او سوليمانين تخت-رواني‌دير، ائسرايئلئن ائگئدلرئندن آلتميش ائگئد اونون اطرافيندادير.
اونلارين هاميسي قيلينج داشييان، موحارئبه‌ده اوستا، هر بئرئنئن بِلئنده قيلينج، گجهنئن قورخولارينا حاضيرلانميش.
سوليمان پادشاه، لوبنانين آغاجلاريندان اؤزونه تَخت-رَوان دوزهلدئب.
سوتونلاريني گوموشدن، پاياسيني قيزيلدان، اوتوراجاق يِرئني ارغوان قوماشدان، اونون ائچئني اورشلئم قيزلاري سِوگي ائله دؤشه‌يئبلر.
ای صَحيون قيزلاري، چيخين. سوليمان پادشاهي تاجي ائله گؤرون. او تاج کي، اونون توي گونونده، اوره‌يئنئن شادليغي گونونده، آناسي اونون باشينا قويموشدور.
نه گؤزَلسن، سِوگئلئم، سن نه گؤزَلسن. ياشماق آرخاسيندان گؤزلرئن گؤيرچئنلر کئميدئر. ساچلارين گئلعاد داغيندان اِنَن کچي سوروسو کئميدئر.
دئشلرئن تزه قيرخيلميش قويون سوروسو کئميدئر کي، يويونماقدان چيخير. هاميسينين اِکئزلري وار، آرالاريندا بالاسيزي يوخ.
دوداقلارين قيرميزي قايتان کئميدئر، آغزين دا نه گؤزَل! ياناقلارين ياشماق آرخاسيندا نار پارچاسي کئميدئر.
بويونون داوودون بورجونه بَنزه‌يئر کي، سئلاح اوچون تئکئلمئش؛ اوندان مئن قالخان آسلانيب، هاميسي پهلوانلار قالخاني‌دير.
ائکي دؤشون ائکي جيران بالاسي کئميدئر، زانباقلار آراسيندا اوتلايان اِکئز جيران بالاسي.
گون سَرئلَنجه، کؤلگه‌لر قاچانجا، مور داغينا گده‌جيم، بوخور تپه‌سئنه گده‌جيم.
تامامن گؤزَلسن، سِوگئلئم. سنده هچ ياوا بئر شي يوخ.
گلئنئم، منئمله لوبناندان گل! منئمله لوبناندان گل؛ آمانا تپه‌سئندن، سنئر و خَرمون تپه‌لرئندن، آصلانلارين يووالاريندان، پلنگلرئن داغلاريندان.
اوره‌يئمي قاپيبسان باجيم، گلئنئم! گؤزلرئنئن بئر باخيشي ائله، بويونباغينين بئر جواهئري ائله اوره‌يئمي قاپيبسان.
سنئن سِوگئن نه گؤزَلدئر باجيم، گلئنئم! سِوگئن نه قدر شرابدان خوشدور، عطئرئنئن گؤزَل ائيسي ده بوتون عطئرلردن.
دوداقلارين بال داملادير، گلئنئم! بال و سود دئلئنئن آلتيندادير. پالتارلارينين رايئحهسي لوبنانين رايئحهسي کئميدئر.
منئم باجيم، منئم گلئنئم سن قاپيسي باغلي بئر باغسان، آغزي باغلي بئر بولاق، مؤهورلَنمئش بئر چشمه‌سن.
سنئن شاخلارين نار جَنّتي‌دئر، سِچئلمئش ميوه‌لرله، حَنا و ناردلا،
نارد و زعفرانلا، عطئرلي قاميش و دارچينلا، هر جور عطئر آغاجي ائله، مور و عؤد آغاجلاري ائله، بوتون خالئص اَدوئيه‌لرله.
سن باغلارين چِشمه‌سي‌سن، حيات ورن سولارين قويوسوسان، لوبناندان آخان سولارسان.
اويان، ای شئمال يلي! سن ده گل، ای جنوب يلي. منئم باغيما اَس کي، اونون رايئحهسي هر يري بوروسون. قوي سِوگئلئم باغينا گلسئن، اونون گؤزل ميوهلرئندن دادسين.
باغيما گلمئشم، باجيم، گلئنئم! مورّومو عطئرلرئمله دَرمئشم، باليمي شان باليملا يمئشم، شرابيمي ائچمئشم، سودومو ائچمئشم. ای دوستلار، ييئن، ائچئن، ای سِوگئلئلر مست اولون!
ياتميشديم، آمّا اوره‌يئم اوياق ائدي. اشئت! سِوگئلئم قاپيني دؤيور: قاپيني آچ، باجيم، سِوگئلئم، گؤيرچئنئم، تَک کامئلئم! چونکي باشيم شبنمله، تِل‌لرئم گجهنئن داملالاري ائله دولودور.
پالتاريمي چيخارتميشام، اونو نجه تزهدن گِيئم؟ آياقلاريمي يوموشام، اونو تزهدن نجه باتيريم؟
سِوگئلئم قاپينين دَلئيئندن اَلئني اوزاتدي، قلبئم ائچئمده هيجانلاندي.
قاپيني سِوگئلئمه آچماغا قالخديم؛ قيفيلينين دستهسي اوستونه اَللرئمدن مور داميردي، بارماقلاريمدان مور شئره‌سي.
قاپيني سِوگئلئمه آچديم، آمّا سِوگئلئم دؤنوب گتمئشدي. اونون گتدئيئندن اوره‌يئم اوزولدو. اونو آختارديم، آمّا تاپماديم، اونو چاغيرديم، آمّا جاواب ورمه‌دي.
شهرده دولانان قوروجولار منی تاپديلار، منی ووردولار، منی يارالاديلار. دئوار قوروجولاري شاليمي اَينئمدن آلديلار.
ای اورشلئم قيزلاري، سئزي آند ورئرم- اگر سِوگئلئمي تاپاسينيز، اونا نه دئيهجکسئنئز؟ اونا ديئن کي، من سِوگي ناخوشويام.
سنئن سِوگئلئنئن اؤزگه سِوگئلئلردن نه‌يي آرتيقدير، ای قيزلارين لاپ گؤزَلي؟ سنئن سِوگئلئنئن اؤزگه سِوگئلئلردن نه‌يي آرتيقدير کي، بئزي بله آند ورئرسن؟
سِوگئلئم پارلاقدير، قيرميزي‌دير. اون مئنلر ائچئندن سِچئلمئش اولان اودور.
باشي خالئص قيزيل؛ بئربئرئنه توخونوب تِل‌لري، قارادير قارا قارغا کئمي.
گؤزلري سو آرخلارينين يانينداکي گؤيرچئلنلر کئميدئر، سود ائچئنده يويونموش، جواهئر کئمي بَزَنمئش.
ياناقلاري عطئر گولوستاني، شئرئن ائيلي بئتکئلر ييغيني. دوداقلاري زانباقلاردير، مور داملادير.
اَللري زومورّودله بَزَنمئش قيزيل آغاجدير. بودلاري عاجدان قايريلميش، ياقوتلا بَزَنمئشدئر.
باجاقلاري خالئص قيزيل پاياسي اوستونده مرمر سوتونلاري‌دير. گؤرونوشو لوبنان کئمي، سئدر آغاجلاري کئمي عظمتلي‌دئر.
آغزي چوخ شئرئن، هر شيي گؤزَل. ای اورشلئم قيزلاري، بودور منئم سِوگئلئم، منئم دوستوم.
ای قيزلارين لاپ گؤزَلي، سِوگئلئن هارايا گدئب؟ سِوگئلئن هارايا دؤنوب کي، بئز ده اونو سنئنله بئرلئکده آختاراق؟
سِوگئلئم باغينا گدئب، عطئر گولوستانينا گدئب، گدئب کي، باغيندا سوروسونو اوتارسين و زانباق دَرسئن.
سِوگئلئم منئمدئر، من ده سِوگئلئمئن. سوروسونو زانباقلار آراسيندا اوتارير.
سِوگئلئم، سن تئرصا کئمي گؤزَلسن، اورشلئم کئمي سِوئلمه‌لي‌سن، بايراقلي قوشون کئمي هيبتلي‌سن.
گؤزلرئني مندن گؤتور، چونکي منی پرئشان ادئر، ساچين گئلعاددان اِنَن کِچئلر سوروسونه بنزهيئر.
دئشلرئن قويون سوروسو کئميدئر کي، يويونماقدان چيخير. هاميسينين اِکئزي وار، آرالاريندا بالاسيزي يوخدور.
ياناقلارين ياشماق آرخاسيندا نار پارچاسي کئمي‌دير.
ملکه‌لر آلتميش، جارئيه‌لر هشتاددير، کنئزلر ده سايسيز.
آمّا تايسيزدير منئم گؤيرچئنيم، منئم تک کامئلئم؛ آناسينين بئري بئردانه قيزي‌دير، اونو دوغان آروادين گؤز‌بَبه‌يي. کنئزلر اونو گؤروب بختور چاغيرديلار، ملکه‌لر و جارئيه‌لر ده بِله. اونلار دا اونو تعرئفله‌دئلر.
کئمدئر بو کي، سحر کئمي آچيلير، آي کئمي گؤزَلدئر، گون کئمي تمئزدئر، بايراقلي قوشون کئمي هيبتلي‌دئر؟
جَوئز باغينا اِندئم کي، دره‌نئن ياشيل زوغلاريني گؤروم. گؤروم کي، آيا اوزوم آغاجي چئچکله‌نئب، نارلار چئچک آچيب؟
جانيم، من بئلمه‌دن، منی شَرَفلي خالقيمين عارابالاري اوستونه قويدو.
قاييت، قاييت، ای شولامّئت قيز قاييت، قاييت کي، سنه باخاق. نه اوچون مَخه‌نايئم اويونونا باخار کئمي، شولامّئت قيزا باخماق ائسته‌يئرسئنئز؟
آياقلارين دَمپايي ائچئنده نه گؤزَلدئر، ای نجئبزاده قيز! گئرده بودلارين جواهئر کئميدئر، اوستا اَللرئنئن ائشي.
گؤبه‌يئن گئرده بئر پئياله‌يه بَنزه‌يئر کي، هچ واخت جوربهجور شرابي اَسکئک اولماز. بِلئن زانباقلارلا بَزَنمئش بوغدا تاياسي‌دير،
ائکي دؤشون دئيهسن بئر جوت مارال بالاسي، اِکئز جيران بالاسي.
بويونون عاج بورجو کئميدئر، گؤزلرئن بَت-رَبّئم دروازاسينين يانيندا اولان خِشبون حوووضلاري کئمي. بورنون دَمَشق طرفئنه باخان لوبنان بورجونه بَنزه‌يئر.
باشين سنئن اوستونده کَرمِل داغي کئميدئر، باشينين ساچي دا دئيهسن ارغوان قايتان. پادشاهي اسئر ادن تِل‌لرئن‌دئر.
نه گؤزَل، نه سِوئلمه‌لي‌سن، سن، ای حلاوتلي سِوگئلئم!
بويون خورما آغاجي کئميدئر، دؤشلرئن ده اونون سالخيملارينا بَنزه‌يئر.
ددئم: "خورما آغاجينا چيخارام، سالخيملاريندان توتارام." قوي دؤشلرئن اوزوم سالخيملاري کئمي اولسون، نفسئنئن رايئحهسي آلما رايئحهسي کئمي،
آغزين دا لاپ ياخشي شراب کئمي، او شراب کئمي کي، سِوگئلئمئن دوداقلارينين اوستونه، دئشلرئنئن اوستونه دومدوز آخسين.
من سِوگئلئمئنَم، و اونون شؤوقو ده منه‌دئر.
گل سِوگئلئم، چؤله گِدَک. گجهني کَندلرده کچئردک،
سحر واختي اِرکَن اوزوم باغلارينا گِدَک، گؤرَک کي، آيا اوزوم آغاجي چئچکله‌نئب، نارلار چئچک آچيب؟ اورادا سِوگئمي سنه ورهجيم.
سِوگي اوتلاري رايئحه ورئر، قاپيلاريميزين اوستونده هر جور سِچئلمئش ميوه وار، هم تزه، هم ده کؤهنه. اونلاري سنئن اوچون ساخلاميشام، ای سِوگئلئم!
کاشکي سن منه آنامين اَمجه‌يئندن اَممئش قارداش کئمي اولايدين. او واخت، اِشئگده سني تاپاندا اؤپَردئم؛ هچ کس ده منی قينامازدي.
قاباغا دوشوب سني آنامين اِوئنه آپارارديم، او کي، منه تعلئم وِرَردي. سنه اَدوئيه‌لي شرابدان، ناريمين سويوندان ائچئردَردئم.
اونون سول اَلي باشيمين آلتيندادير، صاغ اَلي ده منی قوجاقلايير.
سئزي آند ورئرم، ای اورشلئم قيزلاري، اؤزو موشتاق اولمايانا قدر، سِوگئني دئندئرمه‌يئن، اويانديرمايين.
بو قيز کئمدئر کي، سِوگئلئسي ائله قول-قولا صحرادان گلئر؟ آلما آغاجي آلتيندا سني اوياتديم؛ اورادا آنان سنئن دوغوش آغريني چکدي، اورادا آغري چکئب سني دوغدو.
بئر مؤهور کئمي منی اوره‌يئنئن باشينا قوي، بئر مؤهور کئمي قولونون اوستونه قوي. چونکي سِوگي اؤلوم کئمي گوجلودور، قيرت ده اؤلولر دئياري کئمي بَرک. اونون آلوولاري اود آلوولاري کئميدئر، يانديريب-تؤکَن آلوو کئمي.
چوخلو سولار سِوگئني سؤندوره بئلمز، چايلار دا اونو اؤزونده بوغا بئلمز. اگر آدام سِوگئنئن عوضئنده اِوئنئن بوتون ماليني دا ورسه، گئنه ده حقئر گؤرونر.
کئچئک بئر باجيميز وار، اونون حله دؤشلري يوخدور؛ باجيميزي ائستميه دانيشان گون، اونون اوچون نه اده‌جيئک؟
اگر بئر دئوار اولسايدي، اوستونه گوموشدن بئر بورج تئکَردئک، اگر بئر قاپي اولسايدي، اوستونو سئدر خونچالاري ائله اؤرتَردئک.
من بئر دئوارام، دؤشلرئم ده بورجلر کئميدئر؛ اونا گؤره ده اونون گؤزونده، خوشو گلن بئري کئمي اولموشام.
بَعَل-خاموندا سوليمانين بئر اوزوم باغي وار ائدي؛ باغي باغ توتانلارا کئرايه وردی، محصول اوچون هر بئري مئن گوموش گتئرمه‌لي ائدي.
اؤزوم اوچون منئم ده باغيم وار؛ مئن گوموش سنئن اولسون، ای سوليمان، ائکي يوز گوموش ده باغيني توتانلارين.
سن، ای باغلاردا اوتوران، يولداشلاريم سنئن سَسئني اِشئدئرلر- سَسئني منه ده اشئتدئر!
قاچ، سِوگئلئم. عطئرلي داغلار اوستونده جيران کئمي اول، مارال بالاسي کئمي اول.
يهودا و اورشلئم بارهسئنده آموص اوغلو اِشَعيايا گؤرونن رؤيا کي، يهودا پادشاهلاري عوزئيّا، يوتام، آخاز، و خئزقئيانين دؤورونده باش وردی.
ای گؤيلر، قولاق آسين، ای يِر اوزو، اشئت! چونکي رب بله ديئر: "اؤولادلار يتئشدئرئب بؤيوتموشم، آمّا اونلار منئم ضئدّئمه عوصيان ادئبلر.
اؤکوز يئيه‌سئني، اِششَک ده صاحئبئنئن يِملئيئني تاني‌يير، لاکئن ائسرايئل خالقي منی تانيمير، خالقيم آنلامير."
گوناه ادن مئلّتئن، شر ائشلر آلتيندا اولان خالقين، پئسلئک ادن نسلئن، فاسئد اؤولادلارين واي حالينا! اونلار ربّی ترک ادئبلر، ائسرايئلئن موقدّسئنه حقارتله باخيبلار، اوندان اوز دؤنده‌رئبلر.
نه اوچون گئنه ده دؤيوله‌سئنئز، نئيه عوصيان اتمکده داوام ادئرسئنئز؟ باش تامامن ناخوش، اورَک تامامن مرئض.
بدنئنئز تپهدن ديرناغاجاق ناخوشدور، بئر صاغ يِرئنئز يوخدور: يارالارينيز، زَده‌لرئنئز، تزه ضربه‌لرله وورولموش يارالارينيز، تمئزلَنمه‌مئش، ساريلماميش، مَلحَمله يوموشالديلماميشدير.
مملکتئنئز وئراندير، شهرلرئنئز اودلا يانيب، ياداِلّئ‌لر گؤزونوزون قاباغيندا تورپاغينيزي يِيئب داغيديرلار. تورپاغينيز کئمسه‌سئز قاليب، سانکي ياد آداملار اوراني تالاييب.
صَحيون قيزي اوزوم باغينداکي چارداق کئمي، خئيار بوستانينداکي کوما کئمي، موحاصئرهيه آلينميش شهر کئمي تک قاليب.
اگر قوشونلار ربّي، بئزئم خالقدان بئر نچه صاغ قالان آدام قويماسايدي، بئز سودوم کئمي اولارديق، گومورايا بَنزه‌يَردئک.
ای سودوم باشچيلاري، ربّئن سؤزونو اِشئدئن! سئز، ای گومورا خالقي، تاريميزين تعلئمئني اِشئدئن!
رب ديئر: "قوربانلارينيزين چوخلوغوندان منه نه؟ يانديرما قوچ قوربانلاريندان، کؤکَلمئش حيوانلارين پئيئندن دويموشام. گاميش، قوزو، کِچي قانيني ائسته‌مئرم.
حوضوروما گلرکن اَلئنئزده بونلاري گتئرمه‌يئنئزي کئم ائستهيئر؟ معبدئمئن صَحنلرئنه بوش يِره آياق باسيرسينيز.
منه آرتيق دَيَرسئز تقدئملر گتئرمه‌يئن، بوخور منده ائکراه يارادير. پئسلئکله دولو تزه آي مراسئملرئنئزه، سَبّت گونلرئنئزه، موقدّس ييغينلارينيزا دؤزه بئلمئرم!
تزه آي جشنلرئنئزدن، بايرام گونلرئنئزدن نئفرت ادئرم. بونلار منه يوک اولوبلار، اونلاري داشيماقدان يورولموشام.
بونا گؤره سئز اَل آچيب منه يالواراندا، گؤزلرئمي سئزه يوماجاغام. نه قدر چوخ دوعا ادهسئنئز ده، گئنه قولاق آسماياجاغام. اَللرئنئز قانلا دولودور،
يويونون، اؤزلرئنئزي تمئزله‌يئن؛ گؤزومون قاباغيندا ائشلرئنئزي شردن اوزاقلاشديرين، پئسلئک اتمه‌يي بوراخين.
ياخشيليق اتمه‌يي اؤيره‌نئن، عدالتي آختارين، مظلوملاري قورتارين، يِتئمئن حاقّيني ورئن، دول آروادي حئمايت ادئن."
رب ديئر: "گلئن، ائندي بئربئرئمئزله بحث اِدَک، گوناهلارينيز قيپ‌قيرميزي پارچا کئمي گؤرونسه ده، اونلار قار کئمي آغ اولاجاق، توند قيرميزي رنگه چالسا دا، آغ يون کئمي آغ اولاجاق.
اگر سؤزه باخيب ائطاعت ادهسئنئز، تورپاغين لاپ گؤزل بهره‌لرئندن يئيَرسئنئز.
آمّا اگر منی ردّ ادئب عاصي اولاسينيز، قيلينج سئزي اوداجاق." دوغرودان دا، بو سؤزلر ربّئن آغزيندان چيخيب.
گؤر ربّه وفالي اولان شهر نجه بئر فاحئشه‌يه دؤنوب! او شهر کي، عدالتله دولو ائدي! بئر زامان اورادا صالحلئک مَنزئل اتمئشدي، لاکئن ائندي قاتئل‌لرله دولودور!
گوموشونوز چوروفه چِورئلئب، شرابينيزا سو قاتيليب.
باشچيلارينيز عاصي اولوب اوغرولارلا اَلبئردئر. هر کس روشوَتي سِوئر، بَخشئش دالينجا قاچير. يِتئمئن حاقّيندان دئفاع اتمئرلر، دول آروادين مودافئعه‌سئنه قالخميرلار.
بونا گؤره ده رب، قوشونلارين پروردئگاري بله اعلان ادئر: ائسرايئلئن قادئر تاريسي بله اعلان ادئر: "دوشمنلرئمدن اؤزومو راحاتلاياجاغام، خصملرئمدن قئصاص آلاجاغام.
اَلئمي سنئن ضئدّئنه ده اوزاداجاغام، چوروفونو گئل‌آبي ائله آريديب، بوتون ناخالئصلئيئني سندن تمئزلَيه‌جيم.
او زامان حاکئملرئني اَوّلکي کئمي، مصلحتچئلرئني ده باشلانيشدا اولدوغو کئمي گری قايتاراجاغام. سنه تزهدن «صالحلئک شهري، وفالي شهر» ديئلهجک."
صحيون عدالتله، تؤوبه ادن ساکئنلري صالحلئکله قورتولاجاق.
لاکئن عاصئلرله گوناهکارلار بئرلئکده هلاک اولاجاقلار، ربّی ترک ادنلر يوخ اولاجاقلار.
آرزو اتدئيئنئز پاليد آغاجلاريندان خجالت چکهجکسئنئز، سِچدئيئنئز باغلاردان اوتاناجاقسينيز.
چونکي سئز، يارپاقلاري سولموش چؤل پوسته‌سي آغاجينا، سوسوز باغا دؤنهجکسئنئز.
گوجلو آدام کتان قيرينتيسينا اوخشاياجاق، گؤردويو ائش جرقّه کئمي اولاجاق، بلجه ائکئسي بئرلئکده ياناجاق، اونلاري سؤندورَن ده اولماياجاق.
آموص اوغلو اِشَعيانين يهودا و اورشلئم بارهسئنده گؤردوکلري:
آخير گونلرده ربّئن اِوي اولان داغ، داغلارين باشچيسي کئمي مؤحکم دوراجاق، تپه‌لردن يوخاري اوجالاجاق. بوتون مئلّتلر اونا ساري گلهجک.
چوخ خالقلار گلئب دئيهجک: "گلئن، ربّئن داغينا، يعقوبون تاريسينين اِوئنه قالخاق، قوي او بئزه اؤز يوللاريني اؤيرَتسئن، بئز ده اونون طرئقلري ائله گِدَک." چونکي شرئعت صحيوندان، ربّئن سؤزو اورشلئمدن ياييلاجاق.
مئلّتلر آراسيندا رب حؤکم ادهجک، چوخ خالقلار حاقّيندا قرار چيخارداجاق. اونلار قيلينجلاري چکوجلارلا دؤيوب اونلاردان کوتان، نئزه‌لرئندن ده شَنه دوزه‌لده‌جکلر. مئلّت مئلّتئن ضئدّئنه قيلينج قالديرماياجاق، آرتيق موحارئبه اتمه‌يي اؤيرَنميه‌جک.
ای يعقوب نسلي، گلئن، ربّئن نوروندا گَزَک.
يارب، خالقيني، يعقوب نسلئني آتيبسان، چونکي اونلار شرقدن گلن مؤوهوماتلارا قوشولوبلار، فئلئسط بؤلگهسئنده ياشايانلار کئمي فالچيليق ادئرلر، اَجنبي‌لرله اَلبئر اولورلار.
اؤلکهلري قيزيل گوموشله دولو، خزئنه‌لرئنئن آخيري يوخدور. اؤلکهلري دؤيوش آتلارلا دولودور، دؤيوش عارابالاري ساييسيز-حسابسيزدير.
اؤلکهلري بوتلرله ده دولودور، اَللرئنئن ائشئني، بارماقلارينين دوزلتدئکلرئني، پرستئش ادئرلر.
بونا گؤره ده هامي يِره سَرئله‌جک، هر کس دئز اوسته دوشدوروله‌جک. يارب، اونلاري باغيشلاما!
ربّئن دهشتئندن، عظمتئنئن شؤوکتئندن قاياليقلارا گدئن، تورپاق آلتيندا گئزله‌نئن.
آداملارين تکبّورلو باخيشلاري آلچالديلاجاق، ائنسانلارين تکبّورو قيريلاجاق، او گون آنجاق رب اوجالديلاجاق.
چونکي قوشونلار ربّئنئن بئر گونو اولاجاق کي، بوتون تکبّورلولري، لووغالاري، مغرورلاري آلچالتسين.
لوبنانين بوتون اوجا و ووقارلي سئدر آغاجلاريني محو ادهجک، بوتون باشانين پاليدلاريني يوخ ادهجک.
بوتون اوجا داغلاري، اوجا تپه‌لري،
بوتون اوجا بورجلري، قالا دوآرلاري يِرله يکسان ادهجک،
بوتون تَرشئش گَمي‌لرئني، بوتون گؤزل گَمئلري يوخ ادهجک.
آداملارين تکبّورو قيريلاجاق، ائنسانلارين تکبّورو آلچالديلاجاق، او گون فقط رب اوجالديلاجاق.
بوتلر کامئل آرادان گؤتورولهجک.
رب قالخيب يري لرزهيه سالاندا، اونون دهشتئندن، عظمتئنئن شؤوکتئندن، ائنسانلار قاياليقداکي ماغارالارا، يِرئن خندق‌لرئنه قاچيب گئرهجکلر.
او گون ائنسانلار، پرستئش اوچون دوزلتمئش قيزيل و گوموش بوتلرئني گؤتوروب، کور سئچانلارين، خوفّاشلارين قاباغينا آتاجاقلار کي،
رب يري سارسيتماغا قالخارکَن اونون دهشتئندن، عظمتئنئن شؤوکتئندن، قاياليقداکي چاتلاقلارا، اوچوروملارداکي ياريقلارا گئرسئنلر.
نفسي بورنونون دِشئيئنده اولان فاني ائنسانا آرخالانمايين. اونون نه دَيَري وار کي؟
باخ، قوشونلارين رب تاريسي اورشلئمدن و يهودادان هر بئر يارديم و کؤمهيي کَسه‌جک، يعني بوتون چؤرک و سويو
ائگئدلرله جنگاورلري، حاکئملرله پيغمبرلري، فالچيلارلا آغساقّاللاري،
اَلّي‌باشي‌لارلا آدلي-سانلي آداملاري، مصلحتچئلري ائله اوستا صَنَتچئلري، و ماهئر سحربازلاري آرادان گؤتورهجک.
اوشاقلاري اونلارين اوستونه باشچي قوياجاغام، کؤرپهلر اونلارا حؤکمرانليق ادهجکلر.
خالق سئتم آلتيندا اولاجاق، ائنسان ائنسانا، قونشو قونشوسونا سئتم ادهجک. جاوان قوجا ائله، عاوام آدام مؤحترم ائنسانلا حياسيز رفتار ادهجک.
عايئله‌ده قارداش قارداشا ساريليب دئيهجک: "سنئن هچ اولماسا، اَينئنه گِيميه پالتارين وار. باشچيميز اول، قوي بو خاراباليقلار سنئن اَلئنئن آلتيندا اولسون!"
او گون بو آدام اعتئراض ادئب دئيهجک: "من يارالارينيزي ساريماغي باجارمارام، چونکي اِوئمده نه يمک، نه ده پالتار وار، منی خالقين باشچيسي قويمايين."
اونا گؤره کي، اورشلئم تئترهيئب، يهودا ييخيليب، چونکي سؤزلري و عمللري ربّئن ضئدّئنهدئر، اِله کي، اونون شؤوکتلي حوضورونون ضئدّئنه عوصيان اتسئنلر.
اوزلرئنده‌کي ائفاده اونلارين ضئدّئنه شهادت ورئر، سودوم کئمي گوناهلاريني آچيقجا دانيشيرلار، بونو گئزلَتمئرلر. واي اونلارين حالينا! چونکي بو فلاکتي، باشلارينا، اؤزلري گتئردئلر.
صالح آداملارا ديئن کي، اونلارا ياخشيليق ادئلهجک، چونکي اونلار ياخشيليقلارينين بهره‌سئني يئيه‌جکلر.
پئس آدامين واي حالينا! اونا پئسلئک اولوناجاق، اِله‌دئيي عمللري اؤز قاباغينا چيخاجاق.
ای خالقيم! اونلارا ظولم ادن، اوشاقلاردير، اونلارين اوستونه آروادلار حؤکم سورور! ای خالقيم! سنه يول گؤرسه‌دنلر، سني آزديريرلار، يوللاريني دولاشديريرلار!
رب محکمهسئني قورماق اوچون قالخير، خالقلاري موحاکئمه اتمک اوچون دورور.
رب خالقينين رهبرلرئني، باشچيلاريني محکمهيه گتئرئر: "سئزسئنئز اوزوم باغيني يِيئب اودان، کاسيبلاردان تالان اتدئيئنئز ماللا اِولرئنئزي دولدوران.
نه حاقلا خالقيمي آياق آلتيندا اَزئب يوخسوللارا عذاب ورئرسئنئز؟" بونو قوشونلارين پروردئگاري رب اعلان ادئر.
بوندان علاوه رب ديئر: "صَحيون قيزلاري تکبّورلودورلر، بويلانا-بويلانا گَزئرلر، گؤز-قاش اويناديرلار، قدملرئني نازلا آتيرلار، آياقلارينداکي خالخال‌لاري جئنگئلده‌دئب يِرئيئرلر.
بونا گؤره ده پروردئگار صَحيون قيزلارينين باشلارينا قوتور سالاجاق. رب عاييب يِرلرئني آچيب گؤرسدهجک.
او گون پروردئگار توپوقلارا تاخيلان بئلرزئکلرئنئن، گونشچه‌لرئني، آيپارا شکئلي بويونباغي‌لارينين گؤزل‌لئيئني اونلاردان محو ادهجک؛
گوشوارالاريني، قولباقلاريني، اؤرپَکلرئني،
باشليقلاريني، توپوقبَندلرئني، قورشاقلاريني، عطئرله دولو موجرولرئني، طئلسئملَنمئش بَزَک اشيالاريني،
اوزوکلرئني، بورون حالقالاريني،
بايرام شئنِل‌لرئني، اوست پالتارلاريني، اؤرتوکلرئني، پول چانتالاريني،
گوزگولرئني، کتان لئباسلاريني، باش سارقي‌لاريني و اؤرپَکلرئني اَللرئندن آلاجاق.
او واخت گؤزل عطئر ائيسي يرئنه، پئس قوخو، قورشاق عوضئنه ائپ، گؤزل دارانميش ساچ عوضئنه کِچَل باش، نفئس توخونموش پالتار عوضئنه چول گِيئنئله‌‌جک، گؤزللئک عوضئنه داغلاما اولاجاق.
کئشئلرئنئز قيلينج آغزينا دوشوب ييخيلاجاقلار، ائگئدلرئنئز دؤيوشده محو اولاجاقلار.
صَحيونون دروازالاري ناله چکئب ياس توتاجاق، بو شهر ترک ادئلمئش، قورو يرده اوتوراجاق.
او گون يدّي آرواد بئر کئشئنئن ياخاسيندان توتوب بله دئيهجک: "اؤز چؤره‌يئمئزي يِيئب، اؤز پالتاريميزي گِيئنه‌رئک، آنجاق آدين اوستوموزده اولسون، خجالتدن بئزي قورتار."
او گون ربّئن شاخه‌سي گؤزل و شؤوکتلي اولاجاق، ائسرايئل خالقيندان خئلاص اولوب صاغ قالانلار، تورپاغين وردئيي بهره ائله فخر ادئب شرفلنه‌جکلر.
صَحيوندا، يعني اورشلئمده صاغ قالانلارا، اورادا قيد اولونوب ياشايانلارا، "موقدّس" ديئلهجک.
پروردئگار صَحيون قيزلارينين نجئسلئيئني يويان زامان، عدالت و آلوو روحو ائله اورشلئمي قاندان تمئزلَيه‌جک.
سونرا رب صَحيون داغينين هر يانيني، اورادا ييغيلانلارين اوستونو، گوندوز بولودلا، گجه ده توستو و پارلاق آلوولا اؤرته‌جک. حقئقتن، اونون عظمتي شهرئن اوستونه اؤرتوک اولاجاق.
بو، بئر چارداق، گوندوزون ائستئسئنده کؤلگه، طوفان اؤنونده، ياغيش قاباغيندا سيغيناجاق يري اولاجاق.
قوي ائندي سِوگئلئمه بئر نغمه اوخويوم، اونون اوزوم باغي بارهده محبّت نغمه‌سئني: تورپاغين بار ورن بئر تپه‌سئنده، سِوگئلئمئن بئر اوزوم باغي واري ائدي.
او، تورپاغي بِل‌له‌يئب داشلاري کنارا آتدي، سِچمه مِينه‌لر اَکدي، اورتادا کشئکچي بورجو تئکدي، اوزوم سيخماق اوچون بئر چوخور قازدي، و باغين ياخشي اوزوم ورمه‌سئني گؤزلهدي. آمّا باغ، ياوا اوزوم گتئردي.
"ائندي، ای اورشلئمده ياشايانلار، ای يهودا خالقي، منئمله اوزوم باغيمين آراسيندا حؤکم ادئن!
باغيم اوچون اتمه‌دئيئم نه قالدي؟ اوزوملويون باريني گؤزلَيَرکَن، نه اوچون باغيم ياوا اوزوم گتئردي؟
ائندي قوي من سئزه باغيملا نه اده‌جيئمي بئلدئرئم: چَپَرئني سؤکه‌جيم و مِينه‌لرئني حيوانلار يِيئب-قورتاراجاق، دوواريني ييخاجاغام و آياق آلتيندا تاپدالاناجاق.
اوراني وئرانه‌لئيه چِوئره‌جيم، اورا بودانماياجاق، بِل‌لَنمَيه‌جک. اورادا تئکان و قانقال بئته‌جک، بولودلارا دا امر ادهجيم کي، اوستونه ياغيش ياغماسين."
چونکي قوشونلار ربّئنئن اوزوم باغي ائسرايئل نسلي‌دئر، يهودا آداملاري دا اونون سِوئملي مِينه‌لرئدئر! بلجه، او، عدالت گؤزلهدي، آمّا باخ، قان تؤکمک گؤردو، او، صالحلئک گؤزلهدي، آمّا باخ، پرئشانليق فريادي اشئتدي!
واي او آداملارين حالينا کي، يِر قالمايانا قدر اِوي اِوه، زَمئني زَمئيه بئرلَشدئرئرلر! اِله کي، سئز بو تورپاغين اورتاسيندا تک ياشاياسينيز!
قوشونلارين ربّئنئن بله آند ائچدئيئني اشئتمئشم: "حتّا بؤيوک و ياراشيقلي اِولر ده بومبوش قالاجاق، ائچئنده ياشايان اولماياجاق.
اوزوملويون اون ساحه‌سئندن آنجاق بئر بَت شراب حاصئل اولوناجاق، بئر حومِر توخومدان، بئر اِفا تاخيل عمله گلهجک."
واي او آداملارين حالينا کي، سحر اِرکَن قالخيب عرق دالينا دوشورلر، گجه ياريسيناجاق شراب ائچئب کِفله‌نئرلر!
اونلارين ضئيافتلرئنده طنبور، چنگ، دف و ني چالينير، شراب ائچئلئر، لاکئن اونلار ربّئن گؤردويو ائشلره دئقّت اتمئرلر، عمللرئنه باخميرلار!
بونا گؤره خالقيم معرئفتسئزلئيئندن اسئرلئيه گِدئر، اونون آدلي-سانلي آداملاري آجيندان اؤلور، عاوام دا سوسوزلوقدان يانير!
بونا گؤره اؤلولر دئياري بوغازيني گِنئشله‌دئب، آغزيني حددن آرتيق آچيب. اورشلئمئن آدلي-سانلي‌لاري، عاواملاري، سَس-کويله کِف ادن ائنسانلاري بو دئيارا اِنهجک.
عاوام آدام آلچالديلاجاق، آدلي-سانلي آدام دئزه دوشدوروله‌جک، تکبّورلو باخيشلار دا آلچالديلاجاق.
آمّا قوشونلارين ربّی عدالتده اوجالديلاجاق، موقدّس تاري اؤزونو صالحلئکده موقدّس گؤرسدهجک.
او واخت قوزولار اؤز اوتلاقلارينداکي کئمي اوتلاياجاق، وارلي‌لارين وئرانه قالان اِولرئني، ياد اِللی‌لر آلاجاق.
واي او آداملارين حالينا کي، خاطاني يالانلا هؤرولموش ائپلرله چکئرلر، گوناهي دا عارابا ائپلري ائله!
اونلار ديئرلر: "قوي تاري تَلَس‌سئن، اؤز عملئني تِز حياتا کچئرتسئن، بئز ده گؤرَک. قوي ائسرايئلئن موقدّسئنئن نئيّتي عمله گتئرئلسئن کي، بونو بئلَک!"
واي او آداملارين حالينا کي، پئسه ياخشي، ياخشييا پئس ديئرلر، قارانليغي ائشيق، ائشيغي دا قارانليق ساييرلار، آجييا شئرئن، شئرئنه ده آجي ديئرلر!
واي او آداملارين حالينا کي، اؤزلرئني حئکمتلي سانيرلار، اؤزلرئني زئرک ساييرلار!
واي او آداملارين حالينا کي، شراب ائچمکده قهرمانديرلار، ائچکئلري قاريشديريب ائچمکده قووّتلي‌دئرلر!
واي او آداملارين حالينا کي، روشوت آليب تقصئرکارا برائت قازانديريرلار، حاقلي‌لارين حاقّيني اَلئندن آليرلار!
بلجه، نجه آلوو ساماني يِيئب بئتئرَر، نجه کولَش اود ائچئنده بئردن آليشيب يوخ اولار، اونلارين کؤکو ده اِله چورويوب گدهجک، چئچکلري توز کئمي هاوايا سوورولاجاق؛ چونکي قوشونلار ربّئنئن قانونونو ردّ ادئبلر، ائسرايئلئن موقدّسئنئن سؤزونه حقارتله باخيبلار.
بونا گؤره ده ربّئن قضبي اؤز خالقينين ضئدّئنه آلوولانيب، اَلئني اونلارين ضئدّئنه اوزاديب و اونلاري ووروب. داغلار تئترهيئب، مِيئتلري زئبئل کئمي کوچهلره سَرئلئب. بوتون بونلار باش وردئيي حالدا، گئنه ده ربّئن قضبي سؤنمه‌يئب، اَلي حله ده جزالانديرماغا قالخيب.
رب اوزاقدا ياشايان مئلّتلره ده بئر بايراق قوراجاق، فئت سَسي ائله اونلاري يِر اوزونون بوجاقلاريندان سَسلَيه‌جک. باخ، بو مئلّتلر تزلئکله گلهجکلر.
آرالاريندا يورولاني، بودره‌يَني اولماياجاق، نه ياتاني اولاجاق، نه ده يوخويا گده‌ني؛ بِلئنده‌کي کمر آچيلماميش قالاجاق، آياق‌قابي باغي قيريلماميش دوراجاق.
اونلارين اوخلاري ائتي، کامانلاري دا چکئلمئشدئر. آتلارينين ديرناقلاري چاخماق داشينا بَنزَر، دؤيوش عارابالارينين تَکَرلري فيرلانان يِل کئمئدئر.
اونلارين نعره‌سي دئشي آصلان کئميدئر، جاوان شئر کئمي باغيرير، شئکاريني قاپيب گؤتورَرکَن خورولدايير، کئمسه اوولاريني پنجه‌لرئندن قورتارمير.
او گون اونلار ائسرايئلئن ضئدّئنه دهنزئن خورولتوسو کئمي گورلاياجاقلار. کئم اؤلکهيه باخسا، باخ، ظولمت و پرئشانليق گؤرهجک. اونلارين بولودلاري ائله حتّا ائشيق اؤرتولوب ظولمت دوشهجک.
پادشاه عوزئيّا اؤلَن ائل، من پروردئگاري گؤردوم. او، اوجا و عظمتلي تختده اوتورموش و پالتارلارينين اَته‌يي معبدئن دؤشَمه‌سئني اؤرتموشدو.
اونون باشي اوستونده سِرافلار دايانميشديلار. هر بئرئنئن آلتي قانادي وار ائدي. قانادلارينين ائکئسي ائله اوزلرئني اؤرتوردولر، ائکئسي ائله آياقلاريني اؤرتوردولر، ائکئسي ائله ده اوچوردولار.
بئري او بئرئني سَسله‌يئب ديئردي: "موقدّسدئر، موقدّسدئر، موقدّسدئر قوشونلار رَبّئ! بوتون ير اوزو اونون عظمتي ائله دولودور."
سِرافلارين سَسئندن قاپينين چرچئوه‌لري و کاندارلار تئترهدي، معبد توستو ائله دولدو.
او واخت ددئم: "واي منه، هلاک اولدوم! چونکي دوداقلاري نجئس بئر آدامام، هم ده نجئس دوداقلي آداملار آراسيندا ياشاييرام. چونکي گؤزلرئم پادشاهي، قوشونلار ربّئني گؤروب."
او واخت سِرافلاردان بئري منه طرف اوچدو، اَلئنده کؤز کؤمور وار ائدي کي، ماشا ائله قوربانگاهدان گؤتورموشدو.
او، کؤزله دوداقلاريما توخونوب ددي: "باخ، بو کؤز دوداقلارينا دَيئب؛ تقصئرئن سئلئنئب، گوناهين کفّاره اولونوب."
سونرا پروردئگارين سَسئني اشئتدئم: "کئمي گؤنده‌رئم؟ بئزئم اوچون کئم گدهجک؟" او واخت ددئم: "من حاضيرام. منی گؤندَر."
او ددي: "گت، بو خالقا بونو چاتدير: «اشئتدئکجه اِشئده‌جکسئنئز، آمّا آنلاماياجاقسينيز، گؤردوکجه گؤرهجکسئنئز، آمّا قانماياجاقسينيز.
بو خالقين اوره‌يئني کوتلَشدئر، قولاقلاريني کار ات، گؤزلرئني يوم، مبادا گؤزلري ائله گؤرسونلر، قولاقلاري ائله اشئتسئنلر، اورَکلري ائله آنلاسينلار، و منه ساري دؤنوب شفا تاپسينلار.»
او واخت ددئم: «نه واختاجاق، ای پروردئگار؟» او جاواب وردی: «او زاماناجاق کي، شهرلر خاراباليقلارا دؤنوب کئمسه‌سئز قاليب، اِولر آدامسيز، بو تورپاق دا بوسبوتون وئرانه‌يه دؤنوب.»
رب آداملاري چوخ اوزاقلارا کؤچوردوب، اؤلکهنئن آراسيندا ترک ادئلمئش يِرلر چوخدور.
خالقين اوندا بئري قالسا دا، اؤلکه يانيب محو اولاجاق. چؤل پوسته‌سي و پاليد آغاجي کئمي موقدّس نسئل کؤتويوندن چيخاجاق."
عوزئيّا اوغلو يوتام اوغلو يهودا پادشاهي آخازين حؤکم سوردويو دؤورده، اَرام پادشاهي رِصئنله ائسرايئل پادشاهي رِمَليا اوغلو پِقَخ اورشلئمه هوجوم اتدئلر، آمّا اوراني آلا بئلمه‌دئلر.
داوود نسلئنه خبر ورئلدي کي، "اَراملي‌لار اِفرايئمده قوشون دوزهلدئب اوردو قوروبلار." پادشاهين و خالقين اوره‌يي، مِشه آغاجلاري کولَکدن تئتره‌يَن کئمي تئترهدي.
رب اِشَعيايا ددي: "ائندي آخازي پئشواز اتمک اوچون اوغلون شِعار-ياشوبلا بئرلئکده يوخاري حوووضون سو يولونون آخيرينا، پالتار آغاردان زَمئسئنه گِدن يولا چيخ."
اونا بله دِه: "دئقّتلي و ساکئت اول. قورخما! قوي اوره‌يئن بو ائکي توستوله‌نَن، ياريسي يانميش اودون پارچاسيندان يعني رِصئن، اَرام و رِمَليا اوغلونون آلوولانان قضبئندن قورخماسين!
چونکي اَرام، اِفرايئم و رِمَليا اوغلو سئزئن ضئدّئنئزه شر قوراراق بله ديئر:
«گلئن، يهودانين ضئدّئنه چيخاق و خالقي قورخودوب اؤلکهني اَله کچئردک و طَبي‌اِل اوغلونو اورايا پادشاه قوياق.»"
بونا گؤره پروردئگار رب بله ديئر: "بو ائش اولماياجاق، باش توتماياجاق.
چونکي اَرامين پايتختي دَمَشقدئر، دَمَشقئن باشچيسي دا رِصئندئر. اِفرايئم آلتميش بش ائلدن سونرا دارماداغين ادئلئب، مئلّت اولاراق قالماياجاق.
اِفرايئمئن پايتختي سامئره‌ده‌دئر، سامئرهنئن باشچيسي دا رِمَليانين اوغلودور. اگر ائماندا مؤحکم دورماياسينيز، داوام گتئره بئلمزسئنئز."
رب گئنه آخازلا دانيشيب اونا ددي:
"تارين ربدن بئر علامت ائسته؛ قوي اؤلولر دئياري قدر درئن يا دا گؤيلر قدر اوجا اولسون."
لاکئن آخاز جاواب وردی: "ائستمه‌جيم، ربّی ده ائمتاحان اتميه‌جيم."
بونون اوستوندن اِشَعيا بله ددي: "اِشئدئن، ای داوود نسلي! ائنسانلاري بِزدئرمه‌يئنئز بس مگر ديئل کي، منئم تاريمي دا بِزدئرئرسئنئز؟
بونا گؤره ده پروردئگار اؤزو سئزه بئر علامت ورهجک: باخ، باکئره قيز بويلو اولوب اوغلان دوغاجاق، آديني عئمانوعِل قوياجاق.
بو اوشاق پئسي ياخشيدان آييران ياشا چاتديقدا، کره و بال يئيهجک.
آمّا بو اوشاق ياخشيني پئسدن آييران ياشا چاتمادان، سني دهشته سالان او ائکي پادشاهين تورپاقلاري بوش قالاجاق.
رب سنه، خالقينا، و آتا نسلئنه اِله گونلر گتئرهجک کي، اِفرايئمئن يهودادان آيريلديغي بو گونه قدر گؤرونمه‌يئب. آشور پادشاهيني اوستونوزه گتئرهجک.
او واخت گلنده رب فئت چالاجاق و مئصئر چايلارينين اوزاق يِرلرئنده ياشايان مئلچه‌يي، آشور تورپاقلاريندا ياشايان آريني سَسلَيه‌جک.
اونلار آخين-آخين گلئب درئن وادئلرده، قايا ياريقلاريندا، بوتون تئکانلي کوللوقلاردا، اوتلاقلاردا ساکئن اولاجاقلار.
او گون پروردئگار فَراتين او تاييندان اوجرَتله توتدوغو اولگوجله، يعني آشور پادشاهي ائله، ساچلارينيزي، باجاقلارينيزين توکلرئني و ساقّاللارينيزي قيرخاجاق.
او گون بئر بوزوولا بئر جوت قويون بَسله‌يَن
آلديغي بول سود نتئجهسئنده کره ياغي يئيهجک. اؤلکهده قالان هر کس کره ياغي ائله بال يئيهجک.
او گون مئن گوموش دَيَرئنده مئن تَنَک اولان باغ، تئکانلي، قانقاللي چؤله دؤنهجک.
آداملار اورالاردان اوخلارلا، کامانلارلا کچه‌جکلر، چونکي اؤلکهنئن هر ياني تئکان و قانقاللا اؤرتولَنه‌جک.
او تپهلره کي، بئر واخت شوخوملانيب اَکئلَردي، هچ کس تئکان و قانقال قورخوسوندان گده بئلميهجک؛ اؤکوزلرئن گَزدئيي يِرلره، قويونلارين تاپدالاديغي يِرلره چِورئله‌جک."
او واخت رب منه بله ددي: "بؤيوک بئر لؤوحه گؤتور و اوستونده آيدين حرفلرله ياز: مَهِر شَلال خاشبَز.
کاهئن اورئيا ائله يِبِرِکيا اوغلو زَکَرياني اؤزومه اِعتئبارلي شاهئد سِچه‌جيم."
سونرا من نَبئيه ائله ياخينليق اتدئم و او بويلو اولوب بئر اوغلان دوغدو. رب منه ددي: "اونون آديني مَهِر شَلال خاشبَز قوي.
چونکي کؤرپه «آتام، آنام» دِمه‌يي اؤيرَنمه‌دن، دَمَشقئن ثروتي و سامئرهنئن قنئمتي آشور پادشاهينا آپاريلاجاق."
رب منئمله گئنه دانيشيب بله ددی:
"بو خالق ساکئت آخان شئلواَخ سولاريني ردّ ادئب، رِصئنله رِمَليانين اوغلونا مِيل سالديقلارينا گؤره،
باخ، پروردئگار، فَراتين جوشان قودرتلي سولاريني، يعني آشور پادشاهي و اونون قووّتئني بو خالقين اوستونه گتئرهجک. بو سولار اؤز ياتاقلاريندان يوخاري قالخاراق آشيب داشاجاق.
بو سولار يهوداني بورويوب باساجاق، اؤلکهنئن بوغازينا قدر چاتاجاق. قانادلارينين آچيليشي سنئن اؤلکهني باشدان-باشا اؤرته‌جک، ای عئمانوعِل!"
قيريلين، ای خالقلار، دارماداغين اولون! ای يِر اوزونون بوتون اوزاق اؤلکهلري، اِشئدئن! دؤيوشه حاضيرلاشين و دارماداغين اولون! بلی، دؤيوشه حاضيرلاشين و دارماداغين اولون!
بئرلئکده مصلحتله‌شئن، لاکئن بوشا چيخاجاق؛ ائسته‌دئيئنئز قدر دانيشين، آمّا هچ بئر سؤز دوغرو اولماياجاق، چونکي تاري بئزئمله‌دئر.
رب گوجلو بئر قووّتله منئمله دانيشيب امر اتدي کي، بو خالقين توتدوغو يوللا گتمه‌يئم. و ددی:
"دِمَيه‌جکسئنئز: بو دسئسه‌دئر! بوتون او شيلر حاقّيندا کي، بو خالق اونو دسئسه چاغيرير. اونلارين قورخدوقلاريندان قورخمايين، لرزهيه گلمه‌يئن.
قوشونلار ربّئني موقدّس سايمالي‌سينيز، سئزئن قورخونوز او اولاجاق، سئزئن لرزه‌‌نئز او اولاجاق!
او، موقدّس مکان اولاجاق، آمّا ائسرايئلئن ائکي پادشاهليغينا ييخان داش و بودرهمه قاياسي، اورشلئم ساکئنلرئنه تله و تور اولاجاق.
بئر چوخلاري بودرهيهجکلر، ييخيليب قيريلاجاقلار، تلهيه دوشوب اسئر آپاريلاجاقلار."
شهادتي ساخلا، تعلئمي شاگئردلرئم آراسيندا مؤهورله!
يعقوب نسلئندن اوزونو گئزله‌دن ربّی گؤزلَيه‌جيم؛ اونا اومئدله باخاجاغام.
باخ، من و ربّئن منه وردئيي اؤولادلار، ائسرايئلده قوشونلار ربّئنئن نئشانه‌لر و عجايئبلرئيئک، او رب کي، صحيون داغيندا ساکئندئر.
سئزه بعضی آداملار دئيَنده کي، «پيچيلداييب ميرتيلدايان جئندارلارلا، روح‌چاغيرانلارلا مصلحتله‌شئن»، اونلارا بله جاواب ورئن: «مگر خالق اؤز تاريسيندان مصلحت آلمامالي‌دير؟ دئرئلر بارهسئنده مگر اؤلولردن مصلحت آلارلار؟
تارينين تعلئمئنه و شهادتئنه دؤنمَک گرک! اگر اونلار تارينين کلامي موطابئقئنه دانيشماسالار، اونلار اوچون نور شفقي ساچماياجاق.
اونلار چارهسئز و آج قاليب، اؤلکهني دولانيب گَزه‌جکلر. آج قالاندا قضبلَنه‌جکلر، يوخارييا باخارکن پادشاهلاريني و اؤزلرئنئن تاريسيني لعنتلَيه‌جکلر.
سونرا يِره نظر سالاجاقلار، و باخ، سيخينتيدان، قارانليقدان، و قورخونج پرئشانليقدان باشقا هچ بئر شي گؤرميه‌جکلر. قالين ظولمته آتيلاجاقلار."
لاکئن سيخينتي چکمئش خالق آرتيق ظولمتده قالماياجاق؛ تاري کِچمئشده زِبولون و نَفتالي بؤلگه‌لرئني ذلئل اتمئشدي، لاکئن گلهجکده دهنز کناري يولوندا، اوردون چايينين او بئري تاييندا، و موختلئف مئلّتلر ياشايان جَلئله شرف ورهجک.
ظولمتده ياشايان خالق بؤيوک بئر ائشيق گؤرهجک. اؤلوم کؤلگهسي دئياريندا ساکئن اولانلارين اوستونه نور ساچاجاق.
يارب، مئلّتي چوخالديب سِوئنجلرئني آرتيراجاقسان، اَکئب-بئچَنلرئن فَرَحلَندئيي کئمي، قنئمت بؤلَنلرئن سِوئندئيي کئمي، اونلار دا سنئن حوضوروندا سِوئنه‌جکلر.
چونکي اونلارا يوک اولان يوغو، چئيئنلرئني دؤيَن دَيَنه‌يئني، اونلارا ظولم ادنلرئن دَيَنه‌يئني سينديريبسان؛ مئديانليلارين باشلارينا گتئردئيئن گون کئمي.
چکمه‌لي جنگاورئن دؤيوشده گِيدئيي چکمه، قانا بولانميش پالتار يانديريلماق اوچون اولاجاق، اودا يِم اولاجاق.
چونکي بئزئم اوچون بئر کؤرپه دوغولاجاق، بئزه بئر اوغول ورئلهجک، حاکئمئيّت اونون چئيئنلري اوستونده اولاجاق، اونون آدي اَعلا مصلحتچي، قودرتلي تاري، ابدی آتا، صولح شاهزاده‌سي چاغيريلاجاق.
حاکئمئيّتئنئن و اَمئن-آمانليغينين آرتماسينين آخيري اولماياجاق، او، داوودون تختي و سلطنتي اوستونده حؤکم سورهجک، او، حاکئمئيّتئني عدالتله و صالحلئکله ائندئدن ابده کئمي قوراجاق. قوشونلار ربّئن قيرتي بونو ادهجک.
پروردئگار، يعقوبون ضئدّئنه بئر سؤز گؤنده‌رئر، و او ائسرايئلئن اوستونه دوشور.
بوتون خالق بونو بئلئر، يعني اِفرايئمئن و سامئرهنئن ساکئنلري. بو مغرور و تکبّورلو خالق بله ديئر:
"کَرپئج اِولرئمئز ييخيليب، آمّا يونما داشدان اِولر تئکه‌رئک. وحشي انجئر آغاجلاري کَسئلئب، آمّا بئز اونلارين عوضئنه سئدر آغاجلاري اَکه‌رئک."
بونا گؤره رب، رِصئنئن خصملرئني اونلارين ضئدّئنه قالديرير، دوشمنلرئني دئرچَلدئر،
اَراملي‌لار شرقدن، فئلئسطلی‌لر قربدن؛ اونلار آغيزلاريني آچيب ائسرايئلي اودورلار. بوتون بونلار باش ورن حالدا، گئنه ده ربّئن قضبي سؤنمور، اَلي حله ده جزالانديرماغا قالخيب.
آمّا خالق اونو جزالانديران ربّه طرف دؤنمور، قوشونلار ربّئني آختارمير.
بونا گؤره رب ائسرايئلدن باشي و قويروغو، هم خورما آغاجينين بوداغيني، هم ده قارغيني بئر گونده کَسئب آتير.
باش، آغساقّال و حؤرمتلي بئر کئشئدئر، قويروق دا يالان تعلئم ورن پيغمبردئر.
چونکي بو خالقا يول گؤرسدنلر اونلاري آزديريرلار، اونلارين يولو ائله گِدنلر قيريليرلار.
بونا گؤره ده پروردئگار اونلارين جاوانلارينا گؤره سِوئنمَيه‌جک، يِتئملرئن و دول آروادلارين حالينا يانماياجاق. چونکي هامي نجئسدئر، شر ائشلر گؤرور، هامينين آغزيندان آخماق سؤزلر چيخير. بوتون بونلار باش ورن حالدا، گئنه ده ربّئن قضبي سؤنمور، اَلي حله ده جزالانديرماغا قالخيب.
چونکي پئسلئک اود کئمي آلوو چکئر، تئکانلا قانقالي يانديريب کول ادئر، مِشه‌ده‌کي کوللوقلاري دا اودا چکئر، توستو سوتونوندا گؤيه قالخيرلار.
قوشونلار ربّئن قضبي اؤلکهني اود کئمي يانديرير، خالق آلوو اوچون يِمدئر، قارداش قارداشا رحم اتمئر.
صاغدا اولانلاري قاپيب يِيئرلر، آمّا حله ده آجديرلار، سولدا اولانلاري يِيئرلر، لاکئن دويمورلار؛ هر کس اؤز قولونون اَتئني يِيئر.
مِنَسّه اِفرايئمي اودور، اِفرايئم مِنَسّه‌ني. سونرا بئرلئکده يهودانين ضئدّئنه قالخيرلار. بوتون بونلار باش ورن حالدا، گئنه ده ربّئن قضبي سؤنمور، اَلي حله ده جزالانديرماغا قالخيب.
واي شر قايدالار قورانلارين حالينا، دايئمن عدالتسئز قانون قويانلارين،
يوخسوللاردان عدالتي اسئرگه‌‌‌يَنلرئن، خالقيمين کاسيبلارينين حاقّيني اَللرئندن آلانلارين، دول آروادلاري سويانلارين، يِتئملرئن ماليني تالان ادنلرئن.
جزا گونو اوزاقلاردان باشينيزا بلا گلنده نه ادهجکسئنئز؟ کؤمک اوچون کئمئن يانينا قاچاجاقسينيز؟ مال-دؤولتئنئزي هارادا ساخلاياجاقسينيز؟
اسئرلر آراسيندا اَيئلمکدن و يا اؤلدورولَنلر آراسيندا ييخيلماقدان آيري بئر چاره قالمايير. بوتون بونلار باش ورن حالدا، گئنه ده ربّئن قضبي سؤنمور، اَلي حله ده جزالانديرماغا قالخيب.
"واي، آشورون حالينا، او منئم قضب عصام، اونلارين اَلئنده‌کي دَيَنَک ده منئم قِيضئمدئر!
آشورو نجئس مئلّتئن اوستونه گؤندرهجيم؛ قضبلَندئيئم خالقين اوستونه هوجوم اتمه‌يه، قارت اتمه‌يه، تالان مالي گؤتورميه گؤنده‌ره‌جيم. اونلاري کوچه‌لرده‌کي پالچيق کئمي تاپدالاماغا امر ورهجيم.
آمّا آشور پادشاهي بوندان دا پئسئني دوشونور، محو ادئب بئر-بئر چوخ مئلّتئن کؤکونو کَسمه‌يي فئکئرله‌شئر.
او ديئر: «مگر سرکرده‌لرئمئن هاميسي پادشاهلار ديئل؟
مگر کَلنو، کَرکِمئش کئمي ديئل؟ خَمات، اَرپَد کئمي، سامئره ده دَمَشق کئمي؟
بوتپرست مملَکتلري نجه اَله کچئردئم، او مملکتلري کي، اورشلئمله سامئرهدن داها چوخ اويما بوتلري وارلاري ائدي.
سامئره‌يه و اونون بوتلرئنه نه اتدئم، مگر اورشلئمه و اونون بوتلرئنه ده اِله اتمه‌رم؟»"
پروردئگار صحيون داغيندا و اورشلئمده ائشئني بئتئرندن سونرا بله دئيهجک: "آشور پادشاهيني، کئبئرلي اوره‌يئنه گؤره، تکبّورلو باخيشلارينا گؤره جزالانديرجاغام.
چونکي ديئب: «بونو من اَلئمئن گوجو ائله، حئکمتئمئن قووّتي ائله اتدئم. چونکي عاغيليم وار، خالقلارين سرحدلرئني يوخ اتدئم، خزئنهلرئني ده تالان اتدئم، گوجلو بئر جنگاور کئمي اونلارين ساکئنلرئني يِره ييخديم.
قوش يوواسينا چاتان کئمي، اَلئم خالقلارين وار-دؤولتئنه چاتدي. يئيه‌سئز يومورتالاري ييغان بئر شخص کئمي، بوتون دونياني ضبط اتدئم. قاناد چيرپان، آغزيني آچيب سَسئني چيخاردان بِله، اولمادي.»"
بالتا مگر اونو ائشلَده‌نئن قاباغيندا فخر اِدَر؟ اَره مگر اونو قالديرانين قاباغيندا کئبئرله‌نَر؟ سانکي دَيَنَک اونو گؤتوره‌ني ائشله‌دئر، اِله بئل آغاجدان دوزه‌لمئش دَيَنَک جانليني حرکت اتدئرئر.
بونا گؤره قوشونلار پروردئگاري رَب، آشورون گوجلو عسگرلرئنه اؤلومجول مرض گؤندره‌جک، اونون جلالي آلتيندا بئر اود توتوشوب آلوولانار.
ائسرايئلئن نورو اود، ائسرايئلئن موقدّسي آلوو اولاجاق. آشورون تئکانلار و قانقاللاريني بئر گونده يانديريب يوخ ادهجک.
گؤزل مِشه‌لرئني، بار ورن باغلاريني، کامئل وئران ادهجک، آغير ناخوشلوغا توتولان ائنسانين بوتون جاني کئمي اَرئيئب گدهجک.
مِشه‌لرئنده قالان آغاجلارين سايي او قدر آزا اولاجاق کي، بئر اوشاق اونو سايا بئلر.
او گون ائسرايئلئن صاغ قالانلاري، يعقوبون نسلئندن خئلاص اولوب صاغ قالانلار، آرتيق اونلاري هلاک ادنلره بِل باغلاماياجاقلار. لاکئن، حقئقتن، ربّه، ائسرايئلئن موقدّسئنه بِل باغلاياجاقلار.
صاغ قالانلار يعقوب نسلئندن صاغ قالانلار قودرتلي تارييا طرف دونه‌جکلر.
ای ائسرايئل، خالقين دهنز قومو قدر چوخ اولسا بِله، اونلارين آراسيندان آنجاق بئر آزي دؤنهجک. توکَنمَز عدالتله داغيديلما حؤکمو ورئلئب.
قوشونلار پروردئگاري رب، داغيديلما حؤکمونو بوتون دونيادا يرئنه يتئرهجک.
بونا گؤره ده قوشونلار پروردئگاري رب بله ديئر: "ای صحيوندا ياشايان خالقيم، مئصئرلی‌لرئن سنه اتدئيي کئمي، سني دَيَنَکله ووران، اوستونه دَيَنَک قالديران آشورلولاردان قورخما.
چونکي بو ياخيندا قضبئم سؤنه‌جک، حئدّتئم آشورلولارين محوئنه سبب اولاجاق."
قوشونلار ربّي، مئديانليلاري عورِب قاياسيندا ووردوغو کئمي، اونلاري دا شاللاقلا ووراجاق. دَيَنه‌يي مئصئرلی‌لرئن ضئدّئنه نه جور دهنزئن اوستونه اوزاتدي، ائندي ده اِله ادهجک.
او گون آشورون يوکو چئينئزدن، يوغو بوينونوزدان گؤتورولهجک. ياغدان اؤتری يوغ قيريلاجاق.
اونلار عَيّت شهرئنئن ضئدّئنه گلئبلر، مئگرونو کِچئبلر؛ مئکماسدا يوکلرئني بوشالديبلار.
اونلار کِچئدي کِچئبلر، و ديئرلر: «گِبَع بئزئم گجه قالاجاغيميز يِر اولاجاق، راما شهري دهشته دوشوب، شاعولون شهري گئبعه‌ده ياشايانلار قاچيبلار.
ای گلّئم قيزي، سَسئني اوجالت! ای لَيشا، قولاق آس، ای بِچارا عَناتوت!
مَدمِنا ساکئنلري قاچيب، گِبئم ساکئنلري سيغيناجاق يِر آختارير.
آمّا بو گون ائشغالچيلار نوبدا قالاجاقلار، صحيون شهرئنئن قورولدوغو داغا، اورشلئم تپه‌سئنه يومروق گؤرسه‌دئر.
باخ، قوشونلار پروردئگاري رب، دوشمنی وار گوجو ائله بوداقلار کئمي کَسه‌جک، لاپ اوجا آغاجلاري يِره سَره‌جک، کئبئرلی‌لري آلچالداجاق.
مِشه‌ده‌کي کوللوقلاري بالتا ائله کَسئب يِره سَره‌جک. لوبنان عظمتلي اولانين اَلي ائله ييخيلاجاق.
يَسّه‌نئن کؤتويوندن تزه بئر شاخه چيخاجاق، کؤکوندن چيخان بئر بوداق بار ورهجک.
ربّئن روحو، حئکمت و آنلاييش روحو، نصئحت و قودرت روحو، مَعرئفَت و ربّئن قورخوسو روحو اونون اوستونده اولاجاق.
او، ربّئن قورخوسوندا شادليق تاپاجاق. گؤزلرئنئن گؤردويو ائله حؤکم اتميهجک، قولاغي ائله اشئتدئيئنه گؤره قرار چيخارتماياجاق.
لاکئن او، يوخسوللارا عدالتله حؤکم ادهجک، يِر اوزوندهکي مظلوملارين ائشئنه ائنصافلا قرار چيخارداجاق. دونياني آغزينين دَيَنه‌يي ائله ووراجاق. پئس آداملاري آغزينين نفسي ائله اؤلدورهجک.
صالحلئک اونون بِلئنه قورشاق اولاجاق، صداقتي کمر کئمي تاخاجاق.
او گون قوردلا قوزو بئر يرده ياشاياجاق، پلنگله چَپئش بئرلئکده ياتاجاق، بوزوو، جاوان آصلان و بَسلَنمئش مال-حيوان يان-يانا دوراجاق، اونلاري کئچئک بئر اوشاق گوده‌جک.
ائنَکله آيي بئر يرده اوتلاياجاق، اونلارين بالالاري بئر يرده ياتاجاق، شئر ده اؤکوز کئمي سامان يئيهجک.
سود اَمن کؤرپه صاغير ائلانين يوواسي اوستونده اويناياجاق، سوددن کَسئلمئش اوشاق، اَلئني افعئنئن يوواسينا سالاجاق.
موقدّس داغيمين هچ بئر يِرئنده هچ کئمه ضرر دَيمَيه‌جک، هچ بئر کس او بئرئسئني محو اتميهجک، حقئقتن، سولار دهنزي نجه دولدورور، دونيا دا ربّئن مَعرئفتي ائله اِله دولاجاق.
او گون يَسّه‌نئن کؤکو خالقلارا بايراق اولاجاق، مئلّتلر اونا طرف يؤنَله‌جک، ساکئن اولدوغو يِر شؤوکتله دولاجاق.
او گون پروردئگار آشوردان، مئصئردن، پَتروسدان، کوشدان، عِيلامدان، شئنعاردان، خَماتدان و دهنزئن ساحئللرئندن خالقينين صاغ قالانلاريني قورتارماق اوچون ائکئنجي دفه اَلئني اوزاداجاق.
مئلّتلر اوچون بايراق قالديراجاق، اسئر دوشموش ائسرايئل اؤولادلاريني ييغاجاق، داغيلميش يهودالي‌لاري دونيانين دؤرد بوجاغيندان بئر يِره گتئرهجک.
اِفرايئمئن حسودلوغو يوخ اولاجاق، يهوداني سيخيشديرانلار محو اولاجاقلار. اِفرايئم يهودايا پاخيلّيق اتميهجک، يهودا اِفرايئمي سيخيشديرماياجاق.
اونلارين ائکئسي قربده فئلئسطلی‌لرئن اوستونه هوجوم ادهجکلر، بئرلئکده شرقده ياشايانلارين وار-دؤولتئني قارت ادهجکلر، اِدوم و موآب تورپاقلاريني ضبط ادهجکلر، عَمّونلولار اونلارا تابع اولاجاقلار.
رب مئصئرده‌کي دهنزئن خلئجئني تامامن قوروداجاق. فَرات چايينين اوستونده اَلئني يِل‌له‌دئب يانريريب-ياخان يِل‌لر گتئرهجک، او، چايي يدّي آرخا بؤله‌جک، آداملار اورادان چاريقلارلا کِچه بئلهجکلر.
ربّئن آشوردا صاغ قالان خالقي اوچون بؤيوک بئر چيخيش يولو اولاجاق؛ نجه کي، ائسرايئل اؤولادلاري اوچون مئصئردن چيخان گون اولموشدو.
او گون سن، بله دئيه‌جکسن: "يارب، سنه شوکور ادهجيم! گرچي منه قضبله‌نئردئن، لاکئن قضبئن سؤندو، منه تسلّی ورئرسن.
باخ، تاري خئلاصيمدير، اونا اعتئماد ادهجيم و قورخماياجاغام، چونکي رب تاري قووّتئم و نَغمَمدئر، او منئم خئلاصيم اولوب!"
سِوئنجله خئلاص چشمه‌لرئندن سو چکهجکسئنئز.
او گون بله دئيهجکسئنئز، «ربّه شوکور ادئن، اونون آديني چاغيرين، خالقلار آراسيندا اونون ائشلرئني بيان ادئن، اونون آدينين اوجاليغيني اونلارا خاطيرلادين.
ربّی ترنّومله پرستئش ادئن، چونکي او، مؤحتشم ائشلر گؤروب، قوي بوتون دونيا بونو بئلسئن!
ای صحيون ساکئنلري، سَسئنئزي اوجالدين، سِوئنجله چيغيرين، چونکي آرانيزداکي ائسرايئلئن موقدّسي بؤيوکدور.»
آموص اوغلو اِشَعيايا بابئل حاقّيندا رؤيا ائله نازئل اولان ائخطار:
لوت داغين اوستونه بايراق سانجين! اونلاري بَرکدن سَسله‌يئن، اَل يِل‌له‌دئن کي، اونلار اصئلزادهلره آيريلان قاپيلاردان ائچه‌ري گئرسئنلر.
من موقدّسلرئمه امر ورمئشم، قضبئمي دوشمنلره تؤکمک اوچون جسور جنگاورلري، اوجاليغيملا فخر ادن ائگئدلري ده سَسلهمئشم.
داغلارداکي ائزدئحامين گورولتوسونو اِشئدئن، بو، بؤيوک بئر خالقين سَسئنه بَنزَر. بئر يِره توپلانان سلطنتلرئن، مئلّتلرئن نئداسيني اِشئدئن! قوشونلار رَبّي، قوشونو دؤيوشه چاغيرير!
اونلار اوزاق اؤلکه‌دن، اوفوقلرئن او بئري طرفئندن گلئرلر. اؤلکهني يِرله کامئل يِکسان اتمک اوچون رب و اونون قضبئنئن سئلاحي گلئر.
شئون ادئن، چونکي ربّئن گونو ياخيندير. او گون، قادئري-موطلق طرفئندن گلن قيرغين کئمي گلئر!
بونا گؤره هامينين اَللري يانينا دوشهجک، هر کس قورخوب اوره‌يئني يئيهجک.
اونلاري دهشت بورويه‌جک، درد و ائضطئراب اونلاري اؤزونده بوغاجاق، دوغان آرواد کئمي آغري چکهجکلر، تعجّوبله بئربئرلرئنه باخاجاقلار، اوزلري قيزاراجاق.
باخ، ربّئن آمانسيز، قضبلي و قِيضله دولو گونو ياخينلاشير کي، يري صحرايا دؤنده‌رسئن؛ او، اوراداکي گوناهکارلاري محو ادهجک.
گؤيدهکي اولدوزلار و بورجلر ائشيق ورميه‌جک، دوغان گونش قارالاجاق، آي نورونو ساچماياجاقدير.
رب ديئر: "بلجه دونياني شرارتئنه گؤره، پئس آداملاري تقصئرلرئنه گؤره جزالانديرجاغام. تکبّورلولرئن تکبّورونو ده قيراجاغام، ظاليملارين غورورونو آلچالداجاغام.
ائنساني خالئص قيزيلدان دا آز ادهجيم، بشر اوفئر قيزيليندان داها دا نادئر حالدا تاپيلاجاق.
بونا گؤره ده من، قوشونلار ربّي، حئدّتلي قضبئمئن گونونده، قِيضئمله گؤيلري تئتره‌ده‌جيم، ير اوزو لرزهيه گلهجک.
هر کس قووولان جيرانا، چوبانسيز قويونلارا دؤنهجک، اؤز خالقينين يانينا قاييداجاق، اؤز وطنئنه قاچاجاق.
ياخالانان هر کسئن بدني دلئک-دشئک اولاجاق، توتولان هر کس قيلينج آغزينا ورئلهجک.
کؤرپه‌لري ده اونلارين گؤزلري قاباغيندا پارچالاناجاق، اِولري تالان اولوناجاق، آروادلارينين ناموسونا توخونولاجاق.
باخ، گوموشه قئيمت ورمه‌يَن، قيزيلي سِومه‌يَن مادلي‌لاري اونلارين ضئدّئنه قالديراجاغام.
اوخ جاوانلاري پارچالاياجاق، حتّا کؤرپهلره ده رحم اتميه‌جکلر، اوشاقلارا دا شفقت گؤرسدميه‌جکلر.
پادشاهليقلارين لاپ گؤزَلي اولان، کَلدانئلرئن جلالي اولان بابئل، تارينين سودوملا گوموراني داغيتديغي زامانا بَنزه‌يه‌جک.
اورادا بئر داها هچ کئم ياشاماياجاق، نسئلدن-نسله کئمسه ساکئن اولماياجاق. عَرَبلر چاديرلاريني اورادا قورماياجاقلار، چوبانلار دا سورولرئني اورادا ياتيرتماياجاقلار.
اورا وحشي حيوانلارين ياشاديغي يِر اولاجاق، اِولرئنده چاقّاللار قايناشاجاق، اورادا بايقوشلار مسکن سالاجاق، وحشي کِچئلر اويناشاجاق.
قالالاريندا جاناوارلار چيغيراجاق، گؤزَل سارايلاريندا چاقّاللار اولوياجاق. بابئلئن آخيري ياخينلاشاجاق، اونون گونلري تِز گلئب چاتاجاق."
رب يعقوب نسلئنه رحم ادهجک، ائسرايئل خالقيني گئنه سِچه‌جک، اونلاري اؤز تورپاقلاريندا ساکئن ادهجک، ياداِلّي‌لر ده يعقوب نسلئنه قوشولاجاقلار و اونلارلا بئرلَشه‌جکلر.
آيري خالقلار ائسرايئل خالقيني آپاريب، اؤز يِرلرئنه گتئرهجکلر. ائسرايئل خالقي ربّئن وردئيي تورپاقلاردا اونلاري اؤزلرئنه قول و کنئز ادهجکلر؛ اونلاري اسئر آپارانلاري، اؤزلري اسئر ادهجکلر و اونلارا ظولم ادنلرئن اوستونده حؤکم سوره‌جکلر.
رب سني آغريندان، سيخينتيدان، گؤردويون آغير ائشدن قورتاراندا،
بابئل پادشاهينا لاغ ادئب بله دئيه‌جکسن: "ظولمکارين آخيري گؤر نجه اولوب! قدّارليغين آخيري گؤر نجه اولوب!
رب پئس آداملارين دَيَنه‌يئني، حؤکمدارلارين عصاسيني قيريب.
او عصا کي، دايانمادان خالقلاري قضبله ووراردي، مئلّتلري قِيضله، آمانسيزجا اَزَردي.
ائندي آمّا بوتون دونيا ساکئتلئک و راحاتليق ائچئنده سِوئنجدن هاراي چکئر.
حتّا لوبنانين شام و سئدر آغاجلاري دا سنئن فلاکتئنه سِوئنه‌رَک ديئر: «سنئن اؤلوموندن بَري، هچ کئم بئزي کَسمَيه گلمئر.»
يِرئن آلتينداکي اؤلولر دئياري، سني پئشواز اتمک اوچون صبئرسئزدئر، اؤلولرئنئن روحو، يِر اوزونون اؤلَن بوتون باشچيلاري سنئن اوچون هيجانلي‌دير، مئلّتلرئن بوتون کِچمئش پادشاهلاري تختلرئندن آياغا قالديرير.
هامي جاواب ورئب سنه دئيهجک: «سن ده بئزئم کئمي ضعئف اولوبسان، بئزه بَنزه‌يئبسن!»
جاه-جلالين، چنگلرئنئن سَسي اؤلولر دئيارينا اِندئرئلئب. ياتاغين دا، يورغانين دا مِيئت قوردلاريدير.
ای سحر اولدوزو، طولوع اوغلو، گؤيلردن نجه يِره دوشوبسن! ای مئلّتلري ذلئل ادن، نجه ده يِره ييخيليبسان!
لاکئن سن اوره‌يئنده ددئن: «گؤيلره قالخاجاغام، تختئمي تارينين اولدوزلاري اوستونده اوجالارا يِرلَشدئره‌جيم، شئمالداکي اوجا يرده، ييغين داغيندا اوتوراجاغام،
اوجا بولودلارين اوستونه چيخاجاغام، اؤزومو حاق-تاعالا کئمي ادهجيم.»
آنجاق اؤلولر دئيارينا، اؤلوم چوخورونون درئنلئيئنه اِندئرئلهجکسن.
سني گؤرَنلر گؤزلرئني زئلّه‌يه‌جکلر، سنئن حاقّيندا دوشونوب دئيهجکلر: «دونياني تئتره‌دن، سلطنتلري لرزهيه سالان،
يِر اوزونو صحرايا چِوئرَن، شهرلرئني يِرله بئر ادن، محبوسلاري اِولرئنه بوراخمايان آدام، بو مگر ديئل؟»
بوتون مئلّتلرئن پادشاهلاري، هر بئري اؤز عظمتلي مزاريندا ياتير.
لاکئن سن قيريلميش بوداق کئمي قبرئندن کنارا، اوزاغا آتيليبسان، بئر چوخورون دئبئنه توللانان، بدنلري قيلينجلا دِشئلَن مِيئتلرله اؤرتولوبسن، آياق آلتيندا قالان لِش کئمي‌سن.
باشقالاري کئمي دفن اولماياجاقسان، چونکي اؤز اؤلکهني داغيديب، اؤز خالقيني اؤلدوروبسن. پئسلئک ادن نسئل بئر داها خاطيرلانماياجاق.
آتالارينين گوناهينا گؤره اؤولادلاريني اؤلدورمک اوچون يِر حاضيرلايين کي، اونلار قالخيب دونيايا مالئک اولماسينلار، يِر اوزونو شهرلرله دولدورماسينلار."
قوشونلار ربّی اعلان ادئر: "بابئل خالقينين ضئدّئنه قالخاجاغام. بابئلئن آديني، صاغ قالانلاريني، اوغوللاريني و نسئللرئني يوخ ادهجيم." رب اعلان ادئر.
"بابئلي بايقوش يوواسينا، باتاقليغا چِوئره‌جيم و محو ادن سوپورگه ائله سوپوره‌جيم." قوشونلار ربّی اعلان ادئر.
قوشونلار ربّی آند ائچئب بله ديئر: "دوغرودان دا دوشوندويوم کئمي اولوب و نئيّت اتدئيئم کئمي اولاجاق.
اؤلکَمده آشورلولاري محو ادهجيم و داغلاريمدا اونلاري تاپدالاياجاغام. سونرا خالقيم آشورون يوغوندان، و اونون چئيئنلرئنده‌کي يوکوندن قورتولاجاق.
بوتون دونيا اوچون حاضيرلانان تقدئر بودور؛ بوتون مئلّتلرئن ضئدّئنه قالخميش اَلئم بودور.
چونکي قوشونلار ربّی نئيّت ادئب، کئم اونو بوشا چيخاردا بئلر؟ قالخميش اَلئني کئم گری دؤنده‌ره بئلر؟"
پادشاه آخازين اؤلدويو ائلده بو وحي نازئل اولدو:
"ای بوتون فئلئسطلی‌لر، سِوئنمه‌يئن کي، سئزي دؤيَن دَيَنَک قيريليب؛ چونکي ائلانين کؤکوندن افعي عمله گلهجک، اونون ثمرهسي ده اوچان ائلان اولاجاق.
کاسيبلارين لاپ کاسيبي دوياجاق، مؤحتاجلار اَمئن-آمانليقدا دئنجَله‌جک. سئزئن کؤکونوزو قيتليقلا کَسه‌جيم، صاغ قالانلارينيز دا اؤلدوروله‌جک.
ای دروازا، شئون ات! ای شهر، آغلا! ای بوتون فئلئسطلی‌لر، باشدان-باشا اَرئيئن! چونکي شئمالدان توستو ياخينلاشير، دوشمن عسگرلري سيرا-سيرا گلئر."
مئلّتئن اِلچئلرئنه نه جاواب ورئلهجک؟ "بو کي، رب صحيونون پايالاريني قويوب، اونون خالقينين مظلوملاري اورادا پناه تاپاجاق."
موآب بارهده ائخطار: موآبين آر شهري بئر گجه‌يه خاراباليغا دؤندو، داغيلدي، موآبين قئر شهري بئر گجه‌يه وئرانه‌لئيه دؤندو، داغيلدي.
آغلاماق اوچون معبده، دئبونا، پرستئشگاهلارا گدئبلر. موآب خالقي نِبو و مِيدِبا اوچون شئون ادئر. ياس توتماق اوچون هامي ساچيني کَسئب، ساقّاليني قيرخيب.
چولا بورونه‌رَک کوچهلرده، داملاردا، ميدانلاردا هر کس شئون ادئر، گؤز ياشلاري سل کئمي آخير.
باغيرير خِشبون و اِلعالِه، سَسلري يَهَصه قدر اِشئدئلئر. بونا گؤره موآب عسگرلري شئون ادئر، جانلاري قورخو ائچئنده اَسئر.
اوره‌يئم موآب اوچون باغيرير، اورانين قاچقينلاري صوعَره، عِگلَت-شِلئشئيايا طرف قاچيب. آغلايا-آغلايا لوخئت يوخوشوندان چيخيرلار. خورونه‌يئم يولوندا محو اولدوقلاري اوچون آغلاييرلار.
چونکي نئمرئم سولاري قورودوغو اوچون، اوت سولدو، بئتکئلر قالمادي، آرتيق گؤي-گؤيَرتي يوخ اولدو.
بونا گؤره خالق، قازانديغي مال-دؤولتئني، ييغديغي ثروتئني سؤيودلر وادئسئندن کچئردئر.
خالقين آغلاشماسي موآب تورپاغيني بورويوب، فريادي اِگله‌يئمه‌جک، بِعِر-اِيلئمه‌جک چاتير.
چونکي دئمون سولاري قانلا دولودور؛ قطعن من دئمونون باشينا داها بَتَر بلا گتئره‌جيم، موآبدان قاچيب-قورتولانلارين اوستونه، اؤلکهده صاغ قالانلارين اوستونه آصلان سالاجاغام.
سِلَعدن صحرا يولو ائله صحيون قيزينين داغينا، اؤلکهنئن حؤکمدارينا خراج قوزولاري گؤنده‌رئن.
سونرا موآب قيزلاري يووالاريندان آتيلميش، اورا-بورا اوچان قوشلار کئمي، اَرنون چايينين کِچئدلرئنده اولاجاق.
"بئزه نصئحت ور، بئر قرار ور، گوندوزون گون اورتا ائستئسئنده اوستوموزه گجه کئمي کؤلگه سال، قووولانلاري گئزلَت، قاچقينلاري تسلئم اتمه.
قوي موآبدان قووولانلار سنئنله بئرلئکده ياشاسين، محو ادنلرئن اَلئندن اونلارا پناه يري اول." چونکي قارت ادن قورتاريب، قيرغين يوخدور، ظاليملار اؤلکه‌دن کامئل بئر شکئلده محو اولوبلار،
محبّت ائچئنده بئر تخت قورولاجاق، داوود نسلئندن بئر حاکئم صداقتله اونون اوستونده اوتوراجاق، عدالتي آختاراجاق. صالحلئيي تزلئکله يرئنه يتئرهجک.
موآبليلارين نه دره‌جه‌ده کئبئرله‌نئب لووغالانديقلاريني، نه جور تکبّورلو، مغرور و حئرصلي اولدوقلاريني اشئتدئک، بوش يِره فخر ادئرلر.
بونا گؤره موآب شئون ادهجک؛ هر بئري موآب اوچون باغيراجاق. قئر-خَرِسِتئن کئشمئش لاواشالاريني يادا سالاراق اَزئله‌جکلر.
چونکي خِشبون زَمئلري، سئبما تَنَکلري قورودو. آيري مئلّتلرئن باشچيلاري اونون سِچمه بوداقلاريني قيريبلار؛ او بوداقلار کي، يَعزِره يِتئشئردي، صحرايا چاتيردي، شاخه‌لَنئب دهنزي آشيردي.
بونا گؤره يَعزِرده آغلايانلارلا، سئبما تَنَکلري اوچون آجي-آجي آغلاياجاغام. ای خِشبون و اِلعالِه، سئزي گؤز ياشلاري ائله ائسلانديراجاغام، چونکي سنئنن ياي مئوه‌لرئن اوچون اولان، سنئن محصول واختي ييغيلان بارين اوچون اولان، شَن سَسلرئنئز کَسئلدي.
محصوللو زَمئدن شَنلئک و شادليق سَسي يوخ اولوب، اوزوملوکده نه نغمهلر اوخونور، نه ده شادليق نئدالاري سَسله‌نئر. اوزوم‌سيخانلاردا ائشله‌يَن يوخدور، اونلارين شَن سَسلرئني، من کَسمئشم.
بونا گؤره اوره‌يئم موآب اوچون طنبور کئمي ناله چکئر، قلبئم قئر-حارِس اوچون سيزلايير.
موآب خالقي پرستئشگاهلارينا گده‌رک اؤزونو يورور، دوعا اتمک اوچون موقدّس مکانينا گلئر، آمّا هر شي بوش-بوشونادير!
ربّئن موآب حاقّيندا کِچمئشده ددئيي سؤزو بودور.
آمّا ائندي رب دانيشير و بله ديئر: "تام اوچ ائلئن عرضئنده، ائشه آلينان فحله‌نئن سايديغينا موطابئق، موآبين شؤوکتي چوخسايلي خالقي ائله بئرلئکده ذلئل اولاجاق، صاغ قالانلاري آزالاجاق، صاغ قالانلاري چوخ آز اولوب گوجسوز اولاجاق."
دَمَشق بارهده ائخطار: باخ، دَمَشق عنقرئب شهر اولماقدان گؤتورولهجک، بئر ييغين خاراباليغا دؤنهجک.
عَروعِر شهرلري ترک اولوناجاق. اورالار سورولرئن اوتلاديغي يِر اولاجاق، اونلاري قورخودان اولماياجاق.
اِفرايئمده قالالي شهر قالماياجاق، دَمَشقئن حاکئمئيّتي يوخ اولاجاق، صاغ قالان اَراملي‌لار؛ اونلار ائسرايئل اؤولادلارينين قووّتي کئمي اولاجاقلار. بونو قوشونلار ربّی اعلان ادئر.
او گون يعقوب نسلئنئن شؤوکتي سؤنه‌جک، هاميسي بئر دَري، بئر سوموک قالاجاق.
حتّا اِله اولاجاق کي، اِله بئل بئچئنچي بئتَن تاخيلي بئچئر، باشاقلاري اَلي ائله ييغير، اِله اولاجاق کي، اِله بئل بئري باشاقلاري رِفايئم دره‌سئنده توپلايير.
چوخ آز باشاق بوراخيلاجاق؛ زيتون آغاجي سئلکه‌لَنَندن سونرا، تپه‌سئنده ائکي-اوچ زيتون قالديغي کئمي، بَهَرلي بوداقلاريندا دورد-بش زيتون قالديغي کئمي باشاقلار دا بله قالاجاق. بونو ائسرايئلئن تاريسي رب اعلان ادئر.
او گون ائنسان اؤز يارادانينا نظر سالاجاق، گؤزلري ائسرايئلئن موقدّسئني گؤرهجک.
اَللري ائله ياراتديغي قوربانگاهلارا باخماياجاق، بارماقلاري ائله دوزلتدئيئنه نظر سالماياجاق؛ نه اَشِرا بوتلرئنه، نه ده بوخور قوربانگاهلارينا.
او گون ائستِحکاملي شهرلري کؤللوکده ترک اولونموش يِرلر کئمي، يا دا ائسرايئل اؤولادلارينين قاباغيندا ترک اتدئيي بوداقلار کئمي اولاجاق. اؤلکه بئر وئرانه‌يه دؤنهجک.
چونکي سن، سنه قورتولوش ورن تاريني ياددان چيخارديبسان، پناهگاهين اولان قاياني خاطيرلاماييبسان. بونا گؤره ده سن اجنبي بوتلر اوچون باغ اَکئرسن، اؤزگه آغاجلارين بوداقلاريندان پيوند ادئرسن.
اونلاري اَکدئيئن گون بؤيودورسن، اِرته‌سي گون چئچکلَندئرئرسن، آمّا کَدَرلي، صاغالمايان آغريلي گونده محصول ورميه‌جکلر.
آه، چوخسايلي خالقلارين گورولتوسو دهنزلرئن گورولتوسونه بَنزه‌يئر! مئلّتلرئن نعره‌سي گوجلو سولارين چاغلاييشينا اوخشار!
مئلّتلرئن سَسي بؤيوک سولارين گورولتوسونه بَنزه‌يئر، لاکئن تاري اونلاري توبئخ ادهجک، اونلار اوزاقلارا قاچاجاقلار، کوله‌يئن قاباغيندا تپه‌لئکلرده‌کي سامان چؤپو کئمي، طوفانين قاباغيندا يووارلانان کولَش کئمي قووولاجاقلار.
آخشامچاغي، باخ، دهشت وار، سحر آچيلمادان يوخ اولورلار. بئزي سويانلارين عاقئبتي بو اولاجاق، بئزي قارت ادنلرئن آخيري بو اولاجاق.
آه، قاناد ويزيلتي‌لاري اِشئدئلَن اؤلکهنئن واي حالينا! کوش چايلارينين او طرفئنده يِرلَشَن اؤلکهنئن.
او اؤلکه کي، دهنز يولو ائله، قاميش قاييقلاري ائله اِلچئلر گؤنده‌رئر! ای آياقدان جَلد قاصئدلر، يولا دوشون! چايلارلا بؤلونموش اؤلکهيه گدئن، اوجابويلو، پارلاق دَرئلي مئلّتئن، هر ياندا قورخو دوغوران خالقين، گوجلو و ائشغالچي مئلّتئن يانينا گدئن!
ای بوتون يِر اوزونده ياشايانلار! ای دونيا ساکئنلري! داغلارين اوستونه بايراق دئکه‌لَنده اونو گؤرهجکسئنئز! کَره‌ناي چالينديقدا اونو اِشئده‌جکسئنئز!
چونکي رب منه بله ديئب: "ساکئتجه مسکنئمدن باخاجاغام؛ گونش شوعالاريندان يارانان قيزمارليق کئمي، بئچئن واختينين ائستي زامانيندا شِح دوماني کئمي."
چئچکلَنمه قورتاريب محصول ييغيميندان اَوّل اوزوملر قورا باغلاياندا، رب باغ قايچيلاري ائله بوداقلاري کَسه‌جک، ياييلميش بوداقلاري قيريب آتاجاق.
هاميسي داغين ييرتيجي قوشلارينا، يِرئن وحشي حيوانلارينين قاباغينا آتيلاجاق. يايدا ييرتيجي قوشلارا، قيشدا بوتون وحشي حيوانلارا يِم اولاجاق.
او واخت چايلارلا بؤلونموش اؤلکه اوجابويلو، پارلاق دَرئلي خالق، هر ياندا قورخو دوغوران خالق گوجلو و ائشغالچي مئلّت قوشونلار ربّئنه، قوشونلار ربّئن آديني قويدوغو يِره– صحيون داغينا خراج گتئرهجک.
مئصئر بارهده ائخطار: باخ، رب سورعَتله گِدن بولودون اوستونه مئنئب مئصئره گلئر. مئصئر بوتلري اونون قاباغيندا تئترهيهجک، مئصئرلی‌لرئن اورَکلري ائچلرئنده اَرئيه‌جک.
رب ديئر: "من مئصئرلی‌لري مئصئرلی‌لرئن ضئدّئنه قالديراجاغام، قارداش قارداشلا، قونشو قونشو ائله، شهر شهرله، اؤلکه اؤلکه ائله ووروشاجاق.
او واخت مئصئرلی‌لرئن اورَکلري ائچلرئنده اوزوله‌جک؛ نئيّتلرئني بوشا چيخارداجاغام. اِله کي، اونلار بوتلردن، اؤلولرئن روحلاريندان، جئندارلاردان، روح‌چاغيرانلاردان مصلحت ائستَيه‌جکلر.
بوندان علاوه، مئصئرلی‌لري قدّار بئر آغايا تسلئم ادهجيم، قووّتلي بئر پادشاه اوستلرئنده حؤکم سوره‌جکدئر." قوشونلارين رب تاريسي بله اعلان ادئر.
نئلئن سولاري آزالاجاق، چاي چکئلئب قوروياجاق.
کانال‌لاري ائيلَنه‌جک، مئصئرئن آرخلاري بوشاليب قوروياجاق، قاميشلار و قارغيلار چورويه‌جک.
نئل کناريندا، چايين قيراغينداکي قارغيلار، نئل بويونجا اَکئلمئش زَمئلر قوروياجاق، سوورولوب يوخ اولاجاق.
باليقچيلار ياس توتاجاقلار، نئله تئلوو آتانلارين هاميسي آغلاياجاقلار، سويا تور آتانلارين هاميسيني قوصّه بورويه‌جک،
بوندان علاوه، نازئک کتان اوستونده ائشله‌يَنلر، آغ بِز توخويانلار اومئدلرئني ائتئره‌جکلر.
مئصئرئن سوتونلاري قيريلاجاق، بوتون موزدلو ائشچئلر روحدان دوشهجک.
صوعَن شهرئنئن باشچيلاري نجه ده آخماقديرلار! فئرعونون حئکمتلي مصلحت ورنلرئنئن مصلحتي آخماقليقدير. سئز نجه فئرعونا دئيه بئلرسئنئز: "من حئکمتلی‌لرئن، قدئم پادشاهلارين نسلئنده‌نَم!؟"
بس سنئن حئکمتلي آداملارين هارادادير؟ قوي سنه بئلدئرسئنلر، قوي آنلاسينلار کي، قوشونلار ربّی مئصئرئن ضئدّئنه نه حاضيرلاييب.
صوعَنئن باشچيلاري آخماق اولوبلار، نوف ريئسلري آلدانيبلار، مئصئر قبئله‌لرئنئن باشچيلاري، مئصئري يولدان آزديريبلار.
رب گئجلئک روحونو مئصئرئن ائچئنه قاتيب. اونلار مئصئري، بوتون اتدئکلرئنده آزديريبلار، بئر کِفلي کئمي کي، اؤز قوسدوغونون اطرافيندا هِللهنئر.
مئصئرده هچ کئم هچ بئر ائش گؤره بئلمَيه‌جک: نه باش، نه قويروق و نه خورما بوداغي، نه ده قاميش.
او گون مئصئرلی‌لر آروادلارا بَنزه‌يه‌جکلر و قوشونلار ربّئنئن اونلارين ضئدّئنه قالخان اَلئنئن قاباغيندا تئترهيئب دهشته گلهجکلر.
يهودا تورپاغي مئصئرلی‌لري دهشته گتئرهجک. قوشونلار ربّئن مئصئرئن ضئدّئنه حاضيرلاديغي نئيّته گؤره، يهودانين آديني اشئدن هر کس ولوله‌يه دوشهجک.
او گون مئصئرده بش شهر اولاجاق کي، کَنَعان دئلئنده دانيشيب قوشونلار ربّئن آدينا آند ائچهجک؛ اونلارين بئري هلاک شهري چاغيريلاجاق.
او گون مئصئر اؤلکه‌سئنئن اورتاسيندا ربّه بئر قوربانگاه قورولاجاق، سرحدئنده ده اونا سوتون تئکئله‌جک.
بو، مئصئر تورپاغيندا قوشونلار ربّئن علامتي و شهادتي اولاجاق؛ چونکي اونلار ظاليملاردان قورتولماق اوچون ربّه فرياد ادهجکلر. و او، مئصئرلی‌لره بئر قورتاريجي و قهرمان گؤنده‌رئب اونلاري قورتاراجاق.
بلجه رب اؤزونو مئصئرلی‌لره تانيتديراجاق، اونلار دا او گون ربّی تانيياجاقلار. مئصئرلی‌لر ربّه قوربانلار و تقدئملرله پرستئش ادهجکلر، ربّه نذئر-نئياز ادئب، يرئنه يتئرهجکلر.
رب مئصئرلی‌لري ووراجاق و سونرا شفا ورهجک. بلجه اونلار ربّه طرف دؤنه‌جکلر. رب اونلارين يالواريشينا جاواب ورهجک و اونلاري صاغالداجاق.
او گون مئصئردن آشورا بؤيوک بئر يول اولاجاق. آشورلولار مئصئره، مئصئرلی‌لر ده آشورا گدئب گلهجکلر. مئصئرلی‌لرله آشورلولار بئرلئکده پرستئش ادهجکلر
او گون ائسرايئل مئصئر و آشورون يانيندا اوچونجو اؤلکه اولاجاق. اونلار يِرئن اورتاسيندا برکت اولاجاقلار.
قوشونلار ربّی اونلارا برکت ورئب دئيَر: "خالقيم مئصئر، ياراتديغيم آشور، ائرثئم ائسرايئل برکتلي اولسون."
او ائلده کي، آشور پادشاهي سَرگونون امري ائله، قوشونونون باشچيسي اَشدودا هوجوم ادئب اوراني آلدي،
رب آموص اوغلو اِشَعيانين واسئطهسئله او واخت دانيشيب بله ددي: "گت، اَينئنده‌کي چولونو و آياغينداکي چاريقلاريني چيخارت.» اِشَعيا اِله ده اتدي، لوت و آياق‌يالين گَزميه باشلادي.
رب ددي: "مئصئر و کوش اوچون علامت و عئبرت اولاراق، قولوم اِشَعيا نجه اوچ ائل عرضئنده لوت و آياق‌يالين گَزئب،
اِله ده آشور پادشاهي مئصئري خجالت آلتيندا قويماق اوچون، مئصئرلی‌لري و کوشلولاري اسئر ادئب، جاوانلاري و قوجالاري لوت و آياق‌يالين، عاييب يِرلري آچيق آپاراجاق.
کوشا بِل باغلايان، مئصئرله فخر ادن خالق قورخاجاق و خجالته دوشهجک.
او گون بو ساحئل بويونجا يِرلَشَن اؤلکهنئن ساکئنلري دئيهجکلر: «باخ، بو دا اومئدئمئز! گؤر آشور پادشاهينين اَلئندن قورتولماق اوچون کؤمک آلماغا قاچديغيميز خالقين باشينا نه‌لر گلدي! بس بئز نه جور قورتولاجاغيق؟»"
دهنز ساحئلئندهکي صحرا بارهسئنده ائخطار: نِگِبدن نجه کولَکلر گلئر، صحرادان، دهشتلي اؤلکه‌دن ده اِله بئر فلاکت گلئر.
قورخولو بئر رؤيا منه گؤرسه‌دئلئب: خائن حله ده خائنلئک ادئر، محو ادن حله ده محو ادئر. ای عِيلام، چيخ! ای ماد، موحاصئرهيه آل! اونون باعئث اولدوغو بوتون شئونلره آخير قويموشام.
بو دلئلدن بِلئم سانجي ائچئندهدئر؛ آغري منی، دوغان آرواد کئمي توتوب. اِله تئتره‌يئرم کي، اشئده بئلمئرم، اِله قورخودايام کي، گؤره بئلمئرم.
اوره‌يئم اسئر، دهشت منی بويورور. حسرتئني چکدئيئم شفق منی آرتيق قورخودور.
سوفره حاضيرلاييرلار، خالچالار سَرئرلر، يِيئب-ائچئرلر؛ "قالخين، ای سرکرده‌لر، قالخانلاري ياغلايين!"
چونکي پروردئگار منه بله ديئر: "گت، گؤزَتچي تعيئن ات، قوي او، گؤردوکلرئني خبر ورسئن.
آتلي‌لاري، جوت-جوت آتلي‌لاري، اِششَکلر فوجونو، دَوه‌لر فوجونو گؤرنده، قوي دئقّتله باخسين، چوخ دئقّتله."
او واخت گؤزَتچي باغيردي: "ای پروردئگار، کشئکچي بورجونده گوندوز دائم دورورام، هر گجه نؤوبمده کشئک چکئرم.
باخ، بئر آتلي فوجو گلئر، آتليلار جوت-جوت." بئري ددي: "ييخيليب، بابئل ييخيليب! اونون آللاهلارينين بوتلري ده يِره دوشوب تئکه-تئکه اولوب."
ای خالقيم، ای خرمنده بوغدا کئمي دؤيولموش خالقيم! ائسرايئلئن تاريسي قوشونلار ربّئندن اشئتدئيئمي سئزه اعلان ادئرم.
دوما بارهسئنده ائخطار: بئر نفر سِعئردن منی سَسله‌يئر: "ای گؤزَتچي، گجه‌دن نه قدر کچئب؟ ای گؤزَتچي، گجه‌دن نه قدر کچئب؟"
گؤزَتچي جاواب ورئر: "سحر گلئر، آمّا گجه ده گلئر. اگر سوروشاجاقسينيز، گئنه گلئن، سوروشون."
عَرَبئستان بارهسئنده ائخطار: ای دِدان کاروانلاري، عَرَبئستان کوللوقلاريندا گرک گجه‌لَيه‌سئنئز!
ای تِيما ساکئنلري، سوسوزلاميشلارا سو گتئرئن! قاچيب قورتولانلارا چؤرک ورئن!
چونکي اونلار قيلينجدان، سييريلميش قيلينجدان، چکئلمئش اوخ-کاماندان، آغير دؤيوشدن قاچيبلار.
چونکي پروردئگار منه بله ددي: "بئر ائلئن عرضئنده، ائشه آلينان بئرئنئن بئر ائل سايديغينا موطابئق، قِدارين بوتون شؤوکتي آرادان گدهجک.
اوخ‌آتانلاردان، قِدار نسلئنئن جنگاورلرئندن آز قالاجاق؛ چونکي ائسرايئلئن تاريسي رب بله ديئب.
رؤيا دره‌سي بارهسئنده ائخطار: ائندي سئزه نه اولوب کي، هامينيز داملارا چيخيبسينيز؟
ای سَس-کويلو، قيشقيران-باغيران، گورولتولو شهر، اؤلدورولَنلرئنئز نه قيلينجدان کچئردئلدي، نه ده دؤيوشلرده اؤلدورولدو.
باشچيلارينيزين هاميسي بئرلئکده قاچيبلار، اوخ-کامانسيز ياخالانيبلار؛ بوتون تاپيلانلارينين هاميسي بئرلئکده اسئر آپاريليبلار؛ گرچي اوزاقلارا قاچميشديلار.
بونا گؤره ديئرم: "گؤزلرئنئزي مندن گؤتورون، قويون آجي-آجي آغلاييم، خالقيمين قيزينين وئران اولدوغو اوچون، منه تسلّی ورميه جهد اتمهيئن."
چونکي رؤيا دره‌سئنده، قوشونلار تاريسي ربّئن دهشت، اَزمَک، و ائغتئشاش گونو وار، دووارلارين داغينتيسي و داغلارا فرياد نئدالاري چاتديغي گون گلئر.
عِيلامليلار اوخدانلاريني توتدولار، آداملارلا دولو دؤيوش عارابالاري ائله، آتلي‌لاري ائله گلدئلر. قئر ساکئنلري قالخانلاريني آچديلار.
او واخت سنئن لاپ گؤزل دره‌لرئن، دؤيوش عارابالاري ائله دولو ائدي، آتليلار شهر دروازانين قاباغينا دوزولدولر.
رب يهودانين دئفاع ائستِحکاملاريني گؤتوردو، او گون سئز "مِشه" آدلي اِوده ساخلانيلان سئلاحلارا بِل باغلادينيز.
داوودون شهرئنئن دووارلاريندا، دؤيوشدن دَلئک-دِشئک عمله گلدئيئني گؤردونوز، آشاغي حوووضا سو ييغدينيز.
سونرا اورشلئمدهکي اِولري سايدينيز، شهر دووارينين تعمئري اوچون اِولري سؤکدونوز.
کؤهنه حوووضون سولاري اوچون، ائکي دووار آراسيندا سو آنباري دوزلتدئنئز. لاکئن بو ائشي گؤره‌نه بِل باغلامادينيز، بونو چوخدان حاضيرلايان تارييا دئقّت اتمه‌دئنئز.
اونا گؤره ده، او گون قوشونلار تاريسي رب، سئزي آغلاشمايا، ياس توتماغا، ساچينيزي يولماغا، چولا بورونميه چاغيردي.
آمّا بونون عوضئنه شادليق وار، شنلئک وار، مال-حيوان کسمه‌سي وار، قويون-کچي کسمه‌سي وار، اَت يمه‌سي و شراب ائچمه‌سي وار: "گلئن، يئيک و ائچک، چونکي صاباح اؤلهجيئک."
لاکئن قوشونلار ربّی اؤزونو منه آشکار اتدي، "قطعن بو گوناه سئزه اؤلَنه قدر اصلا باغيشلانماز!" قوشونلار تاريسي رب بله بويورور.
بلجه قوشونلار تاريسي رب ديئر: دور، او مهماندارين، ساراي ريئسي شِبنانين يانينا گت و دِه:
"سنئن بورادا نه ائشئن وار؟ بورادا کئمئن وار کي، بورادا، بو اوجادا يرده اؤزون اوچون قبئر قازيبسان؟ آيا قايانين ائچئنده اؤزونه مزار دوزه‌لدئبسن؟
باخ، ای کئشي، رب سني عنقرئب تَپَندن توللاياجاق، عنقرئب سني ياخالاياجاق.
توپ کئمي سني هِل‌لَده‌جک، گِن اؤلکهيه آتاجاق. اورادا اؤله‌جکسن، فخر اتدئيئن عارابالارين اورادا قالاجاق، آخي، اؤز آغانين اِوئني بي‌آبير ادئبسن!
سني وظئفندن عزل ادهجيم، اوتوردوغون يردن آشاغي آتاجاغام.
او گون قولوم حئلقئيا اوغلو اِلياقئمي چاغيريب
سنئن پالتاريني اونا گيئندئره‌جيم، سنئن قورشاغيني اونون بِلئنه باغلاياجاغام، سنئن ائقتئداريني اونون ائختئيارينا ورهجيم. بو آدام اورشلئم ساکئنلرئنه، يهودا خالقينا آتا اولاجاق.
سونرا داوود نسلئنئن آچاريني اونون چئينئندن آساجاغام، آچديغيني هچ کئم باغلايا بئلميهجک، باغلاديغيني هچ کئم آچا بئلميهجک.
من اونو پايا کئمي بَرک يِره ووراجاغام. و او، آتاسينين نسلی اوچون شؤوکت تختي اولاجاقدير.
آتاسينين نسلئنئن بوتون شؤوکتي اونون اوستوندن آسيلاجاق. نسلئن و اؤولادلارين شرفي، طاسلاردان طاباقلاراجاق، بوتون قاب-قاجاقلارين شؤوکتي بو پايا اوستوندن آسيلاجاق"
قوشونلار ربّی بيان ادئر: "او گون بَرک يِره وورولموش پايا اَسه‌جک، حتّا قيريليب- دوشهجک، اونون اوستونه آسيلان يوک ده يوخ اولاجاق." چونکي رب بله ديئب.
صور بارهسئنده ائخطار: ای تَرشئش گَمئلري، شئون ادئن، چونکي صور شهري اِولري ائله، بندرلري ائله بئرلئکده داغيلدي. کئتّئم تورپاغيندان بو حاقدا اونلارا خبر گلدي.
سئز، ای ساحئل ساکئنلري، سئز، ای صئدون تاجئرلري، ساکئت اولون! سئزئن قاصئدلرئنئز دهنزي کچدئلر
و چوخ سولار اوستونده ائدئلر. نئلئن تاخيلي، شئخورون محصولو؛ شهر مئلّتلرئن آل-وِر يري ائدي!
اوتان، ای صئدون! چونکي دهنز دانيشير، دهنز ساحئلئنده يِرلَشَن قالا بله ديئر: "من نه دوغوم آغريسي چکمئشم، نه ده دوغموشام، نه اوغلانلار يتئشدئرمئشم، نه ده قيزلار بؤيوتموشم."
صور حاقّيندا خبر مئصئره چاتاندا، مئصئرلی‌لرئن اورَکلري اوزوله‌جک.
ای ساحئل ساکئنلري، تَرشئشه طرف گدئن، شئون ادئن!
آيا بودور سنئن فخر اتدئيئن شهر؟ او کي، اونون کؤکو قدئمدندئر، آياقلاري دا اونو اوزاق يِرلره آپارير کي، اونلاري موستَملَکه اتسئن؟
تاجلار گيئندئرن صورون ضئدّئنه، بونلاري کئم حاضيرلاييب؟ آخي بو شهرئن تاجئرلري شاهزاده ائدئلر، آل-وِرچئلري دونيانين حؤرمتلي آداملاري ائدئلر.
قوشونلارين ربّی بونو حاضيرلاييب کي، هر جور گؤزل‌لئيئن تکبّورونو قيرسين، يِر اوزونون بوتون حؤرمتلي آداملاريني اوتانديرسين.
ای تَرشئش قيزي، اؤز تورپاقلاريندان نئل کئمي کچ، آرتيق سنه هچ بئر مانع يوخدور.
رب دهنزئن اوستونه اَلئني اوزاديب، سلطنتلري لرزهيه ساليب؛ کَنَعانين ائستِحکاملارينين داغيلماسي حاقّيندا امر ورئب.
رب ديئب: "ای دؤيولموش باکئره صئدون قيزي، سن بئر داها شادليقدان هاي-کوي سالماياجاقسان! قالخ، کئتّئمه کچ، آمّا اورادا دا جانينا راحاتليق تاپماياجاقسان."
کَلده‌لئلرئن اؤلکهسئنه باخ! او خالق آرتيق يوخدور؛ آشورلولار او اؤلکهني وحشي حيوانلارين مسکنئنه دؤنده‌ردئلر. مَنجَنئقلرئني دئکدئلر، سارايلاريني داغيتديلار، بو دئياري وئرانه‌لئيه چِوئردئلر.
شئون ادئن، ای تَرشئش گَمئلري، چونکي ائستِحکامينيز داغيليب.
بوندان سونرا صور شهري، يتمئش ائل، بئر پادشاهين عؤمرو قدر، يادلاردان چيخاجاق. يتمئش ائل کچدئکدن سونرا، صورون دا باشينا فاحئشه آرواد اوچون بَستَله‌دئيي نغمه‌ده‌کي کئمي بله گلهجک:
"ای يادلاردان چيخميش فاحئشه، طنبور سازيني اَلئنه آل، دولان شهري! گؤزل هاوالار چال، چوخ نغمهلر اوخو، قوي سني يادا سالسينلار!"
يتمئشئنجي ائلئن آخيريندا رب صور شهرئنئن گؤروشويونه گلهجک. بو شهر گئنه ده فاحئشه‌لئک اوجرتئنه قاييداجاق و دونيانين بوتون سلطنتلري ائله فاحئشه‌لئک ادهجک.
اونون فاحئشه‌لئک اوجرتئندن گلن گلئر ربّه وقف اولوناجاق؛ خزئنه‌لره قويولماياجاق، آنبارلارا ييغيلماياجاق. بو گلئر ربّئن حوضوروندا ساکئن اولان آداملارين يمه‌يئني و گؤزل گِيئمئني تأمئن ادهجک.
باخ، رب يِر اوزونو بوش قويوب خاراباليغا چِوئرئر، دونياني آلت-اوست ادئر، ساکئنلرئني داغيدير.
خالقلا کاهئن آراسيندا، نؤکرله آغاسي آراسيندا، کنئزله خانيمي آراسيندا، آليجي ائله ساتيجي آراسيندا، بورج ورنله بورج آلانين آراسيندا، سَلَمچي ائله بورج آلان آراسيندا هچ بئر فرق قويولماياجاق.
ير اوزو کامئل بوش قاليب خاراباليغا چِورئله‌جک. چونکي رب بله ديئب.
دونيا ساراليب سولور، ير اوزو قورويوب سولور. دونيانين اوستون‌منصبلي آداملاري ضعئف اولور.
دونيا دا ساکئنلرئنئن وسئلهسي ائله نجئس اولدو، چونکي اونلار تارينين قانونلارينا عوصيان اتدئلر، قايدالاريني آياق آلتينا قويدولار، ابدی عهدي پوزدولار.
بو سببه گؤره، لعنت يِر اوزونو محو ادئر. يِر اوزونون ساکئنلري گوناهلارينين جزاسيني چکئر، بونا گؤره يِر اوزونون ساکئنلري يانير، و چوخ آز آدام صاغ قالير.
تزه شراب ماتم توتور، مِينه‌لر سولور، بوتون فَرَحلَنَن آداملار کَدَردن آه چکئر.
دَفلرئن شَن سَسي کَسئلئب، شَنلئک نئداسي اِشئدئلمئر، طنبورلارين نغمه‌سي گلمئر.
بئر داها نغمه اوخويوب شراب ائچمئرلر، ائچکئنئن دادي، ائچَنه آجي گلئر.
نئظامسيز شهر، خارابا قاليب؛ بوتون اِولر قيفيل‌لانيب، هچ کئم اورايا گئره بئلمئر.
شراب اوچون کوچهلرده قيشقير-باغير وار، بوتون سِوئنج نورو ظولمته چِورئلئب. دونيانين شَنلئيي کَسئلئب.
شهر وئران بوراخيليب، دروازالاري دارماداغيندير.
زيتون آغاجيندان زيتونلاري تؤکمَک اوچون آغاجي سئلکَله‌يئب دؤيَنده نجه اولور، اوزوم محصولو ييغيلاندان سونرا بوراخيلان سالخيملار نجه اولور، دونياداکي خالقلار دا اِله اولاجاق.
صاغ قالانلار سَسلرئني اوجالديرلار، شادليقدان هاراي چکئرلر، قربده ياشايانلار ربّئن عظمتئندن فرياد ادئرلر.
بونا گؤره، شرقده ياشايانلار، ربّی اوجالدين. دهنز ساحئل‌لرئنده ساکئن اولانلار، ائسرايئلئن تاريسي ربّئن آديني اوجالدين.
دونيانين لاپ اوزاق گوشه‌لرئندن ترنّوم نغمه‌سي اِشئدئرئک: "صالح اولانا عئزّت اولسون!" آمّا من ديئرم: "تلف اولورام، تلف اولورام، واي منه! خائنلر خائنلئکلرئنه داوام ورئرلر، بلی، خائنلر چوخ خائنلئکله رفتار ادئرلر!"
ای دونيادا ياشايانلار، دهشت، درئن چوخور و تله سئزي گؤزلهيئر!
دهشته سالان خبردن قاچان، درئن چوخورا دوشهجک، درئن چوخوردان چيخا بئلَن، تلهيه دوشهجک. چونکي گؤيلرئن پنجره‌لري آچيقدير، دونيانين بونؤورهلري تئترهيئر.
ير اوزو چاتلاييب، ير اوزو ياريليب، دونيا شئدّتله اسئر!
دونيا کِفلي کئمي آشا-آشا هِللهنئر، تالوار کئمي سئلکَله‌نئر، چونکي عاصئلئيي اونون اوستونده آغيردير، ييخيلاجاق و بئر داها قالخا بئلميهجک.
او گون رب گؤيدهکي قوشونلاري يوخاريدا، يِر اوزونون پادشاهلاريني آشاغيدا جزالانديراجاق.
اونلار سئياهچالا محبوسلار کئمي ييغيلاجاقلار، زئنداندا باغلي ساخلاناجاقلار، اوزون مودّت کچندن سونرا جزالاناجاقلار.
سونرا آي اوتاناجاق، گونش خجالت چکهجک. چونکي قوشونلار ربّی صحيون داغيندا، اورشلئمده حؤکم سورهجک. شؤوکتي آغساقّاللارينين گؤزو قاباغيندا اولاجاق.
يارب، سن منئم تاريمسان، سني اوجالداجاغام، سنئن آدينا حمدلر اوخوياجاغام. چونکي سن قدئمدن بري مؤجوزه‌لرئني، نئيّتلرئني کامئل وفادارليقلا حياتا کچئردئبسن.
چونکي سن شهري بئر داش ييغينينا، ائستِحکاملي شهري خاراباليغا دؤنده‌رئبسن. او شهر ياد اِللی‌لرئن سارايي ائدي، اوندان اثر-علامت قالماييب، او بئر داها برپا اولونماز.
بونا گؤره قووّتلي خالقلار سني عئزّتلَندئره‌جک. قدّار مئلّتلره منصوب شهرلر سندن قورخاجاق.
چونکي سن يوخسولا سيغيناجاق، سيخينتي ائچئنده اولان مؤحتاجا پناهگاه، طوفان واختي چارداق، ائستئلئک واختي کؤلگه‌لئک اولوبسان. چونکي قدّارلارين نفسي دووارا چارپان طوفان کئمئدئر.
ياد اللی‌لرئن نعره‌سئني چؤل سيجاغي کئمي باسديريرسان؛ بولودون کؤلگهسي، سيجاغي نجه قيرير، قدّار آداملارين نغمه سَسلري اِله قيريلير.
بو داغدا قوشونلارين ربّی بوتون خالقلار اوچون لذئذ ضئيافت قوراجاق؛ ياغلي يمکلردن، گؤزل شرابلاردان عئبارت ضئيافت ورهجک، اورادا لاپ لذئذ يمکلر، لاپ دادلي شرابلار اولاجاق.
بو داغدا بوتون خالقلارين اوستونده‌کي اؤرتويو، بوتون مئلّتلرئن اوستونه سَرئلَن توخونما اؤرتويو گؤتورهجک.
اؤلومو ابدی اولاراق يوخ ادهجک، پروردئگار رب بوتون آداملارين اوزوندن گؤز ياشلاريني سئلهجک، بوتون ير اوزوندن خالقينين روسوايچيليغيني گؤتورهجک. چونکي رب بله ديئب.
او گون دئيهجکلر: "باخ، بودور بئزئم تاريميز کي، نئجاتيميز اوچون اونا اومئد باغلاميشيق، بودور او رب کي، اونا اومئد باغلاميشيق؛ گلئن، سِوئنَک و بئزه ورن نئجاتيندا شادليق اِدَک!"
ربّئن اَلي بو داغين اوستونده قالاجاق، آمّا موآب پِيئنلئيه دوشَن سامان کئمي تاپداق آلتيندا قالاجاق.
نجه بئر اوزَن، اوزَرکَن، اَل-قول آتير، موآب دا پِيئنلئکده اِله اَل-قول آتاجاق، آمّا رب موآبين تکبّورونو اَللرئنئن فَندگئرلئيي ائله بئرلئکده آلچالداجاق.
او، سنئن ائستِحکاملاريني، اوجا دووارلاريني يِره اِندئره‌جک، داغيديب يِرله بئر ادهجک.
او گون يهودا دئياريندا بله نغمه اوخوناجاق: "قووّتلي شهرئمئز وار، تاري شهرئن اَمئن-آمانليغي اوچون دووارلار و سنگرلر قورور.
آچين شهرئن دروازالاريني، قويون وفالي قالان او صالح مئلّت ائچه‌ري گئرسئن.
دوشونجهلرئنده پايدار اولان آداملارا، سن کامئل باريش ورئرسن، چونکي اونلار سنه بِل باغلاييرلار.
ربّه همئشه بِل باغلايين، چونکي رب تاريدا، ابدی قاياميز وار.
چونکي او، يوخاري يِرلرده اوتورانلاري، اَل چاتمايان شهري آلچالديب؛ اونو آلچالدير، يِرله بئر ادئر، تورپاغا دؤنده‌رئر.
او شهر آياق آلتيندا تاپدالاناجاق؛ مظلوملارين آياقلاري، يوخسوللارين قدملري آلتيندا تاپدالاناجاق.
صالح آدامين يولو هاماردير؛ ای دوروست اولان تاري، صالح آدامين يولونو هامار ات.
دوغرودان دا، يارب، سنئن حؤکملرئنئن يولوندا، بئز سنه اومئد باغلاييريق، سنئن آدين، حتّا سنئن خاطئرَن جانيميزين ائسته‌يي‌دئر.
قلبئم گجه سنئن اوچون حسرت چکئر، دوغرودان دا، روحوم ائچئمده جهدله سني آختارير. حؤکملرئن يِر اوزونده حياتا کِچدئکجه، دونيانين ساکئنلري صالحلئيي اؤيره‌نئر.
پئس آداما رحم ادئلسه ده، او، صالحلئيي اؤيرَنمئر، دوغرولوق اؤلکهسئنده حاقسيزليق ادئر، ربّئن عظمتئني گؤرمور.
يارب، اَلئني قالديريبسان، لاکئن اونلار بونو گؤرمورلر. اؤز خالقين اوچون گؤرستدئيئن قيرتي گؤروب اوتانيرلار. دوغرودان دا، سنئن دوشمنلرئني اود اوداجاق.
يارب، بئزه باريش ورن سنسن، اونا گؤره کي، بوتون ائشلرئمئزي سن بئزئم اوچون عمله گتئرئبسن.
ای تاريميز رب، سندن باشقا آغالار اوستوموزده حاکئم اولوبلار، لاکئن بئز فقط سنئن آديني ائقرار ادئرئک.
اؤلولر ياشاماياجاقلار، آيريلميش روحلار قالخماياجاقلار، چونکي سن اونلاري جزالانديريبسان، محو ادئبسن، اونلار حاقّيندا هر بئر خاطئره‌ني يوخ ادئبسن.
لاکئن سن بو مئلّتي چوخالديبسان، يارب! بو مئلّتي چوخالديبسان، سن شؤوکتلي‌سن. هر طرفه اؤلکهنئن سرحدلرئني گِنئشلَندئرئبسن."
يارب، اونلار بلايا دوشَنده سني آختارديلار. آنجاق ياواشجا بئر دوعا اده بئلردئلر، سنئن تَنبِهئن اونلارين اوستونده ائدي.
حامئله آرواد دوغوش واختينا ياخينلاشاندا، آغري چکئب قوورولاراق نجه قيشقيرار، بئز ده سنئن حوضوروندا اِله ائدئک، يارب!
بئز ده سانکي بويلو ائدئک، قوورولاراق آغري چکئردئک، لاکئن يِلدن باشقا بئر شي دوغماديق. دونيايا قورتولوش گتئره بئلمه‌دئک، دونيا ساکئنلرئني حياتا چاتديرا بئلمه‌دئک.
آمّا سنئن اؤلولرئن ياشاياجاق، بدنلري دئرئلهجک. ای تورپاق آلتيندا ياتانلار، اويانين، سِوئنج نغمه‌سئني اوخويون، چونکي سنئن شِحئن سحر شِحئنه بنزهيئر، تورپاق آيريلميش روحلاري دئرچَلده‌جک.
ای خالقيم، گلئن، گئرئن اوتاقلارينيزا، قاپيلاري آرخانيزدان اؤرتون، ربّئن قِيضي کِچَنه‌جک، قيسا بئر زامان گئزله‌نئن!
چونکي باخ، رب يِر اوزونون ساکئنلرئني، قباحتلري اوزوندن جزالانديرماق اوچون، اؤز مسکنئندن گلئر. يِر اوتدوغو قاني اوزه چيخارداجاق، اؤلدورولَنلري آرتيق گئزلَتميه‌جک.
او گون رب لِوياتانا، او قاچان ائلانا، بلی، لِوياتانا، او قيوريلان ائلانا آمانسيز، بؤيوک و قووّتلي قيلينجي ائله جزا ورهجک، دهنزده‌کي اژداهاني اؤلدورهجک.
او گون: "بئر شراب اوزوم‌باغي، اونون بارهسئنده اوخويون!
من رب، اونون قوروجوسويام، تِز-تِز اونو سولاييرام، گجه-گوندوز کِشئيئنده دورورام کي، هچ کس اونا ضرر يتئرمه‌سئن.
هچ قضبئم يوخدور، اگر کئمسه موحارئبه‌ده قاباغيما تئکان و قانقال قويسا، اونلاري آياق آلتيندا اَزه‌رم، هاميسيني اوددا يانديرارام.
و يا قوي منئم موحافئظه‌مدن بَرک توتسون، قوي منئمله باريشسين، قوي منئمله باريشسين."
گلهجک گونلرده يعقوب نسلی کؤک سالاجاق، ائسرايئل گول آچيب چئچکلَنه‌جک، يِر اوزونو ميوه ائله دولدوراجاقلار.
مگر رب، ائسرايئلي ووران دوشمنلري کئمي، اونو ووردو؟ و يا او، مگر ائسرايئل، اونو اؤلدورَنلرئن اؤلدورولدويو کئمي اؤلدو؟
سن اؤز خالقيني قوووب اسئرلئيه گؤندرمَکله اونلارلا چکئشدئن. شرق کولَه‌يي اَسن گون، رب اونلاري شئدّتلي يِلي ائله قوووب.
بونا گؤره، يعقوب نسلئنئن قباحتي بونونلا باغيشلاناجاق، گوناهين آرادان گؤتورولمه‌سئنئن تام باهاسي بو اولاجاق: بوتپرست قوربانگاهلارين داشلاري تاباشئر کئمي اووولاجاق، ائلاهه اَشِرا و بوخور قوربانگاهلاري بئر داها دئک قالماياجاق.
چونکي ائستِحکاملي شهر ترک ادئلئب، يورد، صحرا کئمي وئرانه و يئيه‌سئز قاليب. اورادا بوزوو اوتلاييب اوزاناجاق، اونون شاخه‌لرئني يئيهجک.
بوداقلار قورويوب قوپاريلاجاق، آروادلار گلئب اونلارلا اود قالاياجاقلار. بو خالق آغيلسيز اولدوغونا گؤره، اونلاري يارادان، اونلارا رحم اتميهجک، اونلارين خالئقي اونلارا ائلتئفات گؤرسدميه‌جک.
او گون رب فَرات چاييندان مئصئر دره‌سئنه قدر، خرمن دؤيَن کئمي، اؤز خرمنئني دؤيه‌جک، و سئز بئر-بئر توپلاناجاقسينيز، ای ائسرايئل اؤولادلاري!
او گون بؤيوک کَره‌ناي چاليناجاق، آشور تورپاغيندا ائتکئن دوشَنلر، مئصئره اسئر ادئلَنلر گلئب اورشلئمده، موقدّس داغدا، ربّه سجده ادهجکلر.
واي اِفرايئمئن کِفلی‌لرئنئن کئبئر تاجينا! شؤوکتلي گؤزل‌لئيئنئن سولان گولونه! او کي، بَهَرلي دره‌نئن باشيندا يِرله‌شيب، واي بو شهره کي، شرابا دوشکون اولانلارين کئبئري‌دئر.
باخ، ربّئن گوجلو و قووّتلي بئر آدامي وار. او، بَرک ياغان دولو کئمي، بلا گتئرن طوفان کئمي، هر شيي يولوندا محو ادن سل کئمي گلئر، اَلي ائله او شهري يِره چيرپاجاق.
اِفرايئمئن کِفلی‌لرئنئن کئبئر تاجي آياق آلتيندا تاپدالانير.
محصوللو دره‌نئن باشيندا يِرلَشَن شهر، اونون شؤوکتلي گؤزل‌لئيئنئن سولان گولو، يايدان قاباق عمله گلن کال انجئر کئمي اولاجاق کي، اونو گؤرَن تِز دَرئب يئيهجک.
او گون قوشونلارين رَبّي، صاغ قالان خالقي اوچون، گؤزل بئر تاج، شؤوکتلي بئر چَلَنگ اولاجاق.
حؤکم کورسوسونده اوتورانا عدالت روحو، شهر دروازالاريني مودافئعه ادنلره قودرت ورهجک.
بونلار دا شرابدان هِل‌له‌نئرلر، عَرَقدن آشا- آشا گِدئرلر: هم کاهئن، هم نبي عَرَقدن هِل‌له‌نئرلر، شراب اونلاري گئجَلدئب، عَرَق اونلاري آشيرير: رؤيالار گؤرَن زامان کِفلي‌دئرلر، حؤکم ادن زامان کِفلئلئکدن هِل‌له‌نئرلر.
بوتون سوفره‌لر کثئف قوسماقلا دولودور، بولانماميش بئر يِر يوخدور!
"بو آدام کئمه معرئفت اؤيره‌دئر؟ پيامي کئمه آچيقلايير؟ سوددن کَسئلمئش، آنا دؤشوندن آيريلميش کؤرپه اوشاقلارا مگر؟
چونکي رب ديئر: "امر اوستونه امر، امر اوستونه امر، قايدا اوستونه قايدا، قايدا اوستونه قايدا، بئر آز بورادا، بئر آز اورادا."
دوغرودان دا رب بو خالقلا دانيشاجاق؛ پلتک دوداقلارلا، ياد دئلله.
او کي، اونلارا ددي: "راحاتليق بودور، يورغونلارا دئنجلئک ورئن." و "ائستئراحت ادئن." آمّا اونلار اشئتمَک ائستَمه‌دئلر.
بونا گؤره ده، ربّئن سؤزو اونلار اوچون بو اولاجاق: "امر اوستونه امر، امر اوستونه امر، قايدا اوستونه قايدا، قايدا اوستونه قايدا، بئر آز بورادا، بئر آز اورادا." کي، گتسئنلر و آرخاسي اوسته ييخيلسينلار، قيريلسينلار، تلهيه دوشوب اسئر اولسونلار.
بونا گؤره ده، ای رئشخندچئلر، اورشلئمده اولان بو خالقين رهبرلري، ربّئن سؤزونه قولاق آسين!
مادام کي سئز دِدئنئز: "اؤلومله عهد باغلاميشيق، اؤلولر دئياري ائله راضيليغا گلمئشئک، اؤلکهيه بؤيوک بلا گلنده، بئزه ضرر ورميه‌جک، چونکي يالاني اؤزوموزه سيغيناجاق اتمئشئک، حئيلهنئن آرخاسيندا گئزلَنمئشئک."
بونا گؤره ده پروردئگار رب ديئر: باخ، صحيوندا بونؤوره داشي، مؤحکم داش، قئيمتلي گوشه‌داشي قويورام. اونا ائنانان پرئشان اولماياجاق.
عدالتي اؤلچو، صالحلئيي شاقول ادهجيم. يالان سيغيناجاغيني دولو محو ادهجک، گئزلَندئيئنئز يِرلري سِللر يويوب آپاراجاق.
اؤلومله باغلاديغينيز عهد لغو اولوناجاق، اؤلولر دئياري ائله راضيليغينيز قووّه‌دن دوشهجک. اؤلکهيه بؤيوک بلا گلنده، سئزي تاپدالاياجاق.
بو بلا هر گلدئيئنده سئزي سوپوروب گؤتورهجک. او سحر به سحر، گجه گوندوزون هر واختي کچهجک. بو خبري آنلايان دهشته بورونه‌جک.
ياتاق اوزانماق اوچون قيسا، يورغان بورونمک اوچون دار اولاجاق.
چونکي رب پِراصئم داغيندا اتدئيي کئمي قالخاجاق، گئبعون دره‌سئنده‌کي کئمي قضبلَنه‌جک. او اؤز ائشئني، قِيري-عادي ائشئني يرئنه يتئرهجک! اؤز عملئني، نامعلوم عملئني حياتا کچئرده‌جک.
بونا گؤره ده رئشخند اتمهيئن، يوخسا زنجئرلرئنئز داها دا آغيرلاشار. چونکي قوشونلارين ربّی پروردئگاردان اشئتمئشم کي، بوتون يِر اوزونون محو اولماسينا قطعي بئر شکئلده قرار ورئلئب.
قولاق آسين، سَسئمي اِشئدئن، قولاق ورئن و دِدئيئمي اِشئدئن.
مگر اَکئنچي، اَکئن اَکمک اوچون، دورمادان يري شوخوملاماز؟ مگر دورمادان تورپاقدا شيريم آچيب هامارلاماز؟
مگر تورپاغي هامارلاياندان سونرا، شويود و زئره‌ني سَپمَز؟ مگر بوغداني ردئفله، آرپاني آييرديغي يِره، قيرميزي بوغداني دا اونون يانينا اَکمَز؟
چونکي تاريسي اونا نصئحت وِرَر، اونو ياخشي اؤيره‌دَر.
چونکي شويودو خرمنده وَل‌له دؤيمَزلر، زئرهنئن اوستونه ده عارابا تَکَرلري ائله سورمَزلر.
بوغدا چؤرک اوچون گرک خرمنده دؤيولسون؛ بونا گؤره ده اَکئنچي اونو ابده کئمي دؤيمَز. اگر عاراباسينين تَکَرلرئني ده اوستوندن کچئرتسه، آتلاري بوغداني اَزمَز.
بو دا قوشونلارين ربّئندن گلئر. اونون مصلحتي عالي، حئکمتي بؤيوکدور.
واي سنه، ای اَري‌اِل، ای اَري‌اِل، داوودون بئر زامان اوردوگاه قوردوغو شهر! ائلي، ائله قات! بايراملارين سيرايا دورسون.
اَري‌اِله دارليق گتئره‌جيم، او، شئون و ماتم شهري اولاجاق. منئم اوچون اَري‌اِل کئمي اولاجاق.
سنئن ضئدّئنه اطرافيندا اوردوگاه قوراجاغام، اطرافينا ائستِحکاملار دوزه‌جيم، سنئن ضئدّئنه دؤيوش بورجلری تئکه‌جيم.
او واخت آلچالديلاجاقسان، يردن دانيشاجاقسان، توز-تورپاق ائچئندن سَسئن بوغوق-بوغوق گلهجک، سَسئن اؤلو سَسي کئمي يردن، سؤزلرئن پيچيلتي کئمي تورپاغين آلتيندان چيخاجاق.
آمّا دوشمنلرئنئن فوجو نارين توز کئمي، قورخونج آداملارين قوشونلاري سوورولموش سامان چؤپو کئمي اولاجاق. بو، قَفلَتَن، بئر آن ائچئنده باش ورهجک.
قوشونلارين ربّئنئن تَنبِهي سنه گؤي گورولتوسو ائله، زلزله ائله، بؤيوک سَس-کويله، فيرلانان يِل‌له، طوفانلا، هر شيي محو ادن اودلا گلهجک.
سونرا اَري‌اِلئن ضئدّئنه دؤيوشَن بوتون مئلّتلردن فوجلار، اونا و قالاسينين ضئدّئنه ساواشانلارين هاميسي، اونا ظولم ادنلر بئر رؤيا کئمي، گجه گؤرونَن يوخو کئمي يوخ اولاجاقلار.
يوخودا چؤرک يِدئيئني گؤرَن آج آدام کئمي اولاجاق، باخ، يِيئر؛ لاکئن اويانديقدا، گئنه آجدير. يوخودا سو ائچدئيئني گؤرَن سوسوز آدام کئمي اولاجاق، و باخ، ائچئر، لاکئن اويانديقدا، گئنه سوسوزلوقدان يانير. بله اولاجاق او مئلّتلرئن فوجلاري دا کي، صحيون داغينين ضئدّئنه دؤيوشورلر.
مات قالين، حيرتله‌نئن، گؤزونوزو کور ادئن، کور اولون. اونلار کِفلي اولورلار، لاکئن شرابدان يوخ، هِل‌له‌نئرلر، لاکئن عرقدن يوخ.
چونکي رب سئزئن اوستونوزه آغير يوخو روحو ساليب، او سئزئن گؤزلرئنئزي يوموب، ای پيغمبرلر؛ او سئزئن باشلارينيزي اؤرتوب، ای گؤروجولر.
بوتون بو رؤيا سئزئن اوچون موهورلَنمئش کئتابين سؤزلري کئمي اولاجاق کي، اوخوماغي باجارانا بونو ورئب دئيَنده: "خاهئش ادئرم، بونو اوخو!" جاواب ورهجک: "اوخويا بئلمه‌رم، چونکي مؤهورلودور."
سونرا کئتابي اوخويا بئلمه‌يَنه ورئب دئيَنده کي: "خاهئش ادئرم، بونو اوخو"، جاواب ورهجک: "من اوخوماغي بئلمئرم."
سونرا پروردئگار ددی: "چونکي بو خالق منه دئلي ائله ياخينلاشيب، دوداقلاري ائله منه حؤرمت ادئر، آمّا قلبلرئني مندن چوخ اوزاق ادئر، اونلارين منه حؤرمت اتمکلري ائنسانلاردان اؤيرَندئکلري امرلردن گلئر.
بونا گؤره، باخ، من بئر داها بو خالق اوچون تزه مؤجوزه، اِعجازلي شيلر ادهجيم، و حئکمتلی‌لرئنئن حئکمتي محو اولاجاق، عاغيلّي‌لارين آغيلي يوخ اولاجاقدير."
واي او آداملارين حالينا کي، اؤز نئيّتلرئني رَبدن درئن بئر شکئلده گئزله‌دئرلر! و عمللري قارانليقدا باش ورئر. و ديئرلر: "بئزي کئم گؤرور؟" يا دا "بئزي کئم تاني‌يير؟"
سئز هر شيي تَرسه دوشونورسونوز! مگر کوزه‌گري گئل‌له بئر توتماق اولار؟ مگر دوزه‌لدئلَن شي، اونو دوزه‌لدن بارهده دئيه بئلر: "او منی دوزه‌لتمه‌دي"؟ شکئل تاپميش، مگر اونا شکئل ورن بارهده دئيه بئلر: "او هچ نه آنلامير"؟
لوبنان تزلئکله مگر محصوللو زَمئيه، محصوللو زَمي ده مگر مِشه‌يه دؤنميه‌جک؟
او گون کارلار کئتابداکي سؤزلري اِشئده‌جکلر، کورلارين گؤزلري ظولمت و قارانليقلاريندان گؤرهجک.
ذلئل‌لر ده ربده شادليقلاريني آرتيراجاقلار، مؤحتاج ائنسانلار ائسرايئلئن موقدّسئنده شادليق ادهجکلر.
چونکي ظولمکار يوخ اولاجاق، رئشخند ادن محو اولاجاق. دوغرودان دا بوتون پئسلئک نئيّتئنده اولانلار کَسئب آتيلاجاقلار.
اونلار آيريسينا بؤهتان آتانلارديرلار، شهر دروازاسيندا حاکئمه تله قورانلارديرلار، حاقلي‌نين حاقّيني ناحاق يِره تحرئف ادنلردئرلر.
بونا گؤره ده ائبراهئمي قورتاران رب، يعقوب نسلئنه بله ديئر: "يعقوب نسلی آرتيق اوتانماياجاق، اوزلري ده سارالماياجاقدير.
اَلئمله ياراتديغيم اؤولادلاريني آرالاريندا گؤرنده، آديمي موقدّس توتاجاقلار؛ دوغرودان دا يعقوبون موقدّسئني تقدئس ادهجکلر، ائسرايئلئن تاريسيندان قورخاجاقلار.
فئکئرلرئنده آزميش اولانلار حقئقتي تانيياجاقلار، مذمّت ادنلر تعلئمي قبول ادهجکلر"
رب اعلان ادئر: "واي بو دئکباش اؤولادلارين حالينا، منئم نئيّتلرئمي يوخ، اؤز نئيّتلرئني قورورلار، راضيلاشما ادئرلر، لاکئن منئم روحوما موناسئب يوخ، اِله کي، گوناه اوستونه گوناه آرتيرسينلار.
مندن مصلحت آلمادان مئصئره گدئرلر، فئرعونون اَمئن-آمانليغينا پناه آپاريرلار، مئصئرئن کؤلگهسي آلتيندا سيغيناجاق يِر آختاريرلار.
بونا گؤره فئرعونون حئمايه‌سي سئزئن خجالتئنئز اولاجاق، مئصئر کؤلگهسي آلتينداکي سيغيناجاق، سئزئن روسوايچيليغينيزا چِورئله‌جک.
چونکي باشچيلاري صوعَنده‌دئرلر، اِلچئلري خانِسه يتئشئرلر.
اونلارا فايداسي اولمايان بئر خالقا گؤره هامي اوتاناجاق. او خالق کي، اونلارا نه کؤمکدئر، نه ده فايدا، آنجاق خجالت و روسوايچيليق."
نِگِب حيوانلاري بارهسئنده ائخطار: دارليق و ناراحات بئر تورپاقدان، اِرکَک و دئشي آصلانلارين، افعئلر و اوچان ائلانلارين ياشاديغي يردن، اونلار مال-دؤولَتئني اِششَکلرئن بِلئنه، خزئنهلرئني دَوه‌لرئن حورگونجونه يوکله‌يئب کچئرلر، و اونلارا فايداسي اولمايان خالق اوچون آپاريرلار.
حتّا مئصئرئن کؤمهيي ده بوش و فايداسيزدير، بونا گؤره ده من مئصئره "تنبل رَهَب" آديني قويموشام.
ائندي گت، سنه دِدئيئمي اونلارين قاباغيندا بئر لؤوحه‌يه ياز، بئر طومارا ياز کي، گلهجکده، همئشهلئک بئر شاهئد اولسون.
چونکي بو، عاصي بئر خالق، يالانچيلار نسلي‌دئر، ربّئن قانونونا قولاق آسماق ائستَمه‌يَن بئر نسئلدئر.
اونلار گؤروجولره ديئرلر: «بئر داها رؤيالار گرک گؤرميه‌سئنئز»، پيغمبرلره ده ديئرلر: «بئزئم اوچون دوزگون شيلر حاقّيندا نبئلئک گرک اتميهسئنئز. بئزه شئرئن سؤزلر دانيشين، ساختا شيلر نبئلئک ادئن.
يولوموزا مانع اولمايين، يولدان چکئلئن، قويون بئر داها ائسرايئلئن موقدّسي بارهده اشئتمه‌يک.»"
بونا گؤره ده ائسرايئلئن موقدّسي بله ديئر: "بو سؤزو ردّ اتدئيئنئزه گؤره، ظولم و يالانا اِعتئماد ادئب بِل باغلاديغينيزا گؤره،
بو قباحت سئزئن اوچون اوجا دوواردا عمله گلن چاتلاغا بَنزه‌يئر؛ بله دووار بئردنبئره، بئر آن ائچئنده ييخيلار.
اونون ييخيلماسي کوزهگرئن قيريلميش بئر کوزه‌سي کئمي اولار، اِله شئدّتلي پارچالانار کي، اوجاقدان اود گؤتورمک اوچون، يا دا حوووضدان سو چکمک اوچون يِتَرلي بئر تئکه قالماز."
پروردئگار رب، ائسرايئلئن موقدّسي بله بويوروب: "تؤوبه ادئب راحاتليق تاپاندا، خئلاص اولارسينيز، سئزئن قووّتئنئز ساکئت اولماقدادير، ائنانماقدادير." لاکئن سئز بونو ائسته‌مئرسئنئز.
سئز دِدئنئز: «خِير، آتلارا مئنئب قاچاجاغيق.» بونا گؤره سئز قاچمالي اولاجاقسينيز. «چِوئک آتلارا مئنه‌جَيئک.» بونا گؤره تعقئبچئلرئنئز ده چِوئک اولاجاقلار.
مئن نفر بئر نفرئن تهدئدئندن قاچاجاق، بش نفرئن تهدئدئندن هامينيز قاچاجاقسينيز. او قدر کي، داغين باشينداکي بئر بايراق کئمی، تپه‌ده‌کي بئر علامت کئمی قالاسينيز."
آمّا رب سئزه ائلتئفات گؤرسدمک اوچون حسرت چکئر، اوجالاردا گؤزلهيئر کي، سئزه شَفقَت گؤرسدسئن. چونکي رب عادئل تاريدير، اونو ائنتئظارلا گؤزله‌يَنلر نه بختوردئرلر!
ای اورشلئمده ياشايانلار، ای صحيون خالقي، سئز آرتيق آغلاماياجاقسينيز. فرياد اتدئکده رب قطعن سئزه ائلتئفات گؤرسدهجک؛ فريادينيزي اشئتدئکده، سئزه جاواب ورهجک.
گَرچي رب سئزه عذاب چؤره‌يئني و سئتم سويونو ورئب، لاکئن او، سئزئن موعلّئمئنئز، اؤزونو آرتيق سئزدن گئزلَتميه‌جک. اونو گؤزونوزله گؤرهجکسئنئز.
صاغا يا دا سولا دؤندوکده، قولاقلارينيز آرخادان بئر سَس اِشئده‌جک: "يول بودور، گدئن بو يولا."
او واخت سئز گوموشله اؤرتولَن اويما بوتلرئنئزي، قيزيللا اؤرتولموش تؤکمه بوتلرئنئزي نجئس حساب ادهجکسئنئز. اونلاري نجئس بئر شيي آتديغينيز کئمي آتاجاقسينيز و اونلارا دئيهجکسئنئز: "ردّ اولون!"
سونرا رب يِره اَکدئيئنئز توخوم اوچون ياغيش ورهجک و تورپاغين وردئيي چؤرک بول و برکتلي اولاجاق. او گون مال-حيوانينيز گِنئش اوتلاقلاردا اوتلاياجاق.
تورپاغي شوخوملايان اؤکوزلرله اِششَکلر کورَکله، شَنه ائله سوورولموش دوزلانميش يِم يئيه‌جکلر.
او بؤيوک مغلوبئيّت گونونده، قالا بورجلري يِره چؤکَنده، هر اوجا داغدان و هر اوجا تپهدن سو آرخلاري آخاجاق.
رب اؤز خالقينين يارالاريني ساريديغي گون، ضربه‌سي ائله آچديغي يارالارينا شفا ورن گون، آي ائشيغي گونش پاريلتيسي کئمي اولاجاق، گونشئن ده ائشيغي يدّي گونون ائشيغي کئمی يدّي قات آرتيق پارلاياجاق.
باخ، ربّئن آدي اوزاق بئر يردن گلئر، قضبي يانار اود کئميدئر، توستوسو چوخ قَلئظ؛ آغزي قضبله دولودور، دئلي سانکي هر شيي محو ادن آلوودور.
اونون نفسي داشان سل کئميدئر کي، ائنسانين بوغازيناجاق چاتيب. اِله کي، مئلّتلري اَلَکده سئلکَتسئن و دَيَرسئزلري آييرسين، و خالقلارين آغزينا يولدان آزديران يويَن تاخسين.
آمّا سئز موقدّس بايرام گجهسي کئمي نغمهلر اوخوياجاقسينيز. ربّئن داغينا، ائسرايئلئن قاياسينا نِي چالاراق چيخان کئمی، اوره‌يئنئز شادلاناجاق.
رب قودرتلي سَسئني اشئتدئره‌جک، حئدّتلي قضبله، هر شيي يانديران آلوولا، طوفانلا، بولود پارتلاماسي ائله، دولو ائله قولونون قودرتئني گؤرسدهجک.
رب دَيَنه‌يي ائله ووراندا، آشور ربّئن سَسئندن واهئمه‌يه گلهجک.
ربّئن اونلارا اِندئردئيي دَيَنه‌يئنئن هر ضربه‌سئني، دفلر و طنبورلار نغمه‌سي موشايئعت ادهجک. موحارئبه‌ده سئلاحلار چکئب اونلارلا ووروشاجاق.
چونکي توفِت چوخدان حاضيردير، دوغرودان دا پادشاه اوچون حاضيرلانيب. اونو درئن و گِنئش ادئب؛ اود قالاسي چوخلو اودونلارلا؛ ربّئن نفسي گوگورد آخيني کئمي اونو يانديرار.
واي او آداملارين حالينا کي، کؤمک اوچون مئصئره طرف اِنئرلر، آتلارا بِل باغلاييرلار، عارابالارينين چوخلوغونا، آتلي‌لارين گوجونه بِل باغلاييرلار! لاکئن ائسرايئلئن موقدّسئنه باخميرلار، ربّی آختارميرلار!
آمّا رب تام حئکمته مالئکدئر و بلا گتئرر، اؤز سؤزلرئني گری گؤتورمز، لاکئن پئسلئک ادن آداملارين اِوئنه، شر قورانلارا کؤمک ادنلرئن ضئدّئنه قالخار.
مئصئرلی‌لر تاري يوخ، ائنسانديرلار، آتلاري دا اَتدئر، روح ديئل. بونا گؤره، رب اؤز اَلئني اوزاداجاق، کؤمک ادن ييخيلاجاق، کؤمک آلان ييخيلاجاق، اونلارين هاميسي بئرلئکده محو اولاجاقلار.
چونکي رب منه بله ديئر: "شئر و يا جاوان آصلان نجه اؤز شئکاري اوستونه نعره چکنده، بئر دسته چوبان اونون ضئدّئنه هاراي چکميه باشلايير، نجه آصلان اونلارين سَسلرئندن قورخمور، قيشقيريقلارينا محل قويمور. قوشونلارين ربّی ده اِله اِنهجک، صحيون داغيندا و اونون تپه‌لرئنده دؤيوشه‌جکدئر.
قوشونلارين رَبّي، قاناد آچميش قوشلار کئمي اورشلئمي قوروياجاق، مودافئعه ادهجک، اونو قورتاراجاق، اونو اسئرگَيه‌جک، خئلاص ادهجکدئر."
ای ائسرايئل اؤولادلاري، اونا چوخ عاصي اولدوغونوز ربّه طرف، دؤنون!
چونکي او گون هر بئرئنئز، گوناهکار اَللرئنئزله دوزه‌لتدئيئنئز قيزيل و گوموش بوتلرئنئزي اؤزوزدن آتاجاقسينيز.
"آشورلولار قيلينجدان محو اولاجاقلار، لاکئن ائنسان قيلينجيندان يوخ. اونلار قيلينج آغزينا ورئله‌جکلر، آمّا بو، ائنسان قيلينجي اولماياجاق. قيلينجدان قاچا بئلميه‌جکلر، جاوانلاري دا ياخالانيب قول اولاجاقلار.
اونلارين قايا داشي دهشت اوزوندن ييخيلاجاق؛ سرکرده‌لري بايراغي گؤرونجه ولوله‌يه دوشهجکلر." بونو او رب ديئر کي، آلووو صحيوندا، اوجاغي اورشلئمدهدئر.
باخ، بئر پادشاه صالحلئکله سلطنت ادهجک، باشچيلار عدالتله حؤکم سوره‌جکلر.
اونلارين هر بئري کولَک قاباغيندا بئر پناهگاه، طوفان قاباغيندا بئر سيغيناجاق اولاجاق. قوراقليقدا بولاقلار، جان‌سيخيجي تورپاقدا، کؤلگه سالان بؤيوک قايا کئمي اولاجاق.
او واخت گؤرَنلرئن گؤزلري بئر داها يومولماياجاق، اشئدنلرئن قولاقلاري قولاق آساجاق.
تَلَسنلرئن آغلي معرئفتي آنلاياجاق، پلتَکلرئن دئلي آچيق-آيدين دانيشماغا تَلَسه‌جک.
آرتيق آخماق آداما عالئجناب ديئلميه‌جک، خَسئس آدامي دا سخاوتلي ائنسان سايماياجاقلار.
چونکي آخماق سَفِه-سَفِه دانيشير، اوره‌يئنئن نئيّتي پئسلئک اتمکدئر. اونون ائشي شرارت اتمکدئر، ربّئن ضئدّئنه ياوا دانيشماقدير، آجلاري آج بوراخماق، سوسوزلاري سوسوز قويماقدير.
آلچاق آدامين سئلاحلاري شردئر. او، حئيله ائشله‌دئر کي، يالان سؤزلرله مظلوم آدامي محو اتسئن، گرچي او مؤحتاج، داعواسيندا حاقليدير.
آمّا اَصئلزاده آدام عالي نئيّتلر قورار. و عالي نئيّتلرله برقرار قالار.
ای لاقيد آروادلار، قالخين، سَسئمي اِشئدئن! ای لاقيد قيزلار، سؤزومو اِشئدئن!
ای لاقيد آروادلار، سئز بئر ائل نچه گوندن سونرا ائضطئرابا دوشهجکسئنئز، چونکي باغدا محصول قورتاراجاق، ميوه ييغيمي اولماياجاق.
اَسئن، ای لاقيد آروادلار؛ ائضطئرابا دوشون، ای لاقيد قيزلار؛ پالتارلارينيزي چيخاردين، سويونون، بِلئنئزه چول قورشايين.
گؤزل زَمئلر، محصوللو مِينه‌لر اوچون سئنه‌لرئنئزه وورون.
چونکي خالقيمين تورپاغيندا تئکانلي کوللار بئته‌جک؛ بلی، بوتون شَن اِولر اوچون، صفالي شهر اوچون سئنه‌لرئنئزه دؤيون.
چونکي ساراي ترک ادئلئب، ائزدئحاملي شهر بوش قاليب، تپه ائله کشئکچي بورجو ابدئلئک ماغارالارا چِورئلئب؛ وحشي اِششَکلرئن خوشلارينا گلن يِر اولوب، سورولره اوتلاق يري اولوب.
بونلار يوخاريدان اوستوموزه روح تؤکولَنه‌جک داوام ادهجک. او واخت صحرا محصوللو زَمئيه، محصوللو زَمي ده، مِشه ساييلاجاق.
سونرا عدالت صحرادا ساکئن اولاجاق، صالحلئک محصوللو زَمئده ياشاياجاق.
صالحلئيئن عملي اَمئن-آمانليق، نتئجهسي ده ابدی اَرامليق و آرخايينليق اولاجاق.
او واخت خالقيم اَمئن-آمانليق ائچئنده اِولرئنده، خطَرسئز مسکنده، راحات يِرلرده ياشاياجاق.
مِشه‌لر دوشَنده دولو ياغاجاق، شهر يِرله بئر اولاجاق.
سئز نه بختور اولاجاقسينيز، سئز کي، بوتون سولار قيراغيندا اَکئرسئنئز، سئز کي، اؤکوزو و اِششه‌يي آزاد بوراخيرسينيز.
واي سنئن حالينا، ای محو ادن، آمّا اؤزو محو اولمايان ائنسان! واي حالينا، ای خائن آدام، هرچند سنئن ضئدّئنه هچ کس خيانت اتمهدي! سن محو ادئب قورتاران زامان، اؤزون ده محو اولاجاقسان؛ سن خائن عمللرئندن دؤنَنده، باشقا آداملار سنئنله خيانتله رفتار ادهجکلر.
يارب، بئزه ائلتئفات گؤرسد؛ چونکي سنه اومئد اتمئشئک. هر سحر اونلارين قووّتي اول، دارليق زاماندا دا بئزئم نئجاتيميز.
سنئن قودرتلي سَسئندن خالقلار قاچيرلار، سن آياغا قالخارکَن، مئلّتلر پَرَن-پَرَن اولورلار.
چَيئرتکه‌لر زمئني نه جور تالان ادئرلر، ای مئلّتلر، قنئمتئنئز ده او جور تالان اولاجاق. مالينيزين اوستونه چَيئرتکه ييغيني کئمي جوماجاقلار.
رب اوجادير، چونکي او اوجالاردا ساکئندئر، صحيونو عدالت و صالحلئکله دولدوروب.
او، ياشاديغينيز دؤورون بونؤوره‌سي‌دئر، قورتولوشون، حئکمتئن و بئلئيئن خزئنه‌سي‌دئر، ربّئن قورخوسو اونون خزئنه‌سي‌دئر.
باخ، مئلّتلرئن ائگئدلري کوچهلرده باغيريرلار. صولح قاصئدلري هؤنکوروب آغلاييرلار.
يوللار بوشاليب، سَيّاحلار آرتيق يوخدور. دوشمن عهدي پوزوب، شاهئدلري خور گؤرور، ائنساني هچ سايير.
اؤلکه ياس توتور، ضعئفله‌يئر، لوبنان خجئل اولوب، سولوب، شارون صحرايا دؤنور، باشان و کَرمِلئن آغاجلاري يارپاقلاريني تؤکور.
رب ديئر: "ائندي قالخاجاغام، ائندي اوجالاجاغام، ائندي اوجالاجاغام.
سامانا بويلو اولوبسونوز، کولَش دوغاجاقسينيز، نفسئنئز سئزي محو ادن آلوو کئمي اوداجاق.
خالقلار يانيب کول اولاجاقلار، کَسئلئب اوددا يانديريلان تئکانلي بوتالارا اوخشاياجاقلار.
ای اوزاقدا ياشايانلار، نه اِله‌دئيئمي اِشئدئن، ای ياخيندا ياشايانلار، منئم گوجومو بئلئن."
صحيونداکي گوناهکارلار دهشته دوشوبلر، تاريسيزلاري لرزه بورويوب: "هر شيي محو ادن آلووون يانيندا، هانسيميز ياشايا بئله‌رئک؟ ابدی يانان اودون يانيندا، هانسيميز ياشايا بئله‌رئک؟"
او کي، صالحلئک يولو ائله گِدئر و دوغرو سؤزلر دانيشير، او کي، قدّارليقلا اَلده ادئلَن قازانجي ردّ ادئر، اَلئني روشوتدن اوزاق توتور، قولاقلاريني قان تؤکمک بارهده اِشتئميه باغلايير، گؤزلرئني پئسلئيه باخماقدان يومور.
او اوجاليقلاردا ساکئن اولاجاق، قايالارين قالالاري اونون پناهي اولاجاق. چؤره‌يي اونا ورئلهجک، سويو اونا تأمئن اولوناجاق.
سنئن گؤزلرئن پادشاهي گؤزل‌لئيي ائله گؤرهجک، اوجسوز-بوجاقسيز اؤلکهني سِير ادهجک.
اوره‌يئن دهشت حاقّيندا فئکئرلَشه‌جک؛ "هارادادير حساب ادن؟ هارادادير چَکَن؟ هارادادير بورجلري سايان؟"
آنلاشيلماز، ياد دئلده دانيشان رحمسئز بئر خالقي داها گؤرميه‌جکسن.
بايراملار کچئرتدئيئمئز شهره، صحيونا باخ! گؤزلرئن اورشلئمي، باريش مسکنئني، تئتره‌مز چاديري گؤرهجک. اونون پايالاري هچ واخت سؤکولميه‌جک، کَندئرلرئنئن هچ بئري قيريلماياجاق.
اورادا عظمتلي رب بئزئم اوچون اولاجاق؛ چايلار و گِنئش آرخالار يِري! اورادان آوارلي قاييقلار، بؤيوک گَمئلر کچه بئلمزلر.
چونکي بئزه حؤکم ادن ربدئر، بئزه قانون قويان ربدئر، بئزئم پادشاهيميز ربدئر، اودور بئزي قورتاران.
گَمئلرئنئن ائپلري آچيلميش ساللاندي، دَکَلي يِرئنده مؤحکم دايانا بئلمئر. يِلکَنلري آچيلمير. او واخت بؤيوک تالان مالي پايلاناجاق، حتّا توپال آداملار دا تالان ادهجک.
هچ بئر صحيون ساکئني "ناخوشام" دِمَيه‌جک، اورادا ياشايان خالقين گوناهلاري باغيشلاناجاق.
ای مئلّتلر، ياخين گلئن کي، اِشئده‌سئنئز، قولاق آسين، ای خالقلار! قوي يِر و اوندا اولانلارين هاميسي، دونيا و اونون بوتون يتئرمه‌لري، قولاق آسسين!
چونکي ربّئن قضبي بوتون مئلّتلرئن ضئدّئنهدئر، اونون قِيضي اونلارين بوتون قوشونلارينين ضئدّئنهدئر. اونلارين هاميسيني محو ادئب، اونلاري اؤلوم اَلئنه ورئب.
بلجه اونلارين اؤلولري کنارا آتيلاجاق، مِيئتلرئندن عوفونت قالخاجاق، داغلار اونلارين قانينا بولاناجاق.
بوتون گؤي فوجلاري چورويه‌جک، گؤيلر بئر طومار کئمي بوکوله‌جک. گؤي اولدوزلاري مِينه يارپاغي کئمي، انجئر يارپاغي کئمي دوشهجک، ساراليب سولاجاق.
"چونکي قيلينجيم گؤيلرده دويونجاق ائچئب، ائندي او، حؤکم اتمک اوچون اِدومون اوستونه اِنئر، او خالقلارين اوستونه کي، من اونلاري هلاکته مخصوص اتمئشم."
ربّئن قيلينجي قانلا، قوزو و اِرکَک کچي قاني ائله دويوب، قوچ بؤيرَکلرئنئن ياغي ائله پئي باغلاييب. چونکي ربّئن بوصرادا بئر قورباني وار، اِدوم تورپاغيندا بؤيوک بئر قيرغيني وار.
اونلارلا بئرلئکده چؤل اؤکوزلري، جاوان گاميشلار گوجلولري ائله يِره سَرئله‌جکلر. تورپاقلاري قانلا دوياجاق، ير اوزو پئي باغلاياجاق.
چونکي ربّئن قئصاص گونو وار، صحيونون داعواسي اوچون، عوض آلما ائلي وار.
اِدومون آخار سولاري قَطرانا، تورپاغي گوگورده دؤنهجک، اؤلکهنئن هر طرفي يانان قَطران اولاجاق.
قَطران گجه-گوندوز سؤنميه‌جک، توستوسو همئشه قالخاجاق. بو تورپاق نسئلدن-نسله وئران قالاجاق، عصرلر بويو اورادان بئر کس کِچميه‌جک.
اورا بايقوشلارلا کئرپئلرئن ساکئن اولدوغو يِر اولاجاق، بؤيوک بايقوشلارلا قارغالار اورادا ياشاياجاقلار. رب اِدوم اوستونه قارماقاريشيقليق ائپئني، وئرانهلئک شاقولونو سالاجاق.
اورادا هچ بئر آدلي-سانلي آدام قالماياجاق کي، اورا پادشاهليق چاغيريلسين. بوتون باشچيلاري هچ اولاجاق.
ائستِحکاملي بورجلرئنده تئکانلار، قالالي شهرلرئنده ده گئجئتکَن و قارا چالي بئته‌جک. اورا چاقّاللارين يوردو، بايقوشلارين يوواسي اولاجاق.
وحشي حيوانلارلا جاناوارلار اورادا گؤروشه‌جک، وحشي کِچئلر بئربئرئني سَسلَيه‌جک، قولِيباني اورادا ساکئن اولوب راحات يِر تاپاجاق.
اوخ ائلاني اورادا يووا قوراجاق، يومورتلاياجاق، اؤز کؤلگهسي آلتيندا بالالار چيخارداجاق. چالاغانلار دا اورادا جوت-جوت ييغيشاجاقلار.
ربّئن کئتابيني آراشديرين، اوخويون: بونلاردان هچ بئري اَسکئک اولماياجاق، هر بئر دئشي حيوان اؤز جوتونو تاپاجاق، چونکي بو امر ربّئن آغزيندان چيخيب، روحو دا اونلاري ييغيب.
رب اؤزو اونلار اوچون پوشک آتيب، اَلي ائله اؤلکهني اؤلچوب، اونلارا پايلاييب. اونلار بو اؤلکهيه همئشهلئک مالئک اولاجاقلار، نسئلدن-نسله بورادا ياشاياجاقلار.
صحرا و قورو تورپاق سِوئنه‌جک، چؤل شادلاناجاق، نرگئس کئمي چئچکلَنه‌جک.
هر يان گول آچاجاق، شادلاناجاق، سِوئنجدن نغمه اوخوياجاق. لوبنانين شؤوکتي، کَرمِل و شارونون جاه-جلالي اونا ورئلهجک. ائنسانلار ربّئن عئزّتئني، تاريميزين عظمتئني گؤرهجکلر.
ضعئف اَللره قووّت ورئن، اَسن دئزلري مؤحکملَندئرئن.
اورَکلرئنده قورخانلارا ديئن: "جسارتله‌نئن، قورخمايين! باخ، تارينيز ائنتئقام آلماق اوچون گلئر، قئصاص آلماق اوچون گلئر. او گلئب سئزه قورتولوش ورهجک!"
او واخت کورلارين گؤزلري آچيلاجاق، کارلارين قولاقلاري آچيلاجاق،
او واخت آخساقلار مارال کئمي آتيليب دوشهجکلر، لال‌لارين دئلي شادليقلا نغمه اوخوياجاق، چونکي صحرادا بولاقلار فيشقيراجاق، قورو تورپاقدا چايلار آخاجاق.
قيزقين قوم حوووضا، سوسوز تورپاق سو بولاقلارينا چِورئله‌جک. چاقّاللارين راحاتلاديغي يِرلرده، اوت، قاميش و بوتا بئته‌جک.
اورادا بئر يول اولاجاق، بؤيوک بئر طرئق؛ او يول "موقدّسلئک يولو" آدلاناجاق. نجئس آدام اورادان کِچميه‌جک، او يول، ربّئن يولو ائله گِدن آدام اوچوندور. او يولدا يِرئيَنلر، حتّا آغيلسيز دا اولسالار، يولونو اصلا آزماياجاقلار.
اورادا شئرلر اولماياجاق، ييرتيجي حيوانلار او يولا چيخماياجاقلار، بونلار اورادا تاپيلماياجاقلار. آنجاق قورتولوش تاپانلار او يوللا گدهجکلر.
ربّئن ساتين آلينميش آداملاري قاييداجاق، سِوئنجله نغمه اوخوياراق صحيونا گلهجک. باشلاريندا ابدی شَنلئک اولاجاق، اونلار سِوئنج و شادليق تاپاجاقلار، کَدَر و قَم-قوصّه يوخ اولاجاق!
خئزقئيانين پادشاهليغينين اون دؤردونجو ائلئنده، آشور پادشاهي سَنخِرئب، يهودانين بوتون قالالي شهرلرئنه هوجوم ادئب اونلاري آلدي.
آشور پادشاهي رَبشاقِه‌ني لاکئشدن بؤيوک قوشونلا اورشلئمه، پادشاه خئزقئيانين يانينا گؤندردي. رَبشاقه پالتار آغاردان زَمئسي يولونا، يوخاري حوووضون سو کمرئنئن يانينا قالخيب اورادا داياندي.
خئلقئيا اوغلو ساراي ريئسي اِلياقئم، مئرزه شِبنا و آساف اوغلو سالنامه‌چي يوآخ اونون قاباغينا چيخديلار.
رَبشاقِه اونلارا ددي: "ائندي خئزقئيايا ديئن: آشور پادشاهي، بؤيوک پادشاه بله ديئر: «نه‌يه بِل باغلاييرسان؟
آيا اِله دوشونورسن کي، بومبوش لافلار موحارئبه اوچون تدبئر و گوج اولا بئلر؟ ائندي سن کئمه بِل باغلاييرسان کي، منئم ضئدّئمه عوصيان ادئبسن؟
باخ، سن اَزئلمئش قاميش چوبوغونا، يعني مئصئره بِل باغلاييرسان. بئل کي، کئم اونا سؤيکَنسه، اوووجونا باتيب دِشَر. مئصئر پادشاهي فئرعون، اونا بِل باغلايانلارين هاميسي اوچون بلهدئر.
بلکه منه دئيهسن: ‹بئز تاريميز ربّه بِل باغلاييريق.› مگر بو همئن تاري ديئلدي کي، خئزقئيا اونون پرستئشگاهلاريني و قوربانگاهلاريني آرادان قالديردي؟ مگر يهودالي‌لارا و اورشلئملی‌لره دِمه‌دي کي، ‹فقط بو قوربانگاهين قاباغيندا پرستئش ادئن›؟
ائندي آغام آشور پادشاهي ائله مَرجه گل: اگر سن ائکي مئن سوواري تاپا بئلهسن، من سنه او قدر آت ورهرم.
بس نجه اده بئلرسن کي، آغامين کئچئک قولو اولان بئر باشچيني دفع ادئب دؤيوش عارابالاري و آتليلار اوچون مئصئره بِل باغلاياسان؟
مگر ائندي من بو تورپاغي وئران اتمه‌يه ربّئن ائسته‌يي ائله گلمهمئشم؟ رب منه ددي: ‹بو اؤلکهيه هوجوم آپار و اونو وئران ات.›»"
اِلياقئم، شِبنا و يوآخ رَبشاقِه‌يه ددئلر: "خاهئش ادئرئک، بو قوللارينلا اَرامي دئلئنده دانيش، بئز بو دئلي باشا دوشوروک. آنجاق دووار اوستونده‌کي خالقين اشئتدئيي يرده بئزئمله يهودي دئلئنده دانيشما."
لاکئن رَبشاقِه ددي: "مگر آغام منی گؤنده‌رئب کي، بو سؤزلري تَکجه سنئن آغانا و سنه دِيئم، و دووار اوستونده اوتوران بو آداملارا دِمه‌يئم کي، سئزئنله بئرلئکده نجئسلرئني يِيئب، سودوکلرئني ائچه‌جکلر؟"
او واخت رَبشاقِه دوروب يهودي دئلئنده اوجا سَسله باغيردي: "بؤيوک پادشاهين، آشور پادشاهينين سؤزونو اِشئدئن!
پادشاه بله ديئر: «قويمايين خئزقئيا سئزي آلداتسين، چونکي او، سئزي قورتارا بئلميهجک.
قويمايين خئزقئيا سئزي تارييا آرخايين ادئب دسئن: ‹رب بئزي قطعن قورتاراجاق و بو شهر آشور پادشاهينا تسلئم ادئلمَيه‌جک.›»
اونا قولاق آسمايين! چونکي آشور پادشاهي بله ديئر: «منئمله صولح باغلايين و يانيما گلئن. هر کس اؤز اوزوم آغاجينين و اؤز اَنجئر آغاجينين مِيوه‌سئندن يِيئب، اؤز قويوسونون سويوندان ائچسئن.
سونرا من گلئب سئزي اؤلکه‌نئزه بَنزَر بئر اؤلکهيه، بوغدا، تزه شراب، چؤرک و اوزوم باغلاري اولان بئر تورپاغا آپاراجاغام.
قويمايين خئزقئيا سئزي آزديريب دسئن: ‹رب بئزي قورتاراجاق.› مگر مئلّتلرئن آللاهلاريندان بئري، اؤز اؤلکهسئني آشور پادشاهينين اَلئندن قورتاردي؟
هاني خَماتين و اَرپادين آللاهلاري؟ هاني سِفَروايئمئن آللاهلاري؟ مگر اونلار سامئره‌ني منئم اَلئمدن قورتارديلار؟
بوتون بو آللاهلاردان هانسي اؤز اؤلکهسئني منئم اَلئمدن قورتاردي، کي رب ده اورشلئمي منئم اَلئمدن قورتارا بئلسئن؟»"
جاماعات ساکئت قالدي و اونون جاوابيندا هچ بئر سؤز دِمه‌دي. چونکي پادشاه امراتمئشدي: "اونا جاواب ورمهيئن."
خئلقئيا اوغلو ساراي ريئسي اِلياقئم، مئرزه شِبنا و آساف اوغلو سالنامه‌چي جيريلميش پالتارلاردا خئزقئيانين يانينا گلئب، رَبشاقِه‌نئن سؤزلرئني اونا چاتديرديلار.
پادشاه خئزقئيا بونو اشئدنده پالتاريني جيردي و چولا بورونوب ربّئن معبدئنه گئردي.
سونرا ساراي ريئسي اِلياقئمي، مئرزه شِبناني و کاهئنلرئن آغساقّاللاريني چولا بورونموش حالدا آموص اوغلو پيغمبر اِشَعيانين يانينا گؤنده‌ردي.
اونلار اِشَعيايا ددئلر: "خئزقئيا بله ديئر: «بو گون دارليق، تحقئر و روسوايچيليق گونودور، چونکي اوشاقلارين دوغولما واختي چاتيب، آنجاق دوغماغا گوج يوخدور.
بلکه سنئن تارين رب رَبشاقِه‌نئن سؤزلرئني اِشئدَر، او آدامين سؤزلرئني کي، اونون آغاسي آشور پادشاهي اونو گؤنده‌رئب کي، ياشايان تاريني تحقئر اتسئن. تارين رب، اشئتدئيي سؤزلري توبئخ اِدَر؛ اونا گؤره ده قالانلار اوچون دوعا ات.»"
بلجه خئزقئيا پادشاهين نؤکرلري اِشَعيانين يانينا گلنده
اِشَعيا اونلارا ددي: "آغانيزا ديئن کي، رب بله ديئر: «اشئتدئيئن آشور پادشاهينين نؤکرلرئنئن سؤزلرئندن کي، اونونلا منه کوفر اتدئلر، قورخما.
باخ، من اونون ائچئنه اِله بئر روح قوياجاغام کي، بئر خبر اشئدئب اؤز اؤلکهسئنه قاييداجاق و اؤز اؤلکهسئنده اونو قيلينجلا اؤلدورتدوره‌جيم.»"
رَبشاقِه گری قاييديب آشور پادشاهينين لئبنا اوستونه هوجوم اتدئيئني گؤردو. چونکي لاکئشدن پادشاهين گری چکئلدئيئني اشئتمئشدي.
آشور پادشاهينا خبر چاتدي کي، "کوش پادشاهي تئرحاقا سنئن اوستونه ووروشماغا گلئب." او بونو اشئدنده خئزقئيانين يانينا قاصئدلر گؤنده‌رئب ددي:
"يهودا پادشاهي خئزقئيايا بله ديئن: «قويما بِل باغلاديغين تارين سني آلداديب دسئن: ‹اورشلئم آشور پادشاهين اَلئنه ورئلمَيه‌جک.›»
باخ، اشئدئبسن کي، آشور پادشاهلاري بوتون اؤلکهلره نه ادئبلر، اونلاري نجه وئران ادئبلر. مگر سن قورتولا بئلهجکسن؟
آتالاريمين محو اتدئکلري مئلّتلرئن حتّا گوزانين، خارانين، رِصِفئن و تِلَسّاردا اولان عِدِنلی‌لرئن آللاهلاري اونلاري مگر قورتارديلار؟
هاني خَمات پادشاهي، اَرپاد پادشاهي، لاعئرئن، سِفَروايئمئن پادشاهي، هِنَعئن و عئوّانين پادشاهي؟"»
خئزقئيا مکتوبو قاصئدلرئن اَلئندن آليب اوخودو. او، ربّئن معبدئنه قالخيب مکتوبو ربّئن قاباغيندا يِره سَردي.
خئزقئيا ربّه دوعا ادئب ددي:
"ای کَرّوبلار اوستونه اوتوران قوشونلار ربّی اولان ائسرايئلئن تاريسي! بوتون دونيا پادشاهليقلارينين تاريسي آنجاق سنسن. گؤيو و يري سن ياراديبسان.
يارب، قولاق ور و اشئت. گؤزلرئني آچ و گؤر، يارب. سَنخِرئبئن بوتون سؤزلرئنه قولاق آس کي، وار اولان تارييا کوفر اتمک اوچون گؤنده‌رئب.
يارب، دوغرودور؛ آشور پادشاهلاري بوتون اؤلکهلري و اونلارين تورپاقلاريني محو ادئبلر،
آللاهلاريني اودا آتديلار. چونکي اونلار تاري ديئلدئلر، ائنسانلار اونلاري آغاج و داشدان دوزلتمئشدئلر. اونا گؤره ده آرادان گتدئلر.
ائندي، ای تاريميز رب، يالواريرام، بئزي اونون اَلئندن قورتار و بوتون دونيا پادشاهليقلاري بئلسئنلر کي، رب آنجاق سنسن"
او واخت آموص اوغلو اِشَعيا خئزقئيايا خبر گؤنده‌رئب ددي: "ائسرايئلئن تاريسي رب بله ديئر: «آشور پادشاهي سَنخِرئب بارهده منه دوعا اتدئن.»
اونون ضئدّئنه ربّئن ددئيي سؤز بودور: «باکئره صحيون قيزي سنه خور باخيب لاغ ادئر، اورشلئم قيزي سنئن آرخانجا باشيني تَرپه‌دئب.
کئمي سؤيوب کوفر ادئبسن؟ کئمئن ضئدّئنه سَسئني قالديريبسان؟ کئمه لووغاليقلا باخيبسان؟ ائسرايئلئن موقدّسئنه!
قاصئدلرئنئن واسئطهسئله ربّی تحقئر ادئبسن، ديئبسن: ‹چوخلو دؤيوش عارابالاريملا داغلارين زئروه‌سئنه، لوبنانين لاپ اوزاق يِرلرئنه چيخديم. اوجا سئدر آغاجلاريني، گؤزل شام آغاجلاريني کَسدئم، اوزاق تپه‌لرئنه، ثمرهلي مِشه‌لرئنه گئردئم.
قويو قازديم و سولاريني ائچدئم، مئصئرئن بوتون چايلاريني آياغيمين داباني ائله قوروتدوم.›
مگر اشئتمه‌يئبسن کي، من چوخدان بو ائشي حاضيرلاديم، قدئمدن بَري اونون نقشه‌سئني چکدئم. ائندي يرئنه يتئرمئشم کي، سن قالالي شهرلري وئرانه‌لئيه چِوئره‌سن.
بونا گؤره بو شهرلرئن ساکئنلري ضعئفله‌دئلر، هراسا، خجالته دوشدولر. يِتئشمه‌مئشدن اوّل يانديريلان چؤل اوتو کئمي، گؤيَرتي کئمي، دامدا بؤيومه‌دن يانيب گِدن اوت کئمي اولدولار.
سنئن اوتوروشونو، گئرئشئنئ-چيخيشيني، منئم ضئدّئمه اولان حئدّتئني بئلئرم.
منئم ضئدّئمه حئدّتلَندئيئنه گؤره، لووغاليغين قولاغيما چاتديغينا گؤره، حالقامي بورنونا و جئلووومو آغزينا تاخاجاغام، سني گلدئيئن يوللا گری قايتاراجاغام.
سنئن اوچون علامت بو اولاجاق! بو ائل و گلن ائل اؤزو يِتئشَن باريني ييئن، آمّا اوچونجو ائل اَکئن ادئن، بئچئن ادئن، اوزوم باغلاري ساليب اونلارين بهره‌سئني ييئن.
يهودا نسلئندن خئلاص اولوب قالانلار، گئنه آشاغييا طرف کؤک سالاجاقلار، يوخارييا طرف بهره ورهجکلر.
چونکي قالانلار اورشلئمدن، خئلاص اولانلار صحيون داغيندان چيخاجاقلار. قوشونلار ربّئنئن قِيرَتي بونو ادهجک.»
بونا گؤره رب آشور پادشاهي بارهده بله ديئر: «او بو شهره گئرميهجک، اورايا اوخ آتماياجاق، موقابئلئنه قالخانلا چيخماياجاق، قاباغيندا تورپاق قالاغي قورماياجاق.
آنجاق گلدئيي يوللا گری قاييداجاق، و بو شهره گئرميه‌جکدئر.» رب بله بويورور.
«من بو شهري اؤزوم اوچون، قولوم داوودون خاطئرئنه قورويوب خئلاص ادهجيم.»"
ربّئن مَله‌يي چيخيب آشور اوردوگاهيندا يوز هشتاد بش مئن نفري قيردي. سحر اِرکَن قالخيب گؤردولر کي، اونلارين هاميسي اؤلدورولوب.
آشور پادشاهي سَنخِرئب گری چکئلئب گتدي و نِينَوادا قالدي.
او اؤز آللاهي نئسروکون معبدئنده پرستئش اِدَرکَن، اوغوللاري اَدرَم‌مِلِکله شَرِه‌سِر اونو قيلينجلا اؤلدوردولر و آرارات اؤلکهسئنه قاچديلار. سَنخِرئبئن يرئنه اوغلو اِسَرخَدّون پادشاه اولدو.
او گونلرده خئزقئيا اؤلومجول ناخوشلادي. آموص اوغلو پيغمبر اِشَعيا اونون يانينا گلئب ددي: "رب بله ديئر: «اِوئنئن ائشلرئنئن تَرتئباتيني ور، چونکي ناخوشلوقدان صاغالماييب اؤله‌جکسن.»"
خئزقئيا اوزونو دووارا چِوئردي و ربّه دوعا ادئب ددي:
"يالواريرام، يارب، يادينا سال کي، نجه سنئن حوضوروندا وفالي و کامئل اورَکله ياشاميشام، نجه سنئن گؤزونده ياخشي اولان ائشلر اتمئشم." خئزقئيا آجي-آجي آغلادي.
او واخت ربّئن سؤزو اِشَعيايا نازئل اولدو:
"گت و خئزقئيايا دِه کي، آتان داوودون تاريسي رب بله ديئر: «سنئن دوعاني اشئتدئم، گؤز ياشلاريني گؤردوم. باخ، سنئن عؤمرونو اون بش ائل آرتيريرام.
سني و بو شهري آشور پادشاهينين اَلئندن قورتاراجاغام؛ بو شهري حئفظ ادهجيم.
بو ربدن سنه بئر علامتدئر کي، بئلهسن رب ددئيي سؤزه عمل ادهجک:
باخ، اِله ادهجيم کي، باتان گونشئن کؤلگهسي کي، آخازين تئکدئيي پئلّه‌کَنئن اوستونه دوشوب، اون قدم گری چکئلسئن.»" بلجه، گونش اِنمه درجهسئنده اون دره‌جه گری چکئلدي.
بودور يهودا پادشاهي خئزقئيانين يازديغي او زامان کي، ناخوشلاييب سونراسي دا اوندان صاغالميشدي:
"من اؤز-اؤزومه ددئم: عؤمرومون يارييا چاتديغي زامان، اؤلولر دئيارينين قاپيسيندان کِچمه‌لئيَم؛ حياتيمين قالان ائللرئندن محروم قالمالي‌يام."
ددئم: "ربّی دئرئلر دئياريندا، بلی، ربّی بئر داها گؤرميه‌جيم. بو دونيادا ياشايانلار آراسيندا آرتيق ائنسان اوزو گؤرميه‌جيم.
اِوئم چوبان چاديري کئمي داغيلدي، اَلئمدن آليندي. حياتيم دَزگاهدا توخونان ساپلار کئمي دؤور ادئردي، او منی بو دَزگاهدان کَسئر. بئر گونون ائچئنده اجلئمي چاتديريرسان.
سحره قدر آغريلاردان چيغيرديم، رب آصلان کئمی بوتون سوموکلرئمي قيرير. بئر گونون ائچئنده اجلئمي چاتديريرسان.
قارانقوش کئمي، دورنا کئمي چيغيريرام، گؤيرچئن کئمی ائنله‌يئرم. گؤيه باخماقدان گؤزلرئم يورولور. ای پروردئگار، ضامئنئم اول، سئتم آلتينا دوشموشم!
نه دِيئم؟ او منئمله دانيشيب، منه بونو ادن او اؤزودور. جانيما دوشَن بو آجي‌لاردان اؤتري بوتون ائل‌لرئم بارهده سرگردان قالاجاغام.
ای پروردئگار، آداملار بونلارلا ياشاييرلار، منئم روحومون حياتي بونلارين ائچئندهدئر. سالاماتليغي منه دؤندَر، ياشات مَني!
چکدئيئم او بؤيوک مشقّت منئم خِيرئمه اولدو. جانيمي هِچلئک قويوسونا دوشمکدن قورتاران سَسسن، چونکي بوتون گوناهلاريمي آرخانا آتيبسان.
چونکي اؤلولر دئياري سنه شوکور اده بئلمز، اؤلوم سنه حمدلر دِمَز، قبئره دوشَنلر سنئن وفادارليغينا اومئد باغلايا بئلمز.
بو گون سنه اتدئيئم کئمي، دئرئلر، فقط دئرئلر سنه شوکور اِدَرلر. آتالار سنئن وفادارليغيني اؤولادلارينا تانيتديريرلار.
رب قطعن منه قورتولوش ورهجک، عؤمروموز بويو ربّئن معبدئنده تِلّي سازلارلا، سنه نغمهلر چالاجاغيق."
اِشَعيا دمئشدي: "بئر انجئر کونده‌سي گؤتورون و چئبانين اوستونه قويون کي، پادشاه ساغالسين."
سونرا خئزقئيا دمئشدي: "ربّئن معبدئنه قالخماغيم اوچون علامت نه‌دئر؟"
او زامان بابئل پادشاهي بَلَدان اوغلو مِرودَک‌بَلَدان، خئزقئيايا مکتوبلار و هدئيّهلر گؤنده‌ردي، چونکي خئزقئيانين ناخوشلاديغيني و ساغالديغيني اشئتمئشدي.
بونلار خئزقئياني سِوئندئردي. او، خزئنه‌سئنده اولان شيلري يعني قيزيل-گوموشو، عطرئيّاتي، قئيمتلي ياغلاري، سئلاح آنبارينداکي بوتون اشيالاري اِلچئلره گؤرستدي. خئزقئيانين ساراييندا و بوتون پادشاهليغيندا اونلارا گؤرستمه‌دئيي بئر شي قالمادي.
او واخت اِشَعيا پيغمبر خئزقئيا پادشاهين يانينا گلئب، اوندان سوروشدو: "بو آداملار نه ددئلر؟ سنئن يانينا هارادان گلدئلر؟" خئزقئيا جاواب وردی: "اوزاق بئر اؤلکه‌دن، بابئلدن گلئبلر."
اِشَعيا ددي: "سنئن ساراييندا نه گؤروبلر؟" خئزقئيا جاواب وردی: "ساراييمدا اولان بوتون شيلري گؤروبلر. خزئنه‌لرئمده، اونلارا گؤرستمه‌دئيئم بئر شي قالمادي."
او واخت اِشَعيا خئزقئيايا ددي: "قوشونلار ربّئن سؤزونو اشئت:
«باخ، اِله گونلر گلهجک کي، سنئن ساراييندا اولان هر شي و آتالارينين بو گونه قدر ييغديقلاري شيلر بابئله آپاريلاجاق، هچ نه قالماياجاق.» رب ديئر.
"سنئن نسلئندن اولان و سندن عمله گلن بعضی اوغوللاريني گؤتوروب آپاراجاقلار و اونلار بابئل پادشاهينين ساراييندا خاجه ادئله‌جکلر."
سونرا خئزقئيا اِشَعيايا ددي: "ددئيئن ربّئن سؤزو ياخشيدير." چونکي دوشونوردو: "هچ اولماسا منئم دؤورومده صولح و اَمئن-آمانليق اولاجاق."
تارينيز ديئر: "تسلّی ورئن خالقيما، تسلّی ورئن!
اورشلئمه سؤزلر دانيشين! اونا ديئن کي، اسئرلئک دؤورون باشا چاتيب، تقصئرلرئنئن جزاسي ورئلئب، بوتون گوناهلارينا گؤره ربّئن اَلئندن ائکي‌قات جزا آليب."
بئر نفرئن نئدا سَسي گلئر: "صحرادا ربّئن يولونو حاضيرلايين، چؤلده تاريميزين کِچه‌جيي يِرلري هامار ادئن.
قوي هر دره اوجالديلسين، هر داغ و تپه آشاغي اِندئرئلسئن، قوي يولداکي اَيِرئلئکلر دوزَلسئن، کَله-کؤتور يِرلر هامار ادئلسئن.
او واخت ربّئن شؤوکتي آشکار اولوناجاق، بوتون بشر بونو بئرلئکده گؤرهجک. چونکي ربّئن آغزي دانيشيب."
سَس ديئر: "نئدا ات!" جاواب وردی: "نه‌يي نئدا اِدئم؟" "بوتون بشر اوتا بَنزَر، اونلارين بوتون گؤزل‌لئيي چؤل چئچه‌يي کئمئدئر.
رَب، نفسئني اونلارين اوستونه اوفورَنده، اوت قورويار، چئچک سولار، حقئقتن، بو خالق اوتا اوخشار.
اوت قورويار، چئچک سولار، آمّا تاريميزين سؤزو ابده کئمي قالار."
ای صحيون، ياخشي خبرلري موژده گتئرن، اوجا داغا چيخ! ای اورشلئم، ياخشي خبرلري موژده گتئرن، اوجالت سَسئني، جار چک، قالدير سَسئني، قورخما. يهودا شهرلرئنه دِه: "بودور تارينيز!"
باخ، پروردئگار رب قودرتله گلهجک، او، قودرتله حؤکم سورهجک، باخ، پاداشي اونونلادير، غرامتي قاباغيندادير.
او اؤز سوروسونو چوبان کئمي اوتاراجاق، قوزولاري قوجاغينا آلاجاق، باغريندا داشيياجاق، اَمزئکلی‌لري ياواش سورهجک.
کئم دهنزلري اووجو ائله، گؤيلري ده قاريشي ائله اؤلچوب؟ يِرئن تورپاغيني اؤلچو ائله، داغلاري قاپانلا، تپه‌لري ده تَره‌زي ائله چکئب؟
ربّئن روحونو کئم هئدايت ادئب؟ يا دا کئم اونا مصلحتچئسي اولاراق، مصلحت ورئب؟
او کئمدن مصلحت آليب و کئم اونا فهم ورئب؟ کئم اونا عدالت يولونو گؤرسه‌دئب، معرئفت اؤيره‌دئب؟ کئمدئر اونا فهم يولونو آنلادان؟
باخ، مئلّتلر وِدره‌ده بئر دامجي سو کئمئدئر، تَره‌زئده توز ذرّه‌سي کئمي ساييلار، باخ، جزئره‌لري ده توز کئمي گؤيه سووورور.
قوربانلاري يانديرماق اوچون لوبنان مِشه‌سي کئفايت ديئل، يانديرما قوربانلار اوچون اوراداکي حيوانلار بس ديئل.
ربّئن قاباغيندا بوتون مئلّتلر هچ بئر شيدئر، هچ بئر شيدن ده آشاغي‌دير، هچ نه‌يه دَيمَز.
بس اوندا تاريني کئمه بَنزه‌ده‌جکسن؟ اونو نه‌يه اوخشاداجاقسان؟
لاکئن بوته باخ، بئر صَنَتگَر اونو تؤکور، اوستونو زرگر قيزيللا اؤرتور، گوموش زنجئرلرله ده اونو بَزه‌يئر!
بله تقدئمي گتئره بئلمه‌يَن يوخسول آدام چورومه‌يَن بئر آغاج سِچئر، اؤزونه اوستا بئر صَنَتگَر تاپير کي، يِرئنده مؤحکم دوران بئر بوت دوزلتسئن.
مگر بئلمئرسئنئز؟ مگر اشئتمه‌يئبسئنئز؟ مگر باشلانيشدان بَري بونو سئزه بئلدئرمه‌يئبلر؟ دونيانين بونؤورهسي قويولدوقدان بَري مگر بونو درک اتمه‌يئبسئنئز؟
ربدئر کي، يِر قوبّه‌سئنئن يوخاريسيندا اوتورور، يِر اوزونده ياشايانلار چَيئرتکه کئمئدئرلر. گؤيلري پرده کئمي آچير، اونلاري ياشاماق اوچون چارداق کئمي آچير.
ربدئر کي، اَمئرلري هچ ادئر، دونيانين حؤکمدارلاريني هِچه اِندئرئر.
اونلار تزه اَکئلمئش، تزه سَپئلمئش، و تزه کؤک سالميشديرلار، گؤوده‌لري تزه‌جه کؤک سالميش آغاجلارا بَنزَر. ربّئن نفسي اونلاري قورودار، طوفان اونلاري سامان چؤپو کئمي سووورار.
"بس منی اوندا کئمه بَنزه‌دئرسئنئز کي، من اونا تاي اولوم؟" ديئر موقدّس اولان.
باشينيزي گؤيلره قالديرين، گؤرون بو اولدوزلاري کئم ياراديب؟ او کي، اونلارين فوجلاريني سيرايا دوزوب چيخاردير، اونلارين هاميسيني آدلاري ائله چاغيرير. قودرتئنئن عظمتئنه گؤره، گوجونون قودرتئنه گؤره، اونلاردان هچ بئري ده اَسکئک اولماز.
ای يعقوب نسلي، ای ائسرايئل، نه اوچون ديئرسن: "رب باشيما گلنلري گؤرمور، تاريم منئم حاقّيم اولان ائنصافي گؤزوندن قاچيردير؟"
مگر سن بئلمئرسن؟ مگر اشئتمه‌يئبسن؟ ابدی تاري، رب، بوتون دونياني يارادان، نه يورولور، نه ده طاقتدن دوشور، اونون آغلي درک ادئلمَزدئر.
او، يورغونلارا گوج وِرَر، طاقتسئزلرئن قووّتئني آرتيرار.
حتّا جاوانلار يورولارلار، طاقتدن دوشَرلر، ائگئدلر ده ييخيلارلار.
لاکئن ربّه اومئد باغلايانلار تزه قووّت آلارلار، قاناد آچيب قارتال کئمي اوجالارا اوچارلار، قاچاندا طاقتدن دوشمَزلر، يول گدئب يورولمازلار.
رب ديئر: "ساکئت اولون حوضورومدا، ای ساحئللر! قوي خالقلار تزه گوج آلسينلار، قوي ياخينلاشسينلار، قوي دانيشسينلار، قوي حؤکم اوچون بئرلئکده ييغيشاق.
کئم شرقدن او آدامي قالديريب کي، صالحلئکده اونو خئدمت اوچون چاغيريب؟ مئلّتلري اونون ائختئيارينا قويور، پادشاهلاري موطئع ادئر. او اؤز قيلينجي ائله اونلاري تورپاغين توزونا چِوئرئر، کاماني ائله گؤيه سوورولان سامانا دؤنده‌رئر.
او اونلاري تعقئب ادئر، آياقلاريني باسماديغي يولدان صاغ-سالامات کچئر.
بونلاري کئم ادئب، کئم تاماملاييب؟ ازلدن بَري نسئللري چاغيران کئمدئر؟ من، رب، بئرئنجئيم و آخيرينکيلارلا دا من اولاجاغام."
ساحئللر بونو گؤروب قورخورلار، دونيانين اوجقار يِرلري لرزهيه دوشور. اونلار ياخينلاشيلار، گلئبلر،
هر کس قونشوسونا کؤمک ادئر، قارداشينا "جسور اول!" ديئر.
صَنَتگَر زرگري اورَکلَندئرئر، دمئري چکوجلا دوزله‌يَن، سنداني وورانا اورَک ورئر، "لَحئم ياخشي اولدو" ديئر. ميخلاري بَرکئدئر، اِله کي، بوت يِرئندن لاخلاماسين.
لاکئن سن، ای قولوم ائسرايئل، سِچدئيئم يعقوب نسلي، دوستوم ائبراهئمئن اؤولادلاري!
سني دونيانين اوجقار يِرلرئندن ييغميشام، لاپ اوزاق يِرلردن سَسلهمئشم، دمئشم: "سن منئم قولومسان، سني سِچمئشم، ردّ اتمهمئشم."
قورخما، چونکي من سنئنله‌يم، دهشته گلمه، چونکي تارين منم. سني قووّتلَندئره‌جيم، سنه دوغرودان کؤمک ادهجيم. صالح صاغ اَلئمله دوغرودان سني توتاجاغام.
باخ، سنه حئرصلَنَنلرئن هاميسي خجالت چکئب بي‌آبير اولاجاقلار، سنه ضئدّ چيخانلار هِچه چيخيب تلف اولاجاقلار.
سنئنله ساواشانلاري آختاراجاقسان، آمّا تاپا بئلميه‌جکسن، سنئنله ووروشانلار هچ اولاجاقلار، تاپيلماياجاقلار.
چونکي تارين رب منم، او کي، سنئن صاغ اَلئندن توتوب او کي، سنه "قورخما، سنه کؤمک ادهجيم" ديئر.
"ای تورپاق قوردو اولان يعقوب نسلي، ای ائسرايئل اَهلي، قورخما! رب اعلان ادئر: "سنه کؤمک ادهجيم. سني ساتين آليب قورتاران ائسرايئلئن موقدّسي‌دئر.
باخ، سني تزه، دئشلري ائتي خرمن دؤيَني اتمئشم. سن داغلاري دؤيوب اَزه‌جکسن، تپه‌لري سامان چؤپو کئمي سوووراجاقسان.
سن اونلاري سوووراجاقسان، يِل ده اونلاري آپاراجاق، طوفان اونلاري داغيداجاق، آمّا سن ربده سِوئنه‌جکسن، ائسرايئلئن موقدّسي ائله فخر ادهجکسن.
مظلوملار و مؤحتاجلار سو آختاريرلار، آمّا تاپميرلار، دئللري سوسوزلوقدان قورويور. من، رب، اونلارا جاواب ورهجيم. من، ائسرايئلئن تاريسي، اونلاري ترک اتميه‌جيم.
لوت تپه‌لرئن باشيندا چايلار آچاجاغام، دره‌لرئن اورتاسيندا سو بولاقلاري آچاجاغام. صحراني گؤلمَچه‌يه، قوراق تورپاغي سو چشمه‌لرئنه چِوئره‌جيم.
صحرادا سئدر آغاجي، اَقاقئيا، مَرسئن و زيتون آغاجي اَکه‌جيم. قورو تورپاقدا شام، چئنار و سرو آغاجيني بئرلئکده سالاجاغام.
اِله کي، ائنسانلار گؤروب بئلسئنلر، فئکئرله‌شئب باشا دوشسونلر کي، بونو ادن ربّئن اَلئدئر، بونو يارادان ائسرايئلئن موقدّسي‌دئر.
رب ديئر: "داعوانيزي آچين، لاپ قووّتلي موباحئثه‌‌لرئنئزي ادئن." بونو يعقوبون پادشاهي ديئر.
بوتلرئنئزي گتئرئن و قوي اونلار نه اولاجاغيني بئزه بئلدئرسئنلر، اولوب کِچَنلري بئزه نقل اتسئنلر، اِله کي، اونلاري درئندن دوشونوب آخيريني اؤيرَنَک. و يا گله‌جيي بئزه خبر ورسئنلر.
ای بوتلر، بوندان سونرا باش ورن حادئثهلردن بئزه دانيشين، اِله کي، سئزئن تاري اولدوغونوزو بئلک! دوغرودان دا ياخشيليق يا دا پئسلئک ادئن کي، هاميميز قورخوب واهئمه‌يه دوشَک.
باخ، سئز هِچنه‌سئنئز، عمل‌لرئنئز ده هِچدئر. سئزي سِچَن ائيرنجدئر!
شئمالدان بئرئني قالديرميشام و گلئب؛ او، گونشئن چيخديغي يردن آديمي چيغيراجاق. دولوسچو گئلي تاپدالايان کئمي، او، حؤکمدارلاري پالچيق کئمي تاپدالاياجاق.
کئم بونو باشلانيشدان اعلان ادئب کي، بئز بئلک، يا دا قاباقکي زامانلاردان کي، بئز "او حاقليدير" دئيک؟ قطعن بونو اعلان ادن يوخ ائدي، قطعن بونو بئلدئرن يوخ ائدي، قطعن سؤزلرئزي اشئدن ده يوخ ائدي.
من قاباقلار صحيونا "باخ گلئرلر" ددئم. اورشلئمه "موژده گتئره‌ني گؤنده‌رئرم" ددئم.
لاکئن باخديغيم زامان، هچ کئم يوخدور، آرالاريندا هچ مصلحت ورن يوخدور کي، سوروشدوغومدا جاواب وره‌بئلسئن.
باخ، هاميسي دَيَرسئزدئرلر، اتدئکلري ائشلر ده هِچدئر، ائنسانلارين تؤکمه بوتلري فقط يِلدئر، بوشلوقدور.
باخ، منئم ساخلاديغيم، جانيم ائسته‌يَن سِچئلمئش قولوم! من اؤز روحومو اونون اوستونه قويموشام. او، مئلّتلره عدالت گتئرهجک.
چيغيرماياجاق، سَسئني قالديرماياجاق، کوچهلرده سَسي اِشئدئلميه‌جک.
اَزئلمئش قاميشي قيرماياجاق، کؤزه‌رن پئلته‌ني سؤندورميه‌جک. او، عدالتي صداقتله ياياجاق.
او، يِر اوزونده عدالتي قوراياجاق، طاقتدن دوشميهجک، اَزئلميه‌جک، ساحئلنشئن خالقلار اونون قانونونا اومئد باغلاياجاقلار.
گؤيلري ياراديب اونلاري سَرَن، يري و اونون اوستونده‌کئلري دوزه‌لدن، دونياداکي آداملارا نفس ورن، يِر اوزونده گزن ائنسانلارا روح ورن، رب تاري بله ديئر:
"من رَبّم، من سني صالحلئيئمده چاغيرميشام، سني اَلئندن توتاجاغام، سني حئفظ ادهجيم، سني خالق اوچون بئر عهد ادهجيم، مئلّتلر اوچون بئر نور ادهجيم کي،
کورلارين گؤزلرئني آچاسان، زئنداندان محبوسلاري، ظولمتده ياشايانلاري حبسخانادان آزاد ادهسن.
من رَبّم، آديم بودور. اؤز شؤوکتئمي هچ کئمه ورمه‌رم، حمدلرئمي اويما بوتلره ورمه‌رم.
باخ، قاباقکي شيلر حياتا کچدي، ائندي من تزه شيلري خبر ورئرم، اونلار يِتئشمه‌مئشدن سئزه اعلان ادئرم."
ای دهنز سيّاحلاري، دهنزده‌کي بوتون جانلي‌لار، ساحئلنشئن خالقلار و اورادا ياشايانلار، ربّه تزه بئر نغمه اوخويون! دونيانين لاپ اوجقار يِرلرئندن اونا حمدلر اوخويون!
قوي صحرا و اوراداکي شهرلر، قِدار خالقي ياشايان کَندلر سَسلرئني اوجالتسينلار، قوي سِلَع ساکئنلري اوجادان اوخوسونلار، قوي داغلارين تپه‌سئندن شادليق هارايي چکسئنلر.
قوي اونلار ربّه عئزّت ورسئنلر، ساحئللرده اونون حمدئني اعلان اتسئنلر.
رب جسور ائگئد کئمي چيخاجاق، جنگاور کئمي قيرته گلهجک، چيغيريب دؤيوش نعره‌سي چکهجک، دوشمنلرئني مغلوب ادهجک.
رب ديئر: "چوخ واختدير کي، دئنمئرم، ساکئت قالميشام، قاباغيمي آلميشام، آمّا ائندي دوغوش آغريسي چکن آرواد کئمي قيشقيراجاغام، تنگنفس اولوب زاريياجاغام.
داغلاري، تپه‌لري داغيداجاغام، بوتون ياشيل‌ليقلاريني قوروداجاغام، چايلاري ساحئل‌لره چِوئره‌جيم، حوووضلاري قوروداجاغام.
کورلاري تانيماديقلاري يوللا آپاراجاغام، اونلارا بئلمه‌دئکلري يوللاردا بَلَد اولاجاغام. قارانليغي قاباقلاريندا ائشيغا، کَله-کؤتور يوللاري هامارليغا چِوئره‌جيم. بونلار او شيلردئر کي، اونلار اوچون ادهجيم، اونلاري ترک اتميه‌جيم."
بوتلره بِل باغلايانلار، تؤکمه بوتلره "سئزسئز آللاهلاريميز" دئيَنلر، گری قايتاريليب بؤيوک بئر خجالت آلتيندا قالاجاقلار.
ای کارلار، اِشئدئن! ای کورلار، باخين، بلکه گؤرهسئنئز!
قولومدان باشقا کور اولان مگر وار؟ گؤنده‌ردئيئم قاصئد باشقا کار اولان مگر وار؟ منئمله باريش ائچئنده اولاندان باشقا، يا دا ربّئن قولوندان باشقا کور اولان مگر وار؟
سئز چوخ شيلر گؤردونوز، آمّا نظره آلماييبسينيز، قولاقلارينيز آچيقدير، لاکئن هچ بئري اشئتمئر!"
رب اؤز صالحلئيئنئن خاطئرئنه خوشلادي کي، قانونو بؤيوک و شؤوکتلي اتسئن.
آمّا بو قارت اولونموش و سويولموش بئر خالقدير. هاميسي ماغارالاردا تلهيه دوشوب، زئندانلاردا گئزله‌دئلئب. اونلار شئکار اولوبلار و قورتارانلاري يوخدور. اونلاري قارت ادئرلر، "گری قايتارين" دئين يوخدور.
سئزدن کئم بونا قولاق آساجاق، بوندان سونرا کئم قولاق آسيب اِشئده‌جک؟
يعقوب نسلئني کئم قارت اولونماغا قويدو؟ ائسرايئلي سويغونچولار اَلئنه کئم وردي؟ مگر رب ديئل کي، اونون ضئدّئنه گوناه اتدئلر، يوللاري ائله گتمک ائستمه‌دئلر، قانونوندان ائطاعت اتمه‌دئلر؟
بونا گؤره آلوولو قضبئني، دؤيوشون شئدّتئني اوستلرئنه ياغديردي. اود اونلاري دؤوره‌يه آلدي، آمّا اونلار آنلاماديلار، اونلاري يانديردي، آمّا اونا جئدّي فئکئر ورمه‌دئلر.
آمّا ائندي، ای يعقوب، سني يارادان رب، ای ائسرايئل، سنه شکئل ورن رب بله ديئر: "قورخما، چونکي من سني ساتين آليب قورتارميشام، سني آدينلا چاغيرميشام، سن منئمسن!
درئن سولاردان کِچسن بِله، من سنئنله اولاجاغام، چايلاردان کچنده باتماياجاقسان، اودون ائچئندن کچنده بِله، يانماياجاقسان، آلوو سني محو اتميهجک.
چونکي من سنئن تارين ربّم، ائسرايئلئن موقدّسي‌يَم، سنئن خئلاصکارينام. مئصئري سنئن اوچون فئديه، کوش و سِبا اؤلکهلرئني سنئن آزادليغينين عوضئنه ورمئشم.
سن منئم نظرئمده دَيَرلي اولدوغونا گؤره، چوخ عزئز اولدوغونا گؤره، سني سِودئيئم اوچون، سنئن عوضئنه باشقا آداملاري، حياتين اوچون باشقا مئلّتلري ورهجيم.
قورخما، چونکي من سنئنله‌يم، نسلئندن اولانلاري شرقدن گتئره‌جيم، سني قربدن بئر يِره ييغاجاغام.
شئمالا «اونلاري ور» دئيه‌جيم، جنوبا «اونلاري ساخلاما» دئيه‌جيم. اوغوللاريمي اوزاقلاردان، قيزلاريمي دونيانين اوجقار يِرلرئندن گتئر.
منئم آديملا چاغيريلان هر ائنساني، عئزّتئم اوچون ياراتديغيم، بلی، شکئل وردئيئم، ياراتديغيم هر بئر آدامي گتئر."
گؤزلري اولان حالدا کور خالقي، قولاقلاري اولان حالدا کار خالقي گتئر.
بوتون مئلّتلر بئر يِره ييغيليبلار، اِله کي، خالقلار توپلانسينلار. بونلاردان کئم بو سؤزو اعلان اده بئلر؟ اولوب-کچنلري بئزه کئم بئلدئرر؟ قوي شاهئدلرئني ائرهلي گتئرئب برائت قازانسينلار، يا دا اشئدئب دسئنلر: "بو دوزدور."
رب اعلان ادئر: "سئزسئنئز منئم شاهئدلرئم، سِچدئيئم قولوم، اِله کي، منی تاني‌ييب، منه ائناناسينيز، منئم او اولدوغومو آنلاياسينيز. مندن اوّل هچ تاري مؤوجود اولماييب، مندن سونرا دا اولماياجاق.
منم رب، فقط منم، مندن باشقا قورتاريجي يوخدور.
منم کي، اعلان اتمئشم، قورتارميشام، بئلدئرمئشم، آرانيزدا هچ قرئب آللاه يوخ ائدي. سئزسئنئز شاهئدلرئم." رب اعلان ادئر، "تاري منم.
حتّا ازلدن بَري من اويام، منئم اَلئمدن قورتاران يوخدور. من بئر شي ادنده بونا کئم مانع اول بئلر؟"
سئزي ساتين آلان، ائسرايئلئن موقدّسي، رب بله ديئر: "سئزئن خاطئرئنئزه من بابئله قوشون گؤنده‌ره‌جيم. کَلدانئلري فخر اتدئکلري گَمئلرله قاچقينلارا دؤنده‌ره‌جيم.
من ربّم، سئزئن موقدّسئنئز اولان، ائسرايئلي يارادان، سئزئن پادشاه."
رب بله ديئر، او کي، دهنزده يول و گوجلو سولاردا طرئق آچير،
آتلارلا دؤيوش عارابالاريني، ائگئد جنگاورلري ائله قوشونو بئرلئکده يولا چيخاردير؛ "اونلار ييخيليبلار، قالخا بئلمئرلر، باسديريليب، پئلته کئمي سؤندورولوبلر.
اوّلکي شيلري يادا سالمايين، کؤهنه حادئثهلر بارهسئنده دوشونمه‌يئن.
باخ، من تزه بئر شي ادهجيم، ائندي او باش ورهجک، مگر سئز بونو باشا دوشميه‌جکسئنئز؟ بلی، من چؤللوکده يول سالاجاغام، قورو تورپاقدا چايلار ياراداجاغام.
چؤلون حيوانلاري، چاقّاللار و بايقوشلار منه عئزّت ورهجکلر، چونکي صحرادا سو ورمئشم، کؤشَنده چايلار آچميشام کي، سِچدئيئم خالقا سو ورئم.
او خالق کي، اونا اؤزوم اوچون شکئل وردئم؛ منه حمدلر گتئرمک اوچون.
لاکئن سن، ای يعقوب نسلي، منئم آديمي چاغيرماييبسان، ای ائسرايئل، مندن بِزئبسن.
يانديرما قورباني اوچون منه قويونلاريندان گتئرمه‌يئبسن، قوربانلارينلا منه حؤرمت اتمهيئبسن. سنه تقدئملره گؤره يوک اولماميشام، کوندور تقدئملري ائله ده سني بِزدئرمه‌مئشم.
منئم اوچون پوللا گؤزل عطئرلي قاميش آلماييبسان، قوربانلارينين پئيي ائله منی دويدورماييبسان. عکسئنه، سن گوناهلاريني منه يوکله‌يئبسن، تقصئرلرئنله منی يوروبسان.
منم، بلی منم کي، اؤز خاطئرئمه گؤره تقصئرلرئني سئلئرَم، و گوناهلاريني دا يادا سالمارام.
ياديما سال، گل داعواميزي بئربئرمئزله بحث اِدَک، داعواني آچيقلا کي، بلکه بَرائت قازاناسان.
ائلک جَدّئن گوناها باتدي، سنئن طرفئندن دانيشانلار دا منه عاصي اولدولار.
بونا گؤره ده من، عئبادتگاهين رهبرلرئني نجئسلئيه وادار ادهجيم. يعقوب نسلئني قيرغينا، ائسرايئلي ده رذالته محکوم ادهجيم.
ائندي آمّا، ای قولوم يعقوب نسلي، سِچدئيئم ائسرايئل، قولاق آس!
سني يارادان، آنا بطنئنده قورولوش ورن، ائمدادينا چاتاجاق اولان رب بله ديئر: "قورخما، ای قولوم، يعقوب نسلي، ای سِچدئيئم يِشورون!
چونکي سوسوزلاميش تورپاغي سولاياجاغام، قورو تورپاغا آرخلار آخيداجاغام، اؤولادلارينا روحومو تؤکه‌جيم، نسلئنه برکتئمي ورهجيم.
اونلار اوتلار آراسيندا، آخار سولار کناريندا، سؤيود آغاجلاري کئمي بوي آتاجاقلار.
بئري «من ربّئنکئيَم» دئيهجک، او بئرئسي يعقوبون آدي ائله چاغيريلاجاق. آيري بئري ده اَلئنه «ربّئنکئيَم» يازاجاق، ائسرايئلئن آديني اؤزونه سوي آدي اولاراق گؤتورهجک.»"
رب، ائسرايئلئن پادشاهي، اونون ساتين آلاني، قوشونلارين ربّی بله ديئر: "من بئرئنجئيَم، من آخيرينجي‌يام، مندن باشقا تاري يوخدور.
منئم کئمي کئم وار؟ قوي خبر ورسئن، اعلان اتسئن؛ قدئم خالقيمي ياراتديغيمدان بَري اولوب- کچنلري، بوندان سونرا اولدوقلاريني قوي دانيشيب نقل اتسئن، بلی، گلهجک حادئثهلري بئلدئرئن!
قورخمايين، دهشته گلمه‌يئن، مگر بونو سئزه ازلدن بَري خبر ورئب اعلان اتمه‌دئم؟ سئز منئم شاهئدلرئمئزسئنئز! مندن باشقا مگر تاري وار؟ مگر باشقا بئر قايا وار؟ هِج بئرنئي تانيميرام."
بوتون بوتلري دوزه‌لدن آداملار باطئلدئرلر، و دَيَرلي اشيالاردان هچ بئر خيئر يوخدور. بوتلر، اونلارا قوللوق ادنلرئن شاهئدلري‌دئرلر. هچ بئر شي گؤرمورلر، هچ بئر شي بئلمئرلر. اونا گؤره ده اونلار خجالت آلتيندا قالاجاقلار.
کئم ائستر فايدا ورمه‌ين بئر آللاه، يا دا تؤکمه بئر بوت ياراتسين؟
باخ، بونلارين بوتون يولداشلاري خجالت آلتيندا قالاجاقلار، چونکي صَنَتگَرلرئن اؤزلري ده آنجاق ائنسانديرلار. قوي اونلارين هاميسي ييغيلسينلار، قوي هاميسي دورسونلار، قوي هاميسي دهشته دوشسونلر، قوي هاميسي بئرلئکده خجالت چکسئنلر.
دمئرچي آلَتئني گؤتوروب کؤمور اود اوستونده چاليشير، چکوجلا دمئره شکئل ورئر و گوجلو اَلي ائله اوستونده ائشله‌يئر. او، آج دا اولور و طاقتدن دوشور؛ سوسوز قاليب اوزولور.
دولگَر ائپله اؤلچور، آغاجي تاباشيرلا نئشانلايير. رَنده‌له‌يئر، ائسته‌نئلَن شکئله سالير، پَرگارلا دائره چکئر، ائنسان صورتي ورئر، ائنسان گؤزل‌لئيئنه بَنزَر دوزَلده‌رک، بئر بوت يارادير کي، اِوئنه قويسون.
ائنسان اؤزو اوچون سئدر آغاجلاري کَسئر، مِشه‌نئن آغاجلاريندان اؤزونه بئر شام آغاجي يا دا پاليد آغاجي سِچئر. شئمشاد آغاجي اَکئر و ياغيش اونو بؤيودور.
سونرا آغاج اودون يرئنه ائشله‌نئر. ائنسان اونلاردان بئر آزيني گؤتوروب يانديرير و اونونلا اؤزونو قيزديرير. سوبا دا يانديريب چؤرک پئشئرئر. هم ده اؤزونه بئر تاري دوزَلدئر و اونو پرستئش ادئر. اويما بئر بوت دوزَلدئر و اونون قاباغيندا يِره سَرئلئر.
اودونون ياريسيني اوددا يانديرير؛ آلوووندا اَت قيزاردير و قارنيني دويوراراق، اؤزونو ده قيزديريب ديئر: "آها، قيزديم، آلووون ائستئسئني حئسّ اتدئم!"
لاکئن آغاجين قاليغيندان اؤزونه تاري، بئر اويما بوت دوزَلدئر. اونون قاباغيندا يِره سَرئلئر و پرستئش ادئر؛ بو بوته دوعا ادئب يالوارير: "منی خئلاص ات، چونکي سنسن منئم تاريم!"
اونلار بئلمئرلر، درک اتمئرلر، چونکي گؤزلري ده، اورَکلري ده اِله باغلي‌دير کي، گؤره بئلمئرلر، آنلايا دا بئلمئرلر.
هچ بئري يادينا سالمير، فهم و آنلاغي دا يوخدور کي، دسئن: "اودونون ياريسيني يانديرديم، کؤمورونون اوستونده ده چؤرک پئشئردئم. اَت قيزارديرام، يِيئرَم. ائندي آيا اودونون قاليغيندان نجئس بئر شي دوزهلدئب بئر پارچا تاختانين قاباغيندا يِره سَرئلئم؟!"
بو، کول يمک کئمي دئر؛ آلدانميش اورَک اونو يولدان ساپديرير. جانيني قورتارا بئلمئر، دئيه ده بئلمئر: "صاغ اَلئمدهکي مگر يالان ديئل؟"
"ای يعقوب نسلي، ای ائسرايئل، بو شيلري خاطيرلا، چونکي سن قولومسان؛ من سنه شکئل وردئم، سن منئم قولومسان، سني ياددان چيخارتمارام، ای ائسرايئل!
تقصئرلرئني قارا بولود کئمي، گوناهلاريني دا آغير دومان کئمي سئلمئشم. منه طرف دؤن، چونکي من سني ساتين آلميشام."
شادليقدان هاراي چکئن، ای گؤيلر، چونکي بونو ادن ربدئر! سِوئنجله ترنّوم ادئن، ای يِرئن درئنلئکلري، ای داغلار، ای مِشه، ای مِشه‌ده‌کي بوتون آغاجلار، سِوئنجدن هاراي چکئن، چونکي رب يعقوب نسلئني ساتين آليب، ائسرايئلده عئزّتئني آشکار ادئر.
سني ساتين آلان، آنا بطنئنده سنه قورولوش ورن رب ديئر: "منم، رَب، بوتون شيلري يارادان، گؤيلري تَکجه يايان، تکباشينا يِر اوزونو سَرَن،
يالانچي پيغمبرلرئن سحرلرئني بوشا چيخاردان، فالچيلاري آخماق ادن، حئکمتلی‌لري گری قايتاران، اونلارين بئلئيئني هِچه چِوئرَن،
قولونون سؤزلرئني تصدئق ادن، اِلچي‌لرئنئن سؤزلرئني دوغرو ادن. منم کي، اورشلئم اوچون ديئرَم: «بورادا ساکئنلري تزهدن ساکئن اولاجاق»، يهودا شهرلري اوچون ده: «بونلار تزهدن بئنا اولاجاق، خاراباليقلاريني تزهدن برپا ادهجيم.»
منم کي، دهنزئن درئنلئيئنه ديئرم: «قورو! من چايلاريني قوروداجاغام.»
منم کي، کوروش حاقّيندا ديئرم: «او، چوبانيمدير، منه خوش اولان بوتون شيلري يرئنه يتئرهجک.» اورشلئم حاقّيندا اعلان ادئر: «تزهدن بئنا اولاجاق»، معبد حاقّيندا دا ديئر: «بونؤورن قويولاجاق.»"
رب مسح اتدئيي کوروشا، صاغ اَلئندن توتدوغو آداما بله ديئر: "اونون قاباغيندا مئلّتلره باش اَيدئره‌جيم، پادشاهلاري قووّتلرئندن محروم ادهجيم، حوضوروندا قاپيلاري آچاجاغام، دروازالار قاباغيندا بئر داها باغلانماياجاق.
من سنئن قاباغيندا گدئب کَله-کؤتور يِرلري هامارليغا چِوئره‌جيم، بورونج قاپيلاري قيريب، دمئر قيفيللاري سينديراجاغام.
قارانليقدا گئزلَنمئش خزئنهلري، گئزلي يِرلرده ساخلانيلان ثروتلري سنه ورهجيم کي، بئلهسن: بو، منم، رب، سني آدينلا چاغيران ائسرايئلئن تاريسي.
قولوم يعقوبون، سِچدئيئم ائسرايئلئن خاطئرئنه سني آدينلا چاغيرميشام، و سنه سوي آدي ورمئشم. حال بو کي، سن منی تانيميردين.
رب منم، باشقاسي يوخدور، مندن باشقا تاري يوخدور. سني من گوجلَندئره‌جيم، حالبوکي منی تانيماييبسان.
اِله کي، گون‌دوغاندان گون‌باتانا قدر ائنسانلار بئلسئنلر کي، مندن باشقا هچ کئم يوخدور، رب منم، باشقاسي يوخدور.
نورو، قارانليغي، سالاماتليغي و فلاکتي يارادان منم، بوتون بونلاري ادن رب، منم.
ای گؤيلر، يوخاريدان داملايين، قوي بولودلار صالحلئک ياغديرسينلار، قوي تورپاق آچيلسين، خئلاص بهره‌سئني يِتئشدئرسئن، اونونلا بئرلئکده صالحلئک بئتسئن. بونلاري يارادان رب، منم."
ياراداني ائله چکئشه‌نئن واي حالينا! چکئشَن اؤزو ده ساخسي قابلار آراسيندا فقط بئر ساخسي‌دير. مگر پالچيق کوزه‌گره دئير: "نه دوزه‌لدئرسن؟" و يا ياراتديغين شي مگر دئير: "اونون اَللري يوخدور"؟
آتاسينا "دونيايا نه گتئردئن؟" دئيهنئن واي حالينا! آناسينا "نه جور بئر شي دوغدون؟" دئيهنئن واي حالينا!
ائسرايئلئن موقدّسي، اونو يارادان رب بله ديئر: "اؤولادلاريمين گله‌جيي حاقّيندا منه سوآل وره بئلرسئنئز مگر؟ گؤردوکلرئم ائشلر بارهسئنده منه امر اده بئلرسئنئز مگر؟
دونياني يارادان، يِر اوزونده ياشايان آدامي دا يارادان منم. اَللرئمله گؤيلري يايديم، امرئمله اونون بوتون فوجلاري قورولدو.
من کوروشو صالحلئکده قالديرميشام، يوللاريني هامار ادهجيم. او، شهرئمي تئکه‌جک، اسئر اولونموش آداملاريمي فئديه‌سئز، بخشئشسئز آزاد ادهجک." بونو قوشونلار ربّی ديئر.
رب بله ديئر: "مئصئرلی‌لرئن محصولو، کوشون تئجارت گلئري، اوجابويلو سِبالي‌لار يانينيزا گلئب قولونوز اولاجاقلار. اونلار دالينيزجا گدهجکلر، بوخوولاناجاقلار. قاباغينيزدا تعظئم ادئب يالواراجاقلار: «تاري قطعن سئزئنله‌دئر و باشقا بئرئسي يوخدور. بوندان باشقا تاري يوخدور.»"
حقئقتن، سن اؤزونو گئزله‌دن بئر تاريسان، ای ائسرايئلئن تاريسي، ای قورتاريجي!
اونلارين هاميسي خجالت آلتيندا قالاجاقلار، بلی اوتاناجاقلار. بوت دوزَلدنلر بئرلئکده خجالت ائچئنده اوزاقلاشاجاقلار.
لاکئن ائسرايئله قورتولوشو رب ورئبدئر. بو قورتولوش ابدهجک سورهجک. سن عصرلر بويو خجالت آلتيندا قالماياجاقسان، روسواي اولماياجاقسان.
چونکي گؤيلري يارادان رب بله ديئر! او همن تاريدير کي، دونيايا شکئل وردی، اونو ياراتدي، رب اونو برقرار اتدي و اونو بوش اولماق اوچون ياراتمادي، ياشاماق اوچون قوردو. و ديئر: "من رَبّم، باشقاسي يوخدور!
من گئزلئنده، قارانليق دونياسيندا دانيشماديم، يعقوب نسلئنه دِمه‌دئم کي، «منی قارماقاريشيق يرده آختارين.» دوغروسونو دئيَن، عدالتي اعلان ادن رب، منم.
ييغيشين، گلئن، بئر يِره توپلاشين، ای مئلّتلردن صاغ قالان کَسلر! تاختا بوتلري گَزدئرَنلر، خئلاص ورمه‌ين آللاهلارا دوعا ادنلرئن هچ فهمي يوخدور.
اعلان ادئن، ائشئنئزي تقدئم ادئن، دوغرودان دا قوي هاميسي بئرلئکده مصلحتلَشسئنلر. «بونو قدئمده کئم اعلان اتدي، کِچمئشده کئم بئلدئردي؟» بونو من رب، مگر دِمه‌دئم؟ مندن باشقا تاري، عدالتلي تاري و قورتاريجي يوخدور. مندن باشقاسي يوخدور.
ای دونيانين بوتون اوجقار يِرلرئنده ياشايانلار، منه طرف دؤنون و خئلاص اولون! چونکي من تارييام و باشقاسي يوخدور!
وارليغيم حاقّي آند ائچمئشم، آغزيمدان چيخان سؤز دوغرودور، بوشا چيخماز. هر دئز حوضورومدا ييخلاجاق، هر دئل منه آند ائچهجک.
منئم اوچون بله دئيهجکلر: "صالحلئک و قووّت فقط ربده‌دئر. ائنسانلار اونون يانينا گلهجکلر، و بوتون اونا قضبلَنَنلر خجالت آلتيندا قالاجاقلار.
بوتون ائسرايئل نسلی ربده حاق قازاناجاق و عئزّتلَنه‌جکدئر.»"
"بِل بوتو دئزه دوشوب، نِبو آللاهي اَيئلئر، بابئلئن بوتلري جاناوارلارا، مال-حيوانلارا يوکله‌نئب. داشيديغينير اشيالار آغيرديرلار، يورغون حيوانلارا يوکدورلر.
اونلار اَيئلدئلر، بئرلئکده دئز چؤکوبلر، يوک آلتيندا قورتولا بئلمه‌يئب اؤزلري اسئرلئيه آپاريليبلار.
قولاق آسين منه، ای يعقوب نسلي، ای بوتون ائسرايئل نسلئنئن صاغ قالانلاري! ای سئزلر کي، دوغدوغونوزدان بَري سئزي داشيميشام. بطندن داشيلميشسينيز.
حتّا سئزئن قوجاليق واختينيزاجاق دا، من اويام، ساچلارينيزين آغلاناجاق واختيناجاق دا، سئزي داشيياجاغام، سئزي من ياراتميشام، سئزي من داشيياجاغام. بلی، من سئزي داشيياجاغام و سئزي خئلاص ادهجيم.
منی کئمله موقايئسه ادهجکسئنئز، منی کئمله بئر توتاجاقسينيز، کئمه اوخشاداجاقسينيز کي، بئز اوخشار اولاق؟
پول کئسه‌سئندن قيزيل چيخاردانلار، تَره‌زئده گوموش چکنلر، بو پولدان زرگره آللاه دوزلتدئرَنلر، قاباغيندا يِره سَرئلئب پرستئش ادئرلر!
اونو چئيئنلرئنه يوکله‌يئب داشي‌ييرلار، يرئنه قويورلار. بلجه بوت دورور، يِرئندن تَرپَنمئر. اونا يالوارانا دا جاواب وره بئلمئر، اونو هچ بئر بلادان قورتارا بئلمئر.
ای عاصي ائنسانلار، بونو خاطيرلايين، آدام اولون، يادينيزدان چيخارتمايين!
قدئمدن بَري اولانلاري خاطيرلايين، چونکي تاري منم، باشقاسي يوخدور، منم تاري، منه بَنزَري يوخدور!
آخيري اوّلدن، باش ورمه‌مئش حادئثهلري ازلدن بئلدئرَن ديئر: «آماجيم باش توتاجاق، ائسته‌دئيئم بوتون شيلري يرئنه يتئره‌جيم.»
شرقدن بئر ييرتيجي قوشو، اوزاق دئياردان نئيّتئمي يرئنه يتئرَن آدامي چاغيريرام. دوغرودان دا بونلاري دِمئشم؛ دوغرودان دا اونلاري يرئنه يتئره‌جيم. من نئيّت اتمئشم، بونو قطعن يرئنه يتئره‌جيم.
ای صالحلئکدن اوزاق اولان دئکباش ائنسانلار! منی اِشئدئن!
صالحلئيئمي ياخينلاشديريرام، اوزاق ديئل، قورتولوشوم يوباتماياجاق. صحيوندا نئجات، ائسرايئلده شؤوکتئمي قوياجاغام.
ای بابئلئن باکئره قيزي، دوش آشاغي، اوتور تورپاقدا. ای کَلده‌لئلرئن قيزي، آرتيق تخت يوخدور، اوتور قورو يرده. چونکي بوندان سونرا سني «ظرئف، نازلي» چاغيرماياجاقلار.
دَيئرمان داشلاريني گؤتور، اونو دارت. آچ اؤرپه‌يئني، قالدير پالتارينين اَته‌يئني، بالديرلاريني آچ، کِچ چايلاردان.
لوتلويون آچيلاجاق، عاييبين گؤرونهجک. من ائنتئقام آلاجاغام، هچ کئمي اسئرگَميه‌جيم."
بئزي ساتين آلان ائسرايئلئن موقدّسي‌دئر، اونون آدي قوشونلار ربّي‌دئر.
رب ديئر: "ای کَلده قيزي، قارانليغا چکئل، ساکئتجه اوتور! چونکي بوندان سونرا سني داها پادشاهليقلارين ملَکه‌سي چاغيرماياجاقلار!
اؤز خالقيما قضبلَندئم، ائرثئمي تحقئر ادئب سنئن اَللرئنه وردئم. سن اونلارا رحم اتمه‌دئن، ياشلي‌لارا آغير يوغ يوکله‌دئن.
ددئن: «همئشهلئک ملکه اولاجاغام.» بونلاري اوره‌يئنه گتئرمه‌دئن، آخيريني دوشونمه‌دئن.
ائندي آمّا قولاق آس، ای اَمئن-آمانليقدا ياشايان هوسباز! سن اوره‌يئنده ديئرسن: «من منم، مندن باشقاسي يوخدور. هچ واخت دول قالماياجاغام، اؤولاد ائتئرمک دردئني چکميه‌جيم.»
لاکئن بو ائکي بلا بئر گونده قَفلَتَن باشينا گلهجک: هم اؤولادلاريني ائتئرهجک، هم ده دول قالاجاقسان. سنئن چوخلو جادولارينا باخماياراق، سنئن سِحرلرئنئن چوخلو قودرتئنه باخماياراق، بونلار بوتون شئدّتله سنئن باشينا گلهجک.
پئسلئيئنده اَمئن-آمانليقدا قالاجاغيني دوشوندون، ددئن: «هچ کئم منی گؤرمور.» سنئن حئکمتئن و بئلئيئن سني آزديريب. چونکي اوره‌يئنده دوشونوبسن: «من منم، مندن باشقاسي يوخدور.»
لاکئن اوستونه بلا گلهجک، اونون نجه قاباغيني آلاجاغيني بئلميه‌جکسن، عوضئني وره بئلمه‌دئيئن هلاکت سنئن باشينا دوشهجک؛ بئلمه‌دئيئن وئرانليق سنئن اوستونه قَفلَتَن گلهجکدئر.
جاوان ياشلاريندان بَري، اَللَشدئيئن اووسونچولوغوندا و جادوگرلئيئنده قال. بلکه اونلاردان بئر خيئر گؤرهسن، بلکه اونلارلا واهئمه سالا بئلرسن!
آلديغين چوخ مصلحتلر سني اوزوب. قوي اولدوز فالينا باخانلار، مونجّئملر، تزه آي چيخاندا اولاجاق حادئثهلري بئلدئرَنلر، ائندي گلئب، سني باشينا گلن بلالاردان خئلاص اتسئنلر.
باخ، اونلار کولَش کئمي اولوبلار، اود اونلاري يانديرير. اؤزلرئني آلووون گوجوندن خئلاص اده بئلمئرلر. نه قيزيشماق اوچون بئر کؤمور اولاجاق، نه ده قاباغيندا اوتورولاجاق بئر اود.
سنئن ائشله‌دئيئن، جاوانليغيندان بَري آل-ور اتدئيئن آداملارين عاقئبَتي بله اولوب. هر کس اؤز يولوندا آوارا-سرگرداندير، سني خئلاص ادن يوخدور.
ای يعقوب نسلي، ائسرايئلئن آدي ائله چاغيريلان، يهودانين بِلئندن گلن، ربّئن آدي ائله آند ائچن، ائسرايئل تاريسينين آديني اعتئراف ادن، آمّا بونا حقئقتله و صالحلئکله عمل اتمه‌ين نسئل، بونا قولاق آس!
چونکي اونلار اؤزلرئني موقدّس شهردن اولدوقلاريني ديئرلر، ائسرايئلئن تاريسينا بِل باغلاييرلار؛ اونون آدي قوشونلار ربّي‌دئر.
اولوب-کچنلري اوّلدن من اعلان اتدئم. بو سؤزلر آغزيمدان چيخدي و اونلاري من بئلدئردئم. قَفلَتَن عمل اتدئم و اونلار يرئنه يِتئشدي.
چونکي عئنادکار اولدوغونوزو بئلئرم، دمئر بويونلوسونوز، بورونج آلينليسينيز.
اونا گؤره ده بونلاري سئزه قدئمدن بَري بئلدئردئم، باش ورمه‌مئشدن سئزه خبر وردئم کي، دميه‌سئنئز: «بونو منئم بوتوم ادئب، اويما بوتوم، تؤکمه بوتوم بونلاري امر ادئب.»
بونو اشئدئبسئنئز، ائندي آمّا هاميسينا نظر سالين. و سئزلر، مگر بونو اعلان اتميهجکسئنئز؟ ائندي سئزه تزه شيلري، بئلمه‌دئيئنئز گئزلي شيلري بئلدئرئرم.
بونلار ائندي ياراديلير، کِچمئشده يوخ. سئز بونو بو گونه قدر اشئتمه‌يئبسئنئز، اونا گؤره دميه‌جکسئنئز: «باخ، بونو بئلئردئم.»
سئز بو حاقدا اشئتمه‌يئبسئنئز، خبرئنئز ده اولماييب، کِچمئشدن بَري قولاقلارينيز باغلي‌دير. چونکي سئزئن نه قدر خائن اولدوغونوزدان خبرئم وار، دوغوم گونوندن عاصي چاغيريليبسينيز.
آديمين خاطئرئنه قضبئمي يوباديرام، حمدئم اوچون قِيضئمئن قاباغيني آليرام کي، سئزي محو اتمهيئم.
باخ، من سئزي تمئزله‌مئشم، آمّا گوموش کئمي يوخ، سئزي فلاکت اوجاغيندا ائمتاحانا چکمئشم.
اؤز خاطئرئم اوچون، اؤز خاطئرئم اوچون عمل ادهجيم. آخي نئيه منئم آديما کوفر ديئلسئن؟ من اؤز عئزّتئمي هچ کئمه ورمه‌رم.
قولاق آس منه، ای يعقوب نسلي، چاغيرديغيم ائسرايئل! من اويام، من بئرئنجئيم، من آخيرينجي‌يام دا.
دوغرودان دا منئم اَلئم يِرئن پايالاريني قويدو، صاغ اَلئم گؤيلري سَردي. من اونلاري چاغيراندا، اونلار بئرلئکده دورور.
هامينيز ييغيلين، اِشئدئن! بوتلردن هانسي‌دير بو شيلري اعلان ادن؟ ربّئن سِودئيي آدام، اونون بابئلئن ضئدّئنه اولان مقصدئني يرئنه يتئرهجک، اونون اَلي کَلده‌لئلرئن ضئدّئنه قالخاجاق.
من، بلی من دانيشميشام، دوغرودان دا اونو چاغيرميشام، اونو گتئرمئشم، و او، اؤز يوللاريني اوغورلو ادهجک.
منه ياخين گلئن، بونو اِشئدئن! باشلانيشدان بَري گئزلي دانيشماميشام، باش وردئيي واختدان اورادا ائدئم. و ائندي پروردئگار رب منی و روحونو گؤنده‌رئب."
سني ساتين آلان، ائسرايئلئن موقدّسي، رب بله ديئر: "تارين رب منم، او کي، سنئن خيرئنه سني اؤيره‌دئر، او کي، گِتمه‌لي اولدوغون يولدا سني آپارير.
کاش کي، سن منئم امرلرئمه دئقّت ورسَيدئن! او واخت رئفاهين چاي کئمي آخاردي، صالحلئيئن دهنزئن شپهلري کئمي اولاردي.
نسلئن دهنز قومو کئمي، اؤولادلارين قوم دنهلري کئمي اولاردي. آدلاري منئم حوضورومدا نه پوزولاردي، نه ده سئلئنَردي."
بابئلدن چيخين! کَلدانئلرئن تورپاغيندان قاچين! سِوئنج سَسي ائله اعلان ادئن، بونو بئلدئرئن، دونيانين لاپ اوزاق يِرلرئنه بو خبري چاتديرين، ديئن: "رب اؤز قولو يعقوب نسلئني ساتين آليب."
صحرادان کِچَرکَن سوسوزلوق چکمه‌دئلر. رب اونلار اوچون قايادان سو آخيتدي، قاياني ياردي و اورادان سو فيشقيردي.
رب ديئر: "پئسلره هچ اَرامليق يوخدور."
ای ساحئللر، منی اِشئدئن! ای اوزاقدا ياشايان خالقلار، قولاق آسين! رب منی آنا بطنئندن چاغيردي، آنامين قارنيندان منه آد قويدو.
آغزيمي ائتي قيلينج کئمي ادئب، اَلئنئن کؤلگهسي آلتيندا منی گئزله‌دئب، او منی سِچمه اوخ دا ادئب اؤز اوخدانيندا ساخلاييب.
او منه بويوردو: "قولومسان، ای ائسرايئل، من سنده شؤوکتئمي گؤرسده‌جيم."
آمّا من ددئم: "من بوش يِره چاليشميشام، گوجومو هدر يِره تؤکموشم. لاکئن حله ده حاقّيم اولان عدالت، ربله‌دئر، اَجرئم تاريملا‌دير."
و ائندي رب بويورور، او رب کي، منه آنا بطنئنده قورولوش وردی کي، اونون قولو اولوم، يعقوب نسلئني اونا طرف قايتاريم، اِله کي، ائسرايئلي اونون حوضورونا ييغيلسين. چونکي من ربّئن گؤزونده حؤرمت قازانميشام، و قودرتئم تاريمدير.
او ديئر: "يعقوب قبئله‌لرئنئن برپاسي اوچون، ائسرايئلئن صاغ قالانلارينين گری قاييتماسي اوچون، قولوم اولماغين چوخ کئچئک بئر شي دئر. من سني مئلّتلره نور دا ادهجيم کي، خئلاصيم دونيانين لاپ اوزاق يِرلرئنه ياييلسين."
ائسرايئلي ساتين آلان و اونون موقدّسي اولان رب آداملارين حقارتله باخديغي شخصه، مئلّتئن نئفرت اتدئيي، و حؤکمدارلارين قولو اولان شخصه بله ديئر: "پادشاهلار گؤروب قالخاجاقلار، امئرلر ده تعظئم ادهجکلر، چونکي ائسرايئلئن موقدّسي، وفالي رب سني سِچئبدئر."
رب بله ديئر: "موناسئب واختدا سنه جاواب ورمئشم، خئلاص گونو سنه کؤمک اتمئشم؛ سني حئفظ ادهجيم. سني خالقيم اوچون عهد ادهجيم کي، داغيلميش اؤلکهني برپا ادهسن، ائرث اولاراق گئنه صاحئبلرئنه ورهسن.
محبوسلارا ديئن: «چيخين»، ظولمتده اوتورانلارا ديئن: «اؤزونوزو گؤرسه‌دئن!» اونلار يول بويونجا قوزو کئمي بَسلَنه‌جکلر، هر چيلپاق تپه‌ده اوتلاق تاپاجاقلار.
اونلار نه آج، نه ده سوسوز قالاجاقلار، قيزمار ائستي و گونش اونلاري وورماياجاق. چونکي اونلارا مرحمتلي اولان يول گؤرسدهجک، اونلاري بولاقلارا طرف هئدايت ادهجک.
من بوتون داغلاريمي يولا دؤنده‌ره‌جيم، يوللاريمي هامار ادهجيم.
باخ، خالقيم اوزاق يِرلردن، کئمي شئمالدان، کئمي قربدن، کئمي ده سئنئم اؤلکهسئندن گلهجک.
شادليقدان هاراي چکئن، ای گؤيلر! ای يِر اوزو، فَرَحلَن! ای داغلار، شادليق نئدالارينا قوشولون! چونکي رب خالقينا تسلّی ورئب، ذلئل اولانلارينا رحم ادهجک.
آمّا صحيون ددي: "رب منی ترک ادئب، پروردئگاريم منی ياددان چيخارديب."
آمّا رب ديئر: "آنا مگر سود اَمن کؤرپه‌سئني ياددان چيخاردار؟ بطنئندن چيخان اوغلونا مگر رحمسئز اولار؟ آنا اؤز کؤرپه‌سئني ياددان چيخارتسا بِله، من سني اصلا ياددان چيخارتمارام.
باخ، من سنئن آديني اوووجلاريمدا حَکّ اتمئشم، دووارلارين همئشه گؤزومون قاباغيمدادير.
اوغوللارين تَلَسئب يانينا گلهجکلر، سني وئران اِدنلر، سني قارت ادنلر چيخيب-گدهجکلر.
قالدير باشيني، باخ اطرافينا: اونلارين هاميسي ييغيليب يانينا گلئرلر. رب اعلان ادئر: من رب وارليغيما آند ائچئرم کي، اونلارين هاميسي سنئن اوچون بَر-بَزَک اولاجاق، بئر گلئن کئمي اونلاري تاخاجاقسان!
خاراباليغا، وئرانه‌لئيه دؤنموشدون، اؤلکَن يِرله بئر اولموشدو. آمّا ائندي بو تورپاق ساکئنلرئن اوچون دار اولاجاق، سني خارابا قويانلار سندن اوزاقدا دوراجاقلار.
سنئن اسئرلئکده دوغولموش اؤولادلارين سَسئني اوجالديب بله دئيهجکلر: «بو يِر بئزئم اوچون دار گلئر، ياشاماق اوچون بئزه يِر ور.»
او واخت سن قلبئنده دئيه‌جکسن: «آخي بونلاري منئم اوچون کئم دوغدو؟ چونکي اؤولادلاريمي ائتئرمئشم، سونسوزام، اسئر و سرگردانام. بس بونلاري کئم بؤيودوب؟ باخ، من تک-تنها قالميشديم، بس بونلار هارادان گلئب-چيخدي؟»"
پروردئگار رب بله ديئر: "باخ، من اَلئمي مئلّتلره قالديراجاغام، بايراغيمي خالقلارا قالديراجاغام. اونلار سنئن اوغوللاريني قوجاغيندا، قيزلاريني چئيئنلرئنده گتئرهجکلر.
پادشاهلار سنه آتاليق، ملکه‌لر سنه آناليق ادهجکلر. اوزو اوسته يِره سَرئلئب سنه سجده ادهجکلر، آياقلارينين توزونو يالاياجاقلار. او واخت بئلهجکسن کي، من ربّم، منه بِل باغلايانلار اوتانماياجاقلار."
مگر گوجلونون اَلئندن قنئمت آلينا بئلر؟ قدّارين اَلئندن اسئرلر قورتولا بئلر؟
آمّا رب بله ديئر: "بلی، گوجلونون اَلئندن اسئرلر ده آليناجاق، قدّارين اَلئندن قنئمت ده گؤتورولهجک، سنئنله چکئشنله من چکئشه‌جيم، سنئن اؤولادلاريني من قورتاراجاغام.
سنه ظولم ادنلره اؤز اَتلرئني يِدئرده‌جيم، اؤز قانلاري ائله مست اولوب شئرئن شراب ائچَنلرئن حالينا دوشهجکلر. بلجه بوتون بشر بئله‌جک کي، سني قورتاران رب، منم. سني ساتين آلان، يعقوبون قودرتلي تاريسي، منم."
رب بله ديئر: "بوشاديغيم آنانيزين طالاغي هارادادير؟ بورج ورنلرئمئن هانسي بئرئنه ساتديم سئزي؟ سئز شر عمل‌لرئنئزه گؤره ساتيلدينيز، عاصئلئيئنئزئن اوزوندن آنانيز قووولدو.
بس نه اوچون من گلنده هچ کئم اولمادي؟ من چاغيراندا نئيه جاواب ورن اولمادي؟ مگر منئم اَلئم ضعئفله‌يئب کي، خئلاص اتمه‌يه قادئر اولماسين؟ و يا منئم سئزي قورتارماغا گوجوم مگر چاتماز؟ باخين، من تَنبِهئمله دهنزي قورودورام، چايلاري صحرايا چِوئرئرم. سويون چاتيشمازليغيندان باليقلار ائيله‌نئر، سوسوزلوقدان اؤلور.
منم گؤيلري ظولمته بوروين، اونلاري ياس پالتارينا گِيئندئرن.»
پروردئگار رب منه اؤيرَنمئشلرئن دئلئني ورئب، اِله کي، يورغونلارا نجه سؤزله داياق اولماغي بئلئم. او هر سحر منی اويادير، قولاغيمي اويادير کي، اؤيرَنمئش بئري کئمي اِشئدئم.
پروردئگار رب قولاغيمي آچيب؛ من ناموطئع اولماديم، گری ده چکئلمه‌دئم.
منی دؤيَنلر اوچون بِلئمي آچديم، اوزومو، ساقّاليمي يولانلارا طرف اوزاتديم. تحقئرلردن، توپورجکلردن اوزومو گئزلَتمه‌دئم.
پروردئگار رب منه کؤمک اتدئيئنه گؤره اوتانماياجاغام. بونا گؤره ده اوزومو چاخماق داشي کئمي اتمئشم. بئلئرم ده کي، اصلا خجالت چکميه‌جيم.
منه حاق قازانديران ياخيندادير. منئمله کئم موباحئثه ادهجک؟ قوي اوز-اوزه داياناق. منئم ضئدّئمه کئمئن بئر شئکايتي وار؟ قوي يانيما گلسئن.
باخ، منه کؤمک ادن، پروردئگار ربدئر. کئم منی تقصئرکار چيخاردا بئلر؟ باخ، اونلارين هاميسي پالتار کئمي کؤهنَله‌جکلر، اونلاري گووه يئيهجک.
آرانيزدا کئم وار کي، ربدن قورخور، اونون قولونون سؤزونه قولاق آسير؟ قارانليقدا نوردان محروم گَزئر؟ قوي او ربّئن آدينا بِل باغلاسين و تاريسينا آرخالانسين.
ای سئزلر کي، اود قالاييرسينيز، و اؤزونوزه جرقّه‌لری قورشاق ادئرسئنئز، يانديرديغينيز اودون ائشيغيندا، آلوولانديرديغينيز جرقّه‌نئن آراسيندا ياشايين. منئم اَلئمدن آلديغينيز پاي بو اولاجاق: عذاب ائچئنده ياتاجاقسينيز.
ای صالحلئيي آختارانلار، ربّی آختارانلار، منی اِشئدئن! يونولدوغونوز قايايا، چيخاريلديغينيز چوخورون درئنلئيئنه باخين.
آتانيز ائبراهئمه، دردله سئزي دوغان سارايا باخين! چاغيرديغيمدا تَک بئر کئشي ائدي او، سونرا اونا برکت وردئم، نسلئني آرتيرديم.
دوغرودان دا رب صحيونا تسلّی ورهجک اونون بوتون خاراباليقلارينا تسلّی ورهجک. صحرالاريني عَدنه، چؤل‌لرئني ربّئن باغينا دؤندره‌جک. اورادا سِوئنج و شادليق تاپيلاجاق، شوکورلر، نغمهلر اوخوناجاق.
ای منئم خالقيم، منه قولاق آسين، ای منئم مئلّتئم، منی اِشئدئن! چونکي قانون مندن چيخاجاق، عدالتئمي نور کئمي خالقلارا احسان ادهجيم.
صالحلئيئم ياخيندير، قورتولوشوم گلئر، منئم قولوم خالقلاري موحاکئمه ادهجک. ساحئلنشئن خالقلار منی گؤزلَيه‌جکلر، منئم قولوما تَوَقّعله اومئد باغلاياجاقلار.
باشينيزي قالديريب گؤيلره نظر سالين، سونرا آشاغييا، يِر اوزونه باخين. چونکي گؤيلر توستو کئمي داغيلاجاق، ير اوزو پالتار کئمي کؤهنَله‌جک. يِر اوزونون ساکئنلري مئلچک کئمي قيريلاجاقلار. لاکئن منئم خئلاصيم همئشهلئک اولاجاق، صالحلئيئمئن آخيري اولماياجاق.
ای صالحلئکدن خبردار اولانلار، قانونومو قلبلرئنده ساخلايان خالق، منه قولاق آسين! آداملارين مزمّتئندن قورخمايين، اونلارين سؤيوشلرئندن دهشته دوشمهيئن.
چونکي گووه اونلاري پالتار کئمي يئيهجک، قورد اونلاري يون کئمي يئيهجک. لاکئن منئم صالحلئيئم همئشهلئک اولاجاق، قورتولوشوم نسئللر بويو دوراجاقدير.
اويان، اويان، گوجلَن، ای ربّئن قولو! قدئم زامانلارداکي کئمي اويان، اوّلکي نسئللرئن واختيندا اولدوغو کئمی! سن رَهَبي پارچا-پارچا اتمه‌دئن مگر؟ سو اژداهاسيني تئکه-تئکه اتمه‌دئن مگر؟
دهنزي، درئن سولاري قورودان سن ديئلدئن مگر؟ ساتين آلينان خالقين کِچمه‌سئندن اؤتری دهنزئن درئنلئکلرئني يولا چِوئرَن سن ديئلدئن مگر؟
ربّئن ساتين آلينميش آداملاري قاييداجاق، سِوئنجله نغمه اوخوياراق صحيونا گلهجک. باشلاريندا ابدی شادليق اولاجاق، اونلار سِوئنج و شَنلئک تاپاجاقلار، کدر و قم-قوصّه يوخ اولاجاق.
رب ديئر: "سئزه تسلّی ورن منم، بلی منم. سئز کئمسئنئز کي، فاني ائنساندان قورخورسونوز؟ اوت کئمي سولان بشر اوغلوندان؟
سئزي يارادان، گؤيلري سَرَن، دونيانين پايالاريني قويان ربّی نجه ياددان چيخارديبسينيز کي، ظالئمئن قضبئندن بوتون گون دايانمادان قورخورسونوز، او ظالئم کي، اؤزونو سئزي محو اتمک اوچون حاضيرلايير؟ بس هاني ظالئمئن قضبي؟
ذلئل‌لر تزلئکله آزاد اولاجاقلار، سئاهچالدا اؤلمَيه‌جکلر، چؤرکلري ده اَسکئک اولماياجاق.
چونکي تارينيز رب منم. دهنزي گور شپهلرله چالخالايان منم. اونون آدي قوشونلار ربّي‌دئر.
من سؤزلرئمي سنئن آغزينا قويموشام و اَلئمئن کؤلگه‌سئنده سني گئزلَتمئشم کي، گؤيلري قوروم، دونيانين پايالاريني قويوم، و صحيونا «خالقيم سنسن» دِيئم."
دور آياغا، دور آياغا، قالخ، ای اورشلئم! ای سن کي ربّئن اَلئندن قضب پئيالهسئني آليب ائچدئن. کِفلي‌لئک کاساسيني آخيرا قدر بوشالتدين.
دوغدوغون بوتون اوغوللاردان سنه يول گؤرسه‌دن اولمادي، بؤيوتدويون بوتون اوغوللاردان سنه داياق اولان اولمادي.
بو ائکي بلا سنئن باشينا گلئب؛ سنه کئم ياس توتاجاق؟ هلاکت، داغينتي، قيتليق و قيلينج! سنه نجه تسلّی ورئم؟
اؤولادلارين طاقتدن دوشوب، ربّئن قضبي، تارينين مزمّتي اوستلرئنده‌دئر. اونلار تلهيه دوشموش بئر غزال کئمي چارهسئز هر کوچه باشيندا اوزانيب.
بونا گؤره ده، ای ذلئل اولموش اورشلئم، ای شرابسيز مست، بونو اشئت!
پروردئگارين رب، اؤز خالقيني مودافئعه ادن تارين بله ديئر: "باخ، کِفلئلئک پئيالهسئني اَلئندن آلميشام. قضبئمئن کاساسيندان آرتيق ائچميه‌جکسن.
بو کاساني سنه ظولم ادنلرئن اَلئنه ورهجيم. اونلارين اَلئنه کي، سنه ديئبلر: «يِره اوزان کي، اوستوندن کِچک.» سن ده آرخاني يِر کئمي، يول کئمي ادئردئن کي، کچسئنلر."
اويان، اويان، ای صحيون، قودرتئنه بورون! ای موقدّس شهر، ای اورشلئم، شؤوکتلي پالتارلاريني گِيئن! چونکي ختنهسئزلر، نجئسلر سنئن دروازالاريندان آرتيق کِچميه‌جکلر.
اوست‌باشينداکي توزو چيرپ، قالخ، ای اورشلئم، تختئنه اوتور، زنجئري بوينوندان قير، ای اسئر آپاريلان صحيون قيزي!
رب بله ديئر: "سئز موفته ساتيلميشدينيز، موفته ده ساتين آليناجاقسينيز."
پروردئگار رب بله ديئر: "خالقيم ياشاماق اوچون اوّللر مئصئره اِنمئشدي. سونرا آشورلولار اونلارا ناحاق يِره ظولم اتدئلر.
رب بويورور: خالقيم ناحاق يِره گؤتورولوب آپاريلدي، ائندي منئم بورادا نه‌يئم وار؟" گئنه رب بويورور: "باشچيلاري هورور، و آديما هر گون کوفر ديئلئر.
بونا گؤره خالقيم منئم آديمي تانيياجاق؛ بونا گؤره او گون، او منم کي، دانيشيب ديئر: «باخ منم.»"
خوش خبري گتئرن، داغلاري آشيب-گلن موژده‌چئنئن آياقلاري نجه ده گؤزلدئر! او، باريش اعلان ادئر، او، ياخشيليغين خوش خبرئني گتئرئر، قورتولوش اعلان ادئر، صحيون خالقينا "تارينيز سلطنت ادئر!" ديئر.
قولاق آسين! کشئکچئلرئنئز سَسلرئني اوجالديرلار، بئرلئکده شادليقلا اوخويورلار، چونکي ربّئن صحيونا قاييديشيني اؤز گؤزلري ائله گؤرهجکلر.
ای اورشلئم خاراباليقلاري، شَنلئک ادئن، بئرلئکده شادليقلا اوخويون، چونکي رب خالقينا تسلّی ورئب، اورشلئمي ساتين آليب.
رب بوتون مئلّتلرئن گؤزلري قاباغيندا موقدّس قولونو چيرمالاييب، اِله کي، دونيانين بوتون اوجقار يِرلري تاريميزين گتئردئيي نئجاتي گؤرسونلر.
چکئلئن، چکئلئن، اورادان چيخين، نجئس شيلره توخونمايين، اونلارين آراسيندان چيخيب تمئزله‌نئن، ای ربّئن اشيالاريني داشييانلار!
لاکئن سئز تَلَسئک چيخماياجاقسينيز، قاچاق آداملار کئمي ده گتميه‌جکسئنئز، چونکي رب سئزئن قاباغينيزدا گدهجک، ائسرايئلئن تاريسي سئزئن آرخانيزي قوروياجاق.
باخ، منئم قولوم اوغور قازاناجاق، او اوجالديلاجاق، اوجالديلاجاق، چوخ عئزّتلَنه‌جک.
چوخلاري اونون قاباغيندا مات قالدي. بلی، اونون گؤرونوشو بوزولدو کي، ائنسانا بَنزَر ياني قالمادي.
بلجه او چوخ مئلّتلري حيرته سالاجاق، اونون سببئندن پادشاهلار آغزيني يوماجاقلار. چونکي اونلار، اونلارا ديئلمه‌دئکلرئني گؤرهجکلر، اشئتمه‌دئکلرئني آنلاياجاقلار.
بئزئم خبرئمئزه کئم ائنانيب، ربّئن گوجو کئمه آشکار اولوب؟
او، ربّئن حوضوروندا بئر بوداق کئمي، قورو تورپاقدا بئتَن کؤک کئمي بؤيودو. اونون نه گؤرونوشو، نه عظمتي وار ائدي کي، اونا گؤز دئکَک. نه گؤزل‌لئيي وار ائدي کي، اونو آرزو اِدَک.
ائنسانلار طرفئندن تحقئر اولوندو، ردّ اولوندو، او قوصّه‌لر آدام ائدي، عذابين نه اولدوغونو بئلئردي، ائنسانلارين اوز چِوئردئيي بئري کئمي خور گؤرولدو. بئز اونا دَيَر ورمه‌دئک.
اصلئنده ناخوشلوقلاريميزي او چکدي، قوصّه‌لرئمئزي اؤزو داشيدي. بئز آمّا اونون تاري طرفئندن جزالانديريلديغيني، تاري طرفئندن وورولوب ذلئل اولدوغونو ظنّ اتدئک.
لاکئن بئزئم تقصئرلرئمئزه گؤره اونون بدني دِشئلدي، شر عمل‌لرئمئز اوزوندن او اَزئلدي، رئفاهيميز اوچون گرکلي اولان جزا اونا ورئلدي، و اونون يارالاري ائله بئز شفا تاپيريق.
هاميميز قويون کئمي يولو آزميشديق، هر بئرئمئز اؤز يولوموزلا گِدئردئک. لاکئن رب هاميميزين شر عمللرئنئن يوکونو اونون اوستونه قويدو.
اونا ظولم اتدئلر، اونو ذلئل اتدئلر. آمّا گئنه ده آغزيني آچمادي. کَسئلميه آپاريلان قوزو کئمي، قويون قيرخانلارين قاباغيندا، دئلسئز-آغيزسيز قويون کئمي آغزيني آچمادي.
عدالتسئزلئکله محکوم اولوناراق اؤلومه آپاريلدي. اونون نسلی حاقّيندا کئم دوشوندو کي، خالقيمين عاصئلئيئنه گؤره، او اعدام اولوندو، دئرئلرئن اؤلکه‌سي آراسيندان آتيلدي.
هچ بئر قدّارليق اتمه‌دئيي حالدا، آغزيندان حئيله‌لي سؤز چيخماديغي حالدا، اونا پئش آداملارين يانيندا بئر قبر ورئلدي، آمّا اؤلدويونده دؤولَتلي بئر آدامين يانيندا ائدي.
آمّا رب اونون اَزئلمه‌سئنه، اونون عذاب چکمه‌سئنه مايئل اولدو. اؤز جانيني تقصئر قورباني تقدئم اتدئکده، او، اؤز نسلئني گؤرهجک، عؤمرونو اوزاداجاق، و ربّئن خوش ائسته‌يي اونون اَلي ائله اوغور تاپاجاق.
چکدئيي مَشَقّتئن نتئجهسئني گؤروب خوشنود اولاجاق، منئم قولوم، او صالح اولان، اؤز بئلئيي ائله چوخلارينا برائت قازانديراجاق، اونلارين شر عمللرئنئن يوکونو اوستونه گؤتورهجکدئر.
بونا گؤره من اونا بؤيوک آداملارين آراسيندا پاي ورهجيم. او، قنئمتي گوجلولرله بؤله‌جک. چونکي او، جانيني فدا اتدي، تقصئرکارلارلا بئر ساييلدي؛ آمّا گئنه ده چوخ آداملارين گوناهيني اوستونه گؤتوردو، تقصئرکارلار اوچون شفاعت اتدي.
"شادليقدان هاراي چک، ای سونسوز، ای قيصير آرواد! سِوئنج هارايي چک، سَسلَن، ای دوغوش آغريسي چکمه‌ين سن! چونکي ترک ادئلمئش آروادين اؤولادلاري، اَرلي آروادين اؤولادلاريندان چوخ اولاجاق." بونو رب ديئر.
"چاديرينين يِرئني گِنئشلَندئر، مسکنئنئن اؤرتوکلرئني اوزات، چکئنمه؛ ائپلرئني اوزات، پايالاريني وور.
چونکي صاغا و سولا ياييلاجاقسان، نسلئن مئلّتلره صاحئب اولاجاق، وئران قالميش شهرلرده تزهدن مسکن سالاجاق.
قورخما، چونکي اوتانماياجاقسان، اؤزونو آلچاق گؤرمه، چونکي روسواي اولماياجاقسان. جاوانليغين خجالتئني ياددان چيخارداجاقسان، بئر داها دا دول‌لوغونون روسوايچيليغيني يادينا سالماياجاقسان."
چونکي سني يارادان سنئن اَرئندئر، اونون آدي قوشونلار ربّي‌دئر. سني ساتين آلان ائسرايئلئن موقدّسي‌دئر، او کي، بوتون دونيانين تاريسي آدلانير.
تارين ديئر: "رب سني چاغيريب، آتيلميش و روحو اَزئلمئش، جاوان ياشيندا اَره گتمئش، سونرا دا ردّ اولونموش بئر آرواد کئمي.
بئر آن سني ترک اتدئم، آمّا بؤيوک شَفقَتله سني توپلاياجاغام.
آلوولانان قضبله بئر آن سندن اوزومو دؤنده‌ردئم، لاکئن ابدی محبّتئمله سنه شَفقَت گؤرسده‌جيم." بونو سني ساتين آلان، رب ديئر.
"بو، منئم اوچون نوحون گونلري کئميدئر، او زامان کئمي کي، آند ائچدئم نوحون دؤورونده‌کي سل سولاري بئر داها يِر اوزونو اؤرتميه‌جک؛ ائندي ده آند ائچئرم کي، سنه قضبلَنميه‌جيم، سني مزمّت اتميه‌جيم.
داغلار بلکه ده يِرئندن جايسين، تپه‌لر بلکه ده تئتره‌سئنلر، لاکئن سنه اولان محبّتئم دَيئشمَز، صولح عهدئم يِرئندن جايماز." بونو سنه شَفقَت گؤرسه‌دن رب ديئر.
"ای طوفانا دوشموش، تسلّی تاپماميش يازيق شهر! باخ، سنئن داشلاريني عَقئقلرله، سنئن پايالاريني لاجورد داشلارلا قوياجاغام.
بورجلرئني ياقوتدان، دروازالاريني لعل-جواهئردن، بوتون دوواريني قئيمتلي داشلاردان حؤره‌جيم.
بوتون اؤولادلارين ربدن تَعلئم آلاجاقلار، اؤولادلارينين رئفاهي بؤيوک اولاجاق.
صالحلئکده مؤحکملَنه‌جکسن، ظولمدن اوزاق اولاجاقسان، چونکي قورخماياجاقسان. قورخو حئسّي سندن اوزاق اولاجاق، چونکي سنه ياخينلاشماياجاق.
سنه هوجوم ادن اولسا، بئل کي، بو مندن ديئل، سنه هوجوم ادن هر کس، سنه گؤره ييخيلاجاق.
باخ، اوددا کؤمورو کؤروکله‌يَن، اؤز ائشي اوچون سئلاح حاضيرلايان دمئرچئني من ياراتميشام؛ محو اتمک اوچون قيريجيني دا من ياراتميشام.
سنئن ضئدّئنه ائشله‌نَن هچ بئر سئلاح ائشه ياراماياجاق. محکمه‌ده سني تقصئرلَندئرن هر دئل محکوم اولوناجاق. ربّه قوللوق ادنلرئن ائرثي بلهدئر. اونلارين دئفاعسي مندن گلئر." بونو رب بويورور.
ای بوتون سوسوزلاميشلار، گلئن سولار يانينا! ای پولو اولمايانلار، گلئن، آلين و ييئن! گلئن، شرابي و سودو پولسوز آلين، عوضسئز آلين!
نه اوچون پولونوزو چؤرک اولمايان شيلره، قازانديغينيزي سئزي دويدورمايان شيلره خَرجله‌يئرسئنئز؟ منی دئقّتله اِشئدئن، ياخشي اولاني ييئن، جانينيز بوللوقدان لذّت آپارسين.
قولاق آسين، منئم يانيما گلئن، قولاق آسين کي، ياشاياسينيز. من داوودا گؤرستدئيئم صادئق مرحمتلره موطابئق، سئزئنله ابدی بئر عهد باغلاياجاغام!
باخ، من اونو خالقلارا شاهئد اتمئشم، خالقلارا باشچي و حؤکمدار قويموشام.
باخ، تانيماديغينيز بئر مئلّتي چاغيراجاقسينيز. تارينيز ربّه گؤره، ائسرايئلئن موقدّسئندن اؤتري، سئزي تانيمايان مئلّت قاچا- قاچا يانينيزا گلهجک. چونکي رب سئزه عئزّت ورئب.
تاپماق فورصتي اولارکن ربّی آختارين، او ياخين ائکن اونو چاغيرين.
قوي پئس آدام اؤز يولونو، شر آدام اؤز فئکئرلرئني بوراخسين. قوي ربّه ساري دؤنسون و اوندان شَفقَت آلاجاق. قوي بئزئم تاريميزئن طرفئنه دؤنسون، چونکي بول-بول باغيشلاناجاق.
"چونکي منئم فئکئرلرئم سئزئن فئکئرلرئنئز ديئل، سئزئن يوللارينيز دا منئم يوللاريم ديئل." رب بويورور.
"چونکي گؤيلر ير اوزوندن نه قدر اوجادير، منئم يوللاريم دا سئزئن يوللارينيزدان، منئم فئکئرلرئم ده سئزئن فئکئرلرئنئزدن او قدر اوجادير.
نجه گؤيدن ياغان ياغيش و قار تورپاغي سولامادان، يري محصولدار ادئب اَکئن بئتمه‌دن، اَکئنچئيه توخوم، يئيَنه چؤرک ورمه‌دن گؤيلره قاييتمير،
آغزيمدان چيخان کلمه ده بلهدئر: بوش يِره يانيما قاييتماز، ائسته‌دئيئمي يرئنه يتئرمه‌يئنجه، اونو گؤنده‌ردئيئم ائشي باشا چاتديرمايينجا يانيما قاييتماز.
سِوئنجله چيخاجاقسينيز، باريشلا موشايئعت اولوناجاقسينيز، داغلار و تپه‌لر قاباغينيزدا شادليقلا اوخوياجاق، چؤلدهکي بوتون آغاجلار اَل چالاجاق.
تئکانلي بوتا عوضئنه شام آغاجي، قانقال عوضئنه مَرسئن آغاجي بئته‌جک. بو، رب اوچون يادئگار اولاجاق، پوزولمايان ابدی بئر علامت اولاجاق."
رب بله ديئر: "عدالتي حئفظ ادئن، صالحلئيه عمل ادئن. چونکي خئلاصيم ياخيندادير، صالحلئيئم تزلئکله آشکار اولوناجاق.
بونو ادن ائنسان، بونو مؤحکم توتان بشر اوغلو نه بختوردئر! او کي، سَبّت گونونو ساخلار، اونو نجئسله‌مَز، او کي، اَلئني هر جور شردن حئفظ اِدَر.
قوي ربّه بِل باغلايان هچ بئر ياداِللي دِمه‌سئن: «يقئن رب منی اؤز خالقيندان آييراجاق.» قوي هچ بئر خاجه دِمه‌سئن: «باخ، من قورو بئر آغاجام.»"
چونکي رب بله ديئر: "سَبّت گونلرئمي ساخلايان، منه خوش گلني سِچَن، عهدئمه وفالي قالان خاجه‌لره،
اِوئمده، دووارلاريمين آراسيندا اونلارا بئر يادئگار ورهجيم، اوغوللاردان و قيزلاردان داها دا ياخشي؛ اونلارا سئلئنمَز و ابدی بئر آد ورهجيم.
ياداِللي‌لره ده کي، ربّه قوشولورلار، اِله کي، اونا خئدمت اتسئنلر، ربّئن آديني سِوسئنلر، اونون قوللاري اولسونلار، سَبّت گونونو ساخلاييب اونو نجئسلَمه‌سئنلر، و عهدئمه وفالي قالسينلار،
حتّا اونلاري دا موقدّس داغيما گتئرئب دوعا اِوئمده اونلاري سِوئندئره‌جيم. اونلارين گتئردئکلري يانديرما قوربانلاري، اونلارين قوربانلاري قوربانگاهيمدا قبول اولوناجاق. چونکي منئم اِوئم بوتون خالقلار اوچون دوعا اِوي چاغيريلاجاق."
ائسرايئلئن داغيلميش اؤولادلاريني ييغان پروردئگار رب بله بويورور: "من ييغيلميشلارين يانينا باشقالاريني دا ييغاجاغام."
ای چؤلون بوتون وحشي حيوانلاري، ای مِشه‌نئن بوتون جاناوارلاري، يِمَيه گلئن!
خالقيمين کشئکچئلري کوردورلار، جاهئلدئرلر! اونلارين هاميسي هؤره بئلمه‌يَن لال ائتلردئرلر، اوزانيب رؤيا گؤرورلر، ياتماغي سِوئرلر!
آجگؤز، هچ دويمايان ائتلردئلر بونلار، آخماق چوبانلارديلار بونلار! هر کس اؤز يولونا دؤنوب، هر بئري آنجاق اؤز منفعتئني گودور!
بئربئرلرئنه ديئرلر: "گلئن، شراب گتئرَک، بول-بول عرق ائچک! صاباحکي گون ده بو گون کئمي، حتّا بوندان دا چوخ ياخشي اولاجاق!"
"صالح آدام محو اولور و کئمسهنئن اوموروندا ديئل. مؤمئن آداملار دا کؤچوب گِدئر، آمّا هچ کئم آنلامير. چونکي صالح آدام پئسلئکدن قورتولور.
صالح آدام صولحه داخئل اولور، دوغرو يوللا گِدن، ياتاغيندا راحات ياتير.
آمّا سئز، ای جادوگر آروادين اؤولادلاري، فاحئشه و زئناکارلار نسلي، بورايا گلئن!
سئز کئمي مسخره‌يه قويورسونوز؟ آغيزينيزي کئمه گِن آچيرسينيز؟ کئمه دئل گؤرسه‌دئرسئنئز؟ مگر سئز عاصئلئيئن اؤولادلاري، حئيلهنئن نسلی ديئلسئنئز؟
مگر سئز ديئلسئنئز کي، پاليد آغاجلاري آراسيندا، هر ياشيل آغاجين آلتيندا شهوتله آليشيب يانيرسينيز؟ مگر سئز ديئلسئنئز کي، دره‌لرده، قايا اويوقلاريندا، اؤولادلاري قوربان ادئرسئنئز؟
سئزئن پايينيز دره‌نئن هامار داشلاريندان دوزه‌لَن بوتلردئر. سئزئن پايينيز اونلاردير؛ بلی، اونلارين قاباغيندا مايع تقدئمي تؤکوبسونوز، تاخيل تقدئمي گتئرئبسئنئز. بونلارا گؤره مگر منئم اوره‌يئم رحمه گلر؟
ياتاغينيزي اوجا، اوجا داغدا ساليبسينيز، قوربانلارينيزي کَسمک اوچون ده اورايا دا چيخدينيز.
قاپيلارينيزا، قاپيلارين يان تاختالارينين آرخاسينا علامتئنئزي ووروبسونوز. منی ترک ادئب ياتاغينيزي گِنئش آچيبسينيز، اورادا اوزانيبسينيز، اويناشلارينيزلا سؤوده‌لَشئبسئنئز، بئرلئکده ياتماغا جان آتيبسينيز، اونلارين لوتلويونه تاماشا ادئبسئنئز!
ياغ و عطئرلري بول-بول ووراندان سونرا پادشاها ساري گدئبسئنئز. اِلچئلرئنئزي اوزاقلارا گؤنده‌رئبسئنئز، اؤزونوزو اؤلولر دئيارينا قدر اِندئرئبسئنئز.
اوزون يوللار سئزي طاقتدن سالدي. لاکئن سئز «بونون فايداسي يوخدور» دِمه‌دئنئز. گوجوزو تزه‌له‌يئب قالخدينيز، بونا گؤره ده حالدان گتمه‌دئنئز.
کئم سئزي قورخودوب دهشته سالدي کي، يالان دِدئنئز؟ منی يادا سالمادينيز، منی دوشونمه‌دئنئز؟ من اوزون بئر زامان ساکئت قالديغيما گؤره، سئز مندن قورخمورسونوز؟
من سئزئن صالحلئيئنئزي، اتدئيئنئز عمللري آشکارا چيخارداجاغام، بونلارين سئزه خِيري اولماياجاق.
سئز فرياد ادنده، قوي بو ييغديغينيز بوتلر سئزي قورتارسين. آمّا اونلارين هاميسيني کولَک سوووروب آتاجاق، بئر نفس اونلاري يِرئندن تَرپه‌دئب آپاراجاق. لاکئن منه سيغينان، تورپاغي مئراث آلاجاق، موقدّس داغيمي مولک ادهجک."
و ديئلهجک: "تئکئن، تئکئن، يولو حاضيرلايين! خالقيمين يولونداکي مانعلري گؤتورون!"
چونکي اوجا و عظمتلي اولان، ابدی ياشايان، آدي موقدّس اولان، بله ديئر: "من اوجا و موقدّس يرده ساکئنَم، قلبي سينيق اولانلارلايام، روحدان دوشوکلرله‌يم، اِله کي، روحدان دوشوکلرئن روحلاريني، قلبي سينيق آداملارين قلبلرئني تزه‌لَندئرئم.
چونکي همئشه چکئشئب قضبلَنميه‌جيم، يوخسا ياراتديغيم جانلي ائنسان قاباغيمدا دورا بئلمز.
طاماحکارليق گوناهينا گؤره قضبله‌نئب اونو جزالانديرديم، حئدّتله‌نئب اوزومو اوندان دؤنده‌ردئم. او اؤز يولونا دؤنوب گتدي.
يولونو گؤرموشم، آمّا اونا شفا ورهجيم. اونا رهبرلئک ادهجيم، اونا و اونونلا ياس توتانلارا تسلّی ورهجيم.
آغيزلارين حمدئني ياراداجاغام. اوزاقداکيلارا و ياخينداکيلارا باريش اولسون، باريش اولسون." رب ديئر: "و من اونا شفا ورهجيم."
لاکئن پئسلر شَپه‌لَنَن دهنز کئميدئر، بو دهنز اَرام توتا بئلمز، اونون سولاري آشغال و پالچيق چيخاردار.
منئم تاريم ديئر: "پئسلره هچ اَرامليق يوخدور."
"اوجا سَسله چيغير، چکئنمه؛ سَسئني کَره‌ناي سَسي کئمي اوجالت، خالقيما اونلارين تقصئرلرئني، يعقوب نسلئنه اونلارين گوناهلاريني بئلدئر!
اونلار هر گون منی آختاريرلار، منئم يوللاريمي بئلمَکدن کِف ادئرلر. اِله بئل کي، بو عملي‌صالح، تاريسينين حؤکموندن آيريلمايان مئلّت ائمئش. اونلار مندن عادئل حؤکملر آرزو ادئرلر، تارييا ياخينلاشماقدان کِف ادئرلر.
ديئرلر: «اوروج توتدوغوموزو نه اوچون گؤرمورسن، اؤزوموزو حلئم ادئرئک، آمّا سن فئکئر ورمئرسن؟» باخين، اوروج توتدوغونوز گون، سئز، ائسته‌دئيئنئزي ادئرسئنئز، بوتون ائشچئلرئنئزه ظولم ادئرسئنئز.
باخين، اوروجونوزو ساواشماقلا، داعوا ائله، يومروقلا، دؤيمَکله کچئردئرسئنئز. سئز، بو گونکي کئمي، اوروج توتماقلا ائسته‌مئرسئنئز کي، سَسئنئزي اوجالاردا اشئتدئره‌سئنئز.
مگر منئم سِچدئيئم اوروج بودور، بئر گون کي، آدام اؤزونو باشي آشاغي اتسئن؟ قاميش کئمي باشيني اَيسئن، اَينئنه چول گِيئب، کول اوستونده ياتسين؟ سئز بونو اوروج چاغيريرسينيز، هم ده ربّه مقبول اولان گون چاغيريرسينيز؟
مگر منئم ائسته‌دئيئم اوروج او ديئل کي، پئسلئيئن بوخوولاريني قيراسينيز، يوغون ائپلرئني آچاسينيز، سئتم آلتيندا اولانلاري آزاد ادهسئنئز، و هر جور يوغو قيراسينيز؟
مگر او ديئل کي، يِدئيئنئز چؤره‌يي آجلا بؤلوشه‌سئنئز؟ بي‌خانومان کاسيبلاري اِوئنئزه گتئرهسئنئز؟ لوت گؤرنده اونو گِيئندئره‌سئنئز، ياخينلارينيزدان کؤمه‌يئنئزي اسئرگَميه‌سئنئز؟
او واخت نورونوز شفق کئمي ساچاجاق، و تزلئکله شفا تاپاجاقسينيز، صالحلئيئنئز قاباغينيزدا گدهجک، ربّئن عئزّتي سئزي آرخادان قوروياجاق.
او واخت ربّی چاغيراجاقسينيز، و رب سئزه جاواب ورهجک. باغيراجاقسينيز، او سئزه «بورادايام» دئيهجک. اگر سئز يوغو آرانيزدان، بارماق اوزاتماغي و سؤزلر دِمه‌يي آرانيزدان ردّ ادهسئنئز،
اگر اورَکدن آجلارين قيدئنه قالاسينيز، ذلئل‌لرئن احتئياجلاريني ورهسئنئز، او واخت نورونوز قارانليقدا پارلاياجاق، قارانليغينيز گون اورتا ائشيغي کئمي نور ساچاجاق.
رب همئشه سئزه يول گؤرسدهجک، قورو تورپاقلاردا سئزي دويوزدوراجاق، سوموکلرئنئزه قووّت ورهجک. سئز ده سولانميش باغچا کئمي، سولاري هچ واخت اَسکئلمه‌ين بولاق کئمي اولاجاقسينيز.
سئزدن عمله گلنلر قدئم داغينتيلاري تئکه‌جکلر، نسئللردن قالما پايالارين اوستونو سئز برپا ادهجکسئنئز. سئزه خاراباليقلاري برپا ادنلر، جاماعاتين ياشاماسي اوچون کوچه‌لري تزهدن قورانلار ديئلهجک.
اگر سَبّت گونونده بودره‌مَيه‌سئنئز، موقدّس گونومده اؤز کِفئنئزه باخماياسينيز، سَبّت گونونو «شَن گون»، ربّئن موقدّس گونونو «شرفلي گون» چاغيراسينيز، اؤز يولونوزلا گتمه‌مَکله، ائسته‌دئيئنئزي اَلده اتمه‌مَکله، بوش‌بوغازليقلا مشغول اولماماقلا، او گونو عَزئز توتاسينيز،
او واخت رَبدن کِف اِدَرسئنئز، و من سئزي يِر اوزونون اوجا يِرلرئنه چيخاردارام، آتانيز يعقوبون پاييندان سئزي يِدئزدئره‌رم." چونکي ربّئن آغيزي دانيشيب.
باخ، ربّئن اَلي قيسا ديئل کي، خئلاص اده بئلمه‌سئن، قولاغي کار ديئل کي، اِشئده بئلمه‌سئن.
لاکئن شر عمل‌لرئنئز تارينيزلا سئزئن آرانيزدا آيريليق ساليب. گوناهلارينيز سبب اولوب کي، اوزونو سئزدن دؤنده‌رسئن، اِله کي، اشئتمه‌سئن.
چونکي اَللرئنئز قانلا، بارماقلارينيز شر عمللرله نجئسله‌نئب. دوداقلارينيز يالان دانيشيب، دئلئنئز پئسلئک ميريلدانير.
محکمه‌ده عدالتله ائشه باخان يوخدور، دوغرولوقلا اؤزونو مودافئعه ادن يوخدور، بوش سؤزلره بِل باغلاييرلار، يالان دانيشيرلار، اَذئيّته بويلو اولوب پئسلئک دوغورلار.
افعي يومورتالارينين اوستونده ياتيب، حؤرومچک تورو توخويورلار. او يومورتالاردان يئيَن اؤلور، قيريلان يومورتالاردان ائلان چيخير.
اونلارين توخودوغو حؤرومچک توروندان پالتار چيخماز، توخودوقلاري ائله ده اؤزلرئني اؤرته بئلمزلر. اِله‌دئکلري عمللر شر عمل‌لردئر، اَللرئنده قدّارليق ائشلري وار.
آياقلاري پئس ائشلر اتمه‌يه تَله‌سئر، معصوملارين قانيني تؤکميه جَلددئرلر. فئکئرلري، نئيّتلري شر عمل‌لردئر، يوللاريندا هلاکت و وئرانهلئک وار.
باريش يولونو تانيميرلار، گتدئکلري يولدا عدالت يوخدور، يوللاريني اَيري ادئبلر، او يولدان گِدنلرئن هچ بئري باريش نه‌دئر، بئلمئر.
بونا گؤره عدالت بئزدن اوزاقلاشيب، صالحلئک بئزه يِتئشمئر. ائشيق اومئدئنده‌يئک، آمّا باخ، قارانليقداييق، آيدينليق گؤزلهيئرئک، لاکئن ظولمتده يِرئيئرئک.
کور کئمي اَللرئمئزله دوواري يوخلاييريق، گؤزو گؤرمه‌يَنلر کئمي يولوموزو تاپماغا چاليشيريق. گون اورتا چاغي گجه واختي اولدوغو کئمي بودره‌يئرئک، گوجلولر آراسيندا اؤلولر کئمئيئک.
هاميميز آيي کئمي نَرئلده‌يئرئک، گؤيرچئن کئمي ائنئلده‌يئرئک. عدالت گؤزلهيئرئک، لاکئن اصلا يوخدور. قورتولوش گؤزلهيئرئک، آمّا بئزدن اوزاقدير.
چونکي تقصئرلرئمئز سنئن حوضوروندا چوخدور، گوناهلاريميز بئزئم ضئدّئمئزه شهادت ورئر. چونکي تقصئرلرئمئز بئزئمله‌دئر، شر عمل‌لرئمئزدن خبرداريق.
خاطا ادئرئک، ربّی ائنکار ادئرئک، تاريميزدان اوز دؤنده‌رئرئک، ظولمدن دانيشيريق، خيانتدن دانيشيريق، يالانلاري اوره‌يئمئزده گئزله‌دئب سونرا آشکارا چيخارديريق.
عدالت گری چکئلئر، صالحلئک اوزاقدا دورور، چونکي حقئقت شهر مِيدانيندا ييخيليب، دوروستلوک اَراميزا داخئل اولا بئلمئر.
بلی، حقئقت هچ بئر يرده يوخدور، شردن اوزاق دوران تالان اولونور. رب بونلاري گؤردو، عدالتئن يوخلوغو اونون خوشونا گلمه‌دي.
رب گؤردو کي، هچ کئم يوخدور، شفاعت ادهنئن اولماديغينا گؤره او مات قالدي. او واخت اونون اؤز قولو اونا ظفر گتئردي، اؤز صالحلئيي اونا داياق اولدو.
او، صالحلئيي زئرِه کئمي گِيدي، قورتولوش دَبئلقه‌سئني باشينا تاخدي. قئصاص پالتارلاريني گِيدي، قيرت پالتارينا بوروندو.
او هر کسه عمللرئنه گؤره عوض ورهجک. دوشمنلرئنه قضبله، خصملرئنه، ساحئل‌لره قئصاصلا عوض ورهجک.
بلجه قربدن شرقه‌جک آداملار ربّئن آديندان و اونون شؤوکتئندن قورخاجاقلار. چونکي دوشمن آزغين بئر چاي کئمي گلدئکده ربّئن نفسي اونو قوواجاق.
رب بويورور: "قورتاريجي صحيونا، يعقوب نسلئنئن تقصئرلرئندن دؤنَن اؤولادلارينين يانينا گلهجک."
رب ديئر: "منه گلئنجه، بودور منئم اونلارلا اولان عهدئم: اوستونده‌کي روحوم، و آغزينا قويدوغوم سؤزلرئم، ائندئدن ابده کئمي، سنئن، اؤولادلارينين و نوه-نتئجه‌لرئنئن آغزيندان دوشمَيه‌جک."
قالخ، ائشيقلان، چونکي نورون گلئب، ربّئن شؤوکتي سنئن اوستونه ساچير!
باخ، دونياني قارانليق، خالقلاري ظولمت بورويه‌جک. آمّا رب سنئن اوستونه نور ساچاجاق، شؤوکتي سني اَحاطه ادهجک.
مئلّتلر سنئن نورونا، پادشاهلار اوستونه چؤکَن آيدينليغا طرف گلهجکلر.
قالدير باشيني، باخ اطرافينا، اونلارين هاميسي ييغيليب يانينا گلئرلر! اوغوللارين اوزاقدان گلهجک، قيزلارين قوجاقدا گتئرئلهجک.
او واخت بونو گؤروب اوزون نور ساچاجاق، اوره‌يئن سِوئنجدن تِز-تِز چيرپيناجاق. چونکي دهنزئن وار-دؤولتي سنه گتئرئلهجک، مئلّتلرئن ثروتي سنه گلهجک.
دَوه سورولري، مئديانين، عِيفانين جمّازلاري تورپاقلاريني دولدوراجاق. بوتون شِبا خالقي گلئب قيزيل و کوندور گتئرهجک، و ربّئن حمدلرئنئن خوش خبرئني اعلان ادهجک.
قِدارين بوتون سورولري سنئن يانينا ييغيلاجاق، نِبايوتون قوچلاري سنه خئدمت ادهجک، قوربانگاهيمدا منه مقبول اولان قوربانلار اولاجاقلار، و من عئزّتلي اِوئمي داها دا عئزّتلَندئره‌جيم.
کئمدئر بونلار کي، بولود کئمي، يووالارينا ياخينلاشان گؤيرچئن کئمي اوچوب گلئرلر؟
قطعن ساحئللر منه اومئد باغلاياجاقلار؛ تَرشئش گَمئلري اوّل گلهجکلر کي، سنئن اؤولادلاريني قيزيل وَگوموشلري ائله اوزاقدان گتئرسئنلر؛ تارين ربّئن آدي اوچون، سني عئزّتلَندئرَن ائسرايئلئن موقدّسي اوچون.
اجنبئلر دووارلاريني تئکه‌جکلر، پادشاهلاري سنه خئدمت ادهجکلر. چونکي قضبئمده سني ووردوم، و لوطفومده سنه شَفقَت گؤرستمئشم.
دروازالارين همئشه آچيق قالاجاق، نه گجه، نه ده گوندوز قيفيل‌لاناجاق کي، مئلّتلرئن ثروتي سنه تقدئم اولسون، پادشاهلاري يانينا گتئرئلسئن.
چونکي سنه خئدمت اتمک ائستمه‌ين مئلّت و يا سلطنت محو اولاجاق، بلی، او مئلّتلر کامئل يوخ اولاجاقلار.
شام آغاجي، چئنار و سرو آغاجلاري کي، لوبنانين شان-شؤهرتي‌دئر، سنه گتئرئلهجک کي، موقدّس مکانيمداکي يري گؤزل‌لَشدئرسئن، و آياق قويدوغوم يري شؤوکتلَندئرئم.
سني ذلئل ادنلرئن اؤولادلاري گلئب قاباغيندا تعظئم ادهجکلر. سنه حقارتله باخانلارين هاميسي آياقلارينا دوشوب سنه سجده ادهجکلر. سنه ربّئن شهري، ائسرايئلئن موقدّسئنئن صحيونو دئيهجکلر.
گرچي سني ترک ادئب سندن نئفرت اتدئلر، يانيندان هچ کئم کِچمئردي، آمّا ائندي من سني ابدی بئر فخر، نسئللر بويو بئر شادليق ادهجيم.
مئلّتلر و پادشاهلار بئر آنا کئمي سنه سود ورهجکلر. او واخت بئلهجکسن کي، من سني قورتاران ربّم، سني ساتين آلان، يعقوبون قودرتلي تاريسي.
سنه بورونج عوضئنه قيزيل، دمئر يرئنه گوموش، آغاج يرئنه بورونج، داش عوضئنه دمئر گتئره‌جيم. اَمئن-آمانليغي حؤکمدارين، صالحلئيي ده باشچيلارين تعيئن ادهجيم.
سنئن تورپاغيندا بئر داها قدّارليق اِشئدئلميه‌جک، سرحدلرئنئن آراسيندا هلاکت و وئرانهلئک خبري اولماياجاق. دووارلاريني «خئلاص»، دروازالاريني دا «حمد» آدلانديراجاقسان.
آرتيق گوندوز گونش ائشيغين اولماياجاق، گجه آي سنه آيدينليق ورميه‌جک. چونکي رب ابدی نورون، تارين دا سنئن شؤوکتئن اولاجاق.
گونشئن بئر داها باتماياجاق، آيين گئزلَنميه‌جک، چونکي رب ابدی نورون اولاجاق، سنئن ياسلي گونلرئن قورتاراجاق.
او واخت بوتون خالقين صالح اولاجاق، تورپاغي همئشهلئک مولک آلاجاقلار. اونلار اَکدئيئم بوداقدير، اَلئمئن ائشي کي، اونونلا عئزّتلَنئم.
لاپ کئچئک عايئلهدن بؤيوک نسئل عمله گلهجک، آز سايلي نسئل قودرتلي مئلّت اولاجاق. من رب بونو اؤز واختيندا تِز ادهجيم.
پروردئگار ربّئن روحو اوستومده‌دئر، چونکي منی مسح ادئب کي، ذلئل اولموشلارا خوش خبري گتئرئم. او منی گؤنده‌رئب کي، قلبلري سينيق اولانلارين يارالاريني ساريييم، اسئرلره قورتولوش، محبوسلارا آزادليق اعلان اِدئم.
ربّئن لوطف ائلئني، تاريميزين قئصاص گونونو نئدا اِدئم، ياسلي‌لارين هاميسينا تسلّی ورئم،
صحيوندا ياس توتانلاري تأمئن اِدئم، کول يرئنه چَلَنگ، ماتم يرئنه شادليق گتئرن مسح ياغي ورئم، ضعئفلئک روحو عوضئنه، حمد پالتاريني بخش اِدئم. بلجه اونلار ربّئن اَکدئيي صالحلئک پاليد آغاجلاري چاغيريلاجاقلار کي، رب عئزّتلَنسئن.
او زامان اونلار قدئم داغينتيلاري بئنا ادهجکلر، قاباقکي خاراباليقلاري برپا ادهجکلر، نسئللر بويو وئرانه قالميش شهرلري تزهدن قوراجاقلار.
ياداِللي‌لر گلئب سورولرئنئزي اوتاراجاقلار، اجنبئلر سئزه اَکئنچئلئک ادهجکلر، سئزه اوزوملوکلرئنئزده باغبانليق ادهجکلر.
آمّا سئز ربّئن کاهئنلري چاغيريليب، تاريميزين خئدمتچئلري آدلاناجاقسينيز. مئلّتلرئن ثروتئني يئيهجکسئنئز، اونلارين وار-دؤولتلري ائله فخر ادهجکسئنئز.
چکدئيئنئز خجالت يرئنه ائکي قات شرف، روسوايچيليق عوضئنه اونلارين پايي اوستونه شادليقدان هاراي چکهجکسئنئز. بونا گؤره اونلار اؤلکه‌لرئنده ائکي قات مولک آلاجاقلار، سِوئنجلري ابدی اولاجاق.
چونکي من، رب، عدالتي سِوئرَم. سويغونچولوقدان، حاقسيزليقدان نئفرت ادئرم. البتّه کي، عمللرئنه گؤره اونلارا حاقّيني ورهجيم، اونلارلا ابدی عهد باغلاياجاغام.
نسئل‌لرئندن گلنلر مئلّتلر ائچئنده، اؤولادلاري خالقلار آراسيندا تانيناجاقلار. اونلاري گؤرَن هر کس اونلاري تانيياجاق، چونکي اونلار ربّئن برکت وردئيي نسئللردئرلر.
ربده چوخ شادليق ادهجيم، تاريمدا اوره‌يئم شادليقدان جوشاجاق، چونکي چَلَنگله بَزَنمئش بَي کئمي، بَر-بَزَک تاخميش گلئن کئمي، منه قورتولوش پالتاري گِيئندئرئب، صالحلئک البسه‌سی ائله بورويوب.
تورپاق زوغلاريني نجه جوجَردئر، باغ اَکئلَن توخوملاري نجه يِتئشدئرئر، پروردئگار رب ده بوتون مئلّتلر قاباغيندا صالحلئيي و حمدي بله يِتئشدئره‌جک.
صالحلئيي نور کئمي ساچاناجاق، قورتولوشو مشعل کئمي ياناناجاق، صحيونون خاطئرئنه ساکئت اولماياجاغام، اورشلئمئن خاطئرئنه ساکئت دورماياجاغام.
مئلّتلر سنئن صالحلئيئني، بوتون پادشاهلار سنئن شؤوکتئني گؤرهجکلر، ربّئن آغزيندان چيخديغي، سنه وردئيي تزه آدلا چاغيريلاجاقسان.
سن ربّئن اَلئنده عئزّت تاجي، تارينين اووجوندا پادشاهليق چَلَنگي اولاجاقسان.
آرتيق سنه "آتيلميش"، اؤلکه‌نه ده "وئرانه قالميش" دِمَيه‌جکلر؛ عوضئنه سنه "خوشلانديغيم"، اؤلکه‌نه ده "اَرلي" ديئلهجک. چونکي رب سندن خوشلانير، اؤلکَن ده اونونلا اِولي ساييلاجاق.
چونکي نجه بئر جاوان، باکئره بئر قيزلا اِوله‌نئر، اِلجه ده سنئن اوغولارين سنئنله اِولَنه‌جکلر. نجه بَي، گلئن اوزوندن شادليق ادئر، تارين دا سن اوچون اِله شادليق ادهجک.
ای اورشلئم، دووارلارينين اوستونه من قارووولچولار قويموشام. گجه-گوندوز اونلار ساکئت اولماياجاقلار. ای سئزلر کی، ربّه سؤزونو خاطيرلاديرسينيز، ساکئت اولمايين؛
رب اورشلئمي برپا ادنه‌جک، اونو يِر اوزونون تعرئفه لايئق شهرئنه دؤنده‌رَنه‌جک، اونا راحاتليق ورمهيئن!
رب صاغ اَلئنه، گوجلو قولونا آند ائچئب: "سنئن تاخيليني بئر داها دوشمنلرئنه يِدئرتميه‌جيم، ياداِللي‌لر ده سنئن زحمتله سيخديغين شرابيني ائچميه‌جکلر.
آمّا تاخيلي ييغان يئيهجک، ربّه حمدلر ادهجک. اوزومو ييغان شرابيني موقدّس مکانيمين صحنلرئنده ائچه‌جکدئر."
کِچئن، شهر دروازالاريندان کِچئن، خالق اوچون يول حاضيرلايين! تئکئن، يول سالين، داشلاري کنارا آتين، خالقلار اوچون بايراق قالديرين!
باخين، رب يِر اوزونون لاپ اوزاق يِرلرئنه اعلان ادئب: "صحيون قيزينا ديئن: «باخ، قورتولوشون گلئر، باخ، ربّئن پاداشي اونونلادير، بَخشئشي ده قاباغيندادير.»"
صحيون خالقينا "ربّئن ساتين آلديغي، موقدّس خالق" دئيهجکلر. سن، ای اورشلئم، "تارينين آختارديغي، ترک اولماميش شهر" آدلاناجاقسان.
اِدومدان گلن، بوصرادان گلن بو، کئمدئر؟ بو کي، قيرميزي رنگئنه دؤنموش پالتارلار گِيئنئب؟ شؤوکتلي البسه ائچئنده، بؤيوک قودرتله يوروش ادئب گلئر؟ "او منم، صالحلئکده دانيشان، قورتارماغا قادئر اولان."
نه اوچون پالتارلارين قيرميزي‌دير؟ نه اوچون پالتارين بله قيرميزي اولوب؛ اِله بئل کي، سن اوزوم‌سيخاندا اوزوم سيخيردين؟
"اوزوم‌سيخاندا اوزومو تک سيخديم، يانيمدا خالقلاردان هچ کئم اولمادي. قضبئم ائچئنده اونلاري تاپدالاديم، قِيضئمله اونلاري آياقلاريمين آلتينا سالديم. قانلاري پالتارلاريما سيچراييب، بوتون پالتارلاريمي بولاشديرديم.
چونکي قئصاص گونو قلبئمده ائدي، خالقيمي ساتين آلديغيم ائل گلئب.
من باخديم، کؤمک ادن بئر کس يوخ ائدي، حيران قالميشديم و منئم طرفئمي ساخلايان يوخ ائدي، او واخت قولوم منه ظفر گتئردي، قِيضئم منه داياق اولدو.
قضب ائچئنده خالقلاري تاپدالاديم، قِيضئمله اونلاري مست اتدئم، قانلاريني يِره آخيتديم."
ربّئن مهرئبانليغيني، اونون حمدلره لايئق اولان ائشلرئني نقل ادهجيم؛ بئزه باغيشلاديغي بوتون شيلر اوچون، ائسرايئل نسلئنه اتدئيي بؤيوک ياخشيليق اوچون کي، رحمتئنه گؤره، بؤيوک محبّتئنه گؤره بئزه ادئب.
رب ددي: "البتّه، اونلار منئم خالقيمديرلار، منی آلداتمايان اؤولادلاريمديرلار." بلجه اونلارا قورتاريجي اولدو.
اونلار اذئيّت چکدئکده، او دا اذئيّت چکدي. حوضوروندان گلن ملک اونلاري خئلاص اتدي؛ محبّتي و مرحمتي ائله اونلاري ساتين آلدي. بوتون کِچمئش گونلرده اونلاري گؤتوروب آپاردي.
لاکئن اونلار عوصيان اتدئلر، اونون موقدّس روحونو کَدَرلَندئردئلر. بونا گؤره رب ده اونلارين دوشمنی اولوب، اونلارين ضئدّئنه اؤزو دؤيوشدو.
سونرا خالق کِچمئش گونلري، ربّئن قولو موسانين دؤورونو يادا سالدي. اونلاري سوروسونون چوبانلاري ائله بئرلئکده دهنزدن کچئردن هارادادير؟ اونلارين ائچئنه موقدّس روحونو احسان ادن هاردادير؟
کئم باعئث اولدو کي، اونون او شؤوکتلي قولو، موسانين صاغ طرفئنده گتسئن؟ کئم سولاري اونلارين قاباغيندا ياريب بؤلدو کي، اؤزونه ابدی بئر آد قازانسين؟
کئم اونلاري درئنلئکلردن کچئردئب آپاردي؟ چؤلده چاپان بئر آت کئمي چاپديلار و اونلار ييخيلماديلار؛
ربّئن روحو اونلارا اِله راحاتليق وردی کي، اِله بئل ناخير اوتو بول اولان دره‌ده اوتاريلير. بلی، سن خالقينا يول گؤرستدئن کي، اؤزونه شؤوکتلي بئر آد قازاناسان.
يارب، گؤيلردن باخ، موقدّس، عئزّتلي، اوجا مسکنئندن بئزه نظر سال! هارادادير سنئن قيرتئن، گوجلو عمللرئن؟ قلبئنده‌کي حسرتي، رحمي بئزدن اسئرگه‌يئرسن.
سنسن آتاميز. ائبراهئم بئزي تانيماسا دا، ائسرايئل بئزئم کئم اولدوغوموزو بئلمه‌سه ده، آتاميز سنسن، يارب، ازلدن بَري آدين بئزي ساتين‌آلاندير.
نه اوچون، يارب، بئزي يوللاريندان آزديريرسان، قلبلرئمئزي عئنادکار ادئرسن کي، سندن قورخماياق؟ قوللارينين خاطئرئنه، ائرثئن اولان قبئله‌لرئنئن خاطئرئنه گری دؤن.
موقدّس خالقين قيسا بئر مودّت اوچون سنئن موقدّس مکانينا صاحئب اولدو. آمّا ائندي اوراني دوشمنلرئمئزئن آياغي تاپدالايير.
اِله بئر خالقا بَنزه‌يئرئک کي، اِله بئل، هچ واخت سن بئزه حؤکمدار اولماييبسان، اِله بئل، بئز هچ واخت سنئن آدينلا چاغيريلماميشيق.
يارب، کاش گؤيلري ياريب اِنَيدئن، اِله کي، داغلار حوضوروندا تئتره‌سئن!
آلوو کوللوغو يانديران کئمي، اود سويو قاينادان کئمي، آديني دوشمنلرئنه تانيتديرايدين کي، مئلّتلر حوضوروندا لرزهيه گلسئن!
سن گؤزلَمه‌دئيئمئز عظمتلي ائشلر ادنده، يِر اوزونه اِندئن، داغلار حوضوروندا تئترهدي.
اونا اومئد باغلايان اوچون بله ائشلر ادن تاريني، ازلدن بَري، سندن باشقاسيني نه گؤز گؤروب، نه ده قولاق اشئدئب.
صالح ائشلره شادليقلا عمل ادنلرئن، سنئن يوللارينلا گدئب سني خاطيرلايانلارين گؤروشويونه گلئرسن. باخ، سن قضبلي ائدئن، چونکي بئز گوناها باتديق، گوناهدا اوزون بئر مودّت ياشاديق؛ نجه خئلاص اولا بئله‌رئک؟!
هاميميز نجئس بئري کئمي اولموشوق، بوتون صالح عمل‌لرئمئز نجئس اَسکئيه بَنزه‌يئر. هاميميز يارپاق کئمي سولوروق، شر عمل‌لرئمئز بئزي کولَک کئمي سوووروب آپارير.
سنئن آديني چکَن يوخدور، سنه باغلانماق اوچون جان آتان بئري يوخدور. چونکي اوزونو بئزدن دؤنده‌رئبسن، بئزي شر عمل‌لرئمئزئن قودرتئنه تسلئم ادئبسن.
آمّا ائندي، يارب، سنسن آتاميز، بئز گئلئک، آمّا سن کوزهگر، بئز هاميميز سنئن اَلئنئن ائشئيئک.
يارب، چوخ قضبلنمه، شر عمل‌لرئمئزي هچ واخت خاطيرلاما، باخ، هاميميز سنئن خالقينيق، بونو نظره آل.
موقدّس شهرلرئن صحرايا، صحيون چؤللويه دؤنوب، اورشلئم وئران قاليب.
آتالاريميزين سنه حمد اتدئکلري يِر، موقدّس و گؤزل معبدئمئز اودلا يانيب؛ بوتون دَيَرلي شيلرئمئز خارابا قاليب.
بوتون بونلاردان سونرا، يارب، مگر گئنه ده اؤزونو اوزاق ساخلاياجاقسان؟ مگر ساکئت قاليب بئزي داها دا ذلئل ادهجکسن؟
"قوياجاغام کي، منی سوروشمايانلار منی تاپسينلار، قوياجاغام کي، منی آختارمايانلار منی تاپسينلار. آديملا چاغيريلمايان مئلّته ددئم: «بورادايام! بورادايام!»
پئس يوللا گِدن، اؤز دوشونجهلري ائله حرکت ادن، دئکباش بئر خالقا بوتون گون اَللرئمي اوزاتميشام،
او خالق کي، باغلاردا قوربان کَسئب، کَرپئجلرئن اوستونده بوخور يانديريب، گؤزوم قاباغيندا همئشه منی قيزديرير؛
قبئرئستانليقدا اوتوروب گئزلي يِرلرده گجه‌له‌يئر، دونگوز اَتي يِيئر، قابلاريندا حارام اَت قاينادير.
او خالق کي، بئربئرئنه ديئر: «اوزاق دور، منه ياخينلاشما، چونکي من سندن موقدّسم.» بونلار بورنوما توستودور، بئر اوددور کي، بوتون گون يانير.
باخ، قاباغيمدا بونلار يازيليب: من ساکئت اولماياجاغام، لاکئن اونلارين عوضئني ورهجيم، عمللرئني باشلارينا چِوئره‌جيم.
اونلارين تقصئرلرئنئن، آتالارينين دا تقصئرلرئنئن جزاسيني اونلارا چکدئره‌جيم." رب بويورور. "چونکي اونلار داغلارين باشيندا بوخور يانديريبلار، تپه‌لرئن باشيندا منه کوفر ديئبلر، اونا گؤره ده من اوّلکي عمللرئني اؤلچوب، اونلارين عوضئني اونلارا چکدئره‌جيم."
رب بله ديئر: "نجه اوزوم سالخيميندا شئره تاپيلير و بئري ديئر: «سالخيمي محو اتمهيئن، چونکي ائچئنده برکت وار.» من ده قوللاريمين خاطئرئنه بله ادهجيم کي، اونلارين هاميسيني محو اتمهيئم.
يعقوبدان نسئل يِتئشدئره‌جيم، يهودا نسلئندن داغلاريما وارئث چيخاجاق؛ بلی، سِچئلمئش خالقيم اوراني ائرث آلاجاق. منئم قوللاريم اورادا ساکئن اولاجاقلار.
منی آختاران خالقيم اوچون شارون سورولرئن اوتلاغي، عاکور دره‌سي مال-حيوانين راحاتلانديغي يِر اولاجاق.
لاکئن سئز، ای ربّی ترک ادنلر، موقدّس داغيمي ياددان چيخاردانلار، طالِع آللاهينا سوفره آچانلار، قئسمَت آللاهينا جاملاردا شراب تقدئم ادنلر،
من ده سئزي قيلينجا قئسمَت ادهجيم، باشينيز کَسئلمَک اوچون، هامينيز بويون اَيه‌جکسئنئز. چونکي من چاغيرديم، لاکئن سئز جاواب ورمهدئنئز، من دانيشديم، لاکئن سئز قولاق آسمادينيز. گؤزومده پئس اولاني اتدئنئز، منه مقبول اولماياني سِچدئنئز."
بونا گؤره ده پروردئگار رب بله ديئر: "باخين، قوللاريم يئيه‌جکلر، آمّا سئز آج قالاجاقسينيز، باخين، قوللاريم ائچه‌جکلر، آمّا سئز سوسوز قالاجاقسينيز، باخين، قوللاريم سِوئنه‌جکلر، آمّا سئز اوتاناجاقسينيز.
باخين، قوللاريم شاد بئر اورَکله شادليق ادهجکلر، آمّا سئز اورَک آغريسيندان قيشقيراجاقسينيز، کَدَرلي بئر روحلا اولوياجاقسينيز.
سئزئن آدينيز سِچئلمئش خالقيمين آغزيندا لعنت کئمي قالاجاق. پروردئگار رب سئزي اؤلدورهجک، لاکئن اؤز قوللارينا باشقا آد ورهجکدئر.
چونکي اؤلکهده کئم برکت ائسته‌سه، حقئقتئن تاريسي طرفئندن برکت آلاجاق؛ اؤلکهده کئم آند ائچسه، حقئقتئن تاريسي طرفئندن آند ائچه‌جکدئر. چونکي کِچمئش اذئيّتلر ياددان چيخارديليب گؤزومون قاباغيندان گئزلي‌دئر.
چونکي باخ، من تزه گؤيلر و تزه بئر يِر ياراديرام. قاباقکي شيلر بئر داها خاطيرلانماياجاق، هچ يادا دوشميهجک.
ياراتديقلاريمدا همئشه سِوئنئن، شادليق ادئن. چونکي باخ، اورشلئمي شادليق اوچون، ساکئنلرئني سِوئنج اوچون ياراديرام.
من اورشلئم اوچون سِوئنه‌جيم، خالقيم اوچون شادلاناجاغام. اورادا بئر داها نه آغلاشما سَسي اولاجاق، نه ده فرياد سَسي اِشئدئله‌جک.
اوشاقلار آرتيق کؤرپه چاغلاريندا اؤلميه‌جکلر، اوزون عؤمور سورمه‌ين بئر قوجا اولماياجاق، چونکي يوز ياشيندا اؤلَنلر جاوان ساييلاجاقلار، يوز ياشينا چاتمايان گوناهکار، لعنت آلتيندا ساييلاجاق.
اونلار اِولر تئکئب اورادا ساکئن اولاجاقلار، اوزوم باغلاري اَکئب مِيوه‌سئندن يئيه‌جکلر.
تئکدئکلري اِوده اؤزگهلر ياشاماياجاق، اَکدئکلري باغين مِيوه‌لرئني باشقالاري يِميه‌جک. چونکي خالقيمين عؤمورو آغاجلار عؤمورو کئمي اوزون اولاجاق، سِچئلمئشلرئم اَللرئنئن ائشلرئندن کِف ادهجکلر.
اونلار عبث يِره اَللَشميه‌جکلر، اؤولادلاري بلالارلا اوزلَشميه‌جکلر. چونکي اونلار ربّئن طرفئندن برکت آلانلارين نسلئدئرلر؛ اؤولادلاري دا اونلارلا.
اِله ده اولاجاق کي، اونلار منی چاغيرماميشدان، من اونلارا جاواب ورهجيم، اونلار حله دانيشارکَن من اِشئده‌جيم.
قوردلا قوزو بئر يرده اوتلاياجاق، شئر اؤکوز کئمي سامان يئيهجک، و ائلانين يِدئيي تورپاق اولاجاق. موقدّس داغيمين هچ بئر يِرئنده هچ کئمه ضرر دَيميه‌جک، هچ بئر کس او بئرئسئني محو اَتميه‌جک." رب بله ديئر.
رب بله ديئر: "گؤيلر منئم تختئمدئر، يِر آياقلاريمين آلتينداکي کَتئلدئر. هارادادير بس او اِو کي، سئز منه تئکه‌بئله‌سئنئز؟ هارادير او يِر کي، دئنجه‌لئم؟
چونکي بوتون بونلاري منئم اَلئم ياراتدي، هر شي بلجه وار اولدو." رب بويورور. "لاکئن من باشيآشاغي و روحو اَزئلمئش آداما، سؤزومون قاباغيندا تئتره‌ينه نظر سالارام.
آنجاق اؤکوز کَسن، آدام اؤلدورَن کئمئدئر، قوزونو قوربان کَسَن، ائتئن بوينونو قيران کئميدئر، تاخيل تقدئمي گتئرن، دونگوز قانيني تقدئم ادن کئميدئر، کوندور يانديران، بوته پرستئش ادن کئميدئر. بلی، اونلار اؤز يوللاريني سِچئبلر، و جانلاري اؤز ائيرنج ائشلرئندن حظّ آلير.
من ده اونلاري تَنبه اتميه قرار ورهجيم، قورخدوقلاري بلاني باشلارينا گتئره‌جيم. چونکي من چاغيرديم، لاکئن جاواب ورن يوخ ائدي، دانيشديم، لاکئن قولاق آسماديلار، گؤزومده پئس اولاني اتدئلر، منه مقبول اولماياني سِچدئلر."
ای ربّئن سؤزو قاباغيندا تئتره‌يَنلر، اونون ددئکلرئني اِشئدئن: "سئزدن نئفرت ادن قارداشلارينيز، منئم آديما گؤره سئزي اؤزلرئندن آتانلار ديئبلر: «قوي رَب، شؤوکتئني گؤرسدسئن کي، بئز ده سئزئن شادليغينيزا بئر باخاق.» لاکئن اونلار روسواي اولاجاقلار.
شهردن بئر نعره سَسي، معبددن بئر سَس اِشئدئلئر! بو، دوشمنلرئندن قئصاص آلان ربّئن سَسي‌دئر.
آرواد آغري چکمهدن دوغدو، سانجيسي توتمادان بئر اوغلان اوشاغي دوغدو.
بله بئر شي کئم اشئدئب؟ بله شيلري کئم گؤروب؟ مگر بئر گونده اؤلکه عمله گلر؟ مگر بئر آندا بئر مئلّت دوغولار؟ آمّا صحيونون آغريسي توتدوقدا اوغوللاريني دوغدو.
مگر من دوغوش آنيناجاق گتئرئب دوغماغا گوج ورمه‌رم؟" رب ديئر. "دوغوش اوچون گوج ورن من، مگر بَطني باغلايارام؟" سنئن تارين ديئر.
"اورشلئمله بئرلئکده سِوئنئن، ای اونو سِوَنلر، هامينيز اونون اوچون شادليق ادئن. ای اورشلئم اوچون ياس توتانلار، اونونلا بئرلئکده جوشون، فَرَحله‌نئن!
اِله کي، سئز آنانيز اورشلئمئن دؤشلرئني اَمئب، تسلّی تاپاسينيز، دوياسينيز، اِله کي، اونون بول نعمتلرئندن داديب حظّ آلاسينيز."
چونکي رب بله ديئر: "باخين، من اَمئن-آمانليغي بئر چاي کئمی، مئلّتلرئن ثروتئني داشقين سل کئمي اونا ساري آخيديرام. سئز اوندان بَسلَنه‌جکسئنئز، قوجاغيندا آپاريلاجاقسينيز، دئزلرئنده نازلاناجاقسينيز.
اؤولادينا تسلّی ورن بئر آنا کئمي من سئزه تسلّی ورهجيم. اورشلئمده تسلّی تاپاجاقسينيز.
او واخت بونلاري گؤرهجکسئنئز؛ و اوره‌يئنئز سِوئنه‌جک؛ سوموکلرئنئز ياشيل اوت کئمي قووّتلَنه‌جک. ربّئن اَلي قوللارينين طرفئندن تانيناجاق، لاکئن قضبي دوشمنلرئنئن اوستونده اولاجاقدير."
باخ، رب اود ائچئنده گلئر، اونون دؤيوش عارابالاري فيرلانان يِل کئميدئر کي، قضبئني اودلو و تَنبِهي اود آلووو کئمي تؤکسون.
چونکي رب بوتون بشري اودلا، قيلينجي ائله موحاکئمه ادهجک، و اونون قيلينجي ائله ييخيلانلارين سايي چوخ اولاجاقدير.
"باغلارا گئرمک اوچون اؤزلرئني تقدئس ادئب تمئز ادنلر، اورتادا دورانين دالينجا گده‌رک، دونگوز، سئچان و باشقا نجئس حيوانلارين اَتئني يئيَنلرئن هاميسي محو اولاجاقلار." رب بويورور.
"چونکي من اونلارين عمللرئني ده، فئکئرلرئني ده بئلئرم؛ او واخت يِتئشئر کي، بوتون مئلّتلري و دئللري بئر يِره ييغيم. اونلار گلئب منئم شؤوکتئمي گؤرهجکلر.
من آرالاريندا بئر علامت قوياجاغام. اونلاردان قاچيب-قورتولانلاري من باشقا مئلّتلره گؤندرهجيم: تَرشئشه، پولا، ماهئر اوخ‌آتانلارين وطني لودا، توبَله، يونانا، شؤهرتئمي اشئتمه‌ين، شؤوکتئمي گؤرمه‌ين اوزاق ساحئل‌لره. و اونلار منئم شؤوکتئمي مئلّتلر آراسيندا اعلان ادهجکلر.
ائسرايئل اؤولادلاري تاخيل تقدئملرئني تمئز قابلار ائچئنده ربّئن معبدئنه نجه گتئرئرلر، اونلار دا بوتون قارداشلارينيزي مئلّتلر آراسيندان تاخيل تقدئمي اولاراق آتلار بِلئنده، عارابالاردا، تخت‌روانلاردا، دَوه‌لر و قاطيرلار بِلئنده منئم موقدّس داغيم اورشلئمه گتئرهجکلر." رب بويورور،
"اونلاردان بعضئسئني من کاهئن و لاوئلي سچه‌جيم."
"ياراتاجاغيم تزه گؤيلر و تزه يِر قاباغيمدا نجه دورور، سئزئن ده نسلئنئز و آدينيز بله دوراجاق." رب بويورور.
"هر تزه آي مراسئمئنده، هر سَبّت گونونده بوتون بشر گلئب قاباغيمدا سجده ادهجک." رب ديئر.
"او واخت اونلار اِشئيه چيخاجاقلار، و منئم ضئدّئمه عاصي اولانلارين مِيئتلرئني گؤرهجکلر. چونکي قوردلاري اؤلميه‌جک، اونلاري يانديران آلوو سؤنميه‌جک. و بوتون بشر اونلاردان ائيرَنه‌جک."
بونلار خئلقئيا اوغلو اِرِميانين سؤزلري‌دئر کي، بِنيامئن تورپاغينداکي عَناتوتدا ياشايان کاهئنلردن بئري ائدي.
يهودا پادشاهي آمون اوغلو يوشئيانين دؤورونده، اونون پادشاهليغينين اون اوچونجو ائلئنده اِرِميايا ربّئن سؤزو نازئل اولدو.
بو، يهودا پادشاهي يوشئيا اوغلو يِهوياقئمئن دؤوروندن يهودا پادشاهي يوشئيا اوغلو صئدقئيانين پادشاهليغينين اون بئرئنجي ائلئنئن آخيريناجاق داوام وردی، اِله کي، بِشئنجي آيدا اورشلئم اهالئسي اسئرلئيه آپاريلدي.
منه ربّئن بو سؤزو نازئل اولدو:
"من سنه آنانين بطنئنده شکئل ورمه‌دن قاباق سني تانيديم، دوغولماميشدان قاباق سني تقدئس اتدئم. من سني مئلّتلره پيغمبر تعيئن اتمئشم."
او واخت من ددئم: "آه، يا پروردئگار رب! باخ، منئم دانيشيق قابئلئيتئم يوخدور، چونکي حله جاوانام."
آمّا رب منه ددي: "سن «جاوانام» دِمه. چونکي سني کئمئن يانينا گؤنده‌رسَم، گدهجکسن، سنه نه امر اتسَم، اونو دئيه‌جکسن.
آداملاردان قورخما، چونکي سني قورتارماق اوچون من سنئنله وارام." رب بويورور.
او زامان رب اَلئني اوزاتدي و آغزيما توخونوب منه ددي: "باخ، سؤزلرئمي سنئن آغزينا قويموشام.
باخ، بو گون سني مئلّتلر و اؤلکهلر اوستونه تعيئن اتمئشم کي، اونلاري کؤکوندن ييخيب داغيداسان، قيريب محو ادهسن، تئکئب اَکه‌سن."
ربّئن سؤزو منه نازئل اولوب ددي: "ای اِرِميا، نه گؤرورسن؟" من ددئم: "بادام آغاجينين بئر بوداغيني گؤرورم."
او واخت رب منه ددي: "دوز گؤروبسن. چونکي من سؤزومو يرئنه يتئرمکده ساييغام."
ربّئن سؤزو ائکئنجي دفه منه نازئل اولوب ددي: "نه گؤرورسن؟" من ددئم: "قاينار بئر قازان گؤرورم کي، شئمالدان بو طرفه يؤنه‌لئب."
او واخت رب منه ددي: "بو اؤلکهده ياشايانلارين هاميسينين اوستونه شئمالدان بلا ياغاجاق.
چونکي باخ، من شئمال اؤلکه‌لرئنئن بوتون طايفالاريني چاغيريرام." رب بويورور؛ "اونلارين هر بئري گلئب اؤز تختئني اورشلئم دروازالارينين گئرئشئنده، اونون بوتون اطرافيندا اولان دووارلارينين ضئدّئنه، و بوتون يهودا شهرلرئنئن ضئدّئنه قوراجاق.
بوتون پئسلئکلرئنه گؤره اونلارين ضئدّئنه حؤکملرئمي بئلدئره‌جيم. چونکي مندن اوز دؤنده‌رئب باشقا آللاهلارا بوخور يانديريبلار و اؤز اَللرئنئن ائشلرئنه سجده ادئبلر.
سنه گلئنجه؛ ائندي سن بِلئني قورشاييب چيخ، سنه امر اده‌جيئم بوتون شيلري اونلارا دِه. اونلاردان دهشته دوشمه، يوخسا من ده سني اونلارين قاباغيندا دهشته سالارام.
باخ، من، بلی من بو گون سني بوتون اؤلکهنئن، يهودا پادشاهلارينين، بو يِرئن باشچيلارينين، کاهئنلرئنئن و خالقينين ضئدّئنه قالالي شهر، دمئر سوتون، و بورونج دووار اتمئشم.
اونلار سنئنله ووروشاجاقلار، لاکئن گوجلري چاتماياجاق، چونکي سني قورتارماق اوچون من سنئنله وارام." رب بويورور.
ربّئن سؤزو منه نازئل اولوب ددي:
"گت، اورشلئمئن قولاقلارينا اعلان ات کي، رب بله ديئر: «من سنئن جاوانليغينداکي مِهرئني، گلئن اولانداکي محبّتئني، صحرادا، اوت بئتمه‌ين تورپاقدا داليمجا گلدئيئني خاطيرلاييرام.
او واخت ائسرايئل ربّه وقف اولموشدو و اونون محصولون نوباري ائدي. اوندان يئيَنلرئن هاميسي خاطاکار چيخديلار، اوستلرئنه بلا نازئل اولدو.»" رب بويورور.
ای يعقوب نسلي، ای ائسرايئل نسلئنئن بوتون طايفالاري، ربّئن سؤزونو اِشئدئن،
رب بله ديئر: "آتالارينيز منده نه حاقسيزليق تاپديلار کي، مندن اوزاقلاشديلار و پوچلوغون دالينجا گدئب اؤزلري ده پوچ اولدولار؟
داها دِمه‌دئلر: «هارادادير او رب کی، مئصئر تورپاغيندان بئزي چيخارتدي، صحرادان، اوچوروملارلا دولو چؤل‌لردن، اؤلوم کؤلگه‌سئنده قالان قوراق تورپاقدان، بئر ائنسانين کِچمه‌دئيي، هچ کسئن ياشاماديغي دئياردان بئزی کِچئرتدي؟»
من سئزي برکتلي تورپاغا گتئردئم کي، اونون ميوهلرئندن و نعمتلرئندن يئيهسئنئز. آمّا سئز گلدئنئز و تورپاغيمي نجئس اتدئنئز، منئم ائرثئمي ائيرنج بئر يِره چِوئردئنئز.
کاهئنلر دِمه‌دئلر: «رب هارادادير؟» شرئعت موعلّئملري منی تانيماديلار، رهبرلر ده منئم ضئدّئمه عوصيان اتدئلر، پيغمبرلر بَعَلئن آدي ائله نبئلئک اتدئلر و فايداسيز شيلرئن دالينجا گتدئلر.
بونا گؤره من گئنه سئزئنله داعواچي اولاجاغام، من اؤولادلارينيزين اؤولادلاري ائله ده داعواچي اولاجاغام." رب بويورور
"سئز کئتّئم ساحئل‌لرئنه گدئب گؤرون، قِدارا آدام گؤنده‌رئب دئقّتله باخين. گؤرون بله بئر شي هچ اولوب؟
آللاهلار اولماديقلاري حالدا، هچ اولوب بئر مئلّت آللاهلاريني دَيئشدئرسئن؟ لاکئن منئم خالقيم اؤز شؤوکتئني فايداسيز شيلره دَيئشئب.
ای گؤيلر، سئز بونا مات قالين، تئر-تئر اَسئن، وئران قالين." رب بويورور.
"چونکي منئم خالقيم ائکي پئس عمل ادئب: منی، آخار سولارين منبعئني، آتيب اؤزلرئنه حوووضلار، سو ساخلامايان چاتلاق حوووضلار دوزَلدئبلر.
مگر ائسرايئل قولدور؟ مگر او، قول دوغولوب؟ بس نه اوچون قارت مالي اولوب؟
اونون اوستونه جاوان آصلانلار نَرئلده‌يئب، سَسلرئني اوجالديبلار. اؤلکهسئني وئران ادئبلر. شهرلري يانيب، اوندا ياشايان هچ کس قالماييب.
نوف و تَخپَنخِس ساکئنلري سنئن باشيني ياريبلار.
سني يوللا آپاران تارين ربّی ترک اتمکله، مگر بو ائشي سن اؤز باشينا گتئرمه‌يئبسن؟
بس ائندي شئخور سويوندان ائچمک اوچون مئصئره نئيه گِدئرسن؟ فَرات سويوندان ائچمَک اوچون آشورا نئيه گِدئرسن؟
سني اؤز پئسلئيئن جزالانديراجاق، دؤنوکلويون سني ائصلاح ادهجک. اونا گؤره بئل و گؤر کي، تارين ربّی آتماغين، مندن قورخماماغين پئس و آجي شيدئر." قوشونلار ربّی پروردئگار بويورور.
"سنئن يوغونو چوخ زامان قاباق قيرديم، ائپلرئني قوپارتديم. آمّا سن ددئن: «سنه قوللوق اتميه‌جيم!» اوستهلئک هر اوجا تپه‌نئن اوستونده، بول يارپاقلي هر آغاجين آلتيندا فاحئشه کئمي يِره ياتيبسان.
من سني ياخشي مِينه، تَر-تمئز توخوم کئمي اَکمئشدئم. نجه اولدو کي، عَلِيهئمه چيخيب قرئب مِينه‌‌يه دؤندون؟
گرچي سن اؤزونو گئل‌آبي ائله يويورسان، بول کول سويو ائشله‌دئرسن، لاکئن گوناهينين لکه‌سي حله ده حوضورومدا قالير." پروردئگار رب بويورور.
"نجه دئيه بئلرسن کي، «نجئس ديئلم، بَعَل بوتلرئنئن يولو ائله گتمه‌مئشم؟» دره‌ده نجه رفتار اتدئيئنه باخ، نه اتدئيئني گؤر! سن قيزيشان، اورا-بورا قاچان دئشي دَوه کئمي‌سن،
شهوتله هاواني ائيله‌ين، صحرايا اؤيرَشمئش وحشي اِششَک کئمي‌سن. قيزاندا اونو کئم ساخلايا بئلر؟ اونو ائسته‌ينلر اؤزلرئني يورمازلار، جوتلَشمه واختي اونو تاپارلار.
آياغي يالين گَزمه، بوغازين سوسوزلوقدان قوروماسين. آمّا سن ددئن: ‹خِير، فايداسي يوخدور! چونکي من ياد آللاهلاري سِومئشَم و اونلارين دالينجا گده‌جيم.›
اوغري توتولاندا نجه اوتانير، ائسرايئل نسلی ده پادشاهلاري، باشچيلاري، کاهئنلري و پيغمبرلري ائله بئرلئکده اِلَجه اوتانيرلار.
اونلار آغاجا «آتامسان»، داشا دا «منی سن دوغدون» ديئرلر. چونکي منه طرف اوزلرئني يوخ، آرخالاريني چِوئرئبلر. لاکئن اوستلرئنه بلا گلنده دئيهجکلر: «قالخ و بئزي قورتار.»
لاکئن اؤزون اوچون دوزلتدئيئن بوتلرئن هارادادير؟ باشينا بلا گلدئيي واخت، اگر سني قورتارا بئلرلر، قوي اونلار گلسئنلر. چونکي سنئن آللاهلارين، شهرلرئنئن سايي قدردئر، ای يهودا!
نه اوچون منئمله داعواچي‌سينيز؟ سئز هامينيز منئم ضئدّئمه عوصيان ادئبسئنئز." رب بله بويورور.
"اؤولادلارينيزي بوشونا جزالانديرميشام؛ چونکي اونلار يولا گلمه‌دئلر. اؤز قيلينجينيز پيغمبرلرئنئزي ييرتيجي آصلان کئمي تلف ادئب."
ای بو زامانين اؤولادلاري، ربّئن سؤزونه دئقّت ادئن: "مگر من ائسرايئل اوچون بئر صحرا اولموشام؟ و يا بئر ظولمت اؤلکه‌سي اولموشام؟ خالقيم نه اوچون ديئر کي، «بئز اؤز-اؤزوموزه آغاييق، بئر داها سنه طرف گلميه‌جيئک؟
مگر قيز اؤز بَزَکلرئني، گلئن ده اؤز گلئنلئک قورشاغيني ياددان چيخاردا بئلر؟ آمّا منئم خالقيم اوزون مودّت منی ياددان چيخارديب.
اويناشلارينين دالينا دوشمکده نه قدر ماهئرسن! لاپ پئس آروادلار بِله، سندن درس آلا بئلر.
سنئن اَتَکلرئن قيريلان مؤحتاج و معصوم آداملارين قانينا بولاشيب؛ حال بو کي اونلاري اوغورلوق اوستونده توتمادين. حله بونونلا بِله،
سن ديئبسن: «من تقصئرسئزم، ربّئن قضبي قطعن مندن يان کچهجک›. باخ، من سني موحاکئمه ادهجيم، چونکي گوناه اتمه‌دئيئني ديئرسن.
نه اوچون تِز-تِز دولانيب يولونو دَيئشئرسن؟ آشوردا خجئل اولدوغون کئمي مئصئرده ده خجئل اولاجاقسان.
اورادان دا اَل‌لرئنله باشيني توتوب چيخاجاقسان، چونکي بِل باغلاديقلاريني رب ردّ ادئب، اونلارلا اوغور قازانا بئلميه‌جکسن."
رب ديئر: "اگر بئر آدام اؤز آرواديني بوشاسا، آرواد دا اونو ترک ادئب آيريسينا اَره گتسه، مگر او آدام بئر ده آروادينين يانينا قاييدار؟ بله اتسه، مگر اؤلکه کامئل بئر شکئلده نجئس اولماز؟ آمّا سن چوخلو اويناشي اولان بئر فاحئشه‌سن؛ آيا گئنه ده منه طرف دؤنورسن؟
باشيني چيلپاق تپهلره طرف قالديريب باخ. سِوئشمه‌دئيئن يِر مگر وار؟ صحرادا ياشايان بدوي کئمي يول کناريندا اوتوردون و اويناشلاريني گؤزله‌دئن. زئناکارليغين و پئسلئکلرئنله اؤلکهني نجئس اتدئن.
بونا گؤره ده ياغيشلارين آردي کَسئلدي و ياز ياغيشي ياغمادي. آمّا سن اوزسوز فاحئشه‌يه اوخشادين، اوتانماق ائستمه‌دئن.
مگر ائندي منی چاغيرمادين: «آتام، جاوانليغيمدان بَري سن منئم دوستومسان.
مگر همئشهلئک قضبلي اولاجاق؟ مگر ابده کئمي کئن ساخلاياجاق؟» باخ، دانيشيبسان و گوجون چاتديغي قدر پئسلئک ادئبسن."
يوشئيانين پادشاهليغي دؤورونده رب منه ددي: "دؤنوک ائسرايئلئن نه اتدئيئني گؤردون؟ هر اوجا تپه‌نئن اوستونه، بول يارپاقلي آغاجين آلتينا گدئب اورادا فاحئشه کئمي اولوب منه خيانت اتدي.
دوشونوردوم: «بوتون بونلاري ادندن سونرا منه طرف قاييداجاق.» آمّا او قاييتمادي. خيانتکار باجيسي يهودا دا بونو گؤردو.
دفهلرله زئنا اتدئيي اوچون دؤنوک ائسرايئله بوشانما کاغيذي ورئب اونو بوشاديم. لاکئن اونون خيانتکار باجيسي يهودا گئنه قورخمادي، او دا گدئب فاحئشه‌لئک اتدي.
هچ اهمئيّت ورمه‌دن زئناکارليغي ائله اؤلکهني نجئس اتدي، داشلارا و آغاجلارا سجده ادئب خيانت اتدي.
بوتون بونلارا باخماياراق، اونون خيانتکار باجيسي يهودا منه بوتون قلبي ائله يوخ، حئيله ائله اوز توتدو." رب بويورور.
رب منه ددي: "دؤنوک ائسرايئل خائن يهودا ائله موقايئسه‌ده داها صالح اولدو.
گت، بو سؤزلري شئمال سمتئنه اعلان ادئب دِه: «ای دؤنوک ائسرايئل، گری قاييت.»" رب بويورور. "سنه قضبله باخماياجاغام، چونکي من مرحمتلي‌يم." رب بويورور. "همئشهلئک کئن ساخلامارام.
آنجاق سن اؤز تقصئرئني بوينونا آل کي، تارين ربّئن ضئدّئنه عوصيان ادئبسن، هر بول يارپاقلي آغاجين آلتيندا ياد آللاهلارا کؤنول ورئبسن و منئم سؤزومه قولاق آسماييبسان." رب بويورور.
"ای دؤنوک اؤولادلار، گری قاييدين" رب بويورور. "چونکي آغانيز منم. بئر-بئر شهردن، ائکي-ائکي طايفادان چيخارديب صحيونا گتئره‌جيم.
اوره‌يئمه ياتان چوبانلاري سئزه ورهجيم، سئزه آغيل و حئکمتله چوبانليق ادهجکلر.
سئزئن اؤلکهده تؤره‌يئب چوخالديغينيز گونلرده، داها ربّئن عهد سانديغيندان دانيشماياجاقلار" رب بويورور. "او سانديق بئر داها کئمسهنئن آغلينا گلميه‌جک، يادا سالينماياجاق، اونون اوچون داريخماياجاقلار، تزه‌سي ده دوزه‌لدئلميه‌جک.
او زامان اورشلئمه «ربّئن تختي» دئيهجکلر. بوتون مئلّتلر ربّئن آدي خاطئرئنه اورشلئمده ييغيشاجاقلار. بئر داها پئس اورَکلرئنئن عئنادکارليغينا گؤره حرکت اتميه‌جکلر.
او گونلرده يهودا نسلی ائسرايئل نسلی ائله بئرله‌شئب شئمال اؤلکهسئندن آتالارينيزا ائرث وردئيئم تورپاغا بئرلئکده گلهجکلر.
من ددئم: «نجه ده ائستردئم، سني اوغوللاريمين آراسينا قويوم، سنه ائستَکلي تورپاغي مئلّتلر آراسيندا لاپ گؤزل ائرثي ورئم! گومان اتدئم کي، منی ‹آتام› چاغيراجاقسينيز، مندن اوز دؤنده‌رميه‌جکسئنئز.
بئر آرواد اؤز اَرئنه نجه خيانت ادئر، سئز ده منه اِله خيانت اتدئنئز، ای ائسرايئل نسلي!" رب بويورور.
"لوت تپه‌لر اوستونده بئر سَس ائسرايئل اؤولادلارينين آغلاشما و يالواريشلاري اِشئدئلئر، چونکي اونلار يوللاريني آزيبلار، اؤزلرئنئن تاريسي ربّی ياددان چيخارديبلار.
گری قاييدين، ای دؤنوک اؤولادلار، من سئزئن دؤنوکلويونوزه شفا ورهجيم." اونلار دا دئيهجکلر: "باخ، بئز سنه طرف گلئرئک، چونکي تاريميز رب سنسن.
دوغرودان دا، تپه‌لردن، داغلاردان گلن هاي-کوي يالاندير. اصلئنده ائسرايئلئن نئجاتي، تاريميز ربده‌دئر.
جاوانليغيميزدان بَري اوتانديريجي بوتلر، آتالاريميزين زحمتئني، سورولرئني و مال- حيوانلاريني، اوغوللاريني و قيزلاريني تلف ادئب.
قوي بئز خجالتئمئز ائچئنده ياتاق، قوي روسوايچيليق بئزي اؤرتسون، چونکي جاوانليغيميزدان ائندئيهجک، بئز و آتالاريميز، تاريميز ربّئن ضئدّئنه گوناه اتمئشئک، تاريميز ربّئن سؤزونه قولاق آسماميشيق."
رب بويورور: "ای ائسرايئل، اگر گری قاييداسان، منه طرف قاييداسان، ائيرنج بوتلرئني گؤزومون قاباغيندان گؤتورهسن، بئر داها يولدان آزمازسان؛
حقئقت، عدالت و صالحلئکله «وار اولان ربّه آند اولسون!» ديئب آند ائچَرسن، او زامان مئلّتلر رب واسئطهسئله برکت آلارلار، و اونونلا فخر اِدَرلر."
چونکي رب يهودا آداملارينا و اورشلئمه بله ديئر: "اؤزونوز اوچون تزه اَکئن يري شوخوملايين؛ تئکانلار آراسيندا اَکمه‌يئن.
ای يهودا آداملاري و اورشلئمده ياشايانلار، اؤزونوزو رب اوچون ختنه ادئن، اوره‌يئنئزئن ختنه اَتئني کَسئن. يوخسا پئس عمل‌لرئنئزه گؤره، قضبئم اود کئمي پوسکوروب يانديراجاق، سؤندورن اولماياجاق.
يهودادا اعلان ادئن، اورشلئمده جار چکئب ديئن: «اؤلکهده کَره‌ناي چالين!» اوجادان قيشقيريب امر ادئن: «گلئن، ييغيليب قالالي شهرلره گئرَک!»
صحيونا گِدن يولو گؤرسه‌دن بئر بايراق قالديرين، پناه يري آختارين، دايانمايين. چونکي من شئمالدان بلا و بؤيوک قيرغين گتئره‌جيم."
آصلان يوواسيندان چيخيب، مئلّتلري محو ادن، يولا دوشوب. اؤز يِرئندن چيخيب کي، اؤلکه‌نئزي وئران اتسئن. شهرلرئنئز يِرله بئر اولاجاق، اورادا ساکئن اولان بئري قالماياجاق.
بونا گؤره ده چول گِيئنئن، ياس توتوب آغلايين. چونکي ربّئن آلوولانان قضبي بئزدن دؤنمه‌يئب.
"او گون پادشاهين و باشچيلارين اوره‌يي دوشهجک." رب بله بويورور. "کاهئنلر مات قالاجاق، پيغمبرلر دوناجاق."
من ددئم: "آه، ای پروردئگار رب! يقئن کي، سن بو خالقي و اورشلئمي کامئل آلداديبسان. «سئزئن اوچون اَمئن-آمانليق اولاجاق» ديئبسن، حال بو کي قيلينج بوغازيميزا دئره‌نئر."
او واخت بو خالقا و اورشلئمه ديئلهجک: "صحراداکي چيلپاق تپه‌لردن، خالقيما طرف ائستي بئر کولَک اسئر. بو کولَک، دن سووورماياجاق، تاخيل تمئزلَميه‌جک.
منئم امرئمله بوندان دا گوجلو بئر کولَک اَسه‌جک و من ده ائندي اونلارا اؤز حؤکمومو بئلدئره‌جيم."
باخ، دوشمن بولودلار کئمي، اونون دؤيوش عارابالاري دا قاسيرغا کئمي اوجالير، آتلاري قارتاللاردان ائتي گِدئر. واي حاليميزا! چونکي برباد اولدوق.
ای اورشلئم، اوره‌يئني پئسلئکدن يويوب-تمئزله کي، خئلاص اولاسان. پئس فئکئرلرئن نه واختا قدر ائچئنده قالاجاق؟
آرتيق داندان بئر سَس گلئر، اِفرايئمئن داغليق بؤلگهسئندن شرارت اِشئدئلئر.
"بونو مئلّتلره ائندي خبر ورئن! اورشلئمه خبر چاتديرين کي، اوزاق بئر اؤلکه‌دن گلن قوشون اونو موحاصئرهيه آلاجاق، يهودا شهرلرئنئن قاباغيندا نعره چکهجک.
اونلار زَمي گودوکچولري کئمي هر طرفدن شهره طرف گلئرلر، چونکي او، منئم ضئدّئمه عوصيان ادئب." رب بويورور.
"اؤز ائشلرئن، اؤز عمل‌لرئندئر کی، بونلاري سنئن باشينا گتئرئر. سنئن جزان نه آجي‌دير، لاپ اوره‌يئنه چاتيب.
آي جانيم، آي جانيم! عذابدان قيوريليرام. اوره‌يئم ائچئمده چيرپينير، ساکئت قالا بئلمئرَم. چونکي، ای جانيم، کَره‌ناي سَسئني، دؤيوش نعره‌سئني اشئدئبسن.
قيرغين اوستونه قيرغين گلئر، بوتون اؤلکه خارابا قاليب. چاديرلاريم قَفلَتَن، پرده‌لرئم بئر آندا داغيلير.
نه واختا قدر بايراق گؤره‌جيم، کَره‌ناي سَسي اِشئده‌جيم؟
حقئقتن، خالقيم آخماقدير، منی تانيمير. اونلار جاهئل اؤولادلاردير، درّاکه‌لري يوخدور، عاغيللاري پئسلئک اتمه‌يه چاتير، ياخشيليق اتمهيئن نه اولدوغونو بئلمئرلر."
من، اِرِميا، يِر اوزونه باخديم، شکئلسئز و بوشدور. گؤيلره باخديم، ائشيقلاري يوخدور.
داغلارا باخديم، تئتره‌يئردئلر، بوتون تپه‌لر يِرلرئندن قوپوردو.
باخيب گؤردوم کي، بئر آدام قالماييب، گؤيدهکي قوشلارين هاميسي اوچوب گدئبدئر.
باخيب گؤردوم کي، بَهَرلي تورپاق صحرايا چِورئلئب، ربّئن قاباغيندا بوتون شهرلري، اونون آلوولانان قضبي ائله داغيليب
بلی، رب بله ديئر: "بوتون اؤلکه وئران اولاجاق، آنجاق قويماياجاغام کي، کامئل بئر شکئلده محو اولسون.
بونا گؤره يِر ياس توتاجاق، يوخاريدا گؤيلر قارالاجاق، چونکي بونو من دمئشم، بونا من قصد اتمئشم، فئکئرئمي دئشدئرميه‌جيم، سؤزومدن دؤنميه‌جيم ده.
بوتون شهرلرئن اهالئسي آتلي‌لارين و اوخ‌آتانلارين گورولتوسوندن قاچير. اونلار سيخ مِشه‌لره گئرئر، قايالارا ديرماشير. بوتون شهرلر ترک ادئلمئش، اونلاردا کئمسه ياشامير.
بس سن، ای وئران شهر، نه ادهجکسن؟ قيرميزي پالتار گِيئنسن ده، قيزيل بَزَکلر تاخسان دا، گؤزلرئنه سورمه سورتسن ده، عبث يِره اؤزونو بَزه‌يئرسن. اويناشلارين سنه خور باخيرلار، جانيني آلماق ائسته‌يئرلر.
بئر سَس اشئتدئم؛ دوغوش آغريسي چکن بئر آروادين سَسئنه بَنزَر. ائلکئني دوغوران آروادين چکدئيي عذابي! بو، اَللرئني اوزاتميش، نفسي کَسئلمئش صحيون قيزينين سَسي‌دئر. باغيرير: "واي حاليما! چونکي قاتئللرئن قاباغيندا جانيم طاقتدن دوشور."
"اورشلئمئن کوچه‌لرئني گَزئن، اطرافا باخيب فئکئرله‌شئن، اونون ميدانلاريني آختارين. اگر بئر نفر دوز ائش گؤرَن، حقئقت آختاران آدام تاپاسينيز، من شهري باغيشلايارام.
اونلار «وار اولان تارييا آند اولسون» دِسه‌لر ده، يقئن يالاندان آند ائچئرلر."
يارب، گؤزلرئن حقئقته طرف مگر دؤنمه‌يئب؟ سن اونلاري ووردون، لاکئن آغري حئسّ اتمه‌دئلر. سن اونلاري قيردين، آمّا عئبرت آلماديلار. اوزلرئني داشدان بَرک ادئبلر؛ دؤنمک ائستمه‌يئبلر.
او واخت من ددئم: "بونلار آنجاق يوخسولدورلار، آخماقديرلار، چونکي ربّئن يولونو، اؤزلرئنئن تاريسينين حؤکملرئني بئلمئرلر.
من بؤيوکلرئن يانينا گدئب اونلارلا دانيشارام، چونکي ربّئن يولونو، اؤزلرئنئن تاريسينين حؤکملرئني بئلئرلر." آنجاق اونلارين هاميسي دا بئرلئکده يوغو سينديريب ائپلري قيريبلار.
بونا گؤره ده مِشه‌دن بئر آصلان چيخيب اونلاري اؤلدورهجک، صحرادان قورد گلئب اونلاري پارچالاياجاق، شهر کناريندا پلنگ کمئن قوراجاق، شهردن چيخان هر آدام پارچالاناجاق. چونکي اونلارين عوصيانلاري چوخدور، دؤنوکلري ساييسيزدير.
"سني نجه باغيشلايا بئله‌رم؟ اؤولادلارين منی ترک ادئب، تاري اولمايان بوتلرئن آدي ائله آند ائچئب. من اونلاري دويدوردوغوم زامان، اونلار زئنا اتدئلر، فاحئشه‌لرئن اِولرئنه ييغيشديلار.
اونلار بَسلَنمئش، شهوتلي آتلار کئمئدئرلر. هر بئري قونشوسونون آروادينا کئشنه‌يئر."
رب بويورور: "من بونلارا گؤره اونلاري جزالانديرماييم؟ بله بئر مئلّتدن قئصاصيمي آلماييم؟
اونلارين اوزوم آغاجلارينين سيرالاريندا گَزئب داغيدين، آمّا بوسبوتون محو اتمهيئن. مِينه بوداقلاريني قوپارديب آتين، چونکي اونلار ربّئن ديئللر."
رب بويورور: "ائسرايئل و يهودا نسلی منه کامئل خيانت ادئب.
اونلار رب حاقّيندا يالان دانيشيب ديئبلر: «او هچ نه اتمز، باشيميزا بلا گلمز. نه قيلينج گؤره‌جيئک، نه قيتليق.»
پيغمبرلر بوش‌بوغازديرلار. تارينين سؤزو اونلاردا ديئل، قوي اونلارين باشينا بو ائش گلسئن."
بونا گؤره ده قوشونلار تاريسي رب بله ديئر: "بله سؤزلر ددئکلري اوچون، باخ، سؤزلرئمي سنئن آغزيندا اودا، بو خالقي دا اودونا چِوئره‌جيم، اود اونلاري يانديريب قورتاراجاق"
رب بويورور: "باخ، ای ائسرايئل خالقي، اوزاقدان اوستونوزه بئر مئلّت گتئره‌جيم؛ دئلئني بئلمه‌دئيئن، ددئکلرئني آنلاماديغين گوجلو و قدئم بئر مئلّت.
اونلارين اوخدانلاري آچيق قبئر کئمئدئر، هاميسي ائگئد دؤيوشچودور.
اونلار سنئن محصول و چؤره‌يئني يئيه‌جکلر. اوغوللار و قيزلاريني يئيه‌جکلر، سورولر و ناخيرلاريني يئيه‌جکلر، مِينه‌لر و اَنجئر آغاجلاريني يئيه‌جکلر. اِعتئماد اتدئيئن قالالي شهرلري قيلينجلا داغيداجاقلار."
رب بويورور: "حتّا او گونلر ده سئزي کامئل قيريب يوخ اتميه‌جيم.
بئر واخت اونلار سوروشاجاقلار: «نه اوچون تاريميز رب بوتون بونلاري باشيميزا گتئردي؟» او واخت اونلارا بله دِه: «نجه منی ترک ادئب اؤز اؤلکه‌نئزده ياد آللاهلارا خئدمت اتدئنئز، اِلَجه ده ياد اِللی‌لره سئزئن اولمايان اؤلکهده خئدمت ادهجکسئنئز.»
بونو يعقوب نسلئنئه اعلان ات، يهودايا اعلان ادئب دِه:
«بو سؤزه قولاق آسين، ای عاغيلسيز و درّاکه‌سئز خالق، ای گؤزلري اولارکن گؤرمه‌ين! قولاقلاري اولارکن اشئتمه‌ين!
مندن مگر قورخمورسونوز؟»" رب بويورور. "منئم حوضورومدا تئتره‌مئرسئنئز؟ چونکي من ابدی فرمانلا دهنز اوچون قومو سرحد قويموشام، بونا گؤره ده اوندان کِچه بئلمز. شَپه‌لري جوشسا دا، قالئب گله بئلمز. نَعره چکسه ده، کِچه بئلمز.
آمّا بو خالقين عئنادلي و عوصيانکار اوره‌يي وار. اونلار آزيبلار، اؤز يوللاري ائله گدئبلر.
داها اؤز اورَکلرئنده دِمئرلر: «گلئن، ائندي تاريميز ربدن قورخاق، او کي، پاييز و ياز ياغيشلاريني بئزه واختيندا ورئر، موعَيّن بئچئن هَفته‌لرئني بئزئم اوچون قورويور.»
تقصئرلرئنئز بونلاري سئزدن آليب، گوناهلارينيز سئزي بو نعمتدن محروم ادئب.
چونکي منئم خالقيمين ائچئنده پئس آداملار وار: قوش اووچولاري کئمي کمئنده دورورلار، تله قوروب آدام توتورلار.
قوشلارلا دولو قفس کئمي، اونلارين اِولري حئيله ائله دولودور. بونون سايهسئنده اوجاليبلار، وارلانيبلار.
کؤکدورلر، يوغوندورلار، پئس ائشلرله حدلرئني آشيبلار، محکمه ائشلرئني، يِتئملرئن ائشلرئني عدالتله حلّ اتمئرلر کي، کامياب اولسونلار. يوخسوللارين حاقّيندان دئفاع اتمئرلر"
رب بويورور: "من بونلارا گؤره اونلاري جزالانديرماييم؟ بله بئر مئلّتدن قئصاصيمي آلماييم؟
بو اؤلکهده حيرتلي و دهشتلي بئر ائش باش ورئب:
پيغمبرلر يالاندان نبئلئک ادئرلر، کاهئنلر اؤز ائقتئدارلارينا داياناراق حؤکم سورورلر. خالقيم دا بونو بَيه‌نئر! آمّا آخيردا نه ادهجکسئنئز؟"
ای بِنيامئن اؤولادلاري، اورشلئمئن ائچئندن قاچيب قورتارين. تِقّوعه‌ده کَره‌ناي چالين، بِيت‌‌هَکّرِمده بئر ائشاره قويون، چونکي شئمالدان فلاکت، و بؤيوک بئر قيرغين ظاهئر اولور.
من گؤزل و ظرئف قيزي، صحيون قيزيني کَسئب آتاجاغام.
چوبانلار اؤز سورولري ائله اونون يانينا گلهجکلر، اونون اطرافيندا هر طرفدن چادير قوراجاقلار. هر کس اؤز يِرئنده سوروسونو اوتاراجاق.
صحيون قيزينين ضئدّئنه دؤيوش اوچون حاضيرلاشين! قالخين، گلئن، گون اورتا چاغي هوجوم اِدَک! واي حاليميزا، چونکي گون توتقونلاشير، آخشام کؤلگه‌لري اوزانير.
قالخين، گلئن، گجه واختي هوجوم اِدَک! اونون سارايلاريني داغيداق!
چونکي قوشونلار ربّی بله ديئر: "آغاج کَسئن، اورشلئمئن قاباغيندا سنگر قورون. بو شهر جزالانمالي‌دير، چونکي ظولمله دولوب-داشير.
بئر بولاقدان سو نجه آخير، بو شهردن ده پئسلئک اِله فيشقيرير. ائچئنده قدّارليق و سويغونچولوق سَسي اِشئدئلئر. گؤزومون قاباغيندا دائم درد و يارا وار.
ای اورشلئم، عئبرت آل، يوخسا جانيم سندن آيريلار، سني خارابايا، اَهالئسئز تورپاغا چِوئره‌رم."
قوشونلار ربّی بله ديئر: "تَنَکدن آخير اوزوملر ييغيلان کئمي، ائسرايئلئن قالان اهالئسي ده ييغيليب قورتاراجاق. اوزوم‌ييغان کئمي گئنه مِينه بوداقلارينا اَلئني اوزات."
کئمئنله دانيشيم، کئمه ائخطار ورئم کي، قولاق آسسين؟ باخ، قولاقلاري باغلي‌دير، اِشئده بئلمئرلر. باخ، ربّئن سؤزوندن عار ادئرلر، اوندان خوشلاري گلمئر.
آمّا من ربّئن قضبي ائله دولموشام، اؤزومون قاباغيني توتماقدان يورولموشام. "قضبئني کوچهده اولان اوشاقلارين، ييغيلان جاوانلارين اوستونه تؤک. بلی، اَر ده، آرواد دا، قوجا دا، ياشا دولموش آدام دا بئرلئکده اسئر اولاجاق.
اِولري، زَمئلري، و آروادلاري دا باشقالارينا ورئلهجک. چونکي اَلئمي اؤلکهده ياشايانلارين ضئدّئنه اوزاداجاغام." رب بويورور.
"اونا گؤره کي بؤيوکدن کئچئيه قدر، هر کس حارام قازانج دالينجا قاچير. پيغمبردن کاهئنه قدر هر کس حئيله قورور.
خالقيمين ياراسيني سؤزده ياخشيلاشديريرلار، «صولح، صولح» ديئرلر، آمّا صولح يوخدور.
اتدئکلري ائيرنج ائشلر اوچون مگر اوتانيرديلار؟ يوخ، اصلا اوتانميرديلار، اوتانيب قيزارماق دا بئلمئردئلر. بونا گؤره ده ييخيلانلار آراسيندا اونلار دا اولاجاقلار. من اونلاري جزالانديرديغيم واخت يِره سَرئله‌جکلر." رب بويورور.
رب بله ديئر: "يوللار قيراغيندا دايانيب باخين، ازلدن اولان طرئقلري سوروشون. ياخشي يولون هارادا اولدوغونو اؤيره‌نئن، او يوللا گدئن. او واخت جانينيز دئنجلئک تاپار. لاکئن اونلار ددئلر: «او يوللا گتميه‌جيئک.»
من سئزئن اوستونوزه کشئکچئلر قويوب ددئم: «کَره‌ناي سَسئنه قولاق آسين!» آمّا اونلار ددئلر: «قولاق آسماياجاغيق.»
بونا گؤره ده، ای مئلّتلر، قولاق آسين، ای جاماعات، باشلارينا نه گلهجيئني بئلئن.
