'Cheh-dlu:: Yusu' 'Klae 'wluh-a 'i, an-a' 'nyne: wor: dhe dih.: Yusu' no 'Keen: Debe' 'di-a' 'yu, 'de 'Keen: Debe' no 'Eble'hehn 'di-a' 'yu. 'Eble'hehn 'wluh Ase', 'de Ase' 'wluh 'Jekor, 'de 'Jekor 'wluh 'Juda-:: korn or-a'a: 'de-di'-nyor⧾-kpalu⧾-:. 'Juda: or-: 'wluh 'Pehleh-:: korn 'Zila-:: on: korn-a 'de 'dhu-a 'Tama-'. 'Pehleh: wor 'wluh 'Ehzola, 'de 'Ehzola 'wluh 'Wlaa, 'de 'Wlaa 'wluh: Ami'nada, 'de: Ami'nada 'wluh 'Nasorn, 'de 'Nasorn 'wluh 'Samor. 'De 'Samor 'wluh 'Bhoa: or: korn-a 'de 'dhu-a 'Wlea-'. 'Bhoa: wor 'wluh 'Obeh: or: korn-a 'de 'dhu-a: Wluu'-'. 'Obeh: wor 'wluh 'Jehsi. 'De 'Jehsi 'wluh: Debe'. 'De: Debe' 'wluh: Salomor',: or: korn-a 'de 'dhu-a: Yulaya'-a'a: 'nynor: dee'. :Salomor' or-: 'wluh 'Wleobo'a, 'de 'Wleobo'a 'wluh: Aba'ya, 'de: Aba'ya 'wluh 'Esa. 'Esa: wor 'wluh: Yea'safa, 'de: Yea'safa 'wluh 'Jorla, 'de 'Jorla 'wluh: Yuzaya'. 'De: Yuzaya' 'wluh 'Jotan, 'de 'Jotan 'wluh 'Eya, 'de 'Eya 'wluh 'Ehzekaya'. 'De 'Ehzekaya' 'wluh: Mana'sa.: Mana'sa: wor 'wluh 'Ama, 'de 'Ama 'wluh: Josaya'. 'De: Josaya' 'wluh: Jehkoni'a-:: korn or-a'a: 'de-di'-nyor⧾-kpalu⧾-: ti tuh kpon-uh-a, 'de on kpa-uh-a 'Babe'lor-bluhba ken. :Yee': eh 'wluh-a 'o ti on kpa-uh-a 'gegeye-', 'de 'Babe'lor, 'do: wor: Jehkoni'a 'wluh-dih:: Sia'ti, 'de: Sia'ti 'wluh: Zowla'baba. 'De: Zowla'baba 'wluh: Aba'yu, 'de: Aba'yu 'wluh: Ila'yaka, 'de: Ila'yaka 'wluh 'Ezor. 'De 'Ezor 'wluh 'Zalor, 'de 'Zalor 'wluh 'Aken, 'de 'Aken 'wluh 'Ilayu. 'De 'Ilayu 'wluh 'Ehlia'za, 'de 'Ehlia'za 'wluh 'Matan, 'de 'Matan 'wluh 'Jekor. 'De 'Jekor 'wluh 'Joseh: or 'dhu-a: Mehle'-a'a: yibeor-'.: Mehle': wor 'wluh: Yusu', an 'da-dih-a Nyorsoa-a' 'taan'-yu. :Yee' 'cheh-dlu⧾-a' klehkpeh 'wluh-a 'de 'Eble'hehn 'di, 'de: eh: yeh-dih:-a: Debe'-a' ti ken, on no 'cheh-dlu⧾-a': bhue: 'yor: nyieh,: yee' deh tba 'o: Debe'-a' ti bo dih, 'de: eh: yeh-dih:-a ti tuh kpon-uh-a, 'de on 'ye-uh'-a 'Babe'lor-bluhba ken kpa, on no 'cheh-dlu⧾-a': bhue: 'yor: nyieh,: yee': eh 'wluh-a 'o ti on 'ye-a' 'gegeye 'wluh-dih: 'de 'Babe'lor, 'de: eh 'ye-a' Nyorsoa-a' 'taan'-yu-a' ti ken: yeh-dih:, on no 'cheh-dlu⧾-a': bhue: 'yor: nyieh. 'Ka-:: Yusu' 'Klae-a' 'wluhuh'-dhih no: aa mu-a'.: Mehle': or 'wluh-or, or 'dhu-eh: 'sehn 'dlu 'Joseh 'ye-or': korn. Jorwor:: yeh on 'ye-a': dha: due' 'kpa,: yee' Gban 'i: ne: Zulu no-eh, 'de or: ne 'kwli-', 'de nyor⧾ 'di dih 'ma-dih: ka 'di. Deh no-eh, 'Joseh:: or 'dhu-or 'sehn 'dlu: dee', or no 'yi 'sleh-nyor:, 'de or: se-' 'bhorn or 'ye-eh' dih: wa-dih: 'do: gwlea, 'de or: ne-or' dhen: no-dih:,: yee' or na-dih-eh: gwluhuh' dih, or 'ye-or' dih 'tali:: weheh:. :Yee': yeh or 'si-a 'o deh: daa eh-a': gwluhuh' dih: na-dih: 'da,: yeh or pobo-a 'o,: yee': Gwlor: baa'-a' 'enjor: due', or-:: yi-dih-or 'dlu bo 'de 'nyinor-', 'de or 'dae: 'de or bo, 'Joseh:,: Debe'-a' 'yu, 'bor: an-a': ple-': fano. Kpa: Mehle' 'gbu bo, or 'ye: an-a'a: 'nynor no. Deh no-eh, 'yu: ne-a 'de or 'di, or 'wluh 'de Gban 'i: ne: Zulu bo. Nyor-kpalu-yu: 'o, or mu 'wluh-:,: yee': an mu or-a' 'nyne: Yusu' 'da-dih:. Deh no-eh, or mu or-a'a: nyor⧾ 'puh-dih: 'do 'kle 'ye-eh: on: korn on 'ye-a' 'ye: dee', 'do an-a' deh⧾-zon⧾-a' dhih bo. Deh⧾-a' klehkpeh: daa, en: no-eh:-' 'de: Gwlor: baa'-a' wlu 'ye dhih 'jeh-' 'kpa,: ka or no-a eh-a': za-a' see,: eh: yi-dih:-a or-a' wele-eh:: po-nyor-', or 'dae:, :Gbee'e:. 'Nynor-kpao'-yu:,: or se-a nyor-kpalu-dhih yubo:, or-: mu 'kwli-': ne, 'de or 'ye nyor-kpalu-yu 'wluh.: Yee' an mu or-a' 'nyne: Ima'yoeh 'da-dih:. (:Ima'yoeh-nyne:: daa, en: bleh-dih: 'i, Nyorsoa: ne 'o: a bo.) :Yeh 'Joseh 'wluh-a 'nyinor-',: yee' or no: ka: Gwlor: baa'-a' 'enjor:: dao' 'da-a 'weh: kpeheh:,: yee' or kpa: Mehle' 'gbu bo 'weh, or 'ye or-a'a: 'nynor no. Jorwor: or: se-or' deh-': no-dih:: chio'lo: 'de or: za: gbano, or 'wluh nyor-kpalu-yu, 'de or 'da or-a': Yusu'-nyne. :Yee': yeh: Yusu' 'wluh-a 'de: gwlor an 'da-dih-a 'Behble'hehn 'de: Judi'a-bluhba ken, ti: Hehlo' no-a 'keen 'do 'bluhba:: dao' ken, 'do: wor: toror': korn-nyor:⧾: on 'chean'-a 'chuh: dhlaen, mo-: yi: Julu'slehn, on 'wluh-dih: 'de 'yluh-a' 'kwla 'wluh-dih: 'da, on dhele: nyor⧾ dih, on 'dae:, Dha 'yu: bleheh'eh:: or 'wluh-a: or no-a 'keen 'do: Jueh'-nyor⧾ bo, or: ne: eh?: A 'ye or-a' 'chuh: dhlaen-eh 'de 'yluh-a' 'kwla 'wluh-dih: 'da. Eh-a' dhih,: a 'yle: a 'ye-or': weheh': za. :Yee': yeh 'Keen: Hehlo' 'worn-a dhih: daa,: yee' or-: 'dekorn: nyor⧾-a' klehkpeh: on: ne-a: Julu'slehn-: an-a': porluh⧾: gba ya. 'De or 'da Nyorsoa-a' 'slaa:: za-nyor:⧾: klaba'⧾-a' klehkpeh-: 'dekorn: nyor⧾ 'tele': torne-nyor⧾-:.: Yeh on 'kpa-a: dha: due',: yee' or dhele-uh-: dih, or 'dae:, Dha Nyorsoa-a' 'taan'-yu: korn or 'ye 'wluh-dih:: eh? 'De on 'da, 'De 'Behble'hehn: 'o, or: korn or 'ye 'wluh-dih: 'de: Judi'a-bluhba ken. Deh: daa, eh-: 'o, Nyorsoa-a' wele-eh:: po-nyor 'chle, or 'dae:, Jorwor:: mor 'Behble'hehn:: daa: or: ne-a 'de: Judi'a-bluhba ken,: on: se: gwlor-yu: klehkpeh klehkpeh, 'de nyor⧾ wlu 'ken: korn: gwlor⧾: klaba'⧾: daa 'nyne bo. Deh no-eh, 'de: on 'di, 'do: wor nyor⧾: na-dih-nyor-a mu 'wluh-:, or 'ye 'Ezlea-nyor⧾ 'yli-eh bo 'dhu,: on no-a 'an-a: nyor⧾. :Yee': Hehlo' 'da: toror': korn-nyor:⧾: dao' 'weh, 'de 'slan: pa ka 'di, or 'ye-uh' dih dhele: ti: yihih: eh 'chuh: dhlaen-eh:: dao', eh 'wluh-dih-uh-a 'i. 'De or dbo-uh 'Behble'hehn, or 'dae:, A mu, a 'ye 'yu: bleheh'eh:: dao' dih 'bhorn deh 'jeh.: Yee': mor a 'ye-or,: yee' a 'yle, 'de a 'ye 'on: gwluhuh' zela:, 'de 'on 'ye-or': weheh': za 'da mu: ke. :Yee': yeh on 'worn-a 'keen-a' wlu,: yee' on 'kpa 'i: gwie:,: yee' 'chuh: dhlaen-eh-a' 'jeh: dao', on 'ye-a: dee',: eh 'wluh-a 'de 'yluh-a' 'kwla 'wluh-dih: 'da, eh-: on 'ye: neheh'.: Yee' eh-: mu 'de on ybei': chio'lo:, 'de eh 'ti-dih: 'do: dha 'yu: bleh-dih:-a 'i. :Yeh on 'ye-eh,: yee' 'mona 'yi-dih-uh-: dih. :Yeh on pa-a 'de 'gbu: dao' 'di,: yee' on 'ye 'yu: bleheh'eh 'weh 'do or 'de: Mehle': gwlii', 'de on bla 'koor-dlu⧾ 'yi glu, on: za or-a': weheh'. 'De on kan-dih: an-a'a: bhaan-borlor'⧾ 'i, on 'nyi-or 'nyii'-deh⧾,: en 'dhu-a 'goo-:: korn deh⧾: mor nyor⧾ po-a 'yli,: en po-a 'no 'jeh no, an 'da-dih-a 'flehnkensehn-: 'dekorn:: pofi'orn: an 'da-dih-a 'mina-:. 'De Nyorsoa 'dhu-uh 'slen 'de 'nyinor-', or 'dae:, A-a': mu-dih:-' 'noror 'Keen: Hehlo' bo deka o. 'De on: mu-dih:: gwie: 'sluh bo, on mu on 'bli. :Yee': yeh on mu-a,: yee': Gwlor: baa'-a' 'enjor: due', or-:: yi-dih: 'Joseh 'dlu bo 'de 'nyinor-', 'de or 'dae:,: Sorn-', 'duo: 'yu-yu-:: korn or 'de-: a 'ye ple, a 'ye 'Iye-bluhba ken mu. 'Do: wor a 'ye dih: dhe: chio'lo:, 'de jorwor: 'on 'ye a 'da. Deh no-eh, 'Keen: Hehlo'-a mu 'yu-yu:: daa 'kwla⧾-' dih 'bhorn-:, or 'ye-or' 'dba. 'De 'Joseh: sorn-' 'mano-'. Or 'duo: 'yu-:: korn or 'de-:-'. 'De on 'kpa 'Iye-bluhba:: gwie ken. 'Do: wor on: dhe dih: chio'lo:, 'de 'Keen: Hehlo' 'meh.: Yee' deh: Gwlor: baa'-a' wlu: za-a-' see,: eh: yi-dih:-a or-a' wele-eh:: po-nyor-', eh 'kpa dhih 'jeh-' 'weh,: eh 'dhu-a, 'De 'Iye-bluhba ken, 'do: wor 'on 'da-dih: 'an-a: 'Yu, or 'ye 'de 'wluh. :Yee': yeh 'Keen: Hehlo' yubo-eh 'i,: ka: toror': korn-nyor:⧾: dao', on: bo-dih-or dih,: yee' 'chehn 'dba-or', 'de or 'nyi nyor⧾ 'tele', on 'ye nyor⧾-kpalu⧾-nynuu-a' klehkpeh,: eh 'wluh-a zon⧾ 'sororn' bo,: eh yi-a 'bluhbor, 'dba, 'de 'Behble'hehn-: 'dekorn:: gwlor⧾: nyene'-a' klehkpeh: en: ne-a 'Behble'hehn 'de dih-:. 'De on no-eh. Deh: korn-a dhih: Hehlo' no-eh,: toror': korn-nyor⧾ zela-or: gwluhuh' 'weh, ti 'chuh: dhlaen-eh 'wluh-dih-uh-a 'i: zai', 'do zon⧾ 'sororn': en zi-a 'di. :Yee' Nyorsoa-a' wlu 'kpa-' dhih 'jeh,: ka or-a' wele-eh:: po-nyor:: Jehlimaya' no-a eh-a': za-a' see, or no-a, 'Viin'-wlu: mo-: 'worn-eh: 'de 'Wlema-gwlor.: Wlechor'-a 'vin-' or-a'a: 'nynuu-a' dhih, 'de or: se-' 'bhorn, nyor 'ye-or': porluh 'di dih dhe. Deh no-eh, on 'meh-', on: se-' 'ye-eh: i: neheh'. :Yee': yeh 'Keen: Hehlo' 'meh-a,: yee': Gwlor: baa'-a' 'enjor: due', or-:: yi-dih: 'Joseh 'dlu bo 'de 'nyinor-', ti or: ne-a 'de 'Iye-bluhba ken, or 'dae:,: Sorn-', 'duo: 'yu-yu-:: korn or 'de-: a 'ye 'de 'Ezlea-bluhba ken de mu. Deh no-eh, nyor⧾: an 'bhorn-a 'yu-a' 'dba-a': dee', on 'meh-'. 'De 'Joseh: sorn-', or 'duo: 'yu-yu-:: korn or 'de-:-'. 'De on mu 'Ezlea-bluhba ken de. :Yee' 'Joseh 'worn-ih': ka 'Akele'ya: sie:-a 'o or: baa' 'Keen: Hehlo'-a' kpala' 'i 'de: Judi'a.: Yeh or 'worn-ih'-a,: yee': fano-a: no-or, or 'ye 'de mu.: Yee' Nyorsoa 'dhu-or 'slen 'de 'nyinor-', 'de or mu 'de: Galali'i-bluhba ken. Or 'ti 'o: gwlor an 'da-dih-a 'Nazla.: Yee': Gwlor: baa'-a' wlu 'kpa-' dhih 'jeh: ka or-a' wele-eh:: po-nyor⧾ no-a eh-a': za-a' see, on no-a, An mu-or 'Nazla-yu 'da-dih:. 'Do ti-a' 'jeh: dao' 'di,: yee' 'yu: due' an 'da-dih-a nyor⧾ 'ni 'dlu: po: Jororn', or-: mu 'de: Judi'a-a': bhehneh'-bluhba ken, 'de or po Nyorsoa-a' tubo-wlu⧾, or 'dae:, A 'tali: a-a' deh⧾-zon⧾ dih, 'de a 'ye 'de Nyorsoa bo 'bili:. Deh no-eh, Nyorsoa-a' nyor⧾ wlu 'ken: korn-eh 'koan'-: bo. :Jororn': daa, or-:: korn dhih: oo', Nyorsoa-a' wele-eh:: po-nyor:: Azaya': za-a-', or 'dae:, Nyor: daa, or 'wor-' 'de: bhehneh'-bluhba ken, or 'dae:, A po: Gwlor: baa'-a': gwie 'kpa 'do or bo o. A po or-a': gwie 'kpa, a 'ye-eh' 'i 'sleh-dih:, or 'ye-eh' bo: na. 'Tiei:: Jororn' pa-',: kpuan' ken: soo'-a' 'pibi:, me-: on: no-dih-ih, 'de or bla deh-ku 'gben-'.: Yee': kpamu'⧾-: duh-ni-: me-: no or-a'a: dii-deh⧾. 'De: gwlor-nyor⧾-a mu 'de or bo, an 'wluh: Julu'slehn-:: korn: Judi'a-bluhba-a' klehkpeh ken dih-:. 'De: noo' 'wluh 'Jorle-ni worn dih. An za an-a' 'jeh-a' deh⧾-zon⧾ gbor, 'de or po-uh 'ni 'dlu 'do 'Jorle-ni worn. Jorwor:: yeh or 'ye-a: Jueh'-nyor⧾-a' kpor⧾ an 'da-dih-a: Falasi'i-: 'dekorn:: Sayusi'i-: an-a' nyor⧾: dhulu', an yi-a 'de or bo, on 'ye-a' 'ni 'dlu: po,: yee' or: wlu-' 'de on bo, or 'dae:, A: mor sane-zon⧾-nynuu:: daa,: or 'dhu a 'slen, a 'ye ple, a 'ye Nyorsoa-a' 'chehn-yuba:: or yi-a 'de, 'zorn 'wluh-dih:: eh? A no deh⧾, nyor⧾ 'ye a 'ye,: ka a 'tali:-a a-a' deh⧾-zon⧾ dih, 'de a 'bili:-a-' dih 'de Nyorsoa bo. :Yee' a-a': na-dih-eh:-': gwluhuh' dih,: eh: mor a: mor 'Eble'hehn 'di-a' 'nynuu: 'o: dhih 'o, eh-:: korn dhih a mu 'puh-:. A 'nyi 'on zela: a: gwluhuh', Nyorsoa 'beh-dih: sobu'⧾: kpuan'⧾: daa en-' no-a' 'weh, en 'ye 'Eble'hehn 'di-a' 'nynuu-' 'dhu-eh:. :Dhoeh': dhe-eh: yai': naa, eh 'ye tu⧾: en: se-a' 'bi 'jeh: tlo i, en-' glubuh⧾ chehn. Tu⧾-a' klehkpeh: en: se-a' 'bi 'jeh: tlo i, en mu: dba-eh:, 'de en 'ye 'de neh-': po-eh:. 'An po a 'ni 'dlu 'weh, 'de a 'ye a-a' deh⧾-zon⧾ dih 'tali:, 'de a 'ye 'de Nyorsoa bo 'bili:. Jorwor: nyor: or mu-a 'on ken dih: yi, or-a' dhih 'beh-: 'i, or: zi 'o 'on-'. 'On se deh-' 'dhu-eh: 'on 'ye or-a'a:: buhbuh:⧾: sloror' kwa 'gba 'do or bo. Jorwor: Gban 'i: ne: Zulu-: 'dekorn: neh-: me-: or mu 'o a 'dlu: po. Or 'ble or-a'a: 'daba: 'de or 'kwa, or 'ye deh⧾-yor: or sonor:-a, or-a' klehkpeh-' vun.: Yee': yor or vun-a-', or mu-or: dha: due': po, 'de or 'bli 'gbu-a' yai'. Jorwor: or-a' fluh⧾, me-: or mu 'yli: po, 'de neh-a': yeh se-a 'mo-a': korn. :Yee': Yusu' 'wluh 'de: Galali'i-bluhba ken, 'de or mu 'de: Jororn' bo 'Jorle-ni worn 'i,: Jororn' 'ye-or' 'ni 'dlu: po. Jorwor:: Jororn' 'bhorn or 'ye-or' 'borboa' 'i po, or 'dae:,: Mor: korn: or 'ye 'on 'ni 'dlu: po,: yee': an yi 'noror 'on bo, 'on 'ye: on 'ni 'dlu: po: e? :Yeh or 'da: ao',: yee': Yusu' 'dae:, 'Ka-: eh: korn eh 'ye: ne: naa. Deh no-eh,: a: korn: a 'ye deh⧾-a' klehkpeh Nyorsoa 'bhorn-a no. 'De or 'worn-dih-eh ken dih, or: po: Yusu' 'ni 'dlu. :Yee' 'do: dha: due' 'jeh: dao',: yeh: Jororn' po-a: Yusu' 'ni 'dlu, 'de: Yusu' 'wluh-a 'o 'nior, 'do: wor 'o yao kan-dih: worn, 'de or 'ye Nyorsoa-a': Zulu:,: on gweh-a pabu', mo-: 'wluh 'de yai', mo-:: dhe 'o or 'dlu dih. 'De wlu 'wluh 'de Nyorsoa 'bli yai', on 'dae:, 'An-a:: dhih: kma-yu: 'o, or-:: dhe dih. 'An: porluh 'pehn-: dih 'do or bo. :Yee' Nyorsoa-a': Zulu kpa: Yusu' 'de: bhehneh'-bluhba ken, 'de 'ku 'ye-or' dih 'dhen, or 'ye deh-zon no. 'De: Yusu' pa 'suehn-', 'do zorn-we-a': kwlaa: nyieh-:: korn glu-we-a': kwlaa: nyieh-: 'di.: Yee' 'moeh: no-or: blaa'a:. :Yee' 'ku: on no-a nyor⧾-' dih 'dhen-nyor, mo-: yi 'de or bo, on 'dae:,: Mor: on 'dhu Nyorsoa-a' 'Yu-',: yee': wlu 'de sobu'⧾: daa bo, en 'ye 'bhlee:: kpuan'⧾-': za-dih:. 'De: Yusu' 'da, Eh 'chle-eh:-' 'de Nyorsoa-a' 'chlee-deh 'di, eh 'da,: Gwlor-nyor se dii-deh: due'-a' 'kmo-': ne-dih-eh 'beh-dih:, jorwor: wlu-a' klehkpeh: on 'wluh-a 'de Nyorsoa 'worn, mo-: or 'beh-dih: 'kmo: ne-dih-eh. :Yee' 'ku kpa-or 'de: Julu'slehn:: or no-a gban 'i: ne gwlor 'di. 'De on: nyna-dih-or dih 'de Nyorsoa-a' 'sla-a' 'kpehehn 'i. 'De on 'da,: Mor: on 'dhu Nyorsoa-a' 'Yu-',: yee' po: an-a' 'jeh 'zorn. Deh no-eh, eh 'chle-eh:-' 'de Nyorsoa-a' 'chlee-deh 'di, eh 'da, Or mu or-a'a: 'enjor-nyor⧾ 'tele' 'nyi-: 'do: an-a' dhih bo, 'de on 'ye: on 'sa 'de on 'kwa, 'de: an-a' buh: ne-' sobu' 'i kor. 'De: Yusu' 'da, Eh 'chle-eh:-': neheh', eh 'da, Nyor-a' 'dhen: an-a': Gwlor: baa' Nyorsoa-' dih. 'De 'ku 'duo-or: neheh', on kpa-or 'de tluh: dhorno' ken. 'De on: torne-or 'bluhba⧾-dlu⧾-a' klehkpeh: en: ne-a dha yao 'zorn-: 'dekorn: en-' 'yi dih: nmor-eh-a' klehkpeh-:. 'De on 'da, Deh⧾-a' klehkpeh: daa, me-: 'an mu: on 'nyi-:,: mor eh 'dhu,: on bla 'koor-dlu⧾ 'yi glu, 'do 'on 'zorn, 'de: on 'ye 'on: weheh': za. 'De: Yusu': wlu 'de on bo, or 'dae:, 'Wluh: daa 'on ybei', 'ku. Deh no-eh, eh 'chle-eh:-' 'de Nyorsoa-a' 'chlee-deh 'di, eh 'da,: An-a': Gwlor: baa' Nyorsoa, or-:: on 'ye: weheh': za,: yee' or: due', or-:: korn 'bhoi-yu-deh:: on 'ye no. :Yee' 'ku 'tali-or-: dih, on 'wluh 'o or ybei', 'de 'enjor-nyor⧾ 'yle, on: za-dih-or'. :Yee': Yusu' 'worn-ih': ka on po-a: Jororn': kasue 'di. 'De or 'wluh: Judi'a-bluhba ken, or mu 'de: Galali'i-bluhba ken. 'Do: wor or: jla-dih: 'Nazla-gwlor-', 'de or mu: Kapa'nior-gwlor: 'ti 'da,: or: ne-a 'de: Galali'i-yobo'-pehnu worn 'i, 'de 'Zehbilor-: 'dekorn: 'Natali-: 'de an-a'a: 'bluhba-a' 'for bo. Deh: daa, eh: no-eh:-' 'de Nyorsoa-a' wlu 'ye dhih 'jeh-' 'kpa,: ka or-a' wele-eh:: po-nyor:: Azaya' no-a eh-a': za-a' see, or no-a, 'Zehbilor-bluhba-: 'Natali-bluhba-: 'bluhba-dlu:: or: ne-a 'noror: gwie 'i 'de yobo' worn 'i-: 'bluhba-dlu:: or: ne-a 'de 'Jorle-ni-a' 'yluh-a' 'kwla 'wluh-dih: 'da-: 'dekorn:: Galali'i-bluhba-a': yor, nyor⧾: on: se-a: Jueh'-nyor:⧾, on 'ti-a ken-: nyor⧾: daa: on 'ti-a 'de: kule-': dee', mo-: 'ye zorn-pli:: klaba'.: Yuh: on: dhe-a dih 'de 'meh-a': kule-', mo-: zorn-pli-a fan-dih ken dih. :Eh 'wluh-a 'o ti: dao' 'di,: yee': Yusu'-a po Nyorsoa-a' tubo-wlu⧾ 'weh, or 'dae:, A 'tali: a-a' deh⧾-zon⧾ dih, 'de a 'ye 'de Nyorsoa bo 'bili:. Deh no-eh, Nyorsoa-a' nyor⧾ wlu 'ken: korn-eh 'koan'-: bo. :Yee': Yusu'-a na-dih: Galali'i-yobo'-pehnu worn dih. 'Do: wor or 'ye-dih: 'de-di'-boi' 'sororn', Samor' an 'da-dih-a: Piteh'-: 'dekorn: or-a' dei' Andlu'-: mo-:: an po sor 'do 'ni worn 'i. Deh no-eh, on no zimi: 'dba-nyor:⧾. :Yeh or: yeh-dih-uh-a ken,: yee' or: wlu-' 'de on bo, or 'dae:, A 'yle. A zi 'o 'on klei'. 'An mu-eh: no, a 'ye nyor⧾ 'de Nyorsoa bo: ya-nyor⧾ no,: eh: zi 'o zimi:: kpon-eh-'. :Yee' 'do: dha: due' 'jeh: dao', on 'pehn-dih: an-a'a: sor⧾-: dih, 'de on zi 'o or klei'. :Yeh on 'ken-dih:-a 'o dih: neheh',: yee' or 'ye 'de-di'-boi' 'sororn': noo', 'Jeen-: 'dekorn: or-a' dei': Jororn'-:: on no-a: Zehbehli'-a'a: 'nynuu,: yee' on: ne on: baa': Zehbehli', an 'pa an-a'a: sor⧾ 'de 'blagbe 'di.: Yeh: Yusu' 'ye-uh'-a,: yee' or 'da-uh' on 'ye 'o or klei' zi. :Yee' 'do: dha: due' 'jeh: dao', on sie 'blagbe-: 'dekorn: on: baa'-: 'weh, 'de on zi 'o or klei'. :Yee': Yusu'-a na: Galali'i-bluhba-a' klehkpeh ken dih, 'de or torne nyor⧾ deh⧾, 'de an-a' 'di: gweh-dih-sla⧾ 'zorn dih, 'de or po tubo-wlu:⧾ 'jeh,: en kor-a Nyorsoa-a' nyor⧾ wlu 'ken: korn-eh 'i, or 'puh-dih nyor⧾-a' klehkpeh: on 'ble-a puhba-deh:⧾ 'doror: 'dor-: 'dekorn:: nea-nyor:⧾: on: ne-a nyor⧾ 'nyne bo dih-:. Eh-: no-eh, 'de or-a' 'nyne gweh 'de 'Silia-bluhba ken-a' klehkpeh 'dlu, 'de an ya 'de or bo nyor⧾-a' klehkpeh: on 'ble-a puhba-deh:⧾ 'doror: 'dor, nyor⧾: yuh puhba-deh⧾-a: nee': nee'-a 'ye-dih-a 'kle-: nyor⧾: yuh 'kwla 'ye-dih-deh⧾-a 'beh-dih-a 'worn dih-: 'dlu-deh-nyor⧾-: 'dekorn: 'tiei-a' 'meheh'-nyor⧾-: 'de or 'puh-dih-uh. :Gwlor-nyor:⧾: doru', mo-: 'wluh: Galali'i-bluhba ken-: 'bluhba-a' 'for: or: ne-a Gwlor⧾: bhue: an 'da-dih-a: Deka'poli 'de dih-:: Julu'slehn-:: Judi'a-bluhba ken-: 'dekorn: 'bluhba-a' 'for: or: ne-a 'de 'Jorle-ni-a' 'yluh-a' 'kwla 'wluh-dih: 'da worn dih-: an-a' klehkpeh: daa, mo-:: an zi 'o or klei'. :Yee': yeh: Yusu' 'ye-a: gwlor-nyor:⧾: doru': dao',: yee' or mu 'de tluh ken, 'de or: dhe dih. 'De or-a'a: bo: na-nyor⧾ yi 'o or bo, 'de or 'dhu an-a' deh: torne-eh glu, or 'dae:, :Bhorlie' 'do nyor⧾: on se-a an-a' 'jeh-a' 'kpih: gwlii' dhe, 'de: on dhe-a Nyorsoa: gwlii'. Deh no-eh, mo-: Nyorsoa: korn wlu 'ken: naa. :Bhorlie' 'do nyor⧾: an 'zlu-a: naa bo. Deh no-eh, an mu: porluh⧾ 'di dih: dhe-eh:. :Bhorlie' 'do nyor⧾ 'yi 'beh: zulu se-a-': ne. Deh no-eh, an mu: bhorlie'-a' klehkpeh Nyorsoa 'da-a or mu-a on 'nyi-:, 'ye-:. :Bhorlie' 'do nyor⧾: on: korn-a: porluh⧾-a sin-a 'do 'yi 'sleh-deh⧾-a' no-a' bo 'gabaa. Deh no-eh, Nyorsoa-a mu an-a': porluh⧾ dih 'pehn-dih:, 'do eh-a' dhih bo. :Bhorlie' 'do: wehlih:: korn-nyor⧾ bo. Deh no-eh, Nyorsoa-a mu an-a': wehlih 'ye-:. :Bhorlie' 'do nyor⧾: on: korn-a: porluh⧾: gweh-a: vlehehn'-' bo. Deh no-eh, an mu Nyorsoa-a' 'yuba 'ye-:. :Bhorlie' 'do nyor⧾: on no-a nyor⧾ 'yi zela-nyor⧾ bo. Deh no-eh, an mu Nyorsoa-a' 'nynuu 'da-dih-eh:. :Bhorlie' 'do nyor⧾ an 'ye-dih-a 'kle, 'do Nyorsoa-a' 'yi 'sleh-deh⧾-a' dhih bo. Deh no-eh, mo-: Nyorsoa: korn wlu 'ken: naa. :Bhorlie' 'do a bo,: mor nyor⧾: taa a 'jle-dih,: mor on: taa a 'kle 'ye-dih, 'de: mor on: taa a 'kulu-dhih-a' 'doror: 'dor ken dih 'dhu-dih, 'do 'an dhih bo. :Yee' a 'kpa 'mona-', a 'ye: porluh-a' dih 'pehn-eh 'ble. Deh no-eh, geli': za-dih-deh: 'kawehn:, eh-: a 'ble, 'de Nyorsoa 'bli yai'. 'Ka-: 'o on no Nyorsoa-a': zai'-wele-eh:: po-nyor⧾-a' 'kle 'ye-dih-eh: ke. :Yee' a: mor 'dhu 'bluhba-a' 'torn-'. Jorwor:: mor 'torn: gweh worn,: yee': eh mu-or 'torn-': no: neheh': eh?: Yee' deh-beh:, eh-: or: se-' 'dhu-eh:: neheh'. Deh: due' on 'ye-or'-': no-dih:, eh-: 'dhu, or-a' 'bluhbor:: po-eh, nyor⧾ 'ye-or' ken dih: na. A: mor 'dhu 'bluhba-a' zorn-pli-'.: Yee': gwlor: klaba': ne-a 'o tluh 'dlu, or se 'zile-eh: korn. 'De: mor eh 'dhu, nyor tba 'nape,: yee' or: se-eh' 'de: yabe 'zorn: po i. Jorwor: or dhe-eh: dha eh: korn-a dih, 'de eh 'ye nyor⧾-a' klehkpeh: on: ne-a 'de 'gbu, zorn-pli 'nyi. 'Ka-: 'o eh: ne, a 'nyi a-a' zorn-pli fan 'do: gwlor-nyor⧾ ybei', 'de on 'ye a-a' noo-deh:⧾ 'jeh 'ye, 'de on 'ye a: Baa': or: ne-a 'de yai'-a' 'nyne dhih-a' 'i 'beh-a' 'nyi. :Yee' a-a': na-dih-eh': gwluhuh' dih,: eh: mor 'on yi: Mose'-a' 'tele'-: 'dekorn: Nyorsoa-a' wele-eh:: po-nyor⧾-a' nyor⧾ deh: torne-eh-: ya: gba 'da. 'On: se 'de yi 'on 'ye-ih ya gba. Jorwor: 'on yi-: 'de, 'on 'ye-ih 'dlu 'yi-dih:. Dhih 'jeh, 'an zela a: gwluhuh', 'tele': daa, eh-a' deh-beh-deh-beh: se-': zi i, 'de 'bluhba-: yao-: en 'ye 'dlu-': jla, 'de deh⧾-a' klehkpeh 'ye dhih 'jeh-' 'kpa. Eh-a' dhih, nyor-beh-nyor-beh:: or wa-a 'tele': daa, eh-a' deh-beh, 'de: or torne-eh nyor⧾: noo', on 'ye-a' deh-a' 'jeh: dao' no,: yee' an mu-or 'yu-yu 'da-dih: ti Nyorsoa-a mu-a nyor⧾ wlu 'ken: korn-dih:. Jorwor: nyor-beh:: or mu-a 'o 'tele'-a' klehkpeh: daa dih: dhe, 'de: or mu-eh nyor⧾: torne:,: yee' an mu-or nyor: klaba' 'da-dih: 'do ti: dao' bo. Eh-a' dhih, 'an zela a: gwluhuh', a: korn a 'ye 'yi 'sleh-kplen no, a 'ye 'o: Falasi'i-nyor⧾-: 'dekorn: nyor⧾ 'tele': torne-nyor⧾-': zi.: Mor eh 'dhu, a se-eh no,: yee' a 'se 'ba Nyorsoa-a' nyor⧾ wlu 'ken: korn-eh 'zorn pa. :Yee': Yusu'-a kpa or-a' wlu 'dlu bo, or 'dae:, A 'worn-eh': mloror': zai',: ka on no-a eh-a': za-a' 'de nyor⧾ bo: dee' see,: eh 'dhu-a, Nyor-a' 'dba-:-' nyor, 'de nyor-beh:: or 'dba-a nyor,: yee' or-a' zabe: korn en 'ye: zi-eh:. Jorwor: 'an zela a: gwluhuh', nyor-beh-nyor-beh:: or 'kpa-dih:-a or-a' 'de-di' 'chehn-',: yee' or-a' zabe-a mu: zi-eh:.: Yee': neheh', nyor-beh:: or: gbo-a 'de or-a' 'de-di' 'yli,: or no-a,: An-a' 'yi dih: nmor-deh no 'plo,: yee' nyor: dao', an mu-or 'o: Jueh'-nyor⧾-a' zabe:: zi-nyor:⧾: klaba'⧾ ybei': kpa. 'De nyor-beh:: or 'da-dih-a or-a' 'de-di': bobo-nyor,: yee' or na 'de 'ku 'bli-neh-a': mu-eh 'worn dih. 'Do eh-a' dha,: mor eh 'dhu: on: taa: an-a'a: 'slaa:: za-dih-deh kpa, 'do Nyorsoa-a' 'slaa ken: za-dih-deh ken, 'de: an-a' 'de-di' 'ye: on 'di dih 'ble-dih:, 'de: on 'ye-eh': gwluhuh' bo: po-dih:, :yee' sie-eh 'o 'slaa ken: za-dih-deh ybei', 'de: on 'ye 'de or bo mu, a 'ye wlu-' dih 'worn-eh:: zai', 'de: on 'ye de yi,: on 'ye: an-a'a: 'nyii'-deh: to. :Yee' mor-: 'dekorn:: an-a'a: dhih 'ble-nyor-: a 'woorn-dih: wlu-' dih: dueh'leh: 'do: gwie 'i,: mor or: taa 'de: on 'koti-' kpa, 'de or: ne-': on 'kwla: za, 'de zabe:: zi-nyor bo, 'de zabe:: zi-nyor: ne-': on: poli'si-yu 'kwla: za-dih:, 'de or: ne-': on: kasue 'di po. Dhih 'jeh, 'an zela a: gwluhuh',: on 'se 'ba 'de: kasue 'di: dao' 'wluh: chio'lo:,: on 'ye: de 'bor-dih-kaba-yor-eh kpa, 'de: on 'ye 'de eh 'di 'wluh. :Yee' a 'worn-eh': mloror': ka on no-a eh-a': za-a', Nyor-a': no-' 'nyne: zaan'. Jorwor: 'an zela a: gwluhuh',: ka nyor-beh:: or pobo:-a 'nynor ken dih: kao', 'de 'bhorn-a' ka 'di,: yee' or 'bhorn-or' klehkpeh 'do or-a': porluh ken: weh. :Yee': mor eh 'dhu,: an-a': dila-yli-eh no-eh, 'de: on 'ye deh-zon no,: yee' za-eh 'de,: on 'ye-eh' 'kwla po. Eh: nmor-: 'yi: on 'ye deh: due' 'ma-dih: 'do: on 'bhun,: eh: zi 'o: an-a' yau-a' klehkpeh 'ye 'i gba, 'de: on 'ye 'de 'ku 'bli: po-eh:. :Yee': mor eh 'dhu,: an-a': dila-son no-eh, 'de: on 'ye deh-zon no,: yee' chehn-uh 'o,: on 'ye-uh' 'kwla po. Eh: nmor-: 'yi: on 'ye deh: due' 'ma-dih: 'do: on 'bhun,: eh: zi 'o: an-a' yau-a' klehkpeh 'ye 'i gba, 'de on 'ye 'de 'ku 'bli mu. :Yee' eh: za-eh:-' 'weh see,: ka: mor nyor-beh: taa or-a'a: 'nynor 'kwla za,: yee' or: korn or 'ye-or' 'kwla: za-chlee-deh 'nyi. Jorwor: 'an zela a: gwluhuh', nyor-beh-nyor-beh:: or mu-a or-a'a: 'nynor 'kwla: za,: mor eh 'dhu, 'nynor se 'nyne: zaan' no 'do or bo,: yee' or no-eh', 'de 'nynor no 'nyne: zaan',: mor or 'ti nyor: noror' 'bli.: Yee' nyor-beh:: or mu-a 'nynor: or: za-eh 'kwla: korn,: yee' or no 'nyne: zaan': ke. :Yee': neheh' a 'worn-eh': mloror': zai': ka on no-a eh-a': za-a' 'de nyor⧾ bo: dee' see,: eh 'dhu-a, Deh: korn-wlu a po-a: dhama'-', 'do: Gwlor: baa' ybei', a: korn a 'ye-eh' no: gbor: gbor. Jorwor: 'an zela a: gwluhuh',: mor a po wlu: dhama'-',: yee' a 'bor deh⧾ ken: zlehn-dih-eh klehkpeh klehkpeh,: eh beh 'de Nyorsoa 'bli yai'-: deh no-eh, 'de no Nyorsoa-a' 'keen: kpala', :eh beh 'noror yao 'zorn-: deh no-eh, 'noror no Nyorsoa-a' buh⧾ ken dih: tba-deh:,: eh beh 'de: Julu'slehn-: deh no-eh,: Julu'slehn no: gwlor: klaba' 'do 'keen: klaba' bo. 'De mor: an-a': zlehn-dih:-': an-a' 'dlu ken: ke, deh no-eh,: on se 'mii-eh: due': sloror'-a' 'jeh: kpe-dih-eh 'beh-dih:, 'de mor: on se eh-a' 'plu-dih-eh 'beh-dih:: ke. 'Do eh-a' dha, a 'nyi a-a' keen' no keen'.: Yee' a 'nyi a-a' 'kei no 'kei.: Mor a: za-dih: 'o deh: neheh',: yee' eh 'wluh 'de 'ku bo. :Yee' a 'worn-eh': mloror': ka eh: za-eh:-',: eh no-a, 'Yli-eh: korn 'de 'yli-eh bo, 'de 'nyne-eh: korn 'de 'nyne-eh bo. Jorwor: 'an zela a: gwluhuh', a-a': za-' kpa 'do nyor⧾: an no-a deh⧾-zon⧾ 'do a bo. Jorwor:: mor nyor tba: an-a': dila-gea 'kpa,: yee': to 'o 'for-a' 'sororn' nor: ke. :Yee': mor eh 'dhu, nyor-beh 'bhorn or 'ye: on 'koti-' po, 'de or 'ye: an-a'a: 'wla kpa,: yee' 'nyi: an-a'a: 'korlor, or-uh: ke. :Mor eh 'dhu, nyor: kpa-dih:: on 'kpih,: on 'ye-or': gwie 'i kpa,: on 'ye-or': gwie-' 'kplo: due': na-dih:,: yee': na-dih-or: gwie-' 'kplo⧾ 'sororn'. :Mor nyor: zlor deh 'de: on bo,: yee' 'nyi-eh or.: Yee': mor nyor 'yba-dih:: on deh, or 'ye-eh' de: ya,: yee': an-a': no-' 'kei. :Yee' a 'worn-eh': ka eh: za-eh:-',: eh no-a,: Ybeh nyor⧾: on: ne 'ti-a: dha: due',: yee' 'nyeh: yuh: on 'nyeh-a: on-'. Jorwor: 'an zela a: gwluhuh', a: ybeh nyor⧾: on 'nyeh-a a-uh'.: Yee' a: wlu 'de Nyorsoa bo, 'do: yuh: an 'ye-dih-a a 'kle, 'do an-a' dhih bo, 'de a 'ye a: Baa': or: ne-a 'de yai', or-a'a: 'nynuu-' 'dhu-eh:. Deh no-eh, or no-eh' 'de or-a'a: 'yluh-a fan-dih deh⧾-zon:⧾: no-nyor⧾-: 'dekorn: nyor⧾ 'jeh-: ken dih. 'De or dbo 'ni, eh dba-dih 'yi 'sleh-nyor⧾-: 'dekorn: se 'yi 'sleh-nyor⧾-a' klehkpeh-:. :Mor eh 'dhu, a: ybeh nyor⧾: on: ybeh-a a-uh',: yee' geli': za-dih-deh-a': yeheh a mu 'ye 'de Nyorsoa bo: eh? Eh se: ka 'taa-deh:⧾: za-nyor:⧾: sloror'-a' 'jeh-a no-a: ke: e? :Yee': mor eh 'dhu, a: gble-dih: a-a' 'de-di'-boi': ne: due',: yee' deh a no: naa: eh 'ye 'o nyor⧾: noo': zi: eh? Eh: se: ka se Nyorsoa yubo-nyor:⧾: sloror'-a' 'jeh-a no-a: ke: e? 'Do eh-a' dha, a: mor: mloror', a: korn a 'ye 'yi 'sleh-nyor⧾ no,: ka a: Baa': or: ne-a 'de yai', or: ne-a: ke. :Yee': Yusu'-a kpa or-a' wlu 'dlu bo, or 'dae:, A 'wla: gwluhuh' dih, 'de a: ne-' a-a'a: 'yi 'sleh-kplen no, 'do: gwlor-nyor⧾ ybei', 'de on: ne-ih' 'ye.: Mor a no-eh,: yee' a: se-' geli': za-dih-deh 'ye-: i, 'do a: Baa': or ne-a 'de yai' bo. 'Do eh-a' dhih,: mor: on: taa se deh-a': za-da 'ble-nyor deh 'nyi,: an-a' 'dhu-:-' eh-a': gamu worn 'i,: ka nyor⧾: an 'ye-a nyor⧾-a' 'yli, an no-a, 'de 'di: gweh-dih-sla⧾ 'zorn dih-: 'kpa: gwie⧾ bo dih-: an 'bhorn-a: ka nyor⧾ 'ye-uh'-a' dhih bo po. Dhih 'jeh, 'an zela a: gwluhuh', on 'ye an-a'a: geli': za-dih-deh⧾-a' klehkpeh 'weh. Jorwor:: mor: mloror',: mor: on: taa se deh-a': za-da 'ble-nyor deh 'nyi,: an-a' kona-son-a' yubo:-' deh: an-a': dila-son-a no-a, 'de eh 'ye deh: on 'nyi-a se deh-a': za-da 'ble-nyor, eh 'ye 'slan-' 'dhu-eh:.: Yee': on: Baa': or 'ye-a deh⧾: en: no-eh 'de 'slan-', or-: mu: on geli': za. :Yee': mor a: taa 'de Nyorsoa bo wlu, a-a': no-' nyor⧾: an 'ye-a nyor⧾-a' 'yli, an-a' deh. Deh no-eh, mo-:: ybeh-eh on 'ye dih: nyna, 'de on 'ye Nyorsoa bo: wlu 'de 'di: gweh-dih-sla⧾ 'zorn dih: gbor, 'dekorn: 'kpa: gwie⧾-a' 'gbaen' bo dih-: 'de: ka nyor⧾ 'ye-uh'-a' 'ye. Dhih 'jeh, 'an zela a: gwluhuh', on 'ye an-a'a: geli': za-dih-deh⧾-a' klehkpeh 'weh. Jorwor:: mor: mloror',: mor: on: taa 'de Nyorsoa bo wlu, pa 'de: on 'bli: chuu 'di, po 'o: an-a': kpaa', 'de: on 'ye 'de: on: Baa' nyor-a' 'ye-a, bo: wlu.: Yee': on: Baa': or 'ye-a deh⧾: en: no-eh 'de 'slan-', or-: mu: on geli': za. :Yee': mor a: taa 'de Nyorsoa bo wlu, a-a': po-': dhlumeh' 'plo: eh se-a deh-' 'dhu-eh:: eh zela deh: ne-a: due' bo: zelaa:,: eh gweh-a: ka se Nyorsoa yubo-nyor⧾, an-a' dhih: ne-a. Deh no-eh,: mor on: taa 'ye,: yee' on 'da Nyorsoa-a mu an-a' wlu⧾: dhulu': dao' 'worn-:: deh. A-a': gweh-' nyor⧾: dao'. Deh no-eh, a: Baa' yubo: deh a se-a 'ble 'weh, 'de a mu-or dih dhele-dih:. 'Ka-: a 'ye a-a' Nyorsoa bo: wlu-eh no,: A: Baa': or: ne-a 'de yai', Deh-' 'ye-eh: 'do: an-a' gban 'i: ne-nyne bo. 'Nyi: an-a' nyor⧾ wlu 'ken: korn-eh 'yle.: Ka nyor⧾: ne-a 'de: on 'bli yai' no-a: an-a' 'ton: korn-deh,: yee' 'ka-: eh 'ye: no-eh: dha yao 'zorn. 'Nyi: a 'zean'-we-eh-a' dii-deh. 'Ma-dih:: a-a' deh⧾-zon⧾-a' dhih bo,: ka: a 'ma-dih:-a deh⧾-zon:⧾: a 'bei' no-a 'do: a 'bhun, en-' dhih bo: ke. :An-a': kpa-dih:-' 'de: a dih 'dhen-eh bo. 'De mor: an-a' 'worn-:-' 'ku-a': no-dih:-': a deh-'. [ Deh no-eh,: mor no 'keen: or: korn-a nyor⧾ wlu 'ken, 'do 'kpih-: 'dekorn: dhih-a' 'i 'beh-a'-: 'di,: ka ti-a mu-a 'dlu-': tehn. 'Ka-: eh 'ye: ne.] :Yee': mor eh 'dhu, nyor no a deh-zon 'bhun, 'de a 'ye eh-a' dhih bo 'ma-dih:,: yee' a: Baa': or: ne-a 'de yai', or mu a-a' deh⧾-zon⧾-a' dhih bo 'ma-dih:: ke. Jorwor:: mor a se deh⧾-zon:⧾ a 'bei' no-a 'do a 'bhun, en-' dhih bo 'ma-dih:,: yee' a: Baa': se-' a-a' deh⧾-zon⧾-a' dhih bo 'ma-dih: i: ke. :Yee': Yusu'-a kpa or-a' wlu 'dlu bo, or 'dae:,: Mor a: taa 'suehn-' pa,: yee' a-a' 'ble-:-': wehlih-yuba: ka nyor⧾: an 'ye-a nyor⧾-a' 'yli, an no-a. Deh no-eh, nyor⧾: dao',: mor on: taa 'suehn-' pa,: yee' an-a' 'slan 'i. An 'bhorn nyor⧾ 'ye-uh' 'ye,: ka an pa-a 'suehn-'. Dhih 'jeh, 'an zela a: gwluhuh', on 'ye an-a'a: geli': za-dih-deh⧾-a' klehkpeh 'weh. Jorwor:: mor eh 'dhu,: on: taa 'suehn-' pa,: yee' 'slan 'i, 'de: on 'ye 'chlan 'dlu: po. 