اشئت، ای يِر اوزو، باخ، من بو خالقين باشينا فلاکت گتئرئرم. بو اونلارين نئيّتلرئنئن نتئجهسي اولاجاق. چونکي منئم سؤزلرئمه قولاق آسماييبلار، قانونومو دا ردّ ادئبلر.
شِبادان گتئرئلَن کوندور، اوزاق اؤلکه‌دن گلمئش عطئرلي قاميش نه‌يئمه لازيمدير؟ يانديرما قوربانلارينيز منه مقبول ديئل، قوربانلارينيز منه خوش ديئل."
بونا گؤره ده رب بله ديئر: "باخ، من بو خالقين قاباغينا مانعلر قوياجاغام. آتالار و اوغوللار بئرلئکده اونلارا ائلئشئب ييخيلاجاقلار. قونشو دوستو ائله بئرلئکده هلاک اولاجاق."
رب بله ديئر: "باخ، شئمال اؤلکهسئندن بئر خالق گلئر، دونيانين اوزاق يِرلرئندن بؤيوک بئر مئلّت قالخاجاق.
اوخ-کامان و نئزه ائله سئلاحلانميش، قدّار و رحمسئزدئرلر. آتلارين اوستونده گلرکَن، سَسلري دهنز کئمي گورلايير. دؤيوشه حاضير دؤيوشچولر کئمي، قاباغيندا دوزوله‌جکلر کي، سنه هوجوم اتسئنلر، ای صحيون قيزي!"
اونلارين خبرئني اشئتمئشئک، اَللرئمئز يانيميزا دوشوب. دوغان آرواد کئمي اونو آغري و سانجي توتوب.
چؤله چيخما، يولا دوشمه، چونکي دوشمنده قيلينج وار، هر طرفده دهشت وار.
ای منئم خالقيمين قيزي، چول گِيئن، کولده يووارلان. يگانه اوغلونا ياس توتان کئمي ياس توت و آجي-آجي آغلا. چونکي محو ادن، قَفلَتَن باشيميزين اوستونو آلاجاق.
"ای اِرِميا، من سني قويموشام کي، خالقيمي يوخلاييب ائمتاحان ادهسن، اونلارا نظر قويوب عمللرئني ائمتاحان ادهسن.
هاميسي عئنادکار عوصيانچي‌دير، نَمّامليق اوچون گَزئرلر. بورونج و دمئر کئمي بَرکدئرلر، هاميسي فاسئد اولوب.
کؤروک شئدّتله اوفورور، قورغوشون اود ائچئنده اَرئيئر. دمئرچي عبث يِره اَرئدئر، چونکي پئسلر آيريلميرلار.
اونلارا «آتيلميش گوموش» دئيهجکلر، چونکي رب اونلاري آتيب."
ربدن اِرِميايا بو سؤز نازئل اولدو:
"ربّئن معبدئنئن دروازاسيندا دور و اورادا بو سؤزو اعلان ادئب دِه: «ای بوتون يهودا، ربّه عئبادت اتمک اوچون بو دروازالاردان گئرنلر، ربّئن سؤزونه قولاق آسين!
ائسرايئلئن تاريسي اولان قوشونلار ربّی بله ديئر: يوللارينيزي و عمللرئنئزي ائصلاح ادئن و من سئزي بو يرده ياشاماغا قويارام.
‹بورادا ربّئن معبدي وار، ربّئن معبدي وار، ربّئن معبدي وار› ديئب آلداديجي سؤزلره بِل باغلامايين.
اگر يوللارينيزي و عمللرئنئزي دوغرودان ائصلاح ادهسئنئز، اگر قونشونوزلا، دوغرودان عدالتله رفتار ادهسئنئز،
اگر قرئبه، يِتئمه، و دول آروادا ظولم اتميهسئنئز، بو يرده گوناهسيز قان تؤکميه‌سئنئز، باشقا آللاهلارين طرفداري اولماييب اؤزونوزه ضرر وورماياسينيز،
او زامان بورادا، ابدئلئک آتالارينيزا وردئيئم تورپاقدا، سئزي ياشاماغا قويارام.
باخ، سئز فايداسيز اولان آلدادان سؤزلره بِل باغلاييرسينيز.
مگر اولار کي، اوغورلوق ادهسئنئز، آدام اؤلدورهسئنئز، زئنا ادهسئنئز، يالاندان آند ائچهسئنئز، بَعَل بوتلرئنه بوخور يانديراسينيز، تانيماديغيز باشقا آللاهلارين طرفداري اولاسينيز،
سونرا منئم آديملا چاغيريلان بو معبده گلئب حوضورومدا دوراسينيز و ‹بئز اَمئن-آمانليقداييق› دئيهسئنئز کي، گدئب بوتون بو ائيرنج ائشلرئن اتمهسئنه داوام ورهسئنئز؟
مگر منئم آديملا چاغيريلان بو معبد، سئزئن نظرئنئزده، قولدور يوواسينا چِورئلئب؟ باخين، من، بلی من، سئزئن نه اتدئيئنئزي گؤرورم.»" رب بويورور.
"ائندي آديمي ائلک دفه قويدوغوم شئلوداکي مسکنئمه گدئن و گؤرون کي، خالقيم ائسرايئلئن پئسلئيئنه گؤره اونا نه اتدئم."
رب بويورور: "ائندي کي، سئز بوتون بو ائشلري گؤردونوز، دفه‌لر سئزئنله دانيشديغيم حالدا قولاق آسمادينيز، سئزي چاغيرديغيم حالدا جاواب ورمهدئنئز،
بونا گؤره، شئلويا نه اتدئم، منئم آديملا چاغيريلان، بِل باغلاديغينيز بو معبدله، سئزه و آتالارينيزا وردئيئم بو يِرله ده اِله ادهجيم.
اِفرايئم نسلئندن اولان هموطنلرئنئزي نجه آتديم، سئزي ده گؤزومون قاباغيندان اِله آتاجاغام.
سن آمّا، (ای اِرِميا)، بو خالق اوچون دوعا اتمه، اونلار اوچون يالواريب خاهئش اتمه، حوضورومدا دا شفاعت اوچون دايانما؛ چونکي سؤزونه قولاق آسماياجاغام.
مگر گؤرمورسن کي، يهودا شهرلرئنده، اورشلئم کوچه‌لرئنده نه ادئرلر؟
اوشاقلار اودون ييغيرلار، آتالاري اود يانديريرلار، آروادلار دا گؤي ملکه‌سئنه خمئر توتوب فطئر پئشئرئرلر. اونلار باشقا آللاهلارا مايع تقدئملري ورئرلر کي، منی قضبه گتئرسئنلر."
رب بويورور: "مگر منی قضبه گتئرئرلر؟ مگر اؤزلرئني ائنجئدمئرلر، مگر اؤزلرئني روسواي اتمئرلر؟"
بونا گؤره ده پروردئگار رب بله ديئر: "باخ بو يِرئن، ائنسانلارين، حيوانلارين، چؤل آغاجلارينين، تورپاغين محصولو اوستونه قضبئم و حئدّتئم تؤکولهجک؛ آليشيب ياناجاق و سؤنميه‌جک."
ائسرايئلئن تاريسي اولان قوشونلار ربّی بله ديئر: "يانديرما قوربانلارينيزي باشقا قوربانلارينيزا قاتيب اَت ييئن.
چونکي آتالارينيزي مئصئر تورپاغيندان چيخاردان واخت، يانديرما قورباني و باشقا قوربان بارهده اونلارا امر ورمه‌دئم و بئر سؤز دِمه‌دئم.
آنجاق اونلارا بونو امر ادئب ددئم: «سؤزومدن ائطاعت ادئن. او واخت من سئزئن تارينيز اولارام، سئز ده منئم خالقيم اولارسينيز. هر بارهده سئزه امر اتدئيئم يوللا گِدَرسئنئز و اوغور قازانارسينيز.»
آمّا ائطاعت اتمه‌دئلر، قولاق آسماديلار. بونون عوضئنه اؤز ائستکلرئنه موطابئق، پئس اورَکلرئنئن عئنادکارليغينا موطابئق حرکت اتدئلر، ائرهلئيه يوخ، گِرئيه گتدئلر.
آتالارينيز مئصئر تورپاغيندان چيخديقلاري گوندن بو گونه قدر، قوللاريم پيغمبرلري هر گون دفهلرله يانينيزا گؤنده‌ردئم.
آمّا منی اشئتمه‌دئلر، قولاق آسماديلار، عئنادکارليق اتدئلر، آتالاريندان دا پئس ائشلر گؤردولر.»
سن بوتون بو سؤزلري اونلارا دئيه‌جکسن، لاکئن سنه قولاق آسماياجاقلار؛ اونلاري چاغيراجاقسان، لاکئن سنه جاواب ورمَيه‌جکلر."
سن اونلارا دِه: "بو همئن خالقدير کي، اؤز تاريسي ربّئن سؤزونه قولاق آسمادي و جزادان عئبرت آلمادي؛ حقئقت يوخ اولوب و اونلارين آغزيندان کَسئلئب.
ای اورشلئم، ساچيني کَسئب آت، لوت تپه‌لر اوستونده مرثئيه اوخو، چونکي رب قضبلَندئيي نسلی ردّ ادئب، ترک ادئب.
اونا گؤره کي، يهودا اؤولادلاري گؤزومده پئس اولان ائشلر گؤروبلر." رب بويورور. "منئم آديملا چاغيريلان معبده ائيرنج بوتلرئني قويوب اوراني نجئسله‌يئبلر.
اونلار بِن‌هئنّوم دره‌سئنده‌کي توفِت پرستئشگاهلاريني تئکئبلر کي، اوغوللار و قيزلاريني اوددا يانديرسينلار. من بله بئر شيي نه امر اتدئم، نه ده آغليما گتئردئم.»"
رب بويورور: "بونا گؤره ده، باخين، اِله گونلر گلهجک کي، اورايا توفِت و يا بِن‌هئنّوم دره‌سي يوخ، قيرغين دره‌سي ديئلهجک. توفِتده يِر قالمايانا قدر اؤلولري باسديراجاقلار.
بو خالقين جسدلري گؤيدهکي قوشلارا، يرده‌کي حيوانلارا يمک اولاجاق، اونلاري قورخودوب قاچيردان دا اولماياجاقدير.
يهودا شهرلرئنده، اورشلئم کوچه‌لرئنده سِوئنج و شادليق سَسئني، بَي-گلئن سَسئني کَسه‌جيم، چونکي اؤلکه وئران اولاجاق."
رب بويورور: "او واخت يهودا پادشاهلارينين و باشچيلارينين، کاهئنلرئنئن، پيغمبرلرئن و اورشلئمده ياشايانلارين سوموکلرئني قبئرلرئندن چيخارديب آتاجاقلار.
اونلارين سوموکلري سِودئکلري، قوللوق اتدئکلري، طرفداري اولدوقلاري، آختارديقلاري، و سجده اتدئکلري گونشئن، آيين و بوتون گؤي جئسئم‌لرئنئن قاباغينا تؤکولهجک. اونلار بئر يِره ييغيليب باسديريلماياجاق؛ تورپاغين اوستونده پِيئن کئمي اولاجاق.
بو پئس طايفادان صاغ قالانلارين هاميسي، آتديغيم هر يرده حياتي يوخ، اؤلومو سِچه‌جک." قوشونلارين ربّی بله بويورور.
اونلارا دئيه‌جکسن: رب بله ديئر: "مگر ييخيلانلار قالخمازلار؟ يولدان آزان مگر گری قاييتماز؟
بس نه اوچون بو خالق يولدان آزيب؟ نه اوچون اورشلئم دائم دؤنوکلوک ادئر؟ اونلار يالاني بَرک توتوبلار، دؤنمک ائسته‌مئرلر.
من قولاق آسيب اشئتمئشم: دوز دانيشماييبلار، «نه اتدئم؟» ديئب هچ کس اؤز پئسلئيئندن تؤوبه اتمئر. هر بئري دؤيوشه آتيلان آت کئمي، اؤز يولونا طرف دؤنوب.
حتّا گؤيده اوچان لِيلَک ده اؤز واختيني بئلئر، قومرو، قارانقوش، و دورنا دا اوچوب گلهجکلري واختي ساخلايير، آمّا منئم خالقيم ربّئن حؤکملرئني بئلمئر.
نجه دئيه بئلرسن کي، «بئز حئکمتلي‌يئک، ربّئن قانونو بئزده‌دئر؟» باخ، کاتئبلرئن حئيله‌گَر قلمي، اونو بئر يالانا چِوئرئب.
حئکمتلی‌لر روسواي اولورلار، چاشيب تورا دوشورلر؛ باخ، اونلار ربّئن سؤزونو ردّ ادئبلر. بس اونلارين حئکمتي نه‌ده‌دئر؟
بونا گؤره ده آروادلاريني باشقا آداملارا، زَمئلرئني ده باشقا صاحئبلره ورهجيم، اونا گؤره کي بؤيوکدن کئچئيه قدر، هر کس حارام قازانج دالينجا قاچير. پيغمبردن کاهئنه قدر، هر کس حئيله قورور.
خالقيمين قيزينين ياراسيني سؤزده ياخشيلاشديريرلار. «صولح، صولح» ديئرلر، لاکئن صولح يوخدور.
اتدئکلري ائيرنج ائشلر اوچون مگر اوتانيرديلار؟ يوخ، هچ اوتانميرديلار، اوتانيب-قيزارماق دا بئلمئردئلر. بونا گؤره ده ييخيلانلار آراسيندا اونلار دا اولاجاقلار. جزالانديريلديقلاري واخت، يِره سَرئله‌جکلر." رب ديئر.
"اونلاري قطعن قيراجاغام." رب بله بويورور. "تَنَک اوزوم گتئرميه‌جک، انجئر آغاجي بار ورميه‌جک، يارپاق سولاجاق. من اونلارا نه وردئم، هاميسي اَللرئندن آليناجاق."
«نه اوچون يِرئمئزده اوتورموشوق؟ ييغيلين، قوي گدئب قالالي شهرلره گئرَک، قوي اورادا هلاک اولاق، چونکي تاريميز رب بئزي هلاک اولماغا تسلئم ادئب، بئزه زَهَرلي سو ائچئردئب، اونا گؤره کي، ربّئن ضئدّئنه گوناه اتمئشئک.
صولح گؤزله‌يئردئک، آمّا هچ خيئر گلمه‌دي. شفا واختيني گؤزلهدئک، آمّا باخ، دهشت گلدي.
داندان اونلارين آتلارينين فينخيرتيسي اِشئدئلئر، آتلارينين کئشنَمه سَسئندن بوتون اؤلکه تئترهيئر. اونلار گلئرلر، تورپاغي و اورادا اولان هر شيي، شهري و اورادا ياشايانلاري يِيئب-قورتاريرلار.
باخين، من اوستونوزه ائلانلار، اووسونلا رام اولمايان افعئلر گؤنده‌ره‌جيم، اونلار سئزي سانجاجاقلار." رب بله بويورور.
قوصّم منی اؤزونده بوغور، اوره‌يئم سئنَمده طاقتسئزدئر.
باخين، قولاق آسين! اوزاق اؤلکه‌دن خالقيمين قيزينين فرياديني اِشئدئرم: «مگر رب صحيوندا يوخدور؟ اونون پادشاهي مگر اورادا ديئل؟ اونلار نه اوچون اويما بوتلري ائله، ياد بوتلري ائله منی قضبلندئرئبلر؟
«بئچئن آخيرا چاتدي، ياي قورتاردي، بئز خئلاص اولماديق.»
خالقيمين قيزينين ياراسيندان من ده يارالانديم، ياس توتموشام، دهشت منی بورويوب.
مگر گئلعاددا مَلحم يوخدور؟ مگر اورادا حَکئم يوخدور؟ اگر وار، بس خالقيمين قيزينا نه اوچون شفا ورئلمه‌دي؟
کاش کي، باشيم بولاق اولايدي، گؤزلرئم ياش چِشمه‌سئنه دؤنَيدي کي، خالقيمين قيزينين اؤلدورولَنلري اوچون گجه-گوندوز آغلاييم.
کاش کي، کئمسه منه صحرادا سيّاحلارين سيغيناجاغيني ورَيدي کي، من خالقيمي ترک ادئب اونلاردان اوزاقلاشايديم. چونکي اونلارين هاميسي زئناکارديرلار، خائن ييغينديرلار.
دئللرئني يالان اوچون کامان کئمي دارتيرلار، اؤلکهده حقئقت اوچون يوخ، يالان اوچون گوجله‌نئبلر، چونکي پئسلئيي پئسلئک دالينجا ادئرلر، و منی تانيميرلار." رب بويورور.
"هر کس قونشوسوندان چکئنسئن، قارداشينا دا اِعتئماد اتمه‌سئن. چونکي هر قارداش آيريسينا حئيله ائشله‌دئر، هر قونشو نمّامليق ادئر.
هر کس اؤز قونشوسونو آلدادير، دوغرو دمئر. دئللرئني يالان دانيشماغا اؤيره‌دئبلر، يورولانا قدر گوناه ائشله‌دئرلر.
ای اِرِميا، حئيلهنئن اورتاسيندا ياشاييرسان، حئيله‌دن اؤتري منی تانيماق ائسته‌مئرلر." رب بله بويورور.
بونا گؤره ده قوشونلار ربّی بله ديئر: "باخ، من اونلاري اَرئدئب خالئصلَشدئره‌جيم، ائمتاحاندان کچئرده‌جيم. چونکي خالقيمين قيزي اوچون داها نه اده بئله‌رم؟
دئللري اؤلدوروجو اوخدور، مکرله دانيشيرلار. بئري آغزي ائله قونشوسونا باريشدان دانيشير، لاکئن اوره‌يئنده اونا تله قورور."
رب بويورور: "بونلارا گؤره اونلاري جزالانديرماييم؟ بله بئر مئلّتدن قئصاصيمي آلماييم؟"
داغلار اوچون آغلاييب ياس توتاجاغام، چؤلون اوتلاقلاري اوچون مرثئيه اوخوياجاغام. چونکي هاميسي يانيب، داها کئمسه اورادان کِچمئر، ناخيرين بؤيورمه‌سي اِشئدئلمئر؛ گؤيون قوشلاري و وحشي حيوانلار دا قاچيب گدئب.
"اورشلئمي داش قالاقلارينا، چاقّال يوواسينا دؤنده‌ره‌جيم؛ يهودا شهرلرئني ساکئنسئز بئر خاراباليغا چِوئره‌جيم."
حکئم بئر آدام مگر وار، بونو آنلاسين؟ کئم وار کي، ربّئن دئلي اونونلا دانيشيب، اِله کي، او دا اونو اعلان اتسئن؟ نئيه بو اؤلکه محو اولوب، صحرا کئمي يانيب و هچ کس اورادان کِچمئر؟
رب ددي: "اونا گؤره بله اولدو کي، اونلار اوچون قويدوغوم قانونومو ردّ اتدئلر، سؤزومه قولاق آسماييب اونا موطابئق عمل اتمه‌دئلر،
لاکئن اورَکلرئنئن عئنادکارليغينا گؤره رفتار ادئب آتالارينين اؤيرَتدئيي کئمي بَعَل بوتلرئنئن دالينجا گتدئلر.
بونا گؤره ده ائسرايئلئن تاريسي اولان قوشونلار ربّی بله ديئر: «باخ، من بو خالقا يووشان يِدئرده‌جيم، اونلارا زَهَرلي سو ائچئرده‌جيم.
اونلاري اِله مئلّتلرئن آراسينا سَپه‌ليه‌جيم کي، اونلاری نه اؤزلري تانيميشديلار، نه ده آتالاري. اونلاري محو ادنه‌جک آرخالارينجا قيلينج گؤندرهجيم.»"
قوشونلار ربّی بله ديئر: "ائندي دوشونون، مرثئيه‌چي آروادلاري چاغيرين گلسئنلر، شئون ادن آروادلاري چاغيرين گلسئنلر!
قوي اونلار تَلَسئب او قدر بئزئم اوچون مرثئيه اوخوسونلار کي، گؤزلرئمئزدن ياش آخسين، کئرپئکلرئمئزدن سو سوزولسون."
چونکي صحيوندان شئون سَسي اِشئدئلئر: "بئز نجه تالان اولوندوق، يامان روسواي ادئلمئشئک. چونکي اؤلکهني ترک اتمئشئک، چونکي مسکنلرئمئزي داغيديبلار."
ای آروادلار، ربّئن سؤزونو اِشئدئن، قويون قولاقلارينيز اونون آغزيندان چيخان سؤزو اشئتسئن. قيزلارينيزا شئون اتمه‌يي اؤيره‌دئن، هر کس قونشوسونا مرثئيه اوخوماغي اؤيرتسئن.
چونکي اؤلوم پنجره‌لرئمئزه ديرماشيب، سارايلاريميزا گئرئب کي، کوچهده اوشاقلاري، ميدانلاردا جاوانلاري قيريب کَسسئن.
دانيش: "رب بله ديئر: «ائنسان جسدلري زَمئده پِيئن کئمي، بئچئنچئنئن دالينجا قالان تايا کئمي يِره ييخيلاجاق. آمّا اونلاري ييغيب آپاران اولماياجاق.»"
رب بله ديئر: "قوي حئکمتلي آدام حئکمتي ائله فخر اتمه‌سئن، ائگئد اؤز گوجو ائله فخر اتمه‌سئن، وارلي دا اؤز ثروتي ائله فخر اتمه‌سئن.
آنجاق فخر ادن بونونلا فخر اتسئن کي، منی درک ادئر و تاني‌يير. بئلئر کي، من يِر اوزونده محبّتله، عدالت و صالحلئکله عمل ادن ربّم. چونکي بونلاردان خوشلانيرام." رب بله بويورور.
رب بويورور: "باخين، او گونلر گلئر کي، من بوتون آنجاق جئسمن ختنه اولانلاري جزالانديرجاغام؛
مئصئري، يهوداني، اِدومو، عَمّون اؤولادلاريني، موآبي، چؤلده ياشاييب کَکئل‌لرئني قيرخانلارين هاميسيني جزالانديرجاغام، چونکي بوتون بو مئلّتلر ختنه‌سئزدئرلر، بوتون ائسرايئل نسلئنئن ده اوره‌يي ختنه‌سئزدئر."
ربّئن سئزه ددئيي سؤزو اِشئدئن، ای ائسرايئل نسلي!
رب بله ديئر: "آيري مئلّتلرئن يولونو اؤيرنمه‌يئن، گؤي علامتلرئندن دهشته گلمه‌يئن، بونلاردان باشقا مئلّتلر دهشت ادئرلر.
چونکي خالقلارين رسم-روسوملاري بوش شيدئر. مِشه‌دن کَسئلمئش اودوندور، اوستا اَلئنئن کَسکئسی ائله اونا شکئل ورئر.
اونو قيزيل و گوموشله بَزه‌يئرلر، چکوجلا، ميخلا بَرکئدئرلر کي، يِره هِل‌لَنمه‌سئن.
بوتلري خئيار بوستانينداکي مترسک کئمي دئرلر، دانيشا بئلمئرلر. اونلاري داشيماق لازيمدير، چونکي يِرئيه بئلمئرلر. اونلاردان قورخمايين، چونکي هچ بئر ضرر يتئره بئلمئرلر، فايدالاري دا هچ يوخدور."
سنئن کئمي تاري يوخدور، يارب؛ سن بؤيوکسن، عظمتده آدين بؤيوکدور.
ای مئلّتلرئن پادشاهي، سنه کئم حؤرمت اتمَز؟ سنه حؤرمت ياراشير، چونکي مئلّتلرئن بوتون حئکمتلی‌لري آراسيندا، بوتون مملکتلرئنده سنئن کئمئسي يوخدور.
اونلارين هاميسي عاغيلسيز و آخماقديرلار، فايداسيز بوتلردن نه اؤيره‌نئله‌بئلر کي؟ آغاجدان دوزه‌لمئشدئرلر!
تَرشئشدن دؤيولموش گوموش، اوفازدان قيزيل گتئرئلئر. اوستانين و زرگرئن اَلي ائله دوزه‌لدئلن بوته؛ لاجورد و ارغوان پالتار گِيئندئرئلئر. هاميسي باجاريقلي آداملارين اَلي ائشئدئر.
آمّا رب حقئقي تاريدير. وار اولان تاريدير، ابدی پادشاه اودور. قضبئندن يِر تئتره‌ير، حئدّتئنئن قاباغيندا مئلّتلر دورا بئلمز.
اونلارا بله دئيه‌جکسن: "يري و گؤيو ياراتمايان آللاهلار ير اوزوندن و گؤيون آلتيندان يوخ اولاجاقلار."
ربدئر کي، قودرتي ائله يِر اوزونو ياراتدي، حئکمتي ائله دونياني قوردو، درّاکه‌سي ائله گؤيلري يايدي.
او گورلاياندا، گؤيلرده‌کي سولار جوشا گلئر، يِرئن اوجقارلاريندان بولودلاري اوجالدير، ياغيش اوچون شئمشک چاخديرير، آنبارلاريندان کولَک چيخاردير.
هر کس آغيلسيزدير، معرئفتسئزدئر. هر زرگر دوزلتدئيي بوتدن اوتانير، چونکي اونون تؤکدويو بوت پوچدور، اونلاردا نفس يوخدور.
اونلار بوش شيدئرلر، مسخره‌دئرلر. جزا واختلاري گلن زامان، اونلار دا محو اولاجاقلار.
لاکئن يعقوبا نصئب اولان اونلارا بَنزه‌مز؛ چونکي هر شيي يارادان اودور. ائسرايئل اونون ائرث قبئله‌سي‌دئر، اونون آدي قوشونلار ربّي‌دئر.
ای موحاصئرهيه آلينان شهرده ياشايان، اشيالاريني يردن باغلامايا ييغ.
چونکي رب بله ديئر: "باخ، من بو دفه اؤلکهنئن ساکئنلرئني ساپاندلا آتاجاغام. اونلاري سيخيشديراجاغام کي، دوشمن اَلئنه کچسئنلر."
يارامدان اؤتري، واي حاليما! يارام صاغالماز. آنجاق من ددئم: "قطعن، مرض، منئم مرضئم، اونا دؤزمه‌لي‌يَم."
چاديريمين ييخيليب، بوتون ائپلرئم قوپوب. اوشاقلاريم منی ترک ادئب و آرتيق يوخدورلار. چاديريمي تزهدن قوران، پرده‌لرئمي تزهدن آسان قالماييب.
چونکي خالقين چوبانلاري آغيلسيز اولوبلار، ربدن مصلحت آلماييبلار. بونا گؤره ده اوغور قازانماييبلار، بوتون سورولري ده داغيليب.
بئر خبر سَسي گلئر، قولاق آسين! شئمال اؤلکهسئندن بؤيوک گورولتو گلئر کي، يهودا شهرلرئني خاراباليغا، چاقّال يوواسينا چِوئرسئن.
يارب، بئلئرم کي، ائنسانين عؤمرو اؤز اَلئنده ديئل. قدملرئنه طرئق ورمک ده اونون ائشي ديئل.
منی ائصلاح ات، يارب، آنجاق قضبئنله يوخ، عدالتله. يوخسا منی هچه چيخاردارسان.
قضبئني سني تانيمايان مئلّتلرئن، آديني چاغيرمايان طايفالارين اوستونه تؤک. چونکي اونلار يعقوب نسلئني اودوبلار، اونو يِيئب- قورتاريبلار، يوردونو وئران قويوبلار."
ربدن اِرِميايا بو سؤز نازئل اولدو:
"بو عهدئن سؤزلرئنه قولاق آس، يهودا آداملارينا و اورشلئمده ياشايانلارا ديئب
بئلدئر کي، ائسرايئلئن تاريسي رب بله ديئر: «لعنت اولسون او آداما کي، بو عهدئن سؤزلرئنه قولاق آسمير.
بو عهد بارهسئنده من آتالارينيزي مئصئر تورپاغيندان، دمئر اَرئدن کورهنئن ائچئندن چيخارتديغيم واخت امر ادئب ددئم: ‹منئم سؤزومه قولاق آسين، سئزه امر اتدئيئم هر شيي ادئن. او واخت سئز منئم خالقيم، من ده سئزئن تارينيز اولارام.
بله ادهسئنئز، من ده آتالارينيزا آند ائچئب وعده وردئيئم شيه عمل اده‌رم، بو گون سئزئن اولان تورپاغي سود و بال آخان تورپاغي سئزه ورهرم.›»" او واخت جاواب ورئب ددئم: "آمئن، يارب."
رب منه ددي: "بو سؤزلرئن هاميسيني يهودا شهرلرئنده و اورشلئم کوچه‌لرئنده جار چکئب دِه: «بو عهدئن سؤزلرئنه قولاق آسين، اونلارا عمل ادئن.
بلی، من آتالارينيزا اونلاري مئصئر تورپاغيندان چيخارتديغيم گوندن ائندئيه قدر جئدّي ائخطار وردئم. اونلارا دفهلرله ائخطار ورئب ددئم: ‹منئم سؤزومه قولاق آسين.›
آمّا گئنه ده اونلار قولاق آسماديلار، دئقّت اتمه‌دئلر. هر کس پئس اوره‌يئنئن عئنادکارليغينا موطابئق ياشادي. بونا گؤره ده، من بو عهدده ديئلَن بوتون جزالاري اونلارين باشينا گتئردئم. من اونلارا بو عهده عمل اتمه‌يي امراتمئشدئم، آمّا اونلارعمل اتمه‌دئلر.»"
سونرا رب منه ددي: "يهودا آداملاري و اورشلئمده ياشايانلار آراسيندا بئر قصد اوزه چيخيب.
اونلار سؤزلرئمه قولاق آسماق ائستمه‌ين اَجدادلارينين گوناهلارينا قاييديبلار، باشقا آللاهلارين طرفداري اولوب اونلارا قوللوق ادئرلر. ائسرايئل و يهودا نسلی اونلارين آتالاري ائله باغلاديغيم عهدئمي پوزوبلار.
بونا گؤره ده رب بله ديئر: «باخ، من اونلارين اوستونه بلا گتئره‌جيم و اوندان قاچا بئلميه‌جکلر؛ اونلار منه اوز توتوب فرياد ادهجکلر، لاکئن من اونلاري اشئتميه‌جيم.
او زامان يهودا شهرلرئنئن اهالئسي و اورشلئمده ياشايانلار گدئب بوخور يانديرديقلاري آللاهلارا اوز توتوب فرياد ادهجکلر، آمّا بو آللاهلار بلانين گلدئيي واخت اونلاري اصلا نئجات ورميه‌جکلر.
چونکي ای يهودا، شهرلرئنئن سايي قدر سنئن آللاهلارين وار؛ سئز اورشلئم کوچه‌لرئنئن سايي قدر اوتانديريجي شيلره قوربانگاهلار، بَعَل بوتلرئنه بوخور يانديرماق اوچون قوربانگاهلار دوزَلدئبسئنئز.»
بونا گؤره ده، سن بو خالق اوچون دوعا اتمه، اونلار اوچون يالواريب خاهئش ده اتمه. چونکي فلاکتلرئندن اؤتري منه طرف فرياد ادنده قولاق آسماياجاغام.
سِوئملي خالقيمين، بو قدر پئس عمللر اتدئيئندن سونرا، منئم اِوئمده نه حاقّي وار؟ تقدئس اولونموش اَتئن چوخلوغو ائله مگر اوستونوزدن بلا چکئلر، اِله کي، سن سِوئنه‌سن؟
رب سنئن آديني «ياخشي مئيوه‌سي اولان، گؤزل گؤرونوشلو ياشيل زيتون آغاجي» قويدو. ائندي آمّا بؤيوک طوفانين گورولتوسو ائله آغاجي اودلاييب، اونون بوداقلاري قيريليب.
سني اَکَن قوشونلار ربّی قرار ورئب کي، باشينا فلاکت گتئرسئن. چونکي ائسرايئل و يهودا نسلی پئسلئک ادئبلر و بَعَل بوتلرئنه بوخور يانديرماقلا منی قضبلَندئرئبلر."
او واخت رب اونلارين اتدئکلرئني منه بئلدئردي. او بونو منه آشکار اتدي، من ده خبردار اولدوم.
آمّا من کَسئلميه آپاريلان موطئع قوزو کئمي ائدئم؛ بئلمئردئم کي، اونلار منئم جانيم اوچون قصد حاضيرلاييب ديئرلر: "گلئن، آغاجي و مئيوه‌سئني محو اِدَک، اونو دئرئلر دئياريندان يوخ اِدَک کي، آدي بئر داها خاطيرلانماسين."
آنجاق، ای قوشونلار ربّي، اورَکلري و فئکئرلري ائمتاحانا چکن، عدالتلي حاکئم، منه ائمکان ور کي، اونلاردان آلاجاغين قئصاصيني گؤروم! چونکي من اؤز ائشئمي سنه تاپشيرميشام.
بونا گؤره ده رب سني اؤلدورمک ائسته‌ين و "ربّئن آدي ائله نبئلئک اتمه، يوخسا بئزئم اَلئمئزده اؤلرسن" دئين عَناتوت خالقي بارهده بله ديئر:
"بلی، قوشونلار ربّی ديئر: «باخ، من اونلاري عنقرئب جزالانديراجاغام! جاوانلاري قيلينجلا هلاک اولاجاقلار، اوغوللاري و قيزلاري آجليقدان اؤله‌جکلر.
صاغ قالان اولماياجاق، چونکي من عَناتوت خالقينين باشينا فلاکت گتئره‌جيم، بو اونلارين جزا ائلي اولاجاق.»"
اگر سنئنله موباحئثه اِتسَم، سن حاقلي چيخارسان، يارب. لاکئن گئنه ده عدالت بارهده سنئنله دانيشماق ائسته‌يئرم. نه اوچون پئس آداملار عمللرئنده اوغور قازانيرلار، بوتون خائنلر دئنج ياشاييرلار؟
اونلاري سن اَکئبسن، کؤک ده ساليبلار، بؤيويورلر، بار دا وردئلر. سن اونلارين دئللرئنه ياخينسان، آمّا اورَکلرئندن اوزاقسان.
آمّا منی، يارب، سن تاني‌ييرسان، منی گؤرورسن؛ اوره‌يئمئن سنه اولان دوشونجهلرئني ائمتاحان ادئرسن. اونلاري قوربانليق قويون کئمي آيير، هلاک گونو اوچون حاضيرلا.
نه واختا قدر اؤلکه ياس توتاجاق، بوتون چؤل اوتلاري قوروياجاق؟ اورادا ياشايانلارين پئسلئيي اوزوندن حيوانلار و قوشلار محو اولوبلار. چونکي ائنسانلار ديئبلر: "تاري عاقئبتئمئزي گؤرميه‌جک."
"ای اِرِميا، اگر سن پئيادالارلا قاچاندا يورولدون، آتلارلا نجه قاچا بئلرسن؟ اگر اَمئن-آمانليق اولان تورپاقدا ييخيلاسان، اوردون چايينين کنارينداکي سيخ مِشه‌ده نه ادهجکسن؟
حتّا اؤز قارداشلارين-آتا اِوئن ده سنه خيانت ادئبلر، اونلار دا سنئن دالينجا اوجادان باغيريبلار. سنه ياخشي سؤزلر دِسه‌لر ده، اونلارا ائنانما.
اِوئمي ترک اتمئشم، ائرثئمي اَلدن ورمئشم، جانيمين سِوگئلئسئني دوشمن اَلئنه تسلئم اتمئشم.
ائرثئم منئم اوچون مِشه‌ده‌کي آصلان کئمي اولوب. اوستومه نعره چکئب؛ بونا گؤره ده اوندان نئفرت اتمئشم.
ائرثئم منئم اوچون مگر آلابَزَک ييرتيجي قوش کئميدئر؟ مگر هر طرفدن ييرتيجي قوشلار اونون اوستونه تؤکولورلر؟ گدئن، بوتون وحشي حيوانلاري ييغين، يِيئب-قورتارماق اوچون اونون اوستونه گتئرئن.
بئر چوخ چوبان اوزوم باغيمي وئران ادئب، زَمئمي تاپدالاييب اَزئبلر، سِوئملي زَمئمي بوش چؤله چِوئرئبلر.
اونو خارابا قويوبلار، خاراباليق ائچئنده حوضورومدا ماتم توتوب. بوتون اؤلکه وئران قاليب، لاکئن هچ کسئن وِجئنه ديئل.
چؤلدهکي بوتون چيلپاق تپهلره محو ادنلر گلئب، چونکي اؤلکهنئن بئر اوجوندان او بئري اوجونا قدر ربّئن قيلينجي قيريب-تؤکور. هچ کئم اوچون اَمئن-آمانليق قالمير.
اونلار بوغدا اَکئبلر، لاکئن تئکان بئچئبلر. زحمت چکئبلر، آمّا خيئر گؤرمه‌يئبلر. ربّئن آلوولانان قضبئندن اؤتري، محصول‌لارينيزدان اوتانين!"
رب بله ديئر: "بوتون پئس قونشولاريما گلئنجه، اونلارا کي، خالقيم ائسرايئله ائرث اولاراق وردئيئم مولکه توخونورلار، من اونلاري تورپاقلاريندان چيخارديب آتاجاغام، اونلارين آراسيندان يهودا نسلئني ده چيخارديب آتاجاغام.
آمّا اونلاري چيخارديب آتديقدان سونرا، گئنه اونلارا رحم ادهجيم. هر کَسي اؤز ائرثئنه، اؤز مولکونه قايتاراجاغام.
اگر اونلار خالقيمين يوللاريني حقئقتن اؤيرَنسه‌لر؛ خالقيما بَعَل آدي ائله آند ائچمه‌يي اؤيرَتدئکلري کئمي، «وار اولان ربّه آند اولسون» ديئب منئم آديملا آند ائچسهلر، او زامان خالقيمين آراسيندا برقرار اولاجاقلار.
آمّا اگر قولاق آسماسالار، او زامان بله بئر مئلّتي کؤکوندن بوسبوتون چيخارديب، يوخ ادهجيم" رب بله بويورور.
رب منه بله ددي: "گت، اؤزونه بئر کتان قورشاق ساتين آل و بِلئنه باغلا، آمّا قويما او سويا دَيسئن."
من ربّئن ددئيي کئمي قورشاق آلديم و اونو بِلئمه باغلاديم.
منه گئنه ربّئن سؤزو نازئل اولدو:
"بِلئنده‌کي آلديغين قورشاغي گؤتور و قالخ، پِراتا طرف گت. اونو اورادا قايانين اويوغوندا گئزلَت."
من ربّئن امر اتدئيي کئمي پِراتا گتدئم و اونو اورادا گئزلَتدئم.
اوزون مودّت سونرا رب منه ددي: "قالخ، پِراتا طرف گت و او قورشاغي کی، سنه گئزلَتمه‌سئني امر اتدئم، اورادان گؤتور."
من پِراتا طرف گتدئم و قورشاغي گئزلَتدئيئم يردن قازيب گؤتوردوم. گؤردوم کي، قورشاق چورويوب و داها هچ نه‌يه يارامير.
او زامان منه ربّئن بو سؤزو نازئل اولدو:
"رب بله ديئر: «يهودانين تکبّورونو و اورشلئمئن بؤيوک تکبّورونو بلجه چوروده‌جيم.
سؤزلرئمه قولاق آسمايان، اورَکلرئنئن عئنادکارليغي دالينجا قاچان، باشقا آللاهلارا قوللوق و پرستئش ادن بو پئس خالق هچ بئر شيه يارامايان همئن قورشاق کئمي اولاجاق.»
رب ديئر: «قورشاق ائنسانين بِلئنه نجه ياپيشير، بوتون ائسرايئل نسلئني و يهودا نسلئني اؤزومه اِلَجه ياپيشديرديم کي، اؤز خالقيم اولوب منه شؤهرت، تعرئف و عئزّت گتئرسئنلر، آمّا اونلار قولاق آسماديلار.»
اونلارا دِه: ائسرايئلئن تاريسي رب بله ديئر: «هر تولوق شرابلا دولاجاق.» اگر سنه دِسه‌لر: «هر تولوغون شرابلا دولاجاغيني بئز ده مگر بئلمئرئک؟»
او زامان اونلارا دِه: رب بله ديئر: «بوتون بو اؤلکهده ياشايانلاري، داوودون تختي اوستونده اوتوران پادشاهلاري، کاهئنلري، پيغمبرلري، بوتون اورشلئمده ياشايانلاري مست اولانا قدر شرابلا دويدوراجاغام.»
رب بويورور: «من اونلاري آتا و اوغوللاري ائله بئرلئکده بئربئرلرئنه چيرپاجاغام. اورَک يانديرمادان، رحم اتمه‌دن، شَفقَت گؤرسدمه‌دن هاميسيني محو ادهجيم.»"
اِشئدئن و قولاق آسين، کئبئرلي اولمايين، چونکي رب بله ديئب.
او نه قدر کي قارانليق چؤکدورمه‌يئب، ظولمت داغلاريندا آياقلارينيز بودرمه‌يئب، تارينيز ربّی عئزّتلَندئرئن. سئز ائشيق گؤزلهيئرسئنئز، آمّا رب اونو اؤلوم کؤلگهسئنه چِوئره‌جک، درئن ظولمته دؤندره‌جک.
لاکئن اگر اونا قولاق آسماياسينيز، سئزئن کئبئرئنئز اوچون گئزلئجه آغلاياجاغام؛ گؤزلرئم آجي-آجي آغلاياجاق، سل کئمي ياش تؤکه‌جک. چونکي ربّئن سوروسو اسئر آپاريلاجاق.
پادشاها و آنا ملکه‌سئنه دِه: "آشاغي يرده اوتورون، چونکي شرف تاجينيز باشينيزدان دوشهجک."
نِگِب شهرلرئنئن دروازالاري باغلاناجاق، اونو آچان اولماياجاق. بوتون يهودا اسئر ادئلده‌جک، هامي اسئر آپاريلاجاق.
باشينيزي قالديريب شئمالدان گلنلري گؤرون. سنه ورئلَن سورو، سنئن گؤزل قويونلارين هارادادير؟
رب موتّفئق کئمي حاضيرلاديغين آداملاري سنه حاکئم قوياندا نه دئيه‌جکسن؟ دوغان آروادين چکدئيي سانجي کئمی مگر سني ده آغري توتماياجاق؟
اگر اوره‌يئنده دئيهسن: "بوتون بونلار نه اوچون باشيما گلئب؟" بئل کي، گوناهينين چوخلوغوندان اَتَکلرئن آچيلدي، تجاووز اولوندون.
مگر کوشلو اؤز دَرئسئني، پلنگ اؤز خال‌لاريني ديئشدئره بئلر؟ پئسلئک اتمه‌يه آليشميش سئز ده ياخشيليق اده بئلمزسئنئز.
"سني چؤل کوله‌يي ائله سوورولان سامان چؤپو کئمي سپه‌لَيه‌جيم.
سنه دوشن پوشک، منئم سنه آييرديغيم پاي بودور." رب بله اعلان ادئر. "چونکي منی ياددان چيخارديبسان، يالان اولانا بِل باغلاييبسان.
من اؤزوم سنئن اَتَکلرئني اوزونه قالديراجاغام کي، عاييبين گؤرونسون.
چولده‌کي تپه‌لر اوستونده گؤردويون ائيرنج ائشلري، زئناکارليغيني، شهوتله کئشنَمه‌يئني، حياسيز عئفّتسئزلئيئني گؤرموشم. واي حالينا، ای اورشلئم! نه واختا قدر نجئس قالاجاقسان؟"
بو، قوراقليق حاقّيندا اِرِميايا نازئل اولان ربّئن سؤزودور:
"يهودا ياس توتور، شهرلري قَملي گؤرونور؛ آداملار اؤلکه اوچون ماتم ادئرلر، اورشلئمدن شئون سَسي قالخير.
اعيانلار نؤکرلرئني سو دالينجا گؤنده‌رئرلر، اونلار قويو يانينا گلئرلر، لاکئن سو تاپميرلار، بوش قابلارلا گری دؤنورلر؛ اوتانيب خجالت چکه‌رَک باشلاريني اؤرتورلر.
اؤلکهده ياغيش اولماديغي اوچون تورپاق چاتلاقدير. اَکئنچئلر اوتانيرلار، باشلاريني اؤرتورلر.
حتّا چؤلدهکي مارال دا بالا دوغوب اونو ترک ادئر، چونکي اوت يوخدور.
وحشي اِششَکلر چيلپاق تپه‌لرده دوروب، چاقّال کئمي تِز-تِز نفس آليرلار. اوتلاق اولماديغيندان اونلارين گؤزلري کورلاشير."
يارب، گرچی تقصئرلرئمئز بئزئم ضئدّئمئزه شهادت ورئر، آمّا سن اؤز آديندان اؤتري بئر شيلر ات. چونکي اتدئيئمئز دؤنوکلوک بؤيوکدور، سنه گوناه اتمئشئک.
ای ائسرايئلئن اومئدي، مشقّت زامانلاريندا خئلاصکاري اولان! نه اوچون سن بو تورپاقدا بئر قرئب کئمي‌سن، گجه‌لَمَک اوچون بئر گجه قالان بئر موسافئر کئمي‌سن؟
نه اوچون چاشميش آدام کئمي اولوبسان؟ قورتارماغا گوجو چاتمايان ائگئد کئمي اولوبسان؟ سن آراميزداسان، يارب. بئز سنئن آديني داشي‌ييريق؛ بئزي ترک اتمه!
رب بو خالق بارهده بله ديئر: "اونلار گَزئب دولانماغي او قدر سِوئرلر کي، آياق ساخلاميرلار. بونا گؤره ده رب اونلاري قبول اتمئر. ائندي اونلارين تقصئرکارليغيني يادا سالاجاق و گوناهلاري اوچون اونلارا جزا ورهجک."
سونرا رب منه ددي: "سن بو خالقين اوغور قازانماسي اوچون دوعا اتمه.
اوروج توتسالار دا، من اونلارين فرياديني اشئتميه‌جيم. يانديرما قورباني و تاخيل تقدئمي گتئرسه‌لر ده، اونلاري قبول اتميه‌جيم. عوضئنه اونلاري قيلينج، آجليق و وبا ائله قيريب تؤکه‌جيم."
آمّا من ددئم: "آه، پروردئگار رَب، پيغمبرلر اونلارا ديئرلر کي، «سئز قيلينج گؤرميه‌جکسئنئز، آجليق چکمَيه‌جکسئنئز. دوغرودان دا من بو يرده سئزه داواملي باريش ورهجيم.»"
او واخت رب منه ددي: "پيغمبرلر منئم آديملا يالاندان نَبئلئک ادئرلر. اونلاري من گؤندرمه‌مئشم، اونلاري من تعيئن اتمهمئشم، اونلارلا دانيشماميشام. سئزه يالان رؤيالار، سِحرلر، بوش شيلر، و اؤز فئکئرلرئنئن اويدورمالاريني نَبئلئک ادئرلر.
بونا گؤره ده رب، او پيغمبرلر بارهده بله ديئر: «اونلاري گؤندرمه‌دئيئم حالدا، منئم آديملا نبئلئک ادن بو نَبئلر ديئرلر: ‹بو تورپاقدا قيلينج و آجليق اولماياجاق.› بو پيغمبرلر اؤزلري قيلينج و آجليقدان هلاک اولاجاقلار.
نبئلئک اتدئکلري خالق دا قيلينج و آجليق اوزوندن اورشلئم کوچهلرئنه آتيلاجاقلار. اونلارين اؤزلرئني، آروادلاريني، اوغوللاريني و قيزلاريني باسديران اولماياجاق. لايئق اولان پئسلئيي اونلارين اؤز باشلارينا گتئره‌جيم.»
اونلارا بو سؤزو دِه: «قوي گؤزلرئم گجه-گوندوز، دايانمادان ياش تؤکسون. چونکي باکئره قيزيم-منئم خالقيم، آغير بئر يارا آليب، شئدّتلي بئر ضربه يِيئب.
اگر صحرايا چيخام، قيلينجلا اؤلدورولَنلري گؤره‌جيم، اگر شهره گئرم، آجليقدان اوزولَنلري گؤره‌جيم. چونکي هم پيغمبر هم ده کاهئن، تانيماديقلاري اؤلکهيه گدئب.»"
مگر سن يهوداني کامئل ردّ ادئبسن؟ مگر صحيوندان آجيغين گلئر؟ نئيه بئزي اِله ووروبسان کي، صاغالتماق مومکون اولماسين؟ صولح گؤزلهدئک، آمّا خيئر گلمه‌دي. شفا واختيني گؤزلهدئک، لاکئن آنجاق دهشت گلئر.
يارب، پئسلئيئمئزي، آتالاريميزين تقصئرکارليغيني بئلئرئک؛ دوغرودان دا سنه گوناه اتمئشئک.
اؤز آدينين خاطئري اوچون بئزه خور باخما؛ عئزّتلي تختئني حؤرمتدن سالما. بئزئمله اولان عهدئني يادا سال، اونو پوزما.
مگر مئلّتلرئن ياراماز بوتلري آراسيندا ياغيش ياغديرا بئلَن بئری وار؟ مگر گؤيلر اؤزلري ياغيش ياغديريرلار؟ يوخ، بونو ادن سنسن، يارب تاريميز. بونا گؤره ده اومئدئمئز سندهدئر. چونکي بوتون بو شيلري ادن سنسن.
رب منه ددي: "موسا ائله سمويئل حوضورومدا دورسايديلار دا، گئنه اوره‌يئم بو خالقا طرف دؤنمَزدي. اونلاري قاباغيمدان ردّ ات کي، گتسئنلر.
سنه «هارا گِدَک؟» ددئکلري زامان، اونلارا دِه: رب بله ديئر: «اؤلوم اوچون آيريلانلار، اؤلومه؛ قيلينج اوچون آيريلانلار، قيلينجا؛ آجليق اوچون آيريلانلار، آجليغا؛ اسئرلئک اوچون آيريلانلار اسئرلئيه گتسئنلر.»
رب بويورور: «اونلارين باشينا دؤرد جور بلا گتئره‌جيم: اؤلدورمک اوچون قيلينجي، پارچالاماق اوچون ائتلري، يِيئب هلاک اتمک اوچون گؤيدهکي قوشلاري و يرده‌کي حيوانلاري.
يهودا پادشاهي خئزقئيا اوغلو مِنَسّهنئن اورشلئمده اتدئيي ائشلره گؤره، اونلاري يِر اوزونون بوتون اؤلکه‌لرئنئن قاباغيندا دهشتلي حالا سالاجاغام.»
ای اورشلئم، بس سنه کئم آجيياجاق؟ سنئن اوچون کئم ياس توتاجاق؟ حاليني سوروشماق اوچون، کئم يولوندان دؤنوب سنئن يانينا گلهجک؟
رب بويورور: «سن منی ردّ ادئبسن، دائم گری چکئلئرسن. من ده اَلئمي اوزاديب سني محو اتمئشم. قاباغيمي آلماقدان آرتيق يورولدوم.
اونلاري اؤلکهنئن شهر دروازالاريندا کورَکله سووورموشام، خالقيمي اؤولادسيز قويموشام، اونلاري محو اتمئشم. چونکي يوللاريندان دؤنمه‌يئبلر.
دول آروادلارينين ساييني دهنز قوموندان دا چوخ اتمئشم. گون اورتا چاغي جاوانلارينين آنالارينا محو اده‌ني گتئرمئشم؛ قَفلَتَن اونلاري قورخو و دهشته سالميشام.
يدّي اوشاق دوغان آرواد ضعئفله‌يئب جان ورئب. اونون گونشي، گون اورتا چاغي باتيب؛ اوتانيب، آلچاليب. اونلاردان صاغ قالانلاري دوشمنلرئنئن قاباغيندا قيلينجا تسلئم ادهجيم.»" رب بله بويورور.
واي منئم حاليما! ای آنام، سن منی بوتون اؤلکه ائله دِيئشمه و داعوا اتمک اوچون دوغوبسان! نه بئرئندن بورج آلميشام، نه ده بئرئنه منفعتله بورج ورمئشم. لاکئن هامي منی لعنتله‌يئر.
رب ددي: "قطعن سني خيئر آماج اوچون خئلاص ادهجيم؛ بلا و کَدَر واختي دوشمنلرئني سنه يالوارماغا مجبور ادهجيم.
دمئري، شئمالدان گلن دمئري، يا دا بورونجو ائنسان مگر قيرا بئلر؟
سنئن ثروتئني و خزئنه‌لرئنی قارت مالي کئمي آيريلارينا موفته ورهجيم. بونو سنئن اؤلکهنئن هر طرفئنده سنئن گوناهلاريندان اؤتري ادهجيم.
تانيماديغين اؤلکهده سني دوشمنلرئنه قول ادهجيم. چونکي قضبئم اود توتوب سئزئن ضئدّئنئزه آلوو چکئر."
سن بئلئرسن، يارب! منی يادا سال و قيدئمه قال. تعقئبئمه دوشَنلردن منئم قئصاصيمي آل. صبئرلي اولدوغونا گؤره منی هلاک اتمه؛ سنئن اوچون نه قدر روسوايليق چکدئيئمي بئر دوشون.
سؤزلرئن گلدئکده، اونلاري يِدئم؛ سؤزلرئن منه شادليق گتئردي، اوره‌يئمئن کِفي اولدو. چونکي سنئن آديني داشي‌ييرام، ای قوشونلار تاريسي رب!
کِف چکنلرئن مجلئسئنده اوتورماديم، اونلارلا سِوئنئب جوشماديم؛ اَلئن اوستومده اولدوغونا گؤره تک-تنها اوتوردوم. چونکي منی قضبله دولدورموشدون.
نه اوچون آغريم کَسئلمَز، يارام چاره‌سئزدئر، شفاسينا اومئد يوخدور؟ مگر منئم اوچون سويو قوروموش، بِل باغلايا بئلئنمَز بئر وادي اولاجاقسان؟
بونا گؤره رب بله ديئر: "اگر سن تؤوبه ادهسن، سني گئنه قبول ادئب خئدمتئمه تعيئن اده‌رم. اگر جَفَنگئيّات دانيشماق عوضئنه، دَيَرلي سؤزلر دانيشاسان، او زامان منئم دئلئمله دانيشارسان. قوي اونلار سنه طرف دؤنسونلر، آمّا سن اونلارا طرف دؤنميه‌جکسن.
سني بو خالق اوچون، مؤحکم بورونج بئر دووار ادهجيم. سنئن ضئدّئنه دؤيوشه‌جکلر، آنجاق قالئب گله بئلميه‌جکلر. چونکي من سنئنله اولاجاغام کي، سني قورتاريب آزاد اِدئم." رب بله بويورور.
"سني پئس آداملارين اَلئندن آزاد ادهجيم، ظولمکارلارين پنجه‌سئندن گری آلاجاغام."
منه ربّئن بو سؤزو نازئل اولدو:
"اؤزونه آرواد آلما، بو يرده اوغوللارين و قيزلارين اولماسين.
چونکي بو يرده دوغولان اوغوللار و قيزلار اوچون، اونلاري دوغان آنالار و اونلاري عمله گتئرن آتالار اوچون رب بله ديئر:
«اونلار اؤلومجول ناخوشلوقلاردان اؤله‌جکلر. اونلار اوچون ياس توتولماياجاق، باسديريلماياجاقلار، تورپاغين اوستونده پِيئن کئمي اولاجاقلار. قيلينج و آجليقلا قيريليب تؤکوله‌جکلر. جسدلري ده گؤيدهکي قوشلارا و يرده‌کي حيوانلارا يِم اولاجاق.»
چونکي رب بله ديئر: «ياس اِوئنه گئرمه، آغلاماق اوچون گتمه، باش‌صاغليغي دا ورمه، چونکي بو خالقين آراسيندان صولحومو، محبّتئمي و مرحمتئمي گؤتورموشم.» رب بله بويورور.
«بو اؤلکهده بؤيوکلر ده، کئچئکلر ده اؤله‌جکلر، قبئره قويولماياجاقلار، آداملار اونلار اوچون ياس توتماياجاقلار، اونلار اوچون هچ کس اؤزونو يارالاييب ساچلاريني قيرخماياجاق.
هچ کس اؤلولردن اؤتري ياس توتانا يمک ورميه‌جک کي، اونا تسلّي ورسئن. هچ کس ده اونلارا تسلّی اوچون بئر کاسا سو ائچئرتميه‌جک، حتّا آناسينا يا دا آتاسينا گؤره.
ضئيافت کچئرئلَن بئر اِوه گئرمه و اونلارلا اوتوراراق يِيئب-ائچمه.»
چونکي ائسرايئلئن تاريسي اولان قوشونلار ربّی بله ديئر: «باخ، بو يرده، سئزئن گونلرئنئزده، گؤزلرئنئزئن قاباغيندا، شادليق و سِوئنج سَسئنه، بَي-گلئن سَسئنه آخير قوياجاغام.»
بوتون بو سؤزلري خالقا بئلدئرَنده، اگر سندن سوروشسالار: «نه اوچون رب ضئدّئمئزه بله بئر بؤيوک بلا اعلان ادئب؟ تقصئرئمئز نه‌دئر؟ تاريميز ربّه نه گوناه اتمئشئک؟»
او واخت اونلارا بله دِه: «اونا گؤره کي، سئزئن آتالارينيز منی ترک اتدئلر.» رب بويورور. «آيري آللاهلارين دالينجا گتدئلر، اونلارا قوللوق و سجده اتدئلر، منی ترک ادئب قانونوما عمل اتمه‌دئلر.
لاکئن سئز آتالارينيزدان دا آرتيق پئسلئک ادئبسئنئز. گؤرون نجه هر کس منه قولاق آسماياراق اؤز پئس اوره‌يئنئن عئنادي ائله رفتار ادئر.
بونا گؤره ده سئزي بو اؤلکه‌دن اِله بئر اؤلکهيه آتاجاغام کي، نه آتالارينيز تاني‌ييب نه ده سئز اؤزونوز. اورادا گجه- گوندوز باشقا آللاهلارا قوللوق ادهجکسئنئز، چونکي سئزه اصلا لوطف اتميه‌جيم.»"
بونا گؤره ده، رب بويورور: "گونلر گلهجک کي، ائنسانلار آرتيق دِميه‌جکلر: «آند اولسون او ربّئن وارليغينا کی، ائسرايئل اؤولادلاريني مئصئر تورپاغيندان چيخارتدي.»
آمّا دئيهجکلر: «آند اولسون او ربّئن وارليغينا کی، ائسرايئل اؤولادلاريني شئمال اؤلکهسئندن و قوودوغو بوتون باشقا اؤلکه‌لردن چيخارتدي.» چونکي اونلاري آتالارينا وردئيئم تورپاغا قايتاراجاغام."
رب بويورور: "آمّا ائندي من چوخلو باليقچي گؤنده‌ره‌جيم و اونلاري توتاجاقلار. اوندان سونرا من چوخلو شئکارچي گؤنده‌ره‌جيم، هر داغ و تپه اوستوندن، قايا اويوقلاريندان اونلاري شئکار ادهجکلر.
گؤزلرئم اونلارين بوتون يوللاريني ائزله‌يئر. اونلار مندن گئزلَنه بئلمزلر، تقصئرلري ده منئم نظرئمدن قاچا بئلمز.
تقصئرلرئنئن و گوناهلارينين عوضئنه اونلارا ائکي‌قات جزا ورهجيم. چونکي ائيرنج بوتلرئنئن جسدلري ائله اؤلکه‌مي نجئسله‌يئبلر، مولکومو ائيرنجلري ائله دولدوروبلار."
يارب، قووّتئم و قالام، سيخينتي گونونده سيغيناجاغيم! مئلّتلر دونيانين اوجقارلاريندان سنئن يانينا گلئب دئيهجکلر: "آتالاريميز ساختا و پوچ بوتلره، هچ بئر فايدا گؤرمه‌دئکلري شيلره وارئث اولدولار.
آدام دا اؤزونه مگر آللاه دوزه‌لدر؟ آخي اونلار تاري ديئل.
بونا گؤره ده اونلارا گؤرسده‌جيم، بو دفه اونلارا قووّت و قودرتئمي تانيتديراجاغام. او واخت بئلهجکلر کي، آديم ربدئر.
يهودانين گوناهي دمئر قلمله يازيلدي، اورَکلرئنئن لؤوحهلري و قوربانگاهلارينين بوينوزلاري اوستونه آلماس اوجلو آلتله حَکّ ادئلدي.
اونلارين اؤولادلاري بول يارپاقلي آغاجلارين يانيندا، اونلارين اوجا تپه‌لرده اولان قوربانگاهلاريني اَشِرا بوتلرئني خاطيرلاييرلار.
ای چؤلدهکي داغيم، سنئن ثروتئني، بوتون خَزئنه‌لرئني، پرستئشگاهلارلا بئرلئکده، اؤلکهنئن هر طرفئنده ائشله‌نن گوناهلاردان اؤتری قارته تسلئم ادهجيم.
سنه وردئيئم ائرثي اؤز عملئنله اَلدن وره‌جکسن. تانيماديغين اؤلکهده سني دوشمنلرئنه قول ادهجيم. چونکي قضبئمي آليشديردينيز، و او، ابده کئمي ياناجاق."
رب بله ديئر: "لعنت اولسون او آداما کي، ائنسانا بِل باغلايير، بشرئن گوجونه آرخالانير، و اوره‌يي ربدن دؤنور.
او، چؤلدهکي کؤل کئمي اولاجاق، خيئر گلنده اونو گؤرميه‌جک. صحرادا اولان قوراق يِرلرده هچ کس ياشامايان شورانليقدا ساکئن اولاجاق.
آمّا خوش او آدامين حالينا کي، ربّه بِل باغلايير، ربّی اؤزونه آرخا سايير.
او، سولار کناريندا اَکئلمئش آغاج کئمي اولاجاق. اِله آغاج کي، چاي قيراغيندا کؤک سالار، ائستي گلنده قورخماز، يارپاغي همئشه ياشيل قالار، قوراقليق اولان ائل نئگارانليق چکمز، ميوه ورمکدن ده قالماز."
اورَک هر شيدن ده حئيله‌گردئر، صاغالماز ناخوشلوغو وار. اونو کئم باشا دوشه بئلر؟
"من رَب، اوره‌يي ائمتاحان ادئرم، ائنسانين فئکرئني ائمتاحانا چکئرم کي، هر کسه يوللارينا، اتدئکلرئنئن نتئجهسئنه گؤره عوض ورئم."
حاقسيزليقلا وار-دؤولت ييغان آدام، او کَکلئک کئميدئر کی، اؤزونون يومورتلاماديغي يومورتالارين اوستونه اوتورور؛ عؤمرونون اورتاسيندا وار-دؤولتي اونو ترک ادهجک، آخيردا او آدام آخماق چيخاجاق.
موقدّس مکانيميزداکي يِر، اوّلجهدن اوجالديلميش عئزّت تختي‌دئر.
يارب، ائسرايئلئن اومئدي، سني ترک ادنلرئن هاميسي اوتاناجاقلار. سندن اوز دؤنده‌رنلرئن آدي توز-تورپاغا يازيلاجاق، چونکي ربّي-آخار سولارين بولاغيني ترک ادئبلر."
يارب، منه شفا ور، من صاغالارام. منی خئلاص ات، من خئلاص اولارام. چونکي حمد اتدئيئم سنسن.
باخ، اونلار منه دايانمادان ديئرلر: "ربّئن سؤزو هاني؟ قوي يرئنه يِتئشسئن!"
منه گلئنجه، من سنئن خئدمتئنه چوبان اولماقدان بويون قاچيرتماميشام. بئلئرسن کي، بلا گونونون گلمه‌سئني ائستمه‌مئشم. آغزيمدان چيخان هر سؤزو بئلئرسن، او، سنئن گؤزونون قاباغيندادير.
منئم اوچون دهشته چِورئلمه، پئس گونده سيغيناجاغيم سنسن.
قوي منی تعقئب ادنلر اوتانسينلار، لاکئن قويما من خجالت آلتينا دوشوم. قوي اونلار دهشته دوشسونلر، من آمّا قورخماييم. پئس گونو اونلارين باشينا گتئر، اونلاري ائکي‌قات هلاکتله اَز.
رب منه بله ددي: "گت، يهودا پادشاهلارينين گئرئب-چيخديقلاري خالق دروازاسيندا دايان. اورشلئمئن باشقا بوتون دروازالاريندا دا دايان
اونلارا دِه: «ای يهودا پادشاهلاري، يهودا و اورشلئمئن بوتون اهالئسي، بو دروازالاردان گئرنلر، ربّئن سؤزونه قولاق آسين.
رب بله ديئر: {دئقّت ادئن کي، سَبّت گونو يوک داشيماياسينيز، يا دا اونو اورشلئم دروازالاريندان ائچه‌ري گتئرميه‌سئنئز.
سَبّت گونو اِولرئنئزدن يوک چيخارتمايين، هچ بئر ائش گؤرمه‌يئن. آتالارينيزا امر اتدئيئم کئمي سَبّت گونونو موقدّس ساخلايين.}
آنجاق اونلار اشئتمه‌دئلر، قولاق آسماديلار. بويونلاريني عئنادکارليقدان بَرک اتدئلر اِله کي، تأدئبدن عئبرت آلماديلار.»
رب بويورور: «اگر سئز دئقّتله مندن ائطاعت ادهسئنئز، و سَبّت گونو بو شهرئن دروازالاريندان يوک داشيماياسينيز، سَبّت گونونده هچ بئر ائشله مشغول اولماييب بو گونو موقدّس ساخلاياسينيز،
او زامان داوودون تختئنده اوتوران پادشاهلار و باشچيلار دؤيوش عارابالارينا و آتلارا مئنئب، يهودا آداملاري و اورشلئمده ياشايانلارلا بئرلئکده بو شهرئن دروازالاريندان ائچه‌ري گئرَرلر. و بو شهر ابده کئمي مسکونلاشميش قالار.
يهودا شهرلرئندن، اورشلئمئن اطرافيندان، بِنيامئن تورپاغيندان، هامار بؤلگه‌دن، داغليق بؤلگه‌دن و نِگِبدن آداملار گلئب ربّئن معبدئنه يانديرما قوربانلاري، باشقا قوربانلار، تاخيل تقدئملري، کوندور و شوکور تقدئملري گتئرَر.
لاکئن اگر سؤزومه قولاق آسماييب سَبّت گونو يوک داشيياسينيز و اورشلئم دروازالاريندان گئره‌رَک سَبّت گونونو موقدّس ساخلاماياسينيز، اوندا اونون دروازالاريني اودا قالاياجاغام، آلوو اورشلئمئن سارايلاريني يانديريب تؤکه‌جک و هچ واخت سؤنميه‌جکدئر.»"
ربدن اِرِميايا بو سؤز نازئل اولدو:
"قالخ، کوزهگرئن کارخاناسينا گت، اورادا سؤزلرئمي سنه اعلان ادهجيم."
بلجه من کوزهگرئن اِوئنه گتدئم. گؤردوم کي، او، چرخ اوستونده ائشله‌يئر.
پالچيقدان دوزلتدئيي قاب اَلئنده خاراب اولاندا، کوزهگر نجه کی، ائسته‌يئردي، پالچيقدان باشقا بئر قاب دوزه‌لدئردي.
او واخت ربّئن سؤزو نازئل اولدو:
"ای ائسرايئل نسلي، مگر من ده سئزئنله بو کوزهگرئن اتدئيي کئمي رفتار اده بئلمه‌رم؟" رب بويورور. "بئلئن کي، پالچيق کوزهگرئن اَلئنده نجهدئر، سئز ده منئم اَلئمده او جورسونوز، ای ائسرايئل نسلی.
اگر بئر واخت بئر مئلّتئن و يا اؤلکهنئن کؤکوندن داغيداجاغيني، ييخيب محو اده‌جيئني دِمئش اولسام دا،
اگر منئم ائخطار وردئيئم بو مئلّت اؤز پئس عملئندن دؤنسه، قاباغيمي آليب اونا ائسته‌دئيئم بلاني گؤنده‌رمه‌رم.
اگر باشقا بئر زامان بئر مئلّتئن و يا دا اؤلکهنئن اَکئلئب تئکئله‌جيئني دِمئش اولسام دا،
اگر بو مئلّت سؤزومه قولاق آسماييب منئم نظرئمده پئس اولانا عمل اتسه، او واخت قاباغيمي آلمارام و اونا وعده وردئيئم ياخشيليغي اتمه‌رم.
ائندي يهودا آداملارينا، اورشلئمده ياشايانلارا دِه کي، رب بله ديئر: «من سئزه بئر بلا حاضيرلاييرام، سئزه بئر قصد قورورام. ائندي هر بئرئنئز اؤز پئس يولونوزدان دؤنوب يوللارينيزي و عمللرئنئزي ائصلاح ادئن.»
آمّا اونلار دئيهجکلر: «فايداسيزدير، بئز اؤز نئيّتلرئمئزئن دالينجا گده‌جيئک، هر بئرئمئز اؤز پئس اوره‌يئمئزئن عئنادينا گؤره رفتار اده‌جيئک.»"
بونا گؤره رب بله ديئر: "ائندي مئلّتلر آراسيندا سوروشون: کئم بله سؤزلر اشئدئب؟ باکئره قيز ائسرايئل دهشتلي بئر ائش ادئب.
لوبنانين قاري قايالي داغ ياماجلاريندان مگر هچ اَسکئک اولار؟ اوزاقدان آخان سويوق سولار مگر قورويار؟
آمّا خالقيم منی ياددان چيخارديب؛ ساختا آللاهلارا بوخور يانديرير. بو آللاهلار اونلارين گده‌جيي يوللاردا، قدئم يوللاردا بودرمه‌لرئنه سبب اولدو، اونلاري هامار اولمايان دوزه‌لمه‌مئش يوللاردا گزدئردئلر.
اؤلکهلري وئران ادئلهجک، ابدی کئنايه هدفئنه چِورئله‌جک. او واخت اورادان کچن هر کس حيرته گلئب باشيني ترپده‌جک.
اونلاري شرقدن اَسن يِل کئمي، دوشمن قاباغيندا پَرَن-پَرَن سالاجاغام. اونلارين فلاکت گونونده، اونلارا اوزومو يوخ، آرخامي گؤرسده‌جيم."
او زامان اونلار ددئلر: "گلئن، اِرِميايا قصد قوراق. چونکي کاهئن اؤيردهجک شرئعت، حکئم آدام ورهجک نصئحت، پيغمبر گتئرهجک سؤز هچ واخت اَسکئک اولماياجاق. گلئن، اونا دئلئمئزله هوجوم اِدَک، سؤزلرئنه قولاق آسماياق."
يارب، منه قولاق آس، منئمله چکئشَنلرئن سؤزونو اشئت.
ياخشيليغين عوضئنده پئسلئک مگر ادئلر؟ حال بو کي، اونلار منئم اوچون قويو قازيبلار. ياددان چيخارتما، من قاباغيندا اونا گؤره دايانديم کي، اونلار اوچون شفاعت ادئم، و سن اونلاردان قضبئني دؤنده‌ره‌سن.
بونا گؤره ده اونلارين اؤولادلاريني آجليغا ور، قيلينج آغزينا تسلئم ات. آروادلاري اوشاقسيز و دول قالسين، اَرلرئني اؤلوم آپارسين. جاوانلاريني موحارئبه‌ده قيلينج اؤلدورسون.
سن اونلارين اوستونه قَفلَتَن قارتچئلر گؤنده‌رنده، قوي اِولرئندن شئون اِشئدئلسئن. چونکي منی توتماق اوچون قويو قازيبلار، آياغيمين آلتيندا گئزلئنجه تله‌لر قوروبلار.
آمّا يارب، منی اؤلدورمک اوچون قوردوقلاري بوتون قصدلري سن بئلئرسن. تقصئرلرئني باغيشلاما، گوناهلاريني قاباغيندان سئلمه. قوي سنئن قاباغيندا ييخيلسينلار، قضبلي ائکن اونلارلا عمل ات.
ربّئن ددئيي بودور: "گت، کوزه‌گردن بئر گئل کوزه آل. خالقين آغساقّاللاريندان و کاهئنلردن بئر نچه‌سئني يانيندا گؤتور،
بِن‌هئنّوم دره‌سئنه کی، ساخسي قيريغي دروازاسينين گئرئشئنده‌دئر، گت. سنه دئيه‌جيئم سؤزلري اورادا اعلان ادئب دِه:
«ای يهودا پادشاهلاري، ای اورشلئمده ياشايانلار، ربّئن سؤزونو اِشئدئن. ائسرايئلئن تاريسي اولان قوشونلار ربّی بله ديئر: {باخ، من بو يِرئن اوستونه اِله بئر بلا گتئره‌جيم کي، هر اِشئده‌نئن قولاغي جئنگئلده‌يه‌جک.
چونکي اونلار مندن اوز دؤنده‌رئبلر و بوراني ياد بئر اؤلکه حالينا گتئرئبلر. اورادا اِله آللاهلارا بوخور يانديريبلار کي، نه اؤزلري تاني‌ييرديلار، نه آتالاري، نه ده يهودا پادشاهلاري. و بو يري گوناهسيز قانلا دولدوروبلار.
بَعَل پرستئشگاهلاري تئکئبلر کي، اؤز اوشاقلاريني اوددا بَعَل بوتلرئنه يانديرما قورباني تقدئم اتسئنلر. من بله بئر شيي نه امر اتدئم، نه ددئم، نه ده آغليما گتئردئم.}»
رب بويورور: «بونا گؤره ده، باخين، اِله گونلر گلئر کي، بو يِره داها توفِت و يا بِن‌هئنّوم دره‌سي يوخ، قيرغين دره‌سي ديئلهجک.
بو يرده يهودا ائله اورشلئمئن نئيّتلرئني بوشا چيخارداجاغام. اونلاري، دوشمنلرئنئن قاباغيندا، جانلاريني آلماق ائسته‌ينلرئن اَلي ائله قيلينجلا هلاک ادهجيم. جسدلرئني گؤيدهکي قوشلارا و يرده‌کي حيوانلارا يِم ورهجيم.
بو شهري وئران ادهجيم، رئشخند هدفئنه چِوئره‌جيم. اورادان کچن هر کس اونون باشينا گلن بلالاردان حيرت ائچئنده فئت چالاجاق.
اوغوللارينين و قيزلارينين اَتئني اؤزلرئنه يِدئرده‌جيم. جانلاريني آلماق ائسته‌ين دوشمنلري اونلاري موحاصئرهيه آلاندا، چکدئکلري سيخينتيدان اؤتري بئربئرلرئنئن اَتئني يئيه‌جکلر.»
سونرا سنئنله گِدن آداملارين گؤزو قاباغيندا کوزه‌ني سيندير
و اونلارا دِه: «قوشونلار ربّی بله ديئر: {کوزهگرئن کوزه‌سي نجه قيريليب بئر داها دوزه‌لمز، من ده بو خالقي و شهري بلجه محو ادهجيم. اؤلولري او قدر توفِتده باسديراجاقلار کي، اوندا بئر داها يِر قالماسين.
بو يِر و ساکئنلري ائله بله رفتار ادهجيم، بو شهري توفِت کئمي ادهجيم.}» رب بويورور.
«اورشلئمئن اِولري و يهودا پادشاهلارينين سارايلاري توفِتئن يري کئمي نجئس اولاجاق، چونکي بوتون اِولرئن داملاري اوستونده گؤي جئسئملرئنه بوخور يانديرديلار، ياد آللاهلارا مايع تقدئملري گتئردئلر.»"
او واخت اِرِميا توفِتدن قاييتدي، اورادان کي، رب اونو نَبئلئک اتمک اوچون گؤنده‌رمئشدي. او، ربّئن معبدئنئن حيطئنده دايانيب بوتون خالقا ددي:
"ائسرايئلئن تاريسي اولان قوشونلار ربّی بله ديئر: «قولاق آسين! من بو شهر بارهده دِدئيئم بوتون فلاکتلري اونون و اطرافيندا اولان کندلرئن اوستونه گتئره‌جيم، چونکي عئنادکارليقدان بويونلاريني بَرک اتدئلر، اونا گؤره ده سؤزلرئمه قولاق آسماديلار.»"
او زامان کي، ربّئن معبدئنده باش نظارتچي ائمّر اوغلو کاهئن پَشخور اِرِميانين بو سؤزلرله نَبئلئک اتدئيئني اشئتدي،
اِرِميا پيغمبري دؤيدورتدو و اونو ربّئن معبدئنئن يانينداکي يوخاري بِنيامئن دروازاسيندا اولان کوندهيه سالدي.
او گونون صاباحي پَشخور اِرِمياني کونده‌دن چيخارتدي. اِرِميا اونا ددي: "رب سنئن آديني پَشخور يوخ، ماگور-مئسابئب قويوب.
چونکي رب بله ديئر: «باخ، من سني اؤزون و بوتون سني سِوَنلر اوچون دهشته چِوئره‌جيم؛ اونلار اؤز دوشمنلرئنئن قيلينجي ائله هلاک اولاجاقلار و سنئن گؤزلرئن بونو گؤرهجک. بوتون يهوداني بابئل پادشاهينا تسلئم ادهجيم. او، خالقي بابئله اسئر آپاراجاق و قيلينجلا هلاک ادهجک.
بو شهرئن بوتون وار-دؤولتئني، قازانجيني، قئيمتلي شيلرئني و يهودا پادشاهلارينين بوتون خزئنهلرئني دوشمنلره تسلئم ادهجيم. اونلاري قارت ادهجکلر، گؤتوروب بابئله آپاراجاقلار.
سن پَشخور، و اِوئنده ياشايانلارين هاميسي بابئله اسئر آپاريلاجاقسينيز. سن و يالاندان اونلارا نبئلئک اتدئيئن بوتون دوستلارين اورادا اؤلهجکسئنئز، اورادا دا باسديريلاجاقسينيز.»"
يارب، سن منی آلداتدين، من ده آلدانديم. مندن اوستون گلدئن، منه قالئب گلدئن. بوتون گون منه گولورلر، هر کس منئمله باشيني قال ادئر.
نه زامان آغزيمي آچيرام، فرياد ادئب "قَّدارليق و تالان!" ديئب قيشقيريرام. ربّئن سؤزو منه بوتون گون حقارت گتئرئب، روسواي اولموشام.
آمّا اگر دِيئم: "داها اونو يادا سالماياجاغام، اونون آدي ائله دانيشماياجاغام." اونون سؤزو اوره‌يئمده اود کئميدئر، سوموکلرئمده حبس ادئلن بئر اود کئمي! دوغرودان دا اونو ائچئمده ساخلاماقدان يورولموشام، آرتيق بونو اده بئلمئرم.
چوخ پيچيلتيلار اِشئدئرم: "هر طرفده دهشت! اونو اَله ورئن، اونو اَله ورئن!" بوتون بِل باغلاديغيم آداملار بودرمه‌يئمي گؤزليه‌رَک ديئرلر: "بلکه آلدانار، او واخت اونو مغلوب ادهرئک، اوندان قئصاصيميزي آلاريق."
لاکئن رب ائگئد بئر دؤيوشچو کئمي منئملهدئر. بونا گؤره ده منی تعقئب ادنلر ييخيلاجاقلار، قالئب گله بئلميه‌جکلر. اوغور قازانماياجاقلاريندان، چوخلو خجالت آلتينا دوشهجکلر. روسوايچيليقلاري هچ واخت ياددان چيخارديلماياجاق.
ای قوشونلار ربّي، سن صالح آدامي ائمتاحانا چکئرسن، فئکري و اوره‌يي گؤرورسن. قوي گؤزوم سنئن اونلاردان آلاجاغين قئصاصي گؤرسون! چونکي داعوامي سنه تاپشيرميشام.
ربّه اوخويون، ربّه حمد ادئن! چونکي مؤحتاج آدامي شرئرلرئن اَلئندن او قورتارير.
دوغولدوغوم گونه لعنت اولسون! آنامين منی دوغدوغو گون موبارک اولماسين!
لعنت اولسون او آداما کي، آتاما سِوئندئرئجي بو خبري موژده گتئرئب ددي: "بئر اوغلان اوشاغين اولدو!" و اونو چوخ سِوئندئردي.
قوي او آدام ربّئن يازيغي گلمه‌يئب داغيتديغي شهرلر کئمي اولسون! سحر اوندا فرياد اِشئدئلسئن؛ گون اورتا موحارئبه نعره‌سي.
چونکي بطنده ائکن منی اؤلدورمه‌دي. او واخت آنامين قارني قَبرئم اولاردي، بطني دائم بويلو قالاردي.
نه اوچون آنا بطنئندن چيخديم؟ عذاب-اذئيّت گؤرمک اوچون مگر؟ عؤمرومو روسوايچيليقلا کچئرتمک اوچون مگر؟
پادشاه صئدقئيا مَلکئيا اوغلو پَشخورو و مَعَسِيا اوغلو کاهئن صِفَنياني اِرِميانين يانينا گؤنده‌ره‌نده، ربّئن سؤزو اِرِميايا نازئل اولدو. اونلار دِمئشدئلر:
"گل، بئزئم طرفئمئزدن ربدن سوروش. چونکي بابئل پادشاهي نَبوکَدنِصّر بئزه هوجوم گتئرئر. بلکه رب کِچمئشده اتدئيي مؤجوزه‌لره بَنزَر بئزه بئر شي اِدَر و نَبوکَدنِصّر بئزدن اَل چکر؟"
لاکئن اِرِميا اونلارا جاواب وردی: "صئدقئيايا ديئن کي،
ائسرايئلئن تاريسي رب بله بويورور: «اَلئنئزده اولان موحارئبه سئلاحلاريني کي، اونونلا دووارلارين او طرفئنده سئزي موحاصئرهيه آلان بابئل پادشاهي و کَلدانئلرله ساواشيرسينيز، گری ساخلاياجاغام. سئلاحلارينيزي بو شهرئن اورتاسينا بئر يِره ييغاجاغام.
من اؤزوم سئزئن ضئدّئنئزه اَل قالديراجاغام، گوجلو قولوملا، قِيض، قضب و بؤيوک حئدّتله سئزئنله ووروشاجاغام.
بو شهرده ياشايان ائنساني دا، حيواني دا محو ادهجيم. اونلار شئدّتلي وبادان اؤله‌جکلر.»
رب بويورور: «بوندان سونرا يهودا پادشاهي صئدقئياني و اعيانلاريني، هم ده بو شهرده وبادان، قيلينجدان و آجليقدان صاغ قالانلاري بابئل پادشاهي نَبوکَدنِصّره و جانلاريني آلماق ائسته‌ين دوشمنلرئنه تسلئم ادهجيم. او، اونلاري قيلينج آغزينا ورهجک، اونلارا نه رحم، نه شَفقَت، نه ده مرحمت گؤرسدهجک.»
بوندان علاوه، بو خالقا دِه: رب بله ديئر: «باخ، حيات يولونو و اؤلوم يولونو قاباغينيزا قويورام.
بو شهرده قالان قيلينج، آجليق و وبادان اؤلهجک. لاکئن کئم باييرا چيخيب سئزي موحاصئرهيه آلان کَلدانئلره تسلئم اولسا، صاغ قالاجاق، هچ اولماسا اؤز جانيني قورتاراجاق.
بو شهره ياخشيليق يوخ، پئسلئک اتمه‌يه نئيّت اتمئشم.» رب بويورور. «بورا بابئل پادشاهينا تسلئم ادئلهجک، او دا بوراني يانديريب ياخاجاق.»
يهودا پادشاهينين عايئلهسئنه دِه: ربّئن سؤزونو اِشئدئن؛
ای داوود نسلي، رب بله ديئر: «هر سحر عدالتله رفتار ادئن، مظلومو ظالئمئن اَلئندن قورتارين. يوخسا پئس عمل‌لرئنئزه گؤره قضبئم اود کئمي چيخيب يانديراجاق، اونو سؤندورن اولماياجاق.»
رب بويورور: «من سنه ضئدّم، ای وادئنئن اوستونده‌کي يايلادا اولان قايادا اوتوران اورشلئم!» سئز ديئرسئز: «اوستوموزه کئم گله بئلر؟ ياشاديغيميز يِرلره کئم گئره بئلر؟»
رب بويورور: «من سئزي عمل‌لرئنئزئن بهره‌سئنه موطابئق جزالانديرجاغام. مِشه‌لرئنئزه بئر اود سالاجاغام کي، اطرافينداکي هر شيي يانديريب يوخ ادهجک.»"
رب بله ددي: "يهودا پادشاهينين سارايينا گت، اورادا بو سؤزو اعلان ات:
ای داوودون تختي اوستونده اوتوران يهودا پادشاهي، ای بو دروازالاردان گئرن اعيانلارلا خالق، ربّئن سؤزونو اِشئدئن.
رب بله ديئر: «عدالت و صالحلئکله رفتار ادئن. مظلومو ظالئمئن اَلئندن قورتارين. قرئبه، يِتئمه و دول آروادا حاقسيزليق اتمهيئن، قدّارليق اتمهيئن، بو يرده گوناهسيز قان تؤکمه‌يئن.
اگر سئز بو امره، حقئقتن، عمل ادهسئنئز، او زامان داوودون تختئنده اوتوران پادشاهلار دؤيوش عارابالارينا و آتلارا مئنئب اعيانلاري و خالقلاري ائله بئرلئکده بو سارايين دروازالاريندان گئرهجکلر.
لاکئن اگر بو امرلردن ائطاعت اتميهسئنئز، اؤز وارليغيما آند ائچئرم کي، بو اِو وئران قالاجاق.» رب بويورور.
بلی، يهودا پادشاهينين سارايي بارهده رب بله ديئر: «گرچی منئم اوچون گئلعاد کئمي‌سن، لوبنانين قولّه‌سي کئمي‌سن. لاکئن من قطعن سني بئر چؤله، کئمسهنئن ياشاماديغي شهرلره چِوئره‌جيم.
سنئن ضئدّئنه هلاک ادنلر حاضيرلاياجاغام، هاميسينين اَلئنده سئلاح اولاجاق. سنئن لاپ ياخشي سئدر آغاجلاريني کسه‌جکلر، اونلاري اودا آتاجاقلار.
بئر چوخ مئلّتلر بو شهرئن يانيندان کچئب بئربئرلرئندن سوروشاجاقلار: ‹بو بؤيوک شهره رب نئيه بله ادئب؟›
و جاواب بو اولاجاق: ‹چونکي تاريسي ربّئن عهدئني ترک اتدئلر، باشقا آللاهلارا پرستئش و قوللوق اتدئلر.›»"
اؤلَن اوچون آغلامايين، ياس دا توتمايين. آنجاق اسئرلئيه گدن اوچون آجي-آجي آغلايين، چونکي داها قاييتماياجاق، دوغما وطنئني گؤرميه‌جک.
بلی، يوشئيا اوغلو شَلّوم بارهده کي، آتاسي يوشئيانين يرئنه يهودا پادشاهي اولوب و بورادان چيخيب گدئب، رب بله ديئر: "او داها بورايا قاييتماياجاق،
اسئر اولوندوغو يرده اؤلهجک و آرتيق بو اؤلکهني گؤرميه‌جک.
واي او آدامين حالينا کي، ساراييني حاقسيزليقلا، يوخاري اوتاقلاريني عدالتسئزلئکله تئکئر، اؤز هموطنئني موفته ائشله‌دئر، اونا موزدونو ورمئر.
ديئر: «اؤزومه گِنئش يوخاري اوتاقلاري اولان بؤيوک بئر ساراي تئکدئره‌جيم.» بلجه اورايا پنجره‌لر آچير، اطرافيني سئدر آغاجي ائله اؤرتور. قيرميزي رنگله بويايير.
چوخلو سئدر آغاجين اولماق مگر سني پادشاه اِدَر؟ مگر آتان دا دويونجا يِيئب-ائچمه‌دي؟ او عدالت و صالحلئکله رفتار اتدي. اونا گؤره ده ائشلري اوغورلو اولدو.
محکمه‌ده مظلومون، يوخسول آدامين ائشئنه باخيردي، اونا گؤره ده ائشلري اوغورلو اولدو." رب بويورور: "منی تانيماق اِله مگر بو ديئل؟
لاکئن سنئن گؤزلرئن و اوره‌يئن آنجاق حارام قازانجيندا قاليب، تؤکمک ائسته‌دئيئن گوناهسيز قاندا قاليب، قدّارليق و تالاندا قاليب."
بونا گؤره ده يهودا پادشاهي يوشئيا اوغلو يِهوياقئم بارهده رب بله ديئر: "اونون اوچون «واي قارداشيم، واي باجيم» ديئب ياس توتماياجاقلار، «واي آغام، حيف اونون عئزّتي» ديئب ياس توتماياجاقلار.
اونو اِششَک باسديريلان کئمي باسديراجاقلار، سورويوب اورشلئم دروازالاريندان کنارا آتاجاقلار.
لوبنانا گت، فرياد ات، باشاندا سَسئني اوجالت، عَبارئمدن فرياد ات، چونکي بوتون اويناشلارين اَزئلئب.
هر شيئن اَمئن-آمانليقدا اولاندا سني خبردار اتدئم، آمّا سن «قولاق آسماياجاغام» ددئن. اوشاقليغيندان عادتئن بلهدئر، مندن ائطاعت اتمهيئبسن.
کولَک بوتون چوبانلاريني گؤتوروب آپاراجاق، اويناشلارين اسئرلئيه گدهجک. او زامان اتدئيئن بوتون پئسلئکلردن اؤتري اوتانيب روسواي اولاجاقسان.
ای سن «لوبناندا» ياشايان، يوواسيني سئدر آغاجيندان قوران! سنه بويلو آرواد کئمي آغريلار، سانجيلار گلنده نجه ناله چکه‌جکسن!"
رب بويورور: "ای يهودا پادشاهي يِهوياقئم اوغلو يِهوياکئن، وارليغيما آند اولسون کي، اگر صاغ اَلئمدهکي مؤهور اوزويو اولاسان دا، سني چيخارديب آتارديم.
سني جانيني آلماق ائسته‌ينلره، قورخدوغون آداملارا، بابئل پادشاهي نَبوکَدنِصّره و کَلدانئلره تسلئم ادهجيم.
سني و سني دوغان آناني دوغولماديغينيز ياد بئر اؤلکهيه آتاجاغام و اورادا اؤلهجکسئنئز.
قاييتماغا جان آتديغينيز اؤلکهيه بئر داها قاييتماياجاقسينيز."
بو آدام- يِهوياکئن مگر حقارتله باخيلان قيريق بئر کاسادير؟ هچ کسئن بَيَنمه‌دئيي بئر قابدير؟ بس نه اوچون هم اؤزو، هم ده اؤولادلاري آپاريليب تانيماديقلاري بئر اؤلکهيه آتيلديلار؟
اؤلکه، ای اؤلکه، ربّئن سؤزونو اشئت، ای اؤلکه!
رب ديئر: "بو آدامي اؤولادسيز يازين، عؤمرونده ائشلري اوغورلو اولمايان بئر کئشي حساب ادئن. چونکي نسلئندن هچ کئم اوغور قازانماياجاق. نسلئندن هچ کئم داوودون تختئنده اوتورماياجاق، يهودادا بئر داها پادشاهليق اتميه‌جکدئر."
رب بويورور: "واي او چوبانلارين حالينا کي، اوتلاغيمين قويونلاريني محو ادئرلر، اونلاري داغيديرلار!"
بونا گؤره ده ائسرايئلئن تاريسي رب خالقيمي اوتاران چوبانلارين ضئدّئنه بله ديئر: "سئزسئنئز کی، منئم سورومو پَرَن-پَرَن ساليب قووورسونوز. سئزسئنئز کی، اونلارين قيدئنه قالميرسينيز. ائندي من ده اتدئيئنئز عمل‌لرئنئزئن پئسلئيئنه گؤره سئزي تنبه ادهجيم." رب بويورور.
"سورومون قالانلاريني، اسئر اتدئيئم بوتون اؤلکه‌لردن ييغيب توپلاياجاغام، اونلاري گئنه اوتلاقلارينا قايتاراجاغام و تؤره‌يئب چوخالاجاقلار.
اوستلرئنه چوبانلار قوياجاغام کي، اونلاري اوتارسينلار. داها قورخوب دهشته دوشميه‌جکلر، بئري ده ائتميه‌جک." رب بويورور.
"باخ، او گونلر گلئر کي، داوود اوچون صالح بئر شاخه يِتئشدئره‌جيم. اله بئر پادشاه کي، حئکمتله پادشاهليق ادهجک، اؤلکهده عدالتله، صالحلئکله عمل ادهجک." رب بويورور.
"اونون دؤورونده يهودا خئلاص اولاجاق، ائسرايئل اَمئن-آمانليقدا ياشاياجاق. او «رب صالحلئيئمئزدئر» چاغيريلاجاقدير.
بونا گؤره ده رب بويورور: "او گونلر گلهجک کي، ائنسانلار آرتيق دميه‌جکلر: «او ربّئن وارليغينا آند اولسون کی، ائسرايئل اؤولادلاريني مئصئر تورپاغيندان چيخارتدي.»
لاکئن دئيهجکلر: «او ربّئن وارليغينا آند اولسون کی، ائسرايئل اؤولادلاريني شئمال اؤلکهسئندن و اسئر اتدئيي بوتون باشقا اؤلکه‌لردن چيخارتدي.» او واخت اونلار اؤز تورپاقلاريندا ياشاياجاقلار."
پيغمبرلر حاقّيندا: اوره‌يئم ائچئمده پارچالانيب، بوتون سوموکلرئم تئترهيئر. ربّه گؤره، اونون موقدّس سؤزلرئنه گؤره بئر مست کئمي‌يم، شرابا آلوده اولان آدام کئمي‌يم.
اؤلکه زئناکارلارلا دولودور، لعنته گؤره يِر ياس توتور. چؤلدهکي اوتلاقلار قورويور، پيغمبرلر پئس يولا دوشوب. گوجلرئني حاقسيزجا صرف ادئرلر.
رب بويورور: "هم پيغمبر، هم ده کاهئن تاريسيزدير، اونلارين پئسلئکلرئني حتّا معبدئمده ده تاپيرام.
بونا گؤره گتدئکلري يول سوروشکَن اولاجاق؛ قارانليغا قووولوب اورادا ييخيلاجاقلار. جزالاناجاقلاري ائل، باشلارينا فلاکت گتئره‌جيم." رب بويورور.
"سامئره پيغمبرلري آراسيندا بو ائيرنج ائشي گؤردوم: بَعَلئن آدي ائله نبئلئک ادئب خالقيم ائسرايئلي يولدان آزديرديلار.
اورشلئمئن پيغمبرلري آراسيندا قورخولو بئر شي گؤردوم: زئنا ادئرلر، يالان دالينجا گدئرلر. پئس آداملارين قولونا گوج ورئرلر. بلجه هچ کس پئسلئيئندن دؤنمور. هاميسي منئم اوچون سودوم کئمي، اورشلئم ساکئنلري، گومورا کئميدئر."
بونا گؤره ده قوشونلار ربّی پيغمبرلر حاقّيندا بله ديئر: "من اونلارا يووشان يِدئرده‌جيم، زَهَرلي سو ائچئرده‌جيم. چونکي تاريسيزليق اورشلئمئن پيغمبرلرئندن بوتون اؤلکهيه ياييليب."
قوشونلار ربّی بله ديئر: "سئزئن اوچون نبئلئک ادن پيغمبرلرئن سؤزونه قولاق آسمايين. اونلار سئزي بوش اومئدلرله دولدورورلار. ربّئن آغزيندان چيخانلاري يوخ، اؤزلرئنئن فئکئرلرئندن چيخان رؤيالاري ديئرلر.
اونلار منه خور باخانلارا ديئرلر: «رب ديئر: سئزئن اوچون اَمئن-آمانليق اولاجاق.» اورَکلرئنئن عئنادکارليغي دالينجا دوشَنلره ده ديئرلر: «اوستونوزه فلاکت گلميه‌جک.»
لاکئن اونلارين هانسي بئري ربّئن سؤزونو آنلاييب اشئتمک اوچون مگر ربّئن مجلئسئنده دوروب؟ اونون سؤزونه قولاق آسيب؟
باخ، ربّئن طوفاني قضبله قوپاجاق، طوفان فيرلانيب پئس آداملارين باشيندا پارتلاياجاق.
ربّئن قضبي سؤنميه‌جک، اوره‌يئنئن ائسته‌ئيئني اده‌نه قدر، مگر او زامان کي، اونون اوره‌يئنئن ائسته‌يئني تامام-کامال يرئنه يتئرسئن. گلهجک گونلرده بونو آچيق-آشکار آنلاياجاقسينيز.
بو پيغمبرلري من گؤنده‌رمه‌دئم، آمّا سؤزلري ائله اورا-بورا قاچيبلار. اونلارلا دانيشماديم، لاکئن نبئلئک ادئبلر.
آمّا اگر اونلار مجلئسئمده دورسايديلار، سؤزلرئمي خالقيما چاتديرارديلار. پئس يوللاريندان، شر عمللرئندن خالقي چکئندئرَردئلر."
رب بويورور: "مگر من آنجاق ياخيندا اولان تارييام، اوزاقدا اولان تاري ديئلم؟
کئمسه مگر گئزلي يِرلرده گئزلنه بئلر کي، من اونو گؤره بئلمه‌يئم؟" رب بويورور. "يِري، گؤيو من مگر دولدورمورام؟" رب بويورور.
"منئم آديمدان يالان دئين پيغمبرلرئن سؤزلرئني اشئتمئشم: ديئرلر: «يوخو گؤردوم، يوخو گؤردوم!»
نه واختا قدر يالان دئين، اؤز اورَکلرئنئن اويدورمالاريني بئلدئرَن پيغمبرلر بو ائشله مشغول اولاجاقلار؟
اونلار ظنّ ادئرلر کي، بئربئرلرئنه دانيشديقلاري يوخولارلا خالقيما آديمي ياددان چيخارتديراجاقلار، نجه کي، آتالاري بَعَل بوتونه گؤره آديمي ياددان چيخارتديلار.
يوخو گؤرَن پيغمبر، يوخوسونو دانيشسين. آمّا سؤزوم اونا نازئل اولان آدام قوي اونو صداقتله دسئن. داها بوغدانين يانيندا سامان نه‌دئر؟" رب بويورور.
"منئم سؤزوم مگر بئر اود کئمي ديئل؟ مگر قايالاري پارچالايان گورز کئمي ديئل؟" رب بويورور.
"بونا گؤره ده من بو پيغمبرلره کي، سؤزلرئمي بئربئرلرئندن اوغورلايير، ضئدّم." رب بويورور.
"بلی، من بو پيغمبرلره ضئدّم. اونلار اؤز دئللرئني تَرپه‌دئب لاکئن ديئرلر: «رب بله ديئر.»" رب بويورور.
"دوغرودان دا من يالانچي يوخولار گؤروب نبئلئک ادنلره ضئدّم." رب بويورور. "اونلار بو يوخولاري دانيشيب يالانلاري و بوش لووغاليقلاري ائله خالقيمي يولدان آزديريرلار. اونلاري من گؤندرمه‌دئم، اونلاري من تعيئن اتمه‌دئم. بو خالقا هچ بئر فايدالاري يوخدور." رب بويورور.
"اگر بو خالقدان بئري و يا بئر پيغمبر يا دا بئر کاهئن سندن سوروشسا: «ربّئن کلامي نه‌دئر؟» اونلارا دِه: «نه کلام؟ من سئزي آتاجاغام.» رب بويورور.
اگر بئر پيغمبر يا کاهئن و يا هر هانسي بئر شخص ائدّئعا اتسه: «ربّئن کلامي بودور.» من او آدامي اونون عايئله‌سي ائله برابر جزالانديرجاغام.
هر بئرئنئز اؤز يولداشينيزا، اؤز قوحوملارينيزا گرک بله دئيه‌سئز: «رب نه جاواب ورئر؟ و يا رب نه ديئر؟»
بئر داها ربّئن کلاميني آغيزا گتئرميه‌جکسئنئز، چونکي هر کسئن سؤزو اؤزونه کلام اولاجاق. بونونلا سئز وار اولان تارينين، قوشونلار ربّئنئن، تاريميزين سؤزلرئني تحرئف ادئرسئنئز.
پيغمبره بله دِه: «رب سنه نه جاواب ورئر؟ و يا رب سنه نه ديئر؟»
گرچی ديئرسئنئز: «ربّئن کلامي‌دير»، رب بله بويورور: «ربّئن کلامي‌دير» ديئب بو سؤزدن ائستئفاده اتدئنئز، حال بو کي من سئزه دِمئشدئم «ربّئن کلامي‌دير» دِمهيئن.
بونا گؤره ده سئزي کامئل ياددان چيخارداجاغام، هم سئزي حوضورومدان ردّ ادهجيم، هم ده سئزه و آتالارينيزا وردئيئم شهري.
اوستونوزه ياددان چيخارديلمايان بيآبيرچيليق، ابدی روسوايچيليق گتئره‌جيم."
بابئل پادشاهي نِبوکَدنِصّر يهودا پادشاهي يِهوياقئم اوغلو يِهوياکئني، يهودا باشچيلاريني، اوستالاري و صَنَتکارلاري اورشلئمدن اسئر ادئب بابئله آپاراندان سونرا، رب منه ائکي سبد انجئر گؤرستدي کي، اؤز معبدي قاباغيندا قويولموشدو.
بئر سبدده ائلک محصولا اوخشايان چوخ ياخشي انجئرلر، او بئري سبدده ده ياوا انجئرلر وار ائدي، او قدر ياوا کي، اونلاري يمک اولمازدي.
او واخت رب مندن سوروشدو: "نه گؤرورسن، اِرِميا؟" جاواب وردئم: "انجئر. ياخشي انجئرلر چوخ ياخشي‌ديرلار، آمّا پئس انجئرلر او قدر پئسدئرلر کي، اونلاري يمک اولماز."
او واخت ربّئن بو سؤزو منه نازئل اولدو:
"ائسرايئلئن تاريسي رب بله ديئر: «بورادان کَلداني اؤلکهسئنه اسئرلئيه گؤنده‌ردئيئم يهودا اسئرلرئني بو ياخشي انجئرلر کئمي ياخشي حساب ادئرم.
گؤزلرئم اونلارين اوستونده اولاجاق کي، ياخشي ياشاسينلار. و اونلاري گئنه بو اؤلکهيه قايتاراجاغام. اونلاري دئرچَلده‌جيم، ييخماياجاغام؛ اونلاري اَکه‌جيم، چيخارتماياجاغام.
اونلارا اِله اورَک ورهجيم کي، منی تاني‌ييب منئم رب اولدوغومو بئلسئنلر. اونلار منئم خالقيم، من ده اونلارين تاريسي اولاجاغام، چونکي اونلار بوتون قلبلري ائله منه اوز توتاجاقلار.»
رب بله ديئر: «آمّا يهودا پادشاهي صئدقئياني، اونون باشچيلاريني، اورشلئمدن سالامات قالانلاري، ائستر بو اؤلکهده قالسينلار، ائستر مئصئرده ياشاسينلار، ياوا و يِمه‌يي مومکون اولمايان انجئر کئمي ادهجيم.
اونلاري يِر اوزونون بوتون اؤلکه‌لرئنئن گؤزونده پئس و دهشتلي بئر حالا سالاجاغام. اونلاري اسئر آتديغيم هر يرده، اونلار روسواي اولوب هامينين آغزيندا مَثَل اولاجاقلار، هامي اونلاري اَله ساليب اونلارا لعنت ادهجک.
اونلارين اوستونه قيلينج، آجليق و وبا گؤنده‌ره‌جيم، اِله کي، اونلاري اونلارا و آتالارينا وردئيئم تورپاقدان بوسبوتون سئلئب محو اتسئن.»"
يهودا پادشاهي يوشئيا اوغلو يِهوياقئمئن پادشاهليغينين دؤردونجو ائلئنده، بوتون يهودا خالقي بارهده اِرِميايا سؤز نازئل اولدو. بو، بابئل پادشاهي نِبوکَدنِصّرئن پادشاهليغينين بئرئنجي ائلئنده اولدو.
اِرِميا پيغمبر بوتون يهودا خالقينا و اورشلئمده ياشايانلارين هاميسينا بو سؤزو بئلدئرئب ددي:
"ائيئرمي اوچ ائل عرضئنده-يهودا پادشاهي آمون اوغلو يوشئيانين پادشاهليغينين اون اوچونجو ائلئندن بو گونه قدر ربّئن سؤزو منه نازئل اولوب. من ده دفهلرله بو سؤزلري سئزه بئلدئرمئشم، آمّا سئز قولاق آسماييبسينيز.
گرچی رب پيغمبر قوللاريني دفهلرله يانينيزا گؤنده‌ردي، آمّا سئز اشئتمه‌دئنئز، قولاق آسمادينيز دا.
اونلار سئزه ددئلر: «ائندي هر بئرئنئز اؤز پئس يولونوزدان، عمل‌لرئنئزئن پئسلئيئندن دؤنون کي، ربّئن ابدی اولاراق سئزه و آتالارينيزا وردئيي تورپاقدا قالا بئلهسئنئز.
آيري آللاهلارا قوللوق و پرستئش اده‌رَک اونلارين پِيرَوي اولمايين؛ اَل ائشئنئز اولان بوتلرله منی قضبلَندئرمه‌يئن کي، من ده سئزه زئيان يتئرمه‌يئم.»
رب بويورور: «لاکئن سئز منه قولاق آسمادينيز، اَل ائشئنئز اولان بوتلرله منی قضبلَندئرئب اؤزونوزه زئيان ووردونوز.»
بونا گؤره ده قوشونلار ربّی بونو ديئر: «ائندي کي سؤزلرئمه قولاق آسمادينيز،
من ده بوتون شئمال طايفالاريني و قولوم بابئل پادشاهي نِبوکَدنِصّري چاغيراجاغام.» رب بويورور، «اونلاري بو اؤلکهنئن، بورادا ياشايانلارين و بوتون اطراف مئلّتلرئن اوستونه گتئره‌جيم. بونلاري کامئل محو ادهجيم، اؤلکهني حيرت و رئشخند هدفئنه چِوئره‌جيم، ابدی بئر خاراباليغا دؤنده‌ره‌جيم.
سِوئنج و شادليق سَسئني، بَي-گلئن سَسئني، دَيئرمان داشلارينين تاقّيلتيسيني، چيراق ائشيغيني اونلارين ائچئندن يوخ ادهجيم.
بوتون بو اؤلکه خارابايا، وئرانه بئر يِره چِورئله‌جک. بو مئلّتلر بابئل پادشاهينا يتمئش ائل قوللوق ادهجکلر.»
رب بويورور: «آمّا يتمئش ائل باشا گلندن سونرا بابئل پادشاهيني، اونون مئلّتئني و کَلده اؤلکهسئني تقصئرلرئنه گؤره جزالانديرجاغام. اوراني ابدی اولاراق وئرانه‌لئيه چِوئره‌جيم.
او اؤلکه اوچون ددئکلرئمئن هاميسيني، اِرِميانين بوتون مئلّتلر بارهسئنده بو کئتابدا يازيلميش نبئلئک سؤزلرئنئن هاميسيني اورانين باشينا گتئره‌جيم.
اونلار اؤزلري ده بئر چوخ مئلّتلرئن، بؤيوک پادشاهلارين قولو اولاجاقلار. عمللرئنه و اَللرئنئن ائشئنه گؤره اونلارا عوض ورهجيم.»"
بلی، ائسرايئلئن تاريسي رب منه بله ددي: "منئم اَلئمدن قضبئمئن شرابي ائله دولو بو پئيالهني آل و بوتون او مئلّتلره ائچئرت کي، سني اونلارين يانينا گؤنده‌رئرم.
اونلار اوندان ائچن واخت سندَليه‌جکلر، اوستلرئنه گؤنده‌ره‌جيئم قيلينجين قورخوسوندان عاغيللاري چاشاجاق."
او واخت من پئيالهني ربّئن اَلئندن آلديم و اونون منی يانلارينا گؤنده‌ردئيي بوتون مئلّتلره ائچئرتدئم.
اورشلئمه و يهودا شهرلرئنه، پادشاهلاري و اعيانلارينا، اله کي، اونلاري، ائندئکي اولدوغو کئمي، وئرانه‌لئيه، حيرته، رئشخند و لعنت هدفئنه چِورئلسئنلر،
مئصئر پادشاهي فئرعونا، اعيانلاري، باشچيلاري و بوتون خالقينا،
مئصئرده ياشايان بوتون ياد اِللی‌لره؛ عوص اؤلکه‌سئنئن بوتون پادشاهلارينا، فئلئسط اؤلکه‌سئنئن بوتون پادشاهلارينا (عَشقِلون، غَزّه، عِقرون پادشاهلاري و اَشدوددا صاغ قالانلار)؛
اِدوما، موآبا، عَمّونا؛
بوتون صور و صئدون پادشاهلارينا؛ ساحئلنشئن خالقلارين پادشاهلارينا؛
دِدان، تِيما، بوز و کَکئل‌لرئني قيرخانلارين هاميسينا؛
بوتون عرب پادشاهلارينا، صحرادا ياشايان قاتيشيق خالقين پادشاهلارينا؛
بوتون زئمري، عِيلام و ماد پادشاهلارينا،
سيرا ائله شئمالين بوتون ياخين و اوزاق پادشاهلارينا، يِر اوزونون بوتون پادشاهليقلارينا. هاميدان سونرا بو کاساني شِشَک پادشاهي دا ائچهجک.
"سونرا اونلارا دِه: ائسرايئلئن تاريسي اولان قوشونلار ربّی بله ديئر: «ائچئن، مست اولون، قوسون، اوستونوزه گؤنده‌ره‌جيئم قيلينجلا وورولوب-ييخيلين و بئر داها آياغا قالخمايين.»
آمّا اگر اونلار پئيالهني اَلئندن آليب ائچمک ائستمه‌سه‌لر، اونلارا دِه: قوشونلار ربّی بله ديئر: «اوندان گرک ائچهسئنئز!
باخ، منئم آديملا چاغيريلان شهرئن اوستونه فلاکت گتئرميه باشلاييرام. دوغرودان دا، جزاسيز قالاجاغينيزي گومان ادئرسئنئز؟ سئزي جزاسيز قويماياجاغام. من يِر اوزونده ياشايان هر کسئن اوستونه قيلينج گتئره‌جيم.» قوشونلار ربّی بويورور.
ائندي بوتون بو سؤزلري اونلارين ضئدّئنه نبئلئک ات و اونلار دِه: «رب اوجا يردن نعره چکهجک، موقدّس مسکنئندن گورلاياجاق. بو اؤلکهنئن ضئدّئنه شئدّتله نعره چکهجک، اوزوم اَزَنلر کئمي باغيراجاق، دونيادا ياشايانلارين هاميسينين ضئدّئنه هايقيراجاق.
هاي-کوي دونيانين او بئري باشلارينا قدر ياييلاجاق، چونکي ربّئن مئلّتلره داعواسي وار؛ بوتون بشري موحاکئمه ادهجک، پئسلري قيلينجا تسلئم ادهجک.» رب بويورور.
قوشونلار ربّئنئن ددئيي بودور: «باخ، بلا مئلّتدن مئلّته ياييلير، دونيانين اوزاق يِرلرئندن بؤيوک بئر طوفان قالخير.»
او گون ربّئن اَلي ائله اؤلدورولَنلر هر يري دولدوراجاقلار- دونيانين بئر اوجوندان او بئري اوجونا قدر. اونلار اوچون ياس توتولماياجاق، بئر يِره ييغيليب باسديريلماياجاقلار، تورپاغين اوستونده پِيئن کئمي اولاجاقلار.
ای چوبانلار، آغلايين، شئون ادئن، ای سورو باشچيلاري، تورپاقدا اِشه‌له‌نئن. چونکي سئزئن اؤلومه ورئلمه واختينيز چاتيب؛ ييخيلاجاقسينيز و قئيمتلي بئر قاب کئمي تئکه-تئکه اولاجاقسينيز.
چوبانلارين قاچماغا بئر يري اولماياجاق، سورو باشچيلاري هچ بئر يِره قاچا بئلميه‌جکلر.
چوبانلارين فرياديني، سورو باشچيلارينين باغيرتيسيني اشئت، چونکي رب اونلارين اوتلاقلاريني وئران ادئر.
ربّئن آلوولانان قضبئندن، اَمئن-آمانليقدا اولان اوتلاقلار محو اولاجاق.
رب بئر آصلان کئمي يوواسيني ترک ادهجک. ربّئن شئدّتلي قضبي اوزوندن، ظالئمئن قضبي اوزوندن اؤلکهلري وئران قالاجاق."
يهودا پادشاهي يوشئيا اوغلو يِهوياقئمئن پادشاهليغينين اوّلئنده ربدن بو سؤز نازئل اولدو:
"رب بله ديئر: «ربّئن معبدئنئن صحنئنده دور، عئبادت اتمک اوچون يهودا شهرلرئندن گلن بوتون آداملارلا دانيش. سنه امر اتدئيئم هر شيي اونلارا بئلدئر؛ اوندان بئر سؤز بله اَسکئلتمه.
بلکه قولاق آسارلار و هر کس اؤز پئس يولوندان دؤنَر. من ده عمللرئنئن پئسلئيئنه گؤره باشلارينا گتئره‌جيئم فلاکتدن اَل ساخلارام.»
اونلارا دِه: رب بله ديئر: «اگر سئزه وردئيئم قانونا گؤره رفتار اتميهسئنئز، منه قولاق آسماياسينيز،
دفهلرله سئزئن يانينيزا گؤنده‌ردئيئم قوللاريم پيغمبرلرئن سؤزلرئنه قولاق آسماياسينيز-نجه کي قولاق آسماييبسينيز دا
او زامان بو معبدي ده شئلو کئمي ادهجيم، بو شهري يِر اوزونون بوتون مئلّتلري آراسيندا لعنته دوچار ادهجيم.»"
کاهئنلر، پيغمبرلر و بوتون خالق اِرِميانين ربّئن معبدئنده ددئيي بو سؤزلري اشئتدي.
اِرِميا ربّئن خالقا چاتديرماسيني امر اتدئيي سؤزلري ديئب قورتارديقدا، کاهئنلر، پيغمبرلر و اوراداکي بوتون خالق اونو توتوب ددئلر: "سن اؤلمه‌لي‌سن!
نه اوچون ربّئن آدي ائله نبئلئک ادئب ديئرسن: «بو معبد شئلو کئمي اولاجاق، بو شهر خارابا قالاجاق، اورادا ياشايان اولماياجاق»؟" ربّئن معبدئنده اولان بوتون خالق اِرِميانين اطرافينا ييغيلدي.
يهودا باشچيلاري بونلاري اشئدن واخت، پادشاه ساراييندان چيخيب ربّئن معبدئنه گتدئلر و معبدئن تزه دروازاسينين گئره‌جيئنده اوتوردولار.
او زامان کاهئنلر و پيغمبرلر باشچيلارا و بوتون خالقا ددئلر: "بو آدام اؤلومه لايئقدئر، چونکي بو شهرئن ضئدّئنه نبئلئک ادئب. نجه کي، سئز اؤزونوز ده اؤز قولاغينيزلا اشئدئبسئنئز."
او واخت اِرِميا بوتون باشچيلارا و خالقا ددي: "رب منی گؤنده‌ردي کي، بو معبدئن و بو شهرئن ضئدّئنه اشئتدئيئنئز بوتون نبئلئک سؤزلرئني بئلدئرئم.
ائندي يوللارينيزي و عمللرئنئزي ائصلاح ادئن. تارينيز ربدن ائطاعت ادئن. او زامان رب سئزئن ضئدّئنئزه اعلان اتدئيي بلادان اول ساخلار.
لاکئن منه گلئنجه؛ من سئزئن ائختئيارينيزدايام. گؤزونوزده نه ياخشي و دوزدور، منئمله اِله ادئن.
آنجاق ياخشي بئلئن کي، اگر منی اؤلدورهسئنئز، گوناهسيز قانين مسعولئيّتئني اؤزونوزون، بو شهرئن و اورادا ياشايانلارين اوستونه گؤتورموش اولورسونوز. چونکي رب، حقئقتن، منی يانينيزا گؤنده‌ردي کي، بوتون بو سؤزلري سئزه چاتديريم."
باشچيلار و بوتون خالق کاهئنلره و پيغمبرلره ددئلر: "بو آداما اؤلوم حؤکمو چيخارتماق اولماز! او بئزئمله تاريميز ربّئن آديندا دانيشيب."
اؤلکه آغساقّاللاريندان بئر نچهسي قالخيب ييغيلميش بوتون خالقا ددئلر:
"يهودا پادشاهي خئزقئيانين دؤورونده مورِشِتلي مئکا نبئلئک ادئب بوتون يهودا خالقينا ددي: «قوشونلار ربّی بله ديئر: صحيون زمي کئمي شوخوملاناجاق، اورشلئم داش قالاغينا، معبدئن تئکئلدئيي داغ دا مِشه‌لي تپهلره چِورئله‌جک.»
مگر يهودا پادشاهي خئزقئيا و يا يهودا خالقيندان بئري اونو اؤلومه تسلئم اتدي؟ مگر خئزقئيا ربدن قورخمادي و اونون لوطفونو قازانماق ائستمه‌دي؟ مگر رب ده اونلارا گؤنده‌ره‌جيئني ددئيي بلادان اَل ساخلامادي؟ بئز ائندي اؤزوموزون ضئدّئنه بؤيوک بئر پئسلئک ادئرئک!"
شِمَعيا اوغلو قئريَت‌يِعه‌رئملي اورئيا آدلي بئر آدام دا ربّئن آدي ائله نبئلئک ادئردي؛ او دا اِرِميا کئمي دانيشاراق بو شهرئن و اؤلکهنئن ضئدّئنه نبئلئک اتدي.
پادشاه يِهوياقئم، بوتون جنگاورلري و باشچيلاري اونون سؤزلرئني اشئدنده، پادشاه ائسته‌دي کي، اونو اؤلومه ورسئن. آمّا اورئيا بوندان خبردار اولوب قورخدو و مئصئره قاچدي.
پادشاه يِهوياقئم عَکبور اوغلو اِلناتاني بئر نچه نفرله مئصئره گؤنده‌ردي.
اونلار اورئياني مئصئردن چيخارديب پادشاه يِهوياقئمئن يانينا گتئردئلر. پادشاه اونو قيلينجلا اؤلدوروب جسدئني عومومو قبئرئستانليغا آتديردي.
لاکئن شافان اوغلو اَخئقام اِرِمياني قورويوردو، بونا گؤره ده اؤلدورولمَک اوچون خالقين اَلئنه ورئلمه‌دي.
يهودا پادشاهي يوشئيا اوغلو صئدقئيانين پادشاهليغينين اوّلئنده ربدن اِرِميايا بو سؤز نازئل اولدو:
"رب منه بله ددي: «اؤزونه قاييشلارلا باغلانان بئر تخته، بئر يوغ دوزلت و بوينونا تاخ.
سونرا اورشلئمه، يهودا پادشاهي صئدقئيانين يانينا گلن قاصئدلر واسئطهسئله اِدومون، موآبين، عَمّون اؤولادلارينين، صورون و صئدونون پادشاهلارينا خبر گؤنده‌ر.»
آغالارينا دمک اوچون اونلارا بئلدئر: ائسرايئلئن تاريسي اولان قوشونلار ربّی بله ديئر: «آغالارينيزا بونو ديئن:
دونياني دا، يِر اوزونده اولان ائنساني دا، حيواني دا بؤيوک گوجومله و اوزانان قولوملا من ياراتديم و کئمه ائستهسم، اونا دا ورهرم.
ائندي بوتون بو اؤلکهلري بابئل پادشاهي قولوم نِبوکَدنِصّرئن ائختئيارينا ورئرم. حتّا چؤلون وحشي حيوانلاريني دا اونا تابع اتدئره‌جيم.
اؤلکه‌سئنئن آخيري چاتانا قدر بوتون مئلّتلر اونا، اوغلونا و نوه‌سئنه قوللوق ادهجکلر. سونرا بئر چوخ مئلّتلر و بؤيوک پادشاهلار اونو اؤزلرئنه قول ادهجک.
هانسي مئلّت و اؤلکه بابئل پادشاهي نِبوکَدنِصّره قوللوق اتمه‌سه، اونون يوغونا گئرمه‌سه، همئن مئلّتي قيلينج، آجليق و وبا ائله جزالانديرجاغام، اله کي، اونون اَلي ائله اونو کامئل محو اِدئم.» رب بويورور.
«بلجه اؤز پيغمبرلرئنئزه، فالچيلارينيزا، يوخو گؤرنلرئنئزه، گله‌جيي دئيَنلرئنئزه و جادوگرلرئنئزه قولاق آسمايين کي، سئزه ديئرلر: ‹بابئل پادشاهينا قوللوق اتميهجکسئنئز.›
اونلار سئزه يالاندان نبئلئک ادئرلر. بونون نتئجهسئنده اؤز اؤلکه‌نئزدن قووولاجاقسينيز. سئزي آتاجاغام و سئز محو اولاجاقسينيز.
آمّا بابئل پادشاهينين يوغونا گئرن و اونا قوللوق ادن مئلّتي اؤز تورپاغيندا ساخلاياجاغام. تورپاغي اَکئب اورادا ياشاياجاقلار.» رب بويورور."
من همئن سؤزلري يهودا پادشاهي صئدقئيايا بئلدئرئب ددئم: "بوينونو بابئل پادشاهينين يوغونا اَي؛ اونا و اونون خالقينا قوللوق ات کي، دئري قالاسان.
بابئل پادشاهينا قوللوق اتمک ائستمه‌ين هر مئلّت ربّئن ددئيي کئمي محو اولاجاق. نه اوچون سن و خالقين قيلينج، آجليق و وبادان اؤله‌سئنئز؟
پيغمبرلرئن سؤزلرئنه قولاق آسمايين کي، ديئرلر: «بابئل پادشاهينا قوللوق اتميهجکسئنئز.» چونکي اونلار سئزه يالاندان نبئلئک ادئرلر.
رب بويورور: .اونلاري من گؤنده‌رمه‌مئشم، اونلار منئم آديملا يالاندان نبئلئک ادئرلر. بونون نتئجهسئنده من سئزي آتاجاغام و سئز هلاک اولاجاقسينيز؛ هم سئز، هم ده سئزه نبئلئک ادن پيغمبرلر.»"
او واخت من کاهئنلره و بوتون بو خالقا ددئم: "رب بله ديئر: سئزه نبئلئک ادن پيغمبرلره قولاق آسمايين کي، ديئرلر: ‹ربّئن معبدئندن گؤتورولَن اشيالار تزلئکله بابئلدن گری قايتاريلاجاق.› اونلار سئزه يالاندان نبئلئک ادئرلر.
اونلارا قولاق آسمايين. بابئل پادشاهينا قوللوق ادئن و دئري قالارسينيز. بو شهر نئيه وئران اولسون؟
اگر اونلار پيغمبردئرلر و ربّئن سؤزونو ديئرلر، قوي ائندي قوشونلار ربّئنه يالوارسينلار کي، ربّئن معبدئنده، يهودا پادشاهينين ساراييندا و اورشلئمده قالان اشيالار بابئله آپاريلماسين."
سوتونلار، حوووض، پايالار و بو شهرده قالان باشقا اشيالار بارهده کي،
بابئل پادشاهي نِبوکَدنِصّر، يهودا پادشاهي يِهوياقئم اوغلو يهوياکئني و يهودا ائله اورشلئمئن بوتون اعيانلاريني اورشلئمدن بابئله اسئر اتدئيي زامان آپارمادي، قوشونلار ربّی بله ديئر.
بلی، ربّئن معبدئنده، يهودا پادشاهينين ساراييندا و اورشلئمده قالان اشيالار بارهده ائسرايئلئن تاريسي قوشونلار ربّی بله ديئر:
"اونلار بابئله آپاريلاجاقلار و بابئللی‌لرئن ائشئنه باخاجاغيم گونه قدر اورادا قالاجاقلار. او زامان اونلاري اورادان چيخارداجاغام و بو يِره قايتاراجاغام." رب بويورور.
همئن ائل يهودا پادشاهي صئدقئيانين پادشاهليغينين اوّلئنده دؤردونجو ائلئن بِشئنجي آييندا عَزّور اوغلو گئبعونلو خَنَنيا پيغمبر، ربّئن معبدئنده، کاهئنلرئن و بوتون خالقين قاباغيندا منه ددي:
"ائسرايئلئن تاريسي اولان قوشونلار ربّی بله ديئر: «بابئل پادشاهينين يوغونو قيراجاغام.
ائکي ائل عرضئنده بابئل پادشاهي نِبوکَدنِصّرئن ربّئن معبدئندن گؤتوروب بابئله آپارديغي بوتون اشيالاري بو يِره قايتاراجاغام.
يهودا پادشاهي يِهوياقئم اوغلو يهوياکئني و بابئله اسئر اولونموش باشقا يهودالي‌لاري دا بو يِره قايتاراجاغام.» رب بويورور، «چونکي بابئل پادشاهينين يوغونو قيراجاغام.»"
او زامان اِرِميا پيغمبر کاهئنلرئن و ربّئن معبدئنده دايانان بوتون خالقين قاباغيندا خَنَنيا پيغمبره جاواب ورئب
ددي: "آمئن! قوي رب بله اتسئن! قوي رب اؤز اِوئنئن اشيالاريني، اسئر اولونموش بوتون آداملاري بابئلدن بورايا قايتاراراق ددئيئن نبئلئک سؤزلرئني يرئنه يتئرسئن!
لاکئن ائندي سنئن و بوتون خالقين قولاغينا گؤر نه اشئتدئرمه‌لي‌يم:
قدئم زامانلاردان بَري مندن و سندن قاباق ياشايان پيغمبرلر بئر چوخ اؤلکه‌لرئن و بؤيوک پادشاهليقلارين ضئدّئنه موحارئبه، فلاکت و وبا اولاجاغيني نبئلئک ادئبلر.
آمّا سالاماتليق اولاجاغيني دئيَن پيغمبرئن سؤزو اگر دوغرو چيخارسا، اونون ربّئن طرفئندن گؤنده‌رئلدئيي حقئقي پيغمبر اولدوغو بئلئنَر."
او زامان خَنَنيا پيغمبر، اِرِميا پيغمبرئن بوينوندان يوغو گؤتوروب قيردي.
خَنَنيا بوتون خالقين قاباغيندا ددي: "رب بله ديئر: «ائکي ائل عرضئنده بابئل پادشاهي نِبوکَدنِصّرئن يوغونو بوتون مئلّتلرئن بوينوندان گؤتوروب بلجه قيراجاغام.»" بو واخت اِرِميا اؤز يولونا داوام وردی.
خَنَنيا پيغمبر يوغو اِرِميا پيغمبرئن بوينوندان گؤتوروب قيرديقدان بئر آز سونرا، اِرِميايا ربّئن بو سؤزو نازئل اولدو:
"گت و خَنَنيايا دِه: رب بله ديئر: «سن تخته يوغو قيردين، لاکئن اونون يرئنه دمئر يوغ دوزلتمه‌لي اولاجاقسان."
ائسرايئلئن تاريسي اولان قوشونلار ربّی بله ديئر: "بوتون بو مئلّتلرئن بوينونا دمئر يوغ تاخاجاغام کي، بابئل پادشاهي نِبوکَدنِصّره قوللوق اتسئنلر و اونلار اونا خئدمت ادهجکلر. حتّا چؤلون وحشي حيوانلاري دا اونون ائختئيارينا ورهجيم.»"
سونرا اِرِميا پيغمبر خَنَنيا پيغمبره ددي: "اشئت، ای خَنَنيا! سني رب گؤنده‌رمه‌يئب. سن بو خالقي قانديريبسان کي، يالانا بِل باغلاسينلار.
بونا گؤره ده رب بله ديئر: «باخ، من سني ير اوزوندن محو ادهجيم. بو ائل اؤله‌جکسن، چونکي خالقا ربّئن ضئدّئنه عوصيان اتمه‌يي ديئبسن.»"
خَنَنيا پيغمبر همئن ائلئن يدّئنجی آييندا اؤلدو.
اِرِميا پيغمبر اورشلئمدن اسئرلئکده صاغ قالان خالقين آغساقّاللارينا، کاهئنلره، پيغمبرلره و نِبوکَدنِصّرئن اورشلئمدن بابئله اسئر اتدئيي بوتون خالقا بئر مکتوب گؤنده‌ردي.
(بو مکتوب پادشاه يِهوياکئنئن، آنا ملکه‌نئن، ساراي اعيانلارينين، يهودا و اورشلئم باشچيلارينين، اوستالارين و صَنَتکارلارين اورشلئمدن بابئله اسئر آپاريلماسيندان سونرا گؤندرئلدي.)
اونو شافان اوغلو اِلعاسا و خئلقئيا اوغلو گِمَريايا تاپشيردي کي، يهودا پادشاهي صئدقئيا اونلاري بابئل پادشاهي نِبوکَدنِصّرئن يانينا گؤنده‌رمئشدي. مکتوب بله ديئردي:
"ائسرايئلئن تاريسي اولان قوشونلار ربّی اورشلئمدن بابئله اسئرلئيه وردئيئم بوتون آداملارا بله ديئر:
«اِولر تئکئب ائچئنده ياشايين، باغچالار ساليب ميوهلرئني ييئن.
آرواد آليب اوغول-قيز آتاسي اولون. اوغوللارينيزا آرواد آلين، قيزلارينيزي اَره ورئن کي، اوغول-قيزلاري اولسون. ساييدا اورادا چوخالين، آزالمايين.
سئزي اسئر وردئيئم شهرئن رئفاهي اوچون چاليشين و او شهر اوچون ربّه دوعا ادئن. چونکي اورا رئفاه ائچئنده اولسا، سئز ده رئفاهدا ياشايارسينيز.»
بلی، ائسرايئلئن تاريسي اولان قوشونلار ربّی بله ديئر: «قويمايين آرانيزداکي پيغمبرلر و فالچيلار سئزي آلداتسينلار. ائسته‌دئيئنئز يوخولاري گؤرميه تشوئق اتدئيئنئز يوخولارا قولاق آسمايين.
اونلار منئم آديملا سئزه يالاندان نبئلئک ادئرلر. اونلاري من گؤنده‌رمه‌مئشم.» رب بويورور.
رب بله ديئر: «بابئلده يتمئش ائلئنئز باشا گلنده، من سئزه باش چکه‌جيم و سئزه وردئيئم ياخشي وعدهني يرئنه يتئرئب سئزي بو يِره قايتاراجاغام.
چونکي سئزئن باره‌نئزده اولان فئکئرلرئمي اؤزوم بئلئرم.» رب بويورور. «من سئزئن پئسلئيئنئز يوخ، سالاماتليغينيز بارهده دوشونورم، نئيّتئم بودور کي، سئزه بئر اومئد و بئر گلهجک ورئم.
او واخت سئز منی چاغيراجاقسينيز، گلئب منه دوعا ادهجکسئنئز، من ده سئزي اِشئده‌جيم.
منی آختاراجاقسينيز، و بوتون قلبئنئزله منی آختارديقدا، منی تاپاجاقسينيز.
منی تاپماغينيزا ائجازه ورهجيم.» رب بويورور. «سئزي اسئرلئکدن گری قايتاراجاغام. سئزي اسئر اتدئيئم بوتون يِرلردن و مئلّتلرئن آراسيندان بئر يِره ييغاجاغام. سئزي اورادان اسئر آپارديقلاري يِره قايتاراجاغام.» رب بويورور.
مادام کي، ديئرسئنئز: «رب بئزه بابئلده پيغمبرلر ورئب.»
داوودون تختئنده اوتوران پادشاه بارهده، بو شهرده ياشايان بوتون خالق بارهده، سئزئنله بئرلئکده اسئرلئيه آپاريلماميش هموطنلرئنئز بارهده رب بله ديئر.
بلی، قوشونلار ربّی بله ديئر: «من اونلارين اوستونه قيلينج، آجليق و وبا گؤنده‌ره‌جيم. اونلاري يِمه‌يي مومکون اولمايان چوخ ياوا انجئره دؤنده‌ره‌جيم.
اونلاري قيلينج، آجليق و وبا ائله تعقئب ادهجيم، يِر اوزونون بوتون اؤلکه‌لرئنئن قاباغيندا دهشتلي حالا سالاجاغام. اونلاري آتديغيم بوتون مئلّتلرئن آراسيندا، اونلار لعنت، حيرت، رئشخند و روسوايچيليق هدفي اولاجاقلار.»
رب بويورور: «اونا گؤره کي، سؤزلرئمه قولاق آسماديلار. همئن سؤزلري قوللاريم اولان پيغمبرلر واسئطهسئله دفهلرله اونلارا چاتديرديم، لاکئن سئز، ای اسئرلئيه گِدنلر، قولاق آسمادينيز.» رب بويورور.
بونا گؤره ده، ای اورشلئمدن بابئله گؤنده‌ردئيئم بوتون اسئر اولونموش آداملار، ربّئن سؤزونو اِشئدئن.
منئم آديملا سئزه يالاندان نبئلئک ادن قولايا اوغلو اَخاب و مَعَسِيا اوغلو صئدقئيا بارهده ائسرايئلئن تاريسي اولان قوشونلار ربّی بله ديئر: «من اونلاري بابئل پادشاهي نِبوکَدنِصّره تسلئم ادهجيم و او، گؤزلرئنئزئن قاباغيندا، اونلاري اؤلدورهجک.
اونلار بارهده بابئلده‌کي بوتون اسئر اولونموش يهوداليلار بوندان سونرا بله قارغيش ادهجکلر: ‹رب سني بابئل پادشاهينين دئري-دئري يانديرديغي صئدقئيا و اَخاب کئمي اتسئن.›
چونکي اونلار ائسرايئلده آخماق ائشلر گؤروبلر، قونشولارينين آروادلاري ائله زئنا ادئبلر، اونلارا دِمه‌دئيئم حالدا، منئم آديمدان يالان سؤزلر ددئلر. من بونو بئلئرم و بونا شاهئدم.» رب بويورور."
نِخِلاملي شِمَعيايا دِه:
ائسرايئلئن تاريسي قوشونلار ربّی بله ديئر: "سن اورشلئمده اولان بوتون خالقا، مَعَسِيا اوغلو کاهئن صِفَنيايا، و بوتون باشقا کاهئنلره اؤز آديندان مکتوبلار گؤنده‌ردئن. صِفَنيايا ددئن:
رب يِهويادانين يرئنه سني اؤز معبدي اوستونه کاهئن قويوب. اؤزونو پيغمبر اعلان ادن هر دَلئيه کونده و دمئر يوغ وورمالي‌سان.
بس نه اوچون سئزه اؤزونو پيغمبر اعلان ادن عَناتوتلو اِرِمياني مزمّت اتمئرسن؟
چونکي اِرِميا بئز بابئلده‌کئلره بو خبري گؤنده‌رئب: اسئرلئک اوزون چکهجک. بونا گؤره ده اِولر تئکئب، ائچئنده ياشايين، باغچالار ساليب، مِيوه‌لرئني ييئن."
کاهئن صِفَنيا بو مکتوبو اِرِميا پيغمبره اوخودو.
بو واخت اِرِميايا ربّئن بو سؤزو نازئل اولدو:
"بوتون اسئر اولونموشلارا خبر گؤنده‌رئب دِه: نِخِلاملي شِمَعيا بارهده رب بله ديئر: «ائندي کي، من گؤنده‌رمه‌دئيئم حالدا، شِمَعيا نبئلئک ادئب سئزي يالانا ائنانديريب.
ربّئن ددئيي بودور: نِخِلاملي شَمَعياني و اونون نسلئني جزالانديرجاغام. بو خالقين آراسيندا اونون نسلئندن اولان بئر کس صاغ قالماياجاق، خالقيما اده‌جيئم ياخشيليغي گؤرميه‌جک، چونکي او، خالقا منئم ضئدّئمه عوصيان اتمه‌يي ديئب.» رب بويورور."
اِرِميايا ربدن بو سؤز نازئل اولدو:
"ائسرايئلئن تاريسي رب بله ديئر: «سنه دِدئيئم بوتون سؤزلري بئر کئتابا ياز.
رب بويورور: «باخ، گونلر گلئر کي، خالقيم ائسرايئلي و يهوداني اسئرلئکدن قايتاراجاغام. اونلاري آتالارينا وردئيئم تورپاغا گری گتئره‌جيم و اوراني مولک ادهجکلر.» رب ديئر."
ائسرايئل و يهودا اوچون ربّئن ددئيي سؤزلر بونلاردير:
رب بله ديئر: "قورخو سَسي اِشئدئلئر، باريش يوخ، دهشت سَسي.
سوروشون، گؤرون: کئشي مگر اوشاق دوغار؟ بس نه اوچون، هر کئشئنئن اَللرئني، دوغان آرواد کئمي، قارنينين اوستونده گؤرورَم؟ نه اوچون هامينين اوزو سولوب؟
آه، بو نه دهشتلي بئر گون اولاجاق! بئر داها بله گون اولماياجاق، يعقوب نسلی اوچون سيخينتي دؤورو اولاجاق، آنجاق گئنه ده بوندان قورتولاجاق."
قوشونلار ربّی بويورور: "او گون بويونلارينداکي يوغو قيراجاغام، ائپلرئني قوپارداجاغام؛ بئر داها ياد اِللی‌لر اونلاري اؤزلرئنه قول اتميه‌جکلر.
آنجاق اؤزلرئنئن تاريسي ربّه، اونلارا قوياجاغيم پادشاهلاري داوودا قوللوق ادهجکلر."
رب بويورور: "قورخما، ای قولوم يعقوب، دهشته دوشمه، ای ائسرايئل. چونکي سني اوزاق يِرلردن، نسلئني اسئر اولوندوغو اؤلکه‌دن قورتاراجاغام. يعقوب نسلی گئنه اَمئن-آمانليقدا اولاجاق، راحاتليق تاپاجاق، کئمسه اونو قورخوتماياجاق.
من سنئنله‌يم، سني قورتاراجاغام" رب بويورور. "سني آرالارينا قوودوغوم مئلّتلرئن هاميسيني يوخ اِتسَم ده، سني کامئل محو اتميه‌جيم، سنه آنجاق عدالتله تربئيه ورهجيم، دوغرودان دا، جزاسيز قالماغينا ائجازه ورميه‌جيم."
ربّئن بويوردوغو بودور: "سنئن ياران شفا تاپماز، جراحتئن صاغالماز.
محکمه‌ده ائشئنه باخان يوخدور، ناخوشلوغونا درمان يوخدور، سنئن دردئنه علاج يوخدور.
بوتون موتّفئق‌لرئن سني ياددان چيخارديبلار، سنئن قيدئنه اصلا ديئللر. من سني، دوشمن ووران کئمي، وورموشام، رحمسئز بئر آدام کئمي جزالانديرميشام، چونکي تقصئرئن بؤيوکدور، گوناهلارين چوخدور.
نئيه ياراندان اؤتري باغيريرسان؟ دردئنئن علاجي اولماديغي اوچون؟ بو ائشلري اونا گؤره سنه اتمئشم کي، تقصئرئن بؤيوکدور، گوناهلارين چوخدور.
بونا گؤره سني يئيَنلرئن هاميسي، يِيئله‌جکلر؛ بوتون دوشمنلرئن اسئرلئيه گدهجکلر. سني سويانلار، سويولاجاقلار؛ سني قارت ادنلر، قارت اولوناجاقلار."
رب بويورور: "آمّا من سني گئنه صاغالداجاغام، يارالارينا شفا ورهجيم. چونکي سني ردّ ادئلمئش چاغيريرلار، صحيون کي، اونا اهمئيّت ورن يوخدور."
رب بله ديئر: "يعقوبون چاديرلارينين اوغورونو تزهدن قوراجاغام، ساکئن اولدوغو يِرلره شَفقَت گؤرسده‌جيم. شهر تزهدن وئرانه‌لري اوستونده تئکئله‌جک، ساراي اؤز يِرئنده برپا اولوناجاق.
اونلارين آراسيندان شوکور و شَنلئک سَسلري اِشئدئله‌جک. من اونلاري چوخالداجاغام، آزالماياجاقلار؛ من اونلارا عئزّت ورهجيم، آلچالماياجاقلار.
اؤولادلاري اوّلکي کئمي اولاجاقلار، جاماعاتي حوضورومدا مؤحکم دوراجاق؛ اونلاري سيخيشديرانلارين هاميسيني جزالانديرجاغام.
رهبري اؤزلرئندن اولاجاق؛ باشچيسي اؤز آرالاريندان چيخاجاق. اونو اؤزومه ياخينلاشديراجاغام، او دا منه ياخينلاشاجاق. آيري جور کئم جورعت اده بئلر کي، اؤزونو منه ياخينلاشديرسين؟" رب بويورور.
"بلجه سئز منئم خالقيم، من ده سئزئن تارينيز اولاجاغام."
باخ، ربّئن طوفاني قضبله قوپاجاق، شئدّتلي طوفاني پئس آداملارين باشيندا پارتلاياجاق.
ربّئن اؤز حئدّتلي قضبي، اوره‌يئنئن ائسته‌دئيئني اده‌نه قدر، اونو يرئنه يتئره‌نه قدر سؤنميه‌جک. سئز گلهجک گونلرده بونو آنلاياجاقسينيز.
رب بويورور: "او زامان من بوتون ائسرايئل قبئله‌لرئنئن تاريسي اولاجاغام، اونلار دا منئم خالقيم اولاجاقلار."
رب بله ديئر: "قيلينجدان قاچيب قورتولان خالق چؤلده لوطف تاپاجاق؛ من ائسرايئله دئنجلئک ورميه گله‌جيم."
رب کِچمئشده بئزه گؤرونوب ددي: "سني ابدی بئر محبّتله سِومئشم، سِوگي ائله سني اؤزومه طرف چکمئشم.
سني تزهدن بئنا ادهجيم، سن ده تزهدن بئنا اولوناجاقسان، ای باکئره قيز ائسرايئل! سن گئنه دفلر اَله آليب شادليق ادنلرله بئرلئکده اويناياجاقسان.
گئنه ده سامئره داغلاريندا اوزوم باغلاري سالاجاقسان، باغ سالانلار اَکه‌جکلر، اونون ميوهلرئندن يئيه‌جکلر.
بئر گون گلهجک کي، اِفرايئمئن داغليق بؤلگهسئنده کشئکچئلر قيشقيراجاق: «قالخين صحيونا، گلئن، تاريميز ربّئن يانينا چيخاق.»
بودور ربّئن ددئيي: "يعقوب اوچون شادليقلا ترنّوم ادئن، مئلّتلرئن باشچيسي اوچون سَس قالديرين! قويون حمدلرئنئز اِشئدئلسئن، ديئن: «يارب، خالقيني، ائسرايئلدن صاغ قالانلاري خئلاص ات!»
باخ، من اونلاري شئمال اؤلکهسئندن قايتاراجاغام، دونيانين اوزاق يِرلرئندن بئر يِره ييغاجاغام. آرالاريندا کور، توپال، حامئله و دوغان آرواد دا اولاجاق؛ بؤيوک بئر جاماعات بورايا قاييداجاق.
اونلار آغلايا-آغلايا گلهجکلر، اونلاري من گری گتئره‌رَک، اونلار دوعا ادهجکلر. اونلاري آخار سولار بويونجا، بودره‌ميه‌جکلري دوز يوللا آپاراجاغام. چونکي من ائسرايئلئن آتاسي‌يام، اِفرايئم دا ائلک اوغلومدور.
ای مئلّتلر، ربّئن سؤزونو اِشئدئن، اوزاقلارداکي ساحئللرده اعلان ادئب ديئن: «ائسرايئلي سَپه‌له‌ين، اونو بئر يِره ييغاجاق، سوروسونو قورويان چوبان کئمي اونو قوروياجاق.»
چونکي رب يعقوبو خئلاص ادئب! اونو، اوندان گوجلو اولانين اَلئندن قورتاراجاق.
اونلار صحيونون اوجا تپه‌سئنه گلئب شادليقدان هاراي چکهجکلر؛ ربّئن وردئيي بول نعمتلردن - تاخيلدان، تزه شرابدان، زيتون ياغيندان، قويون-کچي بالالاريندان، مال-حيوان بالالاريندان شادليق ادهجکلر. جانلاري سولانميش باغچا کئمي اولاجاق، بئر داها قوصّه‌لي اولماياجاقلار.
او زامان باکئره قيزلار، جاوان و قوجا کئشئلر بئرلئکده اويناييب سِوئنه‌جکلر، من اونلارين ياسيني شادليغا چِوئره‌جيم؛ قوصّه يرئنه اونلارا تسلّی ورئب اونلاري سِوئندئره‌جيم.
کاهئنلري بول يمکله دويدوراجاغام، خالقيم ياخشيليقلاريملا دوياجاق." رب بويورور.
رب بله ديئر: "رامادا بئر سَس، ياس و آجي آغلاشما سَسي اِشئدئلئر. راحئل اوشاقلاري اوچون آغلايير، تسلّی تاپماق دا ائسته‌مئر. چونکي اونلار داها يوخدور."
رب بله ديئر: "سَسئني آغلاماقدان، گؤزلرئني ياش تؤکمکدن قورو، چونکي چکدئيئن زحمتئن عوضي ورئلهجک، اونلار دوشمن اؤلکهسئندن قاييداجاقلار." رب بويورور.
"گله‌جيئن اوچون اومئد وار، اؤولادلارين اؤز يوردلارينا دؤنه‌جکلر." رب بويورور.
بلی، من اِفرايئمئن نالهلرئني اشئتمئشم: "سن منی اويره‌دئلمه‌مئش دانا کئمي تَنبه اتدئن، من ده تَربئيه آلديم. منی گری قايتار، من ده قاييداجاغام، چونکي تاريم رب سنسن.
من يولومدان آزاندان سونرا تؤوبه اتدئم، عاغليم باشيما گلنده سئنَمه دؤيدوم. جاوانليغيمدا اتدئيئم عاييب ائشلردن اوتانديم، روسواي اولدوم.
مگر اِفرايئم عزئز اوغلوم ديئل؟ مگر منئم راضي اولدوغوم اؤولاد ديئل؟ هر دفه ضئدّئنه دانيشاندا، گئنه اونو ياديما ساليرام. اوره‌يئم اونون اوچون سيزلايير؛ اونا حدسئز رحمئم گلئر." رب بويورور.
"يول علامتلري قوي، يول گؤرسه‌دن لؤوحه‌لر دوزلت. بؤيوک يولا، گتدئيئن يولا فئکئر ور. گری دؤن، ای باکئره قيز ائسرايئل، اؤز شهرلرئنه قاييت!
نه واختا قدر سرگردان گَزه‌جکسن، ای وفاسيز قيز؟ رب دونيادا تزه بئر شي ياراداجاق؛ آرواد کئشئني قوروياجاق."
ائسرايئلئن تاريسي اولان قوشونلار ربّی بله ديئر: "من اونلارين اسئر اولونموشلاريني گری قايتاراندا، يهودا تورپاغيندا و اونون شهرلرئنده گئنه بله دئيهجکلر: «ای عدالت يوردو، ای موقدّس داغ، رب سنه برکت ورسئن!»
خالق اَکئنچئلر، سورولري ائله گَزَن چوبانلار يهودادا و اونون بوتون شهرلرئنده بئرلئکده ياشاياجاقلار.
چونکي من يورغون آدامين جانيني تزه‌لَندئره‌جيم، طاقتسئز آدامي دويدوراجاغام."
بو زامان اويانيب باخديم، يوخوم شئرئن اولموشدو.
رب بويورور: "باخ، او گونلر گلئر کي، من ائسرايئل و يهودا تورپاقلاريندا ائنسان توخومو و حيوان توخومو اَکه‌جيم.
کؤکوندن چيخارديب يوخ ادنده، ييخيب-داغيداندا و بلا گتئرنده اونلارا نجه نظارت اتدئم، دئرچَلدئب يِرلَشدئرنده ده اِلَجه نظارت ادهجيم." رب بويورور.
"او واخت آداملار داها دميه‌جکلر: «آتالار کال اوزوم يدئلر، اوغوللارين دئشلري قاماشير.»
هر کس اؤز تقصئرئنه گؤره اؤلهجک؛ کال اوزوم يئيه‌نئن اؤز دئشلري قاماشاجاق."
رب بويورور: "باخ، او واخت گلئر کي، ائسرايئل و يهودا خالقي ائله تزه بئر عهد باغلاياجاغام.
بو عهد آتالاري ائله باغلاديغيم عهده بنزه‌ميه‌جک، او گون کي، اونلارين اَللرئندن توتوب مئصئر تورپاغيندان چيخارتديم. چونکي اونلارين اَري اولدوغوم حالدا، اونلار منئم عهدئمي پوزدولار." رب بويورور.
"او گونلردن سونرا ائسرايئل خالقي ائله باغلاياجاغيم عهد بلهدئر: قانونومو اونلارين فئکئرلرئنه قويوب اورَکلرئنه يازاجاغام. من اونلارين تاريسي، اونلار دا منئم خالقيم اولاجاقلار." رب بويورور.
"بوندان سونرا بئر کس اؤز قونشوسونو و يا قارداشيني بئر داها اؤيرَتمه‌يئب دميه‌جک: «ربّی تاني!» چونکي هامي، بؤيوکدن کئچئيه قدر، منی تانيياجاق. چونکي من اونلارين تقصئرلرئني باغيشلاياجاغام، گوناهلاريني بئر داها يادا سالماياجاغام." رب بويورور.
"گوندوز ائشيق اولسون" ديئب گونشي چيخاردان، "گجه ائشيق اولسون" ديئب آيا و اولدوزلارا قايدالار قويان، شپهلر کوکره‌سئن ديئب دهنزي قاباردان رب- آدي قوشونلار ربّی اولان بله ديئر:
"اگر قويولان بو قايدا-قانونلار قاباغيمدان گؤتورولر، اوندا ائسرايئل نسلی ده ابدئلئک بئر مئلّت اولماقدان چيخار." رب بويورور.
رب بله ديئر: "اگر يوخاريدا گؤيلر اؤلچوله بئلسه، آشاغيدا يِرئن بونؤورهلري اوزه چيخارديلا بئلسه، من ده اوندا بوتون ائسرايئل نسلئني، بوتون اتدئکلري ائشلردن اؤتري ردّ اده‌رم." رب بويورور.
رب بويورور: "باخ، او گونلر گلئر کي، خَنه‌نِل بورجوندن کونج دروازاسينا قدر، شهر منئم اوچون تزهدن تئکئله‌جک.
اورادان دا اؤلچو ائپي گارِب تپه‌سئنه طرف موستقئم اوزانيب گوعاتا دؤنهجک.
اؤلولرئن و کول‌لرئن آتيلديغي بوتون دره، قئدرون دره‌سئنه قدر اوزانان زَمئلر، شرقده آت دروازاسينين کونجونه‌جک رب اوچون موقدّس اولاجاق. شهر بئر داها کؤکوندن چيخارديلماياجاق، هچ واخت داغيديلماياجاق.»
يهودا پادشاهي صئدقئيانين پادشاهليغينين اونونجو ائلئنده کي، نِبوکَدنِصّرئن پادشاهليغينين اون سکّئزئنجي ائلي ائدي، ربدن اِرِميايا بو سؤز نازئل اولدو.
بو زامان بابئل پادشاهينين قوشونو اورشلئمي موحاصئرهيه آلميشدي. اِرِميا پيغمبر يهودا پادشاهينين سارايينداکي کشئکچئلر حيطئنده محبوس ائدي.
يهودا پادشاهي صئدقئيا اونو بورادا حبس اده‌رَک دمئشدي: "سن نه اوچون بو جور نبئلئک ادئب ديئرسن: رب بله ديئر: «باخ، بو شهري بابئل پادشاهينا تسلئم ادهجيم، او بوراني اَله کچئرده‌جک.
يهودا پادشاهي صئدقئيا کَلدانئلرئن اَلئندن قاچيب قورتارماياجاق، قطعن بابئل پادشاهينا تسلئم ادئلهجک. اونونلا اوز-اوزه صؤحبت ادهجک، گؤز-گؤزه داياناجاق.
صئدقئيا بابئله آپاريلاجاق، و من اونون ائشئنه باخاناجاق اورادا قالاجاق. اگر کَلدانئلرله ووروشاسينيز، اوغور قازانماياجاقسينيز؟» رب بويورور."
اِرِميا ددي: "منه ربّئن بو سؤزو نازئل اولدو:
«باخ، سنئن عَمئن شَلّوم اوغلو خَنه‌مِل، سنئن يانينا گلئب دئيهجک: عَناتوتداکي زَمئمي ساتين آل. چونکي سن منئم لاپ ياخين قوحومومسان و زَمئمي ساتين‌آلما حاقّي سنئندئر و سنئن وَظئفَندئر.»
سونرا، ربّئن ددئيي کئمي، عَمئم اوغلو خَنه‌مِل کشئکچئلر حيطئنده يانيما گلئب ددي: «بِنيامئن بؤلگهسئنده اولان عَناتوتداکي زَمئمي ساتين آل. چونکي مئراث حاقّي دا، قَيّوملوق حاقّي دا سنه عاييددير. اونو اؤزون اوچون ساتين آل.» او زامان بئلدئم کي، بو سؤز ربّئن طرفئندن‌دئر.
بلجه عَناتوتداکي زَمئني عَمئم اوغلو خَنه‌مِلدن ساتين آلديم. زَمئنئن عوضئنده اونا اون يدّي شِکِل گوموش چکئب وردئم.
قباله‌ني چاغيرديغيم شاهئدلرئن حوضوروندا ائمضالاييب مؤهورله‌دئم، گوموشو تَره‌زئده چکدئم.
قايدا-قانونلار يازيلميش مؤهورلنمئش قباله‌ني و آچيق موقاوئله کاغيذيني گؤتوردوم.
عَمئم اوغلو خَنه‌مِلئن، قباله‌ني ائمضالايان شاهئدلرئن و کشئکچئلر حيطئنده اوتوران بوتون يهودالي‌لارين گؤزو قاباغيندا، قباله‌ني مَخسِيا اوغلو نِرئيا اوغلو باروکا وردئم.
اونلارين گؤزو قاباغيندا باروکا بله تعلئمات وردئم:
«ائسرايئلئن تاريسي اولان قوشونلار ربّی بله ديئر: ‹بو مؤهورلنمئش قباله‌ني و آچيق موقاوئله کاغيذيني گؤتور و بئر گئل قابين ائچئنه قوي، اِله کي، اوزون بئر مودّت اوچون قالسين.›»
چونکي ائسرايئلئن تاريسي اولان قوشونلار ربّی بله ديئر: «بو اؤلکهده گئنه اِولر، زَمئلر و اوزوم باغلاري ساتين آليناجاق.»
قباله‌ني نِرئيا اوغلو باروکا وردئکدن سونرا ربّه دوعا ادئب ددئم:
«آه ای پروردئگار رب، بؤيوک گوجونله و اوزانان قولونلا يِري، گؤيو ياراديبسان. اده‌بئلميه‌جَيئن هچ بئر شي يوخدور.
سن مئنلر آداما محبّت گؤرسدئرسن، آمّا آتالارين اتدئيي تقصئرلرئن عوضئني اؤولادلاريندان آليرسان. ای بؤيوک و گوجلو تاري کي، آدين قوشونلار ربّي‌دئر.
نئيّتلرئن عظمتلي، ائشلرئن بؤيوکدور! بشرئن بوتون يوللاري سنئن نظرئن آلتيندادير؛ هر کسه يوللارينا و اتدئکلرئنئن نتئجهسئنه گؤره عوض ورئرسن.
سن مئصئرده، ائسرايئلده و بوتون ائنسانلار آراسيندا بو گونه قدر علامتلر و مؤجوزهلر گؤرستدئن. بو گون اولدوغو کئمي شؤهرت قازاندين.
سن اؤز خالقين ائسرايئلي علامتلرله، مؤجوزه‌لرله، قووّتلي اَلئنله، اوزانان قولونلا بؤيوک دهشت ساچاراق مئصئر تورپاغيندان چيخارتدين.
آتالارينا وره‌جيئنه آند ائچدئيئن بو تورپاغي، سود و بال آخان تورپاغي اونلارا وردئن.
اونلار گلئب تورپاغي اؤزلرئنه مولک اتدئلر، آمّا سنئن سؤزونه قولاق آسماديلار، سنئن قانونونو دا رئعايت اتمه‌دئلر؛ امر اتدئيئن شيلرئن هچ بئرئنه عمل اتمه‌دئلر. بونا گؤره ده بوتون بو فلاکتلري باشلارينا گتئردئن.
گؤر شهر دووارلارينين يانينا نجه تورپاق قالاقلاري ييغيلير کي، شهري اَله کچئرتسئنلر. شهر قيلينج، آجليق و وبا اوزوندن اورايا هوجوم ادن کَلدانئلره تسلئم ادئلهجک. ددئکلرئن يرئنه يِتئشدي، نجه کي، ائندي گؤرورسن!
آمّا، ای پروردئگار رب، شهر کَلدانئلره تسلئم ادئله‌جيي حالدا، سن منه ديئرسن: ‹زَمئني گوموشله اؤزون اوچون ساتين آل و بونا شاهئدلر چاغير.›»"
او واخت اِرِميايا ربّئن بو سؤزو نازئل اولدو:
"بوتون بشرئن تاريسي رب منم. منئم اده‌بئلميه‌جيئم بئر شي مگر وار؟
بونا گؤره ده رب بله ديئر: «باخ، من بو شهري کَلدانئلره و بابئل پادشاهي نِبوکَدنِصّره تسلئم ادهجيم، او دا اوراني آلاجاق.
شهره هوجوم ادن کَلدانئلر گلئب اورايا اود ووراجاقلار. شهري ده، اِولري ده يانديراجاقلار. او اِولرئن داملاريندا بَعَلئن شرفئنه بوخور يانديريب باشقا آللاهلارا مايع تقدئملري گتئره‌رک منی قضبلَندئرمئشدئلر.
چونکي ائسرايئل و يهودا اؤولادلاري جاوانليقلاريندان بَري همئشه گؤزومده پئس اولان ائشلر گؤروبلر. دوغرودان دا، ائسرايئل اؤولادلاري گؤردوکلري ائشلرله منی قضبلَندئرمکدن باشقا بئر شي اتمهيئبلر.» رب بويورور.
«بو شهر تئکئلدئيي واختدان ائندئيه قدر منی او قدر قضبلَندئرئب کي، اونو حوضورومدان ردّ ادئب آتاجاغام.
چونکي ائسرايئل و يهودا اؤولادلاري-اؤزلري، پادشاهلاري، باشچيلاري، کاهئنلري، پيغمبرلري، يهودادا و اورشَلئمده ياشايانلار اتدئکلري بوتون پئسلئکلرله منی قضبلَندئرئبلر.
اونلار منه اوزلرئني يوخ، آرخالارينا چِوئردئلر؛ اونلاري دفهلرله اؤيرَتدئيئم حالدا، گئنه منه قولاق آسماديلار و درس آلماديلار.
منئم آديملا چاغيريلان معبده ائيرنج بوتلرئني قويوب اوراني نجئسله‌دئلر.
بِن‌هئنّوم دره‌سئنده بَعَل اوچون پرستئشگاهلار تئکدئلر کي، اوغوللاريني و قيزلاريني مولِک بوتونه قوربان اتسئنلر. من بله ائيرنج بئر شيي اتمه‌يي و يهوداني گوناها باتيرماغي نه اونلارا امر اتدئم، نه ده آغليما گتئردئم.
سئز بو شهر بارهده ديئرسئنئز: ‹قيلينج، آجليق و وبا ائله بابئل پادشاهينا تسلئم ادئلئر.› آمّا ائسرايئلئن تاريسي رب ديئر:
«اونلاري آلوولانان قضب و بؤيوک حئدّتله اسئر اتدئيئم بوتون اؤلکه‌لردن بئر يِره ييغاجاغام. اونلاري بورايا قايتاريب اَمئن-آمانليق ائچئنده ياشامالارينا ائجازه ورهجيم.
اونلار منئم خالقيم اولاجاقلار، من ده اونلارين تاريسي اولاجاغام.
اونلارا واحئد اورَک و واحئد حيات طرزي ورهجيم کي، اؤزلرئنئن و اؤولادلارينين ياخشيليغي اوچون منه همئشه حؤرمت اتسئنلر.
اونلارلا ابدی بئر عهد باغلاياجاغام؛ اونلارا ياخشيليق اتمکدن دؤنميه‌جيم، منه حؤرمت اتمه‌يي اونلارين اورَکلرئنه قوياجاغام، اِله کي، مندن هچ واخت آيريلماسينلار.
اونلارا ياخشيليق اتمکدن سِوئنه‌جيم. حقئقتن، بوتون اوره‌يئمله، بوتون جانيملا اونلاري بو اؤلکهده اَکه‌جيم.»
رب بله ديئر: «بو خالقين باشينا بوتون بو بؤيوک فلاکتلري نجه گتئردئم، سؤز وردئيئم بوتون ياخشيليقلاري دا اونلارا ورهجيم.
بو تورپاقدا کي، سئز اونو ‹وئران اولموش، ائنسانسيز، حيوانسيز قالميش، کَلدانئلره تسلئم اولونموش› ديئرسئنئز، گئنه زَمئلر ساتين آليناجاق.
بِنيامئن بؤلگهسئنده، اورشَلئم اطرافينداکي کَندلرده، يهودا شهرلرئنده، داغليق بؤلگه‌نئن، هامار بؤلگه‌نئن و نِگِبئن شهرلرئنده زَمئلر گوموشله ساتين آليناجاق، قباله‌لري شاهئدلرئن قاباغيندا ائمضالانيب مؤهورلَنه‌جک، چونکي اونلارين اسئر اولونموشلاريني گری قايتاراجاغام.» رب بويورور."
اِرِميا حله کشئکچئلر حيطئنده محبوس ائدي کي، ربّئن سؤزو اونا ائکئنجي دفه نازئل اولدو.
او ددي: "دونياني يارادان، اونا شکئل ورئب قوران، آدي رب اولان بله ديئر:
«منی چاغير، سنه جاواب ورهجيم، بئلمه‌دئيئن بؤيوک، درک ادئلمز شيلري سنه بئلدئره‌جيم.»
موحاصئره زاماني تورپاق قالاقلاري و قيلينج قاباغيندا سئپر اولماق اوچون بو شهرئن اوچورولموش اِولري و يهودا پادشاهلارينين اوچورولموش سارايلاري بارهده ائسرايئلئن تاريسي رب بله ديئر:
«کَلدانئلرله ووروشماقدا: اِولري قضب و حئدّتله هلاک اتدئيئم ائنسانلارين جسدلري ائله دولاجاق. بو ائنسانلارين اتدئکلري بوتون پئسلئکلره گؤره، بو شهردن اوز دؤنده‌ره‌جيم.
گئنه ده بو شهره صاغليق و شفا گتئره‌جيم؛ خالقيمي صاغالداجاغام، اونلارين تام باريش و اَمئن-آمانليق ائچئنده ياشامالاريني تأمئن ادهجيم.
يهودا و ائسرايئل اسئرلرئني گئنه گری قايتاراجاغام. اونلاري اوّلکي کئمي برپا ادهجيم.
اونلاري، منه اتدئکلري بوتون گوناهلاردان تمئزليه‌جيم. منه اتدئکلري بوتون عاصئلئک گوناهلاري دا باغيشلاياجاغام.
دونيانين بوتون مئلّتلرئنئن قاباغيندا بو شهر منه شادليق، تعرئف و شرف گتئرهجک. بو مئلّتلر اورشَلئم خالقينا اتدئيئم بوتون ياخشيليقلاري، وردئيئم اَمئن-آمانليغي اشئدنده قورخويا دوشوب تئتريه‌جکلر.»
رب بله ديئر: «بو شهر بارهده ديئرسئنئز: ‹بو شهر وئران اولموش، ائنسانسيز و حيوانسيز قاليب.› آنجاق ترک ادئلمئش، ائنسانسيز و حيوانسيز قالميش يهودا شهرلرئنده، اورشَلئم کوچه‌لرئنده
شادليق و سِوئنج سَسي، بَي-گلئن سَسي، ربّئن معبدئنه شوکور تقدئملري گتئرنلرئن سَسي گئنه اِشئدئله‌جک: قوشونلار ربّئنه شوکور ادئن، چونکي او، ياخشيدير، محبّتي ابديدئر. چونکي من اؤلکه‌دن اسئر اولونانلاري اَوّلکي کئمي گری قايتاراجاغام.» رب بويورور.
قوشونلار ربّی ديئر: «وئران اولموش، ائنسانسيز و حيوانسيز قالميش بو اؤلکهنئن بوتون شهرلرئنده گئنه چوبانلارين اؤز سورولرئني دئنجَلتدئکلري اوتلاقلار اولاجاق.
داغليق بؤلگه‌نئن، هامار بؤلگه‌نئن، نِگِب، بِنيامئن بؤلگه‌سئنئن شهرلرئنده، اورشَلئمئن اطرافينداکي کَندلرده، يهودا شهرلرئنده سورولر گئنه اونلاري سايانين اَلي آلتيندان کچه‌جکلر.» رب بله ديئر.
رب بويورور: «باخ، او گونلر گلئر کي، ائسرايئل و يهودا نسلئنه وردئيئم خوش وعدهني يرئنه يتئره‌جيم.
او زامان، او گونلر، داوود اوچون صالح بئر شاخه يِتئشدئره‌جيم. او، اؤلکهده عدالت و صالحلئکله عمل ادهجک.
او گونلر يهودا نئجات تاپاجاق، اورشَلئم اَمئن-آمانليقدا ياشاياجاق. او، بو آديلا چاغيريلاجاق: يَهوِه صئدقِينو.
چونکي رب بله ديئر: «داوود نسلئندن ائسرايئل تختئنده اوتوران بئر آدام هچ واخت اَسکئک اولماياجاق.
لاوئلي کاهئنلردن حوضوروما يانديرما قورباني گتئرن، تاخيل تقدئمي يانديران، قوربان کَسن بئر کس هچ واخت اَسکئک اولماياجاق.»"
اِرِميايا ربّئن بو سؤزو نازئل اولدو:
"رب بله ديئر: «نجه کي موعيّن واختلاردا گجه و گوندوز اولماسي اوچون گجه-گوندوزله کَسدئيئم عهدي پوزا بئلمزسئنئز،
اِلَجه ده پادشاهليق اتمه‌سي اوچون تختئنده اوتوران بئر اوغلو بارهده قولوم داوودلا و منه خئدمت ادن لاوئلي کاهئنلرله باغلاديغيم عهد پوزولا بئلمز.
قولوم داوودون نسلئني و منه خئدمت ادن لاوئلی‌لري سايسيز-حسابسيز گؤي جئسئملري و اؤلچولمز اولان دهنز قومو قدر چوخالداجاغام.»"
اِرِميايا ربّئن بو سؤزو نازئل اولدو:
"بو خالقين ددئيئني مگر گؤرمورسن کي، ديئرلر: «رب سِچدئيي ائکي عايئله‌ني ردّ ادئب؟» بونا گؤره خالقيمي آرتيق بئر مئلّت کئمي سايماييب اونا خور باخيرلار.
رب بله ديئر: «نجه کي گجه-گوندوزله عهد باغلاييب يِر و گؤيون دَيئشمَز قايدالاريني قويدوم،
اِلَجه ده يعقوب نسلی ائله قولوم داوودو دا ردّ اتميه‌جيم. داوودون اوغوللاريندان بئرئني ائبراهئم، ائسحاق و يعقوب نسلئنه پادشاهليق اتمک اوچون سِچه‌جيم. چونکي من اونلارين اسئر اولونموشلاريني گری قايتاراجاغام و اونلارا رحم ادهجيم.»"
او زامان کي، بابئل پادشاهي نِبوکَدنِصّرله اونون بوتون قوشونو، حاکئمئيّتي آلتينداکي بوتون پادشاهليقلارلا خالقلار، اورشَلئم و اونون اطرافينداکي شهرلرله دؤيوشوردولر، ربدن اِرِميايا بو سؤز نازئل اولدو:
"ائسرايئلئن تاريسي رب بله ديئر: يهودا پادشاهي صئدقئيانين يانينا گت و اونا ده: رب بله ديئر: «باخ، بو شهري بابئل پادشاهينا تسلئم ادهجيم و او، بورايا اود ووراجاق.
سن اونون اَلئندن قاچيب قورتولماياجاقسان، قطعن توتولوب اونا تسلئم ادئله‌جکسن. بابئل پادشاهيني اؤز گؤزونله گؤرهجکسن، او سنئنله اوزبه اوز دانيشاجاق. سونرا بابئله آپاريلاجاقسان.»
آنجاق، ای يهودا پادشاهي صئدقئيا، ربّئن وعدهسئنه قولاق آس. رب سنئن حاقّيندا بله ديئر: «سن قيلينجلا اؤلدورولميه‌جکسن؛
اَمئن-آمانليقدا اؤله‌جکسن. سندن قاباق پادشاه اولان آتالارينين شرفئنه عطرئيّات يانديرديقلاري کئمي، سنئن ده شرفئنه عطرئيّات يانديريب ‹آه، آغاميز› دئيه‌رَک ياس توتاجاقلار. من اؤزوم بو سؤزو ورئرم، رب بويورور.»"
اِرِميا پيغمبر بوتون بو سؤزلري اورشَلئمده يهودا پادشاهي صئدقئيايا ددی.
همئن واخت بابئل پادشاهينين قوشونو اورشَلئمه و يهودانين حله اَله کچئرئلمه‌مئش شهرلرئنه کي، لاکئش و عَزِقا اولسون، هوجوم ادئردي. يهودانين قالالي شهرلرئندن فقط بونلار قالميشدي.
او واخت کي، صئدقئيا پادشاه اورشَلئمده‌کي بوتون خالقلا عهد باغلاييب قوللارين آزادليغيني اعلان اتمئشدي، ربدن اِرِميايا سؤز نازئل اولدو.
بو عهده گؤره هر کس عئبراني خالقيندان اولان کئشي و آرواد قوللاريني آزاد اتمه‌لي ائدي؛ هچ کس يهودي هموطنئني يانيندا قول کئمي ساخلاماياجاق ائدي.
بئربئرلري ائله بله عهد باغلايان بوتون باشچيلار و خالق قبول اتدئلر کي، اؤز کئشي و آرواد قوللاريني آزاد اتسئنلر و بئر داها هچ کسي اؤزلرئنه قول اتمه‌سئنلر. اونلار بو عهدي قبول ادئب قوللاريني آزاد اتدئلر.
آمّا سونرا فئکئرلرئني ديئشئب آزاد اتدئکلري کئشي و آرواد قوللاري گئنه اؤزلرئنه قول اتدئلر.
بوندان سونرا ربدن اِرِميايا بو سؤز نازئل اولدو:
"ائسرايئل تاريسي رب بله ديئر: «من آتالارينيزي مئصئر تورپاغيندان-اسئرلئک اِوئندن چيخارتديغيم گون اونلارلا عهد باغلاييب ددئم:
‹يِدّئنئجي ائلده اؤزونو سئزه ساتان هر عئبرانئني گرک آزاد ادهسئنئز. سئزه آلتي ائل قوللوق ادندن سونرا، گرک اونو آزاد ادهسئنئز.› آنجاق آتالارينيز سؤزومه قولاق آسماييب اونا اهمئيّت ورمه‌دئلر.
ائندي آمّا سئز تؤوبه ادئب گؤزومده دوغرو اولاني اتدئنئز: هامينيز هموطنلرئنئزئن آزادليغيني اعلان اتدئنئز. منئم حوضورومدا، منئم آديملا چاغيريلان معبدده بو بارهده عهد باغلادينيز.
آمّا سونرا فئکرئنئزي ديئشئب آديما حؤرمتسئزلئک اتدئنئز: ائستَکلرئنه گؤره آزاد اتدئيئنئز کئشي و آرواد قوللارينيزي تزهدن زورلا قول ادئبسئنئز.»
بونا گؤره ده رب بله ديئر: «سئز مندن ائطاعت اتمه‌يئبسئنئز؛ اؤز هموطنلرئنئزئن آزادليغيني اعلان اتمه‌يئبسئنئز. ائندي من ده سئزه آزادليق اعلان ادئرم؛ قيلينج، وبا و آجليقدان محو اولماغينيز اوچون آزادليق اعلان ادئرم. سئزي يِر اوزونون بوتون اؤلکه‌لرئنئن قاباغيندا دهشتلي حالا سالاجاغام.
عهدئمي پوزان، حوضورومدا باغلاديقلاري عهدئن شرطلرئنه عمل اتمه‌ين بو آداملارلا او دانا کئمي رفتار ادهجيم کي، اونو ائکي شقّه ادئب، شقّه‌لرئن آراسيندان کچئرلر.
دانا شقّه‌لرئنئن آراسيندان کِچمئش يهودا و اورشَلئم باشچيلاريني، ساراي اعيانلاريني، و بوتون اؤلکه خالقيني
اؤز دوشمنلرئنه-جانلاريني آلماق ائسته‌ينلره تسلئم ادهجيم. جسدلري گؤيدهکي قوشلارا و يرده‌کي حيوانلارا يِم اولاجاق.
يهودا پادشاهي صئدقئياني و اونون باشچيلاريني جانلاريني آلماق ائسته‌ين دوشمنلرئنه-بابئل پادشاهينين اوستونوزدن چکئلَن قوشونونا تسلئم ادهجيم.»
رب بويورور: «باخ، من امر ادئب کَلدانئلري بو شهره طرف گری قايتاراجاغام. اونلار هوجوم ادئب شهري اَله کچئردئب يانديراجاقلار. يهودا شهرلرئني هچ کسئن ياشاماديغي بئر وئرانه‌لئيه چِوئره‌جيم.»"
يهودا پادشاهي يوشئيا اوغلو يِهوياقئمئن دؤورونده ربدن اِرِميايا بو سؤز نازئل اولدو:
"رِکابلي‌لارين اِوئنه گت و اونلاري ربّئن معبدئنئن اوتاقلاريندان بئرئنه دعوت ات و اونلارا ائچمک اوچون شراب ور."
بونون اوچون خَبَصّئنيا اوغلو اِرِميا اوغلو يَعه‌زَنيانين، اونون قارداشلارينين، بوتون اؤولادلارينين يعني رِکاب عايئلهسئنئن هاميسينين يانينا گتدئم کي، اونلاري دعوت اِدئم.
اونلاري ربّئن معبدئنه، تاري آدامي يئگدَليا اوغلو خانانين اوغوللارينين اوتاغينا آپارديم. بو اوتاق شَلّوم اوغلو قاپي گؤزَتچئسي مَعَسِيانين اوتاغي اوستونده، هم ده باشچيلار اوتاغينين يانيندا ائدي.
من رِکاب عايئلهسئنئن آداملاري قاباغينا شراب دولو جاملار و کاسالار قويوب "بويورون، شراب ائچئن" ددئم.
لاکئن اونلار ددئلر: "بئز شراب ائچمئرئک. چونکي آتاميز رِکاب اوغلو يوناداب بئزه بله امر اتدي: «سئز و نسلئنئز گرک هچ واخت شراب ائچميه‌‌‌سئنئز!
اؤزونوز اوچون اِو تئکميه‌‌سئنئز، توخوم اَکميه‌سئنئز، اوزوم باغي سالماياسينيز. بو شيلري گرک هچ واخت مالئک اولماياسينيز، عؤمرونوز بويو گرک چاديرلاردا ياشاياسينيز. بله ادهسئنئز، کؤچ اتدئيئنئز تورپاقلاردا اوزون مودّت ياشايارسينيز.»
آتاميز رِکاب اوغلو يونادابين بئزه امر اتدئيي هر شيه قولاق آسميشيق. بئز، آروادلاريميز، و اوغوللاريميز-قيزلاريميز هچ بئر زامان شراب ائچمه‌‌مئشئک.
ياشاماق اوچون اِولر ده تئکمه‌مئشئک، اوزوم باغلارينا، زَمئلره و اَکئنلره ده مالئک اولماميشيق.
چاديرلاردا ياشاميشيق. آتاميز يوناداب نه امر ادئب، هاميسينا قولاق آسيب عمل اتمئشئک.
آمّا بابئل پادشاهي نِبوکَدنِصّر بو اؤلکهيه هوجوم ادن زامان ددئک: «گلئن، کَلده و اَرام قوشونلاريندان قاچماق اوچون اورشَلئمه گِدَک.» بونا گؤره ده اورشَلئمده قالميشيق."
بوندان سونرا اِرِميايا ربّئن بو سؤزو نازئل اولدو:
"ائسرايئلئن تاريسي اولان قوشونلار ربّی بله ديئر: گت، يهودا آداملارينا و اورشلئمده ياشايانلارا بونلاري دِه: «سئز هچ بئر درس آلماياجاقسينيز، سؤزلرئمه قولاق آسماياجاقسينيز؟» رب بويورور.
«رِکاب اوغلو يوناداب اؤز نسلئنه شراب ائچمه‌مه‌لرئني امر اتدي، نسلی ده اونون امرئنه عمل ادئب و بو گونه قدر ده شراب ائچمه‌يئب. چونکي آتالارينين امرئنه قولاق آسيبلار. آمّا من سئزئنله دفهلرله دانيشميشام، آمّا سئز منه قولاق آسماييبسينيز.
اؤز قوللاريم اولان بوتون پيغمبرلري دفهلرله سئزئن يانينيزا گؤنده‌ردئم. اونلار سئزه ددئلر: ‹هر بئرئنئز گرک اؤز پئس يولونوزدان دؤنهسئنئز، عمللرئنئزي گرک ائصلاح ادهسئنئز؛ باشقا آللاهلارين دالينجا گدئب اونلارا قوللوق اتمهيئن. او واخت سئزه و آتالارينيزا وردئيئم بو اؤلکهده ياشايارسينيز.› آمّا سؤزومه اهمئيّت ورمه‌يئب اونا قولاق آسمادينيز.
رِکاب اوغلو يونادابين اؤولادلاري آتالارينين امر اتدئيئنه عمل ادئبلر، آمّا بو خالق منه قولاق آسماييب.»
بونا گؤره ده ائسرايئلئن تاريسي اولان قوشونلار تاريسي رب بله ديئر: «من، دِدئيئم بوتون فلاکتلري، يهودا خالقينين و اورشَلئمده ياشايان هر کسئن باشينا گتئره‌جيم. اونلارلا دانيشديم، آمّا اونلار قولاق آسماديلار؛ اونلاري چاغيرديم، آمّا اونلار جاواب ورمه‌دئلر.»"
او واخت اِرِميا رِکاب نسلئنه ددي: "ائسرايئلئن تاريسي اولان قوشونلار ربّی بله ديئر: «سئز آتانيز يونادابين امرئنه قولاق آسيبسينيز، اونون بوتون امرلرئنه عمل ادئبسئنئز، سئزه امر اتدئيي هر شيي يرئنه يتئرئبسئنئز.
بونا گؤره ده ائسرايئلئن تاريسي اولان قوشونلار ربّی بله ديئر: «رِکاب اوغلو يونادابين نسلئندن منه خئدمت ادن بئر آدام هچ واخت اَسکئک اولماياجاق.»"
يهودا پادشاهي يوشئيا اوغلو يِهوياقئمئن پادشاهليغينين دؤردونجو ائلئنده ربدن اِرِميايا بو سؤز نازئل اولدو:
"بئر طومار گؤتور، يوشئيانين دؤورونده سنئنله ائلک دفه دانيشديغيم گوندن ائندئيه قدر ائسرايئل، يهودا و باشقا بوتون مئلّتلر حاقّيندا سنه دِدئيئم بوتون سؤزلري اورايا ياز.
بلکه يهودا خالقي، باشلارينا گتئره‌جَيئم بوتون فلاکتلر بارهسئنده اشئدنده، اؤز پئس يولوندان دؤنَرلر، من ده اونلارين تقصئرلرئني و گوناهلاريني باغيشلايارام."
او زامان اِرِميا نِرئيا اوغلو باروکو چاغيردي. باروک دا ربّئن اِرِميايا ددئيي بوتون سؤزلري اونون دئلئندن اشئدئب طومارا يازدي.
سونرا اِرِميا باروکا امر ادئب ددي: "من محبوسام، ربّئن معبدئنه گده بئلمه‌رم.
سن اوروج گونو ربّئن معبدئنه گت. اوراداکي خالقا ربّئن سؤزلرئني کي، منئم دئلئمدن اشئدئب طومارا يازدين، اوخو. يهودا شهرلرئندن گلن بوتون خالقا بونو اوخو.
بلکه اوندا يالواريشلا ربّه گلئب اؤز پئس يوللاريندان دؤنَرلر. چونکي ربّئن بو خالق بارهده اعلان اتدئيي قضب و حئدّت بؤيوکدور."
نِرئيا اوغلو باروک اِرِميا پيغمبرئن امر اتدئيي هر شيه عمل اتدي؛ ربّئن معبدئنده طوماردا يازيلميش ربّئن سؤزلرئني اوخودو.
يهودا پادشاهي يوشئيا اوغلو يِهوياقئمئن پادشاهليغينين بِشئنجي ائلئنئن دوقّوزونجو آييندا، اورشَلئمده ياشايان و يهودا شهرلرئندن اورشَلئمه گلن بوتون خالقا ربّئن حوضوروندا اوروج اعلان اولوندو.
شافان اوغلو مئرزه گِمَريانين يوخاري حَيَطده، معبدئن تزه دروازاسينين گئرئشئنده‌کي اوتاغيندا، باروک طوماردان اِرِميانين سؤزلرئني ربّئن معبدئنه ييغيشميش بوتون خالقا اوخودو.
شافان اوغلو گِمَريا اوغلو مئکايا طوماردان اوخونان ربّئن سؤزلرئني اشئدن واخت،
آشاغي اِنئب سارايداکي مئرزه اوتاغينا گتدي. بوتون باشچيلار اورادا اوتورموشدولار: مئرزه اِلئشاماع، شِمَعيا اوغلو دِلايا، عَکبور اوغلو اِلناتان، شافان اوغلو گِمَريا، خَنَنيا اوغلو صئدقئيا و باشقالاري.
مئکايا باروکون خالقا اوخودوغو طوماردان هر شيي اونلارا دانيشدي.
بوندان سونرا بوتون باشچيلار کوشي اوغلو شِلِميا اوغلو نِتَنيا اوغلو يِهودئني باروکون يانينا گؤنده‌ردئلر کي، باروکا دسئن: "خالقا اوخودوغون طوماري گؤتور و گل.» نِرئيا اوغلو باروک اَلئنده طومار اونلارين يانينا گتدي.
باشچيلار اونا ددئلر: "بويور اَيلَش، بونو بئزه ده اوخو." باروک دا طوماري اونلارا اوخودو.
اونلار بوتون بو سؤزلري اشئدنده، قورخو ائچئنده بئربئرلرئنه باخيب باروکا ددئلر: "بوتون بو سؤزلري قطعن پادشاها بئلدئرمه‌لي‌يئک."
سونرا باروکدان سوروشدولار: "ائندي بئزه دِه، بوتون بو سؤزلري نجه يازدين؟ اِرِميا اونو دئکته اتدي؟"
باروک اونلارا ددي: "بوتون بو سؤزلري اِرِميا منه دئکته اتدي، من ده مورکّبله طومارا يازديم."
باشچيلار باروکا ددئلر: "هم سن، هم ده اِرِميا گدئن، گئزله‌نئن. هارادا اولدوغونوزو هچ کس بئلمه‌سئن."
سونرا اونلار طوماري مئرزه اِلئشامانين اوتاغيندا قويوب حيطده پادشاهين يانينا گتدئلر. اشئتدئکلري هر شيي اونا خبر وردئلر.
پادشاه يِهودئني گؤندردي کي، گدئب طوماري گتئرسئن. يِهودي طوماري مئرزه اِلئشامانين اوتاغيندان گؤتوروب گتئردي. اونو پادشاها و پادشاهين يانيندا دوران بوتون باشچيلارا اوخودو.
بو زامان دوقّوزونجو آي ائدي و پادشاه قيش ساراييندا ياشاييردي. اونون قاباغيندا اودلو مانقال يانيردي.
يِهودي طوماردان حله اوچ-دؤرد سوتون اوخوموشدو کي، پادشاه مئرزه بيچاغي ائله اونلاري کَسئب مانقالداکي اودا آتدي. بونو او قدر اتدي کي، بوتون طومار مانقالدا يانيب-قورتاردي.
طومارداکي بوتون سؤزلري اشئدن پادشاه و اونون اعيانلاري نه قورخويا دوشدولر، نه ده پالتارلاريني جيرديلار.
گرچي اِلناتان، دَلايا و گِمَريا پادشاها يالوارديلار کي، طوماري يانديرماسين. آمّا پادشاه اونلارا قولاق آسمادي.
عکسئنه، او، شاهزاده يِرَخمي‌اِله، عَزري‌اِل اوغلو سِرايايا و عَبدي‌اِل اوغلو شَلَميايا امر اتدي کي، مئرزه باروکو و اِرِميا پيغمبري توتسونلار. لاکئن رب اونلاري گئزلَتمئشدي.
او واخت کي، پادشاه باروکون اِرِميانين دئلئندن اشئدئب يازديغي طوماري يانديرميشدي، رَبدن اِرِميايا بو سؤز نازئل اولدو:
"آيري بئر طومار گؤتور، بوتون اوّلکي طوماردا اولان سؤزلري کي، يهودا پادشاهي يِهوياقئم اونو يانديردي، اورايا ياز.
يهودا پادشاهي يِهوياقئمه ده دِه: رب بله ديئر: «سن او طوماري يانديريب ددئن: نه اوچون بو طوماردا يازدين کي، بابئل پادشاهي قطعن گلئب بو اؤلکهني خاراباليغا چِوئره‌جک، اوراداکي ائنسانلاري و حيوانلاري محو ادهجک؟»
بونا گؤره ده يهودا پادشاهي يِهوياقئم بارهده رب بله ديئر: «اونون نسلئندن هچ کس داوودون تختئنده اوتورماياجاق؛ جسدي گوندوزون ائستئسئنه، گجهنئن آيازينا آتيلاجاق.
اؤزونو، نسلئني و اعيانلاريني تقصئرلرئندن اؤتري جزالانديرجاغام؛ اعلان اتدئيئم بوتون فلاکتلري اونلارين، اورشَلئمده ياشايانلارين و يهودا آداملارينين باشينا گتئره‌جيم، چونکي قولاق آسماييبلار.»"
اِرِميا باشقا بئر طومار گؤتوروب نِرئيا اوغلو مئرزه باروکا وردی. يهودا پادشاهي يِهوياقئمئن اودا آتيب يانديرديغي طومارداکي بوتون سؤزلري، باروک اِرِميانين دئکته‌سي ائله طومارا يازدي. او سؤزلره بَنزَر بئر چوخ سؤز ده اورايا علاوه اولوندو.
بابئل پادشاهي نِبوکَدنِصّر يوشئيا اوغلو صئدقئياني، يِهوياقئم اوغلو يِهوياکئنئن يرئنه يهودايا پادشاه تعيئن اتدي.
لاکئن نه پادشاه صئدقئيا، نه اونون اعيانلاري، نه ده اؤلکه خالقي ربّئن اِرِميا پيغمبرئن واسئطهسئله ددئيي سؤزلرئنه قولاق آسديلار.
پادشاه صئدقئيا شِلِميا اوغلو يِهوکَلي و مَعَسِيا اوغلو کاهئن صِفَنياني اِرِميا پيغمبرئن يانينا گؤنده‌ردي کي، اونا دسئنلر: "لوطفن بئزئم اوچون تاريميز ربّه دوعا ات."
او واخت اِرِميا خالقين آراسيندا آچيق گدئب-گلئردي، چونکي اونو حله زئندانا آتماميشديلار.
بو زامان فئرعونون قوشونلاري مئصئردن چيخميشدي. اورشَلئمي موحاصئرهيه آلان کَلدانئلر بو بارهده خبر اِشئدئکده اورشَلئمدن چکئلدئلر.
او واخت اِرِميا پيغمبره ربّئن بو سؤزو نازئل اولدو:
"ائسرايئلئن تاريسي رب بله ديئر: «مندن سوروشماق اوچون سئزي يانيما گؤنده‌رَن يهودا پادشاهينا ديئن: سئزه کؤمک اتمه‌يه چيخان فئرعونون قوشونو اؤز اؤلکهسئنه-مئصئره قاييداجاق.
کَلدانئلر گئنه گلئب بو شهره هوجوم ادهجکلر و اونو اَله کچئردئب يانديراجاقلار.»
رب بله ديئر: «کَلدانئلر قطعن بئزدن گری چکئله‌جکلر» ديئب اؤزونوزو آلداتمايين، چونکي اونلار گری چکئلميه‌جکلر.
اگر سئزه هوجوم ادن بوتون کَلده قوشونونو مغلوب ادهسئنئز و اونلارين آراسيندا فقط يارالي آداملار قالسا بِله، گئنه هر بئري اؤز چاديريندان قالخيب بو شهري يانديراجاق."
فئرعون قوشونونون اوزوندن کَلده قوشونو اورشَلئمدن چکئلَن زامان،
اِرِميا اورشَلئمدن يولا دوشدو کي، بِنيامئن تورپاغينا گدئب اوراداکي خالق آراسيندا ساتين آلديغي مولکه مالئک اولسون.
لاکئن بِنيامئن دروازاسينا چاتاندا، کشئکچئلرئن باشچيسي خَنَنيا اوغلو شِلِميا اوغلو يِرئيا اونو توتوب ددي: "سن کَلدانئلرئن طرفئنه کچئرسن."
اِرِميا ددي: "يالاندير، من کَلدانئلرئن طرفئنه کچمئرم." آمّا يِرئيا اِرِميايا قولاق آسمادي و اونو توتوب باشچيلارين يانينا گتئردي.
باشچيلار اِرِميايا قضبله‌نئب اونو دؤيدولر. سونرا اونو مئرزه يوناتانين اِوئنه کي، اونو حبسخانايا دؤنده‌رمئشدئلر، سالديلار.
اِرِميا طاقي اولان زئرزَمئده زئندانا ساليندي و اوزون مودّت اورادا قالدي.
سونرا صئدقئيا پادشاه آدام گؤنده‌رئب اونو سارايا گتئرتدي و اورادا گئزلئجه اوندان سوروشدو: "آيا ربدن بئر سؤز وار؟" اِرِميا جاواب وردی: "وار. سن بابئل پادشاهينا تسلئم ادئله‌جکسن."
سونرا اِرِميا صئدقئيا پادشاها ددي: "سنئن، اعيانلارينين، و بو خالقين ضئدّئنه مگر نه گوناه اتمئشم کي، منی حبسخانايا ساليبسينيز؟
هارادادير او پيغمبرلرئن کي، نبئلئک ادئب ديئردئلر: «بابئل پادشاهي سئزه و بو اؤلکهيه هوجوم اتميهجک؟»
لاکئن ائندي، ای آغام پادشاه، خاهئش ادئرم، قولاق آس. خاهئش ادئرم، بو يالواريشيمي قبول ات و منی مئرزه يوناتانين اِوئنه قايتارما، يوخسا اورادا اؤله‌رم."
او واخت صئدقئيا پادشاه امر اتدي کي، اِرِمياني کشئکچئلر حيطئنده ساخلاسينلار. شهرده چؤرک احتئياطي قورتارانا قدر، هر گون اِرِميايا چؤرک پئشئرَنلر کوچه‌سئندن چؤرک گتئرئردئلر. بلجه اِرِميا کشئکچئلر حيطئنده قالدي.
مَتّان اوغلو شِفَطيا، پَشخور اوغلو گِدَليا، شِلِميا اوغلو يَهوکال و مَلکئيا اوغلو پَشخور اِرِميانين بوتون خالقا ددئيي بو سؤزلري اشئتدئلر:
"رب بله ديئر: «بو شهرده قالان آدام قيلينجدان، آجليقدان و وبادان اؤلهجک. لاکئن کَلدانئلره تسلئم اولان ياشاياجاق؛ اؤز جانيني قورتاريب صاغ قالاجاق.»
رب بله ديئر: «بو شهر قطعن بابئل پادشاهينين قوشونونا تسلئم ادئلهجک و او بو شهري اَله کچئرده‌جک.»"
او واخت باشچيلار پادشاها ددئلر: "بو آدام گرک اؤلومه ورئلسئن. او بو سؤزلرله شهرده قالان دؤيوشچولرئن و خالقين اورَکلرئني اوزور. يقئن بو آدام خالقا ياخشيليق ديئل، پئسلئک آرزولايير."
صئدقئيا پادشاه ددي: "اونو سئزئن اَلئنئزه ورئرم، چونکي پادشاه سئزئن ضئدّئنئزه بئر ائش گؤره بئلمز."
او زامان اونلار اِرِمياني توتوب پادشاهين اوغلو مَلکئيانين کشئکچئلر حيطئنده اولان قويوسونا آتديلار. اِرِمياني ائپله اورايا سالديلار. قويودا سو يوخ ائدي، فقط پالچيق وار ائدي. اِرِميا پالچيغا باتدي.
پادشاه ساراييندا وظئفه‌لي اولان کوشلو عِبِدمِلِک اشئتدي کي، اِرِميا قويويا آتيليب. بو زامان پادشاه بِنيامئن دروازاسيندا اوتورموشدو.
عِبِدمِلِک پادشاه ساراييندان چيخيب پادشاها ددي:
"آغام پادشاه، بو آداملارين اِرِميا پيغمبره بوتون اتدئکلري پئسدئر. اونو قويويا آتيبلار او اورادا آجيندان اؤلهجک، چونکي داها شهرده چؤرک قالماييب."
پادشاه کوشلو عِبِدمِلِکه امر ادئب ددي: "اؤزونله اوتوز نفر گؤتور و اِرِميا پيغمبري اؤلمه‌مئشدن قاباق قويودان چيخارت."
عِبِدمِلِک اؤزو ائله آداملار گؤتوروب ساراي خزئنهسئنئن آلتيندا اولان بئر اوتاغا گئردي و اورادان ييرتيق پالتارلار، جيريق اَسکئلر گؤتوردو. سونرا اونلاري ائپلرله قويودا اولان اِرِميايا ساللاديلار.
کوشلو عِبِدمِلِک اِرِميايا ددي: "ييرتيق پالتارلاري و اَسکئلري قولتوقلارينين آلتينا قوي و ائپلري اونلارين اوستوندن کچئرت." اِرِميا بله ده اتدي.
اِرِمياني ائپلرله چکئب قويودان چيخارتديلار. اِرِميا کشئکچئلر حيطئنده قالدي.
صئدقئيا پادشاه آدام گؤنده‌رئب اِرِميا پيغمبري اؤز يانينا-ربّئن معبدئنئن اوچونجو گئرئشئنه گتئرتدي. پادشاه اِرِميايا ددي: "سندن بئر شي سوروشاجاغام، مندن هچ نه گئزلَتمه."
اِرِميا صئدقئيايا ددي: "اگر سنه بئلدئرسم، آيا منی اؤلدورميه‌جکسن؟ حتّا اگر سنه نصئحت ده ورسم، منه قولاق آسماياجاقسان."
لاکئن صئدقئيا پادشاه اِرِميايا گئزلئجه آند ائچئب ددي: "بئزه نفس ورن، وار اولان تارييا آند اولسون کي، نه سني اؤلدوره‌جيم، نه ده سني، جانيني آلماق ائسته‌ين آداملارا تسلئم ادهجيم."
اِرِميا صئدقئيايا ددي: "ائسرايئلئن تاريسي اولان قوشونلار تاريسي رب بله ديئر: «اگر سن بابئل پادشاهينين باشچيلارينا تسلئم اولاسان، جانين قورتاراجاق و بو شهر ده اوددا يانماياجاق؛ عايئلَنله بئرلئکده صاغ قالاجاقسان.
لاکئن اگر بابئل پادشاهينين باشچيلارينا تسلئم اولماياسان، بو شهر کَلدانئلره تسلئم ادئلهجک و اونو يانديراجاقلار؛ سن اؤزون ده اونلارين اَلئندن قاچيب قورتارا بئلميه‌جکسن.»"
صئدقئيا پادشاه اِرِميايا ددي: "کَلدانئلرئن طرفئنه کچن يهودئلردن قورخورام. کَلدانئلر منی اونلارين اَلئنه وره بئلرلر، اونلار دا منئمله پئس رفتار اِدَرلر."
اِرِميا ددي: "سني اونلارين اَلئنه ورمزلر. ربدن ائطاعت ات و سنه دِدئيئم سؤزلری يرئنه يتئر. او واخت خيئر تاپارسان، جانين دا آماندا قالار.
لاکئن اگر تسلئم اولماقدان ائمتئناع ادهسن، رب منه بونو گؤرسه‌دئر:
يهودا پادشاهينين ساراييندا قالان بوتون آروادلار بابئل پادشاهينين باشچيلارينا تسلئم ادئلهجک. او آروادلار سنه دئيهجکلر: «اِعتئماد اتدئيئن دوستلار سني آلداديب مغلوبئيّته دوچار اتدئلر. آياقلارين پالچيغا باتيب، دوستلارين سني قويوب قاچيبلار.»
سنئن بوتون آروادلارين و اوغوللارين کَلدانئلره تسلئم ادئلهجک. سن اؤزون ده اونلارين اَلئندن قاچيب قورتارا بئلميه‌جکسن، بابئل پادشاهي سني اَله کچئرده‌جک؛ بو شهر ده يانديريلاجاق."
او واخت صئدقئيا اِرِميايا ددي: "بو صؤحبتي هچ کسه بئلدئرمه، يوخسا اؤله بئلرسن.
اگر باشچيلار اشئتسه‌لر کي، سنئنله دانيشميشام و سنئن يانينا گلئب دِسه‌لر: «پادشاها نه ددئن و پادشاه سنه نه ددی، بئزه بئلدئر، بئزدن گئزلَتمه، يوخسا سني اؤلدوره‌رئک.»
اونلارا دِه: «پادشاها يالواريرديم کي، منی يوناتانين اِوئنه قايتارماسين و اورادا اؤلمه‌يئم.»"
بوتون باشچيلار اِرِميانين يانينا گلئب اوندان سوروشدولار. او دا پادشاهين امر اتدئيي کئمي بوتون بو سؤزلري اونلارا ددی. داها اونا بئر سؤز دِمه‌دئلر، چونکي بو صؤحبتي هچ کس اشئتمه‌مئشدي.
بلجه اورشَلئمئن اَله گِچئرئلدئيي گونه‌جک، اِرِميا کشئکچئلر حيطئنده قاليردي.
يهودا پادشاهي صئدقئيانين پادشاهليغينين دوقّوزونجو ائلئنئن اونونجو آييندا، بابئل پادشاهي نِبوکَدنِصّر بوتون قوشونو ائله اورشَلئمئن قاباغينا گلئب شهري موحاصئرهيه آلدي.
صئدقئيانين پادشاهليغينين اون بئرئنجي ائلئنده، دؤردونجو آيين دوقّوزونجو گونو شهر دوواريندا دَلئک آچيلدي.
بابئل پادشاهينين بوتون باشچيلاري-سامگارلي نِرگال‌شار-اِزِر، نئظامي مشورتچي نِبو سار-سَکئم، باش مامور نِرگال‌شار-اِزِر و بوتون باشقا اعيانلار ائچه‌ري گئرئب اورتا دروازادا اوتوردولار.
يهودا پادشاهي صئدقئيا و بوتون دؤيوشچولر اونلاري گؤرنده قاچديلار؛ اونلار گجه واختي شهردن، پادشاهين باغچاسي يولوندان، ائکي دووارين آراسينداکي قاپيدان چيخيب قاچديلار و عَرَبه‌يه طرف گتدئلر.
لاکئن کَلده قوشونو اونلاري تعقئب ادئب اَرئحا اووالاريندا صئدقئيايا چاتديلار. صئدقئياني توتوب خَمات تورپاغينداکي رئبلايا، بابئل پادشاهي نِبوکَدنِصّرئن يانينا آپارديلار. او، صئدقئيا بارهده حؤکم وردی.
بابئل پادشاهي رِبله‌ده صئدقئيانين گؤزو قاباغيندا اوغوللاريني اؤلدورتدو. بابئل پادشاهي بوتون يهودا اعيانلاريني دا اؤلدورتدو.
سونرا صئدقئيانين گؤزلرئني چيخارتدي و اونو بابئله آپارماق اوچون زنجئرله‌دي.
کَلدانئلر پادشاه ساراييني و خالقين اِولرئني يانديرديلار، اورشَلئمئن دووارلاريني اوچورتدولار.
کشئکچئلر ريئسي نِبوزَره‌دان شهرده صاغ قالان خالقي، اونون طرفئنه کِچَنلري-صاغ قالان بوتون اهالئني بابئله اسئر آپاردي.
کشئکچئلر ريئسي نِبوزَره‌دان خالقدان هچ بئر شيي اولمايان بعضی يوخسوللاري يهودا تورپاغيندا ساخلادي، اونلارا اوزوم باغلاري و زَمئلر وردی.
بابئل پادشاهي نِبوکَدنِصّر اِرِميا بارهده کشئکچئلر ريئسي نِبوزَره‌دانا بله امراتمئشدي:
"اونو آپار و اونا ياخشي يِتئش؛ اونونلا پئس رفتار اتمه. سندن نه ائسته‌سه، اونو ات."
کشئکچئلر ريئسي نِبوزَره‌دان، نئظامي مشورتچي نِبوشَزبان، باش مامور نِرگال‌شِر-اِزِر و بابئل پادشاهينين بوتون باشقا اعيانلاري
آدام گؤنده‌رئب اِرِمياني کشئکچئلر حيطئندن گتئردئلر. اِرِمياني شافان اوغلو اَخئقام اوغلو گِدَليايا تاپشيرديلار کي، اونو اِرِميانين اؤز اِوئنه آپارسين. بلجه اِرِميا اؤز خالقين آراسيندا قالدي.
کشئکچئلر حيطئنده محبوس ائکن اِرِميايا ربّئن بو سؤزو نازئل اولموشدو:
"گت، کوشلو عِبِدمِلِکه دِه؛ ائسرايئلئن تاريسي اولان قوشونلار ربّی بله ديئر: «بو شهرئن اوستونه ياخشيليق يوخ، پئسلئک گتئره‌رک دِدئيئم سؤزلري يرئنه يتئره‌جيم. او گون بونلار سنئن گؤزلرئن قاباغيندا باش ورهجکلر.
لاکئن او گون سني خئلاص ادهجيم.» رب بويورور. «قورخدوغون آداملارا تسلئم ادئلميه‌جکسن.
من سني خئلاص ادهجيم، سن قيلينجلا هلاک اولماياجاقسان. اؤز جانيني قورتاراجاقسان، چونکي سن منه بِل باغلاييرسان.» رب بويورور."
کشئکچئلر ريئسي نِبوزَره‌دان اِرِمياني رامادا آزاد ادئب گتدئکدن سونرا، ربّئن سؤزو اِرِميايا نازئل اولدو. نِبوزَره‌دان اونو بابئله اسئر اولونان بوتون اورشَلئم و يهودا خالقي ائله بئرلئکده زنجئرلَنمئش حالدا رامايا آپارميشدي.
کشئکچئلر ريئسي اِرِمياني تاپاندا اونا ددي: "بو يِرئن باشينا تارين رب بو فلاکتي گتئره‌جيئني ددی،
سونرا دا اونو يرئنه يتئردي؛ نجه کي، دمئشدي، ادئب. بونلارين هاميسي باش وردی، چونکي سئز ربّه گوناه اتدئنئز و اونون سؤزونه قولاق آسمادينيز.
ائندي سني، اَلئنه وورولان زنجئرلردن آزاد ادئرم. اگر ائستهيئرسن، منئمله بئرلئکده بابئله گل، اورادا سني ياخشي ساخلايارام؛ آمّا اگر ائسته‌مئرسن، اوندا گلمه. باخ، بوتون اؤلکه سنئن قاباغيندادير، هارايا گتمک ائستهيئرسن، گت.»
اِرِميا حله گتمک اوچون دؤنمه‌مئشدي کي، نِبوزَره‌دان ددي: "بابئل پادشاهينين يهودا شهرلري اوستونه قويدوغو شافان اوغلو اَخئقام اوغلو گِدَليانين يانينا قاييت و اونونلا بئرلئکده خالق آراسيندا ياشا. يا دا هارا گتمک ائستهيئرسن، اورا گت." او واخت کشئکچئلر ريئسي اونا آذوقه و بئر هدئيّه ورئب بوراخدي.
اِرِميا مئصپايا اَخئقام اوغلو گِدَليانين يانينا گتدي و اونونلا بئرلئکده اؤلکهده قالان خالق آراسيندا ياشادي.
چؤلده اولان بوتون قوشون باشچيلاري و اونلارين آداملاري اشئتدئلر کي، بابئل پادشاهي، اَخئقام اوغلو گِدَلياني اؤلکهيه باشچي قويوب و اؤلکهنئن يوخسول اهالئسئندن بابئله اسئر اولونماميش کئشئلري، آروادلاري و اوشاقلاري اونون ائختئيارينا ورئبدئر.
بو آداملار مئصپايا، گِدَليانين يانينا گلدئلر: نِتَنيا اوغلو اِسماعئل، قارِاَخئن اوغوللاري يوخانان و يوناتان، تَنخومِت اوغلو سِرايا، نِطوَفالي عِفه‌يئن اوغوللاري، مَعَکالينين اوغلو يِزَنيا و اونلارين آداملاري.
شافان اوغلو اَخئقام اوغلو گِدَليا اونلارين اؤزلرئنه و آداملارينا آند ائچئب ددي: "کَلدانئلره قوللوق اتمکدن قورخمايين. اؤلکهده قاليب بابئل پادشاهينا قوللوق ادئن. بله ادهسئنئز، سئزئن اوچون ياخشي اولار.
منه گلئنجه؛ من مئصپادا قالاجاغام کي، بئزئم يانيميزا گلهجک کَلدانئلرئن قاباغيندا سئزي تمثئل اِدئم. لاکئن سئز شراب، ياي مئيوه‌لري و زيتون ياغي ييغيب قابلارينيزا دولدورون و آلديغينيز شهرلرده ياشايين."
او واخت کي، موآبدا، عَمّونلولار آراسيندا، اِدومدا و باشقا اؤلکهلرده اولان بوتون يهودئلر اشئتدئلر کي، بابئل پادشاهي يهودادا بئر عئدّه‌ني ساخلاييب و شافان اوغلو اَخئقام اوغلو گِدَلياني اونلارا باشچي قويوب،
هاميسي سَپه‌لَندئيي بوتون يِرلردن قاييتديلار. يهودا تورپاغينا، مئصپادا اولان گِدَليانين يانينا گلدئلر. اونلار چوخلو شراب و ياي مئيوه‌لري ييغديلار.
قارِاَخ اوغلو يوخانان و چؤللرده اولان بوتون قوشون باشچيلاري مئصپادا اولان گِدَليانين يانينا گلئب
اونا ددئلر: "مگر بئلمئرسن کي، عَمّونلولارين پادشاهي بَعَلئس، سنئن جانيني آلماق اوچون، نِتَنيا اوغلو ائسماعئلي گؤنده‌رئب؟" لاکئن اَخئقام اوغلو گِدَليا اونلارا ائنانمادي.
قارِاَخ اوغلو يوخانان مئصپادا گِدَليايا گئزلئجه ددي: "قوي گِدئم، نِتَنيا اوغلو ائسماعئلي اؤلدوروم، هچ کس بئلميهجک. نه اوچون او سني اؤلدورسون و اطرافينا ييغيلميش بوتون يهودئلر داغيلسين، يهودادان صاغ قالانلار دا محو اولسون؟"
لاکئن اَخئقام اوغلو گِدَليا قارِاَخ اوغلو يوخانانا ددي: "بله بئر ائشي اتمه! اِسماعئل بارهسئنده ددئيئن سؤز دوز ديئل."
يدّئنجی آيدا پادشاه نسلئندن و اعيانلاردان اولان اِلئشاماع اوغلو نِتَنيا اوغلو اِسماعئل اون نفرله بئرلئکده مئصپايا، اَخئقام اوغلو گِدَليانين يانينا گلدي. اورادا بئرلئکده يمک يئيَرکَن
نِتَنيا اوغلو اِسماعئل و اونونلا بئرلئکده اولان اون نفر قالخيب شافان اوغلو اَخئقام اوغلو گِدَلياني کی، بابئل پادشاهي اونو اؤلکهيه باشچي قويموشدو، قيلينجلا ووروب اؤلدوردولر.
اِسماعئل مئصپادا گِدَليا ائله بئرلئکده اولان بوتون يهودئلري و اوراداکي کَلده عسکرلرئني ده اؤلدوردو.
گِدَليانين اؤلدورولمه‌سئندن بئر گون سونرا، حله هچ کس بوندان خبردار اولمايارکن،
هشتاد نفر ساقّاللاري قيرخيلميش، پالتارلاري جيريق، بدنلرئنه يارا وورموش شِکِمدن، شئلودان و سامئرهدن گلدئلر و ربّئن معبدئنه تاخيل تقدئمي و کوندور گتئردئلر.
نِتَنيا اوغلو اِسماعئل آغلايا-آغلايا مئصپادان اونلارين پئشوازينا گلدي. اونلارا يِتئشدئکده ددي: "اَخئقام اوغلو گِدَليانين يانينا گلئن."
آداملار شهره گئرنده نِتَنيا اوغلو اِسماعئل و يانيندا اولان آداملار اونلاري اؤلدوروب جسدلرئني قويويا آتديلار.
آمّا اونلارين آراسيندان اون نفر ائسماعئله ددئلر: "بئزي اؤلدورمه، چونکي بئزئم زَمئده گئزله‌دئلمئش بوغدا، آرپا، زيتون ياغي و باليميز وار." اِسماعئل ده فئکرئندن دؤنوب اونلاري يولداشلاري ائله بئرلئکده اؤلدورمه‌دي.
او قويو کي، ائسماعئل اؤلدوردويو گِدَليا ائله آداملارينين جسدلرئني اورايا آتميشدي، آسا پادشاه ائسرايئل پادشاهي بَعشانين موقابئلئنده مودافئعه تدبئري اولاراق قازميشدي. نِتَنيا اوغلو اِسماعئل اونو اؤلدورولَنلرله دولدوردو.
سونرا اِسماعئل مئصپادا قالان بوتون خالقي و پادشاه قيزلاريني اسئر توتدو؛ کشئکچئلر ريئسي نِبوزَره‌دان اونلاري اَخئقام اوغلو گِدَليانين ائختئيارينا ورمئشدي. نِتَنيا اوغلو اِسماعئل مئصپادا قالان بوتون خالقي اسئر گؤتوروب عَمّونلولارا سيغينماق اوچون يولا دوشدو.
قارِاَخ اوغلو يوخانان و اونونلا بئرلئکده اولان بوتون قوشون باشچيلاري نِتَنيا اوغلو ائسماعئلئن اتدئيي بوتون پئسلئکلر بارهده اشئتدئلر.
او واخت بوتون آداملاريني گؤتوروب نِتَنيا اوغلو ائسماعئلله ووروشماغا گتدئلر. اونو گئبعونداکي بؤيوک حوووضون يانيندا تاپديلار.
ائسماعئلئن يانيندا اولان بوتون خالق قارِاَخ اوغلو يوخاناني و اونونلا اولان بوتون قوشون باشچيلاريني گؤرنده سِوئندئلر.
ائسماعئلئن مئصپادان اسئر اتدئيي بوتون خالق دؤنوب گری قاييتديلار و قارِاَخ اوغلو يوخانانين يانينا گتدئلر.
لاکئن نِتَنيا اوغلو اِسماعئل سکّئز نفرله بئرلئکده يوخاناندان قاچيب قورتولدولار و عَمّونلولارين يانينا گتدئلر.
قارِاَخ اوغلو يوخانان و يانينداکي بوتون قوشون باشچيلاري صاغ قالانلارين هاميسيني-اَخئقام اوغلو گِدَلياني اؤلدورن نِتَنيا اوغلو ائسماعئلئن مئصپادان اسئر آپارديغي دؤيوشچولري، آروادلاري، اوشاقلاري و حرم آغالاري گئبعوندان گؤتوروب گتئردئلر.
کَلدانئلردن قاچماق اوچون مئصئره طرف يولا دوشدولر و بِيت‌لِخِمئن ياخينليغينداکي گِروت-کئمهامدا قالديلار.
اونلار کَلدانئلردن قورخوردولار، چونکي نِتَنيا اوغلو اِسماعئل بابئل پادشاهينين اؤلکهيه باشچي قويدوغو اَخئقام اوغلو گِدَلياني اؤلدورموشدو.
بوتون قوشون باشچيلاري، قارِاَخ اوغلو يوخانان، هوشَعيا اوغلو يِزَنيا و بؤيوکدن کئچئيه قدر بوتون خالق اِرِميا پيغمبره ياخينلاشيب
اونا ددئلر: "خاهئش ادئرئک، يالواريشيميز سنه مقبول اولسون، بئزئم اوچون-بو قالان خالق اوچون تارين ربّه دوعا ات، چونکي نجه کي اؤز گؤزونله ده گؤرورسن، گرچي بئر زامان بئر بؤيوک خالق ائدئک، آمّا ائندي بئزدن چوخ آزي قاليب.
دوعا ات کي، تارين رب هارايا گده‌جيئمئزي، نه اده‌جيئمئزي بئزه بئلدئرسئن."
اِرِميا پيغمبر اونلارا ددي: "راضييام. ائسته‌دئيئنئز کئمي تارينيز ربّه دوعا ادهجيم و باره‌نئزده رب نه جاواب ورسه، سئزه بئلدئره‌جيم. سئزدن هچ نه‌يي گئزلي ساخلاماياجاغام."
اونلار اِرِميايا ددئلر: "قوي رب اؤزو ضئدّئمئزه حقئقي و اعتئبارلي شاهئد اولسون اگر تارين ربّئن بئزه بئلدئرمک اوچون سنه نازئل اتدئيي هر سؤزه عمل اتمه‌سک.
سني يانينا گؤندردئيئمئز تاريميز ربّئن سؤزونو بَيَنسَک ده، بَيَنمه‌سَک ده، اونا قولاق آساجاغيق کي، ائشئمئز ياخشي گتسئن. بلی، تاريميز ربّئن سؤزونه قولاق آساجاغيق."
اون گون سونرا ربّئن سؤزو اِرِميايا نازئل اولدو.
اِرِميا قارِاَخ اوغلو يوخاناني، اونونلا بئرلئکده اولان بوتون قوشون باشچيلاريني، بؤيوکدن کئچئيه قدر بوتون خالقي چاغيريب
اونلارا ددي: "ائسرايئلئن تاريسي رب کي، يالواريشينيزي حوضورونا تقدئم اتمک اوچون منی اونون يانينا گؤنده‌ردئنئز، بله ديئر:
«اگر بو اؤلکهده قالاسينيز، من سئزي برپا اده‌رم، داها داغيتمارام، سئزي اَکه‌رم، داها چيخارتمارام. چونکي باشينيزا گتئردئيئم بلايا گؤره قوصّه‌لئيَم.
بابئل پادشاهيندان قورخمايين. سئز اوندان قورخورسونوز، آمّا قورخمايين.» رب بويورور. «چونکي من سئزئنله‌يم و سئزي آزاد ادئب اونون اَلئندن قورتاراجاغام.
من سئزه مرحمت گؤرسده‌جيم کي، او دا رحم ادئب سئزي اؤز تورپاغينيزا قايتارسين.»
لاکئن اگر سئز «بو تورپاقدا ياشاماياجاغيق» دئيه‌رک تارينيز ربّئن سؤزونه قولاق آسماياسينيز،
اگر دئيهسئنئز کي، يوخ، بئز مئصئر تورپاغينا گده‌جيئک و اورادا قالاجاغيق. اورادا موحارئبه گؤرميه‌جيئک، کَره‌ناي سَسي اشئتميه‌جيئک، آجليق چکميه‌جيئک.»
اوندا، ای قالان يهوداليلار، ربّئن سؤزونو اِشئدئن. ائسرايئلئن تاريسي اولان قوشونلار ربّی بله ديئر: «اگر سئز، دوغرودان دا، مئصئره گدئب اورادا ساکئن اولماغي قرارا آلاسينيز،
او زامان قورخدوغونوز هَمن قيلينج مئصئر تورپاغيندا سئزه يِتئشه‌جک. قورخدوغونوز آجليق مئصئرده سئزي تعقئب ادهجک و اورادا اؤلهجکسئنئز.
مئصئره گدئب ساکئن اولماغي قرارا آلان هر کس قيلينج، آجليق و وبادان اؤلهجک. اونلاردان هچ کس صاغ قالماياجاق، باشلارينا گتئردئيئم بلادان قاچيب قورتارماياجاق.»
چونکي ائسرايئلئن تاريسي اولان قوشونلار ربّی بله ديئر: «اورشَلئمده ياشايانلارين اوستونه نجه قضبئم و حئدّتئم تؤکولوب، سئز مئصئره گدهسئنئز، اِلَجه حئدّتئم اوستونوزه تؤکولهجک. سئز لعنت، دهشت، نئفرئن و روسوايچيليق هدفي اولاجاقسينيز؛ بئر داها بو يري گؤرميه‌جکسئنئز.»
ای يهودانين قالان خالقي، سئزئن اوچون رب «مئصئره گتمه‌يئن» ددی. ياخشي بئلئن کي، بو گون سئزه خبر وردئم.
چونکي سئز فلاکت گتئرن بئر سهو اتدئنئز. منی تارينيز ربّئن يانينا گؤنده‌رئب دِدئنئز: «تاريميز ربّه بئزئم اوچون دوعا ات، تاريميز ربّئن دئيه‌جيي هر شيي بئزه بئلدئر، بئز اِله ده ادهرئک.»
من بو گون سئزه خبر وردئم، آمّا سئز حله ده هچ بئر ائشده تارينيز ربّئن سؤزونه کي، دِمه‌يي اوچون منی يانينيزا گؤنده‌رئب، قولاق آسماييبسينيز.
ائندي ياخشي بئلئن کي، گدئب ساکئن اولماق ائسته‌دئيئنئز يرده قيلينج، آجليق و وبادان اؤلهجکسئنئز."
او زامان کي، اِرِميا بوتون خالقا اؤزلرئنئن تاريسي ربّئن سؤزلرئني، ربّئن اِرِميا واسئطهسئله اونلارا نازئل اتدئيي هر شيي ديئب قورتاردي،
حوشاعيا اوغلو عَزَريا، قارِاَخ اوغلو يوخانان و بوتون دئکباش آداملار اِرِميايا ددئلر: "سن يالان ديئرسن. تاريميز رب سني بئزئم يانيميزا گؤنده‌رمه‌يئب کي، دئيهسن: «مئصئره گرک گتمه‌يئب اورادا ساکئن اولماياسينيز.»
لاکئن نِرئيا اوغلو باروک سني بئزئم ضئدّئمئزه تحرئک ادئر کي، بئزي کَلدانئلره تسلئم ادهسن، اونلار بئزي اؤلدوره‌لر، يا دا بابئله اسئر آپارالار."
بلجه قارِاَخ اوغلو يوخانان، بوتون قوشون باشچيلاري و خالق ربّئن يهودادا قالماق امرئندن ائطاعت اتمه‌دئلر.
عکسئنه، قارِاَخ اوغلو يوخانان و بوتون قوشون باشچيلاري، بوتون يهودالي‌لارين قالانيني کي، اسئر اولوندوقلاري مئلّتلرئن آراسيندان يهودا تورپاغيندا ياشاماق اوچون قاييتميشديلار، يولا سالديلار.
اونلار کئشئلري، آروادلاري، اوشاقلاري، پادشاهين قيزلاريني، کشئکچئلر ريئسي نِبوزَره‌دانين شافان اوغلو اَخئقام اوغلو گِدَليانين يانيندا قويدوغو هر کسي، اِرِميا پيغمبري و نِرئيا اوغلو باروکو دا گؤتوروب گتدئلر.
اونلار ربّئن سؤزونه قولاق آسماييب مئصئر تورپاغينا گئردئلر و تَخپَنخِسه قدر گتدئلر.
تَخپَنخِسده اِرِميايا ربّئن بو سؤزو نازئل اولدو:
"اَلئنه بؤيوک داشلار آل و اونلاري يهودا کئشئلرئنئن گؤزو قاباغيندا کرپئج دؤشَمه‌نئن پالچيغيندا کي، تَخپَنخِسده فئرعون سارايينا گئرئلن يرده‌دئر، گئزلَت.
سونرا اونلارا دِه: ائسرايئلئن تاريسي اولان قوشونلار ربّی بله ديئر: «من خبر گؤنده‌رئب قولوم بابئل پادشاهي نِبوکَدنِصّري گتئرده‌جيم و گئزلَتدئيئم بو داشلارين اوستونده اونون تختئني قوراجاغام. پادشاه اؤز چارداغيني اونلارين اوستونده آچاجاق.
او گلئب مئصئر اؤلکهسئني مغلوب ادهجک. اؤلوم اوچون آيريلانلار اؤلومه، اسئرلئک اوچون آيريلانلار اسئرلئيه، قيلينج اوچون آيريلانلار قيلينجا تسلئم ادئله‌جکلر.
او مئصئر آللاهلارينين معبدلرئنده اود قالاياجاق. اونلاري يانديراجاق، بوتلري آليب آپاراجاق. بئر چوبان، پالتاري ائله اؤزونو نجه اؤرتور، او دا مئصئر اؤلکهسئني اؤزونه اِله اؤرته‌جک. و سونرا اورادان صاغ-سالامات چيخاجاق.
او، مئصئر تورپاغيندا گونش آللاهينين معبدئنئن موقدّس سوتونلاريني داغيداجاق، مئصئر آللاهلارينين معبدلرئني يانديراجاق.»"
مئصئر اؤلکهسئنده ياشايان بوتون يهوداليلار بارهده يعني مئگدولدا، تَخپَنخِسده، نوفدا، و پَتروس بؤلگهسئنده ياشايانلار يهوداليلار حاقّيندا اِرِميايا بو سؤز نازئل اولدو:
"ائسرايئلئن تاريسي اولان قوشونلار ربّی بله ديئر: «اورشَلئم و بوتون يهودا شهرلري اوستونه گتئردئيئم بلانين هاميسيني گؤردونوز. باخ، بو گون اونلار وئرانه‌دئرلر، کئمسهده اونلاردا ساکئن ديئل.
اتدئکلري پئسلئکدن اؤتري، باشقا آللاهلارا بوخور يانديريب پرستئش ادهرک منی قضبلَندئردئلر؛ او آللاهلاري نه اؤزلري تاني‌ييرديلار، نه سئز و نه آتالاري تاني‌ييردي.
من دفهلرله قوللاريم اولان پيغمبرلري سئزئن يانينيزا گؤنده‌رئب ددئم: ‹منئم نئفرت اتدئيئم بو ائيرنج ائشي گؤرمه‌يئن.›
لاکئن اونلار قولاق آسماييب اهمئيّت ورمه‌دئلر؛ پئسلئکلرئندن دؤنمه‌دئلر، باشقا آللاهلارا بوخور يانديرماغي دايانديرماديلار.
بونا گؤره ده منئم شئدّتلي قضبئم داشيب-تؤکولدو؛ يهودا شهرلرئنده، اورشَلئم کوچه‌لرئنده اود قالادي و اونلاري بو گون اولدوغو کئمي خارابايا و وئرانه‌يه چِوئردي.»
ائندي ائسرايئلئن تاريسي اولان قوشونلار تاريسي رب بله ديئر: «نه اوچون کئشئلري، آروادلاري، اوشاقلاري، و سود اَمَنلري يهودادان کَسدئنئز کي، بله بئر بلاني اؤز باشينيزا گتئرهسئنئز و سئزدن هچ کس صاغ قالماسين؟
نئيه ياشاماق اوچون گلدئيئنئز بو مئصئر تورپاغيندا، اَلئنئزله دوزه‌لتدئيئنئز باشقا آللاهلارا بوخور يانديريب منئم قضبئمي آلوولانديريرسينيز؟ بلجه اؤزونوزو محو ادهجکسئنئز، دونيانين بوتون مئلّتلرئنئن آراسيندا لعنت و روسوايچيليق هدفئنه چِورئله‌جکسئنئز.
مگر يهودا اؤلکهسئنده، اورشَلئم کوچه‌لرئنده آتالارينيزين، يهودا پادشاهلارينين، اونلارين آروادلارينين، سئزئن و آروادلارينيزين اتدئکلري پئسلئکلري ياددان چيخارديبسينيز؟
بو گونه قدر اؤزلرئني آلچاتماييبلار، حؤرمت گؤرسدمه‌يئبلر، قانونوما، سئزه و سئزئن آتالارينيزا وردئيئم قايدالارا عمل اتمهيئبلر.»
بونا گؤره ده ائسرايئلئن تاريسي اولان قوشونلار ربّی بله ديئر: «من قرار ورمئشم کي، سئزئن باشينيزا فلاکت گتئرئم و بوتون يهودالي‌لاري محو اِدئم.
مئصئره گلئب ساکئن اولماغي قرارا آلان يهودانين صاغ قالانلاريني آرادان آپاراجاغام. اونلارين هاميسي مئصئر اؤلکهسئنده هلاک اولاجاقلار؛ قيلينج آغزينا دوشهجکلر، يا دا آجليقدان اؤله‌جکلر. بؤيوکدن کئچئيه قدر قيلينج، يا دا آجليقدان اؤله‌جکلر. اونلار لعنت، حيرت، نئفرئن و روسوايچيليق هدفئنه چِورئله‌جکلر.
اورشَلئمي قيلينج، آجليق و وَبا ائله نجه جزالانديرديم، مئصئر تورپاغيندا ياشايانلاري دا اِلَجه جزالانديرجاغام.
ساکئن اولماق اوچون مئصئر تورپاغينا گلن يهودانين صاغ قالانلاريندان هچ کس قاچيب قورتارماياجاق، هچ کس سالامات قاليب يهودا تورپاغينا کي، قاييديب اورادا ياشاماغي چوخ ائسته‌يئرلر، قاييتماياجاق. بئر نِچه قاچقيندان باشقا هچ کس قاييتماياجاق.»"
او واخت آروادلارينين باشقا آللاهلارا بوخور يانديرديقلاريني بئلَن بوتون کئشئلر، اورادا دايانان بوتون آروادلار-بؤيوک بئر جاماعات و مئصئر تورپاغينداکي پَتروسدا ياشايان بوتون خالق اِرِميايا ددي:
"سنئن بئزه ربّئن آديندا ددئيئن سؤزه قولاق آسماياجاغيق.
دِدئيئمئز هر شيي قطعن اده‌جيئک: گؤيلر ملکهسي ائلاهه‌يه بوخور يانديريب مايع تقدئملري وره‌جيئک. نجه کي، بئر زامانلار بو ائشي بئز، آتالاريميز، پادشاهلاريميز و باشچيلاريميز يهودا شهرلرئنده، اورشَلئم کوچه‌لرئنده ادئردئلر. او زامان چؤرکله دويوردوق، اوغور قازا‌‌نيرديق و هچ بئر ضرر گؤرموردوک.
لاکئن او واختدان کي، گؤيلر ملکهسي ائلاهه‌يه بوخور يانديرماغي و اونا مايع تقدئملري ورمه‌يي دايانديرديق، هر شيه مؤحتاج قالميشيق، قيلينج و آجليقدان هلاک اولوروق."
آروادلار دا ددئلر: "بئز گؤيلر ملکهسي ائلاهه‌يه بوخور يانديرارکن، اونا مايع تقدئملري ورَرکن مگر اَرلرئمئزئن خبري يوخ ائدي کي، اونون تئمثالينا اوخشار کؤکه‌لر دوزهلدئب مايع تقدئملري ورئرئک؟"
او زامان اِرِميا بوتون خالقا، هم کئشئلره، هم ده آروادلارا جاواب ورئب ددي:
"سئزئن، آتالارينيزين، پادشاهلارينيزين، باشچيلارينيزين و اؤلکه خالقينين يهودا شهرلرئنده و اورشَلئم کوچه‌لرئنده بوخور يانديرماغينيزي مگر رب يادينا سالمادي، مگر آغلينا گتئرمه‌دي؟
او زامان کي، رب سئزئن پئس ائشلرئنئزه، اتدئيئنئز ائيرنج شيلره داها دؤزه بئلمه‌دي، اؤلکه‌نئز ائندئکي وضعئنه، ساکئني اولمايان خاراباليغا، حيرت و لعنت هدفئنه چِورئلدي.
سئز بوخور يانديريب ربّه گوناه اتدئنئز، ربّئن سؤزونه قولاق آسمادينيز، قانونونا، قايدالارينا و شهادتلرئنه عمل اتمه‌دئنئز. بونا گؤره ائندي گؤردويونوز بو فلاکت باشينيزا گلئب."
او واخت اِرِميا بوتون خالقا هم ده آروادلارا ددي: "ای مئصئرده اولان بوتون يهودا خالقي، ربّئن سؤزونه قولاق آسين.
ائسرايئلئن تاريسي اولان قوشونلار ربّی بله ديئر: سئز و آروادلارينيز دئلئنئزله دِدئيئنئز بو سؤزو عمل‌لرئنئزله يرئنه يتئرئبسئنئز: «گؤيلر ملکهسي ائلاهه‌يه بوخور يانديريب مايع تقدئملري گتئرمکله اتدئيئمئز نذئرلري قطعن يرئنه يتئره‌جيئک.» عيبي يوخ، وردئيئنئز سؤزه عمل ادئن! نذئرلرئنئزي يرئنه يتئرئن!
آمّا، ای مئصئر تورپاغيندا ياشايان بوتون يهودا خالقي، ربّئن سؤزونو اِشئدئن: «من اؤز عظمتلي آديما آند ائچئرم کي، مئصئر تورپاغيندا هچ بئر يهودالي شخص بئر داها منئم آديمي چکمه‌يئب دميه‌جک: ‹وار اولان پروردئگار ربّئن حاقّينا آند اولسون.›
چونکي من اونلاري گؤز آلتينا آلميشام کي، اونلارا ياخشيليق يوخ، فلاکت گتئرئم؛ مئصئر تورپاغيندا اولان بوتون يهوداليلار، يوخ اولانا قدر، قيلينج و آجليقدان هلاک اولاجاقلار.
قيلينجدان قورتاريب مئصئر تورپاغيندان يهودا تورپاغينا قاييدان آدام چوخ آز اولاجاق. او واخت يهودا خالقيندان بوتون صاغ قالانلار کي، ياشاماق اوچون مئصئر تورپاغينا گلدئلر، بئلهجکلر کي، کئمئن سؤزو يرئنه يِتئشدي، منئم سؤزوم، يوخسا اونلارين؟
من سئزي بو يرده جزالانديرجاغام کي سئزه بئر علامت اولسون.» رب بويورور. «اِله کي، باشينيزا بلا گله‌جيي بارهده سؤزلرئمئن قطعن يرئنه يِتئشه‌جيئني بئلهسئنئز.»
رب بله ديئر: «مئصئر پادشاهي فئرعون خوفرَعني ده جانيني آلماق ائسته‌ين دوشمنلرئنه اِلَجه تسلئم ادهجيم، نجه کي، يهودا پادشاهي صئدقئياني، جانيني آلماق ائسته‌ين دوشمنی بابئل پادشاهي نِبوکَدنِصّره تسلئم اتدئم.»"
يهودا پادشاهي يوشئيا اوغلو يِهوياقئمئن پادشاهليغينين دؤردونجو ائلئنده نِرئيا اوغلو باروک، اِرِميانين ددئيي بو سؤزلري کئتابا يازاندا، اِرِميا پيغمبر اونا بله ددي:
"ای باروک، سنئن حاقّيندا ائسرايئلئن تاريسي رب بله ديئر:
«سن ددئن: واي منئم حاليما! چونکي رب دردلرئمه قوصّه ده قاتدي، ائنئلتئمدن يورولموشام، راحاتليق تاپميرام.»
سن اونا دِه: رب بله ديئر: «باخ، بوتون اؤلکهده من تئکدئيئمي داغيداجاغام، اَکدئيئمي چيخارداجاغام.
اگر سن اؤزون اوچون بؤيوک شيلر ائستهيئرسن، ائستمه. چونکي من بوتون خالق اوستونه بلا گتئره‌جيم.» رب بويورور. «لاکئن هارايا گدهسن، گت. جانيني حئفظ ادهجيم.»"
بو، مئلّتلر بارهده اِرِميا پيغمبره نازئل اولان ربّئن سؤزودور.
مئصئر حاقّيندا: مئصئر پادشاهي فئرعون نِکونون قوشونو بارهده نازئل اولان سؤز بودور. بابئل پادشاهي نِبوکَدنِصّر بو قوشونو يهودا پادشاهي يوشئيا اوغلو يِهوياقئمئن پادشاهليغينين دؤردونجو ائلئنده، فَرات چايينين قيراغيندا اولان کَرکِمئشده مغلوب اتدي.
"قالخان و سئپر حاضيرلاييب دؤيوشه گئرئن!
آتلارينيزي يَهَرله‌يئن، توسنلرئنئزه مئنئن، ای آتليلار! دَبئلقه گِيئنئب سيرايا دوزولون، نئزه‌لرئنئزي جئلالاييب زئرِه گِيئنئن!
نه گؤرورم؟ دهشتده‌دئرلر، گری دؤنورلر، دؤيوشچولري مغلوب اولوبلار، آرخايا باخماياراق قاچيرلار، هر طرفده دهشتدئر!" رب بويورور.
"بَرک قاچان، قاچا بئلمئر، گوجلو اولان دا قورتولا بئلمئر. شئمالدا، فَرات چايينين قيراغيندا، بودرهيئب ييخيليرلار.
نئل کئمي قالخان بو کئمدئر؟ سولاري سل کئمي چالخالانان بو کئمدئر؟
نئل کئمي قالخان، سولاري سل کئمي چالخالانان مئصئردئر. او ديئر: «قالخيب يِر اوزونو باساجاغام. شهرلري و اورادا ياشايانلاري هلاک ادهجيم.»
ای آتلار، قالخين! ای دؤيوش عارابالاري، دَلي کئمي جومون! ای قالخانلا سئلاحلانميش کوش و پوت دؤيوشچولري، ای اوخ آتان لودلولار، ائرهلي گدئن!
لاکئن او گون قوشونلار ربّی پروردئگارين گونودور، دوشمنلرئندن قئصاص آلماسي اوچون قئصاص گونودور. اونلاري قيلينج يِيئب دوياجاق، قانلاريني ائچئب سوسوزلوغونو ياتيرداجاق. چونکي شئمال اؤلکهسئنده، فَرات چايينين قيراغيندا قوشونلار ربّی پروردئگار قوربان کَسه‌جک.
ای باکئره قيزا بَنزه‌يَن مئصئر، گئلعادا چيخ، مَلحم آل. چوخلو درمان ائچمه‌يئن عبثدئر؛ سنئن دردئنه شفا يوخدور.
مئلّتلر سنئن روسوايچيليغيني اِشئده‌جکلر؛ فريادين يِر اوزونو بورويه‌جک. دؤيوشچو باشقا دؤيوشچونو بودرَده‌جک، ائکئسي ده بئردن ييخيلاجاقلار."
بابئل پادشاهي نِبوکَدنِصّرئن گلئب مئصئر تورپاغينا هوجوم اده‌جيي بارهده، رب اِرِميا پيغمبره بو سؤزلري نازئل اتدي:
"مئصئرده بئلدئرئن، مئگدولدا اشئتدئرئن؛ نوف و تَخپَنخِسده اعلان ادئب ديئن: «سيرايا دوزول و حاضيرلاش، چونکي اطرافيندا اولانلاري قيلينج يِيئب قورتارير.»
جنگاورلرئن نه اوچون يِره ييخيلاجاقلار؟ دايانا بئلمئرلر، چونکي رب اونلاري يِره ووراجاق.
دفهلرله بودرهيهجکلر؛ بئربئرلرئنئن اوستونه ييخيلاجاقلار. دئيهجکلر: «قالخين ظالئملارين قيلينجيندان قاچيب اؤز خالقيميزين يانينا، دوغما وطنئمئزه قاييداق.»
اورادا اونلار باغيراجاقلار: «مئصئر پادشاهي فئرعون آنجاق بئر بوش‌بوغازدير، او، فورصتي اَلدن ورئب.»
آدي قوشونلار ربّی اولان پادشاه بويورور: «وارليغيما آند اولسون، بئري گلهجک کي، داغلار آراسيندا اولان تابور کئمي، دهنز قيراغيندا اولان کَرمِل کئميدئر.
ای مئصئرده ياشايان قيز، سورگونلويه گتمک اوچون اشيالاريني حاضيرلا. چونکي نوف وئران اولوب ياناجاق، ائچئنده بئر ساکئن قالماياجاق.
مئصئر چوخ گؤزل بئر بوزوودور، لاکئن شئمالدان اوستونه آت چئبئني گلئر.
اونون موزدلو عسگرلري ده کؤکَلمئش دانا کئميدئر. حتّا اونلار دا اوز چِوئرئب بئرلئکده قاچاجاقلار، يِرلرئنده دورماياجاقلار. چونکي فلاکت گونو باشلارينا گلئر، جزالارينين واختي يِتئشئر.
دوشمن قووّتله گلرکَن، مئصئر سورونوب آرادان چيخان ائلان کئمي فيشيلتاياجاق؛ اونون ضئدّئنه آغاج کَسَنلر کئمي، بالتا ائله گلهجکلر.
مِشه‌سئني کِچئلمَز اولسا دا، کَسَه‌جکلر.» رب بويورور. «چونکي اونلار چَيئرتکه‌لردن چوخدورلار، حسابا گلمزلر.
مئصئر قيزي اوتانديريلاجاق، شئمال خالقينا تسلئم ادئلهجک.»
ائسرايئلئن تاريسي اولان قوشونلار ربّی ديئر: «باخ، من نوف شهرئنئن آللاهي آمونو، فئرعونو، مئصئري، اونون آللاهلاريني، پادشاهلاريني و فئرعونا بِل باغلايانلاري جزالانديرجاغام.
اونلاري، اونلارين جانلاريني آلماق ائسته‌ينلره يعني بابئل پادشاهي نِبوکَدنِصّره و اونون اعيانلارينا تسلئم ادهجيم. لاکئن سونرا اوّللر اولدوغو کئمي، آداملار گئنه مئصئرده ساکئن اولاجاقلار.» رب بويورور.
«قورخما، ای قولوم يعقوب، دهشته دوشمه، ای ائسرايئل. چونکي سني اوزاق يِرلردن، نسلئني اسئر اولوندوغو اؤلکه‌دن قورتاراجاغام. يعقوب گئنه راحاتليق تاپيب اَمئن آمانليقدا ساکئن اولاجاق، اونو قورخودان اولماياجاق.
قورخما، ای قولوم يعقوب، چونکي من سنئنله‌يم.» رب بويورور. «سني آرالارينا قوودوغوم مئلّتلرئن هاميسيني يوخ اتسم ده، سني کامئل محو اتميه‌جيم. سني آنجاق عدالتله تربئيه ادهجيم؛ دوغرودان دا جزاسيز قالماغينا ائجازه ورميه‌جيم.»"
فئرعون غَزّه‌يه هوجوم اتمه‌مئشدن قاباق، اِرِميا پيغمبره فئلئسطلی‌لر بارهده ربّئن بو سؤزو نازئل اولدو:
"رب بله ديئر: «گؤر شئمالدان سولار نجه قالخير؛ اونلار سل کئمي داشاجاقلار، اؤلکهنئن و اوراداکي هر شيئن، شهرئن و اورادا ياشايانلارين اوستونه آخاجاقلار. خالق فرياد ادهجک، او اؤلکهده ياشايانلارين هاميسي شئون ادهجک.
توسَنلرئن يري دؤيَن ديرناقلارينين سَسئندن، دؤيوش عارابالارينين ولوله‌سئندن، تَکَرلرئنئن گورولتوسوندن، آتالار اؤولادلارينا کؤمک اتمک اوچون دؤنميه‌جکلر؛ اَللري طاقتدن دوشهجک.
چونکي بوتون فئلئسطلی‌لرئن محو ادئله‌جيي گون گلئب. صور و صئدوندان کؤمک اده بئلن، صاغ قالان هر کس يوخ ادئلهجک. رب کَفتور ساحئلئندن گلن فئلئسطلی‌لرئن صاغ قالانلاريني هلاک ادهجک.
غَزّه ياس توتوب ساچيني يولاجاق؛ اَشقَلون سَسئني کَسه‌جک. ای دره‌ده صاغ قالانلار، نه واختا قدر بدنلرئنئزي يارالاياجاقسينيز؟
باغيريرسينيز: ‹آه، ای ربّئن قيلينجي، نه واخت آرام توتاجاقسان؟ قينينا دؤن، دايان و آرام اول!›
رب امر اتدئيي حالدا، رب اونو اَشقِلون و دهنز ساحئلئنئنئن ضئدّئنه قويدوغو حالدا، قيلينج نجه آرام توتا بئلر؟"
موآب بارهده ائسرايئلئن تاريسي اولان قوشونلار ربّی بله ديئر: "واي نِبونون حالينا! چونکي وئرانه‌لئيه چِورئله‌جک. قئرياتايئم روسواي اولاجاق، اَله کچئرئله‌جک؛ قالاسي داغيلاجاق، دارماداغين اولاجاق.
موآبين شؤهرتي داها قالماياجاق. خِشبوندا اونون محوي اوچون قصد قورولاجاق: «گلئن، اونو يوخ اِدَک کي، داها بئر ده بله مئلّت اولماسين.» ای مَدمِن، سن ده سوسدورولاجاقسان، قيلينج سني قوواجاق.
خورونايئمدن گلن فغان سَسي اشئت، هلاکت فغاني، بؤيوک قيرغين فغاني!
موآب داغيديلاجاق؛ اؤولادلارينين فريادي قالخاجاق.
آغلايا-آغلايا لوخئت يوخوشوندان چيخيرلار؛ خورونايئم اِنئشئنده قيرغينا گؤره دردلي فغانلار اِشئدئلئر.
قاچين، جانينيزي قورتارين! چؤلدهکي کؤل کئمي اولون.
اؤز عمللرئنه، اؤز مال-دؤولتئنه بِل باغلاديغين اوچون سن ده اَله کچئرئله‌جکسن. کِموش بوتو ده کاهئنلر و باشچيلاري ائله بئرلئکده اسئر ادئلهجک.
محو ادن هر شهرئن اوستونه گلهجک، هچ بئر شهر قورتولماياجاق. دره يِرله يِکسان اولاجاق، وادي وئرانه‌يه چِورئله‌جک. چونکي رب بويوروب.
موآب تورپاغينا دوز تؤکون، چونکي خاراباليغا دؤنهجک؛ شهرلري اِله وئران اولاجاق کي، اورادا کئمسه ياشاماياجاق.
ربّئن ائشئني ياريمچيليق گؤرَنه لعنت اولسون! قيلينجيني قان تؤکمکدن ساخلايانا لعنت اولسون!
موآب جاوانليغيندان بَري لاقيد ائدي. تورتاسي دئبده قالان شرابا اوخشاييردي. قابدان قابا بوشالديلماييب، سورگونلويه گتمه‌يئب. بونا گؤره ده داديني ديئشمه‌يئب، عطرئني ائتئرمه‌يئب.
لاکئن او گونلر گلئر کي، اونو قابدان قابا تؤکه‌جک آداملاري گؤنده‌رئم." رب بويورور. "بلی، اونو تؤکه‌جکلر؛ قابلاريني بوشالداجاقلار، کوپلرئني تئکه-تئکه ادهجکلر.
موآب خالقي بِل باغلاديغي کِموشدان اوتاناجاق، نجه کي، ائسرايئل خالقي بِل باغلاديقلاري بِيت‌ائلدن اوتاندي.
نه اوچون ديئرسئنئز: «بئز ائگئدئک؟ دؤيوشه قابئل عسگرلرئک؟»
موآب محو اولاجاق، اونون شهرلرئنه هوجوم ادهجکلر. لاپ سِچمه جاوانلاري اؤلدورولميه گدهجک." آدي قوشونلار ربّی اولان پادشاه بونو بويورور.
"موآبين فلاکتي عنقرئب گلئر؛ اونون بلاسي سورعتله ياخينلاشير.
ای اونون اطرافيندا اولانلار، اونون آديني بئلَنلر، اونون اوچون ياس توتوب ديئن: «قودرتلي عصا، عظمتلي دَيَنَک نجه ده قيريلدي!»
ای دئبون ساکئنئلري، جاه-جلالينيزدان دوشون، سوسوز يرده اوتورون. چونکي موآبي محو ادن سئزئن ده اوستونوزه گلهجک، قالالاريني داغيداجاقدير.
ای عَروعِر ساکئني، يول کناريندا دوروب کشئک چک! قاچان کئشئدن، قورتولان آرواددان «نه اولوب؟» سوروش.
موآب روسواي اولوب، چونکي داغيليب. شئون ات، باغير! موآبين محو اولدوغونو اَرنون دره‌سئنده بئلدئر.
اوواداکي شهرلر يعني حولون، يَهصا، مِفاعَت،
دئبون، نِبو، بِيت‌دئبله‌تايئم،
قئرياته‌يئم، بِيت‌گامول، بِيت‌مِعون،
قئريوت، بوصرا، اوزاق و ياخين بوتون موآب شهرلري محکوم اولوب.
موآبين بوينوزو کَسئلئب، قولو قيريليب." رب بويورور.
"موآبي مست ادئن، چونکي ربّئن ضئدّئنه کئبئرله‌نئب. قوي موآب اؤز قوسدوغونا بَلَنسئن، قوي مضحَکه‌يه ده چِورئلسئن.
مگر ائسرايئل سنه مضحَکه اولمادي؟ مگر او اوغرولار آراسيندا توتولدو کي، اوندان دانيشاندا حقارتله باشيني يِلله‌يئرسن؟
ای موآب ساکئنلري، شهرلرئنئزي ترک ادئب قايالارا سيغينين. يوواسيني ماغارانين آغزيندا قوران گؤيرچئن کئمي اولون.
موآبليلارين نه درجهده کئبئرله‌نئب لووغالانديقلاريني، نه جور تکبّورلو، مغرور و حئرصلي اولدوقلاريني اشئتدئک.
گوستاخليغيني بئلئرم، لاکئن عبثدئر." رب بويورور. "فخر اتمه‌سئنئن هچ فايداسي يوخدور.
بونا گؤره ده موآب اوچون شئون ادهجيم، بوتون موآب اوچون فغان ادهجيم، قئرخِرِس خالقي اوچون ياس توتاجاغام.
ای سئبما تَنه‌يي، سنئن اوچون يَعزِر خالقينا آغلاديغيمدان چوخ آغلاييرام. بوداقلارين دهنزي آشيب يَعزِره چاتدي. محو ادن سنئن ياي ميوه‌لرئنئن، يِتئشمئش اوزومونون اوستونه دوشوب.
موآبين ميوه باغلاريندان، زَمئلرئندن شَنلئک و شادليق سَسي يوخ اولوب. اوزوم‌سيخانلاردان آخان شرابي کَسمئشم؛ هچ کس شادليق هارايي ائله اوزوم اَزمئر. گلن سَس ده شادليق هارايي ديئل.
اونلارين فغان سَسي خِشبوندان اِلعالِه‌يه قدر اِشئدئلئر؛ يَحَصه قدر، صوعَردن خورونايئمه، عِگلَت-شِلئشيايا قدر! چونکي حتّا نئمرئم سولاري دا قورويوب.
موآبدا پرستئشگاهلاردا قوربان گتئرنلري، اؤز آللاهلارينا بوخور يانديرانلاري محو ادهجيم." رب بويورور.
"بونا گؤره ده موآب اوچون اوره‌يئم نِي کئمي شئون ادئر. قئرخِرِس خالقي اوچون اوره‌يئم نِي کئمي شئون ادئر. اَلده اتدئيي مال-دولت يوخ اولوب.
هر کس ساچيني کَسئب، ساقّاليني قيرخيب، هر اَل يارالي‌دير، هر بِل چولا ساريليب.
موآب داملاريندان، مِيدانلاريندان فقط آغلاشما سَسي گلئر. چونکي من موآبي هچ کسئن بَيَنمه‌دئيي بئر قاب کئمي قيرميشام." رب بويورور.
"موآب نجه وئراندير! اونلار نجه ده شئون ادئرلر! موآب خجالتدن نجه آرخايا دؤنور! موآب بوتون اطرافينداکي‌لارا رئشخند و دهشت نومونهسي اولوب."
رب بله ديئر: "باخ! قارتال کئمي بئري اوچاجاق، موآب اوستونه قانادلاريني آچاجاق.
قِرئيوت اَله کچئرئله‌جک، قالالار آليناجاق. او گون موآب دؤيوشچولرئنئن اوره‌يي، دوغوش آغريسي چکن آروادين اوره‌يي کئمي اولاجاق.
موآب وئران اولاجاق، خالقلار آراسيندا داها بئر مئلّت اولماياجاق. چونکي ربّئن ضئدّئنه کئبئرلَندي.
ای موآب ساکئنلري، دهشت، چوخور و تله سئزي گؤزلهيئر." رب بويورور.
"دهشتدن قاچان، چوخورا دوشهجک، درئن چوخوردان چيخا بئلَن، تلهيه دوشهجک. چونکي موآبين اوستونه جزا ائلئني گتئره‌جيم." رب بويورور.
"خِشبونون کؤلگه‌سئنده قاچقينلار طاقتسئز دوروبلار. چونکي خِشبوندان اود، سئخونون اورتاسيندان آلوو چيخيب؛ او موآبين آلنيني، هر يانا سَس سالانلارين باشلاريني يانديريب-ياخير.
واي سنئن حالينا، ای موآب! کِموشون خالقي يوخ اولوب؛ اوغوللارين سورگونلويه دوشوب، قيزلارين اسئرلئيه آپاريليب.
لاکئن گلهجکده، موآبدان اسئر اولونانلاري گری قايتاراجاغام." رب بويورور. موآب بارهدهکي حؤکم بورادا آخيرا چاتير.
عَمّون اؤولادلاري بارهده رب بله ديئر: "ائسرايئلئن مگر اوغوللاري يوخدور؟ مگر اونون وارئثي يوخدور؟ بس نه اوچون مولِک جادا صاحئب اولوب؟ نئيه اونون خالقي جاد شهرلرئنده ياشايير؟
آمّا او گونلر گلئر کي، عَمّون اؤولادلارينين رَبّت شهرئنه دؤيوش نعره‌لري اشئتدئره‌جيم." رب بويورور. "رَبّت بئر خاراباليق قالاغي اولاجاق، اطرافينداکي قصبه‌لري يانديريلاجاق. سونرا ائسرايئل، اونو تورپاغيندان قووانلاري، قوواجاق." رب بله ديئر.
"شئون ات، ای خِشبون، چونکي عاي شهري وئران اولوب. فرياد ادئن، ای رَبّت قيزلاري، چولا بورونوب ياس توتون؛ دووارلار آراسيندا اورا-بورا قاچين. چونکي مولِک کاهئنلر و باشچيلاري ائله بئرلئکده سورگونلويه گدهجک.
دره‌لرله نه اوچون فخر ادئرسن؟ ثمرلي اولان دره‌لرئنله؟ ای دؤنوک قيز! سن مال-دؤولتئنه اعتئماد ادئب ديئرسن: «اوستومه کئم گله بئلر؟!»
باخ، اطرافيندا اولانلارين هاميسيندان سنئن اوستونه دهشت گتئره‌جيم." قوشونلار ربّی اولان پروردئگار بويورور. "هامي او يان بو يانا قاچاجاق، قاچانلاري ييغان اولماياجاق.
لاکئن بوندان سونرا اسئر اولونان عَمّون اؤولادلاريني. گری قايتاراجاغام." رب بويورور.
اِدوم بارهده قوشونلار ربّی بله ديئر: "تِيمان شهرئنده حئکمت مگر قالماييب؟ آغيلّي آداملارين نصئحتي مگر يوخ اولوب؟ اونلارين حئکمتي مگر سؤنوب؟
آرخايا دؤنون، قاچين، درئنلئکلره سيغينين، ای دِداندا ياشايانلار! چونکي عئسونو تنبه اتدئيئم واخت اونون باشينا فلاکت گتئره‌جيم.
اگر باغينا اوزوم ييغانلار گلسَيدئلر، مگر بئر نچه سالخيم بوراخمازديلار؟ اگر گجه اوغرولار گلسَيدئلر، مگر فقط اؤز ائسته‌دئکلرئني اوغورلامازديلار؟
لاکئن من عئسونو چيل-چيلپاق سويوندوراجاغام؛ اونون گئزلي يِرلرئني آشکار ادهجيم، اِله کي، گئزلَنه بئلمه‌سئن. اؤولادلاري، قوحوم-قونشولاري هلاک اولاجاقلار، اؤزو ده آرتيق اولماياجاق.
اؤز يِتئملرئني بوراخ، اونلاري من ياشادارام. دول آروادلارين دا منه بِل باغلايا بئلرلر."
رب بله ديئر: "اگر لايئق اولمايانلار، جزا کاساسي ائچمک مجبورئيّتئنده‌دئرلر، بس نئيه سن جزاسيز قالاسان؟ يوخ، جزاسيز قالماياجاقسان، بو کاسادان ائچمه‌لي‌سن."
رب بويورور: "آديم آدينا آند ائچئرم کي، بوصرا خاراباليغا چِورئله‌جک، حيرت، روسوايچيليق، وئرانهلئک و لعنت هدفي اولاجاق؛ بوتون شهرلري ابدهجک وئران قالاجاق.
ربدن بئر خبر اشئتمئشم: مئلّتلر آراسينا قاصئد گؤنده‌رئلئب کي، دسئن: «اِدوما هوجوم اتمک اوچون ييغيلين، دؤيوشه حاضيرلاشين!»
باخ، من سني مئلّتلر آراسيندا کئچئک ادهجيم، ائنسانلار سنه خور باخاجاقلار.
سالديغين دهشت و اورهيئندهکي کئبئر سني آلداتدي. سن کي قايا چاتلاقلاري آراسيندا ياشاييرسان، تپه‌لرئن باشيني اؤز اَلئنده ساخلاييرسان. يوواني قارتال کئمي اوجالاردا قورسان دا، سني اورادان اِندئره‌جيم." رب بويورور.
"اِدوم حيرت هدفي اولاجاق، اورادان کچن هر کس، بوتون يارالاريندان اؤتري، حيرت ائچئنده اونا فئت چالاجاق."
رب ديئر: "سودوملا گوموراني و اطرافينداکي کَندلري نجه داغيتديم، اورادا دا کئمسه ياشاماياجاق، او يرده هچ کس ساکئن اولماياجاق.
باخ، آصلان نجه اوردون چايينين کنارينداکي سيخ مِشه‌دن ياخشي سولانان اوتلاغا چيخيب گلئر، من ده اِدوملولاري بئر آندا اؤز يوردوندان قوواجاغام. سِچئلمئش اولان کئمدئر کي، اونو بو ائشه رهبر قويوم؟ منئم کئمئسي مگر وار؟ منئمله کئم موبارئزه اده بئلر؟ منئم قاباغيمدا دوران بئر چوبان مگر وار؟»
بونا گؤره ده ربّئن اِدومون ضئدّئنه اولان فئکرئني، تِيماندا ياشايانلارين ضئدّئنه اولان مقصدئني اِشئدئن: سورونون لاپ کئچئکلري ده اسئر ادئلهجک، خالقينا گؤره اِدوم اوتلاقلاريني صحرايا چِورئره‌جک.
داغيلمالارينين گورولتوسوندن ير اوزو تئترَيه‌جک. قيشقيريقلارينين سَسي قيرميزي دهنزه‌جک اِشئدئله‌جک.
باخ! بئر قارتال قالخيب اوستونه جوماجاق، بوصرا اوستونده قانادلاريني آچاجاق. او گون اِدوم دؤيوشچولرئنئن اوره‌يي دوغوش آغريسي چکن آروادين اوره‌يي کئمي اولاجاق.
بو سؤزلر دَمَشق بارهدهدئر: "خَمات و اَرپاد اوتانيرلار، چونکي پئس خبر اشئدئبلر. اورَکلري اوزولوب. ساکئت دورمايان دهنز کئمي جوشوب ناراحاتديرلار.
دَمَشق طاقتدن دوشوب، قاچماغا اوز قويوب، واهئمه اونو بورويوب؛ دوغان آرواد کئمي اونو سانجي و آغري توتوب.
نجه اولدو کي، منی سِوئندئرَن، شؤهرتلي شهر ترک ادئلمه‌يئب؟
بونا گؤره ده، جاوانلاري ميدانلاريندا يِره سَرئله‌جک. او گون بوتون دؤيوشچولري سوسدورولاجاق." قوشونلار ربّی بويورور.
"دَمَشقئن دووارلارينا اود سالاجاغام، بِن-هَدادين سارايلاريني يانديريب محو ادهجک"
بابئل پادشاهي نِبوکَدنِصّرئن مغلوب اتدئيي قِدار و خاصور پادشاهليقلاري بارهده رب بله ديئر: "قالخين، قِدارا هوجوم ادئن، شرق خالقيني محو ادئن.
اونلارين چاديرلاريني و سورولرئني اَللرئندن آلاجاقلار؛ چادير پرده‌لري، بوتون اشيالاري و دَوه‌لري گؤتورولوب آپاريلاجاق. اونلارا «هر طرفدن دهشت!» ديئب باغيراجاقلار.
ای خاصوردا ياشايانلار، قاچين، اوزاقلاشين، درئنلئکلره سيغينين." رب بويورور. "چونکي بابئل پادشاهي نِبوکَدنِصّر سئزئن ضئدّئنئزه قصد قوروب، سئزئن ضئدّئنئزه تدبئر تؤکوب.
قالخين، راحات و آسايئش ائچئنده ياشايان خالقين اوستونه هوجوم ادئن." رب بويورور. "اونلارين شهر دروازالاري و سورگولري يوخدور، خالقي دا تک باشينا ياشايير.
دَوه‌لري قارت ادئلهجک، سايسيز سورولري قنئمت آپاريلاجاق. کَکئل‌لرئني قيرخانلاري دؤرد طرفه سَپه‌لَيه‌جيم. هر ياندان باشلارينا فلاکت گتئره‌جيم." رب بويورور.
"خاصور چاقّال يوواسينا، ابدی وئرانه‌لئيه چِورئله‌جک. اورادا کئمسه ياشاماياجاق؛ او يرده هچ کس ساکئن اولماياجاق."
يهودا پادشاهي صئدقئيانين پادشاهليغينين اوّلئنده، رب اِرِميا پيغمبره عِيلام بارهده بو سؤزلري نازئل اتدي:
"قوشونلار ربّی بله ديئر: «باخين، عِيلامين کامانيني، اَساس قووّه‌لرئني سينديراجاغام.
عِيلام اوستونه گؤيلرئن دؤرد طرفئندن دؤرد کوله‌يي گتئره‌جيم، خالقيني دؤرد کوله‌يئن اَلئنه ورئب سَپه‌لَيه‌جيم. اِله بئر مئلّت اولماياجاق کي، عِيلام سورگونلري آرالارينا گتمهمئش اولسون.
دوشمنلرئنئن قاباغيندا، جانلاريني آلماق ائسته‌ينلرئن قاباغيندا، عِيلامي دهشته سالاجاغام. باشلارينا فلاکت گتئرئب شئدّتلي قضبئمي ياغديراجاغام.» رب بويورور. «اونلاري يوخ ادنه قدر آرخالارينجا قيلينج گؤنده‌ره‌جيم.
عِيلامدا تختئمي قوراجاغام، عِيلام پادشاهي ائله باشچيلاريني محو ادهجيم.» رب بويورور.
«لاکئن گلهجکده عِيلامدان اسئر اولونانلاري گری قايتاراجاغام.» رب بويورور."
رب بابئل و کَلدانئلرئن اؤلکه‌سي بارهده اِرِميا پيغمبرئن واسئطهسئله بو سؤزلري نازئل اتدي:
"مئلّتلره بئلدئرئب اعلان ادئن. بايراق قالديريب خبر ورئن؛ هچ نه‌يي گئزلَتمه‌يئن! ديئن: بابئل اَله کچئرئله‌جک، بِل آللاهي خجالت آلتيندا قالاجاق، مِرودَک آللاهي دهشته دوشهجک، تئمثاللاري آلچالديلاجاق، بوتلري تئکه-تئکه اولاجاق.
اوستونه شئمالدان بئر مئلّت هوجوم ادهجک، اؤلکهسئني وئران قوياجاق. اورادا ياشايان اولماياجاق؛ ائنسان دا، حيوان دا قاچيب گدهجک."
رب بويورور: "او گونلر، او زامان ائسرايئل خالقي ائله يهودا خالقي بئرلئکده گلهجک، اونلار آغلايا-آغلايا گلئب اؤزلرئنئن تاريسي ربّی آختاراجاقلار.
صحيونا گِدن يولو سوروشاجاقلار و اوزلرئني اونا طرف توتاجاقلار. اونلار گلئب ياددان چيخارديلماز، ابدی بئر عهدله ربّه باغلاناجاقلار.
خالقيم ائتمئش قويونلار کئمي اولوب، چوبانلاري اونلاري آزديريب، داغلاردا اؤزباشينا آوارا بوراخيب، اونلار داغدان تپه‌يه گتدئلر، ائستئراحت اتدئيي يري ياددان چيخارتديلار.
کئم اونلاري تاپدي، يِدي. دوشمنلري ددئلر: «بئز تقصئرکار ديئلئک، چونکي اونلار، اونلارا حقئقي اوتلاق اولان ربّه، آتالارينين اومئدي اولان ربّه گوناه اتدئلر.»
بابئلدن قاچيب قورتارين! کَلدانئلرئن اؤلکهسئني ترک ادئن، سورويه يول گؤرسه‌دن کِچئلر کئمي اولون!
چونکي من شئمال اؤلکهسئندن بابئلئن ضئدّئنه بؤيوک مئلّتلر ائتّئفاقيني قالديريب گتئره‌جيم. بابئلئن قاباغيندا دوزولوب اونو شئمالدان اَله کچئرده‌جکلر. اوخلاري ماهئر دؤيوشچو اوخلاري کئمي اولاجاق، هچ بئري اَلئبوش قاييتماياجاق.
بلجه کَلده اؤلکه‌سي قارت اولوناجاق، اونو قارت ادنلرئن هاميسي مالدان دوياجاقلار." رب بويورور.
"ای ائرثئمي تالايانلار، ائندي کي، سِوئنئب شادليقلا جوشورسونوز، خرمنده تاخيل دؤيَن بوزوو کئمي تولّانيرسينيز، توسَن کئمي کئشنه‌يئرسئنئز،
آنانيز چوخ اوتاناجاق، سئزي دوغانين اوزو قيزاراجاق. بابئل مئلّتلرئن لاپ ضعئفي، کؤشَن اولاجاق، قوراق بئر يِر، بئر صحرا اولاجاق.
ربّئن قضبي اوزوندن هچ کس اورادا ياشاماياجاق، کامئل وئران اولاجاق. بوتون کِچَنلر بابئلئن آلديغي بوتون يارالاري گؤرنده حيرت ائچئنده فئت چالاجاقلار.
ای بوتون کامان چکنلر، بابئلئن اطرافيندا دؤيوش اوچون دوزولون. اورايا اوخ آتين، اوخونوزو اسئرگَمه‌يئن. چونکي او، ربّه گوناه اتدي.
هر طرفدن اونون ضئدّئنه نعره چکئن، او تسلئم اولور، بورجلري ييخيلير، دووارلاري اوچولور. چونکي بو، ربّئن قئصاصي‌دير. اوندان قئصاص آلين، او نه ادئب، باشينا اونو گتئرئن.
بابئلده اَکئنچئلري محو ادئن، بئچئن واختي اوراقچيلاري ردّ ادئن. ظالئملارين قيلينجي اوزوندن هر کس اؤز خالقينين يانينا قاييتسين، هامي اؤز اؤلکهسئنه قاچسين.
ائسرايئل داغيلميش بئر سورو کئميدئر، اونو آصلانلار قووور. اونو اوّل آشور پادشاهي يِدي، آخيري دا بابئل پادشاهي نِبوکَدنِصّر اونون سوموکلرئني قيردي."
بونا گؤره ده ائسرايئلئن تاريسي اولان قوشونلار ربّی بله ديئر: "آشور پادشاهيني نجه جزالانديرديم، بابئل پادشاهي ائله اؤلکهسئني ده اِلَجه جزالانديرجاغام.
لاکئن ائسرايئلي گئنه اؤز اوتلاغينا گتئره‌جيم، او، کَرمِلده و باشاندا اوتلاياجاق. اِفرايئمئن داغليق بؤلگهسئنده و گئلعاددا ائسته‌دئيي قدر يِيئب دوياجاق.
او گونلر، او زامان ائسرايئلده تقصئر آختاريلاجاق، لاکئن تاپيلماياجاق. يهودادا گوناه آختاريلاجاق، لاکئن تاپيلماياجاق. چونکي سالامات قويدوغوم آداملاري باغيشلاياجاغام." رب بويورور.
"مِراته‌يئم تورپاغينا، پِقوددا ياشايانلارا هوجوم ات. اونلاري تعقئب ادئب کامئل بئر شکئلده اؤلدور، سنه بوتون امر اتدئکلرئمي يرئنه يتئر." رب بويورور.
اؤلکهده موحارئبه سَسي اِشئدئلئر، بؤيوک قيرغين سَسي!
بوتون دونيانين گورزي نجه ده قيريليب پارچالاندي! بابئل نجه ده مئلّتلر آراسيندا حيرت سببئنه دؤنوب!
سنئن اوچون تله قوردوم، ای بابئل، سن ده بئلمه‌دن تله‌مه دوشدون. توتولوب ياخالاندين، چونکي ربّئن ضئدّئنه ساواشدين.
رب سئلاح‌خاناسيني آچيب، قضبئنئن سئلاحلاريني چيخارديب. چونکي قوشونلار ربّی پروردئگارين کَلده اؤلکهسئنده اده‌جيي بئر ائش وار.
هر ياندان اونا هوجوم ادئن، آنبارلاريني آچين، ماللاريني قالاق-قالاق ييغين. اونو کامئل محو ادئن، اوندان بئر شي قالماسين.
بوتون گاميشلاريني کَسئن؛ سالاقخانايا گتسئنلر. واي اونلارين حالينا! چونکي اونلارين گونو، اونلارين جزا واختي گلئب.
بابئل اؤلکهسئندن قاچيب قورتارانلارين سَسئني اِشئدئن؛ قاچيرلار کي، تاريميز ربّئن قئصاصيني، اونون معبدئنئن قئصاصيني، صَحيوندا اعلان اتسئنلر.
بوتون اوخچولاري، کامان چکَنلري بابئلئن ضئدّئنه چاغيرين. اطرافيني موحاصئرهيه آلين، هچ کس قاچيب قورتارا بئلمه‌سئن. اونا ائشلرئنه گؤره عوض ورئن. او نه ادئب، باشينا اونو گتئرئن. چونکي ربّئن ضئدّئنه، ائسرايئلئن موقدّسئنئن ضئدّئنه کئبئرله‌نئب.
بونا گؤره ده جاوانلاري ميدانلاردا يِره سَرئله‌جک؛ او گون بوتون دؤيوشچولري سوسدورولاجاق." رب بويورور.
"باخ، من سنه ضئدّم، ای مغرور." قوشونلار ربّی اولان پروردئگار بويورور. "چونکي سنئن گونون، سني جزالانديراجاغيم واخت گلئب.
مغرور بودرهيئب-ييخيلاجاق، اونو قالديران اولماياجاق، شهرلرئنه اود سالاجاغام، بوتون اطرافيندا اولانلاري يانديريب يوخ ادهجک."
قوشونلار ربّی بله ديئر: "بوتون ائسرايئل خالقي دا، يهودا خالقي دا اذئيّت چکئر. اونلاري اسئر توتانلار، اونلاري مؤحکم ساخلاييرلار، بوراخماق ائسته‌مئرلر.
آمّا اونلارين قَيّومو گوجلودور، اونون آدي قوشونلار ربّي‌دئر. رب قطعن اونلارين ائشئنه باخاجاق کي، اؤلکهيه راحاتليق ورسئن، آمّا بابئل ساکئنلرئنه تشوئش گتئرسئن."
رب بويورور: "کَلدانئلرئن ضئدّئنه قيلينج گلسئن! بابئل اؤلکهسئنده ياشايانلارا، بابئل باشچيلارينا، حئکمتلی‌لرئنئن ضئدّئنه قيلينج گلسئن!
يالانچي پيغمبرلرئنئن ضئدّئنه قيلينج گلسئن! آخماقليق‌لاري اوزه چيخاجاق. دؤيوشچولرئنئن ضئدّئنه قيلينج گلسئن! دهشت اونلاري بورويه‌جک.
آتلارينين، دؤيوش عارابالارينين، آرالارينداکي ياداِللي موزدلولرئنئن ضئدّئنه قيلينج گلسئن! هاميسي آرواد کئمي اولاجاقلار. خزئنه‌لرئنئن ضئدّئنه قيلينج گلسئن! اونلار قارت ادئله‌جکلر.
سولارينا قوراقليق گلسئن! اونلار قوروياجاقلار. چونکي بابئل، بوتلر اؤلکه‌سي‌دئر، قورخولو بوتلر اوزوندن، دَلي اولاجاقلار.
بونا گؤره ده اورادا چؤل حيوانلاري، چاقّاللار، بايقوشلار ياشاياجاق، داها ائنسان ياشاماياجاق، نسئلدن نسله اورادا هچ کس ساکئن اولماياجاق.
سودوملا گوموراني و اطرافينداکي کَندلري تاري نجه داغيتدي،" رب بويورور. اورادا کئمسه ياشاماياجاق، او يرده هچ کس ساکئن اولماياجاق.
باخ، شئمالدان بئر خالق گلئر؛ دونيانين اوزاق يِرلرئندن بؤيوک بئر مئلّت و چوخلو پادشاهلار قالخير.
اونلار اوخ-کامان و نئزه ائله سئلاحلانميش؛ قدّار و رحمسئزدئرلر. آتلارين اوستونده گلرکَن، سَسلري دهنز کئمي گورلايير. دؤيوشه حاضير دؤيوشچولر کئمي قاباغيندا دوزوله‌جکلر کي، سنه هوجوم اتسئنلر. ای بابئل قيزي!
بابئل پادشاهي اونلارين خبرئني اشئدئب، اَللري يانلارينا دوشوب. دوغان آرواد کئمي اونو آغري و سانجي توتوب.
باخ، آصلان نجه اوردون چايينين کنارينداکي سيخ مِشه‌دن ياخشي سولانان اوتلاغا چيخيب گلئر، من ده بابئللی‌لري بئر آندا اؤز يوردوندان قوواجاغام. سِچئلمئش اولان کئمدئر کي، اونو بو ائشه رهبر قويوم؟ منئم کئمئسي مگر وار؟ منئمله کئم موبارئزه اده بئلر؟ منئم قاباغيمدا دوران بئر چوبان مگر وار؟»
بونا گؤره ده ربّئن بابئله ضئد فئکرئني، کَلدانئلرئن اؤلکهسئنه ضئدّ مقصدئني اِشئدئن: "سورونون لاپ کئچئکلري ده اسئر ادئلهجک، خالقينا گؤره اوتلاقلاري صحرايا چِوئره‌جک.
«بابئل اَله کچئرئلدي» سَسئندن ير اوزو تئترَيه‌جک، مئلّتلر آراسيندا اونون فريادي اِشئدئله‌جک."
رب بله ديئر: "من بابئلده و لِب-قامايدا ياشايانلارين ضئدّئنه هلاک اِدئجي بئر کولَک اَسدئره‌جيم.
بابئله تاخيل سووورانلار گؤنده‌ره‌جيم کي، اونو سوووروب اؤلکهسئني بوش قويسونلار؛ اونلار اونون قارا گونونده، هر ياندان اونا هوجوم ادهجکلر.
اوخچو کامانيني چکمه‌سئن، زئرِهئني گِيمه‌سئن. اونون جاوانلارينا رحم اتمهيئن، قوشونونو کامئل محو ادئن.
اؤلدورولَنلر کَلده اؤلکهسئنده، يارالي‌لار اونون کوچه‌لرئنده يِره سَرئله‌جکلر.
چونکي اؤزلرئنئن تاريسي قوشونلار ربّي ائسرايئل و يهودا خالقلاريني ترک اتمهيئب. گرچي ائسرايئلئن موقدّسئنئن ضئدّئنه، اؤلکهلري تقصئرله دولودور.
بابئلئن ائچئندن قاچين! هر کس جانيني قورتارسين! اونون گوناهينا گؤره محو اولمايين. چونکي ربّئن قئصاص زاماني‌دير؛ اونا اؤز عوضئني ورهجک.
بابئل ربّئن اَلئنده بئر قيزيل کاسا ائدي؛ بابئل بوتون دونياني مست اتدي. مئلّتلر اونون شرابيني ائچدئلر، اونا گؤره ده دَلي اولوبلار.
بابئل قَفلَتَن ييخيليب تئکه-تئکه اولاجاق، اونون اوچون شئون ادئن! ياراسينا ملحم سورتون؛ بلکه شفا تاپار.
بابئله شفا وِرَردئک، لاکئن صاغالا بئلمز؛ گلئن، اونو ترک اِدَک، هر بئرئمئز اؤز اؤلکه‌مئزه قاييداق. چونکي بابئلئن حؤکمو گؤيلره چاتير، بولودلارا قدر اوجالير.
رب بئزه برائت ورئب؛ گلئن تاريميز ربّئن نه‌لر اتدئيئني صَحيوندا اعلان اِدَک!
اوخلاري ائتئئله‌يئن، سئپرلري گؤتورون! رب ماد پادشاهلاريني قالديريب، مقصدي بابئلي يوخ اتمکدئر. رب اؤز قئصاصيني، معبدئنئن قئصاصيني آلاجاق.
بابئل دووارلارينين ضئدّئنه بايراق اوجالدين! کشئکچي‌لري چوخالدين، نؤوبتچئلري اؤز يرئنه قويون، کمئنده دورون! چونکي رب بابئل خالقينين ضئدّئنه نئيّتئني، اعلان اتدئيئني يرئنه يتئرهجک.
ای چوخلو سولارين قيراغيندا ياشايانلار، چوخلو خزئنهلري اولانلار، آخيريز گلئب، کَسئلئب آتيلما واختينيز يِتئشئب."
قوشونلار ربّی اؤز وارليغينا آند ائچئب: "سني چَيئرتکه سوروسو ائله دولدوران کئمي قطعن عسگرلرله دولدوراجاغام، سنه ظفر تاپديقلاري اوچون نعره چکهجکلر."
رب قودرتي ائله يِر اوزونو ياراتدي؛ حئکمتي ائله دونياني قوردو، درّاکه‌سي ائله گؤيلري يايدي.
او گورلاياندا گؤيدهکي سولار گورلايير، يِرئن اوجقارلاريندان بولودلاري اوجالدير، ياغيش اوچون شئمشَک چاخديرير، آنبارلاريندان کولَک چيخاردير.
هر کس عاغيلسيزدير، معرئفتسئزدئر. هر زرگر دوزلتدئيي بوتدن اوتانير، چونکي اونون تؤکدويو بوت پوچدور، اونلاردا نفس يوخدور.
اونلار بوش شيدئرلر، مَسخره‌دئرلر، جزا واختلاري گلن زامان، محو اولاجاقلار.
آمّا يعقوبا نصئب اولان اونلارا بَنزه‌مَز، چونکي ائرث قبئله‌سي ائله بئرلئکده هر شيي يارادان اودور. اونون آدي قوشونلار ربّي‌دئر.
"سن منئم توپّوزوم، دؤيوش سئلاحيمسان، سنئنله مئلّتلري قيريرام، سنئنله پادشاهليقلاري محو ادئرم.
سنئنله آتلاري و آتلي‌لاري قيريرام، سنئنله دؤيوش عارابالاري و اونلاري سورَنلري قيريرام،
سنئنله کئشي و آروادي قيريرام، سنئنله قوجا و جاواني قيريرام، سنئنله جاوان اوغلان و قيزي قيريرام.
سنئنله چوبان و سوروسونو قيريرام، سنئنله اَکئنچي و اؤکوزلرئني قيريرام، سنئنله والئلر و باشچيلاري قيريرام.
آمّا بابئلده و کَلده اؤلکهسئنده ياشايانلارا صَحيوندا اتدئکلري بوتون پئس عمللرئنئن عوضئني گؤزلرئنئزئن قاباغيندا ورهجيم." رب بويورور.
"باخ، سنه ضئدّم، ای هلاک ادن داغ ای بوتون دونياني هلاک ادن!" رب بويورور. "سنه اَلئمي قالديريب سني قايانين باشيندان هِل‌لَده‌جيم، سني يانميش بئر داغا چِوئره‌جيم.
سندن کونج و بونؤوره داشي گؤتورميه‌جکلر، چونکي سن ابدی بئر وئرانه اولاجاقسان." رب بويورور.
"يِر اوزونده بايراق قالديرين! مئلّتلر آراسيندا کَره‌ناي چالين! مئلّتلري بابئلئن ضئدّئنه دؤيوش اوچون حاضيرلايين! آرارات، مئنّي و اَشکِناز پادشاهليقلاريني اونون ضئدّئنه ييغين. اونون ضئدّئنه بئر سرکرده تعيئن ادئن، اوستونه چَيئرتکه سوروسو قدر آتلار گؤنده‌رئن.
مئلّتلري-ماد پادشاهلاريني، والئلرئني و بوتون باشچيلاريني، باشچيليقلاري آلتينداکي بوتون اؤلکهلري بابئلئن ضئدّئنه دؤيوش اوچون حاضيرلايين!
اؤلکه تئترهيئب لرزهيه گلئر! چونکي ربّئن بابئله ضئدّ نئيّتي- اوراني ساکئنسئز بئر وئرانه‌يه چِوئرمه نئيّتي يرئنه يِتمه‌لي‌دئر.
بابئل دؤيوشچولري ووروشماقدان اَل چکئبلر، اؤز قالالاريندا قاليبلار. گوجلري تؤکه‌نئب؛ آروادلار کئمي اولوبلار. ياشاديقلاري يِرلر اودا ورئلئب، دروازا سورگولري قيريليب.
قاصئد، قاصئد دالينجا، خبرچي، خبرچي دالينجا گلئر، بو خبري بابئل پادشاهينا چاتديرير: «شهر هر طرفدن آليندي،
چاي کِچئدلري توتولدو، قاميشليقلار يانديريلدي، دؤيوشچولر دهشته دوشدو.»"
ائسرايئلئن تاريسي اولان قوشونلار ربّی بله ديئر: "واختي گلنده خرمن يري نجه تاپدالانير، بابئل قيزي دا اِله تاپدالاناجاق. اونون دا بئچئن زاماني عنقرئب يِتئشه‌جک."
"بابئل پادشاهي نِبوکَدنِصّر منی يِيئب، منی گئجلئيه ساليب، بوش بئر قابا چِوئرئب. جاناوار کئمي منی اودوب، گؤزل يمکلرئمله قارنيني دويوروب. سونرا دا منی قوسوب.
صحيون ساکئنلري ديئرلر: «منه و جانيمين ضئدّئنه ادئلَن قدّارليق بابئلئن باشينا گلسئن.» اورشَلئم ديئر: «تؤکولَن قانيمين حاقّي-حسابي قوي کَلدانئلردن سوروشولسون.»
بونا گؤره رب بله ديئر: «محکمه‌ده ائشئنئزه من باخاجاغام، قئصاصينيزي من آلاجاغام. اونون چاييني قوروداجاغام، بولاغينين سويونو کَسه‌جيم.
بابئل داش قالاقلارينا، چاقّال يوواسينا دؤنهجک. حيرت هدفي اولاجاق، ائستِهزا ائله اونا فئت چالاجاقلار. اورادا هچ کس ياشاماياجاق.
خالقي جاوان آصلانلار کئمي نعره چکهجک، شئر بالالاري کئمي نَرئلده‌يه‌جک.
لاکئن قيزيشديقلاري واخت، ضئيافت دوزهلدئب اونلاري مست ادهجيم. قوي کِف اتسئنلر، ابدی يوخويا گتسئنلر، هچ واخت اويانماسينلار.» رب بويورور.
«اونلاري قوزو، قوچ و کِچي کئمي کَسمَيه آپاراجاغام.»"
شِشَک بوتون دونيانين اونون حاقّيندا قورورلانديغي يِر، نجه آليناجاق! بابئل مئلّتلر آراسيندا، نجه حيرته سالان حالا دوشهجک.
بابئلي دهنز باساجاق، اونو گورلايان شپهلر اؤرته‌جک.
شهرلري وئران اولاجاق، تورپاقلاري هچ کسئن ياشاماديغي، هچ کسئن کِچمه‌دئيي قوراق بئر چؤله دؤنهجک.
بابئلده بِل بوتونو جزالانديرجاغام، اودّوغونو اونا قوسدوراجاغام. مئلّتلر آرتيق اورايا آخين-آخين گلميه‌جکلر، بابئل دووآري دا ييخيلاجاق.
اورادان چيخين، ای منئم خالقيم! هاميز جانينيزي قورتارين! ربّئن آلوولانان قضبئندن قاچين!
اؤلکهده اشئتدئيئنئز شايئعه‌لره گؤره جسارتئنئزي ائتئرئب قورخمايين. بو ائل بئر شايئعه گلئر، او بئري ائل باشقاسي. اؤلکهده قدّارليق، باشچينين باشچييا ضئدّ چيخماسي بارهده شايئعه‌لر ياييلير.
بونا گؤره ده، باخ، بابئلئن بوتلرئني جزالانديراجاغيم گونلر گلئر؛ بوتون اؤلکه روسواي اولاجاق، اؤلدورولَنلري اونون اورتاسيندا يِره سَرئله‌جک.
او زامان يِر، گؤي و اونلارداکي هر شي بابئلئن باشينا گلنلره سِوئنه‌جک. چونکي شئمالدان گلن محو ادنلر اونا هوجوم ادهجکلر." رب بويورور.
"ائسرايئلئن اؤلدورولَنلرئنه گؤره بابئل ده محو اولماليدير، نجه کي يِر اوزونده اؤلدورولَن هر کس بابئله گؤره ييخيليب.
ای قيلينجدان قورتولانلار، قاچين، لَنگئمه‌يئن! ربّی اوزاقدان يادا سالين، اورشَلئم بارهده دوشونون!"
بئز اوتانج آلتينداييق، چونکي تحقئر اولونموشوق، اوزوموزو روسوايچيليق اؤرتور. چونکي ياد اِللی‌لر ربّئن معبدئنئن موقدّس يِرلرئنه گئرئبلر.
"آمّا او گونلر گلئر کي، بوتلرئني جزالانديراجاغام، بوتون اؤلکهده يارالي‌لار ائنئلده‌يه‌جک." رب بويورور.
"بابئل گؤيلره چيخسا دا، اوجالارداکي قالاسيني مؤحکملَندئرسه ده، محو ادنلري اوستونه دؤنده‌ره‌جيم." رب بويورور.
"بابئلدن فرياد، کَلدانئلرئن اؤلکهسئندن بؤيوک قيرغين سَسي اِشئدئلئر.
رب بابئلي محو ادهجک، اونون هاي-کويونو سوسدوراجاق. دوشمن شپهلري چوخلو سولار کئمي کوکره‌يه‌جک، سَسلرئنئن گورولتوسو اوجالاجاق.
چونکي بابئلئن ضئدّئنه بئر محو ادن چيخاجاق، دؤيوشچولري اسئر توتولاجاق، کامانلاري قيريلاجاق. چونکي رب عوض ورن بئر تاريدير، عوضئني کامئل ورهجکدئر.
بابئل باشچيلاريني، حئکمتلی‌لرئني، والئلرئني، باشچيلاريني، دؤيوشچولرئني اِله مست ادهجيم؛ اونلار ابدی يوخويا گدهجکلر، هچ واخت اويانماياجاقلار." آدي قوشونلار ربّی اولان پادشاه بويورور.
قوشونلار ربّی ديئر: "بابئلئن قالين دووآرلاري يِرله بئر اولوناجاق، اوجا دروازالارينا اود وورولاجاق. خالقلار بوش-بوشونا زحمت چکئرلر، مئلّتلرئن چکدئيي اذئيّت، اودا تسلئم ادئلهجک."
يهودا پادشاهي صئدقئيانين پادشاهليغينين دؤردونجو ائلئنده، مَخسِيا اوغلو نِرئيا اوغلو قوشون تَصَرّوفاتچيسي سِرايا، صئدقئيا ائله بئرلئکده بابئله گِدَرکَن، اِرِميا پيغمبر اونا بو پيامي تاپشيردي.
اِرِميا بابئلئن باشينا گلهجک بوتون فلاکتلري، بابئل بارهده يازيلميش بوتون بو سؤزلري بئر طومارا يازدي.
اِرِميا سِرايايا ددي: "بابئله چاتاندا بوتون بو سؤزلري اوجا سَسله حتمن اوخو.
دِه کي: «يارب، بوراني داغيداجاغيني، ائچئنده ائنسانين دا، حيوانين دا ياشاماياجاغيني، اؤلکهنئن ابدی وئران قالاجاغيني ديئبسن.»
بو طوماري اوخويوب قورتاراندا، اونا بئر داش باغلاييب فَرات چايينين اورتاسينا آت.
سونرا دِه: «قوي بابئل ده بله باتسين و منئم اونون باشينا گتئره‌جَيئم فلاکتدن بئر داها چيخا بئلمه‌سئن، قوي اونون خالقي ييخيلسين.»" اِرِميانين سؤزلري بورايا قدردئر.
صئدقئيا، پادشاه اولدوغو واخت، ائيئرمي بئر ياشيندا ائدي و اورشَلئمده اونبئر ائل پادشاهليق اتدي. آناسي لئبنالي اِرِميانين قيزي خَموطَل ائدي.
او، يِهوياقئمئن اتدئيي کئمي ربّئن گؤزونده پئس اولان ائشلر اتدي.
حقئقتن، ربّئن قضبئنه گؤره اورشَلئمئن و يهودانين باشينا بو ائش گلدي و آخيردا رب اونلاري حوضوروندان آتدي. صئدقئيا بابئل پادشاهينين ضئدّئنه عوصيان اتدي.
صئدقئيانين پادشاهليغينين دوقّوزونجو ائلئنده، اونونجو آيين اونونجو گونو بابئل پادشاهي نِبوکَدنِصّر بوتون قوشونو ائله اورشَلئمئن اوستونه هوجوم اتدي، اورانين ضئدّئنه اوردوگاه قوردو و اطرافيندا موحاصئره دوواري دوزلتدي.
صئدقئيا پادشاهين حاکئمئيّتئنئن اون بئرئنجي ائلئنه قدر شهر موحاصئره‌ده قالدي.
دؤردونجو آيين دوقّوزونجو گونو شهرده آجليق اِله گوجلَندي کي، اؤلکه خالقينين يِمَيه چؤره‌يي قالمادي.
بو واخت شهرئن دوواريندا دَلئک آچيلدي. گجه ائکن کَلدانئلر شهرئن اطرافيندا اولاندا، بوتون دؤيوشچولر پادشاه باغچاسينين يانيندا اولان ائکي دووار آراسينداکي دروازادان قاچيب عَرَبه اوواسينا گِدن يوللا گتدئلر.
لاکئن کَلدانئلرئن قوشونو پادشاهي تعقئب اتدئلر و اَرئحا اووالاريندا صئدقئيايا چاتديلار. صئدقئيانين بوتون قوشونو اونو ترک ادئب داغيلديلار.
پادشاهي توتوب خَمات تورپاغينداکي رئبلايا، بابئل پادشاهينين يانينا آپارديلار. بابئل پادشاهي اونون حاقّيندا حؤکم وردی.
او، رئبلادا صئدقئيانين گؤزو قاباغيندا اوغوللاريني اؤلدورتدو، سونرا بوتون يهودا باشچيلاريني دا اؤلدورتدو.
سونرا صئدقئيانين گؤزلرئني چيخارتدي، اونو زنجئرله‌يئب بابئله آپاردي. بابئل پادشاهي اونو اؤلَنه قدر زئنداندا ساخلادي.
بابئل پادشاهي نِبوکَدنِصّرئن پادشاهليغينين اون دوقّوزونجو ائلئنده، بِشئنجي آيين اونونجو گونو کشئکچئلر ريئسي نِبوزَره‌دان کی، بابئل پادشاهينا خئدمت ادئردی، اورشَلئمه گلدي.
او، ربّئن معبدئنه، پادشاه سارايينا، اورشَلئمده‌کي بوتون اِولره اود ووروب بوتون اَساس بئنالاري يانديردي.
بوتون کَلده قوشونو دا کی، کشئکچئلر ريئسي ائله بئرلئکده گلمئشدئلر، اورشَلئمئن اطرافينداکي دووارلاري اوچورتدولار.
کشئکچئلر ريئسي نِبوزَره‌دان يوخسول آداملارين بئر حئصّهسئني، شهرده قالان خالقي، بابئل پادشاهينين طرفئنه کِچَن فرارئلري و صاغ قالان صَنَتکارلاري اسئر اتدي.
آنجاق او، باغچيليق و اَکئنچئلئک اتمک اوچون اؤلکه‌ده‌کي لاپ يوخسوللارين بئر حئصّهسئني اورادا ساخلادي.
کَلدانئلر ربّئن معبدئنده اولان بورونج سوتونلاري، پايالاري و بورونج حوووضو پارچالاييب بوتون بورونج‌لرئني بابئله آپارديلار.
عئبادت زاماني ائشله‌دئلَن خَکَندازلاري، کورَکلري، ماشالاري، لَيَنچه‌لري، قاشيقلاري و بوتون بورونج قابلاري دا گؤتوروب آپارديلار.
کشئکچئلر ريئسي خالئص قيزيلدان و گوموشدن اولان کاسالاري، بوخوردانلاري، لَيَنچه‌لري، خَکَندازلاري، چيراقدانلاري، قاشيقلاري، لَيَنلري گؤتوروب آپاردي.
ربّئن معبدي اوچون سوليمان پادشاهين دوزلتدئيي ائکي سوتون، حوووض و آلتينداکي اون ائکي بورونج گاميش موجسّمه‌سي و پايالاردان آلينان بورونجون آغيرليغي حسابا گلمَزدي.
بئر سوتونون بويو اون سکّئز قولآچ ائدي، دائره‌سي اونائکي قولآچ ائدي. هر بئري دؤرد بارماق قالينليغيندا ائدي، ائچلري بوش ائدي.
اوستونده بورونج بئر باشليق وار ائدي. باشليغين بويي بش قولآچ ائدي. بو باشليغين اطرافيندا حؤرمه تور و نارلار وار ائدي، هر شي بورونجدن دوزَلدئلمئشدي. او بئري سوتون دا نارلارينان بَزَنمئشدي و اوّلکئنه بَنزه‌يئردي.
يانلاردا دوخسان آلتي نار وار ائدي. باشليغي اَحاطه‌يه آلان حؤرمه تورلارين اوستونده جَمي يوز نار وار ائدي.
کشئکچئلر ريئسي نِبوزَره‌دان باش کاهئن سِراياني، باش کاهئنئن موعاوئني صِفَنياني و اوچ قاپي کشئکچئسئني اسئر آلدي.
شهرده قالان دؤيوشچولرئن سرکرده‌سئني، پادشاهين مصلحتچئلرئندن شهرده اولان يدّي نفري، اؤلکه خالقيني قوشونا يازان سرکرده‌نئن مئرزه‌سئني و اؤلکه خالقيندان شهرده قالان آلتميش نفري اسئر توتدو.
کشئکچئلر ريئسي نِبوزَره‌دان اونلاري گؤتوروب رئبلايا، بابئل پادشاهينين يانينا آپاردي.
بابئل پادشاهي، خَمات تورپاغيندا اولان رئبلادا اونلاري اؤلدورتدو. بلجه يهودا خالقي اؤز اؤلکهسئندن اسئر اولوندو.
نِبوکَدنِصّرئن اسئرلئيه آپارديغي خالقين سايي بلهدئر: يدّئنجی ائلده، اوچ مئن ائيئرمي اوچ نفر يهودي؛
نِبوکَدنِصّرئن پادشاهليغينين اون سکّئزئنجي ائلئنده، اورشَلئمدن سکّئز يوز اوتوز ائکي نفر؛
ائيئرمي اوچونجو ائلئنده، کشئکچئلر ريئسي نَبوزَره‌دانين اسئر اتدئيي يدّي يوز قيرخ بش نفر يهودي. هاميسي بئرلئکده دؤرد مئن آلتي يوز نفر ائدي.
يهودا پادشاهي يِهوياکئنئن اسئرلئکده اولماغينين اوتوز يدّئنجی ائلئنده، اِوئل مِرودَک بابئل پادشاهي اولدو. همئن ائلئن اون ائکئنجي آيينين ائيئرمي بِشئنجي گونو، اِوئل مِرودَک يهودا پادشاهي يَهوياکئنه مرحمت گؤرسده‌رک اونو زئنداندان آزاد اتدي.
اونونلا مهرئبانليقلا صؤحبت اتدي و اونون اوچون اؤزو ائله بئرلئکده بابئلده اولان پادشاهلارين تختئندن يوخاري بئر تخت قويدوردو.
يَهوياکئن حبسخانا پالتارلاريني اَينئندن چيخارتدي. او ياشاديغي مودّتده همئشه بابئل پادشاهينين سوفرهسئنده يمک يئيَردي.
بوتون عؤمرو بويو اونا بابئل پادشاهي طرفئندن اؤله‌جيي گونه قدر گوندهلئک آذوقه ورئلئردي.
بئر زامان ائنسانلارلا دولو اولان اورشَلئم شهري، نجه ده تک-تنها اوتوروب. ائندي او دول بئر آرواد کئمي اولوب- وئلايتلر آراسيندا بئر زامان اوجا ساييلان، اِللر آراسيندا شاهزاده اولان، بو شهر، نؤکرچئلئک ادئر.
گجه‌لر آجي-آجي آغلار، گؤز ياشلاري ائله ياناغي ائسلانار، بوتون معشوقلارينين آراسيندان اونا تسلّی ورن يوخدور. بوتون دوستلاري اونا خيانت ادئب، دوشمن اولوب.
يهودا ذئلّت آلتيندا، قوللوق آلتيندا، اسئرلئيه آپاريليب؛ او، مئلّتلر آراسيندا ياشايير، آمّا اورادا راحاتليق تاپماييب، بو ائضطئراب آراسيندا، اونو تعقئب ادنلرئن هاميسي اونا چاتيبلار.
صحيونا گدن يوللار ياس توتور، چونکي بايراملارينا گلن يوخدور، بوتون دروازالاري کئمسه‌سئز قاليب؛ کاهئنلري آه چکئر، قيزلاري ذلئل اولوب، او اؤزو ده آجي‌دير،
دوشمنلري اونون اوستونه آغا اولوب، کامياب ياشاييرلار؛ تقصئرلرئنئن چوخلوغونا گؤره رب اونلاري بو ظولمه ساليب، دوشمنلرئنئن گؤزلري قاباغيندا اؤولادلاري اسئر آپاريليب.
صحيون قيزينين بوتون جاه-جلالي يوخ اولوب؛ اونلارين باشچيلاري اوتلاقسيز مارال کئمي اولوبلار، تعقئب ادنلرئن قاباغيندان طاقَتسئز قاچيبلار.
اورشَلئم سيخينتي ائچئنده آوارا گَزَرکَن، کچن گونلرده اولان بوتون ثروتئني خاطيرلايير، خالقي دوشمنلرئنئن اَلئنه دوشَن واخت، کؤمه‌يئنه چاتان اولمادي. دوشمنلري اونا باخديلار، ييخيلماغينا گولدولر.
اورشَلئم بؤيوک گوناه ائشلَتدي، اونا گؤره ده نجئس بئر شي اولوب. اونا حؤرمت ادنلرئن هر بئري ائندي اونا خور باخير، چونکي اونو چيلپاق گؤروبلر، او دا ائنله‌يئب، اوزونو يانا چِوئرئر.
نجئسلئيي اَته‌يئنده ائدي، گلهجيئني دوشونمه‌دي، اونا گؤره ده قورخولو شکئلده ييخيليب، اونا تسلّی ورن يوخدور. يارب، گؤر بو ذئلّه‌تئمي، چونکي دوشمن اؤزونو بؤيودوب.
دوشمن اونون بوتون ثروتي اوستونه اَلئني اوزاديب، چونکي گؤروب کي، مئلّتلر اونون مَقدَسئنه سوخولوبلار؛ او مئلّتلر کي، اونلارين گئرمه‌سئني جاماعاتينين آراسينا قدغن اتمئشدئن.
بوتون خالقي زاري‌يير، چؤرک آختارير، جانلارينا قووّت آلماق اوچون ثروتلرئنئن عوضئنه آذوقه آليرلار. "يارب، ائندي باخ، حاليمي گؤر، نجه ذلئل اولموشام."
ای بوتون يولدان کچنلر، بو ائش سئزئن اوچون مگر هِچدئر؟ باخين دردئمه، بونون کئمئسي مگر وار؟ منئم باشيما گتئرئلَن درد باشقاسيندا مگر اولار؟ رب قضبدن آلوولاناندا بو دردي باشيما تؤکدو.
يوخاريدان اود گؤندردي، سوموکلرئمه‌جک بو اودو يِرئتدي. آياقلاريم اوچون تور قوروب، منی گری قايتاريب. منی تک-تنها بوراخيب، بوتون گون طاقتدن ساليب.
پروردئگار تقصئرلرئمي منه يوغ ادئب، اَلي ائله بئربئرئنه هؤروب، اونلاري بوينوما کچئرديب، طاقتئمي جانيمدان آليب. منی قاباغيندا دورا بئلمه‌دئيئم ائنسانلارا تسلئم ادئب.
پروردئگار ائچئمده اولان ائگئدلرئن هاميسيني هِچه ساييب. منئم ضئدّئمه بئر زامان تعيئن ادئب کي، سِچمه ائگئدلرئمي قيريب تاپدالاسين. باکئره يهودا قيزيني اوزوم‌سيخاندا اَزئب.
بونلار اوچون آغلاييرام، گؤزلرئمدن ياش آخير. تسلّی ورن مندن اوزاقدير، جانيمي تزه‌له‌يَن مندن اوزاقدير. اؤولادلاريم يالقيز قاليب، چونکي دوشمن ظفر تاپيب.
صحيون اَللرئني اوزادير؛ آمّا اونا تسلّی ورن يوخدور. رب يعقوب نسلئنئن ضئدّئنه بو امرئني ورئب: "قوي اطرافيندا اولانلاري، اونون دوشمنی اولسونلار، چونکي اورشَلئم اونلارين آراسيندا نجئس اَسکئيه چِورئلئب."
رب حاقليدير؛ چونکي من اونون امرئنه عوصيان اتمئشم، ای بوتون خالقلار، قولاق آسين! منئم چکدئيئم بو درده باخين، باکئره قيزلاريم، جاوان اوغلانلاريم اسئرلئيه گدئب.
سِوگئلی‌لرئمي چاغيرديم، لاکئن منی آلداتديلار؛ کاهئنلرئم، آغساقّال‌لاريم جانا گلمک اوچون يمک آختارارکَن، شهرئن ائچئنده هلاک اولدولار.
يارب، باخ، دارا دوشموشم، جانيم عذابدان يانير. چوخ عاصئلئک اتمئشم، بونا گؤره ده اوره‌يئم اوزولور. باييردا قيلينج اؤلدورور، اِو ائچئنده اؤلوم ياشايير.
نجه ناله چکدئيئمي اشئدئبلر، آمّا منه تسلّی ورن يوخدور، باشيما گلن بو بلادان بوتون دوشمنلرئمئن خبري وار، سنئن بونو اتدئيئنه سِوئنئرلر، کاشکي اعلان اتدئيئن گون گلسَيدي کي، اونلار دا منئم وضعئيّتئمه دوشه‌لر.
قوي اونلارين اتدئکلري بوتون پئسلئکلر سنئن حوضورونا قالخسين؛ تقصئرلرئمه گؤره منه اتدئيئني، اونلارا دا ات. چونکي ناله‌لرئم چوخدور، اوره‌يئم طاقتدن دوشوب.
پروردئگار صحيون قيزينا قضبلَنَرکَن نجه اونو هر طرفدن قارا بولود آليب! ائسرايئلئن شؤوکتئني گؤيدن يِره چيرپيپ، قضبلَندئيي گون کَتئلئني يادا سالماييب.
پروردئگار آمان ورمه‌دن يعقوب نسلئنئن بوتون مسکنلرئني اودوب، قضبئنده يهودا قيزينين قالالاريني ييخيب، اونلاري يِرله بئر ادئب، مملکتي، باشچيلاريني آلچالديب.
حئدّتلي قضبئنده ائسرايئلئن بوتون قووّه‌سئني کؤکوندن کَسئب، دوشمن قاباغيندا اونون اوستوندن صاغ اَلئني گؤتوروب. اِله بئل کي، يعقوب نسلئنئن آراسيندا، اؤد کئمي هر ياني يانديريب ياخير.
دوشمن کئمي کامانينين ياييني چکئب، خصم کئمي صاغ اَلئني قالديريب، بوتون گؤزه خوش گؤرونَنلري اؤلدوروب؛ قضبئني صحيون قيزينين چاديرينا آلوو کئمي تؤکوب.
پروردئگار دوشمن کئمي اولوب. ائسرايئلي اودوب؛ بوتون سارايلاريني اودوب، قالالاريني وئران قويوب، يهودا قيزينين ماتمئني، فغانيني داها دا آرتيريب.
چارداغيني وئرانه باغلار کئمي قيريب تؤکوب، گؤروش يِرلرئني خاراباليغا چِوئرئب، رب صحيونا تعيئن اتدئيي بايرام و سَبّت گونلرئني يادلاردان چيخارتديريب، قضبئنئن آلوووندا پادشاه و کاهئني تحقئر ادئب.
پروردئگار قوربانگاهيني ردّ ادئب، موقدّس مکانيني ترک ادئب. سارايلارينين دووارلاريني دوشمن اَلئنه تسلئم ادئب، اونلار بايرام گونونده اولدوغو کئمي، ربّئن معبدئنده هاراي چکئبلر.
رب نئيّت اتدي کي، صحيون قيزينين دوواريني داغيتسين. اؤلچو ائپئني اوزاديب، داغيتماق اوچون اوندان اَل چکمه‌يئب. قالا دوواريني، سدّئني، ماتمه بورويوب، ائکئسي بئرلئکده سولورلار.
اونون دروازالاري يِره باتيب، چفته‌لرئني قيريب آتيب، پادشاهي، باشچيلاري ياد مئلّتلرئن آراسينداديرلار، شرئعته عمل ادئلمئر، پيغمبرلرئنه ربدن آرتيق رؤيا گلمئر.
صحيون قيزينين آغساقّاللاري يِره اوتوروبلار، دئنمئرلر، باشلارينا توز-تورپاق تؤکوبلر؛ اؤزلرئني چولا بورويوبلر، اورشَلئمئن باکئره قيزلاري باشلاريني يِره دئکئب.
آغلاماقدان گؤزلرئمئن نورو گِدئر، جانيم عذابدان يانير؛ عزئز خالقيمين قيريلديغينا گؤره اوره‌يئمدن قان آخير. او زامان کي، شهر ميدانلاريندا کؤرپه‌لرله اوشاقلار باييليرلار.
شهر ميدانلاريندا يارالي‌لار کئمي هوشدان گِدَرکَن، آنا قوجاغيندا جان وِرَرکَن، آنالاريندان سوروشورلار: "هاني چؤرک، هاني شراب؟"
ای اورشَلئم قيزي، سنه نه دِيئم؟ سني کئمئنله موقايئسه اِدئم؟ ای باکئره صحيون قيزي، سني کئمه بَنزه‌دئم کي، بونونلا من سنه تسلّی وره بئلئم؟ چونکي ياران دهنز قدر درئندئر، سنه کئم شفا وره بئلر؟
پيغمبرلرئن سنئن اوچون يالان و معناسيز رؤيالار گؤروبلر؛ خوشبختلئيئني سنه قايتارماق اوچون تقصئرلرئني اوزه چيخارتماييبلار، آمّا سني آزديرماق اوچون، سنه يالاندان رؤيالار گؤروبلر.
يولدان کِچَن بوتون ائنسانلار اَل چاليب سني مسخره ادئرلر، باشلاريني يِلله‌يئرلر. اورشَلئم قيزينا ديئرلر: "بوتون دونيانين گؤزللئک و شادليق تمثئلي اولان شهر مگر بودور؟"
بوتون دوشمنلرئن سني مسخره ادئرلر؛ فئته باسيرلار، دئش قيجيرديرلار، ديئرلر "اونو اودموشوق، گؤزله‌دئيئمئز گون يقئن کي، بو گوندور؛ اونا چاتميشيق، اونو گؤرموشوک."
رب اؤز ائرادهسئني يرئنه يتئرئب، قدئم زامانلاردا امر اتدئيي سؤزو حياتا کچئردئب. سني آمان ورمه‌دن وئران قويوب، دوشمنلرئني سنئن حالينا سِوئندئرئب، خصملرئنئن گوجونو آرتيريب.
خالقين اورَکلري پروردئگارا فرياد اتدي، ای صحيون قيزينين دوواري! قوي گجه-گوندوز سنئن گؤزلرئندن سل کئمي ياش آخسين، دئنجَلمه، آچ گؤزلرئني، يومولماسين.
قالخ، گجهنئن قارانليغيندا فرياد ات، گجه نؤوبه‌لري باشلايارکن پروردئگارين حوضوروندا قلبئني سولار کئمي آچيب تؤک. اَللرئني اونا آچ، اؤولادلارينين صاغ قالماسيني ائسته، اونلار هر تئنئن باشيندا آجيندان هوشدان گدئرلر.
يارب، ائندي باخ، خالقينين حاليني گؤر! کئمئنله بله رفتار ادئبسن؟ آنالار اوشاقلاريني، عزئز بالالاريني مگر يِسئنلر؟ کاهئنلر، پيغمبرلر پروردئگارين موقدّس مکانيندا مگر اؤلدورولسونلر؟
جاوانلار، قوجالار توز-تورپاقدا، کوچهلرده ياتيرلار. باکئره قيزلاريم، ائگئدلرئم قيلينجدان کچئرئلئبلر. قضبلَندئيئن گون اونلاري هلاک ادئبسن، آمان ورمه‌دن قيريبسان.
قورخدوقلاريمي هر ياندان چاغيريبسان، اِله بئل، بايراما دعوت ادئبسن. ربّئن قضب گونونده قاچيب-قورتولان اولمادي، اونلارين آراسيندان صاغ قالان اولمادي، اونلاري کي، دوغوب بؤيوتموشدوم، اونلاري دوشمنئم هلاک اتدي.
من او آدامام کي، تارينين قضب دَيَنه‌يئندن عذاب چکئرم.
او منی چکئب آپاريب، ائشيقدا يوخ، قارانليقدا گَزدئرئب.
دوغرودان دا بوتون گون، دفهلرله اَلئني اوستومه قالديريب.
اَتئمي، دَرئمي چورودوب، سوموکلرئمي سينديريب.
منی عذابلا، ذئلّتله ساري‌ييب، موحاصئرهيه ساليب.
چوخدان اؤلوب-گِدنلر کئمي، منی ظولمتده ساکئن ادئب.
اطرافيمي هر طرفدن حاصارا آليب، اِله کي، قاچا بئلمئرم؛ منی آغير زنجئرلرله زنجئرله‌يئب.
حتّا فرياد ادئب ائمدادا چاغيرديغيم زامان، او، دوعامين قاباغيني سدّ ادئر.
يوللاريمي يونما داشلارلا کَسئب، طرئقلرئمي دولاشديريب.
منه آيي کئمي کمئن دوزه‌لدئر، گئزله‌نمئش آصلان کئميدئر.
يوللاريمي آزديريب، منی پارچالاييب؛ چارهسئز حالا ساليب.
کامانينين ياييني چکدي، منی اوخو اوچون بئر هدف اتدي.
اوخدانين اوخلاريني بؤيره‌يئمه ساپلادي.
خالقيمين گولوش هدفئنه دؤنموشم، مضحکه‌لي نغمه ائله گون بويو منی اَله ساليرلار.
او، منی آجي‌لارلا دويوردوب، منه دويونجاق يووشان سويونو ائچئرتدئرئب.
دئشلرئمي چينقيللا قيريب، منی کول ائچئنه باسيب.
جانيمي سالاماتليقدان اوزاق ادئب، ياخشيليغي ياددان چيخارتديم.
بونا گؤره ديئرم: "قووّتئم گدئب، ربدن اومئدئم کَسئلئب."
عذابيمي، سرگَردانليغيمي، يووشاني و آجي‌لاري يادا سال.
دوغرودان کي، جانيم اونلاري خاطيرلايير، جانيم ائچئمده سيخيلير.
آمّا بونو خاطيرلاديقجا اومئدله‌نئرم؛
ربّئن مهرئبانليغي دوغرودان اصلا تؤکَنمَز، چونکي اونون شَفقَتئنه نهايت يوخ.
بونلار هر سحر تزهلهنئر، سنئن وفادارليغين بؤيوکدور.
جانيم ديئر: "رب منئم نصئبئمدئر"، بو اوزدن اونا اومئد باغلاييرام.
رب اونا بِل باغلايانلارا، اونو آختارانلارا خيئرخاه‌دير.
ربّئن نئجاتيني سَس‌سئزجه گؤزله‌مَک نه ياخشيدير!
ياخشي اولار کي، ائنسان يوغونو جاوانليغيندا داشيسين.
قوي ساکئت اولوب تک باشينا اوتورسون، چونکي رب اونا يوک قويوب.
قوي آغزيني تورپاغا قويسون، بلکه حله اومئد وار.
قوي ائجازه ورسئن کي، ياناغينا وورسونلار، قوي ذلئلّئک ائچئنده بوغولسون.
چونکي پروردئگار ابدئلئک ردّ اتمز.
قم-قوصّه ورسه بِله، مهرئبانليغينين بوللوغونا گؤره شَفقَت گؤرسه‌در.
چونکي اورَکدن ائستيه‌رک بشر اؤولادلارينا عذاب ورمز، هچ کئمي کَدَرلَندئرمَز.
دونياداکي بوتون اسئرلرئن آياق آلتيندا اَزئلمه‌سي،
حاق-تاعالانين حوضوروندا ائنسانين اؤز حاقلاريندان محروم اولماسيني،
ائنسانين عدالتدن محروم اولماسيني پروردئگار مگر گؤرمَز؟
پروردئگار فرمان ورمه‌سه، کئمئن ددئيي حياتا کچر؟
مگر هم خيئر، هم ده شر، حاق-تاعالانين آغزيندان چيخماز؟
ائنسان، ياشايان ائنسان، نه اوچون گوناهينين جزاسيندان شئکايتله‌نئر؟
قوي يوللاريميزا دئقّتله باخاق، اونلاري ائمتاحان اِدَک، قوي ربّه تزهدن اوز توتاق.
گؤيلرده‌کي تارييا اَللرئمئزي، هم ده اورَکلرئمئزي آچيريق.
ديئرئک: "بئز تقصئرکاريق، عاصئلئک اتمئشئک، بونو بئزه باغيشلاماييبسان."
قضبه بورونوبسن، بئزي تعقئب ادئبسن؛ آمان ورمه‌دن بئزي اؤلدوروبسن.
اؤزونو بولودلا اؤرتوبسن، اِله کي، اونلارين آراسيندان هچ دوعا کچمه‌سئن.
خالقلار آراسيندا بئزي زئبئله، فضله‌يه چِوئرئبسن.
بوتون دوشمنلرئمئز بئزئم ضئدّئمئزه آغيزلاريني آچيبلار.
دهشت و چوخور، هلاکت و قيرغين باشيميزا گلئب.
قيريلان خالقيمين قيزي اوچون، گؤزلرئمدن سل کئمي ياش آخير.
دئنمه‌دن، دايانمادان گؤزلرئمدن ياش آخير،
او زاماناجاق کي، رب گؤيلردن آشاغي باخسين، و اونلاري گؤرسون.
شهرئمده‌کي قيزلارين حاليني گؤردوکجه، اوره‌يئم سيزلايير.
دوشمنلرئم سببسئز منی قوش کئمي شئکار اتدئلر.
قويويا ساليب منی اؤلدورميه چاليشديلار، باشيمين اوستونو بئر داشلا اؤرتوبلر.
سولار باشيمدان آشدي، ددئم: "عؤمروم آخيرا چاتيب."
يارب، آديني او قويونون دئبئندن سَسله‌دئم.
سَسئمي اشئتدئن کي، باغيريرديم: "قولاغيني منئم ائستئغاثمه، ائمدادا چاغيران باغيرتيما باغلاما."
سني چاغيراندا يانيما گلدئن، منه "قورخما" ددئن.
ای پروردئگار، جانيمين داعواسيني سن ادئبسن؛ حياتيمي سن قورتاريبسان.
يارب، باشيما گتئردئکلري سئتمي گؤروبسن؛ بو ائش بارهده حؤکمونو ور.
منه باغلاديقلاري بوتون کئني، منئم ضئدّئمه قورولان بوتون فَندلري گؤروبسن.
يارب، منه اتدئکلري حقارتي، ضئدّئمه قوردوقلاري بوتون فَندلري اشئدئبسن.
ضئدّئمه اولانلارين دوداقلاري، اونلارين پيچيلتيلاري، بوتون گون منئم ضئدّئمه‌دئر.
اونلارين اوتوروشونا-دوروشونا باخ، اونلارا مضحکه نغمه‌سي اولموشام.
يارب، اونلارين اَللرئنئن عمللرئنه گؤره عوضئني وره‌جکسن.
اونلارين قلبئني عئنادکار ات، لعنتئن اونلارين اوستونه اولاجاق.
قضبئنده اونلاري قوواجاقسان، اونلاري ربّئن گؤيونون آلتيندان محو ادهجکسن.
قيزيل نجه ده توتقونلاشيب، صاف قيزيل نجه پاريلتيدان دوشوب. موقدّس داشلار هر کوچه‌نئن باشينا تؤکولوب.
صحيون اؤولادلاري تَره‌زئيه قويولاندا صاف قيزيلدان قئيمتلي ائدي. ائندي آمّا نجه ساخسي قابلار کئمي ساييليرلار، کوزهگرئن اَل ائشئنه برابردئرلر.
چاقّاللار بِله، بالالارينا اَمجک ورئرلر، اونلاري اَمئزدئرئرلر. آمّا خالقيمين قيزي رحمسئز اولوب، صحرانين دَوه‌قوشلارينا اوخشايير.
سود اَمن کؤرپه‌نئن دئلي، سوسوزلوقدان داماغينا ياپيشير. اوشاقلار يمک ائسته‌يئرلر، لاکئن ورن يوخدور.
اونلار کي، لذئذ يمکلري يِيئردئلر، ائندي کوچهلرده بوراخيليبلار. اونلار کي، قيرميزي رنگلي پالتار گِيئب بؤيويَردئلر، ائندي زئبئل‌لئيه بورونورلر.
چونکي خالقيمين قيزينين تقصئري سودومون گوناهيندان داها بؤيوکدور، بو شهر اَل توخونمادان، بئر آندا يِرله بئر اولدو.
نذئره‌لري قاردان دا تمئز ائدئلر، سوددن ده آغ ائدئلر، ووجودلاري ياقوتدان دا قيرميزي ائدي، ظاهئرن لاجورد داشينا بَنزه‌يئردئلر.
ائندي آمّا اوزلري کؤمور کئمي قاراليب، کوچهلرده هچ بئرئني تانيماق اولمور، دَرئلري سوموکلرئنه ياپيشيب، سولوب، آغاج کئمي قورويوب.
بَختَوَر او آداملار کي، آجليق قورباني يوخ، قيلينج قورباني اولدولار. چونکي بونلار زَمئنئن محصولوندان محروم اولوبلار، جانلاري اَرئيئب گدئب.
حتّا لاپ قَلبي‌يومشاق آروادلار اؤز اَللري ائله بالالاريني پئشئرئردئلر. خالقيمين قيزينين قيريلماسي اوچون بالالاري اونلارا يمک اولدولار.
رب حئدّتئني بوشالديب، شئدّتلي قضبئني ياغديريب، صَحيوندا بئر آلوو آليشديريب کي، اونو پاياسيناجاق يانديريب ياخيب.
يِر اوزونون هچ بئر پادشاهي ائنانمازدي، دونيانين ساکئنلري ائنانمازدي کي، خصم و دوشمن اورشَلئمئن دروازالاريندان ائچه‌ري گئره بئلسئن.
پيغمبرلرئنئن گوناهي اوزوندن، کاهئنلرئنئن تقصئري اوزوندن بو، باش وردی، چونکي اونلار شهرئن اورتاسيندا صالحلرئن قانيني تؤکدولر.
کور کئمي کوچهلرده دولانيرديلار، قانلا نجئس ائدئلر، اِله کي، هچ کس اونلارين پالتارلارينا دَيه بئلمئردي.
اونلارا قيشقيريرديلار: "ای نجئسلر، ردّ اولون! ائتئلئن بورادان، بئزه دَيمه‌يئن، ردّ اولون!" اونلار قاچقين، سرگردان دولانارکن آيري مئلّتلر ددئلر: "بونلار بورادا آرتيق بئزئمله قالماسينلار!"
ربّئن حوضوري اونلاري پَرَن-پَرَن ساليب، اونلارا تزهدن نظر سالماياجاق؛ اونلار کاهئنلره حؤرمت اتمه‌دئلر، آغساقّاللارا لوطف گؤرسدمه‌دئلر.
آمّا گئنه ده بوش يِره کؤمک گؤزله‌مَکدن گؤزلرئمئز طاقتدن دوشدو، بئزي قورتارا بئلمه‌ين مئلّتي هِي گؤزلهدئک، گلمه‌دي.
قدم به قدم آرخاميزدان تعقئب اتدئلر، اِله کي، کوچهلرده گَزه بئلمئرئک. آخيريميز چاتدي، گونلرئمئز بئتدي، عاقئبتئمئز آخيرا يِتدي.
بئزي تعقئب ادنلر گؤيلرده‌کي قارتاللاردان سورعتلي ائدئلر؛ داغلاردا بئزي تعقئب اتدئلر، کمئن قوروب صحرادا بئزي گؤزله‌دئلر.
حيات نفسئمئز، ربّئن مسح اتدئيي اونلارين خندقلرئنده ياخالاندي، حال بوکي ديئردئک: "اونون کؤلگه‌سئنده مئلّتلرئن ائچئنده ياشاياجاغيق."
ای عوص اؤلکهسئنده ياشايان اِدوم قيزي، سِوئن، فَرَحلَن! سن ده بو کاسادان ائچه‌جکسن، مست اولوب، اؤزونو چيلپاق ادهجکسن.
ای صحيون قيزي، تقصئرئنئن جزاسي آخيرا چاتيب، رب سني بئر داها اسئرلئيه گؤندرميه‌جک، لاکئن ای اِدوم قيزي، او، سنئن تقصئرئني جزاسينا چاتديراجاق، گوناهلاريني اوزه چيخارداجاق.
يارب، باشيميزا گلني يادا سال بو خجالتئمئزي گؤر، بونا نظر سال.
ائرث تورپاغيميز ياد اِللی‌لرئن اَلئنه کچئب، اِولرئمئز اجنبي‌لره ورئلئب.
يِتئم قالميشيق، آتاسيز قالميشيق. آنالاريميز دول آروادلارا دؤنوب.
سويوموزو پوللا آليب ائچئرئک، پوللا اودون آلماغا مجبوروق.
بئزي قووالايانلار باشيميزدان باسيرلار، يورولموشوق، بئزه راحاتليق يوخدور.
دويونجا چؤرک يمک اوچون مئصئره، آشورا اَل آچميشيق.
آتالاريميز گوناه اتدئلر، لاکئن آرتيق يوخدورلار، تقصئرلرئنئن جزاسي بئزه يوکلَندي.
قوللار بئزه حؤکمران اولوب؛ بئزي اونلارين اَلئندن قورتاران يوخدور.
چؤلدهکي قيلينجا گؤره، جانيميزين باهاسينا چؤرک قازانيريق.
آجليق بئزي يانديريب-ياخديغينا گؤره دَرئمئز قاراليب، کوره‌يه بَنزه‌يئر.
صَحيوندا آروادلارين، يهودا شهرلرئنده باکئره قيزلارين عئصمتئنه توخوندولار.
باشچيلار اَللرئندن آسيليب، آغساقّاللار حؤرمتدن دوشوب.
جاوانلار اَل دَيئرمانيني چکدئلر، اوغلانلار اودون يوکلري آلتيندا هِل‌لَندئلر.
شهر دروازاسيندا آغساقّاللار اوتورمور، جاوانلار ساز چالماز اولوب.
اوره‌يئمئزدن شادليق چکئلئب؛ رقصلرئمئز ياسا چِورئلئب.
باشيميزين تاجي دوشوب، واي حاليميزا! چونکي گوناه اتمئشئک.
بونا گؤره اورَکلرئمئز طاقتدن دوشوب، گؤزلرئمئز قاراليب،
صحيون داغي اوچون کي، وئران قاليب، اوستونده چاقّاللار گَزئب دولانيرلار.
سن آمّا، يارب، ابدهجک حؤکم سوره‌جکسن، سلطنت تختئن نسئللر بؤيو سورهجک.
نئيه بئزي ابدئلئک اونودورسان؟ نئيه بئزي بو قدر اوزون ترک ادئرسن؟
بئزي اؤزونه قايتار، يارب، قاييداريق گونلرئمئزي اوّلکي کئمي تزه‌له!
مگر ائنکي بئزي حوضوروندان کامئل آتيبسان، بئزه حدسئز قضبلئسن.
اوتوزونجو ائلده دؤردونجو آيين بِشئنجي گونو من کِبار چايي ساحئلئنده، اسئرلئکده ياشايانلار آراسيندا اولاندا گؤيلر آچيلدي و تاريدان گلن رؤيالاري گؤردوم.
پادشاه يِهوياکئنئن اسئر اولونماسينين بِشئنجي ائلئنده، همئن آيين بِشئنجي گونو
کَلده اؤلکهسئنده، کِبار چايي ساحئلئنده بوزئنئن اوغلو کاهئن حِزِقيالا ربّئن سؤزو نازئل اولدو. اورادا ربّئن اَلي اونونلا ائدي.
من گؤردوم کي، باخ، شئمالدان اَسن شئدّتلي بئر يِل، و دايانمادان شئمشَک چيخان بؤيوک بئر بولود گلئر. اونون اطرافيندا پاريلتي وار ائدي، اورتاسيندا دا اود ائچئنده پاريلدايان دمئر کئمي بئر شي وار ائدي.
اونون اورتاسيندا جانلي مخلوقا بَنزه‌يَن دؤرد شکئل وار ائدي؛ اونلارين گؤرونوشو ائنسانا بَنزه‌يئردي.
لاکئن هر بئرئنئن دؤرد اوزو و دؤرد قانادي وار ائدي.
اونلارين باجاقلاري دوز ائدي. آياقلاري دانا آياقلارينا اوخشاييردي و جئلالانميش بورونج کئمي پاريلداييردي.
دؤرد يانلاريندا اولان قانادلاري آلتيندا، ائنسان اَللري وار ائدي. دؤردونون ده اوزلري و قانادلاري وار ائدي.
اونلارين قانادلاري بئر-بئرئنه توخونوردو؛ ائرهلي گِدَرکَن اوزلري صاغا-سولا دؤنموردو، هر بئري اوز توتدوغو طرفه ائره‌لي‌له‌يئردي.
اونلارين اوزلرئنئن شکئلئنه گلئنجه، هر بئرئنئن بئر ائنسان صئفتي وار ائدي؛ هر دؤردونون ده صاغ طرفئنده آصلان صئفتي، سول طرفئنده گاميش صئفَتي وار ائدي، و هر دؤردونون قارتال اوزو وار ائدي.
اونلارين اوزلري بله ائدي. و قانادلاري يوخارييا طرف آچيلميشدي؛ هر بئرئنئن ائکي قانادي ياندا او بئرئسئنئن ائکي قانادينا توخونوردو، هر بئرئسئنئن ائکي قانادي دا بدنئني اؤرتوردو.
هر بئري اوز توتدوغو طرفه ائره‌لي‌له‌يئردي؛ روح هارايا گدئردي، اونلار دا اورايا گِدئردئلر. ائرهلي گِدَرکَن صاغا-سولا دؤنموردولر.
بو جانلي‌لار آراسيندا بئر شي وار ائدي کي، يانار کؤز اودونا، گؤرونوشجه مشعل کئمي بئر شيه بَنزه‌يئردي. بو اود جانلي مخلوقلارين آراسيندا حرکت ادئردي. اود پاريلداييردي و اوندان شئمشک چاخيردي.
جانلي مخلوقلار شئمشَک چيخان کئمي جلد او طرف-بو طرفه حرکت ادئردئلر.
بو دؤرد اوزلو جانلي مخلوقلارا باخارکَن، گؤردوم کي، هر بئرئنئن يانيندا يِره دَيَن بئر چرخ وار.
چرخلرئن گؤرونوشو و قورولوشو پاريلدايان زبرجد کئمي ائدي، دؤردو ده بئر-بئرئنه اوخشاييردي. اونلارين گؤرونوشو و قورولوشو اِله ائدي کي، اِله بئل، بئر چرخ او بئري چرخئن ائچئنده يِرلَشمئشدي.
گتدئکلري زامان دؤرد طرفه ده گده بئلئردئلر. ائرهلي گِدَرکَن صاغا-سولا دؤنموردولر.
چرخلرئن کناري اوجا و قورخولو ائدي. دؤردونون ده ساغاناقلاري هر طرفدن گؤزلرله دولو ائدي.
جانلي مخلوقلار هر طرفه گدئردئلر، چرخلر ده اونلارين يانيندا فيرلانيرديلار؛ جانلي مخلوقلار يردن قالخديقجا چرخلرده ده قالخيردي.
روح هارايا گدئردي، اونلار دا اورايا گِدئردئلر؛ چرخلر ده اونلارلا برابر قالخيردي، چونکي جانلي مخلوقلارين روحو چرخلرده ائدي.
اونلار ائره‌لي‌له‌يَنده، بونلار دا ائره‌لي‌له‌يئردي؛ اونلار داياناندا بونلار دا دايانيردي؛ اونلار يردن قالخاندا، چرخلرده ده قالخيردي، چونکي جانلي مخلوقلارين روحو چرخلرده ائدي.
يوخاري طرفده، جانلي مخلوقلارين باشي اوستونده، بولور کئمي پاريلدايان، گؤي قوبّه‌سئنه اوخشايان، هيبتلي بئر شي آچيليردي.
قوبّه‌نئن آلتيندا، هر جانلي مخلوق، قانادلاريني يانينداکيلارا طرف اوزاديردي و باشقا ائکي قانادلا دا بدنئني اؤرتوردو.
اونلار قاباغا گتدئکلري زامان، قانادلارينين گورولتوسونو اشئتدئم؛ اِله بئل گور سولارين سَسي، قادئري موطلقئن صداسي، گوجلو همهمه سَسي، قوشونون تاپّيلتيسي گلئردي؛ هارادا دايانيرديلار، قانادلاريني اِندئرئردئلر.
باشلاري اوستونده‌کي قوبّه‌دن بئر سَس گلدي؛ هارادا دايانيرديلار، قانادلاريني اِندئرئردئلر.
باشلاري اوستونده‌کي قوبّه‌نئن اوستونده لاجورد داشدان دوزه‌لدئلمئش تخته اوخشار بئر شي وار ائدي. اوجادا، تخته اوخشايان شيئن اوستونده ائنسانا بَنزَر بئر شخص وار ائدي.
من گؤردوم کي، اونون بِلئندن يوخاري حئصّهسي، پاريلدايان دمئره اوخشاييردي و ائچي هر طرفدن آلوو کئمي ائدي. من اونون بِلئندن آشاغي گؤرونوشونو ده گؤردوم: سانکي بئر آلوو ائدي و اطرافيندا پاريلتي وار ائدي.
ياغيش گونو بولوددا اولان رنگئن کامانينين گؤرونوشو نجه اولور، هر طرفدن گلن پاريلتينين گؤرونوشو ده اِله ائدي. بو، ربّئن شؤوکتئنه بَنزَر بئر رؤيا ائدي. بونو گؤرنده من اوزو اوسته يِره ييخيلديم و دانيشان بئر شخصئن سَسئني اشئتدئم.
او واخت او منه ددي: "ای بشر اوغلو، آياغا چيخ، من سنئنله دانيشاجاغام."
او منئمله دانيشارکَن، روح ائچئمه گئردي و منی آياغا قالديردي؛ و سَسئني اشئتدئم کي، منئمله دانيشيردي.
او واخت او منه ددي: "ای بشر اوغلو، سني منئم ضئدّئمه عوصيان ادن ائسرايئل اؤولادلارينين يانينا، عاصي بئر مئلّتئن يانينا گؤنده‌رئرم؛ اونلار آتالاري ائله بئرلئکده بو گونه قدر منه ضئدّ چيخيبلار.
اونلارين نسئللري ده دئکباش و عئنادکارديرلار؛ سني اونلارين يانينا گؤنده‌رئرم و سن اونلارا دئيه‌جکسن: «پروردئگار رب بله ديئر!»
ائسته‌يئرلر سنه قولاق آسسينلار، ائسته‌يئرلر آسماسينلار-چونکي اونلار عاصي بئر خالقديرلار-لاکئن بئلهجکلر کي، آرالاريندا بئر پيغمبر وار.
آنجاق سن، ای بشر اوغلو، سن قانقاللار و تئکانلار آراسيندا اولاسان دا، عقربلر ائچئنده اوتوراسان دا، او آداملاردان قورخما، اونلارين سؤزلرئندن ده دهشته دوشمه. اونلارين سؤزلرئندن قورخما، اونلاري حوضوروندان دا اوره‌يئن اوزولمه‌سئن، چونکي اونلار عاصي بئر نسلدئرلر.
سن اونلارا منئم سؤزلرئمي دِه، ائسته‌يئرلر قولاق آسسينلار، ائسته‌يئرلر آسماسينلار، چونکي اونلار عاصئدئرلر.
لاکئن سن، ای بشر اوغلو، سنه نه دِدئيئمه قولاق آس؛ بو عاصي نسل کئمي، سن ده عاصي اولما. آغزيني آچ و منئم سنه وره‌جيئمي يِه."
او واخت باخديم، و باخ، منه طرف بئر اَل اوزاندي و اَلئن ائچئنده بئر طومار وار ائدي.
او، طوماري قاباغيمدا آچدي. طومارين قاباغي و آرخاسي يازيلي ائدي، اوستونده "مرثئيه، ماتم و واي" سؤزلري يازيلميشدي.
او واخت گئنه منه ددي: "ای بشر اوغلو، بورادا تاپديغين هر شيي يِه. بو طوماري يِه و گت، ائسرايئل نسلئنه دانيش."
بلجه آغزيمي آچديم و او، بو طوماري منه وردی کي، يِيئم.
و منه ددي: "ای بشر اوغلو، قارنيني بونونلا دويدور، سنه وردئيئم بو طومارلا قارنيني دولدور." او واخت طوماري يِدئم. آغزيمدا بال کئمي شئرئن ائدي.
او واخت منه ددي: "ای بشر اوغلو، ائسرايئل نسلئنئن يانينا گت و سؤزلرئمي اونلارا دِه.
چونکي دانيشيغي آنلاشيلماز و دئلي چتئن اولان بئر خالقين يانينا يوخ، ائسرايئل نسلئنئن يانينا گؤنده‌رئلئرسن،
دانيشيغي آنلاشيلماز، دئلي چتئن، ددئکلرئني آنلاماديغين خالقلارين آراسينا گؤنده‌رئلمئرسن. اگر من سني اونلارين يانينا گؤندرسَيدئم، اونلار سنه قولاق آسارديلار.
آمّا ائسرايئل نسلی سنه قولاق آسماق ائستميه‌جکلر، چونکي منه ده قولاق آسماق ائسته‌مئرلر. دوغرودان دا بوتون ائسرايئل نسلی عئنادکار و دئکباشدير.
باخ، من سنئن اوزونو اونلارين اوزو کئمي، سنئن آلينيني اونلارين آليني کئمي بَرک ادهجيم.
سنئن آلينيني چاخماق داشيندان مؤحکم اولان آلماس کئمي مؤحکم ادهجيم. عاصي بئر خالق اولسالار دا، اونلاردان قورخما، قاباقلاريندا واهئمه‌يه دوشمه."
او گئنه منه ددي: "ای بشر اوغلو، منئم دِدئيئم بوتون سؤزلري اوره‌يئنده ساخلا و قولاقلارينلا اشئت.
اسئر اولونموش وطنداشلارينين يانينا گت، اونلارلا دانيش-ائسته‌يئرلر سنه قولاق آسسينلار، ائسته‌يئرلر آسماسينلار-اونلارا دِه: «پروردئگار رب بله ديئر!»"
سونرا روح منی يوخاري قالديردي و آرخامدان بؤيوک بئر گورولتو سَسي اشئتدئم: "ربّئن شؤوکتي اؤز يِرئنده موبارک اولسون."
جانلي مخلوقلارين قانادلاري بئر-بئرئنه توخوندوقجا اونلارين سَسئني، يانلارينداکي چرخلرئن ده شاقّيلتيسيني اشئتدئم؛ بؤيوک بئر گورولتو سَسئني!
روح منی يوخاري قالديردي و گؤتوروب آپاردي؛ من روحومدا آجي و قضبلي بئر حالدا گتدئم. ربّئن گوجلو اَلي منئم اوستومده ائدي.
من تِل‌اَبئبده اولان اسئر اولونموش آداملارين يانينا کي، کِبار چايينين قيراغيندا ياشاييرديلار، گلدئم و اونلارين ياشاديقلاري يرده، اونلارين آراسيندا يدّي گون تعجّوب ائچئنده اوتوردوم.
يدّي گون کچدئکدن سونرا منه ربّئن بو سؤزو نازئل اولدو:
"ای بشر اوغلو، من سني ائسرايئل نسلی اوچون گؤزَتچي قويموشام؛ نه زامان آغزيمدان بئر سؤز اِشئده‌سن، گرک اونلارا منئم طرفئمدن ائخطار ورهسن.
من پئس آداما «قطعن اؤله‌جکسن» دِدئيئم زامان، اگر سن اونا ائخطار ورميه‌سن و پئس آدامي اؤز شر يولوندان دؤنده‌رمک اوچون اونا ائخطار سؤزو دميه‌سن کي، حياتي قورتولسون، اوندا او پئس آدام اؤز تقصئري ائچئنده اؤلهجک، لاکئن اونون قانيني سنئن بؤينونا قوياجاغام.
آمّا اگر پئس آداما ائخطار ورهسن، و او آدام پئسلئيئندن و شر يولوندان دؤنمسه، اؤز تقصئري ائچئنده اؤلهجک، لاکئن سن اؤز جانيني قورتارميش اولورسان.
اگر بئر صالح آدام اؤز صالحلئيئندن دؤنوب پئسلئک اتسه و من اونون قاباغينا بودرهدن داش قويسام، او اؤلهجک. اونا ائخطار ورمه‌دئيئن اوچون او آدام اؤز گوناهي ائچئنده اؤلهجک و اتدئيي صالح عمللري حسابا آلينماياجاق، لاکئن اونون قاني اوچون مسعولئيّتي من سنئن اوستونه قوياجاغام.
آنجاق گوناه اتمه‌مه‌سي اوچون اگر صالح آداما ائخطار ورهسن و او گوناه اتمه‌سه، قطعن ياشاياجاق، چونکي ائخطاري قبول ادئب؛ و سن ده اؤز جانيني قورتارميش اولورسان."
اورادا ربّئن اَلي منئم اوستومده ائدي. او منه ددي: "قالخ، هامارليغا چيخ، من سنئنله اورادا دانيشاجاغام."
بلجه قالخيب هامارليغا چيخديم، و باخ، اورادا ربّئن شؤوکتي، کِبار چايينين قيراغيندا گؤردويوم شؤوکت کئمي دورموشدو. من اوزو اوسته ييخيلديم.
روح ائچئمه گئردي و منی آياق اوسته قالديردي. او منئمله دانيشيب بله ددي: "گت، اِوئنده اؤزونو زئنداني ات.
ای بشر اوغلو، سني بنده ساليب ائپله باغلاياجاقلار، اِله کي، خالقين آراسيندا گَزه بئلميه‌جکسن.
دئلئني داماغينا ياپيشديراجاغام اِله کي، لال اولاجاقسان. عاصي بئر خالق اولسالار دا، اونلاري مزمّت اده بئلميه‌جکسن.
لاکئن من سنئنله دانيشماغا باشلاياندا دئلئني آچاجاغام، سن ده اونلارا دئيه‌جکسن: «پروردئگار رب بله ديئر. اشئتمک ائسته‌يَن، قوي اشئتسئن؛ اشئتمک ائستمه‌يَن قوي اشئتمه‌سئن؛ چونکي اونلار عاصي بئر خالقديرلار.
سن، ای بشر اوغلو، اؤزون اوچون بئر کرپئج گؤتور و اونو قاباغينا قويوب اوستونده اورشَلئم شهرئني تصوئر ات.
اونو موحاصئرهيه آل، قاباغيندا موحاصئره دوواري تئک، موقابئلئنده تورپاق قالاغي دوزلت، اطرافيندا اوردوگاهلار دا قور و اونون ضئدّئنه هر طرفدن منجنئقلر قوي.
بئر دمئر ساج گؤتور و اونو دمئر دووار اولماق اوچون اؤزونله شهرئن آراسينا قوي؛ اوزونو اونا چِوئر. قوي شهر موحاصئره‌ده قالسين و سن اونو موحاصئرهيه آل. بو ائسرايئل نسلئنه بئر علامتدئر.
سن سول يانين اوستونه اوزان و ائسرايئل نسلئنئن جزاسيني اؤز اوستونه گؤتور، سول طرفه اوزانديغين گونلرئن سايينا قدر، اونلارين جزاسيني چکه‌جکسن.
من اونلارين جزا ائللرئنئن سايي قدر سنئن اوچون اوچ يوز دوخسان گون آييرميشام. بلجه اوچ يوز دوخسان گون ائسرايئل نسلئنئن جزاسيني چکه‌جکسن.
بونو اتدئکدن سونرا، بو دفه صاغ يانين اوستونده اوزان و يهودا نسلئنئن جزاسيني چک. سنئن اوچون قيرخ گون، هر ائل اوچون بئر گون آييرميشام.
سونرا اوزونو اورشَلئمئن موحاصئره‌سئنه چِوئره‌جکسن و چيلپاق قولونو قالديريب اونون ضئدّئنه نبئلئک ادهجکسن.
باخ، من سني ائپلرله باغلاياجاغام اِله کي، تصوئر اتدئيئن موحاصئره گونلري قورتارمايينجا، بئر يانيندان او بئري يانين اوستونه چِورئله بئلميه‌سن.
سن بوغدا، آرپا، پاخلا، مرجي، داري و قيرميزي بوغدا گؤتوروب، اونلاري بئر قابا قوي. اونلاردان اؤزونه چؤرک پئشئر. بئر يانين اوستونه اوزانديغين اوچ يوز دوخسان گون عرضئنده اونو يِه.
گوندهلئک يِمه‌يئنئن چکئسي ائيئرمي شِکِل اولاجاق، اونو تعيئن اولونموش زامانلار يئيه‌جکسن.
ائچه‌جيئن سويون اؤلچوسو ده بئر هئنئن آلتي بئري قدر اولاجاق. اونو تعيئن اولونموش زامانلار ائچه‌جکسن.
آرپا کؤکه‌سي دوزهلدئب هامينين گؤزو قاباغيندا ائنسان تاپالاسينا اود وور و اوستونده پئشئرئب يِه."
رب گئنه ددي: "ائسرايئل اؤولادلاري دا آرالاريندا اسئر اتدئيئم مئلّتلرئن ائچئنده يمکلرئني بلجه نجئس يئيه‌جکلر."
آمّا من ددئم: "آمان، ای پروردئگار رب! باخ، من هچ واخت اؤزومو نجئس اتمهمئشم. جاوانليغيمدان ائندئيه قدر نه لِش، نه ده حيوان پارچالاميش بئر اَت يِمئشم. حارام اَت منئم آغزيما دَيمه‌يئب."
او واخت او منه ددي: "ياخشي، من ائنسان تاپالاسيني مال تزه‌يي ائله عوض ادئرم. چؤره‌يئني اونون اوستونده پئشئر."
و علاوه اتدي: "ای بشر اوغلو، باخ، من اورشَلئمدن چؤره‌يئن کؤکونو کَسه‌جيم. چؤره‌يي ائضطئراب ائچئنده چکي ائله يئيه‌جکلر، سويو دا حيرت ائچئنده اؤلچو ائله ائچه‌جکلر.
بونو ادهجيم کي، چؤرک و سويا مؤحتاج قالسينلار. هر کس مات قاليب اؤز جزاسي ائچئنده اَرئيئب يوخ اولاجاق.
سن، ای بشر اوغلو، بئر ائتي قيلينج گؤتور؛ اوندان دَلّک اولگوجو کئمي ائستئفاده ات، اونو باشينا و ساقّالينا چک. سونرا بئر تَره‌زي گؤتور و قيرخديغين توکلري حئصّه‌لره آيير.
اونلارين اوچده بئرئني شهرئن موحاصئره واختي قورتاراندا، شهرئن اورتاسيندا اوددا يانديرار. سونرا اوچده بئرئني گؤتور و شهرئن اطرافيندا قيلينجلا دوغرا. اوچده بئرئني ده کولَيه سووورارسان؛ من ده اونلارين داليسيجا قيلينج چکه‌جيم.
توکلرئن بئر آزيني دا گؤتوروب پالتارينين اَته‌يئنه باغلايارسان.
اونلاردان بئر قدر ده گؤتوروب اودون ائچئنه آتارسان و اونلاري اوددا يانديرارسان. بوندان بوتون ائسرايئل نسلئنئن اوستونه اود ياغاجاق."
پروردئگار رب بله ديئر: "بو، اورشَلئمدئر. من اونو مئلّتلرئن، اطرافيندا اولان اؤلکه‌لرئن آراسيندا يِرلَشدئرمئشم.
لاکئن اونون خالقي باشقا مئلّتلردن، اطرافينداکي اؤلکه‌لردن ده چوخ پئسلئک ادهرک، حؤکملرئمئن و قايدالاريمين ضئدّئنه عوصيان ادئبلر؛ چونکي حؤکملرئمي ردّ ادئب، قايدالاريما عمل اتمهيئبلر."
بونا گؤره ده پروردئگار رب بله ديئر: "سئز اطرافينيزدا اولان مئلّتلردن ده چوخ ياغيليق ادئبسئنئز، قايدالاريما عمل اتمه‌يئبسئنئز، حؤکملرئمي يرئنه يتئرمه‌يئبسئنئز، حتّا اطرافينيزدا اولان مئلّتلرئن حؤکملرئنه گؤره ده رفتار اتمه‌يئبسئنئز."
بونا گؤره ده پروردئگار رب بله ديئر: "باخ، من، حتّا من اؤزوم ده سئزئن ضئدّئنئزه دورموشام و باشقا مئلّتلرئن گؤزو قاباغيندا سئزي جزالانديرجاغام.
بوتون ائيرنج ائشلرئندن اؤتري ائندئيه قدر اتمه‌دئيئم و بوندان سونرا دا بئر داها اتميه‌جيئم شيي سئزئن باشينيزا گتئره‌جيم.
بونا گؤره ده سنئن شهرئنده آتالار اوغوللاريني، اوغوللار دا آتالاريني يئيه‌جکلر؛ سني جزالانديرجاغام، سالامات قالانلارينين هاميسيني دا هر طرفه سوووراجاغام."
پروردئگار رب بويورور: "بونا گؤره ده، وارليغيما آند اولسون، بوتون ائيرنج و نجئس شيلرئنله موقدّس مکانيمي نجئسله‌دئيئن اوچون، من قطعن سني قيريب تؤکه‌جيم، سنه يازيغيم گلميه‌جک و رحم اتميه‌جيم.
سنئن اهالئنئن اوچده بئري وبادان اؤلهجک، يا دا سنئن ائچئنده آجليقدان تلف اولاجاق؛ اوچده بئري اطرافيندا قيلينجلا هلاک اولاجاق؛ اوچده بئرئني ده هر طرفه سوووروب آرخالارينجا قيلينج چکه‌جيم.
بلجه قضبئم باشا گلهجک، اونلار اوستونده قِيضئمي سؤندوروب راحاتلاياجاغام. منئم قضبئم اونلارين آراسيندا باشا گلنده، اونلار بئلهجکلر کي، من رب قيرتئمدن اونلارا بله دانيشميشام.
اطرافيندا اولان مئلّتلر آراسيندا، يولدان کچن هر کسئن گؤزو قاباغيندا سني وئرانه‌لئيه و روسوايچيليق هدفئنه چِوئره‌جيم.
قضب و حئدّتئمله، آلوولانان مزمّتلرئمله سني جزالانديرارکَن، اطرافيندا اولان مئلّتلر اوچون روسوايچيليق، تحقئر، عئبرت و دهشت هدفي اولاجاقسان. من، رب، بونو دِمئشم.
من سئزي محو اتمک اوچون اوستونوزه آجليغين آمانسيز اوخلاريني دؤنده‌ره‌جيم. آرانيزدا آجليغي داها گوجلَندئره‌جيم و چؤره‌يئن کؤکونو کَسه‌جيم.
اوستونوزه آجليق و وحشي حيوانلار گؤنده‌ره‌جيم و اونلار سئزي اوشاقلارينيزدان محروم ادهجکلر. آرانيزدان وبا و تؤکولَن قان کچهجک، اوستونوزه قيلينج گتئره‌جيم. من، رب، بونو دِمئشم."
منه ربّئن بو سؤزو نازئل اولدو:
"ای بشر اوغلو، اوزونو ائسرايئل داغلارينا چِوئر و اونلارين ضئدّئنه نبئلئک ادئب
دِه کي، ای ائسرايئل داغلاري، پروردئگار ربّئن سؤزونو اِشئدئن! داغلارا، تپهلره، وادئلره و دره‌لره پروردئگار رب بله ديئر: «باخين، حتّا من اؤزوم اوستونوزه قيلينج گتئره‌جيم و پرستئشگاهلارينيزي محو ادهجيم.
قوربانگاهلارينيز خاراباليغا چِورئله‌جک، بوخور قوربانگاهلارينيز سينديريلاجاق. اؤلدورولموش آداملارينيزي بوتلرئنئزئن قاباغينا آتاجاغام.
ائسرايئل اؤولادلارينين جسدلرئني بوتلرئنئن قاباغيندا يِره سَره‌جيم و سوموکلرئنئزي قوربانگاهلارينيزين اطرافينا سَپه‌لَيه‌جيم.
مسکن سالديغينيز بوتون يِرلرده شهرلر وئران اولاجاق، پرستئشگاهلار داغيديلاجاق کي، قوربانگاهلارينيز خاراباليغا و وئرانه‌لئيه چِورئلسئن، بوتلرئنئز سينديريليب يوخ ادئلسئن، بوخور قوربانگاهلارينيز کَسئلسئن و دوزه‌لتدئيئنئز شيلر ير اوزوندن سئلئنسئن.
آرانيزدا اؤلدورولَنلر يِره سَرئله‌جک. او واخت بئلهجکسئنئز کي، رب منم.
لاکئن من بعضي‌لرئنئزي صاغ بوراخاجاغام. اؤلکهلر آراسينا سَپه‌لَندئيئنئز زامان، مئلّتلر ائچئنده قيلينجدان قاچيب قورتارانلارينيز اولاجاق.
سئزئن قاچيب قورتارانلارينيز، آرالاريندا اسئر اولوندوقلاري مئلّتلر آراسيندا منی يادا سالاجاقلار. يادا سالاجاقلار کي، نجه منه خيانت ادن و مندن اوز دؤنده‌رن اورَکلرئندن، بوتلره دئکدئکلري خيانتکار گؤزلرئندن پرت اولموشام. اتدئکلري پئسلئکلردن، بوتون ائيرنج ائشلرئندن اؤتري اؤز-اؤزلرئندن ائکراه ادهجکلر.
او واخت بئلهجکلر کي، رب منم و اونلارين باشينا بو بلاني گتئره‌جيئمي عبث يِره دِمه‌مئشم."
پروردئگار رب بله ديئر: "اَللرئني بئر-بئرئنه وور، آياقلاريني يِره چيرپيب دِه کي، ائسرايئل نسلئنئن بوتون پئس و ائيرنج ائشلرئنه گؤره دِه کي، «واي اونلارين حالينا!» چونکي قيلينجدان، آجليقدان و وبادان هلاک اولاجاقلار.
اوزاقدا اولان وبادان اؤلهجک، ياخيندا اولان قيلينجلا هلاک اولاجاق، موحاصئره زاماني صاغ قالان آجليقدان اؤلهجک. بلجه من اونلارا قضبئمي گؤرسده‌جيم.
او واخت بئلهجکسئنئز کي، رب منم، او واخت کي، اؤلدورولَنلري بوتلرئنئن آراسيندا، قوربانگاهلارينين اطرافيندا، هر اوجا تپه‌ده، هر داغين قولّه‌لرئنده، هر کؤلگه‌لي آغاج آلتيندا، سيخ يارپاقلي هر چؤل پوسته‌سي آغاجي آلتيندا، بوتون بوتلرئنه عطئرلي بوخور تقدئم اتدئکلري يِرلرده يِره سَرئلئر!
اَلئمي اونلارين ضئدّئنه قالديراجاغام، صحرادان دئبلايا طرف ياشاديقلاري بوتون يِرلرده اؤلکهني خارابا و وئران قوياجاغام. او واخت بئلهجکلر کي، رب منم."
منه ربّئن بو سؤزو نازئل اولدو:
"سن، ای بشر اوغلو، پروردئگار رب ائسرايئل تورپاغينا بله ديئر: «آخيري چاتيب! اؤلکهنئن دؤرد طرفئنئن آخيري گلئب.
ائندي سنئن آخيرين چاتيب و من قضبئمي سنئن اوستونه گؤنده‌ره‌جيم؛ اؤز عمللرئنه گؤره سني جزالانديرجاغام، بوتون ائيرنج ائشلرئنئن عوضئني باشينا گتئره‌جيم.
سنه يازيغيم گلميه‌جک و رحم اتميه‌جيم، ائيرنج ائشلرئن سنئن ائچئنده اولارکن، سني اؤز يوللارينا گؤره جزالانديرجاغام. او واخت بئلهجکسئنئز کي، رب منم!»
پروردئگار رب بله ديئر: «باخ، بئر بلا، تايي اولمايان بئر موصئبت گلئر.
بئر آخير گلئب، آخيرين چاتيب! سنئن ضئدّئنه اويانيب. باخ، او گلئر.
ای اؤلکهنئن ساکئني، قئيامت گونون چاتيب. او واخت گلئب؛ او گون ياخيندادير، داغلارين اوستوندن شادليق سَسي گلن گون يوخ، ولوله گونو!
قِيضئمي عنقرئب سنئن اوستونه تؤکه‌جيم، قضبئمي سنئن باشينا بوشالتاجاغام، سني اؤز يوللارينا گؤره موحاکئمه ادهجيم، بوتون ائيرنج ائشلرئنئن عوضئني باشينا گتئره‌جيم.
سنه يازيغيم گلميه‌جک و رحم اتميه‌جيم. ائيرنج ائشلرئن سنئن ائچئنده اولارکن، اؤز يوللارينا گؤره سني تنبه ادهجيم. او واخت بئلهجکسئنئز کي، ضربه ووران من ربّم.
باخ او گون! او گون گلئر! سنئن قئيامت گونون چاتيب؛ عصا چئچکله‌نئب؛ کئبئر گول آچيب.
قدّارليق چوخاليب پئسلئيئن عصاسي اولوب. بونا گؤره ده خالقدان، اونلارين ائزدئحاميندان، وار-دؤولتئندن و عظمتئندن اثر-علامت قالماياجاق.
واخت گلئب، او گون يِتئشئب. قوي آلان سِوئنمه‌سئن، ساتان دا ماتم توتماسين، چونکي بوتون جاماعاتين اوستونه قضب ياغاجاق.
حتّا اونلار ياشاسالار دا، ساتيجي ساتديغي تورپاغا قاييتماياجاق، چونکي بو وحی اونلارين بوتون جاماعاتينادير؛ هدفئندن دؤنمَز. هچ کس تقصئري ائله حياتيني داوام اتدئره بئلميهجک.
کَره‌ناي چاليبلار و هر شيی حاضير ادئبلر، لاکئن موحارئبهيه گِدن يوخدور. چونکي قضبئم بوتون جاماعاتين اوستونه ياغير.
اِشئکده قيلينج وار، ائچلرئنده وبا و آجليق. چؤلده اولان، قيلينجدان اؤلهجک، شهرده اولاني، آجليق و وبا يئيهجک.