'De: ka eh: ne-a' nyor⧾-a' 'yli 'ye ka gweh,: ka: an pa-a 'suehn-'. Jorwor: 'nyi: on: Baa' nyor-a' 'ye-a,: ne: due', or yubo-eh.: Mor eh no: ao',: yee': on: Baa': or 'ye-a deh⧾: en: no-eh 'de 'slan-', or-: mu: on geli': za. :Yee' a-a' 'gola:-' a-a'a: bhaan-deh⧾ dih dha yao 'zorn, 'do a-a' 'jeh bo. Dha: wor 'gbomor⧾-: gani'-: en: ne, en 'kor-dih deh⧾. Dha-a' 'jeh: wor 'ylii'-nyor⧾: ne, an wa 'gbu⧾, an 'yli deh⧾. Jorwor: a no 'de Nyorsoa 'bli yai', a-a'a: bhaan-deh⧾ dih: dhe 'da, 'do: wor 'gbomor⧾-: gani'-: en se: ne, en 'ye deh 'kor-dih:, 'de mor 'ylii'-nyor⧾ 'i-a' 'jeh se 'de: ne, on 'ye 'gbu⧾ wa, on 'ye deh 'yli. Deh no-eh, 'do: dha: an-a'a: bhaan-deh⧾: ne-a, 'do: wor: an-a': porluh-a mu: ne: ke. :Yee' 'yli-eh:, eh-: 'dhu yau-a' 'nape-'.: Mor: an-a' 'yli: nmor 'yi dih,: yee': an-a' yau-a' klehkpeh mu zorn-pli-' dih 'yi-dih:. Jorwor:: mor eh 'dhu,: an-a' 'yli se 'yi dih: nmor,: yee': an-a' yau-a' klehkpeh mu: kule-' dih 'yi-dih:.: Yee': mor eh 'dhu, zorn-pli: ne-a 'de: on 'di, en: za-dih:: kule-',: yee': kule-a' 'jeh: dao', eh 'beh-: 'i 'gabaa. :Yee' eh se nyor: korn: or 'ye-a' nyor⧾: klaba'⧾ 'sororn'-a' 'bhoi-yu no.: Mor or no-eh,: yee' or mu: due'-' 'nyeh-:, 'de or 'ye 'sororn' nor-': ybeh.: Yee' or mu: due'-a' wlu deh-' 'ye-:, 'de or 'ye 'sororn' nor-a' dhih-': vlehn. A se 'wlii-: 'dekorn: Nyorsoa-: an-a': weheh': za-eh 'beh-dih: 'do: dha: due'. Eh-a' dhih, 'an zela a: gwluhuh', a-a': porluh⧾ 'bor a 'worn dih 'beh-dih-eh 'do a-a' 'kmo: ne-eh-a' dhih, 'do deh a 'ye-a' di-: 'dekorn: deh a 'ye-a' 'na-: bo, 'de mor 'do a-a' yau-a' dhih 'do deh a 'ye-a'-' pa bo. Eh: se: febeh'-a' dhih se 'i 'beh, 'do dii-deh⧾ bo ke: e? 'De eh: se yau-a' dhih se 'i 'beh, 'do paa-deh⧾ bo ke: e? A pobo: neme:: daa ya: en zi-dih-a-' dih 'de yai',: en-' 'dhu-a deh, 'de mor: en-' chehn-a: koo,: en-' 'dhu-a: koo yai'. Jorwor: a: Baa': or: ne-a 'de yai', or 'nyi-ih dii-deh⧾ 'weh: gbor: gbor. A-a' dhih se 'i 'beh 'gabaa, 'do en ken ke: e? A-a' nyor: yoror: or: korn: gwluhuh' dih: na-dih-eh-a' 'bleh 'bleh 'beh-dih:: eh 'ye 'o or-a': febeh' ybei' kpa 'do 'yluh-buh: due' 'di: eh? :Yee': eh: korn dhih 'da, 'de a 'beh-dih a-a' 'jeh-a': porluh⧾ 'worn dih 'do paa-deh⧾-a' dhih bo: eh? A pobo:: peli'-a' 'voma'e:: daa ya,: en: ne-a 'de 'kwla,: ka en no-a ku-a', 'de en-' no-a gle, en-' no-a paa-deh⧾. Jorwor: 'an zela a: gwluhuh', 'Keen: Salomor'-a' 'jeh, ti or: ne-a 'de or-a' dhih-a' 'i 'beh-a' klehkpeh 'di, or: se-' paa-deh:⧾: nmaa'e-' pa, en: se 'o: peli'-a' 'voma'e:: daa, en-': due'-': zi. :Yee': mor eh 'dhu, Nyorsoa: taa 'o 'kwla: peli'-a' deh⧾-': pa-dih-eh no,: en 'dhu-a 'zean'-:: glaa'e-: deh-',: yee' on po-a 'yli,: yee' dha a mu: na-dih:: eh?: Yee' a: mor, or se deh-': pa-dih-eh 'beh-dih:: e? A: mor: gwlor-nyor:⧾: on: korn-a dhih 'jeh-': po-eh se-a 'i 'beh. Eh-a' dhih, a 'bor a-a': porluh⧾-a' 'worn dih 'beh-dih-eh. A-a': no-', Deh: a mu: di: eh? 'De mor a-a': no-', Deh: a mu 'na-:: eh? 'De mor a-a': no-', Deh: a mu-': pa: eh? Deh no-eh, deh⧾-a' klehkpeh: daa, me-: se Nyorsoa yubo-nyor⧾-a ple 'de, 'de a: Baa': or: ne-a 'de yai', or yubo-eh': ka a: korn-a a 'ye-a en-' klehkpeh 'ble. Jorwor: a 'bhorn deh⧾: en: korn-a 'de Nyorsoa-a' nyor⧾ wlu 'ken: korn-eh-:: korn or-a' 'yi 'sleh: gwie-: 'kwla⧾-' dih: zai',: yee' deh⧾-a' klehkpeh: daa,: en: sie:-a 'o, or mu-ih a 'nyi-:: ke. :Yee' eh-a' dhih, a 'bor a-a': porluh⧾-a' 'worn dih 'beh-dih-eh 'do: glaa'e-a' dhih bo. Deh no-eh,: glaa'e-a mu eh-a' 'jeh-a': porluh⧾-a' 'worn dih 'beh-dih-deh:⧾: dhulu' 'ble-: 'do eh-a' 'jeh bo. 'We-a' klehkpeh, en 'ble en-' 'jeh-a' 'worn dih 'beh-dih-deh:⧾. :Yee': Yusu'-a kpa or-a' wlu 'dlu bo: chio'lo:, or 'dae:, A-a': chehn-' a 'bei'-a' zabe 'i 'suh, 'de Nyorsoa: ne-' a-a' zabe zi: ke. Deh no-eh,: ka a no-a a 'bei'-a' zabe-a' zi-a', 'ka-: Nyorsoa-a mu a-a' ne-a' zi-a': no: ke.: Yee': ka a no-a a 'bei'-a' ne-a': yba-dih-eh, 'ka-: Nyorsoa-a mu a-a' ne-a': yba-dih-eh: no: ke. :Eh no 'de: an 'ye: gbehne-eh-yu: due': ne-a 'de: an-a' 'de-di' 'yli-e: eh? Jorwor: tu 'kplo: yor: or: ne-a 'de: an-a' 'jeh 'yor-eh 'yli-e,: an-a' 'ye-or': e? :Yee': kaa: on 'beh-dih:: on 'ye 'de or bo: wlu-eh no: eh?: On 'ye: ao', 'An 'de-di', 'yle, 'on 'ye: gbehne-eh 'de: on 'yli-e: za,: mor tu 'kplo: ne 'de: an-a' 'jeh-a' 'yli-e: eh? :Mor nyor⧾-a' 'yli 'ye-nyor:: daa,: za 'de tu 'kplo: dao' 'de: an-a' 'jeh 'yli-e: zai',: yee': an mu dih 'ye-: deh 'jeh, 'de: on 'ye: gbehne-eh-yu 'de: on 'be 'yli: za. A-a' 'nyi-:-' gbe⧾ deh⧾: en: ne-a gban 'i 'do Nyorsoa bo.: Mor a no-eh, en mu-' dih 'bili: en 'ye a dih: chehn-dih:. A-a': po-' a-a'a: 'dhama-yor 'do: bee'⧾ ybei' dih.: Mor a no-eh,: yee' en mu-or ken dih: ye-dih:. A 'yba-dih: Nyorsoa deh,: yee' a mu-eh 'ye-:. A 'bhorn-eh dih,: yee' a mu-eh 'ye-:.: Mor a bla: kpaa',: yee' or mu 'o 'wluh-: 'do a bo. Deh no-eh, nyor⧾-a' klehkpeh: an 'yba-dih-a Nyorsoa deh, an 'ye-eh'.: Yee' nyor: or 'bhorn-a deh dih, or 'ye-eh'. 'De mor nyor: or bla-a: kpaa', or mu 'o 'wluh-: 'do or bo. 'De a 'nyne-', nyor: yor-a' 'jeh,: or: korn 'yu-a mu-or 'bhlee 'yba-dih:, 'de: or 'ye-or' sobu' 'nyi: eh? 'De mor,: mor or-a'a: 'yu 'yba-dih-or zimi-eh, 'de: or 'ye-or' sehn 'nyi: eh? 'De mor: ka a-a' kplen-a': yeh: nyni 'yi dih, a yubo: 'nyii'-deh:⧾ 'jeh, a 'ye-a' a-a'a: 'nynuu 'nyi 'weh,: yee' a: Baa': yor: or: ne-a 'de yai', dha or mu: na-dih: 'do nyor⧾: an 'yba-dih-or deh⧾ 'jeh, an-a' dhih bo: eh? Deh a 'bhorn-a nyor⧾ 'ye-a' no 'do a bo, eh-a' 'jeh: dao', eh-: a 'ye no 'do nyor⧾ bo: ke. Eh-:: Mose'-a' 'tele'-: 'dekorn: Nyorsoa-a' wele-eh:: po-nyor⧾-a' nyor⧾ deh: torne-eh-: en 'dhu-eh:-'. :Yee' a: yi-dih: 'do gba-dih-gba-a' worn: yor se-a bo dih 'beh ka. Deh no-eh, gba-dih-gba: or 'beh-a 'worn dih, 'de mor: gwie:: eh: ne-a bo dih bhou, eh-a': sie: 'da,: wor 'dhu gbe: zie: 'da-'. Gba-dih-gba-a' 'jeh: dao', or-:: gwlor-nyor:⧾: doru'-a yi-dih 'o 'worn. Jorwor: gba-dih-gba-a' worn,: or se-a bo dih 'beh-: 'dekorn:: gwie:: eh: kma-a 'i 'do kpa 'da-: me-: kpa nyor⧾ 'de 'kmo: sie:: febeh' bo. Eh-a' 'jeh: wor: gwlor-nyor⧾-kpor-a 'ye, 'de an kpa. :Yee' a 'dhu a-a' 'jeh: dhororn', 'do sih 'tmo: wele-eh:: po-nyor:⧾: an yi-a 'o a bo, 'de: on pa-a 'blae'⧾-a' ku⧾-', jorwor:: on 'ble-a ji⧾-a': porluh⧾. An-a' 'bi an mu-a: tlo, me-: nyor⧾-a mu-uh yubo-dih:. 'Wu⧾-kwla: se-' 'nyoeh': tlo i, 'de dlan: se-' gwehn: tlo i. 'Ka-: 'o eh: ne, tu⧾-a' klehkpeh: en no-a tu⧾ 'jeh, en tlo 'bi 'jeh, jorwor: tu 'dhu-a tu-zon-', an tlo 'bi-zon:⧾. Tu 'jeh se 'beh-dih: on 'ye 'bi-zon⧾: tlo, 'de tu-zon se 'beh-dih: on 'ye 'bi 'jeh: tlo. 'De tu⧾-a' klehkpeh: en: se-a 'bi 'jeh: tlo i, en mu: dba-eh:, 'de en 'ye 'de neh-': po-eh:. :Yee' 'do an-a' 'bi an tlo-a bo, 'do: wor a mu-uh yubo-dih:. :Yee' eh: se nyor⧾-a' klehkpeh: an 'da-dih-a 'on,: Gwlor: baa',: Gwlor: baa', mo-:: an mu Nyorsoa-a' nyor⧾ wlu 'ken: korn-eh 'zorn: pa: deh. Jorwor: nyor: dao': or mu-a 'On-ba:: or: ne-a 'de yai', or-a' 'ton: korn-deh: no, or: due' gbai, or-: mu-eh 'zorn: pa. :Yee': mor Nyorsoa-a' zabe:: zi-we-eh nyni 'o,: yee': gwlor-nyor:⧾: dhulu'-a mu: aa 'da-:, 'de 'on bo,: Gwlor: baa',: Gwlor: baa', eh: se 'de: an-a' 'nyne 'di,: a se Nyorsoa-a' wele-eh: po-dih:: e? 'De eh: se 'de: an-a' 'nyne 'di,: a se nyor⧾ 'kwla 'ye-dih-deh⧾ 'de: za-dih:: e? 'De eh: se 'de: an-a' 'nyne 'di,: a se deh⧾: kolu'⧾: dhulu': no-dih:: e? :Mor on 'da: ao',: yee' 'an mu-uh: gwluhuh' zela: deh 'jeh, 'On se a yubo:. A 'wluh 'o 'on ybei', a: mor deh⧾-zon:⧾: no-nyor:⧾: daa. :Yee' nyor⧾-a' klehkpeh: on 'worn-a 'an wlu: daa, 'de: on 'chean'-a deh⧾ 'an za-a-' en-' no-a',: yee' on gweh: toror': korn-nyor:: or po-a or-a'a: 'gbu 'do 'soba ken. :Yee': yeh 'ni-a dba-a, 'de 'ni 'yi-a, 'de: pobor': dhulu': yi-dih-uh-a-',: yee' 'gbu: dao', on: se-' blu. Deh no-eh, on: po-eh: 'o 'soba ken. Jorwor: nyor⧾-a' klehkpeh: on 'worn-a 'an wlu: daa, 'de: on se-a deh⧾ 'an za-a-' en-' no-a' 'chean',: yee' on gweh: bobo-nyor:: or po-a or-a'a: 'gbu 'do: bhehneh'-dhu-'. :Yee': yeh 'ni-a dba-a, 'de 'ni 'yi-a, 'de: pobor': dhulu': yi-dih-uh-a-',: yee' 'gbu: dao', on blu-', 'de on: wa-dih: dih. :Yee': yeh: Yusu' jla-a 'do deh⧾: daa or za-a-' bo,: yee' or-a' nyor⧾ deh: torne-eh: florn-dih:: gwlor-nyor:⧾: doru': dao'-: worn. Deh no-eh, or torne-uh deh,: ka nyor: or 'ble-a 'kpih 'de Nyorsoa-deh 'di,: eh: se-a: ka an-a' nyor⧾ 'tele': torne-nyor⧾-a no-a. :Yee': yeh: Yusu' 'dhle-a, or 'wluh-a 'de tluh ken,: yee': gwlor-nyor:⧾: doru', mo-: zi 'o or klei'. :Yee' 'yu: due', yau-zon-weh kpon-a, or-: mu 'de or bo,: or 'jli dih 'do or 'zorn,: or 'da,: Gwlor: baa',: mor eh 'dhu,: on 'worn-dih-eh ken dih,: yee': on 'beh-dih: 'an 'puh-dih-eh 'weh, 'de 'on: ne-': kane' dih: ne: neheh'. :Yeh or no: ao',: yee': Yusu' tba-or son ken dih, 'de or 'da, 'On 'worn-dih-eh'. 'Wluh: kane' dih.: Yee' 'do: dha: due': dao', 'do: wor or-a' yau-zon-weh 'bor-dih:. 'De: Yusu' 'dae: 'de or bo,: An-a' zela:-' deh: daa nyor-beh: gwluhuh' o. Jorwor: mu,: on 'ye: an-a' 'jeh Nyorsoa-a' 'slaa:: za-nyor 'i: to-dih:.: Yee' kpa 'slaa:: za-dih-deh: ka: Mose'-a' 'tele' 'da-a, 'de nyor⧾-a' klehkpeh 'ye-eh' yubo:: ka: on 'puh-a. Eh: korn ti: due',: yeh 'we: zi-dih:-a 'o ken dih,: yee': Yusu' 'si: Kapa'nior-gwlor-: dih.: Yee' sorye'-a' nyor: klaba': due', or-: yi 'o or bo,: or bale-or, or 'ye-or'-': za-dih:, or 'dae:,: Gwlor: baa', 'an-a: 'bhoi-yu:, or-:: korn 'tiei: 'meh,: or 'pehn dih 'de: gwlor-',: or 'ye or-a' 'jeh worn 'gabaa. 'De: Yusu' 'da, 'An mu: mu, 'on 'ye-or' 'puh-dih:. Jorwor: sorye'-a' nyor: klaba': dao', or 'dae:,: Gwlor: baa', 'on se-eh 'i: bleh-dih:,: on 'ye 'de 'an-a: 'gbu 'di pa. Jorwor: dbo wlu 'suh,: yee' or mu 'puh-:. 'An 'jeh: ke, 'mor nyor-kpalu: 'o,: or: ne-a 'o 'tele' 'zorn. 'De 'on 'ble 'kpih 'do sorye': on: ne-a 'o 'on 'zorn ken.: Mor: yor 'on zela:: gwluhuh', Mu,: yee': mloror' mu-'.: Yee': mor: yor 'on 'da, 'Yle,: yee': mloror' yi-: 'de.: Yee': mor 'on 'da, 'de 'an-a: 'bhoi-yu bo, No deh: daa,: yee': mloror' no-eh'. :Yeh: Yusu' 'worn-a deh: daa,: yee' eh: florn-dih-or-: worn. 'De or: wlu 'de nyor⧾: an zi-a 'o or klei' bo, or 'dae:, Dhih 'jeh, 'an zela a: gwluhuh', 'on 'see eh-a' nyor 'ye,: or 'ye dhih 'jeh-': po-eh 'ble deh: dao', dha 'Ezlea-bluhba-a' 'jeh ken. 'An zela a: gwluhuh',: gwlor-nyor:⧾: dhulu'-a mu 'de 'yluh-a' 'kwla 'wluh-dih: 'da 'wluh-:, 'de: noo' 'ye 'noror 'yluh-a' 'nior: 'kpa 'da 'wluh, 'de on: ne 'Eble'hehn-: Ase'-: 'dekorn: 'Jekor-: on 'ye: dha: due' dih: dhe 'do gor-', 'do: dha Nyorsoa: korn-dih:-a nyor⧾ wlu 'ken. Jorwor:: yuh: on: korn-a: on 'ye-a' neh 'i: ne-nyor⧾ no, 'do or-a' nyor⧾ wlu 'ken: korn-eh 'zorn, an mu 'zorn: po-eh: 'de: kule-', 'do: dha 'vin-a'-: 'dekorn: 'nyne 'i: di-dih-eh-: en mu-a: ne. 'De or zela: 'yu: dao': gwluhuh', or 'dae:, Mu.: Ka: on no eh-a' dhih 'jeh-': po-eh, 'ka-: eh mu: ne 'do: on bo.: Yee' 'do 'yluh-buh: due': dao' 'di, 'do: wor 'yu-a' 'bhoi-yu 'puh-dih:. :Yee': Yusu' pa 'de: Piteh' 'bli 'gbu 'di, 'de or 'ye: Piteh'-a'a: 'bila-nynor, or-:: chehbe'-a no,: or 'pehn dih. 'De: Yusu' 'tuh or-a' son dih.: Yee' or-a': chehbe' 'bor-'. 'De or: sorn-', or kpa: Yusu': bale'-'. :Yee' 'gwie-yluh bo: dao', nyor⧾: ya 'de or bo, nyor⧾: dhulu' 'kwla 'ye-dih-deh:⧾: ne-a 'o 'de 'weh. 'De or no wlu-a' 'bleh 'bleh, or za-ih 'o on 'de, 'de or 'puh-dih: puhba-nyor⧾-a' klehkpeh. Or no deh: daa 'weh, 'de Nyorsoa-a' wlu 'ye dhih 'jeh-' 'kpa,: ka or-a' wele-eh:: po-nyor:: Azaya' no-a eh-a': za-a' see, or no-a, Or no-eh', 'de: a-a': nea-deh⧾-: 'dekorn:: a-a' puhba-deh⧾-: en 'bor. :Yee': yeh: Yusu' 'ye-a: gwlor-nyor:⧾: doru': dao',: on 'gbo-dih-or 'dlu dih,: yee' or 'nyi or-a'a: bo: na-nyor⧾ 'tele', on 'ye 'dhan, on 'ye 'de: Galali'i-yobo'-pehnu 'de 'kpa. :Yee' nyor⧾ 'tele': torne-nyor: due', or-: yi 'de or bo, or 'dae:, Nyor⧾ deh: torne-nyor:, 'an mu 'o: on klei': zi,: dha klehkpeh: an mu-a: mu. 'De: Yusu': wlu 'de or bo, or 'dae:,: Tolo'-gbe⧾ 'ble 'bi, me-: en pa 'di dih. 'De neme:: en zi-dih-a-' dih 'de yai', en 'ble 'dle⧾, me-: en pa 'di dih. Jorwor: 'yu an 'da-dih-a Nyor-kpalu-a' 'yu, or se 'dlu-a' 'pehn-dih-da:: sloror'-a' 'jeh 'ble. :Yee' 'yu: noror': or no-a or-a'a: bo: na-nyor⧾-a' nyor: due', or 'dae:,: Gwlor: baa', 'nyi 'on mu, 'on 'ye 'on-ba dih nma-dih: kele'a: o. Jorwor:: Yusu' zela-or-:: gwluhuh', or 'dae:, Zi 'o 'on klei'. 'Nyi 'meheh'-nyor⧾ nma-dih: an-a' 'jeh-a'a: 'meheh'-nyor⧾ dih. :Yee': Yusu' 'kpa 'de 'blagbe 'di, 'de or-a'a: bo: na-nyor⧾ zi 'o or klei'. :Yeh an mu-a,: yee' 'ga yai' dih: pobor': dhulu', or-:: yi-dih-uh 'de 'ni ken, 'de eh 'bhorn eh 'ye 'blagbe 'ni 'zorn: pa-dih:. Jorwor:: Yusu'-a 'mo-'. 'De on mu, on za-or 'nyinor-', on 'dae:,: Gwlor: baa', 'puh-dih:: a-uh. 'Ni-a kpa: a 'weh o. :Yeh on 'da: ao',: yee' or: wlu-' 'de on bo, or 'dae:, A: mor: gwlor-nyor:⧾: on: korn-a dhih 'jeh-': po-eh se-a 'i 'beh.: Eh no-dih a: fano: eh?: Yee' or: sorn-' 'weh. 'De or po 'ni-: 'dekorn:: pobor'-: 'borboa' 'i. 'De yobo'-pehnu-a' 'duh⧾ no 'dhuan. :Yeh eh no: ao',: yee' eh: florn-dih-uh-: worn, 'de on 'da, Deh 'i-deh-nyor: 'o,: or: dhe dih: eh,: or: korn wlu yobo'-pehnu-a' 'duh⧾-: 'dekorn:: pobor': sloror'-: en dhe 'o dih: eh? :Yee': yeh: Yusu' mu-a, 'de or 'si-a dih 'de: Galali'i-yobo'-pehnu 'de, 'do: Galala'a-nyor⧾-a' 'bluhba ken,: yee' nyor⧾ 'sororn' 'kwla 'ye-dih-deh⧾: ne-a 'o 'de, mo-: 'wluh 'de nma-dih-deh⧾ 'klu-', 'de on 'ya-dih-or 'i. On: ne-': fano: 'gabaa. Eh-: no-eh, 'de nyor⧾ se 'beh-dih: on 'ye 'o: gwie:: dao' 'i: yi-dih:. :Yeh on 'ye-or,: yee' 'do: dha: due': dao', an po 'geh⧾, an no, Nyorsoa-a' 'Yu. Deh: an 'bhorn: on 'ye: a-uh': no-dih:: eh?: On yi-: 'noror: on 'ye: a 'kle 'ye-dih: 'de ti 'ye 'o nyni: e? :Yee' 'do: dha on: ne-a,: bee'⧾: dhulu', me-: wa dih, 'de en se 'o on bo dih: tehn-dih:. 'De 'kwla 'ye-dih-deh⧾ bale:: Yusu', en 'dae:,: Mor eh 'dhu,: mor 'si-dih:: a 'zorn,: yee' dbo 'de: a: bee'⧾ 'di. :Yee' or 'dae: 'de en bo, A mu. 'De en 'wluh 'o on 'de, en mu, en pa 'de: bee'⧾ 'di.: Yee' 'do: dha: due': dao',: bee'⧾-a' klehkpeh: dao', en jla: jiin'-: glu, 'de en: za 'noror tluh: gbehn-eh 'i ple-a', en 'kpa 'o yobo'-pehnu worn, 'de en 'meh 'do 'nior. :Yee' nyor⧾: an 'dhu-a: bee'⧾: dao' 'yli-eh bo, on ple, on mu-': gwlor. 'De an zela nyor⧾: gwluhuh' 'do deh⧾-a' klehkpeh: en: no-eh-:: korn mor deh: eh: no-eh 'do nyor⧾ 'kwla 'ye-dih-deh⧾: ne-a 'o 'de, an-a' dhih. :Yee' gwlor-a' klehkpeh: gweh glu, on mu: Yusu' 'yi 'ya-dih: 'da.: Yeh on 'ye-or,: yee' an bale-or', or 'ye 'o 'do on 'bli-bluhba ken 'wluh. :Yee': Yusu' 'kpa 'de 'blagbe 'di, or 'dhan 'ni, or mu 'de or 'bli: Kapa'nior-gwlor:-' de. :Yeh or 'si-a dih,: yee' nyor⧾: noo', mo-:: ya 'de or bo 'tiei-a' 'meheh'-yu: due',: or 'pehn-a dih 'do or-a'a: ken 'pehn-deh ken.: Yee': yeh: Yusu' 'ye-a an-a' dhih 'jeh-': po-eh:: eh: ne-a 'de on 'di, 'de or: wlu 'de or bo, or 'dae:, 'An 'yu,: ku-dih:: porluh dih.: An-a' deh⧾-zon⧾-a' dhih 'ma-dih-eh: bo 'weh. :Yee': yeh nyor⧾ 'tele': torne-nyor⧾-a' nyor⧾: noo', on 'worn-ih'-a,: yee' on 'da 'do an-a' 'jeh: gwlii', 'Yu: daa, or 'kor-dih Nyorsoa-a' 'nyne 'weh. Jorwor:: Yusu' yubo: deh an za-a-' 'do an-a' 'jeh: gwlii' 'weh, 'de or 'da,: Eh no 'de a na-dih deh⧾-zon⧾: gwluhuh' dih 'suh: eh? Eh: kma 'i nyor 'ye: ao' 'da, 'de 'tiei-a' 'meheh'-nyor bo,: eh: mor,: Sorn-', mu yai',: na,: on 'ye mu,: eh: zi 'o,: An-a' deh⧾-zon⧾-a' dhih 'ma-dih-eh: bo. Jorwor: 'an mu-eh a: torne:,: ka 'yu an 'da-dih-a Nyor-kpalu-a' 'yu, or: korn-a 'kpih dha yao 'zorn, 'do deh⧾-zon⧾-a' dhih-a' bo 'ma-dih-eh bo. Eh-a' dhih, or: wlu-' 'de or bo, or 'dae:,: Sorn-', mu yai', 'duo:: an-a'a: ken 'pehn-deh-': on 'ye 'de: on 'bli 'gbu mu. :Yee' 'yu: dao', or: sorn-' 'weh, or mu 'de or 'bli 'gbu. :Yee': yeh nyor⧾: doru': on: ne-a 'o, on 'ye-a deh: dao',: yee': fano-a: no-uh. 'De an po Nyorsoa-a' 'nyne ya,: or 'nyi-a: gwlor-nyor⧾ 'kpih-a': yih: daa. :Yee': yeh: Yusu' 'wluh-a 'o: dha 'o, 'de or mu-a,: yee' or 'ye 'yu an 'da-dih-a Matio'. Or-:: dhe dih 'do: gbalie: eh: korn-a 'zorn or za-dih-a 'taa-deh⧾. 'De: Yusu': wlu 'de or bo, or 'dae:, Zi 'o 'on klei'. 'De Matio': sorn-', or zi 'o or klei'. Eh: korn 'we-eh: due', 'de Matio': pi-dih:: Yusu', 'de or mu deh: di 'da, 'de Matio' 'bli 'gbu.: Yee' 'taa-deh:⧾: za-nyor:⧾: dhulu'-: 'dekorn: deh⧾-zon:⧾: no-nyor:⧾: dhulu': noo'-: mo-: 'yle, 'de on 'kpa: Yusu'-: 'dekorn: or-a'a: bo: na-nyor⧾-: bo, an kpuhba son⧾ ybei'. :Yee': yeh: Falasi'i-nyor⧾ 'ye-a deh: daa,: yee' on dhele: or-a'a: bo: na-nyor⧾-: dih, on 'dae:,: Eh no 'de a-a'a: nyor⧾ deh: torne-nyor: ne 'taa-deh:⧾: za-nyor⧾-: deh⧾-zon:⧾: no-nyor:⧾: noo'-: an kpuhba son⧾ ybei': eh? :Yee': ka or 'worn-ih'-a,: yee' or 'dae:, Nyor⧾: on se-a puhba:, on se: korn on 'ye kwein:: di-nyor 'kwla⧾-' dih 'bhorn. Jorwor: nyor⧾: an puhba-a, mo-:: korn: on 'ye kwein:: di-nyor 'kwla⧾-' dih 'bhorn. Jorwor: deh: daa: eh 'chle-eh 'de Nyorsoa-a' 'chlee-deh 'di, a mu, a 'ye-eh' 'chean', deh: eh: bleh-dih:-a 'i, or 'da, Eh: se 'slaa:: za-dih-deh:⧾ 'on: se-' 'bhorn. Jorwor: nyor⧾-a': wehlih: 'ye-eh: 'o 'an 'bhorn. 'De mor, 'on: se 'de yi, 'do 'yi 'sleh-nyor⧾-a' dhih bo. Jorwor: deh⧾-zon:⧾: no-nyor:⧾, mo-: 'on yi 'da 'da, on 'ye an-a' deh⧾-zon:⧾: no-eh 'bor. Eh: korn ti: due', 'de nyor⧾ 'ni 'dlu: po: Jororn'-a'a: bo: na-nyor⧾ yi 'o: Yusu' bo, on dhele-or dih, on 'da,: Kaa eh no 'de: a: ne: Falasi'i-nyor⧾-a pa 'suehn-', 'de: an-a'a: bo: na-nyor⧾-a' no-eh: eh? :Yeh on dhele-or dih,: yee' or 'da, 'Duhba:⧾: on mu-a 'nynor nyina:: kpa-gor-', on se 'beh-dih: on 'ye 'zlu, ti 'nynor-a'a: yibeor: ne-a 'o on bo. Jorwor: ti-a mu 'o: nyni, yibeor-a mu 'o on ybei': za-eh:.: Yee' an mu 'suehn-': pa. 'De: ka: ne-a: due' 'di, nyor-a' no 'yli-eh:: dele'-a' 'for, 'de or-a' 'pa 'wla soa. Deh no-eh, 'yli-eh:: dele'-a' 'for-a mu: jli-eh:.: Mor or: jli-eh,: yee' or mu 'wla soa-a' 'for⧾: nee': chlan, eh 'ye: chlaan-bie:: dao' de dih kpa, 'de eh 'ye 'bie': klaba' no. 'De nyor-a' po nomor: dele' 'de: zolo-eh: eh: no-dih-eh deh-ku: soa 'di.: Mor or no-eh,: yee' eh mu 'i: wa, 'de nomor 'ye dih 'wla, 'de deh-ku-zolo-eh 'ye 'kor. Jorwor: nomor: dele': korn or 'ye 'de deh-ku-zolo-eh:: dele' 'di: po-eh:.: Yee' en-' klehkpeh-a mu 'yi dih: nmor. :Yee': ka: Yusu' 'si-a 'o deh: daa eh-a': za 'da,: yee': Jueh'-nyor⧾-a' nyor⧾ wlu 'ken: korn-nyor: due', or-: 'yle, 'de or 'jli dih 'do or 'zorn, or 'dae:, 'An-a: 'nynor-kpao'-yu:, or-: 'meh: kana. Jorwor: 'yle: on 'ye-or' son ken dih tba,: yee' or mu 'kmo-': ne. 'De: Yusu': sorn-', 'de or: ne or-a'a: bo: na-nyor⧾, on zi 'o or klei'. :Yeh an mu-a,: yee' 'nynor: due', 'nynor-kpao'-weh-a no-a, nyomor-a 'wluh-a 'de yau-' 'do zon⧾-a': bhue: 'yor 'sororn' 'di, or-: 'wluh-dih: 'de: Yusu' 'kpuh 'i, or-: 'tuh or-a'a:: gba 'vuu-a' 'mla dih: weheh:. Deh no-eh, or: wlu-' 'de or-a' 'jeh 'di, or 'da,: Mor 'on 'tuh or-a'a:: gba 'vuu:: sloror' dih,: yee' 'an mu 'puh-:. :Yeh eh no: ao',: yee': Yusu' 'bili:-'-: dih, or 'ye-or, 'de or 'da, 'An 'yu,: ku-dih:: porluh dih.: An-a' dhih 'jeh-': po-eh no-eh, 'de: an-a' 'weh 'bor.: Yee': eh 'wluh-a 'o 'do: dha: due' 'jeh: dao',: yee' or-a' 'weh 'bor-'. :Yee': yeh: Yusu' nyni-a 'de nyor⧾ wlu 'ken: korn-nyor:: dao' 'bli 'gbu, or pa-a, 'de or 'ye-a deh⧾: bla-nyor⧾-: 'dekorn: nyor⧾: doru': an po-a 'viin'-dhlumeh'-: :yee' or 'dae:, A 'kpa 'o 'zorn. Deh no-eh, 'nynor-kpao'-yu:: daa, or: se-' 'meh, or 'mo-'.: Yeh or 'da: ao',: yee' an 'keleh-or'. :Yee': yeh nyor⧾: doru': dao', on: po-eh: 'o 'zorn,: yee' or pa-', or kpon or-a' son-: dih, 'de or: sorn-'. :Yee' deh: dao', eh-a' 'nyne: gweh 'o 'for: dao' ken-a' klehkpeh-: 'dlu. :Yee': yeh: Yusu' 'wluh-a 'o: dha 'o,: yee' 'doror'-nyor⧾ 'sororn', mo-: zi 'o or klei',: an po 'geh⧾,: an no,: Debe'-a' 'yu, 'ye: a-a': wehlih. 'De: Yusu' pa 'de 'gbu.: Yee' 'doror'-nyor:⧾: dao', on yi 'o or bo 'weh, 'de or dhele-uh dih, or 'da, A po-eh-' dhih 'jeh, 'on 'beh-dih: a-a' 'puh-dih-eh 'weh: e? 'De on 'da, Keen',: Gwlor: baa'. 'De or 'tuh an-a' 'yli dih, or 'dae:, A 'nyi, eh: ne: ao',: ka a no-a eh-a' dhih 'jeh-': po-eh. :Yee' an-a' 'yli kan-dih: 'i, an 'ye dih. 'De or tli eh-a' wlu-' dih, or 'dae:, Nyor-a' zela:-' deh: daa nyor-beh-nyor-beh: gwluhuh' o. Jorwor:: yeh: Yusu' zela-uh-a deh: daa: gwluhuh',: yee' on 'si-: 'zorn, 'de on: gweh-dih: 'o or-a' 'nyne, 'do 'for: dao' ken dih 'dlu. :Yee': yeh nyor⧾: dao', an 'si-a 'zorn,: yee' nyor⧾: ya 'de: Yusu' bo 'yu: due': or se-a: wlu-a' 'beh-dih:, deh no-eh, 'kwla 'ye-dih-deh:: ne 'o or 'de. :Yeh: Yusu' za-or 'kwla 'ye-dih-deh 'de,: yee' or 'duo:: wlu-a'-' 'weh.: Yee' nyor⧾: doru': dao', eh: florn-dih-uh-: worn, 'de an no,: A 'see deh: daa 'ye dha 'Ezlea-bluhba ken o. Jorwor:: Falasi'i-nyor⧾ 'dae:, 'Ku: oo',: on no-a 'kwla 'ye-dih-deh:: klaba', mo-: 'nyi-or 'kpih, 'de or za nyor⧾ 'kwla 'ye-dih-deh⧾ 'de. :Yee': Yusu'-a na: gwlor⧾: klaba'⧾-: 'dekorn:: gwlor⧾: nyene'-: en-' klehkpeh ken dih. Or torne nyor⧾ deh⧾ 'de an-a' 'di: gweh-dih-sla⧾ 'zorn dih. 'De or po tubo-wlu:⧾ 'jeh: en kor-a Nyorsoa-a' nyor⧾ wlu 'ken: korn 'i. Or 'puh-dih nyor⧾-a' klehkpeh: on 'ble-a puhba-deh:⧾ 'doror: 'dor-: 'dekorn:: nea-nyor⧾-:. :Yee': yeh or 'ye-a: gwlor-nyor:⧾: doru': dao',: yee' an-a': wehlih-a: no-or. Deh no-eh, nyor⧾-a 'beh-dih-uh 'worn dih. 'De an na-dih: gwluhuh' dih, on se-': za-dih-nyor: korn. On gweh: ka 'blae'⧾: en se-a 'yli-eh bo 'dhu-nyor: korn 'suh. :Yee' or 'dae: 'de or-a'a: bo: na-nyor⧾ bo, 'Vluu'-koo: dhubu:-'. Jorwor:: koan:: no-nyor⧾ se 'i: dhie:. Eh-a' dhih, a: wlu 'de: Gwlor: baa' bo,: or no-a 'vluu'-gle-a': kororn-nyor, or 'ye: koan:: no-nyor⧾ 'de or 'bli 'gle dbo, on 'ye: koo:: dao' chehn. :Yee': Yusu' 'da or-a'a: bo: na-nyor:⧾: on: korn-a: bhue: 'yor: ne-a 'sororn' 'do or bo, 'de or 'nyi-uh 'kpih 'do 'kwla 'ye-dih-deh⧾ ken, on 'ye-ih' nyor⧾ 'de: za, 'de jorwor: or 'nyi-uh 'kpih, on 'ye puhba-nyor⧾-: 'dekorn:: nea:-nyor⧾-: an-a' klehkpeh 'puh-dih:. Or-a'a: dboo-nyor:⧾: on: korn-a: bhue: 'yor: ne-a 'sororn', an-a' 'nyne: wor: dhe dih,: Zai' nor-a' 'nyne: wor Samor', an 'da-dih-a: Piteh'-:: Piteh'-a' dei' Andlu'-:: Zehbehli'-a'a: 'nynuu 'Jeen-:: korn or-a' dei': Jororn'-: Felor'-:: Batale'meor-:: Tormor'-: Matio'-:: or no-a 'taa-deh:⧾: za-nyor, 'Ehfea-a' 'yu 'Jeen-: 'Talior-: :korn Samor': or no-a or-a'a: 'bluhba-dlu-a' dhih: vorn-nyor-: 'dekorn:: Juda': Ehkeh'lior: or plo-a: Yusu'-:. :Yee' nyor⧾-a': bhue: 'yor 'sororn': daa, mo-:: Yusu' 'dhu wlu worn, or dbo-uh deh⧾-' dih, or 'dae:, A-a': mu-' nyor⧾: on: se-a: Jueh'-nyor⧾-a' 'bluhba⧾ ken o. 'De mor a-a': pa-dih:-' 'de Sehmeh'la-nyor⧾-a'a: gwlor⧾ 'di dih: ke o. Jorwor: a: korn a 'ye 'de 'Ezlea-nyor⧾: on gweh-a 'blae'⧾: en 'ma-a bo mu. :Mor a: taa mu,: yee' a po tubo-wlu:⧾: daa, a 'dae:, Nyorsoa-a' nyor⧾ wlu 'ken: korn-eh 'koan'-: bo. A 'puh-dih: puhba-nyor⧾, a: ya 'meheh'-nyor⧾ 'noror 'kmo bo deka, a 'puh-dih: nyor⧾: yuh yau-zon-weh kpon-a, 'de on 'ye: vlehehn'-': gweh: ka: Mose'-a' 'tele' no-a mu-a'.: Yee' a: za nyor⧾ 'kwla 'ye-dih-deh⧾ 'de dih. A 'ye 'kpih: daa 'weh yaa'e,: yee' a 'nyi-ih nyor⧾ yaa'e: ke. Nyor-a': kpa-' 'goo-: 'sebla-:: korn mor 'wlii:: nee'-: 'de or 'paa-dih-'. :Dha a mu-a, nyor-a': kpa-' 'tiei 'di: po: gleu', 'de mor nyor-a': kpa-' 'wla: noror'-:: buhbuh:⧾: nee'-: 'dekorn: deh⧾: tba-tu-:. Deh no-eh, nyor: or no-a: koan, or: korn or 'ye eh-a' dii-deh 'ye. :Yee': gwlor a mu-a 'di: nyni,: gwlor: klaba'-:: eh beh: gwlor-yu-: a mu 'o a 'ye nyor: or mu-a a dih: kpon dih 'bhorn.: Mor a 'ye eh-a' nyor: dao',: yee' a: ne 'o or bo, eh 'ye 'o a-a': gwlor-a' 'wluhuh'-ti ken: yeh-dih:. :Mor a pa 'de 'gbu 'di,: yee' a 'da,: Bhorlie' 'do a bo o. :Mor nyor⧾: ne-a 'de 'gbu: dao' 'di, on kpon a dih,: yee' 'nyi a-a': bhorlie': sie: 'de on bo 'gbu: dao' 'di. Jorwor:: mor on se a dih kpon,: yee' a kpa a-a': bhorlie'-wlu de. :Mor nyor se a dih kpon, 'de: mor on se a-a' wlu: dou'⧾ bo: to,: mor a: taa 'do: gwlor: dao'-:: eh beh 'gbu: dao'-: 'di 'wluh,: yee' a 'gbabo:: buhbuh⧾ 'zorn dih, a 'ye 'o 'wluh, eh 'ye-uh 'i: to-dih:: ka Nyorsoa: za-a an-a' deh son 'di. Dhih 'jeh, 'an zela a: gwluhuh',: eh: mor 'do Nyorsoa-a' zabe:: zi-we-eh 'di, Nyorsoa-a mu: wehlih 'ye-: 'do nyor⧾: on: ne-a 'de 'Salor-gwlor-: 'dekorn:: Gormor'la-gwlor-: bo, eh 'ye 'o nyor⧾: on: ne-a 'o: gwlor: dao' 'di-': zi. A: gbee'e:. 'An dbo a-uh 'weh,: eh gweh-a: ka 'blae'⧾ mu-a 'de ji⧾ 'klu-'. Eh-a' dhih, a 'yaa:: ka sehn: ne-a,: yee' a: kpoehn: 'i: ka pabu': ne-a. A 'dhu a-a' 'jeh: dhororn' 'do: gwlor-nyor⧾ bo. Deh no-eh, an mu a 'kwla: za 'de 'koti-', 'de on 'ye a bla 'de an-a' 'di: gweh-dih-sla⧾ 'zorn dih. An mu a dih 'kla-: 'do 'gomla-nyor⧾-a' nyor⧾: klaba'⧾-: 'dekorn: 'keen-boi'-: ybei', 'do 'an dhih bo, 'de a 'ye Nyorsoa-a' tubo-wlu:⧾ 'jeh-a' dhih bo zela: 'de on bo-: 'dekorn: 'de nyor⧾: on: se-a: Jueh'-nyor⧾ bo-:. :Mor nyor⧾ kpon a-uh, eh-a' 'beh-dih:-' a-a': porluh⧾ 'worn dih, 'do deh a mu-a-': za-: 'dekorn:: ka a mu-a eh-a': za-a': no-:. Deh no-eh,: mor eh-a': zaa-ti: taa 'o nyni, deh a mu-a-': za, Nyorsoa-a mu-eh a: torne:. Deh no-eh, eh: se a-a' 'jeh: or: se-': wlu i. Jorwor: a: Baa' Nyorsoa-a': Zulu: 'o, mo-:: an mu a-uh': yi-dih:,: on 'ye: wlu. :Yee' 'de-di'-a mu or-a' 'de-di' nyor⧾ bo: plo-dih: on 'ye-or' 'dba.: Baa'-a mu deh: due': dao': no 'do or-a'a: 'yu bo: ke. 'Nynuu-a mu on 'de-: 'dekorn:: baa'-: worn: bla-dih:, 'de on 'ye-uh' nyor⧾ ya po, on 'ye-uh' 'dba. :Gwlor-nyor⧾-a' klehkpeh, an mu a-uh' 'nyeh-:, 'an dhih. Jorwor: nyor: or se-a sea, 'de ti 'ye-a' 'dlu-': jla,: yee' or mu 'puh-:. :Mor on 'ye-dih a 'kle 'do gwlor: due' 'di,: yee' a ple, a mu 'de: gwlor: noror' 'di. Dhih 'jeh, 'an zela a: gwluhuh', a: se-' 'Ezlea-gwlor⧾-a' klehkpeh 'di dih: mu i, 'de 'yu an 'da-dih-a Nyor-kpalu-a' 'yu, or 'ye 'de yi. Nyor: or 'chean'-a deh, or se 'i 'beh, or se 'o nyor: or torne-or deh-': zi. 'De mor 'bhoi-yu se 'i 'beh, or se 'o or-a'a: nyor: klaba'-': zi. Eh: korn eh 'ye: porluh-a' dih 'pehn-deh no, 'de nyor: or 'chean'-a deh, or 'ye nyor: or torne-or deh gweh. 'De jorwor: 'bhoi-yu 'ye or-a'a: nyor: klaba' gweh.: Mor on: taa 'gbu: baa': Behzeh'bu: on no-a 'ku 'da-dih,: yee' dha nyor⧾: on: ne-a 'de or 'bli 'gbu, an mu: na-dih:: eh? :Yee' a-a': ple-': gwlor-nyor⧾. Deh no-eh, deh-beh:: eh: kan-eh worn 'i, eh mu ken: nyeh. 'De deh-beh:: eh 'zile-eh, eh mu yubo-eh:. Deh 'an zela a: gwluhuh' 'de: kule-', a: korn a 'ye-eh': za 'de zorn-pli-'. 'De deh nyor: pa-dih:-a a 'slan-', a: korn a 'ye-eh': za 'de 'gbu 'dlu. A-a': ple-' nyor⧾: yuh-a: 'dba-a nyor-a' yau, 'de: on se-a or-a': zulu-a' 'dba-a' 'beh-dih:. Jorwor: a ple Nyorsoa,: or 'beh-dih:-a: or 'ye-a' nyor-a': zulu-: yau-: en-a' klehkpeh gbe: zie-dih: 'de 'ku 'bli. Eh: se 'yalih 'sororn': en se: plo-eh: 'do 'kaba-yor-eh: due' bo: e? Jorwor: en-' deh: due': se 'o 'bluhbor 'kpa-: i,: mor eh 'dhu, a: Baa' se-eh ken dih 'worn-dih:. A-a' 'mii:: sloror': en: ne-a 'o a 'dlu-a' 'jeh, en-' klehkpeh: zlo-eh:-', 'tene': kpeen:. :Yee' 'do eh-a' dha,: fano-a': no-' a-uh. A 'kpa deh ken 'gabaa,: eh: zi 'o 'yalih: dhulu'-'. :Yee' nyor-beh:: or 'worn-dih:-a 'an dhih, 'do: gwlor-nyor⧾ ybei',: yee' 'an mu or-a' dhih 'worn-dih:: ke, 'do 'On-ba:: or: ne-a 'de yai' ybei'. Jorwor: nyor-beh:: or dhobo:-a 'an dhih-' 'do: gwlor-nyor⧾ ybei',: yee' 'an mu or-a' dhih-' dhobo: 'do 'On-ba:: or: ne-a 'de yai' ybei': ke. :Yee': Yusu'-a kpa or-a' wlu 'dlu bo, or 'dae:, A-a': na-dih-eh': gwluhuh' dih,: eh: mor 'on yi-: 'de, 'on 'ye 'de wlu-' dih 'worn-eh: ya, dha 'bluhba ken. 'Kei o. 'On: se 'de yi, 'on 'ye 'de wlu-' dih 'worn-eh: ya. Jorwor:: bhla 'jlehn: oo', 'on: ya 'de. Deh no-eh, 'on yi-: 'de 'on 'ye-eh' no, 'de nyor-kpalu 'ye 'de or: baa' ya 'bili:. 'De 'on 'ye-eh' no, 'de 'nynor-kpao'-yu 'ye 'de or 'de ya 'bili:. 'De 'on 'ye-eh' no, 'de 'nynor 'ye 'de or-a'a: yibeor 'de ya 'bili:. 'De nyor-a' 'jeh 'bli 'gbu 'di, 'do: wor nyor⧾: an mu-or' 'nyeh-: an mu 'wluh-:. :Yee' nyor: or: ybeh-a or 'de-:: eh beh or: baa'-:: eh: zi-a 'o 'on-',: yee' or se-eh 'i: bleh-dih:, or 'ye 'de 'an 'for bo: ne. 'De mor nyor: or: ybeh-a or-a'a: nyor-kpalu-yu-:: eh beh or-a'a: 'nynor-kpao'-yu: 'o-:: eh: zi-a 'o 'on-',: yee' or se-eh 'i: bleh-dih:, or 'ye 'de 'an 'for bo: ne. :Yee' nyor: or se-a or-a'a: 'kle 'ye-eh-a' 'klorse tu ya-' 'duo:,: or 'ye-a' 'o 'on klei' zi,: yee' or se-eh 'i: bleh-dih:, or 'ye 'de 'an 'for bo: ne. Nyor: or dhe-a or-a': febeh' dih,: yee' or mu-eh 'ma-dih:. Jorwor: nyor: or 'ma-dih:-a or-a': febeh' 'do 'an dhih,: yee' eh-a' dih: dhe-eh: 'o or no. :Yee' nyor: or kpon-a a dih,: yee' 'mor-: 'o or kpon dih. 