صاغ قالانلاري قاچيب قورتولسا دا، دره‌لرده‌کي گؤيرچئنلر کئمي داغلاردا ياشاياجاق، هر کس تقصئرئندن اؤتري ائنلَيه‌جک.
هامينين اَلي، يانينا دوشهجک، هر کسئن دئزلري تئترَيه‌جک.
چولا بورونه‌جکلر، اونلاري دهشت توتاجاق. هامينين اوزونه خجالت اوتوراجاق، هامينين باشي کِچَل اولاجاق.
گوموشلرئني کوچهلره آتاجاقلار، قيزيل‌لاري ناپاک ساييلاجاق؛ ربّئن قضب گونونده قيزيل-گوموشلري اونلاري قورتارا بئلميهجک، بدنلرئني يِدئرتميه‌جک، قارينلاريني دويدورماياجاق، چونکي بو شيلر اونلارين تقصئرلره باتماسينا باعئث اولدو.
ربّئن بَزَکلرئنئن گؤزل‌لئيي اونلاري کئبئرلَندئردي. بو شيلردن ائيرنج و منفور بوتلرئني دوزه‌لتدئلر. اونا گؤره ده بونلاري اؤزلري اوچون نجئس بئر شيه چِوئرئرم.
بونلاري قنئمت کئمي اؤزگهلره، قارت مالي کئمي دونيادانين پئس آداملارينين اَلئنه ورهجيم و اونلاري نجئسلَيه‌جکلر.
من خالقدان اوز دؤندره‌جيم و اونلار دَيَرلي مسکنئمي نجئسلَيه‌جکلر. حرامئلر ائچه‌ري گئرئب اوراني نجئسلَيه‌جک.
سن زنجئري دوزلت، چونکي اؤلکه قانلي جئنايتلرله، شهر قدّارليقلا دولوب.
مئلّتلرئن لاپ قدّاريني اونلارين اوستونه گتئره‌جيم و اِولرئني اَللرئندن آلاجاقلار. گوجلولرئن کئبئرئنه آخير قوياجاغام، موقدّس مکانلاري نجئسلَنه‌جک.
دهشت گلنده اَمئن-آمانليق آختاراجاقلار، آمّا تاپماياجاقلار.
بلا اوستوندن بلا گلهجک، قارا خبر دالينجا قارا خبر چاتاجاق؛ او واخت پيغمبردن رؤيا ائستيه‌جکلر، کاهئنئن شرئعت اؤيرَتمه‌يي بئته‌جک، آغساقّاللار نصئحت ورميه‌جکلر.
پادشاه ياس توتوب، اَمئرلري چاره‌سئزلئک بورويوب، اؤلکه خالقينين اَلي دهشتدن فلج اولوب. اونلارا يوللارينين عوضئني ورهجيم، حؤکملرئنه موطابئق حؤکم ادهجيم. او واخت بئلهجکلر کي، رب منم.»"
اسئرلئيئمئزئن آلتينجي ائلئنده، آلتينجي آيين بِشئنجي گونو من اِوده اوتورموشدوم و يهودا آغساقّاللاري دا قاباغيمدا اَيلَشمئشدئلر. او زامان اورادا اوستومه پروردئگار ربّئن اَلي اِندي.
من باخيب ائنسانا اوخشار بئر صورت گؤردوم؛ بِلئندن آشاغي اودا بَنزه‌يئردي، آمّا بِلئندن يوخاري دمئر کئمي پاريلداييردي.
او، اَله بَنزَر بئر شي اوزاتدي و منی باشيمين ساچيندان توتدو. او واخت روح منی يِرله گؤي آراسينا قالديردي و تارينين رؤيالاريندا اورشَلئمه، ائچه‌ري حيطئن شئمال قاپيسينين گئرئش يرئنه گتئردي. اورادا تارينين قيرتئني آلوولانديران حسودلوق تئمثالي قورولموشدو.
باخ، ائسرايئل تاريسينين عئزّتي اورادا ائدي، نجه کي، هامارليقدا گؤردويوم رؤيادا گؤرموشدوم.
او منه ددي: "ای بشر اوغلو، ائندي باشيني شئمال طرفه قالدير." من باشيمي شئمال طرفه قالديريب گؤردوم کي، قوربانگاه قاپيسينين شئماليندا همئن حسودلوق بوتو اونون گئرئش يِرئنده‌دئر.
او منه ددي: "ای بشر اوغلو، آيا گؤرورسن نه ادئرلر؟ گؤر، منی موقدّس مکانيمدان اوزاقلاشديرماق اوچون ائسرايئل نسلی بورادا نه چوخ ائيرنج ائشلر ادئرلر؟ حله بوندان دا ائيرنج شيلر گؤرهجکسن."
او واخت منی حيطئن گئرئش يرئنه گتئردي. من باخيب گؤردوم کي، دوواردا بئر دَلئک وار.
او منه ددي: "ای بشر اوغلو، گل، دوواري دَل." من دوواري دَلئب گؤردوم کي، بئر قاپي وار.
او منه ددي: «ائچه‌ري گئر، اونلارين اورادا اتدئيي ائيرنج ائشلرئني گؤر."
من ائچه‌ري گئرئب گؤردوم کي، هر جور سورولَنلرئن، منفور حيوانلارين صورتي و ائسرايئل نسلئنئن بوتلرئنئن هاميسينين تصوئري هر طرفدن دووارا چکئلئب.
ائسرايئل نسلئنئن آغساقّاللاريندان يتمئش نفر اونلارين قاباغيندا دورموشدو. شافان اوغلو يَعَزَنيا دا اونلارين آراسيندا دايانميشدي. هر بئرئنئن اَلئنده بوخوردان وار ائدي و بوخورون عطري بولود کئمي گؤيه قالخيردي.
او واخت منه ددي: "ای بشر اوغلو، آيا گؤرورسن ائسرايئل نسلئنئن آغساقّاللاري قارانليقدا، هر کس اؤز تئمثاللاري اوتاغيندا نه ادئر؟ اونا گؤره کي ديئرلر: «رب بئزي گؤرمور، رب اؤلکهني ترک ادئب.»"
او گئنه منه ددي: "حله اونلارين بوندان دا ائيرنج ائشلرئني گؤرهجکسن."
او واخت منی ربّئن معبدئنئن شئمال طرفده‌کي قاپيسينين گئرئش يرئنه گتئردي. باخ، تَمّوز بوتو اوچون آغلايان آروادلار اورادا اوتورموشدولار.
او منه ددي: "گؤرورسن، بشر اوغلو؟ حله اونلارين اتدئيي ائيرنج شيلردن داها بؤيوکلرئني گؤرهجکسن."
سونرا منی ربّئن معبدئنئن ائچه‌ري حيطئنه گتئردي. باخ، ربّئن معبدئنئن گئرئش يِرئنده، اِيوانلا قوربانگاه آراسيندا، تخمئنن ائيئرمي بش کئشي وار ائدي کي، آرخالاري ربّئن معبدئنه، اوزلري ده شرقه طرف چِورئلمئشدي. اونلار شرقه اوز توتوب گونشي پرستئش ادئردئلر.
او منه ددي: "گؤرورسن، بشر اوغلو؟ مگر يهودا نسلی اوچون بورادا اتدئکلري ائيرنج ائشلر آز ائدي کي، اوستهلئک اؤلکهني قدّارليقلا دولدورورلار و بونونلا منی داها دا قضبلَندئرئرلر؟ باخ، اونلار بوداغي بورونلارينا سوخورلار.
بونا گؤره من ده دوغرودان قضبله رفتار ادهجيم. اونلارا يازيغيم گلميه‌جک و رحم اتميه‌جيم؛ منئم قولاغيما اوجادان باغيرسالار دا، اونلارا قولاق آسماياجاغام."
سونرا اوجادان قولاغيما قيشقيريب ددي: "قوي شهري جزالانديرانلارين هر بئري اؤز قيرغين سئلاحي اَلئنده شهره ياخينلاشسين."
باخ، شئمال طرفده‌کي يوخاري قاپينين يولو ائله آلتي نفر گلدي. هر بئرئنئن توپّوزو اَلئنده ائدي. اونلارين آراسيندا کتان پالتار گِيئنمئش، بِلئنده يازي قوطوسو اولان بئر آدام وار ائدي. اونلار ائچه‌ري گئردئلر و بورونج قوربانگاهين يانيندا دايانديلار.
ائسرايئل تاريسينين عئزّتي دايانديغي کَرّوبون اوستوندن قالخيب معبدئن آستاناسينا گِتمئشدي. رب کتان پالتار گِيئنمئش، بِلئنده يازي قوطوسو اولان آدامي چاغيريب
اونا ددي: "شهري، اورشَلئم شهرئني گَز و او آداملارين آلنينا کي، اورادا ادئلَن بوتون ائيرنج ائشلردن اؤتري ناله ادئرلر، علامت قوي."
سونرا او بئري آداملارا بونو ددئيئني اشئتدئم: "اونون دالينجا شهري گَزئن و آداملاري قيرين؛ يازيغينيز گلمه‌سئن و رحم اتمهيئن.
قوجاني، جاواني، اَره گتمهمئش قيزي، اوشاقلارلا آروادلاري اؤلَنه‌جک وورون. لاکئن اوستونده علامت اولان آداملارا توخونمايين؛ منئم موقدّس مکانيمدان باشلايين." اونلار دا قيرماغي معبدئن قاباغيندا اولان آغساقّاللاردان باشلاديلار.
رب اونلارا ددي: "معبدي نجئسله‌يئن، حيطلري جسدلرله دولدورون. داوام ادئن!" سونرا اونلار گدئب شهرده‌کئلري قيرديلار.
اونلار آداملاري قيرارکَن، من تک قالميشديم. اوزو اوسته دوشوب فرياد اتدئم: "آمان، يارب پروردئگار! اورشَلئم اوستونه قضبئني تؤکَرکَن، مگر ائسرايئلئن بوتون يرده قالانلاريني دا هلاک ادهجکسن؟"
او واخت او منه ددي: "ائسرايئل و يهودا نسلئنئن تقصئري بؤيوکدور، چوخ بؤيوکدور. اؤلکه قانلا، شهر حاقسيزليقلا دولودور. چونکي ديئرلر کي، «رب اؤلکهني ترک ادئب، رب گؤرمور.»
منئم ده اونلارا يازيغيم گلميه‌جک و رحم اتميه‌جيم، عمللرئنئن عوضئني باشلارينا گتئره‌جيم."
من گؤردوم کي، بِلئنده يازي قوطوسو اولان، کتان پالتار گِيئنمئش آدام خبر گتئرئب ددي: "منه امر اتدئيئن شيه عمل اتدئم."
سونرا باخديم، و باخ، کَرّوبلارين باشي اوستونده‌کي قوبّه‌نئن اوستونده لاجورد داشي کئمي بئر شي آشکار اولدو کي، گؤرونوشجه بئر تخته بَنزه‌يئردي.
رب کتان گِيئنمئش آداما بله ددي: "کَرّوبلارين آلتيندا اولان فيرلانان چرخلرئن آراسينا گئر. کَرّوبلارين آراسيندان ائکي اوووج اودلو کؤز گؤتور و شهرئن اوستونه سَپه‌له." و او آدام گؤزومون قاباغيندا اورايا گئردي.
او آدام اورايا گئرنده، کَرّوبلار معبدئن جنوب طرفئنده دورموشدولار. بو زامان بولود ائچه‌ري حيطي دولدوردو.
ربّئن عئزّتي کَرّوبون اوستوندن قالخيب معبدئن آستاناسينا گتدي. معبدي بولود بورودو و حيط ربّئن شؤوکتئنئن جلاسي ائله دولدو.
کَرّوبلارين قانادلارينين سَسي بايير حيطه قدر گلئردي. بو سَس قادئري موطلقئن سَسي کئمي اوجا ائدي، او زامان کي، دانيشير.
او زامان کي، رب کتان گِيئنمئش آداما امر اتدي: "کَرّوبلارين و فيرلانان چرخلرئن آراسيندان اود گؤتور." او آدام ائچه‌ري گئرئب بئر چرخئن يانيندا دوردو.
او واخت کَرّوبلاردان بئري، کَرّوبلارين آراسيندان، اَلئني اوزاديب اونلارين اورتاسيندا اولان اودون بئر آزيني گؤتوردو و کتان گِيئنمئش آدامين اووجونا قويدو. او آدام دا اودو گؤتوروب چيخدي.
اِله گؤرونوردو کي، اِله بئل کَرّوبلارين قانادلاري آلتيندا ائنسان اَلئنه بَنزر بئر شي وار.
من باخيب گؤردوم کي، کَرّوبلارين يانيندا دؤرد چرخ وار؛ هر کَرّوبون يانيندا بئر چرخ. چرخلر زبرجد کئمي پاريلداييردي.
دؤردونون ده گؤرونوشو هَمن جور ائدي، سانکي بئر چرخ او بئري چرخئن ائچئنده يِرلَشمئشدي.
گتدئکلري زامان صاغا-سولا دؤنمه‌دن دؤرد طرفئن هر بئرئنه حرکت ادئردئلر؛ قاباقداکي هانسي طرفه گدئردي، او بئرئلري ده صاغا-سولا دؤنمه‌دن اونون دالينجا گِدئردئلر.
اونلارين بوتون بدني، کوره‌يي، اَللري، قانادلاري و دؤردونون ده چرخلري هر طرفدن گؤزلرله دولو ائدي.
من اشئتدئم کي، بو چرخلر "فيرلانان چرخلر" چاغيريلير.
اونلارين هر بئرئنئن دؤرد اوزو وار ائدي: بئرئنجئسي کَرّوب اوزو ائدي، ائکئنجئسي ائنسان اوزو، اوچونجوسو آصلان اوزو و دؤردونجوسو قارتال اوزو.
کَرّوبلار يردن قالخديلار. بونلار کِبار چايينين قيراغيندا گؤردويوم همئن جانلي مخلوقلار ائدئلر.
کَرّوبلار گِدنده، اونلارين يانيندا اولان چرخلر ده گتدئلر. کَرّوبلار يردن قالخماق اوچون قانادلاريني قالديراندا، چرخلر اونلارين يانيندان آيريلميردي.
اونلار داياناندا، بونلار دا دايانيرديلار. اونلار يردن قالخاندا، بونلار دا بئرلئکده يردن قالخيرديلار، چونکي جانلي مخلوقلارين روحو چرخلرده ائدي.
او واخت ربّئن عئزّتي معبدئن آستاناسيندان چيخدي و کَرّوبلارين اوستونده دوردو.
کَرّوبلار گِدنده قانادلاريني قالديريب گؤزومون قاباغيندا يردن قالخديلار، چرخلر ده يانلاريندا ائدي. اونلار ربّئن معبدئنئن شرق دروازاسينين گئرئش يِرئنده دايانديلار. ائسرايئل تاريسينين عئزّتي يوخاريدا، اونلارين اوستونده ائدي.
بونلار همئن جانلي مخلوقلار ائدئلر کي، کِبار چايينين قيراغيندا ائسرايئل تاريسينين آلتيندا گؤردوم. من بئلئردئم کي، اونلار کَرّوبدور.
هر بئرئنئن دؤرد اوزو و دؤرد قانادي وار ائدي. قانادلاري آلتيندا ائنسان اَللرئنه بَنزر بئر شي وار ائدي.
اونلارين اوزلرئنئن بَنزه‌يئشي کِبار چايي قيراغيندا گؤردويوم اوزلره اوخشاييردي. هر بئري اوز توتدوغو طرفه ائره‌لي‌له‌يئردي.
روح منی يردن قالديردي و ربّئن معبدئنئن شرق دروازاسينا گتئردي کي، شرقه طرف باخير. باخ، اورادا دروازانين گئره‌جيئنده ائيئرمي بش نفر وار ائدي. من اونلارين آراسيندا خالقين باشچيلاري عَزّور اوغلو يَعَزَنياني و بِنايا اوغلو پِلَطياني گؤردوم.
رب منه ددي: "ای بشر اوغلو، بونلار او آداملارديرلار کي، پئس شيلره نئيّت قورورلار و بو شهرده ياوا مصلحتلر ورئرلر.
ديئرلر: «اِو تئکمَک واختي ديئل. بو شهر قازان، بئز ده اَتئک.»
بونا گؤره ده اونلارين ضئدّئنه نبئلئک ات، ای بشر اوغلو، نبئلئک ات."
ربّئن روحو اوستومه اِندي و منه ددي: "دِه کي، رب بله ديئر: «ای ائسرايئل نسلي، سئز بله دوشونورسونوز. سئزئن نه دوشوندويونوزو، من بئلئرم.
بو شهرده چوخلو آدام اؤلدوروبسونوز، شهرئن کوچه‌لرئني اؤلولرله دولدوروبسونوز.»
بونا گؤره ده پروردئگار رب بله ديئر: «شهرده قويدوغونوز اؤلولر اَت، شهر ده قازاندير. آنجاق من سئزي شهردن چيخارداجاغام.
سئز قيلينجدان قورخورسونوز، من ده اوستونوزه قيلينج گتئره‌جيم.» پروردئگار رب بويورور.
«من سئزي شهردن چيخارديب ياد اِللی‌لره تسلئم ادهجيم. سئزي بلجه موحاکئمه ادهجيم.
قيلينجلا هلاک اولاجاقسينيز. سئزي ائسرايئل سرحدئنده جزالانديرجاغام. او واخت بئلهجکسئنئز کي، رب منم.
بو شهر سئزه قازان اولماياجاق، سئز ده اونون ائچئنده اَت اولماياجاقسينيز. سئزي ائسرايئل سرحدئنده جزالانديرجاغام.
او واخت بئلهجکسئنئز کي، رب منم. چونکي سئز قايدالاريما موطابئق ياشاماييبسينيز، حؤکملرئمدن ائطاعت اتمه‌يئبسئنئز، لاکئن اطرافينيزدا اولان مئلّتلرئن حؤکملرئنه گؤره عمل ادئبسئنئز.»"
من نبئلئک ادن زامان، بِنايا اوغلو پِلَطيا اؤلدو. من اوزو اوسته يِره ييخيلديم و اوجادان فرياد ادئب ددئم: "آمان، يارب پروردئگار! مگر سن ائسرايئلئن يرده قالانلاريني کامئل محو ادهجکسن؟"
او واخت منه ربّئن بو سؤزو نازئل اولدو:
"ای بشر اوغلو، اؤز قارداشلارين، بلی قارداشلارين، ياخين قوحوملارين، بوتون ائسرايئل نسلي، اونلارين هاميسي، اورشَلئمده ياشايانلار بله ديئبلر: «ربدن اوزاق اولون. بو اؤلکه مولک اولاراق بئزه ورئلئب.»
بونا گؤره ده دِه کي، پروردئگار رب بله ديئر: «گرچي اونلاري اوزقداکي مئلّتلرئن آراسينا آپاريب اؤلکهلر آراسينا سَپه‌لَندئرمئشم، لاکئن اونلار اوچون گتدئکلري اؤلکهلرده قيسا بئر مودّت اوچون موقدّس مکان اولموشدوم.»
بونا گؤره ده دِه کي، پروردئگار رب بله ديئر: «سئزي خالقلار آراسيندان بئر يِره ييغاجاغام، سَپه‌لَندئيئنئز اؤلکه‌لردن بئر يِره ييغاجاغام. ائسرايئل تورپاغيني سئزه ورهجيم.
اورايا قاييداندا، بوتون منفور و ائيرنج شيلري او يردن يوخ ادهجکلر.
من اونلارا تک بئر اورَک ورهجيم، اونلارين ائچئنه تزه بئر روح قوياجاغام. سئنه‌لرئندن داش اوره‌يي چيخارديب اونلارا اَتدن اولان اورَک ورهجيم کي،
قايدالاريما موطابئق ياشاسينلار، حؤکملرئمي ساخلاييب اونلاردان ائطاعت اتسئنلر. او زامان اونلار منئم خالقيم، من ده اونلارين تاريسي اولاجاغام.
آنجاق اورَکلري اؤز منفور و ائيرنج شيلرئنئن دالينجا گِدنلره گلئنجه، من اونلارين عمللرئنئن عوضئني باشلارينا گتئره‌جيم.» پروردئگار رب بويورور."
بو زامان کرّوبلار قانادلاريني قالديرديلار، چرخلر ده اونلارين يانيندا ائدي. ائسرايئل تاريسينين عئزّتي يوخاريدا، اونلارين اوستونده ائدي.
ربّئن شؤوکتي شهرئن مرکزئندن قالخدي و شهرئن شرقئنده‌کي داغين اوستونده داياندي.
روح منی قالديريب تارينين روحوندان گلن رؤيادا کَلده اؤلکهسئنه، اسئر اولونانلارين يانينا گتئردي. سونرا منه گؤرونَن رؤيا قِيب اولدو.
ربّئن منه گؤرستدئيي شيلرئن هاميسيني اسئرلئکده اونلارلا دانيشديم.
منه ربّئن بو سؤزو نازئل اولدو:
"ای بشر اوغلو، سن عاصي بئر خالقين آراسيندا ياشاييرسان. اونلارين گؤرمک اوچون گؤزلري وار، آمّا گؤرمورلر، اشئتمک اوچون قولاقلاري وار، آمّا اشئتمئرلر، چونکي اونلار عاصي بئر خالقدير.
سنه گلئنجه، ای بشر اوغلو، سن اسئرلئيه گتمک اوچون شيلرئني حاضيرلا و اونلارين گؤزو قاباغيندا گوندوز چاغي کؤچ. اونلارين گؤزو قاباغيندا اسئرلئيه گِدن کئمي اؤز يِرئندن باشقا بئر يِره کؤچ ات. عاصي بئر خالق اولسالار دا، بلکه بونو باشا دوشدولر.
اؤز شيلرئني اسئرلئيه گتمک اوچون لازيم اولان شيلر کئمي، اونلارين گؤزو قاباغيندا گوندوز چاغي چيخارت. اؤزون ده هامينين گؤزو قاباغيندا آخشام اوستو اسئرلئيه گتمه‌لي اولان بئري کئمي چيخ.
اونلارين گؤزو قاباغيندا دوواردا دِشئک آچ و شيلرئني اورادان چيخارت.
هامينين گؤزو قاباغيندا شيلرئني چئينئنده داشي و قارانليقدا چيخارت. اوزونو ده اؤرت کي، اؤلکهني گؤرميه‌سن، چونکي سني ائسرايئل نسلئنه بئر علامت اتمئشم."
منه نجه امر اولونموشدو، اِلَجه ده اتدئم. شيلرئمي اسئرلئيه گتمک اوچون لازيم اولان شيلر کئمي، گونون گوندوز چاغي چيخارتديم و آخشام اوستو دوواري اؤز اَللرئمله دِشدئم. شيلرئمي قارانليقدا چيخارتديم و اونلارين گؤزو قاباغيندا چئينئمده داشيديم.
سحر منه ربّئن بو سؤزو نازئل اولدو:
"ای بشر اوغلو، مگر ائسرايئل نسلي-او عاصي خالق سنه دِمه‌دي کي «نه ادئرسن؟»
سن اونلارا دِه: پروردئگار رب بله ديئر: «بو ائخطار اورشَلئمده اولان رهبر و اورادا ياشايان بوتون ائسرايئل نسلی اوچوندور.»
سن بله دِه: «من سئزئن اوچون علامتم. من نجه اتمئشم، اونلارا دا بله ادئلهجک. اسئرلئيه و اسارته گدهجکلر.
آرالاريندا ياشايان رهبر شيلرئني قارانليقدا چئينئنده داشيياجاق و باييرا چيخاجاق. دوواري دِشه‌جکلر کي، اونو اورادان چيخارتسينلار. او، اوزونو اؤرته‌جک کي، اؤلکهني گؤزلري ائله گؤرمه‌سئن.
اونون اوستونه تور سَره‌جيم و منئم تله‌مه دوشهجک. اونو بابئله-کَلده اؤلکهسئنه گتئره‌جيم. آمّا گئنه ده اوراني گؤرميه‌جک، اورادا اؤلهجک.
اطرافينداکي‌لارين هاميسيني-کؤمکچئلرئني و بوتون قوشونلاريني، اَسن هر کوله‌يئن اَلئنه ورئب سَپه‌جيم و اونلارين داليسيجا قيلينج چکه‌جيم.
من اونلاري مئلّتلر آراسينا ياياندا و اؤلکهلر آراسينا سَپه‌لَينده بئلهجکلر کي، رب منم.
آنجاق اونلاردان بئر آزيني قيلينجدان، آجليقدان و وبادان صاغ بوراخاجاغام کي، اؤز ائيرنج ائشلرئنئن هاميسيني، آرالارينا گدهجکلري مئلّتلره دانيشسينلار. او واخت بئلهجکلر کي، رب منم.»"
منه ربّئن بو سؤزو نازئل اولدو:
"ای بشر اوغلو، چؤره‌يئني تئتره‌يه‌رَک يِه، سويونو اَسه-اَسه، ائضطئرابلا ائچ.
اؤلکه خالقينا دِه کي، ائسرايئل تورپاغيندا، اورشَلئمده ياشايانلار اوچون پروردئگار رب بله ديئر: «اونلار چؤرکلرئني ائضطئرابلا يئيه‌جکلر، سولاريني دهشتله ائچه‌جکلر. بلجه اؤلکهلري، اورادا ياشايانلارين هاميسينين قدّارليغيندان اؤتري بوللوقدان محروم اولاجاق.
آدام ياشايان شهرلر وئران اولاجاق و اؤلکه خاراباليغا چِورئله‌جک. او واخت بئلهجکسئنئز کي، رب منم.»"
منه ربّئن بو سؤزو نازئل اولدو:
"ای بشر اوغلو، ائسرايئل تورپاغيندا نه اوچون بو مثلي ائشله‌دئرسئنئز: «گونلر کچئر، هر رؤيا پوچ اولور»؟
بونا گؤره ده اونلارا دِه کي، پروردئگار رب بله ديئر: «بو مثله آخير قوياجاغام، آرتيق ائسرايئلده بو مثلي ائشلَتميه‌جکلر. لاکئن اونلارا دِه کي، هر رؤيانين يرئنه يِته‌جيي گونلر ياخيندير.
داها بوندان سونرا ائسرايئل نسلئنئن آراسيندا هچ بئر بوش رؤيا و آلداديجي فالچيليق اولماياجاق.
چونکي رب منم؛ من سؤز دئيه‌جيم و نه سؤز دِسَم، يرئنه يِتئشه‌جک، آرتيق تأخئره دوشميهجک. لاکئن، ای عاصي خالق، بو سؤزو سئزئن گونلرئنئزده ديئه‌جيم و اونو يرئنه يتئره‌جيم.» پروردئگار رب بويورور."
منه ربّئن بو سؤزو نازئل اولدو:
"ای بشر اوغلو، ائسرايئل نسلی بله ديئر: «اونا گلن رؤيا اوزون مودّت سونرا باش ورهجک، او، اوزاق گلهجک بارهده نبئلئک ادئر.»
بونا گؤره ده اونلارا دِه کي، پروردئگار رب بله ديئر: «هچ بئر سؤزومو تأخئره سالماياجاغام، دِدئيئم سؤز يرئنه يِتئشه‌جک.» پروردئگار رب بويورور."
منه ربّئن بو سؤزو نازئل اولدو:
"ای بشر اوغلو، نبئلئک ادن ائسرايئل پيغمبرلرئنه ضئدّ نبئلئک ات و اؤز- اؤزلرئندن نبئلئک ادن آداملارا دِه: ربّئن سؤزونو اِشئدئن.
پروردئگار رب بله ديئر: «واي او آخماق پيغمبرلرئن حالينا کي، اؤز روحلاريندان ائلهاملانيرلار و هچ بئر رؤيا گؤرمه‌يئبلر.
ای ائسرايئل، سنئن پيغمبرلرئن وئرانه‌لئکلرده دولاشان چاقّاللارا بَنزه‌يئرلر.
ای پيغمبرلر، سئز دووارين دَلئکلرئني قورومادينيز، ربّئن گونونده دؤيوشده بَرک دايانماق اوچون ائسرايئل نسلئنئن اطرافيندا دووار قورمادينيز.
اونلار بوش شيلر گؤروبلر، فالچيليق ادئب يالان دانيشيرلار. ديئرلر: ‹رب بويورور›، حال بو کي، رب اونلاري گؤندرمه‌يئب. آمّا حله ده اونا اومئد باغلاييرلار کي، اونلارين سؤزلرئني يرئنه يتئرسئن.
مگر سئزئن گؤردويونوز رؤيا بوش و اتدئيئنئز فالچيليق يالان ديئل؟ سئز بونلارا ‹رب بويورور› ديئرسئنئز، حال بو کي، هچ بئر شي دِمه‌مئشم.»"
بونا گؤره ده پروردئگار رب بله ديئر: «ائندي کي يالانلاري ديئب يالان شيلر گؤروبسونوز، من سئزه ضئدّم.» پروردئگار رب بويورور.
«اَلئم او پيغمبرلرئن ضئدّئنه اولاجاق کي، يالان گؤرونتولر گؤرورلر و يالانلارلا فالچيليق ادئرلر. اونلار منئم خالقيمين مجلئسئنده اولماياجاقلار، ائسرايئل نسلئنئن سئياهيسينا يازيلماياجاقلار، ائسرايئل تورپاغينا دا گئرميه‌جکلر. او واخت بئلهجکسئنئز کي، پروردئگار رب منم.
بونو اونا گؤره ادهجيم کي، اونلار صولح اولماديغي حالدا ‹صولح› ديئب خالقيمي آزديريبلار. خالق دووار تئکَنده، بو پيغمبرلر اونا سوواق وورورلار.
سن او سوواق وورانلارا دِه کي، او دووار اوچاجاق. شئدّتلي ياغيش ياغاجاق و سن، ای دولو دنه‌لرئني، گؤيدن ياغاجاقسان و بؤيوک بئر کولَک اَسه‌جک.
دووار اوچاندا مگر سئزه ديئلميه‌جک: ‹ووردوغونوز سوواق نجه اولدو؟›»
بونا گؤره ده پروردئگار رب بله ديئر: «من اؤز قضبئمده طوفان کولَه‌يي اَسدئره‌جيم، اؤز حئدّتئمده شئدّتلي ياغيش و دولو ياغديراجاغام کي، دووار قضبئمله محو اولسون.
بلجه سوواق ووردوغونوز دوواري اوچوردوب يِرله بئر ادهجيم و بونؤورهسي گؤرونهجک. سئز ده ييخيلان دووارين آلتيندا هلاک اولاجاقسينيز. او واخت بئلهجکسئنئز کي، رب منم.
اؤز قِيضئمي دووارين و اونا سوواق وورولانلارين اوستونده بلجه تؤکه‌جيم. سئزه دئيه‌جيم: نه دووار وار، نه ده اونا سوواق ووران ائسرايئل پيغمبرلري.
او پيغمبرلر اورشَلئم اوچون نبئلئک اتدئلر و صولح اولماديغي حالدا، اورادا صولح اولاجاغي بارهده رؤيالار گؤردولر.» پروردئگار رب بله بويورور.
سن، ای بشر اوغلو، اؤز-اؤزلرئندن نبئلئک ادن خالقينين قيزلارينا اوزونو توت و اونلارين ضئدّئنه نبئلئک ات.
اونلارا دِه کي، پروردئگار رب بله ديئر: «واي او آروادلارين حالينا کي، جانلاري شئکار اتمک اوچون هر کَسئن بئله‌يئنه اووسون ياستيقچالار تئکئرلر و هر بويدا اولان آدامين باشينا اؤرتوکلر دوزه‌لدئرلر! اِله بئلئرسئنئز کي، خالقيمين جانلاريني شئکار اتمکله اؤز جانينيزي سالامات ساخلاياجاقسينيز؟
منئم حؤرمتئمه خالقيمين قاباغيندا بئر نِچه اوووج آرپا و بئر نِچه چؤرک اوچون اهانت ادئبسئنئز. يالانا قولاق آسان خالقيما يالان دئيه‌رَک، اؤلميه لايئق اولمايانلاري اؤلدوروبسونوز و ياشاماغا لايئق اولمايانلاري ياشاتديريبسينيز.»
بونا گؤره ده پروردئگار رب بله ديئر: «باخين، من سئزئن اووسون ياستيقچالارينيزا کي، اونلارلا اورادا آداملاري قوش کئمي شئکار ادئرسئنئز، ضئدّم. من اونلاري قول‌لارينيزدان قوپارداجاغام. قوش کئمي شئکار اتدئيئنئز آداملاري آزاد ادهجيم.
اؤرتوکلرئنئزي ده ييرتاجاغام و خالقيمي اَلئنئزدن قورتاراجاغام. اونلار بئر داها شئکار کئمي سئزئن اَلئنئزده اسئر اولماياجاقلار. او واخت بئلهجکسئنئز کي، رب منم.
سئز يالانلارلا کَدَرلَنمه‌سئني ائستمه‌دئيئم صالح آدامين اوره‌يئني کَدَرلَندئرئبسئنئز، پئس آدامين قولونا گوج ورئبسئنئز کي، اؤز پئس يولوندان دؤنمه‌سئن و جانيني قورتارماسين.
بونا گؤره ده آرتيق بوش رؤيالار گؤرميه‌جکسئنئز و فالچيليق اتميهجکسئنئز. من اؤز خالقيمي سئزئن اَلئنئزدن قورتاراجاغام. او واخت بئلهجکسئنئز کي، رب منم.»"
ائسرايئل آغساقّاللاريندان بعضئسي يانيما گلئب حوضورومدا اوتوردولار.
او واخت منه ربّئن بو سؤزو نازئل اولدو:
"ای بشر اوغلو، بو آداملار اؤز بوتلرئنه اورَکلرئنده يِر ورئبلر و تقصئر اتمه‌لرئنه باعئث اولان شيلري اوز قاباقلارينا قويوبلار. مگر ائجازه ورهرم کي، بو آداملار مندن مصلحت آلماغا گلسئنلر؟
بونا گؤره ده اونلارلا دانيش و اونلار دِه: پروردئگار رب بله ديئر: «ائسرايئل نسلئندن هر کس کي، اؤز بوتلرئنه اوره‌يئنده يِر ورئب تقصئر اتمه‌لرئنه باعئث اولان شيلري اوز قاباغينا قويوب، و حله ده پيغمبرئن يانينا گلئر، من رب اونا بوتلرئنئن چوخلوغونا موطابئق جاواب ورهجيم.
اِله کي، بوتلرئندن اؤتري منه ياد اولان بوتون ائسرايئل نسلئنئن اوره‌يئني اؤزومه جلب ادئم.»
بونا گؤره ده ائسرايئل نسلئنه دِه کي، پروردئگار رب بله ديئر: «تؤوبه ادئن و بوتلرئنئزدن دؤنون. بوتون ائيرنج ائشلرئنئزدن اوز دؤنده‌رئن.
اگر ائسرايئل نسلئندن هر کس، يا دا ائسرايئلده ياشايان قرئبلردن کئمسه منی ترک اتسه، اؤز بوتونه اوره‌يئنده يِر ورسه، تقصئر اتمه‌لرئنه باعئث اولان بئر شيي اوزو قاباغينا قويسا، سونرا اؤزو بارهده مندن مصلحت آلماق اوچون پيغمبرئن يانينا گلسه، من رب اؤزوم اونا جاواب ورهجيم.
من اوزومو همئن آدامين ضئدّئنه چِوئره‌جيم؛ اونو عئبرت و کئنايه هدفي ادهجيم، خالقيمين آراسيندان سئلئب آتاجاغام. او واخت بئلهجکسئنئز کي، رب منم.
اگر پيغمبر يولدان آزيب بئر سؤز دِسه، بئلئن کي، او پيغمبرئن يولدان آزماسينا سبب اولان، من رَبّم. من اونون ضئدّئنه اَلئمي قالديراجاغام و اونو خالقيم ائسرايئلئن آراسيندان سئلئب آتاجاغام.
اونلار اؤز تقصئرلرئنئن جزاسيني چکهجکلر. پيغمبردن سوروشانين جزاسي نجه اولسا، پيغمبرئن ده جزاسي اِله اولاجاق.
بونو اونا گؤره ادهجيم کي، ائسرايئل نسلی بئر داها منئم يولومدان ساپماسين و بئر داها بوتون گوناهلاري ائله اؤزلرئني نجئس اتمه‌سئن. بلجه اونلار منئم خالقيم، من ده اونلارين تاريسي اولارام.» پروردئگار رب بويورور."
منه ربّئن بو سؤزو نازئل اولدو:
"ای بشر اوغلو، اگر بئر اؤلکه منه خائن چيخيب گوناه اتسه، من اونون ضئدّئنه اَلئمي قالديرارام، چؤره‌يئنئن کؤکونو کَسئب اوستونه آجليق گؤندهرهرم و اورادان ائنسانلا حيواني سئلئب آتارام.
«اگر بو اوچ آدام، نوح، دانيال و ايّوب اورادا اولسا بِله، صالحلئکلري ائله آنجاق اؤز جانلاريني قورتارا بئلرلر.» پروردئگار رب بله بويورور.
«اگر من بو اؤلکهيه وحشي حيوانلار گؤنده‌رسَم و اونلار اوراني ساکئنسئز قويسالار، اِله کي، اورا بو حيوانلارا گؤره خارابا قاليب کِچئلمَز اولسون،
بو اوچ آدام اورادا اولسا بِله» پروردئگار رب بويورور، «وارليغيما آند اولسون، نه اوغوللاريني، نه ده قيزلاريني قورتارارلار. آنجاق اؤز جانلاريني قورتارارلار، آمّا اؤلکه خارابا قالار.
و يا اگر او اؤلکهنئن اوستونه قيلينج گتئرسَم و اونا ‹ای قيلينج، اؤلکهني کِچئب قير› دئيه‌رَک ائنساني و حيواني اورادان سئلئب آتسام،
بو اوچ آدام اورادا اولسا بِله» پروردئگار رب بويورور «وارليغيما آند اولسون، نه اوغوللاريني، نه ده قيزلاريني قورتارارلار، آنجاق اؤز جانلاريني قورتارارلار.
و يا اگر او اؤلکهيه وبا گؤنده‌رسَم، قان تؤکمکله اونون اوستونه قضبئمي ياغديراراق ائنساني و حيواني اورادان سئلئب آتسام،
حتّا اگر نوح، دانيال و ايّوب اورادا اولسا بله» پروردئگار رب بويورور «وارليغيما آند اولسون، نه اوغوللاريني، نه ده قيزلاريني قورتارارلار، صالحلئکلري ائله آنجاق اؤز جانلاريني قورتارارلار.»
چونکي پروردئگار رب بله ديئر: «داها نه‌لر اولاجاق او زامان کي، من اورشَلئمدن ائنساني و حيواني سئلئب آتماق اوچون دؤرد آغير جزامي-قيلينجي، آجليغي، وحشي حيوانلاري و وباني اونون اوستونه گؤنده‌رئم!
آمّا اورادا بئر عئدّه سالامات قالاجاق. صاغ قالان اوغلانلار و قيزلار اورادان چيخاريلاجاقلار. باخ، اونلار سئزئن يانينيزا گلنده، اونلارين عمللرئني و ائشلرئني گؤرهجکسئنئز. او واخت اورشَلئم اوستونه گتئردئيئم بلايا گؤره، اورايا اتدئيئم هر شيدن اؤتري تسلّی تاپاجاقسينيز.
اونلارين عمللرئني و ائشلرئني گؤردويونوز زامان، بو سئزه تسلّی اولاجاق. او واخت بئلهجکسئنئز کي، اورادا اتدئيئم هر شيي بوش-بوشونا اتمهمئشم.» پروردئگار رب بله بويورور."
منه ربّئن بو سؤزو نازئل اولدو:
"ای بشر اوغلو، اوزوم تَنه‌يئنئن آغاجي نه ائله هر هانسي بئر مِشه آغاجينداکي بوداغين آغاجيندان اوستوندور؟
مگر اوندان آغاج آلينير کي، بئر ائشده ائستئفاده ادئلسئن؟ مگر اوندان پاياجيق دوزه‌لدئلئر کي، اوستونه اشيالار آسيلسين؟
باخ، او يانماق اوچون اودا آتيلير. اود اونون ائکي اوجونو يانديراندان و اورتاسي قوورولاندان سونرا مگر داها بئر ائشه يارار؟
باخ، بوتؤو اولاندا هچ بئر ائشه ياراميردي، اود اونو يانديريب-قورتاراندا و اورتاسي قوورولاندا سونرا کي، اصلا هچ بئر ائشه ياراماياجاق.
بونا گؤره ده پروردئگار رب بله ديئر: «مِشه آغاجلاري آراسيندا اوزوم تَنه‌يئني يانان شي کئمي نجه اودا وردئم، اورشَلئمده ياشايانلاري دا اِلَجه اودا آتاجاغام.
من اوزومو اونلارين ضئدّئنه چِوئره‌جيم. اوددان قاچسالار دا، اود گئنه اونلاري يانديراجاق. اوزومو اونلارين ضئدّئنه چِوئرَنده بئلهجکسئنئز کي، رب منم.
بلجه اؤلکهني وئران ادهجيم، چونکي اونلار خائنلئکله رفتار ادئبلر.» پروردئگار رب بله بويورور."
منه ربّئن بو سؤزو نازئل اولدو:
"ای بشر اوغلو، اورشَلئمه اونون نجئس عمللرئني بئلدئرئب دِه کي،
پروردئگار رب اورشَلئمه بله ديئر: «اصلئن و دوغومون کَنَعان تورپاغيندان‌دير: آتان بئر اِمورلو ائدي، آنان دا بئر خئتلي.
دوغولدوغون گون، گؤبَک باغين کَسئلمه‌دي، سني سو ائله يويوب تمئزلَمه‌دئلر، دوزلا اووولمادين و قونداغا بَلَنمه‌دئن.
هچ کس سنه شَفقَتله باخمادي، رحم اتمهدي کي، بونلارين بئرئني سنه اتسئن. دوغولدوغون گون سندن ائيرَندئکلري اوچون چؤله آتيلدين.
من سنئن يانيندان کِچَرکَن اؤز قانين ائچئنده قيميلدانديغيني گؤردوم و اؤز قانيندا ائکَن سنه ‹ياشا!› ددئم. بلی، اؤز قانيندا ائکَن سنه ‹ياشا!› ددئم.
سني چؤل بئتکئلري کئمي چوخالتديم. سن بوي آتيب بؤيودون و حدّي-بولوغا چاتدين. دؤشلرئن بؤيودو، ساچلارين اوزاندي. آمّا حله ده لوت و چيلپاق ائدئن.
من سنئن يانيندان کِچَنده سني گؤردوم. بو واخت سنئن محبّت چاغين ائدي. من سنئن اوستونه اَته‌يئمي آتيب لوتلويونو اؤرتدوم. آند ائچئب سنئنله عهد باغلاديم.» پروردئگار رب بويورور، «سن ده منئم اولدون.
من سني سو ائله يودوم، قانيني اوستوندن تمئزله‌دئم، سني ياغلا مسح اتدئم.
سنه اَلوان ناخيشلي پالتار گِيئندئردئم، آياغينا سو ائتي دَرئسئندن چاريق گِيدئردئم، بِلئنه نازئک کتان قورشاق باغلاديم و سني ائپَکلرله اؤرتدوم.
سني بَزَکلرله بَزه‌دئم، قوللارينا دستبند، بوينونا زنجئر تاخديم.
بورنونا حالقا، قولاقلارينا گوشوارا کچئرتدئم و باشينا گؤزل بئر تاج قويدوم.
بلجه سن قيزيل گوموشله بَزَندئن، نازئک کتاندان، ائپَکدن و اَلوان ناخيشلي قوماشدان پالتار گِيئندئن. نارين اون، بال و زيتون ياغي يِدئن. حدّئندن آرتيق گؤزل اولدون و پادشاهليق حئشمتئنه اوجالدين.
گؤزل‌لئيئنه گؤره مئلّتلر آراسيندا شؤهرتلَندئن. منئم سنه وردئيئم عظمتدن اؤتري گؤزل‌لئيئن کامئل ائدي،» پروردئگار رب بويورور.
«لاکئن سن گؤزل‌لئيئنه بِل باغلادين، شؤهرتلَندئيئنه گؤره فاحئشه‌لئک اتدئن، هر يولدان کِچَنه اؤزونو تسلئم اتدئن و گؤزل‌لئيئنه او مالئک اولدو.
اؤز پالتارلاريندان گؤتوروب اؤزونه رنگ‌به‌رنگ پرستئشگاهلار دوزه‌لتدئن و اونلارين اوستونده فاحئشه‌لئک اتدئن. بِله‌سي نه اولموشدو، نه ده اولاجاق.
منئم سنه وردئيئم قيزيل-گوموشومدن حاضيرلانان زئنتلرئني گؤتوروب، اؤزونه کئشي صورتلري دوزه‌لتدئن و اونلارلا فاحئشه‌لئک اتدئن.
اَلوان ناخيشلي پالتاريني گؤتوروب اونلارين اوستونه اؤرتدون، زيتون ياغيمي و بوخورومو اونلارين قاباغينا قويدون.
سنه وردئيئم چؤره‌يئمي، سنه يِدئرتدئيئم نارين اونو، زيتون ياغيني و بالي دا عطئرلي بوخور اولاراق اونلارين قاباغينا قويدون. بو ائش باش وردي.» پروردئگار رب بويورور.
«منئم اوچون دوغدوغون اوغوللار و قيزلاريني گؤتوروب بوتلرئن يِمه‌يي اوچون اونلارا قوربان اتدئن. مگر فاحئشه‌لئيئن آز ائدي کي،
اؤولادلاريمي دا کَسئب اونلاري اوددا بوتلره تقدئم اتدئن؟
بوتون ائيرنج ائشلرئني و فاحئشه‌لئيئني اِدَرکَن، اؤز جاوانليق گونلرئني خاطيرلامادين؛ او گونلري کي، لوت و چيلپاق ائدئن و اؤز قانين ائچئنده قيميلدانيردين.»
پروردئگار رب بويورور: «واي، واي سنئن حالينا! سن بوتون پئس عمللرئندن سونرا
اؤزونه معبدلر قوردون و هر ميداندا پرستئشگاهلار دوزه‌لتدئن.
هر يولون باشيندا اؤز پرستئشگاهلاريني دوزه‌لتدئن. اؤز گؤزل‌لئيئني نجئس اتدئن، هر يولدان کِچَنه آياقلاريني آرالادين و فاحئشه‌لئيئني آرتيردين.
مئصئرلی‌لرله ده کي، سنئن شهوتران قونشولارين ائدئلر، فاحئشه‌لئک اتدئن، منی قضبلَندئرمَک اوچون فاحئشه‌لئيئني آرتيردين.
بونا گؤره ده اَلئمي سنئن ضئدّئنه اوزاديب سنه تعيئن اولونان پايي آزالتديم. سني سنئن دوشمنلرئنئن طاماحينا، يعني فئلئسطلی‌لرئن قيزلارينا کي، سنئن عئفّتسئز عمللرئندن اوتانيرديلار، تسلئم اتدئم.
آشورلولارلا دا فاحئشه‌لئک اتدئن، چونکي دويموردون؛ بلی، اونلارلا فاحئشه‌لئک اتدئن، آمّا حله ده دويماميشدين.
اؤز فاحئشه‌لئيئني تئجارت اؤلکه‌سي اولان کَلده تورپاغينا قدر يايدين، لاکئن بو دا سنه کئفايت اتمهدي.»
پروردئگار رب بويورور: «بوتون بونلاري اِدَرکَن، يعني حياسيز فاحئشهنئن عمللرئني، گؤر سنئن اوره‌يئن نه قدر ناخوشدور!
هر يولون باشيندا معبدلر قوردون، بوتون ميدانلاردا پرستئشگاهلار دوزه‌لتدئن. آمّا حله ده فاحئشه کئمي ده اولمادين، چونکي ائشئنئن عوضئنده ورئلَن اوجرته خور باخدين.
زئنا ادن بئر آرواد اولدون، اَرئنئن عوضئنه يادلاري قبول ادن بئر آرواد اولدون.
کئشئلر بوتون فاحئشه‌لره هدئيّهلر ورئرلر، آمّا بوتون اويناشلارينا سن هدئيّهلر وردئن. اونلارا روشوت وردئن کي، هر طرفدن سنئن يانينا گلسئنلر و سنئنله فاحئشه‌لئک اتسئنلر.
بلجه فاحئشه‌لئک اتمکده باشقا آروادلاردان فرقئن وار ائدي. چونکي هچ کس سنئن دالينجا دوشمه‌دي کي، فاحئشه‌لئک ادهسن، عکسئنه، بونون اوچون سن هدئيّه وردئن، سنه هدئيّه ورئلمه‌دي. بو جهتدن سنئن فرقئن وار ائدي.»
بونا گؤره ده، ای فاحئشه، ربّئن سؤزونه قولاق آس.
پروردئگار رب بله ديئر: «حياسيزليغين اورتايا تؤکولدويو اوچون، اويناشلارينلا فاحئشه‌لئک اِدَرکَن لوتلويون آچيلديغي اوچون، بوتون ائيرنج بوتلرئندن و اونلارا قوربان وردئيئن اوغوللارينين قانيندان اؤتري-
بوتون بونلارا گؤره کِف اتدئيئن بوتون اويناشلاريني-سنئن سِودئکلرئني ده، نئفرت اتدئکلرئني ده بئر يِره ييغاجاغام. اونلاري هر طرفدن سنئن ضئدّئنه بئر يِره ييغاجاغام. اونلارين قاباغيندا سني چيلپاق ادهجيم کي، عاييبيني کامئل بئر شکئلده گؤرسونلر.
زئنا ادن و قان تؤکَن آروادلارا ورئلَن جزا ائله سني جزالانديراجاغام، قضب و قيرتئمده سني قانا بولاياجاغام.
سني اويناشلارينين اَلئنه ورهجيم. معبدلرئني داغيداجاقلار، پرستئشگاهلاريني اوچورداجاقلار، پالتارلاريني اَينئندن سويوندوراجاقلار، زئنتلرئني اَلئندن آلاجاقلار، سني لوت و چيلپاق قوياجاقلار.
جاماعاتي اوستونه قالديراجاقلار، سني داشا باساجاقلار و قيلينجلاري ائله تئکه-تئکه دوغراياجاقلار.
اِولرئنه اود ووراجاقلار، چوخلو آروادين گؤزو قاباغيندا سني جزالانديراجاقلار. فاحئشه‌لئيئنه آخير قوياجاغام و داها اويناشلارينا اوجرت ورميه‌جکسن.
بلجه سنئنله قضبئمي ياتيرداجاغام، قيرتئمي سؤندوره‌جيم. من ساکئت قالاجاغام و بئر داها قضبلَنميه‌جيم.
ائندي کي سن جاوانليق گونلرئني يادينا سالماييبسان، آمّا بوتون بو عمل‌لرئنله منی قضبه گتئرئبسن، من ده عمللرئنئن عوضئني باشينا گتئره‌جيم.» پروردئگار رب بويورور. «مگر بوتون ائيرنج ائشلرئنه عئفّتسئزلئک ده علاوه اتمهيئبسن؟
باخ، مثل دئيَن هر کس سنئن حاقّيندا بو مثَلي دئيهجک: ‹آناسي نجهدئر، قيزي دا اِلهدئر.›
سن او آروادين قيزيسان کي، اَرئندن و اؤولادلاريندان نئفرت ادئر؛ سن او باجيلارينين باجيسي‌سان کي، اَرلرئندن و اؤولادلاريندان ائکراه ادئر. آنانيز خئتلي، آتانيز دا اِمورلو ائدي.
بؤيوک باجين سامئرهدئر کي، قيزلاري ائله سنئن شئماليندا ياشاييردي. کئچئک باجين دا سودومدور کي، قيزلاري ائله سنئن جنوبوندا ياشاييردي.
لاکئن سن اونلارين يولو ائله ده گتمه‌دئن، اونلارين اتدئيي ائيرنج ائشلر قدر ده اتمه‌دئن؛ بوتون بونلاري کئچئک بئر ائش ساييب، بوتون اؤز عمللرئنده اونلاردان دا فاسئد اولدون.
وارليغيما آند اولسون» پروردئگار رب بويورور، «باجين سودوملا قيزلاري سنئنله قيزلارينين اتدئيي ائشلري اتمه‌دئلر.
باخ، باجين سودومون و اونون قيزلارينين گوناهي بو ائدي: کئبئر، توخلوق و رئفاه ائچئنده ياشايارکَن، يوخسولا و مؤحتاجا کؤمک اَلي اوزاتماديلار.
کئبئرله‌نئب منئم حوضورومدا ائيرنج ائشلر اتدئلر. من بونو گؤرنده اونلاري سوپوروب آتديم.
سامئره سنئن اتدئيئن گوناهلارين ياريسيني بِله، اتمه‌مئشدي. ائيرنج ائشلرده اونلاري دا اؤتوب کچدئن. اتدئيئن بوتون ائيرنج ائشلرله باجيلاريني صالح کئمي گؤرستدئن.
سن ده اؤز روسوايچيليغينين يوکونو داشي، چونکي باجيلاريني تمئزه چيخارتدين. اتدئيئن گوناهلار اونلارينکيندان دا ائيرنج اولدوغونا گؤره، اونلار سندن داها دوز گؤرونورلر. خجالتئندن اوتان، اؤز روسوايچيليغينين يوکونو داشي، چونکي باجيلاريني صالح کئمي گؤرستدئن.
سودومدان و اونون قيزلاريندان اسئر اولونموشلاري، سامئرهدن و اونون قيزلاريندان اسئر اولونموشلاري تزهدن اؤز يِرلرئنه قايتاراجاغام و اونلارلا بئرلئکده سندن اسئر اولونموشلاري دا گری قايتاراجاغام،
اَله کي، اونلارا تسلّی اولدوغون اوچون اؤز روسوايچيليغينين يوکونو داشيياسان و اتدئيئن هر ائشدن اوتاناسان.
باجيلارين سودوملا قيزلاري اوّلکي وضعئيّتلرئنه قاييداجاقلار، سامئره ائله قيزلاري اوّلکي وضعئيّتلرئنه قاييداجاقلار، سن و قيزلارين دا اوّلکي وضعئيّتئنئزه قاييداجاقسينيز.
کئبئرلي اولدوغون گونلرده، پئسلئيئن اوزه چيخماميشدان، باجين سودومون آدي سنئن آغزيندان اِشئدئلمَزدي،
ائندي سن، اَرام قيزلارينين و اطرافينداکي‌لارين، فئلئسط قيزلارينين و اطرافينداکي‌لارين مسخره‌سي اولوبسان، سنئن اطرافيندا اولانلار سني تحقئر ادئرلر.
سن عئفّتسئزلئيئنئن و ائيرنج عمللرئنئن جزاسيني چکئرسن،» رب بويورور.
بلی، پروردئگار رب بله ديئر: «سن عهدي پوزوب آندا خور باخدين. بونا گؤره ده سن نجه اتدئن، من ده سنه اِله ادهجيم.
لاکئن من جاوانليق گونلرئنده سنئنله باغلاديغيم عهدئمي يادا سالاجاغام و سنئنله ابدی بئر عهد باغلاياجاغام.
او واخت سن، بؤيوک و کئچئک باجيلاريني يانينا آلديغين زامان، اؤز عمللرئني يادا ساليب اوتاناجاقسان. سنئنله باغلاديغيم عهدده اولماديغي حالدا اونلاري سنه قيز يرئنه ورهجيم.
عهدئمي سنئنله برقرار ادهجيم و بئلهجکسن کي، رب منم.
اِلَجه بوتون اتدئکلرئني باغيشلاديغيم زامان، بونو يادا ساليب اوتاناجاقسان، روسوايچيليغيندان بئر داها آغزيني آچماياجاقسان.» پروردئگار رب بويورور."
منه ربّئن بو سؤزو نازئل اولدو:
"ای بشر اوغلو، ائسرايئل نسلئنه بئر تاپماجا دِه، اونلارا بئر مثل دانيش؛
دِه کي، پروردئگار رب بله ديئر: «قانادلاري بؤيوک، توکلري اوزون، اوستو رنگ‌به‌رنگ ائري بئر قارتال لوبنانا اوچدو و سئدر آغاجينين باشينداکي زوغو گؤتوردو.
آغاجين تپه‌سئنده‌کي تزه شاخلاري قوپارديب تئجارت اؤلکهسئنه آپاردي و اونو تاجئرلر شهرئنه قويدو.
سونرا او تورپاغين توخومونو گؤتوروب بَهَرلي تورپاقدا اَکدي. سؤيود آغاجي اَکئلَن کئمي اونو گور آخان سولارين کناريندا يِرلَشدئردي.
او دا بؤيويوب اِنلي، بالاجا بوي بئر اوزوم مِينه‌سي اولدو. بوداقلاري قارتالا طرف اَيئلئردي، کؤکلري ده آلتيندا قاليردي. بلجه شاخه ورن، بوداق سالان بئر اوزوم تَنه‌يي اولدو.
بؤيوک قانادلاري، چوخلو توکلري اولان باشقا ائري قارتال دا وار ائدي. اوزوم تَنه‌يي کؤکلرئني اونا طرف دؤنده‌ردي، بوداقلاريني اَکئلدئيي لَکلردن اونا طرف اوزاتدي کي، سولانسين.
او، گور آخان سولارين کناريندا، بَهَرلي تورپاقدا اَکئلمئشدي کي، قول-بوداق آتسين، مِيوه يتئرسئن و اصئل بئر اوزوم تَنه‌يي اولسون.»
سن دِه کي، پروردئگار رب بله ديئر: «بو اوزوم تَنه‌يي بَهَرلي مگر اولاجاق؟ مگر اوّلکي قارتال اونون کؤکلرئني قيريب مِيوه‌لرئني قوپارماياجاق کي، قوروسون؟ اِله کي، اونون تزه بئتن بوتون شاخه‌لري قوروسون؟ اونو کؤکوندن قيريب آتماق اوچون گوجلو بئر قولا و يا چوخلو آداما احتئياج اولماياجاق.
بلی، او اَکئلئب، آمّا مگر بَهَرلي اولاجاق؟ شرق کوله‌يي اونا توخونان کئمي مگر کامئل قوروماياجاق؟ مگر بئتدئيي لَکلرده قوروماياجاق؟»"
سونرا منه ربّئن بو سؤزو نازئل اولدو:
"ائندي او عاصي نسله دِه: «مگر بو شيلرئن معناسيني بئلمئرسئنئز؟» اونلارا دِه: «باخ، بابئل پادشاهي اورشَلئمه گلدي، اورانين پادشاهيني و باشچيلاريني گؤتوروب بابئله، اؤز يانينا آپاردي.
پادشاه نسلئندن بئر نفري گؤتوروب اونونلا عهد باغلادي و اونا آند ائچدئردي، اؤلکهنئن آغا آداملاريني دا گؤتوروب آپارميشدي
کي، پادشاهليق آلچالديليب داها قالخا بئلمه‌سئن و عهدئنه صادئق قالاراق وارليغينا داوام ورسئن.
لاکئن او، اونون ضئدّئنه عوصيان ادئب مئصئره اِلچئلر گؤنده‌ردي کي، اونا آتلار و بؤيوک بئر قوشون ورسئنلر. مگر او، اوغور قازانار؟ بو ائشلري گؤرَن مگر سالامات قالار؟ عهدي پوزان مگر سالامات قالار؟»
پروردئگار رب بويورور: «وارليغيما آند اولسون کي، اونو تخته اوتوردان پادشاهين اؤلکهسئنده يعني بابئلده اؤلهجک، چونکي ائچدئيي آندا خور باخدي، باغلاديغي عهدي پوزدو.
بابئللی‌لر چوخلو آدام قيرماق اوچون، تورپاق قالاغي و موحاصئره دووارلاري دوزه‌لدن زامان، فئرعون گوجلو قوشونو ائله، بؤيوک قوشونو ائله موحارئبه‌ده اونا کؤمک اتميهجک.
او، عهدي پوزاراق ائچدئيي آندا خور باخدي، و باخ، سؤز وردئيي حالدا بوتون بو ائشلري اتدي؛ قاچيب قورتارا بئلميهجک.»
بونا گؤره ده پروردئگار رب بله ديئر: «وارليغيما آند اولسون کي، حوضورومدا ائچدئيي آندا خور باخديغينا گؤره، عهدئمي پوزدوغو اوچون اونا عوضئني ورهجيم.
تورومو اونون اوستونه سَره‌جيم و او منئم تله‌مه دوشهجک. اونو بابئله گتئره‌جيم و اونو اورادا موحاکئمه ادهجيم چونکي منه خيانت ادئب.
اونون بوتون فراري عسگرلري قيلينجلا هلاک اولاجاقلار، يرده قالانلار کوله‌يئن اَسدئيي دؤرد طرفه داغيلاجاقلار. او واخت بئلهجکسئنئز کي، من رب بونو ددئم.»
پروردئگار رب بله ديئر: «من اوجا سئدر آغاجينين باشيندان بئر زوغ گؤتوروب اَکه‌جيم. اونون بوداقلارينين باشيندان ظرئف بئر بوداق قوپارداجاغام و اونو اوجا، دئک بئر داغين اَته‌يئنده اَکه‌جيم.
اونو ائسرايئلئن اوجا داغينا اَکه‌جيم کي، او، قول-بوداق آتسين و مِيوه ورئب اصئل بئر سئدر آغاجي اولسون. هر جور قوش اونون آلتينا سيغيناجاق؛ بوداقلارينين کؤلگه‌سئنده يووا قوراجاق.
بوتون چؤل آغاجلاري بئلهجکلر کي، رب منم؛ آلچاغي اوجا ادئرم و اوجاني آلچاق. ياشيل آغاجي قورودورام و قورو آغاجي ياشيللاشديريرام. بونو من دِمئشم و يرئنه يتئره‌جيم.»"
منه ربّئن بو سؤزو نازئل اولدو:
"نه دِمَک ائسته‌يئرسئنئز کي، ائسرايئل تورپاغي اوچون بو مثلي تکرار ادئرسئنئز: «آتالار کال اوزوم يدئلر، اوغوللارين دئشي قاماشير»؟
پروردئگار رب بويورور: «وارليغيما آند اولسون کي، بو مثل ائسرايئلده داها ديئلميه‌جک.
باخين، بوتون جانلار منئمدئر؛ آتانين جاني دا منئمدئر، اوغولون جاني دا منئمدئر. گوناه ائشله‌دن جان اؤلهجک.
اگر بئر آدام صالحدئر و ائنصافلي و صالح عمللري يرئنه يتئرئر،
داغلاردا گتئرئلَن قورباندان يِمئر، گؤزلرئني ائسرايئل نسلئنئن بوتلرئنه دئکمئر، قونشوسونون آرواديني لَکه‌له‌مئر، آيباشي اولان آروادلا ياخينليق اتمئر،
کئمسهيه حاقسيزليق اتمئر، لاکئن بورجلونون گئرووونو قايتارير، قارت اتمئر، آج اولانا چؤرک ورئر، لوت اولاني گِيئندئرئر،
سَلَمله پول بورج ورمئر، موعامئله گؤتورمور، پئس عملدن اَلئني اوزاق ساخلايير، ائکي آدام آراسيندا عدالتله حؤکم ادئر،
منئم قايدالاريما موطابئق رفتار ادئر، حؤکملرئمه صداقتله عمل ادئر؛ بو آدام صالحدئر و البتّه، ياشاياجاق.» پروردئگار رب بويورور.
«دئيَک کي بو آدامين بئر اوغلو اولور. اگر بو اوغول قدّارليق ادئب قان تؤکور، بو ائشلردن بئرئني گؤرور،
آتاسي بونلاردان هچ بئرئني اتمه‌دئيي حالدا، اوغول داغلاردا گتئرئلَن قورباندان يِيئر، قونشوسونون آرواديني لَکه‌له‌يئر،
فاغيرا و يوخسولا حاقسيزليق ادئر، قارَت ادئر، گئرووو قايتارمير، گؤزلرئني بوتلره دئکئر، ائيرنج ائشلر گؤرور،
سَلَمله پول بورج ورئب موعامئله گؤتورور، بله اوغول مگر ياشاياجاق؟ خِير، او ياشاماياجاق. بوتون بو ائيرنج ائشلري گؤردويو اوچون البتّه کي، اؤلمه‌لي‌دئر. اؤلومو ده اؤز بوينونا اولاجاق.
دئيَک کي بو اوغولون دا بئر اوغلو اولور. بو اوغول آتاسينين اتدئيي بوتون گوناهلاري گؤرور؛ او گؤرور، آمّا بله ائشلر اتمئر؛
داغلاردا گتئرئلَن قورباندان يِمئر، گؤزلرئني ائسرايئل نسلئنئن بوتلرئنه دئکمئر، قونشوسونون آرواديني لَکه‌له‌مئر،
کئمسهيه حاقسيزليق اتمئر، گئروو آلمير، قارت اتمئر، لاکئن آج اولانا چؤرک ورئر و لوت اولاني گِيئندئرئر،
يوخسولا ظولم اتمئر، سَلَم آلمير، موعامئله گؤتورمور، حؤکملرئمه عمل ادئب قايدالاريما گؤره رفتار ادئر، آتاسينين گوناهينا گؤره اؤلميه‌جک؛ البتّه، ياشاياجاق.
بو اوغولون آتاسي دا ائنصافسيزليقلا قدّارليق اتدئيي اوچون، قارداشيني قارت اتدئيئنه گؤره، خالقي ائچئنده ياخشي ائشلر اتمه‌دئيي اوچون اؤز تقصئرئندن اؤتري، البتّه، اؤلهجک.
آمّا سئز حله ده ديئرسئنئز: ‹آتانين اتدئيي تقصئر اوچون نه اوچون اوغول عذاب چکمه‌سئن؟› اوغول عدالتلي و صالح ائشلر گؤردو، بوتون قايدالاريما رئعايت ادئب اونلارا عمل اتدي. البتّه، بو آدام ياشاياجاق.
گوناه ائشله‌دن جان اؤلهجک. اوغول آتانين تقصئري آلتيندا قالماياجاق، آتا دا اوغولون تقصئري آلتيندا قالماياجاق. صالح آدام صالحلئيئنئن، پئس آدام دا پئسلئيئنئن عوضئني آلاجاق.
آمّا اگر پئس آدام اتدئيي بوتون گوناهلاردان دؤنسه، بوتون قايدالاريمي رئعايت ادئب ائنصافلي و صالح عمللر اتسه، البتّه، اؤلمه‌يئب ياشاياجاق.
اتدئيي گوناهلاردان هچ بئري اونون ضئدّئنه خاطيرلانماياجاق؛ چونکي اتدئيي صالحلئکله ياشاياجاقدير.»
پروردئگار رب بويورور: «اِله بئلئرسئنئز کي، من پئس آدامين اؤلوموندن کِف ادئرم و ائسته‌مئرم کي، او اؤز يولوندان دؤنسون و ياشاسين؟
آمّا اگر صالح آدام اؤز صالحلئيئندن دؤنوب پئسلئک اتسه، پئس آدامين اتدئيي بوتون ائيرنج ائشلري گؤرسه، مگر ياشاياجاق؟ اتدئيي صالح ائشلرئندن هچ بئري خاطيرلانماياجاق؛ اتدئيي خائنلئک و اِله‌دئيي گوناهيندان اؤتري اؤله‌جکدئر.
آنجاق سئز حله ده ديئرسئنئز: ‹پروردئگارين يولو ائنصاف ديئل.› ائندي، ای ائسرايئل نسلي، قولاق آسين: مگر منئم يولوم ائنصاف ديئل؟ ائنصافسيز اولان مگر سئزئن يوللارينيز ديئل؟
صالح آدام اؤز صالحلئيئندن دؤنوب پئسلئک اتسه، بونا گؤره اؤلهجک؛ بلی، اتدئيي پئسلئيه گؤره اؤلهجک.
پئس آدام دا اتدئيي پئسلئکدن دؤنوب ائنصافلي و صالح عمللر اتسه، اؤز حياتيني قوروياجاق.
دئقّت ادئب اِله‌دئيي بوتون گوناهلاردان دؤندويو اوچون، البتّه، اؤلمه‌يئب ياشاياجاق.
لاکئن ائسرايئل نسلی ديئر: ‹پروردئگارين يولو ائنصاف ديئل.› ای ائسرايئل نسلي، مگر منئم يوللاريم ائنصاف ديئل؟ ائنصافسيز اولان مگر سئزئن يوللارينيز ديئل؟
بونا گؤره، ای ائسرايئل نسلي، سئزئن هر بئرئنئزي عمل‌لرئنئزه گؤره موحاکئمه ادهجيم.» پروردئگار رب بويورور. «تؤوبه ادئن و بوتون گوناهلارينيزدان دؤنون کي، تقصئر سئزئن ييخيلماغينيزا باعئث اولماسين.
اتدئيئنئز گوناهلارين هاميسيني اوستونوزدن آتين، اؤزونوزه تزه بئر اورَک و تزه بئر روح يارادين! نه اوچون اؤله‌سئنئز، ای ائسرايئل نسلي؟»
پروردئگار رب بويورور: «چونکي من هچ کسئن اؤلوموندن کِف اتمئرم. بونا گؤره ده تؤوبه ادئن و ياشايين.»
سن ائسرايئل رهبرلري اوچون مرثئيه اوخويوب دِه:
«سنئن آنان نه ائدي؟ شئرلر آراسيندا دئشي بئر شئر! او، جاوان آصلانلارين ائچئنده ياتاردي، بالالاريني يِتئشدئرئردي.
او، بالالاريندان بئرئني بؤيوتدو، بالا، جاوان بئر شئر اولدو. شئکار اتمه‌يي اؤيرَندي؛ آداملاري يِمَيه باشلادي.
مئلّتلر اونون خبرئني اشئتدئلر، بو شئر اونلارين قويوسونا دوشوب اَله کچدي. بورنونا حالقا تاخيب اونو مئصئر تورپاغينا گتئردئلر.
دئشي شئر بوش يِره گؤزله‌دئيئني، اومئد قالماديغيني گؤرنده، بالالاريندان بئرئني گؤتوروب جاوان بئر شئر اتدي.
بو بالا، شئرلر آراسيندا گَزدي. او دا جاوان بئر شئر اولوب شئکار اتمه‌يي اؤيرَندي؛ آداملاري يِمَيه باشلادي.
اونلارين قالالاريني داغيتدي، شهرلرئني وئران اتدي. بو شئرئن نعره سَسئندن اؤلکه و اونون اهالئسي دهشت ائچئنده ائدي.
اطراف وئلايتلرئن خالقلاري اونون اوستونه گلدئلر، اؤز تورلاريني اوستونه آتديلار؛ بو شئر اونلارين قويوسونا دوشوب اَله کچدي.
اونون بورنونا حالقا تاخيب قفسه سالديلار. اونو بابئل پادشاهينين يانينا گتئردئلر؛ سونرا قالايا سالديلار کي، ائسرايئل داغلاري اوستونده بئر داها سَسي اِشئدئلمه‌سئن.
سنئن آنان دا چاي کنارينداکي باغيندا اَکئلمئش بئر اوزوم تَنه‌يي کئمي ائدي. بول سولاردان بَهَرلي اولدو، چوخلو قول-بوداق وردی.
اونون بوداقلاري پادشاه عصاسي اولدولار؛ بويو اوجا آغاجلارا قدر اوجالدي، اونون چوخلو بوداقلاري ائله اوجاليغي گؤرونوردو.
لاکئن تَنه‌يي قضبله کؤکوندن چيخارديب يِره آتديلار؛ شرق کولَه‌يي اونون مئيوه‌سئني قوروتدو، مؤحکم بوداقلاري قوپاريلدي و سولدو اونلاري اود يانديريب ياخدي.
ائندي او، چؤلده، قوراق و سوسوز تورپاقدا اَکئلئب.
ساقه‌سئنئن بوداقلاريندان اود چيخيب، اونون مئيوه‌سئني يانديريب ياخيب، اِله کي، اوندا پادشاهليق عصاسي اولماق اوچون، هچ مؤحکم بئر بوداق قالمير.» بو، بئر مرثئيه‌دئر، و مرثئيه اولاراق دا قاليب."
اسئرلئيئمئزئن يدّئنجی ائلئنده، بِشئنجي آيين اونونجو گونو ائسرايئلئن بعضی آغساقّاللاري ربدن مصلحت آلماق اوچون گلئب قاباغيمدا اوتوردولار.
منه ربّئن بو سؤزو نازئل اولدو:
"ای بشر اوغلو، ائسرايئل آغساقّاللارينا ديئب بئلدئر کي، پروردئگار رب بله ديئر: «آيا سئز مندن مصلحت آلماق اوچون گلدئنئز؟ وارليغيما آند اولسون کي، مندن مصلحت آلماغي سئزه ائجازه ورميه‌جيم.» پروردئگار رب بويورور.
آيا اونلاري موحاکئمه ادهجکسن، ای بشر اوغلو، موحاکئمه ادهجکسن؟ اونلارا آتالارينين ائيرنج ائشلرئني بئلدئرئب دِه کي،
پروردئگار رب بله بويورور: «او گون من ائسرايئلي سِچدئيئم زامان، يعقوب نسلئنئن اؤولادلارينا آند ائچدئم و مئصئر تورپاغيندا اؤزومو اونلارا آشکار اتدئم؛ اونلارا ‹تارينيز رب منم› ديئب آند ائچدئم.
او گون اونلارا آند ائچدئم کي، اونلاري مئصئر تورپاغيندان او اؤلکهيه گتئرئم کي، اونلار اوچون نظرده توتموشدوم؛ بوتون اؤلکه‌لردن گؤزل اولان، سود و بال آخان اؤلکهيه.
من اونلارا ددئم: ‹سئزلردن هر بئرئنئز، گؤزونه خوش گلن ائيرنج شيلري آتسين. اؤزونوزو مئصئر بوتلري ائله نجئسلَمه‌يئن، تارينيز رب منم.›
آمّا اونلار منئم ضئدّئمه عاصي اولدولار و قولاق آسماق ائستمه‌دئلر. هچ بئري گؤزونه خوش گلن ائيرنج شيلري آتمادي و مئصئر بوتلرئندن اَل چکمه‌دي. اونا گؤره من ددئم: ‹مئصئر تورپاغيندا قضبئمي اوستلرئنه تؤکه‌جيم، حدسئز قِيضئمي اونلارا گؤرسده‌جيم.›
آنجاق من اؤز آديمين خاطئرئنه اِله اتدئم کي، آرالاريندا ياشاديقلاري مئلّتلرئن گؤزونده آديم لَکه‌لَنمه‌سئن، چونکي بو مئلّتلرئن گؤزو قاباغيندا ائسرايئل اؤولادلاريني مئصئردن چيخارتماقلا اؤزومو اونلارا گؤرستدئم.
بونا گؤره اونلاري مئصئر تورپاغيندان چيخارديب صحرايا گتئردئم.
اونلارا قايدالاريمي ورئب حؤکملرئمي بئلدئردئم کي، اونلارا عمل ادن هر کس، اونلارين واسئطهسئله ياشايار.
بوندان علاوه، اونلارا اؤز سَبّت گونلرئمي ده وردئم کي، منئمله اونلارين آراسيندا علامت اولسون و بئلسئنلر کي، من، اونلاري تقدئس ادن ربّم.
لاکئن ائسرايئل نسلی صحرادا منئم ضئدّئمه عوصيان قالديرديلار. قايدالاريما گؤره رفتار اتمه‌دئلر، حؤکملرئمي ردّ اتدئلر کي، اونلارا عمل ادن هر کس، اونلارين واسئطهسئله ياشايار. اونلار منئم سَبّت گونلرئمي ده نجئس اتدئلر. او واخت ددئم: ‹صحرادا قضبئمي اونلارين اوستلرئنه تؤکه‌جيم کي، اونلاري کامئل محو اِدئم.›
آنجاق من اؤز آديمين خاطئرئنه اِله اتدئم کي، مئلّتلرئن گؤزونده آديم لَکه‌لَنمه‌سئن، چونکي بو مئلّتلرئن گؤزو قاباغيندا ائسرايئل اؤولادلاريني مئصئردن چيخارتميشديم.
بوندان علاوه، صحرادا اونلارا آند ائچدئم کي، اونلاري بوتون اؤلکه‌لردن گؤزل اولان، اونلارا وردئيئم سود و بال آخان تورپاغا گتئرميه‌جيم.
چونکي اونلار حؤکملرئمي ردّ اتدئلر، قايدالاريما گؤره رفتار اتمه‌دئلر و سَبّت گونلرئمي ده نجئس اتدئلر؛ اونا گؤره کي، اونلارين اورَکلري بوتلرئنه طرف چکئلئردي.
آنجاق منئم اونلارا يازيغيم گلدي، اونلاري هلاک اتمه‌دئم و صحرادا قيريب تؤکمه‌دئم.
صحرادا اونلارين اؤولادلارينا ددئم: ‹آتالارينيزين قايداسينا گؤره رفتار اتمهيئن، حؤکملرئني رئعايت اتمهيئن و اونلارين بوتلري ائله اؤزونوزو نجئسلَمه‌يئن.
تارينيز رب منم؛ منئم قايدالاريما گؤره رفتار ادئن و دئقّت ادئن کي، منئم حؤکملرئمدن ائطاعت ادهسئنئز.
سَبّت گونلرئمي موقدّس ساخلايين کي، منئمله سئزئن آرانيزدا علامت اولسون و بئلهسئنئز کي، تارينيز رب منم.›
لاکئن اؤولادلار دا منئم ضئدّئمه عوصيان قالديرديلار. قايدالاريما گؤره رفتار اتمه‌دئلر. حؤکملرئمدن ائطاعت اتميه دئقّت اتمه‌دئلر کي، اونلارا عمل ادن هر کس اونلارين واسئطهسئله ياشايار؛ اونلار منئم سَبّت گونلرئمي ده نجئس اتدئلر. اونا گؤره من ددئم: ‹صحرادا قضبئمي اوستلرئنه تؤکه‌جيم و حدسئز قِيضئمي اونلارا گؤرسده‌جيم.›
آنجاق من اونلاردان اَل گؤتوردوم و بونو اؤز آديمين خاطئرئنه اتدئم کي، مئلّتلرئن گؤزونده آديم لَکه‌لَنمه‌سئن. چونکي بو مئلّتلرئن گؤزو قاباغيندا ائسرايئل اؤولادلاريني چيخارتميشديم.
بوندان علاوه، صحرادا اونلارا آند ائچئب ددئم کي، اونلاري مئلّتلر آراسينا ياياجاغام، اونلاري اؤلکهلر آراسينا سَپه‌لَيه‌جيم.
چونکي منئم حؤکملرئمدن ائطاعت اتمه‌دئلر، قايدالاريمي ردّ اتدئلر، سَبّت گونلرئمي نجئس اتدئلر و گؤزلري آتالارينين بوتلرئنه دئکئلدي.
من ده اونلارا خيئرلي اولمايان قايدالار و حيات وره بئلمه‌يَن حؤکملر وردئم.
ائمکان وردئم کي، هر ائلک دوغولان اؤولادي اوددان کچئرتسئنلر و قوربان اتدئکلري هدئيّهلرله اؤزلرئني نجئسله‌سئنلر. بونو اتدئم کي، اونلار دهشته گلئب بئلسئنلر کي، رب منم.»
بونا گؤره، ای بشر اوغلو، ائسرايئل نسلئنه دانيش و اونلارا دِه کي، پروردئگار رب بله ديئر: «آتالارينيز بوندا دا خيانت ادهرک منه کوفر ددئلر.
من اونلاري، وره‌جيئم حاقدا آند ائچدئيئم تورپاغا گتئرندن سونرا، هر اوجا تپه‌ني گؤردوکده، هر سيخ يارپاقلي آغاجي گؤردوکده، قوربانلاريني اورادا کَسدئلر، منئم قضبئمه سبب اولان قوربانلاريني اورادا تقدئم اتدئلر؛ عطئرلي تقدئملرئني اورادا گؤيه قالديرديلار و مايع تقدئملرئني اورادا سَپدئلر.
اونا گؤره من اونلارا ددئم: ‹گتدئيئنئز پرستئشگاهلار نه‌دئر؟› بونا گؤره اونا ائندئيه قدر باما ديئلئر.»
بونا گؤره ده ائسرايئل نسلئنه دِه کي، پروردئگار رب بله ديئر: «سئز مگر آتالارينيزين يولو ائله گده‌جکسئنئز و اونلارين ائيرنج ائشلري ائله عئفّتسئزلئک ادئب اؤزونوزو مگر نجئس ادهجکسئنئز؟
او زامان کي، هدئيّه‌لرئنئزي تقدئم ادئب اوغوللارينيزي اوددا قوربان ادئرسئنئز، اؤزونوزو بوتون بوتلرئنئزله بو گونه قدر نجئس ادئرسئنئز. حله بونونلا دا مندن مصلحت آلماغا گلئرسئنئز، ای ائسرايئل نسلي؟» پروردئگار رب بويورور: «وارليغيما آند اولسون کي، مندن سوروشماغينيزا ائجازه ورميه‌جيم.
فئکرئنئزده اولان شي هچ واخت باش ورميه‌جک. سئز ديئرسئنئز: ‹مئلّتلر، ياداِللي طايفالار کئمي، گلئن، بئز ده آغاجا و داشا سئتايئش اده‌جيئک.›»
پروردئگار رب بويورور: «وارليغيما آند اولسون کي، سئزئن اوستونوزده قووّتلي اَلله، اوزانان قوللا و گوجلو قضبله قطعن پادشاهليق ادهجيم.
من سئزي قووّتلي اَلله، اوزانان قوللا و گوجلو قضبله خالقلار آراسيندان چيخارداجاغام، سَپه‌لَندئيئنئز اؤلکه‌لردن سئزي بئر يِره ييغاجاغام.
سئزي خالقلارين صحراسينا گتئرئب اورادا سئزي اوز-اوزه موحاکئمه ادهجيم.
آتالارينيزي مئصئر تورپاغينين صحراسيندا نجه موحاکئمه اتدئم، سئزي ده اِلَجه موحاکئمه ادهجيم،» پروردئگار رب بله بويورور.
«سئزي عصانين آلتيندان کچئردئب سئزي عهد آلتينا سالاجاغام.
سئزئن آرانيزدان منئم ضئدّئمه عاصي اولانلاري و گوناه ادنلري آييراجاغام. اونلاري مووقّتي قالديقلاري اؤلکه‌دن چيخارداجاغام، آمّا ائسرايئل تورپاغينا گئرميه‌جکلر. او واخت بئلهجکسئنئز کي، رب منم.»
پروردئگار رب بله ديئر: «سئز، ای ائسرايئل نسلي، گدئن، هر بئرئنئز اؤز بوتلرئنئزه قوللوق ادئن. آنجاق بوندان سونرا منه قولاق آساجاقسينيز، هدئيّه‌لرئنئز و بوتلرئنئزله بئر داها موقدّس آديمي لَکه‌لَمَيه‌جکسئنئز.»
پروردئگار رب بويورور: «موقدّس داغيم اولان ائسرايئلئن اوجا داغيندا، همئن اؤلکهده هامي-بوتون ائسرايئل نسلی منه قوللوق ادهجک. اورادا اونلاري قبول ادهجيم، اورادا بوتون موقدّس شيلرئنئزله بئرلئکده، تقدئملرئنئزي و لاپ سِچمه هدئيّه‌لرئنئزي سئزدن قبول ادهجيم.
سئزي خالقلار آراسيندان چيخارتديغيم و سَپه‌لَندئيئنئز اؤلکه‌لردن ييغديغيم زامان، عطئرلي تقدئم کئمي سئزدن راضي اولاجاغام. مئلّتلرئن گؤزو قاباغيندا سئزئن آرانيزدا تقدئس اولوناجاغام.
سئزي ائسرايئل تورپاغينا، آتالارينيزا ورمه‌سئني آند ائچدئيئم تورپاغا گتئردئيئم زامان بئلهجکسئنئز کي، رب منم.
اورادا عمللرئنئزي و بوتون ائشلرئنئزي کي، اونلارلا اؤزونوزو نجئس اتدئنئز، يادا سالاجاقسينيز. اتدئيئنئز بوتون پئسلئکلره گؤره اؤزونوزدن ائيرَنه‌جکسئنئز.
ای ائسرايئل نسلي، او زامان کي، سئزئنله پئس عمل‌لرئنئزه موطابئق يوخ، فاسئد ائشلرئنئزه موطابئق يوخ، اؤز آديمين خاطئرئنه سئزئنله رفتار ادئرم، بئلهجکسئنئز کي، رب منم.» پروردئگار رب بله بويورور."
منه گئنه ربّئن سؤزو نازئل اولدو:
"ای بشر اوغلو، اوزونو جنوبا طرف چِوئر؛ جنوبون ضئدّئنه دانيش و نِگِب مِشه‌سئنئن ضئدّئنه نبئلئک ات.
نِگِب مِشه‌سئنه دِه کي، ربّئن سؤزونو اشئت: پروردئگار رب بله ديئر: «باخ، من سنئن ائچئنده بئر اود يانديراجاغام و بو اود سنده اولان بوتون ياشيل و قورو آغاجلاري يانديريب ياخاجاق. آليشان آلوو سؤنميه‌جک، بوتون اوزلر جنوبدان شئمالا قدر اوددا قوورولاجاق.
بوتون بشر گؤرهجک کي، اودو آليشديران، من رَبّم و او، سؤنميه‌جک.»"
او واخت من ددئم: "آه، ای پروردئگار رب! اونلار منئم بارَمده ديئرلر: «مگر بو آدام اِله مثللرله دانيشان ديئل؟»"
منه ربّئن بو سؤزو نازئل اولدو:
"ای بشر اوغلو، اوزونو اورشَلئمه طرف چِوئر و موقدّس مکانلارين ضئدّئنه دانيش. ائسرايئل تورپاغينين ضئدّئنه نبئلئک ات.
ائسرايئل تورپاغينا دِه کي، رب بله ديئر: «باخ، من سنئن ضئدّئنه‌يَم. قيلينجيمي قينيندان چيخارديب سنئن ائچئنده اولان صالح آدامي دا، پئس آدامي دا قيريب تؤکه‌جيم.
سنئن ائچئنده اولان صالح آدامي دا، پئس آدامي دا قيريب تؤکه‌جَيئم اوچون قيلينجيم قينيندان چيخاجاق کي، جنوبدان شئمالاجاق، اراضئده ياشايان بوتون بشرئن اوستونه اِنسئن.
او واخت بوتون بشر بئله‌جک کي، رب منم. قيلينجيمي قينيندان چکمئشم و بئر داها يرئنه قاييتماياجاقدير.»
سن ناله چک، ای بشر اوغلو؛ اَزئک بئر اورَک و آجي بئر قَمله اونلارين گؤزو قاباغيندا ناله چک.
اونلار سنه دئيَنده کي، «نه‌يه گؤره ناله چکئرسن؟» اونلارا دئيَرسن: «گلن خبره گؤره. هر اورَک اَرئيه‌جک، هر اَل يانينا دوشهجک، بوتون روحلار ضعئفلَيه‌جک و بوتون دئزلر سو کئمي تئترَيه‌جک. باخ، او خبر گلئر و يرئنه يِتئشه‌جک.» پروردئگار رب بله بويورور."
منه ربّئن بو سؤزو نازئل اولدو:
"ای بشر اوغلو، نبئلئک ادئب دِه کي، پروردئگار بله ديئر: «دِه کي، قيلينج، بئر قيلينج ائتئله‌نئب، جئلالانيب.
اؤلدورمک اوچون ائتئله‌نئب، شئمشَک کئمي چاخماق اوچون جئلالانيب! نجه سِوئنه بئله‌رئک؟ اوغلومون عصاسي بوتون آغاجلارا خور باخير.
قيلينج اَلده توتولماق اوچون جئلالانماغا ورئلئب. اؤلدوره‌نئن اَلئنه ورئلمک اوچون ائتئله‌نئب، جئلالانيب.
ای بشر اوغلو، باغير، شئون ات. چونکي بو قيلينج خالقيمين ضئدّئنهدئر، بوتون ائسرايئل رهبرلرئنئن ضئدّئنهدئر. اونلار خالقيملا بئرلئکده قيلينجا تسلئم ادئلئبلر. بونون اوچون بودونو دؤي.»
پروردئگار رب بويورور: «قاباقدا ائمتاحان وار. حتّا اگر خور باخان عصا داها سالامات قالمازسا، نه اولار؟
سن ای بشر اوغلو، نبئلئک ات، اَللرئني بئربئرئنه وور. قوي قيلينج ائکي، اوچ دفه وورسون. او اؤلدورَن بئر قيلينجدير، چوخلو آدام قيران، ائنساني هر طرفدن آرايا سالان قيلينجدير کي،
اونلارين اوره‌يي اَرئسئن، و بوتون دروازالاريندا چوخ آدام يِره سَرئلسئن. قيرغين قيلينجيني ورمئشم. آه، او، شئمشَک کئمي چاخيب وورماق اوچون دوزه‌لئب، اؤلدورمک اوچون حاضير دورور.
ای قيلينج، اؤزونو ائتي گؤرسد، صاغا دؤن، کَس. سولا دؤن، کَس، اوزون هارا چِورئلسه، اورا گت.
من ده اَللرئمي بئربئرئنه ووراجاغام، بلجه قضبئمي ياتيرداجاغام. بونو من رب ددئم.»"
منه ربّئن بو سؤزو نازئل اولدو:
"سن، ای بشر اوغلو، بابئل پادشاهينين قيلينجينين گلمه‌سي اوچون ائکي يول حاضيرلا؛ ائکئسي ده بئر اؤلکه‌دن چيخسين. بئر يرده نئشان قوي، اونو شهر يولونون باشينا قوي.
قيلينجا بئر يول حاضيرلا کي، عَمّون اؤولادلارينين رَبّا شهرئنه، يهودايا، قالالي اورشَلئمه گلسئن.
چونکي بابئل پادشاهي يولون آيريلديغي يرده، ائکي يولون باشيندا دايانير کي، فالچيليق اتسئن؛ اوخلاري سئلکَله‌يئر، اِو بوتلرئندن مصلحت آلير، کَسئلَن بئر حيوانين قارا جئيه‌رئنه باخير.
اونون صاغ اَلئنده اورشَلئمي گؤرسه‌دن فال وار کي، مانجاناقلاري قويسون، اؤلدورمک امري ورسئن، دؤيوش هاراييني اوجالتسين، مانجاناقلاري دروازالارين قاباغيندا قويسون، تورپاق قالاغي و موحاصئره دووارلاري دوزه‌لتسئن.
اونونلا آند ائچئب سازئش باغلايانلار فالين يالان اولدوغونو گومان ادهجکلر. لاکئن پادشاه تقصئرلرئني خاطيرلايير کي، اونلار اسئر آلينسينلار.
بونا گؤره ده پروردئگار رب بله ديئر: «ائندي کي تقصئرئنئزي اِله ادئبسئنئز کي، يادلاردا قالسين و بوندا سئزئن خاطالارينيز آشکارا چيخيب، اِله کي، بوتون عمل‌لرئنئزده گوناهلارينيز بَلّي‌دئر، يادا دوشدويونوز اوچون اسئر آليناجاقسينيز.
سن ای نجئس و پئس اولان ائسرايئل رهبري، گونون چاتدي، نهايت، جزا واختين گلدي.»
پروردئگار رب بله ديئر: «عمّامه‌ني و تاجي گؤتور؛ داها بو بله اولماياجاق. آلچالاني اوجالت، اوجالاني آلچالت.
وئران، وئران، وئران قوياجاغام اوراني! بو دا اولماياجاق، او زاماناجاق کي، حاق صاحئبي گلسئن و من اوراني اونا ورهجيم.»
سن ای بشر اوغلو، نبئلئک ادئب دِه کي، عَمّونلولار و اونلارين اتدئکلري تحقئر بارهده پروردئگار رب بله ديئر: ده: «بئر قيلينج، بئر قيلينج هلاک اتمک اوچون سئيرئلئب. قيرغين اوچون جئلالانيب کي، شئمشَک کئمي پارلاسين.
اِله بئر زاماندا کي، سنه بوش رؤيالار گؤرورلر، سنه يالان فالچيليق آچيرلار کي، سني اؤلمه‌لي اولان پئس آداملارين بويونلارينا اِندئرسئنلر، ای قيلينج! بو آداملارين گونو چاتدي، سون جزا واختي گلدي.
قيلينجي قينينا قايتار! سني ياراديلديغين يرده، دوغولدوغون اؤلکهده موحاکئمه ادهجيم.
قضبئمي اوستونه تؤکه‌جيم؛ حئدّتئمئن اودونو اوستونه پوفلَيه‌جيم و سني وحشي آداملارا کي، محو اتمکده ماهئردئرلر، تسلئم ادهجيم.
سن اودا اودون اولاجاقسان؛ اؤلکه ائچئنده قانين تؤکولهجک. داها يادا سالينماياجاقسان، چونکي من رب بونو دِمئشم.»"
منه ربّئن بو سؤزو نازئل اولدو:
"سن، ای بشر اوغلو، آيا موحاکئمه ادهجکسن، قان تؤکَن شهري موحاکئمه ادهجکسن؟ اوندا بوتون ائيرنج ائشلرئني اونا بئلدئر.
اونا دِه کي، پروردئگار رب بله ديئر: «اجلي گلمک اوچون اؤز ائچئنده قان تؤکَن، بوتلر دوزه‌لده‌رک اؤزونو موردارلايان شهر!
سن تؤکدويون قانا گؤره تقصئرکار اولوبسان، دوزه‌لتدئيئن بوتلره گؤره نجئس اولوبسان. بلجه اجلئني ياخينلاشديريبسان، عؤمرون آخيرا چاتيب؛ بونا گؤره ده سني مئلّتلر ائچئنده روسوايچيليق، بوتون اؤلکهلر آراسيندا ائستِهزا هدفئنه چِوئرمئشم.
ای آدي پئسلئيه چيخان، فئتنه دولو شهر، ياخين اولانلار دا، اوزاق اولانلار دا سني مسخره ادهجکلر.
باخ، سنئن ائچئنده اولان هر بئر ائسرايئل رهبري اَلئندن گلدئيي قدر قان تؤکوب.
سنئن ائچئنده اونلار آتا-آنايا حؤرمت اتمهيئبلر، سنئن ائچئنده قرئب آداما قدّارليق، يِتئمه و دول آروادا حاقسيزليق ادئبلر.
منئم موقدّس شيلرئمه خور باخيبسان و سَبّت گونلرئمه محل قويمايبسان.
سنئن ائچئنده قان تؤکمک ائسته‌يَن بؤهتانچي آداملار اولوب. سنئن ائچئنده داغلاردا گتئرئلَن قورباندان يِيئبلر. سنئن ائچئنده شهوترانليغا قاپيليبلار.
سنئن ائچئنده آتالارينين ناموسو ائله ياتيبلار؛ سنئن ائچئنده آيباشي عادتئنئن نجئسلئيئنده اولان آروادي زورلاييبلار.
سنئن ائچئنده بئري قونشوسونون آروادي ائله ائيرنج ائش ادئب، بئري حَياسيزليقلا گلئنئني نجئس ادئب. بئري ده باجيسيني، اؤز آتاسينين قيزيني زورلاييب.
سنئن ائچئنده قان تؤکمَک اوچون روشوت آليبلار؛ سَلَم و موعامئله ائله پول بورج ورئبسن، قدّارليقلا قونشولاريندان حاقسيز اوجرت آليبسان. و منی ياددان چيخارديبسان.» پروردئگار رب بله بويورور.
«باخ، اَله گتئردئيئن حاقسيز اوجرتدن اؤتري و سنئن ائچئنده تؤکولَن قانا گؤره اَللرئمي بئربئرئنه چيرپيرام.
سنئن ضئدّئنه قالخديغيم گون اوره‌يئنده مگر طاقت اولار، قوللاريندا مگر قووّت قالار؟ من رب بونو دِمئشم و اونو يرئنه يتئره‌جيم.
سني مئلّتلر آراسينا ياياجاغام، اؤلکهلر آراسينا سَپه‌لَيه‌جيم، ائچئندهکي نجئسلئيي سندن محو ادهجيم.
مئلّتلرئن گؤزونده لَکه‌لَنه‌جکسن. او واخت بئلهجکسن کي، رب منم.»"
منه ربّئن بو سؤزو نازئل اولدو:
"ای بشر اوغلو، منئم اوچون ائسرايئل نسلی چوروف کئمي اولوب؛ هاميسي کوره ائچئنده قالان بورونجه، قالايا، دمئره و قورغوشونا بَنزه‌يئر، گوموش چوروفو کئمئدئرلر.
بونا گؤره ده پروردئگار رب بله ديئر: «ائندي کي هامينيز چوروف کئمي اولوبسونوز، باخين، من سئزي اورشَلئمئن اورتاسينا ييغاجاغام.
گوموشو، بورونجو، دمئري، قورغوشونو و قالايي نجه کورهده توپلاييرلار کي، اونلارا اود اوفوروب اَرئتسئنلر، من ده اِلَجه سئزي قضب و حئدّتئمله بئر يِره ييغاجاغام، سئزي شهره قويوب اَرئده‌جيم.
سئزي ييغيب قضبئمئن اودونو اوستونوزه اوفوره‌جيم و سئز شهرئن ائچئنده اَرئيه‌جکسئنئز.
کوره ائچئنده گوموش نجه اَرئدئلئر، سئز ده شهرئن ائچئنده اِلَجه اَرئيه‌جکسئنئز. او واخت بئلهجکسئنئز کي، اوستونوزه قضبئمي تؤکَن من ربّم.»"
منه ربّئن بو سؤزو نازئل اولدو:
"ای بشر اوغلو، اونا دِه: «سن قضب گونونده تمئزلَنمه‌مئش، اوستونه ياغيش ياغماميش بئر تورپاقسان.
اؤلکهنئن پيغمبرلري نَرئلده‌يَن، شئکاريني پارچالايان آصلان کئمي اورادا فئتنه قالديريبلار؛ جانلاري اودوبلار، خزئنه و قئيمتلي شيلر اَله کچئردئبلر، شهرده چوخلو آروادلاري دول قويوبلار.
کاهئنلري منئم قانونومو پوزوبلار، موقدّس شيلرئمي نجئسله‌يئبلر؛ موقدّس شيي نجئس شيدن آييرماييبلار، نجئس شيله تمئز شي آراسينداکي فرقي اؤيرَتمه‌يئبلر. اونلار منئم سَبّت گونلرئمه گؤز يومورلار و منئم موقدّسلئيئم اونلارين آراسيندا نجئسله‌نئب.
اؤلکه ائچئندهکي باشچيلاري، شئکاريني پارچالايان جاناوار کئمئدئرلر، حاقسيز اوجرتله اَله گتئرمک اوچون قان تؤکورلر، جانلار هلاک ادئرلر.
پيغمبرلري ساختا رؤيالارلا، يالان فال آچاراق بو گوناهلارين اوستونه سوواق وورورلار. ديئرلر: ‹پروردئگار رب بله ديئر› حال بو کي، رب دانيشماييبدير.
اؤلکه خالقي بئربئرئني قارت ادهرک سويغونچولوقلا مشغولدور. اونلار مظلومو و مؤحتاجي ائنجئدئب، حاقسيز يِره قرئبه ظولم ادئبلر.
اونلارين ائچئنده بئر آدام آختارديم کي، دوواري تعمئر اتسئن و منئم حوضورومدا اؤلکهنئن خاطئرئنه دووارداکي دَلئکده دايانسين، اِله کي، من اوراني يِرله بئر اتمهيئم؛ لاکئن بله آدام تاپماديم.
بونا گؤره ده اوستلرئنه قضبئمي تؤکموشم؛ آغزيمين حئدّتي ائله اونلاري يانديريب محو اتمئشم. عمللرئنئن عوضئني باشلارينا گتئرمئشم.» پروردئگار رب بله بويورور."
منه ربّئن بو سؤزو نازئل اولدو:
"ای بشر اوغلو، ائکي آرواد وار ائدي کي، هَمن آنانين قيزي ائدي.
اونلار مئصئرده فاحئشه‌لئک اتدئلر. جاوانليقلاريندا اولارکن فاحئشه‌لئک اتدئلر. اونلارين دؤشلرئنه اَل دَيدي، قيزليق سئنهلرئنه اَل سورتولدو.
بو آروادلاردان بؤيوکونون آدي اوهولا، باجيسينينکي دا اوهولئبا ائدي. اونلار منئم اولدولار، اوغوللار و قيزلار دوغدولار. آدلارينا گلئنجه، اوهولا سامئرهدئر، اوهولئبا ده اورشَلئمدئر.
اوهولا منئم اولارکن فاحئشه‌لئک اتدي؛ اويناشلاري اولان قونشو آشورلولارا آلوده اولدو.
اونلارين هاميسي لاجورد پالتار گِيئنمئش والئلر و باشچيلار، جاذئبه‌لي جاوانلار، آتلارا مئنمئش آداملار ائدئلر.
اونلارلا فاحئشه‌لئک اتدي. اونلارين هاميسي آشورون لاپ سِچمه آداملاري ائدئلر. اوهولا کئمه آلوده اولدو، اونون بوتون بوتلري ائله اؤزونو نجئس اتدي.
مئصئرده باشلاديغي فاحئشه‌لئيئندن اَل چکمه‌دي؛ چونکي جاوانليغيندا کئشئلر اونونلا ياتميشديلار، قيزليق سئنهسئنه اَل سورتموشدولر، شهوتلرئني اونون اوستونه تؤکموشدولر.
بونا گؤره ده اونو آلوده اولدوغو اويناشلارينا، آشور اؤولادلارينا تسلئم اتدئم.
اونلار اوهولا‌نين عاييبيني آچديلار؛ اوغوللاريني و قيزلاريني اَلئندن آلديلار، لاکئن اؤزونو قيلينجلا اؤلدوردولر. بلجه او، آروادلار آراسيندا روسواي اولدو، اونون حؤکمونو يرئنه يتئردئلر.
اونون باجيسي اوهولئبا بونو گؤردو، آمّا اوهولئبا‌نئن شهوتي داها آلوولانان، فاحئشه‌لئيي باجيسيندان داها بَتَر ائدي.
او دا قونشولاري آشورلولارا، والئلره و باشچيلارا، دبدبه ائله گِيئنمئش، آتلارا مئنمئش آداملارا آلوده اولدو. اونلارين هاميسي جاذئبه‌لي جاوانلار ائدئلر.
من گؤردوم کي، او دا نجئسله‌نئب؛ ائکئسي ده هَمن يولو گتدئلر.
اوهولئبا گت-گده فاحئشه‌لئيئني آرتيردي، دووارا اويولموش ائنسان تصوئرلرئني،
بِللرئنه قورشاق، باشلارينا بؤيوک عمّامه باغلاميش کَلدانئلرئن قيرميزي رنگلي شکئل‌لرئني گؤردو. اونلارين هاميسي اصئل‌لرئنه گؤره کَلده اؤلکهسئندن اولان بابئل سرکرده‌لرئنه بَنزه‌يئردئلر.
اوهولئبا بونو گؤردوکده اونلارا آلوده اولدو و اونلارين يانينا، کَلده اؤلکهسئنه قاصئدلر گؤنده‌ردي.
بابئللی‌لر اوهولئبا‌نئن يانينا، عئشرت ياتاغينا گلئب شهوتلري ائله اونو نجئسله‌دئلر. او اونلارلا نجئس اولاندان سونرا اونلاردان ائيرَندي.
فاحئشه‌لئيئني آشکارا چيخارتدي، عئصمتئني گؤز قاباغينا قويدو؛ او واخت اوندان ائيرَندئم، نجه کي، باجيسيندان ائيرَنمئشدئم.
آمّا او مئصئر تورپاغيندا فاحئشه‌لئک اتدئيي جاوانليق چاغيني يادا ساليب فاحئشه‌لئيئني داها دا آرتيردي.
اويناشلارينا آلوده اولدو کي، جئنسئيّت عوضولري اِششَکلرئنکي کئمي، توخوملاري آتلارينکي کئمي ائدي.
بلجه سن جاوانليق چاغيندا اتدئيئن عئفّتسئزلئيه قاييتدين. او زامان مئصئرلی‌لر سنئن سئنه‌نه اَل سورته‌رک جاوان دؤشلرئني سيخميشديلار.
بونا گؤره ده، ای اوهولئبا، پروردئگار رب بله ديئر: «باخ، ائيرَندئيئن اويناشلاريني سنئن ضئدّئنه قالديراجاغام، اونلاري هر طرفدن سنئن اوستونه گتئره‌جيم.
بابئللی‌لرله بوتون کَلدانئلري، پِقود، شوعَع و قوعَع خالقيني، و بوتون آشورلولاري اونلارلا گتئره‌جيم؛ هاميسي جاذئبه‌لي جاوانلار، والئلر، باشچيلار، سرکرده‌لر و مشهور آداملار، هاميسي دا آتلارا مئنمئش.
اونلار سئلاحلارلا، دؤيوش و يوک عارابالاري ائله، چوخ دؤيوشچو بئر قوشونلا اوستونه گلهجکلر، سئپَرلرله، قالخانلا، دَبئلقه ائله هر طرفدن سنئن ضئدّئنه دوزوله‌جکلر. حؤکم اتمک ائختئياريني اونلارا ورهجيم و اونلار اؤز رسملرئنه موطابئق سني موحاکئمه ادهجکلر.
قيرتئمي سنئن ضئدّئنه چِوئره‌جيم کي، سنئنله قضبله رفتار اتسئنلر. اونلار سنئن بورنونو و قولاقلاريني کَسه‌جکلر، صاغ قالانلارين قيلينجلا هلاک اولاجاقلار. اوغوللاريني و قيزلاريني اسئر آلاجاقلار، صاغ قالانلاريني اود يانديريب محو ادهجک.
سنئن پالتارلاريني دا سويوندوراجاق، گؤزل بَزَکلرئني آلاجاقلار.
بلجه مئصئر تورپاغيندان گتئردئيئن عئفّسئزلئيئنه و فاحئشه‌لئيئنه آخير قوياجاغام، اِله کي، بو شيلرئن حسرتئني بئر داها چکميه‌‌سن، مئصئري ده بئر داها يادا سالماياسان.»
چونکي پروردئگار رب بله ديئر: «باخ، سني نئفرت اتدئيئن آداملارا تسلئم ادهجيم، او آداملارا کي، اؤزون ده اونلاردان ائيرَنئرسن.
اونلار سنئنله نئفرتله رفتار ادهجکلر، بوتون زحمتئنئن بهره‌سئني اَلئندن آلاجاقلار، سني لوت و چيلپاق قوياجاقلار. بلجه فاحئشه‌لئيئنئن عاييبي، هم عئفّتسئزلئيئن هم ده فاحئشه‌لئيئن اوزه چيخاجاق.
بونلار سنئن باشينا گلهجک، چونکي باشقا مئلّتلرله زئنا اتدئن، اونلارين بوتلري ائله اؤزونو نجئس اتدئن.
اؤز باجينين يولو ائله گتدئن. بونا گؤره ده اونون کاساسيني سنئن اَلئنه ورهجيم.»
پروردئگار رب بله ديئر: «سن باجينين کاساسيندان ائچه‌جکسن. او، درئن و گِنئشدئر. سنه گولوب، سني ائستِهزا ادهجکلر، کاسا دوپ‌دولودور.
کِفلي‌لئک و کَدَرله دولاجاقسان. باجين سامئرهنئن کاساسي دهشت و وئرانهلئک کاساسي‌دير.
بو کاسادان ائچه‌جکسن، اونو آخيراجاق ائچه‌جکسن. کاسانين دئبئنه اوتوراني گَمئره‌جکسن، سئنه‌ني ييرتاجاقسان.» چونکي بونو من دِمئشَم، پروردئگار رب بويورور.
بونا گؤره ده پروردئگار رب بله ديئر: «ائندي کي منی ياددان چيخارديبسان، منی آرخانا آتيبسان، عئفّتسئزلئيئنئن و فاحئشه‌لئيئنئن جزاسيني چک.»"
رب منه داها ددي: «ای بشر اوغلو، آيا اوهولا‌ني و اوهولئبا‌ني موحاکئمه ادهجکسن؟ اگر اِلهدئر ائيرنج ائشلرئني اؤزلرئنه بئلدئر.
چونکي اونلار خيانت ادئبلر و اَللري قانا باتيب. اونلار بوتلرله زئنا ادئب، حتّا منئم اوچون دوغدوقلاري اوغوللاريني اوددا بوتلره تقدئم ادئبلر کی، اونلارا يمک اولسون.
بوندان علاوه، منئم ضئدّئمه حله بونلاري دا ادئبلر: هَمن گون موقدّس مکانيمي نجئس ادئبلر و سَبّت گونلرئمه محل قويماييبلار.
اونلار بوتلري اوچون اؤولادلاريني کَسدئکدن سونرا، همئن گون موقدّس مکانيما گئردئلر کي، اوراني نجئس اتسئنلر. باخ، بونو منئم معبدئمئن ائچئنده اتدئلر.
بوندان باشقا، قاصئدلر گؤنده‌رئب اوزاقدان گلن آداملار گتئرتدئلر. بو آداملار گلنده سن اونلار اوچون يويوندون، گؤزلرئنه سورمه چکدئن و اؤزونه بَزَک تاخدين.
مؤحتشم بئر دئوان اوستونده اوتوردون. اونون قاباغيندا حاضيرلانميش سوفره وار ائدي. منئم بوخورومو و زيتون ياغيمي اونون اوستونه قويدون.
اطرافيندا کِف ادن بئر دسته‌نئن گورولتوسو گؤيه قالخدي. صحرادان کِفلي آداملار دستهسي ائله اورايا گتئرئلدي. او ائکي آروادين بئلَکلرئنه دستبندلر، باشلارينا دا گؤزل تاجلار قويدولار.
من فاحئشه‌لئکده قرق اولموش آرواد بارهده ددئم: «بله اولدوغو حالدا، مگر ائندي اونونلا زئنا ادهجکلر؟»
لاکئن اونلار فاحئشهنئن يانينا گئرن کئمي اونون يانينا گئردئلر. بلجه اونلار عئفّتسئز آروادلار اوهولا و اوهولئبا‌نئن يانينا گئردئلر.
آمّا صالح آداملار اونلارا زئنا ادن آروادين جزاسيني، قان تؤکَن آروادين جزاسيني ورهجکلر، چونکي بو آروادلار زئناکارديرلار و اَللري قانا باتيب.
بونا گؤره ده پروردئگار رب بله ديئر: «اوستلرئنه بئر جاماعات گتئر و اونلاري دهشته، تالانا تسلئم ات.
بو جاماعات اونلاري داشا باساجاق و قيلينجلا دوغراياجاق؛ اوغوللاريني و قيزلاريني اؤلدوروب اِولرئني يانديراجاقلار.
بلجه اؤلکهده اولان عئفّتسئزلئيه آخير قوياجاغام کي، بوتون آروادلار بوندان درس آليب سئزئن کئمي عئفّتسئزلئک اتمه‌سئنلر.
عئفّتسئزلئيئزئن جزاسي اؤز باشينيزا گلهجک. بوتلرئنئزئن پرستئش اتمه‌سئنئن عوضئني آلاجاقسينيز. او واخت بئلهجکسئنئز کي، پروردئگار رب منم.»"
اسئرلئيئمئزئن دوقّوزونجو ائلئنده، اونونجو آيين اونونجو گونو منه ربّئن بو سؤزو نازئل اولدو:
"ای بشر اوغلو، بو گونون، همئن بو گونون تارئخئني ياز. چونکي بابئل پادشاهي محض بو گون اورشَلئمي موحاصئرهيه آليب.
بو عاصي خالقا بئر مثل دانيشيب دِه کي، پروردئگار رب بله ديئر: «قازاني اودا قوي، اودا قوي، ائچئنه سو دا دولدور.
اَتئن تئکهلرئني، لاپ ياخشي تئکهلرئني، بودو و دؤشو اورايا ييغ. اونو لاپ ياخشي سوموکلرله دولدور.
سورودن لاپ ياخشي قويونلاري گؤتور، قازانين آلتينا دا اودون ييغ. قوي ائچئندهکي سو قايناسين کي، قازانداکي سوموکلر ده پئشسئن.»
بلجه پروردئگار رب بله ديئر: «قان تؤکَن شهرئن واي حالينا! او قازانا کي، پاسلانيب، و پاسي اوندان تمئزلَنمه‌يئب. پوشک آتمادان اَتي تئکه-تئکه قازاندان چيخاردين.
چونکي اونون تؤکدويو قان حله ائچئندهدئر؛ اونو چيلپاق قايانين اوستونه قويدو، اونو يِره تؤکمه‌دي کي، توزلا اوستو اؤرتولسون.
من ده قضبي آلوولانديراراق قئصاص اوچون اونون قانيني چيلپاق بئر قايانين اوستونه تؤکموشم کي، اوستو اؤرلتولمه‌سئن.»
بونا گؤره ده پروردئگار رب بله ديئر: «قان تؤکَن شهرئن واي حالينا! من ده اودون قالاغيني بؤيوده‌جيم.
اودونلاري ييغ، اودو آلوولاندير، اَتي ياخشي پئشئر، اَدوئيّاتيني قات، قوي سوموکلر يانسين.
سونرا قازاني اونون کؤزلري اوستونه قوي کي، قيزسين، بورونجو قيزارسين، کثئفلئيي اونون ائچئنده اَرئسئن، پاسيندان تمئزلَنسئن.
مشقّتله اؤزونو طاقتدن ساليب، آمّا حله ده قالين پاسي اوندان تمئزلَنمه‌يئب. قوي پاسي اود ائچئنده قالسين!
عئفّتسئزلئک سنئن کثئفلئيئنده‌دئر، چونکي سني تمئزله‌مئش اولارديم، آمّا سن حله ده کثئفلئيئندن تمئز ديئلسن. سنئن باشينا قضبئمي تؤکمه‌ينه قدر اؤز کثئفلئيئندن تمئزلَنميه‌جکسن.
من، رب، بونو دِمئشم؛ او واخت گلئر و من بونا عمل ادهجيم. چکئنميه‌جيم، آجيماياجاغام، پِشمان اولماياجاغام؛ يوللارينا و عمللرئنه گؤره سني موحاکئمه ادهجيم.» پروردئگار رب بله ديئر."
منه ربّئن بو سؤزو نازئل اولدو:
"ای بشر اوغلو، باخ، گؤزونده چوخ دَيَرلي اولان بئر نفري بئر ضربه ائله اَلئندن آلاجاغام. آمّا سن ياس توتماياجاقسان، آغلاماياجاقسان، گؤز ياشي دا تؤکمه‌يه‌جکسن.
سَس‌سئز ناله چک؛ اؤلولر اوچون ياس توتما. عمّامه‌ني باشينا قوي، چاريغيني دا آياغينا گِي. اوزونون بوغونو اؤرتمه، ياس توتانلارين چؤره‌يئني ده يِمه."
من سحر خالقا بو سؤزلري ددئم. آخشام‌اوستو آرواديم اؤلدو. او گونون صاباحي، سحر منه امر اولوناني يرئنه يتئردئم.
خالق منه ددي: "اتدئيئن بو شيلرئن بئزه نه دخلي وار؟ بئزه بئلدئرمَزسن؟"
او واخت اونلارا ددئم: "منه ربّئن بو سؤزو نازئل اولدو:
ائسرايئل نسلئنه دِه کي، پروردئگار رب بله ديئر: «باخ، قووّتئنئزئن فخرئني، گؤزونوزده لاپ عزئز اولان شيي، اوره‌يئنئزئن آرزوسو اولان موقدّس مکانيمين نجئسلَنمه‌سئنه ائجازه ورهجيم. آرخادا قويدوغونوز اوغوللارينيز و قيزلارينيز قيلينجدان کچئرئله‌جکلر.
من نه اتدئم، سئز ده اِله ادهجکسئنئز؛ اوزونوزون بوغونو اؤرتميه‌جکسئنئز، ياس توتانلارين چؤره‌يئني يِميه‌جکسئنئز.
عمّامه‌لرئنئز باشينيزدا، چاريغينيز آياغينيزدا اولاجاق. ياس توتماياجاقسينيز، آغلاماياجاقسينيز، آنجاق تقصئرلرئنئزئن ائچئنده کوفسه‌يئب يوخ اولاجاقسينيز، باش-باشا ورئب ناله چکهجکسئنئز.
حِزقيال سئزه بئر علامت اولاجاق: او نه ادهجک، سئز ده اونو ادهجکسئنئز؛ بو حادئثهلر باش ورنده بئلهجکسئنئز کي، پروردئگار رب منم.»
سن، ای بشر اوغلو، قالالاريني، شادليق و عئزّتلرئني، گؤزلرئندن عزئز اولان شيي، اورَکلرئنئن آرزوسونو، اوغوللاري ائله قيزلاريني اونلاردان آلديغيم واخت-
او گون فلاکتدن قاچيب قورتولان آدام مگر سنه بو خبري بئلدئرميه‌جک؟
او گون بو قاچاغين يانيندا دئلئن آچيلاجاق، دانيشاجاقسان و آرتيق دئلسئز قالماياجاقسان. بلجه اونلار اوچون بئر علامت اولاجاقسان. اونلار دا بئلهجکلر کي، رب منم."
منه ربّئن بو سؤزو نازئل اولدو:
"ای بشر اوغلو، اوزونو عَمّون اؤولادلارينا طرف چِوئر و اونلارين ضئدّئنه نبئلئک ات.
عَمّون اؤولادلارينا دِه: پروردئگار ربّئن سؤزونو اِشئدئن. پروردئگار رب بله ديئر: «سئز موقدّس مکانيم لَکه‌لَنَنده، ائسرايئل تورپاغي وئران ادئلَنده و يهودا نسلی اسئرلئيه گدنده ‹نه ياخشي› دِدئنئز.
بونا گؤره ده من سئزي شرق خالقلارينين اَلئنه ورئرم کي، سئزه مالئک اولسونلار. اونلار تورپاغينيزدا يورد سالاجاقلار، چادير قوراجاقلار. ميوه‌لرئنئزي اونلار يئيهجک، سودونوزو اونلار ائچهجک.
رَبّاني دَوه‌لر اوچون اوتلاغا، عَمّون اؤولادلارينين تورپاغيني سورولر اوچون آغيلا چِوئره‌جيم. او واخت بئلهجکسئنئز کي، رب منم.»
پروردئگار رب بله ديئر: «ائندي کي سئز اَل‌لرئنئزي بئربئرئنه چيرپيب آياقلارينيزي يِره دؤيدونوز و ائسرايئل تورپاغيني تحقئر ادئب فلاکتئنه بوتون اوره‌يئنئزله سِوئندئنئز،
من ده اَلئمي سئزئن ضئدّئنئزه اوزاتميشام و سئزي قارت مالي کئمي مئلّتلره ورهجيم. خالقلار سيراسيندان سئزي سئلئب آتاجاغام، اؤلکهلر ائچئندن سئزي يوخ ادهجيم؛ سئزي محو ادهجيم. او واخت بئلهجکسئنئز کي، رب منم.»
پروردئگار رب بله ديئر: «موآب و سِعئر خالقي ديئر کي، باخ، يهودا نسلئنئن باشقا خالقلاردان فرقي يوخدور.
بونا گؤره ده من موآبين سرحدئني آچيب اؤلکهنئن شؤهرتي اولان سرحد شهرلرئني، بِيت‌يِشئموتو، بَعَل-مِعونو و قئرياتايئمي مودافئعه‌سئز قوياجاغام.
اونلاري عَمّونلولارلا بئرلئکده شرق خالقلارينا ورهجيم، اِله کي، عَمّونلولار مئلّتلر آراسيندا بئر داها خاطيرلانماياجاقلار.
بلجه موآب خالقيني موحاکئمه ادهجيم. او واخت بئلهجکلر کي، رب منم.»
پروردئگار رب بله ديئر: «اِدوم قئصاص آلاراق يهودا نسلی ائله پئس رفتار اتدي، اونلاردان ائنتئقام آلاراق بؤيوک خاطايا باتدي.»
بونا گؤره ده پروردئگار رب بله ديئر: «اِدوم تورپاغينا اَلئمي اوزاديب ائنساني دا، حيواني دا اورادان سئلئب آتاجاغام. اؤلکهني وئران ادهجيم؛ تِيماندان دِدانا قدر قيلينجلا وورولوب هلاک اولاجاقلار.
من خالقيم ائسرايئل واسئطهسئله اِدومدان اؤز قئصاصيمي آلاجاغام. ائسرايئللی‌لر اِدومدا قضب و حئدّتئمه موطابئق رفتار ادهجکلر. بلجه اِدوملولار منئم قئصاصيمين نه اولدوغونو آنلاياجاقلار.» پروردئگار رب بله بويورور.
پروردئگار رب بله ديئر: «فئلئسطلی‌لر يهودادان قئصاص آلاراق پئس رفتار اتدئلر، اورَکلرئنده‌کي ابدی عداوتله، تحقئرله اونو يِرله بئر ادئب ائنتئقام آلديلار.»
بونا گؤره ده پروردئگار رب بله ديئر: «باخ، من اَلئمي فئلئسطلی‌لرئن ضئدّئنه اوزاداجاغام، حتّا کِرِتلی‌لري ده سئلئب آتاجاغام، دهنز ساحئلئنده ياشايانلاردان سالامات قالانلاري محو ادهجيم.
اونلاري شئدّتله تنبه ادئب بؤيوک قئصاصلار آلاجاغام. اونلاردان قئصاص آلاندا بئلهجکلر کي، رب منم.»"
اسئرلئيئمئزئن اون بئرئنجي ائلئنده، آيين بئرئنجي گونو منه ربّئن بو سؤزو نازئل اولدو:
"ای بشر اوغلو، اورشَلئمئن ضئدّئنه صور بله ديئب: «نه ياخشي کي، خالقلارين قاپيسي اولان شهر داغيلدي، دروازالاري منئم اوچون آچيلدي. ائندي کي، او داغيليب، من وارلاناجاغام.»
بو سؤزلره گؤره پروردئگار رب بله ديئر: «باخ، ای صور، من سنئن ضئدّئنه گلئرم. دهنز نجه شپه‌لرئني جوشدورور، من ده اِلَجه چوخ مئلّتي سنئن اوستونه جوشدوراجاغام.
اونلار صورون دووارلاريني داغيداجاقلار و بورجلرئني اوچورداجاقلار؛ تؤکونتولرئني سئلئب سوپوره‌جيم، اونو چيلپاق بئر قايايا چِوئره‌جيم.
صور دهنزئن اورتاسيندا تورلارين سَرئلدئيي بئر يِر اولاجاق، چونکي من بونو دِمئشم، پروردئگار رب بويورور. صور مئلّتلر اوچون قارت مالي اولاجاق.
اونون ساحئلئنده اولان قيز شهرلري، قيلينجلا اؤلدوروله‌جکلر. او واخت بئلهجکلر کي، رب منم.»
پروردئگار رب بله ديئر: «من پادشاهلار پادشاهي اولان بابئل پادشاهي نِبوکَدنِصّري آتلار، دؤيوش عارابالاري، آتليلار و چوخلو خالقدان عئبارت اولان قوشونلا بئرلئکده شئمالدان صورون اوستونه گتئره‌جيم.
او سنئن ساحئلئنده اولان قيز شهرلرئنده ياشايان قيزلاريني قيلينجلا اؤلدورهجک، سنئن ضئدّئنه موحاصئره دووارلاري، تورپاق قالاغي قوراجاق و سئپرئني سنئن ضئدّئنه قالديراجاق.
مانجاناقلار قوراجاق کي، سنئن دووارلاريني ووروب دَلسئن. بالتاري ائله بورجلرئني اوچوراجاق.
آتلارينين چوخ اولدوغوندان اونلارين توزو سني اؤرته‌جک؛ او زامان کي، او، سنئن دروازالاريندان حاصاري ييخيلميش بئر شهر کئمي گئرئر، دووارلارين آتلي‌لارين، يوک عارابالارينين و دؤيوش عارابالارينين گورولتوسوندن تئترَيه‌جک.
او اؤز آتلارينين ديرناقلاري ائله سنئن بوتون کوچه‌لرئني تاپدالاياجاق، خالقيني قيلينجلا اؤلدورهجک؛ مؤحکم سوتونلارين يِرله بئر اولاجاق.
اونلار ثروتئني تالان ادهجکلر، تئجارت ماللاريني قارت ادهجکلر. سنئن دووارلاريني داغيداجاقلار، گؤزل اِولرئني اوچورداجاقلار، داشلاريني، تاختالاريني و تؤکونتولرئني سويا آتاجاقلار.
بلجه اوخودوغون نغمه‌لرئن سَسئنه آخير قوياجاغام. طنبورلارينين صداسي آرتيق اِشئدئلميه‌جک.
سني چيلپاق بئر قايايا چِوئره‌جيم؛ تورلارين سَرئلدئيي بئر يِر اولاجاقسان. بئر داها تئکئلميه‌جکسن.» چونکي من رب بونو دِمئشم. پروردئگار رب بله بويورور.
پروردئگار رب صورا بله ديئر: «سنده قيرغين اولاندا، يارالي‌لار ناله چکنده داغيلماغينين گورولتوسوندن مگر ساحئل خالقلاري تئتره‌ميه‌جک؟
بوتون دهنز اؤلکه‌لرئنئن رهبرلري تختلرئندن اِنه‌جکلر، لئباسلاريني چيخارداجاقلار، الوان ناخيشلي پالتارلاريني سويوناجاقلار. اونلار دهشته بورونه‌جکلر؛ يِره اوتوراجاقلار، هر آن تئترهيئب سنئن بارهده حيرتدن مات قالاجاقلار.
اونلار سنئن اوچون مرثئيه اوخويوب دئيهجکلر: ‹ای دهنزچئلرئن ياشاديغي مشهور شهر، سن نجه محو اولدون؟ دهنزده گوجلو ائدئن. سن و سنئن اهالئن ساحئلده ياشايانلارين هاميسيني دهشته سالميشدينيز.
ائندي داغيلديغين گون ساحئل اؤلکهلري تئتره‌يئرلر، بلی، ساحئل خالقلاري سنئن ييخيلماغيندان حيرته دوشور.›»
پروردئگار رب بله ديئر: «سني ساکئنسئز قالميش شهرلر کئمي خارابا بئر شهره چِوئردئيئم زامان، لاپ درئن دهنزلرله سني قرق اتدئيئم واخت، درئن سولار سني اؤرتَن زامان،
سني قَبئره اِنَنلرله بئرلئکده اِندئره‌جيم، قدئم زامانلارين خالقينين يانينا! سني يِرئن لاپ اسفلئنده ساکئن ادهجيم، قدئم خاراباليقلار کئمي، او آداملارلا کي، قويويا اِنئرلر. اِله کي، بئر داها سنده هچ کس ساکئن اولماياجاق؛ لاکئن شؤوکتي دئرئلر ياشايان اؤلکهيه قوياجاغام.
سنئن باشينا دهشتلر تؤکه‌جيم و آرتيق اولماياجاقسان. سني آختاراجاقلار، لاکئن سني بئر داها تاپماياجاقلار.» پروردئگار رب بله بويورور."
منه ربّئن بو سؤزو نازئل اولدو:
"سن، ای بشر اوغلو، صور اوچون مرثئيه اوخويوب
اونا دِه کي، سن ای دهنز قاپيلاريندا يِرلَشَن، چوخلو ساحئل خالقي ائله تئجارت ادن شهر، پروردئگار رب بله ديئر: «ای صور، سن ددئن: ‹من گؤزل‌لئکده کامئلم.›
سرحدلرئن دهنزئن قوينوندادير. سني تئکَنلر گؤزل‌لئيئني کامئل ادئبلر.
بوتون تاختالاريني صِنئرئن شام آغاجلاريندان دوزهلدئبلر. سنه دئرَک قاييرماق اوچون لوبناندان سئدر آغاجلاري گتئرئبلر.
کورَکلرئني باشانين پاليد آغاجلاريندان قاييريبلار، دَکَلئني فئل دئشي ائله بَزه‌نَن، کئتّئم ساحئللرئندن گتئرئلَن سَرو آغاجلاريندان دوزهلدئبلر.
سنئن يِلکه‌نئن مئصئرئن ناخيشلي کتانيندان اولدو، اِله کي، سنئن بايراغين اولسون. تالوارين اِلئشا ساحئل‌لرئنئن لاجورد و ارغوان پارچالاريندان ائدي.
صئدوندا و اَروَدده ياشايانلار سنئن آوار چکَنلرئن ائدئلر. ای صور، سنده باجاريقلي آداملار وار ائدي، گَمئچئلرئن اونلاردان ائدي.
گَمئلرئنده‌کي ياريقلاري تعمئر ادنلر گِبَلئن تجروبه‌لي و باجاريقلي آداملاري ائدئلر. دهنزده‌کي بوتون گَمئلر و دهنزچئلر ماللاريني دَيئشمَک اوچون سنئن يانينا گلئردئلر.
فارس، لود و پوت عسگرلري سنئن قوشونوندا خئدمت ادئردي. قالخانلاريني، دَبئلقه‌لرئني دووارلاريندان آسيرديلار، سنه عظمت ورئردئلر.
اَروَددن گلنلر و سنئن قوشونون هر طرفدن دووارلاريني قورويوردو. گَمّادلي‌لار بورجلرئنده گؤزَتچي ائدئلر. قالخانلاريني دووارلاريندان آسيرديلار؛ گؤزل‌لئيئني کامئل ادئردئلر.
سنده هر جور مالين بول اولدوغو اوچون تَرشئش سنئنله تئجارت ادئردي، ماللارينين عوضئنه سنه گوموش، دمئر، قالاي و قورغوشون ورئردئلر.
ياوان، توبال و مِشِک سنئنله تئجارت ادئردئلر؛ ماللارينين عوضئنه سنه قوللار و بورونج قابلار ورئردئلر.
بِيت‌توگَرما خالقي، ماللارينين عوضئنه سنه آت، دؤيوش آتي و قاطير ورئردئلر.
دِدان خالقي سنئنله تئجارت ادئردي، چوخلو ساحئل خالقي سنئن موشترئن ائدي، سندن آلديقلاري مالين عوضئنه فئل دئشي و آبنوس آغاجي ورئردئلر.
سنئن شيلرئنئن چوخ اولدوغو اوچون اَرام سنئنله تئجارت ادئردي، ماللارينين عوضئنده سنه فئروزه، ارغواني قوماش، ناخيشلي پالتارلار، نازئک کتان، مَرجان و ياقوت ورئردئلر.
يهودا و ائسرايئل اؤلکه‌سي سنئنله تئجارت ادئردي، ماللارينين عوضئنه سنه مئنّئت بوغداسي، داري، بال، زيتون ياغي و بالزام ورئردئلر.
سنئن شيلرئنئن چوخ اولدوغو اوچون، سنده هر جور مال بول اولدوغونا گؤره دَمَشق سنئنله تئجارت ادئردي، خِلبون شرابي، صَخار يونو ائله تئجارت ادئردي.
وِدان و اوزالدان گلن ياوان سنئنله تئجارت ادئردئلر. سنه گتئرئلَن ماللار آراسيندا ائشلَنمئش دمئر، دارچين و عطئرلي قاميش وار ائدي.
دِدان خالقي سنئنله تئجارت ادئب سنه يَهر اوچون قوماش ورئردئلر.
عَرَبئستان و بوتون قِدار رهبرلری سنئن موشتري‌لرئن ائدي، قوزو، قوچ و اِرکَک کِچي ائله سنئنله تئجارت ادئردئلر.
شِبا و رَعما تاجئرلري سنئنله تئجارت ادئردي. ماللارينين عوضئنه سنه هر جور دَيَرلي عطرئيّات، قئيمتلي داشلار و قيزيل ورئردئلر.
خاران، کَنّه، عَدن، سَبا تاجئرلري، آشور و کَلمَد سنئنله تئجارت ادئردئلر،
اونلار بازارلاريندا گؤزل پالتار، لاجورد قوماش، ناخيشلي پالتارلار، سيخ توخونموش، ائپلري باغلانميش رنگلي خالچالارلا سنئنله تئجارت ادئردئلر.
تَرشئش گَمئلري سنئن ماللاريني داشيدي. دهنزئن قوينوندا بؤيوک يوکله دولو ائدئن. سن چوخ شؤوکتلي ائدئن.
آوار چکَنلرئن سني آچيق دهنزلره چيخارتديلار، آنجاق شرق يِلي دهنزئن قوينوندا سني پارچالادي.
گَمئن قضايا توتولدوغو گون وار-دؤولتئن، ماللارين، تئجارت شيلرئن، گَمئچئلرئن، سوکانچيلارين، ياريقلاريني تعمئر ادنلرئن، تئجارت شرئکلرئن، بوتون دؤيوشچولرئن-ائچئنده اولان بوتون جاماعات دهنزئن درئنلئکلرئنه باتاجاق.
سوکانچيلارين فرياديندان دهنزئن ساحئللري تئترَيه‌جک.
آوار چکَنلرئن هاميسي گَمي‌لرئني ترک ادهجکلر، گَمئچئلرله سوکانچيلارين هاميسي گَمئلرئندن دوشوب قورودا داياناجاقلار.
اوجا سَسله سَسلرئني سنه اشئتدئره‌جکلر، آجي-آجي فرياد ادهجکلر. باشلارينا تورپاق سَپه‌لَيه‌جکلر، کولده اِشه‌لَنه‌جکلر.
سنئن اوچون ساچلاريني اولگوجله قيرخاجاقلار، چولا بورونه‌جکلر. سنئن اوچون آجي-آجي آغلاييب ياس توتاجاقلار.
ياسلاريندان سنئن اوچون مرثئيه اوخويوب بله دئيهجکلر: ‹دهنزئن اورتاسيندا صور شهري کئمي سوسدورولان بئر شهر مگر وار، گؤرهسن؟›
ماللارين دهنزئن او تايينا چاتاندا چوخلو خالقي دويدوروردون. بؤيوک وار-دؤولتئنله، مالينلا دونيا پادشاهلاريني ثروت صاحئبي ادئردئن.
ائندي کي، دهنزده، سولارين درئنلئيئنده سينيبسان، مال-دؤولتئن و بوتون جاماعاتين سنئنله بئرلئکده باتيب.
ساحئللرده ياشايانلارين هاميسي باشينا گلنلردن حيرته دوشوبلر. اونلارين پادشاهلارينين توکلري بئز-بئز اولوب، پرئشانديرلار.
مئلّتلرئن آراسينداکي تاجئرلر سنه گؤره فئت چاليرلار؛ عاقئبتئن دهشتلي اولوب، سن ابده کئمي يوخ اولاجاقسان.»"
منه ربّئن بو سؤزو نازئل اولدو:
"ای بشر اوغلو، صور حؤکمدارينا دِه کي، پروردئگار رب بله ديئر: "کئبئرلَندئن و بونو ددئن: ‹من بئر تارييام، دهنزلرئن قوينوندا، تاريلارين تختئنده اوتورورام.› اوره‌يئنده اؤزونو تاري گومان اتدئن، لاکئن سن تاري يوخ، ائنسانسان.
باخ، سن دانيالدان داها حئکمتلي‌سن، هچ سئرّ سندن گئزلي ديئل.
حئکمتئن و عاغلينلا اؤزونه ثروت ييغيبسان، خزئنه‌لرئنه قيزيل و گوموش ييغيبسان.
تئجارتده چوخ باجاريقلي اولدوغون اوچون ثروتئني آرتيريبسان. وار-دؤولتئن چوخلوغونا گؤره اؤزونه کئبئرله‌نئبسن.»
بونا گؤره ده پروردئگار رب بله ديئر: «ائندي کي اوره‌يئنده اؤزونو تاري گومان اتدئن،
من ده ياد اِللي‌لري، لاپ رحمسئز مئلّتلري اوستونه گتئره‌جيم. اونلار سنئن حئکمتئنئن گؤزل‌لئيئنه قيلينجلاريني چکئب عظمتئني نجئسلَيه‌جکلر.
سني قبئره اِندئره‌جکلر. سن دهنزلرئن قوينوندا اؤلَنلرئن اؤلومي ائله محو اولاجاقسان.
سني اؤلدورَنلرئن حوضوروندا مگر ‹من تارييام› دئيه‌جکسن؟ سني اؤلدورَنلرئن اَلئنده سن تاري ديئل، ائنسانسان.
ياداِللي‌لرئن اَلئنده ختنه‌سئزلرئن اؤلومو ائله اؤله‌جکسن.» چونکي من بونو دِمئشم. پروردئگار رب بله بويورور."
منه گئنه پروردئگار ربّئن سؤزو نازئل اولدو:
"ای بشر اوغلو، صور پادشاهي اوچون مرثئيه اوخويوب اونا دِه کي، پروردئگار رب بله ديئر: «سن کامئل‌لئيئن مؤهورو ائدئن؛ حئکمتدن دولو، گؤزل‌لئکده کامئل.
سن تارينين باغي عَدنده ائدئن. جوربهجور قئيمتلي داشلارلا- ياقوت، توپاز، آغ عقئق، زبرجد، دامارلي عقئق، يَشَم داشي، لاجورد داش، فئروزه و زومرودله بَزَنمئش ائدئن. نِگئنلرئن و اويما ائشلرئن قيزيلدان ائدي. بونلار ياراديلديغين گون حاضيرلانميشدي.
سن مسح ادئلمئش، کؤلگه سالان بئر کرّوب ائدئن. اورايا من سني قويموشدوم. تارينين موقدّس داغينين اوستونده ائدئن، اودلو داشلارين آراسيندا گَزئردئن.
ياراديلديغين گوندن سنده پئسلئک تاپيلانا قدر يوللاريندا قوصورسوز ائدئن.
بول تئجارتئندن اؤتري ائچئن قدّارليقلا دولدو، سن گوناه اتدئن. بونا گؤره ده سني نجئس بئر شي کئمي تارينين داغيندان آتديم، اودلو داشلارين آراسيندان سني قوودوم، ای کؤلگه سالان کرّوب!
گؤزل اولدوغون اوچون اوره‌يئن کئبئرلَندي، عظمتئنه گؤره حئکمتلي اولدوغونو کورلادين. بلجه سني يِره آتديم، پادشاهلارين قاباغيندا سني تاماشايا چِوئردئم.
چوخلو تقصئر اتدئيئن اوچون، تئجارتده اَلي اَيرئلئيئنه گؤره موقدّس مکانلاريني نجئسله‌دئن. بونا گؤره ده من سنئن ائچئندن بئر اود چيخارتميشام؛ او سني يانديريب ياخيب. بوتون سِير ادنلرئن گؤزو قاباغيندا سني يِر اوزونده کوله چِوئرمئشم.
خالقلار آراسيندا سني تانييانلار فلاکتئنه حيرت ادئرلر. دهشت آماجينا دؤنوبسن، آرتيق همئشهلئک قالماياجاقسان.»"
منه ربّئن بو سؤزو نازئل اولدو:
"ای بشر اوغلو، اوزونو صئدونا طرف توت و اونون ضئدّئنه نبئلئک ادهرک دِه کي،
پروردئگار رب بله ديئر: «باخ، ای صئدون، من سنئن ضئدّئنه‌يَم، سنئن ائچئنده عئزّت قازاناجاغام. من اونون ساکئنلرئني موحاکئمه ادنده، بئلهجکلر کي، رب منم. و من اوندا موقدّسلئيئمي گؤرسده‌جيم.
اَهالئنئن ائچئنه وبا، کوچهلرئنه قان گؤنده‌ره‌جيم. هر طرفدن اونلارين اوستونه گلن قيلينجلا وورولوب هلاک اولاجاقلار. او واخت بئلهجکلر کي، رب منم.
ائسرايئل نسلئنئن اطرافيندا اولوب اونلاري تحقئر ادن هچ بئر خالق، بئر داها ائسرايئل اوچون باتان بئر تئکان، سانجان بئر قانقال اولماياجاقلار. او واخت بئلهجکلر کي، پروردئگار رب منم.»
پروردئگار رب بله ديئر: «ائسرايئل خالقيني آرالارينا سَپه‌له‌دئيئم خالقلارين ائچئندن ييغاندا، مئلّتلرئن گؤزو قاباغيندا موقدّسلئيئمي اونلارا گؤرسدنده، اونلار قولوم يعقوبا وردئيئم تورپاقلاريندا ساکئن اولاجاقلار.
اورادا آسايئش ائچئنده ياشاياجاقلار، اِولر تئکه‌جک و اوزوم باغلاري سالاجاقلار. اونلاري تحقئر ادن بوتون اطراف خالقلاري موحاکئمه اتدئيئم زامان، اونلار آسايئش ائچئنده ياشاياجاقلار. او واخت بئلهجکلر کي، رب منم.»"
اسئرلئيئمئزئن اونونجو ائلئنده، اونونجو آيين اون‌ائکئنجي گونو منه ربّئن سؤزو نازئل اولدو:
"ای بشر اوغلو، اوزونو مئصئر پادشاهي فئرعونا طرف چِوئر، اونون و بوتون مئصئرئن ضئدّئنه نبئلئک ادئب دِه کي،
پروردئگار رب بله ديئر: «ای اؤز چايلاري ائچئنده ياتان بؤيوک اَژداها مئصئر پادشاهي فئرعون، باخ، من سنئن ضئدّئنه‌يَم. او ديئب: ‹نئل چايي منئمدئر، اونو اؤزوم اوچون ياراتميشام.›
سنئن چَنه‌نه قارماق کچئرده‌جيم، چايلارينداکي باليقلاري سنئن پولجوقلارينا ياپيشديراجاغام. سني چايلارينين ائچئندن چيخارداجاغام، چايلارينين بوتون باليقلاري سنئن پولچوقلارينا ياپيشاجاقلار.
سني ده، چايلارينداکي بوتون باليقلاري دا صحرايا آتاجاغام. چؤللره دوشهجکسن؛ ييغيليب توپلانيلماياجاقسان. سني يِم کئمي يِرئن وحشي حيوانلارينا، گؤيدهکي قوشلارا ورهجيم.
او واخت مئصئرده ياشايان هر کس بئله‌جک کي، رب منم. چونکي سن ائسرايئل خالقي اوچون قاميشدان اولان بئر دَيَنَک اولدون.
سندن ياپيشديقلاري زامان قيريليب اونلارين چئيئنلرئني ياردين؛ سنه سؤيکَندئکلري زامان قوپوب اونلارين بِل‌لرئني بورخوتدون.»
بونا گؤره ده پروردئگار رب بله ديئر: «باخ، من سنئن اوستونه قيلينج گتئره‌جيم، ائنساني دا، حيواني دا اوستوندن سئلئب محو ادهجيم.
مئصئر اؤلکه‌سي کئمسه‌سئز قالاجاق و خاراباليغا چِورئله‌جک. او واخت بئلهجکلر کي، رب منم. چونکي سن ددئن: ‹نئل چايي منئمدئر، اونو من ياراتديم.›
بونا گؤره ده باخ، من سنئن و چايلارينين ضئدّئنه‌يَم. مئصئر تورپاغيني مئگدولدان سِوِنه، کوش سرحدئنه قدر کئمسه‌سئز قوياجاغام و خاراباليغا چِوئره‌جيم.
ائچئندن ائنسان آياغي دا، حيوان آياغي دا کِچميه‌جک، اورادا قيرخ ائل آدام ياشاماياجاق.
مئصئري خارابا قالان اؤلکهلر آراسيندا خاراباليغا چِوئره‌جيم. شهرلري وئران اولموش شهرلر آراسيندا قيرخ ائل کئمسه‌سئز قالاجاق. مئصئرلی‌لري مئلّتلر آراسينا ياياجاغام، اؤلکهلر آراسينا سَپه‌لَيه‌جيم.»
پروردئگار رب بله ديئر: «قيرخ ائلدن سونرا مئصئرلی‌لري سَپه‌لَندئکلري خالقلارين آراسيندان بئر يِره ييغاجاغام.
اسئر اولونان مئصئرلی‌لري پَتروس تورپاغينا يعني اؤز وطنلرئنه گری قايتاراجاغام. اونلار اورادا ضعئف بئر مملکت اولاجاقلار.
اونلار مملکتلرئن لاپ گوجسوزو اولاجاقلار، بئر داها مئلّتلرئن اوستونده آغاليق اتميه‌جکلر. اونلاري اِله کئچئک ادهجيم کي، بئر داها مئلّتلره حؤکمران اولماسينلار.
مئصئر بئر داها ائسرايئل خالقينين بِل باغلاديغي يِر اولماياجاق. مئصئرلی‌لر اونلارا مئصئره اوز گتئرمکله گوناه اتدئکلرئني خاطيرلاداجاقلار. ائسرايئللی‌لر اوندا بئلهجکلر کي، پروردئگار رب منم.»"
اسئرلئيئمئزئن ائيئرمي يدّئنجی ائلئنده، بئرئنجي آيين بئرئنجي گونو منه ربّئن سؤزو نازئل اولدو:
"ای بشر اوغلو، بابئل پادشاهي نِبوکَدنِصّر صورلا موحارئبه‌ده اؤز اوردوسونا چوخ زحمت وردی. عسگرلرئن ساچي تؤکولدو، آغير يوک داشيماقدان چئيئنلرئنئن دَرئسي آچيلدي. لاکئن نه او نه ده قوشونو صوردان بئر شي آلا بئلدئلر کي، اونون ضئدّئنه موحارئبه‌ده چکدئيي زحمتئن عوضي اولسون.
بونا گؤره ده پروردئگار رب بله ديئر: «باخ، من مئصئر اؤلکهسئني بابئل پادشاهي نِبوکَدنِصّره ورهجيم؛ او، ثروتئني آپاريب اؤلکهني قارت و تالان ادهجک. قوشونونون اوجرتي بو اولاجاق.
چکدئيي زحمتئن عوضئنده مئصئر اؤلکهسئني اونا ورمئشم، چونکي او دا، قوشونو دا بو ائشي منئم اوچون اتدي.» پروردئگار رب بله بويورور.
«او گون ائسرايئل نسلئنئن گوجونو اؤزونه قايتاراجاغام. اونلارين آراسيندا سنئن دئلئني آچاجاغام. او واخت بئلهجکلر کي، رب منم.»"
منه ربّئن بو سؤزو نازئل اولدو:
"ای بشر اوغلو، نبئلئک ادئب دِه کي، پروردئگار رب بله ديئر: «‹آه، او گون› ديئب شئون ادئن،
چونکي او گون ياخيندير، ربّئن گونو ياخيندير؛ او گون بولودلو گوندور، مئلّتلرئن قئيامَت گونودور.
مئصئرئن اوستونه قيلينج گلهجک، کوش درد ائچئنده ياتاجاق او زامان کي، مئصئرده آداملار هلاک اولورلار، اؤلکهنئن ثروتي قارت اولونور، بونؤورهلري داغيلير.
مئصئرله بئرلئکده کوش، پوت، لود، بوتون عَرَبئستان، کوب و عهد باغلاديغي اؤلکهنئن آداملاري قيلينجدان کچئرئله‌جکلر.»
رب بله ديئر: «مئصئره آرخا اولانلار ييخيلاجاقلار، اونون کئبئرلَندئيي قودرت ييخلاجاق؛ مئگدولدان سِوِنه‌يه قدر اراضئده قيلينجدان کچئرئلَنه‌جکلر.» پروردئگار رب بله بويورور.
«مئصئر خارابا قالميش اؤلکهلر آراسيندا خارابا قالاجاق. شهرلري وئران اولموش شهرلر آراسيندا وئران قالاجاق.
من مئصئري اودا تسلئم ادنده، اونا کؤمک ادنلر اَزئلَنده بئلهجکلر کي، رب منم.
او گون گَمئلرله قاصئدلر گؤنده‌ره‌جيم کي، لاقيد اولان کوش اهالئسئني قورخوتسونلار. اونلار مئصئرئن داغيلديغي گون گلنده ائضطئرابا دوشهجکلر. باخ، او گون گلئر!»
پروردئگار رب بله ديئر: «بابئل پادشاهي نِبوکَدنِصّر واسئطهسئله مئصئرئن بوللوغونا آخير قوياجاغام.
او و قوشونو کي، مئلّتلر آراسيندا لاپ رحمسئزدئرلر، اؤلکهني يِرله بئر اتمک اوچون گتئرئلهجک. مئصئرئن ضئدّئنه قيلينج چکهجکلر، اؤلکهني اؤلولرله دولدوراجاقلار.
چايلاري قورودوب، اؤلکهني پئس آداملارا ساتاجاغام. اؤلکهني ده، اورادا اولان هر شيي ده ياداِللي‌لرئن اَلي ائله وئران ادهجيم.» من رب بونو ددئم.
پروردئگار رب بله ديئر: «بوتلري محو ادهجيم، نوفداکي بوتلري يوخ ادهجيم؛ آرتيق مئصئرده رهبر قالماياجاق؛ بلجه مئصئر اؤلکهسئني قورخوويا سالاجاغام.
پَتروسو خاراباليغا چِوئره‌جيم، صوعَني اودا ورهجيم، نو شهرئني موحاکئمه ادهجيم.
قضبئمي مئصئرئن قالاسي اولان صئن شهرئنئن اوستونه تؤکه‌جيم، نو شهرئنئن چوخلو اهالئسئني يوخ ادهجيم.
مئصئري اودا ورهجيم، صئن شهري آغير بئر آغرييا دوشهجک، نو شهرئنئن دوواري ياريلاجاق. نوف هر گون ائضطئراب ائچئنده ياتاجاق.
اون شهرئنئن، پئبِسِت شهرئنئن جاوانلاري قيلينجدان کچئرئله‌جک. اوراداکي اهالي اسئر اولوناجاق.
تَخپَنخِسده مئصئرئن يوغونو قيرديغيم زامان اورادا گوندوز قارانليغا چِورئله‌جک، کئبئرلَندئيي قودرت محو اولاجاق. شهر بولودلارلا اؤرتولَنه‌جک، قيز شهرلري اسئر اولوناجاق.
بلجه مئصئري موحاکئمه ادهجيم. او واخت بئلهجکلر کي، رب منم.»"
اسئرلئيئمئزئن اون بئرئنجي ائلئنده، بئرئنجي آيين يدّئنجی گونو منه ربّئن سؤزو نازئل اولدو:
"ای بشر اوغلو، مئصئر پادشاهي فئرعونون قولونو قيرديم. باخ، قولو ساغالماق اوچون باغلانماييب، اونا مَرهم قويولماييب کي، قيلينج اَله آلاجاق قدر گوجلَنسئن.
بونا گؤره ده پروردئگار رب بله ديئر: «باخ، من مئصئر پادشاهي فئرعونون ضئدّئنه‌يَم. هر ائکي قولونو-صاغ اولاني دا، سيناني دا قيراجاغام، قيلينجي اَلئندن سالاجاغام.
مئصئرلی‌لري مئلّتلر آراسينا ياياجاغام، اؤلکهلر آراسينا سَپه‌لَيه‌جيم.
بابئل پادشاهينين قولونا گوج ورهجيم، قيلينجيمي اونون اَلئنه ورهجيم. آمّا فئرعونون قوللاريني قيراجاغام. او، بابئل پادشاهينين قاباغيندا آغير يارالي کئمي ناله چکهجک.
بابئل پادشاهينين قولونا گوج ورهجيم، لاکئن فئرعونون قوللاري يانينا دوشهجک. قيلينجيمي بابئل پادشاهينين اَلئنه ورنده، او دا بو قيلينجي مئصئر اؤلکهسئنه اوزاداندا بئلهجکلر کي، رب منم.
مئصئرلی‌لري مئلّتلر آراسينا ياياجاغام و اؤلکهلر آراسينا سَپه‌لَيه‌جيم. او واخت بئلهجکلر کي، رب منم.»"
اسئرلئيئمئزئن اون بئرئنجي ائلئنده، اوچونجو آيين بئرئنجي گونو منه ربّئن بو سؤزو نازئل اولدو:
"ای بشر اوغلو، مئصئر پادشاهي فئرعونا و اونون بوتون جاماعاتينا دِه: «عظمتده کئم سنئنله موقايئسه ادئله بئلر؟
باخ، آشور لوبنانداکي سئدر آغاجينا بَنزه‌يئردي، مِشه‌يه کؤلگه سالان گؤزل بوداقلاري وار ائدي، چوخ اوجا ائدي، باشي بولودلارا چاتيردي.
اونو سولار بؤيوتدو؛ درئن سو قايناقلاري اونون بويونو اوجالتدي. چايلاري اَکئلدئيي يري اَحاطه اتدي، آرخلاري چؤلدهکي بوتون آغاجلارا چاتيردي.
بونا گؤره ده چؤلدهکي بوتون آغاجلاردان بؤيوک اولدو؛ بول سو ائچدئيي اوچون قول-بوداق آتيب شاخه‌لري اوزاندي.
بوتون گؤي قوشلاري اونون بوداقلاريندا يووا قوردولار؛ بوتون چؤلون وحشي حيوانلاري اونون شاخه‌لري آلتيندا بالالادي، بوتون بؤيوک مئلّتلر کؤلگه‌سئنده ياشادي.
بؤيوکلويو و اوزون بوداقلاري ائله گؤزل اولدو، چونکي کؤکلري بول سو ائچئنده ائدي.
تارينين باغچاسينداکي سئدر آغاجلاري دا بويدا اونا چاتمازدي، شام آغاجلاري بويدا اونون بوداقلارينا يِتمَزدي، چئنار آغاجلاري اونون شاخه‌لري کئمي ديئلدي، تارينين باغچاسينداکي آغاجلاردان هچ بئري اونون کئمي گؤزل ديئلدي.
چوخلو بوداقلارلا او سئدر آغاجيني گؤزل‌لَشدئردئم، تارينين باغچاسي اولان عَدنده‌کي بوتون آغاجلار، اونا پاخيلّيق اتدئلر.»
بونا گؤره ده پروردئگار رب بله ديئر: «ائندي کي بويو اوجاليب باشي بولودلارا چاتاندا، اوجاليغينا گؤره اوره‌يي کئبئرلَندي،
من ده اونو مئلّتلرئن گوجلو بئرئنه تسلئم ادهجيم. او دا اونون پئسلئيئنئن عوضئني ورهجک. من اونو قووموشام.
ياد-اِللي مئلّتلرئن لاپ رحمسئزي اونو کَسئب تک-تنها بوراخيب. بوداقلاري داغلارا و بوتون دره‌لره دوشوب. شاخه‌لري اؤلکهنئن بوتون وادئلرئنده قيريليب قاليب. يِر اوزونون بوتون خالقلاري کؤلگه‌سئندن چکئلئب اونو ترک ادئبلر.
گؤيدهکي بوتون قوشلار اونون ييخيلميش گؤوده‌سي اوستونه قونورلار، چؤلون بوتون وحشي حيوانلاري اونون شاخه‌لري آراسيندا ياشاييرلار.
بو اونا گؤره اولوب کي، بئر داها سولارين ياخينليغيندا بئتَن هچ بئر آغاج بوي-بوخون آتماسين، باشيني بولودلارا چاتديرماسين، بول سو ائچَن هچ بئر آغاج بو قدر اوجالماسين. چونکي اونلارين هاميسي قبئره اِنَن ائنسانلارلا بئرلئکده، اؤلومه–يِرئن درئنلئکلرئنه تسلئم ادئلئبلر.»
پروردئگار رب بله ديئر: «سئدر آغاجي اؤلولر دئيارينا اِندئيي گون ياس توتدوردوم؛ درئن سو قايناقلاريني اونا آخماقدان دايانديرديم، چايلارينين قاباغيني کَسدئم، گور سولارين چوخلاري کَسئلدئلر. او آغاج اوچون لوبنانا ياس توتدوردوم و بوتون چؤل آغاجلاري اونون اوزوندن سولدولار.
قبئره اِنَنلرله بئرلئکده اونو اؤلولر دئيارينا اِندئردئيئم زامان، داغيلماسينين گورولتوسوندن مئلّتلري لرزهيه سالديم. او زامان عدن باغينداکي بوتون آغاجلار، لوبنانين لاپ سِچئلمئش، لاپ ياخشي و بول سولانان آغاجلاري يِرئن درئنلئکلرئنده تسلّی تاپدي.
کؤلگه‌سئنده ياشايانلار، مئلّتلر آراسيندا اونا آرخا دورانلار دا اونونلا بئرلئکده اؤلولر دئيارينا، قيلينجلا اؤلدورولموش آداملارين يانينا اِندئلر.
عدن آغاجلاريندان هانسي عئزّت و عظمتده سنئنله موقايئسه ادئله بئلر؟ آنجاق سن عدن آغاجلاري ائله بئرلئکده يِرئن درئنلئکلرئنه اِندئرئلهجکسن. قيلينجلا اؤلدورولموش ختنه‌سئزلرئن آراسيندا ياتاجاقسان. فئرعونون و اونون جاماعاتينين عاقئبتي بله اولاجاق.» پروردئگار رب بويورور."
اسئرلئيئمئزئن اون ائکئنجي ائلئنده، اون ائکئنجي آيين بئرئنجي گونو منه ربّئن بو سؤزو نازئل اولدو:
"ای بشر اوغلو، مئصئر پادشاهي فئرعون اوچون مرثئيه اوخويوب اونا دِه: «مئلّتلر ائچئنده اؤزونو جاوان بئر آصلانا بَنزَتدئن، آمّا سن بئر دهنز اژداهاسي کئمي‌سن. چايلاري قاريشديريرسان، آياقلارينلا سولاري چالخالاييب چايلاري بولانديريرسان«»
پروردئگار رب بله ديئر: «چوخلو خالقدان عئبارت بئر قوشون گؤنده‌رئب تورومو اوستونه آتاجاغام. اونلار سني توروملا قالديريب چيخارداجاقلار.
سني قورويا چيخارداجاغام، چؤلون اوزونه آتاجاغام، گؤيدهکي قوشلاري اوستونه قوندوراجاغام. بوتون يِر اوزونون وحشي حيوانلاريني سنئنله دويدوراجاغام.
بدنئني داغلارين اوستونه سَره‌جيم، دره‌لري لِشئنله دولدوراجاغام.
اؤلکهني داغلارا قدر آخان قانينلا سولاياجاغام، دره‌لر مِيئتئنله دولاجاق.
سني محو اتدئيئم زامان گؤيلري باغلاياجاغام، اولدوزلاري قارالداجاغام، گونشي بولودلا اؤرته‌جيم، آي، ائشيغيني ورميه‌جک.
سنئن اوستونده نور ساچان بوتون گؤي جئسئملرئني قارالداجاغام، اؤلکهني قارانليغا قرق ادهجيم.» پروردئگار رب بله بويورور.
«سنئن محو اولماق خبرئني، مئلّتلرئن آراسينا، تانيماديغين اؤلکهلره چاتديرديغيم زامان بئر چوخ خالقلارين اوره‌يئني کَدَرلَندئره‌جيم.
سنئن باشينا گلنلرله بئر چوخ خالقي حيرته سالاجاغام. اونلارين قاباغيندا قيلينجيمي يِلله‌دئيئم زامان سنه گؤره پادشاهلارينين توکلري بئز-بئز اولاجاق. ييخيلديغين گون اونلارين هاميسي اؤز جانلاري اوچون دورمادان قورخو ائچئنده تئترَيه‌جک.»
پروردئگار رب بله ديئر: «بابئل پادشاهينين قيلينجي سنئن اوستونه گلهجک.
مئلّتلرئن لاپ رحمسئز ائگئدلرئنه ائجازه ورهجيم کی، سنئن چوخلو خالقيني قيلينجدان کچئرتسئنلر. مئصئرئن تکبّورونو قيراجاقلار، بوتون چوخلو خالقيني محو ادهجکلر.
بول سولارين يانيندا اوتلايان بوتون مال-حيواني يوخ ادهجيم. بوندان سونرا ائنسان آياغي دا، حيوان آياغي دا سولاري قاريشديريب بولانديرماياجاق.
او زامان اونلارين سولاريني دورولداجاغام، چايلاريني ياغ کئمي آخيداجاغام.» پروردئگار رب بله بويورور.
«مئصئري خاراباليغا چِوئردئيئم زامان، اؤلکه هر شيدن محروم اولاندا، اورادا ياشايان هر کسي محو اتدئيئم زامان بئلهجکلر کي، رب منم.»
مئصئر اوچون اوخونان مرثئيه بودور. مئلّتلرئن قيزلاري بو مرثئيه‌ني اوخوياجاقلار. مئصئر و اونون چوخلو خالقي اوچون بو مرثئيه‌ني اوخوياجاقلار. پروردئگار رب بله بويورور."
اسئرلئيئمئزئن اون ائکئنجي ائلئنده، آيين اون بِشئنجي گونو منه گئنه ربّئن سؤزو نازئل اولدو:
«ای بشر اوغلو، مئصئرئن چوخلو خالقي اوچون ياس توت. اونلاري و گوجلو مئلّتلرئن قيزلاريني قبئره اِنَنلرله بئرلئکده يِرئن درئنلئکلرئنه اِندئر.
اونلارا دِه: «مگر سن باشقالاريندان داها گؤزَلسن؟ يِرئن آلتينا اِن و اوراداکي ختنه‌سئزلرله بئرلئکده اوزان.»
مئصئر خالقي قيلينجلا اؤلدورولَنلرئن آراسينا دوشهجک. بو خالق قيلينجين ائختئيارينا ورئلدي. قوي مئصئر چوخلو خالقي ائله بئرلئکده سوروکلَنسئن.
قودرتلي باشچيلار اؤلولر دئياريندان مئصئر و اونا آرخا اولانلار اوچون بله دئيهجک: «يِرئن آلتينا اِندئلر، قيلينجلا اؤلدورولَن ختنهسئزلر کئمي ائندي بورادا ياتيرلار.»
آشور و بوتون قوشونو اورادادير. قيلينجدان کچئرئلمئش، اؤلموش عسگرلرئنئن مزارلاري اطرافيني بوروموشدور.
اونلارين مزارلاري قبئرئن لاپ دئبئنده، قوشونو مزارينين اطرافيندا اوزانيب. دئرئلر آراسينا قورخو سالانلارين هاميسي قيلينجدان کچئرئلئب اؤلدورولموشدور.
عِيلام اورادادير و اونون چوخلو خالقي اؤز مزارلارينين اطرافيندا اوزانيب. اونلارين هاميسي قيلينجدان کچئرئلمئش، اؤلموش و ختنهسئز حالدا يِرئن درئنلئکلرئنه اِنمئشدئر. دئرئلر آراسينا قورخو سالميشديلار، ائندي آمّا خجالت ائچئنده قبئره اِنَنلره قوشولدولار.
عِيلام اوچون اؤلدورولَنلر آراسيندا بئر ياتاق حاضيرلاندي. اونون چوخلو خالقي مزارينين اطرافيندادير. اونلارين هاميسي ختنهسئز حالدا قيلينجدان کچئرئلئب اؤلدورولموشدور. دئرئلر آراسينا قورخو سالميشديلار، ائندي آمّا خجالت ائچئنده قبئره اِنَنلره قوشولوب اؤلدورولَنلرئن آراسينا قويولدولار.
مِشِک، توبال اورادادير و اونلارين چوخلو خالقي اؤز مزارلارينين اطرافيندا اوزانيب. اونلارين هاميسي ختنهسئز حالدا قيلينجدان کچئرئلئب اؤلدورولموشدور. دئرئلر آراسينا قورخو سالميشديلار.
اونلار دا دؤيوش سئلاحلاري ائله اؤلولر دئيارينا اِنَن، قيلينجلاري باشلارينين آلتينا قويولان، سوقوط اتمئش ختنهسئز ائگئدلرله بئرلئکده مزارا اوزاناجاقلار. اونلارين تقصئري اؤزلرئنئن اوستونه گلدي. صاغ ائکَن بو ائگئدلر دئرئلر آراسينا قورخو سالميشديلار.
سن ده، ای فئرعون، قيريلاجاقسان، قيلينجلا اؤلدورولَنلرله بئرلئکده ختنه‌سئزلرئن آراسيندا اوزاناجاقسان.
اِدوم، پادشاهلاري و بوتون رهبرلري اورادادير. گوجلو اولمالارينا باخماياراق، قيلينجلا اؤلدورولَنلرئن يانينا قويولدولار. قبئره اِنَنلرئن، ختنه‌سئزلرئن يانينا اوزانيرلار.
بوتون شئمال اؤلکه‌لرئنئن باشچيلاري، بوتون صئدونلولار اورادادير. گوجلري ائله قورخو سالديقلاري حالدا اؤلدورولَنلرله بئرلئکده روسوايچيليق ائچئنده يِرئن آلتينا اِندئلر. ختنهسئز حالدا قيلينجلا اؤلدورولَنلرله بئرلئکده خجالت ائچئنده قبئره اِنَنلرئن يانينا اوزانديلار.
«فئرعون و اونون بوتون قوشونو، قيلينجلا اؤلدورولموش بو بؤيوک جاماعاتي گؤرنده تسلّی تاپاجاق.» پروردئگار رب بله بويورور.
«دئرئلر آراسينا قورخو سالماسينا ائجازه وردئيئمه باخماياراق، فئرعون و اونون چوخلو خالقي قيلينجلا اؤلدورولَنلرله بئرلئکده ختنه‌سئزلرئن يانينا اوزاناجاق.» پروردئگار رب بله بويورور."
منه ربّئن بو سؤزو نازئل اولدو:
"ای بشر اوغلو، خالقينا منصوب اولانلارلا دانيش و اونلارا بله دِه: «اگر من بئر اؤلکهنئن اوستونه قيلينج گؤنده‌رَنده، اؤلکه خالقي، ائچئندن بئر نفري سِچئب اؤزلري اوچون گؤزَتچي قويسون،
و بو گؤزَتچي اؤلکهنئن اوستونه قيلينجين گلدئيئني گؤره‌نده کَره‌ناي چاليب خالقا خبر ورسئن،
او زامان کئم کَره‌ناي سَسئني اشئدئب بو ائخطارا دئقّت اتمه‌سه و قيلينج گلئب اونو اؤلدورسه، اونون قاني اؤز باشينا اولاجاق.
او، کَره‌ناي سَسئني اشئتدي، لاکئن بو ائخطارا دئقّت اتمهدي؛ بونا گؤره ده قاني اؤز باشينا اولاجاق. آمّا اگر ائخطارا دئقّت اتسَيدي، جانيني خئلاص اِدَردي.
لاکئن اگر گؤزَتچي گؤرسون کي، قيلينج گلئر و کَره‌ناي چالماسين و خالقين بوندان خبري اولماسين و قيلينج دا گلئب اونلاردان بئرئني هلاک اتسئن، او آدام اؤز تقصئري ائچئنده اؤلدورولموشدور، لاکئن قاني گؤزَتچئنئن بوينونا اولاجاق.
سنه گلئنجه، ای بشر اوغلو، من سني ائسرايئل نسلی اوچون گؤزَتچي قويموشام؛ نه زامان آغزيمدان بئر سؤز اشئدهسن، گرک اونلارا منئم طرفئمدن ائخطار ورهسن.
او زامان کي، پئس آداما ديئرَم؛ ‹ای پئس آدام، سن قطعن اؤله‌جکسن› و سن اونونلا دانيشماييب اونا خبر ورمئرسن کي، اؤز يولوندان دؤنسون. او پئس آدام اؤز تقصئرئنه ائچئنده اؤلهجک، لاکئن اونون قانيني سنئن بوينونا قوياجاغام.
آمّا اگر سن پئس آداما ائخطار ورهسن کي، اؤز يولوندان دؤنسون، لاکئن او اؤز يولوندان دؤنمه‌سه، اؤز تقصئري ائچئنده اؤلهجک، آمّا سن اؤز جانيني قورتارميش اولورسان.»
سن، ای بشر اوغلو، ائسرايئل اِوئنه بله دِه: «سئز ديئبسئنئز کي، عوصيانلاريميز و گوناهلاريميز بوينوموزدادير و بئز اونلارين ائچئنده اَرئيئب يوخ اولوروق؛ بله حالدا نجه ياشايا بئله‌رئک؟»
اونلارا دِه: «وارليغيما آند اولسون، پئس آدامين اؤلوموندن کِف اتمئرم، اونون اؤز يولوندان دؤنوب ياشاماسيندان کِف ادئرم.» پروردئگار رب بويورور. «دؤنون، پئس يوللارينيزدان دؤنون. نه اوچون اؤله‌سئنئز، ای ائسرايئل نسلي؟»
سن، ای بشر اوغلو، اؤز هموطنلرئنه دِه: «عوصيان اتدئيي حالدا، صالحئن صالحلئيي اونو خئلاص اتمَز. پئس آداما گلئنجه، اگر او اؤز پئسلئيئندن دؤنسه، بوندان اؤتري هلاک اولماز. صالح آدام گوناه اتدئيي حالدا، اؤز صالحلئيي ائله ياشايا بئلمز.
صالح آداما ‹البتّه، ياشاياجاقسان› دِدئيئم زامان، اگر او اؤز صالحلئيئنه اعتئماد ادئب پئسلئک اتسه، صالح ائشلرئندن هچ بئري يادا سالينماياجاق؛ اتدئيي پئسلئيه گؤره اؤلهجک.
آمّا پئس آداما ‹البتّه، اؤله‌جکسن› دِدئيئم زامان، اگر گوناهيندان دؤنوب عدالتلي و صالح ائشلر گؤرسه-
گئرووونو گری ورسه، سويغونچولوقلا آلديغيني گری قايتارسا، پئسلئک اتمه‌دن حيات ورئجي قايدالارا گؤره رفتار اتسه، البتّه، ياشاييب اؤلميه‌جک.
بو آدامين اتدئيي گوناهلاردان هچ بئري اونون ضئدّئنه يادا سالينماياجاق. او عدالت و صالحلئکله عمل ادئب؛ البتّه، ياشاياجاق.»
آمّا سنئن هموطنلرئن ديئرلر: «ربّئن يولو دوز ديئل.» حال بو کي، اونلارين اؤز يوللاري دوز ديئل.
او زامان کي، صالح آدام اؤز صالحلئيئندن دؤنوب پئسلئک ادئر، بوندان اؤتري اؤلهجک.
لاکئن پئس آدام اؤز پئسلئيئندن دؤنوب عدالت و صالحلئکله عمل اتسه، بو عمللرله ياشاياجاق.
آنجاق سئز حله ده ديئرسئنئز: «ربّئن يولو دوز ديئل.» سئزئن هر بئرئنئزي اؤز عملئنه گؤره موحاکئمه ادهجيم، ای ائسرايئل نسلي!"
اسئرلئيئمئزئن اون ائکئنجي ائلئنده، اونونجو آيين بِشئنجي گونو، اورشَلئمدن قاچيب قورتولموش بئر نفر گلئب منه ددي: "شهر آليندي."
آخشام واختي، او قاچقين منئم يانيما گلمهمئشدن قاباق، ربّئن اَلي منئم اوستومده ائدي؛ سحر او آدامين يانيما گلدئيي واخت، رب دئلئمي آچدي؛ دئلئم آچيلدي، آرتيق دانيشا بئلئردئم.
او واخت منه ربّئن بو سؤزو نازئل اولدو:
"ای بشر اوغلو، ائسرايئلئن خارابا قالميش شهرلرئنده ياشايانلار بله ديئرلر: «ائبراهئم تک بئر آدام ائدي، آمّا گئنه ده اؤلکهيه مالئک اولدو؛ بئز ده مالئک اولا بئله‌رئک، بوندان علاوه، چوخوق دا.»
بو سؤزلردن اؤتري اونلارا دِه کي، پروردئگار رب بله ديئر: «اَتي قاني ائله يِيئرسئنئز، قان تؤکَرکَن بوتلرئنئزه باخيرسينيز. بله اولدوغو حالدا اؤلکهني مگر مولک آلا بئلرسئنئز؟
سئز قيلينجينيزا بِل باغلاييرسينيز، ائيرنج ائشلر گؤرورسونوز، هر کس اؤز قونشوسونون آرواديني نجئس ادئر. بله اولدوغو حالدا اؤلکهني مگر مولک آلا بئلرسئنئز؟»
اونلارا دِه کي، پروردئگار رب بله ديئر: «وارليغيما آند اولسون کي، خارابا قالان شهرلرده ياشايانلار قطعن قيلينجلا هلاک اولاجاقلار. چؤلده قالانلاري وحشي حيوانلارا يِم ادهجيم. قالالاردا و ماغارالاردا اولانلار دا وبادان اؤله‌جکلر.
اؤلکهني خارابا و ساکئنسئز قوياجاغام. کئبئرلَندئکلري قودرت هچ اولاجاق؛ ائسرايئل داغلاري ساکئنسئز قالاجاق، اورادان کئمسه کِچميه‌جک.
اتدئکلري بوتون ائيرنج ائشلردن اؤتري، اؤلکهني خارابا و ساکئنسئز قويدوغوم زامان، بئلهجکلر کي، رب منم.
سنه گلئنجه، ای بشر اوغلو، هموطنلرئن دووارلارين دئبئنده، اِولرئن قاپيسي قاباغيندا سنئن حاقّيندا دانيشيرلار. بئربئرلرئنه ديئرلر: ‹گلئن گِدَک، رب طرفئندن نازئل اولان سؤزه قولاق آساق.›
خالق هر واخت اولدوغو کئمي سنئن يانينا گلئرلر. منئم خالقيم اولاراق قاباغيندا اوتورورلار، سؤزلرئنه قولاق آسيرلار، آمّا ددئکلرئمه عمل اتمئرلر. چونکي شهوتلي سؤزلر آغيزلاريندا ائکَن عمل ادئرلر، و اورَکلري حارام قازانج دالينجا گِدئر.
باخ، سن اونلار اوچون گؤزل سَسله سِوگي نغمهلري اوخويان ياخشي بئر ساز چالان کئمي‌سن. سؤزلرئنه قولاق آسيرلار، آمّا اونلارا عمل اتمئرلر.
بلجه بوتون بونلار دوغرو چيخاندا کي، قطعن ده دوغرو چيخاجاق، آرالاريندا بئر پيغمبر اولدوغونو باشا دوشهجکلر.»"
منه ربّئن بو سؤزو نازئل اولدو:
"ای بشر اوغلو، نبئلئک ات، ائسرايئلئن چوبانلارينين ضئدّئنه نبئلئک ادئب اونلارا دِه کي، پروردئگار رب بله ديئر: «ائسرايئل چوبانلارينين واي حالينا کي، آنجاق اؤزلرئني يِدئردئرلر! مگر چوبانلار گرک سورونو يِدئرتمه‌سئنلر؟
سئز ياغي يِيئرسئنئز، يوندان پالتار گِيئنئرسئنئز، بَسلَنمئش قويون-کِچئني کَسئرسئنئز، سورونو يِدئرتمه‌يئرسئنئز.
ضعئفلره قووّت ورمه‌يئبسئنئز، ناخوش اولاني صاغالتماييبسينيز، سيناني باغلاماييبسينيز، آزاني گری قايتارماييبسينيز، ائته‌ني آختارماييبسينيز؛ آنجاق زور و قدّارليقلا اونلارا آغاليق ادئبسئنئز.
اونلار دا چوبان اولماديغي اوچون داغيليشديلار و وحشي حيوانلارا يِم اولدولار، هر بئري بئر يِره قاچدي.
منئم سوروم بوتون داغلاردا و اوجا تپه‌لرده سرگردان اولدو. منئم سوروم بوتون يِر اوزونه داغيليشدي. بئر سوروشان، بئر آختاران دا يوخ ائدي.»
بونا گؤره ده، ای چوبانلار، ربّئن سؤزونه قولاق آسين.
پروردئگار رب بويورور: «وارليغيما آند اولسون، ائندي کي، چوبان اولماديغي اوچون سوروم قارت ادئلئب، بوتون وحشي حيوانلارا يِم اولوب، چوبانلاريم دا سورومو آختارماييب اونلاري يِدئرتمه‌يئبلر، لاکئن اؤز-اؤزلرئني يِدئردئبلر–
بوتون بونلارا گؤره، ای چوبانلار، ربّئن سؤزونه قولاق آسين.
پروردئگار رب بله ديئر: ‹من بو چوبانلارين ضئدّئنه‌يَم. سوروم اوچون اونلاردان حساب ورمه‌لرئني طلب ادهجيم. سورونو اوتارماق ائشئني بئر داها اونلارا ورميه‌جيم. بلجه چوبانلار آرتيق اؤزلرئني کؤکَلتميه‌جکلر. سورومو اونلارين دئشلرئندن قورتاراجاغام کي، بئر داها اونلارا يِم اولماسينلار.›»
چونکي پروردئگار رب بله ديئر: «باخين، من اؤزوم سورومون دالينجا گدئب اونلاري آختاراجاغام.
داغيليشميش قويونلارينين آراسيندا اولان بئر چوبان نجه سوروسونون قيدئنه قالار، من ده سورومون قيدئنه اِله قالاجاغام. بولودلو و قارانليق بئر گونده اطرافا سَپه‌لَندئکلري هر يردن اونلاري قورتاراجاغام.
اونلاري خالقلارين آراسيندان چيخارداجاغام، اؤلکه‌لردن ييغيب اؤز تورپاقلارينا گتئره‌جيم؛ ائسرايئل داغلاريندا، دره‌لرده، اؤلکهنئن بوتون مسکوني يِرلرئنده اونلاري يِدئرده‌جيم.
اونلاري گؤزل بئر اوتلاقدا يِدئرده‌جيم. يايلاقلاري ائسرايئلئن اوجا داغلاري اوستونده اولاجاق. اورادا گؤزل بئر يايلاقدا ياتاجاقلار. ائسرايئل داغلاري اوستونده اولان بَهَرلي اوتلاقدا اوتلاياجاقلار.
سورومو من اؤزوم اوتورداجاغام، اونلاري من اؤزوم ياتيرداجاغام.» پروردئگار رب بويورور.
«ائتمئشي آختاراجاغام، آزاني گری قايتاراجاغام، يارالي اولاني باغلاياجاغام، ناخوش اولانا قووّت ورهجيم، آمّا بَسلَنمئش و گوجلو اولاني هلاک ادهجيم. من قويونلاريمي عدالتله اوتاراجاغام.»
سئزه گلئنجه، ای منئم سوروم، پروردئگار رب بله ديئر: .باخ، قويونلا قويون آراسيندا، قوچلارلا کِچئلر آراسيندا من حؤکم ادهجيم.
گؤزل اوتلاقدا اوتلاماغينيز سئزه آز ائدي کي، اوتلاقلارينيزين قالانيني دا آياقلارينيز آلتيندا تاپدالاييرسينيز؟ دورو سو ائچمه‌يئنئز سئزه آز ائدي کي، آرتيغيني دا آياقلارينيزلا بولانديريرسينيز؟
منئم سورومه گلئنجه، سئزئن آياقلارينيزلا تاپدالاديقلارينيزي اونلار گرک يِسئنلر، آياقلارينيزلا بولانديرديقلارينيزي اونلار گرک ائچسئنلر!»
بونا گؤره ده پروردئگار رب اونلارا بله ديئر: «باخين، من، بلی، من بَسلَنمئش قويونلا آريخ قويونون آراسيندا حؤکم ادهجيم.
سئز بوتون آريخ قويونلاري بؤيرونوزله، چئينئنئزله ائته‌له‌يئرسئنئز، اونلاري کنارا چيخارتماق اوچون بوينوزلارينيزلا وورورسونوز.
بونا گؤره ده من سورومو خئلاص ادهجيم. اونلار داها قارت مالي اولماياجاقلار و قويونلا قويون آراسيندا من حؤکم ادهجيم.
او واخت باشلارينا تک بئر چوبان، قولوم داوودو قوياجاغام و او، اونلاري اوتاراجاق و اونلارين چوبانلاري اولاجاق.
من رب اونلارين تاريسي اولاجاغام، قولوم داوود دا اونلارين ائچئنده رهبر اولاجاقدير.» من رب بونو ددئم.
«اونلارلا بئر صولح عهدي باغلاياجاغام، اؤلکه‌دن ضررلي حيوانلاري قوواجاغام کي، اونلار چؤلده آسايئش ائچئنده ياشاييب مِشه‌لرده ياتسينلار.
اونلارين اؤزلرئنه ده، تپه‌مئن اطرافينداکي يِرلره ده برکت ورهجيم. ياغيشي واختيندا ياغديراجاغام؛ برکتلي ياغيشلار اولاجاق.
چؤلدهکي آغاجلار ميوه يتئرهجکلر، تورپاق محصول ورهجک. خالق اؤز اؤلکهسئنده آسايئش ائچئنده ياشاياجاق. يوغ ائپلرئني قيريب اونلاري قول ادنلرئن اَلئندن قورتارديغيم زامان بئلهجکلر کي، رب منم.
آرتيق مئلّتلرئن قارت مالي اولماياجاقلار، وحشي حيوانلارين يِمي اولماياجاقلار. آسايئش ائچئنده ياشاياجاقلار، اونلاري قورخودان دا اولماياجاق.
اونلار اوچون شؤهرتلي بئر باغئستان يِتئشدئره‌جيم. داها اؤلکهده آجليقدان تلف اولماياجاقلار، مئلّتلرئن تحقئرلرئنه ده دؤزميه‌جکلر.
او واخت بئلهجکلر کي، من، اونلارين تاريسي رب، اونلارلايام و اونلار، ائسرايئل نسلي، ده منئم خالقيمدير.» پروردئگار رب بويورور.
«سئزه گلئنجه، منئم قويونلاريم، اوتلاغيمين قويونلاري، سئز ائنسانلارسينيز، من ده سئزئن تارينيزام.» پروردئگار رب بله بويورور."
منه ربّئن بو سؤزو نازئل اولدو:
"ای بشر اوغلو، اوزونو سِعئر داغينا چِوئر و اونون ضئدّئنه نبئلئک ادئب
دِه کي، پروردئگار رب بله ديئر: «ای سِعئر داغي، من سنئن ضئدّئنه‌يَم. من اَلئمي سنئن ضئدّئنه اوزاداجاغام، سني خارابا و کئمسه‌سئز بئر يِره چِوئره‌جيم.
شهرلرئني وئران ادهجيم و سن خاراباليغا چِورئله‌جکسن. او واخت بئلهجکسن کي، رب منم.
مادام کي، ائسرايئللیلره دائم کئن باغلادين، فلاکته دوشدوکلرئنده، جزالانديريلمالارينين زاماني يرئنه يِتئشدئکده اونلاري قيلينجا تسلئم اتدئن،»
پروردئگار رب بويورور، «وارليغيما آند اولسون کي، من ده سني قانا بولاشديراجاغام، قان سني تعقئب ادهجک؛ قان تؤکمکدن نئفرت اتمه‌دئيئنه گؤره، قان سني تعقئب ادهجک.
من سِعئر داغيني کئمسه‌سئز و خاراباليق بئر يِره چِوئره‌جيم. اورايا گدئب-گلنئن آياغيني کَسه‌جيم.
داغلاريني اؤلولرله دولدوراجاغام. قيلينجدان کچئرئلَنلر سنئن تپه‌لرئنده، وادئلرئنه و دره‌لرئنده ييخيليب هلاک اولاجاق.
سني ابدی اولاراق خاراباليغا چِوئره‌جيم، شهرلرئنده هچ کس ياشاماياجاق. او واخت بئلهجکسن کي، رب منم.
سن بله ددئن: ‹رب او يِرلرده اولسا دا، بو ائکي مئلّت، بو ائکي اؤلکه منئم اولاجاق، اونلاري اؤزومه مولک ادهجيم.›»
بونا گؤره ده پروردئگار رب بويورور: «وارليغيما آند اولسون کي، خالقيما کئن باغلاديغينا موطابئق اونلارلا نجه قضب و حسودلوقلا رفتار اتدئيئنه موطابئق، من ده سنئنله اِله رفتار ادهجيم. سني موحاکئمه اتدئيئم زامان اونلارا دا اؤزومو تانيتاجاغام.
او زامان بئلهجکسن کي، من رب منم.» ائسرايئل داغلارينين ضئدّئنه ددئيئن تحقئرلرئن هاميسيني اِشئتمئشم. سن بله دِمئشدئن: ‹يِرله بئر اولدولار، يِيئلمک اوچون بئزه ورئلدئلر.›
آغزينيزلا منئم ضئدّئمه کئبئرله دا‌نيشدينيز، منئم عَلِيهئمه چوخ سؤزلر دِدئنئز. من بونلاري اشئتدئم.»
پروردئگار رب بله ديئر: «بوتون ير اوزو سِوئندئيي حالدا، من سني وئران ادهجيم.
ائسرايئل خالقينين ائرثي يِرله بئر اولاندا سن نجه سِوئندئن، من ده سنئنله اِله رفتار ادهجيم. ای سِعئر داغي، وئران اولاجاقسان، بوتون اِدوم دا وئران اولاجاق. او واخت بئلهجکلر کي، رب منم.»
سن، ای بشر اوغلو، ائسرايئل داغلاري اوچون نبئلئک ادئب دِه کي، ای ائسرايئل داغلاري، ربّئن سؤزونو اِشئدئن.
پروردئگار رب بله ديئر: «دوشمن سئزئن حاقّينيزدا ديئب: ‹نه ياخشي، بو قدئم تپه‌لر بئزئم مولکوموز اولدو.›»
بونا گؤره ده نبئلئک ادئب دِه کي، پروردئگار رب بله ديئر: «دوغرودان دا سئزي وئران اتدئلر، هر طرفدن سيخيشديريب تاپدالاديلار، اِله کي، باشقا مئلّتلر مولکونوزه صاحئب اولسون، سئز دئللره دوشهسئنئز، و خالقين حقارتلي دانيشمالارينا چِورئله‌سئنئز.»
بوتون بونلارا گؤره، ای ائسرايئل داغلاري، پروردئگار ربّئن سؤزونو اِشئدئن. پروردئگار رب داغلارا، تپهلره، دره‌لره، وادئلره، وئران اولموش خاراباليقلارا و ترک ادئلمئش شهرلره کي، اطرافداکي باشقا مئلّتلرئن، قارت و کئنايه هدفي اولوبلار، بله ديئر.
بونا گؤره ده، پروردئگار رب بله ديئر: «قيرتئمئن آلوولانان اودوندا باشقا مئلّتلرئن ضئدّئنه و بوتون اِدومون ضئدّئنه دانيشميشام. اونلار بوتون اورَکلري ائله سِوئنئب حقارت ادهرک، اؤلکَمه صاحئب چيخديلار کي، اونو قارت اتسئنلر.»
بونا گؤره ده ائسرايئل اؤلکه‌سي اوچون نبئلئک ادئب داغلارا، تپهلره، دره‌لره و وادئلره دِه کي، پروردئگار رب بله ديئر: «باخين، مئلّتلرئن تحقئرئنه دؤزدويونوز اوچون قيرت و قضبئمله دانيشميشام.»
بونا گؤره ده پروردئگار رب بله ديئر: «آند ائچمئشم کي، اطرافينيزداکي مئلّتلر ده قطعن خجالت ائچئنده قالاجاقلار.
آمّا سئز، ای ائسرايئل داغلاري، سئز قول-بوداق آتاجاقسينيز، خالقيم ائسرايئل اوچون ميوه ورهجکسئنئز، اونا گؤره کي، اونلار تزلئکله اؤز يوردونا قاييداجاق.
چونکي من سئزئن طرفئنئزده‌يَم، سئزه طرف دؤنه‌جيم. شوخوملانيب اَکئله‌جکسئنئز.
اؤلکه‌نئزده آداملارين ساييني، بلی، بوتون ائسرايئل نسلئنئن ساييني چوخالداجاغام؛ شهرلرده ائنسانلار ساکئن اولاجاقلار، خاراباليقلار آباد ادئلهجک.
اؤلکه‌نئزده آداملارين و حيوانلارين ساييني چوخالداجاغام، تؤره‌يئب چوخالاجاقلار؛ کِچمئشده اولدوغو کئمي اؤلکه‌نئزي ائنسانلارلا مسکونلاشديراجاغام و سئزه اوّلکئندن ده آرتيق ياخشيليق ادهجيم. او واخت بئلهجکسئنئز کي، رب منم.
اؤلکه‌نئزده خالقيم ائسرايئلدن اولان ائنسانلاري گَزدئره‌جيم و اونلار سئزه صاحئب اولاجاقلار. سئز ده اونلارين ائرثي اولاجاقسينيز. اونلاري بئر داها اؤولادلاريندان محروم اتميهجکسئنئز.»
پروردئگار رب بله ديئر: «چونکي اونلار سنه ديئرلر کي، {سن آدام يئيَن و مئلّتئني اؤولاددان محروم ادن بئر اؤلکه‌سن}،
اونا گؤره، بوندان سونرا سن داها آدام يِمَيه‌جکسن، مئلّتئني اؤولاددان دا بئر داها محروم اتميه‌جکسن.» پروردئگار رب بله بويورور.
«قويماجاغام کي، مئلّتلرئن تحقئرلرئني بئر داها اِشئده‌سن. خالقلارين کئنايه‌سئنه بئر داها دوچار اولماياجاقسان. مئلّتئنئن بئر داها ييخيلماسينا ائجازه ورميه‌جيم.» پروردئگار رب بله بويورور."
سونرا منه ربّئن سؤزو نازئل اولدو:
"ای بشر اوغلو، ائسرايئل نسلی اؤز تورپاغيندا ياشاياندا، يوللار و عمللري ائله اونو نجئس اتدئلر. اونلارين يوللاري منئم حوضورومدا آروادين آيباشي اولدوغو واختداکي نجئسلئيي کئمي ائدي.
من ده قضبئمي اونلارين اوستونه تؤکدوم، چونکي اؤلکهده قان تؤکموشدولر، بوتلري ائله اونو نجئس اتمئشدئلر.
اونلاري مئلّتلر آراسينا يايديم، و اونلار اؤلکهلر آراسينا سَپه‌لَندئلر. اونلاري يوللارينا و عمللرئنه موطابئق موحاکئمه اتدئم.
مئلّتلرئن آراسيندا، گتدئکلري هر يرده موقدّس آديمي لَکه‌له‌دئلر. چونکي اونلارا بله ديئلدي: «بو خالق ربّئن خالقي اولدوغو حالدا، اؤلکهسئندن چيخماغا مجبور اولوب.»
لاکئن من موقدّس آديمين عئزّتدن دوشمه‌سي بارهده نئگاران ائدئم کي، ائسرايئل نسلی اونو گتدئيي مئلّتلر آراسيندا لَکه‌له‌مئشدئلر.
بونا گؤره ده ائسرايئل نسلئنه دِه کي، پروردئگار رب بله ديئر: «ای ائسرايئل نسلي، بونو سئزئن خاطئرئنئزه يوخ، موقدّس آديمين خاطئرئنه ادئرم کي، سئز اونو، گتدئيئنئز مئلّتلر آراسيندا لَکه‌له‌يئبسئنئز.
مئلّتلر آراسيندا لَکه‌له‌دئيئنئز بؤيوک آديمين موقدّسلئيئني گئنه گؤرسده‌جيم. مئلّتلرئن گؤزو قاباغيندا سئزئن ائچئنئزده موقدّسلئيئمي گؤرسه‌دن زامان مئلّتلر بئلهجکلر کي، رب منم.» پروردئگار رب بله بويورور.
«چونکي سئزي مئلّتلرئن آراسيندان گؤتورهجيم، بوتون اؤلکه‌لردن ييغاجاغام و اؤز تورپاغينيزا گتئره‌جيم.
او زامان اوستونوزه تمئز سو سَپه‌جيم، و تمئز اولاجاقسينيز؛ سئزي بوتون نجئسلئيئنئزدن و بوتلرئنئزدن تمئزلَيه‌جيم.
من سئزه تزه بئر اورَک ورهجيم، ائچئنئزه تزه بئر روح قوياجاغام. سئنه‌نئزدن داش اوره‌يي چيخارديب سئزه اَتدن اولان اورَک ورهجيم.
اؤز روحومو سئزئن ائچئنئزه قوياجاغام. اِله ادهجيم کي، سئز قايدالاريما گؤره رفتار ادهسئنئز، حؤکملرئمي دئقّتله رئعايت ادهسئنئز.
او زامان آتالارينيزا وردئيئم اؤلکهده ياشاياجاقسينيز؛ سئز منئم خالقيم، من ده سئزئن تارينيز اولاجاغام.
سئزي بوتون نجئسلئيئزدن خئلاص ادهجيم. بوغدايا امر ادئب اونو چوخالداجاغام، اوستونوزه آجليق گتئرميه‌جيم.
آغاجين مئيوه‌سئني، زَمئنئن محصولونو چوخالداجاغام کي، مئلّتلر ائچئنده بئر داها آجليق روسوايچيليغيني چکميه‌سئنئز.
او زامان پئس عمللرئنئزي، ياوا ائشلرئنئزي يادا سالاجاقسينيز. تقصئرلرئنئزدن و ائيرنج ائشلرئنئزدن اؤتري اؤزونوزدن ائيرَنه‌جکسئنئز.
بئلئن کي، بونو سئزئن خاطئرئنئزه اتمئرم.» پروردئگار رب بويورور: «اوتانين و يولارينيزدان خجالت چکئن، ای ائسرايئل نسلي!»
پروردئگار رب بله ديئر: «سئزي بوتون تقصئرلرئنئزدن تمئزله‌دئيئم واخت شهرلري مسکونلاشديراجاغام، خارابا يِرلر آباد اولاجاق.
بوش قالميش اؤلکه شوخوملاناجاق، حال بو کي، هر يولدان کِچه‌نئن نظرئنده او، بئر وئرانه ائدي.
او واخت دئيهجکلر: ‹وئران اولان بو تورپاق عدن باغي کئمي اولوب. خارابا و وئران قالميش، داغيديلميش شهرلرئن ائستِحکاملاري تئکئلئب، اونلارين ائچئنده آداملار ياشايير.›
او واخت اطرافينيزدا قالان مئلّتلر بئلهجکلر کي، داغيديلميش يِرلري من رب تئکمئشم، چؤله چِورئلمئش يِرلري من آباد اتمئشم. من رب بونو دِمئشم و قطعن اونو يرئنه يتئره‌جيم.»
پروردئگار رب بله ديئر: «من ائسرايئل نسلئنئن خاهئشلرئني قبول ادئب اونلار اوچون بونو ادهجيم: اهالئسئني سورو کئمي چوخالداجاغام.
بايرام گونلرئنده اورشَلئمده قوربانليق حيوان سورولري نجه چوخ اولور، وئران ادئلمئش شهرلر ده اِلَجه ائنسان سورولري ائله دولو اولاجاق. او واخت بئلهجکلر کي، رب منم.»"
ربّئن اَلي اوستومده ائدي. رب اؤز روحو ائله منی باييرا چيخارديب وادئنئن اورتاسينا قويدو؛ وادي سوموکلرله دولو ائدي.
او منی اونلارين اوستونده گَزدئرئب هر طرفه آپاردي. گؤردوم کي، وادئنئن اوستونده سايسيز-حسابسيز سوموک وار. اونلار بَرک قوروموشدو.
رب منه ددي: "ای بشر اوغلو، بو سوموکلر مگر دئرئله بئلر؟" من جاواب وردئم: "ای پروردئگار رب، بونو سن بئلئرسن."
او منه ددي: "بو سوموکلر اوچون نبئلئک ادئب اونلارا دِه کي، ای قورو سوموکلر، ربّئن سؤزونو اِشئدئن.
پروردئگار رب بو سوموکلره بله ديئر: «باخين، من سئزئن ائچئنئزه نفس قوياجاغام کي، سئز دئرئله‌‌سئنئز.
اوستونوزه وَتَرلر قوياجاغام، اَت بئتئره‌جيم، سئزي دَري ائله اؤرته‌جيم، ائچئزه نفس قوياجاغام کي، سئز دئرئله‌‌سئنئز؛ او واخت بئلهجکسئنئز کي، رب منم.»"
منه امر اولوندوغو کئمي نبئلئک اتدئم. من نبئلئک اِدَرکَن بئر گورولتو قوپدو، بئر تاقّيلتي اِشئدئلدي. سوموکلر بئربئرلرئنه ياخينلاشديلار، سوموک سومويه بئتئشدي.
من باخيب گؤردوم کي، اونلارين اوستونه وَتَرلر گلدي، اَت بئتدي، بونلاري دا دَري اؤرتدو. لاکئن اونلاردا نفس يوخ ائدي.
رب منه ددي: "ای بشر اوغلو، نفس اوچون نبئلئک ات، نبئلئک ادئب نفسه دِه کي، پروردئگار رب بله ديئر: «ای نفس، کوله‌يئن اَسدئيي دؤرد سمتدن گل، بو اؤلدورولَن آداملارين اوستونه اوفور کي، دئرئلسئنلر.»"
منه امر اتدئيي کئمي نبئلئک اتدئم. نفس اونلارين ائچئنه گئردي و اونلار دئرئلئب آياق اوسته قالخديلار. چوخ بؤيوک بئر قوشون ياراندي.
او واخت رب منه ددي: "ای بشر اوغلو، بو سوموکلر بوتون ائسرايئل نسلئني تمثئل ادئر. باخ، اونلار بله ديئرلر: «سوموکلرئمئز قورويوب، اومئدئمئز يوخ اولوب، کامئل کَسئلمئشئک.»
بونا گؤره ده نبئلئک ادئب اونلارا دِه کي، پروردئگار رب بله ديئر: «ای خالقيم، من قبئرلرئنئزي آچيب سئزي اورادان چيخارداجاغام و ائسرايئل تورپاغينا گتئره‌جيم.
ای خالقيم، من قبئرلرئنئزي آچاندا، سئزي قبئرلرئنئزدن چيخارداندا بئلهجکسئنئز کي، رب منم.
من ائچئنئزه اؤز روحومو قوياجاغام و سئز دئرئله‌جکسئنئز. سئزي اؤز تورپاغينيزا يِرلَشدئره‌جيم. او واخت بئلهجکسئنئز کي، من رب بونو دِمئشم و يرئنه يتئره‌جيم.» رب بله بويورور."
منه ربّئن بو سؤزو نازئل اولدو:
"سن، ای بشر اوغلو، اَلئنه بئر عصا گؤتور و اونون اوستونه ياز: «يهودا و اونون همراهي اولان ائسرايئل اؤولادلاري اوچون.» سونرا باشقا بئر عصا گؤتور و اونون اوستونه ياز: «اِفرايئمئن عصاصي اولان يوسئف و اونون همراهي اولان بوتون ائسرايئل نسلی اوچون.»
بو عصالاري بئربئرئنئن اوستونه قويوب بئرلَشدئر. اِله ات کي، اَلئنده بئر عصا اولسون.
اگر سنئن خالقينين اؤولادلاري سوروشسالار کي «اتدئکلرئنئن معناسي نه‌دئر، بئزه بئلدئرمَزسن؟»
اونلارا دِه کي، پروردئگار رب بله ديئر: «اِفرايئمئن اَلئنده‌کي عصاني، يعني يوسئفئن عصاسيني و اونون همراهي اولان ائسرايئل قبئله‌لرئنئن عصاسيني گؤتورهجيم و يهودانين عصاسي ائله بئرلَشدئرئب بئر عصا ادهجيم. اونلار اَلئمده بئر اولاجاقلار.
اوستونه يازي يازديغين عصالار اونلارين گؤزلري قاباغيندا اولاجاق.
اونلارا دِه کي، پروردئگار رب بله ديئر: باخين، من ائسرايئل اؤولادلاريني، يانلارينا گتدئکلري مئلّتلرئن آراسيندان گؤتورهجيم، اونلاري هر يردن ييغيب اؤز تورپاقلارينا گتئره‌جيم.
اونلاري اؤلکهده، ائسرايئل داغلاري اوستونده واحئد بئر مئلّت ادهجيم. هاميسينين واحئد پادشاهي اولاجاق. داها ائکي آيري مئلّت اولماياجاقلار، ائکي پادشاهليغا دا بؤلونميه‌جکلر.
آرتيق بوتلري ائله، ائيرنج شيلري ائله، عوصيانلاري ائله اؤزلرئني نجئس اتميه‌جکلر. اونلاري ياشاديقلاري و ائچئنده گوناه اتدئکلري يِرلردن قورتاريب تمئز ادهجيم. اونلار منئم خالقيم، من ده اونلارين تاريسي اولاجاغام.
قولوم داوود اونلارين پادشاهي اولاجاق، اونلارين هاميسينا واحئد چوبان اولاجاقدير. اونلار منئم حؤکملرئمه گؤره رفتار ادهجکلر و قايدالاريمي ساخلاييب يرئنه يتئرهجکلر.
قولوم يعقوبا وردئيئم، آتالارينين ياشاديقلاري اؤلکهده ياشاياجاقلار، اؤزلري، اوغوللاري و نوهلري ابده کئمي اورادا ياشاياجاقلار. قولوم داوود دا ابده کئمي اونلارين رهبري اولاجاقدير.
من اونلارلا صولح عهدي باغلاياجاغام. بو اونلارلا ابدی بئر عهد اولاجاق. اونلاري اورادا يِرلَشدئرئب سايلاريني چوخالداجاغام. موقدّس مکانيمي ابده کئمي اونلارين آراسيندا قوراجاغام.
منئم مسکنئم اونلارين آراسيندا اولاجاق. من اونلارين تاريسي، اونلار دا منئم خالقيم اولاجاقلار.
موقدّس مکانيمي ابده کئمي اونلارين آراسيندا يِرلَشدئرَنده، مئلّتلر بئلهجکلر کي، ائسرايئلي تقدئس ادن من رَبّم.»"
منه ربّئن بو سؤزو نازئل اولدو:
"ای بشر اوغلو، ماگوگ اؤلکهسئندن اولان مِشِکئن و توبالين باش رهبري گوگا اوز توت و اونون ضئدّئنه نبئلئک ادئب دِه کي،
پروردئگار رب بله ديئر: «ای مِشِکئن و توبالين باش رهبري گوگ، من سنئن ضئدّئنه‌يَم.
سني گری قايتاراجاغام، چنه‌لرئنه چنگل‌لر تاخاجاغام. سني، بوتون قوشونو، آتلاري، بوتون تجهئز اولونموش آتلي‌لاري، سئپر، قالخان و قيلينجلا سئلاحلانميش بؤيوک قوشونو قوووب چيخارداجاغام.
اونلارلا بئرلئکده قالخان و دَبئلقه‌يه بورونموش فارسلاري، کوشلولاري، پوطلولاري،
گومِري و اونون بوتون قوشونلاريني، اوزاق شئمالدان بِيت توگَرماني و اونون بوتون قوشونلاريني، بونلارلا بئرلئکده بئر چوخ خالقلاري قوووب چيخارداجاغام.
حاضير اول! اطرافيندا ييغيلميش او بؤيوک قوشونلا بئرلئکده حاضيرلاش. اونلارا سن ريئس اولاجاقسان.
اوزون مودّتدن سونرا دؤيوشه چاغيريلاجاقسان. گلهجک ائل‌لرده قيلينجدان قورتولوب راحاتلانان اؤلکهيه هوجوم ادهجکسن. او اؤلکهنئن ساکئنلري چوخلو خالقلارين ائچئندن ائسرايئل داغلارينا ييغيليبلار. بو داغلار همئشه خاراباليق ائدي، آمّا اونلارين ساکئنلري خالقلار آراسيندان گری قايتاريليبلار و هاميسي آسايئش ائچئنده ياشاييرلار.
سن، بوتون قوشونون و سنئنله بئرلئکده بئر چوخ خالق چيخيب طوفان کئمي گله‌جکسئنئز، اؤلکهنئن اوستونو توتان بولودا بَنزه‌يه‌جکسئنئز.»
پروردئگار رب بله ديئر: «او گون آغلينا بعضی دوشونجهلر گلهجک، پئس بئر نئيّت قوروب
دئيه‌جکسن: ‹دووارسيز کَندلري اولان او اؤلکهيه هوجوم ادهجيم. آسايئش و آرامليق ائچئنده ياشايان آداملارين اوستونه گده‌جيم. بو کَندلرئن هاميسي دووارسيزدير، دروازالاري دا، سورگولري ده يوخدور.
وئران اولموش شهرلرده ياشايان خالقي قارت ادئب ماليني تالان ادهجيم.› سوروسو و مالي اولان، دونيانين اورتاسيندا ياشايان بو مئلّتلرئن آراسيندان ييغيلميش خالقين ضئدّئنه اَلئني اوزاداجاقسان.
شِبا و دِدان اهالئسي، تَرشئش تاجئرلري، و بوتون کَندلرئنئن اهالئسي سنه دئيهجکلر: ‹قارت اوچون گلئبسن؟ تالان اتمک، قيزيل-گوموش گؤتورمک، مال-حيوان و اشيا آپارماق، بول قنئمت اَله کچئرتمک اوچوندور کي، قوشون ييغيبسان؟›»
بونا گؤره ده، ای بشر اوغلو، نبئلئک ادئب گوگا دِه کي، پروردئگار رب بله ديئر: «او گون خالقيم ائسرايئل آسايئش ائچئنده ياشاياندا بونو مگر درک اتميه‌جکسن؟
سن و سنئنله بئرلئکده بئر چوخ خالقلاردان اولان و هاميسي آتا مئنمئش بؤيوک بئر قوشون، گوجلو بئر قوشون اؤز يِرئندن، اوزاق شئمالدان گله‌جکسئنئز.
اؤلکهني بورويَن بئر بولود کئمي خالقيم ائسرايئلئن اوستونه هوجوم ادهجکسئنئز. ای گوگ، گلهجکده سني اؤز اؤلکه‌مئن اوستونه گتئره‌جيم کي، گؤزلري قاباغيندا موقدّسلئيئمي سنئن واسئطَنله گؤرستدئيئم زامان مئلّتلر منی تانييا بئلسئن.»
پروردئگار رب بله ديئر: «مگر سن او آدام ديئلسن کي، قدئم زامانلاردا ائسرايئل پيغمبرلري واسئطهسئله اونون حاقّيندا دانيشديم؟ سني اونلارين اوستونه گتئره‌جيئم بارهده بو پيغمبرلر او واخت ائللر نبئلئک اتدئلر.
او گون، گوگ ائسرايئل تورپاغينا هوجوم اتدئيي گون، قضبئم آلوولاناجاق.» پروردئگار رب ديئر.
«قيرتئمله و شئدّتلي قضبئمله دِيئرم کي، او گون ائسرايئل تورپاغيندا قطعن بؤيوک بئر زلزله اولاجاق.
دهنزده‌کي باليقلار، گؤيدهکي قوشلار، چؤلدهکي حيوانلار، يرده سورونن بوتون جانلي‌لار و يِر اوزوندهکي بوتون ائنسانلار حوضورومدا تئترَيه‌جکلر. داغلار يِرله بئر اولاجاق، قاياليقلار اوچاجاق، بوتون دووارلار ييخيلاجاق.
بوتون داغلاريمدا گوگون اوستونه گتمه‌يه بئر قيلينج چاغيراجاغام.» پروردئگار رب بويورور، «هر کس قارداشينين اوستونه قيلينج چکهجک.
اوستونه وبا گتئرئب قانيني تؤکه‌رک اونو موحاکئمه ادهجيم. اونون، قوشونلارينين و يانيندا گلن چوخلو خالقلارين اوستونه لِيسان ياغيشي، ائري دولو دنهلري، اود و گوگورد ياغديراجاغام.
بلجه عظمتئمي و موقدّسلئيئمي گؤرسه‌دئب، بئر چوخ مئلّتلرئن گؤزو قاباغيندا اؤزومو تانيداجاغام. او واخت بئلهجکلر کي، رب منم.»
سن، ای بشر اوغلو، گوگون ضئدّئنه نبئلئک ادئب دِه کي، پروردئگار رب بله ديئر: «ای مِشِکئن و توبالين باش رهبري گوگ، من سنئن ضئدّئنه‌يَم.
سني گری قايتاريب آپاراجاغام، اوزاق شئمالدان چيخارداجاغام و ائسرايئل داغلاري اوستونه گتئره‌جيم.
سول اَلئندن کامانيني، صاغ اَلئندن اوخلاريني ووروب سالاجاغام.
سن بوتون قوشونلارينلا، يانيندا اولان خالقلارلا بئرلئکده ائسرايئل داغلاري اوستونده هلاک اولاجاقسان. سني يمک اولماق اوچون هر جور ييرتيجي قوشا و وحشي حيوانلارا ورهجيم.
آچيق چؤلده هلاک اولاجاقسان، چونکي من بونو دِمئشم.» پروردئگار رب بله بويورور،
«من ماگوگون و ساحئل اؤلکه‌لرئنده اَمئن-آمانليق ائچئنده ياشايانلارين اوستونه اود گؤنده‌ره‌جيم. او واخت بئلهجکلر کي، رب منم.
خالقيم ائسرايئلئن آراسيندا موقدّس آديمي تانيداجاغام، آرتيق موقدّس آديمين لَکه‌لَنمه‌سئنه ائجازه ورميه‌جيم. او واخت مئلّتلر بئلهجکلر کي، من ربّم، ائسرايئلده موقدّس اولانام.
باخ، او واخت گلئر و قطعن باش ورهجک.» پروردئگار رب بله بويورور: «بو گون منئم دِدئيئم گوندور.
او واخت ائسرايئل شهرلرئنده ياشايانلار چيخيب اود قالاياجاقلار. سئلاحلاري، قالخانلاري، سئپرلري، کامانلاري، اوخلاري، توپّوزلاري و نئزه‌لري بو اوددا يانديراجاقلار. اونلاري يدّي ائل عرضئنده يانديراجاقلار.
چؤلدن اودون داشيماياجاقلار، مِشه‌لردن آغاج کَسميه‌جکلر، چونکي سئلاحلارلا اود قالاياجاقلار. اونلاري قارت ادنلري قارت ادهجکلر، ماللاريني تالان ادنلري تالان ادهجکلر.» پروردئگار رب بله بويورور.
«او گون دهنزئنئن شرقئنده، سيّاحلار دره‌سئنده گوگا ائسرايئلده بئر قبئرئستانليق ورهجيم. اورادا گوگ و بوتون قوشونو باسديريلاجاق. بو يِره هامون-گوگ دره‌سي ديئلهجک. بو يِر، يولدان کِچَنلرئن قاباغيني کَسه‌جک.
اؤلکهني تمئزله‌مک اوچون ائسرايئل نسلی يدّي آي اونلاري باسديرماقلا مشغول اولاجاق.
اونلاري بوتون اؤلکه خالقي باسديراجاق. منئم عئزّتلَندئيئم گون اونلار اوچون ائفتئخار اولاجاق.» پروردئگار رب بويورور.
«اؤلکهني تمئزله‌مک اوچون آداملار تعيئن اولوناجاق؛ بعضئلري اؤلکهني دايانمادان دولاشاجاقلار، بعضئلري ده يرده قالان جسدلري باسديراجاقلار. يدّي آيدان سونرا آختاريشلارا باشلاياجاقلار.
بو آداملار اؤلکهنئن هر يِرئني دولاشاجاقلار. ائنسان سومويو گؤرنده يانينا بئر نئشان قوياجاقلار، او زاماناجاق کي، قبئرقازانلار اونو هامون-گوگ دره‌سئنده باسديرسينلار.
شهرئن آدي هامونا اولاجاق. بلجه اؤلکهني تمئزلَيه‌جکلر.»
سن، ای بشر اوغلو، پروردئگار رب بله ديئر: «هر جور قوشا و هر جور وحشي جانلي مخلوقا دِه: ييغيلين، گلئن. سئزئن اوچون کَسه‌جيئم قوربانين يانينا ييغيلين، ائسرايئل داغلاري اوستونده‌کي بؤيوک قوربانين يانينا هر طرفدن ييغيلين کي، اورادا اَت يِيئب قان ائچهسئنئز.
سئز ائگئدلرئن اَتئني يِيئب يِر اوزونون رهبرلرئنئن قانيني ائچهجکسئنئز؛ اِله بئل کي، باشانين بَسلَنمئش حيوانلارينين، قوچلارينين، قوزولارينين، کِچئلرئنئن و گاميشلارينين اَتئني يِيئب قانيني ائچئرسئنئز.
سئزئن اوچون کَسدئيئم قورباندان دويونجا ياغ يئيهجکسئنئز، مست اولونجا قان ائچهجکسئنئز.
سوفرَمده آتلاردان، آتلي‌لاردان، ائگئدلردن و هر جور عسگردن بول-بول يِيئب دوياجاقسيز،" پروردئگار رب بويورور.
"شؤوکتئمي مئلّتلر آراسيندا گؤرسده‌جيم. بوتون مئلّتلر اونلارا وردئيئم جزاني و اوستلرئنه قويدوغوم اَلئمي گؤرهجکلر.
بو گوندن سونرا ائسرايئل نسلی بئله‌جک کي، اونلارين تاريسي رب منم.
مئلّتلر بئلهجکلر کي، ائسرايئل نسلی اؤز تقصئرلرئندن اؤتري اسئرلئيه گتدي. چونکي اونلار منه خيانت اتدئلر. و من اونلاردان اوز دؤنده‌ردئم. بلجه اونلاري دوشمنلرئنه تسلئم اتدئم و هاميسي قيلينجلا هلاک اولدولار.
نجئسلئکلرئنه و عوصيانلارينا گؤره اونلارلا رفتار اتدئم و اونلاردان اوز دؤنده‌ردئم.»
بونا گؤره پروردئگار رب بله ديئر: «يعقوب نسلئندن اسئر اولونانلاري ائندي گری قايتاراجاغام، بوتون ائسرايئل نسلئنه مرحمت ادئب موقدّس آديمين خاطئرئنه قيرت گؤرسده‌جيم.
تورپاقلاريندا اَمئن-آمانليق ائچئنده ياشاياندا، اونلاري قورخودان بئر کس اولماياندا روسواچيليقلاريني و منه اتدئکلري بوتون خيانتلري ياددان چيخارداجاقلار.
اونلاري مئلّتلر آراسيندان گری قايتاريب دوشمن اؤلکه‌لردن ييغديغيم زامان، اونلارين واسئطهسي ائله بئر چوخ مئلّته موقدّسلئيئمي گؤرسده‌جيم.
او واخت بئلهجکلر کي، اونلارين تاريسي رب منم. چونکي اونلاري مئلّتلر آراسينا اسئرلئيه گؤنده‌ردئم. و سونرا تزهدن اونلاري اؤز تورپاقلارينا قايتارديم. آرتيق هچ بئرئني قالديغي اؤلکهسئنده قويوب گتميه‌جيم.
بئر داها اونلاردان اوز دؤنده‌رميه‌جيم، چونکي ائسرايئل نسلی اوستونه اؤز روحومو تؤکه‌جيم.» پروردئگار رب بله بويورور."
اسئرلئيئمئزئن ائيئرمي بِشئنجي ائلئنده، ائلئن باشلانيشيندا، بئرئنجي آيين اونونجو گونو، اورشَلئم شهرئنئن سوقوطونون اون دؤردونجو ائلي–همئن او گون ربّئن اَلي منئم اوستومده ائدي. او منی اورايا آپاردي.
رؤيادا تاري منی ائسرايئل اؤلکهسئنه آپاريب چوخ اوجا بئر داغين باشينا قويدو. داغين جنوبوندا شهره بَنزَر تئکئلي وار ائدي.
تاري منی اورايا آپاردي. من اورادا گؤرونوشجه بورونجه بَنزَر آدام گؤردوم. اونون اَلئنده بئر کتان ائپ و اؤلچمک اوچون بئر قاميش وار ائدي. او، دروازادا دورموشدو.
او آدام منه ددي: "ای بشر اوغلو، گؤزونله، قولاغينلا اشئت و سنه گؤرسده‌جيئم هر شيه دئقّت ات. اونا گؤره بورايا گتئرئلدئن کي، بونلاري سنه گؤرسه‌دئم. گؤردويون هر شيي ائسرايئل نسلئنه بئلدئر."
باخ، معبدي هر طرفدن اَحاطه‌يه آلان بئر دووار وار ائدي. اؤلچمک اوچون او آدامين اَلئنده بئر قاميش وار ائدي کي، اوزونلوغو آلتي قولآچ ائدي. هر قول‌آچا بئر اوووج اوزونلوق علاوه ادئلمئشدي. او آدام دوواري اؤلچدو: قالينليغي بئر قاميش، بويو دا بئر قاميش ائدي.
سونرا شرقه طرف اولان دروازايا طرف گتدي و اونون پئلّه‌کَنلري ائله يوخاري قالخدي. دروازانين آستاناسيني اؤلچدو: اِني بئر قاميش ائدي. او بئري آستانانين اِني بئر قاميش ائدي.
کشئکچي اوتاقلارينين هر بئرئنئن اوزونلوغو و اِني بئر قاميش ائدي. کشئکچي اوتاقلارينين آراسي بش قولآچ ائدي. معبده باخان اِيوانين يانينداکي دروازا آستاناسي بئر قاميش اوزونلوغوندا ائدي.
سونرا او، دروازا اِيوانيني اؤلچدو: بئر قاميش.
اِني سکّئز قولآچ ائدي. يان سوتونلارين قالينليغي ائکي قولآچ ائدي. دروازا اِيواني معبده باخيردي.
شرق دروازاسينين هر ائکي يانيندا اوچ-اوچ کشئکچي اوتاغي وار ائدي. اوچونون ده اؤلچوسو بئر ائدي. هر ائکي طرفده اولان سوتونلارين دا اؤلچوسو بئر ائدي.
او، دروازانين آستاناسينين اِنئني اؤلچدو: اون قولآچ ائدي. دروازانين اوزونلوغو دا اون اوچ قولآچ ائدي.
هر ائکي طرفده اولان کشئکچي اوتاقلارينين قاباغيندا، بئر قولآچ اوجاليغيندا بئر آراکَسمه وار ائدي. هر ائکي طرفده کشئکچي اوتاقلاري دؤردبوجاقلي ائدي. کنارلاري هر طرفدن آلتي قولآچ ائدي.
سونرا او، دروازانين اِنئني–کشئکچي اوتاقلارينين دووارلارينين آراسيني اؤلچدو: ائيئرمي بش قولآچ ائدي؛ دروازالار بئربئرئنئن موقابئلده ائدئلر.
يان سوتونلاري اؤلچدو: آلتميش قولآچ ائدي. دروازانين اطرافينداکي حيط سوتونلارا قدر اوزانيردي.
دروازانين آستاناسيندان اِيوانين آخيرينا قدر مسافه اَلّي قولآچ ائدي.
دروازانين ائچه‌ري طرفئنئن هر يانيندا کشئکچي اوتاقلارينين و بؤلمه دووارلارينين ائچه‌رئيه باخان موشَبّک پنجره‌لري وار ائدي. اِيوانلاردا دا بله ائدي. هر يانين ائچه‌ري طرفئندن پنجره‌لر وار ائدي. هر بؤلمه‌نئن دوواري اوستونده خورما آغاجي تصوئر اولونموشدو.
او آدام منی بايير حيطه گتئردي. باخ، اورادا بايير حيطي اَحاطه‌يه آلان اوتاقلار و داش يول وار ائدي. داش يول بويونجا اوتوز اوتاق وار ائدي.
دروازالارين هر ائکي طرفئندهکي داش يولون اِني قاپيلارين اوزونلوغو قدر ائدي. بو، آشاغي داش يول ائدي.
او آدام حيطئن اِنئني آشاغي دروازادان ائچه‌ري حيطئن دروازاسينا قدر اؤلچدو: شرقده و شئمالدا اولان مسافه يوز قولآچ ائدي.
او آدام بايير حيطئن شئمالا باخان دروازاسينين اوزونلوغونو و اِنئني اؤلچدو.
بورانين هر ائکي طرفئنده اوچ-اوچ کشئکچي اوتاغي وار ائدي. بؤلمه دووارلاري و اِيوانلاري بئرئنجي دروازانين اؤلچوسونه برابر ائدي: اوزونلوغو اَلّي قولآچ، اِني ائيئرمي بش قولآچ ائدي.
پنجره‌لرئن، اِيوانين و خورما آغاجي تصوئرلرئنئن اؤلچوسو شرقه باخان دروازانين اؤلچوسونه برابر ائدي. اورايا يدّي پئلّه‌‌کَنله چيخيرديلار، بونلارين موقابئلئنده اِيوان وار ائدي.
شرق دروازاسيندا اولدوغو کئمي شئمال دروازاسينا دا باخان بئر ائچه‌ري حيط دروازاسي وار ائدي. او آدام بو ائکي دروازا آراسينداکي مسافه‌ني اؤلچدو: يوز قولآچ ائدي.
او آدام منی جنوبا طرف آپاردي. اورادا جنوبا باخان بئر دروازا گؤردوم. او، دروازانين يان تاختالاريني و اِيواني اؤلچدو: اؤلچولري او بئرئلرئنئن اؤلچولرئنه برابر ائدي.
او بئرئلرئنده اولدوغو کئمي، بو دروازا ائله اِيوانين هر طرفئنده ده پنجره‌لر وار ائدي. اِيوانين اوزونلوغو اَلّي قولآچ، اِني ائيئرمي بش قولآچ ائدي.
اورايا يدّي پئلّه‌‌کَنله چيخيرديلار. بونلارين موقابئلئنده اِيوان وار ائدي. دروازانين يان تختلري هر ائکي طرفدن بئر خورما آغاجي تصوئري ائله بَزَنمئشدي.
ائچه‌ري حيطئن جنوبا باخان بئر دروازاسي وار ائدي. او آدام بو ائچه‌ري دروازادان جنوبا باخان دروازايا قدر اولان مسافه‌ني اؤلچدو: يوز قولآچ ائدي.
او آدام منی جنوب دروازاسيندان ائچه‌ري حيطه آپاردي. جنوب دروازاسيني اؤلچدو: اؤلچولري او بئرئلرئنئن اؤلچولرئنه برابر ائدي.
کشئکچي اوتاقلارينين، بؤلمه دووارلارينين و اِيوانين اؤلچولري او بئرئلرئنئن اؤلچولرئنه برابر ائدي. دروازا ائله اِيوانين هر طرفئنده پنجره‌لر وار ائدي. دروازانين اوزونلوغو اَلّي قولآچ، اِني ائيئرمي بش قولآچ ائدي.
هر طرفده اِيوانلار وار ائدي کي، اوزونلوغو ائيئرمي بش قولآچ، اِني ده بش قولآچ ائدي.
اِيواني بايير حيطه باخيردي. دروازانين يان تختلري خورما آغاجي تصوئرلري ائله بَزَنمئشدي. اورايا سکّئز پئلّه‌‌کَنله چيخيرديلار.
او آدام منی شرقده‌کي ائچه‌ري حيطه آپاردي. اوراداکي دروازاني اؤلچدو. اؤلچوسو او بئرئلرئنئن اؤلچوسونه برابر ائدي.
کشئکچي اوتاقلارينين، بؤلمه دووارلارينين و اِيوانينين اؤلچوسو او بئرئلرئنئن اؤلچوسونه برابر ائدي. دروازا ائله اِيوانينين هر طرفئنده پنجره‌لر وار ائدي. دروازانين اوزونلوغو اَلّي قولآچ، اِني ائيئرمي بش قولآچ ائدي.
اِيواني بايير حيطه باخيردي. دروازانين يان تاختالاري ائکي طرفدن خورما آغاجي تصوئرلري ائله بَزَنمئشدي. اورايا سکّئز پئلّه‌‌کَنله چيخيرديلار.
سونرا او آدام منی شئمال دروازاسينين يانينا آپاردي. او، قاپيني اؤلچدو: اؤلچوسو او بئرئلرئنئن اؤلچوسونه برابر ائدي.
کشئکچي اوتاقلارينين، بؤلمه دووارلارينين و اِيوانينين اؤلچوسو او بئرئلرئنئن اؤلچوسونه برابر ائدي. دروازانين هر طرفئنده پنجره‌لر وار ائدي. دروازانين اوزونلوغو اَلّي قولآچ، اِني ائيئرمي بش قولآچ ائدي.
يان تاختالاري بايير حيطه باخيردي. دروازانين يان تاختالاري هر ائکي طرفدن خورما آغاجي تصوئرلري ائله بَزَنمئشدي. اورايا سکّئز پئلّه‌‌کَنله چيخيرديلار.
ائچه‌ري حيطئن دروازالارينداکي اِيوانلارين يانيندا قاپيسي اِيوانا آچيلان بئر اوتاق وار ائدي. يانديرما قوربانلاري بورادا يويولوردو.
دروازا اِيوانينين هر ائکي طرفئنده ائکي سيرا قوشا مئز وار ائدي. يانديرما قورباني، گوناه قورباني و تقصئر قورباني اولاجاق حيوانلار بو مئزلرئن اوستونده کَسئلئردي.
اِيوانين بايير دووارينين يانيندا، شئمال دروازاسينين پئلّه‌کَنلرئنئن هر ائکي طرفئنده ائکي سيرا قوشا مئز ده وار ائدي.
بلجه قوربانليق حيوانلاري کَسمک اوچون سکّئز مئز وار ائدي کي، دروازانين هر ائکي طرفئنده دؤرد-دؤرد قويولموشدولار.
يانديرما قوربانلاري اوچون يونولموش داشدان دؤرد مئز وار ائدي. هر مئزئن اوزونلوغو و اِني بئر ياريم قولآچ، بويو دا بئر قولآچ ائدي. يانديرما قوربانلارينين و باشقا قوربانلارين کَسئلمه‌سئنده ائستئفاده اولونان آلَتلري بونلارين اوستونه قويوردولار.
دووارلارين هر طرفئنه ماشالار آسيلميشدي: هر بئري بئر اوووج اوزونلوغوندا ائدي. مئزلر تقدئم ادئلَن حيوانين اَتي اوچون نظرده توتولموشدو.
ائچه‌ري دروازانين بايير حئصّه‌سئنده، ائچه‌ري حيطده نغمه‌چئلر اوچون اوتاقلار وار ائدي. بونلاردان بئري شئمال دروازاسينين يانيندا ائدي و جنوبا باخيردي، او بئري جنوب دروازاسينين يانيندا ائدي و شئمالا باخيردي.
او آدام منه ددي: "جنوبا باخان اوتاق معبد اوچون جاوابده اولان کاهئنلره مخصوصدور.
شئمالا باخان اوتاق دا قوربانگاه اوچون جاوابده اولان کاهئنلره مخصوصدور. اونلار لاوئنئن نسلئندن اولان و ربّه خئدمت اتمک اوچون اونا ياخينلاشان صادوق اؤولادلاريديرلار."
او آدام حيطي اؤلچدو: حيط دؤردبوجاقلي ائدي؛ اوزونلوغو يوز قولآچ، اِني ده يوز قولآچ ائدي. معبدئن قاباغيندا قوربانگاه وار ائدي.
سونرا او آدام منی معبدئن اِيوانينا آپاريب اِيوانين قاپيسينين يان تاختالاريني اؤلچدو. دروازانين هر ائکي طرفئندهکي سوتونلارين اِني بش قولآچ ائدي. دروازانين هر ائکي طرفئنئن اِني ده اوچ قولآچ ائدي.
اِيوانين اوزونلوغو ائيئرمي قولآچ، اِني اون ائکي قولآچ ائدي. اورايا پئلّه‌‌کَنله چيخيرديلار. دروازانين يان تاختالارينين يانيندا ائکي سوتون وار ائدي: بئري بو طرفئنده، او بئري ده او طرفئنده ائدي.
سونرا او آدام منی معبدئن بؤيوک اوتاغينا گتئرئب يان تاختالاريني اؤلچدو: يان تاختالارين اِني هر طرفدن آلتي قولآچ ائدي.
گئرئشئنئن اِني اون قولآچ ائدي، اونا هر ائکي طرفدن بئر دووار بئتئشئردي کي، هر دووارينين اِني بش قولآچ ائدي. او آدام معبدئن بؤيوک اوتاغيني دا اؤلچدو: اوزونلوغو قيرخ، اِني ائيئرمي قولآچ ائدي.
سونرا او ائچ اوتاغا گئرئب گئرئشئن يان تاختالاريني اؤلچدو: هر بئرئنئن اِني ائکي قولآچ ائدي. گئرئشئن اِني آلتي قولآچ ائدي، اونا هر ائکي طرفدن بئتئشَن دووارلارين اِني يدّي قولآچ ائدي.
او آدام بؤيوک اوتاغين او بئري طرفئندهکي ائچ اوتاغي اؤلچدو: هم اوزونلوغو، هم ده اِني ائيئرمي قولآچ ائدي. او منه ددي: "بورا لاپ موقدّس يِردئر."
سونرا معبدئن دوواريني اؤلچدو: قالينليغي آلتي قولآچ ائدي. معبدئن اطرافينداکي يان اوتاقلاردان هر بئرئنئن اِني دؤرد قولآچ ائدي.
بو يان اوتاقلار اوچ مرتبه ائدي، هر مرتبهده او بئري مرتبهنئن اوستونده، و هر مرتبهده اوتوز اوتاق وار ائدي. معبدئن دووارلاري بويو، چيخينتي‌لار وار ائدي کي، يان اوتاقلار اوچون داياق ائدئلر، اِله کي، داياقلار معبدئن دووارلارينا گئرمه‌سئن.
معبدئن اطرافينداکي يان اوتاقلار يوخاري مرتبه‌‌يه طرف چيخديقجا گِنئشله‌نئردي. معبدئن اطرافينداکي تئکئلئنئن يوخارييا قالخان طبقه‌لري وار ائدي. يوخارييا طرف چيخديقجا يان اوتاقلار گِنئشله‌نئردي. پئلّه‌کَن ائله آشاغي مرتبهدن اورتا مرتبه‌‌يه، اورادان دا اوست مرتبه‌‌يه چيخيرديلار.
معبدئن اطرافيندا اوجا بئر دؤشَمه گؤردوم کي، يان اوتاقلارين بونؤورهسئني تشکئل ورئردي: اوزونلوغو بئر قاميش کامئل، يعني آلتي قولآچ ائدي.
يان اوتاقلارين بايير دووارينين قالينليغي بش قولآچ ائدي. معبدئن يان اوتاقلاري ائله کاهئن اوتاقلاري آراسيندا آچيق بئر ساحه وار ائدي.
آچيق ساحهنئن اِني ائيئرمي قولآچ ائدي کي، معبدئن اطرافي بويونجا اوزانيردي.
يان اوتاقلارين گئرئشلري آچيق ساحه‌يه باخيردي: بئري شئمالدا، او بئري ده جنوبدا ائدي. آچيق ساحه‌يه بئتئشَن بونؤوره‌نئن اِني هر طرفدن بش قولآچ ائدي.
معبدئن قربئنده آچيق ساحه‌يه باخان بئر تئکئلي وار ائدي: اِني يتمئش قولآچ ائدي. دووارينين قالينليغي هر طرفدن بش قولآچ، اوزونلوغو دوخسان قولآچ ائدي.
سونرا او آدام معبدي اؤلچدو: اوزونلوغو يوز قولآچ ائدي. آچيق ساحه، تئکئلي و اونون دووارلاري يوز قولآچ اوزونلوغوندا ائدي.
شرقده‌کي معبدئن آچيق ساحه‌سئنئن اِني معبدئن قاباق طرفي ائله بئرلئکده يوز قولآچ ائدي.
او آدام معبدئن آرخاسينداکي آچيق ساحه‌يه باخان تئکئلئنئن و هر ائکي طرفئندهکي دهلئزلرئن اوزونلوغونو اؤلچدو: يوز قولآچ ائدي. معبدئن بؤيوک اوتاغي، ائچ اوتاق، حيطه باخان ايوان،
آستانالار، موشَبّک پنجره‌لر، آستانانين موقابئلئنده اوچ مرتبه‌ني اَحاطه ادن دهلئزلر، دؤشَمه‌دن پنجره‌لره قدر، آغاجلا اؤرتولموشدو. پنجره‌لر آچيليب-باغلانيردي.
گئرئشئن اوستو، ائچ اوتاق، اونون باييري، بوتون ائچه‌ري و بايير دووارلار نئظاملي آراليقلارلا،
کَرّوب و خورما آغاجي اويما تصوئرلري ائله دوزه‌لدئلمئشدي. ائکي کَرّوب آراسيندا بئر خورما آغاجي تصوئري وار ائدي. هر کَرّوبون ائکي اوزو وار ائدي:
بئر ياندان خورما آغاجينا باخان ائنسان اوزو، او بئري ياندان خورما آغاجينا باخان شئر اوزو. معبد هر طرفدن بو اويما تصوئرلري ائله بَزَنمئشدي.
دؤشَمه‌دن گئرئشئن اوستونده‌کي حئصّه‌يه قدر معبدئن بؤيوک اوتاغينين دووارلاري کَرّوب و خورما آغاجلارينين اويما تصوئرلري ائله دوزه‌لدئلمئشدي.
بؤيوک اوتاغين قاپيسينين يان تاختالاري دؤردبوجاقلي شکلئنده ائدي. لاپ موقدّس يِرئن قاباغينداکي قاپينين يان تاختالاري دا او بئرئلرئنه بَنزه‌يئردي.
اورادا اوچ قولآچ هوندورلويونده، ائکي قولآچ اوزونلوغوندا آغاجدان دوزه‌لدئلمئش بئر قوربانگاه وار ائدي. اونون کونجلري، آلتليغي و يانلاري دا آغاجدان ائدي. او آدام منه ددي: "ربّئن قاباغيندا اولان مئز بودور."
بؤيوک اوتاغين و لاپ موقدّس يِرئن جوت قانادلي قوشا قاپيسي وار ائدي.
هر قاپينين ائکي طرفه ائکي قانادي وار ائدي: بئر قاپي اوچون ائکي قاناد، او بئري قاپي اوچون ائکي قاناد.
دووارلار اوستونده اولدوغو کئمي، بؤيوک اوتاغين قاپيلاريندا دا کَرّوب و خورما آغاجلارينين اويما تصوئرلري دوزه‌لدئلمئشدي. باييردا، ايوانين قاباغيندا آغاجدان اولان بئر آسما تاوان وار ائدي.
اِيوانين يان دووارلارينداکي قفسلي پنجره‌لرئن هر ائکي طرفي خورما آغاجلارينين اويما تصوئرلري ائله اؤرتولموشدو. معبدئن يان اوتاقلارينين آسما تاوانلاري دا وار ائدي.
او آدام منی شئمالا گِدن يولدان بايير حيطه چيخارتدي، و او اوتاغا آپاردي کي، آچيق ساحه‌يه و بايير حيطئن شئمالينداکي تئکئلی‌لره باخيردي.
بو تئکئلئنئن اوزونلوغو يوز، اِني اَلّي قولآچ ائدي و قاپيسي شئمالا باخيردي.
ائچه‌ري حيطئن ائيئرمي قولاجليق حئصّهسي ائله بايير حيطئن داش يولونا باخان اوچ مرتبهنئن دهلئزلري اوز-اوزه ائدي.
اوتاقلارين قاباغيندا اِني اون قولآچ، اوزونلوغو دا يوز قولآچ اولان بئر ائچه‌ري دهلئز وار ائدي. قاپيلاري شئمالا باخيردي.
تئکئلئنئن اوست مرتبه‌ده‌کي اوتاقلاري، آلت و اورتا مرتبه‌ده‌کي اوتاقلاردان داها دار ائدي، چونکي اوست مرتبه‌ده‌کي دهلئزلر داها چوخ يِر توتوردو.
حيطلرده سوتونلار اولدوغو حالدا، اوچونجو مرتبهده اولان اوتاقلارين سوتونلاري يوخ ائدي. بونا گؤره ده اوست مرتبه‌ده‌کي اوتاقلار، آلت و اورتا مرتبه‌ده‌کي اوتاقلاردان داها دار ائدئلر.
اوتاقلارين قاباغيندا، اوتاقلارلا و بايير حيطله ياناشي بئر بايير دووار وار ائدي: اَلّي قولآچ اوزونلوغوندا ائدي.
چونکي بايير حيطئن يانينداکي يانبايان اوتاقلارين اوزونلوغو اَلّي قولآچ ائدي. معبدئن بؤيوک اوتاغينا داها ياخين يانبايان اوتاقلارين اوزونلوغو دا يوز قولآچ ائدي.
بو اوتاقلارين آشاغيدا شرقه طرف بئر قاپيسي وار ائدی کی، بايير حيطدن گئرمک اولاردي.
دووارين اوزونلوغو بويونجا ائچه‌ري حيطئن جنوبو بويو باشقا اوتاقلار وار ائدئلر کي، آچيق ساحه‌يه و بايير حيطده‌کي تئکئلی‌لره باخيرديلار.
شئمال طرفده‌کي اوتاقلاردا اولدوغو کئمي، بو اوتاقلارين قاباغيندا دا بئر کِچئش وار ائدي. اوتاقلارين اوزونلوغو و اِني هَمن ائدي، چيخيشلاري و اؤلچولري شئمال طرفده اولان اوتاقلارينکي کئمي ائدي.
جنوبداکي اوتاقلارين قاپيلاري دا شئمالداکيلار کئمي ائدي. کِچئدئن باشلانيشيندا بئر قاپي وار ائدي. آرخا دووارلار بويونجا شرقه اوزانان بو کِچئش اوتاقلارا آچيليردي.
سونرا او آدام منه ددي: "معبدئن آچيق ساحه‌سئنه باخان شئمالداکي و جنوبداکي اوتاقلار موقدّسدئر. ربّئن حوضوروندا خئدمت ادن کاهئنلر اورادا لاپ موقدّس تقدئملردن يئيه‌جکلر. لاپ موقدّس تقدئملري-تاخيل تقدئملرئني، گوناه قوربانلاريني و تقصئر قوربانلاريني اورادا قوياجاقلار، چونکي اورا موقدّسدئر.
کاهئنلر موقدّس ساحه‌يه گئرَنده، خئدمت اِدَرکَن، اَيئنلرئنده‌کي گِيئملري اورادا قويمادان بايير حيطده چيخماسينلار، چونکي بو پالتارلار موقدّسدئرلر. اونلار خالقين اولدوغو يِرلره گتمه‌دن قاباق باشقا پالتارلار گِيمه‌لي‌دئرلر."
او آدام معبدئن ائچ اوتاغيني اؤلچوب قورتاراندان سونرا، منی شرق قاپيسيندان باييرا آپاردي و هر طرفدن بو ساحه‌ني اؤلچدو.
شرق طرفئني قاميشلا اؤلچدو: اوزونلوغو بش يوز قولآچ ائدي.
شئمال طرفئني ده قاميشلا اؤلچدو: اوزونلوغو بش يوز قولآچ ائدي.
جنوب طرفئني ده قاميشلا اؤلچدو: اوزونلوغو بش يوز قولآچ ائدي.
قرب طرفئنه دؤنوب اونو قاميشلا اؤلچدو: اوزونلوغو بش يوز قاميش ائدي.
بلجه ساحهنئن دؤرد طرفئني اؤلچدو. ساحهنئن اطرافيندا بئر دووار وار ائدي کي، موقدّس اولاني موقدّس اولماياندان آييريردي: اوزونلوغو و اِني هر بئري بش يوز قولآچ ائدي.
او آدام منی شرقه باخان دروازانين يانينا گتئردي.
من گؤردوم کي، شرق يولوندان ائسرايئل تاريسينين عئزّتي گلئر. اونون سَسي گور آخان سولارين سَسي کئمي ائدي، عئزّتئندن يِر پاريلداييردي.
گؤردويوم رؤيا او گؤرونتويه بَنزه‌يئردي کي، تاري، شهري محو اتمه‌يه گلدئيي واخت گؤرموشدوم؛ کِبار چايي قيراغيندا گؤردويوم گؤرونتو کئمي. من بو زامان اوزو اوسته يِره ييخيلديم.
ربّئن عئزّتي شرقه باخان دروازانين يولوندان معبده گئردي.
روح منی قالديريب ائچَري حيطه گتئردي. من گؤردوم کي، ربّئن عئزّتي معبدي دولدوروب.
آدام يانيمدا دورارکَن معبددن بئر نفرئن سَسئني اشئتدئم کي، منئمله دانيشيردي.
او منه بله ددي: «ای بشر اوغلو، تَختئمئن يِري، آياقلاريمين دابانلاري دَيَن، ائسرايئل اؤولادلاري آراسيندا ابدی ياشاياجاغيم يِر بورادير. بوندان سونرا ائسرايئل خالقي ائله پادشاهلاري فاحئشه‌لئکلري ائنَن، اؤلَن پادشاهلارين جَسَدلري ائله بئر داها موقدّس آديمي نجئسله‌مَيه‌جکلر.
اونلار آستانالاريني آستاناما، قاپيلارينين يان تاختالاريني قاپيمين يان تاختالارينا بئتئشدئردئلر. منئمله اونلارين آراسيندا فقط بئر دووار وار ائدي. اتدئکلري نجئس ائشلري ائله موقدّس آديمي نجئسله‌دئلر. من ده قضبئم ائله اونلاري قيريب تؤکدوم.
ائندي قوي زئنالاريني، پادشاهلارينين جَسَدلرئني مندن اوزاقلاشديرسينلار، من ده ابدهجک اونلارين آراسيندا ياشايارام.
سن، ای بشر اوغلو، بو معبدي ائسرايئل نسلئنه توصئف ات کي، تقصئرلرئندن اوتانسينلار و معبدئن نَقشه‌سئني اؤلچسونلر.
اگر اتدئکلري بوتون ائشلردن اوتانيرلار، معبدئن شَکلئني، نئظاميني، چئخيش-گئرئش يِرلرئنئ–بوتون شکئل‌لرئني، بوتون قايدالاريني، قورولوشلاريني و قانونلاريني اونلارا بئلدئر. اونلارين گؤزو قاباغيندا بونلاري بئر يِره ياز. قوي بوتون قورولوش و قايدالارينا عمل ادئب اونلاري يرئنه يتئرسئنلر.
معبدئن قانوني بودور: داغين باشيندا هر طرفدن اونون بوتون اَراضئسي چوخ موقدّس اولاجاق. بلی، معبدئن قانوني بودور.
قوربانگاهين قول‌آچينان اؤلچولري بلهدئر. هر قولاچا بئر اوووج علاوه ادئلمئشدئر: قوربانگاهي اَحاطه‌يه آلان خَنده‌يئن درئنلئيي بئر قولآچ، اِني بئر قولآچ، اطرافينداکي چيخينتي بئر قاريش اولاجاق. قوربانگاهين بويو دا بلهدئر:
قوربانگاهين يرده‌کي خَندَقدن آلت چيخينتييا قدرکي حئصّه‌سئنئن بويي ائکي قولآچ، اِني بئر قولآچ، کئچئک چيخينتيدان بؤيوک چيخينتييا قدرکي حئصّهنئن بويي دؤرد قولآچ، اِني بئر قولآچ،
قوربانگاهين قوربان يانديريلان اوست حئصّه‌سئنئن بويي دؤرد قولآچ اولاجاق. اوست حئصّه‌دن يوخارييا طرف دؤرد بوينوز اوزاناجاق.
قوربانگاهين اوست حئصّهسي دؤردبوجاقلي شَکلئنده اولاجاق. اونون اوزونلوغو اون ائکي، اِني اون ائکي قولآچ اولاجاق.
اوست چيخينتينين دؤرد طرفدن اوزونلوغو و اِني هر بئري اون دؤرد قولآچ اولاجاق. اطرافينداکي کنار ياريم قولآچ، خَنده‌يئن دؤوره‌سي بئر قولآچ اولاجاق. قوربانگاهين پئلّه‌کَنلري شرقه باخاجاق.»
او آدام منه ددي: «ای بشر اوغلو، پروردئگار رب بله ديئر: "قوربانگاه تئکئله‌جَيي گون، اوستونده يانديرما قوربانلاري گتئرمَک و قان تؤکمَک بارهده اولان قايدالار بلهدئر.
منه خئدمت اتمک اوچون حوضوروما چيخان، صادوق نسلئندن لاوئلي کاهئنلره گوناه قورباني اولاراق جاوان بئر گاميش ور" پروردئگار رب بله بويورور.
"گاميشين قانيندان گؤتوروب قوربانگاهين دؤرد بوينوزونا، اوست چيخينتينين دؤرد کونجونه و اطرافينداکي کنارين اوستونه سورت. بلجه قوربانگاهي تمئز ادئب اونون اوچون کفّاره ات.
گوناه قورباني اولاراق گاميشي گؤتوروب موقدّس مکاندان کناردا، معبدئن تعيئن ادئلمئش يِرئنده ياندير.
ائکئنجي گون گوناه قورباني اولاراق قوصورسوز بئر اِرکَک کِچي تقدئم ات. قوربانگاه گاميشين قاني ائله تمئز ادئلدئيي کئمي کِچئنئن قاني ائله ده تمئز ادئلسئن.
پاک اتمک ائشئني قورتاراندان سونرا قوصورسوز جاوان بئر گاميش ائله سورودن قوصورسوز بئر قوچ قوربان گتئر.
اونلاري ربّئن حوضورونا گتئر. کاهئنلر اونلارين اوستونه دوز سَپئب ربّه يانديرما قورباني اولاراق تقدئم اتسئن.
يدّي گونون گوناه قورباني اولاراق، هر گون بئر اِرکَک کِچي حاضيرلا. قوصورسوز جاوان بئر گاميشينان سورودن بئر قوچ دا حاضيرلانسين.
قوي يدّي گون قوربانگاه اوچون کفّاره اتسئنلر، اونو تمئز ادئب تقدئس اتسئنلر.
يدّي گون تاماملانان سونرا، کاهئنلر سکّئزئنجي گون و اوندان سونرا يانديرما و باريش قوربانلاريزي قوربانگاهين اوستونده تقدئم اتسئنلر. او زامان سئزدن راضي اولاجاغام." پروردئگار رب بويورور.»
او آدام منی موقدّس مکانين شرقه باخان بايير دروازاسي يولوندان گری قايتاردي. دروازا باغلي ائدي.
رب منه ددي: "بو دروازا باغلي قالاجاق، آچيلماياجاق، هچ کس اورادان ائچه‌ري گئرميهجک، چونکي ائسرايئلئن تاريسي رب اورادان ائچه‌ري گئرئب، بونا گؤره ده باغلي قالاجاق.
فقط رهبر، رهبرلئيئنه گؤره، ربّئن حوضوروندا چؤرک يمک اوچون اورادا اوتوراجاق. دروازا ايواني يولوندان گئرئب، او يولدان دا چيخاجاقدير."
او آدام منی شئمال دروازاسي يولوندان معبدئن قاباغينا گتئردي. من باخيب گؤردوم کي، ربّئن عئزّتي اؤز معبدئني دولدوروب. بو زامان اوزو اوسته دوشدوم.
رب منه ددي: "ای بشر اوغلو، ربّئن معبدئنئن بوتون قايدا-قانونلاري بارهده دئيه‌جيئم سؤزلره ياخشي-ياخشي قولاق آس، گؤزلرئنله گؤر، اونلارا قولاق آس، هر شيه دئقّتله باخ. معبدئن گئرئشئنه و موقدّس مکانين بوتون چيخيشلارينا دئقّت ات.
عاصي اولان ائسرايئل نسلئنه دِه کي، پروردئگار رب بله ديئر: «ای ائسرايئل نسلي، آرتيق بَسدئر! اتدئيئنئز ائيرنج ائشلره داها آخير قويون.
اوره‌يي و بدني ختنه ادئلمهمئش ياد اِلّي‌لري موقدّس مکانيما گتئردئنئز، منه يمک اولماق اوچون پئي و قان تقدئم اتمکله معبدئمي نجئسله‌دئنئز. بلجه ائيرنج ائشلرئنئزله عهدئمي پوزدونوز.
موقدّس شيلرئم حاقّيندا اولان وظئفهني يرئنه يتئرمه‌دئنئز. موقدّس مکانيمدا بو شيلره نظارت اتمه‌يي آيريلارينا تاپشيردينيز.»
پروردئگار رب بله ديئر: «ائسرايئل خالقي آراسيندا ياشايان اوره‌يي و بدني ختنه ادئلمهمئش هچ بئر ياد-اِللي موقدّس مکانيما گئرمه‌سئن.
او لاوئلي‌لر کی، ائسرايئل يولدان آزديغي زامان مندن اوزاقلاشديلار و يولدان آزيب بوتلري دالينجا گِتدئلر، اؤز گوناهلارينين جزاسيني چکهجکلر،
لاکئن موقدّس مکانيمدا بو ائشلري گؤرهجکلر: معبدئن دروازالارينا نظارت ادهجکلر، معبدئن خئدمت ائشلرئني گؤرهجکلر، خالق اوچون يانديرما قوربانلاري و باشقا قوربانليق حيوانلاري کَسه‌جکلر، خالقين قاباغيندا دوروب اونلارا خئدمت ادهجکلر.
ائندي کي اونلار بوتلرئنئن قاباغيندا ائسرايئل نسلئنه خئدمت اده‌رَک خالقي گوناها باتيرديلار، من رب ده آند ائچمئشم کي، اونلاري گوناهلارينا گؤره جزالانديريم.» پروردئگار رب بويورور.
«اونلار کاهئن آديندا خئدمت اتمک اوچون منه ياخينلاشماياجاقلار، بوتون موقدّس شيلرئمه، لاپ موقدّس قوربانلاريما توخونماياجاقلار. اتدئکلري ائيرنج عمللرئنئن روسوايچيليغيني چکهجکلر.
آمّا حله ده معبدئن خئدمت وظئفهسئني و اورادا گؤرولَن بوتون ائشلري اونلارا تاپشيراجاغام.
آنجاق ائسرايئل اؤولادلاري منی قويوب يولدان آزديغي زامان، موقدّس مکانيمين خئدمت وظئفهسئني يرئنه يتئردئيي صادوق نسلئندن لاوئلي کاهئنلر حوضورومدا خئدمت اتمک اوچون منه ياخينلاشاجاق. اونلار پئي و قان تقدئم اتمک اوچون حوضوروما چيخاجاقلار.» پروردئگار رب بويورور.
« اونلار موقدّس مکانيما گئرهجکلر، حوضورومدا خئدمت اتمک اوچون سوفره‌مه ياخينلاشيب امرئمي يرئنه يتئرهجکلر.
کاهئنلر، ائچه‌ري حيطئن دروازالاريندان گئره‌جکلري زامان، گرک کتان گِيئم اَيئنلرئنده اولسون، ائچه‌ري حيطئن دروازالاريندا و يا معبدده خئدمت اِدَرکَن يون پالتار گِيمه‌سئنلر.
باشلارينا کتان عمّامه ساريسينلار، بِللرئنه کتان آلت پالتاري گِيسئنلر. بدنلرئني تَرله‌دن بئر شي گِيئنمه‌سئنلر.
بايير حيطده، بايير حيطده اولان خالقين يانينا چيخمادان قاباق، او گِيئملری کی، خئدمت اِدَرکَن اَيئنلرئنده وار ائدی، چيخارديب موقدّس اوتاقلارا قويسونلار و باشقا پالتارلار گِيسئنلر کي، گِيئملري ائله خالقي تقدئس اتمه‌سئنلر.
کاهئنلر باشلاريني قيرخماسينلار، ساچلاريني اوزاتماسينلار، فقط ساچلاريني کَسئب دوزه‌لتسئن.
هچ بئر کاهئن، ائچه‌ري حيطه گئره‌جيي واخت، شراب ائچمه‌سئن.
کاهئنلر دول و يا بوشانميش آرواد آلماسينلار، آمّا ائسرايئل نسلئندن اولان بئر باکئره قيز و يا دا باشقا کاهئندن دول قالميش آروادي آلا بئلرلر.
اونلار منئم خالقيما موقدّس اولان شيي عادي شيدن، نجئس شيي تمئز شيدن آييرماغي اؤيرَده‌جکلر.
موباحئثه‌لي ائشلرده اونلار داور اولاجاقلار؛ حؤکملرئمه گؤره قرار ورمه‌لي‌دئرلر. بايراملاريملا باغلي، قايدا-قانونلاريما عمل اتمه‌لي، سَبّت گونلرئمي موقدّس سايمالي‌ديرلار.
کاهئن بئر اؤلويه ياخينلاشيب اؤزونو نجئسلَمه‌سئن، آمّا اگر اؤلو آناسي، آتاسي، اوغلو، قيزي، قارداشي و يا باکئره سوباي باجيسي اولسا، اؤزونو نجئسلَيه بئلر.
پاک اولدوقدان سونرا حله يدّي گون گؤزله‌سئن.
معبدده خئدمت اتمک اوچون ائچه‌ري حيطه گئره‌جيي گون، اؤزو اوچون بئر گوناه قورباني تقدئم اتسئن.» پروردئگار رب بله بويورور.
"کاهئنلرئن ائرثي وار: اونلارين ائرثي منم. ائسرايئلده اونلارا مولک ورمهيئن. اونلارين مولکو منم.
کاهئنلر تاخيل تقدئملرئني، گوناه و تقصئر قوربانلاريني يِسئنلر. ائسرايئلده ربّه وقف اولونان هر شي اونلارينکي اولسون.
بوتون نوبارلارين لاپ ياخشيسي و بوتون خوصوصي هدئيّه‌لرئنئز کاهئنلرئنکي اولسون. تاخيلينيزين ائلکئني اونلارا ورئن کي، اِوئنئزه برکت ياغسين.
کاهئنلر اؤلو حالدا تاپيلميش و يا وحشي حيوانلار طرفئندن پارچالانميش هچ بئر قوش و حيوان يِمه‌سئنلر.
اؤلکهني ائرث اولاراق پايلاياجاغينيز زامان رب اوچون تورپاقدان پاي اولاراق ائيئرمي بش مئن قولآچ اوزونلوغوندا، ائيئرمي مئن قولآچ اِنئنده موقدّس بئر بؤلگه آييرين. بوتون بو بؤلگه موقدّس اولاجاق.
بو بؤلگه‌دن دؤردبوجاقلي شکلئنده اوزونلوغو و اِني بش يوز قول‌آجليق بئر حئصّه موقدّس مسکن اوچون، اَلّي قول‌آجليق بئر يِر ده اطرافينداکي آچيق ساحه اوچون آيريلسين.
بو ساحه‌دن بئر حئصّه اؤلچ: اوزونلوغو ائيئرمي بش مئن قولآچ و اِني اون مئن قولآچ اولسون. موقدّس مکان–لاپ موقدّس يِر اورادا اولاجاق.
بو، اؤلکهنئن موقدّس پايي اولاجاق. بو يِر او کاهئنلره آيريلاجاق کي، معبدده خئدمت اتمک اوچون ربّه ياخينلاشيرلار. بورادا کاهئنلرئن اِولري، موقدّس مکان اوچون موقدّس بؤلگه اولاجاق.
معبدده خئدمت ادن لاوئلی‌لره مولک اولاراق ائيئرمي بش مئن قولآچ اوزونلوغوندا، اون مئن قولآچ اِنئنده بئر بؤلگه ورئلسئن. اورادا ياشامالاري اوچون اونلارا مخصوص شهرلر اولاجاق.
موقدّس بؤلگه‌يه دوشَن حئصّه ائله بئرلئکده شهر اوچون اِني بش مئن، اوزونلوغو ائيئرمي بش مئن قولآچ اولان بئر حئصّه آييرين. بو بوتون ائسرايئل خالقي اوچوندور.
موقدّس بؤلگه‌يه دوشَن حئصّه ائله شهره دوشَن حئصّهنئن هر ائکي طرفئندهکي تورپاقلار رهبره ورئلهجک. بو تورپاقلار قربدن-قربه، شرقدن-شرقه طرف اوزاناجاق و قرب سرحدئندن شرق سرحدئنه قدر اوزونلوغو بئر حئصّه قدردئر.
بو تورپاق ائسرايئل رهبرئنئن پايي اولاجاق. بوندان سونرا رهبرلرئم خالقيما بئر داها ظولم اتميه‌جکلر، آمّا اؤلکهني قبئله‌لرئنه گؤره ائسرايئل نسلئنه ورهجکلر.»
پروردئگار رب بله ديئر: «ای ائسرايئل رهبرلري، آرتيق بَسدئر! قدّارليق و ظولمدن اَل چکئن، عدالتلي و صالح عمللر ادئن. خالقيمي اؤز تورپاقلاريندان قوومايين.» پروردئگار رب بويورور.
«دوزگون تَره‌زي ائله چکئن. چکدئيئنئز اِفا دا، بَت ده دوزگون اولسون.
اِفا ائله بَت هَمن چکئده اولسون. بَت خومِرئن اوندا بئرئنه، اِفا دا خومِرئن اوندا بئرئنه برابر اولماليدير. ائکئسئنئن چکئسي ده خومِره گؤره اولسون.
بئر شِکِل ائيئرمي گِرايا برابر اولماليدير. ائيئرمي، ائيئرمي بِش، اون بش شِکِل بئرلئکده، بئر مئنايا برابر اولماليدير.
گتئره‌جيئنئز تقدئملر بونلاردير: هر خومِر بوغدادان اِفانين آلتيدا بئري قدر بوغدا، هر خومِر آرپادان اِفانين آلتيدا بئري قدر آرپا ورئن.
لاکئن زيتون ياغيني بَت چکئسئنه گؤره اؤلچون و هر کور زيتون ياغيندان بَتئن اوندا بئري قدر تقدئم ادئن. بئر کور اون بَت و يا بئر خومِره برابردئر. چونکي اون بَت بئر خومِره برابردئر.
ائسرايئلئن سولو اوتلاقلارينداکي سورودن ائکي يوز قويوندان بئر قويون گؤتورولسون. بو قويونلاردان تاخيل تقدئمي، يانديرما و باريش قورباني اوچون ائستئفاده ادئلسئن کي، خالق کفّاره اولونسون.» پروردئگار رب بله بويورور.
«بوتون اؤلکه خالقي بو تقدئمي ائسرايئل رهبرئنه ورهجک.
ائسرايئل نسلئنئن بوتون بايراملاريندا-شَنلئکلرئنده، تزه آي مراسئملرئنده و سَبّت گونلرئنده يانديرما قوربانلاري، تاخيل و ائچمه تقدئملرئني تامئن اتمک رهبرئن ائشي اولاجاق. گوناه قوربانيني، تاخيل تقدئمئني، يانديرما و باريش قوربانيني رهبر تامئن ادهجک کي، ائسرايئل نسلی اوچون کفّاره ورسئن.
پروردئگار رب بله ديئر: «بئرئنجي آيين بئرئنجي گونو قوصورسوز بئر گاميش گؤتوروب موقدّس مکاني تمئز ات.
کاهئن گوناه قوربانينين قانيندان بئر آزيني گؤتوروب معبدئن دروازاسينين يان تاختالارينا، قوربانگاهين اوست چيخينتيسينين دؤرد کونجونه، ائچه‌ري حيطئن دروازاسينين يان تاختالارينا سورتسون.
سَهوَن و يا بئلمه‌دن گوناه اتمئش آدام اوچون ده همئن آيين يدّئنجی گونو هَمن شيي ات. بلجه معبد اوچون کفّاره وره‌جکسن.
بئرئنجي آيين اون دؤردونجو گونو پاسخا بايراميني يدّي گون کچئردئن و ماياسيز چؤرک يِيئله‌جک.
او گون رهبر اؤزو و بوتون اؤلکه خالقي اوچون گوناه قورباني اولاراق بئر گاميش حاضيرلاسين.
يدّي گون بايرام عرضئنده هر گون ربّه يانديرما قورباني اولاراق قوصورسوز يدّي گاميشلا يدّي قوچ، گوناه قورباني اولاراق بئر اِرکَک کِچي تأمئن اتسئن.
تاخيل تقدئمي اولاراق هر گاميش و قوچ اوچون بئر اِفا تاخيل، هر اِفا اوچون بئر هئن زيتون ياغي تأمئن اتسئن.
يدّئنجی آيين اون بِشئنجي گونو باشلايان و يدّي گون داوام ادن بايرامدا رهبر گوناه قوربانيني، يانديرما قوربانلاريني، تاخيل تقدئمئني و زيتون ياغيني هر گون هَمن مئقداردا تأمئن اتسئن.»
پروردئگار رب بله ديئر: «ائچه‌ري حيطئن شرقه باخان دروازاسي آلتي ائش گونو باغلي قالماليدير، لاکئن سَبّت گونو و تزه آي مراسئمي گونلري آچيق اولماليدير.
رهبر باييردان، دروازا اِيواني يولوندان ائچه‌ري گئرئب دروازانين يان تاختاسينين يانيندا دورسون. کاهئنلر اونون يانديرما قوربانيني و باريش قوربانلاريني تقدئم اتسئنلر. رهبر دروازا آستاناسيندا عئبادت اتسئن، سونرا باييرا چيخسين، آمّا دروازا آخشاما قدر آچيق قالسين.
سَبّت گونلري و تزه آي مراسئمي گونلري اؤلکه خالقي بو دروازانين گئرئشئنده ربّئن قاباغيندا عئبادت اتسئن.
رهبرئن سَبّت گونو ربّه يانديرما قورباني اولاراق تقدئم اده‌جيي گرک آلتي قوصورسوز قوزو و بئر قوچ اولسون.
قوچ اوچون ورئلهجک تاخيل تقدئمي بئر اِفا اولسون، لاکئن قوزولار اوچون ائسته‌دئيي قدر تاخيل تقدئمي وره بئلر. هر اِفا تاخيل اوچون بئر هئن زيتون ياغي ورسئن.
تزه آي مراسئمي گونو قوصورسوز بئر گاميش، آلتي قوزو و بئر قوچ قوربان گتئرسئن.
گاميش و قوچ اوچون تاخيل تقدئمي اولاراق هَره‌سئنه بئر اِفا تاخيل تأمئن اتسئن. قوزولار اوچون ائسته‌دئيي قدر تاخيل تأمئن اده بئلر. هر اِفا تاخيل اوچون بئر هئن زيتون ياغي تأمئن اتسئن.
رهبر ائچه‌ري گئره‌جيي زامان دروازا ايوانيندان گئرسئن، همئن يوللا دا باييرا چيخسين.
اؤلکه خالقي بايراملاردا، ربّئن حوضورونا گلدئيي زامان، شئمال دروازاسيندان عئبادت اوچون گئرن آدام، گرک جنوب دروازاسيندان چيخسين، جنوب دروازاسيندان گئرن آدام دا گرک شئمال دروازاسيندان چيخسين. هچ کس گئردئيي دروازادان چيخماسين، هر کس گئردئيي دروازانين موقابئلئندهکي دروازادان چيخسين.
رهبر خالقين آراسيندا اولسون، خالقلا بئرلئکده گئرسئن، خالقلا بئرلئکده چيخسين.
بايراملاردا و موقدّس گونلرده گاميش و قوچ اوچون تاخيل تقدئمي اولاراق هَره‌سئنه بئر اِفا تاخيل ورسئن. لاکئن قوزولار اوچون ائسته‌دئيي قدر تاخيل تأمئن اده بئلر. هر اِفا تاخيل اوچون بئر هئن زيتون ياغي ورسئن.
رهبر ربّه اؤز گؤيلو ائله اولاراق وردئيي يانديرما قورباني و يا باريش قوربانلاري تقدئم اده‌جيي زامان، شرقه باخان دروازا اونون اوزونه آچيلسين. يانديرما قورباني و يا باريش قوربانلاريني سَبّت گونو قوربان گتئردئيي کئمي تأمئن اتسئن، سونرا باييرا چيخسين. او چيخديقدان سونرا دروازا باغلانسين.
هر گون سحرلر يانديرما قورباني اولاراق ربّه بئر ياشيندا قوصورسوز بئر قوزو تأمئن ات.
بونونلا ياناشي، هر سحر تاخيل تقدئمي اولاراق اِفانين آلتيدا بئري قدر تاخيل و نارين اونو ائسلاتماق اوچون بئر هئنئن اوچده بئرئ قدر زيتون ياغي تأمئن ات. بو تاخيل تقدئمئنئن ربّه ورئلمه‌سي دائمي بئر قايدا اولسون.
بلجه هر سحر دائمي يانديرما قورباني اولاراق قوزو، تاخيل تقدئمي و زيتون ياغي تأمئن اتسئنلر.»
پروردئگار رب بله ديئر: «اگر رهبر اوغوللاريندان بئرئنه اؤز مولکوندن پاي ورسه، اؤز ائرثي کئمي نسلئنه ده کچسئن، ائرث اولاراق بو پاي اونلارين مولکو اولسون.
لاکئن اگر رهبر اؤز مولکوندن قوللوقچولاريندان بئرئنه پاي ورسه، بو پاي آزادليق ائلئنه قدر قوللوقچونونکو اولسون، آمّا سونرا رهبره قايتاريلسين. لاکئن رهبرئن ائرثي اوغوللارينا کِچه بئلر و اونلارين اولاجاق.
رهبر خالقي مولکوندن قوواراق ائرثئندن محروم اتمه‌مه‌لي‌دئر. او، اوغوللارينا فقط اؤز مولکوندن ائرث وره بئلر، اونا گؤره کي، خالقيمدان اولان هچ کس مولکونو ترک ادئب کنارا گتمه‌سئن.»"
سونرا او آدام منی دروازانين يانينداکي گئرئشدن شئمالا باخان، کاهئنلره مخصوص موقدّس اوتاقلارا گتئردي و منه قرب طرفئن لاپ داليندا اولان بئر يِر گؤرستدي.
او منه ددي: "بورا او يِردئر کي، کاهئنلر تقصئر قورباني ائله گوناه قوربانينين اَتئني اورادا قايناداجاقلار و تاخيل تقدئمئني پئشئره‌جکلر. اونا گؤره کي بونلاري بايير حيطه چيخارديب موقدّسلئکلرئني خالقا کچئرتمه‌سئنلر."
سونرا او آدام منی بايير حيطه چيخارديب حيطئن دؤرد کونجوندن کچئرتدي. گؤردوم کي، حيطئن هر کونجونده کئچئک بئر حيط وار.
حيطئن دؤرد کونجونده اولان بو باغلي حيطلرئن هر بئرئنئن اوزونلوغو قيرخ، اِني ده اوتوز قولآچ ائدي. کونجلرده‌کي حيطلر هَمن بويدا ائدي.
دؤرد حيطئن هر بئرئنئن اطرافيندا داش دووار وار ائدي. دووارين دئبئنده يمک پئشئرمک اوچون يِرلر دوزه‌لدئلمئشدي.
او آدام منه ددي: "بونلار مطبخدئر. معبد خئدمتچئلري خالقين قوربانليق اَتلرئني بورادا قايناداجاقلار."
او آدام گئنه منی معبدئن گئرئشئنه گتئردي. معبدئن آستاناسينين آلتيندان شرقه طرف سولارين آخديغيني گؤردوم. چونکي معبد شرقه باخيردي. گؤردوم کي، سولار معبدئن جنوب طرفئنئن آلتيندان، قوربانگاهين جنوبوندان آشاغييا آخيردي.
او منی اورادان-شئمال دروازاسيندان چيخارديب بايير يولدان شرقه باخان بايير دروازاسينا آپاردي. سولار جنوب طرفدن آخيردي.
او آدام اَلئنده بئر ائپله شرقه طرف گتدي. او، مئن قولآچ اؤلچدو و منی توپوغا قدر چيخان سولارين ائچئنه گتئردي.
داها مئن قولآچ اؤلچدو و منی دئزه قدر چيخان سولارين ائچئنه گتئردي. گئنه مئن قولآچ اؤلچدو و منی بله قدر چيخان سولارين ائچئنه گتئردي.
داها مئن قولآچ اؤلچدو و سولار کِچه بئلمه‌دئيئم بئر چايا دؤندو. سولار آرتميشدي، ائچئندن پئيادا کِچمک مومکون ديئلدي، آدام اوزَن قدر درئن بئر چايا چِورئلمئشدي.
او آدام منه ددي: "ای بشر اوغلو، آيا بونو گؤرورسن؟" سونرا منی گئنه چايين قيراغينا گتئردي.
اورايا چاتاندا چايين هر ائکي قيراغيندا چوخلو آغاج گؤردوم.
او آدام منه ددي: "بو سولار شرق بؤلگهسئنه طرف آخير، اورادان عَرَبا دره‌سئنه، سونرا دا دهنزه تؤکولور. دهنزه تؤکولَن کئمي اوراداکي سو، شئرئن سويا چِورئله‌جک.
او زامان چايين آخديغي هر يرده هر جور قايناشان جانلي مخلوق ياشاياجاق، چوخلو باليق اولاجاق، چونکي بو سولار اورايا آخير، اوراداکي دوزلو سويو شئرئن سويا چِوئرئر. چاي آخديغي هر يِره حيات گتئرهجک.
چايين قيراغيندا باليقچيلار داياناجاقلار. عِين‌گِدئدن عِين‌عِگله‌يئمه قدر تور سَرئلَن يِرلر اولاجاق. اورادا دا بؤيوک دهنزده‌کي کئمي چوخلو باليق نؤوعلري اولاجاقدير.
آنجاق دهنزئنئن پالچيقلي و باتاقليق يِرلري شئرئن سويا چِورئلميه‌جک، شورانليق اولاراق قالاجاق.
چايين هر ائکي قيراغيندا هر جور ميوه آغاجي يِتئشه‌جک. اونلارين يارپاقلاري سولماياجاق، ميوه‌لري توکَنميه‌جک. هر آي ميوه ورهجکلر، چونکي موقدّس مکاندان چيخان سولار اورايا آخير. ميوهلرئندن يمک اوچون، يارپاقلاريندان دا شفا اوچون ائستئفاده اولوناجاق."
پروردئگار رب بله ديئر: «اؤلکهني ائرث اولاراق ائسرايئلئن اون ائکي قبئله‌سي آراسيندا بو سرحدلرله بؤلون: يوسئفه ائکي پاي دوشسون.
اؤلکهني هر قبئلهيه برابر اولاراق پايلايين. من اؤلکهني سئزئن آتالارينيزا وره‌جيئمه آند ائچدئم. بو اؤلکه سئزه ائرث اولاراق ورئلهجک.
اؤلکهنئن سرحدي بله اولاجاق: شئمالدا بؤيوک دهنزدن خِتلون يولو ائله خَمات کِچئدئنه، صِدادا،
بِروتا و دَمَشقله خَماتين تورپاقلاري آراسيندا يِرلَشَن سئبره‌يئمه، حَوران سرحدئنده اولان خاصِر-حَتّئکونا قدر اوزاناجاق.
سرحد دهنزدن خَصَر-عِينانا، دَمَشقئن شئمال سرحدي بويونجا اوزاناجاق، خَمات سرحدي شئمالدا اولاجاق. شئمال سرحدي بلهدئر.
شرقده سرحدي خَورانلا دَمَشق آراسيندان باشلاييب گئلعادي ائسرايئلدن آييران اوردون چايي بويونجا شرق دهنزئنه قدر اؤلچون. شرق سرحدي بلهدئر.
جنوبدا سرحد تاماردان مِرئبا-قِدِش سولارينا، مئصئر وادئسي بويونجا بؤيوک دهنزه قدر اوزاناجاق. جنوب سرحدي بلهدئر.
قربده خَمات کِچئدئنئن موقابئلئندهکي يِره قدر بؤيوک دهنز سرحد اولاجاق. قرب سرحدي بلهدئر.
بلجه بو اؤلکهني ائسرايئل قبئله‌لرئنه گؤره اؤز آرانيزدا بؤلوشدورون.
اؤلکهني اؤز آرانيزدا و آرانيزدا ياشايارکَن اؤولادلاري دوغولان ياد-اِللي‌لرله ائرث اولاراق بؤلوشدوره‌جکسئنئز. اونلاري دا ائسرايئل اؤولادلاري آراسيندا يِرلی‌لر کئمي حساب ادئن. اونلارين دا ائسرايئل قبئلهلري آراسيندا سئزئن کئمي ائرثلري اولاجاق.
ياد-اِللي هانسي قبئله‌ده ياشايير، اورادا اونا دوشَن پايي ائرث اولاراق ورئن.» پروردئگار رب بله بويورور.
«قبئله‌لرئن آدلاري بلهدئر: شئمال سرحدئنده اولان دانا بئر پاي ورئلهجک. دانين سرحدي خِتلون يولوندان خَمات کِچئدئنه قدر اوزاناجاق. خَصَر-عِينان و خَماتا ياخين دَمَشقئن شئمال سرحدي شرقدن قربه قدر اوزانان سرحدئن بئر حئصّهسئني توتاجاق.
آشِره بئر پاي ورئلهجک. سرحدي دانين شرقدن قربه قدر اوزانان سرحدئنه بئتئشئک اولاجاق.
نَفتالئيه بئر پاي ورئلهجک. سرحدي آشِرئن شرقدن قربه قدر اوزانان سرحدئنه بئتئشئک اولاجاق.
مِنَسّه‌يه بئر پاي ورئلهجک. سرحدي نَفتالئنئن شرقدن قربه قدر اوزانان سرحدئنه بئتئشئک اولاجاق.
اِفرايئمه بئر پاي ورئلهجک. سرحدي مِنَسّهنئن شرقدن قربه قدر اوزانان سرحدئنه بئتئشئک اولاجاق.
رِعوبئنه بئر پاي ورئلهجک. سرحدي اِفرايئمئن شرقدن قربه قدر اوزانان سرحدئنه بئتئشئک اولاجاق.
يهودايا بئر پاي ورئلهجک. سرحدي رِعوبئنئن شرقدن قربه قدر اوزانان سرحدئنه بئتئشئک اولاجاق.
يهودانين شرقدن قربه قدر اوزانان سرحدئنه بئتئشئک تورپاقلار آييراجاغينيز خوصوصي پاي اولاجاق. اِني ائيئرمي بش مئن قولآچ، شرقدن قربه اوزونلوغو دا بئر قبئلهيه دوشَن پاي قدر اولاجاق. موقدّس مکان اورانين اورتاسيندا اولاجاق.
ربّه مخصوص اولان وره‌جيئن پايين اوزونلوغو ائيئرمي بش مئن قولآچ، اِني اون مئن قولآچ اولاجاق.
بو موقدّس پاي کاهئنلر اوچون اولاجاق. شئمالدا اوزونلوغو ائيئرمي بش مئن قولآچ، قربده اِني اون مئن قولآچ، شرقده اِني اون مئن قولآچ، جنوبدا اوزونلوغو ائيئرمي بش مئن قولآچ اولاجاق. ربّئن موقدّس مکاني اورانين اورتاسيندا اولاجاقدير.
بو بؤلگه صادوق نسلئندن تقدئس اولونموش کاهئنلر اوچون اولاجاق. اونلار امرئمي يرئنه يتئردئلر، ائسرايئل اؤولادلاري يولدان آزان زامان، لاوئلی‌لر ده يولدان آزديلار، آمّا اونلار يولدان آزماديلار.
او يِر اؤلکهنئن موقدّس پاييندان مخصوص بئر پاي اولاراق اونلارا ورئلهجک. اورا لاوئلی‌لرئن تورپاقلارينا بئتئشئک چوخ موقدّس بئر بؤلگه اولاجاقدير.
کاهئنلرئن سرحدي ياخينليغيندا لاوئلی‌لرئن ائيئرمي بش مئن قولآچ اوزونلوغوندا، اون مئن قولآچ اِنئنده بئر پايلاري اولاجاق. بو بؤلگه‌نئن اوزونلوغو ائيئرمي بش مئن قولآچ، اِني اون مئن قولآچ اولاجاقدير.
لاوئلی‌لر اوراني ساتماسينلار و باشقا يِرله دَيئشمه‌سئنلر. بو، اؤلکهنئن لاپ ياخشي حئصّه‌سي‌دئر و باشقا آدامين اَلئنه کِچمه‌مه‌لي‌دئر، چونکي اورا ربّه وقف ادئلمئشدئر.
بو مخصوص پايين قالان ائيئرمي بش مئن قولآچ اوزونلوقدا و بش مئن قولآچ اِنئنده‌کي حئصّهسي موقدّس ديئل و شهر اوچوندور. بو يِر اِولره، اوتلاقلارا آيريلاجاق. شهر اونون اورتاسيندا اولاجاق.
شهرئن اؤلچولري بله اولاجاق: شئمال طرفي دؤرد مئن بش يوز قولآچ، جنوب طرفي دؤرد مئن بش يوز قولآچ، شرق طرفي دؤرد مئن بش يوز قولآچ، قرب طرفي دؤرد مئن بش يوز قولآچ.
شهر اوچون آيريلان اوتلاغين اؤلچولري بله اولاجاق: شئمالدا ائکي يوز اَلّي قولآچ، جنوبدا ائکي يوز اَلّي قولآچ، شرقده ائکي يوز اَلّي قولآچ، قربده ائکي يوز اَلّي قولآچ.
موقدّس بؤلگه‌نئن سرحدئنده قالان يِرئن هم شرق طرفي، هم ده قرب طرفي اون مئن قولآچ اولاجاق. موقدّس بؤلگه‌يه بئتئشئک تورپاقلاردا يِتئشَن محصول شهرده ائشله‌يَنلره مخصوص اولاجاق.
ائسرايئلئن هر قبئلهسئندن شهرده ائشله‌يَنلر تورپاغي شوخوملاياجاقلار.
بو بؤلگه‌نئن اَراضئسي دؤردبوجاقلي شکلئندهدئر، هر ياني ائيئرمي بش مئن قول‌آچ‌دير. سئز موقدّس بئر پاي اولاراق دؤرد بوجاقلي شکلئنده، شهرئن مولکو ائله بئرلئکده آييرين.
موقدّس بؤلگه‌يه عاييد اولان حئصّه ائله شهره عاييد اولان حئصّه‌دن باشقا، آييرديغينيز مخصوص پايدان هر ائکي طرفده قالان تورپاقلار رهبره ورئلهجک. بو تورپاقلار موقدّس بؤلگه‌يه عاييد اولان ائيئرمي بش مئن قولاجليق حئصّهنئن شرقئندن و قربئندن اؤلکهنئن شرق و قرب سرحدلرئنه قدر اوزاناجاق. قبئلهلره دوشَن پايلار بويونجا اوزانان بو ائکي بؤلگه، رهبره مخصوص اولاجاق. موقدّس بؤلگه‌يه عاييد اولان حئصّه ائله معبدئن موقدّس مکاني اورانين اورتاسيندا اولاجاقدير.
بلجه لاوئلی‌لره دوشَن مولکله شهره عاييد اولان مولک رهبره ورئلَن تورپاقلارين آراسيندا قالاجاق. رهبره ورئلهجک تورپاقلار يهودا ائله بِنيامئنئن سرحدي آراسيندا اولاجاق.
قالان قبئلهلره دوشَن پاي بلهدئر: بِنيامئنه بئر پاي ورئلهجک. سرحدي شرقدن قربه قدر اوزاناجاق.
شَمعونا بئر پاي ورئلهجک. سرحدي بِنيامئنئن شرقدن قربه قدر اوزانان سرحدئنه بئتئشئک اولاجاق.
يئسّاکارا بئر پاي ورئلهجک. سرحدي شَمعونون شرقدن قربه قدر اوزانان سرحدئنه بئتئشئک اولاجاق.
زِبولونا بئر پاي ورئلهجک. سرحدي يئسّاکارين شرقدن قربه قدر اوزانان سرحدئنه بئتئشئک اولاجاق.
جادا بئر پاي ورئلهجک. سرحدي زِبولونون شرقدن قربه قدر اوزانان سرحدئنه بئتئشئک اولاجاق.
جاد سرحدي اؤلکهنئن جنوب سرحدي اولوب، تاماردان مِرئبا-قادِش سولارينا، اورادان دا مئصئر وادئسي بويونجا بؤيوک دهنزه قدر اوزاناجاق.
ائرث اولاراق ائسرايئل قبئلهلري آراسيندا بؤلوشدوره‌جيئنئز تورپاق بودور. اونلارا دوشهجک پايلار بونلاردير.» پروردئگار رب بله بويورور.
«شهرئن چيخيش يِرلري بونلاردير: دؤرد مئن بش يوز قولآچ اوزونلوغوندا اولان شئمال طرفده دروازالار اولاجاق.
شهرئن دروازالارينا ائسرايئل قبئله‌لرئنئن آدلاري ورئلهجک. شئمال طرفده اوچ دروازا اولاجاق: بئری رِعوبئن دروازاسي، بئری يهودا دروازاسي، بئری لاوي دروازاسي.
دؤرد مئن بش يوز قولآچ اوزونلوغوندا اولان شرق طرفده اوچ دروازا اولاجاق: بئری يوسئف دروازاسي، بئری بِنيامئن دروازاسي، بئری دان دروازاسي.
دؤرد مئن بش يوز قولآچ اوزونلوغوندا اولان جنوب طرفده اوچ دروازا اولاجاق: بئری شَمعون دروازاسي، بئری يئسّاکار دروازاسي، بئری زِبولون دروازاسي.
دؤرد مئن بش يوز قولآچ اوزونلوغوندا اولان قرب طرفده اوچ دروازا اولاجاق: بئری جاد دروازاسي، بئری آشِر دروازاسي، بئری نَفتالي دروازاسي.
شهرئن دائره‌سي اون سکّئز مئن قولآچ اولاجاق و او گوندن سونرا شهرئن آدي يَهوِه-شِمّا اولاجاق.»
يهودا پادشاهي يِهوياقئمئن پادشاهليغينين اوچونجو ائلئنده بابئل پادشاهي نِبوکَدنِصّر اورشَلئمه هوجوم ادئب اوراني موحاصئرهيه آلدي.
پروردئگار يهودا پادشاهي يِهوياقئمي و تاري معبدئنئن اشيالاريندان بئر حئصّهسئني اونا تسلئم اتدي. نِبوکَدنِصّر اونلاري شئنعار تورپاغينا، اؤز آللاهينين معبدئنه آپاردي و اشيالاري اؤز آللاهينين خزئنهسئنه قويدو.
پادشاه حرم-آغالار ريئسي اَشپِنَزه امر اتدي کي، پادشاه و اصئلزاده‌لر نسلئندن اولان ائسرايئللیلرئن آراسيندان
بدنلرئنده قوصور اولمايان، ياراشيقلي، هر حئکمتده باجاريقلي، بئلئکلي، درّاکهلي، سارايدا پادشاها خئدمت اتمه‌يه باشاريلي اولان جاوانلار سِچئب اونلارا کَلدانئلرئن دئلئني و ادبئيّاتيني اؤيرَتسئن.
پادشاه اونلارا اؤزونون يِدئيي يمکلردن و ائچدئيي شرابدان گوندهلئک يمک پايي تعيئن اتدي. اونلار گرک اوچ ائل اونلاردا تربئيه آليب و سونرا دا پادشاهين خئدمتئنه گئرهجک ائدئلر.
اونلارين آراسيندا يهودا نسلئندن اولان دانيال، خَنَنيا، مئشااِل و عَزَريا وار ائدي.
حرم-آغالار ريئسي اونلارا تزه آد قويدو: دانيالي بِلطِشَصّر، خَنَنياني شَدرَک، مئشااِلي مِشَک و عَزَرياني عَبِدنِگو آدلانديردي.
دانيال قرارا آلدي کي، پادشاهين يِدئيي يمکلرله و ائچدئيي شرابلا اؤزونو نجئس اتمه‌سئن. بونا گؤره ده حرم-آغالار ريئسئندن ائسته‌دي کي، اونا اؤزونو نجئس اتمه‌مه‌سئنه ائجازه ورسئن.
تاري حرم-آغالار ريئسئنئن گؤزونده دانيالا لوطف و شَفقَت قازانديردي.
حرم-آغالار ريئسي دانيالا ددي: "سئزئن يِيئب- ائچدئيئنئزي تعيئن ادن آغام پادشاهدان قورخورام. نه اوچون او سئزئن اوزونوزو، هَم‌ياشيدينيز اولان جاوانلارين اوزوندن سولغون گؤرسون؟ سئز بونونلا پادشاهين يانيندا منئم باشيمي بلايا سالارسينيز."
دانيال حرم-آغالار ريئسئنئن اؤزو، خَنَنيا، مئشااِل و عَزَريانين اوستونه قويدوغو مأمورا ددی:
"گل، قوللاريني اون گون عرضئنده ائمتاحان ات. قوي بئزه يمک اوچون گؤيَرتي، ائچمک اوچون سو ورسئنلر.
سونرا دا سنئن حوضوروندا هم بئزئم اوزوموزه، هم ده پادشاه يمکلرئندن يئيَن جاوانلارين اوزونه باخسينلار. بونو گؤرَندن سونرا قوللارينلا گؤردويونوزه موطابئق عمل ادئن."
مأمور بو مطلبده جاوانلارين سؤزونه قولاق آسدي و اونلاري اون گون ائمتاحان اتدي.
اون گون سونرا اونلارين سئماسي پادشاه يمکلرئندن يئيَن بوتون باشقا جاوانلارين سئماسيندان داها گؤزل گؤروندو و اونلار بدنجه داها دولغون ائدئلر.
او واخت مأمور جاوانلارين يِمه‌يئني و ائچه‌جکلري شرابي گؤتوروب اونلارا گؤيَرتي ورميه داوام وردی.
تاري بو دؤرد جاوانا هر جور ادبئيّاتي و حئکمت اؤيرنمَک اوچون بئلئک و درّاکه وردی. دانيالدا بو معرئفت وار ائدي کي، هر جور رؤيالاري و يوخولاري يوزسون.
اونلارين گتئرئلمه‌سي اوچون پادشاهين امر اتدئيي گون چاتاندا، حرم-آغالار ريئسي اونلاري نِبوکَدنِصّرئن حوضورونا گتئردي.
پادشاه اونلارلا دانيشدي و هامينين آراسيندا دانيال، خَنَنيا، مئشااِل و عَزَريا کئمئسي تاپيلمادي. بونا گؤره ده اونلار پادشاهين حوضوروندا خئدمته قويولدولار.
پادشاه اونلاردان هر جور حئکمت و معرئفت بارهده سوروشاندا گؤردو کي، بونلار بوتون اؤلکه‌سئنده‌کي سِحربازلارين و اووسونچولارين هاميسيندان اون قات اوستوندورلر.
دانيال پادشاه کوروشون حؤکمدارليغينين بئرئنجي ائلئنه قدر اورادا قالدي.
نِبوکَدنِصّر پادشاهليغينين ائکئنجي ائلئنده بئر يوخو گؤردو، روحو پرئشان اولدو و يوخوسو قاچدي.
پادشاه امر اتدي کي، اونون يانينا سِحربازلار، اووسونچولار، جادوگرلر و مونجّئملر چاغيريلسين، اِله کي، پادشاهين يوخوسونو اونا دسئنلر. اونلار گلئب پادشاهين حوضوروندا دايانديلار.
پادشاه اونلارا ددي: "بئر يوخو گؤرموشم و روحوم پرئشاندير کي، بئلئم بو يوخونون معناسي نه‌دئر."
مونجّئملر اَرامي دئلئنده پادشاها ددئلر: "پادشاه صاغ اولسون، يوخونو بو قوللارينا دانيش، بئز اونون تعبئرئني دئيه‌رئک."
پادشاه مونجّئملره جاواب وردی: "من بله قرارا گلمئشم: اگر سئز منه هم يوخونو، هم ده اونون تعبئرئني دِميه‌سئنئز، پارچا-پارچا ادئله‌جکسئنئز، اِولرئنئز ده وئران ادئلهجک.
آمّا اگر يوخونو و اونون تعبئرئني دئيهسئنئز، مندن هدئيّهلر، پاداشلار و بؤيوک حؤرمت آلاجاقسينيز. ائندي منه يوخونو و اونون تعبئرئني بئلدئرئن."
اونلار گئنه جاواب وردئلر: "قوي پادشاه يوخونو بو قوللارينا دانيشسين، بئز ده اونون تعبئرئني دئيه‌رئک."
پادشاه جاواب وردی: "يقئن بئلئرم کي، سئز واخت قازانماق ائسته‌يئرسئنئز، چونکي گؤرورسونوز کي، منئم قراريم قطعي‌دئر.
اگر يوخونو منه دِميه‌سئنئز، سئزئن اوچون فقط بئر جزا اولاجاق. سئز سؤزله‌شئبسئنئز کي، وضعئيّتئن دَيئشئلمه‌يئنه‌جک منه يالان و اويدورما سؤزلر دئيهسئنئز. ائندي منه يوخونو بئلدئرئن. اوندا بئله‌رم کي، سئز اونو يوزا بئلرسئنئز."
مونجّئملر پادشاها جاواب وردئلر: "يِر اوزونده پادشاهين طلبئني يرئنه يتئره بئلَن آدام يوخدور. هچ پادشاه، نه قدر عظمتلي و قودرتلي اولسا دا، بله بئر شيي هچ سِحربازدان، اووسونچودان و يا مونجّئمدن ائستَمه‌يئب.
پادشاهين ائسته‌دئيي شي اِله چتئندئر کي، آللاهلاردان باشقا هچ کس بونو پادشاها آشکار اده بئلمز. اونلارين دا مسکني ائنسانلار آراسيندا ديئل."
پادشاه بو سؤزه گؤره قضبله‌نئب چوخ حئرصلَندي و امر اتدي کي، بابئلئن بوتون حئکمتلی‌لرئني محو اتسئنلر.
بِلجه حئکمتلی‌لري اؤلدورمک بارهده امر چيخدي؛ و اونلار دانيال و اونون يولداشلاريني آختارديلار کي، اؤلدورسونلر.
او زامان دانيال کشئکچئلر ريئسي اَريوکلا کي، بابئلئن حئکمتلی‌لرئني اؤلدورميه گتمئشدي، حئکمت و بصئرتله دانيشدي.
او، پادشاهين حَربي ريئسي اَريوکدان سوروشدو: "نئيه پادشاه بله بئر عاجئل امر ورئب؟" او واخت اَريوک اَحوالاتي دانيالا دانيشدي.
دانيال ائچه‌ري گئرئب پادشاهدان خاهئش اتدي کي، يوخونون تعبئرئني پادشاها بئلدئرمک اوچون اونا واخت ورسئن.
دانيال اؤز اِوئنه قاييديب اَحوالاتي دوستلاري خَنَنيا، مئشااِل و عَزَريايا دانيشدي
و اونلارا ددی کي، بو سئرّ بارهده گؤيلرئن تاريسيندان مرحمت ائستهسئنلر و دانياللا اونون يولداشلاري باشقا بابئل حئکمتلی‌لري ائله بئرلئکده محو اولماسينلار.
او زامان بو سئرّ دانيالا گجه گلن رؤيادا آشکار اولدو. او واخت دانيال گؤيلرئن تاريسينا شوکور اتدي.
دانيال ددي: "تارينين آدي ابددن ابدهجک موبارک اولسون! چونکي حئکمت و قودرت اونوندور.
واختي و دؤورو دَيئشدئرَن اودور. او، پادشاهلاري تختدن سالار و تخته قويار، حئکمتلی‌لره حئکمت، عاقئل‌لره عاغيل وِرَر.
درئن و گئزلي سئرّلري او آچار، قارانليقدا قالاني او بئلر. ائشيق اونونلا ساکئندئر.
ای آتالاريمين تاريسي، سنه شوکور و حمد اولسون کي، منه حئکمت و قودرت وردئن، ائندي سندن ائسته‌دئيئمئز شيي منه آشکار اتدئن. بلجه پادشاهين مَسَله‌سئني بئزه بئلدئردئن."
بلجه دانيال اَريوکون يانينا کی، پادشاه اونو بابئلئن حئکمتلی‌لرئني اؤلدورمک اوچون تعيئن اتمئشدي، گلئب اونا ددي: "بابئلئن حئکمتلی‌لرئني اؤلدورمه. منی پادشاهين يانينا آپار، اونا يوخوسونون معناسيني بئلدئرهرم."
او واخت اَريوک دانيالي تَله‌سئک پادشاهين يانينا گتئرئب اونا ددي: "من اسئر اولونموش يهوداليلار آراسيندان بئر آدام تاپميشام کي، پادشاهين يوخوسونو تعبئر اده بئلر."
پادشاه، بِلطِشَصّر آدلانان دانيالدان سوروشدو: "آيا قادئرسن کي، گؤردويوم يوخونو و اونون تعبئرئني منه دئيهسن؟"
دانيال پادشاها جاواب وردی: "پادشاهين سوروشدوغو سئرّي حئکمتلی‌لر، اووسونچولار، سِحربازلار و فالچيلار اونا آچا بئلمزلر.
آنجاق گؤيلرده سئرّلري آچان بئر تاري وار و گلهجکده نه اولاجاغيني پادشاه نِبوکَدنِصّره او بئلدئرئب. ياتارکن گؤردويون يوخو و رؤيالار بلهدئر:
ای پادشاه، سن اؤز ياتاغيندا اولارکن بو فئکئرلر گلدي کي، بوندان سونرا نه اولاجاق؟ سئرّلري آچان دا نه اولاجاغيني سنه گؤرستدي.
منه بو سئرّ اونون اوچون آچيلمادي کي، گويا باشقا آداملاردان داها چوخ حئکمتئم وار. آنجاق بونون اوچون کي، يوخو پادشاها بئلدئرئلسئن و سن ده اؤز اوره‌يئنئن دوشونجهلرئني بئلهسن.
ای پادشاه، سن يوخودا بؤيوک بئر موجسّمه گؤروبسن. چوخ بؤيوک و چوخ عظمتلي اولان بو موجسّمه، سنئن قاباغيندا دوردو. اونون گؤرونوشو قورخولو ائدي.
بو موجسّمه‌نئن باشي خالئص قيزيلدان، سئنه‌سي و قوللاري گوموشدن، قارني و بودلاري دا بورونجدن ائدي.
بالديرلاري دمئردن، آياقلارينين بئر حئصّهسي دمئردن، بئر حئصّهسي ده گئلدن ائدي.
سن باخارکن، اَل دَيمه‌دن بئر داش يِرئندن قوپاريلدي، موجسّمه‌نئن دمئر و گئل آياقلاريندان ووروب اونلاري تئکه-تئکه اتدي.
او زامان دمئر، گئل، بورونج، گوموش و قيزيل بئرلئکده پارچالاندي و ياي خرمنلرئنده‌کي سامان چؤپو کئمي سوورولدو. کولَک اونلاري آپاردي و اونلاردان اثر-علامت قالمادي. لاکئن موجسّمه‌ني داغيدان داش، بؤيوک بئر داغ اولدو و بوتون دونياني توتدو.
يوخو بو ائدي. ائندي اونون تعبئرئني پادشاها دئيه‌رئک.
ای پادشاه، سن شاهَنشاهسان. گؤيلرئن تاريسي پادشاهليغي، قووّتي، قودرتي و عئزّتي سنه ورئب.
او هر يرده ياشايان بشر اؤولادلاريني، چؤلون حيوانلاريني و گؤيون قوشلاريني سنئن ائختئيارينا ورمکله، سني اونلارا حؤکمدار ادئب. قيزيلدان اولان باش سنسن!
سندن سونرا سندن آشاغي مرتبهده اولان باشقا پادشاهليق ظوهور ادهجک. اوندان سونرا دا بورونجدن اولان، بوتون دونيايا حؤکمرانليق ادن اوچونجو بئر پادشاهليق اولاجاق.
دؤردونجو پادشاهليق دا دمئر کئمي مؤحکم اولاجاق، نجه دمئر هر شيي اَزئب قيرار، او دا بوتون باشقالاريني، هر شيي قيران دمئر کئمي اَزئب قيراجاق.
آياقلارين و بارماقلارين بئر حئصّه‌سئنئن کوزهگر گئلئندن، بئر حئصّه‌سئنئن ده دمئردن اولدوغونو گؤرمه‌يئنئن معناسي بودور کي، او بؤلونموش پادشاهليق اولاجاق. اوندا بئر قدر دمئر مؤحکملئيي قالاجاق، نجه کي سن دمئري کوزهگر گئلي ائله قاريشيق گؤروبسن.
آياق بارماقلارينين بئر حئصّهسي دمئردن، بئر حئصّهسي گئلدن اولدوغو کئمي، بو پادشاهليغينين دا بئر حئصّهسي مؤحکم، بئر حئصّهسي ضعئف اولاجاق.
دمئري کوزهگر گئلي ائله قاريشيق گؤردويونون معناسي بودور کي، اونلار اِولَنمک واسئطهسئله بئربئرلري ائله قاريشاجاقلار، لاکئن دمئر گئل‌له بئرلَشمه‌دئيي کئمي، اونلار دا بئربئرلري ائله بئرلَشميه‌جکلر.
او پادشاهلارين دؤورونده گؤيلرئن تاريسي هچ واخت داغيلمايان بئر پادشاهليق قوراجاق و بو پادشاهليق باشقا خالقين اَلئنه کِچميه‌جک. او بوتون اوّلکي پادشاهليقلاري اَزئب داغيداجاق، و اؤزو ابدی قالاجاق.
سن گؤردون کي، داغدان بئر داش اَل دَيمه‌دن قوپاريلدي، دمئري، بورونجو، گئلي، گوموشو و قيزيلي تئکه-تئکه اتدي. بلجه بؤيوک تاري بوندان سونرا نه اولاجاغيني پادشاها بئلدئرئب. بو يوخو دوغرودور و اونون تعبئري ده ائنانمالي‌دير."
او زامان پادشاه نِبوکَدنِصّر اوزو اوسته دوشوب دانيالا سجده اتدي و امر اتدي کي، اونون اوچون تقدئم گتئرئب بوخور يانديرسينلار.
پادشاه دانيالا ددي: "ائندي کي، سن بو سئرّي آچا بئلدئن، حقئقتن، سئزئن تارينيز، آللاهلارين تاريسي و پادشاهلارين آغاسي‌دير، سئرّلري آچان دا اودور."
بوندان سونرا پادشاه دانيالي اوجا وظئفهيه قويدو و اونا چوخ قئيمتلي هدئيّهلر وردی. اونو بابئل وئلايتئنئن باشچيسي و بوتون بابئلئن حئکمتلی‌لرئنئن باش ريئسي تعيئن اتدي.
دانيال پادشاهدان خاهئش اتدي و او دا شَدرَکي، مِشَکي و عَبِدنِگونو بابئل وئلايتئنه مأمور قويدو. لاکئن دانيال پادشاهين ساراييندا قالدي.
پادشاه نِبوکَدنِصّر بئر قيزيل موجسّمه دوزلتدي. اونون بويو آلتميش قولآچ، اِني آلتي قولآچ ائدي. اونو بابئل وئلايتئنده اولان دورا اوواسيندا قويدو.
سونرا پادشاه نِبوکَدنِصّر خبر گؤندردي کي، ساتراپلاري، قاييم‌مقاملاري، والئلري، موشاوئرلري، خزئنه‌دارلاري، حاکئملري، وکئللري، خولاصه، بوتون وئلايتلرئن مأمورلاريني ييغسينلار و قويدوغو موجسّمه‌نئن وقف اتمه مراسئمئنه گلسئنلر.
او زامان ساتراپلار، قاييم‌مقاملار، والئلر، موشاوئرلر، خزئنه‌دارلار، حاکئملر، وکئللر، خولاصه، بوتون وئلايتلرئن مأمورلاري پادشاه نِبوکَدنِصّرئن قويدوغو موجسّمه‌نئن وقف اتمه مراسئمئنه ييغيلديلار. اونلار نِبوکَدنِصّرئن قويدوغو موجسّمه‌نئن قاباغيندا دوردولار.
جارچي اوجادان اعلان اتدي: "ای خالقلار، مئلّتلر و دئللر، سئزه امر اولونور کي،
بوينوز، ني، طنبور، چنگ، آرفا، بالابان و هر جور موسئقي آلَتلرئنئن سَسئني اشئدن واخت، يِره اَيئلئب پادشاه نِبوکَدنِصّرئن قويدوغو قيزيل موجسّمه‌يه سجده ادهسئنئز.
کئم يِره اَيئلئب سجده اتمه‌سه، او ساعات آلوولانان اود کوره‌سئنه آتيلاجاق."
بِلَجه، بوتون خالقلارا، مئلّتلره و دئللره منصوب آداملار بوينوز، ني، طنبور، چنگ، آرفا و هر جور موسئقي آلتلرئنئن سَسئني اشئدن زامان يِره اَيئلئب پادشاه نِبوکَدنِصّرئن قويدوغو قيزيل موجسّمه‌يه سجده اتدئلر.
اِله بو واخت بعضی کَلدانئلر يهودئلرئن ضئدّئنه ائتّئهام ووردولار.
اونلار پادشاه نِبوکَدنِصّره ددئلر: "قوي پادشاه همئشه صاغ اولسون،
سن امر ادئبسن کي، بوينوز، ني، طنبور، چنگ، آرفا، بالابان و هر جور موسئقي آلَتلرئنئن سَسئني اشئدن هر کس يِره اَيئلئب قيزيل موجسّمه‌يه سجده اتسئن.
کئم يِره اَيئلئب سجده اتمه‌سه، آلوولانان اود کوره‌سئنه آتيلاجاق.
سنئن بابئل وئلايتئنه مأمور قويدوغون شَدرَک، مِشَک و عَبِدنِگو آدلي يهودئلر وار. ای پادشاه، بو آداملار سني سايماييبلار، سنئن آللاهلارينا خئدمت اتمه‌يئرلر و قويدوغون قيزيل موجسّمه‌يه ده سجده اتمئرلر."
او زامان نِبوکَدنِصّر آلوولانان قضبله امر اتدي کي، شَدرَکي، مِشَکي و عَبِدنِغونو گتئرسئنلر. بو آداملار پادشاهين حوضورونا گتئرئلدي.
نِبوکَدنِصّر اونلارا ددي: "ای شَدرَک، مِشَک و عَبِدنِغو، بو دوغرودور کي، سئز منئم آللاهلاريما قوللوق اتمئرسئنئز؟ منئم قويدوغوم قيزيل موجسّمه‌يه سجده اتمئرسئنئز؟
ياخشي اولار کي، ائندي بوينوز، ني، طنبور، چنگ، آرفا، بالابان و هر جور موسئقي آلَتلرئنئن سَسئني اشئدن زامان يِره اَيئلئب دوزلتدئيئم موجسّمه‌يه سجده ادهسئنئز. اگر سجده اتميهسئنئز، او ساعات آلوولانان اود کوره‌سئنه آتيلاجاقسينيز. او زامان سئزي هانسي تاري منئم اَلئمدن قورتارا بئلر؟"
شَدرَک، مِشَک و عَبِدنِگو پادشاها جاواب وردئلر: "ای نِبوکَدنِصّر، بئزئم بو ائش اوچون سنئن قاباغيندا اؤزوموزدن مودافئعه اتمه‌يئمئزه احتئياج يوخدور.
اگر بله اولسا، قوللوق اتدئيئمئز تاريميز قادئردئر کي، بئزي آلوولانان اود کوره‌سئندن خئلاص اتسئن و او بئزي سنئن اَلئندن قورتاراجاق، ای پادشاه.
آمّا اگر اتمه‌سه ده، سنه معلوم اولسون کي، ای پادشاه، بئز سنئن آللاهلارينا قوللوق ادن ديئلئک و سنئن قويدوغون قيزيل موجسّمه‌يه ده سجده اتميه‌جيئک."
او زامان نِبوکَدنِصّر بَرک قضبلَندي و شَدرَکئن، مِشَکئن، و عَبِدنِگونون ضئدّئنه سئماسي دَيئشئلدي. او امر اتدي کي، اود کوره‌سئني عادتن قيزديرديقلاريندان يدّي دفه آرتيق قيزديرسينلار.
قوشونونون گوجلو عسگرلرئنه امر اتدي کي، شَدرَکئن، مِشَکئن و عَبِدنِگونون اَل- قولونو باغلاييب اونلاري آلوولانان اود کوره‌سئنه آتسينلار.
او واخت بو آداملارين اَل- قولونو باغلاديلار و اَيئنلرئنده شالوار، جوبّه، عمّامه و باشقا پالتارلاري ائله آلوولانان اود کوره‌سئنه آتديلار.
پادشاهين امري عاجئل اولدوغونا گؤره، اود کوره‌سي ده حدّئندن آرتيق قيزديريلديغي اوچون، اود آلووسو شَدرَکي، مِشَکي و عَبِدنِگونو اودا آتان آداملاري قاپيب اؤلدوردو.
بو اوچ نفر-شَدرَک، مِشَک و عَبِدنِگو دا اَل-قوللاري باغلانميش حالدا آلوولانان اود کوره‌سئنئن ائچئنه ييخيلديلار.
او زامان پادشاه نِبوکَدنِصّر حيرته گلئب تَله‌سئک آياغا قالخدي و اؤز موشاوئرلرئنه ددي: "مگر بئز اوچ نفر اَل-قولو باغلانميش آدامي اودا آتماديق؟" اونلار جاوابيندا پادشاها ددي: "دوغرودور، ای پادشاه!"
او ددي: "باخ، من اودون ائچئنده اَل- قولو آچيق دؤرد نفرئن گَزدئيئني گؤرورَم و اونلارا هچ نه اولمور. اونلاردان دؤردونجوسو آللاهلارين اوغلونا بَنزه‌يئر."
او زامان نِبوکَدنِصّر آلوولانان اود کوره‌سئنئن قاپيسينا ياخينلاشدي و سَسله‌يئب ددي: "ای اوجالاردا اولان تارينين قوللاري شَدرَک، مِشَک و عَبِدنِگو! چيخين و بورايا گلئن." او واخت شَدرَک، مِشَک و عَبِدنِگو اودون ائچئندن چيخديلار.
اطرافا ييغيلميش ساتراپلار، امئرلر، والئلر و پادشاهين موشاوئرلري گؤردولر کي، اود بو آداملارين بدنئنه هچ بئر ضرر وورماييب: نه اونلارين ساچلاري يانميش، نه ده پالتارلاري دَيئشمئشدي، حتّا اودون حئسي ده اونلارا اوتورماميشدي.
او واخت نِبوکَدنِصّر ددي: "شَدرَکئن، مِشَکئن و عَبِدنِگونون تاريسينا شوکور اولسون کي، اؤز مَله‌يئني گؤنده‌رئب اونا بِل باغلايان قوللاريني خئلاص اتدي. اونلار پادشاهين امرئنه ضئدّ چيخيب حاضير اولدولار کي، جانلاريندان کچسئنلر، لاکئن اؤزلرئنئن تاريسيندان باشقا بئر آللاها قوللوق و يا سجده اتمه‌سئنلر.
بونا گؤره من بله فرمان ورئرم: هر خالقا، مئلّته، و دئله عاييد اولان هر کس کي، شَدرَکئن، مِشَکئن و عَبِدنِگونون تاريسينا کوفر دئيه، تئکه-تئکه اولوناجاقدير و اونلارين اِولري زئبئل‌لئيه چِورئله‌جک. چونکي بو جور خئلاص اتميه قادئر اولان باشقا بئر تاري يوخدور."
او زامان پادشاه بابئل وئلايتئنده شَدرَکئن، مِشَکئن و عَبِدنِگونون منصبلرئني اوجالتدي.
پادشاه نِبوکَدنِصّر بوتون دونيادا ياشايان خالقلارا، مئلّتلره و دئللره منصوب آداملارا اعلان اتدي: "باريشينيز بول اولسون!
مصلحت بئلدئم کي، اوجالاردا اولان تارينين منئم اوچون اتدئيي علامتلري و مؤجوزهلري سئزه اعلان اِدئم.
اونون علامتلري نجه ده بؤيوکدور، اونون مؤجوزهلري نجه ده قودرتلي‌دئر! اونون پادشاهليغي ابدی پادشاهليقدير، اونون حؤکمرانليغي نسئلدن نسله داوام ادئر."
من نِبوکَدنِصّر اؤز اِوئمده–ساراييمدا راحات و ناز-نعمت ائچئنده ياشاييرديم.
لاکئن بئر يوخو گؤردوم کي، منی قورخوتدو. ياتارکن دوشونجه‌لرئم و گؤردويوم رؤيالار منی اورکوتدو.
اونا گؤره ده امر اتدئم کي، يوخونو يوزماق اوچون بوتون بابئل حئکمتلی‌لرئني حوضوروما چاغيرسينلار.
او واخت سحربازلار، اووسونچولار، مونجّئملر و فالچيلار گلدئلر. من يوخومو دانيشديم، لاکئن اونلار يوخونو منه يوزا بئلمه‌دئلر.
نهايت، آللاهيمين آديندا گلن بِلطِشَصّر آدلانان و موقدّس آللاهلارين روحونا مالئک اولان دانيال حوضوروما گلدي. من يوخومو اونا دانيشاراق ددئم:
"ای سحربازلارين لاپ بؤيوکو بِلطِشَصّر! بئلئرم کي، سنده موقدّس آللاهلارين روحو وار و سنئن اوچون هر هانسي بئر سئرّي آچماق چتئن ديئل. ائندي يوخودا گؤردويوم رؤيالاري و اونلارين تعبئرئني منه دِه.
ياتارکن بله يوخو گؤرموشدوم: دونيانين اورتاسيندا چوخ اوجا بئر آغاج وار ائدي.
آغاج او قدر بؤيودو و مؤحکملَندي کي، باشي گؤيلره چاتدي. او، دونيانين هر طرفئندن گؤرونوردو.
اونون گؤزل يارپاقلاري و چوخلو ميوه‌لري وار ائدي، اوستونده هر کس اوچون يمک وار ائدي. آغاجين آلتيندا چؤل حيوانلاري کؤلگه تاپيرديلار، بوداقلاريندا يِرئن قوشلاري يووا ساليرديلار و بوتون جانلي مخلوقلار اوندان يمک يِيئردئلر.
ياتارکن يوخومدا گؤردوم کي، گؤيلردن نظارت ادن موقدّس بئر ملک اِندي.
او اوجادان اعلان ادئب ددي: «بو آغاجي کَسئن، بوداقلاريني يارين، يارپاقلاري يولون و مئيوه‌سئني سَپه‌له‌يئن. قوي حيوانلار اونون آلتيندان، قوشلار دا بوداقلاريندان قاچسين.
لاکئن کؤتويو ائله کؤکلرئني دمئر و بورونجله چَنبَرله‌يئب تورپاغين ائچئنده، چؤل اوتلاري آراسيندا ساخلايين. قوي او، گؤيلرئن شِحي ائله ائسلانسين و حيوانلارلا بئرلئکده يِرئن اوتو ائله يمک ورئلسئن.
قوي ائنسان آغلي اوندان آلينسين و اونا حيوان آغلي ورئلسئن. قوي يدّي زامان کِچَنه قدر بله قالسين.
نظارت ادن ملکلر بله امر ادئب، موقدّس ملکلر بله قرارا گلئب کي، ائندي ياشايانلار بونو بئلسئنلر: ائنسان پادشاهليقلاري اوستونده اوجالاردا اولان تاري حؤکمرانليق ادئر، پادشاهليغي کئمه ائستهيئر، اونا ورئر و ائنسانلار آراسيندا لاپ آشاغي اولاني اونلارا باشچي قويور.»
من پادشاه نِبوکَدنِصّر بله بئر يوخو گؤردوم. ای بِلطِشَصّر، سن بو يوخونو تعبئر ات، چونکي پادشاهليغيمين حکئم آداملاريندان هچ بئري بو يوخونون معناسيني منه بئلدئره بئلمئر. آمّا سن بونو اده بئلرسن، چونکي سنده موقدّس آللاهلارين روحو وار."
او زامان بِلطِشَصّر آدلانان دانيال بئر مودّت حيرت ائچئنده قالدي و فئکئرلري اونو واهئمه‌يه سالدي. پادشاه اونا بله ددي: "ای بِلطِشَصّر، قويما بو يوخو و اونون تعبئري سني واهئمه‌يه سالماسين." بِلطِشَصّر جاواب وردی: "ای آغام، قوي بو يوخو سندن نئفرت ادنلرئن، اونون تعبئري سنئن دوشمنلرئنئن نصئبي اولسون!
سنئن گؤردويون آغاج، بؤيوک و مؤحکم اولان، باشي گؤيلره چاتان و دونيانين هر طرفئندن گؤرونَن،
يارپاقلاري گؤزل، ميوه‌لري چوخ و هر کس اوچون يِمه‌يي اولان، آلتيندا چؤل حيوانلاري کؤلگه تاپان و بوداقلاريندا يِرئن قوشلاري يووا قوران
آغاج سنسن، ای پادشاه. سن بؤيويوب مؤحکملَندئن، عظمتئن آرتيب گؤيلره، حاکئمئيّتئن دونيانين هر طرفئنه چاتدي.
پادشاه يوخودا گؤردو کي، نظارت ادن موقدّس بئر ملک گؤيلردن اِنئب ددي: «بو آغاجي کَسئب محو ادئن، آمّا کؤتويو ائله کؤکلرئني دمئر و بورونجله چَنبَرله‌يئب تورپاغين ائچئنده، چؤل اوتلاري آراسيندا ساخلايين. قوي او، گؤيلرئن شِحي ائله ائسلانسين و يدّي زامان کِچَنه قدر پايي چؤلون حيوانلاري ائله اولسون.»
ای پادشاه، يوخونون يوزومو بودور: اوجالاردا اولان طرفئندن آغام پادشاهين ضئدّئنه بو حؤکم گلئب:
سن ائنسانلار آراسيندان قووولاجاقسان، چؤل حيوانلاري ائله ياشاياجاقسان، سنه اؤکوز کئمي اوت يِدئرده‌جکلر، گؤيلرئن شِحي ائله ائسلاناجاقسان و يدّي زامان کچهجک، او زاماناجاق کي، سن درک ادهسن کی، ائنسان پادشاهليغي اوستونده اوجالاردا اولان حؤکمرانليق ادئر و اونو کئمه ائسته‌سه، اونا ورئر.
آغاجين کؤتويو ائله کؤکلرئنئن قالماسي بارهده اولان فرمانين معناسي بودور کي، سن گؤيلرئن حؤکمرانليق اتدئيئني درک ادندن سونرا پادشاهليغين سنه قايتاريلاجاق.
بونا گؤره ده ای پادشاه، قوي منئم مصلحتئم سنه مقبول اولسون: عدالتله رفتار اتمکله گوناهلاريندان اَل چک، يوخسوللارا مرحمت اتمکله تقصئرلرئندن اَل چک کي، بلکه بونونلا سنئن رئفاهينين مودّتي اوزاديلسين."
بوتون بونلار پادشاه نِبوکَدنِصّرئن باشينا گلدي.
اون ائکي آي کِچَندن سونرا بابئلده‌کي سارايينين داميندا گَزَن واخت ددي:
"مگر بو، بؤيوک بابئل ديئل کي، من اونو شان-شؤهرتئم اوچون بؤيوک قودرتئمله پايتخت آديندا تئکمئشم؟"
سؤز پادشاهين آغزيندان چيخماميشدي کي، گؤيلردن بئر سَس گلدي: "ای پادشاه نِبوکَدنِصّر، سنه ديئلئر کي، پادشاهليغين اَلئندن آليندي.
سن ائنسانلار آراسيندان قووولاجاق، چؤل حيوانلاري ائله ياشاياجاقسان، سنه اؤکوز کئمي اوت يِدئرده‌جکلر. يدّي زامان کچهجک، او قدر کي، درک ادهسن کی، ائنسان پادشاهليغي اوستونده اوجالاردا اولان حؤکمدارليق ادئر و اونو کئمه ائسته‌سه، اونا ورئر."
ديئلَن حادئثهلر او ساعات نِبوکَدنِصّرئن باشينا گلدي: او، ائنسانلار آراسيندان قووولدو، اؤکوز کئمي اوت يِمَيه باشلادي و گؤيلرئن شِحي ائله ائسلاندي. اونون توکو قارتال توکو کئمي، ديرناغي قوش ديرناغي کئمي اوزاندي.
"او گونلرئن آخيريندا من نِبوکَدنِصّر اوزومو گؤيلره توتدوم و عاغليم باشيما قاييتدي. اوجالاردا اولان تاريني حمد اتدئم، ابدی ياشاياني مدح ادئب عئزّتلَندئردئم، چونکي اونون حؤکمرانليغي ابديدئر و پادشاهليغي نسئلدن نسله داوام ادئر.
دونيادا ياشايانلارين هاميسي هچ بئر شي ساييلير. او هم گؤي قوشونونون، هم ده دونيادا ياشايانلارين آراسيندا اؤز حؤکمونو يِرئدئر. اونون اَلئني ساخلايان و اونا «نه ادئبسن؟» دئيَن بئر کس ده يوخدور.
او زامان عاغليم باشيما گلدي. پادشاهليغيمين عئزّتي اوچون جاه-جلاليم گئنه اؤزومه قاييتدي. موشاوئرلرئم و اعيانلاريم منی آختاريب تاپديلار. من گئنه اؤز تختئمه قاييتديم و عظمتئم داها دا آرتدي.
ائندي من نِبوکَدنِصّر گؤيلرئن پادشاهينا حمد ادئرم و اونو مدح ادئب عئزّتلَندئرئرَم، چونکي اونون بوتون ائشلري دوز، يوللاري دا عدالتلي‌دئر و قودرتي وار کی، کئبئرله گَزَنلري آلچالتسين."
پادشاه بَلشَصّر مئن نفر اعياني اوچون بؤيوک بئر ضئيافت قوردو و اونلارلا شراب ائچدي.
بَلشَصّر شراب ائچه‌رکَن امر اتدي کي، آتاسي نِبوکَدنِصّرئن اورشَلئمده‌کي معبددن چيخارتديغي قيزيل و گوموش قابلاري گتئرسئنلر و پادشاه، اعيانلاري، آروادلاري و جارئيه‌لري اونلارلا شراب ائچسئنلر.
او واخت معبددن-تارينين اورشَلئمده اولان اِوئندن چيخاريلميش قيزيل قابلار گتئرئلدي. پادشاه، اعيانلاري، آروادلاري و جارئيه‌لري بونلارلا شراب ائچمه‌يه باشلاديلار.
اونلار شراب ائچه‌رَک قيزيل، گوموش، بورونج، دمئر، آغاج و داش آللاهلارا حمد اتدئلر.
اِله بو آن بئر ائنسان اَلئنئن بارماقلاري گؤروندو و شامدانين يانيندا پادشاه سارايينين دووارينين سوواغي اوستونه يازي يازدي. پادشاه يازان اَلي گؤردو.
او واخت پادشاهين رنگي سولدو و دوشونجهلري اونو واهئمه‌يه سالدي. بِلئنئن عَضَله‌لري ضعئفله‌دي و دئزلري بئربئرئنه دَيميه باشلادي.
پادشاه اوجادان قيشقيردي کي، اووسونچولاري، مونجّئملري و فالچيلاري گتئرسئنلر. بابئلئن حئکمتلی‌لرئنه بله ددي: "کئم بو يازيلاني منه اوخويوب معناسيني تشرئح اتسه، اونا ارغواني لئباس گِيئندئرئله‌جک، بوينونا قيزيل زنجئر آسيلاجاق و پادشاهليقدا اوچونجو آدام اولاجاق."
پادشاهين بوتون حئکمتلی‌لري ائچه‌ري گئردئلر، لاکئن يازيلاني نه اوخويا، نه ده معناسيني پادشاها تشرئح اده بئلدئلر.
او واخت پادشاه بَلشَصّر داها چوخ واهئمه‌يه دوشدو و رنگي سولدو، اعيانلاري دا حيرته دوشدولر.
ملکه پادشاهين و اعيانلارينين سؤزلرئني اشئدئب ضئيافت اوتاغينا گلدي. ملکه بله ددي: "قوي پادشاه همئشه صاغ اولسون، فئکئرلرئن سني واهئمه‌يه سالماسين، رنگئن ده سولماسين.
سنئن پادشاهليغيندا موقدّس آللاهلارين روحونا مالئک اولان بئر آدام وار. سنئن آتانين دؤورونده او ائشيق، فهم و حئکمت آللاهلارين حئکمتي کئمي اوندا وار ائدي. آتان پادشاه نِبوکَدنِصّرئن اؤزو، اونو سحربازلارين، اووسونچولارين، مونجّئملرئن و فالچيلارين باشچيسي قويموشدو.
چونکي پادشاهين بِلطِشَصّر آدلانديرديغي بو آدام يعني دانيال خارئقولعاده بئر روحا، معرئفته، و بصئرته صاحئبدئر، يوخولاري تعبئر اتمه‌يه، موعمّالاري آچماغا و چتئنلئکلري حلّ اتمه‌يه ده قابئلئيّتي وار. ائندي قوي دانيالي چاغيرسينلار، او سنه بونون معناسيني تشرئح ادهجک."
او واخت دانيالي پادشاهين حوضورونا گتئردئلر و پادشاه اوندان سوروشدو: "آتام پادشاهين يهودادان اسئر ادئب گتئردئيي يهودالي‌لاردان اولان دانيال آيا سنسن؟
من سنئن حاقّيندا اِشئتمئشم کي، سنده آللاهلارين روحو وار، ائشيق، فهم و بؤيوک حئکمت صاحئبي‌سن.
باخ، حوضوروما حئکمتلی‌لر و اووسونچولار گتئرئلدي کي، بو يازيلاني اوخويوب معناسيني منه آچسينلار، لاکئن اونلار بونو منه تشرئح اده بئلمه‌دئلر.
لاکئن سنئن حاقّيندا اِشئتمئشم کي، تعبئر ادئب چتئنلئکلري حلّ اده بئلئرسن. اگر ائندي بو يازيلاني اوخويوب معناسيني تشرئح اده بئلهسن، سنه ارغواني لئباس گِيئندئرئله‌جک، بوينونا قيزيل زنجئر آسيلاجاق و پادشاهليقدا اوچونجو آدام اولاجاقسان."
او واخت دانيال پادشاها جاواب وردی: "قوي هدئيّه‌لرئن اؤزونه قالسين، پاداشيني دا آيريسينا ور. آمّا يازيلاني من پادشاها اوخويوب معناسيني تشرئح ادهجيم.
ای پادشاه! اوجالاردا اولان تاري سنئن آتان نِبوکَدنِصّره پادشاهليق، عظمت، عئزّت و جاه-جلال ورمئشدي.
تارينين اونا وردئيي عظمته گؤره بوتون خالقلارين، مئلّتلرئن و دئللرئن آداملاري اوندان قورخوب اسئردئلر. او ائسته‌دئيي آدامي اؤلدورَردي، ائسته‌دئيي آدامي صاغ بوراخاردي، ائسته‌دئيي آدامي اوجالداردي، ائسته‌دئيي آدامي آلچالداردي.
آمّا او زامان کی، اوره‌يي کئبئرله‌نئب روحو کئبئرله عئنادکار اولدو، پادشاهليق تختئندن ساليندي و عئزّتي اَلئندن آليندي.
او، ائنسانلار آراسيندان قووولدو، آغلي حيوان آغلينا چِورئلدي و وحشي اِششَکلرله ياشاماغا باشلادي. اونا اؤکوز کئمي اوت يِدئرئردئلر، بدني گؤيلرئن شِحي ائله ائسلانيردي. او قدر کي، نهايت، درک اتدي کي، اوجالاردا اولان تاري ائنسان پادشاهليقلاري اوستونده حؤکمرانليق ادئر و کئمي ائستهيئر، اونلارا باشچي قويور.
و اونون اؤولادي سن ای بَلشَصّر، بوتون بونلاري بئلدئيئن حالدا، گئنه اؤزونو آلچاتمادين،
عکسئنه، گؤيلرئن پروردئگارينين ضئدّئنه کئبئرلَندئن. اونون معبدئنئن قابلاريني سنئن حوضورونا گتئردئلر و سن، اعيانلارين، آروادلارين، جارئيه‌لرئن بونلارلا شراب ائچدئنئز. سن قيزيل-گوموش، بورونج، دمئر، آغاج و داشدان اولان آللاهلارا کي، نه گؤرورلر، نه اِشئدئرلر، نه ده آنلاييرلار، حمد اتدئن. لاکئن او تاريني کي، نفسئن اونون اَلئندهدئر و بوتون طرئقلرئن اونوندور، عئزّتلَندئرمه‌دئن.
بونا گؤره ده اونون طرفئندن بئر اَل گؤنده‌رئلئب بو سؤزلري يازدي.
يازيلان سؤزلر بودور: مِنا، مِنا، تِقِل و پَرسئن.
سؤزلرئن معناسي آمّا بودور: مِنا-تاري سنئن پادشاهليق مودّتئني حسابلاييب و اونا آخير قويوب؛
تِقِل-سن تَره‌زئده چکئلئبسن و يونگول اولدوغون بئلئنئب؛
پَرسئن-سنئن پادشاهليغينين بؤلونه‌رک مادلي‌لارا و فارسلارا ورئلئب."
او واخت بَلشَصّرئن امري ائله دانيالا ارغواني لئباس گِيئندئردئلر، بوينونا قيزيل زنجئر آسديلار و او، پادشاهليقدا اوچونجو آدام اعلان اولوندو.
همئن گجه بابئل پادشاهي بَلشَصّر اؤلدورولدو.
آلتميش ائکي ياشلاردا اولان مادلي داريوش حاکئمئيّتي اَلئنه آلدي.
داريوشا موناسئب گؤروندو کي، اؤلکهيه باشچيليق اتمک اوچون پادشاهليغينين بوتون اراضئسئنه يوز ائيئرمي ساتراپ تعيئن اتسئن،
و اونلارا اوچ وزئر باشچيليق اتسئن. بو ساتراپلار اونلارا حسابات ورسئنلر، اِله کي، پادشاها زئيان دَيمه‌سئن. همئن اوچ وزئردن بئري دانيال ائدي.
دانيال باشقا وزئرلردن و ساتراپلاردان يوخاري ائدي، چونکي اوندا خارئقولعاده بئر روح وار ائدي. بونا گؤره ده پادشاه قرارا گلمئشدي کي، اونو بوتون اؤلکهيه باشچي قويسون.
بله اولاندا، باشقا وزئرلر و ساتراپلار بئر بهانه آختارماغا باشلاديلار کي، اونونلا دانيالدان پادشاهليغين ائداره‌سي حاقّيندا شئکايت اتسئنلر، آمّا هچ بئر بهانه و تقصئر تاپا بئلمه‌دئلر، چونکي دانيال صادئق بئر آدام ائدي و اوندا هچ بئر سهو و يا تقصئر تاپيلمادي.
نهايت، بو آداملار ددئلر: "بئز دانيالين ضئدّئنه هچ بئر بهانه تاپماياجاغيق مگر بو کي، دانيالين تاريسينين دئنئنده اونون ضئدّئنه بئر شي تاپاق."
او واخت بو وزئرلر و ساتراپلار بئرله‌شئب پادشاهين يانينا گلدئلر و اونا بله ددئلر: "قوي پادشاه داريوش همئشه صاغ اولسون!
اؤلکهنئن بوتون وزئرلري، قاييم‌مقاملاري، ساتراپلاري، موشاوئرلري و والئلري بئرلئکده راضيلاشديلار کي، پادشاه بله بئر فرماني و قدغن امرئني صادئر اتسئن: ای پادشاه، اوتوز گون عرضئنده کئم سندن باشقا بئر آللاها، يا دا ائنسانا دوعا اتسه، شئرلر اولان قويويا آتيلسين.
ای پادشاه، ائندي بو قدغن امرئني ور، ماد و فارس قانونلارينا اَساسن دَيئشئلمَز و هچ واخت پوزولمايان بو فرماني ائمضالا."
پادشاه داريوش بله بئر فرماني و قدغن امرئني ائمضالادي.
دانيال بله بئر فرمانين ائمضالانديغيني اؤيرَندئکده اؤز اِوئنه قاييتدي. اونون يوخاري اوتاغينين اورشَلئمه طرف اولان پنجره‌لري آچيق ائدي. دانيال اوّللر اتدئيي کئمي گونده اوچ دفه دئزه دوشوب اؤز تاريسينا دوعا اتدي و اونون قاباغيندا شوکور اتدي.
او واخت بو آداملار بئرلئکده اورايا گدئب دانيالين تاريسينا دوعا اتدئيئني و يالوارديغيني گؤردولر.
سونرا گلئب پادشاها اؤز قدغن امري بارهده ددئلر: "ای پادشاه، مگر سن بله بئر قدغن امرئني ائمضالاييبسان کي، اوتوز گون عرضئنده کئم سندن باشقا بئر آللاها، يا دا ائنسانا دوعا اتسه، شئرلر اولان قويويا آتيلسين؟" پادشاه جاواب وردی: "بو قرار دَيئشئلمَز اولان ماد و فارس قانونلارينا اَساسن قطعي‌دئر."
او واخت اونلار پادشاها ددئلر: "ای پادشاه، اسئر اولونموش يهودالي‌لاردان اولان دانيال نه سنه اهمئيّت ورئر، نه ده ائمضالاديغين قدغن امرئنه! گونده اوچ دفه دوعا ادئر."
پادشاه بو سؤزلري اشئدنده چوخ کَدَرلَندي و اوره‌يئنده نئيّت اتدي کي، دانيالي قورتارسين. پادشاه حتّا گونش باتانا قدر اونو خئلاص اتمه‌يه چاليشدي.
لاکئن او آداملار بئرلئکده پادشاهين يانينا گلئب اونا ددئلر: «ای پادشاه، بونو بئل کي، ماد و فارس قانونلارينا گؤره پادشاهين تصدئق اتدئيي قدغن امري و فرماني دَيئشئلمَز."
بلجه پادشاه امر اتدي و دانيالي گتئرئب شئرلر اولان قويويا آتديلار. پادشاه دانيالا بله ددي: "قوي همئشه قوللوق اتدئيئن تارين سني قورتارسين!"
سونرا بئر داش گتئرئلئب قويونون آغزينا قويولدو. پادشاه اؤزونون مؤهور اوزويو و اعيانلارينين اوزوکلري ائله داشي مؤهورله‌دي کي، دانيال حاقّيندا هچ بئر شي دَيئشئلمه‌سئن.
سونرا پادشاه اؤز سارايينا قاييتدي. گجهني اوروج توتدو، کِف اوچون اونا هچ بئر شي گتئرئلمه‌دي، و يوخوسو دا قاچدي.
سحر آچيلاندا پادشاه يِرئندن قالخيب تَله‌سئک شئرلرئن اولدوغو قويويا گتدي.
اورايا ياخينلاشاندا، کَدَرلي سَسله دانيالي چاغيريب ددي: "ای دانيال، وار اولان تارينين قولو! همئشه قوللوق اتدئيئن تارين آيا سني شئرلردن قورتارا بئلدي؟"
او واخت دانيال پادشاها ددي: «قوي پادشاه همئشه صاغ اولسون!
تاريم اؤز مَله‌يئني گؤنده‌رئب شئرلرئن آغزيني باغلادي و اونلار منه هچ زئيان يتئرمه‌يئبلر، چونکي منئم تارينين حوضوروندا تقصئرسئز اولدوغوم بئلئنئب. ای پادشاه، سنئن ده ضئدّئنه هچ بئر ائش گؤرمهمئشم."
او واخت پادشاه چوخ سِوئندي و امر اتدي کي، دانيالي قويودان چيخارتسينلار. بلجه دانيال قويودان چيخاريلدي و اونون بدنئنده هچ بئر زَده يوخ ائدي، چونکي اؤز تاريسينا بِل باغلاميشدي.
پادشاه امر اتدي و دانيالا ائتّئهام ووران آداملار گتئرئلدي. اونلاري، اوشاقلاري و آروادلاري ائله بئرلئکده شئرلرئن اولدوغو قويويا آتديلار. قويونون دئبئنه چاتماميش شئرلر اونلاري قاپيب سوموکلرئني تئکه-تئکه اتدئلر.
او زامان داريوش پادشاه بوتون دونيادا ياشايان خالقلارين، مئلّتلرئن و دئللرئن آداملارينا بله يازدي: "باريشينيز بول اولسون!
فرمان ورئرم کي، بوتون پادشاهليغيمين اَراضئسئنده اولان آداملار دانيالين تاريسيندان قورخوب تئتره‌سئنلر، چونکي او، وار اولان تاريدير، ابدی اولان اودور، اونون پادشاهليغي داغيلماز و حؤکمرانليغي ابديدئر.
او قورتاريب خئلاص اِدَر، گؤيلرده و يرده علامتلر، مؤجوزهلر گؤرسه‌دَر. دانيالي شئرلرئن پنجه‌سئندن او قورتاريب."
بلجه دانيال داريوشون و فارسلي کوروشون پادشاهليغيندا اوغور قازاندي.
بابئل پادشاهي بَلشَصّرئن پادشاهليغينين بئرئنجي ائلئنده دانيال ياتارکَن بئر يوخو گؤردو و اونا رؤيالار گلدي. سونرا يوخونو يازيب مضمونونو قيد اتدي.
دانيال دانيشماغا باشلاييب ددي: من گجه گلن گؤرونتوده گؤردوم کي، باخ، گؤيلرئن دؤرد کولَه‌يي بؤيوک دهنزئن اوستونده چارپيشير.
دهنزدن بئربئرئنه اوخشامايان دؤرد بؤيوک حيوان چيخدي.
بئرئنجئسي شئره بَنزه‌يئردي، آمّا اونون قارتال قانادلاري وار ائدي. من باخارکن اونون قانادلاري قوپاريلدي و او يردن قالديريليب ائنسان کئمي آياق اوسته قالخدي. اونا ائنسان اوره‌يي ورئلمئشدي.
آيري بئرئسي، ائکئنجي حيوان بئر آيي‌يا بَنزه‌يئردي. او، بئر ياني طرفه قالديريلدي. اونون آغزيندا، دئشلري آراسيندا اوچ قابيرغا سومويو وار ائدي. اونا بله ديئلدي: "قالخ چوخلو اَت يِه."
بوندان سونرا من پلنگه بَنزه‌ين باشقا بئر حيوان گؤردوم. حيوانين بِلئنده دؤرد قوش قانادي وار ائدي. اونون دؤرد باشي وار ائدي و اونا حاکئمئيّت ورئلمئشدي.
بوندان سونرا من گجه گلن رؤيالاردا دهشتلي، هيبتلي و چوخ گوجلو اولان دؤردونجو حيواني گؤردوم. اونون بؤيوک دمئر دئشلري وار ائدي. او هر شيي اَزئب يِدي، قاليقلاري دا آياقلاري آلتيندا تاپدالادي. او، قاباقکي حيوانلارين هاميسيندان فرقله‌نئردي و اون بوينوزو وار ائدي.
من بوينوزلاري دوشونَرکن، اونلارين آراسيندان گئنه کئچئک بئر بوينوز چيخدي و اوّلکي بوينوزلاردان اوچو اونون قاباغيندان گؤتورولدو. بو بوينوزون ائنسان گؤزلري کئمي گؤزلري و تکبّورله دانيشان آغزي وار ائدي.
باخارکَن گؤردوم کي، تختلر قورولدو و ازلدن وار اولان اؤز تختئنه اوتوردو. اونون اَينئنده قار کئمي آغ پالتار وار ائدي و ساچلاري يون کئمي آغاپّاق ائدي. تختي آلوو دئللري کئمي، چرخلري يانار اود کئمي ائدي.
قاباغيندان اودلو چاي چيخيب آخيردي. مئنلرجه مئنلر اونا خئدمت ادئردئلر، اون مئنلرجه اون مئنلر اونون حوضوروندا دورموشدولار. محکمه ائجلاسي باشلاندي و کئتابلار آچيلدي.
او واخت باخماغا داوام وردئم، چونکي بوينوزون ددئيي تکبّورلو سؤزلر منئم دئقّتئمي اؤزونه چکمئشدي. باخارکن گؤردوم کي، حيوان گؤزلرئمئن قاباغيندا اؤلدورولدو و بدني پارچالانيب يانان اودا آتيلدي.
هَمچئنئن باشقا حيوانلارين دا حاکئمئيّتي اَللرئندن آليندي، آمّا عؤمورلري موعيّن مودّته قدر اوزاديلدي.
گجه گلن رؤيالاردا گؤردوم کي، باخ، ائنسان اوغلونا بَنزَر بئرئسي گؤيون بولودلاري ائله گلدي. او، ازلدن وار اولانا ياخينلاشدي و اونون حوضورونا گتئرئلدي.
اونا حاکئمئيّت، عئزّت و پادشاهليق ورئلمئشدي کي، بوتون خالقلارين، مئلّتلرئن و دئللرئن آداملاري اونا خئدمت اتسئنلر. اونون حاکئمئيّتي آخيرا گلميه‌جک، ابدی حاکئمئيّتدئر. اونون پادشاهليغي اصلا يوخ اولماياجاق.
من دانيالا گلئنجه، روحوم بدنئمده پرئشان اولدو و گلن رؤيالار منی واهئمه‌يه سالدي.
اورادا دوران آداملاردان بئرئنه ياخينلاشيب بوتون بو شيلرئن حقئقي معناسي حاقّيندا سوروشدوم. او آدام بو شيلرئن معناسيني منه تشرئح ادئب بئلدئردي:
"بو دؤرد بؤيوک حيوان يردن قالخان دؤرد پادشاهليقدير.
سونرا پادشاهليغي حاق-تاعالانين موقدّسلري آلاجاقلار، و پادشاهليغا ابدهجک، ابددن ابدهجک صاحئب اولاجاقلار."
او واخت من باشقالاريندان فرقله‌نَن دؤردونجو حيوان بارهده ائسته‌دئم کی، حقئقي معناني بئلئم. او، چوخ قورخولو ائدي، دمئر دئشلري و بورونج ديرناقلاري ائله اَزئب يِيئردي، قاليقلاري دا آياقلاري آلتيندا تاپدالاييردي.
ائسته‌دئم اونون باشيندا اولان اون بوينوز حاقّيندا و داها چيخان او بئري بوينوز حاقّيندا و اوچو اونون قاباغيندا دوشدويو بارهده بئر بئلئم. بو همئن او بوينوز ائدي کي، گؤزلري و تکبّورله دانيشان آغزي وار ائدي و گؤرونوشو او بئري بوينوزلاريندان داها هيبتلي ائدي.
من باخارکن گؤردوم کي، بو بوينوز موقدّسلرله موحارئبه ادئب اونلارا قالئب گلدي؛
او واختا قدر کي، ازلدن وار اولان گلدي، حاق-تاعالانين موقدّسلرئنئن خِيرئنه حؤکم ورئلدي و پادشاهليغا موقدّسلرئن صاحئب اولدوغو واخت يِتئشدي.
او بونو بله تشرئح اتدي: "دؤردونجو حيوان يِر اوزونده اولاجاق دؤردونجو پادشاهليقدير. او بوتون باشقا پادشاهليقلاردان فرقلي اولوب بوتون يِر اوزونو اوداجاق و هر شيي تاپدالاييب اَزهجک.
اون بوينوزون معناسي بودور کي، بو پادشاهليقدان اون پادشاه چيخاجاق. اونلاردان سونرا دا اوّلکئلردن فرقلي باشقا بئر پادشاه چيخيب اوچ پادشاهي ييخاجاق.
حاق-تاعالانين ضئدّئنه سؤزلر دئيهجک و حاق-تاعالانين موقدّسلرئني ذلئل ادهجک. دوشونه‌جک کي، حتّا مؤوسوملري و قانونلاري دا دَيئشسئن. اونلار بئر زامان، ائکي زامان و ياريم زامان عرضئنده اونا تسلئم ادئلهجک.
لاکئن سونرا محکمه قورولاجاق و اونون حاکئمئيّتي اَلئندن آليناجاق، ابدئلئک محو اولوب يوخ اولاجاقدير.
پادشاهليق، حاکئمئيّت و گؤيلرئن آلتينداکي بوتون پادشاهليقلارين عظمتي حاق-تاعالانين موقدّس خالقينا ورئلهجک. اونون پادشاهليغي ابدی پادشاهليق اولاجاق و بوتون حاکئمئيّتلر اونا قوللوق ادئب ائطاعت ادهجک."
بورادا سؤز بئتئر. من دانيالا گلئنجه، دوشونجه‌لرئم منی واهئمه‌يه سالدي و رنگئم آتدي. لاکئن بو سؤزلري اوره‌يئمده ساخلاديم.
اوّل منه گلن رؤيادان سونرا، بَلشَصّر پادشاهين حؤکمدارليغينين اوچونجو ائلئنده من دانيالا باشقا بئر رؤيا گلدي.
رؤيادا اؤزومو عِيلام وئلايتئنئن شوشَن قالاسيندا گؤردوم. همئن رؤيادا من "اوله‌ي" کانالينين کناريندا دايانميشديم.
باشيمي قالديريب گؤردوم کي، کانالين کناريندا بئر قوچ دوروب. اونون ائکي بوينوزو وار ائدي. بوينوزلارينين هر ائکئسي اوزون ائدي، بئري او بئرئسئندن اوزون ائدي و اوزون اولان سونرادان چيخدي.
من گؤردوم کي، بو قوچ قربه، شئمالا و جنوبا طرف بوينوز وورور. هچ بئر حيوان اونون قاباغيندا دورا بئلمئردي و اونون اَلئندن قورتاران يوخ ائدي. او ائسته‌دئيئني اتدي و اؤزونو بؤيوک اتدي.
من بو بارهده دوشونَرکَن، قربدن بئر اِرکَک کِچي گلدي. اونون گؤزلري آراسيندا گؤزه چارپان بئر بوينوزو وار ائدي. او، آياغي يِره توخونمادان، بوتون يِر اوزونو کِچدي.
او، کانالين کناريندا دوردوغونو گؤردويوم ائکي بوينوزو اولان قوچون يانينا گلدي و بؤيوک حئدّتله اونون اوستونه يوگوردو.
من گؤردوم کي، او قِيضه گلئب قوچا هوجوم اتدي و قوچو ووروب ائکي بوينوزونو قيردي. قوچدا اونون قاباغيندا دورماغا قووّت يوخ ائدي. او، قوچو يِره ييخيب تاپدالادي. قوچو اونون اَلئندن قورتاران يوخ ائدي.
سونرا کِچي چوخ بؤيودو، لاکئن قووّتلي زامانيندا بؤيوک بوينوزو قيريلدي. اونون عوضئنه گؤزه چارپان دؤرد بوينوز چيخدي کي، گؤيون دؤرد يِلئنئن طرفئنه يؤنَلمئشدي.
اونلارين بئرئندن باشقا بئر کئچئک بوينوز چيخيب جنوبا، شرقه و گؤزل اؤلکهيه طرف چوخ اوزاندي.
او حتّا گؤي قوشونونا قدر اوزاندي بو قوشونون و اولدوزلارين بئر حئصّهسئني يِره ساليب تاپدالادي.
حتّا بو قوشونون باشچيسينا قدر اؤزونو اوجالتدي. اونون دائمي يانديرما قورباني دايانديريلدي و موقدّس مکاني يِره ييخيلدي.
عاصئلئک اوزوندن بو قوشون و دائمي يانديرما قورباني کئچئک بوينوزا تسلئم اولوندو. او، حقئقتي يِره چيرپيب، اتدئيي هر ائشده اوغور قازاندي.
من بئر موقدّسئن سَسئني اشئتدئم و باشقا بئر موقدّس، دانيشانا ددي: "دائمي يانديرما قورباني بارهده اولان رؤيا نه واختا قدر اوزانير، هم ده وئرانهلئک گتئرن عاصئلئک حاقّيندا اولان رؤيا نه قدر چکئر؟ موقدّس يِرئن و قوشونون تاپدالانماسينا نه واختا قدر ائجازه ورئلهجک؟"
سونرا منه ددي: "۲۳۰۰ آخشام و سحر کِچَنه قدر. اوندان سونرا موقدّس يِر برپا اولوناجاق."
من دانيال بو گؤرونتونو گؤرنده ائسته‌دئم کي، اونون معناسيني بئلئم. بو زامان قاباغيمدا ائنسان گؤرونوشونده اولان بئر نفر داياندي.
من اوله‌ي کاناليندان بئر ائنسان سَسي اشئتدئم. او نئدا ادئب ددي: «ای جَبراييل، بو گؤرونتونو اونا باشا سال."
او، دايانديغيم يِره ياخينلاشدي. يانيما چاتاندا، من دهشته دوشوب اوزو اوسته ييخيلديم. لاکئن او منه ددي: "ای بشر اوغلو، بئل کي، بو رؤيا آخير زامانا عاييددئر."
او منئمله دانيشديغي واخت، اوزو اوسته ييخيليب درئن يوخويا گتدئم. آمّا او منه توخونوب منی آياق اوسته قالديردي
و ددي: "باخ، سنه بئلدئرئرم کی، تارينين نهايت زامانينين قضب گونلرئنده نه باش ورهجک. چونکي رؤيا آخير زامانين موعيّن واختينا عاييددئر.
گؤردويون ائکي بوينوزلو قوچ، ماد و فارس پادشاهلاري‌دير.
توکلو اِرکَک کِچي ده يونان پادشاهيدير، اونون گؤزلري آراسيندا اولان بؤيوک بوينوز، بئرئنجي پادشاهدير.
قيريلان بوينوزون يرئنه چيخان دؤرد بوينوز، او مئلّتدن چيخاجاق دؤرد پادشاهليغي تمثئل ادئر. لاکئن اونلار بئرئنجي پادشاه قدر گوجلو اولماياجاقلار.
اونلارين حاکئمئيّتئنئن آخيريندا، او زامان کي، عاصئلر حدلرئندن آشيبلار، بئر پادشاه چيخاجاق کی، حياسيزليقدا و حئيله‌‌گرلئکده ماهئردئر.
او چوخ گوجلَنه‌جک، آمّا اؤز گوجو ائله يوخ! عجايئب داغينتي‌لار عمله گتئرهجک، اتدئيي هر ائشده اوغور قازاناجاق، ائگئد آداملاري و موقدّس آداملاري قيراجاق.
اؤز حئيله‌گَرلئيي ائله مکرلي ائشلرئنده اوغور قازاناجاق و اوره‌يئنده اؤزونه کئبئرلَنه‌جک. ائخطار ورمه‌دن چوخلو آدامي هلاک ادهجک. باشچيلار باشچيسينا ضئدّ چيخاجاق، آمّا ائنسان اَلي دَيمه‌دن محو اولاجاق.
آخشام و سحر بارهده سنه گؤرسدئلَن بو رؤيا حقئقتدئر. آنجاق سن بو گؤرونتونو مؤهورله، چونکي او، اوزاق دؤوره عاييددئر."
او واخت من دانيال طاقتدن دوشدوم و بئر نِچه گون ناخوش اولدوم. سونرا قالخيب پادشاهين ائشلري ائله مشغول اولماغا باشلاديم. لاکئن من بو رؤيادان حِيرت ائچئنده ائدئم و اونو باشا دوشموردوم.
ماد طايفاسيندان اَخَشوِروشون اوغلو داريوشون پادشاهليغينين بئرئنجي ائلي ائدي. او، کَلدانئلر اوستونه پادشاه قويولموشدو.
اونون پادشاهليغينين بئرئنجي ائلئنده، من دانيال، کئتابلاردان اؤرشَلئمئن وئران قالاجاغينين نِچه ائل چکه‌جيئني اؤيرَندئم کي، ربّئن سؤزو اونو اِرِميا پيغمبره آشکار اتمئشدي؛ يعني يتمئش ائل.
من پروردئگار تارييا اوز توتدوم، چول گِيئب کوله اوتوردوم، اوروج توتاراق دوعا و يالواريشلا اونو آختارديم.
تاريم ربّه دوعا اتدئم و اِعتئراف ادهرک ددئم: "سنه دوعا ادئرم، ای بؤيوک و زَهملي پروردئگار تاري! سن، سني سِوَنلر و امرلرئنه عمل ادنلر اوچون عهدئنه صادئق قاليب محبّت گؤرسه‌دئرسن.
بئز گوناه و خاطا اتمئشئک، پئسلئک ادئب سنه عاصي اولموشوق. سنئن امرلرئندن و حؤکملرئندن اوز دؤنده‌رمئشئک.
بئز سنئن پيغمبرلرئنه کي، سنئن آدينلا پادشاهلاريميزا، باشچيلاريميزا، آتالاريميزا و اؤلکهنئن بوتون خالقينا دانيشيرديلار، قولاق آسماميشيق.
ای پروردئگار، صالحلئک سنه عاييددير، لاکئن بئزه بو گونکو کئمي اوز قاراليغي! بو اوز قاراليغي، يهودا آداملارينا، اورشَلئمده ياشايانلارا و بوتون اوزاقدا و ياخيندا اولان ائسرايئللیلره عايئددير کي، سن اونلاري سنه اتدئکلري خائنلئک اوزوندن بوتون اؤلکهلرده اسئر اتدئن.
يارب، بئزئم، پادشاهلاريميزين، باشچيلاريميزين و آتالاريميزين اوزو قارادير، چونکي سنئن ضئدّئنه گوناه اتمئشئک.
مرحمت و باغيشلاماق پروردئگار تاريميزا عاييددير، چونکي بئز اونون ضئدّئنه عوصيان اتمئشئک.
تاريميز ربّئن سؤزونه قولاق آسماميشيق، اؤز قوللاري پيغمبرلر واسئطهسئله بئزه وردئيي قانونلارينا عمل اتمهمئشئک.
بوتون ائسرايئللی‌لر سنئن قانونونو پوزوب آزديلار، سنئن سؤزونه قولاق آسماديلار. بونا گؤره ده سن آند ائچدئيئن لعنتي کي، تارينين قولو موسانين قانونوندا يازيلميشدي، باشيميزا ياغديردين، چونکي اونون ضئدّئنه گوناه اتمئشئک.
او دا باشيميزا بؤيوک بلا گتئره‌رک بئزئم و حؤکم ادن حاکئملرئمئزئن ضئدّئنه ددئيي سؤزلري يرئنه يتئردي، چونکي اورشَلئمه گلن بلا گؤيلر آلتيندا اولان هچ بئر يِره گلمه‌يئب.
موسانين قانونوندا يازيلديغي کئمي بوتون بو بلا باشيميزا گلدي؛ آمّا حله ده تاريميز ربّئن ائلتئفاطيني آختارماميشيق کي، تقصئرلرئمئزدن دؤنَک و اونون حقئقتئني درک اِدَک.
رب ده حاضيرلاديغي بو بلاني باشيميزا گتئردي. چونکي تاريميز رب اتدئيي بوتون ائشلرئنده صالحدئر، و بئز اونون سَسئنه قولاق آسماميشيق.
ای تاريميز پروردئگار، سن اؤز خالقيني مئصئر تورپاغيندان قووّتلي اَلئنله چيخارتدين و بو گونه قدر اؤزون اوچون بئر آد قازاندين! آمّا بئز گوناه ائشلَتدئک، پئسلئک اتدئک.
ای پروردئگار، بوتون صالحلئيئنه گؤره سنه يالواريرام، قِيض و قضبئني اؤز شهرئن اورشَلئمدن، موقدّس داغيندان دؤنده‌ر. چونکي بئزئم گوناهلاريميزدان و آتالاريميزين تقصئرلرئندن اؤتري اورشَلئم و سنئن خالقين بوتون اطراف خالقلار آراسيندا روسواي اولدو.
ای تاريميز، ائندي قولونون دوعاسيني و يالواريشلاريني اشئت. ای پروردئگار، اؤز آدينين خاطئرئنه ائشيقلي اوزونو وئران اولان موقدّس مکانينا طرف چِوئر.
ای تاريم، قولاق ورئب اشئت، گؤزونو آچيب بئزئم وئرانليقلاريميزي و سنئن آدينلا چاغيريلان شهري گؤر. چونکي اؤز صالحلئيئمئزه گؤره يوخ، سنئن بؤيوک مرحمتئنه گؤره يالواريشلاريميزي سنئن حوضورونا تقدئم ادئرئک.
ای پروردئگار، اشئت، ای پروردئگار، باغيشلا، ای پروردئگار، دئقّت ات و حرکته گل. ای تاريم، اؤز آدينين خاطئري اوچون يوباتما، چونکي شهرئن و خالقين سنئن آدينلا چاغيريلير."
من حله دانيشيب دوعادا اؤزومون و خالقيم ائسرايئلئن گوناهلاريني اعتئراف ادهرک تاريمين موقدّس داغي اوچون يالواريشيمي تاريم ربّه تقدئم ادئردئم کي،
حله دوعا اِدَرکَن، اوّل گؤرونتوده گؤردويوم آدام-جَبراييل- آخشام قورباني ورئلَن واخت جلد اوچاراق يانيما گلدي.
او منی باشا سالدي و منئمله دانيشيب ددي: "ای دانيال! ائندي من گلدئم کي، سنه بصئرت و فهم ورئم.
سنئن دوعانين باشلانيشيندا تاري جاواب وردی و من ده گلدئم کي، اونو سنه چاتديريم، چونکي تاري سني چوخ سِوئر. بونا گؤره ائندي سؤزوم بارهده دوشون و رؤياني بئل.
سنئن خالقين و موقدّس شهرئن اوچون يتمئش هفته تعيئن اولونوب کي، عاصئلئک بئتسئن، گوناه آخيرا چاتديريلسين، تقصئرلر اوچون کفّاره ورئلسئن، ابدی صالحلئک گتئرئلسئن، رؤيا و نبئلئک مؤهورلَنسئن، لاپ موقدّس يِر مسح ادئلسئن.
بونو بئل و آنلا: اورشَلئمي برپا ادئب تئکمک اوچون ورئلَن فرمانين چيخماسيندان مسح اولونموش حؤکمدارا قدر، يدّي هفته و آلتميش ائکي هفته اولاجاق. اورشَلئم تزهدن کوچهلر و خندقله تئکئله‌جک، آمّا بو چتئن واختلاردا اولاجاق.
آلتميش ائکي هفته‌دن سونرا مسح اولونان هلاک اولاجاق، آمّا بو اؤزو اوچون اولماياجاق. گلهجک حؤکمدارين خالقي، شهري و موقدّس يري وئران ادهجک. اونون آخيري سل کئمي اولاجاق. موحارئبه آخيرا قدر داوام ادهجک. وئرانه‌لئکلر اولاجاغينا قرار ورئلئب.