'De nyor: or kpon-a 'on dih,: yee' nyor: or dbo-a 'on, or-: 'o or kpon dih: ke. Nyor: or kpon-a Nyorsoa-a' wele-eh:: po-nyor dih, or-a' Nyorsoa-a' wele-eh:: po-nyor-dhih:,: yee' geli': za-dih-deh:: korn-a 'be Nyorsoa-a' wele-eh:: po-nyor-a mu-a 'ye-: eh-: or mu 'ye-:: ke. 'De jorwor: nyor: or kpon-a 'yi 'sleh-nyor dih, or-a' 'yi 'sleh-nyor-dhih:,: yee' geli': za-dih-deh:: korn-a 'be 'yi 'sleh-nyor-a mu-a 'ye-: eh-: or mu 'ye-:: ke. :Yee' nyor-beh:: or 'nyi-a 'an-a: bo: na-nyor⧾-a' nyor: due': or no-a 'zeehn nor, 'ni: chehbe'-a' 'korbuh: sloror',: ka or 'dhu-a 'an bo: na-nyor-', eh-a' dhih,: yee' dhih 'jeh, 'an zela a: gwluhuh', or mu eh-a' geli': za-dih-deh 'ye-:: gbor: gbor. :Yee': yeh: Yusu' gweh-a or-a'a: bo: na-nyor:⧾: on: korn-a: bhue: 'yor: ne-a 'sororn', an-a' wlu worn 'dhu-eh: 'i,: yee' or 'wluh 'o: dha 'o 'weh, or mu, or 'ye nyor⧾ deh: torne:, 'de or 'ye Nyorsoa-a' tubo-wlu⧾ po, 'de: gwlor⧾: eh: ne-a 'de: Galali'i-bluhba ken 'di. :Yee': yeh nyor⧾ 'ni 'dlu: po: Jororn': or: ne-a: kasue 'di, or 'worn-a deh⧾ or no-a,: yee' or dbo or-a'a: bo: na-nyor⧾ 'de or bo, on 'ye-or' dih dhele:, on 'ye: ao',: Mor 'o,: or 'dhu nyor: or mu-a 'de: yi: e?: Ae': a: fuo: nyor: noror' 'ken ke? :Yeh on dhele-or dih,: yee': Yusu' zela-uh-:: gwluhuh', or 'da, A mu deka.: Yee' a zela:: Jororn': gwluhuh' deh⧾ a 'worn-a-: 'dekorn: deh⧾ a 'ye-a-:. 'Doror'-nyor⧾-a 'ye-: dih. 'De: kloror-nyor⧾-a na. 'De nyor⧾ yau-zon-weh kpon-a, an 'puh, 'de on: gweh: vlehehn'-': ka: Mose'-a' 'tele' no-a mu-a'. 'De 'suun'-nyor⧾-a 'worn dih. 'De 'meheh'-nyor⧾-a sorn-'. 'De Nyorsoa-a' tubo-wlu:⧾ 'jeh-a po-eh 'de se deh-a': za-da 'ble-nyor⧾ bo. :Yee': bhorlie' 'do nyor: or se-a 'an dhih-' dhobo:, 'do or: porluh ken. :Yeh: Jororn'-a'a: bo: na-nyor⧾-a 'wluh-a 'o: Yusu' bo,: yee': Yusu' 'kpa 'o or-a' dhih: za 'da 'weh, 'de nyor⧾: doru': dao' bo, or 'dae:, Ti a mu-a 'de: Jororn' bo 'de: bhehneh'-bluhba ken,: yee' deh 'i-deh: a mu 'ye 'da: eh? A mu nyor: or gweh-a: peli'-gan:: pobor'-a bla-a, 'ye 'da: e? :Mor eh se: ao': ne,: yee': eh: korn dhih a mu 'de: bhehneh'-bluhba ken: eh? A mu nyor: or pa-a 'tiei:: nmaa'e-' 'ye 'da: e? 'Kei:. Nyor⧾: on pa-a 'tiei:: nmaa'e, on 'ti 'de 'keen-boi' 'bli 'sla⧾ ya. :Yee': eh: korn dhih a mu 'de: bhehneh'-bluhba ken: eh? A mu-', a 'ye Nyorsoa-a' wele-eh:: po-nyor 'ye: e? Keen': mloror': kpeheh:. Jorwor: 'an zela a: gwluhuh', or: se wele-eh:: po-nyor: 'suh. Or: zi 'o wele-eh:: po-nyor-' 'weh. Or-: 'o,: or: korn dhih Nyorsoa: za-a-' 'de or-a'a: 'chlee-deh 'di, or 'da, 'An mu 'an-a: tubo-wlu:⧾: po-nyor: on ybei': dbo o. Or-: mu: an-a'a:: gwie 'kpa: po 'do: on ybei'. :Yee': Yusu'-a kpa or-a' wlu 'dlu bo, or 'dae:, Dhih 'jeh, 'an zela a: gwluhuh', nyor⧾-a' klehkpeh 'nynor⧾-kpao'⧾ 'wluh-a, eh se nyor: korn: or 'ye-a 'i 'beh,: or 'ye-a 'o: Jororn'-': zi. Jorwor: nyor: or no-a nyor 'zeehn: naa, 'do nyor⧾: on: ne-a 'de Nyorsoa-a' nyor⧾ wlu 'ken: korn-eh 'zorn,: yee' or-a' 'jeh: dao', or-: 'beh 'i, or-:: zi 'o: Jororn'-'. :Eh 'wluh-a 'o ti: Jororn' 'ye-a' Nyorsoa-a' tubo-wlu⧾ po,: en kor-a Nyorsoa-a' nyor⧾ wlu 'ken: korn-eh 'i, 'de: eh: yeh-dih:-a 'zean'-we-eh:: daa ken,: yee' 'kulu-nyor⧾-a vorn-eh bo, on 'ye Nyorsoa-a' nyor⧾ wlu 'ken: korn-eh: on: torne: a-uh ya gba. :Mose'-a' 'tele'-: 'dekorn: Nyorsoa-a' wele-eh:: po-nyor⧾-a' klehkpeh-:: eh: yeh-dih:-a: Jororn' ken, an po Nyorsoa-a' wele-eh:, 'de an za Nyorsoa-a' nyor⧾ wlu 'ken: korn-eh-a' dhih-'. :Mor eh 'dhu, a 'beh-dih: a 'ye-eh' dhih 'jeh-' po,: Jororn': daa, or-: 'dhu: Ila'yor-',: or mu-a 'de: yi. Nyor: or 'ble-a: dou'⧾, 'nyi or 'worn-ih. :Yee' deh 'i-deh: 'on 'beh-dih: 'on 'ye: kana-nyor:⧾: daa 'i: po-dih:: eh? On gweh 'nynuu:: nyene': on: dhe-a dih 'do 'doror', 'de: an wele-a on 'bei',: an no-a, :A bla: tou' 'do a bo. Jorwor: a-a' 'worn, a-a' ye.: A ble nyor-a' 'meheh'-duh:⧾ 'do a bo. Jorwor: a-a' 'worn, a-a' 'zlu. :Yee': Yusu'-a kpa or-a' wlu 'dlu bo, or 'dae:, Ti: Jororn' yi-a 'de,: yee' or pa-' 'suehn:, 'de or: se-' nomor 'na,: yee' nyor⧾ 'da, 'Kwla 'ye-dih-deh:: ne 'o or 'de. :Yeh 'yu an 'da-dih-a Nyor-kpalu-a' 'yu yi-a 'de, or di deh 'weh, 'de or 'na,: yee' nyor⧾ 'da, A: gbee'e:. 'Yu: daa, or no deh: di-nyor-: nomor 'na-nyor-:. 'De or no 'taa-deh:⧾: za-nyor⧾-: 'dekorn: deh⧾-zon:⧾: no-nyor:⧾: noo'-: an-a': ybeh-dih-nyor. Jorwor: deh Nyorsoa-a': toror' no-a, eh-:: to-dih-eh nyor⧾ 'i,: ka or-a': toror' 'sleh-a 'i. :Yee': Yusu' 'kpa 'o: gwlor⧾ or: no-dih:-a deh⧾: kolu'⧾: dhulu' 'di, eh-a' 'bhun dih: wlu-dih: 'da 'weh. Deh no-eh, on: se-' an-a' deh⧾-zon⧾ dih 'tali:, 'de on: se-' dih 'bili: 'de Nyorsoa bo. Or 'dae:, 'Chlo 'do a: mor: Kola'zin-nyor⧾ bo. 'Chlo 'do a: mor: Behse'la-nyor⧾ bo. Deh no-eh, deh⧾: kolu'⧾ 'on no-a 'do a bo,: mor 'on no-ih 'do 'Taya-gwlor-: 'dekorn: 'Saedorn-gwlor-: bo: dee',: yee' an mu an-a' deh⧾-zon⧾ dih 'tali:, 'de on 'ye 'de Nyorsoa bo 'bili:: dee' see, 'de on 'ye 'tiei-zon⧾-' pa, on 'ye 'de: bhuhbuh' 'nyne-' dih: dhe, on 'ye-eh' nyor⧾ 'i: to-dih:: ka on 'bili:-a-' dih. 'Do eh-a' dha, 'an zela a: gwluhuh',: yee' 'do Nyorsoa-a' zabe:: zi-we-eh 'di, Nyorsoa-a mu: wehlih 'ye-: 'do nyor⧾: dao' bo, eh 'ye a-uh': zi. :Yee' a: mor: Kapa'nior-nyor:⧾, 'do a bo. A 'bhorn a 'ye a-a' 'jeh 'i 'beh-dih: a 'ye 'de yai' nyni: e? 'Kei:. Nyorsoa-a mu a 'de 'ku 'bli: po. Deh no-eh, deh⧾: kolu'⧾ 'on no-a 'do a bo,: mor 'on no-ih 'do 'Salor-gwlor bo,: yee' or mu dih: nyna: dee'. Jorwor: 'an zela a: gwluhuh',: eh: mor 'do Nyorsoa-a' zabe:: zi-we-eh 'di, Nyorsoa-a mu: wehlih 'ye-: 'do: gwlor: dao', or-a' nyor⧾ bo, eh 'ye a-uh': zi. :Yee' 'do ti: dao' bo,: Yusu' 'dae:, 'On-ba:,: mor: or 'dhu-a: Gwlor: baa' 'de yai'-: 'dekorn: 'noror 'zorn-: 'on po: on 'zio. Deh no-eh,: on 'zile: deh⧾: daa,: toror': korn-nyor⧾-: 'dekorn: 'chlee-deh: yubo-nyor⧾-: dih, 'de: on: to-dih-ih 'nynuu:: nyene' 'i. Keen', 'On-ba:, eh 'pehn-dih:: an-a': porluh-: dih,: on 'ye-eh' no. :Yee' or: wlu-' 'de nyor⧾ bo, or 'dae:, 'On-ba 'nyi 'on 'kpih 'weh, 'do deh⧾-a' klehkpeh bo. Eh se nyor: korn,: or 'ye-a Nyorsoa-a' 'Yu yubo:. Jorwor: or: Baa': due' gbai, or-: yubo-or. 'De eh se nyor: korn,: or 'ye-a or: Baa' yubo:. Jorwor: or-a'a: 'Yu: due' gbai, or-: yubo-or, 'dekorn:: yuh or-a'a: 'Yu-a 'bhorn-a, or 'ye-a or: Baa' 'i: to-dih:. :Yee' a yi 'noror 'on bo, a-a' klehkpeh: or no-a: koan, 'de: or 'ble-a 'gbeh⧾: en: ku-a kwa. A yi 'noror 'on bo, a 'ye: forn. A 'duo: 'an-a: nyor⧾ deh: torne-eh-a' 'gbeh-', a 'ye-eh' ken dih: po. 'De a 'chean' deh 'noror 'on bo. Deh no-eh, 'on: kpoehn: 'i, 'de 'on se 'an 'jeh 'i 'beh-dih:.: Yee' a-a': porluh⧾-a mu dih: dhe. Deh no-eh, nyor⧾ deh: torne-eh: 'an 'nyi a-uh, a 'ye-a' no, eh se 'i: kma. 'De mor 'gbeh 'an 'nyi a-uh, eh se kwa: ku. :Yee' 'do ti: dao' 'di, eh no Nyorsoa-a': gwlee-we-eh:,: yee': Yusu'-: 'dekorn: or-a'a: bo: na-nyor⧾-: an yi-dih 'de deh⧾-yor: an 'da-dih-a 'wii 'nyne-', 'de 'gle.: Yee' 'moeh: no or-a'a: bo: na-nyor⧾, 'de on 'duo: deh⧾-yor:: dao' en-': nee'-a' kplan-a', 'de on di-ih. :Yeh: Falasi'i-nyor⧾ 'ye-eh,: yee' on: wlu-' 'de or bo, on 'dae:,: Gbee'e:.: An-a'a: bo: na-nyor⧾-a no deh: eh se-a 'o: a-a'a: 'tele'-a': gwie 'i: ne, 'do Nyorsoa-a': gwlee-we-eh 'di. 'De or 'dae:, Deh: Debe' no-a, ti 'moeh 'ye-a' or-: or-a'a: bo: na-nyor⧾-: no, a: se-eh' zlo: e? Deh or no-a, eh-:: dhe dih. Or pa 'de Nyorsoa-a' 'gbu 'di, 'de or di 'bhlee: on po-a 'o Nyorsoa ybei' dih,: eh: ne-a gban 'i,: eh or-: or-a'a: bo: na-nyor⧾-: on se-a: korn on 'ye-a' di, Nyorsoa-a' 'slaa:: za-nyor⧾: due'-a di-a. :Ae' a: ze-eh' zlo, 'de: Mose'-a' 'tele'-chlee-deh 'di,: eh: mor 'do Nyorsoa-a': gwlee-we-eh 'di, Nyorsoa-a' 'slaa:: za-nyor:⧾: on: ne-a 'de or-a' 'sla 'di, an wa-a 'tele': e? Jorwor: on: se-' 'gen: za-eh:. 'An zela a: gwluhuh',: ka deh: neheh': ne-a: daa, eh 'beh-a 'i, eh: zi-a 'o Nyorsoa-a' 'sla-'. :Yee': mor a yubo: deh eh: bleh-dih:-a 'i: dee',: mor Nyorsoa 'da, Eh: se 'slaa:: za-dih-deh:⧾ 'on: se-' 'bhorn. Jorwor: nyor⧾-a': wehlih: 'ye-eh: 'o 'an 'bhorn,: mor a yubo-eh: dee',: yee' a: se-' nyor⧾: on se-a eh-a' deh 'i yubo: zabe:: kpon-dih:. Deh no-eh, 'yu an 'da-dih-a Nyor-kpalu-a' 'yu, or no: Gwlor: baa' 'do Nyorsoa-a': gwlee-we-eh 'dlu bo. :Yee': yeh: Yusu' 'wluh-a 'o: dha 'o,: yee' or pa 'de an-a' 'di: gweh-dih-sla 'zorn. 'Do: wor or: yeh-dih: 'yu: due': or: korn-a son 'meh-a. 'De on dhele-or dih, on 'da, Eh: ne 'o: a-a'a: 'tele'-a': gwie 'i 'weh: e, nyor 'ye: gwlor-nyor⧾ 'puh-dih: 'do Nyorsoa-a': gwlee-we-eh 'di: e? On: za deh: daa-' 'weh, deh no-eh, an 'bhorn: ka on 'ye-a' no, 'de on 'ye-or' 'tele' dih: kpon-dih:, 'do deh-zon:: no-eh bo. :Yee' or: wlu-' 'de on bo, or 'dae:,: Mor a-a' nyor: due' 'ble 'blae', 'de jorwor: eh 'ye 'de 'bie': dhorno' 'di 'kpa, 'do Nyorsoa-a': gwlee-we-eh 'di,: yee' nyor: dao' or: se-eh': kpon i, 'de or 'ye-eh 'de: za: e? :Yee' dha: gwlor-nyor-a mu: na-dih:: eh,: or 'kpa-a deh ken: kao',: or: zi-a 'o 'blae'? Eh-:: korn dhih: a-a'a: 'tele' 'worn-dih-eh ken dih,: a 'ye nyor bo 'kpa, 'do Nyorsoa-a': gwlee-we-eh 'di. 'De or: wlu 'de son-a' 'meheh'-nyor:: dao' bo, or 'da, Slo: an-a' son. 'De or slo-uh.: Yee' or-a' son 'bor-', on 'sleh 'i,: ka on 'be: ne-a. Jorwor:: yeh: Falasi'i-nyor⧾ 'ye-a deh: dao',: yee' on 'si-: 'zorn, 'de on 'dhu dhih: ka on 'ye-a': Yusu'-a' 'dba-a' no. :Yee': yeh: Yusu' yubo-eh 'i,: yee' or 'wluh 'o: dha 'o 'weh. 'De nyor⧾: dhulu' zi 'o or klei', 'de or 'puh-dih: puhba-nyor⧾-a' klehkpeh: on: ne-a 'de on 'klu-'. :Yee' or 'dhu-uh 'slen, on: ne-eh' no, 'de nyor⧾: ne-' nyor or 'dhu-eh:-' yubo:. Or no deh: daa 'weh, 'de Nyorsoa-a' wlu 'ye dhih 'jeh-' 'kpa: ka or-a' wele-eh:: po-nyor:: Azaya' no-a eh-a': za-a' see, or no-a, Nyorsoa 'da, 'An-a: 'bhoi-yu: wor: dhe dih,: or 'on gan-a,: yor 'on: ybeh-a-', 'de 'an: gwluhuh' 'pehn-dih:-a ken dih. 'An mu 'an: Zulu or ken: po,: yee' or mu 'an 'ton: korn-deh-a' dhih-': za, 'de 'bluhba⧾-dlu⧾-a' klehkpeh bo. Or: se-': jeh i, 'de mor or: se-' 'geh⧾: po i. Nyor-beh: se-' or-a' wlu 'worn-: i 'do 'kpa: gwie 'i. Nyor: or gweh-a tu: an 'bhorn-a: jla-a': dee' see, or: se-or': jla i. 'De mor nyor: or gweh-a 'nape: eh 'bhorn-a 'mo-a': dee' see, or: se-or' 'mo-dih: i. Or mu-eh: no: chio'lo:, 'de or-a' 'ton: korn-deh 'ye: glaa' kpa. :Yee' or-: 'bluhba⧾-dlu⧾-a' klehkpeh-a mu: gwlii': dhe. :Yee' nyor⧾: ya 'de: Yusu' bo 'yu: due': or 'dor-a, 'de: or se-a: wlu-a' 'beh-dih:, deh no-eh, 'kwla 'ye-dih-deh:: ne 'o or 'de. 'De: Yusu' 'puh-dih-or.: Yee' eh-: no-eh, 'de or 'duo:: wlu-a'-', 'de or 'ye dih. :Yee' nyor⧾-a' klehkpeh: on: ne-a 'o, eh: florn-dih-uh-: worn, 'de an dhele-eh dih, an no, 'Yu: daa, or 'beh-dih: or 'ye: Debe'-a' 'yu no: e? :Yee': yeh: Falasi'i-nyor⧾ 'worn-ih'-a,: yee' on 'dae:,: Behzeh'bu: 'o,: on no-a 'ku, 'de: on no-a 'kwla 'ye-dih-deh:: klaba', mo-: 'nyi-or 'kpih, 'de or za nyor⧾ 'kwla 'ye-dih-deh⧾ 'de. :Yee': Yusu' yubo: deh an za-a-' 'do on: gwlii' 'weh, 'de or 'da,: Mor 'bluhba-dlu: za an-a' 'jeh 'sororn', 'de on 'ye an-a' 'jeh bo vorn,: yee' 'bluhba-dlu:: dao', an mu gbe: zie:.: Mor gwlor: za or-a' 'jeh 'sororn', 'de mor 'gbu: due' 'di-nyor⧾ 'ye an-a' 'jeh 'sororn': za, 'de on 'ye an-a' 'jeh bo vorn,: yee' on: se-' dih: nyna i. :Mor 'ku 'si-dih: 'ku 'zorn,: yee' on: za an-a' 'jeh 'sororn', 'de an vorn an-a' 'jeh bo.: Yee': kaa an-a' nyor⧾ wlu 'ken: korn-eh mu dih: nyna-eh: no: eh? :Yee': mor eh 'dhu,: Behzeh'bu 'nyi 'on 'kpih, 'on 'ye nyor⧾ 'kwla 'ye-dih-deh⧾ 'de: za,: yee': or 'nyi a-a'a: nyor⧾ 'kpih, 'de an za nyor⧾ 'kwla 'ye-dih-deh⧾ 'de: ke: eh?: Yee' 'do eh-a' dha, mo-:: an mu a-a' zabe:: zi-nyor⧾: no. Jorwor:: mor eh 'dhu, Nyorsoa-a': Zulu: 'nyi 'on 'kpih, 'on 'ye nyor⧾ 'kwla 'ye-dih-deh⧾ 'de: za,: yee' eh-: za-eh gbor: ka Nyorsoa-a' nyor⧾ wlu 'ken: korn-eh: ne-a 'noror a 'klu-': naa. 'De mor: neheh', nyor: yoror: or 'beh-dih:: or 'ye: kmuu-nyor-a'a: 'gbu wa, 'de: or 'ye or-a'a: 'tiei-' 'duo:: eh? Jorwor:: mor or 'ye-eh' no, or mu: kmuu-nyor:: dao': san: weh, 'de or 'ye or-a'a: 'tiei kpa. Nyor: or se-a 'noror 'an 'for bo: ne,: yee' or vorn 'on bo.: Yee' nyor: or se-a 'on bo 'kpa 'do deh⧾-a': dha: due': po-eh bo,: yee' or gboba deh⧾ dih. :Yee' 'do eh-a' dha, 'an zela a: gwluhuh', nyor⧾-a' deh⧾-zon⧾-a' klehkpeh-: 'dekorn: Nyorsoa-a' 'nyne 'kor-dih-eh-: en mu bo 'ma-dih-eh:. Jorwor: nyor: or 'kor-dih:-a Nyorsoa-a': Zulu-a' 'nyne, or-a' deh⧾-zon⧾-a' dhih: se-' bo 'ma-dih-eh: i. Nyor: or mu 'yu an 'da-dih-a Nyor-kpalu-a' 'yu 'bhun dih: wlu-dih:, or-a' deh⧾-zon⧾-a' dhih-a mu bo 'ma-dih-eh:. Jorwor: nyor: or mu-a Gban 'i: ne: Zulu 'bhun dih: wlu-dih:, or-a' deh⧾-zon⧾-a' dhih: se-' bo 'ma-dih-eh: i,: kana-: 'dekorn: 'de 'kmo-a' nya-:. :Yee': mor tu no tu 'jeh,: yee' an mu 'bi 'jeh ne: tlo. Jorwor:: mor on no tu-zon,: yee' an mu 'bi-zon⧾: tlo. Deh no-eh, tu-a' 'bi, me-: nyor⧾-a yubo-dih tu. A: mor sane-zon⧾-nynuu:: daa,: kaa a: mor,: or 'dhu-a 'kulu-nyor⧾-', a 'ye deh⧾ 'jeh-': za-a' no: eh? Deh no-eh, deh⧾: en 'yi-a 'o 'do a-a': porluh⧾ ken, me-: a-a' worn⧾ za-'. Nyor 'jeh nor dhe deh⧾ 'jeh dih, 'do: wor or za deh⧾ 'jeh, 'de 'kulu-nyor dhe deh⧾-zon⧾ dih, 'do: wor or za deh⧾-zon⧾. 'An zela a: gwluhuh',: eh: mor 'do Nyorsoa-a' zabe:: zi-we-eh 'di,: gwlor-nyor⧾-a mu bo zela:, 'do wlu⧾: en yi-a 'o on worn⧾ 'i: due': due' bo. Deh no-eh,: an-a' wlu-a mu-eh: no, 'de: on 'ye 'gen: korn, 'de: an-a' wlu-a mu-eh: no, 'de zabe 'ye: on kpon. :Yee': Falasi'i-nyor⧾-: 'dekorn: nyor⧾ 'tele': torne-nyor⧾-: an-a' nyor⧾: noo': wlu 'de: Yusu' bo, on 'dae:, Nyor⧾ deh: torne-nyor:,: a 'bhorn: on 'ye: a 'yi: to-dih-deh 'i: to-dih:. Jorwor: or: wlu-' 'de on bo, or 'dae:,: Kana-nyor:⧾: daa,: on no-a deh⧾-zon:⧾: no-nyor⧾, 'de: an-a' no-a: dhehehn-deh⧾ 'do Nyorsoa bo, an 'bhorn 'yi: to-dih-deh:. Jorwor: 'yi: to-dih-deh: due' an mu-a 'ye-: 'klein', eh-: 'dhu, Nyorsoa-a' wele-eh:: po-nyor:: Jona'-a' 'yi: to-dih-deh-'. Deh no-eh,: ka: Jona' zi-a zorn-we taan-: 'dekorn: glu-we taan-: 'de zimi-eh:: klaba' 'di,: yee' 'ka-: 'yu an 'da-dih-a Nyor-kpalu-a' 'yu-a mu zorn-we taan-: 'dekorn: glu-we taan-: 'de glu: zi-eh: no: ke. 'Do Nyorsoa-a' zabe:: zi-we-eh 'di, 'Neneva-nyor⧾-a mu dih: nyna, 'do: kana-nyor:⧾: daa ybei', 'de on 'ye-uh zabe: kpon-dih:. Deh no-eh, on 'tali: an-a' deh⧾-zon⧾-: dih, 'de on 'bili: 'de Nyorsoa bo, ti: Jona' po-a Nyorsoa-a' tubo-wlu⧾ 'de on bo. A: gbee'e:. Nyor: noror': noror': ne: daa: naa, or-: 'beh 'i, or-:: zi 'o: Jona'-'. 'Do Nyorsoa-a' zabe:: zi-we-eh 'di, 'keen-nynor:: or 'wluh-a 'de 'bluhba-dlu:: on: ne-a 'de 'yluh-a' 'kwla 'wluh-dih: 'da-a' kona-for bo, or mu dih: nyna, 'do: kana-nyor:⧾: daa ybei', 'de or 'ye-uh zabe: kpon-dih:. Deh no-eh, or 'wluh: dha: dhorno' or 'ye 'Keen: Salomor'-a': toror': korn-eh: dou'⧾ bo: to. A: gbee'e:. Nyor: noror': noror': ne: daa: naa, or-: 'beh 'i, or-:: zi 'o: Salomor'-'. :Yee': Yusu'-a kpa or-a' wlu 'dlu bo, or 'dae:,: Mor 'kwla 'ye-dih-deh: za-eh 'o nyor 'de,: yee' eh zi-dih-'-: dih, eh na 'de 'kwla⧾-' dih. Eh 'bhorn: dha eh 'ye-a': forn-dih:. Jorwor:: mor eh se dha 'ye, :yee' eh 'da, 'An mu 'de 'an-a: 'gbu soa 'di de: mu,: dha 'on 'wluh-a. 'Ka-: 'o eh no, 'de eh yi de.: Yeh eh yi-a de,: yee' eh 'ye eh-a'a: 'gbu soa, on: florn 'di dih, 'de on wobo-eh: 'di dih, on: po-eh: 'kpa. :Yee' eh mu-', eh: ya 'de 'kwla 'ye-dih-deh:⧾: nee': meheh' 'sorn,: en no-a 'kulu-deh⧾,: en: zi-a 'o eh-a' 'jeh-', 'de en pa, en 'ti 'de.: Yee': mor en gweh 'de or 'di 'dlu,: yee' nyor: dao', or: ne-' 'kmo-zon:: on: zi-a 'o, or-a': zai' neh-'.: Yee' 'ka-: 'o eh mu: no: ke, 'do: kana-nyor:⧾: daa: on no-a deh⧾-zon:⧾: no-nyor⧾ bo. :Yee': yeh: Yusu'-a wlu-a 'de nyor⧾ bo: chio'lo:,: yee' or 'de-: 'dekorn: or-a' dei'-nyor⧾-kpalu⧾-: mo-:: nyna dih 'do 'zorn, 'de on dhele: nyor⧾ dih: ka an 'bhorn-a on 'ye-a' 'de or bo: wlu. 'De nyor zela-or: gwluhuh', or 'da,: On 'de-: 'dekorn:: an-a' dei'-boi'-: mo-:: nyna dih 'do 'zorn,: an dhele: on dih. An 'bhorn on 'ye 'de: on bo: wlu. Jorwor:: Yusu' dhele-or-: dih, or 'dae:,: Or 'dhu 'on-de-': eh?: Or 'dhu 'an 'de-di'-boi'-': eh? 'De or slo or-a' son 'de or-a'a: bo: na-nyor⧾ bo, or 'da, 'On-de-: 'dekorn: 'an 'de-di'-boi'-: mo-:: dhe dih. Deh no-eh, nyor: or no-a 'On-ba:: or: ne-a 'de yai', or-a' 'ton: korn-deh, or-: 'dhu 'an 'de-di'-boi'-: 'dekorn: 'on-de-:-'. 'Do 'we-eh: due': dao' 'di,: yee': Yusu' 'wluh 'de 'gbu 'di, 'de or mu 'de: Galali'i-yobo'-pehnu worn 'i, 'do: wor or: dhe dih. :Yee': gwlor-nyor:⧾: doru', mo-: 'gbo-dih-or 'dlu dih. Eh-: no-eh, 'de or 'kpa 'de 'blagbe 'di, 'do: wor or: dhe dih, 'de an-a' klehkpeh: nyna dih 'do 'kpuhba' 'i. Or zela-uh deh⧾: dhulu': gwluhuh' 'de 'dlan⧾ 'di, or 'dae:,: Yee' 'yu: due': oo', or-: mu deh⧾-yor:: gba 'da. :Yeh or gba-ih-a 'de 'gle,: yee': nee' 'kpa 'o: gwie 'i, 'de neme 'yle, en mla-ih. :Nee' 'kpa 'o 'bluhba ken,: or: ne-a 'soba 'zorn.: Yeh en 'kpa-a 'o,: yee' en 'dhobo: en 'wluh-'. Deh no-eh, 'bluh: dhulu' se 'o: ne. Jorwor:: yeh 'yluh: kma-a 'i,: yee' en wlor-'.: Ka en-' buh⧾ se-a: dha: dhorno' mu 'de glu,: yee' en 'klan-'. 'De: nee' 'kpa 'de 'wu⧾-kwla 'nyne-'.: Yeh 'wu⧾ ku-a,: yee' en: mla-dih-ih-: worn. Jorwor:: nee' 'kpa 'o 'bluhba: 'jeh ken, me-: wa.: Yeh en wa-a,: yee': nee' po 'yor-a': kehehn': due',: nee' po: kwlaa: meheh'lo:, 'de: nee' po: kwlaa taan. :Yee': Yusu' 'da, Nyor: or 'ble-a: dou'⧾, 'nyi or 'worn-ih. :Yee' or-a'a: bo: na-nyor⧾ yi 'o or bo, 'de on dhele-or dih, on 'dae:,: Eh no 'de: an wlu 'de nyor⧾ bo 'de 'dlan⧾ 'di: eh? 'De or: wlu 'de on bo, or 'dae:, Nyorsoa-a' nyor⧾ wlu 'ken: korn-eh-a' 'slan: za-eh: gbor 'de a: mor: mloror' bo. Jorwor: or: se-' nyor⧾: dao' 'nyi-eh:. Deh no-eh, nyor: or 'ye-a deh⧾: dhulu', or-a'a: deh⧾: dhulu' or 'ye-a, en mu ken 'kpa-:, 'de or 'ye: doru' 'ble. Jorwor: nyor: or se-a deh 'ye, or-a'a: deh-yu-a' 'jeh or 'ble-a, eh mu-or 'kwa: za-eh:. Deh-:: korn-a dhih, 'de 'an wlu-dih-a 'de 'dlan⧾ 'di 'de on bo, eh-: 'dhu, an pobo-: dih, jorwor: an-a' 'ye dih. 'De an: to: dou'⧾ 'weh, jorwor: an-a' 'worn dih, 'de mor an-a' 'worn deh-' dih. :Yee' 'do an-a' dhih bo, deh Nyorsoa-a' wele-eh:: po-nyor:: Azaya': za-a-', eh 'kpa-' dhih 'jeh, or no-a, An mu: dou'⧾: to: too:, jorwor: on 'se 'ba deh-' dih 'worn, 'de an mu dih pobo:: poboo:, jorwor: on 'se 'ba dih 'ye. Deh no-eh, nyor⧾: daa, an-a' 'dlu⧾ 'sun-', 'de on: se-' 'bhorn on 'ye: dou'⧾: to, 'de on kan 'yli, 'de on: ne-' dih 'ye, 'de on: ne-' dih 'worn, 'de on: ne-' deh-' dih 'worn 'do an-a': porluh⧾ ken, 'de on: ne-' dih 'bili:, 'de Nyorsoa: ne-uh' 'puh-dih:. Jorwor: a: mor: mloror',: bhorlie' 'do a-a' 'yli bo. Deh no-eh, en 'ye-: dih. 'De: bhorlie' 'do a-a': dou'⧾ bo. Deh no-eh, en 'worn-: dih. Dhih 'jeh, 'an zela a: gwluhuh', Nyorsoa-a' wele-eh:: po-nyor:⧾: dhulu'-: 'dekorn: 'yi 'sleh-nyor:⧾: dhulu'-: an 'bhorn deh⧾ a 'ye-a, on 'ye-ih' 'ye: dee', jorwor: on: se-ih' 'ye. 'De an 'bhorn deh⧾ a 'worn-a, on 'ye-ih' 'worn: dee', jorwor: on: se-ih' 'worn. :Yee' a: to: dou'⧾ 'de deh 'yu: or gba-a deh⧾-yor, or-a' 'dlan: daa, or 'dhu-eh:-', a 'ye-eh' yubo:. Deh⧾-yor:: or 'kpa-a 'o: gwie 'i, or gweh nyor⧾-a' klehkpeh: on 'worn-a Nyorsoa-a' nyor⧾ wlu 'ken: korn-eh-a' tubo-wlu⧾. Jorwor: on: se-ih' dih 'worn.: Yee' 'ku yi-: 'de, 'de on: za 'o wlu: on: gba-eh 'do on: porluh⧾ ken. Deh⧾-yor:: or 'kpa-a 'o 'bluhba:: or: ne-a 'soba 'zorn ken, or gweh nyor: or 'worn-a Nyorsoa-a' wlu, 'de: or kpon-uh-a dih, 'do: dha: due': dao', 'do: porluh-a' dih 'pehn ka 'di. Jorwor: or se deh-' dih 'worn-eh: 'jeh 'ble 'de or 'di,: yee' or gweh deh⧾-yor:: or: korn-a buh⧾ se-a: dha: dhorno' mu 'de glu,: yee' or-a': gwle 'o 'do ti: dhorno'⧾ 'di.: Mor 'worn dih 'beh-eh 'yle, 'de 'kle 'ye-eh 'ye 'de yi, 'do Nyorsoa-a' wlu-a' dhih bo,: yee' 'do: dha: due': dao', or ple-', or 'tali: Nyorsoa-deh-: dih. Deh⧾-yor:: or 'kpa-a 'de 'wu⧾-kwla 'nyne-', or gweh nyor: or 'worn-a Nyorsoa-a' wlu. Jorwor: 'kmo bo-deh:⧾, me-: 'beh-dih or-a': porluh 'worn dih.: Ka or 'ye-a' no, 'de or 'ye-a' bhan, eh-: 'da-dih-or 'yi. Deh⧾: daa, me-: 'yle,: en kpon Nyorsoa-a' wlu: bhluun' 'worn dih,: yee': ka on 'ye-a' no, 'de on 'ye-a' 'yor po, ka se: ne. Jorwor: deh⧾-yor:: or 'kpa-a 'o 'bluhba: 'jeh ken, or gweh nyor: or 'worn-a Nyorsoa-a' wlu, 'de: or 'worn-uh-a dih.: Yee' nyor-a' 'jeh: dao',: ka deh⧾-yor:: or po-a 'yor: dhulu', or: ne-a, 'de or-a': noror' po-a 'yor-a': kehehn': due',: noror' po-a 'yor-a': kwlaa: meheh'lo:, 'de: noror' po-a 'yor-a': kwlaa taan,: yee' 'ka-: nyor: dao' or: ne: ke. :Yee': Yusu' po 'dlan: noror': neheh', 'de on bo, or 'dae:, Nyorsoa-a' nyor⧾ wlu 'ken: korn-eh gweh: ka nyor-kpalu: due',: or gba-a deh⧾-yor: 'jeh 'de or 'bli 'gle. Jorwor: ti: gwlor-nyor⧾-a' klehkpeh, an 'mo-a dholo-',: yee' nyor: or 'nyeh-or', or mu 'de 'gle: dao' 'di, 'de or gba: peli'-a' 'yor 'de deh⧾-yor: 'jeh: dao' 'nyne-', 'de or mu. :Yee': yeh deh⧾-yor: 'jeh: dao', or me-a, 'de or wa-a 'yor,: yee': peli': dao', en me-': ke. :Yee' 'yu: or: korn-a gle: dao', or-a'a: 'bhoi-nynuu mu 'de or bo, 'de on 'dae:, Nyor: klaba', eh: se deh⧾-yor: 'jeh, me-:: on se gba 'de: on 'bli 'gle: e?: Yee' dha: peli': daa, en 'wluh 'da: eh? 'De or 'dae:, Nyor: or 'nyeh-a 'on-': oo', or-: no deh: dao'. 'De or-a'a: 'bhoi-nynuu 'da,: An 'bhorn: a 'ye mu,: a 'ye: peli': dao': za: e? Jorwor: or 'da, 'Kei:. Nyor se yubo:: mor a: taa: peli': dao' za, a: ne-' deh⧾-yor: 'jeh: peli' dih: za-dih:. A 'nyi en-' klehkpeh: ku-dih:: dha: due', 'de eh 'ye deh⧾-yor-a' chehehn-ti no.: Yee' 'do ti: dao' 'di, 'do: wor 'an mu 'an-a: deh⧾-yor:: chehn-nyor⧾: gwluhuh' zela:, on 'ye: peli': dao' chehn: zai', on 'ye-ih' 'pu⧾ san, on 'ye-ih' 'yli po, 'de jorwor: on 'ye deh⧾-yor: 'jeh: dao': dha: due' po, 'do 'on 'bli yai'. :Yee': Yusu' po 'dlan: noror': dele' ka, 'de on bo, or 'dae:, Nyorsoa-a' nyor⧾ wlu 'ken: korn-eh gweh: zlaan'-a' 'yor-eh:: eh 'yu: due' 'duo:-a 'de or gba-a 'de or 'bli 'gle. :Zlaan'-yor-eh:: dao', eh-: no 'zeehn: neh 'de deh⧾-yor-a' klehkpeh 'nyne-'. Jorwor:: mor eh ku,: yee' eh no: zlaan'-gan:: kolu',: yee' eh 'beh-: 'i, eh: zi 'o gbaa-deh⧾-a' 'yor-a' klehkpeh nyor⧾-a gba-a 'weh, 'de 'dhuu'-deh⧾ 'nyne-', 'de jorwor: neme:: en zi-dih-a-' dih 'de yai', me-: 'yle, 'de en po 'dle⧾ 'do eh-a' 'gabuh⧾ 'nyne-'. :Yee': Yusu' po 'dlan: noror': noror': dele' ka, 'de on bo, or 'dae:, Nyorsoa-a' nyor⧾ wlu 'ken: korn-eh gweh 'bhlee-a' 'vu-dih-deh:,: eh 'nynor: due' 'duo:-a, 'de or po-a 'bhlee-a': bhebe': doru' bo, 'de or zian-dih-a, 'de: eh gweh-a 'bhlee:: bhebe'-a' klehkpeh 'dlu. :Yee': Yusu' zela: deh⧾-a' klehkpeh: daa,: gwlor-nyor:⧾: doru': gwluhuh', 'de 'dlan⧾ 'di. Or: se 'de nyor⧾ bo: wlu 'de: ka 'sluh 'di, 'dlan⧾: due', me-: or no, 'de or wlu 'de on bo. Or no deh: daa 'weh, 'de Nyorsoa-a' wlu 'ye dhih 'jeh-' 'kpa,: ka or-a' wele-eh:: po-nyor no-a eh-a': za-a' see, or no-a, 'An mu 'de 'dlan⧾ 'di: wlu-dih:.: Yee' 'an mu deh⧾ nyor⧾ se-a yubo:: zai',: en 'zile:-a,: en 'wluh-a 'de 'bluhba-a' glu 'dhu 'da, 'an mu-ih on: gwluhuh' zela:. :Yee': yeh: Yusu' 'wluh-a 'do: gwlor-nyor:⧾: doru': dao' bo, 'de or pa 'de 'gbu 'di,: yee' or-a'a: bo: na-nyor⧾ mu 'de or bo, on 'dae:,: Za: peli': ne 'de 'gle-dlan:: daa gbor 'noror: a bo. 'De or 'dae:, 'Yu: or 'dhu-a deh⧾-yor-a' 'jeh, 'yu an 'da-dih-a Nyor-kpalu-a' 'yu: oo'. Gle: dao', eh-: 'dhu dha 'bluhba ken-', 'de deh⧾-yor-a' 'jeh: daa, me-: 'dhu nyor⧾ Nyorsoa-a: korn-a wlu 'ken-'.: Peli'-zon:⧾: dao', me-: 'dhu nyor⧾: on: korn-a 'de 'ku bo-', 'de nyor: or 'nyeh-or': or gba-a: peli': dao', or-: 'dhu 'ku-'. 'Dhuu'-deh:⧾: dao', en-' chehehn-ti:, eh-: 'dhu 'bluhba-a' 'dlu-': jla 'da-',: yee' deh⧾-yor:: chehn-nyor:⧾: dao', mo-: 'dhu 'enjor-nyor⧾-'. :Ka: peli': dao', en-' dhih: ne-a, en mu-a: dha: due': po-eh, en 'ye-a 'yli: po-eh: 'de neh-', 'ka-: 'o eh mu: ne 'do 'bluhba-a' 'dlu-': jla 'da: ke. :Yee' 'do ti: dao' 'di, 'yu an 'da-dih-a Nyor-kpalu-a' 'yu-a mu or-a'a: 'enjor-nyor⧾: dbo, 'de on 'ye deh⧾-a' klehkpeh: en no-eh 'de nyor⧾-a no-a deh⧾-zon⧾-: 'dekorn: nyor⧾: on no-ih-a-: an mu 'de or-a'a: nyor⧾ wlu 'ken: korn-eh 'nyne-': za-eh:. :Yee' or-a'a: 'enjor-nyor⧾-a mu nyor⧾: dao' 'de neh-': po, 'do: dha 'vin-a'-: 'dekorn: 'nyne 'i: di-dih-eh-: en mu-a: ne. :Yee' 'yi 'sleh-nyor⧾-a mu: fan, 'de an-a' dhih-a' 'i 'beh-a' 'di,: ka 'yluh-a no-a fan-a', 'de on: Baa' Nyorsoa-a' nyor⧾ wlu 'ken: korn-eh 'zorn. Nyor: or 'ble-a: dou'⧾, 'nyi or 'worn-ih. :Yee' Nyorsoa-a' nyor⧾ wlu 'ken: korn-eh gweh bhaan-deh:: eh 'zile:-a 'de 'gle see. 'We-eh: due', 'yu: due', or-: 'tehn-eh dih, 'de or po-eh 'bluh ken: dele' ka.: Yee' 'mona: no-or 'gabaa. Eh-: no-eh, 'de or mu, or plo deh⧾-a' klehkpeh or: korn-a, 'de or dhen gle: dao'. :Yee': dele' ka, Nyorsoa-a' nyor⧾ wlu 'ken: korn-eh gweh: ka 'dhama:: dhen-nyor: due',: or 'bhorn-a 'dhama:: nmaa'e 'kwla⧾-' dih, or 'ye-or' dhen. 'We-eh: due', or 'ye 'dhama-yor-eh: due': eh 'kpa-a deh ken 'gabaa.: Yeh or 'ye-eh,: yee' or mu, or plo deh⧾-a' klehkpeh or: korn-a, 'de or dhen-eh. :Yee': dele' ka, Nyorsoa-a' nyor⧾ wlu 'ken: korn-eh gweh: ka sor, zimi: 'dba-nyor⧾-a po-a 'do yobo'-pehnu worn, 'de on kpon-a zimi: 'doror: 'dor. :Yee': yeh sor: dao', or 'yi-a,: yee' on jli-or', on ya-or 'o 'kpuhba' 'i. 'De on: dhe dih, an 'chleh zimi:: dao'-' dih, an po 'jeh ne 'de 'dhian 'di, 'de an po zon⧾ ne 'kwla. 'Ka-: 'o eh mu: ne, 'do 'bluhba-a' 'dlu-': jla 'da: ke. 'Enjor-nyor⧾-a mu 'de: yi, on 'ye deh⧾-zon:⧾: no-nyor⧾ 'for 'i po, 'de on 'ye 'yi 'sleh-nyor⧾ 'for 'i po, 'de on 'ye deh⧾-zon:⧾: no-nyor⧾ 'de neh-' po, 'do: dha 'vin-a'-: 'dekorn: 'nyne 'i: di-dih-eh-: en mu-a: ne. :Yee': Yusu' dhele: or-a'a: bo: na-nyor⧾-: dih, or 'dae:, A 'worn deh⧾: daa, en-' klehkpeh-: dih: e? 'De on 'da, Keen'. 'De or 'dae:, Eh: nmor-: 'yi. Deh no-eh, nyor⧾ 'tele': torne-nyor⧾-a' klehkpeh: on 'chean'-a Nyorsoa-a' nyor⧾ wlu 'ken: korn-eh, on gweh 'gbu: korn-nyor:,: or: za-a: 'de or-a'a: deh dih: dhe 'da, bhaan-deh:⧾: dele'-: 'dekorn: bhaan-deh:⧾ soa⧾-:. :Yee': yeh: Yusu'-a' 'dlan⧾: po-eh: jla-a,: yee' or 'wluh 'o: dha 'o, or mu 'de or 'bli: gwlor-'. 'Do: wor or: torne: nyor⧾ deh 'de an-a' 'di: gweh-dih-sla 'zorn. Eh-:: florn-dih-uh worn, 'de an no, Dha 'yu: daa, or: za: toror': daa-: 'dekorn: nyor⧾ 'di dih 'ma-dih-kpih:: daa: eh? Eh: se 'Joseh:: or no-a tu⧾: bha: koan, or-a'a: 'yu: e? Or 'de-a' 'nyne: se: Mehle': e? 'De eh: se 'Jeen-: 'Joseh-: Samor'-: 'dekorn:: Juda'-: on: se or-a' dei'-boi': e? Eh: se or-a' dei'-nynor⧾-kpao'⧾-a' klehkpeh, mo-: se dha: a bo: ne: e?: Yee' dha 'yu: daa, or 'chean'-dih: deh⧾-a' klehkpeh: daa: eh? :Yee' nyor⧾: ne-a 'de 'sla: dao' 'zorn, on: se-' or-a' dhih 'worn-dih:. Jorwor:: Yusu': wlu-' 'de on bo, or 'dae:, Nyor⧾ 'sluh⧾-a 'ye Nyorsoa-a' wele-eh:: po-nyor deh-' 'weh. Jorwor: nyor⧾: on: ne-a 'o or 'bli: gwlor-'-: 'dekorn: or 'bli 'gbu-: an-a' 'ye or deh-'. :Yee': Yusu': se-' deh⧾: kolu'⧾: dhulu' no 'do: dha 'o. Deh no-eh, on se dhih 'jeh-': po-eh 'ble 'do or bo. :Yee' 'do ti: dao' 'di,: Hehlo': or no-a nyor⧾ wlu 'ken: korn-nyor 'de: Galali'i-bluhba ken, or-: 'worn: Yusu'-a' 'nyne. 'De: Hehlo': wlu 'de or-a' 'jeh-a'a: bo: na-nyor⧾ bo, or 'dae:, Nyor⧾ 'ni 'dlu: po: Jororn': oo', or-: 'wluh 'de nma-dih-deh 'di. Eh-: no-eh, 'de or 'ble 'kpih, or no nyor⧾ 'di dih 'ma-dih-deh⧾ deh: dao'. Deh: korn-a dhih or 'da: ao', eh-: 'dhu. Or-a' 'jeh 'yor-eh: 'nyi nyor⧾ 'tele', 'de on kpon: Jororn', on san-or, 'de on po-or: kasue 'di see. Or no deh: daa 'weh, 'do: Hehlo'dia-a' dhih bo,: or: Hehlo': za-a or-a' dei' Felor' 'kwa. :Jororn' za-eh' 'weh: dee' see, 'de: Hehlo' bo, 'do kpor⧾: dhulu' 'di, or 'dae:, Eh se 'o: a-a'a: 'tele'-a': gwie 'i: ne, nyor 'ye or-a' 'de-di': yi-nyor 'nynor 'kwa: za. Eh-a' dhih,: Hehlo'-a 'bhorn or 'ye-or' 'dba, jorwor: or ple nyor⧾-a' 'yli. Deh no-eh, on 'duo:: Jororn'-' 'weh, or 'ye Nyorsoa-a' wele-eh:: po-nyor no. Jorwor: 'do: Hehlo'-a' 'wluh-dih-we-eh bo, 'do: wor: Hehlo'dia-a'a: 'nynor-kpao'-yu 'kpa-dih: 'o: gwlea, 'de or ye.: Yee' or 'pehn-dih:: Hehlo'-a': porluh-: dih 'gabaa. Eh-:: korn dhih, or po or-a' wlu: dhama'-', or: zlehn-dih: deh, or 'da or mu-or deh-beh-deh-beh: or mu-or 'yba-dih: 'nyi-:. :Yee' or 'de zela-or-:: gwluhuh' deh or 'ye-a' 'yba. Eh-: no-eh, 'de or 'da, 'Nyi 'on nyor⧾ 'ni 'dlu: po: Jororn'-a' 'dlu 'de 'pani' 'di. :Yeh 'keen 'worn-a deh: daa,: yee' or-a': porluh pa-': chehbe'. Jorwor:: ka or: zlehn-dih:-a-: 'dekorn: or 'bei' or 'da-a, an-a' dhih-: eh-: no-eh 'de or 'dhu nyor⧾ wlu worn, eh 'ye: no-eh:. 