او، بئر هفته عرضئنده چوخلاري ائله عهد باغلاياجاق، آمّا هفتهنئن اورتاسيندا قوربانلا تقدئمي دايانديراجاق. ائيرنجلرئن قانادي اوستونده وئرانهلئک گتئرن گلهجک. او زاماناجاق کي، تعيئن ادئلمئش عاقئبتي وئرانهلئک گتئرهنئن باشينا تؤکولسون."
فارس پادشاهي کوروشون حؤکمدارليغينين اوچونجو ائلئنده بِلطِشَصّر آدلانان دانيالا بئر وحی گلدي. بو وحی حقئقي ائدي و بؤيوک بئر ساواشدان سؤز ادئردي. او بو وحيي باشا دوشدو و رؤيا بارهده فهمي وار ائدي.
او گونلر من دانيال اوچ هفته ياس توتدوم.
اوچ هفته قورتارانا قدر، من دادلي يمک يِمه‌دئم، اَت و شراب دئلئمه دَيمه‌دي و هچ بئر عطئرلي ياغ سورتمه‌دئم.
بئرئنجي آيين ائيئرمي دؤردونجو گونو من بؤيوک چاي دَجله‌نئن کناريندا ائدئم.
باشيمي قالديريب گؤردوم کي، کتان پالتار گِيئنمئش، بِلي خالئص قيزيللا قورشانان بئر نفر وار.
اونون بدني زبرجد کئمي، اوزو شئمشيه بَنزَر، گؤزلري يانار مشعللر کئمي، قوللاري و آياقلاري جئلانميش بورونج کئمي ائشيلداييردي، اونون دانيشيغينين سَسي بؤيوک بئر جاماعات گورولتوسو کئمي ائدي.
فقط من دانيال بو رؤياني گؤردوم، منئمله بئرلئکده اولان آداملار بونو گؤرمه‌دئلر. آنجاق اونلارين آراسينا اِله ولوله دوشدو کي، گئزلَنمک اوچون قاچديلار.
من تک قالديم. بو بؤيوک رؤياني گؤرنده مَنده قووّت قالمادي، رنگئم برک آتدي و طاقتدن دوشدوم.
من اونون دانيشيق سَسئني اشئتدئم. دانيشيق سَسئني اشئدنده درئن يوخويا گتدئم و اوزو اوسته دوشوب يِره اوزانديم.
بو واخت منه بئر اَل توخوندو و منی اَللرئمله دئزلرئمئن اوستونه قويدو.
او منه ددي: "ای چوخ سِوئلَن دانيال! سنه دِدئيئم سؤزلري درک ات و آياغا قالخ، چونکي ائندي سنئن يانينا گؤندرئلمئشم." او بو سؤزلري دئيَنده، من تئتره‌يه‌رک آياغا قالخديم.
سونرا منه ددي: "قورخما، دانيال! اوره‌يئني فهم قازانماغا قويدوغون ائلک گوندن، تارينين حوضوروندا اؤزونو باشيآشاغي اتدئيئن ائلک گوندن سؤزلرئن اِشئدئلئب و من سنئن سؤزلرئنه گؤره گلمئشم.
لاکئن فارس اؤلکه‌سئنئن ريئسي ائيئرمي بئر گون منئم ضئدّئمه داياندي. لاکئن باش ريئسلردن بئري اولان مئکاييل کؤمه‌يئمه گلدي، چونکي من اورادا فارس اؤلکه‌سئنئن ريئسلري ائله بئرلئکده قالميشديم.
ائندي گلدئم کي، گلهجکده خالقينين باشينا نه گلهجيئني سنه باشا ساليم، چونکي بو رؤيا گلهجک دؤوره عاييددير."
او بله سؤزلر دئيَرکَن من اوزو اوسته يِره ييخيلديم و دئلئم توتولدو.
بو واخت بشر اؤولادلارينا بَنزه‌ين بئر نفر دوداقلاريما توخوندو. او واخت آغزيمي آچيب دانيشماغا باشلاديم و قاباغيمدا دورانا ددئم: "ای آغام، بو رؤيايا گؤره عذاب ائچئنده قرق اولموشام و طاقتئم قالماييب.
من قولون آغاملا نجه دانيشا بئله‌رم؟ چونکي مَنده هچ گوج قالماييب، جانيمدا آرتيق هچ نفس يوخدور."
او واخت ائنسان بَنزه‌يئشئنده اولان همئن شخص گئنه منه توخونوب گوج وردی.
او ددي: "ای چوخ سِوئلَن، قورخما، سنه آرامليق اولسون، قووّتلي اول، جسور اول!" او منئمله دانيشاندا، من قووّت تاپيب ددئم: "ای آغام، دانيش، چونکي سن منه گوج وردئن."
او ددي: "آيا بئلئرسن کي، سنئن يانينا نئيه گلمئشم؟ ائندي من قاييديرام کي، فارس ريئسي ائله موبارئزه اِدئم. من گدئنجه يونان ريئسي گلهجک.
آنجاق اوّلجه من حقئقت کئتابيندا يازيلميش شيلري سنه بئلدئره‌جيم. اونلارين ضئدّئنه اولان موبارئزه‌ده منه کؤمکچي اولان هچ کس يوخدور، مگر سنئن ريئسئن مئکاييل.
من مادلي داريوشون پادشاهليغينين بئرئنجي ائلئنده، اونون يانيندا قالديم کي، اونو تشوئق اِدئب اونا قووّت ورئم.
ائندي حقئقتي سنه بئلدئره‌جيم: فارس اؤلکهسئنده داها اوچ پادشاه اولاجاق. دؤردونجوسونون هاميسيندان چوخ وار-دؤولتي اولاجاق. وار-دؤولتئنئن وسئلهسي ائله قووّتلَنَنده، هاميني يونان پادشاهليغينين ضئدّئنه قالديراجاق.
سونرا گوجلو بئر پادشاه گلهجک و چوخ قودرتله حؤکمدارليق ادئب و اؤز ائسته‌دئيئني ادهجک.
لاکئن اونون گلدئيي آن، پادشاهليغي داغيليب گؤيلرئن دؤرد کوله‌يئنئن سمتئنه بؤلونه‌جک، اونون نسلئنه کِچميه‌جک و اونون حؤکمرانليغي کئمي، گوجلو اولماياجاق. چونکي اونون پادشاهليغي داغيلاجاق و نسلئندن اولمايان آداملارا قالاجاق.
سونرا جنوب پادشاهي گوجلَنه‌جک، لاکئن ريئسلرئندن بئري اوندان داها گوجلو اولاجاق. او حؤکمرانليق ادهجک و قودرتلي حؤکمدار اولاجاق.
بئر نِچه ائلدن سونرا اونلار بئربئرلرئنه قوشولاجاقلار. جنوب پادشاهينين قيزي شئمال پادشاهينين يانينا گدهجک کي، صولح سازئشي باغلاسين. آمّا بو آرواد گوجونو ساخلايا بئلميهجک. شئمال پادشاهينين عؤمرو ده، حاکئمئيّتي ده اوزون سورمه‌يه‌جک. آرواد، اونونلا همراه اولانلار، و اونا آتاليق ادن آتاسي، و اونا داياق اولان تسلئم ادئلهجک.
آروادين نسلئندن بئري جنوب پادشاهينين يرئنه کچهجک. او، شئمال پادشاهينين قوشونونا هوجوم ادئب اونون قالاسينا گئرهجک. اونلارلا ووروشوب قالئب گلهجک.
حتّا اونلارين آللاهلاريني، تؤکمه بوتلرئني قئيمتلي قيزيل و گوموش قابلاري ائله بئرلئکده مئصئره چکئب آپاراجاق. بئر نچه ائل عرضئنده شئمال پادشاهيني راحات بوراخاجاق.
سونرا او دا جنوب پادشاهينين اؤلکهسئنه هوجوم ادهجک، و اؤز تورپاغينا قاييداجاق.
سونرا شئمال پادشاهينين اوغوللاري موحارئبهيه حاضيرلانيب چوخلو قوشون ييغاجاقلار. قوشون سل کئمي گلئب کچهجک و ائره‌لئلَيه‌رَک جنوب پادشاهينين قالاسينا هوجوم ادهجک.
جنوب پادشاهي قضبله‌نئب چيخاجاق و اونونلا يعني شئمال پادشاهي ائله ووروشاجاق. او دا بؤيوک بئر قوشون چيخارداجاق، لاکئن بو قوشون جنوب پادشاهينا تسلئم ادئلهجک.
قوشون مغلوب اولاندا، جنوب پادشاهينين اوره‌يي کئبئرله‌نئب، اون مئنلرله آدامي هلاک ادهجک، آمّا قَلَبه‌سي اوزون سورمه‌يه‌جک.
چونکي شئمال پادشاهي قاييديب اوّلکئندن داها بؤيوک قوشون چيخارداجاق و بئر نِچه ائلدن سونرا تام سئلاحلانميش بؤيوک بئر قوشونلا گلهجک.
او زامان بئر چوخو جنوب پادشاهينين ضئدّئنه چيخاجاق. سنئن خالقيندان قولو-زورلولار آياغا قالخاجاقلار کي، رؤياني يرئنه يتئرسئنلر، لاکئن اوغور قازانماياجاقلار.
شئمال پادشاهي گلهجک و حاصارلارا تورپاق ييغاراق، تپه‌لر دوزهلدئب قالالي شهري آلاجاق. جنوبون قووّه‌لري اونون قاباغيندا تاب گتئرميه‌جک، لاپ سِچمه قوشونو دا موقاوئمت گؤرسده بئلميهجک.
اونا هوجوم گتئرن شئمال پادشاهي ائسته‌دئيئني ادهجک و هچ کس اونون قاباغيندا دورا بئلميهجک. گؤزل اؤلکهده قالاجاق و اوراني وئران اتمک قودرتي اونون اَلئنده اولاجاق.
شئمال پادشاهي قرارا آلاجاق کي، اؤلکه‌سئنئن بوتون قووّه‌لري ائله بئرلئکده گلسئن. او صولح سازئشئنئن شرطلرئني تکلئف ادئب يرئنه يتئرهجک. جنوب پادشاهليغيني محو اتمک اوچون اونا آروادلارين قيزيني ورهجک، آمّا حئيلهسي باش توتماياجاق و اونا کؤمک اولماياجاق.
سونرا نظرئني ساحئل اؤلکه‌لرئنه چِوئره‌جک و اونلارين چوخونو آلاجاق. لاکئن بئر سرکرده اونون اتدئيي حقارته آخير قوياجاق، دوغرودان دا، حقارتئني اؤز باشينا گتئرهجک.
سونرا نظرئني اؤز اؤلکه‌سئنئن قالالارينا طرف چِوئره‌جک. لاکئن بودرهيئب ييخيلاجاق و اوندان بئر اثر قالماياجاق.
اونون يرئنه کِچَن پادشاه، پادشاهليغين شؤوکتي اوچون، اؤز خراج ييغانيني گؤندهرهجک، آمّا بئر نچه گون عرضئنده او دا قضبسئز و ساواشسيز ييخيلاجاق.
اونون يرئنه نامرد بئر آدام کچهجک کي، پادشاهليق حؤرمتي اونا ورئلميه‌جک. او اَمئن-آمانليق زامانيندا گلئب يالتاقليقلا حاکئمئيّتي قصب ادهجک.
قوشونلار اونون قاباغيندان سوپورولوب داغيلاجاق، حتّا عهدئن ريئسي بِله.
اونونلا ائتّئفاق باغلانديقدان سونرا، او حئيله ائشله‌ده‌جک و گلئب کئچئک بئر عئدّه ائله گوج قازاناجاق.
او اَمئن-آمانليق زامانيندا لاپ وارلي تورپاقلارا گلهجک و آتالارينين و بابالارينين گؤرمه‌دئيي ائشلري گؤرهجک. تالاني، قارت اولونموشو، و مال-دؤولتي آداملارينا پايلاياجاق و قالالارا هوجوم اتمک اوچون نئيّتلر قوراجاق. لاکئن بو، اوزون سورمه‌يه‌جک.
سونرا گوج و جسارت ييغيب بؤيوک بئر قوشونلا جنوب پادشاهينين ضئدّئنه چيخاجاق. جنوب پادشاهي دا بؤيوک و چوخ گوجلو بئر قوشونلا دؤيوشه گئرهجک، آمّا موقاوئمت گؤرسه‌ده بئلميهجک، چونکي اونون ضئدّئنه قصد قوراجاقلار.
حتّا اونونلا بئر سوفرهده اوتورانلار اونو محو ادهجکلر. قوشونو سوپوروله‌جک و چوخلو تلفات اولاجاقدير.
بو پادشاهلارين هر ائکئسئنئن ده اوره‌يي پئسلئک اتمه‌يه چکئله‌جک و بئر سوفره آرخاسيندا يالان دانيشاجاقلار. لاکئن هچ بئر شي باش توتماياجاق، چونکي اونلارين آخيري موعيّن واختدا اولاجاق.
شئمال پادشاهي بؤيوک ثروتله اؤز اؤلکهسئنه قاييداجاق، لاکئن اوره‌يي موقدّس عهدئن ضئدّئنه چکئله‌جک. ائسته‌دئيئني ادئب اؤز اؤلکهسئنه دؤنهجک.
موعيّن بئر واخت گئنه جنوبا گلهجک، آمّا بو واخت قاباقکي کئمي اولماياجاق.
کئتّئم گَمئلري اونون ضئدّئنه گلهجک و او، روحدان دوشوب گری دؤنهجک. قضبله‌نئب موقدّس عهده ضئدّ چيخاجاق و گئنه موقدّس عهدي بوراخانلارلا ياخشي رفتار ادهجک.
اونون گؤنده‌ردئيي قوشونلار قالخيب قالاني، موقدّس مکاني نجئسلَيه‌جک، دائمي يانديرما قوربانيني دايانديراجاق و وئرانهلئک گتئرن ائيرنج شيي قوياجاقلار.
او، عهده خيانت ادنلري يالتاقليقلا يولدان آزديراجاق، لاکئن اؤز تاريسيني تانييان خالق قووّتله‌نئب عمله گئرهجک.
خالقين آغيلّي آداملاري، چوخونا فهم ورهجکلر، لاکئن بئر مودّت قيلينجلا اؤلدوروله‌جکلر، يانديريلاجاقلار، اسئر دوشهجکلر و قارت ادئله‌جکلر.
اونلار مغلوب اولاندا، اونلارا بئر آز کؤمک ادئلهجک، آمّا چوخ آدام رئياکارجاسينا اونلارا قوشولاجاق.
آغيلّي آداملاردان بعضئسي هلاک اولاجاق کي، قالانلاري آخير زامانا قدر خالئصله‌شئب تمئزلَنسئن و لکهسئز اولسون. چونکي آخير زامان گئنه ده موعيّن واختدا اولاجاق.
پادشاه، ائسته‌دئيئني ادهجک، کئبئرله‌نئب اؤزونو بوتون آللاهلاردان يوخاري ساياجاق، آللاهلارين تاريسينين ضئدّئنه، چوخ ياوا دانيشاجاق و تارينين قضبي تاماملاياناجاق اوغور قازاناجاق، چونکي موعيّن ادئلَن شي يرئنه يِتئشمه‌لي‌دئر.
هچ بئر آللاها احتئرام گؤرسدميه‌جک، نه اؤز آتالارينين آللاهلارينا، نه آروادلارين سِودئيئنه، نه ده هر هانسي بئر تارييا. چونکي اؤزونو بوتون آللاهلاردان يوخاري ساياجاق.
آنجاق اونون عوضئنه قالالار آللاهيني عئزّتلَندئره‌جک؛ آتالارينين تانيماديغي بئر آللاهي. او بو آللاهي قيزيل، گوموش، قئيمتلي داشلار و گؤزل اشيالارلا عئزّتلَندئره‌جک.
او، ياد بئر آللاها بِل باغلاماقلا لاپ گوجلو قالالارا هوجوم ادهجک. اونو قبول ادنلري حدّئندن آرتيق عئزّتلَندئره‌جک و اونلاري چوخلو آداملارا باشچي قوياجاق و اؤلکهني اوجرت اولاراق اونلارين آراسيندا بؤلوشدوره‌جک.
آمّا آخير زاماندا جنوب پادشاهي اونونلا ووروشاجاق. شئمال پادشاهي اؤز دؤيوش عارابالاري، آتلي‌لاري و چوخلو گَمئلري ائله طوفان کئمي اونون اوستونه هوجوم چکهجک، موختلئف اؤلکهلري ائستئلا ادهجک و اونلاردان سل کئمي کچهجک.
گؤزل اؤلکهيه ده گئرهجک. چوخلو اؤلکه ائشغال اولوناجاق، لاکئن اِدوم، موآب و عَمّونلولارين باشچيلاري اونون اَلئندن قورتاراجاقدير.
او، باشقا اؤلکهلره ضربه ووراجاق، مئصئر اؤلکه‌سي ده خئلاص اولا بئلميهجک.
مئصئرئن قيزيل-گوموش خزئنهلرئني و بوتون ثروتلرئني اَله کچئرده‌جک. لئبيالي‌لار و کوشلولار دا اونا تابع اولاجاقلار.
لاکئن شرقدن و شئمالدان گلن خبرلر اونو ناراحات ادهجک. بؤيوک حئدّتله يولا دوشهجک کي، بئر چوخلاريني اؤلدوروب محو اتسئن.
اؤز پادشاه چاديرلاريني دهنزله گؤزل موقدّس داغين آراسيندا قوراجاق. آنجاق اونون عاقئبَتي چاتاجاق و هچ کس اونا کؤمک اده بئلميهجک.
او دؤورده سنئن خالقيني قورويان باش ملک مئکاييل قالخاجاق و اِله بئر عذابلي دؤور گلهجک کي، هچ مئلّتئن ياراناندان او واختا قدر بِله‌سي اولماييب. لاکئن او دؤورده سنئن خالقيندان کئتابدا آدي يازيلميش اولان هر کس خئلاص اولاجاق.
تورپاغين آلتيندا ياتانلارين چوخو ابدی حيات اوچون، لاکئن بعضئسي ابدی خجالت و روسوايچيليق اوچون اوياناجاق.
آغيلّي آداملار گؤي قوبّه‌سئنئن پاريلتيسي کئمي، چوخونو صالحلئيه دؤنده‌رَنلر ده اولدوزلار کئمي ابدی و دائم پارلاياجاقلار.
آنجاق، سن ای دانيال، آخير زامانا قدر بو سؤزلري سئرّ ساخلا و بو کئتابي مؤهورله؛ چوخ آدام اؤزونو اورا-بورا ووراجاق و بئلئک آرتاجاق."
او واخت من دانيال گؤردوم کي، باشقا ائکي آدام، بئري چايين بو تاييندا، او بئري ده چايين او تاييندا دوروب.
بئري چايين سولاري اوستونده اولان کتان گِيئنمئش آداما ددي: "بو عجايئب حادئثهلرئن باشا گلمه‌سي نه قدر زامان آلاجاق؟"
من اشئتدئم کي، چايين سولاري اوستونده اولان کتان گِيئنمئش آدام صاغ و سول اَلئني گؤيه قالديريب، ابدی ياشايانين آدينا آند ائچدي: "بئر زامان، ائکي زامان و ياريم زامان کچهجک، موقدّس خالقين گوجو کامئل آرادان گِدندن سونرا بوتون بونلار قورتاراجاق."
من بونو اشئتدئم، آمّا باشا دوشمه‌يئب سوروشدوم: "ای آغام، بس بونلارين نتئجهسي نه اولاجاق؟"
او جاواب وردی: "گت، ای دانيال. چونکي بو سؤزلر آخير زامانا قدر سئرّ اولاجاق و مؤهورلو قالاجاقدير.
چوخلاري پاکلانيب لکهسئز و خالئص اولاجاق، آمّا پئس آداملار شر ائشلرئندن دؤنميه‌جکلر. پئس آداملاردان هچ بئري بو سؤزلري باشا دوشميهجک، لاکئن آغيلّي آداملار باشا دوشهجکلر.
دائمي يانديرما قوربانلارينين دايانديريلديغي و وئرانهلئک گتئرن ائيرنج شيئن قويولدوغو واختدان مئن ائکي يوز دوخسان گون کچهجک.
خوش او آدامين حالينا کي، گؤزلهيئر و مئن اوچ يوز اوتوز بش گونه يِتئشئر!
آمّا سنه گلئنجه، سن اؤز يولونا آخيراجاق داوام ات. سن راحاتينا قوووشاجاقسان و گئنه قالخاجاقسان کي، آخئرت گونو قئسمتئني آلاسان."
بو ربّئن سؤزودور کي، يهودا پادشاهلاري عوزئيّا، يوتام، آحاز، خئزقئيا و ائسرايئل پادشاهي يِهوآش اوغلو يَروبعامين دؤورونده بِعِري اوغلو هوشه‌يه نازئل اولدو.
رب هوشه‌يئن واسئطهسئله دانيشماغا باشلايارکَن، اونا بله ددي: "گت فاحئشه بئر آرواد آل و اوندان زئنا اوشاقلارين اولسون، چونکي اؤلکهنئن خالقي ربدن اوز دؤنده‌رئب اونا حدسئز خيانت ادئر."
هوشَع گدئب دئبلايئمئن قيزي گومِري اؤزونه آرواد آلدي. گومِر بويلو اولوب اونا بئر اوغول دوغدو.
رب هوشَه‌يه ددي: "اونون آديني يئزرِعِل قوي، چونکي عنقرئب من يئزرِعِلده تؤکولَن قانين جزاسيني يِيهو نسلئنه چکدئره‌جيم و ائسرايئل نسلئنئن پادشاهليغينا آخير قوياجاغام.
همئن گون يئزرِعِل دره‌سئنده ائسرايئلئن کامانيني قيراجاغام."
گومِر گئنه بويلو اولوب بئر قيز دوغدو. رب هوشَه‌يه ددي: "اونون آديني لو-روخاما قوي، چونکي من داها ائسرايئل نسلئنه مرحمتلي اولماياجاغام کي، اونلاري باغيشلاييم.
آمّا يهودا نسلئنه من مرحمت گؤرسه‌ده‌جيم و اونلاري کامان، قيلينج، موحارئبه، آتلار و آتليلار وسئلهسئله يوخ، اونلارين رب تاريسي وسئلهسئله خئلاص ادهجيم."
گومِر لو-روخاما‌ني سوددن کَسن واخت، گئنه بويلو اولوب بئر اوغول دوغدو.
رب ددي: "اونون آديني لو-عَمّي قوي، چونکي سئز منئم خالقيم ديئلسئنئز، من ده سئزئن تارينيز ديئلم.
آنجاق ائسرايئل اؤولادلاري دهنز قومو کئمي سايسيز-حسابسيز اولاجاق. اونلارا «سئز منئم خالقيم ديئلسئنئز» ديئلَن يرده، «سئز وار اولان تارينين اؤولاديسينيز» ديئلهجک.
يهودا و ائسرايئل اؤولادلاري بئر يِره ييغيليب اؤزلرئنه واحئد باشچي تعيئن ادهجک. اونلار اؤلکه‌دن چيخاجاقلار، چونکي يئزرِعِل گونو مؤحتشم بئر گون اولاجاق.
قارداشلارينيزي عَمّي، باجيلارينيزي دا روخاما ديئب چاغيرين.
باشلايين آنانيزين ضئدّئنه اولان داعواني، باشلايين، چونکي او، منئم آرواديم ديئل، من ده اونون اَري ديئلم. قوي اوزونده گؤرونَن فاحئشه‌لئيي، سئنه‌لرئنئن آراسيندا اولان فاحئشه‌لئيي آتسين.
يوخسا اونو چيل-چيلپاق سويوندوروب لوت، آنادان‌گلمه ادهجيم. من اونو صحرا کئمي، قورو تورپاق کئمي ادهجيم، سوسوزلوقدان اؤلدوره‌جيم.
اونون بالالارينا دا رحم اتميه‌جيم، چونکي اونلار زئنا اؤولادي‌ديرلار.
اونلارين آناسي فاحئشه‌لئک اتدي. اونلارا بويلو قالان آرواد رذئل‌لئک اتدي، چونکي ددي: «اويناشلاريمين دالينجا گده‌جيم، چؤره‌يئمي، سويومو، يونومو، کتانيمي، زيتون ياغيمي و ائچکئمي ورن اونلاردير.»
بونا گؤره ده، باخ، اونون يولونو تئکانلارلا کَسئب قاباغينا حاصار چکه‌جيم، اِله کي، اؤز يولونو تاپا بئلميهجک.
اويناشلارينين دالينجا گدهجک، لاکئن اونلارا چاتماياجاق. اونلاري آختاراجاق، آمّا تاپماياجاق. او زامان دئيهجک: «قوي اؤز اوّلکي اَرئمئن يانينا قاييديم، چونکي او واخت حاليم ائندئکئندن ياخشي ائدي.»
آمّا او بئلمئردي کي، اونا تاخيلي، تزه شرابي، زيتون ياغيني ورن منم. بَعَل بوتو اوچون صرف اتدئکلري قيزيل-گوموشو چوخالدان منم.
بونا گؤره ده محصول واختيندا تاخيليمي، اؤز مؤوسومونده تزه شرابيمي گری آلاجاغام. چيلپاقليغيني اؤرتمک اوچون اونا وردئيئم يونو و کتاني اَلئندن آلاجاغام.
سونرا اويناشلارينين قاباغيندا اونون عاييبيني اوزه چيخارداجاغام. کئمسه اونو اَلئمدن قورتارا بئلميهجک.
اونون بوتون شادليقلارينا، بايراملارينا، تزه آي مراسئملرئنه، سَبّت گونلرئنه و بوتون طنطنه‌لي ييغيناقلارينا آخير قوياجاغام.
مِينه‌لرئني، اَنجئر آغاجلاريني محو ادهجيم. او بونلار بارهده ديئردي: «بو، اويناشلاريمين منه وردئيي اوجرَتدئر.» باغلاريني تئکانليغا چِوئره‌جيم، وحشي حيوانلار اونلاري يئيه‌جکلر.
بَعَل بوتلرئنه بوخور يانديرديغي گونلر اوچون اونو جزالانديرجاغام. او واخت گوشوارالار و جواهئراتلا اؤزونو بَزه‌يه‌رک اويناشلارينين دالينجا گتدي، لاکئن منی ياددان چيخارتدي." رب بله بويورور.
"بونا گؤره ده، باخ، من اونو دئله توتوب صحرايا آپاراجاغام، اونونلا مهرئبان دانيشاجاغام.
اورادا اونا اوزوم باغلاريني ورهجيم، آکور دره‌سئني اومئد قاپيسينا چِوئره‌جيم. جاوانليق گونلرئنده اولدوغو کئمي، مئصئر تورپاغيندان چيخديغي گون کئمي، اورادا نغمه اوخوياجاق."
رب بويورور: "همئن گون منه «منئم اَرئم» دئيه‌جکسن، آرتيق «منئم بَعه‌لئم» دِميه‌جکسن.
چونکي بَعَل بوتلرئنئن آدلاريني دئلئندن سئله‌جيم، اِله کي، اونلارين آدي بئر داها يادا سالينماياجاق.
او گون سنئن اوچون چؤل حيوانلاري، گؤي قوشلاري، و يرده سوروننلرله عهد کَسه‌جيم. اؤلکه‌دن کاماني، قيلينجي، موحارئبه‌ني گؤتورهجيم، سني اَمئن-آمانليقدا ياتيرداجاغام.
سني ابدی اولاراق اؤزومه نئشانلاياجاغام، صالحلئک، عدالت، مهرئبانليق و شَفقَتله سني اؤزومه نئشانلاياجاغام.
سني صداقتله اؤزومه نئشانلاياجاغام، و سن ربّی تانيياجاقسان."
رب بويورور: "او گون جاواب ورهجيم، گؤيلره جاواب ورهجيم، اونلار دا يِره جاواب ورهجکلر.
يِر تاخيلا، تزه شرابا و زيتون ياغينا جاواب ورهجک، اونلار دا يئزرِعِله جاواب ورهجکلر.
خالقيمي اؤلکهده اؤزوم اوچون اَکه‌جيم، مرحمت تاپماميش اولانا دا مرحمت گؤرسده‌جيم. «خالقيم ديئل» دِدئيئمه خالقيم اولمايانا «سئز خالقيمسينيز!» دئيه‌جيم. اونلار دا منه «تاريميزسان» دئيهجکلر."
رب گئنه منه ددي: "گت گئنه ده باشقا بئرئنئن سِودئيي آروادي کي، فاحئشه‌دئر ده، سِو. نجه کي رب ائسرايئل اؤولادلاريني سِوئر، گرچي اونلار باشقا آللاهلارا اوز توتوب بونلارا تقدئم ادئلَن کئشمئش لاواشالاريني سِوئرلر."
من ده آروادي اؤزوم اوچون اون بش گوموش شِکِله و بئر ياريم خومِر آرپايا ساتين آلديم.
اونا ددئم: "اوزون مودّت منئم يانيمدا قالاجاقسان؛ زئنا اتميه‌جکسن، باشقا بئر کئشي ائله اولماياجاقسان، منئمله ده اولماياجاقسان.
اونا گؤره کي، ائسرايئل اؤولادلاري اوزون مودّت پادشاهسيز و باشچيسيز قالجاقلار و قوربان و موقدّس سوتون، اِفود و اِو بوتلري اولمادان ياشاياجاقلار.
سونرا ائسرايئل اؤولادلاري دؤنوب اؤزلرئنئن تاريسي ربّی و پادشاهلاري داوودو آختاراجاقلار. آخير گونلرده لرزه ائچئنده ربّه و اونون خيئرخاهليغينا طرف گلهجکلر."
"ای ائسرايئل اؤولادلاري، ربّئن سؤزونو اِشئدئن، چونکي بو اؤلکهده ياشايانلارلا ربّئن داعواسي وار. بو يرده نه صداقت قاليب، نه محبّت، نه ده تاريني تانيماق.
لعنت، يالان، قتل، اوغورلوق و زئنا هر يِره ياييليب. قدّارليق ادئب، قان اوستونه قان تؤکورلر.
بوندان اؤتري اؤلکه ياس توتور، اورادا ياشايان هر کس سولوب. چؤل حيوانلاري دا، گؤي قوشلاري دا، حتّا دهنزده‌کي باليقلار دا محو اولور.
آنجاق هچ کس داعوا اتمه‌سئن، هچ کس باشقاسيني تقصئرلَندئرمه‌سئن، چونکي سنئن خالقين کاهئنله چکئشَنلره بَنزه‌يئر.
سن گوندوز هِللَنه‌جکسن، پيغمبر ده گجه سنئنله بئرلئکده. سنئن آناني محو ادهجيم.
خالقيم بئلئکسئزلئکدن محو اولور. سن بئلئيي ردّ اتدئيئن اوچون، من ده سني ردّ ادهجيم کي، بئر داها منه کاهئنلئک اتميه‌سن. ائندي کي اؤز تارينين قانونونو ياددان چيخارديبسان، من ده سنئن بالالاريني ياددان چيخارداجاغام.
نه قدر چوخالديلار، منئم ضئدّئمه او قدر ده چوخ گوناه اتدئلر. اونلارين عئزّتئني روسوايچيليغا چِوئره‌جيم.
خالقيمين گوناهي ائله بَسله‌نئرلر، اونلارين تقصئرئنه جان آتيرلار.
خالقين باشينا گلن کاهئنئن ده باشينا گلهجک. توتدوقلاري يول اوچون اونلاري جزالانديرجاغام. عمللرئنئن عوضئني اونلارا ورهجيم.
يئيه‌جکلر، آمّا دويماياجاقلار؛ فاحئشه‌لئک ادهجکلر، آمّا چوخالماياجاقلار، چونکي اونلار ربّی ترک ادئب اونا محل قويمورلار.
زئنا، کؤهنه و تزه شراب اونلارين فهملرئني باشلاريندان چيخارديب.
خالقيم آغاج تئکه‌سئندن مصلحت آختارير، عصالاري اونلارا مشورت ورئر، چونکي فاحئشه‌لئک روحو اونلاري آزديريب، فاحئشه‌لئک اتمکله اؤزلرئنئن تاريسيندان آيريليبلار.
داغلارين باشيندا قوربان کَسئرلر، تپه‌لرده، پاليد، سِپئدار و چؤل پوسته‌سي آلتيندا کؤلگه‌لري گؤزل اولدوغو اوچون بوخور يانديريرلار. بونا گؤره ده قيزلارينيز فاحئشه‌لئک ادئرلر، گلئنلرئنئز ده زئناکارديرلار.
فاحئشه‌لئک ادن قيزلارينيزي، زئنا ادن گلئنلرئنئزي جزالانديرماياجاغام؛ چونکي کئشئلر اؤزلري ده فاحئشه‌لرله اويناشيرلار، بوت معبدلرئنئن فاحئشه‌لري ائله بئرلئکده قوربان کَسئرلر. بونا گؤره ده، درّاکه‌سئز خالق محو اولاجاق.
ای ائسرايئل، گرچي سن فاحئشه‌لئک ادئرسن، هچ اولماسا قويما يهودا تقصئرکار اولسون. گئلگالا گئرمه‌يئن، بِيت‌آوِنه چيخمايين. «وار اولان ربّئن حاقّي اوچون» ديئب آند ائچمه‌يئن.
بلی، ائسرايئل عئنادکار بئر بوزوو کئمي عئناد ادئر. ائندي رب اونلاري اوتلاقدا قوزو اوتاران کئمي نجه اوتارسين؟
اِفرايئم بوتلرئندن ياپيشيب، بوراخ اونو!
اونلار ائچکئلري قورتاراندان سونرا اؤزلرئني فاحئشه‌لئيه ورئرلر. اونلارين باشچيلاري روسوايچيليغي چوخ سِوئرلر.
اونلاري بئر يِل قانادلارينا بورويوب، اونلار قوربانلاريندان اؤتري اوتاناجاقلار.
ای کاهئنلر، بونو اِشئدئن! ای ائسرايئل نسلي، دئقّتله اِشئدئن! ای پادشاه ساراييندا اولانلار، قولاق ورئن! سئزئن باره‌نئزده حؤکم چيخاريلدي، چونکي سئز مئصپادا بئر تله، تابور داغينا سَرئلمئش بئر تور اولوبسونوز.
عاصئلر آدام اؤلدورمکله مشغولدورلار. آمّا من اونلارين هاميسيني تنبه ادهجيم.
اِفرايئمي تاني‌ييرام، ائسرايئل مندن گئزلي ديئل، چونکي ائندي سن فاحئشه‌لئک ادئبسن، ای اِفرايئم، ائسرايئل ده نجئسله‌نئب.
عمللري قويمور کي، اونلار اؤزلرئنئن تاريسينا طرف گری دؤنسونلر، چونکي ائچلرئنده فاحئشه‌لئک روحو وار، ربّی ده تانيميرلار.
ائسرايئلئن تکبّورو اؤزونون ضئدّئنه شهادت ورئر. ائسرايئلله اِفرايئم تقصئرلرئندن اؤتري هِل‌لَنئب. يهودا دا اونلارلا بئرلئکده هِللهنئر.
قويون-کِچئلري ائله، مال-حيوانلاري ائله ربّی آختارماغا گدهجکلر، آمّا تاپماياجاقلار، چونکي رب اونلاري ترک ادئب.
اونلار ربّه خيانت ادئبلر، چونکي بئج اوشاقلار دوغوبلار. ائندي تزه آي مراسئمي اونلاري زَمئلري ائله بئرلئکده يِيئب اوداجاق.
گئبعادا کَره‌ناي چالين، رامه‌ده شيپور چالين. بِيت‌آوِنده جار چکئن؛ آرخانا باخ، ای بِنيامئن!
اِفرايئم جزا گونونده وئران اولاجاق، بو يقئن سؤزو ائسرايئل قبئلهلري آراسيندا اعلان ادئرم.
يهودا باشچيلاري سرحد داشي دَيئشَنلر کئمي اولوبلار. قضبئمي سل کئمي اونلارين اوستونه تؤکه‌جيم.
اِفرايئم ظولم آلتينا گتدي، حؤکمله اَزئلدي، چونکي ائستيه‌رک بوش شيلرئن دالينا دوشدو.
من اِفرايئملی‌لره گووه کئمي‌يَم، يهودا نسلی اوچون کوف کئمي‌يَم.
اِفرايئم ناخوشلوغونو، يهودا ياراسيني گؤردوکده، اِفرايئم آشورا گتدي، بؤيوک پادشاهدان کؤمک ائسته‌دي، آمّا او سئزه شفا وره بئلمز، يارانيزي صاغالتماز.
چونکي من اِفرايئملی‌لره بئر شئر کئمي، يهودا نسلی اوچون جاوان بئر آصلان کئمي اولاجاغام. من، بلی من اونو پارچالاييب گده‌جيم، سورويه‌جيم و کئمسه اَلئمدن قورتارماياجاق.
سونرا قاييديب اؤز مسکنئمه گده‌جيم، او واختاجاق کي، اؤزلرئني گوناهکار ساياراق منئم حوضورومو آختاراجاقلار. بلايا دوشَنده قيرتله منی آختاراجاقلار."
"گلئن ربّه قاييداق. چونکي بئزي او پارچالاييب، لاکئن بئزه شفا ورهجک. او بئزي يارالاييب، آمّا ياراميزي ساريياجاق.
ائکي گون سونرا بئزي ياشاداجاق، اوچونجو گون بئزي دئرئلدهجک کي، اونون حوضوروندا ياشاياق.
گلئن ربّی تانيياق، اونو تانيماغا قيرت گؤرسه‌دَک. اونون چيخيشي گونشئن طولوعسو کئمي يقئن اولاجاق، ياغيش کئمي، تورپاغي سولايان ياز ياغيشي کئمي يانيميزا گلهجک."
"ای اِفرايئم، سنه نه اِدئم؟ ای يهودا، بس سنه نه اِدئم؟ چونکي وفانيز سحر دوماني، اِرکَن اوچوب گدن شِح کئميدئر.
بونا گؤره ده اونلاري پيغمبرلر واسئطهسئله پارچالاميشام، آغزيمدان چيخان سؤزلرله اؤلدورموشم. سئزئن اوستونوزده حؤکملرئم نور کئمي چاخير.
چونکي من قورباندان يوخ، وفادان خوشلانيرام. يانديرما قوربانلاريندان چوخ تاريني تانيماغينيزي ائسته‌يئرم.
آنجاق اونلار آدم کئمي عهدي پوزوبلار، اورادا اونلار منه خيانت ادئبلر.
گئلعاد شر آداملارين شهري‌دئر، قان ائزلري ائله دولودور.
حرامي دسته‌لري نجه ائنسان اوچون کمئنه ياتيرلار، کاهئن دسته‌لري ده شِکِمه گِدن يولدا آدام اؤلدورورلر؛ بلی، اونلار خبئثلئک ادئرلر.
ائسرايئل نسلئنده قورخولو بئر شي گؤرموشم، اِفرايئم فاحئشه‌لئيه باتيب، ائسرايئل اؤزونو نجئسله‌يئبدئر.
ای يهودا، سنئن اوچون ده بئر بئچئن گونو تعيئن ادئلدي، او زامان کي، من خالقيمي اسئرلئکدن قايتاريرام.
ائسرايئله شفا ورمک ائسته‌د‌ئيئمده، اِفرايئمئن گوناهلاري، سامئرهنئن پئسلئکلري اورتايا چيخير. چونکي حئيله ائله رفتار ادئرلر. اِولره اوغرو گئرئر، کوچهده حرامي دستهسي سويغونچولوق ادئر.
اورَکلرئنده دوشونمورلر کي، من اونلارين بوتون پئسلئکلرئني يادا ساليرام. ائندي عمللري اونلاري دؤوره‌له‌يئب؛ گؤزومون قاباغينداديرلار.
پادشاهي پئسلئکلري ائله، باشچيلاري يالانلاري ائله سِوئندئرئرلر.
هاميسي زئناکارديرلار، چؤرک پئشئره‌نئن يانان تندئري کئمي‌دئرلر؛ يوغرولان خمئر آجييانا قدر، تندئرچي اودونو قوردالاماغا احتئياج گؤرمور.
پادشاهيميزين آد گونونده باشچيلار شرابين ائستئسئندن ناخوشلاديلار، پادشاه دا ائستِهزاچيلارلا اَل-اَله وردی.
کمئنده ياتارکَن اورَکلري کوره کئمي قيزار؛ قضبلري بوتون گجه توستوله‌نَر، سحر ده آلوولو اود کئمي يانار.
اونلارين هاميسي کوره کئمي قيزميشدير. اؤز حاکئملرئني يانديريب ياخيرلار، بوتون پادشاهلاري ييخيليب. هچ بئري منی چاغيرمير.
اِفرايئم باشقا خالقلارا قاريشير، اِفرايئم بئر اوزو قيزارمايان فطئر کئميدئر.
اونون گوجونو اؤزگهلر يِيئر، آمّا او بئلمئر، ساچينا آغ دوشوب، لاکئن او بئلمئر.
گرچي ائسرايئلئن تکبّورو اونون ضئدّئنه شهادت ورئر، حله ده اؤزلرئنئن تاريسي ربّه طرف دؤنمه‌يئبلر، بوتون بونلار اوچون اونو آختارماييبلار.
بلجه اِفرايئم سَفِه اولوب، درّاکه‌سئز بئر گؤيرچئن کئمي اولوب. گاه مئصئرلی‌لري چاغيريرلار، گاه آشورا گِدئرلر.
اونلار گِدن زامان، من اونلارين باشينا تورومو آتاجاغام. گؤيدهکي قوشلار کئمي اونلاري ووروب يِره سالاجاغام. مجلئسلرئنده اعلان اولوندوغو کئمي اونلاري تنبه ادهجيم.
واي اونلارين حالينا! چونکي مندن اوزاقلاشيبلار! باشلارينا هلاکت گلسئن! چونکي منئم ضئدّئمه عوصيان ادئبلر. من ائسته‌يئردئم کی، اونلاري قورتاريم، آمّا اونلار منئم حاقّيمدا يالان دانيشيرلار.
ياتاقلارينين ائچئنده اولايان واخت، اورَکدن منه باغيرميرلار. تاخيل و تزه شراب اوچون بئر يِره ييغيليرلار. مندن اوز دؤنده‌رئرلر.
گرچي اونلاري من يِتئشدئردئم، قوللارينا گوج وردئم، لاکئن حله ده منئم ضئدّئمه شر قورورلار.
دؤنورلر، لاکئن اوجالاردا اولانا طرف يوخ. هدفي اَيري ووران کامان کئمي‌دئرلر. دئللرئنئن عارسيزليغي اوزوندن باشچيلاري قيلينج آغزينا دوشهجک. مئصئر اؤلکهسئنده کئنايه هدفي اولاجاقلار.
کَره‌ناي چالماغا حاضيرلاش! ربّئن اِوئنئن اوستونه دوشمن حاضيردير کی، کرکس کئمي هوجوم چکسئن. چونکي ائسرايئللی‌لر منئم عهدئمي پوزوبلار، منئم قانونوما عاصي چيخيبلار.
اونلار منه باغيريرلار: «تاريم، بئز ائسرايئللی‌لر سني تاني‌ييريق.»
ائسرايئل ياخشيليغي ردّ ادئب، دوشمن اونو تعقئب ادهجک.
اؤزلرئنه پادشاه قويدولار، آمّا منئم واسئطَمله يوخ. من بئلمه‌دن اؤزلرئنه باشچيلار سِچدئلر. اؤزلرئنه قيزيل و گوموشلرئندن، اؤلوملرئنه يول آچان بوتلر دوزلتدئلر.
ای سامئره، سنئن دانا بوتونو ردّ اتمئشم! منئم قضبئم اونلارين ضئدّئنه آلوو چکئر. نه واختا قدر معصوم اولماياجاقلار؟
چونکي بو بوت ائسرايئلئن ائشئدئر؛ اوستا بئري اونو دوزهلدئب، اونا گؤره ده تاري ديئل. سامئره‌ده‌کي دانا بوتو تئکه-تئکه اولاجاق.
اونلار يِل اَکئرلر، طوفان بئچه‌جکلر. سونبول بئتئرمه‌ين بوغدا اون ورمز، ورسه ده، يادلار اونو اودار.
ائسرايئل اودولموشدور، ائندي اونلار مئلّتلر آراسينداديرلار، هچ کَسئن بَيَنمه‌دئيي بئر قاب کئمي اولوبلار.
اونلار تک گزن وحشي اِششَک کئمي آشورون طرفئنه گدئبلر. اِفرايئم اوجرَتله اؤزونه اويناشلار توتوب.
حتّا اگر مئلّتلر آراسيندا اوجرَتله اويناش توتسالار دا، من ائندي اونلاري بئر يِره ييغاجاغام. اونلار پادشاهين و باشچيلارين ظولموندن آزالماغا باشلاياجاقلار.
اِفرايئم گوناه تقدئمي اوچون، چوخلو قوربانگاه تئکدئيئنه گؤره، بونلار اونون گوناها باتيران قوربانگاهلاري اولوب.
گرچي اونلار اوچون چوخلو قانون يازديم، آمّا اونلار بونلاري ياد بئر شي حساب اتدئلر.
منه کَسئلَن قوربانلارا گلئنجه، اَتي منه قوربان گتئرئب اؤزلري يِيئرلر. رب اونلاردان راضي ديئل. ائندي اونلارين تقصئرلرئني يادا سالاجاق، گوناهکارلاريني جزالانديراجاق. اونلار مئصئره قاييداجاقلار.
چونکي ائسرايئل يارادانيني ياددان چيخارديب، اؤزونه سارايلار تئکئب. يهودا دا چوخلو قالالي شهرلر بئنا ادئب، لاکئن من اونون شهرلرئنه اود ياغديراجاغام کي، سارايلاريني آلوو يِسئن.
ای ائسرايئل، سِوئنمه! باشقا خالقلار کئمي شادليقدان آتيليب دوشمه، چونکي فاحئشه‌لئک ادئبسن، اؤز تاريني اونودوبسان. بوتون خرمنلرده فاحئشه‌لئک موزدونه کؤنول ورئبسن.
خرمن و اوزوم سيخان خالقي دويدورماياجاق، تزه شراب اونلارا قئسمت اولماياجاق.
ربّئن تورپاغيندا ياشاماياجاقلار، اِفرايئم مئصئره قاييداجاق، آشوردا نجئس يمک يئيهجک.
ربّه تقدئم اولاراق شراب تؤکميه‌جکلر، قوربانلاري اونا مقبول اولماياجاق. قوربانلار اونلارا ياس چؤره‌يي اولاجاق؛ اونو يئيَنلرئن هاميسي نجئس اولاجاقلار. چؤرکلري آنجاق اؤز قارينلاريني دويوراجاق، ربّئن اِوئنه گتئرئلميه‌جک.
طنطنه‌لي بايرامدا، ربّئن بايرام گونونده نه ادهجکسئنئز؟
چونکي باخ، هلاکتدن قاچسالار دا، مئصئر اونلاري ييغاجاق؛ موف اونلاري قبئره باسديراجاق. اونلارين گوموش خزئنهلرئني گئجئتکَن توتاجاق، چاديرلاريندا تئکان بئته‌جک.
اونلارين جزا گونلري گلئب، حاق-حساب گونلري يِتئشئب. قوي ائسرايئل بونو بئلسئن! تقصئرلرئنئزئن چوخلوغوندان، دوشمنچئلئيئنئزئن بؤيوکلويوندن، پيغمبر اَبله اولوب، روحاني آدام دَلئيه دؤنوب.
پيغمبر منئم تاريملا اِفرايئم اوستونه کشئک چکر. آمّا اونون گتدئيي هر يرده تله قورولوب، تاريسينين اِوئنده دوشمنچئلئک وار.
گئبعا گونلرئنده اولدوغو کئمي اونلار اؤزلرئني اولدوقجا فَسادا چکئبلر. تاري اونلارين تقصئرلرئني يادا سالاجاق، گوناهلاري اوچون اونلاري جزالانديراجاق.
صحرادا اوزوم تاپان کئمي من ائسرايئلي تاپديم. ائلک دفه محصول ورن انجئر نوباري کئمي من آتالارينيزي گؤردوم. آمّا اونلار بَعَل-پِعورا چاتديقلاريندا اؤزلرئني روسوايچي بوتلره وقف اتدئلر. اؤزلري ده سِودئکلري شيلر کئمي ائيرنج اولدولار.
اِفرايئمئن جلالي بئر قوش کئمي اوچوب گدهجک. نه دوغوم اولاجاق، نه بويلولوق. هچ کس ده حامئله اولماياجاق.
اوشاقلاريني بؤيوتسه‌لر ده، اؤلومله بالالاريني اَللرئندن آلاجاغام، اونلاري کئمسه‌سئز قوياجاغام. من اونلاري ترک اتدئکده واي اونلارين حاللارينا!
اِفرايئم، نجه کي، گؤرموشدوم، صور شهري کئمي گؤزل بئر يرده مسکن سالميشدي. آمّا اِفرايئم اؤز اؤولادلاريني جَلّادين قاباغينا چيخارداجاق."
اونلارا ور يارب! اونلارا نه وره‌جکسن؟ اونلارا اوشاق سالان بطن، سودسوز دؤشلر ور!
رب ديئر: "اونلار بوتون پئسلئيي گئلگالدا ادئرلر، دوغرودان دا اورادا اونلارا نئفرت اتدئم. اتدئکلري پئس عمللردن اؤتري اونلاري اِوئمدن قوواجاغام. آرتيق اونلاري سِوميه‌جيم. بوتون باشچيلاري عاصئدئرلر.
اِفرايئم وورولوب، کؤکلري قورويوب. اونلار بار ورميه‌جکلر. اگر دوغسالار دا، بطنلرئنئن عزئز باريني من اؤلومه ورهجيم."
تاريم اونلاري ردّ ادهجک، چونکي اونا قولاق آسماييبلار. مئلّتلر آراسيندا سرگردان گزهجکلر.
ائسرايئل بئر قوللو-بوداقلي مِينه‌دئر کي، اؤزونه بول-بول بار گتئرئر. باري آرتديقجا داها چوخ قوربانگاهلار تئکدي. تورپاغي برکتلي اولدوقجا داها گؤزل موقدّس سوتونلار قوردولار.
اونلارين اورَکلري يالانلا دولودور، ائندي گرک خاطالارينين جزاسيني داشيسينلار. رب اونلارين قوربانگاهلاريني داغيداجاق، موقدّس سوتونلاريني سينديراجاق.
او واخت اونلار دئيهجک: "بئزئم پادشاهيميز يوخدور، چونکي بئز ربدن قورخموروق. پادشاهيميز اولسا دا، بئزئم اوچون نه اده بئله‌جک؟"
آنجاق بوش سؤزلر دانيشيرلار؛ بوش آندلارلا عهد باغلاييرلار، بونا گؤره ده محکمه ائشلري شوخوملانميش زَمئده‌کي زَهَرلي اوت کئمي بؤيويور.
سامئره ساکئنلري بِيت‌آوِنده‌کي دانا بوتونه گؤره تئتره‌يئرلر. اونون اوچون خالقي ياس توتور. اونون بوتپرست کاهئنلري ده شئون چکئر، چونکي جلالي اوندان آيريليب.
بوت اؤزو آشورا، بؤيوک پادشاها خراج آپاريلاجاق. اِفرايئم بي‌آبير اولاجاق، ائسرايئل آلديغي مصلحتدن اوتاناجاق.
سامئره و اونون پادشاهي سو اوستونده‌کي چوبوق کئمي آخيب گدهجک.
آوِنده‌کي اوجا يِرلرده اولان پرستئشگاهلار کي، ائسرايئلئن گوناهي ائدئلر، يوخ اولاجاقلار. اونون قوربانگاهلاريندا تئکان و قانقال بئته‌جک. او زامان داغلارا "بئزي اؤرتون!"، تپهلره ده "اوستوموزه ييخيلين!" دئيهجکلر.
"گئبعادا کچئرتدئيئن گونلردن بَري، گوناه ادئبسن، ای ائسرايئل؛ اورادا اؤز ائشلرئني داوام اتدئرئبلر. مگر موحارئبه حاقسيزليق اؤولادلاريني گئبعادا ياخالاماز؟
من، ائسته‌دئيئم زامان، اونلاري تنبه ادهجيم. خالقلار اونلارين ضئدّئنه بئرله‌شئب، ائکي‌قات تقصئرلرئندن اؤتري اونلاري اسئر ادهجک.
اِفرايئم تربئيه ورئلمئش، تاخيل دؤيمه‌يي سِوَن دانا کئمي ائدي. من اونون گؤزل بوينونو اسئرگه‌دئم. ائندي آمّا اِفرايئمي يوغ آلتينا ورهجيم؛ يهودا گرک يِر شوخوملاسين، يعقوب گرک اؤزو اوچون ديرميق چکسئن.
اؤزونوز اوچون صالحلئک اَکئن، محبّت بَهَرئني بئچئن. دئنجه قويولموش تورپاغينيزي شوخوملايين، چونکي ربّی آختارماق واختيدير. اِله کي، گلسئن و اوستونوزه صالحلئک ياغديرسين.
سئز شرارت اَکئبسئنئز، ظولم بئچئبسئنئز. يالانين بَهَرئني يِيئبسئنئز. چونکي اؤز يوللارينيزا، چوخلو جنگاورلرئنئزه بِل باغلاييبسينيز.
بونا گؤره، خالقينيزين ائچئنده موحارئبه گورولتوسو قوپاجاق، بوتون قالالارينيز داغيلاجاق، نجه کي شَلمَن، موحارئبه گونونده بِيت‌اَربِلي داغيتدي؛ آنالار اوشاقلاري ائله بئرلئکده يِره چيرپيليب پارچالانديلار.
ای بِيت‌ائل، پئسلئيئنئن چوخلوغو اوزوندن سنئنله ده بله رفتار ادئلهجک. سحر آچيلاندا ائسرايئل پادشاهي بوسبوتون هلاک اولاجاق.
ائسرايئل اوشاق ائکَن، اونو سِودئم، اؤز اوغلومو مئصئردن چاغيرديم.
نه قدر چوخ چاغيريلديلار، او قدر چوخ اوزاقلاشديلار. بَعَل بوتلرئنه قوربان کَسدئلر، اويما بوتلره بوخور يانديرديلار.
آمّا حله ده اِفرايئمه يِرئمه‌يي من اؤيرَتدئم، اونلاري قوللاريم اوستونه آلديم. آنجاق بئلمه‌دئلر کي، اونلارا من شفا وردئم.
اونلاري مهرئبانليق ائپلري ائله، محبّت باغلاري ائله چکدئم. اونلار اوچون چَنه‌لرئندن يوغو قالديران بئر کس اولدوم، اَيئلئب اونلارا يمک وردئم.
مئصئره قاييتماياجاقلار، لاکئن آشور اونلارا پادشاه اولاجاق. چونکي اونلار منه دؤنمه‌يه ائمتئناع اتدئلر.
شهرلرئنئن ائچئنده قيلينج فيرلاناجاق، اونلارين دروازا چفته‌لرئني قيراجاق. فئتنه‌لري اوزوندن اونلاري يِيئب اوداجاق.
خالقيم مندن اوزاقلاشماق اوچون قرارلي‌دير. اوجالاردا ساکئن اولاني چاغيرسالار دا، اونلاري هچ واخت قالديرماياجاق.
ای اِفرايئم، سني نجه اَلدن وره‌بئله‌رم؟ ای ائسرايئل، سني نجه تسلئم اده‌بئله‌رم؟ اَدمايا اتدئيئمي سنه نجه اده‌بئله‌رم؟ سني نجه صِبويئم کئمي اده‌بئله‌رم؟ سئنَمده اوره‌يئم آلت-اوست اولور، شَفقَتئم آلوولانير.
من آلوولانان قضبئمي تؤکميه‌جيم، اِفرايئمي بئر داها محو اتميه‌جيم. چونکي من تارييام، ائنسان ديئلم، آرانيزدا موقدّس اولانام. قضبله اوستونوزه گلميه‌جيم.
اونلار آصلان کئمي نعره چکن ربّئن داليسيجا گدهجک. او، نعره چکنده، اؤولادلاري قربدن تئتره‌يه‌رک گلهجک.
مئصئردن قوشلار کئمي، آشور اؤلکهسئندن گؤيرچئنلر کئمي تئتره‌يه‌رک گلهجکلر. اونلاري اِولرئنده ساکئن ادهجيم." رب بويورور.
اِفرايئم يالانلا، ائسرايئل نسلی حئيله ائله اطرافيمي آليب، لاکئن يهودا حله ده تارييا باغلي‌دير، حله ده موقدّس اولانا وفالي‌دير.
اِفرايئم يِل‌له بَسله‌نئر، بوتون گون شرق کوله‌يئنئن دالينجا گِدئر. يالاني، قدّارليغي آرتيرير. آشورلا عهد باغلايير، مئصئره زيتون ياغي گؤنده‌رئر.
ربّئن يهودا ائله داعواسي وار، يعقوبو گتدئيي يوللارا گؤره جزالانديراجاق، عمللرئنه گؤره اونا عوض ورهجک.
او حله آنا بطنئنده ائکن قارداشينين توپوغوندان توتدو، بؤيوکلوک چاغيندا تاري ائله گولَشدي.
مَلَکله گوله‌شئب اونا قالئب گلدي، آغلاياراق اوندان ائلتئفاط ائسته‌دي. او تاري ائله بِيت‌ائلده گؤروشدو، اورادا تاري اونونلا دانيشدي؛
رب، قوشونلار تاريسي، رب آديندا يادا ساليلير.
بونا گؤره ده سن تارينا دؤن، محبّت، و عدالتي يرئنه يتئر، همئشه تاريني گؤزله.
او، تاجئردئر، اَلئنده‌کي آلداديجي تَره‌زي ائله آلداتماغي سِوئر.
اِفرايئم ديئر: "دوغرودان دا، من وارلي‌يام، اؤزوم اوچون ثروت ييغميشام. چکدئيئم بوتون زحمتلرده، گوناه ساييلاجاق بئر تقصئر منده تاپا بئلميه‌جکلر."
"لاکئن سني مئصئردن چيخاردان تارين رب منم. بايرام گونلرئنده اولدوغو کئمي سني گئنه اؤز چاديرلاريندا ساکئن ادهجيم.
من نبي‌لرله دانيشديم، چوخلو رؤيا گؤنده‌ردئم، پيغمبرلرئن دئلئندن مثللر ددئم."
گئلعاد خالقي تقصئرلئدئر، دوغرودان دا، يارامازدير. گئلگالدا گاميشلاري قوربان کَسئرلر. اونلارين قوربانگاهلاري شوخوملانميش زَمئده‌کي داش قالاقلاري کئمئدئر.
يعقوب اَرام تورپاغينا قاچدي، اورادا ائسرايئل آرواد اوچون قول اولدو، آروادا گؤره قويون قوروقچوسو اولدو.
رب ائسرايئلي بئر پيغمبر واسئطهسئله مئصئردن چيخارتدي، بئر پيغمبر واسئطهسئله اونو قورودو.
اِفرايئم تاريني بَرک قضبلَندئرئب، اونا گؤره ده تؤکدويو قانين تقصئري اؤز بوينوندا اولاجاق. اونون پروردئگاري، اونون روسوايچيليغيني اؤزونه قايتاراجاق.
اِفرايئم دانيشاندا هامي تئتره‌يئردي. ائسرايئلده اوجالميشدي، آمّا بَعَله سيغينيب گوناها باتاندا، محو اولدو.
ائندي گوناه اوستونه گوناه ادئرلر، گوموشلرئندن اؤزلرئنه تؤکمه بوتلر، مهارتله دوزه‌لمئش بوتلر دوزه‌لدئرلر. هاميسي اوستا ائشئدئر. اونلار بارهده ديئلئر: "قوربان گتئرن آداملار، دانالاري اؤپسونلر!"
بونا گؤره ده سحر دوماني کئمي، اِرکَن اوچوب گدن شِح کئمي، خرمنده سوورولان سامان چؤپو کئمي، باجادان چيخان توستو کئمي اولاجاقلار.
"آنجاق سني مئصئردن چيخاردان تارين رب منم. سن مندن باشقا تاري تانيمامالي‌سان، و مندن باشقا خئلاصکار يوخدور.
من ائدئم کي، سنه چؤلده، قوراق تورپاقلاردا گؤز-قولاق اولموشدوم.
اونلاري کؤکَلتدئيئمه گؤره دويدولار، دوياندان سونرا اونلارين اوره‌يي کئبئرلَندي، بونا گؤره ده منی ياددان چيخارتديلار.
بونا گؤره من اونلارا بئر آصلان اولاجاغام، پلنگ کئمي يول کناريندا کمئنده دوراجاغام.
بالالاري اوغورلانميش آيي کئمي اونلارا هوجوم چکه‌جيم، اورَکلرئنئن پرده‌سئني ييرتاجاغام. دئشي آصلان کئمي اونلاري يِيئب قورتاراجاغام، وحشي بئر جاناوار اونلاري پارچالاياجاق.
ای ائسرايئل، منه، کؤمکچئنه ضئدّ چيخماغين سني اؤلومه آپارير.
ائندي پادشاهين هارادادير کي، بوتون شهرلرئنده سني خئلاص اتسئن؟ حاکئملرئن هارادادير؟ سن کي اونلار بارهده ديئردئن: «منه بئر پادشاه ور، باشچيلار ور.»
قضبئم ائچئنده سنه پادشاه وردئم، قِيضئم ائچئنده اونو گؤتوردوم.
اِفرايئمئن تقصئري بئربئرئنئن اوستونه قالانيب، گوناهي آنبارا قويولوب.
اِفرايئمئن آنادان دوغولما واختينين آغريلاري توتوب؛ لاکئن او، آغيلسيز اوغولدور. چونکي واختي چاتاندا بطندن چيخماغا لَنگئيئر.
آيا اونلاري اؤلولر دئيارينين اَلئندن قورتاريم؟ اونلاري اؤلومدن خئلاص اِدئم؟ ای اؤلوم، بلالارين هاني؟ ای اؤلولر دئياري، سانجماغين هاني؟ شَفقَت گؤزومدن گئزلي‌دئر.
اِفرايئم اؤز قارداشلاري آراسيندا بارلي-بَهَرلي اولسا دا، شرق يِلي، صحرادان قالخان ربّئن کوله‌يي گلهجک، اونون بولاغي قوروياجاق، چِشمه‌سئنئن سويو کَسئله‌جک. بوتون قئيمتلي شيلر خزئنه‌سي قارت اولوناجاق.
سامئره خاطاسينين جزاسيني چکهجک، چونکي تاريسينا عاصي اولدو. اونلار قيلينج آغزينا دوشوب اؤله‌جکلر. بالالاري يِره چيرپيليب پارچالاناجاق، حامئله آروادلارينين قارني ياريلاجاق."
تارين ربّه دؤن، ای ائسرايئل، چونکي تقصئرلرئندن اؤتري ييخيليبسان.
اؤزونوزله سؤزلر گؤتورون و ربّه طرف دؤنون. اونا بله ديئن: "بوتون تقصئرلرئمئزي بئزدن گؤتور، بئزي ياخشيليقلا قبول ات. گاميشلار يرئنه آغزيميزدان چيخان شوکورلري تقدئم ادئرئک.
آشور بئزي خئلاص اتميهجک، آتلارين بِلئنه مئنميه‌جيئک، آرتيق اَل ائشلرئمئزه «تاريميز» دِميه‌جيئک. چونکي يِتئم سندن مرحمت گؤرهجک."
"اونلارين دؤنوکلويونه علاج ورهجيم، اونلاري اورَکدن سِوه‌جيم، چونکي قضبئم اونلاردان واز کِچئب.
من ائسرايئله شِح کئمي اولاجاغام، او، زانباق کئمي چئچک آچاجاق، لوبنان سئدري کئمي کؤک آتاجاق.
قوللو-بوداقلي اولاجاق، زيتون آغاجي کئمي گؤزل اولاجاق، لوبنان سئدري کئمي عطئر ساچاجاق.
آداملار گئنه ده کؤلگهسي آلتيندا اوتوروب بوغدا کئمي جوجه‌ره‌جکلر، مِينه کئمي چئچکلَنه‌جکلر، شؤهرتلري لوبنان شرابي کئمي اولاجاق.
اِفرايئم دئيهجک: «آرتيق بوتلر نه‌يئمه گرکدئر؟» منم کي، سنئن سَسئني اشئدئب سني قورويورام. من همئشه ياشيل شام آغاجي کئمي‌يَم، سنئن بار ورمهيئن مندن گلئر.
کئم حئکمتلي‌دئر، بو سؤزلري درک اتسئن، کئم درّاکه‌لي‌دئر، بونلاري باشا دوشسون. چونکي ربّئن يوللاري دوزدور. صالحلر او يوللارلا گدئرلر، لاکئن عاصئلر او يوللاردا بودره‌يئرلر."
پِتوعِل اوغلو يوعِله نازئل اولان ربّئن سؤزو بودور:
ای آغساقّاللار، بونو اِشئدئن. ای بوتون اؤلکه اهالئسي، بونا قولاق آسين، سئزئن زامانينيزدا، يا دا آتالارينيزين زامانيندا، بله بئر شي مگر اولوب؟
سئز بونو اؤولادلارينيزا دانيشين. اؤولادلارينيز دا اؤز اؤولادلارينا، اونلارين اؤولادلاري دا گلهجک نسله دانيشسينلار.
کَسئجي چَيئرتکه‌لردن قالاني، قايناشان چَيئرتکه يِيئب، قايناشان چَيئرتکه‌دن قالاني، توللانان چَيئرتکه يِيئب، توللانان چَيئرتکه‌دن قالاني، داغيديجي چَيئرتکه يِيئبدئر.
آييلين، ای کِفلی‌لر و آغلايين. ای شراب کِفلی‌لري، هامينيز باغيرين، اونا گؤره کي، شئرئن شراب آغزينيزدان آليندي.
چونکي منئم تورپاغيمين اوستونه قووّتلي و سايسيز-حسابسيز بئر مئلّت هوجوم ادئب. اونلارين دئشلري آصلان دئشلري کئميدئر، اونلاردا دئشي آصلانين ييرتيجي دئشلري وار.
منئم اوزوم آغاجيمي محو ادئب، انجئر آغاجيمي تئکه-تئکه ادئر، قابيقلاريني کامئل سويوب يِره آتيب، بوداقلاري آغ قاليب.
جاوانليقدا نئشانليسيني ائتئرَن، تامامن چول گِيئنَن بئر قيز کئمي باغيرين.
ربّئن اِوئندن تاخيل و مايع تقدئملرئني کَسئلئب، ربّه خئدمت ادن کاهئنلر ياس توتور.
زَمي وئران قاليب، تورپاق آغلايير، چونکي تاخيل زاي اولوب، تزه شراب قورولوب، زيتون ياغي قورتاريب.
بوغدا و آرپايا گؤره ای اَکئنچئلر، اوتانين! ای باغبانلار، باغيرين! چونکي تورپاغين محصوللاري يوخا چيخيب،
تَنَک قورويوب، انجئر آغاجي سولوب، نار، خورما، آلما، چؤلون بوتون آغاجلاري قورويوب. دوغرودان دا بشر اؤولادلاري آراسيندان شادليق يوخ اولوب.
ای کاهئنلر، چول گِيئنئن، ياس توتون! ای قوربانگاه خئدمتچئلري، باغيرين! ای تاريما خئدمت ادنلر، گلئن چولدا گجهني سحر ادئن، چونکي تارينيزين اِوئندن تاخيل و مايع تقدئملرئني دايانديريليب.
اوروج اوچون واخت تعيئن ادئن، موقدّس بئر ييغين چاغيرين. آغساقّاللاري، اؤلکهنئن بوتون اَهالئسئني تارينيز ربّئن اِوئنه ييغين، ربّه فرياد ادئن.
واي او گونه! چونکي، ربّئن او گونو ياخيندير، او گون قادئري-موطلق طرفئندن گلن قيرغين کئمي گلئر.
او يمک گؤزلرئمئزئن قاباغيندان، سِوئنج و شادليق تاريميزين اِوئندن مگر يوخ اولماييب؟
تورپاق کَسَکلري آلتيندا توخوملار چورويور، زئرزَمي‌لر بوش قاليب، آنبارلار آلت-اوست اولوب، چونکي تاخيللار قورويوب.
حيوانلار نجه ده ائنئلده‌يئرلر! مال-حيوان ناخيري گئج قاليب، چونکي اونلار اوچون هچ اوتلاق يوخدور، قويون سورولري ده جزا آلتينداديرلار.
يارب، سنه فرياد ادئرم، چونکي چؤلون اوتلاقلاريني آلوو يانديريب ياخيب، بوتون زَمئنئن آغاجلاري اوددا قوورولوب.
حتّا چؤلون حيوانلاري دا سنه حسرت چکئر، چونکي آخار سولار قورويوب، چؤلون اوتلاقلاريني آلوو يانديريب ياخيب.
صَحيوندا کَره‌ناي چالين، موقدّس داغيمدا بَرکدن چالين. قوي اؤلکهنئن بوتون اهالئسي تئتره‌سئن، چونکي ربّئن گونو گلئر، دوغرودان دا بو گون ياخيندادير.
قارانليق و ظولمتلي بئر گون! بولودلو و قالين قارانليق بئر گون! بئر قوشون گلئر؛ داغلار اوستونده ياييلان سحر شفقي کئمي چوخسايلي و قووّتلي بئر قوشون. اِله بئر قوشون کي، ازلدن بَري بونون کئمئسي اولماييب، بوندان سونرا دا نسئللر بويو اولماياجاقدير.
قاباقلارينداکي هر شيي اود يانديريب ياخير، آرخادا اولانلاري آلوو قووورور. قاباقلارينداکي اؤلکه عدن باغينا بَنزَر يِردئر، لاکئن آرخالاريندا اولان ائزسئز بئر صحرادير، هچ نه اونلاردان قاچيب قورتارا بئلمئر.
گؤرونوشده اونلار آتا بَنزه‌يئرلر. دؤيوش آتلاري نجه چاپيرلار، اونلار دا اِلَجه چاپيرلار.
دؤيوش عارابالارينا بَنزه‌يَن سَسله، کوله‌شي يانديريب ياخان اود- آلووون سَسي ائله، سيچرايا-سيچرايا داغلاري آشيرلار. اونلار هوجوم اوچون دوزولَن گوجلو بئر قوشونا بَنزه‌يئرلر.
اونلارين قاباغيندا خالقلار سانکي آغري چکئر، بوتون اوزلر سولور.
ائگئدلر کئمي قاچيرلار، دؤيوشچولر کئمي دووارا ديرماشيرلار. هر کس نئظاملا گِدئر، هامي سيراسيني پوزمادان گِدئر،
بئربئرئنه تَنه وورمورلار، هر کس اؤز يولو ائله ائره‌له‌يئر. مودافئعه خطلرئني ياريب کچنده، سيراني پوزمورلار.
شهرده قاچيشيرلار، دوواردان آتلانيب اِولره سوخولورلار، اوغرو کئمي پنجره‌لردن گئرئرلر.
قاباقلاريندا يِر تئترهيئر، گؤيلر لرزهيه گلئر، گونش و آي قارالير، اولدوزلار ائشيقلاريني گئزله‌دئرلر.
رب اؤز قوشونو قاباغيندا سَس سالير: دوغرودان دا قوشونلارينين سايي-حسابي يوخدور. اونون سؤزونو يرئنه يتئرَن گوجلودور. ربّئن گونو مؤحتشم و چوخ دهشتلي‌دئر. بونا کئم دؤزه بئلر؟
رب بله بويورور: "حتّا ائندي بله بوتون قلبئزئمله منه دؤنون؛ اوروجلا، آغلاماقلا، ياس توتماقلا.
پالتارلارينيزي يوخ، اوره‌يئنئزي ييرتين، ائندي تارينيز ربّه طرف قاييدين. چونکي او، فَيّاضدير، شَفقَتلي‌دئر، تِز قضبلَنمَز، بول محبّتلي‌دئر، بلا گؤنده‌رمز.
کئم بئلئر، بلکه رحم ادئب دؤنَر، آرخاسيندا برکت بوراخار؛ رب تارينيز اوچون تاخيل و مايع تقدئملري بوراخار؟
صَحيوندا کَره‌ناي چالين، اوروج اوچون واخت تعيئن ادئن، موقدّس بئر ييغين چاغيرين.
خالقي بئر يِره ييغين، جاماعاتي تقدئس ادئن، آغساقّاللاري ييغين، اوشاقلاري و سود اَمن کؤرپه‌لري ييغين. قوي بَي اؤز اوتاغيندان، گلئن ده اؤز گَرده‌يئندن چيخسين.
ربّه خئدمت ادن کاهئنلر معبدئن اِيواني ائله قوربانگاه آراسيندا آغلاييب دسئنلر: "يارب، خالقينا اوره‌يئن يانسين! اؤز ائرثئني روسواي اولماغا قويما! قويما اونلار مئلّتلرئن دئلئنه دوشسونلر. نه اوچون خالقلار آراسيندا بله ديئلسئن: «بس هاني اونلارين تاريسي؟»"
او زامان رب اؤز تورپاغي اوچون قِيرَتلَنه‌جک، اؤز خالقينا رحم ادهجک.
رب خالقينا بله جاواب ورهجک: "باخين، سئزه تاخيل، تزه شراب و زيتون ياغي گؤنده‌ره‌جيم، بونلارلا دوياجاقسينيز، آرتيق سئزي مئلّتلر آراسيندا روسواي اتميه‌جيم.
شئمال طرفدن گلن قوشونو سئزدن اوزاقلاشديراجاغام. اونو قوراق، ائزسئز بئر يِره، قاباقداکي قوشونو شرق دهنزئنه، آرخادان گلنلري ده قرب دهنزئنه آپاراجاغام. اونلار قوخوياجاقلار، قوخولاري گؤيه قالخاجاق." چونکي بؤيوک ائشلر ادئب.
قورخما، ای تورپاق، سِوئن، فَرَحلَن. چونکي رب بؤيوک ائشلر ادئب.
قورخمايين، ای چؤل حيوانلاري، چونکي چؤلون اوتلاقلاري گؤيه‌رئر. آغاج ميوهسي ائله يوکله‌نئر، انجئر آغاجي، اوزوم آغاجي بهره‌لرئني ورئر.
ای صَحيون اؤولادلاري، سِوئنئن. تارينيز ربده شادلانين، چونکي پاييز ياغيشيني سئزه صحئح اولان قدر ورئب. اوّلکي کئمي پاييز ياغيشي ائله ياز ياغيشيني ياغديرير.
خرمن يِرلري تاخيللا دولو اولاجاق، تَکنه‌لر تزه شراب و زيتون ياغي ائله داشاجاق.
"آرانيزا گؤنده‌ردئيئم بؤيوک قوشونومون – کَسئجي چَيئرتکه‌نئن، قايناشان چَيئرتکه‌نئن، توللانان چَيئرتکه‌نئن و داغيديجي چَيئرتکه‌نئن يِيئب-قورتارديغي ائللرئن عوضئني سئزه ورهجيم.
بول-بول، دويونجا يئيهجکسئنئز، سئزئن اوچون عجايئب شيلر ادن تارينيز ربّئن آدينا شوکورلر ادهجکسئنئز. خالقيم بئر داها روسواي اولماياجاق.
او واخت بئلهجکسئنئز کي، من ائسرايئلئن آراسيندايام، تارينيز رب منم، آيريسي يوخدور. خالقيم بئر داها روسواي اولماياجاق.
اوندان سونرا روحومو بوتون بشر اوستونه تؤکه‌جيم. اوغوللارينيز و قيزلارينيز نبئلئک ادهجکلر، آغساقّاللارينيز رؤيالار، جاوانلارينيز رؤيالار گؤرهجکلر.
او گونلرده روحومو حتّا قوللار و کنئزلرئن اوستونه ده تؤکه‌جيم.
گؤيلرده و يرده علامتلر گؤرسده‌جيم؛ قان، آلوو و توستو سوتونلاري.
ربّئن مؤحتشم و دهشتلي گونو گلمه‌دن، گونش قارانليغا و آي قان رنگئنه دؤنهجک.
و اِله اولاجاق کي، ربّئن آديني چاغيران هر کس قورتولاجاق، چونکي ربّئن ددئيي کئمي، صَحيون داغيندا و اورشَلئمده قورتولوب صاغ قالانلار آراسيندا، ربّئن چاغيراجاغي کئمسهلر اولاجاقدير.
او گونلرده يهودا و اورشَلئمئن اوّلکي حاليني اونلارا گری قايتارديغيم زامان،
بوتون مئلّتلري ييغيب يِهوشافاط وادئسئنه اِندئره‌جيم. او واخت اورادا، خالقيم و ائرثئم ائسرايئلدن اؤتري مئلّتلري موحاکئمه ادهجيم، چونکي خالقيمي مئلّتلر آراسيندا داغيتديلار، تورپاغيمي دا بؤلدولر.
خالقيم اوچون پوشک آتديلار، اوغلان اوشاغيني فاحئشه عوضئنه وردئلر، قيزي شرابا ساتديلار کي، شراب ائچسئنلر."
"ای صورلولار، صئدونلولار و بوتون فئلئسطلي وئلايتلرئنئن اهالئسي، سئزئن منئمله نه ائشئنئز وار؟ آيا منه عوض ورميه چاليشيرسينيز؟ اگر منه عوض ورهسئنئز، تزلئکه هچ يوباتمادان من سئزئن اتدئيئنئزئن عوضئني اؤز باشينيزا گؤندهرهرم.
سئز قيزيليمي و گوموشومو آلدينيز و قئيمتلي خزئنه‌لرئمي معبدلرئنئزه آپاردينيز،
يهودا و اورشَلئم خالقيني يونان خالقينا ساتدينيز کي، اونلاري اؤز وطنلرئندن اوزاقلاشديراسينيز.
باخين، من اونلاري ساتديغينيز يردن قالديراجاغام، اتدئيئنئزئن عوضي اؤز باشينيزا دؤنده‌ره‌جيم.
اوغوللارينيز و قيزلارينيزي يهودا خالقينا ساتاجاغام، يهودا خالقي دا اونلاري اوجقار بئر مئلّته-شِبالي‌لارا ساتاجاقلار." رب بله ديئب.
"مئلّتلر آراسيندا بونو اعلان ادئن: دؤيوشه حاضيرلاشين، ائگئدلري قالديرين، بوتون دؤيوشچولر ياخينلاشيب يوخاري چيخسينلار.
کوتانلارينيزي چکوجلا دؤيوپ، قيلينج دوزه‌لدئن، اوراقلارينيزي نئزه دوزه‌لدئن. قوي ضعئف اولان «گوجلويَم» دسئن.
تَله‌سئن، ای هر طرفده‌کي مئلّتلر، گلئن و توپلاشين. يارب، ائگئدلرئني اورايا اِندئر.
قوي مئلّتلر حرکته گلسئنلر، يِهوشافاط وادئسئنه چيخسينلار، چونکي هر طرفده‌کي بوتون مئلّتلري موحاکئمه اتمک اوچون اورادا اوتوراجاغام.
اوراق سالين، چونکي محصول يِتئشئب. گلئن آياغينيزلا اَزئن، چونکي اوزوم‌سيخانلار دولودور، تَنَکلر داشير؛ چونکي اونلارين پئسلئيي بؤيوکدور."
جاماعاتلار، حؤکم اتمه وادئسئنده اولان جاماعاتلار! چونکي حؤکم اتمه وادئسئنده ربّئن گونو ياخيندير!
گونش و آي قارالير، اولدوزلار ائشيقلاريني گئزله‌دئرلر.
رب صَحيوندان گورولدايير، اورشَلئمده سَس سالير، گؤي و يِر تئترهيئر. لاکئن رب اؤز خالقي اوچون سيغيناجاق يِر، ائسرايئل اؤولادلاري اوچون قالادير.
"او زامان بئلهجکسئنئز کي، موقدّس داغيم اولان صَحيوندا مسکن سالان تارينيز رب منم! اورشَلئم موقدّس اولاجاق، ياد اِللی‌لر بئر داها اورادان کچميه‌جکلر.
او گونده داغلاردان شئرئن شراب داماجاق، تپه‌لردن سود آخاجاق، يهودانين بوتون آرخلاريندا سولار آخاجاق. ربّئن اِوئندن بئر بولاق چيخاجاق کي، شئتّئم وادئسئني سولاسين.
مئصئر وئرانه‌يه، اِدوم ائزسئز چؤله دؤنهجک، چونکي يهودا خالقينا قدّارليق اتدئلر، معصوم ائنسانلارين قانيني تؤکدولر.
لاکئن يهودا ابده کئمي، اورشَلئم ده نسئلدن-نسله ياشاياجاق.
اونلارين تؤکولَن قانينين آلماديغيم قئصاصيني آلاجاغام، چونکي رب صَحيوندا ساکئندئر."
بو، سورو صاحئبي اولان تِقوعَعلي عاموسون سؤزلري‌دئر. او، يهودا پادشاهي عوزئيّانين و ائسرايئل پادشاهي يِهوآش اوغلو يَروبعامين دؤورونده، زلزله‌دن ائکي ائل قاباق ائسرايئل بارهده بله رؤيا گؤرموشدو.
عاموس بله ددی: "رب صَحيوندان نعره چکئر، اورشَلئمدن گورولدايير. چوبانلارين اوتلاقلاري ياس توتور، کَرمِل داغينين باشي قورويور.
رب بله ديئر: «دَمَشقلی‌لري جزاسيز بوراخماياجاغام، چونکي گوناه اوستونه گوناه اتدئلر، دَمئردئشلي دؤيَنلرله گئلعاد خالقيني دؤيدولر.
بونا گؤره ده خَزاعِلئن سارايينا اود سالاجاغام کي، بِن-هَدادين قالالاريني يانديريب-ياخسين.
دَمَشقئن دروازالارينين سورگوسونو قيراجاغام، آوِن دره‌سئندن اَهالئني سئلئب-آتاجاغام، بِيت‌عِدِنده عصا گَزدئره‌ني کَسه‌جيم، اِله کي، اَرام خالقي قئره اسئرلئيه آپاريلسين.» رب بله ديئر.
رب بله ديئر: «غَزّه‌لي‌لري جزاسيز بوراخماياجاغام، چونکي گوناه اوستونه گوناه اتدئلر. بوتون جاماعاتي اسئر ادئب اِدوما تسلئم اتدئلر.
بونا گؤره ده غَزّه‌نئن دووارلارينا اود ياغديراجاغام کي، اورانين قالالاريني يانديريب-ياخسين.
اَشدوددان اَهالئني سئلئب-آتاجاغام، اَشقِلوندان عصا گَزدئره‌ني کَسه‌جيم. عَقرونون ضئدّئنه اَلئمي قالديراجاغام، فئلئسطلی‌لرئن صاغ قالانلاري يوخ اولاجاقلار.» پروردئگار رب بله ديئر.
رب بله ديئر: «صورلولاري جزاسيز بوراخماياجاغام، چونکي گوناه اوستونه گوناه اتدئلر، بوتون جاماعاتي اِدوما اسئر ادئب قارداشليق عهدئني خاطيرلاماديلار.
بونا گؤره ده صورون دووارلارينا اود ياغديراجاغام کي، اورانين قالالاريني يانديريب-ياخسين.»
رب بله ديئر: «اِدوملولاري جزاسيز بوراخماياجاغام، چونکي گوناه اوستونه گوناه اتدئلر، مرحمت حئسّئني بوغدولار، اؤز قارداش خالقيني قيلينجلا قوودولار، قضبلري دائم ييرتيجي ائدي، حئرصلرئني آخيراجاق ساخلاديلار.
بونا گؤره ده تِيمانا اود ياغديراجاغام کي، بوصرانين قالالاريني يانديريب-ياخسين.»
رب بله ديئر: «عَمّونلولاري جزاسيز بوراخماياجاغام، چونکي گوناه اوستونه گوناه اتدئلر، اونلار اَراضي‌لرئني گِنئشلَندئرمک اوچون گئلعاددا بويلو آروادلارين قارينلاريني ييرتديلار.
بونا گؤره ده رَبّانين دوواريندا اود آلوولانديراجاغام کي، اورانين قالالاريني يانديريب-ياخسين. بو يِر دؤيوش زاماني قيشقيرتي ائله طوفان گونو طوفانلا داغيلاجاق.
اونلارين پادشاهلاري ائله باشچيلاري بئرلئکده اسئرلئيه آپاريلاجاقلار.» رب بله ديئر.
رب بله ديئر: «موآبلي‌لاري جزاسيز بوراخماياجاغام، چونکي گوناه اوستونه گوناه اتدئلر، اِدوم پادشاهينين سوموکلرئني يانديريب اوندان اَهَنگ حاضيرلاديلار.
بونا گؤره ده موآبا اود ياغديراجاغام کي، قِرئيّوتون قالالاريني يانديريب-ياخسين. موآب قيشقيرتي و کَره‌ناي سَسي آلتيندا، سَس-کويله محو اولاجاق.
اونلارين آراسيندان داورلري کَسئب آتاجاغام، بوتون باشچيلاريني دا اؤلدوره‌جيم.» رب بله ديئر.
رب بله ديئر: «يهودالي‌لاري جزاسيز بوراخماياجاغام، چونکي گوناه اوستونه گوناه اتدئلر، اونلار ربّئن قانونونو ردّ ادئب، قايدالاريني رئعايت اتمه‌دئلر، آتالارينين پِيرو اولدوقلاري ساختا بوتلر، اونلاري دا يوللاريندان آزديردي.
بونا گؤره ده يهودايا اود ياغديراجاغام کي، اورشَلئمئن قالالاريني يانديريب-ياخسين.»
رب بله ديئر: «ائسرايئللی‌لري جزاسيز بوراخماياجاغام، چونکي گوناه اوستونه گوناه اتدئلر، صالح آداملاري گوموشه، مؤحتاجلاري دا بئر جوت چاريغا ساتيرلار،
يوخسوللارين باشيني توز-تورپاغين ائچئنده اَزئرلر، مظلوملارين حاقّيني تَرسه اِدئرلر. آتا و اوغول هَمن قيزلا ياتيب، موقدّس آديمي لَکله‌يئرلر.
هر قوربانگاهين يانيندا، گئروو گؤتوردوکلري پالتارين اوستونده ياتيرلار، اؤزلرئنئن تاريسينين معبدئنده جرئمه اوچون گتئرئلَن شرابي ائچئرلر.
لاکئن من ائدئم کي، سئدر آغاجي کئمي اوجا اولان، پاليد آغاجي کئمي مؤحکم اولان اِمورلولاري اونلارين قاباقلاريندا ييخديم، حتّا اونلارين ميوهسئني يوخاريدان و کؤکونو آشاغيدان کَسدئم.
من ائدئم کي، سئزي مئصئر تورپاغيندان چيخارديب قيرخ ائل صحرادا گَزدئردئم، اِله کي، سئز اِمورلولارين تورپاغينا صاحئب اولاسينيز.
اوغوللارينيزدان پيغمبرلر، جاوان اوغلانلارينيزدان نذئره‌لر تعيئن اتدئم. ای ائسرايئللی‌لر، بو مگر بله ديئل؟» رب بويورور.
«آمّا سئز نذئره‌لره شراب ائچدئردئنئز، پيغمبرلره {نبئلئک اتمه!} امري وردئنئز.
باخ، تاخيل يوکلو عارابا تورپاغي نجه اَزئر، من ده سئزي اِله اَزه‌جيم.
بَرک قاچان، قاچيب قورتولا بئلميهجک، قووّتلي ده گوجونو گؤرسده بئلميهجک، ائگئد جانيني قورتارا بئلميهجک.
ياي چکَن يِرئنده دورا بئلميهجک. آياقدان چابوک اولان قورتولا بئلميهجک، آتلي دا جانيني قورتارا بئلميهجک.
حتّا لاپ ائگئد دؤيوشچو بِله، او گون لوت قاچاجاق.» رب بله بويورور.
ای ائسرايئل اؤولادلاري، ربّئن سئزئن ضئدّئنئزه ددئيي سؤزو اِشئدئن! رب مئصئر تورپاغيندان چيخارتديغي بو نسلئن هاميسينا بله ديئر:
«يِر اوزوندهکي بوتون نسئللرئن آراسيندا فقط سئزي سِچمئشم؛ اونا گؤره ده بوتون تقصئرلرئنئز اوچون سئزي جزالانديراجاغام.»
ائکي نفر راضيلاشيب گؤروشمَسه‌لر، بئرلئکده مگر يول گِدَرلر؟
شئکاري اولمايان شئر مِشه‌ده مگر نعره چکر؟ هچ نه شئکار اتمهمئش جاوان آصلان يوواسيندا مگر نَرئلده‌ير؟
تله قورولماميشسا، يرده‌کي تلهيه مگر قوش دوشَر؟ بئر شي توتمايان تله يِرئندن مگر آتيلار؟
شهرده کَره‌ناي چالينسا، خالق مگر قورخويا دوشمَز؟ اگر رب بلا گؤندرمه‌سه، هانسي بئر شهره مگر بلا گلر؟
حقئقتن، پروردئگار رب قولو اولان پيغمبرلره اؤز نئيّتئني آچمادان هچ نه اتمئر.
شئر نعره چکئب، کئم اوندان قورخماز؟ پروردئگار رب دانيشيب، کئم نبئلئک اتمز؟
اَشدودون قالالاريندا، مئصئر تورپاغينين قالالاريندا بله اعلان ادئن: «سامئره داغلارينين اوستونه ييغيلين. اوراداکي بؤيوک قاريشيقليغي، اونون ائچئندهکي ظولملري گؤرون.»
رب بويورور: «لاکئن اونلار دوز ائش گؤرمه‌يي باجارميرلار. اونلار قالالارينا قدّارليق و قارت ييغيرلار.»
اونا گؤره ده پروردئگار رب بله ديئر: «بئر دوشمن، بلی بئري گلئب اؤلکهني موحاصئرهيه آلاجاق، سني گوجدن سالاجاق، قالالارين قارت اولوناجاق.»
رب بله ديئر: «چوبان شئر آغزيندان نجه ائکي بود سومويو، و يا قولاغين بئر پارچاسيني چکئب قورتارير، سامئرهده ياتاق گوشه‌لرئنده، دئوان ياستيقلاريندا اوتوران ائسرايئل اؤولادلاري دا اِلَجه خئلاص اولاجاقلار.
قولاق آسين و يعقوب نسلئنئن ضئدّئنه شهادت ورئن!» قوشونلار تاريسي پروردئگار رب بله ديئر.
«من ائسرايئللی‌لري تقصئرلرئنه گؤره جزالانديراجاغيم گون، بِيت‌ائلده‌کي قوربانگاهلاري دا جزالانديرجاغام. او قوربانگاهين بوينوزلاري کَسئلئب يِره توللاناجاق.
من قيشلاق اِولرئني يايلاق اِولري ائله بئرلئکده ييخاجاغام، فئل دئشي ائله بَزَنمئش اِولر داغيلاجاق، بؤيوک کوشکلر وئران قالاجاقلار.» رب بله بويورور.
ای سئزلر، سامئره داغيندا بَسله‌نَن باشان ائنکلري! بو سؤزو اِشئدئن، ای يوخسوللارا ظولم ادن، مؤحتاجلاري اَزَن، اَرلرئنه «گتئر ائچک» دئيَن آروادلار!
پروردئگار رب اؤز موقدّسلئيي آدينا بله آند ائچئب. «باخ، اوستونوزه اِله واخت گلئر کي، سئزي چَنگللرله، لاپ آخير قالانلارينيزي باليق چکن چَنگللرله چکئب آپاراجاقلار.
هر بئرئنئز دووارين دَلمه-دِشئيئندن چيخاجاق، موستقئم گدهجک؛ خِرمونا طرف آتيلاجاقسينيز.» رب بله بويورور.
«بِيت ائله گدئب گوناه ائشله‌دئن! گئلگالا گلئب گوناهلارينيزي چوخالدين! هر سحر قوربانلارينيزي گتئرئن، هر اوچ گوندن بئر قازانجينيزين اوندا بئر حئصّهسئني ورئن.
تشکّور اوچون مايالي چؤرک يانديريب تقدئم ادئن، گؤنولدن وردئيئنئز تقدئملرئنئزي اعلان ادئب اشئتدئرئن. چونکي سئز ای ائسرايئل اؤولادلاري، بوندان خوشلانيرسينيز!» پروردئگار رب بله بويورور.
«من بوتون شهرلرئنئزده آغزينيزي بوش قويدوم. هر يرده سئزه چؤرک قيتليغي وردئم. لاکئن گئنه منئم طرفئمه دؤنمه‌دئنئز.» رب بويورور.
«بوندان علاوه، من بئچئن واختينا اوچ آي قالميش سئزدن ياغيشي کَسدئم. بئر شهرئن اوستونه ياغيش ياغديرديم، آمّا او بئرئنئن اوستونه ياغديرماديم. ياغيش بئر اَکئن اوستونه ياغدي، لاکئن او بئرئنئن اوستونه ياغماديغيندان، او قورودو.
ائکي-اوچ شهر سو ائچمک اوچون باشقا بئر شهره گتدي، آمّا دويونجا سو ائچمه‌دي. لاکئن گئنه منئم طرفئمه دؤنمه‌دئنئز.» رب بله بويورور.
«اَکئنئزه ائستي يِل و کوف گؤندره‌رک سئزي دفهلرله ووردوم. باغلارينيزي و اوزوملوکلرئنئزي، انجئر و زيتون آغاجلاريني چَيئرتکه يِدي. لاکئن گئنه منئم طرفئمه دؤنمه‌دئنئز.» رب بله بويورور.
«مئصئرده اولدوغو کئمي آرانيزا وبا گؤنده‌ردئم. جاوانلارينيزي قيلينجلا اؤلدورتدوم. آتلارينيزي سوروب آپارتديرديم. قوشونونوزدان مِيئت ائيئني بورنونوزا چاتديرديم. لاکئن گئنه منئم طرفئمه دؤنمه‌دئنئز.» رب بله بويورور.
«من سودوملا گوموراني نجه داغيتديم، سئزدن بعضئلرئني ده اِله داغيتديم. سئز اوددان گؤتورولَن اودون کئمي ائدئنئز. لاکئن گئنه منئم طرفئمه دؤنمه‌دئنئز.» رب بله بويورور.
«ای ائسرايئللی‌لر، بونا گؤره ده سئزئنله بله رفتار ادهجيم. بو رفتاريما گؤره تارينيزي پئشواز اتمَيه حاضير اولون، ای ائسرايئللی‌لر!»
اودور داغلارا قورولوش ورن، يِلي يارادان، نه دوشوندويونو ائنسانا بئلدئرَن، سحر ائشيغيني قارانليق ادن، يِر اوزونون اوجا يِرلرئنه آياق باسان- اونون آدي قوشونلار تاريسي رَبدئر.
ای ائسرايئل نسلي، سئزئن باره‌نئزده مرثئيه کئمي اوخودوغوم بو سؤزلري اِشئدئن!
«باکئره قيز ائسرايئل ييخيليب، بئر داها قالخماياجاق. اؤز تورپاغي اوسته سَرئلمئش بوراخيليب، اونو قالديران يوخدور.»
چونکي پروردئگار رب بله ديئر: «ائسرايئل نسلئندن، بئر شهردن مئن نفر دؤيوشه چيخسا، يوز نفري صاغ قالاجاق، يوز آدام دؤيوشه چيخسا، اون نفر صاغ قالاجاق.»
رب ائسرايئل نسلئنه بله ديئر: «منه طرف دؤنون کي، صاغ قالاسينيز!
بِيت‌ائله دؤنمه‌يئن، گئلگالا گتمه‌يئن، بئرشئباعا کِچمه‌يئن، چونکي گئلگال قطعن اسئرلئيه گدهجک، بِيت‌ائل بئر هِچه دؤنهجک.»
ربّه طرف دؤنون کي، صاغ قالاسينيز! يوخسا او، اود کئمي آليشيب آلوولانار، ای يوسئف نسلي، بِيت‌ائلي يانديريب ياخار، سؤندورن ده اولماز.
ای عدالتي چِوئرئب آجي يووشان ادنلر، ای صالحلئيي يِره چيرپانلار!
اودور اولکَر و اوريون بورجلرئني يارادان، قارانليغي آيدين سحره چِوئرَن، گوندوزو گجه ادئب قارالدان، دهنز سولاريني امري ائله يِر اوزونه تؤکَن- اونون آدي ربدئر.
اودور کی، گوجلولري ائلديريم کئمي محو ادر، اِله کي، قالالار وئران اولسون.
اونلار حاقسيزليغا اِعتئراضيني بئلدئرَنلردن نئفرت ادئرلر، دوز دانيشانلاردان ائيرَنئرلر.
کاسيبي آياق آلتينا سالديغينيزا گؤره، اوندان تاخيل ائسته‌دئيئنئزه گؤره، يونولموش داشدان اِولر تئکئب، اونلارين ائچئنده ياشاماياجاقسينيز. گؤزل اوزوملوکلر ساليب، اونلارين شرابيني ائچمَيه‌جکسئنئز.
چونکي تقصئرلرئنئزئن چوخ اولدوغونو، گوناهلارينيزين آغير اولدوغونو بئلئرم. ای صالح آدامي ائنجئدنلر، روشوت آلانلار، مؤحتاجلارين حاقّيني اونلاردان اسئرگه‌يَنلر!
بو زمانه او قدر پئسدئر کي، آغلي باشيندا اولان ساکئت اولور.
پئسلئکدن ياخشيليغا دؤنون کي، صاغ قالاسينيز! بلجه ائدّئعا اتدئيئنئز کئمي قوشونلار تاريسي رَب، حقئقتن، سئزه يار اولاجاق.
پئسلئکدن نئفرت ادئن، ياخشيليغي سِوئن، محکمه‌ده عدالته اوستونلوک ورئن. بلکه قوشونلار تاريسي رب قالان يوسئف اؤولادلارينا لوطف اِدَر.
قوشونلار تاريسي پروردئگار رب بله ديئر: «بوتون مِيدانلاردان فغان قوپاجاق، بوتون کوچهلرده واي-واي سَسي قالخاجاق. کَندلی‌لر ياس توتماغا، مرثئيه اوخويانلاري دا فغان اتميه چاغيريلاجاقلار.
بوتون اوزوم باغلاريندان دا فغان قوپاجاق، چونکي آرانيزدان من کچه‌جيم.» رب بله ديئر.
واي حالينيزا، ای ربّئن گونونون حسرتئني چکَنلر! ربّئن گونونو نه اوچون گؤزلهيئرسئنئز؟ او گون ائشيق يوخ، قارانليق اولاجاق.
شئردن قاچان آدامين قاباغينا آيي نجه چيخارسا، و يا اِوه گلئب اَلئني دووارا داياناني ائلان نجه سانجارسا،
ربّئن گونو ده اِلَجه ائشيق يوخ، قارانليق مگر اولماياجاق؟ مگر ظولمت، مگر ائشيقسيز اولماياجاق؟
رب بله ديئر: «بايراملارينيزدان نئفرت ادئرم، اونلاري ردّ ادئرم، طنطنه‌لي ييغينتي‌لارينيزدان خوشلانميرام.
منه يانديرما قوربانلارينيزي، تاخيل تقدئملرئنئزي گتئرهسئنئز ده، قبول اتميه‌جيم. منه کؤکَلدئلمئش حيوانلارينيزدان باريش قورباني تقدئم ادهسئنئز ده، اونلارا نظر سالماياجاغام.
گورولتولو نغمه‌لرئنئزی مندن اوزاق ادئن! چَنگلرئنئزئن سَسئنه قولاق آسماياجاغام.
لاکئن قوي عدالت سولار کئمي تؤکولسون، صالحلئک دايئمن سل کئمي آخسين!
ای ائسرايئل نسلي، قيرخ ائل صحرادا اولاندا، مگر منه قوربان و تقدئملر گتئرمئشدئنئز؟
اؤز دوزه‌لتدئيئنئز سئکّوت پادشاهينيزي، کئيّون بوتلرئنئزي، اولدوز آللاهلارينيزي اؤزونوزله گتئرمئشدئنئز.
اِله بونا گؤره ده سئزي دَمَشقئن او تايينا اسئرلئيه آپاراجاغام.» رب بله ديئر. اونون آدي قوشونلار تاريسيدير.
واي حالينيزا، ای صَحيوندا لاقيد اولانلار، سامئره داغيندا آرخايين اوتورانلار، مئلّتلرئن باشچيسي اولان ائسرايئلئن آدلي-سانلي‌لاري، ائسرايئل خالقينين اونلارا موراجئعَت اتدئيي!
کَلنِيه کِچئب گؤرون، اورادان بؤيوک خَماتا گدئن، فئلئسطلی‌لرئن گَت شهرئنه اِنئن. اونلارين حالي مگر سئزئن بو مملکتلرئنئزدن داها ياخشيدير؟ اونلارين اَراضئسي سئزئنکئندن مگر بؤيوکدور؟
آيا بلا گونونو اؤزونوزدن اوزاقلاشديريب قدّارليق تختئني ياخينلاشديريرسينيز؟
ای فئل دئشي ائله بَزَنمئش ياتاقلاردا اوزانانلار، دئوانلارا سَرئلَنلر، سوروده‌کي قوزولاردان، آخورون يانينداکي دانالاردان گؤتوروب يئيَنلر!
چنگ چاليب بَداهَتدن اوخويانلار، گويا داوود کئمي موسئقي آلَتلري ائله اؤزلري اوچون نغمه دئيَنلر،
شرابي کاسالارلا ائچَنلر، بدنلرئنه اعلا ياغلار سورتَنلر، لاکئن يوسئف نسلئنئن محو اولماسيندان ناراحات اولمايانلار!
بوندان اؤتري اسئرلئيه باشدا بونلار گدهجکلر. کورسولرده اوزانانلارين ضئيافتلري باشا چاتاجاق.
پروردئگار رب اؤز حاقّينا آند ائچئب، قوشونلار تاريسي رب بويوروب: «يعقوب نسلئنئن کئبئرئندن زَهلَم گِدئر، قالالاريندان نئفرت ادئرم. بونا گؤره ده شهري ائچئنده اونلارلا بئرلئکده تسلئم ادهجيم.»
اگر بئر اِوده اون نفر قالسا، اونلار دا اؤلهجک.
اؤلَن بئر نفرئن قوحومو گلهجک کي، اونون جسدئني اِودن گؤتوروب يانديرسين. او قوحوم اِوئن ائچئنده اولانا «آيا يانيندا بئري وار؟» ديئب سوروشاندا، او دا «هچ کئم» دئيهجک. او واخت او قوحوم جاواب ورهجک: «هئس، ربّئن آديني چکمَک اولماز.»
چونکي رب عنقرئب امر ادهجک کي، بؤيوک اِولر پارچا-پارچا اولوب ييخيلسين، کئچئک اِولر ده قيريق-قيريق اولوب داغيلسين.
قايا اوستونده مگر آتلار چاپار؟ اورادا کئم اؤکوزلرله کوتان سورَر؟ لاکئن سئز عدالتي زَهَره دؤنده‌رئبسئنئز، صالحلئک ميوهسئني ده يووشانا چِوئرئبسئنئز.
ای لودِباردا شادليق ادنلر «قَرنايئمي مگر اؤز گوجوموزله اؤزوموزه آلماديق؟» دئيَنلر!
قوشونلار تاريسي رب بله بويورور: «باخ، ای ائسرايئل نسلي! من سئزئن ضئدّئنئزه بئر مئلّت چيخارديرام. خَمات گئرئشئندن عَرَبا دره‌سئنه قدر اونلار سئزي ذلئل ادهجکلر.»
پروردئگار رب منه بو رؤياني گؤرستدي: پادشاهين پايينا دوشَن اوتلار بئچئلمئشدي. باخ، ياز اوتلاري بئتمه‌يه باشلايارکَن، او، چَيئرتکه سوروسو دوزه‌لدئردي.
چَيئرتکه‌لر اؤلکهده بئتکئلري يِيئب قورتارميشديلار کي، من ددئم: «ای پروردئگار رب، يالواريرام، باغيشلا. بونا يعقوب نسلی نجه دؤزَر؟ آخي او کئچئکدئر.»
رب بو نئيّتدن دؤندو. رب ددي: «بو اولماياجاق.»
سونرا پروردئگار رب منه بو رؤياني گؤرستدي: باخ، پروردئگار رب جزا ورمک اوچون آلوو چاغيردي. آلوو دهنزلري دئبئندن يانديريب ياخماغا باشلادي، تورپاغي دا يانديريب ياخدي.
او واخت من ددئم: «اي پروردئگار رب، يالواريرام، اَل ساخلا. بونا يعقوب نسلی نجه دؤزَر؟ آخي او کئچئکدئر.»
رب بو نئيّتدن ده دؤندو. پروردئگار رب ددي: «بو دا اولماياجاق.»
سونرا او منه بو رؤياني گؤرستدي: باخ، پروردئگار دومدوز تئکئلمئش بئر دووارين يانيندا دايانميشدي و اونون اَلئنده بئر شاقول وار ائدي.
رب مندن سوروشدو: «عاموس، سن نه گؤرورسن؟» من جاواب وردئم: «بئر شاقول.» پروردئگار منه ددي: «باخ، عنقرئب خالقيم ائسرايئلئن آرالارينا بئر شاقول قوياجاغام. آرتيق اونلاري اسئرگَميه‌جيم.
ائسحاق نسلئنئن پرستئشگاهلاري خارابا قالاجاق، ائسرايئلئن موقدّس مکانلاري وئران اولاجاق. سونرا يَروبعام نسلئنئن ضئدّئنه قيلينجلا چيخاجاغام.»"
بِيت‌ائلده‌کي کاهئن اَمَصيا، ائسرايئل پادشاهي يَروبعاما بله خبر گؤنده‌ردي: "عاموس ائسرايئل نسلی آراسيندا سنئن ضئدّئنه قصد حاضيرلايير. بو اؤلکه اونون هچ بئر سؤزونه آرتيق دؤزه بئلمز.
چونکي عاموس بله ديئر: «يَروبعام قيلينج آغزينا دوشوب اؤلهجک. ائسرايئل خالقي اؤز تورپاغيندان قطعن اسئرلئيه آپاريلاجاق.»"
سونرا اَمَصيا عاموسا ددي: "ای گؤروجو، بورادان گت، يهودا تورپاغينا قاچ. نَبئلئيئني اورادا ات، اونلارين چؤره‌يئني يِه.
بئر داها بِيت‌ائلده نبئلئک اتمه، چونکي بورا پادشاهين موقدّس مکاني و سلطنتئن اِوي‌دئر."
عاموس اَمَصيايا جاواب ورئب ددي: "من نه پيغمبرم، نه ده بئر پيغمبر اوغلو. من فقط بئر چوبانام، وحشي انجئر آغاجلاريني يِتئشدئرئرم.
آمّا رب منی سورو اوتارماقدان گؤتوروب بله ددي: «گت، خالقيم ائسرايئله نبئلئک ات.»
ائندي ربّئن سؤزونو اشئت: سن ديئرسن «ائسرايئلئن ضئدّئنه نبئلئک اتمه و ائسحاق نسلئنئن ضئدّئنه دانيشما.»
بونا گؤره ده رب بله ديئر: «سنئن آروادين شهرده فاحئشه‌لئک ادهجک، اوغوللارين و قيزلارين قيلينجدان کچئرئله‌جک، تورپاغين اؤلچولوب پايلاناجاق. سن ده نجئس بئر اؤلکهده اؤله‌جکسن. ائسرايئل خالقي اؤز تورپاغيندان قطعن اسئرلئيه آپاريلاجاق.»
پروردئگار رب منه بله بئر رؤيا گؤرستدي: باخ، بئر سبد ياي ميوهسي گؤردوم.
او مندن سوروشدو: "عاموس، سن نه گؤرورسن؟" من جاواب وردئم: "بئر سبد ياي ميوهسي." رب منه ددي: "خالقيم ائسرايئلئن آخير گونو يِتئشئب. آرتيق اونلاري اسئرگَميه‌جيم.
همئن گون ساراي نغمهلري شئونه چِورئله‌جک. مِيئت، مِيئت اوسته دوشهجک، اونلاري هر طرفه آتاجاقلار، هچ بئر سَس چيخماياجاق." پروردئگار رب بله بويورور.
سئز، ای مؤحتاجلاري تاپدالاييب اَزَنلر، ای اؤلکهنئن کاسيبلاريني يوخ اِدنلر، اِشئدئن بونو!
ديئرسئنئز: "تزه آي مراسئمي نه واخت آخيرا چاتاجاق کي، تاخيل ساتاق؟ سَبّت گونو نه واخت قورتاراجاق کي، بوغداني ساتيشا قوياق؟ اؤلچونو آزالداق، قئيمتي ده آرتيراق؟ آلداديجي تَره‌زي قوراق؟
اِله کي، يوخسوللاري پولا، مؤحتاجلاري بئر جوت چاريغا ساتين آلاق؟ بوغدانين تؤر-تؤکونتوسونو ده ساتاق؟"
رب يعقوبون فخرئنه بله آند ائچئب: "اونلارين هچ بئر ائشئني اصلا ياددان چيخارتماياجاغام."
بوندان اؤتري مگر ديئل کي، يِر تئترهيهجک، اورادا ياشايان هر کس ياسا باتاجاق؟ دوغرودان دا بوتون يِر نئل چايي کئمي قاباراجاق، مئصئرده‌کي نئل چايي کئمي، جوشاندان سونرا چکئله‌جک.
پروردئگار رب بويورور: "اِله او گونده، گونشي گون‌اورتاچاغي باتيراجاغام، گوندوز ائشيغيندا يِر اوزونو قارانليغا بورويه‌جيم.
بايراملارينيزي ياسا دؤنده‌ره‌جيم، بوتون ماهني‌لارينيزي مرثئيه‌يه چِوئره‌جيم. هر کَسئن بِلئنه چول باغلاياجاغام، هر باشين ساچيني قيرخديراجاغام. او گونو بئري-بئردانه اوغولا توتولان ياسا چِوئره‌جيم، آخيري آجي اولاجاقدير."
پروردئگار رب بويورور: "باخ، اِله گونلر گلهجک کي، اؤلکهيه قحطي گؤنده‌ره‌جيم. بو گونلرده چؤرک و سويون قيتليغي يوخ، ربّئن سؤزلرئنئن قيتليغي اولاجاق.
ائنسانلار ربّئن سؤزونو آختاراجاقلار؛ دهنزدن دهنزه، شئمالدان شرقه قدر اورايا-بورايا قاچاجاقلار، لاکئن اونو تاپماياجاقلار.
اِله او گون گؤزل قيزلار، جاوان اوغلانلار سوسوزلوقدان قَشّ ادهجکلر.
سامئرهنئن بوتلري آدينا آند ائچئب «ای دان، سنئن آللاهينين حاقّي!»، «بئرشئباعا گِدن يول حاقّي!» دئيَن آداملار ييخيلاجاقلار و بئر داها قالخماياجاقلار."
پروردئگاري گؤردوم کي، قوربانگاه يانيندا دورموشدو. او منه ددی: "سوتون باشليقلاريني اِله وور کي، آستانالار تئتره‌سئن. بئناني هامينين باشينا اوچورت. صاغ قالانلاري من قيلينجدان کچئرده‌جيم. اونلاردان هچ کئم قاچيب قورتولا بئلميهجک.
اگر يري قازيب اؤلولر دئيارينا گئرسهلر بِله، اونلاري اورادان توتاجاغام. گؤيلره قالخسالار بِله، اونلاري اورادان اِندئره‌جيم.
کَرمِل داغينين تپه‌سئنده گئزلَنسه‌لر بِله، اونلاري آختاريب اورادان گؤتورهجيم. گؤزومدن گئزله‌نئب دهنزئن دئبئنه گئرسهلر بِله، اورادا ائلانا امر ادهجيم کي، اونلاري سانجسين.
دوشمن قاباغيندا اسئر آپاريلسالار بِله، قيلينجا امر ادهجيم کي، اونلاري قيرسين. گؤزلرئمي اونلارين اوستونه ياخشيليق اوچون يوخ، پئسلئک اوچون دئکه‌جيم."
قوشونلار ربّی پروردئگاردير کي، توخونوب يري اَرئدَر، اورادا ياشايان هر کس ياسا باتار، بوتون يِر نئل چايي کئمي قابارار، مئصئرده‌کي نئل چايي کئمي چکئلر.
اودور کي، يوخاري اوتاقلاريني گؤيلرده تئکَر، طاغيني يِرئن اوستونه قورار، دهنز سولاريني اؤزونه چاغيريب اونلاري يِر اوزونه تؤکَر- اونون آدي ربدئر.
رب بويورور: "ای ائسرايئل اؤولادلاري! مگر سئز منئم اوچون کوشلولار کئمي ديئلسئنئز؟ مگر من ائسرايئلي مئصئر اؤلکهسئندن، فئلئسطلی‌لري کَفتوردان، اَراملي‌لاري قئردن چيخارتماديم؟
باخ، پروردئگار ربّئن گؤزلري بو گوناهکار مملکته دئکئلئر. اونلاري ير اوزوندن محو ادهجيم. آنجاق يعقوب نسلئني کامئل محو اتميه‌جيم." رب بله بويورور.
"چونکي، باخ، من بله امر ادئرم: من ائسرايئل نسلئني بوتون مئلّتلر آراسيندا خَلبئردن کچئردن کئمي کچئرده‌جيم. بئر چينقيل بِله، يِره دوشميهجک.
خالقيمدان بوتون گوناه ائشله‌دنلر قيلينجلا اؤله‌جکلر، اونلار کي، ديئردئلر: «بلا بئزه ياخينلاشماز، بئزه راست گلمز.»
اِله او گون داوودون ييخيلان چاديريني بَرپا ادهجيم. اونون دَلمه-دِشئکلرئني توتوب وئران يِرلرئني تئکه‌جيم. اونو اوّلکي حالينا سالاجاغام.
اِله کي قالان اِدوملولارا و منئم آديملا چاغيريلان بوتون مئلّتلره صاحئب اولسونلار." بونو ادهجک اولان رب بويورور.
رب بويورور: "باخ، اِله گونلر گلهجک کي، کوتان سورَن، بئچئنچئيه يِتئشه‌جک، اوزوم سيخان، مِينه توخوم اَکَنله راستلاشاجاق، داغلاردان شئرئن شراب داماجاق، بوتون تپه‌لردن ده آخاجاق.
خالقيم ائسرايئلي اسئرلئکدن قايتاراجاغام، وئران شهرلري تئکئب اونلاردا ياشاياجاقلار. اوزوملوکلري اَکئب شرابيني ائچه‌جکلر، باغلار ساليب ميوهسئندن يئيه‌جکلر.
اونلاري اؤز تورپاقلاريندا اَکه‌جيم، اونلارا وردئيئم تورپاقدان بئر داها قوپاريلماياجاقلار." تارين رب بله ديئر.
بو، عوبَديايا ظاهئر اولان رؤيادير. پروردئگار رب اِدوم بارهسئنده بله ديئر: بئز ربدن بئر خبر اشئتدئک، مئلّتلر آراسينا بئر قاصئد گؤنده‌رئلئب کي، دسئن: "قالخين، گلئن اِدومون ضئدّئنه قالخيب اونونلا دؤيوشَک!"
"باخ، من سني مئلّتلر آراسيندا کئچئک ادهجيم؛ هامي سنه خور باخاجاق.
ای سن قايا چاتلاقلاريندا مسکن سالان، اِوئني اوجالاردا قوران! اوره‌يئنئن تکبّورو سني آلداديب، قلبئنده ديئرسن: «منی کئم يِره ييخا بئلر؟»"
رب بويورور: "سن قارتال کئمي يوخاري اوچاسان دا، يوواني اولدوزلار آراسيندا قوراسان دا، من سني اورادان يِره ييخاجاغام.
اگر گجه يانينا اوغرولار و حرامئلر گلسَيدئلر، نجه هلاک اولاردين! مگر آنجاق اؤز ائستهدئکلري قدر اوغورلامازديلار؟ باغينا اوزوم ييغانلار گلسَيدئلر، مگر بئر نِچه سالخيمي بوراخمازديلار؟
عئسونون هر شيي نجه تالان ادئلهجک، گئزلي خزئنهلري آشکارا چيخاريلاجاق.
سنئنله عهد باغلايانلارين هاميسي سني اؤلکَندن قوواجاقلار، موتّفئق‌لرئن سني آلداديب مغلوب ادهجکلر. سنئنله چؤرک يئيَنلر سنه تله قوراجاقلار، هچ کس ده بونو آنلاماياجاق."
رب بويورور: "مگر او گون اِدومون حئکمتلي آداملاريني، عئسو داغينداکي دوشونجه‌لی‌لري محو اتميه‌جيم؟
او واخت ای تِيمان، ائگئد آداملارين اِله قورخويا دوشهجک کي، عئسو داغلارينين هر ساکئني قيرغيندا اؤلدوروله‌جک.
قارداشين يعقوبا اتدئيئن قدّارليغا گؤره سن خجالت ائچئنده قالاجاقسان، ابده کئمي کَسئله‌جکسن.
ياداِللي‌لر اونون ثروتئني آپاران گون سن اوزاقدا دوروب تاماشا اتدئن. اَجنبي‌لر اونون شهر دروازالاريندان گئرئب اورشَلئم اوچون پوشک آتان گون، سن ده اونلاردان بئري کئمي رفتار اتدئن.
قارداشلارينين بدبختلئک گونوندن ذؤوق آلما، يهودا نسلئنئن هلاک اولدوقلاري گون سِوئنمه، اونلارين هلاکتي گونده، اونلارين پرئشانليغيندا، سن فخر اتمه.
خالقيمين موصئبت گونونده اونلارين شهر دروازالاريندان گئرمه‌يئن، باشلارينا بلا گلن گون اونلارين فلاکتئني شادليقلا تاماشا اتمهيئن، باشلارينا بلا گلن گون اونلارين مالينا اَل اوزاتمايين!
قاچان يهودا اؤولادلاريني اؤلدورمک اوچون يول آيريجيندا دايانمايين، او عذابلي گون قورتولانلاري دوشمنه تسلئم اتمهيئن!
چونکي ربّئن گونو بوتون مئلّتلر اوچون ياخينلاشير، ای اِدوم، سن نه جور ادئبسن، سنه ده بله ادئلهجک، عمللرئنئن عوضي اؤز باشينا گلهجک!
نجه سئز منئم موقدّس داغيمدا ائچدئنئز، بوتون خالقلار دا دورمادان ائچه‌جکلر، ائچئب اوداجاقلار، اِله بئل کي، هچ واخت يوخ ائمئش.
لاکئن قورتولوش تاپانلار صَحيون داغينا ييغيلاجاقلار، او داغ موقدّس اولاجاق. يعقوب نسلی اؤز مولکونه صاحئب اولاجاق!
او واخت يعقوب نسلی اود، يوسئف نسلی آلوو، لاکئن عئسو نسلی کولَش اولاجاق، اونلار عئسو نسلئني يانديريب محو ادهجکلر. عئسو نسلئندن قورتولان اولماياجاق. چونکي رب بله ديئب.
نِگِب ساکئنلري عئسو داغيني، هامار بؤلگه‌ده ياشايانلار فئلئسطلی‌لرئن بؤلگه‌سئني، اونلار اِفرايئمله سامئره زَمئلرئني، بِنيامئنلی‌لر ده گئلعادي آلاجاقلار.
اسئر اولان بو ائسرايئل قوشونو کي، صارِفَته قدر کَنَعانليلارين آراسينداديرلار، اورشَلئم اسئرلري کي، صِفارَدده‌دئرلر، نِگِب شهرلرئني ضبط ادهجکلر.
خالقي قورتارانلار، صَحيون داغينا چيخيب عئسو داغينا حؤکم ادهجکلر، و مملکت ربّئن اولاجاقدير."
ربّئن سؤزو اَمئتّه‌ي اوغلو يونوسا نازئل اولدو:
"قالخ، نِينَوايا، او بؤيوک شهره گت و اونون ضئدّئنه جار چک، چونکي اوراداکي‌لارين پئسلئيي گلئب حوضوروما قدر چاتيبدير."
لاکئن يونوس قالخدي کي، ربّئن حوضوروندان تَرشئشه قاچسين. يافايا اِنئب تَرشئشه گِدن بئر گَمي تاپدي. يول حاقّيني ورئب اونا مئندي کي، ربّئن حوضوروندان اوزاقلاشيب اونلارلا تَرشئشه گتسئن.
رب دهنز اوستونده گوجلو کولَک قالديردي، دهنزده بؤيوک بئر طوفان اولدو و گَمي آز قالا پارچالاناجاق ائدي.
گَمئچئلر قورخويا دوشوب هر بئري اؤز آللاهيني چاغيردي و گَمئده اولان يوکلري دهنزه آتديلار کي، اونو يونگوللَشدئرسئنلر. آمّا يونوس گَمئنئن آشاغي حئصّه‌سئنه اِنمئشدي و اوزانيب بَرک يوخويا گتمئشدي.
گَمي ريئسي اونون يانينا گلئب ددي: "سن نه ياتيرسان؟ قالخ، اؤز آللاهيني چاغير. بلکه آللاه بئزي يادا سالار و بئز محو اولماريق."
گَمئچئلر بئربئرلرئنه ددئلر: "گلئن، پوشک آتاق، گؤرَک کئمه گؤره بو بلا باشيميزا گلئب؟" پوشک آتديلار و پوشک يونوسا دوشدو.
او زامان يونوسدان سوروشدولار: "بئزه دِه، باشيميزا گلن بو بلا کئمه گؤرهدئر؟ سنئن صَنَتئن نه‌دئر؟ هارادان گلئرسن؟ وطنئن هارادير؟ هانسي خالقدانسان؟"
يونوس جاواب وردی: "من عئبرانئيَم. دهنزي و تورپاغي يارادان گؤيلرئن تاريسي ربّی پرستئش ادئرم."
اونلار چوخ قورخدولار و اونا ددئلر: "سن بله بئر ائشي نجه اتدئن؟" چونکي يونوسون ربدن اوزاقلاشماق اوچون قاچديغيني بئلئردئلر، بونو اونلارا اؤزو نقل اتمئشدي.
دهنز داها جوشدوغونا گؤره، اونلار يونوسدان سوروشدولار: "سنئنله نه اِدَک کي، دهنز قاباغيميزدا ساکئتلَشسئن؟"
يونوس اونلارا ددي: "منی گؤتوروب دهنزه آتين. اوندا دهنز قاباغينيزدا ساکئتله‌شَر، چونکي بئلئرم، بو بؤيوک طوفان منه گؤره سئزئن باشينيزا گلئب."
لاکئن گَمئچئلر ساحئله يان آلماق اوچون سَعي‌له آوار چکدئلر، آمّا باجارماديلار. چونکي دهنز اونلارين ضئدّئنه داها دا جوشوردو.
او واخت اونلار ربّه فرياد ادئب ددئلر: "يارب، سنه يالواريريق، قويما بو آدامين جانيندان اؤتري محو اولاق. گوناهسيز قاني دا اوستوموزه قويما! چونکي سن، يارب، اؤز ائسته‌دئيئني ادئبسن."
بلجه اونلار يونوسو گؤتوروب دهنزه آتديلار و دهنز اؤز جوشماسيندان دوشدو.
او واخت آداملار ربدن چوخ قورخدولار و ربّه قوربان تقدئم ادئب نذرلر اتدئلر.
رب بؤيوک بئر باليق يتئردي کي، يونوسو اودسون. و يونوس اوچ گون-اوچ گجه باليغين قارنيندا قالدي.
يونوس باليغين قارنيندان تاريسي ربّه دوعا ادئب ددي:
"عذابيم ائچئنده ربّی چاغيرديم، او منه جاواب وردی. اؤلولر دئيارينين باغريندان فرياد اتدئم، سن منئم سَسئمي اشئتدئن.
سن منی درئنه، دهنزئن قوينونا آتدين، سِللر منی آرايا آلدي، سنئن بوتون لَپه‌لرئن و شَپه‌لرئن اوستومدن کِچدي.
من ددئم: «سنئن گؤزلرئنئن قاباغيندان قووولموشام.» لاکئن گئنه سنئن موقدّس معبدئنئن طرفئنه نجه باخاجاغام؟
نَفَسئم کَسئلَنه قدر منی سولار بورودو، درئن درئنلئکلر منی آرايا آلدي، دهنزئن بئتکي‌لري باشيما ساريلدي.
داغلارين دئبئنه قدر اِندئم، يِر منی ابدهجک اؤزونده حبس اتدي؛ لاکئن، يارب تاريم، سن جانيمي درئن چوخوردان چيخارديبسان.
ائچئمده جانيم اوزولَنده ربّی خاطيرلاديم، منئم دوعام سنه، سنئن موقدّس معبدئنه چاتدي.
پوچ اولان بوتلره سجده ادنلر، او وفالي اولاني بوراخيب گِدئرلر.
آمّا من سنه شوکور نغمه‌سي ائله قوربان گتئره‌جيم، نذرئمي يرئنه يتئره‌جيم. خئلاص ربدن گلئر!"
او واخت رب باليغا امر اتدي و باليق يونوسو آغزيندان قورولوغا قوسدو.
ربّئن سؤزو يونوسا ائکئنجي دفه نازئل اولدو:
"قالخ، نِينَوايا، او بؤيوک شهره گت و سنه دئيه‌جيئم سؤزلري اونلارا جار چک."
يونوس ربّئن سؤزونه موطابئق قالخيب نِينَوايا گتدي. نِينَوا تارينين نظرئنده بؤيوک شهر ائدي. اوراني اوچ گونه گَزئب دولاشماق اولاردي.
يونوس شهري گَزمه‌يه باشلاييب بئر گونلوک يول گتدي و جار چکه‌رک ددي: "قيرخ گوندن سونرا نِينَوا آلت-اوست اولاجاق!"
نِينَوالي‌لار تارييا ائنانديلار، اوروج اعلان ادئب بؤيوکدن کئچئيه قدر هامي چول گِيئندي.
بو خبر نِينَوا پادشاهينا چاتاندا، او، تختئندن قالخيب شاهليق شئنِلئني اَينئندن چيخارتدي و چول گِيئنئب کولون اوستونده اوتوردو.
پادشاه نِينَوادا بئر اعلان صادئر اتدي کي، ديئردي: "پادشاهين و اونون اصئلزاده‌لرئنئن حؤکمونه موطابئق: نه ائنسانلار، نه حيوانلار، نه ناخيرلار، نه ده سورولر هچ نه يِمه‌سئنلر. اوتلاغا گتمه‌سئنلر و سو ائچمه‌سئنلر.
هم ائنسانلار، هم ده حيوانلار چول گِيئنسئنلر و قووّتله تارييا فرياد اتسئنلر. هر کس اؤز پئس يولوندان و اَللرئنئن قدّارليغيندان دؤنسون.
کئم بئلئر، بلکه تاري فئکئرئني دَيئشدئرئب رحمه گلر، آلوولانان قضبئني بئزدن دؤنده‌رَر و بئز محو اولماريق."
او زامان کي، تاري اونلارين پئس يولدان دؤندوکلري عمللري گؤردو، اونلارا رحمي گلدي و گؤنده‌ره‌جيئني ددئيي بلاني اونلارين اوستونه گؤنده‌رمه‌دي. تاري بلاني گؤنده‌رمه‌دي.
آمّا بو ائش يونوسون هچ خوشونا گلمه‌دي و او حئرصلَندي.
او، ربّه دوعا ادئب ددي: "يارب! من حله اؤلکَمده ائکن مگر بونو دِمئردئم؟ بونا گؤره ده من تَرشئشه قاچديم، چونکي بئلئردئم کي، سن فيّاض و شَفقَتلي بئر تاريسان، گِج قضبله‌نَن و بول محبّتلي‌سن و رحم ادئب بلا گؤنده‌رمَزسن.
بونا گؤره ده يارب، يالواريرام، منئم جانيمي آل، چونکي منئم اوچون اؤلمَک ياشاماقدان داها ياخشيدير."
رب ددي: "حئرصلَنمَکله مگر ياخشي ائش ادئرسن؟!"
يونوس شهردن چيخدي و شهرئن شرق طرفئنده اوتوردو. اورادا اؤزونه چارداق دوزهلدئب کؤلگه‌سئنده اوتوردو کي، شهرده نه باش وره‌جيئني گؤرسون.
رب تاري يونوسون باشي اوستونه گَنه‌گَرچک بئتکئسي بئتئردي کي، بؤيويوب يونوسون باشي اوستونه کؤلگه سالسين و اونو پئس حاليندان قورتارسين. يونوس بو بئتکئيه گؤره چوخ سِوئندي.
لاکئن اِرته‌سي گون سحر تزدن تاري بئر بئتکي قوردو يتئردي. قورد بئتکئني يِيئب قوروتدو.
گونش چيخاندا تاري ائستي بئر کولَک شرقدن يتئردي. گونشئن ائستئسي يونوسون باشيني ووروب ياخدي و او، طاقتدن دوشدو. اؤزو اوچون اؤلوم آرزو ادئب ددي: "منئم اوچون اؤلمک ياشاماقدان داها ياخشيدير."
تاري يونوسا ددي: "بو بئتکئيه گؤره حئرصلَنمکله مگر ياخشي ائش ادئرسن؟!" او ددي: "اؤلمَيه قدر حئرصلي اولماغيم منه ياخشيدير."
او واخت رب ددي: "سن زحمتئني چکمه‌دئيئن و يِتئشدئرمه‌دئيئن، بئر گجه‌ده بئتَن و بئر گجه‌ده محو اولان بئتکئيه اوره‌يئن يانير.
بس من نجه نِينَوايا، بو بؤيوک شهره کي، صاغ اَلئني سول اَلئندن آييرا بئلمه‌ين يوز ائيئرمي مئندن چوخ ائنساني و چوخلو حيواني وار، اورَک يانديرماييم؟!"
يهودا پادشاهلاري يوتام، آحاز و خئزقئيانين دؤورونده، سامئره و اورشَلئم بارهسئنده، مورِشِتلي مئکايا رؤيا واسئطهسئله ربّئن بو سؤزو نازئل اولدو.
اِشئدئن، سئز، ای بوتون خالقلار، قولاق آسين، ای ير اوزو و اورادا ياشايانلار! قوي پروردئگار رب سئزئن ضئدّئنئزه شهادت ورسئن؛ پروردئگار موقدّس معبدئندن.
چونکي باخ، رب يِرئندن چيخيب گلئر، او يِر اوزونه اِنهجک، داغلارين زئروه‌لرئنده يِرئيه‌جک.
داغلار اونون آياقلاري آلتيندا اود يانيندا اَرئيَن موم کئمي اَرئيه‌جکلر، دره‌لر، تپه‌لردن آشاغي آخان سِللر کئمي، ياريلاجاق.
بوتون بونلار يعقوب اؤولادلارينين عاصئلئيئنه، ائسرايئل خالقينين گوناهلارينا گؤرهدئر. يعقوب اؤولادلارينين عاصئلئيي نه‌دئر؟ مگر سامئره ديئل؟! يهودانين بوت پرستئشگاهي نه‌دئر؟ مگر اورشَلئم ديئل؟!
"بونا گؤره من سامئره‌ني يِرله بئر ادهجيم، يِرئنده اوزوملوک ساليناجاق. داشلاريني درهيه تؤکه‌جيم، بونؤوره‌لرئني آچيق قوياجاغام.
سامئرهنئن بوتون بوتلري پارچا-پارچا قيريلاجاق، معبدئنه ورئلَن هدئيّهلر يانديريلاجاق، بوتون تئمثاللاريني داغيداجاغام. بو هدئيّهلر فاحئشه‌لئک موزدو ائله ييغيلديغينا گؤره، گئنه ده فاحئشهلر اوچون ائشله‌دئله‌جک."
بونا گؤره ده من مئکا، گرک آغلاييب گؤزياشي تؤکوم، آياق‌يالين، لوت-عوريان گَزئم، چاقّال کئمي اولاييم، بايقوش کئمي شئون چکئم.
چونکي سامئرهنئن يارالاري صاغالان ديئل، يهوداياجاق ياييليب، خالقيمين دروازالاريناجاق، حتّا اورشَلئمه‌جک چاتيب.
بونو گَتده بئلدئرمه‌يئن، اصلا آغلامايين. بِيت‌عوفرادا توز-تورپاقدا يووارلانين.
سئز ای شافئر ساکئنلري، لوت-عوريان، خجالت ائچئنده کِچئب گدئن! صَعَناندا ياشايانلار اورادان قاچا بئلميه‌جکلر. بِيت‌اِصِل اَهلي ياس توتاجاق؛ او، کؤمه‌يئني سئزدن کَسه‌جک.
ماروت اهالئسي ياخشيليق آرزولاياراق، ضعئف اولورلار، چونکي رب اورشَلئمئن دروازاسينا بلا ساليب.
ای لاکئش ساکئنلري، آتلارينيزي دؤيوش عاربا‌لارينا قوشون. صحيون قيزيني سئز گوناها باتيردينيز، چونکي سئزده ائسرايئلئن عاصئلئيي تاپيلدي!
بونا گؤره مورِشِت‌گَته آيريلماق هدئيّهلري ورهجکسئنئز، اَکزئب شهري ائسرايئل پادشاهلاريني آلداداجاق.
ای مارِشا ساکئنلري، رب اوستونوزه گئنه ائستئلاچي گتئرهجک، عَدولّام ماغاراسينا ائسرايئلئن آدلي-سانلي آداملاري سيغيناجاق.
ای يهودا، عَزئز بالالاريندان اؤتري ساچيني قيرخ، قوي باشين کَرکس باشي کئمي کِچَل اولسون، چونکي اؤولادلارين اسئرلئيه آپاريلاجاق!
واي او آداملارين حالينا کي، ياتاقلاريندا شر نئيّت قورولار، و سحر آچيلديقدا اونا عمل ادئرلر! چونکي گوجلري بونا چاتير.
زَمئلره طاماح ساليب زورلا آليرلار، اِولره گؤز دئکئب اونلارا صاحئب دورورلار. اِو صاحئبي ائله عايئلهسئنه ظولم ادئرلر، آداملاري مئراثيندان محروم ادئرلر!
بونا گؤره ده رب بله ديئر: "باخ، بو خالقا بلا گتئرميه حاضيرلاشيرام، اوندان بويون قاچيردا بئلميهجکسئنئز. سئز بئر داها دئکباش گَزميه‌جکسئنئز، چونکي پئس زامان گلئر.
او گون سئزي مئثال چکئب، بله يانيقلي مرثئيه اوخوياجاقلار: «بئز تامام محو اولدوق! خالقيمين پاييني باشقاسينا ورئر! گؤر نجه اونو مندن آلير! زَمئلرئمئزي نجه بؤلوب خائنلره پايلايير!»
بونا گؤره ربّئن جاماعاتي آراسيندا هچ کس تاپيلماياجاق کي، سنئن اوچون پوشکله اؤلچو چکئب يِر بؤلوشدورسون."
اونلار بله وعظ ادئرلر: "وعظ اتمه. بله شيلردن هچ کس دانيشماسين؛ روسوايچيليق بئزه چاتماياجاق."
ای يعقوب نسلي، مگر گرک بو ديئلسئن: "ربّئن روحو مگر صبئرسئز اولوب؟ مگر بونلار اونون ائشلري‌دئر؟" منئم سؤزلرئم مگر دوزگون يوللا گدنلرئن خيرئنه ديئل؟
اِله بو ياخين زامانلاردا، خالقيم منئم ضئدّئمه قالخيب دوشمن اولوبلار. موحارئبه‌دن قاييدانلارين، يولدان اَمئن-آمانليقدا کِچَنلرئن اَينئندن، پالتارلاريني آليب اونلاري سويورسونوز.
خالقيمين آروادلاريني راحات اِولرئندن قووورسونوز، اوشاقلاريندان منئم وردئيئم شؤوکتي همئشهلئک گؤتورورسونوز.
قالخين و گدئن، چونکي بورا ائستئراحت اتمک يري ديئل. بو يِر نجئسلَندئيئنه گؤره دهشتلي صورتده دارماداغين اولاجاق.
اگر يالانچي بئر آدام، حئيلهگر بئر آدام گلئب يالاندان دِسه: "سنه شراب و کِفلَندئرن ائچکئلر بارهده وعظ ادهجيم." البتّه، بله خالقين بله واعئظي اولار!
ای يعقوب اؤولادلاري، من قطعن سئزئن هامينيزي بئر يِره ييغاجاغام، ائسرايئلئن صاغ قالانلاريني بئر يِره ييغاجاغام. اونلاري آغيلداکي سورو کئمي بئر يِره ييغاجاغام. اوتلاقداکي سورو کئمي اؤلکه آداملارلا دولاجاق.
آزاد ادن اونلارين قاباقلاريندا گدئر؛ دروازاني قيريرلار، اوندان اِشئيه چيخيرلار. اونلارين پادشاهي اونلارين قاباغيندا گدئر، رب اونلارين باشچيسي‌دير.
او واخت من ددئم: "قولاق آسين، ای يعقوب رهبرلري، ای ائسرايئل خالقينين باشچيلاري! مگر عدالتئن نه اولماسيني بئلمک سئزه گرکلي ديئل؟!
سئز کي، ياخشيدان نئفرت ادئرسئنئز، پئسلئيي سِوئرسئنئز، خالقيمين دَرئسئني سويورسونوز، اَتئني سوموکلرئندن قوپارديرسينيز،
سئز کي، خالقيمين اَتئني يِيئرسئنئز، دَرئسئني سويورسونوز، سومويونو قيريرسينيز. خالقيمي قازاندا، تاوادا پئشئرئلَن اَت کئمي دوغراييرسينيز.
او واخت اونلار ربّه فرياد ادهجکلر، لاکئن رب اونلارا جاواب ورميه‌جک. او زامان رب اوزونو اونلاردان گئزلَده‌جک، چونکي پئس ائشلره عمل ادئبلر."
خالقيني آزديران پيغمبرلرئن ضئدّئنه، رب بله ديئر: "يِمه‌يه بئر شيلري اولاندا «صولح» باغيريرلار. آمّا آغيزلارينا بئر شي ورميه‌نئن ضئدّئنه موقدّس موحارئبه اعلان ادئرلر."
بونا گؤره سئزه رؤياسيز گجه گلهجک، فالچيليق ادئله بئلمه‌ين قارانليق گلهجک، پيغمبرلر اوچون گونش باتاجاق، گوندوز اونلار اوچون ظولمت اولاجاق.
گؤروجولر روسواي اولاجاقلار، فالچيلار بي‌آبير اولاجاقلار، دوغرودان دا اونلارين هاميسي بوندان اوتانيب آغيزلاريني باغلاياجاقلار، چونکي تاريدان جاواب اولماياجاق.
آمّا من قووّتله، ربّئن روحو ائله، عدالت و جسارتله دولويام کي، يعقوب اؤولادلارينا اونلارين عاصئلئيئني، ائسرايئله ده اونون گوناهيني بئلدئرئم.
بونو اِشئدئن، ای يعقوب اؤولادلارينين رهبرلري، ای ائسرايئل خالقينين باشچيلاري! سئز عدالتدن نئفرت ادئرسئنئز، هر جور دوزلويو اَيِرئيه چِوئرئرسئنئز.
صحيونو قان باهاسينا بئنا ادئرسئنئز، اورشَلئمي حاقسيزليق اوستونده تئکئرسئنئز.
رهبرلري روشوتله حؤکم ادئرلر، کاهئنلري اوجرتله تعلئم ورئرلر، پيغمبرلري فالچيليق ادئب پول آليرلار، لاکئن حله ده ربّه بِل باغلاييب ديئرلر: "مگر رب بئزئم آراميزدا ديئل؟ اوستوموزه بلا گلمَز."
بونا گؤره ده سئزئن اوزونوزدن، صحيون زَمي کئمي شوخوملاناجاق، اورشَلئم داش قالاغينا، معبدئن تئکئلدئيي داغ دا مِشه‌لي تپهلره چِورئله‌جک.
آخير گونلرده ربّئن اِوي اولان داغ داغلارين لاپ اوجاسي، تپه‌لرئن لاپ اوجاسي اوجالاجاق. خالقلار اونا ساري گلهجکلر.
چوخ مئلّتلر گلئب دئيهجکلر: "گلئن، ربّئن داغينا، يعقوبون تاريسينين اِوئنه قالخاق، قوي رب بئزه اؤز يوللاريني اؤيرَتسئن، و بئز اونون طَرئقلري ائله گِدَک." چونکي شرئعت صَحيوندان، ربّئن سؤزو اورشَلئمدن ياييلاجاق.
رب چوخ خالقلار آراسيندا حؤکم ادهجک، گوجلو اوزاق مئلّتلر حاقّيندا قرار چيخارداجاق. اونلار قيلينجلاري کَچوجلارلا دؤيوب اونلاردان کوتان، نئزه‌لردن ده حَرَس اَره‌سي دوزه‌لده‌جکلر. مئلّت، مئلّتئن ضئدّئنه قيلينج قالديرماياجاق، آرتيق موحارئبه اتمه‌يي اؤيرَنميه‌جک.
هر کس اؤز اوزوم آغاجينين، اؤز انجئر آغاجينين آلتيندا اَيلَشه‌جک، اونلاري قورخودان اولماياجاق. چونکي قوشونلار ربّئنئن آغزي بله ديئب.
بوتون خالقلار، اؤز آللاهلارينين آدي ائله ياشاسالار بِله، بئز، ابددن ابدهجک تاريميز ربّئن آدي ائله ياشاياجاغيق.
رب بويورور: "او گون من شئکَستلري ييغاجاغام، قوودوغوم، ذلئل اتدئيئم خالقي بئر يِره ييغاجاغام.
شئکَستلري صاغ قالان خالق ادهجيم، قووولانلاري گوجلو مئلّته چِوئره‌جيم. رب اونلارا صحيون داغيندان، ائندئدن ابده کئمي حؤکم ادهجک."
سنه گلئنجه، ای سورويه نظارت ادن بورج، ای صحيون قيزينين قالاسي، اوّلکي حاکئمئيّت سنه تزهدن ورئلهجک، اورشَلئم قيزينين سلطنتي گلهجک.
ائندي نه اوچون اوجا سَسله باغيريرسان؟ نئيه دوغان آرواد کئمي آغري چکئرسن؟ مگر سنئن يانيندا پادشاه يوخدور؟ مصلحت وره‌نئن مگر هلاک اولوب؟
ای صحيون قيزي، آغريدان قوورول، دوغان آرواد کئمي بَرکدن قيشقير، چونکي ائندي شهري ترک ادئب، چؤلده قالاجاقسان، بابئله قدر گدهجکسن. اورادا قورتولوش تاپاجاقسان؛ اورادا رب سني دوشمنلرئنئن اَلئندن ساتين آلاجاق.
آمّا ائندي چوخ مئلّتلر سنئن ضئدّئنه بئرله‌شئب ديئرلر: "قوي صحيون روسواي اولوب نجئسلَنسئن! بونو اؤز گؤزوموزله گؤرَک!"
لاکئن اونلار ربّئن دوشونجهلرئني بئلمئرلر، اونون مقصدئني آنلاميرلار؛ چونکي رب اونلاري، خرمنده ييغيلان دَرزلر کئمي بئر يِره ييغيب.
رب بله ديئر: "ای صحيون قيزي، قالخ، خرمنده‌کي تاخيليني دؤي! چونکي سنئن بوينوزونو دمئر کئمي، ديرناقلاريني بورونج کئمي ادهجيم. اِله کي، چوخ خالقلاري اَزه‌سن، اونلارين حاقسيزليقلا آلان قنئمتئني، مال-دؤولتئني بوتون يِر اوزونون پروردئگارينا وقف ادهسن.
ای قوشونلار قيزي، ائندي قوشونلاريني بئر يِره ييغ! بئزي دؤوره‌يه آليبلار، ائسرايئل حؤکمدارينين اوزونه دَيَنَکله ووراجاقلار.
آمّا سن ای بِيت‌لِخِم اِفراتا، يهودا نسئل‌لرئنئن کئچئيي اولاسان دا، منئم اوچون ائسرايئل اوستونده حؤکمدار سندن چيخاجاق. اونون نسلی چوخ قدئملردن، ازلي گونلردندئر.
دوغوم آغريسيني چکن آرواد دوغانا قدر، رب اؤز خالقيني تسلئم ادهجک. ائسرايئل اؤولادلارينين يانينا، قالان قارداشلاري قاييداجاق.
بو حؤکمدار قالخاجاق و تارينين قووّتئنده، تاريسي ربّئن عظمتلي آديندا سوروسونه چوبانليق ادهجک. خالق اَمئن-آمانليق ائچئنده ياشاياجاق، چونکي بوتون ير اوزو اوستونه بؤيوک، او اولاجاق.
بو بئزئم صولحوموز اولاجاق. آشورلولار اؤلکه‌مئزه گلدئيي واخت، قالالاريميزا آياق آچديغي واخت، اونلارين ضئدّئنه يدّي چوبان و سکّئز رهبر قالديراريق.
اونلار آشور تورپاقلارينا، نَمرود اؤلکه‌سئنئن گئرئشلرئنه، قيلينجلا چوبانليق ادهجکلر؛ آشورلولار تورپاغيميزا گلنده، سرحدئمئزي کِچَنده، او بئزي قورتاراجاق.
يعقوب نسلئنئن صاغ قالانلاري چوخلو خالقلارين آراسيندا اولاجاقلار. ربّئن گؤنده‌ردئيي شح کئمي، اوت اوستونه تؤکولَن ياغيش کئمي کي، کئمسهني گؤزله‌مَز. کئمسهنئن گلمه‌سئنه ده مونتظئر اولماز.
يعقوب نسلئنئن صاغ قالانلاري چوخلو خالقلارين، چوخلو مئلّتلرئن آراسيندا اِله بئل کي، مِشه حيوانلاري آراسينداکي شئر، قويون سوروسو آراسينداکي جاوان آصلاندير. سورونون ائچئنه گئرسه، اَزئب دئدَر، هچ کس اوندان قورتولا بئلمز.
اَلئن خَصملرئنئن اوستونه قالخاجاق، ای ائسرايئل، سنئن دوشمنلرئن کَسئله‌جک!
رب بويورور: "او گونده آتلارينيزي قيراجاغام، دؤيوش عارابالارينيزي يوخ ادهجيم.
اؤلکه‌نئزده‌کي شهرلري ده دارماداغين ادهجيم، بوتون قالالارينيزي يِره ييخاجاغام.
جادوگَرلئيي سئزئن اؤلکه‌نئزدن محو ادهجيم، سئزه بئر داها طالِعه باخان اولماياجاق.
سئزئن بوتلرئنئزي، سئزئن موقدّس سوتونلارينيزي سئزئن آرانيزدان قيريب آتاجاغام. بلجه اَللرئنئزله دوزه‌لتدئيئنئز شيلره آرتيق سجده اتميهجکسئنئز.
سئزئن اَشِرا بوتلرئنئزي آرانيزدان چيخارديب آتاجاغام. شهرلرئنئزي وئران قوياجاغام.
ائطاعتسئز مئلّتلردن قضبله، حئدّتله قئصاص آلاجاغام."
ربّئن نه ددئيئني ائندي اِشئدئن: "قالخين، داغلار قاباغيندا داعوانيزي دئله گتئرئن، قوي تپه‌لر سَسئنئزي اشئتسئنلر.
ای داغلار، ای يِرئن مؤحکم بونؤورهلري، ربّئن ائتّئهاميني اِشئدئن! چونکي رب اؤز خالقينين ضئدّئنه داعوا آچيب؛ حتّا ائسرايئلله بله داعوا ادهجک.
ای خالقيم، سنه نه اتمئشم؟ سني نه ائله يورموشام؟ منه جاواب ور!
دوغرودان دا، من ائدئم کي، سني مئصئر اؤلکهسئندن چيخارتديم، نؤکرچئلئک دئياريندان سني ساتين آلديم، موساني، هارونو، مريمي سنئن قاباغيندا گؤنده‌ردئم.
ای خالقيم، سنئن ضئدّئنه موآب پادشاهي بالاقين نئيّتلرئني، بِعور اوغلو بَلعامين اونا نه جاواب وردئيئني خاطيرلا، شئطّئمدن گئلگالا گِدنده، يولدا نه باش وردئيئني خاطيرلا کي، ربّئن صالح عمللرئني بئلهسن."
ربّئن حوضورونا نه ائله گدئم؟ اوجا تارينين حوضوروندا نجه سجده ادئم؟ اونون حوضورونا يانديرما قوربانلاري ائله- بئر ائلّئک دانالارلا مگر چيخيم؟
ربّه مئن-مئن قوچ قوربانلاري، زيتون ياغينين اون مئنلرجه سِل‌لري مگر خوش گلر؟ عاصئلئيئمه گؤره ائلک اوغلومو، گوناهيم اوچون اؤز اؤولاديمي مگر ورئم؟
ای ائنسانلار، تاري سئزه ياخشي اولاني بئلدئرئب. رب سئزدن عادئل اولماقدان باشقا، محبّت گؤرسدمه‌يي سِومَکدن باشقا، تارينيزين حوضوروندا باشيآشاغي ياشاماقدان باشقا نه ائستهيئر کي؟
ربّئن سَسي شهره نئدا ادئر، سنئن آديندان قورخماق حئکمتدئر. "تنبه آغاجينا، اونو تعيئن اده‌نه دئقّت ادئن.
مگر پئسلرئن اِوئنده‌کي حارام مال-دؤولت، نجئس اولان اَسکئک اؤلچو حله ده يوخدور؟
پئسلئک تَره‌زئسئندن و آلداديجي چکي داشلاريندان ائستئفاده اده‌ني مگر حاقلي سايارام؟
شهرئن وارلي‌لاري قدّارليق ادئرلر، ساکئنلري يالان دانيشيرلار، دئللري آغيزلاريندا حئيله ائشله‌دئر.
بونا گؤره، گوناهلارينيزدان اؤتري، من سئزي ووراجاغام، سئزي ييخاجاغام، سئزي وئران قوياجاغام.
يئيهجکسئنئز، آمّا دويماياجاقسينيز، قارينلارينيز بوش قالاجاق. ثروت ييغاجاقسينيز، آمّا ساخلاماياجاقسينيز، هر نه ساخلاديغينيزي دا، من قيلينج آغزينا ورهجيم.
سئز اَکه‌جکسئنئز، آمّا بئچميه‌جکسئنئز، زيتون سيخاجاقسينيز، لاکئن اؤزونوزه ياغ سورتميه‌جکسئنئز؛ اوزوم سيخاجاقسينيز، آمّا شراب ائچميه‌جکسئنئز.
پادشاه عومرئنئن قايدالاري رئعايت اولونور، اَخاب سولاله‌سئنئن بوتون ائشلري يرئنه يتئرئلئر، اونلارين مصلحتئنه موطابئق ياشاييرسينيز، بونا گؤره ده سئزي هلاکته تسلئم ادهجيم، ساکئنلرئنئزي رئشخند هدفئنه چِوئره‌جيم، بلجه منئم خالقيمين روسوايچيليغيني داشيياجاقسينيز."
واي منئم حاليما! من بئر آداما بَنزه‌يئرم کي، ياي مؤوسوموندن سونرا ميوهسي تامام ييغيلميش، تَنَکلري ده تمئزلَنمئشدئر؛ اوندا يمک اوچون نه اوزوم سالخيمي قاليب، نه ده نوبارليق بئر انجئر کي، اونا هوس اِدئم.
اؤلکهده تاريني تانييان آدام قالماييب، ائنسانلار آراسيندان صادئق آدام محو اولوب. هامي قان تؤکمک اوچون کمئنده دورور، قارداش قارداشا تله قورور.
پئس ائشلره اَللرئنئن ائکئسي ده زئرَکدئر، هم ريئسلر، هم ده حاکئملر روشوت طلب ادئرلر، گوجلو آدام جانينين ائسته‌دئيئني اعلان ادئر، هاميسي نئيّتلر قورورلار.
بونلارين لاپ ياخشيسي تئکاندان دَيَرسئزدئر، اَن صالح آدامي دا خاشاکدان پئسدئر. اونون گؤزَتچئلرئنئن ائخطار اتدئيي گون، سنئن جزا گونون گلئب. ائندي اونلار چاشباش قاليبلار.
قونشونوزا ائنانمايين، دوستونوزا بِل باغلامايين، حتّا قوينونوزدا ياتان آروادينيزدان بِله، آغزينيزي مؤحکم ساخلايين.
چونکي اوغول آتاسينا خور باخير، قيز آناسينين، گلئن ده قايين‌آناسينين ضئدّئنه قالخير. آدامين دوشمنی اؤزونون اِو اهلي اولوب.
آمّا منه گلئنجه، من ربّه باخاجاغام، منی خئلاص ادن تاريني گؤزلَيه‌جيم. تاريم منئم سَسئمي اشئده‌جک،
حاليما سِوئنمه، ای دوشمنئم! من ييخيلسام دا، قالخاجاغام. قارانليقدا ساکئن اولسام دا، رب منئم نوروم اولاجاق!
ربّئن قضبئنه دؤزه‌جيم، چونکي من اونا گوناه اتمئشم، او زاماناجاق کي، او منئم داعواما يِتئشسئن، و عدالت يرئنه يِتئشسئن. او منی ائشيغا چيخارداجاق، اونون صالحلئيئني گؤره‌جيم.
دوشمنئم بونو گؤرهجک، خجالت ائچئنده بوغولاجاق. او منه دمئشدي: "تارين رب هارادادير؟" گؤزلرئم بو دوشمنه باخاجاق، و او واخت او، کوچهلرده تاپدالانان پالچيق کئمي اولاجاق.
ای اورشَلئم، او گون سنئن دووارلارينين برپا گونو اولاجاق، او گون سرحدلرئن گِنئشلَنه‌جک.
او گون خالقين آشوردان، مئصئر شهرلرئندن، مئصئردن فرات چايينا قدر اوزانان تورپاقلاردان، دهنزدن دهنزه‌جک، داغدان داغاجاق، سنئن يانينا قاييداجاق.
ير اوزو ساکئنلرئنئن عمللرئنه گؤره وئران اولاجاق.
اؤز خالقينا، مئراثين اولان سورونه، اَلئنده اولان عصا ائله چوبانليق ات. او، مِشه‌لئکده ائندي تَک باشينا ساکئندئر؛ محصوللو بئر زَمئنئن آراسيندا. قوي کِچمئش گونلرده‌کي کئمي باشان و گئلعاددا اوتلاسينلار.
"مئصئردن چيخديغين گونلرده‌کي کئمي سنه مؤجوزهلر گؤرسده‌جيم."
مئلّتلر بونو گؤرهجکلر، بوتون قووّتلرئندن اوتاناجاقلار. اَللري ائله آغيزلاريني يوماجاقلار، قولاقلاري کار اولاجاق.
ائلان کئمي تورپاغي يالاياجاقلار، يِر اوزونون سوروننلري کئمي، يووالاريندان اَسه-اَسه چيخاجاقلار. دهشت ائچئنده رب تاريميزين حوضورونا گلهجکلر، سندن قورخاجاقلار.
سنئن کئمي بئر تاري کئمدئر، سن کي، خاطاني باغيشلاييرسان، مئراثيندان صاغ قالانلارين عاصئلئيئني عَفو ادئرسن؟! او کي، قضبئني ابدهجک ساخلامير، چونکي محبّت گؤرسدمَيي خوشلايير.
گئنه بئزه شَفقَت گؤرسدهجک؛ بوتون خاطالاريميزي آياق آلتينا آتاجاق. بلی، سن بئزئم بوتون گوناهلاريميزي دهنزئن درئنلئکلرئنه آتاجاقسان.
قدئم زاماندا آتالاريميزا آند ائچدئيئن کئمي يعقوب نسلئنه حقئقتي، ائبراهئم اؤولادلارينا دَيئشئلمَز محبّتئني گؤرسده‌جکسن.
بو اِلقوشلو ناحومون رؤيالاري کئتابي‌دير کي، نِينَوا حاقّيندا اونا وحی اولوندو.
رب قِيرَتلي‌‌دئر، قئصاص آلان تاريدير، ائنتئقام آلار، قضبله دولودور، خصملرئندن قئصاص آلار، دوشمنلرئنئن ضئدّئنه قضبئني ساخلايار.
رب گِج قضبلَنَندئر، قودرتده گوجلو، تقصئرکاري اصلا جزاسيز قويماز، ربّئن يولو طوفاندادير، کولَکده‌دئر، بولودلار آياقلارينين توزودور،
دهنزه آجيقلانار و اونو قورودار، بوتون چايلارين سولاريني دا قورودار. باشانين، کَرمِلئن ياشيلليق‌لاري سارالير، لوبنانين گول-چئچه‌يي سولور.
ربّئن حوضوروندان داغلار تئترهيئر، تپه‌لر اَرئيئر، ربّئن حوضوروندا يِر اوزو، دونيا و اوندا ساکئن اولانلار يِرلرئندن قالديريرلار.
اونون قضبئنئن قاباغيندا کئم دورا بئلر؟ حئدّتلي قيضئنه کئم تاب گتئرَر؟ ربّئن حئرصي اود کئمي تؤکولور، قاباغيندا قايالار تئکه-تئکه اولار.
رب ياخشيدير، دار گونده پناهگاهدير، اونا بِل باغلايانلاري تاني‌يير.
لاکئن او، نِينَوانين اولدوغو يِري شئدّتلي سِللرله محو ادهجک. دوشمنلرئني ظولمته سالاجاق.
ربّئن ضئدّئنه نه قصد حاضيرلاسان، او هر شيه آخير قويار، اونلاردان بئر داها بلا چيخماز.
بئربئرئنه دولاشيق تئکانلار کئمي، ائچکئلرئندن کِفلي اولان مستلر کئمي، قورو کولَش کئمي کامئل ياناجاقلار.
ای نِينَوا، سندن ربّئن ضئدّئنه پئسلئک دوشونَن، بئر شر مصلحتچي سندن چيخيب!
رب بله ديئر: "آشورلولار گوجلو و چوخ اولسا دا، گئنه ده محو اولوب گدهجکلر. ای خالقيم ائسرايئل، گرچي سني ذلئل اتمئشم، سني بئر داها ذلئل اتميه‌جيم.
ائندي سنئن يوغونو سنئن بوينوندان پارچالاييب، قانداللاريني قيراجاغام."
ای نِينَوا، رب سنئن حاقّيندا بله امر ورئب: "آرتيق اؤولادلارين اولماياجاق، آديني داشيماياجاق. آللاهلارينين معبدئندن اويما بوتلري، تؤکمه بوتلري محو ادهجيم. قَبئر قازاجاغام سنه، چونکي آلچاقسان!
باخ، موژده گتئرهنئن آياقلاري داغلاري آشير، گلئر، باريش خبري گتئرئر! ای يهودا، بايراملاريني کچئرت، نذئرلرئنه وفا ات! او پئس مئلّتئن آياغي اؤلکَندن آرتيق کِچمَيه‌جک؛ او، کامئل محو اولوب.»
ای نِينَوا، او داغيدان بئري سنئن ضئدّئنه چيخيب، ائستِحکاميني موحافئظت ات، يولونو موحافئظت ات، بِلئني مؤحکم قورشا، بوتون گوجونو بئر يِره ييغ!
چونکي رب يعقوب نسلئني، ائسرايئلئن اوّلکي عظمتئنه قايتاراجاق. گرچي دارماداغين ادنلر اونو دارماداغين ادئبلر، اوزوم آغاجلاريني محو ادئبلر.
ائگئدلرئنئن قالخانلاري قيرميزي‌دير، دؤيوشچولرئن پالتارلاري قيپ‌قيرميزي‌دير. اونلار حاضير اولان گون، دؤيوش عارابالارينين دمئرلري نجه ده پاريلدايير، شام آغاجيندان اولان نئزه‌لر هاوادا اوينايير!
دؤيوش عارابالاري کوچه‌لردن دَلي کئمي قاچيب کچئرلر، مِيدانلاردا اورايا-بورايا هوجوم گتئرئرلر، اونلارين گؤرونوشو مشعللر کئمي پاريلدايير، شئمشَک کئمي جَلد قاچيرلار.
نِينَوا پادشاهي سِچمه عسکرلرئني ييغير، يوروش اِدَرکَن بئربئرئنه ائلئشئب ييخيليرلار. تَله‌سئک شهر دووارينا طرف قاچيرلار، مودافئعه حاصارلاري قورورلار.
چايلارين سويونو ساخلايان بندلر آچيليب، ساراي اَرئيئر.
تقدئر يازيليب: شهري اسئر آپاريرلار، کنئزلري قومري کئمي ائنله‌يئب، سئنهلرئنه وورورلار.
نِينَوا خالقي قاچيب گدئر، بوشالان بئر حوووضون سويو کئمي، باغيريرلار: "دايانين، دايانين!" آمّا گری دؤنَن يوخدور.
گوموشو تالان ادئن، قيزيلي تالان ادئن، چونکي ثروتلرئن آخيري يوخدور، بول مئقداردا قئيمتلي اشيالار وار.
نِينَوا وئران اولوب، بلی، تالان اولوب، خارابا قاليب! اورکلر اَرئيئر، دئزلر طاقتدن دوشوب. هامينين بدنلرئنه آغري دوشوب! هامينين رنگي آتيب.
نه اولدو آصلانلار يوواسينا؟ نه اولدو جاوان آصلانلارين يِدئيي يِره؟ اورايا کي، شئرله دئشي‌سي، بالالاري ائله اورادا قورخوسوز گَزئردي؟
آصلان اؤز بالالارينا کئفايت قدر اوو شئکار ادئر، دئشئسي اوچون شئکاريني بوغازلاييب. ماغاراسيني شئکار اتدئيي حيوانلارلا، يوواسيني شئکارلا دولدوروب.
قوشونلار ربّی بويورور: "من سئزئن ضئدّئنئزه‌يَم، دؤيوش عارابالارينيزي توستوده يانديراجاغام، جاوان آصلانلاريني قيلينج يئيهجک، اؤلکه‌دن شئکاريني کَسه‌جيم، قاصئدلرئنئن سَسي بئر داها اشئدئلميه‌جک."
قانلي شهرئن واي حالينا! او يالان و سويغونچولوقلا دولودور، اورادا تالان اتمهيئن آردي کَسئلمئر!
قامچي سَسي، چرخلر گورولتوسو، چاپان آتلارين، ييرغالانان دؤيوش عارابالارينين سَسي!
آتليلار هوجوم ادئرلر، قيلينجلار پاريلدايير، نئزه‌لر برق وورور، اؤلَنلر ييغين-ييغين، جسدلرئن سايي يوخ، ائنسانلارين آياغي مِيئتلره دولاشير!
بونلارين هاميسي او فاحئشهنئن حدسئز فاحئشه‌لئيئندن اولدو؛ او جاذئبه‌لئنئن، سِحربازليق ملکهسئنئن کي، مئلّتلري فاحئشه‌لئيي ائنن ساتير، عايئلهلري ده سِحربازليغي ائله!
قوشونلار ربّی بويورور: "ای نِينَوا، من سنئن ضئدّئنه‌يم! پالتارينين اَته‌يئني اوزونه قالديراجاغام، چيلپاقليغيني مئلّتلره گؤرسده‌جيم، عاييبيني اؤلکهلره آچاجاغام.
اوستونه ائيرنج شيلري آتاجاغام، سني روسواي ادهجيم، تاماشايا قوياجاغام!
سني گؤرَنلرئن هاميسي سندن قاچيب بله دئيهجکلر: «نِينَوا وئران قالدي! اونون اوچون کئم آغلاياجاق؟ هارادان سنه تسلّی ورنلر تاپاجاغام؟»
مگر سنئن نو-آموندان نه‌يئن آرتيقدير؟ او شهر نئل چايلاري آراسيندا يِرلَشمئشدي، سولارلا اَحاطه اولموشدو، سئپري دهنز، قالا دوواري دا سولار ائدي.
کوش و مئصئر اونون سونسوز قووّتي ائدئلر، پوت و لئبيا دا کؤمکچئلري ائدي.
لاکئن اسئر آپاريلدي، اسئرلئيه گتدي، اؤولادلاري پارچا-پارچا دوغراندي، هر کوچه باشينا آتيلدي، آدلي-سانلي آداملاري اوچون پوشک آتديلار، اعيانلاريني قانداللارا سالديلار.
سن ده، ای نِينَوا، مست اولاجاقسان، گئزلَنه‌جکسن، دوشمنلرئن اَلئندن پناهگاه آختاراجاقسان.
بوتون ائستِحکاملارين انجئر آغاجينين ائلک يِتئشَن ميوه‌لري کئمئدئر کي، سئلکه‌لَنَنده يئيه‌نئن آغزينا دوشور.
باخ، سنئن آراندا، سنئن خالقين آرواد کئمئدئر! اؤلکهنئن دروازالاري دوشمنلرئن اوزونه تاي‌باتاي آچيليب. قاپي چفته‌لرئني اود ياخيب محو ادئر.
موحاصئره واختي اوچون اؤزونه سو چک، قالالاريني مؤحکملَندئر! زيغا گئر، پالچيغي تاپدا! کرپئج قالئبلرئني حاضيرلا!
اورادا اود سني يِيئب قورتاراجاق، قيلينج سني کَسئب قيراجاق، چَيئرتکه‌لرئن يِدئکلري اَکئن کئمي يوخ اولاجاقسان. ساييني چَيئرتکه کئمي آرتير، اؤزونو قايناشان چَيئرتکه کئمي چوخالت!
تاجئرلرئنئن سايي گؤيلرده‌کي اولدوزلاردان چوخدور، آمّا چَيئرتکه‌لر اؤلکهني تالان ادئب اوچاجاق.
گؤزَتچئلرئن چَيئرتکه کئمي، مأمورلارين چَيئرتکه سوروسو کئمئدئرلر؛ سويوق گونده چَپَرلره يِرله‌شئرلر، گون دوغاندا اوچوب گِدئرلر، گتدئکلري يِر بئلئنمئر.
ای آشور پادشاهي، چوبانلارين يوخويا گدئب، آدلي-سانلي آداملارين ياتيب. خالقين داغلارا سَپَله‌نئب، اونلاري بئر يِره ييغان يوخدور.
سنئن دردئنه درمان يوخدور، يارالارين صاغالماز. سنئن حاقّيندا خبر اشئدنلر سِوئنئب اَل چالير. چونکي سنئن بو سونسوز پئسلئيئن کئمه دَيمه‌يئب؟
بو حَبَقوق پيغمبره رؤيا ائله نازئل اولان ائخطاردير.
يارب، نه واختا قدر سني ائمدادا چاغيريم، و سن اشئتميه‌سن؟ سنه "قدّارليق وار!" ديئب فرياد اِدَم، و سن قورتارماياسان؟
نئيه منه عدالتسئزلئيي گؤرسه‌دئرسن، نه اوچون منی حاقسيزليغا باخماغا چکئرسن؟ هارايا نظر سالسام، اورادا هلاکت و قدّارليق وار، داعوالارين، چکئشمه‌لرئن آخيري يوخدور.
بونا گؤره قايدا-قانون قووّه‌دن دوشوب، عدالت هچ واخت قاباغا گتمئر. پئس آداملار صالحلري دؤوره‌يه آليرلار، اِله کي، عدالت تحرئف اولونسون.
او بئري مئلّتلره باخين، گؤردوکلرئنئزه کامئل مات قالين. چونکي سئزئن گونلرئنئزده اِله ائشلر گؤره‌جيم کي، سئزه دانيشسايديلار دا، ائنانمازدينيز.
چونکي باخ، من قدّار و آمانسيز مئلّتي- دونيانين دؤرد طرفئنه قوشون چکن، باشقالارينين تورپاقلاريني ضبط ادن کَلدانئلری سئزئن ضئدّئنئزه قالديريرام.
اونلار دهشتلي و قورخولو بئر خالقديرلار، کئبئرلي و اؤزباشيناديرلار.
آتلاري پلنگدن چابوک، اؤزلري ده گجه گَزَن قورددان داها آزغينديرلار، آتلي‌لاري يري دِشه‌رَک اوزاقدان گلئرلر، شئکاريني يِميه جومان قارتال کئمي اوچورلار.
قدّارليق اوچون اونلارين هاميسي گلئر، قوشونلاري صحرادان اَسن يِل کئمي قاباغا گدئر، اسئرلري قوم کئمي ييغير.
پادشاهلارا رئشخند ادئرلر، حؤکمدارلارا گولورلر، هر قالالي شهره لاغ ادئرلر، دووارلارين قاباغيندا تورپاقدان تپه قوروب اونو اَله کچئرئرلر.
اونلار يِل کئمي کِچئب-گدئرلر. بو آداملار کی، اونلارين آللاهي گوجلري‌دئر، تقصئرکارديرلار.
يارب، ازلدن بَري وار اولان مگر سن ديئلسن؟ يارب، تاريم، موقدّس اولانيم، بئز اؤلميه‌جَيئک. يارب، سن کَلده‌لئلره ائجازه ورئبسن کي، حؤکمو يرئنه يتئرسئنلر. ای قاياميز، اونلاري تعيئن ادئبسن کي، جزالانديرسينلار.
سنئن گؤزلرئن طاهئردئر، شري گؤرَن گؤزون يوخدور، پئس عمللره گؤز دئکه بئلمزسن. بس خيانتکارلارا نجه باخا بئلرسن؟ پئس آدام اوندان داها صالح اولانين باشيني يئيَنده آخي نئيه سوسورسان؟
سن ائنسانلاري سانکي دهنز باليقلارينا، باشچيلاري اولمايان سورونن جانلي‌لارا چِوئرئبسن.
دوشمن اونلارين هاميسيني چَنگل‌له چکئر، تورونا سالير، سَردئيي تورونا سالير، بونا سِوئنئب-شادلانير.
بونا گؤره تورلاري اوچون قوربان کَسئر، تورلاري اوچون بوخور يانديرير، چونکي بو تورلاري ائله، بوللوق ائچئنده ياشايير و لذّتلي يمکلردن بهره آلير.
اونلار مگر تورلاريني دورمادان بوشالتماغا، مئلّتلري آمانسيزجاسينا قيرماغا داوام ورهجکلر؟
گؤزَتچي يِرئمده دوراجاغام، قالا دووارينين اوستونده داياناجاغام، گؤز اولاجاغام کي، گؤروم رب منه نه دئيهجک، شئکايتلرئم بارهده نه جاواب ورهجيم."
رب منه بله جاواب وردی: "رؤياني ياز، لؤوحهلرده اِله آچيقلا کي، قاچاراق گِدن آدام دا اونو اوخويا بئلسئن.
چونکي بو رؤيا موعيّن واخت اوچوندور، يرئنه يِتمه‌سئنه طرف گِدئر و يالان ديئل. گرچي گِجئکئر، آمّا گؤزلهيئن، چونکي حتمن گلهجک، يوبانماياجاق.
باخ، مغرور آداما! اونون نئيّتي دوزگون ديئل، آمّا صالح آدام، ائماني ائله ياشاياجاق.
دوغرودان دا، شراب آلداديجي‌دير، تکبّورلو آدام آرام توتماز، اؤلولر دئياري کئمي آج‌گؤزدور، اؤلوم کئمي هچ دويماز. بوتون مئلّتلري اؤزونده ييغار، بوتون خالقلاري اؤزونده توپلايار.
بونلارين هاميسي مگر اونو لاغ اتمَيه‌جک؟ مسخره‌يه قويوب دِمَيه‌جک: «واي اونون حالينا کي، اؤزونه عاييد اولمايانلاري آرتيرير، گئروو گؤتورولَنلرله اؤزونو وارلي ادئر! نه واختا قدر بله اولاجاق؟»
سئزه گئروو ورنلر بئر گون مگر قَفلَتَن قئيام اتميه‌جکلر؟ اويانيب سئزي مگر قورخوتماياجاقلار؟ او واخت سئز، اونلار اوچون تالان مالي کئمي اولاجاقسينيز.
بئر چوخ مئلّتلري سويدوغونوز اوچون، مئلّتلرئن بوتون صاغ قالانلاری سئزي سوياجاقلار. چونکي سئز، ائنسان قاني تؤکوبسونوز؛ اؤلکهلره، شهرلره اورادا ياشايان هر کَسه قدّارليق ادئبسئنئز.
واي او آدامين حالينا کي، اِوئني حارام قازانجلا دولدورور، پئسلئيئن اَلئندن قاچماق اوچون يوواسيني اوجا يرده قورور!
سئز چوخ خالقلاري قيرماقلا اؤز هموطنلرئنئزي روسواي ادئبسئنئز، اؤز جانينيزين ضئدّئنه گوناه ادئرسئنئز!
دووار داشلاري بله فرياد ادهجک، تاختا تئرلر اونو مونعَکئس ادهجک!
واي او آدامين حالينا کي، قان تؤکمکله شهر تئکئر، حاقسيزليقلا کَند قورور.
خالقلارين چکدئيي زحمتئنئن يانماسي، مئلّتلرئن بوش يِره اؤزلرئني يورماسي قوشونلار ربّئنئن ائشي مگر ديئل؟
چونکي سولار دهنزي نجه دولدورور، دونيا دا ربّئن عئزّتئنئن مَعرئفَتي ائله اِله دولاجاق.
واي او آدامين حالينا کي، قونشولارين چيلپاق بدنلرئنه تاماشا اتمک اوچون شراب ائچدئرئب اونلاري مست ادئر، ائچکئيه زَهرئمار قاتير!
عئزّت عوضئنه خجالتله دولاجاقسينيز! ائندي سئزئن واختينيزدير! ائچئن و چيلپاقليغينيز گؤرونسون! جزا جامي ربّئن صاغ اَلي ائله سئزه گلئر، عئزّتئنئز روسواچيليغا دؤنهجک.
لوبنانا اتدئيئنئز قدّارليق اؤز باشينيزا گلهجک. قيرديغينيز حيوانلار سئزي دهشته سالاجاق. چونکي سئز قان تؤکوبسونوز؛ اؤلکهلره، شهرلره وَ اورادا ياشايان هر کَسه قدّارليق ادئبسئنئز.
صَنَتکارين اويدوغو بئر بوتون نه دَيَري وار؟ يالان اؤيره‌دن تئمثالين نه خِيري وار؟ بوتو دوزه‌لدن صَنَتکار، دانيشا بئلمه‌ين بوتلر دوزلتمکله، اؤز ائشئنه بِل باغلايير.
واي او آدامين حالينا کي، تاختايا «دئرئل»، دئلسئز داشا «اويان» ديئر! بوت مگر يول گؤرسده بئلر؟ او، قيزيللا، گوموشله اؤرتولموشدور؛ ائچئنده حيات نفسي اصلا يوخدور.
لاکئن رب اؤز موقدّس معبدئنده‌دئر. قوي اونون حوضوروندا بوتون دونيا ساکئت اولسون!"
پيغمبر حَبَقوقون دوعاسي، شئقيونلار دستگاهي اوستونده.
يارب، سنئن شؤهرتئن حاقّيندا اشئتمئشم، يارب، گؤردويون ائشلره گؤره قورخو ائچئنده‌يَم. بئزئم واختيميزدا دا او ائشلري تزهدن جانلاندير، بئزئم دؤوروموزده ده بونلاري بئلدئر! قضبلَنَنده مرحمتي خاطيرلا!
تاري تِيماندان، او موقدّس اولان، پاران داغيندان گلدي. سِلا اِحتئشامي گؤيو بورودو، حمد-ثنالاري يِر اوزونو توتدو.
شفقي گونش کئمي پاريلدايير، اَللرئندن ائشيق ساچير، قودرتي اَلئنئن ائچئنده گئزلي‌دئر.
اونون قاباغيندا وبا، آرخاسيندا دا ناخوشلوق گتدي.
او دوردو، يري تَرپَتدي، باخدي، مئلّتلري تئترَتدي، قدئم داغلار داغيلدي، ازلدن قالان تپه‌لر يِره قاپاندي. تارينين يولو ابديدئر.
من باخيب گؤردوم کي، کوشان چاديرلاري چاره‌سئزلئک ائچئندهدئر، مئديان چاديرلارينين پرده‌لري لرزهيه گلدي.
يارب، مگر سن چايلارين ضئدّئنه قضبلَي ائدئن؟ آجيغين مگر سو آرخلارينين ضئدّئنه ائدي؟ مگر دهنزئن ضئدّئنه حئدّتلَندئن کي، آتلارينا، موظفّر دؤيوش عارابالارينا مئندئن؟
ياييني چيخارتدين، اوخدانيني اوخلارلا دولدوردون. سِلاه. يِر اوزونو چايلارلا ياردين.
داغلار سني گؤروب آغرييا دوشدو، سِللر هر ياني سوپوروب آخدي، درئنلئکلر گورلادي، شپهلر قالخدي.
اوچان اوخلارينين قيغيلجيميندان، ويييلدايان نئزه‌نئن پاريلتيسيندان گونش و آي يِرلرئنده دوردولار.
يِر اوزونده قضب ائچئنده گَزدئن، مئلّتلري حئدّتله تاپدالادين.
سن اؤز خالقينين قورتولماسي اوچون، مسح اتدئيئنئن خئلاص اولماسي اوچون چيخدين، شرئرئن اِوئنئن باشچيسيني اَزدئن، تپهدن ديرناغا قدر اونو سويدون، سِلاه.
جنگاورلري طوفان کئمي بئزي داغيتماغا گلنده، سن اونلارين باشيني اؤز نئزه‌لري ائله دِشدئن. اونلارين سِوئنجي بو ائدي کي، يازيقلاري گئزلَنَن يرده محو اتسئنلر.
سن اؤز آتلارينلا دهنزي تاپدالادين، گور سولاريني کؤپوکلَتدئن.
اشئتدئم، ائچئم لرزهيه دوشدو، سَسئندن دوداقلاريم اَسدي. سوموکلرئم چورودو، دئزلرئم تئترهدي. آمّا بئزه هوجوم ادن خالقين فلاکته دوشدويو گونو صبئرله گؤزلَيه‌جيم.
انجئر آغاجي تومورجوقلانماسا دا، مِينه‌لر بار گتئرمَسه ده، زيتون آغاجلارينا چکدئيئم زحمت بوشا چيخسا دا، تارلالار محصول يِتئشدئرمَسه ده، قويون-کچي آغيل‌لاردا، مال-حيوان تؤوله‌لرده يوخ اولسا دا،
من حله ده ربده شادليق ادهجيم. خئلاصيمين تاريسي ائله شادليقدان جوشاجاغام!
پروردئگار رب منئم قووّتئمدئر، آياقلاريمي مارال آياقلاري کئمي ادئر، منی اوجا يِرلرده گَزدئرئر. موسئقي رهبري اوچون: تِلّي آلتلرئمئن موشايئعَتي ائله.
آمون اوغلو يهودا پادشاهي يوشئيانين حؤکم اتدئيي دؤورده، خئزقئيا اوغلو اَمَريا اوغلو گِدَليا اوغلو کوشي اوغلو صِفَنيايا ربّئن سؤزو نازئل اولدو.
رب بله بويورور: "ير اوزوندن هر شيي سئلئب سوپوره‌جيم."
رب بله بويورور: "ائنسانلاري، حيوانلاري، گؤيدهکي قوشلاري، دهنزده‌کي باليقلاري، پئس آداملاري ائله شر اوچون قورولان تله‌لرئني سئلئب سوپوره‌جيم، ائنساني ير اوزوندن يوخ ادهجيم.
اَلئمي اوزاديب يهودا و اورشلئم ساکئنلرئنئن هاميسيني جزالانديرجاغام، بَعَل بوتلرئندن قالانلاري بورادان سئلئب آتاجاغام، بوتپرست دئن خادئملري ائله کاهئنلرئنئن آدلاريني دا بورادان سئلئب آتاجاغام.
داملاردا گؤي جئسئملرئنه سجده ادنلري، هم ربّئن آدينا، هم ده مئلکوم بوتو آدينا آند ائچئب سجده ادنلري،
ربّئن يولوندان دؤنَنلري، ربّی آختايارمايانلاري، ربدن مصلحت آلمايانلاري، بورادان يوخ ادهجيم."
پروردئگار ربّئن حوضوروندا ساکئت اولون، چونکي اونون گونو ياخينلاشير، رب قوربان حاضيرلاييب، قوناقلاريني تقدئس ادئب.
رب ديئر: "او قوربان گونو امئرلري، شاهزاده‌لري، اجنبي دَبي ائله گِيئنَنلري جزالانديرجاغام.
او گون آستاناسيندان تولّانيب کِچَنلري، اؤز آغالارينين اِولرئني قدّارليق و حئيله ائله دولدورانلاري جزالانديرجاغام."
رب بويورور: "او گون باليقلار دروازاسيندان فغان سَسي، ائکئنجي محلّه‌دن شئون سَسي، تپه‌لردن ده بؤيوک گورولتو اِشئدئله‌جک."
ای بازار محلّه‌سئنئن ساکئنلري، شئون ادئن! بوتون تاجئرلر محو اولاجاق، تَره‌زئده گوموش چکن آداملار قيريلاجاق.
او زامان اورشَلئمئن هر طرفئني چيراقلارلا آختاراجاغام، خوشبخت ياشايان لاقيدلري، چؤکونتوسو دئبئنه چؤکموش شراب کئمي اولانلاري، اورَکلرئنده "رب هچ نه اتمَز، نه ياخشيليق، نه ده پئسلئک" دئيَنلري جزالانديرجاغام.
وار-دؤولتلري تالان اولاجاق، اِولري خارابا قالاجاق، تئکدئکلري اِولرده ياشاماياجاقلار، اونلار، سالديقلاري اوزوملوکلرئن شرابلاريني ائچميه‌جکلر.
ربّئن مؤحتشم گونو ياخينلاشير، ياخينلاشير، تِز گلهجک. اشئت! ربّئن گونونده فرياد سَسي آجي اولاجاق، ائگئد آدام بِله، فرياد ادهجک.
او گون قضب گونو اولاجاق: اذئيّت و مشقّت گونو، وئران و محو گونو، قارانليق و ظولمت گونو، قارا بولودلارين بورودويو گونو اولاجاق!
او گون ائستِحکاملي شهرلره، اوجا بوي کونج بورجلرئنئن ضئدّئنه دؤيوش اوچون چالينان کَره‌نايلارين، دؤيوش نعره‌لرئنئن سَسلَندئيي گونو اولاجاق!
آداملارا اِله بلا گؤنده‌ره‌جيم کي، کور کئمي هارايا گده‌جکلرئني بئلميه‌جکلر، چونکي ربّئن ضئدّئنه گوناه ادئبلر. قانلاري توز کئمي تؤکولهجک، باغيرساقلاري يرده چورويوب پِيئن اولاجاق."
ربّئن قضب گونونده قيزيل-گوموشلري اونلاري قورتارا بئلميهجک، اونون قيرتلي قضبئنئن آلوووندا بوتون اؤلکه يانيب يوخ اولاجاق، چونکي او، اؤلکهنئن ساکئنلرئني کامئل بئر شکئلده قيراجاق.
ای اوتانماز مئلّت، توپلاشين! توپلاشين!
فرمان چيخمادان، او گون سامان چؤپو کئمي اوچمادان، ربّئن آلوولانان قيضي باشينيزا گلمه‌دن، ربّئن قضب گونو سئزه يِتئشمه‌دن قاباق توپلاشين!
ای ربّئن حؤکمونه عمل ادن سئزلر، اؤلکه‌ده‌کي باشيآشاغي ائنسانلار، ربّی آختارين! صالحلئيي آختارين! حئلئم‌لئيي آختارين! بلکه ربّئن قضب گونونده سئزئن بئر پناهينيز اولسون.
غَزّه بومبوش قالاجاق، اَشقِلون خاراباليغا دؤنهجک، اَشدود اهالئسي گون اورتا چاغي قووولاجاق، عِقرون کؤکوندن سؤکوله‌جک!
دهنز ساحئلئنده ياشايان کِرِتلي خالقينين واي حالينا! ای فئلئسطلی‌لرئن تورپاغي کَنَعان، ربّئن سؤزو سئزئن ضئدّئنئزه‌دئر: "سئزي يوخ ادهجيم، اؤلکهده هچ بئر ساکئن صاغ قالماياجاق!"
دهنز ساحئلئندهکي اؤلکه‌نئز اوتلاقلارا، چوبان داخمالارينا و قويون-کچي آغيل‌لارينا دؤنهجک!
بو ساحئل اؤلکه‌سي يهودا نسلئندن قالانلارين اَلئنه کچهجک، سورولرئني اورادا اوتاراجاقلار، آخشام اَشقِلونداکي اِولرئنده ياتاجاقلار، چونکي اؤزلرئنئن تاريسي رب اونلاري يادا سالاراق. گئنه قاباقکی حاللارينا دؤندهرهجک.
ائسرايئلئن تاريسي، قوشونلار ربّی بله بويورور: "موآبليلارين رئشخندلرئني، عَمّونلولارين تحقئرلرئني اشئتدئم. خالقيما رئشخند ادئب لووغاناراق ددئلر کي، خالقيمين سرحدلرئني کچه‌جکلر.
بونا گؤره ده وارليغيما آند اولسون، موآب قطعن سودوم کئمي، عَمّون گومورا کئمي اولاجاق: اورالاري آلاقلار و دوزلو چالالار باساجاق، ابدی وئرانه‌لئيه دؤنه‌جکلر. خالقيمين قالانلاري اوراني تالان ادهجک، تورپاقلارينا مئلّتئمدن صاغ قالانلار صاحئب اولاجاقلار."
بو اونلارين مغرورلوغونون عوضي اولاجاق، چونکي بو خالقلار قوشونلار ربّئن خالقينا رئشخند ادئب لووغالانديلار.
رب اونلاري دهشته سالاجاق، يِر اوزونون بوتون آللاهلاريني يوخ ادهجک. ساحئللرده ياشايان بوتون مئلّتلر اولدوقلاري يِرلرده اونا سجده ادهجکلر.
"ای کوشلولار، سئز ده منئم قيلينجيملا اؤلدوروله‌جکسئنئز." رب ديئر.
رب اَلئني شئمالا طرف اوزاديب آشورو يوخ ادهجک، نِينَواني وئرانه‌لئيه، صحرا کئمي قورويا چِوئره‌جک،
اورايا سورولرئن، هر جور حيوانين ياتديغي يِر اولاجاق. اورادا سوتون باشلاريندا، بايقوشلار، چؤل بايقوشلاري يووا قوراجاق، اونلار پنجره‌لردن اولاياجاقلار، قارغالار آستانالاردان قاريلداياجاقلار، اِولرده سئدر تئرلري گؤرونهجک.
بو شهر ذؤوق-صفالي شهر ائدي، اَمئن-آمانليق ائچئنده ياشاييردي. سن اوره‌يئنده ديئرسن: "من منم، مندن باشقاسي يوخدور!" نجه ده بو شهر خاراباليغا دؤندو، وحشي حيوانلارين يوواسي اولدو! يانيندان کِچَن هر کس واهئمه‌دن باشيني تَرپه‌دئر.
عاصي، پوزغون، ظالئم شهرئن واي حالينا!
سؤزه قولاق آسمير، عئبرت درسي آلمير. ربّه بِل باغلامير، تاريسينا ياخينلاشمير.
باشچيلاري اونون ائچئنده نَرئلده‌يَن آصلانلارا بَنزه‌يئر، حاکئملري آخشام گَزَن قوردلار کئميدئر کي، سحره قدر بئر شي قويماز.
پيغمبرلري دئکباشدير، خائن آداملارديرلار، کاهئنلري موقدّس اولاني نجئسله‌يئب، قانونون معناسيني پوزور.
آمّا شهرئن ائچئنده اولان رب صالحدئر، او حاقسيزليق اِتمَز. هر سحر دورمادان عدالتئني آشکار اِتدئرَر، لاکئن حاقسيز آدام اوتانماق بئلمز.
رب بله ديئر: "مئلّتلري محو اتمئشم، کونج بورجلري داغيليب. کوچه‌لرئني وئران قويموشام، اونلاردان آرتيق گلئب کِچَن يوخدور! شهرلري خاراباليغا دؤنوب، اورادا هچ بئر ساکئن ده قالماييب.
من ددئم: «يقئن کي، مندن قورخارسينيز، عئبرت درسي آلارسينيز.» او واخت مسکنلري داغيديلماز، وردئيئم جزالارين هاميسي اوستلرئنه گلمز، لاکئن اونلار حله ده هر جور پوزغون ائش گؤرمکدن ذؤوق آلديلار."
رب بويورور: "بونا گؤره تالان اوچون قالخاجاغيم گونه قدر منی گؤزلهيئن. چونکي من قرارا آلميشام کي، مئلّتلري بئر يِره ييغيم، پادشاهليقلاري بئر يِره توپلاييم. اوستلرئنه قِيضئمي، آلوولانان بوتون قضبئمي تؤکوم. چونکي قِيرَتلي قضبئمئن اودو ائله بوتون ير اوزو تلف اولاجاق.
او زامان من خالقلارين نئطقئني دَيئشئب، اونلارا تمئز دئل ورهجيم کي، هامي ربّئن آديني چاغيرسين، اونا چئيئن-چئيئنه خئدمت اتسئنلر.
قوربَته داغيلميش، منه سجده ادنلر، کوش چايلارينين او تاييندان منه تقدئملر گتئرهجکلر.
او گون سن، ای خالقيم، منئم ضئدّئمه عاصئلئک اتدئيئنه گؤره، داها خجالتلي اولماياجاقسان. چونکي قورورلو، تکبّورلو آداملاري سنئن آراندان اوزاقلاشديراجاغام، و سن آرتيق موقدّس داغيمدا بئر داها مغرور اولماياجاقسان.
سئزئن آرانيزدا باشي آشاغي‌لاري، مظلوملاري ساخلاياجاغام، اونلار ربّئن آدينا بِل باغلاياجاقلار.
ائسرايئلدن صاغ قالانلار داها حاقسيزليق اتميه‌جکلر! يالان دِمَيه‌جکلر، آغيزلاريندا حئيله تاپيلماياجاق. چونکي اونلار قارني توخ ياتاجاقلار، اونلاري قورخودان اولماياجاق."
ای صحيون قيزي، ترنّوم ات، ای ائسرايئل، اوجا سَسله چيغير! ای اورشَلئم قيزي، بوتون قَلبئنله سِوئن و فَرَحلَن!
رب سنئن جزاني لغو ادئب، دوشمنلرئني قوووب! ائسرايئلئن پادشاهي رب سنئن آراندادير، آرتيق پئسلئکدن قورخماياجاقسان!
او گون اورشَلئمه ديئلهجک: "قورخما، ای صحيون، قويما اَللرئن طاقتدن دوشسون!
تارين رَب، قووّتلي قورتاريجين سنئن آراندادير! او سنئن اوچون سِوئنئب شادلاناجاق، سني محبّتي ائله آرام ادهجک، سنئن اوچون شادليق ادئب اوخوياجاق!
بايرام اوچون چکدئيئنئز قوصّه‌لري من سئزئن اوستونوزدن گؤتورهجيم؛ اونلارا يوکدورلر، عاييبديرلار.
باخ، او واخت من سئزه ظولم ادنلرئن هاميسيني جزالانديرجاغام، شئکَستلري قورتاراجاغام، قووولانلاري ييغاجاغام، چکدئکلري خجالتي بوتون دونيادا شان-شؤهرَته چِوئره‌جيم.
او زامان سئزي ييغيب گری قايتاراجاغام. من سئزي گؤزونوزون قاباغيندا گئنه قاباکي حالينيزا دؤنده‌رَنده، بوتون دونيا خالقلاري آراسيندا سئزه شان-شؤهرت ورهجيم." رب بويورور.
داريوش پادشاهين حاکئمئيّتئنئن ائکئنجي ائلي، آلتينجي آيين بئرئنده، شِاَلتي‌اِل اوغلو يهودا والئسي زِروبّابئله و يِهوصاداق اوغلو باش کاهئن يوشَعه پيغمبر حَجَه‌ي واسئطهسئله ربّئن سؤزو نازئل اولدو:
"قوشونلار ربّی بله ديئر: «بو خالق ديئر کي، حله ربّئن معبدئني تزهدن قورماق واختي چاتماييب.»"
ربّئن بو سؤزو پيغمبر حَجه‌ي واسئطهسئله نازئل اولدو:
"بو معبد خارابا قالديغي حالدا، مگر سئزئن اوچون واختيدير کي، دامي ياراشيقلي اِولرئنئزده اوتوراسينيز؟"
ائندي قوشونلار ربّی بله ديئر: "حيات يوللارينيز حاقّيندا ياخشي دوشونون.
چوخ اَکئبسئنئز، آمّا آز گؤتوروبسونوز. يِيئرسئنئز، آمّا دويمورسونوز. ائچئرسئنئز، آمّا سوسوزلوغونوز ياتمير. گِيئنئرسئنئز، آمّا پالتارينيز سئزي ائستي ساخلامير. مَواجئبئنئز جيريق کئسه‌يه قويولور."
قوشونلار ربّی بله ديئر: "حيات يوللارينيز حاقّيندا ياخشي دوشونون.
داغلارا چيخيب آغاج گتئرئن و معبدي تزهدن قورون کي، منئم اوندان خوشوم گلسئن و عئزّتله‌نئم." بونو دئيَن ربدئر.
"چؤخ شي گؤزله‌دئنئز، آمّا باخ، آز اولدو. آز اولاني دا اِوه گتئرنده اونلاري سوووردوم. نه اوچون؟" قوشونلار ربّی بويورور: "منئم معبدئم خارابا قالديغي حالدا، سئز اؤز اِولرئنئزله مشغولسونوز.
سئزدن اؤتري بونا گؤره گؤيلر شِحئني، يِر ده محصولونو کَسدي.
يِره، داغلارا، تاخيلا، تزه شرابا، زيتون ياغينا، تورپاغين يتئردئيي هر محصولا، ائنسانا، حيوانا و اَللرئنئزئن بوتون زحمتئنه من قوراقليق اعلان اتدئم."
شِاَلتي‌اِل اوغلو زِروبّابئل‌له يِهوصاداق اوغلو باش کاهئن يوشَع و خالقين صاغ قالانلاري اؤزلرئنئن تاريسي ربّئن ددئکلرئندن، يعني پيغمبر حَجه‌يئن سؤزوندن ائطاعت اتدئلر. چونکي اونو اونلارين تاريسي رب گؤنده‌رمئشدي. خالق ربدن قورخدو.
ربّئن اِلچئسي حَجه‌ي رَبدن آلديغي وظئفه ائله خالقا بله ددي: "رب ديئر: «من سئزئنله‌يَم.»"
رب شِاَلتي‌اِل اوغلو يهودا والئسي زِروبّابئلي، يِهوصاداق اوغلو باش کاهئن يوشَعي و خالقين بوتون صاغ قالانلاريني روحلانديردي. خالق گلدي و اؤزلرئنئن تاريسي اولان قوشونلار ربّئن معبدئنده ائشلَمَيه باشلادي.
بو حادئثه داريوش پادشاهين حاکئمئيّتئنئن ائکئنجي ائلي، آلتينجي آيين ائيئرمي دؤردونده باش وردی.
يدّئنجی آيين ائيئرمي بئرئنده پيغمبر حَجه‌ي واسئطهسئله ربّئن سؤزو نازئل اولدو:
"ائندي شِاَلتي‌اِل اوغلو يهودا والئسي زِروبّابئله، يِهوصاداق اوغلو باش کاهئن يوشَعه و خالقين صاغ قالانلارينا بله دِه:
«سئزئن آرانيزدا کئم صاغ قالير، بورادا اولان معبدي اوّلکي عظمتئنده اولان حالدا گؤرموش اولسون؟ ائندي بوراني نجه گؤرورسونوز؟ گؤزونوز قاباغيندا سانکي بئر هِچه مگر چِورئلمه‌يئب؟
ائندي آمّا، ای زِروبّابئل، قووّتلَن!» رب بويورور: «قووّتلَن، ای يِهوصاداق اوغلو باش کاهئن اولان يوشَع! ای بوتون اؤلکه خالقي، قووّتله‌نئن و ائشله‌يئن! چونکي من سئزئنله‌يَم.» قوشونلار ربّی بله بويورور:
«مئصئردن چيخان زامان سئزئنله باغلاديغيم عهد بودور. و منئم روحوم آرانيزدادير. قورخمايين!»
قوشونلار ربّی بله ديئر: «تزلئکله من گؤيلري، يِري، دهنزي، تورپاغي بئر ده لرزهيه گتئره‌جيم!
بوتون مئلّتلري لرزهيه سالاجاغام و بوتون مئلّتلرئن قئيمتلي خزئنهلري بورايا گلهجک و بو معبدي جلاللا دولدوراجاغام.» قوشونلار ربّی بله بويورور.
«قيزيل منئمدئر، گوموش ده منئمدئر.» قوشونلار ربّی بله بويورور.
«آخيرکي معبدئن عظمتي، اَوّلکئندن اوستون اولاجاق.» قوشونلار ربّی بله بويورور: «بو يِره اَمئن-آمانليق ورهجيم.» قوشونلار ربّی بله بويورور."
داريوشون حاکئمئيّتئنئن ائکئنجي ائلي، دوقّوزونجو آيين ائيئرمي دؤردونده ربّئن سؤزو پيغمبر حَجه‌يه نازئل اولدو.
قوشونلار ربّی بله بويورور: "شرئعت حاقّيندا کاهئنلردن سوروشون:
«کئمسه جوبّه‌سئنئن اَته‌يئنده تقدئس اولونموش اَت گَزدئرَن زامان، اَته‌يي ائله چؤره‌يه، شوربايا، شرابا، زيتون ياغينا و يا هر هانسي بئر اَرزاغا اگر توخونسا، مگر اونلاري تقدئس اِدَر؟»" کاهئنلر بو سوآلا جاواب وردئلر: "خِير."
حَجه‌ي ددي: "بس جسده توخونوب نجئسله‌نَن بئر آدام همئن ارزاقلاردان بئرئنه اگر توخونسا، او ارزاقي مگر نجئسله‌يَر؟" کاهئنلر جاواب وردی: "نجئسله‌يَر."
حَجه‌ي سونرا بله ددي: "رب بله بويورور: «بو خالق-بو مئلّت منئم گؤزومده بلهدئر. اونلارين اَللرئنئن هر عملي بلهدئر. منه تقدئم اتدئکلري هر شي نجئسدئر.
ائندي بو گوندن اعتئبارن ياخشي دوشونون. ربّئن معبدئنئن داشي، داش اوستونه قويولمادان قاباق، ائشله‌رئنئز نجه گدئردي؟
او زامان هر کئم ائيئرمي کئسه محصول اگر گؤزله‌يئردي، اون کئسه اولوردو. شراب چَنئندن کئم اَلّي قاب شراب چکمک ائسته‌يئردي، ائيئرمي قابليق شراب تاپيردي.»
رب بله بويورور: «اؤزونوزو و اَللرئنئزئن بوتون زحمتئني ائستي يِل، کوف و دولو ائله ووردوم. آمّا گئنه ده منه ساري دؤنمَزدئنئز.
ائندي بو گوندن اعتئبارن ياخشي دوشونون. دوقّوزونجو آيين ائيئرمي دؤردوندن يعني ربّئن معبدئنئن بونؤورهسي قويولان گوندن سونرا، ياخشي دوشونون.
مگر آنباردا توخوم قاليب؟ مگر اوزوم، انجئر، نار و زيتون آغاجي بار گتئرمه‌يئب؟ بو گوندن اعتئبارن سئزه برکت ورهجيم!»"
ربّئن بو سؤزو حَجه‌يه ائکئنجي دفه آيين ائيئرمي دؤردونده نازئل اولدو:
"يهودا والئسي زِروبّابئله بله دِه: «من گؤيلري و يري لرزهيه گتئره‌جيم.
پادشاهليقلارين تختئني آلت-اوست ادهجيم. مئلّتلرئن سلطنتلرئنئن گوجونو دارماداغين ادهجيم. دؤيوش عارابالاري ائله سوروجولرئني آشيراجاغام، آتلارلا آتليلار يِره سَرئله‌جکلر. هامي قارداش قيلينجي ائله قيريلاجاق.»"
قوشونلار ربّی بويورور: "او گون، ای شِاَلتي‌اِل اوغلو قولوم زِروبّابئل،" رب بويورور، "سني گؤتوروب مؤهورلو اوزوک ادهجيم، چونکي سني من سِچمئشم." قوشونلار ربّی بله بويورور.
داريوشون حاکئمئيّتئنئن ائکئنجي ائلئنده، سکّئزئنجي آيدا عئدّو اوغلو بِرِکيا اوغلو زِکَرئيّا پيغمبره ربّئن بو سؤزو نازئل اولدو:
"رب آتالارينيزا چوخ قضبلَندي.
اونا گؤره ده سن اونلارا دِه کي، قوشونلار ربّئن سؤزو بلهدئر: «منه طرف قاييدين.» قوشونلار ربّی بويورور، «من ده سئزه طرف قاييدارام.» قوشونلار ربّی ديئر.
"آتالارينيز کئمي اولمايين! قاباقکی پيغمبرلر اونلارا اعلان اتدئلر کي، قوشونلار ربّی اونلارا ديئر: ‹پئس عمل‌لرئنئزدن و پئس ائشلرئنئزدن قاييدين.› آمّا اونلار اشئتمه‌دئلر و منه قولاق آسماديلار.» رب بله بويورور.
«آتالارينيز ائندي هارادادير؟ پيغمبرلر ده مگر ابدهجک ياشاييرلار؟
آمّا قوللاريم پيغمبرلره امر اتدئيئم سؤزلرئم و قايدالاريم، مگر اونلارين باشلارينا گلمه‌دي؟» اونلار دا تؤوبه ادئب ددئلر: «قوشونلار ربّی عمللرئمئزه و ائشلرئمئزه گؤره بئزه نه اتمه‌يي دوشونوب، بئزئمله اِله ده رفتار ادئب.»"
داريوشون حاکئمئيّتئنئن ائکئنجي ائلئنده، اون بئرئنجي آي اولان شِبات آيينين ائيئرمي دؤردونجو گونو، عئدّو اوغلو بِرِکيا اوغلو زِکَرئيّا پيغمبره ربّئن بو سؤزو نازئل اولدو:
گجه ياريسي گؤردوم کي، قيرميزي آتا مئنمئش بئر نفر، دره‌نين دئبئنده، مَرسئن آغاجلاري آراسيندا دوروب. اونون آرخاسيندا دا قيرميزي، کَهر و آغ آتلار وار ائدي.
من سوروشدوم: "آي آغام، بونلار نه‌دئر؟" منئمله دانيشان ملک ددي: "بونلارين نه اولدوغونو سنه گؤرسه‌ده‌جيم."
مَرسئن آغاجلاري آراسيندا دوران آدام جاواب وردی: "بونلاري رب گؤنده‌رئب کي، دونياني گَزسئنلر."
اونلار مَرسئن آغاجلاري آراسيندا دوران ربّئن مَله‌يئنه جاواب وردئلر: "بئز دونياني گَزدئک و گؤردوک کي، بوتون دونيا آسايئش و اَمئن-آمانليق ائچئندهدئر."
او واخت ربّئن مَله‌يي ددي: "ای قوشونلار ربّي، بو يتمئش ائل عرضئنده قضبلَندئيئن اورشَلئمه و باشقا يهودا شهرلرئنه، نه واختا قدر مرحمت اتمَيه‌جکسن؟"
رب منئمله دانيشان مَلَيه ياخشي و تَسلّي‌ورئجي سؤزلرله جاواب وردی.
منئمله دانيشان مَلَک منه ددي: "سؤزو اعلان ادئب دِه کي، قوشونلار ربّی بله ديئر: «اورشَلئم و صحيون اوچون بؤيوک قيرت واريمدير.
لاقيد اولان مئلّتلرئن ضئدّئنه چوخ قضبلئيَم. چونکي من بئر آز قضبلَنمئشدئم، لاکئن اونلار وضعئيّتي داها دا پئسلَشدئردئلر.»
بونا گؤره ده رب بله ديئر: «من مرحمتله اورشَلئمه قاييتديم. اِوئم گئنه اورادا قورولاجاق، اورشَلئمئن اوستونه اؤلچو ائپي چکئله‌جک.» قوشونلار ربّی بويورور.
سن بئر داها اعلان ادئب دِه کي، قوشونلار ربّی بله ديئر: «شهرلرئم گئنه بوللوقلا دولوب داشاجاق. رب صحيونا گئنه تسلّی ورهجک، گئنه اورشَلئمي سِچه‌جک.»"
سونرا باشيمي قالديريب باخديم و دؤرد بوينوز گؤردوم.
منئمله دانيشان مَلَکدن سوروشدوم: "بونلار نه‌دئر؟" او منه جاواب وردی: "بونلار يهوداني، ائسرايئلي و اورشَلئمي داغيتميش بوينوزلاردير."
او واخت رب منه دؤرد اوستا گؤرسَتدي.
سوروشدوم: "بونلار نه اتمه‌يه گلئرلر؟" او جاواب وردی: "بو بوينوزلار يهوداني اِله داغيتديلار کي، هچ کس باشيني قالديرا بئلمه‌دي. بو اوستالار دا گلدئلر کي، يهودا اؤلکهسئني داغيتماق اوچون بوينوز قالديران مئلّتلري دهشته گتئرئب بوينوزلاريني يِره چيرپسينلار."
من باشيمي قالديريب باخديم و اَلئنده اؤلچو ائپي اولان بئر آدام گؤردوم.
سوروشدوم: "هارايا گِدئرسن؟" او منه ددي: "اورشَلئمي اؤلچمه‌يه. گِدئرَم کي، اونون اِن و اوزونلوغونون نه قدر اولدوغونو اؤيره‌نئم."
منئمله دانيشان مَلَک يانيمدان چيخاندا باشقا بئر مَلَک اونو پئشواز اتمه‌يه گلدي
و اونا ددي: "قاچ، او جاوانا دِه کي، ائچئنده آداملارين و حيوانلارين چوخ اولدوغو اوچون، اورشَلئم دووارسيز بئر شهر اولاجاق.
من اؤزوم اونون اطرافيندا اودلو دووارا چِورئله‌جيم، اونون ائچئنده عئزّت اولاجاغام." رب بويورور.
"گلئن، گلئن! شئمال اؤلکهسئندن قاچين." رب ديئر، "چونکي سئزي گؤيده دؤرد طرفه اَسن کولَک کئمي داغيتميشام." رب بويورور.
"گل، ای صحيون! سن کي بابئل شهرئنده ياشاييرسان، قاچيب قورتار!"
چونکي قوشونلار ربّی ديئر: "عئزّتي اوچون منی سئزي قارَت اتمئش مئلّتلرئن يانينا گؤنده‌ردي. سئزه توخونان اونون گؤز بَبه‌يئنه توخونموش اولور.
من او مئلّتلرئن ضئدّئنه اَلئمي قالديراجاغام. اسارتلرئنده اولانلار، اونلاري تالان ادهجکلر. او واخت بئلهجکسئنئز کي، منی قوشونلار ربّی گؤنده‌رئبدئر.
"شادليق ادئب سِوئن، ای صحيون قيزي! چونکي گلئرم و آرانيزدا ياشاياجاغام." رب بويورور.
«او گون چوخلو مئلّتلر ربّه باغلاناجاقلار و منئم خالقيم اولاجاقلار. او زامان آرانيزدا ياشاياجاغام. سئز بئلهجکسئنئز کي، منی يانينيزا قوشونلار ربّی گؤنده‌رئبدئر.
رب موقدّس تورپاقدا يهوداني اؤز پايي اولاراق مولک آلاجاق و گئنه اورشَلئمي سِچه‌جک.
ای بوتون بشر، ربّئن قاباغيندا ساکئت اولون! چونکي او اؤز موقدّس مسکنئندن قالخيب گلئر!"
رب منه بونو گؤرستدي: ربّئن مَله‌يئنئن قاباغيندا باش کاهئن يوشَع دورموشدو. شيطان دا اونون ساغيندا دورموشدو کي، اونا ائتّئهام وورسون.
رب شيطانا ددي: "رب سنه آجيقلانسين، ای شيطان! اورشَلئمي سِچَن رب، سنه آجيقلانسين. مگر بو آدام اوددان چيخاريلميش، ياريسي يانميش اودون تئکه‌سئنه بَنزه‌مئر؟"
يوشَع اَينئنه چوخ چئرکلي پالتار گِيئنئب مَله‌يئن قاباغيندا دايانميشدي.
بو مَلَک قاباغيندا دورانلارا ددي: "اونون اَينئندن چئرکلي پالتاري چيخاردين." سونرا يوشَعه ددي: "باخ گوناهيني سنئن اوستوندن گؤتوردوم، ائندي سنه بايرام پالتاري گِيئندئره‌جيم."
او واخت من ددئم: "قوي باشينا دا تمئز عمّامه قويسونلار." باشينا تمئز عمّامه قويوب اونا پالتار گِيئندئردئلر. ربّئن مَله‌يي ده يانيندا دورموشدو.
سونرا ربّئن مَله‌يي يوشَعه شهادت ورئب ددی:
"قوشونلار ربّی بله ديئر: «اگر يوللاريملا گدهسن، وردئيئم امرئمي ساخلاياسان، اِوئمه سن باشچيليق ادهجکسن، صحنلرئمي سن قوروياجاقسان. بورادا دورانلارين آراسيندا ائچه‌ري کچمک حاقّيني سنه ورئرم.»
ای باش کاهئن يوشَع، سن و سنئن قاباغيندا اوتوران يولداشلارين، قولاق آسين! چونکي اونلار گلهجک حادئثهلرئن علامتئدئر. من «شاخه» آدلي قولومو گتئره‌جيم.
يوشَعئن قاباغينا قويدوغوم داشا باخين! او تَک داشين يدّي گؤزو وار. اونون اوستونه بئر يازي اويوب يازاجاغام." قوشونلار ربّی بويورور، "بئر گون ائچئنده بو اؤلکهنئن گوناهيني اورتادان گؤتورهجيم.
او گون هر بئرئنئز قونشوسونو اؤز تَنه‌يي آلتينا، انجئر آغاجي آلتينا دعوت ادهجک." قوشونلار ربّی بويورور.
منئمله دانيشان مَلَک گری قاييديب منی يوخوسوندان اويانان آدام کئمي اوياتدي.
او مندن سوروشدو: "نه گؤرورسن؟" من ددئم: "تامامن قيزيلدان اولان بئر چيراقدان گؤرورَم. اونون باشيندا زيتون ياغي اوچون بئر قاب، اوستونده يدّي چيراق، چيراقلاردا دا يدّي لوله وار.
چيراقدانين يانيندا ائکي زيتون آغاجي وار؛ بئري ياغ قابينين ساغيندا، او بئري ده سولوندا."
سونرا منئمله دانيشان مَلَکدن سوروشدوم: "آي آغام، بونلار نه‌دئر؟"
منئمله دانيشان مَلَک جاواب وردی: "بونلارين نه اولدوغونو مگر بئلمئرسن؟" من ده ددئم: "يوخ، آغام."
او منه جاواب وردی: "زِروبّابئله ربّئن سؤزو بودور: «گوجله، قودرتله يوخ، آنجاق منئم روحوملا.» قوشونلار ربّی بويورور.
سن کئمسن، ای اوجا داغ؟ زِروبّابئلئن قاباغيندا هامارليغا چِورئله‌جکسن. او «ربّئن لوطفو اونونلا اولسون، ربّئن لوطفو اونونلا اولسون» نئدالاري آلتيندا معبدئن تپه داشيني گؤتورهجک."
منه ربّئن سؤزو نازئل اولدو:
"بو اِوئن بونؤوره‌لرئني زِروبّابئلئن اَللري قويدو، اونون اَللري ده بونو آخيرا چاتديراجاق. او واخت بئلهجکسن کي، قوشونلار ربّی منی سئزئن يانينيزا گؤنده‌رئب.
کئچئک ائشلري يرئنه يتئرمه گونونه کئم حقارتله باخا بئلر؟ آداملار زِروبّابئلئن اَلئنده شاقولو گؤرنده سِوئنه‌جکلر. بو يدّي چيراق ربّئن بوتون يِر اوزونده گَزَن گؤزلري‌دئر."
من اوندان سوروشدوم: "بس چيراقدانين صاغ و سولوندا اولان بو ائکي زيتون آغاجي نه‌دئر؟"
سونرا گئنه سوروشدوم: "بو ائکي زيتون بوداغي نه‌دئر کي، ائچئندن قيزيل ياغ آخان او ائکي قيزيل لوله‌نئن يانيندادير؟"
او منه ددي: "بونلارين نه اولدوغونو مگر بئلمئرسن؟" من ده ددئم: "يوخ، آي آغام."
او منه ددي: "بونلار او ائکي مسح اولونموش آداملاردير کي، بوتون يِر اوزونون صاحئبئنئن يانيندا دورورلار."
من گئنه باشيمي قالديريب باخاندا اوچان بئر طومار گؤردوم.
مَلَک مندن سوروشدو: "نه گؤرورسن؟" جاواب وردئم: "اوچان بئر طومار گؤرورَم: اونون اوزونلوغو ائيئرمي قولآچ، اِني ده اون قول‌آچ‌دير."
او ددي: "بو او لعنتدئر کي، بوتون يِر اوزونه گلهجک. طومارين بئر اوزونه يازيلانلارا موطابئق، اوغورلوق ادن هر کس کَسئلئب آتيلاجاق، او بئري اوزونه يازيلانلارا موطابئق ده يالاندان آند ائچَن هر کس کَسئلئب آتيلاجاقلار.
لعنت گؤنده‌ره‌جيم." قوشونلار ربّی بويورور، "اوغرونون اِوئنه و منئم آديملا يالاندان آند ائچَن آدامين اِوئنه لعنت گئرهجک، او اِوئن ائچئنده قالاجاق، تاختالاري و داشلاري ائله بئرلئکده اونو ييخيب محو ادهجک."
سونرا منئمله دانيشان مَلَک ياخينلاشيب ددي: "باشيني قالدير، اورتايا چيخان بو شيئن نه اولدوغونا باخ."
من سوروشدوم: "بو نه‌دئر؟" او، جاواب وردی: "بو اورتايا چيخان شي بئر اؤلچو قابي‌دير." سونرا علاوه اتدي: "بو بوتون اؤلکه خالقينين تقصئري‌دئر."
او واخت قابين قورغوشون قاپاغي قالديريلدي. قابين ائچئنده بئر آرواد اوتورموشدو.
مَلَک ددي: "بو آرواد پئسلئکدئر." و آروادي اؤلچو قابينين ائچئنه آتيب اوستونه قورغوشون قاپاغيني باسدي.
من باشيمي قالديريب باخاندا گؤردوم کي، ائکي آرواد چيخدي، اونلارين قانادلاريندا کولَک وار ائدي. اونلارين لِيلَک قانادلارينا بَنزَر قانادلاري وار ائدي. اونلار قابي يِرله گؤي آراسينا قالديرديلار.
منئمله دانيشان مَلَکدن سوروشدوم: "قابي هارايا آپاريرلار؟"
او منه ددي: "شئنعار اؤلکهسئنه آپاريرلار کي، اورادا اونا بئر اِو تئکسئنلر. اِو حاضير اولاندا قاب اورايا، اؤز يرئنه قويولاجاق."
گئنه باشيمي قالديريب گؤردوم کي، ائکي داغين آراسيندان دؤرد دؤيوش عاراباسي چيخير. او داغلار بورونجدن ائدي.
بئرئنجي دؤيوش عاراباسينين قيرميزي، ائکئنجئسئنئن قارا،
اوچونجوسونون آغ، دؤردونجوسونون ده خاللي آتلاري وار ائدي. هاميسي قووّتلي آتلار ائدي.
منئمله دانيشان مَلَکدن سوروشدوم: "آي آغام، بونلار نه‌دئر؟"
مَلَک منه جاواب وردی: "بونلار گؤيلرئن دؤرد سَمتئنئن روحودورلار کي، بوتون يِر اوزونون صاحئبئنئن حوضوروندان چيخيرلار.
قارا آتلاري اولان دؤيوش عاراباسي شئمال اؤلکهسئنه، آغ آتلاري اولان دؤيوش عاراباسي قرب اؤلکهسئنه، خاللي آتلاري اولان دؤيوش عاراباسي دا جنوب اؤلکهسئنه طرف گِدئر."
قووّتلي آتلار چيخديلار و يِر اوزونو گَزمَک اوچون گتمک ائسته‌دئلر. مَلَک ددي: "گدئن يِر اوزونو گَزئن." اونلار دا گدئب يِر اوزونو گَزدئلر.
مَلَک چيغيريب منه ددي: "باخ، شئمال تورپاغينا گِدنلر اورادا روحومو راحاتلانديرديلار."
منه ربّئن بو سؤزو نازئل اولدو:
"قيزيل و گوموشو اسئرلئکدن قاييدانلاردان يعني بابئلدن گلن خِلده‌يدن، طوبئيادان و يِدَعيادان گؤتور و همئن گون صِفَنيا اوغلو يوشئيانين اِوئنه گت.
اونلارين آراسيندان قيزيل-گوموش گؤتوروب تاج دوزلت و يِهوصاداق اوغلو باش کاهئن يوشَعئن باشينا قوي.
اونا دِه کي، قوشونلار ربّی بله ديئر: «باخ ‹شاخه› آدلانان آدام بودور! او، اولدوغو يردن، قول-بوداق آتاجاق و ربّئن معبدئني تئکه‌جک.
ربّئن معبدئني تئکَن اودور. او عئزّتلَنه‌جک، تختئنده اوتوروب حؤکمرانليق ادهجک. تختئنده اوتوران کاهئن اولاجاق و ائکئسئنئن آراسيندا تام راضيليق اولاجاقدير.»
بو تاج خالِمئن، طوبئيانين، يِدَعيانين، صِفَنيا اوغلو يوشئيانين يادبودو کئمي ربّئن معبدئنه قويولاجاق.
اوزاقدا اولانلار دا گلئب ربّئن معبدئنئن تئکئنتئسئنده چاليشاجاقلار. او واخت بئلهجکسئنئز کي، منی قوشونلار ربّی سئزئن يانينيزا گؤنده‌رئبدئر. اگر تارينيز ربّئن سَسئنه ياخشي قولاق آساسينيز، بونلار باش ورهجکدئر."
داريوش پادشاهين حاکئمئيّتئنئن دؤردونجو ائلئنده، دوقّوزونجو آي اولان کئسلِو آيينين دؤردونجو گونو، زِکَرئيّايا ربّئن سؤزو نازئل اولدو.
او واخت بِيت‌ائل اهالئسي شَر-اِصِري، رِگِم-مِلِکي و اونون آداملاريني ربّئن حوضورونا گؤنده‌ردئلر کي، يالوارسينلار و
قوشونلار ربّئنئن اِوئنده اولان کاهئنلردن و پيغمبرلردن سوروشسونلار: "آيا گرک بِشئنجي آيدا، بو چوخ ائللر عرضئنده اتدئيئمئز کئمي، گئنه ده ياس توتوب اؤزوموزو يمکدن اوزاق ساخلاياق؟"
او واخت منه قوشونلار ربّئنئن بو سؤزو نازئل اولدو:
"بوتون اؤلکه خالقينا و کاهئنلره دِه: «يتمئش ائل عرضئنده بِشئنجي و يدّئنجی آيلاردا اوروج توتوب ياس ساخلاديغينيز زامان، مگر منئم اوچون اوروج توتوردونوز؟
يِيئب-ائچدئيئنئز زامان، مگر اؤزونوز اوچون يِيئب-ائچمئردئنئز؟»
مگر ربّئن بو سؤزلري هَمن سؤزلر ديئل کي، اورشَلئمئن و اطرافينداکي شهرلرئن اَمئن-آمانليق ائچئنده ياشايديغي زامان نِگِب و هامار بؤلگه‌ده ائنسانلارين ساکئن اولدوغو زامان اوّلکي پيغمبرلرئن واسئطهسئله ديئلمئشدي؟"
زِکَرئيّايا ربّئن بو سؤزو نازئل اولدو:
"قوشونلار ربّی بله ديئر: «دوزگون و عدالتله موحاکئمه ادئن. هر کس بئربئرئنه محبّت و مرحمت گؤرسدسئن.
دول آروادا، يِتئمه، قرئبه و يوخسولا ظولم اتمهيئن. اوره‌يئنئزده بئربئرئنئزئن ضئدّئنه پئس نئيّتلر توتمايين.»
آنجاق اونلار اشئتمَکدن بويون قاچيرتديلار، عئنادکارليقلا آرخا چِوئردئلر، اشئتمه‌مَک اوچون قولاقلاريني باغلاديلار.
اورَکلرئني داش کئمي بَرک اتدئلر کي، قوشونلار ربّئن اؤز روحو ائله اوّلکي پيغمبرلر واسئطهسئله گؤنده‌ردئيي قانونو و سؤزلري اشئتمه‌سئنلر. بونا گؤره ده قوشونلار ربّی اونلارا چوخ قضبلَندي.
قوشونلار ربّی ديئر: «من چاغيرديغيم زامان، اونلار قولاق آسماديلار. بونا گؤره ده، اونلار چاغيرديغي زامان، من ده قولاق آسماياجاغام.
اونلاري طوفان کئمي تانيماديقلاري بوتون مئلّتلرئن آراسينا سَپَله‌دئم. آرخادا قويدوقلاري اؤلکه اِله وئران قالدي کي، اورايا گدئب-گلن اولمادي. گؤزل تورپاق خاراباليغا چِوئرئلدي.»"
منه قوشونلار ربّئن بو سؤزو نازئل اولدو:
قوشونلار ربّی بله ديئر: "صحيون اوچون بؤيوک قيرت واريمدير. اونون اوچون چوخ قيرتلي‌يَم."
رب بله ديئر: "صحيونا قاييتديم، آرتيق اورشَلئمده ياشاياجاغام. اورشَلئم حقئقت شهري، قوشونلار ربّئن داغي موقدّس داغ چاغيريلاجاق."
قوشونلار ربّی بله ديئر: "گئنه اورشَلئم ميدانلاريندا قوجا کئشئلر و آروادلار اوتوراجاق، هر کس ياشي چوخ اولدوغونا گؤره اَلئنه عصا آلاجاق.
شهرئن مِيدانلاري اورادا اوينايان اوغلان و قيز اوشاقلاري ائله دولاجاق."
قوشونلار ربّی بله ديئر: "او گونلر بو خالقين صاغ قالانلارينين گؤزونده بلکه ده عجايئب بئر ائش گؤرونسون، لاکئن مگر منه ده بله گؤرونهجک؟" قوشونلار ربّی بويورور.
"باخ، من اؤز خالقيمي شرق و قرب اؤلکه‌لرئندن قايتاراجاغام." قوشونلار ربّی ديئر.
"من اونلاري گتئره‌جيم و اونلار اورشَلئمده ياشاياجاقلار. اونلار منئم خالقيم اولاجاقلار، من ده صداقت و صالحلئکله اونلارين تاريسي اولاجاغام."
قوشونلار ربّی بله ديئر: "قوي اَللرئنئز قووّتلَنسئن، ای او آداملار کي، پيغمبرلرئن آغزيندان بو سؤزلري بو گونلر اِشئدئرسئنئز؛ او پيغمبرلر کي، قوشونلار ربّئنئن اِوئنئن بونؤورهسي قويولان گونده ددئلر، اِله کي، معبد بئنا اولسون.
او واختدان قاباق ائنسان و يا جانلي مخلوقا هچ بئر عوض ورئلمئردي. دوشمن اوزوندن هچ کس اَمئن-آمانليق ائچئنده گدئب-گله بئلمئردي. چونکي بوتون آداملاري بئربئرئنئن اوستونه ساليشديرميشديم.
آنجاق ائندي بو خالقين صاغ قالانلاري ائله قاباقکی کئمي رفتار اتميه‌جيم." قوشونلار ربّی بويورور.
"چونکي اَکئلَن توخوم بَهَرلي اولاجاق: تَنَک بهره‌سئني، تورپاق محصولونو، گؤيلر شِحئني ورهجکدئر. بونلارين هاميسيني بو خالقين صاغ قالانلارينا مولک اولاراق ورهجيم.
ای يهودا و ائسرايئل نسلي، سئز نجه مئلّتلر آراسيندا لعنت هدفي اولدونوز، سئزي قورتاراجاغام و سئز برکت قايناغي اولاجاقسينيز. قورخمايين، قولونوزا گوج گلسئن."
قوشونلار ربّی بله ديئر: "آتالارينيز منی قضبلَندئرَن زامان ائسته‌دئم کي، باشينيزا فلاکت گتئرئم و فئکرئمدن دؤنمه‌دئم." قوشونلار ربّی بويورور.
"ائندي اورشَلئمه و يهودا نسلئنه گئنه ده ياخشيليق اتمک فئکرئنده‌يَم. سئز قورخمايين!
بله ادئن: هر کس اؤز قونشوسونا حقئقتي دانيشسين، اَمئن-آمانليق اوچون شهر دروازالاريندا صداقت و عدالتله موحاکئمه ادئن.
بئربئرئنئزئن ضئدّئنه اورَه‌يئنئزده پئس نئيّت توتمايين، يالاندان آند ائچمَيه جان آتمايين، چونکي بونلارين هاميسي منئم نئفرت اتدئيئم شيلردئر." رب بويورور.
منه قوشونلار ربّئن بو سؤزو نازئل اولدو:
قوشونلار ربّی بله ديئر: "دؤردونجو، بِشئنجي، يدّئنجی و اونونجو آيلارين اوروجلاري، يهودا خالقي اوچون شادليق و شادليق دولو گؤزل بايراملار اولاجاق. بونا گؤره سئز دوزگونلويو و باريشي سِوئن."
قوشونلار ربّی بله ديئر: "حله چوخلو خالق، چوخلو شهرئن اهالئسي ده گلهجک.
بئر شهرده ياشايانلار باشقا شهره گدئب دئيهجکلر: «گلئن يولا دوشَک، ربّئن حوضوروندا يالواراق، قوشونلار ربّئني آختاراق. من ده گِدئرَم.»
بئر چوخ خالقلار و قودرتلي مئلّتلر اورشَلئمه گلهجکلر کی، قوشونلار ربّئني آختارسينلار و ربّئن حوضوروندا يالوارسينلار."
قوشونلار ربّی ديئر: "او گونلرده موختَلئف دئللرده دانيشان مئلّتلردن اولان اون آدام، بئر يَهودئنئن اَته‌يئندن ياپيشيب دئيهجک: «قوي سئزئنله گِدَک، چونکي اشئتمئشئک کی، تاريسئزئنله‌دئر.»"
بو ائخطار ربّئن سؤزودور کی، حَدراخ اؤلکه‌سي و اونون راحاتليق يري دَمَشق شهرئنئن ضئدّئنه نازئل اولدو. چونکي ائنسانلارين و بوتون ائسرايئل قبئله‌لرئنئن گؤزو ربّه باخير.
بو سؤز اورانين سرحدئنده اولان خَمات شهرئنه، چوخ بِجَرَکلي اولان صور و صئدون شهرلرئنه ده عاييددئر.
صور اؤزونه بئر قالا تئکدي، تورپاق قدر گوموش، کوچه پالچيغي قدر خالئص قيزيل ييغدي.
آمّا رب اونو قوواجاق، دهنزده‌کي گوجونو يوخ ادهجک، اود اونو يانديريب-ياخاجاق.
اَشقِلون بونو گؤروب قورخاجاق، غَزّه ده چوخ آغري چکهجک، عِقرون دا اِلَجه، چونکي اومئدي سؤنه‌جک. غَزّه‌ده پادشاه اولماياجاق، اَشقِلون ساکئنسئز قالاجاق.
اَشدوددا قاريشيق عئرقلردن اولانلار ياشاياجاق، فئلئسطده ياشايانلارين تکبّورونو قيراجاغام.
آغيزلاريندان قاني دامان اَتي، دئشلرئنئن آراسيندان حارام يمکلري آلاجاغام. اونلارين صاغ قالانلاري تاريميزا عاييد اولوب، يهودانين بئر قبئله‌سي کئمي اولاجاقلار. عِقرونلولار دا يِبوسلولار کئمي اولاجاقلار.
هوجوم ادن قوشونون ضئدّئنه، هر گلئب-گده‌نئن ضئدّئنه، اِوئمئن اطرافيندا اوردوگاه قوراجاغام. هچ بئر ائستئلاچي داها خالقيمين اوستونه تؤکولميه‌جک. چونکي آرتيق خالقيما من کشئک چکئرم.
ای صحيون قيزي، بؤيوک شادليقلا جوش، ای اورشَلئم قيزي، هايقير! باخ، پادشاهين سنه طرف گلئر. او، صالحدئر، خئلاصا مالئکدئر. او، حلئمدئر و بئر اِششه‌يه، سيپايا، اِششه‌يئن بالاسينا مئنئب گلئر.
دؤيوش عارابالاريني اِفرايئمدن، آتلاري اورشَلئمدن اوزاقلاشديراجاغام. دؤيوش کامانلاري قيريلاجاق. پادشاهينيز مئلّتلره صولح اعلان ادهجک. اونون حؤکمرانليغي دهنزدن دهنزه، چايدان دونيانين اوجقارلارينا قدر اوزاناجاق.
سئزه گلئنجه، عهد قوربانينين قانيندان اؤتري اسئرلئکده‌کي خالقينيزي، سوسوز قويودان چيخارديب خئلاص ادهجيم.
قالانيزا قاييدين، ای اومئد اسئرلري! بو گون سئزه بئلدئرئرَم کي، سئزه زحمتئنئزئن ائکي قات عوضئني ورهجيم.
يهوداني اؤزوم اوچون کامان کئمي چکه‌جيم، اِفرايئمي اوخ کئمي اونا قوياجاغام. ای صحيون، اؤولادلاريني يونان اؤولادلارينين اوستونه قالديراجاغام. سني بئر دؤيوشچو قيلينجي کئمي ادهجيم.
او واخت رب خالقينين اوستونده گؤرونهجک، اونون اوخو شئمشک کئمي چاخاجاق. پروردئگار رب کَره‌ناي چالاجاق، جنوب کولَکلري ائله ائرهلي گدهجک.
اونلاري قوشونلار ربّی قوروياجاق. دوشمنلرئني تلف ادهجکلر، ساپاند داشلاري ائله قيريب ظفر تاپاجاقلار. اونلارين قانيني شراب کئمي ائچئب هاي-کوي سالاجاقلار. قوربان قاني تؤکولَن قابلار کئمي، قوربانگاهين کونج-بوجاقلاري کئمي قانلا دولو قالاجاقلار.
او گون اؤزلرئنئن تاريسي رب خالقينين سوروسو کئمي اونلاري خئلاص ادهجک. اونلار اونون تورپاغيندا تاجين جواهئرلري کئمي پاريلداياجاقلار.
نجه ياراشيقلي، نجه گؤزل قالاجاقلار! اوغلانلار تاخيللا، قيزلار تزه شرابلا گوجلَنه‌جکلر.
ياز ياغيشي مؤوسومونده ربدن، شئمشک چاخديران ربدن ياغيش ائسته‌يئن. او، ائنسانلارا بوللوجا ياغيش و هر کَسئن زَمئسئنه اوت ورهجک.
بوتلر بوش شيلر دانيشيرلار. فالچيلار يالان رؤيالار گؤرورلر، معناسيز يوخولار دانيشاراق عبث يِره تسلّی ورئر. بونا گؤره ده خالق سورو کئمي داغينيقدير، عذاب آلتيندادير، چونکي بئر چوبان يوخدور.
رب ديئر: "چوبانلارين ضئدّئنه قضبئم آلوولاندي، باشچيلارينا جزا ورهجيم. قوشونلار ربّی اؤز سوروسو اولان يهودا نسلئنئن قيدئني چکهجک. اونلاري عظمتلي دؤيوش آتلاري کئمي ادهجکدئر.
اوندان کونج داشي، چادير ميخلاري، و دؤيوش کاماني گلهجک. بوتون خالق باشچيلاري اوندان چيخاجاقلار.
اونلار دؤيوشده، دوشمنی کوچهلرده پالچيقدا تاپدالايان ائگئدلر کئمي اولاجاقلار، رب اونلارلا اولدوغو اوچون دؤيوشه‌جکلر، آتلي‌لاري اوتانديراجاقلار.
يهودا نسلئني قووّتلَندئره‌جيم، يوسئف خالقيني قورتاراجاغام. اونلاري گری قايتاراجاغام، چونکي اونلارا اوره‌يئم يانير. اِله ادهجيم کي، سانکي اونلاري هچ اولجّه‌دن ردّ اتمه‌مئشدئم. چونکي من اونلارين تاريسي ربّم. و اونلارا جاواب ورهجيم.
اِفرايئملی‌لر ائگئدلر کئمي اولاجاقلار، شراب ائچمئش کئمي اورَکلري جوشاجاق. اؤولادلاري بونو گؤروب سِوئنه‌جکلر، اورَکلري ربده شادليق تاپاجاق.
فئت چاليب اونلاري بئر يِره ييغاجاغام، چونکي من اونلاري ساتين آلميشام. اوّللر نجه چوخاليرديلار، ائندي ده اِلَجه چوخالاجاقلار.
گرچي اونلاري خالقلار آراسينا سَپَله‌يئرَم، لاکئن اوزاق اؤلکهلرده منی يادا سالاجاقلار. اؤولادلاري ائله بئرلئکده صاغ قالاجاقلار، و گری قاييداجاقلار.
من اونلاري گئنه مئصئر اؤلکهسئندن گتئره‌جيم، آشوردان بئر يِره ييغاجاغام. اونلاري گئلعاد تورپاغينا، لوبنانا گتئره‌جيم. اونلارا کئفايت قدر يِر تاپيلماياجاق.
اذئيّت دهنزئندن کچه‌جکلر، دهنزئن شپهلري ياتيشديريلاجاق، نئلئن بوتون درئن سولاري قوروياجاق. آشورون تکبّورو آلچالديلاجاق، مئصئرئن پادشاهليق عصاسي اَلئندن آليناجاق.
اونلاري ربده قووّتلَندئره‌جيم، اونلار دا ربّئن آدي ائله ياشاياجاقلار." رب بويورور.
ای لوبنان، قاپيلاريني آچ کي، اود سنئن سئدر آغاجلاريني يانديريب-ياخسين.
ای شام آغاجي، شئون ات، چونکي سئدر آغاجي ييخيلدي، شؤوکتلي آغاجلار محو اولدو. شئون ادئن، ای باشان پاليدلاري، چونکي قالين مِشه‌نئن آغاجلاري بؤيرو اوسته آشدي.
چوبانلارين چيغيريشيني اشئت، چونکي اونلارين شؤوکتلي اوتلاقلاري محو اولدو. جاوان آصلانلارين نَرئلتئسئنه قولاق آس، چونکي اوردون چايينين کنارينداکي سيخ مِشه يوخ اولدو.
تاريم رب بله ديئر: "کَسمَک اوچون آيريلميش سورونو اوتار.
او سورونون قويونلاريني آلانلار اونلاري کَسسه ده، تقصئرسئز قالير. اونلاري ساتانلار «ربّه حمد اولسون کي، دؤولتلي اولدوم» ديئر. چوبانلار اؤز سورولرئنه آجيميرلار.
من ده داها اؤلکهده ياشايان خالقا آجيماياجاغام." رب بويورور. "هر کَسي اؤز قونشوسونا و پادشاهينا تسلئم ادهجيم. اؤلکهني داغيداجاقلار، من ده خالقي اَللرئندن قورتارماياجاغام."
بونا گؤره ده کَسمَک اوچون آيريلميش سورونو اوتارديم، خوصوصن ده لاپ ضعئفلرئني. اؤزومه ائکي دَيَنَک گؤتوردوم، بئرئني "ائلتئفات"، او بئرئني ده "بئرلئک" آدلانديرديم و سورونو اوتارماغا باشلاديم.
بئرجه آيين ائچئنده اوچ چوباني ائشدن قوودوم، چونکي اونلارين اَلئندن تَنگه گلمئشدئم، اونلارين دا مندن زَهله‌سي گدئردي.
سونرا سورويه ددئم: "داها سئزي اوتارماياجاغام. اؤلَن اؤلسون، کَسئلَن کَسئلسئن، يرده قالانلار دا بئربئرلرئنئن اَتئني يِسئن."
سونرا "ائلتئفات" آدلي دَيَنه‌يئمي گؤتوردوم و اونو قيرديم کی، بوتون خالقلارلا باغلاديغيم عهدي پوزوم.
بلجه عهد او گوندن پوزولدو. سورونون منه باخان ضعئفلري بونون ربّئن سؤزو اولدوغونو باشا دوشدولر.
من اونلارا ددئم: "اگر بو، سئزه خوشدور، منئم موزدومو ورئن، اگر بله ديئل، ورمهيئن." اونلار منه اوجرت اولاراق اوتوز گوموش حساب اتدئلر.
رب منه ددي: "اونلارين منی قئيمتلَندئردئيي بو اوجا موزدو کوزه‌گره آت." بلجه اوتوز گوموشو گؤتوروب ربّئن معبدئنده اولان کوزه‌گره آتديم.
سونرا "بئرلئک" آدلي او بئري دَيَنه‌يي ده قيرديم کی، يهودا ائله ائسرايئل آراسينداکي قارداشليغي پوزوم.
رب منه ددي: "گئنه آغيلسيز بئر چوبانين اشيالاريني اؤزون اوچون گؤتور.
من اؤلکهيه اِله بئر چوبان قوياجاغام کي، هلاک اولانلارين قيدئنه قالماياجاق، داغيلميشلاري آختارماياجاق، يارالي‌لاري صاغالتماياجاق، صاغلارا يمک ورميه‌جک. آنجاق کؤک قويونلارين اَتئني يمک، ديرناقلاريني پارچالاماقلا مشغول اولاجاق.
سورونو ترک ادن ياراماز چوبانين واي حالينا! قوي قيلينج اونون قولونو و صاغ گؤزونو وورسون! قوي اونون قولو قوروسون، صاغ گؤزو کور اولسون!"
بو ائخطار ائسرايئل بارهده نازئل اولان ربّئن سؤزودور: گؤيلري يايان، يِرئن بونؤوره‌لرئني قويان، ائنسانين ائچئندهکي روحا شکئل ورن رب بله بويورور:
"باخ اورشَلئمي اونون اطرافينداکي بوتون خالقلار اوچون گئجَلدن کاسا ادهجيم. اورشَلئم کئمي يهودا دا موحاصئرهيه آليناجاق.
او گون اورشَلئمي بوتون خالقلار اوچون آغير بئر داش ادهجيم. اونو قالديرانلارين هاميسي آغير يارالاناجاق. دونيانين بوتون مئلّتلري اونون ضئدّئنه بئرلَشه‌جک.
او گون هر آتي دهشته، آتليسيني دَلي‌لئيه دوچار ادهجيم." رب بويورور، "من يهودا نسلئنه گؤز قوياجاغام، آمّا او بئري خالقلارين بوتون آتلاريني کور ادهجيم.
او واخت يهودا باشچيلاري اورَکلرئنده دئيهجکلر: «اورشَلئم خالقي اؤز تاريسيندا، قوشونلارين ربّئنده گوجلودور.»
او گون يهودا باشچيلاريني اودونلارين آراسيندا يانان بئر مانقال، دَرزلرئن اورتاسيندا آلوولانان بئر مشعل کئمي ادهجيم. ساغدا و سولدا اولان بوتون خالقلاري يانديريب محو ادهجکلر. لاکئن اورشَلئملی‌لر گئنه اورشَلئمده اولان يِرلرئنده ياشاياجاقلار.
من رب اوّلجه يهودا خالقينين مسکنلرئني خئلاص ادهجيم. اونا گؤره کي، داوود نسلی و اورشَلئمده ياشايانلار يهودادان چوخ شرفلي اولماسين.
من رب او گون اورشَلئمده ياشايانلاري حئفظ ادهجيم. او گون اونلارين آراسيندا لاپ گوجسوز آدام داوود کئمي، داوود نسلی ده تاري کئمي، اونلارين قاباغيندا گِدن ربّئن مَله‌يي کئمي اولاجاقدير.
او گون بو نئيّتده اولاجاغام کي، اورشَلئمه هوجوم اتمک اوچون گلن بوتون مئلّتلري محو اِدئم.
داوود نسلی و اورشَلئمده ياشايانلارين اوستونه فيض و يالواريش روحونو تؤکه‌جيم. اونلار منه-بدنئني دِشدئکلري آداما باخاجاقلار و يِگانه اوغلونا ياس توتان آدام کئمي، اونا ياس توتاجاقلار، ائلک اوغلو اوچون درد چکن آدام کئمي درد چکهجکلر.
او گون اورشَلئمده بؤيوک ماتم اولاجاق، مِگئدّو اوواسيندا، هَدَد-رئمّوندا اولدوغو کئمي بؤيوک ماتم اولاجاق.
اؤلکهده هر نسئل اؤز ائچئنده ياس توتاجاق: داوود نسلی آيري، آروادلاري آيري، ناتان نسلی آيري، آروادلاري آيري،
لاوي نسلی آيري، آروادلاري آيري، شئمعي نسلی آيري، آروادلاري آيري ياس توتاجاق.
بوتون قالان نسئللري آيري-آيري، آروادلاري دا آيري ياس توتاجاق.
او گون بئر چِشمه آچيلاجاق کي، داوود نسلئني و اورشَلئمده ياشايانلاري گوناهدان و نجئسلئکدن تمئزله‌سئن.
او گون اؤلکه‌دن بوتلرئن آديني بئردفهلئک سئله‌جيم، اونلار بئر داها خاطيرلانماياجاقلار. يالانچي پيغمبرلري ده، نجئس روحو دا اؤلکه‌دن گؤتورهجيم." قوشونلار ربّی بويورور.
"اگر کئمسه گئنه نبئلئک اتسه، اونو دونيايا گتئرمئش آتا-آناسي اونا دئيهجک: «سن ياشايا بئلمزسن، چونکي ربّئن آدي ائله يالان ديئبسن.» نبئلئک ادنده اؤز آتا-آناسي اونون بدنئني دِشه‌جکلر.
او گون هر پيغمبر، نبئلئک اِدَرکَن، اونا نازئل اولان رؤيادان اوتاناجاق. او داها ائنسانلاري آلداتماق اوچون توکلو پالتار گِيميه‌جک.
او دئيهجک: «من پيغمبر ديئلم، اَکئنچئيَم. جاوانليغيمدان بئر آدام منی اؤزونه قول اتدي.»
او بئري اوندان سوروشاجاق: «بس سئنَنده‌کي بو يارالار نه‌دئر؟» او دا دئيهجک: «دوستلاريمين اِوئنده آلديغيم يارالاردير.»
اويان، ای قيلينج، چوبانيمين، ياخينيمين اوستونه گت." قوشونلار ربّی بويورور. "چوباني وور، قويونلار داغيلار. من ده اَلئمي کئچئکلرئن ضئدّئنه قالديرارام.
بوتون اؤلکهده خالقين اوچده ائکئسي وورولوب اؤلدوروله‌جک، لاکئن اوچده بئري اوندا قالاجاق." رب بويورور.
"قالان اوچده بئرئني اودا سالاجاغام، اونلاري گوموشو تمئزله‌يَن کئمي تمئزله‌يه‌جيم. قيزيلي يوخلايان کئمي يوخلاياجاغام. اونلار منئم آديمي چاغيراجاقلار، من ده اونلارا جاواب ورئب «بونلار منئم خالقيمدير» دئيه‌جيم، اونلار دا «رب تاريميزدير» دئيهجکلر.
باخ، ربّئن گونو گلئر کي، او گون سئزئن قارت اولونموش ماللارينيز آرانيزدا بؤلوشدوروله‌جکدئر.
من بوتون مئلّتلري بئر يِره ييغاجاغام کي، اورشَلئمئن ضئدّئنه موحارئبه اتسئنلر. شهر اَله کچئرئله‌جک، اِولر قارت ادئلهجک، آروادلارا تجاووز اولوناجاق. شهر اَهالئسئنئن ياريسي اسئرلئيه گؤنده‌رئله‌جک، آمّا قالانلارين شهرده قالاجاقلار.
او زامان رب چيخيب موحارئبه گونونده نجه دؤيوشور، اِلَجه ده مئلّتلرئن ضئدّئنه دؤيوشه‌جک.
او گون اونون آياقلاري اورشَلئمئن قاباغيندا-شرق طرفئنده اولان زيتون داغينين اوستونده دوراجاق. زيتون داغي شرقه و قربه طرف اورتادان ياريليب چوخ بؤيوک بئر دره اولاجاق. داغين ياريسي شئمالا، ياريسي جنوبا چکئله‌جک.
سئز آمّا داغلاريمداکي دره ائله قاچاجاقسينيز، چونکي داغلارداکي دره آصَله قدر اوزاناجاق. يهودا پادشاهي عوزئيّانين دؤورونده زلزله اولارکن نجه قاچدينيز، اِلَجه قاچاجاقسينيز. او زامان تاريم رب بوتون موقدّسلرله بئرلئکده گلهجک.
او گون ائشيق اولماياجاق، ائشيق ورن گؤي جئسئملري قارالاجاق.
آنجاق ربّئن بئلدئيي بو گون، تايسيز بئر گون اولاجاق. گجه ده اولماياجاق، گوندوز ده اولماياجاق. آخشام واختي ائشيقلي اولاجاق.
او گون اورشَلئمدن حيات ورن سولار آخاجاق. سولارين ياريسي شرق دهنزئنه، ياريسي دا قرب دهنزئنه آخاجاق. هم يايدا بله اولاجاق، هم قيشدا.
رب بوتون دونيانين پادشاهي اولاجاق. او گون آنجاق رب و آنجاق اونون آدي قالاجاق.
بوتون اؤلکه گِبَعدن اورشَلئمئن جنوبونداکي رئمّونا قدر عَرابا اوواسي کئمي اولاجاق. آمّا اورشَلئم اوجاليقدا اولاجاق؛ بِنيامئن دروازاسيندان ائلک دروازانين يرئنه، کونج دروازاسينا، خَنَنِل بورجوندن پادشاهين اوزوم‌سيخانلارينا قدر اؤز يِرئنده دوراجاق.
ائنسانلار اورادا ساکئن اولاجاقلار و آرتيق هچ لعنت اولماياجاق. اورشَلئم اَمئن-آمانليقدا ياشاياجاق.
اورشَلئمه هوجوم ادن بوتون خالقلاري رب بو بلا ائله جزالانديراجاق. آياق اوسته اولاندا بدنلري، حدقه‌لرئنده‌کي گؤزلري، آغيزلارينداکي دئللري چورويه‌جک.
او گون رب اونلاري بؤيوک ائضطئرابا دوچار ادهجک. هر کس قونشوسونون اَلئني توتاجاق، بئربئرئنئن اوستونه هوجوم چکهجک.
يهوداليلار دا اورشَلئمده ووروشاجاقلار. اطرافداکي بوتون مئلّتلرئن ثروتي، چوخلو مئقداردا قيزيل، گوموش و پالتار ييغيلاجاق.
دوشمن اوردوگاهلارينداکي بوتون حيوانلار دا يعني آتلار، قاطيرلار، دَوه‌لر و اِششَکلر ده بو جور بلايا دوچار اولاجاقلار.
اورشَلئمه هوجوم ادن مئلّتلردن صاغ قالانلارين هاميسي هر ائل اورشَلئمه گدهجکلر کي، قوشونلار ربّی اولان پادشاها سجده اتسئنلر و چارداقلار بايراميني کچئرتسئنلر.
اگر يِر اوزوندهکي نسئللردن هانسيسي قوشونلار ربّی اولان پادشاها سجده اتمک اوچون اورشَلئمه گتمه‌سه، اونون اؤلکهسئنه ياغيش ياغماياجاق.
مئصئرلی‌لر نسلی اورشَلئمه گتمه‌سه، اونلارين تورپاغي سوواريلماياجاق. رب اونلارا دا او جزاني ورهجک کي، چارداقلار بايراميني کچئرتمَک اوچون اورشَلئمه گتمه‌يَن بوتون مئلّتلره ورئر.
مئصئرلی‌لره و چارداقلار بايراميني کچئرتمَک اوچون اورشَلئمه گتمه‌يَن بوتون مئلّتلره بله جزا ورئلهجک.
او گون آتلارين زئنقئروولاري اوستونه «ربّه وقف ادئلمئش» سؤزلري يازيلاجاق. ربّئن اِوئنده‌کي قازانلار دا قوربانگاهين قاباغينداکي لَيَنچه‌لر کئمي اولاجاق.
اورشَلئم و يهودادا هر قازان قوشونلار ربّئنه وقف اولوناجاق. قوربان کَسن آداملارين هاميسي گلئب بو قازانلاردان قوربان اَتئني پئشئرمَک اوچون ائستئفاده ادهجکلر. او گون قوشونلار ربّئن اِوئنده آرتيق کَنَعانلي قالماياجاق."
بو ائخطار ربّئن مَلاکي واسئطهسئله ائسرايئله ددئيي سؤزدور.
رب ديئر: "سئزي سِودئم." لاکئن سئز ديئب سوروشورسونوز: "بئزي نجه سِودئن؟" رب ده جاواب ورئر: "عئسو يعقوبون قارداشي مگر ديئلدي؟ آمّا من يعقوبو سِودئم،
عئسودان نئفرت اتدئم. اونون داغلاريني وئران اتدئم، مئراثيني چؤل چاقّاللارينا وردئم."
اِدوملولار ديئرلر: "بئز اَزئلدئک، آمّا خاراباليقلاري تزهدن برپا اده‌جيئک." آنجاق قوشونلار ربّی بله ديئر: "قوي اونلار قورسون، آمّا من ييخاجاغام. اونلارين اؤلکه‌سي پئسلئک بؤلگه‌سي چاغيريلاجاق، اؤزلري ده همئشه ربّئن قضبلَندئيي خالق اولاراق تانيناجاقلار."
سئز بونو گؤزلرئنئزله گؤرنده دئيهجکسئنئز: "رب ائسرايئل سرحدلرئندن کناردا دا عظمتلئدئر!"
قوشونلار ربّی ديئر: "ای آديما حؤرمت اتمه‌يَن کاهئنلر! اوغول آتاسينا، قول آغاسينا حؤرمت گؤرسه‌دئر. اگر من آتايام، هاني منه حؤرمتئنئز؟ اگر آغايام، هاني مندن قورخونوز؟ لاکئن سئز «آدينا نجه حؤرمت اتمهدئک؟» ديئب سوروشورسونوز.
قوربانگاهيمين اوستونده نجئس يمک تقدئم ادئرسئنئز، حله «سني نجه نجئس اتدئک؟» ديئب سوروشورسونوز. «ربّئن سوفره‌سئنه حؤرمت اتمک لازيم ديئل» دِمَکله بله ادئرسئنئز.
کور حيواني قوربان آديندا گتئرمک مگر پئس ائش ديئل؟ توپال و يا ناخوش حيوان قوربان اتمک مگر پئس ائش ديئل؟ بله بئر حيواني اؤز والئنه تقدئم ات، گؤر سندن مگر راضي قالير و يا سني مگر قبول ادئر؟" قوشونلار ربّی بويورور.
"ائندي بئزه لوطف اتمه‌سي اوچون تارييا يالوارين. سئز بله قوربانلار گتئرَرکَن، او مگر سئزي قبول اِدَر؟" قوشونلار ربّی ديئر.
"کاش کي آرانيزدان بئر نفر قوربانگاهيمدا بوش-بوشونا اود يانديرماماق اوچون معبدئن قاپيلاريني باغلايايدي! من سئزدن راضي ديئلم، گتئره‌جَيئنئز تقدئملري دا قبول اتميه‌جيم." قوشونلار ربّی بويورور.
"گونشئن چيخديغي يردن باتديغي يِره قدر، منئم آديم مئلّتلر آراسيندا عظمتلي اولاجاق. هر يرده آديما بوخور يانديريلاجاق، تمئز تقدئملر گتئرئلهجک. چونکي مئلّتلر آراسيندا آديم عظمتلي اولاجاق." قوشونلار ربّی بويورور.
"سئز "پروردئگارين سوفرهسي نجئسدئر، چؤره‌يئنه ده حؤرمت اتمک لازيم ديئل» دئيه‌رَک، آديمين موقدّسلئيئني پوزورسونوز.
اوستهلئک «بو نه زحمتدئر» ديئب منه بورون ساللاييرسينيز." قوشونلار ربّی بويورور. "سئز قوربان اولاراق اوغورلوق، چولاق، ناخوش حيوان گتئرئرسئنئز، من اونو سئزدن مگر قبول اده‌رم؟" رب ديئب سوروشور.
"لعنت اولسون او فيريلداقچييا کي، سوروسوندن نذئر اتدئيي اِرکَک حيوان عوضئنه، ربّه قوصورلو حيوان قوربان ادئر! چونکي من بؤيوک بئر پادشاهام و آديم مئلّتلر آراسيندا هيبتلي‌دئر.» قوشونلار ربّی بويورور.
"ائندي، ای کاهئنلر، بو امر سئزئن اوچوندور."
قوشونلار ربّی ديئر: "اگر سؤزه قولاق آسماياسينيز، آديما عئزّت ورمه‌يي اورَکدن ائستَميه‌سئنئز، اوستونوزه لعنت ياغديريب خيئر-دوعالارينيزي لعنته چِوئره‌جيم. بلی، من اونلاري لعنتله‌‌مئشم، چونکي منی عئزّتلَندئرمه‌يي اورَکدن ائسته‌مئرسئنئز.
من سئزئن نسلئنئزي محو ادهجيم. بايراملارينيزدا قوربان اتدئيئنئز حيوانلارين تزه‌يئني اوزونوزه چيرپاجاغام، سئز اونونلا بئرلئکده چؤله آتيلاجاقسينيز.
او واخت بئلهجکسئنئز کي، من بو امري لاوي ائله باغلاديغيم عهدئمئن ياشاماسي اوچون سئزه گؤندرمئشم." قوشونلار ربّی ديئر.
"اونونلا باغلاديغيم عهد حيات و صولح عهدي ائدي، و من اونا وردئم؛ بو حؤرمت طلب اتدي و او، منه حؤرمت گؤرستدي، منئم آديمين هيبتي اونو بورودو.
اونون آغزيندا حقئقي تعلئم وار ائدي و دئلئنده حئيله تاپيلمادي. او، صولح و صداقت ائچئنده منئمله بئرلئکده قدم آتيردي. چوخونو دا خاطا يولوندان قايتارميشدي.
کاهئنئن آغزي بئلئيي قورومالي، ائنسانلار اونون دئلئنده تعلئم آختارمالي‌دير. چونکي او، قوشونلار ربّئنئن سؤز آپاراني‌دير.
آنجاق سئز يولدان آزدينيز و تعلئمئنئزله چوخ آدامي گوناها چکدئنئز. لاوي ائله باغلاديغيم عهدي پوزدونوز." قوشونلار ربّی ديئر.
"سئز منئم يوللاريملا گتمه‌دئنئز، شرئعته باغلي اولان مَسَله‌لرده طرفدارليق اتدئنئز. بونا گؤره ده من بوتون خالقين قاباغيندا سئزي آلچالديب خجالتلي حالا سالديم."
هاميميزين آتاسي مگر بئر ديئل؟ بئزي هَمن تاري مگر ياراتمادي؟ اگر اِلهدئر، نه اوچون بئز آتالاريميزين باغلاديغي عهدي پوزاراق، اؤز قونشوموزا خيانت ادئرئک؟
يهودا خالقي خيانت اتدي. ائسرايئلده و اورشَلئمده ائيرنج ائشلر ادئلدي: يهوداليلار ياد آللاهلارين يانينا گِدن قيزلارلا اِوله‌نئب، ربّئن سِودئيي موقدّس مکاني نجئس اتدئلر.
بونو ادن آدام، حتّا کشئک چکسه ده، جاوابده اولسا دا، قوشونلار ربّئنه قوربان گتئرسه ده، رب اونو يعقوبون جاماعاتيندان قووسون.
سئز باشقا بئر شيي ده ادئرسئنئز: آغلاييب سيزلاماقلا ربّئن قوربانگاهيني گؤز ياشلاري ائله دولدورورسونوز. چونکي رب آرتيق گتئردئيئنئز قوربانلارا دئقّت اتمئر، اونلاري سئزدن کؤنول خوشلوغو ائله قبول اتمئر.
سئز "نه اوچون؟" ديئب سوروشورسونوز. چونکي رب سنئنله جاوانليغيندا اِولَندئيئن آروادين آراسيندا شاهئددئر. او آرواد سنئن شرئکئن اولدوغو حالدا، نئکاه عهدي ائله آروادين اولدوغو حالدا اونا خيانت ادئبسن.
تاري مگر اونلاري بئر اولاراق ياراتمادي؟ هم بدن هم ده روح اونوندور. بس نه اوچون بئر؟ چونکي او اؤزو اوچون ائلاهي بئر نسئل ائسته‌يئردي. بونا گؤره ده اؤزونوزو گؤزلهيئن. قوي هچ کس جاوانليغيندا اِولَندئيي آروادينا خيانت اتمه‌سئن.
ائسرايئلئن تاريسي رب بله ديئر: "من بوشانمادان، قدّارليغا بورونَن آدامدان دا نئفرت ادئرم. بونا گؤره ده اؤزونوزو گؤزلهيئن و خيانت اتمهيئن." قوشونلار ربّی ديئر.
ددئکلرئنئزله ربّی يوردونوز. «اونو نه ائله يوردوق؟» ديئب سوروشورسونوز. «پئسلئک ادن هر کس ربّئن گؤزونده ياخشيدير و رب اونلاردان راضيدير» و يا «هارادادير عدالتئن تاريسي؟» دئيه‌رک اونو يوردونوز.
"باخ، من اؤز اِلچئمي گؤنده‌رئرم. او، حوضورومدا يول حاضيرلاياجاق. آختارديغينيز پروردئگار قَفلَتَن اؤز معبدئنه گلهجک. گؤرمک آرزوسوندا اولدوغونوز عهد اِلچئسي گلهجک." قوشونلار ربّی بويورور.
"لاکئن اونون گله‌جيي گونه کئم تاب گتئره بئلر؟ ظوهور ادنده کئم داوام گتئره بئلر؟ چونکي او، اَرئدئجئنئن اودو، يويونجونون صابونو کئمي اولاجاق.
او، گوموش اَرئدئب تمئزله‌يَن آدام کئمي رفتار ادهجک: لاوئلی‌لري صافلاشديريب قيزيل و گوموشو تمئزله‌يَن کئمي تمئزلَيه‌جک. اِله کي، صالحلئکله ربّه قوربانلار گتئرسئنلر.
او واخت يهودانين و اورشَلئمئن قوربانلاري اوّلکي واختلار کئمي، کِچمئش ائل‌لرده اولدوغو کئمي ربّه خوش گلهجک.
من جزا ورمک اوچون سئزه ياخينلاشاجاغام. اووسونچولارين، زئناکارلارين، يالاندان آند ائچَنلرئن، موزدورون، دول آروادين، يِتئمئن، قرئبئن حاقّيني تاپدالايانلارين-مندن قورخمايانلارين ضئدّئنه تزلئکله شهادت ورهجيم." قوشونلار ربّی بله ديئر.
"من ربّم و هچ واخت دَيئشمه‌رم. سئز بونون اوچون محو اولمادينيز، ای يعقوب اؤولادلاري!
آتالارينيزين دؤوروندن بَري قايدالاريمدان دؤندونوز و اونلارا عمل اتمه‌دئنئز. منه طرف دؤنون، من ده سئزه طرف دؤنه‌رم." قوشونلار ربّی بويورور. "سئز «نجه دؤنَک؟» ديئب سوروشورسونوز.
ائنسان دا مگر تاريدان اوغورلايار؟ سئز آمّا مندن اوغورلاييرسينيز. «سندن نه‌يي اوغورلاييريق؟» ديئب سوروشورسونوز. اوندا-بئرلري و تقدئملري اوغورلاييرسينيز.
سئز، بوتون مئلّتئنئز لعنت آلتينداسينيز. چونکي مندن اوغورلاييرسينيز.
بوتون اوندا-بئرلرئنئزي آنبارا گتئرئن کي، معبدئمده ارزاق اولسون." قوشونلار ربّی ديئر: "سئز بونونلا منی ائمتاحان ادئن. گؤرهجکسئنئز کي، گؤيلرئن پنجره‌لرئني سئزه آچاجاغام، اوستونوزه احتئياجلارينيزدان دا چوخ برکت ياغديراجاغام.
چَيئرتکه‌لري اَکئنلرئنئزي يِمَيه قويماياجاغام، زَمئده مِينه‌يئنئز محصولسوز قالماياجاق." قوشونلار ربّی ديئر.
"بوتون مئلّتلر سئزي بختور ساياجاق. چونکي اؤلکه‌نئز گؤزل بئر يِر اولاجاقدير." قوشونلار ربّی بويورور.
"منئم ضئدّئمه ياوا سؤزلر دِدئنئز." رب بويورور، لاکئن سئز «سنئن ضئدّئنه نه ددئک؟» ديئب سوروشورسونوز.
سئز دِدئنئز: «تارييا خئدمت اتمک فايداسيزدير. قوشونلار ربّئن امرئني يرئنه يتئرمَکله، اونون حوضوروندا ياس ائچئنده گَزمَکله بئزه نه خيئر اولدو؟
آمّا ائندي بئز مغرورلاري بختور ساييريق. پئسلئک ادنلر ائشلرئنده اوغور قازانيرلار، تاريني ائمتاحانا چکئرلر ده، لاکئن جزادان قاچيرلار.»"
او زامان ربدن قورخانلار بئربئرلري ائله دانيشديلار. رب بو سؤزلره قولاق آسيب اشئتدي. ربدن قورخوب آدينا حؤرمت ادنلر اوچون اونون قاباغيندا بئر يادداش کئتابي يازيلدي.
قوشونلار ربّی ديئر: "اؤز مخصوص خالقيمي اورتايا چيخارتديغيم گون، اونلار منئم اولاجاقلار. بئر آتا اؤزونه خئدمت ادن اوغلونا نجه رحم ادئر، من ده اونلارا اِله رحم ادهجيم.
او زامان سئز صالحله پئس آدام، تارييا قوللوق ادنله اتمه‌يَنئن آراسينداکي فرقي گئنه گؤرهجکسئنئز."
قوشونلار ربّی ديئر: "باخ، کوره کئمي يانان او گون گلئر. بوتون مغرورلار و پئسلئک ادنلر سامان کئمي اولاجاقلار. گلن او گون اونلاري يانديراجاق. اونلارا نه کؤک، نه ده بوداق قالاجاق.
آنجاق آديما حؤرمت ادن سئزلر اوچون، قانادلاريندا شفا اولان صالحلئک گونشي دوغاجاق. و سئز تؤوله‌دن بوراخيلان دانالار کئمي اويناياجاقسينيز.
پئس آداملاري تاپدالاياجاقسينيز. بو ائشلري اتدئيئم گون اونلار سئزئن دابانينيزين آلتيندا کول اولاجاقلار." قوشونلار ربّی بويورور.
"قولوم موسانين قانونونو، خورِبده اولارکن بوتون ائسرايئل اوچون اونا وردئيئم قايدالاري و حؤکملري ياددا ساخلايين.
باخ، ربّئن بؤيوک و دهشتلي گونو گلمه‌دن قاباق ائليا پيغمبري سئزئن يانينيزا گؤنده‌ره‌جيم.
او، آتالارين اورَکلرئني اوغوللارينا، اوغوللارينين اورَکلرئني ده آتالارينا طرف دؤندهرهجک کي، مبادا من گلئب اؤلکهني لعنتله ووروم."
ائبراهئم اوغلو، داوود اوغلو عئسا مسئحئن نسئل شجرهسي:
ائبراهئم ائسحاقين آتاسي ائدي، ائسحاق يعقوبون آتاسي ائدي، يعقوب يهودا و اونون قارداشلارينين آتاسي ائدي.
يهودا تاماردان دوغولان پِرِص و زِرَخئن آتاسي ائدي، پِرِص خِصرونون آتاسي ائدي، خِصرون اَرامين آتاسي ائدي.
اَرام عَمّئنادابين آتاسي ائدي، عَمّئناداب نَخشونون آتاسي ائدي، نَخشون سَلمونون آتاسي ائدي.
سَلمون راخابدان دوغولان بوعَزئن آتاسي ائدي، بوعَز روتدان دوغولان عوبئدئن آتاسي ائدي، عوبئد يَسّه‌نئن آتاسي ائدي.
يَسّه داوود پادشاهين آتاسي ائدي، داوود اوريانين آرواديندان دوغولان سولِيمانين آتاسي ائدي.
سولِيمان رِخوبعامين آتاسي ائدي، رِحوبعام اَبئيانين آتاسي ائدي، اَبئيا آسانين آتاسي ائدي.
آسا يِهوشافاطين آتاسي ائدي، يِهوشافاط يِهورامين آتاسي ائدي، يِهورام عوزّئيانين آتاسي ائدي.
عوزّئيا يوتامين آتاسي ائدي، يوتام آخازين آتاسي ائدي، آخاز خئزقئيانين آتاسي ائدي.
خئزقئيا مِنسّهنئن آتاسي ائدي، مِنسّه آمونون آتاسي ائدي، آمون يوشئيانين آتاسي ائدي.
يوشئيا يِکونيا و اونون قارداشلارينين آتاسي ائدي کي، بابئله اسئرلئيه آپاريلان زامان دوغولموشدو.
بابئله اسئرلئيه گدندن سونرا: يکونيا سِعَلتي‌اِلئن آتاسي ائدي، سِعَلتي‌اِل زِروبّابئلئن آتاسي ائدي.
زِروبّابئل اَبئهودون آتاسي ائدي، اَبئهود اِلياقئمئن آتاسي ائدي، اِلياقئم عازورون آتاسي ائدي.
عازور صادوقون آتاسي ائدي، صادوق آخئمئن آتاسي ائدي، آخئم اِلئهودون آتاسي ائدي.
اِلئهود اِلئعازارين آتاسي ائدي، اِلئعازار ماتّانين آتاسي ائدي، ماتّان يعقوبون آتاسي ائدي.
يعقوب مريمئن اَري يوسئفئن آتاسي ائدي، مريمدن ده مسئح آدلانان عئسا دوغولدو.
بلجه، ائبراهئمدن داوودا قدر اولان بوتون نسئللر، اون دؤرد نسئلدئر؛ داووددان بابئل اسئرلئيئنه قدر اون دؤرد نسئلدئر؛ و بابئل اسئرلئيئندن مسئحه قدر ده اون دؤرد نسئلدئر.
عئسا مسئحئن آنادان اولماسي بله اولدو؛ آناسي مريم يوسئفه نئشانلانميش اولان زامان، نئکاه کسئلمهمئشدن، آشکار اولدو کي، موقدّس روحدان حامئلهدئر.
اونون اَري يوسئف، صالح بئر آدام اولدوغونا گؤره، ائسته‌مئردي کي، اونو روسواي اتسئن و بو نئيّتده ائدي کي، گئزلئجه اونو بوشاسين.
لاکئن بونلاري دوشونَن زامان، ربّئن بئر مَله‌يي رؤيادا اونا ظاهئر اولوب، ددي: "داوود اوغلو يوسئف، مريمي اؤزونه آروادليغا قبول اتمکدن قورخما، چونکي اونون بطنئندهکي موقدّس روحداندير.
مريم بئر اوغول دوغاجاق و اونون آديني عئسا قوياجاقسان. چونکي او، اؤز خالقيني گوناهلاريندان خئلاص ادهجک."
بوتون بونلار اوندان اؤتري باش وردي کي، ربّئن پيغمبر واسئطهسئله ددئيي سؤز يرئنه يتئشسئن:
"باخ، باکئره قيز بويلو اولوب، بئر اوغول دوغاجاق و اونون آديني عِمانوئل قوياجاقلار کي، معناسي بودور: تاري بئزئمله‌دئر."
يوسئف يوخوسوندان اوياناندان سونرا، ربّئن مَله‌يئنئن بويوردوغو کئمي ادئب، آرواديني قبول اتدي.
و ائلک اوغلونو دوغانا قدر مريمله ياخينليق اتمهدي؛ و اونون آديني عئسا قويدو.
عئسا هئرود پادشاهين گونلرئنده، يهودئيهنئن بيت‌لحمئنده آنادان اولان زامان، شرقدن موغلار اورشلئمه گلئب ددئلر:
"آنادان اولموش يهودئلرئن پادشاهي هارادادير؟ چونکي اونون اولدوزونو شرقده گؤردوک و گلمئشئک کي، اونا پرستئش ادک."
هئرود پادشاه بونو اشئدن واخت پرئشان اولدو و بوتون اورشلئم اهالئسي ده اونونلا پرئشان اولدولار.
هئرود خالقين بوتون باش کاهئنلر و دئن عالئملرئني بئر يره ييغيب، اونلاردان مسئحئن هارادا دوغولاجاغيني سوروشدو.
اونلار دا اونا ددئلر: "يهودئيهنئن بِيت‌لِخِمئنده، چونکي پيغمبرئن واسئطهسئله بله يازيليب:
و سن، اي بِيت‌لِخِم، يهودا دئياري، يهودا رَيئسلرئنئن آراسيندا، هچ ده کئچئک ديئلسن. چونکي سندن بئر رَيئس ظوهور ادهجک کي، منئم خالقيم ائسرايئله چوبان اولاجاقدير."
او زامان هئرود موغلاري گئزلئجه چاغيريب، اونلاردان اولدوزون نه واخت چيخديغيني بئلدي.
و اونلاري بِيتلِخِمه گؤنده‌رئب، ددي: "گدئن و اوشاغين حاقّيندا دئقّتله آختارين. اونو تاپديغينيز زامان منه خبر ورئن کي، من ده گلئب، اونو پرستئش ادئم."
اونلار پادشاهين سؤزونو اشئدئب، يولا دوشدولر. شرقده گؤردوکلري اولدوز اونلارين قاباغيندا گدئردي؛ او قدر کي، گلئب اوشاغين اولدوغو يرئن اوستونده دوردو.
اونلار دا اولدوزو گؤردوکلري زامان بؤيوک سوئنجله حددن آرتيق شادليق اتدئلر.
و اوه گئرئب، اوشاغي آناسي مريمله گؤردولر و يره دوشوب، اونو پرستئش اتدئلر. و خزئنهلرئني آچيب اونا قيزيل، بوخور و مور هدئيّه وردئلر.
و رؤيادا اونلارا تاري طرفئندن ائخطار ورئلدي کي، هئرودون يانينا قاييتماسينلار. اونلار دا آيري يوللا اؤز مملکتلرئنه گتدئلر.
موغلارين گتمه‌سئندن سونرا، ربّئن بئر مله‌يي رؤيادا يوسئفه ظاهئر اولوب، ددي: "دور، اوشاق و آناسيني گؤتور و مئصئره قاچ. من سنه خبر وِرَنه قدر، اورادا قال. چونکي هئرود اوشاغي آختاراجاق کي، اونو محو اتسئن."
يوسئف قالخيب اوشاق و آناسيني گجه ائله گؤتوردو و مئصئره گتدي.
و هئرودون اؤلومونه قدر اورادا قالدي کي، ربّئن پيغمبرئنئن واسئطهسئله ديئلن سؤز يرئنه يتئشسئن: "اوغلومو مئصئردن چاغيرديم."
هئرود موغلارين طرفئندن آلدانميش اولدوغونو گؤره‌نده، چوخ قضبلندي و آدام گؤنده‌رئب، موغلاردان بئلدئيي واختا گؤره، بيت‌لحم و اونون اطرافيندا اولان بوتون ائکي ياشيندا و داها آشاغي اولان اوغلان اوشاقلاريني اؤلدورتدو.
او واخت اِرِميا پيغمبرئن واسئطهسئله ديئلن بو سؤز يرئنه يتئشدي:
"رامادا بئر سس اشئدئلدي، آغلاشما و بؤيوک شئون. راحئل اوشاقلاري اوچون آغلايير، ائسته‌مئر ده کي، تسلّي تاپسين. چونکي اونلار يوخ اولدولار."
لاکئن هئرود اؤلندن سونرا، ربّئن بئر مله‌يي مئصئرده يوسئفه رؤيادا ظاهئر اولوب،
ددي: "دور، اوشاق و آناسيني گؤتور و ائسرايئل دئيارينا گت. چونکي اوشاغين جانيني آختارانلار اؤلوبلر."
يوسئف ده قالخدي، اوشاق و آناسيني گؤتوروب، ائسرايئل دئيارينا گتدي.
آمّا اشئدنده کي، آرخِلاعوس آتاسي هئرودون يرئنده يهودئيهيه پادشاه اولوب، اورايا گتمَيه قورخدو و تاري طرفئندن رؤيادا ائخطار ورئلئب، جلئل سمتلرئنه گتدي.
و گلئب ناصئره آدلي بئر شهرده ساکئن اولدو کي، پيغمبرلرئن واسئطهسئله ديئلمئش سؤز يرئنه يتئشسئن: "او ناصئرهلي آدلاناجاق."
او گونلرده تعمئد ورن يحيا ظوهور اتدي و يهودئيه چؤلونده وعظ ادئب، ديئردي:
"تؤوبه ادئن، چونکي گؤيون پادشاهليغي ياخيندير."
بو، او شخص ائدي کي، اشعيا پيغمبرئن واسئطهسئله ديئلمئشدي: "چؤلده بئرئنئن سسي نئدا ادئر: ربّئن يولونو حاضيرلايين، يوللاري اونون اوچون دوز ادئن."
يحيانين دَوه توکوندن پالتاري، بلئنده ده دَرئدن قاييشي وار ائدي؛ يدئيي چيئرتکه و چؤل بالي ائدي.
اورشلئمدن، بوتون يهودئيهدن و اوردونون بوتون اطرافلاريندان خالق اونون يانينا گلئردي
و گوناهلارينا اعتئراف ادئب، اوردون چاييندا اوندان تعمئد آليردي.
لاکئن او زامان کي، يحيا فرئسئلر و صادوقئلردن بئر چوخلوسونو گؤردو کي، تعمئد آلماق اوچون اونون يانينا گلئرلر، اونلارا ددي: "اي افعئلر نسئلي! کئم سئزي خبردار اتدي کي، گلهجک قضبدن قاچاسينيز؟!
ائندي تؤوبهيه لايئق ثمره گتئرئن.
و اؤزونوز-اؤزونوزده دوشونمه‌يئن کي، «آتاميز ائبراهئمدئر.» سئزه ديئرم: تاري قادئردئر کي، بو داشلاردان ائبراهئمه اؤولاد ياراتسين.
آرتيق بالتا آغاجلارين کؤکونه ياتير؛ بلجه ياخشي بار وِرمه‌ين هر آغاج کسئلئر و اودا آتيلير.
من سئزي تؤوبه اوچون سو ائله تعمئد ورئرم، آمّا مندن سونرا گلن، مندن داها قووّتلي‌دئر. من اونون آياق‌قابيسيني داشيماغا بله لايئق ديئلم. او، سئزي، موقدّس روح و اودلا تعمئد ورهجک.
اونون شنهسي الئندهدئر. خرمنئني تمئز سووروب، بوغداسيني آنبارا ييغاجاق، لاکئن ساماني سؤنمه‌ين اودلا يانديراجاقدير."
او زامان عئسا جلئلدن اوردونا، يحيانين يانينا گلدي کي، اوندان تعمئد آلسين.
لاکئن يحيا قويماييب، ددي: "من سنئن طرفئندن تعمئد آلماغا مؤحتاجام، سن منئم يانيما گلئرسن؟!"
عئسا اونا جاواب ورئب ددي: "ائندئلئک راضي اول، چونکي بئزه بله ياراشير کي، دوز اولان هر شيي يرئنه يتئرک." او زامان يحيا راضي اولدو.
عئسا تعمئد آليب درحال سودان چيخدي. او آندا گؤيلر آچيلدي و تارينين روحونو گؤردو کي، گؤيرچئن کئمي انئب اونون اوستونه قوندو.
و گؤيدن بئر سس ددي: "بو منئم سوگئلي اوغلومدور، اوندان چوخ راضييام."
بوندان سونرا موقدّس روح عئساني چؤله آپاردي کي، ائبلئس طرفئندن وسوسه اولونسون.
عئسا قيرخ گون-قيرخ گجه اوروج توتاندان سونرا آجيقدي.
اونو وسوسه ادن، اونون يانينا گلئب، ددي: "اگر تارينين اوغلوسان، امر ات کي، بو داشلار چؤره‌يه دؤنسون."
عئسا جاواب ورئب، ددي: "يازيليب کي، «ائنسان آنجاق چؤرکله يوخ، تارينين آغزيندان چيخان هر بئر سؤزله ياشار.»"
سونرا ائبلئس اونو موقدّس شهره گتئردي و معبدئن بورجو اوستونه آپاريب،
ددي: "اگر تارينين اوغلوسان، اؤزونو آشاغي آت؛ چونکي يازيليب کي، «او سنئن حاقّيندا ملکلرئنه امر ادهجک، و اونلار سني اللري اوستونده گؤتورهجکلر کي، مبادا آياغيني داشا ووراسان.»"
عئسا اونا جاواب ورئب ددي: "گئنه ده يازيليب کي، «رب تاريني ائمتاحانا چکمه.»"
ائبلئس گئنه عئساني چوخ اوجا بئر داغين اوستونه آپاردي و اونا دونيانين بوتون اؤلکهلرئني و اونلارين بوتون شؤوکتلرئني گؤرسدئب،
ددي: "اگر يره دوشوب، منه سجده ادهسن، بونلارين هاميسيني سنه ورهرم."
عئسا اونا ددي: "ردّ اول، شيطان! چونکي يازيليب؛ «تارين ربّه سجده ات و آنجاق اونا خئدمت اله.»"
او زامان ائبلئس اونو بوراخدي و ملکلر گلئب، اونا خئدمت اتدئلر.
عئسا يحيانين توتولماسيني اشئدن واخت جلئله قاييتدي.
و ناصئرهني ترک ادئب، زِبولون و نفتالي بؤلگهسئنده گؤل قيراغيندا اولان کفرناحومدا ساکئن اولدو کي،
اشعيا پيغمبرئن واسئطهسئله ديئلن سؤز يرئنه يتئشسئن:
"زبولون دئياري، نفتالي دئياري، دهنز قيراغي يولدا، اوردون چايينين او تاييندا، قيرييهودئلرئن جلئلئنده!
قارانليقدا ياشايان خالق بؤيوک بئر نور گؤردو، اؤلومون کؤلگه سالديغي دئياردا ياشايانلارا ائشيق دوغدو."
او واختدان عئسا وعظ اتمه‌يه باشلاييب، ددي: "تؤوبه ادئن، چونکي گؤيون پادشاهليغي ياخيندير."
عئسا جلئل گؤلونون قيراغيندا گزنده، ائکي قارداشي، پِطروس آدلانان شَمعونو و اونون قارداشي آندرياسي گؤردو کي، گؤله تور آتيرديلار. اونلار باليق اووچوسو ائدئلر.
عئسا اونلارا ددي: "منئم داليمجا گلئن. من سئزي ائنسان اووچوسو اِده‌رم."
اونلار دا او آندا تورلاريني قويوب اونون دالينجا گتدئلر.
اورادان ائرهلي گدئب، داها ائکي قارداشي، زِبِديئن اوغلو يعقوب و قارداشي يوحنّاني گؤردو کي، آتالاري زِبِدي‌‌له قاييقدا تورلاريني تعمئر ادئرلر. و اونلاري چاغيردي.
اونلار دا او آندا قاييق و آتالاريني قويوب عئسانين دالينجا گتدئلر.
عئسا بوتون جلئلي دولانيب، اونلارين کنئسهلرئنده تعلئم ورئردي و گؤيون پادشاهليغينين موژدهسئني وعظ ادئب، خالق آراسيندا هر جور مرض و ناخوشلوغو صاغالديردي.
اونون حاقّينداکي خبر بوتون سورئيه دئيارينا ياييلدي و جوربهجور ناخوشلوق و دردلره دوچار اولان ناخوشلاري، ناپاک روحلارا توتولانلاري، غشّئلري، و ائفلئجلري اونون يانينا گتئردئلر و اونلارا شفا وردي.
جلئلدن، دکاپولئسدن، اورشلئمدن، يهودئيهدن، و اوردون چايينين اوتاييندان بؤيوک بئر جاماعات اونون دالينجا گدئردي.
عئسا جاماعاتي گؤرن زامان داغا چيخيب، اورادا اوتوردو. شاگئردلري ده يانينا گلدئلر.
و اونلارا تعلئم ورمه‌يه باشلاييب، ددي:
"خوش روحدا يوخسول اولانلارين حالينا، چونکي گؤيون پادشاهليغي اونلاريندير.
خوش ياسلي اولانلارين حالينا، چونکي اونلار تسلّي تاپاجاقلار.
خوش حلئملرئن حالينا، چونکي اونلار يري مئراث آلاجاقلار.
خوش صالحلئيه آج و سوسوز اولانلارين حالينا، چونکي اونلار دوياجاقلار.
خوش رحم ادنلرئن حالينا، چونکي اونلارا رحم اولوناجاق.
خوش اوره‌يي تمئز اولانلارين حالينا، چونکي اونلار تاريني گؤرهجکلر.
خوش باريشي ساخلايانلارين حالينا، چونکي اونلارا تارينين اوغوللاري ديئلهجک.
خوش او آداملارين حالينا کي، صالحلئک اوچون سئتم چکئرلر، چونکي گؤيون پادشاهليغي اونلاريندير.
خوش سئزئن حالينيزا او زامان کي، منه گؤره سئزي تحقئر ادئرلر، عذاب ورئرلر، و سئزه هر جور بؤهتان آتيرلار.
سوئنئن و شادليق ادئن، چونکي گؤيدهکي اَجرئنئز بؤيوکدور! دوغرودان دا کي، سئزدن قاباق پيغمبرلره ده بله عذاب ورئبلر.
سئز ير اوزونون دوزوسونوز. آمّا اگر دوز داديني اَلدن ورسه، نجه تکرار دوزلو اولا بئلر؟ آرتيق هچ بئر شيه فايداسي يوخدور، مگر اشئيه آتيليب، ائنسانلارين آياقلاري آلتيندا ازئلسئن.
سئز دونيانين نوروسونوز. داغ اوستونده قورولان شهر گئزلي قالا بئلمز.
آداملار دا چيراق يانديريب، اونو قابين آلتينا قويمازلار. چيراقدانا قويارلار کي، اِوده اولانلارين هاميسينا ائشيق ورسئن.
بلجه قويون سئزئن نورونوز ائنسانلارين حوضوروندا اله شاخسين کي، ياخشي عمللرئنئزي گؤرسونلر و گؤيدهکي آتانيزا حمد اتسئنلر.
گومان اتمهيئن کي، من شرئعتي و يا پيغمبرلرئن يازيلاريني پوزماغا گلمئشم؛ پوزماق اوچون يوخ، تاماملاماق اوچون گلمئشم.
چونکي دوغروسونو سئزه ديئرم، گؤي و ير آرادان گده‌نه کئمي، شرئعتدن لاپ کئچئک بئر حرف و يا نؤقطه بله يوخ اولماياجاق، اله کي، هاميسي يرئنه يتئشسئن.
بونا گؤره، هرکس بو لاپ کئچئک حرفلردن بئرئني پوزسا و بله اتمه‌يي ائنسانلارا اؤيرتسه، گؤيون پادشاهليغيندا او، لاپ کئچئک آدلاناجاق. لاکئن هرکس اونلارا عمل ادئب اؤيرتسه، گؤيون پادشاهليغيندا بؤيوک آدلاناجاقدير.
چونکي سئزه ديئرم کي، اگر سئزئن صالحلئيئنئز دئن عالئملري و فرئسئلرئن صالحلئيئندن آرتيق اولماسا، گؤيون پادشاهليغينا اصلا گئرميهجکسئنئز.
اشئدئبسئنئز کي، قدئم زامانلارين آداملارينا ديئلمئشدي: «آدام اؤلدورمه؛ کئم آدام اؤلدورسه، گَرَک موحاکئمه اولونسون!»
آمّا من سئزه ديئرم؛ کئم قارداشينا سببسئز حئرصلَنسه، گَرَک موحاکئمه اولونسون. و کئم قارداشينا آخماق دسه، مئلّت محکمهسئنئن قاباغيندا خاطاکار اولاجاق. و کئم «سن، اي آخماق» دسه، جهنّم اودونا موستحق اولاجاقدير.
بونا گؤره، اگر قوربانيني قوربانگاهين يانينا گتئردئيئن واخت، اورادا يادينا دوشسه کي، قارداشينين سندن بئر شئکايتي وار،
قوربانيني اورادا، قوربانگاهين يانيندا قوي. گت، اوّلجه قارداشينلا باريش و اوندان سونرا گل، قوربانيني تقدئم ات.
سندن شئکايتي اولان آداملا، يولدا ائکن تز صولح ات، يوخسا سني حاکئمه وِرَر، حاکئم ده سني مأمورا ورر و زئندانا آتيلارسان.
دوغروسونو سنه ديئرم، آخير قارا پولونو ورمه‌دن، اورادان اصلا چيخماياجاقسان.
اشئدئبسئنئز کي، قدئم زامانلارين آداملارينا ديئلئب: «زئنا اتمه!»
آمّا من سئزه ديئرم: بئر آروادا شهوتله باخان هر آدام، اوره‌يئنده اونونلا زئنا اتمئش اولور.
اگر صاغ گؤزون سني پئس يولا چکسه، اونو چيخارت و اؤزوندن آت‌‌گتسئن. چونکي سنئن اوچون عوضولرئندن بئرئنئن يوخ اولماسي، بوتون بدنئنئن جهنّمه آتيلماسيندان داها ياخشيدير.
اگر صاغ الئن سني پئس يولا چکسه، اونو کس و اؤزوندن آت‌‌گتسئن. چونکي سنئن اوچون عوضولرئندن بئرئنئن يوخ اولماسي، بوتون بدنئنئن جهنّمه آتيلماسيندان داها ياخشيدير.
اشئدئبسئنئز کي، ديئلئب: «کئم آرواديني بوشاسا، اونا بوشانما کاغيذي ورسئن!»
آمّا من سئزه ديئرم، هرکس کي، آرواديني زئنادان باشقا، اؤزگه بئر سببه گؤره بوشاسا، اونو زئنايا سالير. هر کس ده کي، بوشانميش آروادلا اِوله‌نئر، اونونلا زئنا ادئر.
گئنه، اشئدئبسئنئز کي، قدئم زامانلارين آداملارينا ديئلئب: «يالان يره آند ائچمه و ربّه اتدئيئن نذئرلري يرئنه يتئر!»
آمّا من سئزه ديئرم: هچ واخت آند ائچمه‌يئن؛ نه گؤيه، چونکي او، تارينين تختئدئر،
نه يره، چونکي اونون آياقلاري اوچون آياقآلتي‌دير، نه ده اورشلئمه، چونکي او، بؤيوک پادشاهين شهري‌دئر.
باشينيزا دا آند ائچمه‌يئن، چونکي بئر دنه ده اولسا، ساچي آغ و يا قارا اده بئلمزسئنئز.
آنجاق «بَلئنئز، بلي» اولسون و «خِيرئنئز، خير»؛ بوندان آرتيغي شرئردندئر.
اشئدئبسئنئز کي، ديئلئب: «گؤزه گؤز، دئشه دئش.»
آمّا من سئزه ديئرم: پئسلئيئن قاباغيندا موقاوئمت اِتمه‌‌يئن. کئم اوزونوزون صاغ طرفئنه وورسا، اونا سول طرفئني ده چوئرئن.
و اگر بئري محکمهيه گدئب، کؤينه‌يئنئزي آلماق ائسته‌سه، اونا اوست پالتاريني دا ورئن.
کئم سني مئن مئل يول گِتمَيه زور اتسه، اونونلا ائکي مئن مئل گت.
سندن بئر شي ائسته‌ينه ور و سندن بورج ائسته‌ينه اوز چوئرمه.
اشئدئبسئنئز کي، ديئلئب: «اؤز قونشونو سِو و دوشمنئندن نئفرت ات.»
آمّا من سئزه ديئرم: دوشمنلرئنئزي سوئن و سئزي ائنجئدئب، اذئيّت ورنلر اوچون دوعا ادئن کي،
گؤيده اولان آتانيزين اوغوللاري اولاسينيز. چونکي او، اؤز گون ائشيغيني هم يامان آداملارين، هم ده ياخشي آداملارين اوستونه سالير. ياغيشني دا هم صالح اولانلارين، هم ده صالح اولمايانلارين اوستونه ياغديرير.
اگر آنجاق سئزي سِوَنلري سِوهسئنئز، سئزئن نه اجرئنئز اولاجاق؟! مگر باج ييغانلار دا بله اتمئرلر؟!
و اگر آنجاق اؤز قارداشلارينيزي سالاملاياسينيز، نه آرتيق بئر شي ادئرسئنئز؟! مگر بوتپرستلر ده اله اتمئرلر؟!
بونون اوچون، گؤيدهکي آتانيز کئمي، سئز ده کامئل اولون.
دئقّت ادئن کي، ياخشي عمل‌لرئنئز ائنسانلارا اؤزونوزو گؤرسدمک اوچون اولماسين. يوخسا گؤيلرده اولان آتانيزين يانيندا اجرئنئز اولماياجاق.
اونا گؤره، صدقه وردئيئن زامان، اونو شيپورلارلا جار چکمه، نجه کي، رئياکار آداملار، خالقين يانيندا حؤرمت قازانماق اوچون، کنئسهلر و کوچهلرده ادئرلر. دوغروسونو سئزه ديئرم؛ اونلار بوتون اجرلرئني آليبلار.
لاکئن سن، صدقه وردئيئن واخت، قوي سول الئن ساغ الئنئن نه اتدئيئني بئلمه‌سئن.
صدقن گئزلي اولسون؛ گئزلئني گؤرن آتان دا سنه عوضئني ورهجک.
دوعا ادنده رئياکار آداملار کئمي اولما. چونکي اونلار سوئرلر کي، اؤزلرئني آيري آداملارا گؤرسدمک اوچون، کنئسهلرده و کوچهلرئن آغزيندا دوروب، دوعا اتسئنلر. دوغروسونو سئزه ديئرم؛ اونلار بوتون اجرلرئني آليبلار.
لاکئن سن، دوعا اتدئيئن واخت، اؤز اوتاغينا گئر و قاپيني باغلاييب، گئزلئنده اولان آتانا دوعا ات. گئزلئني گؤرن آتان دا سنه عوضئني ورهجک.
دوعا اتدئيئن واخت، بوتپرستلر کئمي بوش سؤزلر دمه؛ چونکي اونلار اله گومان ادئرلر کي، سؤزلرئنئن چوخلوغو ائله دوعالاري اشئدئلهجک.
اونلارا اوخشامايين؛ چونکي آتانيز سئزئن نَلره مؤحتاج اولدوغونوزو، سئز اوندان ائستمه‌دن، بئلئر.
بونون اوچون بله دوعا ادئن: اي گؤيلرده اولان آتاميز، سنئن آدين موقدّس اولسون.
سلطنتئن گلسئن. سنئن ائسته‌دئيئن، گؤيده اولدوغو کئمي، يرده ده اولسون.
گوندهلئک چؤره‌يئمئزي بو گون بئزه ور.
و بئزئم بورجلاريميزي بئزه باغيشلا، نجه کي، بئز ده، بئزه بورجلو اولانلاري باغيشلاييريق.
بئزي ائمتاحانا چکمه، لاکئن شردن خئلاص ات. چونکي سلطنت، قودرت و عئزّت ابده کئمي سنئندئر. آمئن.
چونکي اگر ائنسانلارين سئزه اتدئيي گوناهلاريني باغيشلاياسينيز، گؤيلرده اولان آتانيز دا سئزي باغيشلار.
آمّا اگر ائنسانلارين سئزه اتدئيي گوناهلاريني باغيشلاماياسينيز، آتانيز دا سئزئن گوناهلارينيزي باغيشلاماز.
اوروج توتدوغونوز زامان رئياکار آداملار کئمي قاشقاباقلي گزمه‌يئن؛ چونکي اونلار، اؤزلرئني ائنسانلارا گؤرسدمک اوچون، گؤرونوشلرئني ديئشئرلر. دوغروسونو سئزه ديئرم؛ اونلار بوتون اجرلرئني آليبلار.
لاکئن سن، اوروج توتدوغون واخت، باشينا ياغ سورت و اوزونو يو؛
اله کي، آداملارا يوخ، گئزلئنده اولان آتانا اوروجلو گؤرونهسن. و گئزلئني گؤرن آتان دا سنه عوضئني ورهجک.
ير اوزونده اؤزونوزه خزئنهلر ييغمايين؛ اورادا گووه و پاس اونلاري محو ادر؛ و اوغرولار اوراني ياريب اوغورلارلار.
آمّا اؤزونوزه گؤيده خزئنهلر ييغين کي، اورادا نه گووه محو ادر نه پاس؛ نه ده اوغرولار اورايا گئرئب اوغورلارلار.
چونکي خزئنه‌نئزهارادا اولسا، اوره‌يئنئز ده اورادا اولاجاقدير.
بدنئن چيراغي گؤزدور؛ اونا گؤره، گؤزون صاغ اولسا، بوتون بدنئن ده ائشيقلي اولار.
اگر گؤزون پئس اولسا، بوتون بدنئن قارانليق اولار. بلجه اگر سندهکي ائشيق قارانليق اولسا، او قارانليق نه بؤيوکدور!
هچ کئم ائکي آغايا قوللوق اده بئلمز؛ چونکي يا بئرئندن نئفرت ادئب او بئرئسئني سوهجک، يا دا بئرئنه باغلي قاليب او بئرئسئنه حقارتله باخاجاق. سئز هم تارييا، هم ده پولا قوللوق اده بئلمزسئنئز.
بونون اوچون سئزه ديئرم: جانينيز اوچون نئگاران اولمايين کي، نه ييئب نه ائچهجکسئنئز، يا دا نه گِيهجکسئنئز. مگر جان يمکدن و بدن گيمکدن داها افضل ديئل؟!
گؤيون قوشلارينا باخين؛ اونلار نه اکئرلر، نه بئچئرلر، نه ده آنبارلارا ييغيرلار. لاکئن گئنه ده، گؤيلرده اولان آتانيزدير کي، اونلاري دويورور. مگر سئز اونلاردان داها افضل ديئلسئنئز؟!
سئزلردن کئم وار کي، نئگاران اولماقلا عؤمرونه بئر ساعات آرتيرا بئلسئن؟!
نه اوچون پالتاردان اؤتري نئگاران اولورسونوز؟ زَمي زانباقلارينين نجه بؤيودوکلرئنه باخين؛ نه زحمت چکئرلر، نه ده ائپلئک ايئرئرلر.
آمّا سئزه ديئرم؛ سوليمان بله، بوتون شؤوکتئنده بونلاردان بئري کئمي گيئنمهمئشدي.
اگر تاري بو گون مؤوجود اولوب صاباح اوجاغا آتيلان اوتو بله گيئندئرئر، آيا سئزي داها آرتيق گيئندئرميهجک، اي آز ائمانليلار؟!
بلجه «نه يئهجه‌يئک؟»، «نه ائچهجه‌يئک؟»، «نه گئيهجه‌يئک؟» ديئب، نئگاران اولمايين.
چونکي بوتون بو شيلري بوتپرستلر آختاريرلار و گؤيده اولان آتانيز سئزئن بو شيلره مؤحتاج اولدوغونوزو بئلئر.
لاکئن سئز اوّلجه تارينين پادشاهليغيني و اونون صالحلئيئني آختارين و بونلارين هاميسي سئزه آرتيقليقلا ورئلهجک.
بونا گؤره، صاباح اوچون نئگاران اولمايين؛ چونکي صاباحکي گون اؤزو، اؤز فئکرئنده اولاجاق. هر گونون اؤزو اوچون اؤز نئگارانچيليغي وار.
حؤکم اتمهيئن کي، سئزه ده حؤکم اولونماسين.
چونکي نه حؤکمله موحاکئمه ادهسئنئز، اونونلا دا موحاکئمه اولوناجاقسينيز؛ و هانسي اؤلچو ائله اؤلچهسئنئز، او اؤلچو ائله ده سئزه اؤلچولهجک.
نه اوچون قارداشينين گؤزونده‌کي چؤپو گؤرورسن، لاکئن اؤز گؤزونده اولان تئري سچمئرسن؟!
اؤز گؤزونده تئر اولدوغو حالدا، قارداشينا نجه ديئرسن کي، قوي گؤزونده‌کي چؤپو چيخارديم؟!
اي رئياکار! قاباقجا اؤز گؤزوندن تئري چيخارت، او زامان ياخشي گؤررسن کي، قارداشينين گؤزونده‌کي چؤپو نجه چيخارداسان.
موقدّس سايديغينيز شيلري ائتلره ورمهيئن و مئروارئلرئنئزي دونگوزلارين قاباغينا آتمايين کي، اونلاري آياقلاري آلتيندا پايمال اتمه‌سئنلر و دؤنوب سئزي ده پارچالاماسينلار.
ائسته‌يئن، سئزه ورئلهجک؛ آختارين، تاپاجاقسينيز؛ قاپيني دؤيون، سئزه آچيلاجاق.
چونکي هر ائسته‌ين آلير؛ آختاران تاپير؛ و قاپي، اونو دؤينه آچيلير.
سئزدن کئم وار کي، اوغلو اوندان چؤرک ائسته‌ين واخت، اونا داش ورسئن؟!
و يا باليق ائسته‌ين واخت، اونا ائلان ورسئن؟!
بلجه، اگر سئز، پئس اولدوغونوز حالدا، اؤولادلارينيزا ياخشي هدئيّهلر ورمه‌يي بئلئرسئنئز، نه قدر آرتيق گؤيده اولان آتانيز اوندان ائسته‌ينلره ياخشي شيلر ورهجک.
بونا گؤره، ائنسانلارين سئزئنله نجه رفتار اتمکلرئني ائسته‌يئرسئنئز، سئز ده اونلارلا اله رفتار ادئن. چونکي شرئعت و پيغمبرلرئن ددئکلري بودور.
دار قاپيدان گئرئن؛ چونکي هلاکا آپاران قاپي گنئش و يول اِنلئدئر؛ بو قاپيدان گئرنلر چوخدور.
حياتا آپاران قاپي دار و يول اِنسئزدئر؛ بو يولو تاپانلار آزديرلار.
يالانچي پيغمبرلردن اؤزونوزو اوزاق ساخلايين کي، يانينيزا قويون جئلدئنده گلئرلر، آمّا باطئنده وحشي قورددورلار.
اونلاري ميوهلرئندن تانيياجاقسينيز. مگر تئکانلاردان اوزوم و قانقالدان انجئر دررلر؟!
بلجه، هر ياخشي آغاج ياخشي ميوه ورر؛ لاکئن پئس آغاج پئس ميوه گتئرر.
ياخشي آغاج پئس ميوه وره بئلمز؛ پئس آغاج دا ياخشي ميوه وره بئلمز.
ياخشي ميوه ورمه‌ين هر آغاج کسئلر و اودا آتيلار.
بلجه، يالانچي پيغمبرلري ميوهلرئندن تانيياجاقسينيز.
منه «يارب، يارب» دئين هرکس گؤيلرئن پادشاهليغينا گئرميهجک. اورايا آنجاق او آداملار گئرهجکلر کي، گؤيدهکي آتامين ائرادهسئنه عمل ادئرلر.
او گونده بئر چوخو منه دئيهجک: «يارب، يارب، مگر بئز سنئن آديندا نبئلئک اتمهدئک؟! مگر سنئن آديندا ناپاک روحلاري ائنسانلارين ائچئندن قووماديق؟! مگر سنئن آديندا بئر چوخ مؤجوزه اتمهدئک؟!»
او زامان اونلارا دئيهجه‌يم: .من سئزي هچ واخت تانيماميشام. گؤزومون قاباغيندان ائتئن، سئز اي حاقسيزليق ادنلر!»
بلجه، منئم بو سؤزلرئمي کئم اشئدئب اونلارا عمل اتسه، اونو او آغيلّي آداما بنزه‌دئرم کي، اوئني داش اوستونده تئکدي.
ياغيش ياغدي، سللر گلدي، يللر اسدي و او اِوه هوجوم اتدي. آمّا اِو اوچمادي. چونکي بونؤورهسي داش اوستونده قويولموشدو.
لاکئن منئم بو سؤزلرئمي کئم اشئدئب اونلارا عمل اتمه‌سه، اونو او آغيلسيز آداما بنزه‌دئرم کي، اوئني قوم اوستونده تئکدي.
ياغيش ياغدي، سللر گلدي، يللر اسدي و او اوه هوجوم اتدي. و اِو اوچدو و اونون ييخيلماسي بئر موصئبت اولدو."
عئسا بو سؤزلري بئتئرندن سونرا، خالق اونون تعلئمئندن حيران قالميشدي.
چونکي اونلارا دئن عالئملري کئمي يوخ، ائقتئدار صاحئبي کئمي تعلئم ورئردي.
داغدان اندئيي واخت، عئسانين دالينجا بؤيوک بئر جاماعات گتدي.
بو آرادا بئر جوذاملي گلدي و اونون قاباغيندا سجده ادئب ددي: "يارب، اگر ائستيهسن، مني بو ناخوشلوقدان تمئز اده بئلرسن."
عئسا الئني اوزاتدي و اونا قويوب ددي: "ائسته‌يئرم، تمئز اول." جوذاملي آدام درحال جوذامدان تمئزلندي.
عئسا اونا ددي: "باخ، هچ کسه بئر سؤز دمه، آنجاق گت، اؤزونو کاهئنه گؤرسد و موسانين بويوردوغو قورباني تقدئم ات کي، ائنسانلارا شهادت اولسون."
عئسا کفر ناحوما گئرن واخت، بئر يوزباشي اونا ياخينلاشيب يالواردي:
"يارب، نؤکرئم فلج اولوب، اِوده ياتير و چوخ عذاب چکئر."
عئسا اونا ددي: "گلئب اونو صاغالدارام."
يوزباشي جاواب ورئب ددي: "يارب، لايئق ديئلم کي، سن منئم داميم آلتينا گئرهسن. آنجاق بئر سؤز بويور و نؤکرئم صاغالار.
چونکي من ده امر آلتيندا اولان بئر آدامام و امرئم آلتيندا عسگرلر وار. بئرئنه «گت» دِسَم، گدر. او بئرئنه «گل» دِسَم، گلر. و قولوما «بونو ات» دسم، ادر."
عئسا بونو اشئدن واخت تعجّوبلندي و آرخاسيندا گلنلره ددي: "دوغروسونو سئزه ديئرم؛ ائسرايئلده بله، بو قدر بؤيوک ائمانا راست گلمه‌دئم.
سئزه ديئرم کي، شرقدن و قربدن چوخ آدام گلهجک و گؤيلرئن پادشاهليغيندا ائبراهئم، ائسحاق، و يعقوبلا بئرلئکده سوفرهيه اوتوراجاق،
لاکئن بو پادشاهليغين اوغوللاري چؤل قارانليغينا آتيلاجاق؛ اورادا آغلاشما و دئش قيجيرتماسي اولاجاقدير."
سونرا عئسا يوزباشييا ددي: "گت، ائنانديغين کئمي اولسون." و نؤکر او ساعات ياخشيلاشدي.
عئسا پطروسون اوئنه گئرئب، گؤردو کي، اونون قايناناسي قيزديرما ائچئنده ياتيب.
اونون الئندن توتدو و آروادين قيزديرماسي کسئلدي. او دا قالخيب، اونلارا خئدمت اتمه‌يه باشلادي.
آخشام اولاندا ناپاک روحلارا اسئر اولموش بئر چوخ آداملاري اونون يانينا گتئردئلر. و عئسا، بئر سؤزله روحلاري قوودو و ناخوشلارين هاميسينا شفا ورئردي کي،
اشعيا پيغمبرئن واسئطهسئله ديئلن سؤز يرئنه يتئشسئن: "بئزئم ضعئفلئکلرئمئزي او، گؤتوردو، بئزئم ناخوشلوقلاريميزي او، داشيدي."
عئسا اطرافيندا بؤيوک بئر جاماعاتي گؤرن واخت، بويوردو کي، گؤلون او تايينا کچسئنلر.
بو زامان بئر دئن عالئمي گلئب، اونا ددي: "اوستاد! هارايا گدهسن، سنئن دالينجا گلهجه‌يم."
عئسا اونا ددي: "تولکولرئن يوواسي وار، گؤي قوشلارينين دا يوواسي؛ لاکئن ائنسان اوغلونون باشيني داياماغا بئر يري يوخدور."
آيري بئر شاگئرد عئسايا ددي: "يارب، منه ائجازه ور، اوّلجه گدئم آتامي باسديريم."
لاکئن عئسا اونا ددي: "سن منئم داليمجا گل. قوي اؤلولر، اؤلولرئني باسديرسينلار."
عئسا قاييغا مئندئيي زامان، شاگئردلري ده اونون دالينجا گتدئلر.
بئردنبئره گؤلده بؤيوک بئر کولک باشلادي، اله کي، قاييق شپهلرله اؤرتولدو. لاکئن عئسا ياتميشدي.
شاگئردلر ياخينلاشديلار و عئساني اوياديب ددئلر: "بئزي خئلاص ات يارب، هلاک اولوروق."
عئسا اونلارا ددي: "اي آز ائمانليلار! نه اوچون قورخورسونوز؟» سونرا دوروب، کوله‌يه و گؤله آجيقلاندي و بؤيوک بئر آرامليق دوشدو.
آداملار مات قاليب ديئردئلر: "بو، کئمدئر کي، هم کولک، هم ده گؤل اوندان ائطاعت ادئر؟"
عئسا، گؤلون او تاييندا اولان "جَدَرئلَرئن" دئيارينا گلدئيي زامان، ائکي نفره راست گلدي کي، قبئرلئک ماغارالاردان چيخيرديلار. ائبلئس الئنده اسئر ائدئلر. اونلار چوخ دلي ائدئلر و هچ کئم او يولدان کچه بئلمزدي.
بئردن باغيريب ددئلر: "اي تارينين اوغلو، بئزدن نه ائستهيئرسن؟ مگر گلئبسن کي، واختيندان قاباق بئزه عذاب ورهسن؟"
اونلاردان اوزاقدا بؤيوک بئر دونگوز سوروسو اوتلاييردي.
ائبلئسلر عئسايا يالوارديلار: "اگر بئزي قوواجاقسان، ائجازه ور کي، بو دونگوز سوروسونه گئرک."
عئسا اونلارا ددي: "گئرئن." اونلار دا چيخيب، دونگوز سوروسونه گئردئلر. او آندا سورونون هاميسي اوچورومدان گؤله آتيليب، سودا بوغولدولار.
اونلاري اوتارانلار قاچديلار و شهره گئرن واخت، بونلارين هاميسيني و ائبلئس الئنه توتولموشلارين باشينا گلن احوالاتي خبر وردئلر.
بونا گؤره، شهرئن بوتون خالقي عئسانين پئشوازينا چيخديلار و اونو گؤرن زامان يالوارديلار کي، اونلارين دئياريندان گتسئن.
عئسا بئر قاييغا مئندي و گؤلون بو تايينا کچئب، اؤز شهرئنه گلدي.
اونون يانينا ياتاقدا ياتان ائفلئج بئر آدامي گتئردئلر. عئسا اونلارين ائمانيني گؤروب ائفلئجه ددي: "اوغول، اوره‌يئن اوزولمه‌سئن! گوناهلارين باغيشلاندي."
دئن عالئملرئندن بعضئلري اؤز-اؤزونه ددئلر: "بو آدام کوفر ديئر!"
عئسا اونلارين نه فئکر اتدئکلرئني بئلئب ددي: "نه اوچون اوره‌يئنئزده پئس شيلر دوشونورسونوز؟
هانسي آساندير؛ «گوناهلارين باغيشلاندي» دمک، يوخسا؛ «دور، يري» دمک؟
لاکئن اونون اوچون کي، بئلهسئنئز ائنسان اوغلونون ير اوزونده گوناهلاري باغيشلاماغا قودرتي وار…" او واخت ائفلئجه ددي: "دور، ياتاغيني گؤتور و اِوئنه گت."
ائفلئج ده دوروب اِوئنه گتدي.
خالق بونو گؤرنده قورخويا دوشوب، بله قودرتي آداملارا ورن تارييا حمد اتدي.
عئسا اورادان کچنده، متّا آدلي بئر آدامي گؤردو کي، باج ييغيلان يرده اوتورموشدو و اونا ددي: "داليمجا گل." او دا قالخيب اونون دالينجا گتدي.
متّانين اِوئنده سوفره باشيندا اوتوران واخت، بئر چوخ باج ييغانلار و گوناهکارلار گلدئلر و عئسا و شاگئردلری ائله سوفره باشيندا اوتوردولار.
فرئسئلر بونو گؤرنده، اونون شاگئردلرئنه ددئلر: "نه اوچون اوستادينيز باج ييغانلار و گوناهکارلارلا يمک ييئر؟"
آمّا عئسا بونو اشئدن واخت ددي: "صاغ آداملار يوخ، ناخوش آداملار طبئبه مؤحتاجديرلار.
گدئن بو سؤزون معناسيني اؤيره‌نئن کي، ديئر: «من قوربان يوخ، رحمت ائسته‌يئرم.»"
بو آرادا يحيانين شاگئردلري عئسانين يانينا گلئب ددئلر: "نه اوچون بئز و فرئسئلر اوروج توتوروق، آمّا سنئن شاگئردلرئن اوروج توتمورلار؟"
عئسا اونلارا ددي: "مگر اولار کي، بَيئن دوستلاري، بَي حله اونلارلا اولان واخت ياس توتسونلار؟ لاکئن او گونلر گلهجک کي، بَي اونلارين الئندن آلينسين. اونلار او زامان اوروج توتاجاقلار.
هچ کئم کؤهنه پالتارا تزه قوماشدان ياماق وورماز؛ سالينان ياماق کؤهنه پالتاردان قوپار و ييرتيق داها پئس اولار.
الجه ده، تزه شرابي کؤهنه تولوقلارا تؤکمزلر. بله اِتسهلر، تولوقلار پارتلار، شراب تؤکولر، تولوقلار دا آرادان گدر. يوخ، تزه شرابي تزه تولوقلارا تؤکرلر؛ او زامان هر ائکئسي ده حئفظ اولونار."
عئسا بو شيلري ديئردي کي، رَيئسلردن بئري گلدي و اونون قاباغيندا يره دوشوب ددي: "قيزيم اله ائندي اؤلدو. آمّا گلئب اونا الئني قوياسان، ياشاياجاقدير."
عئسا دوروب شاگئردلرئله اونون دالينجا گتدي.
اله او واخت، بئر آرواد کي، اونائکي ائل قان آخينماسينا دوچار ائدي، آرخاسيندان گلئب، عئسانين پالتارينين اَته‌يئنه ال سورتدو.
چونکي اؤز-اؤزونه ديئردي: "آنجاق پالتارينا دَيسم بله، صاغالاجاغام."
عئسا دؤندو و اونو گؤروب ددي: "اوره‌يئن اوزولمه‌سئن، قيزيم. ائمانين سني صاغالتدي." و آرواد او ساعات صاغالدي.
عئسا ريئسئن اوئنه گلدئيي واخت، نوحه‌چئلر و شئون ادن جاماعاتي گؤردو.
و اونلارا ددي: "چکئلئن بورادان، چونکي قيز اؤلمه‌يئب، آنجاق ياتيب." اونلار عئسايا گولدولر.
لاکئن جاماعات اشئيه چيخارديلاندان سونرا، عئسا ائچه‌ري گئردي و قيزين الئندن توتدو. قيز آياغا قالخدي.
بونون خبري بوتون او دئيارا ياييلدي.
عئسا اورادان قاييدان واخت، دالينجا گدن ائکي کور قيشقيرديلار: "اي داوود اوغلو، بئزه يازيغين گلسئن!"
اِوه گئرندن سونرا کورلار اونون يانينا گلدئلر. عئسا اونلارا ددي: "آيا ائنانيرسينيز کي، بونو اتمه‌يه قودرتئم وار؟» کورلار ددئلر: "بلي آغا!"
او زامان عئسا اونلارين گؤزلرئنه ال قويوب ددي: "سئزه ائمانينيزا گؤره اولسون."
کورلارين گؤزلري آچيلدي. عئسا اونلارا جئدّي تاپشيريب ددي: "باخين، هچ کئم بو بارهده بئر شي بئلمه‌سئن."
آمّا اونلار چيخيب، اونون حاقّينداکي خبري او دئيارين هر يرئنه يايديلار.
اونلار چيخاندان سونرا، ائبلئس الئنه توتولموش لال بئر آدامي عئسانين يانينا گتئردئلر.
ائبلئس قوولاندان سونرا، لال دانيشماغا باشلادي. خالق مات قاليب ددي: "ائسرايئلده بله بئر شي هچ واخت گؤرونمه‌يئب."
آمّا فرئسئلر ديئردئلر: "او، ائبلئسلر ريئسئنئن گوجو ائله ائبلئسلري قوور."
عئسا بوتون شَهَرلر و کندلري گزئب اونلارين کنئسهلرئنده تعلئم ورئردي و پادشاهليغين خوش خبرئني وعظ ادئب، هر جور ناخوشلوغا و هر جور مرئضلئيه شفا ورئردي.
جاماعاتي گؤرن واخت، اونلارا اوره‌يي يانيردي، چونکي چوبانسيز قويونلار کئمي پرئشان و چارهسئز ائدئلر.
او واخت عئسا شاگئردلرئنه ددي: "محصول چوخ، آمّا ائشچي آزدير.
اونا گؤره ده محصولون صاحئبي ربّه يالوارين کي، محصولونو ييغماق اوچون ائشچئلر گؤنده‌رسئن."
عئسا اونائکي شاگئردئني يانينا چاغيريب، اونلارا قودرت وردي کي، ناپاک روحلاري قووسونلار و هر جور ناخوشلوق و مرضه شفا ورسئنلر.
اونائکي حوارئنئن آدلاري بونلاردير: بئرئنجئسي پطروس چاغيريلان شمعون، و اونون قارداشي آندرياس. زِبِدِيئن اوغلو يعقوب و قارداشي يوحنّا.
فئلئپوس، و بارتولماي. توما، و باج ييغان متّا. حالفايين اوغلو يعقوب، و تاداي.
وطنپرست شمعون، و عئسايا خيانت ادن يهودا ائسکاريوت.
عئسا بو اونائکيلري گؤنده‌ردي و اونلارا امر ادئب ددي: "قيرييهودئلره گدن يولا چيخمايين و سامئرهليلرئن شهرلرئندن هچ بئرئنه گئرمه‌يئن.
بونون يرئنه ائسرايئل خالقينين ائتمئش قويونلارينين يانينا گدئن.
و گتدئکجه وعظ ادئب ديئن کي، گؤيلرئن پادشاهليغي ياخيندير.
ناخوشلارا شفا ورئن، اؤلولري دئرئلدئن، جوذاملي‌لاري صاغالدين، ائبلئسلري ائنسانلاردان قووون. موفته آليبسينيز، موفته ورئن.
قاييشلارينيزدا قيزيل، گوموش، يا دا مئس پول گؤتورمه‌يئن.
سفر اوچون نه توربا گؤتورون، نه آرتيق کؤينک، نه چاريق، نه ده دَيَنک. چونکي ائشچي اؤز روزئسئنه لايئقدئر.
هانسي شهره، يا دا کنده گئرهسئنئز، دَيَرلي بئرئني آختارين و يولا چيخانا قدر اورادا قالين.
اِوه گئرنده، اِودهکئلري سالاملايين.
اگر او اِودهکئلر بونا لايئق اولسالار، وردئيئنئز سالام اونلارين اوستونده قالار. لايئق اولماسالار، سالامينيز اؤزونوزه قاييدار.
کئم سئزي قبول اتمه‌سه و سؤزلرئنئزه قولاق آسماسا، او اِودن و يا شهردن چيخان واخت، آياقلارينيزداکي توزو چيرپين.
دوغروسونو سئزه ديئرم؛ سودوم و گومورا دئيارينين حالي، قئيامت گونونده، او شهرئن حاليندان داها آسان اولاجاق."
باخين، قوردلار آراسينا سئزي قويونلار کئمي گؤنده‌رئرم؛ اونا گؤره ده، ائلان کئمي عاغيلّي، گؤيَرچئن کئمي ده ساده اولون.
لاکئن ائنسانلاردان اؤزونوزو گؤزلهيئن؛ چونکي اونلار سئزي محکمهلره تسلئم ادهجکلر و کنئسهلرئنده سئزي دؤيهجکلر.
مندن اؤتري والي‌لرئن و حؤکمدارلارين يانينا آپاريلاجاقسينيز کي، اونلارا و قيرييهودئلره شهادت اولسون.
سئزلري تسلئم ادن زامان، نجه و يا نه دئيهجه‌يئنئزئن فئکرئنه قالمايين؛ چونکي نه دئيهجه‌يئنئز او آندا سئزه بئلدئرئلهجک.
دوغرودان دا کي، دانيشان سئز ديئلسئنئز، سئزده دانيشان، آتانيزين روحودور.
قارداش قارداشي و آتا اؤولاديني اؤلومه تسلئم ادهجک. اؤولادلار آتا-آنالارينين ضئدّئنه قالخاجاقلار و اونلاري اؤلدوردهجکلر.
منئم آديما گؤره هامي سئزدن نئفرت ادهجک، آمّا آخيرا قدر صبر ادن نئجات تاپاجاقدير.
بئر شهرده سئزي قوودوقلاري زامان، او بئرئسئنه قاچين. چونکي دوغروسونو سئزه ديئرم، سئز، ائسرايئل شهرلرئني دولانيب قورتارماميش، ائنسان اوغلو گلهجک.
شاگئرد موعلّئمئندن افضل ديئل؛ قول دا آغاسيندان افضل ديئل.
شاگئردئن اؤز موعلّئمي کئمي اولماسي، قولون دا اؤز آغاسي کئمي اولماسي اونلارا کئفايتدئر. اگر اِو صاحئبئنه بعل-زبول دسهلر، اونون او اهلئنه نه قدر آرتيق دئيهجکلر.
اونا گؤره، اونلاردان قورخمايين؛ چونکي اله گئزلي بئر شي يوخدور کي، آچيغا چيخماسين و اله اؤرتولو شي ده يوخدور کي، بئلئنمه‌سئن.
سئزه قارانليقدا نه ديئرم، اونو آيدينليقدا ديئن؛ قولاغينيزا پيچيلداناني دا داملاردان اعلان ادئن.
اونلاردان قورخمايين کي، بدني اؤلدوروب، جاني اؤلدوره بئلمئرلر. آنجاق اوندان قورخون کي، هم جاني، هم ده بدني جهنّمده هلاک اتمه‌يه قادئردئر.
مگر ائکي سرچه بئر قارا پولا ساتيلمير؟ لاکئن آتانيزين حؤکمو اولمادان، بونلاردان تک بئري يره دوشمز.
سئزئن باشينيزداکي توکلر ده ساييليب.
اودور کي، قورخمايين. سئز بئر چوخ سرچهدن داها افضلسئنئز.
کئم مني ائنسانلار قاباغيندا ائقرار اتسه، من ده اونو گؤيلرده اولان آتامين قاباغيندا ائقرار ادهجهيم.
آمّا کئم مني ائنسانلار قاباغيندا ائنکار اتسه، من ده اونو گؤيلرده اولان آتامين حوضوروندا ائنکار ادهجهيم.
گومان اتمهيئن کي، ير اوزونه صولح گتئرميه گلمئشم؛ صولح يوخ، قيلينج گتئرميه گلمئشم.
چونکي من گلمئشم کی، اوغولو آتادان، قيزي آنادان، و گلئني قاينانادان آييريم.
آدامين دوشمنلري، اؤز اِوئنئن خالقي اولاجاق.
آتاسيني و يا آناسيني مندن آرتيق سون، منه لايئق ديئل؛ اوغلونو و يا قيزيني مندن آرتيق سون منه لايئق ديئل.
چارميخيني گؤتوروب منئم داليمجا گلمه‌ين، منه لايئق ديئل.
جانيني حئفظ ادن اونو ائتئرهجک؛ منئم اوچون جانيندان کچن، اونو حئفظ ادهجکدئر.
سئزي قبول ادن، مني قبول ادئر؛ و مني قبول ادن، مني گؤنده‌رني قبول ادئر.
پيغمبري پيغمبر آدي ائله قبول ادن، پيغمبر اجرئني آلاجاق و صالحي صالح آدي ائله قبول ادن، صالح اجرئني آلاجاقدير.
کئم بو کئچئکلردن بئرئنه، شاگئردئم اولدوغو اوچون، بئر کاسا سويوق سو ائچئرتسه، دوغروسونو سئزه ديئرم کي، اجرسئز قالماياجاقدير.
عئسا اون ائکي شاگئردئنه نصئحت ورندن سونرا اورادان گتدي کي، اونلارين شهرلرئنده تعلئم ورئب، وعظ اتسئن.
يحيا زئنداندا مسئحئن اتدئيي ائشلري اشئدن واخت، شاگئردلرئندن بعضئسئني گؤنده‌ردي کي،
عئسادان سوروشسونلار: "آيا گلمه‌لي اولان سنسن، يوخسا اؤزگه بئرئني گؤزله‌يک؟"
عئسا جاوابيندا اونلارا ددي: "گدئن نه اشئتدئيئنئزي و نه گؤردويونوزو يحيايا بئلدئرئن؛
کورلار گؤرورلر، آخساقلار يرئيئرلر، جوذاملي‌لار شفا تاپيرلار، کارلار اشئدئرلر، اؤلولر دئرئلئرلر، و يوخسوللارا ائنجئلئن خوش خبري ورئلئر.
خوش او آدامين حالينا کي، منئم بارهمده بودره‌مئر!"
يحيانين شاگئردلري گدن واخت، عئسا جاماعاتا يحيانين حاقّيندا دانيشماغا باشلادي: "چؤله نه گؤرمه‌يه گتدئنئز؟ يلئن ترپتدئيي بئر قاميشي؟
اگر يوخ، بس نه گؤرمه‌يه گتدئنئز؟ ظرئف پالتار گيئنمئش بئر آدامي؟ ظرئف پالتار گِينلر کي، پادشاهلارين سارايلارينداديرلار.
بس نه گؤرمه‌يه گتدئنئز؟ بئر پيغمبر؟ بلي، سئزه ديئرم، حتّا پيغمبردن اوستون اولاني.
بو، او آدامدير کي، اونون حاقّيندا يازيليب: «باخ، سندن قاباق من اؤز الچئمي گؤنده‌رهجه‌يم. او، سنئن يولونو سنئن قاباغيندا حاضيرلاياجاق.»
دوغروسونو سئزه ديئرم؛ آرواددان دوغولانلار آراسيندا تعمئد ورن يحيادان داها بؤيوکو اولماييب؛ لاکئن گؤيلرئن پادشاهليغيندا لاپ کئچئک اولان، اوندان بؤيوکدور.
تعمئد ورن يحيانين گونلرئندن ائندئيه کئمي گؤيلرئن پادشاهليغي زورلا برقرار اولور و زورلو آداملار اونو اَله گتئرئرلر.
چونکي بوتون پيغمبرلر و شرئعت، يحيايا قدر اولاجاقلاري نبئلئک اتدئلر.
و اگر بونو قبول اتمک ائسته‌يئرسئنئز، يحيا اؤزو هَمَن گلمه‌لي اولان ائليادير.
قولاغي اولان قوي اشئتسئن.
بو نسئلي نه‌يه بنزه‌دئم؟ بازار ميدانيندا اوتوران اوشاقلارا بنزه‌يئرلر کي، يولداشلاريني چاغيريب ديئرلر:
«سئزه توتک چالديق، سئز اوينامادينيز، قملي ماهني‌لار اوخودوق، سئز آغلامادينيز.»
چونکي يحيا گلدي، نه ييئردي نه ده ائچئردي. و ديئرلر کي، «اوندا ائبلئس وار.»
ائنسان اوغلو گلئب، هم يِيئر هم ده ائچئر و ديئرلر: «باخ بو قارينقولو و شراب ائچن آداما؛ باج ييغانلارين و گوناهکارلارين دوستو!» حال بو کي، حئکمت گؤرستدئيي عمللرله تصدئق اولونور."
او زامان عئسا او شهرلري دانلاماغا باشلادي کي، مؤجوزهلرئنئن چوخلاري اونلاردا باش ورمئشدي. چونکي اونلار تؤوبه اتمه‌دئلر:
"واي سنه اي خورازئن! واي سنه اي بيتصيدا! چونکي سئزده باش ورن مؤجوزهلر صور و صيدوندا باش ورسَيدي، اونلار چوخدان چولا بورونوب، کول اوستونده تؤوبه ادردئلر.
لاکئن سئزه ديئرم، قئيامت گونونده صور و صيدونون حالي سئزئنکئندن داها آسان اولاجاق.
و سن اي کفرناحوم، مگر گؤيه قدر اوجالاجاقسان؟! يوخ، اؤلولر دئيارينا قدر آلچالاجاقسان. چونکي سنده باش ورن مؤجوزهلر سودومدا باش ورسَيدي، او، حله ده بو گونه کئمي دوراردي.
لاکئن سنه ديئرم کي، قئيامت گونو سودومون حالي سنئنکئندن داها آسان اولاجاق."
بوندان سونرا عئسا بله ددي: "اي آتا، گؤيون و يرئن ربّي، شوکور ادئرم سنه کي، بو شيلري آغيلّي‌لاردان و عالئملردن گئزله‌دئب، کئچئک اوشاقلارا بلّي ادئرسن!
بلي آتا! چونکي سنئن ريضان بله ائدي.
هر شي آتام طرفئندن منه ورئلئب. هچ کس اوغولو تانيماز مگر آتا، و هچ کس ده آتاني تانيماز مگر اوغول و او آداملار کي، اوغول اونلاري آتاني تانيماق اوچون سچئر.
اي بوتون يورغونلار، اي يوکلري آغير اولانلار، منئم يانيما گلئن و من سئزه راحاتليق ورهرم.
منئم يوغومو گؤتورون و مندن اؤيره‌نئن: چونکي من حلئم و اورکدن تواضؤعکارام. و جانينيزا راحاتليق تاپارسينيز.
چونکي يوغوم آسان و يوکوم يونگولدور."
او زامان عئسا سبّت گونو اکئن زمئلرئندن کچئردي. شاگئردلري آج ائدئلر و سونبوللري درئب يمه‌يه باشلاديلار.
لاکئن فرئسئلر بونو گؤرن زامان اونا ددئلر: "باخ، شاگئردلرئن سبّت گونو جائز اولمايان ائشي گؤرورلر."
عئسا اونلارا ددي: "مگر اوخوماييبسينيز کي، داوود نه اتدي او زامان کي، هم اؤزو آج ائدي، هم ده اونونلا اولانلار؟
نجه تارينين اوئنه گئردي و پروردئگارا تقدئم اولموش چؤرکلري يدئلر. حال بو کي، بونلاري يمه‌يه نه اؤزونون حاقّي وار ائدي نه ده اونونلا اولانلارين؟ بونو آنجاق کاهئنلر اده بئلردئلر.
و يا شرئعت کئتابيندا اوخوماييبسينيز کي، کاهئنلر معبدده سبّتي پوزورلار، لاکئن گوناهکار ساييلميرلار؟
آمّا سئزه ديئرم کي، بورادا معبددن داها افضل بئري وار.
لاکئن سئز اگر بو کلامين معناسيني بئلسَيدئنئز کي، ديئر: «من قوربان يوخ، مرحمت ائسته‌يئرم»، تقصئرسئزلري محکوم اتمزدئنئز.
چونکي ائنسان اوغلو سبّت گونونون ده صاحئبي‌دئر."
عئسا اورادان گدئب، اونلارين کنئسهلرئنه گئردي.
اورادا اَلي قوروموش بئر آدام وار ائدي. عئسايا بؤهتان وورماق اوچون اوندان سوروشدولار: "آيا سبّت گونو شفا ورمک جائزدئر؟"
عئسا دا اونلارا ددي: "سئزلردن کئم وار کي، بئرجه قويونو اولسون و قويون سبّت گونو چوخورا دوشسون و آدام اونو توتوب چيخارتماسين؟!
ائنسان قويوندان داها افضلدئر. بونا گؤره سبّت گونو ياخشيليق اتمک جائزدئر."
او واخت عئسا اَلي قوروموش آداما ددي: "الئني اوزات." آدام الئني اوزاتدي و او ال، او بئري اَلي کئمي صاغ اولدو.
لاکئن فرئسئلر چؤله چيخيب، مصلحتلشدئلر کي، عئساني نجه هلاک اتسئنلر.
عئسا بونو بئلئب، اورادان اوزاقلاشدي. اونون دالينجا چوخ آدام گتدي و عئسا اونلارين هاميسينا شفا وردي.
و اونلارا جئدّي تاپشيردي کي، اونون کئم اولدوغونو بئلدئرمهسئنلر.
اله کي، اشعيا پيغمبرئن واسئطهسئله ديئلمئش سؤز يرئنه يتئشسئن:
«بودور منئم سچدئيئم قول؛ منئم سوگئلئم کي، جانيم اوندان راضيدير. روحومو اونون اوستونه قوياجاغام، و او، مئلّتلره عدالتي اعلان ادهجک.
او، نه ساواشاجاق، نه ده چيغيراجاق، و هچ کئم کوچهلرده اونون سسئني اشئتمه‌يهجک.
ازئلمئش قاميشي قيرماياجاق، توستولنن پئلته‌ني سؤندورمه‌يهجک و آخيريندا عدالتي ظفره چاتديراجاقدير.
و خالقلار اونون آدينا اومئد باغلاياجاقلار.»
او واخت ائبلئس الئنده اسئر اولموش کور و لال بئرئني عئسانين يانينا گتئردئلر و عئسا اونا شفا وردي. اِله کي، کور و لال اولان بو آدام، هم گؤرمه‌يه هم ده دانيشماغا باشلادي.
بوتون خالق حيرته گلئب ددي: "آيا بو، داوود اوغلو ديئل؟!"
آمّا فرئسئلر بونو اشئدن واخت ددئلر: "بو آدام ائبلئسلري، آنجاق ائبلئسلرئن ريئسي بعلزبولون گوجو ائله قووور."
عئسا اونلارين فئکئرلرئني بئلئب، اونلارا ددي: "اؤز ائچئنده بؤلونموش هر سلطنت وئران اولار؛ اؤز ائچئنده بؤلونموش هچ بئر شهر و اِو ده داوام گتئرمز.
اگر شيطان شيطاني قووسا، اؤز ائچئنده بؤلونموش اولور؛ بس اونون سلطنتي نجه داوام گتئرر؟
اگر من ائبلئسلري بعلزبولون گوجو ائله قوورام، بس سئزئن آداملارينيز کئمئن گوجو ائله قوورلار؟ اونا گؤره ده، سئزه حؤکم ادن اونلار اولاجاقلار.
آمّا اگر من ائبلئسلري تارينين روحو ائله قووورام، دمه‌لي تارينين پادشاهليغي سئزه يتئشئب.
بئر آدام قووّتلي بئرئنئن اوئنه گئرئب، اونون ماليني نجه اوغورلايا بئلر؟ مگر اوّل اونون قوللاريني باغلاسين. او زامان اِوئني اوغورلايا بئلر.
منئمله اولمايان منئم ضئدّئمه‌دئر و منئمله ييغمايان داغيدير.
بونا گؤره سئزه ديئرم: ائنسانلارين هر گوناه و کوفرو باغيشلانار، لاکئن موقدّس روحون ضئدّئنه ديئلن کوفر باغيشلانماز.
کئم ائنسان اوغلونون ضئدّئنه دانيشسا، باغيشلانار؛ آمّا کئم موقدّس روحون ضئدّئنه دانيشسا، نه بو عالمده باغيشلانار، نه ده گلهجکده.
آغاجي ياخشي اِدئن، ميوهسي ده ياخشي اولار، و يا آغاجي پئس ادئن، ميوهسي ده پئس اولار؛ چونکي آغاج ميوهسئندن تانينار.
اي افعئلر نسئلي، سئز پئس اولدوغونوز حالدا، نجه ياخشي شيلر دانيشا بئلرسئنئز؟! چونکي آغيز اورکدن داشاني دانيشير.
ياخشي آدام ياخشيليق خزئنهسئندن ياخشي شيلر چيخاردير؛ و پئس آدام پئسلئک خزئنهسئندن پئس شيلر چيخاردير.
آمّا سئزه ديئرم: قئيامت گونونده ائنسانلار، دانيشديقلاري هر بوش سؤز اوچون حساب ورهجکلر.
چونکي اؤز سؤزلرئنئزه گؤره بوراخيلاجاقسينيز، و اؤز سؤزلرئنئزه گؤره ده محکوم اولاجاقسينيز."
او زامان دئن عالئملري و فرئسئلردن بعضئلري ددئلر: "اوستاد، ائسته‌يئرئک کي، سندن بئر علامت گؤرک."
عئسا جاوابيندا اونلارا ددي: "پئس و زئناکار نسئل بئر علامت آختارير؛ لاکئن اونا يونوس پيغمبرئن علامتئندن باشقا هچ بئر علامت ورئلمه‌يهجک.
چونکي نجه يونوس اوچ گون-اوچ گجه نهنگئن قارنيندا قالدي، ائنسان اوغلو دا اوچ گون-اوچ گجه يرئن ائچئنده اِله قالاجاق.
نينوانين خالقي قئيامت گونونده بو نسلله قالخاجاق و اونو محکوم ادهجک. چونکي اونلار يونوسون وعظي ائله تؤوبه اتدئلر؛ و باخ ائندي، يونوسدان داها بؤيوکو بورادادير.
جنوب ملکهسي قئيامت گونونده بو نسلله قالخاجاق و اونو محکوم ادهجک. چونکي او، دونيانين او باشيندان گلدي کي، سوليمانين حئکمتلي سؤزلرئني اشئتسئن؛ و باخ ائندي، سوليماندان داها بؤيوکو بورادادير.
ناپاک روح، آدامدان چيخاندان سونرا، قورو يرلرده دولانيب راحاتليق آختارار، لاکئن تاپماز.
او زامان دئير: «چيخديغيم اوئمه دؤنوم.» و گلدئيي واخت اونو بوش، سوپورولموش، و بزنمئش تاپار.
او زامان گِدَر، اؤزوندن داها پئس اولان يدّي اؤزگه روحو اؤزو ائله گتئرر و اورايا گئرئب، ياشايارلار؛ و او آدامين آخير حالي اوّلکئندن داها پئس اولار. بو پئس نسئله ده بله اولاجاق."
عئسا خالقا حله دانيشيردي کي، آناسي و قارداشلاري اشئکده دوروب، اونونلا دانيشماق ائسته‌دئلر.
و بئري عئسايا ددي: "باخ، آنان و قارداشلارين چؤلده دوروبلار و ائسته‌يئرلر کی، سنئنله دانيشسينلار."
لاکئن عئسا بو سؤزو دئين آداما جاواب ورئب ددي: "منئم آنام و قارداشلاريم کئملردئر؟"
و الئني شاگئردلرئنه طرف اوزاديب ددي: "باخين، منئم آنام و قارداشلاريم!
چونکي کئم منئم گؤيلرده اولان آتامين ائرادهسئني يرئنه يتئرسه، منئم قارداشيم، باجيم، و آنام دا اودور."
او گون عئسا اِودن چيخدي و گدئب، گؤل قيراغيندا اوتوردو.
يانينا اله چوخ آدام ييغيلدي کي، اؤزو بئر قاييغا مئنئب، اورادا اَيلَشدي و بوتون خالق ساحئلده دوردو.
عئسا اونلارا مثللرله چوخ شي دانيشيب، ديئردي: "باخين، بئر اکئنچي توخوم سپمه‌يه چيخدي.
سَپَن واخت توخوملاردان بعضئسي يول قيراغينا دوشدو و قوشلار گلئب اونلاري يدئلر.
بعضئسي تورپاغي چوخ اولمايان داشليق يرلره دوشدو. تورپاغين درئنلئيي اولماديغينا گؤره، تز بئتدي.
لاکئن گون چيخان واخت سولدو و کؤکو اولماديغينا گؤره قورودو.
توخوملاردان بعضئسي تئکانلار آراسينا دوشدو. تئکانلار بئتئب، اونلاري بوغدولار.
آمّا قالانلاري ياخشي تورپاغا دوشدولر؛ بعضئسي بئره يوز، بعضئسي بئره آلتميش، بعضئسي ده بئره اوتوز ثمره وردئلر.
قولاغي اولان اشئتسئن."
شاگئردلر ياخينلاشيب، عئسايا ددئلر: "نه اوچون اونلارا مثللرله دانيشيرسان؟"
عئسا جاوابيندا اونلارا ددي: "سئزه بو قابئلئيّت ورئلئب کي، گؤيلرئن پادشاهليغينين سئرّلرئني آنلاسينيز، لاکئن اونلارا ورئلمه‌يئب.
چونکي کئمده وارسا، اونا داها چوخ ورئلهجک و او بوللوق ائچئنده اولاجاقدير؛ آمّا کئمده يوخسا، الئنده اولان دا اوندان آليناجاق.
اونلارا مثللرله دانيشديغيمين سببي بودور؛ دوغرودان دا کي، «گؤردوکلري حالدا گؤرمزلر، اشئتدئکلري حالدا اشئتمزلر، آنلامازلار دا.»
اشعيا پيغمبرئن اونلارين حاقّيندا ددئيي سؤز يرئنه يتئشئر کي، دمئشدي: «قولاغينيزلا اشئدرسئنئز، لاکئن باشا دوشمزسئنئز، گؤزلرئنئزله باخارسينيز، آمّا گؤرمزسئنئز،
چونکي بو خالقين اوره‌يي برک اولوب. قولاقلاري ائله آغير اشئدئرلر، گؤزلرئني يوموبلار کي، گؤزلري ائله گؤرمه‌سئنلر، قولاقلاري ائله اشئتمه‌سئنلر، اورکلري ائله آنلاييب منه دؤنمه‌سئنلر کي، من اونلارا شفا ورئم.»
لاکئن سئزئن گؤزلرئنئزئن خوش حالينا، چونکي گؤرورلر؛ قولاقلارينيزين خوش حالينا، چونکي اشئدئرلر.
دوغروسونو سئزه ديئرم: چوخ پيغمبرلر و صالح آداملار بو آرزودا اولدولار کي، سئزئن گؤردويونوز شيلري گؤرسونلر، آمّا گؤرمه‌دئلر؛ سئزئن اشئتدئيئنئز شيلري اشئتسئنلر، آمّا اشئتمه‌دئلر.
ائندي سئز اکئنچي حاقّينداکي مثله قولاق آسين:
کئم پادشاهليق بارهدهکي کلامي اشئدئب آنلاماسا، شرئر گلئب اوره‌يئنه سَپئلمئشي اوغورلايار. يول قيراغينا سپئلمئش بودور.
داشليق يرلره سپئلمئش اولان دا اودور کي، کلامي اشئدئر و آنَن اونو شادليقلا قبول ادئر.
لاکئن اؤز-اؤزونده کؤک سالماديغينا گؤره، آز بئر مودّت قالير و او زامان کي، بو کلامدان اؤتري دارليق و اذئيّت باش ورئر، آنَن بودره‌يئر.
تئکانلار آراسينا سپئلمئش اولان اودور کي، کلامي اشئدئر؛ آمّا دونيانين فئکئري و وارليليغين توولاتماسي کلامي بوغور و کلام ثمرهسئز اولور.
ياخشي تورپاغا سپئلمئش اولان دا اودور کي، کلامي اشئدئر، آنلايير؛ بعضئسي بئره يوز، بعضئسي بئره آلتميش، بعضئسي ده بئره اوتوز ثمره ورئر."
عئسا اونلارا آيري بئر مثل ده نقل ادئب ددي: "گؤيلرئن پادشاهليغي او آداما دا بنزر کي، زمئسئنه ياخشي توخوم سپدي.
آمّا آداملار ياتاندان سونرا، اونون دوشمني گلدي و بوغدالارين آراسينا آلاق اوت سپئب، گتدي.
بوغدا بؤيويوب ثمره وردئيي زامان، آلاقلار دا گؤروندو.
زمي صاحئبئنئن قوللاري گلئب اونا ددئلر: «آغا، مگر سن زمئيه ياخشي توخوم سپمه‌دئن، بس آلاق اوت هارادان عمله گلئب؟»
آغا قوللارا ددي: «بونو دوشمن ادئب.» قوللار اونا ددئلر: «اگر بلهدئر، ائستهيئرسن گدئب اونلاري ييغاق؟»
زمي صاحئبي ددي: «خير، مبادا آلاقلاري ييغان واخت، اونلارلا بوغداني دا قوپارداسينيز.
قويون بئچئنه قدر هر ائکئسي ده بؤيوسونلر. بئچئن واختي من بئچئنچئلره دئيرم: اوّلجه آلاق اوتلاري ييغين و يانديرماق اوچون اونلاري دسته-دسته باغلايين. آمّا بوغداني آنبارلاريما ييغين.»"
عئسا اونلارا آيري بئر مثل ده نقل ادئب ددي: "گؤيلرئن پادشاهليغي خاردال توخومونا بنزر کي، بئر آدام گؤتوروب، اونو زمئسئنده اکدي.
خاردال، بوتون توخوملارين لاپ کئچئيي اولسا دا، بؤيوين واخت باغچادا بئتن بوتون بئتکئلردن بؤيوک اولار؛ لاپ آغاج بويدا اولار. اله کي، گؤيون قوشلاري گلئب، اونون بوداقلاريندا يووا تئکرلر."
عئسا اونلارا آيري بئر مثل ده ددي: "گؤيلرئن پادشاهليغي خمئرماياسينا بنزر کي، بئر آرواد اونو گؤتوروب، اوچ اؤلچو اون ائچئنه قاتدي، اله کي، بوتون خمئر تورشولادي."
عئسا بوتون بو شيلري خالقا مثللرله ديئردي و اونلارا مثلسئز هچ بئر شي دمئردي کي،
نبي‌لر واسئطهسئله ديئلن بو سؤز يرئنه يتئشسئن: «آغزيمي مثللرله آچاجاغام، او شيلري بيان ادهجهيم کي، دونيا ياراناندان بري گئزلي‌دئر.»
او زامان عئسا خالقي بوراخيب، اِوه گتدي. شاگئردلري اونا ياخينلاشيب ددئلر: "زمئدهکي آلاق اوتون مثلئني بئزه آچيقلا."
عئسا جاوابيندا اونلارا ددي: "ياخشي توخومو سپن ائنسان اوغلودور؛
زمي دونيادير؛ ياخشي توخوم پادشاهليغين اؤولادلاريدير. آلاق اوتلاري دا شرئرئن اؤولادلاريديرلار
آلاق اوتو سَپَن دوشمن، ائبلئسدئر؛ بئچئن واختي بو عالمئن آخيري‌دير و بئچئنچئلر ملکلردئلر.
اونا گؤره نجه کي، آلاق اوتلار ييغيليب، اوددا يانديريلير، بو عالمئن آخيريندا دا اله اولاجاق.
ائنسان اوغلو ملکلرئني گؤندهرهجک و اونلار گوناها چکن بوتون شيلري و پئسلئک ادن هر آدامي اونون پادشاهليغيندان ييغاجاقلار.
و اونلاري اود تندئرئنه آتاجاقلار. اورادا آغلاشما و دئش قيجيرتماسي اولاجاقدير.
او واخت صالح آداملار آتالارينين پادشاهليغيندا گون کئمي شاخاجاقلار. قولاقلاري اولان قوي اشئتسئن.
گؤيلرئن پادشاهليغي زمئده گئزله‌دئلن بئر خزئنهيه بنزر کي، بئر آدام اونو تاپيب گئزلتدي. و شادليقلا گدئب، بوتون وار-يوخونو ساتدي و او زمئني آلدي.
گئنه، گؤيلرئن پادشاهليغي گؤزل مئرواري آختاران بئر تاجئره بنزر کي،
چوخ قئيمتلي بئر مئرواري تاپيب، گتدي و بوتون وار-يوخونو ساتيب، اونو آلدي.
گئنه، گؤيلرئن پادشاهليغي دهنزه آتيلان بئر تورا بنزر کي، هر جور باليق توتدو.
دولدوغو زامان اونو ساحئله چکدئلر و اوتوروب، ياخشيلاري قابلارا ييغديلار و پئسلري اِشئيه آتديلار.
بو عالمئن آخيريندا دا بله اولاجاق. ملکلر گلئب، پئسلري صالح آداملارين آراسيندان آييراجاقلار
و اونلاري اود تندئرئنه آتاجاقلار. اورادا آغلاشما و دئش قيجيرتماسي اولاجاقدير.
آيا بوتون بو شيلري آنلادينيز؟" اونلار عئسايا ددئلر: "بلي."
عئسا دا اونلارا ددي: "بونا گؤره، هر دئن عالئمي کي، گؤيلرئن پادشاهليغينا گؤره تعلئم تاپيب، بئر اِو صاحئبئنه بنزر کي، خزئنهسئندن تزه و کؤهنه شيلر چيخاردير."
عئسا بو مثللري بئتئرندن سونرا اورادان آيريلدي.
و اؤز دئيارينا گلئب، اوراداکي کنئسهلرده خالقا تعلئم ورئردي. اله کي، اونلار حيران قاليب ديئردئلر: "بو آدام بله حئکمتي، بله موجوزهلي قودرتي هارادان آليب؟
مگر بو، دولگر اوغلو ديئل؟ مگر آناسينين آدي مريم ديئل؟ مگر قارداشلاري يعقوب، يوسئف، شمعون و يهودا ديئللر؟
مگر بوتون باجيلاري آراميزدا ديئللر؟ بس بو آداما بوتون بو شيلر هارادان گلدي؟"
و اوندان ناراحات اولدولار. لاکئن عئسا اونلارا ددي: "هچ بئر پيغمبر هچ يرده حؤرمتسئز ديئل، مگر اؤز وطنئنده و اؤز اِوئنده."
و اونلارين ائمانسيزليغي اوزوندن اورادا چوخ مؤجوزه اتمهدي.
او زامان هئرود تِترارخ عئسانين حاقّيندا اولان خبرلري اشئتدي
و نؤکرلرئنه ددي: "بو، تعمئد ورن يحيادير؛ او، اؤلولردن دئرئلئب. بونا گؤره ده اوندا بله مؤجوزهلي قودرت گؤرونور."
هئرود، يحياني قارداشي فئلئپئن آروادي هئرودئياسين اوزوندن توتموشدو و باغلاييب، زئندانا آتميشدي.
چونکي يحيا هئرودا دمئشدي: "اونونلا اِولَنمک سنه جائز ديئل."
هئرود ائسته‌مئشدي کي، يحياني اؤلدورسون، لاکئن خالقدان قورخموشدو؛ چونکي خالق يحياني پيغمبر ساييردي.
هئرودون آنادان اولان گونو، هئرودئياسين قيزي مجلئسده اوينادي و بو دا هئرودون خوشونا گلدي.
بو سببدن ده آند ائچئب وعده وردي کي، قيز نه ائسته‌سه، اونا ورهجک.
آمّا قيز آناسينين تحرئکي ائله ددي: "تعمئد ورن يحيانين باشيني بورادا بئر سئني ائچئنده منه ور."
پادشاه قمگئن اولدو؛ آمّا آند ائچدئيئنه و مجلئسده اوتورانلارا گؤره امر اتدي کي، قيزين ائسته‌دئيئني ورسئنلر.
و آدام گؤنده‌رئب، زئنداندا يحيانين باشيني کسدئردي.
يحيانين باشي بئر سئني ائچئنده گتئرئلدي و قيزا ورئلدي. قيز دا آناسينا آپاردي.
يحيانين شاگئردلري گلدئلر، و اونون بدنئني گؤتوروب باسديرديلار. و گلئب عئسايا بو بارهده خبر وردئلر.
عئسا بونو اشئدئب، اورادان تک باشينا قاييقلا ساکئت بئر يره گتدي. خالق بونو اشئدن واخت، شهرلردن پئيادا اونون دالينجا گتدي.
عئسا قاييقدان اِنَنده بؤيوک بئر جاماعاتي گؤردو و اونلارا يازيغي گلئب، ناخوشلارينا شفا وردي.
آخشاما ياخين، شاگئردلر اونون يانينا گلئب ددئلر: "بورا چولدور، واخت دا آرتيق گِجدئر؛ خالقي مورخّص ات کي، کندلره گدئب اؤزلرئنه يمک آلسينلار."
آمّا عئسا اونلارا ددي: "گتمکلري لازيم ديئل. اونلارا سئز يمک ورئن."
شاگئردلر عئسايا ددئلر: "بورادا بش چؤرک و ائکي باليقدان باشقا بئر شيئمئز يوخدور."
عئسا ددي: "اونلاري بورايا منئم يانيما گتئرئن."
و خالقا امر اتدي کي، اوت اوستونده اوتورسونلار. بش چؤرکله ائکي باليغي گؤتوردو، گؤيه باخيب، برکتله‌دي و چؤرکلري بؤلوب شاگئردلره وردي، شاگئردلر ده خالقين آراسيندا پايلاديلار.
هامي يِيئب دويدو و آرتيق قالان تئکهلردن اونائکي دولو سبد ييغديلار.
يئين آداملارين ساييسي، آروادلار و اوشاقلاردان باشقا، بش مئن نفره ياخين ائدي.
عئسا آنَن شاگئردلرئنه امر اتدي کي، قاييغا مئنئب، اؤزوندن قاباق او تايا گتسئنلر کي، او دا جاماعاتي مورخّص اتسئن.
خالقي يولا سالاندان سونرا، عئسا دوعا اتمک اوچون تک باشينا داغا چيخدي؛ آخشام دوشن واخت، اورادا تک ائدي.
بو آرادا، قاييق ساحئلدن چوخ اوزاقدا، کوله‌يئن اوزلرئنه اَسدئيي اوچون، شپهلرله دؤيوشوردو.
گجهنئن دؤردونجو نؤوبهسئنده عئسا گؤلون اوستونده يرئيه-يرئيه اونلارين يانينا گلدي.
لاکئن شاگئردلر اونون گؤل اوستونده يرئمه‌سئني گؤرن واخت قورخوب ددئلر: "بو بئر روحدور." و دهشتدن چيغيرماغا باشلاديلار.
آمّا عئسا او آندا اونلارلا دانيشيب ددي: "اوره‌يئنئز اوزولمه‌سئن. منم، قورخمايين."
پطروس اونون جاوابيندا ددي: "يارب، اگر سنسن، امر ات کي، سو اوزونده سنئن يانينا گلئم."
عئسا ددي: "گل." پطروس دا قاييقدان چيخيب، عئسانين يانينا گتمک اوچون سو اوستونده يرئمه‌يه باشلادي.
آمّا کوله‌يئن شئدّتلي اَسدئيئني گؤرن واخت قورخدو و باتماغا باشلاياندا چيغيردي: "يارب، منه نئجات ور."
عئسا او آندا الئني اوزاديب، اونو توتدو و ددي: "اي آز ائمانلي آدام، نه اوچون شک اتدئن؟"
و قاييغا مئندئکلري زامان کولک ساکئتلشدي.
قاييقدا اولانلار گلدئلر و اونا سجده ادئب ددئلر: "دوغرودان دا سن تارينين اوغلوسان."
اونلار گؤلون او تايينا کچئب، جِنئسارِت دئيارينا گلدئلر.
او يرئن آداملاري، عئساني تانيديقلاري زامان، اطرافا خبر يايديلار و ناخوش آداملارين هاميسيني عئسانين يانينا گتئردئلر.
و اونا يالوارديلار کي، آنجاق پالتارينين اَته‌يئنه توخونماغا ائجازه ورسئن. و توخونانلارين هاميسي صاغالدي.
او زامان فرئسئلر و دئن عالئملري اورشلئمدن عئسانين يانينا گلئب ددئلر:
"نه اوچون شاگئردلرئن، آغساقّاللارين حدئثئني پوزورلار؟ چونکي چؤرک يئين زامان اَللرئني يومورلار؟"
عئسا جاوابيندا اونلارا ددي: "بس سئز نه اوچون اؤز حدئثئنئزدن اؤتري تارينين امرئني پوزورسونوز؟
چونکي تاري بويوروب: «آتانا و آنانا حؤرمت ات» و «آتاسينا يا دا آناسينا يامان دئين آدام گرک اؤلدورولسون.»
لاکئن سئز ديئرسئنئز: «کئم آتاسينا يا دا آناسينا دسه: مندن سنه يتئشن کؤمک تارييا تقدئم ادئلئب،
آرتيق آتاسينا حؤرمت اتمک مجبورئيّتئنده ديئل.» بلجه سئز، اؤز حدئثلرئنئزدن اؤتري تارينين امرئني باطئل ادئرسئنئز.
اي رئياکارلار! اشعيا پيغمبر سئزئن اوچون نه ياخشي ديئب:
«بو خالق دوداقلاري ائله منه حؤرمت ادئر، آمّا اورکلري مندن اوزاقدير.
منه بوش يره عئبادت ادئرلر، چونکي ائنسان امرلرئني، احکام آديندا تعلئم ورئرلر.»"
عئسا جاماعاتي يانينا چاغيريب، اونلارا ددي: "قولاق آسين و آنلايين!
آغيزا گئرن شي، ائنساني ناپاک اتمز؛ آغيزدان چيخان شيدئر کي، ائنساني ناپاک ادر."
او واخت شاگئردلر گلئب، اونا ددئلر: "آيا بئلئرسن کي، فرئسئلر بو سؤزو اشئدن واخت حئرصلَندئلر؟"
عئسا جاواب ورئب، اونلارا ددي: "گؤيدهکي آتامين اَکمه‌دئيي هر بئتکي، کؤکوندن قوپاريلاجاق.
اونلاري بوراخين. اونلار کورلارين کور بلدچئلري‌دئرلر؛ کور، کورا يول گؤرسدسه، هر ائکئسي ده قويويا دوشر."
پطروس عئسايا جاواب ورئب ددي: "بئزه بو مثلي آچيقلا."
عئسا ددي: "آيا سئز ده حله باشا دوشمه‌يئبسئنئز؟
آنلاميرسينيز کي، آغيزا گئرن هر شي آدامين قارنينا گدئر و ائفراز اولونور؟
آمّا آغيزدان چيخان، اورکدن چيخار و ائنساني ناپاک ادر.
چونکي اورکدن پئس فئکئرلر، آدام اؤلدورمک، زئناکارليق، عئفّتسئزلئک، اوغورلوق، يالانچي شاهئدلئک و کوفر چيخار.
ائنساني ناپاک ادن شيلر بونلاردير. يويولماميش اللرله يمک، ائنساني ناپاک اتمز."
عئسا اورادان چيخيب، صور و صيدون بؤلگهسئنه گتدي.
کَنَعانلي بئر آرواد او طرفلردن گلئب، چيغيرا-چيغيرا ددي: "آغا، اي داوود اوغلو، منه يازيغين گلسئن. قيزيم ائبلئس اَلئنه توتولوب و پئس بئر حالدادير."
لاکئن عئسا جاوابيندا اونا بئر سؤز بله دمه‌دي. شاگئردلري عئسانين يانينا گلئب اونا يالوارديلار: "بونو مورخّص ات، گتسئن. آرخاميزدان باغيريب گلئر."
عئسا جاواب ورئب ددي: "من آنجاق ائسرايئل اوئنئن ائتمئش اولان قويونلارينين يانينا گؤنده‌رئلمئشم."
آمّا آرواد ياخينلاشدي و اونا سجده ادئب ددي: "يارب، منه ائمداد ات."
عئسا جاواب ورئب ددي: "اوشاقلارين چؤره‌يئني آليب، ائتلره آتماق روا ديئل."
آرواد ددي: "حاقلي‌سان يارب، آمّا ائتلر ده صاحئبلرئنئن سوفرهسئندن دوشن تئکهلردن يئيرلر."
او واخت عئسا جاواب ورئب آروادا ددي: "آرواد، ائمانين بؤيوکدور. سنه ائسته‌دئيئن کئمي اولسون." و اونون قيزي او ساعاتدا صاغالدي.
عئسا اورادان چيخيب، جلئل گؤلونون ياخينليغينا گلدي و داغين باشينا چيخيب اورادا اوتوردو.
اونون يانينا بؤيوک بئر جاماعات ييغيلدي و آرالاريندا توپاللار، چولاقلار، کورلار، لاللار، و بونلاردان باشقا چوخلاري دا وار ائدي. اونلاري عئسانين آياقلاري يانينا قويدولار و عئسا اونلارا شفا وردي.
خالق لاللاري دانيشان، چولاقلاري صاغ، توپاللاري يرئين، و کورلاري گؤرن زامان تعجّوب ادئب ائسرايئلئن تاريسينا حمد اتدئلر.
عئسا شاگئردلرئني يانينا چاغيريب ددي: "خالقا اوره‌يئم يانير، چونکي اوچ گوندور کي، يانيمداديرلار و يمه‌يه هچ بئر شيلري يوخدور.ائسته‌مئرم اونلاري آج بوراخيم، مبادا يولدا طاقتدن دوشسونلر."
شاگئردلري اونا ددئلر: "چؤلده بو قدر جاماعاتي دويورماق اوچون چؤره‌يي هارادان تاپاق؟!"
عئسا اونلارا ددي: "نچه چؤرهيئنئز وار؟" ددئلر: "يدّي چؤرک و بئر نچه کئچئک باليغيميز وار."
او واخت عئسا خالقا امر اتدي کي، يره اوتورسونلار.
يدّي چؤرکله باليقلاري گؤتوروب شوکور اتدي و بؤلوب شاگئردلرئنه وردي. شاگئردلر ده خالقا پايلاديلار.
هامي ييئب دويدو و آرتيق قالان تئکهلردن يدّي دولو زنبئل ييغديلار.
يئينلر آروادلار و اوشاقلاردان باشقا دؤرد مئن نفر ائدئلر.
عئسا خالقي مورخّص اتدي و قاييغا مئنئب مجدل دئيارينا گلدي.
فرئسئلر‌له صادوقئلر ياخينلاشيب، عئساني ائمتاحان اتمک اوچون اوندان ائسته‌دئلر کي، اونلارا گؤيدن بئر علامت گؤرسدسئن.
آمّا عئسا اونلارا جاواب ورئب ددي: "آخشام اولاندا ديئرسئنئز کي، «هاوا ائستي اولاجاق، چونکي گؤي قيزاريبدير.»
سحر واختي دا ديئرسئنئز: «بو گون کولک اولاجاق، چونکي گؤي قيزارميش و توتقوندور.» گؤيون حاليني سچه بئلئرسئنئز، لاکئن زامانين علامتلرئني سچه بئلمئرسئنئز؟
پئس و زئناکار نسئل بئر علامت آختارير؛ لاکئن اونا يونوس پيغمبرئن علامتئندن باشقا بئر علامت ورئلمه‌يهجک." و اونلاري بوراخيب گتدي.
شاگئردلر گؤلون او تايينا کچنده، چؤرک گؤتورمه‌يي ياددان چيخارتميشديلار.
عئسا اونلارا ددي: "دئقّتلي اولون! فرئسئلر و صادوقئلرئن خمئرماياسيندان اؤزونوزو اوزاق ساخلايين."
شاگئردلر آرالاريندا موباحئثه ادئب ديئردئلر: "چؤرک گؤتورمه‌دئيئمئزه گؤره بله ديئر."
عئسا بونو باشا دوشوب اونلارا ددي: "اي آز ائمانليلار! نه اوچون چؤرک گؤتورمه‌دئيئنئز حاقدا آرانيزدا موباحئثه ادئرسئنئز؟
حله آنلاميرسينيز؟ بش مئن آدام اوچون بش چؤره‌يي و نچه سبد ييغديغينيزي خاطيرلاميرسينيز؟
دؤرد مئن آدام اوچون يدّي چؤره‌يي و نچه زنبئل ييغديغينيزي دا خاطيرلاميرسينيز؟
نجه آنلاميرسينيز کي، من سئزه فرئسئلرئن و صادوقئلرئن خمئرماياسيندان اؤزونوزو اوزاق ساخلايين دئينده، چؤره‌يي نظرده توتماميشديم؟"
او زامان شاگئردلر آنلاديلار کي، چؤرک ماياسيندان يوخ، فرئسئلرئن و صادوقئلرئن تعلئمئندن اوزاق قالماقلاريني نظرده توتموشدو.
عئسا فئلئپ قيصرئيهسي طرفلرئنه گلدئيي زامان، اؤز شاگئردلرئندن سوروشدو: "خالق ائنسان اوغلونون کئم اولدوغونو ديئر؟"
اونلار جاواب وردئلر: "بعضئلري تعمئد ورن يحيا، بعضئلري ائليا، بعضئلري ده ارميا و يا پيغمبرلردن بئرئسي ديئرلر."
عئسا اونلارا ددي: "سئز منئم کئم اولدوغومو ديئرسئنئز؟"
شمعون پطروس جاواب ورئب ددي: "سن دئري تارينين اوغلو مسئحسن."
عئسا اونا ددي: «خوش سنئن حالينا، اي يونا اوغلو شمعون! چونکي بونو سنه بئلدئرن جئسم و قان يوخ، گؤيلرده اولان آتامدير.
من ده سنه ديئرم کي، سن پطروسسان و من کئلئسامي بو داش اوستونده بئنا اِدهجه‌يم و اؤلولر دئيارينين قاپيلاري اونا قالئب گله بئلمهيهجکلر.
گؤيلرئن پادشاهليغينين آچارلاريني سنه ورهجهيم؛ ير اوزونده باغلاديغين هر شي، گؤيلرده باغلانميش اولور و ير اوزونده آچاجاغين هر شي، گؤيلرده آچيلميش اولور."
او واخت عئسا شاگئردلرئنه جئدّي تاپشيردي کي، اونون مسئح اولدوغونو هچ کسه دمه‌سئنلر.
بو زاماندان عئسا باشلاييب شاگئردلرئنه خبر وردي کي، اونون اورشلئمه گتمه‌سي، آغساقّاللار، باش کاهئنلر، و دئن عالئملرئنئن الئندن چوخ عذاب چکمه‌سي، اؤلدورولمه‌سي، و اوچونجو گونده دئرئلمه‌سي لازيمدير.
پطروس اونو بئر يانا چکدي و اعتئراض ادئب ددي: "حاشا آغا! سنئن باشينا بله بئر شي اصلا گلمز!"
آمّا عئسا دؤنوب پطروسا ددي: "مندن ردّ اول شيطان! سن مني بودرهدن داشسان، چونکي سنئن فئکئرلرئن تارينين فئکئرلري ديئل، ائنسانين فئکئرلري‌دئر."
او زامان عئسا شاگئردلرئنه ددي: "کئم ائستهيئر منئم داليمجا گلسئن، گرک اؤزونو ائنکار اتسئن و چارميخيني گؤتوروب داليمجا گلسئن.
چونکي کئم جانيني خئلاص اتمک ائسته‌سه، اونو ائتئرهجک؛ لاکئن کئم جانيني منئم يولومدا ائتئرسه، اونو قازاناجاقدير.
آداما نه فايداسي وار کي، بوتون دونيايا صاحئب اولسون، آمّا جانيني ائتئرسئن. و يا ائنسان اؤز جاني عوضئنه نه وره بئلر؟
چونکي ائنسان اوغلو آتاسينين شؤوکتئنده اؤز ملکلری ائله گلهجک و او زامان هر کسه اؤز عملئنه گؤره عوض ورهجک.
دوغروسونو سئزه ديئرم: بورادا دورانلاردان بعضئسي وار کي، ائنسان اوغلونون اؤز پادشاهليغيندا گلمه‌سئني گؤرمه‌دن اؤلومو دادماياجاق."
عئسا آلتي گوندن سونرا پطروس، يعقوب، و قارداشي يوحنّاني اؤزو ائله گؤتوروب، اونلاري آيريجا اوجا بئر داغين باشينا آپاردي.
اونلارين قاباغيندا عئسانين گؤرونوشو ديئشئلدي؛ اوزو گون کئمي پارلادي و پالتاري ائشيق کئمي آغ اولدو.
بئردن شاگئردلرئن گؤزونه عئسا ائله موسا و ائليا گؤروندولر. اونلار عئسا ائله صؤحبت ادئردئلر.
پطروس عئسايا ددي: "يارب، بورادا اولماغيميز نه ياخشي اولدو! اگر ائستهيئرسن، بورادا اوچ چادير قوراق؛ بئري سنه، بئري موسايا، بئري ده ائليايا."
پطروس حله دانيشيردي کي، نورلو بئر بولود اونلارين اوستونه کؤلگه سالدي. بئردن بولودلاردان بئر سس ددي: "بو منئم سوگئلي اوغلومدور. اوندان چوخ راضييام. اونا قولاق آسين."
شاگئردلر بونو اشئدن واخت، قورخو ائچئنده اوزو-اوسته يره ييخيلديلار.
عئسا گلدي و اونلارا اَل قويوب ددي: "قالخين، قورخمايين."
اونلار دا گؤزلرئني قالديرديلار و عئسادان باشقا هچ کسي گؤرمه‌دئلر.
داغدان اِنَن واخت، عئسا شاگئردلرئنه امر ادئب ددي: "ائنسان اوغلونون اؤلولردن دئرئلمه‌سئنه کئمي، گؤردويونوزو هچ کئمه دمه‌يئن."
شاگئردلري اوندان سوروشدولار: "اگر اِلهدئر، بس نه اوچون دئن عالئملري ديئرلر کي، اوّلجه ائليا گلمه‌لي‌دئر؟"
عئسا جاواب ورئب ددي: "دوزدور، اوّلجه ائليا گلهجک و هر شيي قايدايا سالاجاقدير.
آمّا سئزه ديئرم: ائليا گلدي و اونو تانيماديلار. لاکئن ائستهدئکلري هر شيي اونا اتدئلر. ائنسان اوغلو دا اونلارين اَلئندن اله عذاب چکهجک."
شاگئردلر او زامان باشا دوشدولر کي، عئسا بو سؤزلري اونلارا، تعمئد ورن يحيا حاقّيندا ديئردي.
خالقين يانينا يتئشن زامان، بئر آدام گلدي و عئسانين قاباغيندا دئز چؤکوب ددي:
"يارب! اوغلوما يازيغين گلسئن، چونکي غشّئدئر و چوخ اذئيّت چکئر، چونکي تز-تز گاه اودا، گاه دا سويا دوشور.
اونو سنئن شاگئردلرئنئن يانينا گتئردئم، لاکئن صاغالدا بئلمه‌دئلر."
عئسا جاواب ورئب ددي: "اي ائمانسيز و ترسه نسئل! داها نه واختا قدر سئزئنله اولاجاغام؟ نه واختا قدر سئزه دؤزهجه‌يم؟ اونو منئم يانيما گتئرئن."
و ائبلئسه آجيقلاندي و ائبلئس اوشاقدان اشئيه چيخدي. اوغلان او آندا صاغالدي.
سونرا شاگئردلر، تک اولان زامان، عئسانين يانينا گلئب ددئلر: "نه اوچون بئز اونو چيخاردا بئلمه‌دئک؟"
عئسا اونلارا ددي: "ائمانينيزين آز اولدوغو اوچون. دوغروسونو سئزه ديئرم: اگر بئر خاردال توخومو قدر ائمانينيز اولا و بو داغا «بورادان اورايا کؤچ» دئيهسئنئز، داغ کؤچر. سئزئن اوچون مومکون اولمايان هچ بئر شي اولماز.
(لاکئن بو جئنس چيخماز، مگر دوعا و اوروجلا.)"
جلئلده اولان زامان، عئسا اونلارا ددي: "ائنسان اوغلو آداملارين الئنه تسلئم ادئلهجک،
اونو اؤلدورهجکلر و اوچونجو گون دئرئلهجکدئر." شاگئردلر بونا چوخ پرت اولدولار.
کفرناحوما گلدئکلري واخت، معبد وِرگئسئني ييغانلار پطروسا ياخينلاشيب ددئلر: "سئزئن اوستادينيز ائکي دئرهم ورگئني ورمئر؟"
پطروس ددي: "ورئر." اِوه گلن زامان، عئسا اونو قاباقلاييب ددي: "شمعون، سن نجه دوشونورسن؟ يرئن پادشاهلاري ورگي، يا دا باجي کئملردن آليرلار؟ اؤز اوغوللاريندان، يوخسا قرئبلردن؟"
پطروس اونا ددي: "قرئبلردن." عئسا دا اونا ددي: "اگر بلهدئر، اوندا اوغوللار آزادديرلار.
لاکئن اونلاري ائنجئتمه‌يک. گؤله گت و چنگلئني آت. ائلک چيخان باليغي گؤتور؛ اونون آغزيني آچ، دؤرد دئرهملئک تاپارسان. اونو گؤتور، منئمله سئزئن عوضئنئزده اونلارا ور."
او زامان شاگئردلر عئسانين يانينا گلئب ددئلر: "گؤيلرئن پادشاهليغيندا لاپ بؤيوک کئمدئر؟"
عئسا بئر اوشاغي يانينا چاغيردي و اونو اورتايا قويوب،
ددي: "دوغروسونو سئزه ديئرم، اگر سئز دؤنوب کؤرپه اوشاقلار کئمي اولماياسينيز، گؤيلرئن پادشاهليغينا اصلا گئره بئلمزسئنئز.
اونا گؤره، کئم اؤزونو بو اوشاق کئمي آلچاق اِتسه، گؤيلرئن پادشاهليغيندا لاپ بؤيوک اودور.
و کئم بله بئر اوشاغي منئم آديمين خاطئري اوچون قبول اتسه، مني قبول اتمئش اولور.
آمّا کئم منه ائنانان بو کئچئکلردن بئرئني بودره‌تسه، اونون اوچون داها ياخشي اولار کي، بوينونا ائري بئر ديئرمان داشي آسيب، دهنزئن دئبئنه آتيلسين.
ائنسانلاري بودرهدن شيلر اوچون واي بو دونيانين حالينا! بله شيلرئن گلمه‌سي گرکدئر، لاکئن واي او آدامين حالينا کي، بو شيلر اونون واسئطهسئله گلئر.
اگر اَلئن، يا دا آياغين سني پئس يولا چکئر، اونو کس و اؤزوندن آت؛ سنئن اوچون توپال يا دا چولاق حياتا گئرمک، ابدي اودا ائکي اَل يا دا ائکي آياقلي آتيلماقدان داها ياخشيدير.
اگر گؤزون سني پئس يولا چکئر، اونو چيخارت و اؤزوندن آت؛ سنئن اوچون حياتا تک گؤزلو گئرمک، جهنّم اودونا ائکي گؤزلو آتيلماقدان داها ياخشيدير.
دئقّت ادئن کي، بو کئچئکلردن بئرئنه بله حقارتله باخماياسينيز. چونکي سئزه ديئرم، گؤيده، اونلارين ملکلري، گؤيده اولان آتامين اوزونو دائم گؤرورلر.
چونکي ائنسان اوغلو گلئب کي، ائتمئش اولانلاري نئجات ورسئن.
سئز نه گومان ادئرسئنئز؟ اگر بئر آدامين يوز قويونو اولسا و اونلاردان بئري يولونو آزسا، مگر دوخسان‌دوقّوزونو داغلاردا قويوب، ائتمئئش قويونو آختارماغا گتمز؟
و اگر اونو تاپا بئلسه، دوغروسونو سئزه ديئرم، او، يولونو آزمايان دوخسان‌دوقّوزوندان داها چوخ، اونون اوچون سوئنر.
بلجه ده، گؤيلرده‌کي آتانيزين اله بئر ائسته‌يي يوخدور کي، بو کئچئکلردن بئري هلاک اولسون. قارداش خاطاسي
اگر قارداشين سنئن حاقّيندا خاطا اتسه، گت و خاطاسيني اونا گؤرسد. هر شي آنجاق اؤز آرانيزدا قالسين. اگر سنه قولاق آسسا، قارداشيني قازانيبسان.
آمّا اگر قولاق آسماسا، يانينا داها بئر و يا ائکي نفر آل کي، ديئلن هر سؤز ائکي و يا اوچ شاهئدئن آغزي ائله تصدئق اولونسون.
و اگر اونلارين سؤزونه قولاق آسماق ائستمه‌سه، کئلئسايا ده. اگر کئلئسانين سؤزونه ده قولاق آسماق ائستمه‌سه، قوي او سنئن اوچون بوتپرست و يا باج ييغان کئمي اولسون.
دوغروسونو سئزه ديئرم؛ ير اوزونده باغلاديغينيز هر شي، گؤيده باغلانميش اولاجاق. و ير اوزونده آچديغينيز هر شي، گؤيده آچيلميش اولاجاق.
سئزه گئنه ديئرم کي، اگر سئزدن ائکي نفر ير اوزونده ائستيهجکلري هر هانسي بئر شي اوچون موتّفئق اولالار، گؤيلرده اولان آتام اونلار اوچون ادهجک.
چونکي هارادا ائکي و يا اوچ نفر منئم آديمدا بئر يره ييغيلسالار، من اورادا، اونلارين آراسيندايام."
او زامان پطروس گلئب عئسايا ددي: "يارب، قارداشيم منئم حاقّيمدا نچه دفه خاطا اتسه، اونو باغيشلامالي‌يام، يدّي دفه؟"
عئسا اونا ددي: "سنه ديئرم: يدّي دفه يوخ، يتمئش دفه يدّي دفه!
چونکي گؤيون پادشاهليغي او پادشاها بنزر کي، نؤکرلری ائله حسابلاشماق ائسته‌دي.
حسابلاشماغا باشلاديغي زامان، اونون يانينا بئر نؤکر گتئرئلدي کي، اون مئن تالانت بورجو وار ائدي.
بورجونو ورمه‌يه بئر شيي اولماديغي اوچون، آغاسي امر وردي کي، او، آروادي و اوشاقلاري و بوتون وار-يوخو ساتيلسين و بورجو گري آلينسين.
او زامان نؤکر يره دوشدو و اونا سجده ادئب ددي: «منه مؤهلت ور، بورجومون هاميسيني ورهرم.»
آغاسينين قولا رحمي گلدي. اونو آزاد ادئب، بورجونو دا باغيشلادي.
آمّا او نؤکر چؤله چيخيب، اونا يوز دئنار بورجلو اولان بئر يولداشيني تاپدي. اونو ياخالادي و بوغازيندان ياپيشيب ددي: «بورجونو ور!»
يولداشي آياقلارينا دوشوب يالواردي: «منه مؤهلت ور، بورجومو ورهرم.»
لاکئن نؤکر قبول اتمهيئب، بورجونو وره‌نه قدر اونو زئندانا سالديردي.
بو آدامين يولداشلاري، باش وِرَن حادئثهني گؤرن واخت، چوخ پرت اولدولار و گدئب بوتون اولانلاري آغالارينا خبر وردئلر.
او زامان آغاسي نؤکري يانينا چاغيريب، ددي: «اي پئس نؤکر، يالوارديغين اوچون بوتون او بورجو سنه باغيشلاديم.
من سنه رحم اتدئيئم کئمي، مگر سن ده يولداشينا رحم اتمه‌لي ديئلدئن؟!»
و قضبله‌نئب بوتون بورجونو وره‌نه قدر، اونو ائشکنجه ورنلرئن الئنه وردي.
گؤيده اولان آتام دا سئزه اله ادهجک، اگر سئزلردن هر بئرئنئز ده قارداشينيزين خاطاسيني اورکدن باغيشلاماياسينيز."
عئسا بو سؤزلري بئتئرندن سونرا، جلئلدن چيخيب اوردونون او بئري تايينا، يهودئيه دئيارينا گلدي.
بؤيوک بئر جاماعات اونون دالينجا گتدي و عئسا اورادا اونلارا شفا وردي.
فرئسئلر اونو ائمتاحان اتمک اوچون اونون يانينا گلئب ددئلر: "آيا کئشئيه جائزدئر کي، آرواديني هر سببه گؤره بوشاسين؟"
عئسا جاواب ورئب ددي: "مگر اوخوماييبسينيز کي، «باشلانيشدا خالئق اونلاري کئشي و آرواد ياراتدي.»
و ددي: «بونا گؤره کئشي آتا-آناسيندان آيريليب، آروادينا ياپيشاجاق و ائکئسي بئر بدن اولاجاقلار.»
اله کي، اونلار آرتيق ائکي يوخ، بئر بدندئرلر. بلجه، تارينين بئرلشدئردئيئني، ائنسان آييرمامالي‌دير."
اونلار عئسايا ددئلر: "اگر بلهدئر، بس نه اوچون موسا ديئب کي، اَر، آروادينا بئر بوشانما کاغيذي ورئب، اونو بوشايا بئلر؟"
عئسا اونلارا ددي: "اورکلرئنئزئن برکلئيئنه گؤره موسا ائجازه وردي کي، آروادلارينيزي بوشايا بئلهسئنئز. لاکئن باشلانيشدان بله ديئلدي.
سئزه ديئرم: کئم آرواديني زئنادان باشقا اؤزگه بئر سببه گؤره بوشاييب، آيري بئر آروادلا اِولنسه، زئنا ادئر."
شاگئردلر عئسايا ددئلر: "اگر اَرله آروادي آراسينداکي موناسئبت بلهدئر، دمه‌لي اولنمهمک داها ياخشيدير."
آمّا عئسا اونلارا ددي: "هرکس بو سؤزو قبول اده بئلمز، مگر او آداملار کي، بو قابئلئيّت اونلارا ورئلئب.
چونکي اله خاجهلر وار کي، آنا قارنيندان اله دوغولوبلار؛ و اله خاجهلر ده وار کي، ائنسانلار طرفئندن اله ادئلئبلر. گؤيون پادشاهليغي اوچون اؤزلرئني خاجه سايانلار دا واردير. بونو قبول اده بئلن قبول اتسئن."
او واخت اوشاقلار عئسانين يانينا گتئرئلدي کي، اونلارا ال قويوب برکت ورسئن، آمّا شاگئردلري اونلارا آجيقلانديلار.
عئسا ددي: "قويون اوشاقلار منئم يانيما گلسئنلر! اونلارا مانع اولمايين، چونکي گؤيون پادشاهليغي بلهلرئنکئدئر."
و اونلارين اوستونه ال قويوب، اورادان گتدي.
بئر آدام عئسانين يانينا گلئب ددي: "اوستاد! ابدي حياتا مالئک اولماق اوچون نه ياخشي عمل اتملي‌يَم؟"
عئسا اونا ددي: "نه اوچون نه‌يئن ياخشي اولدوغو بارهده مندن سوروشورسان؟ فقط واحئد اولاندير کي، ياخشيدير. لاکئن اگر ابدي حياتا گئرمک ائستهيئرسن، احکامي يرئنه يتئر."
آدام عئسايا ددي: "هانسي احکامي؟" عئسا دا ددي: "آدام اؤلدورمه؛ زئنا اتمه؛ اوغورلوق اتمه؛ يالان شهادت ورمه؛
آتا و آنانا حؤرمت ات؛ و قونشونو اؤزون کئمي سو."
جاوان اوغلان عئسايا ددي: "بوتون بونلاري يرئنه يتئرمئشم، داها نه‌يئم اسکئکدئر؟"
عئسا اونا ددي: "اگر کامئل اولماق ائستهيئرسن، گت نه‌يئن وارسا سات، يوخسوللارا پايلا. گؤيده خزئنن اولاجاق. سونرا گل، منه پيرو اول."
آمّا جاوان اوغلان بو سؤزو اشئدن واخت، پرت اولوب گتدي، چونکي چوخ مال-دؤولتي وار ائدي.
عئسا شاگئردلرئنه ددي: "دوغروسونو سئزه ديئرم: وارلي آدام گؤيون پادشاهليغينا چتئنلئکله گئرهجک.
گئنه سئزه ديئرم: دَوهنئن ائينه دِشئيئندن کچمه‌سي، وارلي بئر آدامين تارينين پادشاهليغينا گئرمه‌سئندن داها آساندير."
شاگئردلري بونو اشئدنده چوخ تعجّوب ادئب ددئلر: "بس کئم نئجات تاپا بئلر؟!"
عئسا اونلارا باخيب ددي: "ائنسانلار اوچون بو، قِيريمومکوندور، لاکئن تاري اوچون هر شي مومکوندور."
او واخت پطروس اونا جاواب ورئب ددي: "باخ، بئز هر شيي آتيب سنئن دالينجا گلمئشئک، اگر بلهدئر، بس بئزئم نه‌يئمئز اولاجاق؟"
عئسا دا اونلارا ددي: "دوغروسونو سئزه ديئرم: او زامان کي، ائنسان اوغلو هر شيئن تزهلنمه‌سئنده شؤوکتلي تختئنه اوتورور، منئم داليمجا گلن سئزلر ده اونائکي تختئن اوستونده اوتوروب، ائسرايئلئن اونائکي قبئلهسئنه حؤکم ادهجکسئنئز.
و هر کئم منئم آديم اوزوندن اِوئني، قارداشلاريني، باجيلاريني، آتاسيني، آناسيني، اوشاقلاريني و يا زمئلرئني بوراخميش اولسا، يوز دفه آرتيق آلاجاق، هم ده ابدي حياتا وارئث اولاجاق.
لاکئن چوخ بئرئنجي‌لر آخيرکي و چوخ آخيرکي‌لار بئرئنجي اولاجاقلار."
"دوغرودان دا گؤيون پادشاهليغي تورپاق صاحئبي اولان بئر آداما بنزر کي، سحر ارکن دوروب، اوزوم باغي اوچون ائشچي توتماغا چيخدي.
ائشچئلر‌له گونو بئر دئنارا راضيلاشيب، اونلاري اوزوم باغينا گؤنده‌ردي.
گونون اوچونجو ساعاتينا ياخين چيخيب، اؤزگه ائشچئلري ميداندا گؤردو کي، ائشسئز دوروبلار.
اونلارا ددي: «سئز ده اوزوم باغينا گدئن و حاقّينيزي ورهرم.» اونلار دا گتدئلر.
گونون آلتينجي و دوقّوزونجو ساعاتينا ياخين گئنه چيخيب بله اتدي.
گونون اون‌بئرئنجي ساعاتينا ياخين چيخيب، ائشسئز دوران اؤزگه ائشچئلري تاپدي و اونلارا ددي: «نه اوچون بورادا بوتون گون آوارا دوروبسونوز؟»
اونلار اونا ددئلر: «چونکي هچ کئم بئزي ائشه گؤتورمه‌يئب.» اونلارا ددي: «سئز ده باغيما گدئن.»
آخشام واختي باغ صاحئبي اؤز ناظئرئنه ددي: «ائشچئلري چاغير و آخيرکي‌لاردان باشلاييب، اوّلکي‌لره کئمي موزدلرئني ور.»
اون‌بئرئنجي ساعاتا ياخين ائشه گلنلر، هر بئري بئر دئنار آلديلار.
اونا گؤره ده، اوّلکي‌لر اله دوشوندولر کي، داها چوخ آلاجاقلار. لاکئن اونلار دا هر بئري بئر دئنار آلدي.
آلاندان سونرا، باغ صاحئبئنه شئکايت ادئب،
ددئلر: «بو آخيرکي‌لار آنجاق بئر ساعات ائشله‌دئلر، آمّا سن اونلاري بئزئمله کي، گونون آغيرليق و ائستئلئيئني چکمئشئک، بئر توتدون.»
لاکئن باغ صاحئبي جاواب ورئب، اونلارين بئرئنه ددي: «دوستوم! من سنه حاقسيزليق اتمئرم. مگر سن منئمله بئر دئنارا راضيلاشمادين؟
موزدونو آل، گت. ائسته‌يئرم کي، بو آخيرکي‌لارا دا سنه وردئيئم قدر ورئم.
آيا ائختئياريم يوخدور کي، اؤز ماليملا نه ائسته‌دئيئمي اِدئم؟ آيا سن منئم سخاوتلي اولدوغوما پاخيلّيق ادئرسن؟»
بلجه ده آخيرکي‌لار اوّل و اوّلکي‌لر آخيرکي اولاجاقلار."
عئسا اورشلئمه طرف يولا دوشنده اونائکي شاگئردي بئر يانا آپاريب، اونلارا ددي:
"باخين، اورشلئمه گدئرئک. ائنسان اوغلو باش کاهئنلر و دئن عالئملرئنئن اَلئنه ورئلهجک. اونو اؤلومه محکوم ادئب
قيرييهودئلره تسلئم ادهجکلر کي، اونلار اونو اَله سالسينلار، قامچي ائله دؤيوب، چارميخا چکسئنلر. آمّا او، اوچونجو گون دئرئلهجکدئر."
او زامان، زِبِدِي اوغوللارينين آناسي، اوغوللاري ائله عئسانين يانينا گلئب، تعظئم اتدي و ددي کي، اوندان بئر خاهئشي وار.
عئسا اونا ددي: "نه ائستهيئرسن؟" آرواد اونا ددي: "امر ات کي، منئم بو ائکي اوغلوم سنئن پادشاهليغيندا بئري صاغيندا و بئري ده سولوندا اوتورسون."
لاکئن عئسا جاواب ورئب ددي: "سئز نه ائسته‌دئيئنئزي بئلمئرسئنئز. مگر ائچهجه‌يئم پئيالهدن ائچه بئلرسئنئز؟" اونلار ددئلر: "اده بئلرئک."
عئسا اونلارا ددي: "ائچهجه‌يئم پئيالهدن ائچهجکسئنئز؛ آمّا صاغيمدا، يا دا سولومدا اوتورماغا ائجازه ورمک منئم اَلئمده ديئل. آتام بو يرلري موعيّن آداملار اوچون حاضيرلاييب."
اون شاگئرد، بونو اشئدن واخت، ائکي قارداشا قضبلندئلر.
آمّا عئسا اونلاري يانينا چاغيريب ددي: "بئلئرسئنئز کي، قيرييهودئلرئن ريئسلري اونلارا حؤکمدارليق ادرلر و آغالاري اونلارين اوستونه حاکئمئيّت سوررلر.
آمّا سئزئن آرانيزدا گرک بله اولماسين. سئزئن آرانيزدا بؤيوک اولماق ائسته‌ين هر کس، او بئرئلرئن نؤکري اولسون.
و آرانيزدا بئرئنجي اولماق ائسته‌ين، او بئرئلرئن قولو اولسون.
چونکي ائنسان اوغلو گلمه‌يئب کي، اونا خئدمت اولونسون. گلئب کي، خئدمت اتسئن و بئر چوخلاري اوچون جانيني فئدئيه ورسئن."
ارئحادان چيخاندا بؤيوک بئر جاماعات عئسانين دالينجا گتدي.
يول قيراغيندا اوتوران ائکي کور، عئسانين کچدئيئني اشئدن واخت، باغيرديلار: "آغا، اي داوود اوغلو! بئزه يازيغين گلسئن."
آمّا جاماعات اونلارا آجيقلانيب، ساکئت اتمه‌يه چاليشديلار. آمّا اونلار داها اوجادان باغيرديلار: "آغا، اي داوود اوغلو! بئزه يازيغين گلسئن."
عئسا داياندي و اونلاري چاغيريب ددي: "مندن نه ائسته‌يئرسئنئز کي، سئزه ادئم؟"
اونلار اونا ددئلر: "يارب، گؤزلرئمئز آچيلسين."
عئسانين اونلارا رحمي گلئب، گؤزلرئنه ال سورتدو؛ او آندا اونلارين گؤزلري آچيلدي و عئسانين دالينجا گتدئلر.
اونلار اورشلئمه ياخينلاشيب زيتون داغينين يانيندا اولان بيت فاجي‌يا گلن زامان، عئسا ائکي شاگئردئنه بو سؤزلري ديئب اونلاري گؤنده‌ردي:
"قاباغينيزداکي کنده گدئن. گئردئکده باغلي بئر اششکله بئر سيپاني تاپاجاقسينيز. اونلاري آچيب منه گتئرئن.
اگر کئمسه سئزه بئر شي دسه، دئيرسئنئز کي، ربّئن بونا احتئياجي وار، آنَن گري گؤندهرهجک."
بو، اونون اوچون باش وردي کي، پيغمبر واسئطهسئله ديئلن سؤز يرئنه يتئشسئن:
"صحيون قيزينا ديئن، باخ، پادشاهين سنئن يانينا گلئر؛ او حلئمدئر، اِششه‌يه مئنمئش، سيپايا مئنمئش، اششه‌يئن بالاسينا مئنمئش."
شاگئردلر گدئب عئسانين اونلارا ددئيي کئمي اتدئلر.
اششکله سيپاني گتئردئلر، پالتارلاريني اونلارين اوستونه قويدولار و عئسا اونلارين اوستونه مئندي.
جاماعاتين چوخلاري پالتارلاريني يولا دؤشهدئلر و اؤزگهلر ده آغاجلارين بوداقلاريني کسئب يولا سردئلر.
عئسانين قاباغيندا گدن و دالينجا گلن جاماعات قيشقيريرديلار: "هوسانّا، داوودون اوغلونا! ربّئن آديندا گلن موبارک اولسون! لاپ اوجالاردا هوسانّا!"
عئسانين اورشلئمه گئردئيي زامان، بوتون شهر جوشا گلئب سوروشدو: "بو کئمدئر؟"
جاماعات ديئردئ: "بو جلئلئن ناصئره شهرئندن اولان عئسا پيغمبردئر."
عئسا معبده گئردي و آليش-ورئش ادنلرئن هاميسيني اشئيه قوودو؛ صرّافلارين مئزلرئني و گؤيرچئن ساتانلارين کورسولرئني چوئردي.
و اونلارا ددي: "يازيليب کي، «منئم اِوئمه دوعا اِوي ديئلهجک، آمّا سئز اونو اوغرولار يوواسينا دؤنده‌رئرسئنئز.»"
معبدده کورلار و توپاللار اونون يانينا گلدئلر و عئسا اونلارا شفا وردي.
لاکئن باش کاهئنلر و دئن عالئملري اونون عجايئب ائشلرئني و معبدده "هوسانّا، داوودون اوغلونا" باغيران اوشاقلاري گؤرن واخت، قضبله‌نئب ددئلر:
"بونلارين نه ددئکلرئني اشئدئرسن؟" عئسا ددي: "بلي، مگر هچ اوخوماييبسينيز کي، «اوشاقلارين و سود اَمَنلرئن آغزيندان حمد تؤکدوردون؟!»"
و اونلاري قويوب شهردن کنارا، بيت عنيايا گتدي و گجهني اورادا قالدي.
سحر ارکن عئسا شهره قاييداندا آجيقدي.
يول قيراغيندا بئر انجئر آغاجي گؤروب اونا ياخينلاشدي، آمّا اوندا يارپاقدان باشقا هچ بئر شي تاپمادي. او زامان اونا ددي: "قوي بوندان سونرا سندن هچ ميوه چيخماسين!" و انجئر آغاجي او آندا قورودو.
شاگئردلري بونو گؤرن واخت، تعجّوب ادئب ددئلر: "انجئر آغاجي بئر آندا نجه قورودو؟!"
عئسا اونلارا جاواب ورئب ددي: "دوغروسونو سئزه ديئرم: اگر ائمانينيز اولوب شوبهه اتميهسئنئز، نه ائنکي انجئر آغاجينا ادئله‌ني اده بئلرسئنئز، بو داغا دئيهسئنئز ده کي، «قالخ، دهنزه آتيل»، اولاجاقدير.
اگر ائمان ادهسئنئز، دوعادا نه ائستيهسئنئز، آلاجاقسينيز."
عئسا معبده گئرئب اورادا تعلئم ورئردي کي، باش کاهئنلر و خالقين آغساقّاللاري اونون يانينا گلئب ددئلر: "بو ائشلري نه ائقتئدارلا ادئرسن؟ و سنه بو ائقتئداري کئم ورئب؟"
عئسا اونلارا جاواب ورئب ددي: "من ده سئزدن بئر سوآل سوروشاجاغام. اگر منه جاواب ورهسئنئز، او زامان من ده سئزه دئيهجه‌يم کي، بو ائشلري کئمئن ائقتئداريائله گؤرورم.
يحيانين تعمئدي هارادان ائدي؟ گؤيدن ائدي يوخسا ائنسانلاردان؟" اونلار آرالاريندا مصلحتله‌شئب ددئلر: "اگر «گؤيدن ائدي دسک»، دئيهجک: «بس نه اوچون اونا ائمان گتئرمه‌دئنئز؟»
آمّا اگر «ائنسانلاردان ائدي دسک»، جاماعاتدان قورخوروق، چونکي هامي يحياني بئر پيغمبر سايير."
اونا گؤره ده عئسايا بله جاواب وردئلر: "بئلمئرئک." عئسا دا اونلارا ددي: "من ده سئزه دمئرم کي، بو ائشلري نه ائقتئدارلا گؤرورم.
بونا نجه دوشونورسونوز؟ بئر آدامين ائکي اوغلو وار ائدي. بئرئنجئسئنئن يانينا گدئب ددي: «اوغول، بو گون گت اوزوم باغيندا ائشله.»
اوغول جاواب وردي: «ائسته‌مئرم.» لاکئن سونرا، پشمان اولوب گتدي.
آدام ائکئنجئسئنئن يانينا دا گلئب همن سؤزو ددي. اوغول جاواب وردي: «گده‌رم، آغا.» آمّا گتمه‌دي.
بو ائکئسئندن هانسي آتاسينين ائسته‌دئيئني يرئنه يتئردي؟" جاواب وردئلر: "بئرئنجئسي" عئسا اونلارا ددي: "دوغروسونو سئزه ديئرم: باج ييغانلار و فاحئشهلر تارينين پادشاهليغينا سئزدن قاباق گئررلر.
چونکي يحيا سئزه صالحلئک يولوندا گلدي، سئز اونا ائنانمادينيز. لاکئن باج ييغانلار و فاحئشهلر ائنانديلار. بونو گؤرندن سونرا بله پشمان اولوب اونا ائنانمادينيز.
آيري بئر مثل اشئدئن: بئر مالئک وار ائدي کي، اوزوم باغي اکدي. باغين اطرافينا حاصار چکدي. اوزومو سيخماق اوچون ائچئنده بئر حوووض قازدي و بئر بورج تئکئب باغي باغبانلارا ائجارهيه وردي و سفره چيخدي.
محصول زاماني يتئشن واخت، باغبانلارين يانينا نؤکرلرئني گؤنده‌ردي کي، محصولو آلسينلار.
آمّا باغبانلار نؤکرلري توتوب بئرئني دؤيدولر، بئرئني اؤلدوردولر، بئرئني ده داشا باسديلار.
باغ صاحئبي بو دفه اوّلکئندن داها چوخ نؤکر گؤنده‌ردي. باغبانلار بونلارا دا اله اتدئلر.
آخيردا باغ صاحئبي اونلارين يانينا اوغلونو گؤنده‌ردي و ديئردي کي، اوغلوما حؤرمت اِدَرلر.
لاکئن باغبانلار، اوغولو گؤرن واخت، آرالاريندا ددئلر: «وارئث بودور؛ گلئن اونو اؤلدورک و مئراث بئزه قالسين.»
و اوغولو توتدولار، باغدان اشئيه ساليب اؤلدوردولر.
بلجه، باغين صاحئبي گلنده بو باغبانلارا نه ادهجک؟"
اونلار عئسايا ددئلر: "بو خائنلري قورخولو بئر اؤلومه محکوم ادهجک، اوزوم باغيني دا اؤزگه باغبانلارا ائجارهيه ورهجک کي، محصولو اونا اؤز واختيندا ورسئنلر."
عئسا اونلارا ددي: "مگر موقدّس يازيلاردا اوخوماييبسينيز کي: «بنّالارين ردّ اتدئيي داش کونجون باش داشي اولدو. بو ربّئن ائشئدئر، و گؤزوموزده حيرتلي گؤرونور.»
بونا گؤره، سئزه ديئرم کي، تارينين پادشاهليغي سئزدن آلينيب اله بئر خالقا ورئلهجک کي، حاصئلي يتئشدئره بئلسئن.
بو داشين اوستونه دوشن تئکه-تئکه اولاجاق، آمّا داش کئمئن اوستونه دوشسه، اونو اَزهجکدئر."
باش کاهئنلر و فرئسئلر اونون مثللرئني اشئدن واخت، آنلاديلار کي، بو سؤزلري اونلارين حاقّيندا ديئر.
اونو توتماغا قصد اتدئلر، لاکئن جاماعاتدان قورخدولار، چونکي اونلار عئساني پيغمبر حساب ادئردئلر.
عئسا گئنه اونلارا مثللرله دانيشيب ددي:
"گؤيون پادشاهليغي اوغلونا توي ضئيافتي ورن بئر پادشاها بنزر.
او، قوللاريني گؤنده‌ردي کي، توي ضئيافتئنه دعوت اولونانلاري چاغيرسينلار، آمّا اونلار گلمک ائستمه‌دئلر.
پادشاه اؤزگه قوللاري بئر داها گؤنده‌رئب اونلارا ددي: «دعوت اولونانلارا ديئن کي: {باخين، سوفرم حاضيردير؛ اؤکوزلر و بسلنمئش ماللار کسئلمئش، هر شي حاضيردير. توي مجلئسئنه گلئن.}»
لاکئن اونلار اعتئنا اتمهيئب اؤز يوللارينا گتدئلر؛ بئرئسي زمئسئنه، بئرئسي تئجارتئنه گتدي.
قالانلاري دا اونون قوللاريني توتدولار و تحقئر ادئب اؤلدوردولر.
پادشاه قضبلندي و قوشونلاريني گؤنده‌رئب، او قاتئللري محو اتدي، شهرلرئني ده يانديردي.
او زامان قوللارينا ددي: «توي مجلئسي حاضيردير، لاکئن چاغيريلميش قوناقلار بونا لايئق ديئلدئرلر.
کوچهلر باشينا گدئن و تاپديغينيز هر آدامي توي مجلئسئنه دعوت ادئن.»
بلجه، قوللار يوللارا چيخديلار، ياخشيدان پئسدن تاپديقلاري هر کسي ييغديلار و توي مجلئسي قوناقلارلا دولدو.
پادشاه قوناقلاري گؤرمک اوچون مجلئسه گئرنده، اورادا توي پالتاري گيمهمئش بئر نفري گؤردو.
و اونا ددي: «دوستوم! توي پالتاري گيمهمئش بورايا نجه گئردئن؟» آدامين دئلي توتولدو.
او زامان پادشاه نؤکرلرئنه ددي: «اونون ال-آياغيني باغلايين و گؤتوروب چؤل قارانليغينا آتين؛ او يره کي، اورادا آغلاشما و دئش قيجيرتماسي اولاجاق.»
چونکي دعوت اولونموشلار چوخ، آمّا سچئلمئشلر آزديرلار."
او زامان فرئسئلر موشاوئره اتدئلر کي، اونو سؤز اوستونده نجه توتسونلار.
اؤز شاگئردلرئني هئرودچولارلا بئر يرده عئسانين يانينا گؤنده‌رئب ددئلر: "اوستاد! بئلئرئک کي، سن صادئق بئر آدامسان و تارينين يولونو دوغرولوقلا اؤيره‌دئرسن و هچ کسدن ده طرفدارليق اتمئرسن، چونکي هچ کسئن نه طبقهدن اولدوغونا باخميرسان.
ائندي بئزه ده گؤرک، سنئن نظرئن نه‌دئر؟ قيصره باج ورمک جائزدئر يا يوخ؟"
لاکئن عئسا اونلارين پئس نئيّتلرئني بئلدئيئندن اونلارا ددي: "مني نه اوچون ائمتاحان ادئرسئنئز، اي رئياکارلار؟
باج وردئيئنئز سئکّهني منه گؤرسدئن." اونلار اونا بئر دئنار گتئردئلر.
عئسا اونلارا ددي: "سئکّهنئن اوستونده‌کي بو صورت و يازي کئمئندئر؟"
ددئلر: "قيصرئن." او واخت عئسا اونلارا ددي: "اگر اله‌دئر، قيصرئنکئني قيصره، تارينينکيني دا تارييا ورئن."
اونلار بونو اشئدنده حيران قالديلار و عئساني ترک ادئب گتدئلر.
همئن گون "دئرئلمه يوخدور" دئين صادوقئلر عئسانين يانينا گلئب اوندان سوروشدولار:
"اوستاد! موسا ديئب: «اگر بئر آدام اوشاغي اولمادان اؤلسه، قارداشي اونون دولونو آليب اؤلن قارداشينا نسئل يتئشدئرسئن.»
بئزئم آراميزدا يدّي قارداش وار ائدي. بئرئنجئسي اِولندي و اؤلدو. اوشاغي اولماديغيندان آرواديني قارداشي اوچون قويدو.
ائکئنجئسي و اوچونجوسو، حتّا يدّئنجئسئنه قدر اِله اولدو.
هاميسيندان سونرا دا او آرواد اؤلدو.
ائندي قئيامت گونونده، آرواد او يدّي نفردن کئمئن آروادي اولاجاق؟ چونکي هاميسي اونونلا اولنمئش ائدئلر."
عئسا جاواب ورئب اونلارا ددي: "سئز سهو ادئرسئنئز، چونکي نه موقدّس يازيلاري بئلئرسئنئز نه ده تارينين قودرتئني.
اونا گؤره کي، قئيامت گونونده نه اِوله‌نرلر، نه ده اَره گِدَرلر. آنجاق گؤيدهکي ملکلر کئمي اولارلار.
مگر اؤلولرئن دئرئلمه‌سي حاقّيندا تاري طرفئندن سئزه ديئلن سؤزو اوخوماييبسينيز:
«من ائبراهئمئن تاريسي، ائسحاقين تاريسي، و يعقوبون تاريسييام!» تاري اؤلولرئن يوخ، دئرئلرئن تاريسيدير."
جاماعات بونو اشئدئب اونون تعلئمئندن تعجّوبلندئلر.
فرئسئلر، عئسانين صادوقئلرئن آغيزلاريني باغلاديغيني اشئدن واخت، بئر يره ييغيلديلار.
اونلاردان بئري کي، شرئعت عالئمي ائدي، عئساني ائمتاحان اتمک اوچون اوندان سوروشدو:
"اوستاد! شرئعتئن لاپ بؤيوک امري هانسي‌دير؟"
عئسا اونا ددي: "رب تاريني بوتون اوره‌يئنله، بوتون جانينلا، و بوتون فئکرئنله سو.
بو، بئرئنجي و لاپ بؤيوک امردئر.
بونا بنزهين ائکئنجئسي ده بودور: قونشونو اؤزون کئمي سو.
بوتون شرئعت و پيغمبرلرئن سؤزلري بو ائکي حؤکمون اوستونده دورور."
فرئسئلر بئر يره ييغيلاندا عئسا اونلاردان سوروشدو:
"مسئح حاقّيندا نه دوشونورسونوز؟ او، کئمئن اوغلودور؟" اونلار ددئلر: "داوودون اوغلو."
عئسا اونلارا ددي: "اگر اِلهدئر، بس نه اوچون داوود روحدان ائلهام آليب، اونا رب خئطاب ادئر و ديئر کي،
ربّ منئم ربّئمه ددي: «دوشمنلرئني آياقلارينين آلتينا قويانا قدر، صاغيمدا اوتور.»
اگر داوود اونو رب چاغيرير، نجه اولور کي، او، داوودون اوغلو اولور؟"
هچ کئم اونا، جاوابيندا بئر سؤز دئيه بئلمه‌دي. و او گوندن سونرا آرتيق هچ کس جسارت اتمهدي کي، اوندان بئر شي سوروشسون.
بوندان سونرا عئسا جاماعاتا و اؤز شاگئردلرئنه ددي:
"دئن عالئملري و فرئسئلر موسانين کورسوسونده اوتورورلار.
بونا گؤره ده، سئزه امر اتدئيي هر شيي گرک يرئنه يتئرهسئنئز. لاکئن اونلارين اتدئکلرئني اتمهيئن، چونکي وعظ اتدئکلرئنه عمل اتمئرلر.
اونلار آغير يوکلر باغلاييب ائنسانلارين چئيئنلرئنه قويورلار، آمّا اونلاري داشيماق اوچون ائسته‌مئرلر کی، اؤزلرئنئن بئر بارماغيني بله ترپتسئنلر.
عمل اتدئکلرئنئن هاميسيني، اونون اوچون ادئرلر کي، ائنسانلارا نومايئش ورسئنلر. دوعا بازوبندلرئني اِنلي و پالتارلارينين ساجاقلاريني اوزون ادئرلر.
ضئيافتلرده مجلئسئن باشيني، کنئسهلرده ده باش کورسولري توتماغي سوئرلر.
بازار ميدانلاريندا سلاملار آلماغي و ائنسانلارين اونلارا اوستاد آديندا خئطاب اتمه‌سئني سوئرلر.
لاکئن سئز اوستاد چاغيريلماماليسينيز، چونکي سئز هامينيز قارداشسينيز و آنجاق بئر موعلّئمئنئز وار.
ير اوزونده هچ کسه ده آتا دمه‌يئن. چونکي بئر آتانيز وار، او دا گؤيدهدئر.
هچ کئم سئزي موعلّئم چاغيرماسين، چونکي بئر موعلّئمئنئز وار، او دا مسئحدئر.
آرانيزدا بؤيوک اولان، او بئرئلرئن نؤکري اولاجاق.
چونکي اؤزونو قالديران آلچالاجاق، و اؤزونو آلچاق ادن اوجالاجاقدير.
واي سئزه، اي دئن عالئملري و فرئسئلر، اي رئياکارلار! سئز گؤيون پادشاهليغينين قاپيسيني ائنسانلارين اوزونه باغلاييرسينيز. نه اؤزونوز گئرئرسئنئز، نه ده گئرمک ائسته‌ينلري قويورسونوز.
واي سئزه، اي دئن عالئملري و فرئسئلر، اي رئياکارلار! چونکي سئز دول آروادلارين اِوئني غارت ادئرسئنئز و اؤزلرئنئزي گؤرسدمک اوچون اوزون دوعالار ادئرسئنئز. بونون اوچون ده، داها آغير محکومئيّته محکوم اولاجاقسينيز.
واي سئزه، اي دئن عالئملري و فرئسئلر، اي رئياکارلار! چونکي سئز بئر نفري ائمانا گتئرمک اوچون دهنزي و قورولوغو دولانيرسينيز و گتئرندن سونرا، اونو ائکي قات اؤزونوزدن آرتيق جهنّم اؤولادي ادئرسئنئز.
واي سئزه، اي کور بلدچئلر! ديئرسئنئز: «کئم معبده آند ائچسه، اهمئيّتلي بئر شي ديئلدئر، آمّا کئم معبدئن قيزيلينا آند ائچسه، اؤز آندينا باغلي اولور.»
سئز اي آخماقلار، اي کورلار! هانسي داها بؤيوکدور؟ قيزيل، يوخسا قيزيلي موقدّس ادن معبد؟
ديئرسئنئز: «کئم قوربانگاها آند ائچسه، اهمئيّتلي بئر شي ديئلدئر، آمّا کئم قوربانگاهين اوستونده‌کي قوربانا آند ائچسه، اؤز آندينا باغلي اولور.»
سئز، اي کورلار! هانسي داها بؤيوکدور؟ قوربان، يوخسا قورباني موقدّس ادن قوربانگاه؟
بلجه، قوربانگاها آند ائچن، اونا و اونون اوستونده اولان بوتون شيلره آند ائچئر.
معبده آند ائچن، اونا و اوندا ساکئن اولانا آند ائچئر.
گؤيه آند ائچن تارينين تختئنه و اونون اوستونده اوتورانا آند ائچئر.
واي سئزه، اي دئن عالئملري و فرئسئلر، اي رئياکارلار! چونکي نانَع، شويود، و زئرهنئن اوندا بئرئني ورئرسئنئز، لاکئن شرئعتئن داها موهوم ائشلرئني، عدالتي، مرحمتي، و ائماني آتيرسينيز. اوندابئر حئصّهني ورمکده اهمال اتمه‌دن، سئزه گرکدئر کي، اساس بونلارا عمل ادهسئنئز.
اي کور بلدچئلر! مئلچه‌يي سوزورسونوز، لاکئن دَوهني اودورسونوز.
واي سئزه، اي دئن عالئملري و فرئسئلر، اي رئياکارلار! چونکي سئز فئنجان و بوشقابين چؤلونو تمئزله‌يئرسئنئز، آمّا اونلارين ائچي قارت و طاماحکارليقلا دولودور.
سن، اي کور فرئسي، اوّلجه فئنجان و بوشقابين ائچئني تمئزله کي، چؤلو ده تمئز اولسون.
واي سئزه، اي دئن عالئملري و فرئسئلر، اي رئياکارلار! چونکي سئز آغارديلميش مقبرهلره بنزه‌يئرسئنئز: چؤلو گؤزل گؤرونور، آمّا ائچي اؤلو سوموکلري و هر جور کئفئرله دولودور.
سئز ده ائنسانلارا ظاهئرده صالح گؤرونورسونوز، آمّا باطئنئنئز رئياکارليق و پئسلئکله دولودور.
واي سئزه، اي دئن عالئملري و فرئسئلر، اي رئياکارلار! چونکي سئز نبي‌‌لره مقبرهلر تئکئرسئنئز، صالحلرئن مقبره‌لرئني بزه‌يئرسئنئز.
ديئرسئنئز کي: «بئز اگر آتالاريميزين ياشاديقلاري گونلرده اولسايديق، پيغمبرلرئن قانيني تؤکمکده اونلارلا اَل اولمازديق.»
بلجه سئز اؤزونوز شهادت ورئرسئنئز کي، پيغمبرلري اؤلدورنلرئن اؤولادلاريسينيز.
اگر اِلهدئر، اوندا آتالارينيزين گوناه اؤلچوسونو دولدورون!
سئز اي ائلانلار و افعئلر نسئلي! جهنّم جزاسيندان نجه قاچاجاقسينيز؟
باخين، بونون اوچون سئزه پيغمبرلر، معرئفت آداملاري، و دئن عالئملري گؤنده‌رئرم: سئز اونلاردان بعضئلرئني اؤلدورهجکسئنئز، چارميخا چکهجکسئنئز. بعضئلرئني ده کنئسه‌لرئنئزده دؤيوب شهردن شهره قوواجاقسينيز کي،
هر صالح آدامين ير اوزونده تؤکولن قاني، سئزئن اوستونوزه گلسئن؛ صالح هابئلئن قانيندان بِرِکئيا اوغلو زِکَريانين قانينا قدر کي، اونو معبدله قوربانگاهين آراسيندا اؤلدوردونوز.
دوغروسونو سئزه ديئرم: بوتون بو شيلر بو نسلئن اوستونه گلهجک.
اي اورشلئم، اورشلئم! پيغمبرلري اؤلدورن و سنه گؤنده‌رئلنلري داشا باسان! تويوق اؤز جوجهلرئني قانادلاري آلتينا ييغان کئمي، من ده نچه دفه ائسته‌دئم کي، اؤولادلاريني بئر يره ييغيم، آمّا سئز ائستمه‌دئنئز!
باخ، اوئنئز بوش بوراخيلاجاق.
چونکي سئزه ديئرم: «ربّئن آدي ائله گلن آدام موبارک اولسون» دئيهجه‌يئنئز واختاجاق مني آرتيق گؤرمه‌يهجکسئنئز."
عئسا معبددن چيخيب گدنده، شاگئردلري اونا ياخينلاشديلار و ائسته‌دئلر کی، معبدئن بئنالاريني اونا گؤرسدسئنلر.
عئسا اونلارا ددي: "آيا بوتون بو شيلري گؤرورسونوز؟ دوغروسونو سئزه ديئرم: بورادا داش، داش اوستونده قالماياجاق. هاميسي ييخيلاجاقدير."
عئسا زيتون داغيندا اوتورموشدو کي، شاگئردلر تکلئکده اونون يانينا گلئب ددئلر: "بئزه ده گؤرک، بو ددئکلرئن نه واخت باش ورهجک؟ سنئن گلئشئنئن و بو دؤورون باشا چاتماسينين علامتي نه اولاجاق؟"
عئسا جاواب ورئب اونلارا ددي: "دئقّتلي اولون کي، کئمسه سئزي آلداتماسين.
چونکي چوخ آداملار منئم آديمدا گلئب «مسئح منم» دئيهجکلر و چوخ آداملاري آلداداجاقلار.
موحارئبه گورولتولري و ساواش خبرلري اشئدهجکسئنئز. باخين، قورخمايين، چونکي بوتون بونلارين باش ورمه‌سي گرکدئر. آمّا بو حله ده آخير ديئل.
مئلّت مئلّتئن ضئدّئنه، دؤولت دؤولتئن ضئدّئنه قالخاجاق. موختلئف يرلرده قحطي‌لر و زلزلهلر اولاجاق.
بوتون بونلار دوغوم سانجي‌لارينين باشلانيشيدير.
او زامان سئزه اذئيّت ورئب، سئزي اؤلدورهجکلر و منئم آديما گؤره، بوتون خالقلار سئزدن نئفرت ادهجکلر.
او واخت بئر چوخلاري ائماندان بودرهيهجکلر، بئربئرلرئني تسلئم ادئب بئربئرلرئندن نئفرت ادهجکلر.
بئر چوخ يالانچي پيغمبرلر ظوهور ادئب، چوخ آداملاري آزديراجاقلار.
پئسلئيئن آرتديغيندان چوخ آداملارين سِوگئسي سويوياجاق.
لاکئن آخيرا قدر صبر ادن نئجات تاپاجاقدير.
گؤيون پادشاهليغي حاقّيندا اولان بو موژده بوتون دونيايا وعظ اولوناجاق کي، هامي مئلّتلره شهادت اولسون. و آخير او واخت گلهجکدئر.
نه واخت گؤردونوز کي، دانيال پيغمبرئن واسئطهسئله ديئلمئش او وئرانهلئک گتئرن ائيرنج شي موقدّس يرده دورور، (قوي اوخويان آنلاسين)،
يهودئيهده اولان داغلارا قاچسين.
دامدا اولان اِوئندن بئر شي گؤتورمه‌يه اِنمه‌سئن.
زمئده اولان دا رداسيني گؤتورمک اوچون گري دؤنمه‌سئن.
او گونلرده بويلو اولانلارين و اوشاق اَمئزدئرنلرئن واي حالينا!
دوعا ادئن کي، قاچماغينيز قيشدا، يا دا سبّت گونونده اولماسين.
چونکي او زامان اله بؤيوک مشقّت اولاجاق کي، دونيانين باشلانيشيندان ائندئيه کئمي بله بئر شي نه اولوب، نه ده اولاجاق.
اگر او گونلر قيسالماسايدي، هچ بئر ائنسان نئجات تاپمازدي. لاکئن سچئلمئش اولانلارين خاطئرئنه گؤره، او گونلر قيسالديلاجاق.
اگر او زامان کئمسه سئزه دسه: «باخ، مسئح بورادادير»، يا دا «اورادادير»، اونا ائنانمايين.
چونکي يالانچي مسئحلر و يالانچي پيغمبرلر ظوهور ادئب بؤيوک علامتلر و مؤجوزهلر گؤرسدهجکلر کي، مومکون اولسا، سچئلمئش اولانلاري دا آلداتسينلار.
باخين، من سئزه ائرهلئدن خبر وردئم.
بلجه، اگر سئزه «باخ، او چؤلدهدئر» دسهلر ده، چيخمايين؛ «باخ، او ائچه‌ري اوتاقلاردادير» دسهلر ده، ائنانمايين.
چونکي نجه شئمشک شرقدن چيخيب قربه کئمي گؤرونور، ائنسان اوغلونون گلمه‌‌سی ده اله اولاجاقدير.
لِش هارادا اولسا، کرکسلر ده اورايا ييغيلارلار.
او گونلرئن مشقّتئندن درحال سونرا، گون قارالاجاق، آي ائشيغيني ورمهيهجک، اولدوزلار گؤيدن دوشهجک، سماوي قووّتلر تئتريهجک.
او زامان ائنسان اوغلونون علامتي گؤيده گؤرونهجک و ير اوزونون بوتون خالقلاري شئون ادهجکلر و گؤرهجکلر کي، ائنسان اوغلو گؤيون بولودلاري اوستونده قودرت و بؤيوک عئزّتله گلئر.
و او، ملکلرئني اوجا سسلي شيپورلا گؤندهرهجک. ملکلر ده سچئلمئشلري دؤرد طرفدن، گؤيلرئن بئر اوجوندان او بئري اوجونا قدر ييغاجاقلار.
ائندي، انجئر آغاجيندان عئبرت آلين. بوداقلاري تزهله‌نئب يارپاق آچاندا بئلئرسئنئز کي، ياي ياخيندير.
سئز ده بوتون بو شيلري گؤرنده بئلئن کي، ائنسان اوغلو ياخيندير، قاپيدادير.
دوغروسونو سئزه ديئرم، بوتون بو شيلر باش ورمه‌يئنجه بو نسئل کچئب گتميهجک.
گؤي و ير کچئب گدهجک، آمّا منئم سؤزلرئم اصلا کچئب گتمه‌يهجکدئر.
لاکئن هچ کس او گون و او ساعاتي بئلمئر، نه گؤيون ملکلري، نه ده اوغول. آتادان باشقا هچ کئم بئلمئر.
نوحون زامانيندا نجه اولدو، ائنسان اوغلونون گلئشي ده اله اولاجاق.
نجه کي، طوفاندان ائرهلي اولان گونلرده، نوح گمئيه گئرن گونه کئمي، ائنسانلار ييئب، ائچئب، آرواد آليب، اَره گدئردئلر.
و طوفانين گلئب هاميسيني آپارينجايا قدر، باشلارينا نه گلهجه‌يئندن بئخبر ائدئلر، ائنسان اوغلونون گلئشي ده بو جور اولاجاق.
او گون زمئده اولان ائکي نفردن بئري آليناجاق، بئري قالاجاقدير.
ديئرماندا دارتان ائکي آرواددان بئري آليناجاق، بئري قالاجاقدير.
اونا گؤره ده، اوياق دورون؛ چونکي ربّئن هانسي گون گلهجه‌يئني بئلمئرسئنئز.
آمّا بونو بئلئن کي، اگر اِو صاحئبي اوغرونون هانسي ساعاتدا گلهجه‌يئني بئلسَيدي، اوياق قاليب اؤز اِوئني اوغورلانماغا قويمازدي.
بونون اوچون سئز ده حاضير اولون؛ چونکي ائنسان اوغلو سئزئن گومان آپارماديغينيز ساعاتدا گلهجکدئر.
کئمدئر او صادئق و عاغيلّي قول کي، آغاسي، اِوئنئن اهلئني اونا تاپشيريب اله کي، قوللارين يمه‌يئني واختلي-واختيندا ورسئن؟
بختور او قول کي، آغاسي گلنده اونو بو جور ائشه مشغول تاپسين.
دوغروسونو سئزه ديئرم؛ آغاسي بوتون مال-دؤولتئني اونا تاپشيراجاقدير.
آمّا اگر قول پئس اولوب اوره‌يئنده دسه کي، «آغام گج گلهجک»،
و يولداشلاريني دؤيوب عيّاشلارلا ييئب ائچمه‌يه باشلاسا.
قولون آغاسي، اونون گؤزلمهدئيي بئر گونده و بئلمه‌دئيي بئر ساعاتدا گلهجک،
اونو ائکي شقّه ادئب رئياکارلارلا همن عاقئبته آتاجاق؛ اورايا کي، اورادا آغلاشما و دئش قيجيرتماسي اولاجاقدير."
"او زامان گؤيون پادشاهليغي او اون باکئره قيزا بنزه‌يهجک کي، چيراقلاريني گؤتوروب به‌يئن پئشوازينا چيخديلار.
اونلاردان بشي عاغيلّي، بشي عاغيلسيز ائدي.
عاغيلسيزلار چيراقلاريني گؤتورموشدولر، آمّا ياغ گؤتورمهمئشدئلر.
آمّا عاغيلّي‌لار اؤزلری ائله قابلاريندا ياغ دا گؤتورموشدولر.
بَيئن يوبانديغينا گؤره، اونلارين هاميسيني يوخو باسدي و ياتديلار.
گجه ياريسي بئر قيشقيريق دوشدو: «باخين، بَي گلئر. اونون پئشوازينا چيخين!»
او واخت قيزلارين هاميسي دوروب چيراقلاريني حاضيرلاديلار.
عاغيلسيزلار عاغيلّي‌لارا ددئلر: «ياغينيزدان بئزه ده ورئن، چونکي چيراقلاريميز سؤنور.»
لاکئن عاغيلّي‌لار جاواب ورئب ددئلر: «بله اولماسين کي، ياغ نه بئزه چاتسين، نه ده سئزه. ياخشيسي بودور کي، گدئب ياغ ساتانلاردان اؤزونوز اوچون آلاسينيز.»
اونلار ياغ آلماغا گدندن سونرا بَي گلدي و حاضير اولانلار اونونلا توي مجلئسئنه گئردئلر و قاپي باغلاندي.
سونرا او بئري قيزلار دا گلدئلر و ددئلر: «آغا، آغا، قاپيني بئزه آچ.»
آمّا او جاواب ورئب ددي: «دوغروسونو سئزه ديئرم: سئزي تانيميرام.»
اونا گؤره سئز ده اوياق اولون. چونکي ائنسان اوغلونون نه گلهجک گونونو بئلئرسئنئز نه ده ساعاتيني.
گؤيون پادشاهليغي سفره چيخماق ائسته‌يَن بئر آداما بنزر کي، قوللاريني چاغيريب مال-دؤولتئني اونلارا تاپشيردي.
بئرئنه بش تالانت وردي، بئرئنه ائکي تالانت، بئرئنه ده بئر تالانت. هر بئرئنه اؤز قابئلئيّتئنه گؤره ورئب، سفره چيخدي.
بش تالانت آلان گدئب اونلارلا تئجارت اتدي و داها بش تالانت قازاندي.
ائکي تالانت آلان دا بلجه داها ائکي تالانت قازاندي.
آمّا بئر تالانت آلان آدام گدئب، يري قازدي و آغاسينين پولونو گئزلتدي.
اوزون بئر زاماندان سونرا بو قوللارين آغاسي قاييتدي و اونلارلا حسابلاشماق ائسته‌دي.
بش تالانت آلان آدام گلدي و داها بش تالانت گتئرئب ددي: «آغا! سن منه بش تالانت وردئن، باخ، من داها بش تالانت قازانديم.»
قولون آغاسي اونا ددي: «آفرئن ياخشي و صادئق قول! سن خيردا ائشلرده صادئق اولدون، سني بؤيوک ائشلر اوستونه قوياجاغام. آغانين شادليغينا شرئک اول.»
ائکي تالانت آلان دا گلئب ددي: «آغا! منه ائکي تالانت وردئن. باخ، من داها ائکي تالانت قازانديم.»
قولون آغاسي اونا ددي: «آفرئن ياخشي و صادئق قولوم! سن خيردا ائشلرده صادئق اولدون، سني بؤيوک ائشلر اوستونه قوياجاغام. آغانين شادليغينا شرئک اول.»
بئر تالانت آلميش اولان دا گلئب ددي: «آغا! سنئن برک بئر آدام اولدوغونو بئلئردئم؛ اکمه‌دئيئني، يردن بئچرسن، سپمه‌دئيئني، يردن ييغارسان.
قورخدوم و گدئب سنئن تالانتيني ير آلتيندا گئزلتدئم. بويور، بو دا مالين.»
آمّا قولون آغاسي اونا جاواب ورئب ددي: «اي پئس و تنبل قول! منئم، اکمه‌دئيئمي يردن بئچدئيئمي، سپمه‌دئيئمي يردن ييغديغيمي بئلئردئن، هه؟
اوندا گرک منئم پولومو صرّافلارا وره‌يدئن کي، من قاييداندا، اونو فايداسي ائله گري آليم.
تالانتي اوندان آلين و اون تالانتي اولانا ورئن.
چونکي کئمده وارسا، اونا داها چوخ ورئلهجک و او بوللوق ائچئنده اولاجاق. آمّا کئمده يوخسا، الئنده اولان دا اوندان آليناجاقدير.
او دَيَرسئز قولو چؤل قارانليغينا آتين. اورادا آغلاشما و دئش قيجيرتماسي اولاجاقدير.»
ائنسان اوغلو اؤز جلالي ائچئنده بوتون ملکلری ائله بئرلئکده گلنده، شؤوکتلي تختي اوستونده اوتوراجاق.
بوتون خالقلار اونون حوضورونا ييغيلاجاقلار. او زامان، چوبان قويونلاري کچئلردن آييرديغي کئمي، اونلاري بئربئرئندن آييراجاق.
قويونلاري صاغينا و کچئلري سولونا قوياجاق.
او زامان، پادشاه صاغينداکي‌لارا دئيهجک: «اي سئز، آتامين موبارکلري، گلئن و او سلطنتي مئراث آلين کي، دونيا ياراناندان بري سئزئن اوچون حاضيرلانيب.
چونکي آج ائدئم، منه يمک وردئنئز؛ سوسوز ائدئم، منه سو وردئنئز؛ قرئب ائدئم، مني قبول اتدئنئز.
لوت ائدئم، مني گيئندئردئنئز. ناخوش ائدئم، منه باش چکدئنئز؛ زئنداندا ائدئم، يانيما گلدئنئز.»
او زامان صالح آداملار اونا جاواب ورئب دئيهجکلر: «يارب، بئز سني نه زامان آج گؤروب يدئرتدئک، يا دا سوسوز گؤروب سو وردئک؟
نه زامان سني قرئب گؤروب قبول اتدئک، يا دا لوت گؤروب گيئندئردئک؟
نه زامان سني ناخوش، يا دا زئنداندا گؤروب يانينا گلدئک؟»
پادشاه اونلارا جاواب ورئب دئيهجک: «دوغروسونو سئزه ديئرم: هر نه کي، منئم لاپ کئچئک قارداشلاريمين بئرئنه اتدئنئز، منه ده اتمئش اولدونوز.»
او زامان سولونداکي‌لارا دئيهجک: «اوزاق اولون، اي ملعونلار! ائبلئسه و اونون ملکلرئنه حاضيرلانميش ابدي اودا يوللانين.
چونکي آج ائدئم، منه يمک ورمهدئنئز؛ سوسوز ائدئم، منه سو ورمهدئنئز.
قرئب ائدئم، مني قبول اتمه‌دئنئز. لوت ائدئم، مني گيئندئرمهدئنئز؛ ناخوش و زئنداندا ائدئم، فئکرئمه اولمادينيز.»
او زامان اونلار دا جاواب ورئب دئيهجکلر: «يارب! سني نه واخت آج، سوسوز، قرئب، لوت، ناخوش، يا دا زئنداندا گؤردوک کي، سنه خئدمت اتمهدئک؟»
پادشاه دا اونلارا جاواب ورئب دئيهجک: «دوغروسونو سئزه ديئرم: هر نه کي، منئم بو لاپ کئچئکلرئمدن بئرئنه اِتمهدئنئز، منه ده اِتمهمئش اولدونوز.»
بونلار ابدي عذابا دوچار اولاجاقلار، آمّا صالحلر ابدي حياتا مالئک اولاجاقلار."
عئسا بوتون بو سؤزلري بئتئرندن سونرا، شاگئردلرئنه ددي:
"نجه کي، بئلئرسئنئز ده، ائکي گوندن سونرا پاسخا بايرامي باشلاناجاق و ائنسان اوغلو چارميخا چکئلمک اوچون اَله ورئلهجک."
او زامان باش کاهئنلر و خالقين آغساقّاللاري قيافا آدلي باش کاهئنئن سارايينا ييغيشديلار
و مصلحتلشدئلر کي، نجه عئساني حئيله ائله توتوب اؤلدورسونلر.
آمّا ددئلر: "بو ائش بايرامدا اولماسين، يوخسا خالق آراسيندا ائغتئشاش باش ورر."
عئسا بيت عنيادا، جوذاملي شمعونون اوئنده اولان واخت،
بئر آرواد اونون يانينا گلدي. آرواد مرمر بئر قابدا چوخ قئيمتلي بئر عطئر گتئرمئشدي. عئسا سوفرهده اوتورارکن، آرواد عطئري اونون باشينا تؤکمه‌يه باشلادي.
شاگئردلر، بونو گؤرن واخت، قضبله‌نئب ددئلر: "بو ائسراف نه اوچون؟
اولاردي کي، بو عطئر باها بئر قئيمته ساتيليب يوخسوللارا ورئلسئن."
آمّا عئسا بونو بئلئب اونلارا ددي: "نه اوچون بو آروادي ائنجئدئرسئنئز؟ او منه ياخشيليق اتدي.
يوخسوللار همئشه يانينيزداديرلار، لاکئن من همئشه يانينيزدا ديئلم.
بو آرواد بو عطئري منئم بدنئمه تؤکمکله مني دفن اوچون حاضيرلادي.
دوغروسونو سئزه ديئرم: ائنجئلئن بو خوش خبري دونيانين هاراسيندا وعظ ادئلسه، بو آروادين اتدئيي ده ديئلئب خاطيرلاناجاق."
او زامان اونائکئلردن، يهودا ائسکاريوت آدلانان بئري، باش کاهئنئن يانينا گدئب ددي:
"اونو اَله ورسم، منه نه وِرَرسئنئز؟" اونلار دا يهودايا اوتوز گوموش پاراسي وعده وردئلر.
او واختدان يهودا، عئساني اَله ورمک اوچون فورصت آختاريردي.
فطئر بايرامينين بئرئنجي گونونده شاگئردلر عئسانين يانينا گلئب ددئلر: "هارادا ائستهيئرسن کي، سنئن اوچون پاسخا يمه‌يئني حاضيرلاياق؟"
عئسا دا ددي: "شهره گئرئب فئلانکسئن يانينا گدئن و اونا ديئن: «اوستاد ديئر؛ واختيم ياخيندير. شاگئرلرئمله بئر يرده پاسخاني سنئن اوئنده يرئنه يتئرهجه‌يئک.»"
شاگئردلر عئسانين اونلارا امر اتدئيي کئمي ادئب پاسخاني حاضيرلاديلار.
آخشام دوشنده، عئسا اونائکي شاگئردي ائله يمه‌يه اوتوردو.
يمک يئينده عئسا ددي: "دوغروسونو سئزه ديئرم: سئزلردن بئري مني اَله ورهجک."
اونلار چوخ پرت اولدولار و هر بئرئسي "حتمن کي، من ديئلم، يارب؟" دمه‌يه باشلادي.
عئسا جاواب ورئب ددي: "اَلئني منئمله بوشقابا اوزادان، مني اَله ورهجک.
ائنسان اوغلو نجه کي، اونون بارهسئنده يازيليب، گدئر. آمّا واي او آدامين حالينا کي، ائنسان اوغلو اونون واسئطهسئله اله ورئلئر! او آدام هچ آنادان اولماسايدي، اونون اوچون داها ياخشي اولاردي."
اونو اله ورن يهودا ددي: "حتمن کي، من ديئلم، اوستاد؟" عئسا دا اونا ددي: "ددئيئن کئميدئر."
اونلار يمک يئيرکن، عئسا چؤره‌يي گؤتوردو و برکتلهيئب پارچالادي و شاگئردلره ورئب ددي: "آلين، ييئن! بو منئم بدنئمدئر."
بئر پئياله ده گؤتوروب شوکور اتدي و اونلارا ورئب ددي: "بوندان هامينيز ائچئن.
چونکي بو منئم قانيمدير، عهدئن قاني کي، گوناهلارين باغيشلانماسي اوچون بئر چوخلاري يولوندا تؤکولور.
سئزه ديئرم: اوزوم آغاجينين بو محصولوندان آرتيق ائچميهجه‌يم، او گونه کئمي کي، اونو آتامين پادشاهليغيندا سئزئنله برابر تزهسئني ائچئم."
و ائلاهي ماهني‌لار اوخوياندان سونرا زيتون داغينا گتدئلر.
او زامان عئسا اونلارا ددي: "بو گجه هامينيز مندن دؤنهجکسئنئز. چونکي يازيليب: «چوباني ووراجاغام، و سورونون قويونلاري داغيلاجاق.»
آمّا من، دئرئلندن سونرا، سئزدن قاباق جلئله گدهجه‌يم."
پطروس جاواب ورئب ددي: "هامي سندن دؤنسه ده، من سندن اصلا دؤنميهجه‌يم."
عئسا اونا ددي: "دوغروسونو سنه ديئرم: اِله بو گجه، خوروز بانلاماميشدان سن مني اوچ دفه ائنکار ادهجکسن."
پطروس اونا ددي: "منه سنئنله بئر يرده اؤلمک لازيم گلسه بله، سني اصلا ائنکار اتمه‌يهجه‌يم." شاگئردلرئن هاميسي دا اِله ددئلر.
او زامان عئسا اونلارلا جتسئماني آدلانان بئر يره گلئب شاگئردلرئنه ددي: "من اورايا گدئب دوعا ادرکن، سئز بورادا اوتورون."
پطروسلا زِبِدِيئن ائکي اوغلونو اؤزو ائله گؤتوردو. قم و ائضطئراب عئسايا حاکئم اولماغا باشلاميشدي.
او واخت اونلارا ددي: "جانيم اؤلوم درجهسئنده قمگئندئر. بورادا دورون و منئمله اوياق قالين."
و بئر آز ائرهلي گتدي، اوزو-اوسته يره دوشوب دوعا اتدي: "اي آتام، اگر مومکوندور، قوي بو پئياله مندن کچسئن، آمّا منئم ائسته‌دئيئم کئمي يوخ، سنئن ائسته‌دئيئن کئمي اولسون."
شاگئردلرئنئن يانينا قاييتدي و اونلاري يوخولاميش تاپدي. پطروسا ددي: "منئمله بئر ساعات دا اولسا، اوياق قالماغا قادئر ديئلدئنئز؟
اوياق قالين و دوعا ادئن کي، ائمتاحانا دوشمه‌يهسئنئز. روح راضي، لاکئن جئسم ضعئفدئر."
عئسا ائکئنجي دفه گدئب دوعا اتدي: "اي آتام، اگر مومکون ديئل کي، او پئياله من اونو ائچمه‌دن کچسئن، قوي سنئن ائسته‌دئيئن اولسون."
و قاييديب اونلاري گئنه يوخولاميش تاپدي، چونکي اونلارين گؤزلري آغيرلانميشدي.
اونلاري قويوب گئنه گتدي و اوچونجو دفه دوعا ادئب گئنه همن سؤزلري ددي.
او واخت شاگئردلرئنئن يانينا گلئب اونلارا ددي: "سئز حله ده ياتيب ائستئراحت ادئرسئنئز؟ باخين، ساعات ياخينلاشيب و ائنسان اوغلو گوناهکارلارين الئنه تسلئم ادئلئر.
دورون گدک! باخين، مني تسلئم ادن گلئر!"
عئسا حله دانيشيردي کي، اون‌ائکي‌لردن بئري اولان يهودا گلدي؛ يانيندا قيلينجلي و دينکلي بؤيوک بئر جاماعات وار ائدي کي، باش کاهئنلر و خالقين آغساقّاللاري طرفئندن گؤنده‌رئلمئشدئلر.
اونو تسلئم ادن اونلارا بئر علامت ورئب دمئشدي کي، "کئمي اؤپسم، اودور؛ اونو توتون."
و او آندا عئسايا ياخينلاشيب "سالام، اوستاد!" ددي و اونو اؤپدو.
عئسا دا اونا ددي: "دوستوم، نه اوچون گلدئيئني ات!" او زامان اونلار عئسايا ياخينلاشديلار و ال آتيب اونو توتدولار.
عئسا ائله اولانلاردان بئري ال آتيب، قيلينجيني چکدي و باش کاهئنئن نؤکرئني ووروب قولاغيني کسدي.
او زامان عئسا اونا ددي: "قيلينجيني يرئنه قوي، چونکي بوتون قيلينج چکنلر قيلينجلا هلاک اولاجاقلار.
مگر اله گومان ادئرسئنئز کي، قادئر ديئلم آتامدان کؤمک ائستهيم؟! ائستهسم، اله همئن بو آن منه ائکي قوشوندان چوخ ملک گؤنده‌رر.
اوندا بس نجه يازيلار دوغرو چيخاردي کي، بله اولماسينين لازيم اولدوغونو ديئر؟"
او زامان عئسا جاماعاتا ددي: "مني توتماغا اله قيلينجلار و دينکلرله گلئبسئنئز کي، اله بئل اوغرو توتماغا چيخيبسينيز. من هر گون معبدده اوتوروب تعلئم ورئردئم، لاکئن مني توتمادينيز.
آمّا بونلارين هاميسي اونون اوچون باش ورئر کي، پيغمبرلرئن يازيلاري يرئنه يتئشسئن." او زامان شاگئردلرئن هاميسي عئساني قويوب قاچديلار.
عئساني توتانلار اونو باش کاهئن قيافانين يانينا گتئردئلر. دئن عالئملري و آغساقّاللار دا بورادا ييغيلميشديلار.
پطروس باش کاهئنئن سارايينا قدر اوزاقدان عئسانين دالينجا گتدي و ائچه‌ري گئرئب، ائشئن آخيريني گؤرمک اوچون موحافئظلرئن يانيندا اوتوردو.
باش کاهئنلر و بوتون شورا عئساني اؤلدورمک اوچون اونون ضئدّئنه يالان شهادت آختاريرديلار.
اورتايا بئر چوخ يالانچي شاهئدلر چيخديغي حالدا، آختارديقلاريني تاپا بئلمه‌دئلر. نهايت ائکي يالانچي شاهئد گلئب ددي:
"بو آدام ددي کي، «من تارينين معبدئني ييخيب، اوچ گونده تئکه بئله‌رم.»"
باش کاهئن آياغا قالخيب عئسايا ددي: "سن هچ جاواب ورمئرسن؟ بونلارين سنئن ضئدّئنه وردئکلري شهادت نه‌دئر؟"
آمّا عئسا سوکوت اتدي. باش کاهئن اونا ددي: "سني آند ورئرم ياشايان تارييا، بئزه ده گؤرک، آيا سن تارينين اوغلو مسئحسن؟"
عئسا اونا ددي: "ددئيئن کئميدئر. حتّا بونو دا سئزه ديئرم؛ بوندان سونرا ائنسان اوغلونو گؤرهجکسئنئز کي، قادئرئن صاغيندا اوتوروب، گؤيون بولودلاري اوستونده گلئر."
او زامان باش کاهئن اؤز پالتاريني جيريب ددي: "او کوفر ديئر، داها شاهئدلره نه احتئياجيميز وار؟ باخين، اله ائندي اونون کوفر ددئيئني اشئتدئنئز.
سئزه نجه گلئر؟" اونلار جاواب ورئب ددئلر: "او، اؤلومه لايئقدئر."
او زامان عئسانين اوزونه توپوروب، اونا يومروق ووردولار. بعضئلري ده اونون اوزونه شئلّه ووروب،
ديئردئلر: "اي مسئح، بئزه پيغمبرلئيئني گؤرسد گؤرک، سني ووران کئمدئر؟"
بو زامان پطروس اشئکده، حيطده اوتورموشدو. بئر کنئز اونا ياخينلاشيب ددي: "سن ده جلئللي عئسا ائله ائدئن."
آمّا او، هامينين قاباغيندا ائنکار ادئب ددي: "سنئن نه ددئيئني باشا دوشمورم."
سونرا دروازايا طرف گتدي. اورادا آيري بئر کنئز اونو گؤروب اوراداکي‌لارا ددي: "بو دا ناصئرهلي عئسا ائله ائدي."
او، گئنه ائنکار ادئب آند ائچدي: "او آدامي تانيميرام."
بئر آز سونرا اورادا دورانلار گلئب پطروسا ددئلر: "دوغرودان سن ده اونلاردانسان، چونکي دانيشيغين سني ائفشا ادئر."
او زامان پطروس لعنت وره-وره آند ائچمه‌يه باشلادي: "او آدامي تانيميرام." و او آندا خوروز بانلادي.
پطروس عئسانين سؤزونو خاطيرلادي کي، اونا دمئشدي؛ "خوروز بانلاماميشدان سن مني اوچ دفه ائنکار ادهجکسن." و اورادان چيخيب آجي-آجي آغلاماغا باشلادي.
سحر آچيلاندا بوتون باش کاهئنلر و خالقين آغساقّاللاري عئساني اؤلدورمک اوچون موشاوئره اتدئلر.
عئساني باغلاديلار و اونو والي پئلاطين يانينا آپاريب اونا تسلئم اتدئلر.
او زامان اونو اَله ورن يهودا، عئسانين محکوم ادئلدئيئني گؤروب پشمان اولدو و اوتوز گوموش پاراسيني باش کاهئنلر و آغساقّاللارا قايتاريب
ددي: "من گوناه اتمئشم، چونکي تقصئرسئز قاني اَله ورمئشم." اونلار جاواب وردئلر: "بئزه نه؟ اؤزون بئل."
يهودا گوموشلري معبدئن ائچئنه آتيب اورادان چيخدي و گدئب اؤزونو آسدي.
باش کاهئنلر گوموشو گؤتوروب ددئلر: "قان باهاسي اولدوغونا گؤره، بو گوموشلري معبدئن خزئنهسئنه قويماق جائز ديئل."
و موشاوئره ادئب قرئبلري دفن اتمک اوچون او پوللا کوزهگر زمئسئني ساتين آلديلار.
بونا گؤره او زمئيه بو گونه قدر قان زمئسي ديئلئر.
او واخت اِرِميا پيغمبرئن واسئطهسئله ديئلمئش سؤز يرئنه يتئشدي: «و اونلار اوتوز گوموش پاراسيني گؤتوردولر، او آدامين قئيمتئني کي، ائسرايئل اوغوللاري اونا قئيمت قويموشدولار.
و ربّئن منه بويوردوغو کئمي کوزهگر زمئسي اوچون وردئلر.»
بو آرادا، عئسا والئنئن قاباغيندا دوردو. والي اوندان سوروشدو: "آيا سن يهودئلرئن پادشاهيسان؟" عئسا اونا ددي: "ددئيئن کئميدئر."
آمّا باش کاهئنلر و آغساقّاللار عئسايا بؤهتان ووران زامان دا، او هچ بئر جاواب ورمه‌دي.
او واخت پئلاط اونا ددي: "اشئتمئرسن کي، سنئن ضئدّئنه نه قدر شهادت ورئرلر؟"
آمّا عئسا اونا هچ بئر جاواب ورمه‌دي. والي بوندان چوخ تعجّوب اتدي.
پاسخا بايراميندا، والي عادتن خالقين ائسته‌دئيي زئندانيلردن بئرئني آزاد ادردي.
او زامان باراَبّا آدلي مشهور بئر زئنداني حبسده ساخلانيردي.
بونا گؤره ده، جاماعات بئر يره ييغيلديقلاري زامان، پئلاط اونلارا ددي: "هانسيني ائسته‌يئرسئنئز کي، سئزئن اوچون آزاد ادئم؟ باراَبّاني، يوخسا مسئح ديئلن عئساني؟"
چونکي بئلئردي کي، اونلار عئساني پاخيلّيقدان اونا تسلئم ادئبلر.
پئلاط حؤکم کورسوسونده اوتورموشدو کي، آروادي اونا خبر گؤنده‌ردي: "بو صالح آداملا سنئن هچ بئر ائشئن اولماسين؛ چونکي بو گون اونون حاقّيندا يوخودا چوخ عذابلار چکمئشم."
آمّا باش کاهئنلر و آغساقّاللار جاماعاتي تحرئک ادئردئلر کي، باراَبّاني ائستهسئنلر و عئساني اؤلومه ورسئنلر.
او زامان والي اونلاردان سوروشدو: "ائکئسئندن هانسيني ائسته‌يئرسئنئز کي، سئزئن اوچون آزاد ادئم؟" اونلار دا ددئلر: "باراَبّاني."
پئلاط اونلارا ددي: "بس مسئح ديئلن عئسايا نه ادئم؟" اونلارين هاميسي ددئلر: "چارميخا چکئلسئن."
والي ددي: "مگر او نه يامانليق ادئب؟!" آمّا اونلار داها اوجادان باغيريب ددئلر: "چارميخا چکئلسئن."
پئلاط گؤردو کي، هچ بئر شي آرتيق فايدا اتمئر و عکسئنه ائغتئشاش داها دا گوجله‌نئر، سو گؤتوردو و خالقين قاباغيندا اَللرئني يويوب ددي: "من بو صالح آدامين قانيندان تقصئرسئزم. اؤزونوز بئلئن!"
بوتون خالق جاواب ورئب ددي: "اونون قاني بئزئم بوينوموزا و اوشاقلاريميزين بوينونا اولسون!"
او زامان پئلاط اونلارا باراَبّاني آزاد اتدي. و عئساني، دؤيدورندن سونرا، چارميخا چکئلمه‌يه تسلئم اتدي.
او واخت، والئنئن عسگرلري عئساني دئوانخانايا آپارديلار؛ و بوتون فوج اونون باشينا ييغيلدي.
اونو سويوندوروب، اونا قيرميزي بئر شئنل گيدئردئلر.
تئکانلاردان بئر تاج هؤروب، باشينا قويدولار، صاغ الئنه ده بئر قاميش وردئلر؛ اونو اَله ساليب قاباغيندا دئز چؤکوردولر و ديئردئلر: "سالام، اي يهودئلرئن پادشاهي!"
اونا توپوردولر، قاميشي گؤتوروب باشينا ووردولار.
اونو اَله سالاندان سونرا، شئنلي اَينئندن چيخارديب، اؤز پالتاريني گيدئردئلر؛ و اونو چارميخا چکمه‌يه آپارديلار.
باييرا چيخاندا، شمعون آدلي کرِنِيلي بئر آدام تاپديلار؛ اونو مجبور اتدئلر کي، عئسانين چارميخيني داشيسين.
جولجوتا، يعني "کلّه يري" آدلانان يره گلدئکلري زامان،
ائچمه‌يي اوچون اونا عؤدله قاريشيق تورش شراب وردئلر. عئسا اونو داديب ائچمک ائستمه‌دي.
اونو چارميخا چکندن سونرا، پوشک آتيب پالتارلاريني آرالاريندا پايلاديلار.
و اورادا اوتوروب اونون کشئيئني چکدئلر.
اونون باشي اوستونه تقصئرئني يازيب ووردولار: "بودور يهودئلرئن پادشاهي عئسا."
او زامان اونونلا ائکي اوغرونو دا چارميخا چکدئلر؛ بئري صاغيندا، بئري ده سولوندا.
يانيندان کچنلر اونو سؤيوردولر و باشلاريني ترپه‌دئب،
ديئردئلر: "اي معبدي ييخيب اوچ گونده تئکن! اگر تارينين اوغلوسان، اؤزونو خئلاص ات و چارميخدان دوش!"
باش کاهئنلر ده، دئن عالئملري و آغساقّاللارلا اونو اَله ساليب، ديئردئلر:
"اؤزگهلري خئلاص ادئردي، آمّا اؤزونو خئلاص اده بئلمئر! اگر ائسرايئلئن پادشاهيدير، قوي ائندي چارميخدان دوشسون و بئز ده اونا ائمان گتئرک.
تارييا بل باغلاييردي؛ اگر تاري اونو سِوئر، قوي ائندي اؤزو اونو خئلاص اتسئن. چونکي ديئردي من تارينين اوغلويام."
اونونلا چارميخا چکئلن اوغرولار دا اونو سؤيوردولر.
آلتينجي ساعاتدان دوقّوزونجو ساعاتا قدر، بوتون اؤلکهيه قارانليق دوشدو.
دوقّوزونجو ساعاتا ياخين، عئسا اوجا سَسله قيشقيردي: "ائلويي، ائلويي، لاما سَبَقته‌ني؟" يعني "تاريم، تاريم، نه اوچون مني ترک اتدئن؟"
اورادا دورانلاردان بعضئلري بونو اشئدنده ددئلر: "ائلياني چاغيرير."
او آندا، اونلاردان بئري قاچيب بئر بولوط گؤتوردو، تورش شرابلا دولدوروب بئر قاميشا تاخدي و اونا اوزاتدي کي، ائچسئن.
لاکئن قالانلاري ديئردئلر: "قويون گؤرک، آيا ائليا اونو خئلاص اتمه‌يه گلئر؟"
عئسا گئنه اوجا سَسله قيشقيريب روحونو تسلئم اتدي.
او آندا معبدئن پردهسي يوخاريدان آشاغييا قدر ائکي يره بؤلوندو. ير لرزهيه گلدي، قايالار چاتلاديلار.
قبئرلر آچيليب، وفات اتمئش بئر چوخ موقدّسئن جسدي دئرئلدي.
اونلار قبئرلردن چيخيب، عئسانين دئرئلمهسئندن سونرا، موقدّس شهره گئردئلر و بئر چوخ آداملارا گؤروندولر.
يوزباشي و اونونلا عئسانين کشئيئني چکنلر، زلزلهني و واقع اولان شيلري گؤروب قورخدولار و ددئلر: "دوغرودان دا بو آدام تارينين اوغلو ائدي."
بئر چوخ آرواد کي، جلئلدن عئسانين دالينجا گلئب اونا خئدمت اتمئشدئلر، اورادا دوروب اوزاقدان تاماشا ادئردئلر.
مجدللي مريم، يعقوبلا يوسانين آناسي مريم و زِبِدِيئن اوغوللارينين آناسي اونلارين آراسيندا ائدي.
آخشام دوشنده يوسئف آدلي وارلي بئر آرئماتايلي گلدي کی، عئسانين شاگئردي اولموشدو.
بو آدام پئلاطين يانينا گدئب عئسانين جسدئني ائسته‌دي. او زامان پئلاط امر اتدي کي، جسد ورئلسئن.
يوسئف جسدي آليب تمئز بئر کتانا بورودو.
اونو قايا ائچئنده تزه اووولموش اؤز مقبرهسئنه قويدو و مقبرهنئن گئرئشئنه بئر ائري داش ديرله‌دئب گتدي.
مجدللي مريمله او بئري مريم اورادا، قبئرئن قاباغيندا اوتورموشدولار.
او گونون صاباحي، يعني حاضيرليق گونوندن سونرا گلن گون، باش کاهئنلر و فرئسئلر پئلاطين يانينا ييغيليب
ددئلر: "جناب، بئز خاطيرلاييريق کي، او يالانچي، دئري اولان واختيندا ديئردي کي، اوچ گون سونرا دئرئلهجه‌يم.
بونا گؤره، امر ات کي، مقبرهني قوروسونلار. اولماسين شاگئردلري گلئب اونو اوغورلاسينلار و خالقا دسئنلر کي، او، اؤلولردن دئرئلدي. بو آزديرماق اوّلکئندن ده داها پئس اولار."
پئلاط اونلارا ددي: "بئر دسته کشئچکي گؤتورون؛ گدئن بئلدئيئنئز کئمي مقبرهني قورويون."
اونلار گدئب مقبرهنئن قاباغيندا کشئکچي قويدولار و مقبرهنئن داشيني مؤهورلهدئلر و بلجه مقبرهني بوتون خطرلردن قورودولار.
سبّت گونو کچندن سونرا، هفتهنئن ائلک گونو سحر آچيلاندا، مجدللي مريم و او بئري مريم مقبرهني گؤرمه‌يه گلدئلر.
باخ، بؤيوک بئر زلزله اولموشدو: چونکي ربّئن بئر مله‌يي گؤيدن انئب، داشي مقبرهنئن آغزيندان ديرله‌دئب اوستونده اوتورموشدو.
اونون گؤرونوشو شئمشک کئمي ائدي؛ پالتاري قار کئمي آغ ائدي.
اونون قورخوسوندان کشئکچئلر تئترهيئب اؤلو کئمي اولموشدولار.
ملک آروادلارا ددي: "سئز قورخمايين، چونکي بئلئرم کي، چارميخا چکئلمئش عئساني آختاريرسينيز.
او، بورادا ديئل، چونکي ددئيي کئمي دئرئلدي. گلئن ربّئن ياتديغي يري گؤرون.
و تز گدئب اونون شاگئردلرئنه ديئن: او، اؤلولردن دئرئلئب و سئزدن قاباق جلئله گدئر. اورادا اونو گؤرهجکسئنئز. ائندي، سئزه خبر وردئم."
آروادلار قورخو و بؤيوک شادليقلا او ساعات مقبرهدن چيخديلار و شاگئردلره خبر ورمه‌يه قاچديلار.
شاگئردلره خبر ورمه‌يه گدنده، بئردن عئسا اونلارين قاباغينا چيخيب ددي: "سئزه سالام!" اونلار دا ياخينلاشيب عئسانين آياقلارينا دوشدولر و اونا سجده اتدئلر.
او زامان عئسا اونلارا ددي: "قورخمايين! گدئن، قارداشلاريما خبر ورئن کي، جلئله گتسئنلر. مني اورادا گؤرهجکلر."
آروادلارين گتدئيئندن سونرا، کشئکچئلردن بعضئسي شهره گلئب، باش ورن بوتون شيلري باش کاهئنلره خبر وردئلر.
اونلار آغساقّاللارلا بئر يره ييغيليب موشاوئره ادندن سونرا، عسگرلره چوخلو پول ورئب ددئلر:
"ديئن کي، شاگئردلري بئز يوخودا ائکن گجه ائله گلئب اونو اوغورلاييبلار.
اگر بو بارهده خبر والئيه گلئب چاتسا، بئز اونو راضي اِدهرئک و سئزي بلادان قورتاراريق."
اونلار دا پولو آليب امر ادئلدئيي کئمي اتدئلر. و بو سؤز بو گونه کئمي يهودئلر آراسيندا ياييليبدير.
آمّا اون بئر شاگئرد جلئله، عئسانين اونلارا بئلدئردئيي داغا گتدئلر.
عئساني گؤرن زامان، اونا سجده اتدئلر؛ آمّا بعضئلري شوبهه ائچئنده ائدئلر.
عئسا ياخينلاشيب اونلارا ددي: "گؤيده و ير اوزونده بوتون قودرت منه ورئلئب.
اونا گؤره گدئن و بوتون خالقلاري منه شاگئرد ادئن. و اونلاري آتا، اوغول و موقدّس روحون آدي ائله تعمئد ورئن.
اونلارا اؤيره‌دئن کي، سئزه امر اتدئيئم بوتون شيلري ساخلاسينلار. باخين، من دونيانين آخيريناجاق هر گون سئزئنله وارام."
تارينين اوغلو عئسا مسئحئن خوش خبرئنئن باشلانيشي.
اشعيا پيغمبرئن کئتابيندا يازيليب: «باخ، من سنئن قاباغيندا اؤز الچئمي گؤنده‌رئرم کي، سنئن يولونو حاضيرلاسين.
چؤلده بئرئنئن سسي نئدا ادئر: ربّئن يولونو حاضيرلايين. اونون يوللاريني دوز ادئن.»
و يحيا بلجه ظوهور اتدي و چؤلده ائنسانلاري تعمئد ورئب، گوناهلارين باغيشلانماسي اوچون تؤوبه تعمئدئني وعظ ادئردي.
اورشلئمليلر و بوتون يهودئيه وئلايتئنده ياشايانلار، اونون يانينا گلئردئلر و گوناهلارينا اعتئراف ادئب، اوردون چاييندا اوندان تعمئد آليرديلار.
يحيا دَوه توکوندن پالتار گيئنئب، درئدن بلئنه قاييش باغلاميشدي و چيئرتکه و چؤل بالي ييئردي.
او وعظ ادئب ديئردي: "مندن سونرا مندن داها قووّتلي اولان گلئر کي، من اَيئلئب اونون آياق قابينين باغيني دا آچماغا بله لايئق ديئلم.
من سئزي سو ائله تعمئد وردئم، آمّا او سئزي موقدّس روحلا تعمئد ورهجک."
او گونلرده، عئسا جلئلئن ناصئره شهرئندن گلئب، اوردون چاييندا يحيادان تعمئد آلدي.
و سودان چيخار-چيخماز گؤيون ياريلديغيني و روحون گؤيرچئن شکلئنده اونون اوستونه اندئيئني گؤردو.
و گؤيدن بئر سس گلدي: "سن منئم سِودئيئم اوغلومسان. سندن راضييام!"
اله او آندا موقدّس روح عئساني چؤله آپاردي،
و او، قيرخ گون اورادا قاليب شيطان طرفئندن وسوسه اولونوردو. عئسا اورادا وحشي حيوانلارلا قاليردي و ملکلر ده اونا خئدمت ادئردئلر.
يحيانين توتولماسيندان سونرا، عئسا جلئله گلدي و تارينين خوش خبرئني وعظ ادئب ديئردي:
"واخت تامام اولور. تارينين پادشاهليغي ياخينلاشيب. تؤوبه ادئن و خوش خبره ائنانين."
عئسا جلئل دهنزئنئن قيراغيندان کچن واخت، شمعون و قارداشي آندرياسي گؤردو. اونلار دهنزه تور آتيرديلار، چونکي باليق اووچوسو ائدئلر.
و اونلارا ددي: "منئم داليمجا گلئن. من سئزي ائنسانلار اووچوسو اده‌رم."
اونلار دا او آندا تورلاريني بوراخيب، اونون دالينجا گتدئلر.
اورادان بئر آز ائرهلي گتدئکده عئسا زِبِدِي اوغلو يعقوب و قارداشي يوحنّاني گؤردو. اونلار قاييقدا اوتورموشدولار و تورلاريني تعمئر ادئردئلر.
عئسا اله او ساعاتدا اونلاري دعوت اتدي. اونلار دا آتالاري زِبِدِيي ائشچئلر‌له قاييقدا قويوب، اونون دالينجا گتدئلر.
اونلار کفرناحوما گلدئلر. سبّت گونو يتئشنده، عئسا کنئسهيه گئرئب تعلئم ورمه‌يه باشلادي.
اونون تعلئمئندن هامي حيران قالميشدي، چونکي اونلارا دئن عالئملري کئمي يوخ، ائقتئدار صاحئبي کئمي تعلئم ورئردي.
کنئسهده ناپاک روح الئنده توتولموش بئر آدام وار ائدي. بو آدام باغيرا-باغيرا ددي:
"ناصئرهلي عئسا، بئزدن نه ائستهيئرسن؟ آيا بئزي هلاک اتمک اوچون گلئبسن؟ سنئن کئم اولدوغونو بئلئرم: سن تارينين موقدّسي‌سن!"
لاکئن عئسا اونا آجيقلانيب ددي: "ساکئت اول و اوندان اشئيه چيخ!"
او واخت ناپاک روح، آدامي شئدّتله اَسدئردي و اوجا سَسله چيغيريب اوندان اشئيه چيخدي.
هامي تعجّوبدن مات قالميشدي و بئربئرلرئندن سوروشوردولار: "بو نه‌دئر؟! ائقتئدارلي تزه بئر تعلئم! ناپاک روحلارا بله امر ادئر، و اونلار اوندان ائطاعت ادئرلر."
و چوخ چکمه‌دي کي، عئسانين شؤهرتي جلئلئن بوتون يرلرئنده ياييلدي.
اونلار کنئسهدن چيخان واخت، يعقوب و يوحنّا ائله، شمعون و آندرياسين اِوئنه گتدئلر.
شمعونون قايناناسي قيزديرما ائچئنده ياتاقدا ائدي. اونون حاليندان آنَن عئساني خبردار اتدئلر.
عئسا او آروادا ياخينلاشدي و اونون الئندن توتوب آياغا قالديردي. آروادين قيزديرماسي کسئلدي و اونلارا خئدمت اتمه‌يه باشلادي.
آخشام، گون باتان واخت، بوتون ناخوشلار و ناپاک روحلار الئنده توتولموش ائنسانلاري اونون يانينا گتئردئلر.
شهرئن بوتون خالقي قاپييا ييغيلميشدي.
عئسا جوربهجور ناخوشلوقلارا دوچار اولموش بئر چوخ ائنساني صاغالتدي و بئر چوخ ناپاک روحلاري قوودو. او، ناپاک روحلارين دانيشماغينا ائجازه ورمئردي، چونکي اونو تاني‌ييرديلار.
سحر، گون چيخماميش عئسا قالخدي و اِودن چيخيب ساکئت بئر يره گتدي و اورادا دوعا ادئردي.
شمعون و اونونلا اولانلار، اونو آختارماغا چيخديلار و اونو تاپيب ددئلر:
"هامي سني آختارير."
عئسا اونلارا ددي: "گلئن آيري يرلره، بو ياخين قصبهلره ده گدک کي، اونلاردا دا وعظ ادئم. چونکي من بونون اوچون گلمئشم."
و جلئلئن بوتون يرلرئنده گزئردي و اونلارين کنئسهلرئنده وعظ ادئب، ناپاک روحلاري قوووردو.
بئر نفر جوذاملي عئسانين يانينا گلدي و اونون قاباغيندا دئز چؤکوب يالوارا-يالوارا ددي: "اگر ائسته‌يهسن مني بو ناخوشلوقدان تمئز اده بئلرسن."
عئسانين او آداما رحمي گلدي و الئني اوزاديب، اونون اوستونه قويدو و اونا ددي: "ائسته‌يئرم، تمئز اول."
او آندا جوذام بو آدامي ترک اتدي و او، بو مرضدن تمئز اولدو.
عئسا اونا جئدّي تاپشيريب، آنَن اونو مورخّص اتدي و اونا ددي:
"باخ! هچ کئمه بئر سؤز دمه، آنجاق گت کاهئنه گؤرون و تمئزلئيئن اوچون موسانين امر اتدئکلرئني تقدئم ات کي، اونلارا شهادت اولسون."
آمّا او آدام چيخيب، چوخ شيلر جار چکدي و اولوب-کچنلري هر يرده يايدي. اله کي، عئسا آرتيق هچ بئر شهره آچيقجا گئره بئلمه‌يئب، شهردن اشئگده، چؤلده قاليردي. آمّا آداملار هر طرفدن اونون يانينا گلئردئلر.
بئر نچه گون سونرا عئسا گئنه کفرناحوما گلدي و اونون اِوده اولماسينين خبري ياييلدي
و او قدر چوخ آدام اورايا ييغيلدي کي، قاپي آغزيندا دا بله ير قالمادي و عئسا اونلارلا تارينين کلاميندان دانيشيردي.
بو آرادا بئر عئدّه، ائفلئج آدامي دؤرد نفرئن وسئلهسئله داشي‌ييب اونون يانينا گتئردئلر.
آمّا آداملارين چوخلوغوندان اونا ياخينلاشا بئلمه‌دئلر. اونون اوچون ده عئسانين اولدوغو اِوئن داميني سؤکوب يارديلار و ائفلئج آدامي ياتاغي ائله آشاغي اِندئردئلر.
عئسا اونلارين ائمانيني گؤرنده ائفلئجه ددي: "اوغول، گوناهلارين باغيشلاندي."
آمّا عالئملردن بئر نچهسي اورادا اوتوروب اورَکلرئنده دوشونوردولر:
"بو آدام نه اوچون بله کوفرلر دانيشير؟ تاريدان باشقا کئم گوناهلاري باغيشلايا بئلر؟"
عئسا روحوندا اونلارين اؤز آرالاريندا بله دوشوندوکلرئني آنلاييب اونلارا ددي: "نه اوچون اورکلرئنئزدن بله فئکئرلر کچئردئرسئنئز؟
هانسي داها آساندير؟ ائفلئجه «گوناهلارين باغيشلاندي» دمک؟ يوخسا «قالخ، دؤشه‌يئني گؤتور گت» دمک؟
آمّا بئلهسئنئز کي، ائنسان اوغلونون ير اوزونده گوناهلاري باغيشلاماق قودرتي وار…" عئسا ائفلئجه ددي:
"سنه ديئرم قالخ، دؤشه‌يئني گؤتور و اوئنه گت."
او آندا ائفلئج يردن قالخيب دؤشه‌يئني گؤتوردو و هامينين گؤزو قاباغيندا چيخيب گتدي. اله کي، هامي تعجّوبدن مات قالدي و تاريني حمد ادئب ديئردئلر: "بله بئر شي اصلا گؤرمهمئشدئک."
عئسا گئنه دهنزئن قيراغينا گتدي و بوتون خالق اونون يانينا گلدي و او دا اونلارا تعلئم ورئردي.
يولدان کچنده آلفاعوس اوغلو لاوئني باج ييغيلان يرده اوتورموش گؤردو و اونا ددي: "منئم داليمجا گل." لاوي ده قالخيب اونون دالينجا گتدي.
عئسا لاوئنئن اوئنده سوفره باشيندا اوتورموشدو. بئر چوخ باج ييغانلار و گوناهکارلار دا او و شاگئردلرئله سوفره باشيندا اوتورموشدولار. چونکي چوخ آداملار اونون دالينجا گدئردئلر.
فرئسئلرئن عالئملري عئسانين گوناهکارلار و باج ييغانلارلا يمک يدئيئني گؤرنده اونون شاگئردلرئنه ددئلر: "نه اوچون او، باج ييغانلار و گوناهکار آداملارلا ييئب-ائچئر؟"
عئسا بو سؤزو اشئدن زامان اونلارا ددي: "صاغ آداملار يوخ، ناخوشلار طبئبه مؤحتاجديرلار. من صالح آداملاري يوخ، گوناهکار آداملاري دعوت اتمه‌يه گلمئشم."
يحيانين شاگئردلري و فرئسئلر اوروج توتموشدولار. بونلار عئسانين يانينا گلئب اونا ددئلر: "يحيانين و فرئسئلرئن شاگئردلري نه اوچون اوروج توتورلار، آمّا سنئن شاگئردلرئن اوروج توتمورلار؟"
عئسا اونلارا ددي: "بَيئن قوناقلاري، بَي اونلارلا اولان واخت، مگر اوروج توتارلار؟ نه قدر کي، بَي اونلارلا وار، اونلار اوروج توتا بئلمزلر.
آمّا او گونلر يتئشهجک کي، بَي اونلارين الئندن آليناجاق و او زامان اونلار اوروج توتاجاقلار.
هچ کس کؤهنه پالتارا تزه قوماشدان ياماق تئکمز. يوخسا تزه ياماق کؤهنه پالتاردان قوپار و ييرتيق داها پئس اولار.
هچ کس ده تزه شرابي کؤهنه تولوقلارا تؤکمز. يوخسا تزه شراب کؤهنه تولوقلاري پارتلادار. هم شراب تؤکولوب گدر، هم ده تولوق تلف اولار. تزه شرابي تزه تولوقلارا تؤکرلر."
بئر گون عئسا سبّت گونونده شاگئردلري ائله اَکئنلر آراسيندان کچئردي. کچنده شاگئردلر سونبوللري درمه‌يه باشلاديلار.
فرئسئلر اونا ددئلر: "باخ! سبّت گونونده جائز اولمايان ائشي نه اوچون گؤرورلر؟"
عئسا اونلارا ددي: "آيا هچ اوخوماييبسينيز کي، داوود و اونونلا آج اولانلار، آج و مؤحتاج قالاندا نه اتدئلر؟
نجه داوود باش کاهئن اَبياتارين زامانيندا تارينين اِوئنه گئرئب، تارييا تقدئم اولونموش چؤره‌يي يدي و اونونلا اولانلارا دا وردي، حال بو کي، اونلاري يمک کاهئنلردن باشقا هچ کسه جائز ديئلدي؟!"
و عئسا اونلارا ددي: "ائنسان سبّت گونو اوچون يوخ، سبّت گونو ائنسان اوچون اولوب.
بونا گؤره ائنسان اوغلو سبّت گونونون ده صاحئبئدئر."
عئسا گئنه کنئسهيه گئردي. اورادا اَلي قوروموش بئر آدام وار ائدي.
اونلار عئساني دئقّتله گؤز آلتينا آلميشديلار کي، سبّت گونونده او کئشئيه شفا ورسئن و بونون اوچون اونا ائتّئهام وورسونلار.
عئسا اَلي قوروموش آداما ددي: "اورتادا دور."
و اونلارا ددي: "سبّت گونونده نه اتمک جائزدئر ياخشيليق اتمک، يوخسا پئسلئک اتمک؟ جان قورتارماق، يوخسا جان آلماق؟" اونلار ساکئت دورموشدولار.
عئسا اطرافيندا اولان آداملارا قضبله باخيب، اونلارين اورکلرئنئن برکلئيئندن چوخ قمگئن اولدو و او کئشئيه ددي: "الئني اوزات." او آدام الئني اوزاتدي و اَلي اوّلکي کئمي اولدو.
فرئسئلر آنَن چيخيب هئرودچولارلا برابر عئساني اؤلدورمک اوچون مشورت اتدئلر.
آمّا عئسا شاگئردلری ائله دهنز طرفئنه چکئلدي و جلئلدن چوخ آداملار اونون دالينجا گتدئلر.
و اونون بوتون اتدئکلرئني اشئدنلر يهودئيهدن، اورشلئمدن، ائدومئيهدن، اوردون چايينين او تاييندان، صور و صيدانين اطرافلاريندا ياشايانلاردان بؤيوک بئر جاماعات اونون يانينا گلدي.
جاماعاتين اونو سيخيشديرماسي اوزوندن عئسا شاگئردلرئنه ددي کي، اونون اوچون بئر قاييق حاضيرلاسينلار.
چوخ ائنسانلاري شفا وردئيي اوزوندن ناخوش آداملاردان چوخلاري عئسانين اوستونه آتيليرديلار کي، اونا توخونسونلار.
و ناپاک روحلار اونو گؤرنده قاباغيندا يره قاپانيرديلار و باغيريب ديئردئلر: "سن تارينين اوغلوسان."
آمّا عئسا اونلارا قدغن ادئردي کي، اونون کئم اولدوغونو آشکار اتمه‌سئنلر.
عئسا داغا چيخيب، اؤزو ائسته‌دئيي آداملاري يانينا چاغيردي و اونلار اونون يانينا گتدئلر.
و اونائکي نفر تعيئن اتدي کي، اونونلا قالسينلار و اونلاري وعظ اتمه‌يه گؤنده‌رسئن
و ائقتئدارلاري اولسون کي، ناپاک روحلاري آداملاردان قووسونلار.
تعيئن اتدئيي آداملار بونلار ائدئلر: شمعون کی، اونا "پطروس" لقبئني ورمئشدی،
زِبِدِي اوغلو يعقوب و قارداشي يوحنّا کي، اونلارا "بواَنرجس" لقبئني ورمئشدي، بواَنرجس يعني ائلديرم اوغوللاري،
آندرياس، فئلئپوس، بَرتولوما، متّا، توماس، و آلفاعوس اوغلو يعقوب، تَداي، وطنپرست شمعون،
و ائسکاريوتلو يهودا کي، اونو دوشمن اَلئنه تسلئم اتدي.
اونلار اِوه گلدئلر و گئنه جاماعات ييغيلدي، اِله کي، چؤرک يمه‌يه بله ائمکانلاري اولمادي.
قوحوملاري بونو اشئدن زامان اونو آپارماغا گلدئلر. ديئردئلر: "دلي اولوب."
اورشلئمدن گلن عالئملر ديئردئلر: "بعلزبول اونون ائچئنه گئرئب و ائبلئسلر ريئسئنئن واسئطهسئله ائبلئسلري قوور."
عئسا اونلاري يانينا چاغيريب مثل‌له ددي: "شيطان، شيطاني نجه قووا بئلر؟
ائکي يره بؤلونموش بئر مملکت داوام گتئره بئلمز.
اؤز ائچئنده ائکئيه بؤلونن بئر اِو ده آياق اوستونده قالا بئلمز.
اگر شيطان اؤزونه ضئدّ دوروب اؤزونده آيريليق سالسا، داوام گتئره بئلمز و اونون آخيري يتئشئب.
هچ کئم گوجلو بئر آدامين اِوئنه گئرئب ماليني اوغورلايا بئلمز، مگر اوّلجه اونون قوللاريني باغلاسين. او زامان اونون ماليني اوغورلايا بئلر.
دوغروسونو سئزه ديئرم، هامي گوناهلار، هامي کوفرلر ائنسان اوغوللارينا باغيشلانار
آمّا موقدّس روح حاقّيندا کوفر دئين آدامين گوناهي هچ واخت باغيشلانماز و تقصئري ابده کئمي اوستونده قالار."
چونکي اونلار "اوندا ناپاک روح وار" ديئردئلر.
عئسانين آناسي و قارداشلاري گلدئلر و اشئکده دوروب عئساني چاغيرماق اوچون اونون يانينا آدام گؤنده‌ردئلر.
عئسانين اطرافيندا اوتوران خالق اونا ددئلر: "آنان و قارداشلارين اشئکده دوروب سني آختاريرلار."
عئسا اونلارا جاواب ورئب ددي: "آنام و قارداشلاريم کئملردئر؟"
و اطرافيندا اوتورانلارا باخيب ددي: "باخين، آنام و قارداشلاريم.
هر کس تارينين ائسته‌دئيئني يرئنه يتئرسه، قارداشيم، باجيم، و آنام اودور."
عئسا گئنه دهنزئن قيراغيندا تعلئم ورمه‌يه باشلادي. اونون يانينا او قدر آدام ييغيلدي کي، او دهنزئن قيراغيندا سو اوستونده اولان قاييغا مئنئب اوتوردو. بوتون او جاماعات دهنزئن قيراغيندا دورموشدو.
عئسا اونلارا مثللرله چوخ شيلر تعلئم وردي و اؤيرتدئکلرئنده اونلارا بله ددي:
"قولاق آسين. بئر اَکئنچي توخوم سپمه‌يه چيخدي.
توخوملاري سپنده اونلاردان بعضئسي يولون قيراغينا دوشدو و قوشلار گلئب اونو يدئلر.
بعضئسي تورپاغي چوخ اولمايان داشليغا دوشوب تز بئتدي، چونکي تورپاغين درئنلئيي يوخ ائدي.
گون چيخاندا گونش اونو يانديردي و کؤکو اولماديغي اوچون قورودو.
توخوملاردان بعضئسي تئکانلار آراسينا دوشدو و تئکانلار بئتئب، اونو بوغدولار و ثمره ورمه‌دي.
او بئرئلري ده برکتلي تورپاغا دوشوب بئتدئلر و بؤيويوب بعضئسي بئره اوتوز، بعضئسي بئره آلتميش، و بعضئسي ده بئره يوز ثمره وردئلر."
عئسا اونلارا ددي: "اشئتمه‌يه قولاقلاري اولان اشئتسئن!"
تک اولان زامان، اونائکي شاگئرد و اونلارلا اطرافيندا اولان آداملار بو مثل حاقّيندا اوندان سوآل سوروشوردولار.
عئسا اونلارا ددي: "تارينين پادشاهليغينين سئرّئني بئلمک سئزه ورئلئب. آمّا اشئگده اولانلارا هر شي مثللرله اولور کي،
باخا-باخا گؤرمه‌سئنلر، قولاق آسا-آسا آنلاماسينلار، مبادا دؤنوب باغيشلانسينلار."
و اونلارا ددي: "بو مثلي باشا دوشمورسونوز؟ بس اؤزگه مثللري نجه باشا دوشهجکسئنئز؟
اکئنچي کلامي سپئر.
يول قيراغينا دوشنلر اونلارديرلار کي، کلامي اشئدئرلر، آمّا شيطان تزلئکله گلئب اونلارا سَپئلن کلامي گؤتوروب آپارير.
بلجه ده داشليق يرلره دوشنلر: کلامي اشئدئب آنَن اونو شادليقلا قبول ادئرلر.
آمّا اونلاردا کؤک يوخدور. بئر آز زامان قاليرلار، و سونرا بو کلامدان اؤتري سيخينتي و اذئيّت باش ورنده، آنَن ائماندان دوشورلر.
تئکانلار آراسينا دوشنلر اونلارديرلار کي، کلامي اشئدئرلر،
آمّا بو دونيانين اوموراتي، مال-دؤولتئن آلداديجيليغي، و آيري شيلرئن هوسلري آرايا گئرئب کلامي بوغور و او، ثمرهسئز اولور.
برکتلي تورپاغا دوشنلر اونلارديرلار کي، کلامي اشئدئب اونو قبول ادئرلر و بئره اوتوز، بئره آلتميش، و بئره يوز ثمره ورئرلر."
عئسا اونلارا ددي: "آيا لامپاني يانديريب دولچا آلتينا يا دا ياتاق آلتينا قويارلار؟ مگر لامپا، اونون اوچون ديئل کي، لامپا قابينا قويولسون؟
چونکي گئزلي بئر شي يوخدور کي، آچيغا چيخماسين و اؤرتولو بئر شي يوخدور کي، آشکارا چيخماسين.
اشئتمه‌يه قولاقلاري اولان، اشئتسئن."
و اونلارا ددي: "نه اشئتدئيئنئزه دئقّت ادئن. هانسي اؤلچو ائله اؤلچرسئنئز، سئزه ده او اؤلچو ائله اؤلچولهجک و داها دا چوخ ورئلهجک.
چونکي کئمئن وارسا، اونا ورئلهجک و کئمئن يوخوسا، اولانلاري دا آليناجاقدير."
عئسا اونلارا ددي: "تارينين پادشاهليغي تورپاغا توخوم سَپَن بئر آداما بنزر.
گجه-گوندوز ياتار-دورار. توخوم بئتئب بؤيوير، آمّا او، بونون نجه اولدوغونو بئلمز.
ير اؤز-اؤزوندن ثمره ورئر: اوّل اوتو، سونرا سونبولو، داها سونرا دا سونبولده يتئشمئش دَني.
محصول يتئشدئيي واخت، آنَن اوراغ سالينار، چونکي بئچئن واختي يتئشئب."
و اونلارا ددي: "تارينين پادشاهليغيني نه‌يه بنزه‌دک؟ و يا اونو نه مثل‌له سئزه آيدينلاشديراق؟
تارينين پادشاهليغي خاردال توخومو کئميدئر کي، تورپاقدا اکئلدئيي واخت، يرده اولان توخوملارين هاميسيندان کئچئکدئر.
آمّا اکئلندن سونرا بؤيويور و بوتون سبزهلردن داها بؤيوک اولور. اله ائري بوداقلار سالير کي، گؤيون قوشلاري اونون کؤلگهسي آلتينا قونا بئلئرلر."
عئسا کلامي بو کئمي مثللرله اونلارا آنلاديقلاري قدر تعلئم ورئردي
و مثلسئز هچ بئر شيي اونلارلا دانيشميردي. لاکئن تک اولان زامان اؤز شاگئردلرئنه بو شيلرئن هاميسيني آچيقلاييردي.
او گون، آخشام اولاندا، عئسا شاگئردلرئنه ددي: "دهنزئن او تايينا کچک."
اونلار دا جاماعاتي بوراخيب، عئسانين اوتوردوغو قاييقلا دهنزئن او بئري طرفئنه يولا دوشدولر. اؤزگه قاييقلار دا اونلارلا گلئردئلر.
بؤيوک بئر طوفان اولدو و شپهلر قاييغين ائچئنه اِنئردئلر. اله کي، قاييق سو ائله دولوردو.
عئسا قاييغين دال طرفئنده ياستيغين اوستونده ياتميشدي. اونلار اونو اوياديب ددئلر: "اوستاد، مگر بئزئم هلاک اولماغيميز سني ناراحات اتمئر؟"
عئسا اويانيب يله آجيقلاندي و دهنزه ددي: "ساکئت اول، آرام اول!" يل داياندي و بؤيوک بئر آرامليق اولدو.
عئسا اونلارا ددي: "نه اوچون بو قدر قورخاقسينيز؟ نه اوچون ائمانينيز يوخدور؟"
اونلار چوخ قورخموشدولار و بئربئرلرئنه ديئردئلر: "بو کئمدئر کي، هم يل، هم ده دهنز اوندان ائطاعت ادئر؟"
و دهنزئن او بئري تايينا، جِراسئنئلرئن وئلايتئنه گلدئلر.
قاييقدان چيخان واخت، ناپاک روحو اولان بئر آدام قبئرئستاندان چيخيب عئسايا راست گلدي.
بو آدام قبئرئستاندا ياشاييردي و آرتيق هچ کئم اونو حتّا زنجئرلرله بله باغلايا بئلمئردي.
گرچي چوخ دفه کوندهلر و زنجئرلرله باغلانميش ائدي، آمّا کوندهلري سينديريب، زنجئرلري ده قيرميشدي و کئمسه اونو ضبط اتمه‌يه قادئر ديئلدي.
دائم، گجه-گوندوز، داغلاردا و قبئرلر آراسيندا باغيريب، داشلارلا اؤزونو يارالاييردي.
بو آدام عئساني اوزاقدان گؤرنده قاچا-قاچا گلدي و اونون قاباغيندا دئز چؤکدو.
و اوجا بئر سَسله باغيريب اونا ددي: "مندن نه ائستهيئرسن عئسا، اوجالاردا ساکئن اولان تارينين اوغلو؟ سني آند ورئرم تارييا، منه عذاب ورمه‌يهسن."
چونکي عئسا اونا دمئشدي: "اي ناپاک روح، بو آدامدان اشئيه چيخ!"
عئسا اوندان سوروشدو: "آدين نه‌دئر؟" او آدام جاواب وردي: "منئم آديم قوشوندور. چونکي بئز چوخوق!"
و عئسايا چوخ يالواردي کي، اونلاري او وئلايتدن قووماسين.
اورادا، داغين اته‌يئنده بؤيوک بئر دونگوز سوروسو اوتلاييردي.
ناپاک روحلار عئسايا يالواريب ددئلر: "بئزي او دونگوزلارا گؤنده‌ر، قوي اونلارين ائچئنه گئرک."
عئسا ائجازه وردي و ناپاک روحلار او آدامدان چيخيب، دونگوزلارا گئردئلر. دونگوزلار داغين اته‌يئندن اوچوروما طرف قاچيب، اورادان دهنزه آتيلديلار و اورادا بوغولدولار. او سورونون ساييسي ائکي مئن اولاردي.
سورونو اوتارانلار قاچيب، بو خبري شهرده و کندلرده يايديلار و خالق دا اولوب-کچنلري گؤرمک اوچون اورايا گلدي.
اونلار عئسانين يانينا گلدئلر و بئر قوشونا قدر ناپاک روحو اولان آدامي آرام اوتورموش، اَينئنه پالتار گيئنمئش، و عاغيللاشميش گؤرنده قورخدولار.
باش ورمئشلري گؤرنلر، ناپاک روحو اولان آدام و دونگوزلارين باشينا گلنلري خالقا نقل اتدئلر.
اونلار دا عئسايا يالوارديلار کي، اونلارين وئلايتئندن چيخيب گتسئن.
قاييغا مئنن واخت، قاباقجا ناپاک روحو اولان آدام عئسايا يالواردي کي، او دا اونونلا گتسئن.
آمّا عئسا اونا ائجازه ورمه‌يئب، ددي: "اؤز اوئنه، اؤز قوحوملارينين يانينا گت و اونلارا ده کي، رب سنه نه قدر بؤيوک ائشلر ادئب و سنه نه قدر مرحمت گؤرسدئب."
او آدام اونلاردان آيريليب عئسانين اونا نه اتدئيئني دکاپولئس دئياريندا نقل اتمه‌يه باشلادي. و هامي تعجّوب ادئردي.
عئسا قاييقلا گئنه دهنزئن او بئري تايينا کچنده، يانينا بؤيوک بئر جاماعات ييغيلدي. او اؤزو دهنزئن قيراغيندا ائدي.
يايروس آديندا کنئسه ريئسلرئندن بئري اونون يانينا گلدي و عئساني گؤرن زامان قاباغيندا دئز چؤکوب،
يالوارا-يالوارا اونا ددي: "قيزيم اؤلوم حاليندادير. گل اَللرئني اونون اوستونه قوي کي، صاغاليب ياشاسين."
عئسا اونونلا گتدي و اونلارين دالينجا چوخ آدام گِدئردي، اله کي، اونو سيخيشديريرديلار.
اورادا اونائکي ائلدن بري قان آخينماسينا دوچار اولموش بئر آرواد وار ائدي.
بو آرواد بئر چوخ حکئملر الئندن عذابلار چکمئش و بوتون وار-يوخونو صرف اتمئشدي، آمّا هچ فايدا گؤرمهمئشدي. حالي داها دا پئسلَشمئشدي.
آرواد عئسانين حاقّينداکي سؤزلري اشئدئب، جاماعاتين آراسيندا عئسانين آرخاسيندان گلدي و اونون پالتارينا اَل سورتدو.
چونکي ديئردي: "اگر اَلئم پالتارينا دا ديسه بله، شفا تاپاجاغام."
او آندا قان آخينماسي آرواددان کسئلدي و او بلادان قورتارديغيني بدنئنده آنلادي.
عئسا آنَن اؤزوندن چيخان قودرتي بئلدي و جاماعاتا دؤنوب ددي: "کئم منئم پالتاريما اَل سورتدو؟"
عئسانين شاگئردلري اونا ددئلر: "جاماعاتين سني نجه سيخيشديرديغيني گؤرورسن، گئنه ده، «منه کئم اَل سورتدو؟» سوروشورسان؟"
عئسا بونو اِده‌ني گؤرمک اوچون اطرافا باخدي.
آرواد، اؤزونه نه اولدوغونو بئلئب قورخا-قورخا، تئتره‌يه-تئتره‌يه گلدي و اونون آياقلارينا دوشوب، بوتون حقئقتي عئسايا ددي.
عئسا او آروادا ددي: "قيزيم، ائمانين سنه شفا وردي. سالامات گت و چکدئيئن عذابدان خئلاص اول."
عئسا حله او آروادلا دانيشيردي کي، کنئسه ريئسئنئن اوئندن خبر گتئردئلر: "قيزين اؤلدو، آرتيق نه اوچون اوستادا زحمت ورئرسن؟"
آمّا عئسا ديئلن سؤزه قولاق آسماييب کنئسه ريئسئنه ددي: "قورخما، آنجاق ائنان."
و پطروس، يعقوب و يعقوبون قارداشي يوحنّادان باشقا هچ کئمه ائجازه ورمه‌دي کي، اونلارلا گلسئن.
اونلار کنئسه ريئسئنئن اوئنه گلدئلر. عئسا اورادا آغلاييب اوجا سَسله فغان اِدنلري گؤردو
و اوه گئردئيي زامان اونلارا ددي: "نه اوچون هاي ساليب آغلاشيرسينيز؟ قيز اؤلمه‌يئب، آنجاق ياتيب."
اِوده اولانلار اونا گولدولر. آمّا عئسا اونلارين هاميسيني اشئيه چيخارديب، اوشاغين آتا-آناسي و اؤزو ائله اولانلارلا اوشاغين ياتديغي يره گئردي.
و اونون اَلئندن توتوب اونا ددي: "تالئتا قوم!" ترجومهسي؛ "قيزيم، سنه ديئرم قالخ!"
او آندا قيز يرئندن قالخيب يرئمه‌يه باشلادي. او قيزين اونائکي ياشي وار ائدي. اونلار حيرتدن قوروموشدولار.
عئسا اونلارا امر اتدي کي، بونلاردان هچ کئمه بئر سؤز بئلدئرمهسئنلر و ددي کي، قيزا يمک اوچون بئر شي ورسئنلر.
عئسا اورادان چيخيب، اؤز وطنئنه گلدي. شاگئردلري ده اونون دالينجا گتدئلر.
سبّت گونو يتئشنده کنئسهده تعلئم ورمه‌يه باشلادي و اشئدنلردن چوخلاري حيرتده قاليب ديئردئلر: "بو آداما بو شيلر هارادان ورئلئب؟! بونا ورئلن بو حئکمت نه‌دئر؟! نجه بله مؤجوزهلر ادئر؟!
مگر بو آدام او دولگر ديئل، مريم اوغلو يعقوب، يوسا، يهودا، و شمعونون قارداشي؟! مگر اونون باجيلاري بورادا آراميزدا ديئللر؟!» و اوندان ائنجئدئلر.
عئسا اونلارا ددي: "هچ پيغمبر هچ يرده حؤرمتسئز ديئل، مگر اؤز وطنئنده، قوحوملاري آراسيندا و اؤز اوئنده."
و اورادا هچ بئر مؤجوزه اِده بئلمه‌دي، آنجاق بئر نچه ناخوش آدامين اوستونه اَللرئني قويوب اونلارا شفا وردي.
و او آداملارين ائمانسيزليغينا تعجّوب ادئردي و اطرافداکي کندلري گزئب، اونلاردا تعلئم ورئردي.
عئسا اونائکي شاگئردي يانينا چاغيريب، اونلاري جوت-جوت گؤنده‌رمه‌يه باشلادي. و اونلارا ناپاک روحلاري قووماغا ائقتئدار وردي.
عئسا اونلارا امر اتدي کي، يول اوچون اؤزلري ائله اَلآغاجيندان باشقا هچ بئر شي گؤتورمه‌سئنلر؛ نه چؤرک، نه توربا، نه ده کمرلرئنده پول.
اونلارا چاريق گيمکلرئني ددي، هم ده "بئر کؤينکدن آرتيق گيمه‌يئن."
عئسا اونلارا ددي: "هر يرده، هانسي اِوه گئرئرسئنئز، اورادان چيخانا کئمي اورادا قالين.
هر يرده سئزي قبول اتمه‌دئلر و يا سئزه قولاق آسماديلار، اورادان چيخاندا آياقلارينيزين آلتينداکي توزو سئلکئن کي، اونلار اوچون شهادت اولسون."
اونلار گدئب آداملار آراسيندا اونلارين تؤوبه اتمکلرئني وعظ اتدئلر.
چوخ ناپاک روحلاري آداملاردان قوودولار و ناخوش چوخ آداملاري ياغلا مسح ادئب، اونلارا شفا وردئلر.
هئرود پادشاه دا بو بارهده اشئتدي، چونکي عئسانين آدي مشهور اولموشدو. بعضئلر ديئردئلر: "بو آدام تعمئد ورن يحيادير کي اؤلولردن دئرئلئب. بونا گؤره ده، اوندان بله مؤجوزهلي قودرتلر گؤرولور."
بعضئلري ده ديئردئلر: "او ائليادير." لاکئن آيري آداملار ديئردئلر: "قدئم پيغمبرلردن بئري کئمي بئر پيغمبردئر."
آمّا هئرود بونو اشئدن زامان ددي: "بو، باشيني کسدئردئيئم يحيادير کي، اؤلولردن دئرئلئب."
چونکي هئرود اؤزو يحيانين توتولماسينا امر ادئب، اونو زئندانا سالميشدي. بو ائشي قارداشي فئلئپئن آروادي هئرودئياسدان اؤتري اِتمئشدي. چونکي هئرود اونونلا اِولنمئشدي
و يحيا اونا ديئردي: "قارداشين آروادي ائله اِولنمک سنئن اوچون جائز ديئل."
هئرودئياس يحيايا کئن باغلاييب اونو اؤلدورمک ائسته‌يئردي، لاکئن بونو اِده بئلمئردي.
چونکي هئرود يحيادان قورخوردو و اونون صالح و موقدّس بئر آدام اولدوغونو بئلئردي و اونو قورويوردو. هئرود يحيانين سؤزونو اشئدن زامان پرئشان اولوردو، آمّا گئنه ده اونون سؤزلرئنه شادليقلا قولاق آسيردي.
موناسئب گون يتئشدي. هئرود، اؤزونون دوغوم گونو اوچون، اعيانلارينا، مئن باشيلارينا، و جلئلئن آدلي-سانلي آداملارينا ضئيافت ورئردي.
هئرودئياسين قيزي ائچه‌ري گئرئب اوينادي و بو، هئرود و اونون قوناقلارينين خوشونا گلدي. هئرود قيزا ددي: "مندن نه ائستيهسن، سنه ورهجهيم."
و آند ائچئب قيزا ددي: "مندن نه ائستيهسن، سنه ورهجهيم، حتّا پادشاهليغيمين ياريسيني دا بله."
قيز دا گدئب آناسيندان سوروشدو: "نه ائسته‌يئم؟" و آناسي اونا ددي: "تعمئد ورن يحيانين باشيني."
قيز او آندا تله‌سئک پادشاهين يانينا گدئب، اونا ددي: "ائسته‌يئرم تعمئد ورن يحيانين باشيني بئر سئني ائچئنده بو ساعات منه ورهسن."
پادشاه چوخ پرت اولدو، لاکئن آند ائچدئيي اوچون، و اورادا اوتوران قوناقلار اوچون ائستَمه‌دي کي، قيزين ائسته‌دئيئني ردّ اتسئن.
پادشاه آنَن جلاّد گؤنده‌رئب امر اتدي کي، يحيانين باشيني گتئرسئنلر. و جلاّد دا گدئب زئنداندا يحيانين باشيني کسدي.
و اونو بئر سئني ائچئنه قويوب گتئردي و قيزا وردي. قيز دا يحيانين باشيني آناسينا وردي.
يحيانين شاگئردلري بونو اشئدنده، گلئب اونون جسدئني آلديلار و قبئره قويدولار.
حوارئلر عئسانين يانينا ييغيليب، اتدئکلري و اؤيرتدئکلري هر شيي اونا نقل اتدئلر.
عئسا اونلارا ددي: "گلئن تک-باشيميزا ساکئت بئر يره گدک و بئر آز دئنجهلئن." چونکي گلئب-گدن او قدر چوخ ائدي کي، يمک يمه‌يه بله مجاللاري يوخ ائدي.
اونلار تک-باشلارينا قاييقلا ساکئت بئر يره گتدئلر.
اونلارين گتدئکلرئني گؤرن چوخ آدام اونلاري تانيديلار و بوتون شهرلردن پئيادا اورايا قاچيب، اونلاردان قاباق اورايا چاتديلار و اونلارين يانينا گلدئلر.
قاييقدان انن واخت، عئسا بؤيوک بئر جاماعات گؤردو و اونلارا يازيغي گلدي. چوبانسيز بئر قويون سوروسو کئمي ائدئلر. عئسا اونلارا چوخ شيلري تعلئم ورمه‌يه باشلادي.
گوندن چوخ کچمئش اولدوغو اوچون، شاگئردلري عئسانين يانينا گلئب ددئلر: "بورا چؤللوکدور، واخت دا گج.
بونلاري مورخّص ات کي، ياخينداکي کندلره و قصبهلره گدئب، اؤزلري اوچون يمک آلسينلار."
آمّا عئسا اونلارا جاواب ورئب ددي: "اونلارا سئز يمک ورئن." شاگئردلر اونا ددئلر: "آيا گدئب ائکييوز دئنارليق چؤرک آليب، يمک اوچون اونلارا ورک؟!"
عئسا اونلارا ددي: "گدئن گؤرون نچه چؤرهيئنئز وار؟" اونلار گدئب باخديلار و اونا ددئلر: "بش چؤرک، ائکي باليق."
عئسا اونلارا بويوردو کي، آداملارين هاميسيني دسته-دسته ياشيل اوتلار اوستونده اوتورتسونلار.
شاگئردلر آداملارين هاميسيني دسته-دسته، يوز-يوز، الّي-الّي، اوتورتدولار.
عئسا بش چؤرک و ائکي باليغي گؤتوروب، گؤيه باخدي و برکت ورئب چؤرکلري بؤلدو و شاگئردلرئنه وردي کي، آداملارين قاباغينا قويسونلار. ائکي باليغي دا اونلارين هاميسينين آراسيندا پايلادي.
اونلارين هاميسي ييئب دويدولار.
شاگئردلر چؤرک و باليقدان آرتيق قالان تئکهلردن اونائکي سبد دولدوردولار.
او چؤرکلردن يئين آداملارين ساييسي بش‌مئن کئشي اولاردي.
عئسا آنَن شاگئردلرئني قاييغا مئندئردي کي، اوندان قاباق دهنزئن او تايينا، بيتصيدايا گتسئنلر و او اؤزو جاماعاتي مورخّص ادئردي.
اونلاري يولا سالاندان سونرا دوعا اتمک اوچون داغا چيخدي.
آخشام اولاندا قاييق دهنزئن اورتاسيندا ائدي و او، تک-باشينا، قورولوقدا.
عئسا شاگئردلرئن زحمتله آوار چکدئکلرئني گؤردو، چونکي کولک اونلارين اوزونه ائدي. گجهنئن دؤردونجو نؤوبهلرئنه ياخين عئسا دهنزئن اوستونده يرئيه-يرئيه اونلارين يانينا گلدي و يانلاريندان کچمک ائسته‌دي.
آمّا شاگئردلر اونون دهنز اوستونده يرئمه‌سئني گؤرنده، اونو بئر روح گومان ادئب باغيرديلار.
چونکي اونلارين هاميسي اونو گؤروب، دهشته دوشموشدولر. عئسا آنَن اونلارلا دانيشيب، ددي: "اوره‌يئنئز اوزولمه‌سئن، منم. قورخمايين."
و قاييغا، اونلارين يانينا چيخدي. و يل ياتدي. اونلار ائچلرئنده چوخ تعجّوب اتدئلر،
چونکي چؤرکلرئن مؤجوزهسئني آنلاماميشديلار. اونلارين ذهئنلري کور اولموشدو.
اونلار دهنزئن او تايينا کچئب، جِنئسارته گلدئلر و اورادا لنگر سالديلار.
قاييقدان چيخاندا خالق آنَن اونو تانيدي.
اونون هارادا اولدوغونو اشئدنلر. او وئلايتئن بوتون يرلرئندن قاچيب، ناخوشلاري يورغان-دؤشکلری ائله داشيديلار و اونون يانينا گتئرمه‌يه باشلاديلار.
هر يره کي، گئرئردي؛ شهرلره، قصبهلره، کندلره، ناخوشلاري ميدانلارا قويوردولار. و پالتارينين اَته‌يئنه توخونماق اوچون بله اونا يالواريرديلار و اونا توخونانلارين هاميسي صاغاليردي.
فرئسئلر و اورشلئمدن گلن بعضي عالئملر عئسانين يانينا ييغيلديلار.
و اونون شاگئردلرئندن بعضئلرئني گؤردولر کي، نجئس اَللرله، يعني يويولماميش اَللرله چؤرک ييئرلر.
چونکي فرئسئلر و بوتون يهودئلر اجدادلاريندان قالميش عادته گؤره، اَللرئني ياخشي يومايينجا يمک يمزلر.
و بازاردان گلن واخت دا قوسل اتمه‌يئنجه يمک يمزلر. کاسالارين، چاينئکلرئن، و مئس قابلارين يويولماسي کئمي اؤزگه چوخ عادتلر رئعايت ادئرلر.
فرئسئلر و عالئملر عئسادان سوروشدولار: "نه اوچون سنئن شاگئردلرئن اجدادلاريميزين عادتلرئني رئعايت اتمهيئب، نجئس اَللرله چؤرک ييئرلر؟"
عئسا اونلارا ددي: "اشعيا پيغمبر نه ياخشي سئز رئياکار آداملار بارهسئنده نبئلئک ادئب! نجه کي، يازيليب؛ «بو خالق دوداقلاري ائله منه حؤرمت ادئر، لاکئن اورکلري مندن چوخ اوزاقدير.
عبث يره منه عئبادت ادئرلر، ائنسانين ددئکلرئني منئم ددئکلرئم يرئنده تعلئم ورئرلر.»
سئز تارينين ددئکلرئني بوراخيب، ائنسانلارين عادتلرئني رئعايت ادئرسئنئز."
و اونلارا ددي: "سئز، اؤز حدئثلرئنئزي رئعايت اتمک اوچون، تارينين امرئني نه گؤزل آتيرسينيز.
چونکي موسا ددي: «آتا و آنانا حؤرمت ات.» و «آتاسينا يا دا آناسينا يامان دئين آدام گرک اؤلومه ورئلسئن.»
آمّا سئز ديئرسئنئز: «اگر بئر آدام آتا-آناسينا دسه؛ مندن گؤزلهدئيئنئز کؤمک وقف‌دئر، يعني، هدئيه آديندا تارييا تقدئم اولوب.»
آرتيق آتا-آناسينا کؤمک اتمک اوچون اونا ائجازه ورمئرسئنئز.
بلجه نسئلدن نسئله کچمئش عادتلرئنئزله، سئز تارينين سؤزونو باطئل ادئب، بونا اوخشار چوخ شيلر ادئرسئنئز."
عئسا جاماعاتي گئنه يانينا چاغيريب ددي: "هامينيز منه قولاق آسين و آنلايين.
هچ بئر شي يوخدور کي، اشئگدن ائنسانين ائچئنه گئرئب اونو نجئس اتسئن. ائنساني نجئس ادن اونون ائچئندن چيخان شيلردئر.
اشئتمه‌يه قولاغي اولان اشئتسئن."
و جاماعاتي ترک ادئب، اِوه گئرنده شاگئردلري اوندان بو مثلئن معناسيني سوروشدولار.
عئسا اونلارا ددي: "مگر سئز ده بو قدر نادانسينيز؟! مگر آنلاميرسينيز کي، هچ شي اشئگدن ائنسانين ائچئنه گئرئب اونو نجئس اده بئلمز؟
چونکي اوره‌يئنه يوخ، قارنينا گئرئر و اورادان اشئيه چيخير." عئسا بو سؤزله بوتون يمکلري تمئز سايدي.
و سؤزونه بله داوام وردي: "ائنساني نجئس ادن، ائنسانين ائچئندن چيخاندير.
چونکي ائچه‌رئدن، ائنسانين اوره‌يئندن‌دئر کي، پئس دوشونجهلر، عئفّتسئزلئک، اوغورلوق، جئنايت، زئنا،
طاماحکارليق، پئسلئک، حئيله، شهوت، پئسگؤز، کوفر، قورور، و سفهلئک اشئيه چيخير؛
بوتون بو شيلر ائنسانين ائچئندن چيخيب، اونو نجئس ادئر."
عئسا اورادان چيخيب صور سرحدلرئنه گتدي و بئر اِوه گئرئب هچ کسئن بئلمه‌سئني ائسته‌مه‌دي. لاکئن گئزلي قالا بئلمه‌دي.
بئر آرواد کي، کئچئک ياشلي قيزي ناپاک روح الئنده اسئر ائدي، عئسانين حاقّيندا اولان خبرلري اشئدئب گلدي و اونون آياقلارينا دوشدو.
بو آرواد يهودي ديئلدي، سورئيهفئنئقي عئرقئندن ائدي. آرواد گلئب عئسايا يالواردي کي، او ناپاک روحو قيزيندان اشئيه قووسون.
عئسا اونا ددي: "قوي اوّل اوشاقلار دويسونلار. چونکي اوشاقلارين چؤره‌يئني آليب، ائتلره آتماق ياخشي ديئل."
آرواد عئسايا جاواب ورئب ددي: "بلي، يارب! آمّا ائتلر ده سوفره آلتيندا اوشاقلارين قيرينتي‌لاريندان يئيرلر."
عئسا آروادا ددي: "بو سؤزو ددئيئن اوچون گت، او ناپاک روح قيزيني بوراخيب."
آرواد اوئنه گدئب، ناپاک روحو قيزيندان چيخميش و قيزيني ياتاغي اوستونده ياتميش تاپدي.
عئسا گئنه صور سرحدلرئني ترک ادئب، صيدا بؤلگهسئندن دکاپولئس دئيارينين اورتاسينا، جلئل دهنزئنه گلدي.
کار و پلتک بئر آدامي اونون يانينا گتئردئلر و اونا يالوارديلار کي، اَلئني اونون اوستونه قويسون.
عئسا اونو خالقين يانيندان آييريب، بئر يانا چکدي و بارماقلاريني اونون قولاقلارينا قويدو و توپوروب اونون دئلئنه سورتدو.
و گؤيه باخيب آه چکدي و اونا ددي: "اِفّاتا، يعني آچيل."
او آدامين قولاقلاري آچيلدي و درحال دئلئنئن دويونو آچيليب، دوزگون دانيشماغا باشلادي.
عئسا اونلارا تاپشيردي کي، هچ کئمه بو بارهده بئر شي دمه‌سئنلر. آمّا نه قدر جئدّي تاپشيريردي، او قدر ده چوخ ياييرديلار.
و لاپ چوخ حيرتله‌نئب ديئردئلر: "هر شيي ياخشي ادئر؛ هم کارلاري اشئتدئرئر، هم ده دئلسئزلري دانيشديرير."
او گونلرده گئنه بؤيوک بئر جاماعات ييغيلدي و يمک اوچون هچ شيلري يوخ ائدي. عئسا شاگئردلرئني چاغيريب اونلارا ددي:
"جاماعاتا يازيغيم گلئر، چونکي اوچ گوندور يانيمداديرلار و يمک اوچون هچ بئر شيلري يوخدور.
اگر اونلاري اِولرئنه آج يولا سالام، يولدا طاقتدن دوشرلر، چونکي بعضئلري اوزاقدان گلئبلر."
شاگئردلري جاواب وردئلر: "بو چؤللوکده بو قدر آدامي دويورماق اوچون کئم هارادان چورک تاپا بئلر؟"
عئسا اونلاردان سوروشدو: "نچه چؤرهيئنئز وار؟" شاگئردلر ددئلر: "يدّي چؤرک."
عئسا جاماعاتا امر اتدي کي، يره اوتورسون. و يدّي چؤره‌يي گؤتوروب شوکور اتدي و بؤلوب شاگئردلرئنه وردي کي، جاماعات آراسيندا پايلاسينلار. اونلار دا پايلاديلار.
اونلارين بئر نچه کئچئک باليغي دا وار ائدي. عئسا اونلاري دا برکتلهيئب امر اتدي کي، جاماعات آراسيندا پايلاسينلار.
جاماعات ييئب دويدولار و آرتيق قالان تئکهلردن يدّي زنبئل دولدو.
اونلارين ساييسي دؤرد مئن اولاردي. عئسا اونلاري مورخّص اتدي.
و شاگئردلری ائله آنَن قاييغا مئندي و دالمانوتا دئيارينا گلدي.
فرئسئلر چيخيب اونونلا موباحئثه اتمه‌يه باشلاديلار و اونو ائمتاحان اتمک اوچون گؤيدن بئر علامت ائسته‌دئلر.
عئسا اورکدن درئن آه چکئب ددي: "بو نسئل نه اوچون علامت طلب ادئر؟ دوغروسونو سئزه ديئرم، بو نسئله هچ بئر علامت ورئلمه‌يهجک."
و اونلاري ترک ادئب، گئنه قاييغا مئندي و دهنزئن او تايينا کچدي.
اونلار چؤرک گؤتورمه‌يي ياددان چيخارتديلار و اؤزلری ائله بئر چؤرکدن باشقا هچ بئر شيلري يوخ ائدي.
عئسا شاگئردلرئنه تاپشيريب ددي: "فرئسئلرئن ماياسيندان و هئرودون ماياسيندان اوزاق قالين."
شاگئردلر آرالاريندا بحث ادئب ديئردئلر: "چؤره‌يئمئز اولماديغي اوچون بله ديئر."
عئسا بونو باشا دوشوب اونلارا ددي: "چؤرهيئنئز اولماديغي اوچون نئيه بحث ادئرسئنئز؟ حله ده باشا دوشمه‌يئبسئنئز؟ حله ده آنلاماييبسينيز؟ اوره‌يئنئز داشدير؟
آيا گؤزلرئنئز اولا-اولا گؤرمورسونوز؟ قولاقلارينيز اولا-اولا اشئتمئرسئنئز؟
آيا خاطيرلاميرسينيز او زاماني کي، بش چؤره‌يي بش مئن نفرئن آراسيندا پايلاديم؟! آرتيق قالان تئکهلردن نچه سبد دولدوردونوز؟" شاگئردلر جاواب وردئلر: "اونائکي سبد."
"يدّي چؤره‌يي دؤرد مئن نفرئن آراسيندا پايلاديغيم زامان، آرتيق قالان تئکهلردن نچه زنبئل دولدوردونوز؟" شاگئردلر جاواب وردئلر: "يدّي زنبئل."
عئسا اونلارا ددي: "حله ده آنلاميرسينيز؟!"
اونلار بيتصيدايا گلدئلر. کور بئر آدامي اونون يانينا گتئرئب، عئسايا يالوارديلار کي، اونا ال قويسون.
عئسا کورون الئندن توتوب اونو کنددن اشئيه چيخارتدي و گؤزلرئنه توپوروب اَللرئني اونون اوستونه قويدو و اوندان سوروشدو: "بئر شي گؤرورسن؟"
کور آدام يوخاري باخيب ددي: "آداملاري گؤرورم، اونلاري آغاجلار کئمي گؤرورم کي، يرئيئرلر."
او واخت عئسا اَللرئني گئنه کورون گؤزلري اوستونه قويدو. کور آدام دئقّتله باخيب صاغالدي و بوتون شيلري سرراست گؤردو.
عئسا اونو اِوئنه گؤنده‌رئب ددي: "کنده اصلا گئرميهسن."
عئسا شاگئردلری ائله فئلئپي قيصرئيهسئنئن کندلري طرفئنه يولا دوشدو. يولدا شاگئردلردن سوروشوب اونلارا ددي: "خالق منئم کئم اولدوغومو ديئر؟"
شاگئردلر جاواب وردئلر: "تعمئد ورن يحيا، بعضي آداملار ائليا و اؤزگهلري ده پيغمبرلردن بئري."
عئسا اونلارين اؤزوندن سوروشدو: "سئز منئم کئم اولدوغومو ديئرسئنئز؟" پطروس اونا جاواب ورئب ددي: "سن مسئحسن."
عئسا اونلارا جئدّي تاپشيردي کي، اونون بارهسئنده هچ کئمه بئر شي دمه‌سئنلر.
و اونلارا تعلئم ورمه‌يه باشلادي کي، ائنسان اوغلو گرک چوخ عذاب چکسئن و آغ ساقّاللار، باش کاهئنلر و دئن عالئملري طرفئندن ردّ اولونوب اؤلدورولسون و اوچ گون سونرا دا دئرئلسئن.
عئسا بو سؤزو اونلارا آچيقجا ددي. پطروس اونو بئر يانا چکئب دانلاماغا باشلادي.
آمّا عئسا دؤنوب شاگئردلرئنه باخدي و پطروسا آجيقلانيب ددي: "اي شيطان، مندن ردّ اول. چونکي سن تارينين ائشلرئني يوخ، ائنسانين ائشلرئني دوشونورسن."
عئسا جاماعاتي شاگئردلری ائله يانينا چاغيريب ددي: "اگر کئمسه ائستهيئر منئم داليمجا گلسئن، گرک اؤزونو ائنکار ادئب چارميخيني گؤتورسون و منئم داليمجا گلسئن.
چونکي جانيني قورتارماق ائسته‌يَن هر کس، اونو هلاک ادهجک. آمّا کئم جانيني مندن اؤتري و ائنجئلدن اؤتري اَلدن ورسه، اونو قورتاراجاقدير.
ائنسان اوچون نه خيئري وار کي، بوتون دونياني قازانسين، لاکئن جانيني محو اتسئن.
ائنسان اؤز جاني عوضئنه نه وره بئلر؟
چونکي بو زئناکار و گوناهکار نسلئن ائچئنده، هر کس مندن و منئم سؤزلرئمدن اوتانسا، ائنسان اوغلو دا آتانين عئزّتئنده موقدّس ملکلرله گلدئيي واخت اوندان اوتاناجاق."
عئسا اونلارا ددي: "دوغروسونو سئزه ديئرم، بورادا دورانلار آراسيندا بعضئسي وار کي، تارينين پادشاهليغينين قودرتله گلمه‌سئني گؤرمه‌يئنجه اؤلومو دادماياجاقلار."
آلتي گوندن سونرا عئسا، پطروس، يعقوب و يوحنّاني اؤزو ائله گؤتوردو و تکباشينا اونلاري اوجا بئر داغين اوستونه آپاردي و اونلارين گؤزلري قاباغيندا گؤرونوشو ديئشئلدي.
پالتارلاري پارلاق اولوب اِله آغاردي کي، ير اوزونده هچ يون آغاردان اونو يويوب بله آغاردا بئلمز.
شاگئردلره ائليا ائله موسا دا گؤروندو. اونلار عئسا ائله صؤحبت ادئردئلر.
پطروس عئسايا ددي: "اوستاد، بورادا اولماغيميز نه ياخشي اولدو! قوي بورادا اوچ چادير قوراق، بئري سنه، بئري موسايا، و بئري ده ائليايا."
اونلار او قدر قورخموشدولار کي، پطروس بئلمئردي نه دسئن.
بو آرادا بئر بولود گلئب اونلارا کؤلگه سالدي. و بولوددان بئر سس گلدي: "بودور منئم عزئز اوغلوم، اونا قولاق آسين."
شاگئردلر بئردن اطرافلارينا باخديلار، آمّا يانلاريندا عئسادان باشقا هچ کئمي گؤرمه‌دئلر.
داغدان اِننده عئسا شاگئردلرئنه تاپشيردي کي، ائنسان اوغلونون اؤلولردن دئرئلمهيئنهجک، گؤردوکلري بارهده هچ کئمه بئر شي دمه‌سئنلر.
اونلار دا عئسانين بو سؤزونو يادلاريندا ساخلاييب اؤلولردن دئرئلمهيئن نه اولدوغو بارهده آرالاريندا موباحئثه ادئردئلر.
و اوندان سوروشدولار: "نه اوچون دئن عالئملري ديئرلر کي، اوّلجه ائليا گلمه‌لي‌دئر؟"
عئسا اونلارا ددي: "دوغرودان دا ائليا اوّلجه گلئب، هر شيي ائصلاح ادهجک. ائنسان اوغلو حاقّيندا نه يازيليب؟ بو کي، او گرک عذاب چکئب تحقئر اولونسون.
سئزه ديئرم کي، ائليا حقئقتن گلدي و نه ائسته‌دئکلرئني اونا اتدئلر، نجه کي، اونون بارهسئنده يازيليب."
شاگئردلرئنئن يانينا قاييتديقلاري زامان، اونلارين اطرافيندا بؤيوک بئر ائزدئحامي گؤردولر و دئن عالئملري شاگئردلرله موباحئثه ادئردئلر.
جاماعات اونو گؤردويو زامان چوخ حيرت اتدئلر و اونون طرفئنه قاچيب، اونا سالام وردئلر.
عئسا اونلاردان سوروشدو: "بونلارلا نه موباحئثه ادئرسئنئز؟"
جاماعات آراسيندان بئر کئشي جاواب وردي: "اوستاد، اوغلومو سنئن يانينا گتئرمئشم. ائچئنده دئلسئز بئر روح وار.
اوشاغي هارادا توتسا، اونو يره چيرپير. اوشاق کؤپور، دئشلرئني قيجيردير و قورويوب قالير. شاگئردلرئندن ائسته‌دئم کي، بو روحو اوندان اشئيه قووسونلار، لاکئن اِده بئلمه‌دئلر."
عئسا اونلارا جاواب ورئب ددي: "اي ائمانسيز نسئل. نه واختا کئمي سئزئنله اولمالي‌يام؟ نه واختا کئمي سئزي دؤزملي‌يم؟ اونو منئم يانيما گتئرئن."
اونلار اوشاغي عئسانين يانينا گتئردئلر. روح اونو گؤرر-گؤرمز، اوشاغي شئدّتله اسدئرئب، يره چيرپدي. اوشاق يره ييخيليب آغيزي کؤپوکلندي و دئيئرله‌نئردي.
عئسا اوشاغين آتاسيندان سوروشدو: "نه واختدان بري اونون باشينا بو ائش گلئب؟" اوشاغين آتاسي ددي: "اوشاقليغيندان.
روح اوشاغي هلاک اتمک اوچون اونو اودا-سويا سالير. لاکئن اگر بئر شي اده بئلئرسن، بئزه يازيغين گلسئن. بئزه ائمداد ات."
عئسا اونا ددي: "بئر شي اده بئلئرسن! ائمان گتئرن آداما هر شي مومکوندور."
اوشاغين آتاسي او آندا باغيريب ددي: "ائمان گتئرئرم، منئم ائمانسيزليغيما ائمداد ات."
عئسا خالقين اونون يانينا قاچا-قاچا گلمه‌سئني گؤرنده او ناپاک روحا آجيقلانيب ددي: "اي کار و دئلسئز روح، سنه امر ادئرم اوندان اشئيه چيخ و بئر داها اونا داخئل اولما."
روح باغيردي و چوخ عذاب ورئب، اوندان اشئيه چيخدي و اوشاق اؤلو کئمي يرده قالدي، اله کي، چوخ آدام ددي: "او اؤلدو."
لاکئن عئسا اوشاغين الئندن توتوب اونو قالديردي و اوشاق دوروب داياندي.
عئسا اِوه گئرندن سونرا شاگئردلري اوندان سوروشدولار: "نه اوچون بئز اونو چيخاردا بئلمه‌دئک؟"
عئسا اونلارا ددي: "بو جئنس دوعادان باشقا هچ بئر يوللا چيخماز."
اورادان چيخيب جلئل بؤلگهسئندن کچدئلر. عئسا هچ کسئن بئلمه‌سئني ائسته‌مئردي.
چونکي شاگئردلرئنه تعلئم ورئب، اونلارا ددي: "ائنسان اوغلو ائنسانلارين الئنه ورئلهجک و اونلار اونو اؤلدورهجکلر و اؤلدورولمه‌سئندن اوچ گون سونرا دئرئلهجک."
لاکئن شاگئردلر بو سؤزو آنلاماديلار و اوندان سوروشماغا دا قورخدولار.
اونلار کفرناحوما گلدئلر. اوه گئرندن سونرا عئسا اونلاردان سوروشدو: "يولدا نه بارهده موباحئثه ادئردئنئز؟"
شاگئردلرئن هچ بئرئندن سس چيخمادي، چونکي يولدا هانسينين لاپ بؤيوک اولدوغو بارهسئنده موباحئثه اتمئشدئلر.
عئسا اوتوردو و او اونائکي شاگئردي يانينا چاغيريب اونلارا ددي: "بئرئنجي اولماق ائسته‌ين هر کس، گرک هاميدان آخير اولسون و هامييا خئدمت اتسئن."
و کئچئک بئر اوشاغي آليب، اورتادا دوردوردو و اونو قوجاقلاييب، اونلارا ددي:
"کئم بله کئچئک اوشاقلاردان بئرئني منئم آديمين خاطئرئنه قبول اتسه، مني قبول ادئر و مني قبول ادن هر کس، مني يوخ، مني گؤنده‌ره‌ني قبول ادئر."
يوحنّا عئسايا ددي: "اوستاد، بئر آدام گؤردوک کي، سنئن آديندا ناپاک روحلاري اشئيه قوووردو، آمّا سنه پيرو ديئل. اونون اوچون ده اونو بو ائشدن منع اتدئک."
آمّا عئسا اونا ددي: "اونا مانع اولمايين. هچ کئم يوخدور کي، منئم آديمدا مؤجوزه ادئب، سونراسي دا مني يامانلاسين.
بئزه ضئدّ اولمايان بئزئم طرفداريميزدير.
مسئحئنکي اولدوغونوز اوچون کئم سئزه منئم آديمين خاطئري اوچون بئر بارداق سو ائچئرتسه، دوغروسونو سئزه ديئرم، اونون اَجري اصلا آرادان گتمه‌يهجک.
منه ائمان گتئرن بو اوشاقلاردان بئرئني کئم گوناها باتيرسا، اونون اوچون داها ياخشيدير کي، بوينونا ديئرمان داشيني باغلاييب، دهنزه آتيلسين.
اگر اَلئن سني گوناها سالير، اونو کس. سنئن اوچون علئل حياتا گئرمک، ائکي ال‌له جهنّمه، او سؤنمه‌ين اودا دوشمکدن داها ياخشيدير.
اورايا کي، اونلارين قوردو اؤلمز، اودو دا سؤنمز.
اگر آياغين سني بودرهدئر، اونو کس. سنئن اوچون تک آياقلي حياتا گئرمک، ائکي آياقلي جهنّمه دوشمکدن داها ياخشيدير.
اورايا کي، اونلارين قوردو اؤلمز، اودو دا سؤنمز.
اگر گؤزون سني گوناها باتيرير، اونو چيخارت. سنئن اوچون تک گؤزلو تارينين پادشاهليغينا گئرمک، ائکي گؤزلو جهنّمه دوشمکدن داها ياخشيدير.
اورايا کي، اونلارين قوردو اؤلمز، اودو دا سؤنمز.
چونکي هرکس اودلا دوزلاناجاق.
دوز ياخشي شيدئر، لاکئن اگر دوز، دوزسوز اولسا، نجه اونو گئنه دوزلو اتمک اولار؟ ائچئنئزده دوز اولسون و آرانيزدا باريش."
عئسا اورادان چيخيب يهودئيه بؤلگهسئنه، اوردون چايينين او تايينا گلدي. جاماعات گئنه اونون يانينا ييغيلدي و او، نجه کي، عادتي ائدي، گئنه اونلارا تعلئم وردي.
فرئسئلر عئسايا ياخينلاشيب، اونو ائمتاحان اتمک اوچون سوروشدولار: "آيا کئشئيه ائجازه ورئلئب کي، آرواديني بوشاسين؟"
عئسا جاواب ورئب اونلارا ددي: "موسا سئزه نه امر ادئب؟"
ددئلر: "کئشئيه ائجازه ورئب کي، بوشانما کاغيذي يازيب آرواديني بوشاسين."
عئسا اونلارا ددي: "داش اورکلي اولدوغونوز اوچون موسا بله بئر امري سئزه يازدي.
لاکئن خئلقتئن باشلانيشيندان تاري اونلاري کئشي و آرواد ياراتدي.
بو سببدن کئشي آتا-آناسيندان آيريلاجاق و آروادينا ياپيشاجاق
و ائکئسي بئر بدن اولاجاقلار، اله کي، آرتيق ائکي بدن يوخ، بئر بدن اولاجاقلار.
اونون اوچون تارينين بئرلشدئردئيئني ائنسان آييرماسين."
اِوده گئنه شاگئردلر بو بارهده اوندان سوآل سوروشدولار.
عئسا اونلارا ددي: "هر کس آرواديني بوشاييب اؤزگه بئر آروادلا اِولَنسه، آروادينين حاقّيندا زئنا ادئر.
آرواد دا اگر اَرئندن بوشانيب اؤزگه بئر کئشئله اِولَنسه، زئنا ادئر."
و کئچئک اوشاقلاري عئسانين يانينا گتئردئلر کي، اونلاري مَسح اتسئن. لاکئن شاگئردلر اونلارا آجيقلانديلار.
عئسا بونو گؤرنده قضبله‌نئب، اونلارا ددي: "قويون اوشاقلار يانيما گلسئنلر. اونلارا مانع اولمايين. چونکي تارينين پادشاهليغي بونلار کئمئلرئندئر.
دوغروسونو سئزه ديئرم، تارينين پادشاهليغيني بئر اوشاق کئمي قبول اتمه‌ين اونا گئره بئلمز."
و اوشاقلاري قوجاغينا آليب، اللرئني اونلارين اوستونه قويدو و اونلارا برکت وردي.
يولا چيخاندا بئري قاچا-قاچا عئسانين يانينا گلدي و اونون قاباغيندا دئز چؤکوب سوروشدو: "ياخشي اوستاد، ابدي حياتي مئراث آلماق اوچون نه اتملي‌يَم؟"
عئسا اونا ددي: "نه اوچون منه ياخشي ديئرسن؟ تاريدان باشقا هچ کس ياخشي ديئل.
احکامي بئلئرسن: قتل اتمه، زئنا اتمه، اوغورلاما، يالانچي شاهئدلئک اتمه، هچ کئمي آلداتما، آتا و آنانا حؤرمت ات."
او آدام عئسايا ددي: "اوستاد، بونلارين هاميسيني اوشاقليغيمدان رئعايت اتمئشم."
عئسا اونا باخيب اونو سِودي و اونا ددي: "سنئن بئر شيئن اَسکئکدئر. گت نه‌يئن وارسا، سات، مؤحتاج آداملارا پايلا، گؤيده ثروتئن اولاجاق. سونرا گل منه پيرو اول."
آمّا او آدام بو سؤزو اشئدن واخت پرئشان اولدو و قمگئن گتدي، چونکي چوخ مال-دؤولتي وار ائدي.
عئسا اطرافينا باخيب شاگئردلرئنه ددي: "تارينين پادشاهليغينا گئرمک وارلي آداملار اوچون نه قدر چتئندئر!"
شاگئردلر اونون سؤزوندن حيران قالديلار. آمّا عئسا اونلارا گئنه جاواب ورئب ددي: "اوشاقلار، تارينين پادشاهليغينا گئرمک نه قدر چتئندئر!
دَوهنئن ائينه دشئيئندن کچمه‌سي، وارلي بئر آدامين تارينين پادشاهليغينا گئرمه‌سئندن داها آساندير."
اونلار داها چوخ تعجّوب اتدئلر و اونا ددئلر: "بس کئم نئجات تاپا بئلر؟"
عئسا اونلارا باخيب ددي: "ائنسانلار اوچون بو قيري‌مومکوندور، لاکئن تاري اوچون يوخ. تاري اوچون هر شي مومکوندور."
پطروس اونا ددي: "بئز هر شيي آتيب، سنه پيرو اولدوق."
عئسا ددي: "دوغروسونو سئزه ديئرم، اله بئر آدام يوخدور کي، منئم اوچون و ائنجئلئن خاطئري اوچون اِوئني، قارداشلاريني، باجيلاريني، آناسيني، آتاسيني، اوشاقلاريني، يا دا زمئلرئني آتميش اولسون
و ائندي، بو زاماندا، اذئيّتلرله يوز قات اِولر، قارداشلار، باجيلار، آنالار و آتالار، اوشاقلار و زمئلر، گلهجک زاماندا دا ابدي حيات آلماسين.
لاکئن بئرئنجئلرئن چوخلاري آخيرينجي، و آخيرينجي‌لارين چوخلاري بئرئنجي اولاجاقلار."
اونلار اورشلئمه گدن يولدا ائرهلي گدئردئلر و عئسا اونلارين قاباغيندا گدئردي. شاگئردلر حيران قالميشديلار و اونون آرخاسيندان گدنلره قورخو دوشموشدو. عئسا گئنه او اونائکي نفري يانينا چاغيريب باشينا نه گلهجه‌يي بارهده دانيشماغا باشلادي:
"باخين، اورشلئمه گدئرئک و ائنسان اوغلو باش کاهئنلر و دئن عالئملري الئنه ورئلهجک. اونلار اونو اؤلومه محکوم ادئب قيرييهودئلره تسلئم ادهجکلر.
و اونلار اونا ائستهزا ادئب، توپورهجکلر و اونا شالّاق ووروب اؤلدورهجکلر. و او، اوچ گون سونرا دئرئلهجک."
زِبِدِي اوغوللاري يعقوب و يوحنّا عئسايا ياخينلاشيب، اونا ددئلر: "اوستاد، ائسته‌يئرئک سندن نه خاهئش اتدئيئمئزي، سن بئزئم اوچون ادهسن."
عئسا اونلارا ددي: "سئزئن اوچون نه ائسته‌يئرسئنئز ادئم؟"
اونلار عئسايا ددئلر: "ائجازه ور سنئن جلاليندا بئرئمئز صاغيندا، بئرئمئز ده سولوندا اوتوراق."
عئسا اونلارا ددي: "نه ائسته‌دئيئنئزي بئلمئرسئنئز. منئم ائچهجه‌يئم پئيالهدن آيا سئز ائچهبئلرسئنئز؟ و يا منئم تعمئد آلديغيم تعمئدده آيا سئز ده تعمئد آلا بئلرسئنئز؟"
ددئلر: "اده بئلرئک." عئسا اونلارا ددي: "ائچهجه‌يئم پئيالهدن ائچهجکسئنئز و آلديغيم تعمئدده سئز ده تعمئد آلاجاقسينيز،
لاکئن صاغيمدا يا دا سولومدا اوتورماغا ائجازه ورمک منئم الئمده ديئل. بو يرلر او آداملار اوچوندور کي، اونلار اوچون حاضيرلانيب."
بونو اشئدن او اون‌شاگئرد يعقوب و يوحنّايا قضبلندئلر.
عئسا اونلاري يانينا چاغيريب ددي: "بئلئرسئنئز کي، قيري‌يهودئلر آراسيندا حاکئم ساييلانلار، اونلارا حؤکمرانليق ادرلر و اونلارين ريئسلري اونلارا آغاليق سوررلر.
آمّا سئزئن آرانيزدا بله اولمامالي‌دير. آرانيزدا بؤيوک اولماق ائسته‌ين، گرک او بئرئلرئنه خئدمت اتسئن
و آرانيزدا بئرئنجي اولماق ائسته‌ين، گرک هامينين نؤکري اولسون.
چونکي حتّا ائنسان اوغلو دا، اونا خئدمت اولونماق اوچون گلمه‌دي. او گلدي کي، خئدمت اتسئن و جانيني چوخ آداملارين يولوندا فئدئيه ورسئن."
اونلار اَرئحايا گلدئلر. عئسا شاگئردلري و اونلارلا بؤيوک بئر جاماعاتلا اَرئحادان چيخاندا، تئماوس اوغلو بارتئماوس آديندا کور بئر يولچو يولون قيراغيندا اوتورموشدو.
بارتئماوس اونون ناصئرهلي عئسا اولدوغونو اشئدن واخت قيشقيريب ددي: "داوود اوغلو عئسا، منه رحمئن گلسئن."
چوخ آداملار اونا آجيقلانديلار و ساکئت اولماغيني ائسته‌دئلر. آمّا او، داها چوخ باغيريب ددي: "داوود اوغلو عئسا، منه رحمئن گلسئن."
عئسا دايانيب ددي: "اونو چاغيرين." اونلار کور آدامي چاغيريب ددئلر: "اوزولمه قالخ، سني چاغيرير."
بارتئماوس عباسيني اوستوندن آتدي و يردن سيچراييب عئسانين يانينا گلدي.
عئسا اوندان سوروشدو: "نه ائستهيئرسن کي، سنه ادئم؟" کور آدام اونا ددي: "اوستاد، گؤزلرئم گئنه گؤرسون."
عئسا اونا ددي: "گت، ائمانين سنه شفا وردي." او آندا کور آدامين گؤزلري گؤرمه‌يه باشلادي و يولا دوشوب عئسانين دالينجا گتدي.
اورشلئمه ياخينلاشيب زيتون داغينين يانيندا اولان بيت‌فاجي و بيت‌عنيايا يتئشن زامان، عئسا شاگئردلرئندن ائکئسئني گؤنده‌رئب
اونلارا بله ددي: "قاباغينيزداکي کنده گدئن. اورايا گئرنده اورادا باغلي دوران بئر سيپا گؤرهجکسئنئز کي، ائندئيه کئمي هچ کس اونا مئنمه‌يئب. اونو آچين و منئم يانيما گتئرئن.
و اگر بئري سئزه دسه: «نه اوچون بونو ادئرسئنئز؟» دئيرسئنئز: «ربّئن بونا احتئياجي وار و آنَن اونو بورايا قايتاراجاق.»"
اونلار گتدئلر و کوچهده قاپينين يانيندا باغلي بئر سيپا تاپيب، اونو آچديلار.
اورادا دورانلاردان بعضئسي ددي: "نه ادئرسئنئز؟ بو سيپاني نه اوچون آچيرسينيز؟"
شاگئردلر عئسانين ددئيي کئمي اونلارا جاواب وردئلر و آداملار اونلاري بوراخديلار.
سيپاني عئسانين يانينا گتئرئب، پالتارلاريني اونون اوستونه سالديلار و عئسا اونا مئندي.
چوخ آداملار پالتارلاريني، بعضئلري ده زمئلردن کسدئکلري آغاج بوداقلاريني يولا سردئلر.
قاباقدا گدنلر و آرخادان گلنلر چيغيريب ديئردئلر: "هوسانّا! ربّئن آديندا گلن موبارک اولسون.
آتاميز داوودون گلن پادشاهليغي موبارک اولسون. لاپ اوجالاردا، هوسانّا!"
عئسا اورشلئمه گئرئب معبده گتدي و هر شيي گؤزدن کچئرتدي. گج اولدوغونا گؤره، او اونائکي شاگئردله بيت عنيايا گتدي.
او گونون صاباحي بيت عنيادان چيخديقلاري زامان، عئسا آجيقدي.
اوزاقدا يارپاقلي بئر انجئر آغاجي گؤردو. آغاج اوستونده بئر شي تاپماق اومئدی ائله اونا ياخينلاشدي، آمّا يانينا گلن واخت، يارپاقدان باشقا اوندا بئر شي تاپمادي، چونکي انجئر مؤوسومو ديئلدي.
عئسا اونا ددي: "آرتيق سندن هچ کئم اصلا ميوه يمه‌سئن." و شاگئردلري بو سؤزو اشئتدئلر.
اورشلئمه گلدئلر. عئسا معبده گئردي و اورادا آليش-ورئش ادنلري اشئيه قوودو. صرّافلارين مئزلرئني و گؤيرچئن ساتانلارين چارپايالاريني چوئردي.
و هچ کسي قويمادي کي، معبدئن حيطئندن بئر شي کچئرتسئن.
و اونلارا تعلئم ورئب ددي: "مگر يازيلماييب کي، «منئم اوئم بوتون مئلّتلر اوچون دوعا اوي چاغيريلاجاق؟!» لاکئن سئز، اونو اوغرولار يوواسينا دؤنده‌رئبسئنئز."
باش کاهئنلر و دئن عالئملري بونو اشئتدئلر و عئساني هلاک اتمک اوچون بئر يول تاپماغا باشلاديلار. چونکي اوندان قورخوردولار. اونا گؤره کي، بوتون خالق اونون تعلئملرئندن حيران قالميشدي.
آخشام اولاندا اونلار شهردن اشئيه چيخديلار.
او گونون صاباحي انجئر آغاجينين يانيندان کچنده، اونو کؤکوندن قوروموش گؤردولر.
پطروس عئسايا خاطيرلاديب ددي: "اوستاد باخ، لعنت اتدئيئن انجئر آغاجي قورويوب!"
عئسا جاواب ورئب اونلارا ددي: "تارييا ائمانينيز اولسون!
دوغروسونو سئزه ديئرم، هرکس بو داغا دسه: «قالخ، دهنزه آتيل!» و اوره‌يئنده شوبهه اتمهيئب ددئيئنئن اولاجاغينا ائنانسا، ددئيي کئمي اولاجاق.
بونون اوچون سئزه ديئرم، دوعا اتدئيئنئز و ائسته‌دئيئنئز هر شيئن اِله ائندئدن آلديغينيزا ائنانين و سئزئن اوچون اولاجاق.
دوعايا دوردوغونوز زامان، هر بئر آدامين ضئدّئنه اوره‌يئنئزده نه ساخلاييبسينيز، باغيشلايين کي، گؤيلرده اولان آتانيز دا سئزئن تقصئرلرئنئزي سئزه باغيشلاسين.
اگر باغيشلاماياسينيز، گؤيلرده‌کي آتانيز دا سئزئن تقصئرلرئنئزي سئزه باغيشلاماياجاق."
اونلار گئنه اورشلئمه گلدئلر. عئسا معبدئن حيطئنده گزنده، باش کاهئنلر، دئن عالئملري و آغساقّاللار ياخينلاشيب،
اونا ددئلر: "نه صلاحئيّتله بو ائشلري ادئرسن؟ بونلاري اتمک اوچون بو صلاحئيّتي سنه کئم ورئب؟"
عئسا اونلارا ددي: "من ده سئزدن بئر سوآل سوروشاجاغام. منه جاواب ورئن، او واخت من ده سئزه دئيه‌رم کي، بو ائشلري نه صلاحئيّتله گؤرورم.
يحيانين تعمئد ورمک صلاحئيّتي هارادان گلدي؟ گؤيدن، يوخسا ائنسانلاردان؟ جاواب ورئن."
اونلار آرالاريندا مصلحتله‌شئب ددئلر: "اگر دسک گؤيدن، دئيهجک بس نه اوچون اونا ائنانمادينيز؟
لاکئن اگر دسک؛ ائنسانلاردان…" اونلار خالقدان قورخدولار، چونکي هامي يحياني حقئقي بئر پيغمبر بئلئردي.
و عئسايا جاواب ورئب ددئلر: "بئلمئرئک." عئسا دا اونلارا ددي: "من ده سئزه دمئرم کي، بو ائشلري نه صلاحئيّتله گؤرورم."
عئسا مثللرله اونلارلا دانيشماغا باشلادي: "بئر آدام اوزوم باغي اکدي و اونون اطرافينا دووار چکدي. شئره اوچون بئر حوووض قازيب، باغدا بئر بورج ده تئکدي و سونرا باغي باغبانلارا ائجارهيه ورئب، سفره چيخدي.
محصول زاماني باغبانلارين يانينا بئر قول گؤنده‌ردي کي، باغبانلاردان باغين محصولوندان آلسين.
لاکئن باغبانلار اونو توتوب دؤيدولر و اليبوش قايتارديلار.
باغين صاحئبي باغبانلارين يانينا آيري بئر قول گؤنده‌ردي. آمّا اونلار بو قولون باشيني يارالاييب، تحقئر اتدئلر.
باغ صاحئبي باشقا بئرئني ده گؤنده‌ردي. اونو دا اؤلدوردولر. داها بئر چوخ قول گؤنده‌ردي. اونلارين بعضئسئني دؤيدولر، بعضئسئني ده اؤلدوردولر.
باغ صاحئبئنئن سوگئلي بئر اوغلو وار ائدي. «اوغلوما حؤرمت ادهجکلر» ديئب، آخيردا اونو باغبانلارين يانينا گؤنده‌ردي.
لاکئن اونلار بئربئرلرئنه ددئلر: "وارئث بودور. گلئن بونو اؤلدورک و مئراث بئزه قالسين."
اونو دا توتوب اؤلدوردولر و باغدان اشئيه آتديلار.
"ائندي باغين صاحئبي اونلارا نه ادهجک؟ گلهجک، باغبانلاري هلاک ادئب، باغي اؤزگه آداملارا ورهجک.
مگر بو يازيني اوخوماييبسينيز کي، «بنّالارين ردّ اتدئيي داش، بئنا کونجونون باش داشي اولدو.
بو ربّئن ائشي ائدي، و گؤزلرئمئزئن قاباغيندا عجايئب ائشدئر!»"
اونلار چاليشديلار عئساني بئر نحوله توتسونلار، چونکي باشا دوشدولر کي، بو مثلي اونلارين بارهسئنده ديئر. لاکئن جاماعاتدان قورخدوقلاري اوچون اونو بوراخيب گتدئلر.
سونرا فرئسئلردن و هئرودچولاردان بعضئلرئني عئسانين يانينا گؤنده‌ردئلر کي، اونون اؤز سؤزو ائله اونو تورا سالسينلار.
اونلار گلئب عئسايا ددئلر: "اوستاد، بئلئرئک کي، سن حقئقتسِوَن بئر آدامسان و هچ کسدن باکين يوخدور، چونکي آداملار آراسيندا فرق قويمادان تارينين يولونو اؤيره‌دئرسن. قيصره باج ورمک آيا جائزدئر يا خير؟ وِرَک يا ورمه‌يک؟"
عئسا اونلارين ائکياوزلويونو بئلئب، اونلارا ددي: "مني نه اوچون ائمتاحان ادئرسئنئز؟ بئر دئنار گتئرئن گؤروم."
اونا بئر دئنار گتئردئلر. عئسا اونلارا ددي: "بو صورت و بو يازي کئمئندئر؟" جاواب وردئلر: "قيصرئن."
عئسا اونلارا ددي: "قيصرئنکئني قيصره و تارينينکيني تارييا ورئن." اونلار اونا حيرتدن مات قالديلار.
"اؤلومدن سونرا دئرئلمه يوخدور" دئين صادوقئلر اونون يانينا گلئب سوروشدولار:
"اوستاد، موسا بئزه يازيب کي، اگر بئرئنئن قارداشي اؤلوب آروادي قالسا، لاکئن اوشاقلاري اولماسا، قارداشي اونون آرواديني آليب، قارداشينا نسئل يتئشدئرسئن.
يدّي قارداش وار ائدي، بئرئنجئسي آرواد آلدي، اؤلدو. آمّا اؤزوندن اؤولاد قويمادي.
ائکئنجي قارداش او آروادي آلدي و او دا اؤولادسيز اؤلدو. اوچونجوسو ده بله.
او يدّي قارداشين هچ بئرئندن نسئل قالمادي. هاميدان سونرا آرواد دا اؤلدو.
قئيامت گونونده اونلار دئرئلَنده، بو آرواد هانسينين آروادي اولاجاق؟ چونکي اونلارين يدّئسي ده بو آروادلا اِولَندي."
عئسا اونلارا ددي: "سئزئن سهو اتدئيئنئزئن سببي ده اله بودور، چونکي نه موقدّس کئتابي آنلاييرسينيز، نه ده تارينين قودرتئني. اله ديئل؟
چونکي اؤلولردن دئرئلن واخت نه اوله‌نئرلر نه ده اَره گدئرلر، آنجاق گؤيلرده‌کي ملکلر کئمي اولورلار.
لاکئن اؤلولردن دئرئلمه مطلبئنه گلئنجه، مگر موسانين کئتابيندا، آلوولانان بوتا بارهدهکي فصئلده اوخوماييبسينيز کي، تاري اونا ديئر: «من ائبراهئمئن تاريسي، ائسحاقين تاريسي و يعقوبون تاريسييام؟!»
او اؤلولرئن تاريسي يوخ، دئرئلرئن تاريسيدير. سئز چوخ سهو ادئرسئنئز."
دئن عالئملرئندن بئري ياخينلاشيب، اونلارين موباحئثهلرئنه قولاق آسدي و عئسانين اونلارا ياخشي جاواب وردئيئني اشئدنده، عئسادان سوروشدو: "امرلرئن لاپ بئرئنجئسي هانسي‌دير؟"
عئسا جاواب وردي: "امرلرئن لاپ بئرئنجئسي بودور: «اشئت اي ائسرايئل! رب تاريميز واحئددئر.
و سن رب تاريني گرک بوتون اوره‌يئنله، بوتون جانينلا، بوتون فئکرئنله، و بوتون قووّتئنله سِوهسن.»
ائکئنجي امر بودور: «سن گرک قونشونو دا اؤزون کئمي سِوهسن.» بونلاردان بؤيوک امر يوخدور."
دئن عالئمي عئسايا ددي: "چوخ گؤزل، اوستاد! دوغرو ددئن کي، تاري واحئددئر و اونا تاي يوخدور.
و اونو بوتون اورکله، بوتون فهمله، و بوتون قووّتله سومک، و قونشونو دا اؤزون کئمي سومک بوتون يانديرما هدئيهلر و قوربانلاردان افضلدئر."
عئسا اونون عاغيلّي جاواب وردئيئني گؤرنده اونا ددي: "سن تارينين پادشاهليغيندان اوزاق ديئلسن." داها هچ کئم اوندان بئر شي سوروشماغا جورعت اتمهدي.
عئسا معبدده تعلئم ورئب بله ددي: "دئن عالئملري نجه ديئرلر کي، مسئح داوودون اوغلودور؟
داوود اؤزو موقدّس روحدان ائلهام آليب ددي؛ «رب منئم ربّئمه ددي: دوشمنلرئني آياقلارينين آلتينا سالاناجاق صاغيمدا اوتور.»
اگر داوود اؤزو اونا رب ديئر، بس نجه اونون اوغلو اولور؟" اوراداکي بؤيوک جاماعات عئسانين سؤزلرئنه شادليقلا قولاق آسيردي.
عئسا تعلئملرئنده اونلارا بله ددي: "آييق اولون دئن عالئملرئندن کي، اوزون پالتارلاردا گزمه‌يي، بازارلاردا سالام آلماغي،
کنئسهلرده باش کورسولري و ضئيافتلرده يوخاري باشدا اوتورماغي چوخ سوئرلر،
دول آروادلارين مال-مولکونه يئيه چيخيرلار و رئياکارليقلاريندان دوعالاري اوزاديرلار! بو آداملارين جزاسي داها دا آغير اولاجاق."
عئسا خزئنه صانديغينين قاباغيندا اوتوروب، خالقين نجه خزئنهيه پول آتديغينا باخيردي. بئر چوخ وارلي آداملار چوخ پول آتيرديلار.
اونلاردان سونرا بئر دول آرواد گلئب، ائکي قارا پول صانديغا آتدي.
عئسا شاگئردلرئني يانينا چاغيريب ددي: "دوغروسونو سئزه ديئرم، بو دول فاغير آرواد صانديغا پول آتانلارين هاميسيندان چوخآتدي.
چونکي اونلارين هاميسي آرتيقليقلاريندان آتديلار، لاکئن بو آرواد کاسيبليغيندان بوتون واريني، بوتون کچئنهجک پولونو آتدي."
عئسا معبددن چيخاندا شاگئردلرئندن بئري اونا ددي: "اوستاد باخ! نه بؤيوک داشلار، نه عظمتلي عئمارتلر!"
عئسا اونا ددي: "بو بؤيوک عئمارتلري گؤرورسن؟ اونلارين داشي، داش اوسته قالماياجاق. هاميسي ييخيلاجاقدير."
عئسا، زيتون داغيندا، معبدئن قاباغيندا اوتورموشدو کي، پطروس، يعقوب، يوحنّا، و آندرياس آيريجا اوندان سوروشدولار:
"بئزه ده گؤرک بو ائشلر نه زامان اولاجاق؟ نه علامت وار کي، بئزه بونلارين عنقرئب تامام اولاجاغيني گؤرسدسئن؟"
عئسا دا اونلارا دمه‌يه باشلادي: "دئقّتلي اولون کي، کئمسه سئزي آزديرماسين.
چوخ آداملار منئم آديمدا گلهجکلر و «من اويام» ديئب، چوخ آداملاري آزديراجاقلار.
جنگلر و موحارئبهلر خبرلرئني اشئتدئيئنئز زامان، اوره‌يئنئز اوزولمه‌سئن. بونلارين اولماسي گرکدئر، آنجاق حله آخير ديئل.
چونکي مئلّت، مئلّت اوستونه و مملکت، مملکت اوستونه قالخاجاق. چوخ يرلرده زلزلهلر اولاجاق، آجليق دوشهجک، بونلار سانجي‌لارين باشلانيشيدير.
لاکئن سئز آييق اولون. سئزي محکمهلره ورهجکلر، کنئسهلرده دؤيولهجکسئنئز و منه گؤره، سئز حؤکمدارلار و پادشاهلار قاباغيندا دوراجاقسينيز کي، اونلارا شهادت اولسون.
اوّلجه خوش خبرئن بوتون مئلّتلره يتئشمه‌سي گرکدئر.
سئزي توتوب تسلئم اتدئکلري زامان، نه دئيهجه‌يئنئزئن بارهسئنده نئگاران اولمايين. او ساعاتدا سئزه نه ورئلسه، اونو ديئن. چونکي دانيشان سئز يوخ، موقدّس روحدور.
قارداش قارداشي، و آتا اؤولادي اؤلومه ورهجک. و اؤولادلار آتا-آنانين ضئدّئنه قالخيب، اونلاري اؤلدورهجکلر.
منئم آديما گؤره هامي سئزدن نئفرت ادهجک. لاکئن آخيرا کئمي دايانان نئجات تاپاجاق.
دانيال پيغمبرئن يازديغي کئمي، وئرانهلئک گتئرن ائيرنج شيئن لايئق اولمايان يرده دوردوغونو گؤردويونوز زامان، يهودئيهده اولانلار داغلارا قاچسينلار.
دامدا اولان آشاغي انئب بئر شي گؤتورمک اوچون اِوئنه گئرمه‌سئن.
زمئده اولان عباسيني گؤتورمک اوچون دالي قاييتماسين.
واي او گونلرده بويلو و اَمزئکلي اولانلارين حالينا!
دوعا ادئن کي، قاچماغينيز قيشا راستلاماسين.
چونکي او گونلرده اله موصئبت اولاجاق کي، تارينين ياراتديغي کائناتين باشلانيشيندان ائندئيه قدر اونون کئمي نه اولوب، نه ده اولاجاق.
اگر رب او گونلري قيسالتماسايدي، هچ بئر ائنسان خئلاص اولا بئلمزدي. آمّا سچدئيي سچئلمئشلرئن خاطئري اوچون او گونلري قيسالتدي.
اگر او زامان کئمسه دسه: «باخ، مسئح بورادا.» و يا «باخ، اورادا!»، اونا ائنانمايين.
چونکي يالانچي مسئحلر و يالانچي پيغمبرلر ظوهور ادهجکلر و اله علامتلر و مؤجوزهلر گؤرسدهجکلر کي، مومکون اولسا، سچئلمئشلري ده آزديرسينلار.
آمّا سئز دئقّتلي اولون! سئزه هر شيي اوّلجهدن خبر وردئم.
«لاکئن او گونده، او موصئبتدن سونرا، گونش قارالاجاق، آي ائشيغيني ورمهيهجک.
اولدوزلار گؤيدن دوشهجکلر، و گؤيلرده اولان قودرتلر اسهجکلر.»
او زامان ائنسان اوغلونون بؤيوک عئزّت و قودرتله بولودلاردا گلدئيئني گؤرهجکلر.
ائنسان اوغلو او واخت ملکلرئني گؤندهرهجک و اؤز سچدئکلرئني دؤرد طرفدن، يرئن اوجوندان گؤيون اوجونا قدر، ييغاجاق.
ائندي مثلي انجئر آغاجيندان اؤيره‌نئن: اونون بوداقلاري تزهله‌نئب يارپاقلاري چيخان زامان، يايين ياخين اولدوغونو آنلاييرسينيز.
الجه سئز ده بو شيلرئن باش وردئيئني گؤرنده، بئلئن کي، او ياخيندير، لاپ قاپيدادير.
دوغروسونو سئزه ديئرم؛ بوتون بونلار باش ورمه‌دن بو نسئل کچمه‌يهجک.
دوغروسونو سئزه ديئرم؛ گؤي و ير کچئب گدهجک، لاکئن منئم سؤزلرئم اصلا کچئب گتمه‌يهجک.
آمّا او گونو و او ساعاتي نه گؤيدهکي ملکلر بئلئر، نه ده اوغول اؤزو. آتادان باشقا هچ کئم بئلمئر.
دئقّتلي و اوياق اولون! چونکي او واختين نه زامان اولدوغونو بئلمئرسئنئز.
بو، قوربته گدن بئر آدامين وضعئنه بنزر. اِوئندن آيريلان واخت، اِوئنئن ائختئياريني نؤکرلرئنه ورئب، هره‌يه اؤز ائشئني تاپشيردي و قاپيچييا دا امر اتدي کي، اوياق قالسين.
سئز ده اوياق قالين، چونکي اِو صاحئبئنئن نه واخت گلهجه‌يئني بئلمئرسئنئز. بئلمئرسئنئز آخشام گلهجک و يا گجه ياريسي، خوروزلارين بانلاديغي واخت گلهجک و يا سحر.
يوخسا قفلتن گلئب، سئزي يوخودا تاپار.
سئزه ددئکلرئمي هر کسه ديئرم: اوياق قالين."
پاسخا و فطئر بايرامينا ائکي گون قالميشدي. باش کاهئنلر و دئن عالئملري عئساني حئيله ائله توتوب اؤلدورمه‌سي بارهده بئر يول آختاريرديلار.
آنجاق ديئردئلر: "بو ائش بايرام گونلرئنده اولماسين، يوخسا خالق آراسيندا ائغتئشاش باش ورر."
عئسا بيت‌عنيادا، جوذاملي شمعونون اوئنده، سوفره باشيندا اوتورموشدو کي، بئر آرواد مرمر قابدا چوخ باهالي خالئص سونبول ياغي گتئردي و قابي سينديريب، ياغي عئسانين باشينا تؤکدو.
بعضئلري گئليله‌نئب آرالاريندا ددئلر: "بو ياغ نه اوچون بله ائسراف اولوندو؟
چونکي بو ياغ اوچ يوز دئناردان چوخ ساتيليب فاغيرلارا ورئله بئلردي." و آروادا ديئنمه‌يه باشلاديلار.
آمّا عئسا ددي: "اونونلا ائشئنئز اولماسين! نه اوچون اونو ائنجئدئرسئنئز؟ او، منه ياخشيليق اتدي.
چونکي فاغيرلار دائم سئزئن يانينيزداديرلار و نه زامان ائستيهسئنئز، اونلارا ياخشيليق اده بئلرسئنئز. لاکئن من، دائم سئزئن يانينيزدا ديئلم.
آرواد الئندن گلني اتدي و باسديريلماق اوچون منئم بدنئمي ائرهلئدن ياغلادي.
دوغروسونو سئزه ديئرم؛ بو خوش خبر دونيانين هاراسيندا موژده ورئلسه، بو آروادين اتدئيي ائشدن ده ياد ادئلهجک."
اونائکي شاگئرددن بئري، ائسکاريوتلو يهودا، باش کاهئنلرئن يانينا گتدي کي، عئساني اونلارا تسلئم اتسئن.
کاهئنلر بونو اشئدنده سوئندئلر و يهودايا پول وعدهسي وردئلر. او دا موناسئب بئر فورصت آختاريردي کي، عئساني اونلارين الئنه ورسئن.
فطئر بايرامينين اوّلئنجي گونو کي، پاسخانين قوربان قوزوسو او گونده کسئلردي، شاگئردلر عئسايا ددئلر: "پاسخا يمه‌يئني هارادا يمک ائستهيئرسن؟ گدئب هارادا حاضيرلاياق؟"
عئسا شاگئردلرئندن ائکئسئني گؤنده‌رئب اونلارا ددي: "شهره گدئن، سهنگله سو داشييان بئر نفر سئزه راست گلر. اونون دالينجا گدئن.
بو آدام هارايا گئرسه، او اِوئن صاحئبئنه ديئن: «اوستاد ديئر: هارادادير او حاضيرلانان اوتاق کي، شاگئردلرئمله بئر يرده پاسخا يمه‌يئني اورادا يِيئم؟»
او دا سئزه بالاخانادا دؤشنمئش و حاضيرلانميش بئر اوتاق گؤرسه‌در. پاسخا يمه‌يئني اورادا حاضيرلايين."
شاگئردلر چيخيب، شهره گتدئلر و هر شيي اونلارا ددئيي کئمي تاپيب، پاسخا يمه‌يئني حاضيرلاديلار.
آخشام اولاندا عئسا اون‌ائکئلرله گلدي.
سوفره باشينا اوتوروب يمک يئينده، عئسا اونلارا ددي: "دوغروسونو سئزه ديئرم، سئزدن بئري، منئمله سوفره باشيندا اوتورانلاردان بئري، منه خيانت ادهجک."
شاگئردلر پرت اولدولار و بئر-بئر اوندان سوروشدولار: "يقئن کي، من ديئلم؟"
عئسا اونلارا ددي: "او آدام اونائکئلردن بئري‌دئر، او کي، اَلئني منئمله اوزاديب، چؤره‌يئني کاسايا باتيرير.
چونکي ائنسان اوغلو اؤزو حاقّيندا يازيلميش اولدوغو کئمي گدئر، لاکئن واي او آدامين حالينا کي، ائنسان اوغلو اونون الئله تسلئم اولونور! او آدام آنادان اولماسايدي، اونا داها ياخشي اولاردي!"
يمک يئينده عئسا چؤره‌يي گؤتوروب شوکور اتدي و بؤلوب شاگئردلره وردي و اونلارا ددي: "آلين، بو، منئم بدنئمدئر."
و بئر پئياله گؤتوردو و شوکور ادئب اونلارا وردي و هامي اوندان ائچدي.
عئسا اونلارا ددي: "بو منئم قانيمدير، عهدئن قاني کي، چوخ آداملار يولوندا تؤکولهجک.
دوغروسونو سئزه ديئرم، اوزوم محصولوندانآرتيق ائچميهجه‌يم، او گونه قدر کئمي کي، تارينين پادشاهليغيندا تزهسئني ائچئم."
و اونلار بئر ماهني اوخوياندان سونرا زيتون داغينا گتدئلر.
عئسا اونلارا ددي: "هامينيز بودرهيئب دوشهجکسئنئز. چونکي يازيليب؛ «چوباني ووراجاغام
آمّا من، دئرئلندن سونرا سئزدن قاباق جلئله گدهجه‌يم."
لاکئن پطروس اونا ددي: "هامي بودرهيئب دوشسه ده، من دوشميهجه‌يم."
عئسا پطروسا ددي: "دوغروسونو ديئرم؛ بو گون، اله بو گجه خوروز ائکي دفه بانلاماميش، سن مني اوچ دفه ائنکار ادهجکسن."
آمّا پطروس داها آرتيق تأکئد ادئب ددي: "اگر سنئنله بئرلئکده اؤلمک منه لازيم گلسه بله، سني اصلا ائنکار اتمه‌رم." آيري شاگئردلر ده اله ددئلر.
اونلار جِتسئماني آديندا بئر يره گلدئلر. عئسا شاگئردلرئنه ددي: "سئز بورادا اوتورون اله کي، من دوعا ادئم."
و پطروس، يعقوب، و يوحنّاني اؤزو ائله گؤتوردو. درئن سيخينتي و اَلَم عئسانين جانينا دوشدو.
اونلارا ددي: "جانيم اؤلوم درجهسئنده کدرلي‌دئر. بورادا قالين و اوياق اولون."
و اؤزو بئر آز ائرهلي گدئب يره دوشدو و دوعا ادئردي کي، اگر مومکوندور، او ساعات اوندان کچسئن.
و ديئردي: "آبّا-آتا، سنه هر شي مومکوندور. بو پئيالهني مندن اوزاقلاشدير. لاکئن منئم ائسته‌دئيئم يوخ، سنئن ائسته‌دئيئن اولسون.»
عئسا قاييديب شاگئردلري يوخودا تاپدي و پطروسا ددي: «شمعون ياتيبسان؟ بئر ساعات اوياق قالا بئلمه‌دئن؟
اوياق قاليب دوعا ادئن کي، ائمتاحانا دوشمه‌يهسئنئز. دوغرودان دا روح ائستهيئر، لاکئن بدن ضعئفدئر."
و گئنه گدئب دوعا اتدي و همن سؤزلري ددي.
و گلئب گئنه ده اونلاري يوخولاميش تاپدي. چونکي گؤزلري آغيرلاشميشدي و اونا نه جاواب ورهجکلرئني بئلمئردئلر.
عئسا اوچونجو دفه گلئب، اونلارا ددي: "حله ده ياتيبسينيز؟ حله ده ائستئراحت ادئرسئنئز؟ آرتيق بسدئر. واخت گلدي؛ باخ، ائنسان اوغلو گوناهکارلارين الئنه ورئلئر.
دورون گدک. باخين، منه خيانت ادن ياخينلاشير."
عئسا، بو سؤزلري دئين زامان، اونائکئلردن بئري اولان يهودا و اونونلا بئرلئکده، باش کاهئنلر، دئن عالئملري و آغساقّاللار طرفئندن گؤنده‌رئلمئش بؤيوک بئر دسته گلدي. اونلار قيلينجلار و دينکلرله سئلاحلانميشديلار.
عئساني تسلئم ادن اونلارلا قرارلاشيب دمئشدي: «کئمي اؤپسم، عئسا اودور. اونو توتون و احتئياطلا آپارين.»
يهودا، گلدئيي آندا عئسايا ياخينلاشيب «اوستاد» دئيه-دئيه اونو اؤپدو.
اونلار عئساني ياخالاييب توتدولار.
لاکئن يانيندا دورانلاردان بئري قيلينجي چکدي و باش کاهئنئن قولونون قولاغيني ووروب کسدي.
عئسا اونلارا ددي: "مني توتماق اوچون اله قيلنجلار و دينکلرله گلئبسئنئز کي، اله بئل اوغرو توتورسونوز؟!
من هر گون معبدده تعلئم ورنده يانينيزدا ائدئم، آمّا مني توتمادينيز. لاکئن قوي يازيلار يرئنه يتئشسئن."
شاگئردلرئن هاميسي عئساني قويوب قاچديلار.
عئسانين دالينجا آنجاق چيلپاق بدنئني کتان اؤرتويه سرئمئش بئر جاوان گدئردي. اونلار اونو دا توتدولار.
لاکئن او، کتان اؤرتويو بوراخيب، چيلپاق قاچدي.
عئساني باش کاهئنئن يانينا آپارديلار. بوتون باش کاهئنلر، آغساقّاللار، و دئن عالئملري اورايا ييغيلديلار.
پطروس باش کاهئنئن حيطئنئن ائچه‌رئسئنه قدر اوزاقدان عئسانين دالينجا گتدي و اورادا موحافئظلرله اود يانيندا اوتوروب اؤزونو قيزيشديريردي.
بو واخت، باش کاهئنلر و بوتون مجلئسده اولانلار عئساني اؤلدورمک اوچون اونون ضئدّئنه شهادت آختاريرديلار، لاکئن تاپميرديلار.
گرچي بئر چوخلاري اونون ضئدّئنه يالاندان شهادت ورئردئلر، آمّا بو شهادتلر بئربئری ائله راست گلمئردي.
بعضئلري قالخيب عئسانين ضئدّئنه يالاندان شهادت ورئب ديئردئلر:
"بئز اشئتدئک کي، ديئردي: «ال‌له تئکئلمئش بو معبدي ييخيب، ال‌له تئکئلمهمئش اؤزگه بئرئني اوچ گونده بئنا اده‌رم.»"
لاکئن اونلارين شهادتلري بئربئري ائله راست گلمئردي.
باش کاهئن اورتادا آياغا قالخيب، عئسادان سوروشدو: "هچ جاواب ورمئرسن؟ بونلارين سنئن ضئدّئنه وردئکلري شهادت نه‌دئر؟"
آمّا عئسا سوکوت ادئب، اونون سوآلينا جاواب ورمه‌دي. باش کاهئن گئنه اوندان سوروشوب ددي: "آيا سن موتبارک تارينين اوغلو مسئحسن؟"
عئسا ددي: "منم. و سئز ائنسان اوغلونو گؤرهجکسئنئز کي، قادئر اولانين صاغيندا اوتوروب بولودلار آراسيندا گلئر."
باش کاهئن پالتاريني جيريب ددي: "داها شاهئدلره نه احتئياجيميز وار؟
کوفرونو اشئتدئنئز. سئز نه ديئرسئنئز؟" اونلارين هاميسي عئساني اؤلومه محکوم اتدئلر.
و بعضئلري اونون اوستونه توپورمه‌يه باشلاديلار. عئسانين گؤزلرئني باغلاييب اونا يوموروق وورا-وورا ديئردئلر: "نبئلئک ات!" و موحافئظلر اونو توتوب ياناقلارينا شئلّه ووروردولار.
پطروس آشاغيدا، حيطده ائکن، باش کاهئنئن کنئزلرئندن بئري گلدي
و پطروسو اود يانيندا قيزيشان حالدا گؤرنده، اونا دئقّتله باخيب ددي: "سن ده او ناصئرهلي عئسا ائله ائدئن."
لاکئن پطروس ائنکار ادئب ددي: "سنئن نه ددئيئني بئلمئرم و آنلاميرام." و چؤله، دالانا چيخدي.
کنئز قيز اونو گئنه گؤروب، اورادا دورانلارا ددي: "بو آدام، اونلاردان بئرئدئر."
آمّا پطروس گئنه ده ائنکار اتدي. بئر آز سونرا اورادا دورانلار پطروسا ددئلر: "جلئللي اولدوغون اوچون دوغرودان دا سن اونلاردان بئرئسن."
لاکئن پطروس اؤزونه لعنت ادئب، آند ائچمه‌يه باشلادي: "ددئيئنئز او آدامي تانيميرام."
و او آندا خوروز ائکئنجي دفه بانلادي. پطروس عئسانين اونا ددئيي سؤزو خاطيرلادي کي، "خوروز ائکي دفه بانلاماميشدان، سن اوچ دفه مني ائنکار ادهجکسن." و هؤنکور-هؤنکور آغلاماغا باشلادي.
سحر تزدن، باش کاهئنلر، آغساقّاللار، دئن عالئملري و بوتون سنهدرئن مصلحتلشدئلر. اونلار عئساني باغلاييب آپارديلار و پئلاطا تسلئم اتدئلر.
پئلاط اوندان سوروشدو: "آيا يهودئلرئن پادشاهي سَنسن؟" عئسا جاواب ورئب اونا ددي: "ددئيئن کئميدئر."
باش کاهئنلر اونا چوخ شيلرده ائتّئهام ووردولار.
لاکئن پئلاط گئنه اوندان سوروشدو: "سن هچ جاواب ورمئرسن؟ باخ گؤر نه قدر سنئن ضئدّئنه شهادت ورئرلر."
آمّا عئسا حله ده جاواب ورمئردي، اله کي، پئلاط تعجّوب اتدي.
پئلاط هر بايرامدا اوندان خاهئش اتدئکلري محبوسو اونلارا عفو ادردي.
باراباس آدلي بئري وار ائدي کي، عوصيان واختي آدام اؤلدورن عوصيانچيلارلا بئرلئکده زنجئره وورولموشدو.
خالق گلئب پئلاطدان ائسته‌دئلر کی، اونلارلا هر زامانکي کئمي اتسئن.
پئلاط اونلارا جاواب ورئب ددي: "ائسته‌يئرسئنئز سئزئن اوچون يهودئلرئن پادشاهيني آزاد ادئم؟"
پئلاط بئلئردي کي، باش کاهئنلر پاخيلّيقدان عئساني اونون الئنه ورئبلر.
لاکئن باش کاهئنلر خالقي قيزيشديرديلار کي، اونون عوضئنه باراباسي آزاد اتسئن.
او واخت پئلاط گئنه اونلاردان سوروشدو: "بس يهودئلرئن پادشاهي چاغيرديغينيز آداما نه ادئم؟"
اونلار تکرار چيغيرديلار: "چارميخا چک."
پئلاط اونلارا ددي: "آخي او، نه پئس ائش گؤروب؟" اونلار داها چوخ باغيرديلار: "اونو چارميخا چک!"
پئلاط خالقي راضي اتمک اوچون باراباسي آزاد اتدي و عئسايا شالّاق ووردوراندان سونرا اونو چارميخا چکئلمه‌يه وردي.
عسگرلر عئساني سارايين ائچئنه، "پرِتورئيوم" ديئلن يره آپارديلار و فوجون هاميسيني بئر يره ييغديلار.
اونا قيرميزي شئنل گيدئردئلر و تئکاندان تاج هؤروب اونون باشينا قويدولار.
و اونا سالام ورمه‌يه باشلاييب ديئردئلر: "سالام، اي يهودئلرئن پادشاهي!"
قاميشلا عئسانين باشينا ووروردولار، اوستونه توپوروردولر، و دئز چؤکوب اونا سجده ادئردئلر.
عسگرلر عئساني ائستهزا ادندن سونرا قيرميزي شئنلي اونون اَينئندن چيخارديب اؤز پالتاريني گيدئردئلر. و اونو چارميخا چکئلمک اوچون اشئيه چيخارتديلار.
شمعون آديندا کرِنِيلي بئر آدام شهرئن اشئيئندن گلئب اورادان کچئردي. شمعون ائسکندر و روفوسون آتاسيدير. عسگرلر اونو مجبور اتدئلر کي، عئسانين چارميخيني داشيسين.
عئساني جولجوتا ديئلن يره گتئردئلر (ترجومه اولونسا، او يرئن آدي "کلّه يري" دمکدئر.)
او واخت اونا مورلا قاريشميش شراب وردئلر. لاکئن عئسا ائچمه‌دي.
اونو چارميخا چکدئلر و پالتاريني آرالاريندا پايلاشيب، کئمه نه چاتماسي اوچون پوشک آتديلار.
گونون اوچونجو ساعاتيندا عئساني چارميخا چکدئلر.
اونون تقصئري باشينين اوستونده يازيلميش ائدي: "يهودئلرئن پادشاهي."
اونونلا ائکي اوغرونو دا چارميخا چکدئلر، بئرئني صاغ طرفئنده، او بئرئني ده سول طرفئنده.
و بلجه موقدّس کئتابدا يازيلديغي سؤز يرئنه يتئشدي کي، ديئر: "موجرئملرله ساييلدي."
اورادان کچنلر عئساني سؤيوردولر و باشلاريني ترپه‌دئب ديئردئلر: "هِي! معبدي ييخيب اوچ گونده تئکن،
اؤزونو خئلاص ات. چارميخدان آشاغي اِن."
باش کاهئنلر و دئن عالئملري ده آرالاريندا اونو رئشخند ادئب ديئردئلر: "اؤزگهلري قورتاردي، لاکئن اؤزونو قورتارا بئلمئر.
ائسرايئلئن پادشاهي مسئح، قوي ائندي چارميخدان دوشسون و بئز گؤروب اونا ائمان گتئرک." عئسانين يانيندا چارميخا چکئلنلر ده اونو سؤيوردولر.
گونون آلتينجي ساعاتي بوتون اؤلکهيه قارانليق دوشدو و ساعات دوقّوزا قدر داوام اتدي.
دوقّوزونجو ساعاتدا عئسا اوجا سَسله باغيردي: "ائلويي، ائلويي، لاما سبقته‌ني؟" ترجومهسي: "تاريم، تاريم! نه اوچون مني ترک اتدئن؟"
اورادا دورانلاردان بعضئسي بونو اشئدنده ددئلر: "باخين، ائلياني چاغيرير."
آرالاريندان بئري قاچيب، بئر سونگري سئرکهيه باتيردي و اونو بئر قاميشين اوجونا تاخيب عئسايا ائچئرتدي و ددي: "قويون گؤرک آيا ائليا اونو اندئرمه‌يه گلئر؟"
آمّا عئسا اوجا سَسله باغيريب، جان وردي.
او آندا معبدئن پردهسي يوخاريدان آشاغييا قدر ييرتيليب ائکي بؤلوندو.
عئسانين قاباغيندا دوران يوز باشي، اونون بله قيشقيريب جان وردئيئني گؤرنده ددي: "دوغرودان دا بو آدام، تارينين اوغلو ائدي."
اورادا باش ورنلره تاماشا ادن بعضي آروادلار دا وار ائدي. اونلارين آراسيندا مجدللي مريم، يوسايين و کئچئک يعقوبون آناسي مريم و سالومه ده دايانميشدي.
عئسا جلئلده ائکن بو آروادلار اونون دالينجا گدئب، اونا خئدمت ادئردئلر. عئسا ائله اورشلئمه گلمئش بئر چوخ آرواد دا اولوب-کچنلره تاماشا ادئردئلر.
آرتيق آخشام اولموشدو. حاضيرليق گونو، يعني سبّتدن بئر گون قاباق،
آرئماتايلي يوسئف گلدي و جسارتئني بئر يره ييغيب پئلاطين يانينا گتدي و عئسانين جسدئني ائسته‌دي. يوسئف يهود مجلئسئنئن حؤرمتلي عوضولرئندن بئري ائدي و تارينين پادشاهليغيني گؤزله‌يئردي.
پئلاط عئسانين بله تز اؤلدويوندن تعجّوب اتدي و يوزباشيني يانينا چاغيريب اوندان سوروشدو: "چوخدان اؤلوب؟"
و يوزباشيدان احوالاتي بئلندن سونرا عئسانين جسدئني يوسئفه باغيشلادي.
يوسئف ده کتان ساتين آلدي و عئسانين بدنئني چارميخدان آشاغي اندئرئب، کتانا بوکدو. اونو قايادا قازيلميش بئر قبئره قويدو و قبئرئن آغزينا بئر داش دئيئرلتدئلر.
مجدللي مريم و يوسايين آناسي مريم اونون هارايا قويولدوغونو گؤروردولر.
سبّت گونو کچندن سونرا، مجدللي مريم، يعقوبون آناسي مريم، و سالومه عطئرلر ساتين آلديلار کي، گدئب عئساني عطئرله‌سئنلر.
و هفتهنئن ائلک گونونده، سحر چوخ اِرکن، گونش دوغان واخت قبئره گلدئلر.
و آرالاريندا ديئردئلر: "گؤرهسن قبئرئن آغزينداکي داشي بئزئم اوچون کئم دئيئرله‌ده‌جک؟"
لاکئن باشلاريني قالديريب باخاندا، داشي بئر يانا دئيئرلنمئش گؤردولر. او داش چوخ بؤيوک بئر داش ائدي.
قبئره گئردئلر و صاغ طرفده آغ پالتار گيئنمئش بئر جاواني اوتورموش گؤره‌نده حيرت اتدئلر.
جاوان اونلارا ددي: "حيرت اتمهيئن! سئز چارميخا چکلئمئش ناصئرهلي عئساني آختاريرسينيز. او دئرئلئب، بورادا ديئل. باخين، اونو قويدوقلاري ير بورادير.
ائندي اونون شاگئردلرئنئن و پطروسون يانينا گدئن و اونلارا ديئن کي، او سئزدن قاباق جلئله گدئر. ددئيي کئمي اونو اورادا گؤرهجکسئنئز."
اونلار قبئردن چيخيب قاچديلار، چونکي تئتره‌مه و حيرت اونلاري بوروموشدو. قورخدوقلاريندان هچ کسه بئر شي دمه‌دئلر.
هفتهنئن ائلک گونو سحر ارکن، عئسا دئرئلندن سونرا اوّلجه اؤزونو مجدللي مريمه گؤرستدي. عئسا مريمدن يدّي ناپاک روح قووموشدو.
مريم گدئب عئسا ائله اولانلارا خبر وردي. اونلار ياس توتوب آغلاييرديلار.
لاکئن عئسانين دئري اولوب اونا گؤروندويونو اشئدنده ائنانماديلار.
بو شيلردن سونرا، عئسا اونلاردان ائکئسئنه، آيري بئر صورتده کنده گدن واخت گؤروندو.
بونلار قاييديب شاگئردلره خبر وردئلر، آمّا اونلار بونلارا دا ائنانماديلار.
و اوندان سونرا عئسا اؤزونو او اونبئر شاگئرده، اونلار سوفره باشيندا اولاندا ظاهئر اتدي و اونلاري ائمانسيزليقلاري و داش اورکلي اولدوقلاري اوچون دانلادي. چونکي اونلار اونون اؤلولردن دئرئلندن سونرا اونو گؤرنلرئن سؤزلرئنه ائنانماميشديلار.
عئسا اونلارا ددي: "بوتون دونيايا گدئن و ائنجئلي بوتون خالقا وعظ ادئن.
ائمان گتئرئب تعمئد اولونان نئجات تاپاجاق؛ لاکئن ائمان گتئرمه‌ين محکوم اولاجاقدير.
بو علامتلر ائمان گتئرنلرله گدهجک: منئم آديملا ناپاک روحلاري قوواجاقلار. تزه دئللرله دانيشاجاقلار.
ائلانلاري اَللري ائله توتاجاقلار. اؤلدورن زَهَر ده ائچسهلر، اونلارا زئيان يتئرمه‌يهجک. ناخوشلار اوستونه اللرئني قوياجاقلار و اونلار صاغالاجاقلار."
بلجه رب عئسا اونلارلا صؤحبت ادندن سونرا گؤيه قالخدي و تارينين صاغيندا اوتوردو.
شاگئردلر ده گدئب، تارينين سؤزونو هر يرده يايديلار. رب اونلارلا ائدي و کلامي آرخادان گلن علامتلرله تصدئق ادئردي.
عالئجناب تِعوفئلوس، چوخ آداملار چاليشيبلار کي، آراميزدا باش ورمئش حادئثهلرئن حکايه‌سئني يازسينلار.
نجه کي، او باشلانيشدان گؤزلري ائله گؤره‌نلر و کلامين خادئملري اونلاري بئزه يتئرئبلر.
منه ده مصلحت اِله گؤروندو کي، او باشلانيشدان دقئق تفتئش اتدئيئم هامي واقئعهلري ترتئبله سئزه يازيم
اِله کي، اؤيره‌ندئيئنئز مطلبلرئن دوغرو اولماسينا يقئن تاپاسينيز.
يهودئيه پادشاهي هئرود زامانيندا، ابئيّا دستهسئندن زکريا آدلي بئر کاهئن وار ائدي. اونون آروادي الئزابت هارون نسلئندن ائدي.
اونلارين ائکئسي ده تارينين نظرئنده صالح ائنسانلار ائدئلر و ربّئن هامي امر و احکاملارينا کامئل عمل ادئردئلر.
لاکئن اونلارين اوشاغي يوخ ائدي، چونکي الئزابت سونسوز ائدي و ائکئسي ده قوجا ائدئلر.
بئر گون زکريا، اؤز دستهسئنئن کاهئنلئک نؤوبتي اولاندا، تارينين حوضوروندا کاهئنلئک وظئفهسئنه مشغول ائدي.
زکريا ربّئن معبدئنه گئردي. چونکي بوخور يانديرماق پوشکو نجه کي، کاهئنلئکده عادت اولموشدو، اونون آدينا دوشموشدو.
بوخور يانديرماق ساعاتي يتئشنده، جاماعاتين هاميسي اشئکده دوعا ادئردئلر.
او زامان ربّئن بئر مله‌يي، بوخور قوربانگاهينين صاغ طرفئنده دوروب زکريايا ظاهئر اولدو.
زکريا مله‌يي گؤره‌نده دئسکئندي و قورخو اونو بورودو.
آمّا ملک اونا ددي: "زکريا، قورخما. دوعان موستجاب اولوب. آروادين الئزابت سنئن اوچون بئر اوغلان دوغاجاق. اونون آديني يحيا قوياجاقسان.
او، سنه شادليق و صفا سببي اولاجاق و اونون آنادان اولماسينا گؤره چوخ آداملار سوئنهجکلر.
چونکي او، ربّئن نظرئنده بؤيوک اولاجاق. هچ واخت شراب و کفلندئرن بئر زاد ائچمه‌يهجک و آناسينين قارنيندان موقدّس روحلا دولو اولاجاق.
او، ائسرايئل مئلّتئنئن چوخلاريني، اونلارين اؤز رب تاريسينا دؤندهرهجک.
او، ربّئن قاباغيندا، ائليانين روحو و قووّتي ائله گدهجک. اله کي، آتالارين اورکلرئني اوشاقلارا و عاصئلري، صالحلرئن حئکمتئنه دؤنده‌رسئن، اله کي، رب اوچون بئر خالق حاضيرلاسين."
زکريا ملکدن سوروشدو: "من بونو نه‌دن بئلئم؟ چونکي من قوجا آدامين بئري‌يَم، آرواديم دا ياشلي‌دير."
ملک جاواب وردي: "من تارينين حوضوروندا دوران جبراييلام. گؤنده‌رئلمئشم کي، سنئنله دانيشيب، سنه بو خوش خبري يتئرئم.
باخ، ائندي دئلئن توتولاجاق و خبر وردئيئم شيلر واقع اولانا کئمي دانيشماغا قادئر اولماياجاقسان. چونکي واختيندا دوغرو چيخاجاق سؤزلرئمه ائنانمادين."
بو آرادا جاماعات زکرياني گؤزلهيئردئلر و اونون بو قدر معبدده يوبانماسيندان تعجّوب ادئردئلر.
معبددن چيخاندا زکريا آرتيق لال اولموشدو. خالق بئلدي کي، او، معبدده بئر رؤيا گؤروب، چونکي ائشاره ائله اونلارا آنلاديردي، لاکئن دانيشماغا قادئر ديئلدي.
خئدمت گونلري تامام اولاندان سونرا، زکريا اِوئنه قاييتدي.
او گونلردن سونرا آروادي الئزابت بويلو اولوب، بش آي اؤزونو گئزلتدي.
و ديئردي: "رب منه مرحمت نظرئني ساليب و بو ائشي او منه ادئب کي، ذلئللئيئمي ائنسانلارين آراسيندان گؤتورسون."
آلتينجي آيدا جبرايئل ملک، تاري طرفئندن، جلئل دئياريندا ناصئره شهرئنه گؤنده‌رئلدي.
مريم آدلي بئر باکئره قيزين يانينا کي، يوسئف آدلي بئر کئشئنئن آداخليسي ائدي. يوسئف داوودون نسلئندن ائدي.
ملک اونون يانينا گدئب ددي: "سالام، اي مرحمت تاپميش! رب سَنئنله‌دئر."
مريم مله‌يئن ددئيي سؤزلردن نئگاران اولوب، گئجَلمئشدي کي، بو نجه سالاملاشماقدير.
آمّا ملک اونا ددي: "اي مريم، قورخما. تاري يانيندا توفئق تاپيبسان.
باخ، بويلو اولوب بئر اوغول دوغاجاقسان، و اونون آديني عئسا قوياجاقسان.
او، بؤيوک اولاجاق و حاق-تاعالانين اوغلو چاغيريلاجاق. رب تاري اونا، آتاسي داوودون تختئني ورهجکدئر.
و او، يعقوبون اِوي اوستونه ابده کئمي سلطنت ادهجک و اونون پادشاهليغينين آخيري اولماياجاق."
مريم ملکدن سوروشدو: "بو نجه اولا بئلر، منئم کي، حله اَرئم يوخدور؟"
ملک جاواب ورئب ددي: "موقدّس روح سنئن اوستونه نازئل اولاجاق و حاق-تاعالانين قودرتي سنه کؤلگه سالاجاق. اونون اوچون ده او موقدّس مؤولودا تارينين اوغلو ديئلهجک.
باخ، سنئن قوحومون الئزابت ده بو قوجا زامانيندا بئر اوشاغا بويلودور. او کي، اونون حاقّيندا سونسوز ديئردئلر، ائندي آلتينجي آييني کچئردئر.
چونکي تارينين يانيندا قيري‌مومکون بئر شي يوخدور."
مريم ددي: "من ربّئن کنئزئيم. قوي منه ددئيئن کئمي اولسون." و ملک اونون يانيندان گتدي.
او گونلرده مريم دوروب، تله‌سئک داغليق بؤلگهسئنده اولان يهودئيهنئن بئر شهرئنه گتدي.
و زکريانين اِوئنه گئرئب، الئزابته سالام وردي.
الئزابت مريمئن سالاميني اشئدن زامان، اوشاغي قارنيندا ترپَشدي و موقدّس روحلا دولدو،
اوجا سَسله سَسله‌نئب ددي: "سن آروادلار آراسيندا موبارکسن، قارنيندا اولان اوشاق دا موبارکدئر!
منه هارادان بله بئر عئزّت گلئب کي، ربّئمئن آناسي گؤروشويومه گلسئن!
چونکي سنئن سالامينين سسي قولاغيما يتئشن واخت، اوشاق قارنيمدا شادليقدان ترپَشدي.
خوش او آدامين حالينا کي، ائنانيب ربّئن طرفئندن ديئلمئش سؤز يرئنه يتئشهجک!"
و مريم ددي: "جانيم ربّي اوجالدير.
و روحوم قورتاريجيم تاريدا شادليق ادئر.
چونکي او، کنئزئنئن حقئر حالينا مرحمت نظري ساليب. بوندان سونرا هامي نسئللر منه بختور دئيهجکلر.
چونکي او قادئر اولان، منئم اوچون بؤيوک ائشلر اتدي. اونون آدي موقدّسدئر!
او، اؤز رحمتئني، نسئل به نسئل، اوندان قورخانلارين اوستونه سالير،
قولو ائله قودرتلي ائشلر گؤرسه‌دئب. اوره‌يئنده مغرور اولانلاري داغيديبدير
پادشاهلاري تختلرئندن اِندئرئب، لاکئن باشيآشاغي اولان آداملاري اوجالديب.
آجلاري ياخشي شيلرله دويوروب، آمّا وارلي آداملاري الي-بوش قايتاريب.
او، اؤز قولو ائسرايئله ائمداد ادئب، ياديندادير کي،
ائبراهئم و اونون نسلئنه ابده کئمي رحمت گؤرسدسئن. نجه کي، آتالاريميزا دا دمئشدي."
و مريم اوچ آيا قدر الئزابتئن يانيندا قالدي و سونرا اوئنه قاييتدي.
الئزابتئن دوغوم واختي يتئشدي و او، بئر اوغلان دوغدو.
اونون قونشولار و قوحوملاري اشئتدئلر کي، رب اونا بؤيوک بئر مرحمت گؤرسه‌دئب و اونونلا شادليق اتدئلر.
سکّئزئنجي گون گلدئلر کي، اوشاغي ختنه اتسئنلر و ائسته‌يئردئلر اونون آديني، آتاسينين آدينا گؤره، زکريا قويسونلار.
لاکئن آناسي جاواب ورئب ددي: "يوخ! اونون آدي يحيا اولاجاق!"
اونا ددئلر: "قوحوملارينين آراسيندا بو آدلا آدلانميش هچ کس يوخدور."
سونراسي آتاسيندان ائشاره ائله سوروشدولار کي، اوغولون آديني نه قويماق ائستهيئر.
زکريا بئر يازي تختهسي ائسته‌دي و تختهنئن اوستونده يازدي: "اونون آدي يحيادير." هامي مات قالدي.
او آندا زکريانين دئلي آچيلدي و تارييا حمد ادئب دانيشماغا باشلادي.
اونلارين اطرافيندا ياشايان هامي قونشولاري قورخو باسدي و يهودئيهنئن هامي داغليق بؤلگهسئنده، هر کس بو واقئعهدن دانيشيردي.
و بونو اشئدنلر، اشئتدئکلرئنئن هاميسيني يادلاريندا ساخلاييب، حيران قالميشديلار و ديئردئلر: "بو اوشاق نه اولاجاق!" چونکي ربّئن الي اونونلا ائدي.
اوشاغين آتاسي زکريا، موقدّس روحلا دولدو و نبئلئک ادئب ددي:
"ائسرايئلئن تاريسي رب، موبارک اولسون. چونکي گلئب و اؤز خالقيني خئلاص ادئب،
و داوودون اِوئندن بئزئم اوچون قودرتلي بئر قورتاريجي ميدانا گؤنده‌رئب.
نجه کي، چوخ زامانلاردان قاباق اؤز موقدّس پيغمبرلرئنئن آغيزي ائله دمئشدئر کي،
دوشمنلرئمئزئن و بئزدن نئفرتادنلرئن هاميسينين الئندن بئزي قورتاراجاق.
اونون اوچون کي، آتالاريميزا رحمت گؤرسدسئن و اؤز موقدّس عهدئني خاطيرلاسين.
آتاميز ائبراهئمه ائچدئيي او آند کي،
بئزي دوشمنلرئمئزئن الئندن نئجات ورسئن و قادئر اتسئن کي، قورخوسوز خئدمت ادک؛
بوتون عؤمروموزو اونون حوضوروندا قودسئيّت و صالحلئکله!
و سن اي اوشاق، حاق-تاعالانين پيغمبري چاغيريلاجاقسان. چونکي ربّئن قاباغيندا گدئب، اونون يولونو حاضيرلاياجاقسان.
اِله کي، اونون خالقينا نئجات معرئفتئني ورهسن کي، اونلارين گوناهلارينين باغيشلانماسيندادير.
تاريميزين مرحمتئنه گؤره، طولوع ادن گونش گؤيدن بئزه گلهجک.
اله کي، قارانليقدا و اؤلوم کؤلگه سئنده اوتورانلارا ائشيق ورسئن و بئزئم قدملرئمئزي صولح يولونا هئدايت اتسئن."
و اوشاق بؤيويوب، روحدا قووّتله‌نئردي و ائسرايئل خالقينين آراسيندا ظوهور اده‌نه قدر چؤللرده ياشاييردي.
او گونلرده قيصر اوغوسطوسدان امر گلدي کي، ير اوزونده اولان نوفوسون ساييسي انجام اولوب دفترلره کچسئن.
بو نوفوس ساييسي ائلک نوفوس ساييسي ائدي کي، کرئنئيوسون سورئيه اؤلکهسئنده والي اولدوغو زامان باش وردي.
و هر کس آديني دفتره کچئرتمک اوچون اؤز شهرئنه گدئردي.
اونون اوچون يوسئف ده داوودون نسلئندن اولدوغونا گؤره، جلئلئن ناصئره شهرئندن چيخيب، يهودئيه وئلايتئنئن بِيت‌لِخِم چاغيريلان داوود شهرئنه گلدي کي،
بويلو اولان آداخليسي مريمله آدلاريني دفتره کچئرتسئنلر.
اورادا اولدوقلاري زامان مريمئن دوغما واختي يتئشدي.
مريم ائلک اوغلونو دوغدو. اونو قونداغا سرئب آخوردا ياتيرتدي. چونکي اونلار اوچون مهمانخانادا ير يوخ ائدي.
او اؤلکهده چوبانلار وار ائدئلر کي، چؤلده ياشاييب سورولرئني قوروماق اوچون گجه اونلارين کشئيئني چکئردئلر.
ربّئن بئر مله‌يي اونلارين يانيندا ظاهئر اولدو و ربّئن جلالي اونلارين اطرافيني نورلا دولدوردو و اونلاري بؤيوک بئر دهشت بورودو.
ملک اونلارا ددي: "قورخمايين. باخين، من سئزه اله خوش خبر گتئرمئشم کي، هامي مئلّتلري چوخ سوئندئرهجک.
چونکي بو گون داوود شهرئنده سئزئن اوچون بئر قورتاريجي دوغولدو کي، رب مسئحدئر.
و سئزه علامت بودور؛ قونداغا سرئلمئش و آخوردا ياتميش بئر کؤرپه تاپاجاقسينيز."
بئردن بئره ملکله گؤي لشکرئنئن فوجو گؤروندو. اونلار تارييا حمد ادهرک ديئردئلر:
"لاپ اوجالاردا اولان تارييا عئزّت، ير اوزونده اونون مرحمتي آلتيندا اولان ائنسانلار آراسيندا باريش اولسون."
ملکلر چوبانلارين يانيندان گؤيه قالخاندان سونرا، اونلار بئربئرلرئنه ددئلر: "گلئن بِيتلِخِمه گدک و ربّئن بئزه بئلدئردئيي بو واقئعهني گؤرک."
چوبانلار تله‌سئک بِيتلِخِمه گلدئلر و مريمي، يوسئفي و آخوردا ياتميش کؤرپهني تاپديلار.
و گؤره‌ندن سونرا کؤرپه حاقّيندا اونلارا خبر ورئلن سؤزو يايديلار.
چوبانلارين دانيشيقلاريني اشئدنلرئن هاميسي تعجّوبدن مات قالميشدي.
آمّا مريم بو سؤزلرئن هاميسيني اوره‌يئنده ساخلاييب دوشونوردو.
چوبانلار قاييتديلار و اشئتدئکلري و گؤردوکلري شيلر اوچون تارييا حمد و ثنا ادئردئلر.
سکّئزئنجي گون تامام اولاندا، اوشاغي ختنه اتدئلر و آديني عئسا قويدولار، او آد کي، ملک اونا آناسينين بطنئنده قويولماميشدان ورمئشدي.
موسانين شرئعتئنه گؤره، اونلارين طهارت گونلري تامام اولاندان سونرا، يوسئف و مريم اوشاغي اورشلئمه گتئردئلر کي، اونو ربّه تقدئم اتسئنلر.
نجه کي، ربّئن شرئعتئنده ده يازيليب: "ائلک دوغولان هر اوغلان اوشاق گرک ربّه وقف اولونسون."
و ربّئن شرئعتئنده ديئلدئيي کئمي، بئر جوت قومرونو و يا ائکي گؤيرچئن بالاسيني قوربان آديندا تقدئم اتسئنلر.
او زامان اورشلئمده شمعون آديندا صالح و دئندار بئر آدام وار ائدي کي، ائسرايئلئن تسلّي تاپاجاغيني گؤزله‌يئردي؛ و موقدّس روح اونون اوستونده ائدي.
موقدّس روح اونا قاباقدان بئلدئرمئشدي کي، ربّئن مسئحئني گؤرمه‌يئنجه اؤلوم اوزونو گؤرمهيهجک.
شمعون روح طرفئندن ائلهاملانيب، معبده گلدي. اوشاغين والئديني کؤرپه عئساني ائچه‌ري گتئردئلر کي، اونون حاقّيندا شرئعتئن ددئيي عادته عمل اتسئنلر.
شمعون اوشاغي قوجاغينا آلدي و تارييا حمد ادئب ددي:
"اي آغا، وردئيئن سؤزه گؤره، ائندي بو قولونو صولح ائچئنده مورخّص ات.
چونکي گؤزلرئم سنئن نئجاتيني گؤروب،
او نئجاتي کي، هامي مئلّتلرئن حوضوروندا حاضيرلاييبسان؛
قيرييهودئلره آشکار ادن بئر نور، و سنئن مئلّتئن ائسرايئله بئر جلال."
اوشاغين آتا و آناسي عئسانين حاقّيندا ديئلن سؤزلردن تعجّوب اتدئلر.
شمعون اونلارا خيئر-دوعا ادئب، اوشاغين آناسي مريمه ددي: "باخ، بو کؤرپه ائسرايئلده بئر چوخ آداملارين ييخيليب قالخماسي اوچون تعيئن اولونوب؛ بئر علامت کي، اونون ضئدّئنه دانيشاجاقلار.
سنئن ده جانيني بئر قيلينج پارچالاياجاق. بونلارين هاميسي اوندان اؤتري اولاجاق کي، چوخلارينين اورهيئندهکي دوشونجهلر آشکارا چيخسين."
آشِر قبئلهسئندن نبئلئک ادن آنّا دا اورادا ائدي. آنّا فَنوعئلئن قيزي ائدي. آنّا چوخ قوجا ائدي. قيزليغيندان سونرا يدّي ائل اَري ائله ياشاميشدي و
سونراسي دا بو هشتاد دؤرد ياشيناجاق دول قالميشدي. آنّا معبددن اصلا آيريلماييب، گجه-گوندوز دوعالار و اوروجلارلا اورادا عئبادت ادئردي.
او دا اله او ساعات گلئب، تارييا شوکور اتدي و اوشاغين حاقّيندا اورشلئمئن خئلاصيني گؤزله‌ين هامي آداملارلا دانيشدي.
يوسئف و مريم ربّئن شرئعتئنده امر ادئلن هامي شيلري تامام ادندن سونرا جلئله، اؤز شهرلري ناصئرهيه قاييتديلار.
و اوشاق دا بؤيويوب قووّتله‌نئردي. حئکمتله دولوردو و تارينين فيضي اونون اوستونده ائدي.
عئسانين والئديني هر ائل پاسخا بايراميندا اورشلئمه گدئردئلر.
عئسانين اونائکي ياشينا چاتديغي زامان، بايرام عادتئنه گؤره اورشلئمه گتدئلر.
بايرام گونلري تامام اولوب اِولرئنه قاييداندا، اوغلان اوشاق عئسا اورشلئمده قالدي. لاکئن والئديني بوندان بئخبر ائدئلر.
اله گومان ادئردئلر کي، او، يولداشلاري ائله گدئر. بئر گونلوک يول گدندن سونرا، اونو قوحوم و تانيشلار آراسيندا آختارماغا باشلاديلار.
اونو تاپمايان زامان آختارا-آختارا اورشلئمه قاييتديلار.
اوچ گوندن سونرا اونو معبدده تاپديلار. او، موعلّئملرئن آراسيندا اوتورموشدو و اونلارا قولاق آسيب، اونلاردان سوآل ادئردي.
اونون ددئکلرئني اشئدن هامي آداملار اونون آنلاق و جاوابلاريندان تعجّوب ادئردئلر.
والئديني اونو گؤرن زامان حيرت اتدئلر. عئسانين آناسي اونا ددي: "اوغلوم، نه اوچون بئزئمله بله رفتار اتدئن؟ آتان و من نئگاران اولوب سني آختاريرديق؟"
عئسا اونلارا ددي: "مني نه اوچون آختاريردينيز؟ بئلمئردئنئز کي، من گرک آتامين اوئنده اولوم؟"
لاکئن اونلار عئسانين ددئيي سؤزو باشا دوشمه‌دئلر.
سونرا عئسا اونلارلا يولا دوشوب ناصئرهيه گتدي. و اونلاردان ائطاعت ادئردي. لاکئن آناسي بو شيلرئن هاميسيني اوره‌يئنده ساخلاييردي.
عئسا حئکمت و قامتده بؤيويوردو. هم تاري، هم ده آداملار اوندان چوخ راضي ائدئلر.
قيصر تئبرئيوسون حاکئمئيّتئنئن اون بشئنجي ائلئنده، او زامان کي، پونطئيوس پئلاط يهودئيه والئسي، هئرود جلئلئن تِترارخي، اونون قارداشي فئلئپوس ائتورايا و تئراخونئتئس وئلايتئنئن تِترارخي، لئسانئياس آبئلينئيا تَترارخي،
حنّا ائله قيافا دا باش کاهئن ائدئلر، تارينين کلامي چؤلده زکريانين اوغلو يحيايا گلدي.
او دا، اوردون چايينين اطرافينداکي هامي اؤلکهني گَزئب ائنسانلاري دعوت ادئردي کي، گوناهلارين باغيشلانماسي اوچون تؤوبه ادئب تعمئد آلسينلار.
نجه کي، اشعيا پيغمبرئن سؤزلرئنئن کئتابيندا يازيليب: "چؤلده بئرئنئن سسي نئدا ادئر؛ ربّئن يولونو حاضيرلايين، اونون يولونو دوز ادئن.
هر دره دولدورولسون، هر داغ و تپه آلچالسين، اَيرئلئکلر دوزه‌لسئن، کله-کؤتور يوللار هامار اولسون.
و بوتون ائنسانلار تارينين نئجاتيني گؤرهجکلر."
يحيا، تعمئد اوچون اونون يانينا گلن خالقا ديئردي: "اي افعئلر نسئلي! گلهجک قضبدن قاچماغي سئزه کئم گؤرستدي؟!
تؤوبهيه لايئق ثمره گتئرئن. اؤزونوزه «آتاميز ائبراهئمدئر» دمه‌يه جهد اتمهيئن. چونکي بونو سئزه ديئرم، تاري قادئردئر کي، بو داشلاردان ائبراهئمه اؤولاد ياراتسين.
آرتيق بالتا دا آغاجلارين کؤکونه ياتير. بلجه ياخشي ثمره ورمه‌ين هر آغاج کسئلئر و اودا آتيلير."
خالق اوندان سوروشدو: "بس بئز نه اِدَک؟"
يحيا جاواب ورئب ددي: "ائکي کؤينه‌يي اولان، بئرئني او آداما ورسئن کي، کؤينه‌يي يوخودور. يمه‌يي اولان آدام دا بله اتسئن."
باج ييغانلار دا تعمئد اولونماق اوچون اونون يانينا گلئب ددئلر: "اوستاد، بئز نه اِدَک؟"
يحيا اونلارا ددي: "موعيّن اِدئلمئش مئقداردان آرتيق هچ شي طلب اتمهيئن."
عسگرلر ده اوندان سوروشدولار: "بس بئز نه اتملييئک؟" اونلارا دا ددي: "زورلا هچ کئمدن پول آلمايين. بؤهتان آتمايين. آلديغينيز مواجئبه قناعت ادئن."
خالقين گؤزو يولدا ائکن، هامي يحيانين حاقيندا اوره‌يئنده دوشونوردو: "گؤرهسن بو، مسئحدئر؟"
يحيا هاميسينا جاواب ورئب ددي: "من سئزي سو ائله تعمئد ورئرم، لاکئن مندن قودرتلئسي گلئر کي، من اونون باشماغينين باغيني دا آچماغا بله لايئق ديئلم. او، سئزي موقدّس روح و اودلا تعمئد ورهجک.
اونون شنهسي الئندهدئر و اؤز خرمنئني دئقّتله سووروب، بوغداني آنبارينا ييغير. لاکئن ساماني سؤنمز اودلا يانديراجاق."
بلجه يحيا، بئر چوخ آيري نصئحت ورئب خالقا خوش خبري وعظ ادئردي.
آمّا هئرود تِترارخ کي، قارداشينين آروادي هئرودئياسلا اِولندئيي و اتدئيي اؤزگه پئسلئکلر اوچون يحيانين طرفئندن دانلاق آلتيندا ائدي،
بونلارين هاميسينا بئرئني ده آرتيريب يحياني زئندانا سالدي.
هامي خالق تعمئد اولونان زامان، عئسا دا تعمئد اولوندو. و دوعا ادن واخت گؤي آچيلدي و
موقدّس روح جئسماني شکئلده گؤيرچئن کئمي اونون اوستونه اِندي و گؤيدن بئر سس گلئب ددي: "سن منئم سوگئلي اوغلومسان، سندن چوخ راضييام."
عئسا، اؤز خئدمتئنه باشلاديغي زامان اوتوز ياشلاريندا ائدي. او يوسئفئن اوغلو تانينيردي و يوسئف عئلينئن اوغلو ائدي.
عئلي ده متّا اوغلو، او دا لاوي اوغلو، او دا مِلکي اوغلو، او دا يانّاي اوغلو، او دا يوسئف اوغلو
او دا ماتاتئيا اوغلو، او دا عاموس اوغلو، او دا ناحوم اوغلو، او دا حسلي اوغلو، او دا ناقّاي اوغلو،
او دا ماآت اوغلو، او دا ماتاتئياس اوغلو، او دا شئمعي اوغلو، او دا يوسئک اوغلو، او دا يهودا اوغلو
او دا يوحنّا اوغلو، او دا رئسا اوغلو، او دا زِروبّابئل اوغلو، او دا سالتئيل اوغلو، او دا نِيري اوغلو،
او دا مِلکي اوغلو، او دا آدّي اوغلو، او دا کوسام اوغلو، او دا اِلمادام اوغلو، او دا عئر اوغلو
او دا يوسيا اوغلو، او دا الئعزر اوغلو، او دا يورئم اوغلو، او دا ماتّات اوغلو، او دا لاوي اوغلو،
او دا شمعون اوغلو، او دا يهودا اوغلو، او دا يوسئف اوغلو، او دا يونام اوغلو، او دا اِلياقئم اوغلو،
او دا مئلئيا اوغلو، او دا مئنّا اوغلو، او دا ماتّاتا اوغلو، او دا ناتان اوغلو، او دا داوود اوغلو
او دا يسّه اوغلو، او دا عوبئد اوغلو، او دا بوعز اوغلو، او دا سلمون اوغلو، او دا نخشون اوغلو
او دا عمئناداب اوغلو، او دا آدمئن اوغلو، او دا آرني اوغلو، او دا خِصرون اوغلو، او دا پِرِس اوغلو، او دا يهودا اوغلو،
او دا يعقوب اوغلو، او دا ائسحاق اوغلو، او دا ائبراهئم اوغلو، او دا تِرَخ اوغلو، او دا ناخور اوغلو،
او دا سروج اوغلو، او دا ريو اوغلو، او دا فالِک اوغلو، او دا عِبَر اوغلو، او دا سِلَع اوغلو،
او دا کئنان اوغلو، او دا اَرفکشاد اوغلو، او دا سام اوغلو، او دا نوح اوغلو، او دا لِمِک اوغلو،
او دا متوشِلَخ اوغلو، او دا خنوخ اوغلو، او دا يارِد اوغلو، او دا مَهَل‌له‌لِل اوغلو، او دا کئنان اوغلو،
او دا انوش اوغلو، او دا سِت اوغلو، او دا آدم اوغلو، او دا تارينين اوغلو ائدي.
عئسا موقدّس روحلا دولو اوردوندان قاييتدي و روح طرفئندن چؤله آپاريلدي.
او، قيرخ گون ائبلئس طرفئندن ائمتاحان اولوندو و بو گونلرده هچ بئر شي يمه‌دي. و او گونلر کچدندن سونرا آخيردا آجيقدي.
ائبلئس اونا ددي: "اگر سن تارينين اوغلوسان، امر ات کي، بو داش چؤره‌يه دؤنسون."
عئسا اونون جاوابيندا ددي: "يازيليب کي، ائنسان آنجاق چؤرکله ياشاماز."
ائبلئس اونو يوخاري آپاريب بئر آن ائچئنده دونيانين هامي مملکتلرئني اونا گؤرستدي
و اونا ددي: "بو مملکتلرئن حاکئمئيّتئني و اونلارين هامي شان-شؤهرتئني سنه ورهرم؛ چونکي بو منه ورئلئب و من کئمه ائستهسم، اونا ورهرم.
اونا گؤره، اگر سن منه سجده ادهسن، بونلارين هاميسي سنئن اولاجاق."
عئسا جاوابيندا اونا ددي: "يازيليب کي، رب تارينا سجده ات و آنجاق اونا قوللوق ات."
ائبلئس اونو اورشلئمه آپاردي و معبدئن بورجو اوستونه قويوب ددي: "اگر سن تارينين اوغلوسان، اؤزونو بورادان آشاغي آت.
چونکي يازيليب: "او، سنئن حاقّيندا ملکلرئنه امر ادهجک کي، سني حئفظ اتسئنلر.
و سني اَللري اوستونده گؤتورهجکلر کي، آياغين بئر داشا ائلئشمه‌سئن."
عئسا جاوابيندا اونا ددي: "ديئلئب کي، رب تاريني ائمتاحان اتمه."
ائبلئس بو ائمتاحانلارين هاميسيني قورتاراندان سونرا، بئر مودّت اونون يانيندان آيريلدي.
عئسا موقدّس روحون قووّتي ائله جلئله قاييتدي و اونون خبري اطراف وئلايتلرئن هاميسيندا ياييلدي.
او، اونلارين کنئسهلرئنده تعلئم ورئردي و هامي اونو تعرئفله‌يئردي.
عئسا بؤيودويو ير ناصئرهيه گلدي و سبّت گونونده عادتئنه گؤره کنئسهيه گئردي و اوخوماق اوچون آياغا قالخدي.
اونا اشعيا پيغمبرئن کئتابي ورئلدي. کئتابي آليب بو سؤزلر يازيلميش يري آچدي:
"ربّئن روحو اوستومده‌دئر؛ او مني مسح اتدي کي، يوخسوللارا خوش خبري ورئم. مني گؤنده‌ردي کي، اسئرلره آزاد اولاجاقلاريني، کورلارا گؤزلرئنئن آچيلاجاغيني جار چکئم، اَزئلنلري خئلاص ادئم
و ربّئن مقبول ائلئني اعلان ادئم."
عئسا کئتابي باغلادي و خئدمتچئيه ورئب اوتوردو. کنئسهده اولانلارين هاميسينين گؤزو اونا دئکئلمئشدي.
و اونلارا دمه‌يه باشلادي: "اشئتدئيئنئز بو يازي بو گون يرئنه يتئشدي."
هامي اونون حاقّيندا ياخشي سؤزلر ديئب، اونون آغزيندان چيخان فيضلي سؤزلره حيران اولموشدولار و ديئردئلر: "آيا بو، يوسئفئن اوغلو ديئل؟!"
عئسا اونلارا ددي: "البتّه سئز بو مثلي منه دئيهجکسئنئز کي، «اي حکئم، اؤزونو ساغالت! اشئتدئيئمئز کفرناحومدا اتدئيئن ائشلري بورادا، اؤز وطنئنده ده ات!»"
و ددي: "دوغروسونو سئزه ديئرم، هچ بئر پيغمبر اؤز وطنئنده مقبول اولماز.
حقئقتي سئزه ديئرم، ائليانين گونلرئنده او واخت کي، گؤي اوچ ائل آلتي آي باغلانيب اؤلکهنئن هاميسيندا بؤيوک بئر قحطي اولدو، ائسرايئلده بئر چوخ دول آرواد وار ائدي.
لاکئن ائليا اونلارين هچ بئرئنئن يانينا گؤنده‌رئلمه‌دي، مگر صيدون وئلايتئنئن ضارِپتا شهرئنده اولان دول آروادين يانينا.
اِلئشع پيغمبرئن گونلرئنده ده ائسرايئلده چوخ جوذاملي وار ائدي، لاکئن اونلاردان هچ بئري شفا تاپمادي، مگر سورئيهلي نَعمان.»
کنئسهده اولانلارين هاميسي بونلاري اشئدن واخت قضبلندئلر.
و قالخيب اونو شهردن قوودولار. آشاغي آتماق اوچون اونو او داغين اوستونه آپارديلار کي، شهرلري اونون اوستونده بئنا اولموشدو.
لاکئن عئسا اونلارين آراسيندان کچئب گتدي.
عئسا جلئلئن کفرناحوم آدلي شهرئنه گلدي و سبّت گونلرئنده اونلارا تعلئم ورئردي.
اونلار اونون تعلئمئندن تعجّوب ادئردئلر، چونکي اونون کلاميندا ائقتئدار وار ائدي.
کنئسهده بئر آدام وار ائدي کي، ناپاک بئر ائبلئس روحو اونو اسئر اتمئشدي. او اوجا سسله باغيردي:
"اَل چک بئزدن، اي ناصئرهلي عئسا! بئزئمله نه ائشئن وار؟! آيا بئزي هلاک اتمک اوچون گلئبسن؟ سنئن کئم اولدوغونو بئلئرم: سن تارينين موقدسي‌سن!"
لاکئن عئسا اونا آجيقلانيب ددي: "ساکئت اول، او آدامدان چيخ!" ائبلئس او آدامي اورتادا يره چيرپيب، هچ بئر ضرر ورمه‌دن اوندان اشئيه چيخدي.
هاميني حيرت بورودو و بئربئرلرئنه ديئردئلر: "بو نه کلامدير؟! ناپاک روحلارا ائقتئدار و قووّتله امر ادئر و اونلار اشئيه چيخيرلار."
اونون شؤهرتي اطرافدا اولان يرلرئن هاميسينا ياييليردي.
عئسا کنئسهدن چيخيب، شمعونون اوئنه گلدي. شمعونون قايناناسي شئدّتلي بئر قيزديرما ائچئنده ائدي. آروادين حاقّيندا عئسايا يالوارديلار.
عئسا اونون باشي اوستونده دوروب، قيزديرمايا آجيقلاندي. آروادين قيزديرماسي کسئلدي و او آندا قالخيب اونلارا خئدمت اتدي.
گون باتان واختدا، هامي، جوربهجور ناخوشلوقلارا دوچار اولموش ناخوشلاريني اونون يانينا گتئردئلر. و او، اللرئني اونلارين هر بئرئنئن اوستونه قويوب، اونلارا شفا ورئردي.
اونلارين چوخلاريندان ائبلئسلر ده اشئيه چيخيرديلار و باغيريب ديئردئلر: "سن تارينين اوغلوسان!" آمّا عئسا اونلارا آجيقلانيب دانيشماغا ائجازه ورمئردي. چونکي اونون مسئح اولدوغونو بئلئردئلر.
سحر آچيلاندا عئسا چيخيب ساکئت بئر يره گتدي؛ خالق اونو آختاريردي. و او اولان يره گلدئکلري واخت، چاليشديلار کي، عئسايا اونلاري ترک اِتمَکدن مانع اولسونلار.
آمّا عئسا اونلارا ددي: "تارينين پادشاهليغينين خوش خبرئني گرک اؤزگه شهرلره ده يتئرئم. چونکي من بونون اوچون گؤنده‌رئلمئشم."
و يهودئيهنئن کنئسهلرئنده وعظ ادئردي.
بئر گون عئسا جنئسارت گؤلونون قيراغيندا دورموشدو کي، خالق تارينين کلاميني اشئتمک اوچون اونون اطرافينا ييغيليب، اونو سيخيشديريرديلار.
عئسا گؤلون قيراغيندا ائکي قاييغين دوردوغونو گؤردو؛ لاکئن باليقچيلار قاييقلاردان چيخيب تورلاريني يويوردولار.
قاييقلارين بئرئنه مئندي. بو قاييق شمعونون ائدي. عئسا اوندان خاهئش اتدي کي، ساحئلدن بئر آز آرالانسين. و قاييقدا اوتوروب خالقا تعلئم ورئردي.
سؤزونو قورتاراندان سونرا شمعونا ددي: "درئن يره سور و باليق توتماق اوچون تورلارينيزي سويا آتين."
شمعون جاوابيندا اونا ددي: "اوستاد! بوتون گجه چاليشديق، هچ بئر شي توتا بئلمه‌دئک. آمّا سنئن سؤزونه گؤره تورلاري آتاجاغام."
و بونو ادن زامان چوخلو باليق توتدولار؛ او قدر کي، تورلاري ييرتيليردي.
او بئري قاييقدا اولان شرئکلرئنه ائشاره اتدئلر کي، گلئب اونلارا کؤمک اتسئنلر. اونلار دا گلئب هر ائکي قاييغي باليقلا دولدوردولار، بله کي، قاييقلار باتماغا باشلادي.
شمعون پطروس بونو گؤرن زامان عئسانين آياقلارينا دوشوب ددي: "يارب، مندن اوزاقلاش، چونکي من گوناهکار بئر کئشئيم."
اوندان اؤتري کي، توتدوقلاري باليقلارين چوخلوغوندان اونو و اونونلا اولانلارين هاميسيني حيرت بورودو.
و بله ده زِبِدِيئن اوغوللاري يعقوب و يوحنّاني دا کي، شمعونون شرئکي ائدئلر. عئسا شمعونا ددي: "قورخما! بوندان سونرا ائنسانلاري توتاجاقسان."
اونلار قاييقلاري ساحئله چکدئلر و هر شيي آتيب عئسانين دالينجا گتدئلر.
عئسا شهرلرئن بئرئنده اولاندا، بئر آدامي اونون يانينا گتئردئلر کي، هر يانيني جوذام توتموشدو. آدام عئساني گؤرن واخت اوزو-اوسته يره دؤشهنئب يالواردي: "يارب، اگر ائستيهسن، مني طاهئر اده بئلرسن."
عئسا الئني اوزاتدي و اونا توخونوب ددي: "ائسته‌يئرم، طاهئر اول." آدام آنَن جوذامدان قورتولدو.
عئسا اونا تاپشيردي کي، هچ کئمه بئر سؤز دمه‌سئن، آنجاق گدئب اؤزونو کاهئنه گؤرسدسئن و طاهئر اولدوغو اوچون موسانين بويوردوغو کئمي قوربان تقدئم اتسئن کي، اونلارا شهادت اولسون.
آمّا عئسانين حاقّيندا خبر داها دا چوخ ياييليردي؛ و چوخ آدام اونو اشئتمک و ناخوشلوقلاريندان صاغالماق اوچون اونون يانينا گلئردئلر.
آمّا او اؤزو مورتّب ساکئت يرلره چکئلئب، دوعا ادئردي.
تعلئم وردئيي گونلرئن بئرئنده جلئل، يهودئيه، و اورشلئمئن هامي کندلرئندن گلمئش فرئسئلر و دئن عالئملري اوتورموشدولار و عئسا، ربّئن قووّتي ائله ناخوشلارا شفا ورئردي.
بو آرادا، بئر نچه نفر، ائفلئج بئر آدامي ياتاق اوستونده گتئردئلر و چاليشيرديلار کي، اونو ائچه‌ري گتئرئب عئسانين حوضوروندا يره قويسونلار.
آداملارين چوخلوغونا گؤره ائچه‌ري گئره بئلمه‌دئکلري زامان، اِوئن دامينا چيخديلار و دامين سئفاللاري آراسيندان اونو ياتاغي ائله اورتايا، عئسانين قاباغينا اندئردئلر.
عئسا اونلارين ائمانيني گؤرنده ددي: "آي کئشي، گوناهلارين باغيشلاندي."
دئن عالئملري و فرئسئلر اؤزلرئنده بله دوشونوردولر: "بو آدام کئمدئر کي، بله کوفر دانيشير؟! واحئد تاريدان باشقا کئم گوناهلاري باغيشلايا بئلر؟!"
لاکئن عئسا اونلارين نه فئکئر اتدئکلرئني بئلدي و اونلارا جاواب ورئب ددي: "اوره‌يئنئزده نه فئکئر ادئرسئنئز؟!
هانسي داها آساندير؛ «گوناهلارين سنه باغيشلاندي» دمک، يوخسا «قالخ، يري!» دمک؟!
آمّا اونون اوچون کي، بئلهسئنئز ائنسان اوغلونون ير اوزونده گوناهلاري باغيشلاماق ائقتئداري وار…" ائفلئج آداما ددي: "سنه ديئرم: دور، ياتاغيني گؤتور و اِوئنه گت!"
او آندا ائفلئج آدام اونلارين گؤزونون قاباغيندا قالخيب ياتاغيني گؤتوردو و تارييا حمد اده-اده اوئنه گتدي.
هاميني حيرت بورودو و تارييا حمد ادئردئلر و بؤيوک قورخو ائچئنده ديئردئلر: "بو گون قرئبه ائشلر گؤردوک!"
بونلاردان سونرا، عئسا اشئيه چيخدي و لاوي آدلي باج ييغان بئر آدامي باجخانادا اوتورموش گؤردو. و اونا ددي: "داليمجا گل!"
لاوي ده هر شيي بوراخيب آياغا قالخدي و اونون دالينجا گتدي.
و اؤز اوئنده عئسا اوچون بؤيوک بئر قوناقليق وردي. اونلارلا سوفره باشيندا بئر چوخ باج ييغانلار و اؤزگه آداملار وار ائدي.
دئن عالئملري و فرئسئلر ديئنئب عئسانين شاگئردلرئنه ددئلر: "نه اوچون باج ييغانلار و گوناهکار آداملارلاا ييئب-ائچئرسئنئز؟!"
لاکئن عئسا جاواب ورئب اونلارا ددي: "صاغ آداملار يوخ، ناخوش آداملار طبئبه مؤحتاجديرلار.
من گلمئشم کي، صالح آداملاري يوخ، گوناهکار آداملاري تؤوبهيه چاغيريم."
اونلار عئسايا ددئلر: "نه اوچون يحيانين شاگئردلري تز-تز اوروج توتوب، دوعا ادئرلر. فرئسئلرئن شاگئردلري ده بله ادئرلر. آمّا سنئن شاگئردلرئن ييئب-ائچئرلر؟"
عئسا اونلارا ددي: "بَي اوغلان دوستلارينين يانيندا اولانا قدر، آيا اونلارا اوروج توتدورا بئلرسئنئز؟
لاکئن او گونلر گلهجک کي، بَي اونلارين الئندن آلينسين. اونلار او زامان، او گونلرده اوروج توتاجاقلار."
و اونلارا بئر مثل ده ددي: "هچ کس تزه پالتاردان بئر پارچا قوپارديب، کؤهنه پالتارا ياماق وورماز. بله اولسا، هم تزه پالتاري ييرتار، هم ده تزه پالتاردان آلينان پارچا کؤهنه پالتارا ياراشماز.
هچ کس ده تزه شرابي کؤهنه تولوقلارا دولدورماز. بله اولسا، تزه شراب تولوقلاري پارتلادار؛ هم اؤزو تؤکولر، هم ده تولوقلار هدر اولار.
تزه شراب تزه تولوقلارا دولدورولمالي‌دير.
و هچ کئم کؤهنه شرابي ائچندن سونرا، تزه شرابي ائسته‌مز. چونکي دئير: «کؤهنهسي ياخشيدير.»"
بئر سبّت گونو عئسا اکئنلر آراسيندان کچئردي. شاگئردلري سونبوللري درئردئلر و اوووجلاريندا اووب ييئردئلر.
فرئسئلردن بعضئلري اونلارا ددئلر: "نه اوچون سبّت گونونده جائز اولمايان ائشي ادئرسئنئز؟"
عئسا اونلارا جاواب ورئب ددي: "مگر اوخوماييبسينيز کي، داوود و اونونلا اولانلار آج قالان زامان نه اتدئلر؟
نجه داوود تارينين اِوئنه گئردي و تارييا تقدئم ادئلمئش چؤرکلري گؤتوروب يدي و اؤزو ائله اولانلارا دا وردي؟! حال بو کي، بونلارين يمه‌يي کاهئنلردن باشقا هچ کسه جائز ديئل."
و عئسا اونلارا ددي: "ائنسان اوغلو سبّت گونونون ده صاحئبي‌دئر.""
آيري بئر سبّت گونو عئسا کنئسهيه گئردي و تعلئم ورئردي. اورادا صاغ اَلي قوروموش بئر آدام وار ائدي.
دئن عالئملري و فرئسئلر عئسايا بؤهتان آتماق اوچون سبب آختاريرديلار. اونون اوچون ده اونو گؤز آلتينا آلميشديلار کي، بلکه سبّت گونونده شفا ورسئن.
آمّا عئسا اونلارين فئکئرلرئني بئلئب، اَلي قوروموش آداما ددي: "آياغا قالخ و اورتادا دور." او دا آياغا قالخيب دوردو.
سونرا عئسا اونلارا ددي: "سئزدن سوروشورام: سبّت گونو نه اتمک جائزدئر، ياخشيليق اتمک، يوخسا يامانليق؟ جان قورتارماق، يوخسا اؤلدورمک؟"
عئسا اطرافيندا اولان آداملارين هاميسينا باخيب، اَلي قوروموش آداما ددي: "اَلئني اوزات!" او دا اِله اتدي و الي صاغالدي.
لاکئن اونلار داها چوخ قضبله‌نئب آرالاريندا دانيشيرديلار کي، عئسايا نه اتسئنلر.
او گونلرئن بئرئنده عئسا دوعا اتمک اوچون داغا چيخدي. و بوتون گجهني تارييا دوعا اتمکله کچئرتدي.
گوندوز اولاندا شاگئردلرئني يانينا چاغيردي. اونلاردان اونائکي نفري سچئب اونلارا حواري آدي قويدو:
شمعون کي، اونا پطروس آديني ورمئشدي، قارداشي آندرياس، يعقوب، يوحنّا، فئلئپوس، بارتولماي،
متّا، توما، آلفاعوس اوغلو يعقوب، وطنپرست آدلانان شمعون،
يعقوب اوغلو يهودا، و سونرالاردا اونا خيانت ادن يهودا ائسکاريوت.
عئسا بونلارلا آشاغي اِنئب هامار بئر يرده دوردو. شاگئردلرئندن چوخلاري اورادا ائدئلر و يهودئيهنئن هر يرئندن، اورشلئمدن، صور و صيدون ساحئللرئندن چوخ آداملار گلمئشدئلر کي،
اونون سؤزلرئني اشئتسئنلر و مرضلرئندن شفا تاپسينلار. ناپاک روحلاردان عذاب چکن آداملار دا صاغاليرديلار.
جاماعاتين هاميسي اونا توخونماغا چاليشيردي، چونکي اوندان قووّت چيخيب هاميسينا شفا ورئردي.
عئسا شاگئردلرئنه نظر ساليب ددي: "خوش سئزئن حالينيزا کي، فاغيرسينيز، چونکي تارينين پادشاهليغي سئزئندئر.
خوش سئزئن حالينيزا کي، ائندي آجسينيز، چونکي دويورولاجاقسينيز. خوش سئزئن حالينيزا کي، ائندي آغلاييرسينيز. چونکي گولهجکسئنئز.
خوش سئزئن حالينيزا او زامان کي، آداملار ائنسان اوغلونون خاطئرئنه گؤره سئزدن نئفرت ادئرلر، آرالاريندان قووالاييرلار، سئزي تحقئر ادئرلر و آدينيزي پئسله‌يئرلر.
او گونده سوئنئن و شادليقدان آتيليب-دوشون. چونکي گؤيده اجرئنئز بؤيوکدور. اونلارين آتالاري دا پيغمبرلرله بله رفتار اتدئلر.
لاکئن واي سئزه اي وارليلار! چونکي تسلّئنئزي اله ائندي آليبسينيز.
واي سئزه اي توخ اولانلار! چونکي آج اولاجاقسينيز. واي سئزه اي گولَنلر، چونکي ياس توتوب آغلاياجاقسينيز.
واي سئزه او زامان کي، آداملار سئزئن بارهده ياخشي دانيشيرلار. چونکي اونلارين آتالاري يالانچي پيغمبرلرله ده بله رفتار اتدئلر.
آمّا سئزه ديئرم اي اشئدنلر: دوشمنلرئنئزي سوئن، سئزدن نئفرت ادنلره ياخشيليق ادئن.
سئزه لعنت ادنلره برکت ورئن و سئزي ائنجئدنلره دوعا ادئن.
اوزونون بئر طرفئنه وورانا، او بئري طرفئني ده چوئر. رداني گؤتوره‌نه، کؤينه‌يئني ده آلماقدان مانع اولما.
سندن بئر شي ائسته‌ين هرکسه ور و ماليني آپاراندان اونو گري ائستمه.
ائنسانلارين سئزئنله نجه رفتار اتمه‌سئني ائسته‌يئرسئنئز، سئز ده اونلارلا اله رفتار ادئن.
اگر سئزي سونلري سوهسئنئز، نه فضئلتئنئز وار؟! چونکي گوناهکارلار دا اونلاري سونلري سوئرلر.
اگر سئزه ياخشيليق ادنلره ياخشيليق ادهسئنئز، نه فضئلتئنئز وار؟! چونکي گوناهکارلار دا اله ادئرلر.
اگر او آداملارا بورج ورهسئنئز کي، اونلاردان گري آلماغا اومئدئنئز وار، نه فضئلتئنئز وار؟! چونکي گوناهکارلار دا گوناهکارلارا بورج ورئرلر کي، همن او قدر گري آلسينلار.
لاکئن دوشمنلرئنئزي سوئن. اونلارا ياخشيليق ادئن و عوضئني گؤزلمه‌دن بورج ورئن. اجرئنئز چوخ اولاجاق و حاق-تاعالانين اوغوللاري اولاجاقسينيز، چونکي او، ناشوکورلره و پئس آداملارا مهرئباندير.
آتانيز نجه مرحمتلي‌دئر، سئز ده اله مرحمتلي اولون.
حؤکم اتمهيئن، سئزه ده حؤکم اولونماز. محکوم اتمهيئن، سئز ده محکوم اولونمازسينيز. باغيشلايين، سئز ده باغيشلانارسينيز.
ورئن، سئزه ده ورئلر؛ اؤلچولوب-بئچئلمئش، سئلکَله‌نئب-باسيلميش، دولوب-داشميش بول بئر اؤلچو ائله سئزئن اَته‌يئنئزه تؤکولر. چونکي هانسي اؤلچو ائله اؤلچهسئنئز، او اؤلچو ائله ده سئزه اؤلچولر."
و اونلارا بئر مثل ده ددي: "آيا کور، کورا بلدچئلئک اِده بئلر؟ مگر ائکئسي ده چوخورا دوشمز؟
شاگئرد موعلّئمئندن بؤيوک ديئل، لاکئن تحصئلئني تکمئل ادندن سونرا، هر شاگئرد اؤز موعلّئمي کئمي اولار.
نه اوچون قارداشينين گؤزونده‌کي چؤپو گؤرورسن، آمّا اؤز گؤزونده‌کي تئري سچمئرسن؟!
اؤز گؤزونده اولان تئري گؤرمه‌دئيئن حالدا، نجه قارداشينا دئيه بئلرسن کي: «قارداشيم، قوي گؤزونده‌کي چؤپو چيخارديم؟!» اي رئياکار! اوّلجه تئري اؤز گؤزوندن چيخارت، او زامان آيدين گؤررسن کي، چؤپو قارداشينين گؤزوندن چيخارداسان.
چونکي اله ياخشي آغاج يوخدور کي، پئس ميوه ورسئن و اله پئس آغاج دا يوخدور کي، ياخشي ميوه ورسئن.
هر آغاج اؤز ميوهسئندن تانينير: نه تئکانلاردان انجئر دررلر، نه ده گَوَندن اوزوم ييغارلار.
ياخشي آدام اوره‌يئنئن ياخشيليق خزئنهسئندن ياخشي شيلر چيخاردير؛ پئس آدام دا اوره‌يئنئن پئس خزئنهسئندن پئس شيلر چيخاردير. چونکي اونون آغزي اوره‌يئندن کچنلري بيان ادئر.
نه اوچون مني «يارب، يارب…» چاغيريرسينيز، آمّا سئزه ددئيئم شيلره عمل اتمئرسئنئز؟!
منئم يانيما گلن، سؤزلرئمي اشئدن و اونلارا عمل ادن هر آدامين کئمه بنزه‌دئيئني سئزه گؤرسدئرم؛
او، اِو تئکن بئر آداما بنزر کي، قازيب درئنه سالدي و اوئن بونؤورهسئني داش اوستونده قوردو. سل گلن واخت، سو او اِوه هوجوم اتدي، لاکئن اونو ترپه‌ده بئلمه‌دي. چونکي اِو ياخشي تئکئلمئشدي.
لاکئن اشئدئب عمل اتمه‌ين، او اِو تئکن آداما بنزر کي، بونؤوره قويماميش، اِوي تورپاق اوستونده بئنا اتدي؛ سل او اِوه هوجوم اتدي و اِو او آندا اوچدو. و او اِوئن اوچماسي بئر موصئبت اولدو."
عئسا اونا قولاق آسان خالقا بو سؤزلرئن هاميسيني ديئب بئتئرندن سونرا، کفرناحوما گئردي.
اورادا بئر يوز باشينين قولو کي، اونون يانيندا چوخ عزئز ائدي، ناخوشلاييب اؤلوم حالينا دوشموشدو.
عئسانين خبرئني اشئدن زامان، او، يهودئلرئن بعضي آغساقّاللاريني اونون يانينا گؤنده‌ردي کي، اوندان گلئب قولونون صاغالتماسيني خاهئش اتسئنلر.
اونلار دا عئسانين يانينا گلدئلر و تأکئدله يالواريب ددئلر: "بو آدام لايئقدئر کي، سن اونون اوچون بونو ادهسن.
چونکي خالقيميزي سوئر و بئزه کنئسه تئکئب."
عئسا اونلارلا گتدي. يوزباشينين اوئنه ياخينلاشديغي زامان، او، اؤز دوستلاريني اونون پئشوازينا گؤنده‌ردي کي، اونا دسئنلر: "يارب، زحمت چکمه؛ من لايئق ديئلم کي، منئم داميميم آلتينا گئرهسن.
بو سببدن ده اؤزومو لايئق گؤرمهدئم کي، سنئن يانينا گلئم. آنجاق بئر کلمه دِه و قولوم صاغالسين.
چونکي من ده حؤکم آلتيندا اولان بئر آدامام و الئمئن آلتيندا عسگرلر وار. بئرئنه «گت» دِسَم گدر، بئرئسئنه «گل» دِسَم گلر و قولوما «بونو ات» دِسَم، اِدَر."
عئسا بونو اشئدن واخت تعجّوب اتدي و دؤنوب دالينجا گلن خالقا ددي: "سئزه ديئرم کي، ائسرايئلده بله بو قدر بؤيوک ائمانا راست گلمه‌دئم."
گؤنده‌رئلمئش آداملار اوه قاييتديقلاري زامان، ناخوش قولو صاغالميش تاپديلار.
بوندان سونرا عئسا نايئن ديئلن بئر شهره گتدي. شاگئردلرئنئن چوخو و بؤيوک بئر جاماعات اونونلا گدئردي.
شهرئن دروازاسينا ياخينلاشان زامان، دول بئر آروادين بئري-بئردانه اوغلونون جنازهسئني چيخارديرديلار. شهر اهلئندن چوخ آدام اونونلا گدئردي.
رب او آناني گؤرن واخت، اونا يازيغي گلدي و ددي: "آغلاما."
و ياخينلاشيب الئني اؤلونون اوزانديغي تابوتا قويدو. آپارانلار دايانديلار. و عئسا ددي: "اي جاوان، سنه ديئرم، دور!"
اؤلو دوروب اوتوردو و دانيشماغا باشلادي. عئسا اونو آناسينا گري وردي.
هاميني قورخو بورودو و تارييا حمد ادئب ديئردئلر: "آراميزدا بؤيوک بئر پيغمبر ظوهور ادئب" و "تاري خالقينين گؤروشويونه گلئب."
اونون بارهسئنده بو خبر بوتون يهودئيه و اطرافدا اولان وئلايتلرئن هاميسينا ياييلدي.
يحيانين شاگئردلري اونا بونلارين هاميسيني خبر وردئلر.
يحيا شاگئردلرئندن ائکئسئني چاغيريب ربّئن يانينا گؤنده‌ردي کي، اوندان سوروشسونلار: "آيا گلمه‌لي اولان سنسن، يوخسا آيري بئرئني گؤزله‌يک؟"
يحيانين شاگئردلري عئسانين يانينا گلئب ددئلر: "تعمئد ورن يحيا بئزي سنئن يانينا گؤنده‌رئب کي، سوروشاق: «گلمه‌لي اولان سنسن، يوخسا آيري بئرئني گؤزله‌يک؟»"
اله او واخت عئسا بئر چوخلاريني ناخوشلوقلاردان، آزارلاردان و ناپاک روح الئندن خئلاص اتدي؛ کور اولانلاردان بئر چوخونون گؤزلرئني آچدي.
عئسا جاوابيندا اونلارا ددي: "گدئن نه گؤردويونوزو و نه اشئتدئيئنئزي يحيايا بئلدئرئن: کورلار گؤرورلر، چولاقلار يرئيئرلر، جوذاملي‌لار طاهئر اولورلار، کارلار اشئدئرلر، اؤلولر دئرئلئرلر، و فاغيرلارا خوش خبر موژده ورئلئر.
خوش او آدامين حالينا کي، مندن اؤتري بودرهمه‌سئن."
يحيانين اِلچئلري گدندن سونرا، عئسا يحيانين حاقّيندا خالقا دانيشماغا باشلادي: "چؤله نه گؤرمه‌يه گتدئنئز، يلئن ترپتدئيي قاميشي؟
ديئن، نه گؤرمه‌يه چيخدينيز، ظرئف پالتارلار گيمئش بئر آدامي؟ آمّا ظرئف پالتار گيئنئب دبدبه ائله ياشايانلار، پادشاه سارايلارينداديرلار.
بس نه گؤرمه‌يه گتدئنئز، بئر پيغمبر؟ بلي، سئزه ديئرم، پيغمبردن ده افضل اولاني.
بو، او آدامدير کي، اونون حاقّيندا يازيليب: «باخ، سنئن قاباغيندا اؤز الچئمي گؤنده‌رئرم. او سندن قاباق سنئن يولونو حاضيرلاياجاق.»
سئزه ديئرم: آرواددان دوغولانلار آراسيندا تعمئد ورن يحيادان بؤيوک، هچ بئر آدام يوخدور. لاکئن تارينين پادشاهليغيندا لاپ کئچئک اولان يحيادان بؤيوکدور."
او زامان کي، بوتون خالق و باج ييغانلار بونو اشئتدئلر، تارينين عدالتئني تصدئق اتدئلر، چونکي يحيادان تعمئد آلميشديلار.
آمّا فرئسئلر و قاضيلار تارينين اونلار حاقّيندا اولان هدفئني ردّ اتدئلر. چونکي يحيادان تعمئد آلماميشديلار.
"بو نسلئن آداملاريني نه‌يه بنزه‌دئم و اونلار کئمه بنزه‌يئرلر؟
اونلار ميدانلاردا اوتوران اوشاقلارا بنزه‌يئرلر کي، بئربئرئني چاغيريب ديئرلر: «بئز سئزه توتک چالديق، سئز اوينامادينيز. سئزه نوحه اوخودوق، آغلامادينيز.»
چونکي تعمئد ورن يحيا، گلن واخت، نه چؤرک يئين، نه ده شراب ائچن ائدي و سئز ديئرسئنئز: «اوندا بئر ائبلئس وار.»
ائنسان اوغلو، گلن واخت، ييئر و ائچئر و سئز ديئرسئنئز: «باخ، قارينقولو و شرابخار بئر آدامدير، باج ييغانلارين و گوناهکارلارين دوستو!»
لاکئن حئکمت اؤز اؤولادلارينين هاميسي طرفئندن تصدئق اولونور."
فرئسئلردن بئري عئسادان خاهئش اتدي کي، اونلارلا يمک يسئن. او دا فرئسئنئن اوئنه گئرئب، سوفره باشيندا اوتوردو.
او شهرده ياشايان گوناهکار بئر آرواد عئسانين فرئسئنئن اِوئنده سوفره باشيندا اوتوردوغوندان خبردار اولوب، آغ مرمر بئر قابدا بئر عطئر گتئردي
و آرخادا، اونون آياقلارينين يانيندا دوروب آغلايا-آغلايا عئسانين آياقلاريني گؤزياشلاري ائله ائسلاديردي و ساچلاري ائله سئلئب، آياقلاريني اؤپوردو و عطئري اونون آياقلارينا سورتوردو.
عئساني اِوئنه دعوت ادن فرئسي، بونو گؤرن واخت، اؤز-اؤزونه ددي: "بو آدام اگر پيغمبر اولسايدي، اونا توخونان آروادين کئم اولدوغونو و نه‌چي اولدوغونو بئلردي. چونکي بو، گوناهکار بئر آرواددير."
او زامان عئسا اونا جاواب ورئب ددي: "شمعون! سنه دمه‌لي بئر سؤزوم وار." او دا ددي: "بويور، اوستاد."
عئسا ددي: "بئر طلبکارين ائکي بورجلوسو وار ائدي؛ بئري بش يوز دئنار و او بئري الّي دئنار بورجلو ائدي.
بورجلاريني ورمه‌يه هچ بئر شيلري اولماديغينا گؤره، بورجو هر ائکئسئنه باغيشلادي. ائندي ده گؤروم اونلارين هانسي اونو چوخ سوهجک؟"
شمعون جاواب ورئب ددي: "گومان ادئرم او کي، اونا آرتيق باغيشلاندي." عئسا ددي: "دوز حؤکم اتدئن."
و آروادين طرفئنه دؤنوب شمعونا ددي: "بو آروادي گؤرورسن؟ سنئن اوئنه گئردئم، آياقلاريم اوچون سو گتئرمه‌دئن. لاکئن او، منئم آياقلاريمي گؤز ياشلاري ائله ائسلاتدي و ساچلاري ائله سئلدي.
سن مني اؤپمه‌دئن. لاکئن او، من گلندن بري آياقلاريمي اؤپمکدن دورمور.
سن باشيمي ياغلا ياغلامادين. لاکئن او، آياقلاريمي عطئرله ياغلادي.
بونا گؤره ده سنه ديئرم: اونون چوخ اولان گوناهلاري باغيشلاندي، چونکي چوخ سوگي گؤرستدي. لاکئن کئمه آز باغيشلانسا، آز دا سِوَر."
و آروادا ددي: "گوناهلارين باغيشلاندي."
عئسا ائله سوفره باشيندا اوتورانلار، آرالاريندا ديئردئلر: "بو کئمدئر کي، گوناهلاري دا باغيشلايير؟!"
عئسا آروادا ددي: "ائمانين سني خئلاص اتدي. سالامات گت."
سونرا عئسا شهرلر و کندلري گزئب وعظ ادئردي و تارينين پادشاهليغينين خوش خبرئني ورئردي. اونائکي شاگئرد ده اونونلا ائدئلر.
ناپاک روحلاردان و ناخوشلوقلاردان صاغالميش بعضي آروادلار دا اونونلا گزئردئلر: ائچئندن يدّي ائبلئس چيخميش مجدللي ديئلن مريم،
هئرودون ناظئري خوزانين آروادي يوآنّا، سوزانّا و بئر چوخ آيري آروادلار کي، اؤز وارلاري ائله اونلارا خئدمت ادئردئلر.
او زامان کي، بؤيوک بئر جاماعات ييغيلدي و او آداملار دا کي، هر شهردن اونون يانينا گلئردئلر، عئسا اونلارا بئر مثل نقل اتدي:
"بئر اَکئنچي توخوم سپمه‌يه چيخدي. توخومو سپن زامان اونلاردان بعضئسي يول قيراغينا دوشوب، آياق آلتيندا پايمال اولدو و گؤيون قوشلاري اونو يدئلر.
بعضئسي داشليغا دوشدو و بئتن واختدا قورودو، چونکي روطوبتي يوخ ائدي.
بعضئسي تئکانلار آراسينا دوشدو. تئکانلار اونلارلا برابر بؤيويوب اونلاري بوغدولار.
لاکئن بعضئسي ياخشي تورپاغا دوشدو و بئتئب يوز قات آرتيق ثمره وردي." عئسا بونلاري ديئب بله نئدا اتدي: "اشئتمه‌يه قولاغي اولان اشئتسئن!"
آمّا شاگئردلري اوندان سوروشدولار: "بو مثلئن معناسي نه‌دئر؟"
عئسا ددي: "تارينين پادشاهليغينين سئرّلرئني بئلمک سئزه ورئلئب، لاکئن اؤزگه آداملارا مثللرله‌دئر کي، گؤردوکلري حالدا گؤرمه‌سئنلر و اشئتدئکلري حالدا آنلاماسينلار.
مثلئن معناسي بودور: توخوم تارينين کلامي‌دير.
يول قيراغينا دوشنلر اونلارديرلار کي، کلامي اشئدئبلر؛ سونرا شرئر گلئر و کلامي اونلارين اوره‌يئندن گؤتورور، مبادا ائنانيب نئجات تاپسينلار.
داشليغا دوشنلر اونلارديرلار کي، کلامي اشئدن واخت شادليقلا قبول ادئرلر، لاکئن کؤکلري اولماديغيندان بئر مودّت ائمان گتئرئرلر و ائمتاحان زاماني ائماندان دؤنورلر.
تئکانلار آراسينا دوشنلر اونلارديرلار کي، کلامي اشئدئرلر، لاکئن گده-گده بو حياتين نئگارانليغي ائچئنده، ثروت و لذّتلري ائچئنده بوغولورلار و ثمره گتئرمئرلر.
آمّا ياخشي تورپاق اوستونه دوشنلر اونلارديرلار کي، کلامي صادئق و ياخشي اورکله اشئدئب ساخلاييرلار و صبرله ثمره ورئرلر.
هچ کس چيراق يانديريب اونو قابلا اؤرتمز و يا ياتاق آلتينا قويماز. چيراغي چيراقدانا قويار کي، ائچه‌ري گئرنلر ائشيغي گؤرسونلر.
چونکي اِله گئزلئن بئر شي يوخدور کي، بلّي اولماسين؛ و اِله گئزلئن بئر شي يوخدور دا کي، بئلئنئب آشکارا چيخماسين.
بونا گؤره ده، نجه اشئتدئيئنئزه دئقّت ادئن؛ چونکي کئمده وارسا، اونا داها چوخ ورئلهجک. لاکئن کئمده يوخسا، الئنده اولدوغونو گومان اتدئيي ده اوندان آليناجاق."
عئسانين آنا و قارداشلاري اونون يانينا گلدئلر، لاکئن جاماعاتين چوخلوغوندان اونا ياخينلاشا بئلمه‌دئلر.
عئسايا خبر ورئب ددئلر: "آنان و قارداشلارين اشئکده دوروب ائسته‌يئرلر کی، سني گؤرسونلر."
عئسا جاواب ورئب اونلارا ددي: "منئم آنام و قارداشلاريم اونلارديرلار کي، تارينين کلاميني اشئدئب اونا عمل ادئرلر."
گونلرئن بئرئنده عئسا اؤز شاگئردلري ائله بئر قاييغا مئنئب اونلارا ددي: "گؤلون او بئري تايينا کچک." بلجه يولا دوشدولر.
قاييق سو اوزونده گدن واخت، عئسا يوخويا گتدي. گؤلده شئدّتلي بئر کولک باشلادي اله کي، قاييق سو ائله دولوردو. اونلار خطره دوشموشدولر.
شاگئردلر عئسانين يانينا گلدئلر و اونو اوياديب ددئلر: "اوستاد! اوستاد! هلاک اولوروق!" عئسا دوروب کوله‌يه و سويون تلاطومونه آجيقلاندي. کولک ياتدي و آرامليق دوشدو.
او زامان عئسا اونلارا ددي: "ائمانينيز هارادادير؟!" اونلار تعجّوب و قورخو ائچئنده بئربئرلرئنه ديئردئلر: "بو کئمدئر کي، هم کوله‌يه، هم ده سويا امر ادئر و اوندان ائطاعت ادئرلر!"
اونلار جلئلئن موقابئلئنده اولان جده‌رئلرئن وئلايتئنه گلدئلر.
عئسا قاييقدان ساحئله چيخاندا، او شهر اهلئندن ائبلئس الئنه توتولموش بئر آداما راست گلدي. بو آدام اوزون زاماندان بري پالتار گيمئردي و اِوده يوخ، مقبره‌لرده ياشاييردي.
او، عئساني گؤرن زامان، باغيريب اونون قاباغيندا يره دؤشندي و اوجا سسله ددي: "اي تاعالا تارينين اوغلو عئسا، مندن نه ائستهيئرسن؟ سنه يالواريرام، منه عذاب ورمه!"
چونکي عئسا اونا امر اتمئشدي کي، بو آدامدان اشئيه چيخسين. ناپاک روح دفهلرله اونو توتموشدو و آدامي زنجئرلر و کوندهلرله باغلاييب باشينا موحافئظ قويموشدولار. آمّا گئنه ده زنجئرلري قيريردي و ائبلئس طرفئندن چؤللره قوولوردو.
عئسا اوندان سوروشدو: "آدين نه‌دئر؟" جاواب وردي: "قوشون." اونا گؤره کي، اونا بئر چوخ ائبلئس گئرمئشدي.
اونلار عئسايا يالوارديلار کي، اونلارا برزخه گتمه‌يه امر اتمه‌سئن.
اورادا، داغدا بؤيوک بئر دونگوز سوروسو اوتلاييردي. اونا يالوارديلار کي، دونگوزلارين ائچئنه گئرمه‌يه اونلارا ائجازه ورسئن. عئسا دا ائجازه وردي.
ائبلئسلر او آدامدان چيخيب دونگوزلارا گئردئلر. دونگوز سوروسو اوچوروما طرف قاچيب، اورادان گؤله آتيلدي و هاميسي بوغولدولار.
چوبانلار بو حادئثهني گؤرن واخت قاچيب، بو خبري شهرده و کندده يايديلار.
خالق اولوب-کچنلري گؤرمک اوچون چيخيب، عئسانين يانينا گلدي و ائچئندن ائبلئسلر چيخميش آدامي گؤردولر کي، عئسانين آياقلاري يانيندا پالتار گيئنمئش و عاغيللاشميش اوتوروب. و دهشته دوشدولر.
بو حادئثهني گؤرنلر ائبلئس الئنه توتولموش آدامين نجه صاغالديغيني اونلارا نقل اتدئلر.
او زامان جَده‌ره وئلايتئنئن بوتون خالقي عئسادان خاهئش اتدئلر کي، اورادان گتسئن، چونکي اونلاري بؤيوک دهشت بوروموشدو. عئسا دا قاييغا مئنئب قاييتدي.
اوندان ائبلئسلر چيخميش آدام عئسايا يالواردي کي، اونون يانيندا قالسين. آمّا عئسا اونو مورخّص ادئب ددي:
"اِوئنه قاييت و تارينين سنه نه اتدئيئني نقل ات." او دا گدئب عئسانين اونا اتدئکلرئني بوتون شهرده يايدي.
عئسا گري قاييدان زامان، خالق شادليقلا اونون پئشوازينا چيخدي، چونکي اونو گؤزلهيئردئلر.
بو آرادا، يايروس آدلي بئر کنئسه ريئسي گلئب، عئسانين آياقلارينا دوشدو و اونا يالواردي کي، اونون اِوئنه گلسئن.
چونکي اونائکي ياشلاريندا اولان بئري‌بئردانه قيزي اؤلوم حاليندا ائدي. اونون اوئنه گدنده، جاماعات عئساني هر طرفدن سيخيشديرديلار.
اورادا بئر آرواد وار ائدي کي، اونائکي ائلدن بري قان آخماسي کسئلمهمئشدي و هچ کس اونا شفا وره بئلمهمئشدي.
آرواد عئسانين آرخاسيندان گلئب، پالتارينين اَته‌يئنه ال سورتدو و او آندا اونون قان آخماسي کسئلدي.
عئسا سوروشدو: "منه کئم ال سورتدو؟" هامي ائنکار اتدي. او زامان پطروس ددي: "اوستاد، جاماعات هر طرفدن هوجوم ادئب، سني سيخيشديرير."
لاکئن عئسا ددي: "منه بئر نفر ال سورتدو، چونکي اؤزومدن قووّت چيخديغيني بئلدئم."
او زامان آرواد، گئزلی قالا بئلمه‌دئيئني گؤرنده تئتره‌يه-تئتره‌يه گلئب، عئسانين آياقلارينا دوشدو و بوتون خالقين حوضوروندا نقل اتدي کي، نه سببدن اونا ال سورتوب و او آندا نجه شفا تاپيب.
عئسا دا اونا ددي: "قيزيم، ائمانين سني خئلاص اتدي. سالامات گت."
عئسا حله بو سؤزو ديئردي کي، کنئسه ريئسئنئن اوئندن بئر آدام گلئب ددي: "قيزين اؤلدو، آرتيق اوستادا زحمت ورمه."
لاکئن عئسا بونو اشئدن زامان اونا ددي: "قورخما، آنجاق ائمان ات و او صاغالاجاق."
اِوه گئردئکلري واخت عئسا، پطروس، يوحنّا، يعقوب، و قيزين آتا-آناسيندان باشقا هچ کئمه اِوه گئرمه‌يه ائجازه ورمه‌دي.
بو آرادا، هامي قيز اوچون ياس توتوب آغلاييردي. آمّا عئسا ددي: "آغلامايين، او اؤلمه‌يئب، آنجاق ياتيب."
اونلار قيزين اؤلدويونو بئلدئکلري اوزوندن عئسايا گولدولر.
لاکئن عئسا قيزين الئندن توتوب ددي: "اوشاق، قالخ!"
قيزين روحو گري قاييتدي. قيز او آندا آياغا قالخدي. عئسا امر اتدي کي، اونا يمک ورسئنلر.
قيزين آتا-آناسي تعجّوبدن مات قالميشديلار. آمّا عئسا اونلارا تاپشيردي کي، بو حادئثهنئن حاقّيندا هچ کسه دانيشماسينلار.
عئسا اؤز اونائکي شاگئردئني يانينا چاغيريب، هامي ائبلئسلري قووماق اوچون و ناخوشلوقلاري صاغالتماق اوچون اونلارا ائقتئدار و قووّت وردي.
و اونلاري گؤنده‌ردي کي، تارينين پادشاهليغيني وعظ ادئب ناخوشلارا شفا ورسئنلر.
و اونلارا ددي: "يول اوچون هچ بئر شي گؤتورمه‌يئن؛ نه عصا، نه توربا، نه چؤرک، نه پول، نه ده بئر کؤينکدن آرتيق.
هانسي اِوه گئرهسئنئز، او شهردن چيخاناجاق اورادا قالين.
و سئزي هارادا قبول اتمسهلر، او شهردن چيخاندا آياقلارينيزين توزونو چيرپين کي، اونلارين ضئدّئنه شهادت اولسون."
اونلار دا يولا دوشوب کندلري گزئردئلر و ائنجئلئن خوش خبرئني ياييب ناخوشلارا شفا ورئردئلر.
تِترارخ هئرود عئسانين نه‌لَر اتدئيئنئن هاميسيني اشئتدي و گئج اولموشدو. چونکي بعضي آداملار ديئردئلر؛ "يحيا اؤلولردن دئرئلئب."،
بعضي آداملار ديئردئلر؛ "ائليا ظوهور ادئب"، و قالاني دا ديئردي کي، "قدئم پيغمبرلردن بئري دئرئلئب."
لاکئن هئرود ددي: "يحيانين باشيني من کسدئردئم، بس بو آدام کئمدئر کي، حاقّيندا بو شيلري اشئدئرم؟" و اونو گؤرمه‌يه جهد اتدي.
حوارئلر قاييديب، گؤردوکلري ائشلرئن هاميسيني عئسايا نقل اتدئلر. او دا اونلاري اؤزو ائله گؤتوروب، بيت صيدا آدلي بئر شهره آپاردي.
آمّا خالق بونو بئلئب اونون دالينجا گتدي. عئسا دا اونلاري قبول ادئب تارينين پادشاهليغي حاقّيندا اونلارلا دانيشدي و شفايا مؤحتاج اولانلاري صاغالتدي.
گون باتماغا باشلاياندا اونائکي شاگئرد گلئب اونا ددئلر: "جاماعاتي مورخّص ات کي، اطرافدا اولان کندلر و زمئلره گدئب اؤزلري اوچون يمک و ير تاپسينلار، چونکي بورا بوش چؤلدور."
آمّا عئسا شاگئردلره ددي: "اونلارا سئز يمک ورئن." اونلار جاواب وردئلر: "بئزئم بش چؤرک و ائکي باليقدان باشقا بئر شيئمئز يوخدور. مگر بئز گرک گدئب بو آداملار اوچون چؤرک آلاق؟!"
چونکي اونلار بش مئن نفر کئشئيه ياخين ائدئلر. لاکئن عئسا شاگئردلرئنه ددي: "اونلاري الّي-الّي دستهلرله اوتوردون."
اونلار دا بله ادئب، هاميني اوتورتدولار.
عئسا بش چورکله ائکي باليغي گؤتوردو، گؤيه باخيب برکت وردي و بؤلوب شاگئردلرئنه وردي کي، جاماعاتين قاباغينا قويسونلار.
هامي ييئب دويدو و آرتيق قالان تئکهلرله اونائکي سبد دولدورولدو.
بئر دفه عئسا تک باشينا بئر يرده دوعا ادئردي و شاگئردلري ده اونونلا ائدئلر. اونلاردان سوروشدو: "خالق ديئر من کئمم؟"
شاگئردلر جاواب ورئب ددئلر: "بعضئلري تعمئد ورن يحيا ديئر، بعضئلري ائليا. لاکئن بعضئلري ده ديئر کي، قدئم پيغمبرلردن بئري دئرئلئب."
اونلاردان سوروشدو: "بس سئز منئم کئم اولدوغومو ديئرسئنئز؟" پطروس جاواب ورئب ددي: "سن تارينين مسئحيسن."
عئسا اونلارا جئدّي تاپشيريب، امر اتدي کي، بونو هچ کئمه دمه‌سئنلر.
و ددي کي، "ائنسان اوغلو گرک چوخ عذاب چکسئن و آغساقّاللار، باش کاهئنلر و دئن عالئملري طرفئندن ردّ اولونوب، اؤلدورولسون و اوچونجو گون اؤلولردن دئرئلسئن."
سونرا عئسا اونلارين هاميسينا بله ددي: "کئم ائستهيئر داليمجا گلسئن، گرک اؤزونو ائنکار اتسئن و چارميخيني گؤتوروب هر گون منه پيرو اولسون.
چونکي کئم جانيني خئلاص اتمک ائسته‌سه، اونو الدن ورهجک. لاکئن کئم جانيني منئم اوچون الدن ورسه، اونو قورتاراجاق.
آداما نه فايدا وار کي، بوتون دونياني قازانسين، آمّا اؤزونو محو اتسئن و يا اؤزونه ضرر وورسون.
اونا گؤره کي، کئم مندن و منئم سؤزلرئمدن اوتانسا، ائنسان اوغلو دا اؤزونون، آتاسينين، و موقدّس ملکلرئنئن شؤوکتئله گلن زامان او آدامدان اوتاناجاق.
لاکئن حقئقتي سئزه ديئرم: بورادا دورانلاردان بعضئسي وار کي، تارينين پادشاهليغيني گؤرمه‌يئنجه اؤلومو دادماياجاقلار."
بو سؤزلري دئيندن سکّئز گون سونرا، عئسا، پطروسو، يوحنّاني، و يعقوبو اؤزو ائله گؤتوروب دوعا اتمک اوچون داغا چيخدي.
و دوعا ادن زامان اوزونون گؤرونوشو ديئشئلدي و پالتاري آغاريب پارلاق اولدو.
باخ، ائکي نفر اونونلا صؤحبت ادئردي. بونلار موسا و ائليا ائدئلر.
اونلار شؤوکتله ظاهئر اولوب عئسانين رحلتي حاقّيندا کي، اونو اورشلئمده تاماملاياجاق ائدي، دانيشيرديلار.
پطروس و اونونلا اولانلار درئن بئر يوخويا گتمئشدئلر. لاکئن يوخودان اوياناندا عئسانين شؤوکتئني و اونونلا دوران او ائکي کئشئني گؤردولر.
اونلار عئسادان آيريلاندان سونرا، پطروس عئسايا ددي: "اوستاد، بورادا اولماغيميز نه ياخشي اولدو! اوچ چادير قوراق؛ بئري سنه، بئري موسايا، بئري ده ائليايا." چونکي نه ددئيئني باشا دوشموردو.
پطروس بو سؤزلري دئين زامان، بئر بولود گلدي و اونلارا کؤلگه سالدي. بولود اونلارين اطرافيني آلان واخت قورخدولار.
و بولوددان بئر سس گلئب ددي: "بو منئم اوغلومدور، سچئلمئش اولان، اونا قولاق آسين."
بو سسئن کسئلدئيي واخت، عئسانين تک باشينا اولدوغو گؤروندو. و اونلار سوکوت ادئب، او گونلرده گؤردوکلري بارهده هچ کسه بئر سؤز دمه‌دئلر.
او گونون صاباحي داغدان اِنَن زامان، بئر چوخ خالق عئسانين پئشوازينا چيخدي.
بئردن جاماعات آراسيندان بئر آدام قيشقيريب ددي: "اوستاد، سنه يالواريرام، اوغلوما نظر سال، چونکي او، منئم بئرجه بالامدير.
بئر روح اونو توتور، او دا بئردن بئره باغيرماغا باشلايير. روح اونو اِله تئترهدئر کي، اوشاغين آغزي کؤپوکله‌نئر. و اونو قووّتدن سالاندان سونرا زورلا اوندان آيريلير.
سنئن شاگئردلرئنه يالوارديم کي، روحو قووسونلار، لاکئن باجارا بئلمه‌دئلر."
عئسا جاواب ورئب ددي: "اي ائمانسيز و ترسه نسئل! نه واختا قدر سئزئنله اولوب سئزه دؤزهجه‌يم؟! اوغلونو بورايا گتئر."
اوشاق عئسانين يانينا گلن واخت، ائبلئس اونو يره چيرپيب چوبالاتدي. آمّا عئسا اونا آجيقلاندي و اوشاغي صاغالديب آتاسينا وردي.
هامي تارينين عظمتئنه مات قالميشدي. و هر کس عئسانين اتدئيي بوتون ائشلره حيرت ادنده، او، اؤز شاگئردلرئنه ددي:
"بو سؤزلر قولاقلارينيزدا قالسين؛ چونکي ائنسان اوغلو ائنسانلارين الئنه تسلئم ادئلهجک."
لاکئن اونلار بو سؤزو آنلاماديلار و سؤزون معناسي اونلار اوچون درک ادئلمهمئش قالدي و بو بارهده عئسادان سوروشماغا قورخوردولار.
اونلارين آراسيندا بله بئر موباحئثه دوشدو کي، اونلاردان هانسي داها بؤيوکدور.
عئسا اونلارين اورکلرئنده‌کي فئکئري بئلدي و کؤرپه بئر اوشاغي گؤتوروب يانينا چکدي
و اونلارا ددي: "کئم بو اوشاغي منئم آديما قبول اتسه، مني قبول اتمئش اولور و کئم مني قبول ادئر، مني گؤنده‌ره‌ني قبول اتمئش اولور. آرانيزدا لاپ کئچئک کئم اولسا، اِله لاپ بؤيوک اودور."
بو زامان يوحنّا سؤز آليب ددي: «اوستاد، بئر آدام گؤردوک کي، سنئن آدينلا ائبلئسلري قووور و اونا مانع اولدوق چونکي بئزئمله سنئن دالينجا گلمئر.»
عئسا اونا ددي: "اونا مانع اولمايين. چونکي سئزه ضئدّ اولمايان سئزئن طرفدارينيزدير."
عئسانين دونيادان گؤيه آليناجاغي گونلر ياخينلاشاندا، او، اورشلئمه گتمک قرارينا گلدي.
اؤزوندن قاباق الچئلر گؤنده‌ردي. اونلار، عئسا اوچون تداروک گؤرمک قصدي ائله سامئرهليلرئن بئر کندئنه گئردئلر.
لاکئن اورانين اهلي اونو قبول اتمه‌دئلر، چونکي اونون قصدي اورشلئمه گتمک ائدي.
عئسانين شاگئردلري يعقوب و يوحنّا بونو گؤرن زامان ددئلر: "يارب! ائستهيئرسن امر ادک کي، گؤيدن اود ياغسين و اونلاري محو اتسئن؟"
لاکئن عئسا دؤنوب اونلارا آجيقلاندي. و ددي: "سئز هانسي روحدان اولدوغونوزو بئلمئرسئنئز.
چونکي ائنسان اوغلو گلمه‌يئب کي، ائنسانلارين جانيني محو اتسئن. گلئب کي، اونلاري خئلاص اتسئن." و آيري بئر کنده گتدئلر.
اونلار يولدا گدن واخت، بئر نفر عئسايا ددي: "يارب! هارايا گدهسن، سنئن دالينجا گله‌رم."
عئسا اونا ددي: "تولکولرئن يوواسي، گؤي قوشلارينين دا يوواسي وار، لاکئن ائنسان اوغلونون باشيني داياماغا بئر يري يوخدور."
و آيري بئر آداما ددي: "منئم داليمجا گل." آمّا او ددي: "يارب منه ائجازه ور، اوّلجه گدئم آتامي دفن ادئم."
عئسا اونا بله ددي: "قوي اؤلولر اؤز اؤلولرئني دفن اتسئنلر. آمّا سن گت تارينين پادشاهليغيني اعلان ات."
آيري بئري ده ددي: "يارب! سنئن دالينجا گلهجه‌يم، آمّا ائجازه ور اوّلجه اِوئمده اولانلارلا وئداعلاشيم."
لاکئن عئسا اونا ددي: "اَلئني جوت اوستونه قويوب آرخايا باخان آدام تارينين پادشاهليغينا ياراشماز."
بوندان سونرا رب يتمئش نفر داها تعيئن اتدي و اونلاري ائکي-ائکي، اؤزوندن قاباق، گدهجه‌يي هر شهر و هر يره گؤنده‌ردي.
و اونلارا ددي: "محصول چوخ، لاکئن ائشچئلر آزدير. اونا گؤره ده محصولون صاحئبي اولان ربّه يالوارين کي، محصولونو ييغماق اوچون ائشچئلر گؤنده‌رسئن.
گدئن! من سئزي قوردلار آراسينا قوزولار کئمي گؤنده‌رئرم.
نه کئسه گؤتورون، نه توربا، نه ده آياق قابي. يولدا دا هچ کسله سالاملاشمايين.
هانسي اِوه گئرهسئنئز، اوّلجه ديئن: «بو اِوده سالاماتليق اولسون.»
اگر اورادا سالاماتليق سِوَن بئر آدام اولسا، سالامينيز اونون اوستونده قالاجاق. اولماسا، سالامينيز اؤزونوزه قاييداجاق.
او اِوده قالين. اونلارين نه‌يي وارسا، ييئن و ائچئن، چونکي ائشچي اؤز موزدونه لايئقدئر. اِودن اِوه کچمه‌يئن.
بئر شهره گئردئيئنئز زامان، اگر سئزي قبول اتسهلر، قاباغينيزا نه قويولسا، ييئن.
اورادا اولان ناخوشلارا شفا ورئن و اونلارا ديئن کي، «تارينين پادشاهليغي سئزه ياخينلاشيب.»
آمّا گئردئيئنئز شهرلردن هانسيندا سئزي قبول اتمسهلر، اونون کوچهلرئنه چيخيب ديئن:
«شهرئنئزدن آياقلاريميزا ياپيشان توزو دا سئزئن ضئدّئنئزه چيرپيريق. لاکئن گئنه ده بئلئن کي، تارينين پادشاهليغي سئزه ياخينلاشيب.»
سئزه ديئرم، قئيامت گونو سودومون حالي او شهرئن حاليندان داها آسان اولاجاق.
واي سنه، اي خورازئن! واي سنه، اي بيت صيدا! چونکي سئزده باش ورن مؤجوزهلر صور و صيدادا باش وِرسَيدي، اونلار چوخدان چولا بورونوب، کول ائچئنده اوتوروب، تؤوبه ادردئلر.
آمّا قئيامت گونو صور و صيدانين حالي سئزئنکئندن داها آسان اولاجاق.
و سن، اي گؤيه قدر قالخان کفرناحوم! اؤلولر عالمئنه قدر اِندئرئلهجکسن.
سئزه قولاق آسان منه قولاق آسير و سئزي ردّ ادن مني ردّ ادئر؛ و مني ردّ ادن مني گؤنده‌ره‌ني ردّ ادئر."
يتمئش شاگئرد شادليقلا قاييتديلار و عئسايا ددئلر: "يارب! ائبلئسلر ده سنئن آديندا بئزدن ائطاعت ادئرلر."
عئسا اونلارا ددي: "شيطاني گؤردوم کي، گؤيدن ائلديريم کئمي دوشدو.
باخين، من سئزه ائقتئدار ورمئشم کي، ائلانلاري، عقربلري و دوشمنئن بوتون قووّتئني آياق آلتيندا اَزهسئنئز و هچ بئر شي سئزه ضرر وورماياجاقدير.
بوندان سوئنمه‌يئن کي، روحلار سئزدن ائطاعت ادئرلر. بوندان سوئنئن کي، آدلارينيز گؤيده يازيليب."
عئسا او آندا روحن سوئنئب ددي: "اي آتا، گؤيون و يرئن ربّي! سنه شوکور ادئرم کي، بو شيلري بئلئجئلردن و آغيلّي‌لاردان گئزله‌دئب، کؤرپهلره آچدين! بلي، آتا! چونکي سنئن ائسته‌دئيئن بله ائدي.
هر شي آتام طرفئندن منه ورئلئب. اوغولون کئم اولدوغونو هچ کئم بئلمز، مگر آتا. و آتانين کئم اولدوغونو هچ کئم بئلمز، مگر اوغول و او آدام کي، اوغول اونا آچماق ائستهيئر."
و شاگئردلره دؤنوب اونلارا آيريجا ددي: "خوش او گؤزلرئن حالينا کي، سئز گؤرن شيلري گؤرور.
چونکي سئزه ديئرم؛ چوخ پيغمبرلر و پادشاهلار سئزئن گؤردويونوز شيلري گؤرمک آرزوسوندا اولدولار، لاکئن گؤرمه‌دئلر. سئزئن اشئتدئيئنئز شيلري اشئتمک آرزوسوندا اولدولار، لاکئن اشئتمه‌دئلر."
بئر شرئعت عالئمي دوردو و عئساني ائمتاحان اتمک اوچون اونا ددي: "اوستاد! نه ادئم کي، ابدي حياتي مئراث آليم؟"
عئسا اونا ددي: "شرئعتده نه يازيليب؟ نجه اوخويورسان؟"
شرئعت عالئمي عئسانين جاوابيندا ددي: "رب تاريني بوتون اوره‌يئندن، بوتون جانيندان، بوتون قووّتئندن و بوتون فئکرئندن سِو و قونشونو اؤزون کئمي سِو."
عئسا اونا ددي: "دوغرو جاواب وردئن. بونا عمل ات، ياشاياجاقسان."
لاکئن او، اؤزونو حاقلي چيخارتماق ائسته‌يئب عئسايا ددي: "اوندا منئم قونشوم کئمدئر؟"
عئسا جاواب ورئب ددي: "بئر نفر اورشلئمدن ارئحايا گدن واخت، حرامي‌لرئن اَلئنه دوشدو. حرامي‌لر اونو سويدولار و يارالاييب ياريجان حالدا قويوب گتدئلر.
تصادوفن بئر کاهئن او يوللا گدئردي. آدامي گؤره‌نده يولون او تاييندان کچدي.
بئر لاوئلي ده او يره چاتيب آدامي گؤرن واخت، يولون او تاييندان کچئب گتدي.
آمّا او يولدا سفره چيخان بئر سامئرهلي اونون يانينا يتئشدي و اونو گؤرن واخت، اونا يازيغي گلدي.
آداما ياخينلاشدي و اونون يارالارينا زيتون ياغي ائله شراب تؤکوب باغلادي. و اونو اؤز اششه‌يئنه مئندئرئب، بئر مهمانخانايا گتئردي و اونون قيدئنه قالدي.
او گونون صاباحي ائکي دئنار چيخارديب، مهمانخاناچييا وردي و ددي: «اونا ياخشي يتئش و اگر آرتيق خرجئن چيخسا، قاييداندا سنه ورهرم.»
ائندي سنئن نظرئنه گؤره بو اوچ نفردن هانسي ائثبات اتدي کي، حرامي‌لرئن اَلئنه دوشن آداما بئر قونشودور؟"
او آدام ددي: "اونا مرحمت گؤرسه‌دن آدام." عئسا دا اونا ددي: "گت، سن ده بله ات."
عئسا، شاگئردلري ائله بئرلئکده يولا داوام ورئب بئر کنده گئردي. بورادا مارتا آدلي بئر آرواد اونو اؤز اوئنه دعوت اتدي.
اونون مريم آدلي بئر باجيسي وار ائدي. مريم عئسانين آياقلارينين يانيندا اوتوروب اونون سؤزلرئنه قولاق آسيردي.
لاکئن مارتا ائشئن چوخلوغوندان تلاش ائچئنده ائدي. مارتا عئسانين يانينا گلئب اونا ددي: "يارب، باجيمين مني خئدمت ائچئنده تک بوراخماسي، مگر سني ناراحات اتمئر؟ اونا ده کي، منه کؤمک اتسئن."
عئسا اونا جاواب ورئب ددي: "مارتا، مارتا، سن چوخ شيلر اوچون اوزولوب تلاش ادئرسن.
آنجاق بئرجه شي وار. مريم ياخشي پايي سچئب و بو، اوندان آلينماياجاقدير."
بئر دفه عئسا بئر يرده دوعا ادئردي. دوعاسيني بئتئردئيي زامان، شاگئردلرئندن بئري اونا ددي: "يارب! دوعا اتمه‌يي بئزه اؤيرت، نجه کي، يحيا دا شاگئردلرئنه اؤيرتدي."
عئسا اونلارا ددي: "دوعا ادن واخت ديئن: آتا، آدين موقدّس اولسون. سلطنتئن گلسئن.
گوندهلئک چؤره‌يئمئزي بئزه هر گون ور.
گوناهلاريميزي باغيشلا، چونکي بئز ده بئزه بورجلو اولان هر آدامي باغيشلاييريق. بئزي ائمتئحانا چکمه."
و اونلارا ددي: "فرض ادک کي، سئزلردن بئرئنئن بئر دوستو وار. گجه ياريسي اونون اوئنه گلئب ديئر: «دوستوم، منه اوچ چورک بورج ور.
چونکي يولدان يانيما بئر دوستوم گلئب و قاباغينا قويماغا بئر شيئم يوخدور.»
او دا ائچه‌رئدن جاواب ورئب ديئر: «منه زحمت ورمه، قاپي آرتيق باغلي‌دير و اوشاقلاريم منئمله ياتاقداديرلار. قالخيب سنه بئر شي وره بئلمه‌رم.»
سئزه ديئرم کي، اگر او، دوستلوق سببئندن اؤتري قالخيب ورمه‌سه ده، اونون اوزلو اولدوغونا گؤره قالخيب نه قدر لازيم اولسا، ورهجکدئر.
من سئزه ديئرم: ائسته‌يئن، سئزه ورئلهجک. آختارين، تاپاجاقسينيز. قاپيني دؤيون، سئزه آچيلاجاقدير.
چونکي هر ائسته‌ين آلير، آختاران تاپير و قاپيني دؤينه، آچيلير.
سئزدن هانسي آتا وار کي، اگر اوغلو اوندان چورک ائسته‌سه، داش ورسئن؟ و يا اگر باليق ائسته‌سه، اونا باليق عوضئنده ائلان ورسئن؟
و يا يومورتا ائسته‌سه، اونا عقرب ورسئن؟
ائندي اگر سئز کي، شرورسونوز، اؤولادلارينيزا ياخشي شيلري ورمه‌يي بئلئرسئنئز، نه قدر آرتيق سماوي آتانيز اوندان ائسته‌ينلره موقدّس روحو ورهجک."
عئسا لال اولان بئر ائبلئسي قوووردو. ائبلئس آدامدان چيخاندان سونرا، لال دانيشماغا باشلادي و خالق تعجّوب اتدي.
لاکئن اونلاردان بعضئلري ديئردئلر: "او، ائبلئسلرئن ريئسي بعلزبولون گوجو ائله ائبلئسلري قووور."
و بعضئلري ده عئساني ائمتاحان اتمک اوچون اوندان ائسته‌يئردئلر کي، گؤيدن بئر علامت گؤرسدسئن.
آمّا عئسا اونلارين فئکئرلرئني بئلدي و اونلارا ددي: "هر مملکت کي، اؤزو اؤز ائچئنده بؤلونسه، وئران قالار و اؤزو اؤز ائچئنده بؤلونموش اِو ييخيلار.
و اگر شيطان دا اؤزو اؤز ائچئنده بؤلونسه، سلطنتي نجه داوام ادر؟! بونو اونا گؤره ديئرم کي، ديئرسئنئز من بعلزبولون گوجو ائله ائبلئسلري قوورام.
ائندي اگر من بعلزبولون گوجو ائله قوورام، سئزئن اوغوللارينيز کئمئن گوجو ائله قوورلار؟ اونلار سئزه قاضي اولاجاقلار.
لاکئن اگر من ائبلئسلري تارينين بارماغي ائله قوورام، دمه‌لي تارينين پادشاهليغي سئزه گلئبدئر.
اگر قووّتلي بئر آدام، تپهدن ديرناغاجاق سئلاحلانيب اؤز اِوئني قوروسا، اموالي سالامات قالار.
آمّا اگر اوندان داها قووّتلي بئري هوجوم گتئرئب اونا قالئب گلسه، اونون بل باغلاديغي بوتون سئلاحلاري آلار و قنئمتي پايلار.
منئمله اولمايان منئم ضئدّئمه‌دئر و منئمله ييغمايان داغيدير.
ناپاک روح بئر آدامدان چيخاندان سونرا، سوسوز يرلرده دولانير و راحاتليق آختارير. لاکئن تاپماديغي زامان ديئر: «چيخديغيم اِوه قاييديم.»
و گلدئيي واخت، اونو سوپورولموش و بزنمئش تاپير
او زامان گدئر و اؤزوندن داها پئس اولان يدّي ناپاک روح گؤتوروب گتئرئر و اورايا گئرئب ياشاييرلار. و او آدامين آخيري، اوّلکئندن داها پئس اولور."
عئسا بونو دئين واخت، بئر آرواد جاماعات ائچئندن سسئني اوجالديب اونا ددي: "خوش سني داشييان بطنئن و سني اَمئزدئرن دؤشلرئن حالينا!"
لاکئن عئسا ددي: "عکسئنه، خوش او آداملارين حالينا کي، تارينين کلاميني اشئدئب اونا عمل ادئرلر."
و خالق اونون اطرافينا ييغيلديغي زامان، عئسا دانيشماغا باشلادي: "بو نسئل پئس نسئلدئر. او، علامت آختارير، لاکئن اونا يونوس پيغمبرئن علامتئندن باشقا بئر علامت ورئلمه‌يهجک.
چونکي يونوس نينوا اهالئسئنه نجه علامت اولدو، ائنسان اوغلو دا بو نسئل اوچون اله علامت اولاجاق.
جنوب ملکهسي قئيامت گونونده بو نسلئن آداملاري ائله قالخيب اونلاري محکوم ادهجک. چونکي او، سوليمانين حئکمتلي سؤزلرئني اشئتمک اوچون، دونيانين او باشيندان گلدي. و ائندي سوليماندان داها بؤيوکو بورادادير.
نينوا اهالئسي قئيامت گونونده بو نسلئن آداملاري ائله قالخيب اونلاري محکوم ادهجک. چونکي اونلار يونوسون وعظي ائله تؤوبه اتدئلر. و ائندي يونوسدان داها بؤيوکو بورادادير.
هچ کئم چيراغي يانديراندان سونرا، اونو گئزلي يره، يا دا قابين آلتينا قويماز. چيراق قابينا قويار کي، ائچه‌ري گئرنلر ائشيغي گؤرسونلر.
بدنئن چيراغي گؤزدور؛ اگر گؤزون ياخشي اولسا، بوتون بدنئن ائشيقلي اولار. آمّا اگر گؤزون پئس اولسا، بوتون بدنئن ده قارانليق اولار.
پس دئقّت ات کي، سندهکي ائشيق قارانليق اولماسين.
اگر سنئن بوتون بدنئن ائشيقلي‌دير، اله کي، بئر ذرّه ده اوندا قارانليق يوخدور، او زامان بوتون بدنئن ائشيقلي اولاجاق؛ بئر چيراق کئمي کي، اؤز نورو ائله سني ائشيقلانديرير."
عئسا بونلاري دئينده، بئر فرئسي اونو اوئنه يمک يمه‌يه دعوت اتدي. او دا ائچه‌ري گئرئب سوفره باشيندا اوتوردو.
لاکئن فرئسي عئسانين يمکدن قاباق اللرئني يوماديغيني گؤروب تعجّوب اتدي.
رب اونا ددي: "ائندي، سئز فرئسئلر، فئنجان و بوشقابين چؤلونو تمئزله‌يئرسئنئز، آمّا ائچئنئز طاماح و پئسلئکله دولودور.
آغيلسيزلار! مگر ظاهئري يارادان باطئني ده ياراتمير؟!
قابلارينيزين ائچئندهکئني صدقه ورئن، او زامان سئزئن اوچون هر شي تمئز اولاجاق.
آمّا واي حالينيزا، فرئسئلر! چونکي نانَع، صدفاوتو و هر جور گؤيرتئنئن اوندا-بئرئني ورئرسئنئز، لاکئن عدالت و تارينين سوگئسئنده اهمال ادئرسئنئز. بونلاري ورمک و اونلاردا اهمال اتمهمک گرکدئر.
واي حالينيزا، فرئسئلر! چونکي کنئسهده مجلئسئن باشيندا اوتورماغي و بازارلاردا سالام آلماغي سوئرسئنئز.
واي حالينيزا، چونکي ائتمئش قبئرلر کئمي سئنئز کي، اونلارين اوستوندن کچنلرئن اونلاردان خبري يوخدور."
او واخت شرئعت عالئملرئندن بئري جاوابيندا اونا ددي: "اوستاد، بو سؤزلري دمکله بئزي تحقئر ادئرسن."
عئسا اونا ددي: "واي سئزئن ده حالينيزا، شرئعت عالئملري! چونکي سئز آداملارين بوينونا اِله يوکلر قويورسونوز کي، آپارماغي چوخ چتئندئر، لاکئن اؤزونوز بارماقلارينيزين بئري ائله ده بله، او يوکلره ديمئرسئنئز.
واي حالينيزا! چونکي پيغمبرلره مقبرهلر تئکئرسئنئز، حال بو کي، اونلاري اؤلدورن آتالارينيزدير.
بلجه آتالارينيزين ائشلرئنه شاهئدلئک اِدئب اونلاري تصدئق ادئرسئنئز؛ چونکي اونلار پيغمبرلري اؤلدوردولر، سئز ده اونلارا مقبرهلر تئکئرسئنئز.
اونا گؤره تارينين حئکمتي ددي: من اونلارين يانينا پيغمبرلر و حوارئلر گؤنده‌رهجه‌يم، بونلاردان بعضئلرئني اؤلدورهجکلر و بعضئلرئنه ده عذاب ورهجکلر کي،
دونيانين اساسي قويولاندان بري بوتون پيغمبرلرئن تؤکولموش قاني بو نسئلدن طلب اولونسون؛
هابئلئن قانيندان توتموش زِکَريانين قانينا قدر کي، قوربانگاهلا معبدئن قودسو آراسيندا تؤکولدو. سئزه ديئرم کي، بوتون بو تؤکولن قانلار بو نسئلدن طلب اولوناجاق.
واي حالينيزا، شرئعت عالئملري! چونکي معرئفت قاپيسينين آچاريني گؤتوروبسونوز. اؤزونوز گئرمه‌دئنئز، گئرمک ائسته‌ينلره ده مانع اولدونوز."
عئسا اوراني ترک ادن واخت، دئن عالئملري و فرئسئلر اونو شئدّتله سيخيشديرديلار و بئر چوخ شيلره اوندان جاواب آلماق ائسته‌دئلر.
و کمئن ادئب جهد ادئردئلر کي، اونون ددئکلرئندن بئر سؤز قاپيب اوندان شئکايت اتسئنلر.
بو آرادا مئنلرجه آدام بئر يره اله ييغيلميشدي کي، بئربئرئني سيخيشديريرديلار. عئسا اوّلجه اؤز شاگئردلرئنه ددي: "فرئسئلرئن ماياسيندان کي، رئياکارليقدير، اؤزونوزو اوزاق ساخلايين.
اله اؤرتولو بئر شي يوخدور کي، آچيغا چيخماسين و اله گئزلي بئر شي ده يوخدور کي، بئلئنمه‌سئن.
بونا گؤره، قارانليقدا نه دانيشاسينيز، ائشيقدا اشئدئلهجک و ائچه‌ري اوتاقلاردا قولاغا پيچيلداديغينيز هر شي، داملاردان نئدا اولوناجاق.
سئزه ديئرم دوستلاريم، اونلاردان قورخمايين کي، بدني اؤلدوروب اوندان باشقا هچ بئر شي اتمه‌يه قادئر ديئللر.
آمّا کئمدن قورخمالي اولدوغونوزو سئزه گؤرسدهجهيم. اوندان قورخون کي، اؤلدوره‌ندن سونرا جهنّمه آتماغا قادئردئر. بلي، سئزه ديئرم کي، اوندان قورخون.
مگر بش سرچه ائکي قارا پولا ساتيلمير؟ و تارينين يانيندا اونلاردان هچ بئرئسي ياددان چيخماييب.
سئزئن باشينيزداکي توکلرئن هاميسي دا بله ساييليب. اودور کي، قورخمايين؛ سئز بئر چوخ سرچهدن افضلسئنئز.
سئزه ديئرم: کئم مني ائنسانلارين حوضوروندا ائقرار اتسه، ائنسان اوغلو دا اونو تارينين ملکلري حوضوروندا ائقرار ادهجک.
لاکئن کئم مني ائنسان حوضوروندا ائنکار اتسه، تارينين ملکلري حوضوروندا ائنکار اولوناجاقدير.
و کئم ائنسان اوغلونون ضئدّئنه بئر سؤز دسه، اونا باغيشلاناجاق؛ لاکئن کئم موقدّس روحا کوفر دسه، اونا باغيشلانماياجاقدير.
او زامان کي، سئزي کنئسهلره، ريئسلر و حاکئملرئن حوضورونا گتئرئرلر، نجه و نه جاواب ورهجيئنئز و يا نه دئيهجيئنئز بارهده نئگاران اولمايين.
چونکي نه دمک لازيم اولدوغونو موقدّس روح او آندا سئزه اؤيردهجکدئر."
خالقين ائچئندن بئري اونا ددي: "اوستاد! قارداشيما ده کي، مئراثي منئمله بؤلسون."
عئسا اونا ددي: "آي آدام، کئم مني سئزه حَکَم و يا مئراث بؤلن تعيئن اتدي؟!"
سونرا اونلارا ددي: "دئقّتلي اولون! هر جور طاماحکارليقدان اؤزونوزو اوزاق ساخلايين، چونکي ائنسانين حياتي، اونون وار-دؤولتئنئن چوخلوغونا باغلي ديئل."
و اونلارا بئر مثل ده چکئب ددي: "وارلي بئر آدامين زمئسي بول محصول وردي.
او، اؤز ائچئنده دوشوندو: «نه اِدئم؟ محصولومو اوندا ييغماغا يرئم يوخدور.»
و ددي: «بله اِده‌رم؛ آنبارلاريمي سؤکوب، داها بؤيوکلرئني تئکه‌رم و بوتون محصولومو و بوتون دؤولتئمي اورايا ييغارام.
و جانيما دئيه‌رم: اي جانيم! اوزون ائللر اوچون ييغيلميش چوخلو دؤولتئن وار. راحات اول. يه، ائچ، کف اله!»
آمّا تاري اونا ددي: «عاغيلسيز آدام! سنئن جانيني اله بو آخشام آلاجاقلار؛ حاضيرلاديغين بو شيلر بس کئمه قالاجاق؟!»
بلهدئر هر آدامين عاقئبتي کي، تارينين حوضوروندا وارلي اولماق عوضئنه، اؤزو اوچون مال-دؤولت ييغير."
سونرا عئسا شاگئردلرئنه ددي: "بونون اوچون سئزه ديئرم؛ جانينيز اوچون نئگاران اولمايين کي، نه يئيهجکسئنئز. و بدنئنئز اوچون ده فئکئرلي اولمايين کي، نه گِيهجکسئنئز.
جان يمکدن و بدن پالتاردان داها آرتيقدير.
قارغالارا باخين: نه اَکئرلر، نه بئچئرلر، نه آنبارلاري، نه ده مخزنلري وار و تاري اونلاري يدئزدئرئر. سئز قوشلاردان نه‌قدر چوخ افضلسئنئز!
سئزلردن کئم وار کي، نئگاران اولماقلا بئر ساعات عؤمرونه آرتيرا بئلسئن؟!
بلجه، اگر لاپ کئچئک بئر شيي اِده بئلمئرسئنئز، نه اوچون قالان شيلرئن فئکرئنه قاليرسينيز؟!
زانباقلارين نجه بؤيودوکلرئنه باخين؛ نه زَحمت چکئرلر، نه ده ائپلئک اَيئرئرلر. لاکئن سئزه ديئرم کي، سوليمان دا بله، بوتون شؤوکتئنده بونلاردان بئري کئمي گيئنمهمئشدي.
اگر تاري بو گون زمئده مؤوجود اولوب صاباح اوجاغا آتيلان اوتو بله گيئندئرئر، نه قدر آرتيق سئزي، اي آز ائمانليلار!
بلجه، سئز نه يئيهجه‌يئنئزئن و نه ائچهجه‌يئنئزئن قيدئنه قالمايين؛ اونلار اوچون نئگاران اولمايين.
چونکي دونيانين خالقلاري بو شيلرئن دالينجا قاچيرلار؛ و سئزئن آتانيز بو شيلره مؤحتاج اولدوغونوزو بئلئر.
آنجاق سئز تارينين پادشاهليغي قيدئنه قالين و بونلارين هاميسي سئزه علاوه ورئلهجک.
قورخما اي کئچئک سورو! چونکي آتانيزين ريضاسي بودور کي، پادشاهليغي سئزه ورسئن.
نه‌يئنئز وارسا، ساتين و صدقه ورئن. اؤزونوز اوچون گؤيلرده کؤهنَلمه‌ين کئسهلر و اَسکئلمه‌ين خزئنهلر حاضيرلايين. اورادا نه اوغرو اونا ياخينلاشار، نه ده گووه اونو يئير.
چونکي خزئنه‌نئزهارادا اولسا، اوره‌يئنئز ده اورادا اولاجاق.
بِلئنئز باغلانميش و چيراقلارينيز يانار اولسون.
او آداملار کئمي اولون کي، آغالارينين تويدان قاييتماسيني گؤزلهيئردئلر. اوندان اؤتري کي، گلئب قاپيني دؤيسه، اله او آندا اونا آچسينلار.
بختور او قوللار کي، آغا گلنده اونلاري اوياق تاپير. دوغروسونو سئزه ديئرم؛ او، بِلئني باغلاييب اونلاري اوتورداجاق و يانلارينا گلئب اونلارا خئدمت ادهجک.
و اگر ائکئنجي نؤوبتده، و يا اوچونجو نؤوبتده گلئب اونلاري بله تاپسا، خوش او قوللارين حالينا!
آمّا بونو بئلئن کي، اگر اِو صاحئبي اوغرونون هانسي ساعاتدا گلهجه‌يئني بئلسه‌يدي، اِوئني اوغورلاماغا قويمازدي.
اونون اوچون سئز ده حاضير اولون، چونکي ائنسان اوغلو سئزئن گومان آپارماديغينيز ساعاتدا گلهجک."
پطروس اونا ددي: "يارب! بو مثلي فقط بئزه ديئرسن، يوخسا هامييا؟"
رب جاواب وردي: "کئمدئر او صادئق و عاغيلّي نؤکرباشي کي، آغاسي اونو نؤکرلري اوستونه ائختئيار صاحئبي قويور. اوندان اؤتري کي، اونلارا واختلي-واختيندا يمک پايلاريني ورسئن.
بختور او قول کي، آغاسي، گلدئيي زامان، اونو بو جور ائش گؤرمکده تاپسين.
دوغروسونو سئزه ديئرم؛ آغاسي بوتون وار-يوخونو اونا تاپشيراجاق.
لاکئن اگر همئن قول اوره‌يئنده دسه: «آغام گج گلهجک.» و باشلاييب کئشي و آرواد خئدمتچئلري دؤيسه، ييئب، ائچئب، کفلنسه،
قولون آغاسي، اونون گؤزلمهدئيي بئر گونده و بئلمه‌دئيي بئر ساعاتدا گلهجک، اونو ائکي شقّه ادئب ائمانسيزلارلا بئر توتاجاق.
او قول کي، آغاسينين ائسته‌يئني بئله-بئله حاضير اولمايا و اونون ائرادهسئنه عمل اتمه‌يه، چوخ دؤيولهجک.
لاکئن اگر بئلمه‌يئب، کؤته‌يه لايئق اولان ائشلر گؤرسه، آز دؤيولهجک. کئمه چوخ ورئلئب، اوندان چوخ طلب اولوناجاق و کئمه چوخ امانت اِدئلئب، اوندان داها چوخ ائستهنئلهجک.
من دونيايا اود ياغديرماغا گلمئشم: و نجه ائستردئم کي، او، آرتيق آليشيب يانايدي!
لاکئن منئم آلاجاغيم بئر تعمئد وار و بو تعمئد يرئنه يتئشنه کئمي نه قدر سيخينتي چکئرم!
گومان ادئرسئنئز کي، من دونيايا صولح گتئرمه‌يه گلمئشم؟! يوخ، ديئرم سئزه، عکسئنه آيريليق گتئرمه‌يه گلمئشم.
چونکي بوندان سونرا، بئر اِوده ياشايان بش نفردن، اوچو ائکئسئنه و ائکئسي اوچونه ضئدّ اولاجاق.
آتا اوغلونا و اوغول آتاسينا، آنا قيزينا و قيز آناسينا، قاينانا گلئنه، و گلئن قاينانايا ضئدّ اولاجاق."
و جاماعاتا ددي: "قربدن بئر بولودون قالخديغيني گؤرنده او آندا ديئرسئنئز؛ «ياغيش ياغاجاق!» و اِله ده اولور.
و جنوب کوله‌يي اَسَنده، ديئرسئنئز کي، «يامان ائستي اولاجاق!» و اِله ده اولور.
اي رئياکارلار! ير اوزونون، گؤي اوزونون گؤرونوشونو سچه بئلئرسئنئز، آمّا نجه اولور کي، ائندئکي زاماني سچه بئلمئرسئنئز؟!
نه اوچون اؤز-اؤزونوزدن دوغرو اولاني آييرد اتمئرسئنئز؟!
شئکايت ادن آداملا حاکئمئن يانينا گدن واخت، حله يولدا ائکن چاليش کي، اوندان ياخاني قورتاراسان. يوخسا سني حاکئمئن يانينا سورهجک. حاکئم ده محکمه ائجراچيسينين اَلئنه ورهجک، و او دا سني زئندانا آتاجاق.
سنه ديئرم کي، آخير قارا پولونو دا ورمه‌يئنجه اورادان چيخماياجاقسان!"
بو زامان اورادا اولانلاردان بعضئسي گلدئلر و او جلئلليلردن اونا خبر‌وردئلر کي، پئلاط اونلاري اؤلدوروب، قانلاريني، کسدئردئيي قوربانلارلا قاريشديرميشدي.
عئسا جاواب ورئب ددي: "آيا اِله گومان ادئرسئنئز کي، بو جلئلليلر، قالان جلئلليلردن داها چوخ گوناهکار اولدوقلاري اوچون بو عاقئبته دوچار اولدولار؟!
سئزه ديئرم؛ خير. آمّا، اگر تؤوبه اتمهيهسئنئز، هامينيز اونلار کئمي هلاک اولاجاقسينيز.
و يا او اون‌سکّئز نفر کي، سئلوآم بورجو اونلارين اوستونه دوشوب اؤلدوردو. آيا اِله گومان ادئرسئنئز کي، بونلار اورشلئمده ياشايان آيري اورشلئمليلردن داها چوخ گوناهکار ائدئلر؟!
سئزه ديئرم؛ خير. آمّا، اگر تؤوبه اتمهيهسئنئز، هامينيز اونلار کئمي هلاک اولاجاقسينيز."
و اونلارا بو مثلي ددي: "بئر نفرئن باغيندا اکئلمئش بئر انجئر آغاجي وار ائدي. او آدام گلئب آغاجدا ميوه آختاردي، لاکئن تاپمادي.
و باغبانا ددي: «باخ، اوچ ائلدئر کي، بو انجئر آغاجين يانينا گلئب ميوه آختاريرام، آمّا تاپميرام. اونو کس. نئيه بوش يره تورپاغي توتسون؟!»
آمّا باغبان اونا جاواب ورئب ددي: «آغا، اونو بو ائل ده قوي قالسين. من اونون اطرافيني بل‌له‌يئب پِيئن تؤکه‌رم.
اگر گلن ائل ميوه گتئرسه، ياخشي. اگر گتئرمه‌سه، اونو کسرسن.»"
عئسا سبّت گونو کنئسهلرئن بئرئنده تعلئم ورئردي.
اورادا بئر آرواد وار ائدي کي، اون‌سکّئز ائلدن بري ناخوشلوق اَلئنه دوچار اولموشدو کي، باعئثي بئر روح ائدي؛ بِلي بوکولموشدو و اصلا دوزه‌له بئلمئردي.
عئسا اونو گؤرن واخت، يانينا چاغيريب اونا ددي: "آرواد، ناخوشلوغوندان آزاد اولوبسان."
و اَللرئني اونون اوستونه قويدو. آرواد او آندا دئک دوردو و تارييا شوکور اتمه‌يه باشلادي.
بو واخت، کنئسهنئن ريئسي عئسانين سبّت گونونده شفا وردئيي اوچون قضبله‌نئب، خالقا ددي: "ائش گؤرمک اوچون آلتي گون وار. شفا تاپماق اوچون سبّت گونونده يوخ، او گونلرده گلئن!"
رب اونا جاواب ورئب ددي: "اي رئياکار آدام! مگر سئزلردن هچ کئم سبّت گونونده اؤز اؤکوزونو و يا اِششه‌يئني آخوردان آچيب سووارماغا آپارمير؟
بو آرواد کی، اون سکّئز ائلدن بري شيطان طرفئندن باغلانيب، ائبراهئمئن بئر قيزي‌دير. آيا سبّت گونونده اونو بو اسئرلئکدن آزاد اتمک جائز ديئل؟!"
عئسانين بو سؤزلري اونون ضئدّئنه قالخان آداملارين هاميسيني اوتانديردي و بوتون خالق اونون گؤردويو شؤوکتلي ائشلرئن هاميسينا سوئنئردئلر.
سونرا عئسا ددي: "تارينين پادشاهليغي نه‌يه بنزهيئر و اونو نه‌يه بنزه‌دئم؟
خاردال توخومونا بنزر کي، بئر آدام گؤتوروب اونو اؤز باغيندا اَکدي. توخوم بؤيودو، بؤيوک آغاج اولدو و گؤيون قوشلاري اونون بوداقلاريندا يووا تئکدئلر."
و گئنه ددي: "تارينين پادشاهليغيني نه‌يه بنزه‌دئم؟
او، خمئر ماياسينا بنزر کي، بئر آرواد گؤتوروب اونو اوچ اؤلچو اون ائچئنه قاتدي، اله کي، بوتون خمئر تورشودو."
عئسا شهرلر و کندلري گزئب، اونلاردا تعلئم وره-وره اورشلئمه طرف گدئردي.
او واخت بئر نفر اونا ددي: "يارب، آيا نئجات تاپانلار آزديرلار؟" عئسا اونلارا ددي:
"دار قاپيدان گئرمه‌يه چاليشين. سئزه ديئرم کي، چوخلاري گئرمک ائسته‌يهجکلر، لاکئن قادئر اولماياجاقلار.
اِو صاحئبي دوروب قاپيني باغلاياندان سونرا، سئز اشئگده دايانيب قاپيني دؤيمه‌يه باشلاياجاقسينيز و دئيهجکسئنئز: «يارب، بئزه آچ.» لاکئن او سئزه جاوابيندا دئيهجک: «سئزي تانيميرام، هارادانسينيز؟»
او زامان سئز بله دمه‌يه باشلاياجاقسينيز: «بئز سنئن حوضوروندا ييئب ائچئردئک و سن بئزئم کوچهلرده تعلئم ورئردئن.،
لاکئن او دئيهجک: «سئزه ديئرم کي، سئزي تانيميرام، هارادانسينيز؟! مندن اوزاقلاشين، هامينيز حاقسيزليق ادنسئنئز.»
او زامان کي، ائبراهئمي، ائسحاقي، يعقوبو، و بوتون پيغمبرلري تارينين پادشاهليغيندا و اؤزونوزو اورادان قوولموش گؤرورسونوز، اورادا آغلاشما و دئش قيجيرتماسي اولاجاق.
شرقدن و قربدن، شئمالدان و جنوبدان گلئب تارينين پادشاهليغيندا سوفرهيه اوتوراجاقلار.
باخ، اله آخيرکي‌لار وار کي، بئرئنجي اولاجاقلار و اله بئرئنجئلر وار کي، آخيرکي اولاجاقلار."
اله او زامان فرئسئلردن بعضئلري گلئب، اونا ددئلر: "بورادان چيخ، گت. چونکي هئرود سني اؤلدورمک ائستهيئر."
عئسا دا اونلارا ددي: «گدئن او تولکويه ديئن: «باخ، من بو گون و صاباح ناپاک روحلاري قووب آداملارا شفا ورهجهيم و اوچونجو گون مقصدئمه يتئشهجه‌يم.
لاکئن بو گون، صاباح، و اِرته‌سي گون گرک گَزئم. چونکي مومکون ديئل کي، بئر پيغمبر اورشلئمدن کناردا هلاک اولسون.»
اي اورشلئم، اي اورشلئم، پيغمبرلري اؤلدورن و اونا گؤنده‌رئلنلري داشا باسان! تويوق اؤز جوجهلرئني قانادلارينين آلتينا ييغان کئمي نچه دفه ائسته‌دئم کي، من ده سنئن اؤولادلاريني ييغيم. لاکئن سن ائسته‌مه‌دئن!
باخ، اِوئنئز سئزه وئران بوراخيلير. سئزه ديئرم کي، سئز «ربّئن آدي ائله گلن موبارک اولسون» دئينه قدر، مني گؤرمه‌يهجکسئنئز."
بئر سبّت گونو عئسا فرئسي ريئسلرئندن بئرئنئن اوئنه چؤرک يمه‌يه گتدي و اونلار اونو گودوردولر.
اورادا اونون قاباغيندا بئر آدام وار ائدي کي، بدنئنده سو ييغيلميش ائدي.
عئسا شرئعت عالئملري و فرئسئلره خئطاب ادئب ددي: "آيا سبّت گونو شفا ورمک جائزدئر؟"
لاکئن اونلاردان هچ بئر سس چيخمادي. عئسا او آدامي توتوب صاغالتدي و اونو مورخّص اتدي.
عئسا اونلارا ددي: "سئزلردن کئم وار کي، اگر اِششَک و يا اؤکوزو سبّت گونو قويويا دوشسه، تزلئکله اونو چيخارتماسين؟!"
اونلار اونون بو سوآلينا جاواب وره بئلمه‌دئلر.
عئسا يمه‌يه دعوت اولونانلارين نجه يوخاري باشي سچدئکلرئني گؤرنده، اونلارا بو مثلي ددي:
"سني بئر نفر تويا دعوت اتسه، يوخاري باشدا اوتورما. اولماسين کي، سندن داها حؤرمتلئسئني دعوت اتمئش اولسون
و مئزبان گلئب سنه دسئن: «بو آداما ير ور.» و او واخت اوتانيب، لاپ آشاغي باشدا اوتورمالي اولاسان.
آمّا دعوت اولوندوغون زامان، گدئب لاپ آشاغي باشدا اوتور کي، مئزبان گلئب، سنه دسئن: «دوستوم، يوخاري باشا کچ.» او واخت مجلئسده اوتورانلارين حوضوروندا عئزّتلي اولارسان.
چونکي اؤزونو اوجالدان هر کس آلچالاجاق، لاکئن اؤزونو آلچالدان آدام اوجالاجاق."
و اونو دعوت اده‌نه ددي: "گون اورتا و يا شام قوناقليغي ورن واخت نه اؤز دوستلاريني، نه اؤز قارداشلاريني، نه اؤز قوحوملاريني، نه ده اؤز وارلي قونشولاريني دعوت ات کي، اونلار دا سني دعوت ادئب بلجه سنه عوضئني ورسئنلر.
لاکئن قوناقليق ورن واخت، يوخسوللاري، علئللري، توپاللاري، و کورلاري دعوت ات کي،
بختور اولارسان. چونکي اونلار سنه عوضئني وره بئلمئرلر و صالحلرئن دئرئلدئيي واخت سنه عوض ورئلهجک."
عئسا ائله سوفره باشيندا اوتورانلاردان بئري بونو اشئدن واخت ددي: "خوش او آدامين حالينا کي، تارينين پادشاهليغيندا چؤرک يسئن!"
لاکئن عئسا اونا ددي: "بئر آدام بؤيوک بئر شام قوناقليغي وردي و چوخلو قوناق دعوت اتدي.
يمک واختي گلن واخت نؤکرئني دعوت اولونانلارين يانينا گؤنده‌ردي کي، اونلارا دسئن: «بويورون، چونکي آرتيق هر شي حاضيردير.»
لاکئن قوناقلارين هاميسي بئردن عوذر ائسته‌ميه باشلاديلار. بئرئنجئسي اونا ددي: «بئر زمي ساتين آلميشام، گدئب اونا باخمالي‌يام. سندن خاهئش ادئرم مني معذور ساياسان.»
او بئري ددي: «بش جوت اؤکوز ساتين آلميشام و اونلاري ائمتاحان اتمه‌يه گدئرم. سندن خاهئش ادئرم مني معذور ساياسان.»
اوچونجوسو ددي: «من اِولنمئشم، بونا گؤره ده گله بئلمه‌رم.»
نؤکر قاييديب بو شيلري اؤز آغاسينا چاتديردي. او واخت اِو صاحئبي قضبله‌نئب نؤکرئنه ددي: «تز گت، شهرئن کوچهلر و دؤنگه‌لرئنده اولان يوخسوللاري، علئللري، توپاللاري، و کورلاري بورايا گتئر.»
نؤکر ددي: «آغا! امرئن يرئنه يتئرئلدي، آمّا گئنه ير وار.»
آغاسي نؤکره ددي: «گت، بوتون يوللاري و چپرلري آختار و آداملاري گلمه‌يه مجبور ات کي، اوئم دولسون.
سئزه ديئرم کي، ائلک دعوت اولونان او آداملاردان هچ بئري منئم قوناقليغيمدان دادماياجاق.»"
عئسا ائله چوخ آدام گدئردي. و دؤنوب اونلارا ددي:
"کئم اؤز آتاسيندان، آناسيندان، آرواد و اوشاقلاريندان، قارداشلار و باجيلاريندان حتّا اؤز حياتيندان نئفرت اتمهيئب منئم يانيما گلسه، منئم شاگئردئم اولا بئلمز.
و کئم اؤز چارميخيني گؤتورمه‌يئب داليمجا گلسه، منئم شاگئردئم اولا بئلمز.
سئزلردن کئم وار کي، بئر بورج تئکمک ائسته‌ينده، اوتوروب اوّلجه خرجئني حساب اتمز کي، گؤرسون آيا اونو باشا يتئرمک اوچون پولو وار؟
چونکي اگر بونؤورهسئني قويوب ائشي باشا يتئره بئلمه‌سه، او زامان اونو گؤرن هر کس رئشخند اتمه‌يه باشلاييب،
دئيهجک: «بو آدام تئکمه‌يه باشلادي، لاکئن بئتئره بئلمه‌دي.»
و يا هانسي پادشاه وار کي، اؤزگه بئر پادشاهلا موحارئبهيه چيخاندا، اوّلجه اوتوروب مصلحتلشمز کي، گؤرسون آيا اون‌مئن نفر عسگرله قادئردئر او پادشاهين قاباغينا چيخسين کي، ائيئرمي مئن عسگرله اوستونه گلئر؟
يوخسا، او بئرئسي حله اوزاقدا ائکن، يانينا اِلچئلر گؤنده‌رئب، صولح اتمه‌يه چاليشار.
بلجه ده، سئزلردن کئم بوتون وار-يوخوندان اَل چکمه‌سه، منئم شاگئردئم اولا بئلمز.
دوز ياخشي شيدئر؛ آمّا اگر دوز دادسيز اولسا، اونا نه ائله داد ورئلر؟
نه تورپاغا فايداسي وار، نه ده پِيئنه؛ اونو اشئيه آتارلار. اشئتمه‌يه قولاغي اولان اشئتسئن."
بو زامان بوتون باج ييغانلار و گوناهکارلار عئسانين يانينا ياخينلاشيرديلار کي، اونون سؤزلرئني اشئتسئنلر.
هم فرئسئلر هم ده دئن عالئملري ميريلدانماغا باشلاييب ديئردئلر: "بو آدام گوناهکارلاري قبول ادئر و اونلارلا يمک ييئر."
عئسا دا اونلارا بو مثلي گتئرئب ددي:
"سئزلردن کئم وار کي، يوز قويونو اولسون و اونلاردان بئرئني ائتئردئيي واخت، دوخسان دوقّوزونو چؤلده بوراخيب، ائتمئش اولاني تاپانا قدر دالينجا گتمه‌سئن؟!
تاپاندا سوئنئب اونو چئيئنلرئنه قويار
و اِوه گلدئيي زامان اؤز دوستلار و قونشولاريني چاغيريب دئير: «منئم شادليغيما شرئک اولون، چونکي ائتمئش قويونومو تاپميشام.»
سئزه ديئرم کي، بلجه ده، گؤيده تؤوبه اِدَن بئر گوناهکار اوچون شادليق اولاجاق؛ او شادليقدان داها چوخ کي، دوخسان دوقّوز صالح و تؤوبهيه مؤحتاج اولمايان آدامدان اؤتري اولار.
و يا هانسي آرواد وار کي، اون دئرهمي اولسون و بئرئني ائتئرن واخت چيراق يانديريب، اِوي سوپوروب، اونو تاپانا قدر آختارماسين؟!