'De or dbo nyor⧾,: Jororn'-a' 'dlu 'ye 'o: chehn-eh: 'de: kasue 'di, 'de on po-uh 'de 'pani' 'di, on 'nyi-uh 'nynor-kpao'-yu, 'de or ya-uh 'de or 'de bo. 'De: Jororn'-a'a: bo: na-nyor⧾ 'yle, on 'duo: or-a' 'ku-', 'de on nma-dih-uh dih. 'De on mu, on zela:: Yusu': gwluhuh'. :Yee': yeh: Yusu' 'worn-a: Jororn'-a' 'meheh'-nyne,: yee' or 'wluh 'o: dha 'o 'weh, or kpa 'blagbe:, 'de or mu 'de: dha nyor se-a: ne, or 'ye kpor chehn. Jorwor:: yeh: gwlor-nyor:⧾: doru' 'worn-ih'-a,: yee' on 'wluh: gwlor⧾: nyene' 'di dih, an na 'bluhbor, an zi 'o or klei'. :Yeh or 'si-a 'bluhbor, or 'wluh-a 'de 'blagbe 'di,: yee' or: yeh-dih:: gwlor-nyor:⧾: doru' ken.: Yeh or 'ye-uh'-a,: yee' an-a': wehlih-a: no-or, 'de or 'puh-dih:: yuh 'ble-a puhba-deh⧾ 'de on 'klu-'. :Yeh glu-a gor-a,: yee' or-a'a: bo: na-nyor⧾ yi 'o or bo, on 'dae:, Dha: daa: a: ne-a, nyor se-a: ne, 'de mor ti zi-a: ke. Dbo: gwlor-nyor:⧾: doru': daa,: gwlor⧾: nyene' 'di dih, on 'ye dii-deh⧾ dhen 'do an-a' 'jeh bo. Jorwor:: Yusu': wlu-' 'de on bo, or 'dae:, On se: korn on 'ye mu. A: mor 'ye-uh' deh 'nyi on 'ye di. 'De on 'da, Deh: due': a 'ble-a dha mor, eh-: 'dhu, 'bhlee:: kpuan'⧾: mm'-: 'dekorn: zimi 'sororn'-:. 'De or 'da, A ya-ih 'noror 'on bo. 'De or zela: nyor⧾: gwluhuh' on 'ye-' dih dhele: 'do: peli' ken.: Yee' or 'duo: 'bhlee:: kpuan'⧾: mm'-: 'dekorn: zimi 'sororn': dao'-: 'weh, 'de or pobo: 'de yai', or po Nyorsoa-a' 'zio, 'de or: chehn-dih: 'bhlee:: kpuan'⧾: dao' dih, 'de or 'kwa. Or 'nyi-ih or-a'a: bo: na-nyor⧾, 'de on 'nyi-ih: gwlor-nyor:⧾: doru': dao'. 'De an-a' klehkpeh di deh, on dbo.: Yeh on gweh-a deh: di-eh 'i,: yee': yih: en: sie:-a 'o dih, or-a'a: bo: na-nyor⧾ po-a: dha: due', me-: 'yi: too'⧾-a': bhue: 'yor 'sororn'. Nyor⧾: on di-a deh, on 'beh-dih: on 'ye nyor⧾-kpalu⧾-a' 'wlu: mm' no. Jorwor: 'nynor⧾-: 'dekorn: 'nynuu:: nyene'-: on: se-': zlo-eh:. :Yee': yeh eh no: ao',: yee': Yusu' po 'de or-a'a: bo: na-nyor⧾ 'blagbe 'di, 'de or 'da, A mu 'on ybei' 'de: Galali'i-yobo'-pehnu-a' 'for: a 'wluh-a bo de.: Yeh an mu-a,: yee' or: sie: de, 'de or dbo nyor⧾: doru': dao' on 'bli deh⧾-' dih. :Yeh or dbo-uh-a on 'bli,: yee' or: due' mu 'de tluh ken, or 'ye 'de Nyorsoa bo: wlu.: Yeh glu gor-a,: yee' 'do: wor or: due': ne. :Yee': yeh eh no: ao',: yee' 'blagbe: tehn bo 'weh 'de 'ni ken. Yobo'-pehnu-a' 'duh⧾-a bla-uh-: 'i. Deh no-eh,: pobor'-a 'beh-dih-uh 'worn dih. :Yee' 'do: dha 'o zorn-a yi-dih-a: zen-dih: 'da, 'do: wor or na-dih 'ni ken dih, or mu 'de on bo. Jorwor:: yeh on 'ye-or, 'de or na-a 'ni ken dih,: yee': fano-a: no-uh 'gabaa, an po 'geh⧾, an no, 'Meheh'-nyor-a': zulu: 'o. Jorwor: 'do: dha: due': dao', or: wlu-' 'de on bo, or 'dae:, A: ku: gwluhuh'-'. 'Mor: oo'. A 'bor: fano-a': no-' a-uh. :Yee': Piteh' zela-or-:: gwluhuh', or 'dae:,: Gwlor: baa',: mor eh 'dhu: on mor-' deh 'jeh,: yee' 'da 'on, 'on 'ye 'ni ken dih: na, 'on 'ye 'de: on bo yi. 'De: Yusu' 'dae:, 'Yle.: Yee': Piteh' 'wluh 'de 'blagbe 'di 'weh, or 'si 'o 'ni ken dih, 'de or na-eh ken dih, or mu 'de: Yusu' bo. Jorwor:: yeh or 'ye-a: pobor'-a bla-or 'i,: yee': fano-a: no-or.: Yee' or-a' buh⧾-a pa-' 'de 'ni 'zorn, 'de or po 'geh, or 'da,: Gwlor: baa', 'puh-dih: 'on. :Yee' 'do: dha: due': dao',: yee': Yusu' slo or-a' son, 'de or kpon-or dih, or 'da,: Mor: or: korn-a dhih 'jeh-': po-eh se-a 'i 'beh.: Eh no 'de: an-a': porluh-a dhobo: eh? 'De on 'kpa 'de 'blagbe 'di, 'de: pobor' 'bor. :Yee': yuh: ne-a 'de eh 'di, an za or-a': weheh', an no, Dhih 'jeh,: mor Nyorsoa-a' 'Yu: oo'. :Yeh on 'dhan-a: Galali'i-yobo'-pehnu,: yee' on 'si 'bluhbor: 'do: gwlor an 'da-dih-a: Gehneh'sla. :Yeh nyor⧾: on 'ti-a 'o: dha 'o, on yubo-or 'i,: yee' on dbo wlu⧾ 'do 'for⧾-a' klehkpeh: dao' 'di dih, 'de on: ya 'de or bo puhba-nyor⧾-a' klehkpeh, on bale-or, or 'ye 'worn, puhba-nyor⧾ 'ye or-a'a:: gba 'vuu-a' 'mla-a' deh-beh dih 'tuh: sloror'. Nyor⧾-a' klehkpeh: on 'tuh-uh-a dih, an-a' klehkpeh 'puh-' 'tene': kpeen:. :Yee': Falasi'i-nyor⧾-: 'dekorn: nyor⧾ 'tele': torne-nyor⧾-:, mo-: 'wluh: Julu'slehn, 'de on yi 'de: Yusu' bo, on dhele-or-: dih, on 'da, :Eh: korn dhih 'de: an-a'a: bo: na-nyor⧾-a wa 'tele': a: bai'-a': bai': sie-dih-a:: a-uh ke: eh? An-a': dle kwa, 'de an di deh. 'De or: wlu 'de on bo, or 'dae:,: Eh: korn dhih 'de a wa Nyorsoa-a' 'tele' 'do a-a' 'tele'-a' deh-' 'ye-eh-a' dhih: ke: eh? Nyorsoa 'nyi: a 'tele', or 'dae:, 'Ye: on 'de-: 'dekorn:: on: baa'-: deh-'. 'De or: wlu: neheh', or 'dae:, Nyor: or 'jle-dih:-a or 'de-: 'dekorn: or: baa'-:: yee' or: korn or 'ye 'dba-eh:. Jorwor: a: mor: mloror', a 'da: mor nyor zela: or 'de-: 'dekorn: or: baa'-:: gwluhuh', or 'da, Deh a: korn a 'ye-a' 'ye, 'de 'on 'kwa: dee', a: se-eh' 'ye-: i, deh no-eh, eh: dhe-dih-eh: 'for 'i, 'do Nyorsoa bo. :Yee' a 'dae:,: Mor nyor no: ao',: yee' or se: korn or 'ye or: baa' deh: dao' 'nyi, 'do or-a' deh-' 'ye-eh bo. 'Do eh-a' dha, 'do a-a' 'tele'-a' deh-' 'ye-eh-a' dhih,: yee' a no-eh', Nyorsoa-a' wlu no 'plo. A: mor nyor⧾-a' 'yli 'ye-nyor:⧾: daa.: Azaya': se-eh' 'i zi 'do deh or: za-a-' 'do a 'bhun: dee' see, or po-a Nyorsoa-a' wele-eh:, or 'dae:, Nyor⧾: daa, an po 'on dhih bo 'do on worn 'i. Jorwor: an-a': porluh⧾ se 'noror 'on bo: ne. 'An: weheh' an za-a, deh 'plo: oo' an no. An torne nyor⧾ 'tele'⧾: en 'wluh-a 'de: gwlor-nyor⧾ 'worn, 'de on 'da en 'wluh 'de 'on bo. :Yee': yeh: Yusu' gweh-a: Falasi'i-nyor⧾-: 'dekorn: nyor⧾ 'tele': torne-nyor⧾-: an-a' bo: wlu-eh 'i,: yee' or 'da: gwlor-nyor:⧾: doru',: on: ne-a 'o 'weh, on 'ye 'de or bo yi, 'de or: wlu 'de on bo, or 'dae:, A: to: dou'⧾, 'de a 'ye 'an wlu-' dih 'worn o. Eh: se dii-deh:: eh mu-a 'de nyor 'worn, eh-: 'kor-dih-or 'do Nyorsoa ybei': deh. Jorwor: deh: eh 'wluh-a 'de nyor 'worn, eh-: 'kor-dih-or. :Yee' or-a'a: bo: na-nyor⧾ yi 'o or bo, 'de on 'dae:,: On yubo-eh': ka deh: daa: on: za-a-', eh 'si-a: Falasi'i-nyor⧾ 'i,: yeh on 'worn-ih'-a: e? 'De or zela-uh: gwluhuh', or 'dae:, 'Dhuu'-deh⧾-a' klehkpeh 'On-ba:: or: ne-a 'de yai', or se-a 'dhu, en mu 'tlun-eh:: due': due'. A-a' 'beh-dih:-' a-a': porluh⧾ 'worn dih 'do an-a' dhih bo. On no 'doror'-nyor:⧾: an na-dih-a nyor⧾.: Mor 'doror'-nyor: na-dih: 'doror'-nyor,: yee' an-a' klehkpeh, an mu 'de 'bie' 'di 'kpa-:. 'De: Piteh': wlu 'de or bo, or 'dae:,: Za 'dlan: daa gbor 'noror: a bo. 'De: Yusu' 'dae:, A: mor: ke, a 'see deh-' dih 'worn-eh: korn 'gboror:: e? A se-eh yubo: ke: e,: ka dii-deh: nyor di-a, eh mu-a 'de or 'di, 'de eh 'si-a 'zorn: e? Jorwor: deh⧾: en 'wluh-a 'de nyor 'worn, en 'wluh 'o or-a': porluh ken, me-: 'kor-dih-or 'do Nyorsoa ybei'. Deh no-eh, 'do nyor⧾-a': porluh⧾ ken, 'do: wor deh⧾-zon⧾-a': gwluhuh' dih: na-dih-eh 'wluh, eh-: no-eh 'de nyor⧾-a 'dba nyor⧾, an no 'nyne: zaan', 'de an korn 'tmeor⧾, an 'yli, an 'dhu-dih nyor⧾ dhih ken dih, 'de an za-dih nyor⧾ deh⧾-zon⧾ 'bhun dih. Deh⧾: daa, me-: 'kor-dih nyor⧾ 'do Nyorsoa ybei'. Jorwor:: mor nyor di deh, 'de or 'ye: ao', or se kwa: dle,: yee' eh: se-or' 'kor-dih: i 'do Nyorsoa ybei'. :Yee': Yusu' 'wluh 'o: dha 'o 'weh, or mu 'de 'bluhba-a' 'for⧾ 'Taya-gwlor-: 'dekorn: 'Saedorn-gwlor-: en: ne-a ken. :Yee' 'Keneh-nynor: due': or 'ti-a 'o: dha 'o, or-: yi 'o or bo, or-: po 'geh⧾,: or no,: Gwlor: baa',: Debe'-a' 'yu, 'ye 'an: wehlih. 'An-a: 'yu-nynor-kpao' 'ble 'kwla 'ye-dih-deh 'do or 'de, 'de or 'ye or-a' 'jeh worn 'gabaa. Jorwor:: Yusu': se-': wlu 'de or bo.: Yeh 'nynor: dao', or bale-or: balee:,: yee': Yusu'-a'a: bo: na-nyor⧾ yi 'o or bo, on 'dae:,: On: korn 'gen, dbo-or de. Deh no-eh, or po: zleh 'do: a klei'. :Yee' or zela: 'nynor: dao': gwluhuh', or 'dae:, Nyorsoa dbo 'on 'klein', 'de 'Ezlea-nyor⧾: on gweh-a 'blae'⧾: en 'ma-a bo. :Yee' 'nynor yi-: 'de, 'de or 'jli dih 'do or 'zorn, or 'dae:,: Gwlor: baa',: za-dih: 'on-', 'nyi 'on. 'De: Yusu': wlu 'de or bo, or 'dae:, Eh se 'yi dih: nmor nyor 'ye 'nynuu-a' dii-deh⧾-' 'duo:, 'de or 'ye-ih gbe⧾ 'nyi. :Yeh or 'da: ao',: yee' 'nynor 'dae:, Keen': mloror',: Gwlor: baa', jorwor: gbe⧾-a' 'jeh, en di deh⧾-a': pibi': en kele-a 'o en-' nyor⧾: klaba'⧾-a'a: 'tebo⧾ ken dih 'weh. 'De: Yusu' 'dae:,: Mor 'nynor: daa.: An-a' Nyorsoa-a' dhih 'jeh-': po-eh 'beh-: 'i 'gabaa. Deh: an 'bhorn-a: eh 'ye-a': no-eh: 'do: on bo, 'nyi eh: no-eh:.: Yee' 'do: dha: due': dao', 'do: wor or-a'a: 'yu 'puh-dih:. :Yeh: Yusu' 'wluh-a 'o: dha 'o,: yee' or na-dih: Galali'i-yobo'-pehnu worn dih, or mu 'de tluh 'dlu, 'de or: dhe dih. :Yee': gwlor-nyor:⧾: doru', mo-: yi 'o or bo,: an ya 'de: kloror-nyor⧾-: 'doror'-nyor⧾-:: nea-nyor⧾-: 'bobo'⧾-: 'dekorn: puhba-nyor:⧾: dhulu': noo'-:. On 'pehn-dih-uh dih 'do or ybei', 'de or 'puh-dih-uh. :Yeh on 'ye-a: ka 'bobo'⧾-a wlu-a, 'de: nea-nyor⧾-a 'puh-a, 'de: kloror-nyor⧾-a na-a, 'de 'doror'-nyor⧾-a 'ye-a dih,: yee' an-a': porluh⧾ 'ma-'. 'De an po 'Ezlea-nyor⧾-a' Nyorsoa-a' 'nyne ya. :Yee': Yusu' 'da or-a'a: bo: na-nyor⧾ 'weh 'do or bo, 'de or 'dae:,: Gwlor-nyor:⧾: doru': daa, an-a': wehlih-a: no 'on. An-a' 'we taan 'zean' dha 'on bo, 'de an-a'a: dii-deh⧾: gweh. 'On: se-' 'bhorn 'on 'ye-uh' on 'bli deh⧾-' dih dbo,: mor 'moeh 'si 'de on 'di, on: ne-': gwluhuh'-' dih 'kpuhba:: gwie⧾ bo dih. 'De on dhele-or dih, on 'dae:, Dha: a mu 'bhlee: za 'noror: bhehneh'-bluhba:: daa ken,: a 'ye nyor⧾: doru': daa 'nyi: eh? 'De or dhele-uh dih, or 'da, 'Bhlee:: kpuan'⧾ dhie a 'ble: eh? De on 'dae:, En: meheh' 'sorn: oo', 'dekorn: zimi:: nyene'-kpor-bei-:. 'De or zela: nyor⧾: doru': dao': gwluhuh' on 'ye dih: dhe 'do 'bluhbor. :Yee' or 'duo: 'bhlee:: kpuan'⧾: meheh' 'sorn-: 'dekorn: zimi:: dao'-: 'weh, 'de or po Nyorsoa-a' 'zio, 'de or: chehn-dih-ih dih 'de or 'kwa, or 'nyi-ih or-a'a: bo: na-nyor⧾, 'de on 'nyi-ih: gwlor-nyor:⧾: doru': dao'. 'De an-a' klehkpeh di deh, on dbo.: Yeh on gweh-a deh: di-eh 'i,: yee': yih: sie:-a 'o dih, or-a'a: bo: na-nyor⧾ po-a: dha: due', me-: 'yi: too'⧾: meheh' 'sorn. Nyor⧾: on di-a deh, nyor⧾-kpalu⧾-a' 'wlu: nyieh: ne 'de on 'nyne-'. Jorwor: 'nynor⧾-: 'dekorn: 'nynuu:: nyene'-: on: se-': zlo-eh:. :Yee': Yusu' dbo nyor⧾: doru': dao' on 'bli deh⧾-' dih. 'De or 'kpa 'de 'blagbe 'di, or mu 'de 'bluhba-a' 'for: or 'koan'-dih:-a 'Magana-gwlor dih. :Yee': Falasi'i-nyor⧾-: 'dekorn:: Sayusi'i-nyor⧾-: mo-: yi 'de: Yusu' bo, on yi-or dih 'dhen 'da, 'de on dhele-or dih or 'ye-uh' 'yi: to-dih-deh 'i: to-dih:: eh beh or-a' 'kpih 'wluh 'de Nyorsoa bo yai' deh 'jeh: eh?. Jorwor: or zela-uh-:: gwluhuh', or 'da,: Mor 'yluh: taa 'nior 'kpa,: yee' a 'da, 'De yai'-a mu 'yi dih: nmor: glaa'e o, deh no-eh, 'de yai': ne 'zoo. :Yee': mor zorn bo 'dhu,: yee' a 'da, 'Ni-a mu: dba 'zean' o, deh no-eh, 'de yai' zani-', 'de: kpe dih. A yubo: 'de yai'-a' dih bo zela-eh 'weh. Jorwor: a se deh⧾: en mu-a 'dlu bo: naa, en-' bo dih zela-eh 'beh-dih:. :Kana-nyor:⧾: daa,: on no-a deh⧾-zon:⧾: no-nyor⧾, 'de: an-a' no-a: dhehehn-deh⧾ 'do Nyorsoa bo, an 'bhorn 'yi: to-dih-deh:. Jorwor: 'yi: to-dih-deh: due' an mu-a 'ye-: 'klein', eh-: 'dhu, Nyorsoa-a' wele-eh:: po-nyor:: Jona'-a' 'yi: to-dih-deh-'.: Yeh or 'da: ao',: yee' or 'wluh 'o on bo 'weh, 'de or mu. :Yee': Yusu'-: 'dekorn: or-a'a: bo: na-nyor⧾-: on 'dhan: Galali'i-yobo'-pehnu 'weh.: Yeh an mu-a,: yee' on 'ma-dih: bo on 'ye 'bhlee kpa. :Yee' or zela-uh-:: gwluhuh', or 'dae:, A 'wla: gwluhuh' dih, a 'dhu a-a' 'jeh: dhororn', 'do: Falasi'i-nyor⧾-: 'dekorn:: Sayusi'i-nyor⧾-: an-a' deh⧾: en 'vu-dih-a 'bhlee, en: ne-' a 'kor-dih: o. :Yee' an polo dhih 'de an-a' 'jeh 'nyne-', an no,: A: se 'de 'bhlee: ya: dhih 'o, eh-:: korn dhih or 'da: ao'. Jorwor:: ka or yubo-eh 'i,: yee' or dhele-uh-: dih, or 'dae:,: Eh no 'de a polo dhih 'de a-a' 'jeh 'nyne-': ka a se-a 'bhlee 'ble, eh-a' dhih: eh? A: mor: gwlor-nyor:⧾: on: korn-a dhih 'jeh-': po-eh se-a 'i 'beh. A 'see-eh-' dih 'worn 'gboror:: e? 'Bhlee:: kpuan'⧾: mm' 'do nyor⧾-kpalu⧾-a' 'wlu: mm' bo, 'dekorn: en-': too'⧾ a po-a: dha: due', a 'see-eh: gwluhuh' bo po-dih: e? :Ae' 'bhlee:: kpuan'⧾: meheh' 'sorn 'do nyor⧾-kpalu⧾-a' 'wlu: nyieh bo, 'dekorn: en-': too'⧾ a po-a: dha: due', a 'see-eh: gwluhuh' bo po-dih: e? :Kaa eh no 'de a 'see-eh dih 'worn 'gboror:: eh,: ka 'on se-a 'bhlee-a' dhih-': za? Jorwor: a 'dhu a-a' 'jeh: dhororn',: Falasi'i-nyor⧾-: 'dekorn:: Sayusi'i-nyor⧾-: an-a' deh⧾: en 'vu-dih-a 'bhlee, en: ne-' a 'kor-dih: o. :Yeh or 'da: ao',: yee' on 'worn-eh-: dih: ka or se-uh-a: gwluhuh' zela: on 'ye-a' an-a' 'jeh: dhororn' 'dhu 'do deh⧾: en 'vu-dih-a 'bhlee, jorwor: on 'ye-a' an-a' 'jeh: dhororn' 'dhu 'do: Falasi'i-nyor⧾-: 'dekorn:: Sayusi'i-nyor⧾-: an-a' nyor⧾ deh: torne-eh bo. :Yee': Yusu' mu 'de 'bluhba-a' 'for: or 'koan'-dih:-a 'Sehsali'a:: Fele'pa-gwlor ken dih, 'do: wor or dhele: or-a'a: bo: na-nyor⧾ dih, or 'dae:,: Kaa: gwlor-nyor⧾-a 'da 'yu an 'da-dih-a Nyor-kpalu-a' 'yu: eh? 'De on 'da, Nyor⧾: noo' 'da: mor nyor⧾ 'ni 'dlu: po: Jororn': oo'.: Noo' 'da,: mor: Ila'yor: 'o. 'De: noo' 'da,: mor: Jehlimaya'-:: eh beh-Nyorsoa-a' wele-eh:: po-nyor⧾-a' nyor: due': oo' 'bla. 'De or 'dae:,: A 'worn 'de a bo: ke.: Kaa a 'da 'an dhih: eh? 'De Samor': Piteh' 'dae:,: Mor 'kmo: ne-Nyorsoa-a' 'Yu: oo', or 'tan-a. 'De: Yusu' zela-or: gwluhuh', or 'dae:,: Bhorlie' 'do: on bo, Samor',: Jona'-a' 'yu. Deh no-eh,: gwlor-nyor⧾: se-': on deh: daa: torne:. Jorwor: 'On-ba:: or: ne-a 'de yai', or-:: torne-eh: on. 'De 'an zela: on: gwluhuh',: mor: Piteh': oo',: eh: bleh-dih:-a 'i sobu', 'de 'do 'soba:: daa ken, 'do: wor 'an mu 'an-a: 'chore: po-dih:. 'De 'meh-a' 'kpih: sloror', en: se-' an-a' ya: gba-eh 'beh-dih: i. 'An mu: on Nyorsoa-a' nyor⧾ wlu 'ken: korn-eh-a': koeh'eh 'nyi-:, 'de deh-beh:: on se-a ken dih 'worn-dih: dha yao 'zorn, eh: se-' ken dih 'worn-dih-eh: i 'de Nyorsoa 'bli yai'. 'De deh-beh:: on: za-a wlu 'ken dha yao 'zorn, eh mu wlu 'ken: za-eh:: ke 'de Nyorsoa 'bli yai'. :Yee' or 'dhu or-a'a: bo: na-nyor⧾ 'slen deh 'jeh, on: ne-' nyor-beh: gwluhuh' zela:: ka or 'dhu-a Nyorsoa-a' 'taan'-yu-'. :Eh 'wluh-a 'o ti: dao' 'di,: yee': Yusu' 'kpa 'o or-a'a: bo: na-nyor⧾-a': gwluhuh' zela: 'da 'weh,: ka or: korn-a or 'ye-a': Julu'slehn mu, or 'ye-a' deh⧾: doru'-a 'kle 'ye: gbor: gbor, 'de 'bluhba:: korn-nyor⧾-: Nyorsoa-a' 'slaa:: za-nyor:⧾: klaba'⧾-: 'dekorn: nyor⧾ 'tele': torne-nyor⧾-: 'kwa. An mu-or 'dba-:,: yee' 'do 'we-eh-a' taan neh 'di, Nyorsoa-a mu-or 'de: za. 'De: Piteh' 'da-or 'do 'for 'i, 'de or 'kpa 'o or-a' 'borboa' 'i: po 'da, or 'da,: Dhan dhluma:, Nyorsoa: kafi'na,: Gwlor: baa', deh: daa, eh se 'beh-dih: eh 'ye: no-eh: 'do: on bo,: ka ti-a mu-a 'dlu-': tehn. Jorwor:: Yusu' 'bili:-'-: dih, 'de or: wlu 'de: Piteh' bo, or 'dae:, 'Wluh: daa 'on bo, 'ku.: An kan-dih 'on: gwie:. Deh no-eh,: on se 'de Nyorsoa-a' 'for bo: ne. Jorwor:: on: ne 'de: gwlor-nyor⧾-a' 'for bo. :Yee' or zela: or-a'a: bo: na-nyor⧾-:: gwluhuh', or 'dae:, Nyor: or 'bhorn-a: or 'ye-a' 'o 'on klei' zi,: yee' 'nyi or 'ma-dih: or-a' 'jeh-a' dhih bo. 'Nyi or 'duo: or-a'a: 'kle 'ye-eh-a' 'klorse tu-', or 'ye 'o 'on klei' zi. Nyor: or 'bhorn-a: or 'ye-a' or-a': febeh' dih dhe,: yee' or mu-eh 'ma-dih:. Jorwor: nyor: or 'ma-dih:-a or-a': febeh' 'do 'an dhih bo,: yee' eh-a' dih: dhe-eh: 'o or no. :Mor nyor 'ble 'bluhba-a' klehkpeh, 'de or-a': febeh' 'ye gbe: zie:,: yee' deh 'i-deh: eh mu-or 'o: po: eh? 'De mor,: mor nyor-a': febeh' 'ma, deh or 'ye-a' plo 'de or 'ye-eh' deka 'ye, eh se: ne. :Yee' 'yu an 'da-dih-a Nyor-kpalu-a' 'yu-a mu 'de: yi, 'de or: Baa'-a' dhih-a' 'i 'beh-a' 'di, or-: or-a'a: 'enjor-nyor⧾-:.: Mor or 'yle,: yee' or mu nyor⧾-a' klehkpeh geli': za 'do noo-deh:⧾ on no-a bo. Dhih 'jeh, 'an zela a: gwluhuh', nyor⧾: noo', mo-:: nyna dih dha: a 'nyne-', mo-:: se-' 'meh-: i, 'de on 'ye 'yu an 'da-dih-a Nyor-kpalu-a' 'yu 'ye, or 'ye 'de yi, 'de or 'ye nyor⧾ wlu 'ken: korn. :Yee': yeh 'we: meheh'lo zi-a,: yee': Yusu' 'duo:: Piteh'-: 'Jeen-: 'dekorn: 'Jeen-a' dei': Jororn'-: 'weh, 'de or kpa-uh 'de tluh: dhorno' ken, on 'ye kpor chehn. :Yeh an pobo-a 'o,: yee' or-a' yau: za-dih:-', 'de or-a' 'yuba-a fan,: ka 'yluh-a no-a fan-a', 'de 'tiei: or pa-a-', en: za-dih:: ke, en: ne: bhoror:: ka zorn-pli: ne-a. 'Yli: a bla-a 'i,: yee' on 'ye: Mose'-: 'dekorn:: Ila'yor-: mo-:: an wlu 'de or bo. 'De: Piteh': wlu 'de or bo, or 'dae:,: Gwlor: baa', eh: nmor-: 'yi, 'de: a: ne dha.: Mor: on: taa-eh 'bhorn,: yee' 'an mu gbe: dhe dih: gbalie⧾ taan: po dha mor,: due' 'do: on bo,: due' 'do: Mose' bo,: due' 'do: Ila'yor bo. :Yeh: Piteh' 'si-a 'o: wlu 'da,: yee' 'yli: a bla-a 'i, yao-pli:: en fan-a, me-: 'jli-uh 'dlu. 'De yao-pli:: dao' 'di, 'do: wor wlu 'wluh, on 'dae:, 'An-a:: dhih: kma-yu: 'o, or-:: dhe dih. 'An: porluh 'pehn-: dih 'do or bo. A: to or-a' wlu: dou'⧾ bo. :Yeh or-a'a: bo: na-nyor⧾ 'worn-a wlu: daa,: yee': fano-a: no-uh, 'de on slo an-a' 'jeh, on 'jli dih 'do 'bluhbor. Jorwor:: Yusu' yi 'o on bo, 'de or 'tuh-uh dih, or 'dae:, A: sorn-', a mu yai'. A 'bor: fano:: ple-eh. :Yeh on 'duo:-a 'dlu⧾ ya-', an pobo-a 'o,: yee' on: se-' nyor: noror' 'ye. Jorwor:: Yusu': due', or-: on 'ye. :Yeh an 'dhle-a tluh,: yee' or dhe-uh 'tele' 'i, or 'dae:, A-a' zela:-' nyor-beh: gwluhuh' deh a 'ye-a kele'a: o.: Mor 'yu an 'da-dih-a Nyor-kpalu-a' 'yu 'meh, 'de or 'ye 'de nma-dih-deh 'di 'wluh, 'de a 'ye-eh' nyor⧾: gwluhuh' zela: 'o. 'De on dhele-or dih, on 'da,: Eh: korn dhih 'de nyor⧾ 'tele': torne-nyor⧾ 'da: Ila'yor:, or-:: korn: or 'ye 'de yi: zai': eh? 'De or zela-uh: gwluhuh', or 'da,: Ila'yor: korn or 'ye 'de yi, 'de or 'ye deh⧾-a' klehkpeh 'kpa po. Jorwor: 'nyi 'on zela: a: gwluhuh',: Ila'yor 'yle: weh, jorwor: on se-or 'i yubo:, 'de deh an 'bhorn-a on 'ye-or': no-dih:, 'de on: no-dih-eh or. 'Ka: wor 'yu an 'da-dih-a Nyor-kpalu-a' 'yu-a mu or-a' 'jeh-a' worn 'ye-eh: no: ke, 'de on 'kwa. :Yee' or-a'a: bo: na-nyor⧾ 'worn-eh-: dih: ka eh 'dhu-a nyor⧾ 'ni 'dlu: po: Jororn'-a' dhih-' or za-a-' 'de on bo. :Yee': Yusu'-: 'dekorn: or-a'a: bo: na-nyor⧾-a' nyor⧾ taan: dao'-: mo-: yi 'o nyor⧾: doru': on: ne-a 'o tluh 'zorn bo.: Yeh on nyni-a 'o,: yee' nyor-kpalu: due', or-: yi 'o: Yusu' bo, or-: 'jli dih 'do or 'zorn, or 'dae:,: Gwlor: baa', 'ye 'an-a: nyor-kpalu-yu-a': wehlih, 'nyi 'on. Or 'ble 'dbaa'-deh:, eh-: no-or 'suh, 'de or 'ye or-a' 'jeh worn 'gabaa. Deh no-eh, ti: dhulu' or 'ga-: dih 'de 'yli deh⧾-' dih-: 'dekorn: 'de 'nior-:. 'On kpa-or 'o: an-a'a: bo: na-nyor⧾ bo 'weh. Jorwor: on se or-a' 'puh-dih-eh 'beh-dih:. 'De: Yusu': wlu 'de on bo, or 'dae:, A: mor: kana-nyor:⧾: daa: or se-a dhih 'jeh-': po-eh 'ble, 'de: or: korn-a noo-deh:⧾ se-a 'i 'sleh, ti dhie 'on 'ye dha a bo no: eh?: Kaa 'on 'ye: porluh-a' 'yi 'dba-eh no 'do a bo: eh? A: ya 'de 'yu: daa 'noror 'on bo. 'De on kpa-or 'de or bo. :Yee': Yusu' 'nyi 'kwla 'ye-dih-deh 'tele', eh 'ye 'o 'yu 'de 'wluh. 'De eh 'wluh 'o or 'de.: Yee' 'do: dha: due' 'jeh: dao', or 'puh-'. :Yee': Yusu'-a'a: bo: na-nyor⧾ yi 'o or bo 'de 'slan-', on dhele-or-: dih, on 'dae:,: Eh: korn dhih 'de: a se 'kpih 'ble 'do 'yu: dao' or-a' 'kwla 'ye-dih-deh 'de: za-eh bo: eh? 'De or zela-uh: gwluhuh', or 'da, A se eh-a' no-a' 'beh-dih:, deh no-eh, a-a' dhih 'jeh-': po-eh se 'i 'beh. Dhih 'jeh, 'an zela a: gwluhuh',: mor a-a' dhih 'jeh-': po-eh: ne: zlaan'-a' 'yor-eh: sloror' 'beh-dih:,: yee' a 'beh-dih:: wlu 'de tluh: daa bo 'weh,: mor a 'da, Mu, 'wluh 'o: dha: on: ne-a, 'de: on 'ye 'do: dao' mu,: yee' an mu 'o 'wluh-:.: Yee' deh⧾-a' klehkpeh 'beh-dih: en 'ye: no-eh: 'do a bo. [ 'De mor Nyorsoa bo: wlu-eh-: 'dekorn: 'suehn-': pa-eh-: en: due', me-: 'beh-dih:: en 'ye nyor⧾ 'kwla 'ye-dih-deh⧾-a': yih: dao' nyor⧾ 'de: za.] :Yee': Yusu'-a'a: bo: na-nyor⧾-a' klehkpeh 'kpa: dha: due' 'de: Galali'i-bluhba ken. 'Do: wor: Yusu' zela-uh: gwluhuh', or 'dae:, An yi 'yu an 'da-dih-a Nyor-kpalu-a' 'yu: plo 'da, 'de: gwlor-nyor⧾ bo. An mu-or 'dba-:.: Yee' 'do 'we-eh-a' taan neh 'di, Nyorsoa-a mu-or 'de: za.: Yeh or-a'a: bo: na-nyor⧾ 'worn-ih'-a,: yee' an-a': porluh⧾ 'kpa-: 'zorn 'gabaa. :Yee': Yusu'-: 'dekorn: or-a'a: bo: na-nyor⧾-: on mu: Kapa'nior-gwlor-', 'do: wor Nyorsoa-a' 'sla-a' 'taa-deh:⧾: za-nyor⧾: yi-dih: 'o: Piteh' bo, 'de on dhele-or dih, on 'dae:, A-a'a: nyor⧾ deh: torne-nyor:, or-a': za Nyorsoa-a' 'sla-a' 'taa-deh⧾: e? 'De: Piteh' 'dae:, 'Kei:, or za-ih' o.: Yee': yeh: Piteh' 'wluh-a 'o: dha 'o,: yee' or mu 'de 'gbu.: Yeh or pa-a,: yee': Yusu', or-: no: zai'-nyor,: or dhele-or dih, or 'dae:, Samor',: kaa: an-a': porluh no eh-a' 'ye-a': eh? Deh 'i-deh-nyor:: or: korn: or 'ye 'taa-deh⧾: za 'do 'keen-boi': on: ne-a dha 'bluhba ken bo: eh? An-a' 'nynuu: e?: Ae' nyor⧾ 'sluh⧾? 'De: Piteh' 'dae:, Nyor⧾ 'sluh⧾: oo'. 'De: Yusu' 'da, Eh: oo'.: Yee' 'do eh-a' dha, an-a'a: 'nynuu se: korn on 'ye 'taa-deh:⧾: za 'da. Jorwor: nyor⧾: daa, on: ne-' deh⧾-zon⧾: gwluhuh' dih: na-dih: 'do: a 'bhun, mu 'de yobo'-pehnu worn 'i,: on 'ye: koeh'eh po.: Yee': zai'-zimi-eh:: an mu-a 'fla-:,: yee' kan-dih: eh-a' worn 'i, 'do: wor: an mu 'wlii-eh 'ye-dih:. 'Duo-eh, 'de: on 'ye-eh' kpa 'de 'taa-deh:⧾: za-nyor⧾ bo, 'do mor-: 'dekorn: 'mor-:: a-a'a: Nyorsoa-a' 'sla-a' 'taa-deh⧾ bo. :Yee' 'do ti: dao' 'di, 'do: wor: Yusu'-a'a: bo: na-nyor⧾: yi-dih: 'o or bo. 'De on dhele-or dih, on 'dae:,: Or no nyor: klaba' 'do Nyorsoa-a' nyor⧾ wlu 'ken: korn-eh 'zorn: eh? 'De: Yusu' 'da 'yu-yu-beh: due' 'de or bo. 'De or dhe-or dih 'do an-a' gwea, 'de or 'dae:, Dhih 'jeh, 'an zela a: gwluhuh',: mor a se-' dih 'bili:, a se 'nynuu:: nyene' gweh,: yee' a 'se 'ba 'de Nyorsoa-a' nyor⧾ wlu 'ken: korn-eh 'zorn pa. Nyor: or ya-a or-a' 'jeh ya,: ka 'yu-yu:: daa or: ne-a, or-: 'dhu nyor: klaba'-' 'de nyor⧾: on: ne-a 'de Nyorsoa-a' nyor⧾ wlu 'ken: korn-eh 'zorn 'klu-'. :Yee' nyor: or kpon-a 'yu-yu dih, 'de 'an 'nyne 'di,: ka: yor: daa or: ne-a,: yee' nyor: dao', 'mor-: 'o or kpon dih. Jorwor: nyor-beh-nyor-beh:: or mu-eh: no, 'de 'nynuu:: nyene': daa: on po-a 'an dhih dhih 'jeh-', on 'ye-a' 'o: gwie: 'jeh 'i 'wluh, 'de on 'ye-a': gwie-zon kpa,: yee' eh mu 'yi dih: nmor 'do nyor: dao', sobu': klaba' 'ye 'o or: gwlii': san-dih-eh:, 'de or 'ye 'o yobo'-a': wloo': po-eh:, 'de or 'ye 'meh. 'Chlo dha yao 'zorn-a' klehkpeh bo, 'do deh⧾: dhulu': en no-eh, 'de nyor⧾-a no-a deh⧾-zon⧾. Deh⧾: daa, en: korn en 'ye 'de yi. Jorwor: 'chlo 'do nyor: dao', en mu-a-': yi-dih: bo. :Yee': mor eh 'dhu,: an-a' son-:: eh beh: an-a' buh-: no-eh, 'de: on 'ye deh-zon no,: yee' chehn-uh 'o,: on 'ye-uh' 'kwla po. Eh: nmor-: 'yi: on 'ye: nea:, 'de mor: on 'ye: klor, 'de: on 'ye 'de Nyorsoa 'bli yai' mu,: eh: zi 'o 'ble son⧾ 'sororn'-: buh⧾ 'sororn'-: 'de: on 'ye 'de 'kmo: sie: neh-': po-eh:. 'De: mor: an-a' 'yli-eh no-eh, 'de: on 'ye deh-zon no,: yee' za-eh 'de,: on 'ye-eh' 'kwla po. Eh: nmor-: 'yi: on 'ye 'yli-eh: due' 'ble, 'de: on 'ye 'de Nyorsoa 'bli yai' mu,: eh: zi 'o: on 'ye 'yli 'sororn' 'ble, 'de: on 'ye 'de 'ku 'bli-neh-': po-eh:. A 'dhu a-a' 'jeh: dhororn', a: ne-' 'nynuu:: daa an-a' nyor: due': vlehn. Deh no-eh, 'an zela a: gwluhuh': ka 'enjor-nyor:⧾: on: ne-a 'de Nyorsoa 'bli yai',: on: korn-a 'de on bo,: an 'dhu-uh-a 'yli-eh bo, mo-:: an pobo 'On-ba:: or: ne-a 'de yai' or-a' 'yuba: ya, ti-a' klehkpeh bo. [ :Yee': Yusu' 'dae:, 'Yu an 'da-dih-a Nyor-kpalu-a' 'yu yi-: 'de, or 'ye nyor⧾: on 'ma-a 'puh-dih:.] :Yee': Yusu'-a kpa or-a' wlu 'dlu bo, or 'dae:,: Kaa a-a': porluh⧾ no eh-a' 'ye-a': eh?: Mor eh 'dhu, nyor-kpalu: due' 'ble 'blae'⧾-a': kehehn': due', 'de: due' 'ye 'o 'wluh, eh 'ye 'ma.: Mor eh: ne: ao',: yee' or: se 'o 'blae'⧾: dao': en: korn-a: kwlaa: meheh': nyieh 'yor: ne-a: meheh': nyieh 'do tluh ken: sie: i, 'de or 'ye: yeh: eh 'ma-a 'bhorn 'da mu: e? :Yee': mor or 'ye-eh, dhih 'jeh, 'an zela a: gwluhuh', 'mona-a': yor or 'kpa-a 'do eh bo, eh: zi 'o: kwlaa: meheh': nyieh 'yor: meheh': nyieh: dao': en se-a 'ma-' 'weh. 'Ka-: 'o: kpeheh: a: Baa': or: ne-a 'de yai', or-a' dhih: ne. Or: se-' 'bhorn 'nynuu:: nyene': daa: sloror', an-a' nyor: due'-beh 'ye 'ma. :Yee': mor eh 'dhu,: an-a' 'de-di' no: on deh-zon 'bhun,: yee' zela-or deh-zon: or no-a, eh-a' dhih or: gwluhuh'. Jorwor:: an-a': no-dih-eh: 'o nyor⧾ 'nyne-', or-: mor-: a: ne 'sororn' gbai.: Mor or: to: on: dou'⧾ bo,: yee': on ya-or 'o: dhehehn-gwie 'i 'weh. Jorwor:: mor or se: an-a' wlu: dou'⧾ bo: to,: yee' kpa nyor: due', nyor⧾ 'sororn', 'de on 'ye: an-a' dhih-a' klehkpeh bo zela-nyor⧾ no,: ka Nyorsoa-a' 'chlee-deh 'da-a. :Yee': mor eh 'dhu,: mor or se nyor⧾: dao', an-a' wlu: dou'⧾ bo: to,: yee' zela: dhih: daa 'chore-nyor⧾: gwluhuh'.: Yee': mor eh 'dhu,: mor or se 'chore-nyor:⧾: sloror': dou'⧾ bo: to,: yee' or: ne 'de a 'nyne-' 'suh, or 'ye: dou': dhe 'dlu 'bhun-nyor no.: Yee': ka nyor⧾-a no-a se Nyorsoa yubo-nyor⧾-: 'dekorn: nyor⧾ nyor⧾-a za-dih-a 'taa-deh⧾ bo, an-a' dhih-:: yee' 'ka: wor: on 'ye or-a' dhih no. Dhih 'jeh, 'an zela a: gwluhuh', deh-beh: a se-a 'ken dih 'worn-dih: dha yao 'zorn, eh: se-' ken dih 'worn-dih-eh: i 'de Nyorsoa 'bli yai'. 'De deh-beh: a: za-a wlu 'ken dha yao 'zorn, eh mu wlu 'ken: za-eh:: ke 'de Nyorsoa 'bli yai'. 'De 'an zela a: gwluhuh': neheh',: mor eh 'dhu a-a' nyor⧾ 'sororn' 'worn-dih: deh-beh-a' dhih ken dih dha yao 'zorn, 'de on 'ye-eh' 'On-ba:: or: ne-a 'de yai' 'yba-dih:,: yee' or mu-eh: no 'do on bo. Deh no-eh,: dha-beh: nyor⧾ 'sororn', nyor⧾ taan, on: gweh-dih:-a: dha: due', 'de 'an 'nyne 'di, 'do: wor 'on: ne 'do on 'nyne-'. :Yee': Piteh' yi 'o: Yusu' bo, 'de or dhele-or dih, or 'dae:,: Gwlor: baa',: mor eh 'dhu 'an 'de-di': taa 'on deh-zon 'bhun no 'do ti-a' klehkpeh bo,: yee' kpor⧾ dhie 'on 'ye en-' dhih bo 'ma-dih:: eh? Kpor⧾: meheh' 'sorn: e? 'De: Yusu': wlu 'de or bo, or 'dae:, 'An zela:: on: gwluhuh', eh: se kpor⧾: meheh' 'sorn, jorwor: kpor⧾-a': kwlaa: meheh' 'sorn-a' 'dlu⧾ kpor⧾: meheh' 'sorn. 'Do eh-a' dha, Nyorsoa-a' nyor⧾ wlu 'ken: korn-eh gweh 'keen: due'-a' deh,: or 'bhorn-a: or 'ye-eh' yubo:: ka or-a'a: 'bhoi-nynuu-a no-a 'wlii: or 'nyi-uh'-a, en-' plo-a'. :Yee': yeh or 'dhu-eh glu,: yee' on ya-or 'yu: due': or 'ble-a or-a' 'sebla-wlii-a' zlo: zloo: pa 'o: pebeh'-', jorwor: or se 'wlii 'ble or 'ye or-a' kpa: za. 'Do eh-a' dha, 'keen 'nyi or-a'a: nyor⧾ 'tele' on 'ye-or' plo, or-: or-a'a: 'nynor-: or-a'a: 'nynuu-: 'dekorn: or-a'a:: kororn-deh⧾-a' klehkpeh-: 'de kpa: dao', or-a' dhih 'ye: jla. 'De 'bhoi-yu:: dao', or 'jli dih 'do 'keen ybei', or bale-or, or 'dae:,: On: korn 'gen. Kpon: an-a': porluh dih 'do 'on bo. 'An mu: an-a'a: kpa: dao' or-a' klehkpeh: za. :Yeh or-a'a: nyor: klaba' 'ye-a deh: dao',: yee' or 'ye: wehlih: 'do or bo, 'de or 'tali: kpa: dao' or-a' dhih dih. 'De or 'tali-or dih, or mu. :Yee': yeh 'bhoi-yu:: dao', or 'si-a 'zorn, 'de or 'ye-a or 'be 'bhoi-yu: due': or 'ble-a or-a'a: kpa: ke: en no-a 'wlii-kpor-bei,: yee' or kpon-or: bhluun' 'worn dih, or 'dae:,: Za 'an-a: kpa: on 'ble-a. 'De or 'be: dao', or 'jli dih 'do or ybei', 'de or bale-or, or 'dae:,: On: korn 'gen, kpon: an-a': porluh dih 'do 'on bo. 'An mu: an-a'a: kpa: dao': za. Jorwor: or: se-' 'worn: gbor: gbor, 'de or po-or: kasue 'di, or 'ye 'de: ne, or 'ye kpa: dao': za. :Yeh or 'bei' 'bhoi-nynuu:: noo' 'ye-a deh: eh: no-eh,: yee' an-a': porluh⧾ 'kpa-: 'zorn 'gabaa, 'de on mu 'de an-a'a: nyor: klaba' bo, 'de on po-or kuna' 'do deh⧾-a' klehkpeh: en: no-eh bo. :Yeh or-a'a: nyor: klaba' 'worn-ih'-a,: yee' or 'da-or', 'de or 'dae:,: Mor 'bhoi-yu:: daa,: or: korn-a: porluh:: nyni-a worn. 'On 'tali:: an-a'a: kpa-a' klehkpeh-: dih, deh no-eh,: on bale: 'on 'weh. :On: korn: on 'ye: on 'be-a': wehlih 'ye,: ka 'on no-a: an-a': wehlih-a' 'ye-a': ke. :Yee' or-a'a: nyor: klaba' 'kpa-' 'chehn, 'de or 'nyi nyor⧾ 'tele', on 'ye-or': kasue 'di po, 'de on 'ye-or' 'kle 'ye-dih:: chio'lo:, 'de or 'ye kpa: dao' or-a' klehkpeh: za. 'De: Yusu' 'dae:, 'Ka-: 'o: ke, 'On-ba:: or: ne-a 'de yai', or mu a-a' klehkpeh-a' dhih: no: ke,: mor eh 'dhu, a se deh⧾-zon:⧾ a-a' 'de-di'-boi' no-a 'do a 'bhun, en-' dhih bo 'ma-dih: 'do a-a': porluh⧾-a' klehkpeh bo. :Yee': yeh: Yusu' jla-a 'do deh⧾: daa or za-a-' bo,: yee' or 'wluh 'o: Galali'i-bluhba ken 'weh, 'de or mu 'de: Judi'a-bluhba-a' 'for ken,: or: ne-a 'de 'Jorle-ni-a' 'yluh-a' 'kwla 'wluh-dih: 'da. :Yeh or 'si-a 'o dih,: yee' nyor⧾: doru', mo-: zi 'o or klei', 'de or 'puh-dih: puhba-nyor:⧾: on: ne-a 'de on 'klu-' 'de mor. :Yee': Falasi'i-nyor⧾-a' nyor⧾: noo', mo-: yi 'de or bo,: on yi or wlu 'worn dih 'bhorn-dih: 'da, 'de on dhele-or dih, on 'da, Eh: ne 'o: a-a'a: 'tele'-a': gwie 'i 'weh: e, nyor 'ye or-a'a: 'nynor 'kwla: za, 'do deh-beh: or mu-a: no bo: e? 