تاپان زامان دوستلار و قونشولاريني ييغيب دئير: «منئم شادليغيما شرئک اولون، چونکي ائتئردئيئم دئرهمي تاپميشام.»
سئزه ديئرم کي، بلجه ده، تؤوبه ادن بئر گوناهکار اوچون تارينين ملکلري آراسيندا شادليق اولاجاق."
و ددي: "بئر نفرئن ائکي اوغلو وار ائدي.
اونلاردان کئچئيي آتاسينا ددي: «آتا، ماليندان منه يتئشن حئصّهني منه ور!» آتا دا ماليني اونلارين آراسيندا بؤلدو.
بئر نچه گون سونرا، کئچئک اوغول وار-يوخونو ييغيب، اوزاق بئر مملکته گتدي. و اورادا سفاهتله ياشاييب، بوتون ماليني تلف اتدي.
هاميسيني خرجله‌يندن سونرا، او وئلايتده بؤيوک بئر آجليق اولدو و او مؤحتاج اولماغا باشلادي.
اونا گؤره ده گدئب، او اؤلکهنئن ساکئنلرئندن بئرئنئن خئدمتئنه گئردي. او دا اونو اؤز زمئسئنده دونوز اوتارماغا گؤنده‌ردي.
اوغلان آرزو اِدَردي کي، دونگوزلارين يدئيي آشغال-قابيقلارلا قارنيني دويورسون، لاکئن هچ کس اونا بئر شي ورمئردي.
اوغول اؤزونه گلئب ددي: «آتامين نه قدر موزد آلان ائشچئسي وار، هاميسينين دا بوللوقجا چؤره‌يي وار، لاکئن من بورادا آجليقدان اؤلورَم.
دوروب آتامين يانينا گدئب دئيه‌رم: آتا، گؤيه و سنه گوناه اتمئشم،
و آرتيق سنئن اوغلون آدلانماغا لايئق ديئلم. مني موزد آلان ائشچئلرئن بئرئسي کئمي آل.»
اوغول دوروب، اؤز آتاسينين يانينا گتدي. حله اوزاقدا ائکن آتاسي اونو گؤروب، اونا رحمي گلدي و قاچيب اونو قوجاقلادي و اؤپدو.
اوغول اونا ددي: «آتا، گؤيه و سنه گوناه اِتمئشم و آرتيق سنئن اوغلون آدلانماغا لايئق ديئلم.»
آمّا آتا اؤز قوللارينا ددي: «خلتلرئن لاپ گؤزَلئني گتئرئب اونا گيئندئرئن، بارماغينا اوزوک تاخين و آياقلارينا آياق قابي گتئرئن.
کؤکه‌لدئلمئش داناني گتئرئن، کسئن؛ ييئب شادليق ادک!
چونکي بو اوغلوم اؤلموشدو، دئرئلدي. ائتمئشدي، تاپيلدي.» و شادليق اتمه‌يه باشلاديلار.
بؤيوک اوغول زمئده ائدي. قاييداندا، اوه ياخينلاشديغي زامان اوخوماق و اويناماق سسي اشئتدي.
نؤکرلردن بئرئني چاغيريب سوروشدو: «بو نه‌دئر؟»
نؤکر ده اونا ددي: «قارداشين قاييديب. آتان دا کؤکلدئلمئش داناني کسئب، چونکي اونو صاغ-سالامات تاپيب.»
بؤيوک اوغول حئرصله‌نئب، ائستمه‌دي ائچه‌ري گئرسئن. او زامان آتاسي چيخيب اونا يالواردي.
آمّا او، آتاسينا جاواب ورئب ددي: «باخ، نچه ائل‌لردئر کي، سنه خئدمت اِدئرم و هچ زامان سنئن امرئندن چيخماميشام. آمّا سن، بئر دفه ده اولسون، کئچئک بئر کچي بله، ورمه‌دئن کي، دوستلاريملا شادليق ادئم.
لاکئن سنئن ماليني عئفّتسئز آروادلارلا تلف ادن بو اوغلون گلئب و سن اونون اوچون کؤکلدئلمئش داناني کسئبسن!»
آتاسي اونا ددي: «سن همئشه منئمله‌سن و بوتون وار-يوخوم سنئندئر.
لاکئن شادليق و شنلئک اتمک بئزه لازيمدير، چونکي سنئن بو قارداشين اؤلموشدو، دئرئلدي. ائتمئشدي، تاپيلدي.»"
عئسا شاگئردلرئنه بونلاري دا ددي: "وارلي بئر آدامين بئر ناظئري وار ائدي و اونا خبر گلدي کي، ناظئر اونون ماليني ائصراف ادئر.
آغا ناظئري يانينا چاغيريب ددي: «سنئن حاقّيندا بو اشئتدئکلرئم نه‌دئر؟ ناظئرلئيئنئن حسابيني ور، چونکي داها ناظئر اولا بئلمزسن.»
ناظئر اؤز-اؤزونه ددي: «نه ادئم؟ آغام اِوئن ائدارهسئني مندن آلير. تورپاق قازماغا گوجوم يتمز، يولچولوقدان دا کي، اوتانيرام.
بئلئرم نه ادئم کي، ناظئرلئکدن قووولدوغوم زامان اؤزگه آداملار مني اِولرئنه قبول اتسئنلر.»
او واخت آغاسينا بورجلو اولانلارين هاميسيني تک-تک يانينا چاغيردي. بئرئنجئسئنه ددي: «آغاما نه قدر بورجلوسان؟»
او آدام ددي: «يوز اؤلچو زيتون ياغي.» ناظئر اونا ددي: «اؤز قبضئني گؤتور، تز اوتور و ياز، الّي.»
سونرا او بئرئسئنه ددي: «سن نه قدر بورجلوسان؟» او آدام ددي: «يوز اؤلچو بوغدا.» ناظئر اونا ددي: «اؤز قبضئني گؤتور و ياز، هشتاد.»
آغاسي دوروست اولمايان ناظئري، فراستلي رفتار اتدئيئنه گؤره تعرئفله‌دي. چونکي بو دؤورانين اوغوللاري اؤزلرئنه بنزر آداملارلا اولان موناسئبتلرئنده، نور اوغوللاريندان داها فراستلئدئرلر.
سئزه ديئرم: دونيانين يالان اولان ثروتي ائله اؤزونوزه دوستلار قازانين کي، ثروتئنئز يوخ اولان زامان، اونلار سئزي ابدي مسکنلره قبول اتسئنلر.
بالاجا بئر ائشده صادئق اولان، بؤيوک ائشده ده صادئقدئر. لاکئن بالاجا بئر ائشده صادئق اولمايان، بؤيوک ائشده ده صادئق ديئل.
بلجه، اگر دونيانين يالان اولان ثروتئنده صادئق اولماياسينيز، دوغرو اولاني کئم سئزه تاپشيرار؟
و اگر اؤزگه بئر آدامين ماليندا صادئق اولماياسينيز، اؤز مالينيز اولاني سئزه کئم ورر؟
هچ بئر نؤکر ائکي آغايا قوللوق اده بئلمز؛ چونکي يا بئرئندن نئفرت ادئب او بئرئسئني سوهجک، يا دا بئرئنه باغلي قالاجاق، او بئرئسئنه حقئر باخاجاق. هم تارييا هم ده دونيانين ثروتئنه قوللوق اده بئلمزسئنئز."
پولپرست فرئسئلر عئسانين بوتون بو سؤزلرئني اشئدئب اونا رئشخند ادئردئلر.
عئسا اونلارا ددي: "سئز او آداملارسينيز کي، ائنسانلارين قاباغيندا اؤزونوزو صالح گؤرسه‌دئرسئنئز، آمّا تارينين سئزئن اوره‌يئنئزدن خبري وار. چونکي ائنسانلار آراسيندا اَعلا ساييلان شي، تارينين يانيندا ائيرندئرن بئر شيدئر.
شرئعت و پيغمبرلر يحيايا قدر ائدئلر. او زاماندان بو يانا تارينين پادشاهليغينين خوش خبري موژده ورئلئر و هر کس اورايا زورلا گئرمه‌يه چاليشير.
لاکئن گؤي و يرئن محو اولماسي، شرئعتئن بئر نؤقطهسئنئن دوشمه‌سئندن داها آساندير.
آرواديني بوشاييب آيري آروادلا اِولنن هر کس زئنا ادئر. اَرئندن بوشانان آروادلا اولنن هر کس زئنا اتمئش اولور.
وارلي بئر آدام وار ائدي کي، قيرميزي و نازئک کتاندان پالتار گِيَردي و هر گون طمطراقلا کف اِدَردي.
ائلعازر آدلي بئر فاغير وار ائدي کي، بدنئني يارا بوروموشدو و وارلي آدامين قاپيسينين يانيندا اوزانميشدي.
آرزو اِدَردي کي، وارلي آدامين سوفرهسئندن تؤکولن خيريم-خيردالارلا قارنيني دويورسون؛ حتّا ائتلر گلئب، اونون يارالاريني يالاييرديلار.
بو فاغير اؤلدو و ملکلر طرفئندن ائبراهئمئن قوجاغينا آپاريلدي؛ وارلي آدام دا اؤلدو و باسديريلدي.
اؤلولر دئياريندا عذاب چکدئيي زامان، گؤزلرئني قالديريب اوزاقدا ائبراهئمي و اونون قوجاغيندا ائلعازري گؤردو.
وارلي آدام باغيريب ددي: «اي ائبراهئم آتا! منه رحمئن گلسئن. ائلعازري گؤنده‌ر، بارماغينين اوجونو سودا ائسلاتسين و منئم دئلئمي سرئنلَتسئن، چونکي بو آلوودا عذاب چکئرم.»
لاکئن ائبراهئم ددي: «اوغول، يادينا سال کي، سن اؤز حياتيندا ياخشيليق پاييني آلدين. حال بو کي، ائلعازر پئسلئک پاييني آلدي. ائندي او تسلّي تاپير، آمّا سن عذاب چکئرسن.
بوندان علاوه، سئزئنله بئزئم آراميزدا بؤيوک بئر اوچوروم قويولوب کي، بورادان سئزئن طرفه کچمک ائسته‌ينلر، کچه بئلمئرلر. اِله‌جه ده اورادان بئزئم يانيميزا کچه بئلمئرلر.»
وارلي آدام ددي: «اگر بلهدئر، يالواريرام اي آتا! اونو آتامين اوئنه گؤنده‌رهسن.
چونکي منئم بش قارداشيم وار، قوي اونلاري خبردار اتسئن کي، مبادا بو عذاب يرئنه گلسئنلر.»
ائبراهئم اونا ددي: «اونلارين يانيندا موسا و پيغمبرلر وار، قوي اونلارا قولاق آسسينلار.»
وارلي آدام ددي: «خير، ائبراهئم آتا! اگر اؤلموشلردن بئري اونلارين يانينا گتسه، تؤوبه ادرلر.»
آمّا ائبراهئم اونا ددي: «اگر موسايا و پيغمبرلره قولاق آسميرلار، اؤلولردن بئري دئرئلسه بله، ائنانمازلار.»"
عئسا شاگئردلرئنه ددي: "مومکون ديئل کي، ائنسانلاري بودرهدن شيلر گلمه‌سئن. آمّا واي او آدامين حالينا کي، بونلار اونون واسئطهسئله گلئر.
بو کئچئکلردن بئرئني بودرهدن آدام اوچون داها ياخشي او اولاردي کي، بوينونا بئر ديئرمان داشي آسيليب، دهنزه آتيلسين.
دئقّتلي اولون. اگر قارداشين سنئن حاقّيندا گوناه اتسه، اونو مزمّت ات و اگر تؤوبه اتسه، اونو باغيشلا.
و اگر گونده يدّي دفه سنه گوناه اتسه و گونده يدّي دفه قاييديب سنه «تؤوبه ادئرم» دسه، اونو باغيشلامالي‌سان."
حوارئلر ربّه ددئلر: "ائمانيميزي آرتير."
رب ددي: "اگر سئزده بئر خاردال توخومو قدر ائمان اولسايدي، بو توت آغاجينا دئيردئنئز: «بورادان چيخ و دهنزده اکئل!» و او، سئزدن ائطاعت اِدَردي.
سئزلردن کئم جوت سورن و يا چوبانليق ادن بئر قولونا، زمئدن قاييدان زامان دئير: «تز اول، گل سوفره باشيندا اوتور؟»
مگر اونا دمز کي، «منه يمک حاضيرلا و بلئني باغلاييب منه خئدمت ات کي، ييئب ائچئم. و سونرا سن ييئب ائچرسن؟»
اونون امرلرئني يرئنه يتئردئيي اوچون آيا او، قولدان تشکّور ادر؟ ائنانميرام.
ائندي سئز ده، سئزه امر اولونان هر شيي يرئنه يتئرندن سونرا ديئن: «بئز دَيَرسئز قوللاريق، چونکي او ائشلري اتمئشئک کي، اتمکلري بئزه واجئبدئر.»"
اورشلئمه گدنده عئسا سامئره ائله جلئلئن آراسينداکي سرحددن کچئردي.
بئر کنده گئرن زامان اون‌نفر جوذاملي کئشي اونون قاباغينا چيخيب، اوزاقدا دوردولار.
و اوجا سسله ددئلر: "عئسا، آغا! بئزه يازيغين گلسئن."
عئسا اونلاري گؤره‌نده ددي: "گدئن، اؤزونوزو کاهئنلره گؤرسدئن." و يولدا ائکن جوذامدان تمئزلَندئلر.
اونلاردان بئري صاغالديغيني گؤرنده اوجا سسله تارييا حمد اده-اده قاييتدي
و اوزو-اوسته عئسانين آياقلارينا دوشوب، اوندان تشکّور اتدي؛ بو آدام سامئرهلي ائدي.
عئسا بونو گؤروب سوروشدو: "مگر جوذامدان تمئز اولانلار اون‌نفر ديئلدئلر؟ بس قالان دوقّوز نفر هارادادير؟!
آيا بو قرئبدن باشقا هچ بئري تاپيلمادي کي، قاييديب تارييا حمد اتسئن؟"
و او آداما ددي: "دور گت؛ ائمانين سني خئلاص اتدي."
او زامان کي، فرئسئلر تارينين پادشاهليغينين نه زامان گلهجه‌يي بارهده سوروشدولار، عئسا اونلارا جاواب ورئب ددي: "تارينين پادشاهليغي اله بئر شکئلده گلمز کي، گؤزله گؤروله بئلسئن.
و آداملار دا دمه‌يهجکلر کي، «باخ، بورادادير» و يا «اورادادير.» چونکي تارينين پادشاهليغي سئزئن آرانيزدادير."
و شاگئردلره ددي: "اله گونلر گلهجک کي، ائنسان اوغلونون گونلرئندن بئرئني گؤرمک ائستيهجکسئنئز، آمّا گؤرمه‌يهجکسئنئز.
و سئزه دئيهجکلر «باخ، بورادادير» و يا «اورادادير.» اونلارلا گتمه‌يئن و اونلارين داللارينا دا دوشمهيئن!
چونکي شئمشک گؤيون بئر طرفئندن چاخيب او بئري طرفئنه قدر نجه شاخير، ائنسان اوغلو دا اؤز گونونده اله اولاجاق.
آمّا اوّلجه گرکدئر کي، او، چوخ عذاب چکسئن و بو نسئل طرفئندن ردّ اولونسون.
نوحون گونلرئنده نجه اولدو، ائنسان اوغلونون گونلرئنده ده اله اولاجاق.
نوحون گمئيه گئردئيي گونه قدر، ائنسانلار ييئردئلر، ائچئردئلر، آرواد آليرديلار، اره گدئردئلر. سونرا او بؤيوک سل گلئب، هاميسيني محو اتدي.
لوطون گونلرئنده ده بله اولدو؛ ائنسانلار ييئردئلر، ائچئردئلر، آليرديلار، ساتيرديلار، اَکئردئلر، تئکئردئلر.
لاکئن لوطون سودومدان چيخديغي گون، گؤيدن اود و گوگورد ياغدي و هاميسيني محو اتدي.
ائنسان اوغلونون ظوهور ادهجه‌يي گونده ده بله اولاجاق.
او گونده، اؤزو دامدا، لاکئن اَشياسي اوئن ائچئنده اولان آدام اونلاري گؤتورمک اوچون آشاغي انمه‌سئن. اِلجه ده زمئده اولان گري دؤنمه‌سئن.
لوطون آرواديني خاطيرلايين.
هر کس جانيني حئفظ اتمه‌يه چاليشسا، اونو ائتئرهجک. و هر کئم جانيني ائتئرسه، اونو حئفظ ادهجک.
سئزه ديئرم: او گجه بئر ياتاقدا ائکي نفر اولاجاق؛ بئري گؤتورولهجک، و بئرئسي قالاجاق.
اَل ديئرماني چکن ائکي آرواد اولاجاق؛ بئري گؤتورولهجک و بئرئسي قالاجاق.
زمئده ائکي نفر اولاجاق؛ بئري گؤتورولهجک و بئرئسي قالاجاق."
شاگئردلر عئسايا جاواب ورئب ددئلر: "هارادا اولاجاق، يارب؟" عئسا اونلارا ددي: "لش هارادا اولسا، کرکسلر ده اورايا ييغيلارلار."
بئر ده عئسا اونلارا بئر مثل چکدي کي، گؤرسدسئن نجه هر زامان هچ يورولمادان دوعا اتملي‌دئرلر. و ددي:
"بئر شهرده بئر حاکئم وار ائدي کي، نه تاريدان قورخاردي، نه ده آداملاردان اوتاناردي.
اله همئن شهرده بئر دول آرواد دا وار ائدي کي، دائم اونون يانينا گلئب دئيردي: .داعواچي اولدوغوم آدامدان منئم حاقّيمي آل.»
حاکئم بئر مودّت بو ائشي ائستمه‌دي. آمّا نهايت اؤز-اؤزونه ددي: «گرچي من نه تاريدان قورخورام نه ده آداملاردان اوتانيرام،
بو آرواد منه چوخ زحمت ورئر. اونون حاقّيني آليم کي، بئر داها گلئب باشيمي آغريتماسين.»"
و رب ددي: "عدالتسئز حاکئمئن نه ددئيئني اشئدئن.
مگر تاري اؤز سچدئکلرئنئن، گجه گوندوز اونو ائمدادا چاغيرانلارين دادينا چاتماز؟ مگر اونلار اوچون چوخ يوبادار؟
سئزه ديئرم کي، اونلارين دادينا تزلئکله چاتاجاق. لاکئن ائنسان اوغلو، گلدئيي زامان، آيا ير اوزونده ائمان تاپاجاقدير؟"
عئسا اؤزلرئنئن صالح آداملار اولدوغونا بل باغلايان و آيري آداملارا حقارتله باخان بعضئلري اوچون ده بله بئر مثل چکدي:
"ائکي نفر دوعا اتمک اوچون معبده گئردئلر؛ بئرئسي فرئسي و او بئرئسي باج ييغان ائدي.
فرئسي آياق اوسته دوروب اؤز-اؤزونه بله دوعا ادئردي: «اي تاري! سنه شوکور ادئرم کي، اؤزگه آداملار کئمي تالان ادن، حاقسيز، زئناکار، يا دا بو باج ييغان آدام کئمي ديئلم.
هفتهده ائکي دفه اوروج توتورام و قازانديغيمين اوندا-بئرئني ورئرم.»
آمّا باج ييغان آدام اوزاقدا دوروب گؤزلرئني گؤيه قالديرماغا بله جسارت اتمئردي. لاکئن سئنهسئنه دؤيوب ديئردي: «اي تاري! من گوناهکارا رحم ات.»
سئزه ديئرم کي، فرئسي يوخ، باج ييغان آدام تارينين گؤزونده تمئزه چيخيب اوئنه گتدي. چونکي اؤزونو اوجالدان هر کس آلچالاجاق، لاکئن اؤزونو آلچالدان آدام اوجاليلاجاقدير."
کئچئک اوشاقلاري عئسانين يانينا گتئردئلر کي، او، اونلارا ال قويسون. آمّا شاگئردلر بونو گؤرن واخت اونلارا آجيقلانديلار.
آمّا عئسا اونلاري يانينا چاغيريب ددي: "قويون اوشاقلار منئم يانيما گلسئنلر! اونلارا مانع اولمايين. چونکي تارينين پادشاهليغي بلهلرئنکئدئر.
دوغروسونو سئزه ديئرم؛ کئم تارينين پادشاهليغيني کؤرپه بئر اوشاق کئمي قبول اتمسه، اورايا اصلا گئره بئلمز."
ريئسلردن بئري عئسادان سوروشوب ددي: "ياخشي اوستاد! نه ادئم کي، ابدي حياتي مئراث آليم؟"
عئسا اونا ددي: "نه اوچون مني ياخشي چاغيريرسان؟ واحئد تاريدان باشقا هچ کس ياخشي ديئل.
احکامي بئلئرسن؛ زئنا اتمه، قتل اتمه، اوغورلوق اتمه، يالاندان شهادت ورمه، آتا و آنانا حؤرمت ات."
آدام ددي: "بونلارين هاميسينا اوشاقليغيمدان عمل ادئرم."
عئسا، بونو اشئدن واخت اونا ددي: "داها بئر زادين اسکئکدئر؛ نه‌يئن وارسا، سات، مؤحتاج آداملارا ور و گؤيده خزئنن اولاجاق. سونرا منئم داليمجا گل."
آدام بو سؤزلري اشئدن واخت قمگئن اولدو چونکي چوخ وارلي ائدي.
عئسا اونون قمگئن اولدوغونو گؤره‌نده ددي: "وارلي اولانلار تارينين پادشاهليغينا نه چتئنلئکله گئرئرلر!
چونکي دوهنئن ائينه دِشئيئندن کچمه‌سي، وارلي آدامين تارينين پادشاهليغينا گئرمه‌سئندن داها آساندير."
بو سؤزلري اشئدنلر ددئلر: "بس کئم نئجات تاپا بئلر؟"
عئسا ددي: "ائنسانلار اوچون قيري‌مومکون اولان ائشلر، تاري اوچون مومکوندور."
او زامان پطروس ددي: "باخ، بئز هر شيي آتيب سنئن دالينجا گلمئشئک."
عئسا اونلارا ددي: "دوغروسونو سئزه ديئرم؛ اله بئر آدام يوخدور کي، تارينين پادشاهليغي اوچون اِوئني يا دا آرواديني، قارداشلاريني يا دا آتا-آناسيني و يا اوشاقلاريني آتميش اولسون،
و بو زاماندا داها آرتيق و گلهجک عصرده ده ابدي حياتي آلماسين."
عئسا اونائکي شاگئردئني يانينا چاغيريب اونلارا ددي: "باخين، بئز اورشلئمه چيخيريق و ائنسان اوغلو اوچون پيغمبرلر واسئطهسئله نه‌لر يازيليب، هاميسي يرئنه يتئرئله‌جک.
او، قيرييهودئلرئن الئنه تسلئم ادئلهجک. اونلار اونو ائستهزا ادهجکلر و اونو تحقئر ادئب اوزونه توپورهجکلر.
اونا شالّاق ووروب اؤلدورهجکلر. لاکئن اوچونجو گون او، دئرئلهجک."
شاگئردلر بو سؤزلردن هچ بئر شي باشا دوشمه‌دئلر؛ بو سؤزلر اونلار اوچون اؤرتولو ائدي و دِيئلَنلري آنلاماديلار.
عئسا ارئحايا ياخينلاشديغي زامان، بئر کور يول قيراغيندا اوتوروب يولچولوق ادئردي.
يانيندان چوخلو آدامين کچدئيئني اشئدنده سوروشدو: "بو نه‌دئر؟"
اونا ددئلر کي، ناصئرهلي عئسا بورادان کچئر.
او واخت کور آدام قيشقيردي: "داوود اوغلو عئسا، منه يازيغين گلسئن."
قاباقدا گدنلر اونا آجيقلانيب ساکئت اتمه‌يه چاليشديلار، لاکئن او، داها برک قيشقيردي: "داوود اوغلو عئسا، منه يازيغين گلسئن."
عئسا دايانيب امر اتدي کي، اونو يانينا گتئرسئنلر. کور آدام ياخينلاشاندا عئسا اوندان سوروشدو:
"نه ائستهيئرسن کي، سنه ادئم؟" کور آدام ددي: "يارب، گؤزلرئم گئنه گؤرسون."
عئسا اونا ددي: "گؤزلرئن گؤرسون. ائمانين سني صاغالتدي."
او آندا آدامين گؤزلري آچيلدي و او، تارييا شوکور اده-اده عئسانين دالينجا گتدي. و بونو گؤرن بوتون خالق تارييا حمد و ثنا اتدي.
عئسا ارئحايا گئرئب اونون ائچئندن کچئردي.
اورادا زکّا آدلي بئر کئشي وار ائدي. زکّا باج ييغانلارين ريئسي و وارلي بئر آدام ائدي.
عئسانين کئم اولدوغونو گؤرمک ائسته‌يئردي؛ لاکئن بويو قيسا اولدوغو اوچون جاماعاتين چوخلوغوندان گؤره بئلمئردي.
زکّا عئساني گؤرمک اوچون ائرهلئيه قاچيب بئر انجئر آغاجينا چيخدي، چونکي عئسا اورادان کچهجک ائدي.
عئسا او يره چاتاندا يوخاري باخيب اونو گؤردو و اونا ددي: "زکّا! تز آشاغي دوش، چونکي بو گون من سنئن اوئنده قالمالي‌يام."
زکّا تز آشاغي دوشوب شادليقلا عئساني قبول اتدي.
بونو گؤرنلرئن هاميسي ديئنئب ديئردئلر: "گدئب گوناهکار بئر آدامين اوئنده قوناق اولوب!"
آمّا زکّا آياغا قالخيب ربّه ددي: "باخ، آغا! وار-دؤولتئمئن ياريسيني مؤحتاجلارا ورهرم و کئمدن حاقسيزليقلا آلميشام، اونا دؤرد قات قايتارارام."
عئسا اونا ددي: "بو گون بو اِوه نئجات گلئب، اونا گؤره کي، بو آدام دا ائبراهئمئن اوغلودور.
چونکي ائنسان اوغلو گلئب کي، ائتمئش اولانلاري آختاريب اونلارا نئجات ورسئن."
اونلار بو شيلري اشئدن واخت، عئسا بئر مثل ده علاوه اتدي؛ او سببدن کي، اورشلئمه ياخين ائدي و اونلار اله دوشونوردولر کي، تارينين پادشاهليغي او ساعات ظاهئر اولاجاق.
ددي: "اصئلزاده بئر آدام اوزاق مملکته گتدي کي، اؤزو اوچون پادشاهليق اله گتئرئب قاييتسين.
بلجه قوللاريندان اون نفرئني چاغيردي و اونلارا اون چکي پول ورئب ددي: «من گلنه کئمي بونلاري ائشه سالين.»
لاکئن اونون هموطنلري اوندان نئفرت ادئردئلر و اونون دالينجا الچئلر گؤنده‌رئب ددئلر: «ائسته‌مئرئک کي، بو آدام بئزه پادشاهليق اتسئن.»
آدام، پادشاهليغي اله گتئرئب قاييداندان سونرا، پول وردئيي قوللاري يانينا چاغيرتدي کي، کئمئن نه قازانديغيني بئلسئن.
بئرئنجئسي گلئب ددي: «آغا، سنئن چکئن داها اون چکي قازانيب.»
آدام اونا ددي: «آفرئن، ياخشي قولوم! لاپ کئچئک بئر ائشده صادئق اولدوغون اوچون اون شهره حاکئم اول.»
ائکئنجئسي گلئب ددي: «آغا! سنئن چکئن داها بش چکي گتئرئب.»
بونا دا ددي: «سن ده بش شهره حاکئم اول.»
و او بئري ده گلئب ددي: «آغا بو دا سنئن چکئن، اونو دسمالا بوکوب ساخلاديم،
چونکي برک آدام اولدوغون اوچون سندن قورخوردوم؛ اؤزون قويماديغيني گؤتورنسن و اؤزون اکمه‌دئيئني بئچنسن.»
آغاسي اونا ددي: «اي پئس قول! سني اؤز سؤزونله محکوم ادهجهيم. سن بئلئردئن کي، من برک آدامام، اؤزوم قويماديغيمي گؤتوره‌نم، اؤزوم اکمه‌دئيئمي بئچه‌نم
بس نه اوچون منئم پولومو صرّافلارا ورمه‌دئن کي، قاييتديغيم زامان اونو منفعتله گري آليم؟!»
و اورادا اولانلارا بويوردو: «چکئسئني اوندان آلين و اون چکئسي اولانا ورئن!»
اونلار اونا ددئلر: «آغا! اونون آرتيق اون چکئسي وار!»
«سئزه ديئرم کي، کئمده وارسا، اونا داها چوخ ورئلهجک، لاکئن کئمده يوخسا، الئنده اولان دا اوندان آليناجاقدير.
منئم اوستلرئنده پادشاه اولماماغيمي ائسته‌ين دوشمنلرئمي گتئرئن و گؤزومون قاباغيندا قيلينجدان کچئردئن!»"
عئسا، بونلاري دئيندن سونرا، قاباقدا يرئيئب اورشلئمه طرف گتدي.
زيتون داغي آدلانان داغين اَته‌يئنده‌کي بيت فاجي و بيت عنيايا ياخينلاشاندا شاگئردلرئندن ائکئسئني گؤنده‌رئب،
ددي: "قاباقدا اولان کنده گدئن. اورايا گئردئيئنئز زامان باغلانميش بئر سيپا تاپارسينيز کي، ائندئيه کئمي هچ کس اونا مئنمه‌يئب. اونو آچيب گتئرئن.
اگر کئمسه سئزدن سوروشسا کي، «نه اوچون سيپاني آچيرسينيز؟»، اونا بله ديئن: «ربّئن بونا احتئياجي وار.»"
گؤنده‌رئلنلر گدئب هر شيي عئسانين ددئيي کئمي تاپديلار.
سيپاني آچان واخت، اونون صاحئبلري اونلارا ددئلر: "سيپاني نه اوچون آچيرسينيز؟"
شاگئردلر جاواب وردئلر: "بو سيپا ربّه لازيمدير."
سيپاني عئسانين يانينا گتئردئلر و پالتارلاريني سيپانين بلئنه سرئب عئساني اونا مئندئردئلر.
و عئسا يولدا گدنده، آداملار پالتارلاريني يولا سرئردئلر.
زيتون داغينين اَته‌يئنه ياخينلاشاندا شاگئردلرئندن چوخلاري گؤردوکلري بوتون مؤجوزهلر اوچون سوئنئب، گور سسله تارييا حمد و ثنا اتمه‌يه باشلاديلار.
ديئردئلر: "ربّئن آديندا گلن پادشاه موبارک اولسون. گؤيلرده امئن-آمانليق و لاپ اوجالاردا عئزّت اولسون."
فرئسئلردن بعضئسي خالقين ائچئندن اونا ددئلر: "اوستاد، شاگئردلرئنه بئر آجيقلان."
عئسا جاوابيندا اونلارا ددي: "سئزه ديئرم کي، اگر اونلار ساکئت اولسالار، داشلار دئله گلهجکلر."
شهره ياخينلاشديغي زامان عئسا اونا باخيب شهر اوچون آغلادي.
و ددي: "آه، کاشکي سن بو گونونده امئن-آمانليغينا باعئث اولان شيلري بئلسه‌يدئن! آمّا بونلار حلهلئک سنئن گؤزلرئندن گئزلي‌دئر.
چونکي سني اله گونلر گؤزلهيئر کي، دوشمنلرئن سني سنگرلرله احاطه ادئب، موحاصئرهيه آلاجاقلار و هر يردن سيخيشديراجاقلار.
سني و ائچئندهکي اوشاقلاريني يرله بئر ادهجکلر، سنئن ائچئنده داشي داش اوسته قويماياجاقلار، چونکي تارينين سنئن کؤمه‌يئنه گلدئيي زاماني درک اتمه‌دئن."
عئسا معبده گئرئب اورادا آليش-ورئش ادنلري قووماغا باشلادي.
و اونلارا ددي: "يازيليب کي، منئم اوئم دوعا اِوئدئر. آمّا سئز اونو اوغرولار يوواسينا دؤنده‌رئبسئنئز."
عئسا هر گون معبدده تعلئم ورئردي. باش کاهئنلر، دئن عالئملري، و خالقين اعيانلاري اونو هلاک اتمه‌يه فورصت آختاريرديلار.
لاکئن نه ادهجکلرئني بئلمئردئلر. چونکي بوتون خالق ائشتئياقلا اونا قولاق آسيردي.
عئسا، معبدده تعلئم ورئب ائنجئلئن خوش خبرئني وردئيي گونلرئن بئرئنده، باش کاهئنلر و دئن عالئملري، آغساقّاللارلا بئرلئکده ياخينلاشيب،
اونا ددئلر: "بئزه ده گؤرک، سن بو ائشلري نه ائقتئدارلا ادئرسن؟ بو ائقتئداري سنه کئم وردي؟"
عئسا جاوابيندا اونلارا ددي: "منئم ده سئزدن بئر سوآليم وار. منه ديئن؛
يحيانين تعمئدي گؤيدن ائدي، يوخسا ائنسانلاردان؟"
اونلار اؤز آرالاريندا فئکئرله‌شئب ديئردئلر: "اگر «گؤيدن» دسک، اوندا دئيهجک؛ «نه اوچون اونا ائنانمادينيز؟»
لاکئن اگر «ائنسانلاردان» دسک، بوتون خالق بئزي داشا باساجاق. چونکي خالق يحيانين پيغمبر اولدوغونا ائنانير."
و جاواب وردئلر: "هارادان اولدوغونو بئلمئرئک؟"
عئسا اونلارا ددي: "من ده سئزه دمئرم کي، بو ائشلري هانسي ائقتئدارلا گؤرورم."
سونرا خالقا بله بئر مثلي نقل اتمه‌يه باشلادي: "بئر آدام اوزوم باغي اکدي و باغي باغبانلارا ائجارهيه ورئب، اوزون بئر مودّت اوچون اؤزگه بئر مملکته گتدي.
محصول زاماني باغبانلارين يانينا بئر قول گؤنده‌ردي کي، باغين محصولوندان اونون پاييني ورسئنلر. لاکئن باغبانلار قولو دؤيوب الي-بوش يوللاديلار.
داها آيري بئر قول گؤنده‌ردي؛ آمّا اونلار بونو دا دؤيوب حؤرمتسئز اتدئلر و الي-بوش قايتارديلار.
اوچونجو قولو دا گؤنده‌ردي؛ آمّا اونلار اونو دا يارالاييب قوودولار.
او زامان اوزوم باغين صاحئبي ددي: «نه ادئم؟ قوي اؤز سوگئلي اوغلومو گؤنده‌رئم. بلکه اونو گؤرنده حؤرمت اِدَرلر.»
لاکئن باغبانلار اونو گؤرن واخت، آرالاريندا بله ددئلر: «وارئث بودور! گلئن اونو اؤلدورَک کي، مئراث بئزه قالسين.»
و اونو باغدان اشئيه آتيب اؤلدوردولر. ائندي اوزوم باغينين صاحئبي اونلارا نه ادهجک؟
گلهجک، بو باغبانلاري هلاک ادئب، باغي اؤزگه باغبانلارا ورهجکدئر." بونو اشئدن خالق ددي: "قوي بله اصلا باش ورمه‌سئن."
عئسا اونلارا باخيب ددي: "بس بو يازي نه دمکدئر؟ «بنّالارين ردّ اتدئکلري داش کونجون باشي اولدو.»
بو داشين اوستونه ييخيلان هر کس پارچالاناجاق، لاکئن او، کئمئن اوستونه دوشسه، اونو ازهجک."
دئن عالئملري و باش کاهئنلر بئر يول آختارديلار کي، اله او آندا اونو توتسونلار. لاکئن خالقدان قورخدولار، چونکي باشا دوشدولر کي، بو مثلي اونلارين بارهسئنده ديئب.
اونلار عئساني گودوب اؤزلرئني صالح آداملار کئمي گؤرسه‌دن بئر نچه جاسوس گؤنده‌ردئلر کي، اونو سؤز اوسته توتوب، بلجه والئنئن حؤکم و ائقتئدارينا تسلئم اتسئنلر.
اونلار عئسادان سوروشدولار: "اوستاد! بئز بئلئرئک کي، سن دوغرو اولاني ديئب تعلئم ورئرسن و آداملارين آراسيندا فرق قويمورسان. آنجاق تارينين يولونو دوغرولوقلا اؤيره‌دئرسن.
آيا قيصره باج ورمک بئزه جائزدئر يا يوخ؟"
عئسا اونلارين حئيلهسئني باشا دوشوب ددي:
"منه بئر دئنار گؤرسه‌دئن؛ اونون اوستونده اولان صورت و يازي کئمئندئر؟" اونلار جاواب وردئلر: "قيصرئن."
عئسا اونلارا ددي: "او زامان قيصرئنکئني قيصره، تارينينکيني تارييا ورئن."
اونلار خالقين حوضوروندا عئساني سؤز اوسته توتا بئلمه‌دئلر و جاوابيندان تعجّوب ادئب سسلرئني کسدئلر.
اؤلومدن سونرا دئرئلمه اولماديغيني دئين صادوقئلردن بعضئلري گلئب اوندان سوروشدولار:
"اوستاد! موسا بئزئم اوچون يازيب کي، اگر بئر آدامين اِولي قارداشي اؤلسه و اونون اوشاغي اولماسا، صاغ قالان قارداش اونون دولونو آليب، اؤلن قارداشينا نسئل يتئشدئرسئن.
يدّي قارداش وار ائدي؛ بئرئنجئسي بئر آرواد آلدي و اوشاقسيز اؤلدو.
ائکئنجئسي او آروادي آلدي و او دا اوشاقسيز اؤلدو.
اوچونجوسو ده اونو آلدي؛ و بلجه يدّئسي ده اوشاقلاري اولماييب اؤلدولر.
هاميسيندان سونرا آرواد دا اؤلدو.
بونا گؤره اؤلولر دئرئلنده آرواد اونلاردان هانسينين آروادي اولاجاق؟ چونکي او، يدّئسئنئن ده آروادي اولوب."
عئسا جاوابيندا اونلارا ددي: "بو عالمئن ائنسانلاري آرواد آليرلار، اَره گدئرلر؛
لاکئن گلهجک عالمه يتئشمه‌يه و اؤلولردن دئرئلمه‌يه لايئق ساييلانلار نه اِوله‌نَرلَر، نه ده اَره گِدَرلر.
آرتيق اؤله ده بئلمزلر، چونکي ملکلر کئمي‌دئرلر و قئيامت اوغوللاري اولدوقلاريندان، اونلار تارينين اوغوللاري‌ديرلار.
آمّا اؤلولرئن دئرئلدئيئني موسا دا آلوولانان بوتا حاقّينداکي روايتده گؤرسه‌دئر، او زامان کي، ربّي ائبراهئمئن تاريسي، ائسحاقين تاريسي، و يعقوبون تاريسي چاغيرير.
تاري اؤلولرئن تاريسي يوخ، دئرئلرئن تاريسيدير. چونکي اونون يانيندا هامي دئری‌دئر."
دئن عالئملرئنئن بعضئسي ددئلر: "اوستاد! گؤزل ددئن."
و داها اوندان بئر شي سوروشماغا جورعت اتمه‌دئلر.
لاکئن عئسا اونلارا ددي: "نجه ديئرلر کي، مسئح داوودون اوغلودور؟
حال بو کي، داوود اؤزو، مزمورلار کئتابيندا بله ديئر: رب منئم ربّئمه ددي: صاغيمدا اوتور،
او زاماناجاق کي، من دوشمنلرئني آياقلارينين آلتينا قويوم.
داوود اونو رب چاغيرديغينا گؤره، او، نجه داوودون اوغلو اولور؟!"
بوتون خالق بو سؤزلره قولاق آسان واخت، عئسا اؤز شاگئردلرئنه ددي:
"او دئن عالئملرئندن اؤزونوزو گؤزلهيئن کي، اوزون پالتارلاردا گزمه‌يي، ميدانلاردا سالام آلماغي، کنئسهلرده باش کورسولري و ضئيافتلرده يوخاري يرلرده اوتورماغي سوئرلر.
اونلار دول آروادلارين اِولرئني اودورلار و رئياکارليقلا اوزون-اوزون دوعالار ادئرلر. بو آداملارين جزاسي داها دا آغير اولاجاق."
عئسا يوخاري باخيب، وارلي آداملاري گؤردو کي، ائعانه قوتوسونا هدئيهلرئني آتيرديلار.
و کاسيب بئر دول آروادي دا گؤردو کي، اورايا ائکي قارا پول قويور.
و ددي: "دوغروسونو سئزه ديئرم؛ بو يوخسول دول آرواد هاميدان چوخ پول آتدي.
چونکي اونلارين هاميسي اؤز وارلارينين آرتيقليغيندان هدئيّه وردئلر، لاکئن بو آرواد کاسيبليغينا باخماييب، کچئنمک اوچون الئنده نه وار ائدي، وردي."
بعضي آداملار معبدئن گؤزل داشلاريندان و هدئيّهلرله بزنمئش اولدوغوندان سؤز ادن واخت، عئسا ددي:
"اِله گونلر گلهجک کي، بورادا گؤردويونوز شيلردن داش، داش اوسته قالماياجاق، هر شي محو اولاجاق."
اونلار اوندان سوروشدولار: "اوستاد! بو ددئکلرئن نه زامان اولاجاق؟ و بو شيلرئن باش ورمه‌سي واختينين علامتي نه‌دئر؟"
عئسا ددي: "دئقّتلي اولون کي، سئزي آلداتماسينلار. چونکي بئر چوخلاري منئم آديملا گلئب دئيهجکلر «منم» و «واخت ياخيندير.» اونلارين دالينجا گتمه‌يئن.
موحارئبهلر و ائغتئشاش بارهده اشئتدئيئنئز زامان اوره‌يئنئز اوزولمه‌سئن. چونکي بونلارين قاباقجا باش ورمه‌سي گرکدئر، آنجاق آخير تزلئکله گلمز."
سونرا اونلارا ددي: "خالق خالقين، دؤولت دؤولتئن ضئدّئنه قالخاجاق؛
گوجلو زلزلهلر، موختلئف يرلرده قيتليقلار و بلالار، دهشتلي حادئثهلر و گؤيدن بؤيوک علامتلر اولاجاق.
آمّا بونلارين هاميسيندان قاباق، منئم آديما گؤره سئزه ال آتاجاقلار، سئزي توتوب عذاب ورهجکلر، کنئسهلره و زئندانلارا تسلئم ادهجکلر، پادشاهلار و والئلر قاباغينا آپاراجاقلار.
و بو، سئزه شهادت اوچون بئر فورصت اولاجاق.
بونا گؤره اوره‌يئنئزده بونا قرار ورئن کي، نجه جاواب ورمه‌يئنئز اوچون قاباقجادان فئکئرلي اولماياسينيز.
چونکي من اؤزوم سئزه اله بئر نئطق و حئکمت ورهجهيم کي، سئزه ضئدّ دورانلارين هچ بئري نه اونا ائراد توتا بئلسئنلر، نه ده اونا ضئدّ دورا بئلسئنلر.
حتّا والئدينلرئنئز، قارداشلارينيز، قوحوملارينيز، و دوستلارينيز طرفئندن تسلئم اولوناجاقسينيز و سئزلردن بعضئسئني اؤلدوردهجکلر.
و منئم آديما گؤره هامي سئزدن نئفرت ادهجک.
لاکئن باشينيزدان بئر توک بله دوشميهجک.
دؤزوب دايانماقلا جانينيزي خئلاص ادهجکسئنئز.
قوشونلارين اورشلئمي موحاصئره اتدئيئني گؤرن زامان بئلئن کي، اونون وئرانليغينين واختي ياخينلاشيبدير.
او واخت، يهودئيهده اولانلار داغلارا قاچسينلار؛ شهرده اولانلار اورادان چيخسينلار و اطرافدا اولانلار اورايا گئرمه‌سئنلر.
چونکي بو گونلر قئصاص گونلري‌دئر کي، بوتون يازيلار يرئنه يتئشسئن.
واي او گونلرده بويلو اولانلارين و اوشاق اَمئزدئرن آروادلارين حالينا! چونکي بو اؤلکهده بؤيوک فلاکت و بو خالقين ضئدّئنه قضب اولاجاقدير.
قيلينج آغزينا دوشهجکلر، بوتون خالقلار آراسينا اسئر آپاريلاجاقلار و قيرييهودئلرئن واختي تامام اولانا کئمي، اورشلئم قيري‌يهودئلر طرفئندن پايمال اولاجاقدير.
گونشده، آيدا، و اولدوزلاردا علامتلر اولاجاقدير، ير اوزونده مئلّتلر دهنزئن و شپهلرئن گورولتوسوندن ائضطئراب ائچئنده اولاجاقلار.
ائنسانلار قورخودان و دونيانين باشينا گلنلري گؤزلمکدن هوشدان گدهجکلر. چونکي گؤيلرئن قودرتي اسهجک.
او زامان اونلار ائنسان اوغلونون بولودلار ائچئنده قودرت و بؤيوک عئزّتله گلدئيئني گؤرهجکلر.
بو ائشلر يرئنه يتئشمه‌يه باشلايان واخت، يوخاري باخين و باشينيزي قالديرين چونکي خئلاصينيز ياخيندير."
و اونلارا بئر مثل چکدي: "انجئره و بوتون آغاجلارا باخين.
يارپاق آچاندا بونو گؤرورسونوز و اؤزونوزدن بئلئرسئنئز کي، ياي آرتيق ياخيندير.
الجه ده، سئز بو شيلرئن باش وردئيئني گؤرنده، بئلئن کي، تارينين پادشاهليغي ياخيندير.
دوغروسونو سئزه ديئرم؛ بو شيلرئن هاميسي واقع اولمايينجا بو نسئل کچئب گتميهجکدئر.
گؤي و ير کچئب گدهجک، لاکئن منئم سؤزلرئم اصلا کچئب گتميهجکدئر.
دئقّتلي اولون کي، اوره‌يئنئز قارينقولولوق و کفلئلئکله، بو حياتين اوموراتي ائله آغيرلاشماسين و او گون، سئزه تله کئمي قفلتن گلمه‌سئن.
چونکي او گون، ير اوزونده ياشايانلارين هاميسينين اوستونه گلهجکدئر.
بونا گؤره ده همئشه آييق اولون و دوعا ادئن کي، بوتون باش ورهجک بو شيلردن خئلاص اولماغا و ائنسان اوغلونون حوضورونا چيخماغا قودرتئنئز اولسون."
عئسا گوندوزلر معبدده تعلئم ورئردي، لاکئن گجهلري اورادان چيخيب زيتون داغيندا کچئردئردي.
و بوتون خالق سحر تزدن اونون سؤزلرئني اشئتمک اوچون اونون يانينا، معبده گلئردئلر.
پاسخا ديئلن فطئر بايرامي ياخينلاشيردي.
باش کاهئنلر و دئن عالئملري عئساني اؤلدورمک اوچون بئر يول آختاريرديلار، چونکي خالقدان قورخوردولار.
او زامان شيطان ائسکاريوتلو آدلانان يهودانين اوره‌يئنه گئردي کي، او اونائکئلردن بئري ائدي.
و او گدئب باش کاهئنلر و معبدئن موحافئظلرئنئن ريئسي ائله دانيشدي کي، عئساني اونلارا نجه تسلئم اتسئن.
اونلار سوئندئلر و اونا پول ورمه‌يه راضي اولدولار؛
او دا سؤز وردي و بئر فورصت آختاريردي کي، جاماعات اولماديغي بئر يرده عئساني اونلارا تسلئم اتسئن.
فطئر گونو گلدي کي، اوندا پاسخا قوزوسونو قوربان اتمک واجئب ائدي.
عئسا، پطروس و يوحنّاني گؤنده‌رئب ددي: "گدئن، يمک اوچون بئزه پاسخا يمه‌يئني حاضيرلايين."
اونلار اونا ددئلر: "هارادا ائستهيئرسن حاضيرليق گؤرک؟"
عئسا اونلارا ددي: "باخين، شهره گئردئيئنئز زامان سهنگله سو داشييان بئر کئشي سئزه راست گلهجک. اونون دالينجا گدئن و او گئرن اِوه گئرئن.
و او اِوئن صاحئبئنه ديئن: «اوستاد سندن سوروشور: قوناق اوتاغي هارادادير کي، شاگئردلرئمله بئر يرده پاسخا يمه‌يئني ييئم؟»
او سئزه بالاخانادا دؤشَنمئش بؤيوک بئر اوتاق گؤرسدهجک. اورادا حاضيرليق گؤرون."
شاگئردلر گدئب هر شيي عئسانين اونلارا ددئيي کئمي تاپديلار و پاسخاني حاضيرلاديلار.
واخت يتئشنده عئسا اونائکي حوارئسي ائله بئر يرده سوفرهيه اوتوردو.
و اونلارا ددي: "چوخ آرزولاميشديم کي، عذاب چکمهدن قاباق بو پاسخا يمه‌يئني سئزئنله بئرلئکده ييئم.
چونکي سئزه ديئرم؛ تارينين پادشاهليغيندا پاسخا تکمئلئنه يتئشمه‌يئنجه، من بئر داها اونو يميهجه‌يم."
سونرا بئر پئياله گؤتوروب شوکور اتدي و ددي: "بونو گؤتورون و آرانيزدا بؤلوشدورون.
چونکي سئزه ديئرم؛ تارينين پادشاهليغي گلمه‌يئنجه، اوزومون محصولوندان ائچميهجه‌يم."
سونرا چؤره‌يي گؤتوردو و شوکور ادئب پارچالادي و اونلارا ورئب ددي: "بو منئم بدنئمدئر کي، سئزئن اوچون فدا اولور. مني خاطيرلاماق اوچون بونو يرئنه يتئرئن."
اله‌جه ده، آخشام يمه‌يئندن سونرا، پئيالهني گؤتوروب ددي: "بو پئياله قانيمدا اولان جدئد عهددئر کي، سئزدن اؤتري تؤکولور.
آمّا باخين، منه خيانت ادهنئن اَلي منئم اَلئمله بئرلئکده سوفرهدهدئر.
ائنسان اوغلو دوغرودان دا قاباقجادان موعيّن اولموش يولدان گدئر. لاکئن واي او آدامين حالينا کي، ائنسان اوغلو اونون واسئطهسئله تسلئم اولونور."
شاگئردلر بئربئرئندن سوروشماغا باشلاديلار کي، اونلاردان کئم بو ائشي گؤره بئلر.
اونلارين آراسيندا بئر موباحئثه دوشدو کي، اونلاردان کئم لاپ بؤيوک ساييلمالي‌دير.
لاکئن عئسا اونلارا ددي: "مئلّتلرئن پادشاهلاري اونلارين اوستونه حؤکم سورورلر و بو حؤکمدارليق ادنلره نعمت صاحئبي ديئلئر.
آمّا سئز گرک بله اولماياسينيز. آرانيزدا لاپ بؤيوک اولان، لاپ کئچئک کئمي اولسون و ريئسلئک ادن، خئدمتکار کئمي اولسون.
کئم داها بؤيوکدور: سوفرهده اوتوران، يوخسا خئدمت ادن؟ مگر سوفرهده اوتوران ديئل؟! لاکئن من سئزئن آرانيزدا خئدمتکار کئمي‌يَم.
و سئز او آداملارسينيز کي، کچئرتدئيئم ائمتاحانلاردا منئمله داياندينيز.
نجه کي، آتام منه بئر پادشاهليق ورئب، من ده سئزه بئر پادشاهليق ورئرم.
اِله کي، منئم پادشاهليغيمدا سوفرمده ييئب ائچهسئنئز و تختلرده اوتوروب، ائسرايئلئن اونائکي قبئلهسئنه حؤکم اِدهسئنئز.
شمعون، شمعون! شيطان طلب اتمئشدي کي، بوغدا کئمي سئزي خَلبئرله‌سئن.
آمّا من سنئن اوچون دوعا اِتمئشم کي، ائمانين آزالماسين؛ تکرار دؤندويون زامان، سن ده اؤز قارداشلارينا قووّت ور."
شمعون عئسايا ددي: "يارب! سنئنله زئندانا دا، اؤلومه ده گتمه‌يه حاضيرام."
لاکئن عئسا اونا ددي: "پطروس، سنه ديئرم کي، بو گون خوروز بانلاماميش، سن مني تانيديغيني اوچ دفه ائنکار ادهجکسن."
و اونلارا ددي: "او زامان کي، سئزي کئسهسئز، تورباسيز، و آياق قابيسيز گؤنده‌ردئم، آيا بئر اَسکئيئنئز اولدو؟" شاگئردلر جاواب وردئلر: "هچ بئر شيئمئز."
او زامان عئسا اونلارا ددي: "آمّا ائندي کئسهسي اولان اونو گؤتورسون، توربا دا گؤتورسون. قيلينجي اولمايان دا پالتاريني ساتيب قيلينج آلسين.
چونکي سئزه ديئرم: بو يازيلميش اولان سؤز کي، ديئر «او، گوناهکارلارلا بئر ساييلدي»، گَرَک منئم طرفئمدن ائجرا اولسون. چونکي منئم بارَمده ديئلن سؤز عنقرئب يرئنه يتئشهجک."
اونلار ددئلر: "يارب! باخ، بورادا ائکي قيلينج وار." عئسا دا اونلارا ددي: "کئفايتدئر."
عئسا چيخيب عادتئنه گؤره زيتون داغينا گتدي و شاگئردلري ده اونون دالينجا گتدئلر.
او يره چاتان زامان، عئسا اونلارا ددي: "دوعا ادئن کي، ائمتاحانا دوشميهسئنئز."
و اؤزو بئر داش آتيمي قدر اوزاقلاشدي و دئز چؤکوب دوعا اتدي:
"اي آتا، اگر راضيسان، بو پئيالهني مندن اوزاقلاشدير، آمّا گئنه ده منئم ائسته‌دئيئم يوخ، سنئن ائسته‌دئيئن اولسون."
گؤيدن بئر ملک عئسايا گؤرونوب، اونا قووّت وردي.
شئدّتلي ائضطئراب ائچئنده عئسا داها چوخ دوعا اتدي، اِله کي، تري قان دامجيلاري کئمي يره تؤکولوردو.
دوعادان قالخيب شاگئردلرئن يانينا گلدي، و اونلاري قوصّهدن ياتميش تاپدي.
و اونلارا ددي: "نه اوچون ياتيرسينيز؟ قالخين و دوعا ادئن کي، ائمتاحانا دوشميهسئنئز."
عئسا حله دانيشيردي کي، بئر جاماعات گلدي. اونلارين قاباغيندا اونائکئلردن يهودا آدلانان بئري گلئردي. يهودا، عئساني اؤپمک اوچون ياخينلاشدي.
عئسا اونا ددي: "يهودا، ائنسان اوغلونو اؤپوشله تسلئم ادئرسن؟!"
عئسانين يانينداکيلار نه اولاجاغي آنلايان زامان اونا ددئلر: "يارب، قيلينجلا ووراق؟"
و اونلاردان بئري باش کاهئنئن قولونو ووروب، صاغ قولاغيني کسدي.
لاکئن عئسا ددي: "بوراخين، بسدئر." و قولون قولاغينا ال قويوب، اونو صاغالتدي.
سونرا طرفئنه گلن باش کاهئنلره، معبدئن موحافئظلرئنئن ريئسئنه، و آغساقّاللارا ددي: "قولدور اوستونه چيخان کئمي قيلينجلار و دينکلرله اوستومه گلئبسئنئز؟
هر گون معبدده سئزئنله بئر يرده ائدئم، منه ال اوزاتمادينيز. لاکئن ائندي سئزئن واختينيزدير، و ظولمتئن ائقتئدارينين زاماني‌دير."
عئساني توتوب آپارديلار و باش کاهئنئن اِوئنه گتئردئلر. پطروس اوزاقدان اونلارين دالينجا گدئردي.
اونلار حيطئن اورتاسيندا اود يانديريب يانيندا بئرلئکده اوتوران زامان، پطروس دا اونلارين آراسيندا اوتوردو.
کنئزلردن بئري اونو اود ائشيغيندا اوتورموش گؤردو. دئقّتله اونا باخيب ددي: "بو آدام دا عئسا ائله ائدي."
لاکئن پطروس ائنکار ادئب ددي: "من اونو تانيميرام، آي آرواد."
بئر آز سونرا اؤزگه بئري اونو گؤروب ددي: "سن ده اونلاردانسان." آمّا پطروس ددي: "ديئلم، آي کئشي."
تقرئبن بئر ساعات کچمئشدي کي، اؤزگه بئرئسي تأکئدله ددي: "دوغرودان بو آدام دا اونونلا ائدي. چونکي او دا جلئل اهلئدئر."
لاکئن پطروس ددي: "آي کئشي، نه ددئيئني آنلاميرام." و اله او آندا، او حله دانيشيردي کي، خوروز بانلادي.
رب دؤنوب پطروسا باخدي و پطروس ربّئن اونا ددئيي سؤزو خاطيرلادي کي، "بو گون خوروز بانلاماميش، سن اوچ دفه مني ائنکار ادهجکسن."
و اورادان چيخيب آجي-آجي آغلادي.
عئساني توتوب ساخلايان آداملار اونا رئشخند ادئب اونو دؤيوردولر.
اونون گؤزلرئني باغلاديلار و اوندان سوروشوردولار: "نبئلئک ات، ده گؤرک سني کئم ووردو؟"
و اونون ضئدّئنه بئر چوخ کوفرلر ده دانيشيرديلار.
سحر آچيلاندا خالقين آغساقّاللاري، باش کاهئنلر و دئن عالئملري بئر يره ييغيليب، مجلئس قوردولار و عئساني اونلارين حوضورونا آپارديلار.
اونلار ددئلر: "اگر مسئحسن، بئزه ده." عئسا جاواب وردي: "اگر سئزه دسم، ائنانماياجاقسينيز.
و اگر سئزدن سوروشام، منه جاواب ورمه‌يهجکسئنئز.
لاکئن بوندان سونرا ائنسان اوغلو قادئر تارينين صاغيندا اوتوراجاق."
او زامان اونلارين هاميسي ددئلر: "دمه‌لي، سن تارينين اوغلوسان؟" عئسا اونلارا جاواب وردي: "بلي، منم."
و اونلار ددئلر: "داها شهادته نه احتئياجيميز وار؟ چونکي اؤزوموز اونون آغزيندان اشئتدئک."
شورانين هاميسي آياغا دوروب عئساني پئلاطين يانينا آپارديلار.
و اوندان شئکايت اتمه‌يه باشلاييب ددئلر: "بئز بو آدامي خالقي يولدان آزديرماقدا تقصئرلي تاپديق. قيصره باج ورمه‌يه مانع اولور و ديئر کي، او اؤزو ده پادشاه اولان مسئحدئر."
پئلاط عئسادان سوروشدو: "آيا سن يهودئلرئن پادشاهيسان؟" عئسا جاوابيندا اونا ددي: "ددئيئن کئميدئر."
او زامان پئلاط باش کاهئنلر و جاماعاتا ددي: "من بو آدامدا هچ تقصئر تاپميرام."
لاکئن اونلار تأکئدله ددئلر: "بو آدام جلئلدن توتموش بو يره قدر، بوتون يهودئيهده تعلئم ورئب خالقي تحرئک ادئر."
پئلاط جلئل آديني اشئدنده سوروشدو: "مگر بو آدام جلئلليدئر؟!"
و اونون هئرودون حؤکمرانليق اتدئيي يردن اولدوغونو بئلن واخت، عئساني هئرودون يانينا گؤنده‌ردي. چونکي او گونلرده هئرود دا اورشلئمده ائدي.
هئرود عئساني گؤرن زامان چوخ سوئندي. اونون اوچون کي، چوخدان اونو گؤرمک ائسته‌يئردي؛ اونون حاقّيندا چوخ شيلر اشئتمئشدي و اوندان بئر مؤجوزه گؤرمک آرزوسوندا ائدي.
هئرود عئسادان چوخ سوآللار سوروشدو، لاکئن عئسا اونا هچ بئر جاواب ورمه‌دي.
آمّا باش کاهئنلر و دئن عالئملري دوروب اوندان شئدّتله شئکايت اتدئلر.
سونرا هئرود و عسگرلري عئساني اله ساليب تحقئر اتدئلر. اَينئنه گؤزل بئر شئنل گيدئرئب، پئلاطين يانينا گري گؤنده‌ردئلر.
پئلاطلا هئرود او گون بئربئرلري ائله دوست اولدولار. بوندان قاباق آرالاريندا دوشمنچئلئک وار ائدي.
او زامان پئلاط، باش کاهئنلري، ريئسلري و جاماعاتي بئر يره چاغيريب،
اونلارا ددي: "سئز بو آدامي يانيما گتئردئنئز کي، خالقي يولدان آزديرير. باخين، سئزئن حوضورونوزدا تفتئش اتدئم و بو آدامي شئکايت اتدئيئنئز مطلبلرئن هچ بئرئنده تقصئرلي تاپماديم.
هئرود دا بئر شي تاپمادي؛ چونکي بئزه گري گؤنده‌رئب. نجه کي، گؤرورسونوز، او، اؤلومه لايئق هچ بئر شي اتمهيئب.
بونا گؤره ده من اونو جزالانديريب آزاد ادهجهيم."
پئلاط بايرام آدينا اونلار اوچون بئر زئنداني آزاد اتمه‌لي ائدي.
لاکئن اونلارين هاميسي بئرلئکده چيغيريب ددئلر: "محو ات بو آدامي! بئزه باراباسي آزاد ات."
باراباس شهرده باش ورن بئر عوصيان اوچون و قتل اوسته زئندانا آتيلميشدي.
پئلاط عئساني آزاد اتمک نئيّتئله گئنه اونلارا دانيشدي.
آمّا اونلار چيغيريب ددئلر: "اونو چارميخا چک. چارميخا چک."
پئلاط اوچونجو دفه اونلارا ددي: "نئيه، نه پئسلئک ادئب؟ من اوندا اؤلومه لايئق بئر شي تاپماديم؛ بونا گؤره ده اونو جزالانديريب آزاد ادهجهيم."
آمّا اونلار ائصرار ادئب اوجا سَسله طلب اتدئلر کي، عئسا چارميخا چکئلسئن؛ آخيردا اونلارين سَسي قالئب گلدي.
و پئلاط حؤکم اتدي کي، اونلارين ائسته‌دئکلرئني يرئنه يتئرسئنلر.
و او آدامي کي، عوصيان قالديريب قتل اتدئيي اوچون زئندانا سالينميشدي، اونلارين ائسته‌دئکلرئنه گؤره آزاد اتدي. لاکئن عئساني اونلارين ائختئيارينا تسلئم اتدي.
عسگرلر عئساني آپاراندا، زمئدن قاييدان کرِنِيلي شمعونو توتوب چارميخي اونون چئيئنئنه يوکله‌دئلر کي، عئسانين دالينجا آپارسين.
اونون آرخاسيندا بؤيوک بئر جاماعات گدئردي و بئر چوخلو آرواد دالينجا گدئب عئسا اوچون آغلاييب شئون ادئردئلر.
عئسا دؤنوب اونلارا ددي: "اي اورشلئم قيزلاري، منئم اوچون آغلامايين، آنجاق اؤزونوز و اوشاقلارينيز اوچون آغلايين.
چونکي باخين، اله گونلر گلئر کي، او زامان دئيهجکلر: «سونسوزلارين، دوغماميش بطنلرئن، و اَمئزدئرمهمئش دؤشلرئن خوش حالينا!»
او زامان داغلارا دئيهجکلر: «اوستوموزه ييخيلين.» و تپهلره دئيهجکلر: «بئزي اؤرتون.»
اونا گؤره کي، اگر ياش آغاجا بونلاري ادئرلر، بس قورو آغاجا نه اولاجاق؟!»
عئسا ائله ائکي جئنايتکار دا اعدام اوچون آپاريلدي.
"کلّه" ديئلن يره گلدئکلري زامان، اورادا اونو و جئنايتکارلاري چارميخا چکدئلر؛ بئرئني صاغ طرفئنده و او بئرئني ده سول طرفئنده.
عئسا ددي: "آتا! اونلاري باغيشلا، چونکي نه اتدئکلرئني بئلمئرلر." و اونون پالتارلارينا پوشک آتيب، آرالاريندا پايلاديلار.
خالق دوروب باخيردي. اونلارلا ريئسلر ده عئساني اله ساليب ديئردئلر: "اؤزگه آداملاري خئلاص اتدي. اگر او، تارينين سچدئيي مسئحدئر، قوي اؤزونو ده خئلاص اتسئن."
عسگرلر ده ياخينلاشيب اونو اَله ساليرديلار. اونا تورش شراب تقدئم ادئب ديئردئلر:
"اگر سن يهودئلرئن پادشاهيسان، اؤزونو خئلاص ات."
و اونون باشي اوستونده يوناني، لاتين، و عئبراني دئلئنده بئر يازي دا وار ائدي: "بو آدام يهودئلرئن پادشاهيدير."
آسيلميش اولان جئنايتکارلاردان بئري عئساني سؤيوب ددي: "اگر سن مسئحسن، هم اؤزونو هم ده بئزي خئلاص ات."
لاکئن او بئرئسي اونا آجيقلانيب ددي: "مگر تاريدان قورخمورسان، اؤزون ده او جزا آلتينداسان.
بئز اؤز عمللرئمئزه لايئق اولان جزاني آلميشيق؛ لاکئن او، هچ بئر گوناه اتمهيئب."
و عئسايا ددي: "عئسا، پادشاهليغينا گلن زامان مني يادا سال."
عئسا اونا جاواب وردي: "دوغروسونو سنه ديئرم؛ بو گون منئمله جنّتده اولاجاقسان."
ائندي گوندوز آلتينجي ساعاتا ياخين ائدي. و دوقّوزونجو ساعاتا قدر بوتون اؤلکهيه قارانليق دوشدو
گونش قارالدي. معبدئن پردهسي باشدان-باشا آرادان بؤلوندو.
عئسا اوجا سسله چاغيردي: "اي آتا! روحومو سنئن اللرئنه ورئرم." و بونو ديئب آخير نفسئني چکدي.
يوزباشي بو حادئثهني گؤردو و تارييا حمد و ثنا ادئب ددي: "دوغرودان دا بو آدام صالح ائدي."
تاماشايا ييغيلان بوتون خالق باش ورن حادئثهني گؤرن واخت سئنهلرئنه دؤيوب گري دؤندولر.
لاکئن اونو تانييانلارين هاميسي و اونونلا جلئلدن گلن آروادلار اوزاقدا دوروب بو شيلره باخيرديلار.
يوسئف آدلي خيئرخاه و صالح بئر آدام وار ائدي کي، سَنهِدرئنئن عوضوو ائدي.
او، سَنهِدرئنئن قرار و عمللرئنه راضي اولماميشدي. يهودئيهنئن آرئماتايا شهرئندن ائدي و تارينين پادشاهليغيني گؤزله‌يئردي.
بو آدام پئلاطين يانينا گدئب عئسانين جسدئني ائسته‌دي.
سونرا جسدي اِندئرئب کتان پارچايا بوکدو و اونو قايادا قازيلميش بئر مقبرهيه قويدو. هچ کئم او زامانا کئمي بو مقبرهيه قويولماميشدي.
او گون پاسخا اوچون حاضيرلاشماق گونو ائدي و سبّت گدئردي کي، باشلانسين.
عئسا ائله جلئلدن گلمئش آروادلار دا يوسئفئن دالينجا گدئب مقبرهنئن و اونون جسدئنئن نجه قويولدوغونو گؤردولر.
و قاييديب باحارات و عطئرلي ياغلار حاضيرلاديلار. لاکئن سبّت گونو تارينين امرئنه گؤره ائستئراحت اتدئلر.
آروادلار اله هفتهنئن ائلک گونو سحر چوخ ارکن، حاضيرلاديقلاري عطئرلري گؤتوروب مقبرهنئن يانينا گلدئلر.
مقبرهنئن آغزيني اؤرتن داشي دئيئرلَنمئش گؤردولر،
آمّا ائچه‌ري گئرن واخت، رب عئسانين جسدئني تاپماديلار
آروادلار بونا حيرتده ائکن، پارلاق پالتار گيئنمئش ائکي کئشي قفلتن اونلارين يانيندا داياندي.
آروادلار قورخو ائچئنده اوزلرئني يره توتاندا کئشئلر ددئلر: "نه اوچون سئز دئرئني اؤلولر آراسيندا آختاريرسينيز؟
او، بورادا ديئل؛ او دئرئلئب. داها جلئلده ائکن سئزه نه ددئيئني يادينيزا سالين.
دمئشدي کي، ائنسان اوغلو گرک گوناهکار ائنسانلارين اَلئنه ورئلئب چارميخا چکئلسئن و اوچونجو گون دئرئلسئن."
او زامان آروادلار عئسانين سؤزونو خاطيرلاديلار.
مقبرهدن قاييديب بوتون بونلاري "اون‌بئريلره" و قالانلارين هاميسينا خبر وردئلر.
حوارئلره بو زادلاري خبر ورن آروادلار بونلارديلار: مجدللي مريم، يوحانا، يعقوبون آناسي مريم، و اونلارلا اولان اؤزگه آروادلار.
لاکئن آروادلارين سؤزلري حوارئلره افسانه کئمي گؤروندو و اونلارا ائنانماديلار.
او زامان پطروس دوروب مقبرهيه طرف قاچدي و اَيئلئب باخدي: آنجاق کتان پارچا اورادا ائدي. و اؤز-اؤزونده بو حادئثهدن تعجّوب ادئب اوئنه گتدي.
اِله او گونده اونلاردان ائکئسي اِماعوس آدلي بئر کنده گدئردئلر. اماعوس اورشلئمدن ائکي آغاج اوزاق ائدي.
اونلار آرالاريندا باش ورمئش بوتون بو حادئثهلر بارهسئنده صؤحبت ادئردئلر.
صؤحبت اِدئب آرالاريندا موباحئثه ادرکن، عئسا اؤزو اونلارين يانينا گلدي و اونلارلا يرئمه‌يه باشلادي.
آمّا اونلارين گؤزلري توتولموشدو، اِله کي، اونو تانيماديلار.
عئسا اونلارا ددي: «يول گده-گده بئربئرئنئزله نه بارهده موباحئثه ادئرسئنئز و نه اوچون بله قملئسئنئز؟» اونلار دايانديلار و قملي گؤرونوردولر.
اونلارين بئري کي، آدي کِلوپا ائدي، عئسايا جاواب ورئب ددي: "آيا اورشلئمده بئرجه قرئب سنسن کي، بو گونلرده اورادا باش ورن شيلردن بئخبرسن؟"
عئسا اونلارا ددي: "هانسي شيلردن؟" اونا ددئلر: "ناصئرهلي عئسانين باشينا گلن شيلردن. او، تاري و بوتون خالقين حوضوروندا هم عملده و هم سؤزده قودرتلي بئر پيغمبر ائدي.
و نجه باش کاهئنلر و ريئسلرئمئز اؤلوم جزاسينا محکوم اولماق اوچون اونو تسلئم ادئب چارميخا چکدئلر.
لاکئن بئز اومئد ادئردئک کي، ائسرايئلي خئلاص ادن آدام بو اولاجاق. بوندان علاوه، بو شيلرئن باش وردئيي واختدان آرتيق اوچ گون کچئب.
اوستهلئک، بئزئم آروادلاردان بعضئسي ده بئزي حيرته سالدي؛ اونلار سحر ارکن مقبرهنئن يانينا گتدئلر و
اونون جسدئني اورادا تاپا بئلمه‌دئکلري زامان، گلئب خبر وردئلر کي، اونون دئري اولدوغونو بيان ادن ملکلري ده گؤروبلر.
و بئزلردن بعضئلري مقبرهيه گدئب آروادلارين ددئکلري کئمي تاپيبلار، آمّا اونو گؤرمه‌يئبلر."
عئسا اونلارا ددي: "اي عاغيلسيزلار! پيغمبرلرئن بوتون ددئکلرئنه ائنانماقدا آغير اولانلار!
مگر گرک ديئلدي کی، مسئح بو عذابلاري چکئب اؤز شؤوکتئنه گئرسئن؟"
و موسانين و بوتون پيغمبرلرئن يازيلاريندان باشلاييب موقدّس يازيلاردا اؤزو حاقيندا اولان هامي مطلبلري اونلارا تشرئح اتدي.
گتدئکلري کنده ياخينلاشديقلاري زامان عئسا اؤزونو اِله گؤرستدي کي، گويا داها اوزاق يره گتمک ائستهيئر.
لاکئن اونلار ائصرارلا عئسادان خاهئش ادئب ددئلر: "بئزئمله قال، چونکي آخشام دوشور و گون باتماقدادير." و عئسا ائچه‌ري گئرئب اونلارلا قالدي.
اونلارلا سوفره باشيندا اوتوراندا چؤره‌يي گؤتوروب شوکور اتدي و پارچالاييب اونلارا وردي.
او زامان اونلارين گؤزلري آچيلدي و اونو تانيديلار؛ آمّا او، اونلارين گؤزوندن قيب اولدو.
اونلار بئربئرلرئنه ددئلر: "او، يولدا بئزئمله دانيشان واخت و موقدّس يازيلاري بئزه تشرئح ادن واخت مگر اوره‌يئمئز آليشيب يانميردي؟!"
و اله او ساعات دوروب اورشلئمه قاييتديلار و اونبئر حوارئني و اونلارلا اولانلاري بئر يرده تاپديلار کي،
ديئردئلر: "رب حقئقتن دئرئلئب و شمعونا گؤرونوب."
بونلار دا يولدا باش ورنلري و چؤره‌يي پارچالايان زامان اونو نجه تانيديقلاريني نقل اتدئلر.
اونلار حله بو بارهده دانيشيرديلار کي، عئسا اؤزو اونلارين آراسيندا داياندي و اونلارا ددي: "سئزه سالام اولسون."
آمّا اونلار قورخوب وحشت اِتدئلر و اِله گومان آپارديلار کي، روح گؤرورلر.
لاکئن عئسا اونلارا ددي: "نه اوچون وحشت ادئرسئنئز؟ نه اوچون اورکلرئنئزه بله شکلر دوشور؟
اللرئمي و آياقلاريمي گؤرون؛ بو، من اؤزومم. مني لمس ادئب گؤرون؛ روحون، منده اولدوغونو گؤردويونوز کئمي، اتي و سومويو اولماز."
و بونو ديئب اونلارا اللرئني و آياقلاريني گؤرستدي.
اونلار حله شادليقدان ائنانماييب حيرتده اولان واخت عئسا اونلارا ددي: "آيا بورادا يمه‌لي بئر شيئنئز وار؟"
اونا بئر تئکه پئشمئش باليق وردئلر.
او دا گؤتوروب اونلارين قاباغيندا يدي.
عئسا اونلارا ددي: "سئزئنله اولان زامان سئزه بو شيلري دمئشدئم؛ موسانين شرئعتئنده، پيغمبرلرئن يازيلاريندا، و مزمورلاردا منئم حاقّيمدا يازيلميش بوتون شيلرئن هاميسي گرک يرئنه يتئشسئن."
او زامان اونلارين ذهئنلرئني آچدي کي، موقدّس يازيلاري درک اتسئنلر.
و اونلارا ددي: "بله يازيليب کي، مسئح گرک بو جور عذاب چکسئن و اوچونجو گون اؤلولردن دئرئلسئن.
و اورشلئمدن باشلاييب گوناهلارين باغيشلانماسي اوچون اونون آديندا تؤوبه بوتون مئلّتلره وعظ اولونسون.
و سئز بو شيلرئن شاهئدئسئنئز.
باخين، آتامين وعده وردئيئني سئزه گؤنده‌رئرم. آمّا سئز گؤيدن گلن قووّتله دولونجايا قدر اورشلئم شهرئنده قالين."
عئسا اونلاري شهردن چيخارديب بيت‌عنيايا کئمي آپاردي و اللرئني قالديريب اونلارا برکت وردي.
اونلارا برکت ورنده اونلاردان آيريليب گؤيه قالخماغا باشلادي.
اونلار دا اونا سجده اتدئلر و بؤيوک بئر شادليقلا اورشلئمه قاييتديلار.
و دائم تارييا حمد و شوکور ادئب واختلاريني معبدده کچئردئردئلر.
باشلانيشدا کلمه وار ائدي، کلمه تارينين يانيندا ائدي، و کلمه تاري ائدي.
او، باشلانيشدا تارينين يانيندا ائدي.
هر شي اونون واسئطهسئله ياراندي و اولموش اولانلاردان هچ بئري اونسوز اولمادي.
اوندا حيات وار ائدي و او حيات ائنسانلارا نور ائدي.
او نور قارانليقدا پارلايير. آمّا قارانليق اونا ظفر تاپماييب.
تاري طرفئندن گؤنده‌رئلمئش بئر کئشي وار ائدي، آدي يحيا.
او، شاهئد ائدي و نور حاقّيندا شهادت ورمک اوچون گلدي کي، اونون واسئطهسئله بوتون ائنسانلار ائمان گتئرسئنلر.
او اؤزو، او نور ديئلدي. او آنجاق اونون اوچون گلدي کي، او نور حاقّيندا شهادت ورسئن.
او حقئقي نور ائدي کي، دونيايا گلئب بوتون ائنسانلاري ائشيقلانديرير.
او، دونيادا ائدي و دونيا اونون واسئطهسئله ياراندي، آمّا دونيا اونو تانيمادي.
اؤزونونکولرئن يانينا گلدي، آمّا اؤزونونکولر ده اونو قبول اتمه‌دئلر.
لاکئن اونو قبول ادنلرئن هاميسينا، اونون آدينا ائمان گتئرنلره بو حاقّي وردي کي، تارينين اؤولادلاري اولسونلار.
قاندان دوغولموش اؤولادلار يوخ، نفسئن ائسته‌دئيئندن دوغولموش اؤولادلار يوخ، ائنسانين ائرادهسئندن دوغولموش اؤولادلار يوخ، اونلار تاريدان دوغولدولار.
و کلمه ائنسان اولوب آراميزدا ساکئن اولدو و بئز اونون جلاليني گؤردوک، آتانين يگانه اوغلونون جلاليني. او، فيض و حقئقتله دولو ائدي.
يحيا اونون حاقّيندا شهادت ورئر. و نئدا ادئب: "بودور او ددئيئم آدام، مندن سونرا گلن آدام کي، مندن موقدّمدئر. چونکي من اولماميشدان، او وار ائدي."
اونون دولولوغوندان هاميميز فيض اوستونه فيض آلديق.
شرئعت موسانين واسئطهسئله ورئلمئشدي. فيض و حقئقت عئسا مسئحئن واسئطهسئله اولدو.
کئمسه تاريني هچ بئر زامان گؤرمه‌يئب. آتانين قوجاغيندا اولان يگانه اوغول اونو تانيتدي.
و بودور يحيانين شهادتي، او زامان کي، يهودئلر اورشلئمدن کاهئنلرله لاوئلي‌لري اونون يانينا گؤنده‌ردئلر کي، اوندان سوروشسونلار: "سن کئمسن؟"
يحيا آچيقجا ائقرار اتدي. او ائقرار اتدي کي، "من مسئح ديئلم."
اونلار سوروشدولار: "بس کئمسن؟ ائليا؟" ددي: "ديئلم." "-آيا او پيغمبرسن؟" جاواب وردي: "ديئلم."
اوندان سوروشدولار: "بس کئمسن؟ اؤز حاقّيندا نه ديئرسن کي، بئزي گؤنده‌رنلره جاواب آپاراق؟"
يحيا جاواب وردي: "نجه اشعيا پيغمبر ديئب، من چؤلده جار چکن بئرئنئن سسئيم کي، ديئر؛ «ربّئن يولونو دوز ادئن.»"
اونلار فرئسئلر طرفئندن گؤنده‌رئلمئشدئلر.
و اوندان سوروشوب ددئلر: "اگر نه مسئحسن، نه ائليا‌سان، نه ده او پيغمبرسن، بس نه اوچون تعمئد ورئرسن؟"
يحيا جاواب ورئب ددي: "من سو ائله تعمئد ورئرم، آمّا آرانيزدا بئري دورور کي، اونو تانيميرسينيز.
او، مندن سونرا گلن همن او آدامدير کي، اونون آياق قابيسينين باغيني دا آچماغا بله لايئق ديئلم."
بو احوالات اوردون چايينين او تاييندا، بيت‌عنيادا، يحيانين تعمئد وردئيي يرده باش وردي.
او گونون صاباحيندا، يحيا عئسانين اونون يانينا گلمه‌سئني گؤره‌نده ددي: "بودور تارينين قوزوسو! دونيانين گوناهيني اورتادان قالديران!
بودور او کي، اونون حاقّيندا دمئشدئم؛ مندن سونرا بئر آدام گلئر کي، مندن موقدّم اولوب. چونکي من اولماميشدان، او وار ائدي.
من اؤزوم ده اونو تانيميرديم، آمّا بونون اوچون گلئب سودا تعمئد ورمه‌يي باشلاديم کي، او اؤزونو ائسرايئله ظاهئر اتسئن."
و يحيا شهادت ورئب ددي: "موقدّس روحو گؤرموشم کي، گؤيدن گؤيرچئن شکلئنده اِنئر و اونون اوستونه قونور.
اونو تانيميرديم. آمّا سو ائله تعمئد ورمک اوچون مني گؤنده‌رن، منه دمئشدي؛ «کئمئن اوستونه روحون انئب قالديغيني گؤرهسن، موقدّس روحلا تعمئد ورن او اؤزودور.»
و من گؤروب شهادت ورمئشم؛ بودور تارينين اوغلو!"
او گونون صاباحي، يحيا گئنه شاگئردلرئنئن ائکئسي ائله دورموشدو.
و عئسا گزئرکن، يحيا اونو گؤروب ددي: "بودور تارينين قوزوسو!"
او ائکي شاگئرد اونون ددئيئني اشئدئب عئسانين دالينجا گتدئلر.
عئسا دؤنوب اونلارين اؤز دالينجا گلمکلرئنيگؤردو و ددي: "نه آختاريرسينيز؟" اونلار اونا ددئلر: «رابّي (يعني اوستاد)، هارادا منزئل ادئبسن؟"
عئسا اونلارا ددي: "گلئن، گؤررسئنئز." بلجه اونلار دا گلئب عئسانين هارادا منزئل اتدئيئني گؤردولر و او گون اونونلا قالديلار. گونون اونونجو ساعاتي ائدی.
او ائکي آدامدان بئري کي، يحيانين سؤزلرئني اشئدئب عئسانين دالينجا گتمئشدي، شمعون پطروسون قارداشي آندرياس ائدي.
بو، اوّل اؤز قارداشي شمعونو تاپيب اونا ددي: "بئز مسئحي تاپميشيق."
آندرياس شمعونو عئسانين يانينا گتئردي. عئسا اونا باخيب ددي: "سن يونا اوغلو شمعونسان. سن کئفا چاغيريلاجاقسان."
او گونون صاباحي عئسا ائسته‌دي کی، جلئله گتسئن. و فئلئپوسو تاپيب اونا ددي: "داليمجا گل."
فئلئپوس دا آندرياس و پطروسون شهري بيتصيدادان ائدي.
فئلئپوس نَته‌ناعئلي تاپيب اونا ددي: "بئز موسانين تؤوراتيندا يازيلديغي و پيغمبرلرئن اوندان سؤز اتدئيي آدامي تاپميشيق، يوسئف اوغلو ناصئرهلي عئساني."
نَته‌ناعئل اونا ددي: "مگر ناصئرهدن ده ياخشي بئر شي چيخار؟!" فئلئپوس اونا ددي: "گل، اؤزون گؤر!"
عئسا نَته‌ناعئلئن اونون يانينا گلمه‌سئني گؤرنده، اونون حاقّيندا ددي: "بودور ائچئنده حئيلهسي اولمايان حقئقي بئر ائسرايئللي!"
نَته‌ناعئل اونا ددي: "سن مني هارادان تاني‌ييرسان؟" عئسا اونا جاواب ورئب ددي: "فئلئپوس حله چاغيرماميش، سني انجئر آغاجينين آلتيندا اولاندا گؤردوم."
نَته‌ناعئل اونا ددي: "اوستاد، سن تارينين اوغلوسان! سن ائسرايئلئن پادشاهيسان!"
عئسا اونا جاواب ورئب ددي: "آيا او سببدن ائنانيرسان کي، سني انجئر آغاجينين آلتيندا گؤردويومو ددئم؟! بونلاردان داها بؤيوک شيلر گؤرهجکسن."
عئسا اونا ددي: "دوغروسونو سئزه ديئرم؛ گؤي اورتاسينين آچيلديغيني و ائنسان اوغلونون اوستونه تاري ملکلرئنئن قالخيب اندئکلرئني گؤرهجکسئنئز."
اوچونجو گون جلئلئن قانا کندئنده بئر توي وار ائدي و عئسانين آناسي دا اورادا ائدي.
عئسا دا شاگئردلري ائله بو تويا چاغيريلميشدي.
شرابين اسکئک گلدئيي زامان، عئسانين آناسي اونا ددي: "شرابلاري يوخدور."
عئسا آناسينا ددي: "منئمله ائشئن اولماسين آنا، منئم واختيم حله يتئشمه‌يئب."
آناسي خئدمت ادنلره ددي: "سئزه نه دسه، اونو ادئن."
يهودئلرئن طهارت عادتئنه گؤره، سو اوچون اورادا آلتي داش کوپ وار ائدي و هر بئرئسي ائکي يا دا اوچ اؤلچو سو توتوردو.
عئسا خئدمت ادنلره ددي: "کوپلري سو ائله دولدورون." و اونلار کوپلري آغيزلارينا قدر دولدوردولار.
عئسا اونلارا ددي: "ائندي اونلاردان چکئن و ضئيافت ريئسئنه آپارين." اونلار دا چکئب آپارديلار.
ضئيافت ريئسي بو شرابين هارادان گلدئيئني بئلمئردي، آنجاق سويو چکن خئدمتچئلر بئلئردئلر. شرابا دؤنموش سويو داديب، بَيي چاغيردي.
و اونا ددي: "هر کس اوّل ياخشي شرابي گتئرر و ائچئب کفلي اولاندان سونرا ياوا شرابي. سن بو لاپ ياخشي شرابي ائندئيه کئمي ساخلاييبسان!"
بو، عئسانين مؤجوزهلرئنئن باشلانيشي ائدي کي، جلئلئن قانا کندئنده ادئب بلجه جلاليني ظاهئر اتدي. و شاگئردلري اونا ائمان گتئردئلر.
اوندان سونرا، عئسا آناسي، قارداشلاري و شاگئردلری ائله بئرلئکده کفرناحوما گتدي. آمّا اورادا آنجاق بئر نچه گون قالدي.
يهودئلرئن پاسخا بايرامي ياخينلاشيردي. و عئسا اورشلئمه گلدي.
و معبدده اؤکوز، قويون، گؤيرچئن ساتانلار، و صرّافليغا اوتوران صرّافلاري گؤردو.
ائپلردن بئر قامچي دوزلدئب اونلارين هاميسيني، قويونلاري و اؤکوزلری ائله برابر معبددن قوودو. صرّافلارين پوللاريني دا داغيديب، مئزلرئني چوئردي.
و گؤيرچئن ساتانلارا ددي: "بونلاري بورادان گؤتورون. آتامين اوئني آليش-ورئش اِوئنه دؤندرمه‌يئن."
اونون شاگئردلري خاطيرلاديلار کي، يازيليب: "سنئن اوئن اوچون اولان قيرتئم مني يانديريب تؤکر."
يهودئلر اونا ددئلر: «نه مؤجوزه بئزه گؤرسدئرسن کي، بله ادئرسن؟»
عئسا جاواب ورئب اونلارا ددي: "بو معبدي ييخين. اوچ گونده اونو آياغا قالديرارام."
يهودئلر ددئلر: "بو معبدئن بئنا ادئلمه‌سي قيرخ‌آلتي ائل چکئب و سن اونو اوچ گونده قالديراجاقسان!"
حال بو کي، عئسا معبد دمکده اؤز بدنئندن دانيشيردي.
اؤلولردن دئرئلندن سونرا، شاگئردلري عئسانين بو ددئيئني خاطيرلاديلار و موقدّس کئتابا و عئسانين ددئيي سؤزلره ائمان گتئردئلر.
عئسا پاسخا بايراميندا اورشلئمده اولاندا، چوخ آداملار اونون اتدئيي مؤجوزهلري گؤروب اونا ائمان گتئردئلر.
آمّا عئسا اونلارا اعتئماد اتمئردي، چونکي بوتون ائنسانلاري تاني‌ييردي.
اونون ائنسان حاقّيندا هچ کسئن شهادتئنه احتئياجي يوخ ائدي. چونکي ائنسانين ائچئنده نه اولدوغونو بئلئردي.
فرئسئلردن نئقودئموس آدلي بئر يهود ريئسي وار ائدي.
بو آدام گجه عئسانين يانينا گلئب اونا ددي: "اوستاد، بئز بئلئرئک کي، سن تارينين طرفئندن گؤنده‌رئلمئش بئر موعلّئمسن. چونکي هچ کس سن اتدئيئن علامتلري گؤرسه‌ده بئلمز، مگر تاري اونونلا اولسون."
عئسا جاوابيندا اونا ددي: "دوغروسونو سنه ديئرم؛ کئمسه تزهدن دوغولمايينجا، تارينين پادشاهليغيني گؤرهبئلمز."
نئقودئموس اونا ددي: "بئر آدام قوجا ائکن نجه تزهدن دوغولا بئلر؟ مگر اولار کي، آناسينين قارنينا گئرئب ائکئنجي دفه دوغولسون؟!"
عئسا جاواب وردي: "دوغروسونو سنه ديئرم؛ کئمسه سودان و موقدّس روحدان دوغولمايينجا، تارينين پادشاهليغينا گئره بئلمز.
جئسمدن دوغولان، جئسمدئر. روحدان دوغولان، روحدور.
تعجّوب اتمه کي، ددئم؛ تزهدن دوغولماغينيز لازيمدير.
يل ائسته‌دئيي يرده اَسر. اونون سسئني اِشئده‌رسن، آمّا هارادان گلئب هارايا گتدئيئني بئلمزسن. روحدان دوغولموش آدام دا بلهدئر."
نئقودئموس جاواب ورئب اونا ددي: "بو شيلر نجه اولا بئلر؟"
عئسا جاواب ورئب اونا ددي: "سن ائسرايئلئن موعلّئمي اولان حالدا، بو شيلري بئلمئرسن؟!
دوغروسونو سنه ديئرم؛ بئز بئلدئيئمئزي ديئرئک، گؤردويوموزه شهادت ورئرئک و بئزئم شهادتئمئزي سئز قبول اتمئرسئنئز.
يره عاييد اولان شيلري سئزه ديئرم، ائنانميرسينيز. گؤيه عاييد اولان شيلردن دانيشسام، نجه ائناناجاقسينيز؟!
گؤيدن اِنمئش ائنسان اوغلوندان باشقا هچ کئم گؤيه چيخماييب
و نجه کي، موسا چؤلده ائلاني يوخاري قالديردي، ائنسان اوغلو دا بلجه يوخاري قالديريلمالي‌دير کي،
اونا ائمان گتئرن هر کس هلاک اولماييب، ابدي حياتي اولسون.
چونکي تاري دونياني اله سودي کي، اؤز يگانه اوغلونو فدا اتدي. اونا گؤره کي، اونا ائمان گتئرن هرکس هلاک اولماييب، ابدي حياتي اولسون.
چونکي تاري اوغلونو گؤنده‌رمه‌دي کي، دونياني موحاکئمه اتسئن. گؤنده‌ردي کي، دونيا اونون واسئطهسئله نئجات تاپسين.
اونا ائمان گتئرن آدام محکوم اولماز. اونا ائمان گتئرمه‌ين اله ائندئدن محکوم اولوب، چونکي تارينين يگانه اوغلونا ائمان گتئرمه‌يئب.
و حؤکم بودور؛ نور دونيايا گلدي، آمّا ائنسانلار قارانليغي نوردان داها آرتيق سودئلر، چونکي عمللري پئس ائدي.
چونکي پئس ائشلر گؤرن هر آدام نوردان نئفرت ادر و اونا ياخين گلمز، مبادا ائشلري آشکار اولسون.
آمّا حقئقتله ياشايان آدام نورا ياخين گلر کي، عمللرئنئن تاريدان ائطاعت ادهرک يرئنه يتئشدئيي آشکار اولسون."
بوندان سونرا عئسا و شاگئردلري يهودئيه دئيارينا گلدئلر و عئسا بئر مودّت اونلارلا اورادا قاليب تعمئد ورئردي.
يحيا دا سالئمئن ياخينليغيندا، عِينوندا تعمئد ورئردي. چونکي اورادا سو چوخ ائدي. و خالق گلئب اوندان تعمئد آليرديلار.
يحيا حله زئندانا سالينماميشدي.
طهارت حاقّيندا يحيانين شاگئردلري ائله بئر يهودي آراسيندا موباحئثه دوشدو.
و اونلار يحيانين يانينا گلئب اونا ددئلر: "اوستاد، اوردونون او بئري تاييندا سنئنله اولان و حاقّيندا شهادت وردئيئن آدام، اؤزو تعمئد ورئر و هامي اونون يانينا گلئر."
يحيا جاواب ورئب ددي: "ائنسان هچ بئر شي آلا بئلمز، مگر گؤيدن اونا ورئلمئش اولسون.
سئز اؤزونوز شاهئدسئنئز کي، ددئم؛ من مسئح ديئلم، آمّا اوندان قاباق گؤنده‌رئلمئشم.
گلئن آلان، بَي‌دئر. آمّا بَيئن يانيندا دوران و اونا قولاق آسان دوستو، اونون سسئندن چوخ سِوئنَر. من ده بله سوئنئرم و ائندي بو شادليق کامئل اولوبدور.
او گرک آرتسين، آمّا من گرک اسکئلم.
يوخاريدان گلن هاميدان اوستوندور. دونيادان اولان دونيانينکيدير و دونيادان دانيشار. گؤيدن گلن هاميدان اوستوندور.
او گؤردويونه-اشئتدئيئنه شهادت ورر، آمّا هچ کئم اونون شهادتئني قبول اتمز.
اونون شهادتئني قبول ادن آدام تارينين دوغرو اولدوغونا مؤهور باسيب.
تاري طرفئندن گؤنده‌رئلمئش آدام تاريدان دانيشار. چونکي تاري موقدّس روحو اؤلچو ائله ورمئر.
آتا اوغولو سوئر و هر شيي اونون ائختئياريندا قويوب.
اوغولا ائمان گتئرهنئن ابدي حياتي وار، آمّا اوغولدان ائطاعت اتمه‌ين آدام حيات گؤرمهيهجک، لاکئن تارينين قضبي اونون اوستونده قالير."
فرئسئلر اِشئتدئلر کي، عئسا يحيادان داها چوخ آداملاري شاگئرد ادئب تعمئد ورئر.
حال بو کي، تعمئد ورن عئسا ديئلدي، اونون شاگئردلري ائدئلر.
رب بونو بئلدئکده يهودئيه وئلايتئني ترک ادئب گئنه جلئله گتدي.
و سامئره دئياريندان کچمه‌لي ائدي.
اونون اوچون ده سامئرهنئن سوخار آدلي بئر شهرئنه گلدي؛ او يرئن ياخينليغينا کي، يعقوب اؤز اوغلو يوسئفه ورمئشدي.
يعقوبون قويوسو اورادا ائدي. عئسا يولون يورغونلوغوندان بو قويونون يانيندا اوتوردو. تخمئنن گونون آلتينجي ساعاتي ائدی.
سامئرهلي بئر آرواد سو چکمک اوچون اورايا گلدي. عئسا اونا ددي: "منه سو ور، ائچئم."
شاگئردلري يمک آلماق اوچون شهره گتمئشدئلر.
سامئرهلي آرواد اونا ددي: "سن يهودئسن، من سامئرهلي بئر آرواد. نجه اولور کي، سن مندن سو ائستهيئرسن؟!" چونکي يهودئلر سامئرهلئلرله قاتيشمازلار.
عئسا جاوابيندا اونا ددي: "اگر سن تارينين بخشئشئني بئلئردئن، اگر «منه سو ور ائچئم» دئيهنئن کئم اولدوغونو بئلئردئن، سن اوندان ائستَردئن و او سنه حيات سويونو وِرَردي."
آرواد اونا ددي: "آغا، سو چکمک اوچون دولچا يوخوندور، قويو دا درئندئر. بلجه هارادان بله بئر حيات ورن سويون وار؟
مگر سن بو قويونو بئزه ورن آتاميز يعقوبدان دا بؤيوکسن کي، هم اؤزو بو قويودان ائچئردي، هم ده اوغوللاري و مال-حيوانلاري؟!"
عئسا جاواب ورئب اونا ددي: "بو سودان ائچن هر کس گئنه سوسوز اولاجاق.
آمّا من ورن سودان کئمسه ائچسه، اصلا سوسوز اولماز. من ورن سو اونون ائچئنده قاينايان بئر بولاق اولار کي، اونا ابدي حياتي ورئر."
آرواد اونا ددي: "آغا، بو سويو منه ور کي، سوسوز اولماييم و سو چکمک اوچون بورايا گلمه‌يئم."
عئسا اونا ددي: "گت، اَرئني چاغير و بورايا گل."
آرواد جاواب وردي: "اَرئم يوخدور." عئسا اونا ددي: "اَرئم يوخدور دمکده دوغرو ديئرسن.
چونکي بش کئشئيه اَره گدئبسن و ائندي سنئنله ياشايان آدام اَرئن ديئل. ددئيئن سؤز دوغرودور."
آرواد عئسايا ددي: "آغا، گؤرورَم کي، سن بئر پيغمبرسن.
بئزئم آتالاريميز بو داغدا عئبادت ادئبلر. آمّا سئز يهودئلر ديئرسئنئز کي، عئبادت ادهجه‌يئمئز مکان اورشلئمدهدئر."
عئسا اونا ددي: "آرواد، منه ائنان. او واخت گلئر کي، آتايا نه بو داغدا نه ده اورشلئمده عئبادت ادهجکلر.
سئز بئلمهدئيئنئزه عئبادت ادئرسئنئز، بئز بئلدئيئمئزه عئبادت ادئرئک. چونکي نئجات يهودئلردن گلئر.
آمّا او واخت گلئر، اله گلئبدئر ده کي، دوغرو عئبادت اِدَنلر، آتايا روحدا و حقئقتده عئبادت ادهجکلر. آتا اؤزونه بله عئبادت ادنلر آختارير.
تاري روحدور و اونو عئبادت ادنلر، اونا روحدا و حقئقتده عئبادت اتمه‌لي‌دئرلر."
آرواد اونا ددي: "بئلئرم کي، مسئح گلئر، او کي، اونا خيرئستوس ديئرلر. او، گلدئيي زامان، هر شيي بئزه آچيقلاياجاق."
عئسا اونا ددي: "من همن اويام کي، سنئنله دانيشيرام."
بو آرادا عئسانين شاگئردلري ده گلدئلر و اونو بئر آروادلا دانيشماقدا گؤرنده تعجّوب اتدئلر. آمّا هچ بئرئسي "نه ائستهيئرسن؟" يا ائنکي "نه اوچون اونونلا دانيشيرسان؟" سوروشمادي.
او زامان سامئرهلي آرواد کوزهسئني قويوب شهره قاييتدي و خالقا ددي:
"گلئن، او آدامي گؤرون کي، گؤردويوم ائشلرئن هاميسيني منه ددي. آيا او مسئح ديئل؟!"
خالق شهردن اشئيه چيخيب، اونون يانينا گلمه‌يه باشلادي.
بو آرادا شاگئردلري اوندان خاهئش اتدئلر: "اوستاد، بئر آز چؤرک يه."
آمّا عئسا اونلارا ددي: "منئم يمک اوچون يئيهجه‌يئم وار کي، سئزئن اوندان خبرئنئز يوخدور."
شاگئردلري بئربئرلرئنه ددئلر: "مگر کئمسه اونا يمک گتئرئب؟"
عئسا اونلارا ددي: "منئم يئيهجيئم، مني گؤندهرهنئن ائسته‌دئيئني يرئنه يتئرمک و اونون ائشئني تاماملاماقدير.
آيا سئز دمئرسئنئز کي بئچئمئن گلمه‌سئنه حله دؤرد آي قالير؟! سئزه ديئرم، گؤزلرئنئزي آچين و اَکئنلره باخين! چونکي بئچئن اوچون حاضيرديرلار.
اله ائندي بئچَن زحمت حاقّيني آلير و محصولو ابدي حيات اوچون ييغير کي، اکن و بئچَن، بئربئرلري ائله برابر سوئنسئنلر.
اونا گؤره ده، بو سؤز دوغرودور کي، بئري اَکَر، او بئري بئچَر.
من سئزي زحمت چکمه‌دئيئنئز شِيئن بئچئمئنه گؤنده‌ردئم. زحمتي اؤزگهلر چکدئلر، و سئز اونلارين زحمتلرئنئن منفعتئنه شرئک اولوبسونوز."
"گؤردويوم ائشلرئن هاميسيني منه ددي!" دئين آروادين سؤزونه گؤره، او شهردن بئر چوخ سامئرهلي عئسايا ائمان گتئردئلر.
اونون اوچون ده اونلار گلئب عئسايا يالوارديلار کي، اونلارين يانيندا قالسين. و او دا ائکي گون اونلارين يانيندا قالدي
و داها آرتيق آداملار عئسانين سؤزلري اوزوندن اونا ائمان گتئردئلر.
سامئرهليلر او آروادا ددئلر: "بئزئم ائمان گتئرمه‌يئمئز آرتيق سنئن سؤزلرئنئن اوزوندن ديئل. چونکي بئز اؤزوموز اشئتمئشئک و بئلئرئک کي، بو آدام دونيانين حقئقي قورتاريجيسي‌دير."
ائکي گوندن سونرا عئسا اورادان چيخيب جلئله گتدي.
عئسا اؤزو دمئشدي کي، بئر پيغمبرئن اؤز وطنئنده حؤرمتي اولماز.
جلئله گلدئيي واخت، جلئلليلر اونون پئشوازينا چيخديلار. اونلار پاسخا بايراميندا اونون اورشلئمده اتدئيي بوتون ائشلري گؤرموشدولر. چونکي اونلار دا بايرام اوچون اورايا گتمئشدئلر.
عئسا گئنه جلئلئن قانا کندئنه، سويو شرابا دؤنده‌ردئيي يره گلدي. اورادا پادشاهين آداملاريندان بئري وار ائدي کي، اونون اوغلو کفرناحومدا ناخوش ائدي.
بو آدام عئسانين يهودئيهدن جلئله گلدئيئني اشئتدئکده، اونون يانينا گدئب اونا يالواردي کي، گلسئن و اونون اؤلوم حاليندا اولان اوغلونا شفا ورسئن.
عئسا اونا ددي: "سئز علامتلر و مؤجوزهلر گؤرمه‌يئنجه ائمان گتئرمزسئنئز."
پادشاهين آدامي اونا ددي: "آغا، اوغلوم اؤلمهمئش گل."
عئسا اونا ددي: "گت، اوغلون ياشاياجاق." او کئشي عئسانين اونا ددئيي سؤزونه ائنانيب گتدي.
و حله يولدا ائکن، نؤکرلري قاباغينا چيخيب خبر وردئلر: "اوغلون دئري‌دئر."
اونلاردان اوغلونون حالينين نه زامان ياخشيلاشديغيني سوروشدو. نؤکرلر جاواب وردئلر: "دونن، گونون يِدّئنجي ساعاتيندا قيزديرماسي کسئلدي."
او زامان اوغلانين آتاسي آنلادي کي، عئسانين اونا «اوغلون ياشاياجاقدير» ددئيي زامان بو، باش ورئب. و اؤزو و بوتون اِو اهلي عئسايا ائمان گتئردئلر.
بو، عئسانين ائکئنجي مؤجوزه‌سي‌‌دئر کي، يهودئيهدن جلئله گلدئيئندن سونرا گؤرستدي.
بوندان بئر مودّت سونرا، يهودئلرئن بايراملاريندان بئري يتئشدي و عئسا اورشلئمه گتدي.
اورشلئمده، قويون ديئلن دروازانين يانيندا بش ايوانلي بئر حوووض وار کي، عئبراني دئلئنده اونا "بيت حسدا" ديئرلر.
بورادا ناخوش چوخ آداملار ياتارديلار: کورلار، توپاللار، علئللر. (و سويون ترپَشمهسئني گؤزله‌يردئلر.
چونکي هردن، بئر ملک بو حوووضون ائچئنه انئب، اونو چالخالارميش. سو چالخالانديقدا حوووضون ائچئنه گئرن ائلک آدام بوتون ناخوشلوغوندان توختارميش.)
اورادا بئر آدام وار ائدي کي، اوتوز‌سکّئز ائل ناخوشلوق الئنده اَسئر ائدي.
عئسا اونون اورادا ياتديغيني گؤروب، اوزون بئر زامان ناخوشلوق چکدئيئني آنلادي. و اونا ددي: "صاغالماق ائستهيئرسن؟"
ناخوش آدام اونا جاواب وردي: "آغا! هچ کسئم يوخدور کي، سويون چالخالانديغي زامان، مني حوووضون ائچئنه سالسين. اؤزومو ترپه‌دئب چاتينجا، آيري بئر آدام مندن قاباق اؤزونو حوووضا سالير."
عئسا اونا ددي: "قالخ، دؤشه‌يئني گؤتور، گت."
ناخوش آدام او آندا صاغالدي و دؤشه‌يئني گؤتوروب گتدي. و او گون سبّت گونو ائدي.
اونا گؤره يهودئلر او شفا تاپميش آداما ددئلر: "بو گون سبّت گونودور. سنئن اوچون جائز ديئل کي، دؤشه‌يئني گؤتوروب آپاراسان."
شفا تاپميش آدام اونلارا ددي: "مني شفا ورن آدام ددي؛ «دؤشه‌يئني گؤتور، گت.»"
او زامان اوندان سوروشدولار: "سنه «دؤشه‌يئني گؤتور، گت» دئين آدام کئمدئر؟"
شفا تاپميش آدام عئسانين کئم اولدوغونو بئلمئردي. چونکي عئسا خالقين قالاباليغيندا گؤزدن ائتمئشدي.
سونرا عئسا او آدامي معبدده تاپيب اونا ددي: "باخ صاغالدين. گوناهدان اَل چک کي، بوندان داها پئسئنه اسئر اولماياسان."
او آدام گدئب يهودئلره خبر وردي کي، اونا شفا ورن آدام عئسادير.
يهودئلر، عئسانين بو ائشلري سبّت گونونده اتدئيئنه گؤره، اونا اذئيّت ورئردئلر.
آمّا عئسا اونلارا ددي: "آتام ائندئيه کئمي ائشله‌يئر، من ده ائشله‌يئرم."
بو سببدن يهودئلر آرتيق اونو اؤلدورمک ائسته‌دئلر. چونکي فقط سبّت گونونو پوزموردو، تاريني دا آتاسي خئطاب ادئب، اؤزونو اونا تاي ادئردي.
اونون اوچون عئسا اونلارا بله جاواب ورئب ددي: "دوغروسونو سئزه ديئرم؛ اوغول اؤزوندن هچ بئر شي اِده بئلمز، مگر اونلار کي، آتا ادئر و اوغول گؤرور. چونکي آتا نه ادئر، اوغول دا اونو ادئر.
آتا اوغولو سوئر و بوتون اِتدئکلرئني اونا گؤرسه‌دئر. و بونلاردان داها بؤيوک شيلر ده اوغولا گؤرسدهجک کي، سئز تعجّوبدن مات قالاجاقسينيز.
آتا اؤلولري دئرئلدئب اونلارا حيات وردئيي کئمي، اوغول دا ائسته‌دئيي آداملارا حيات ورهجک.
چونکي آتا کئمسهيه حؤکم اتمئر، اونا گؤره کي، حؤکم اتمه‌يي اوغولون اَلئنه ورئب کي،
آتايا حؤرمت گؤرسه‌دن، اوغولا دا اِله حؤرمت گؤرسدسئن. اوغولا حؤرمت گؤرسدمه‌ين آدام، اونو گؤنده‌رن آتايا دا حؤرمت گؤرسدمئر.
دوغروسونو سئزه ديئرم؛ منئم سؤزومو اشئدئب مني گؤنده‌ره‌نه ائمان گتئرن آدامين ابدي حياتي واردير. او، موحاکئمه اولماياجاق؛ اصلئنده او اؤلومدن حياتا کچئب.
دوغروسونو سئزه ديئرم، او واخت گلئر، اله گلئبدئر ده کي، اؤلولر تارينين اوغلونون سسئني اشئدهجکلر و اونو اشئدنلر ياشاياجاقلار.
چونکي آتانين اؤزونده حياتي اولدوغو کئمي، اوغولا دا عطا اِدئب کي، اؤزونده حياتي اولسون.
و اونا موحاکئمه اتمک قودرتئني ده ورئب، چونکي ائنسان اوغلودور.
بونا تعجّوب اتمهيئن. چونکي او ساعات گلئر کي، بوتون قبئرلرده اولانلار اونون سسئني اشئدئب
اشئيه چيخاجاقلار؛ ياخشي عمل ادنلر ياشاماق اوچون چيخاجاقلار، پئس عمل ادنلر موحاکئمه اولونماق اوچون.
من اؤزومدن بئر شي اده بئلمه‌رم. اشئتدئيئم کئمي حؤکم ادئرم و منئم حؤکموم عادئل بئر حؤکمدور، چونکي اؤز ائسته‌دئيئمي يوخ، مني گؤنده‌رن آتانين اتسته‌دئيئني يرئنه يتئرمک ائسته‌يئرم."
"اگر من اؤز حاقّيمدا شهادت ورسم، شهادتئم اعتئبارسيزدير.
منئم حاقّيمدا شهادت ورن اؤزگه بئري وار. و اونون شهادتئنئن اعتئبارلي اولدوغونو بئلئرم.
سئز يحيانين يانينا آداملار گؤنده‌ردئنئز و او، حقئقت حاقّيندا شهادت وردي.
آمّا من ائنساندان شهادت قبول اتمئرم. لاکئن بونلاري ديئرم کي، سئز نئجات تاپاسينيز.
يحيا يانان و ائشيقلانديران بئر چيراق ائدي، و سئز آز بئر زامان اونون ائشيغيندا شادليق اتمک ائسته‌دئنئز.
آمّا يحيانين شهادتئندن داها اعتئبارلي شهادتئم واردير. چونکي تاماملاماق اوچون آتانين منه وردئيي او ائشلر کي، اله ائندي ده اونلارلا مشغولام، منئم آتا طرفئندن گؤنده‌رئلمئش اولدوغوما شهادت ورئرلر.
و مني گؤنده‌رن آتا، اؤزو منئم حاقّيمدا شهادت ورئب. سئز هچ بئر زامان نه اونون سسئني اشئدئبسئنئز، نه اونون صورتئني گؤروبسونوز،
نه ده اونون کلامي سئزده ساکئن اولور. چونکي اونون گؤنده‌ردئيئنه ائمان گتئرمئرسئنئز.
موقدّس کئتابي تفتئش ادئرسئنئز، چونکي اوندا ابدي حياتا مالئک اولاجاغينيزي دوشونورسونوز. همئن موقدّس کئتاب دا منئم حاقّيمدا شهادت ورئر.
آمّا گئنه ده ائسته‌مئرسئنئز کي، منئم يانيما گلئب حياتا صاحئب اولاسينيز.
ائنسانلاردان عئزّت قبول اتمئرم،
لاکئن سئزي تانيميشام و بئلئرم کي، سئزده تارينين سوگئسي يوخدور.
من آتامين آديندا گلمئشم و سئز مني قبول اتمئرسئنئز. اگر اؤزگه بئري اؤز آدي ائله گلسه، اونو قبول اِدَرسئنئز.
سئز نجه ائمان گتئره بئلرسئنئز، سئز کي، بئربئرلرئنئزدن عئزّت قبول ادئرسئنئز، آمّا واحئد تاريدان گلن عئزّتي آختارميرسينيز؟!
لاکئن گومان اتمهيئن کي، تارينين حوضوروندا سئزلري موتّهئم ادهجهيم. سئزلري موتّهئم ادن، اومئد باغلاديغينيز موسادير.
چونکي اگر موسايا ائنانسايدينيز، منه ده ائمان گتئرردئنئز. اونا گؤره کي، منئم حاقّيمدا موسا دا يازيب.
آمّا اگر اونون يازديقلارينا ائنانميرسينيز، منئم سؤزلرئمه نجه ائناناجاقسينيز؟!"
بونلاردان بئر مودّت سونرا، عئسا جلئل (و يا طئبريا) گؤلونون او بئري تايينا کچدي.
و چوخ آدام اونون دالينجا گدئردي، چونکي ناخوش آداملارا اتدئيي مؤجوزهلري گؤرموشدولر.
عئسا بئر داغا چيخيب شاگئردلري ائله اورادا اوتوردو.
يهودئلرئن پاسخا بايرامي ياخين ائدي.
عئسا گؤزلرئني قالديريب، يانينا جاماعاتين گلمه‌سئني گؤرنده فئلئپوسا ددي: "بونلارين يمه‌يي اوچون هارادان چؤرک ساتين آلاق؟"
عئسا بو سؤزو اونو ائمتاحان اتمک اوچون ددي، چونکي نه ادهجهيئني اؤزو ياخشي بئلئردي.
فئلئپوس جاواب وردي: "اونلارين هر بئرئسئنه بئر آز چاتماسي اوچون ائکييوز دئنار چؤرک ده بس اتمز."
شاگئردلرئندن بئري، شمعون پطروسون قارداشي آندرياس عئسايا ددي:
"بورادا بئر اوغلان اوشاغي وار کي، بش آرپا چؤرک و ائکي باليغي وار. آمّا بو قدر آدام اوچون بو، نه اولاجاق؟"
عئسا ددي: "جاماعاتي يره اوتوردون." او يرده چوخ اوت وار ائدي. جاماعات اوتوردو و کئشئلرئن سايي تقرئبن بش مئن اولاردي.
او زامان عئسا چؤرکلري گؤتوردو و شوکور ادندن سونرا، اوتورانلار آراسيندا ائستهدئکلري قدر پايلادي. باليقلارلا دا بله اتدي.
هامي ييئب دوياندان سونرا، عئسا شاگئردلرئنه ددي: "آرتيق قالان تئکهلري ييغين کي، هچ بئر شي هدر اولماسين."
شاگئردلر آداملارين يدئکلرئندن آرتيق قالميش بش آرپا چؤره‌يئن تئکهلرئني ييغديلار و اونائکي زنبئل دولدو.
جاماعات عئسانين اتدئيي بو مؤجوزهني گؤره‌نده ددئلر: "دوغرودان دا بو اِله او پيغمبردئر کي، دونيايا گلهجک ائدي."
عئسا آنلادي کي، اونلار زورلا اونو آپاريب اؤز پادشاهلاري اتمک ائسته‌يئرلر. اونون اوچون ده گئنه تک باشينا داغا چکئلدي.
آخشام اولاندا شاگئردلري گؤله اِندئلر.
و بئر قاييغا مئنئب گؤلون او تايينا، کفرناحوم سمتئنه يولا دوشدولر. آرتيق قارانليق دوشموشدو، آمّا عئسا حله اونلارين يانينا گلئب چيخماميشدي.
گوجلو يل اسدئيئندن، گؤل کولکلي اولماغا باشلادي.
تخمئنن بئر آغاج گتمئشدئلر کي، عئساني گؤلون اوزونده يرئيئب قاييغا ياخينلاشديغيني گؤردولر و قورخدولار.
آمّا عئسا اونلارا ددي: "قورخمايين، منم."
او واخت ائسته‌دئلر کي، عئساني قاييغا آلسينلار و او آندا قاييق گدهجکلري يره يتئشمئشدي.
او گونون صاباحي گؤلون او تاييندا اولان جاماعات آنلادي کي، شاگئردلر اورادا اولان بئرجه قاييغا مئنئب گدئبلر و عئسا اونلارلا همن قاييغا مئنئب گتمه‌يئب.
بو آرادا طئبريادان اؤزگه قاييقلار، او يرئن ياخينليغينا گلدئلر کي، رب شوکور ادندن سونرا چؤرک يمئشدئلر.
جاماعات عئسا و شاگئردلرئنئن اورادا اولماديغيني گؤرنده، قاييقلارا مئنئب اونو آختارماق اوچون کفرناحوما گلدئلر.
جاماعات گؤلون او تاييندا عئساني تاپديلار و اونا ددئلر: "اوستاد، نه واخت بورايا گلدئن؟"
عئسا اونلارا جاواب وردي: "دوغروسونو سئزه ديئرم؛ مؤجوزهلر گؤردويونوز اوچون يوخ، چؤرکلردن ييئب دويدوغونوز اوچون مني آختاريرسينيز.
او يمک اوچون چاليشمايين کي، فاني‌دئر. او يمک اوچون چاليشين کي، ابدي حياتا قدر قالار. او حيات ورن يمک کي، ائنسان اوغلو سئزه ورهجک. آتا تاري بونون اوچون اونا تصدئق مؤهرونو باسيب."
او واخت عئسادان سوروشدولار: "تارينين ائشلرئني يرئنه يتئرمک اوچون نه اتملييئک؟"
عئسا جاواب ورئب اونلارا ددي: "تارينين ائشي بودور کي، اونون گؤنده‌ردئيي آداما ائمان گتئرهسئنئز."
اونلار او زامان عئسايا ددئلر: "نه علامت گؤرسدئرسن کي، گؤروب سنه ائمان گتئرک؟ نه ادئرسن؟
آتالاريميز چؤلده مانّا يدئلر. نجه کي، يازيليب؛ «يمک اوچون اونلارا گؤيدن يمک وردي.»"
عئسا اونلارا ددي: "دوغروسونو سئزه ديئرم؛ گؤيدن سئزه چؤرک ورن موسا ديئلدي، منئم آتامدير کي، گؤيدن سئزه حقئقي چؤره‌يي ورئر.
چونکي تارينين چؤره‌يي اودور کي، گؤيدن اِنئر و دونيايا حيات ورئر."
او زامان اونا ددئلر: "آغا، بو چؤره‌يي همئشه بئزه ور."
عئسا اونلارا ددي: "حيات چؤره‌يي منم. منئم يانيما گلن اصلا آج اولماز. منه ائمان گتئرن اصلا سوسوز اولماز.
آمّا سئزه دمئشم کي، مني گؤردويونوز حالدا، گئنه ائمان گتئرمئرسئنئز.
آتامين منه وردئيي آداملارين هاميسي منئم يانيما گلهجکلر و منئم يانيما گلني اصلا اشئيه قوومارام.
گؤيدن اِنمئشم کي، اؤز ائسته‌دئيئمي يوخ، مني گؤندهرهنئن ائسته‌دئيئني يرئنه يتئرئم.
و مني گؤندهرهنئن ائسته‌دئيي بودور کي، منه وردئکلرئنئن هچ بئرئسئني ائتئرمه‌يئب، آخير گونده اونلاري دئرئلدئم.
چونکي آتامين ائسته‌دئيي بودور کي، اوغولا باخيب اونا ائمان گتئرن هر کسئن ابدي حياتي اولسون. و من اونو آخير گونده دئرئلدهجه‌يم."
او واخت يهودئلر، عئسانين "گؤيدن اِنَن چؤرک منم" ددئيئنه گؤره اونون بارهسئنده ديئنميه باشلاديلار.
و ديئردئلر: "مگر بو آدام آتا-آناسيني تانيديغيميز يوسئف اوغلو عئسا ديئل؟ ائندي نجه «گؤيدن اِنمئشم» ديئر؟!"
عئسا اونلارا جاواب ورئب ددي: "آرانيزدا ميريلدانمايين.
هچ کس منئم يانيما گلهبئلمز، مگر مني گؤنده‌رن آتا اونو چکئب گتئرسئن و من آخير گونده اونو دئرئلدهجه‌يم.
پيغمبرلرئن يازديقلاريندا يازيليب؛ «اونلارين هاميسي تاريدان اؤيرنه‌جکلر.» اونا گؤره آتادان اشئدئب اؤيره‌نَن هرکس منئم يانيما گلئر.
کئمسه آتاني گؤرمه‌يئب، مگر او کي، تاريداندير. آتاني او گؤروبدور.
دوغروسونو سئزه ديئرم؛ ائمان گتئرن آدامين ابدي حياتي وار.
حيات چؤره‌يي منم.
آتالارينيز چؤلده مانّا يدئلر، گئنه ده اؤلدولر.
آمّا بورادا گؤيدن انمئش اِله بئر چؤرک وار کي، اوندان يئين اؤلمه‌يهجک.
گؤيدن انمئش او حيات ورن چؤرک منم. بو چؤرکدن يئين هرکس ابده کئمي ياشاياجاق. بو چؤرک منئم بدنئمدئر کي، دونيايا حيات ورمک اوچون اونو ورهجهيم."
او زامان يهودئلر بئربئرلري ائله ديئنميه باشلاديلار و ديئردئلر: "بو آدام اؤز بدنئني بئزه يمک اوچون نجه ورهبئلر؟!"
عئسا اونلارا ددي: "دوغروسونو سئزه ديئرم؛ ائنسان اوغلونون بدنئندن يمه‌يئنجه و اونون قانيندان ائچمه‌يئنجه سئزده حيات اولماياجاق!
منئم بدنئمدن يئين و منئم قانيمدان ائچَن آدامين ابدي حياتي وار. و من آخير گونده اونو دئرئلدهجه‌يم.
چونکي بدنئم حقئقي يمک و قانيم حقئقي ائچمک‌دئر.
بدنئمدن يئين و قانيمدان ائچن آدام منده قالير و من ده اوندا قاليرام.
نجه کي، دئري آتا مني گؤنده‌ردي و منئم حياتيم اونا باغلي‌دير، مندن يئين آدام دا منه باغلي اولاراق ياشاياجاق.
گؤيدن انمئش چؤرک بودور. آتالارينيز مانّا يدئلر، لاکئن اؤلدولر. آمّا بو چؤرکدن يئين آدام ابده کئمي ياشاياجاق."
عئسا بو سؤزلري کفرناحومدا، بئر کنئسهده تعلئم ورن حالدا ددي.
عئسانين شاگئردلرئندن چوخلاري بونلاري اشئدنده ددئلر: "بو آغير بئر سؤزدور. کئم اونو قبول ادهبئلر؟!"
عئسا شاگئردلرئنئن بو بارهده ميريلدانماقلاريني بئلئب اونلارا ددي: "بو سئزي ائنجئدئر؟
بس اگر ائنسان اوغلونون اوّلجهدن اولدوغو يرئنه قالخديغيني گؤرهسئنئز، نجه؟
حياتورن تارينين روحودور. جئسمدن فايدا يوخدور. سئزه ددئيئم سؤزلر روح و حياتدير.
آمّا گئنه ده بعضئلرئنئز ائنانميرسينيز." چونکي عئسا کئمئن ائمانسيز اولدوغونو و کئمئن اونا خيانت ادهجهيئني اوّلدن بئلئردي.
و ددي: "اونون اوچون سئزه دمئشم کي، کئمسه منئم يانيما گلهبئلمز، مگر بو اونا آتادان ورئلمئش اولسون."
بو زاماندان شاگئردلردن چوخو عئساني ترک ادئب آرتيق اونا پيرو اولماديلار.
عئسا او اونائکي شاگئرددن سوروشدو: "يوخسا سئز ده مني ترک اتمک ائسته‌يئرسئنئز؟"
شمعون پطروس جاواب وردي: "کئمئن يانينا گدهبئله‌رئک، يارب؟ ابدي حياتين سؤزلري سندهدئر.
بئز ائنانميشيق و بئلئرئک کي، سن دئري تارينين اوغلو مسئحسن."
عئسا اونلارا ددي: "مگر سئز اونائکي نفري سچن من ديئلم؟ حال بو کي، سئزلردن بئري، ائبلئس بئر آدامدير."
عئسا بو سؤزو ائسکاريوتلو شمعونون اوغلو يهودانين حاقّيندا ديئردي کي، او اونائکي شاگئرددن بئري ائکن، عئسايا خيانت ادهجک ائدي.
بونلاردان سونرا عئسا جلئل وئلايتئنده گزئب، اؤزونو يهودئيه وئلايتئندن اوزاق ساخلاييردي. چونکي يهودئلر اونو اؤلدورمک ائسته‌يئردئلر.
يهودئلرئن چادير بايرامي ياخينلاشيردي.
اونون اوچون ده عئسانين قارداشلاري اونا ددئلر: "بورادان چيخ، يهودئيه وئلايتئنه گت کي، شاگئردلرئن ده اتدئيئن ائشلري گؤرسونلر.
چونکي اؤزونو تانيتديرماق ائسته‌ين آدام ائشئني گئزلئجه گؤرمز. اگر بو ائشلري سن ادئرسن، اؤزونو دونيايا ظاهئر ات."
عئسانين قارداشلارينين هچ بئري اونا ائمان گتئرمهمئشدي.
بو سببدن عئسا اونلارا ددي: "منئم واختيم حله يتئشمه‌يئب. آمّا سئزئن واختينيز همئشه حاضيردير.
دونيا سئزدن نئفرت ادهبئلمز، آمّا مندن نئفرت ادئر. چونکي اونون ائشلرئنئن پئس اولدوغونا شهادت ورئرم.
سئز بو بايرام اوچون اورشلئمه گدئن. من بو بايرام اوچون حله گتمئرم، چونکي منئم دوروست واختيم حله يتئشمه‌يئب."
عئسا بو سؤزلري اونلارا ديئب جلئلده قالدي.
لاکئن عئسانين قارداشلاري بايرام اوچون اورادان آيريلاندان سونرا، او اؤزو ده اورشلئمه گتدي، آمّا آشکار يوخ، گئزلي.
يهودئلر بايرامدا عئساني آختاريب "بو آدام بس هارادادير؟" ديئب سوروشوردولار.
جاماعات آراسيندا اونون حاقّيندا چوخ پيچيلتيلار گزئردي. بعضئلري ديئردئلر: "او، ياخشي آدامدير." آمّا بعضئلري ده ديئردئلر: "يوخ، خالقي آلدادير."
آمّا يهودئلرئن قورخوسوندان هچ کس آچيقجا بئر سؤز دمئردي.
بايرامين ياريسينا قدر کچمئشدي کي، عئسا معبده گدئب تعلئم ورمه‌يه باشلادي.
يهودئلر تعجّوبدن مات قاليب ديئردئلر: "بو آدام تعلئم گؤرمهمئش نجه موقدّس کئتابدان بو قدر بئلئر؟!"
عئسا اونلارا جاواب ورئب ددي: "وردئيئم تعلئم منئم اؤزومون ديئل، مني گؤنده‌ره‌نئن‌دئر.
اگر کئمسه اونون ائسته‌دئيئني يرئنه يتئرمک ائسته‌سه، وردئيئم تعلئمئن تاريدان اولدوغونو و يا منئم اؤزومدن اولدوغونو آنلاياجاق.
اؤزوندن دانيشان، اؤز عئزّتئني آختارار. آمّا اونو گؤندهرهنئن عئزّتئني آختاران آدام، حقئقت آدامي‌دير و اوندا يالان تاپيلماز.
آيا شرئعتي سئزه موسا ورمه‌دي؟ گئنه ده سئزدن هچ بئرئنئز شرئعتي يرئنه يتئرمئر. نه اوچون مني اؤلدورمک ائسته‌يئرسئنئز؟"
جاماعات جاواب ورئب ددي: "مگر دلي اولوبسان! کئم سني اؤلدورمک ائستهيئر؟"
عئسا اونلارا جاواب ورئب ددي: "بئر ائش گؤردوم و هامينيز تعجّوبدن مات قاليبسينيز.
ختنه اتمه‌يي موسا سئزه وردئيي اوچون، سبّت گونونده اوشاغي ختنه ادئرسئنئز. (اصلئنده موسا يوخ، آتالارينيز ختنه اتمه‌يي باشلادي.)
موسادان قالان قانونون پوزولماماسي اوچون، سبّت گونونده اوشاغينيزي ختنه ادئرسئنئز، ائندي نئيه بئر آدامين بوتون بدنئني سبّت گونونده شفا وردئيئم اوچون، منه قضبله‌نئرسئنئز؟
ظاهئره گؤره حؤکم اتمهيئن. عدالتله حؤکم ادئن."
او زامان اورشلئمليلردن بعضئلري ددئلر: "اؤلدورمک ائستهدئکلري آدام مگر بو ديئل؟
بو کي، آچيقجا هر شيي ديئر، کئمسهده اونا بئر شي دمئر! بلکه ده ريئسلر اونون دوغرودان مسئح اولدوغونو بئلئبلر.
آمّا بئز کي، بو آدامين هارادان اولدوغونو بئلئرئک. لاکئن مسئح ظوهور ادنده، اونون هارادان اولدوغونو کئمسه بئلميهجک."
بو آرادا عئسا معبدده تعلئم ورنده سسئني اوجالديب ددي: "سئز مني تاني‌ييرسينيز و منئم هارادان اولدوغومو بئلئرسئنئز. من اؤز طرفئمدن گلمهمئشم، مني گؤنده‌رَن دوغرودور کي، سئز اونو تانيميرسينيز.
من اونو تاني‌ييرام چونکي اوندانام و او مني گؤنده‌رئب."
سؤز بورا يتئشن واخت، اونو توتماق ائسته‌دئلر، آمّا کئمسه اونا اَل اوزاتمادي، چونکي اونون واختي حله يتئشمهمئشدي.
آمّا جاماعات آراسيندان چوخ آداملار اونا ائمان گتئردئلر و ديئردئلر: "مسئح ظوهور ادنده، مگر بو آدامدان آرتيق مؤجوزه گؤرسدهجک؟!"
فرئسئلر عئسانين حاقّيندا خالق آراسيندا اولان بله پيچيلتيلاري اشئتدئلر. باش کاهئنلر و فرئسئلر عئساني ياخالاماق اوچون معبدئن موحافئظلرئني گؤنده‌ردئلر.
اوندا عئسا ددي: "داها آز بئر مودّت سئزئنله وارام و سونرا مني گؤندهرهنئن يانينا گدهجه‌يم.
مني آختاراجاقسينيز، آمّا تاپا بئلمه‌يهجکسئنئز و اولدوغوم يره سئز گله بئلمزسئنئز."
او واخت يهودئلر آرالاريندا ددئلر: "بو آدام هارايا گتمک ائستهيئر کي، بئز اونو تاپماغا قادئر اولماياجاغيق؟ اولماسين ائستهيئر يونانئلر آراسيندا داغيلميش يهودئلرئن يانينا گدئب، يونانئلره تعلئم ورسئن؟
«مني آختاراجاقسينيز آمّا تاپا بئلميهجکسئنئز» و «اولدوغوم يره سئز گلهبئلمزسئنئز» سؤزدن نه دمک ائستهيئر؟"
بايرامين آخيرينجي و بؤيوک گونونده عئسا دوروب اوجا سسله خئطاب ادئب ددي: "اگر کئمسه سوسوزدور، منئم يانيما گلئب ائچسئن.
منه ائمان گتئرن آدامين ائچئنده حيات ورن سو، چايلار کئمي آخاجاق، نجه کي، موقدّس کئتاب ديئب."
بو سؤزو موقدّس روحون حاقّيندا ديئردي کي، اونا ائمان گتئرنلره ورئلهجک ائدي. موقدّس روح حله ورئلمهمئشدي، چونکي عئسا حله جلال تاپماميشدي.
آداملاردان بعضئلري اونون بو سؤزلرئني اشئدنده ددئلر: "دوغرودان دا بو، اِله او پيغمبردئر."
بعضئلري ده ديئردئلر: "بو، وعدهسي ورئلمئش مسئحدئر." آمّا بعضئلري گئنه ديئردئلر: "وعدهسي ورئلمئش مسئح نجه جلئلدن گلهبئلر؟!
مگر موقدّس کئتاب دمئر کي، مسئح داوود نسلئندن و ياشاديغي بيت‌لحم کندئندن گلهجک؟!"
بلجه عئسانين اوزوندن خالق آراسيندا ائختئلاف دوشدو.
بعضئلري اونو توتماق ائسته‌دئلر، آمّا کئمسه اونا ال اوزاتمادي.
معبدئن موحافئظلري باش کاهئنلرئن يانينا قاييداندا، اونلار موحافئظلردن سوروشدولار: "نه اوچون اونو گتئرمه‌دئنئز؟"
موحافئظلر ددئلر: "هچ کس هچ بئر زامان اونون کئمي دانيشماييب."
فرئسئلر ددئلر: "مگر سئز ده آزيبسينيز؟!
آيا ريئسلردن و يا فرئسئلردن کئمسه اونا ائنانيب؟
آمّا شرئعتدن بئخبر اولان بو خالق ملعوندور."
قاباق عئسانين يانينا گلن نئقودئموس کي، اونلاردان بئري ائدي، ددي:
"مگر بئزئم شرئعتئمئز کئمسهني اشئتمه‌دن و اونون نه اتدئيئني بئلمه‌دن محکوم ادئر؟"
اونلار جاواب ورئب ددئلر: "يوخسا سن ده جلئلليسن؟! آراشدير و گؤررسن کي، جلئلدن بئر پيغمبر چيخماز."
و هرکس اؤز اِوئنه گتدي.
عئسا زيتون داغينا گتدي.
و سحر ارکن گئنه معبده گلدي و بوتون خالق اونون اطرافينا ييغيلدي. عئسا دا اوتوروب اونلارا تعلئم ورئردي.
فرئسئلر و شرئعت موعلّئملري زئنا عملئنده ياخالانميش بئر آروادي گتئردئلر و اورتادا دوردوروب،
عئسايا ددئلر: "اوستاد، بو آرواد زئنا عملئنده ياخالانيب.
موسا شرئعتده بئزه امر ادئب کي، بله بئر آروادي داشلاياق. سن نه ديئرسن؟"
اونلار بو سوآللا عئساني ائمتاحان ادئردئلر کي، اونا بؤهتان وورماق اوچون بلکه بئر سبب تاپسينلار. آمّا عئسا ايئلئب بارماغي ائله يره يازي يازيردي.
لاکئن اونلارين دايانمادان بو سوآلي سوروشدوقلارينا گؤره، قالخيب اونلارا ددي: "آرانيزدا کئم گوناهسيزدير، قويون بئرئنجي داشي او آتسين."
و گئنه اَيئلئب يره يازي يازماغا باشلادي.
خالق بو سؤزو اشئدنده آغساقّاللاردان توتموش لاپ کئچئيئنه قدر بئر-بئر اورادان گتدئلر. و عئسا تک قالدي. او آرواد دا اورتادا دورموشدو.
عئسا قالخيب اوندان سوروشدو: "آرواد، سندن شئکايت ادنلره نه اولدو؟ کئمسه سني محکوم اتمهدي؟"
آرواد ددي: "خير، آغا." عئسا اونا ددي: "من ده سني محکوم اتمئرم. گت و داها گوناه اتمه."
عئسا گئنه خالقا خئطاب ادئب ددي: "دونيانين نورو منم. منئم داليمجا گلن قارانليقدا گزميهجک و اوندا حيات نورو اولاجاق."
او زامان فرئسئلر اونا ددئلر: "سن اؤز حاقّيندا شهادت ورئرسن. بو شهادتئن اعتئباري يوخدور."
عئسا جاوابيندا اونلارا ددي: "حتّا اگر اؤز حاقّيمدا دا شهادت ورسم، شهادتئم اعتئبارلي‌دير، چونکي هارادان گلدئيئمي و هارايا گده‌جَيئمي بئلئرم. آمّا سئز منئم هارادان گلدئيئمي و هارايا گدهجهيئمي بئلمئرسئنئز.
سئز ائنسان گؤزو ائله حؤکم ادئرسئنئز. آمّا من کئمسهيه حؤکم اتمئرم.
لاکئن حؤکم اتسم ده بله، منئم حؤکموم دوغرودور. چونکي تک ديئلم، منم و مني گؤنده‌رن آتا.
سئزئن شرئعتئنئزده ده ائکي آدامين شهادتئنئن اعتئبارلي اولدوغو يازيليب.
من اؤز حاقّيمدا شهادت ورئرم و مني گؤنده‌رن آتا دا منئم حاقّيمدا شهادت ورئر."
او واخت عئسادان سوروشدولار: "سنئن آتان هارادادير؟" عئسا جاواب وردي: "سئز نه مني تاني‌ييرسينيز نه ده آتامي. اگر مني تانيسايدينيز، منئم آتامي دا تانيياردينيز."
عئسا بو سؤزلري معبدده، خزانه صانديغي اولان يرده خالقا ددي و هچ کئم اونو توتمادي. چونکي اونون واختي حله يتئشمهمئشدي.
عئسا گئنه اونلارا ددي: "من گدئرم و سئز مني آختاراجاقسينيز و گوناهلارينيزين آلتيندا اؤلهجکسئنئز. من گدن يره سئز گلهبئلمزسئنئز."
او واخت يهودئلر ددئلر: "مگر اؤزونو اؤلدورهجک کي، «من گدن يره سئز گلهبئلمزسئنئز» ديئر؟!"
عئسا اونلارا ددي: "سئز آشاغيدانسينيز، من يوخاريدانام. سئز بو دونيادانسينيز، من بو دونيادان ديئلم.
بوندان اؤتري سئزه ددئم کي، گوناهلارينيزين آلتيندا اؤلهجکسئنئز. چونکي اگر ددئيئم آدام اولدوغوما ائنانماياسينيز، گوناهلارينيزين آلتيندا اؤلهجکسئنئز."
او واخت اوندان سوروشدولار: "سن کئمسن؟" عئسا اونلارا ددي: "من همئن اويام کي، اوّلدن سئزه ديئرم.
سئزئن حاقّينيزدا دئيهجک و حؤکم ادهجک چوخ شيلرئم وار. آمّا مني گؤنده‌رن حاقدير و من اوندان اشئتدئکلرئمي دونيايا ديئرم."
اونلار آنلاماديلار کي، عئسا بو سؤزلري آتانين بارهسئنده ديئردي.
اوندان اؤتري عئسا ددي: "ائنسان اوغلونو قالديراندان سونرا بئلهجکسئنئز کي، من اويام و اؤزومدن بئر شي اتمئرم و نجه کي، آتادان اؤيرنمئشم، سئزه ديئرم.
و مني گؤنده‌رن منئملهدئر. او، مني تک قويماييب، چونکي همئشه اونون خوشونا گدن ائشلري گؤرورم."
بو سؤزلري دئين زامان، چوخ آدام اونا ائمان گتئردي.
عئسا اونا ائمان گتئرمئش يهودئلره ددي: "اگر سؤزومو ساخلاياسينيز، حقئقتن منئم شاگئردلرئمسئنئز.
و حقئقتي تانيياجاقسينيز و حقئقت سئزي آزاد ادهجک."
اونلار عئسايا ددئلر: "بئز ائبراهئم اؤولاديييق و کئمسهنئن نؤکري اولماميشيق. نجه اولور کي، «آزاد اولاجاقسينيز» ديئرسن؟"
عئسا اونلارا جاواب وردي: "دوغروسونو سئزه ديئرم، گوناه ادن هرکس گوناهين نؤکري‌دئر.
نؤکر ابده کئمي عايئلهدن بئري ديئل. آمّا اوغول همئشه عايئلهدن بئري‌دئر.
اونون اوچون اگر اوغول سئزي آزاد اتسه، دوغرودان آزاد اولارسينيز.
ائبراهئم اؤولادي اولدوغونوزو بئلئرم. آمّا مني اؤلدورمک ائسته‌يئرسئنئز، اوندان اؤتري کي، منئم سؤزومو قبول اتمئرسئنئز.
من آتامين يانيندا گؤردوکلرئمي ديئرم و سئز آتانيزدان اشئتدئکلرئنئزي ادئرسئنئز."
اونلار جاوابدا عئسايا ددئلر: "بئزئم آتاميز ائبراهئمدئر." عئسا اونلارا ددي: "اگر ائبراهئمئن اؤولادلاريسينيز، ائبراهئمئن ائشلرئني يرئنه يتئرئن.
آمّا ائندي مني اؤلدورمک ائسته‌يئرسئنئز، من کي، تاريدان اشئتدئيئم حقئقتي سئزه دمئشم. ائبراهئم بله ائشلر گؤرمه‌دي.
سئز آتانيزين ائشلرئني گؤرورسونوز." اونلار عئسايا ددئلر: "بئز زئنادان دوغولماميشيق. بئر آتاميز وار، او دا تاريدير."
عئسا اونلارا ددي: "اگر تاري آتانيز اولسايدي، مني سِوَردئنئز. چونکي من تارينين طرفئندن گلمئشم و ائندي بورادايام. اؤزومدن گلمهمئشم، او، مني گؤنده‌رئب.
ددئکلرئمي نئيه آنلاميرسينيز؟ چونکي سؤزومه قولاق آسا بئلمئرسئنئز.
سئز آتانيز ائبلئسدنسئنئز و آتانيزين ائسته‌دئيئني يرئنه يتئرمک ائسته‌يئرسئنئز. او، باشلانيشدان قاتئل ائدي و حقئقت اوستونده دايانمادي، چونکي اوندا هچ دوغرولوق يوخدور. يالان دانيشان زامان ذاتيندان يالان دانيشير. چونکي او، يالانچيدير و يالانلارين آتاسيدير.
آمّا حقئقتي ددئيئم اوچون سئز منه ائنانميرسينيز.
سئزدن کئم منئم گوناهکار اولدوغومو ائثبات ادهبئلر؟ اگر من حقئقتي ديئرم، نئيه منه ائنانميرسينيز؟
تارينينکي اولانلار تارينين سؤزلرئني اشئدرلر. سئز بو سببدن اشئتمئرسئنئز، چونکي تارينينکي ديئلسئنئز."
يهودئلر جاواب ورئب، عئسايا ددئلر: "سامئرهلي و دلي اولدوغونو دمکده دوغرو دمئردئک؟!"
عئسا ددي: "من دلي اولماميشام. من آتاما عئزّت ورئرم و سئز منه ذئلّت ورئرسئنئز.
من اؤزوم، اؤزوم اوچون عئزّت آختارميرام، منئم اوچون عئزّت آختاران وار و حؤکم ادن ده اودور.
دوغروسونو سئزه ديئرم، منئم سؤزومو ساخلايان آدام اصلا اؤلوم اوزو گؤرمهيهجک."
يهودئلر اونا ددئلر: "ائندي بئلدئک کي، دلي اولوبسان. ائبراهئم و پيغمبرلر اؤلدولر و سن ديئرسن «منئم سؤزومو ساخلايان آدام اصلا اؤلميه‌جک.»
مگر سن آتاميز ائبراهئمدن ده اوستونسن؟ ائبراهئم اؤلدو، پيغمبرلر ده اؤلدولر. سن اؤزونو کئم ساييرسان؟"
عئسا جاواب وردي: "اگر من اؤزومو عئزّتلندئرم، بو عئزّت هچدئر. مني عئزّتلندئرن منئم آتامدير کي، سئز اونا «تاريميزدير» ديئرسئنئز.
سئز اونو تانيماييبسينيز. آمّا من اونو تاني‌ييرام. و اگر اونو «تانيميرام» دسم، سئزئن کئمي يالانچينين بئري اولارام. آمّا اونو تاني‌ييرام و اونون سؤزونو ساخلاييرام.
آتانيز ائبراهئم منئم گونومو گؤرهجه‌يي اوچون شاد اولدو. او، بو گونو گؤردو و سوئندي."
يهودئلر اونا ددئلر: "سنئن حله الّي ياشين يوخدور، ائبراهئمي گؤروبسن؟!"
عئسا اونلارا ددي: "دوغروسونو سئزه ديئرم؛ ائبراهئم اولماميشدان من وارام."
بو سؤزو اشئدن واخت، يهودئلر اونو داشلاماق اوچون داشلار گؤتوردولر، آمّا عئسا گئزله‌نئب معبددن اشئيه چيخدي.
عئسا يولدا گِدَرکن، آنادان کور دوغولموش بئر آدام گؤردو.
اونون شاگئردلري اوندان سوروشدولار: "اوستاد، کئمئن گوناهي اوزوندن بو آدام کور آنادان اولدو؟ اونون اؤزونون؟ يوخسا آتا-آناسينين؟"
عئسا جاواب وردي: "نه بو آدام گوناه اتدي، نه ده آتا-آناسي. او، آنادان کور اولدو کي، تارينين ائشلري اونون حياتيندا گؤرونسون.
مادام کي، گوندوزدور، مني گؤندهرهنئن ائشلرئنه مشغول اولمالي‌يام. گجه گلئر کي، او زامان هچ کس ائشليه بئلمز.
دونيادا ائکن دونيانين نورويام."
بو سؤزلري دئيندن سونرا، عئسا يره توپوروب، توپورجکله پالچيق دوزلتدي و کورون گؤزونه سورتدو.
و اونا ددي: "گت، سئلوآم (يعني گؤنده‌رئلمئش) حوووضوندا يو." کور آدام گدئب يودو و گؤزو آچيلميش گلدي.
قونشولار و کور آدامين يولچولوق اتدئيئني ائرهلئدن بئلنلر ديئردئلر: "مگر بو اوتوروب يولچولوق ادن همن آدام ديئل؟"
بعضئلري "اودور" ديئردئلر. بعضئلري ده ديئردئلر: "خير، بو، او کور آداما اوخشايان بئر آدامدير.» آمّا او اؤزو "من اِله او آدامام" ديئردي.
اونون اوچون کور آدامدان سوروشدولار: "بس نجه گؤزلرئن آچيلدي؟"
او، جاواب وردي: "عئسا ديئلن آدام پالچيق دوزهلدئب گؤزومه سورتدو و منه ددي؛ «گت، سئلوآم حوووضوندا يو.» من ده گدئب يودوم و او زامان گؤزلرئم آچيلدي."
اونلار اوندان سوروشدولار: "بو آدام هارادير؟" ددي: "بئلمئرم."
اوّلجه کور اولان آدامي فرئسئلرئن يانينا آپارديلار.
عئسا پالچيق دوزهلدئب کور آدامين گؤزلرئني آچديغي گون، سبّت گونو ائدي.
اونون اوچون ده فرئسئلر گؤزلرئنئن نجه آچيلديغيني گئنه سوروشدولار. و او دا فرئسئلره ددي: "گؤزلرئمئن اوستونه پالچيق سورتدو و يودوم و ائندي گؤرورَم."
او واخت فرئسئلردن بعضئلري ددئلر: "بو آدام تاري طرفئندن ديئل، چونکي سبّت گونونو ساخلامير." آمّا بعضئلري ده ددئلر: "گوناهکار بئر آدام نجه بله مؤجوزهلر اده بئلر؟"
او واخت کور آداما گئنه ددئلر: "سنئن گؤزلرئني آچان آدامين حاقّيندا اؤزون نه ديئرسن؟" جاواب وردي: "او آدام بئر پيغمبردئر."
يهودئلر او آدامين قاباق کور اولدوغونا و ائندي گؤزلرئنئن آچيلديغينا ائنانماديلار. اونون اوچون ده گؤزلري آچيلميش آدامين آتا-آناسيني چاغيريب،
سوروشدولار: "سئزئن ددئيئنئز آنادان کور دوغولان اوغول بودور؟ بس ائندي نجه گؤرور؟"
او آدامين آتا-آناسي جاواب وردئلر: "بو آدامين بئزئم اوغلوموز اولدوغونو و آنادان کور دوغولماسيني يقئن بئلئرئک.
آمّا ائندي بئلمئرئک کي، نجه گؤرور و کئم اونون گؤزلرئني آچيب. اؤزوندن سوروشون. او اؤزو حدّي-بولوغا چاتميش بئر آدامدير. اؤزو حاقّيندا قوي اؤزو دانيشسين."
او آدامين آتا-آناسي بو سؤزو يهودئلرئن قورخوسوندان ددئلر. چونکي يهودئلرئن ريئسلري بله قرار قويموشدولار کي، عئسانين مسئح اولدوغونا ائنانان هر کس کنئسهدن قووولسون.
بو سببدن او آدامين آتا-آناسي "اونون اؤزوندن سوروشون. او اؤزو حدّي-بولوغا چاتميش بئر آدامدير." ددئلر.
اونون اوچون اوّلجه کور اولان آدامي ائکئنجي دفه چاغيرديلار و اونا ددئلر: "جلالي تارييا ور. بئز بو آدامين گوناهکار اولدوغونو بئلئرئک."
او واخت او آدام اونلارا ددي: "اونون گوناهکار اولوب اولماديغيني بئلمئرم. آنجاق بئر شي بئلئرم، کور ائدئم، ائندي گؤرورم."
فرئسئلر اوندان سوروشدولار: "او، سنه نه اتدي؟ گؤزلرئني نجه آچدي؟"
اونلارا جاواب وردي: "سئزه ائندي ددئم، مگر قولاق آسمادينيز؟! نئيه گئنه اشئتمک ائسته‌يئرسئنئز؟ يوخسا سئز ده اونون شاگئردلري اولماق آرزوسونداسينيز؟!"
فرئسئلر او آدامي سؤيوب ددئلر: "او آدامين شاگئردي سنسن. بئز موسانين شاگئردلرييئک.
بئز تارينين موسا ائله دانيشديغيني بئلئرئک. آمّا بو آدامين هارادان اولدوغونو بئلمئرئک."
او آدام جاواب ورئب اونلارا ددي: "اله تعجّوبلوسو ده بودور. سئز بو آدامين هارادان اولدوغونو بئلمئرسئنئز، حال بو کي، بو آدام منئم گؤزلرئمي آچيب.
ياخشي بئلئرئک کي، تاري گوناهکار آداملارا قولاق آسماز. تاري او آداما قولاق آسار کي، اونا عئبادت ادئر و اونون ائسته‌دئيئني يرئنه يتئرئر.
عالمئن باشلانيشيندان کئمسه اشئتمه‌يئب کي، آنادان کور دوغولموش بئر آدامين گؤزلري آچيلسين.
اگر بو آدام تاري طرفئندن اولماسايدي، هچ بئر شي ادهبئلمزدي."
فرئسئلر اونا جاواب ورئب ددئلر: "ائندي سن بئزه درس ورئرسن، سن کي، تامامن گوناه ائچئنده دوغولوبسان؟!" و اونو اشئيه سالديلار.
عئسا او آدامين اشئيه سالينديغيني اشئتدي و اونو تاپيب ددي: "آيا تارينين اوغلونا ائمان گتئرئرسن؟"
او آدام جاواب ورئب ددي: "آغا، او کئمدئر کي، اونا ائمان گتئرئم؟"
عئسا اونا ددي: "اونو گؤروبسن. سنئنله دانيشان او اؤزودور."
او آدام ددي: "يارب، ائمان گتئرئرم." و عئسايا پرستئش اتدي.
و عئسا ددي: "بو دونيايا حؤکم اتمک اوچون گلمئشم، اله کي، گؤرمه‌ينلر گؤرسونلر و گؤرنلر کور اولسونلار."
يانيندا اولان بعضي فرئسئلر بو سؤزلري اشئدئب اونا ددئلر: "يوخسا بئز ده کوروق؟!"
عئسا اونلارا ددي: "اگر کور اولسايدينيز، گوناهينيز اولمازدي. آمّا ائندي کي، «گؤروروک» ديئرسئنئز، گوناهينيز اوستونوزده قالير."
"دوغروسونو سئزه ديئرم؛ قويون آغيلينا قاپيدان گئرمه‌يئب، آيري بئر يردن آشيب-گئرن آدام، اوغرو و حرامي‌دئر.
آمّا قاپيدان گئرن قويونلارين چوباني‌دير.
قاپيچي قاپيني اونا آچار و قويونلار اونون سسئنه قولاق آسارلار. چوبان اؤز قويونلاريني آدلاري ائله چاغيرار و اشئيه چيخاردار.
بوتون قويونلاريني اشئيه چيخارداندان سونرا، اونلارين قاباغيندا گِدَر و قويونلار اونون دالينجا گدرلر، چونکي اونون سسئني تاني‌ييرلار.
اونلار ياد آدامين دالينجا گتمزلر. اونون اوچون قاچارلار کي، ياد آدامين سسئني تانيميرلار."
عئسا بو مثلي اونلارا ددي، آمّا او آداملار اونون ددئيئني آنلاماديلار.
اونون اوچون عئسا اونلارا گئنه ددي: "دوغروسونو سئزه ديئرم؛ قويونلار اوچون قاپي منم.
مندن قاباق گلنلرئن هاميسي اوغرو و حرامي ائدي. آمّا قويونلار اونلارين سسئنه قولاق آسماديلار.
قاپي منم. مندن گئرنلرئن هاميسي نئجات تاپاجاق؛ ائچه‌ري گئرهجکلر، اشئيه چيخاجاقلار و اوتلاق تاپاجاقلار.
اوغرو گلمز مگر اوغورلاماق، اؤلدورمک و هلاک اتمک اوچون. من گلمئشم کي، اونلار حياتا صاحئب اولسونلار و آرتيقليقلا اونا صاحئب اولسونلار.
ياخشي چوبان منم. ياخشي چوبان قويونلاردان اؤتري جانيندان کِچَر.
چوبان اولمايان و اوجرته ائشله‌ين آدام کي، قويونلارين صاحئبي ديئل، قوردون گلدئيئني گؤرونجه، قويونلاري بوراخيب قاچار و قورد اونلاري قاپيب داغيدار.
اوجرته ائشله‌ين آدام قاچار، چونکي اوجرته ائشله‌يئر و قويونلارين قيدئنه قالمير.
ياخشي چوبان منم و منئم اولانلاري تاني‌ييرام و منئم اولانلار دا مني تاني‌ييرلار.
اله کي، آتا مني تاني‌يير و من ده آتاني تاني‌ييرام و قويونلاردان اؤتري جانيمدان کچئرم.
بو آغيلدان اولمايان اؤزگه قويونلاريم دا وار کي، اونلاري گتئرمه‌لئيم. اونلار سسئمي اشئدهجکلر و بئر چوباني اولان سورو اولاجاقلار.
بونون اوچون آتا مني سوئر کي، جانيمدان کچئرم، اِله کي، اونو تکرار آليم.
کئمسه اونو مندن آلمير. من اؤزوم اونو ورئرم. اونو ورمه‌يه ده ائختئياريم وار، اونو گئنه آلماغا دا. بو حؤکمو آتامدان آلميشام."
عئسانين بو سؤزلرئنه گؤره يهودئلرئن آراسيندا گئنه ده ائختئلاف دوشدو.
اونلاردان چوخلاري ديئردئلر: "او دلي اولوب. ناپاک روح الئنده اسئردئر. نه اوچون اونا قولاق آسيرسينيز؟"
اؤزگهلري ده ديئردئلر: "دلي بئر آدام مگر کور بئر آدامين گؤزلرئني آچا بئلر؟"
اوندان سونرا، اورشلئمده وقف بايرامي يتئشدي.
قيش ائدي. عئسا معبدده، سوليمانين ايوانيندا گزئردي.
يهودئلر عئسانين اطرافينا ييغيليب اونا ددئلر: "نه واختا کئمي بئزي شک ائچئنده ساخلاياجاقسان؟ اگر وعدهسي ورئلمئش مسئح سنسن، آچيقجا بئزه ده."
عئسا اونلارا جاواب وردي: "سئزه ددئم و سئز ائنانميرسينيز. آتامين آديندا گؤردويوم ائشلر منئم حاقّيمدا شهادت ورئرلر.
آمّا سئز ائنانميرسينيز، چونکي منئم قويونلاريمدان ديئلسئنئز.
منئم قويونلاريم منئم سسئمي اشئدئرلر. من اونلاري تاني‌ييرام و اونلار منئم داليمجا گلئرلر.
و من اونلارا ابدي حيات ورئرم. اونلار هچ واخت هلاک اولمازلار و کئمسه ده اونلاري الئمدن قاپا بئلمز.
اونلاري منه ورن آتام، هاميدان بؤيوکدور و آتانين الئندن قاپماغا کئمسه قادئر ديئل.
من و آتا بئرئک."
يهودئلر اونو داشلاماق اوچون گئنه داش گؤتوردولر.
عئسا اونلارا ددي: "سئزه آتادان چوخ ياخشي ائشلر گؤرستدئم. بو ائشلرئن هانسيندان اؤتري مني داشلاييرسينيز؟"
يهودئلر اونا جاواب وردئلر: "سني ياخشي بئر ائش اوچون داشلاميريق، کوفر دانيشديغين اوچون سني داشلاييريق. اونون اوچون کي، بئر ائنسان ائکن اؤزونو تاري ادئرسن."
عئسا اونلارا جاواب وردي: "مگر «ددئم: سئز تاريلارسينيز» سؤزو شرئعتئنئزده يازيلماييب؟
تارينين موقدّس کلامي پوزولماز. اگر تاري اونون سؤزلرئني قبول ادن آداملاري «تاريلار» چاغيرير،
«تارينين اوغلويام» ددئيئم اوچون آتا طرفئندن موقدّس اولونوب دونيايا گؤنده‌رئلمئش آداما نجه «کوفر ديئرسن» دئيه بئلرسئنئز؟
اگر آتامين ائشلرئني گؤرمورم، منه ائنانمايين.
آمّا اگر گؤرورم، منه ائنانميرسينيز دا، اتدئيئم ائشلره ائنانين کي، آتانين منده و منئم ده آتادا اولدوغومو بئلئب آنلاسينيز."
او واخت گئنه اونو توتماغا چاليشديلار، آمّا عئسا اونلارين الئندن چيخدي.
و گئنه اوردون چايينين او بئري تايينا، يحيانين اوّلده تعمئد وردئيي يره گتدي و اورادا قالدي.
و چوخ آداملار اونون يانينا گلئب ددئلر: "يحيا حقئقتن هچ بئر مؤجوزه اتمهدي، آمّا بو آدامين حاقّيندا ددئيي بوتون سؤزلر دوغرو ائدي."
و اورادا چوخ آداملار اونا ائمان گتئردئلر.
مريم و باجيسي مارتانين کندي بيت‌عنيادان، ائلعازر آديندا بئر کئشي ناخوش ائدي.
بو اله او مريم ائدي کي، ربّين آياقلارينا ياغ تؤکوب ساچلاري ائله سئلدي. ناخوش اولان ائلعازر اونون قارداشي ائدي.
اونا گؤره باجيلار عئسايا خبر گؤنده‌ردئلر: "آغا، سودئيئن آدام ناخوشدور."
عئسا بونو اشئدنده ددي: "بو ناخوشلوغون آخيري اؤلوم ديئل، تارينين جلالي اوچوندور کي، تارينين اوغلو اونونلا عئزّت تاپسين."
عئسا مارتا، باجيسي مريم، و ائلعازري سوئردي.
ائلعازرئن ناخوشلوغونو اشئدندن سونرا، عئسا قالديغي يرده ائکي گون ده قالدي.
اوندان سونرا شاگئردلرئنه ددي: "گلئن گئنه يهودئيه دئيارينا گدک."
شاگئردلري اونا ددئلر: "اوستاد، يهودئلر سني داشلاماق ائسته‌يئردئلر و ائندي سن گئنه اورايا گدئرسن؟!"
عئسا جاواب وردي: "مگر بئر گون اونائکي ساعات ديئل؟ گوندوزده يرئين آدام سوروشمز. چونکي بو دونيانين ائشيغيندا گؤرور.
آمّا گجه قارانليغيندا گزن آدامدير کي، ائشيغي اولماديغينا گؤره سوروشر."
عئسا بو سؤزلري دئيندن سونرا اونلارا ددي: "دوستوموز ائلعازر يوخويا گدئب. گدئرم اونو يوخودان اوياديم."
شاگئردلر اونا ددئلر: "آغا، اگر يوخويا گتمئشسه، توختاياجاق."
عئسانين او سؤزدن مقصدي ائلعازرئن اؤلومو ائدي. آمّا اونلار اله گومان اتدئلر کي، يوخودان حاصئل اولان دئنجلمکدن دانيشير.
اونون اوچون ده عئسا آچيقجا اونلارا ددي: "ائلعازر اؤلوبدور.
سئزئن ائمان گتئرمه‌يئنئز اوچون اورادا اولماديغيمدان چوخ سوئنئرم. آمّا گلئن اونون يانينا گدک."
"اکئز" آدلانان توماس او بئري شاگئردلره ددي: "گلئن بئز ده اونونلا گدئب اونونلا بئرلئکده اؤلک."
عئسا بيت‌عنيايا ياخينلاشاندا، ائلعازرئن قبئره قويولماسيندان دؤرد گون کچئردي.
بيت عنيانين اورشلئمدن ياريم آغاجدان آز آراسي وار ائدي.
و يهودئلردن چوخلاري مريم و مارتانين يانينا گلمئشدئلر کي، قارداشلارينين اؤلومو اوچون اونلارا تسلّي ورسئنلر.
مارتا عئسانين گلدئيئني اشئدن واخت، اونون قاباغينا چيخدي. آمّا مريم اِوده اوتورموشدو.
مارتا عئسايا ددي: "آغا، اگر بورادا اولسايدين، قارداشيم اؤلمزدي.
و ائندي ده بئلئرم کي، تاريدان نه ائستيهسن، تاري سنه ورهجک."
عئسا اونا ددي: "قارداشين گئنه دئرئلهجک."
مارتا اونا ددي: "بئلئرم کي، قئيامت گونونده، او آخير گونده گئنه دئرئلهجک."
عئسا اونا ددي: "«قئيامت و حيات منم. منه ائمان گتئرن اؤلسه ده، ياشايار.
و ياشايان هر کس منه ائمان گتئرسه، اصلا اؤلمز. آيا بونا ائنانيرسان؟"
مارتا اونا ددي: "بلي يارب، ائنانميشام کي، مسئح سنسن؛ او تارينين اوغلو کي، اونون بو دونيايا گلهجه‌يي قاباقدان خبر ورئلئب."
بونو دئيندن سونرا گدئب باجيسي مريمي گئزلئجه چاغيردي و اونا ددي: "اوستاد بورادادير و سني چاغيرير."
مريم بونو اشئدنده تله‌سئک قالخيب عئسانين يانينا گلدي.
عئسا حله کنده گئرمهمئشدي و مارتا ائله راستلاشان يرده ائدي.
مريمله اِوده اوتوران يهودئلر و اونا تسلّي ورنلر مريمئن تله‌سئک قالخيب گتدئيئني گؤرنده اونون دالينجا گتدئلر و گومان ادئردئلر کي، گدئر قبئرئن اوستونده آغلاسين.
مريم عئسانين اولدوغو يره گلدي و اونو گؤرنده اونون آياقلارينا دوشوب ددي: "آغا، اگر بورادا اولسايدين، قارداشيم اؤلمزدي."
عئسا، مريم و اونونلا گلن يهودئلرئن آغلاديغيني گؤرنده روحونو قم باسدي و اوره‌يي سيخيلدي.
و ددي: "اونو هارايا قويوبسونوز؟" اونلار عئسايا ددئلر: "آغا، گل اؤزون گؤر."
عئسا آغلادي.
بونا گؤره يهودئلر ددئلر: "گؤر ائلعازري نه قدر سوئردي!"
آمّا اونلاردان بعضئلري ددئلر: "آيا کور آدامين گؤزلرئني آچان بو آدام، او کئشئنئن اؤلومونه مانع اولا بئلمزدي؟"
عئسانين روحونو گئنه قم باسدي و قبئرئن يانينا گلدي. قبئر بئر ماغارا ائدي و گئرئش آغيزيني بئر داش توتموشدو.
عئسا ددي: "داشي گؤتورون." اؤله‌نئن باجيسي مارتا اونا ددي: "آغا، ائندي او قوخويور. اؤلوموندن دؤرد گون کچئر."
عئسا مارتايا ددي: "دمه‌دئم اگر ائمان گتئرهسن، تارينين جلاليني گؤررسن؟!"
او واخت ماغارانين آغيزيني توتان داشي گؤتوردولر و عئسا گؤزلرئني گؤيه قالديريب ددي: "آتا، مني اشئتدئيئن اوچون سنه شوکور ادئرم.
و بئلئردئم کي، سن همئشه مني اشئدئرسن. آمّا بورادا دوران جاماعات اوچون ددئم کي، سنئن مني گؤنده‌ردئيئنه ائمان گتئرسئنلر."
و بو سؤزلري دئيندن سونرا اوجا بئر سسله چاغيردي: "ائلعازر، اشئيه گل."
اؤلموش آدام ال-آياغي کفن ائچئنده باغلي و اوزو دسماللا سرئلمئش اشئيه چيخدي. عئسا اونلارا ددي: "اونو آچين. قويون گتسئن."
او زامان مريمئن يانينا گلمئش يهودئلرئن چوخلاري، عئسانين بو ائشئني گؤره‌نده اونا ائمان گتئردئلر.
آمّا اونلاردان بعضئلري فرئسئلرئن يانينا گدئب، عئسانين اتدئيي ائشلرئني اونلارا خبر وردئلر.
بو سببدن باش کاهئنلر و فرئسئلر شورا قوروب ددئلر: "نه ادک؟ بو آدام بئر چوخ علامتلر گؤرسه‌دئر؟
اگر اونو بله اؤز-باشينا بوراخاق، هامي اونا ائمان گتئرهجک، و روملولار دا گلئب هم موقدّس يرئمئزي، هم ده مئلّتئمئزي يوخ ادهجکلر."
آمّا اونلاردان بئري قيافا، همئن ائلئن باش کاهئني، اونلارا ددي: "سئز هچ بئر شي بئلمئرسئنئز.
مگر دوشونمورسونوز کي، خالق يولوندا بئر آدامين اؤلمه‌سي بئزئم اوچون بوتون خالقين محو اولماسيندان داها ياخشيدير؟!"
قيافا بو سؤزو اؤزوندن دمئردي. قيافا همئن ائلئن باش کاهئني اولاراق، نبئلئک ادئب قاباقجادان خبر وردي کي، عئسا، مئلّت يولوندا اؤلهجک.
و فقط او مئلّت يولوندا يوخ، تارينين داغيلميش اؤولادلاري يولوندا دا کي، اونلاري بئر يره ييغيب هاميسيني بئر اتسئن.
اله او گوندن اونو اؤلدورمک اوچون مصلحتلشدئلر.
اونون اوچون عئسا آرتيق يهودئلر آراسيندا آچيقجا گزمئردي و اورادان آيريليب، کؤشنه ياخين اِفرايئم آدلي بئر شهره گتدي و شاگئردلری ائله اورادا قالديلار.
يهودئلرئن پاسخا بايرامي ياخينلاشيردي. اونون اوچون ده چوخ آداملار اؤزلرئني تطهئر اتمک اوچون بايرامدان قاباق هر يردن، اوزاقدان-ياخيندان اورشلئمه گتدئلر.
اونلار عئساني آختاريرديلار و معبدده بئربئرلرئنه ديئردئلر: "سئز نه دوشونورسونوز؟ آيا او، بايرام اوچون گلهجک؟"
چونکي باش کاهئنلر و فرئسئلر امر ورمئشدئلر کي، عئسانين يرئني بئلنلر، اونون ياخالانماسي اوچون گرک هارادا اولدوغونو اونلارا خبر ورسئنلر.
عئسا، پاسخا بايراميندان آلتي گون قاباق، بيت عنيايا، اؤلولردن دئرئلتدئيي ائلعازرئن ياشاديغي يره گلدي.
اورادا اونون اوچون بئر قوناقليق وردئلر. مارتا خئدمت ادئردي و ائلعازر عئسا ائله سوفره باشيندا اوتورانلاردان بئري ائدي.
مريم بئر شوشه چوخ قئيمتلي خالئص سونبول ياغيني گؤتوروب عئسانين آياقلارينا سورتدو و ساچلاري ائله اونون آياقلاريني سئلدي. اِو سونبول ياغينين عطري ائله دولدو.
ائسکاريوتلو يهودا، عئسانين شاگئردلرئندن بئري کي، اونا خيانت اِتمَک نئيّتئنده ائدي، ددي:
"نه اوچون بو ياغ اوچ يوز دئنارا ساتيليب، مؤحتاج آداملارا ورئلمه‌دي؟"
بونو مؤحتاج آداملارين قيدئنه قالديغي اوچون دمئردي. اوغرو اولدوغو اوچون ديئردي. کئسه اونون يانيندا ائدي و اونا قويولانلاردان اؤزونه ده گؤتورَردي.
عئسا ددي: "اونونلا ائشئن اولماسين. قوي اونو منئم دفنئم اوچون ساخلاسين.
مؤحتاج آداملار همئشه آرانيزدا وارديرلار. آمّا من همئشه آرانيزدا ديئلم."
يهودئلردن چوخلاري عئسانين اورادا اولدوغوندان خبردار اولوب فقط عئساني گؤرمک اوچون يوخ، اؤلولردن دئرئلتدئيي ائلعازري گؤرمک اوچون ده اورايا گلدئلر.
اونون اوچون باش کاهئنلر مصلحتله‌شئب ائلعازري ده اؤلدورمه‌يه قرار قويدولار.
چونکي اونون اوزوندن يهودئلردن چوخلاري گدئب عئسايا ائمان گتئرئردئلر.
او گونون صاباحي بايراما گلن بؤيوک بئر جاماعات، عئسانين اورشلئمه گلمکده اولدوغونو اؤيره‌نَنده،
خورما بوداقلاريني گؤتوروب اونون پئشوازينا چيخديلار و سسله‌نئردئلر: "هوسانّا، ربّئن آديندا گلن ائسرايئلئن پادشاهي موبارک اولسون!"
عئسا بئر سيپا تاپيب اوستونه مئندي. نجه کي، يازيلميشدير:
صحيون قيزي، قورخما. باخ، پادشاهين گلئر. بئر سيپايا مئنمئش گلئر.
شاگئردلر بو شيلري اوّلجه آنلاماديلار. آمّا عئسانين جلال تاپديغيندان سونرا، بو سؤزلرئن اونون حاقّيندا يازيلديغيني و خالقين بو شيلري اونون اوچون اتدئکلرئني خاطيرلاديلار.
و عئسانين ائلعازري چاغيريب اؤلولردن دئرئلتدئيي زامان اونونلا اولموش خالق، بونا شهادت ورئردئلر.
اونون اوچون ده خالق اونون پئشوازينا چيخدي. چونکي اونون گؤرستدئيي بو مؤجوزهني اشئتدئلر.
فرئسئلر بئربئرلرئنه ددئلر: "گؤرورسونوز، الئمئزدن هچ بئر شي گلمئر. عالم اونون دالينجا گدئر."
بايرامدا عئبادت اوچون اورشلئمه گلنلر آراسيندا بعضي يونانئلر ده وار ائدي.
بو يونانئلر جلئلئن بيت صيدا کندئندن اولان فئلئپوسا ياخينلاشيب اوندان خاهئش اتدئلر: "آغا، عئساني گؤرمک ائسته‌يئرئک."
فئلئپوس گدئب بو مطلبي آندرياسا ددي. آندرياس و فئلئپوس دا گدئب بونو عئسايا خبر وردئلر.
عئسا اونلارا ددي: "ائنسان اوغلونون جلال تاپماق واختي يتئشدي.
دوغروسونو سئزه ديئرم؛ بوغدانين توخومو يره دوشوب اؤلمه‌سه، تک قالار. آمّا اؤلسه، چوخ محصول وِرَر.
جانيني سون، اونو ائتئرر. آمّا بو دونيادا جانيني سِومه‌ين، اونو ابدي حياتا کئمي حئفظ ادر.
منه خئدمت ادن آدام گرک منئم داليمجا گلسئن. من هارادا اولسام، منه خئدمت ادن ده اورادا اولاجاق. منه خئدمت ادن هر کس آتا طرفئندن عئزّت تاپاجاق.
ائندي جانيم سيخيلير. و نه ديئم؛ «آتا، مني بو ساعاتدان قورتار؟!» آمّا من اله بو ساعات اوچون گلدئم.
آتا اؤز آديني اوجالت." او زامان گؤيدن بئر سس گلدي: "اوجالتديم، گئنه ده اوجالتاجاغام."
اورادا دوران و بونو اشئدن خالق ددي: "گؤي گورولدادي." اؤزگهلري ددئلر: "بئر ملک اونونلا دانيشيب."
عئسا ددي: "بو سس منئم اوچون گلمه‌دي، سئزئن اوچون گلدي.
بو دونيا ائندي موحاکئمه اولونور. ائندي بو دونيانين حؤکمداري اشئيه آتيلاجاق.
آمّا من، يردن قالديريلديغيم زامان، بوتون ائنسانلاري اؤزومه چکهجه‌يم."
عئسا بو سؤزو دمکده نجه اؤلهجه‌يئني بئلدئردي.
خالق اونا ددي: "بئز شرئعتدن اؤيرنمئشئک کي، مسئح ابده کئمي قالاجاق. سن ائندي نجه ديئرسن ائنسان اوغلونون قالديريلماسي لازيمدير؟! بو ائنسان اوغلو کئمدئر؟"
عئسا اونلارا ددي: "نور آز بئر زامان داها آرانيزدا اولاجاق. نورونوز وار ائکن گزئن، مبادا قارانليق سئزي توتسون. قارانليقدا گزن آدام هارايا گتدئيئني بئلمز.
نورونوز وار ائکن نورا ائنانين کي، نورون اوغوللاري اولاسينيز." عئسا بو سؤزلري دئيندن سونرا گدئب اونلاردان گئزلندي.
عئسا گرچي اونلارين گؤزلري قاباغيندا چوخ علامتلر گؤرستدي، اونلار گئنه اونا ائمان گتئرمه‌دئلر کي،
اشعيا پيغمبرئن خبر وردئيي سؤز يرئنه يتئشسئن؛ يارب، وردئيئمئز خبره کئم ائناندي؟ و ربّئن قودرتي کئمه گؤروندو؟
اونلار اونون اوچون اونا ائمان گتئره بئلمئردئلر چونکي، اشعيا باشقا بئر يرده دمئشدي؛
تاري اونلارين گؤزلرئني کور اتدي، اورکلرئني داشا دؤنده‌ردي. اونون اوچون ده نه گؤزلری ائله گؤرمه‌يه قادئر اولدولار، نه اورکلری ائله آنلاماغا، نه ده منه طرف دؤنمه‌يه کي، من اونلارا شفا ورئم.
اشعيا بو سؤزلري ددي، چونکي ربّئن جلاليني گؤردو و اونون حاقّيندا دانيشدي.
گئنه ده ريئسلردن چوخلاري عئسايا ائمان گتئردئلر، آمّا فرئسئلر اوزوندن ائمان گتئردئکلرئني آچيقجا دمه‌دئلر. چونکي قورخوردولار کنئسهدن اشئيه سالينسينلار.
چونکي اونلار ائنساندان گلن عئزّتي تاريدان گلن عئزّتدن داها چوخ سوئردئلر.
آمّا عئسا اوجا سسله اونلارا ددي: "منه ائمان گتئرن، منه يوخ، مني گؤنده‌ره‌نه ائمان گتئرئر.
و مني گؤرَن، مني گؤنده‌ره‌ني گؤرور.
من دونيايا نور اولاراق گلدئم کي، منه ائمان گتئرن هر کس قارانليقدا قالماسين.
سؤزلرئمي اشئدئب اونلارا ائنانمايان آداما من حؤکم اتمه‌يهجه‌يم. چونکي دونياني موحاکئمه اتمک اوچون گلمهمئشم، دونيايا نئجات ورمک اوچون گلمئشم.
مني ردّ ادن و سؤزلرئمي قبول اتمه‌ين آداما حؤکم ادن بئري وار؛ ددئيئم سؤزلر آخير گونده اونا حؤکم ادهجک.
چونکي من اؤزومدن دانيشماديم. مني گؤنده‌رن آتا نه دئيهجه‌يئمي و نه دانيشاجاغيمي منه بويوردو.
و من بئلئرم کي، اونون بويوردوقلاري ابدي حياتدير. اونون اوچون نه دانيشيرام، آتا منه ددئيي کئمي دانيشيرام."
پاسخا بايراميندان قاباق، عئسا بئلئردي کي، بو دونيادان آيريليب آتانين يانينا گدهجه‌يي ساعات يتئشئب. اونون اوچون ده، دونيادا اولان اؤزونونکولري سوه‌رک، اونلاري آخيرا قدر سِودي.
شام يئينده ائبلئس، ائسکاريوتلو شمعون اوغلو يهودانين اوره‌يئنه عئساني تسلئم اتمک فئکرئني سالميشدي.
عئسا آتانين هر شيي اونون ائختئياريندا قويدوغونو بئلئردي و تاريدان گلئب اونون يانينا گدهجه‌يئني ده بئلئردي.
عئسا يمکدن قالخدي و اوست پالتاريني چيخارديب بئر يانا قويدو. و بئر دسمال گؤتوروب بلئنه باغلادي.
سونرا لَيَنه سو تؤکوب شاگئردلرئن آياقلاريني يوماغا و بلئنه باغلاديغي دسماللا قورولتماغا باشلادي.
عئسا، شمعون پطروسون يانينا ياخينلاشاندا او، عئسايا ددي: "يارب، منئم آياقلاريمي سن يويورسان؟!"
عئسا جاواب ورئب اونا ددي: "منئم نه اتدئيئمي سن ائندي بئلمزسن. آمّا سونرا باشا دوشهجکسن."
پطروس اونا ددي: "منئم آياقلاريمي اصلا يوماياجاقسان." عئسا اونا ددي: "اگر سنئن آياقلاريني يوماسام، منئمله پايين اولماز."
شمعون پطروس اونا ددي: "يارب، فقط آياقلاريمي يوخ، اللرئمي و باشيمي دا يو."
عئسا اونا ددي: "يويولموش آدامين فقط آياقلاريني يوماق لازيمدير. چونکي تامامن تمئزدئر. سئز ده تمئزسئنئز، آمّا هامينيز يوخ."
چونکي عئسا اونا خيانت اده‌ني تاني‌ييردي. اونون اوچون ده ددي؛ "هامينيز تمئز ديئلسئنئز."
عئسا شاگئردلرئن آياقلاريني يويوب اوست پالتاريني گِيَندن سونرا، گئنه سوفره باشيندا اوتوردو و اونلارا ددي: "آيا سئزه نه اتدئيئمي آنلادينيز؟
سئز مني اوستاد و رب چاغيريرسينيز و دوغرو دا چاغيريرسينيز، چونکي اويام.
اگر من رب و اوستاد اولدوغوم حالدا سئزئن آياقلارينيزي يودوم، سئز ده گرک بئربئرئزئن آياقلاريني يوياسينيز.
چونکي سئزه بئر نومونه وردئم کي، سئز ده منئم سئزه اتدئيئم کئمي اِدهسئنئز.
دوغروسونو سئزه ديئرم، قول آغاسيندان بؤيوک ديئل، الچي ده اونو گؤنده‌ره‌ندن اوستون ديئل.
ائندي کي، بو شيلري بئلئرسئنئز، اگر اونلارا عمل ادهسئنئز، بختورسئنئز."
"هامينيزين حاقّيندا دانيشميرام. من سچدئکلرئمي تاني‌ييرام. لاکئن بو اونون اوچوندور کي، موقدّس کئتابين يازديغي سؤز يرئنه يتئشسئن؛ «منئمله چؤرک يئين منه خيانت اتدي.»
بونو سئزه ائندئدن، حله باش ورمه‌دن ديئرم کي، باش ورن زامان منئم «او» اولدوغوما ائناناسينيز.
دوغروسونو سئزه ديئرم؛ منئم گؤنده‌ردئيئم آدامي قبول ادن، مني قبول ادئر و مني قبول ادن مني گؤنده‌رني قبول ادئر."
بو سؤزلري دئيندن سونرا، عئسانين روحو سيخيلدي و شهادت ورئب ددي: "دوغروسونو سئزه ديئرم کي، سئزدن بئري منه خيانت ادهجک."
شاگئردلر بئربئرلرئنه باخيب حيران قالميشديلار کي، کئمئن حاقّيندا دانيشير.
شاگئردلردن بئري سوفره باشيندا عئسانين يانيندا اوتوروب اونون سئنهسئنه سؤيکنمئشدي. عئسا بو شاگئردي سوئردي.
شمعون پطروس بو شاگئرده ائشاره ادئب اوندان سوروشدو: "کئمئن حاقّيندا ديئر؟"
او دا عئسايا آرتيق ياخينلاشيب اوندان سوروشدو: "يارب، او کئمدئر؟"
عئسا اونا جاواب وردي: "چورک تئکهسئني باتيريب کئمه ورسم، او اؤزودور." او زامان عئسا، چؤرک تئکهسئني باتيريب ائسکاريوتلو شمعون اوغلو يهودايا وردي.
يهودا چؤرک تئکهسئني آلان زامان، شيطان اونون ائچئنه گئردي. او واخت عئسا اونا ددي: "ادهجهيئني تز ات."
آمّا سوفره باشيندا اوتورانلاردان هچ کئم بو سؤزون نه اوچون ددئيئني آنلامادي.
کئسه يهودانين يانيندا اولدوغوندان بعضئلري اِله گومان اتدئلر کي، عئسا اونا ديئر: "بايرام اوچون بئزه لازيم اولان شيلري ساتين آل" يا دا "مؤحتاج آداملارا بئر شي ور."
يهودا تئکهني آلاندان سونرا، درحال اشئيه چيخدي. و گجه ائدي.
يهودانين گتدئيئندن سونرا، عئسا ددي: "ائندي ائنسان اوغلو جلال تاپير و تاري اوغولدا جلال تاپير.
اگر تاري اوندا جلال تاپسا، تاري دا اوغولو اؤزونده عئزّتلندئرهجک و درحال اونا جلال ورهجک.
اؤولادلاريم، آرتيق قيسا بئر مودّته کئمي سئزئنله‌يَم. مني آختاراجاقسينيز، آمّا يهودئلره ددئيئم کئمي سئزه ده ائندي ديئرم؛ گدهجهيئم يره سئز گله بئلمزسئنئز.
سئزه تزه بئر امر ورئرم؛ بئربئرئنئزي سوئن. من سئزي سودئيئم کئمي، سئز ده گرک بئربئرئنئزي سوهسئنئز.
اگر بئربئرئنئزي سوهسئنئز، بوندان بوتون ائنسانلار بئلرلر کي، سئز منئم شاگئردلرئمسئنئز."
شمعون پطروس اونا ددي: "يارب، سن هارايا گدئرسن؟" عئسا جاواب وردي: "من گدهجهيئم يره، سن ائندي داليمجا گله بئلمزسن. آمّا سونرا گله‌جکسن."
پطروس اونا ددي: "يارب، نئيه ائندي دالينجا گله بئلمه‌رم؟ من سنئن اوچون جانيمدان کچه‌رم."
عئسا جاواب وردي: "سن منئم اوچون جانيندان کچرسن؟! دوغروسونو سنه ديئرم، خوروز بانلاماميش سن مني اوچ دفه ائنکار ادهجکسن.
اوره‌يئنئز اوزولمه‌سئن. تارييا ائمان گتئرئن، منه ده ائمان گتئرئن.
آتامين اوئنده چوخ اوتاق وار. اولماسايدي، سئزه دئيردئم. اونا گؤره گدئرم سئزئن اوچون ير حاضيرلايام.
و اگر گدئب سئزئن اوچون بئر ير حاضيرلاسام، گئنه گلئب سئزي اؤز يانيما آپارارام کي، من اولان يرده سئز ده اولاسينيز.
هارايا گدهجهيئمي بئلئرسئنئز، يولو دا تاني‌ييرسينيز."
توماس اونا ددي: "يارب، هارايا گدهجه‌يئني بئلمئرئک، يولو نجه بئله‌رئک؟"
عئسا اونا ددي: "يول، حقئقت و حيات منم. هچ کس آتانين يانينا گله بئلمز، مگر من واسئطه اولام.
اگر مني تانيسايدينيز، آتامي دا تانيياردينيز. ائندئدن اونو تاني‌ييرسينيز و اونو گؤروبسونوز."
فئلئپوس ددي: "يارب، آتاني بئزه گؤرسد و بو بئزئم اوچون کئفايت ادر."
عئسا اونا ددي: "فئلئپوس، بو قدر سئزئنله اولاراق مني حله تانيماييبسان؟ مني گؤرن آتاني گؤروب. نجه آتاني بئزه گؤرسد ديئرسن؟
ائنانميرسان کي، من آتادايام و آتا مندهدئر؟ سئزه ددئيئم سؤزلري اؤزومدن دمئرم. بو، منده اولان آتادير کي، اؤز ائشلرئني گؤرور.
ائنانين کي، من آتادايام و آتا دا مندهدئر. يوخسا، او ائشلره گؤره ائنانين.
دوغروسونو سئزه ديئرم، من اتدئيئم ائشلري، منه ائمان گتئرن آدام دا ادهجک. و بونلاردان داها بؤيوک ائشلر ده ادهجک، چونکي من آتانين يانينا گدئرم.
و منئم آديمدا هر نه ائسته‌يهسئنئز، اونو ادهجهيم کي، آتا اوغولدا عئزّت تاپسين.
منئم آديمدا مندن هر نه ائسته‌يهسئنئز، ادهجهيم."
"اگر مني سوئرسئنئز، امر اتدئکلرئمي يرئنه يتئررسئنئز.
و من آتادان خاهئش ادهجهيم و او سئزه باشقا بئر تسلّي ورن ورهجک کي، ابده کئمي سئزئنله قالسين.
او حقئقت روحودور کي، دونيا اونو قبول اده بئلمز. چونکي نه اونو گؤرر، نه ده اونو تانييار. آمّا سئز اونو تاني‌ييرسينيز، چونکي سئزئنله قالير و سئزده اولاجاق.
سئزي يتئم بوراخماياجاغام، سئزئن يانينيزا گلهجه‌يم.
بئر آز مودّت سونرا، دونيا داها مني گؤرمهيهجک. آمّا سئز مني گؤرهجکسئنئز. من ياشاديغيم اوچون سئز ده ياشاياجاقسينيز.
او گون آنلاياجاقسينيز کي، من آتامدايام و سئز مندهسئنئز، و من سئزده‌يم.
مني سون او آدامدير کي، امر اتدئکلرئم اوندادير و اونلاري يرئنه يتئرئر. مني سون، آتام طرفئندن سوئلهجک و من اونو سوئب اؤزومو اونا ظاهئر ادهجهيم."
يهودا (نه او ائسکاريوتلو) عئسايا ددي: "يارب، نه اولوب کي، اؤزونو آرتيق دونيايا يوخ، بئزه ظاهئر ادهجکسن؟"
عئسا جاواب ورئب اونا ددي: "هر کس مني سِوسه، سؤزومو يرئنه يتئرر و آتام اونو سِوَر و بئز اونون يانينا گلئب اونونلا مسکن توتاريق.
مني سِومه‌ين آدام، سؤزلرئمي يرئنه يتئرمز. و اشئتدئيئنئز سؤزلر منئم اؤزومدن ديئل، مني گؤنده‌رن آتانيندير.
يانينيزدا اولارکن بونلاري سئزه ددئم.
لاکئن تسلّي وِرَن، همئن موقدّس روح کي، آتا منئم آديمدا گؤندهرهجک، او، سئزه هر شيي اؤيردهجک و سئزه دديئم هر شيي سئزه خاطيرلاداجاق.
سئزئن اوچون باريش قويورام. اؤز باريشيمي سئزه ورئرم. دونيا ورن کئمي يوخ، من سئزه ورئرم. اوره‌يئنئز اوزولمه‌سئن. قورخمايين.
اشئتدئنئز کي، سئزه دديم: «گدئرم آمّا گئنه يانينيزا گلهجه‌يم.» اگر مني سِوسَيدئنئز، آتامين يانينا گدهجه‌يئمدن سوئنردئنئز. چونکي آتا مندن بؤيوکدور.
و ائندي بونو، باش ورمه‌دن سئزه ديئرم کي، باش وردئيي زامان ائناناسينيز.
آرتيق سئزئنله چوخ دانيشماياجاغام، چونکي بو دونيانين حؤکمداري گلئر. اونون منئم اوستومده هچ بئر قودرتي يوخدور.
آمّا اونون اوچون کي، دونيا بئلسئن من آتاني سوئرم و آتانين منه امر اتدئکلرئني يرئنه يتئرئرم. دورون بورادان گدک.
من حقئقي اوزوم آغاجي‌يام و آتام باغباندير.
منده اولوب ميوه ورمه‌ين هر بوداغي، او، کسئب آتير و ميوه ورن هر بوداغي تمئزله‌يئر کي، آرتيق ميوه ورسئن.
ائندي سئز، سئزه ددئيئم سؤزلر اوزوندن تمئزسئنئز.
منده قالين و من ده سئزده قالاجاغام. نجه کي، بوداق آغاجدا قالمايينجا اؤز-اؤزوندن ميوه وره بئلمز، سئز ده منده قالمايينجا بله‌سئنئز.
من اوزوم آغاجي‌يام و سئز بوداقلارسينيز. منده قالان و من اوندا قالان آدام چوخ ميوه گتئرر. چونکي منسئز هچ بئر شي ادهبئلمزسئنئز.
منده قالمايان آدام بوداق کئمي چؤله آتيليب قورويار. ائنسانلار اونلاري ييغيب اودا آتارلار و اونلار يانار.
اگر سئز منده قالاسينيز و منئم سؤزلرئم سئزده قالسا، نه آرزو ادئرسئنئز، ائسته‌يئن و سئزه ورئلهجک.
آتام سئزئن چوخ ميوه گتئرمه‌يئنئزله عئزّتله‌نئر و بلجه منئم شاگئردلرئم اولورسونوز.
نجه کي، آتا مني سِوئب، من ده سئزي اله سومئشم. منئم محبّتئمده قالين.
اگر منئم امرلرئمي يرئنه يتئرهسئنئز، منئم محبّتئمده قالارسينيز. نجه کي، من آتامين امرلرئني يرئنه يتئرمئشم و اونون محبّتئنده قاليرام.
بو شيلري اونون اوچون سئزه دمئشم کي، منئم شادليغيم سئزده قالسين و سئزئن شادليغينيز کامئل بئر شادليق اولسون.
منئم امرئم بودور؛ سئزي سِودئيئم کئمي، سئز ده بئربئرئنئزي سوئن.
هچ کسده بوندان بؤيوک بئر محبّت اولا بئلمز کي، جانيني دوستلاري يولوندا فدا اتسئن.
اگر سئزه امر اتدئکلرئمي يرئنه يتئرهسئنئز، منئم دوستلاريمسينيز.
آرتيق سئزي قول چاغيرميرام، چونکي قول آغاسينين نه اتدئيني بئلمز. سئزي دوست چاغيريرام، چونکي آتامدان اشئتدئيئم بوتون شيلري سئزه بئلدئردئم.
سئز مني سچمه‌دئنئز، من سئزي سچدئم و تعيئن اتدئم کي، گدئب ميوه گتئرهسئنئز و گتئردئيئنئز ميوه همئشه قالسين کي، منئم آديمدا آتادان ائسته‌دئيئنئزي آتا سئزه ورسئن.
بو امرلري اونون اوچون سئزه ورئرم کي، بئربئرئنئزي سوهسئنئز.
اگر دونيا سئزدن نئفرت اتسه، بئلئن کي، سئزدن اوّل مندن نئفرت ادئب.
اگر دونيادان اولسايدينيز، دونيا اؤزونونکونو سوردي. آمّا سئز دونيادان ديئلسئنئز و من سئزي بو دونيادان سچمئشم. اونون اوچون ده دونيا سئزدن نئفرت ادئر.
سئزه ددئيئم سؤزو خاطيرلايين؛ «قول آغاسيندان بؤيوک ديئل.» اگر اونلار منه اذئيّت وردئلر، سئزه ده اذئيّت ورهجکلر. اگر منئم سؤزلرئمي يرئنه يتئردئلر، سئزئن ده سؤزلرئنئزي يرئنه يتئرهجکلر.
آمّا منئم آديم اوزوندن بوتون بو شيلري سئزه ادهجکلر، چونکي مني گؤنده‌ره‌ني تانيميرلار.
اگر گلئب اونلارلا دانيشماسايديم، گوناهلاري اولمازدي. آمّا ائندي گوناهلاري اوچون اونلارا هچ بئر عوذر قالماييب.
مندن نئفرت ادن، منئم آتامدان دا نئفرت ادئر.
اگر اونلارين آراسيندا آيري آداملارين الئندن گلمه‌ين عمللري اتمه‌سَيدئم، گوناهلاري اولمازدي. آمّا ائندي اونلار هم عمللرئمي گؤروبلر و هم مندن، هم ده آتامدان نئفرت ادئبلر.
آمّا بو اولدو کي، شرئعتده يازيلميش بو سؤز يرئنه يتئشسئن: «مندن سببسئز نئفرت اتدئلر.»
آتادان سئزه گؤنده‌رهجه‌يئم تسلّي ورن گلدئکجه منئم حاقّيمدا شهادت ورهجک. همئن حقئقت روحو کي، آتادان چيخيب گلئر.
و سئز ده منئم حاقّيمدا شهادت ورهجکسئنئز، چونکي باشلانيشدان منئمله وارسينيز.
بو سؤزلري اوندان اؤتري سئزه ددئم کي، ائمانينيز سوستلَشمه‌سئن.
سئزي کنئسهلردن قوواجاقلار. بلي، اله واخت گلر کي، سئزي اؤلدورَن هر کس تارييا خئدمت اتدئيئني گومان اِدَر.
و بو ائشلري اِدَرلر، چونکي نه آتاني تاني‌ييرلار نه ده مني.
آمّا بو شيلري سئزه ددئم کي، همئن واخت گلنده، بونلاري سئزه ددئيئمي خاطيرلاياسينيز. بو شيلري باشلانيشدان سئزه دمه‌دئم، چونکي سئزئنله ائدئم.
آمّا ائندي مني گؤندهرهنئن يانينا گدئرم، و سئزدن هچ بئرئنئز مندن سوروشمور؛ «سن هارايا گدئرسن؟»
لاکئن بو شيلري سئزه ددئيئم اوچون اوره‌يئنئز قمله دولوب.
آمّا حقئقتي سئزه ديئرم؛ منئم گتمه‌يئم سئزئن اوچون خيئرليدئر. چونکي گتمه‌سم، تسلّي ورن سئزئن يانينيزا گلمز. آمّا اگر گِتسَم، اونو سئزئن يانينيزا گؤنده‌رهرَم.
او، گلدئيي زامان، دونيانين آداملارينا گوناهين نه اولدوغونو، صالحلئيئن نه اولدوغونو، و تارينين موحاکئمهسئنئن نه اولدوغونو بئلدئرهجک.
اونلارين گوناهيني گؤرسدهجک کي، منه ائمان گتئرمئرلر.
حقئقي صالحلئيي اونلارا آشکار ادهجک، چونکي آتانين يانينا گدئرم و آرتيق مني گؤرمه‌يهجکسئنئز.
و تارينين موحاکئمهسئنئن نه اولدوغونو دا اونلارا گؤرسدهجک، چونکي بو دونيايا حؤکمدارليق ادن روح محکوم اولونوب.
سئزه دمه‌لي چوخ سؤزلرئم وار، آمّا ائندي اونلاري درک ادهبئلمزسئنئز.
لاکئن او، يعني حقئقت روحو گلنده، سئزي بوتون حقئقته هئدايت ادهجک. چونکي اؤزوندن هچ بئر شي دمه‌يهجک. نه اشئدئر، اونلاري دئيهجک و گلهجکده اولاجاقلاري سئزه خبر ورهجک.
او منه عئزّت ورهجک، چونکي منئم اولانلاردان آليب سئزه بئلدئرهجک.
آتانين هر شيي وار، منئمدئر. اونون اوچون ده ددئم کي، منئم اولانلاردان آليب سئزه بئلدئرهجک.
آز بئر زاماندان سونرا مني آرتيق گؤرمه‌يهجکسئنئز و آز بئر زاماندان سونرا مني گئنه گؤرهجکسئنئز."
شاگئردلردن بعضئلري بئربئرلرئنه ددئلر: "«آز بئر زاماندان سونرا مني آرتيق گؤرمه‌يهجکسئنئز و آز بئر زاماندان سونرا مني گئنه گؤرهجکسئنئز» و «چونکي آتانين يانينا گدئرم» سؤزدن نه نئيّتي وار؟"
اونا گؤره ده ديئردئلر: "«آز بئر زامان» دمکدن مقصدي نه‌دئر؟ اونون ددئيئني آنلاميريق."
عئسا اونلارين سوروشماق ائسته‌دئکلرئني آنلاييب اونلارا ددي: "«آز بئر زاماندان سونرا مني آرتيق گؤرمه‌يهجکسئنئز» و «آز بئر زاماندان سونرا مني گئنه گؤرهجکسئنئز» ددئيئم اوچون بئربئرلرئنئزدن سوروشورسونوز؟
دوغروسونو سئزه ديئرم؛ سئز آغلاييب اَلَم چکهجکسئنئز و دونيا شادليق ادهجک. سئز ماتم توتاجاقسينيز، آمّا سئزئن ماتمئنئز شادليغا دؤنهجکدئر.
آرواد، اوشاغينين دوغوم واختي يتئشن زامان، آغري چکر، آمّا اوشاغيني دوغاندان سونرا، بئر ائنسان بو دونيايا گتئرمه‌سئنه گؤره، شادليغيندان آغري ياديندان چيخار.
ائندي سئز ده دوغرودان قوصّهله‌نئرسئنئز، آمّا سئزي گئنه گؤرهجه‌يم و اوره‌يئنئز سوئنهجک و هچ کئم سئزئن شادليغينيزي سئزدن آلماياجاق.
و او گون مندن هچ بئر شي سوروشماياجاقسينيز. دوغروسونو سئزه ديئرم؛ آتادان هر نه ائستيهسئنئز، منئم آديمدا سئزه ورهجک.
ائندئيه کئمي منئم آديمدا هچ بئر شي ائستَمه‌يئبسئنئز. ائسته‌يئن و آلاجاقسينيز کي، شادليغينيز کامئل اولسون.
بو شيلري مثللرله سئزه دمئشم. او ساعات گلئر کي، آرتيق سئزه مثللرله دانيشماياجاغام. آتا حاقّيندا سئزئنله آچيقجا دانيشاجاغام.
او گون منئم آديمدا ائسته‌يهجکسئنئز و دمئرم کي، سئزدن اؤتري آتادان خاهئش ادهجهيم.
چونکي آتا اؤزو سئزي سوئر، اونا گؤره کي، مني سوئبسئنئز و اونون يانيندان گلدئيئمه ائنانيبسينيز.
من آتانين يانيندان چيخيب بو دونيايا گلمئشم. دونياني ترک ادئب گئنه آتانين يانينا گدئرم."
شاگئردلري ددئلر: "آها! ائندي آچيقجا دانيشيرسان و هچ بئر مثلدن ائستئفاده اتمئرسن.
ائندي سنئن هر شيي بئلدئيئني آنلاييريق و احتئياجين يوخدور کي، کئمسه سندن سوآل سوروشسون. بوندان ائنانيريق کي، تارينين يانيندان چيخيب گلئبسن."
عئسا اونلارا ددي: "ائندي ائنانيرسينيز؟!
او ساعات گلئر و گلئبدئر ده کي، هر بئرئنئز اؤز طرفئنئزه داغيلاجاقسينيز و مني تک-تنها بوراخاجاقسينيز. آمّا من تک ديئلم، چونکي آتا دا منئملهدئر.
بو شيلري سئزه ددئم کي، منده باريشينيز اولسون. بو دونيادا زحمت آلتينداسينيز، لاکئن جسور اولون! من دونيايا قالئب گلمئشم."
عئسا بو سؤزلري دئيندن سونرا گؤزلرئني گؤيه قالديريب ددي: "آتا، ساعات يتئشئب. اوغلونا عئزّت ور کي، اوغول دا سنه عئزّت ورسئن.
نجه کي، بوتون ائنسانلار اوستونه سن اونا حاکئمئيّت وردئن کي، اونا وردئيئن ائنسانلارين هاميسينا ابدي حيات ورسئن.
و ابدي حيات بودور کي، اونلار سني، تک حقئقي تاري و گؤنده‌ردئيئن عئسا مسئحي تانيسينلار.
من سني ير اوزونده عئزّتلندئردئم؛ يرئنه يتئرمک اوچون منه تاپشيرديغين ائشي تاماملاماقلا.
و ائندي سن اي آتا، اؤز يانيندا مني عئزّتلندئر. او عئزّتله کي، دونيا يارانماميشدان سنئن يانيندا واريم ائدي.
من سنئن آديني بو دونيادان منه وردئيئن ائنسانلارا تانيتديرميشام. اونلار سنئن ائدئلر و سن اونلاري منه وردئن. و سنئن ددئکلرئندن ائطاعت ادئبلر.
ائندي اونلار بئلئبلر کي، منه وردئکلرئنئن هاميسي سندندئر.
چونکي منه وردئيئن سؤزلري اونلارا وردئم و اونلار قبول اتدئلر. سنئن يانيندان گلدئيئمي حقئقتن آنلاديلار و ائنانديلار کي، مني سن گؤنده‌رئبسن.
من اونلار اوچون يالواريرام. دونيا اوچون يوخ، منه وردئکلرئن اوچون يالواريرام. چونکي اونلار سنئندئرلر.
منئم اولان هر شي سنئندئر و سنئن اولانلار دا منئمدئر. و من اونلاردا عئزّتلنمئشم.
آرتيق من اوزون بئر مودّت اوچون بو دونيادا ديئلم، آمّا اونلار بو دونياداديرلار. و من سنئن يانينا گلئرم. اي موقدّس آتا، منه وردئيئن آدينلا اونلاري حئفظ ات کي، اونلار دا بئزئم کئمي بئر اولسونلار.
اونلارين يانيندا اولان زامان، منه وردئيئن آدينلا اونلاري حئفظ اتدئم و هلاکت اوغلوندان باشقا، اونلاردان هچ بئري هلاک اولمادي کي، موقدّس کئتابين ددئيي سؤز يرئنه يتئشسئن.
آمّا ائندي سنه گلئرم و بو سؤزلري بو دونيادا ائکن ديئرم کي، منئم شادليغيم اونلاردا کامئل اولسون.
سنئن سؤزونو اونلارا وردئم و دونيا اونلاردان نئفرت اتدي. چونکي اونلار بو دونيادان ديئللر، نجه کي، من بو دونيادان ديئلم.
يالوارميرام کي، اونلاري بو دونيادان گؤتورهسن. يالواريرام کي، اونلاري شردن قوروياسان.
نجه کي، من بو دونيادان ديئلم، اونلار دا بو دونيادان ديئللر.
اونلاري حقئقتله موقدّس ات. حقئقت سنئن سؤزوندور.
نجه کي، سن مني بو دونيايا گؤنده‌ردئن، من ده اونلاري بو دونيايا گؤنده‌رئرم.
اونلار اوچون من اؤزومو وقف ادئرم کي، اونلار دا حقئقتن وقف اولونسونلار.
فقط اونلار اوچون يالوارميرام. اونلارين سؤزو ائله منه ائمان گتئرهجک آداملار اوچون ده يالواريرام کي،
هاميسي بئر اولسونلار. نجه کي، سن اي آتا مندهسن و من سندهيم، اونلار دا بئزده اولسونلار کي، دونيا سنئن مني گؤنده‌ردئيئنه ائنانسين.
منه وردئيئن عئزّتي من اونلارا ورمئشم کي، بئز بئر اولدوغوموز کئمي، اونلار دا بئر اولسونلار.
من اونلاردايام و سن مندهسن کي، اونلار بئرلئکده کامئل اولسونلار و دونيا سنئن مني گؤنده‌ردئينه و اونلاري سودئيئنه ائنانسين، نجه کي، مني سودئن.
اي آتا، ائسته‌يئرم کي، منه وردئکلرئن ده من اولان يرده منئمله اولسونلار و سنئن منه وردئيئن عئزّتي گؤرسونلر. چونکي دونيانين يارانماسيندان مني سودئن.
اي عادئل آتا، دونيا سني دوغرودان تانيمادي، آمّا من سني تانيديم و بونلار دا آنلاديلار کي، سن مني گؤنده‌رئبسن.
سنئن آديني اونلارا بئلدئردئم و بئلدئرهجه‌يم. اله کي، مني سودئيئن او محبّت اونلاردا اولسون و من ده اونلاردا اولوم."
بو دوعاني ادندن سونرا عئسا شاگئردلري ائله چيخيب قِدرون درهسئنئن او بئري تايينا کچدي. اورادا بئر باغ وار ائدي. عئسا و شاگئردلري بو باغا گئردئلر.
عئسايا خيانت ادن يهودا دا بو يري تاني‌ييردي. چونکي عئسا تز-تز شاگئردلري ائله اورادا ييغيشيرديلار.
يهودا بئر دسته عسگر گؤتوروب، باش کاهئنلر و فرئسئلردن آلميش موحافئظلرله اورايا گلدي. اؤزلري ائله فنرلر، مشعللر و سئلاحلار گتئرمئشدئلر.
عئسا باشينا گلهجک هر شيي بئلهرک قاباغا گلئب اونلارا ددي: "کئمي آختاريرسينيز؟"
اونلار جاواب وردئلر: "ناصئرهلي عئساني." عئسا اونلارا ددي: "منم." اونا خيانت ادن يهودا دا اونلارلا دورموشدو.
عئسا "منم" ددئيي واخت، اونلار گري چکئلئب يره ييخيلديلار.
عئسا گئنه ده اونلاردان سوروشدو: "کئمي آختاريرسينيز؟" اونلار جاواب وردئلر: "ناصئرهلي عئساني."
عئسا ددي: "سئزه ددئم کي، منم. اگر مني آختاريرسينيز، قويون بونلار گتسئنلر."
بله اولدو کي، قاباقجا ددئيي بو سؤز يرئنه يتئشسئن کي، "سنئن منه وردئکلرئنئن هچ بئرئسئني ائتئرمهمئشم."
شمعون پطروس يانيندا داشيديغي قيلينجي چکدي و باش کاهئنئن قولونو ووروب اونون صاغ قولاغيني کسدي. او قولون آدي مالخوس ائدي.
او واخت عئسا پطروسا ددي: "قيلينجيني قينينا قوي. آتانين منه وردئيي پئيالهني آيا ائچمه‌يئم؟"
بلجه عسگر دستهسي، مئن باشي و يهودئلرئن موحافئظلري عئساني توتوب باغلاديلار
و اونو اوّل حنّانين يانينا آپارديلار. چونکي حنّا، او ائل باش کاهئن اولان قيافانين قايينآتاسي ائدي.
قيافا او آدام ائدي کي، خالقين يولوندا بئر تک آدامين اؤلمه‌سئني آرتيق مصلحت بئلئب يهودئلره تؤوصئيه اتمئشدي.
شمعون پطروس و آيري بئر شاگئرد عئسانين دالينجا گتدئلر. باش کاهئنله تانيش اولان بو شاگئرد عئسا ائله برابر باش کاهئنئن حيطئنه گئردي.
آمّا پطروس اشئگده، قاپينين يانيندا دورموشدو. اونون اوچون ده باش کاهئنله تانيش اولان او بئري شاگئرد قاپيچي قيزلا دانيشيب، پطروسو ائچه‌ري گتئردي.
بو آرادا قاپيچي قيز پطروسا ددي: "سن کي، بو آدامين شاگئردلرئندن ديئلسن، اله ديئل؟" پطروس ددي: "ديئلم."
هاوانين سويوق اولدوغو اوچون نؤکرلر و موحافئظلر کؤمور يانديرميشديلار و اونون اطرافيندا دوروب قيزيشيرديلار. پطروس دا اونلارين يانيندا دوروب اؤزونو قيزديريردي.
او زامان باش کاهئن عئساني شاگئردلري و تعلئملري حاقّيندا سورغويا چکدي.
عئسا اونا جاواب وردي: "من ددئکلرئمي عالمه آچيقجا دمئشم. همئشه يهودئلر ييغيلديغي کنئسهده و معبدده تعلئم ورمئشم. من گئزلئجه هچ بئر شي دمهمئشم.
نئيه مندن سوروشورسان؟ اونلارا نه ددئکلرئمي، اشئدنلردن سوروش. اونلار منئم نه ددئکلرئمي بئلئرلر."
عئسانين آغزيندان بو سؤزلر چيخان واخت، يانيندا دوران موحافئظلردن بئري عئسايا شئلّه ووروب ددي: "باش کاهئنه بله جاواب ورئرسن؟!"
عئسا اونا ددي: "اگر سهو بئر سؤز دانيشديم، سهو اتدئيئمي گؤرسد. آمّا اگر ددئکلرئم دوغرودور، نه اوچون مني وورورسان؟"
او زامان حنّا عئساني قوللاري باغلي باش کاهئن قيافانين يانينا گؤنده‌ردي.
شمعون پطروس اورادا دوروب اؤزونو قيزديريردي. اونلار پطروسا ددئلر: "مگر سن ده اونون شاگئردلرئندن ديئلسن؟" پطروس ائنکار ادئب ددي: "ديئلم."
باش کاهئنئن قوللاريندان بئري کي، پطروسون طرفئندن وورولوب قولاغي کسئلن قوللا قوحوم ائدي، ددي: "مگر من سني اونونلا باغدا گؤرمهدئم؟!"
پطروس گئنه ده ائنکار اتدي و او آندا خوروز بانلادي.
سحر ارکن ائدي. يهودئلر عئساني قيافانين يانيندان روم والئسئنئن سارايينا آپارديلار. آمّا اؤزلري سارايا گئرمه‌دئلر کي، مبادا شرئعته اساسن ناپاک ساييليب پاسخا يمه‌يئني يئيه بئلمه‌سئنلر.
اونا گؤره ده پئلاط سارايدان اونلارين يانينا چيخيب ددي: "بو آدامدان نه شئکايتئنئز وار؟"
يهودئلر جاواب ورئب اونا ددئلر: "اگر بو آدام تقصئرلي اولماسايدي، اونو گتئرئب سنه تسلئم اتمزدئک."
پئلاط اونلارا ددي: "اونو سئز گؤتورون و قانونلارينيزا گؤره اؤزونوز اونون حاقّيندا حؤکم ادئن." يهودئلر اونا ددئلر: "بئزئم هچ کئمي اؤلومه محکوم اتمه‌يه ائختئياريميز يوخدور."
بونلار اونا گؤره اولدو کي، عئسانين نه‌جور اؤلومله اؤلهجه‌يي حاقّيندا ددئيي سؤز يرئنه يتئشسئن.
او زامان پئلاط گئنه سارايا قاييديب، عئساني چاغيردي و اونا ددي: "آيا سن يهودئلرئن پادشاهيسان؟"
عئسا جاواب وردي: "سن بونو اؤزوندن ديئرسن، يوخسا اؤزگه آداملار سنه مندن صؤحبت ادئبلر؟"
پئلاط جاواب وردي: "مگر من يهودئيم؟ سني اؤز مئلّتئن و باش کاهئنلر منه تسلئم ادئبلر. نه ادئبسن؟"
عئسا جاواب وردي: "منئم پادشاهليغيم بو دونيادان ديئل. اگر پادشاهليغيم بو دونيادان اولسايدي، نؤکرلرئم چاليشارديلار کي، من يهودئلرئن الئنه ورئلمه‌يئم. آمّا ائندي منئم پادشاهليغيم بورادان ديئلدئر."
او زامان پئلاط اونا ددي: "دمک دوغرودان دا بئر پادشاهسان؟" عئسا جاواب وردي: "سن ديئرسن کي، من بئر پادشاهام. من بونون اوچون آنادان اولموشام و بونون اوچون بو دونيايا گلمئشم کي، حقئقت حاقّيندا شهادت ورئم. حقئقتئن طرفداري اولان هر کس منئم سسئمي اشئدئر."
پئلاط اونا ددي: "حقئقت نه‌دئر؟" و بونو دئينده گئنه اشئيه، يهودئلرئن يانينا چيخيب اونلارا ددي: "من اوندا هچ بئر تقصئر گؤرمورم.
آمّا سئزئن بئر عادتئنئز وار کي، پاسخا بايراميندا سئزئن اوچون زئنداندان بئرئني آزاد ادئم. ائندي آيا ائسته‌يئرسئنئز کي، يهودئلرئن پادشاهيني سئزئن اوچون آزاد ادئم؟"
يهودئلر تکرار قيشقيريب ددئلر: "بو آدامي يوخ، باراباسي!" و بو باراباس اوغرو ائدي.
او زامان پئلاط عئساني توتوب اونا شالّاق ووردوردو.
عسگرلر ده تئکانلاردان بئر تاج هؤروب اونون باشينا قويدولار و اونا قيرميزي رنگئنده بئر شئنل گيدئردئلر.
و اونون يانينا گلئب ددئلر: "سالام، اي يهودئلرئن پادشاهي." و اونا شئلّه ووروردولار.
پئلاط گئنه اشئيه گدئب يهودئلره ددي: "باخين، اونو سئزئن يانينيزا گتئرئرم کي، اوندا هچ بئر گوناه تاپماديغيمي بئلهسئنئز."
او واخت عئسا، باشيندا تئکاندان تاج و اَينئنده قيرميزي بئر شئنل، اشئيه چيخدي. پئلاط يهودئلره ددي: "باخين، او آدام!"
باش کاهئنلر و موحافئظلر عئساني گؤرن زامان چيغيريب ددئلر: "چارميخا چک! چارميخا چک!" پئلاط اونلارا ددي: "گؤتورون سئز اؤزونوز چارميخا چکئن. من اوندا هچ بئر گوناه گؤرمورَم."
يهودئلر جاواب وردئلر: "بئزئم بئر قانونوموز وار و او قانونا گؤره بو آدام اؤلملي‌دئر. چونکي اؤزونو تارينين اوغلو ادئب."
پئلاط بو سؤزو اشئدن واخت داها چوخ قورخدو
و تکرار سارايا قاييديب عئسايا ددي: "سن هارادانسان؟" آمّا عئسا اونا جاواب ورمه‌دي.
او واخت پئلاط اونا ددي: "منه جاواب ورمئرسن؟ بئلمئرسن کي، سني هم چارميخا چکمه‌يه قودرتئم وار، هم ده آزاد اتمه‌يه؟"
عئسا جاواب وردي: "اگر بو قودرت سنه يوخاريدان ورئلمه‌سَيدي، منئم اوستومده هچ بئر قودرتئن اولمازدي. اونا گؤره ده، او آدامين گوناهي کي، مني سنئن الئنه ورئب، داها بؤيوکدور."
بو زاماندان پئلاط عئساني آزاد اتمه‌يه چاليشدي، آمّا يهودئلر قيشقيريب ديئردئلر: "اگر بو آدامي بوراخاسان، آرتيق قيصرئن دوستو ديئلسن. اؤزونو پادشاه ادن بئر آدام قيصرئن ضئدّئنه قالخيب."
پئلاط بو سؤزلري اشئدنده عئساني اشئيه گتئردي و "داش دؤشه‌مه" ديئلن يرده حؤکم کورسوسونده اوتوردو. بو يره عئبراني دئلئنده "جابّاتا" ديئلئر.
او گون پاسخا بايرامينين حاضيرليق گونو ائدي. تقرئبن گونون آلتينجي ساعاتي ائدي. پئلاط يهودئلره ددي: "بودور، سئزئن پادشاهينيز!"
يهودئلر چيغيرديلار: "محو اولسون، محو اولسون. چارميخا چک!" پئلاط اونلارا ددي: "پادشاهينيزي چارميخا چکئم؟" باش کاهئنلر جاواب وردئلر: "قيصردن باشقا هچ پادشاهيميز يوخدور."
او زامان پئلاط عئساني چارميخا چکئلمک اوچون اونلارا تحوئل وردي. اونلار عئساني آليب گؤتوردولر.
عئسا چارميخيني داشيياراق کلّه ديئلن بئر يره گتئرئلدي. بو يره عئبراني دئلئنده جولجوتا ديئردئلر.
اونلار بو يرده عئسا و اونونلا برابر ائکي نفري ده چارميخا چکدئلر. بئرئني اونون بئر طرفئنده و او بئرئسئني اونون او بئري طرفئنده و عئسا اورتادا قالدي.
پئلاط بئر تخته يازيب اونو چارميخين باشينا ووردو. بو تختهده بله يازيلميشدي؛ "ناصئرهلي عئسا، يهودئلرئن پادشاهي"
يهودئلردن چوخلاري بو يازيني اوخودولار. چونکي عئسانين چارميخا چکئلدئيي ير شهرئن ياخينليغيندا ائدي و بو يازي عئبراني، يوناني، و لاتين دئلئنده يازيلميشدي.
او واخت يهودئلرئن باش کاهئنلري پئلاطا ددئلر: "يازما؛ يهودئلرئن پادشاهي، ياز؛ بو آدام «يهودئلرئن پادشاهي‌يام» ديئردي."
پئلاط جاواب وردي: "يازديغيمي يازميشام."
عسگرلر عئساني چارميخا چکندن سونرا اونون پالتارلاريني دؤرد يره بؤلدولر و هر بئرئسي بئر پاي گؤتوردو. اونون کؤينه‌يئني ده گؤتوردولر، آمّا کؤينک تئکئشسئز و باشدان باشا بئر توخوما ائدي.
اونا گؤره ده بئربئرلرئنه ددئلر: "بونو ييرتماياق. گلئن اونون کئمئن اولماسينا پوشک آتاق." و بونلار اونا گؤره اولدو کي، موقدّس کئتابين ددئيي سؤز يرئنه يتئشسئن؛ "اونلار پالتارلاريمي اؤز آرالاريندا بؤلدولر و کؤينه‌يئم اوچون پوشک آتديلار." عسگرلر بله اتدئلر.
عئسانين چارميخي يانيندا اونون آناسي، خالاسي، کلوپاسين آروادي مريم و مجدللي مريم دورموشدولار.
عئسا آناسي و اونون يانيندا سودئيي شاگئردئن دوردوغونو گؤرنده آناسينا ددي: "آنا، بودور، سنئن اوغلون!"
سونرا دا او شاگئرده ددي: "بودور، سنئن آنان." و او زاماندان او شاگئرد عئسانين آناسيني اؤز اوئنه آپاردي.
بوندان سونرا، عئسا بوتون ائشلرئن تامام اولدوغونو بئلدي و موقدّس کئتابدا ديئلن سؤزون يرئنه يتئشمه‌سي اوچون "سوسوزام" ددي.
اورادا سئرکه دولو بئر قاب قويولموشدو. سئرکهدن بئر سونگر دولدوروب اونو بئر زوفا بوداغينا تاخيب عئسانين آغزينا اوزاتديلار.
عئسا سئرکهني داددي و سونرا ددي: "هر شي يرئنه يتئشدي." و باشيني اَيئب جان وردي.
او گون بايرامين حاضيرليق گونو ائدي و يهودئلر سبّت گونونده جسدلرئن چارميخدا قالماسيني ائسته‌مئردئلر، چونکي او سبّت بؤيوک بئر گون ائدي. اونا گؤره ده پئلاطدان ائسته‌دئلر کي، اونلارين قيچلاري سينديريلسين و چارميخدان گؤتورولسون.
بو سببدن عسگرلر گلئب بئرئنجي آدامين، سونرا دا عئسانين او بئري يانيندا چارميخا چکئلمئش آدامين قيچلاريني سينديرديلار.
آمّا عئسانين يانينا گلنده اونون اؤلموش اولدوغونو گؤروب قيچلاريني سينديرماديلار.
لاکئن، عسگرلردن بئري اونون بؤيرونه نئزه ووردو و او آندا اورادان قان و سو آخدي.
بونو گؤرن شهادت ورئب و اونون شهادتي دوغرودور. او، حقئقتي ددئيئني بئلئر و شهادت ورئر کي، سئز ده ائمان گتئرهسئنئز.
بو شيلرئن هاميسي باش وردي کي، موقدّس کئتابين يازديغي بو سؤز يرئنه يتئشسئن: "اونون سوموکلرئندن هچ بئري سينماياجاق."
و گئنه باشقا بئر يازي ديئر: "نئزه ووردوقلاري آداما باخاجاقلار."
بو حادئثهلردن سونرا، آراماتايلي يوسئف پئلاطدان ائجازه ائسته‌دي کي، عئسانين بدنئني گؤتورسون. او، عئسانين شاگئردي ائدي، لاکئن يهودئلرئن قورخوسوندان اؤزونو گئزلهدئردي. پئلاط بو ائشه ائجازه وردي و او دا گلئب عئسانين بدنئني گؤتوردو.
نئقودئموس دا کي، اوّلجه گجه قارانليغيندا عئسانين يانينا گلمئشدي، يوز لئتراس قاريشميش مور و عؤد آغاجي ائله گلدي.
او زامان عئسانين بدنئني گؤتوروب عطئرلرله کفنه بوکدولر. نجه کي، يهودئلرئن دفن عادتي ائدي.
عئسانين چارميخا چکئلدئيي يرده بئر باغ وار ائدي و بو باغدا تزه بئر مقبره قازيلميشدي کي، اونون ائچئنه بو زامانا قدر کئمسهني قويماميشديلار.
يهودئلرئن بايرامينين حاضيرليق گونو اولدوغونا گؤره، عئسانين بدنئني اورايا قويدولار. چونکي بو مقبره ياخين ائدي.
هفتهنئن ائلک گونو، مجدللي مريم سحر ارکن قبئرئن يانينا گلدي. هاوا حله قارانليق ائدي. آمّا قبئرئن آغزيني اؤرتن ديئرمان داشيني بئر يانا دئيئرلَنمئش گؤردو.
او واخت قاچيب شمعون پطروس و عئسانين چوخ سودئيي او بئري شاگئردئن يانينا گلدي. و اونلارا ددي: "ربّي قبئردن گؤتوروبلر و بئلمئرئک کي، هارايا آپاريب قويوبلار."
پطروس و او بئري شاگئرد اودن چيخيب قبئر سمتئنه يولا دوشدولر.
يولدا برابر قاچيرديلار، لاکئن او بئري شاگئرد پطروسو اؤتوب، اوندان اوّل قبئره يتئشدي.
باشيني اَيئب قبئرئن ائچئنه باخدي. کتان پارچا اورادا يرده ائدي. آمّا گئنه ده قبئرئن ائچئنه گئرمه‌دي.
او واخت شمعون پطروس اونون آرخاسيندان اورايا يتئشدي و قبئرئن ائچئنه گئرئب عئسانين کفنئني اورادا يرده گؤردو.
عئسانين باشيني بورودوکلري دسمال، کفنله ديئلدي و آيري بئر يرده بوکولموش حالدا قويولموشدو.
بو زامان اوّلجه قبئرئن يانينا يتئشن او بئري شاگئرد ده قبئرئن ائچئنه گئردي. او گؤردو و ائناندي.
آمّا گئنه ده موقدّس کئتابين يازديغيني بئلمئردئلر کي، عئسا گرک اؤلولردن دئرئلسئن.
بوندان سونرا شاگئردلر اِوه قاييتديلار،
آمّا مريم قبئرئن يانيندا دورموشدو و آغلاييردي. آغلايا-آغلايا باشيني ايئب قبئرئن ائچئنه باخدي.
آغ گيئنمئش ائکي ملک گؤردو. عئسانين بدنئنئن قويولدوغو يرده ملکلردن بئري اونون باشي اولان يرده اوتورموشدو، او بئرئسي ده اونون آياقلاري اولان يرده.
او واخت ملکلر مريمه ددئلر: "آرواد نه اوچون آغلاييرسان؟" مريم ددي: "ربّئمي گؤتوروب آپاريبلار و هارايا قويدوقلاريني بئلمئرم."
بونو دئيندن سونرا آرخايا دؤندو و عئسانين اورادا دوردوغونو گؤردو. لاکئن اونون عئسا اولدوغونو بئلمه‌دي.
عئسا اونا ددي: "آرواد نه اوچون آغلاييرسان؟ کئمي آختاريرسان؟" مريم اونو باغبان گومان ادئب اونا ددي: "آغا، اگر سن اونو گؤتوروب آپاريبسان، هارايا قويدوغون يري منه ده. قوي گدئم اونو گؤتوروم."
عئسا اونا ددي: "مريم!" مريم دؤنوب عئبراني دئلئنده اونا ددي: "ربّوني" (يعني اوستاد)!
عئسا اونا ددي: "منه توخونما، چونکي حله آتانين يانينا قالخماميشام. آمّا قارداشلاريمين يانينا گت و اونلارا ده کي، آتامين يانينا و اونلارين آتاسينين يانينا قالخيرام، تاريمين يانينا و اونلارين تاريسينين يانينا."
مجدللي مريم گدئب شاگئردلره خبر وردي کي، ربّي گؤروب و رب اونا بونو ديئبدئر.
او گون، هفتهنئن ائلک گونو، آخشام اولاندا، شاگئردلر يهودئلرئن قورخوسوندان قاپيلاري باغلاييب ائچه‌رئده بئر يره ييغيلميشديلار کي، عئسا گلئب اونلارين اورتاسيندا دوردو و اونلارا ددي: "سئزه سالام!"
بونو دئيندن سونرا اللرئني و بؤيرونو اونلارا گؤرستدي. شاگئردلر ربّي گؤردوکلرئندن چوخ سوئندئلر.
عئسا اونلارا گئنه ددي: "سئزه سالام. نجه کي، آتا مني گؤنده‌ردي، من ده سئزي گؤنده‌رئرم."
و بونو دئيندن سونرا نَفَسئني اونلارا اوفوروب ددي: "موقدّس روحو آلين.
کئمئن گوناهلاريني باغيشلاياسينيز، باغيشلاناجاق. کئمئن ده گوناهلاريني باغيشلاماياسينيز، باغيشلانماياجاق."
اکئز ديئلن توماس کي، اونائکي شاگئرددن بئري ائدي، عئسا اونلارا گؤرونن واخت، اونلارلا بئر يرده ديئلدي.
اونون اوچون ده گلدئيي واخت، او بئري شاگئردلر اونا خبر وردئلر: "ربّي گؤردوک!" آمّا توماس اونلارا ددي: "ميخلارين ياراسيني اونون اللرئنده گؤرمه‌يئنجه، بارماغيمي همن يارايا سوخمايينجا، الئمي اونون يارالي بؤيرونه قويمايينجا ائنانمارام!"
سکّئز گون سونرا شاگئردلر گئنه اوده بئر يره ييغيشميشديلار و بو زامان توماس دا اونلارلا اورادا ائدي. قاپيلار باغلي ائکن عئسا گلئب، اونلارين اورتاسيندا دوردو و اونلارا ددي: "سئزه سالام!"
سونرا توماسا ددي: "گل، بارماغيني اوزات، اللرئمه باخ! گل، الئني بؤيرومه قوي. ائمانسيز اولما، ائنان!"
توماس جاواب ورئب اونا ددي: "ربّئم! تاريم!"
عئسا اونا ددي: "مني گؤردويون اوچون ائناندين؟ بختور او آداملار کي، مني گؤرمهمئش ائنانيب ائمان گتئرئرلر."
عئسا شاگئردلرئنئن گؤزلري قاباغيندا اؤزگه چوخ علامتلر گؤرستدي کي، بو کئتابدا يازيلماييب.
لاکئن بو قدر يازيليب کي، عئسانين موعود اولان مسئح اولدوغونا و تارينين اوغلو اولدوغونا ائناناسينيز و ائمان گتئرمکله اونون آديندا حياتينيز اولسون!
بو حادئثهلردن سونرا طئبريا گؤلونون قيراغيندا عئسا گئنه اؤزونو شاگئردلره گؤرستدي و بو ائش بله اولدو:
شمعون پطروس، اکئز ديئلن توماس، جلئلئن قانا کندئندن اولان نته‌ناعئل، زِبِدِيئن اوغوللاري، و عئسانين شاگئردلرئندن آيري ائکي نفر بئر يرده ائدئلر.
شمعون پطروس اونلارا ددي: "باليق توتماغا گدئرم." اونلار اونا ددئلر: "بئز ده سنئنله گلئرئک." اشئيه چيخيب قاييغا مئندئلر. آمّا او گجه هچ بئر شي توتا بئلمه‌دئلر.
سحر آچيلارکن عئسا ساحئلده دورموشدو، لاکئن شاگئردلر اونون عئسا اولدوغونو بئلمه‌دئلر.
عئسا اونلارا ددي: "اوشاقلار، يمک اوچون بئر شيئنئز وار؟" اونلار اونا جاواب وردئلر: "خير."
عئسا اونلارا ددي: "تورو قاييغين صاغ طرفئنه آتين کي، توتارسينيز." تورو آتديلار و باليقلارين چوخلوغوندان اونو چکه بئلمئردئلر.
او واخت عئسانين سودئيي شاگئرد پطروسا ددي: "ربدئر!" شمعون پطروس اونون رب اولدوغونو اشئدن واخت، اينئندن چيخارتديغي پالتارينا سارينيب، اؤزونو گؤله آتدي.
آمّا او بئري شاگئردلر باليق تورونو چکه‌رک قاييقلا گلدئلر، چونکي ساحئلدن اوزاق ديئلدئلر، آنجاق دوخسان متر اولاردي.
قورولوغا چيخديقلاري زامان اودون کؤمورون يانديغيني گؤردولر. اودون اوستونده باليق، يانيندا دا چؤرک وار ائدي.
عئسا اونلارا ددي: "ائندي توتدوغونوز باليقلاردان گتئرئن."
شمعون پطروس گدئب، تورو قورولوغا چکدي. تور يوز الّي اوچ ائري باليقلا دولموشدو و بو قدر چوخ اولدوغو حالدا تور ييرتيلماميشدي.
عئسا اونلارا ددي: "گلئن سحر يمه‌يئني ييئن." شاگئردلردن هچ بئري اوندان "سن کئمسن؟" سوروشماغا جسارت اتمئردي. چونکي اونون رب اولدوغونو بئلئردئلر.
عئسا گلدي و چؤره‌يي گؤتوروب اونلارا وردي. باليغي دا وردي.
عئسا اؤلومدن دئرئلندن سونرا، بو اوچونجو دفه ائدي کي، شاگئردلره گؤرونوردو.
سحر يمه‌يئني يئيندن سونرا، عئسا شمعون پطروسا ددي: "يونا اوغلو شمعون، آيا سن مني بونلاردان داها چوخ سوئرسن؟" شمعون اونا ددي: "بلي يارب، بئلئرسن کي، سني سوئرم." عئسا اونا ددي: "قوزولاريمي اوتار."
عئسا گئنه ائکئنجي دفه شمعونا ددي: "يونا اوغلو شمعون، آيا مني سوئرسن؟" شمعون اونا ددي: "بلي يارب، بئلئرسن کي، سني سوئرم." عئسا اونا ددي: "قويونلاريما چوبان اول."
عئسا اوچونجو دفه اونا ددي: "يونا اوغلو شمعون، آيا مني سوئرسن؟" عئسانين اوچونجو دفه اوندان "آيا مني سوئرسن؟" سوروشماسي پطروسو پرت اتدي. پطروس عئسايا ددي: "يارب، سن هر شيي بئلئرسن. بئلئرسن کي، سني سوئرم." عئسا اونا ددي: "قويونلاريمي اوتار.
دوغروسونو سنه ديئرم، جاوان اولدوغون زامان اؤزون اؤز بلئني باغلاييب، ائسته‌دئيئن يره گدَردئن، آمّا قوجاليغيندا اللرئني اوزاداجاقسان و اؤزگه بئري سنئن بلئني باغلاياجاق و ائستمه‌دئيئن يره آپاراجاقلار."
عئسا بو سؤزو دمکده او اؤلومه ائشاره ادئردي کي، پطروس اونونلا تاريني عئزّتلندئرهجک ائدي. و سونرا اونا ددي: "منئم داليمجا گل."
پطروس دؤنوب عئسانين سودئيي شاگئردئنئن آرخالاريندا گلمه‌سئني گؤردو، او شاگئردي کي، شام يمه‌يئنده عئسانين سئنهسئنه سؤيکه‌نئب، اوندان "يارب سنه خيانت ادن کئمدئر؟" سوروشموشدو.
پطروس بو شاگئردي گؤروب عئسايا ددي: "يارب، بس بو نه اولاجاق؟"
عئسا پطروسا ددي: "اگر من گلنه کئمي اونون قالماسيني ائستهسم، بوندان سنه نه؟ سن منئم داليمجا گل."
بلجه "او شاگئرد اؤلمه‌يهجک" سؤزو قارداشلارين آراسيندا ياييلدي. آمّا عئسا پطروسا "او، اؤلمه‌يهجک" دمه‌مئشدي. "اگر من گلنه کئمي اونون قالماسيني ائستهسم، بوندان سنه نه؟" دمئشدي.
بو همن او شاگئرددئر کي، بو شيلرئن حاقّيندا شهادت ورئب و يازيبدير و بئلئرئک کي، اونون شهادتي دوغرودور.
عئسانين اتدئيي اؤزگه چوخ شيلر حله وار کي، اگر تک-تک يازيلسايدي، گومان ادئرم يازيلان کئتابلار دونيايا بله سيغمازدي.
اي تِعوفئلوس، اوّلئنجي کئتابي بوتون او شيلر حاقّيندا يازديم کي، عئسا اونلارين ادئب اؤيره‌تمه‌سئنه باشلادي.
تا او گونه کئمي کي، سچدئيي حوارئلره موقدّس روحون واسئطهسئله امرلر ورئب، يوخاري آپاريلدي.
کي، عذابلاريني چکندن سونرا دا اؤزونو اونلارا بئر چوخ ائنانديران دلئللرله دئري گؤرستدي و قيرخ گون عرضئنده اونلارا گؤرونوب، تارينين پادشاهليغي بارهده دانيشدي.
و اونلاري بئر يره ييغيب اونلارا امر اتدي کي، اورشلئمدن آيريلماسينلار، لاکئن ددي: "آتانين او وعدهسئني کي، مندن اِشئدئبسئنئز، گؤزلهيئن.
چونکي يحيا سو ائله تعمئد وردي، آمّا سئز بئر نچه گونه قدر موقدّس روحلا تعمئد اولوناجاقسينيز."
و بلجه اونلار، بئر يره ييغيلديقلاري زامان، اوندان سوروشدولار: "يارب، آيا پادشاهليغي ائسرايئله بو زامان قايتاراجاقسان؟"
عئسا اونلارا ددي: "سئزئن ائشئنئز ديئل کي، آتانين اؤز ائقتئداري ائله موعيّن اتدئيي زامان و يا واختلاري بئلهسئنئز.
لاکئن موقدّس روح اوستونوزه گلندن سونرا قووّت آلاجاقسينيز و اورشلئمده، بوتون يهودئيه و سامئرهده، حتّا دونيانين لاپ اوزاق يرلرئنه قدر منئم شاهئدئم اولاجاقسينيز."
و بو سؤزلري دئيندن سونرا، عئسا اونلارين گؤزلري قاباغيندا يوخاري قالديريلدي و بئر بولود اونو اونلارين نظرئندن آييردي.
عئسانين گؤيه قالخديغي واخت کي، اونلار گؤزلرئني دئقّتله گؤيه دئکمئشدئلر، قفلتن آغ پالتار گيمئش ائکي کئشي اونلارين يانيندا دوردو.
اونلارا ددئلر: "اي جلئلليلر! نه اوچون دوروب گؤيه باخيرسينيز؟ بو عئسا کي، سئزدن آلينيب گؤيه آپاريلدي، اله ده قاييداجاق؛ نجه کي، اونون گؤيه گتدئيئني گؤردونوز."
او زامان اونلار زيتون ديئلن داغدان اورشلئمه دؤندولر؛ او داغ اورشلئمدن بئر سبّت گونونون يولو قدر اوزاقدير.
اِوه گئردئکلري زامان، قالديقلاري بالاخانايا چيخديلار، يعني پطروس و يوحنّا و يعقوب و آندرياس، فئلئپوس و توما، بارتولماي و متّا، آلفاعوس اوغلو يعقوب، و وطنپرست شمعون، و يعقوب اوغلو يهودا.
بونلارين هاميسي بئرلئک ائچئنده آروادلارلا، عئسانين آناسي مريم و اونون قارداشلاري ائله دائم دوعادا داوام ادئردئلر.
بو گونلرده پطروس يوز ائيئرمي نفره قدر بئر ييغيناقدا قارداشلارين آراسيندا دوروب ددي:
"قارداشلار! موقدّس يازينين سؤزو يهودا حاقّيندا کي، عئساني توتانلارا يول گؤرستدي، يرئنه يتئشمه‌لي ائدي؛ او يازي کي، موقدّس روح داوودون آغزي ائله ائرهلئدن ددي.
چونکي او، بئزئمله ساييليب بو خئدمتده پاييني آلدي.
بو آدام پئسلئيئنئن اوجرتئله بئر زمي ساتين آلدي؛ کلّهسي اوسته دوشوب، قارني اورتادان ييرتيلدي و بوتون باغيرساقلاري اشئيه تؤکولدو.
و بو، اورشلئمده ياشايانلارين هاميسينا بئلئندي؛ بونا گؤره ده، او زمئيه اؤز دئللرئنده «حَقَل-دِما» ديئلئر، يعني قان زمئسي.
چونکي مزمورلار کئتابيندا بله يازيليب: «قوي اونون مسکني بوش اولسون و اورادا ياشايان اولماسين.» و «منصبئني اؤزگه بئري آلسين.»
بلجه، ائندي او آداملاردان کي، رب عئسانين آراميزا گئرئب چيخديغي واختين هامسيندا بئزئمله اولوبلار،
يعني يحيانين تعمئد وردئيي زاماندان عئسانين آراميزدان گؤيه آلينديغي گونه قدره کئمي، اونلاردان بئري گرک بئزئمله اونون دئرئلمه‌سئنه شاهئد اولسون."
ائکي نفري قاباغا قويدولار؛ بارسابا چاغيريلان يوسئفي کي، يوستوس دا چاغيريليردي و ماتئياسي.
و دوعا ادئب ددئلر: "سن يارب، اي هامينين اورَکلرئني بئلن، بو ائکي نفردن هانسيني سچدئيئني گؤرسد کي،
بو خئدمت و حوارئلئيي آلسين. يهودا اونو بوراخدي کي، اؤز يرئنه گتسئن."
و اونلارين آراسيندا پوشک آتديلار؛ پوشک ماتئياسا دوشدو و او، "اون بئر" حوارئيه علاوه اولوندو.
پنطئکاست گونو گلنده، اونلارين هاميسي بئرلئک ائچئنده بئر يرده ائدئلر.
قفلتن گوجلو بئر يل اَسن کئمي، گؤيدن بئر سس گلدي و اوتوردوقلاري اِوئن هر يانيني دولدوردو.
و اوددان اونلارا دئللره بنزر بئر شيلر گؤروندو کي، اؤزلرئني بؤلوب اونلارين هر بئرئسئنئن اوستونه قوندو.
و اونلارين هاميسي موقدّس روحلا دولوب، روحون اونلاري دانيشديرديغي باشقا دئللرده دانيشماغا باشلاديلار.
بو زامان، دئندار يهودئلر گؤيون آلتيندا اولان هر مئلّتدن اورشلئمده ياشاييرديلار.
و بو سَس باش ورن زامان، جاماعات بئر يره ييغيليب حيران قالديلار؛ چونکي هر بئري اونلارين اونون دئلئنده دانيشديقلاريني اشئدئردي.
اونلار مات قاليب حيرت ائچئنده ائدئلر و بئربئرلرئنه ديئردئلر: "باخ، مگر بو دانيشانلارين هاميسي جلئللي ديئل؟!
بس نجهدئر کي، اؤز آنا دئلئمئزي اشئدئرئک؟!
بئز پارتليلار، مادليلار، عِيلامليلار، مِسوپوتامئيادا، يهودئيهده، کاپادوسئيادا، پونطوس و آسئيادا
فئرئجئيه و پامفئلئيه‌ده، مئصئرده، لئبيانين کرِنيا بؤلگهسئنده ياشايانلار، رومدان گلن قرئبلر،
هم يهودئلر، هم ده يهود دئنئنه دؤننلر، کرئتليلر و عربلر، اونلارين اؤز دئللرئمئزده دانيشماقلاريني اشئدئرئک کي، تارينين قووّتلي ائشلري حاقّيندا دانيشيرلار."
و اونلارين هاميسي مات قاليب، بؤيوک حيرت ائچئنده بئربئرلرئنه ديئردئلر: "بو نه اولا بئلر؟"
لاکئن اؤزگهلر اَله ساليب ديئردئلر: "تزه شرابين چوخ ائچدئکلرئندن کفلئدئرلر."
آمّا پطروس او "اون بئر" نفرله دوردو و سَسئني اوجالديب اونلارا خئطاب اتدي: "اي يهودئلر، و سئز اي بوتون اورشلئمده ياشايانلار! بو سئزه معلوم اولسون و سؤزلرئمه قولاق آسين.
بو آداملار سئزئن گومان اتدئيئنئز کئمي کفلي ديئللر، چونکي ائندي گوندوزون اوچونجو ساعاتي‌دير.
لاکئن بو، يوئل پيغمبرئن واسئطهسئله ديئلمئش سؤزدور:
«تاري ديئر: بله اولاجاق کي، آخير گونلرده روحومدان بوتون بشر اوستونه تؤکهجه‌يم؛ اوغوللارينيز و قيزلارينيز نبئلئک ادهجکلر، جاوانلارينيز رؤيالار، قوجالارينيز دا يوخولار گؤرهجکلر؛
او گونلرده حتّا قوللاريمين و کنئزلرئمئن اوستونه ده روحومدان تؤکهجه‌يم و اونلار نبئلئک ادهجکلر.
يوخاريدا، گؤيده بؤيوک عجايئبلر، و آشاغي دا، ير اوزونده علامتلر گؤرسدهجهيم؛ قان، اود و توستو دوماني.
ربّئن او بؤيوک و شؤوکتلي گونو گلمه‌دن گون قارانليغا، آي دا قانا دؤنهجک.
و اله اولاجاق کي، هر کئم ربّئن آديني ذئکر اتسه، نئجات تاپاجاقدير.»
اي ائسرايئلليلر، بو سؤزلري اشئدئن: نجه کي، اؤزونوز ده بئلئرسئنئز، ناصئرهلي عئسا کي، تاري اونون واسئطهسئله آرانيزدا ياراتديغي مؤجوزهلر، عجايئبلر و علامتلرله اونو تصدئق اتدي،
بو آدام، تارينين موعيّن ادئلمئش مقصدئنه و قاباقجادان بئلن علمئنه گؤره سئزه تسلئم ادئلدي و سئز شرئعتسئز آداملارين اَلي ائله اونو چارميخا ميخلاييب، اؤلدوردونوز.
و تاري اونو تزهدن دئرئلتدي و اؤلوم عذابلاريني باشا گتئردي؛ چونکي مومکون ديئلدي کي، اؤلوم اونو توتا بئلسئن.
اونا گؤره کي، داوود اونون حاقّيندا ديئر: ربّي دائم گؤزومون قاباغيندا قويموشام؛ چونکي او، منئم صاغيمدادير کي، اَسمهيئم.
اونون اوچون ده، اوره‌يئم سوئنئردي، دئلئم ده شادليق ادئردي؛ حتّا بدنئم ده اومئد ائچئنده ساکئن اولاجاق.
چونکي سن، جانيمي اؤلولر دئيارينا بوراخمازسان، موقدّسئني ده چورومه‌يه قويمازسان.
حيات يوللاريني منه بئلدئرئبسن؛ اؤز حوضورونلا سن مني شادليقلا دولدورارسان.
اي قارداشلار، سئزه بؤيوک آتاميز داوودون حاقّيندا آچيقجا دئيهبئلرم کي، هم اؤلدو، هم ده باسديريلدي و قبئري بو گونه قدر آراميزدادير.
بلجه پيغمبر اولدوغونا گؤره، بئلئردي کي، تاري اونا آند ائچئب کي، جئسمه گؤره اونون نسلئندن بئرئني، اونون تختئنده اوتورداجاق.
او گلهجه‌يي گؤروب مسئحئن دئرئلمهسئندن دانيشدي کي، او نه اؤلولر دئياريندا ترک اِدئلدي، نه ده بدني چورودو.
بو عئساني، تاري تزهدن دئرئلتدي کي، بئز هاميميز اونون شاهئدلرئيئک.
بلجه، تارينين صاغ طرفئنه اوجالديليب، وعده ورئلمئش موقدّس روحو آتادان آلدي و ائندي، گؤردويونوز و اشئتدئيئنئز کئمي، بو روحو اوستوموزه تؤکوب.
چونکي گؤيلره قالخان، داوود ديئلدي، آمّا او اؤزو بله ديئر: «رب منئم ربّئمه ددي: منئم صاغيمدا اوتور،
او زاماناجاق کي، دوشمنلرئني سنئن آياقلارينين آلتينا کتئل ادئم.»
بونا گؤره ده، بوتون ائسرايئل خالقي بونو آرخايين بئلسئن کي، چارميخا چکدئيئنئز بو عئساني تاري هم رب، هم ده مسئح ادئب."
اونلار بونو اشئدن زامان، اورکلرئنه اِله بئل اوخ باتدي و پطروس و او بئري حوارئلره ددئلر: "قارداشلار، بس بئز نه ادک؟"
پطروس اونلارا ددي: "تؤوبه ادئن و گوناهلارينيزين باغيشلانماسي اوچون هر بئرئنئز عئسا مسئحئن آدي ائله تعمئد آلين؛ و موقدّس روحون عطاسيني آلاجاقسينيز.
چونکي بو وعده سئزهدئر، اوشاقلارينيزادير، بوتون اوزاقدا اولانلارادير، و تاريميز ربّئن چاغيراجاغي نه قدر آدام وارسا، اونلاريندير."
و داها چوخ سؤزلرله اونلارا شهادت وردي و تشوئق ادئب ددي: "بو اَيري نسئلدن اؤزونوزو قورتارين."
و سونرا، اونون سؤزونو قبول اِدَنلر تعمئد آلديلار. و او گون اوچ مئنه ياخين آدام اونلارا قوشولدو.
اونلار اؤزلرئني حوارئلرئن تعلئم و رفاقتئنه، چؤرک بؤلمک و دوعايا وقف اتمئشدئلر.
هر آدامين جانينا قورخو دوشموشدو. و حوارئلرئن واسئطهسئله چوخ عجايئبلر و علامتلر باش ورئردي.
بوتون ائمان گتئرنلر بئر يرده ائدئلر و بوتون شيلري موشترک ائدي.
ماللار و مولکلرئني ساتيب هر کسه احتئاجينا گؤره پايلاييرديلار.
هر گون بئرلئکده معبده گتمکده داوام ادئردئلر، اِودن اِوه چؤرک بؤلوب، شادليق و صاف اورکله بئرلئکده يمک ييئردئلر.
تارييا حمد ادئردئلر و بوتون خالق يانيندا عزئز ائدئلر. رب ده نئجات تاپانلارلا گونبهگون اونلارين ساييني آرتيريردي.
گونون دوقّوزونجو ساعاتيندا کي، دوعا واختي ائدي، پطروسلا يوحنّا بئرلئکده معبده گدئردئلر.
بئر آنادان دوغما چولاق معبدئن گؤزل قاپي ديئلن قاپيسينا گتئرئلئردي. اونو هر گون اورايا قويوردولار کي، معبده گئرنلردن صدقه ييغسين.
او زامان کي، بو آدام پطروس و يوحنّاني معبده گئرمک حاليندا گؤردو، اونلاردان صدقه ائسته‌دي.
پطروسلا يوحنّا اونا دئقّتله باخديلار و پطروس ددي: "بئزه باخ!"
آدام اونلاردان بئر شي آلماق اومئدئنده اونلارا دئقّتله باخدي.
لاکئن پطروس اونا ددي: "منئم گوموش و يا قيزيليم يوخدور، آمّا منده اولاني سنه ورئرم: ناصئرهلي عئسا مسئحئن آديندا، يري!"
و اونون صاغ الئندن توتوب اونو قالديردي. او آندا اونون آياقلاري و توپوقلاري قووّتلندي.
و يردن سيچراييب آياغا دوردو و يرئمه‌يه باشلادي؛ و گَزئب، آتيليب-دوشوب تارييا حمد اده-اده اونلارلا معبده گئردي.
بوتون خالق اونو گؤردو کي، يرئيئب آتيلير و تارييا حمد ادئر.
و تانيديلار کي، معبدئن گؤزل قاپيسيندا اوتوروب صدقه ييغان آدام بودور و اونا نه باش وردئيئني گؤرنده، حيرت و تعجّوبدن دونوب قالديلار.
او آدام پطروس و يوحنّادان اَل چکمئردي. بوتون خالق حيرت ائچئنده سوليمانين ايواني ديئلن يره قاچيب، اونلارين اطرافينا ييغيلديلار.
پطروس بونو گؤرن واخت، خالقا خئطاب اتدي: "اي ائسرايئلليلر، نه اوچون بونا تعجّوب ادئرسئنئز؟ و يا بئزه اله باخيرسينيز کي، گويا بئز اؤز قووّت و يا دئندارليغيميزلا اونون يرئمه‌سئنه سبب اولموشوق؟
ائبراهئمئن، ائسحاقين، و يعقوبون تاريسي، آتالاريميزين تاريسي، اؤز قولو عئسايا جلال وردي؛ اونو کي، سئز اونو تسلئم اتدئنئز و پئلاط اونون آزاد اتمهسئنه قرار وردئيي حالدا، سئز اونون حوضوروندا اونو داندينيز.
سئز او موقدّس و صالح اولاني دانيب، ائسته‌دئنئز کي، بئر قاتئل سئزه باغيشلانسين.
و حيات ريئسئني اؤلدوردونوز؛ اونو کي، تاري اونو اؤلولردن دئرئلتدي و بونون شاهئدلري بئزئک.
اونون آدينا اولان ائمان سايهسئنده، گؤردويونوز و تانيديغينيز بو آدامي اونون آدي قووّتلندئردي؛ و اونون واسئطهسئله گلن ائمان هامينيزين حوضوروندا او آداما بو کامئل صاغليغي وردي.
ائندي اي قارداشلار، بئلئرم کي، سئز ده ريئسلرئنئز کئمي، نادانليقدان بونو اتدئنئز.
لاکئن تاري کي، مسئحئن عذاب چکهجه‌يئني بوتون پيغمبرلرئن آغزي ائله قاباقجادان خبر ورمئشدي، سؤزونو بو جور يرئنه يتئردي.
اونا گؤره تؤوبه ادئن و دؤنون کي، گوناهلارينيز سئلئنسئن، اله کي، ربّئن حوضوروندان تزهلنمه زامانلاري گلسئن
و سئزه تعيئن اولونان مسئحي، يعني عئساني گؤنده‌رسئن.
تارينين قدئمدن بري موقدّس پيغمبرلرئنئن آغزي ائله ددئيي کئمي، هر شيئن تزلنهجه‌يي واختا قدر، عئسا گرک گؤيده قالسين.
موسا دمئشدي؛ «رب تارينيز، قارداشلارينيزين آراسيندان سئزه منئم کئمي بئر پيغمبر قالديراجاق. هر ائشده سئزه نه دسه، اونا قولاق آسارسينيز.
و اله اولاجاق کي، او پيغمبره قولاق آسمايان هر کس تارينين خالقي آراسيندان محو اولاجاق.»
و الجه ده بوتون پيغمبرلر، سمويئل و اوندان سونرا گلنلر، بو گونلري خبر وردئلر.
سئز پيغمبرلرئن و او عهدئن اوغوللاريسينيز کي، تاري آتالاريميزلا باغلاييب، ائبراهئمه ددي؛ «يرئن بوتون اِللري سنئن نسلئنده برکت تاپاجاقلار.»
تاري اوّل سئزئن اوچون اؤز اوغلونو قالديريب گؤنده‌ردي کي، سئزئن هر بئرئنئزي شر يوللارينيزدان دؤنده‌رمکله سئزه برکت ورسئن."
پطروس و يوحنّا خالقا دانيشان واخت، کاهئنلر، معبدئن موحافئظلرئنئن ريئسي و صادوقئلر اونلارين اوستونه گلدئلر.
اونلار چوخ ائنجئمئشدئلر، چونکي پطروس و يوحنّا خالقا تعلئم ورئب، عئسانين واسئطهسئله اؤلولرئن دئرئلهجه‌يئني اعلان ادئردئلر.
اونلاري ياخالاديلار و صاباحي گونه قدر زئندانا سالديلار؛ چونکي آرتيق آخشام اولموشدو.
آمّا کلامي اِشئدنلرئن بئر چوخو ائمان گتئردئلر؛ و ائمان گتئرن کئشئلرئن ساييسي تقرئبن بش مئنه چاتدي.
او گونون صاباحي، خالقين ريئسلري، آغساقّاللاري و دئن عالئملري اورشلئمده بئر يره ييغيلديلار؛
باش کاهئن حنّا، قيافا، يحيا، ائسکندر و باش کاهئنلئک نسلئندن اولانلارين هاميسي اورادا ائدئلر.
و اونلاري اورتادا دوردوروب تفتئش ادئردئلر کي، "سئز هانسي قووّت و يا هانسي آدلا بونو ادئبسئنئز؟"
او زامان پطروس موقدّس روحلا دولوب اونلارا ددي: "اي خالقين ريئسلري و آغساقّاللاري!
اگر بئز بو گون ناخوش آداما ادئلن ياخشيليق و نجه شفا تاپديغي بارهده ائستئنطاق اولونوروق،
قوي سئزئن هامينيزا و بوتون ائسرايئل خالقينا معلوم اولسون کي، ناصئرهلي عئسا مسئحئن آدي ائله بو آدام صاغ-سالامات قاباغينيزدا دوروب. او کي، سئز اونو چارميخا چکدئنئز، آمّا تاري اونو اؤلولردن دئرئلتدي.
عئسا او داشدير کي، سئز بنّالار اونو ردّ اتدئنئز، لاکئن او، اِله کونجون باش داشي اولدو.
و اؤزگه هچ کئمده نئجات يوخدور؛ چونکي گؤيون آلتيندا ائنسانلارا ورئلمئش آيري بئر آد يوخدور کي، اونونلا نئجات تاپا بئلک."
اونلار پطروس و يوحنّانين جسارتئني گؤردولر و اونلارين بِساواد و عاوام آداملار اولدوقلاريني بئلئب، تعجّوب اتدئلر و تانيديلار کي، اونلار دا عئسا ائله ائدئلر.
و شفا تاپميش آدامين اونلارلا دوردوغونو گؤرنده جاواب ورمه‌يه هچ بئر سؤزلري قالمادي.
اونلارا امر اتدئلر کي، مئلّت شوراسيندان اشئيه چيخسينلار و اؤز آرالاريندا مصلحتله‌شئب،
ددئلر: "بو آداملارلا نه اِدَک؟ چونکي اونلارين آچيق-آشکار بئر علامت گؤرستدئکلري بوتون اورشلئمده ياشايانلارا بلّئدئر و بونو ائنکار اده بئلمه‌رئک.
لاکئن بو خبرئن خالق آراسيندا داها چوخ ياييلماماسينا گؤره، گلئن اونلارا ائخطار ورک کي، بو آدلا آرتيق هچ کسه بئر سؤز دانيشماسينلار."
و اونلاري چاغيريب امر اتدئلر کي، عئسانين آديندا اصلا نه دانيشسينلار، نه ده تعلئم ورسئنلر.
آمّا پطروس و يوحنّا جاواب ورئب اونلارا ددئلر: "سئز اؤزونوز قضاوت ادئن؛ آيا تارينين حوضوروندا، بو، صحئحدئر کي، بئز سئزدن تاريدان داها چوخ ائطاعت ادک؟
چونکي بئز اِده بئلمه‌رئک کي، اشئتدئکلرئمئز و گؤردوکلرئمئز شيلرئن حاقّيندا دانيشماياق."
اونلار خالق اوزوندن پطروس و يوحنّاني داها چوخ تهدئد ادندن سونرا بوراخديلار، (اونلاري جزالانديرماق اوچون بئر بهانه تاپا بئلمه‌دئلر) چونکي بوتون خالق باش ورمئش ائشه گؤره تارييا حمد ادئردي.
اونا گؤره کي، شفا تاپميش آدامين ياشي قيرخي کچمئشدي.
اونلار آزاد اولاندان سونرا، اؤز يولداشلارينين يانينا گتدئلر و باش کاهئنلر و آغساقّاللارين بوتون ددئکلرئني اونلارا خبر وردئلر.
بونو اشئدن زامان، اونلار بئرلئکده سسلرئني تارييا طرف قالديريب ددئلر: "هر شيه قادئر رب! گؤيو، يري، دهنزي، و بوتون اونلاردا اولانلاري يارادان سنسن کي،
موقدّس روحون واسئطهسئله اؤز قولون آتاميز داوودون آغزي ائله ددئن: «نه اوچون مئلّتلر قايناشيرلار و خالقلار باطئل فئکئرله‌شئرلر؟
دونيانين پادشاهلاري قالخيرلار، امئرلر بئربئري ائله ربّئن ضئدّئنه، و اونون مسح اتدئيئنئن ضئدّئنه مصلحتله‌شئرلر؟
دوغرودان دا سنئن موقدّس قولون عئسا مسئحئن ضئدّئنه کي، سن اونو مسح ادئبسن، هم هئرود، هم ده پونطئيوس پئلاط، قيري‌يهودئلر و ائسرايئل خالقي ائله بو شهرده بئر يره ييغيلديلار کي،
سنئن اَلئنئن، و هدفئنئن اوّلدن موقدّر اتدئيئنئن هاميسيني يرئنه يتئرسئنلر.
و ائندي، يارب، اونلارين تهدئدلرئنه باخ و اؤز قوللارينا باغيشلا کي، سنئن سؤزونو کامئل جسارتله دانيشسينلار.
و الئني اوزات کي، سنئن موقدّس قولون عئسانين آدينين واسئطهسئله شفا، علامتلر و عجايئبلر باش ورسئن."
اونلارين دوعاسيندان سونرا، اولدوقلاري ير لرزهيه گلدي و اونلارين هاميسي موقدّس روحلا دولوب، تارينين سؤزونو جسارتله دانيشماغا باشلاديلار.
و ائمان گتئرنلرئن جمئنئن بئر اورک و بئر جاني وار ائدي؛ هچ بئري اؤزونون اولان هچ بئر شيي اؤزونونکو بئلمئردي. چونکي هر شي اونلار اوچون هامييا عاييد ائدي.
و حوارئلر بؤيوک بئر قووّتله رب عئسانين دئرئلمه‌سئنه شهادت ورئردئلر و اونلارين هاميسينين اوستونده بؤيوک بئر فيض وار ائدي.
اونلارين آرالاريندا مؤحتاج بئر آدام يوخ ائدي، اونا گؤره کي، مولکلر و اِولر صاحئبي اولانلار، اونلاري ساتيرديلار و ساتيلميش شيلرئن پولونو گتئرئب
حوارئلرئن آياقلارينا قويوردولار؛ و هر کسه اؤز احتئياجينا گؤره پايلانيردي.
قئبرئسده آنادان اولموش لاوئلي يوسئف ده کي، حوارئلر اونو بارنابا چاغيريرديلار (معناسي؛ تشوئق اوغلو)
مالئک اولدوغو يري ساتدي و پولونو گتئرئب حوارئلرئن آياقلارينا قويدو.
آمّا حنانئيا آدلي بئر کئشي آروادي سفئره ائله بئر مولک ساتدي
و پولون بئر قئسمئني آروادينين ريضاسي ائله اؤزو اوچون ساخلاييب، قالانيني گتئردي و حوارئلرئن آياقلاري يانينا قويدو.
لاکئن پطروس ددي: "حنانئيا، نه اوچون شيطان اوره‌يئني دولدوروب کي، موقدّس روحا يالان دئيهسن و مولکون پولوندان بئر قئسمئني ساخلاياسان؟
مگر ساتيلماميشدان قاباق سنئن اؤزونون ديئلدي؟ ساتيلاندان سونرا دا مگر سئنئن اؤز ائختئياريندا ديئلدي؟ نه اوچون بو عملي اوره‌يئنه سالدين؟ سن ائنسانلارا يوخ، تارييا يالان ديئبسن.»
حنانئيا بو سؤزلري اشئدنده يره ييخيليب، آخير نفسئني چکدي و بونون خبرئني اشئدنلرئن هاميسيني بؤيوک بئر قورخو بورودو.
و جاوانلار قالخيب، اونو کفنه بوکدولر و آپاريب باسديرديلار.
بو حادئثهدن تقرئبن اوچ ساعات سونرا، اونون آروادي دا ائچه‌ري گئردي، آمّا اولوب-کچنلردن بئخبر ائدي.
پطروس اونا خئطاب اتدي: "منه ده گؤروم، مولکو بو قئيمت و باهايا ساتدينيز؟" آرواد ددي: "بلي، بو قئيمته ائدي."
پطروس اونا ددي: "نه اوچون راضيلاشيبسينيز کي، ربّئن روحونو ائمتاحانا چکهسئنئز؟ باخ، ارئني باسديرانلارين آياقلاري قاپيدادير، و سني ده اشئيه داشيياجاقلار."
بئردن او دا پطروسون آياقلاري آلتينا ييخيليب، آخير نفسئني چکدي و جاوانلار ائچه‌ري گئرئب اونو اؤلموش تاپديلار و اشئيه داشي‌ييب، ارئنئن يانيندا باسديرديلار.
بوتون کئلئسايا و بو حادئثهلري اشئدنلرئن هاميسينا بؤيوک بئر قورخو دوشدو.
و حوارئلرئن اَللري ائله خالق آراسيندا چوخ علامتلر و مؤجوزهلر باش ورئردي و هاميسي بئرلئکده سوليمانين ايوانيندا اولوردولار.
لاکئن خالق اونلارا بؤيوک حؤرمت گؤرستدئيي حالدا، هچ کس جورعت اتمئردي کي، اونلارلا قاريشسين.
و گتدئکجه ربّه ائمان گتئرن کئشئلر و آروادلار چوخاليب، اونلارا قوشولوردولار.
بله کي، حتّا ناخوشلاري کوچهلره گتئرئب تختلر و دؤشه‌مهلر اوستونه قويوردولار کي، پطروس کچنده، هچ اولماسا کؤلگهسي اونلارين بئرئنئن اوستونه دوشسون.
و اورشلئمئن اطرافيندا اولان شهرلردن ده خالق گلئب ناخوشلار و ناپاک روحلاردان عذاب چکنلري گتئرئردئلر و اونلارين هاميسي شفا تاپيردي.
لاکئن باش کاهئن و يانينداکيلارين هاميسي (يعني صادوقئلر فئرقهسي) قالخديلار و پاخيلّيقلا دولدولار
و حوارئلري ياخالاييب، عومومي زئندانا سالديلار.
آمّا ربّئن بئر مله‌يي گجه ائکن زئندانين قاپيلاريني آچدي و اونلاري اشئيه چيخارديب ددي:
"گدئن و معبدده دوروب بو حيات بارهسئنده‌کي بوتون سؤزلري خالقا ديئن."
اونلار دا بونو اشئدندن سونرا، گون دوغارکن، معبده گئرئب تعلئم ورمه‌يه باشلاديلار. باش کاهئن و اطرافينداکي‌لار، گلدئکلري واخت، سنهدرئن مجلئسئني، حتّا ائسرايئل اوغوللارينين مجلئسئني بئر يره چاغيرديلار و زئندانا آداملار گؤنده‌ردئلر کي، حوارئلري گتئرسئنلر.
لاکئن مأمورلار، گلدئکلري واخت، اونلاري زئنداندا تاپماديلار و قاييديب خبر آپارديلار
و ددئلر: "زئندانخاناني چوخ دئقّتله باغلي و کشئکچئلري قاپيلارين يانيندا دورموش تاپديق. آمّا قاپيلاري آچديقدا ائچه‌رئده هچ کئمي تاپماديق."
بو زامان معبدئن کشئکچئلرئنئن ريئسي و باش کاهئنلر بو سؤزلري اشئدن زامان، اونلار حاقّيندا حيران قالديلار کي، بوندان نه عمله گلهجک.
لاکئن بئر نفر گلئب اونلارا خبر وردي: "باخين، زئندانا سالديغينيز آداملار معبدده دوروب خالقا تعلئم ورئرلر."
او واخت موحافئظلرئن ريئسي مأمورلارلا گدئب اونلاري گتئردي، آمّا زورلا يوخ. چونکي خالقدان قورخوردولار کي، مبادا اونلاري داشا باسسينلار.
گتئرندن سونرا، اونلاري مجلئسئن ائچئنده دوردوردولار. باش کاهئن اونلاردان سوروشوب،
ددي: "بئز سئزه جئدّي امر اتدئک کي، آرتيق بو آددا تعلئم ورمه‌يهسئنئز، و باخين، اورشلئمي تعلئمئنئزله دولدوروبسونوز و ائسته‌يئرسئنئز کي، بو آدامين قانيني بئزئم بوينوموزا قوياسينيز."
آمّا پطروس و حوارئلر جاواب ورئب ددئلر: "بئز گرک ائنسانلاردان يوخ، تاريدان ائطاعت ادک.
سئزئن آغاجدان آسيب اؤلدوردويونوز عئساني آتالاريميزين تاريسي دئرئلتدي.
بو اودور کي، تاري اونو ريئس و قورتاريجي آديندا اؤز صاغينا اوجالتدي کي، ائسرايئله تؤوبه و گوناهلارين باغيشلانماسيني عطا اتسئن.
و بئز بو شيلرئن شاهئدلرئيئک و موقدّس روح دا. او روح کي، تاري اونو، اوندان ائطاعت ادنلره ورئب."
اونلار بونو اشئدنده چوخ حئرصلندئلر و قصد اتدئلر کي، حوارئلري اؤلدورسونلر.
لاکئن غمالايئل آدلي بئر فرئسي کي، شرئعت موعلّئمي ائدي و بوتون خالقين طرفئندن مؤحترم ساييليردي، مجلئسده آياغا قالخيب امر اتدي کي، او آداملاري قيسا بئر مودّت اوچون اشئيه چيخارتسينلار.
و مجلئس اهلئنه ددي: "اي ائسرايئلليلر! بو آداملارلا نه اتمک ائسته‌دئيئنئز بارهده احتئياطلي اولون.
چونکي بوندان بئر مودّت قاباق تِعوداس ميدانا چيخدي کي، اؤزونو بؤيوک بئر شخصئيّت ساييردي. اونا تقرئبن دؤرد يوز نفر قوشولدو. اؤزو اؤلدورولدو و اونا پيرو اولانلارين هاميسي داغيليب، يوخ اولدولار.
اوندان سونرا سئياهييا آلينما گونلرئنده، جلئللي يهودا ميدانا چيخدي و بئر چوخ آدامي اؤزو ائله آپاردي. او دا هلاک اولدو و اونا پيرو اولانلارين هاميسي داغيلديلار.
و ائندئکي وضعئيّت بارهده سئزه ديئرم؛ بو آداملاردان اَل چکئن و اونلاري بوراخين. چونکي اگر بو تشبّوث و بو حرکت ائنسانلاردان اولسا، پوزولاجاق.
آمّا اگر تاريدان اولسا، اونو پوزماغا سئزئن گوجونوز چاتماز. و حتّا تاري ائله ساواشانلارين حالينا دا دوشه بئلرسئنئز.»
اونلار اونون نصئحتئنه قولاق آسيب، حوارئلري ائچه‌ري چاغيرديلار. اونلاري دؤيدوروب، اونلارا امر اتدئلر کي، عئسانين آديندا آرتيق دانيشماسينلار و سونراسي آزاد اتدئلر.
بلجه اونلار مجلئسئن حوضوروندان چيخيب گتدئلر و سوئنئردئلر کي، عئسانين آدي اوچون تحقئر ادئلمه‌يه لايئق گؤرونموشدولر.
و هر گون معبدده و اِودن اِوه تعلئم ورمکدن و عئسانين مسئح اولدوغونو موژده ورمکدن ساکئت اولموردولار.
بو گونلرده کي، شاگئردلر چوخاليرديلار، يوناني دانيشان يهودئلر عئبرانئلردن شئکايت اتدئلر. چونکي گوندهلئک خيراتدا اونلارين دول آروادلارينا کممحللئک اولونوردو.
اونائکي حواري شاگئردلرئن ائجلاسيني چاغيريب ددئلر: "بئزه ياراشماز کي، تارينين کلاميني بوراخيب سوفره خئدمتئنه مشغول اولاق.
ائندي اي قارداشلار، آرانيزدان حاقلاريندا ياخشي شهادت اولونان، موقدّس روحلا دولو، حئکمتله دولو يدّي نفر سچئن کي، بئز اونلاري بو ائش اوچون تعيئن ادک.
آمّا بئز اؤزوموزو دوعا و کلام خئدمتئنه وقف ادهجهيئک."
بو سؤز بوتون ائجلاسا خوش گؤروندو. ائمان و موقدّس روحلا دولو اولان استئفاني، فئلئپوسو، پروخوروسو، نئکانورو، تئمونو، پارمِناسي و يهود دئنئنه دؤنموش اَنطاکئيه‌لي نئکولاسي سچدئلر.
و اونلاري حوارئلرئن حوضورونا گتئردئلر. اونلار دا دوعا ادندن سونرا، اونلارين اوستونه اللرئني قويدولار.
و تارينين کلامي ياييليردي و شاگئردلرئن ساييسي اورشلئمده بؤيوک بئر شکئلده چوخاليردي. کاهئنلردن بئر چوخو دا ائمانا موطئع اولوردولار.
و استئفان، قووّت و فيضله دولو، خالق آراسيندا بؤيوک مؤجوزهلر و علامتلر گؤرسه‌دئردي.
لاکئن آزادلار کنئسهسي آدلانان کنئسهدن، کرِنيليلردن، ائسکندرئيهلي‌لردن، کئلئکئيادان و آسئيادان بعضئلري قالخيب استئفانلا موباحئثهيه گئرئشدئلر.
آمّا اونون سؤزونده اولان حئکمت و روحلا موقابئله اده بئلمئردئلر.
او واخت بعضي آداملاري گئزلئجه توولاديلار کي، دسئنلر: "اونون موسا و تارينين ضئدّئنه کوفر دانيشديغيني اشئتمئشئک."
و خالقي، آغساقّاللاري، و دئن عالئملرئني قيزيشديرديلار. اونلار دا اونو ياخالاييب توتدولار و مجلئسه آپارديلار.
و يالانچي شاهئدلر ده قاباغا چيخارتديلار کي، ددئلر: "بو آدام بو موقدّس يرئن و شرئعتئن ضئدّئنه کوفر دانيشماقدان ال چکمئر.
چونکي بئز اوندان اشئتدئک کي، ديئردي: «ناصئرهلي عئسا بو يري خارابا قوياجاق و موسانين بئزه وردئيي عادتلري ديئشدئرهجک.»"
مجلئسده اوتورانلارين هاميسي اونا گؤز دئکمئشدي و اونون اوزونو بئر ملک اوزو کئمي گؤروردولر.
او واخت باش کاهئن ددي: "بو شيلر دوزدور؟"
استئفان ددي: "منه قولاق آسين، اي قارداشلار و آتالار! جلال تاريسي آتاميز ائبراهئمه حاراندا ساکئن اولمادان، حله بين‌اَلنهرِينده ياشايارکن، گؤروندو.
و اونا ددي: «وئلايتئندن و قوحوملارينين يانيندان چيخ و سنه گؤرسدهجه‌يئم يره گت.»
او زامان ائبراهئم کلدانئلرئن وئلايتئندن چيخيب، حاراندا ساکئن اولدو. و آتاسي اؤلندن سونرا، تاري اونو ائندي ياشاديغينيز بو اؤلکهيه کؤچورتدو.
و اورادا اونا بئر آياق قويماق يري بله مئراث ورمه‌دي. لاکئن گئنه ده، حله اوشاغي يوخ ائکن، وعده وردي کي، اوراني اونا و اوندان سونراکي نسلئنه مولک ورهجک.
لاکئن تاري بله ده ددي کي، سنئن نسلئن اؤزگه بئر اؤلکهده قرئب اولاجاق و دؤرد يوز ائل اونلاري قول ادئب، اونلارا جفا چکدئره‌جکلر.
تاري ددي: «و من اؤزوم، اونلاري اسارته چکن مئلّته حؤکم ادهجهيم و اوندان سونرا اورادان چيخيب بو يرده منه خئدمت ادهجکلر.»
و اونا ختنه عهدئني وردي و بلجه ائبراهئم ائسحاقين آتاسي اولوب، سکّئزئنجي گونده اونو ختنه اتدي. ائسحاق دا يعقوبون، يعقوب دا اونائکي بؤيوک اجدادلارين آتاسي اولدو.
و اجدادلار يوسئفه پاخيلّيق ادئب اونو مئصئره ساتديلار. آمّا تاري اونونلا ائدي.
و اونو بوتون فلاکتلرئندن خئلاص ادئب، مئصئر پادشاهي فئرعونون نظرئنده اونا لوطف و حئکمت عطا اتدي. فئرعون دا اونو مئصئرئن و بوتون اِو اهلئنئن اوستونه ريئس تعيئن اتدي.
سونرا بوتون مئصئر و کنعان اؤلکهسئنه آجليق و بؤيوک فلاکت گلدي و آتالاريميز يمک تاپا بئلمئردئلر.
لاکئن يعقوب مئصئرده غلّه اولدوغونو اشئدن واخت، آتالاريميزي ائلک دفه اورايا گؤنده‌ردي.
ائکئنجي دفه اونلار گلنده، يوسئف قارداشلارينا اؤزونو تانيتدي و يوسئفئن نَسَبي فئرعونا بلّي اولدو.
و يوسئف گؤنده‌رئب آتاسي يعقوبو و بوتون قوحوم-اَقرباسيني، يتمئش بش آدامي دعوت اتدي.
يعقوب دا مئصئره کؤچدو و اورادا او و آتالاريميز اؤلدولر.
و شِکِمه گتئرئلئب او مقبرهيه قويولدولار کي، ائبراهئم اونو شِکِمده، خمورون اوغوللاريندان پوللا ساتين آلميشدي.
آمّا تارينين ائبراهئمه وردئيي وعدهنئن واختي ياخينلاشان حالدا، خالق مئصئرده آرتدي و چوخالدي.
او واختا قدر کي، مئصئر تختئنه يوسئفي تانيمايان آيري بئر پادشاه چيخدي.
بو پادشاه ائدي کي، خالقيميزا حئيله قوروب آتالاريميزا جفا چکدئردي، اله کي، کؤرپه اوشاقلاريني چؤله آتسينلار و حياتلاري داوام اتمه‌سئن.
همئن بو زاماندا موسا آنادان اولدو؛ و تارينين نظرئنده چوخ جاناسئنَن ائدي. موسا اوچ آي آتاسي اوئنده بؤيودولدو.
و چؤله آتيلاندان سونرا، فئرعونون قيزي اونو گؤتوروب اؤز اوغلو کئمي بؤيوتدو.
موسا مئصئرليلرئن بوتون علمئنده تربئيه تاپدي، سؤزده و عمللرئنده قودرتلي ائدي.
لاکئن قيرخ ياشينا يتئشنده اوره‌يئنه دوشدو کي، قارداشلاري اولان ائسرايئل اوغوللارينا باش چکسئن.
و بئرئسئنه حاقسيزليق اِدئلدئيئني گؤرن واخت، اونون کؤمه‌يئنه چيخدي و حاقسيزليق ادن مئصئرلئني ووروب، مظلومون قئصاصيني آلدي.
او اله دوشونوردو کي، قارداشلاري آنلاياجاقلار کي، تاري اونون اَلي ائله اونلارا نئجات ورمک ائستهيئر. آمّا اونلار باشا دوشمه‌دئلر.
او گونون صاباحي، بعضئلري بئربئري ائله ساواشان زامان، اونلارا ياخينلاشدي و اونلاري باريشديرماغا چاليشيب، ديئردي: «کئشئلر، سئز قارداشسينيز. نه اوچون بئربئرئنئزي ائنجئدئرسئنئز؟»
لاکئن قونشوسونو ائنجئدن آدام، اونو ائته‌له‌يئب ددي: «کئم سني بئزئم اوستوموزه ريئس و حاکئم اتدي؟
دونن مئصئرلئني اؤلدوردويون کئمي، مني ده اؤلدورمک ائستهيئرسن؟»
بو سؤزلر اوزوندن موسا قاچدي و مئديان اؤلکهسئنده قرئب اولوب، اورادا اونا ائکي اوغول دوغولدو.
و قيرخ ائل کچندن سونرا، سئنا داغينين چؤلونده، بئر ملک، يانان بئر بوتانين آلوووندا اونا گؤروندو.
موسا بو منظرهني گؤره‌نده حيرتدن مات قالدي. باخماق اوچون ياخينلاشديغي زامان، ربّئن سسي گلدي:
«من سنئن آتالارينين تاريسييام؛ ائبراهئمئن، ائسحاقين و يعقوبون تاريسي.» موسا قورخودان تئترهيئب اورايا باخماغا جورعت اتمهدي.
رب اونا ددي: «آياقلاريندان چاريقلاري چيخارت، چونکي دوردوغون ير موقدّسدئر.
دوغرودان دا کي، من مئصئرده اولان خالقيمين چکدئيي جفاسيني گؤرموشم و اونلارين نالهلرئني اشئتمئشم و نازئل اولموشام کي، اونلاري خئلاص ادئم. ائندي گل، من سني مئصئره گؤنده‌رهجه‌يم.»
همئن بو موسا کي، اونلار ردّ ادئب ديئردئلر «کئم سني بئزه ريئس و حاکئم تعيئن اتدي»، اله اودور کي، تاري، يانان بوتانين ائچئنده، اونا گؤرونن مله‌يئن واسئطهسئله، اونو هم ريئس، هم ده قورتاريجي گؤنده‌ردي.
بو کئشي مئصئر اؤلکهسئنده، قيرميزي دهنزده و قيرخ ائل چؤلده مؤجوزهلر و علامتلر گؤرسدمکله اونلاري خئلاص اتدي.
بو همئن موسا ائدي کي، ائسرايئل اوغوللارينا ددي: «تاري سئزه قارداشلارينيزدان منئم کئمي بئر پيغمبر قالديراجاق.»
بو اودور کي، چؤلدهکي جاماعات ائچئنده، آتالاريميزلا و سئنا داغيندا اونونلا دانيشان ملکله ائدي و حيات ورن احکامي آلدي کي، بئزه ورسئن.
و آتالاريميز ائسته‌مئردئلر کي، اوندان ائطاعت اتسئنلر. لاکئن اونو ردّ ادئب اورکلرئنده مئصئره دؤندولر.
و هارونا ددئلر: «بئزه آللاهلار دوزلت کي، قاباغيميزدا گتسئنلر. چونکي بئلمئرئک کي، بئزي مئصئردن چيخاردان بو موسانين باشينا نه گلئب.»
او گونلرده بئر دانا دوزلتدئلر و بو بوته قوربان تقدئم اتدئلر و اؤز اَللرئنئن ائشلرئندن شادليق ادئردئلر.
آمّا تاري اونلاردان اوز دؤنده‌ردي و اونلاري بوراخدي کي، گؤيدهکي جئسملره پرستئش اتسئنلر. نجه کي، پيغمبرلرئن کئتابيندا يازيليب: «اي ائسرايئل اِوي، قيرخ ائل چولده کسدئيئنئز و قوربان اتدئيئنئز حيوانلاري مگر منه تقدئم ادئردئنئز؟
سئز مولوکون چاديريني دا، رومفا بوتونون اولدوزونو دا اؤزونوزله گؤتوردونوز کي، اونلارا پرستئش ادهسئنئز. من ده سئزي بابئلدن داها او يانا کؤچوردهجه‌يم.»
چؤلده آتالاريميزين شهادت خيمهسي وار ائدي. نجه کي، موسايا دانيشيب هئدايت اتمئشدي کي، گؤردويو نومونهيه گؤره بئنا اتسئن.
آتالاريميز دا کي، او خيمهني قبول اتمئشدئلر، يوشعله برابر قيرييهودئلرئن مولکونو ضبط ادنده اونو اورايا گتئردئلر؛ او مئلّتلري کي، تاري آتالاريميزين قاباغيندان قوودو. خيمه داوودون زامانينا کئمي اورادا قالدي.
داوود تارينين نظرئنده لوطف تاپيب درخواست اتدي کي، يعقوبون تاريسينا بئر مسکن تاپسين.
لاکئن تارييا اِو تئکن سوليمان ائدي.
آمّا حاق-تاعالا، اَلله تئکئلن اوده ساکئن اولماز، نجه کي، پيغمبر ده ديئر:
گؤي منئم تختئمدئر، ير ده آياقلاريما کتئلدئر. رب ديئر؛ منه نه جور اِو دوزلدهجکسئنئز و يا منئم راحاتليغيم اوچون نه ير وار؟
مگر بوتون بونلاري يارادان، منئم اَلئم ديئل؟!
اي بوينو يوغونلار، اورک و قولاقلاريندا ختنه اولونماميشلار! آتالاريميز کئمي، سئز ده همئشه موقدّس روحا ضئدّ چيخيرسينيز.
آتالارينيز پيغمبرلرئن هانسيني ائنجئتمهدئلر؟! اونلاري کي، او صالح اولانين گلهجه‌يئني قاباقجادان خبر ورئردئلر، اؤلدوردولر کي، سئز ده ائندي اونلارا خيانت ادنلر و اونلاري اؤلدورنلر اولوبسونوز.
سئز کي، شرئعتي ملکلرئن ترتئب اتدئکلري کئمي آلدينيز، گئنه ده اونلاري رئعايت اتمه‌دئنئز."
اونلار، بونلاري اشئدن واخت، چوخ قضبلندئلر و اونون ضئدّئنه دئشلرئني قيجيرتديلار.
لاکئن استئفان موقدّس روحلا دولوب گؤزلرئني گؤيه دئکدي و تارينين شؤوکتئني، و عئساني تارينين صاغ طرفئنده دورموش گؤردو.
و ددي: "باخين، گؤيلري آچيلميش و ائنسان اوغلونو تارينين صاغيندا دورموش گؤرورم!"
آمّا اونلار برکدن باغيريب، قولاقلاريني توتدولار و بئرلئکده اونا يوگوردولر.
اونو شهردن قيراغا چيخارديب، داشلاديلار و شاهئدلر پالتارلاريني شاعول آدلي بئر جاوانين آياقلاري يانينا قويدولار.
و استئفاني داشلاديلار. استئفان دوعا ادئردي: "يارب عئسا، روحومو قبول ات!"
و دئزلرئنه دوشوب اوجا سَسله باغيردي: "يارب، بو گوناهي اونلارين بوينونا قويما!" و بونو ديئب، گؤزونو بو حياتا يومدو.
شاعول دا استئفانين اؤلدورولمه‌سئنه راضي ائدي. او گونده اورشلئمدهکي کئلئسانين ضئدّئنه بؤيوک بئر جفا قالخدي؛ و حوارئلردن باشقا هامي، يهودئيه و سامئرهنئن هر يانينا داغيلديلار.
دوروستکار آداملار استئفاني دفن ادئب، اونون اوچون بؤيوک ياس توتدولار.
آمّا شاعول کئلئساني وئران ادئردي؛ اِودن اِوه گئرئردي و کئشئلر و آروادلاري سورويوب، زئندانا آتيردي.
بلجه داغيلانلار هر يري گزئب، کلامي وعظ ادئردئلر.
فئلئپوس دا سامئرهنئن بئر شهرئنه گدئب، مسئحي اونلارا اعلان ادئردي.
خالق فئلئپوسون گؤرستدئيي علامتلري اشئدئب گؤرنده، اونون ددئکلرئنه بئرلئکله قولاق آسيرديلار.
چونکي ناپاک روحلاري اولان بئر چوخ آدامدان، روحلار اوجا سسله چيغيريب چيخيرديلار؛ چوخ ائفلئج و علئل ده شفا تاپيردي.
و او شهرده بؤيوک شادليق وار ائدي.
بو واخت شهرده شمعون آدلي بئر آدام وار ائدي کي، قاباقجادان جادوگرلئک ادئردي و سامئره خالقيني حيران ادئب، بؤيوک بئر آدام اولدوغونو ائدّئعا ادئردي.
و اونلارين هاميسي، کئچئکدن بؤيوکونه قدر، اونا قولاق آسيب ديئردئلر: "تارينين بؤيوک قودرتي ديئلن بو آدامدير."
اونلار اونا گؤره اونا قولاق آسيرديلار کي، چوخ واختدان اونلاري اؤز جادولاري ائله حيرته سالميشدي.
آمّا او زامان کي، تارينين پادشاهليغي و عئسا مسئحئن آدي بارهده ائنجئلئن خوش خبرئني وعظ اِدَن فئلئپوسا ائنانديلار، تعمئد آلديلار؛ هم کئشئلر، هم ده آروادلار.
حتّا شمعون اؤزو ده ائمان گتئردي و تعمئد آلاندان سونرا فئلئپوسون يانيندا قالدي و باش ورن علامتلر و بؤيوک مؤجوزهلري گؤروب دائم حيرتله‌نئردي.
اورشلئمده اولان حوارئلر سامئرهليلرئن تارينين کلاميني قبول اتدئکلرئني اشئدنده، پطروس و يوحنّاني اونلارين يانينا گؤنده‌ردئلر.
اونلار دا گلئب سامئرهليلر اوچون دوعا اتدئلر کي، موقدّس روحو آلسينلار.
چونکي موقدّس روح اونلارين هچ بئرئنئن اوستونه حله انمهمئشدي، آنجاق رب عئسانين آديندا تعمئد آلميشديلار.
پطروس و يوحنّا اَللرئني اونلارين اوستونه قويان زامان، اونلار موقدّس روحو آليرديلار.
شمعون حوارئلرئن اَللرئني قويماقلا موقدّس روحون ورئلدئيئني گؤرنده، اونلارا پول تکلئف ادئب،
ددي "منه ده بو ائقتئداري ورئن کي، کئمئن اوستونه اَللرئمي قويسام، موقدّس روحو آلسين."
لاکئن پطروس اونا ددي "گوموشون سنئنله بئرلئکده محو اولسون! چونکي گومان اتدئن کي، تارينين عطاسينا پوللا صاحئب اولا بئلرسن.
بو ائشده نه پايين وار نه ده قئسمتئن، چونکي تارينين حوضوروندا اوره‌يئن دوز ديئل.
بونا گؤره بو پئسلئيئندن تؤوبه ات و ربّه دوعا ات کي، بلکه اوره‌يئنده اولان نئيّت باغيشلانسين.
چونکي گؤرورم کي، آجيليق زهري ائله دولو و پئسلئک بندئندهسن."
آمّا شمعون جاواب ورئب ددي "منئم اوچون سئز اؤزونوز ربّه دوعا ادئن کي، ددئکلرئنئزدن هچ بئري باشيما گلمه‌سئن."
و بلجه اونلار، شهادت ورئب ربّئن کلاميني بيان ادندن سونرا، سامئرهنئن بئر چوخ کندئنده خوش خبري وعظ ادئب اورشلئمه قاييتديلار.
آمّا ربّئن بئر مله‌يي فئلئپوسا دانيشيب ددي "دور جنوب طرفئنه، اورشلئمدن غزّهيه گدن چؤل يولونا گت."
او دا دوروب گتدي. بئر حبشهلي خاجه کي، کَنداکه آدلي حبشه ملکهسئنئن سارايينين بئر وزئري و اونون بوتون خزئنهسئنئن اوستونه مودئر ائدي، اورادا ائدي؛ او عئبادت اوچون اورشلئمه گلمئشدي.
ائندي قاييديردي و عاراباسيندا اوتوروب اِشَعيا پيغمبرئن کئتابيني اوخويوردو.
موقدّس روح فئلئپوسا ددي "ياخينلاش و بو عارابايا قوشول."
فئلئپوس قاباغا قاچدي و اشئتدي کي، اِشَعيا پيغمبرئن کئتابيني اوخويور و ددي: "آيا اوخودوغونو هچ آنلاييرسان؟"
او ددي: "آخي، نجه آنلايا بئله‌رم اگر بئري مني هئدايت اتمه‌سه؟!" و فئلئپوسو دعوت اتدي کي، عارابايا مئنئب، اونون يانيندا اوتورسون.
موقدّس يازيلاردان اوخودوغو متن بو ائدي: «قويون کئمي کسئلمه‌يه آپاريلدي؛ و نجه بئر قوزو، اونو قيرخانين قاباغيندا دئلسئزدئر، اله ده او، آغزيني بله آچمير.
حقئر اولوندوغو زامان، عدالت اونا ورئلمه‌دي؛ اونون نسلئني کئم بيان اِدَر؟ چونکي حياتي ير اوزوندن گؤتورولور.»
خاجه فئلئپوسا جاواب ورئب ددي: "تمنّا ادئرم، دِه گؤروم، پيغمبر بونو کئمئن حاقّيندا ديئر؟ اؤزو حاقّيندا، يوخسا بئر اؤزگهسئنئن؟"
فئلئپوس آغزيني آچدي و بو موقدّس يازيدان باشلاييب عئساني اونا وعظ اتدي.
يوللا گدنده اونلار سو اولان يره يتئشدئلر و خاجه ددي: "باخ، سو! تعمئد آلماغيما نه مانع اولور؟!"
و فئلئپوس ددي: "اگر بوتون اوره‌يئنله ائناناسان، اولار." او دا جاواب ورئب ددي: "ائنانيرام کي، عئسا مسئح تارينين اوغلودور."
و امر اتدي کي، عارابا دايانسين. و اونلارين ائکئسي ده سويا گئردئلر؛ هم فئلئپوس، هم ده خاجه. و فئلئپوس اونو تعمئد وردي.
و سودان چيخديقلاري زامان، ربّئن روحو فئلئپوسو گؤتوروب آپاردي و خاجه آرتيق اونو گؤرمه‌دي، لاکئن سوئنه-سوئنه اؤز يولونا داوام وردي.
آمّا فئلئپوس اؤزونو اشدوددا تاپدي و قيصرئيهيه گلنه کئمي، يولوندا ائنجئلئن خوش خبرئني بوتون شهرلرده وعظ ادئردي.
بو آرادا شاعول کي، حله ده ربّئن شاگئردلرئنئن ضئدّئنه تهدئد و اؤلوم ياغديريردي، باش کاهئنئن يانينا گدئب،
دَمَشقده اولان کنئسهلر اوچون اوندان بئر مکتوب ائسته‌دي کي، بلجه طرئقته عاييد اولان هر کسي تاپسا، ائستر کئشي اولسون ائستر آرواد، توتوب باغلاسين و اورشلئمه گتئرسئن.
يولدا گدنده، دمشقه ياخينلاشديغي زامان، قفلتن گؤيدن بئر ائشيق اونون اطرافينا ساچدي.
شاعول يره ييخيليب بئر سس اشئتدي کي، اونا ديئردي: "شاعول! شاعول! نه اوچون منه عذاب ورئرسن؟"
شاعول ددي: "سن کئمسن، يارب؟" او دا ددي: "من سنئن عذاب وردئيئن عئسايام.
ائندي دور و شهره گت و نه ادهجه‌يئن سنه ديئلهجک."
اونونلا سفره چيخان آداملار دونوب قالميشديلار؛ سسي اشئدئردئلر، آمّا هچ کئمي گؤرموردولر.
شاعول يردن دوردو و گرچي گؤزلري آچيق ائدي، لاکئن هچ بئر شي گؤره بئلمئردي. بونا گؤره اَلئندن توتوب اونو دَمَشقه گتئردئلر.
اوچ گون گؤزلري گؤرموردو؛ نه بئر شي يدي، نه ده ائچدي.
دمشقده حنانئيا آدلي بئر شاگئرد وار ائدي. رب اونا رؤيادا ددي: "حنانئيا!" او دا ددي: "بلي، يارب!"
رب اونا ددي: "دور، دوز ديئلن کوچهيه گت و يهودانين اوئنده طرسوسلو شاعول آدلانان بئر کئشئني آختار. او ائندي دوعا ادئر.
و رؤيادا حنانئيا آدلي بئر کئشئني گؤروب کي، ائچه‌ري گئرئب اونون اوستونه اَل قويدو اِله کي، گؤزلري گؤرسون."
لاکئن حنانئيا جاواب وردي: "يارب، بو آدامين حاقّيندا چوخلاردان اشئتمئشم کي، اورشلئمده سنئن موقدّسلرئنه نه قدر يامانليق ادئب.
و بورادا باش کاهئنلردن ائقتئداري وار کي، بوتون سنئن آديني ذئکر ادنلري توتوب باغلاسين."
آمّا رب اونا ددي: "گت، او منئم سچدئيئم قابدير کي، آديمي قيري‌يهودئلر، پادشاهلار و ائسرايئل اوغوللارينين يانينا آپارسين.
اونا گؤرسدهجهيم کي، منئم آديمين خاطئرئنه نه قدر عذاب گرک چکسئن.»
حنانئيا گدئب او اِوه گئردي و اللرئني اونون اوستونه قويوب ددي: "قارداش شاعول! گلدئيئن يولدا سنه گؤرونن ربّ عئسا مني گؤنده‌رئب کي، گؤزلرئن گئنه گؤرسون و موقدّس روحلا دولاسان."
او آندا شاعولون گؤزلرئندن پولجوق کئمي بئر شي دوشدو و گؤزلري گؤرمه‌يه باشلادي و قالخيب تعمئد آلدي.
و يمک ييئب قووّتلندي. بئر نچه گون ده دمشقده اولان شاگئردلرله قالدي.
شاعول درحال کنئسهلرده عئسا حاقّيندا وعظ اتمه‌يه باشلاييب ديئردي؛ "عئسا تارينين اوغلودور."
اشئدنلرئن هاميسي حيران قاليب ديئردئلر: "مگر بو آدام او ديئل کي، اورشلئمده بو آدي ذئکر اِدَنلري محو ادئردي و بورايا دا اونون اوچون گلئب کي، اونلاري قولوباغلي باش کاهئنلرئن يانينا آپارسين؟!"
لاکئن شاعول داها دا قووّتله‌نئب، عئسانين مسئح اولدوغونو ثوبوت اِتمَکله دَمَشقده ياشايان يهودئلري مات قويوردو.
چوخ گونلر کچندن سونرا، يهودئلر بئربئرلري ائله اونو اؤلدورمک قصدئنه دوشدولر.
آمّا اونلارين قصدي شاعولا معلوم اولدو. اونلار گجه-گوندوز شهرئن دروازالاريني گودوردولر کي، اونو اؤلدورسونلر.
لاکئن شاگئردلري گجهائکن اونو گؤتوروب بئر سبدده، شهر دووارينين باجاسيندان ساللاييب، آشاغي اندئردئلر.
شاعول، اورشلئمه گلدئيي واخت، چاليشيردي کي، شاگئردلره قوشولسون؛ لاکئن هامي اوندان قورخوردو و شاگئرد اولدوغونا ائنانميردي.
آمّا بارنابا اونو گؤتوروب، حوارئلرئن يانينا گتئردي و اونلارا نقل اتدي کي، نجه شاعول يولدا ربّي گؤروب و رب اونونلا دانيشيب و نجه دَمَشقده عئسانين آديندا جسارتله وعظ ادئب.
بلجه شاعول اونلارلا قالدي و اورشلئمده، باش چکدئلري هر يرده اونلارلا ائدي و ربّئن آديندا جسارتله دانيشيردي.
يوناني دانيشان يهودئلرله ده دانيشيب موباحئثه ادئردي. آمّا اونلار جهد ادئردئلر کي، اونو اؤلدورسونلر.
لاکئن قارداشلار بوندان خبردار اولدولار و اونو گؤتوروب قيصرئيهيه گتئردئلر و اورادان طرسوسا گؤنده‌ردئلر.
بلجه کئلئسا، بوتون يهودئيهده، جلئلده و سامئرهده آرامليق تاپيب قووّتله‌نئردي؛ ربّئن قورخوسوندا، موقدّس روحون تشوئقئنده ياشاييب چوخاليردي.
پطروس هر طرفي گزن واخت، لئدّهده ياشايان موقدّسلرئن ده يانينا گلدي.
اورادا اِنئياس آدلي بئر نفرله راستلاشدي کي، ائفلئج اولدوغونا گؤره، سکّئز ائلدن بري ياتاقدا ياتيردي.
پطروس اونا ددي: "انئياس، عئسا مسئح سنه شفا ورئر. قالخ و ياتاغيني ييغيشدير." او دا او آندا قالخدي.
لئدّه و شارون دا ياشايانلارين هاميسي اونو گؤردولر و ربّئن طرفئنه دؤندولر.
يافادا ياشايان طابئتا آدلي بئر شاگئرد وار ائدي (ترجومهسي جيران‌دير)؛ بو آرواد دائم ياخشيليق ادئب فاغيرلارا کؤمک ادئردي.
بو آرواد او گونلرده ناخوشلاييب اؤلدو و جسدئني يوياندان سونرا، بالاخانايا قويدولار.
لئدّه يافايا ياخين ائدي. بلجه شاگئردلر پطروسون اورادا اولدوغونو اشئدنده، اونون يانينا ائکي نفري گؤنده‌رئب يالوارديلار کي، "يوبانمادان يانيميزا گل!"
پطروس قالخيب اونلارلا گتدي. گلدئيي واخت، اونو بالاخانايا آپارديلار. بوتون دول آروادلار پطروسون يانيندا دوروب آغلاييرديلار و بوتون او کؤينکلر و پالتارلاري گؤرسه‌دئردئلر کي، جيران دئرئلئيئنده اونلار اوچون تئکمئشدي.
آمّا پطروس اونلارين هاميسيني اشئيه گؤنده‌ردي و دئز چؤکوب دوعا اتدي و جسده دؤنوب ددي: "طابئتا، قالخ!" آرواد گؤزلرئني آچدي و پطروسو گؤرن واخت، قالخيب اوتوردو.
پطروس آروادين الئندن توتوب قالديردي و موقدّسلري و دول آروادلاري چاغيريب، اونو دئري اونلارين حوضورونا چيخارتدي.
بو، بوتون يافادا بئلئندي و بئر چوخلاري ربّه ائمان گتئردئلر.
و پطروس چوخ گونلر يافادا شمعون آدلي بئر دابّاغين اوئنده قالدي.
قيصرئيهده ائتاليالي ديئلن فوجدان، کورنِلئيوس آدلي بئر يوز باشي وار ائدي.
دوروستکار بئر آدام ائدي و تاري قورخوسو هم اؤزونون هم ده بوتون اِو اهلئنئن اوره‌يئنده وار ائدي. بو آدام خالقا چوخ صدقه ورئب دائم تارييا دوعا اِدَردي.
گونون تقرئبن دوقّوزونجو ساعاتيندا، رؤيادا آيدين تارينين بئر مله‌يئني گؤردو کي، اونون يانينا گلئب ددي: "اي کورنِلئيوس!"
کورنِلئيوس گؤزلرئني اونا زئلّه‌دي و قورخو ائله ددي: "نه‌دئر، يارب؟" ملک ده اونا ددي: "دوعالارين و صدقهلرئن تارينين حوضورونا يتئشئب و خاطيرلانيب.
ائندي يافايا آداملار گؤنده‌ر و شمعون آدلي بئر آدامي گتئرت کي، اونا پطروس دا ديئلئر.
او شمعون آدلي بئر دابّاغين يانيندا کي، اوي دهنز قيراغيندادير، قوناقدير."
اونونلا دانيشان مله‌يئن گتدئيئندن سونرا، کورنِلئيوس نؤکرلرئندن ائکئسئني و اونا دائم خئدمت ادن عسگرلردن دوروستکار بئرئني چاغيردي
و هر شيي نقل ادندن سونرا، اونلاري يافايا گؤنده‌ردي.
او گونون صاباحي، اونلار يولدا شهره ياخينلاشارکن، آلتينجي ساعاتا ياخين پطروس دوعا اتمک اوچون داما چيخدي.
و آج اولوب يمک ائسته‌يئردي؛ آمّا اونلار حله يمه‌يي حاضيرلايارکن، پطروسو بئر هوشسوزلوق توتدو.
و او، گؤيون آچيلديغيني و دؤرد بوجاغيندان آسيلميش بؤيوک ملفهيه بنزَر بئر جئسمي گؤردو کي، يرئن اوستونه اندئرئلئر.
ائچئنده يرئن هر جور دؤرد آياقلي حيوانلاري و سوروننلري و هاوانين قوشلاري وار ائدي.
و اونا بئر سس گلدي: "پطروس، قالخ، کس و يه!"
لاکئن پطروس ددي: "خير، يارب! چونکي من اصلا ناپاک و نجئس بئر شي يمهمئشم."
گئنه ائکئنجي دفه اونا بئر سس گلدي: "تارينين پاک اتدئيئني، سن ناپاک سايما!"
بو اوچ دفه تکرار اولدو و جئسم تزلئکله گؤيه قالديريلدي.
پطروس حله فئکرئنده بو رؤيانين نه دمک اولدوغونا تعجّوب ادئردي کي، کورنلئيوس طرفئندن گؤنده‌رئلن آداملار شمعونون اوئني سوروشوب، قاپي آغزيندا دوردولار.
و اوجا سسله سوروشوردولار کي، آيا پطروس چاغيريلان شمعون اورادا قوناقدير.
پطروس حله رؤيا حاقّيندا دوشونوردو کي، موقدّس روح اونا ددي: "باخ، اوچ نفر سني آختارير.
آمّا سن دور، آشاغي اِن و هچ تردّود اتمهيئب اونلارلا گت. چونکي اونلاري من گؤنده‌رمئشم."
پطروس آداملارين يانينا آشاغي دوشوب اونلارا ددي: "باخين، آختارديغينيز آدام منم. نه ائش اوچون گلئبسئنئز؟"
اونلار دا ددئلر: "يوزباشي کورنِلئيوس کي، صالح، تاريدان قورخان، و بوتون يهودي خالقينين طرفئندن ياخشي تانينان بئر آدامدير، موقدّس بئر مله‌يئن وسئلهسئله اونا ائلهام اولوندو کي، سنئن دالينجا گؤنده‌رئب، سني اؤز اوئنه گتئرتسئن و سنئن سؤزلرئني اشئتسئن."
بلجه پطروس اونلاري ائچه‌ري چاغيردي کي، اونا قوناق اولسونلار. او گونون صاباحي قالخيب اونلارلا گتدي و يافادا اولان قارداشلارين بعضئلري ده اونونلا گتدئلر.
او بئري گون قيصرئيهيه چاتيب گئردئلر. کورنِلئيوس اؤز قارداشلاريني و ياخين دوستلاريني بئر يره چاغيريب اونلاري گؤزله‌يئردي.
پطروس ائچه‌ري گئرنده، کورنلئيوس پئشوازينا گلئب اونون آياقلارينا دوشدو و اونا سجده اتدي.
آمّا پطروس اونو قالديريب ددي: "دور، من ده آنجاق بئر ائنسانام."
و کورنِلئيوسلا صؤحبت اِده‌رک ائچه‌ري گئردي و چوخلو آدامين ييغيلديغيني گؤردو.
و اونلارا ددي: "سئز اؤزونوز بئلئرسئنئز کي، بئر يهودئيه اؤزگه مئلّتدن اولان بئر آداملا موصاحئبتچئلئک و يا گؤروشمک جائز ديئل. لاکئن تاري منه گؤرسدئب کي، هچ آدامي ناپاک يا دا نجئس سايماييم.
بونا گؤره ده، چاغيريلديغيم زامان، هچ اعتئراض اتمه‌دن گلدئم. ائندي سوروشورام؛ نه ائش اوچون منئم داليمجا گؤنده‌ردئنئز؟"
کورنِلئيوس ددي: "دؤرد گون بوندان قاباق اؤز اِوئمده گونون دوقّوزونجو ساعاتيندا دوعا ادئردئم. بئردن پارلاق پالتار گيمئش بئر آدام قاباغيمدا دوروب،
ددي: «کورنِلئيوس! سنئن دوعالارين اشئدئلئب و صدقهلرئن تارينين حوضوروندا خاطيرلانيب.
ائندي يافايا آداملار گؤنده‌ر و شمعونو کي، اونا پطروس دا ديئلئر، سنئن يانينا گلمه‌يه دعوت ات. او دهنز قيراغيندا دبّاغ شمعونون اوئنده قوناقدير.»
بلجه تزلئکله سنئن دالينجا گؤنده‌ردئم و سن ده نه ياخشي اتدئن کي، گلدئن! ائندي بئز هاميميز تارينين حوضوروندا بورادا حاضيريق کي، ربّئن سنه امر اتدئيي هر شيي اشئدک."
پطروس آغزيني آچيب ددي: "دوغرودان دا آنلاييرام کي، تاري طرفدارليق ادن بئري ديئل،
لاکئن هر مئلّتده اوندان قورخان و دوز عمل ادن هر کس اونا مقبولدور.
او کلام کي، او، اونو ائسرايئل اوغوللارينا گؤنده‌ردي، و هامينين ربّي اولان عئسا مسئحئن واسئطهسئله باريش وعظ اولوندو.
سئز اؤزونوز بئلئرسئنئز کي، يحيانين اعلان اتدئيي تعمئددن سونرا، جلئلدن باشلاييب يهودئيهنئن بوتون هر يرئنده نه باش وردي.
کي، تاري نجه ناصئرهلي عئساني موقدّس روح و قووّتله مسح اتدي و او، نجه گدئب ياخشيليق ادئردي و ائبلئس طرفئندن بوتون اَزئلنلره شفا ورئردي. چونکي تاري اونونلا ائدي.
و بئز اونون هم يهودئيه مملکتئنده، و هم اورشلئمده اتدئيي بوتون ائشلرئن شاهئدئيئک. و اونلار اونو داردان آسيب اؤلدوردولر.
تاري اونو اوچونجو گونده دئرئلتدي و عطا اتدي کي، آچيقجا گؤرونسون.
نه کي، هامي آداملارا، آمّا قاباقدان تاري طرفئندن سچئلمئش شاهئدلره، يعني بئزه کي، اونون اؤلولردن دئرئلمهسئندن سونرا، اونونلا ييئب ائچدئک.
و بئزه امر اتدي کي، خالقا اعلان ادئب شهادت ورک کي، بو، اله همن اودور کي، تاري طرفئندن دئرئلره و اؤلولره حاکئم تعيئن اولونوب.
بوتون پيغمبرلر اونون حاقّيندا شهادت ورئرلر کي، اونا ائمان گتئرن هر کس اونون آدينين واسئطهسئله گوناهلارين باغيشلانماسيني آلير."
پطروس بو سؤزلري حله دانيشيردي کي، موقدّس روح کلامي اشئدنلرئن هاميسينين اوستونه نازئل اولدو.
و پطروسلا گلمئش ختنه اولونان ائمانليلارين هاميسيني حيرت باسدي، چونکي موقدّس روحون عطاسي قيرييهودئلرئن اوستونه ده تؤکولموشدو.
چونکي اونلارين قرئب دئللرده دانيشديقلاريني و تاريني مدح اتدئکلرئني اشئدئردئلر. او زامان پطروس ددي:
"بئزئم کئمي موقدّس روحو آلان بو آداملارا کئم سويو ردّ اده بئلر کي، تعمئد آلماسينلار؟"
و اونلارا امر اتدي کي، عئسا مسئحئن آديندا تعمئد آلسينلار. سونرا پطروسدان خاهئش اتدئلر کي، بئر نچه گون اورادا قالسين.
يهودئيه وئلايتئنده اولان حوارئلر و قارداشلار اشئتدئلر کي، قيري‌يهودئلر ده تارينين کلاميني قبول ادئبلر.
و پطروس اورشلئمه گلنده، ختنه اولونانلار اوندان ائراد توتدولار،
و ديئردئلر: "سن ختنه اولونمايان آداملارين يانينا گتدئن و اونلارلا يمک يدئن."
پطروس دا باشلاييب ترتئبله اونلارا نقل اتدي و ددي:
"من يافا شهرئنده دوعا ادئردئم. هوشدان گتدئيئم حالدا بئر رؤيا گؤردوم؛ دؤرد گوشهسئندن آسيلميش بؤيوک ملفهيه بنزر بئر جئسئم گؤيدن اندئرئلدي و يانيما قدر گلدي.
اونون ائچئنه گؤزومو دئکئب دئقّتله باخيرديم و يرئن دؤرد آياقلي حيوانلاريني، وحشي حيوانلاريني، سوروننلري و گؤي قوشلاريني گؤردوم.
بئر سس ده اشئتدئم کي، منه ديئردي: «قالخ پطروس، کس و يه.»
آمّا من ددئم: «اصلا، يارب، چونکي نجئس يا دا ناپاک بئر شي آغزيما اصلا گئرمه‌يئب.»
سس ائکئنجي دفه گؤيدن منه خئطاب اتدي: «تارينين پاک اتدئيئني سن آرتيق نجئس سايما.»
و بو اوچ دفه تکرار اولدو و هر شي گئنه گؤيه چکئلدي.
و باخ، او آندا قيصرئيهدن منئم يانيما گؤنده‌رئلن اوچ آدام، قالديغيم اوئن قاباغيندا دوردولار.
موقدّس روح منه ددي کي، هچ تردّود اتمه‌دن اونلارلا گدئم. بو آلتي قارداش دا منئمله گتدئلر و او آدامين اوئنه گئردئک.
او دا بئزه نقل اتدي کي، نجه اوئنده دوران مله‌يي گؤردو کي، اونا ديئر: «يافايا آدام گؤنده‌ر و پطروس چاغيريلان شمعونو بورايا گتئرت.
او سنه سؤزلر دانيشار کي، اونلارلا سن نئجات تاپارسان؛ هم سن، و هم سنئن بوتون اِو اهلئن.»
و من دانيشماغا باشلاياندا، موقدّس روح اونلارين اوستونه نازئل اولدو، نجه کي، باشلانيشدا بئزه اولموشدو.
و ربّئن سؤزونو خاطيرلاديم کي، نجه دئيردي: «يحيا سو ائله تعمئد وردي، لاکئن سئز موقدّس روحلا تعمئد اولوناجاقسينيز.»
ائندي اگر تاري اونلارا دا همن عطاني وردي کي، بئزه ده رب عئسا مسئحه ائمان گتئردئيئمئز زامان عطا اتمئشدي، من کئمم کي، تارييا مانع اولا بئلم؟!"
اونلار بو سؤزلري اشئدندن سونرا، ساکئت اولدولار و تاريني عئزّتله‌ندئرئب ديئردئلر: "بله اولسا، تاري قيرييهودئلره ده حيات گتئرن تؤوبهني عطا ادئب."
بلجه، استئفانين اؤلوموندن سونرا باشلانان اذئيّتلر سببئندن، داغيلميش اولانلار فئنئقئيه، قئبرئس و انطاکئيهيه قدر گدئب تارينين کلاميني يهودئلردن باشقا هچ کسه دمه‌دئلر.
آمّا اونلارين ائچئنده قئبرئس و کرنِيلي اولان بعضئلر وار ائدي کي، انطاکئيهيه گلئب يونانئلرله ده دانيشديلار و رب عئساني اونلارا وعظ اتدئلر.
و ربّئن اَلي اونلارلا ائدي و چوخ آدام ائمان گتئرئب ربّه دؤندولر.
اونلارين حاقّيندا اولان خبر اورشلئمدهکي کئلئسانين قولاغينا چاتدي. اونلار دا بارناباني انطاکئيهيه گؤنده‌ردئلر.
بارنابا دا گلدي و تارينين فيضئنه شاهئد اولان زامان سوئندي و هاميني تشوئق اتدي کي، ربّه اورکدن باغلي اولوب صادئق قالسينلار؛
چونکي او، ياخشي بئر آدام، و موقدّس روح و ائمانلا دولو ائدي و چوخ آدام ربّه گتئرئلدي.
و بارنابا شاعولو آختارماق اوچون طرسوسا گتدي؛
و تاپديغي زامان اونو انطاکئيهيه گتئردي. و بئر ائل تامام کئلئسا ائله قاليب چوخ آداما تعلئم وردئلر و شاگئردلر ائلک دفه انطاکئيهده مسئحي چاغيريلديلار.
او گونلرده اورشلئمدن انطاکئيهيه پيغمبرلر گلدئلر.
و اونلاردان آقابوس آدلي بئري دوروب موقدّس روحون واسئطهسئله بئلدئردي کي، بوتون روم دونياسينا بؤيوک بئر قحطي گلهجک. و بو کلودئيوسون دؤورانيندا باش وردي.
و شاگئردلر قرار وردئلر کي، هر بئري گوجو چاتديغينا قدر، يهودئيهده ياشايان قارداشلارينا کؤمک گؤنده‌رسئنلر.
و بونا عمل ادئب، کؤمهيي بارنابا و شاعولون اَلي ائله آغساقّاللارا گؤنده‌ردئلر.
اله بو زاماندا هئرود پادشاه اَل قالديردي کي، کئلئسايا عاييد اولان بعضئلرئني ائنجئتسئن.
و يوحنّانين قارداشي يعقوبو قيلينجلا اؤلدورتدو.
و يهودئلرئن بو ائشدن خوشلانديغيني گؤره‌نده، داوام ورئب پطروسو دا توتدوردو. او واخت فطئر بايرامينين گونلري ائدي.
هئرود پطروسو توتدوراندان سونرا، اونو زئندانا سالدي و دؤرد نفردن عئبارت دؤرد دسته عسگره تحوئل وردي کي، اونون کشئيئني چکسئنلر و ائسته‌يئردي کي، پاسخا بايراميندان سونرا اونو خالقين حوضورونا چيخارتسين.
بلجه پطروس زئنداندا ساخلانيردي، لاکئن کئلئسا طرفئندن تارينين حوضورونا اونون اوچون دائم دوعا ادئلئردي.
و اِله همئن گجه کي، هئرود اونو خالقين حوضورونا چيخارداجاق ائدي، پطروس ائکي زنجئرله باغلانميش ائکي عسگرئن آراسيندا ياتيردي. کشئکچئلر ده قاپي آغزيندا زئندانين کشئيئني چکئردئلر.
قفلتن ربّئن بئر مله‌يي ظاهئر اولدو و حوجرهني بئر نور ائشيقلانديردي. ملک پطروسون بؤيرونه ووروب اونو اوياتدي و ددي: "تز دور!" و زنجئرلر پطروسون اَللرئندن دوشدو.
ملک اونا ددي: "قورشاغيني باغلا، باشماغيني دا گِي!" او دا بله اتدي. و ملک اونا ددي: "عباني گي و داليمجا گل."
پطروس اشئيه چيخيب اونون دالينجا گتمه‌يه داوام وردي. بئلمئردي کي، مله‌يئن اتدئکلري دوغرودور. اله دوشونوردو کي، يوخو گؤرور.
بئرئنجي و ائکئنجي کشئکچئني کچندن سونرا، شهره چيخان دمئر قاپينين يانينا يتئشدئلر کي، اؤزو-اؤزوندن اونلارا آچيلدي. اونلار چيخيب بئر کوچهني کچدئلر و بئر آندا ملک اوندان آيريلدي.
پطروس اؤزونه گلدئيي واخت ددي: "ائندي دوغرودان بئلئرم کي، رب مله‌يئني گؤنده‌رئب، مني هئرودون اَلئندن و يهود خالقينين بوتون گؤزله‌دئکلرئندن قورتارسين."
بونو باشا دوشدويو زامان، مرقوس چاغيريلان يوحنّانين آناسي مريمئن اوئنه گتدي. بئر چوخلاري اورادا ييغيليب دوعا ادئردئلر.
کوچه قاپيني دؤين واخت، رودا آدلي خئدمتچي بئر قيز جاواب ورمه‌يه گلدي.
و پطروسون سسئني تانيياندا، شادليقدان قاپيني آچمادان ائچه‌ري قاچيب خبر وردي کي، پطروس قاپيدادير.
آمّا اونلار اونا ددئلر: "دلي اولوبسان!" لاکئن قيز تأکئد ادئردي کي، بلهدئر. اونلار دا ديئردئلر: "بو اونون مله‌يي‌دئر."
آمّا پطروس دؤيمه‌يه داوام وردي و آچديقلاري زامان، اونو گؤروب حيرته دوشدولر.
لاکئن پطروس اونلارا الي ائله ائشاره اتدي کي، ساکئت اولسونلار. سونرا ربّئن اونو زئنداندان نجه چيخارتديغيني اونلارا نقل ادئب ددي: "بونلاري يعقوب و قارداشلارا خبر ورئن." و اورادان چيخيب آيري بئر يره گتدي.
سحر آچيلاندا عسگرلر آراسيندا بؤيوک بئر ولوله وار ائدي کي، گؤرهسن پطروسا نه اولدو.
هئرود پطروسو آختاريب تاپماياندا کشئکچئلري ائستئنطاق اتدي و امر وردي کي، اونلار اعدام اولونسونلار. اؤزو ده يهودئيهدن قيصرئيهيه گدئب، اورادا قاليردي.
هئرود صور و صيدون اهالئسئنه قضبلنمئشدي؛ اونلار دا سؤزو بئر اِدئب يانينا گلدئلر و پادشاهين فرّاشباشيسي بلاستوسو اؤز طرفلرئنه چکئب صولح ائسته‌يئردئلر، چونکي اونلارين مملکتي پادشاهين مملکتئندن ارزاق آليردي.
تعيئن اولونموش گونده، هئرود سلطنت پالتاريني گيئب، تخت اوستونده اَيلَشدي و اونلارا خئطاب اتمه‌يه باشلادي.
و خالق قيشقيريردي: "بو ائنسان سسي يوخ، بئر آللاه سسيدئر!"
او آندا ربّئن بئر مله‌يي هئرودو ووردو، چونکي عئزّتي تارييا ورمه‌دي و قوردلار طرفئندن ييئلئب جان وردي.
لاکئن تارينين کلامي ووسعت آليب ياييليردي.
بارنابا و شاعول خئدمتلرئني يرئنه يتئرندن سونرا، مرقوس چاغيريلان يوحنّاني دا اؤزلری ائله گؤتوروب اورشلئمدن قاييتديلار.
انطاکئيهده اولان کئلئسادا بعضي پيغمبرلر و موعلّئملر وار ائدي؛ بارنابا، و نئگر چاغيريلان شمعون، کرنِيلي لوکئيوس، تِترارخ هئرودون سود قارداشي ماناعِن، و شاعول.
و او زامان کي، ربّه اونلار خئدمت ادئب، اوروج توتموشدولار، موقدّس روح ددي: "تعيئن اتدئيئم ائش اوچون بارنابا و شاعولو منه آييرين."
او زامان اوروج توتوب دوعا ادندن سونرا، اونلارين اوستونه اَللرئني قويوب يولا سالديلار.
بلجه، اونلار موقدّس روح طرفئندن گؤنده‌رئلن حالدا، سلوکئيهيه گتدئلر و اورادان گمي ائله قئبرئسه گلدئلر.
سالامئسه چاتديقلاري زامان، يهودئلرئن کنئسهلرئنده تارينين کلاميني وعظ اتمه‌يه باشلاديلار. يوحنّا دا اونلارا کؤمکچي ائدي.
بوتون جزئره‌ني پافوسا قدر گزندن سونرا، باريشّوع آدلي يهودي بئر جادوگر و يالانچي پيغمبره راست گلدئلر کي،
درّاکهلي بئر آدام اولان والي سرگئيوس پولوسون يانيندا ائدي. بو آدام بارنابا و شاعولو چاغيريب، تارينين کلاميني اشئتمک ائسته‌دي.
آمّا جادوگر علئما (چونکي آدي بله ترجومه اولونور) اونلارا ضئدّ دوروب چاليشدي کي، والئني ائماندان آزديرسين.
لاکئن شاعول کي، پولوس آديندا دا تانينيردي، موقدّس روحلا دولو گؤزلرئني اونا دئکئب،
ددي: "اي سن، هر جور حئيله و حؤقّهبازليقلا دولو آدام، سن اي ائبلئس اوغلو، سن اي بوتون صالحلئيئن دوشمني، ربّئن دوز يوللاريني اَيري اِتمکدن اَل چکميه‌جکسن؟!
ائندي باخ، ربّئن الي سنئن اوستونه گلئب؛ کور اولاجاقسان و موعيّن بئر واختا قدر گونشي گؤرمه‌يهجکسن!" او آندا اونون اوستونه بئر دومان و بئر قارانليق دوشدو و اورا-بورا سورونوب، بئرئني آختاريردي کي، الئندن توتوب آپارسين.
او زامان والي، نه باش وردئيئني گؤره‌نده، ربّئن تعلئمئنه مات قاليب ائمان گتئردي.
پولوس و يولداشلاري دهنزه ووروب، پافوسدان پامفئلئيه‌نئن پرجه شهرئنه گلدئلر. لاکئن يوحنّا اونلاردان آيريليب اورشلئمه قاييتدي.
اونلار پرجهدن کچئب پئسئدئيه انطاکئيهسئنه گلدئلر و سبّت گونو کنئسهيه گدئب اوتوردولار.
شرئعت و پيغمبرلردن اوخوياندان سونرا، کنئسه ريئسلري اونلارا خبر گؤنده‌رئب ددئلر: "قارداشلار، اگر خالقا تشوئق اوچون سؤزونوز وار، ديئن."
او زامان پولوس قالخدي و اَلی ائله ائشاره ادئب ددي: "اي ائسرايئلئن کئشئلري، تاريدان قورخانلار، قولاق آسين!
بو ائسرايئل خالقينين تاريسي آتالاريميزي سچدي و مئصئر دئياريندا قالان زامان اونلاري بؤيوک اتدي، و قالديريلميش بئر قوللا اونلاري اورادان چيخارتدي.
و قيرخ ائله قدر چؤلده اونلاري دؤزدو.
کنعان دئياريندا يدّي مئلّتي هلاک ادندن سونرا، اونلارين اؤلکهلرئني بؤلوب اونلارا مئراث وردي کي، بونلارين هاميسي دؤرد يوز الّي ائل عرضئنده باش وردي.
و بونلاردان سونرا سمويئل پيغمبره قدر اونلارا داورلر وردي.
سونرا پادشاه ائسته‌دئلر؛ تاري دا بنيامئن قبئلهسئندن قئش اوغلو شاعول آدلي بئر کئشئني قيرخ ائل اونلارا وردي.
و اونو ردّ ادندن سونرا، داوودو اونلارا پادشاه تعيئن اتدي و اونون بارهسئنده شهادت ورئب ددي: «يسّه اوغلو داوودو اوره‌يئمه مووافئق بئر آدام تاپميشام کي، بوتون ائسته‌دئيئمي يرئنه يتئرهجک.»
بو آدامين نسلئندن، تاري، وعدهيه گؤره، ائسرايئله بئر قورتاريجي گتئرئب کي، عئسا اولسون.
اونون گلمه‌سئندن قاباق، يحيا بوتون ائسرايئل خالقينا تؤوبه تعمئدئني اعلان اتمئشدي.
يحيا اؤز دؤورونو تاماملايارکن ديئردي؛ «مني کئم ساييرسينيز؟ من او ديئلم. آمّا باخين، مندن سونرا بئري گلئر کي، اونون آياقلارينين چاريغيني آچماغا بله لايئق ديئلم.»
قارداشلار، ائبراهئم عايئلهسئنئن اوغوللاري، و آرانيزدا اولان تاريدان قورخانلار! بو نئجات کلامي بئزه گؤنده‌رئلئب.
چونکي اورشلئمده ساکئن اولانلار و اونلارين ريئسلري نه اونو تانيديلار، نه ده هر سبّت گونو اوخونان پيغمبرلرئن يازيلاريني کي، اونو محکوم اتمکله بونلاري يرئنه يتئردئلر.
و اوندا اؤلومه لايئق بئر سبب تاپماديقلاري حالدا، پئلاطدان ائسته‌دئلر کي، اونو اؤلدورسون.
و اونون بارهسئنده يازيلميش اولان بوتون شيلري يرئنه يتئرئب، اونو چارميخدان اِندئردئلر و قبئره قويدولار.
لاکئن تاري اونو اؤلولردن دئرئلتدي.
و او، چوخ گونلر عرضئنده اؤزونو اونونلا جلئلدن اورشلئمه گلنلره گؤرستدي، اله همئن او آداملارا کي، ائندي خالقين آراسيندا اونون شاهئدلري‌دئرلر.
و بئز، آتالاريميزا ورئلن وعدهنئن خوش خبرئني سئزه وعظ ادئرئک کي،
بو وعدهني تاري، عئساني دئرئلتمکده اونلارين اؤولادلاري اولان بئزلر اوچون يرئنه يتئردي. نجه کي، ائکئنجي مزموردا دا يازيليب: «سن منئم اوغلومسان، بو گون من سني تؤولئد اتدئم.»
بو حقئقت کي، تاري اونو اؤلولردن دئرئلتدي و اصلا چورومه‌يه قويمادي، بله ديئلئب: «داوودون موقدّس و يقئن برکتلرئني سئزه ورهجهيم.»
بونا گؤره آيري بئر يرده بونو دا ديئر: «سن موقدّسئني چورومه‌يه قويماياجاقسان.»
چونکي داوود اؤز نسلئنده تارينين آماجينا خئدمت ادئب، گؤزلرئني حياتا يومدو و آتالارينا قوشولوب چورومَکلئک گؤردو.
لاکئن تارينين دئرئلتدئيي شخص چورومَکلئک گؤرمه‌دي.
بلجه، اي قارداشلار، بئلئن کي، اونون واسئطهسئله گوناهلارين باغيشلانماسي سئزه اعلان اولونور
و اونون سايهسئنده ائمان گتئرن هر کس هر شيدن آزاد اولونور، او شيلردن کي، موسانين شرئعتئله آزاد اولا بئلمئردئنئز.
بونون اوچون دئقّت ادئن کي، پيغمبرلرئن کئتابلاريندا ديئلن سئزئن باشينيزا گلمه‌سئن:
«باخين، اي تحقئر ادنلر، حيرتدن مات قالين و محو اولون؛ چونکي سئزئن گونلرئنئزده من اِله بئر ائش گؤرورَم کي، اونو بئري سئزه بيان اتسه ده، ائنانمازسينيز.»"
پولوس و بارنابا اشئيه چيخان واخت، اونلار اونا يالواريرديلار کي، گلن سبّت ده اونلارا بو سؤزلر ديئلسئن.
و کنئسهدن داغيلاندا، يهودئلردن و يهود دئنئنه دؤننلردن چوخلاري پولوس و بارنابانين دالينجا گتدئلر؛ اونلار دا بو آداملارلا دانيشيب تشوئق ادئردئلر کي، تارينين فيضئنده ثابئت قالسينلار.
گلن سبّت تخمئنن بوتون شهر ييغيلدي کي، تارينين کلاميني اشئتسئن.
آمّا يهودئلر، جاماعاتي گؤرنده، پاخيلّيقلا دولدولار و پولوسون ددئيي سؤزلره ضئدّ دانيشيب کوفر ديئردئلر.
لاکئن پولوس و بارنابا جسارتله دانيشيب ددئلر: "لازيم ائدي کي، تارينين کلامي اوّلجه سئزه ديئلسئن. ائندي کي، سئز اونو ردّ ادئرسئنئز و ابدي حياتا لايئق اولماديغينيزا حؤکم ادئرسئنئز، باخين، بئز ده قيري‌يهودئلر طرفئنه دؤنوروک.
چونکي رب بئزه بله امر ادئب: «سني قيري‌يهودئلر اوچون ائشيق قويدوم کي، نئجاتي يرئن او بئري باشينا قدر گتئرهسن.»"
قيري‌يهودئلر بو سؤزو اشئدن واخت سوئندئلر و شادليق ادئب تارينين کلاميني عئزّتله‌ندئرئردئلر؛ و ابدي حياتا تعيئن اولونانلارين هاميسي ائمان گتئردئلر.
و ربّئن کلامي بوتون او دئياردا ياييليردي.
آمّا يهودئلر مؤعتبر دئندار آروادلاري و شهرئن نوفوذلو آداملاريني قالديريب فئتنه ياراتديلار کي، پولوس و بارنابايا اذئيّت يتئرسئنلر. و اونلاري اؤز دئيارلاريندان قوودولار.
لاکئن پولوس و بارنابا آياقلارينين توزونو اونلارين ضئدّئنه سئلکئب، ائقونئيهيه گتدئلر.
و شاگئردلر دائم شادليق و موقدّس روحلا دولوردولار.
و اِله اولدو کي، ائقونئيهده پولوس و بارنابا بئرلئکده يهودئلرئن کنئسهلرئنه گئردئلر و اِله دانيشديلار کي، هم يهودئلردن، هم ده قيري‌يهودئلردن بئر بؤيوک خالق ائمان گتئردي.
آمّا ائمان گتئرمه‌ين يهودئلر قيري‌يهودئلري قيزيشديريب، ذهئنلرئني قارداشلارين ضئدّئنه بولانديرديلار.
بلجه پولوس و بارنابا اورادا اوزون بئر مودّت قاليب، ربّئن حاقّيندا جسارتله دانيشيرديلار. رب ده اؤز فيضئنئن کلامينا شهادت ورئب، اونلارين اَلي ائله علامتلر و عجايئبلر ياراديردي.
لاکئن شهرئن خالقي ائکي يره بؤلوندو؛ بعضئلري يهودئلرئن طرفئني توتموشدو، بعضئلري ده حوارئلرئن.
او زامان کي، قيري‌يهودئلر و يهودئلر، ريئسلری ائله بئرلئکده بئر سوئي‌قصد حاضيرلاديلار کي، اونلاري روسواي ادئب داشلاسينلار،
اونلار بوندان خبردار اولوب، لئکايونيانين لئستره و دِربه شهرلرئنه و اطرافلارينا قاچديلار.
و اورادا ائنجئلئن خوش خبرئني وعظ اتمه‌يه داوام وردئلر.
لئستره‌ده آياقلاري چولاق بئر آدام اوتورموشدو؛ آنادان شل دوغولموشدو و هچ يرئمهمئشدي.
بو آدام پولوسون دانيشديغينا قولاق آسيردي. پولوس دا اونا گؤز دئکئب صاغالماغي اوچون ائماني اولدوغونو گؤرنده،
اوجا سَسله اونا ددي: "آياقلارين اوستونده دوز دايان!" او دا يردن آتيليب يرئمه‌يه باشلادي.
پولوسون نه اتدئيئني گؤرَن خالق، سَسئني اوجالديب لئکايونئيا دئلئنده ديئردئلر: "آللاهلار ائنسانلار شکلئنه دؤنوب آراميزا اِنئبلر."
و بارناباني زِعوس، پولوسو دا باش ناطئق اولدوغو اوچون هِرمِس چاغيريرديلار.
شهرئن اِشئيئنده اولان زِعوس معبدئنئن کاهئني ده شهرئن دروازاسينين يانينا اؤکوزلر و گولدستهلر گتئردي و ائسته‌يئردي کي، خالقلا بئرلئکده قوربان کسسئن.
لاکئن حوارئلر، بارنابا و پولوس، بونو اشئدن واخت، پالتارلاريني ييرتيب، خالقين اورتاسينا آتيلديلار و قيشقيريب
ددئلر: "کئشئلر! بونلاري نئيه ادئرسئنئز؟ بئز ده سئزئن طبئعتئنئزه بنزهين ائنسانلاريق. و سئزه ائنجئلئن خوش خبرئني وعظ اتدئک کي، سئز بو باطئل شيلردن دئري تاري طرفئنه دؤنهسئنئز؛ او تاري کي، گؤيو، يري، دهنزي، و اونلارين ائچئندهکي هر شيي ياراتدي.
او، کچمئش نسئللرده بوتون مئلّتلره ائجازه ورمئشدي کي، اؤز يوللاري ائله گتسئنلر.
آمّا گئنه ده اؤزونو شهادتسئز بوراخمادي. ياخشيليق اتدي و گؤيدن سئزه ياغيش و ثمرهلي مؤوسوملر ورئب اورکلرئنئزي يمک و شادليقلا دويوردو."
و حتّا بو شيلري دئيندن سونرا دا، گوجله خالقي اونلارا قوربان تقدئم اتمکدن اَل چکدئردئلر.
لاکئن يهودئلر انطاکئيه و ائقونئيهدن گلئب خالقي قيزيشديرديلار. اونلار دا پولوسو داشا باسيب، شهردن اشئيه سورودولر و اونو اؤلموش گومان اتدئلر.
آمّا او زامان کي، شاگئردلر اونون اطرافينا ييغيلميشديلار، او دوردو و شهره گئردي. و صاباحي گون بارنابا ائله دِربهيه گتدئلر.
و ائنجئلئن خوش خبرئني او شهره وعظ ادئب بئر چوخ آدامي شاگئرد ادندن سونرا، لئستره‌يه، ائقونئيهيه و انطاکئيهيه قاييتديلار.
و شاگئردلرئن جانلاريني قووّتلندئرئب اونلاري تشوئق ادئردئلر کي، ائماندا مؤحکم دايانسينلار و ديئردئلر کي، "بئز تارينين پادشاهليغينا چوخ اذئيّتلرله گئرمه‌لي‌يئک."
و هر کئلئسادا اونلار اوچون آغساقّاللار تعيئن اتدئلر و اوروج آغيزلا دوعا ادئب اونلاري ائمان گتئردئکلري ربّه تاپشيرديلار.
و پئسئدئيهدن کچئب پامفئلئيهيه گلدئلر.
و پِرجهده کلامي دانيشاندان سونرا آتاليايا گتدئلر.
و گمي ائله اورادان انطاکئيهيه قاييتديلار، او يره کي، يرئنه يتئردئکلري ائش اوچون اورادا تارينين فيضئنه تاپشيريلميشديلار.
اورايا يتئشئب کئلئساني بئر يره ييغديقلاري زامان، اونلارا نقل اتدئلر کي، تاري اونلارين واسئطهسئله نه‌لر اتدي و نجه ائمان قاپيسيني قيرييهودئلرئن اوزونه آچدي.
و شاگئردلرله بئرلئکده اوزون زامان اورادا قالديلار.
يهودئيهدن بعضي آداملار گلئب قارداشلارا تعلئم ورئردئلر کي، "اگر موسادان قالان عادته گؤره ختنه اولماياسينيز، نئجات تاپا بئلمزسئنئز."
پولوس و بارنابا اونلارلا چوخ چکئشئب موباحئثه ادندن سونرا، بو قرار ورئلدي کي، پولوس و بارنابا و بئر نچه آيري آدام، بو مسله اوچون اورشلئمه، حوارئلرئن و آغساقّاللارين يانينا گتسئنلر.
بلجه، کئلئسا طرفئندن گؤنده‌رئلئب، فئنئقئيه و سامئرهدن کچنده قيرييهودئلرئن ائمانا گلمکلرئني نقل اتدئلر و قارداشلارا بؤيوک شادليق گتئردئلر.
اورشلئمه چاتديقلاري زامان کئلئسا، حوارئلر و آغساقّاللار طرفئندن قبول اولوندولار و تارينين اونلارين واسئطهسئله اتدئيي بوتون شيلري خبر وردئلر.
آمّا فرئسئلر فئرقهسئندن اولان بعضي ائمانليلار قالخيب ددئلر: "بو اونلارا لازيمدير کي، ختنه اولسونلار و تاپشيريلسينلار کي، موسانين شرئعتئني رئعايت اتسئنلر."
حوارئلر و آغساقّاللار بئر يره ييغيلديلار کي، بو مسلهيه بئر تدبئر قازانسينلار.
و چوخ موباحئثهدن سونرا، پطروس آياغا قالخيب اونلارا ددي: "قارداشلار! سئز بئلئرسئنئز کي، تاري، اوّلکي گونلردن بونو سچدي کي، قيري‌يهودئلر ائنجئلئن خوش خبرئني منئم آغزيمدان اشئدئب ائمان گتئرسئنلر.
و اورکلري بئلن تاري، بئزه وردئيي کئمي، اونلارا دا موقدّس روحو ورمکله گؤرستدي کي، اونلاري قبول ادئب.
و بئزئمله اونلارين آراسيندا هچ بئر فرق قويماييب، اونلارين اورکلرئني ده ائمان واسئطهسئله تمئزله‌دي.
ائندي نئيه تاريني ائمتاحانا چکئب، او يوغو شاگئردلرئن بوينونا قويورسونوز کي، نه آتالاريميز، نه ده اؤزوموز اونو داشييا بئلئردئک؟!
لاکئن بئز ده اونلار کئمي بونا ائنانيريق کي، رب عئسانين فيضي ائله نئجات تاپيريق."
بوتون جاماعات ساکئت اولدولار و بارنابا و پولوسا قولاق آسيرديلار و اونلار نقل ادئردئلر کي، تاري اونلارين واسئطهسئله قيري‌يهودئلر آراسيندا نه علامتلر و عجايئبلر ادئب.
اونلار دانيشماقدان داياناندان سونرا، يعقوب جاواب ورئب ددي: "قارداشلار! منه قولاق آسين.
شمعون نقل اتدي کي، نجه تاري اوّلده قيرييهودئلره ياخينلاشدي کي، اونلارين آراسيندان اؤز آدي اوچون بئر خالق تشکئل ورسئن.
و پيغمبرلرئن سؤزلري بونو تصدئق ادئر، نجه کي، يازيليب:
«بو شيلردن سونرا دؤنهجه‌يم، و داوودون ييخيلميش چاديريني تزهدن قوراجاغام. وئرانهلرئني تزهدن بئنا ادهجهيم و اونو تکرار قوراجاغام کي،
قالان ائنسانلار ربّي آختارسينلار، حتّا بوتون او قيري‌يهودئلر ده کي، منئم آديم اونلارين اوستوندهدئر.
بونلاري رب ديئر، او کي، بو شيلري ازلدن بئلدئرئر.»
بونا گؤره، من بله مصلحت گؤرورَم کي، قيري‌يهودئلردن تارييا دؤننلره زحمت آچماياق.
لاکئن اونلارا يازاق کي، اؤزلرئني بوتلره تقدئم ادئلئب نجئس اولموش شيلردن، جئنسي عئفّتسئزلئکدن، بوغولموش حيوانلارين اَتئندن و قاندان اوزاق ساخلاسينلار.
چونکي قدئم نسئللردن بري موسانين هر شهرده آداملاري وار کي، اونون بارهسئنده وعظ ادئرلر و هر سبّت گونو موسا کنئسهلرده اوخونور."
او زامان حوارئلره، آغساقّاللارا و بوتون کئلئسايا ياخشي بو گؤروندو کي، اؤز آرالاريندان آداملار سچئب، اونلاري پولوس و بارنابا ائله انطاکئيهيه گؤنده‌رسئنلر. بارساباس چاغيريلان يهودا و سئلاس، قارداشلار آراسيندا رهبرلئک ادئردئلر.
و اونلارين اَلي ائله بو مکتوبو گؤنده‌ردئلر: "حوارئلر و قارداشلار اولان آغساقّاللاردان، انطاکئيه، سورئيه و قئلئقئيهده اولان قيري‌يهودي قارداشلارا. سالام.
اِشئتمئشئک کي، بئزئم آراميزدان بعضئلر چيخيب اؤز سؤزلري ائله سئزي پرئشان ادئب، جانلارينيزي دا ائضطئرابا ساليبلار. حال بو کي، بئز اونلارا بله بئر شي تعلئم ورمه‌مئشئق.
اونا گؤره موتّفئق فئکئرله بئزه ياخشي بو گؤروندو کي، آداملار سچئب، سودئيئمئز پولوس و بارنابا ائله برابر سئزئن يانينيزا گؤنده‌رک
کي، اؤز جانلاريني ربّئمئز عئسا مسئحئن آدي يولوندا قويموش آداملارديرلار.
بلجه، بئز يهودا و سئلاسي گؤنده‌ردئک کي، اونلار اؤزلري همن بو شيلري شئفاهي سئزه بيان ادهجکلر.
چونکي موقدّس روحا و بئزه ياخشي او گؤروندو کي، واجئب اولان بو قايدالاردان باشقا، سئزئن اوستونوزه آرتيق يوک قويماياق.
بو کي، اؤزونوزو بوتلره تقدئم ادئلمئشلردن، قاندان، بوغولموش شيلردن و جئنسي عئفّتسئزلئکدن اوزاق ساخلاياسينيز. اگر بو زادلاردان اؤزونوزو اوزاق ساخلاياسينيز، ياخشي اِدَرسئنئز. سالامات اولون."
بلجه اونلار يولا ساليناندان سونرا، انطاکئيهيه گتدئلر و جاماعاتي بئر يره ييغيب مکتوبو تقدئم اتدئلر.
و اونلار بونو اوخوياندان سونرا، اوندا اولان تشوئقدن سوئندئلر.
يهودا و سئلاس اؤزلري ده پيغمبر اولدوقلاريندان، چوخ سؤزلرله قارداشلاري تشوئق ادئب قووّتله‌ندئردئلر.
و اورادا بئر مودّت قالاندان سونرا، قارداشلار سالاماتلا اونلاري، اونلاري گؤنده‌رنلرئن يانينا گري گؤنده‌ردئلر.
(لاکئن سئلاسا ياخشي او گؤروندو کي، اورادا قالسين.)
آمّا پولوس و بارنابا انطاکئيهده قاليب، اؤزگه بئر چوخلاري ائله برابر ربّئن کلاميني تعلئم ورئب وعظ ادئردئلر.
بئر نچه گون سونرا، پولوس بارنابايا ددي: "گل دؤنوب، ربّئن کلاميني اعلان اتدئيئمئز هر شهرده قارداشلارين گؤروشويونه گدک و گؤرک نجه‌دئرلر."
بارنابا چوخ ائسته‌يئردي کي، يوحنّا چاغيريلان مرقوسو دا اؤزلري ائله گؤتورسونلر.
آمّا پولوس مصلحت گؤرموردو کي، پامفئلئيه‌ده اونلاردان آيريلان و اونلارلا ائشه گتمه‌ين بئر آدامي اؤزلري ائله گؤتورسونلر.
و آرالاريندا اله ائتي بئر موباحئثه دوشدو کي، بئربئرلرئندن آيريلديلار و بارنابا مرقوسو اؤزو ائله گؤتوروب گمي ائله قئبرئسه گتدي.
لاکئن پولوس سئلاسي سچدي و قارداشلار طرفئندن ربّئن فيضئنه تاپشيريليب يولا دوشدو.
و سورئيه و قئلئقئيه ائچئندن سفر ادئب، کئلئسالاري قووّتله‌ندئرئردي.
پولوس دِربه و لئستره‌يه گلدي. اورادا تئموتاعوس آدلي بئر شاگئرد وار ائدي؛ ائمانلي بئر يهودي آروادين اوغلو ائدي، لاکئن آتاسي يوناني ائدي.
لئستره و ائقونئيهده اولان قارداشلار اونون حاقّيندا ياخشي سؤزلر ديئردئلر.
پولوس ائسته‌دي کي، بو کئشي اونونلا گتسئن و او يرلرده ياشايان يهودئلرئن خاطئرئنه اونو ختنه اتدي؛ چونکي آتاسينين يوناني اولدوغونو هامي بئلئردي.
شهرلردن کچرکن، اورشلئمدهکي حوارئلر و آغساقّاللارين قرارا آلميش قايدالاريني تقدئم ادئردئلر کي، اونلاري رئعايت اتسئنلر.
بلجه کئلئسالار ائماندا قووّت تاپيب، ساييدا گون بهگون چوخاليرديلار.
موقدّس روح اونلارا ائجازه ورمه‌دي کي، آسئيا ايالتئنده کلامي دانيشسينلار، اونا گؤره ده فئرئجئيه و قالاتئيا اؤلکهسئندن کچدئلر.
مئسيايا چاتديقدا، بئطئنيايا گتمه‌يه چاليشديلار، لاکئن عئسانين روحو اونلارا ائجازه ورمه‌دي.
مئسيادان کچئب تروآسا اندئلر.
گجه پولوس بئر رؤيا گؤردو؛ مقدونئيّهلي بئر آدام اونون قاباغيندا دوردو و اونا يالواريب ديئردي: "مقدونئيّهيه گل و بئزه کؤمک ات!"
پولوسون بو رؤياسيندان سونرا، درحال جهد اتدئک کي، مقدونئيّهيه گدک، چونکي بله حساب اتدئک کي، رب بئزي ائنجئلئن خوش خبرئني اونلارا دا موژده ورمک اوچون چاغيريب.
دهنز يولو ائله تِروآسدان چيخيب، دوز ساموتراکئيايا و صاباحيسي دا نئياپولئسه گلدئک.
اورادان دا فئلئپئيهيه گلدئک کي، مقدونئيّه ايالتئنئن باش شهرلرئندن بئري و روم موستملکهسيدئر. و بو شهرده بئر نچه گون قالديق.
سبّت گونو شهردن چيخيب بئر چاي کنارينا گلدئک و گومان ادئردئک کي، اورادا عئبادت اوچون بئر ير اولاجاق. و اوتوروب اورايا ييغيلميش آروادلارلا دانيشماغا باشلاديق.
تئياتئرا شهرئندن لئدئيه آدلي ارغوان قوماش ساتان بئر آرواد بئزه قولاق آسيردي. لئدئيه تاريني پرستئش ادن بئري ائدي. رب اونون اوره‌يئني آچدي کي، پولوسون دانيشديقلاريني قبول اتسئن.
و عايئله‌سئله برابر تعمئد آلاندان سونرا بئزه يالواريب ددي: "اگر مني ربّه ائمانلي ساييبسينيز، اِوئمه گلئن و اورادا قالين." و بئزه چوخ ائصرار اتدي.
بئر واخت بئز دوعا ادئلن يره گدرکن، ائچئنده فالچيليق روحو اولان بئر کنئز بئزه راست گلدي کي، فالچيليق اتمکله آغالارينا چوخ قازانج گتئرئردي.
قيز پولوس و بئزئم داليميزا دوشدو و قيشقيريب ديئردي: "بو آداملار تاعالا تارينين قوللاري‌ديرلار کي، سئزه نئجات يولونو اعلان ادئرلر."
و بئر چوخ گونلر بونو تکرار اتدي. لاکئن پولوس چوخ ناراحات اولدو و دؤنوب او روحا ددي: "عئسا مسئحئن آديندا سنه امر ادئرم کي، اوندان اشئيه چيخاسان!" و روح او آندا اشئيه چيخدي.
آمّا کنئزئن آغالاري، قازانج اومئدئنئن کسئلدئيئني گؤره‌نده، پولوس و سئلاسي توتوب، ميدانا، حاکئملرئن يانينا گتئردئلر.
و باش حاکئملرئن يانينا آپاراندان سونرا، ددئلر: "بو آداملار يهودي‌دئرلر و شهرئمئزه ائغتئشاش ساليرلار.
و بئز روملولارا اله عادتلري اعلان ادئرلر کي، اونلاري نه قبول اتمک، نه ده عمل اله‌مک بئزه جائزدئر."
خالق دا اونلارين ضئدّئنه قالخدي و باش حاکئملر امر اتدئلر کي، اونلارين پالتارلاريني اَيئنلرئندن ييرتيب، دينکله دؤيسونلر.
و اونلارا چوخ ضربه ووراندان سونرا، زئندانا آتيب زئندانبانا امر وردئلر کي، اونلاري دئقّتله گودسون.
او دا، بله بئر امري آلديغيندان، اونلاري زئندانين ائچه‌ري بؤلمهسئنه آتيب، آياقلاريني کوندهيه ووردو.
لاکئن گجه ياريسينا ياخين پولوس و سئلاس دوعا ادئب، تارييا حمد نغمهلري اوخويوردولار. محبوسلار دا اونلارا قولاق آسيرديلار.
بئردن اله بؤيوک بئر زلزله اولدو کي، زئندانين بونؤورهلري اسئردي. او آندا بوتون قاپيلار آچيلدي و هامينين زنجئرلري تؤکولدو.
زئندانبان اويانيب، زئندانين قاپيلاريني آچيلميش گؤره‌نده قيلينجيني چکدي و محبوسلاري قاچميش گومان ادئب ائسته‌دي کي، اؤزونو اؤلدورسون.
لاکئن پولوس اوجا سسله قيشقيريب ددي: "اؤزونه هچ بئر زئيان يتئرمه، چونکي بئز هاميميز بوراداييق."
زئندانبان ائشيق ائسته‌يئب تله‌سئک ائچه‌ري گئردي. قورخودان لرزهيه دوشوب، پولوس و سئلاسين قاباغيندا يره دوشدو.
و اونلاري اشئيه چيخارديب ددي: "آغالار! نئجات تاپماق اوچون نه اِتمهلييم؟"
اونلار دا ددئلر: "ربّ عئسايا ائمان گتئر، نئجات تاپارسان؛ سن و اِوئن اهلي!"
و ربّئن سؤزونو اونا و اِوئندهکئلرئن هاميسينا دانيشديلار.
زئندانبان، گجهنئن همن ساعاتيندا اونلاري گؤتوروب يارالاريني يودو و بوتون اِوئندهکئلرله برابر درحال تعمئد آلدي.
و اونلاري اؤز اِوئنه گتئرئب سوفره سالدي و تارييا ائمان گتئردئيئندن، بوتون اِو اهلي ائله شادليق اتدئلر.
سحر آچيلاندا، باش حاکئملر موحافئظلرئني گؤنده‌ردئلر کي، دسئنلر: "او آداملاري آزاد ات."
زئندانبان بو سؤزلري پولوسا خبر ورئب ددي: "باش حاکئملر آدام گؤنده‌رئبلر کي، سئزي آزاد اتسئنلر. بونا گؤره، ائندي چيخين و سالامات گدئن."
آمّا پولوس اونلارا ددي: «روم وطنداشلاري اولدوغوموز حالدا، بئزي موحاکئمه اتمه‌دن بوتون خالقين قاباغيندا دؤيوب زئندانا آتيبلار؛ ائندي ده مگر بئزي گئزلئجه بوراخماق ائسته‌يئرلر؟! يوخ، اولماز! قوي اؤزلري گلئب بئزي اشئيه چيخارتسينلار.»
موحافئظلر بو سؤزلري باش حاکئملره خبر وردئلر. اونلارين روم وطنداشلاري اولدوغونو اشئدنده قورخدولار
و گلئب اونلارا يالوارديلار و اشئيه چيخارداندان سونرا، اونلارا ائلتئماس اتدئلر کي، شهري ترک اتسئنلر.
اونلار دا زئنداندان چيخديقدا، لئدئيه‌نين اوئنه گتدئلر و قارداشلاري گؤروب اونلاري تشوئق اتدئلر و يولا دوشدولر.
آمفئپولئس و آپولّونئيادان کچئب تسالونئکه گلدئلر کي، اورادا يهودي بئر کنئسه وار ائدي.
پولوس نجه کي، عادتي ائدي، يهودئلرئن يانينا گتدي و اوچ سبّت اونلارلا موقدّس يازيلار حاقّيندا موباحئثه ادئب،
مسئحئن عذاب چکئب اؤلولردن دئرئلدئيئنئن لازيم اولدوغونو آچيقلادي و ثوبوت ادئب ددي: "سئزه اعلان اتدئيئم بو عئسا، موعود اولان مسئحدئر."
اونلاردان بعضئلري قانع اولوب پولوس و سئلاسا قوشولدولار، هم ده تاريدان قورخان يوناني‌لرئن بؤيوک بئر قئسمي و بئر عئدّه آدلي-سانلي آروادلار.
آمّا يهودئلر پاخيلّيق ادئب بازار خالقيندان بعضي ياراماز آداملاري اؤزلرئله گؤتوردولر و قالاباليق ادئب شهرده ائغتئشاش ياراتديلار. و ياسونون اوئنه هوجوم ادئب ائسته‌دئلر کي، پولوس و سئلاسي خالقين حوضورونا چيخارتسينلار.
لاکئن اونلاري تاپمايان زامان، ياسون و بعضي قارداشلاري شهرئن ريئسلري يانينا سورويوب قيشقيريرديلار: "دونياني آلت-اوست ادن بو آداملار بورايا دا گلئبلر.
ياسون اونلاري اوئنه قوناق آپاريب و هاميسي قيصرئن فرمانلارينا ضئدّ دوروب ديئرلر کي، عئسا آدلي آيري بئر پادشاه وار."
و بونلارا قولاق آسان جاماعاتي و شهرئن ريئسلرئني قيزيشديرديلار
و ياسون و او بئرئلردن ضمانت آلاندان سونرا، اونلاري بوراخديلار.
قارداشلار درحال گجه ائله پولوس و سئلاسي بئرئيه‌يه گؤنده‌ردئلر. اورايا چاتديقلاري زامان، يهودئلرئن کنئسهلرئنه گتدئلر.
بونلار تسالونئکده اولانلاردان داها نجئب ائدئلر، چونکي کلامي بؤيوک شؤوقله قبول ادئب هر گون موقدّس يازيلاري آراشديريرديلار کي، بو شيلرئن دوغرو اولدوغونو گؤرسونلر.
بلجه اونلاردان بئر چوخو بئر عئدّه مؤعتبر يوناني کئشي و آروادلا ائمان گتئردئلر.
آمّا تسالونئکدهکي يهودئلر پولوسون بئرئيه‌ده ده تارينين کلاميني اعلان اتدئيئني بئلکدئکده، اورايا دا گلدئلر و خالقي تحرئک ادئب قيزيشديرديلار.