'De or dhele-uh dih, or 'da, A: se-' Nyorsoa-a' 'chlee-deh zlo deh eh: za-a-', a: se-eh' 'worn: e?: Ka: eh 'wluh-a 'de eh-a' glu 'dhu 'da, Nyorsoa: or no-a deh⧾-a' klehkpeh-a' noo-nyor, or no 'nynor-: 'dekorn: nyor-kpalu-:. Nyorsoa-a' 'jeh: dao', or-:: wlu, or 'dae:, Eh-:: korn dhih, 'de 'nynor-: 'dekorn: nyor-kpalu-: an mu an-a'a: 'cheh dih 'tali:, 'de on 'ye: dha: due' 'ti.: Yee' mo-:: ne-a 'sororn', an mu nyor: due': no. :Yee' on se 'sororn': ne: dele' ka, jorwor: on no nyor: due'. 'Do eh-a' dha, deh Nyorsoa po-a: dha: due', nyor se: korn or 'ye-eh' 'i zela:. 'De on dhele-or dih, on 'dae:,: Yee': eh: korn dhih 'da, 'de: Mose' 'worn-dih-eh ken dih, nyor 'ye or-a'a: 'nynor 'kwla: za-chlee-deh 'nyi, 'de or 'ye-or' 'kwla: za: eh? 'De or 'da, A-a' deh: torne-eh: kma 'i, eh-:: korn dhih 'de: Mose' 'worn-dih-eh ken dih, a 'ye a-a'a: 'nynor⧾ 'kwla: za. Jorwor: eh: se: ao': ne: dee',: eh 'wluh-a 'de ti Nyorsoa: no-dih:-a deh⧾-a' klehkpeh bo. :Yee' 'an zela a: gwluhuh', nyor-beh-nyor-beh:: or mu-a or-a'a: 'nynor 'kwla: za,: mor eh 'dhu 'nynor se 'nyne: zaan' no 'do or bo, 'de or 'ye 'nynor: noror': korn,: yee' or no 'nyne: zaan'. 'De or-a'a: bo: na-nyor⧾: wlu 'de or bo, on 'dae:,: Yee': mor eh: ne: ao' 'do nyor-kpalu-: 'dekorn: 'nynor-kpao'-: 'nyne-',: yee' 'bli 'ti-dih-deh:: daa, nyor⧾ se: korn on 'ye-eh' no. 'De or zela-uh: gwluhuh', or 'dae:, Eh se nyor⧾-a' klehkpeh, mo-:: on 'beh-dih: wlu: daa dih kpon-a': deh. Jorwor: nyor⧾-a': yuh Nyorsoa 'nyi-eh. Nyor⧾: noo'-a': no-dih: 'nynor-deh-', deh no-eh, on 'wluh-dih: an-a' neh 'weh. 'De nyor⧾: noo' no-eh 'de on 'bei' 'meh gbor-' dih. 'De: noo' se 'bli 'ti-dih: 'do Nyorsoa-a' nyor⧾ wlu 'ken: korn-eh-a' dhih. 'Nyi nyor: or 'beh-dih:-a: or 'ye-a' deh: daa dih kpon,: yee' or kpon-eh dih. :Yee' nyor⧾: noo', mo-:: ya 'de: Yusu' bo 'nynuu:: nyene', or 'ye-uh son⧾ ken dih tba, 'de or 'ye 'de Nyorsoa bo: wlu, an-a' dhih. Jorwor: or-a'a: bo: na-nyor⧾ kan-uh-: 'i. 'De: Yusu' 'dae:, A 'nyi 'nynuu:: nyene' yi 'noror 'on bo. A 'bor an-a' 'yi: kan-eh. Deh no-eh,: ka 'nynuu:: nyene': ne-a, nyor⧾: on: ne: ao', mo-: Nyorsoa-a mu wlu 'ken: korn. 'De or tba an-a': due': due' son⧾ ken dih, 'de or 'wluh 'o on bo, or mu. :Yee' nyor-kpalu: due', or-: yi 'o: Yusu' bo, or 'dae:, Nyor⧾ deh: torne-nyor:, deh 'jeh neh-a': yeheh 'on 'ye no, 'de 'on 'ye 'kmo: sie:: febeh' 'ble: eh? 'De: Yusu' dhele-or dih, or 'dae:,: Eh: korn dhih: an dhele 'on dih, 'do deh 'jeh neh: no-eh-a' dhih bo: eh? Nyorsoa: due', or-: 'dhu nyor 'jeh-' 'klein'.: Yee': mor eh 'dhu: on: taa 'kmo: sie:: febeh' 'bhorn,: yee' dhe 'o: Mose'-a' 'tele' dih. 'De or 'dae:, 'Tele': yeheh: eh? 'De: Yusu' 'dae:, Nyor-a' 'dba-:-' nyor, nyor-a': no-' 'nyne: zaan', nyor-a' 'yli-:-', nyor-a' 'dhu-dih:-' nyor⧾ dhih ken dih, 'ye: on 'de-: 'dekorn:: on: baa'-: deh-',: yee': ybeh nyor⧾: on: ne 'ti-a: dha: due',: ka: on no-a: an-a' 'jeh-a': ybeh-a'. :Yeh or 'da: ao',: yee' 'yu: gbolo': dao', or 'da, 'On dhe 'o 'tele'⧾: daa, en-' klehkpeh-: dih.: Eh: sie: 'o: neheh' 'on 'ye no: eh? 'De: Yusu' 'dae:,: Mor: an 'bhorn: on 'ye 'yi 'sleh-nyor: 'jeh nor no,: yee' mu. Deh⧾-a' klehkpeh: on: korn-a,: on 'ye-ih plo, 'de: on 'ye 'wlii:: an mu-a 'ye-:,: on 'ye-ih nyor⧾: on se-a deh-a': za-da 'ble 'nyi.: Mor: on no-eh,: yee': an mu bhaan-deh⧾ 'ble-: 'de Nyorsoa 'bli yai'.: Mor: on no: ao',: yee' 'yle,: on 'ye 'o 'on klei' zi. :Yee': yeh 'yu: gbolo': dao', or 'worn-a deh: daa,: yee' or mu-', or 'wluh 'o: dha: Yusu': ne-a 'weh. 'De or-a': porluh 'kpa 'zorn. Deh no-eh, or 'ble: kororn-deh:⧾: dhulu'. :Yee': Yusu': wlu-' 'de or-a'a: bo: na-nyor⧾ bo, or 'dae:, Dhih 'jeh, 'an zela a: gwluhuh', eh mu 'i: kma 'do bhaan-nyor bo, 'de or 'ye 'de Nyorsoa-a' nyor⧾ wlu 'ken: korn-eh 'zorn pa. 'An zela a: gwluhuh': neheh', eh: kma 'i, 'do bhaan-nyor bo, or 'ye 'de Nyorsoa-a' nyor⧾ wlu 'ken: korn-eh 'zorn pa,: eh: zi 'o: kpuan' ken: soo'o 'ye 'de 'mehno-a' 'bie' 'di: yi-dih:. :Yee': yeh or-a'a: bo: na-nyor⧾ 'worn-a deh or: za-a-',: yee' an-a': porluh⧾ 'ma-' 'gabaa, 'de on dhele-or dih, on 'dae:,: Yee': mor eh: ne: ao',: yee': or 'beh-dih:: or 'ye 'puh: naa: eh? Jorwor:: Yusu' pobo-uh-: ya, or 'da, Nyor se deh: daa eh-a' no-a' 'beh-dih:. Jorwor: Nyorsoa: mloror', or 'beh-dih: deh⧾-a' klehkpeh-a' no-a' 'weh. :Yeh: Yusu' 'da: ao',: yee': Piteh': wlu-', or 'da,: Gbee'e:. Deh⧾-a' klehkpeh: wor: a 'tali: dih, 'de jorwor:: a zi 'o: on klei'. Deh: a mu 'ye-:: naa: eh? 'De: Yusu' 'da, Dhih 'jeh, 'an zela a: gwluhuh', ti 'bluhba:: dele'-a mu-a 'de: yi, 'de 'yu an 'da-dih-a Nyor-kpalu-a' 'yu-a mu-a 'o or-a'a: dhih-a' 'i 'beh: kpala' ken dih: dhe,: yee' a: mor: or zi-a 'o 'on klei', a mu 'keen: kpala'⧾-a': bhue: 'yor 'sororn' ken dih dhele:: ke, 'de a 'ye 'cheh-dlu⧾-a': bhue: 'yor 'sororn': on no-a 'Ezlea-nyor⧾ wlu 'ken: korn. :Yee' nyor⧾-a' klehkpeh: on 'tali:-a an-a'a: 'gbu⧾-: 'de-di'-boi'-: 'de-:: baa'-: 'nynuu-: 'dekorn: an-a'a: gle⧾-: dih, 'do 'an 'nyne-a' dhih bo,: yee' an mu-ih, en-': kehehn': kehehn' 'ye-:, 'de an mu 'kmo: sie:: febeh' 'ye-:. Jorwor: nyor⧾: dhulu': a 'da-dih-a nyor⧾: klaba'⧾: naa, mo-:: an mu 'zeehn: no 'de ybei'.: Yee': yuh: a 'da-dih-a nyor⧾ 'zeehn: naa, an-a' 'jeh: dao', mo-:: an mu nyor⧾: klaba'⧾: no 'de ybei'. :Yee': Yusu': wlu-', or 'dae:, Nyorsoa-a' nyor⧾ wlu 'ken: korn-eh gweh: ka 'yu: due': or 'ble-a gle, 'de: or: sorn-a-' zorn bo-mlai', 'de: or mu-a: koan:: no-nyor:⧾ 'bhorn 'da, or 'ye-a' geli' po, 'de on 'ye-a' 'de or 'bli 'gle mu, on 'ye-a': koan no. :Yeh or 'ye-a nyor⧾,: yee' or 'worn-dih-eh ken dih 'weh, or 'ye-uh' geli': za, 'do deh on: korn on 'ye-a' 'ye, 'do 'we-eh: due' bo,: yee' or dbo-uh 'de or 'bli 'gle 'weh. :Yee': yeh 'yluh-a yi-a 'i: kma 'da,: yee' or mu-': neheh',: yee' or 'ye nyor⧾: noo', mo-:: nyna dih 'do 'doror', mo-: se: koan: korn: on 'ye no. 'De or zela-uh: gwluhuh', or 'dae:, A mu 'de 'on 'bli 'gle: ke, a 'ye: koan no.: Yee' 'an mu a geli': za-dih-deh:: eh: korn-a 'de a bo 'nyi-:. 'De on mu.: Yee': yeh eh no-a 'yluh-gbao', 'de eh no-a 'gwie-yluh-gbao': neheh',: yee' or no deh or no-a 'weh: neheh': dele' ka. :Yee': yeh eh yi-a 'gwie-yluh-peheh'eh bo,: yee' or mu-', 'de or 'ye nyor⧾: noo', mo-:: nyna dih, 'de or dhele-uh dih, or 'dae:,: Eh: korn dhih, 'de a: nyna dih: nynaa: dha mor, 'zean' 'de glu-a gor, 'de a: se-' deh no: eh? 'De on 'dae:, Nyor se: ne: or 'ye: a geli' po. 'De or 'dae:, A mu 'de 'on 'bli 'gle, a 'ye: koan no: ke. 'De on mu. :Yee': yeh glu-a yi-a gor 'da,: yee' 'yu: dao': or: korn-a gle,: yee' or: wlu-' 'de 'yu or po-a 'o: koan:: no-nyor⧾ 'dlu bo 'weh, or 'da, 'Da: koan:: no-nyor⧾, 'de: on 'ye-uh' geli': za, 'do an-a': koan on no-a bo. Tba 'de: yuh: on 'bor-dih:-a de bo dih: zai', 'de: on 'ye: zai' no ken: yeh-dih:. :Yee': yeh: yuh 'dhu-a: koan glu: eh 'wluh-a 'gwie-yluh-peheh'eh bo,: yee' an-a': due': due' 'ye 'wlii: nyor: due': korn: or 'ye-a' 'ye, 'do 'we-eh: due' 'di 'weh. 'Do eh-a' dha,: yeh: yuh: on 'dhu-a: koan glu: zai', on yi-a 'o an-a'a: geli': za-dih-deh,: yee': mor on: taa 'ye: dee',: yee' on 'da, an mu deh: dhulu' 'ye-:: eh 'ye 'o on 'bei'-': zi. Jorwor: an-a' klehkpeh 'ye deh: due' 'tene': kpeen:. :Yee': yeh on 'ye-a an-a'a: 'wlii,: yee' an jeh gle: korn-nyor-: 'bli, an no,: A: mor no-a: koan: noo:, 'de 'yluh 'kpa-a: a 'dlu: kpaa:,: eh 'wluh-a zorn bo 'bli,: eh: yeh-dih:-a 'gwie-yluh bo ken.: Yee': yuh: daa: on 'bor-dih:-a: koan-' de, 'de: on: no-dih:-a 'yluh-buh: due'-': koan-' gbai, mo-:: ne: a 'ye geli': za-dih-deh: due'. Jorwor: or zela: an-a' nyor: due': gwluhuh', or 'dae:, 'An 'yu, 'on: se-' deh-zon no 'do: on bo. Eh: se deh: eh: korn-a dhih: on 'worn-dih-a ken dih,: mor: on no-a: koan 'do 'we-eh: due' 'di, 'on 'ye-a eh-a' 'wlii-eh: on 'nyi: e? 'Duo:: an-a'a: geli': za-dih-deh-',: on 'ye mu. 'An 'bhorn 'on 'ye: yuh: on 'bor-dih:-a: koan-' de, deh: korn-a 'be 'on 'nyi-a: on, 'nyi. 'On se 'kpih 'ble, 'on 'ye deh 'an 'bhorn-a 'on 'ye-a 'an-a: 'wlii-eh-': no-dih:, 'on 'ye-eh-': no-dih:: e?: Ae': an no: gwlehehn' 'do 'an: porluh-a' worn: nmor-eh:: eh no-eh 'de 'on se-a kwa dih: kmu bo? 'De: Yusu' 'dae:, 'Do deh: ne-a: due' 'di,: yuh: a 'da-dih-a nyor⧾ 'zeehn: naa, mo-:: an mu nyor⧾: klaba'⧾: no 'de ybei'.: Yee': yuh: a 'da-dih-a nyor⧾: klaba'⧾: naa, an-a' 'jeh: dao', mo-:: an mu 'zeehn: no 'de ybei'. :Yee': yeh: Yusu'-a mu-a: Julu'slehn,: yee' or po or-a'a: bo: na-nyor:⧾: on: korn-a: bhue: 'yor: ne-a 'sororn': dha: due', 'de or: wlu 'de on bo, 'do: gwie 'i, or 'dae:, A: gbee'e:.: A mu: Julu'slehn: naa. 'Do: wor 'yu an 'da-dih-a Nyor-kpalu-a' 'yu-a mu: plo-dih-eh, 'de Nyorsoa-a' 'slaa:: za-nyor:⧾: klaba'⧾-: 'dekorn: nyor⧾ 'tele': torne-nyor⧾-: bo.: Yee' nyor⧾: dao', an mu-or wlu 'ken: chehn, or 'ye 'meh, 'de on 'ye-or' nyor⧾: on: se-a: Jueh'-nyor⧾ 'kwla: za-dih:, 'de on 'ye-or: goba'-dhih ken dih 'wluh-dih:, on 'ye-or' bla, 'de on 'ye-or' 'o tu 'i: kor-dih:. Jorwor: 'do 'we-eh-a' taan neh 'di, Nyorsoa-a mu-or 'de nma-dih-deh 'di: za. :Yee' 'Jeen-: 'dekorn:: Jororn'-:: on no-a: Zehbehli'-a'a: 'nynuu, on 'de, or-:: ne on yi 'de: Yusu' bo, 'de or 'jli dih 'do or 'zorn, or dhele-or dih, or 'ye deh no 'do or bo. 'De: Yusu' dhele-or dih, or 'da, Deh: an 'bhorn: eh? 'De 'nynor 'da, Po wlu: dhama'-' 'noror 'on bo. 'Nyi 'an-a: nyor⧾-kpalu⧾-nynuu 'sororn': daa, an-a' nyor: due' 'ye 'de: an-a': dila-son bo dih: dhe, 'de: due' 'ye 'de: an-a' kona-son bo dih: dhe, ti: an mu-a nyor⧾ wlu 'ken: korn. Jorwor:: Yusu' 'dae:, Deh a dhele-a dih, a se-eh yubo:. 'Kle 'ye-eh-a' 'korbuh 'an mu-a 'di 'na-dih:, a 'beh-dih: an-a' 'di 'na-dih-eh 'weh: e? 'De on 'da,: A 'beh-dih-eh'. 'De or 'dae:, A mu 'an-a: 'korbuh 'di 'na-dih:, jorwor: 'do 'an: dila-son-: 'dekorn: 'an kona-son-: en-' bo dih: dhe-deh:: dao', eh: se 'mor-:, 'an-a' 'nyi-eh nyor⧾. Jorwor: 'On-ba:, or-: po 'for⧾: dao' 'kpa, 'do nyor⧾ or gan-a bo, on 'ye 'de eh bo dih: dhe. :Yee': yeh or-a'a: bo: na-nyor⧾: bhue:: dao', on 'worn-ih'-a,: yee' on 'kpa-dih: 'de-di'-boi' 'sororn': dao'-' 'chehn. Jorwor:: Yusu' 'da an-a' klehkpeh 'do or bo, or 'dae:, A yubo-eh', nyor⧾: on se-a Nyorsoa yubo:, an-a' nyor⧾ wlu 'ken: korn-nyor⧾-a kpa-dih-uh-a 'kpih. Eh se: korn, eh 'ye: ao': ne, 'noror a 'klu-', jorwor: nyor: or 'bhorn-a nyor: klaba'-deh 'noror a 'klu-',: yee' or-:: korn: or 'ye a-a'a: 'bhoi-yu no. :Yee': mor a-a' nyor: taa 'bhorn or 'ye 'o a 'dlu: ne,: yee' or: korn or 'ye a-a'a: 'ge-yu no, :ka 'yu an 'da-dih-a Nyor-kpalu-a' 'yu: sloror', or no-a, or se-a 'de yi or 'ye-a': tabehyie po, jorwor: or yi-: 'de, or 'ye: gwlor-nyor⧾-a' 'bhoi-yu no, 'de or 'ye or-a': febeh' 'kwla: za, or 'ye 'meh, 'do nyor⧾: dhulu'-a' zelie-eh bo. :Yee': yeh: Yusu'-: 'dekorn: or-a'a: bo: na-nyor⧾-: an 'wluh-a: Jehliko'o,: yee' nyor⧾: doru', mo-: zi 'o or klei'. :Yee' 'doror'-nyor⧾ 'sororn', mo-:: dhe dih 'do: gwie: worn 'i.: Yeh on 'worn-ih'-a: ka: Yusu'-a zi-a,: yee' an po 'geh⧾, an no,: Gwlor: baa',: Debe'-a' 'yu, 'ye: a-a': wehlih. :Yeh an po-a 'geh⧾, 'de an wele-a: Yusu',: yee' nyor⧾: doru': on: ne-a 'o, an po-uh 'borboa' 'i, an no, A no 'dhuan.: Yee' jorwor: on 'kpa 'de de dih, an po 'geh⧾, 'de an no,: Gwlor: baa',: Debe'-a' 'yu, 'ye: a-a': wehlih. :Yeh on 'da: ao',: yee': Yusu': nyna dih, 'de or 'da-uh, or dhele-uh dih, or 'dae:, Deh a 'bhorn 'on 'ye no 'do a bo: eh? 'De on 'da,: Gwlor: baa',: a 'bhorn: a 'ye dih 'ye o. :Yee' an-a': wehlih-a: no: Yusu', 'de or 'tuh an-a' 'yli dih.: Yee' 'do: dha: due': dao', an 'ye-: dih, 'de on zi 'o or klei'. :Yee': yeh an 'koan'-dih-a: Julu'slehn dih, 'de on nyni-a 'o: gwlor an 'da-dih-a: Behfe'yi 'di: or: ne-a 'o 'do 'Orle-tluh ken,: yee': Yusu' dbo or-a'a: bo: na-nyor⧾-a' nyor⧾ 'sororn' ybei', or 'dae:, A mu 'de: gwlor-yu:: dao': or: ne-a 'de: a ybei' 'di.: Yee' 'do: dha: due': dao', a mu 'dhornke:: eh: muae-eh dih 'ye-:,: eh: korn-a 'yu: ne-a 'o eh bo. A bhehn-dih-ih, a 'ye-ih 'noror 'on bo: ya. :Mor nyor: za deh-' 'de a bo,: yee' a zela-or: gwluhuh', a 'dae:,: Gwlor: baa', or-: 'bhorn-ih. Or mu-ih: dbo: kana. Deh: daa, eh: no-eh:-', 'de Nyorsoa-a' wlu 'ye dhih 'jeh-' 'kpa: ka or-a' wele-eh:: po-nyor no-a eh-a': za-a' see, or no-a, A zela: 'Zayorn-nyor⧾: gwluhuh', a 'da, A: gbee'e:. A-a'a: 'keen: wor yi 'noror a bo. Or-:: ya or-a' 'jeh ya, 'de: or: dhe 'o 'dhornke ken dih,: eh no-a 'dhornke-yu. 'De: Yusu'-a'a: bo: na-nyor⧾ mu, on no: ka or no-a an-a' wlu worn 'dhu-eh, 'de on kpa 'de or bo 'dhornke-: 'dekorn: eh-a' 'yu-: on slo 'o en ken an-a'a: 'ylii dih, 'de or: dhe 'o 'zeehn: neh ken dih. :Yeh or: dhe-a 'o dih, 'de or mu-a,: yee': gwlor-nyor:⧾: dhulu', mo-:: an slo an-a'a: 'ylii dih 'do: gwie 'i.: Yee' nyor⧾: noo', mo-:: an jla 'kavan⧾ 'do tu⧾ 'i, 'de an po-ih: gwie bo dih. :Yee' nyor⧾: dhulu': dao': an na-a 'o or ybei'-: 'dekorn:: yuh: an zi-a 'o or 'de-: an po 'geh⧾, an no, Dhih-a' 'i 'beh-a' 'do: Debe'-a' 'yu bo.: Bhorlie' 'do or bo: or yi-a 'de, 'de: Gwlor: baa'-a' 'nyne 'di. Dhih-a' 'i 'beh-a' 'do Nyorsoa: or: ne-a 'de yai' bo. :Yee': yeh: Yusu' 'si-a: Julu'slehn dih,: yee' gwlor dhile: dih, 'de nyor⧾-a' klehkpeh, an dhele an-a' 'jeh dih, an no, Or-a' 'nyne: or: dhe dih: eh? 'De: gwlor-nyor:⧾: doru': dao', on 'da, Nyorsoa-a' wele-eh:: po-nyor:: Yusu': oo',: or 'wluh-a 'Nazla-gwlor, 'de: Galali'i-bluhba ken. :Yee': Yusu' mu 'o Nyorsoa-a' 'sla ybei', 'de or no nyor⧾-a' klehkpeh dih: an plo-a deh⧾-:: korn: yuh: an dhen-a deh⧾-:. Or tba nyor⧾: an zian-dih-a 'wlii 'i, an-a'a: 'tebo⧾ 'yi glu, de or tba nyor⧾: an plo-a pabu'⧾ an-a'a: ken: dhe-deh⧾ 'yi glu: ke. 'De or: wlu 'de on bo, or 'dae:, Eh 'chle-eh:-' 'de Nyorsoa-a' 'chlee-deh 'di, or 'da, 'An-a: 'gbu: korn on 'ye: dha nyor⧾-a wlu-dih-a 'de 'on bo 'da-dih-eh:. Jorwor: a: mor no-uh 'ylii'-nyor⧾-a' 'di 'ti-gbu-'. :Yeh or: ne-a 'o,: yee' 'doror'-nyor⧾-: 'dekorn:: kloror-nyor⧾-: mo-: yi 'de or bo, 'de or 'puh-dih-uh. Jorwor:: yeh Nyorsoa-a' 'slaa:: za-nyor:⧾: klaba'⧾-: 'dekorn: nyor⧾ 'tele': torne-nyor⧾-: on 'ye-a deh⧾: kolu'⧾ or no-a, 'de on 'ye-a 'nynuu:: nyene': an po-a 'geh⧾, 'do Nyorsoa-a' 'sla ybei', an no-a, Dhih-a' 'i 'beh-a' 'do: Debe'-a' 'yu bo,: yee' on 'kpa-' 'chehn. 'De on dhele-or dih, on 'dae:,: An 'worn dhih 'nynuu:: daa, an za-a-' 'weh: e? 'De or 'da, Keen'. 'An 'worn-ih'. Jorwor: a 'see-eh zlo 'de Nyorsoa-a' 'chlee-deh 'di: e?: Ka Nyorsoa 'da-a, or no-a, 'Nynuu:: nyene'-: 'dekorn: 'nynuu:: bleheh'eh⧾-: an mu 'an 'nyne 'ya: po deh 'jeh neh o. :Yee': Yusu' 'wluh 'o on bo: Julu'slehn 'weh, 'de or mu: Behtani'i, 'do: wor or mu 'pehn 'da. :Yee' zorn bo-mlai',: yeh: Yusu'-a mu-a 'de: Julu'slehn de,: yee' 'moeh: no-or. :Yee' or 'ye 'fe-tu: 'do: gwie: worn 'i.: Yeh or 'ye-uh'-a,: yee' or: pa-dih: 'o on bo, jorwor: or: se-' deh 'ye 'de on ya, wlon⧾: due', me-: 'yi 'de on ya.: Yee' 'do eh-a' dha, or: wlu-' 'de tu: dao' bo, or 'da,: Mor tu: daa,: on 'se 'ba 'buo' po: neheh'.: Yee' 'do: dha: due': dao', 'fe-tu:: dao', on: klor-'. :Yee': yeh or-a'a: bo: na-nyor⧾ 'ye-eh,: yee' eh: florn-dih-uh-: worn, 'de on 'da,: Eh no tu: daa, on no: ao': klor-a' 'yli: a bla-a 'i: eh? 'De: Yusu' zela-uh: gwluhuh', or 'da, Dhih 'jeh, 'an zela a: gwluhuh',: mor a 'ble dhih 'jeh-': po-eh, 'de a-a': porluh⧾ 'ye: ao', en se dhobo:,: yee' deh 'on no-a 'do tu: daa bo, a mu eh-a' no-a' 'beh-dih:: ke. 'De eh: se deh: daa: due', jorwor: keen': mloror': mor a: wlu 'de tluh: daa bo,: mor a 'da,: Mor tluh: daa, 'wluh-dih:: gwliin'-', 'kpa 'de yobo' worn,: yee' eh mu: no-eh:. :Mor a: taa 'de Nyorsoa bo wlu 'do deh-a' dhih bo, 'de a 'ye-or' dhih 'jeh-' po,: yee' a mu-eh 'ye-:. :Yee': Yusu' mu 'o Nyorsoa-a' 'sla ybei', or 'ye nyor⧾ deh: torne:.: Yeh or torne-a nyor⧾ deh,: yee' Nyorsoa-a' 'slaa:: za-nyor:⧾: klaba'⧾-: 'dekorn:: Jueh'-nyor⧾-a' 'bluhba:: korn-nyor⧾-: mo-: yi 'o or bo, 'de on dhele-or dih, on 'dae:, Dha: on: za 'kpih, 'de: an no deh⧾: daa: eh?: Or 'nyi: on 'kpih: daa: eh? :Yeh on dhele-or dih,: yee' or: wlu-' 'de on bo, or 'dae:, 'On 'ble deh: due', 'an mu a dih dhele:: ke.: Mor a zela: 'on: gwluhuh': weh, 'de 'on 'ye a: gwluhuh' zela:: ke,: dha 'on: za-a 'kpih, 'de 'an no-a deh⧾: daa. Nyor⧾ 'ni 'dlu: po: Jororn'-a' nyor⧾ 'ni 'dlu: po-deh:: daa, eh 'wluh 'de Nyorsoa bo: e?: Ae' eh 'wluh 'de: gwlor-nyor⧾ bo ke?: Yeh or dhele-uh-a dih,: yee' an polo-ih' 'de an-a' 'jeh 'nyne-', on 'da,: Mor: a 'da, 'De Nyorsoa bo: oo',: yee' or mu: ao',: Eh: korn dhih, 'de a: se-or' dhih 'jeh-' po 'da: eh? 'De mor: a se 'beh-dih:: a 'ye: ao', 'de: gwlor-nyor⧾ bo: oo'. Deh no-eh, an-a' klehkpeh, on 'duo:: Jororn'-' 'weh, or 'ye Nyorsoa-a' wele-eh:: po-nyor no, 'de: a ple an-a': fano. Eh-a' dhih, on: wlu-' 'de or bo, on 'dae:,: A se-eh yubo:.: Yeh on 'da: ao',: yee' or 'dae: 'de on bo,: Yee' 'on: se-' a: gwluhuh' zela: i: ke,: dha 'on: za-a 'kpih 'do deh⧾: daa en-' no-a' bo. :Yee': Yusu'-a kpa or-a' wlu 'dlu bo, or 'dae:,: Kaa a-a': porluh⧾ no eh-a' 'ye-a': mor nyor-kpalu: due' 'ble nyor⧾-kpalu⧾-nynuu 'sororn', 'de or 'ye 'de: klaba' nor bo mu, 'de or 'ye: ao', 'An 'yu, mu 'de 'gle: on 'ye: koan no 'zean' o. :Yeh or: baa' 'da: ao',: yee' or 'da, or: se-' 'worn. Jorwor:: yeh ti-kpor 'pehn-a 'o dih,: yee' or 'bili: wlu-' dih, 'de or mu 'de 'gle. :Yee' or: baa' mu 'de 'yu-a' 'sororn' nor bo, 'de or: za deh: due': dao': neheh' 'de or bo.: Yeh or: baa' 'da: ao',: yee' or 'da,: Ao, 'on-ba:. Jorwor: or: se-' mu. 'Do 'nynuu 'sororn': daa 'nyne bo,: yoror no deh on: baa'-a 'bhorn-a on 'ye-a' no: eh? 'De on 'dae:,: Klaba': nor 'o. 'De: Yusu' 'dae:, Dhih 'jeh, 'an zela a: gwluhuh', 'taa-deh:⧾: za-nyor⧾-: 'dekorn:: bhaa'-nynor⧾-: mo-:: an mu: zai'-nyor⧾: no,: on 'ye 'de a ybei': korn, 'de a 'ye 'de Nyorsoa-a' nyor⧾ wlu 'ken: korn-eh 'zorn pa. Deh no-eh, nyor⧾ 'ni 'dlu: po: Jororn' yi-a 'de a bo, or: torne: a 'yi 'sleh-gwie:, a 'ye-a' kpa 'weh. Jorwor: a se-or-' dhih 'jeh-' po. 'De 'taa-deh:⧾: za-nyor⧾-: 'dekorn:: bhaa'-nynor:⧾: dao'-: mo-: po or-a' dhih dhih 'jeh-'. Keen': mloror': yeh a 'ye-a deh⧾: daa: sloror',: yee' a: se-' a-a' deh⧾-zon⧾ dih 'tali: 'gboror:, 'de a 'ye 'de Nyorsoa bo 'bili:, 'de a: se-' or-a' dhih dhih 'jeh-' po. :Yee': Yusu': wlu-': neheh', or 'dae:, A: to 'dlan: noror': daa: dou'⧾ bo. 'Yu: due': oo',: or 'ble 'kwla, 'de: or no gle, 'de or 'dhu 'glee-dubu'⧾ 'de eh 'di, 'de or za-ih gba-dih-gba 'de dih.: Yeh or no: ao',: yee' or 'blu 'bie',: dha on 'ye-ih'-a': za-dih:, 'de or po gba: dhorno',: dha nyor⧾ 'ye-a' gle: dao' ken: fuo-dih:.: Yeh deh⧾-a' klehkpeh, en: gweh-a 'i,: yee' or po-eh 'de nyor⧾ 'kwa, on: ne or 'ye en-' 'bi-' gble.: Yee': yeh or no: ao',: yee' or mu: gwele:. :Yeh eh no-a deh⧾: dao' en-' 'bi-a' 'kpaan'-ti,: yee' or dbo or-a'a: 'bhoi-nynuu 'de nyor⧾ or po-a gle 'de 'kwa bo, on 'ye or-a' ne, or bo dbo. :Yee' nyor⧾: dao', on kpon or-a'a: 'bhoi-nynuu 'weh, 'de on bla: due', on 'dba: due', 'de on: tba-dih:: due' sobu'⧾ dih, or 'ye 'meh. :Yee' or dbo 'bhoi-nynuu:: noo', mo-:: zi 'o: zai' no-', 'de: ka on no-a: zai' no-a' dhih, 'de on no: ao', an-a' dhih: neheh'. 'De or 'bor-dih: 'o, or-a'a: 'yu-a' dbo 'da, 'de on bo, or 'da, An mu 'an-a: 'yu deh-' 'ye-:. 'De or dbo-or. Jorwor:: yeh nyor⧾: an pobo-a 'o or: baa'-a'a: gle bo dih, on 'ye-or,: yee' an wlu-' 'de an-a' 'jeh 'nyne-', an no, 'Yu: or mu-a or: baa'-a'a:: kororn-deh⧾: korn, or-: 'o,: or 'yle. A 'nyi,: a 'dba-or, 'de: a 'ye or-a'a:: kororn-deh⧾: korn. 'De on kpon-or, on za-or 'o 'gle, on 'dba-or. :Yeh: Yusu' gweh-a 'dlan: dao', or-a' po-a' 'i,: yee' or dhele-uh-: dih, or 'dae:,: Yee': mor 'yu: or: korn-a gle,: mor or 'yle,: yee': kaa or mu nyor⧾: dao': an pobo-a 'o or-a'a: gle bo dih, an-a' dhih: no: eh? 'De on 'dae: 'de or bo, Or mu 'kulu-nyor:⧾: dao' 'dba-:, 'de or 'ye 'de nyor⧾: noo' po,: on: ne or mu-a gle-a' dii-deh⧾-': gble,: mor en-' 'kpaan'-ti nyni 'o. 'De: Yusu' dhele-uh dih, or 'dae:, Deh: daa: eh: ne-a 'de Nyorsoa-a' 'chlee-deh 'di, a 'see-eh zlo: e?: Eh no-a, Tu-a': yuh 'gbu: po-nyor⧾ po-a dih: dee', tu-a' 'jeh: dao', mo-: no 'gbu-a': zi-tu: naa.: Gwlor: baa': oo', or-: no deh: daa. 'De mor deh or no-a, eh no deh: kolu' 'de: a 'yli-e. 'Do eh-a' dha, 'an zela a: gwluhuh', Nyorsoa-a' nyor⧾ wlu 'ken: korn-eh-a' 'zorn: pa-eh mu 'de a 'kwa 'wluh-:, eh 'ye nyor⧾: on: se-a: Jueh'-nyor:⧾: an mu-a eh-a' 'bi: tlo, eh 'ye-uh' 'nyi-eh:. [ 'De nyor-beh:: or mu-a 'o tu: daa ken dih 'ga-:, or mu dih: wa-dih-eh:, 'de nyor-beh: tu: daa, an mu-a 'o ken 'kpa-:, or mu: sun-eh:, or 'ye: bhebe' no.] :Yee': yeh Nyorsoa-a' 'slaa:: za-nyor:⧾: klaba'⧾-: 'dekorn:: Falasi'i-nyor⧾-: on 'worn-a 'dlan⧾: daa: Yusu' po-a,: yee' on yubo-eh',: ka or wlu-dih-uh-a 'bhun dih. :Yee' 'do eh-a' dha, an 'bhorn on 'ye-or' kpon, jorwor: an ple nyor⧾: doru': ne-a 'o, an-a' 'yli 'weh. Deh no-eh, an 'duo-or' 'weh, or 'ye Nyorsoa-a' wele-eh:: po-nyor no. :Yee': Yusu': wlu-' 'de on bo 'de 'dlan⧾ 'di: neheh', or 'dae:, Nyorsoa-a' nyor⧾ wlu 'ken: korn-eh gweh: ka 'keen: due',: or 'dhu-a 'nynor-a' nyina:: ya-gor 'do or-a'a: 'yu-nyor-kpalu bo. 'De or dbo or-a'a: 'bhoi-nynuu on 'ye nyor⧾ or 'da-a, 'da 'da mu, on 'ye gor-' yi. Jorwor: nyor⧾: dao', on 'da on: se 'de: mu i. 'De or dbo 'bhoi-nynuu:: noo': neheh', or 'dae:, A zela: nyor⧾: dao' 'on 'da-a: gwluhuh', a 'da, A: gbee'e:. 'On gweh dii-deh⧾ 'i. 'On 'dba 'an-a:: blii'⧾-a' gblor⧾-: 'dekorn: 'an-a:: blii'⧾-a' 'nynuu: 'jeh nor-: 'weh. Deh⧾-a' klehkpeh: po-eh:-' 'kpa.: Yee' a yi 'do 'an-a: 'yu-a' 'nynor-a' nyina:: ya-gor-'. Jorwor: nyor⧾ or dbo-a wlu bo dih, an-a': dou'⧾-a' deh-beh-deh-beh:, me-: se 'de or bo: ne, 'de on mu. An-a' nyor: due' mu 'de or 'bli 'gle, 'de: due' mu 'de or-a'a: deh⧾: plo-deh bo. 'De: yuh: on: sie:-a 'o, on kpon 'bhoi-nynuu:: dao', on no-uh dhih-', 'de on 'dba-uh. :Yee': yeh 'keen 'worn-ih'-a,: yee' 'chehn 'dba-or'. 'De or dbo or-a'a: sorye', 'de on 'dba: nyor⧾ 'dba-nyor:⧾: dao', on po an-a'a: gwlor 'yli. 'De or: wlu 'de or-a'a: 'bhoi-nynuu bo, or 'dae:, 'Nynor-a' nyina:: ya-gor-a' dii-deh⧾: gweh 'i, jorwor: nyor⧾ 'on dbo-a wlu bo, on se-eh 'i: bleh-dih:, on 'ye 'de yi. :Yee' eh-a' dhih, a mu 'de 'kpa: gwie 'i, a 'ye nyor-beh: a mu-a 'ye-:, a 'ye-or' 'da, or 'ye gor-' yi o. 'De 'bhoi-nynuu:: dao', on mu 'de: gwie 'i, 'de on 'gbo-dih: nyor⧾-a' klehkpeh on 'beh-dih:-a on 'ye-a' 'ye,: yuh: korn-a kplen: nmor-a 'yi dih-: 'dekorn:: yuh: korn-a kplen: nyni-a 'yi dih-:.: Yee' 'nynor-a' nyina:: ya-gor-a' 'gbu 'yi-' 'do 'duhba⧾ bo. :Yee' 'keen: dao', or pa 'de 'gbu, or 'ye or-a'a: 'duhba⧾ 'ye.: Yeh or pa-a 'de 'gbu,: yee' or 'ye 'yu: due', or-:: se-' gor: dao', or-a' 'tiei-' pa. 'De or dhele-or dih, or 'dae:, 'On 'be,: kaa: on no 'noror 'gbu: daa yi-a', 'de: on: se-' 'nynor-a' nyina:: ya-gor-a' 'tiei-' pa: eh? Jorwor: or-a' 'worn-dih:: wluu-dhih. :Yee' 'keen zela: or-a'a: 'bhoi-nynuu: gwluhuh', or 'dae:, A san or-a' son⧾-: 'dekorn: buh⧾-: a 'ye-or 'do 'zorn po 'de neh-', 'do: dha 'vin-a'-: 'dekorn: 'nyne 'i: di-dih-eh-: en mu-a: ne. 'De: Yusu' jla or-a' wlu 'dlu-', or 'dae:, Nyorsoa 'da nyor⧾: dhulu', jorwor: nyor⧾-kpor-bei:: gan-eh:. :Yee': Falasi'i-nyor⧾, mo-: mu 'slan-', on 'ye: Yusu' wlu 'worn dih 'bhorn-dih:. :Yee' on dbo 'de or bo, an-a'a: bo: na-nyor⧾-: 'dekorn:: Hehlo'-a'a: bo: na-nyor⧾-: 'de on: wlu 'de or bo, on 'dae:, Nyor⧾ deh: torne-nyor:,: a yubo-eh': ka: an za-a 'yi 'sleh-dhih-', 'de: an torne-a nyor⧾ Nyorsoa-a': gwie: 'jeh, 'de 'yi 'sleh ka 'di.: An-a' ple nyor-a' 'yli-eh, 'de: on se 'de eh bo: korn,: ka nyor-a': yeh 'beh. :Yee' zela:: a: gwluhuh',: kaa: on no eh-a': gwluhuh' dih: na-dih-eh: eh? Eh: ne 'o: a-a'a: 'tele'-a': gwie 'i 'weh: e, nyor 'ye 'taa-deh⧾: za, 'de 'Wloon-nyor⧾-a' 'keen bo: e?: Ae': a-a': no-eh' ke? Jorwor:: Yusu' yubo: 'kulu-dhih: on 'dhu-a on 'ye-a' no, 'do on: gwlii' 'weh, 'de or: wlu 'de on bo, or 'dae:, A: mor nyor⧾-a' 'yli 'ye-nyor:⧾: daa.: Eh: korn dhih a yi 'on dih 'dhen 'da: eh? A: torne: 'on 'wlii-eh, nyor⧾-a za-dih-a 'taa-deh⧾, 'on 'ye-eh 'ye. 'De on: ya 'de: due' 'de or bo. :Yeh or 'ye-eh,: yee' or dhele-uh-: dih, or 'dae:,: Or: korn 'dlu-: 'dekorn: 'nyne-:: en: ne: daa eh ken: eh? 'De on 'da, 'Wloon-nyor⧾-a' 'keen: oo'. 'De or 'dae:, A 'nyi 'Wloon-nyor⧾-a' 'keen deh: eh: korn-a 'de or bo,: yee' a 'nyi Nyorsoa deh: eh: korn-a 'de or bo. :Yeh on 'worn-ih'-a,: yee' an-a': porluh⧾ 'ma-', 'de on 'tali-or dih, on mu. :Yee' 'do 'we-eh:: ne-a: due' 'di, 'do: wor: Jueh'-nyor⧾-a' kpor an 'da-dih-a: Sayusi'i-nyor:⧾: on no-a: mor nyor 'meh,: yee' or-a': sorn-': neheh', an-a' 'jeh: dao', mo-: mu 'de: Yusu' bo, 'de on dhele-or dih, on 'dae:, Nyor⧾ deh: torne-nyor:,: Mose' 'da,: mor nyor se 'yu 'wluh, 'de or 'ye 'meh,: yee' or-a' dei'-yu: korn or 'ye or-a'a: 'nynor-' 'duo:, or 'ye-or': korn, 'de or 'ye 'nynuu 'wluh 'do or-a' 'de-di': or 'meh-a 'gor bo. :Yee' 'de-di'-nyor⧾-kpalu⧾: meheh' 'sorn: oo', mo-: 'ti: daa: a bo: dee', 'de: klaba' nor: korn 'nynor, 'de or 'meh, or: ne 'nynor se 'yu 'wluh, 'de or-a' dei'-yu 'duo: or-a'a: 'nynor-'. 'Ka-: 'sororn' nor-: 'dekorn: taan nor-: on no: ke. Eh-: gweh an-a' klehkpeh: ne-a: meheh' 'sorn 'zorn. :Yeh an-a' klehkpeh, on 'meh-a, 'de on: gweh-a 'o dih,: yee' 'nynor: dao', or 'meh-': ke. :Yee': ka or 'ti-a nyor⧾: meheh' 'sorn: dao' 'bli: dee',: yee': mor ti nyni 'o, 'de nyor⧾-a' klehkpeh: on 'meh-a, 'de on 'ye 'de 'wluh,: yee': or: korn 'nynor or mu-' 'dhu-eh:: eh? :Yeh on dhele:-a: Yusu' deh: daa dih,: yee' or: wlu-' 'de on bo, or 'dae:, Deh⧾ a na-dih-a: gwluhuh' dih, en se 'i 'sleh. Deh no-eh, a: se-' Nyorsoa-a' 'chlee-deh-' dih 'worn, 'de a se or-a' 'kpih yubo:. Nyor⧾: on 'meh-a,: mor on: sorn-', on: se-' 'bli 'ti-dih: i: neheh'.: Ka 'enjor-nyor:⧾: on: ne-a 'de Nyorsoa 'bli yai', on: ne-a, 'ka-: an mu: ne: ke. 'Do 'meh: sorn-' deh bo, a 'see-eh zlo,: ka Nyorsoa 'da-a 'de a bo: e? Or no-a, 'Mor 'Eble'hehn-a' Nyorsoa. 'Mor Ase'-a' Nyorsoa. 'Mor 'Jekor-a' Nyorsoa. A 'see-eh zlo: e? Nyorsoa: se 'meheh'-nyor⧾-a' Nyorsoa. Jorwor: or no 'kmo: ne-nyor⧾-a' Nyorsoa. :Yee': yeh nyor⧾: doru': dao', on 'worn-a deh⧾: daa or torne-a nyor⧾,: yee' eh 'ma-dih: an-a': porluh⧾ 'weh. :Yee': yeh: Falasi'i-nyor⧾ 'worn-ih'-a: ka: Yusu' no-eh, 'de: Sayusi'i-nyor⧾ se-a deh 'ble, on 'ye-a 'o: za-dih:,: yee': Falasi'i-nyor⧾ 'kpa: dha: due', 'de an-a' nyor: due': or no-a: Mose'-a' 'tele' yubo-nyor, or-: dhele-or deh dih,: or 'ye-or' wlu 'worn dih 'bhorn-dih:, or 'dae:, Nyor⧾ deh: torne-nyor:. 'Tele': yeheh: eh no 'tele'⧾-a' klehkpeh-a' 'dlu 'de: Mose'-a' 'tele'-chlee-deh 'di: eh? 'De: Yusu' 'da,: Ybeh: an-a': Gwlor: baa' Nyorsoa-', 'do: an-a': porluh⧾-a' klehkpeh-: 'dekorn:: an-a': febeh'-a' klehkpeh-: bo. Eh-: 'o: eh 'dhu 'tele'⧾-a' klehkpeh, en-' 'dlu-', 'de eh-: no 'tele': eh 'kpa-a deh ken 'gabaa. 'Tele'⧾-a' 'sororn': neh: eh 'kpa-a deh ken: neheh',: eh gweh-a: zai' neh, eh-: 'dhu,: Ybeh nyor⧾: on: ne 'ti-a: dha: due'-',: ka: on no-a: an-a' 'jeh-a': ybeh-a'. :Mose'-a' 'tele'⧾-a' klehkpeh-: 'dekorn: Nyorsoa-a' wele-eh:: po-nyor⧾-a' nyor⧾ deh: torne-eh-a' klehkpeh-: 'tele'⧾ 'sororn': daa, me-: en tba ken dih. :Yee': ka: Falasi'i-nyor⧾-a 'kpa-a: dha: due',: yee': Yusu' dhele-uh-: dih, or 'dae:,: Kaa a no Nyorsoa-a' 'taan'-yu-deh:: daa, eh-a' 'ye-a': eh?: Or: korn 'yu: oo', or 'dhu-eh:-': eh? 'De on 'dae:,: Debe' 'di-a' 'yu: oo'. 'De or dhele-uh dih, or 'dae:,: Yee': eh: korn dhih 'de Nyorsoa-a': Zulu no-eh, 'de: Debe'-a' 'jeh 'yor-eh 'da-dih-or: Gwlor: baa': eh? Or no-a, :Gwlor: baa': wlu-' 'de 'an: Gwlor: baa' bo, or 'da,: Dhe 'o 'an: dila-son bo dih: chio'lo:, 'de 'on 'ye nyor⧾: on 'nyeh-a: on-' ya: ya, 'de: on 'ye-uh' ken dih: na. :Mor: Debe' 'da-dih 'yu-a' 'jeh: daa: Gwlor: baa',: yee': kaa or 'ye or-a'a: 'yu-' 'dhu-eh no: eh? :Yeh: Yusu' 'da: ao',: yee' an-a' nyor se or-a': gwluhuh' zela-eh 'beh-dih:, 'de: eh 'wluh-a 'o 'we-eh:: dao' 'di, eh se nyor: korn,: or 'ye-a': gwluhuh': ku,: or 'ye-or' deh dih dhele:: neheh'. :Yee': Yusu': wlu-' 'de nyor⧾: doru': dao'-: 'dekorn: or-a'a: bo: na-nyor⧾-: bo, or 'dae:, Nyor⧾ 'tele': torne-nyor⧾-: 'dekorn:: Falasi'i-nyor⧾-: mo-: 'ble 'kpih on 'ye: Mose'-a' 'tele' nyor⧾: torne:. Eh-a' dhih, a dhe 'o an-a' 'tele' dih,: yee' deh⧾ an zela a: gwluhuh' a 'ye-a' no, a no-ih. Jorwor: a-a': zi 'o an-a' noo-deh⧾ klei'. Deh no-eh, deh⧾ an torne-a nyor⧾, an-a' no-ih. An san-dih 'o kwa: ku-gbeh:⧾,: en: korn-a kpa-a': kma-a 'i. En-' 'jeh: dao', me-: an po 'o nyor⧾ ken, jorwor: an-a' 'jeh, an-a' 'worn, an-a' kpa: jii-eh: due' yai', on 'ye nyor⧾ bo 'kpa, on 'ye-ih' kpa. Deh⧾-a' klehkpeh an no-a, an no-ih' 'de: gwlor-nyor⧾ 'ye-uh' ya pobo:. Nyorsoa-a' wlu, mo-: on 'chle 'do deh ken.: Yee' deh: dao', eh-: on 'beh-dih: 'i, 'de an san-dih-eh 'o on 'yuba⧾ 'i-: 'dekorn: 'do on son⧾ 'i-:. 'De 'wla⧾: dhorno'⧾ on pa-', en-' 'voma'e: tehn-'. On: ybeh-' 'do: dha nyor⧾: klaba'⧾-a dhe-a dih 'do gor-' dih: dhe: deh. 'De on: ybeh kpala'⧾ 'jeh: ne,: en: dhe-dih-eh 'for 'i, 'de 'di: gweh-dih-sla⧾ 'zorn dih-a' ken: dhe: deh. On: ybeh-' nyor⧾ 'ye-uh' wlu bo po, 'do 'doror', 'do deh-' 'ye ka 'di, 'de nyor⧾ 'ye-uh' nyor⧾ deh: torne-nyor-nyne 'da-dih:. Jorwor: a: mor: mloror', a se: korn nyor⧾ 'ye a nyor⧾ deh: torne-nyor 'da-dih:. Deh no-eh, a 'ble nyor⧾ deh: torne-nyor: due' gbai, 'de a-a' klehkpeh, a: mor 'de-di'-boi': oo'. 'De a-a' 'da-dih:-' nyor, a: baa', dha yao 'zorn. Deh no-eh, a 'ble: Baa': due' 'i-a': due' gbai,: or: ne-a 'de yai'. Nyor-a' 'da-dih:-' a, nyor: klaba'. Deh no-eh, a 'ble nyor: klaba': due' gbai, or-: 'dhu Nyorsoa-a' 'taan'-yu-'. Nyor: or 'dhu-a: klaba'-' 'de a 'klu-',: yee' or-:: korn: or 'ye a-a'a: 'bhoi-yu no. Deh no-eh, nyor-beh:: or 'beh-dih:-a or-a' 'jeh 'i, or-: Nyorsoa-a mu ya: ya.: Yee' nyor-beh:: or: ya-a or-a' 'jeh ya, or-: Nyorsoa-a mu ya-' 'duo:. 'Chlo 'do a bo, a: mor nyor⧾ 'tele': torne-nyor⧾-: 'dekorn:: Falasi'i-nyor⧾-:. A no nyor⧾-a' 'yli 'ye-nyor:⧾. Deh no-eh, a po 'o Nyorsoa-a' nyor⧾ wlu 'ken: korn-eh-a': kpaa' 'weh, 'do nyor⧾ bo. A-a' 'jeh 'yor-eh, a-a' 'worn-dih:, 'de eh 'zorn: pa-dhih. 'De mor a-a' 'nyi nyor⧾: an 'bhorn-eh dih,: gwie, on 'ye-eh 'zorn pa. [ 'Chlo 'do a bo, a: mor nyor⧾ 'tele': torne-nyor⧾-: 'dekorn:: Falasi'i-nyor⧾-:. A no nyor⧾-a' 'yli 'ye-nyor:⧾. Deh no-eh, a za: dhoba: 'nynor⧾ 'gbu⧾ 'kwa dih, 'de: mor a 'ye nyor⧾-a' 'yli,: yee' a: gwle 'o Nyorsoa bo: wlu 'da. 'Do eh-a' dha,: mor zabe:: zi-eh-a' ti nyni 'o, a: mor Nyorsoa-a mu 'kle 'ye-eh: 'dlu: po 'gabaa, eh 'ye 'o: zi.] 'Chlo 'do a bo, a: mor nyor⧾ 'tele': torne-nyor⧾-: 'dekorn:: Falasi'i-nyor⧾-:. A no nyor⧾-a' 'yli 'ye-nyor:⧾. Deh no-eh, a yi-dih 'de yobo' ken-: 'dekorn: 'bluhba⧾-a' klehkpeh ken-: a mu deh⧾-a' klehkpeh-' dih, a 'ye-eh' no, 'de nyor: due' gbai 'ye 'o a klei' zi.: Yee': mor a 'ye-or,: yee' a no-eh', 'de or no 'kulu-nyor,: yee' or: zi 'o a-uh' 'weh, 'do kpor⧾ 'sororn' 'di, 'do 'ku 'bli: mu-eh bo. 'Chlo 'do a bo, a: mor 'doror'-nyor:⧾,: an na-dih-a nyor⧾. A 'da: mor nyor: zlehn-dih: Nyorsoa-a' 'sla ken,: yee' eh: se deh. Jorwor:: mor or: zlehn-dih: 'goo:: or: ne-a 'de Nyorsoa-a' 'sla 'di ken,: yee' or: korn or 'ye 'o or-a': zlehn-dih-wlu:: dao' dih dhe. A: mor: bobo-nyor:⧾: daa: or 'dor-a.: Yeheh: eh 'kpa deh ken: eh? 'Goo:: e?: Ae' Nyorsoa-a' 'sla: or no-eh 'de 'goo: ne-a gban 'i? 'De a za-eh' 'weh: neheh', a 'da,: Mor nyor: zlehn-dih: 'slaa ken: za-dih-deh ken,: yee' eh: se deh. Jorwor:: mor or: zlehn-dih: 'nyii'-deh:: eh: ne-a 'o 'slaa ken: za-dih-deh ken,: yee' or: korn or 'ye 'o or-a': zlehn-dih-wlu:: dao' dih dhe. A: mor 'doror'-nyor:⧾: daa.: Yeheh: eh 'kpa deh ken: eh? 'Nyii'-deh:: e?: Ae' 'slaa ken: za-dih-deh:: eh no-eh 'de 'nyii'-deh: ne-a gban 'i? Eh-a' dhih, nyor: or: zlehn-dih:-a 'slaa ken: za-dih-deh ken,: yee' or: zlehn-dih: 'slaa ken: za-dih-deh-: 'dekorn: deh⧾-a' klehkpeh: en: ne-a 'o eh ken-: 'weh. 'De nyor: or: zlehn-dih:-a Nyorsoa-a' 'sla ken,: yee' or: zlehn-dih: Nyorsoa-a' 'sla-: 'dekorn: Nyorsoa: or 'ti-a 'de or 'di-: 'weh. Nyor: or: zlehn-dih:-a 'de Nyorsoa 'bli yai' ken,: yee' or: zlehn-dih: Nyorsoa-a' 'keen: kpala'-: 'dekorn: Nyorsoa: or dhe-or ken-: 'weh. 'Chlo 'do a bo, a: mor nyor⧾ 'tele': torne-nyor⧾-: 'dekorn:: Falasi'i-nyor⧾-:. A no nyor⧾-a' 'yli 'ye-nyor:⧾. Deh no-eh, a 'nyi Nyorsoa a-a'a: 'dhuu'-deh:⧾: en: nmor-dih:-a 'soma' worn, en-': bhue: ne 'weh. Jorwor: a bla-dih deh⧾ 'jeh: en 'kpa-a deh ken worn,: en 'dhu-a 'tele'⧾-a' ji-buh⧾-',: en no-a 'yi 'sleh-deh⧾-: nyor⧾-a': wehlih 'ye-eh-: 'dekorn:: dhehehn-kplen-:. Deh⧾: daa, me-: a: korn a 'ye no, 'de mor a se: korn a 'ye: yih a no-a: dee' see, worn: bla-dih:: ke. A: mor 'doror'-nyor:⧾: an na-dih-a nyor⧾. A 'kple waan-deh⧾-' 'weh, 'de a-a'a: 'naa'-ni bo, jorwor:: kpuan' ken: soo'o:, or-: a mla. 'Chlo 'do a bo, a: mor nyor⧾ 'tele': torne-nyor⧾-: 'dekorn:: Falasi'i-nyor⧾-:. A no nyor⧾-a' 'yli 'ye-nyor:⧾. Deh no-eh, a worlor 'de a-a'a: 'di 'na-dih-korbuh⧾-: 'dekorn: a-a'a: 'di: di-dih-deh⧾-: ken dih. Jorwor:: vlehehn' 'yi 'de en 'di 'weh,: en 'dhu-a deh⧾-a' klehkpeh-a' 'klan: korn-eh-: 'dekorn: se a-a' 'jeh 'yor-eh-a' yau-a' 'bhororn'-deh⧾-a' 'yi: kan-eh 'beh-dih:-:. A: mor: Falasi'i-nyor:⧾: daa,: on 'dor-a. A worlor: 'de a-a'a: 'di 'na-dih-korbuh⧾-: 'dekorn: 'di: di-dih-deh⧾-: 'di dih: zai',: yee' 'de en ken-a mu: vlehehn'-': gweh: ke. 'Chlo 'do a bo, a: mor nyor⧾ 'tele': torne-nyor⧾-: 'dekorn:: Falasi'i-nyor⧾-:. A no nyor⧾-a' 'yli 'ye-nyor:⧾. Deh no-eh, a gweh nma-dih-deh:⧾,: en: ma-eh, 'de on: po-a 'ko,: en: nmor-a 'yi dih 'noror ken ka, 'de en 'di 'yi-dih: 'meheh'-nyor⧾-a' 'kpa⧾-: 'dekorn: 'kpan-': nyni-deh:⧾ 'doror: 'dor-:. 'Do: ka: ne-a: due' 'di, a gweh 'yi 'sleh-nyor:⧾, a: nmor 'de: gwlor-nyor⧾ 'yli-e-: dih, jorwor: 'de a 'di 'yi-dih:-' dih, nyor⧾-a' 'yli 'ye-eh-: 'dekorn: 'kulu-kplen-:. 'Chlo 'do a bo, a: mor nyor⧾ 'tele': torne-nyor⧾-: 'dekorn:: Falasi'i-nyor⧾-:. A no nyor⧾-a' 'yli 'ye-nyor:⧾. Deh no-eh, a ma nma-dih-deh:⧾ 'jeh, 'do Nyorsoa-a' wele-eh:: po-nyor⧾ bo, 'de a: nmor-dih: 'yi 'sleh-nyor⧾-a'a: nma-dih-deh⧾ 'yi dih. 'De a 'da,: Mor eh 'dhu,: a: ne 'kmo: dee', ti: a: bai'-a': bai': ne-dih:-a 'kmo,: yee' Nyorsoa-a' wele-eh:: po-nyor⧾-a' 'dbaa'-deh:: daa: dee',: a: se-uh' bo 'kpa-: i. :Mor a 'da, a no 'nynuu-a' 'nynuu 'do nyor⧾: on 'dba-a Nyorsoa-a' wele-eh:: po-nyor⧾ bo,: mor a 'da: ao',: yee' a: kpon-dih: a-a' 'jeh dhih. :Yee' a mu 'dlu bo, deh⧾-zon:⧾ a: bai'-a': bai' 'dhu-a glu, a 'ye-ih' jla. A: mor sane-zon⧾-nynuu:: daa,: kaa a mu 'kwla 'kpa-eh: no, 'de Nyorsoa-a' zabe:: zi-eh:: daa, eh: ne-' a kpon, 'de a: ne 'de 'ku 'bli mu: eh? 'An mu a wele-eh:: po-nyor⧾-:: toror': korn-nyor⧾-: 'dekorn: nyor⧾ 'tele': torne-nyor:⧾ 'jeh-: bo: dbo. A mu an-a': noo' 'dba-:. 'De on 'ye 'o: noo' 'do tu 'i: kor-dih:. 'De on 'ye: noo' bla, 'do a-a' 'di: gweh-dih-sla⧾ 'zorn, 'de a mu-uh blaa-tu⧾ 'de: ple-dih:, 'wluh gwlor 'di, mu gwlor 'di. 'Do eh-a' dha, 'yi 'sleh-nyor⧾-a' klehkpeh: on 'dba-eh dha yao 'zorn, 'do a 'dlu, 'do: wor an-a' nyomor-a mu: po-eh:,: eh 'wluh-a 'de 'Ebo:: or se-a deh-zon-': ne, or-a' nyomor bo, 'de: eh: yeh-dih:-a 'Zehkorwlaya': or 'dhu-a 'Balaka'ya-a'a: 'yu-' ken, a: bai'-a': bai' 'dba-dih:-a 'o Nyorsoa-a' 'sla-: 'dekorn: 'slaa ken: za-dih-deh-: 'nyne bo. Dhih 'jeh, 'an zela a: gwluhuh', en-' klehkpeh: daa, en mu 'o: kana-nyor:⧾: daa 'dlu: po-eh:. :Yee': Yusu': wlu-', or 'dae:, A: mor: Julu'slehn-nyor:⧾: daa, a: mor 'dba Nyorsoa-a' wele-eh:: po-nyor⧾, 'de: or tba-dih: yuh Nyorsoa dbo-a 'de a bo sobu'⧾ dih, on 'ye 'meh. 'De mor 'do ti: dhulu' 'di, 'an 'bhorn 'on 'ye a-a' klehkpeh: dha: due' po, 'do 'on bo,: eh gweh-a: ka: gbano:: soon': vlu-a an-a'a: 'nynuu ken. Jorwor: a-a' 'worn-dih-eh. Eh-a' dhih, a: to: dou'⧾, a-a'a: Nyorsoa-a' 'sla-a mu a kwa 'bor-dih-eh:. :Yee' 'an zela a: gwluhuh', a: se-' 'on 'ye-: i: neheh', eh 'ye ti a mu: ao',: Bhorlie' 'do nyor: dao' bo,: or yi-a 'de, 'de: Gwlor: baa'-a' 'nyne 'di, ken: yeh-dih:. :Yee': yeh: Yusu'-a 'wluh-a 'de Nyorsoa-a' 'sla bo, 'de or na-a, or mu-a,: yee' or-a'a: bo: na-nyor⧾ yi 'o or bo, on 'ye-or' 'gbu⧾: en: ne-a 'sla: dao' 'de dih,: torne:. Jorwor: or 'dae: 'de on bo, A 'ye 'gbu⧾-a' klehkpeh: daa 'weh: e? Dhih 'jeh, 'an zela a: gwluhuh', eh: se-' sobu': korn i,: on 'ye-a' 'o on 'be ken: sie:. Sobu'⧾-a' klehkpeh, en mu ken dih zela-eh:, en 'ye 'zorn: po-eh:. :Yee': yeh: Yusu': dhe-a dih 'de 'Orle-tluh ken,: yee' or-a'a: bo: na-nyor⧾, mo-: dhele-or dih, 'de 'slan: pa ka 'di, on 'da, Zela:: a: gwluhuh' ti: yihih: eh, deh⧾: daa, en mu: no-eh: eh? Deh: eh mu 'yi: to-dih-deh: no, 'de: a 'ye-eh' yubo:, 'do: an-a' 'de: yi-deh-: 'dekorn: 'bluhba-a' 'dlu-': jla-deh-: bo: eh? 'De or: wlu 'de on bo, or 'dae:, A 'dhu a-a' 'jeh: dhororn'. A-a' 'worn-:-', nyor-a': bo-dih:-' a dih. Deh no-eh, nyor⧾: dhulu', mo-:: an mu 'de 'an 'nyne ken: yi-dih:. Mo-:: an mu: ao', mo-: Nyorsoa-a' 'taan'-yu: 'o, 'de on 'ye nyor⧾: dhulu' dih: bo-dih:. :Yee' a mu tuh-a' 'nyne 'worn-:, 'de a 'ye tuh-a' kuna'⧾ 'worn: ke. Jorwor: a yubo-eh, a-a': ple-': fano. Deh no-eh, deh⧾: daa, en: korn en 'ye: no-eh:, jorwor: eh 'see ti-a' 'dlu-': jla-ti no kele'a:. 'Bluhba⧾-dlu⧾-: 'bluhba⧾-dlu⧾-: en mu: vorn.: Yee' 'keen-boi'-a mu on 'bei' 'keen-boi' bo: vorn. 'Moeh:: eh 'kpa-a Ji Kou'-moeh:, eh mu 'de: yi deh⧾-' dih, 'de 'bluhba 'ye: tleh deh⧾-' dih. :Mor deh⧾: daa, en-' klehkpeh: taa 'dlu bo mu,: yee' 'do 'kle 'ye-eh-a' glu 'dhu 'da: oo',: eh gweh-a: ka 'kwli-a no-a 'nynor,: or 'bhorn-a: or 'ye-a': gbano: za. :Yee' an mu a: kpon, on 'ye a 'kle 'ye-dih:, 'de on 'ye a 'dba. 'Bluhba⧾-dlu⧾-a' klehkpeh, en mu a-uh' 'nyeh-:, 'an dhih. 'Do ti: dao' 'i, nyor⧾: dhulu'-a mu Nyorsoa-a' dhih 'jeh dih 'tali:. An mu on 'bei': plo, 'de on 'ye 'nyeh-eh-dih:. :Yee' sih 'tmo: wele-eh:: po-nyor:⧾: dhulu'-a mu-': sorn, 'de on 'ye nyor⧾: dhulu' dih: bo-dih:. Deh⧾-zon⧾-a' ken dih 'kpuhba-eh mu-eh: no, 'de: gwlor-nyor:⧾: dhulu'-a': ybeh-dih-eh 'ye: chehbe'-' pa. Jorwor: nyor: or se-a sea 'de ti 'ye-a' 'dlu-': jla,: yee' or mu 'puh-:. Tubo-wlu:⧾ 'jeh: en kor-a Nyorsoa-a' nyor⧾ wlu 'ken: korn-eh 'i, en mu: po-eh:, dha 'bluhba-a' klehkpeh ken, 'de en 'ye dhih bo zela-deh-' 'dhu-eh: 'do: gwlor-nyor⧾-a' klehkpeh bo, 'de 'bluhba-a' 'dlu-': jla-ti 'ye 'o nyni. :Yee': Yusu'-a kpa or-a' wlu 'dlu bo, or 'dae:,: Yee': mor a 'ye 'kulu-deh:: eh za-a deh⧾ gban-',: eh: korn-a dhih, Nyorsoa-a' wele-eh:: po-nyor:: Danio': za-a-', 'de eh 'ye dih: nyna 'do Nyorsoa-a' gban 'i: ne-sla 'zorn, ('Nyi nyor: or zlo-a deh: daa, or 'worn-eh' dih.) :yee' 'nyi nyor⧾: on: ne-a 'de: Judi'a-bluhba ken, on ple, on 'ye 'de tluh⧾ ken mu. :Mor nyor: ne 'de 'gbu 'dlu, 'do ti: dao' 'i,: yee' 'nyi or ple, or mu. Or-a': pa-' 'de 'gbu, or-a' 'duo:-' deh⧾: en: ne-a 'de on 'di-'. :Mor nyor: ne 'de 'gle, 'nyi or ple, or mu. Or-a': yi-': gwlor-'. Or-a' 'duo:-' or-a'a: 'korlor-'. 'Do ti: dao' bo, eh mu 'i: kma 'gabaa, 'do 'nynor⧾: on: ne-a 'kwli⧾-'-: 'dekorn:: yuh: an 'nya-dih-a 'nynuu-: bo. A bale: Nyorsoa, 'do ti a mu-a: ple 'di, 'de eh: ne-': chehbe'-a' ti-:: eh beh-Nyorsoa-a': gwlee-we-eh-: no. Deh no-eh,: mor ti: dao', en nyni 'o,: yee' eh mu 'kle 'ye-eh:: klaba': no. 'Kle 'ye-eh:: klaba': daa, eh mu 'kle 'ye-eh-a' klehkpeh-': zi,: eh 'wluh-a ti Nyorsoa: no-dih:-a 'bluhba, 'de: eh: yeh-dih:-a zorn: daa ken.: Mor eh no: ao',: yee' eh-a' 'kle 'ye-tu:: dao', eh: se-' de: yi i: neheh',: ka ti-a mu-a 'dlu-': tehn. Jorwor:: mor Nyorsoa se ti: dao' 'i 'koan'-dih:: dee',: yee': gwlor-nyor⧾-a' klehkpeh-a mu 'meh-:, on 'ye 'o dih: gweh. Jorwor: nyor⧾ or gan-a, mo-:: korn dhih or mu ti: dao' 'i 'koan'-dih:. :Yee' 'do ti: dao' 'di,: mor nyor zela: a: gwluhuh', or 'da, A: gbee'e:. Nyorsoa-a' 'taan'-yu: wor: dhe dih, 'de mor or 'ye: ao', Or-:: ne 'de 'naa: 'o, a-a': po-ih' dhih 'jeh-'. Deh no-eh, sih 'tmo: wele-eh:: po-nyor⧾-: 'dekorn:: yuh: an 'da-dih-a an-a' 'jeh 'Klae-: an mu-': sorn, on 'ye 'yi: to-dih-deh:⧾: klaba'⧾-: 'dekorn: nyor⧾ 'di dih 'ma-dih-deh⧾-: no. An mu deh⧾: daa: no, on 'ye nyor⧾ Nyorsoa gan-a: sloror' dih: bo-dih:,: mor on 'beh-dih: eh-a' no-a'. A: gbee'e:. 'An sie ti de. 'An zela a: gwluhuh': dueh'leh:. 'Do eh-a' dha,: mor nyor⧾ zela: a: gwluhuh',: mor on 'da, A: gbee'e:. 'Klae, or-:: ne 'de: bhehneh'-bluhba ken: dao',: yee' a-a': mu 'de.: Yee': mor on 'da, A: gbee'e:. Or-:: ne 'de: chuu:: dao' 'di,: yee' a-a': po-ih' dhih 'jeh-'. Deh no-eh,: ka dhehn-a no-a 'yli-': chleh-eh, 'de eh chehn-a yao ken,: eh 'wluh-a 'de 'yluh-a' 'kwla 'wluh-dih: 'da, 'de: eh: yeh-dih:-a an-a' 'nior: 'kpa 'da ken, 'ka: wor 'yu an 'da-dih-a Nyor-kpalu-a' 'yu, or-a' yi-a'-a mu: ne. A yubo-eh',: dha deh 'meh-dih:-a, 'do: wor 'dhamua'⧾-a gweh-dih.: Yee' 'do: ka: ne-a: due' 'di,: yee' 'an mu de: yi: gbor: gbor. :Yee': Yusu'-a wlu-': chio'lo:, or 'da,: Mor 'kle 'ye-eh:: dao', eh-a' ti zi,: yee' 'do: dha: ne-a: due', 'yluh: se-': fan i deh 'jeh, 'de mor 'chuh: se-': fan i: ke. 'Chuh: dhlaen:: ne-a 'de yai', en mu 'zorn 'kpa-:.: Yee' deh⧾-a' klehkpeh: en 'ble-a 'kpih 'do yao: gwlii', en-' 'kpih-a mu 'i gbua:. :Yee' deh-: mu 'i: po-eh: 'de yai', eh 'ye 'yi: to-dih-deh no, 'do 'yu an 'da-dih-a Nyor-kpalu-a' 'yu, or-a' 'de: yi-eh bo.: Yee' 'dawor'⧾-dlu⧾-a' klehkpeh: en: ne-a dha 'bluhba ken, en mu 'vin-:, 'de en 'ye 'zlu,: mor en 'ye 'yu an 'da-dih-a Nyor-kpalu-a' 'yu, or: taa 'de yi, 'de 'ni-kpan:⧾: en: ne-a 'de yai', 'nyne-', 'de 'kpih-: 'dekorn: dhih-a' 'i 'beh-a': klaba'-: 'di. :Yee' or mu: gamu: bla, 'de or 'ye or-a'a: 'enjor-nyor⧾ dbo, on 'ye nyor⧾ or gan-a,: on: ne-a 'bluhba-a' 'for⧾: ne-a: nyieh, yobo' po-a 'de: gle 'gbeheh 'di,: dha: due' po. :Yee' 'cheaan'-deh: a 'ye-a' 'chean' 'do 'fe-tu 'bhun, eh-:: dhe dih.: Mor an-a' 'gabuh⧾: taa torbor, 'de on 'ye wlon⧾: dele' 'dhu,: yee' a yubo-eh',: ka 'ni: dba 'i-ti-a nyni-a 'o. :Yee' 'ka-: 'o eh: ne: ke,: mor a: taa deh⧾-a' klehkpeh: daa 'ye,: yee' a mu-eh yubo:: ka ti: dao', en 'koan'-a bo 'gabaa. Dhih 'jeh, 'an zela a: gwluhuh', deh⧾-a' klehkpeh: daa, en mu: no-eh:, 'de jorwor: nyor⧾-a' klehkpeh: on: ne-a 'kmo dha ti: daa 'i, 'de an-a' ti 'ye 'o dih: gweh, on 'ye 'meh. 'Bluhba-: 'dekorn: yao-: en mu 'dlu-': jla, jorwor: 'an wlu: se-' dih: gweh i,: ka ti-a mu-a 'dlu-': tehn. :Yee' 'we-eh:: dao'-: 'yluh-buh:: dao'-: ti en mu-a 'de: yi, nyor se-ih yubo:. 'Enjor-nyor:⧾: on: ne-a 'de Nyorsoa 'bli yai'-a' 'jeh-: 'dekorn: Nyorsoa-a' 'Yu-: on se-eh yubo:. Nyorsoa: due', or-: yubo-eh. :Yee': ka eh: ne-a 'do: Noa'-a' ti 'i, 'ka: wor eh mu: ne: ke, 'do ti 'yu an 'da-dih-a Nyor-kpalu-a' 'yu-a mu-a 'de: ya 'di. :Yeh 'ni 'ye-a' 'yi, 'do 'we: dao' 'di,: yee': gwlor-nyor⧾-a di deh, an 'na-', an 'ti-dih 'bli, me-: on mane: 'i: chio'lo:, 'de: Noa' pa 'de 'ni ken-meheh 'di. :Yeh an no-a deh⧾: daa,: yee' deh: eh yi-a 'dlu bo: mu 'da, on se-eh yubo:: chio'lo:, 'de jorwor: 'yii'-ni 'yle, eh kpa nyor⧾-a' klehkpeh. 'Ka-: 'o eh mu: ne: ke,: mor 'yu an 'da-dih-a Nyor-kpalu-a' 'yu, or: taa 'de yi. :Yee' nyor⧾-kpalu⧾ 'sororn'-a mu 'de 'gle: plan-dih:, 'de: due' 'ye 'o: za-eh:, 'de: due' 'ye 'o: sie:. :Yee' 'nynor⧾-kpao'⧾ 'sororn'-a mu 'o: dhobo 'zorn: plan-dih:, 'de: due' 'ye 'o: za-eh:, 'de: due' 'ye 'o: sie:. Eh-a' dhih, a 'dhu-eh 'yli-eh bo. Deh no-eh, a se 'we-eh: a-a'a:: Gwlor: baa'-a mu-a 'de: ya yubo:. Jorwor: deh a 'ye-a' yubo:, eh-:: dhe dih,: mor 'gbu: korn-nyor yubo-eh: dee', ti 'ylii'-nyor-a mu-a 'de: ya, 'do glu-we-eh 'di,: yee' or mu-or: fuo:: dee',: yee' or: se-' 'worn-: i, 'ylii'-nyor 'ye or-a'a: 'gbu wa. 'Do eh-a' dha, a: mor: ke, a: korn a 'ye buh⧾ ken: ne, 'do ti-a' klehkpeh bo. Deh no-eh, 'yu an 'da-dih-a Nyor-kpalu-a' 'yu, ti a: se-or' 'sor-dih:, 'do: wor or mu 'de: yi-dih:. :Yee': Yusu' dhele-uh-: dih, or 'dae:,: Or 'dhu 'bhoi-yu:: or 'dhu-a: dhehehn-nyor-', 'de: or: korn-a: toror': eh? Or-: 'o, or-a'a: nyor: klaba'-a po 'de 'bhoi-nynuu:: on: ne-a 'de or 'bli 'gbu 'dlu bo,: or 'ye-uh' an-a'a: dii-deh⧾ 'nyi, 'do ti on: korn on 'ye-a' deh: di-dih: bo. Eh mu 'yi dih: nmor 'do 'bhoi-yu:: dao' bo,: mor or 'si 'o deh: dao', eh-a' no 'da, 'de or-a'a: nyor: klaba' 'ye-or' ken: yeh-dih:. Dhih 'jeh, 'an zela a: gwluhuh', or-a'a: nyor: klaba'-a mu or-a'a:: kororn-deh⧾-a' klehkpeh 'de or 'kwa: po. Jorwor:: mor eh 'dhu deh-', 'de 'bhoi-yu:: dao', or-a': porluh 'ye worn: nyni: dee', or mu: ao' 'da-:, 'do or-a' 'jeh-a': porluh ken, 'An-a: nyor: klaba': gwle 'de 'weh. :Yee': mor or no: ao',: yee' or mu 'o or 'be 'bhoi-nynuu:: yuh: dao', an-a' bla 'da 'kpa-:.: Yee' or mu 'de nomor 'na-nyor⧾ 'klu-' 'kpa-:, 'de or 'ye deh: di-eh-: nomor 'na-eh-: ken 'kpa. :Yee' eh mu 'we-eh: korn, ti 'bhoi-yu:: dao', or se-a or-a'a: nyor: klaba' 'sor-dih:, 'do: wor or mu 'de: yi-dih:. :Yee' or mu-or 'kle 'ye-eh: 'dlu: po, 'de or 'ye-or 'de nyor⧾-a' 'yli 'ye-nyor⧾ 'nyne-' po, 'do: dha 'vin-a'-: 'dekorn: 'nyne 'i: di-dih-eh-: en mu-a: ne. Ti 'yu an 'da-dih-a Nyor-kpalu-a 'yu-a mu-a 'de: ya,: yee' Nyorsoa-a' nyor⧾ wlu 'ken: korn-eh mu 'nynor⧾-kpao'⧾-nynuu: bhue-a' deh: gweh,: on se-a nyor⧾-kpalu⧾-dhih yubo:,: on 'duo:-a an-a'a: 'nape⧾-', 'de: on mu-a 'yu: or: korn-a 'nynor an ya-a nyina, 'yi 'ya-dih: 'da. 'Nynor⧾-kpao'⧾: dao', an-a': mm', mo-:: bo 'di dih, 'de an-a': mm': florn: gwluhuh' dih. :Yee': yuh: bo-a 'di dih, on 'duo: an-a'a: 'nape⧾ 'weh, jorwor: on: se-': jase'-ni:: nee' kpa. Jorwor:: yuh: on: florn-a: gwluhuh' dih,: yeh an mu-a,: yee' on kpa: jase'-ni:: nee' 'de: zolae 'di, me-: on 'ble-dih: an-a'a: 'nape⧾ bo. 'Yu: daa, or: se-' 'dhobo:, or: se 'de yi.: Yee' an 'zen-dih-', 'de on 'kpa 'nyinor-'. :Yee': yeh eh no-a dholo-' zuee,: yee' nyor po 'geh, or 'dae:, A: gbee'e:.: Goba'-yu: wor: dhe dih. A yi 'noror 'zorn, a 'ye-or' 'yi 'ya-dih:. :Yee' 'nynor⧾-kpao'⧾-nynuu-a' klehkpeh: dao', on 'wluh-' 'nyinor:, 'de on po an-a'a: 'nape⧾ 'kpa, or 'ye wan. 'De: yuh: on: bo-a 'di dih, on: wlu 'de: gwluhuh' dih: florn-no bo, on 'dae:,: A-a'a:: jase'-ni: a 'ble-a, a 'nyi en-' deh⧾-bei: a-uh. Deh no-eh,: a-a'a: 'nape⧾-a yi 'mo 'da. Jorwor:: gwluhuh' dih: florn-nynor⧾-kpao'⧾: dao', on 'dae:, 'Kei:. Deh no-eh, eh gweh, en: se-' 'i: dhie: i, 'do a mor-: 'dekorn:: a mor-: bo. Jorwor: a mu 'de: jase'-ni:: plo-nyor⧾ bo, a 'ye a-a' 'jeh-a'a:: jase'-ni dhen. 'De on mu. Jorwor:: yeh an mu-a: jase'-ni:: dhen 'da,: yee': goba'-yu 'si-: dih 'noror on 'de.: Yee' 'nynor⧾-kpao'⧾-nynuu-a': yuh: on: ne-a buh⧾ ken, mo-:: ne or pa 'de 'nynor nyina:: kpa-gor-', 'de: kpaa': po-eh: 'o. :Yee': yeh ti-kpor: zi-dih:-a 'o ken dih,: yee': yuh: dao', on yi-: 'de: ke, on 'dae:, Nyor: klaba', Nyor: klaba',: za: a: kpaa' 'i. Jorwor: or: wlu-' 'de on bo, or 'dae:, Dhih 'jeh, 'an zela a: gwluhuh', 'on se a yubo:. 'De: Yusu' 'dae:,: Yee' eh-a' dhih, a 'dhu-eh 'yli-eh bo. Deh no-eh, a se 'we-eh-: 'dekorn: ti-: yubo:,: en 'yu an 'da-dih-a Nyor-kpalu-a' 'yu-a mu-a 'de: ya. :Yee': Yusu': wlu-': neheh', or 'dae:, Nyorsoa-a' nyor⧾ wlu 'ken: korn-eh mu nyor-kpalu: due': gweh,: or yi-a 'duhba-': mu 'da, 'de: or 'da-a or-a'a: 'bhoi-nynuu 'do or bo, 'de: or sie-a or-a'a:: kororn-deh⧾ 'de on 'kwa. Or 'nyi: due' 'sebla-wlii-a' 'wlu: mm', 'de or 'nyi: noror' 'sebla-wlii-a' 'wlu 'sororn', 'de or 'nyi: noror' 'sebla-wlii-a' 'wlu: due'. An-a' klehkpeh, or 'nyi-uh deh⧾: ka an-a' dhih no-a': ne-a'. 'De or 'kpa: gwie 'i, or mu. :Yee' 'do: dha: due': dao',: yor: or 'ye-a 'sebla-wlii-a' 'wlu: mm': dao', or 'bili-ih-'-: dih, 'de or 'ye 'sebla-wlii-a' 'wlu: mm': dele' ka, 'do en ken. :Yee' 'ka-:: yor: or 'ye-a 'sebla-wlii-a' 'wlu 'sororn', or no: ke, 'de or 'ye 'sebla-wlii-a' 'wlu 'sororn': dele' ka. Jorwor:: yor: or 'ye-a 'sebla-wlii-a' 'wlu: due', or mu, or 'blu 'bie' 'do glu, 'do: wor or 'zile: or-a'a: nyor: klaba'-a'a: 'wlii. :Yee': yeh ti: dhorno'⧾: zi-dih:-a 'o ken dih,: yee' 'bhoi-nynuu:: dao', an-a'a: nyor: klaba' yi-: de, 'de or 'da-uh, or 'ye 'wlii: or: sie-dih-uh-a zlo. 'De 'yu: yor: or 'ye-a 'sebla-wlii-a' 'wlu: mm', or: ya 'de 'sebla-wlii-a' 'wlu: mm': noo', or 'dae:, Nyor: klaba',: on 'nyi 'on 'sebla-wlii-a' 'wlu: mm'.: Gbee'e: 'On 'ye 'sebla-wlii-a' 'wlu: mm': noo', 'do en ken. :Yeh or 'da: ao',: yee' or-a'a: nyor: klaba': wlu-' 'de or bo, or 'dae:,: On no deh 'jeh,: mor 'an-a: 'bhoi-yu: 'jeh: oo',: on no: dhehehn-nyor:.: Ka: on no-a: dhehehn-nyor 'do deh-yu-a' 'yli-eh bo 'dhu-eh,: yee' eh-:: korn dhih, 'an mu deh⧾: dhulu' 'de: on 'kwa: po. 'Yle, mor-: 'dekorn: 'mor-:: a 'ye: dha: due' 'kpa, 'de 'mona: ka 'di. 'De: yor: or 'ye-a 'sebla-wlii-a' 'wlu 'sororn', or 'yle: ke, or 'dae:, Nyor: klaba',: on 'nyi 'on 'sebla-wlii-a' 'wlu 'sororn'.: Gbee'e:. 'On 'ye 'sebla-wlii-a' 'wlu 'sororn': noo', 'do en ken. :Yeh or 'da: ao',: yee' or-a'a: nyor: klaba': wlu-' 'de or bo, or 'dae:,: On no deh 'jeh,: mor 'an-a: 'bhoi-yu: 'jeh: oo',: on no: dhehehn-nyor:.: Ka: on no-a: dhehehn-nyor 'do deh-yu-a' 'yli-eh bo 'dhu-eh,: yee' eh-:: korn dhih, 'an mu deh⧾: dhulu' 'de: on 'kwa: po. 'Yle, mor-: 'dekorn: 'mor-:: a 'ye: dha: due' 'kpa, 'de 'mona: ka 'di. 'De: yor: or 'ye-a 'sebla-wlii-a' 'wlu: due', or 'yle: ke, or 'dae:, Nyor: klaba', 'on yubo-eh',: an-a' deh: kma 'i. 'Do: dha: on se-a deh 'dhu-dih:, 'do: wor: an 'kpan-dih-eh. Deh⧾-yor:: on se-a dih gboba:, or-:: an 'gola dih. 'Do eh-a' dha, 'an ple: an-a': fano 'weh. Eh-:: korn dhih, 'on mu, 'on 'zile:: an-a'a: 'wlii: 'de glu.: Gbee'e:.: An-a' deh: on: sie-dih:-a 'on, eh-:: dhe dih. :Yeh or 'da: ao',: yee' or-a'a: nyor: klaba': wlu-' 'de or bo, or 'dae:,: Mor 'bhoi-yu:: daa,: or: korn-a: porluh:: nyni-a worn, 'de: or no-a kpobo,: on yubo-eh',: dha 'on se-a deh 'dhu-dih:, 'do: wor 'an 'kpan-dih-eh, 'de deh⧾-yor: 'on se-a dih gboba:, or-: 'an 'gola dih. 'Do eh-a' dha,: on: korn: on 'ye 'an-a: 'wlii 'de 'wlii dih: dhe-gbu 'zorn kpa: dee',: yee': mor 'on yi de,: yee' 'an mu 'an-a: 'wlii-: 'dekorn: deh: eh 'kpa-a 'o en ken-: 'ye. 'De or: wlu 'de or-a'a: 'bhoi-nynuu:: noo' bo, or 'dae:, A za-or 'sebla-wlii-a': kehehn': due': dao' 'kwa.: Yee' a 'nyi-ih: yor: or 'ye-a 'o 'sebla-wlii-a' 'wlu: bhue ken. Deh no-eh, nyor: or 'ye-a 'o deh⧾: dhulu', or-a'a: deh⧾: dhulu' or 'ye-a 'o, en mu ken 'kpa-:, 'de or 'ye: doru' 'ble. Jorwor: nyor: or se-a 'o deh 'ye, or-a'a: deh-yu-a' 'jeh or 'ble-a, eh mu-or 'kwa: za-eh:. :Yee' se deh-' 'dhu-eh-bhoi-yu:: dao', a po-or 'do 'zorn 'de neh-', 'do: dha 'vin-a'-: 'dekorn: 'nyne 'i: di-dih-eh-: en mu-a: ne. :Yee': Yusu': wlu-': neheh', or 'dae:,: Mor 'yu an 'da-dih-a Nyor-kpalu-a' 'yu, or 'yle 'de or-a' dhih-a' 'i 'beh-a' 'di, 'de 'enjor-nyor⧾-a' klehkpeh: ne or 'ye 'de yi,: yee' or mu dih: dhe, 'do or-a'a: dhih-a' 'i 'beh: kpala' ken. :Yee' 'dawor'⧾-dlu⧾-a' klehkpeh: en: ne-a dha 'bluhba ken, en mu 'o or ybei': gweh-dih:.: Yee' or mu-ih 'dlu⧾-kpor⧾ 'sororn': za,: eh gweh-a: ka 'blae'⧾-a' 'yli-eh bo 'dhu-nyor-a zela-a 'blae'⧾-: 'dekorn: 'gbalor⧾-: dih. Or mu 'blae'⧾: dila-son bo: po, 'de or 'ye 'gbalor⧾ kona-son bo po. :Yee' 'ka-: 'Keen-a mu: aa 'da-:, 'de nyor⧾: on: ne-a 'de or-a': dila-son bo, A 'yle, a: mor 'On-ba po-a: bhorlie' bo, a 'yle, Nyorsoa-a' nyor⧾ wlu 'ken: korn-eh-a fuo a ken see,: eh 'wluh-a 'de ti Nyorsoa: no-dih:-a 'bluhba, a 'ye-eh' 'ye. Deh no-eh, ti 'moeh-a no-a 'on,: yee' a 'nyi 'on dii-deh:⧾. Ti 'ni 'na-ton-a no-a 'on,: yee' a 'nyi 'on 'ni, 'de 'on 'na. Ti 'on no-a 'duhba-yu,: yee' a: ko-dih: 'on 'gbu. Ti 'on: chehn-a wluh bo,: yee' a 'nyi 'on paa-deh:⧾. Ti 'an puhba-a,: yee' a yi 'on 'nyinor-': za 'da piee. Ti 'on: ne-a: kasue 'di,: yee' a yi 'de 'on bo 'weh. :Yee' 'yi 'sleh-nyor:⧾: dao', an mu: ao',: Gwlor: baa', ti: yihih: eh 'moeh no: on, 'de: a 'nyi: on dii-deh⧾: eh? Ti: yihih: eh 'ni 'na-ton-a no: on, 'de: a 'nyi: on 'ni: on 'ye 'na: eh? Ti: yihih: eh: a 'ye: on, 'de: on: no-dih: 'duhba-yu, 'de: a: ko-dih:: on 'gbu: eh? 'De mor, ti: yihih: eh: a 'ye: on, 'de: on: chehn wluh bo, 'de: a 'nyi: on paa-deh⧾: eh? Ti: yihih: eh: a 'ye: on, 'de: an puhba, 'de mor: on: ne: kasue 'di, 'de: a: yi-dih: 'de: on bo: eh? :Yeh on 'da: ao',: yee' 'Keen-a mu-uh: gwluhuh' zela:, or 'ye: ao', Dhih 'jeh, 'an zela a: gwluhuh', deh⧾: daa, en-' deh-beh: a no-a, 'do 'de-di'-boi': daa: on: korn-a 'de 'on bo,: mor a no deh, 'do an-a' 'zeehn:: nor,: or se-a deh ken 'kpa bo,: yee' 'mor-: 'o, a no-eh 'bhun. :Yee' 'Keen-a mu: yuh: on: ne-a 'de or-a' kona-son bo: gwluhuh' zela:, or 'ye: ao', A: mor nyor⧾: daa. Nyorsoa po a 'chlo bo 'weh. A 'wluh: daa 'on bo, a 'ye mu, 'de 'kmo: sie: neh-',: eh: po-eh 'kpa: dee' see, 'do 'ku-: 'dekorn: an-a'a:: weheh': za-deh⧾-: bo. Deh no-eh, ti 'moeh-a no-a 'on, a: se-' 'on deh-beh 'nyi 'on 'ye di, ti 'ni 'na-ton-a no-a 'on, a: se-' 'on 'ni-bei-a' 'jeh 'nyi, 'on 'ye 'na. Ti 'on no-a 'duhba-yu, a: se-' 'on 'gbu: ko-dih:. Ti 'on: chehn-a wluh bo, a: se-' 'on paa-deh⧾ 'nyi. Ti 'an puhba-a, 'de mor 'on: ne-a: kasue 'di, a: se 'de 'on bo yi. :Yeh or 'da: ao',: yee' an mu-or dih dhele:, an mu: ao',: Gwlor: baa', ti: yihih: eh: a 'ye-dih:: on, 'de 'moeh-: 'ni 'na-ton-: en no: on. Ti: yihih: eh: a 'ye-dih:: on,: on: no-dih: 'duhba-yu, 'de mor: on: chehn wluh bo, 'de mor: an puhba, 'de mor: on: ne: kasue 'di, 'de: a: se-': on bo 'kpa: eh? :Yee' 'Keen-a mu: wlu 'de on bo, or mu: ao', Dhih 'jeh, 'an zela a: gwluhuh', deh⧾: daa,: mor a se en-' deh-beh no, 'do 'an-a: 'bhoi-nynuu-a' 'zeehn:: nor,: or se-a deh ken 'kpa bo,: yee' 'mor-: 'o, a: se-eh' 'bhun no. :Yee' nyor⧾: daa, an mu: mu, 'de on 'ye 'kle 'ye-eh: 'dlu: po-eh:: eh se-a 'dlu-': jla 'da: korn, jorwor: 'yi 'sleh-nyor:⧾, mo-:: an mu 'kmo: sie:: febeh' 'ye-: 'de Nyorsoa 'bli yai'. :Yee': yeh: Yusu' gweh-a deh⧾: daa, en-' klehkpeh-a': za-a' 'i,: yee' or: wlu-' 'de or-a'a: bo: na-nyor⧾ bo, or 'dae:, A yubo-eh',: mor eh no 'we 'sororn',: yee' 'Meh-a': bla-dih: 'dlu dih-gor-a' ti nyni 'o 'weh,: yee' 'yu an 'da-dih-a Nyor-kpalu-a' 'yu-a mu 'kwla: za-eh:, 'de on 'ye-or' 'o tu 'i: kor-dih:. :Yee' 'do ti: dao' 'di, Nyorsoa-a' 'slaa:: za-nyor:⧾: klaba'⧾-: 'dekorn:: Jueh'-nyor⧾-a' 'bluhba:: korn-nyor⧾-: mo-:: gweh-dih: 'o Nyorsoa-a' 'slaa:: za-nyor⧾-a' nyor: klaba' bo, an 'da-dih-a: Kai'fa, 'do or 'bli 'sla ya. 'Do: wor on 'dhu-dih: dhih, on 'ye: Yusu' 'sleh dih: po-dih:, on 'ye-or' kpon, 'de on 'ye-or 'dba. Jorwor: an wlu-' 'de an-a' 'jeh 'nyne-', an no,: A 'bor,: a-a': kpon-or' 'do gor-'.: Mor: a no-eh,: yee' eh mu 'kpunu: 'kpun yaa'e dih: za, 'noror: gwlor-nyor:⧾: doru': daa 'nyne-' 'bla. Eh: korn 'we-eh: due',: yee': Yusu': ne 'de Samor',: or yau-zon-weh kpon-a: dee', 'de or 'bli 'gbu, 'de: Behtani'i. :Yeh or: ne-a 'de, 'de or di-a deh,: yee' 'nynor: due', or-: yi 'o or bo, or-:: ya 'de: zolo-eh:: eh: no-dih-eh sobu' an 'da-dih-a: alaba'ta,: eh: ne-a: pofi'orn:: or 'kpa-a deh ken 'gabaa 'di. Or-: or 'chehli: 'do: Yusu' 'dlu. :Yeh or-a'a: bo: na-nyor⧾ 'ye-eh,: yee' on 'kpa-' 'chehn, on 'da,: Eh: korn dhih, 'nynor-a dola: pofi'orn:: nmaa'e:: daa dih: eh? :Mor nyor⧾ plo: pofi'orn:: daa: dee', 'wlii: an mu-a 'ye-:, en mu 'wlii:: dhulu': no. 'Wlii:: dao', me-:: a: korn: a 'ye nyor⧾: on se-a deh-a': za-da 'ble 'nyi: dee'. Jorwor:: ka: Yusu' yubo-eh 'i,: yee' or dhele-uh-: dih, or 'dae:,: Eh no 'de a 'beh-dih-or 'worn dih: eh? Or no deh: nmaa'e: 'do 'on bo. Nyor⧾: on se-a deh-a': za-da 'ble, an mu dha a bo: ne, 'do ti-a' klehkpeh bo. Jorwor: 'on: se-' dha a bo: ne i, 'do ti-a' klehkpeh bo. :Pofi'orn:: daa, or 'wla-a 'on-', or po 'an yau 'kpa, 'do 'an dih nma-dih-eh bo,: mor 'on 'meh. Dhih 'jeh, 'an zela a: gwluhuh',: dha klehkpeh Nyorsoa-a' tubo-wlu:⧾ 'jeh-a mu-a: po-dih-eh, dha yao 'zorn-a' klehkpeh, deh 'nynor: daa or no-a, eh mu-': za-eh:, 'do or-a' dhih-a': gwluhuh' bo: po-dih-eh bo. :Yee': Yusu'-a'a: bo: na-nyor:⧾: on: korn-a: bhue: 'yor: ne-a 'sororn', an-a' nyor: due', an 'da-dih-a: Juda': Ehkeh'lior, or-: mu 'de Nyorsoa-a' 'slaa:: za-nyor:⧾: klaba'⧾ bo, 'de or dhele-uh dih, or 'dae:, Deh dhie a mu 'on 'nyi-:,: mor 'on: plo-dih: a: Yusu' bo: eh? 'De on zlo 'sebla-wlii-a': kwlaa taan, me-: on 'nyi-or. :Yee': eh 'wluh-a 'o ti: dao' bo,: yee' or 'bhorn: ka or 'ye-a' no, 'de or 'ye-uh'-a': Yusu' 'kwla: za-dih:. :Yee' 'do Se 'vu-bhlee-a' gor-a': zai'-we-eh 'di,: yee': Yusu'-a'a: bo: na-nyor⧾ yi 'o or bo, 'de on 'dae:, Dha: an 'bhorn: a 'ye 'Meh-a': bla-dih: 'dlu dih-gor-a' dii-deh⧾ 'kpa: po-dih: 'do: on bo: eh? :Yeh on dhele-or dih,: yee' or: wlu-' 'de on bo, or 'dae:, A mu 'de: gwlor-', 'de nyor-kpalu: due' bo.: Yee' a zela-or: gwluhuh', a 'da,: A-a'a: nyor⧾ deh: torne-nyor 'dae:, or-a' ti nyni 'o 'weh. Or: ne or-a'a: bo: na-nyor⧾-: an mu 'Meh-a': bla-dih: 'dlu dih-gor 'dhu-:, 'de: on 'bli 'gbu 'di. :Yeh: Yusu' 'da: ao',: yee' on no: ka or no-a an-a' wlu worn 'dhu-eh 'weh, 'de on po 'Meh-a': bla-dih: 'dlu dih-gor-a' dii-deh⧾ 'kpa. :Yeh glu gor-a,: yee': Yusu'-: 'dekorn: or-a'a: bo: na-nyor:⧾: on: korn-a: bhue: 'yor: ne-a 'sororn'-: mo-:: an di-dih deh: dha: due'. :Yeh an di-a deh,: yee' or: wlu-' 'de on bo, or 'dae:, Dhih 'jeh, 'an zela a: gwluhuh', a-a' nyor: due', or-: mu 'on: plo. :Yeh or 'da: ao',: yee' an-a': porluh⧾ 'kpa-: 'zorn 'gabaa, 'de an dhele-or dih,: due': due', on 'dae:, 'Mor: oo': e?: Gwlor: baa'. 