او زامان قارداشلار، پولوسو درحال يولا سالديلار کي، دهنزه طرف گتسئن. لاکئن سئلاس و تئموتاعوس اورادا قالدي.
پولوسو موشايئعت ادنلر، اونو آتنه قدر گتئردئلر و پولوسدان سئلاس و تئموتاعوس اوچون امر آلاندان سونرا کي، تزلئکله اونون يانينا گلسئنلر، اورادان آيريلديلار.
پولوس آتنده اونلاري گؤزله‌ين واخت، بوتلرله دولو بو شهري گؤروب روحونو کدر باسدي.
بله کي، کنئسهده يهودئلرله، تاريدان قورخانلارلا، هر گون ده بازار ميدانيندا راستلاشديغي آداملارلا موباحئثه ادئردي.
اپئکوري و ائستوئست فئلوسوفلاردان بعضئلري ده اونونلا موباحئثه اتدئلر. بئر نچهسي ديئردئلر: "بو بوشبوغاز نه دمک ائستهيئر؟" اؤزگهلري ده ديئردئلر: "اجنبي آللاهلاري تبلئغ ادن بئر آداما بنزهيئر." چونکي پولوس اونلارا عئساني و اؤلولردن دئرئلمه‌ني وعظ ادئردي.
و اونو توتدولار و آريوپاگوس ائجلاسينا گتئرئب ديئردئلر: "اولار بئلک تبلئغ اتدئيئن بو تزه تعلئم نه‌دئر؟
چونکي بئزئم قولاقلاريميزا بعضي قرئبه شيلر اشئتدئرئرسن. ائندي بو شيلرئن نه اولدوغونو بئلمک ائسته‌يئرئک."
(بوتون آتِنلي‌لر و اورادا ياشايان اجنبئلر واختلاريني آنجاق بونونلا کچئردئردئلر کي، يا تزه بئر شي دسئنلر و يا تزه بئر شي اشئتسئنلر.)
پولوس آريوپاگوسون اورتاسيندا دوروب ددي: "آتن کئشئلري! من سئزي هر جهتدن دئندار گؤرورم.
چونکي کچرکن، سئزئن نه‌لري پرستئش اتدئکلرئنئزي آراشديرديم و بئر قوربانگاها دا راست گلدئم کي، اوستونده بله يازيلميشدي: «نامعلوم بئر تارييا.» من سئزه، بئلمه‌يه‌رک پرستئش اتدئيئنئزي اعلان ادئرم.
او تاريني کي، دونياني و ائچئنده اولان بوتون شيلري ياراديب. و گؤيون و يرئن ربّي اولدوغوندان اَلله تئکئلمئش معبدلرده ساکئن اولماز.
ائنسان اَللري ائله ده اونا خئدمت اولونا بئلمز، گرچي اونون هچ شيه احتئياجي يوخدور، چونکي هامييا حياتي، نفسي، و بوتون شيلري ورن او، اؤزودور.
او، بوتون مئلّتلرئن ائنسانلاريني، بئر نفردن ياراتدي کي، بوتون ير اوزونده ياشاسينلار و ائرهلئدن اونلارين واختلاريني و ياشاديقلاري يرلرئن سرحدلرئني تعيئن اتدي کي،
تاريني آختارسينلار و بلکه ده ال سورته-سورته تاپسينلار، گرچي او، هچ بئرئمئزدن اوزاق ديئل.
چونکي دئرئلئيئمئز، حرکتئمئز و وارليغيميز اوندادير، نجه کي، شاعئرلرئنئزدن بعضئلري ده ديئبلر: «بئز ده اونون نسئلئيئک.»
بلجه، تارينين نسئلي اولدوغوموزا گؤره، گرک بله دوشونمه‌يک کي، ائلاهي وارليق، ائنسانين صنت و تخيّولو ائله شکئل تاپان قيزيلا، گوموشه، يا دا داشا بنزهيئر.
دمه‌لي، تاري جهالت زامانلارينا گؤز يوموب، ائندي هر يرده ائنسانلارا اعلان ادئر کي، تؤوبه اتسئنلر.
چونکي اِله بئر گون تعيئن ادئب کي، او گون سچدئيي آدامين واسئطهسئله دونياني صالحلئکده موحاکئمه ادهجک. و اونو اؤلولردن دئرئلتدئيي ائله بوتون ائنسانلارا ثوبوت اتدي."
اؤلولردن دئرئلمهيي اشئدنده، بعضئلري مسخره ادئب گولدولر، آمّا قالانلاري ددئلر: "بو بارهده گئنه سنه قولاق آساريق."
بلجه پولوس اونلارين آراسيندان گتدي.
لاکئن بعضي آداملار اونا قوشولوب ائمان گتئردئلر؛ بونلارين آراسيندا آريوپاگوسلو «دئونئسئوس» و «دامارئس» آدلي بئر آرواد و اونلارلا برابر اؤزگه آداملار دا وار ائدي.
بو شيلردن سونرا، پولوس آتِني ترک ادئب قورئنته گتدي.
اورادا پونطوس اهلي اَکئلا آدلي يهودي بئر آداما راست گلدي کي، آروادي «پرئسکئلا» ائله برابر ائتاليادان تزه گلمئشدئلر؛ چونکي کلودئيوس بوتون يهودئلره امر اتمئشدي کي، رومدان چيخسينلار. پولوس اونلارين يانينا گلدي
و همن صنت صاحئبي اولدوغوندان اونلارلا قالدي و ائشله‌يئردئلر. اونلارين صنتي چاديرچيليق ائدي.
و هر سبّت گونو کنئسهده موباحئثه ادئب، يهودئلري و يونانئلري قانديرماغا چاليشيردي.
لاکئن سئلاس و تئموتاعوس مقدونئيّهدن گلندن سونرا، پولوس اؤزونو تامامن کلاما وقف ادئب يهودئلره عئسانين مسئح اولدوغونو شهادت ورئردي.
او زامان کي، اونلار موقاوئمت گؤرسه‌دئب کوفر ددئلر، پولوس پالتاريني سئلکئب اونلارا ددي: "قانينيز اؤز بوينونوزا اولسون! من تمئزم! بوندان بله قيرييهودئلرئن يانينا گده‌رم."
و اورادان چيخيب تاريني پرستئش ادن «تئتئيوس يوستوس» آدلي بئر آدامين اوئنه گتدي. اونون اِوي کنئسهيه بئتئشئک ائدي.
کنئسه ريئسي کرئسپوس بوتون اِو اهلي ائله ربّه ائمان گتئردئلر و قورئنتليلردن بئر چوخو، بونو اشئدن واخت، ائمان گتئرئب تعمئد آليرديلار.
بئر گجه رب بئر رؤيا واسئطهسئله پولوسا ددي: "آرتيق قورخما! آنجاق دانيش و ساکئت قالما.
چونکي من سنئنله‌يم و سنه هچ کس توخونماياجاق، اونا گؤره کي، بو شهرده چوخلو آداملاريم وار."
پولوس دا بئر ائل آلتي آي اورادا ساکئن اولوب، تارينين کلاميني اونلارين آراسيندا تعلئم ورئردي.
آمّا قالئيو اَخايئه والئسي ائکن، يهودئلر ائتّئفاق باغلاييب، پولوسون ضئدّئنه قالخديلار و اونو محکمه تختئنئن قاباغينا چکئب،
ددئلر: "بو کئشي آداملاري قانع ادئر کي، شرئعته ضئدّ شکئلده تاريني پرستئش اتسئنلر."
پولوس آغزيني آچماق ائسته‌ينده، قالئيو يهودئلره ددي: "اگر بئر حاقسيزليق و يا آغير بئر جئنايت مسلهسي اولسايدي، اي يهودئلر، منه منطئقي اولاردي کي، سئزي دؤزوم.
آمّا اگر سؤزلر، آدلار و اؤز شرئعتئنئز بارهدهدئر، اؤزونوز اونلاري حلّ ادئن. من بله شيلره حاکئم اولماق ائسته‌مئرم."
و اونلاري محکمهدن اشئيه سالدي.
اونلارين هاميسي کنئسه ريئسي «سوستنسي» توتدولار و محکمهنئن قاباغيندا دؤيمه‌يه باشلاديلار. قالئيو بونلارين هچ بئرئسئنئن قيدئنده ديئلدي.
پولوس بئر چوخ گونلر اورادا قالاندان سونرا، قارداشلاردان آيريلدي و گمی ائله سورئيهيه گتدي. پرئسکئلا و اکئلا دا اونونلا ائدئلر. نذري اولدوغو اوچون، پولوس کنخرئيه‌ده باشينين توکلرئني قيرخديرميشدي.
اِفِسوسا چاتديقلاري زامان، پولوس اونلاري اورادا بوراخدي و اؤزو کنئسهيه گئرئب يهودئلرله موباحئثه اتدي.
و اوندان بئر آز داها چوخ قالماسيني ائسته‌ينده راضي اولمادي
و اونلارلا وئداعلاشيب ددي: "اگر تاري ائسته‌سه، گئنه سئزئن يانينيزا گله‌رم." و گمی ائله اِفِسوسدان يولا دوشدو.
قيصرئيهيه يتئشنده گدئب کئلئسا ائله سالاملاشدي و سونرا انطاکئيهيه اندي.
اورادا بئر مودّت قالاندان سونرا، پولوس يولا چيخدي و ترتئبله قالاتئيا و فئرئجئيه دئياريندان کچئب شاگئردلرئن هاميسيني قووّتله‌ندئرئردي.
بو زامان اَپولّوس آدلي بئر يهودي کي، اصلي ائسکندرئيهلي و بلاغت صاحئبي ائدي، اِفِسوسا گلدي. اَپولّوس موقدّس يازيلاري ياخشي بئلئردي.
بو آدام ربّئن يولوندا تعلئم آلميشدي و فقط يحيانين تعمئدئندن خبردار اولدوغو حالدا، روحدا قايناييردي و عئسا حاقّيندا صحئح دانيشيب تعلئم ورئردي.
و کنئسهده جورعتله دانيشماغا باشلادي. آمّا او زامان کي، اَکئلا و پرئسکئلا بونو اشئتدئلر، اونو يانلارينا آليب ربّئن يولونو اونا داها دقئق آچيقلاديلار.
اخايئه‌يه گتمک فئکرئنده اولدوغو زامان، قارداشلار اونو تشوئق ادئب، اوراداکي شاگئردلره مکتوب يازديلار کي، اونو قبول اتسئنلر. اورايا چاتديغي زامان، فيضله ائمان گتئرنلره چوخ کؤمک اتدي.
چونکي وار-گوجو ائله يهودئلري عوموم خالق قاباغيندا تکذئب ادئب، موقدّس يازيلارلا گؤرسه‌دئردي کي، عئسا، موعود اولان مسئحدئر.
اَپولّوس قورئنتده ائکن، پولوس يوخاري اؤلکهلري کچئب اِفِسوسا گلدي و بئر نچه شاگئرد تاپدي.
و اونلارا ددي: "آيا ائمان گتئردئيئنئز زامان موقدّس روحو آلدينيز؟" اونلار اونا ددئلر: "خير، موقدّس روحون اولدوغونو بله اشئتمهمئشئک!"
پولوس ددي: "بس نه‌يه اساسن تعمئد اولوندونوز؟" ددئلر: "يحيانين تعمئدئنه."
پولوس ددي: "يحيا تؤوبه تعمئدي ائله تعمئد ورئب خالقا ديئردي کي، اؤزوندن سونرا گلنه ائمان گتئرسئنلر، يعني عئسايا."
بونو اشئدن واخت، اونلار ربّ عئسانين آديندا تعمئد آلديلار.
و پولوس اَللرئني اونلارين اوستونه قوياندا، موقدّس روح اونلارين اوستونه نازئل اولدو و قرئب دئللرله دانيشماغا و نبئلئک اتمه‌يه باشلاديلار.
اونلار تخمئنن اونائکي کئشي ائدئلر.
پولوس کنئسهيه گئرئب، اوچ آي جسارتله دانيشيردي و تارينين پادشاهليغي حاقّيندا موباحئثه ادئب، اونلاري قانع ادئردي.
آمّا او زامان کي، بعضئلري داش اورَکلي و ناموطئع اولوب جاماعاتين حوضوروندا طرئقتي پئسله‌دئلر، پولوس دا اونلاري ترک اتدي و شاگئردلري آييريب «تئرانوس» مکتبئنده هر گون موباحئثه ادئردي.
بو، ائکي ائل داوام اتدي و آسئيا ايالتئنده ياشايانلارين هاميسي، هم يهودي، هم ده يوناني، ربّئن کلاميني اشئتدئلر.
تاري پولوسون اَللري ائله عجايئب مؤجوزهلر ياراديردي.
اله کي، حتّا اونون بدنئندن دستماللار و يا بِل‌باغي‌لار گؤتورولوب، ناخوشلارين اوستونه قويولوردو و ناخوشلوق اونلاردان گدئردي، پئس روحلار دا چيخيردي.
لاکئن بعضي يهودي اؤوسونچولار دا وار ائدي کي، اورايا-بورايا گدئب چاليشيرديلار کي، پئس روحلارا توتولموش آداملارين اوستونه رب عئسانين آديني اوخوسونلار و ديئردئلر: "پولوسون وعظ اتدئيي عئسانين آدي ائله سئزه امر ادئرئک."
بونو ادنلر «اِسکئوا» آدلي بئر يهودي باش کاهئنئن يدّي اوغوللاري ائدئلر.
لاکئن پئس روح اونلارا جاواب ورئب ددي: "عئساني تاني‌ييرام، پولوس حاقّيندا دا بئلئرم. لاکئن سئز کئمسئنئز؟"
و ائچئنده پئس روح اولان آدام، اونلارين اوستونه يوگوردو و اونلارين هاميسيني توتوب باسدي، اِله کي، اونلار لوت و يارالي او اِودن قاچديلار.
بو حادئثه اِفِسوسدا ياشايان بوتون يهودئلره و يونانئلره معلوم اولدو و هاميني قورخو بورودو و ربّ عئسانين آدي موعظّم اولدو.
ائمان گتئرنلردن بئر چوخو دا گلئردئلر و اعتئراف ادئب، عمللرئني نقل ادئردئلر.
جادوگرلئک ادنلردن بئر چوخو کئتابلاريني بئر يرده گتئرئب، هامينين گؤزو قاباغيندا يانديرديلار. کئتابلارين دَيَرئني حسابلاييب گؤردولر کي، اونلارين دَيَري الّي‌مئن دئرهم اولور.
بلجه ربّئن کلامي قودرتله ياييليب، نوفوذ قازانيردي.
بو شيلر باش ورندن سونرا، پولوس موقدّس روحدا قرار وردي کي، مقدونئيّه و اَخايئه‌دن کچئب، اورشلئمه گتسئن. و ديئردي: "اورادا اولدوقدان سونرا، رومو دا گرک گؤروم."
و اونا خئدمت ادنلردن ائکئسئني يعني تئموتاعوس و اِراستوسو مقدونئيّهيه گؤنده‌رئب، اؤزو بئر مودّت داها آسئيا ايالتئنده قالدي.
او واختلاردا طرئقت اوزوندن بؤيوک بئر ائغتئشاش باش وردي.
چونکي «دئمئترئيوس» آدلي بئر زرگر کي، «آرتِمئس» معبدئنئن تئمثاللاريني دوزله‌دئردي و صنتکارلارا چوخ ائش گتئرئردي؛
بونلاري و آيري بله صنتکارلاري ييغيب ددي: "جنابلار، بئلئرسئنئز کي، رئفاهيميز بو صنته باغلي‌دير.
و گؤروب اشئدئرسئنئز کي، بو پولوس، نهائنکي اِفِسوسدا، حتّا تقرئبن بوتون آسئيا ايالتئنده، بئر چوخ آدامي قانع ادئب و يولدان چيخارديب. و ائنسان اَلي ائله دوزه‌لن تاريلارين اصلا تاريلار اولماديغيني ديئر.
و خطر آنجاق صنتئمئزئن اعتئباردان دوشمه‌سئنده ديئل، بوندادير دا کي، بؤيوک ائلاهه آرتِمئسئن معبدي اهمئيّتدن دوشسون و بو ائلاهه‌نئن عظمتي کي، اونو بوتون آسئيا و دونيا پرستئش ادئر، يوخا چيخسين."
اونلار، بونو اشئدن زامان، چوخ قضبلندئلر و قيشقيريب ديئردئلر: "بؤيوکدور اِفِسوسلولارين آرتِمئسي!"
و شهر ائغتئشاشلا دولدو و بئرلئکده تاماشا ميدانينا طرف قاچيب، پولوسلا مقدونئيّهدن سفره چيخان يولداشلار «غايوس» و ارئسترخوسو ياخالاديلار.
پولوس خالقين ائچئنه گئرمک ائسته‌ينده، شاگئردلر اونو قويماديلار.
آسئيا ايالتئنئن ريئسلرئندن بعضئلري ده اونون دوستلاري اولدوغوندان، اونا خبر گؤنده‌رئب يالوارديلار کي، تاماشا ميدانينا آياق قويماسين.
بو آرادا هره بئر شي باغيريردي؛ چونکي جاماعاتي ائغتئشاش بوروموشدو و اکثرئيّتي بئلمئردي کي، نه‌دن اؤتري ييغيليبلار.
يهودئلر ائسکندري ائرهلي سوردوکلري اوچون، جاماعات ائچئندن بعضئلري حادئثهني ائسکندره باغلاديلار. ائسکندر اَلي ائله ائشاره ادئب، ائسته‌يئردي کي، جاماعاتا مودافئعه نئطقي اتسئن.
لاکئن اونون يهودي اولدوغونو بئلدئکده، هامي بئر سَسله ائکي ساعاتا ياخين باغيريرديلار: "بؤيوکدور اِفِسوسلولارين آرتِمئسي!"
آمّا شهرئن کاتئبي خالقي ساکئت ادئب ددي: "اِفِسوسلولار! کئم بئلمئر کي، اِفِسوسلولارين شهري عظمتلي ائلاهه آرتِمئسئن و گؤيدن دوشموش تئمثالين موحافئظي‌دئر؟!
ائندي کي، بونلاري هچ کس ائنکار ادهبئلمز، سئز گرک ساکئت اولوب تله‌سئک بئر ائش گؤرمه‌يهسئنئز.
چونکي سئز بو آداملاري بورايا گتئرئبسئنئز کي، نه معبدي قارت ادئبلر، نه ده ائلاههمئزه کوفر ديئبلر.
بلجه، اگر دئمئترئيوس و اونونلا اولان صنتکارلارين کئمسه‌دن شئکايتي وارسا، هم محکمه ائجلاسلاري وار، هم ده حاکئملر. قوي بئربئرئندن شئکايت اتسئنلر.
لاکئن اگر اؤزگه بئر شي دالينجاسينيز، بو، قانوني ائجلاسدا حلّ اولونار.
چونکي بو گونکي حادئثه اوزوندن بو خطردهيئک کي، ائغتئشاشين سببي اولماديغي اوچون، قئيام ائتّئهامي بئزه باغلانسين و بو ييغيناقدان اؤتري جاواب ورمه‌يه قادئر اولماياجاغيق."
و بونو ديئب، ائجلاسي داغيتدي.
ولوله ساکئت اولاندان سونرا، پولوس شاگئردلري چاغيردي و اونلاري تشوئق ادندن سونرا وئداعلاشيب، مقدونئيّهيه گتمه‌يه يولا دوشدو.
و او دئيارلاردان کچئب ائمانليلاري چوخلو تشوئق ادندن سونرا يونانئستانا گلدي.
و اوچ آي اورادا قالدي و گمي ائله سورئيهيه گتمک قصدئنده اولاندا، يهودئلر اونون ضئدّئنه سوئي‌قصد حاضيرلاديلار. اونا گؤره ده قرار وردي کي، مقدونئيّه يولوندان قاييتسين.
اونونلا «پئرهوس» اوغلو بئرئيهلي «سوپاتِر»، تسالونئکليلردن «اَرئسترخوس» و «سِکوندوس»، دِربهلي «غايوس» و «تئموتاعوس» و آسئيالي «تئخئکوس» و «تَروفئموس» همراه اولدولار.
لاکئن بونلار قاباقجا گدئب، بئزي تِروآسدا گؤزلهيئردئلر.
بئز ده فطئر بايرامينين گونلرئندن سونرا، فئلئپئدن گمي ائله يولا دوشدوک و بش گون عرضئنده تِروآسا، اونلارين يانينا چاتديق و اورادا يدّي گون قالديق.
هفتهنئن بئرئنجي گونونده، او زامان کي، چؤرک بؤلمک اوچون بئر يره ييغيلميشديق، پولوس صاباحي گون يولا دوشمک نئيّتئنده اولدوغوندان، اونلارا صؤحبت اتمه‌يه باشلادي و گجه ياريسينا قدر سؤزونو اوزاتدي.
ييغيلديغيميز بالاخانادا چوخلو چيراق يانيردي.
«اوتئخوس» آدلي بئر جاوان پنجرهده حرکتسئز اوتوروب، اونو آغير يوخو باسميشدي. پولوس سؤزونو اوزاتديقجا، يوخو اوتئخوسا قاليب گلدي و اوچونجو مرتبهدن آشاغي ييخيلدي و يردن اؤلو گؤتورولدو.
آمّا پولوس آشاغي انئب، اونون اوستونه دوشدو و اونو قوجاقلاييب ددي: "ناراحات اولمايين، چونکي اونون جاني ائچئندهدئر."
و گئنه يوخاري چيخدي و چؤرک بؤلوب يئيندن سونرا، سحره قدر اونلارلا صؤحبت اتدي و سونرا يولا دوشدو.
اونلار جاوان اوغلاني دئري آپارديلار و حدسئز تسلّي تاپميشديلار.
لاکئن بئز قاباقجا گمئيه گدئب آسوسا طرف يولا دوشدوک کي، پولوسو اورادان گؤتورَک. چونکي بله قرار ورمئشدي کي، اؤزو پئيادا گتسئن.
آسوسدا بئزه قوشولاندان سونرا، اونو گمئيه گؤتوروب، مئتئله‌نه‌يه گلدئک.
اورادان گمي ائله يولا دوشوب صاباحيسي خئيوسون موقابئلئنه يتئشدئک. بئر گون سونرا ساموسدان کچئب صاباحيسي دا مئلئتوسا گلدئک.
پولوس قصد اتمئشدي کي، گمي ائله اِفِسوسون يانيندان کچسئن. چونکي ائسته‌مئردي کي، آسئيا ايالتئنده واخت ائتئرمک مجبورئيّتئنده قالسين. پولوس تَله‌سئردي کي، اگر مومکون اولسا، پنطئکاست گونونده اورشلئمده اولسون.
پولوس مئلئتوسدان اِفِسوسا آدام گؤنده‌رئب، کئلئسانين آغساقّاللاريني يانينا چاغيرتديردي.
يانينا گلدئکلري زامان اونلارا ددي: "سئز اؤزونوز بئلئرسئنئز کي، آسئيا ايالتئنه آياق قويدوغوم ائلک گوندن بري، سئزئنله بوتون واختي نجه کچئرتمئشم؛
بوتون تواضؤع، گؤز ياشلاري، و يهودئلرئن سوئي‌قصدلری ائله باشيما گلن ائمتاحانلارلا ربّه خئدمت اتدئم.
نجه سئزه فايدالي اولان هچ بئر شيي بيان اتمکدن چکئنمه‌دئم؛ ائستر آچيقجا تعلئم ورمک اولسون، ائستر اِودن اِوه.
هم يهودئلره و هم يونانئلره جئدّي شهادت وردئم کي، تارييا تؤوبه اتسئنلر و ربّئمئز عئسا مسئحه ائمان گتئرسئنلر.
ائندي، باخين، موقدّس روحدا باغلانيب اورشلئمه گدئرم و اورادا باشيما نه گلهجه‌يئني بئلمئرم.
آنجاق هر شهرده موقدّس روح منه شهادت ورئر کي، مني زنجئرلر و موصئبتلر گؤزلهيئر.
لاکئن من حياتيمي هچ بئر جهتدن اؤزومه عزئز توتمورام. يتر کي، دؤورومو باشا چاتديريم و ربّ عئسادان آلديغيم خئدمتي، يعني تاري فيضئنئن خوش خبرئني جئدّي بئر شکئلده شهادت ورئم.
ائندي، باخين، بئلئرم کي، آرانيزدا تارينين پادشاهليغيني وعظ اتدئيئم سئزلردن هچ بئرئنئز، منئم اوزومو آرتيق گؤرمه‌يهجکسئنئز.
اونا گؤره ده، بو گونکي گونده سئزه شهادت ورئرم کي، بوتون ائنسانلارين قانيندان تمئزم.
چونکي تارينين بوتون ائرادهسئني سئزه بيان اتمکدن چکئنمه‌دئم.
اؤزونوزه و بوتون سورويه گؤز-قولاق اولون. موقدّس روح سئزي او سورونون ائچئنده ناظئر تعيئن ادئب کي، اؤز قاني باهاسينا آلديغي تارينين کئلئساسينا چوبانليق ادهسئنئز.
بئلئرم کي، من گدندن سونرا، ييرتيجي قوردلار آرانيزا گلهجکلر و سورويه رحم اتمه‌يهجکلر.
اؤز آرانيزدان دا آداملار چيخاجاقلار کي، شاگئردلري داللارينجا چکئب آزديرماق اوچون ترسه سؤزلر دانيشاجاقلار.
بونا گؤره آييق اولون. خاطيرلايين کي، اوچ ائل گجه-گوندوز گؤز ياشلاري ائله هر بئرئنئزه نصئحت ورمکدن ال چکمه‌دئم.
ائندي سئزي تارييا و اونون فيضئنئن کلامينا تاپشيريرام کي، قادئردئر سئزي بئنا اتسئن و تقدئس اِدئلمئشلرئن هاميسي آراسيندا سئزه مئراث ورسئن.
هچ کئمئن گوموشونه، و يا قيزيلينا، يا دا پالتارينا گؤز دئکمهمئشم.
اؤزونوز بئلئرسئنئز کي، منئم بو اَللرئم اؤز احتئياجلاريما و منئمله اولان آداملارا خئدمت ادئب.
اتدئيئم هر شيده سئزه گؤرستدئم کي، بو جور زحمت چکمکله گرک ضعئفلره کؤمک ادهسئنئز و ربّ عئسانين سؤزونو خاطيرلايين کي، او اؤزو ددي: «ورمهيئن آلماقدان داها چوخ برکتي وار.»"
بونلاري دئيندن سونرا، پولوس دئز چؤکوب، اونلارين هاميسي ائله دوعا اتدي.
اونلار دا اوجا سَسله آغلاديلار و پولوسو قوجاقلاييب، دالبادال اؤپوردولر.
اونلاري لاپ چوخ قمگئن ادن، اونون ددئيي بو سؤزلر ائدي کي، آرتيق اونون اوزونو گؤرمه‌يهجکلر. سونرا اونو گمئيه قدر يولا سالديلار.
اونلاردان آيريليب، دهنز يولو ائله چيخديغيميز زامان، بئرباش کوسا، صاباحيسي رودسه، اورادان دا پاتارايا گلدئک.
و فئنئقئيهيه گدن بئر گمي تاپديق و اونا مئنئب دهنزه چيخديق.
قئبرئسي گؤردويوموز زامان، اونو سولدا قويوب، سورئيهيه طرف گتدئک و صوردا اِندئک؛ چونکي گمي اورادا يوکونو بوشالداجاق ائدي.
شاگئردلري تاپيب، اورادا يدّي گون قالديق. اونلار موقدّس روح طرفئندن پولوسا ديئردئلر کي، اورشلئمه آياق قويماسين.
بو گونلري کچئردندن سونرا، اورادان آيريليب يولا دوشدوک و اونلارين هاميسي، آروادلاري و اوشاقلاري ائله، بئزي شهرئن اشئيئنه قدر يولا سالديلار. و ساحئلده دئز چؤکوب، دوعا اتدئک و بئربئرئمئزله وئداعلاشديق.
سونرا گمئيه مئندئک. اونلار دا اولرئنه قاييتديلار.
بئز صوردان دهنز يولونو باشا چاتديريب، پِتولومائسه گلدئک و قارداشلارلا سالاملاشيب، اونلارلا بئر گون قالديق.
او گونون صاباحي اورادان آيريليب، قيصرئيهيه گلدئک و «يدّئلر»دن بئري اولان موبشّئر فئلئپوسون اِوئنه گئرئب، اونونلا قالديق.
اونون باکئره دؤرد قيزي وار ائدي کي، نبئلئک ادئردئلر.
اورادا بئر نچه گون قالاندان سونرا، يهودئيهدن آقابوس آدلي بئر پيغمبر گلدي.
و بئزئم يانيميزا گلئب پولوسون قورشاغيني گؤتوروب اؤز اللرئني و آياقلاريني باغلادي و ددي: "موقدّس روح بله ديئر: اورشلئمدهکي يهودئلر بو قورشاق صاحئبئني بلجه باغلاييب، قيرييهودئلرئن الئنه تسلئم ادهجکلر."
بو سؤزلري اشئتدئيئمئز زامان، بئز و اورادا ياشايانلار پولوسا يالوارديق کي، اورشلئمه گتمه‌سئن.
لاکئن پولوس جاواب وردي: "نه ادئرسئنئز؟ نه اوچون آغلاييب اوره‌يئمي سينديريرسينيز؟ من ربّ عئسانين آدي يولوندا نه ائنکي باغلانماغا، اورشلئمده حتّا اؤلمه‌يه بله حاضيرام."
پولوس قانع اولماديقدا، بئز آرتيق ساکئت قالئب ددئک: "قوي ربّئن ائرادهسي اولسون!"
بو گونلردن سونرا، بئز حاضيرلاشيب اورشلئمه طرف يولا چيخديق.
قيصرئيهدن بعضي شاگئردلر ده بئزئمله گلئب، بئزي مناسون آدلي قئبرئسلي قدئم شاگئردلردن بئرئنئن يانينا آپارديلار کي، اونون يانيندا قوناق قالاجاق ائدئک.
اورشلئمه چاتديغيميز زامان قارداشلار بئزي شادليقلا قبول اتدئلر.
او گونون صاباحي، پولوس بئزئمله يعقوبون يانينا گتدي؛ بوتون آغساقّاللار دا اورادا ائدئلر.
اونلارلا سالاملاشاندان سونرا، پولوس موفصّل اونلارا نقل اتدي کي، تاري اونون خئدمتي واسئطهسئله قيري‌يهودئلر آراسيندا نه‌لر اتمئشدئر.
اونلار، بونلاري اشئدن زامان، تارييا حمد اتدئلر و اونا ددئلر: "قارداش، گؤرورسن کي، يهودئلر آراسيندا نچه مئن نفر ائمان گتئرئب؛ هاميسي دا شرئعت اوچون قيرتلي‌دئرلر.
و سنئن حاقّيندا اشئدئبلر کي، سن قيري‌يهودئلر آراسيندا ياشايان بوتون يهودئلره تعلئم ورئرسن کي، موسادان مورتد اولسونلار و ديئرسن کي، نه اوشاقلاريني ختنه اتسئنلر، نه ده عادتلرئمئزه عمل اتسئنلر.
ائندي نه اولاجاق؟ چونکي سنئن گلدئيئني يقئن کي، اشئدهجکلر.
اونا گؤره سنه نه دِسَک، اونو اِت؛ آراميزدا نذري اولان دؤرد نفر وار.
اونلاري گؤتور و اونلارلا بئر يرده اؤزونو تطهئر ات و اونلارين باشلاريني قيرخماق خرجئني سن ور. بلجه، هامي بئلر کي، سنئن حاقّيندا اشئتدئکلرئنئن اساسي يوخدور و سن اؤزون ده شرئعتي رئعايت اتمکده داوام ورئرسن.
آمّا ائمان گتئرن قيري‌يهودئلر بارهده، بئز قرارا گلئب يازديق کي، اونلار آنجاق گرک بوتلره تقدئم اولونموش اَتلردن، قاندان، بوغولموش حيوانلارين اتئندن و جئنسي عئفّتسئزلئکدن اؤزلرئني اوزاق ساخلاسينلار."
او زامان پولوس بو آداملاري گؤتوردو و صاباحيسي گون اونلارلا بئر يرده اؤزونو تطهئر اتدي و معبده گئرئب طهارت گونلرئنئن نه واخت باشا چاتديغيني و اونلارين هر بئري اوچون نه زامان قوربان تقدئم ادهجهيئني بئلدئردي.
او يدّي گون باشا چاتديقدا ائکن، آسئيا ايالتئندن اولان يهودئلر پولوسو معبدده گؤروب، بوتون جاماعاتي قيزيشديرديلار و اونو ياخالاييب،
چيغيريرديلار: "اي ائسرايئلليلر، کؤمک ادئن! بو، او آدامدير کي، خالقيميزين، شرئعتئن و بو يرئن ضئدّئنه هر يرده ائنسانلارا تعلئم ورئر. بوندان علاوه، حتّا يوناني‌لري ده معبده گتئرئب و بو موقدّس يري نجئس ادئب."
چونکي بوندان ائرهلي اِفِسوسلو تروفئموسو شهرده اونونلا بئرلئکده گؤرموشدولر و اله گومان ادئردئلر کي، پولوس اونو معبده گتئرئب.
بوتون شهر حرکته گلدي و خالق هر طرفدن قاچيب ييغيلدي. و پولوسو توتوب معبددن اشئيه سورودولر و او آندا معبدئن قاپيلاري باغلاندي.
اونلار پولوسو اؤلدورمه‌يه چاليشارکن، روم قوشونون مئنباشيسينا خبر چاتدي کي، بوتون اورشلئم ائغتئشاش ائچئندهدئر.
مئنباشي دا او آندا عسگرلري و يوزباشيلاري گؤتوروب اونلارين اوستونه جومدو. اونلار مئنباشي و عسگرلري گؤرن زامان، پولوسو دؤيمکدن دايانديلار.
او واخت مئنباشي ياخينلاشدي و پولوسو توتوب امر اتدي کي، اونو بئر جوت زنجئره باغلاسينلار. و سوروشوردو کي، او کئمدئر و نه ادئب.
ائزدئحام ائچئندن هره بئر شي باغيريردي و ولوله اوزوندن مئنباشي دوغرو معلومات آلا بئلمئردي. اونا گؤره ده امر اتدي کي، پولوسو قالايا آپارسينلار.
پولوس پئلّهکنده ائکن، خالقين زوراکيليغيندان عسگرلر اونو آپارمالي اولدولار.
چونکي خالقين ائزدئحامي آرخادان گلئب، باغيريردي: "اؤلدورون اونو!"
قالايا گئرهجکلرئنده پولوس مئنباشييا ددي: "اولار سنه بئر شي دئيم؟" مئنباشي سوروشدو: "مگر سن يوناني دئلئني بئلئرسن؟
مگر سن او مئصئرلي ديئلسن کي، بئر مودّت قاباق آداملاري قئيام اوچون قيزيشديريب، دؤرد مئن عوصيانچيني کؤشنه آپاردي؟!"
پولوس ددي: "من طرسوسلو بئر يهودئيم، کئلئکئيانين موهوم بئر شهرئندن. سنه يالواريرام، ائجازه ور کي، خالقا بئر دانيشيم."
مئنباشي اونا ائجازه وردئکده، پولوس پئلّهلر اوستونده دوروب الي ائله خالقا ائشاره اتدي و بؤيوک بئر سوکوت دوشنده، اونلارا عئبراني دئلئنده دانيشيب ددي:
"قارداشلار و آتالار، ائندي سئزه ورهجه‌يئم مودافئعهني اشئدئن."
اونلار اونون عئبراني دئلئنده اونلارا خئطاب اتدئيئني اشئدنده، داها آرتيق ساکئت اولدولار. پولوس داوام اتدي:
"من کئلئکئيانين طرسوس شهرئنده آنادان اولموش بئر يهودئيم، لاکئن بو شهرده، قامالايئلئن آياقلاري آلتيندا، اجدالاريميزين شرئعتئنه گؤره جئدّي بئر شکئلده بؤيوموشم و تارييا قيرتلي بئر آدام ائدئم دا، نجه کي، بو گون سئز هامينيزسينيز.
من بو «طرئقت» اهلئنه اؤلوم درجهسئنه کئمي عذاب ورئب، کئشئلر و آرودالاري باغلاييب زئندانا سالارديم.
نجه کي، باش کاهئن و شورانين بوتون آغساقّاللاري بونو تصدئق اده بئلرلر. حتّا اونلاردان قارداشلارا مکتوبلار آلديم و و دمشقه طرف يولا دوشدوم کي، اورادا اولانلاري دا توتوب اورشلئمه گتئرئم کي، جزالاريني آلسينلار.
گون اورتاچاغي يولدا گدنده، دمشقه ياخين، قفلتن گؤيدن بؤيوک بئر ائشيق بوتون اطرافيمي ائشيقلانديردي.
يره ييخيلديم و بئر سس اشئتدئم کي، منه ديئر: «شاعول، شاعول، نه اوچون منه عذاب ورئرسن؟!»
جاواب وردئم: «سن کئمسن، يارب؟» او دا منه ددي: «من عذاب وردئيئن ناصئرهلي عئسايام.»
منئمله اولانلار يقئن کي، ائشيغي گؤردولر، لاکئن منئمله دانيشانين سسئني آنلاماديلار.
ددئم: «يارب، من نه اتمه‌لئيم؟» و ربّ منه ددي: «دور و دمشقه گت. اتمهيئن اوچون بوتون تعيئن اولونانلار، اورادا سنه ديئلهجک.»
او ائشيغين جلاسيندان کور اولدوغوما گؤره، يانيمدا اولانلار اللرئمدن توتوب دمشقه گتئردئلر.
شرئعتي رئعايت ادن حنانئيا آدلي بئر آدام کي، اورادا ياشايان بوتون يهودئلر آراسيندا اعتئبارلي ائدي،
يانيما گلدي و دايانيب ددي: «شاعول قارداش، گؤزلرئن گؤرسون!» من ده اِله او آندا اونا باخديم.
او منه ددي: «آتالاريميزين تاريسي سني تعيئن ادئب کي، اونون ائرادهسئني بئلهسن و او صالح اولاني گؤرهسن و آغزيندان کلام اشئدهسن.
چونکي سن بوتون آداملارا، گؤردويون و اشئتدئکلرئن بارهده اونون شاهئدي اولاجاقسان.
ائندي نه اوچون يوباديرسان؟ قالخ، تعمئد آل و اونون آديني چاغيريب اؤز گوناهلاريني يو.»
اورشلئمه قاييديب معبدده دوعا اتدئيئم زامان، بئر وجد حالينا دوشدوم
و ربّي گؤردوم کي، منه ديئر: «تَلَس! تز اورشلئمدن چيخ، چونکي سنئن منئم حاقّيمداکي شهادتئني قبول اتمه‌يهجکلر.»
ددئم: «يارب، اونلار اؤزلري ده بئلئرلر کي، من کنئسهدن کنئسهيه گدئب سنه ائمان گتئرنلري حبس اِدئب دؤيه‌ردئم.
و سنئن شاهئدئن استئفانين قاني تؤکولدويو زامان، من ده اورادا بونو تصدئق ادئب دورموشدوم و اونو اؤلدورنلرئن عبالاريني ساخلاييرديم.»
ربّ منه ددي: «گت، من سني اوزاغا، قيرييهودئلرئن يانينا گؤنده‌رهجه‌يم.»"
پولوسا بو سؤزه قدر قولاق آسديلار و سونرا قيشقير-باغير ساليب ددئلر: "بله بئر آدامي ير اوزوندن محو ات، چونکي او ياشامالي ديئل."
اونلار باغيريب، عبالاريني آتديلار. هاوايا توز سووورماقدا ائکن،
مئنباشي امر اتدي کي، پولوسو قالايا آپارسينلار و ديئردي کي، پولوس قامچي ائله ائستئنطاق اولونسون کي، گؤرسون اونون حاقّيندا بله قيشقيرمالارين سببي نه‌دئر.
آمّا اونو قاييشلارلا باغلاديقلاري زامان، پولوس يانيندا دوران يوزباشييا ددي: "آيا ائختئيارينيز وار کي، بئر روم وطنداشيني هم ده محکوم ادئلمهمئش بئر آدامي قامچيلانماغا ورهسئنئز؟"
بونو اشئدن زامان يوزباشي مئنباشينين يانينا گدئب اونا ددي: "نه ادئرسن؟! بو آدام روم وطنداشي‌دير."
مئنباشي پولوسون يانينا گلئب اونا ددي: "دِه گؤروم سن روم وطنداشيسان؟" او دا ددي: "بلي."
مئن باشي جاواب ورئب ددي: "من چوخلو پول گوجو ائله بو وطنداشليغي آلميشام." پولوس ددي: "آمّا من وطنداش آنادان اولموشام."
اونو ائستئنطاق اتمک ائسته‌ينلر تزلئکله دالي چکئلدئلر؛ مئنباشي دا اونون روم وطنداشي اولدوغونو بئلدئکده قورخدو، چونکي اونو باغلاتديرميشدي.
آمّا او گونون صاباحي، بو مقصدله کي، يهودئلرئن اونو نه‌يه موتّهئم اتدئکلرئني دقئق بئلسئن، پولوسو حبسدن چيخارديب، امر وردي کي، بؤيوک کاهئنلر و بوتون شورا بئر يره ييغيلسين و پولوسو آشاغي اندئرئب، اونلارين حوضورونا قويدو.
پولوس سنهدرئن شوراسينا باخيب ددي: "قارداشلار، من بو گونه قدر حياتيمي صاف وئجدانلا تارينين حوضوروندا ياشاميشام."
باش کاهئن حنانئيا اونون يانيندا دورانلارا امر اتدي کي، پولوسون آغزينا وورسونلار.
او واخت پولوس اونا ددي: "اي آغارديلميش دووار! تاري سني ووراجاق! سن اوتورورسان کي، مني شرئعته موطابئق موحاکئمه ادهسن، لاکئن شرئعتي آياق آلتينا قويوب امر ادئرسن کي، مني دؤيسونلر؟"
آمّا يانيندا دورانلار ددئلر: "تارينين باش کاهئنئني سؤيورسن؟"
پولوس دا ددي: "قارداشلار، اونون باش کاهئن اولدوغونو بئلمئردئم، چونکي يازيليب: «خالقينين ريئسي ضئدّئنه پئس سؤز دمه.»"
پولوس اونلارين بئر قئسمئنئن صادوقئلر و او بئري قئسمئنئن فرئسئلر اولدوغونو بئلدئکده، شورادا اوجا سسله ددي: "قارداشلار، من فرئسي اوغلو بئر فرئسئيم؛ اؤلولرئن دئرئلمه‌سي اومئدي اوچون موحاکئمه اولونورام!"
بونو دئين واخت، فرئسئلر و صادوقئلر آراسيندا ديئشمه قالخدي و ائجلاس ائکئيه بؤلوندو.
چونکي صادوقئلر ديئرلر کي، نه دئرئلمه وار، نه مَلَک، نه ده روح. لاکئن فرئسئلر هاميسيني قبول ادئرلر.
بؤيوک قيشقير-باغير اولدو و فرئسي دستهسئندن اولان بعضي شرئعت عالئملري قالخيب، چوخ قيزميش موباحئثه ادئردئلر: "بئز بو آدامدا بئر يامانليق تاپميريق. اگر بئر روح و يا بئر ملک اونونلا دانيشميش اولسا، نه؟"
ديئشمه داها چوخ بؤيوينده، مئن باشي قورخدو کي، مبادا پولوس اونلارين الئنده تئکه-تئکه اولسون و عسگرلره امر اتدي کي، آشاغي انسئنلر و زورلا اونو آرالاريندان آليب، قالايا آپارسينلار.
او گونون گجهسي ربّ پولوسون يانيندا ظاهئر اولوب ددي: "جسور اول! چونکي منئم حاقّيمدا اورشلئمده نجه شهادت وردئن، رومدا دا گرک بو جور شهادت ورهسن."
سحر آچيلاندا، يهودئلر بئر ائتّئفاق قوروب آند ائچدئلر کي، پولوسو اؤلدورمه‌يئنجه نه يسئنلر، نه ده ائچسئنلر.
بو سوئي‌قصدي حاضيرلايانلارين ساييسي قيرخ نفردن چوخ ائدي.
اونلار باش کاهئنلر و آغساقّاللارين يانينا گلئب ددئلر: "بئز آغير بئر آند ائچمئشئک کي، پولوسو اؤلدورمه‌يئنجه هچ بئر شي دادماياق.
بلجه، ائندي سئز و شورا مئنباشييا خبر گؤنده‌رئن کي، گويا پولوسون مسلهسئني داها دقئق آراشديرماق ائسته‌يئرسئنئز و اونو سئزئن يانينيزا آشاغي گتئرسئن. بئز ده حاضيريق کي، ياخين گلمهمئشدن اونو اؤلدورک."
لاکئن پولوسون باجيسي اوغلو اونلارين بو کمئني بارهده اشئتدي و گلئب قالايا گئردي و پولوسا خبر وردي.
پولوس دا يوزباشيلاردان بئرئني يانينا چاغيريب ددي: "بو جاواني مئنباشينين يانينا آپار، چونکي اونا ورمه‌لي بئر خبري وار."
يوزباشي جاواني گؤتوروب، مئنباشينين يانينا آپاردي و اونا ددي: "زئنداني پولوس مني يانينا چاغيردي و خاهئش اتدي کي، بو جاواني سنئن يانينا گتئرئم، چونکي سنه دمه‌لي بئر خبري وار."
مئنباشي جاوانين اَلئندن توتدو و خلوت بئر يره چکئلئب اوندان سوروشدو: "منه بئلدئرمه‌لي نه خبرئن وار؟"
جاوان اونا ددي: "يهودئلر سؤزو بئر ادئبلر کي، گويا پولوسون ائشئني داها دقئق آراشديرماق اوچون سندن ائستهسئنلر کي، صاباح اونو شورانين حوضورونا آشاغي گتئرهسن.
لاکئن سن اونلارا قولاق آسما. چونکي قيرخ نفردن آرتيق آدام کمئنده اونو گؤزلهيئرلر و لعنت ادئبلر کي، اونو اؤلدورمه‌يئنجه ييئب-ائچمه‌سئنلر. ائندي اونلار حاضيرديرلار و سندن بئر جاواب گؤزلهيئرلر."
او واخت مئنباشي جاواني بوراخدي و اونا امر اتدي: "هچ کئمه دمه کي، بونلاري منه خبر ورئبسن."
مئنباشي يوزباشيلاردان ائکي نفري چاغيريب ددي: "قيصرئيهيه گتمک اوچون گجهنئن اوچونجو ساعاتيندا ائکي يوز عسگر، يتمئش آتلي و ائکي يوز نئزهچي حاضيرلايين."
مَرکَبلر ده حاضيرلاسينلار کي، پولوسو مئندئرئب والي فلئکسه صاغ-سالامات چاتديرسينلار.
و بو مضموندا بئر مکتوب يازدي:
"کلودئيوس لئسئياسدان، لاپ مؤحتشم والي فلئکسه، سالام.
بو آدامي يهودئلر توتموشدولار و عنقرئب اؤلدورهجک ائدئلر کي، اونون روم وطنداشي اولدوغوندان خبردار اولوب، عسگرلرله يتئشدئم و اونو خئلاص اتدئم.
و نه‌دن اؤتري اونو موتّهئم اتدئکلرئني بئلمک اوچون، اونو اونلارين شوراسينا گتئردئم؛
و آنلاديم کي، اؤز شرئعتلرئنه دائر اونا ائتّئهام وورورلار، لاکئن اؤلومه و يا حبسه لايئق بئر گوناه تاپماديم.
و اونون ضئدّئنه سوئي‌قصد قورولاجاغي منه خبر ورئلدئکده، اونو درحال سنئن يانينا گؤنده‌ردئم. اونا ائتّئهام وورانلارا دا تؤوصئيه اتدئم کي، اونون بارهسئنده اولان شئکايتلرئني سنئن حوضوروندا بيان اتسئنلر."
بلجه، عسگرلر، آلديقلاري امرلره موطابئق، پولوسو گؤتوروب گجه ائکن آنتئپاتِرئسه گتئردئلر.
صاباحيسي آتلي‌لاري اونونلا گتمک اوچون قويوب اؤزلري قالايا قاييتديلار.
آتليلار قيصرئيهيه گلئب مکتوبو والئيه وردئکلري زامان، پولوسو دا اونون حوضورونا گتئردئلر.
والي مکتوبو اوخوياندان سونرا، پولوسون هانسي وئلايتدن اولدوغونو سوروشدو. و کئلئکئيادان اولدوغونو اؤيره‌ننده
ددي: "ائتّئهام وورانلارين گلندن سونرا، سؤزلرئني اشئده‌رم." و امر اتدي کي، پولوس هئرودون ساراييندا ساخلانسين.
بش گوندن سونرا باش کاهئن حنانئيا، آغساقّاللار و تِرتولوس آدلي بئر وکئل‌له گلئب، پولوسون ضئدّئنه والئيه شئکايت اتدئلر.
پولوسو احضار ادندن سونرا، تِرتولوس اونا ائتّئهام وورماغا باشلاييب ددي:
"عالئجناب فلئکس! بئز همئشه و هر زامان بوتون ممنونئيّتله ائقرار ادئرئک کي، سنئن ساينده صولح ائچئندهيئک و سنئن بصئرتئنله بو خالق اوچون هر يرده ائصلاحات باش ورئر.
آمّا سنه داها آرتيق باش آغريسي ورمهمک اوچون، خاهئش ادئرم کي، اؤز مرحمتئنله بئزه قيسا بئر زامان قولاق آساسان.
بئز بو آدامي دوغرودان دا موفسئد تاپميشيق، بوتون ير اوزونده ياشايان يهودئلري عوصيانا قالديرير و نَصراني فئرقهنئن ده رهبري‌دئر.
بو آدام حتّا چاليشدي کي، معبدي نجئس اتسئن. بئز اونو توتدوق (و ائسته‌دئک کي، اؤز شرئعتئمئزه گؤره اونو موحاکئمه ادک.
لاکئن مئنباشي لئسئياس گلئب، اونو زورلا الئمئزدن آلدي.
و اوندان شئکايت اِدَنلره امر وردي کي، سنئن يانينا گلسئنلر.) سن اؤزون ده بوتون بو مطلبلر حاقّيندا اونو ائستئنطاق ادئب، ووردوغوموز ائتّئهاملارين دوغرو اولدوغونا يقئن تاپا بئلرسن."
يهودئلر ده بو ائتّئهام وورماغا قوشولوب، بو شيلرئن بله اولماسيني تصدئق اتدئلر.
والي، پولوسا دانيشماق اوچون ائشاره اِدَنده، پولوس جاواب وردي: "سنئن چوخ ائللردن بري بو خالقا قاضي اولدوغونو بئلئرم، اونا گؤره ده، ممنونئيّتله حاقّيمدان دئفاع ادئرم.
اؤيرنه بئلرسن کي، اورشلئمه عئبادت اتمک اوچون گلدئيئمدن، هچ اونائکي گون کچمه‌يئب.
مني نه معبدده، نه کنئسهده، نه ده شهرده تاپماييبلار کي، بئري ائله موباحئثه اتمئش اولوم، يا دا عوصيان قالديريم.
سنئن حوضوروندا منه ووردوقلاري ائتّئهاملاري دا ثوبوت اده بئلمئرلر.
لاکئن بونو سنئن حوضوروندا قبول ادئرم کي، اونلارين فئرقه ددئيي طرئقته اساسن، من آتالاريميزين تاريسينا حقئقتن خئدمت ادئرم، شرئعتده و پيغمبرلرده يازيلان شيلرئن هاميسينا دا ائنانيرام.
و اونلارين اؤزلرئنئن ائنانديقلاري کئمي، من ده تارييا اومئد ادئرم کي، هم صالح آداما، هم ده پئس آداما اؤلولرئن دئرئلمه‌سي اولاجاقدير.
بونا گؤره، دائم چاليشيرام کي، تاري و ائنسانلار قاباغيندا وئجدانيم پاک اولسون.
چوخ ائللردن سونرا گلدئم کي، خالقيما صدقهلر گتئرئم و قوربان تقدئم ادئم.
معبدده، طاهئر اولونموش حالدا، بونلارلا مشغول ائدئم، اطرافيمدا دا نه قالاباليق نه ده ولوله وار ائدي کي، مني تاپديلار. آمّا بعضي آسئيالي يهودئلر ده منئمله وار ائدئلر کي،
اونلارين دا بورادا اولماسي لازيمدير کي، اگر منئم ضئدّئمه شئکايتلري وارسا، سنئن حوضورونا تقدئم اتسئنلر.
و يا قوي اله اؤزلري دسئنلر کي، شورانين حوضورونا چيخديغيم زامان، نه حاقسيزليق منده تاپديلار.
مگر بو بئرجه سؤز اوچون کي، اونلارين آراسيندا اولان زامان قيشقيريب ددئم: «من بو گون اؤلولرئن دئرئلمه‌سي اوچون سئزئن حوضورونوزدا موحاکئمه اولونورام.»"
آمّا فلئکس، طرئقت بارهسئنده داها دقئق معلوماتي اولدوغونا گؤره، ائشي تأخئره ساليب ددي: "مئنباشي لئسئياس گلدئکدن سونرا سئزئن ائشئنئزه يتئشهجه‌يم."
و يوزباشييا امر اتدي کي، پولوسو نظارت آلتيندا ساخلاسين، لاکئن اونا آزادليق ورسئن و دوستلارينين هچ بئرئسئنئن اونا خئدمت اتمهسئنه مانع اولماسين.
آمّا بئر نچه گوندن سونرا، فلئکس يهودي آروادي دروسئلا ائله گلئب، پولوسو چاغيرتدي و اونون مسئح عئسايا اولان ائمان حاقّيندا دانيشديغيني اشئتدي.
پولوس صالحلئکدن، نفسه حاکئم اولماقدان، و گلهجک موحاکئمه گونوندن بحث ادنده، فلئکس قورخويا دوشوب ددي: "ائندي مورخّصسن، گت. واختيم اولاندا سني چاغيرتديرارام."
همن زاماندا اومئد ادئردي کي، پولوس اونا پول ورهجک. بونا گؤره ده، اونو تز-تز چاغيرتديريب اونونلا صؤحبت ادئردي.
آمّا ائکي ائل کچئب گدندن سونرا، فلئکسئن يرئنه «پورکئيوس فستوس» گلدي. فلئکس ده يهودئلرئن ريضاسيني قازانماق اوچون پولوسو حبسده ساخلادي.
بلجه فِستوس، وئلايته گلدئکدن اوچ گون سونرا قيصرئيهدن اورشلئمه چيخدي.
باش کاهئنلر و يهودئلرئن آدلي-سانلي آداملاري پولوسدان اونا شئکايت اتدئلر و اونا يالوارديلار کي،
اونلارا بئر لوطف ادئب پولوسو اورشلئمه گتئرتسئن. (چونکي يولدا اونا بئر کمئن حاضيرلاميشديلار کي، اونو اؤلدورسونلر.)
او زامان فِستوس جاواب وردي کي، پولوس قيصرئيهده نظارت آلتيندا ساخلانير و او اؤزو ده تزلئکله اورايا گدهجک.
"بونا گؤره ده، قويون آرانيزدا اولان نوفوذلو آداملار منئمله اورايا گتسئنلر و اگر او آدامدا بئر تقصئر وارسا، اونا ائتّئهام وورسونلار."
و اونلارين يانيندا سکّئز و يا اون گوندن آرتيق قالماييب قيصرئيهيه گتدي و او گونون صاباحي حؤکم تختئنده اَيله‌شئب، امر اتدي کي، پولوسو گتئرسئنلر.
پولوس يتشدئکده اورشلئمدن گلن يهودئلر اونون اطرافيندا دوروب، اونا بئر چوخ آغير بؤهتانلار آتيرديلار کي، اونلاري ائثبات اده بئلمئردئلر.
لاکئن پولوس اؤز مودافئعهسئنده ددي: "نه يهودئلرئن شرئعتئنه، نه معبده، نه ده قيصرئن ضئدّئنه بئر خاطا اتمئشم."
آمّا فِستوس يهودئلرئن ريضاسيني قازانماق اوچون پولوسا جاواب ورئب ددي: "آيا ائستهيئرسن کي، اورشلئمه گدئب منئم حوضورومدا بو ائتّئهاملارا گؤره موحاکئمه اولوناسان؟"
آمّا پولوس جاواب وردي: "من قيصرئن حؤکم تختئنئن قاباغيندا دورموشام و منه بورادا حؤکم ادئلمه‌لي‌دئر. اؤزون ده ياخشي بئلئرسن کي، من يهودئلرئن ضئدّئنه هچ بئر خاطا اتمهمئشم.
بونا گؤره، اگر من تقصئرکارام و اؤلومه لايئق بئر ائش گؤرموشم، اؤلمکدن ائمتئناع اتمئرم. لاکئن اگر اونلارين منه ووردوقلاري ائتّئهاملارين اساسي يوخدور، هچ کئم مني اونلارين اَلئنه تسلئم ادهبئلمز. من قيصرئن محکمهسئني طلب ادئرم."
او واخت فِستوس مجلئسي ائله موشاوئره ادئب جاواب وردي: "سن قيصرئن محکمهسئني طلب اتدئن، قيصرئن يانينا دا گدهجکسن."
بئر نچه گون سونرا، اَغرئپا پادشاه و بِرنئکي قيصرئيهيه يتئشئب، احتئرام اوزوندن فِستوسون يانينا گتدئلر.
اونلار اورادا چوخ گون قالاندان سونرا، فِستوس پولوسون وضعئني پادشاها عرض ادئب ددي: "بورادا بئري وار کي، فلئکس اونو محبوس ادئب.
من اورشلئمده اولان واخت، يهودئلرئن باش کاهئنلر و آغساقّاللاري اوندان شئکايت ادئب محکوم اولونماسيني طلب اتدئلر.
اونلارا جاواب وردئم کي، روملولارين عادتي ديئل کي، شئکايت اولوناني اوندان شئکايت اِدَنله اوزلشدئرمه‌يئنجه و اونا مودافئعه فورصتي ورمه‌يئنجه، اونو محکوم اتسئنلر.
اونلار بورايا گلدئکده ده، يوبانماييب اِله صاباحيسي حؤکم تختئنده اوتوردوم و امر اتدئم کي، او آدام گتئرئلسئن.
شئکايتچئلر آياغا قالخديقدا، گومان اتدئيئم جئنايتلردن هچ بئرئني اونا ائتّئهام وورماديلار.
آنجاق اؤز دئنلري بارهسئنده بئر نچه ائختئلافلاري وار ائدي و عئسا آدلي اؤلموش بئر آدام حاقّيندا دا کي، پولوس اونون دئري اولدوغونو بيان ادئردي.
بو جور مسلهلري نجه تفتئش اِدهجه‌يئمي بئلمه‌دئيئمدن، اوندان سوروشدوم کي، آيا اورشلئمه گدئب اورادا بو مطلبلر حاقّيندا موحاکئمه اولونماق ائستهيئر.
آمّا پولوس ائسته‌دي کي، حبسده ساخلانيلسين و اؤز ائشئنئن حلّئني ائمپاراطورون محکمهسئنده طلب اتدي. من ده امر اتدئم کي، قيصرئن يانينا گؤنده‌رهجه‌يئم زامانا قدر حبسده ساخلانسين."
اغرئپا فِستوسا ددي: "من اؤزوم ده بو آدامين سؤزلرئني اشئتمک ائستردئم." او دا ددي: "صاباح اونو اشئدرسن."
او گونون صاباحي اغرئپا ائله برنئکي بؤيوک طمطراقلا گلدئلر و اونلارلا گلن مئنباشيلار و شهرئن آدلي-سانلي آداملاري ائله دئوانخانايا گئردئلر. فِستوسون امری ائله پولوس گتئرئلدي.
فستوس ددي: "اَغرئپا پادشاه و سئز بورادا بئزئمله اولان جنابلار، سئز بو آدامي گؤرورسونوز کي، هم اورشلئمده، هم ده بورادا ياشايان بوتون يهود خالقي اونون بارهسئنده قيشقير-باغير سالير کي، بو آدام آرتيق ياشامالي ديئل.
لاکئن من آنلاديم کي، او، اؤلومه لايئق هچ بئر خاطا اتمهيئب و اؤزو ائمپاراطورون محکمهسئني طلب اتدئيئنه گؤره، قرار وردئم کي، اونو گؤنده‌رئم.
آمّا سولطانا اونون حاقّيندا يازاجاق قطعي بئر سؤزوم يوخدور. بونا گؤره اونو سئزئن حوضورونوزا، خوصوصن ده سئز اغرئپا پادشاهين حوضورونا گتئرتمئشم کي، بو ائش تفتئش اِدئلندن سونرا، يازماغا بئر سؤزوم اولسون.
چونکي منه منطئقسئز گلئر کي، بئر محبوسو گؤنده‌رک، لاکئن اوندان ادئلن شئکايتلري گؤنده‌رمه‌يک."
اَغرئپا پولوسا ددي: "اؤزون حاقّيندا دانيشماغا ائجازن وار." او زامان پولوس اَلئني اوزاديب مودافئعهسئني باشلادي:
"اغرئپا پادشاه! من اوچون بئر سعادتدئر کي، يهودئلر طرفئندن وورولدوغوم بوتون ائتّئهاملارا گؤره بو گون سنئن حوضوروندا اؤزومدن دئفاع ادئرم.
عَلَلخوصوص کي، سن اؤزون يهودئلرئن بوتون آيئنلر و موباحئثهلرئني بئلئرسن. بونا گؤره ده خاهئش ادئرم کي، منه صبئرله قولاق آساسان.
بوتون يهودئلر بئلئرلر کي، نجه من جاوانليغيمدان عؤمرومو خالقيمين ائچئنده و اورشلئمده کچئرتمئشم.
مني اوّلدن اوزون بئر مودّت تانيديقلارينا گؤره، اگر ائستهسهلر، شهادت وره بئلرلر کي، دئنئمئزئن لاپ جئدّي فئرقهسي اولان فرئسي فئرقهسئنه باغلي ياشاميشام.
و ائندي تاري طرفئندن آتالاريميزا ورئلمئش وعده اومئدي اوچون موحاکئمهيه چکئلمئشم.
او وعده کي، بئزئم اونائکي قبئلهمئز، گجه-گوندوز تارييا صداقتله خئدمت ادهرک يرئنه يتئشمه‌سئني گؤزلهيئرلر. و بو اومئد اوچون اي پادشاه، يهودئلر طرفئندن موتّهئم اولموشام.
نه اوچون سئز تارينين اؤلولري دئرئلتمه‌سئني ائنانيلماز بئر شي حساب ادئرسئنئز؟
دوغروسو، من اؤزوم ده گومان ادئردئم کي، ناصئرهلي عئسانين آدينا گرک چوخ عداوتلي ائشلر گؤروم.
اله اورشلئمده ده بونو ادئردئم. باش کاهئنلردن ائختئيار آليب موقدّسلردن چوخلاريني زئندانلارا سالديم، اونلارين اؤلومه ورئلمه‌سئنه ده راضي ائدئم.
بوتون کنئسهلرده اونلاري جزالانديريب چاليشديم کي، کوفر دمه‌يه مجبور ادئم. اونلارين ضئدّئنه حددن آرتيق قودوروب، حتّا ياد شهرلرده بله اونلاري تعقئب ادئردئم.
بو خوصوصدا باش کاهئنلرئن ائختئيار و فرماني ائله دمشقه گدئردئم.
گون اورتا واختي، اي پادشاه، يول اوستونده گونون ائشيغيندان داها پارلاق بئر ائشيق منئم و منئمله سفره چيخانلارين اطرافينا ساچدي.
بئز هاميميز يره ييخيلديق و بئر سس اشئتدئم کي، عئبراني دئلئنده منه ديئر: «شاعول! شاعول! نه اوچون منه عذاب ورئرسن؟! ميخلارا تپئک وورماق سنه چتئندئر.»
ددئم: «سن کئمسن، يارب؟» رب ده ددي: «من عذاب وردئيئن عئسايام!
لاکئن قالخ، آياغا دور. چونکي بو مقصد اوچون سنه ظاهئر اولموشام کي، سن هم گؤردويون هم ده سنه ظاهئر ادهجه‌يئم شيلرئن خئدمتچي و شاهئدي اولاسان؛
سني يهودي خالقيندان و قيري‌يهودئلردن خئلاص ادهرک، ائندي اونلارين يانينا گؤنده‌رئرم کي،
گؤزلرئني آچاسان و اونلار قارانليقدان ائشيغا و شيطانين حاکئمئيّتئندن تارييا طرف دؤنهلر و گوناهلارين باغيشلانماسينا و منه اولان ائمانلا تقدئس ادئلنلر آراسيندا مئراثا نايئل اولالار.»
بونا گؤره، اي پادشاه اَغرئپا، گؤيدن گلن رؤيايا ناموطئع اولماديم،
آمّا اوّلجه دمشقده اولانلارا، اورشلئمدهکئلره، سونرا بوتون يهودئيه دئياريندا ياشايانلارا، و حتّا قيرييهودئلره ده اعلان اتدئم کي، تؤوبه ادئب تارييا طرف دؤنسونلر و تؤوبهيه لايئق ائشلر گؤرسونلر.
بونلاردان اؤتري يهودئلر مني معبدده توتوب اؤلدورمه‌يه چاليشديلار.
لاکئن تاريدان گلن کؤمکله بو گونه قدر قاليب هم کئچئيه، هم ده بؤيوکه شهادت ورئرم و هچ بئر شي دمئرم مگر بو کي، پيغمبرلر و موسانين بويوردوقلاري يرئنه يتئشئر؛
بو کي، مسئحئن عذاب چکمه‌سي واجئب ائدي و اؤلولردن ائلک دئرئلن اولدوغو اوچون ائشيغي، هم يهودي خالقينا هم ده قيرييهودئلره اعلان ادهجک."
پولوس اؤز دئفاعسيندا حله بو سؤزو ديئردي کي، فِستوس اوجا سَسله ددي: "پولوس، عاغيلين باشيندان چيخيب! علمئنئن چوخلوغو سني دلئيه دؤنده‌رئر."
آمّا پولوس ددي: "عالئجناب فِستوس، عاغيليم باشيمدان چيخماييب، آنجاق حقئقت و عاغيلا سيغان سؤزلري ديئرم.
چونکي پادشاهين دا بو شيلردن خبري وار و يقئنلئکله اونا خئطاب ادئرم. آرخايينام کي، بونلارين هچ بئري اونون نظرئندن قاچماز، چونکي بو ائش خلوت بئر گوشهده باش ورمه‌يئب.
پادشاه اغرئپا، آيا سن پيغمبرلره ائنانيرسان؟ بئلئرم کي، ائنانيرسان."
اغرئپا پولوسا جاواب وردي: "آز بئر زاماندا مني مسئحي اولماغا بله قانع ادهجکسن."
پولوس دا اونا ددي: "آز يا چوخ، تاريدان ائستردئم کي، آنجاق سن يوخ، بو گون مني اشئدنلرئن هاميسي، منئم کئمي اولسايديلار، بو زنجئرلردن باشقا."
پادشاه قالخدي. والي، برنئکي و اونلارلا اوتورانلار دا قالخديلار.
و بئر يانا چکئلدئکلري زامان، بئربئرلری ائله دانيشيب ديئردئلر: "بو آدام اؤلومه، و يا حبسه لايئق بئر ائش گؤرمور."
و اَغرئپا فِستوسا ددي: "بو آدام اگر قيصرئن محکمهسئني طلب اتمه‌سيدي، آزاد اولا بئله‌ردي."
گمی ائله ائتاليايا گتمه‌يئمئز قرار ورئلدئکده، پولوس و بئر نچه اؤزگه محبوسلاري ائمپاراطور فوجونون جولئيوس آدلي بئر يوزباشيسينا تحوئل وردئلر.
آسئيا ايالتئنئن ساحئلئندهکي يرلري گزمه‌لي اولان بئر اَدِرمئت گمئسئنه مئنئب، دهنزه چيخديق. مقدونئيهدن تسالونئکلي اَرئسترخوس دا بئزئمله ائدي.
او گونون صاباحي صيدونا چاتديق. جولئيوس پولوسا ائلتئفات گؤرسه‌دئب اونا ائجازه وردي کي، دوستلارينين يانينا گتسئن و اونلار بئر آز اونا يتئشسئنلر.
اورادان يولا دوشدوک و کوله‌يئن اوزوموزه طرف اسدئيئندن قئبرئسئن پناهي آلتيندا کچدئک.
دهنزي کئلئکئيا و پامفئلئيه‌نئن ساحئلئندن کچئب لئسئيانين مئرا شهرئنه گلدئک.
اورادا يوز باشي، ائتاليايا گدن بئر ائسکندرئيه گمئسي تاپدي و بئزي اونا مئندئردي.
بئر نچه گون ياواش سورعتله گتدئک و گوجله قنئدوسون يانينا يتئشدئک. يل بئزي ياخين گتمه‌يه قويماديغيندان، سالمونا طرفئندن کرئته سوردوک.
چتئنلئکله اوندان کچئب «گؤزل بندرلر» ديئلن بئر يره چاتديق کي، لاسيا شهري بو يره ياخين ائدي.
چوخ واخت کچدئيئنه و اوروج گونو ده باشا چاتديغينا گؤره، آرتيق دهنزده سفره چيخماغين چوخ خطري وار ائدي. اودور کي، پولوس اونلارا نصئحت ورئب،
ددي: "کئشئلر، گؤرورم کي، دهنزده سفره چيخماق آنجاق يوک و گمي اوچون يوخ، بئزئم حياتيميز اوچون ده خطرليدئر و چوخ ضرر سببي اولاجاق."
آمّا يوزباشي پولوسون سؤزوندن چوخ، گمئنئن سوکانچيسينا و صاحئبئنه اعتئماد ادئردي.
قيشي کچئرتمه‌يه او بندر موناسئب اولماديغيندان، گمئدهکئلرئن اکثرئيّتي بو قرارا گلدئلر کي، اورادان چيخيب، بئر نحوله کرئتئن فئنئکس بندرئنه چاتسينلار کي، جنوب-قربه و شئمال-قربه باخير و قيشي اورادا کچئرتسئنلر.
جنوب يلي ياواشجا اَسمه‌يه باشلاديقدا، آماجلارينا نايئل اولدوقلاريني گومان ادئب، لنگري قالديرديلار و ساحئله ياخين کرئت ساحئلي بويو يولا دوشدولر.
آمّا چوخ چکمه‌دي کي، قورولوقدان اوراکلئدون آدلانان شئدّتلي بئر کولک اسدي.
گمي کوله‌يه دوشدو و کوله‌يه موقاوئمت گؤرسده بئلمه‌دئيئندن، بئز ده تسلئم اولوب سورونوردوک.
کلودا آدلي کئچئک بئر جزئره‌نئن ياخينليغيندا، گمئنئن قاييغيني گوجله ساخلايا بئلدئک.
قاييغي يوخاري چکندن سونرا، اسبابلاردان ائستئفاده ادئب، گمئنئن آلتيني باغلاديلار و سئرتئسئن داهازليغيندا قومسالا اوتورماقدان قورخوب، يِلکَني اندئردئلر و بلجه اؤزلري ده اونونلا سورونوردولر.
او گونون صاباحي حله شئدّتلي کوله‌يئن اسئري ائدئک کي، گمئنئن يوکونو دهنزه آتماغا باشلاديلار.
اوچونجو گون ده اؤز اَللری ائله گمئنئن تجهئزاتيني آتديلار.
بئر نچه گون، گونش و اولدوزلار گؤرونمه‌دي و بو بؤيوک کولک بئزي اسئر اتدئيئندن، آرتيق خئلاص اولونماغيميزا بوتون اومئدلر ياواش-ياواش کسئلدي.
چوخدان بري يمکسئز قالديقلاريندان، پولوس اورتادا دوروب ددي: "کئشئلر، سئز گرک منئم نصئحتئمي قبول ادئب، کرئتدن دهنزه چيخمايدينيز و بو ضرر و زئياني چکمه‌يدئنئز.
لاکئن ائندي سئزي تشوئق ادئرم کي، جسارتئنئزي اَلدن ورمه‌يهسئنئز. چونکي آرانيزدا هچ بئر تلفات اولماياجاق، آنجاق گمي الدن گدهجک.
چونکي اله بو گجه عاييد اولدوغوم و اونا خئدمت اتدئيئم تارينين بئر مله‌يي قاباغيمدا دوروب،
ددي: «قورخما، پولوس! سن گرک قيصرئن حوضوروندا داياناسان. باخ، تاري، سنئنله گمئده گدنلرئن هاميسيني سنه عطا ادئب.»
اونا گؤره ده، کئشئلر، جسارتئنئزي اَلدن ورمهيئن. چونکي تارييا ائنانيرام کي، دقئقن منه ديئلن کئمي اولاجاق.
لاکئن بئر جزئره‌ده قومسالا اوتورماغيميز لازيمدير."
اون دؤردونجو گون گلدئيي واخت، بئز آدِرياتئک دهنزئنده سورولونوردوک کي، گجه ياريسينا ياخين، گمئچئلر قورولوغون ياخينلاشديغيني حئسّ اتدئلر.
درئنلئيي اؤلچوب اوتوز بش متر اولدوغونو گؤردولر. بئر آز ائره‌لئده گئنه اؤلچوب ائيئرمي بش اولدوغونو گؤردولر.
قاياليقدا قومسالا اوتورماق قورخوسوندان گمئنئن آخيريندان دؤرد لنگر آتيب، سحرئن آچيلماسيني آرزولاديلار.
گمئچئلر گمئدن قاچماغا چاليشديلار و گمئنئن قاباق طرفئندن لنگرلري آتماغي بهانه ادئب، قاييغي دهنزه اندئردئلر.
پولوس يوزباشي و عسگرلره ددي: "اگر بونلار گمئده قالماسالار، سئز خئلاص اولا بئلمزسئنئز."
او واخت عسگرلر قاييغين ائپلرئني کسئب قاييغي دهنزه سالديلار.
سحر عنقرئب آچيلاجاق ائدي کي، پولوس هاميني يمک يمه‌يه تشوئق ادئب ددي: "آرتيق اون دؤرد گوندور کي، آج قارين گودوبسونوز و بئر شي يمه‌يئبسئنئز.
بونا گؤره سئزي تشوئق ادئرم کي، يمک يئيهسئنئز؛ بو، قويماز کي، قووّتئنئزي اَلدن ورهسئنئز، چونکي هچ بئرئنئزئن باشيندان بئر توک بله محو اولماياجاق."
بونو دئيندن سونرا چورک گؤتوروب، هامينين گؤزو قاباغيندا تارييا شوکور اتدي و اونو بؤلوب يمه‌يه باشلادي.
اونلارين هاميسي اورکله‌نئب، اونلار دا يمک يدئلر.
گمئده هاميميز ائکي يوز يتمئش آلتي نفر ائدئک.
اونلار يمکدن دوياندان سونرا، بوغداني دهنزه آتيب، گمئني يونگول‌لَشدئردئلر.
سحر آچيلديقدا قورولوغو تانييا بئلمه‌دئلر؛ آنجاق قوملو ساحئلي اولان بئر جزئره گؤردولر و قرار وردئلر کي، اگر مومکون اولسا، گمئني اورايا سالسينلار.
لنگرلري کسئب دهنزه بوراخديلار و همن آندا سوکانين ائپلرئني آچديلار. سونرا قاباق يلکَني يل سمتئنه قالديرديلار و ساحئل طرفئني توتوب گتدئلر.
آمّا ائکي دهنزئن بئربئرئنه بئرلَشدئيي يرده قورولوغا ديئب، قومسالا اوتوردولار. گمئنئن قاباق طرفي قوما باتيب حرکتسئز قالدي، لاکئن دال طرفي شپهلرئن گوجوندن سينماغا باشلادي.
عسگرلر قصد اتمئشدئلر کي، محبوسلارين هاميسيني اؤلدورسونلر، اِله کي، هچ بئرئسي اوزوب قاچا بئلمه‌سئن.
آمّا يوزباشي پولوسون سالامات قالماسيني ائسته‌يئردي. بونا گؤره ده اونلارين قصدئنه مانع اولدو و امر اتدي کي، اوّل اوزه بئلنلر گمئدن آتيليب قورولوغا چاتسينلار.
و قالانلاري دا بعضئلري تاختالار اوستونده، بعضئلري ده گمئنئن آيري پارچالاري اوستونده قورولوغا چيخسين. بلجه هامي سالامات قورولوغا چيخدي.
اونلار سالامات چيخاندان سونرا، اؤيره‌ندئک کي، جزئره‌نئن آدي مالتادير.
يرلي اهالي بئزه بؤيوک بئر ائلتئفات گؤرستدئلر؛ ياغيش و سويوق اولدوغوندان اود قالاييب بئزئم هاميميزي قبول اتدئلر.
پولوس بئر چوخ چيرپي ييغيب اودون اوستونه قوياندا، ائستئدن بئر افعي ائلان چيخدي و اونون اَلئنه ياپيشدي.
يرلي اهالي ائلاني اونون اَلئندن آسيلميش گؤره‌نده، بئربئرلرئنه ددئلر: "هرحالدا بو آدام قاتئلدئر؛ دهنزدن خئلاص اولدوقدا دا عدالت اونا ياشاماق مجالي ورمئر."
آمّا پولوس ائلاني سئلکلهيئب، اودا آتدي و هچ بئر زئيان گؤرمه‌دي.
اونلار گؤزلهيئردئلر کي، پولوسون بدني شئشسئن و يا قفلتن اؤلوب يره ييخيلسين. لاکئن بئر چوخ زامان گؤزله‌دئکدن سونرا اونا هچ بئر شي اولماديغيني گؤره‌نده، فئکئرلرئني ديئشدئرئب ددئلر کي، او بئر آللاهدير.
او يرئن ياخينليغيندا املاک وار ائدي کي، پوبلئيوس آدلانان جزئره‌نئن بؤيوکونه عاييد ائدي. او بئزي قوناق قبول ادئب اوچ گون بئزه نزاکتله ياخشي يتئشدي.
پوبلئيوسون آتاسي قيزديرمادان و قانلي ائسهالدان ناخوش ياتيردي. پولوس اونون يانينا گتدي و دوعا ادئب اَللرئني اونون اوستونه قويدو و اونا شفا وردي.
بو، باش ورندن سونرا جزئره‌دن اولان آيري ناخوشلار دا گلئب صاغالديلار.
بئزه چوخ حؤرمتلرله احتئرام گؤرستدئلر و دهنزه چيخديغيميز واخت، احتئياجيميز اولان لوازئماتي تداروک گؤردولر.
اوچ آيين آخيريندا قاباق سمتئنده "جوزا" علامتی اولان اولان ائسکندرئيهلي بئر گمي ائله کي، قيشي جزئره‌ده کچئرتمئشدي، دهنزه چيخديق.
سئراکئيوسدا اِنئب، اورادا اوچ گون قالديق.
اورادان دهنزه چيخيب رِگئيوما گلدئک. بئر گون سونرا جنوب يلي اسدي و ائکئنجي گونو پوتولئيا يتئشدئک.
اورادا بعضي قارداشلارا راست گلدئک و بئزدن دعوت اتدئلر کي، يدّي گون اونلارلا قالاق. و بلجه روما گلدئک.
اوراداکي قارداشلار بئزئم بارهمئزده اشئتدئکده، آپئيوس بازاري و «اوچ مهمانخانا» ديئلن يِره قدر پئشوازيميزا گلدئلر. پولوس اونلاري گؤرنده تارييا شوکور ادئب اورکلندي.
روما گئردئيئمئز واخت، پولوسا ائجازه ورئلدي کي، اونون کشئيئني چکن عسگرله تک باشينا قالسين.
اوچ گون سونرا پولوس يهودئلرئن آدلي-سانلي آداملاريني بئر يره چاغيردي و ييغيلديقلاري زامان، اونلارا ددي: "قارداشلار، من خالقيميزا و يا آتالاريميزين عادتلري ضئدّئنه بئر شي اتمه‌دئيئم حالدا، اورشلئمدن محبوس روملولار اَلئنه ورئلدئم.
اونلار دا مني ائستئنطاق ادئب آزاد اتمک ائسته‌دئلر، چونکي منده اؤلومه لايئق بئر تقصئر يوخ ائدي.
لاکئن يهودئلر بونا موخالئف چيخاندا مجبور قالديم کي، قيصرئن محکمهسئني طلب ادئم. نه کي، گويا خالقيميزدان بئر شئکايتئم وار.
اِله بو سببدن ده سئزي دعوت اتدئم کي، سئزئنله گؤروشوب صؤحبت اِدئم. چونکي من ائسرايئلئن اومئدي اوچون بو زنجئرلرله باغلانميشام."
اونلار اونا ددئلر: "بئز سنئن حاقّيندا يهودئيهدن نه مکتوبلار آلميشيق، نه ده قارداشلاردان بئري بورايا خبر گتئرئب و سنئن حاقّيندا پئس بئر شي ديئب.
لاکئن ائسته‌يئرئک کي، سنئن فئکئرلرئني اؤزوندن اشئدک. چونکي بئزه بئلدئرئلئب کي، بو فئرقهيه ضئدّ هر يرده سؤز گدئر."
پولوس اوچون بئر گون تعيئن اتدئلر و بئر چوخ آدام اونون ياشاديغي اوده اونون يانينا گلدي. او دا تارينين پادشاهليغيني جئدّي شکئلده اونلارا بيان ادئب، سحردن آخشاما قدر آچيقلادي و چاليشيردي کي، موسانين شرئعتئندن و پيغمبرلردن اونلاري عئسا حاقّيندا قانع اتسئن.
بعضئلري ديئلن سؤزلرله قانع اولدولار، لاکئن قالانلاري ائنانماديلار.
اونلار بئربئرلري ائله راضيلاشماديقدا، پولوسون بو سؤزوندن سونرا چيخيب گتدئلر. "موقدّس روح اشعيا پيغمبرئن واسئطهسئله بئزئم آتالاريميزا نه گؤزل بو سؤزو ددي:
«بو خالقين يانينا گت و ده: دائم اشئدهجکسئنئز، لاکئن آنلاماياجاقسينيز. دائم باخاجاقسينيز، لاکئن گؤرمه‌يهجکسئنئز.
چونکي بو خالقين اوره‌يي برکله‌يئب، قولاقلاري ائله ده چوخ آغير اِشئدئرلر. گؤزلرئني باغلاييبلار، مبادا کي، گؤزلري ائله گؤرسونلر، قولاقلاري ائله اشئتسئنلر، اورکلري ائله ده آنلاسينلار و دؤنسونلر و من اونلارا شفا ورئم.»
ائندي بئلئن کي، تارينين بو نئجاتي قيرييهودئلره گؤنده‌رئلئب و اونلار قولاق آساجاقلار."
پولوس بو سؤزلري دئيندن سونرا، يهودئلر آرالاريندا چوخ ديئشهرک آيريلديلار.
پولوس ائجاره اتدئيي اِوده ائکي ائل تامام قالدي و يانينا گلن هر کسي قبول ادئردي
و تارينين پادشاهليغيني وعظ ادئب، ربّ عئسا مسئح حاقّيندا بوتون جسارتله مانعسئز تعلئم ورئردي.
من پولوس، مسئح عئسانين قولو، حواري اولماغا دعوت اولونموش، تارينين ائنجئلئني يايماق اوچون سچئلمئش؛
او ائنجئل کي، تاري اؤز پيغمبرلري واسئطهسئله اوّلجهدن موقدّس يازيلاردا وعده وردي.
اؤز اوغلو حاقّيندا کي، جئسمن داوودون نسلئندن آنادان اولدو
و قودسئيّت روحونا گؤره، اؤلولردن دئرئلمهيي ائله تارينين اوغلو اولدوغو قووّتله اعلان ادئلدي، يعني ربّئمئز عئسا مسئح.
بئز اونون واسئطهسئله فيض و حوارئلئيه نايئل اولدوق کي، اونون آدي اوچون ائنسانلاري، بوتون خالقلاردان، ائماندان گلن ائطاعته گتئرک.
و سئز ده، عئسا مسئحئن طرفئندن او دعوت اولونموش ائنسانلارين آراسينداسينيز.
تارينين رومدا اولان و موقدّسلئيه دعوت اولونان بوتون سِودئکلرئنه: آتاميز تاريدان و رب عئسا مسئحدن سئزه فيض و باريش اولسون.
اوّلن، هامينيز اوچون عئسا مسئحئن واسئطهسئله تاريما شوکور ادئرم کي، ائمانينيز بوتون دونيادا اعلان اولونور.
او تاري کي، بوتون روحوملا اوغلونون ائنجئلئنه خئدمت ادئرم، شاهئدئمدئر کي، نجه دائم سئزي يادا گتئرئرم.
و دوعالاريمدا دائم يالواريرام کي، بلکه بئر دفه تارينين ائرادهسي ائله سئزئن يانينيزا گلمه‌يه يولوم دوشسون.
سئزي گؤرمه‌يي چوخ آرزولاييرام اِله کي، سئزي قووّتلندئرمک اوچون سئزه روحاني بئر عطا يتئرئم.
يعني، من آرانيزدا ائکن، هم سئز و هم من بئربئرئمئزئن ائماني ائله تشوئق اولوناق.
اي قارداشلار! بئخبر اولماغينيزي ائسته‌مئرم کي، دفهلرله يانينيزا گلمک نئيّتئنده اولدوم کي، منئم سئزئن آرانيزدا دا، اؤزگه خالقلارين آراسيندا اولدوغو کئمي بئر ثمرم اولسون. لاکئن ائندئيهجک بو ائشي اتمکدن منع اولدوم.
من، هم يونانلي‌لارا هم ده مدنئيّتسئزلره، هم حکئملره، هم ده جاهئللره بورجلويام.
بونا گؤرهدئر کي، من رومدا ياشايان سئزلره ده وار-گوجومله ائنجئلي بئلدئرمه‌يه جان آتيرام.
من ائنجئلدن اوتانميرام. چونکي او، ائمان گتئرن هر کسئن خئلاصي اوچون تارينين قووّتئدئر؛ اوّل يهودئنئن، سونرا دا قيري‌يهودئنئن.
چونکي ائنجئلده تارينين عدالتي ائماندان ائمانا کشف اولونور: نجه کي، يازيليب: "صالح آدام ائمانلا ياشاياجاق."
تارينين قضبي گؤيدن ائنسانلارين بوتون تاريسيزليق و حاقسيزليغينين ضئدّئنه آشکار اولور کي، حاقسيزليقلا حقئقته مانع اولورلار.
چونکي تاري حاقّيندا او شيلر کي، بئلمه‌يي مومکوندور، اونلارا آشکاردير، اونا گؤره کي، تاري اؤزو اونلارا آشکار ادئب.
دونيانين خئلقتئندن بري اونون گؤزه گؤرونمه‌ين خوصوصئيّتلري، يعني اَبدي قووّتي و تاريليغي اونون ياراتديقلاري ائله معلوم اولوب آچيقجا گؤرونور. بونا گؤره ده، عوذرلري يوخدور.
چونکي تاريني تانييان حالدا، نه اونا تاري کئمي عئزّت وردئلر، نه ده شوکور اتدئلر. لاکئن دوشونجهلرئنده باطئل اولدولار؛ آنلاقسيز اورکلرئني ده قارانليق بورودو.
حئکمتلي اولدوقلاريني ائدّئعا ادهرک آخماق اولدولار
و فاني اولمايان تارينين عئزّتئني، فاني اولان ائنسانا، قوشلارا، دؤردآياقلي‌لارا و سوروننلره بنزهين بوتلرله ديئشدئلر.
بو اوزدن، تاري، اونلارين اورکلرئني شهوتلري ائچئنده عئفّتسئزلئيه تسلئم اتدي کي، اؤز آرالاريندا بدنلرئني حؤرمتسئز اتسئنلر.
اونلار تارينين حقئقتئني يالانلا ديئشدئلر و خالئق عوضئنه مخلوقا پرستئش و عئبادت اتدئلر. او تاري کي، ابدهجک موبارکدئر. آمئن.
بو سببدن، تاري اونلاري رذئل هوسلرئنه تسلئم اتدي، حتّا آروادلاري طبئعي علاقهني، قيري‌طبئعي علاقه ائله ديئشدئلر.
همن جور، کئشئلر ده آروادلا اولان علاقهدن اَل چکئب، شهوتله بئربئرلرئنه قيزيشديلار؛ کئشئلر کئشئلرله روسوايليق ادئب، اؤز بدنلرئنده رذئلّئکلرئنه لايئق جزاني آلديلار.
تاريني شوعورلاريندا ساخلاماغا دَيَر ورمه‌دئکلري اوچون، تاري دا اونلاري دَيَرسئز دوشونجهلره تسلئم اتدي کي، ادبسئز رفتارلار اتسئنلر.
اونلار هر جور حاقسيزليق، جئنسي عئفّتسئزلئک، پئسلئک، طاماح، و کئنله دولدولار؛ حسد، آدام اؤلدورمک، عداوت، حئيله، و پئس نئيّتله دولوب داشديلار. قيبتچي،
بؤهتانچي، تاريدان نئفرت ادن، زور دئين، مغرور، فخر ساتان، پئس ائشلر ائختئراع ادن، آتا-آنايا ائطاعتسئز،
آنلاقسيز، ائمانسيز، شفقتسئز و رحمسئزدئرلر.
گرچي تارينين بويوردوقلاريني بئلئرلر کي، بله ائشلرله مشغول اولانلار اؤلومه لايئقدئرلر، نه فقط بله ائشلرئن اتمهسئنه داوام ورئرلر، ادنلري ده تشوئق ادئرلر.
پس سن اي اؤزگهسئني موحاکئمهيه چکن آدام، کئم اولورسان اول، سن ده عوذورسوزسن، چونکي اؤزگهسئني موحاکئمه ادن واخت، اؤزونو ده محکوم ادئرسن. اونا گؤره کي، اؤزگهسئني موحاکئمه ادهرک، اؤزون ده همن ائشلري ادئرسن.
و بئز بئلئرئک کي، تارينين موحاکئمهسي بله ائشلري ادنلرئن ضئدّئنه حقئقت اساسي اوستوندهدئر.
اي بله ائشلرله مشغول اولانلاري محکوم ادئب اؤزو ده همن ائشلره عمل ادن آدام! مگر اِله گومان ادئرسن کي، تارينين موحاکئمهسئندن قاچا بئلهجکسن؟
و يا اونون حدسئز مهرئبانليغينا، تحمّولونه، و صبئرلئيئنه حقارت گؤزو ائله باخيرسان؟ آنلاميرسان کي، تارينين مهرئبانليغي سني تؤوبهيه آپارير؟
لاکئن تارينين قضبئنئن و عادئل موحاکئمهسئنئن ظاهئر اولدوغو گونونده، قساوتلئيئنه و تؤوبه-اتمز اوره‌يئنه گؤره اؤزون اوچون قضب ييغيرسان.
او تاري کي، هرکسه اؤز عمللرئنه گؤره عوضئني ورهجک؛
داواملا ياخشيليق ادئب عئزّت، حؤرمت و قيري‌فاني شيلري آختارانلارا ابدي حيات،
آمّا اؤز منفعتلرئني گودنلره، حقئقته باش اَيمه‌يئب حاقسيزليقدان ائطاعت ادنلره، قضب و حئدّت.
پئسلئک ادن هر آداما دارليق و ذلئللئک؛ اوّلجه يهودئيه، سونرا دا قيري‌يهودئيه.
آمّا ياخشيليق ادن هر آداما عئزّت، حؤرمت و باريش؛ اوّلجه يهودئيه، سونرا دا قيري‌يهودئيه.
چونکي تاري ائنسانلار آراسيندا فرق قويماز.
شرئعتي بئلمه‌دن گوناه ادنلرئن هاميسي شرئعتسئز ده هلاک اولاجاقلار. شرئعتي بئلهرک گوناه ادنلرئن ده هاميسي شرئعتله موحاکئمه اولوناجاقلار.
چونکي تارينين نظرئنده شرئعتي اشئدنلر يوخ، اونا عمل ادنلر صالح ساييليرلار.
دوغرودان دا، شرئعته مالئک اولمايان مئلّتلر او زامان کي، شرئعتئن طلب اتدئکلرئني طبئعتن يرئنه يتئرئرلر، شرئعته مالئک اولماديقلاري حالدا، بونلار اؤزلري اؤزلرئنه شرئعتدئر.
اونلار بونونلا گؤرسه‌دئرلر کي، شرئعتئن طلب اتدئکلري اونلارين اورکلرئنده يازيليب. وئجدانلاري بونا شاهئددئر و فئکئرلري گاه اونلارا ائتّئهام وورور، گاه دا اونلاردان دئفاع ادئر.
منئم يايديغيم ائنجئله گؤره، او گون کي، تاري، عئسا مسئحئن واسئطهسئله ائنسانلارين گئزلي ائشلرئني موحاکئمه ادهجک، بله اولاجاق.
ائندي سن، اگر اؤزونو يهودي چاغيريرسان و شرئعته بل باغلاييب تارييا فخر ادئرسن؛
اگر شرئعتدن تعلئم آلديغينا گؤره، اونون ائرادهسئني بئلئب لاپ اوستون دَيَرلري آييرد ادئرسن؛
اگر آرخايينسان کي، شرئعتده علمئن و حقئقتئن اساسيني تاپديغينا گؤره، کورلارا بلدچي، قارانليقدا اولانلارا ائشيق، عاغيلسيزلارا اوستاد و کؤرپهلره موعلّئمسن،
اگر آرخايينسان کي، شرئعتده علمئن و حقئقتئن اساسيني تاپديغينا گؤره، کورلارا بلدچي، قارانليقدا اولانلارا ائشيق، عاغيلسيزلارا اوستاد و کؤرپهلره موعلّئمسن،
بس نه اوچون اؤزگهلره اؤيره‌دن حالدا، اؤزونه اؤيرتمئرسن؟ اوغورلاماماغي وعظ ادئب، اؤزون اوغورلاييرسان؟
"زئنا اتمه" ددئيئن حالدا، اؤزون زئنا ادئرسن؟ بوتلردن نئفرت اتدئيئن حالدا، معبدلري سويورسان؟
شرئعته فخر ادن حالدا، اونو پوزوب تاريني حؤرمتسئز ادئرسن؟
نجه کي، يازيليب: "سئزئن اوزونوزدن قيري‌يهودئلر آراسيندا تارينين آدينا کوفر ديئلئر."
ختنهنئن آنجاق او زامان دَيَري وار کي، سن شرئعته عمل ادهسن؛ لاکئن اگر سن شرئعتي پوزورسان، ختنه اولونماميش کئمي اولورسان.
اگر ختنه اولونمايان شرئعتئن طلب اتدئکلرئني يرئنه يتئرسه، مگر اونون ختنه اولونماديغي اونا ختنه ساييلماز؟!
او آدام کي، جئسمن ختنه اولونماييب لاکئن شرئعتي يرئنه يتئرئر، سني محکوم ادهجک؛ سن کي، موقدّس يازيلارا و ختنهيه صاحئب اولدوغون حالدا، شرئعتي پوزانسان.
چونکي ظاهئري يهودي اولان يهودي ديئل، ظاهئرده، جئسمده ختنه اولونان دا ختنهلي ديئل.
خير، ائچدن يهودي اولان يهوديدئر؛ ختنه ده اوره‌يئن ختنه اولونماسيدير کي، او دا موقدّس يازيلارلا يوخ، روحون وسئلهسئله اولور. بله آدامين تعرئفي ده ائنساندان يوخ، تاريداندير.
بو حالدا يهودي اولماغين نه افضللئيي وار، و يا ختنهنئن نه فايداسي؟
هر طرفدن باخاسان، چوخدور. هر شيدن اوّل بو کي، تارينين سؤزلري اونلارا امانت ورئلئب.
اگر اونلاردان بعضئسي ائمان گتئرمه‌دئلر، او زامان نه اولور؟ مگر اونلارين ائمانسيزليغي تارينين وفادارليغيني لغو اده بئلر؟
اصلا! بوتون ائنسانلار يالانچي اولسالار دا، تاري اؤز سؤزونه وفالي قالاجاق. نجه کي، يازيليب دا: "اله کي، سؤزلرئنده دوغرو چيخاسان، و موحاکئمه اتدئيئن زامان داعواني قازاناسان."
آمّا اگر بئزئم حاقسيزليغيميز تارينين صالح اولدوغونو داها چوخ آشکارا چيخاردير، بونا نه دئيه بئله‌رئک؟ قضبله جزالانديران تاري صالح ديئل؟ (ائنسانلارين دوشوندويو کئمي دانيشيرام).
يقئن کي، يوخ! اگر بله اولسا، او زامان تاري دونياني نجه موحاکئمه اده بئلر؟
چونکي اگر منئم يالانيم تارينين حقئقتئني و اونون جلاليني داها چوخ آشکارا چيخاردير، بس نه اوچون من حله ده بئر گوناهکار کئمي موحاکئمه گرک اولونام؟
و نه اوچون بعضئلرئنئن بئزه ائفتئرا آتديغي کئمي اتمه‌يک؟ نجه کي، ائدّئعا ادئرلر کي، بئز بله اؤيره‌دئرئک: گلئن پئسلئک ادک کي، ياخشيليق گلسئن. بله آداملارين محکوم اولماسي داها دا عدالتدئر.
بس نه دئيک؟ آيا هچ افضللئيئمئز وار؟ اصلا. چونکي آرتيق ثابئت اتدئک کي، هم يهودئلر، هم ده قيري‌يهودئلر هاميسي گوناه آلتينداديرلار.
نجه کي، يازيليب دا: "صالح اولان هچ کس يوخ، بئر نفر بله؛
آنلايان بئري يوخ، تاريني آختاران بئري يوخ.
هاميسي آزيبلار، بئرلئکده فايداسيز اولوبلار. ياخشيليق ادن هچ کس يوخ، بئر نفر بله.
بوغازلاري آچيق قبئردئر؛ دئللري حئيله ائشله‌دئر، دوداقلاريندا افعي زهري وار.
آغيزلاري لعنت و آجي سؤزلرله دولودور.
آياقلاري قان تؤکمک اوچون تله‌سئر.
يوللاريندا وئرانليق و فلاکت وار
و باريش يولونو تانيماييبلار.
گؤزلري قاباغيندا تارينين قورخوسو يوخدور."
بئز بئلئرئک کي، شرئعتده ديئلن هر شي، شرئعتئن حاکئمئيّتي آلتيندا اولانلارا ديئلئر کي، هر آغيز باغلانسين و بوتون دونيا تارييا حساب ورمه‌لي اولسون.
بلجه شرئعتئن طلب اتدئکلرئني يرئنه يتئرمکله هچ بئر ائنسان تارينين نظرئنده تبرعه اولا بئلمز؛ چونکي گوناهين نه اولدوغو شرئعتئن سايهسئنده درک اولونور.
آمّا ائندي تارينين صالحلئيي ظاهئر اولوب کي، شرئعته باغلي ديئل. و بونا هم شرئعت، هم ده پيغمبرلر شهادت ورئرلر.
تاريدان گلن بو صالحلئک عئسا مسئحه اولان ائمان واسئطهسئله بوتون اونا ائمان گتئرنلره ورئلئر. ائنسانلار آراسيندا هچ فرق يوخدور.
چونکي هامي گوناه ادئب و تارينين عئزّتئندن محروم قاليب.
و اونون فيضئله مسئح عئسانين طرفئندن گلن نئجات واسئطهسئله بو صالحلئيي بئر هدئيّه کئمي آليرلار.
تاري اونون قانيندا اولان ائمان واسئطهسئله اونو قاباقجادان کفّاره قورباني تعيئن اتدي. بونو اونون اوچون اتدي کي، صالحلئيئني گؤرسَدسئن. چونکي تاري اؤز صبرئنده قاباقجا انجام تاپان گوناهلاري جزاسيز بوراخميشدي.
بونو اونون اوچون اتدي کي، ائندئکي زاماندا صالحلئيئني ظاهئر اتسئن، اله کي، اؤزو صالح قالسين و عئسايا ائمان گتئره‌ني تبرعه اتسئن.
بلجه نه ائله فخر اده بئله‌رئک؟ هچ بئر شيله. هانسي اوصولا گؤره؟ شرئعتي يرئنه يتئرمک اوصولا؟ خير! آنجاق ائمان اوصولونا گؤره.
چونکي ائنانديغيميز بودور کي، ائنسان شرئعتي يرئنه يتئرمکله يوخ، ائمان واسئطهسئله تبرعه اولونور.
مگر تاري آنجاق يهودئلرئن تاريسيدير؟ مگر قيرييهودئلرئن ده تاريسي ديئل؟ البتّه، قيرييهودئلرئن ده تاريسيدير.
چونکي آنجاق بئر تاري وار و او هم ختنه اولونانلاري، هم ده ختنه اولونمايانلاري ائمان واسئطهسئله صالح ساياجاق.
بلجه آيا بئز ائمانلا شرئعتي لغو ادئرئک؟ اصلا! عکسئنه، اونو مؤحکمله‌دئرئک.
بس جئسماني آتاميز ائبراهئم حاقيندا نه دئيک؟ او، نه تاپدي؟
اگر ائبراهئم اؤز عمللری ائله صالح ساييلسايدي، فخر اتمه‌يه بئر شيي وار؛ لاکئن تارينين حوضوروندا يوخ.
موقدّس يازي نه ديئر؟ "ائبراهئم تارييا ائمان گتئردي، بو دا اونون حاقّيندا صالحلئک ساييلدي."
ائشله‌ين بئر آدامين اوجرتي اونا هدئيه ساييلماز، بو اونون حاقّي‌دير.
لاکئن ائشله‌مه‌ين بئر آدام کي، پئس آداملاري تبرعه اده‌نه ائمان گتئرئر، ائماني اونا صالحلئک ساييلير.
نجه کي، داوود دا او آدامين بختورلئيئندن دانيشير کي، تاري اونون عملئنه باخماياراق، اونو صالح سايير.
"خوش او آداملارين حالينا کي، عوصيانلاري باغيشلانير، گوناهلاري عفو اولونور.
خوش او آدامين حالينا کي، رب اونون گوناهيني حسابا گتئرمز."
آيا بو بختورلئک آنجاق ختنه اولونانلارادير، يوخسا ختنه اولونمايانلارا دا عاييددئر؟ چونکي ديئرئک کي، ائبراهئمئن ائماني اونا صالحلئک ساييلدي.
نه شرايئطده ساييلدي؟ ختنه اولاندان سونرا ائدي، يوخسا قاباق؟ ختنه اولاندان سونرا يوخ، قاباق ائدي.
و ختنهنئن علامتئني آلدي، ائماندان گلن صالحلئيئن موهورونو کي، ختنه اولونماميشدان دا وار ائدي، اِله کي، او، بوتون او آداملارين دا آتاسي اولسون کي، ختنه اولونماديقلاري حالدا ائمان گتئرئرلر کي، اونلار دا صالح ساييلسينلار.
بلجه آتاميز ائبراهئم ختنه اهلئنه ده آتا اولدو کي، آنجاق ختنه اولدوقلارينا قالماييب، او ائمانين ائزلرئنده يرئيئرلر کي، اونون ختنه اولونماسيندان قاباق دا وار ائدي.
شرئعتئن واسئطهسئله ديئلدي کي، ائبراهئم و اونون نسلئنه دونياني مئراث آلاجاقلاري وعده ورئلدي. بو اونون اوچون ائدي کي، ائمان واسئطهسئله صالح ساييلديلار.
چونکي اگر شرئعتله ياشايانلار وارئث اولسالار، ائمان بوش اولار، وعده ده باطئل!
چونکي شرئعت تارينين قضبئني حاصئل گتئرر. شرئعت اولمايان يرده ده اونو آياق آلتينا قويان اولماز.
بونا گؤره ده، وعده ائمان واسئطهسئله گلئر اله کي، اونون فيضئنه باغلي اولسون و ائبراهئمئن بوتون نسلئني بوروسون؛ آنجاق شرئعته باغلي اولانلاري يوخ، ائبراهئمئن ائمانينا مالئک اولانلاري دا کي، هاميميزين آتاسيدير.
نجه کي، يازيليب؛ "سني بئر چوخ خالقلارين آتاسي اتدئم." ائنانديغي تارينين نظرئنده، او تاري کي، اؤلولره حيات ورئر و اولمايان شيلري وارليغا چاغيرير.
اومئد اصلا يوخ ائکن، ائبراهئم اومئدله ائمان گتئردي و بلجه بئر چوخ خالقلارين آتاسي اولدو. نجه کي، اونا ديئلمئشدي ده کي، "سنئن نسلئن بله اولاجاق."
ائمانيندا ضعئفله‌مه‌دي و اؤزونون تخمئنن يوز ياشلي بدنئنئن اؤلموش کئمي اولدوغونا اهمئيّت ورمه‌دي، سارانين دا بطنئنئن قيصيرليغينا اهمئيّت ورمه‌دي.
و تارينين وعدهسئنه ائمانسيزليقلا شک اتمهدي، لاکئن ائمانيندا مؤحکم اولوب تاريني عئزّتلندئردي.
و کامئل آرخايين ائدي کي، تاري، وردئيي وعدهني يرئنه يتئرميه ده قادئردئر.
بونا گؤره ده، ائماني اونا صالحلئک ساييلدي.
"صالحلئک ساييلدي" سؤزلري آنجاق اونون اوچون يازيلمادي،
بئزئم اوچون ده يازيلدي کي، تاري بئزه صالحلئک ساياجاق؛ بئزه ده کي، ربّئمئز عئساني اؤلولردن دئرئلده‌نه ائمان گتئرمئشئک؛
کي، بئزئم گوناهلاريميزدان اؤتري اؤلومه تسلئم اولوندو و بئزئم صالح ساييلماغيميز اوچون دئرئلدئلدي.
بلجه ائمان واسئطهسئله صالح ساييلديغيميز اوچون، ربّئمئز عئسا مسئح واسئطهسئله تاري ائله باريشيميز وار.
اله اونون واسئطهسئله ده ائچئنده دوردوغوموز بو فيضي ائمانلا اَله گتئردئک و تارينين عئزّتئنئن اومئدئنه فخر ادئرئک.
و آنجاق بو قدر يوخ، موصئبتلرده ده فخر ادئرئک، چونکي بئلئرئک کي، موصئبت تحمّول يارادار،
تحمّول شخصئيّت، شخصئيّت ده اومئد
و اومئد اوتانديرماز؛ چونکي تارينين محبّتي بئزه ورئلن موقدّس روحون واسئطهسئله اورکلرئمئزه تؤکولوب.
چونکي بئز حله ضعئف ائکن، مسئح موعيّن زاماندا گوناهکارلار يولوندا اؤلدو.
صالح بئر آدامين عوضئنده کئمسهنئن اؤلمه‌سي چتئن باش وِرَر؛ ياخشي بئر آدامين عوضئنده بلکه ده بئري اؤلمه‌يه جسارت اتسئن.
لاکئن تاري بئزه اولان محبّتئني بونونلا ائثبات ادئر کي، بئز حله گوناهکار ائکن، مسئح بئزئم عوضئمئزده اؤلدو.
ائندي کي، اونون قاني ائله صالح ساييلميشيق، بس نه قدر آرتيق اونون واسئطهسئله ده تارينين قضبئندن خئلاص اولاجاغيق.
چونکي اگر بئز تارينين دوشمني اولان حالدا، اونون اوغلونون اؤلمه‌‌سئله تاري ائله باريشديق. بس نه قدر داها چوخ، باريشميش اولان حالدا اونون حياتي ائله خئلاص اولاجاغيق.
آنجاق بو قدر ده يوخ، حتّا تاريدا دا ربّئمئز عئسا مسئحئن واسئطهسئله فخر ادئرئک کي، ائندي اونون واسئطهسئله باريشيغا نايئل اولموشوق.
بونا گؤره، نجه کي، گوناه تک بئر آدامين واسئطهسئله و اؤلوم ده گوناهين واسئطهسئله دونيايا گئردي، الجه ده اؤلوم بوتون ائنسانلارا گلدي، چونکي هامي گوناه ادئب.
شرئعتدن قاباق دا دونيادا گوناه وار ائدي، لاکئن شرئعت اولمايان يرده گوناه حسابا ساييلماز.
آمّا آدمدن موسايا قدر اؤلوم هامييا حؤکمرانليق اتدي، حتّا اونلارا دا کي، آدمئن گوناهينا بنزر بئر گوناه اتمه‌دئلر. آدم او گلهجک آدامين صورتي ائدي.
آمّا تارينين عوضسئز هدئيه‌سي تقصئر کئمي ديئل. چونکي اگر بئر نفرئن تقصئري اوزوندن چوخ آدام اؤلدولر، تارينين فيضي و تک بئر آدامين، يعني عئسا مسئحئن فيضي ائله ورئلن هدئيه، بئر چوخلارينين اوستونه چوخالير.
و تارينين هدئيه‌سي او تک بئر نفرئن گوناهينين نتئجهسي کئمي ديئل: بئر گوناهدان سونرا گلن حؤکم محکومئيّت گتئردي، لاکئن چوخ تقصئرلردن سونرا گلن هدئيه، صالحلئک گتئردي.
چونکي اگر اؤلوم بئر تک آدامين تقصئري اوزوندن، او تک آدامين واسئطهسئله حؤکمرانليق اتدي، بس نه قدر چوخ او آداملار کي، تارينين بول فيضئني و صالحلئک هدئيّه‌سئني قبول ادئرلر، او تک بئر آدام، يعني عئسا مسئحئن واسئطهسئله حياتدا حؤکمرانليق ادهجکلر.
دمه‌لي، بئر گوناه اوزوندن نجه بوتون ائنسانلارا محکومئيّت گلدي، الجه ده، بئر صالح عمل اوزوندن بوتون ائنسانلارا حيات صالحلئيي گلدي.
چونکي نجه بئر نفرئن ائطاعتسئزلئيي بئر چوخلاريني گوناهکار اتدي، اِله‌جه ده، تک بئر نفرئن ائطاعتي سايهسئنده بئر چوخلاري صالح ساييلاجاقلار.
شرئعت آرايا گئردي کي، گوناه چوخالسين. لاکئن گوناه چوخالان يرده تارينين فيضي داها دا چوخالدي.
اله کي، گوناه اؤلومله حؤکمرانليق اتدئيي کئمي، فيض ده ربّئمئز عئسا مسئحئن واسئطهسئله، صالحلئيئن واسئطهسئله ابدي حيات ورمک اوچون حؤکمرانليق اتسئن.
بس نه دئيک؟ گوناه اتمه‌يه داوام ورک کي، تارينين فيضي چوخالسين؟
اصلا! بئز کي، گوناها اؤلدوک، آرتيق اوندا نجه ياشايا بئله‌رئک؟
مگر بئلمئرسئنئز کي، بئزئم هاميميز کي، مسئح عئسادا تعمئد اولونموشوق، اونون اؤلومونه تعمئد اولونموشوق؟
بونا گؤره ده، اونون اؤلومونه تعمئد اولونماقلا بئز ده اونونلا برابر دفن اولونموشوق؛ اله کي، نجه مسئح آتا عئزّتئنئن واسئطهسئله اؤلولردن دئرئلدي، بئز ده همن جور حياتين تزهلئيئنده ياشاياق.
اگر اونون اؤلومونه بنزر بئر اؤلومده اونونلا بئر اولموشوق، اونون دئرئلمه‌سئنه بنزر بئر دئرئلمه‌ده ده اونونلا بئر اولاجاغيق.
و بونو بئلئرئک کي، کؤهنه منلئيئمئز اونونلا چارميخا چکئلدي، اله کي، گوناهين بدني قووّتدن دوشسون و آرتيق گوناها قول اولماياق.
چونکي اؤلموش آدام گوناهدان آزاد اولوب.
اگر مسئحله اؤلموشوک، اونونلا ياشاياجاغيميزا دا ائنانيريق.
و بئلئرئک ده کي، مسئح اؤلولردن دئرئلمئش اولدوغونا گؤره، بئر داها اؤلمه‌يهجک. اؤلوم ده اونون اوستونه آرتيق حؤکمرانليق اتمهيهجک.
او کي، اؤلدو، بئر دفهلئک گوناها اؤلدو؛ لاکئن ياشاديغي حياتي تارييا ياشايير.
بلجه، سئز ده اؤزونوزو گوناها اؤلو، آمّا مسئح عئسادا تارييا دئري سايين.
و قويمايين کي، گوناه سئزئن فاني بدنئنئزه حؤکمرانليق اتسئن، اله کي، اونون هاوا-هوسلرئندن ائطاعت ادهسئنئز.
بدنئنئزئن عوضولرئني ده پئسلئک آلتلري اولماق اوچون گوناها تسلئم اتمهيئن. لاکئن اؤزونوزو اؤلولردن دئرئلنلر کئمي تارييا، و بدنئنئزئن عوضولرئني ده صالحلئک آلتلري اولماق اوچون تارييا تسلئم ادئن.
گوناه سئزه حؤکمرانليق اتميهجک؛ چونکي سئز شرئعت آلتيندا يوخ، فيض آلتينداسينيز.
ائندي نه؟ شرئعتئن حاکئمئيّتي آلتيندا يوخ، فيض آلتيندا اولدوغوموز اوچون گوناه ادک؟ اصلا!
مگر بئلمئرسئنئز کي، ائطاعت ادن قوللار کئمي اؤزونوزو کئمه تسلئم ادهسئنئز، اونون قوللاريسينيز؛ ائستر اؤلوم گتئرن گوناها اولسون، ائستر صالحلئک گتئرن ائطاعته؟
آمّا تارييا شوکور اولسون کي، قاباقجا گوناهين قوللاري اولدوغونوز حالدا، او تعلئمدن اورکدن ائطاعت اتدئنئز کي، اؤزونوزو اونا تسلئم اتدئنئز.
و گوناهدان آزاد اولوب، صالحلئيئن قولو اولوبسونوز.
جئسماني طبئعتئنئزئن ضعئفلئيي اوزوندن ائنسانلارين دوشوندويو کئمي صؤحبت ادئرم. نجه کي، عوضولرئنئزي قاباقجا پئسلئک و شرئعتسئزلئيه قول کئمي تسلئم اتمئشدئنئز و نتئجهسي ده بو ائدي کي، شرئعتي داها چوخ آياق آلتينا قوياسينيز. اِله‌جه ده ائندي عوضولرئنئزي صالحلئيه قول کئمي تسلئم ادئن کي، نتئجهسي ده سئزئن موقدّس اولماغينيزدير.
چونکي سئز گوناهين قوللاري اولدوغونوز زامان، صالحلئکدن آزاد ائدئنئز.
بس او زادلاردان کي، ائندي اونلاردان اؤتري اوتانيرسينيز، او زامان نه ثمرئنئز وار ائدي؟ چونکي اونلارين آخيري اؤلومدور.
آمّا ائندي گوناهدان آزاد ادئلئب، تارييا قول اولدوغونوز اوچون آلديغينيز ثمره موقدّسلئکدئر، آخيرينيز دا ابدي حيات.
چونکي گوناهين عوضوو اؤلومدور، لاکئن تارينين هدئيّه‌سي ربّئمئز مسئح عئسادا ابدي حياتدير.
اي قارداشلار، مگر بئلمئرسئنئز کي، (بونو شرئعتي بئلَنلره ديئرم) شرئعت آنجاق آدام دئري ائکن اونون اوستونده حاکئمئيّتي وار؟
مثلن، اَرلي آرواد قانونلا اَرئنه او زاماناجاق باغلي‌دير کي، او، دئري‌دئر؛ آمّا اَري اؤلدويو زامان، آرواد نئکاه قانونوندان آزاددير.
بونا گؤره، اگر آرواد، اَري دئريائکن، اؤزگه بئر آداما اَره گتسه، زئناکار چاغيريلار. لاکئن اگر اَري اؤلسه، آرواد قانوندان آزاد اولور و اؤزگه بئر آداما اَره گتدئيي واخت زئناکار اولمور.
اِله‌جه ده سئز، قارداشلاريم، مسئحئن بدنئنئن واسئطهسئله شرئعته اؤلوبسونوز کي، بئر اؤزگهسئنئنکي اولاسينيز، يعني اؤلولردن دئرئلمئش اولان مسئحئنکي اولاسينيز، اِله کي، تاري اوچون ثمره گتئرهسئنئز.
چونکي بئز جئسمده ياشايار ائکن، گوناهلي هاوا-هوسلر کي، شرئعتئن واسئطهسئله بلّي اولموشدو، عوضولرئمئزده فعّال ائدي کي، اؤلوم اوچون ثمره گتئرک.
امّا ائندي، اوّلجه اسئري اولدوغوموز شرئعته اؤلوب، اوندان آزاد اولدوق کي، حرفئن کؤهنهلئيئنده يوخ، روحون تزهلئيئنده قوللوق ادک.
بس نه دئيک؟ مگر شرئعت گوناهدير؟ اصلا! شرئعت اولماسايدي، گوناهين نه اولدوغونو بئلمزدئم. چونکي اگر شرئعت "طاماح اِتمه" دمه‌سَيدي، طاماحين نه اولدوغونو آنلامازديم.
لاکئن گوناه فورصت تاپيب، بو امرئن واسئطهسئله منده جوربهجور طاماحي حاصئل گتئردي؛ چونکي شرئعت اولماسا، گوناه اؤلودور.
بئر زامان شرئعت يوخ ائکن، من دئري ائدئم، لاکئن او امر گلن واخت، گوناه دئرئلدي و من اؤلدوم.
بلجه بو امر کي، منه حيات گتئرمک اوچون ائدي، منه اؤلوم گتئردي.
چونکي گوناه او امرئن واسئطهسئله فورصت تاپيب مني آلداتدي و اونونلا مني اؤلدوردو.
پس شرئعت موقدّسدئر، امر موقدّس، صالح و ياخشيدير.
بلجه، مگر ياخشي اولان شي منه اؤلوم گتئردي؟ اصلا! گوناه منه ياخشي شيئن واسئطهسئله اؤلوم گتئردي کي، امرئن سببئنه گؤره گوناهين نهايت درجه گوناهلي اولدوغو تانينسين.
بئز بئلئرئک کي، شرئعت روحاني‌دئر؛ آمّا من جئسماني‌يَم، نؤکر کئمي ده گوناها ساتيلميشام.
چونکي نه اتدئيئمي آنلاميرام؛ ائسته‌دئيئم شيي اتمئرم، لاکئن نئفرت اتدئيئم ائشي گؤرورم.
اگر ائستمه‌دئيئم ائشي گؤرورم، اوندا تصدئق ادئرم کي، شرئعت ياخشيدير.
بونا گؤره ده، اونا عمل ادن آرتيق من ديئلم، منده اولان گوناهدير.
بئلئرم کي، منده، يعني جئسمئمده ياخشي بئر شي ياشامير. چونکي ياخشي شي اتمهيئن ائسته‌يي منده وار، لاکئن اونو اتمه‌يه قادئر ديئلم.
چونکي ائسته‌دئيئم ياخشي شيي اتمئرم، لاکئن ائستمه‌دئيئم پئس ائشي گؤرورم.
آمّا اگر ائستمه‌دئيئم شيي ادئرم، اونو ادن آرتيق من يوخ، منده اولان گوناهدير.
بلجه، بو اصلي تاپيرام: ياخشيليق اتمک ائسته‌ين حالدا، منده پئسلئک حاضيردير.
چونکي ائچئمدهکي وارليغيم تارينين شرئعتئندن کف ادئر،
آمّا عوضولرئمده آيري بئر شرئعت ده گؤرورم کي، عاغليمين تصدئق اتدئيي شرئعتله موبارئزه ادئر و عوضولرئمده اولان گوناهين شرئعتئنه مني اسئر ادئر.
نه يازيق بئر آدامام من! اؤلومون بو بدنئندن مني کئم خئلاص ادهجک؟
ربّئمئز عئسا مسئحئن واسئطهسئله تارييا شوکور ادئرم! بلجه، من اؤز عاغليملا تارينين شرئعتئنه، لاکئن جئسماني طبئعتئمله گوناهين شرئعتئنه قوللوق ادئرم.
بونا گؤره، ائندي مسئح عئسادا اولانلارا هچ بئر محکومئيّت يوخدور.
چونکي مسئح عئسادا اولان حيات روحونون شرئعتي، مني گوناه و اؤلومون شرئعتئندن آزاد اتدي.
چونکي تاري بئزه او شيي اتدي کي، جئسم اوزوندن ضعئف اولان شرئعت اونو اِده بئلمئردي: اؤز اوغلونو گوناهلي جئسمئن بنزهيئشئنده گوناه اوچون قوربان گؤنده‌رئب، جئسمده اولان گوناهي محکوم اتدي کي،
شرئعتئن طلب اتدئکلري بئزده يرئنه يتئشسئن؛ بئز کي، جئسمه گؤره يوخ، روحا گؤره ياشاييريق.
چونکي جئسمئن دالينجا اولانلار فئکئرلرئني جئسماني شيلرئن اوستونه قويوبلار، لاکئن روحون دالينجا اولانلار فئکئرلرئني روحاني شيلرئن اوستونه قويوبلار.
جئسمئن اوستونه قويولان فئکئر اؤلومدور، لاکئن روحون اوستونه قويولان فئکئر حيات و باريشدير.
بو سببدن کي، جئسمئن اوستونه قويولان فئکئر تارييا دوشمنچئلئک ادئر؛ چونکي تارينين شرئعتئنه تابع ديئل و اولا دا بئلمز.
جئسمه گؤره ده ياشايانلار تاريني راضي اده بئلمزلر.
لاکئن اگر تارينين روحو سئزدهدئر، سئز جئسمده يوخ، روحداسينيز. آمّا کئمده مسئحئن روحو يوخدور، او آدام مسئحه عاييد ديئل.
آمّا اگر مسئح سئزدهدئر، بدنئنئز گوناه اوزوندن اؤلودور، آمّا روحونوز صالحلئک اوزوندن دئري.
اگر عئساني اؤلولردن دئرئلدهنئن روحو سئزده ياشايير، او زامان مسئحي اؤلولردن دئرئلدن، سئزئن ده فاني بدنلرئنئزه، سئزده ياشايان اؤز روحو ائله حيات ورهجک.
بلجه اي قارداشلار، بئز جئسمئمئزه بورجلو ديئلئک کي، جئسمئمئزه گؤره ياشاياق.
چونکي اگر جئسمه گؤره ياشاياسينيز، اؤلرسئنئز، لاکئن اگر جئسمئن عمللرئني روحون واسئطهسئله اؤلدورهسئنئز، ياشايارسينيز.
چونکي تارينين روحو ائله هئدايت اولونانلارين هاميسي تارينين اوغوللاري‌ديرلار.
دوغرودان دا، قوللوق روحونو آلماييبسينيز کي، گئنه قورخو ائچئنده ياشاياسينيز، اوغوللوق روحونو آليبسينيز کي، اونون واسئطهسئله "آبّا، آتا" چاغيريريق.
اله همن روح بئزئم روحوموزلا شهادت ورئر کي، بئز تارينين اؤولادلارييق.
ائندي اگر اونون اؤولادلارييق، دمه‌لي اونون وارئثلرئيئک ده-تارينين وارئثلري و مسئحئن مئراث شرئکي-اگر حقئقتن اونون چکدئيي عذابلاريندا بئز ده شرئک اولوروق کي، بلجه اونون عئزّتئنده ده شرئک اولاق.
بله دوشونورم کي، چکدئيئمئز ائندئکي عذابلار، بئزه ظاهئر اولاجاق عئزّتله هچ موقايئسهيه گلمز.
چونکي خئلقت تارينين اوغوللارينين ظوهورونو بؤيوک بئر حسرتله گؤزلهيئر.
چونکي خئلقت اؤز ائراده‌سئله يوخ، اونو تابع اِتدئرهنئن ائراده‌سئله چورومه‌يه تابع اولوب،
بو اومئدله کي، خئلقت اؤزو ده چورومهيئن اسارتئندن آزاد اولاجاق و تارينين اؤولادلارينين شؤوکتلي آزادليغينا گتئرئلهجک.
چونکي بئلئرئک کي، بوتون خئلقت ائندئيه کئمي بئرلئکده ناله ادئب، دوغوم آغريسي چکئر.
و آنجاق بو يوخ، بئز ده کي، روحون نوباريني آلميشيق، بئز اؤزوموز ده اؤز ائچئمئزده ناله ادئب، اوغوللوغا آلينماغي يعني بدنئمئزئن خئلاصيني گؤزلهيئرئک.
چونکي بئز اومئدله نئجات تاپديق. لاکئن گؤزه گؤرولن اومئد، اومئد ديئل. چونکي گؤردويو شيه نه اوچون اومئد باغلاسين؟
لاکئن اگر گؤرمه‌دئيئمئز شيه اومئد باغلاياق، اونو صبرله گؤزله‌يه‌رئک.
و بلجه ده روح بئزه ضعئفلئيئمئزده کؤمک اِدَر. چونکي بئز لازيم اولدوغو کئمي دوعا اتمه‌يي باجارميريق. لاکئن روح اؤزو سؤزله، آنلاتيلماز نالهلرله بئزئم اوچون شفاعت ادئر.
و اورکلري تفتئش ادن، روحون نه دوشوندويونو بئلئر، چونکي روح تارينين ائرادهسئنه گؤره موقدّسلر اوچون شفاعت ادئر.
و بئلئرئک کي، تاري بوتون شيلري، اونو سِوَنلر اوچون و اونون هدفئنه گؤره دعوت اولونانلار اوچون اونلارين خيئرئنه بئرلئکده ائشله‌دئر.
چونکي او، کئملري اوّلجهدن تانيميشدي، قاباقجادان موعيّن اتمئشدي ده کي، اوغلونون بنزهيئشئنه دؤنسونلر. اِله کي، او، چوخلو قارداشلار آراسيندا، ائلک دوغولان اولسون.
تاري کئملري قاباقجادان موعيّن اتمئشدي، اونلاري دا دعوت اتدي؛ دعوت اتدئيي آداملاري صالح سايدي؛ صالح سايديغي آداملاري دا عئزّتلندئردي.
اگر بلهدئر، بو شيلره نه دئيک؟ اگر تاري بئزئمله‌دئر، کئم بئزه ضئدّ دورار؟
او کي، اؤز اوغلونو قيماييب، اونو بئزئم هاميميز اوچون تسلئم اتدي، نجه اونونلا برابر بوتون شيلري بئزه احسان اتميهجک؟
تارينين سچدئکلرئنه کئم ائتّئهام ووراجاق؟ اونلاري صالح سايان تاريدير!
محکوم ادن کئمدئر؟ اؤلموش، اوستهلئک دئرئلمئش اولان مسئح عئسا. او کي، هم تارينين صاغيندادير، هم ده بئزئم اوچون شفاعت ادئر.
مسئحئن محبّتئندن بئزي کئم آييرا بئلر؟ موصئبت؟ دارليق؟ عذاب؟ آجليق؟ چيلپاقليق؟ خطر؟ قيلينج؟
نجه کي، يازيليب دا: «سنئن خاطئرئن اوچون بوتون گون اؤلوم اَلئنه ورئلئرئک، قصّابليق قويونلاري کئمي ساييليرديق.»
يوخ، بوتون بونلاردا بئزي سوهنئن واسئطهسئله قالئب گلنلردن اوستونوک.
چونکي يقئن بئلئرم کي، نه اؤلوم، نه حيات، نه ملکلر، نه رياستلر، نه ائندئکي، نه گلهجک شيلر، نه قووّتلر،
نه اوجاليق، نه درئنلئک، نه ده اؤزگه بئر مخلوق قادئر اولاجاق کي، بئزي ربّئمئز مسئح عئسادا اولان تارينين محبّتئندن آييرسين.
مسئحده حقئقتي ديئرم، يالان دانيشميرام؛ وئجدانيم دا موقدّس روحدا ددئکلرئمي تصدئق ادئر.
اوره‌يئمده بؤيوک بئر قم، دائمي بئر ائضطئراب وار.
چونکي ائسته‌يه بئله‌ردئم کي، قارداشلاريمين خاطئري اوچون، جئسمن هموطنلرئمئن خاطئري اوچون، من اؤزوم مسئحدن اوزاقلاشيب لعنت اولونوم.
اونلار ائسرايئللي‌دئرلر کي، اوغوللوق و عئزّت، عهدلر، شرئعتئن ورئلمه‌سي، معبدئن خئدمتي و وعدهلر اونلاريندير.
بؤيوک آتالار دا اونلاريندير، مسئح ده جئسمن اونلارداندير؛ او کي، هر شيئن اوستونه ابده کئمي موبارک تاريدير. آمئن.
لاکئن بله ديئل کي، تارينين کلامي بوشا چيخيب. چونکي ائسرايئلدن اولانلارين هاميسي ائسرايئل ديئل.
ائبراهئم نسلئندن اولانلارين هاميسي دا ائبراهئمئن اؤولادلاري ديئل: آمّا "سنئن نسلئن ائسحاقدان آدلانديريلاجاق."
بو او دمکدئر کي، تارينين اؤولادلاري جئسماني اؤولادلار يوخ، وعدهنئن اؤولادلاريديرلار کي، ائبراهئمئن نسئلي ساييليرلار.
چونکي وعده بله ورئلدي: "بو واخت گلهجه‌يم و سارانين اوغلو اولاجاق."
و آنجاق بو يوخ، رئبقا دا بئر کئشئدن، يعني آتاميز ائسحاقدان بويلو اولدو.
و ائکي اوغول حله آنادان اولماميش و ياخشيليق يا دا پئسلئک اتمهمئش ائکن-اونا گؤره کي، تارينين سچمه بارهده اولان مقصدي عمللردن يوخ، اونون دعوتئندن اولسون-
رئبقايا ديئلدي: "بؤيوکو کئچئيئنه قوللوق ادهجک."
نجه کي، حتّا يازيليب دا: "يعقوبو سودئم، لاکئن عئسودان نئفرت اتدئم."
ائندي نه دئيک؟ مگر تارينين يانيندا حاقسيزليق وار؟ اصلا!
چونکي او، موسايا ديئر: "کئمه رحمئم گلسه، رحم ادهجهيم، کئمه اوره‌يئم يانسا، شفقت گؤرسدهجهيم."
بلجه ائندي ائنسانين ائستهيئنه و يا اونون سعي اتمه‌يئنه ديئل، آنجاق مرحمت ادن تارييا باغلي‌دير.
چونکي موقدّس يازيدا فئرعونا ديئر: "سني بونا گؤره اوجالتديم کي، قووّتئمي سنده گؤرسه‌دئم، و آديم بوتون ير اوزونده اعلان ادئلسئن."
دمه‌لي، تاري کئمه ائستهيئر، مرحمت اِدئر و کئمه ائستهيئر، اوره‌يئني برک اتمه‌يه ائجازه ورئر.
ائندي سن منه دئيه بئلرسن: "بس تاري داها نه اوچون بئزي تقصئرکار تاپير؟ مگر اونون ائرادهسئنئن ضئدّئنه کئم دورور؟"
لاکئن سن اي ائنسان، کئمسن کي، تارييا بله جاواب قايتاريرسان؟ مگر شکئل ورئلن بئري، اونا شکئل وره‌نه دئيه بئلر کي، "مني نه اوچون بو جور ياراتدين؟"
مگر کوزهگرئن پالچيق اوستونه ائختئياري يوخدور کي، همن پالچيق ييغينيندان بئر قابي حؤرمته و بئر قابي دا حؤرمتسئزلئيه قاييرسين؟
اگر تاري قضبئني گؤرسدمک و قووّتئني بئلدئرمک ائسته‌ين حالدا، قضبئنه هدف اولان هلاک اوچون حاضيرلانميش قابلارا، بؤيوک صبرله تحمّول اده، بونا نه دئيک؟
او بونو اونون اوچون اتدي کي، جلالينين بوللوغونو مرحمت تاپان قابلارا بئلدئرسئن، او قابلارا کي، اوّلجهدن عئزّت اوچون حاضيرلاميشدي.
حتّا بئزلري ده کي، آنجاق يهودئلر آراسيندان يوخ، قيري‌يهودئلر آراسيندان چاغيردي.
نجه کي، هوشعئن کئتابيندا ديئر: "خالقيم اولمايانا خالقيم، سوگئلئم اولمايانا سوگئلئم دئيهجه‌يم."
و "واقع اولاجاق کي، «خالقيم ديئلسئنئز» ديئلدئيي يرده، اونلار دئري تارينين اوغوللاري چاغيريلاجاقلار."
و اشعيا ائسرايئل حاقّيندا نئدا ادئر: "ائسرايئل اوغوللارينين سايي دهنز قومو قدر اولسا دا، آنجاق تک بئر آزي نئجات تاپاجاق.
چونکي رب حؤکمونو ير اوزونه کامئل بئر شکئلده، تزلئکله ائجرا ادهجک."
و نجه کي، اشعيا قاباقجادان دمئشدي ده کي: "اگر سماوي فوجلارين ربّي بئزي نسئلسئز بوراخسايدي، سودوم کئمي اولارديق، گومورايا بنزردئک."
بس نه دئيک؟ بونو کي، صالحلئيئن داليسينا دوشمه‌ين قيري‌يهودئلر صالحلئيي اَله گتئرئبلر، او صالحلئک کي، ائماندان گلئر.
آمّا ائسرايئل کي، صالحلئک شرئعتئنئن داليسينا دوشموشدو، بو شرئعته چاتمادي.
نه اوچون؟ چونکي ائمانلا يوخ، شرئعتئن عمللرئندن اولاجاق کئمي اونون داليسينا دوشموشدولر. بودرهمه داشينين اوستونه بودرهدئلر.
نجه کي، يازيليب: "باخ، صحيوندا بئر بودرهمه داشي، ييخيلماق قاياسي قويورام؛ اونا ائمان گتئرن اوتانديريلماياجاقدير."
اي قارداشلار، اوره‌يئمدهکي آرزو و ائسرايئل اوچون تارييا دوعام، اونلارين خئلاصي اوچوندور.
چونکي اونلارين بارهسئنده شهادت ورئرم کي، تاري اوچون قيرتلري وار، لاکئن درک اوستونده ديئل.
چونکي تاريدان گلن صالحلئيي آنلاماييب، اؤز صالحلئکلرئني برقرار اتمه‌يه چاليشماقلا تارينين صالحلئيئنه تابع اولماديلار.
اونا گؤره کي، مسئح هر ائمان گتئرهنئن صالح ساييلماسي اوچون شرئعتئن نهايتي‌دئر.
چونکي موسا شرئعتدن گلن صالحلئک حاقيندا يازير کي، اونو يرئنه يتئرن آدام، اونونلا ياشاياجاق.
آمّا ائماندان گلن صالحلئک بله ديئر: "اوره‌يئنده دمه کي، گؤيه کئم قالخاجاق (کي، مسئحي اِندئرسئن)؟"
و يا اؤلولر دئيارينا کئم اِنهجک (کي، مسئحي اؤلولردن قالديرسين)؟
بس نه ديئر؟ کلام سنه ياخيندير، آغزيندا و اورهيئندهدئر. يعني، او ائمان کلامي کي، بئز اونو وعظ ادئرئک.
چونکي اگر سن آغزينلا عئسانين رب اولدوغونو ائقرار ادئب، اورَکدن ائناناسان کي، تاري اونو اؤلولردن دئرئلتدي، نئجات تاپارسان.
اونا گؤره کي، ائنسان اورَکدن ائمان اتمکله صالح ساييلير، ائمانيني آغزي ائله ائقرار اتمکله نئجات تاپير.
چونکي موقدّس يازي ديئر: "اونا ائمان گتئرن هچ کئم اوتانديريلماياجاقدير."
اونون اوچون کي، يهودي ائله قيري‌يهودي آراسيندا فرق يوخدور. هاميسينين ربّي بئردئر، اونو چاغيرانلارين هاميسينا دا سخاوتله برکت ورئر.
چونکي "ربّئن آديني چاغيران هر کس نئجات تاپاجاق."
آمّا ائمان گتئرمه‌دئکلري او کئمسهني نجه چاغيراجاقلار؟ اشئتمه‌دئکلري کئمسهيه نجه ائمان گتئرهجکلر؟ وعظ ادن اولماسا، نجه اشئدهجکلر؟
و اگر گؤنده‌رئلمه‌سهلر، نجه وعظ ادهجکلر؟ نجه کي، يازيليب: "نه گؤزَلدئر ياخشي شيلري موژده ورنلرئن آياقلاري!"
آمّا موژدهيه هامي قولاق آسمادي. چونکي اشعيا ديئر: "يارب، وردئيئمئز خبره کئم ائناندي؟"
بلجه ائمان اشئتمکدن، اشئتمک ده مسئحئن کلامي ائله دئر.
لاکئن ديئرم؛ مگر اشئتمه‌دئلر؟ البتّه کي، اشئتدئلر. اونلارين سسي بوتون ير اوزونه، سؤزلري دونيانين اوجلارينا قدر چاتدي.
بئر ده ديئرم؛ مگر ائسرايئل آنلامادي؟ موسا اوّلجهدن ديئر: "طايفا اولمايانلا سئزي قيرته گتئرهجه‌يم، فهمسئز بئر طايفا ائله سئزي حئرصلندئرهجه‌يم."
لاکئن اِشَعيا جورعت ادئب ديئر: "مني آختارمايانلار مني تاپديلار، مني طلب اتمه‌ينلره، من ظاهئر اولدوم."
لاکئن ائسرايئل حاقّيندا بله ديئر: "بوتون گون اللرئمي، ائطاعتسئز و عاصي بئر خالقا اوزاتديم."
بلجه، سوروشورام: مگر تاري اؤز خالقيني ردّ ادئب؟ اصلا! چونکي من ده ائبراهئمئن نسلئندن، بنيامئن قبئلهسئندن اولان بئر ائسرايئللي‌يَم.
تاري اوّلجهدن تانيديغي اؤز خالقيني ردّ اتمهيئب. مگر سئز موقدّس يازينين ائليا حاقّيندا نه ددئيئني بئلمئرسئنئز؟ ائليا ائسرايئلدن تارييا شئکايت ادئب ديئر:
"يارب! سنئن پيغمبرلرئني اؤلدوروبلر، سنئن قوربانگاهلاريني ييخيبلار و من تک قالميشام. منئم ده جانيمي آختاريرلار."
لاکئن تاريدان اونا گلن جاواب نه‌دئر؟ "من اؤزوم اوچون يدّي مئن نفر ساخلاميشام کي، بَعَل قاباغيندا دئز چؤکمه‌يئبلر."
بلجه، ائندئکي واختدا دا، تارينين فيضي ائله سچئلن بئر «قالانلار» وار.
لاکئن اگر فيضله‌دئر، آرتيق عمللره باغلي ديئلدئر؛ يوخسا فيض آرتيق فيض اولماز.
بس نه دئيک؟ ائسرايئل آختارديغينا نايئل اولمادي؛ سچئلمئشلر نايئل اولدولار، قالانلاري برکئدئلر.
نجه کي، يازيليب: "تاري اونلارا بو گونه کئمي يوخولوق روحونو ورئب؛ گورمه‌ين گؤزلر، اشئتمه‌ين قولاقلار.
و داوود ديئر: قوي اونلارين سوفرهسي اؤزلري اوچون کمنده، تلهيه، بودرهمه داشينا و جزايا دؤنسون.
قوي گؤزلري قارالسين کي، گؤرمه‌سئنلر، بللرئني همئشهلئک اَي.
بلجه ديئرم: مگر اونلار ييخيلماق اوچون بودرهدئلر؟ اصلا! آمّا اونلارين تقصئري قيرييهودئلرئن نئجاتينا سبب اولدو کي، اونلاري قيرته گتئرسئن.
و اگر اونلارين تقصئري دونيايا دؤولت، اونلارين قوصورو قيرييهودئلره دؤولتلئک اولدو، گؤر اونلارين کامئلّئيي نه قدر آرتيق دؤولتلئک گتئرهجک!
لاکئن سئزه اي قيري‌يهودئلر ديئرم: من قيرييهودئلرئن حوارئسي اولدوغوما گؤره، اؤز خئدمتئمي عئزّتلي ساييرام
کي، بلجه بلکه همعئرقلرئمي قيرته گتئرئب، اونلاردان بعضئسئنه نئجات وِرَم.
چونکي اگر اونلارين ردّ اولونماسي دونيانين باريشماسي اولدو، قبول اولونمالاري اگر اؤلولرئن حياتا دؤنمه‌سي ديئل، بس نه‌دئر؟
اگر خمئرئن ائلک حئصّهسي موقدّسدئر، بوتون خمئر ده موقدّسدئر؛ و اگر کؤک موقدّسدئر، بوداقلار دا موقدّسدئرلر.
لاکئن اگر بوداقلاردان بعضئسي قوپاريلديلار، و سئز کي، چؤل زيتون آغاجي ائدئنئز، اونلارين يرئنه پيوند اولونوب، زيتون آغاجينين کؤکونه و شئره‌سئنه شرئک اولوبسونوز،
بوداقلارا فخر اتمهيئن، فخر ادهسئنئز، يادينيزا سالين کي، سئز کؤکو يوخ، کؤک سئزي داشي‌يير.
او زامان دئيهجکسئنئز: "بوداقلار قوپاريلديلار کي، من اونلارين يرئنه پيوند اولوم."
دوغرودور. اونلار ائمانسيزليقلاري اوچون کسئلدئلر، آمّا سن ائمانينا گؤره يرئنده دورورسان. تکبّورلَنمه، لاکئن قورخ!
چونکي اگر تارينين طبئعي بوداقلارا حيفي گلمه‌دي، سنه ده حيفي گلمهيهجک.
باخ ائندي تارينين مهرئبانليق و شئدّتئنه: ييخيلانلارا اولان شئدّته، لاکئن سنه اولان مهرئبانليغا، اگر اونون مهرئبانليغيندا قالاسان؛ يوخسا سن ده کسئله‌جکسن.
اونلار دا اگر ائمانسيزليقلاريندا قالماسالار، پيوند اولونارلار. چونکي تاري قادئردئر کي، اونلاري گئنه پيوند اتسئن.
چونکي اگر سن او طبئعتن وحشي اولان زيتون آغاجيندان کسئلئب، طبئعتئنه ضئدّ اولان ياخشي زيتون آغاجينا پيوند اِدئلدئن، اصل بوداقلار اؤز زيتون آغاجينا داها نه‌قدر چوخ پيوند اولوناجاقلار!
چونکي اي قارداشلار، ائسته‌مئرم کي، بو سئرّدن بئخبر اولاسينيز، اِله کي، اؤز اؤزونوزو عالئم ساياسينيز: قيري‌يهودئلردن خئلاص اولانلارين سايي تاماملاشانا قدر، ائسرايئلدن بئر حئصّهنئن اوره‌يي برکله‌يئب.
و بلجه بوتون ائسرايئل خئلاص اولاجاق، نجه کي، يازيليب: "قورتاريجي صحيوندان گلهجک، و دئنسئزلئيي يعقوبدان گؤتورهجک.
اونلارين گوناهلاريني گؤتورهجه‌يئم زامان، اونلارلا کسهجه‌يئم عهد بودور."
ائنجئله گؤره اونلار سئزئن اوچون دوشمندئرلر؛ لاکئن سچئلمه‌يه گؤره اجدادلارينين خاطئرئنه گؤره تارينين عزئزلريدئرلر.
چونکي تارينين عطا اتدئکلري و دعوتي گري آلينماز.
نجه سئز بئر زامانلار تارييا ائطاعتسئز ائدئنئز و ائندي اونلارين ائطاعتسئزلئيي اوزوندن مرحمت تاپيبسينيز،
اله‌جه ده اونلار ائندي ائطاعتسئز اولوبلار کي، سئزئن تاپديغينيز مرحمتئن سببئنه گؤره، اؤزلري ده مرحمت تاپسينلار.
چونکي تاري هاميني ائطاعتسئزلئيه اسئر ادئب، اله کي، هامييا مرحمت گؤرسدسئن.
باخ تارينين دؤولتئنئن درئنلئيئنه، اونون هم حئکمت، هم ده معرئفتئنه! اونون حؤکملري نه درجهده آغيلاسيغمازدير، يوللاري دا نه درجهده باشا دوشولمزدئر!
چونکي ربّئن دوشونجهسئني کئم بئلئب؟ و يا کئم اونا موشاوئر اولوب؟
کئم اونا اوّلجه بئر شي ورئب کي، اؤزونه گئنه گري ورئلسئن؟
چونکي هر شي اوندان، اونون واسئطهسئله و اونون اوچوندور. اونا ابده کئمي عئزّت اولسون! آمئن.
بونون اوچون اي قارداشلار، تارينين مرحمتئنئن خاطئرئنه سئزه يالواريرام کي، بدنلرئنئزي تارييا دئري، موقدّس، و مقبول اولان قوربان تقدئم ادئن کي، بو سئزئن عئبادتئنئزدئر.
و بو دونيايا بنزهمه‌يئن، لاکئن فئکرئنئزئن تمئزلنمه‌‌سئله ديئشئلئن کي، تارينين ياخشي، مقبول و کامئل ائرادهسئنئن نه اولدوغونو بئلئب، يرئنه يتئرهسئنئز.
چونکي منه باغيشلانان فيضله سئزئن هر بئرئنئزه ديئرم کي، اؤزونوزو لوزوموندان داها اوستون سايمايين. لاکئن هر کس تارينين اونا وردئيي ائمان اؤلچوسونه گؤره، دوشونجهلرئنده اؤلچولو اولسون.
چونکي نجه کي، بئزئم بئر بدنئمئزده چوخلو عوضولر وار، لاکئن اونلارين هاميسينين ائشي بئر ديئل،
اله‌جه بئز ده چوخ اولان حالدا، مسئحده بئر بدنئک و هاميميز بئربئرئمئزه عوضولرئک.
و چونکي بئزه ورئلن فيضه گؤره، جوربهجور روحاني عطالاريميز وار؛ اگر نبئلئکدئر، ائمانين اؤلچوسونه گؤره.
اگر خئدمتدئر، خئدمتئله. اگر موعلّئمدئر، تعلئمئله.
اگر نصئحت وِرَندئر، نصئحتئله. اگر احسان اِدَندئر، سخاوتله. اگر رهبرلئک اِدَندئر، قيرتله. اگر مرحمت گؤرسه‌دندئر، اوزو-آچيقليقلا.
قويون محبّت رئياسيز اولسون. پئسلئکدن ائکراه ادئن، ياخشيليغا ياپيشين.
قارداشليق سوگئسئله بئربئرئنئزه وفالي اولون، حؤرمت اتمکده بئربئرئنئزي اؤتون.
قيرتده دالا دوشمهيئن، روحن قاينايين و ربّه قوللوق ادئن.
اومئدده سِوئنئن، دارليغا دؤزون، دوعايا باغلي قالين.
موقدّسلرئن احتئياجلاريني رفع اتمکده ائشتئراک ادئن، قوناقپرورلئکده جهد ادئن.
سئزه عذاب ورنلره برکت ورئن؛ قارغيش يوخ، خيئر-دوعا ورئن.
سوئنَنلرله سوئنئن، آغلايانلارلا آغلايين.
بئربئرئنئزله همفئکئر اولون؛ تکبّورلو اولمايين، لاکئن آلچاقلارلا دا دوستلوق ادئن. اؤزونوزو عالئم سايمايين.
هچ کئمه پئسلئک عوضئنه پئسلئک اتمهيئن. بوتون ائنسانلارين گؤزونده ياخشي اولان شيلره احتئرام قويون.
اگر مومکوندور، اَلئنئزدن گلدئيي قدر بوتون آداملارلا باريش ائچئنده ياشايين.
اي سوگئلئلر، قئصاص آلمايين، آنجاق تارينين قضبئنه يول ورئن، چونکي يازيليب: "رب ديئر: قئصاص منئمدئر، عوضئني من ورهجهيم.
لاکئن اگر دوشمنئن آجدير، اونو يدئزدئر، اگر سوسوزدور، اونا ائچئرت. چونکي بونو اتمکله اونون باشينا کؤز کؤمور ييغيرسان."
پئسلئيه مغلوب اولمايين، پئسلئيه ياخشيليقلا قالئب گلئن.
هرکس حؤکومت منصبلرئنه تابع اولسون، چونکي اِله بئر حؤکومت يوخدور کي، تاري طرفئندن اولماسين و مؤوجود اولان حؤکومتلر ده تاري طرفئندن تعيئن اولونوب.
بونا گؤره ده حؤکومته ضئدّ دوران، تارينين تعيئن اتدئيئنه ضئدّ دورور و ضئدّ دورانلار اؤزلرئنه محکومئيّت گتئرهجکلر.
چونکي حاکئملر ياخشي رفتارلار اوچون يوخ، پئس رفتارلار اوچون قورخولودورلار. ائستهيئرسن کي، حؤکومتدن قورخماياسان؟ ياخشي ائش گؤر و او، سني تعرئفله‌ير.
چونکي او سنئن خيئرئن اوچون تارينين خئدمتچئسي‌دئر. لاکئن اگر پئس ائش گؤرهسن، قورخ! چونکي او، بوش يره قيلينج داشيمير؛ او تارينين خئدمتچئسي‌دئر، ائنتئقام آلاندير کي، پئس ائش گؤره‌نه تارينين قضبئني گتئرئر.
بو سببدن آنجاق قضبه گؤره يوخ، وئجدانين خاطئرئنه گؤره ده تابع اولماق لازيمدير.
ورگئني ده بونا گؤره ورئرسئنئز؛ چونکي حاکئملر تارينين خئدمتچئسي‌دئرلر و اؤزلرئني محض بو ائشه وقف ادئبلر.
هرکسه حاقّيني ورئن؛ اگر باجدير، باجي؛ اگر ورگئدئر، ورگئني؛ اگر قورخودور، قورخونو؛ اگر احتئرامدير، احتئرامي.
بئربئرئنئزي سومکدن باشقا هچ کئمه بورجلو اولمايين، چونکي اؤزگهني سون شرئعتي يرئنه يتئرئب.
چونکي "زئنا اتمه"، "آدام اؤلدورمه"، "اوغورلوق اتمه"، "طاماحکارليق اتمه" و بوندان باشقا نه امر وار، بو کلامدا خولاصه اولور: "قونشونو اؤزون کئمي سِو."
محبّت قونشويا يامانليق اِتمز، اونا گؤره ده محبّت شرئعتئن يرئنه يتئرئلمه‌سي‌دئر.
و بونو ادئن، چونکي زاماني بئلئرسئنئز کي، سئزئن يوخودان اويانماغينيزين واختي آرتيق گلدي؛ چونکي ائندي خئلاص ائمان گتئردئيئمئز واختدان داها ياخيندير.
گجه کچئب و گوندوز عنقرئب يتئشئر؛ اونا گؤره ده قارانليق ائشلرئني بوراخاق و نور سئلاحينا گيئنک.
گوندوزده اولانلار کئمي دوروست رفتار ادک؛ عيش-عئشرت و کفلئلئکله يوخ، عئفّتسئزلئک و سفاهتله يوخ، داعوا و حسدله يوخ.
لاکئن رب عئسا مسئحي گِيئن و جئسمه اِله تداروک گؤرمه‌يئن کي، شهوتلرئني يرئنه يتئرسئن.
ائماندا ضعئف اولاني قبول ادئن؛ لاکئن اونون اوچون يوخ کي، فئکئرلري بارهده حؤکم ادهسئنئز.
بئري اِله ائنانير کي، هر شيي يئيه بئلر، آمّا ضعئف اولان آدام آنجاق سبزئيات ييئر.
يئين آدام، يمه‌ين آداما حقارت گؤزو ائله باخماسين. يمه‌ين آدام دا يئينه حؤکم اتمه‌سئن. چونکي تاري اونو قبول ادئب.
سن کئمسن کي، اؤزگهنئن قولونا حؤکم ادئرسن؟ قولو حاقلي چيخاردان دا، حاقسيز چيخاردان دا آغاسي‌دير. قول حاقلي چيخاجاق دا، چونکي ربّئن گوجو وار کي، اونو حاقلي چيخارتسين.
بئري، بئر گونو آيري بئر گوندن افضل سايير، لاکئن آيري بئري هر گونو برابر سايير. قوي هر کس اؤز فئکرئنده کامئل يقئني اولسون.
بئر گونو عزئز توتان آدام، اونو رب اوچون عزئز توتور، يئين آدام رب اوچون ييئر، چونکي تارييا شوکور ادئر. يمه‌ين آدام دا رب اوچون يمئر و تارييا شوکور ادئر.
چونکي بئزلردن هچ کئم اؤزو اوچون ياشامير و هچ کئم اؤزو اوچون اؤلمور.
چونکي اگر ياشاييريق، رب اوچون ياشاييريق؛ اگر اؤلوروک ده، رب اوچون اؤلوروک. بونا گؤره ده ائستر ياشاياق، ائستر اؤلک، بئز ربّئنئک.
چونکي مسئح بونون اوچون اؤلوب گئنه دئرئلدي کي، هم اؤلولرئن هم ده دئرئلرئن ربّي اولسون.
بس سن نه اوچون قارداشينا حؤکم ادئرسن؟ و يا سن نه اوچون قارداشينا حقارتله باخيرسان؟ چونکي بئز هاميميز تارينين موحاکئمه تختئنئن قاباغيندا داياناجاغيق.
اونا گؤره کي، يازيليب: رب بويورور؛ حياتيم حاقّي اوچون، هر دئز قاباغيمدا چؤکهجک، و هر دئل تاريني ائقرار ادهجک.
دمه‌لي هر بئرئمئز اؤزو اوچون تارييا حساب ورهجکدئر.
بونا گؤره ده بئربئرئمئزه آرتيق حؤکم اتمه‌يک، لاکئن بونا قرار ورک کي، بئر قارداشين يولونا مانع و يا بودرهدن بئر شي قويماياق.
بئلئرم و رب عئسادا يقئنئم وار کي، هچ بئر شي اؤزو-اؤزونده نجئس ديئلدئر؛ آمّا بئر شيي نجئس سايان اوچون، او شي نجئسدئر.
چونکي اگر سنئن قارداشين، يدئيئن بئر شيدن اؤتري ائنجهيئر، آرتيق سن محبّت اوزوندن رفتار اتمئرسن. اؤز يئيهجه‌يئنله او آدامي هلاک اتمه کي، مسئح اونون خاطئرئنه اؤلدو.
اونون اوچون قويمايين کي، سئزه ياخشي اولان بئر شي پئسلَنسئن.
چونکي تارينين پادشاهليغي يمک و ائچمک ديئل، صالحلئک، باريش، و موقدّس روحدا شادليقدير.
چونکي کئم مسئحه بله خئدمت ادئر، تارييا مقبولدور و ائنسانلار طرفئندن تصدئق اولونور.
اونا گؤره ده او شيلره جان آتاق کي، باريش گتئرئر و بئربئرئمئزي برقرار ادئر.
يمک خاطئرئنه تارينين ائشئني پوزمايين. هر شي دوغرودان دا طاهئردئر، لاکئن يدئکلري ائله اؤزگه آدامين بودرمهسئنه سبب اولان اوچون او شي پئس اولور.
ياخشيدير کي، ات يمه‌يهسن، شراب ائچمه‌يهسن و يا قارداشيني بودرهدن بئر ائش گؤرمه‌يهسن.
اگر سنئن ائمانين وار، تارينين حوضوروندا اؤزونه ساخلا. خوش او آدامين حالينا کي، تصدئق اتدئيي ائشده اؤزونو محکوم اتمئر.
آمّا بئر يمکدن شوبهه ادن آدام، او يمه‌يي اگر يسه، محکوم اولور. چونکي گؤردويو ائش ائماندان ديئل؛ و ائماندان اولمايان هر شي گوناهدير.
ائندي بئز کي، قووّتلئيئک، گرک قووّتسئزلرئن ضعئفلئکلرئنه دؤزَک و آنجاق اؤز خوشلوغوموزو آختارماياق.
هر بئرئمئز ياخشيليقدا بئنا اتمک اوچون قونشوموزو خوشلانديراق.
اونا گؤره کي، مسئح ده اؤز خوشلوغونو آختارمادي؛ آمّا نجه کي، يازيليب: "سني دانلايانلارين دانلاغي منئم اوستومه دوشدو."
چونکي قاباقدان يازيلانلارين هاميسي، بئزئم تعلئمئمئز اوچون يازيلدي کي، تحمّول و موقدّس يازيلارين تسلّئسي ائله اومئدئمئز اولسون.
قوي تحمّول و تسلّي ورن تاري مسئح عئسايا گؤره، سئزه بئربئرئنئزله همفئکئر اولماغي احسان اتسئن کي،
سئز بئرلئکده بئر سسله ربّئمئز عئسا مسئحئن آتاسي اولان تاريني اوجالداسينيز.
بونا گؤره، نجه کي، مسئح سئزي تارينين عئزّتي اوچون قبول اتدي، سئز ده بئربئرئنئزي قبول ادئن.
چونکي بونو ديئرم کي، مسئح تارينين حقئقتئندن اؤتري ختنهنئن خئدمتکاري اولدو کي، اجداديميزا ورئلن وعدهلري تصدئق اتسئن.
و قيري‌يهودئلر تارينين مرحمتي اوچون اونا عئزّت ورسئنلر، نجه کي، يازيليب دا؛ بونا گؤره قيري‌يهودئلر آراسيندا حمد ادهجهيم، و سنئن آدينا اوخوياجاغام.
و گئنه ديئر: اي قيري‌يهودئلر، اونون خالقي ائله شادليق ادئن.
و گئنه: اي قيري‌يهودئلر ربّه حمد ادئن. قوي بوتون خالقلار اونا حمد اتسئنلر.
و گئنه اِشَعيا ديئر: يسّه‌نئن کؤکوندن اولان گلهجک. و او، قيرييهودئلره حؤکمرانليق اتمک اوچون قالخاجاق. قيري‌يهودئلر اونا اومئد باغلاياجاقلار.
قوي اومئد تاريسي ائماندا سئزي هر جور شادليق و باريشلا دولدورسون کي، سئز موقدّس روحون قووّتي ائله، اومئدله دولوب داشاسينيز.
بوندان علاوه، اي قارداشلار، من اؤزوم ده سئزئن حاقّينيزدا يقئنئم وار کي، سئز اؤزونوز ده ياخشيليقدا دؤولتلي و هر معرئفتده دولوسونوز و بئربئرئنئزي ده نصئحت اتمه‌يه قادئرسئنئز.
آمّا بعضي مسلهلر بارهده سئزه داها جسارتله يازميشام کي، سئزه خاطيرلاميش اولوم، او فيضدن اؤتري کي، تاري طرفئندن منه ورئلئب کي،
قيرييهودئلره عئسا مسئحئن خئدمتکاري اولام و تارينين ائنجئلئنه بئر کاهئن کئمي خئدمت اِدَم، اِله کي، منئم تقدئم اتدئيئم قيري‌يهودئلر، تارييا مقبول و موقدّس روح طرفئندن تقدئس اولونموش بئر قوربان اولسون.
بلجه مسئح عئسادا تارييا تقدئم اولان خئدمت اوچون فخر ادئرم.
چونکي من هچ بئر شي دانيشماغا جسارت اِتمه‌رم، مگر اونلار حاقّيندا کي، مسئح منئم واسئطمله قيرييهودئلرئن ائطاعتي اوچون هم سؤزده، هم ده عملده،
علامتلر و عجايئبلر قووّتئنده و موقدّس روحون قووّتئنده يرئنه يتئرئب؛ بله کي، اورشلئمدن باشلاييب «ائلئرکوما» قدر مسئحئن ائنجئلئني تامام-کامال وعظ اتمئشم.
و بله چاليشميشام کي، ائنجئلي، مسئحئن حله آدي اونلارا يتئشمهمئش يرلرده وعظ ادئم کي، اؤزگه بئر آدامين بونؤورهسئنده بئنا اتمهيئم.
آمّا نجه کي، يازيليب: اونون حاقّيندا خبرلري اولمايانلار گؤرهجکلر، و اشئتمهمئش اولانلار آنلاياجاقلار.
بوندان اؤتري ده چوخ دفه سئزئن يانينيزا گلمکدن ساخلانديم.
آمّا ائندي کي، بو اؤلکهلرده آرتيق بئر ير قالماييب و اوزون ائللردن بري سئزئن طرفلرئنئزه گلمه‌يي آرزو ادئرم،
ائسپانئيايا کچئب-گدنده اومئدئم وار کي، سئزي ده گؤرَم و اوّل بئر مودّت سئزئن يانينيزدا اولماقدان بئر آز دويام و سونرا سئز مني اورايا يولا سالاسينيز.
لاکئن ائندي موقدّسلرئن خئدمتئنده اورشلئمه گدئرم.
چونکي مقدونئيّه و اخايئه‌يه خوش گؤروندو کي، اورشلئمدهکي موقدّسلرئن آراسيندا کاسيب اولانلارا کؤمک ييغسينلار.
البتّه خوش گؤروندو، هم ده اونلارا بورجلودورلار. چونکي اگر قيري‌يهودئلر اونلارين روحاني برکتلرئنده شرئک اولدولار، اونلارا مادّي برکتلرله ده خئدمت اِتمه‌ليدئرلر.
بلجه بو ائشي باشا چاتيريب و بو ثمرهني اونلارين الئنه چاتديراندان سونرا، سئزئن طرفلرئنئزدن کچئب ائسپانئيايا گدهجه‌يم.
و بئلئرم کي، سئزئن يانينيزا گلنده مسئحئن بول برکتي ائله گلهجه‌يم.
ائندي اي قارداشلار! سئزه ربّئمئز عئسا مسئحئن خاطئري اوچون و روحون محبّتئنئن خاطئري اوچون يالواريرام کي، تارييا منئم حاقّيمدا اتدئيئنئز دوعالاردا منئمله بئرلئکده چاليشاسينيز کي،
يهودئيهده اولان ائطاعتسئزلردن خئلاص اولوم و اورشلئمه اولان خئدمتئم، موقدّسلره مقبول اولسون.
و بلجه من تارينين ائرادهسي ائله شادليقلا سئزئن يانينيزا گلئم و سئزئن دوستلوغونوزلا بئر دئنجه‌لئم.
ائندي باريش ورن تاري سئزئن هامينيزلا اولسون. آمئن.
و باجيميز فئبئني کي، کنخه‌رئيه‌ده‌کي کئلئسانين خئدمتکاريدير، سئزه تاپشيريرام.
اونو ربده موقدّسلره لايئق اولان شکئلده قبول ادئن و سئزه نه احتئياجي وارسا، اونا کؤمک ادئن؛ چونکي او دا بئر چوخلارينا و منئم اؤزومه ده کؤمک ادئب.
مسئح عئسادا منئم همکارلاريم پرئسکا و اَکئلايا سالام يتئرئن کي،
منئم جانيم اوچون اؤز باشلاريني قويدولار و اونلاردان آنجاق من يوخ، بوتون قيري‌يهودي کئلئسالار تشکّور ادئرلر.
اونلارين اوئنده اولان کئلئسايا دا سالام يتئرئن. آسئيانين مسئح اوچون ائلک محصولو اولان سوگئلئم اَپَنتوسا دا سالام يتئرئن.
بئزئم اوچون چوخ زحمت چکمئش مريمه ده سالام يتئرئن.
قوحوموم و زئندانداکي يولداشلاريم آندرونئکوس و يونئياسا سالام يتئرئن کي، حوارئلر آراسيندا شؤهرت قازانميش و مندن داها قاباق مسئحه ائمان گتئرئبلر.
ربده اولان سوگئلئم آمپِلئياتوسا سالام يتئرئن.
مسئحده همکاريميز اولان اوربانوس و سوگئلئم اِستاخئسه سالام يتئرئن.
مسئحده تصدئق اولونموش اَپَلئّسه سالام يتئرئن. ارئستوبولوسون اوئندن اولانلارا دا سالام يتئرئن.
قوحوموم هئرودئيونا سالام يتئرئن. نارکئسوسون اوئندن ربده اولانلارا دا سالام يتئرئن.
رب اوچون زحمت چکن ترايفايئنا و ترايفوسا سالام يتئرئن. سوگئلي پرسئسه ده سالام يتئرئن کي، ربده چوخ زحمت چکئب.
ربده سچمه بئري اولان روفوسا، آناسينا و منئم آناما دا سالام يتئرئن.
آسئنکئرئتوسا، فئلگونا، هِرمِسه، پاتروباسا، هِرماسا، و اونلارلا اولان قارداشلارا سالام يتئرئن.
فئلولوگوس و جولئيايا، نِرعوس و باجيسينا، اولئمپاسا و اونلارلا اولان بوتون موقدّسلره سالام يتئرئن.
بئربئرئنئزي موقدّس اؤپوشله سلاملايين. مسئحئن بوتون کئلئسالاري سئزه سالام گؤنده‌رئرلر.
اي قارداشلار، سئزه يالواريرام کي، اؤيره‌ندئيئنئز تعلئمئن عکسئنه اولانلاردا، آيريليقلارا و مانعلره سبب اولانلاردا گؤزونوز اولسون و اونلاردان اوزاق دورون.
چونکي بله آداملار ربّئمئز مسئحه يوخ، اؤز قارينلارينا قوللوق ادئرلر؛ و شئرئن و آلداتان نئطقلرله ساده آداملارين اورکلرئني آزديريرلار.
چونکي سئزئن ائطاعتئنئزئن خبري هامييا چاتيب. بونون اوچون من ده سئزئن حاقّينيزدا سوئنئرم. لاکئن ائسته‌يئرم کي، ياخشي اولان شيلرده حئکمتلي و پئس اولان شيلرده معصوم اولاسينيز.
و باريش ورن تاري شيطاني عنقرئب آياقلارينيزين آلتيندا اَزهجک. ربّئمئز عئسانين فيضي سئزئنله اولسون
همکاريم تئموتاعوس دا سئزه سالام گؤنده‌رئر، هم ده قوحوملاريم لوکئيوس، ياسون، و سوسئپاتر.
من ترتئيوس دا کي، بو مکتوبو يازييا چکئرم، ربده سئزه سالام گؤنده‌رئرم.
منئم و بوتون کئلئسانين مهمانداري اولان قايوس دا سئزه سالام گؤنده‌رئر. شهرئن خزئنهداري اولان اِراستوس و کوآرتوس قارداش دا سئزه سالام گؤنده‌رئرلر.
(ربّئمئز عئسا مسئحئن فيضي سئزئن هامينيزلا اولسون. آمئن.)
ائندي اونا جلال اولسون کي، منئم موژدم و عئسا مسئحئن وعظئنه گؤره سئزي برقرار اتمه‌يه قادئردئر، او سئرّئن کشفئنه گؤره کي، کچمئش زاماندا اوزون بئر مودّت اوچون گئزلي ساخلانميش ائدي.
آمّا هم ائندي آشکار اولوب و نَبه‌وي کئتابلارين واسئطهسئله ابدي تارينين حؤکمونه گؤره بئلدئرئلئب کي، بوتون مئلّتلرئن ائماندان اولان ائطاعته سبب اولسون؛
او تک بئر حئکمتلي تارييا عئسا مسئحئن واسئطهسئله ابده کئمي عئزّت اولسون. آمئن.
تارينين ائرادهسي ائله عئسا مسئحئن حوارئسي اولماغا دعوت اولونموش پولوس و قارداشيميز سوستِنِسدن،
قورئنتده اولان تارينين کئلئساسينا، يعني موقدّس اولماغا دعوت اولونموش، مسئح عئسادا تقدئس اولونموشلارا، و اونلارين ربّي و بئزئم ربّئمئز عئسا مسئحئن آديني هر يرده ذئکر اِدَنلرئن هاميسينا،
آتاميز تاريدان و ربّ عئسا مسئحدن سئزه فيض و باريش اولسون.
تارينين مسئح عئسادا سئزه باغيشلاديغي فيضدن اؤتري سئزئن اوچون همئشه تاريما شوکور ادئرم.
بو سببدن کي، مسئحده سئز هر شيده، هر سؤز و هر معرئفتده، دؤولتلي اولدونوز.
نجه کي، حتّا مسئحه اولان شهادت ده سئزده تصدئق اولوندو.
بله کي، هچ بئر عطادا اَسکئيئنئز اولماييب، ربّئمئز عئسا مسئحئن ظوهورونو ائشتئاقلا گؤزلهيئرسئنئز.
او کي، سئزي آخيراجاق تصدئق ادهجک. اله کي، ربّئمئز عئسا مسئحئن گونونده قوصورسوز اولاسينيز.
وفالي‌دير تاري کي، اونون اوغلو ربّئمئز عئسا مسئحله رفاقتئنئز اولماغا دعوت اولوندونوز.
ائندي اي قارداشلار، ربّئمئز عئسا مسئحئن آدي ائله سئزه يالواريرام کي، هامينيز بئر دوشونجهده اولون و آرانيزدا آيريليقلار اولماسين و سئز بئر فئکئرده و بئر رأيده موتّفئق اولون.
چونکي اي قارداشلاريم، خَلويئنئن اِو اهلئندن سئزئن بارهده منه خبر ورئلئب کي، آرانيزدا داعوالار وار.
دمک ائسته‌دئيئم بودور کي، هر بئرئنئز ديئر: "من پولوسدان تَبَعئيّت ادئرم"، "من اَپولّوسدان تَبَعئيّت ادئرم"، "من کئفادان تَبَعئيّت ادئرم"، "من ده مسئحدن تَبَعئيّت ادئرم".
مگر مسئح بؤلونوب؟ مگر پولوس سئزئن اوچون چارميخا چکئلدي؟ يا کي، پولوس آدي ائله تعمئد اولوندونوز؟
تارييا شوکور ادئرم کي، کرئسپوس و قايوسدان باشقا، سئزلردن هچ کئمي من تعمئد ورمه‌دئم.
اِله کي، هچ کئم سئزي اؤز آديمدا تعمئد وردئيئمي دمه‌سئن.
استئفاناسين اِو اهلئني ده تعمئد وردئم. داها خاطيرلاميرام کي، کئمسهني تعمئد ورمئش اولوم.
چونکي مسئح، مني تعمئد ورمه‌يه يوخ، ائنجئلئن خوش خبرئني وعظ اتمه‌يه گؤنده‌ردي؛ هم ده سؤز حئکمتي ائله يوخ کي، مبادا مسئحئن چارميخي بوشا گتسئن.
چونکي چارميخ بارهده اولان کلام، هلاک اولانلار اوچون آغيلسيزليقدير، لاکئن بئز نئجات تاپانلار اوچون تارينين قودرتي‌دئر.
اونا گؤره کي، يازيليب: "حئکمتلي‌لرئن حئکمتئني محو ادهجهيم، فهئملرئن ده فهمئني بوشا چيخارداجاغام."
هارادادير حئکمتلي؟ هارادادير دئن عالئمي؟ هارادادير بو عصرئن اَدئبلري؟ مگر تاري بو دونيانين حئکمتئني آغيلسيزليغا چوئرمه‌يئب؟!
دونيا اؤز حئکمتئنئن واسئطهسئله تاريني تانيماديغينا گؤره، تارييا دا، اؤز حئکمتئنده بو، خوش گلدي کي، وعظ ادئلن کلامين آغيلسيزليغي ائله ائنانانلاري قورتارسين.
دوغرودان دا کي، يهودئلر علامتلر طلب ادئرلر و يونانلي‌لار حئکمت آختاريرلار؛
آمّا بئز چارميخا چکئلمئش مسئحي وعظ ادئرئک کي، يهودئلره بودرهمه داشي، قيرييهودئلره ده عاغيلسيزليقدير.
لاکئن دعوت اولونانلارا، ائستر يهودي اولسون ائستر يونانلي، مسئح تارينين قودرتي و تارينين حئکمتي‌دئر.
چونکي تارينين عاغيلسيزليغي ائنسانلارين حئکمتئندن داها حئکمتلي‌دئر، تارينين ضعئفلئيي ده ائنسانلارين قودرتئندن داها قودرتلي‌دئر.
بونا گؤره قارداشلار، آلديغينيز دعوته باخين. ائنسان اؤلچوسونه گؤره، آرانيزدا حئکمتلي، قودرتلي و اصئلزاده چوخ يوخ ائدي.
آمّا تاري دونيانين عاغيلسيز ساييلانلاريني سچئب کي، حئکمتليلري اوتانديرسين و دونيانين ضعئف ساييلانلاريني سچئب کي، گوجلولري اوتانديرسين.
تاري دونيانين اصئلزاده اولمايانلاريني، حقئر گؤرولَنلرئني، حتّا هچ ساييلانلاريني سچئب کي، اهمئيّتلي ساييلانلاريني هچه اِندئرسئن.
اله کي، هچ بئر ائنسان اونون حوضوروندا فخر اتمه‌سئن.
لاکئن سئز اونون سايهسئنده مسئح عئساداسينيز کي، تاريدان بئزه حئکمت، صالحلئک، قودسئيّت و فئدئيه اولوبدور.
بونون اوچون، يازيلميش اولدوغو کئمي "قوي فخر ادن، ربده فخر اتسئن."
قارداشلار، او زامان کي، تارينين حاقّينداکي شهادتي سئزه اعلان اتمک اوچون يانينيزا گلدئم، کلام و يا حئکمت صاحئبي کئمي گلمه‌دئم.
چونکي آرانيزدا اولاندا نئيّتئم بو ائدي کي، هچ بئر شي بئلمه‌يئم، مگر عئسا مسئح و اونو دا چارميخا چکئلمئش.
و سئزئن يانينيزدا ضعئفلئک، قورخو و چوخ لرزه ائچئنده ائدئم.
سؤزوم و وعظئم ده حئکمتئن ائنانديريجي کلامي ائله ديئلدي، موقدّس روحون و قودرتئن ظوهورو ائله ائدي کي،
ائمانينيز ائنسانلارين حئکمتئنده يوخ، تارينين قودرتئنده اولسون.
لاکئن کامئللر آراسيندا حئکمت دانيشيريق؛ آمّا نه بو عصرئن، نه ده بو دؤورون کچئب گدن حاکئملرئنئن حئکمتئني.
بئز تارينين سئرّي حئکمتئندن، يعني گئزلي قالميش حئکمتئندن دانيشيريق. او حئکمت کي، تاري اونو ازلدن بئزئم عئزّتئمئز اوچون موقدّر ادئب.
او حئکمت کي، بو دونيانين حاکئملرئندن هچ بئري اونو درک اتمهيئب. چونکي درک اتسيدئلر، جلال ربّئني چارميخا چکمزدئلر.
آمّا نجه کي، يازيليب دا: "تارينين اونو سونلر اوچون حاضيرلاديغي شيلري نه گؤز گؤرموش، نه قولاق اشئتمئش، نه ده ائنسانين اوره‌يي دوشونموش!"
لاکئن تاري بونلاري بئزه موقدّس روحون واسئطهسئله آشکار اتدي. اونا گؤره کي، موقدّس روح هر شيي، حتّا تارينين درئنلئيئني بله آراشديرير.
چونکي ائنسانين دوشونجهلرئني، ائنسانين ائچئنده اولان روحوندان باشقا کئم بئلئر؟! بلجه ده تارينين دوشونجهلرئني تارينين روحوندان باشقا هچ کئم بئلمئر.
ائندي بئز بو دونيانين روحونو يوخ، تاريدان گلن موقدّس روحو آلميشيق کي، تارينين بئزه نه باغيشلاديغيني بئلک.
دانيشديغيميز بو شيلر ده، ائنسان حئکمتئنئن اؤيرتدئيي سؤزلري ائله يوخ، روحاني فئکئرلري روحاني سؤزلرله ترکئب ادئب، موقدّس روحون اؤيرتدئکلري ائله بئلدئرئرئک.
آمّا نفساني آدام، تارينين روحوندان گلن شيلري قبول اتمئر، چونکي اونلار بونا عاغيلسيزليق گؤرونور و اونلاري آنلايا بئلمئر. چونکي بونلاري روحون واسئطهسئله تفتئش اتمک اولار.
لاکئن روحاني آدام هر شي حاقّيندا حؤکم اده بئلر، آمّا اونون بارهسئنده هچ کئم حؤکم اده بئلمز.
"چونکي ربّئن فئکرئني کئم بئلئب کي، اونا تعلئم ورسئن؟!" لاکئن بئزده مسئحئن فئکري وار.
قارداشلار، من سئزئنله روحانئلرله دانيشان کئمي دانيشا بئلمه‌دئم، آنجاق جئسمانئلر کئمي، مسئحده کؤرپهلر کئمي دانيشديم.
من سئزه آغير يمک يوخ، سود وردئم. چونکي اونو يمه‌يه گوجونوز چاتميردي، ائندي ده چاتمير.
چونکي سئز حله ده جئسمانئسئنئز. آرانيزدا پاخيلّيق و چکئشمه اولماسيندان آيا جئسماني ديئلسئنئز؟ آيا آيري ائنسانلار کئمي ياشاميرسينيز؟
چونکي اگر بئري "من پولوسدان تَبَعئيّت اِدئرم" او بئري ده "من اَپولّوسدان تَبَعئيّت اِدئرم" ديئر، آيا آيري ائنسانلار کئمي ديئلسئنئز؟
اَپولّوس کئمدئر؟ پولوس کئمدئر؟ آنجاق خئدمتکارديرلار کي، اونلارين واسئطهسئله، ربّئن هر کسه وردئيي فورصته گؤره ائمان گتئردئنئز.
من اَکدئم، اَپولّوس سوواردي، آمّا تاري بؤيوتدو.
بونا گؤره، موهوم اولان اَکن و يا سوواران ديئل، بؤيودن تاريدير.
اَکنله سووارانين دَيَري بئردئر، لاکئن هر بئري چکدئيي زحمتئنه گؤره اجر آلاجاق.
چونکي بئز تاري ائله ائشله‌ين ائشچئلرئک؛ لاکئن سئز تارينين زمئسي، تارينين عئمارتئسئنئز.
من، تارينين منه وردئيي فيضه گؤره، حئکمتلي بئر معمار کئمي بونؤوره قويدوم و آيري بئر آدام اونون اوستونده بئنا ادئر. آمّا هر کس نجه بئنا اتدئيئنه دئقّت اتسئن.
چونکي هچ کئم قويولان بونؤورهدن، يعني عئسا مسئحدن باشقا بئر بونؤوره قويا بئلمز.
اگر بئري بو بونؤوره اوستونده قيزيلدان، گوموشدن، قئيمتلي داشلاردان، تاختادان، ساماندان، کولَشدن بئنا اتسه،
هر بئرئنئن ائشي بلّي اولاجاق؛ اونا گؤره کي، دئوان گونو اورتايا چيخاجاق، چونکي اودلا آچيغا چيخاجاق. و اود اؤزو هر کسئن ائشئنئن کيفئيّتئني ائمتاحان ادهجکدئر.
کئمئن بئنا اتدئيي داوام گتئرسه، او، اجر آلاجاق.
کئمئن ائشي يانسا، او، ضرر چکهجک، آمّا اؤزو اوددان چيخان کئمي نئجات تاپاجاقدير.
مگر بئلمئرسئنئز کي، سئز تارينين معبدئسئنئز و تارينين روحو سئزده ساکئندئر؟
کئم تارينين معبدئني محو اتسه، تاري اونو محو ادهجک. چونکي تارينين معبدي موقدّسدئر؛ بو معبد ده سئزسئنئز.
هچ کئم اؤزونو آلداتماسين. سئزلردن هر کس اگر اؤزونو بو عصرده حئکمت صاحئبي سايير، قوي عاغيلسيز اولسون کي، بلکه حئکمت آلسين.
چونکي بو دونيانين حئکمتي تارينين حوضوروندا عاغيلسيزليقدير. نجه کي، يازيليب دا: "تاريدير کي، حئکمت صاحئبلرئني اؤزلرئنئن حؤقّهبازليقلاري ائله توتور."
گئنه ده يازيليب: "رب بئلئر کي، حئکمت صاحئبلرئنئن دوشونجهلري فايداسيزدير."
بونا گؤره، هچ کئمئن فخري ائنسانلاردا اولماسين، چونکي هر شي سئزئندئر.
ائستر پولوس اولسون، ائستر اَپولّوس؛ ائستر کئفا اولسون، ائستر دونيا؛ ائستر حيات اولسون، ائستر اؤلوم، ائستر ائندئکي شِيلر اولسون، ائستر گلهجکدهکي؛ هاميسي سئزئندئر.
سئز ده مسئحئنسئنئز، مسئح ده تارينيندير.
بلجه، هر کس بئزي، مسئحئن خئدمتچئلري و تارينين سئرّلرئنئن وکئللري کئمي سايسين.
بوندان علاوه، وکئللردن طلب اولونور کي، هر بئري امئن اولسون.
منه چوخ کئچئک بئر زاددير کي، سئزئن طرفئنئزدن و يا ائنسانلارين محکمهسئنده موحاکئمهيه چکئلئم. حتّا من اؤزوم بله، اؤزومو موحاکئمهيه چکمئرم.
گرچي من اؤزومده بئر قوصور گؤرمورم، لاکئن بو مني تبرعه اتمز، مني موحاکئمه ادن ربدئر.
بونا گؤره ده تعيئن اولونموش واختدان ائرهلي، هچ بئر شي حاقّيندا حؤکم اتمهيئن. لاکئن ربّئن گلئشئنه قدر گؤزلهيئن کي، قارانليقدا گئزله‌نن شيلري ائشيقلانديراجاق و اورکلرئن نئيّتلرئني آشکار ادهجک و او زامان هر کسئن تحسئني تاريدان گلهجک.
قارداشلار، سئزه گؤره بو شيلري اؤزومون و اَپولّوسون حاقّيندا تمثئل کئمي بيان اتدئم کي، بئزدن اؤيره‌نئب، يازيلميش حدّئندن آرتيق اؤزونوزو گومان اتمهيهسئنئز. بلجه ده هچ بئرئنئز او بئرئنئن قاباغيندا تکبّورلو اولماسين.
چونکي سئزي کئم اوستون توتور؟ نه‌يئنئز وار کي، آلماييبسينيز؟ و اگر آليبسينيز، نه اوچون بس آلماميش کئمي فخر ساتيرسينيز؟
سئز آرتيق توخسونوز؛ سئز آرتيق وارليسينيز؛ سئز بئزسئز پادشاهلار اولوبسونوز؛ کاش کي، سئز حقئقتن پادشاهلار اولايدينيز کي، بئزده سئزئنله بئر يرده پادشاهليق ادک.
چونکي من اله دوشونورم کي، تاري بئز حوارئلري اؤلومه محکوم اولانلار کئمي آخيردا صحنهيه چيخارتدي؛ چونکي بئز دونيانين، ملکلرئن و ائنسانلارين تاماشاسي اولموشوق.
بئز مسئحئن خاطئري اوچون عاغيلسيزيق، آمّا سئز مسئحده عاغيلّيسينيز. بئز ضعئفئک، آمّا سئز گوجلوسونوز. سئز عئزّتلئسئنئز، آمّا بئز حؤرمتسئزئک.
بو ساعاتا کئمي هم آج هم ده سوسوزوق، لوتوک، دؤيولوروک، بي‌خانومانيق.
اَللرئمئزله ائشله‌يئب، زحمت چکئرئک. بئزي سؤيورلر، بئز خيئر-دوعا ورئرئک. بئزه عذاب ورئرلر، بئز تاب گتئرئرئک.
بئزه ائفتئرا آتيرلار، بئز يومشاق جاواب ورئرئک. حتّا ائندئيه کئمي ده دونيانين توفالهسي و هر شيئن زئبئلي اولموشوق.
بونلاري يازميرام کي، سئزي اوتانديريم. من سئزه سوگئلي اوشاقلاريم کئمي نصئحت ورئرم.
چونکي اگر مسئحده مئنلرجه موعلّئمئنئز اولسا بله، آتالارينيز آزدير. عئسا مسئحده من ائنجئلئن واسئطهسئله سئزه آتا اولدوم.
بونا گؤره يالواريرام سئزه: مندن نومونه گؤتورون.
بو سببدن ربده سوگئلي و امئن اولان اوغلوم تئموتاعوسو يانينيزا گؤنده‌رمئشم و او، مسئحده اولان يوللاريمي سئزه خاطيرلاداجاق، نجه کي، هر يرده و هر کئلئسادا تعلئم ورئرم.
ائندي بعضئلر مغرور اولوبلار، اله بئل کي، من سئزئن يانينيزا گلمه‌يهجه‌يم.
لاکئن اگر رب ائسته‌سه، تزلئکله يانينيزا گلهجه‌يم و مغرور اولانلارين سؤزونو يوخ، گوجلرئني بئلهجه‌يم.
چونکي تارينين پادشاهليغي سؤزده يوخ، گوجدهدئر.
نه ائسته‌يئرسئنئز؟ يانينيزا دَيَنَکله گلئم، يوخسا محبّت و مولايئم بئر روحلا؟
خبر ورئلئب کي، آرانيزدا جئنسي عئفّتسئزلئک وار، اله بئر عئفّتسئزلئک کي، قيري‌يهودئلر آراسيندا بله يوخدور. بو کي، بئري اؤز آتاسينين آروادي ائله ياشايير.
آمّا سئز شئشئب، فخر ادئرسئنئز. عوضئنه ياس توتماييرسينيز کي، بله بئر ائشي گؤرن آدام آرانيزدان گؤتورولسون.
لاکئن من، گرچي جئسمن يوخ روحن سئزئنله وارام، يانينيزدا ائمئش کئمي بو ائشي گؤرن آدامين حاقّيندا آرتيق حؤکم اتمئشم.
او زامان کي، ربّئمئز عئسا مسئحئن آديندا سئز، ربّئمئز عئسا مسئحئن قودرتي ائله بئر يره ييغيليرسينيز، و منئم روحوم دا سئزئنله،
بو آدامي، جئسمئنئن هلاک اولماسي اوچون شيطانا تسلئم ادئن کي، ربّئن گونونده روحو نئجات تاپسين.
سئزئن شئشئب فخر اتمه‌يئنئز ياخشي ديئل. مگر بئلمئرسئنئز کي، بئر آز مايا بوتون خمئري تورشلادير؟!
کؤهنه ماياني تمئز ادئب آتين کي، تزه خمئر اولاسينيز. نجه کي، حقئقتن ده ماياسيزسينيز. چونکي بئزئم پاسخا قوزوموز مسئح بئزئم اوچون قوربان اولوب.
بونا گؤره گلئن نه کؤهنه مايا ائله، نه ده کئن و پئسلئيئن ماياسي ائله، لاکئن صافليغين و حقئقتئن ماياسيز فطئري ائله بايرام توتاق.
مکتوبومدا سئزه يازديم کي، عئفّتسئز آداملارلا قاريشماياسينيز.
آمّا نه کي، اصلا بو دونيانين عئفّتسئزلري ائله، و يا طاماحکار و شيّادلاري ائله، يا دا بوتپرستلري ائله قاريشماياسينيز. چونکي او حالدا سئز بو دونيادان آرتيق چيخيب گتمه‌لئسئنئز.
سئزه بونو يازيرام کي، قارداش آدلانان لاکئن عئفّتسئز، طاماحکار، بوتپرست، سؤيوش ورن، کفلنن، و سويغونچو بئر آداملا اوتوروب دورمايين. بله آداملا حتّا يمک ده يمه‌يئن.
نه ائشئم وار کي، اشئکدهکئلره حؤکم ادئم؟! آيا سئز ائچه‌رئده اولانلارا حؤکم اتمزسئنئز؟!
آمّا اشئکدهکئلره تاري حؤکم ادهجک. او شرور آدامي آرانيزدان اشئيه آتين.
سئزلردن بئرئنئن او بئرئسي ائله داعواسي اولاندا، نجه جسارت اده بئلر کي، مسلهني موقدّسلرئن حوضورونا يوخ، ائمانسيزلارين محکمهسئنه آپارسين؟
و يا مگر بئلمئرسئنئز کي، دونياني موقدّسلر موحاکئمه ادهجک؟ اگر دونياني سئز موحاکئمه ادهجکسئنئز، آيا قابئل ديئلسئنئز کي، لاپ کئچئک داعوالاردا حؤکم ادهسئنئز؟
مگر بئلمئرسئنئز کي، بئز، ملکلري موحاکئمه ادهجهيئک، بس نه قدر چوخ، بو دونيانين مسلهلرئني؟!
بس اگر بو حياتين مسلهلري حاقّيندا داعوالارينيز وار، آيا او آداملاري قاضي تعيئن ادئرسئنئز کي، کئلئسادا لاپ اهمئيّتسئز ساييلير؟
بونلاري ديئرم کي، اوتاناسينيز. مگر آرانيزدا، بئر نفر ده اولسون، حئکمتلي آدام يوخدور کي، اؤز قارداشلاري آراسيندا قاضي اولسون؟
آمّا قارداش قارداشي محکمهيه آپارير، اؤزو ده کي، ائمانسيزلارين حوضورونا!
اصلئنده آرانيزدا داعوالارين اولماسي، سئزئن اوچون بئر شئکستدئر. حاقسيزليغا دؤزهسئنئز، داها ياخشي اولماز؟ مغبون اولاسينيز، داها ياخشي اولماز؟
عکسئنه، سئز اؤزونوز حاقسيزليق ادئب، مغبون ادئرسئنئز، اؤزو ده اؤز قارداشينيزي!
يوخسا بئلمئرسئنئز کي، صالح اولمايانلار تارينين پادشاهليغيني مئراث آلماياجاقلار. آلدانمايين؛ عئفّتسئزلر، بوتپرستلر، زئناکارلار، کئشئبازلار، اوشاقبازلار،
اوغرولار، طاماحکارلار، عرقخورلار، سؤينلر و شيّادلار تارينين پادشاهليغيني مئراث آلماياجاقلار.
سئزلردن بعضئلرئنئز ده بو جور ائدئنئز؛ لاکئن يويولدونوز، تقدئس اولوندونوز، ربّئمئز عئسا مسئحئن آديندا و تاريميزين موقدّس روحوندا صالح ساييلدينيز.
هر شي منه جائزدئر، لاکئن هر شي فايدالي ديئل. هر شي منه جائزدئر، لاکئن قويمارام کي، هچ بئر شي منه حؤکمرانليق اتسئن.
يمک قارين اوچوندور، قارين دا يمک اوچون. لاکئن تاري اونلارين هر ائکئسئني ده آرادان آپاراجاق. آمّا بدن عئفّتسئزلئک اوچون ديئل، رب اوچوندور و رب ده بدن اوچوندور.
تاري فقط ربّي دئرئلتمه‌دي، قودرتي ائله بئزي ده دئرئلدهجک.
مگر بئلمئرسئنئز کي، بدنلرئنئز مسئحئن عوضولريدئر؟ ائندي مسئحئن عوضولرئني گؤتوروب، فاحئشهنئن عوضولري ادئم؟ اصلا.
مگر بئلمئرسئنئز کي، فاحئشه بئر آروادلا ياتان، اونونلا بئر بدن اولور؟ چونکي تاري ديئر: "ائکئسي بئر بدن اولاجاقلار."
لاکئن ربّه قوشولان، اونونلا بئر روحدور.
جئنسي عئفّتسئزلئکدن قاچين. ائنسانين اتدئيي هر گوناه بدندن اشئکدئر. آمّا جئنسي عئفّتسئزلئک ادن بئر آدام اؤز بدنئنئن ضئدّئنه گوناه ادئر.
و يا مگر بئلمئرسئنئز کي، تاريدان آلديغينيز بدن، سئزده ياشايان موقدّس روحون معبديدئر و سئز اؤزونوزونکو ديئلسئنئز؟!
چونکي سئز چوخ باها بئر قئيمته آلينيبسينيز. اونا گؤره ده، تاريني بدنلرئنئزده عئزّتلندئرئن.
ائندي يازديقلارينيزا گلئنجه: ياخشيدير کي، کئشي آروادا توخونماسين
لاکئن عئفّتسئزلئک سببئندن هر کئشئنئن اؤز آروادي اولسون، هر آروادين دا اؤز اَري اولسون.
اَر اؤز آروادينا اولان وظئفهسئني يرئنه يتئرسئن، آرواد دا اَري ائله بله اتسئن.
آرواد اؤز بدنئنه ائختئيار صاحئبي ديئل، اونا ائختئيار صاحئبي اولان اَردئر. اِله‌جه ده ار اؤز بدنئنه ائختئيار صاحئبي ديئل، اونا ائختئيار صاحئبي اولان آرواددير.
بئربئرئنئزي محروم اتمهيئن، مگر راضيليقلا، او دا مووقّتي بئر مودّت اوچون کي، اؤزونوزو عئبادته وقف ادهسئنئز. سونرا گئنه ده بئرله‌شئن کي، نفسئنئزئن قاباغيني آلا بئلمه‌دئيئنئزدن، شيطان سئزي وسوسهيه سالماسين.
بونو اَمر کئمي يوخ، موساعئده کئمي ديئرم.
آمّا گئنه ده آرزو ادئرم کي، بوتون ائنسانلار منئم کئمي اولسونلار. لاکئن هر کسئن تاريدان اؤز عطاسي وار؛ بئرئنئنکي بله، او بئرئنئنکي اِله.
آمّا سوبايلارا و دوللارا ديئرم کي، منئم کئمي قالماق اونلار اوچون ياخشيدير.
لاکئن اگر نفسلرئنئن قاباغيني آلا بئلمئرلر، اِولنسئنلر. چونکي اولنمک، شهوت اودو ائله يانماقدان ياخشيدير.
آمّا اِوله‌نَنلره، من يوخ، ربّ امر ادئر کي، آرواد ارئندن آيريلماسين.
(لاکئن اگر آيريلسا، اَره گتمهمئش قالسين، يا دا اؤز اَري ائله باريشسين.) اَر ده اؤز آرواديني بوشاماسين.
آمّا قالانلاراينا، ربّ يوخ، من ديئرم کي، اگر بئر قارداشين آروادي ائمانلي ديئل و آرواد اونونلا قالماغا راضيدير، اَري اونو بوشاماسين.
و اگر بئر آروادين اَري ائمانلي ديئل و اَري اونونلا قالماغا راضيدير، آروادي اوندان بوشانماسين.
چونکي ائمانسيز اَر، آروادينين واسئطهسئله تقدئس اولونور و ائمانسيز آرواد دا ائمانلي اَرئنئن واسئطهسئله تقدئس اولونور. او بئري حالدا اوشاقلارينيز ناپاک اولارديرلار، لاکئن ائندي موقدّسدئرلر.
آمّا اگر ائمانلي اولمايان آيريلسا، قوي آيريلسين. بله وضعئيّتلرده قارداش و يا باجي آرتيق باغلي ديئل. لاکئن تاري بئزي باريشا دعوت ادئر.
چونکي اي آرواد، هارادان بئلئرسن کي، اَرئني نئجات ورمه‌يهجکسن؟ يا دا اي اَر، هارادان بئلئرسن کي، آرواديني نئجات ورمه‌يهجکسن؟
آنجاق هر کس ربّئن اونا تعيئن اتدئيي کئمي و تاريدان آلديغي دعوته گؤره رفتار اتسئن. بونو بوتون کئلئسالارا امر ادئرم.
اگر بئري ختنهلي ائکن دعوت اولوندو، ختنهسئز کئمي اولماغا چاليشماسين. اگر بئري ختنهسئز ائکن دعوت اولوندو، ختنه اولونماسين.
نه ختنهليلئک موهومدور، نه ده ختنهسئزلئک. موهوم اودور کي، تارينين امرلرئنه عمل ادهسئنئز.
هر کس نه وضعئيّتده دعوت اولونسا، او وضعئيّتده قالسين.
چاغيريلديغين زامان اگر نؤکر ائدئن، بو بارهده فئکئر چکمه. لاکئن اگر آزاد اولماغا ائمکانين وار، فورصتي الدن ورمه.
چونکي رب طرفئندن دعوت اولونان زامان، نؤکر آدام ربّئن آزاد آدامي‌دير. اِله‌جه ده دعوت اولوندوغو زامان، آزاد اولان آدام مسئحئن نؤکري‌دئر.
سئز چوخ باها بئر قئيمته آلينيبسينيز. ائنسانلارين قولو اولمايين.
قارداشلار، هر کس نه وضعئيّتده چاغيريليب، تارينين حوضوروندا اِله او جور قالسين.
باکئره‌لر حاقيندا ربدن بئر امرئم يوخدور. آمّا ربّئن مرحمتي ائله اعتئماد ادئلهبئلن بئري کئمي ديئرم.
بله دوشونورم کي، ائندئکي سيخينتيلار اوزوندن بو، ياخشيدير. يعني بو ياخشيدير کي، ائنسان، اولدوغو کئمي قالسين.
اگر بئر آروادا باغليسان، آيريلماق دالينجا اولما. اگر آرواددان آيريليبسان، آرتيق آرواد آلماق دالينجا اولما.
آمّا اِولنسن ده، گوناه اتمهيئبسن؛ اگر بئر قيز دا اَره گتسه، گوناه اتمهيئب. آمّا بله آداملار بو حياتدا اذئيّت چکهجکلر و من چاليشيرام کي، سئزي بونلاردان حئفظ ادئم.
آمّا قارداشلار، بونو دمه‌لئيم کي، واخت قيسالانيب. اونا گؤره ده، بوندان سونرا آروادي اولانلار، اولمايانلار کئمي اولمالي‌ديرلار؛
آغلايانلار، آغلاماميشلار کئمي. شادليق ادنلر، شادليق اتمهمئشلر کئمي. مال آلانلار هچ شيه مالئک اولماميشلار کئمي.
بو دونيادان ائستئفاده ادنلر، کامئل ائستئفاده اتمهمئشلر کئمي اولمالي‌ديرلار. چونکي بو دونيانين ائندئکي حالي کچئب گدئر.
لاکئن ائسته‌يئرم کي، سئز بونلارين قيدئندن آزاد اولاسينيز. اِولي اولمايان کئشي ربّئن ائشلري قيدئندهدئر کي، اونو راضي اتسئن.
لاکئن اِولي کئشي، آرواديني راضي اتمک اوچون دونيه‌وي شيلرئن قيدئندهدئر.
بلجه علاقهسي ائکي يره بؤلونور. اَرسئز آرواد و باکئره قيز ربّئن ائشلري قيدئندهدئر کي، نجه جئسمن و روحن موقدّس قالسين. لاکئن اَرلي آرواد دونيه‌وي شيلرئن قيدئندهدئر کي، نجه اَرئني راضي اتسئن.
بونو سئزئن اؤز خيئرئنئز اوچون ديئرم. آزادليغينيزي محدود اتمک اوچون دمئرم. ديئرم کي، دئقّتئنئزي داغيتمادان ربّه وقف اولونوب، اونا لايئق بئر حالدا ياشاياسينيز.
اگر بئري اله گومان ادئر کي، باکئره قيزينين حاقّيندا حاقسيزليق ادئر، اگر قيزين ياشي کچئر و اِوله‌نمه‌سي گرکدئر. او، نه ائستهيئر، اتسئن. گوناه اتمز. قوي اونلار اِوله‌نسئنلر.
آمّا هر کس کي، اؤز اوره‌يئنده قرارلي‌دير و احتئياج گؤرمه‌يئب، اؤز ائرادهسئنه حاکئمدئر و اوره‌يئنده بو قرارا گلئب کي، باکئره قيزيني ساخلاسين، ياخشي اِدَر.
بلجه، باکئره قيزيني اِوله‌ندئرن ياخشي ادئر، باکئره قيزيني اِوله‌ندئرمه‌ين داها ياخشي ادئر.
آرواد، اَري صاغ ائکن، اونا باغلي‌دير. لاکئن اگر اَري اؤلسه، آرواد آزاددير کي، ائسته‌دئيي هر کسه اَره گتسئن، آنجاق کي، او آدام ربده اولسون.
آمّا بله دوشونورم کي، اگر اولدوغو کئمي قالسا، داها بختور اولار. و گومان ادئرم کي، منده ده تارينين موقدّس روحو وار.
بوتلره تقدئم اولونان قوربانلار حاقّيندا؛ بئلئرئک کي، هاميميز علم صاحئبييئک. علم تکبّور گتئرر، لاکئن محبّت بئنا ادر.
اگر کئمسه دوشونور کي، بئر شي بئلئر، او حله لازيم اولان قدر بئلمئر.
آمّا کئم تاريني سوئر، او آدام تارينين طرفئندن تانينير.
بلجه، بوتلره تقدئم اولونان شيلرئن يمه‌سي بارهده؛ بئلئرئک کي، بوت اصلئنده دونيادا هچ بئر شيدئر و واحئد تاريدان باشقا تاري يوخدور.
حتّا اگر گؤيده و يا يرده «تاري» چاغيريلانلار اولسا دا، نجه کي، حقئقتن بئر چوخ تاريلار و ربلر وار-
بئزئم اوچون بئر تاري وار، يعني آتا کي، هر شي اونداندير و بئز اونون اوچون واريق. و بئر ربّئمئز وار يعني عئسا مسئح کي، هر شي اونون واسئطهسئلهدئر و بئز اونون واسئطهسئله واريق.
آمّا هاميدا بو علم يوخدور؛ بعضئلري ائندئيهجک بوتلره اله آليشيبلار کي، يدئکلري زامان اونون بوته تقدئم اولوندوغونو دوشونورلر و وئجدانلاري ضعئف اولدوغوندان نجئس اولور.
يمک بئزي تارييا مقبول اتمز. يمه‌سَک، اَسکئيئمئز اولماز، يِسَک ده، بئر شي آرتيرماريق.
آمّا احتئياط ادئن کي، بو آزادليغينيز ضعئف اولانلاري يره ييخماسين.
چونکي اگر ضعئف وئجدانلي بئر آدام گؤرسه کي، سن بو علمه صاحئب اولان حالدا، بوتخانادا سوفرهيه اوتوروبسان، مگر جسارت آلماز کي، بوتلره تقدئم اولونان يمکلردن يسئن؟
و سنئن علمئنئن نتئجهسئنده وئجداني ضعئف اولان هلاک اولور؛ او قارداش کي، مسئح اونون خاطئري اوچون اؤلدو.
بلجه، اؤز قارداشلارينيزين ضئدّئنه گوناه اِتمکله و اونلارين ضعئف وئجدانلاريني يارالاماقلا، سئز، مسئحئن ضئدّئنه گوناه اِدئرسئنئز.
بونا گؤره، اگر يمک قارداشيمين يره ييخيلماسينا سبب اولور، من داها ات اصلا يمه‌رم کي، قارداشيمي ييخماييم.
مگر من آزاد ديئلم؟ مگر من حواري ديئلم؟ مگر ربّئمئز عئساني گؤرمهمئشم؟ مگر سئز ربده منئم ائشئم ديئلسئنئز؟
اگر اؤزگهلره حواري ديئلم ده، هچ اولماسا، سئزه حوارئيم. چونکي ربده حوارئلئيئمئن مؤهورو سئزلرسئنئز.
مني ائستئنطاق اِدَنلره مودافئعم بودور:
مگر حاقّيميز يوخدور کي، يِيئب ائچک؟
مگر حاقّيميز يوخدور کي، ائمانلي بئر آروادي يانيميزدا گؤتوروب گزدئرک. نجه کي، حتّا آيري حوارئلر، ربّئن قارداشلاري و کئفا دا ادئر؟
و يا ائشلَمهمَيه آنجاق منئم و بارنابانين حاقّي يوخدور؟
کئم وار کي، هر زامان اؤز خرجي ائله عسگرلئک اتمئش اولسون؟ کئم وار کي، اوزوم باغي اکئب، اونون ميوهسئندن يمه‌سئن؟ کئم وار کي، سورونو اوتاريب، اونون سودوندن ائچمه‌سئن؟
مگر بونلاري ائنسان گؤروشونه گؤره ديئرم؟ مگر شرئعت ده بو شيلري دمئر؟
چونکي موسانين شرئعتئنده بله يازيليب: "خرمني دؤين اؤکوزون آغزيني باغلاما." مگر تاري اؤکوزلرئن قيدئنه قالير؟
مگر بئزئم اوچون بو شيلري دمئر؟ بلي، بونلار بئزئم اوچون يازيليب، چونکي شوخوملايان اومئدله جوت سورملئدئر، و خرمن دؤين تاخيلا شرئک اولماق اومئدي ائله دؤيملي‌دئر.
اگر بئز سئزده روحاني توخوملار اکدئک، سئزدن مادّي شيلر بئچسک، بو سئزه چوخ گلئر؟
اگر سئزئن اوستونوزده اؤزگهلرئن بله بئر حاقّي وار، مگر بئزئم بونا داها چوخ حاقّيميز يوخدور؟ آمّا بئز بو حاقدان ائستئفاده اتمهدئک، لاکئن هر شيه تاب گتئردئک کي، مسئحئن ائنجئلئنئن خوش خبرئنه هچ بئر مانع اولماياق.
مگر بئلمئرسئنئز کي، معبدده موقدّس خئدمتلري گؤرنلر معبدئن يمه‌يئندن ييئرلر و قوربانگاهين خئدمتچئلري اؤز پايلاريني قوربانگاهدان گؤتورورلر؟
بلجه ده رب امر ادئب کي، ائنجئلئن خوش خبرئني موژده ورنلر، روزئلرئني ائنجئلدن گؤتورسونلر.
لاکئن من بو حاقلارين هچ بئرئندن ائستئفاده اتمهمئشم و بو سؤزلري يازميرام کي، منئم اوچون ده اله اولسون. چونکي اؤلوم منه بوندان داها ياخشيدير کي، بئري منئم ائفتئخاريمي بوشا چيخارتسين.
اگر ائنجئلئن خوش خبرئني وعظ ادئرم، فخر اتمه‌يه حاقّيم يوخدور، چونکي بو، منئم وظئفمدئر. لاکئن واي منه، اگر ائنجئلي وعظ اتمه‌يم!
اگر بونو اؤز ميلئمله اِتسم، اجرئم وار. آمّا اگر اؤز ميلئمله اِتمه‌سم، منه تاپشيريلان وظئفهني يرئنه يتئرئرم.
بس منئم اجرئم نه‌دئر؟ بودور کي، ائنجئلئن خوش خبرئني وعظ ادن واخت، اونو تمنّاسيز عرض ادم کي، ائنجئلده اولان حاقّيمدان تامامن ائستئفاده اتمهيئم.
چونکي هر کسدن آزاد ائکن، اؤزومو هامييا قول اتمئشم کي، داها چوخ آدام قازانيم.
يهودئلري قازانماق اوچون اونلارا يهودي کئمي اولدوم. اؤزوم شرئعتئن حاکئمئيّتي آلتيندا اولماديغيم حالدا، شرئعت آلتيندا اولانلارا شرئعت آلتينداکي کئمي اولدوم کي، اونلاري قازانيم.
شرئعتسئز آداملاري قازانماق اوچون، شرئعتسئزلره شرئعتسئز بئر آدام کئمي اولدوم، گرچي تارينين حوضوروندا شرئعتسئز اولماييب، مسئحئن شرئعتي آلتيندايام.
ضعئفلري قازانماق اوچون، اونلارا ضعئف کئمي اولدوم. هر کس اوچون هر شي اولدوم کي، هر نه جور اولور-اولسون، بعضئلرئنه نئجات ورئم.
بونلارين هاميسيني ائنجئلئن خاطئري اوچون ادئرم کي، اوندا پاييم اولسون.
مگر بئلمئرسئنئز کي، قاچيش ميدانيندا قاچانلارين هاميسي قاچار، آمّا تک بئر نفر جايئزهني آلار؟ اِله قاچين کي، جايئزهني قازاناسينيز.
موسابئقهده رقابت اِدن، هر شيده نفسئنئن قاباغيني آلار. اونلار بونو فاني بئر تاجي آلماق اوچون ادئرلر، لاکئن بئز فاني اولمايان اوچون ادئرئک.
بونا گؤره، من مقصدسئز قاچان بئري کئمي قاچميرام. يوموروغومو هاوايي ووران کئمي آتميرام.
آمّا بدنئمه اذئيّت چکدئرئب اونو قول ادئرم کي، مبادا اؤزگهلره وعظ ادندن سونرا، اؤزوم مردود اولوم.
قارداشلار، ائسته‌مئرم کي، سئزي بئخبر قويوم. آتالاريميزين هاميسي بولودون آلتيندا ائدئلر و هاميسي دهنزدن کچدئلر.
هاميسي بولوددا و دهنزده موسايا منسوب تعمئد اولوندولار.
هاميسي همن روحاني يمه‌يي يدئلر.
هاميسي دا همن روحاني ائچهجه‌يي ائچدئلر. چونکي اونلارين دالينجا گلن روحاني قايادان ائچئردئلر. و او قايا مسئح ائدي.
آمّا تاري اونلارين چوخوندان راضي ديئلدي، چونکي چؤلده اؤلو بوراخيلديلار.
بو شيلر بئزئم عئبرتئمئز اوچون باش وردي کي، اونلار کئمي پئسلئيه موشتاق اولماياق،
و اونلارين بعضئلري کئمي بوتپرست اولماياق. نجه کي، يازيليب: "خالق ييئب ائچمه‌يه اوتوردو و اويناماغا قالخدي."
عئفّتسئزلئک اتمه‌يک؛ نجه کي، اونلارين بعضئلري اتدئلر و بئر گونده ائيئرمي اوچ مئن نفر اؤلدو.
ربّي ائمتاحانا چکمه‌يک؛ نجه کي، اونلارين بعضئلري اتدئلر و ائلانلارين واسئطهسئله هلاک اولدولار.
ديئنمه‌يک؛ نجه کي، اونلارين بعضئلري اتدئلر و هلاک ادهنئن اَلي ائله محو اولدولار.
بو شيلر عئبرت اوچون اونلارين باشينا گلدي و بو آخير عصرلره چاتان بئزلره ده درس اوچون يازيليردي.
بونا گؤره ده، کئم گومان آپارير کي، آياق اوسته دورور، احتئياطلي اولسون کي، ييخيلماسين.
هچ بئر وسوسه سئزئن باشينيزا گلمه‌يئب کي، آيري ائنسانلارين باشينا گلمهمئش اولسون. تاري وفالي‌دير و قويماز کي، طاقتئنئزدن آرتيق وسوسهيه دوشهسئنئز. لاکئن وسوسه ائله بله سئزه قاچاجاق يولو دا تأمئن اِدَر کي، تاب گتئره بئلهسئنئز.
بلجه، سوگئلئلرئم، بوتپرستلئکدن قاچين.
عاغيلّي آداملارلا دانيشان کئمي دانيشيرام؛ ددئيئمه سئز حؤکم ادئن.
برکت پئيالهسي کي، بئز اونا برکت ورئرئک، مگر مسئحئن قانيندا شرئک اولماق ديئل؟! برکت وردئيئمئز چؤرک مگر مسئحئن بدنئنده شرئک اولماق ديئل؟!
مادام کي، چؤرک بئردئر، دمه‌لي چوخ اولان بئزلر ده بئرئک. چونکي هاميميز بئر چؤرکدن پاي آليريق.
ائسرايئل خالقينا باخين؛ مگر قوربانلاري يئينلر قوربانگاهدان پاي آلانلار ديئللر؟!
بس نه دمک ائسته‌يئرم؟ بو کي، بوتلره قوربان ادئلن بئر شي، موهوم بئر شيدئر؟ و يا بئر بوت موهوم بئر شيدئر؟
يوخ، لاکئن بونو ديئرم کي، قيري‌يهودئلر قوربانلاري تارييا يوخ، ائبلئسلره تقدئم ادئرلر. و ائسته‌مئرم کي، سئز ائبلئسلردن پاي آلاسينيز.
سئز، هم ربّئن، هم ده ائبلئسلرئن پئيالهسئندن ائچه بئلمزسئنئز. هم ربّئن سوفرهسئندن، هم ده ائبلئسلرئن سوفرهسئندن پاي آلا بئلمزسئنئز.
مگر ائسته‌يئرئک ربّي قيرته گتئرک؟ مگر بئز اوندان داها گوجلويوک؟
هر شي جائزدئر، لاکئن هر شي فايدالي ديئل. هر شي جائزدئر، لاکئن هر شي بئنا اتمز.
هر کس اؤزونون خيئرئني يوخ، اؤزگهسئنئن خيئرئني آختارسين.
ات بازاريندا ساتيلان نه وارسا، ييئن و وئجدانين خاطئري اوچون هچ بئر شي سوروشمايين.
چونکي ير ربّئن، اوندا اولان هر شي ده ربّئندئر.
اگر ائمانلي اولمايانلاردان بئري سئزي دعوت اتسه، و گتمک ائسته‌يئرسئنئز ده، قاباغينيزا نه قويولسا ييئن، و وئجدانين خاطئري اوچون سوآللار اتمهيئن.
آمّا اگر بئري سئزه دسه: "بو، بوتلره تقدئم اولونموش قوربانليقدير"، بونو سئزه دئيهنئن خاطئرئنه، وئجدانين دا خاطئرئنه اوندان يمه‌يئن.
مقصدئم سئزئن وئجدانينيز يوخ، اؤزگه آدامين وئجداني‌دير؛ چونکي منئم آزادليغيما نه اوچون اؤزگه آدامين وئجداني طرفئندن حؤکم اولونسون؟
اگر شوکور ادئب يِيئرم، نه اوچون شوکور اتدئيئم شيدن اؤتري ملامت اولونوم؟
بلجه، ائستر يئيهسئنئز، ائستر ائچهسئنئز، ائستر نه ادهسئنئز، هر شيي تارينين جلالي اوچون ادئن.
يهودئلرئن، يونانلي‌لارين و تارينين کئلئساسينين دا بودرهمه‌سئنه سبب اولمايين.
نجه کي، من ده هر شيده هر کسي راضي ادئرم و اؤز منفعتئمي يوخ، اؤزگه چوخ آداملارينکيني آختاريرام کي، اونلار نئجات تاپسينلار.
مندن نومونه آلين، نجه کي، من ده مسئحدن آليرام.
مني هر شيده خاطيرلاديغينيز اوچون و سئزه تاپشيرديغيم تعلئملري برک توتدوغونوز اوچون سئزي تعرئفله‌يئرم.
ائسته‌يئرم بونو دا باشا دوشهسئنئز کي، هر کئشئنئن باشي مسئحدئر، هر آروادين باشي کئشئدئر. مسئحئن باشي دا تاريدير.
هر کئشي کي، باشي اؤرتولو دوعا يا دا نبئلئک ادئر، اؤز باشينا خجالت گتئرئر.
هر آرواد دا کي، باشي اؤرتولمهمئش دوعا يا دا نبئلئک ادئر، اؤز باشينا خجالت گتئرئر؛ چونکي بو جور آرواد، ساچلاري قيرخيلميش آروادلا بئر حسابدادير.
چونکي اگر بئر آرواد باشيني اؤرتمه‌سه، قوي ساچلاريني قيرخسين. لاکئن اگر آرواد اوچون عاييبدير کي، ساچلاري قيرخيلسين و يا باشينا اولگوج چکدئرسئن، قوي اوندا باشيني اؤرتسون.
کئشي باشيني اؤرتمهملئدئر، چونکي تارينين صورت و عئزّتئدئر. آمّا آرواد کئشئنئن عئزّتئدئر.
چونکي کئشي آرواددان يوخ، آرواد کئشئدن ياراندي.
دوغرودان دا کئشي آرواد اوچون يوخ، آرواد کئشي اوچون ياراندي.
بونا گؤره آرواد، ملکلرئن خاطئرئنه گرک اؤز باشي اوسته ائقتئدار نئشاني اولسون.
گرچي، ربده نه آرواد کئشئدن موستقئلدئر نه ده کئشي آرواددان.
چونکي نجه آرواد کئشئدن يارانير، کئشي ده آروادين واسئطهسئله. و هر شي تاريداندير.
سئز اؤزونوز قرار ورئن؛ آيا آروادا ياراشير کي، اؤرتوسوز تارييا دوعا اتسئن؟!
مگر طبئعتئن اؤزو سئزه اؤيرتمئر کي، اگر کئشي ساچلاريني اوزاتسا، بو اونون اوچون بيآبيرليقدير؟!
آمّا اگر آرواد ساچلاريني اوزاتسا، بو اونون اوچون عئزّتدئر؟! چونکي ساچلاري اونا اؤرتوک اوچون ورئلئب.
لاکئن اگر کئمسه ائسته‌سه کي، بو بارهده موباحئثه اتسئن، نه بئزئم، نه ده تارينين کئلئسالارينين بله بئر عادتي وار.
آمّا بو تعلئملري وِرَرکن سئزي تعرئفله‌مئرم، چونکي ييغيناجاغينيز خيئر اوچون يوخ، شر اوچوندور.
چونکي، اوّلن، اشئدئرم کي، کئلئسادا بئر يره گلدئيئنئز زامان، آرانيزدا دستهبازليق اولور. بونا من، قئسمن ده اولسا، ائنانيرام.
چونکي آرانيزدا ائختئلافلار اولماليدير کي، آرانيزدا تصدئق اولونموشلار بلّي اولسونلار.
بونا گؤره، بئر يره ييغيلديغينيز زامان، مقصدئنئز ربّئن سوفرهسئنده شئرکت اتمک ديئل.
چونکي يمکده هر کس قاباقجا اؤز شاميني ييئر؛ بئري آج قالير، او بئرئسي کفله‌نئر.
بو نه‌دئر؟ مگر يمک-ائچمک اوچون اِوئنئز يوخدور؟! يوخسا تارينين کئلئساسيني تحقئر ادئب، هچ بئر شيي اولمايانلاري اوتانديريرسينيز؟ سئزه نه ديئم؟ تعرئف ادئم؟ بو خوصوصدا سئزي تعرئف اتمه‌يهجه‌يم. ربّئن سوفرهسي
چونکي من ربدن آلديغيمي، سئزه ده چاتديرديم. بو کي، رب عئسا تسلئم اِدئلدئيي گجه چؤرک گؤتوردو
و شوکور ادندن سونرا اونو بؤلوب ددي: "«بو سئزئن اوچون منئم بدنئمدئر. بونو مني خاطيرلاماق اوچون ادئن."
اِله‌جه ده شامدان سونرا پئيالهني گؤتوروب ددي: "بو پئياله منئم قانيمدا تزه عهددئر. نه زامان بونو ائچئرسئنئز، مني خاطيرلاماق اوچون ائچئن."
چونکي بو چؤره‌يي يدئيئنئز و بو پئيالهدن ائچدئيئنئز هر زامان، ربّئن گلئشئنهجک ربّئن اؤلومونو اعلان ادئرسئنئز.
اونا گؤره ده، کئم لايئق اولمايان طرزده ربّئن بو چؤره‌يئني ييئب يا دا پئيالهسئندن ائچسه، ربّئن بدنئنه و قانينا تقصئرلي اولور.
لاکئن هر کس گرک اؤزو-اؤزونو تفتئش اتسئن و بلجه بو چؤرکدن يِسئن و بو پئيالهدن ائچسئن.
چونکي يِيئب ائچن اؤزونون ضئدّئنه محکومئيّت ييئب ائچئر، اگر ربّئن بدنئني آييرد اتمئر.
بونا گؤره ده، سئزلردن چوخو ضعئف و ناخوشدور، بئر نچهسي ده گؤزلرئني حياتا يوموب.
آمّا اگر بئز اؤز-اؤزوموزه صحئحجه حؤکم اتسَيدئک، بئزه حؤکم اولمازدي.
لاکئن بئزه حؤکم اولونان زامان، ربّئن طرفئندن تربئيه اولونوروق کي، دونيا ائله بئرلئکده محکوم اولماياق.
بونون اوچون، قارداشلاريم، يمه‌يه ييغيلاندا بئربئرئنئزي گؤزلهيئن.
آج اولان وارسا، قوي اِوئنده يسئن کي، ييغيشماغينيز موحاکئمه اولونماغينيزا سبب اولماسين. قالان مطلبلري اؤزوم گلنده نئظاما سالارام.
قارداشلار، ائسته‌مئرم کي، روحاني عطالار حاقّيندا دا بئخبر اولاسينيز.
بئلئرسئنئز کي، بوتپرست ائکن، آزديريليب، دئلسئز بوتلرئن طرفئنه آپاريلدينيز.
بونا گؤره سئزه بئلدئرئرم کي، تارينين موقدّس روحو واسئطهسئله دانيشان هچ کئم دمز کي، "عئسا ملعوندور." هچ کئم ده دئيه بئلمز کي، "عئسا ربدئر"، مگر موقدّس روحون واسئطهسئله.
عطالار جوربهجور، لاکئن روح همن‌دئر.
خئدمتلر جوربهجور، لاکئن رب همن‌دئر.
خئدمتلري يرئنه يتئرمهيئن طرزلري ده موختلئف، لاکئن تاري همن‌دير، هاميدا هر شيي يرئنه يتئرن ده اودور.
آمّا هر کسه روحون ظوهورو خيئر اوچون ورئلئر.
موقدّس روحون واسئطهسئله بئرئنه حئکمت کلامي، و اؤزگه بئرئنه اِله همن روحون واسئطهسئله معرئفت کلامي ورئلئر.
اؤزگهسئنه همن روحون واسئطهسئله ائمان ورئلئر، اؤزگه بئرئنه ده همن روحون واسئطهسئله شفا عطالاري ورئلئر.
بئرئنه مؤجوزهلر ياراتماسي، بئرئنه نبئلئک، بئرئنه روحلاري تشخئص ورئب آييرد اتمک، بئرئنه موختلئف دئللر، بئرئنه ده دئللرئن ترجومهسي.
لاکئن بوتون بونلاري بئر و همن روح يرئنه يتئرئر و نجه کي، ائستهيئر، هر کسه فردن بؤلوشدوروب ورئر.
نجه کي، بدن بئر اولدوغو حالدا، چوخلو عوضولره مالئکدئر، بدنئن ده بوتون عوضولري، چوخ اولدوقلاري حالدا، گئنه بئر بدندئرلر. مسئح ده اِلهدئر.
چونکي بئر روحون واسئطهسئله هاميميز بئر بدنه تعمئد اولونموشوق؛ ائستر يهودي اولاق، ائستر يونانلي؛ ائستر قول اولاق، ائستر آزاد. هاميميز دا بئر روحدان ائچدئرئلمئشئک.
چونکي بدن بئر عوضودن يوخ، چوخ عوضودن عئبارتدئر.
اگر آياق دسه: "چونکي اَل ديئلم، بدندن ده ديئلم"، مگر بو اونو بدندن آييرار؟
اگر قولاق دا دسه: "چونکي گؤز ديئلم، بدندن ده ديئلم"، مگر بو اونو بدندن آييرار؟
اگر بوتون بدن گؤز اولسايدي، نجه اشئده بئلردي؟ اگر بوتون بدن قولاق اولسايدي، نجه ائيي بئله‌ردي؟
آمّا تاري عوضولرئن هر بئرئسئني، اؤزو ائسته‌دئيي کئمي بدنده يرلشدئرئب.
و اگر هاميسي بئر عوضو اولسايدي، بدن نه اولاردي؟
لاکئن ائندي عوضولر چوخ، آمّا بدن بئردئر.
گؤز اَله دئيه بئلمز کي، "سن منه لازيم ديئلسن؟" و يا باش دا آياقلارا دئيه بئلمز کي، "سئز منه لازيم ديئلسئنئز."
عکسئنه، بدنئن داها ضعئف گؤرونن عوضولري چوخ دا لازيمديرلار.
بدنئن داها آز دَيَرلي سايديغيميز عوضولرئنه داها چوخ دَيَر ورئرئک و بلجه خوش گؤرونمه‌ين عوضولرئمئز داها چوخ خوش گؤرونور.
خوش گؤرونن عوضولرئمئز بونا مؤحتاج ديئللر. لاکئن تاري آز دَيَرلي عوضوه داها چوخ دَيَر گؤرسه‌دئب و بدني اِله ترتئب ورئب کي،
بدنده آيريليق اولماسين، لاکئن عوضولر بئربئرئنئن قيدئنه قالسينلار.
و اگر بئر عوضو عذاب چکئر، هامي عوضولر اونونلا عذاب چکرلر. و اگر بئر عوضو عئزّت قازانير، هامي عوضولر اونونلا شادليق ادرلر.
سئز ده ائندي مسئحئن بدنئسئنئز، هر بئرئنئز ده اونون عوضولرئسئنئز.
و تاري کئلئسادا بئرئنجي حوارئلري، ائکئنجي نبئلري، اوچونجو موعلّئملري، سونرا مؤجوزه ائشلرئني، سونرا شفا عطاسيني، سونرا کؤمک، ائداره، و موختلئف دئللري تعيئن ادئب.
مگر هامي حواري‌دئر؟ مگر هامي نبئدئر؟ مگر هامي موعلّئمدئر؟ مگر هامي مؤجوزه ياراداندير؟
مگر هاميدا شفا عطالاري وار؟ مگر هامي دئللرده دانيشير؟ مگر هامي ترجومه ادئر؟
لاکئن سئز داها افضل عطالاري قيرتله ائسته‌يئن. من ده سئزه داها افضل يولو گؤرسه‌دئم.
اگر من ائنسانلار و ملکلر دئلي ائله دانيشام، آمّا محبّتئم اولمايا، دمه‌لي باغيران بئر مئس يا دا جئنگئلده‌ين بئر سئنجه دؤنموشم.
اگر نبئلئک عطام اولا و هامي سئرّلر، هامي علملري بئلم؛ اگر کامئل ائمانا مالئک اولام، اِله کي، داغلاري يرئندن ترپه‌دم، آمّا محبّتئم اولمايا، هچ زاد ديئلم.
اگر واريمين هاميسيني فاغيرلارا پايلاييب اونلاري دويورام، اگر بدنئمي يانديريلماغا وِرَم، آمّا محبّتئم اولمايا، منئم اوچون هچ بئر فايداسي يوخدور.
محبّت صبئرلئدئر، محبّت مهرئباندير، محبّت پاخيلّيق اتمز. محبّت کئبئرلَنمَز، مغرور اولماز،
بيادبلئک اتمز، اؤز منفعتئني آختارماز، تز حئرصلنمز، پئسلئکلرئن حسابيني ساخلاماز.
حاقسيزليقدان سوئنمز، لاکئن حقئقتدن شادلانار.
محبّت هر زادي اؤرتر، هر شيه ائنانار، هر شيه اومئد باغلار، هر زادا تاب گتئرر.
محبّت هچ واخت قورتارماز. لاکئن نبئلئک اولسا دا، قورتاراجاق؛ دئللر اولسا دا، ساکئت اولاجاق؛ علملر اولسا دا، آرادان گدهجک.
چونکي بئلدئيئمئز محدوددور، نبئلئيئمئز محدوددور.
آمّا کامئلئن گلدئيي زامان، محدود اولان آرتيق آرادان گدهجک.
اوشاق ائکن اوشاق کئمي دانيشيرديم، اوشاق کئمي آنلاييرديم، اوشاق کئمي دوشونوردوم. آمّا بويا-باشا چاتديغيم زامان اوشاقليغي ترک اتدئم.
چونکي ائندي بئز هر شيي اؤرتولو، آينادا گؤرن کئمي گؤروروک، لاکئن اوزبهاوز گؤرهجه‌يئک. ائندي بئلدئيئم محدوددور، لاکئن او زامان درک ادئلدئيئم کئمي درک ادهجهيم.
ائندي اوچ شي باقئدئر: ائمان، اومئد، محبّت. آمّا محبّت بونلارين هاميسيندان بؤيوکدور.
محبّتئن دالينجا قاچين، لاکئن روحاني عطالاري دا قيرتله ائسته‌يئن، خوصوصن نبئلئک عطاسيني.
چونکي کئم ياد بئر دئلده دانيشير، آداملارا يوخ، تارييا دانيشير. چونکي اونو هچ کئم باشا دوشمور. او، روحدا سئرّلر دانيشير.
آمّا نبئلئک ادن، آداملارا بئنا، تشوئق و تسلّي اوچون دانيشير.
ياد دئلده دانيشان آدام اؤزونو بئنا ادئر، آمّا نبئلئک ادن آدام کئلئساني بئنا ادئر.
آرزو ادئرم کي، سئز هامينيز دئللرده دانيشاسينيز، عللخوصوص بو کي، نبئلئک اِدهسئنئز. چونکي نبي، ياد دئللرده دانيشاندان افضلدئر، مگر ترجومه اتسئن کي، کئلئسا بئنا اولسون.
ائندي قارداشلار، اگر من سئزئن يانينيزا گلئب ياد دئللرده دانيشماغا باشلاسام، سئزه نه فايدا يتئرهرم، اگر وحي، معرئفت، نبئلئک، يا دا تعلئم واسئطهسئله دانيشماسام؟!
سَس ورن جانسيز شيلر، ائستر توتَک اولسون ائستر چنگ، اگر فرقلي سسلر چيخارتماسالار، توتَک و يا چنگله نه چالينديغيني کئم بئلر؟!
اگر شيپور قيري‌موعيّن سَس چيخارتسا، دؤيوشه کئم حاضيرلاشار؟
الجه ده سئز اگر دئلئنئزله باشا دوشولمه‌ين سؤزلر دانيشاسينيز، سئزئن نه ددئيئنئز نجه بئلئنر؟ اله بئل کي، هاوا ائله دانيشيبسينيز.
شوبههسئز کي، دونيادا بئر چوخ موختلئف دئللر وار و اونلاردان هچ بئري معناسيز ديئل.
بلجه اگر دئلئن معناسيني بئلمه‌سم، من دانيشان اوچون اجنبي اولورام، دانيشان دا منئم اوچون اجنبي اولور.
اله‌جه ده سئز، مادام کي، روحاني عطالاري قيرتله ائسته‌يئرسئنئز، کئلئساني بئنا ادن عطالاردا وارلي اولماغينيزي ائسته‌يئن.
بونا گؤره ده، ياد دئلده دانيشان آدام، ترجومه عطاسي اوچون دوعا اتسئن.
چونکي اگر من ياد بئر دئلده دوعا ادئرم، روحوم دوعا ادئر، لاکئن عاغليم بهرهسئز قالير.
بس نه اِتمهلييم؟ هم روحلا دوعا ادهجهيم، هم ده عقلله. هم روحلا ائلاهي نغمه اوخوياجاغام، هم ده عقلله.
يوخسا اگر سن روحلا برکت ورئرسن، روحاني بئر عطاسي اولمايان آدام نجه سنئن شوکورلرئنه "آمئن" دئيه بئلر؟ چونکي سنئن ددئکلرئني باشا دوشمور.
البتّه سن ياخشي شوکور ادئرسن، آمّا بوندان، باشقا بئر آدام بئنا اولمور.
تارييا شوکور ادئرم کي، من سئزئن هامينيزدان چوخ دئللرده دانيشيرام.
آمّا کئلئسادا ياد بئر دئلده اون مئن سؤز دانيشماقدان، داها چوخ بونا جان آتيرام کي، عاغليملا بش سؤز دانيشيم و اؤزگهلره تعلئم ورئم.
قارداشلار، عقلن اوشاق اولمايين. پئسلئکده اوشاق اولون، لاکئن عقلن بويو-باشلي!
شرئعتده يازيليب: رب ديئر: "اجنبئلرئن دئللري ائله، يادلارين دوداقلاري ائله بو خالقلا دانيشاجاغام، آمّا او زامان دا منه قولاق آسماياجاقلار."
بلجه دئللر ائمان گتئرنلر اوچون يوخ، ائمانسيزلار اوچون بئر علامتدئر. لاکئن نبئلئک ائمانسيزلار اوچون يوخ، ائمانليلار اوچوندور.
اگر بوتون کئلئسا بئر يره ييغيليب هامي ياد دئللرده دانيشسالار، و روحاني عطايا مالئک اولمايان يا دا ائمانسيز آداملار اورايا گئرسهلر، دِمزلر کي، سئز دَلي‌سئنئز؟!
آمّا اگر هامي نبئلئک اتسهلر، و اورايا ائمانسيز بئر آدام، يا دا روحاني عطايا مالئک اولمايان بئري گئرسه، هامينين طرفئندن ائلزام اولوب هامييا جاوابگو قالار؛
اورهيئنين سئرّلري آشکار اولار و اوزو-اوسته دوشوب پرستئش اِدَر و اعلان اِدَر کي، تاري حقئقتن سئزئن آرانيزدادير.
بس ائندي نه، قارداشلار؟ بئر يره ييغيلديغينيز زامان هر بئرئنئزئن بئر مزمورو، بئر تعلئمي، بئر وحيي، بئر ياد دئلي، بئر ترجومهسي وار، قويون هر شي بئنا اتمک اوچون اولسون.
اگر کئمسه ياد بئر دئلده دانيشير، ائکي يا دا لاپ چوخ اوچ آدام نؤوبه ائله دانيشسينلار، بئر نفر ده ترجومه اتسئن.
آمّا اگر ترجومهچي يوخدور، قوي او آدام کئلئسادا ساکئت قالسين و آنجاق اؤزونه و تارييا دانيشسين.
قوي ائکي يا دا اوچ پيغمبر دانيشسين و اؤزگهلر تفتئش اتسئنلر.
آمّا اگر اوتورانلاردان بئرئنه بئر وحي گلئر، قوي ائلک دانيشان آدام ساکئت قالسين.
چونکي سئز هامينيز، نؤوبه ائله نبئلئک ادهبئلرسئنئز کي، هامي تعلئم آلسين و هامي تشوئق اولونسون.
پيغمبرلرئن روحلاري دا پيغمبرلره تابعدئرلر.
چونکي تاري قاريشيقليق تاريسي يوخ، آرامليق تاريسيدير، نجه کي، موقدّسلرئن بوتون کئلئساسيندا.
آروادلار کئلئسالاردا سوکوت اتسئنلر. چونکي صؤحبت اتمک اونلارا قدغن‌دير. اونلار شرئعتئن بويوردوغو کئمي تابع اولسونلار.
اگر بئر شي اؤيرنمک ائسته‌يئرلر، قوي اِوده اؤز اَرلرئندن سوروشسونلار. چونکي آروادا کئلئسادا صؤحبت اتمک عاييبدير.
مگر تارينين کلامي سئزدن چيخيب ياييلدي؟ و يا مگر آنجاق سئزه چاتدي؟!
اؤزونو پيغمبر و يا روحاني حساب ادن هر آدام آنلاسين کي، سئزه يازديقلاريم ربّئن امرلري‌دئر.
لاکئن کئم بونو نظره آلماسا، اؤزو ده نظره آلينماسين.
بلجه، قارداشلاريم، نبئلئک اتمه‌يي قيرتله ائسته‌يئن و ياد دئللرده دانيشانلارا دا مانع اولمايين.
لاکئن قويون هر شي موناسئب و ترتئبلي بئر شکئلده اولسون.
قارداشلار، سئزه او ائنجئلي خاطيرلاديرام کي، موژدهسئني سئزه يتئردئم، سئز ده اونو قبول ادئب اوندا مؤحکم دايانيرسينيز
و اونون واسئطهسئله ده نئجات تاپيرسينيز، اگر سئزه وعظ اتدئيئم کلامي برک توتاسينيز. يوخسا بوش يره ائمان گتئرئبسئنئز.
چونکي هر شيدن اوّل آلديغيمي سئزه يتئردئم؛ يعني مسئح موقدّس يازيلارا گؤره بئزئم گوناهلاريميز اوچون اؤلدو،
باسديريلدي، و اوچونجو گونده موقدّس يازيلاردا اولان کئمي دئرئلدي.
و کئفايا، سونرا دا اون ائکئلره گؤروندو.
بوندان سونرا بش يوزدن آرتيق قارداشلارا بئر واختدا گؤروندو کي، اونلاردان چوخو ائندي ده ياشاييرلار. لاکئن بعضئلري گؤزلرئني حياتا يوموبلار.
سونراسي يعقوبا گؤروندو، سونرا دا بوتون حوارئلره.
هاميدان سونرا دا سقط دوغولان منه گؤروندو.
چونکي من حوارئلرئن لاپ کئچئيئيم و حواري چاغيريلماغا لايئق ديئلم. بو سببدن کي، تارينين کئلئساسينا عذاب ورئردئم.
لاکئن تارينين فيضي ائله هر نه‌يَم، اله اويام و اونون منه اولان فيضي عبث ديئلدي. آمّا من اونلارين هاميسيندان چوخ زحمت چکدئم. داها دوغروسو، من يوخ، تارينين منئمله اولان فيضي.
بلجه، ائستر من اولسايديم، ائستر اونلار، بئز بله وعظ ادئرئک، سئز ده بله ائمان گتئردئنئز.
ائندي اگر مسئح حاقّيندا وعظ اولونور کي، او، اؤلولردن دئرئلدي، نجه بس سئزلردن بعضئلري ديئر کي، اؤلولردن دئرئلمه يوخدور؟
آمّا اگر اؤلولردن دئرئلمه يوخدور، مسئح ده دئرئلمه‌يئب.
و اگر مسئح دئرئلمه‌يئب، اوندا بئزئم وعظئمئز بوشدور، سئزئن ائمانينيز دا بوشدور.
بوندان علاوه، بئز تاري حاقّيندا يالانچي شاهئد ده اولوروق، چونکي تارينين بارهسئنده شهادت وردئک کي، او، مسئحي اؤلولردن دئرئلتدي. حال بو کي، اگر اؤلولر دئرئلمئرلر، تاري اونو دا دئرئلتمه‌يئب.
چونکي اگر اؤلولر دئرئلمئرلر، مسئح ده دئرئلمه‌يئب.
و اگر مسئح دئرئلمه‌يئب، دمه‌لي ائمانينيز دَيَرسئزدئر؛ سئز حله ده اؤز گوناهلارينيزين ائچئندهسئنئز.
اوندا مسئحده گؤزلرئني حياتا يومانلار دا هلاک اولوبلار.
اگر مسئحده اولان اومئدئمئز آنجاق بو حيات اوچوندور، بئز هامي آداملاردان داها چوخ يازيغيق.
آمّا ائندي مسئح اؤلولردن دئرئلئب و گؤزلرئني حياتا يومانلارين نؤوبري اولوب.
چونکي نجه اؤلوم بئر ائنسان واسئطهسئله گلدي، اؤلولردن دئرئلمه ده بئر ائنسان واسئطهسئله گلدي.
نجه کي، آدمده هامي اؤلور، مسئحده ده هامي دئرئلر.
لاکئن هر کس اؤز نؤوبهسي ائله؛ اوّل مسئح، سونرا دا اونون گلئشئنده مسئحئنکي اولانلار.
اوندان سونرا دا آخير زامان اولور، او واخت مسئح پادشاهليغي آتا تارييا تسلئم ادئر و هر رياست، ائقتئدار و قودرتي آرادان آپارير.
چونکي او، گرک سلطنت اتسئن، او زاماناجاق کي، تاري اونون بوتون دوشمنلرئني اونون آياغي آلتينا قويوب.
يوخ اِدئلهجک آخيرينجي دوشمن ده اؤلومدور.
چونکي هر شيي اونون آياقلاري آلتيندا تابع اتدي. لاکئن او زامان کي، ديئر: "هر شي اونا تابع قويولوب"، آيديندير کي، هر شيي اونا تابع قويان موستثنادير.
هر شي اونا تابع قويولاندان سونرا، اوغولون اؤزو ده، هر شيي اونا تابع قويانا تابع اولاجاق کي، تاري هر شيده هر شي اولسون.
يوخسا اؤلولر اوچون تعمئد آلانلار نه ادهجکلر؟ اگر اؤلولر اصلا دئرئلمئرلر، اوندا اونلار اؤلولر اوچون نئيه تعمئد آليرلار؟
بئز نئيه هر ساعات خطرلره دوشوروک؟
قارداشلار، مسئح عئسادا سئزئن باره‌نئزده اولان فخرئمئن حاقّي اوچون هر گون اؤلورم.
اگر ائنساني نئيّتلرله اِفِسوسدا وحشي حيوانلارلا ساواشديم، بونون منه نه خيئري وار؟ اگر اؤلولر دئرئلمئرلر، "گلئن يئيک و ائچک، چونکي صاباح اؤلهجه‌يئک."
آلدانمايين؛ "پئس يولداش ياخشي اخلاقي پوزار."
نجه لازيمدير، آييلين و گوناه اتمهيئن. اوتانماغينيز اوچون ديئم کي، سئزلردن بعضئلري تاريني هچ تانيمير.
آمّا بئري دئير: "اؤلولر نجه دئرئلئرلر؟ و نه جور بدنله گلئرلر؟"
اي عاغيلسيز! سنئن سپدئيئن اؤلمه‌سه، دئرئلمز.
و سپنده، حاصئل اولاجاق بدني سپمئرسن، آنجاق لوت توخومو، ائستر بوغدا اولسون، ائستر اؤزگه بئر شي.
آمّا تاري او توخوما ائسته‌دئيي کئمي بدن ورئر؛ هر بئر توخوما اؤزونه مخصوص اولان بئر بدن ورئر.
بوتون جئسملر ده بئر جور ديئللر. ائنسانلارين جئسمي علاحئدّه، حيوانلارين جئسمي علاحئدّه، قوشلارين جئسمي علاحئدّه، باليقلارين جئسمي علاحئدّه.
سماوي بدنلر و دونيه‌وي بدنلر ده وار. آمّا سماوئلرئن شؤوکتي علاحئدّه، دونيه‌وئلرئنکي ده علاحئدّه.
گونون شؤوکتي علاحئدّه، آيين شؤوکتي علاحئدّه، اولدوزلارين شؤوکتي علاحئدّهدئر؛ چونکي اولدوز دا اولدوزدان شؤوکتئنه گؤره فرقله‌نئر.
اؤلولرئن دئرئلمه‌سي ده بلهدئر؛ فانئلئکده اکئلئر، قيري‌فانئلئکده دئرئلئر.
ذئلّتده اکئلئر، عئزّتده دئرئلئر. ضعئفلئکده اکئلئر، قودرتده دئرئلئر.
طبئعي بئر بدن اکئلئر، روحاني بئر بدن دئرئلئر. اگر طبئعي بئر بدن وار، روحاني بئر بدن ده وار.
بله ده يازيليب کي؛ "ائلک ائنسان اولان آدم ياشايان بئر جان اولدو." آخيرينجي آدم حيات ورن روح اولدو.
لاکئن روحاني اوّلئنجي ديئل، طبئعي اوّلئنجيدئر، سونرا روحاني.
ائلک ائنسان يردندئر، تورپاقداندير. آمّا ائکئنجي ائنسان گؤيدندئر.
تورپاقدان اولان نجهدئر، تورپاقدان اولانلار دا اِلهدئرلر. گؤيدن اولان نجه دئر، گؤيدن اولانلار دا اِلهدئرلر.
و بئز تورپاقدان حاصئل اولموش صورتي نجه گزدئرئرئک، گؤيدن اولانين دا صورتئني اِله گزدئرهجه‌يئک.
ائندي قارداشلار، سئزه بونو ديئم کي، جئسم و قان تارينين پادشاهليغيني مئراث آلا بئلمز؛ فاني اولان دا قيري‌فاني اولاني مئراث آلا بئلمز.
باخين، سئزه بئر سئرّ ديئرم، هاميميز گؤزلرئمئزي حياتا يومماياجاغيق، آمّا هاميميز ديئشئلهجهيئک؛
بئر آن ائچئنده، بئر گؤز قيرپيميندا، آخير شيپور چاليناندا. چونکي شيپور چاليناجاق و اؤلولر قيري‌فاني شکئلده دئرئلهجکلر و بئز ديئشئلهجهيئک.
چونکي بو چوروين گرک چورولمه‌يني گيسئن و بو فاني گرک قيري‌فانئلئيي گيسئن.
بو چوروين چورولمه‌يئني گئيَن واختدا و بو فاني قيري‌فانئلئيي گئيَن زاماندا او يازي يرئنه يتئشهجک کي، "اؤلوم ظفرده اودولدو!
اي اؤلوم، هاني سنئن ظفرئن؟ اي اؤلوم، هاني سنئن سانجماغين؟"
اؤلومون سانجماغي گوناه و گوناهين قودرتي شرئعتدئر.
لاکئن تارييا شوکور اولسون کي، ربّئمئز عئسا مسئحئن واسئطهسئله بئزه ظفر ورئر
اونا گؤره سوگئلي قارداشلاريم، مؤحکم و ثابئت دورون و هر زامان ربّئن ائشئنده جوشون و بئلئن کي، ربّئن يولوندا چکدئيئنئز زحمت عبث ديئلدئر.
موقدّسلر اوچون ائعانه ييغماق بارهده، سئز ده قالاتئيا کئلئسالارينا سئفارئش اتدئيئم کئمي عمل ادئن.
هر هفتهنئن ائلک گونونده، هر بئرئنئز اؤز قازانجينا گؤره يانيندا بئر قدر پول ساخلاسين کي، من گلنده آرتيق پول ييغيلماسين.
اورايا يتئشدئيئمده سچدئيئنئز آداملاري مکتوبلار و هدئيهلرئنئزله اورشلئمه گؤندهرهرم.
و اگر گتمک منه موناسئب اولسا، اونلار منئمله گدرلر.
سئزئن يانينيزا مقدونئيّهدن کچنده گلهجه‌يم. چونکي مقدونئيّهدن کچهجه‌يم.
بلکه ده يانينيزدا بئر آز قالديم و يا قيشي اورادا کچئرتدئم کي، سئز مني گدهجهيئم يره يولا سالاسينيز.
چونکي ائندي ائسته‌مئرم سئزي اؤتهري گؤروم. اگر رب ائجازه ورسه، بئر نچه مودّت يانينيزدا قالماق اومئدئندهيم.
لاکئن اِفِسوسدا پنطئکاست بايرامينا قدر قالاجاغام.
چونکي منه تأثئرلي خئدمت اوچون گنئش بئر قاپي آچيليب و دوشمن چيخانلار دا چوخدورلار.
اگر تئموتاعوس يانينيزا گلسه، دئقّت ادئن کي، او، سئزئن آرانيزدا قورخوسوز اولسون. چونکي او دا منئم کئمي ربّئن ائشئني يرئنه يتئرئر.
بونا گؤره هچ کئم اونا حقارتله باخماسين. اونو سالاماتليقلا يولا سالين کي، منئم يانيما گلسئن. چونکي من قارداشلارلا برابر اونو گؤزله‌يئرم.
قارداشيميز اَپولّوسا گلئنجه، من اونو چوخ تشوئق اتدئم کي، قارداشلارلا برابر يانينيزا گلسئن. لاکئن او، اصلا ائسته‌مئردي کي، ائندي يانينيزا گلسئن. فورصت تاپاندا گلهجک.
آييق اولون، ائماندا ثابئت دورون، کئشي کئمي عمل ادئن و قووّتلي اولون.
قويون بوتون اتدئکلرئنئز محبّت ائچئنده اولسون.
ائندي قارداشلار، سئزه يالواريرام: سئز استئفاناسين عايئلهسئني تاني‌ييرسينيز کي، اونلار اَخايئه‌نئن ائلک ائمانليلاري‌ديرلار و اؤزلرئني موقدّسلرئن خئدمتئنه وقف ادئبلر.
سئز ده بله آداملارا و ائشده کؤمک ادن و زحمت چکن هر کسه تابع اولون.
استئفاناس، فورتوناتوس و اخئکوسون گلمه‌يئندن سوئنئرم. چونکي اونلار سئزئن يرئنئزي دولدورورلار.
اونلار منئم و سئزئن روحونوزو تزهلندئرئبلر. بله آداملارا حؤرمت ادئن.
آسئيا ايالتئنئن کئلئسالاري سئزه سالام گؤنده‌رئرلر. اَکئلا و پرئسکا، اِولرئنده ييغيلان کئلئسا ائله برابر، سئزه ربده اورکدن سالام گؤنده‌رئرلر.
بوتون قارداشلار سئزه سالام گؤنده‌رئرلر. بئربئرئنئزي موقدّس اؤپوشله سالاملايين.
من پولوس بو سالامي اؤز اَلئمله يازيرام.
ربّي سِومه‌ين آداما لعنت اولسون. ربّئمئز، گل.
ربّ عئسانين فيضي سئزئنله اولسون.
مسئح عئسادا منئم محبّتئم سئزئن هامينيزلا اولسون. آمئن.
تارينين ائرادهسي ائله مسئح عئسانين حوارئسي پولوس و تئموتاعوس قارداشدان، تارينين قورئنتده اولان کئلئساسي ائله بوتون اَخايئه‌ده اولان موقدّسلرئن هاميسينا:
آتاميز تاريدان و رب عئسا مسئحدن سئزه فيض و باريش اولسون.
موتبارک اولسون تاري و ربّئمئز عئسا مسئحئن آتاسي کي، مرحمتلرئن آتاسي و بوتون تسلّي‌لرئن تاريسيدير.
او کي، بئزه بوتون موصئبتلرئمئزده تسلّي ورئر کي، بئز ده هر جور موصئبت آلتيندا اولانلارا، تارينين بئزه وردئيي تسلّي ائله تسلّي وره بئلک.
چونکي نجه مسئحئن عذابلاري بئر چوخ اؤلچوده بئزئمدئر، الجه ده مسئحئن واسئطهسئله تسلّئمئز بئر چوخ اؤلچودهدئر.
اگر بئز موصئبت آلتينداييق، بو سئزئن تسلّي و نئجاتينيز اوچوندور. و يا اگر تسلّي تاپيريق، سئزئن تسلّئنئز اوچوندور کي، اله بئزئم همن چکدئيئمئز عذابلارين صبرله دؤزمه‌يئنده تأثئرلي اولور.
و سئزئن بارهده اولان اومئدئمئز ثابئتدئر، چونکي بئلئرئک کي، بئزئم عذابلاريميزدا شرئک اولدوغونوز کئمي، بئزئم تسلّئمئزده ده شرئک اولاجاقسينيز.
چونکي اي قارداشلار، ائسته‌مئرئک کي، آسئيا ايالتئنده باشيميزا گلن موصئبتدن بئخبر اولاسينيز؛ نجه حدّئمئزدن آرتيق و طاقتئمئزدن چوخ آغير يوکله‌ندئک، اله کي، حياتدان بله اومئد کَسدئک.
ائچئمئزده اؤلوم حؤکمونو حئسّ اِتدئک، لاکئن بو اونون اوچون اولدو کي، اؤزوموزه يوخ، اؤلولري دئرئلدن تارييا توکّول ادک.
او کي، بئزي بله بؤيوک اؤلومدن قورتاردي و قورتارار و اونا اومئد باغلاميشيق کي، بئزي گئنه ده قورتاراجاقدير.
سئز ده دوعالارينيزلا بئزه کؤمک ادئرسئنئز کي، بئر چوخلارينين دوعاسي سايهسئنده بئزه عطا اولونان لوطفدن اؤتري بئر چوخ کئمسه بئزئم اوچون تارييا شوکور اتسئن.
چونکي فخرئمئزئن سببي، يعني وئجدانيميزين شهادتي بودور کي، بئز بو دونيادا خوصوصن ده سئزئن حاقّينيزدا جئسماني حئکمتله يوخ، تارينين فيضئنده، موقدّسلئک و تارييا مقبول اولان صمئمئيّتله رفتار اتدئک.
چونکي اوخودوغونوز و آنلاديغينيزدان باشقا سئزه هچ بئر شي يازميريق و اومئد ادئرم کي، آخيرا کئمي آنلاياجاقسينيز؛
نجه کي، بئزي قئسمن ده اولسا، آنلادينيز کي، ربّئمئز عئسانين گونونده بئز سئزئن فخرئنئزئک، سئز ده بئزئم فخرئمئزسئنئز.
بو يقئنلئکله اوّل سئزئن يانينيزا گلمه‌يه قصد اتدئم کي، سئز بئر برکته، ائکي دفه نايئل اولاسينيز.
و سئزدن کچئب مقدونئيهيه گدئم و مقدونئيهدن گئنه سئزئن يانينيزا گلئم و سئزئن کؤمه‌يئنئزله يهودئيه اوچون يولا دوشوم.
بو نئيّتده اولماقلا مگر من يونگول رفتار اتدئم؟! و يا منئم هدفئم جئسماني بئر هدفدئر کي، منده اوّل "بلي، بلي" آمّا سونراسي "يوخ، يوخ" اولسون؟!
لاکئن تاري اَمئندئر کي، بئزئم سؤزوموز سئزه هم "بلي"، هم "يوخ" ديئل.
اونا گؤره کي، سئزئن آرانيزدا بئزئم، يعني منئم، سئلوانوسون، و تئموتاعوسون وعظ اتدئيي تارينين اوغلو عئسا مسئح، هم "بلي" هم "يوخ" ديئلدي، آمّا اوندا "بلي" دئر.
چونکي تارينين وعدهلري نه قدر چوخ دا اولسا، مسئحده "بلي" دئر؛ اونا گؤره ده مسئحئن وسئلهسئله بئز ده "آمئن" دئيه‌بئله‌رئک کي، بئزئم واسئطهمئزله تاري جلال تاپسين.
تاريدير کي، بئزي سئزئنله برابر مسئحده ثابئت دوردورور و مسح ادئر
و بئزي مؤهورله‌يئب و موقدّس روحون بِيئني اوره‌يئمئزه قويوب.
تاريني جانيما شاهئد توتورام کي، سئزه رحم اتدئيئم اوچون ائندئيه کئمي قورئنته گلمهمئشم.
بو او دمک ديئل کي، گويا بئز سئزئن ائمانينيز اوستونده حاکئمئک. يوخ! بئز سئزئن شادليغينيز اوچون سئزئنله چاليشيريق. چونکي ائمانينيزدا ثابئت دورورسونوز.
آمّا من بونا قرار وردئم کي، سئزئن يانينيزا گئنه کدر دولو گلمه‌يئم.
چونکي اگر من سئزه کدر گتئرسم، کدر وردئيئم سئزلردن باشقا کئم مني شاد ادهبئلر؟
من ده محض بونا گؤره سئزه يازديم کي، مبادا يانينيزا گلدئيئم واخت، اِله او کئمسهلردن کدر گؤروم کي، مني شاد اتمه‌لي ائدئلر. چونکي سئزئن حاقّينيزدا ائنانديغيم بودور کي، منئم شادليغيم هامينيزين شادليغي‌دير.
چونکي موصئبتئن چوخلوغوندان و اورک ائضطئرابيندان چوخ گؤزياشي ائله سئزه يازديم: نه کي، سئزي کدرله‌ندئرئم، لاکئن منئم سئزه اولان بول محبّتئمي درک ادهسئنئز.
اگر بئر کئمسه کدر گتئرئب، مني يوخ، موبالئغه اتمه‌يهرک ديئم کي، قئسمن هامينيزي کدرله‌ندئرئب.
بله آداما اکثرئيّت طرفئندن ورئلن تنبه بسدئر.
اله کي، سئزه داها آرتيق لازيمدير کي، اونو باغيشلاييب، اونا تسلّي ورهسئنئز، مبادا بله بئر آدام حدّئندن آرتيق کدره قرق اولسون.
بونا گؤره تشوئق ادئرم، اونا اولان محبّتئنئزي تکرار برقرار ادهسئنئز.
چونکي بو سببدن ده سئزه يازديم کي، سئزي ائمتاحان ادئب گؤروم آيا هر شيده موطئعسئنئز.
کئمه بئر شي باغيشلاياسينيز، من ده باغيشلايارام. چونکي دوغرودان دا باغيشلاديغيم شيي، اگر بئر شيي باغيشلاميش اولسام، اونو مسئحئن حوضوروندا سئزئن خاطئرئنئز اوچون باغيشلاديم کي،
شيطان بئزه اوستون اولماسين. چونکي اونون فئتنهلرئندن خبرسئز ديئلئک.
مسئحئن ائنجئلئنئن خوش خبرئني يايماق اوچون تروآسا گلدئيئم واخت، ربده منه بئر قاپي آچيلدي،
آمّا قارداشيم تئطوسو تاپا بئلمه‌دئيئم اوچون، روحوم راحات اولمادي. لاکئن اوراداکيلارلا وئداعلاشيب مقدونئيهيه گتدئم.
آمّا تارييا شوکورلر اولسون کي، بئزي همئشه مسئحئن ظفرئنده قاباغا آپارير و هر يرده بئزدن اونون معرئفتئنئن خوش رايئحهسئني ظاهئر ادئر.
چونکي بئز تارييا، هم نئجات تاپانلار آراسيندا، هم ده هلاک اولونانلار آراسيندا، مسئحئن خوش عطئرئيئک.
بئرئنه اؤلوم اوچون اؤلوم رايئحهسي‌يئک، او بئرئنه ده حيات اوچون حيات رايئحهسي. و کئم بو شيلره کئفايتدئر؟
چونکي بئز بئر چوخلاري کئمي ديئلئک کي، تارينين کلاميني تئجارت وسئلهسي ادک. لاکئن خولوصئيّتدن و تاريدان اولان کئمي، تارينين حوضوروندا، مسئحده دانيشيريق.
مگر اؤزوموزو گئنه تعرئف اتمه‌يه باشلاييريق؟ و يا بعضئلر کئمي سئزدن يا دا سئزه تؤوصئيه نامهلره احتئياجيميز وار؟
بئزئم نامهمئز سئز اؤزونوزسوز کي، اورکلرئمئزده يازيليب و بوتون ائنسانلار طرفئندن تانينيب و اوخونوب.
سئز گؤرسدئرسئنئز کي، بئزئم خئدمتئمئزئن سايهسئنده مسئحئن مکتوبوسونوز؛ مورکّبله يازيلميش يوخ، ياشايان تارينين روحو ائله، داش لؤوحهلري اوستونده يازيلميش يوخ، ائنسان اوره‌يئنئن لؤوحهلري اوستونده.
و مسئحئن واسئطهسئله بئزئم تارييا بله بئر اعتئماديميز وار.
اونا گؤره يوخ کي، گويا بئزده اله بئر قابئلئيّت وار کي، بئزدن بئر شي عمله گلسئن. يوخ، بئزئم قابئلئيّتئمئز تاريداندير کي،
بئزي تزه عهدئن قابئلئيّتلي خئدمتچئسي اتدي؛ حرفئن يوخ، موقدّس روحون. چونکي حرف اؤلدورور، آمّا روح ياشادير.
لاکئن اگر اؤلوم گتئرن خئدمت، يعني حرفلري داش لؤوحهلرده حکّ اولونموش، او قدر شؤوکتله گلدي، اله کي، موسانين اوزوندهکي احتئشام فاني اولان حالدا، ائسرايئل اوغوللاري اونون اوزونه باخا بئلمئردئلر،
بس نجه روحون خئدمتي اوندان داها چوخ شؤوکتلي اولماياجاق؟!
چونکي اگر محکومئيّت گتئرن خئدمتئن شؤوکتي وار، صالحلئک گتئرن خئدمتئن داها چوخ شؤوکتي اولاجاق.
اونا گؤره کي، شؤوکتلي اولان شي، بو خوصوصدا، شؤوکتده اونو اؤتن شيئن قاباغيندا شؤوکتي اولماز.
چونکي اگر فاني اولان، شؤوکتله‌دئر، نه‌قدر چوخ باقي اولان شؤوکتده اولاجاق.
بونا گؤره بله بئر اومئدئمئز وار ائکن، بؤيوک جسارتله دانيشيريق.
بئز موسا کئمي ديئلئک؛ او، اوزونه اؤرتوک چکدي کي، ائسرايئل اوغوللاري کچئب-گدن شؤوکتئن آخيريني گؤرمه‌سئنلر.
لاکئن اونلارين ذهئنلري کور اولوب، چونکي بو گونه کئمي قدئم عهد اوخوناندا همن اؤرتوک گؤتورولمهمئش قالير. چونکي بو اؤرتوک مسئحده گؤتورولور.
حتّا بو گونه کئمي بله، موسانين يازيلاري اوخونان زامان، اونلارين اورکلري اوستونه بئر اؤرتوک چکئلئر.
آمّا نه زامان کي، بئری ربّه دؤنور، بو اؤرتوک آرادان قالديريلير.
رب موقدّس روحدور؛ ربّئن روحو هارادا اولسا، آزادليق دا اورادادير.
آمّا بئز هاميميز، آچيق اوزله ربّئن شؤوکتئنه آينا ائمئش کئمي باخيريق و شؤوکتدن شؤوکته کچئب، اِله او صورته ده تبدئل اولونوروق. بو دا ربدندئر کي، موقدّس روحدور.
بونون اوچون ائندي کي، آلديغيميز مرحمته گؤره، بو خئدمتئمئز وار، يورولموروق.
آمّا عاييب اولان گئزلي شيلري ردّ اتمئشئک. حئيلهگرلئکله رفتار اتمئرئک. تارينين کلاميني تحرئف اتمئرئک. آنجاق حقئقتي گؤرسدئب، تارينين حوضوروندا اؤزوموزو هر کسئن وئجدانينا تؤوصئيه ادئرئک.
و اگر خوش خبرئمئز اؤرتولودور، هلاک اولانلارا اؤرتولودور.
يعني او ائمانسيزلارا کي، بو عصرئن آللاهي اونلارين ذهئنلرئني کور ادئب. اِله کي، تارينين صورتي اولان مسئحئن شؤوکتئنئن خوش خبرئنئن نورو اونلاري آيدينلاتماسين.
چونکي بئز اؤزوموزو يوخ، مسئح عئساني رب وعظ ادئرئک، اؤزوموزو ده عئسانين خاطئرئنه سئزئن قوللارينيز!
چونکي "قارانليقدان ائشيق پارلاسين" دئين تاري، اله اودور کي، اورکلرئمئزده ائشيقلانيب. اِله کي، مسئحئن جاماليندا تارينين شؤوکتئنئن معرئفتئنئن نورونو عطا اتسئن.
آمّا بو ثروتي ساخسي قابلاردا ساخلاييريق کي، بو لاپ اوستون قودرت بئزه يوخ، تارييا عاييد اولسون.
هر طرفدن موصئبت آلتينداييق، آمّا ازئلمهمئشئک. حيرانيق، آمّا چارهسئز ديئلئک.
عذاب چکئرئک، آمّا ترک اولونموش ديئلئک. ييخيليريق، آمّا هلاک اولماميشيق.
همئشه هر يرده عئسانين اؤلومونو بدنئمئزده گزدئرئرئک کي، عئسانين حياتي دا بدنئمئزده ظاهئر اولسون.
چونکي بئز دئرئلري، عئسانين خاطئرئنه دائم اؤلومه تسلئم ادئرلر کي، عئسانين حياتي دا فاني اولان بدنئمئزده ظاهئر اولسون.
بلجه اؤلوم بئزده ائشله‌يئر، آمّا حيات سئزده!
يازيليب کي، "ائنانديم، اونا گؤره ده دانيشديم." بئز ده اِله همن او ائمانين روحو ائله ائنانيب، اونا گؤره ده دانيشيريق.
و بئلئرئک ده کي، رب عئساني دئرئلدن، بئزي ده عئسا ائله دئرئلدهجک و سئزئنله بئر يرده اؤز حوضورونا چيخارداجاق.
چونکي بوتون بونلار سئزئن اوچوندور کي، چوخ ائنسانلارين اوستونه چوخالان فيض، تارينين شؤوکتي اوچون شوکورلره سبب اولسون.
بونا گؤره بئز يورولموروق؛ ظاهئري وارليغيميز پوزولسا دا، داخئلي وارليق گوندن-گونه تزهلنئر.
چونکي کچئب-گدن يونگول موصئبتلرئمئز بئزئم اوچون اله بؤيوک و ابدي بئر شؤوکت حاصئل ادئر کي، هچ بئر شيله موقايئسه اولونا بئلمز.
چونکي بئز گؤرونن شيلره يوخ، گؤرونمه‌ين شيلره باخيريق. اونا گؤره کي، گؤرونن شيلر کچئب-گدن، آمّا گؤرونمه‌ين شيلر ابديدئر.
بئلئرئک کي، اگر بو يرده اولان چادير اوئمئز ييخيلسا، گؤيلرده تاريدان بئر عئمارتئمئز وار؛ اَلله تئکئلمهمئش ابدي بئر اِوئمئز.
چونکي بو اِوده آه چکئرئک و آرزولاييريق کي، گؤيدن اولان مسکنئمئزي گِيئنک.
نه قدر کي، اونو گِيئنمئشئک، لوت گؤرونمه‌يهجه‌يئک.
دوغرودان دا بئز بو چاديردا اولارکن، آغير بئر يوک آلتيندا آه چکئرئک، چونکي سويونماق يوخ، گِيئنمک ائسته‌يئرئک کي، فاني اولاني حيات اودسون.
بئزي بو مقصد اوچون حاضيرلايان تاريدير کي، موقدّس روحون بِيئني بئزه وردي.
بونا گؤره همئشه جسوروق و بئلئرئک ده کي، بدنده ياشاديقجا ربدن اوزاقداييق.
چونکي گؤرونوشله يوخ، ائمانلا رفتار ادئرئک.
ديئرم بئز جسوروق و بدندن کؤچوب، ربّئن يانيندا مسکن اتمه‌يي داها چوخ ائسته‌يئرئک.
اونون اوچون ده چاليشيريق کي، ائستر اوده ائستر قوربتده، اونا مقبول اولاق.
چونکي بئزئم هاميميزا لازيمدير کي، مسئحئن حؤکم تختئنئن قاباغيندا ظاهئر اولاق کي، هر بئرئمئز بدنده ياشايارکن گؤردويوموز ياخشي و يا پئس ائشلرئن عوضئني آلاق.
بونا گؤره ربدن قورخماغين نه اولدوغونو بئلهرک بئز، ائنسانلاري قانع اتمه‌يه چاليشيريق؛ لاکئن نه اولدوغوموز تارييا آشکاردير و اومئد ادئرم کي، سئزئن وئجدانينيزا دا آشکاردير.
اؤزوموزو گئنه سئزئن يانينيزدا تعرئفله‌مئرئک؛ لاکئن سئزه فورصت ورئرئک کي، بئزدن اؤتري فخر اِدهسئنئز، اله کي، اورکده يوخ، ظاهئرده فخر ادنلره بئر جاوابينيز اولسون.
اگر بئز عاغليميزي ائتئرمئش اولساق، بو تاري اوچوندور. يوخ، اگر عاغليميز باشيميزدا اولسا، بو سئزئن اوچوندور.
چونکي مسئحئن سوگئسي بئزي زورلايير و بئز قانع اولوروق کي، هامي اوچون بئري اؤلدو، بلجه هامي اؤلدولر.
و او هامي اوچون اؤلدو کي، ياشايانلار آرتيق اؤزلري اوچون يوخ، اونلارين يولوندا اؤلن و دئرئلن اوچون ياشاسينلار.
بونا گؤره بئز ائندئدن بله هچ کئمي جئسماني باخيمدان تانيميريق؛ اگر مسئحي جئسماني باخيمدان تانيميش اولساق دا، آرتيق ائندي اِله تانيميريق.
بونون اوچون کئم مسئحدهدئر، تزه مخلوقدور. کؤهنه شيلر کچدي؛ باخ ائندي هر شي تزه اولوب.
بونلارين هاميسي تاريداندير. او تاريدان کي، بئزي مسئحئن واسئطهسئله اؤزو ائله باريشديردي و بئزه باريشديرما خئدمتئني وردي.
يعني، تاري مسئحده اولوب، دونياني اؤزو ائله باريشديريردي و تقصئرلرئني اونلارا سايماييردي و باريشديرما کلاميني بئزئم ائچئمئزده قويوب.
دمه‌لي بئز مسئحئن الچئلرئيئک. اله بئل کي، تاري بئزئم واسئطهمئزله ائرتئباط قورور. مسئحئن عوضئنده سئزه يالواريريق کي، تاري ائله باريشاسينيز.
او، گوناهي بئلمه‌يني، بئزئم عوضئمئزده گوناه اتدي کي، بئز اوندا تارينين صالحلئيي اولاق.
و اونونلا بئرلئکده ائشله‌يهرک، سئزه ده يالواريريق کي، تارينين فيضئني بوش يره قبول اتمهيهسئنئز.
چونکي او ديئر: "مقبول واختدا سنه قولاق آسديم، نئجات گونونده سنه کؤمک اتدئم." باخ، ائندي "مقبول واختدير"، باخ ائندي "نئجات گونودور."
بئز هچ بئر شيده هچ کسئن ائنجئمهسئنه سبب اولماديق کي، خئدمتئمئز اعتئباردان دوشمه‌سئن.
لاکئن هر شيده اؤزوموزو تارينين خئدمتچئلري گؤرسه‌دئرئک؛ چوخ طاقت گتئرمکده، موصئبتلرده، چتئنلئکلرده، پرئشانليقلاردا،
کؤتکلرده، حبسلرده، ائغتئشاشلاردا، محنتلرده، يوخوسوزلوقلاردا، آجليقدا،
پاکليقدا، معرئفتده، صبئرده، مهرئبانليقدا، موقدّس روحدا، اصئل محبّتده،
حقئقتئن سؤزونده، تارينين قودرتئنده، صاغ و يا سول اللرئمئزده صالحلئک سئلاحلاري ائله،
حؤرمت و حؤرمتسئزلئکله، مذمّت و تعرئفله. آلداتانلار ساييلساق دا، دوروست آداملاريق.
نامعلوملار ساييليريق، آمّا چوخ دا مشهور. اؤلن آداملار ساييليريق، آمّا باخ، دئرئيئک. جزا چکئرئک، آمّا گئنه ده اؤلومه ورئلمهمئشئک.
قمگئنلر کئمي، لاکئن همئشه شاد. يوخسول، لاکئن بئر چوخلاريني وارلي اِدَن. هچ بئر شيي اولمايان، لاکئن هر شيه مالئک اولان.
اي قورئنتليلر، سئزئنله آچيقجا دانيشديق، سئزه اوره‌يئمئزي آچديق.
بئز سئزه اولان محبّتئمئزي سئزدن اَسئرگهمئرئک، سئزسئنئز کي، بئزه اولان محبّتئنئزي بئزدن اَسئرگهيئرسئنئز.
بونون موقابئلئنده-(اوشاقلاريما دانيشان کئمي دانيشيرام)-سئز ده اوره‌يئنئزي آچين.
ائمانسيزلارلا بئر يوغا گئرمه‌يئن، چونکي صالحلئکله شرئعتسئزلئيئن نه موشارئکتي، نورلا قارانليغين دا نه رفاقتي اولا بئلر؟!
مسئحله «بِلئعال» آراسيندا نه موناسئبت اولا بئلر؟ و يا ائمانلي ائله ائمانسيز آراسيندا نه موشترک بئر شي اولا بئلر؟
تارينين معبدئنئن بوتلرله نه راضيليغي اولا بئلر؟ چونکي بئز ياشايان تارينين معبدئيئک. نجه کي، تاري ددي: "اونلاردا ساکئن اولوب آرالاريندا يرئيهجه‌يم؛ اونلارين تاريسي اولاجاغام، اونلار دا منئم خالقيم اولاجاقلار."
بونا گؤره رب ديئر: "اونلارين آراسيندان چيخين، اونلاردان آيريلين. نجئس بئر شيه توخونمايين. من ده سئزي قبول ادهجهيم."
هر شيه قادئر اولان رب ديئر: "سئزه آتا اولاجاغام، سئز ده منه اوغوللار و قيزلار اولاجاقسينيز."
بلجه اي سِوگئلئلر، بو وعدهلره مالئک اولاراق، اؤزوموزو هر جور جئسماني و روحاني ناپاکليقدان تمئزله‌يک و تارينين قورخوسوندا موقدّسلئيي کامالا يتئرک.
اورکلرئنئزده بئزه ير ورئن. هچ کئمي ائنجئتمه‌دئک، هچ کئمي فسادا چکمه‌دئک، هچ کئمدن اؤز منفعتئمئز اوچون ائستئفاده اتمهدئک.
بونو سئزي محکوم اتمک اوچون دمئرم، چونکي اوّلجه ده ددئم کي، اوره‌يئمئزده اِله بئر يرئنئز وار کي، سئزئنله بئر يرده اؤلوروک، بئر يرده ده ياشاييريق.
سئزه اولان اعتئماديم بؤيوکدور، سئزئن حاقّينيزدا اتدئيئم فخر بؤيوکدور، تسلّي ائله دولويام، بوتون موصئبتئمئزده شادليقدان جوشورام.
چونکي حتّا مقدونئيهيه گلدئيئمئز واخت دا، بدنئمئزئن راحاتليغي يوخ ائدي؛ هر طرفدن سيخيليرديق: اشئکده داعوالار، ائچه‌رئده قورخولار.
لاکئن ازئلنلره تسلّي ورن تاري، تئطوسون يانيمزا گلمه‌سي ائله بئزه تسلّي وردي.
نه آنجاق اونون گلمه‌سيائله، او تسلّي ائله ده کي، او اؤزو سئزئن يانينيزدا تاپيب. سئزئن بؤيوک حسرتئنئزي، آغلاشماغينيزي و منه اولان قيرتئنئزي بئزه خبر ورنده داها آرتيق سوئندئم.
چونکي اگر يازديغيم مکتوبلا سئزي قمگئن اتمئش اولسام دا، پشمان ديئلم. گرچي پشمان اولدوم، اونا گؤره کي، گؤرورَم سئزي قيسا بئر مودّت اوچون اولسا دا، قمگئن اتدي.
آمّا ائندي من سوئنئرم؛ قمگئن اولدوغونوز اوچون يوخ، اونون اوچون کي، سئزي تؤوبه اتمک درجهسئنه قدر قمگئن اتدي. چونکي سئز تارينين ائسته‌دئيي شکئلده قمگئن اولوندونوز، اله کي، بئزدن هچ بئر ضرر چکمه‌يهسئنئز.
چونکي تارينين ائسته‌دئيي شکئلده قمگئن اولماق اله بئر تؤوبهني حاصئل اِدئر کي، نئجاتا آپاران و پشمانسيزدير، لاکئن دونيانين قمي اؤلومو حاصئل ادئر.
چونکي گؤرون اِله بو، يعني تارينين ائسته‌دئيي شکئلده قمگئن اولماق سئزده نه بؤيوک جهد، نه قدر عوذورخاهليق، نه حئدّت، نه قورخو، نه حسرت، نه قيرت، قلط ائشئن ضئدّئنه ده نه ائنتئقام حاصئل اتدي! سئز هر شيده گؤرستدئنئز کي، او جهتدن معصومسونوز.
بلجه سئزه يازديغيمي، حاقسيزليق ادن آدامدان اؤتري و يا حاقسيزليق چکن آدامدان اؤتري يازماديم. اونون اوچون يازديم کي، تارينين حوضوروندا سئزئن بئزئم حاقّيميزدا اولان قيرتئنئز سئزه آشکار اولسون.
بونا گؤره ده تسلّي تاپميشيق. بئزئم تسلّئمئز بئر يانا، تئطوسون شادليغي بئزي داها چوخ سوئندئردي. چونکي اونون روحو سئزئن هامينيزدان تزهلنئب.
چونکي اگر اونون يانيندا سئزئن بارهده فخر اتمئش اولسام دا، خجئل اولماميشام. لاکئن بوتون شيلري سئزه نجه حقئقتده دانيشديق، الجه ده، تئطوسون يانيندا اتدئيئمئز فخر حقئقت چيخدي.
و هامينيزين ائطاعتئني، نجه قورخو و لرزه ائله اونو قبول اتمه‌يئنئزي خاطيرلاديقجا، سئزه اولان سوگئسي داها چوخ آرتير.
سئزه هر شيده بل باغلايا بئلدئيئم اوچون سوئنئرم.
قارداشلار، ائسته‌يئرئک کي، تارينين مقدونئيّه کئلئسالارينا وردئيي فيضدن سئزي آگاه ادک:
بؤيوک موصئبتلرله ائمتاحان اولوندوقلاري حالدا، اونلارين بول-بول شادليغي و درئن يوخسوللوغو اونلارين سخاوتلرئنئن وارليليغيندا جوشوب آخدي.
و من شاهئدم کي، گوجلري چاتانا قدر، حتّا داها دا آرتيق اؤز ائستکلري ائله ورئب،
بئزه چوخ يالوارديلار کي، موقدّسلره خئدمت اتمک ائشئنده ائشتئراک اوچون، اونلارا ائجازه ورک.
و بو بئزئم گومان آپارديغيميز کئمي ديئلدي، لاکئن اونلار اوّل اؤزلرئني ربّه، سونرا دا تارينين ائرادهسي ائله بئزه تقدئم اتدئلر.
بونا گؤره بئز تئطوسدان خاهئش اتدئک کي، بو احسان ائشئني اوّلدن نجه باشلاميشدي، اِله‌جه ده سئزئنله بئرلئکده بئتئرسئن.
آمّا نجه کي، سئز هر شيده، ائماندا، بياندا، معرئفتده، هر جور جهدده و بئزه اولان محبّتئنئزده افضلسئنئز، بو احسان ائشئنده ده افضل اولاسينيز.
بونو بئر امر کئمي يوخ، اؤزگهلرئن جهدئنئن سببي ائله محبّتئنئزئن خالئصلئيئني محک وورماق اوچون ديئرم.
چونکي سئز ربّئمئز عئسا مسئحئن فيضئني بئلئرسئنئز: او، وارلي اولدوغو حالدا، سئزئن خاطئرئنئزه يوخسول اولدو کي، سئز اونون يوخسوللوغو ائله وارلي اولاسينيز.
بو حاقدا من نظرئمي ورئرم، چونکي بو، سئزئن اوچون فايدالي‌دير کي، کچن ائلدن بري آنجاق باشلاماقدا يوخ، ائستکده ده اوّل آداملارسينيز.
ائندي ده بو ائشي باشا چاتديرين کي، نجه اونو ائستمکده حاضيرليق وار ائدي، اونو گوجونوز چاتانا قدر باشا چاتديرماقدا دا حاضيرليق اولسون.
چونکي اگر ائستک اولسا، ائنسانين اَلئنده اولمايانا گؤره يوخ، اَلئنده اولانا گؤره، مقبول اولور.
چونکي بو اونون اوچون ديئل کي، اؤزگهلره راحاتليق و سئزه سيخينتي اولسون، لاکئن برابرلئيه گؤرهدئر کي،
ائندي سئزئن بوللوغونوز اونلارين احتياجيني رفع اتسئن و اونلارين دا بوللوغو سئزئن احتياجينيزي رفع اتسئن و بلجه برابرلئک اولسون.
نجه کي، يازيليب: "چوخ ييغانين آرتيغي، آز ييغانين دا اَسکئيي اولمادي."
تارييا شوکور اولسون کي، همن جهدي سئزئن اوچون تئطوسون اوره‌يئنه قويدو.
چونکي او، آنجاق بئزئم خاهئشئمئزي قبول اتمهدي، داها دا چوخ جهد ادئب، اؤز ائسته‌يي ائله سئزئن يانينيزا گدئب.
بئز ده اونونلا او قارداشي گؤنده‌ردئک کي، ائنجئلئن خوش خبرئنئن ائشئنده اونون تعرئفي بوتون کئلئسالاردا ياييليب.
و نه آنجاق بو، کئلئسالار طرفئندن ده تعيئن اولوب کي، ربّئن اؤز جلالي اوچون بئزئم طرفئمئزدن ائداره اولونان بو احسان ائشئنده بئزئمله سفره چيخيب، ائسته‌يئمئزي گؤرسون.
و احتئياط ادئرئک کي، مبادا بو سخاوتلي هدئيهنئن ائداره اتمه‌سئنده کئمسه بئزي اعتئبارسيز اتسئن.
چونکي دئقّت ادئرئک کي، آنجاق ربّئن گؤزونده حؤرمتلي اولاني يوخ، ائنسانلارين گؤزونده ده حؤرمتلي اولاني يرئنه يتئرک.
اونلارلا برابر قارداشيميزي دا گؤنده‌رئرئک کي، اونو دفهلرله ائمتاحانا چکئب نه‌قدر جهدلي اولدوغونو گؤرموشوک. و ائندي سئزه اولدوغو او بؤيوک اعتئمادي اوچون داها دا چوخ جهد ادئر.
تئطوسا گلئنجه، او منئم يولداشيم و آرانيزدا منئم همکاريمدير. قارداشلاريميزا گلئنجه، کئلئسالارين اِلچئلري، مسئحئن ده شؤوکتي‌دئرلر.
بلجه کئلئسالارين حوضوروندا محبّتئنئزئن و سئزئن حاقّينيزدا اتدئيئمئز فخرئن سببئني آچيقجا اونلارا گؤرسدئن.
چونکي موقدّسلره بو خئدمت اتمک حاقّيندا سئزه يازماق منجه آرتيقدير.
چونکي کؤمک اتمه‌يه ائسته‌يئنئزئن اولدوغونو بئلئرم و بونون اوچون سئزئن حاقّينيزدا مقدونئيهلئلرئن يانيندا فخر ادئرم کي، اَخايئه‌يه کچن ائلدن بري حاضيردير و سئزئن قيرتئنئز بئر چوخلاريني حرکته گتئرئب.
لاکئن قارداشلاري گؤنده‌رمئشم کي، سئزئن حاقّينيزدا اولان فخرئمئز بو خوصوصدا عبث اولماسين و ددئيئم کئمي، سئز حاضير اولاسينيز.
مبادا اگر مقدونئيهلئلر منئمله گلسئنلر و سئزي حاضير اولماميش گؤرسونلر و بئز (دمئرم سئز) بو اعتئماد اوزوندن خجالت چکک.
بوندان اؤتري ده من قارداشلاردان خاهئش اتمه‌يي لازيم گؤردوم کي، ائرهلئدن سئزئن يانينيزا گلسئنلر و وعده ادئلمئش احسانينيزي قاباقجادان حاضيرلاسينلار. او حالدا احسان کئمي حاضيرلانميش اولار و طاماحکارليقدان بئر اثر اوندا اولماز.
و بو دا کي، خسئسلئکله سپن خسئسلئکله بئچر، بوللوقلا سپن ده بوللوقلا بئچر.
هر کس اوره‌يئنده نئيّت اتدئيي کئمي ورسئن، کدرله يا دا مجبوري يوخ، چونکي تاري شادليقلا وِره‌ني سوئر.
و تاري قادئردئر کي، بوتون فيضي سئزه بول اتسئن، اِله کي، هر شيده همئشه کئفايتئنئز اولوب هر خيئر عمل اوچون دؤولتلي اولاسينيز.
نجه کي، يازيليب: "داغيتدي، يوخسوللارا وردي؛ صالحلئيي ابده کئمي برقرار قالير."
اکئنچي اوچون توخوم و يمک اوچون چورک ورن، اکمک اوچون توخومونوزو ورئب چوخالداجاق و صالحلئيئنئزئن محصولونو آرتيراجاق.
سئز کامئل سخاوت اوچون هر شيده دؤولتلي اولاجاقسينيز کي، بئزئم واسئطهمئزله تارييا شوکور گتئرهجک.
چونکي بو منصبئن خئدمتي آنجاق موقدّسلرئن احتئياجلاريني رفع اِتمئر، اونلارين تارييا ورن شوکورلری ائله چوخاليب داشير دا.
بو خئدمتئنئزله ورئلن ثوبوتا گؤره تارييا حمد ادهجکلر کي، ائقرار اتدئيئنئز مسئحئن ائنجئلئندن ائطاعت ادئب، اونلاري و هاميني سخاوتله شرئک ادئرسئنئز.
اونلار دا تارينين سئزده بول اولان فيضئندن اؤتري سئزه موشتاق اولوب، سئزئن اوچون دوعا ادئرلر.
تارييا اونون سؤزله بيان اولونا بئلمه‌ين عطاسي اوچون شوکورلر اولسون.
ائندي، من، پولوس شخصن مسئحئن حلئملئيي و مولايئملئيي آدينا سئزدن خاهئش ادئرم-من کي، آرانيزدا حاضير ائکن حلئم، لاکئن قايئب ائکن جسورام.
خاهئش ادئرم کي، حاضير اولاندا، مجبور قالماييم کي، بعضئلرئن ضئدّئنه ددئيئم جورعتئمي گؤرسه‌دئم، او آداملارين ضئدّئنه کي، بئزئم رفتاريميزي جئسماني گومان ادئرلر.
چونکي جئسمده يرئسَک ده، جئسمه گؤره جنگ اتمئرئک.
چونکي جنگئمئزئن سئلاحلاري جئسماني ديئللر، لاکئن قالالاري ييخماق اوچون تارينين قودرتئنه مالئکدئرلر.
بئز نظرئيّهلري و تارينين معرئفتئنه ضئدّ دوران هر باطئل شيي ييخيريق و هر دوشونجهني مسئحئن ائطاعتئنه اسئر ادئرئک.
و سئزئن ائطاعتئنئز نه زامان تکمئل اولسا، هر جور ائطاعتسئزلئيي جزالانديرماغا حاضيريق.
آيا هر شيه ظاهئري گؤرونوشونه گؤره باخيرسينيز؟ اگر کئمسه اؤزونده بو يقئني وار کي، مسئحئندئر، قوي گئنه ده اؤزونده دوشونسون کي، او اؤزو نجه مسئحئنکئدئر، بئز ده الهيئک.
چونکي حتّا اگر ربّئن بئزه وردئيي ائقتئدارينا فخر اِتسَم ده، اوتانان ديئلم، او ائقتئدارا کي، سئزي ييخماق اوچون يوخ، سئزي داها چوخ بئنا اتمک اوچوندور.
چونکي ائسته‌مئرم اِله گؤرونوم کي، گويا مکتوبلاريملا سئزي قورخودورام.
چونکي ديئرلر: "مکتوبلاري آغير و قودرتلي‌دئر، آمّا شخصي گؤرونوشو تأثئرسئز، نئطقي ده حقئردئر."
بله دوشونن آدام قوي بئلسئن کي، بئز قايئبائکن مکتوبلاريميز واسئطهسئله سؤزده نجهيئک، حاضير ائکن عملده ده اِلهيئک.
چونکي بئزده او جسارت يوخدور کي، اؤزوموزو، اؤزلرئني تعرئفله‌ين بعضئلرئنه اوخشاداق، يا دا اونلارلا موقايئسه ادک. اونلار اؤزلرئني اؤزلري ائله اؤلچهرک و اؤزلرئني اؤزلري ائله موقايئسه ادهرک، آنلاقسيز اولورلار.
آمّا بئز حدّئمئزدن آرتيق فخر اتمه‌يهجه‌يئک، لاکئن تارينين بئزه اؤلچو تعيئن اتدئيي او ساحهنئن اؤلچوسونده فخر ادئب، سئزه ده يتئشئب چاتاجاغيق.
بئز، سئزه يتئشمه‌ينلر کئمي اؤزوموزو اوزاتميريق، چونکي مسئحئن ائنجئلئنئن خوش خبری ائله سئزئن چاتديغينيز يره بئز اوّل چاتديق.
بئز حددن آرتيق، يعني اؤزگه بئر آدامين زحمتئنه فخر اتمئرئک، آمّا اومئد ادئرئک کي، ائمانينيز بؤيودوکجه، بئز ده اؤز حدّئمئزئن ائچنده داها دا آرتيق ووسعت تاپاق.
اِله کي، ائنجئلئن خوش خبرئني سئزئن او تايينيزداکي اؤلکهلره وعظ ادک و اؤزگه بئرئنئن اؤلچوسونده باشا چاتديريلميش اوچون فخر اتمه‌يک.
"لاکئن قوي فخر ادن آدام، ربده فخر اتسئن."
چونکي اؤزونو تعرئف ادن يوخ، ربّئن تعرئف اتدئيي آدام مقبول ساييلير.
کاشکي بئر آز عاغيلسيزليقدا منه دؤزسَيدئنئز: لاکئن دوغرودان دا منه دؤزورسونوز!
چونکي سئزئن حاقّينيزدا تارينين قيرتي ائله قيرتلئيم. چونکي سئزي تک بئر اَره، مسئحه آداخلي اتدئم کي، سئزي مسئح اوچون پاک بئر باکئره قيز کئمي تقدئم ادئم.
لاکئن قورخورام کي، نجه ائلان حوّاني اؤز حؤقّهبازليغي ائله آلداتدي، سئزئن ده فئکئرلرئنئز مسئحده اولان صافليق و پاکليقدان اوزاق دوشسون.
چونکي اگر بئري گلئب، بئزئم وعظ اتمه‌دئيئمئز بئر عئساني وعظ ادئر و يا آلديغينيز روحدان باشقا بئر روحو آليرسينيز، و يا قبول اتدئيئنئز ائنجئلدن آيري بئر ائنجئلي قبول ادئرسئنئز، بونا ممنونئيّتله دؤزورسونوز.
آمّا هچ شيده اؤزومو فايئق حوارئلردن اَسکئک سايميرام.
حتّا اگر نئطقده مهارتسئز اولسام دا، معرئفتده اِله ديئلم. آمّا هر حالدا بئز بونو هر شيده سئزه آشکار اتدئک.
و يا مگر گوناه اتدئم کي، سئزي اوجالتماق اوچون اؤزومو آلچالتديم؟ چونکي تارينين ائنجئلئني سئزه موفته وعظ اتدئم؟
سئزه خئدمت اتمک اوچون اؤزگه کئلئسالاري سويوب، اونلاردان ماعاش آلديم.
و يانينيزدا اولان زامان احتئياجدا اولاندا دا هچ کسه يوک اولماديم. چونکي قارداشلار مقدونئيهدن گلدئکده احتئياجيمي تامامن رفع اتدئلر. و هر شيده اؤزومو ساخلاديم کي، مبادا سئزه بئر يوک اولوم و بله اتمه‌يه ده داوام ورهجهيم.
مسئحئن منده اولان حقئقتي حاقّي اوچون، اَخايئه بؤلگهلرئنده کئمسه مني بو ائفتئخاريمدان محروم اتميهجک.
نه اوچون؟ سئزي سِومه‌دئيئمه گؤره؟ تاري بئلئر!
لاکئن اتدئيئمه داوام ورهجهيم کي، فخر اتدئکلري خوصوصدا بئزئمله برابر ساييلماق اوچون فورصت آختارانلارا فورصت ورمه‌يئم.
چونکي بله آداملار يالانچي حوارئلر، حؤقّهباز ائشچئلردئرلر کي، اؤزلرئني مسئحئن حوارئلرئنه اوخشاديرلار.
بو دا تعجّوبلو ديئل؛ چونکي شيطان دا اؤزونو بئر نور مله‌يئنه اوخشادير.
اونون اوچون ده تعجّوبلو ديئل کي، اونا خئدمت ادنلر اؤزلرئني صالحلئک خئدمتکارلارينا اوخشاتسينلار کي، اونلارين آخيري عمللرئنه گؤره اولاجاق.
گئنه ديئرم؛ قوي هچ کس دوشونمه‌سئن کي، من عاغيلسيزام. لاکئن اگر بلهدئرسه ده، مني آغيلسيز کئمي قبول ادئن کي، من ده بئر آز فخر ادئم.
بو فخره گؤره ددئکلرئمي ربّئن دئيهجه‌يي کئمي يوخ، آغيلسيز بئري کئمي ديئرم.
ائندي کي، بئر چوخلاري جئسمه گؤره فخر ادئر، من ده فخر ادهجهيم.
چونکي سئز عاغيلّي اولدوغونوز حالدا، عاغيلسيزلارا شادليقلا دؤزورسونوز.
چونکي اگر کئمسه سئزي قول اتسه، مالينيزي يِسه، اؤز منفعتي اوچون سئزدن ائستئفاده اتسه، اؤزونو بؤيوکلندئرسه، اوزونوزه وورسا، اونو دؤزورسونوز.
بونو خجالتله دمه‌لئيم کي، بئز ضعئف عمل اتمئشئک. آمّا کئمسه نه ائله جسور اولسا-(عاغيلسيز کئمي دانيشيرام)-من اؤزوم ده او قدر جسورام.
آيا اونلار عئبراني‌دئرلر؟ من ده عئبراني‌يَم. ائسرايئللي‌دئرلر؟ من ائسرايئللي‌يَم. ائبراهئم نسلئندندئرلر؟ من ده.
مسئحئن خئدمتچئلري‌دئرلر؟ (دلي بئر آدام کئمي دانيشيرام)، من اونلاردان داها چوخ؛ داها چوخ زحمت چکمئشم، داها چوخ زئندانلاردا اولموشام، ساييسيز-حسابسيز دؤيولموشم، چوخ واخت دا اؤلوم خطرئنه دوشموشم.
بش دفه يهودئلردن قيرخدان بئر اَسکئک شالّاق يمئشم.
اوچ دفه دَيَنَکله وورولموشام، بئر دفه داشا باسيلميشام، اوچ دفه گمئم سينيب؛ بئر گجه-بئر گوندوز درئن دهنزده کچئرتمئشم.
چوخ دفه سفرلرده چايلارين خطرلرئنده، اوغرولارين خطرلرئنده، هموطنلرئمئن خطرلرئنده، قيرييهودئلرئن خطرلرئنده، شهرئن خطرلرئنده، چؤلون خطرلرئنده، دهنزئن خطرلرئنده، يالانچي قارداشلارين خطرلرئنده،
زحمت و مشقّتده، چوخ دفه ده يوخوسوز، آجليق و سوسوزلوقدا، چوخ دفه ده يمکسئز سويوقلوق و لوتلوکده اولموشام.
اشئگدن اولان بو شيلردن باشقا، هر گون مني ازن، او فئکئردئر کي، بوتون کئلئسالار اوچون چکئرم.
کئم ضعئف اولور و من ضعئف اولمورام؟ کئم گوناها دوشور و من ائچئمده يانميرام؟!
اگر فخر اتمک لازيم گلسه، ضعئفلئيئمي گؤرسه‌دن شيلرله فخر ادهجهيم.
رب عئسانين آتاسي، او ابدي موتبارک تاري بئلئر کي، يالان دمئرم.
دَمَشقده آرتاس پادشاهين والئسي، دَمَشقليلرئن شهرئني گودوردو کي، مني ياخالاسين.
من ده بئر سبد ائچئنده شهرئن دوآرينداکي بئر پنجرهدن اِندئرئلئب، اونون الئندن قاچديم.
فخر اتمک فايدالي اولماسا دا، لازيمدير؛ لاکئن من ائندي ربدن گلن رؤيالار و وحيلردن دانيشاجاغام.
مسئحه عاييد اولان بئر آدامي تاني‌ييرام کي، اون دؤرد ائل بوندان قاباق-بئلمئرم بدنده يا دا بدندن خارئج، تاري بئلئر-اوچونجو گؤيه آپاريلدي.
و بئلئرم کي، نجه بو آدام-بئلمئرم بدنده يا دا بدندن خارئج، تاري بئلئر-
جنّته آپاريلدي و دمهملي سؤزلر اشئتدي کي، اونلاردان دانيشماق ائنسانا قدغندئر.
بله بئر آدامين حاقّيندا فخر اده بئلرم؛ لاکئن اؤزوم حاقّيندا ضعئفلئکلرئمدن باشقا هچ بئر شيه فخر اده بئلمرم.
اگر من فخر اتمک ائستهسم ده، عاغيلسيز اولمارام؛ چونکي حقئقتي دمئش اولارام. آمّا احتئياط ادئرم کي، مبادا کئمسه منئم بارمده، منده گؤردويوندن و مندن اشئتدئکلرئندن آرتيق دوشونسون.
جئسمئمه ده بئر تئکان سانجيليب کي، وحيلرئن چوخ بؤيوک اولماسيندان کئبئرلَنمه‌يئم؛ شيطان مله‌يي کي، منه عذاب ورئب، قويماسين کي، من اؤزومو بؤيوکلندئرئم.
بو بارهده اوچ دفه ربّه يالوارديم کي، اونو مندن گؤتورسون.
و ربّ منه ددي: "منئم فيضئم سنه بسدئر، چونکي منئم قودرتئم ضعئفلئکده کامئلله‌شئر." بونا گؤره، داها چوخ اؤز ضعئفلئکلرئمده فخر ادهجهيم کي، مسئحئن قودرتي منده ساکئن اولسون.
بو سببدن ده مسئحئن خاطئري اوچون ضعئفلئکلره، تحقئرلره، احتئياجلارا، عذابلارا و چتئنلئکلره راضييام. چونکي ضعئف اولدوغوم زامان، قووّتلي‌يَم.
من عاغيلسيز اولموشام: سئز مني بونا مجبور اتدئنئز. اصلئنده سئز گرک مني تعرئفله‌يئردئنئز، چونکي بؤيوک ساييلان حوارئلردن هچ بئر شيده اسکئک ديئلدئم، حتّا اگر هچ ساييلسام دا.
دوغرو بئر حوارئنئن علامتلري سئزئن آرانيزدا بوتون صبرله، علامتلر، عجايئبلر و مؤجوزهلر واسئطهسئله ظاهئر اولدو.
من اؤزومو سئزه بئر يوک اتمه‌دئم. بوندان باشقا مگر سئزئنله اله بئر رفتار اولدو کي، گويا او بئري کئلئسالاردان آشاغيسينيز؟ بو سهوئم اوچون مني باغيشلايين!
ائندي بو اوچونجو دفهدئر کي، سئزئن يانينيزا گلمه‌يه حاضيرام و سئزه يوک اولماياجاغام. چونکي سئزئن مالينيزي يوخ، اؤزونوزو آختاريرام. چونکي اوشاقلار والئدينلر اوچون يوخ، واليدينلر اوشاقلار اوچون مال-مولک ييغماليديرلار.
چوخ دا شادليقلا سئزئن جانينيز اوچون خرجله‌يئب، خرج اولوناجاغام. اگر من سئزي چوخ سوئرم، گرک سئزئن طرفئنئزدن آز سوئلئم؟!
قوي بله اولسون، اؤزومو سئزه يوک اتمه‌دئم. کلکباز اولدوغوم بئر آدام اوچون سئزي حئيله ائله اَله گتئرمئشم!
مگر سئزئن يانينيزا گؤنده‌ردئيئملرئن واسئطهسئله سئزدن اؤز منفعتئم اوچون بئر ائستئفاده اتدئم؟
تئطوسا يالوارديم، اونونلا بئر قارداش دا گؤنده‌ردئم. مگر تئطوس اؤز منفعتي اوچون سئزدن هچ بئر ائستئفاده اتدي؟! مگر بئز همن روحدا، همن قدملرده رفتار اتمهدئک؟!
بوتون بو زامان، آيا بونو دوشونورموشسونوز کي، بئز سئزئن قاباغينيزدا اؤزوموزدن دئفاع ادئرئک؟ بئز تارينين گؤزو قاباغيندا مسئحه عاييد اولان آداملار کئمي دانيشيريق. و بوتون بونلار، اي سوگئلئلر، سئزي بئنا اتمک اوچوندور.
چونکي قورخورام کي، يانينيزا گلدئيئم واخت، سئزي ائسته‌دئيئم کئمي تاپماييم، سئز ده مني ائسته‌دئيئنئز کئمي تاپماياسينيز. مبادا کي، آرانيزدا داعوالار، پاخيلّيق، حئدّت، چکئشمه، ائفتئرالار، قيبت، کئبئر و فئتنهلر تاپيم.
قورخورام کي، گلدئيئم واخت، تاريم مني سئزئن قاباغينيزدا اوتانديرسين و او آداملار اوچون ياس توتوم کي، کچمئشده گوناها باتيب و اتدئکلري ناپاکليق، زئنا و شهوتدن تؤوبه اتمهيئبلر.
بو اوچونجو دفهدئر کي، سئزئن يانينيزا گلئرم: "هر سؤز ائکي و يا اوچ شاهئدئن آغزي ائله تصدئق اولوناجاق."
ائکئنجي دفه اورادا حاضير اولارکن دمئشم و ائندي ده ائرهلئدن قايئب اولارکن کچمئشده گوناها باتانلارا، هم ده سئزئن هامينيزا ديئرم کي، اگر گئنه يانينيزا گلسم، هچ کئمي اسئرگمه‌يهجه‌يم.
اوندان اؤتري کي، مسئحئن منئم واسئطمله دانيشديغينا دلئل آختاريرسينيز. او، سئزئن قاباغينيزدا ضعئف ديئل، لاکئن سئزئن آرانيزدا قووّتلي‌دئر.
چونکي او، ضعئفلئيي اوچون چارميخا چکئلدي، لاکئن حله ده تارينين قودرتي اوچون ياشايير. بئز ده اوندا ضعئفئک، لاکئن تارينين سئزده اولان قودرتي اوچون اونونلا ياشاياجاغيق.
اؤزونوزو ائمتاحان ادئن، گؤرون آيا ائمانداسينيز. اؤزونوزو يوخلايين. مگر درک اتمئرسئنئز کي، عئسا مسئح سئزدهدئر؟! مگر بو کي، حقئقتن ائمتاحاندا مردود اولورسونوز.
لاکئن اومئد ادئرم کي، بئزئم ائمتاحاندا مردود اولماديغيميزي باشا دوشهجکسئنئز.
آمّا تارييا دوعا ادئرئک کي، سهو بئر ائش گؤرمه‌يهسئنئز. بونون اوچون يوخ کي، بئز حاقلي گؤرونک. بونون اوچون کي، سئز صحئح اولاني يرئنه يتئرهسئنئز، حتّا اگر بئز حاقلي گؤرونمه‌يک.
چونکي بئز حقئقتئن ضئدّئنه هچ بئر ائش گؤره بئلمه‌رئک، آنجاق حقئقتئن يولوندا گؤره بئله‌رئک.
چونکي بئز ضعئف، لاکئن سئز قووّتلي اولاندا بئز سوئنئرئک. دوعا دا ادئرئک کي، سئز کامئل‌لَشهسئنئز.
من قايئب ائکن بونلاري اونا گؤره يازيرام کي، اورادا حاضير اولدوغوم زامان، ربّئن منه وردئيي ائقتئداري ائله سئزئنله، ييخماق اوچون يوخ، بئنا اتمک اوچون برک رفتار اتمهيئم.
نهايت، قارداشلار! سوئنئن، کامئلله‌شئن، تسلّي تاپين، همفئکئر اولون، باريش ائچئنده ياشايين و سوگي و باريش تاريسي سئزئنله اولار.
بئربئرئنئزي موقدّس اؤپوشله سالاملايين.
بوتون موقدّسلر سئزه سالام گؤنده‌رئرلر. بوتون موقدّسلر سئزه سالام گؤنده‌رئرلر. بوتون موقدّسلر سئزه سالام گؤنده‌رئرلر.
رب عئسا مسئحئن فيضي، تارينين محبّتي، و موقدّس روحون رفاقتي سئزئن هامينيزلا اولسون.
ائنسانلار طرفئندن يوخ، ائنسانلارين واسئطهسئله ده يوخ، آنجاق عئسا مسئح و اونو اؤلولردن دئرئلدن آتا تاري واسئطهسئله حواري تعيئن اولونان پولوسدان
و منئمله اولان بوتون قارداشلاردان، قالاتئيانين کئلئسالارينا:
آتاميز تاريدان و ربّ عئسا مسئحدن سئزه فيض و باريش اولسون.
او کي، آتاميز تارينين ائرادهسئنه گؤره، اؤزونو بئزئم گوناهلاريميز اوچون فدا اتدي کي، بئزي ائندئکي شر دؤوردن قورتارسين.
اونا ابده کئمي عئزّت اولسون. آمئن.
تعجّوب اِدئرم کي، سئز بله تزلئکله مسئحئن فيضئنده سئزي چاغيراني ترک ادئب، آيري بئر ائنجئله دؤنورسونوز.
اصلئنده اؤزگه بئر ائنجئل يوخدور؛ آنجاق بعضي آداملار وار کي، سئزي چاشديريب مسئحئن ائنجئلئني تحرئف اتمک ائسته‌يئرلر.
لاکئن حتّا اگر بئز، و يا گؤيدن گلن بئر ملک، سئزه وعظ اتدئيئمئز ائنجئله ضئدّ بئر شي وعظ اتسه، اونا لعنت اولسون!
اوّلجه ددئيئمئز کئمي، ائندي ده ديئرم؛ کئم سئزه قبول اتدئيئنئز ائنجئلئن ضئدّئنه باشقا بئر ائنجئل وعظ اتسه، اونا لعنت اولسون!
ائندي من کئمي راضي اتمک ائسته‌يئرم، ائنسانلاري، يوخسا تاريني؟ يا دا مگر ائنسانلاري خوشلانديرماق ائسته‌يئرم؟ اگر من حله ده ائسته‌سيدئم کي، ائنسانلاري خوشلانديريم، مسئحئن قولو اولمازديم.
قارداشلار، ائسته‌يئرم بئلهسئنئز کي، سئزه وعظ اتدئيئم ائنجئل ائنسان قاييرديغي ديئل.
چونکي من اونو نه ائنساندان آلديم، نه ده اؤيره‌دئلدئم. آنجاق اونو عئسا مسئحئن بئر وحيي ائله آلديم.
چونکي سئز يهودئلئکده اولان قاباقکي احوالاتيمي اشئدئبسئنئز کي، نجه شئدّتلي بئر شکئلده تارينين کئلئساسينا عذاب ورئردئم و چاليشيرديم کي، اونو آرادان آپاريم.
و يهودئلئکده اؤز عئرقئمدن اولان ياشيدلاريمي نجه اؤتوب، اجدادلاريمين رسم-روسوملارينا حدّئندن آرتيق قيرتلي ائدئم.
آمّا او واخت کي، آنامين بطنئندن مني سچن و اؤز فيضي ائله دعوت اِدن تاري روا گؤردو کي،
اؤز اوغلونو منده ظاهئر اتسئن، اله کي، من اونو قيرييهودئلرئن آراسيندا وعظ ادئم، من درحال هچ کسله مصلحتلشمه‌دئم.
اورشلئمه، مندن قاباق حواري اولانلارين يانينا دا گتمه‌دئم. لاکئن عربئستانا گتدئم و گئنه دمشقه قاييتديم.
اوچ ائل کچندن سونرا، اورشلئمه گتدئم کي، کئفا ائله تانيش اولوم و اونونلا اون بش گون قالديم.
آمّا او بئري حوارئلردن هچ بئرئني گؤرمهدئم مگر ربّئن قارداشي يعقوبو.
(سئزه هر نه کي، يازيرام، تارينين حوضوروندا سئزه يقئن ورئرم کي، يالان دمئرم.)
سونرا، سورئيه و قئلئقئيه دئيارينا گتدئم.
و حله ده مسئحئن يهودئيهده اولان کئلئسالاري مني شخصن تانيميرديلار؛
آنجاق اونلار دائم اشئدئردئلر کي، "بئر زامان بئزه عذاب ورن شخص، ائندي اؤزو اله او ائماني وعظ ادئر کي، بئر زامانلار اونو محو اتمه‌يه چاليشيردي."
و مندن اؤتري تارييا حمد ادئردئلر.
اون دؤرد ائل سونرا، بارنابا ائله بئرلئکده گئنه اورشلئمه گتدئم، تئطوسو دا اؤزومله آپارديم.
بئر وحيه گؤره ائدي کي، گتدئم. و اونلارا قيري‌يهودئلر آراسيندا وعظ اتدئيئم ائنجئلي تقدئم اتدئم. لاکئن بونو اعتئبارلي اولانلارا خوصوصي بئر شکئلده اتدئم کي، مبادا عبث قاچيب و يا قاچميش اولوم.
حتّا يانيمدا اولان تئطوس دا، يونانلي اولان حالدا، ختنه اولونماغا مجبور ادئلمه‌دي.
آمّا بو، گئزلئجه آراميزا سوخولان يالانچي قارداشلار اوزوندن اولدو کي، مسئح عئسادا اولان آزادليغيميزي گودوردولر، اله کي، بئزي قوللوغا چکسئنلر.
اونلارا بئر ساعات دا اولسا، باش اَيئب تسلئم اولماديق کي، ائنجئلئن حقئقتي سئزئنله ثابئت قالسين.
آمّا اعتئبارلي توتولانلار(منه فرق اِتمز کي، اونلار نه ائمئشلر. تاري طرفدارليق اتمز.) منه بئر شي آرتيرماديلار.
عکسئنه، او زامان کي، ختنهسئزلر اوچون ائنجئلئن منه تاپشيريلماسيني گؤردولر، نجه کي، ختنهليلر اوچون پطروسا تاپشيريلميشدي.
(چونکي ختنهليلره حواري اولماسي اوچون پطروسدا ائشله‌ين، قيري‌يهودئلر اوچون منده ده ائشله‌دي.)
و منه عطا اِدئلن فيضي تشخئص وِرَنده، سوتونلار ساييلان يعقوب، کئفا، و يوحنّا صاغ اللرئني رفاقت اوچون منه و بارنابايا وردئلر کي، بئز قيرييهودئلرئن آراسينا گدک، اونلار دا ختنهليلرئن.
آنجاق بئزدن ائسته‌دئلر کي، يوخسوللاري ياددان چيخارتماياق؛ اِله همن شيي کي، من ده اونو اتمه‌يه جان آتيرديم.
لاکئن پطروس انطاکئيهيه گلنده، اونون اوزونه ضئدّ دوردوم، چونکي تقصئرلي ائدي.
اونا گؤره کي، يعقوبون طرفئندن بعضي آداملار گلمه‌دن قاباق، قيري‌يهودئلرله يمک ييئردي. آمّا اونلار گلندن سونرا، ختنه حزبئنئن قورخوسوندان اونلاردان چکئنئب، اؤزونو آيري ساخلاييردي.
اؤزگه يهودئلر ده رئياکارليقدا اونا قوشولدولار، بله کي، حتّا بارنابا دا اونلارين رئياکارليغينا توتولدو.
لاکئن او زامان کي، اونلارين ائنجئلئن حقئقتئنه دوزگون رفتار اتمه‌دئکلرئني گؤردوم، هامينين حوضوروندا کئفايا ددئم: "اگر سن، يهودي اولان حالدا، يهودئلر کئمي يوخ، قيري‌يهودئلر کئمي ياشاييرسان، نجه قيري‌يهودئلري مجبور ادئرسن کي، يهودئلر کئمي ياشاسينلار؟!"
بئز آنادان گلمه يهودئيئک و قيري‌يهودئلر آراسيندان اولان گوناهکارلار ديئلئک؛
لاکئن بئلئرئک کي، ائنسان شرئعتئن عمللري ائله يوخ، مسئح عئسايا اولان ائمان واسئطهسئله صالح ساييلير. حتّا بئز ده مسئح عئسايا ائنانديق کي، شرئعتئن عمللري ائله يوخ، مسئحه اولان ائمان واسئطهسئله صالح ساييلاق. چونکي شرئعتئن عمللري ائله هچ بئر ائنسان صالح ساييلماز.
اگر بئز، مسئحده صالح ساييلماغيميزي آختاران ائکن، گوناهکار دا چيخساق، اوندا آيا مسئح گوناهين خئدمتچئسي‌دئر؟ حاشا.
چونکي اگر من اوّلجه ييخديغيمي گئنه تئکئرم، اؤزومون تقصئرلي اولدوغومو ائثبات ادئرم.
چونکي من شرئعتئن واسئطهسئله شرئعته اؤلدوم کي، تاري اوچون ياشاييم.
من مسئحله چارميخا چکئلمئشم و ياشايان آرتيق من ديئلم، مسئحدئر کي، منده ياشايير. و بدنده ياشاديغيم بو حياتي، تارينين اوغلونا اولان ائمان واسئطهسئله ياشاييرام کي، مني سِودي و منئم اوچون اؤزونو تسلئم اتدي.
تارينين فيضئني باطئل اتمئرم. چونکي اگر صالحلئک شرئعتئن واسئطهسئله مومکون اولسايدي، دمه‌لي مسئح عبث يره اؤلدو.
سئز عاغيلسيز قالاتئياليلار، کئم سئزي طئلسئمله‌دي، کئمئن گؤزلري قاباغيندا عئسا مسئح چارميخا چکئلمئش تصوئر اولوندو؟!
سئزدن بئلمک ائسته‌دئيئم آنجاق بو بئر مطلبدئر: سئز موقدّس روحو شرئعتئن عمللری ائله آلدينيز، يوخسا اشئتدئيئنئزه ائمان گتئرمکله؟
آيا بو قدر عاغيلسيزسينيز؟! روحلا باشلاييب، ائندي جئسمله کامئلله‌شئرسئنئز؟
بو قدر اذئيّتي مگر بوش يره چکدئنئز؛ دوغرودان دا مگر بوش يره ائدي؟
بس ائندي موقدّس روحو سئزه عطا ادن و آرانيزدا مؤجوزهلر يارادان، بونلاري شرئعتئن عمللرئني اتدئيئنئز اوچون ادئر، يوخسا اشئتدئيئنئزه ائمان گتئردئيئنئز اوچون؟
اِله ائبراهئم ده "تارييا ائمان گتئردي و بو اونا صالحلئک ساييلدي."
بلجه آرخايين اولون کي، ائبراهئمئن اوغوللاري اونلارديرلار کي، ائمان گتئرئرلر.
موقدّس يازي دا قيرييهودئلرئن ائمانلارينا گؤره صالح ساييلديغيني قاباقدان گؤروب، ائبراهئمه ائنجئلي موژده وردي کي، "بوتون مئلّتلر سنده برکتلنهجکلر."
بلجه، ائمان گتئرنلر ائمان گتئرن ائبراهئمله برکتله‌نئرلر.
چونکي شرئعتئن عمللرئنه ائستئناد اِدَنلرئن هاميسي لعنت آلتينداديرلار. چونکي يازيليب: "ملعوندور هر کس کي، شرئعت کئتابيندا يازيلان بوتون شيلرده دورماييب، اونلاري عمله گتئرمه‌سئن."
آيديندير کي، هچ کس شرئعتئن واسئطهسئله تارينين حوضوروندا صالح ساييلمير. چونکي "صالح آدام ائمانلا ياشاياجاق."
آمّا شرئعت ائماندان ديئل. عکسئنه، "اونلارا عمل اِدَن هر کس اونلارلا ياشاياجاق."
مسئح بئزئم يولوموزدا ملعون اولاراق، بئزي شرئعتئن لعنتئندن ساتين آليب، قورتاردي. چونکي يازيليب: "آغاجدان آسيلان هر کس ملعوندور."
اِله کي، ائبراهئمئن برکتي مسئح عئسادا قيرييهودئلره گلسئن و بئز ده وعدهسي ورئلمئش موقدّس روحو ائمان واسئطهسئله آلاق.
قارداشلار، ائنسان ساياغي ديئرم: رسمئيّته کچمئش بئر وصئيّت، بئر ائنسانين اولسا دا، هچ کس اونو لغو اتمز، اونا علاوه ده اتمز.
وعدهلر ائبراهئمه و اونون نسلئنه ديئلدي. تاري بئر چوخ آداما ائشاره اتمئش کئمي "سنئن نسئلرئنه" دمئر. آنجاق بئرئنه ائشاره اتمئش کئمي "سنئن نسلئنه" ديئر کي، مسئح اولسون.
بونو دمک ائسته‌يئرم: شرئعت کي، بوندان دؤرد يوز اوتوز ائل سونرا گلدي، تارينين تصدئق اتدئيي قاباقکي وصئيّتي اعتئباردان سالا بئلمز، اِله کي، وعدهني لغو اتسئن.
چونکي اگر مئراث شرئعته باغلي اولسا، آرتيق وعدهيه باغلي ديئل؛ لاکئن تاري اونو ائبراهئمه بئر وعده واسئطهسئله عطا ادئب.
بس شرئعت نه اوچوندور؟ ديئلن نسلئن گلمه‌يئنه قدر کي، وعده اونا ورئلئب، شرئعت خاطالارين سببئندن ملکلر واسئطهسئله بئر واسئطهچي اَلي ائله علاوه اولونوب، ترتئب ورئلدي.
واسئطهچي بئر طرف اوچون ديئلدئر؛ لاکئن تاري بئردئر.
بس آيا شرئعت تارينين وعدهلرئنه ضئدّدئر؟ حاشا! چونکي اگر حيات ورمه‌يه قادئر اولان بئر شرئعت ورئلسَيدي، اوندا صالحلئک حقئقتن شرئعته باغلي اولاردي.
آمّا موقدّس يازي بوتون هر نه‌يي گوناه آلتيندا باغلادي کي، عئسا مسئحه اولان ائمانا دايانان وعده، ائمان گتئرنلره ورئلسئن.
لاکئن ائمانين گلمه‌سئندن قاباق، بئز شرئعتئن موحافئظهسي آلتيندا ساخلانيب، گلهجک ائمانين ظوهور ادهجه‌يئنه قدر توتولموشدوق.
بونا گؤره، شرئعت بئزئم موربّئمئز اولوب کي، بئزي مسئحه يتئرسئن، اِله کي، ائمان واسئطهسئله صالح ساييلاق.
آمّا ائندي او ائمان گلئب و بئز آرتيق بئر موربّئنئن الي آلتيندا ديئلئک.
چونکي سئز هامينيز مسئح عئسايا اولان ائمان واسئطهسئله تارينين اوغوللاريسينيز.
چونکي مسئحده تعمئد اولونان بوتون سئزلر، مسئحي گِيئنئبسئنئز.
نه يهودي وار نه يونانلي، نه قول وار نه آزاد، نه کئشي وار نه آرواد، چونکي سئز هامينيز مسئح عئسادا بئرسئنئز.
و اگر سئز مسئحئنکئسئنئز، او زامان سئز ائبراهئمئن نسلي و وعدهيه گؤره وارئثسئنئز.
ائندي بونو ديئرم کي، مادام کي، وارئث اوشاقدير، هر شيئن صاحئبي اولسا دا، قوللا هچ فرقي يوخدور.
او، آتاسينين تعيئن اتدئيي واختا قدر، قيّوملارين و وکئللرئن اَلي آلتيندادير.
اِله‌جه ده بئز، اوشاقلار ائکن دونيانين ائبتئدائي شيلرئنئن آلتيندا اسئر ائدئک.
لاکئن زامان تامامينا چاتديقدا، تاري آرواددان دوغولموش و شرئعت آلتيندا دونيايا گلمئش اؤز اوغلونو گؤنده‌ردي کي،
شرئعت آلتيندا اولانلاري ساتين آليب قورتارسين و بئز اوغوللوغا نايئل اولاق.
و اوغوللار اولدوغونوز اوچون، تاري اؤز اوغلونون روحونو بئزئم اورکلرئمئزه گؤنده‌رئب کي، نئدا ادئر: "آبّا! آتا!"
بونا گؤره، سئز آرتيق قول يوخ، اوغولسونوز. و اگر اوغولسونوز، تارينين واسئطهسئله وارئثسئنئز ده.
لاکئن تاريني تانيماديغينيز زامان، اِلهلرئن قولو ائدئنئز کي، طبئعتن تاري ديئللر.
آمّا ائندي کي، تاريني تاني‌ييرسينيز، يا دا داها دوغروسو تاري سئزي تاني‌يير، نجه اولور کي، گئنه ضعئف و دَيَرسئز ائبتئدائي شيلره قاييديرسينيز و اونلارين قولو اولماغا جان آتيرسينيز؟!
گونلري، آيلاري، مؤوسوملري و ائللري رئعايت ادئرسئنئز.
سئزئن اوچون قورخورام کي، مبادا سئزه عبث زحمت چکمئش اولام.
سئزه يالواريرام، قارداشلار، منئم کئمي اولون. چونکي من ده سئزئن کئمي اولموشام. سئز منه هچ بئر حاقسيزليق اتمه‌يئبسئنئز.
لاکئن بئلئرسئنئز کي، بدنئن ضعئفلئيي اوزوندن ائنجئلي ائلک دفه سئزه وعظ اتدئم.
و بدنئمده اولان ائمتاحانا سئز حقارتله باخمادينيز، ردّ ده اتمه‌دئنئز. آمّا مني تارينين بئر مله‌يي کئمي قبول اتدئنئز، اله بئل کي، مسئح عئسانين اؤزونو قبول ادئرسئنئز.
ائندي او سعادتئنئزه نه اولدو؟ چونکي سئزئن حاقّينيزدا شهادت ورئرم کي، اگر مومکون اولسايدي، گؤزلرئنئزي چيخارديب منه وِرَردئنئز.
مگر حقئقتي سئزه ددئيئم اوچون دوشمنئنئز اولموشام؟
اونلار قيرتله سئزي آختاريرلار، لاکئن ياخشي نئيّتله يوخ. آنجاق سئزي آييرماق ائسته‌يئرلر کي، سئز اونلاري قيرتله آختاراسينيز.
آنجاق من يانينيزدا اولاندا يوخ، ياخشي نئيّتله هر زامان قيرتلي اولماق ياخشيدير.
اؤولادلاريم کي، مسئح سئزده شکئل تاپانا قدر تکرار دوغوم آغريسيني چکئرم،
آرزو ادئردئم کي، ائندي يانينيزدا اولوب سؤزومون سسئني ديئشدئره‌يدئم. چونکي سئزئن حاقّينيزدا چاشيب قالميشام.
منه ديئن، سئزلر کي، شرئعت آلتيندا اولماغي ائسته‌يئرسئنئز، مگر شرئعته قولاق آسميرسينيز؟
چونکي يازيليب، ائبراهئمئن ائکي اوغلو وار ائدي؛ بئري کنئز آرواددان و او بئرئسي آزاد آرواددان دوغولموشدو.
لاکئن کنئز آرواددان دوغولان اوغول، جئسمه گؤره دوغولدو و آزاد آرواددان دوغولان اوغول وعدهيه گؤره.
بو، تمثئلله دانيشماقدير، چونکي بو ائکي آرواد، ائکي عهددئرلر؛ بئري سئنا داغينداندير، قول اولاجاق اوشاقلار دوغور. او، هاجردئر.
ائندي بو هاجر عرب بؤلگهسئنده اولان سئنا داغيدير و اورشلئمئن ائندئکي واختينا بنزهيئر، چونکي او، اؤولادلاري ائله اسئرلئکدهدئر.
آمّا يوخاريدا اولان اورشلئم آزاددير کي، بئزئم آناميزدير.
چونکي يازيليب: "اي سونسوز دوغمايان آرواد، سوئن! اي دوغوم آغريسيني چکمه‌ين، جار چک و نئدا ات! چونکي ترک ادئلمئش آروادين اؤولادلاري، اَري اولان آروادين اؤولادلاريندان چوخدور."
و سئز، قارداشلار، ائسحاق کئمي وعدهنئن اؤولادلاريسينيز.
آمّا نجه او زامان جئسمه گؤره دوغولان، موقدّس روحا گؤره دوغولانا عذاب ورئردي، ائندي ده بلهدئر.
لاکئن موقدّس يازي نه ديئر؟ "کنئز آرواد و اونون اوغلونو قوو، چونکي کنئز آروادين اوغلو، آزاد آروادين اوغلو ائله وارئث اولماياجاق."
بونا گؤره، قارداشلار، بئز کنئز بئر آروادين يوخ، آزاد آروادين اؤولادلارييق.
مسئح بئزي آزادليق اوچون آزاد اتدي. بونون اوچون برک دايانين و گئنه قوللوغون يوغونا دوشمهيئن.
باخين، من پولوس، سئزه ديئرم کي، اگر ختنه اولوناسينيز، مسئح سئزه هچ فايدالي اولماز.
ختنه اولونان هر آداما گئنه شهادت ورئرم کي، شرئعتي کامئل بئر شکئلده يرئنه يتئرمه‌يه ائلزام آلتيندادير.
سئز کي، ائسته‌يئرسئنئز شرئعت وسئلهسئله تبرعه اولوناسينيز، مسئحدن محروم اولوبسونوز؛ سئز فيضدن دوشوبسونوز.
چونکي بئز، صالحلئک اومئدئني، موقدّس روحا داياناراق ائمان واسئطهسئله گؤزلهيئرئک.
چونکي مسئح عئسادا نه ختنه بئر شيدئر نه ده ختنهسئزلئک. آنجاق ائمان کي، محبّت واسئطهسئله عمل ادئر.
ياخشي قاچيردينيز، کئم سئزه حقئقتدن ائطاعت اتمکده مانع اولدو؟
بو ائقناع سئزي دعوت اِدَندن ديئل.
بئر آز مايا بوتون خمئري تورشودور.
من ربده سئزه اعتئماد ادئرم کي، آيري بئر جور دوشونمه‌يهجکسئنئز. لاکئن سئزي چاشديران، کئم اولور اولسون، اؤز جزاسيني چکهجک.
آمّا، قارداشلار، اگر من حله ده ختنهلئيي وعظ ادئرم، بس نه اوچون حله ده عذاب آلتيندايام؟ اِله اولسا ائدي، چارميخين بودرهمهسي اورتادان قالديريلميشدي.
کاشکي سئزي تحرئک اِدَنلر اؤزلرئني اَخته اتسَيدئلر!
چونکي قارداشلار، سئز آزادليغا دعوت اولونوبسونوز؛ آنجاق آزادليغينيزي جئسم اوچون فورصت بئلمه‌يئن. آمّا بئربئرئنئزه محبّتله قوللوق ادئن.
چونکي بوتون شرئعت تک بئر کلمهده يرئنه يتئشئلئر، بوندا کي، "قونشونو اؤزون کئمي سِو."
آمّا اگر بئربئرئنئزي سانجيب اوداسينيز، احتئياطلي اولون کي، مبادا بئربئرئنئزدن تلف اولاسينيز.
لاکئن ديئرم: موقدّس روحون واسئطهسئله رفتار ادئن، او زامان جئسمئن هاوا-هوسلرئني يرئنه يتئرمزسئنئز.
چونکي جئسمئن هاوا-هوسلري موقدّس روحون ضئدّئنهدئر، موقدّس روح دا جئسمئن ضئدّئنه. چونکي بونلار بئربئرئنئن ضئدّئنهدئرلر. اِله کي، سئز، ائسته‌دئيئنئزي اده‌بئلمه‌يهسئنئز.
آمّا اگر موقدّس روحدان هئدايت اولونورسونوز، شرئعت آلتيندا ديئلسئنئز.
جئسمئن عمللري بلّي‌دئر: بونلار جئنسي عئفّتسئزلئک، ناپاکليق، سفاهت،
بوتپرستلئک، جادوگرلئک، عداوت، داعوالار، حسد، قضب، موباحئثه، نئفاق، تفرئقهلر،
پاخيلّيق، کفلئلئک، عيش-عئشرتلر و بونا بنزر شيلردئر. سئزه اوّللرده ائخطار وردئيئم کئمي، ائندي ده قاباقجادان ائخطار ورئرم کي، بونلاري اِدَنلر تارينين پادشاهليغيني مئراث آلماياجاقلار.
لاکئن روحون ثمرهسي محبّت، شادليق، باريش، صبر، مهرئبانليق، ياخشيليق، وفادارليق،
حلئملئک و اؤزونه حاکئم اولماقدير. بو کئمي شيلرئن ضئدّئنه هچ شرئعت يوخدور.
و اونلار کي، مسئح عئسايا عاييدديلار، جئسمي، شهوتلر و هاوا-هوسلری ائله چارميخا چکئبلر.
اگر موقدّس روحلا ياشاييريق، قوي موقدّس روحلا دا رفتار ادک.
بئربئرئمئزه ميدان اوخوماياق، بئربئرئمئزي موبارئزهيه چاغيرماياق، بئربئرئمئزه پاخيلّيق اتمه‌يک.
قارداشلار، اگر بئر آدام بئر خاطا اوسته توتولسا بله، سئز روحانئلر اونو حلئملئک روحو ائله ائصلاح ادئن. و اؤزونوزه دئقّت ادئن کي، مبادا سئز اؤزونوز ده وسوسهيه دوشهسئنئز.
بئربئرئنئزئن يوکلرئني داشي‌يين و بو يوللا مسئحئن شرئعتئني يرئنه يتئرئن.
چونکي اگر کئمسه، بئر زاد ديئل ائکن، اؤزونو بئر زاد بئلسه، اؤزونو آلدادير.
قوي هر کس اؤز ائشئني ائمتاحانا چکسئن. او واخت فخر اتمه‌يي اؤزگه بئر آدامدا يوخ، آنجاق اؤزونده اولاجاق.
چونکي هر کس اؤز يوکونو داشيياجاق.
کلامي تعلئم آلان، بوتون ياخشي شيلرده، کلامي اونا تعلئم وره‌ني شرئک اتسئن.
آلدانمايين، تارييا ائستهزا ادئلمز. چونکي ائنسان نه‌يي اَکسه، اونو دا بئچهجکدئر.
چونکي اؤز جئسمي اوچون اَکَن، جئسمدن فسادليق بئچهجک. آمّا روح اوچون اَکَن، روحدان ابدي حيات بئچهجکدئر.
ياخشيليق اتمکده يورولماياق. چونکي اگر سوستالماساق، واختيندا بئچهرئک.
دمه‌لي، نه قدر فورصتئمئز وارسا، هامييا، خوصوصن ائمانليلار عايئلهسئنه ياخشيليق ادک.
گؤرون اؤز اَلئمله نه بؤيوک حرفلرله سئزه يازيرام!
جئسمده ياخشي گؤرونمک ائسته‌ينلر چاليشيرلار کي، سئزي ختنه اتمه‌يه مجبور اتسئنلر. بو ائشي آنجاق اوندان اؤتري ادئرلر کي، مسئحئن چارميخي اوچون عذابا دوشمه‌سئنلر.
چونکي حتّا ختنه اولونانلارين اؤزلري ده شرئعتي رئعايت اتمئرلر. لاکئن سئزئن ختنه اولونماغينيزي ائسته‌يئرلر کي، سئزئن جئسمئنئزده فخر اتسئنلر.
آمّا مندن ائراق اولسون کي، ربّئمئز عئسا مسئحئن چارميخيندان باشقا اؤزگه بئر شيده فخر ادئم. او چارميخين واسئطهسئله دونيا منئم اوچون چارميخا چکئلئب، من ده دونيا اوچون.
چونکي نه ختنهلئک، نه ده ختنهسئزلئک بئر شيدئر، لاکئن تزه خئلقت.
بو قايدا ائله رفتار اِدَنلره و تارينين ائسرايئلئنه باريش و رحمت اولسون.
بوندان سونرا، قوي هچ کئم منه اذئيّت ورمه‌سئن. چونکي من رب عئسانين يارا نئشانهلرئني بدنئمده داشي‌ييرام.
قارداشلار، ربّئمئز عئسا مسئحئن فيضي سئزئن روحونوزلا اولسون. آمئن.
تارينين ائرادهسي ائله مسئح عئسانين حوارئسي پولوسدان، اِفِسوسدا اولان و مسئح عئسايا وفالي اولان موقدّسلره:
آتاميز تاريدان و رب عئسا مسئحدن سئزه فيض و باريش اولسون.
موتبارک اولسون تاري و ربّئمئز عئسا مسئحئن آتاسي کي، بئزي مسئحده هر جور روحاني برکتله سماوي يرلرده موبارک ادئب.
نجه کي، دونيانين بئناسيندان ائرهلي بئزي مسئحده سچدي کي، بئز اونون حوضوروندا موقدّس و لکهسئز اولاق.
محبّتده او، اؤز ائرادهسئنئن خوشلوغونا گؤره، عئسا مسئحئن واسئطهسئله، ائرهلئدن بئزي اؤز اوغوللوغونا موقدّر اتدي.
اِله کي، سوگئلي اوغلوندا بئزه باغيشلاديغي عئزّتلي فيضي مدح اولونسون.
مسئحده اونون قانينين واسئطهسئله خئلاصيميز وار، يعني اونون فيضئنئن دؤولتلئيئنه گؤره، خاطالارين باغيشلانماسي کي،
بئزئم اوستوموزه بول-بول تؤکدو. اِله کي، بوتون حئکمت و بصئرتده،
مسئحده نئيّت اتدئيي اؤز خوشلوغونا گؤره، ائرادهسئنئن سئرّئني بئزه بئلدئردي
کي، واختلارين کامئللئيئنئن ترتئبئنده گؤيلرده و يرده اولان شيلرئن هاميسيني مسئحئن باشچيليغي آلتيندا بئرلَشدئرسئن.
مسئحده بئز ده وارئث اولدوق، يعني اونون نئيّتئنه گؤره، اوّلدن بئزه موقدّر اولدو کي، بوتون شيلري اؤز ائرادهسئنئن مصلحتئنه گؤره يرئنه يتئرئر.
اِله کي، مسئحه ائلک اومئد باغلاميش اولان بئزلر، اونون جلالينين حمدي اوچون اولاق.
اوندا، سئز ده حقئقت کلاميني، نئجاتينيزين خوش خبرئني اشئدئب ائنانديقدا، وعدهنئن موقدّس روحو ائله مسئحده مؤهورلَندئنئز کي،
مئراثيميزين بِيئدئر؛ بله کي، تارييا عاييد اولانلار خئلاص اولونسونلار و بلجه اونون جلالي مدح اِدئلسئن.
بونا گؤره من ده، رب عئسايا اولان ائمانينيزي و بوتون موقدّسلره اولان محبّتئنئزي اشئدئب،
سئزئن اوچون شوکور اتمکدن و سئزي دوعالاريمدا يادا گتئرمکدن دايانميرام.
اِله کي، ربّئمئز عئسا مسئحئن تاريسي، عئزّتلي آتا، سئزه اؤز معرئفتئنده حئکمت و وحي روحونو ورسئن.
و اوره‌يئنئزئن گؤزلرئني ائشيقلانديرسين کي، بئلهسئنئز اونون دعوتئنئن اومئدي و اونون مئراثينين عئزّتلي دؤولتلئيي موقدّسلرده نه‌دئر.
و بئز ائمان گتئرنلر اوچون اونون قودرتئنئن حدسئز عظمتئني ده بئلهسئنئز. بونلار اونون قووّتلي قودرتئنئن ائشلمه‌يي‌دئر کي،
مسئحي اؤلولردن دئرئلدرکن و سماوي يرلرده اؤز صاغيندا اوتوردارکن، اوندا ظاهئر اتدي؛
هر ريئسلئکدن، ائقتئداردان، قودرتدن، حاکئمئيّتدن، و هر آددان اوستون، نه آنجاق بو عصرده، آمّا گلهجک عصرده ده.
هر شيي اونون آياقلاري آلتينا قويوب، اونو بوتون شيلرئن باشي اولاراق کئلئسايا وردي کي،
اونون بدني‌دئر: اونون دولولوغو کي، هاميني هاميدا دولدورور.
و سئز خاطالار و گوناهلارينيز ائچنده اؤلموشدونوز.
بئر زامانلار اونلاردا بو دونيانين گدئشئنه گؤره رفتار اتدئنئز؛ هاوا ريئسئنئن قودرتئنه گؤره، يعني او روحا گؤره کي، ائندي ائطاعتسئزلئيئن اوغوللاريندا عمل ادئر.
اونلارين آراسيندا بئر زامانلار بئز هاميميز دا جئسمئن شهوتلرئنده ياشاياراق، جئسمئن و فئکرئن هاوا-هوسلرئني يرئنه يتئرئب، اؤزگهلر کئمي بئز ده طبئعتن قضبئن اؤولادلاري ائدئک.
لاکئن مرحمتي بول اولان تاري، بئزي سودئيي بؤيوک محبّتئندن اؤتري،
حتّا خاطالاريميز اوزوندن اؤلو اولدوغوموز حالدا دا، بئزه مسئحله برابر حيات وردي. سئز فيضله نئجات تاپيبسينيز.
و اونونلا بئزي دئرئلدئب، مسئح عئسادا اونونلا بئزي سماوي يرلرده اوتورتدو.
اِله کي، گلهجک عصرلرده اؤز فيضئنئن حدسئز دؤولتلئيئني مسئح عئسادا بئزه شفقتله گؤرسدسئن.
چونکي سئز فيض واسئطهسئله ائمان يولو ائله نئجات تاپيبسينيز و بو سئزدن ديئل، تارينين عطاسي‌دير.
عمللردن ديئل کي، هچ کئم فخر اتمه‌سئن.
چونکي بئز اونون صَنَتئيئک و مسئح عئسادا ياخشي عمللر اوچون يارانديق. بو عمللري تاري قاباقجادان حاضيرلادي کي، بئز اونلاردا رفتار ادک.
بونا گؤره سئز جئسمن قيري‌يهودي اولانلار کي، ائنسان اَلي ائله "ختنه اولموشلار" طرفئندن، "ختنهسئزلر" چاغيريليرسينيز، خاطيرلايين کي،
بئر زامانلار مسئحدن آيري، ائسرايئل هموطنلئيئندن اشئک و وعدهنئن عهدلرئنه قرئب ائدئنئز. هچ بئر اومئدئنئز يوخ ائدي و دونيادا تاريسيز ائدئنئز.
آمّا ائندي مسئح عئسادا، سئز کي، بئر زامانلار اوزاق ائدئنئز، مسئحئن قاني سببي ائله ياخين اولدونوز.
چونکي او اؤزو بئزئم باريشيميزدير کي، هر ائکئسئني بئر ادئب آيريليق دوواريني آراليقدان ييخدي.
يعني اؤز جئسمئنده عداوتي، قايدالاردا احکاملارين شرئعتئني باطئل اتدي کي، باريش قوروب اؤزونده او ائکئدن تزه بئر ائنسان ياراتسين.
و چارميخ واسئطهسئله هر ائکئسئني تک بئر بدنده تاري ائله باريشديرسين و اونونلا عداوتي اؤلدورسون.
او گلدي و هم اوزاقدا اولان سئزلره، هم ده ياخيندا اولانلارا باريشي وعظ اتدي.
چونکي اونون واسئطهسئله ائکئمئزين ده بئر روحدا آتانين حوضورونا يولوموز آچيقدير.
دمه‌لي بوندان بله، سئز، نه يادسينيز، نه ده اجنبي. لاکئن موقدّسلرله برابر هموطن و تارينين عايئلهسئندنسئنئز.
و حوارئلر و نبئلرئن بونؤورهسي اوستونده بئنا اولوبسونوز کي، اونون بوجاق داشي مسئح عئسا اؤزودور.
اوندا بوتون عئمارت هماهنگ دوزولوب، ربّه عاييد موقدّس بئر معبد اولماق اوچون بئنا اولور.
و اوندا سئز ده بئرلئکده تئکئلئرسئنئز کي، تارينين روحن ساکئن اولدوغو بئر ير اولاسينيز.
بو سببدن من پولوس، سئز قيري‌يهودئلر اوچون مسئح عئسانين زئندانئسي،
اگر حقئقتن تارينين سئزئن اوچون منه امانت ورئلدئيي فيضئني اشئتمئش اولاسينيز.
کي، وحي واسئطهسئله سئرّ اولان منه بئلدئرئلدي، نجه کي، بوندان قاباق قيساجا يازديم.
اونا گؤره ده، بونو اوخوياندا منئم مسئحئن سئرّئنده اولان بصئرتئمي آنلايا بئلئرسئنئز.
بو سئرّ اؤزگه نسئللرده ائنسان اوغوللاري اوچون آشکار اولماميشدي، نجه کي، ائندي موقدّس روحدا اؤز موقدّس حوارئلر و نبئلرئنه آشکار ادئب.
کي، قيري‌يهودئلر ده ائنجئلئن واسئطهسئله مسئح عئسادا همن مئراثين وارئثي، همن بدنئن عوضوو، و همن وعدهنئن شرئکي‌دئرلر.
من ده تارينين قودرتئنئن ائشئنه گؤره، منه باغيشلانميش تارينين فيض عطاسينا اساسن اونون خئدمتچئسي اولدوم.
و منه، بوتون موقدّسلرئن لاپ کئچئيئنه، بو فيض عطا اولوندو کي، مسئحئن قئياسا گلمه‌ين دؤولتلرئني قيرييهودئلره وعظ ادئم.
و آيدينلاشديريم کي، هر شيي يارادان تاريدا ازلدن گئزلنمئش سئرّئن ترتئبي نه‌دئر.
اِله کي، تارينين قات-قات حئکمتي کئلئسانين واسئطهسئله سماوي يرلرده اولان ريئسلر و ائقتئدار صاحئبلرئنه بئلدئرئلسئن.
بو ابدي مقصده گؤره ائدي کي، تاري اونو ربّئمئز مسئح عئسادا انجامينا يتئردي.
مسئحده اونا اولان ائمان واسئطهسئله ياخينلاشماغا جورعت و يقئنئمئز وار.
بونا گؤره سئزدن خاهئش ادئرم کي، سئزئن يولونوزدا چکدئيئم زحمتلره گؤره، اوره‌يئنئزي اوزولتميهسئنئز. چونکي اونلار سئزئن عئزّتئنئزدئر.
بو سببدن آتانين حوضوروندا دئز چؤکورم کي،
گؤيده و يرده هر عايئله اوندان آدلانير.
اِله کي، اؤز عئزّتئنئن دؤولتئنه گؤره سئزه عطا اتسئن کي، باطئني ائنساندا اونون اؤز روحونون واسئطهسئله قودرتله‌نئب، قووّت آلاسينيز.
و بلجه مسئح، ائمان واسئطهسئله، سئزئن اورکلرئنئزده ساکئن اولسون و سئز محبّتده کؤک آتيب، بونؤوره قويولاسينيز
بله کي، بوتون موقدّسلرله بئرلئکده مسئحئن محبّتئنئن نه قدر گنئش، اوزون، اوجا و درئن اولدوغونو باشا دوشه بئلهسئنئز
و معرئفتدن چوخ اوستون اولان مسئحئن محبّتئني بئلهسئنئز کي، سئز تارينين بوتون دولولوغو ائله دولاسينيز.
ائندي اونا کي، بئزده، بئزئم ائچئمئزده ائشله‌ين قودرته گؤره، تؤکَنمَز بوللوقدا بوتون ائسته‌دئيئمئز و يا گومان اتدئيئمئزدن داها اوستون اتمه‌يه قادئردئر.
اونا کئلئسادا و مسئح عئسادا بوتون نسئللر بويونجا شؤوکت اولسون. آمئن.
بلجه ربّئن محبوسو اولان من، سئزه يالواريرام کي، آلديغينيز دعوته لايئق رفتار ادهسئنئز؛
بوتون باشي‌آشاغيليق و حلئملئکله، صبرله، محبّتده بئربئرئنئزه تحمّول اتمکله.
جهد ادئن کي، روحون بئرلئيئني باريش باغي ائله حئفظ ادهسئنئز.
بئر بدن و بئر روح وار، نجه کي، سئز ده دعوت اولان زامان بئر اومئده دعوت اولوندونوز.
بئر رب، بئر ائمان، بئر تعمئد،
بئر تاري و هامينين آتاسي کي، هامينين اوستونده، هامينين واسئطهسئله و هاميدادير.
لاکئن فيض بئزئم هر بئرئمئزه مسئحئن عطاسينين اؤلچوسونه گؤره ورئلئب.
بونون اوچون بله ديئر: يوخارييا قالخديقدا، بئر قوشون اسئري، اسئرلئيه آپاردي، و ائنسانلارا عطالار وردي.
ائندي بو "قالخدي" سؤزو نه دمکدئر، مگر بو کي، او، اوّل يرئن اَسفلئنه اِندي.
اِنَن اله همن اودور کي، بوتون گؤيلرئن اوستونه ده قالخدي. اله کي، بوتون شيلري دولدورسون.
و او، بعضئلري حوارئلر، بعضئلري نبئلر، بعضئلري موبشّئرلر، بعضئلري ده شبانلار و موعلّئملر تعيئن اتدي کي،
موقدّسلر، خئدمت ائشئني يرئنه يتئرمک اوچون سئلاحلانيب، مسئحئن بدنئني بئنا اتسئنلر.
او قدر کي، هاميميز ائماندا، تاري اوغلونون معرئفتئنده بئرلئيه چاتيب، مسئحئن دولولوق قامتئنئن اؤلچوسونه قدر بؤيوموش بئر ائنسان اولاق.
بله کي، آرتيق اوشاق اولماييب، شپهلر الئنده چالخالانماياق و هر تعلئمئن يلي ائله، ائنسانلارين کلکبازليغي ائله، آلداتان طرزلرئن حؤقّهبازليغي ائله يولدان آزماياق.
آمّا حقئقتي محبّتده ديئب هر جهتدن اونون قدرئنجه بؤيويک کي، بدنئن باشي‌دير. يعني مسئح کي،
اونا اساسن بوتون بدن، هر بئر بندئن کؤمهيي ائله بئربئرئنئن يانينا قويولوب و هر عوضوون دوزگون ائشلمه‌سئنه گؤره، بدن بؤيويور کي، محبّتله بئنا اتسئن.
بلجه من بونو ديئب ربله بئرلئکده تصدئق ادئرم کي، سئز آرتيق قيري‌يهودئلر کئمي ذهئنئن باطئللئيئنده رفتار اتمهيهسئنئز؛
اونلارين دوشونجهلرئني قارانليق باساراق، ائچلرئنده اولان جهالت اوزوندن و اورکلرئنئن برکلئيئندن تارينين حياتينا ياد اولوبلار.
اونلار هر جور حسّاسليغي ائتئرئب، اؤزلرئني سفالته تسلئم ادئرلر کي، هر جور نجئسلئيي طاماحلا يرئنه يتئرسئنلر.
آمّا سئز مسئحي بو يوللا اؤيرنمه‌يئبسئنئز،
اگر حقئقتن اونو اشئدئب و اوندا تعلئم ورئلئبسئنئز، نجه کي، حقئقت عئسادادير.
يعني سئزئن قاباق نجه ياشاديغينيزا باخاراق، کؤهنه منئيّتي کنارا آتين کي، حئيلهنئن شهوتلري ائله فسادا چکئلئب.
و ذهئنلرئنئزئن روحوندا تزهله‌نئن
و تزه منئيّتي گيئن کي، صالحلئک، قودسئيّت و حقئقتده تارييا موطابئق يارانيب.
بونا گؤره، يالاني کنارا آتين؛ هر بئرئنئز اؤز قونشوسونا حقئقتي دسئن، چونکي بئز، بئربئرئمئزئن عوضولرئيئک.
قضبلننده گوناه اتمهيئن. قويمايين قضبئنئز ياتماميش، گون باتسين.
ائبلئسه هچ بئر فورصت ورمهيئن.
اوغورلوق اِدَن آرتيق اوغورلوق اتمه‌سئن؛ عکسئنه، زحمت چکئب اؤز اَللري ائله ياخشي ائشه مشغول اولسون کي، او اؤزو ده موحتاج اولان بئري ائله بئر شي پايلاشا بئلسئن.
آغزينيزدان هچ بئر ياوا سؤز چيخماسين، آنجاق احتئياجا گؤره، بئنا اتمک اوچون ياخشي سؤز ديئن کي، اشئدنلره فيض عطا اتسئن.
تارينين موقدّس روحونو قمگئن اتمهيئن. خئلاص گونو اوچون اونونلا مؤهورله‌نئبسئنئز.
قوي هر جور آجيليق، حئدّت، قضب، کوفر، و تؤهمت هر جور پئس نئيّتله برابر سئزدن اوزاق اولسون.
بئربئرئنئزه مهرئبان و شفقتلي اولون. بئربئرئنئزي باغيشلايين، نجه کي، تاري دا مسئح ده سئزي باغيشلاييب.
بلجه، سوگئلي اوشاقلار کئمي تارييا اوخشار اولون
و محبّتده رفتار ادئن، نجه کي، مسئح ده بئزي سِودي و اؤزونو بئزئم اوچون تارييا خوش عطئرلي بئر هدئيه و قوربان تقدئم اتدي.
لاکئن سئزئن آرانيزدا عئفّتسئزلئيئن، هر جور ناپاکليق، يا دا طاماحين حتّا آدي بله ذئکر اولونماسين، نجه کي، موقدّسلره ياراشار.
بيادبلئک و هرزه دانيشماق، يا دا ياوا ظارافاتلار دا اولماسين. بونلار ياراشماز. عکسئنه، شوکور ادئن.
چونکي بونو يقئنلئکله بئلئرسئنئز کي، مسئح و تارينين پادشاهليغيندا عئفّتسئز، يا دا ناپاک، يا دا بوتپرست اولان طاماحکار آدام مئراثا مالئک ديئل.
هچ کئم سئزي بوش سؤزلرله آلداتماسين، چونکي بو شيلر اوزوندن تارينين قضبي ائطاعتسئزلئيئن اوغوللاري اوستونه گلئر.
بونا گؤره اونلارين شرئکي اولمايين.
چونکي بئر زامانلار قارانليق ائدئنئز، لاکئن ائندي ربده ائشيقسينيز. ائشيق اؤولادلاري کئمي رفتار ادئن.
(چونکي ائشيغين ثمرهسي هر جور ياخشيليق، صالحلئک، و حقئقتده گؤرولور.)
چاليشين کي، ربّه نه‌يئن مقبول اولدوغونو اؤيرنه‌سئنئز.
قارانليغين ثمرهسئز عمللرئنده ائشتئراک اتمهيئن. عکسئنه، اونلاري ائفشا ادئن.
چونکي اونلارين گئزلئجه اتدئيي ائشلري بارهده دانيشماق دا عاييبدير.
لاکئن ائشيغين واسئطهسئله اونلار ائفشا اولوناندا، هر شي گؤزه گؤرولن اولور. چونکي گؤزه گؤرولن هر شي ائشيقدير.
بونا گؤره ديئر کي، "اي ياتان، اويان، اؤلولردن دئرئل، مسئح سنه پارلاياجاقدير."
بلجه نه جور رفتار اتدئيئنئزه دئقّت ادئن، حئکمتسئز آداملار کئمي يوخ، حئکمتلئلر کئمي،
هر فورصتدن ائستئفاده ادئن، چونکي بو گونلر شرئردئر.
بونا گؤره ده عاغيلسيز اولمايين، آمّا آنلايين کي، ربّئن ائرادهسي نه‌دئر.
شرابلا کفلي اولمايين؛ سفاهته سبب اودور. لاکئن موقدّس روحلا دولون.
بئربئرئنئزه مزمورلار، ماهني‌لار و روحاني نغمهلر اوخويون. اوره‌يئنئزده ربّه ترنّوم ادئب، اوخويون.
هر شي اوچون دائم ربّئمئز عئسا مسئحئن آديندا تارييا و آتايا شوکور ادئن.
مسئحه اتدئيئنئز حؤرمتدن اؤتري بئربئرئنئزه موطئع اولون.
اي آروادلار، ربّه موطئع اولور کئمي اؤز اَرلرئنئزه موطئع اولون.
چونکي اَر، آروادين باشي‌دير، نجه کي، مسئح کئلئسانين باشي‌دير و بدنئن قورتاريجيسي او، اؤزودور.
لاکئن نجه کي، کئلئسا مسئحه موطئعدئر، آروادلار دا گرک هر شيده اَرلرئنه موطئع اولسونلار.
اي اَرلر، آروادلارينيزي سوئن، نجه کي، مسئح ده کئلئساني سِودي و اؤزونو اونون اوچون فدا اتدي.
اله کي، اونو سو و کلام وسئلهسئله يويوب تمئزله‌سئن و اونو تقدئس اتسئن.
و بو يوللا کئلئساني بوتون شؤوکتي ائچئنده اؤزونه تقدئم اتسئن کي، اوندا لکه، قيريشيق و يا بونلار کئمي شيلر اولماسين، آمّا موقدّس و مذمّتسئز اولسون.
بلجه اَرلر ده گرک آروادلاريني سِوسئنلر، نجه کي، اؤز بدنلرئني سوئرلر. آرواديني سِوَن، اؤزونو سِوئر.
چونکي هچ کئم هچ واخت اؤز بدنئندن نئفرت اتمهيئب، لاکئن اونو يدئردئر و اونا ياخشي يتئشئر. نجه کي، مسئح ده کئلئسايا بله ادئر.
چونکي بئز اونون بدنئنئن عوضولرئيئک.
بونا گؤره کئشي آتا-آناسيندان آيريلار، و اؤز آروادينا ياپيشار و او ائکي، بئر بدن اولارلار.
بو سئرّ بؤيوکدور. لاکئن من مسئح و کئلئساني گؤز قاباغينا آليب ديئرم.
هر حالدا، سئزئن آرانيزدا اولان هر کس ده اؤز آرواديني اؤزو کئمي سِوسئن و آرواد دا اَرئنه احتئرام اتسئن.
اؤولادلار، ربده والئدِينلرئنئزدن ائطاعت ادئن، چونکي بو دوزدور.
آتا و آنانا حؤرمت ات (کي، وعدهلي اولان بئرئنجي حؤکمدور)
کي، سعادت سنه يار اولسون و ير اوزونده عؤمرون اوزون اولسون.
اي آتالار، سئز ده اؤولادلارينيزي قضبله‌ندئرمه‌يئن. لاکئن اونلاري ربّئن تربئيه و تعلئمئله بؤيودون.
اي قوللار، جئسمه گؤره آغالارينيز اولانلارا اوره‌يئنئزئن صافليغيندا قورخو و لرزه ائله موطئع اولون، نجه کي، مسئحه.
ائنسانلاري راضي اتمک ائسته‌ينلر کئمي گؤزه خوش گؤرونن خئدمتلرله يوخ، مسئحئن قوللاري کئمي کي، اورکدن تارينين ائرادهسئني يرئنه يتئرئرلر.
خوش نئيّتله ائنسانلارا يوخ، ربّه قوللوق ادن کئمي خئدمت ادئن.
بئلئن ده کي، ياخشي ائش گؤرن هر کس ربدن عوضئني آلاجاق، ائستر قول اولسون، ائستر آزاد.
اي آغالار، سئز ده قوللارينيزلا همن جور رفتار ادئن. قورخوتماقدان اَل گؤتورون و بئلئن کي، هم اونلارين آغاسي هم ده سئزئن آغانيز گؤيدهدئر و او، هچ کسدن طرفدارليق اتمز.