'De or 'da, A: mor: ne 'an 'gba-a, an-a' nyor: due', or-: mu 'on: plo. 'Yu an 'da-dih-a Nyor-kpalu-a' 'yu-a mu 'meh-:: mloror': kpeheh:,: ka eh no-a 'chle-eh, 'do or 'bhun, 'de Nyorsoa-a' 'chlee-deh 'di. Jorwor: 'chlo 'do nyor: or mu-or: plo bo. Eh mu 'yi dih: nmor 'do nyor: dao' bo: dee',: mor or se 'wluh. :Yee': Juda': or yi-a: Yusu': plo 'da, or: wlu-', or 'dae:, 'Mor: oo': e? Nyor⧾ deh: torne-nyor:. 'De: Yusu' 'dae:, Keen',: mor: on 'da,: mor 'o,: yee': mor 'o. :Yeh an di-a deh,: yee': Yusu' 'duo: 'bhlee:: kpuan'-' 'weh, or po Nyorsoa-a' 'zio 'do eh bo, 'de or: chehn-dih-eh dih, 'de or 'kwa, or 'nyi-eh or-a'a: bo: na-nyor⧾, or 'da, A 'duo-eh', 'de a 'ye-eh' di. 'Bhlee:: daa, eh-: 'dhu 'an yau-'. :Yee' or 'duo: 'korbuh: on 'yi-a 'glee-nomor 'di 'weh, 'de or po Nyorsoa-a' 'zio, 'do on bo, or 'nyi-uh', or 'da, A-a' klehkpeh, a 'na 'glee-nomor:: or: ne-a 'de on 'di. Deh no-eh, 'an nyomor: or mu-a dih 'wla-: 'do nyor⧾: dhulu'-a' deh⧾-zon⧾-a' dhih bo 'ma-dih-eh bo,: or po-a kuo 'kpih ken, 'do a mor-: 'dekorn: Nyorsoa-: 'nyne bo, or-: 'o,: or: dhe dih. 'An zela a: gwluhuh', 'on: se-' 'glee-nomor:: daa 'na-: i: neheh', eh 'ye 'we-eh: 'On-ba-a mu-a nyor⧾ wlu 'ken: korn 'ken: yeh-dih:, 'de a-: 'mor-:: a 'ye-or' 'na. :Yeh on: gweh-a 'i,: yee' on ble Nyorsoa-a' 'zio: po-duh:. 'De on mu 'de 'Orle-tluh ken. :Yeh an mu-a,: yee': Yusu': wlu-' 'de on bo, or 'dae:, 'Gwior: yor: daa, a-a' klehkpeh, a mu 'on 'de dih: gba, 'do 'an dhih bo. Deh no-eh, eh 'chle-eh:-' 'de Nyorsoa-a' 'chlee-deh 'di, or 'da, 'An mu 'blae'⧾-a' 'yli-eh bo 'dhu-nyor 'dba-:.: Mor 'on 'dba-or,: yee' 'blae'⧾-a mu dih: gba. 'De: Yusu' 'dae:: neheh', Jorwor:: mor 'on 'meh, 'de Nyorsoa 'ye 'de 'on: za,: yee' 'an mu a ybei': mu 'de: Galali'i-bluhba ken. 'De: Piteh' 'da,: Mor an-a' klehkpeh, on: gba: on 'de dih, 'do: an-a' dhih bo, 'on: se-eh': no i,: ka ti-a mu-a 'dlu-': tehn. 'De: Yusu' 'da, Dhih 'jeh, 'an zela: on: gwluhuh',: mor: soan'-beor 'ye zlo, 'gwior: yor: daa,: an mu 'an dhih-' dhobo:,: on 'ye kpor⧾ taan no. :Yee': Piteh' 'da, Eh-a': yeh 'dhu, mor-: 'mor-:: a: korn: a 'ye: dha: due' 'meh-dih:: sloror', 'on: se-': an-a' dhih-' dhobo: i.: Ka: Piteh' 'da-a,: yee' 'ka-:: Yusu'-a'a: bo: na-nyor⧾-a' klehkpeh 'da: ke. :Yee': Yusu': ne or-a'a: bo: na-nyor⧾, on mu 'de: dha an 'da-dih-a: Gehseh'mani, 'de or: wlu 'de on bo, or 'dae:,: Mor 'on: taa 'de Nyorsoa bo wlu 'de 'naa: 'o,: yee' a: dhe dih, dha: dha: daa o. :Yeh or: taa mu,: yee' or kpa: Piteh'-: 'dekorn:: Zehbehli'-a'a: nyor⧾-kpalu⧾-nynuu:: ne-a 'sororn'-: 'weh.: Yeh on 'ken-dih:-a 'o dih: weh-beh:,: yee' or-a': porluh: ku kwa, 'de an 'beh-dih-or 'worn dih. :Yee' or zela-uh-:: gwluhuh', or 'dae:, 'An: porluh-a' 'worn dih 'beh-dih-eh:: daa, eh 'bhorn eh 'ye 'on 'dba. A: sie:: daa, 'de a mor-: 'dekorn: 'mor-:: a 'ye-eh' 'yli-eh bo 'dhu. :Yee': yeh or 'beh-dih:-a 'de dih: weh-beh:,: yee' or 'jli-: dih 'do 'bluhbor. 'De or: wlu 'de Nyorsoa bo, or 'dae:, 'On-ba:,: mor eh gweh-eh,: yee': za 'on 'kle 'ye-eh-a' 'korbuh: daa 'kwa. Eh: se 'an ken dih 'worn-dih-deh:, jorwor:: an-a' ken dih 'worn-dih-deh:, eh-: 'ye 'dlu bo mu. :Yee' or mu 'de or-a'a: bo: na-nyor:⧾: on: ne-a taan bo-: de, 'de or: yeh-dih-uh 'mo 'da. 'De or za-uh 'nyinor-', or: wlu 'de: Piteh' bo, or 'dae:, A se 'beh-dih: a 'ye-eh' 'yli-eh bo 'dhu 'do 'yluh-buh: due' 'di: sloror': e? A 'dhu-eh 'yli-eh bo. A: wlu 'de Nyorsoa bo, 'de dih 'dhen-eh: ne-' a gla: za.: Porluh 'worn-dih-eh ken dih 'weh, jorwor: yau se 'kpih ken: ne. :Yeh or: za-a deh: daa-' 'de on bo,: yee' or mu-: de: neheh', 'do kpor⧾-a' 'sororn' neh 'di, 'do: dha or 'wluh-a, 'de or: wlu 'de Nyorsoa bo, or 'dae:, 'On-ba:,: mor 'on: korn 'on 'ye 'kle 'ye-eh-a' 'korbuh: daa 'di 'na-dih:,: mor: on: se-uh' 'on 'kwa: za i,: yee': ka: an 'bhorn-a,: yee' 'ka-: eh 'ye: ne. :Yeh or 'wluh-a 'de Nyorsoa bo: wlu 'da, 'de or yi-a de,: yee' or: yeh-dih-uh 'mo 'da: dele' ka, deh no-eh, an-a' 'yli: ku kwa. :Yee': Yusu' sie-uh': neheh', 'de or mu, or: wlu 'de Nyorsoa bo, 'do kpor⧾ taan neh 'di.: Ka or 'da-a bale-wlu: zai', 'ka-: or 'da: neheh'. :Yeh or yi-a 'de or-a'a: bo: na-nyor⧾ bo de,: yee' or: wlu-' 'de on bo: neheh', or 'dae:, A 'mo-' 'gboror:: e? A: gbee'e:. Ti nyni 'o 'weh, 'yu an 'da-dih-a Nyor-kpalu-a' 'yu-a yi: plo-eh: 'da, 'de deh⧾-zon:⧾: no-nyor⧾ 'kwa. A: sorn-',: a 'ye mu. A: gbee'e:. 'Yu: or mu-a 'on nyor⧾ bo: plo-dih:, or-:: ne 'o: dha 'o,: or 'yle. :Yee': yeh: Yusu'-a wlu-a: chio'lo:,: yee': Juda': or no-a or-a'a: bo: na-nyor:⧾: on: korn-a: bhue: 'yor: ne-a 'sororn', an-a' nyor: due', or 'si-: dih, or: ya 'de nyor⧾: doru'. On 'ble: bhla 'jlehn⧾-: 'dekorn: tu⧾-: 'kwa. Nyor⧾: daa or: ya-a: 'de, on 'wluh 'de Nyorsoa-a' 'slaa:: za-nyor:⧾: klaba'⧾-: 'dekorn:: Jueh'-nyor⧾-a' 'bluhba:: korn-nyor⧾-: bo. :Yee' 'yu: or yi-a: Yusu': plo 'da, or zela-uh-:: gwluhuh' see, or 'dae:, 'An mu deh 'i: po o. 'Yu 'an mu-a 'de: bhluun'⧾-' 'kpa-:,: yee' or-: 'o o. A kpon-or o. :Yee': Juda' 'dhobo:, or 'koan'-dih:: Yusu'-: dih, 'de or 'da, 'On: yeh-dih:: on 'weh, Nyor⧾ deh: torne-nyor:.: Yeh or 'da: ao',: yee' or 'kpa 'de or: bhluun'⧾-'. 'De: Yusu': wlu 'de or bo, or 'dae:, 'On 'be, deh: on: ne ken: naa: eh?: Yeh or 'da: ao',: yee' nyor⧾: ne: Juda' yi-a 'de, mo-: yi 'o: Yusu' bo, 'de on kpon-or. :Yeh on kpon-or,: yee' 'do: dha: due': dao', nyor⧾: on: ne-a 'de: Yusu' bo, an-a' nyor: due', jli 'de or-a'a:: bhla 'jlehn kpla-'-: dih, 'de or po-eh, or chehn 'o Nyorsoa-a' 'slaa:: za-nyor⧾-a' nyor: klaba'-a'a: 'bhoi-yu-a': dou'. Jorwor:: Yusu': wlu-' 'de or bo, or 'dae:, Po: an-a'a:: bhla 'jlehn: dha: on za-eh de. Deh no-eh, nyor⧾-a' klehkpeh: an vorn-dih-a 'jlehn⧾-', an mu 'jlehn⧾ 'i 'meh-dih:. :Mor: on: taa 'ye,: yee': on 'da 'on se 'de 'On-ba bo: wlu-eh 'beh-dih:: e? 'De or 'ye 'on 'enjor-nyor⧾ bo dbo, 'do: dha: due': dao',: on no-a sorye',: on zi-a zlo: zloo: pa 'o: pebeh' dih: e? Jorwor:: mor 'on no deh: dao',: yee': kaa Nyorsoa-a' 'chlee-deh-a' dhih-a mu dhih 'jeh-' 'kpa-eh:: no: dee': eh?: Eh no-a, 'ka-: eh: korn eh 'ye-a': ne. :Yee' 'yluh-buh: ne-a: due' 'di,: Yusu' dhele: nyor⧾: doru': dao'-: dih, or 'dae:,: Bhla 'jlehn⧾-: 'dekorn: tu⧾-: me-: a 'ble, 'de a yi 'on kpon 'da,: eh gweh-a: ka nyor: or yi-a 'ylii'-nyor:: kpon 'da: e? Zorn 'o zorn, 'on: dhe dih, 'do Nyorsoa-a' 'sla ybei', 'an torne-a nyor⧾ deh, a: se 'de 'on: kpon-dih:. Jorwor: deh⧾-a' klehkpeh: daa, en: no-eh:-', 'de deh Nyorsoa-a' wele-eh:: po-nyor⧾ 'chle-a, en 'ye dhih 'jeh-' 'kpa.: Yeh or 'da: ao',: yee' or-a'a: bo: na-nyor⧾-a' klehkpeh ple-', on gba-or 'de dih. :Yee' nyor⧾: on kpon-a: Yusu', an kpa-or 'de Nyorsoa-a' 'slaa:: za-nyor⧾-a' nyor: klaba': Kai'fa bo,: dha nyor⧾ 'tele': torne-nyor⧾-: 'dekorn: 'bluhba:: korn-nyor⧾-: on: gweh-dih:-a. :Yeh an mu-a,: yee': Piteh' na-or-: 'de: peh: peh, jorwor: or: se-uh' dih 'koan'-dih:, or: tehn-dih-uh bo dih, 'de or mu 'o Nyorsoa-a' 'slaa:: za-nyor⧾-a' nyor: klaba'-a'a: 'gbu ybei'. 'De or: dhe dih 'do nyor⧾: an 'dhu-a 'gbu 'yli-eh bo 'bhun, or 'ye: ka deh⧾-a mu-a 'de yi-a': no 'ye. :Yee' Nyorsoa-a' 'slaa:: za-nyor:⧾: klaba'⧾-: 'dekorn: zabe:: zi-nyor:⧾: klaba'⧾-a' klehkpeh-: an 'bhorn sih-dhih: on 'ye-a' 'o: Yusu' 'dlu po, 'de on 'ye-or' 'dba. Keen': mloror', sih 'tmo-nyor:⧾: dhulu' yi 'o on ybei', jorwor: on: se-or' dhih 'bhun 'ye.: Yeh 'bor-dih:-a 'o,: yee' nyor⧾ 'sororn', mo-: yi 'o on ybei', on 'dae:, 'Yu: daa, or 'da or 'beh-dih: Nyorsoa-a' 'sla: daa, or-a' ya: gba-eh 'weh, 'de or 'ye-or' po: dele' ka, 'do 'we taan 'di. 'De Nyorsoa-a' 'slaa:: za-nyor⧾-a' nyor: klaba': sorn-', or: nyna-dih: yai', or 'chleh: Yusu', or 'dae:,: On se deh 'ble,: on 'ye-': za, 'do dhih: daa on po-a 'o: on 'dlu, 'do en bo: e? Jorwor:: Yusu' no 'dhuan.: Yee' Nyorsoa-a' 'slaa:: za-nyor⧾-a' nyor: klaba' 'chleh-or: neheh', or 'dae:, 'An 'bhorn: on 'ye: zlehn-dih:, 'do 'kmo: ne-Nyorsoa ybei'. Zela:: a: gwluhuh',: mor 'o: or 'dhu Nyorsoa-a' 'yu, or 'tan-a: e? 'De: Yusu' 'da, Keen'.: Ka: on 'da-a, 'ka-: eh: ne. Jorwor: 'an zela a: gwluhuh', 'de ybei'-a' ybei', a mu 'yu an 'da-dih-a Nyor-kpalu-a' 'yu 'ye-:, or mu 'de 'kpih: korn-Nyorsoa-a': dila-son bo dih: dhe, 'de a 'ye-or' 'ye, or 'ye 'de yi, 'de 'ni-kpan:⧾: en: ne-a 'de yai' 'nyne-'. :Yeh: Yusu': za-a deh: daa-',: yee' Nyorsoa-a' 'slaa:: za-nyor⧾-a' nyor: klaba' 'fa-dih: or-a'a:: gba 'vuu-: dih, 'de or 'dae:, Or 'kor-dih: Nyorsoa-a' 'nyne 'weh.: Eh: korn dhih, 'de: a 'bhorn dhih ken dih zela-nyor:⧾: noo': neheh': eh? A 'worn-ih': ka or no-a Nyorsoa-a' 'nyne 'kor-dih-eh. :Kaa a 'da: naa: eh? 'De on 'da, Or: zlor 'meh-a' 'weh. :Yee' on gba: Yusu': dhehmeh 'yli, 'de an tba-dih-or: kola'⧾ dih. 'De nyor⧾: noo'-a tba-dih-or 'kpih dih, 'de an no, Po gban-wlu⧾ 'noror: a bo,: mor Nyorsoa-a' 'taan'-yu:: daa.: Eh zi: eh zi: eh?: Or tba: on deh: eh? :Yee': Piteh': dhe dih 'do 'gbu ybei', 'de 'bhoi-yu: due': or no-a 'nynor-kpao'-yu, or yi 'o or bo, or 'dae:,: An-a' 'jeh: ke, mor-:: Yusu'-:: or 'wluh-a: Galali'i-bluhba ken, a na-dih: dha: due': dee'. Jorwor: or dhobo-ih' 'weh, 'do an-a' klehkpeh ybei', or 'dae:, Deh: an za-a-', 'on se-eh 'i yubo:. :Yeh or 'da: ao',: yee' or mu 'o gba-dih-gba-a': kpaa' worn 'i, 'do: wor 'bhoi-yu:: noror',: or no-a 'nynor-kpao'-yu, or 'ye-dih-or, 'de or: wlu 'de nyor⧾: on: nyna-a 'o dih bo, or 'dae:, 'Yu: daa, or-:: Yusu': or 'wluh-a 'Nazla-: an na-dih: dha: due': dee'. :Yeh or 'da: ao',: yee': Piteh' dhobo-ih' 'weh: neheh', or: zlehn-dih: deh, or 'dae:, 'On se 'yu: daa yubo: o. :Yeh on: forn-dih:-a 'o,: yee' nyor⧾: on: nyna-a 'o dih, on yi 'o or bo, on 'dae:, Keen'.: Mor, an-a' nyor: due': oo': ke. Deh no-eh,: an-a' wlu: za: on gbor,: ka: on no-a: Galali'i-yu. :Yee': Piteh': zlehn-dih: deh, or 'dae:, Nyorsoa-a' dhih, dhih 'jeh: oo', 'an za-'. 'Nyi Nyorsoa 'ye 'on,: mor 'on 'tmo sih. 'On se 'yu: dao' yubo: 'jeh ka.: Yee' 'do: dha: due': dao',: soan'-beor zlo-'. :Yeh: soan'-beor zlo-a, 'de jorwor:: Piteh': po-dih: dhih: Yusu': za-a-': gwluhuh' bo, or no-a,: Mor: soan'-beor 'ye zlo,: an mu 'an dhih-' dhobo:, 'do kpor⧾ taan 'di.: Yee': Piteh' 'si-: 'zorn, 'de or 'vin 'gabaa. Zorn bo-mlai',: yee' Nyorsoa-a' 'slaa:: za-nyor:⧾: klaba'⧾-: 'dekorn:: Jueh'-nyor⧾-a' 'bluhba:: korn-nyor⧾-: an-a' klehkpeh, on polo-eh', 'de on 'worn-dih-eh ken dih, on 'ye: Yusu' 'dba. 'De on san-or, on kpa-or 'o Pale': or no-a 'gomla-nyor⧾-a' nyor: klaba' ybei', 'de on za-or 'kwla. :Yee': yeh: Juda',: or: plo-dih:-a: Yusu' nyor⧾ bo,: yeh or 'worn-ih'-a: ka on no-a: Yusu': korn or 'ye 'meh,: yee' or-a': porluh-a 'chlehn-', 'do deh or no-a bo, 'de or kpa 'sebla-wlii-a': kwlaa taan: dao' deka, 'de Nyorsoa-a' 'slaa:: za-nyor:⧾: klaba'⧾-: 'dekorn: 'bluhba:: korn-nyor⧾-: bo. 'De or: wlu 'de on bo, or 'dae:, 'On no deh-zon:. Deh no-eh, 'on plo 'yu: or se-a deh⧾-zon⧾-a' deh 'i yubo:, on 'ye-or' 'dba. Jorwor: on: wlu-' 'de or bo, on 'dae:, Deh: a 'ble,: a 'ye 'o: no-dih:: eh? Eh: sie: 'de: on: due' bo. :Yee': Juda' 'vile: 'wlii:: dao' 'weh, 'de Nyorsoa-a' 'sla 'zorn, 'de or mu, or bhele: or-a' 'jeh ya, 'de or 'meh. :Yee' Nyorsoa-a' 'slaa:: za-nyor:⧾: klaba'⧾, on 'duo: 'wlii:: dao'-' 'weh, on 'dae:, 'Wlii:: daa, nyor-a': febeh'-wlii: 'o.: Mor en: po-eh 'de: a-a'a: Nyorsoa-a' 'sla-a' 'wlii 'klu-',: yee' eh mu: a-a'a: 'tele' 'kor-dih:. 'De on polo-eh, on 'worn-dih-eh ken dih, on 'ye 'wlii:: dao' no, on 'ye 'bluhba-a' 'kplo dhen, 'de deh⧾: ma-nyor 'kwa, 'de on 'ye 'o 'duhba⧾ dih nma-dih:. Eh-:: korn dhih: oo', 'de 'bluhba-a' 'kplo: dao', an 'da-dih-or Nyomor-bluhba,: eh: yeh-dih:-a 'zean'-we-eh: daa ken. :Yee' Nyorsoa-a' wlu 'kpa-' dhih 'jeh,: ka or-a' wele-eh:: po-nyor:: Jehlimaya' no-a eh-a': za-a' see, or no-a,: Yee' on 'duo: 'sebla-wlii-a': kwlaa taan-',: en no-a 'wlii 'Ezlea-nyor⧾ 'worn-dih-a ken dih, on 'ye-or': plo-dih:. 'De 'wlii-a' 'jeh: dao', me-: on no, on dhen 'bluhba-a' 'kplo, 'de deh⧾: ma-nyor 'kwa,: ka: Gwlor: baa' no-a an wlu 'worn 'dhu-eh. :Yee': Yusu': nyna dih 'do Pale' ybei', 'de Pale' dhele-or dih, or 'dae:,: Mor 'o: or 'dhu: Jueh'-nyor⧾-a' 'keen-': e? 'De: Yusu' 'da,: Ka: on 'da-a, 'ka-: 'o eh: ne. :Yee' Nyorsoa-a' 'slaa:: za-nyor:⧾: klaba'⧾-: 'dekorn: 'bluhba:: korn-nyor⧾-: on po-or dhih 'dlu, jorwor: or: se-': wlu 'de on bo. 'De Pale' 'da, Dhih: dhulu' on po-a 'o: on 'dlu,: an-a' 'worn-ih ke: e? Jorwor: or: se-': wlu, or: se-' deh-beh-deh-beh ken dih zela:. Eh-: no-eh, 'de Pale'-a': porluh 'ma 'gabaa. :Yee': mor 'Meh-a': bla-dih: 'dlu dih-gor-a' ti: taa 'o nyni, zon 'o zon,: yee' 'gomla-nyor⧾-a' nyor: klaba'-a za 'de: kasue 'di nyor: due',: yor: Jueh'-nyor⧾-a 'bhorn-a,: or 'ye-a' 'de 'wluh. 'Do ti: dao' 'di,: yee' 'yu: due' an 'da-dih-a: Bala'ba,: or: gwlor-nyor:⧾: doru' yubo:-a deh⧾-zon:⧾: no-dhih, or-a' 'jeh: dao', or-:: ne 'de: kasue 'di. :Yee': yeh: gwlor-nyor:⧾: doru': dao', on: gweh-dih:-a 'o,: yee' Pale' dhele-uh-: dih, or 'dae:,: Yoror a 'bhorn 'on 'ye dih 'tali: 'do a bo: eh?: Bala'ba:: e?: Ae': Yusu' an 'da-dih-a Nyorsoa-a' 'taan'-yu ke? Deh: korn-a dhih or dhele-uh-a deh: daa dih, eh-: 'dhu, or yubo-eh',: ka eh 'dhu-a: gwlehehn'-',: eh no-eh, 'de on: za-a: Yusu' 'kwla 'de or bo. :Yee' Pale': dhe dih 'do or-a'a: zabe:: zi: kpala' ken, 'de or-a'a: 'nynor dbo-or wlu bo, or 'dae:,: An-a': no-dih:-' 'yu: dao',: or se-a deh-zon-a' deh 'i yubo-deh-' o. Deh no-eh, 'on: ya eh-a' ya-zon: 'gwie or-a' dhih. Jorwor: Nyorsoa-a' 'slaa:: za-nyor:⧾: klaba'⧾-: 'dekorn: 'bluhba:: korn-nyor⧾-: on 'dhu-dih: nyor⧾: dao'-: worn, on 'ye: Bala'ba 'yba, 'de Pale' 'ye: Yusu' 'dba. :Yee' Pale' dhele-uh-: dih: neheh', or 'dae:, Nyor⧾ 'sororn': daa,: yoror a 'bhorn 'on 'ye dih 'tali: 'do a bo: eh? 'De on 'dae:,: Bala'ba: 'o. 'De Pale' 'da,: Yee' 'yu: daa, an 'da-dih-a Nyorsoa-a' 'taan'-yu,: kaa 'on 'ye or-a' dhih no: eh?: Yee' an-a' klehkpeh 'dae:,: Kor-dih-or 'o tu 'i o. 'De or 'da,: Eh: korn dhih: eh?: A 'ye deh-zon: or no-a 'dee.: Yeh or 'da: ao',: yee' an-a' 'geh⧾: po-eh 'kpa 'de de dih, an no,: Kor-dih-or 'o tu 'i o. :Yee': yeh Pale' pobo-a 'de eh 'di, 'de: ka or 'ye-a' no, 'de 'ka se-a: ne, 'de jorwor:: zaa'-a 'bhorn-a yaa'e dih 'wluh-eh,: yee' or 'duo: 'ni-', 'de or: dle kwa, 'do: gwlor-nyor:⧾: doru': dao' ybei', or 'da, 'Yu: daa, 'an son se 'de or-a' 'meheh'-deh 'di: ne. A-a' dhih: oo'. 'De an-a' klehkpeh 'da, 'Nyi or-a' 'meheh'-gbeh: ne 'o: a 'dlu, 'dekorn: 'o: a-a'a: 'nynuu-a' 'jeh 'dlu-:. :Yee' or: za 'de: Bala'ba 'de: kasue 'di 'weh, 'do on bo, 'De or no-eh, or-a'a: sorye' bla: Yusu', 'de or za-or 'kwla, on 'ye-or' 'o tu 'i: kor-dih:. :Yeh Pale': za-a: Yusu' 'kwla,: yee' or-a'a: sorye' kpa-or 'de Pale' 'bli 'sla ya, 'de on gweh on 'bei' sorye'-a' klehkpeh de, 'de on 'gbo-dih:: Yusu' 'dlu dih. :Yee' on chehn-or wluh⧾ dih, 'de on: pa-dih-or: gba 'vuu:: on: ne-a 'zoo. On gle 'wu⧾-a' 'gbeheh:,: ka 'keen: gblaa': ne-a, eh-: on 'dhu 'o or 'dlu. 'De on 'dhu-or sene'eh 'kwa, 'de or-a': dila-son-', 'de an bla 'koor-dlu⧾ 'yi glu, 'do or 'zorn, on 'da an 'ye-or' deh, 'de an 'wluh-dih-or: goba'-dhih ken dih, an no,: Gwle 'kmo o,: Jueh'-nyor⧾-a' 'keen. :Yee' an gba-or: dhehmeh ya, on 'duo: sene'eh:: dao'-', 'de on: bla-dih-eh 'o or 'dlu. :Yeh on gweh-a or-a': goba'-dhih ken dih 'wluh-dih-eh 'i,: yee' on za-or: gba 'vuu:: dao'-: dih, 'de on: pa-dih-or or-a' 'jeh-a'a: 'tiei-', on kpa-or, on 'ye-or' 'o tu 'i: kor-dih:. :Yeh an mu-a,: yee' on: yeh-dih: 'yu: due' ken, an 'da-dih-a Samor': or 'ti-a: Sali'na-gwlor 'di: dee', or-: on: kpa-dih: 'kpih, or 'ye: Yusu'-a'a: 'klorse tu 'ble 'do or bo. :Yee' on nyni 'o: dha an 'da-dih-a: Gorgor'ta,: eh: bleh-dih:-a 'i, Nyor-dlu-kpaa'-tluh:. 'Do: wor on 'nyi-dih-or nomor on po-a kwein bo,: en pa-dih-a nyor⧾-a' ku 'dli-', or 'ye 'na, or: ne-' or-a' ku worn yubo:. Jorwor:: yeh or 'dhen-or worn,: yee' or: se-or' 'na. :Yee' on: kor-dih-or 'o tu 'i, 'de on vorn: nobo, on gble or-a'a: paa-tiei-', 'de on 'klu-'. :Yeh on no: ao',: yee' on: dhe dih, 'de an 'dhu-or 'yli-eh bo. 'Do or 'dlu bo, 'do: wor on 'chle deh: korn-a dhih on 'dba-or, on 'da,: Yusu': or no-a: Jueh'-nyor⧾-a' 'keen, or-:: dhe dih. :Yee' 'ylii'-nyor⧾ 'sororn', mo-:: ne or: kor-dih-eh: 'o tu 'i,: dha: due'.: Due': ne 'de or-a': dila bo, 'de: due': ne 'de or-a' kona bo. :Yeh nyor⧾: an zi-a, on 'ye-or,: yee' an du 'dlu⧾ 'i, an wla-dih-or', an no,: Mor,: or no-a: or mu-a Nyorsoa-a' 'sla ya: gba, 'de: or 'ye-or po: neheh', 'do 'we taan 'di,: za-dih:: an-a' 'jeh-'.: Mor: on 'dhu Nyorsoa-a' 'Yu-' 'jeh ka,: yee' 'dhle,: on 'ye 'o tu 'i 'wluh. 'Ka-: Nyorsoa-a' 'slaa:: za-nyor:⧾: klaba'⧾-: nyor⧾ 'tele': torne-nyor⧾-: 'dekorn: 'bluhba:: korn-nyor⧾-: an no, an wla-dih-or: ke, an no, Or 'puh-dih: nyor⧾, jorwor: or se or-a' 'jeh-a' 'puh-dih-eh 'beh-dih:.: Mor or 'dhu 'Ezlea-nyor⧾-a' 'keen-' 'jeh ka,: yee' 'nyi or 'dhle, or 'wluh 'o tu 'i: naa,: yee': a mu-or dhih 'jeh-': po. :Ka or dhe-a Nyorsoa: gwlii',: yee' 'nyi Nyorsoa 'puh-dih-or: naa,: mor Nyorsoa: taa-or 'bhorn. Deh no-eh, or 'da, or-: Nyorsoa-a' 'Yu: oo'. :Yee' 'ylii'-nyor:⧾: dao',: on: ne: Yusu': kor-dih-eh: 'o tu 'i,: dha: due', mo-:: an po-or wlu⧾ 'bhun dih deh: dao': ke. :Yee': yeh eh no-a 'yluh-gbao',: yee' glu-tile gor-' 'do 'bluhba-dlu:: dao', an-a' klehkpeh ken, 'de eh: yeh-dih: 'gwie-yluh bo ken. :Yeh eh yi-a 'gwie-yluh bo: no 'da,: yee': Yusu' po 'geh, or 'dae:, 'Iloi:, 'Iloi:, 'dama:: sabata'ni:,: eh: bleh-dih:-a 'i, 'An Nyorsoa, 'an Nyorsoa,: eh: korn dhih 'de: an za 'on 'yli-eh dih: eh? :Yee' nyor⧾: on: nyna-a 'o dih, an-a': noo',: on 'worn-ih'-a, on 'da, Or wele: Ila'yor:. :Yee' 'do: dha: due': dao', an-a' nyor: due' kpa ple-a', or mu 'o: fuu'u:. 'De or po: fuu'u:: dao' 'de 'dli-': pa-nomor bo, 'de or 'dhu-uh 'o tu 'i, or 'tuh-uh 'o: Yusu' worn 'i, or 'ye-or' 'na. :Yee' nyor⧾: noo' 'da, A 'bor, a 'nyi,: a pobo: 'o,: eh beh: Ila'yor-a mu 'de: yi, or 'ye-or' 'puh-dih:: eh? :Yee': Yusu' po 'geh: neheh', 'de or chehn: febeh' 'i. :Yeh or 'meh-a,: yee' 'do: dha: due': dao', 'yli-eh: on po-a yai' 'de Nyorsoa-a' 'sla 'zorn, eh 'klae: dih, eh 'wluh 'for⧾ 'sororn'. Eh: za 'de dih 'klae-eh 'dlu bo, 'de eh nyni 'de eh-a' 'zorn ne. 'De 'bluhba-a tleh.: Yee' sobu'⧾: kpuan'⧾ wa-dih-: dih 'bha 'bha. 'De nma-dih-deh⧾-a kan-dih worn: ke, 'de Nyorsoa-nyor:⧾: dhulu',: on 'meh-a, mo-: Nyorsoa: za 'de, 'de on yi 'kmo bo de. On 'wluh 'de nma-dih-deh⧾ 'di.: Yee' ti Nyorsoa: za-a: 'de: Yusu' 'de nma-dih-deh 'di, 'do: wor nyor⧾: dao', on: mu-dih:: Julu'slehn:: or no-a gban 'i: ne gwlor 'di, 'de nyor⧾: dhulu' kpa 'yli-eh, on 'ye-uh. :Yee': yeh sorye'-a' nyor: klaba'-: 'dekorn:: yuh: on: ne-a 'o or bo-:: an 'dhu-a: Yusu' 'yli-eh bo, on 'ye-a 'bluhba-a' tleh-a'-: 'dekorn: deh⧾-a' klehkpeh: en: no-eh-:: yee': fano-a: no-uh 'gabaa, on 'da, Keen', dhih 'jeh, 'yu: daa, Nyorsoa-a' 'Yu: oo'. :Yee' 'nynor⧾-kpao'⧾: dhulu': on: ne-a 'o: ke, 'de: an pobo-a 'de,: on zi-a 'o: Yusu' klei': dee',: on 'wluh-a: Galali'i-bluhba ken,: on 'ye-or': za-dih:, 'de on 'klu-', 'do: wor: Mehle': or 'wluh-a: gwlor an 'da-dih-a: Magala'-:: Zehbehli'-a'a: nyor⧾-kpalu⧾-nynuu 'de-: 'dekorn:: Mehle': or 'wluh-a 'Jeen-:: korn: Jose'-: on: ne. :Yee': yeh eh no-a 'gwie-yluh bo,: yee' bhaan-yu: due', an 'da-dih-a 'Joseh,: or 'wluh-a: gwlor an 'da-dih-a Amati'a 'di, 'de: or no-a: Yusu'-a'a: bo: na-nyor: ke, or-: mu 'de Pale' bo, or-: dhele-or dih, or 'ye-or': Yusu'-a' 'ku 'nyi. 'De Pale' 'nyi nyor⧾ 'tele', on 'ye-uh' or 'nyi. 'De or 'duo:: Yusu'-a' 'ku-', or bhian-dih-uh 'nena-yli-eh:: dele' kle-' dih, or po-uh 'de nma-dih-deh:: dele',: eh no-a 'soba 'di, or chehn-a 'do or-a' 'jeh bo.: Yee' or klibo: sobu': kolu', mo-: or no, 'de or kan 'o nma-dih-deh:: dao' worn 'i, or mu. :Yee': Mehle': or 'wluh-a: Magala'-: 'dekorn:: Mehle': yor: dao'-: 'do: wor on: ne, on: dhe dih, an pobo 'o nma-dih-deh ken. :Yee': yeh Nyorsoa-a': gwlee-we-eh-a' zorn zen-a,: yee' Nyorsoa-a' 'slaa:: za-nyor:⧾: klaba'⧾-: 'dekorn:: Falasi'i-nyor⧾-: on mu 'de Pale' bo, on 'dae:, Nyor: klaba',: a: po-dih: deh: gwluhuh' bo, ti nyor⧾ dih: bo-dih-nyor:: daa, or: ne-a 'kmo, or 'da: mor or 'meh, or mu-': sorn,: mor 'we taan zi. :Yee' eh-a' dhih, 'nyi nyor⧾ 'tele' on 'ye nma-dih-deh:: dao' 'yli-eh bo 'dhu deh 'jeh, 'de 'we taan 'ye zi o.: Mor: on se-eh no,: yee' or-a'a: bo: na-nyor⧾-a mu: mu, on 'ye or-a' 'ku 'yli o.: Yee' an mu: ao' 'da-: 'de nyor⧾ bo,: eh: mor or 'wluh 'de nma-dih-deh 'di 'weh.: Yee' sih: yih: daa, en mu 'o: zai' ne-': zi o. :Yeh on 'da: ao',: yee' Pale': wlu-' 'de on bo, or 'dae:, A mu, a kpa sorye'.: Ka a 'beh-dih:-a a 'ye: ao' 'do a-a' 'yli-eh bo 'dhu-eh no, 'ka-: a 'ye no. 'De on mu, on po nma-dih-deh:: dao' sobu' worn 'i, on 'dhu-eh yubo: 'da, 'de on: sie: 'o sorye', on 'ye-eh' 'yli-eh bo 'dhu. :Yee': yeh Nyorsoa-a': gwlee-we-eh zi-a, 'de eh no-a zorn bo-mlai', 'de 'doror'-dlu-a': zai'-we-eh: an 'da-dih-a 'Sorle 'di,: yee': Mehle': or 'wluh-a: Magala'-: 'dekorn:: Mehle': yor: dao'-: an mu 'de: Yusu'-a' nma-dih-deh ken pobo: 'da. :Yee' 'yli: a bla-a 'i, 'bluhba-a': tleh-a' 'kawehn: 'kpa 'o 'weh. Deh no-eh,: Gwlor: baa'-a' 'enjor: due', or-: 'wluh 'de Nyorsoa 'bli yai', or-: klibo: sobu': dao',: or za-uh 'o, 'do nma-dih-deh worn 'i,: or: dhe 'o on ken dih. Or gweh dhehn-a' 'yli-': chleh-eh:, 'de 'tiei or pa-', en: ne: bhoror:. :Yeh eh no: ao',: yee' sorye': an 'dhu-a nma-dih-deh 'yli-eh bo,: fano-a: no-uh or-a' dhih 'gabaa. Eh-: no-eh, 'de an-a' 'tiei-a tleh, on 'ga dih, on 'pehn dih,: eh gweh-a 'meheh'-nyor⧾ 'i. :Yee' 'enjor:: dao', or: wlu-' 'de 'nynor⧾-kpao'⧾: dao' bo, or 'dae:, A 'bor,: fano:: ple-eh. 'On yubo-eh',: Yusu' on: kor-dih:-a 'o tu 'i, or-: 'o, a 'bhorn 'kwla⧾-' dih. Or se: daa: ne. Or: sorn-' 'weh,: ka or no-a eh-a': za-a'. A 'yle, a 'ye: dha or 'pehn-a dih: dee' 'ye. :Yee' a 'dhobo:, a mu, a 'ye or-a'a: bo: na-nyor⧾: gwluhuh' zela:,: ka or 'wluh-a 'de nma-dih-deh 'di, 'de or mu-a on ybei' 'de: Galali'i-bluhba ken, 'do: wor an mu-or 'ye-dih:.: Yee' 'an zela a: gwluhuh' 'weh: naa. :Yeh on 'worn-ih'-a,: yee' on 'dhobo:, on 'wluh 'o nma-dih-deh bo 'weh. 'Do: fano:: ple-eh-a': taa'-:: korn mor 'mona:: dhulu'-: 'de an kpa ple-a', an mu or-a'a: bo: na-nyor⧾: gwluhuh' zela: 'da. :Yee' 'yli: a bla-a 'i,: yee': Yusu'-a' 'jeh 'ya-dih-uh-: 'i, or 'dae:, 'On: yeh-dih: a 'weh o.: Yeh or 'da: ao',: yee' on yi 'o or bo, 'de on 'jli dih 'do or 'zorn, on kpon or-a' buh⧾ dih, 'de an za or-a': weheh'. 'De or: wlu 'de on bo, or 'dae:, A 'bor: fano:: ple-eh. A mu, a 'ye 'an-a: bo: na-nyor⧾: gwluhuh' zela:, on 'ye 'de: Galali'i-bluhba ken mu. 'Do: wor an mu 'on 'ye-dih:. :Yee': yeh 'nynor⧾-kpao'⧾-a mu-a,: yee' sorye'-a': noo': an 'dhu-a nma-dih-deh 'yli-eh bo: dee', on mu 'o: gwlor-', on zela: Nyorsoa-a' 'slaa:: za-nyor:⧾: klaba'⧾ deh⧾-a' klehkpeh: en: no-eh: gwluhuh'. :Yee' Nyorsoa-a' 'slaa:: za-nyor:⧾: klaba'⧾-: 'dekorn: 'bluhba:: korn-nyor⧾-: on 'kpa: dha: due', 'de on pa 'slan-'.: Yeh on pa-a 'slan-',: yee' on 'nyi sorye': dao' 'wlii:: doru'. :Yee' on 'dae:, Deh a 'ye-a': za, a 'da, or-a'a: bo: na-nyor:⧾, mo-: 'yle 'mano-', mo-: 'yli or-a' 'ku, ti: a mane:-a 'nyinor-'. :Yee': mor eh 'dhu, 'gomla-nyor⧾-a' nyor: klaba' 'worn deh: daa,: yee': a mu-eh 'kpa: po,: a 'ye a zabe ken: za. :Yee' sorye': dao', on 'duo: 'wlii:: dao'-' 'weh, 'de on no deh on zela-uh-a: gwluhuh'. Eh-: no-eh, 'de: Jueh'-nyor⧾ yubo: dhih: daa 'de on 'nyne-',: eh: yeh-dih:-a 'zean' ken: sloror'. :Yee': Yusu'-a'a: bo: na-nyor:⧾: on: korn-a: bhue: 'yor-eh: ne-a: due', on mu 'de tluh ken 'de: Galali'i-bluhba ken,: dha: Yusu' zela-uh-a: gwluhuh', on 'ye-a' mu. :Yee': yeh on 'ye-or,: yee' an za or-a': weheh'. Jorwor: an-a' nyor⧾: noo'-a': porluh⧾-a dhobo-': ka or 'dhu-a: Yusu'-'. 'De: Yusu' 'koan'-dih-uh dih, or 'dae:, 'Kpih-a' klehkpeh,: en: ne-a 'de Nyorsoa 'bli yai'-: 'dekorn: 'noror yao 'zorn-: en 'nyi-eh: 'on 'weh. :Yee' eh-a' dhih, a mu, a 'ye-eh' no, 'de 'dawor'⧾-dlu⧾-a' klehkpeh, on 'ye 'an-a: bo: na-nyor⧾ no. A po-uh 'ni 'dlu, 'de: Baa'-: 'Yu-: 'dekorn: Gban 'i: ne: Zulu-: an-a' 'nyne 'di. :Yee' a torne-uh deh⧾-a' klehkpeh 'on zela: a: gwluhuh', on 'ye 'o en-' 'tele' dih dhe.: Yee' a dhe-eh: gwlii', 'an mu 'o a bo: ne, 'do ti-a' klehkpeh bo,: eh: yeh-dih:-a 'bluhba-a' 'dlu-': jla 'da ken. :Yee' tubo-wlu:⧾ 'jeh: en kor-a Nyorsoa-a' 'Yu: Yusu' 'Klae 'i, en-' glu 'dhu 'da,: wor: dhe dih. :Ka Nyorsoa-a' wele-eh:: po-nyor: Azaya' no-a eh-a' 'chle-a', eh-:: dhe dih, Nyorsoa 'dae:, 'An mu 'an-a: tubo-wlu:⧾: po-nyor: on ybei': dbo o. Or-: mu: an-a': gwie 'kpa: po. 'De tubo-wlu:⧾: po-nyor:: daa, or 'wor 'de: bhehneh'-bluhba ken, or 'dae:, A po: Gwlor: baa'-a': gwie 'kpa 'do or bo o. A po or-a': gwie 'kpa, a 'ye-eh' 'i 'sleh-dih:, or 'ye-eh' bo: na. :Yee' 'yu: due' an 'da-dih-a: Jororn', or-: 'yle,: or po nyor⧾ 'ni 'dlu 'de: bhehneh'-bluhba ken, 'de or po Nyorsoa-a' tubo-wlu⧾, or 'da, A 'tali: a-a' deh⧾-zon⧾ dih, a 'ye 'de Nyorsoa bo 'bili:, 'de a 'ye 'ni 'dlu: po,: yee' Nyorsoa-a mu a-a' deh⧾-zon⧾-a' dhih bo 'ma-dih:. 'De: gwlor-nyor:⧾: on: ne-a 'de: Judi'a-bluhba ken-: 'dekorn: 'de: Julu'slehn-gwlor 'di-: an-a' klehkpeh mu 'de or bo. An za an-a' 'jeh-a' deh⧾-zon⧾ gbor, 'de or po-uh 'ni 'dlu 'do 'Jorle-ni worn. 'Tiei: or pa-',: kpuan' ken: soo'-a' 'pibi:, me-: on: no-dih-ih, 'de or bla deh-ku 'gben-'.: Yee': kpamu'⧾-: duh-ni-: me-: no or-a'a: dii-deh⧾. Or zela-uh-:: gwluhuh', or 'da, Nyor: or mu-a 'on ken dih: yi, or-a' dhih 'beh-: 'i, or: zi 'o 'on-'. 'On se deh-' 'dhu-eh:, 'on 'ye ya yi 'do or 'zorn, 'on 'ye or-a'a:: buhbuh⧾-a' dubu'⧾: sloror' bhehn-dih:. 'An po a 'ni 'dlu 'weh. Jorwor: Gban 'i: ne: Zulu:, mo-: or mu 'o a 'dlu: po. 'Do ti: dao' 'di, 'do: wor 'o,: Yusu' 'wluh-dih: 'Nazla-gwlor-' 'de: Galali'i-bluhba ken, 'de: Jororn' po-or 'ni 'dlu 'de 'Jorle-ni worn. :Yeh: Yusu': taa 'o 'nior 'wluh,: yee' 'do: dha: due' 'jeh: dao', or 'ye yao kan-dih: worn, 'de or 'ye Nyorsoa-a': Zulu:,: on gweh-a pabu', mo-:: an yi 'o or 'dlu. 'De wlu 'wluh 'de Nyorsoa 'bli yai', on 'dae:,: Mor no 'an-a:: dhih: kma-yu. 'An: porluh 'pehn-: dih 'do: on bo. :Yee' 'do: dha: due' 'jeh: dao', Nyorsoa-a': Zulu no-eh', 'de: Yusu' mu 'de: bhehneh'-bluhba ken, 'de 'kwla-nimi⧾ 'klu-', 'do 'we-a': kwlaa: nyieh 'di.: Yeh or: ne-a 'de,: yee' 'ku 'dhen-or-: dih or 'ye deh-zon no.: Yeh 'ku 'dhen-or dih: dheen:,: yee' 'enjor-nyor:⧾, mo-: 'yle,: on: za-dih-or'. :Yeh on po-a: Jororn': kasue 'di,: yee': Yusu' mu 'de: Galali'i-bluhba ken.: Yeh or: ne-a 'de,: yee' Nyorsoa-a' tubo-wlu:⧾ 'jeh, me-: or po, or 'dae:, Ti-a nyni 'o 'weh. Nyorsoa-a' nyor⧾ wlu 'ken: korn-eh 'koan'-: bo. A 'tali: a-a' deh⧾-zon⧾ dih, a 'ye 'de Nyorsoa bo 'bili:. Tubo-wlu:⧾ 'jeh: daa, a po-ih dhih 'jeh-'. Eh: korn 'we-eh: due',: yeh: Yusu'-a na-dih-a: Galali'i-yobo'-pehnu worn dih, 'do: wor or 'ye-dih: Samor'-: or-a' dei' Andlu'-: mo-:: an po sor 'do 'ni worn 'i. Deh no-eh, on no zimi: 'dba-nyor:⧾. :Yeh or: yeh-dih-uh-a ken,: yee' or: wlu-' 'de on bo, or 'dae:, A 'yle. A zi 'o 'on klei'. 'An mu-eh: no, a 'ye nyor⧾ 'de Nyorsoa bo: ya-nyor⧾ no,: eh: zi 'o zimi:: kpon-eh-'. :Yee' 'do: dha: due' 'jeh: dao', on 'pehn-dih: an-a'a: sor⧾-: dih, 'de on zi 'o or klei'. :Yeh on 'beh-dih:-a 'de dih: weh-beh:,: yee' or 'ye 'Jeen-: 'dekorn: or-a' dei': Jororn'-:: on no-a: Zehbehli'-a'a: 'nynuu, mo-: an 'pa sor⧾ 'de 'blagbe 'di. :Yeh: Yusu' 'ye-uh'-a,: yee' 'do: dha: due': dao', or 'da-uh' on 'ye 'o or klei' zi.: Yee' on sie 'de on: baa'-: 'dekorn: nyor⧾: an no-dih-uh-a: koan bo, on 'ye-a' geli': za-: 'de 'blagbe 'di 'weh, 'de on zi 'o or klei'. :Yee': yeh: Yusu'-: 'dekorn: or-a'a: bo: na-nyor⧾-: on mu-a, 'de on nyni-a 'o: gwlor an 'da-dih-a: Kapa'nior, 'de Nyorsoa-a': gwlee-we-eh nyni-a 'o,: yee' or pa 'de an-a' 'di: gweh-dih-sla 'zorn, 'de or torne-uh deh. Or-a' nyor⧾ deh: torne-eh: florn-dih: an-a' klehkpeh-: worn. Deh no-eh, or torne-uh deh: ka nyor: or 'ble-a 'kpih 'de Nyorsoa-deh 'di,: eh: se-a: ka nyor⧾ 'tele': torne-nyor⧾-a no-a. :Yeh or torne-a nyor⧾ deh,: yee' 'yli: a bla-a 'i, 'yu: due', 'kwla 'ye-dih-deh: ne-a 'o 'de, or-: pa 'de an-a' 'sla: dao' 'zorn,: or 'wor,: or 'da, Deh: an 'bhorn: on 'ye: a-uh': no-dih:: eh?: Yusu': mor,: or 'wluh-a 'Nazla-gwlor 'di,: on yi-: 'de: on 'ye: a-a' dhih dih gweh: e?: Mor: dao', 'on yubo:: on 'weh o.: Mor, Nyorsoa-a' gban 'i: ne-nyor: 'o o. :Yeh or 'da: ao',: yee': Yusu' po 'kwla 'ye-dih-deh:: dao' 'borboa' 'i, or 'da, No 'dhuan. 