نهايت، ربده قودرتلي، اونون دا قووّتئنده گوجلو اولون.
تارينين بوتون سئلاحلاريني گيئنئن کي، ائبلئسئن حئيلهلري قاباغيندا مؤحکم دايانا بئلهسئنئز.
چونکي بئزئم موبارئزهمئز جئسم و قانين ضئدّئنه يوخ، رياستلرئن، قودرتلرئن، بو قارانليق دونيانين حؤکمدارلارينين و سماوي يرلرده اولان شرئر روحاني قووّهلرئنئن ضئدّئنهدئر.
بونا گؤره تارينين بوتون سئلاحلاريني گؤتورون کي، شرئر گونده موقاوئمت اتمه‌يه قادئر اولاسينيز و هر شيي اِدَندن سونرا مؤحکم داياناسينيز.
بوندان اؤتري ده مؤحکم دايانين. بلئنئزه حقئقت قورشاغيني باغلايين. صالحلئک زئرهئني ده سئنه‌‌نئزه تاخين.
باريش ائنجئلئنئن حاضيرليغيني آياغينيزا گيئن.
و بونلارين هاميسيندان علاوه، ائمان قالخانيني اَله آلين کي، اونونلا او شرئر اولانين بوتون آلوولو اوخلاريني سؤندورمه‌يه قادئر اولارسينيز.
نئجات دَبئلقه‌سئني، و موقدّس روحون قيلينجيني دا کي، تارينين سؤزو اولسون، گؤتورون.
بوتون دوعا و يالواريشدا، همئشه موقدّس روحدا دوعا ادئن. و بونو گؤز قاباغيندا ساخلاييب، بوتون موقدّسلر اوچون بوتون ائستئقامت و يالواريشلا آييق اولون.
منئم اوچون ده دوعا ادئن کي، آغزيمي آچاندا آچيق دئلله دانيشماق عطا اولونسون. اِله کي، ائنجئلئن سئرّئني جسارتله بئلدئرئم کي،
بونون اوچون ده زنجئلرده باغلي اولان بئر اِلچي‌يَم؛ يعني، من اعلان اتدئکده اله جسارتله دانيشيم کي، اله دانيشماق منه گرکدئر.
آمّا منئم وضعئيّتئم بارهده و بورادا نجه کچئرتدئيئم حاقدا، سوگئلي قارداش و ربّئن وفالي خئدمتچئسي تئخئکوسدان خبر آلا بئلرسئنئز. او هر شيي سئزه بئلدئرهجک.
و اونو محض بو نئيّت اوچون سئزئن يانينيزا گؤنده‌رمئشم کي، سئز بئزئم احوالاتيميزدان خبردار اولاسينيز و او، سئزئن اورکلرئنئزه تسلّي ورسئن.
آتا تاري و ربّ عئسا مسئحدن قارداشلارا ائمانلا بئرلئکده باريش و محبّت اولسون.
فيض بوتون او آداملارلا اولسون کي، ربّئمئز عئسا مسئحي اؤلمز محبّتله سوئرلر.
مسئح عئسايا اؤزلرئني قول اتمئش پولوس و تئموتاعوسدان، فئلئپئده مسئح عئسايا عاييد اولان بوتون موقدّسلره، ناظئرلر و شمّاسلاري ائله:
آتاميز تاري و ربّئمئز عئسا مسئحدن سئزه فيض و باريش اولسون.
سئزي هر زامان خاطيرلاياندا تاريما شوکور ادئرم.
و همئشه هر دوعامدا سئزئن هامينيز اوچون شادليقلا دوعا اِدئرم.
چونکي ائلک گوندن ائندئيه کئمي ائنجئلئن ائشئنده شئرکت ادئبسئنئز.
آرخايينام او کي، ياخشي ائشي سئزده باشلاييب، مسئح عئسانين گونونه کئمي، اونو کامئلله‌شدئرهجک.
حاقلي‌يام کي، سئزئن هامينيز حاقّيندا بله دوشونم، چونکي سئز منئم اوره‌يئمدهسئنئز. حبسده ده اولسام، ائنجئلئن مودافئعهسئنده و تصدئق اتمه‌يئنده ده اولسام، هامينيز منئمله برابر تارينين فيضئنه شرئکسئنئز.
تاري شاهئدئمدئر کي، مسئح عئسانين شفقتئنده نجه سئزئن هامينيزينين حسرتئني چکئرم.
و دوعا ادئرم کي، محبّتئنئز حقئقي معرئفت و هر جور ائدراکدا آرتيق و داها آرتيق چوخالسين.
اِله کي، افضل اولان شيلري تصدئق ادئب، مسئحئن گونونه کئمي خالئص و مذمّتسئز اولاسينيز،
و تارينين شؤوکت و مدحي اوچون صالحلئک ثمرهسي ائله دولاسينيز کي، عئسا مسئحئنئن واسئطهسئلهدئر.
ائندي قارداشلار، ائسته‌يئرم بئلهسئنئز کي، منئم باشيما گلنلر، داها چوخ ائنجئلئن ترقّئسئنه باعئث اولدو.
بله کي، بوتون ساراي موحافئظلرئنه و اؤزگه هر کسه معلوم اولوب کي، منئم حبسئم مسئح اوچوندور.
و قارداشلاردان چوخو، حبسئمدن اؤتري ربّه اعتئماد ادئب، داها چوخ جورعت تاپيبلار کي، ربّئن کلاميني قورخوسوز دانيشسينلار.
دوغروسو، بعضئلري حتّا پاخيلّيق اوزوندن مسئحي وعظ ادئرلر، لاکئن بعضئلري ده ياخشي نئيّتله.
آخيرکي‌لار بونو محبّت اوزوندن ادئرلر و بئلئرلر کي، من ائنجئلئن مودافئعهسي اوچون تعيئن اولونموشام.
اوّلکئلر مسئحي ائخلاصلا يوخ، اؤز منئيّت‌لرئنئن داليندا اولدوقلاري اوزوندن اعلان ادئرلر و دوشونورلر کي، بو حبسئمده منئم اذئيّت چکمه‌يئمه باعئث اولسونلار.
نه اولور؟ آنجاق بو کي، هر حالدا، ائستر يالان نئيّتده، ائستر دوغرو نئيّتده، مسئح اعلان اولونور و من بوندا سوئنئرم، بلي، سوئنهجه‌يم ده.
چونکي بئلئرم کي، بو، سئزئن دوعالارينيزلا و عئسا مسئحئن روحونون کؤمهيي ائله منئم خئلاصيمي يتئرهجک.
خالئص ائنتئظار و اومئدئم بودور کي، هچ بئر شيده اوتانماييم و همئشه‌کي کئمي ائندي ده، ياشاسام دا، اؤلسَم ده، بوتون جسارتله مسئحي بدنئمده اوجالديم.
چونکي منئم اوچون ياشاماق مسئحدئر، اؤلمک ده قازانج.
لاکئن اگر بدنده عؤمور سورمه‌لي اولسام، بو منه ثمرهلي بئر زحمت اولاجاق. آمّا بئلمئرم هانسيني سچئم.
من ائکي طرفدن سيخيشديريليرام؛ آيريلماق و مسئحله اولماق حسرتئندهيم، چونکي بو داها ياخشيدير.
لاکئن سئزئن خاطئرئنئز اوچون بدنده قالماق داها چوخ لازيمدير.
بوندان يقئنئم وار و بئلئرم کي، قالاجاغام و سئزئن ائماندا اولان شادليق و ترقّئنئز اوچون سئزئنله داوام ورهجهيم.
بله کي، گئنه يانينيزا گلنده، مسئح عئسادا منئم حاقّيمدا اولان فخرئنئز آرتسين.
آنجاق مسئحئن ائنجئلئنه لايئق طرزده ياشايين کي، من، ائستر گلئب سئزي گؤره‌نده، ائستر قايئب، سئزئن بارهده اشئدئم کي، سئز بئر روحدا ثابئت دورورسونوز و همن فئکئرده ائنجئلئن ائماني اوچون بئرلئکده جهد ادئرسئنئز.
و سئزه ضئدّ دورانلاردان اصلا قورخمورسونوز کي، بو، اونلارا هلاکت علامتي‌دئر، لاکئن سئزه نئجات علامتي، بو دا تاريداندير.
چونکي مسئحئن خاطئري اوچون سئزه عطا اولوب کي، اونا آنجاق ائمان گتئرمه‌يهسئنئز، اونون خاطئري اوچون عذاب دا چکهسئنئز
و اِله همن موبارئزهني تجروبه ادهسئنئز کي، منده گؤردونوز و ائندي منده اولدوغونو اشئدئرسئنئز.
بلجه اگر مسئحده بئر تشوئق، محبّتئن بئر تسلّئسي، اگر موقدّس روحون بئر رفاقتي، اگر شفقت و مرحمت وار،
هم فئکئر اولماقلا، همن محبّتي ساخلاماقلا، روحدا بئرلشمکله و بئر مقصد نئيّتئنده اولماقلا منئم شادليغيمي کامئل ادئن.
هچ بئر شيي خودپرستلئک اوزوندن و يا شؤهرتپرستلئکدن اتمهيئن. لاکئن تواضؤعله بئربئرئنئزي اؤزونوزدن اوستون سايين.
آنجاق اؤز شخصي منفعتئنئزي آختارمايين، اؤزگهلرئن ده منفعتئني نظرده آلين.
مسئح عئسادا اولان دوشونجه سئزده ده اولسون کي،
تارينين صورتئنده اولدوغو حالدا، تاري ائله برابرلئيي بئر قنئمت سايمادي.
لاکئن هر شيدن ال چکدي و بئر قول صورتئني آليب، ائنسانلارين اوخشارينا دؤندو.
و ائنسان شباهتئني آلميش اولاراق، اؤلومه موطئع اولماقلا، حتّا چارميخ اوستونده اؤلمکله اؤزونو آلچالتدي.
بونا گؤره ده تاري اونو چوخ اوجالتدي و اونا بوتون آدلاردان افضل اولان آدي وردي
اله کي، گؤيده، ير اوزونده و يرئن آلتيندا اولانلارين هاميسي عئسانين آديندا دئز چؤکسونلر.
و آتا تارينين شؤوکتي اوچون هر دئل ائقرار اتسئن کي، عئسا مسئح ربدئر.
بلجه سوگئلئلرئم، نجه کي، همئشه ائطاعت ادئبسئنئز-نه آنجاق من يانينيزدا اولاندا، لاکئن ائندي کي، قايئبم داها چوخ-نئجاتينيزي قورخو و تئتره‌مکله انجامينا يتئرئن.
چونکي تاريدير کي، اؤز ائلتئفاتينا مووافئق، هم ائستمه‌يئنئز، هم ده عمله گتئرمه‌يئنئز اوچون سئزده ائشله‌يئر.
هر شيي شئکايتسئز و موناقئشهسئز يرئنه يتئرئن کي،
سئز، فاسئد و ترسه بئر نسلئن آراسيندا، مذمّتسئز و معصوم، تارينين قوصورسوز اؤولادلاري اولاسينيز. سئز اونلارين آراسيندا دونيانين نورلاري کئمي ظاهئر اولوب،
حياتين کلاميني برک توتورسونوز کي، مسئحئن گونونده من ده عبث اللشمه‌دئيئم و عبث زحمت چکمه‌دئيئم اوچون فخر ادئم.
لاکئن اگر من بئر ائچکي تقدئمهسي کئمي سئزئن ائمانينيزين قوربان و خئدمتي اوستونه تؤکولورم، گئنه ده سوئنئرم و شادليغيمي سئزئن هامينيزلا پايلاشيرام.
سئز ده اله بو جور سوئنئن و شادليغينيزي منئمله پايلاشين.
رب عئسادا اومئد ادئرم کي، بو ياخينليقدا تئموتاعوسو سئزئن يانينيزا گؤنده‌رئم کي، من ده سئزئن احوالاتينيزدان خبردار اولوب، تشوئق اولام.
چونکي فئکئرده منه ياخين اولان هچ کس قالماييب کي، ائخلاصلا سئزئن قيدئنئزده اولسون.
اونا گؤره کي، هر کس مسئح عئسانين منفعتئني يوخ، اؤز منفعتئني آختارير.
آمّا سئز اونون ثوبوت اتمئش دَيَرئني بئلئرسئنئز کي، نجه ائنجئلئن خوش خبرئني يايماقدا، آتاسيني خئدمت ادن بئر اوشاق کئمي منه خئدمت اتدي.
بونا گؤره اؤز ائشلرئمئن نجه قاباغا گتدئيئني بئلدئکده، اومئد ادئرم کي، تزلئکله اونو سئزئن يانينيزا گؤنده‌رئم.
و ربده اعتئماديم بودور کي، اؤزوم ده تزلئکله يانينيزا گلئم.
آمّا لازيم گؤردوم کي، قارداشيم، همکاريم و سئلاحداشيم اِپافرِودئتوسو سئزئن يانينيزا گؤنده‌رئم کي، مؤحتاج اولاندا منه کؤمکچي اولان گؤنده‌ردئيئنئز الچي و خئدمتچئدئر.
چونکي او، سئزئن هامينيز اوچون حسرت چکئردي و اونون ناخوش اولدوغونو اشئتدئيئنئزه گؤره چوخ ناراحات ائدي.
حقئقتن ده کي، او، اؤلوم درجهسئنه قدر ناخوش ائدي، لاکئن تاري اونا، نه ائنکي آنجاق اونا، منه ده مرحمت گؤرستدي کي، مبادا قوصّه‌مئن اوستونه قوصّه آرتسين.
بو سببدن اونو بوتون ائشتئياقلا سئزئن يانينيزا گؤنده‌رمئشم کي، اونو گؤرنده تکرار سوئنهسئنئز و منئم ده قوصّم آزالسين.
بلجه اونو ربده بوتون شادليقلا قبول ادئن و بله ائنسانلارا بؤيوک حؤرمت گؤرسه‌دئن.
چونکي او، مسئحئن ائشي يولوندا جانيني خطره ساليب اؤلومه بله ياخين گلدي کي، سئزئن منئم حاقّيمدا اولان خئدمتئنئزئن نه اسکئک اولدوغونو، او تکمئل اتسئن.
نهايت، قارداشلاريم، ربده شادليق ادئن. سئزه همن شيلري موکرّر يازماق منئم اوچون اصلا زحمت ديئل، لاکئن سئزئن اوچون موحافئظدئر.
او ائتلردن آييق اولون، او پئسلئک اِدَنلردن آييق اولون، يالان ختنهدن آييق اولون.
چونکي حقئقي ختنه بئزئک کي، تارينين موقدّس روحوندا پرستئش ادئرئک و مسئح عئسادا باشيميز اوجادير و جئسمه اعتئماد اتمئرئک.
گرچي من اؤزوم حتّا جئسمه ده اعتئماد اده بئله‌رم. اگر اؤزگه بئر آدام جئسمه اعتئماد اتمه‌يي دوشونسه، من داها آرتيق:
سکّئز گونلوک ائکن ختنه اولوندوم، ائسرايئل خالقيندان، بنيامئن قبئلهسئندن، عئبرانئلردن بئر عئبراني، شرئعته گؤره بئر فرئسي،
قيرت باخيميندان کئلئسايا عذاب وره‌نئن بئري، شرئعتدن گلن صالحلئک باخيميندان مذمّتسئز بئر آدام!
لاکئن مسئحئن خاطئري اوچون، منه قازانج اولان هر شيي ضرر سايديم.
بوندان دا چوخ، ربّئم مسئح عئسانين معرئفتئنئن افضللئيي قاباغيندا هر شيي ضرر ساييرام کي، اونون اوچون هر شيئن ضررئني چکمئشم و اونلاري زئبئل سايميشام. اِله کي، مسئحي قازانيم
و اوندا تاپيليم؛ شرئعت اساسينا اولان بئر صالحلئکله يوخ، عئسايا اولان ائمان واسئطهسئله گلن صالحلئکله، او صالحلئکله کي، ائمان اساسينا گؤره تاريدان گلئر.
و اؤلولردن دئرئلدئيئنئن قودرتئني و چکدئيي عذابلارينين رفاقتئني تاني‌ييم و اونون اؤلومونده اونا بنزه‌يئم.
اِله کي، اؤلومدن دئرئلمه‌يه نايئل اولوم.
بو، او دمک ديئل کي، اونا نايئل اولموشام و يا کامئلله‌شمئشم. لاکئن جهدله چاليشيرام، اله کي، اونو توتوب اله گتئرئم؛ اونو کي، مسئح عئسا دا مني اونون اوچون توتوب اَله گتئردي.
قارداشلار، من اِله حساب اتمئرم کي، اونو اَله گتئرمئشم. لاکئن بئر شي ادئرم: آرخادا قالان شيي اونودوب، جان آتيرام کي، قاباغيمدا اولانا چاتيم.
مسئح عئسادا تارينين افضل دعوتئنئن جايئزهسي اوچون جهدله مقصده طرف تلاش ادئرم.
بلجه آراميزدا کامئل اولانلارين بله مَنئشلري اولسون و اگر بئر مؤوضوعدا آيري بئر جور مَنئشلرئنئز وار، تاري اونو دا سئزه آيدين ادهجک.
لاکئن نه‌يه چاتميشيق، او عيارا گؤره ده ياشاياق.
قارداشلار، مندن نومونه گؤتورون و دئقّتله او آداملارا باخين کي، بئزده گؤردويونوز نومونهيه گؤره رفتار ادئرلر.
چونکي بئر چوخلاري مسئحئن چارميخينين دوشمنلري کئمي رفتار ادئرلر کي، اونلارين حاقّيندا سئزئنله تز-تز دانيشيرديم و حتّا ائندي ده گؤزو‌ياشلي ديئرم.
اونلارين آخيري هلاکت، اونلارين تاريسي قارين و اونلارين ائفتئخاري روسوايچيليقلاريندادير کي، فئکئرلرئني دونيه‌وي شيلرئن اوستونه قويوبلار.
چونکي بئزئم وطنداشليغيميز گؤيدهدئر کي، قورتاريجيميز ربّ عئسا مسئحي ائشتئياقلا اورادان گؤزلهيئرئک.
او، بئزئم بو ذلئل بدنئمئزئن وضعئيتئني ديئشدئرهجک، اِله کي، اؤز شؤوکتلي بدنئنه اوخشار اولسون. او بو ائشي او قودرتئن واسئطهسئله ادهجک کي، اونونلا هر شيي اؤزونه موطئع اتمه‌يه قادئردئر.
بلجه، سوگئلئلرئم، حسرتئني چکدئيئم قارداشلار، سوئنجئم و باشيمين تاجي، ربده بو جور ثابئت دورون، سوگئلئلرئم.
يودئيا و سئنتئخئيه يالواريرام کي، ربده همفئکئر اولسونلار.
سندن ده، اي حقئقي يولداشيم، خاهئش ادئرم کي، ائنجئلئن خئدمتئنده منئمله چاليشان بو خانيملارا کؤمک اِدهسن؛ هم ده کلِمِنته و اؤزگه همکارلاريما دا کي، آدلاري حيات دفترئندهدئر.
همئشه ربده شادليق ادئن. بئر ده دئيهجه‌يم: شادليق ادئن!
قويون سئزئن حلئملئيئنئز بوتون ائنسانلارا معلوم اولسون. رب ياخيندير.
هچ بئر شي اوچون نئگاران اولمايين، آمّا هر شيده خاهئشلرئنئزي دوعا، ائستئغاثه و شوکورله تارييا بئلدئرئن.
و تارينين هر فهمدن افضل اولان باريشي، مسئح عئسادا، اورکلرئنئزي و فئکئرلرئنئزي موحافئظت ادهجک.
نهايت، قارداشلار، هر نه کي، دوغرو، حؤرمتلي، دوز، پاک، سِومه‌لي و اعتئبارلي‌دير، اگر فضئلتلي، اگر تعرئفه لايئق بئر شي وار، فئکرئنئزي بونلارين اوستونه قويون.
و منده اؤيره‌ندئيئنئز، قبول اتدئيئنئز، اشئتدئيئنئز و گؤردويونوز شيلري يرئنه يتئرئن و باريش تاريسي سئزئنله اولاجاقدير.
ربده چوخ سوئنئرم کي، ائندي نهايت منئم حاقّيمدا چکدئيئنئز قيدي تزهله‌دئنئز؛ دوغرودان دا منئم قيدئمه چوخ قالميشدينيز، لاکئن فورصت سئزه ال ورمئردي.
بونلاري احتئياج اوزوندن دمئرم، چونکي اؤيرنمئشم کي، هر حالدا اولسام، نجه قَناعت ادم.
اسکئکلئکده ياشاماغي بئلئرم، آرتيقليقدا ياشاماغي دا بئلئرم. هر شيده و هر حالدا توخ قالماق و آج قالماق، آرتيقليقدا ياشاماق و احتئياج ائچئنده عذاب چکمه‌يئن سئرّئني اؤيره‌نمئشم.
منه قووّت ورن مسئحله هر شيه قادئرم.
آمّا ياخشي ائش گؤردونوز کي، منئم ذئلّتئمده منئمله شرئک اولدونوز.
سئز اؤزونوز فئلئپئلي‌لر بئلئرسئنئز کي، ائنجئلئن خوش خبري ائلک وعظ اولوناندا، مقدونئيهدن چيخديغيم زامان، سئزدن باشقا هچ بئر کئلئسا، ورمک و آلماق خئدمتئنده منئمله شرئک اولمادي.
حتّا تسالونئکده اولدوغوم زامان دا، سئز بئر-ائکي دفه منئم احتئياجيم اوچون گؤنده‌ردئنئز.
بو او دمک ديئل کي، من هدئيه آختاريرام. من آنجاق سئزئن حسابينيزا چوخالان ثمرهني آختاريرام.
هر شي کامئل اَلئمه گلئب چاتيب و بول-بول واريم. اِپافرودئتوس اَلي ائله گؤنده‌ردئيئنئز شيلر اَلئمه يتئشئب کي، تاريني خوشنود ادن، خوش بئر رايئحه و مقبول بئر قورباندير.
و منئم تاريم، مسئح عئسادا اؤز شؤوکتئنئن وارليليغينا موطابئق، سئزئن بوتون احتئياجلارينيزي فراهم ادهجک.
ائندي تاري و آتاميزا ابددن ابدهجک شؤوکت اولسون. آمئن.
مسئح عئسادا اولان هر موقدّسه سالام يتئرئن. منئمله اولان قارداشلار دا سئزه سالام گؤنده‌رئرلر.
بوتون موقدّسلر، خوصوصن ده قيصرئن اِوئندن اولانلار سئزه سالام گؤنده‌رئرلر.
رب عئسا مسئحئن فيضي سئزئن روحونوزلا اولسون.
تارينين ائرادهسي ائله عئسا مسئحئن حوارئسي پولوس و تئموتاعوس قارداشدان،
مسئحده کولوسئده اولان موقدّسلر و ائمانلي قارداشلارا. آتاميز تاريدان سئزه فيض و باريش اولسون.
سئزئن اوچون دائم دوعا ادئب، ربّئمئز عئسا مسئحئن آتاسي تارييا شوکور ادئرئک.
چونکي سئزئن مسئح عئسادا اولان ائمانينيزدان و بوتون موقدّسلره اولان محبّتئنئزدن خبردار اولدوق.
سئزئن اوچون گؤيلرده ساخلانميش اومئددن اؤتري کي، اونو اوّلدن حقئقتئن کلاميندا، يعني ائنجئلده اشئتدئنئز.
نجه کي، بوتون دونيادا اولدوغو کئمي، سئزئن ده آرانيزدا اشئتدئيئنئز و تارينين فيضئني حقئقتن درک اتدئيئنئز گوندن بري ثمره ورئب آرتير.
نجه کي، اونو خئدمتده اولان سوگئلي اِپفراسدان اؤيره‌ندئنئز کي، بئزئم آديميزدا اؤزونو مسئحه قول اتمئش امئن خئدمتکاردير.
و سئزئن موقدّس روحدا اولان محبّتئنئزدن ده اِله او بئزي خبردار اتدي.
بو سببدن ده، بونو اشئتدئيئمئز گوندن سئزئن اوچون دوعا ادئب يالوارماقدان ال چکمئرئک، اِله کي، بوتون روحاني حئکمت و ائدراکدا اونون ائرادهسئنئن معرئفتي ائله دولاسينيز.
اِله کي، ربّه لايئق بئر شکئلده رفتار ادئب، اونو هر جهتدن راضي ادهسئنئز و هر ياخشي ائشده ثمره گتئرئب، تاريني تانيماقدا ترقّي ادهسئنئز.
و بوتون تحمّول و صبري اله گتئرمک اوچون اونون شؤوکتلي قووّتئنه موطابئق، بوتون قودرتله قووّتلنهسئنئز و شادليقلا
آتايا شوکور ادهسئنئز کي، نوردا بئزه ائقتئدار ورئب، اِله کي، موقدّسلرئن مئراثيندا شرئک اولاق.
او بئزي ظولمتئن حاکئمئيّتئندن خئلاص ادئب، اؤز سوگئلي اوغلونون پادشاهليغينا کؤچورتدو کي،
اوندا خئلاصيميز وار، يعني گوناهلارين باغيشلانماسي.
و او، گؤزه گؤرونمه‌ين تارينين صورتي‌دئر، بوتون خئلقتئن ائلک دوغولاني.
چونکي گؤيلرده و يرده هر شي، گؤزه گؤرونن و گؤرونمه‌ين اونون واسئطهسئله ياراندي، ائستر تختلر اولسون، ائستر حاکئمئيّتلر، ائستر رياستلر اولسون ائستر ائقتئدارلار، هر شي اونون واسئطهسئله و اونون اوچون يارانيب.
او، هر شيدن ائرهلي‌دئر و هر شي اوندا قائمدئر.
بدنئن يعني کئلئسانين دا باشي اِله او اؤزودور. او، باشلانيشدير، اؤلولر آراسيندان ائلک دئرئلن. اِله کي، او اؤزو هر شيده بئرئنجي اولسون.
چونکي آتانين کفي بو ائدي کي، بوتون دولولوق اوندا ساکئن اولسون
و اونون واسئطهسئله هر شيي اؤزو ائله باريشديرسين و اونون چارميخينين قاني ائله باريش حاکئم اتسئن، ائستر يرده اولان شيلري، ائستر گؤيلرده اولان شيلري.
و سئزي ده، گرچي بئر زامانلار فئکئرده تاري ائله ياد و دوشمن و پئس عمللرده ائدئنئز،
ائندي اؤز جئسماني بدنئنده اؤلوم واسئطهسئله باريشديريب کي، سئزي تارييا موقدّس، لکهسئز و مذمّتسئز تقدئم اتسئن.
اگر سئز دوغرودان ائمان اساسيندا مؤحکم و ثابئت دوراسينيز و اشئتدئيئنئز ائنجئلئن اومئدئندن جايماياسينيز کي، گؤي آلتيندا اولان بوتون خئلقته وعظ اولوندو و من پولوس اونون خئدمتکاري اولدوم.
ائندي من سئزئن خاطئرئنئز اوچون چکدئيئم عذابلارا سوئنئرم و مسئحئن ذئلّتلرئندن آرتيق قالاني اونون بدني يعني کئلئسا اوچون اؤز جئسمئمده تاماملاييرام.
من ده، تارينين سئزئن اوچون منه عطا اتدئيي وظئفهيه گؤره، کئلئسانين خئدمتچئسي اولدوم کي، تارينين کلاميني کامئل بئر شکئلده يرئنه يتئرئم.
يعني، او سئرّي کي، عصرلردن و نسئللردن گئزلي ائدي، لاکئن ائندي اونون موقدّسلرئنه ظاهئر اولوب.
اونلارا کي، تاري ائراده اتدي کي، قيري‌يهودئلر آراسيندا اولان بو خئدمتئنئن شؤوکتئنئن دؤولتلئيئني بئلدئرسئن. يعني سئزده اولان مسئحي کي، شؤوکتئن اومئدي‌دئر.
بئز ده مسئحي اعلان ادئب، بوتون حئکمتله هر کسه نصئحت ورئب، تعلئم ورئرئک کي، هر کسي مسئحده کامئل تقدئم ادک.
اونون اوچون من ده زحمت چکئرم و ائچئمده قووّتله ائشله‌ين قودرتئنه موطابئق جهد ادئرم.
چونکي ائسته‌يئرم بئلهسئنئز کي، سئزئن، لاودئکئيهده اولانلارين و اوزومو شخصن گؤرمه‌ينلرئن هاميسي حاقّيندا نه بؤيوک بئر موبارئزه ادئرم.
اِله کي، اونلارين محبّتده بئرلشمئش اورکلري تسلّي تاپسين کي، کامئل اعتئمادين درکئندن گلن هامي دؤولتلئيه يتئشسئنلر کي، تاري سئرّئنئن حقئقي بئر معرئفتئني ثمره ورئر، يعني مسئحئن اؤزونو.
کي، اوندا حئکمت و معرئفتئن بوتون خزئنهلري گئزله‌دئلئب.
بونو اونا گؤره ديئرم کي، هچ کس سئزي قانع ادن موباحئثهلرله يولدان چيخارتماسين.
چونکي جئسمن قايئب اولسام دا، روحن سئزئن يانينيزدايام و سئزئن ياخشي ائنضئباط و مسئحه اولان ائمانينيزين مؤحکملئيئني گؤرمکدن کف ادئرم.
بلجه، ربّ مسئح عئساني نجه قبول ادئبسئنئز، اِله‌جه ده اوندا رفتار ادئن.
اوندا کؤک ساليب و بئنا اولونوب اؤيره‌ندئيئنئز کئمي، ائماندا مؤحکمله‌نئن و شوکرانلارلا دولوب داشين.
دئقّتلي اولون کي، هچ کس سئزي مسئحه اساسن يوخ، بوش حئيله و فلسفهيه، ائنسانلارين حدئثلرئنه، و دونيانين ائبتئدائي اوصوللارينا اساسن اسئر آلماسين.
چونکي مسئحده اولوهئيّتئن بوتون دولولوغو بدنجه ساکئندئر.
سئز ده اوندا کامئل اولوبسونوز و او، هر رياست و ائقتئدارين باشي‌دير.
و اوندا اَلله اولمايان ختنه ائله ختنه‌لَندئنئز، يعني مسئحئن ختنه‌سئله جئسماني طبئعتئن بدنئني اؤزونوزدن آييردينيز.
و تعمئدده اونونلا برابر باسديريلدينيز و اونو اؤلولردن دئرئلدن تارينين ائشئنه ائمان گتئرمکله اونونلا برابر ده دئرئلدئنئز.
و تقصئرلرئنئزده و جئسمئنئزئن ختنهسئزلئيئنده اؤلو اولدوغونوز زامان، تاري سئزي اونونلا برابر دئرئلتدي و بوتون گوناهلاريميزي بئزه باغيشلاييب.
و امرلره اساسن ضئدّئمئزه اولان و بئزئمله دوشمنچئلئک ادن بورجون سندئني لغو اتدي و اونو آرادان قالديريب چارميخا ميخلادي.
رياستلر وائقتئدار صاحئبلرئني سئلاحلاريندان سويوب، مسئحئن واسئطهسئله اونلارا قالئب گلهرک، اونلاري آچيقجا روسواي اتدي.
بونا گؤره، قويمايين هچ کئم يمک و يا ائچمک اوزوندن، و يا بايرام و يا هئلال و يا سبّت گونو اوزوندن سئزه حؤکم اتسئن.
بونلار گلهجک شيلرئن کؤلگهسيدئر، لاکئن بدن مسئحه عاييددئر.
قويمايين هچ کس تواضؤعکارليق و مَلَکپرستلئکدن شؤوق آليب، سئزي جايئزه‌نئزدن محروم اتسئن. بو بله آدام، گؤردويو رؤيالاري دانيب، سببسئز اؤز جئسماني عاغلي ائله شئشر
و باشا مؤحکم ياپيشماز کي، بوتون بدنئن احتئياجيني ورئب، مفصللر و بندلر واسئطهسئله بدني بئرلئکده ساخلايير و تارينين وردئيي بؤيومکله بؤيويور.
اگر سئز مسئحله اؤلوب، دونيانين ائبتئدائي اوصوللاريندان قورتولوبسونوز، بس نه اوچون دونيايا عاييد اولان کئمي ياشاييب، اؤزونوزو اِله امرلره موطئع ادئرسئنئز کي، ديئر:
"توخونما، دادما، ديمه."
(کي، هاميسي دا ائستئفاده اِتمکله آرادان گدن شيلردئر)-ائنسانلارين احکاملار و تعلئملرئنه گؤره؟
قاييرما دئندارليق، تواضؤعکارليق و بدنه اذئيّت ورمک باخيميندان بونلار ظاهئرن حئکمتلي گؤرونورلر، لاکئن نفسئن تنپرورلئيئنئن ضئدّئنه هچ بئر فايداسي يوخدور.
بلجه اگر مسئحله دئرئلئبسئنئز، يوخاريداکي شيلري آختارين کي، اورادا مسئح تارينين صاغيندا اوتورور.
فئکرئنئزي دونيه‌وي شيلرئن اوستونه يوخ، گؤيدهکي شيلرئن اوستونه قويون.
چونکي سئز اؤلوبسونوز و حياتينيز مسئحله تاريدا گئزلي‌دئر.
حياتيميز اولان مسئح ظوهور ادنده، سئز ده اونونلا بئرلئکده شؤوکتده ظوهور ادهجکسئنئز.
بونا گؤره، يردن اولان بدنئنئزئن عوضولرئني عئفّتسئزلئيه، ناپاکليغا، هاوا-هوسه، پئس آرزولارا، و طاماحا کي، بوتپرستلئکدئر، اؤلو گومان ادئن.
بو شيلره گؤره دئر کي، تارينين قضبي گلر.
و سئز ده، اونلاردا ياشاديغينيز واخت، بئر زامان اونلاردا رفتار ادئردئنئز.
آمّا ائندي سئز ده اونلارين هاميسيني بئر يانا قويون: قضبي، قيضي، کئني، ائفتئراني، آغزينيزدان چيخان ائنجئدن سؤزلري.
بئربئرئنئزه يالان دمه‌يئن، چونکي سئز کؤهنه منئيّتي و اونون بوتون عمللرئني سويونوب اؤزونوزدن آتيبسينيز.
و تزه منئيّتي گيئنئبسئنئز کي، اونو يارادانين صورتتئنه بنزر، تزه بئر معرئفته يتئشمک اوچون تزهلهنئر
کي، اوندا يونانلي، يهودي، ختنهلي، ختنهسئز، بربر، ائسکئت، قول، و آزاد يوخدور، آمّا هامي و هاميدا مسئحدئر.
بوندان اؤتري، تارينين سچئلمئش، موقدّس و عزئزلري کئمي شفقتلي، مهرئبان، باشيآشاغي، حلئم و صبئرلي بئر اوره‌يي گيئنئن.
بئربئرئنئزي تحمّول ادئن و بئربئرئنئزي عفو ادئن. هر بئرئنئزئن، بئرئسئندن شئکايتي وارسا، باغيشلايين. رب سئزي باغيشلاديغي کئمي، سئز ده گرک اِله ادهسئنئز.
و بونلارين هاميسيندان علاوه، محبّتي گيئنئن کي، کامئل بئرلئيئن باغي‌دير.
قويون مسئحئن باريشي اورکلرئنئزده حاکئم اولسون کي، اونون اوچون ده بئر بدنده چاغيريلدينيز. و شاکئر اولون.
قويون مسئحئن کلامي بوتون دؤولتلئيئله سئزده ساکئن اولسون. بئربئرئنئزه بوتون حئکمتله تعلئم و نصئحت ورئب، مزمورلار و ماهني‌لار و روحاني نغمهلر و اورکلرئنئزده شوکورلرله تارييا اوخويون.
سؤزده و عملده نه ادئرسئنئز، هاميسيني رب عئسانين آديندا ادئن و اونون واسئطهسئله آتا تارييا شوکور ادئن.
اي آروادلار، ربّه لايئق اولدوغو کئمي ارلرئنئزدن ائطاعت ادئن.
اي کئشئلر، آروادلارينيزا محبّت ادئن و اونلارلا آجي رفتار اتمهيئن.
اي اؤولادلار، هر شيده والئدينلرئنئزدن ائطاعت ادئن، چونکي بو، ربّي خوشنود ادئر.
اي آتالار، اؤولادلارينيزي حئرصلندئرمه‌يئن کي، مبادا مأيوس اولسونلار.
اي قوللار، هر شيده يرده‌کي آغالارينيزا موطئع اولون؛ ائنسانلاري راضي اتمک اوچون گؤزه خوش گؤرونن خئدمتله يوخ، صاف اورکله تاريدان قورخان کئمي.
نه ادئرسئنئز، جانلا ادئن؛ آداملارا يوخ، ربّه.
بئلئن ده کي، ربدن مئراث اجرئني آلاجاقسينيز. سئز رب مسئحه خئدمت ادئرسئنئز.
کئم حاقسيزليق اتسه، اتدئيي حاقسيزليغين عوضئني آلاجاق، طرفدارليق دا اصلا اولماز.
اي آغالار، قوللارينيز بارهسئنده عدالت و ائنصاف گؤرسه‌دئن. بئلئن کي، سئزئن ده گؤيده بئر آغانيز وار.
اؤزونوزو دوعايا وقف ادئن و اوندا شوکورله اوياق اولون.
همن حالدا بئزئم اوچون ده دوعا ادئن کي، کلام اوچون تاري بئزه بئر قاپي آچسين و مسئحئن سئرّئني اعلان ادئم کي، اونون خاطئرئنه ده زئندانا دوشموشم.
اِله کي، اونو واضح بئر شکئلده نجه کي، گرکدئر، بيان ادئم.
خارئجده‌کئلرله حئکمتله رفتار ادئب، هر واختي قَنئمت بئلئن.
قويون سؤزونوز همئشه فيضلي اولسون، دوز قاتيلميش کئمي اولسون کي، هر کسه نجه گرک جاواب ورهجه‌يئنئزي بئلهسئنئز.
سوگئلي قارداش و امئن خئدمتکار و ربده همکاريميز اولان تئخئکوس هامي احواليمي سئزه بئلدئرهجک.
من اونو آنجاق بونون اوچون سئزئن يانينيزا گؤنده‌ردئم کي، سئز بئزئم احوالاتيميزدان خبردار اولاسينيز و اوره‌يئنئزه تسلّي ورسئن.
امئن و سوگئلي قارداش اونسئموس دا کي، سئزدندئر، اونونلادير. اونلار سئزه بورانين هامي احوالاتيني بئلدئرهجکلر.
منئمله بئرلئکده محبوس اولان اَرئسترخوس دا سئزه سالام گؤنده‌رئر؛ هم ده بارنابانين باجيسي اوغلو (کي، اونون بارهسئنده سئزه سئفارئش اولوب کي، اگر يانينيزا گلسه، اونو قبول ادئن.)
و يوستوس چاغيريلان عئسا دا؛ ختنه اهلئندن آنجاق بونلار منئمله تارينين پادشاهليغي اوچون همکارديرلار و منه تسلّي ورئبلر.
سئزدن اولان اِپِفراس کي، اؤزونو عئسا مسئحئن قوللوغونا وقف ادئب، سئزه سالام گؤنده‌رئر و هر زامان دوعالاريندا سئزئن اوچون جهد ادئر کي، سئز تارينين بوتون ائرادهسئنده کامئل يقئنله کامئل داياناسينيز.
اونون حاقّيندا شهادت ورئرم کي، سئزئن اوچون و لاودئکئيه و هئيراپولئسده اولانلار اوچون چوخ قيرتلي‌دئر.
سوگئلي حکئم لوقا و دئماس دا سئزه سالام گؤنده‌رئرلر.
لاودئکئيهده اولان قارداشلارا سالام گؤنده‌رئن، نئمفا و اونون اوئنده اولان کئلئسايا دا.
بو مکتوب سئزئن آرانيزدا اوخوندوقدان سونرا، لاودئکئيهلئلرئن کئلئساسيندا دا اوخونسون. سئز ده لاودئکئيهدن گلن مکتوبومو اوخويون.
آرخئپوسا ديئن: "ربده سنه تاپشيريلديغي خئدمته دئقّت ات کي، اونو باشا چاتديراسان."
من پولوس بو سالامي اؤز اَلئمله يازيرام. حبسده اولدوغومو يادينيزدا ساخلايين. فيض سئزئنله اولسون.
پولوس، سئلوانوس و تئموتاعوسدان، آتا تاريدا و ربّ عئسا مسئحده اولان تسالونئکلئلرئن کئلئساسينا: سئزه فيض و باريش اولسون.
بئز همئشه سئزئن هامينيز اوچون تارييا شوکور ادئب دوعالاريميزدا سئزي ذئکر ادئرئک
و دائم آتاميز تاري حوضوروندا ائمانينيزين ائشئني، محبّتئنئزئن زحمتئني، و ربّئمئز عئسا مسئحده اولان اومئدئنئزئن مؤحکملئيئني خاطيرلاييريق.
اي تارينين سودئيي قارداشلار، سئزئن سچئلمئش اولدوغونوزو بئلئرئک.
چونکي بئزئم خوش خبرئمئز سئزه آنجاق سؤزده يوخ، قودرت و موقدّس روحدا و چوخ يقئنله گلدي، نجه کي، آرانيزدا سئزئن خاطئرئنئز اوچون نجه آداملار اولدوغوموزو دا ائثبات اتدئک.
سئز ده بئزدن و ربدن نومونه گؤتوروب، بؤيوک سيخينتي ائچئنده کلامي موقدّس روحون شادليغي ائله قبول اتدئنئز.
اِله کي، مقدونئيّه و اخايئه‌‌ده اولان بوتون ائمانليلار اوچون نومونه اولدونوز.
چونکي ربّئن کلامي سئزدن آنجاق مقدونئيّه و اخايئه‌يه ياييلمادي، هر يره ده کي، سئزئن تارييا اولان ائمانينيزين شؤهرتي چاتيب. بونا گؤره ده بئر شي دمه‌يئمئزه احتئياج يوخدور.
چونکي اونلار اؤزلري خبر ورئرلر کي، سئز بئزي نجه قبول اتدئنئز و نه جور بوتلرئنئزدن تارييا دؤندونوز کي، ياشايان و حقئقي تارييا خئدمت ادهسئنئز
و اونون اؤلولردن دئرئلتدئيي اوغلونون گؤيدن گلهجيئني، يعني عئساني گؤزله‌يهسئنئز کي، بئزي گلهجک قضبدن قورتارير.
اونا گؤره قارداشلار، سئز اؤزونوز ده بئلئرسئنئز کي، بئزئم سئزئن يانينيزا گلمه‌يئمئز عبث ديئلدي.
لاکئن بئلدئيئنئز کئمي، قاباقجا فئلئپئده عذاب چکئب تحقئر اولدوغوموز حالدا، تاريميزدا جورعتئمئز وار ائدي کي، او آغير ضئدّئيّته باخماييب، تارينين خوش خبرئني سئزه دئيک.
چونکي بئزئم تشوئقئمئز نه سهودن، نه ناپاکليقدان، نه ده حئيلهدندئر.
آمّا نجه کي، تاري طرفئندن ائنجئلئن بئزه امانت ورئلمه‌سي اوچون تصدئق اولونموشوق، اله ده دانيشيريق کي، ائنسانلاري يوخ، اورکلرئمئزي ائمتاحان ادن تاريني راضي ادک.
چونکي بئلدئيئنئز کئمي، هچ بئر زامان يانينيزا به‌به‌لنمه سؤزلري ائله، يا دا طاماحکارليغي گئزله‌دن نئقابلا گلمه‌دئک، تاري شاهئددئر.
ائنسانلاردان دا عئزّت آختارماديق، نه سئزدن، نه اؤزگهلردن. گرچي مسئحئن حوارئلري اولاراق سئزه يوک اولماغا ائقتئداريميز وار ائدي.
آمّا آرانيزدا اوشاقلاريني اَمئزدئرئب عزئزله‌ين بئر آنا کئمي، سئزئنله مولايئم رفتار اتدئک.
سئزه بله کؤنول باغلاديغيميز اوزوندن، سئزه آنجاق تارينين خوش خبرئني يوخ، اؤز جانلاريميزي ورمه‌يه ده چوخ راضي ائدئک. چونکي بئزه چوخ عزئز اولدونوز.
بئزئم چکدئيئمئز زحمت و چتئنلئک يادينيزدادير کي، هچ بئرئنئزه يوک اولماماق اوچون نجه گجه گوندوز ائشله‌دئک و تارينين خوش خبرئني سئزه اعلان اتدئک.
هم سئز هم ده تاري شاهئددئر کي، نجه سئز ائمانليلار آراسيندا موقدّس، صالح و قوصورسوز ائدئک.
بونو دا بئلئرسئنئز کي، آتا، اؤولادي ائله رفتار ادن بئري کئمي نجه سئزي اورکله‌ندئردئک، تشوئق اتدئک و يالوارديق،
اِله کي، سئز، سئزي اؤز پادشاهليق و عئزّتئنه دعوت ادن تارييا، لايئق شکئلده رفتار ادهسئنئز.
بونا گؤره ده بئز دائم تارييا شوکور ادئرئک کي، سئز تارينين بئزدن اشئتدئيئنئز کلاميني قبول اتدئکده، اونو ائنسانلارين سؤزو کئمي يوخ، اصلئنده اولدوغو کئمي تارينين کلامي اولاراق قبول اتدئنئز کي، ائمان گتئرن سئزلرده ائشئني يرئنه يتئرئر.
چونکي قاراداشلار، سئز تارينين يهودئيهده مسئح عئسايا عاييد اولان کئلئسالاريندان نومونه گؤتوردونوز. اونا گؤره کي، سئز ده اؤز هموطنلرئنئزدن همن عذابلاري چکدئنئز کي، اونلار يهودئلردن چکدئلر.
کي، رب عئساني و پيغمبرلري اؤلدوردولر، بئزي ده قوودولار. اونلار تاريني ناراضي ادئب بوتون ائنسانلارا دوشمن دورورلار.
بئزه مانع اولورلار کي، قيري‌يهودئلرله دانيشماياق، مبادا بونون نتئجهسئنده اونلار نئجات تاپسينلار. بلجه ده دائم گوناه اوستونه گوناه قويورلار. لاکئن قضب نهايت درجهده اونلارين اوستونه تؤکولوب.
آمّا اي قارداشلار، بئز کي، قيسا بئر مودّت اوچون-روحن يوخ، جئسمن-سئزدن محروم قالميشديق، بؤيوک آرزو ائله اوزوزو گؤرمه‌يه جان آتيرديق.
چونکي بئز-من، پولوس بئر نچه دفه-ائسته‌دئک کي، يانينيزا گلک، آمّا شيطان بئزه مانع اولدو.
چونکي ربّئمئز عئسا مسئح گلنده، اونون حوضوروندا بئزئم اومئدئمئز، شادليغيميز و تاجيميزين جلالي کئمدئر؟ مگر سئز ديئلسئنئز؟
چونکي سئز بئزئم شؤوکت و شادليغيميزسينيز.
بونا گؤره ده، تاب گتئرمه‌يه داها قادئر اولماييب، آتنده تک قالماغا راضي اولدوق
و قارداشيميز و مسئحئن ائنجئلئنده همکاريميز و تارينين خئدمتکاري تئموتاعوسو يانينيزا گؤنده‌ردئک کي، ائمانينيزدا سئزه قووّت ورئب، سئزي تشوئق اتسئن
اِله کي، هچ کس بو موصئبتلردن پرئشان اولماسين؛ چونکي سئز اؤزونوز بئلئرسئنئز کي، بئز بونون اوچون تعيئن اولونموشوق.
چونکي يانينيزدا اولدوغوموز زامان دا سئزه ائرهلئدن دمئشدئک کي، باشيميزا موصئبتلر گلهجک؛ و بئلئرسئنئز کي، بله ده اولدو.
بونون اوچون من ده، آرتيق دؤزه بئلمه‌دئيئم زامان، يانينيزا آدام گؤنده‌ردئم کي، ائمانينيزدان خبردار اولوم، مبادا وسوسهيه سالان سئزي وسوسهيه سالسين و چکدئيئمئز زحمت هدر اولسون.
آمّا ائندي تئموتاعوس سئزئن يانينيزدان قاييديب، سئزئن ائمان و محبّتئنئزدن بئزه خوش خبرلر گتئرئب و بوندان دا کي، بئزي دائم محبّتله يادا ساليرسينيز و بئز سئزه حسرت چکدئيئمئز کئمي، سئز ده بئزه اِله حسرت چکئرسئنئز.
بو سببدن، اي قارداشلار، بوتون پرئشانليق و موصئبتئمئزده، ائمانينيزين واسئطهسئله سئزئن حاقّينيزدا تسلّي تاپديق.
چونکي ائندي سئز اگر ربده ثابئت دوراسينيز، بئز ياشاياريق.
چونکي سئزئن حاقّينيزدا تارينين حوضوروندا بوتون او شادليغيميز اوچون، تاريدان نجه تشکّور اده بئلرئک؟!
نجه کي، گجه-گوندوز خالئص اورکله دوعا ادئرئک کي، اوزونوزو گؤرک و ائمانينيزين اسکئکلرئني دولدوراق.
قوي ائندي آتاميز تاري اؤزو، و ربّئمئز عئسا يولوموزو سئزئن طرفئنئزه سالسين.
و بئزئم سئزه اولان محبّتئمئز کئمي، قوي رب سئزئن محبّتئنئزي بئربئرئنئزه و بوتون ائنسانلارا آرتيريب، محبّتده سئزي باغلاسين.
اِله کي، ربّئمئز عئسا بوتون موقدّسلري ائله گلدئيئنده، آتاميز تارينين حوضوروندا، اورکلرئنئزي موقدّسلئکده قوصورسوز مؤحکم اتسئن.
نهايت، قارداشلار، بئز سئزه تعلئم وردئک کي، تاريني راضي اتمک اوچون نجه ياشاياسينيز، و حقئقتن اِله ده ياشاييرسينيز. ائندي رب عئسادا سئزدن خاهئش ادئب سئزي تشوئق ادئرئک کي، بونو داها دا چوخ ادهسئنئز.
چونکي بئلئرسئنئز کي، رب عئسادا نه احکاملار وردئک.
تارينين ائرادهسي بودور: سئزئن موقدّس اولماغينيز، يعني، جئنسي عئفّتسئزلئکدن اؤزونوزو اوزاق ساخلاماغينيز.
کي، سئزدن هر کس اؤز قابيني نجه تقدّوسلوک و احتئرامدا ساخلاسين؛
تاريني تانيمايان بوتپرستلر کئمي، شهوتلي هاوا-هوسلرده يوخ.
و هچ کئم بو مسلهده اؤز قارداشينا خاطا اتمهيئب ضرر يتئرمه‌سئن، چونکي رب بوتون بونلار اوچون قئصاص آلاندير، نجه کي، اوّلدن سئزه ديئب ائخطار وردئک.
چونکي تاري بئزي ناپاکليغا يوخ، موقدّس اولونماغا دعوت ادئب.
بونا گؤره ده، بونو ردّ ادن آدام ائنساني يوخ، تاريني ردّ ادئر کي، اؤز موقدّس روحونو سئزه ورئر.
ائندي قارداشليق محبّتئن بارهسئنده، احتئياجينيز يوخدور کي، بئري بو حاقدا سئزه يازسين، چونکي تارينين اؤزوندن اؤيره‌نئبسئز کي، بئربئرئنئزي سوهسئنئز.
دوغرودان دا سئز بونو بوتون مقدونئيهده اولان هامي قارداشلار حاقّيندا ادئرسئنئز. لاکئن، قارداشلار، سئزي تشوئق ادئرئک کي، بونو داها دا چوخ ادهسئنئز.
و آرام بئر حيات ياشاييب، اؤز ائشئنئزه مشغول اولاسينيز و اؤز اَللرئنئزله ائشله‌يهسئنئز؛ نجه کي، سئزه امر اتدئک ده.
اِله کي، خارئجئلرئن حوضوروندا صحئح رفتار ادئب، هچ بئر شيه مؤحتاج اولماياسينيز.
آمّا، قارداشلار، گؤزلرئني حياتا يومموش اولانلار حاقّيندا، خبرسئز قالماغينيزي ائسته‌مئرئک، اِله کي، اومئدسئز اولان اؤزگهلر کئمي قمگئن اولماياسينيز.
دوغرودان دا اگر ائنانيريق کي، عئسا اؤلوب گئنه دئرئلدي، اِله ده تاري عئسادا گؤزلرئني حياتا يومموش اولانلاري اونونلا گتئرهجک.
چونکي بونو سئزه ربّئن کلامي ائله ديئرئک کي، ياشايان و ربّئن گلئشئنهجک دئري قالان بئزلر، اصلا گؤزلرئني حياتا يومموش اولانلاري اؤتمه‌يهجه‌يئک.
چونکي ربّ اؤزو اوجا بئر نئدا ائله، باش مله‌يئن سسئله، و تارينين شيپورو ائله گؤيدن انهجک و اوّل مسئحده اؤلنلر دئرئلهجکلر.
اوندان سونرا، ياشايان و دئري قالان بئزلر، اونلارلا بئرلئکده يوخاري گؤتورولوب، بولودلار آراسيندا ربّئن گؤروشويونه هاوادا گدهجه‌يئک و بلجه ربله دائم قالاجاغيق.
بونا گؤره، بئربئرئنئزه بو سؤزلرله تسلّي ورئن.
زامانلار و واختلار حاقّيندا، قارداشلار، احتئياجينيز يوخدور کي، هچ بئر شي سئزه يازيلسين.
چونکي سئز اؤزونوز ياخشي بئلئرسئنئز کي، ربّئن گونو گجه گلن اوغرو کئمي گلهجک.
آداملار "سالامات وار، امئن-آمانليق وار" دئين واخت، هلاکت بئردن اونلارين اوستونه گلهجک، نجه کي، دوغماق آغريسي بويلو بئر آروادي توتور. و قاچا بئلمهيهجکلر.
آمّا سئز، قارداشلار، قارانليقدا ديئلسئنئز کي، او گون سئزي اوغرو کئمي ياخالاسين.
چونکي سئز هامينيز ائشيغين اوغوللاري و گوندوزون اوغوللاريسينيز. بئز نه گجهدنائک، نه ده قارانليقدان.
بونا گؤره ياتماياق، نجه کي، اؤزگهلر ادئرلر. گلئن اوياق و آييق قالاق.
چونکي ياتانلار گجه ياتيرلار، کفله‌نَنلر ده گجه کفلنئرلر.
آمّا بئز، گوندوزونکو اولدوغوموزا گؤره، گلئن آييق قالاق، ائمان و محبّت زئرِهئني گِيک، باشيميزا دا نئجات اومئدئني دَبئلقه کئمي قوياق.
چونکي تاري بئزي قضب اوچون يوخ، ربّئمئز عئسا مسئحئن واسئطهسئله نئجاتا نايئل اولماق اوچون تعيئن ادئب.
او کي، بئزئم اوچون اؤلدو کي، ائستر اوياق اولاق، ائستر ياتميش، اونونلا بئرلئکده ياشاياق.
بونا گؤره ده بئربئرئنئزي تشوئق ادئب، بئربئرئنئزي بئنا ادئن، نجه کي، ادئرسئنئز ده.
آمّا، قارداشلار، سئزدن خاهئش ادئرئک کي، آرانيزدا زحمت چکنلره و ربده سئزه باشچي اولانلارا و سئزه نصئحت ورنلره حؤرمت ادئن.
و ائشلري اوچون اونلارا محبّتده چوخ بؤيوک احتئرام گؤرسه‌دئن. بئربئرئنئزله باريش ائچئنده ياشايين.
قارداشلار، سئزه يالواريريق کي، نئظامسيز اولانلارا نصئحت ورئن، جورعتسئزلري تشوئق ادئن، ضعئفلره کؤمک ادئن، هامييا نئسبت صبئرلي اولون.
دئقّتلي اولون کي، هچ کئم يامانليق عوضئنه يامانليق اتمه‌سئن، لاکئن همئشه بئربئرئنئزئن و بوتون ائنسانلارين ياخشيليغيني آختارين.
همئشه سوئنئن.
دائم دوعا ادئن.
هر شي اوچون شوکور ادئن. چونکي بو، مسئح عئسادا اولان سئزلر اوچون تارينين ائرادهسي‌دئر.
روحو سؤندورمه‌يئن.
نبئلئک سؤزلرئنه حقارتله باخمايين.
هر شيي ائمتاحانا چکئن؛ ياخشي اولاني برک توتون.
هر جور شردن اوزاق دورون.
قوي باريش تارينين اؤزو سئزي تامامن تقدئس اتسئن و ربّئمئز عئسا مسئحئن گلئشئنده روحونوز، جانينيز، و بدنئنئز قوصورسوز حئفظ اولونسون.
سئزي دعوت ادن وفالي‌دير و بونو ادهجک ده.
قارداشلار، بئزئم اوچون دوعا ادئن.
بوتون قارداشلاري موقدّس اؤپوشله سالاملايين.
ربّ حاقّي اوچون سئزه آند ورئرم کي، بو مکتوبو بوتون قارداشلارا اوخوياسينيز.
ربّئمئز عئسا مسئحئن فيضي سئزئنله اولسون.
پولوس، سئلوانوس و تئموتاعوسدان، آتاميز تاري و ربّئمئز عئسا مسئحده اولان تسالونئکلئلرئن کئلئساسينا:
آتا تاري و رب عئسا مسئحدن سئزه فيض و باريش اولسون.
قارداشلار، بئز گرک سئزئن اوچون لايئق اولان بئر شکئلده دائم تارييا شوکور ادک، چونکي ائمانينيز داها چوخ آرتير و بئربئرئنئزه اولان محبّتئنئز داها دا چوخ بؤيويور.
بو سببدن بئز اؤزوموز، دوشدويونوز بوتون عذابلار و ذئلّتلرئنئزئن قاباغينداکي تحمّول و ائمانينيزدان اؤتري تارينين کئلئسالاري آراسيندا فخرله دانيشيريق.
بو، تارينين صالح حؤکمونون علامتي‌دئر. اله کي، سئز تارينين پادشاهليغينا لايئق ساييلاسينيز کي، اونون اوچون ده عذاب چکئرسئنئز.
چونکي تارينين يانيندا البتّه عدالت بودور کي، سئزه ذئلّت چکدئرنلره، ذئلّت چکدئرسئن
و ذئلّت چکن سئزلره، بئزئمله بئرلئکده راحاتليق يتئرسئن، او زامان کي، رب عئسا بوتون قودرتلي ملکلری ائله اود آلووو ائچئنده گؤيدن ظاهئر اولاجاق
و تاريني تانيمايان و ربّئمئز عئسانين ائنجئلئندن ائطاعت اتمه‌ينلره جزا ورهجک.
اونلار ربّئن حوضوروندان و اونون قودرتئنئن شؤوکتئندن محروم قاليب، ابدي هلاکتله جزالاناجاقلار.
بو او گونده باش ورهجکدئر، او گون کي، مسئح اوز موقدّسلرئنده عئزّت قازانماق و بوتون ائمانليلاري حيرته گتئرمک اوچون گلئر-چونکي سئزه وردئيئمئز شهادته ائناندينيز.
بونا گؤره بئز دائم سئزئن اوچون دوعا ادئرئک کي، تاريميز، سئزي اولوندوغونوز دعوته لايئق سايسين و قودرتله ياخشيليق اوچون هر جور ائشتئياق و ائمانين ائشئني يرئنه يتئرسئن.
اِله کي، تاريميز و ربّئمئز عئسا مسئحئن فيضئنه گؤره، ربّئمئز عئسانين آدي سئزده عئزّتلنسئن و سئز ده اوندا عئزّتلنهسئنئز.
ائندي قارداشلار، ربّئمئز عئسا مسئحئن گلئشي و بئزئم اونون يانيندا ييغيلماغيميز بارهده سئزدن خاهئش ادئرئک کي،
"ربّئن گونو چاتيب" دئين هر هانسي بئر روح، بئر کلام، و يا گويا بئزدن گلن بئر مکتوب، فئکرئنئزي تز لرزهيه سالديرماسين، يا دا پرئشان اتمه‌سئن.
قويمايين هچ کئم سئزي هچ بئر نحوله آلداتسين. چونکي اوّلجه، ائماندان دؤنمه زاماني گلمهمئش و هلاکت اوغولو اولان او شرئعتسئز آدام ظوهور اتمهمئش، او گون گلميهجکدئر.
او آدام هر تاري و يا عئبادت ادئلن شيه ضئدّ دوروب، اؤزونو اوجالداجاق، اِله کي، تارينين معبدئنده اَيله‌شئب، اؤزونو تاري کئمي گؤرسدهجک.
مگر خاطيرلاميرسينيز کي، حله يانينيزدا اولارکن بو شيلري سئزه ديئردئم؟!
و بئلئرسئنئز کي، اونا ائندي نه مانع اولور، اِله کي، اؤز واختيندا ظوهور اتسئن.
چونکي شرئعتسئزلئيئن سئرّي ائندي بله ائشدهدئر؛ آنجاق اونا ائندي مانع اولان بله ادهجک، او زاماناجاق کي، آرادان قالديريلسين.
او زامان او "شرئعتسئز" آدام ظوهور ادهجک و رب اونو آغزينين نفسي ائله اؤلدوروب، گلئشئنئن ظوهورو ائله محو ادهجکدئر.
يعني، او ظوهور ادن آدام شيطانين فعالئيّتئنه اَساسلاناراق، بوتون قودرت و علامتلر و يالانچي عجايئبلرله،
و هلاک اولانلارين آراسيندا هر جور پئسلئيئن حئيلهسي ائله گلهجکدئر. چونکي حقئقتئن محبّتئني قبول اتمه‌دئلر کي، بلجه نئجات تاپسينلار.
بو سببدن تاري اونلارين اوستونه سهوه چکن بئر گوج گؤندهرهجک کي، يالان اولانا ائنانينسينلار
اِله کي، حقئقته ائنانماياييب پئسلئکدن لذّت آپارانلارين هاميسي موحاکئمهيه چکئلسئنلر.
لاکئن بئز، اي ربّئن سوگئلئلري اولان قارداشلار، سئزه گؤره گرک همئشه تارييا شوکور ادک. چونکي تاري باشلانيشدان سئزي موقدّس روحون تقدئسي و حقئقته اولان ائمانين واسئطهسئله نئجات اوچون سچئب.
و بونون اوچون ائدي کي، سئزي بئزئم خوش خبرئمئزئن واسئطهسئله دعوت اتدي. اِله کي، ربّئمئز عئسا مسئحئن شؤوکتئني قازاناسينيز.
بونا گؤره، قارداشلار، مؤحکم دورون و او تعلئملره کي، ائستر سؤز، ائستر مکتوب وسئلهسئله بئزدن اؤيره‌ندئنئز، باغلي قالين.
قوي ائندي عئسا مسئحئن اؤزو کي، بئزي سوئب و بئزه ابدي تسلّي و فيضي ائله ياخشي اومئد ورئب، و آتاميز تاري
هر ياخشي عمل و سؤزده اورکلرئنئزه تسلّي ورئب، قووّتلندئرسئن.
نهايت، قارداشلار، بئزئم اوچون دوعا ادئن کي، ربّئن کلامي تز ياييلسين و سئزئن آرانيزدا اولدوغو کئمي عئزّت قازانسين.
و بئز ترسه و پئس آداملاردان خئلاص اولاق؛ چونکي هامي ائمان گتئرن ديئل.
آمّا رب وفالي‌دير و او، سئزي قووّتله‌ندئرئب شرئردن حئفظ ادهجک.
بئزئم ده ربده سئزه اعتئماديميز وار کي، سئزه ددئيئمئز احکاملارا عمل ادئرسئنئز و ادهجکسئنئز ده.
قوي رب اورکلرئنئزي تارينين محبّتئنه و مسئحئن تحمّولونه هئدايت اتسئن.
ائندي، قارداشلار، ربّئمئز عئسا مسئحئن آديندا سئزه امر ادئرئک کي، تربئيهسئزلئکله گزن و بئزدن آلديغينيز تعلئمه موطابئق ياشامايان قارداشدان اوزاقلاشين.
چونکي سئز اؤزونوز بئلئرسئنئز کي، نجه بئزدن نومونه گؤتورهسئنئز. چونکي بئز آرانيزدا ائنضئباطسيز بئر رفتار اتمهدئک.
هچ کئمئن چؤره‌يئني ده موفته يمه‌دئک. لاکئن زحمت و چتئنلئکله گجه-گوندوز ائشله‌دئک کي، سئزئن هچ بئرئنئزه يوک اولماياق.
بونون اوچون يوخ کي، گويا حاقّيميز يوخدور، آمّا اونون اوچون کي، اؤزوموزو سئزه بئر نومونه قوياق و سئز بئزدن نومونه گؤتورهسئنئز.
حتّا سئزئنله اولارکن ده سئزه بو امري وِرَردئک: هر کس ائشله‌مک ائسته‌مئر، قوي يمه‌سئن ده.
چونکي اشئدئرئک کي، سئزلردن بعضئلري ائنظئباطسيز بئر حيات ياشاييب اصلا ائشله‌مئرلر، آمّا بورونلاريني هر شيه سوخورلار.
رب عئسا مسئحده بله آداملارا امر ادئب اونلاري تشوئق ادئرئک کي، آرامليقلا ائشله‌يئب اؤز چؤرکلرئني يسئنلر.
آمّا سئز، قارداشلار، ياخشيليق اتمکدن يورولمايين.
اگر کئمسه بو مکتوبداکي سؤزلرئمئزدن ائطاعت اتمئر، او آدامي نئشانلاييب اونونلا آرتيق گلئش-گدئش اتمهيئن کي، اوتانسين.
لاکئن حله ده اونو دوشمن حساب اتمهيئن، آمّا قارداش کئمي اونا نصئحت ورئن.
قوي باريش ربّئن اؤزو، سئزه دائم هر وجه‌له باريش عطا اتسئن. رب سئزئن هامينيزلا اولسون.
من، پولوس، بو سالامي سئزه اؤز اَلئمله يازيرام و بو، هر مکتوبدا بئر نئشاندير؛ من بله يازيرام.
ربّئمئز عئسا مسئحئن فيضي سئزئن هامينيزلا اولسون.
قورتاريجيميز تارينين و اومئدئمئز مسئح عئسانين امرئنه گؤره، مسئح عئسانين حوارئسي پولوسدان،
ائماندا حقئقي اوغلوم تئموتاعوسا: آتا تاري و ربّئمئز مسئح عئسادان فيض، رحمت، و باريش اولسون.
مقدونئيهيه گتدئيئم واخت سندن خاهئش اتدئم کي، افسوسدا قالاسان و بعضئلره نصئحت ورهسن کي، اؤزگه تعلئملر اؤيرتمه‌سئنلر،
افسانهلر و ساييسيز-حسابسيز نسئل‌نامه‌لره ده قولاق آسماسينلار کي، تارينين بئنا اتمه‌سئنئن ترقّئسئنه کي، ائمانداندير، سبب اولمورلار. اونلار آنجاق موباحئثهلره سبب اولورلار.
آمّا بئزئم حؤکموموزون آماجي او محبّتدئر کي، پاک اورکدن، ياخشي وئجداندان و رئياسيز ائماندان گلئر.
چونکي بعضي آداملار بونلاردان آزيب، ثمرهسئز موباحئثهلره اوز گتئرئبلر
و ائسته‌يئرلر کي، شرئعت موعلّئمي اولسونلار. حال بو کي، نه ددئکلرئني آنلاييرلار، نه ده يقئنلئکله ائدّئعا اتدئکلرئني!
لاکئن بئز بئلئرئک کي، شرئعت ياخشيدير اگر کئمسه اونو شرئعته موناسئب بئر شکئلده ائستئفاده اتسه،
بونو دا بئلسه کي، شرئعت صالح بئر آدام اوچون قويولماييب؛ شرئعتسئزلر، عاصئلر، دئنسئزلر، گوناهکارلار، موقدّس اولمايانلار، نجئسلر، آتا و يا آنالاريني اؤلدورنلر، قاتئللر،
زئناکارلار، همجئنسبازلار، آدام اوغورلايانلار، يالان دانيشانلار، آندي پوزانلار و صحئح تعلئمئن ضئدّئنه اولان اؤزگه هر شي اوچون قويولوب.
او تعلئم کي، موتبارک تارينين شؤوکتلي ائنجئلئنه گؤره منه تاپشيريليب.
ربّئمئز مسئح عئسايا شوکور ادئرم کي، منه قووّت ورئب. چونکي مني امئن بئلئب، خئدمته تعيئن اتدي؛
گرچي اوّللر کوفر دانيشان، عذاب ورن و ظولم اِده‌نئن بئري ائدئم. آمّا گئنه ده منه رحمت گؤرستدي، بو سببدن کي، ائمانسيزليقدا، آنلامازليقدان بونلاري اتدئم.
و مسئح عئسادا اولان ائمان و محبّتله ربّئمئزئن فيضي حددن داها دا چوخ ائدي.
بو سؤز اعتئمادا و هر وجه‌له قبول اولونماغا لايئقدئر کي، مسئح عئسا گوناهکارلاري قورتارماق اوچون دونيايا گلدي کي، اونلارين آراسيندا لاپ ياماني منم.
لاکئن من محض بو سببه رحمت تاپديم کي، عئسا مسئح اؤز کامئل صبرئني ائلک اولاراق منده ظاهئر اتسئن. اِله کي، ابدي حيات اوچون سونرادا اونا ائنانانلارا نومونه اولوم.
ائندي ابدي پادشاها، قيري‌فاني، گؤرونمه‌ين، واحئد اولان تارييا ابددن ابدهجک حؤرمت و شؤوکت اولسون. آمئن.
اؤولاديم تئموتاعوس، بونلاري، سنئن حاقّيندا اوّلجه ديئلن نبئلئک سؤزلرئنه گؤره، سنه تاپشيريرام کي، اونلارين واسئطهسئله ياخشي بئر موبارئزه قاباغا آپاراسان
و ائمان و ياخشي وئجداني حئفظ ادهسن کي، بعضئلري ردّ ادئب، ائمانلاري حاقدا سينيق گمي کئمي باتيبلار.
بونلارين آراسيندا هئمنايوس و ائسکندردئر. اونلاري شيطانا تسلئم اتدئم کي، کوفر دمهمه‌يي اؤيرنسئنلر.
بلجه هر شيدن اوّل، تشوئق ادئرم کي، بوتون ائنسانلار اوچون نئيازلار، دوعالار، شفاعتلر و شوکورلر اولونسون؛
پادشاهلار و بوتون ائقتئدار صاحئبلري اوچون، اِله کي، بئز بوتون دئندارليق و ووقارلا آرام و آسوده بئر عؤمور کچئردک.
بو، قورتاريجيميز تارينين نظرئنده ياخشي و مقبولدور کي،
ائستهيئر بوتون ائنسانلار نئجات تاپسينلار و حقئقتئن معرئفتئنه يتئشسئنلر.
دوغرودان دا کي، بئر تاري وار و تاري ائله ائنسانلار آراسيندا دا بئر واسئطهچي وار، يعني ائنسان اولان مسئح عئسا
کي، اؤزونو هامي اوچون فئدئيه وردي؛ صحئح زامانيندا ورئلمئش بئر شهادت.
و من بونون اوچون بئر واعئظ و حواري (حقئقتي ديئرم، يالان دانيشميرام)، ائمان و حقئقتده قيرييهودئلره بئر موعلّئم تعيئن اولونموشام.
بونا گؤره، ائسته‌يئرم کي، کئشئلر هر يرده موقدّس اَللر قالديريب، قضبسئز و موباحئثهسئز دوعا اتسئنلر.
اِله‌جه ده آروادلار صحئح پالتارا گيئنئب، اؤزلرئني هؤرولموش ساچلار و قيزيل يا دا مئرواري و باهالي پالتارلا يوخ، حيا و ادبله بزهسئنلر.
داها چوخ ياخشي عمللرئن واسئطهسئله، نجه کي، دئندارليق ائدّئعاسيني ادن آروادلارا ياراشير.
قوي آرواد سسسئزجه کامئل بئر تابعلئک ائچئنده تعلئم آلسين.
آروادا ائجازه ورمئرم کي، تعلئم ورسئن و يا کئشئنئن اوستونه ائقتئدار سورسون، آمّا سسسئز قالسين.
چونکي اوّل آدم ياراندي و سونراسي حوّا.
آلدانان دا آدم ديئلدي، آرواد آلداندي و خاطايا باتدي.
آمّا اوشاق دوغماسي ائله نئجات تاپاجاق، اگر ائمان و محبّت و تقدئسده ووقارلا داوام ورهلر.
بو کلام اعتئمادا لايئقدئر کي، اگر کئمسه ناظئرلئک منصبئني ائستهيئر، ياخشي بئر ائش آرزو ادئر.
اوندا گرک ناظئر قوصورسوز، بئر آروادين اَري، تمکئنلي، عاغيلّي، مؤحترم، قوناق‌سِون و تعلئم ورمه‌يه قابئل بئر آدام اولسون.
مي‌پرست يا دا داعواکار يوخ، مولايئم، داعوا اتمه‌ين و پول سوگئسئندن آزاد بئري اولسون.
گرک اؤز عايئلهسئني ياخشي ائداره اتسئن، اوشاقلاريني بوتون صداقتله اؤز ائطاعتئنده ساخلاسين.
لاکئن اگر بئري بئلمئر کي، اؤز عايئلهسئني نجه ائداره اتسئن، تارينين کئلئساسينين قيدئنه نجه قالاجاق؟
تزه ائمان گتئرمئش بئري ده اولماسين کي، مبادا کئبئرله‌نئب، ائبلئسئن محکومئيّتئنه دوشسون.
بو آداما گرکدئر کي، خارئجئلر يانيندا دا ياخشي بئر آدي اولسون، اِله کي، مذمّته و ائبلئسئن تورونا دوشمه‌سئن.
اِله‌جه ده شمّاسلار گرک صداقت صاحئبي اولسونلار. ائکي دئللي، مي‌پرست و يا حاقسيز قازانجا حرئص اولماسينلار.
آمّا ائمان سئرّئني تمئز وئجدانلا ساخلاسينلار.
قويون بونلار قاباقجادان ائمتاحان اولونسونلار و اگر قوصورلاري اولمازسا، اوندا شمّاسچيليق اتسئنلر.
اِله‌جه ده آروادلار صداقت صاحئبي اولسونلار. ياوا-ياوا قيبت ادن يوخ، مولايئم و هر شيده امئن اولسونلار.
شمّاسلار بئر آروادا اَر اولسونلار. اوشاقلاريني و اؤز اِو اهلئني ياخشي ائداره اتسئنلر.
چونکي شمّاس منصبئنده ياخشي خئدمت ادنلر اؤزلري اوچون ياخشي بئر مرتبه و مسئح عئسادا اولان ائماندا بؤيوک بئر يقئنلئک قازانيرلار.
بو شيلري سنه بو اومئدله يازيرام کي، ياخينليقدا سنئن يانينا گلئم.
لاکئن اگر يوبانسام، بئلهسن کي، تارينين عايئلهسئنده شخص نجه رفتار اتمه‌لي‌دئر، يعني دئري تارينين کئلئساسيندا کي، حقئقتئن سوتون و دئره‌يي‌دئر.
و هامينين ائقراري ائله دئندارليغين سئرّي بؤيوکدور: او تاري کي، جئسمده ظاهئر اولدو، موقدّس روح طرفئندن تصدئق اولوندو، ملکلره گؤروندو، مئلّتلر آراسيندا اعلان اولوندو، دونيادا اونا ائمان گتئرئلدي، شؤوکتده يوخاري قالديريلدي.
آمّا موقدّس روح آيدين بئر شکئلده ديئر کي، آخير زامانلاردا بعضئلر آلداتان روحلارا، شرئرلرئن تعلئملرئنه چکئلئب ائماندان دوشهجکلر؛
يالانچيلارين رئياکارليغي واسئطهسئله کي، وئجدانلاريندا دمئر داغلا داغلانميش کئمي داغلانيبلار.
بو آداملار اولنمه‌يي قدغن ادئب، يمکلردن پرهئز اتمه‌يه امر ادئرلر. حال بو کي، تاري بو يمکلري ياراديب کي، ائنانانلار و حقئقتي بئلنلر شوکورله اونلاري قبول اتسئنلر.
چونکي تارينين ياراتديغي هر شي ياخشيدير و اگر شوکورله قبول اولونسا، هچ بئرئسي ردّ اولونمالي ديئل.
چونکي تارينين کلامي و دوعا ائله تقدئس اولونور.
بو شيلري قارداشلارا خاطيرلاماقلا مسئح عئسانين ياخشي بئر قولو اولارسان و ائمانين کلامي ائله رئعايت اتدئيئن صحئح تعلئمده بؤيويرسن.
قاري آروادلارا ياراشان دونيه‌وي افسانهلردن اؤزونو اوزاق ساخلا. اؤزونه دئندارليق اوچون مشق ور.
چونکي بدني مشقئن آنجاق بئرآز فايداسي وار، لاکئن دئندارليق هر شي اوچون فايدالي‌دير، چونکي اوندا ائندئکي و گلهجک حياتين وعدهسي وار.
بو کلام اعتئماد اتمه‌لي و کامئل قبول اولونماغا لايئقدئر.
چونکي بئز بونون اوچوندور کي، زحمت چکئب تحقئره دؤزوروک. بئز اومئدئمئزي دئري تارييا باغلاميشيق کي، بوتون ائنسانلارين قورتاريجيسي‌دير، خوصوصن ده ائمانليلارين.
بو شيلري تاپشير و اؤيرت.
قويما هچ کئم سنئن جاوانليغينا حقارتله باخسين. لاکئن سؤزده، رفتاردا، محبّتده، ائماندا و پاکليقدا اؤزونو ائمانليلاردان بئر نومونه ات.
من گلنه کئمي، موقدّس يازيلارين اوخونماسينا، تشوئق و تعلئمه هاواسين اولسون.
سنده اولان روحاني عطايا کي، نبئلئک سؤزو و آغساقّاللارين ال قويماقلاري ائله سنه ورئلئب، لاقيد اولما.
بو شيلرده زحمت چک؛ اونلاردا مشغول اول، اِله کي، سنئن ترقّئن هامييا آشکار اولسون.
اؤزونه و وردئيئن تعلئمه چوخ دئقّت ات؛ بو شيلرده داوام ور. چونکي بونو اتمکله، هم اؤزونو، هم ده سنه قولاق آسانلاري قورتارارسان.
قوجا کئشئني شئدّتله توبئخ اتمه، لاکئن اونو آتايا اِدَن کئمي تشوئق ات، جاوانلارا قارداشلارا ادن کئمي،
قوجا آروادلارا آنالارا ادن کئمي، جاوان آروادلارا باجيلارا ادن کئمي، بوتون پاکليقدا.
دول آروادلارا اگر حقئقتن دول اولسالار، احتئرام ات.
آمّا اگر بئر دول آروادين اؤولادلاري يا دا نوهلري وارسا، اونلار گرک هر شيدن اوّل اؤيره‌نسئنلر کي، اؤز قوحوملارينا اورک يانديرالار و آتا-آنالارينا کؤمک ادهلر. چونکي تارينين نظرئنده بو مقبولدور.
دوغرودان دول آرواد اولان و يالقوز بوراخيلان، اومئدئني تارييا باغلاييب، گجه-گوندوز نئيازلار و دوعالارا مشغولدور.
لاکئن عيّاشليقدا کچئنن آرواد، دئري ائکن اؤلودور.
بو شيلري ده اونلارا تعلئم ور، اِله کي، مذمّت آلتيندا قالماسينلار.
آمّا اؤزونونکولر اوچون، خوصوصن ده اؤز اِو اهلي اوچون تداروک گؤرمه‌ين آدام، ائماني ردّ ادئب و ائمانسيز بئرئندن داها دا پئسدئر.
دول آرواد آنجاق او زامان سئياهييا آلينسين، اگر ياشي آلتميشدان اسکئک ديئل، بئر کئشئيه آرواد ائمئش
و ياخشي ائشلرده آد آچيب. اگر اؤولادلار بؤيودوب، اگر قرئب‌نوازليق ادئب، اگر موقدّسلرئن آياقلاريني يويوب، اگر ذئلّت چکنلره کؤمک ادئب، اگر اؤزونو هر ياخشي ائشه وقف ادئبدئر.
لاکئن جاوان دوللاري ائمتئناع ات، چونکي مسئحله جور گلمه‌ين هاوا-هوسلره دوشدوکده، اَره گتمک ائسته‌يئرلر،
و محکومئيّت آلتينا گئرئرلر، چونکي اوّلکي ائمانلاريني بئر يانا آتيبلار.
همن حالدا اِولري دولانا-دولانا، بکارليغي دا اؤيره‌نئرلر. آنجاق بکارليغي يوخ، قيبت اِتمه‌يي، هر شيه بورونلاريني سوخماغي، و ناروا دانيشماغي.
بونا گؤره، ائسته‌يئرم جاوان دوللار اَره گتسئنلر، اؤولاد دوغسونلار، اِو دولانديرسينلار و دوشمنه مذمّت اوچون فورصت ورمه‌سئنلر.
چونکي اِله ائندي ده بعضئلري دؤنوبلر کي، شيطانين دالينجا گتسئنلر.
اگر ائمانلي بئر آروادين دول اولان ياخينلاري وارسا، او گرک اونا کؤمک اتسئن و کئلئسايا يوک قويولماسين. اِله کي، کئلئسا دوغرودان دول اولانلارا کؤمک اده بئلسئن.
ياخشي پئشواليق ادن آغساقّاللار ائکي قات احتئراما لايئقدئرلر، خوصوصن اونلار کي، وعظ اتمک و تعلئم ورمکده چوخ زحمت چکئرلر.
چونکي موقدّس يازي ديئر: "خرمن دؤين اؤکوزون آغزيني باغلاما." و "فحله موزدونه موستحقدئر."
آغساقّالين ضئدّئنه بئر بؤهتاني قبول اتمه، مگر ائکي و يا اوچ شاهئد شهادت ورسئنلر.
گوناهدا داوام ورنلري هامينين قاباغيندا توبئخ ات. اِله کي، او بئرئلر ده دهشت اتسئنلر.
سني تاري و مسئح عئسا و سچئلمئش ملکلرئن حوضوروندا آند ورئرم کي، بو اوصوللاري قَرَضسئز ساخلاياسان و طرفدارليق اوزوندن هچ بئر شي اتمهيهسن.
هچ کسئن اوستونه چوخ عجله ائله اَل قويما و بلجه اؤزگهلرئن گوناهيندا شرئک اولما. اؤزونو طاهئر ساخلا.
داها آنجاق سو ائچمه، لاکئن مِعدن و تز-تز ضعئفله‌دئيئن اوچون بئر آز شراب دا ائچ.
بعضي آداملارين گوناهلاري چوخ آيديندير و اونلارين قاباقلاريندا موحاکئمهيه طرف گدئر. اؤزگهلرئنکي اونلارين دالينجا گلئر.
اله‌جه ده، ياخشي عمللر بلّي‌دئر، و بلّي اولمايانلاري گئزلتمک اولماز.
قوي قوللوق آلتيندا اولان بوتون قوللار، اؤز آغالاريني هر جور حؤرمته لايئق بئلسئنلر، اِله کي، تارينين آدينا و تعلئمئن ضئدّئنه کوفر ديئلمه‌سئن.
اونلار دا کي، ائمانلي آغالاري وار، اونلارا گرک حؤرمتسئزلئک اتمه‌سئنلر، چونکي اونلار قارداشديرلار. آمّا گرک اونلارا داها دا چوخ قوللوق اتسئنلر، چونکي فايدايا شرئک اولانلار ائمانلي و سوگئلئدئرلر. بو شيلري تعلئم ورئب، وعظ ات.
اگر کئمسه اؤزگه بئر تعلئم ورسه و ربّئمئز عئسا مسئحئن صحئح سؤزلري ائله و دئندارليغا دؤنده‌رن تعلئمله مووافئق اولماسا،
او، کئبئرله‌نئب و هچ بئر شي آنلامير. لاکئن داعوا سالان سوآللارا و سؤزلر بارهسئنده اولان موباحئثهلره چوخ علاقهلري وار کي، اونلاردان حسد، داعوا، سؤيوش، و پئس گومانلار قالخير
و فئکئرلري فاسئد اولان و حقئقتدن محروم اولان آداملارين آراسيندا کي، دئندارليغي قازانج اوچون بئر وسئله بئلئرلر، دائم چکئشمه قالديريرلار.
البتّه کي، دئندارليق بؤيوک بئر قازانج اوچون وسئلهدئر، اگر قَناعتله همراه اولسا.
چونکي بو دونيايا هچ بئر شي گتئرمه‌دئک، اونون اوچون ده اوندان هچ بئر شي گؤتورهبئلمه‌رئک.
اگر يئيهجه‌يئمئز و اؤرتونهجه‌يئمئز وارسا، بونلارلا قناعت ادئرئک.
آمّا وارلي اولماق ائسته‌ينلر وسوسهيه، تورا، آخماقليق و زئيان يتئرن چوخ هاوا-هوسلره دوشورلر کي، ائنسانلاري تباه و هلاکتده قرق ادئر.
چونکي پول سوگئسي هر جور شرّئن کؤکودور و اونون آرزوسوندا اولان بعضئلر ائماندان آزيبلار و اؤزلري اؤزلرئنه چوخ آجي چکدئرئبلر.
سن اي تاري آدامي، بونلاردان قاچ و صالحلئک، دئندارليق، ائمان، محبّت، صبر و حلم دالينجا اول.
ائمانين ياخشي ساواشيني ساواش و ابدي حياتي توت کي، اونون اوچون دعوت اولوندون و چوخ شاهئدلرئن حوضوروندا ياخشي اعتئراف اتدئن.
هر شيه حيات ورن تارينين حوضوروندا و او مسئح عئسانين حوضوروندا کي، پونطئيوس پئلاطين قاباغيندا ياخشي اعتئرافلا شهادت وردي، سنه امر ادئرم کي،
ربّئمئز عئسا مسئحئن ظوهورونا کئمي احکامي لکهسئز و مذمّتسئز ساخلاياسان.
کي، اونو اؤز واختيندا يرئنه يتئرهجک؛ او کي، موتبارک و تک بئر سولطاندير، پادشاهلارين پادشاهي و ربلرئن ربّي.
کي، اؤلومسوزلويه محض او مالئکدئر و ياخينلاشا بئلمهمه‌لي نوردا ساکئندئر کي، اونو نه بئر آدام گؤروب نه ده گؤره بئلر. اونا ابدي حؤرمت و قودرت اولسون. آمئن.
بو حاضير دونيادا وارلي اولانلارا نصئحت ور کي، کئبئرلنمه‌سئنلر، يا دا اَلدن گدن وار-دؤولته اومئد باغلاماسينلار. اومئدلرئني تارييا باغلاسينلار کي، بهره آلماق اوچون هر شيي بئزه بوللوقلا عطا ادئر.
نصئحت ور کي، ياخشيليق اتسئنلر، ياخشي ائشلرده وارلي اولسونلار، سخاوتلي اولوب پايلاشماغا حاضير اولسونلار.
و اؤزلري اوچون گلهجه‌يه ياخشي خزئنهنئن بونؤورهسئني قورسونلار، اِله کي، حقئقي حياتا مالئک اولسونلار.
اي تئموتاعوس، سنه امانت ورئله‌ني حئفظ ات. دونيه‌وي و باطئل دانيشماقلاردان و ضئدّ دوران موباحئثهلردن کي، يالاندان اونا معرئفت ديئرلر، اؤزونو اوزاق ساخلا
کي، بعضئلري اونو اعتئراف ادئب بلجه ائماندان آزديلار. فيض سنئنله اولسون.
تارينين ائرادهسي ائله مسئح عئسادا اولان حياتين وعدهسئنه گؤره، مسئح عئسانين حوارئسي پولوسدان،
سوگئلي اوغلوم تئموتاعوسا: آتا تاري و ربّئمئز مسئح عئسادان فيض، رحمت، و باريش اولسون.
گجه-گوندوز سني دوعالاريمدا دائم خاطيرلاديقدا تارييا شوکور ادئرم کي، تمئز وئجدانلا، اجداديمين خئدمت اتدئيي کئمي، اونا خئدمت ادئرم.
و سنئن گؤزياشلاريني خاطيرلاديقجا سني گؤرمه‌يه حسرت چکئرم. اِله کي، شادليقدان دولوم.
سنده اولان خالئص ائماني يادا ساليرام کي، اوّلجه سنئن بؤيوک آنان لويئس و آنان يونئسده ساکئن اولدو و اَمئنم کي، سنده ده ساکئندئر.
بو سببدن سنه خاطيرلاديرام کي، منئم اَل قويماغيمين واسئطهسئله سنده اولان تارينين عطاسيني تزهدن آلوولانديراسان.
دوغرودان دا کي، تاري بئزه قورخو روحونو يوخ، قودرت، محبّت و ائنضئباط روحونو ورئب.
بونا گؤره ربّئمئزئن شهادتئندن اوتانما، نه ده مندن کي، ربّئن زئندانئسي‌يَم. لاکئن ائنجئلئن عذابلاريندا تارينين قودرتئنه گؤره شرئک اول.
او تاري کي، بئزه نئجات وردي و بئزي موقدّس بئر دعوتله چاغيردي، عمللرئمئزه گؤره يوخ، اؤز مقصد و فيضئنه گؤره کي، ازلدن مسئح عئسادا بئزه عطا اولوندو.
لاکئن ائندي قورتاريجيميز مسئح عئسانين ظوهورو ائله آشکار اولوب کي، اؤلومو محو اتدي و ائنجئلئن واسئطهسئله حيات و بقاني ائشيقلانديردي.
کي، اونون اوچون من بئر واعئظ، بئر حواري و بئر موعلّئم تعيئن اولموشام.
بو سببدن ده بو عذابلاري چکئرم، آمّا اوتانميرام. چونکي کئمه ائنانديغيمي بئلئرم و يقئن گتئرمئشم ده کي، اونا امانت وردئيئمي او گونه کئمي حئفظ اتمه‌يه قادئردئر.
مندن اشئتدئکلرئني مسئح عئسادا اولان ائمان و محبّتده، صحئح تعلئمئن محکي کئمي ساخلا.
بئزده ساکئن اولان موقدّس روحون وسئلهسئله سنه امانت ورئلن خزئنهني حئفظ ات.
بو مطلبدن خبرئن وار کي، بوتون آسئيادا اولانلار مندن اوز دؤنده‌رئبلر و فئگِلوس و هِرموجِنِس ده اونلارين آراسيندادير.
رب رحمتئني اونسئفوروسون اِو اهلئنه عطا اتسئن، چونکي دفهلرله جانيمي تزهلندئردي و منئم زنجئرلرئمدن ده اوتانميردي.
آمّا او، رومدا اولان واخت، جهدله مني آختاريب تاپدي.
ربّ اونا عطا اتسئن کي، "او گونده" ربدن رحمت تاپسين. و سن چوخ ياخشي بئلئرسن کي، اِفِسوسدا نه خئدمتلر اتدي.
بونا گؤره، اوغلوم، مسئح عئسادا اولان فيضده قووّتلي اول.
چوخ شاهئدلرئن حوضوروندا مندن اشئتدئيئن شيلري او امئن آداملارا تاپشير کي، اؤزگهلره اؤيرتمه‌يه ده قادئردئرلر.
مسئح عئسانين ياخشي بئر عسگري کئمي عذابلارا دؤز.
خئدمتده اولان هچ بئر عسگر اؤزونو بو حياتين گوندهلئک مشغولئيّتلرئنه قاتماز، اِله کي، اونو عسگرلئيه آلاني خوشنود اتسئن.
ورزئشکار بئري ده موسابئقهده جايئزهني قازانماز، مگر قانونلارا گؤره رقابت اتمئش اولسون.
زحمت چکن اکئنچي گرک هاميدان اوّل اؤزو اَکئندن پاي آلسين.
ددئيمي دوشون، چونکي رب هر شيده سنه فهم ورهجک.
داوودون نسلئندن اولان و اؤلولردن دئرئلن عئسا مسئحي خاطيرلا کي، بو، منئم خوش خبرئمدئر
و اونون اوچون ده عذاب چکئرم، حتّا بئر جاني کئمي زنجئرلره باغلانميشام؛ آمّا تارينين سؤزو زنجئرلره باغلانماييب.
بو سببدن سچئلمئش اولانلارين خاطئري اوچون بوتون بو شيلره دؤزورم، اِله کي، ابدي شؤوکتله مسئح عئسادا اولان نئجاتا يتئشسئنلر.
بو، اعتئماد اتمه‌لي بئر کلامدير: اگر اونونلا اؤلدوک، اونونلا ياشاياريق دا.
اگر تاب گتئرک، اونونلا سلطنت ادهجهيئک ده. اگر اونو داناق، او دا بئزي دانار.
اگر وفاسيز اولاق، او وفالي قالار. چونکي اؤزونو دانا بئلمز.
بو شيلري اونلارا خاطيرلا و تارينين حوضوروندا اونلارا ائخطار ور کي، فايداسيز و اشئدنلري خاراب ادن سؤزلر بارهسئنده چکئشمه‌سئنلر.
جهد ات کي، اؤزونو تارييا، اوتانماغا مؤحتاج اولمايان و حقئقتئن کلاميني دوزلوکله ائشه سالان بئر ائشچي کئمي مقبول ادهسن.
آمّا دونيه‌وي و باطئل دانيشاندان پرهئز ات، چونکي آدامي داها چوخ دئنسئزلئيه چکر
و اونلارين کلامي قانقارين کئمي ياييلار. هئمنايوس و فئلتوس اونلاردانديرلار
کي، حقئقتدن آزيب ديئرلر: "اؤلولرئن دئرئلئشي باش ورئب" و بعضئلرئن ائمانيني آزديريرلار.
لاکئن حله ده تارينين مؤحکم بونؤورهسي دورور و اوستونده بو مؤهورو وار: "رب اؤزونونکو اولانلاري تاني‌يير" و "ربّئن آديني چاغيران هرکس گرک اؤزونو پئسلئکدن اوزاق ساخلاسين."
بؤيوک بئر اِوده آنجاق قيزيل و يا گوموش قابلار يوخدور، تاختادان و پالچيقدان اولان قابلار دا وار، بعضئلري حؤرمت اتمک اوچون، بعضئلري حؤرمتسئزلئک اتمک اوچون.
بلجه، اگر کئمسه اؤزونو بونلاردان تمئز اتسه، حؤرمتلي بئر قاب اولاجاق، تقدئس اولونموش، آغاسينا فايدالي و هر ياخشي ائشه حاضير.
جاوانليق شهوتلرئندن قاچ و ربّي تمئز اورکله چاغيرانلارلا، صالحلئک، ائمان، محبّت و باريش دالينجا گت.
عاغيلسيزليق و جاهئل‌لئکدن چيخان سؤزلري ردّ ات و بئل کي، اونلار داعوا قالديرارلار.
اؤزونو ربّه قول ادن، داعواکار بئري اولماز. هامييا مهرئبان اولار، تعلئم وره بئلر، سهو ائشلر گؤرولنده صبئرلي اولار،
ضئدّ دورانلاري حلئملئکله ائصلاح اِدَر، اِله کي، بلکه تاري اونلاري تؤوبهيه چکسئن و حقئقتي آنلاسينلار
و عاغيللاري باشلارينا گلسئن و ائبلئسئن توروندان کي، اونلاري اؤز ائرادهسئني يرئنه يتئرمک اوچون اسئر ساخلاييب، قاچسينلار.
لاکئن بونو بئل کي، آخير گونلرده چتئن زامانلار گلهجک.
چونکي ائنسانلار اؤزلرئني‌سِوَن، پولپرست، لافچي، کئبئرلي، سؤين، والئدينلره ناموطئع، ناسئپاس، ناپاک،
سِومه‌ين، باريشمايان، قيبتچي، پرهئزسئز، مورووّتسئز، ياخشيليقدان نئفرت ادن،
حؤقّهباز، مولاحئظه اتمه‌ين، تکبّورلو، عيّاشليغي تاريدان داها چوخ سون،
دئندارليغين ظاهئرئني ساخلايان آمّا اونون قووّتئني دانان اولاجاقلار؛ بله آداملاردان اؤزونو اوزاق ساخلا.
چونکي بونلارين آراسيندا او آداملار دا وار کي، اِولره گئرئب، جوربهجور هوسلرئن دالينجا قاچان و گوناه يوکونون آلتيندا اولان ضعئف آروادلاري اسئر ادئرلر.
اونلاري کي، دائم اؤيره‌نئرلر، لاکئن هچ واخت حقئقتي آنلايا بئلمئرلر.
يانّئس و يَمبه‌رئس نجه موسايا ضئدّ دوردولار، بو آداملار دا حقئقته ضئدّ دورورلار کي، عاغيلدا فاسئد، ائماندا دا مردوددورلار.
آمّا بوندان آرتيق ترقّي اتمه‌يهجکلر؛ چونکي اونلارين آخماقليغي هامييا آيدين اولاجاق، نجه کي، يانّئس و يَمبه‌رئسئن آخماقليغي اولدو.
آمّا سن منئم تعلئمئمي، رفتاريمي، مقصدئمي، ائمانيمي، صبرئمي، محبّتئمي، تحمّولومو،
ائشکنجهلرئمي و عذابلاريمي ياخيندان گؤروبسن؛ انطاکئيهده، ائقونئيهده و لئستره‌ده باشيما گلنلر کئمئدن. نه ائشکنجهلر باشيما گلدي و نجه رب اونلارين هاميسيندان مني قورتاردي!
دوغرودان دا مسئح عئسادا دئندارليقلا ياشاماق ائسته‌ين بوتون آداملار عذاب چکهجکلر.
لاکئن پئس و حؤقّهباز آداملار آلداديب، آلدانماقلا پئسلئکده ترقّي ادهجکلر.
آمّا سن، اؤيره‌ندئيئن و يقئن تاپديغين شيلرده داوام ات، چونکي بئلئرسن کي، کئمدن اؤيره‌ندئن.
و اوشاقليغيندان دا موقدّس يازيلاري بئلئبسن کي، قادئردئلر سنه حئکمت ورسئنلر و سني ائمان واسئطهسئله مسئح عئسادا اولان نئجاتا چاتديرسينلار.
بوتون موقدّس يازيلار تارينين ائلهاملاماسي‌دير و تعلئم، توبئخ، يولا گتئرمک، و صالحلئکده تربئيه تاپماق اوچون فايدالي‌دير،
اِله کي، تارينين آدامي کامئل و هر ياخشي ائش اوچون تجهئز اولسون.
تاري و مسئح عئسانين حوضوروندا کي، اؤلولر و دئرئلري موحاکئمه ادهجک، سني اونون ظوهور و پادشاهليغينا آند ورئرم:
کلامي وعظ ات، واخت-بِواخت حاضير اول، بؤيوک صبر و نصئحتله ائصلاح ات، توبئخ ات، تشوئق ات.
چونکي اِله بئر زامان گلهجک کي، اونلار آرتيق صحئح تعلئمه دؤزمه‌يهجکلر؛ لاکئن قولاقلاري قاشيناراق، اؤز هوسلرئنه موطابئق موعلّئملر ييغاجاقلار
و قولاقلاريني حقئقتدن دؤنده‌رئب، افسانهلره اوز گتئرهجکلر.
لاکئن سن هر شيده آييق اول، چتئنلئيه دؤز، بئر موبشّئرئن ائشئني گؤر، خئدمتئني يرئنه يتئر.
چونکي من آرتيق ائچمه قورباني کئمي تؤکولموشم و منئم رحلت زامانيم يتئشئب.
ياخشي ساواشي ساواشميشام، دؤورو آخيرينا يتئرمئشم، ائماني حئفظ اتمئشم.
گلهجکده منئم اوچون صالحلئک تاجي حاضيرلانيب کي، رب، او صالح داور او گونده اونو منه جايئزه ورهجک؛ آنجاق تک منه يوخ، اونون ظوهورونو سِوَن هامييا.
چاليش کي، منئم يانيما تز گلهسن.
چونکي دئماس بو حاضير دونيانين سوگئسي اوچون مني ترک ادئب و تسالونئکئه گدئب؛ کرئسکئس قالاتئيايا، تئطوس دا دالماتئيايا گدئب.
آنجاق لوقا يانيمدادير. مرقوسو گؤتور و اؤزونله گتئر، چونکي منه خئدمت اوچون فايدالي‌دير.
تئخئکوسو اِفِسوسا گؤنده‌رمئشم.
گلنده تروآسدا کرپوسون يانيندا قويدوغوم رداني، کئتابلاري، خوصوصن ده طومارلاري گتئر.
مئسگر ائسکندر منه چوخ يامانليق اتدي؛ رب اونا عمللرئنه گؤره عوض ورهجکدئر.
شخصن اوندان موواظئب اول، چونکي بئزئم تعلئمه شئدّتله ضئدّ دوردو.
بئرئنجي دئفاعيمدا هچ کس منه آرخا اولمادي؛ هامي مني ترک اتدي. اولسون کي، بو اونلارين ضئدّئنه ساييلماسين.
لاکئن رب منئمله دوروب، منه قووّت وردي، اِله کي، منئم واسئطمله ائنجئلئن اعلاني کامئل بئر شکئلده يرئنه يتئشسئن و بوتون قيري‌يهودئلر اونو اشئتسئنلر. و من آصلانين آغزيندان قورتولدوم.
رب مني هر پئس عملدن قورتاريب، امئن-آمانليقدا اؤز گؤيدهکي پادشاهليغينا گتئرهجک. اونا ازلدن ابدهجک شؤوکت اولسون. آمئن.
پرئسکا و اکئلايا، و اونسئفوروسون اِو اهلئنه سالام يتئر.
اِراستوس قورئنتده قالدي، لاکئن تروفئموسو مئلئتوسدا ناخوش بوراخديم.
چاليش کي، قيشدان قاباق گلهسن. يوبولوس سنه سالام گؤنده‌رئر، هم ده پودِنس، لئنوس، کلودئيا و بوتون قارداشلار.
رب سنئن روحونلا اولسون. فيض سئزئنله اولسون.
اؤزونو تارييا قول اتمئش و عئسا مسئحئن حوارئسي پولوسدان، تارينين سِچئلمئشلرئنئن ائماني و حقئقتئن معرئفتي اوچون کي، دئندارليغا موطابئقدئر،
ابدي حياتين اومئدئنده کي، يالان دانيشا بئلمه‌ين تاري اونو چوخ عصرلردن قاباق وعده وردي.
لاکئن موعيّن زاماندا اؤز کلاميني وعظده ظاهئر اتدي کي، قورتاريجييميز تارينين امري ائله منه امانت ورئلدي.
موشترک ائماندا منئم حقئقي اوغلوم تئطوسا: آتا تاريدان و قورتاريجيميز مسئح عئسادان سنه فيض و باريش اولسون.
سني اونون اوچون کرئتده قويوب گتدئم کي، قالان ائشلري تاماملاييب هر شهرده سنه تاپشيرديغيم کئمي آغساقّاللار تعيئن ادهسن.
او گرک قينانيلماز بئر کئشي اولسون، بئر آروادين اَري، سفاهتلئک و يا عوصيانچيليق تؤهمتي آتيلان اؤولادلارين آتاسي يوخ، ائمانلي اؤولادلارين آتاسي اولسون.
چونکي ناظئر گرک تارينين موباشئري اولاراق، قينانيلماز اولسون. عئنادکار، تز حئرصله‌نَن، شراب اسئري، زور دئين، و يا حاقسيز قازانجين دالينجا قاچان اولماسين.
لاکئن قوناق‌سِوَن، ياخشيليغي سِوَن، تمکئنلي، عادئل، اؤزونو وقف اتمئش و نفسئنه حاکئم اولان بئري اولسون.
تعلئمله موطابئق اولان امئن کلامي جئدّئيّتله توتسون کي، هم اساس تعلئملرده تشوئق اِده بئلسئن، هم ده ضئدّ دورانلاري توبئخ اده بئلسئن.
چونکي عاصي، بوشبوغاز و حئيلهگر آداملار چوخدورلار، خوصوصن ختنه اولونانلار آراسيندا
کي، اونلارين آغزي گرک باغلانسين. اونا گؤره کي، عايئلهلري تامامن کؤکوندن ييخيب، حاقسيز قازانج اوچون اِله تعلئملر ورئرلر کي، گرک ورمه‌سئنلر.
اونلارين اؤز پيغمبرلرئندن بئري بله ديئب: "کرئتليلر همئشه يالانچي، شرور جاناوارلار و تنبل قارينپالارديرلار."
بو شهادت دوغرودور. بو سببدن اونلاري جئدّي توبئخ ات کي، ائماندا صحئح اولسونلار
و يهودي افسانهلره و حقئقتدن اوز دؤنده‌رن آداملارين احکامينا قولاق آسماسينلار.
پاک اولانلار اوچون هر شي پاکدير. لاکئن ناپاک اولموشلار و ائمانسيزلار اوچون هچ بئر شي پاک ديئل. امّا اونلارين هم فئکئري هم ده وئجدانلاري نجئس اولوب.
اونلار ائدّئعا ادئرلر کي، تاريني تاني‌ييرلار، لاکئن عمللری ائله اونو ائنکار ادئرلر. اونلار مکروه و ناموطئعدئرلر، هچ بئر ياخشي ائشه ده يارامازلار.
آمّا سنه گلئنجه، سن اساس تعلئمه موناسئب شيلر تعلئم ور.
ياشلي کئشئلر آييق، ووقارلي، تمکئنلي، ائماندا، محبّتده و تحمّولده داواملي اولسونلار.
اِله‌جه ده ياشلي آروادلار رفتارلاريندا مؤحترم اولسونلار، قيبتچي و شراب اسئري اولماسينلار، ياخشي شيلري اؤيره‌تسئنلر
کي، جاوان آروادلاري، اَرلرئني و اوشاقلاريني سِومکده تشوئق اتسئنلر.
تمکئنلي، عئفّتلي، اِودارليق ادن، مهرئبان و اؤز اَرلرئنه موطئع اولسونلار کي، تارينين کلامي حؤرمتسئز اولماسين.
اِله‌جه ده جاوان اوغلانلاري تشوئق ات کي، عاغيلّي اولسونلار.
هر شيده اؤزونو ياخشي عمللرئن نومونهسي گؤرسد: اساس تعلئمده خالئص، صادئق.
دانيشيقدا صحئح و قينانيلمايان اول کي، دوشمن بئزئم حاقّيميزدا پئس بئر شي دئيه بئلمه‌يئب، اوتانسين.
نؤکرلري تشوئق ات کي، اؤز آغالارينا هر شيده موطئع اولوب اونلاري راضي اتسئنلر و سؤزلری ائله عمللري بئر اولسون.
اوغورلوق اتمه‌سئنلر، آمّا بوتون ياخشي ائماني گؤز قاباغينا قويسونلار کي، هر شيده قورتاريجيميز تارينين تعلئمئني بزهسئنلر.
چونکي تارينين فيضي ظاهئر اولدو و بوتون ائنسانلارا نئجات گتئرئر
و بئزه تربئيه ورئر کي، ائمانسيزليق و دونيه‌وي هاوا-هوسلري ردّ ادئب بو عصرده تمکئنلي، صالح و تارييا لايئق بئر حيات ياشاياق.
و تاعالا تاريميز و قورتاريجيميز مسئح عئسانين موبارک اومئدئني و شؤوکتئنئن ظاهئر اولماسيني گؤزله‌يک:
او، اؤزونو بئزئم اوچون فدا اتدي کي، بئزي هر جور حاقسيزليقدان خئلاص اتسئن و اؤزونه عاييد بئر خالق طاهئر اتسئن کي، ياخشي ائشلر اوچون قيرتلي‌دئرلر.
بو شيلري دانيش و بوتون ائقتئدارلا تشوئق و توبئخ ات. قويما هچ کس سنه اعتئناسيزليق اتسئن.
اونلارا خاطيرلا کي، ريئسلر و ائقتئدار صاحئبلرئنه موطئع اولسونلار، ائطاعت اتسئنلر و هر جور ياخشي ائش اوچون حاضير اولسونلار.
هچ کئمه ائفتئرا آتماسينلار، داعواچي اولماسينلار، حلئم اولوب بوتون ائنسانلار قاباغيندا تواضؤعکار اولسونلار.
چونکي بئز ده بئر زامان آنلاقسيز، ائطاعتسئز، آلدانميش، جوربهجور شهوتلر و عيشلره اسئر ائدئک و حياتيميزي خباثت، پاخيلّيق و نئفرتده کچئردئب، بئربئرئمئزدن نئفرت ادئردئک.
آمّا او زامان کي، قورتاريجيميز تارينين مهرئبانليغي و اونون ائنسانلارا اولان محبّتي ظاهئر اولدو،
او بئزي صالحلئکده اتدئيئمئز عمللرئن اساسينا يوخ، اؤز مرحمتئنه گؤره تزه خئلقتئن يوماغي و موقدّس روحون تزه اتدئيي ائله نئجات وردي.
او روحو، قورتاريجيميز عئسا مسئحئن واسئطهسئله اوستوموزه بول-بول تؤکدو
کي، اونون فيضئله صالح ساييليب، ابدي حياتينين اومئدئنه گؤره وارئث اولاق.
بو سؤز، اعتئمادا لايئقدئر؛ و بو شيلرئن حاقّيندا سندن ائسته‌يئرم کي، يقئنلئکله دانيشاسان، اِله کي، تارييا ائنانانلار ياخشي ائشلره مشغول اولسونلار. بو ائشلر ائنسانلار اوچون ياخشي و فايدالي‌دير.
لاکئن عاغيلسيز موناقئشهلردن، نسئل‌نامه‌لردن، داعوادان و شرئعت اوستونده اولان موباحئثهلردن اؤزونو اوزاق ساخلا. چونکي فايداسيز و دَيَرسئزدئر.
فئرقه يارادان آدامي بئرئنجي و ائکئنجي ائخطاردان سونرا ردّ ات.
بئلئرسن کي، بله آدام يولونو آزيب و اؤز-اؤزونو محکوم ادئب، گوناه ادئر.
آرتئماس يا دا تئخئکوسو سنئن يانينا گؤنده‌ردئيئمده چاليش کي، نئکوپولئسده منئم يانيما گلهسن، چونکي قيشي اورادا کچئرتمه‌يه قرار ورمئشم.
دئقّت ات کي، وکئل زئناس و آپّولوس يولا چيخارکن هچ بئر شيلري اَسکئک اولماسين.
قوي بئزئمکئلر ده اؤيره‌نسئنلر کي، ضروري احتئياجلاري رفع اتمک اوچون ياخشي ائشلره مشغول اولسونلار کي، بلجه ثمرهسئز اولماسينلار.
منئمله اولانلارين هاميسي سنه سالام گؤنده‌رئر. بئزي ائماندا سِوَنلره سالام يتئر. فيض سئزئن هامينيزلا اولسون.
مسئح عئسانين بئر زئندانئسي پولوس و قارداش تئموتاعوسدان، سوگئلي و همکاريميز فئلئمونا.
آپفئيا باجييا و بئزئم کئمي عسگر اولان آرخئپوسا و سنئن اوئنده اولان کئلئسايا:
آتاميز تاريدان و رب عئسا مسئحدن سئزه فيض و باريش اولسون.
تاريما همئشه شوکور ادئب دوعالاريمدا سني ذئکر ادئرم،
چونکي سنئن رب عئسايا و بوتون موقدّسلره اولان محبّت و ائمانيني اِشئدئرم.
مسئحئن خاطئرئنه سنده اولان هر ياخشي شيئن معرئفتي ائمانينين رفاقتئنده ثمرهلي اولسون.
چونکي گلمئشم کي، سنئن محبّتئنده چوخ شادليق و تسلّي آليم. اونا گؤره کي، قارداش، سنئن ساينده بوتون موقدّسلرئن اوره‌يي تزهلنئب.
بونا گؤره، گرچي مسئحده کئفايتجه جسارتئم وار کي، سنه صحئح اولاني اتمه‌يئنه امر ادئم،
لاکئن بونو ترجئح ورئرم کي، محبّتئن خاطئرئنه، من پولوس کئمي بئر آدام، ياشلي و ائندي ده مسئح عئسانين بئر زئندانئسي، سندن خاهئش ادئم.
اؤولاديم اونسئموس اوچون سندن خاهئش ادئرم کي، اونا زنجئرئمده آتا اولدوم.
او، بئر زامان سنه فايداسيز ائدي، آمّا ائندي هم سنه، هم ده منه فايدالي‌دير.
من اونون اؤزونو سنئن يانينا گؤنده‌رمئشم کي، منئم اوره‌يئمدئر.
اونو يانيمدا ساخلاماغي ائسته‌ردئم کي، ائنجئله گؤره زنجئرلره دوشدويوم حالدا سنئن عوضئنه او منه خئدمت اتسئن.
آمّا سنئن راضيليغين اولمادان ائسته‌مه‌دئم هچ بئر ائش گؤروم کي، سنئن ياخشيليغين مجبوري يوخ، اؤز ائسته‌يئندن اولسون.
بلکه ده بئر مودّت سندن آيريلماسي بونون اوچون اولدو کي، اونو همئشهلئک گري آلاسان،
بئر قول کئمي يوخ، بئر قولدان داها دا آرتيق، بئر عزئز قارداش کئمي، خوصوصن منه، لاکئن نه‌قدر چوخ سنه، هم جئسمده هم ده ربده.
ائندي اگر مني اؤزونه بئر شرئک ساييرسان، اونو منئم کئمي قبول ات.
آمّا اگر سنه بئر نحوله يامانليق اتمئش اولسا، يا دا سنه بورجلو اولسا، اونو منئم حسابيما قوي.
من پولوس، اؤز اَلئمله يازيرام کي، بو بورجو سنه ورهرم. (بونو دمک ده ائسته‌مئرم کي، اؤز جانيني بله منه بورجلوسان).
بلي، قارداش، قوي ربده سندن بئر فايدا گؤروم، اوره‌يئمي مسئحده تزه‌له.
سنئن ائطاعتئندن يقئنئم اولان حالدا بونلاري سنه يازيرام و بئلئرم کي، حتّا ددئيئمدن آرتيغيني دا اِدهجکسن.
همن زاماندا منئم اوچون ده بئر ير حاضيرلا. چونکي اومئد ادئرم سئزئن دوعالارينيز سايهسئنده سئزئن يانينيزا گلئم.
منئمله برابر مسئح عئسادا زئنداني اولان اِپافراس،
همکارلاريم مرقوس، اَرئسترخوس، دئماس و لوقا دا سنه سالام گؤنده‌رئرلر.
رب عئسا مسئحئن فيضي سئزئن روحونوزلا اولسون.
تاري کي، قدئم زامانلاردا دفهلرله پيغمبرلر واسئطهسئله و جوربهجور يوللارلا آتالاريميزا دانيشدي،
بو آخيرکي گونلرده بئزه اوغلونون واسئطهسئله دانيشيب کي، اونو هر شيئن وارئثي تعيئن اتدي و اونون واسئطهسئله دونياني ياراتدي.
و او، تارينين شؤوکتئنئن شفقي و اونون ذاتينين تامام صورتي‌دئر و هر شيي اؤز قودرتئنئن کلامي ائله ساخلايير. او، گوناهلارين تمئزلمک ائشئني باشا چاتديراندان سونرا، اوجالاردا عظمتلي اولانين صاغيندا اوتوردو.
و ملکلردن داها اعلا بئر آدي مئراث آلديغي اوچون، اونلاردان داها دا افضل اولوبدور.
چونکي تاري ملکلرئن هانسي بئرئنه اولوب کي، دسئن: "سن منئم اوغلومسان، من سنه بو گون آتا اولدوم." و يا "من اونا بئر آتا اولاجاغام، او دا منه بئر اوغول اولاجاقدير؟"
آمّا ائلک دوغولاني گئنه بو دونيايا گتئردئيي زامان ديئر: "قوي تارينين بوتون ملکلري اونا سجده اتسئنلر.
و ملکلر بارهسئنده ديئر: او، اؤز ملکلرئني يله دؤنده‌رئر، اؤز خئدمتچئلرئني اود آلووسونا.
لاکئن اوغول حاقّيندا ديئر: سنئن تختئن، اي تاري، ابددن ابده کئميدئر، و صالح عصا، سنئن پادشاهليغينين عصاسي‌دير.
سن صالحلئيي سِوئب شرئعتسئزلئکدن نئفرت اتدئن. بونا گؤره تاري، سنئن تارين، سني شادليق ياغي ائله يولداشلاريندان داها اوستون تعيئن اتدي.
و باشلانيشدا، سن يارب، يرئن بونؤورهسئني قويدون، و گؤيلر سنئن اللرئنئن ائشي‌دئر.
اونلار محو اولاجاقلار، لاکئن سن قاليرسان. اونلارين هاميسي پالتار کئمي کؤهنه‌لنهجکلر،
شئنل کئمي اونلاري بوکهجکسن؛ پالتار کئمي اونلار دا ديئشئلهجکلر. لاکئن سن همئشه هَمَنسن، و سنئن ائللرئن باشا چاتماياجاق.
آمّا ملکلرئن هانسي بئرئنه اولوب کي، دسئن: منئم صاغيمدا اوتور، او زاماناجاق کي، من سنئن دوشمنلرئني آياقلارينا کتئل ادئم؟
مگر اونلارين هاميسي خئدمت ادن روحلار ديئللر کي، نئجاتي مئراث آلانلارين خاطئري اوچون، خئدمت اتمه‌يه گؤنده‌رئلئرلر؟!
بو سببدن اشئتدئيئمئزه گرک داها چوخ دئقّت اِدَک، اِله کي، اوندان بئر يانا آزماياق.
چونکي اگر ملکلرئن واسئطهسئله ديئلمئش سؤز ثابئت اولدو کي، ديئشئلمزدئر و هر تقصئر و ائطاعتسئزلئک عادئل بئر جزا آلدي.
نجه قورتولا بئله‌رئک اگر بله بئر بؤيوک نئجاتا اعتئناسيزليق ادک؟! اونو اوّلجه رب بئزه ددي و سونرا اونو اشئدنلرئن واسئطهسئله تصدئق اولوندو.
تاري دا علامتلر و عجايئبلر، موختلئف مؤجوزهلر و اؤز ائرادهسئنه موطابئق موقدّس روحون عطالاري ائله اونلارلا برابر شهادت وردي.
تاري ددئيئمئز گلهجک دونياني، ملکلره تابع اتمهدي،
لاکئن بئري بئر يرده بله شهادت ورئب ديئر: ائنسان کئمدئر کي، اونو خاطيرلاياسان؟! و يا ائنسان اوغلو کي، اونون قيدئنه قالاسان؟!
آز بئر مودّت اوچون سن اونو ملکلردن آشاغي ادئبسن، اونون باشينا شؤوکت و حؤرمت تاجي قويوبسان، و اونو اؤز اَللرئنئن ائشلري اوستونه تعيئن ادئبسن.
سن هر شيي اونون آياقلاري آلتينا تابع ادئبسن. چونکي هر شيي اونا تابع اِدَنده، تاري هچ بئر شيي اونا تابع اولماميش قويمادي. آمّا بئز ائندي حله گؤرموروک کي، هر شي اونا تابع اولسون.
لاکئن آز بئر مودّت اوچون ملکلردن آشاغي ادئلمئشي، يعني، عئساني گؤروروک کي، اؤلومون عذابيني چکدئيي اوچون، باشينا شؤوکت و حؤرمت تاجي قويولدو، اِله کي، تارينين فيضئنئن واسئطهسئله هامينين يرئنه اؤلومو دادسين.
چونکي بو اونا کي، هر شي اونون اوچون و اونون واسئطهسئله ائدي، موناسئب گؤروندو کي، چوخ اوغوللاري شؤوکته گتئرمکده عذابلار واسئطهسئله اونلارين نئجاتينين بانئسئني کامالا گتئرسئن.
چونکي هم او کي، تقدئس ادئر، هم ده اونلار کي، تقدئس اولونورلار، هاميسي بئر آتادانديرلار. بو سببدن اونلاري قارداش چاغيرماقدان اوتانماييب
ديئر: سنئن آديني قارداشلاريما اعلان ادهجهيم، سنئن جاماعاتين آراسيندا، سنئن حمدئني اوخوياجاغام.
و گئنه: اونا بل باغلاياجاغام. و گئنه: باخين، من و تارينين منه وردئيي اؤولادلار!
بونا گؤره، اؤولادلار نجه بدن و قانا شرئکدئرلر، او، اؤزو ده، اله‌جه همن شيلردن پاي آلدي کي، اؤلومون واسئطهسئله اؤلومون اوستونه قوّت صاحئبي اولاني، يعني ائبلئسي، قووّتسئز اتسئن.
و عؤمورلري بويو اؤلوم قورخوسو ائله اسارته دوشموشلري آزاد اتسئن.
يقئن کي، او، ملکلره کؤمک اتمئر، آمّا ائبراهئم نسلئنه کؤمک ادئر.
بو سببدن لازيم ائدي کي، او، هر شيده قارداشلاري کئمي اولسون، اِله کي، تارييا مربوط اولان شيلرده مرحمتلي و وفالي بئر باش کاهئن اولوب، خالقين گوناهلارينين کفّارهسئني تأمئن اتسئن.
چونکي اؤزو ده وسوسه اولونوب عذاب چکدئيي اوچون قادئردئر کي، وسوسه اولونانلارين ائمدادينا يتئشسئن.
بونا گؤره، اي موقدّس قارداشلار، سماوي دعوته شرئک اولانلار، ائقراريميزين اِلچي و باش کاهئني اولان عئساني دوشونون؛
عئسا اونو تعيئن اده‌نه وفالي قالدي نجه کي، موسا دا تارينين بوتون اوئنه وفالي قالدي.
چونکي عئسا موسادان داها بؤيوک شؤوکته لايئق ساييليب، نه‌قدر کي، اِو تئکه‌نئن حؤرمتي، اودن آرتيقدير.
چونکي هر اِوئن بئر بنّاسي وار، لاکئن هر شيئن بنّاسي تاريدير.
موسا تارينين بوتون اِوئنده بئر خئدمتچي کئمي، سونرالار ديئلهجک شيلره شهادت ورمک اوچون امئن ائدي.
آمّا مسئح اوغول کئمي تارينين اوي اوستونده ائدي کي، اونون اوي بئزئک، اگر يقئن و اومئدئمئزئن فخرئني آخيرا کئمي مؤحکم ساخلاياق.
بونون اوچون نجه کي، موقدّس روح ديئر: بو گون اگر اونون سسئني اشئدئرسئنئز،
اورکلرئنئزي برک اتمهيئن، اونلار کئمي کي، چؤلده ائمتاحان گونونده مني قضبله‌ندئردئلر،
و آتالارينيز اورادا مني ائمتاحانا چکئب، يوخلاديلار و قيرخ ائل منئم عمللرئمي گؤردولر.
بونا گؤره بو نسئله قضبله‌نئب ددئم: اونلار دائم اورکلرئنده آزيرلار، و منئم يوللاريمي بئلمه‌دئلر.
نجه کي، قضبئمده آند ائچدئم: اونلار من ورن راحاتليغا گئرمزلر.
قارداشلار، دئقّت ادئن کي، سئزلردن هچ بئرئنئزئن پئس و ائنانمايان بئر اوره‌يي اولماسين کي، دئري تاريدان اوزاقلاشسين.
آمّا بو گون ديئلدئکجه، گونبهگون بئربئرئنئزي تشوئق ادئن، اِله کي، سئزلردن هچ بئرئنئز گوناهين حئيلهسي ائله برکئمه‌سئن.
چونکي اگر يقئنئمئزئن باشلانيشيني آخيرا کئمي مؤحکم ساخلاياق، مسئحئن شرئکلري اولموشوق.
ديئلئر ده کي، بو گون اگر اونون سسئني اشئدئرسئنئز، اورکلرئنئزي برک اتمهيئن، اونلار کئمي کي، مني قضبله‌ندئردئلر.
اشئتدئکلري زامان، کئم اونو قضبله‌ندئردي؟ دوغرودان دا مگر بوتون اونلار ديئلدئلر کي، موسا ائله مئصئردن چيخديلار؟
قيرخ ائل او، کئملره قضبلي ائدي؟ مگر اونلارا ديئلدي کي، گوناه اتدئلر، جسدلري ده چؤلده سرئلدي؟!
کئملرئن حاقّيندا آند ائچدي کي، او ورن راحاتليغا گئرمهيهجکلر؟ مگر ناموطئعلرئن حاقّيندا ديئلدي؟!
بلجه گؤروروک کي، اونلار ائمانسيزليقلارينا گؤره گئره بئلمه‌دئلر.
بونون اوچون گلئن قورخاق کي، اونون راحاتليغينا گئرمک وعده باقي ائکن، مبادا سئزلردن هچ بئرئنئز اوندان محروم اولموش گؤرونسون.
چونکي خوش خبر اونلارا وعظ اولوندوغو کئمي، بئزه ده وعظ اولونموشدو؛ آمّا اشئتدئکلري کلامين اونلارا بئر فايداسي اولمادي. چونکي او کلام اونو اشئدنلرده ائمان واسئطهسئله بئرلَشدئرئلمه‌دي.
بونا گؤره کي، بئز ائمان گتئرنلر راحاتليغا گئردئک، نجه کي، ديئب: قضبئمده آند ائچدئم کي، اونلار من ورن راحاتليغا گئرمزلر. گرچي اونون ائشلري دونيانين بئناسيندان بري باشا چاتميشدير.
چونکي يدّئنجي گون حاقّيندا بئر يرده ديئب: يدّئنجي گونده تاري بوتون ائشلرئندن راحات اولدو.
و گئنه بو يرده: اونلار من ورن راحاتليغا گئرمزلر.
بلجه، نه ائنکي بعضئلرئنئن او راحاتليغا گئرمه‌سي اوچون ائمکان قالير و خوش خبري قاباقجا اشئدنلر ائطاعتسئزلئکلري اوزوندن گئره بئلمه‌دئلر،
تاري گئنه، بو قدر زامان کچدئکدن سونرا، بئر گون تعيئن ادئر و داوودون دئلی ائله "بو گون" ديئر، نجه کي، قاباقجادان ديئلئب ده کي: بو گون اگر اونون سسئني اشئدئرسئنئز، اورکلرئنئزي برک اتمهيئن.
چونکي اگر اونلارا راحاتليق ورن يوشع اولسايدي، تاري بوندان سونرا آيري بئر گون حاقّيندا دانيشمازدي.
بلجه تارينين خالقي اوچون بئر سبّت راحاتليغي قالير.
چونکي تاري ورن راحاتليغا گئرن اؤزو ده، اؤز ائشلرئندن راحاتلادي، نجه کي، تاري اؤز ائشلرئندن اتمئشدي.
بلجه گلئن او راحاتليغا گئرمک اوچون جهد ادک، اِله کي، هچ کس همن ائطاعتسئزلئيئن نومونهسئني گؤتوروب ييخيلماسين.
چونکي تارينين کلامي دئري، فعّال و ائکي‌آغيزلي هر قيلينجدان داها ائتي‌دئر و جاني و روحو، هم ده مفصللري و ائلئکلري بئربئرئندن آييرانا قدر کسئر و اوره‌يئن فئکئرلر و نئيّتلرئني آييرلاماغا قادئردئر.
و هچ بئر مخلوق تارينين نظرئندن گئزلي ديئل، لاکئن هر شي اونون گؤزلري قاباغيندا کي، اونا جاواب ورمه‌لئيئک، لوت و آچيقدير.
بونا گؤره ائندي کي، گؤيلردن کچمئش بؤيوک بئر باش کاهئنئمئز وار، يعني تارينين اوغلو عئسا، گلئن اعتئرافيميزي مؤحکم ساخلاياق.
چونکي اِله بئر باش کاهئنئمئز يوخدور کي، ضعئفلئکلرئمئزده بئزئمله همدرد اولماسين. آمّا هر شيده بئزئم کئمي وسوسه اولونموش، لاکئن گوناهسيز چيخميش بئري واريميزدير.
بلجه، گلئن يقئنلئکله فيض تختئنه ياخينلاشاق، اِله کي، مرحمت تاپيب احتئياج واختيندا بئزه کؤمک ادن فيضه نايئل اولاق.
چونکي ائنسانلار آراسيندان سِچئلن هر باش کاهئن، تارييا مربوط اولان ائشلرده ائنسانلار اوچون وکئل قويولور کي، گوناهلار اوچون هدئيهلر و قوربانلار تقدئم اتسئن.
او، جاهئللر و آزانلارلا مولايئم رفتار اده بئلر، چونکي اؤزو ده ضعئفلئک ائچئندهدئر.
بو سببدن ده، گوناهلار اوچون قوربان تقدئم اتمه‌لي‌دئر؛ هم خالقين گوناهلاري اوچون، هم ده اؤز گوناهلاري اوچون.
و هچ کس بو احتئراما اؤز-اؤزونه نايئل اولا بئلمز، تارينين طرفئندن دعوت اولوندوقدا نايئل اولا بئلر، نجه کي، حتّا هارون دا بله ائدي.
اله‌جه مسئح ده اؤز-اؤزونو عئزّتله‌ندئرئب باش کاهئن اولمادي، آمّا او تاري کي، اونا ددي: "سن منئم اوغلومسان. بو گون من سنه آتا اولدوم."
نجه کي، آيري بئر يرده ده ديئر: "سن ملکئصدق ترتئبئنه موطابئق، ابدي بئر کاهئنسن."
عئسا، جئسمئنده اولموش گونلرئنده، اوجا سس و گؤز ياشلاري ائله اونو اؤلومدن نئجات وره بئلن تارييا دوعالار و نئيازلار تقدئم اتدي و تقواسي سببئندن اشئدئلدي.
اوغول اولدوغو حالدا، چکدئيي عذابلارلا ائطاعتي اؤيره‌ندي.
و کامالا چاتيب، اوندان ائطاعت اِدَن هر کسه ابدي نئجاتين بولاغي اولدو.
و تاري طرفئندن ملکئصدق ترتئبئنه موطابئق، باش کاهئن تعيئن اولوندو.
اونون بارهسئنده دمک اوچون چوخ سؤزوموز وار و آچيقلاماسي دا چتئندئر، چونکي قولاقلارينيز آرتيق آغير اشئدئر.
گرچي سئز بو زامان عرضئنده موعلّئم اولمالي ائدئنئز، حله ده بونا مؤحتاجسينيز کي، کئمسه سئزه تارينين سؤزلرئنئن ائبتئدائي قايدالاريني اؤيره‌تسئن. و سئز قووّتلي يمه‌يه يوخ، سوده مؤحتاج اولوبسونوز.
چونکي هر کس کي، آنجاق سود ائچئر، کؤرپه اوشاقدير و صالحلئيئن کلامينا عادت اتمهيئب.
لاکئن قووّتلي يمک بؤيوموشلر اوچوندور کي، عمل اتمکله، حئسّلري ياخشي و پئسي بئربئرئندن آييرلاماغا تربئيه تاپيب.
بونون اوچون مسئحئن ائبتئدائي تعلئمئني بوراخيب، کامالا طرف جهد اِدَک و اؤلو ائشلردن تؤوبهيه تکرار بئر بونؤوره قويماياق، نه ده تارييا اولان ائمانا،
يوماقلار تعلئمئنه، اَللر قويماغينا، اؤلولرئن دئرئلمه‌سئنه و ابدي موحاکئمهيه.
اگر تاري ائجازه ورسه، بئز بونو ادهجهيئک.
چونکي بئر زامان مونوّر اولموش و گؤيدن اولان عطاني دادميش و موقدّس روحدان پاي آلميش،
و تارينين ياخشي کلاميني و گلهجک عصرئن قودرتلرئني دادميش اولدوقلاري حالدا،
يولدان آزميش اولانلارا تزهدن تؤوبه اتدئرمک مومکون ديئل. چونکي تارينين اوغلونو اؤزلري اوچون تزهدن چارميخا چکئب، روسواي ادئرلر.
او ير کي، دفهلرله اوستونه تؤکولن ياغيشي ائچئر و اوندا ائشله‌ين کئمسهلر اوچون فايدالي گؤيرتئلر حاصئل ورئر، تاريدان بئر برکت آلير.
آمّا اگر تئکان و خار-خاشاک حاصئل گتئرسه، دَيَرسئزدئر و لعنت اولونماغا ياخين، آخيري دا يانماقدير.
آمّا، سوگئلئلر، بله دانيشديغيميز حالدا، آرخايينيق کي، سئزئن وضعئيّتئنئز داها ياخشي و نئجاتا موناسئبدئر.
چونکي تاري حاقسيزليق اِدَن ديئل کي، سئزئن ائشئنئزي، و اونون آدي اوچون موقدّسلره اوّلدن و ائندي ده خئدمت اتمکله گؤرستدئيئنئز محبّتي ياددان چيخارتسين.
و بئزئم آرزوموز بودور کي، سئزلردن هر بئرئنئز اومئدئن کامئل يقئنئني آخيرا قدر گؤرسه‌دنهجک همن جهدي اتسئن.
اِله کي، سئز تنبل يوخ، او کئمسهلره اوخشايان اولاسينيز کي، ائمان و صبرئن واسئطهسئله وعدهلري مئراث آليرلار.
چونکي تاري ائبراهئمه وعده وردئيي واخت، اؤزوندن داها بؤيوک بئرئنئن آدينا آند ائچه بئلمه‌دئيي اوچون، اؤز آدينا آند ائچئب،
ددي: "دوغرودان دا سنه برکت ورهجهيم و دوغرودان دا سني آرتيراجاغام."
و بلجه ائبراهئم صبر اتمکله وعدهيه نايئل اولدو.
چونکي ائنسانلار اؤزلرئندن داها بؤيوک اولانين آدينا آند ائچئرلر و اونلارين آراسيندا سؤزو تصدئق اِدَن آند، هر موباحئثهنئن آخيري‌دير.
اِله‌جه ده تاري، وعدهنئن وارئثلرئنه اؤز ائرادهسئنئن ديئشئلمزلئيئني داها آچيق گؤرسدمک اوچون، وعدهني آندلا تصدئق اتدي،
اِله کي، ائکي ديئشئلمز شيلرله کي، تارينين اونلاردا يالان دانيشماسي قيري‌مومکوندور، بئزلر کي، پناه توتماق اوچون قاچميشيق، داها چوخ تشوئق اولوب قاباغيميزا قويولان اومئدي مؤحکم توتاق.
بو اومئدئمئز جان لنگري کئميدئر، هم آرخايين هم ده مؤحکم کي، پردهنئن آرخا طرفئنه ده داخئل اولور،
او يره کي، ابدهجک ملکئصدق ترتئبئنه باش کاهئن اولان عئسا، بئزئم اوچون اورايا پئشرو کئمي گئرئب.
چونکي سالئم پادشاهي اولان بو ملکئصدق، تاعالا تارينين کاهئني ائدي کي، پادشاهلاري اؤلدوروب قاييدان ائبراهئمه راست گلدي و اونا برکت وردي.
ائبراهئم ده هر شيئن اوندا بئر حئصّهسئني اونا وردي کي، اونون آدي اوّل صالحلئک پادشاهي، سونراسي دا سالئم پادشاهي، يعني باريش پادشاهيدير.
او آتاسيز و آناسيزدير، نسئل‌نامه‌سي يوخدور. نه گونلرئنئن باشلانيشي وار نه ده عؤمرونون آخيري. لاکئن تارينين اوغلونا بنزه‌دئلمئش اولوب همئشهلئک کاهئن قالير.
ائندي باخين بو آدام نه‌قدر بؤيوک ائدي کي، بؤيوک آتا ائبراهئم لاپ سچئلمئش قنئمتلرئن اوندا بئرئني اونا وردي.
لاوئنئن دوغرو اوغوللاريندان کاهئنلئک وظئفهسئني آلانلار، شرئعتده حؤکملري وار کي، خالقدان يعني قارداشلاريندان، ائبراهئم نسلئندن اولدوقلاري حالدا اوندا-بئر حئصّهني آلسينلار.
آمّا اونلارين نسئل‌نامه‌سئندن اولمايان بئري ائبراهئمدن اوندا-بئر حئصّهني آلدي و وعدهلره مالئک اولانا برکت وردي.
بو دا شوبههسئزدئر کي، بؤيوک اؤزوندن کئچئيه برکت ورر.
بورادا اوندا بئر حئصّهني فاني ائنسانلار آليرلار، آمّا اورادا ياشاديغينا دائر شهادته مالئک اولان بئري آلير.
و دمک اولار کي، حتّا اوندا-بئر حئصّهني آلان لاوي ده، ائبراهئمئن واسئطهسئله اوندا بئر حئصّهني ورمئشدئر.
چونکي ملکئصدق ائبراهئمه راست گلن واخت، لاوي حله آتاسينين بلئنده ائدي.
بلجه، اگر کامئللئک لاوئلي‌لرئن کاهئنلئيئله اولسايدي (چونکي اونون اساسينا گؤره خالق شرئعتي آلديلار)، بس داها نه احتئياج وار ائدي کي، آيري بئر کاهئن هارون ترتئبئنه گؤره تعيئن اولونماييب، ملکئصدق ترتئبئنه گؤره ظوهور اتسئن؟
چونکي کاهئنلئيئن ديئشئلمه‌‌سی ائله لازيمدير کي، شرئعت ده ديئشئلسئن.
اونا گؤره کي، حاقّيندا بو سؤزلر ديئلن، آيري بئر قبئلهيه عاييددئر کي، اوندان هچ کس قوربانگاهدا خئدمت اتمهيئب.
چونکي بلّي‌دئر کي، بئزئم ربّئمئز يهودا قبئلهسئندن گلدي کي، او قبئلهنئن حاقّيندا کاهئنلئک بارهده موسا هچ بئر سؤز دمه‌دي.
و ملکئصِدِقه بنزر آيري بئر کاهئنئن ظوهور اتمه‌سي بونو داها دا آيدين گؤرسه‌دئر.
او، جئسماني شرطه باغلي بئر شرئعتئن اساسينا گؤره کاهئن اولمادي، آرادان گتمه‌ين حيات قودرتئنه گؤره کاهئن اولدو.
چونکي شهادت ورئلئب کي: سن ملکئصِدِق ترتئبئنه موطابئق ابدي بئر کاهئنسن.
چونکي بئر ياندان، اوّل گلن احکام، ضعئفلئيي و فايداسيزليغي اوزوندن لغو اولونور،
چونکي شرئعت هچ بئر شيي کامئل اتمهدي. و او بئري ياندان، داها ياخشي بئر اومئد ميدانا گلئر کي، اونون واسئطهسئله بئز تارييا ياخينلاشيريق.
و بو ائش آندسيز اولمادي.
چونکي اونلار دوغرودان دا آندسيز کاهئن اولدولار، لاکئن عئسا آند واسئطهسئله اونون طرفئندن اولدو کي، اونا ددي: ربّ آند ائچئب و فئکرئني ديئشدئرمه‌يه‌جکدئر. سن ابده کئمي کاهئنسن.
اِله بو قدر آرتيق دا عئسا داها ياخشي بئر عهدئن ضامئني اولوب.
بئر ياندا، او کاهئنلر ساييسي چوخ ائدي، چونکي اؤلوم اونلارين داوامينا مانع اولوردو.
آمّا او بئري ياندا، عئسا ابدي قالديغي اوچون دائمي کاهئنلئيه مالئکدئر.
بونا گؤره ده، قادئردئر کي، اونون واسئطهسئله تارييا ياخينلاشانلارا ابده کئمي نئجات ورسئن. چونکي اونلارين حاقّيندا شفاعت اتمک اوچون همئشه دئري‌دئر.
دوغرودان دا بئزه موناسئب ائدي کي، بله بئر موقدّس، معصوم، قوصورسوز، گوناهکارلاردان آيريلميش و گؤيلردن يوخاري قالديريلميش باش کاهئنئمئز اولسون کي،
اؤزگه باش کاهئنلر کئمي مؤحتاج ديئل کي، اوّلجه اؤز گوناهلاري اوچون، سونرا دا خالقين گوناهلاري اوچون هر گون قوربانلار تقدئم اتسئن. چونکي او بونو اؤزونو قوربان تقدئم اتمکله بئردفهلئک اتدي.
اوندان اؤتري کي، شرئعت ضعئف اولان ائنسانلاري باش کاهئن اولماغا تعيئن ادئر، لاکئن آندين کلامي کي، شرئعتدن سونرا گلدي، ابده کئمي کامئل اولموش اوغولو کاهئنلئيه تعيئن ادئر.
بو سؤزلرئن اصلي مطلبي بودور: بئزئم بله بئر باش کاهئنئمئز وار کي، گؤيلرده او عظمت تختئنئن صاغيندا اوتوروب؛
موقدّس يرده و حقئقي چاديردا بئر خئدمت اِدَن. او چادير کي، اونو ائنسان يوخ، رب قوردو.
چونکي هر باش کاهئن تعيئن اولونور کي، هدئيّهلر و قوربانلار تقدئم اتسئن. اِله‌جه بو باش کاهئنه ده لازيمدير کي، بئر شي تقدئم اتسئن.
ائندي اگر او، ير اوزونده اولسايدي، اصلا بئر کاهئن اولمازدي، چونکي شرئعت اساسينا هدئيّه تقدئم اِدَنلر واردير کي،
گؤيدهکي شيلرئن بئر کوپئيه و کؤلگهسئنه خئدمت ادئرلر. نجه کي، موسايا، عئبادت چاديريني قوران زامان، ائخطار ورئلدي؛ "چونکي تاري ديئر: دئقّت ات کي، هر شيي داغدا سنه گؤرسه‌دئلن نومونهيه موطابئق دوزه‌لدهسن."
آمّا ائندي او، نه قدر کي، داها ياخشي وعدهلرئن اوستونه قويولان داها ياخشي بئر عهدئن واسئطهچئسي‌دئر، اعلا بئر خئدمته نايئل اولوبدور.
چونکي اگر او بئرئنجي عهد قوصورسوز اولسايدي، ائکئنجئسئنه ير آختاريلمازدي.
چونکي تاري خالقدا قوصور تاپاراق ديئر: باخين، ربّ ديئر: اِله گونلر گلئر کي، ائسرايئل اِوی ائله، يهودا اِوي ائله تزه بئر عهد باغلاياجاغام.
او عهد کئمي يوخ کي، من اونلارين آتالاري ائله، اَللرئندن توتوب مئصئر دئياريندان چيخارتديغيم گون، باغلاديم. ربّ ديئر: چونکي اونلار منئم عهدئمه وفالي قالماديلار، من ده اونلارين قيدئنه قالماديم.
رب ديئر: بو او عهددئر کي، او گونلردن سونرا ائسرايئل اِوی ائله باغلاياجاغام: احکاملاريمي اونلارين ذهئنئنه قوياجاغام، اونلارين اورکلرئنده حکّ ادهجهيم. من اونلارين تاريسي اولاجاغام، و اونلار منئم خالقيم اولاجاقلار.
و هچ کس اؤز هموطنئنه، و هچ کس اؤز قارداشينا تعلئم ورمه‌يئب، دمه‌يهجک: ربّي تاني! چونکي هامي، بؤيوکدن کئچئيه قدر، مني تانيياجاقلار.
چونکي اونلارين حاقسيزليقلارينا مرحمتلي اولاجاغام، و اونلارين گوناهلاريني بئر داها ياديما گتئرمه‌يهجه‌يم.
"تزه بئرئني" دِمَکله، تاري اوّلکئني کؤهنهلَنمئش ساييب. لاکئن کؤهنهلَشَن و قوجالان شي يوخ اولماغا ياخيندير.
حتّا بئرئنجي عهدئن ده ائلاهي پرستئشه قايدالاري، ير اوزونده ده موقدّس يري وار ائدي.
چونکي بئر چادير قورولموشدو. اشئک بؤلوم کي، ائچئنده چيراقدان، سوفره مئزي و موقدّس چؤرک وار ائدي. بونا موقدّس ير ديئلئر.
ائکئنجي پردهنئن آرخاسيندا "موقدّس يرئن موقدّسي" چاغيريلان بئر چادير وار ائدي.
بورادا قيزيلدان بئر بوخور قوربانگاهي و عهد صانديغي وار ائدي کي، هر طرفدن قيزيللا بورونموشدو و ائچئنده مانّا قويولان قيزيل کوزه، هارونون چئچَکلنمئش اَل آغاجي و عهد لؤوحهلري وار ائدي.
صانديغين اوستونده شؤوکت کرّوبلار وار ائدي کي، رحمت تختئنه کؤلگه ساليرديلار. لاکئن ائندي بونلارين حاقيندا جوزئيّاتلا دانيشا بئلمه‌رئک.
بو شيلر بله حاضيرلانديقدا، کاهئنلر همئشه اشئک چاديرا گئرئب، ائلاهي پرستئشي يرئنه يتئرئرلر.
لاکئن ائکئنجئسئنه آنجاق باش کاهئن ائلده بئر دفه گئرئر؛ قوربان قاني اولمادان دا يوخ کي، اونو اؤزو اوچون و خالقين بئلمه‌دن اتدئکلري گوناهلار اوچون تقدئم ادئر.
موقدّس روح بونا ائشاره ادئر کي، بئرئنجي چادير دوردوقجا، موقدّس يرئن موقدّسي يره گدن يول حله آشکار ديئل.
بو، ائندئکي زامان اوچون بئر مئثالدير کي، اونا موطابئق هم هدئيّهلر، هم ده قوربانلار تقدئم اولونورلار کي، وئجداندا، پرستئش اده‌ني کامئل اده بئلمئرلر.
چونکي آنجاق يمک، ائچمک و موختلئف يويولمالارا مربوط اولان جئسماني قايدالارديرلار کي، ائصلاحات واختينا قدر تکلئف اولونوبلار.
لاکئن گلهجک ياخشي شيلرئن باش کاهئني اولان مسئح، ظوهور اتدئکده، اَلله قورولماميش، يعني بو خئلقتدن اولمايان بؤيوک و داها کامئل چاديرا گئردي؛
کچئلر و دانالار قاني واسئطهسئله يوخ، اؤز قانينين واسئطهسئله بئر دفهلئک موقدّس يرئن موقدّس يرئنه گئردي و ابدي قورتولوشو آلدي.
چونکي اگر کچئلرئن و اؤکوزلرئن قاني و ائنه‌يئن کولو نجئس اولانلارين اوستونه سَپئله‌نده، تقدئس اولونوب جئسملري تمئزلنسه،
بس نه قدر چوخ مسئحئن قاني کي، ابدي روحون واسئطهسئله لکهسئز اؤزونو تارييا تقدئم اتدي، بئزئم وئجدانيميزي اؤلو ائشلردن تمئزله‌يهجک کي، دئري تارييا خئدمت ادک؟
بو سببدن او، تزه عهدئن واسئطهچئسي‌دئر کي، دعوت اولونانلار، وعدهسي ورئلمئش ابدي مئراثي آلسينلار. چونکي بئرئنجي عهدئن زامانيندا ائشله‌نن تقصئرلرئن فئدئيه‌سي اوچون بئر اؤلوم باش ورئب.
چونکي وصئيّت اولان يرده، لازيمدير کي، وصئيّت اِده‌نئن اؤلومو باش ورمئش اولسون.
اونا گؤره کي، وصئيّتنامه آنجاق ائنسانلارين اؤلوموندن سونرا مؤعتبر اولور. دوغرودان دا وصئيّت ادن صاغ ائکن، وصئيّت ائجرايا کچمز.
بلجه حتّا بئرئنجي عهد ده قانسيز ائجرايا کچمه‌دي.
چونکي موسا، شرئعته موطابئق هر امري بوتون خالقا دئيندن سونرا، دانالارين و کچئلرئن قانيني گؤتوردو، سو، قيرميزي يون و زوفا ائله هم کئتابين اؤزونه، هم ده بوتون خالقا سَپئب،
ددي: "تارينين سئزه امر اتدئيي عهدئن قاني بودور."
اِله‌جه قاني چاديرين و بوتون خئدمت قابلارينين اوستونه ده سپدي.
و شرئعته موطابئق تقرئبن هر شي قانلا تمئزله‌نئر و قان تؤکولمه‌يئنجه باغيشلانما اولمور.
بونا گؤره گرک ائدي کي، گؤيلرده‌کي شيلرئن کوپئيهلري بونلارلا تمئزله‌نسئن، لاکئن گؤيدهکي شيلرئن اؤزلري بونلاردان داها ياخشي قوربانلارلا.
چونکي مسئح اَلله تئکئلمئش موقدّس بئر يره کي، آنجاق حقئقي اولاندان بئر نومونه ائدي، گئرمه‌دي. او، گؤيون اؤزونه گئردي کي، ائندي بئزئم اوچون تارينين حوضوروندا ظاهئر اولسون.
نه ده کي، دفهلرله اؤزونو قوربان تقدئم اتسئن، نجه کي، باش کاهئن ائلدن ائله اؤزونون اولمايان قانلا موقدّس يره گئرئر.
يوخسا، عئسايا گرک اولور ائدي کي، دونيانين يارانماسيندان بري دفهلرله عذاب چکسئن. آمّا ائندي دؤورانلارين آخيريندا، بئر دفه ظوهور ادئب کي، اؤزونو قوربان اتمکله گوناهي آرادان قالديرسين.
و نه‌قدر ده کي، ائنسان اوچون بئر دفه اؤلمک، سونراسي دا موحاکئمه اولونماق تعيئن اولوب،
اِله‌جه ده مسئح کي، چوخلارينين گوناهلاريني داشيماق اوچون بئر دفه قوربان اولوب، ائکئنجي دفه، گوناهي داشيماق اوچون يوخ، نئجات اوچون اونا مونتظئر اولانلارا ظوهور اِده‌جکدئر.
شرئعت، اوندان اؤتري کي، گلهجک ياخشي شيلرئن اصل شکئلي يوخ، اونلاردان آنجاق بئر کؤلگهدئر، ائلدن ائله دائمي بئر شکئلده تقدئم اولونان همن قوربانلارلا ياخينلاشانلاري هچ واخت کامئل اده بئلمز.
يوخسا مگر قوربانلارين تقدئم اولونماسي بوراخيلمازدي؟ چونکي پرستئش اِدَنلر بئر دفه تمئزلشمئش اولاندان سونرا، اؤزلرئنده گوناه ائدراکي اولمازدي.
حال بو کي، بو قوربانلارلا گوناهلار ائلدن ائله يادا سالينير.
چونکي قيري‌مومکوندور کي، اؤکوزلرئن و کچئلرئن قاني گوناهلاري آرادان گؤتورسون.
بونا گؤره مسئح، دونيايا گئرنده ديئر: قوربان و تقدئمه ائستمه‌يئبسن، لاکئن منه بئر بدن حاضيرلاييبسان؛
يانديريلان تقدئمهلر و گوناه اوچون ادئلن قوربانلاردان سن راضي اولماييبسان.
او زامان ددئم: (کئتابين طوماريندا منئم بارهمده يازيليب) باخ، اي تاري، گلمئشم کي، سنئن ائرادهني يرئنه يتئرئم.
يوخاريداکيني دئيندن سونرا کي، "قوربانلار و تقدئمهلري، يانديريلان تقدئمهلر و گوناه اوچون ادئلن قوربانلاري سن نه ائسته‌يئبسن، نه ده اونلاردان راضي اولوبسان" (کي، شرئعته موطابئق تقدئم اولونورلار.)
سونرا او، ددي: "باخ، گلمئشم کي، سنئن ائرادهني يرئنه يتئرئم." و بئرئنجئني لغو ادئر کي، ائکئنجئني برقرار اتسئن.
بونون ائرادهسي ائله، عئسا مسئحئن بدنئنئن بئر دفهلئک قوربان اولونماغي ائله بئز تقدئس اولونوروق.
هر کاهئن گوندن-گونه دايانيب خئدمت ادئر و گوناهلاري هچ واخت آرادان گؤتوره بئلمه‌ين همن قوربانلاري دفهلرله تقدئم ادئر.
لاکئن او، تک بئر قوربان تقدئم ادئب، همئشهلئک تارينين صاغيندا اوتوردو.
و او زاماني گؤزلهيئر کي، دوشمنلري اونون آياقلاري آلتيندا کتئل اولسونلار.
چونکي او، آنجاق بئر قوربان تقدئم اتمکله تقدئس اولونانلاري همئشهلئک کامئلله‌شدئرئب.
موقدّس روح دا بئزه شهادت ورئر؛ چونکي ديئر:
رب ديئر کي: او گونلردن سونرا، اونلارلا باغلاياجاغيم عهد بودور: شرئعتلرئمي اونلارين اوره‌يئنده يرلشدئرهجه‌يم، اونلارين ذهئنلرئنده يازاجاغام. سونرا دا ديئر:
و اونلارين گوناهلار و حاقسيزليقلاريني بئر داها يادا سالماياجاغام.
ائندي بونلارين باغيشلانماسي اولان يرده، گوناهدان اؤتري داها قوربان تقدئم اولونماز.
بونا گؤره، قارداشلار، چونکي عئسانين قاني واسئطهسئله لاپ موقدّس يره يقئنلئکله گئره بئله‌رئک؛
او تزه و جانلي يوللا کي، بئزئم اوچون پردهنئن آراسيندان، يعني اؤز جئسمئنئن واسئطهسئله حاضيرلاييب،
و تارينين اوي اوستونه بؤيوک بئر کاهئنئمئز اولدوغو اوچون،
گلئن ائمانين کامئل يقئنلئيئنده، اورکلرئمئز هر پئس بئر شوعوردان تمئزله‌نمئش، بدنلرئمئز ده تمئز سو ائله يويولموش، صادئق بئر اورکله تارييا ياخينلاشاق.
گلئن ائقرار اتدئيئمئز اومئدي تردّود اتمه‌دن برک توتاق، چونکي وعدهني ورن وفالي‌دير.
گلئن بونون قيدئنه قالاق کي، بئربئرئمئزي نجه محبّت و ياخشي ائشلر اتمه‌يه تشوئق ادک.
و بعضئلرئن عادتي کئمي بئربئرئمئزله بئر يره ييغيلماغي ترک اتمه‌يک و بئربئرئمئزي داها دا چوخ تشوئق ادک، عللخوصوص گؤرورسونوز ده کي، او گون ياخينلاشير.
چونکي اگر حقئقتئن معرئفتئني آلاندان سونرا قصدن گوناه اِدَک، گوناهلار اوچون آرتيق قوربان قالمير.
لاکئن موحاکئمهنئن دهشتلي بئر ائنتئظاري و ضئدّ دورانلاري يانديريب تؤکن بئر اودون قضبي قالير.
موسانين شرئعتئني هچ سايان آدام، ائکي و يا اوچ شاهئدئن شهادتي ائله رحم ادئلمه‌دن اؤلور،
فئکر ادئرسئنئز تارينين اوغلونو آياق آلتينا سالان، واسئطهسئله تقدئس اولوندوغو عهدئن قانيني ناپاک سايان، و فيضئن موقدّس روحونو تحقئر ادن بئر آدام نه قدر شئدّتلي بئر جزايا لايئق اولاجاق؟!
چونکي بونو دئيه‌ني تاني‌ييريق: "قئصاص منئمدئر، من عوضئني ورهجهيم." و گئنه "ربّ خالقيني موحاکئمه ادهجک."
ياشايان تارينين اَللرئنه دوشمک دهشتلي بئر شيدئر.
لاکئن اوّلکي گونلري يادا سالين کي، مونوّر اولوندوغونوزدان سونرا، عذاب دولو بؤيوک بئر موبارئزهيه تاب گتئردئنئز.
گاه سؤيوشلر و عذابلارلا تاماشايا قويولدونوز، گاه دا بو جور رفتار ادئلنلرله شرئک اولدونوز.
چونکي محبوسلارلا بئرلئکده عذاب چکدئنئز و اؤزونوز اوچون ياخشي و دائمي بئر مالين اولدوغونو بئلئب، اموالينيزين تاراج اولماسيني شادليقلا قبول اتدئنئز.
بونا گؤره، يقئنئزي اؤزونوزدن آتمايين کي، بؤيوک بئر اجري وار.
چونکي سئزئن تاب گتئرمه‌يه احتئياجينيز وار کي، تارينين ائرادهسئني يرئنه يتئرندن سونرا، ورئلمئش وعدهني آلاسينيز.
"دوغرودان دا کي، عنقرئب «گلن اولان» گلهجک و يوبانماياجاقدير.
منئم صالح اولانيم، ائمانلا ياشاياجاق و اگر دالي چکئلسه، جانيم اوندان راضي اولماياجاق."
آمّا بئز دالي چکئلئب هلاک اولانلاردان ديئلئک، جانين حئفظ ادئلمه‌سئنه ائمان گتئرنلردنئک.
ائمان اومئد اِدئلن شيلره اعتئماد اتمکدئر، گؤرونمه‌ين شيلر حاقّيندا خاطئرجملئکدئر.
چونکي اونون واسئطهسئله قدئمکئلر تصدئق اولوندولار.
ائمان واسئطهسئله بئز درک ادئرئک کي، دونيا تارينين کلامي ائله ياراندي، اِله کي، گؤرونن شيلر، او شيلردن قايريلمادي کي، گؤز قاباغيندادير.
ائمان واسئطهسئله هابئل قايندن داها ياخشي بئر قوربان تارييا تقدئم اتدي کي، اونونلا دا صالح اولدوغونا شهادت ورئلدي. تاري اونون هدئيّهلري بارهده شهادت ورئر و هابئل، اؤلموش اولدوغو حالدا، ائمان واسئطهسئله حله ده دانيشير.
ائمان واسئطهسئله خنوخ يوخاري آپاريلدي کي، اؤلومو گؤرمه‌سئن و تاپيلا بئلئنمه‌دي، چونکي تاري اونو يوخاري آپاردي. چونکي بو شهادته مالئک اؤلدو کي، يوخاري آپاريلماقدان قاباق تاريني راضي ادئردي.
ائمان اولماسا، تاريني راضي اتمک قيري‌مومکوندور، چونکي تارييا ياخينلاشان گرک ائنانسين کي، او واردير و اونو آختارانلارا پاداش ورهجک.
ائمان واسئطهسئله نوح، حله گؤزه گؤرونمه‌ين شيلر حاقّيندا خبردار اولونوب، تارييا اولان حؤرمتده اؤز عايئلهسئنئن نئجاتي اوچون گمي حاضيرلادي و بونونلا دا دونياني محکوم اتدي و ائمانا گؤره اولان صالحلئيي مئراث آلدي.
ائمان واسئطهسئله ائبراهئم، چاغيريلديغي زامان، ائطاعتئني گؤرسه‌دئب، مئراث آلاجاغي يره گتدي. او، هارايا گتدئيئني بئلمه‌يه‌رک يولا دوشدو.
ائمان واسئطهسئله او، وعده ورئلمئش اؤلکهده قرئب بئر آدام کئمي ياشادي و همن وعدهنئن هموارئثلري اولان ائسحاق و يعقوبلا چاديرلاردا ساکئن اولدو.
چونکي ائبراهئم او شهري آختاريردي کي، بونؤورهلري وار و معمار و بنّاسي تاريدير.
سونسوز سارا دا ائمان واسئطهسئله، ياشي کچمئش اولدوغو حالدا، بويلو اولماق قابئلئيّتئني آلدي، چونکي وعده وره‌ني وفالي سايدي.
بونا گؤره ده بئر کئشئدن، اوستهلئک اؤلودن فرقي اولمايان بئرئندن، ساييجا گؤيون اولدوزلاري قدر، دهنزئن قيراغينداکي قوملار قدر ساييسيز-حسابسيز نسئل گتئردي.
بونلارين هاميسي وعدهلري آلماميش، ائماندا اؤلدولر، لاکئن اونلاري اوزاقدان گؤروب خوشلوقلا قبول اتدئلر و ائقرار اتدئلر کي، ير اوزونده ياد و قرئبدئرلر.
چونکي بله شيلري دئينلر بونو گؤرسه‌دئرلر کي، اؤزلري اوچون بئر وطن آختاريرلار.
و دوغرودان دا اگر اورادان چيخديقلاري وطنئن فئکئري باشلاريندا اولسايدي، اورايا قاييتماغا فورصتلري اولاردي.
لاکئن نجه کي، دئر، اونلار ياخشي بئر وطني، گؤيده اولان بئرئني آرزولاييرلار. اونا گؤره ده تاري اوتانمير کي، اونلارين تاريسي چاغيريلسين، چونکي اونلار اوچون بئر شهر حاضيرلاييب.
ائمان واسئطهسئله ائبراهئم، ائمتاحانا چکئلنده، ائسحاقي قوربان تقدئم اتدي؛ وعدهلره صاحئب اولان آدام بئرجه اوغلونو قوربان ادئردي.
حال بو کي، اونا ديئلمئشدي: "سنئن نسلئن ائسحاقدان آدلاناجاق."
او بله دوشوندو کي، تاري حتّا اؤلولردن دئرئلتمه‌يه قادئردئر. بونا گؤره ده بئر تمثئل اولاراق، اونو تزهدن آلدي.
ائمان واسئطهسئله ائسحاق، يعقوب و عئسويو گلهجکلري حاقّيندا برکت وردي.
ائمان واسئطهسئله يعقوب، اؤلورکن، يوسئفئن هر بئر اوغلونا برکت وردي و اؤز اَل‌آغاجينا سؤيکه‌نئب، پرستئش اتدي.
ائمان واسئطهسئله يوسئف، اؤلورکن، ائسرايئل اوغوللارينين مئصئردن چيخيش ادهجکلرئندن سؤز ادئب، سوموکلري بارهده امرلر وردي.
ائمان واسئطهسئله موسا، دوغولاندان سونرا، والئدينلري طرفئندن اوچ آي گئزلي ساخلاندي، چونکي اونلار اوشاغين گؤزل اولدوغونو گؤردولر و پادشاهين فرمانيندان قورخماديلار.
ائمان واسئطهسئله موسا، بؤيويندن سونرا، فئرعون قيزينين اوغلو آدلانماقدان ائمتئناع اتدي
و تارينين خالقي ائله ياوا رفتارا دؤزمه‌يي، گوناهين کچئب-گدن لذّتلرئنه ترجئح وردي.
مسئح اوچون چکدئيي سئتمي مئصئرئن خزئنهلرئندن داها بؤيوک ثروت سايدي، چونکي گؤزونو پاداشا دئکمئشدي.
ائمان واسئطهسئله او، پادشاهين قضبئندن قورخماييب، مئصئري ترک اتدي. چونکي او، گؤرونمه‌يني گؤرموش کئمي، هر شيه تاب گتئردي.
ائمان واسئطهسئله او، پاسخا و قانين سَپئلمه‌سئني رئعايت اتدي کي، ائلک دوغولانلاري هلاک ادن، اونلارا اَل وورماسين.
ائمان واسئطهسئله اونلار، قيرميزي دهنزدن قورولوقدان کچن کئمي کچدئلر و مئصئرلئلر ده بونو اتمه‌يه چاليشان واخت بوغولدولار.
ائمان واسئطهسئله اَرئحانين دووارلاري، يدّي گون اطرافيندا دولانماقدان سونرا ييخيلدي.
ائمان واسئطهسئله فاحئشه راحاب، جاسوسلاري سالاماتليقلا قبول اتدئيي اوچون ناموطئعلرله بئرلئکده محو اولمادي.
داها نه ديئم؟ چونکي اگر جدعون، باراق، سامسون، يفتاح، داوود، سمويئل و نبي‌لر حاقّيندا دانيشسام، واخت چاتماز.
او آداملار کي، ائمان واسئطهسئله اؤلکهلر فتح اتدئلر، صالحلئک عمللرئني يرئنه يتئردئلر، وعدهلره نايئل اولدولار، آصلانلارين آغيزلاريني باغلاديلار،
اودون قووّتئني سؤندوردولر، قيلينج آغيزيندان قاچديلار، ضعئفلئکدن قووّتله‌ندئلر، دؤيوشده جنگاور اولدولار، يادلارين قوشونلاريني قاچيرتديلار.
آروادلار اؤلولرئني دئرئلئش واسئطهسئله تزهدن آلديلار؛ آمّا قالانلار ائشکنجه چکئب آزاد اولماقلاريني قبول اتمه‌دئلر، اِله کي، داها ياخشي بئر دئرئلئشه نايئل اولسونلار.
اؤزگهلر ائستهزا اولونوب دؤيولدولر، بلي، زنجئرلر و زئندانلارا دوشدولر.
داشا باسيلديلار، اره ائله ائکي شقّه اولدولار، وسوسه اولوندولار، قيلينجلا اولدورولدولر، قويون درئسئني، کچي درئسئني گيئنئب موحتاج اولدولار، آوارا اولدولار، ذلئل اولدولار، ياوا رفتارلار ادئلدئلر.
(دونيا اونلارا لايئق اولمايان آداملار) چؤللرده، داغلاردا، ماغارالاردا و يرئن چاتّاقلاريندا سرگردان اولدولار.
و بونلارين هاميسي، ائمان واسئطهسئله تصدئق اولونموش حالدا، وعدهيه نايئل اولماديلار.
چونکي تاري بئزئم اوچون داها ياخشي شيي حاضيرلاميشدي کي، اونلار بئزسئز کامئل اولماسينلار.
بونا گؤره، اطرافيميزدا بله بؤيوک بئر شاهئدلر بولودو اولارکن، گلئن بئز ده بئزي بو قدر راحاتجا گئرئفتار ادن هر مانع و گوناهي ترک ادئب، قاباغيميزا قويولان ميداندا طاقتله قاچاق
و ائمانين پئشوا و کامئل اده‌ني عئسايا باخاق کي، قاباغينا قويولان شادليق اوچون چارميخا تاب گتئردي و روسوايچيليغي هچ ساييب، تارينين تختئنئن صاغيندا اوتوردو.
گوناهکارلار طرفئندن بله بئر دوشمنچئلئيه تاب گتئره‌ني نظرده ساخلايين، اِله کي، يورولماييب طاقتدن دوشمه‌يهسئنئز.
گوناهين ضئدّئنه اولان ساواشينيزدا حله قان تؤکولنه قدر موقاوئمت اتمه‌يئبسئنئز.
و اوغوللارا ديئلن کئمي، سئزه ديئلن بو نصئحتي ياددان چيخارديبسينيز: اوغلوم، ربّئن تربئيهسئنه حقارتله باخما، اونون طرفئندن مذمّت اولاندا دا روحدان دوشمه.
چونکي ربّ سودئکلرئني تربئيه ادر، و قبول اتدئيي هر اوغولو دؤير.
تربئيه اوچوندور کي، طاقت گتئرئرسئنئز؛ تاري سئزئنله اوغوللار کئمي رفتار ادئر. چونکي هانسي اوغول وار کي، آتاسي اونو تربئيه اتمه‌سئن؟!
اگر سئز هاميلارين شرئک اولدوغو تربئيهدن محروم اولاسينيز، دمه‌لي سئز اوغوللار يوخ، حرامزاده اؤولادلارسينيز.
بوندان علاوه، بئزي تربئيه ادن جئسماني آتالار وار و بئز اونلارا حؤرمت گؤرسدمئشئک، آيا روحلارين آتاسينا داها آرتيق موطئع اولوب ياشاماياق؟!
چونکي اونلار قيسا بئر مودّت اوچون اؤز دوشونجهلرئنده ياخشي اولانا موطابئق بئزي تربئيه اتدئلر. لاکئن او، بئزي اؤز خيئرئمئز اوچون تربئيه ادئر کي، اونون موقدّسلئيئنه شرئک اولاق.
بوتون تربئيه ائندئلئکده شادليق يوخ، قم سببي گؤرونور، لاکئن اونونلا تربئيه گؤتورنلرده، سونرادان باريش گتئرن صالحلئيئن ثمرهسئني حاصئل ادئر.
بونا گؤره ضعئف اَللري و اَسَن دئزلري قووّتله‌ندئرئن.
آياقلارينيز اوچون ده دوز يوللار دوزه‌لدئن، اله کي، آخساق عوضوونوز يرئندن چيخماسين، لاکئن شفا تاپسين.
هر کسله باريش ائچئنده ياشاماغا جهد ادئن و موقدّس اولونماق اوچون قيرت گؤرسه‌دئن کي، اونسوز هچ کس ربّي گؤرمهيهجکدئر.
دئقّت ادئن کي، هچ کس تارينين فيضئندن محروم اولماسين؛ آرانيزدا آجيليق کؤکو بؤيويوب زحمت آچماسين و اونونلا بئر چوخو زهرلنمه‌سئن.
کئمسه اخلاقسيز و عئسو کئمي تاريدان اوزاق دوشن اولماسين کي، اؤز اوغوللوق حاقّيني بئر قاب خوره‌يه ساتدي.
چونکي بئلئرسئنئز کي، سونراسي حتّا برکتئن مئراث آلماغي آرزوسوندا اولاندا دا ردّ اولوندو. گرچي گؤزياشلاري ائله اونون دالينجا ائدي، لاکئن آرتيق تؤوبهيه هچ بئر ير قالماميشدي.
چونکي سئز لمس ادهبئلمه‌لي بئر داغا، آلوولو اودا، قارانليغا، دومانا، فيرلانان يله،
شيپور گورلمهسئنه و او سؤزلر نئداسينا ياخينلاشماييبسينيز کي، اشئدنلر يالوارديلار کي، اونلارا داها دانيشيلماسين.
چونکي بو امره تحمّول اده بئلمئردئلر: "اگر داغا بئر حيوان بله توخونسا، داشا باسيلاجاق."
و بو منظره اِله دهشتلي ائدي کي، موسا ددي: "چوخ قورخو و لرزه ائچئندهيم."
لاکئن سئز صحيون داغينا و دئري تارينين شهرئنه ياخينلاشيبسينيز، سماوي اورشلئمه، ملکلرئن مئنلرئنه،
عومومي مجلئسه و آدلاري گؤيده قيد ادئلمئش ائلک دوغولانلارين کئلئساسينا و هامينين داوري اولان تارييا، کامالا چاتميش صالحلرئن روحلارينا،
و عئسايا، تزه عهدئن واسئطهچئسي اولانا، سَپئلمئش قانا کي، هابئلئن قانيندان داها ياخشي دانيشير.
دئقّتلي اولون کي، بو دانيشاني ردّ اتمهيهسئنئز. چونکي اگر ير اوزونده اونلارا ائخطار وره‌ني ردّ ادنده قاچا بئلمه‌دئلر، نه قدر آز بئز قاچا بئلهجهيئک، اگر گؤيدن بئزه ائخطار وِرَندن اوز دؤنده‌رک.
او واخت اونون سسي يري لرزهيه سالدي، آمّا ائندي وعده ورئب ديئر: "من بئر داها آنجاق يري يوخ، گؤيو ده لرزهيه سالاجاغام."
بو "بئر داها" سؤزو گؤرسه‌دئر کي، لرزهيه گله بئلن، يعني ياراديلميش شيلر آرادان قالديريلاجاق کي، لرزهيه دوشمه‌ينلر برقرار قالسينلار.
بونا گؤره لرزهيه دوشه بئلمه‌ين پادشاهليغا نايئل اولدوغوموز اوچون، گلئن ممنونئيّت گؤرسه‌دک کي، اونون واسئطهسئله حؤرمت و قورخو ائچئنده تارييا مقبول بئر خئدمت تقدئم ادک؛
چونکي بئزئم تاريميز يانديريب تؤکن بئر اوددور.
قويون قارداش محبّتي داوام ورسئن.
قرئب آداملارا قوناقپرورلئک اتمه‌يي ياددان چيخارتمايين، چونکي بونونلا بعضئلر بئلمه‌دن ملکلره قوناقپرورلئک گؤرسه‌دئبلر.
محبوسلاري اونلارلا محبوس اولانلار کئمي، ياوا رفتار اِدئلَنلري اؤزونوز ده بدنده اولدوغونوزا گؤره يادا سالين.
نئکاح گرک هر کسئن طرفئندن حؤرمتلي توتولسون و دؤشه‌يي ده گرک لکهسئز ساخلانسين. چونکي تاري فاسئقلر و زئناکارلاري موحاکئمه ادهجک.
شخصئيّتئنئز پولپرستلئکدن آزاد اولسون، نه‌يئنئز وارسا، اونونلا کئفايتله‌نئن. چونکي تاري اؤزو ديئب: "سني هچ واخت بوراخمارام، سني هچ واخت ترک اتمه‌رم."
بونا گؤره يقئنلئکله ديئرئک: "رب منئم کؤمه‌يئمدئر، قورخمارام. ائنسان منه نه اده بئلر؟!"
سئزي هئدايت اتمئش اولانلاري کي، تارينين کلاميني سئزه ددئلر، خاطيرلايين. اونلارين رفتارينين نتئجهسئني دئقّتله نظره آلين و اونلارين ائمانيندان نومونه گؤتورون.
عئسا مسئح، دونن، بو گون و ابده کئمي هَمَندئر.
فرقلي و قرئب تعلئملرله يولدان آزمايين. چونکي ياخشيدير کي، اورک فيضله قووّتله‌نسئن، يمکلرله يوخ کي، اونلارلا مشغول اولانلار بئر فايدا تاپماديلار.
بئزئم بئر قوربانگاهيميز وار کي، عئبادت خيمهسئنده خئدمت ادنلرئن اوندان يمه‌يه حاقلاري يوخدور.
چونکي او حيوانلارين بدنلري کي، قانلاري باش کاهئن طرفئندن گوناه اوچون لاپ موقدّس يره گتئرئلئر، اوردوگاهين اشئيئنده يانديريلير.
بونا گؤره، عئسا دا، خالقي اؤز قانينين واسئطهسئله تقدئس اتمک اوچون دروازانين اشئيئنده عذاب چکدي.
بونون اوچون گلئن اونون سئتمئني داشي‌ييب، اوردوگاهدان اشئک اونون يانينا گدک.
چونکي بورادا بئزئم دائمي بئر شهرئمئز يوخدور، لاکئن گلهجک شهري آختاريريق.
اوندا گلئن اونون واسئطهسئله دائمن تارييا حمد قورباني، يعني، اونون آديني اعلان ادن دوداقلارين ميوهسئني تقدئم ادک.
ياخشيليق اتمه‌يي و اؤزگهلرله پايلاشماغي ياددان چيخارتمايين، چونکي تاري بو جور قوربانلاردان خوشلانير.
سئزه رهبر اولانلاردان ائطاعت ادئن و اونلارا موطئع اولون. چونکي اونلار حساب ورهجک کئمسهلر کئمي جانلارينيزين قيدئنه قاليرلار. قويون بونو شادليقلا اتسئنلر، قمله يوخ کي، سئزئن اوچون فايداسي اولماز.
بئزئم اوچون دوعا ادئن؛ چونکي آرخايينيق کي، وئجدانيميز تمئزدئر و جان آتيريق دا کي، هر شيده حؤرمتلي رفتار ادک.
سئزئن هامينيزا يالواريرام کي، بونو داها دا چوخ ادهسئنئز، اِله کي، من تزلئکله يانينيزا قايتاريليم.
ائندي باريش تاريسي کي، قويونلارين بؤيوک چوبانيني، ابدي عهدئن قاني واسئطهسئله ربّئمئز عئساني اؤلولردن دئرئلتدي،
سئزي هر ياخشي ائشده حاضيرلاسين کي، اونون ائرادهسئني يرئنه يتئرهسئنئز و عئسا مسئحئن واسئطهسئله اؤز نظرئنه خوش گله‌ني، بئزده عمله گتئرسئن کي، اونا ابددن ابدهجک شؤوکت اولسون. آمئن.
آمّا قارداشلار، سئزه يالواريرام کي، بو تشوئق سؤزونو تحمّول ادهسئنئز، چونکي سئزه قيساجا يازميشام.
خبرئنئز اولسون کي، قارداشيميز تئموتاعوس آزاد اولوب و اگر تزلئکله يانيما گلسه، اونونلا سئزي گؤرهجه‌يم.
بوتون رهبرلرئنئزه و بوتون موقدّسلره سالام يتئرئن. ائتاليادان اولانلار سئزه سالام گؤنده‌رئرلر.
فيض سئزئن هامينيزلا اولسون.
اؤزونو تاري و رب عئسا مسئحه قول اتمئش من يعقوبدان، قرئب اؤلکهلره داغيلميش اولان اونائکي قبئلهيه: سالام.
قارداشلاريم، جوربهجور ائمتاحانلارلا راستلاشديغينيز زامان، اونو بؤيوک شادليق حساب ادئن،
چونکي بئلئرسئنئز کي، ائمانينيزين ائمتاحاني تحمّول حاصئل گتئرئر.
قويون تحمّول ده اؤز کامئل نتئجهسئنه چاتسين، اِله کي، سئز، هچ بئر شيئنئز اسکئک اولمادان، کامالا چاتيب کامئل اولاسينيز.
آمّا اگر سئزلردن بئرئنئن حئکمتي اَسکئکدئر، قويون تاريدان ائسته‌سئن کي، هر کسه سخاوتله مذمّتسئز عطا ادئر. و اونا عطا اولوناجاق.
لاکئن بونو گرک ائمانلا ائسته‌سئن و هچ شوبهه اتمه‌سئن. چونکي شوبهه ادن آدام، دهنزئن شپهلرئنه بنزهيئر کي، کولک اونو قالديريب تلاطومه سالير.
بله آدام گومان آپارماسين کي، ربدن بئر شي آلاجاق.
موتَرَدّئد آدام هچ بئر يولوندا ثابئت ديئل.
آمّا وضعئيّتي حقئر اولان قارداش اؤز افضل منصبي ائله،
وارلي اولان دا اؤز حقئرلئيي ائله فخر اتسئن. چونکي وارلي آدام اوتون چئچه‌يي کئمي سولوب گدهجک.
دوغرودان دا گون، يانديران حرارتله چيخير، اوت قورويور، چئچه‌يي تؤکولور و اوزونون گؤزلّئيي محو اولور. وارلي آدام دا گؤردويو ائشلرده اِله سولاجاق.
خوش او آدامين حالينا کي، ائمتاحان آلتيندا تاب گتئرئر. چونکي تصدئق اولوناندان سونرا، او حيات تاجيني آلاجاق کي، رب اونو سِونلره وعده ورئب.
هچ کس وسوسهيه دوشن زامان دمه‌سئن: "من تاري طرفئندن وسوسه اولونورام." چونکي تاري پئسلئکله وسوسه اولونا بئلمز. او اؤزو ده هچ کسي وسوسه اتمئر.
لاکئن هر کس او زامان وسوسهيه دوشور کي، اؤز شهوتي طرفئنه چکئلئب اونا آلدانير.
او زامان شهوت بويلو اولوب گوناهي دوغور، گوناه دا عمله گلدئکده اؤلوم گتئرئر.
سوگئلي قارداشلاريم، آلدانمايين.
هر بئر ياخشي شي و هر کامئل عطا يوخاريدان، نورلارين آتاسيندان نازئل اولور کي، اوندا نه ديئشئلمک وار نه ده دؤنمکلئک کؤلگهسي.
او، اؤز ائرادهسئني عمله گتئره‌نده، بئزي حقئقتئن کلامي ائله تؤولئد اتدي، اِله کي، بئز اونون مخلوقلاري آراسيندا بئر جور نوباراليق ميوهسي کئمي اولاق.
بونو سئز بئلئرسئنئز، سوگئلي قارداشلاريم. لاکئن هر کس گرک اشئتمکده ائتي، دانيشماقدا تمکئنلي و حئرصده گج اولسون.
چونکي ائنسانين حئرصي تارينين صالحلئيئنه نايئل اولمور.
بونا گؤره ده، بوتون کثئفلئيي و شرارتدن نه قالاني ترک اِدئب، اَکئلمئش کلامي حلئملئکله قبول ادئن کي، جانلارينيزي قورتارماغا قادئردئر.
آمّا ثابئت ادئن کي، آنجاق کلامي اشئدئب اؤزلرئني آلداتان ديئلسئنئز، کلاما عمل ادنلرسئنئز.
چونکي اگر بئري کلاما عمل ادن يوخ، کلامي آنجاق اشئدندئر، او آداما بنزهيئر کي، اؤز طبئعي اوزونه گوزگوده باخير.
چونکي او، اؤزونه بئر باخيب گدئر و آنَن نجه بئر آدام اولدوغونو ياددان چيخاردير.
لاکئن کئم کامئل شرئعته، آزادليق شرئعتئنه دئقّتله باخير و اوندا داوام ادئر و ياددان چيخاردان بئر اشئدن يوخ، اونا عمل اِدَندئر، بو آدام اتدئيي هر ائشده موبارک اولاجاق.
اگر کئمسه وار کي، اؤزونو دئندار گومان ادئر، لاکئن اوره‌يئني آلداديب حله ده دئلئنه جئلوو باغلامير، بو آدامين دئندارليغي دَيَرسئزدئر.
آتا تارينين نظرئنده تمئز و لکهسئز دئندارليق بودور: يتئملرئن و دوللارين سيخينتي زامانلاريندا اونلارين گؤروشوکلرئنه گتمک، و اؤزونو دونيادان لکهسئز ساخلاماق.
قارداشلاريم، شؤوکتلي ربّئمئز عئسا مسئحه ائمان گتئرنلر اولاراق، ائنسانلار آراسيندا فرق قويمايين.
چونکي اگر سئزئن کنئسهيه قيزيل اوزوک تاخميش، فاخئر پالتار گيئنمئش بئر آدام گئرسه و يوخسول بئر آدام دا چئرکلي پالتار گيئنمئش گئرسه،
سئز فاخئر پالتاري اولانين قيدئنه قاليب ديئرسئنئز: "بويورون، سئز بورادا اَيله‌شئن." و يوخسول آداما ديئرسئنئز: "سن اورادا دور." و يا "کتئلئمئن يانيندا اوتور."
آيا بئربئرئنئزئن آراسيندا فرق قويماييبسينيز، پئس نئيّتلي قاضي‌لارا دؤنمه‌يئبسئنئز؟
قولاق آسين، سوگئلي قارداشلاريم، مگر تاري بو دونيانين يوخسوللاريني سچمه‌دي کي، ائماندا دؤولتلي اولوب، اونو سونلره وعده وردئيي پادشاهليغين وارئثلري اولسونلار؟!
آمّا سئز يوخسول آدامي حؤرمتسئز اِدئبسئنئز. مگر دؤولتلي ديئل کي، سئزه ظولم ادئب سئزي محکمهيه چکئر؟!
مگر اونلار ديئللر کي، سئزه ورئلن موکرّم آدا کوفر ديئرلر؟!
آمّا اگر سئز موقدّس يازييا موطابئق او شاهانه شرئعتي يرئنه يتئرئرسئنئز کي، "قونشونو گرک اؤزون کئمي سِوهسن"، ياخشي ائش گؤرورسونوز.
لاکئن اگر ائنسانلار آراسيندا فرق قويورسونوز، گوناه ادئرسئنئز و تقصئرکارلار کئمي شرئعت طرفئندن محکوم اولورسونوز.
چونکي هر کس بوتون شرئعتي رئعايت اِدئب لاکئن بئرئنده قوصور اتسه، اونلارين هاميسي اوچون خاطاکار اولوب.
چونکي "زئنا اتمه" دئين، "آدام اؤلدورمه" ده ددي. ائندي سن اگر زئنا اتمئرسن، آمّا آدام اؤلدورورسن، شرئعتي آياق آلتينا قويان اولوبسان.
بونا گؤره، او آداملار کئمي دانيشيب رفتار ادئن کي، اِله بئل، آزادليق شرئعتي ائله موحاکئمه اولوناجاقلار.
چونکي رحم اتمه‌ينه رحمسئزلئکله حؤکم اولوناجاق. رحم حؤکمه قالئب گلئر.
قارداشلاريم، اگر بئر آدام عملي يوخ ائکن، ائماني اولدوغونو دِسه، بونون اونا نه فايداسي وار؟ مگر او ائمان اونو نئجات وِره بئلر؟!
اگر بئر قارداش يا دا باجي لوتدور و گوندهلئک يمه‌يئنه مؤحتاج.
و سئزلردن بئرئنئز اونلارا دسه کي: "سالامات گدئن، قيزيشين و دويون"، لاکئن اونلارين بدني اوچون ضروري اولان شيلري ورمه‌يهسئنئز، نه فايداسي وار؟!
ائمان دا بوجوردور: اگر عمللري اولماسا، اؤزو-اؤزونده اؤلودور.
لاکئن کئمسه دئيه بئلر کي، "سنئن ائمانين وار، منئم ده عمللرئم. سن ائمانيني منه عملسئز گؤرسد و من ائمانيمي عمللرئمله سنه گؤرسده‌رم."
سن ائنانيرسان کي، تاري بئردئر؛ ياخشي ادئرسن. ائبلئسلر ده بونا ائنانيب تئتره‌يئرلر.
آمّا سن عاغيلسيز آدام، آيا ائستهيئرسن درک ادهسن کي، عملسئز ائمانين فايداسي يوخدور؟
مگر آتاميز ائبراهئم، اوغلو ائسحاقي قوربانگاهين اوستونده قوربان تقدئم اِدَنده، عمللري ائله صالح ساييلمادي؟
گؤرورسن کي، ائمان اونون عمللري ائله ائشلهيئردي و عمللري نتئجهسئنده ائمان کامئللَشدي.
موقدّس يازي دا يرئنه يتشدي کي، ديئر: "و ائبراهئم تارييا ائناندي و بو اونا صالحلئک ساييلدي." و او، تارينين دوستو چاغيريلدي.
گؤرورسونوز کي، ائنسان آنجاق ائمانلا يوخ، عمللري ائله صالح ساييلير.
مگر فاحئشه راحاب دا همن جور اؤز عمللرئنه گؤره صالح ساييلمادي، او زامان کي، جاسوسلاري قبول ادئب آيري بئر يوللا يولا سالدي؟!
چونکي نجه کي، روحسوز بدن اؤلودور، عملسئز ده ائمان اؤلودور.
قارداشلاريم، مبادا سئزلردن چوخونوز موعلّئم اولماق اوچون جان آتاسينيز، چونکي بئلئرسئنئز کي، بئز داها شئدّتلي موحاکئمه اولوناجاغيق.
چونکي هاميميز بئر چوخ شيلرده خاطا ادئرئک. سؤزونده خاطا اتمه‌ين آدام، کامئل بئر ائنساندير، بدنئن قاباغيني آلماغا دا قادئردئر.
بئز آتلارين آغزينا جئلوو تاخيريق کي، بئزدن ائطاعت اتسئنلر و اونلارين بوتون بدنئني ائداره ده ادئرئک.
گمئلره ده بئر باخين. بؤيوک اولدوقلاري و گوجلو يللرله آپاريلديقلاري حالدا، سوکانچينين گؤيلو هارايا ائسته‌سه، کئچئک بئر سوکانلا او طرفه دؤنور.
اِله ده دئل، بدنئن کئچئک بئر عوضوودور، آمّا بؤيوک زادلار دانيشير. گؤر کئچئک بئر آلوو نه بؤيوک مشهني يانديرير!
دئل بئر اوددور. حاقسيزليق عالمي‌دئر. دئل عوضولرئمئزئن آراسيندا اله ير آليب کي، بوتون بدني نجئس ادئر، حياتين دؤورانيني اودا چکئر، جهنّم طرفئندن ده آلوولانديريلير.
چونکي حيوانلار و قوشلارين هر جئنسي، سورونَنلر و دهنز مخلوقلارينين هر جئنسي ائنسان عئرقي طرفئندن رام اولونور و رام اولونوب.
آمّا دئلي هچ کس رام اِده بئلمز. آرام توتمايان شردئر، اؤلوملو زهردن دولودور.
اونونلا بئز رب و آتاني موبارک چاغيريريق و اونونلا تارينين صورتئنده يارانان ائنسانلاري لعنت ادئرئک.
همن آغيزدان هم برکت چيخير، هم ده لعنت! قارداشلاريم، بو بله اولمامالي‌دير.
مگر بئر بولاقدان هم شئرئن سو، هم ده آجي سو چيخار؟!
قارداشلاريم، مگر انجئر آغاجي زيتون گتئرر و يا اوزوم آغاجي انجئر بار ورر؟! دوزلو بولاق دا شئرئن سو وره بئلمز.
آرانيزدا حئکمتلي و فراستلي اولان کئمدئر؟ قوي او، عمللرئني حئکمتئن حلئملئيئنده ياخشي رفتاري ائله گؤرسدسئن.
آمّا اگر اوره‌يئنئزده آجي پاخيلّيق و اؤز منفعتئنئز اوچون منصبطلبلئک وار، کئبئرلنمه‌يئن و بلجه حقئقتئن ضئدّئنه يالان دانيشمايين.
بو يوخاريدان نازئل اولان حئکمت ديئل، دونيه‌وي‌دئر، نفساني و ائبلئسدندئر.
چونکي پاخيلّيق و منصبطلبلئک هر يرده اولسا، قاريشيقليق و هر جور پئس شي ده اورادير.
لاکئن يوخاريدان نازئل اولان حئکمت اوّلن پاکدير، سونرا باريشان، مولايئم، منطئقلي، مرحمت و ياخشي ثمرهلردن دولو، قَرَضسئز، رئياسيز.
صالحلئيئن ميوهسئني بار ورن توخوم، باريشانلارين واسئطهسئله باريشدا اَکئلئر.
آرانيزدا اولان داعوالار و ائختئلافلار هارادان باش آلير؟ مگر او هاوا-هوسلرئنئزدن ديئل کي، عوضولرئنئزده داعوا ادئر؟
آرزو ادئرسئنئز، لاکئن يوخونوزدور. بونون اوچون آدام اؤلدورورسونوز. پاخيلّيق ادئرسئنئز، آمّا اَله گتئره بئلمئرسئنئز. بونا گؤره ده ساواشيب، داعوا ادئرسئنئز. يوخونوزدور، چونکي طلب اتمئرسئنئز.
طلب ادئرسئنئز، لاکئن آلميرسينيز. چونکي سهو نئيّتلرله طلب ادئرسئنئز، اِله کي، اونو اؤز هاوا-هوسلرئنئز اوچون صرف ادهسئنئز.
سئز، زئناکارلار! مگر بئلمئرسئنئز کي، دونيا ائله دوستلوق اتمک، تارينين ضئدّئنه دوشمنچئلئکدئر؟! بونون اوچون کئم دونيانين دوستو اولماق ائسته‌سه، اؤزونو تارينين دوشمني ادئر.
يوخسا موقدّس يازينين بوش يره بونو يازديغيني دوشونورسونوز کي، "تاري، ائچئمئزده ساکئن اولمالي موقدّس روحو، قيرتله آرزو ادئر"؟
لاکئن تاري داها بؤيوک فيض عطا ادئر. بو سببدن ديئر: "تاري مغرور آداملارا ضئدّ دورور، لاکئن باشيآشاغي آداملارا فيض عطا ادئر."
پس، تارييا موطئع اولون. شيطانين قاباغيندا موقاوئمت ادئن و او سئزدن قاچار.
تارييا ياخينلاشين، او دا سئزه ياخينلاشار. سئز گوناهکارلار، اللرئنئزي تمئزله‌يئن؛ سئز موتردّئدلر، اورکلرئنئزي طاهئر ادئن.
قوصّه ييئن، ياس توتون، آغلايين. قويون گولوشونوز ياسا، شادليغينيز دا قمه دؤنسون.
ربّئن حوضوروندا اؤزونوزو آلچالدين و او سئزي اوجالدار.
قارداشلار، بئربئرئنئزي پئسلمه‌يئن. قارداشينين ضئدّئنه دانيشان يا دا قارداشيني موحاکئمه اِدن، شرئعتئن ضئدّئنه دانيشير و شرئعتي موحاکئمه ادئر. آمّا اگر شرئعتي موحاکئمه ادهسئنئز، شرئعته عمل ادن يوخ، اونو موحاکئمهيه چکنسئنئز.
آنجاق بئر شرئعت ورن و بئر قاضي وار. هم نئجات ورمه‌يه، هم ده هلاک اتمه‌يه قادئر اولان اودور. آمّا سن کئمسن کي، اؤز قونشونو موحاکئمه ادهسن؟!
ائندي باخين، سئزلر کي، ديئرسئنئز "بو گون يا دا صاباح فئلان و بهمان شهره گده‌رئک و اورادا بئر ائل تئجارته مشغول اولوب، قازانج ييغاريق."
حال بو کي، حياتينين صاباح نه جور اولدوغونو بئلمئرسئنئز. سئز بوخار کئمئسئنئز کي، آز بئر مودّت گؤرونور و سونرا ائتئب گدئر.
بونون عوضئنه سئز گرک دئيهسئنئز: "اگر رب ائسته‌سه، ياشاياريق، بونو و اونو دا اِدهرئک."
آمّا نجه کي، وار، سئز تکبّورونوزه فخر ادئرسئنئز؛ بوتون بله فخرلر پئسدئر.
بونا گؤره، هر کس کي، دوروست ائشي بئلئر، لاکئن اونو يرئنه يتئرمئر، گوناه ادئر.
باخين ائندي، اي وارليلار! باشينيزا گلهجک موصئبتلردن اؤتري آغلايين و شئون ادئن.
مال-دؤولتئنئز چورويوب، پالتارينيزي دا گووه ييئب.
قيزئل و گوموشونوز پاسلانيب و اونلارين پاسي ضئدّئنئزه بئر شاهئد اولاجاق و اود کئمي جئسمئنئزي يئيهجک. سئز آخير گونلرئنئزده ثروت ييغيبسينيز!
باخين، زمئلرئنئزي بئچن ائشچئلردن ساخلاديغينيز موزد، سئزئن ضئدّئنئزه قيشقيرير. بئچئنچئلرئن قيشقيرتيسي فوجلار ربّئنئن قولاقلارينا چاتيب.
سئز ير اوزونده کفله ياشاييبسينيز و لذّت دولو بئر حيات کچئردئبسئنئز. قحطي گونده اورکلرئنئزي کؤکَلدئبسئنئز!
صالح آدامي محکوم ادئب، اؤلومه ورئبسئنئز؛ او سئزئن قاباغينيزدا موقاوئمت اتمئر.
بونا گؤره، قارداشلار، ربّئن گلئشئنه کئمي صبئرلي اولون. اکئنچي تورپاغين ديرلي حاصئلي اوچون ائنتئظار چکئر و ائلک و آخير ياغيشي آلاناجاق صبئرلي اولور.
سئز ده صبئرلي اولون. اورکلرئنئزي قووّتلندئرئن. چونکي ربّئن گلئشي ياخيندير.
بئربئرئنئزئن ضئدّئنه شئکايت اتمهيئن، قارداشلار! اِله کي، سئز اؤزونوز ده موحاکئمه اولونماياسينيز. باخين، موحاکئمه ادن، قاپي آغزيندا دايانيب.
قارداشلار، عذاب چکمکده و صبئرلي اولماقدا ربّئن آديندا دانيشان نَبئلردن نومونه آلين.
بئز تحمّول ادنلري بختور ساييريق. سئز اَيّوبون تحمّولونو اشئدئبسئنئز و ربّئن اتدئيئنئن نتئجهسئني ده گؤروبسونوز کي، رب چوخ شفقتلي و مرحمتلي‌دئر.
لاکئن، قارداشلاريم، هاميدان اوّل، نه گؤيه، نه يره، نه ده باشقا بئر شيه آند ائچئن؛ لاکئن سئزده قوي "بلي"، بلي اولسون و "خير"، خير اولسون اِله کي، موحاکئمهيه چکئلمه‌يه‌سئنئز.
آيا آرانيزدا عذاب آلتيندا اولان بئري وار؟ او، گرک دوعا اتسئن. آيا شاد اولان بئري وار؟ او، حمدلر اوخومالي‌دير.
آيا آرانيزدا ناخوش بئري وار؟ او گرک کئلئسانين آغساقّاللاريني چاغيرسين. اونلار دا گرک اونون اوچون دوعا ادئب، ربّئن آديندا اونو ياغلا مسح اتسئنلر.
و ائماندا ادئلن دوعا ناخوش آدامي صاغالدار و ربّ اونو قالديرار. گوناهلار اتمئش اولسا دا، اونا باغيشلانار.
بونون اوچون، گوناهلارينيزي بئربئرئنئزه اعتئراف ادئن و بئربئرئنئز اوچون دوعا ادئن، اِله کي، شفا تاپاسينيز. صالح بئر آدامين تأثئرلي دوعاسي چوخ شي اتمه‌يه قادئردئر.
ائليا دا همن بئزئم کئمي بئر آدام ائدي و صداقتله دوعا اتدي کي، ياغيش ياغماسين و اوچ ائل آلتي آي ير اوزونه ياغيش ياغمادي.
سونرا گئنه دوعا اتدي و گؤي ياغيش ياغديريب، ير اوزو ميوهلرئني گتئردي.
قارداشلاريم، اگر سئزلردن بئرئنئز حقئقتدن آزسا، و اؤزگه بئري اونو قايتارسا،
قوي او آدام بئلسئن کي، گوناهکاري سهو يولوندان دؤنده‌رَن، اونون جانيني اؤلومدن قورتارار و چوخ گوناهلارين اوستونو اؤرتر.
عئسا مسئحئن حوارئسي پطروسدان، پونطوس، قالاتئيا، کاپادوسئيا، آسئيا (ايالتي) و بئتئنئيايا داغيلميش قرئبلره کي،
آتا تارينين ائرهلئدن بئلدئيئنه موطابئق، موقدّس روحون تقدئس ائشئنئن واسئطهسئله عئسا مسئحدن ائطاعت اتمکلري اوچون و اوستلرئنه اونون قانينين سپئلمه‌سي اوچون سچئلئبلر. فيض و باريش لاپ دولو اؤلچوده سئزئن اولسون.
تاري و ربّئمئز عئسا مسئحئن آتاسي موتبارک اولسون کي، اؤز بؤيوک فيضئنه گؤره، عئسا مسئحئن اؤلولردن دئرئلمه‌سي ائله باعئث اولدو کي، بئز ياشايان بئر اومئده تزهدن دوغولاق.
اِله کي، گؤيلرده سئزئن اوچون ساخلانميش، آرادان گتمه‌ين، لکهسئز و سولماز بئر مئراثي اَله گتئرک.
سئز تارينين قودرتي ائله، آخير زاماندا ظاهئر اولونماغا حاضير بئر نئجات اوچون، ائمان واسئطهسئله موحافئظت اولورسونوز.
بوندا سئز چوخ سوئنئرسئنئز، گرچي ائندي آز بئر مودّت اوچون، لازيم اولسا، جوربهجور ائمتاحانلارلا پرئشان اولورسونوز،
اِله کي، عئسا مسئحئن نئجاتينين ظوهوروندا، ائمانينيزين ثوبوتو، فاني اولان قيزيلدان داها دَيَرلي اولوب، اودلا بله ائمتاحان اولسا دا، تعرئف، عئزّت و حؤرمت گتئرسئن.
سئز گرچي اونو گؤرمه‌يئبسئنئز، آمّا اونو سوئرسئنئز. گرچي ده ائندي اونو گؤرمه‌يئرسئنئز، لاکئن اونا ائنانيرسينيز و وصفه گلمه‌ين شادليقلا، شؤوکت دولو چوخ شادليق ادئرسئنئز
و ائمانينيزين نتئجهسئنه کي، جانلارينيزين نئجاتي اولسون، نايئل اولورسونوز.
بو نئجاتا گلئنجه، پيغمبرلر او فيض بارهده کي، سئزه گلهجک، قاباقجادان جهدله آختاريب تجسّوس اتدئلر
و آراشديريرديلار کي، بئلسئنلر، اونلاردا اولان موقدّس روح، کئمه و هانسي زامانا ائشاره ادئر، او زامان کي، مسئحئن عذابلاريني و اوندان سونرا گلن شووکتلرئني قاباقجادان خبر ورئر.
اونلارا آشکار اولدو کي، بو شيلرده اونلار اؤزلرئنه يوخ، سئزه خئدمت ادئردئلر کي، ائندي ائنجئلي وعظ ادنلر طرفئندن گؤيدن گؤنده‌رئلمئش موقدّس روح واسئطهسئله سئزه اعلان اولونوب؛ او شيلر کي، اونلاري گؤرمه‌يه ملکلر ده حسرت چکئرلر.
بونون اوچون، فئکئرلرئنئزي عمل اوچون حاضيرلايين، آييق اولون، اومئدئنئزي کامئل بئر شکئلده او فيضه باغلايين کي، عئسا مسئحئن ظوهوروندا سئزه گتئرئلهجک.
سؤزه باخان اوشاقلار کئمي، جاهئل زامانلارينيزدا اولان او اوّلکي شهوتلره اؤزونوزو اوخشاتمايين.
لاکئن سئزي دعوت ادن او موقدّس اولان کئمي، سئز ده اؤزونوزو هر رفتاردا موقدّس ساخلايين.
چونکي يازيليب: "سئز گرک موقدّس اولاسينيز، چونکي من موقدّسم."
اگر "آتا" چاغيرديغينيز اودور کي، طرفدارليق اتمه‌دن هر کسي ائشئنه گؤره موحاکئمه ادئر، اوندا ير اوزونده اولان بو قوربت زامانينيزي قورخو ائله کچئردئن.
بئلئرسئنئز ده کي، اجدادلارينيزدان مئراث آلديغينيز باطئل حيات يوللارينيزدان، گوموش و يا قيزيل کئمي فاني شيلرله تزهدن آلينماييبسينيز،
لاکئن باهالي قانلا، عيبسئز و لکهسئز بئر قوزونونکو کئمي، مسئحئن قاني ائله.
چونکي او، دونيانين يارانماسيندان اوّل تانينميشدي، آمّا سئزئن خاطئرئنئز اوچون بو آخير زامانلاردا ظاهئر اولوب.
سئز کي، اونون واسئطهسئله، اونو اؤلولردن دئرئلدن و اونا عئزّت ورن تارييا ائنانانلارسينيز، اِله کي، ائمان و اومئدئنئز تاريدادير.
ائندي کي، حقئقتدن ائطاعت ادئب جانلارينيزي قارداشلارا خالئص محبّت اتمک اوچون تمئزله‌يئبسئنئز، جهدله بئربئرئنئزي اورکدن سوئن.
چونکي سئز فاني توخومدان يوخ، فاني اولماياندان، تارينين ياشايان و باقي اولان کلامينين واسئطهسئله تزهدن دوغولوبسونوز.
چونکي "بوتون بشر اوت کئميدئر، بوتون شؤوکتي ده اوتون چئچه‌يي کئميدئر. اوت سولور، چئچک ده دوشور.
لاکئن ربّئن کلامي ابده کئمي قالير." سئزه وعظ ادئلن کلام دا اله بودور.
بلجه بوتون پئسلئيي، هر جور حئيلهني، رئياکارليق و پاخيلّيغي و هر جور ائفتئراني قيراغا قويوب،
آنادان تزه دوغولموش کؤرپهلر کئمي، کلامين خالئص سودونه جان آتين، اِله کي، نئجاتينيزدا بؤيويهسئنئز،
اگر ربّئن مهرئبانليغيني داديبسينيز.
و اونون يانينا، ائنسانلار طرفئندن ردّ اولونموش، لاکئن تارينين نظرئنده سچئلمئش و قئيمتلي بئر جانلي داش کئمي گلئبسئنئز.
سئز ده، جانلي داشلار اولاراق، روحاني بئر عئمارت کئمي موقدّس بئر کاهئنلئک اوچون تئکئلئرسئنئز کي، عئسا مسئحئن واسئطهسئله تارييا، مقبول روحاني قوربانلار تقدئم ادهسئنئز.
چونکي موقدّس يازيلاردا بله گلئب: "باخين، صحيوندا سچئلمئش بئر داش قويورام، قئيمتلي بئر گوشه داشي. و اونا ائنانان اصلا اوتانديريلماياجاق."
بلجه بو دَيَرلي قئيمت، سئز ائمان گتئرنلر اوچوندور، آمّا ائمان گتئرمه‌ينلر اوچون: "بنّالارين ردّ اتدئيي داش اِله گوشه داشي اولدو."
و "بودرهمه داشي و ائنجئتمه قاياسي". اونلار ييخيليرلار، چونکي کلاما ناموطئع اولورلار. و بونون اوچون ده تعيئن اولونوبلار.
آمّا سئز سچئلمئش بئر عئرق، شاهانه بئر کاهئنلئک، موقدّس بئر مئلّت و تارييا عاييد اولان بئر خالقسينيز، اِله کي، سئز، او تارينين فضئلتلرئني اعلان ادهسئنئز کي، سئزي اؤز واله ادن نورونا دعوت ادئر.
چونکي بئر زامانلار خالق ديئلدئنئز، آمّا ائندي سئز تارينين خالقيسينيز. مرحمته نايئل اولماميشدينيز، لاکئن ائندي سئز مرحمته نايئل اولوبسونوز.
سوگئلئلر، سئزدن خاهئش ادئرم کي، اجنبئلر و قرئبلر اولاراق جانينيزين ضئدّئنه ساواش قالديران جئسماني شهوتلردن اؤزونوزو اوزاق ساخلايين.
قيري‌يهودئلر آراسيندا عالي بئر شکئلده رفتار ادئن کي، سئزه، شر قورانلار آديندا ائفتئرا آتان شيلرده، ياخشي عمللرئنئزي گؤروب، عيادت گونونده تارييا عئزّت ورسئنلر.
ربّئن خاطئري اوچون هر بشري نئظاما موطئع اولون؛ ائستر ائقتئدار باشيندا اولان پادشاه اولسون،
ائستر شر قورانلاري جزالانديرماق، ياخشيليق ادنلري ده تعرئفله‌مک اوچون اونون طرفئندن گؤنده‌رئلن والي اولسون.
چونکي تارينين ائرادهسي بودور کي، ياخشيليق اِتمکله، سئز، عاغيلسيز آداملارين جهالتئني ساکئت ادهسئنئز.
آزادلار کئمي ياشايين و اؤز آزادليغينيزي پئسلئک پردهسي کئمي اتمهيئن. آمّا اوندان اؤزلرئني تارينين قوللوغونا ورنلر کئمي ائستئفاده ادئن.
بوتون خالقا حؤرمت ادئن، قارداشليغي سوئن، تاريدان قورخون، پادشاها احتئرام ادئن.
اي خئدمتکارلار، بوتون احتئراملا آغالارينيزا موطئع اولون؛ آنجاق ياخشي و مولايئم اولانلارا يوخ، منطئقسئز اولانلارا دا.
چونکي بو، لوطف قازانير، اگر کئمسه تارييا اولان وئجدانين خاطئرئنه حاقسيز عذابلار چکنده، قوصّهلره دؤزسون.
چونکي بو سئزه نه شرف گتئرر، اگر گوناه اتدئيئنئز زامان سئزئنله ياوا رفتار ادئلسئن و سئز اونا دؤزهسئنئز؟! لاکئن اگر دوز اولاني يرئنه يتئرهسئنئز و اونون اوچون عذابا دوشوب اونو صبرله دؤزهسئنئز، بو، تاريدان لوطف قازانير.
اونا گؤره کي، سئز بونون اوچون دعوت اولونوبسونوز، چونکي مسئح ده سئزئن اوچون عذاب چکدي و سئزي بئر نومونه قويدو کي، اونون ائزلري ائله گدهسئنئز.
او کي، هچ بئر گوناه اتمهدي، آغزيندا دا هچ بئر حئيله تاپيلمادي.
سؤيولن واخت، جاوابيندا سؤيوش ورمه‌دي، عذاب چکنده، تهدئد اتمهدي، لاکئن اؤزونو صالحلئکله حؤکم اده‌نه تاپشيردي.
او، اؤزو، بئزئم گوناهلاريميزي اؤز بدنئنده چارميخ اوستونده تحمّول اتدي کي، بئز گوناها اؤلوب، صالحلئک اوچون ياشاياق. چونکي سئز، اونون يارالاري ائله شفا تاپيبسينيز.
چونکي سئز دائم يولونو آزان قويونلار کئمي ائدئنئز، لاکئن ائندي جانلارينيزين چوبان و ناظئرئنه دؤنوبسونوز.
همن شکئلده، سئز آروادلار دا، اؤز اَرلرئنئزه موطئع اولون، اِله کي، حتّا اگر اونلاردان بعضئلري کلاما ناموطئع اولالار، هچ بئر کلامسيز، آروادلارينين رفتارلاري ائله قازانيلسينلار،
او زامان کي، سئزئن ادبلي و حؤرمتلي رفتارينيزي گؤرورلر.
سئزئن بزه‌يئنئز گرک ساچ هؤرمک، قيزيل تاخماق، يا دا پالتارلار گيمک کئمي ظاهئري اولماسين.
لاکئن قويون بزه‌يئنئز اوره‌يئن گئزلي ائنساني، روحون او آرادان گتمه‌ين حلئملئک و ساکئتلئيي ائله اولسون کي، تارينين نظرئنده قئيمتلئدئر.
چونکي قاباقکي زامانلاردا تارييا اومئد باغلايان موقدّس آروادلار دا اؤزلرئني بله بزه‌يئب، اؤز اَرلرئنه موطئع ائدئلر.
نجه کي، سارا ائبراهئمي آغا چاغيراراق اوندان ائطاعت اتدي. سئز ده اونون اؤولادلاريسينيز، اگر هچ بئر قورخودان دهشته دوشمه‌يئب، صحئح اولاني يرئنه يتئرهسئنئز.
سئز اَرلر ده، همن آروادلارينيزلا آنلاقلي بئر شکئلده ياشايين، اِله بئل کي، ضعئف بئري ائله ياشاييرسينيز. چونکي او، بئر آرواددير و اونا حياتين فيضئنه سئزئنله هموارئث اولان کئمي احتئرام گؤرسه‌دئن، اِله کي، دوعالارينيزا بئر مانع چيخماسين.
خولاصه، هامينيز همفئکئر، اؤزگهلره اورک يانديران، قارداشوار، شفقتلي و روحدا باشيآشاغي اولون.
پئسلئيه پئسلئکله، سؤيوشه ده سؤيوشله جاواب ورمهيئن. عکسئنه، برکت دوعاسي ورئن. چونکي سئز اِله بو مقصد اوچون دعوت اولونوبسونوز کي، بئر برکته وارئث اولاسينيز.
چونکي حياتا جان آتان، ياخشي گونلري سوئب گؤرمک ائسته‌ين، گرک دئلئني شردن، دوداقلاريني دا حئيله سؤزلرئندن ساخلاسين.
او گرک شردن دؤنسون و ياخشيليق اتسئن. او گرک باريشدان دانيشسين و اونون دالينجا قاچسين.
چونکي ربّئن گؤزلري صالحلره، قولاقلاري دا اونلارين دوعالارينا آچيقدير. لاکئن اونون اوزو شر قورانلارين ضئدّئنهدئر.
اگر ياخشيليق اتمه‌يه قيرت گؤرسدهسئنئز، سئزه کئم زئيان يتئره بئلر؟
آمّا حتّا اگر صالحلئيئن خاطئري اوچون عذاب دا چکهسئنئز، بختورسئنئز. "اونلارين تهدئدلرئندن قورخمايين، پرئشان دا اولمايين."
لاکئن مسئحي رب اولاراق اورکلرئنئزده تقدئس ادئن. سئزده اولان اومئد بارهسئنده سئزدن هر کس حساب ائسته‌سه، اونا جاواب ورمک اوچون همئشه حاضير اولون؛ لاکئن مولايئملئک و حؤرمتله.
وئجدانينيزي تمئز ساخلايين، اِله کي، مسئحده اتدئيئنئز ياخشي رفتاري سؤيَنلر و سئزه بؤهتان آتانلار خجالت آلتيندا قالسينلار.
چونکي اگر تارينين ائرادهسي بودور، اوندا صحئح اولاني يرئنه يتئردئيئنئز اوچون عذاب چکمه‌يئنئز داها ياخشيدير کي، سهو اولاني يرئنه يتئردئيئنئز اوچون عذاب چکهسئنئز.
چونکي مسئح ده گوناهلار اوچون بئر دفهلئک اؤلدو؛ عادئل اولان بئري ظالئم اولانلار اوچون، اِله کي، جئسمن اؤلموش لاکئن روحدا دئرئلمئش اولوب، بئزي تارينين يانينا گتئرسئن کي،
اوندا دا گدئب زئنداندا اولان روحلارا دا اعلان اتدي.
او روحلار کي، بئر زامان تاري نوحون گونلرئنده صبرله گؤزله‌دئيي واخت، گمي تئکئلرکن، ناموطئع ائدئلر. او گمئده آز آدام، يعني، سکّئز نفر سودان صاغ-سالامات چيخديلار.
او سو ائله تمثئل اِدئلن تعمئد ده کي، جئسمئن کثئفلئيئني گؤتورمک يوخ، تمئز بئر وئجدان اوچون تارييا توسّول اتمکدئر، عئسا مسئحئن اؤلولردن دئرئلمهيي ائله ائندي سئزي نئجات ورئر.
او کي، گؤيه قالخاندان سونرا تارينين صاغيندادير. ملکلر، ائقتئدار و قودرت صاحئبلري ده اونا موطئع اولونوبلار.
بلجه، چونکي مسئح بئزئم اوچون جئسمن عذاب چکدي، سئز ده اِله او مقصدله سئلاحلانين. اونا گؤره کي، جئسمن عذاب چکن گوناهدان آرتيق کسئلئب کي،
جئسمده قالان واختيني آرتيق ائنسانلارين شهوتلري اوچون يوخ، تارينين ائرادهسي اوچون ياشاسين.
چونکي کچمئش زامانين عؤمرو سئزه بسدئر کي، قيرييهودئلرئن هاوا-هوسلرئني يرئنه يتئرئب، فوجور، شهوتلر، کفلئلئک، عئشرت، عيش مجلئسلري و ائيرنج بوتپرستلئکلر دالينجا قاچيبسينيز.
و بونلار هاميسيندا اوندان تعجّوبله‌نئرلر کي، سئز اونلارلا برابر همن فئسقئن ائفراطينا طرف قاچميرسينيز. بوندان اؤتري ده سئزي سؤيورلر.
لاکئن اونلار او تارييا جاواب ورهجکلر کي، دئرئلري و اؤلولري موحاکئمه اتمه‌يه حاضيردير.
اونا گؤره کي، ائنجئلئن خوش خبري اؤلولره بو سببدن موژده ورئلدي کي، اونلار ائنسانلار کئمي جئسمن محکوم اولدوقلاري حالدا، تارينين ائرادهسئنه گؤره روحن ياشاسينلار.
هر شيئن آخيري ياخيندير. بونا گؤره، عاغيلينيزي باشينيزا ييغين و دوعالار اوچون آييق دورون.
هر شيدن اوّل بئربئرئنئزه اولان محبّتي جوشقون ساخلايين، چونکي محبّت بئر چوخ گوناهين اوستونو اؤرتر.
گئلِيلئک اتمه‌دن بئربئرئنئزه قوناقپرورلئک ادئن.
هر کس نه عطا آليب، تارينين قاتباقات فيضئنئن ناظئري کئمي، اونو بئربئرئنئزئن خئدمتئنده ائشه سالسين.
دانيشان اِله دانيشسين کي، اِله بئل، تارينين سؤزلرئني نقل ادئر. خئدمت ادن، تارينين وردئيي قووّتله خئدمت اتسئن کي، تاري، هر شيده، عئسا مسئحئن واسئطهسئله عئزّت تاپسين کي، عئزّت و سلطنت ابددن ابده کئمي اونوندور. آمئن.
سوگئلئلر، ائمتاحانينيز اوچون آرانيزدا باش ورمئش اولان بو حئدّتلي اوددان تعجّوب اتمهيئن کي، گويا قرئبه بئر شي باشينيزا گلئر.
لاکئن مسئحئن عذابلاريندا شرئک اولدوغونوز اوچون سوئنئن، اِله کي، اونون شؤوکتئنئن ظوهوروندا دا بؤيوک شنلئکله سوئنهسئنئز.
اگر مسئحئن آديندان اؤتري تحقئر اولوناسينيز، خوش حالينيزا! چونکي شؤوکتئن و تارينين موقدّس روحو سئزئن اوستونوزده ساکئندئر.
قوي سئزلردن هچ کئم قاتئل، اوغرو، شر قوران، يا دا فوضول بئري کئمي عذاب چکمه‌سئن.
لاکئن اگر بئر مسئحي کئمي عذاب چکئر، قوي اوتانماسين. لاکئن قوي بو آددا تاريني عئزّتلندئرسئن.
چونکي زامان يتئشئب کي، موحاکئمه تاري اوئنئن اهلي ائله باشلانسين. و اگر او، اول بئزئمله باشلانير، بس گؤر تارينين ائنجئلئندن ائطاعت اتمه‌ينلرئن آخيري نه اولاجاق؟!
و اگر صالح آدام چتئنلئکله نئجات تاپير، تاريسيز و گوناهکار آدامين عاقئبتي نه اولاجاق؟
بونون اوچون، قوي تارينين ائرادهسئنه موطابئق عذاب چکنلر، ياخشيليق ادهرک جانلاريني امئن اولان خالئقه تاپشيرسينلار.
آرانيزدا اولان آغساقّاللاري کي، من ده اونلارلا بئر آغساقّال و مسئحئن عذابلارينا شاهئد و گلهجک شرئکي‌يَم ده، تشوئق ادئرم:
تارينين آرانيزدا اولان سوروسونه چوبانليق ادئن. مجبوري يوخ، اورکدن و تارينين ائرادهسئنه موطابئق اونلارا نظارت ادئن؛ بيآبيرچيليق قازانج اوچون يوخ، شؤوقله.
سئزه تاپشيريلانلارا آغاليق اتمهيئن، لاکئن ثوبوت ادئن کي، سورويه نومونهسئنئز.
و باش چوبان ظوهور اتدئيي واخت، عئزّتئن سولمايان تاجيني آلاجاقسينيز.
سئز جاوانلار دا، اِله‌جه آغساقّاللارا موطئع اولون. و هامينيز بئربئرئنئزئن حاقّيندا باشي‌آشاغيليق پالتارينا گيئنئن، چونکي تاري مغرورلارا ضئدّدئر، لاکئن باشيآشاغي اولانلارا فيض ورئر.
بونا گؤره، تارينين گوجلو اَلئنئن آلتيندا اؤزونوزو آلچالدين کي، او دا اؤز واختيندا سئزي اوجالتسين.
و هامي نئگاراچيليقلارينيزي اونون اوستونه قويون، چونکي او، سئزئن قيدئنئزه قالاندير.
تئزباش دورون، آييق قالين. سئزئن دوشمنئنئز ائبلئس نرئلده‌ين بئر آصلان کئمي گزئب، اودماغا بئرئني آختارير.
ائماندا مؤحکم دوروب، اونون قاباغيندا موقاوئمت ادئن و بئلئن کي، دونياداکي قارداشلارينيز دا همن عذابلاري چکئرلر.
آز بئر مودّت عذاب چکدئيئنئزدن سونرا، بوتون فيضئن تاريسي کي، سئزي مسئحده اؤز شؤوکتئنه دعوت اتدي، اؤزو سئزي کامئل ادئب تصدئق ادهجک و سئزه قووّت ورئب، سئزي برقرار ادهجک.
سلطنت ابددن ابده کئمي اونون اولسون. آمئن.
بو مکتوبو امئن قارداشيميز (چونکي من اونو بله گؤرورم) سئلوانوسون واسئطهسئله سئزه قيساجا يازميشام و تشوئق ادئب شهادت ورئرم کي، تارينين حقئقي فيضي بودور. اوندا مؤحکم دايانين!
سئزئن کئمي سچئلمئش بابئلده‌کي ده سئزه سالام گؤنده‌رئر، اِله‌جه ده اوغلوم مرقوس.
بئربئرئنئزي محبّت اؤپوشو ائله سالامالايين. مسئحده اولان بوتون سئزلره باريش اولسون.
اؤزونو عئسا مسئحه قول اتمئش و اونون حوارئسي شمعون پطروسدان؛ او آداملارا کي، تاريميز و قورتاريجيميز عئسا مسئحئن صالحلئيي واسئطهسئله بئزئم کئمي همن ائماني آليبلار:
تارينين و ربّئمئز عئسانين معرئفتئنده سئزه بول-بول فيض و باريش اولسون.
اونون ائلاهي قودرتي، اونون حقئقي معرئفتي ائله کي، بئزي اؤز عئزّت و فضئلتئنئن واسئطهسئله دعوت اتدي، حيات و دئندارليغا عاييد اولان هر شيي بئزه عطا ادئب.
چونکي بونلارين واسئطهسئله او بئزه قئيمتلي و مؤحتشم وعدهلرئني عطا ادئب، اِله کي، اونلارين واسئطهسئله شهوتدن باش آلان دونيادا اولان فساددان قاچيب، ائلاهي طبئعتئن شرئکي اولاسينيز.
اِله بونا گؤره ده سئز بوتون سعي‌يئنئزي صرف ادئن و ائمانينيزا اخلاقي فضئلت، اخلاقي فضئلتئنئزه معرئفت،
معرئفته نفسه حاکئم اولماق، نفسه حاکئم اولماغا تحمّول، تحمّوله دئندارليق،
دئندارليغا قارداش سوگئسي، و قارداش سوگئسئنه ده محبّتي علاوه ادئن.
چونکي اگر بونلار سئزده اولسا و آرتسا، ربّئمئز عئسا مسئحئن حقئقي معرئفتئنده سئزي ائشسئز و ثمرهسئز قويمازلار.
کئمده بونلار يوخدور، او کوردور، بصئرتي يوخدور و قاباقکي گوناهلاريندان تمئزله‌ندئيئني ياددان چيخارديب.
بونا گؤره، قارداشلار، داها چوخ چاليشين کي، دعوت و سچئلدئيئنئزي مؤحکملدهسئنئز، نه‌قدر کي، بو شيلري ادئرسئنئز، اصلا بودره‌مزسئنئز.
چونکي بو يوللا ربّئمئز و قورتاريجيميز عئسا مسئحئن ابدي پادشاهليغينا گئرمک سئزه بول-بول ورئلهجک.
بونون اوچون من همئشه حاضير قالاجاغام کي، بونلاري سئزه خاطيرلاديم، گرچي سئز اله ائندي ده بونلاري بئلئرسئنئز و يانينيزدا اولان حقئقتده ثابئتقدمسئنئز.
و صحئح بئلئرم کي، من بو مسکنده ائکن خاطيرلاتماقلا سئزي اوياديم.
چونکي بئلئرم کي، مسکنئمي تزلئکله بئر يانا قوياجاغام، نجه کي، ربّئمئز عئسا مسئح ده منه آشکار ادئب.
بونا گؤره چاليشاجاغام کي، منئم رحلتئمدن سونرا دا بونلاري يادا سالماغا قادئر اولاسينيز.
چونکي بئز ربّئمئز عئسا مسئحئن قودرتئني سئزه بئلدئرن زامان، و اونون گئنه گلهجه‌يئني سئزه بئلدئرن زامان، اوستاليقلا دوزه‌لمئش افسانهلرئن دالينجا گتمه‌دئک، لاکئن اؤزوموز اونون احتئشامينين شاهئدلري ائدئک.
اونا گؤره کي، حؤرمت و عئزّتي آتا تاريدان آلان زامان، عظمتلي اولان عئزّتدن بله بئر خئطاب گلدي: "بو منئم سوگئلي اوغلومدور کي، اوندان چوخ راضييام."
و بئز اؤزوموز موقدّس داغدا اونونلا اولان زامان، گؤيدن گلن بو خئطابي اشئتدئک.
و پيغمبرلرئن سؤزلري بئزئم يانيمزدا داها چوخ ثابئت اولدو کي، سئز ده گون دوغانا کئمي و سحر اولدوزو اورکلرئنئزده طولوع اده‌نه کئمي ياخشي ادئرسئنئز کي، قارانليق يرده ائشيق سيچيران بئر چيراق کئمي اونا دئقّت ادئرسئنئز.
لاکئن هر شيدن اوّل بونو بئلئن کي، موقدّس يازيدا اولان هچ بئر نبئلئک شخصئن اؤز تفسئرئندن ديئل.
چونکي هچ نَبئلئک هچ بئر زامان ائنسان ائرادهسي ائله اِدئلمه‌يئب، آمّا ائنسانلار موقدّس روح طرفئندن حرکته گلئب تاريدان دانيشديلار.
لاکئن يالانچي پيغمبرلر ده خالق آراسيندا ظوهور اتدئلر، نجه کي، سئزئن آرانيزدا دا يالانچي موعلّئملر اولاجاقلار کي، گئزلئجه محو ادن بئدعتلر گتئرئب، حتّا او آغاني دا داناجاقلار کي، اونلاري ساتين آلدي و اؤز باشلارينا تزلئکله هلاکت گتئرهجکلر.
بئر چوخلاري اونلارين سفاهتئنئن دالينجا گدهجکلر و اونلارين اوزوندن حقئقت يولونا اهانت اولوناجاق.
و طاماحکارليقدا سئزي يالان سؤزلرله سوياجاقلار؛ اونلارين محکومئيّتي چوخدان بري قووّهدهدئر و هلاکتلري ياتماييب.
چونکي تاري گوناها باتميش ملکلره رحم اتمهيئب، اونلاري اسئرلئکده ساخلادي و حؤکم اوچون ساخلانميش قارانليق قويولارينا تسلئم اتدي.
او قدئم دونيايا دا رحم اتمهدي، لاکئن صالحلئک واعئظي نوحو اؤزگه يدّي نفرله ساخلاييب، دئنسئزلرئن دونياسي اوزونه سل گتئردي.
سودوم و گومورا شهرلرئني هلاکته محکوم ادئب، کول‌له بئر اتدي و اونلاري اوندان سونرا دئنسئزلئکله ياشايانلار اوچون عئبرت قويدو.
صالح اولان لوطو دا کي، فاسئقلرئن ادبسئز رفتاريندا عذاب چکئردي، قورتاردي.
(چونکي بو صالح، اونلارين آراسيندا ياشايارکن گؤردوکلري و اشئتدئکلرئندن حئسّ اتدي کي، صالح جاني گون به گون اونلارين ناشرع عمللرئندن اذئيّت چکئر.)
رب بئلئر کي، دئندارلاري وسوسهدن نجه قورتارسين و صالح اولمايانلاري نجه حؤکم گونو اوچون تنبه آلتيندا ساخلاسين.
خوصوصن ده اونلاري کي، جئسمئن فاسئد هاوا-هوسلرئنه پيرو اولورلار. گوستاخ و منمچي‌دئرلر و عظمتلي وارليقلاري سؤيمکدن تئترهمئرلر.
حال بو کي، گوج و قودرتده اونلاردان داها بؤيوک اولان ملکلر، ربّئن حوضوروندا اونلارين ضئدّئنه اهانتلي بئر حؤکم ورمئرلر.
آمّا بونلار شوعورسوز حيوانلار کئمي‌دئرلر کي، توتولوب اؤلدورولمک اوچون قرئزهلرئنه موطابئق رفتار ادن مخلوقلار کئمي دوغولوبلار و بئلمه‌دئکلري شيلرئن حاقّيندا اهانت ادئرلر و او مخلوقلارين محو اولونماسيندا بونلار دا محو اولوناجاقلار
و حاقسيزليغين اوجرتي اولاراق حاقسيزليق چکهجکلر. گوندوز واختي عيش-عئشرته مشغول اولماغي بئر کف ساييرلار. اونلار لکهلي و قوصورلودورلار. سئزئنله ييئب-ائچدئکلري واخت، اؤز حئيلهلرئنده کف ادئرلر.
گؤزلري زئنادان دولوب گوناه اتمکدن اصلا اَل گؤتورمورلر، ثباتسيز جانلاري آلداديرلار، طاماحکارليقدا مشق اتمئش اورکلري وار، بو ملعون اؤولادلار!
آزديقلاري او دوز يولو اونودوبلار، پِعور اوغلو بلعامين طرئقئنه گدئبلر کي، حاقسيزليغين اوجرتئني سِودي،
لاکئن اؤز تقصئرئندن توبئخ اولوندو؛ دئلسئز بئر اِششَک، ائنسان سسي ائله اونونلا دانيشيب بو پيغمبرئن دلئلئک اتمهسئنه مانع اولدو.
بونلار سوسوز بولاقلارديرلار، کوله‌يئن آپارديغي دومانلارديرلار. اونلار اوچون قارا قارانليق ساخلانيب.
چونکي باطئللئيئن مغرور سؤزلرئني دانيشيب، جئسماني هاوا-هوسلر و سفالتله او آداملاري آلداديرلار کي، سهوده ياشايانلارين الئندن حله ده قاچماقداديرلار.
آزادليق وعدهسئني ورئرلر، حال‌بو کي، اؤزلري فسادين قوللاري‌ديرلار. چونکي هر نه کي، ائنساني مغلوب اتسه، ائنسان اونا قول اولور.
چونکي اگر اونلار کي، رب و قورتاريجيميز عئسا مسئحي تانيماق واسئطهسئله دونيانين نجئسلئکلرئندن قاچيبلار، اگر تزهدن اونلارا بولاشيب مغلوب اولسالار، اونلارين آخير حالي اوّلکئندن داها پئس اولوب.
چونکي اونلار اوچون داها ياخشي اولاردي کي، صالحلئک يولونو بئلمهمئش اولسونلار، تا کي، اونو بئلئب و اونلارا امانت ورئلمئش موقدّس حؤکمدن اوز دؤندرسئنلر.
اونلارين باشينا بو دوغرو مثلده ديئلنلر گلئب: «ائت اؤز قوسدوغونا قاييدار.» و «يويولموش دونوز پالچيقدا آغناماغا دؤنر.»
ائندي سِوگئلئلر، بو ائکئنجي مکتوبدور کي، سئزه يازيرام؛ اونلاردا چاليشيرام کي، خاطيرلاتماقلا سئزئن خالئص فئکئرلرئنئزي اويانديريم کي،
سئز، موقدّس نبئلر طرفئندن قاباقجادان ديئلمئش سؤزلري و حوارئلرئنئزئن واسئطهسئله ديئلمئش رب و قورتاريجينين امرئني يادا سالاسينيز.
هر شيدن اوّل بونو بئلئن کي، آخير گونلرده رئشخند ادنلر، رئشخندله گلهجکلر و اؤز شهوتلرئنئن دالينجا قاچيب،
دئيهجکلر: "بس اونون گلئشئنئن وعدهسي هاني؟ چونکي اجدادلاريميزين گؤزلرئني حياتا يومدوقلاريندان بري، هر شي او حالدا داوام ادئر کي، خئلقتئن باشلانيشيندان وار ائدي."
بله دوشونرکن، نظرلرئندن قاچيرديرلار کي، گؤيلر تارينين کلامي ائله قدئمدن وار ائدي، ير ده سودان و سو واسئطهسئله شکئل تاپدي
و اونونلا دا دونيا او زامان سو ائله بوغولوب محو اولدو.
لاکئن ائندئکي گؤيلر و ير اونون کلامي ائله اود اوچون ساخلانيب، دئنسئز آداملارين موحاکئمه و هلاکت گونو اوچون حئفظ اولونور.
آمّا سوگئلئلر، بو بئر شيي ياددان چيخارتمايين کي، ربّئن يانيندا بئر گون مئن ائل، مئن ائل ده بئر گون کئمي دئر.
ربّ اؤز وعدهلرئنده يوبانماز، نجه کي، بعضئلر يوبانماق حساب ادئرلر. آمّا او، سئزه صبرله رفتار ادئر و ائسته‌مئر کي، هچ کس هلاک اولسون، لاکئن هامي تؤوبهيه گلسئن.
آمّا ربّئن گونو اوغرو کئمي گلهجک کي، اوندا، گؤيلر بؤيوک بئر گورولتو ائله آرادان گدهجک و عونصورلر شئدّتلي حرارتله محو اولاجاقلار، ير و اونون ائشلري ده ياناجاقدير.
ائندي کي، بوتون بونلار بو جور آرادان گدهجکلر، سئز نجه ائنسانلار گرک اولاسينيز؟ موقدّس رفتاردا و دئندارليقدا
ربّئن گونونون گلئشئني گؤزله‌يئب، اونو تَلَسدئرهسئنئز کي، اونون سببئندن گؤيلر يانيب آرادان گدهجک و عونصورلر شئدّتلي حرارتله اَرئيه‌جکلر!
آمّا بئز اونون وعدهسئنه گؤره تزه گؤيلر و تزه بئر يري گؤزلهيئرئک کي، اونلاردا صالحلئک ساکئندئر.
بونا گؤره سوگئلئلر، ائندي کي، بو شيلري گؤزلهيئرسئنئز، چاليشين کي، او سئزي باريش ائچئنده، لکهسئز و قوصورسوز تاپسين.
و ربّئمئزئن صبرئني ده نئجات حساب ادئن؛ نجه کي، سوگئلي قارداشيميز پولوس دا، اونا ورئلمئش حئکمتله سئزه يازدي.
نجه کي، بوتون مکتوبلاردا اله شيلردن صؤحبت ادئلئر کي، باشا دوشمه‌سي چتئندئر و جاهئل و ثباتسيز آداملار، آيري موقدّس يازيلارا اتدئيي کئمي، بونلاري دا اؤز هلاکتلري اوچون چوئرئرلر.
بونا گؤره، سئز، اي سوگئلئلر، بونلاري قاباقجادان بئلهرک، احتئياط ادئن اِله کي، اوصولسوز آداملارين سهولرئله يولدان آزديريلماياسينيز و اؤز ثباتينيزدان دوشمه‌يهسئنئز.
لاکئن رب و قورتاريجيميز عئسا مسئحئن معرئفتئنده بؤيويهسئنئز. اونا هم ائندي هم ده ابدئيّت گونونهجک عئزّت اولسون. آمئن.
حيات سؤزو حاقّيندا سئزه اعلان ادئرئک؛ ازلدن بري وار اولان حاقّيندا، اونو اشئتدئيئمئز، گؤزلرئمئزله گؤردويوموز، باخديغيميز و اَللرئمئزله حئسّ اتدئيئمئز حاقّيندا.
حيات ظاهئر اولوندو. اونو گؤردوک و اونا شهادت ورئرئک. سئزه ابدي حياتي اعلان ادئرئک کي، آتا ائله بئرلئکده ائدي و بئزه ظاهئر اولوندو.
بئز سئزه گؤردويوموز و اشئتدئيئمئزي اعلان ادئرئک کي، سئزئن ده بئزئمله رفاقتئنئز اولسون و بئزئم رفاقتئمئز آتا و اونون اوغلو عئسا مسئحله‌دئر.
بونلاري سئزه يازيريق کي، شادليغيميز کامئل اولسون.
مسئحدن اشئتدئيئمئز و سئزه اعلان اتدئيئمئز خبر بودور کي، تاري نوردور و اوندا قارانليق اصلا يوخدور.
اگر ديئرئک کي، "اونونلا رفاقتئمئز وار"، حال بو کي، قارانليقدا گزئرئک، يالان دانيشيريق و حقئقته عمل اتمئرئک.
آمّا اگر اونون نوردا اولدوغو کئمي، بئز ده نوردا گزئرئک، اوندا بئربئرئمئزله رفاقتئمئز وار و اونون اوغلو عئسا مسئحئن قاني بئزي هر گوناهدان تمئزله‌يئر.
اگر گوناهسيز اولدوغوموزو ائدّئعا ادئرئک، اؤزوموزو آلداديريق و بئزده دوغرولوق يوخدور.
اگر گوناهلاريميزا اعتئراف ادک، او صادئق و صالحدئر کي، بئزئم گوناهلاريميزي بئزه باغيشلاسين و بئزي هر يامانليقدان تمئزله‌سئن.
اگر ديئرئک کي، گوناه اتمهمئشئک، اونو يالانچي گؤرسه‌دئرئک و اونون سؤزو بئزده يوخدور.
اؤولادلاريم، بونلاري سئزه يازيرام کي، گوناه اتمهيهسئنئز. اگر بئري گوناها باتسا بله، آتانين يانيندا شفاعت اده‌نئمئز وار، يعني صالح اولان عئسا مسئح.
او اؤزو، گوناهلاريميزي باغيشلادان قورباندير؛ آنجاق تک بئزئم گوناهلاريميزي يوخ، بوتون دونيانين گوناهلاريني باغيشلادان.
اونو تانيديغيميزي بوندان بئلئرئک کي، اونون امرلرئني يرئنه يتئرئرئک.
هرکس کي، "اونو تاني‌ييرام" ديئر، آمّا اونون امرلرئني يرئنه يتئرمئر، او يالانچيدير و اوندا دوغرولوق يوخدور.
لاکئن هرکس کي، اونون سؤزونو يرئنه يتئرئر، تاري محبّتي اوندا حقئقتن کامئل اولوب. بوندان بئلئرئک کي، اونداييق.
هرکس کي، اوندا ياشاديغيني ائدّئعا ادئر، او دا گرک عئسانين رفتار اتدئيي کئمي رفتار اتسئن.
عزئزلر، سئزه تزه بئر حؤکم يازميرام؛ قدئم حؤکمو يازيرام کي، باشلانيشدان بري اونا مالئک ائدئنئز. قدئم حؤکم باشلانيشدان بري او سؤزدور کي، اونو اشئتدئنئز.
گئنه ده، سئزه تزه بئر حؤکم يازيرام؛ بونون دوغرو اولدوغو هم مسئحده، هم ده سئزده گؤرونور، چونکي قارانليق کچئر و حقئقي نور ائندئدن پارلايير.
هرکس کي، نوردا اولدوغونو ديئر، لاکئن قارداشيندان نئفرت ادئر، ائندئيه کئمي قارانليقدادير.
قارداشيني سون نوردا ياشايير و اوندا بودرهدن بئر شي يوخدور.
آمّا قارداشيندان نئفرت ادن قارانليقدادير و قارانليقدا گزئر؛ هارايا گتدئيئني بئلمئر، چونکي قارانليق اونون گؤزلرئني کور ادئب.
اي اؤولادلار، سئزه يازيرام، چونکي اونون آدينين خاطئرئنه گوناهلارينيز باغيشلانيب.
آتالار، سئزه يازيرام، چونکي باشلانيشدان بري وار اولاني تاني‌ييرسينيز. اي جاوان اوغلانلار، سئزه يازيرام، چونکي شرئره قالئب گلدئنئز، اوشاقلار، سئزه يازيرام، چونکي آتاني تاني‌ييرسينيز.
اي آتالار، سئزه يازديم، چونکي باشلانيشدان اولاني تاني‌ييرسينيز. جاوان اوغلانلار، سئزه يازديم، چونکي گوجلوسونوز و تارينين کلامي سئزده ياشايير. شرئره ده قالئب گلدئنئز.
دونياني و دونيادا اولان شيلري سومه‌‌يئن. دونياني سون آدامدا آتانين محبّتي يوخدور.
چونکي دونيادا اولان هر شي، ائنسانين جئسماني طبئعتئنئن هوسلري، گؤزلرئن هوسلري، و دونيانين تکبّورو آتادان يوخ، دونياداندير.
دونيا و اونون هوسلري کچئر، لاکئن تارينين ائسته‌يئني يرئنه يتئرن ابده کئمي قالار.
اي اوشاقلار، آخير زاماندير. و اشئتدئيئنئز کئمي، مسئحئن ضئدّئنه اولان گلئر. اله ائندي ده، بئر چوخلو مسئحه ضئدّ اولانلار گلئبلر. بوندان بئلئرئک کي، آخير زاماندير.
اونلار بئزئم آراميزدان چيخديلار، آمّا بئزدن ديئلدئلر. اگر بئزدن اولسايديلار، بئزئمله قالارديلار. آمّا اونلار چيخديلار کي، هچ بئرئنئن بئزدن اولماماسي بئلئنسئن.
آمّا سئز موقدّس اولان طرفئندن مسح اولونوبسونوز و هر شيي بئلئرسئنئز.
من سئزه اونا گؤره يازماديم کي، حقئقتي بئلمئرسئنئز. اونا گؤره يازديم کي، حقئقتي بئلئرسئنئز، هچ يالان دا حقئقتدن ديئل.
اگر عئسانين مسئح اولدوغونو ائنکار ادن يالانچي ديئل، بس يالانچي کئمدئر؟ مسئحه ضئدّ اولان اودور کي، آتا و اوغولو ائنکار ادئر.
اوغولو ائنکار ادن هرکس آتادان دا محرومدور. لاکئن هرکس کي، اوغولا اولان ائمانيني ائقرار اتسه، آتا دا اونوندور.
قوي باشلانيشدان بري اشئتدئيئنئز سئزده قالسين. اگر باشلانيشدان بري اشئتدئيئنئز سئزده قالسا، سئز ده اوغول و آتادا قالارسينيز.
و اونون بئزه وعده وردئيي بودور، يعني ابدي حيات.
بونلاري سئزي يولدان چيخاردانلار بارهسئنده سئزه يازديم.
سئزه گلئنجه، اوندان آلديغينيز مسح سئزده قالير و احتئياجينيز يوخدور کي، کئمسه سئزه تعلئم ورسئن. لاکئن نجه کي، همن او مسح هر شيئن حاقّيندا سئزه تعلئم ورئر و يالان يوخ، دوغرودور دا، نجه کي، او سئزه تعلئم ورئب، اوندا قالين.
ائندي اؤولادلار، اوندا ياشايين کي، او ظوهور ادنده يقئنئمئز اولسون و او گلنده اونون قاباغيندا اوتانماياق.
اگر اونون صالح اولدوغونو بئلئرسئنئز، بئلئن کي، دوغرو اولاني يرئنه يتئرن هرکس اوندان دوغولوب.
گؤرون آتا بئزه نه بؤيوک بئر محبّت گؤرسه‌دئب کي، تارينين اؤولادلاري آدلاناق! و بئز الهيئک ده. دونيا اونو تانيماديغي اوچون بئزي ده تانيمير.
سوگئلئلر، ائندي بئز تارينين اؤولادلاري‌ييق، آمّا نه اولاجاغيميز حله ظاهئر اولونماييب. آنجاق بئلئرئک کي، مسئح ظوهور ادنده بئز اونا بنزه‌يه‌جه‌يئک، چونکي اونو، اولدوغو کئمي گؤرهجه‌يئک.
اونا بله اومئد باغلايان هرکس اؤزونو پاک ادئر، نجه کي، او پاکدير.
گوناه ادن هرکس شرئعتي ده آياق آلتينا قويور و گوناه شرئعته ضئدّ دورماقدير.
و سئز بئلئرسئنئز کي، او، گوناهلاري آرادان گؤتورمک اوچون ظوهور اتدي و اوندا هچ گوناه يوخدور.
اوندا قالان هرکس گوناه اتمز. گوناه ادن آدام نه اونو گؤروب، نه ده اونو تاني‌يير.
اؤولادلار، هچ کس سئزي آلداتماسين؛ صالحلئيه عمل ادن صالحدئر، نجه کي، او، صالحدئر.
گوناه ادن ائبلئسدندئر، چونکي باشلانيشدان گوناه ادن ائبلئسدئر. تارينين اوغلو دا بونا گؤره ظوهور اتدي کي، ائبلئسئن عمللرئني محو اتسئن.
تاريدان دوغولان آدام گوناه اتمز، چونکي تارينين توخومو اوندا ياشايير. او گوناه اده بئلمز، چونکي تاريدان دوغولوب.
کئمئن تارينين اؤولادي اولدوغو، کئمئن ده ائبلئسئن اؤولادي اولدوغو بوندان بلّي اولور: صالحلئيه عمل اتمه‌ين تاريدان ديئلدئر، قارداشيني سومه‌ين ده اِلهدئر.
باشلانيشدان بري اشئتدئيئنئز خبر بودور کي، بئربئرئمئزي سوک.
شرئردن اولوب، قارداشيني اؤلدورن قاين کئمي اولماياق. قارداشيني نه اوچون اؤلدوردو؟ اونا گؤره اؤلدوردو کي، اؤز عمللري شر، لاکئن قارداشينين عمللري صالح ائدي.
قارداشلار، اگر دونيا سئزدن نئفرت ادئر، بونا تعجّوب اتمهيئن.
بئز بئلئرئک کي، قارداشلاريميزي سودئيئمئز اوچون اؤلومدن حياتا کچمئشئک. قارداشيني سومه‌ين اؤلومده قالير.
قارداشيندان نئفرت ادن هرکس قاتئلدئر. و سئز بئلئرسئنئز کي، هچ بئر قاتئل ابدي حياتا صاحئب اولا بئلمز.
محبّتئن نه اولدوغونو بئز بوندان بئلئرئک کي، او، اؤز جانيني بئزئم اوچون فدا اتدي. بئز ده اؤز جانيميزي قارداشلاريميز اوچون فدا اِتمه‌لي‌يئک.
اگر بئر آدام دونيا مالينا صاحئب اولوب، قارداشيني احتئياج ائچئنده گؤرسه، لاکئن اونا رحمي گلمه‌سه، اوندا تارينين محبّتي نجه اولا بئلر؟
اؤولادلار، سؤز و دئلله يوخ، عمل و حقئقتله سوک.
بوندان حقئقته عاييد اولدوغوموزو بئلهجهيئک و نه خوصوصدا کي، اوره‌يئمئز بئزي محکوم اتسه، اونون حوضوروندا اوره‌يئمئزي آرخايين ادهجهيئک.
چونکي تاري بئزئم اوره‌يئمئزدن داها بؤيوکدور و هر شيي بئلئر.
سوگئلئلر، اگر اوره‌يئمئز بئزي محکوم اتمئر، او زامان تارينين حوضوروندا آرخايينيق
و اوندان هر نه آرزو ادئرئک، آليريق، چونکي اونون امرلرئني يرئنه يتئرئرئک و اونا مقبول اولان ائشلري گؤروروک.
اونون امري بودور کي، بئز اونون اوغلو عئسا مسئحئن آدينا ائمان گتئرک و بئربئرئمئزي اونون بئزه امر اتدئيي کئمي سوک.
و اونون امرلرئني يرئنه يتئرن اوندا، او دا اونلاردا قالير. روحون وسئلهسئله بئز بئلئرئک کي، او، بئزده ياشايير.
سوگئلئلر، هر روحا ائنانمايين، آمّا روحلاري ائمتاحان ادئن کي، اونلارين تاريدان اولوب اولماديغيني بئلهسئنئز. چونکي دونيادا چوخ يالانچي پيغمبر ياييليب.
تارينين روحونو بله تاني‌يين: عئسا مسئحئن جئسمده گلدئيئني ائقرار ادن هر روح تاريداندير.
عئسا مسئحئن جئسمده گلدئيئني ائقرار اتمه‌ين هچ بئر روح تاريدان ديئل. بو، مسئحه ضئدّ اولانين روحودور کي، اونون گلهجه‌يئني اشئدئبسئنئز و ائندي اله دونيادادير.
سئز، اي اؤولادلار، سئز تاريدانسينيز و يالانچي پيغمبرلره قالئب گلئبسئنئز. چونکي سئزده اولان روح، دونيادا اولاندان بؤيوکدور.
اونلار دونيه‌وي‌دئرلر، بونا گؤره دانيشديغي شيلر ده دونيوئدئر و دونيا اونلارا قولاق آسير.
بئز تاريدانيق. تاريني تانييان بئزه قولاق آسير. تاريدان اولمايان بئزي اشئتمز. حقئقت روحونو و يالان روحونو بئز بوندان بئلئرئک.
اي سوگئلئلر، بئربئرئمئزي سوک، چونکي محبّت تاريداندير و محبّت ادن هرکس تاريدان دوغولوب و تاريني تاني‌يير.
محبّت اتمه‌ين تاريني تانيماييب، چونکي تاري سوگئدئر.
تارينين بئزه اولان محبّتي بله ظاهئر اولوب: تاري اؤز يگانه اوغلونو دونيايا گؤنده‌ردي کي، بئز اونون واسئطهسئله ياشاياق.
محبّت بودور: نه کي، بئز تاريني سودئک. بو کي، او بئزي سودي و اؤز اوغلونو بئزئم گوناهلاريميز اوچون کفّاره گؤنده‌ردي.
سوگئلئلر، اگر تاري بئزي بله سودي، بئز ده گرک بئربئرئمئزي سوک.
تاريني هچ کئم، هچ زامان گؤرمه‌يئبدئر. اگر بئز بئربئرئمئزي سِوسَک، تاري بئزده ياشايير و اونون محبّتي بئزده کامئل اولور.
بئزئم اوندا ياشاديغيميزي، اونون دا بئزده ياشاديغيني بوندان بئلئرئک کي، او بئزه اؤز روحوندان ورئب.
بئز گؤرموشوک و شهادت ورئرئک کي، آتا اوغلونو دونيا اوچون قورتاريجي گؤنده‌ردي.
کئم ائقرار اتسه کي، عئسا تارينين اوغلودور، تاري اوندا، او دا تاريدا ياشايير.
و بئز تارينين بئزه اولان محبّتئني درک ادئب اونا ائنانميشيق. تاري محبّتدئر و محبّتده ياشايان تاريدا ياشايير، تاري دا اوندا ياشايير.
محبّت اونا گؤره بئزده کامئل اولوب کي، قئيامت گونونده يقئنئمئز اولسون. چونکي مسئح نجهدئر، بئز ده بو دونيادا اِلهيئک.
محبّتده قورخو يوخدور؛ عکسئنه، کامئل محبّت قورخونو قووار. چونکي قورخودا عذاب وار، قورخان دا محبّتده کامئل اولماييب.
بئز سوئرئک، چونکي اوّل او بئزي سوئب.
کئم دسه کي، من تاريني سوئرم، لاکئن اؤز قارداشيندان نئفرت اتسه، او يالانچيدير. چونکي گؤردويو قارداشيني سومه‌ين، گؤرمه‌دئيي تاريني سوه بئلمز.
بئزئم اوندان آلديغيميز امر بودور کي، تاريني سون گرک اؤز قارداشيني دا سوسئن.
عئسانين مسئح اولدوغونا ائنانان هر کس تاريدان دوغولوب و آتاني سون هر کس اوندان دوغولاني دا سوئر.
بئز تارينين اؤولادلاريني سودئيئمئزي بوندان بئلئرئک: تاريني سوئب اونون امرلرئني يرئنه يتئرمکله.
چونکي تاريني سومک، تارينين امرلرئني يرئنه يتئرمکدئر. و اونون امرلري آغير ديئل.
چونکي تاريدان دوغولان هر کس دونيايا قالئب گلئر. و دونيايا قالئب گلن ظفر ائمانيميزدير.
دونيايا قالئب گلن کئمدئر، مگر او ديئل کي، عئسانين تاري اوغلو اولدوغونا ائنانير؟!
بودور او کي، سو و قانلا گلدي، يعني عئسا مسئح. او، آنجاق سو ائله يوخ، سو و قانلا گلدي.
روح دا بونا شهادت ورئر، چونکي روح حاقدير. اونا گؤره کي، اوچ شاهئد وار:
روح، سو، و قان. بونلارين اوچو ده بئربئرئنه موطابئقدئر.
بئز ائنسانلارين شهادتئني قبول ادئرئک، لاکئن تارينين شهادتي بوندان بؤيوکدور، چونکي تارينين وردئيي شهادتدئر کي، اؤز اوغلو حاقّيندا ورئب.
تارينين اوغلونا ائمان گتئرن اؤز-اؤزونده بو شهادتي وار. لاکئن تارييا ائمان گتئرمه‌ين اونو يالانچي گؤرسدئب، چونکي تارينين اؤز اوغلو حاقّيندا وردئيي شهادته ائنانماييبدير.
و شهادت بودور کي، تاري بئزه ابدي حيات ورئب و بو حيات اونون اوغلوندادير.
تارينين اوغلونا مالئک اولانين حياتي وار، لاکئن تارينين اوغلونا مالئک اولمايانين حياتي يوخدور.
بونلاري سئزه، تارينين اوغلونون آدينا ائنانانلارا يازميشام کي، ابدي حياتا مالئک اولدوغونوزو بئلهسئنئز.
و اونون حوضوروندا مالئک اولدوغوموز يقئن بوندان عئبارتدئر کي، اگر اونون ائرادهسئنه گؤره بئر شي طلب ادئرئک، او، بئزي اشئدئر.
و اگر بئلئرئک کي، او، بئزئم هر طلب اتدئيئمئزي اشئدئر، بونو دا بئلئرئک کي، اوندان طلب اتدئکلرئمئزي آلميشيق.
اگر کئمسه قارداشيني گؤرسه کي، اؤلومه آپارمايان گوناه ادئر، گرک دوعا اتسئن. تاري دا اونا حيات ورهجک. بونو اونلار حاقّيندا ديئرم کي، گوناهلاري اؤلومه آپاران ديئل. گوناه وار کي، اؤلومه آپارير. دمئرم کي، بو گوناه اوچون دوعا اتسئن.
هر جور صالحسئزلئک گوناهدير. لاکئن گوناه دا وار کي، اؤلومه آپاران ديئل.
بئلئرئک کي، تاريدان دوغولان هر کس گوناه اتمز. عکسئنه، تاريدان دوغولان اؤزونو ساخلار و شرئر اونا توخونا بئلمز.
بئز بئلئرئک کي، تاريدانيق، لاکئن بوتون دونيا شرئرئن حاکئمئيّتي آلتيندادير.
بونو دا بئلئرئک کي، تارينين اوغلو گلئب و بئزه فهم ورئب کي، حاق اولاني تانيياق. بئز اونداييق کي، حاقدير؛ اوغلو عئسا مسئحده. حقئقي تاري و ابدي حيات اودور.
اؤولادلار، اؤزونوزو بوتلردن قورويون.
آغساقّالدان حقئقتده سودئيئم سچئلمئش خانيم و اونون اؤولادلارينا؛ و نه آنجاق من، حقئقتي تانييانلارين هاميسي طرفئندن سوئلن.
بئزده ساکئن اولان و بئزئمله همئشهلئک قالان حقئقتئن خاطئري اوچون.
آتا تاريدان و آتانين اوغلو عئسا مسئحدن، حقئقت و محبّتده، فيض، رحمت، و باريش بئزئمله اولاجاق.
چوخ سوئندئم کي، سنئن اوشاقلارين آراسيندا، آتادان آلديغيميز امره موطابئق، حقئقتده ياشاديقلارينا راست گلدئم.
ائندي اي خانيم، سندن خاهئش ادئرم کي، بئربئرئمئزي سوک. سنه يازديغيم بو، تزه بئر امر ديئل، بو امره بئز اِله او باشلانيشدان مالئکئک.
و محبّت بودور کي، بئز اونون امرلرئنه موطابئق رفتار ادک. بو، باشلانيشدان اشئتدئيئنئز او امردئر کي، اوندا گرک رفتار ادهسئنئز.
چونکي چوخ آلدادانلار دونيايا ياييليبلار کي، عئسا مسئحئن جئسمده گلدئيئني قبول اتمئرلر. بونو ادن، همن او آلدادان و مسئحه ضئدّ اولاندير.
اؤزونوزدن موواظئب اولون کي، بئزئم عمله يتئشتئردئيئمئزي سئز الدن ورمه‌يئب، کامئل بئر پاداشا نايئل اولاسينيز.
حدّي آشيب مسئحئن تعلئمئنه باغلي قالمايان هچ کئمسهده تاري يوخدور. تعلئمه باغلي قالان هر کسده هم آتا وار هم ده اوغول.
اگر بئر کئمسه يانينيزا گلئب بو تعلئمي گتئرمئر، اونو اوه قبول اتمهيئن، اونونلا دا سالاملاشمايين.
چونکي اونونلا سالاملاشان، اونون شر ائشلرئنده شرئک اولور.
گرچي سئزه يازمالي چوخ سؤزوم وار، آمّا ائسته‌مئرم کي، بونو کاغيذ و مورکّبله ادئم. اومئدئم بودور کي، يانينيزا گلم و اوز-اوزه دانيشام، اله کي، شادليغيميز کامئل اولسون.
سنئن سچئلمئش باجينين اؤولادلاري سنه سالام گؤنده‌رئرلر.
آغساقّالدان، حقئقتده سودئيئم سوگئلي غايوسا.
اي عزئز، دوعا ادئرم کي، جانين کامينا چاتديغي کئمي، سن ده هر باخيمدان کامينا چاتيب صاغ-سالامات اولاسان.
چوخ سوئندئم او زامان کي، بعضي قارداشلار گلئب، سنئن حقئقته باغلي اولدوغون بارهده شهادت وردئلر. يعني، نجه حقئقتده رفتار ادئرسن.
من اوچون بوندان داها بؤيوک شادليق يوخدور کي، اؤولادلاريمين حقئقتده ياشاديغيني اشئدئم.
اي عزئز، قارداشلار اوچون، هم ده قرئب اولانلار اوچون نه ادئرسن، وفالي عمل ادئرسن.
اونلار دا کئلئسانين حوضوروندا سنئن محبّتئن حاقّيندا شهادت ورئبلر. اگر اونلاري تارييا لايئق بئر شکئلده يولا سالاسان، ياخشي ائش گؤررسن.
چونکي اونلار اونون آدي خاطئرئنه يولا چيخديلار و قيري‌يهودئلردن هچ بئر شي قبول اتمه‌دئلر.
بونا گؤره، بئز بله آداملارا کؤمک اتمه‌لي‌يئک کي، حقئقته همکار اولاق.
کئلئسايا بئر شي يازديم، لاکئن آرالاريندا ريئس اولماغي سون دئيوترفس بئزئم ددئيئمئزي قبول اتمئر.
بو سببدن، اگر گلسم، اونون اتدئيي ائشلرئني اوزه چيخارداجاغام. او، بئزه، ناحاق يره، پئس سؤزلرله ائتّئهام وورور و بونا دا قانع اولماييب اؤزو قارداشلاري قبول اتمئر، و بونو اتمک ائسته‌ينلره ده مانع اولور و اونلاري کئلئسادان قووور.
اي عزئز، پئسلئيه يوخ، ياخشيليغا اوخشار اول. ياخشيليق ادن تاريداندير. پئسلئک ادن تاريني گؤرمه‌يئب.
دئمئترئيوس حاقّيندا هامي، هم ده حقئقتئن اؤزو ياخشي بئر شهادت ورئر. بئز ده بونا شهادتئمئزي علاوه ادئرئک و بئلئرسن کي، بئزئم شهادتئمئز دوغرودور.
سنه يازمالي چوخ شيلرئم وار، لاکئن ائسته‌مئرم کي، اونلاري قلم و مورکّبله يازيم.
آمّا اومئدئم وار کي، تزلئکله سني گؤروم و اوز-اوزه دانيشاق. باريش سنئنله اولسون. دوستلار سنه سالام گؤنده‌رئرلر. دوستلارا آدباآد سالام يتئر.
بئرئنجي عصرده مسئحئيّت موختلئف اؤلکهلرده سورعتله ياييليردي و ائنسانلار عئسايا ائمان گتئرئردئلر. آمّا بو حقئقي ائمانليلار آراسيندا بعضي‌لري ده وار ائدي کي، سهو و حقئقت اولمايان عقئده‌لره مالئک ائدئلر. بو آداملار اؤزلرئني ظاهئرده چوخ دا روحاني و مسئحي گؤرسه‌دئردئلر، لاکئن باطئنده پئس نئيّتلري وار ائدي. يهودا بو مکتوبدا مسئحي‌لردن ائستهيئر کي، اؤزلرئني بو يالانچي روحاني آداملاردان اوزاق ساخلاسينلار و اونلاري تشوئق ادئر کي، حاق و حقئقته پيرو اولسونلار.
مرحمت و باريش و محبّت سئزه بول-بول احسان اولسون.
عزئزلر، سئزه موشترک نئجات بارهده يازماغا چاليشديغيم حالدا، بونو يازماغي لازيم گؤردوم کي، سئزي او ائمان اوچون جهد اتمه‌يه تشوئق ادئم کي، بئر دفه همئشهلئک موقدّسلره تسلئم ادئلدي.
چونکي بعضي آداملار گئزلئجه آرانيزا سيزيليبلار کي، اله قدئم زامانلاردان بري بو محکومئيّت اوچون تعيئن اولونوبلار؛ رذئل آداملار کي، تاريميزين فيضئني شهوتپرستلئيه دؤنده‌رئبلر و بئزئم يگانه آغا و ربّئمئز عئسا مسئحي ائنکار ادئرلر.
گرچي سئز بوتون شيلري باشدان باشا بئلئرسئنئز، لاکئن سئزه بونو خاطيرلاماق ائسته‌يئرم کي، رب، اؤز خالقيني مئصئر دئياريندان نئجات وردئيئندن سونرا، ائمان گتئرمه‌ينلري نهايت هلاک اتدي.
رياستلرئني ساخلاماييب منصبلرئني ترک ادن ملکلري ده ضولمت آلتيندا ابدي زنجئرلرده او بؤيوک موحاکئمه گونو اوچون ساخلاييب.
اِله سودوم و گومورا و اطرافينداکي شهرلر کئمي، اونلار دا جئنسي عئفّتسئزلئيه دوشدولر و ياد بدن دالينجا گتدئلر و بونا گؤره ابدي اودلا جزالانيب، نومونه اولدولار.
لاکئن گئنه ده همن شکئلده بو آداملار خيالبافليقلا بدنلرئني نجئس ادئرلر و ائقتئداري هچ ساييب، شؤوکتلئيي ده سؤيورلر.
آمّا باش ملک اولان مئکايئل ائبلئسله موناقئشه ادئب موسانين جسدي اوچون موباحئثه ادنده، جورعت اتمهدي کي، اونو سؤيوب، اونا بئر حؤکم اتسئن. لاکئن ددي: "قوي سني ربّ تنبه اتسئن."
آمّا بو آداملار آنلاماديقلاريني سؤيورلر و ائدراکسيز حيوانلار کئمي قرئزهيه اساسن آنلاديقلاري شيلرله اؤزلرئني هلاک ادئرلر.
واي اونلارين حالينا! چونکي اونلار قايِنئن يولونا گدئبلر و پول اوچون بلعامين خاطاسينا دوشوبلر و قوراحين عوصيانيندا هلاک اولوبلار.
بو آداملار اونلارديرلار کي، سئزئن محبّتلي ضئيافلرئنئزده لکهلردئرلر کي، سئزئنله قورخوسوز سوفرهيه اوتوروب آنجاق اؤزلرئنئن قيدئندهدئرلر؛ ياغيشسيز بولودلار کي، يل‌له گدئرلر، ميوهسئز پاييز آغاجلاري کي، ائکي قات اؤلوب رئشهدن چيخارديليبلار.
دهنزئن تلاطوملو شپهلري کئمي کي، اؤز عاييبلاريني کؤپوک کئمي ساچيرلار. آوارا اولدوزلار کي، اونلار اوچون درئن ظولمت ابده کئمي ساخلانيب.
بونلار حاقّيندا آدمئن يدّئنجي نسئلي اولان خنوخ دا نبئلئک ادئب ديئر: "باخ، رب اؤز مئنلرجه مئنلر موقدّسلري ائله گلدي کي،
هامييا حؤکم اتسئن و رذئل يوللا يرئنه يتئرمئش بوتون رذئل آداملارين بوتون رذئل عملرئني و رذئل گوناهکارلارين اونون ضئدّئنه دانيشديغي بوتون پئس شيلري محکوم اتسئن."
بونلار دِيئنن، ائراد توتان، و اؤز شهوتلرئنئن دالينجا قاچانديرلار. تکبّورلو دانيشيرلار، آداملاري دا منفعت اوچون آلداديرلار.
آمّا سئز، عزئزلر، گرک ربّئمئز عئسا مسئحئن حوارئلرئنئن قاباقجا ددئيي سؤزلري خاطيرلاياسينيز.
اونلار سئزه ديئردئلر کي، آخير زاماندا ائستهزا ادنلر اولاجاقلار کي، اؤز رذئل شهوتلرئنئن دالينجا گدهجکلر.
آيريليق سالان بونلارديرلار، آنجاق نفسانئدئرلر، موقدّس روحدان دا بهرهسئز.
لاکئن سئز، عزئزلر، اؤزونوزو لاپ موقدّس ائمانلا بئنا ادئب، موقدّس روحدا دوعا ادئن.
اؤزونوزو تارينين محبّتئنده ساخلايين، سئزي ابدي حياتا آپاران ربّئمئز عئسا مسئحئن مرحمتئني ائشتئياقلا گؤزلهيئن.
شک ادنلره مرحمتلي اولون
قالانلاري اوددان قاپيب نئجات ورئن و بعضئلرئنه ده قورخو ائله مرحمت گؤرسه‌دئن، حتّا جئسمدن لکهلنن پالتاردان دا نئفرت ادئن.
ائندي او تارييا کي، سئزي بودره‌مکدن ساخلاماغا و اؤز شؤوکتئنئن حوضوروندا بؤيوک شادليقلا ائرادسيز دايانديرماغا قادئردئر.
ربّئمئز عئسا مسئحئن وسئلهسئله ازلدن و ائندي و ابدهجک يگانه قورتاريجيميز تارييا شؤوکت، عظمت، رياست، و ائقتئدار اولسون. آمئن.
"وحي" کئتابي، جدئد عهدئن آخيرينجي کئتابي‌دير. بو کئتابين آيري کئتابلارلا چوخ فرقي وار. وحي کئتابينين چوخ حئصّه‌لري سئرّي و سمبولئک دئلده يازيليب و درئن معنالي دوشونجهلر بو سمبولئک دئلده بيان اولونوب. اونا گؤره ده بو کئتابدا گلنلري نجه کي، وار، معنا اتمک اولماز. وحي کئتابي مسئحي‌لرئن اذئيّت آلتيندا اولان زامانلاري يازيليب، اونا گؤره ده يوحنّا بو کئتابدا گلن مطلبلري سئرّي بئر شکئلده يازير، اِله کي، مسئحئيّت دوشمنلرئنه، اونلارين باشا دوشولمه‌سي مومکون اولماسين. يوحنّا تزه بئر دونيادان دانيشير، او دونيادان کي، اوندا رب هر گؤزياشيني گؤزلردن سئلهجک و بوتون قوصّه‌لري باشا چاتديراجاقدير.
او دا تارينين کلامينا و عئسا مسئحئن شهادتئنه، يعني گؤردوکلرئنئن هاميسينا شهادت وردي.
خوش او آداملارين حالينا کي، بو نبئلئيئن کلاميني اوخويورلار، اشئدئرلر، و اوندا يازيلان شيلره عمل ادئرلر، چونکي واخت ياخيندير.
يوحنّادان آسئيا ايالتئنده اولان يدّي کئلئسايا: وار اولان، وار اولموش و گلهجک اولاندان و اونون تختئنئن حوضوروندا اولان يدّي روحدان سئزه فيض و باريش اولسون.
هم ده امئن شاهئد، اؤلولردن ائلک دوغولان و ير اوزونون پادشاهلارينين ريئسي عئسا مسئحدن کي، بئزي سِوئر و اؤز قاني واسئطهسئله بئزي گوناهدان آزاد اتدي
و بئزي بئر پادشاهليق و اونون آتا تاريسي اوئنه کاهئنلر تعيئن ادئب. اونا ازلدن ابدهجک شؤوکت و قودرت اولسون. آمئن.
باخين، او، بولودلارلا گلئر، و هر گؤز اونو گؤرهجک، حتّا اونون بدنئني دِشَنلر بله؛ دونيانين بوتون قبئلهلري اونون اوچون ياس توتاجاقلار. بلي، بله اولاجاق. آمئن.
رب تاري ديئر: "منم «الف» و «ي»؛ وار اولان، وار اولموش و گلهجک اولان، او قادئري-موطلق."
من، يوحنّا، قارداشينيز و عئسادا اولان سيخينتييا، ملکوتا، و صبره سئزئنله برابر شرئک اولان، تارينين کلامي و عئسانين شهادتي اوچون پطموس ديئلن جزئره‌ده ائدئم.
ربّئن گونونده روحدا ائدئم، و آرخامدا شيپور سسئنه اوخشار بؤيوک بئر سس اشئتدئم کي،
ديئر: "گؤردويونو بئر کئتابا ياز و يدّي کئلئسايا گؤندَر: افسوسا، اسمئرنايا، پرقاموما، تئياتئرايا، ساردئسه، فئلادلفئيايا و لاودئکئيه‌يه."
او زامان دؤندوم کي، منئمله دانيشان سسي گؤروم. دؤندوکده يدّي قيزيل چيراقدان گؤردوم
و چيراقدانلارين آراسيندا ائنسان اوغلونا بنزهين بئرئسئني گؤردوم کي، آياقلاريناجاق يتئشن اوزون بئر شئنل گيمئش، سئنهسئنه ده قيزيل قورشاق تاخميشدي.
اونون باشي و ساچلاري يون و قار کئمي آغ ائدي، گؤزلري ده بئر اود آلووسو کئمي ائدي.
آياقلاري کورهده يانان پارلاق بورونج کئمي ائدي، سسي ده بئر چوخ سولارين گورولتوسونه بنزه‌يئردي.
صاغ الئنده يدّي اولدوز ساخلاميشدي، آغزيندان دا ائکي آغيزلي بئر ائتي قيلينج چيخيردي. اوزو بوتون قودرتئنده پارلايان گون کئمي ائدي.
اونو گؤردوکده اؤلو کئمي آياقلارينا دوشدوم. و او، صاغ اَلئني منئم اوستومه قويوب ددي: "قورخما! منم، بئرئنجي و آخيرينجي اولان،
همئشه دئري اولان. اؤلموشدوم، و باخ، همئشهلئک دئري‌يَم و اؤلوم و اؤلولر دئيارينين آچارلاري مندهدئر.
بونا گؤره گؤردوکلرئني، ائندي اولان شيلري و بونلاردان سونرا باش ورهجک شيلري ياز.
صاغ َالئمده گؤردويون يدّي اولدوز و يدّي قيزيل چيراقدانين سئرّي بارهده: يدّي اولدوز، يدّي کئلئسالارين ملکلري‌دئر. يدّي چيراقدان دا يدّي کئلئسالاردير.
***
«سنئن ائشله‌رئندن، سنئن زحمتئندن و سنئن تحمّول ادن صبرئندن خبرئم وار و بوندان دا کي، شرور آداملارا تاب گتئره بئلمئرسن و حواري اولماديقلاري حالدا، اؤزلرئني حواري چاغيرانلاري ائمتاحانا چکدئن و اونلارين يالانچي اولدوغونو بئلدئن.
و سنئن تحمّولون وار و آديمين خاطئري اوچون تاب گتئرئبسن و يورولماييبسان.
لاکئن سنئن ضئدّئنه بو واريم کي، باشلانيشداکي محبّتئندن اوزاقلاشيبسان.
بونا گؤره هارادان دوشدويونو خاطيرلا، تؤوبه ات و اوّلجه اتدئکلرئنه عمل ات؛ اگر تؤوبه اتمهيهسن، سنئن يانينا گلئب، چيراقدانيني يرئندن گؤتورهرم.
لاکئن گئنه سن ده بو دا وار کي، نئکولاچي‌لارين عمللرئندن نئفرت ادئرسن کي، من ده نئفرت ادئرم.
قولاغي اولان، قوي اشئتسئن کي، موقدّس روح کئلئسالارا نه ديئر. قالئب گلنه بونو عطا ادهجهيم کي، تارينين جنّتئنده اولان حيات آغاجيندان يسئن.»
اسمئرنادا اولان کئلئسانين مله‌يئنه ياز: بئرئنجي و آخيرينجي اولان، اؤلوب و تزهدن دئرئلن بله ديئر:
«سنئن چکدئيئن عذاب و يوخسوللوغوندان خبرئم وار. لاکئن سن دؤولتلي‌سن! يهودي اولدوقلاريني ائدّئعا ادنلرئن کوفروندون ده خبرئم وار کي، يهودي يوخ، شيطانين بئر کنئسه‌سي‌دئرلر.
چکهجه‌يئن عذابلاردان قورخما. باخ، ائبلئس عنقرئب سئزلردن بعضئلرئني زئندانا آتاجاق، اِله کي، سئز ائمتاحانا دوشهسئنئز و اون گون عذاب آلتيندا اولاجاقسينيز. اؤلومه‌جک وفالي قالين و من سئزه حيات تاجيني ورهرم.
قولاغي اولان، قوي اشئتسئن کي، موقدّس روح کئلئسالارا نه ديئر. قالئب گلن ائکئنجي اؤلومدن هچ ضرر گؤرمهيهجک.»
پرقامومداکي کئلئسانين مله‌يئنه ياز: ائکي آغيزلي ائتي قيلينجي اولان بله ديئر:
«ساکئن اولدوغون يردن، شيطانين تختئنئن هارادا اولدوغوندان خبرئم وار، بوندان دا کي، منئم آديمي برک ساخلادين و آرانيزدا، شيطانين ساکئن اولدوغو يرده، اؤلدورولن وفالي شاهئدئم آنتئپاسين گونلرئنده بله منه اولان ائماني ائنکار اتمه‌دئن.
لاکئن سنئن ضئدّئنه بئر نچه شيئم وار، چونکي سنئن يانيندا بعضئلر وار کي، بلعامين تعلئمئني توتوبلار. او، بالاغا اؤيره‌تدي کي، ائسرايئل اوغوللارينين قاباغينا بئر بودرهمه داشي قويسون کي، بوتلره تقدئم اولونان شيلردن يسئنلر و عئفّتسئز عمللر اتسئنلر.
يانيندا بعضئلر ده وار کي، همن شکئلده نئکولاچي‌لارين تعلئمئني توتوبلار.
بونا گؤره، تؤوبه ات. يوخسا سنئن يانينا تزلئکله گلئب، آغزيمين قيلينجي ائله اونلارلا موحارئبه ادهجهيم.
قولاغي اولان، قوي اشئتسئن کي، موقدّس روح کئلئسالارا نه ديئر. قالئب گلنه، من گئزلي ساخلانان مانّادان ورهجهيم. اونا آغ بئر داش و اونون اوستونده يازيلميش تزه بئر آد دا ورهجهيم کي، اونو آلان آدامدان باشقا هچ کس اونو بئلمئر.»
تئياتئراداکي کئلئسانين مله‌يئنه ياز: تارينين اوغلو، گؤزلري اود آلووو کئمي اولان، آياقلاري دا پارلاق بورونجه بنزهين بله ديئر:
«سنئن عمللرئندن، محبّتئندن، ائمانيندان، خئدمتئندن و تحمّولوندن خبرئم وار و بوندان دا کي، آخير عمللرئن ائلک عمللرئندن داها بؤيوکدور.
لاکئن سنئن ضئدّئنه بو واريم کي، سن اؤزونو نبئيه چاغيران او ائزابل آروادي تحمّول ادئرسن و او تعلئم ورئب، اؤزلرئني منئم قوللوغوما ورنلري يولدان آزديرير، اِله کي، اونلار عئفّتسئز عمللر ادئب بوتلره تقدئم اولونموش شيلري ييئرلر.
اونا مؤهلت وردئم کي، تؤوبه اتسئن، آمّا اؤز عئفّتسئزلئيئندن تؤوبه اتمه‌يي ائسته‌مئر.
باخ، من اونو ناخوشلوق دؤشه‌يئنه آتاجاغام، اونونلا زئنا ادنلري ده بؤيوک بئر عذابا سالاجاغام، مگر اونون عمللرئندن تؤوبه ادهلر.
اونون اؤولادلاريني وبا ائله اؤلدورهجه‌يم و بوتون کئلئسالار بئلهجکلر کي، فئکئرلري و اورکلري آراشديران منم و سئزلردن هر بئرئنئزه عمل‌لرئنئزه گؤره عوض ورهجهيم.
آمّا سئزه، تئياتئرادا اولان قالانلارا کي، بو تعلئمي توتمورلار و شيطانين درئن شيلرئني بئلمه‌يئبلر، نجه کي، ديئرلر، سئزه داها بئر يوک قويمورام.
آنجاق من گلنه کئمي، نه‌يئن وارسا، برک توت.
قالئب گلنه، منئم عمللرئمي آخيراجاق ساخلايانا عطا ادهجهيم کي، مئلّتلر اوستونه حاکئمئيّتلري اولسون.
و او، کوزهگرئن قابلاري قيريليب تئکه-تئکه اولان کئمي، اونلارا دمئر عصا ائله حؤکمرانليق ادهجک، نجه کي، من اؤزوم ده حاکئمئيّتي آتامدان آلميشام.
و اونا سحر اولدوزونو ورهجهيم.
قولاغي اولان، قوي اشئتسئن کي، موقدّس روح کئلئسالارا نه ديئر.»
***
اويان و اؤلومه ياخين اولان قالانلاري قووّتلندئر. چونکي تاريمين نظرئنده سنئن عمللرئني کامئل تاپماميشام.
بونا گؤره ده نه آلديغيني و نه اشئتدئيئني خاطيرلا؛ اونو رئعايت اِله و تؤوبه ات. اگر اويانماياسان، بئر اوغرو کئمي گلهجه‌يم و نه ساعات سنئن يانينا گلهجه‌يئمي بئلمه‌يه‌جکسن.
لاکئن ساردئسده بئر نچه نفر وارين کي، پالتارلاريني نجئس اتمهيئبلر. اونلار منئمله آغ پالتاردا گزهجکلر، چونکي لايئقدئرلر.
قالئب گلن، بلجه، آغ پالتارلارا گيئنهجک و اونون آديني حيات کئتابيندان سئلمه‌يهجه‌يم و آديني آتامين و اونون ملکلري حوضوروندا ائقرار ادهجهيم.
قولاغي اولان، قوي اشئتسئن کي، موقدّس روح کئلئسالارا نه ديئر.»
فئلادلفئياداکي کئلئسانين مله‌يئنه ياز: موقدّس اولان، دوغرو اولان، داوودون آچارينا مالئک اولان، او کي، آچير و هچ کس باغلايا بئلمئر، او کي، باغلايير و هچ کس آچا بئلمئر، بله ديئر:
«سنئن عمللرئندن خبرئم وار. باخ، سنئن قاباغيندا آچيق بئر قاپي قويموشام کي، هچ کس اونو باغلايا بئلمز. اونا گؤره کي، سنئن گوجون آزدير و منئم کلاميمي حئفظ ادئب، آديمي دا دانماييبسان.
باخ، شيطانين کنئسهسئندن اولان بعضئلرئني، يهودي اولماديقلاري حالدا يهودي اولدوقلاريني ائدّئعا ادن يالانچيلاري مجبور ادهجهيم کي، گلسئنلر و سنئن آياقلاريندا تعظئم اتسئنلر و بئلسئنلر کي، من سني سومئشم.
تاب گتئرمک حاقّيندا اولان کلاميمي حئفظ اتدئيئنئز اوچون، من ده سني ائمتاحان ساعاتيندان حئفظ ادهجهيم. او ساعاتدان کي، عنقرئب بوتون دونيايا گلئب، ير اوزونده ساکئن اولانلاري ائمتاحانا چکهجک.
تزلئکله گلئرم؛ نه واريندير، مؤحکم توت، اِله کي، هچ کس سنئن تاجيني آلماسين.
قالئب گلني تاريمين معبدئنده بئر سوتون ادهجهيم و آرتيق اوندان اشئيه چيخماياجاق؛ اونون اوستونده تاريمين آديني، تاريمين شهرئنئن آديني، تاريمين يانيندان گؤيدن اِنَن تزه اورشلئمي و منئم تزه آديمي يازاجاغام.
قولاغي اولان، قوي اشئتسئن کي، موقدّس روح کئلئسالارا نه ديئر.»
لاودئکئيه‌ده‌کي کئلئسانين مله‌يئنه ياز: آمئن اولان، او امئن و حقئقي شاهئد، تارينين خئلقتئنئن باشيچيسي اولان بله ديئر:
«سنئن عمللرئندن خبرئم وار. نه سويوقسان، نه ده ائستي. کاشکي يا سويوق يا دا ائستي اولسايدين!
مادام کي، ائليقسان، نه ائستئسن نه سويوق، سني آغزيمدان اشئيه قوساجاغام.
چونکي ديئرسن: وارلي‌يام، دؤولتلي اولموشام و هچ بئر شيه مؤحتاج ديئلم. و بئلمئرسن کي، مفلوک، ذلئل، يوخسول، کور، و لوتسن.
سنه نصئحت ادئرم کي، مندن اود ائچئنده خالئصلشمئش قيزيلي آلاسان، اِله کي، دؤولتلي اولاسان و بورونمه‌يه آغ پالتارين اولسون و چيلپاقليغينين ننگي آشکار اولماسين و گؤز مرحمي گؤزلرئنه سورتهسن کي، گؤرهسن.
من سِودئکلرئمي مذمّت ادئب اونلارا تربئيه ورئرم. بونا گؤره، قيرتلي اول و تؤوبه ات.
باخ، قاپيدا دوروب دؤيورم: کئم سسئمي اشئدئب، قاپيني آچسا، اونون يانينا ائچه‌ري گئرهجه‌يم. من اونونلا، او دا منئمله شام يئيهجه‌يئک.
قالئب گلنه بونو عطا اِدهجه‌يم کي، منئمله تختئمئن اوستونده اوتورسون، نجه کي، من ده قالئب گلئب آتامين تختئنده اونونلا اوتوردوم.
قولاغي اولان، قوي اشئتسئن کي، موقدّس روح کئلئسالارا نه ديئر.»"
***
اِله او آندا موقدّس روح مني بورودو، و باخ، گؤيده بئر تخت قورولموش و تختده بئري اوتورموشدو.
اوتورانين گؤرونوشو يَشَم و قيرميزي عقئقه بنزه‌يئردي. و تختئن اطرافيندا زومورّوده بنزهين رنگئن‌کامان وار ائدي.
تختئن اطرافيندا ائيئرمي دؤرد تخت ده وار ائدي و اونلارين اوستونده ائيئرمي دؤرد آغساقّالي اوتورموش گؤردوم کي، آغ پالتارلارا گيئنمئشدئلر و باشلاريندا قيزيل تاجلار وار ائدي.
تختدن شئمشکلر، سسلر و گؤي گورولتولري گلئردي و تختئن قاباغيندا اودلا يانان يدّي مشعل وار ائدي کي، تارينين يدّي روحودورلار.
تختئن قاباغيندا بولورا بنزهين، اِله بئل کي، شوشهدن بئر دهنز! تختئن اورتاسيندا و اطرافيندا قاباغي و آرخاسي گؤزلرله بورونموش دؤرد جانلي مخلوق وار ائدي.
بئرئنجي مخلوق آصلانا، ائکئنجي مخلوق دانايا، اوچونجو مخلوقون اوزو ائنسان اوزونه، دؤردونجو مخلوق دا اوچان قارتالا بنزه‌يئردي.
بو دؤرد مخلوقدان هر بئرئنئن آلتي قانادي وار ائدي؛ اطرافي و ائچي ده گؤزلرله دولو ائدي و گجه-گوندوز دايانمادان ديئردئلر: "موقدّسدئر، موقدّسدئر، موقدّسدئر ربّ تاري، او قادئري موطلق، او وار اولموش، وار اولان و گلهجک!"
هر زامان کي، او جانلي مخلوقلار تختده اوتورانا، ابددن ابدهجک ياشايانا عئزّت، حؤرمت و شوکورلر ورئرلر،
ائيئرمي دؤرد آغساقّال تختده اوتورانين حوضوروندا يره دوشورلر و ابددن ابدهجک ياشايانا پرستئش ادئرلر و تاجلاريني تختئن قاباغينا آتيب ديئرلر:
"ربّئمئز و تاريميز! سن لايئقسن کي، عئزّتي، حؤرمتي، و قودرتي آلاسان. چونکي هر شيي سن ياراتدين و سنئن ائرادنله وار اولوب يارانديلار."
***
قودرتلي بئر ملک ده گؤردوم کي، اوجا سسله اعلان ادئردي: "کئم لايئقدئر کي، طوماري آچسين و اونون مؤهورلرئني سينديرسين؟"
لاکئن نه گؤيده، نه ير اوزونده، نه ده ير آلتيندا کئمسه وار ائدي کي، بو طوماري آچماغا، يا دا اونون ائچئنه باخماغا قادئر اولسون.
او زامان چوخ آغلاديم، چونکي طوماري آچماغا، يا دا اونون ائچئنه باخماغا لايئق اولان هچ کس تاپيلمادي.
آغساقّاللارين بئري منه ددي: "آغلاما، باخ، يهودا قبئلهسئندن اولان آصلان! داوودون کؤکو قالئب گلئب کي، طوماري و اونون يدّي مؤهورونو آچسين."
تختئن و او دؤرد جانلي مخلوقلا آغساقّاللارين آراسيندا دوران، قوربان اولونموشا بنزر بئر قوزو گؤردوم. يدّي بوينوزو و يدّي گؤزو وار ائدي کي، تارينين بوتون ير اوزونه گؤنده‌رئلدئيي يدّي روحو ائدي.
قوزو گلئب تختده اوتورانين صاغ الئندن طوماري آلدي.
طوماري گؤتوردويو زامان، او دؤرد جانلي مخلوق و ائيئرمي دؤرد آغساقّال قوزونون حوضوروندا يره دوشدولر. هر بئرئنئن اَلئنده بئر چنگ و بوخورلا دولو قيزيل کاسالار وار ائدي کي، موقدّسلرئن دوعالاري‌دير.
اونلار تزه بئر ماهني اوخويوب ديئردئلر: "سن لايئقسن کي، طوماري گؤتوروب اونون مؤهورلرئني سينديراسان، چونکي قوربان اولدون و اؤز قانينلا تارييا هر قبئلهدن، دئلدن، خالقدان و مئلّتدن ائنسانلار ساتين آلدين.
اونلاري تاريميز اوچون بئر پادشاهليق و کاهئنلر ادئبسن؛ و اونلار ير اوزونه سلطنت و حؤکمرانليق ادهجکلر."
او واخت باخديم، و تختئن، او جانلي مخلوقلارين و آغساقّاللارين اطرافيندان بئر چوخ مله‌يئن سسئني اشئتدئم؛ اونلارين سايي اون مئنلرجه اون مئنلر، و مئنلرجه مئنلر ائدي.
و اوجا بئر سسله ديئردئلر: "قوربان اولموش قوزو لايئقدئر کي، قودرتي، ثروتي، حئکمتي، قووّتي، حؤرمتي، عئزّتي و برکتي آلسين."
و من، گؤيده، ير اوزونده، ير آلتيندا، دهنزده اولان هر مخلوقون و بونلارداکي بوتون وارليقلاري اشئتدئم کي، ديئردئلر: "تخت اوستونده اوتورانا و قوزويا ابددن ابدهجک برکت، حؤرمت، عئزّت، و قودرت اولسون."
و او دؤرد جانلي مخلوق ديئردئلر: "آمئن." و بوتون آغساقّاللار يره دوشوب پرستئش اتدئلر.
***
باخديم، و باخ، بئر آغ آت! و اوستونده ايلشه‌نئن بئر کاماني وار ائدي. و اونا بئر تاج ورئلمئشدي و او، فاتح کئمي يولا چيخدي کي، فتح اتسئن.
ائکئنجي مؤهورو سينديراندا، اشئتدئم کي، ائکئنجي جانلي مخلوق ديئر: «گل».
و باشقا بئري، بئر کهر آت! و اونون اوستونده ايلشنه عطا اولموشدو کي، ير اوزوندن صولحو گؤتورسون و بو دا کي، ائنسانلار بئربئرلرئني اؤلدورسونلر. و بؤيوک بئر قيلينج اونا ورئلمئشدي.
اوچونجو مؤهورو سينديراندا، اشئتدئم کي، اوچونجو جانلي مخلوق ديئر: «گل.» باخديم، و باخ، بئر قارا آت! و اونون اوستونده ايلشه‌نئن الئنده بئر تره‌زي وار ائدي.
و دؤرد جانلي مخلوقون آراسيندان سس کئمي بئر شي اشئتدئم کي، ديئر: «بئر اؤلچو بوغدا بئر دئنارا، اوچ اؤلچو آرپا بئر دئنارا. ياغا و شرابا دا ضرر يتئرمه.»
قوزو دؤردونجو مؤهورو سينديراندا، دؤردونجو جانلي مخلوقون سسئني اشئتدئم کي، ديئر: «گل.»
باخديم، و باخ، بئر ساري آت! و اونون اوستونده ايلشه‌نئن اؤلوم آدي وار ائدي. اؤلولر دئياري دا اونون دالينجا گلئردي. ير اوزونون دؤردده بئرئنئن حاکئمئيّتي اونلارا ورئلمئشدي کي، قيلينج، قحطي، وبا و ير اوزونون وحشي حيوانلاري ائله اؤلدورسونلر.
قوزو بشئنجي مؤهورو سينديراندا، قوربانگاهين آلتيندا او آداملارين جانلاريني گؤردوم کي، تارينين کلاميندان و ساخلاديقلاري شهادتدن اؤتري اؤلدورولموشدولر.
اونلار اوجا بئر سسله باغيريب ديئردئلر: «اي ريئس، اي موقدّس و حقئقي اولان، نه واختا کئمي موحاکئمه اتمهيئب، ير اوزونده ياشايانلاردان، قانيميزين ائنتئقاميني آلماياجاقسان؟»
و اونلارين هر بئرئنه آغ بئر شئنل ورئلمئشدي و اونلارا ديئلمئشدي کي، داها بئر آز ائستئراحت اتسئنلر؛ او واختاجاق کي، قوللوقدا اونلارلا همکار اولانلار و اونلار کئمي اؤلدورولملي اولان قارداشلارين سايي تکمئل اولسون.
آلتينجي مؤهورو سينديراندا باخديم، و بؤيوک بئر زلزله باش وردي؛ گون ساچدان توخونموش بئر چول کئمي قارالدي و آي باشدان‌باشا قان کئمي اولدو.
گؤيون اولدوزلاري دا گؤيدن يره تؤکولدولر، نجه کي، انجئر آغاجي آغير بئر يلئن الئنده اسئب، کال انجئرلرئني يره تؤکر.
گؤي بوکولن طومار کئمي چکئلئب گتدي. هر داغ و جزئره ده يرئندن گؤتورولدو.
سونرا ير اوزونون پادشاهلاري، اعيانلاري، حؤکمدارلاري، وارلي‌لاري، گوجلولري، هر قول و هر آزاد اؤزلرئني ماغارالاردا و داغلارين قايالاري آراسيندا گئزلتدئلر.
داغلارا و قايالارا ددئلر: «اوستوموزه دوشون و بئزي تختده اوتورانين حوضوروندان و قوزونون قضبئندن گئزله‌دئن.
چونکي اونلارين قضبئنئن بؤيوک گونو گلئب و کئم دايانا بئلر؟!»
***
باشقا بئر ملک ده گؤردوم کي، گون‌دوغان يردن يوخاري قالخيردي و دئري تارينين مؤهورو وار ائدي. ملک اوجا بئر سسله او دؤرد مله‌يي کي، يره و دهنزه زئيان يتئرمک اونلارا عطا اولموشدو، چاغيريب
ددي: «اؤزلرئني تاريميزا قول اتمئشلرئن آلينلاريني مؤهورله‌ينهجک، يره، دهنزه و آغاجلارا زئيان يتئرمهيئن.»
و من، مؤهورلنمئشلرئن ساييسيني اشئتدئم؛ ائسرايئل اؤولادلارينين بوتون قبئلهلرئندن يوز قيرخ دؤرد مئن نفر نفر مؤهورلنمئشدي.
يهودا قبئلهسئندن اونائکي مئن نفر مؤهورلنمئشدي، رعوبئن قبئلهسئندن اونائکي مئن نفر، جاد قبئلهسئندن اونائکي مئن نفر،
آشر قبئلهسئندن اونائکي مئن نفر، نفتالي قبئلهسئندن اونائکي مئن نفر، منسّه قبئلهسئندن اونائکي مئن نفر،
شمعون قبئلهسئندن اونائکي مئن نفر، لاوي قبئلهسئندن اونائکي مئن نفر، يسّاکار قبئلهسئندن اونائکي مئن نفر،
زبولون قبئلهسئندن اونائکي مئن نفر، يوسئف قبئلهسئندن اونائکي مئن نفر و بنيامئن قبئلهسئندن اونائکي مئن نفر مؤهورلنمئشدي.
بونلاردان سونرا باخديم، و باخ، هر مئلّتدن و بوتون قبئلهلردن و خالقلاردان و دئللردن ساييا گلمه‌ين بؤيوک بئر جاماعات تختئن و قوزونون حوضوروندا دورموشدو؛ آغ شئنللره گيئنمئشدئلر، اللرئنده ده خورما آغاجينين بوداقلاري وار ائدي.
و اوجا سسله سسله‌نئب، ديئردئلر: «نئجات تختده اوتوران تاريميزا و قوزويا مخصوصدور!»
بوتون ملکلر تختئن، آغساقّاللارين و دؤرد جانلي مخلوقون اطرفيندا دورموشدولار. و تختئن حوضوروندا اوزلري اوستونده يره دوشدولر و تارييا پرستئش ادئب،
ديئردئلر: «آمئن، برکت و شؤوکت و حئکمت و شوکران و حؤرمت و قودرت و قووّت ابددن ابده کئمي تاريميزا مخصوصدور، آمئن.»
او واخت، آغساقّاللاردان بئري جاواب ورئب، منه ددي: «آغ شئنللره گيئنمئش بو آداملار کئمدئرلر و هارادان گلئبلر؟»
اونا ددئم: «آغام، سن بئلئرسن.» منه ددي: «بونلار او بؤيوک مشقّتدن چيخانلارديرلار. شئنللرئني يويوبلار و اونلاري قوزونون قانيندا آغ ادئبلر.
بو سببدندئر کي، تاري تختئنئن حوضورونداديرلار و اونون معبدئنده گجه-گوندوز اونا خئدمت ادئرلر و تختده اوتوران اؤز خيمهسئني اونلارين اوستونه قوراجاق.
اونلار بئر داها آجليق چکمه‌يهجکلر، سوسوز اولماياجاقلار، گونون ائستئسي و اؤزگه هر بئر ائستي اونلاري يانديرماياجاقدير.
چونکي تختئن اورتاسيندا اولان قوزو اونلارا چوبانليق ادهجک و اونلاري حيات سويونون بولاقلارينا آپاراجاق و تاري هر ياشي اونلارين گؤزلرئندن سئلهجکدئر.»
***
و من تارينين حوضوروندا دوران يدّي مله‌يي گؤردوم. اونلارا يدّي شيپور ورئلدي.
آيري بئر ملک گلئب، قوربانگاهين يانيندا دوردو. الئنده قيزيل بئر بوخوردان وار ائدي و اونا چوخلو بوخور ورئلمئشدي، اله کي، تختئن قاباغيندا اولان قيزيل قوربانگاهين اوستونده بوتون موقدّسلرئن دوعالارينا قاتسين.
بوخورون توستوسو موقدّسلرئن دوعالاري ائله بئرلئکده مله‌يئن الئندن تارينين حوضورونا قالخدي.
او واخت، ملک بوخورداني گؤتوروب، اونو قوربانگاهين اودو ائله دولدوردو و اونو يره آتدي. بونون دالينجا گؤي گورولتولري و سسلر و شئمشکلر و بئر زلزله باش وردي.
يدّي شيپورو اولان يدّي ملک اؤزلرئني شيپور چالماغا حاضيرلاديلار.
بئرئنجي ملک چالدي. قانلا قاريشميش دولو و اود گلدي و ير اوزونه ياغديريلدي. يرئن اوچده بئري، آغاجلارين اوچده بئري و بوتون ياشيل اوتلار يانديلار.
ائکئنجي ملک چالدي. اله بئل کي، آلوو کئمي يانان بؤيوک بئر داغ دهنزئن ائچئنه آتيلدي. و دهنزئن اوچده بئري قانا دؤندو.
دهنزده ياشايان مخلوقلارين اوچده بئري اؤلدو. گمئلرئن ده اوچده بئري محو اولدو.
اوچونجو ملک چالدي. مشعل کئمي يانان بؤيوک بئر اولدوز گؤيدن دوشدو. اولدوز چايلارين و سو بولاقلارينين اوچده بئرئنه دوشدو.
او اولدوزون آدي اَفسنتئندئر. سولارين اوچده بئري افسنتئنه دؤندو و چوخ ائنسان سولاردان اؤلدولر، چونکي سولار آجي اولموشدولار.
دؤردونجو ملک چالدي. گونون، آيين و اولدوزلارين اوچده بئري وورولدو، اله کي، اونلارين اوچده بئري قارالسين و گوندوزون اوچده بئري ائشيقسيز قالسين، گجه ده اِله.
او زامان گؤيون اورتاسيندا اوچان بئر قارتالي گؤردوم و اشئتدئم کي، اوجا بئر سسله ديئر: «واي، واي، او قالان اوچ مله‌يئن چالاجاق شيپور سسئنئن سببئندن، واي ير اوزونده ساکئن اولانلارين حالينا!»
***
او، دئبسئز قويونو آچدي و قويودان، بؤيوک بئر تندئرئن توستوسو کئمي، توستو چيخدي. گون و هاوا قويودان چيخان توستودن قارالدي.
او واخت توستونون ائچئندن ير اوزونه چيئرتکهلر گلدي و اونلارا يرئن عقربلرئنئن قودرتي کئمي، قودرت ورئلمئشدي.
اونلارا ديئلمئشدي کي، ير اوزونون اوتونا، هچ بئر ياشيل گؤيرتئيه و هچ بئر آغاجا زئيان يتئرمه‌سئنلر، آنجاق آلينلاريندا تارينين مؤهورو اولمايان آداملارا زئيان يتئرسئنلر.
اونلارا ائجازه ورئلمهمئشدي کي، کئمسهني اؤلدورسونلر، آنجاق بش آي عذاب چکدئرسئنلر. چکدئردئکلري عذاب، عقربئن ائنساني سانجان عذابي کئمي ائدي.
او گونلرده ائنسانلار اؤلوم آختاراجاقلار و اونو تاپماياجاقلار. اؤلومه حسرت چکهجکلر و اؤلوم اونلاردان قاچاجاق.
چيئرتکهلرئن گؤرونوشو دؤيوشه حاضيرلانميش آتلار کئمي ائدي. باشلاريندا اله بئل کي، قيزيل تاجلار وار ائدي، اوزلري ده ائنسان اوزونه اوخشاييردي.
آروادلارين ساچلاري کئمي ساچلاري وار ائدي، دئشلري ده آصلان دئشلري کئمي ائدي.
سئنهلرئنده دمئر زئره کئمي زئره وار ائدي و قانادلارينين سسي، عارابالار سسي، دؤيوشه قاچان چوخلو آتلارين سسي کئمي ائدي.
عقرب کئمي قويروقلار و نئشلري وار ائدي، قويروقلاريندا دا قودرت وار ائدي کي، ائنسانلاري بش آي ائنجئتسئنلر.
اونلارين اوستونه دئبسئز قويونون مله‌يي سلطنت ادئر؛ عئبراني دئلئنده آدي اَبدّوندور، يوناني دئلئنده ده «آپولئيون» آدي وار.
بئرئنجي واي کچئب. باخ، ائکي واي بو شيلرئن آرخاسيندان حله گلئر.
سونرا آلتينجي ملک چالدي و من تارينين حوضوروندا اولان قيزيل قوربانگاهين دؤرد بوينوزوندان بئر سس اشئتدئم.
بئري، شيپورو اولان آلتينجي مله‌يه ديئردي: «بؤيوک فرات چايي يانيندا باغلي اولان دؤرد مله‌يي بوراخ.»
بو ساعات و بو گون و بو آي و بو ائل اوچون حاضيرلانميش او دؤرد ملک بوراخيلدي، اله کي، ائنسانلارين اوچده بئرئني اؤلدورسونلر.
آتلي قوشونلارين سايي ائکي يوز مئليون ائدي. اونلارين ساييني اشئتدئم.
رؤيادا آتلاري و اونلارين اوستونده اوتورانلاري بو جور گؤردوم؛ آتلي‌لارين اود، گؤي ياقوت و گوگورد رنگئنده سئنه زئرهلري وار ائدي، آتلارين باشي آصلان باشينا بنزه‌يئردي و آغيزلاريندان اود، توستو و گوگورد چيخير.
ائنسانلارين اوچده بئري بو اوچ بلادان، يعني اونلارين آغيزلاريندان چيخان اود، توستو و گوگورددن اؤلدولر.
چونکي آتلارين قودرتي اونلارين آغيزلاريندا و قويروقلاريندادير. چونکي قويروقلاري ائلانا اوخشايير و باشلاري وار. اونلارلا دا زئيان يتئرئرلر.
بو بلالاردان اؤلدورولمه‌ين ائنسانلارين قالاني، اللرئنئن ائشلرئندن تؤوبه اتمه‌دئلر، اله کي، ائبلئسلره، قيزيل، گوموش، مئس، داش، و تاختا بوتلره پرستئش اتمه‌سئنلر کي، نه گؤره بئلئرلر، نه اشئده بئلئرلر، نه ده يرئيه بئلئرلر.
اونلار نه آدام اؤلدورمکلرئندن تؤوبه اتدئلر، نه سحربازليقلاريندان، نه عئفّتسئزلئکلرئندن، نه ده اوغورلوقلاريندان.
***
الئنده کئچئک بئر طومار وار ائدي کي، آچيق ائدي. او، صاغ آياغيني دهنزه، سول آياغيني دا قورولوغا قويدو.
و آصلان نرئلده‌ين کئمي، اوجا بئر سسله نعره چکدي. نعره چکن واخت، يدّي گورولتو سسه گلئب، دانيشدي.
يدّي گورولتو دانيشاندان سونرا، عنقرئب يازاجاق ائدئم؛ و گؤيدن بئر سس اشئتدئم کي، ديئردي: «يدّي گورولتو دئين شيلري مؤهورله و اونلاري يازما.»
او زامان او ملک کي، اونون دهنزده و قورولوقدا دوردوغونو گؤرموشدوم، صاغ الئني گؤيه قالديردي
و ابدي و همئشهلئک ياشايان، گؤيلري و اوندا اولانلاري يارادان، يري و اوندا اولانلاري يارادان، دهنزي و اوندا اولانلاري يارادان تارييا آند ائچدي کي، بوندان داها آرتيق يوبانما اولماياجاق.
لاکئن يدّئنجي مله‌يئن جار چکهجه‌يي گونلرده، شيپور چالاجاغي زامان، تارينين سئرّي تاماملاناجاق، نجه کي، اؤز قوللاري پيغمبرلره ده وعظ اتمئشدي.
سونرا گؤيدن اشئتدئيئم سس گئنه ده منئمله دانيشدي و ديئردي: «گت، دهنزده و قورولوقدا دوران مله‌يئن الئنده‌کي آچيق طوماري آل.»
بلجه مله‌يئن يانينا گتدئم و اونا ددئم کي، کئچئک طوماري منه ورسئن. او، منه ددي: «اونو آل و يه. او سنئن قارنيني آجيلاشديراجاق، آمّا آغزيندا بال کئمي شئرئن اولاجاقدير.»
کئچئک طوماري مله‌يئن الئندن آلديم و اونو يدئم. آغزيمدا بال کئمي شئرئن ائدي. اونو يئيندن سونرا، قارنيم آجيلاشدي.
و منه ددئلر: «سن گئنه گرک چوخ خالقلارين، مئلّتلرئن، دئللرئن و پادشاهلارين حاقّيندا نبئلئک ادهسن.»
***
لاکئن معبدئن اشئيئنده اولان صحني بوراخ و اونو اؤلچمه، چونکي او، آيري مئلّتلره ورئلئب و اونلار موقدّس شهري قيرخ ائکي آي پايمال ادهجکلر.
و من ائکي شاهئدئمه ائقتئدار ورهجهيم، اونلار دا چولا بورونموش مئن ائکي يوز آلتميش گون نبئلئک ادهجکلر.»
بونلار ير اوزونون ربّي حوضوروندا دوران او ائکي زيتون آغاجي و او ائکي چيراقدانديرلار.
و اگر کئمسه اونلارا زئيان يتئرمک ائسته‌سه، اونلارين آغزيندان اود چيخيب، دوشمنلرئني اودار. بلجه اگر کئمسه اونلارا زئيان يتئرمک ائسته‌سه، بو جور اؤلمه‌لئدئر.
بونلارين قودرتي وار کي، گؤيو باغلاسينلار، اله کي، اونلارين نبئلئک ادن گونلرئنده ياغيش ياغماسين. اونلارين سولار اوستونه قودرتي وار کي، اونلاري قانا دؤندورسونلر و نه قدر ده کي، ائسته‌يئرلر، يري هر بلا ائله وورسونلار.
اونلار، شهادتلرئني باشا چاتديراندان سونرا، دئبسئز قويودان چيخان جاناوار اونلارلا موحارئبه باشلاياجاق و قالئب گلئب، اونلاري اؤلدورهجک.
اونلارين جسدلري، مجازي دئلده سودوم و مئصئر چاغيريلان او بؤيوک شهرئن خئيابانلاريندا سرئلهجک کي، اورادا اونلارين ربّي ده چارميخا چکئلدي.
خالقلاردان، قبئلهلردن، دئللردن و مئلّتلردن اولان آداملار اوچ گون ياريم اونلارين اؤلو بدنلرئنه باخاجاقلار و ائجازه ورمه‌يهجکلر کي، اؤلو بدنلري قبئره قويولسون.
ير اوزونده ساکئن اولانلار، اونلارين بو حالينا سوئنئب شادليق ادهجکلر و بئربئرلرئنه هدئيهلر گؤندرهجکلر، چونکي بو ائکي پيغمبر ير اوزونده ساکئن اولانلارا عذاب چکدئردئلر.
لاکئن اوچ گون ياريمدان سونرا، تاريدان گلن حيات نفسي اونلارين ائچئنه گئرئب، آياقلاري اوستونده دوردولار و اونلاري گؤرنلري بؤيوک بئر دهشت بورودو.
و گؤيدن اوجا بئر سس اشئتدئلر کي، اونلارا ديئردي: «بورايا چيخين!» او واخت اونلار، گؤيه، بولودلار ائچئنه قالخديلار و دوشمنلري اونلاري گؤردولر.
او ساعات بؤيوک بئر زلزله باش وردي و شهرئن اوندا بئري ييخيلدي؛ او زلزلهده يدّي مئن نفر اؤلدولر، قالانلاري دا دهشته دوشوب، گؤيون تاريسينا عئزّت وردئلر.
ائکئنجي واي کچدي. باخ، اوچونجو واي تزلئکله گلئر.
او زامان يدّئنجي ملک چالدي و گؤيده اوجا سسلر اشئدئلدي کي، ديئردئلر: «دونيانين پادشاهليغي، ربّئمئزئن و اونون مسئحئنئن اولوب، و او، ابددن ابدهجک سلطنت ادهجک.»
تارينين حوضوروندا تختلرئنده اوتوران ائيئرمي دؤرد آغساقّال، اوزلري اوستونده يره دوشدولر و تارييا پرستئش ادئب،
ديئردئلر: «اي ربّئمئز تاري، هر شيه قادئر اولان، وار اولان و وار اولموش، سنه شوکورلر ادئرئک. چونکي بؤيوک قودرتئني آليب، سلطنت اتمه‌يه باشلاييبسان.
مئلّتلر قضبلنمئشدئلر، و سنئن قضبئن گلدي. او زامان يتئشدي کي، اؤلولر موحاکئمه اولسونلار، اؤزلرئني سنه قول اتمئش پيغمبرلره، موقدّسلره، سنئن آديندان قورخانلارا، کئچئکلره و بؤيوکلره پاداش ورئلسئن و ير محو اولونسون.»
تارينين گؤيده اولان معبدي آچيلدي و عهدئنئن سانديغي اونون معبدئنده ظاهئر اولدو؛ شئمشکلر، گورولتولر سسي، بئر زلزله، و بؤيوک بئر دولو طوفاني باش وردي.
***
آرواد بويلو ائدي؛ دوغماق آغريسيندان آغري و درد چکه‌رک قيشقيردي.
سونرا گؤيده آيري بئر علامت ظاهئر اولدو: و باخ، يدّي باشلي و اون بوينوزلو بئر بؤيوک قيرميزي اژداها! باشلارينين اوستونده ده يدّي تاج وار ائدي.
اونون قويروغو گؤي اولدوزلارينين اوچده بئرئني سوپوروب، ير اوزونه آتدي. اژداها دوغماق حاليندا اولان آروادين قاباغيندا دوردو، اله کي، آرواد دوغدوقدا، اونون اوشاغيني اودسون.
آرواد بئر اوغلان اوشاغي دوغدو کي، دمئر عصا ائله بوتون مئلّتلره حؤکمرانليق ادهجک ائدي. آروادين اوشاغي تارينين يانينا و اونون تختئنئن يانينا گؤتورولدو.
او واخت آرواد چؤله قاچدي. اونون اورادا تاري طرفئندن حاضيرلانميش بئر يري وار ائدي کي، اونو مئن ائکي يوز آلتميش گون بسلهسئنلر.
و گؤيده موحارئبه باش وردي؛ مئکايئل و اونون ملکلري اژداها ائله ووروشوردولار. اژداها و اونون ملکلري دؤيوشدولر،
لاکئن گوجلري چاتمادي و گؤيده اونلارا آرتيق ير تاپيلمادي.
او بؤيوک اژداها، ائبلئس و شيطان چاغيريلان او قدئمکي ائلان و بوتون دونياني آزديران آشاغي آتيلدي. اونونلا بئرلئکده ملکلري ده آشاغي آتيلديلار.
سونرا گؤيده بؤيوک بئر سس اشئتدئم کي، ديئردي: «ائندي نئجات و قودرت و تاريميزين پادشاهليغي و اونون مسئحئنئن ائقتئداري گلئب، چونکي قارداشلاريميزا ائتّئهام ووران، اونلارا تاريميزين حوضوروندا گجه-گوندوز ائتّئهام ووران آشاغي آتيليب.
اونلار اونا قوزونون قاني واسئطهسئله و شهادتلرئنئن سؤزو ائله قالئب گلدئلر و اؤز جانلاريني حتّا اؤلومله اوزبهاوز اولدوقلاري زامان دا سومه‌دئلر.
بو سببدن، اي گؤي و اوندا ساکئن اولان سئزلر، شادليق ادئن. واي اولسون يره و دهنزه! چونکي ائبلئس بؤيوک قضبله سئزئن يانينيزا انئب و بئلئر ده کي، آنجاق قيسا بئر مودّتي وار.»
اژداها، ير اوزونه آتيلديغيني گؤرنده، اوغلان اوشاغيني دوغموش آروادا عذاب چکدئردي.
آمّا آروادا بؤيوک قارتالين ائکي قانادي ورئلمئشدي، اله کي، چؤله، اؤز يرئنه اوچوب گده بئلسئن. اورادا، ائلاندان اوزاقدا، بئر زامان و زامانلار و ياريم زامان بسلنهجک ائدي.
ائلان، آروادين دالينجا، آغزيندان چاي کئمي سو تؤکدو، اله کي، اونو سلله سوپوروب آپارسين.
آمّا ير، آروادا کؤمک اتدي. ير، آغزيني آچدي و اژداهانين آغزيندان تؤکولن سويو ائچدي.
بلجه اژداها آروادا قضبلندي و گتدي کي، اونون قالان اؤولادلاري ائله کي، تارينين احکاملاريني و عئسانين شهادتئني برک توتورلار، ساواشسين.
***
اژداها دهنزئن ساحئلي قوملاري اوستونده داياندي. او واخت دهنزدن چيخان اون بوينوزلو و يدّي باشلي بئر جاناوار گؤردوم. بوينوزلارينين اوستونده اون تاجي، باشلاري اوستونده ده کوفر آدلاري وار ائدي.
من اونون باشلاريندان بئرئني گؤردوم کي، اله بئل، کسئلمئشدي، و اونون اؤلومجول ياراسي صاغالديلدي. بوتون ير اؤزونو حيرت باسدي و جاناوارين دالينجا گتدئلر.
اونلار اژداهاني پرستئش اتدئلر، چونکي ائقتداريني جاناوارا وردي. و جاناواري پرستئش ادئب، ديئردئلر: «بو جاناوار کئمي کئم وار؟ کئم اونونلا ووروشا بئلر؟»
اونا کئبئرلي سؤزلر دانيشان و کوفر دئين بئر آغيز ورئلمئشدي. ائقتئدار دا ورئلمئشدي کي، قيرخ ائکي آي فعالئيّت اتسئن.
او آغزيني تارينين ضئدّئنه کوفرلرله آچدي کي، اونون آدينا و اونون خيمهسئنه، يعني گؤيده ساکئن اولانلارين ضئدّئنه کوفر دسئن.
اونا بو دا ورئلمئشدي کي، موقدّسلرئن ضئدّئنه موحارئبه اتسئن و اونلارا قالئب گلسئن. و اونا هر قبئله، هر خالق، هر دئل و هر مئلّت اوستونه ائقتئدار ورئلمئشدي.
بوتون ير اوزونده ساکئن اولانلار اونو پرستئش ادهجکلر، هر کس کي، آدي دونيانين بئناسيندان بري، قوربان اولموش قوزونون حيات کئتابيندا يازيلماييب.
قولاغي اولان، قوي اشئتسئن.
اگر کئمسه اسئرلئيه موقدّردئر، اسئرلئيه گدئر. اگر کئمسه قيلينجلا اؤلدورور، قيلينجلا اؤلدورولمه‌لئدئر. موقدّسلرئن تحمّول و ائماني بورادادير.
او واخت يردن چيخان آيري بئر جاناواري دا گؤردوم؛ قوزو کئمي ائکي بوينوزو وار ائدي و اژداها کئمي دانيشيردي.
او، بئرئنجي جاناوارين بوتون ائقتئداريني اونون حوضوروندا عمله گتئرئر و ير و اوندا ساکئن اولانلاري مجبور ادئر کي، اؤلومجول ياراسي صاغالديلميش بئرئنجي جاناواري پرستئش اتسئنلر.
او اله بؤيوک علامتلر يارادير کي، حتّا ائنسانلارين حوضوروندا گؤيدن يره اود ياغديرير.
و جاناوارين حوضوروندا عمل اتمهسئنه ائجازه ورئلن علامتلرله، ير اوزونده ساکئن اولانلاري آلدادير و ير اوزونده ساکئن اولانلارا ديئر کي، قيلينجلا يارالانميش و گئنه حياتا دؤنموش جاناوارين تئمثاليني دوزلتسئنلر.
و اونا ورئلمئشدي کي، جاناوارين تئمثالينا نفس ورسئن، اله کي، جاناوارين تئمثالي حتّا دانيشسين و جاناوارين تئمثاليني پرستئش اتمه‌ين هر کس اؤلدورولسون.
و او باعئث اولور کي، کئچئکدن بؤيوکه، وارليدان يوخسولا، آزاددان قولا قدر، هر کسئن صاغ ال يا دا آلنينا نئشان وورولسون.
بو نئشانا، يعني جاناوارين آدينا، يا دا آدينا عاييد سايييا عاييد اولمايان کئمسهيه آل-ور اتمک مومکون اولماياجاق.
حئکمت بورادير. قوي فهئم آدام جاناوارا عاييد سايي حسابلاسين، چونکي بو، بئر ائنسانين ساييدير. اونون سايي، آلتي يوز آلتميش آلتيدير.
***
او واخت باخديم، و باخ، قوزو صحيون داغينين باشيندا دورموشدو و اونونلا يوز قيرخ دؤرد مئن نفر دايانميشديلار کي، آلينلاريندا اونون و آتاسينين آدي يازيلميشدي.
اونلار تختئن، دؤرد جانلي مخلوقون و آغساقّاللارين حوضوروندا تزه بئر ماهني اوخويوردولار و هچ کئم بو ماهنيني اؤيره‌نه بئلمئردي مگر ير اوزوندن ساتين آلينميش او يوز قيرخ دؤرد مئن نفر.
بو آداملار اونلارديرلار کي، اؤزلرئني آروادلارلا لکهلي اتمهيئبلر، چونکي اؤزلرئني باکئره ساخلاييبلار. بونلار، اونلارديرلار کي، قوزونون دالينجا هارايا گتدئيي يره گدئرلر. بونلار آداملار آراسيندان تاري و قوزو اوچون نوبار ساتين آلينيبلار.
و اونلارين آغزيندا هچ يالان تاپيلمادي؛ اونلار قوصورسوزدورلار.
گؤيون اورتاسيندا اوچان آيري بئر ملک ده گؤردوم. اونون ابدي خوش خبري وار ائدي کي، ير اوزونده ياشايانلارا، هر مئلّته، هر قبئلهيه، هر دئله و هر خالقا موژده ورسئن.
او، اوجا بئر سسله ددي: «تاريدان قورخون و اونا عئزّت ورئن. چونکي اونون موحاکئمه اتمه‌يئنئن ساعاتي يتئشدي. گؤيو، يري، دهنزي و سولار بولاقلاريني يارادانا پرستئش ادئن.»
ائکئنجي بئر ملک اونون آرخاسيندان گلئب، ديئردي: «ييخيليب، او بؤيوک بابئل شهري ييخيليب، او کي، بوتون مئلّتلري، عئفّتسئزلئيئنئن شهوتئنئن شرابيندان ائچدئردي.»
سونرا اوچونجو بئر ملک، اونلارين آرخاسيندا گلئب، اوجا بئر سسله ديئردي: «کئم جاناوارا و اونون تئمثالينا پرستئش اتسه و آلينينا يا دا الئنه نئشان وورولسا،
او دا تارينين قضبئنئن شرابيندان ائچهجک کي، اونون قهرئنئن پئيالهسئنده کامئل قووّتده قاريشديريليب. او، موقدّس ملکلرئن و قوزونون حوضوروندا اود و گوگوردله ده عذاب چکدئرئلهجک.»
اونلارين عذابلارينين توستوسو ابددن ابده کئمي قالخير. جاناوارا و اونون تئمثالينا پرستئش ادنلرئن، و اونون آدينين نئشانيني قبول ادنلرئن نه گوندوز راحاتليغي وار، نه ده گجه.
بورادادير موقدّسلرئن تاب گتئرمکلري کي، تارينين احکاملاريني و عئسايا اولان ائمانلاريني حئفظ ادئرلر.
و گؤيدن بئر سس اشئتدئم کي، ديئردي: «ياز، خوش او آداملارين حالينا کي، ائندئدن بله ربده اؤلورلر!» موقدّس روح ديئر: «بلي، اله کي، زحمتلرئندن راحاتلانسينلار، چونکي اونلارين عمللري اونلارين آرخاسيندان گدئر.»
سونرا باخديم، و باخ، آغ بئر بولود! و بولودون اوستونده اوتوران، بئر ائنسان اوغلونا بنزه‌يئردي؛ باشيندا قيزيل بئر تاج، الئنده ده ائتي بئر اوراغ وار ائدي.
معبدئن ائچئندن آيري بئر ملک چيخدي و اوجا بئر سسله بولود اوستونده اوتورانا ددي: «اوراغيني ائشه سال و بئچ، چونکي بئچئن زاماني گلئب، چونکي ير اوزونون محصولو يتئشئب.»
سونرا بولود اوستونده اوتوران، اوراغيني ير اوزونه سالدي و ير اوزو بئچئلدي.
گؤيده اولان معبدئن ائچئندن آيري بئر ملک ده چيخدي. اونون الئنده ده ائتي بئر اوراغ وار ائدي.
سونرا، اود اوستونه حاکئمئيّتي اولان آيري بئر ملک، قوربانگاهدان چيخدي و اوجا بئر سسله ائتي اوراغي اولاني چاغيريب، ديئردي: «ائتي اوراغيني ائشه سال و ير اوزونون سالخيملاريني در، چونکي اوزوملري يتئشئب.»
بلجه ملک اوراغيني ير اوزونه سالدي و يرئن اوزوم سالخيملاريني درئب، اونلاري تارينين قضبئنئن بؤيوک اوزومسيخانينا آتدي.
شهرئن اشئيئنده اولان اوزومسيخان سيخيلدي و اوزومسيخانين ائچئندن آتلارين جئلووونا کئمي، مئن آلتي يوز اوخ آتيمي قدر قان اشئيه چيخدي.
***
سونرا، گؤيده بؤيوک و حيرته سالان باشقا بئر علامت گؤردوم؛ يدّي ملک کي، آخيرکي يدّي بلالاري گتئرئردئلر، چونکي تارينين قضبي اونلارلا قورتارير.
اونلار، اؤزونو تارييا قول اتمئش موسانين و قوزونون ماهنيسيني اوخويوب، ديئردئلر: اي رب تاري، هر شيه قادئر اولان، سنئن ائشلرئن بؤيوک و حيرته سالاندير. اي مئلّتلرئن پادشاهي، سنئن يوللارين صالح و دوغرودور!
يارب، کئم سندن قورخماز و سنئن آديني عئزّتلندئرمز؟! چونکي آنجاق سن موقدّسسن. چونکي بوتون مئلّتلر گلئب، سنئن حوضوروندا پرستئش ادهجکلر، اونا گؤره کي، سنئن صالح ائشلرئن آشکار اولوب.
بو شيلردن سونرا باخديم، و گؤيده شهادت خيمهسئنئن معبدي آچيلدي،
و يدّي بلاني گتئرن او يدّي ملک معبددن اشئيه چيخدي؛ تمئز و پارلاق بئر کتانا گيئنمئشدئلر و سئنهلرئني قيزيل قورشاقلارلا باغلاميشديلار.
او واخت دؤرد جانلي مخلوقون بئري، يدّي مله‌يه يدّي قيزيل کاسا وردي کي، ابددن ابدهجک ياشايان تارينين قضبئله دولو ائدي.
و معبد تارينين شؤوکت و قودرتئندن چيخان توستو ائله دولدو. و يدّي مله‌يئن يدّي بلاسي تامام اولمايانا قدر، هچ کس معبده گئره بئلمئردي.
***
او واخت معبددن اوجا بئر سس اشئتدئم کي، يدّي مله‌يه ديئر: «گدئن و تارينين قضبئنئن يدّي پئيالهسئني ير اوزونه تؤکون.»
ائکئنجي ملک پئيالهسئني دهنزه تؤکدو. دهنز اؤلو آدامين قاني کئمي، قانا دؤندو و بوتون اوندا ياشايانلار اؤلدولر.
سونرا اوچونجو ملک پئيالهسئني چايلارا و سو بولاقلارينا تؤکدو و اونلار قانا دؤندولر.
اشئتدئم کي، سولارين مله‌يي ديئر: «اي موقدّس اولان، اي وار اولان و وار اولموش، سن عادئلسن، چونکي بو شيلري موحاکئمهيه چکئرسن.
چونکي اونلار موقدّسلرئن و پيغمبرلرئن قانلاريني تؤکدولر و سن اونلارا ائچمک اوچون قان ورئبسن. اونلار بونا لايئقدئرلر.»
اشئتدئم ده کي، قوربانگاه ديئر: «بلي، اي رب تاري، اي قادئر، سنئن حؤکملرئن دوغرو و عادئلدئر.»
دؤردونجو ملک پئيالهسئني گونه تؤکدو و اونا عطا اولدو کي، ائنسانلاري اودلا يانديرسين.
ائنسانلار بؤيوک ائستئلئکله يانديلار و بو بلالارين اوستونه قودرتي اولان تارينين آدينا کوفر ددئلر. تؤوبه ده اتمهيئب بلجه اونا عئزّت ورمه‌دئلر.
سونرا بشئنجي ملک پئيالهسئني جاناوارين تختي اوستونه تؤکدو و اونون پادشاهليغيني ظولمت بورودو. و اونلار عذابدان دئللرئني دئشله‌دئلر
و عذاب و يارالاريندان اؤتري گؤيون تاريسينا کوفر ددئلر و اؤز عمللرئندن تؤوبه اتمه‌دئلر.
آلتينجي ملک پئيالهسئني فراتا، او بؤيوک چايا تؤکدو و اونون سويو قورودو، اله کي، شرقدن گلن پادشاهلارين يولو حاضيرلانسين.
و اژداهانين آغزيندان، جاناوارين آغزيندان و يالانچي پيغمبرئن آغزيندان گؤردوم کي، قورباغايا بنزر اوچ ناپاک روح چيخدي.
اونلار عجايئب يارادان ائبلئسلرئن روحلاريديرلار. بوتون دونيانين پادشاهلاري يانينا گدئرلر کي، اونلاري، هر شيه قادئر اولان تارينين بؤيوک گونونون موحارئبهسي اوچون بئر يره ييغسينلار.
«باخين، من اوغرو کئمي گلئرم. خوش او آدامين حالينا کي، اوياق قالير و پالتارلاريني اوستونده ساخلايير، اله کي، لوت گزمه‌سئن، آداملار دا اونون خجالتئني گؤرمه‌سئنلر.»
و اونلار پادشاهلاري، عئبراني دئلئنده «حارمَگِدّون» ديئلن يرده بئر يره ييغديلار.
سونرا يدّئنجي ملک پئيالهسئني هاوايا تؤکدو. و معبدئن ائچئندن، تختدن اوجا بئر سس گلدي کي، ديئردي: «تامام اولدو.»
شئمشکلر و سسلر و گورولتولر باش وردي. و اله بئر زلزله اولدو کي، ائنسانين ير اوزونده اولدوغو واختدان بري اونون کئمي بؤيوک و گوجلو بئري باش ورمه‌يئب.
او بؤيوک شهر اوچ يره بؤلوندو و مئلّتلرئن شهرلري ييخيلديلار. بؤيوک بابئل ده تارينين حوضوروندا خاطيرلاندي کي، اونون شئدّتلي قضبئنئن شرابي اولان پئياله اونا ورئلسئن.
هر جزئره قاچدي، داغلار دا تاپيلماديلار.
گؤيدن ائنسانلارين اوستونه اله بؤيوک دولولار ياغديلار کي، هر بئرئنئن آغيرليغي اون دؤرد باتمان اولاردي. ائنسانلار دا دولو بلاسي اوزوندن تارييا کوفر ددئلر. چونکي اوندان گلن بلا چوخ شئدّتلي ائدي.
***
سونرا يدّي پئيالهسي اولان او يدّي ملکلردن بئري گلدي و منئمله دانيشيب ددي: «بورايا گل، چوخ سولارين اوستونده اوتوران او بؤيوک فاحئشهنئن موحاکئمهسئني سنه گؤرسدهجهيم؛
او، مني موقدّس روحدا بئر چؤله آپاردي؛ اورادا من يدّي باشلي، اون بوينوزلو، و کوفر آدي ائله دولو قيرميزي بئر جاناوارين اوستونده، اوتورموش بئر آرواد گؤردوم.
آرواد ارغوان و قيرميزي پالتارا گيئنمئش، قيزيل، قئيمتلي داش و مئرواري ائله بزنمئش ائدي. اونون الئنده قيزيل بئر پئياله وار ائدي کي، ائيرنج شيلر و اؤز عئفّتسئزلئيئنئن چئرکابي ائله دولو ائدي.
اونون آلينيندا بئر آد، بئر سئرّ يازيلميشدي: «بؤيوک بابئل، ير اوزونون فاحئشهلرئنئن و ائيرنجلئکلرئنئن آناسي.»
گؤردوم کي، آرواد موقدّسلرئن قانيندان و عئسانين شاهئدلرئنئن قانيندان کفلئدئر. اونو گؤرنده، حيرتدن مات قالديم.
و ملک منه ددي: «نه اوچون حيرت ادئرسن؟ من سنه او آروادين و مئندئيي او يدّي باشلي و اون بوينوزلو جاناوارين سئرّئني دئيهجه‌يم.
گؤردويون جاناوار وار ائدي، و ائندي يوخدور، عنقرئب دئبسئز قويودان چيخاجاق و هلاکته گدهجک. ير اوزونده ساکئن اولان او آداملار کي، دونيانين بئناسيندان بري آدلاري حيات کئتابيندا يازيلماييب، جاناواري گؤرنده حيرت ادهجکلر، چونکي او وار ائدي و يوخدور و گلهجک.
بورادا حئکمتلي آغيل لازيمدير. يدّي باش، آروادين اوتوردوغو يدّي داغدير،
و اونلار يدّي پادشاهدير؛ بشي ييخيلميش، بئري وار، او بئرئسي ده حله گلمه‌يئب. گلدئکده گرک آز بئر مودّت قالسين.
او وار اولموش لاکئن ائندي اولمايان جاناوار، اؤزو ده، سکّئزئنجي پادشاهدير. يدّئلردن بئرئدئر و هلاکته گدئر.
گؤردويون او اون بوينوز، اون پادشاهدير کي، حله پادشاهليقلاري يوخدور، لاکئن بئر ساعاتليق پادشاهلار آديندا جاناوارلا برابر ائقتئدار آليرلار.
بونلارين تک بئر نئيّتي وار و اؤز قودرت و ائقتئدارلاريني جاناوارا ورئرلر.
اونلار قوزونون ضئدّئنه موحارئبه باشلاياجاقلار و قوزو اونلارا قالئب گلهجک. چونکي او ربلرئن ربّي و پادشاهلارين پادشاهيدير و اونونلا اولانلار دعوت اولونموش، سچئلمئش و وفاليديرلار.»
و منه ددي: «آروادين اوتوردوغو او گؤردويون سولار خالقلار، جاماعاتلار، مئلّتلر و دئللردئرلر.
آمّا گؤردويون او اون بوينوز و جاناوار، فاحئشهدن نئفرت ادئب اونو پرئشان و لوت قوياجاقلار، اَتئني ده ييئب، اونو اودلا يانديراجاقلار.
چونکي تاري اونلارين اوره‌يئنه بونو ساليب کي، تارينين کلامي يرئنه يتئشنهجک، همن فئکئرده اولاراق و پادشاهليقلاريني جاناوارا ورهرک، تارينين مقصدئني يرئنه يتئرسئنلر.
گؤردويون او آرواد، او بؤيوک شهردئر کي، ير اوزونون پادشاهلاري اوستونه سلطنت ادئر.»
***
بو شيلردن سونرا گؤيدن انن آيري بئر ملک گؤردوم. اونون بؤيوک ائقتئداري وار ائدي و ير اوزو اونون شؤوکتئله مونوّر اولموشدو.
چونکي بوتون مئلّتلر، اونون عئفّتسئزلئک هوسئنئن شرابيندان ائچئبلر، ير اوزونون پادشاهلاري اونونلا زئنا ادئبلر، دونيانين تاجئرلري ده اونون هاوا-هوسئنئن ثروتئله وارلي اولوبلار.
گؤيدن آيري بئر سس اشئتدئم کي، ديئردي: اي منئم خالقيم، اوندان اشئيه چيخين کي، اونون گوناهلاريندا شرئک اولماياسينيز، و بلالاري سئزئن باشينيزا دوشمه‌سئن.
چونکي اونون گوناهلاري گؤيه قدر چاتيب، و تاري اونون فسادلاريني يادا ساليب.
نه ورئب، اونا اله ده عوضئني ورئن، اونون عمللرئنئن عوضئني، ائکئقات ورئن، شراب حاضيرلاديغي پئيالهده، اونا ائکئقات حاضيرلايين.
نه قدر اؤزونو عئزّتلندئردئب، هاوا-هوسلرئنده ياشاميش اولسا، اونا او قدر ده عذاب و شئون ورئن؛ چونکي اوره‌يئنده ديئر: ”من بئر ملکه کئمي اوتورورام، و دول بئري ديئلم. شئون اوزو ده گؤرمه‌يهجه‌يم.“
بونا گؤره، اونون بلالاري، اؤلوم، شئون و قحطي، بئر گونده گلهجک، و اودلا ياناجاقدير، چونکي اونو موحاکئمه ادن رب تاري گوجلودور.
اونونلا زئنايا باتميش و اونون هاوا-هوسلرئنده ياشاميش ير اوزونون پادشاهلاري، اونون يانديغينين توستوسونو گؤرن واخت، اونون اوچون آغلاييب شئون ادهجکلر.
اونون چکدئيي عذابين قورخوسوندان، اوزاقدا دوروب دئيهجکلر: واي، واي، او بؤيوک شهر بابئل، او قودرتلي شهر! چونکي سنئن موحاکئمه اولونماغين بئر ساعاتدا گلئب.
دونيانين تاجئرلري ده اونون اوچون آغلاييب ياسا باتارلار، چونکي اونلارين ماللاريني آرتيق کئمسه آلمير-
قيزيل، گوموش، قئيمتلي داشلار، مئروارئلر، ظرئف کتان، ارغوان و ائپک و قيرميزي، هر جور عطئرلي آغاج، فئل دئشئندن دوزه‌لمئش هر جور اشيا، قئيمتلي آغاجدان، بورونجدن، دمئردن و مرمردن دوزه‌لمئش هر جور مال،
دارجين، ادوئيه، مور، عطئر، بوخور، شراب، زيتون ياغي، اعلا اون، بوغدا، مال-حيوانلار، قويونلار، آتلار، عارابالار، قوللار و ائنسان جانلاريني:
جانينين آرزو چکدئيي ميوه الئندن گدئب، بوتون نفئس و دبدبهلي شيلر سندن قيب اولوب، و اونلار سنده بئر داها تاپيلماز.
اوندان وارلي اولان بو ماللارين تاجئرلري، اونون عذابينين قورخوسوندان اوزاقدا دوراجاقلار و آغلاييب ياسا باتاجاقلار.
دئيهجکلر: واي، واي، او بؤيوک شهر، ظرئف کتانا، ارغوان و آلاقيرميزا گيئنن، قيزيل، قئيمتلي داشلار و مئروائلرله بزه‌نن؛
چونکي بوتون بله بؤيوک ثروت، بئر ساعات ائچئنده يوخ اولدو. بوتون گمي صاحئبلري، موسافئرلر و گمئچئلر، دهنزدن روزئلرئني چيخاردانلارين هاميسي اوزاقدا دوردولار
و اونون يانديغينين توستوسونو گؤرنده باغيريب ديئردئلر: بو بؤيوک شهره هانسي شهر بنزر؟!
و باشلارينا توز تؤکوب باغيريرديلار، آغلاييب شئون ادئردئلر. ديئردئلر: واي، واي، او بؤيوک شهر، او شهر کي، اونون ثروتئندن بوتون گمي صاحئبلري وارلاندي! چونکي بئر ساعات ائچئنده برباد اولدو.
اي گؤي، اي موقدّسلر، حوارئلر و نبئلر، اونون حالينا سوئنئن! چونکي تاري سنئن اوچون اونون ضئدّئنه حؤکم ادئب.
سونرا گوجلو بئر ملک ديئرمان داشينا بنزر بؤيوک بئر داشي گؤتوروب، دهنزه آتدي و ديئردي: «بؤيوک شهر بابئل بله شئدّتله آتيلاجاق و بئر داها تاپيلماياجاق.
چنگچئلرئن، سازاندالارين، توتکچئلرئن و شيپور چالانلارين سسي سنده آرتيق اشئدئلمه‌يهجک. هچ اوستاليغين اوستاسي سنده تاپيلماياجاق و ديئرمان داشينين سسي ده سنده اشئدئلمه‌يهجک.
چيراق ائشيغي سنده بئر داها ائشيق ورمهيهجک، بَي‌له گلئن سسي ده سنده آرتيق اشئدئلمه‌يهجک. چونکي سنئن تاجئرلرئن ير اوزونون بؤيوک آداملاري ائدئلر و سنئن سحربازليغينلا بوتون مئلّتلر آلدانميشديلار.
و پيغمبرلرئن، موقدّسلرئن و ير اوزونده اؤلدورولموشلرئن هاميسينين قاني اوندا تاپيلدي.»
***
بو شيلردن سونرا، گؤيدن، بؤيوک بئر جاماعاتين اوجا سسي کئمي بئر سس اشئتدئم کي، ديئردي: «هالهلويا! نئجات، شؤوکت و قودرت بئزئم تارييا عاييددئر.
بئر ده ددئلر: «هالهلويا! اونون توستوسو ابددن ابدهجک يوخاري قالخير!»
ائيئرمي دؤرد آغساقّال و او دؤرد جانلي مخلوق يره دوشدولر و تختده اوتوران تاريني پرستئش ادئب، ديئردئلر: «آمئن. هالهلويا!»
و تختدن بئر سس گلدي کي، ديئردي: «سئز اي اونون بوتون قوللاري، سئز اي اوندان قورخانلار، کئچئکلر و بؤيوکلر، تاريميزا حمد ادئن!»
سونرا، بؤيوک بئر جاماعاتين سسي کئمي، چوخ سولارين سسي کئمي، و قووّتلي گورولتولرئن سسي کئمي بئر سس اشئتدئم کي، ديئردي: «هالهلويا! چونکي رب تاريميز، او قادئر اولان، سلطنت ادئر.
گلئن شادليق ادئب، سوئنک و اونا عئزّت ورک، چونکي قوزونون تويو يتئشئب و اونون گلئني اؤزونو حاضيرلاييب.»
گيمک اوچون اونا تمئز، پارلاق و ظرئف کتان ورئلدي، چونکي ظرئف کتان موقدّسلرئن صالح عمللرئدئر.
سونرا، او، منه ددي: «ياز، خوش او آداملارين حالينا کي، قوزونون توي ضئيافتئنه دعوت اولونوبلار.» و منه ددي: «بونلار تارينين حقئقي سؤزلرئدئرلر.»
او واخت اونون آياقلارينا دوشدوم کي، اونو پرستئش ادئم. لاکئن او، منه ددي: «بونو اتمه. من سنئن و عئسانين شهادتئني ساخلايان قارداشلارينين همکار قولويام. تارييا پرستئش ات. چونکي عئسانين شهادتي نبئلئک روحودور.»
گؤيو آچيلميش گؤردوم، و باخ، آغ بئر آت! اونون اوستونده اوتوران، وفالي و صادئق چاغيريلير و او، صالحلئکده موحاکئمه ادئب موحارئبه قالديرير.
گؤزلري بئر اود آلووودور، باشيندا چوخلو تاج وار، اوستونده يازيلميش بئر آد دا وار کي، اؤزوندن باشقا هچ کس بئلمئر.
قانا باتميش بئر شئنل گيئنئب، آدي دا تارينين کلامي چاغيريلير.
گؤيده اولان قوشونلار آغ، تمئز و ظرئف کتانا گيئنمئش، آغ آتلارين اوستونده اونون دالينجا گدئردئلر.
اونون آغزيندان ائتي بئر قيلينج چيخير، اله کي، اونونلا مئلّتلري وورسون. او، دمئر بئر عصا ائله اونلارا سلطنت ادهجک و هر شيه قادئر اولان تارينين حئدّتلي قضبئنئن اوزوم سيخان حؤووضونو، او، سيخير.
شئنلئنده و بودوندا يازيلميش بو آد وار: «پادشاهلارين پادشاهي و ربلرئن ربّي!»
سونرا، گون ائچئنده دوران بئر ملک گؤردوم و او، اوجا بئر سسله نئدا ادئب، گؤيون اورتاسيندا اوچان بوتون قوشلارا ديئردي: «گلئن، تارينين بؤيوک ضئيافتي اوچون بئر يره ييغيلين،
اله کي، پادشاهلارين اتئني، سرکردهلرئن اتئني، گوجلولرئن اتئني، آتلارين و اونلارين اوستونده اوتورانلارين اتئني، بوتون ائنسانلارين اتئني، هم آزادلارين، هم ده قوللارين، کئچئکلرئن و بؤيوکلرئن اتئني يئيهسئنئز.»
و من، جاناواري، ير اوزونون پادشاهلاريني و اونلارين قوشونلاريني بئر يره ييغيلميش گؤردوم کي، آت اوستونده اوتورانين و اونون قوشونونون ضئدّئنه موحارئبه قالديرسينلار.
جاناوار و اونون حوضوروندا علامتلر گؤرسدن او يالانچي پيغمبر کي، اونلارين واسئطهسئله جاناوارين نئشانيني آلانلاري و اونون تئمثاليني پرستئش ادنلري آلداديردي، اسئر آليندي و بونلارين ائکئسي ده، دئري-دئري، گوگوردله يانان اود گؤلونه آتيلديلار.
قالانلاري دا آت اوستونده اوتورانين آغزيندان چيخان قيلينجلا اؤلدورولدولر و بوتون قوشلار اونلارين اتئله دويدولار.
***
سونرا گؤيدن انن بئر ملک گؤردوم. الئنده دئبسئز قويونون آچاري و بؤيوک بئر زنجئر وار ائدي.
اونو دئبسئز قويويا آتدي و آغزيني باغلاييب اوستونه مؤهور ووردو، اله کي، او، مئن ائل تامام اولاناجاق، مئلّتلري بئر داها آلداتماسين. بو شيلردن سونرا او گرک قيسا بئر مودّت اوچون بوراخيلسين.
سونرا تختلر گؤردوم و اونلار تختلرئن اوستونده اوتوردولار و موحاکئمه اتمک روخصتي اونلارا ورئلدي. عئسانين شهادتي و تارينين کلامي اوچون باشلاري کسئلمئشلرئن جانلاريني گؤردوم و او آداملاري دا کي، جاناواري و يا اونون تئمثاليني پرستئش اتمهمئشدئلر و اونون نئشانيني آلينلاري يا دا اللري اوستونه آلماميشديلار. اونلار دئرئلدئلر و مئن ائل مسئحله سلطنت اتدئلر.
قالان اؤلولر، مئن ائل تامام اولانا کئمي، دئرئلمه‌دئلر. بو، بئرئنجي قئيامتدئر.
موبارک و موقدّسدئر او آدام کي، بئرئنجي قئيامتده بئر پايي وار. اونلارين اوستونده ائکئنجي اؤلومون هچ قودرتي يوخدور، لاکئن اونلار تاري و مسئحئن کاهئنلري اولاجاقلار و اونونلا مئن ائل سلطنت ادهجکلر.
مئن ائل تامام اولاندا، شيطان زئندانيندان بوراخيلاجاق
و چيخاجاق کي، ير اوزونون دؤرد گوشهسئنده اولان مئلّتلري، جوجو و ماجوجو آلداتسين و موحارئبه اوچون بئر يره ييغسين؛ اونلارين سايي دهنزئن قوم دنهلري قدردئر.
اونلار ير اوزونون انلئيئنه چيخديلار و موقدّسلرئن اوردوگاهيني و او سوگئلي شهري موحاصئره اتدئلر. گؤيدن اود نازئل اولوب اونلاري محو اتدي.
و اونلاري آلداتان ائبلئس ده، جاناوار و يالانچي پيغمبرئن اولدوغو يره، يعني اود و گوگورد گؤلونه آتيلدي. اونلار گجه-گوندوز ابددن ابده کئمي عذاب چکهجکلر.
سونرا بؤيوک آغ بئر تخت و اونون اوستونده اوتوراني گؤردوم. ير و گؤي اونون حوضوروندان قاچدي و اونلار اوچون بئر مکان تاپيلمادي.
و من، اؤلولري، بؤيوکدن کئچئيئنه قدر، گؤردوم کي، تختئن حوضوروندا دوروبلار. و طومارلار آچيلدي؛ آيري بئر طومار دا آچيلدي کي، حيات طوماريدير. اؤلولر، طومارلاردا يازيلانلاردان، اؤز عمللرئنه موطابئق، موحاکئمه اولوندولار.
دهنز، اؤزونده اولان اؤلولري تسلئم اتدي. اؤلوم و اؤلولر دئياري اونلاردا اولان اؤلولري تسلئم اتدئلر. و موحاکئمهيه چکئلئب، هر بئرئنه عمللرئنه موطابئق حؤکم اولوندو.
سونرا اؤلوم و اؤلولر دئياري اود گؤلونه آتيلدي. بو اود گؤلو، ائکئنجي اؤلومدور.
و حيات طوماريندا آدي يازيلميش اولمايان هر کس اود گؤلونه آتيلدي.
***
او واخت تزه بئر گؤي و تزه بئر ير گؤردوم، چونکي اوّلکي گؤي و اوّلکي ير کچئب گتمئشدي، دهنز ده آرتيق يوخدور.
تختدن اوجا بئر سس اشئتدئم کي، ديئردي: «باخ، تارينين خيمهسي ائنسانلار آراسيندادير و تاري اونلارين آراسيندا ساکئن اولاجاق. اونلار اونون خالقي اولارلار و تاري اؤزو اونلارين آراسيندا اولاجاق.
اونلارين گؤزلرئندن هر ياشي سئلهجک و اؤلوم آرتيق اولماياجاق. آرتيق نه قوصّه اولاجاق، نه آغلاشما، يا دا درد. اوّلکي شيلر کچئب گدئب.»
تختده اوتوران ددي: «باخ، من هر شيي تزهلندئرئرم.» و ددي: «ياز، چونکي بو سؤزلر صادئق و دوغرودور.»
سونرا او منه ددي: «تامام اولدو! ”الف“ و ”ي“، باشلانيش و آخير منم. من، سوسوز اولانا، حيات سويونون بولاغيندان موفته سو ورهجهيم.
قالئب گلن بو شيلري مئراث آلاجاق. من اونون تاريسي اولاجاغام، او دا منئم اوغلوم اولاجاقدير.
آمّا قورخاقلارين، ائمانسيزلارين، ائيرنجلرئن، قاتئللرئن، عئفّتسئزلرئن، سحربازلارين، بوتپرستلرئن و بوتون يالانچيلارين پايي اود و گوگوردله يانان گؤلده اولاجاق کي، ائکئنجي اؤلومدور.»
سونرا يدّي ملکلردن بئري کي، آخيرکي يدّي بلالاردان دولو يدّي پئيالهسي وار ائدي، گلدي و منئمله دانيشيب ددي: «بورايا گل، من سنه گلئني، قوزونون آرواديني گؤرسدهجهيم.»
و روحدا مني بؤيوک و اوجا بئر داغين اوستونه آپاردي و منه موقدّس شهر اورشلئمي گؤرستدي کي، گؤيدن، تارينين يانيندان انئردي
و تارينين شؤوکتي اوندا ائدي. اونون شفقي چوخ قئيمتلي بئر داشا، بولورلاشان يَشَم داشينا اوخشاييردي.
اونون بؤيوک و اوجا بئر دوآري، اونائکي دروازاسي، دروازالارين يانيندا دا اونائکي ملک وار ائدي. قاپيلارين اوستونده اونائکي آد يازيلميشدي کي، ائسرايئل اوغوللارينين اونائکي قبئلهسئنئن آدلاريدير.
شرق سمتئنده اوچ قاپي، شئمال سمتئنده اوچ قاپي، جنوب سمتئنده اوچ قاپي، قرب سمتئنده اوچ قاپي وار ائدي.
شهر دوآرينين اونائکي بونؤوره داشي و اونلارين اوستونده ده قوزونون اونائکي حوارئسئنئن اونائکي آدي وار ائدي.
منئمله دانيشان مله‌يئن بئر آرشين قيزيل آغاجي وار ائدي کي، اونونلا شهري، اونون دروازالاريني و اونون دوآريني اؤلچسون.
شهر دؤردبوجاق شکلئندهدئر و اوزونلوغو، اني قدردئر. ملک شهري آرشين آغاجي ائله اؤلچدو؛ اوزونلوغو اونائکي مئن اوخ آتيمي؛ اوزونلوغو، اني و بويو دا برابردئر.
اونون دوآريني دا اؤلچدو؛ ائنسان اؤلچوسونه موطابئق يوز قيرخ دؤرد قول اوزونلوغو کي، مله‌يئن ائشلتدئيي اؤلچودور ده.
دوآر يَشَم داشيندان تئکئلمئشدي، شهر صاف شوشه کئمي خالئص قيزيلدان ائدي.
شهر دوآرينين بونؤورهلري هر جور قئيمتلي داشلارلا بزه‌دئلمئشدي. بئرئنجي بونؤوره داش يَشَم ائدي، ائکئنجئسي صافئر، اوچونجوسو آلا‌عقئق، دؤردونجوسو زومورّود،
بشئنجئسي آغ عقئق، آلتينجيسي قيرميزي عقئق، يدّئنجئسي ساري ياقوت، سکّئزئنجئسي گؤي زومورّود، دوقّوزونجوسو زبرجد، اونونجوسو ساري زومورّود، اون بئرئنجئسي گؤي ياقوت و اون ائکئنجئسي ده مور ياقوت.
اونائکي دروازا، اونائکي مئرواري ائدي؛ دروازانين هر بئري، بئر مئرواري ائدي. شهرئن کوچهسي شفّاف شوشه کئمي خالئص قيزيلدان ائدي.
اورادا معبد گؤرمهدئم، چونکي اونون معبدي هر شيه قادئر اولان رب تاري و قوزودور.
شهرئن نه گونه، نه ده آيا احتئياجي وار کي، اونا ائشيق ساچسين، چونکي تارينين جلالي اونو ائشيقلانديريب، شهرئن چيراغي دا قوزودور.
مئلّتلر اونون ائشيغيندا گزهجکلر، ير اوزونون پادشاهلاري دا شؤوکتلرئني اونا گتئرهجکلر.
گوندوزلر دروازالاري اصلا باغلانماياجاق؛ چونکي اورادا گجه اصلا اولماياجاقدير
و مئلّتلرئن شؤوکت و حؤرمتئني اونون ائچئنه گتئرهجکلر.
اونون ائچئنه ناپاک بئر شي، ائيرنج ائش گؤرن و يالان دانيشان هچ کئم اصلا گئرمز، آنجاق اونلار کي، آدلاري قوزونون حيات طوماريندا يازيليب.
سونرا منه حيات سويونون چاييني گؤرستدي کي، بولور کئمي شفّاف تاري و قوزونون تختئندن آخيردي؛
شهرئن باش کوچهسي اورتاسيندا، چايين هم بو تايي، هم ده او تاييندا اونائکي جور ميوه گتئرن حيات آغاجي وار ائدي کي، ميوهسئني هر آي گتئرئردي؛ آغاجين يارپاقلاري دا مئلّتلرئن شفاسي اوچون ائدي.
اورادا آرتيق هچ بئر لعنت اولماياجاق؛ تاري و قوزونون تختي اورادا اولاجاق و اونون قوللاري اونا خئدمت ادهجکلر.
اونلار اونون اوزونو گؤرهجکلر و اونون آدي اونلارين آلينلاريندا اولاجاقدير.
اورادا آرتيق گجه ده اولماياجاق؛ اونلارين نه چيراق ائشيغينا احتئياجلاري اولاجاق، نه ده گون ائشيغينا، چونکي رب تاري اونلاري مونوّر ادهجک و اونلار ابددن ابده کئمي سلطنت ادهجکلر.
ملک منه ددي: «بو سؤزلر صادئق و دوغرودور.» و پيغمبرلرئن روحلارينين رب تاريسي اؤز مله‌يئني گؤنده‌ردي کي، اؤز قوللارينا عنقرئب باش ورمه‌سي واجئب اولان شيلري گؤرسدسئن.
«باخ، من تزلئکله گلئرم. خوش او آدامين حالينا کي، بو کئتابين نبئلئک سؤزلرئنه قولاق آسير.»
بو شيلري گؤرن و اشئدن منم، يوحنّا! و اشئدئب گؤرنده يره ييخيلديم کي، منه بونلاري گؤرسدن مله‌يئن آياقلاري قاباغيندا پرستئش ادئم.
لاکئن او، منه ددي: «بونو اتمه. من سنئن پيغمبر قارداشلارينين و بو کئتابين سؤزلرئنه قولاق آسانلارين همکار قولويام. تارييا پرستئش ات.»
و منه ددي: «بو کئتابين نبئلئک سؤزلرئني مؤهورلمه، چونکي واخت ياخيندير.
قوي حاقسيزليق ادن، حله ده حاقسيزليق اتسئن و کثئف اولان، حله ده کثئف اولسون. قوي صالح اولان، حله ده صالح عمللر اتسئن و موقدّس اولان، حله ده اؤزونو موقدّس ساخلاسين.
باخ، من تزلئکله گلئرم و اجرئم منئملهدئر کي، هر کسه اؤز عملئنه موطابئق عوضئني ورئم.
من ”الف“ و ”ي“، اوّلئنجي و آخيرينجي، باشلانيش و آخيرام.»
خوش او آداملارين حالينا کي، شئنللرئني يويورلار، اله کي، حيات آغاجينا حاق قازانسينلار و دروازلاردان شهره گئرسئنلر.
لاکئن ائتلر، سحربازلار، عئفّتسئز آداملار، قاتئللر، بوتپرستلر و يالاني‌سِوَن و دانيشان هر کس شهردن اشئکدهدئر.
«من، عئسا، اؤز مله‌يئمي گؤنده‌ردئم کي، کئلئسالار اوچون بو شيلرئن حاقّيندا سئزه شهادت ورسئن. من داوودون کؤکو و نسلي، او پارلاق سحر اولدوزويام.»
موقدّس روح و گلئن ديئر: «گل.» قوي اشئدن ده دسئن: «گل.» سوسوز اولان قوي گلسئن، آرزو ادن حيات سويوندان موفته گؤتورسون.
من، بو کئتابين نبئلئک سؤزلرئني اشئدن هر کسه شهادت ورئرم: اگر کئمسه اونلارا بئر شي علاوه اتسه، تاري دا بو کئتابدا يازيلان بلالاري اونا علاوه ادهجکدئر.
و کئم بو نبئلئک کئتابينين سؤزلرئندن بئر شي گؤتورسه، تاري دا اونون پاييني بو کئتابدا يازيلميش اولان حيات آغاجيندان و موقدّس شهردن گؤتورهجکدئر.
بو شيلره شهادت ورن ديئر: «بلي، من تزلئکله گلئرم.» آمئن. گل، يارب عئسا.
ربّ عئسانين فيضي سئزئن هامينيزلا اولسون. آمئن.