'Wluh 'o or 'de. :Yeh or 'da: ao',: yee' eh gbua-or-: 'i 'gabaa, 'de eh 'wor-dih-or, eh 'wluh 'o or 'de. :Yeh eh 'wluh-a 'o or 'de,: yee' nyor⧾-a' klehkpeh: on: ne-a 'o, eh: florn-dih-uh-: worn. 'De an 'chihleh-eh 'i, an no,: Eh: ne: ao': eh? Nyor⧾ deh: torne-eh:: dele': oo', eh-:: dhe dih: e? 'Yu: daa, or wlu-dih 'de 'kpih 'di.: Mor or: wlu 'de 'kwla 'ye-dih-deh⧾-a' 'jeh bo,: yee' en dhe 'o or-a' wlu-: dih. :Yeh eh no: ao',: yee': Yusu'-a' 'nyne 'dhobo:, en gweh: Galali'i-bluhba-a' klehkpeh-: 'dlu. :Yeh: Yusu' no-a deh: dao',: yee' or 'wluh 'de 'sla: dao' 'zorn 'weh, 'de or-: 'Jeen-: 'dekorn:: Jororn'-: on pa 'de Samor'-: 'dekorn: Andlu'-: on 'bli 'gbu 'di. :Yee' nyor⧾ zela:: Yusu'-:: gwluhuh': ka Samor'-a'a: 'bila-nynor,: chehbe'-a no-or, 'de or 'pehn-a dih. :Yeh or 'worn-ih'-a,: yee' or mu 'de or bo 'weh, 'de or kpon or-a' son dih, or 'dhu-or ya-'.: Yee' or-a': chehbe' 'bor-', 'de or kpa-uh: bale'-'. :Yee' 'gwie-yluh bo: dao',: yeh 'yluh 'kpa-a 'nior,: yee' nyor⧾: ya 'de: Yusu' bo puhba-nyor⧾-a' klehkpeh-: 'dekorn:: yuh 'kwla 'ye-dih-deh⧾: ne-a 'o 'de-: 'weh. 'De gwlor 'kpa: dha: due' 'do 'gbu worn 'i. :Yee' or 'puh-dih: nyor⧾: dhulu': on 'ble-a puhba-deh:⧾ 'doror: 'dor, 'de or: za nyor⧾ 'kwla 'ye-dih-deh⧾ 'de. Or: se-' 'worn en: se-': wlu, deh no-eh, en yubo: nyor or 'dhu-eh:-' 'weh. :Yee': yeh: zai': zulu⧾-a wlu-a,: yee' or: sorn-' 'weh, 'de or mu 'de: dha nyor se-a: ne, or 'ye 'de Nyorsoa bo: wlu. :Yeh or: ne-a 'de,: yee' Samor'-: 'dekorn: or 'bei'-: on: sorn-' 'weh, 'de on mu-or 'kwla⧾-' dih 'bhorn 'da. :Yeh on 'ye-or,: yee' on 'dae:, Nyor⧾-a' klehkpeh, an 'bhorn: on 'kwla⧾-' dih o. 'De or zela-uh: gwluhuh', or 'da, A zi,: a mu 'de: gwlor⧾: neheh': eh 'koan'-dih:-a: a dih 'di dih. 'Do: wor 'on: korn 'on 'ye Nyorsoa-a' tubo-wlu⧾: po-dih:: neheh': ke. Eh-:: korn dhih: oo', 'on 'yle. :Yee' or na: Galali'i-bluhba-a' klehkpeh ken dih, 'de or po Nyorsoa-a' tubo-wlu⧾, 'de an-a' 'di: gweh-dih-sla⧾ 'zorn, or za nyor⧾ 'kwla 'ye-dih-deh⧾ 'de. Eh: korn ti: due', 'de 'yu: due', yau-zon-weh kpon-a, or-: mu 'de: Yusu' bo,: or 'jli dih 'do or 'zorn,: or bale-or,: or 'da,: Mor eh 'dhu,: on 'worn-dih-eh ken dih,: yee': on 'beh-dih: 'an 'puh-dih-eh 'weh, 'de 'on: ne-': kane' dih: ne: neheh'. :Yeh or no: ao',: yee' or-a': wehlih-a: no: Yusu', 'de or tba-or son ken dih, or 'da, 'On 'worn-dih-eh'. 'Wluh: kane' dih. :Yee' 'do: dha: due' 'jeh: dao', 'do: wor or-a' yau-zon-weh 'bor-dih:, 'de or 'puh. 'De: Yusu' 'dhobo: or dbo-or, or 'dhu-or 'slen deh 'jeh, or 'dae:, :An-a' zela:-' deh: daa nyor-beh: gwluhuh' o. Jorwor: mu,: on 'ye: an-a' 'jeh Nyorsoa-a' 'slaa:: za-nyor 'i: to-dih.: Yee' kpa 'slaa:: za-dih-deh: ka: Mose'-a' 'tele' 'da-a, 'de nyor⧾-a' klehkpeh 'ye-eh' yubo:: ka: on 'puh-a. Jorwor: or mu deh⧾-' dih, 'de or zela: nyor⧾: dhulu': gwluhuh': gbor,: ka or 'puh-a. Eh-: no-eh, 'de: mor: Yusu': taa: gwlor-' dih 'si, 'de or-a': nyeh 'i: neheh', or tehn-dih gwlor bo dih, 'de or dhe dih 'do: dha nyor⧾ se-a: ne. Jorwor: nyor⧾-a 'wluh deh⧾-' dih, an mu 'de or bo 'gboror:. :Yeh 'we: zi-dih:-a 'o ken dih,: yee': Yusu' mu or 'bli: Kapa'nior-gwlor:-' de.: Yee' nyor⧾ 'worn-ih': ka or: ne-a 'o: gwlor-'. 'De nyor⧾: dhulu' mu 'de or 'bli 'gbu.: Yee' 'de 'gbu 'yi-',: dhe-da:: sloror' se 'de: ne: neheh'.: Dha nyor⧾ 'ye-a' dih: nyna, 'do 'gbu worn 'i-a' 'jeh, 'do se: ne.: Yee' or po Nyorsoa-a' tubo-wlu:⧾ 'de on bo. :Yeh or wlu-a,: yee' nyor⧾: nyieh, mo-:: an tele 'yu: due': or: korn 'tiei: 'meh-a, 'de an ya-or 'de or bo. :Ka: gwlor-nyor⧾: dhie:-a 'i,: yee': ka on 'ye-a' no, 'de on 'ye-a' 'de 'yu: dao' 'de: Yusu' bo kpa,: yee' ka se: ne. Eh-: no-eh, 'de on chlan 'bie' 'do 'gbu 'dlu,: dha: Yusu': bleh-dih:-a 'i, 'de on 'dhle-dih-or 'do or-a'a: ken 'pehn-deh ken. :Yeh: Yusu' 'ye-a an-a' dhih 'jeh-': po-eh:: eh: ne-a 'de on 'di,: yee' or: wlu-' 'de or bo, or 'dae:, 'An 'yu,: an-a' deh⧾-zon⧾-a' dhih 'ma-dih-eh: bo 'weh. :Yee': yeh nyor⧾ 'tele': torne-nyor⧾-a' nyor⧾: noo',: on: dhe-a 'o dih, on 'worn-ih'-a,: yee' an wlu-' 'de an-a' 'jeh 'di, on 'da,: Eh no 'de 'yu: daa, or wlu deh: dao': eh? Or 'kor-dih Nyorsoa-a' 'nyne 'weh. Dha nyor 'wluh: or 'beh-dih:: or 'ye deh⧾-zon⧾-a' dhih bo 'ma-dih:: eh? Nyorsoa: due', or-: 'beh-dih-eh. :Yee' 'do: dha: due': dao',: Yusu' yubo-eh 'i,: ka an 'chihleh-a deh: dao' 'i, 'do an-a': porluh⧾ ken, 'de or: wlu 'de on bo, or 'dae:,: Eh no 'de a na-dih deh⧾: daa: gwluhuh' dih 'suh: eh? Eh: kma 'i nyor 'ye: ao' 'da, 'de 'tiei-a' 'meheh'-yu:: daa bo,: eh: mor,: Sorn-', mu yai', 'duo:: an-a'a: ken 'pehn-deh-',: na,: on 'ye mu,: eh: zi 'o,: An-a' deh⧾-zon⧾-a' dhih 'ma-dih-eh: bo. Jorwor: 'an mu-eh a: torne:,: ka 'yu an 'da-dih-a Nyor-kpalu-a' 'yu, or: korn-a 'kpih dha yao 'zorn, 'do deh⧾-zon⧾-a' dhih-a' bo 'ma-dih-eh bo. Eh-a' dhih, or: wlu-' 'de or bo, or 'dae:, 'An zela: on: gwluhuh',: sorn-', mu yai', 'duo:: an-a'a: ken 'pehn-deh-': on 'ye 'de: on 'bli 'gbu mu. :Yeh an-a' klehkpeh, an pobo-a 'o,: yee' 'tiei-a' 'meheh'-yu:: dao', or: sorn-' 'weh, or 'duo: or-a'a: ken 'pehn-deh-', 'de or mu.: Yee' eh: florn-dih: an-a' klehkpeh-: worn, 'de an po Nyorsoa-a' 'nyne ya, an no,: A 'see deh 'ye, eh 'see: ao' ne: zai'. :Yee': Yusu' mu-: de: neheh' 'de: Galali'i-yobo'-pehnu worn 'i.: Yeh or: ne-a 'o,: yee' nyor⧾: doru', mo-: yi 'de or bo, 'de or torne-uh deh. :Yeh or 'wluh-a 'o: dha 'o, 'de or mu-a,: yee' or 'ye 'yu: due' an 'da-dih-a 'Livae,: or 'dhu-a 'Ehfea-a'a: 'yu-', or-:: dhe dih 'do: gbalie: eh: korn-a 'zorn or za-dih-a 'taa-deh⧾. 'De: Yusu': wlu 'de or bo, or 'dae:, Zi 'o 'on klei'. 'De 'Livae: sorn-', or zi 'o or klei'. Eh: korn 'we-eh: due', 'de 'Livae: pi-dih:: Yusu', 'de or mu deh: di 'da, 'de 'Livae 'bli 'gbu.: Yee' nyor⧾: dhulu', mo-: zi 'o or klei'. Nyor⧾: dao', on no 'taa-deh:⧾: za-nyor⧾-: 'dekorn: deh⧾-zon:⧾: no-nyor:⧾: noo'-: mo-: 'kpa: Yusu'-: 'dekorn: or-a'a: bo: na-nyor⧾-: bo, 'de an kpuhba son⧾ ybei'. :Yee': yeh nyor⧾ 'tele': torne-nyor:⧾: on 'dhu-a: Falasi'i-nyor⧾-', on 'ye-or, 'de or-: 'taa-deh:⧾: za-nyor⧾-: 'dekorn: deh⧾-zon:⧾: no-nyor:⧾: noo'-: an kpuhba-a son⧾ ybei',: yee' on dhele: or-a'a: bo: na-nyor⧾-: dih, on 'dae:,: Eh no 'de or: ne 'taa-deh:⧾: za-nyor⧾-: deh⧾-zon:⧾: no-nyor:⧾: noo'-: an kpuhba son⧾ ybei': eh? :Yee': yeh or 'worn-ih'-a,: yee' or 'dae:, Nyor⧾: on se-a puhba:, on se: korn on 'ye kwein:: di-nyor 'kwla⧾-' dih 'bhorn. Jorwor: nyor⧾: an puhba-a, mo-:: korn: on 'ye kwein:: di-nyor 'kwla⧾-' dih 'bhorn. 'On: se 'de yi 'do 'yi 'sleh-nyor⧾-a' dhih bo. Jorwor: deh⧾-zon:⧾: no-nyor:⧾, mo-: 'on yi 'da 'da, on 'ye an-a' deh⧾-zon:⧾: no-eh 'bor. Eh: korn ti: due', 'de nyor⧾ 'ni 'dlu: po: Jororn'-a'a: bo: na-nyor⧾-: 'dekorn:: Falasi'i-nyor⧾-: an pa 'suehn-'.: Yeh nyor⧾: noo' 'ye-eh,: yee' on yi 'o: Yusu' bo, on dhele-or dih, on 'da,: Kaa eh no 'de: Jororn'-a'a: bo: na-nyor⧾-: 'dekorn:: Falasi'i-nyor⧾-a' no-: an pa 'suehn-', 'de: an-a'a: bo: na-nyor⧾-a' no-eh: eh? :Yeh on dhele-or dih,: yee' or 'da, 'Duhba:⧾: on mu-a 'nynor nyina:: kpa-gor-', on se 'beh-dih: on 'ye 'suehn-' pa, ti 'nynor-a'a: yibeor: ne-a 'o on bo. Jorwor: ti-a mu 'o: nyni yibeor-a mu 'o on ybei': za-eh:.: Yee' 'do 'we-eh:: dao' 'di, an mu 'suehn-': pa. 'De: ka: ne-a: due' 'di, nyor-a' no 'yli-eh:: dele'-a' 'for, 'de or-a' 'pa 'wla soa.: Mor or no-eh,: yee' 'yli-eh:: dele'-a' 'for-a mu-': jli-eh:.: Mor or: jli-eh,: yee' or mu 'wla soa-a' 'for⧾: nee': chlan, eh 'ye: chlaan-bie:: dao' de dih kpa, 'de eh 'ye 'bie': klaba' no. 'De nyor-a' po nomor: dele' 'de: zolo-eh:: eh: no-dih-eh deh-ku: soa 'di.: Mor or no-eh,: yee' nomor: dele'-a mu-eh 'i: wa, 'de nomor 'ye dih 'wla, 'de deh-ku-zolo-eh 'ye 'kor. Jorwor: nomor: dele': korn or 'ye 'de deh-ku-zolo-eh:: dele' 'di: po-eh:. Eh: korn-Nyorsoa-a': gwlee-we-eh: due',: yee': Yusu'-: 'dekorn: or-a'a: bo: na-nyor⧾-: an yi-dih 'de deh⧾-yor: an 'da-dih-a 'wii 'nyne-', 'de 'gle.: Yeh an zi-a,: yee' or-a'a: bo: na-nyor⧾ 'duo: deh⧾-yor:: dao' en-': nee'-a' kplan-a' 'weh. 'De: Falasi'i-nyor⧾: wlu 'de or bo, on 'da,: Gbee'e:.: Eh no 'de: an-a'a: bo: na-nyor⧾-a no deh: eh se-a 'o: a-a'a: 'tele'-a': gwie 'i: ne, 'do Nyorsoa-a': gwlee-we-eh 'di: eh? 'De or 'dae:, Deh: Debe' no-a, ti 'moeh 'ye-a' or-: or-a'a: bo: na-nyor⧾-: no, 'de on se-a dii-deh 'ble, a: se-eh' zlo: e? Deh or no-a, eh-:: dhe dih. Or pa 'de Nyorsoa-a' 'gbu 'di, ti Abia'ta no-a Nyorsoa-a' 'slaa:: za-nyor⧾-a' nyor: klaba', 'de or di 'bhlee: on po-a 'o Nyorsoa ybei' dih,: eh: ne-a gban 'i, nyor 'plo-a' di-a, Nyorsoa-a' 'slaa:: za-nyor⧾: due'-a di-a. 'De or 'nyi eh-a': neheh' or-a'a: bo: na-nyor⧾: ke. :Yee' or 'dae:: neheh', 'de on bo, Nyorsoa-a': gwlee-we-eh: no-eh:-' 'do: gwlor-nyor⧾ bo.: Gwlor-nyor⧾: se-': no-eh: 'do eh bo. Eh-:: korn dhih, 'de 'yu an 'da-dih-a Nyor-kpalu-a' 'yu, or no: Gwlor: baa' 'do Nyorsoa-a': gwlee-we-eh 'dlu bo. :Yee': Yusu' mu 'de 'di: gweh-dih-sla 'zorn-: de,: neheh'. 'Do: wor or: yeh-dih: 'yu: due': or: korn-a son 'meh-a. :Yee' an pobo-or-: ya, on 'ye-eh' 'ye,: eh beh or mu 'yu: dao' 'puh-dih: 'do Nyorsoa-a': gwlee-we-eh 'di-:, 'de on 'ye-or' 'tele' dih: kpon-dih: 'do deh-zon:: no-eh bo. :Yeh an pobo-a 'o,: yee' or: wlu-' 'de 'yu: or: korn-a son 'meh-a bo, or 'dae:, 'Yle. Yi 'noror nyor⧾ ybei'. :Yeh 'yu mu-a, 'de or: nyna-a dih,: yee': Yusu' dhele-uh-: dih, or 'dae:, Eh: ne 'o: a-a'a: 'tele'-a': gwie 'i 'weh, nyor 'ye nyor-': za-dih: 'do Nyorsoa-a': gwlee-we-eh 'di: e?: Ae' nyor 'ye deh-zon no? Eh: nmor-: 'yi nyor 'ye nyor-a': febeh' zelie:: e?: Ae' nyor 'ye nyor 'dba ke?: Yeh or dhele-uh-a dih,: yee' an-a' nyor: se-': wlu. :Yee': yeh or pobo:-a an-a' klehkpeh ya, 'de an-a' 'worn, an-a': wlu-a,: yee' or 'kpa-' 'chehn. Jorwor: or 'ye an-a': wehlih:, 'do an-a' 'dlu⧾-a': kmu-a' bo, 'de or: wlu 'de son-a' 'meheh'-yu:: dao' bo, or 'dae:, Slo: an-a' son. 'De or slo-uh.: Yee' or-a' son 'bor-'. :Yeh: Falasi'i-nyor⧾ 'ye-a deh: dao',: yee' on 'si-: 'zorn. 'De mo-: 'dekorn:: Hehlo'-a'a: bo: na-nyor⧾-: on 'dhu dhih, 'do: dha: due': dao',: ka on 'ye-a': Yusu'-a' 'dba-a' no. :Yee': yeh: Yusu'-: 'dekorn: or-a'a: bo: na-nyor⧾-: on 'wluh-a 'o,: yee' on mu 'de: Galali'i-yobo'-pehnu worn 'i.: Yeh an mu-a,: yee' nyor⧾: doru', mo-: 'wluh: Galali'i-bluhba ken, mo-: zi 'o on klei'. 'De nyor⧾: dhulu': noo' 'wluh: Judi'a-bluhba ken-: :Julu'slehn-: 'Idumi'a-bluhba ken-: 'bluhba-a' 'for: or: ne-a 'de 'Jorle-ni-a' 'yluh-a' 'kwla 'wluh-dih: 'da worn dih-: 'dekorn: 'bluhba-a' 'for⧾: eh: ne-a 'Taya-gwlor-: 'dekorn: 'Saedorn-gwlor 'de dih-:. Nyor⧾: dhulu': daa, deh⧾ or no-a, me-: on 'worn, eh-:: korn dhih on yi 'de or bo. :Yeh nyor⧾-a dhie-a 'i,: yee' or zela: or-a'a: bo: na-nyor⧾-:: gwluhuh', on 'ye 'de 'blagbe 'di 'kpa po 'do or bo, 'de nyor⧾: ne-or' 'dlu dih: gweh-dih:. Deh no-eh, or 'puh-dih: puhba-nyor:⧾: dhulu',: yee': ka nyor⧾: an puhba-a, on 'worn-ih'-a,: yee' on yi 'de or bo, 'de an vorn on 'ye-or' dih 'tuh. :Mor 'kwla 'ye-dih-deh:⧾: en: ne-a 'o nyor⧾ 'de, en 'ye-or,: yee' en bla en-' 'jeh-: dih 'do or ybei', 'de en po 'geh⧾, en no,: Mor, Nyorsoa-a' 'Yu: oo' o. :Yee' or 'dhu-ih 'slen deh 'jeh, en: ne-eh' no, 'de nyor⧾: ne-' nyor or 'dhu-eh:-' yubo:. :Yeh: Yusu' 'wluh-a 'o: Galali'i-yobo'-pehnu worn 'i: dao',: yee' or mu 'de tluh ken, 'de or 'da nyor⧾ or 'bhorn-a, 'do or bo.: Yeh on yi-a 'de, :yee' or: za 'de on 'klu-' nyor⧾-a': bhue: 'yor 'sororn' or 'da-dih-a or-a'a: dboo-nyor⧾.: Yeh or gan-a nyor⧾: dao',: yee' or: wlu-' 'de on bo, or 'dae:, 'On gan a 'weh a 'ye 'on bo: na, 'on 'ye a dbo a 'ye Nyorsoa-a' wlu kpa. 'An mu a 'kpih 'nyi-:, a 'ye 'kwla 'ye-dih-deh⧾ 'do nyor⧾ 'de: za. Nyor⧾ or 'duo:-a-', an-a' 'nyne: wor: dhe dih. Samor' or 'dhu-dih:-a: Piteh'-nyne-: :Zehbehli'-a'a: 'nynuu 'Jeen-:: korn or-a' dei': Jororn'-:: on: ne-a 'sororn', or 'dhu-dih:-a Bona'yi-nyne,: en 'dhu-a 'ni-a' 'gbuu'-nyor⧾-nyne-', Andlu'-: Felor'-:: Batale'meor-: Matio'-:: Tormor'-: 'Ehfea-a'a: 'yu 'Jeen-: 'Talior-:: korn Samor': or no-a or-a'a: 'bluhba-dlu-a' dhih: vorn-nyor-: 'dekorn:: Juda': Ehkeh'lior-:: or plo-a: Yusu'. :Yee': Yusu' mu 'de 'gbu-: de, 'de: gwlor-nyor⧾: gweh de 'do mor: neheh'. Eh-: no-eh 'de or-: or-a'a: bo: na-nyor⧾-: on se 'beh-dih: on 'ye deh di-a' 'jeh: sloror'. :Yee': yeh or-a'a: nyor⧾ 'worn-ih'-a,: yee' on mu-or 'o 'weh, on 'ye-or' wlu 'ken: korn. Deh no-eh, on 'da, Sena-a: no-or. Nyor⧾ 'tele': torne-nyor:⧾: on 'wluh-a: Julu'slehn, on 'dae:,: Behzeh'bu: 'o,: on no-a 'ku, mo-:: ne 'o or 'de. 'Kwla 'ye-dih-deh:: klaba': oo', eh-: 'nyi-or 'kpih, 'de or za nyor⧾ 'kwla 'ye-dih-deh⧾ 'de. :Yeh or 'worn-ih'-a,: yee' or 'da nyor⧾-a' klehkpeh: on: ne-a 'o 'weh, 'de or po 'dlan, or dhele-uh dih, or 'da,: Kaa 'ku-a mu an-a' 'jeh dih: no-eh: no: eh? :Mor 'bluhba-dlu: za an-a' 'jeh 'sororn', 'de on 'ye an-a' 'jeh bo vorn,: yee' 'bluhba-dlu:: dao', on se dih: nyna-eh 'beh-dih:. :Mor 'cheh-buh: za an-a' 'jeh 'sororn', 'de on 'ye an-a' 'jeh bo vorn,: yee' 'cheh-buh:: dao', on se dih: nyna-eh 'beh-dih:. :Mor 'ku: za an-a' 'jeh 'sororn', 'de on 'ye an-a' 'jeh bo vorn,: yee' on: se-' dih: nyna-eh 'beh-dih: i, an-a' 'kpih-a mu worn: gweh. Nyor se 'beh-dih: or 'ye: kmuu-nyor-a'a: 'gbu wa, 'de or 'ye or-a'a: 'tiei-' 'duo:. Jorwor:: mor or 'ye-eh' no, or mu: kmuu-nyor:: dao': san: weh, 'de or 'ye or-a'a: 'tiei kpa. Dhih 'jeh, 'an zela a: gwluhuh', nyor⧾-a' deh⧾-zon⧾-a' klehkpeh-: 'dekorn: Nyorsoa-a' 'nyne 'kor-dih-eh-: en mu bo 'ma-dih-eh:. Jorwor: nyor-beh:: or 'kor-dih:-a Gban 'i: ne: Zulu-a' 'nyne, or-a' deh⧾-zon⧾ 'se 'ba bo 'ma-dih-eh,: ka ti-a mu-a 'dlu-': tehn. Deh no-eh, or no deh-zon:: klaba': eh mu-a 'o or 'dlu: ne,: ka ti-a mu-a 'dlu-': tehn. ( Deh: korn-a dhih or: za-a deh: daa-', eh-: 'dhu, on 'da or 'ble 'kwla 'ye-dih-deh:.) :Yee': Yusu' 'de-: 'dekorn: or-a' dei'-nyor⧾-kpalu⧾-: mo-: yi 'o or bo, 'de on: nyna dih 'do 'zorn, on dbo 'de or bo 'gbu 'di wlu. :Yee' nyor⧾: doru', mo-: 'gola-or 'de dih, 'de on zela-or: gwluhuh', on 'da,: On 'de-: 'dekorn:: an-a' dei'-boi'-: mo-:: ne 'de 'zorn,: an dhele: an-a' dhih dih. 'De or dhele-uh dih, or 'dae:,: Or 'dhu 'on-de-': eh?: Or 'dhu 'an dei'-boi'-': eh? 'De or pobo: nyor⧾: on 'gola-or 'de dih ya, or 'da, 'On-de-: 'dekorn: 'an 'de-di'-boi'-: mo-:: dhe dih. Nyor: or no-a Nyorsoa-a' 'ton: korn-deh, or-: 'dhu 'an 'de-di'-boi'-: 'dekorn: 'on-de-:-'. :Yee': Yusu'-a torne nyor⧾ deh: neheh', 'de: Galali'i-yobo'-pehnu worn 'i.: Yeh or kpa-eh 'dlu bo,: yee': gwlor-nyor:⧾: doru', mo-: 'gbo-dih-or 'dlu dih. Eh-: no-eh, 'de or 'kpa 'de 'blagbe 'di 'de 'ni ken, 'do: wor or: dhe dih, 'de an-a' klehkpeh gban-dih: 'ni worn dih. Or torne-uh deh⧾: dhulu' 'de 'dlan⧾ 'di.: Yeh or torne-uh-a deh,: yee' or 'dae:, A: to: dou'⧾ o. 'Yu: due': oo', or-: mu deh⧾-yor:: gba 'da. :Yeh or gba-ih-a 'de 'gle,: yee': nee' 'kpa 'o: gwie 'i, 'de neme 'yle, en mla-ih. :Nee' 'kpa 'o 'bluhba ken,: or: ne-a 'soba 'zorn.: Yeh en 'kpa-a 'o,: yee' en 'dhobo: en 'wluh-'. Deh no-eh, 'bluh: dhulu' se 'o: ne. Jorwor:: yeh 'yluh: kma-a 'i,: yee' en wlor-',: ka en-' buh⧾ se-a: dha: dhorno' mu 'de glu,: yee' en 'klan-'. 'De: nee' 'kpa 'de 'wu⧾-kwla 'nyne-'.: Yeh 'wu⧾ ku-a,: yee' en: mla-dih-ih-: worn, 'de en: se-' wa. Jorwor:: nee' 'kpa 'o 'bluhba: 'jeh ken, me-: me, 'de: en ku, 'de: en wa.: Yeh en wa-a,: yee': nee' po 'yor-a': kwlaa taan,: nee' po: kwlaa: meheh'lo:, 'de: nee' po: kehehn': due'. 'Do 'dlan-a' 'dlu-': jla 'da,: yee' or 'dae:, Nyor: or 'ble-a: dou'⧾: or 'ye-a' dhih 'worn, 'nyi or 'worn-ih. Ti: Yusu' se-a 'de nyor⧾ 'sluh⧾ 'klu-': ne, 'de or: ne-a 'de or-a'a: klei': zi-nyor:⧾: noo'-: 'dekorn: or-a'a: bo: na-nyor⧾-: 'nyne-',: yee' on dhele-or-: dih 'dlan⧾ or po-a, or 'ye-ih' gbor: za 'de on bo. 'De or: wlu 'de on bo, or 'dae:, Nyorsoa-a' nyor⧾ wlu 'ken: korn-eh-a' 'slan: za-eh: gbor 'de a: mor: mloror' bo. Jorwor: nyor⧾: yuh: on se-a 'de: a 'di: ne, deh⧾-a' klehkpeh: ne 'de 'dlan⧾ 'di, 'de on bo. Eh-: no-eh, 'de: Mor on pobo: dih, 'de an-a' 'ye dih.: Mor on: to: dou'⧾, 'de an-a' 'worn deh-' dih, 'de on: ne 'de Nyorsoa bo 'bili:, 'de or: ne-' an-a' deh⧾-zon⧾-a' dhih bo 'ma-dih:. :Yee': Yusu' dhele-uh-: dih, or 'da, A: se-' 'dlan: daa dih 'worn: e?: Yee': kaa a mu 'dlan⧾-a' klehkpeh-' dih 'worn-eh: no: eh? 'Yu: or gba-a deh⧾-yor, or gba Nyorsoa-a' wlu. Nyor⧾: noo' gweh deh⧾-yor:: or 'kpa-a 'o: gwie 'i.: Yeh on 'worn-ih'-a,: yee' 'ku yi-: 'de, 'de on: za 'o wlu: on: gba-eh 'do on: porluh⧾ ken. Nyor⧾: noo' gweh deh⧾-yor:: or 'kpa-a 'o 'bluhba:: or: ne-a 'soba 'zorn ken.: Mor on 'worn Nyorsoa-a' wlu,: yee' 'do: dha: due': dao', on kpon-uh-: dih 'do: porluh⧾-a' dih 'pehn ka 'di. Jorwor: on se deh-' dih 'worn-eh: 'jeh 'ble 'de on 'di,: yee' on gweh deh⧾-yor:: or: korn-a buh⧾ se-a: dha: dhorno' mu 'de glu,: yee' an-a': gwle 'o 'do ti: dhorno'⧾ 'di.: Mor 'worn dih 'beh-eh 'yle, 'de 'kle 'ye-eh 'ye 'de yi, 'do Nyorsoa-a' wlu-a' dhih bo,: yee' 'do: dha: due': dao', on ple-', on 'tali: Nyorsoa-deh-: dih. Nyor⧾: noo' gweh deh⧾-yor:: or 'kpa-a 'de 'wu⧾-kwla 'nyne-'. Mo-: gweh nyor⧾: on 'worn-a Nyorsoa-a' wlu. Jorwor: 'kmo bo-deh:⧾, me-: 'beh-dih an-a': porluh⧾ 'worn dih.: Ka on 'ye-a' no, 'de on 'ye-a' bhan, eh-: 'da-dih-uh 'yi. Deh⧾: dhulu', me-: an 'bhorn 'gabaa. Deh⧾-a' klehkpeh: daa, me-: 'yle,: en kpon Nyorsoa-a' wlu: bhluun' 'worn dih,: yee': ka on 'ye-a' no, 'de on 'ye-a' 'yor po, ka se: ne. Jorwor: nyor⧾: noo' gweh deh⧾-yor:: or 'kpa-a 'o 'bluhba: 'jeh ken,: on 'worn-a Nyorsoa-a' wlu, 'de: on 'duo-uh-a-' 'do on: porluh⧾ ken.: Ka deh⧾-yor:: or po-a 'yor-a': kwlaa taan-:: kwlaa: meheh'lo-: 'dekorn:: kehehn': due'-: or: ne-a, 'ka-: on: ne. :Yee': Yusu'-a kpa or-a' wlu 'dlu bo, or 'dae:, A 'ye nyor: zai', or tba 'nape, 'de or po-eh 'de: yabe 'zorn: weh: e?: Ae' 'de or dhe-eh dih 'de ken 'pehn-deh 'zorn ke? 'Nape se 'o: dha 'nape-a dhe-a dih: korn: e? Deh: eh 'zile-eh, eh: korn eh 'ye ken: nyeh. 'De deh: eh: kan-eh worn 'i, eh: korn eh 'ye 'o zorn-pli 'i yi. Nyor: or 'ble-a: dou'⧾: or 'ye-a' dhih 'worn, 'nyi or 'worn-ih. 'De or zela-uh: gwluhuh', or 'dae:, A: to: dou'⧾ deh 'jeh, 'do deh⧾ a 'worn-a, 'do en bo.: Ka a no-a a 'bei'-a' ne-a': yba-dih-eh, 'ka-: Nyorsoa-a mu a-a' ne-a': yba-dih-eh: no: ke,: yee' a-a' ne-a mu 'o 'dlu dih: zi. Nyor: or 'ye-a deh⧾: dhulu', or-a'a: deh⧾: dhulu' or 'ye-a, en mu ken 'kpa-:. Jorwor: nyor: or se-a deh 'ye, or-a'a: deh-yu-a' 'jeh or 'ble-a, eh mu-or 'kwa: za-eh:. :Yeh: Yusu' po-a 'dlan: daa, or: jla-a,: yee' or po 'dlan: noror', or 'dae:, 'Ka-: Nyorsoa-a' nyor⧾ wlu 'ken: korn-eh mu-a: ne. 'Yu: due', or-: gba deh⧾-yor 'de 'gle. :Mor glu gor,: yee' or pa-', or 'pehn-: dih.: Mor zorn zen,: yee' or 'kpa 'o dih: na 'da 'weh.: Yeh or 'si-a 'o deh⧾-a' klehkpeh: daa, en-' no 'da,: yee' deh⧾-yor: or gba-a 'de 'gle, or me-', 'de or ku. Jorwor:: ka deh⧾-yor-a no-a me-a', 'de or no-a ku-a', or se-eh yubo:. 'Bluhba:, or-: no-eh 'de deh⧾-a ku, 'de en po 'yor.: Mor nyor 'dhu deh⧾-a' 'yor,: tehn 'i-deh: en no-a, en po 'kwehn, 'de en ku.: Mor en ku, 'de en wa, 'de en 'vlu. :Mor en 'vlu, 'de nyor: or 'dhu-ih'-a, 'de or mu, or no: faa, or chehn-ih. Deh no-eh, en-' chehehn-ti nyni 'o 'weh. :Yee': Yusu' dhele-uh-: dih, or 'dae:, Deh: a 'beh-dih:: a 'ye Nyorsoa-a' nyor⧾ wlu 'ken: korn-eh 'i: po-dih:: eh? 'Dlan-a': yoror: or 'beh-dih:: or 'ye-eh' gbor: za: eh? Eh gweh: zlaan'-a' 'yor-eh:,: eh no-a 'zeehn: neh, 'de gbaa-deh⧾-yor-a' klehkpeh nyor⧾-a gba-a 'nyne-', dha 'bluhba ken. Jorwor: eh-a' 'jeh: dao',: mor nyor gba-eh,: mor eh ku,: yee' eh 'beh-: 'i, eh: zi 'o gbaa-deh⧾-a' 'yor-a' klehkpeh: en: gba-eh 'weh, 'de 'dhuu'-deh⧾ 'nyne-'. 'De eh za 'gabuh:⧾: klaba'⧾. 'Do eh-a' 'gabuh⧾-a': pebeh'-': dao', neme:: en zi-dih-a-' dih 'de yai', en 'beh-dih: en 'ye 'o 'dle⧾: po-dih:. :Yee': mor: Yusu': taa Nyorsoa-a' tubo-wlu⧾ po 'de nyor⧾ bo,: yee' 'dlan⧾: dhulu': en goor-dih-ih-a, me-: or po 'de on bo. Or zela-uh 'dlan⧾ on 'beh-dih:-a on 'ye-a' dih 'worn: gwluhuh'. Or: se 'de nyor⧾ bo: wlu 'de: ka 'sluh 'di, 'dlan⧾: due', me-: or no, 'de or wlu 'de on bo. Jorwor:: mor or-: or-a'a: bo: na-nyor⧾-: on: ne: due', 'de or wlu 'de on bo, or zela deh⧾-a' klehkpeh ken dih. 'Do 'we-eh:: dao' 'di,: yeh glu-a gor-a,: yee': Yusu': wlu-' 'de or-a'a: bo: na-nyor⧾ bo, or 'dae:, A zi,: a 'dhan,: a 'ye 'de: Galali'i-yobo'-pehnu 'de 'kpa. :Yeh or zela-uh-a: gwluhuh',: yee' on sie nyor⧾: doru': on: ne-a 'o on bo 'weh, 'de on 'kpa 'de or bo 'blagbe 'di, on kpa-or.: Yee' 'blagbe:⧾: nee'-a mu-': ke. :Yeh on: ne-a 'de 'ni ken,: yee': pobor': dhulu'-a: 'yle. 'De yobo'-pehnu-a' 'duh⧾-a 'kpa 'de 'blagbe 'di.: Yeh eh no: ao',: yee' 'ni-a 'bhorn eh 'ye 'de eh 'di 'yi. :Yeh deh⧾: daa, en mu-a 'dlu bo,: yee' or: ne 'de 'blagbe-a': gborluh' bo, or: po deh 'dlu ken,: yee' or 'mo-'. 'De on za-or 'nyinor-', on 'da, Nyor⧾ deh: torne-nyor:,: mor 'ni kpa: a-uh,: on se 'de deh dih po: e? :Yee' or: sorn-' 'weh, 'de or po: pobor' 'borboa' 'i, or: wlu 'de yobo'-pehnu-a' 'duh⧾ bo, or 'da, No 'dhuan.: Yee': pobor' 'bor-', 'de yobo'-pehnu-a' 'duh⧾ no 'dhuan. :Yee' or dhele-uh-: dih, or 'da,: Eh no-dih a: fano: eh? A se dhih 'jeh-': po-eh 'ble 'gboror:: e? :Yeh eh no: ao',: yee' eh po-uh': fano: 'gabaa, 'de an 'chihleh-eh 'i, an no, Deh 'i-deh-nyor: 'o,: or: dhe dih: eh,: or: korn wlu yobo'-pehnu-a' 'duh⧾-: 'dekorn:: pobor': sloror'-: en dhe 'o dih: eh? :Yee': yeh: Yusu'-: 'dekorn: or-a'a: bo: na-nyor⧾-: on mu-a,: yee' on 'si-: dih 'de: Galali'i-yobo'-pehnu 'de, 'do: Galasi'i-nyor⧾-a' 'bluhba ken. :Yeh on 'wluh-a 'de 'blagbe 'di,: yee' 'yu: due', or-: 'wluh 'de nma-dih-deh⧾ 'klu-', or-: 'ya-dih-uh 'i. 'Yu: daa, 'kwla 'ye-dih-deh: ne-a 'o 'de, :or 'ti-a 'de nma-dih-deh⧾ 'klu-', nyor se-or worn 'i 'beh-dih:: neheh'. 'De 'chen-dubu'⧾-a' 'jeh: sloror' se-or worn 'i 'beh-dih:. On po-or 'chen-dubu'⧾ son⧾-', 'de on po-or: gbolo-eh buh-', 'do kpor⧾: dhulu' 'di. Jorwor: or zela: 'chen-a' 'jeh-: 'i, 'de or: wa-dih:: gbolo-eh dih.: Yeh or no: ao',: yee' nyor se or-a' wlu 'ken: korn-eh 'beh-dih:: neheh'. 'Gwie-:: glaa'e-: or po 'geh⧾, or no sobu'⧾, or tba-dih or-a' 'jeh deh⧾ dih, 'de nma-dih-deh⧾ 'klu-'-: 'dekorn: 'de tluh⧾ ken-:. :Yee': yeh or 'ye-a: Yusu' 'de: dha: dhorno',: yee' or ple-', or 'ya-dih-or-: 'i, 'de or bla 'koor-dlu⧾ 'yi glu 'do or ybei', or po 'geh⧾ 'gabaa, or no,: Yusu', 'yi 'beh-Nyorsoa-a' 'Yu. Deh: an 'bhorn: on 'ye 'on-': no-dih:: eh? 'An bale: on 'weh 'de Nyorsoa-a' 'nyne 'di,: on: korn 'gen,: an-a' 'ye-dih:-' 'on 'kle o. ( Deh: korn-a dhih or 'da: ao' 'de: Yusu' bo, eh-: 'dhu,: yeh: Yusu' 'ye-or: zai',: yee' or 'dae:, 'Kwla 'ye-dih-deh:, 'wluh 'o 'yu: daa 'de.) 'De: Yusu' dhele-or dih, or 'da,: An-a' 'nyne: eh? 'De or 'da, 'An 'nyne: wor Sorye': dhulu'. Deh no-eh,: a: dhie: 'i: dhih 'o: oo'. 'De or bale:: Yusu' 'gabaa, or 'da,: On: korn 'gen.: An-a': za-' 'kwla 'ye-dih-deh:⧾: daa: dha 'bluhba:: daa ken. :Yee' 'do dha-a' 'jeh: dao',: yee': bee'⧾: dhulu', me-: wa dih 'do tluh: gben-eh 'i. 'De 'kwla 'ye-dih-deh⧾ bale-or, en 'da, Dbo 'de: a: bee'⧾ bo,: a 'ye 'de en 'di pa. :Yee' or 'worn-dih-eh ken dih 'weh. 'De en 'wluh 'o 'yu: dao' 'de, en mu, en pa 'de: bee'⧾ 'di.: Yee': bee'⧾: dao': en 'beh-dih:-a: en 'ye-a' 'wlu 'sororn' no, en jla: jiin'-: glu, 'de en: za 'noror tluh: gben-eh 'i ple-a', en 'kpa 'o yobo'-pehnu worn, 'de en 'meh 'do 'nior. :Yee' nyor⧾: an 'dhu-a: bee'⧾: dao' 'yli-eh bo, on ple-', on mu 'de: gwlor-'-: 'dekorn: 'de: gbalie⧾ bo dih-: 'de an zela nyor⧾: gwluhuh'. 'De nyor⧾ yi deh: eh: no-eh 'ye 'da. :Yeh on yi-a 'de: Yusu' bo,: yee' on 'ye 'yu: or 'kwla 'ye-dih-deh⧾ 'wluh-a 'o 'de 'weh, or pa deh-', 'de or: dhe dih. Or yi or-a' 'jeh bo.: Yee' eh po-uh': fano:. 'De nyor⧾: on 'ye-a deh: eh: no-eh 'do 'yu-: 'dekorn:: bee'⧾: dao'-: bo, on zela: nyor⧾-:: gwluhuh'. :Yee' nyor⧾: dao', on 'kpa: Yusu'-a' bale-eh-: ken, or 'ye 'o on 'bli-bluhba ken 'wluh. :Yee': yeh: Yusu'-a 'kpa-a 'de 'blagbe 'di,: yee' 'yu: dao': or 'ble-a 'kwla 'ye-dih-deh⧾: dee', or bale-or', or 'ye 'o or klei' zi. Jorwor: or: se-' 'worn, or 'dae:, Mu: gwlor-' 'de: on 'bei' bo,: on 'ye-uh': gwluhuh' zela: deh: kolu': Gwlor: baa' no-a 'do: on bo,: ka or no-a: an-a': wehlih-a' 'ye-a'. 'De 'yu: dao', or mu, or: yi-dih: 'de 'bluhba-a' 'for ken: or: ne-a Gwlor⧾: bhue: an 'da-dih-a: Deka'poli 'de dih, 'de or zela: nyor⧾: gwluhuh' deh: kolu': Yusu' no-a 'do or bo, eh-a' dhih.: Yee' eh 'ma-dih: 'de nyor⧾-a' klehkpeh 'di-: dih. :Yee': yeh: Yusu' 'dhan-a: Galali'i-yobo'-pehnu: neheh' 'de 'blagbe 'di, 'de or yi-a de,: yee' nyor⧾: doru' 'gbo-dih-or 'dlu dih.: Yeh or: ne-a 'o on worn 'i, :yee' 'yu: due' an 'da-dih-a 'Jalor: or: korn-a 'de: Jueh'-nyor⧾-a' 'di: gweh-dih-sla 'zorn-a' wlu bo, or-: yi 'de or bo.: Yeh or 'ye-or,: yee' or 'jli-: dih 'do or ybei'. 'De or bale-or, or 'da, 'An-a: 'yu-nynor-kpao'-yu-a: puhba 'gabaa, or 'bhorn 'meh-a'.: On: korn 'gen deh 'jeh, 'yle: on 'ye-or' son⧾ ken dih tba, or 'ye 'puh, or 'ye 'kmo-': ne. :Yeh or bale-or,: yee': Yusu' zi 'o or klei' 'weh.: Yeh an mu-a,: yee' nyor⧾: doru' zi 'o or klei', an 'tun-dih dih, on 'ye-or' dih 'koan'-dih:. :Yeh an mu-a,: yee' 'nynor: due', 'nynor-kpao'-weh-a no-a, nyomor-a 'wluh-a 'de yau-' 'do zon⧾-a': bhue: 'yor 'sororn' 'di, or-:: ne 'o nyor⧾: dao' 'nyne-': ke. Or-a' 'jeh: dao', or-: kwein:: di-nyor:⧾: dhulu' 'ye-dih: 'kle: ye-dihih:, 'de or plo or-a'a: 'wlii-a' klehkpeh 'do kwein:: no-eh bo. Jorwor: or-a' puhba-deh-a' 'worn-dih: 'boror'-dhih, eh 'kpa 'de de dih. :Yeh or 'worn-a: Yusu'-a' 'nyne,: yee' or mu, or: na nyor⧾ 'nyne-' dih, or 'wluh-dih: 'de or 'kpuh 'i, 'de or 'tuh or-a'a:: gba 'vuu dih: weheh:. Deh: korn-a dhih, or no-a deh: dao', eh-: 'dhu, or: wlu-' 'de or-a' 'jeh 'di, or 'da,: Mor 'on 'tuh or-a'a:: gba 'vuu dih: sloror',: yee' 'an mu 'puh-:. :Yeh or 'tuh-uh-a dih,: yee' 'do: dha: due': dao', or-a' 'nynor-kpao'-weh 'bor-',: yee' or yubo-eh' 'de or-a' 'jeh 'di: ka or 'puh-a, 'de or-a' 'jeh worn 'ye-eh: jla-a. :Yeh eh no: ao',: yee': Yusu' yubo-eh': ka nyor⧾ 'puh-dih-kpih 'wluh-a 'de or yau-',: yee' or 'bili:-'-: dih 'de nyor⧾ 'klu-', 'de or: wlu, or 'da: Or 'tuh 'an-a:: gba 'vuu dih: eh? :Yeh or dhele-uh-a dih,: yee' or-a'a: bo: na-nyor⧾ 'dae:, Nyor⧾: daa: on: dhie:: ao',: an 'tun-dih-a dih,: an-a' 'ye-uh', 'de: an no,: Or 'tuh 'on dih: eh: e? :Yeh eh no: ao',: yee' or pobo-: dih or 'ye nyor: or no-a deh: dao' 'ye. :Yee': ka 'nynor: dao', or yubo:-a deh: eh: no-eh 'do or bo,: yee': fano-a: no-or, or-a' 'tiei-a tleh-', 'de or mu 'de: Yusu' bo, or 'jli dih 'do or ybei', 'de or zela-or deh⧾-a' klehkpeh: gwluhuh': ka or no-a puhbeh-: 'dekorn:: ka or no-a 'puh-a'-:. :Yee': ka 'nynor jla-a,: yee': Yusu': wlu-' 'de or bo, or 'dae:, 'An 'yu,: an-a' dhih 'jeh-': po-eh no-eh, 'de: an-a' 'weh 'bor. Mu: pehleh'peh:,: on 'puh-' o. :Yeh or 'si-a 'o: wlu 'da,: yee' nyor⧾: noo', mo-: 'wluh 'de 'Jalor 'bli 'gbu, 'de on: wlu 'de 'Jalor bo, on 'dae:,: An-a'a: 'yu 'meh-' o.: Eh: korn dhih: an 'beh-dih: a-a'a: nyor⧾ deh: torne-nyor 'worn dih: neheh': eh? Jorwor:: yeh: Yusu' 'worn-ih'-a,: yee' or: se-ih': dou'⧾ bo: to. Deh or zela:-a 'Jalor: gwluhuh', eh-: 'dhu,: Fano 'bor: an-a' no-a'. Deh: due' 'suh, po-eh dhih 'jeh-'. :Yeh or: taa 'de 'Jalor 'bli 'gbu mu,: yee' or: se-' 'worn nyor⧾: dhulu' 'ye 'o or klei' zi. Nyor⧾ or kpa-a, mo-: 'dhu: Piteh'-: 'Jeen-: 'dekorn: 'Jeen-a' dei': Jororn'-:. :Yee': yeh on nyni-a 'o,: yee' or 'ye nyor⧾: doru', mo-:: an po 'viin'-dhlumeh'. 'De or pa 'de 'gbu 'di, or dhele-uh dih, or 'da,: Eh: korn dhih a po: dhlumeh': eh?: Eh 'vin-dih a-uh: eh? 'Nynor-kpao'-yu:: daa, or: se-' 'meh, or 'mo-'. :Yeh or 'da: ao',: yee' an 'keleh-or', 'de or po 'o an-a' klehkpeh 'zorn, or 'da 'yu 'de-: or: baa'-: 'dekorn: or-a' 'yor-eh-a'a: bo: na-nyor⧾ taan or kpa-: 'de on pa 'de: chuu: 'yu: ne-a 'di. :Yeh on pa-a,: yee' or kpon or-a' son-: dih, or: wlu 'de or bo, or 'dae:, Tali'ta: kumi:,: eh: bleh-dih:-a 'i, 'Nynor-kpao'-yu:, 'on 'da,: Sorn-', mu yai'. :Yee': yeh or: wlu-a 'de zon⧾-a': bhue: 'yor 'sororn'-yu:: dao': or 'meh-a bo,: yee' 'do: dha: due': dao' or: sorn-' 'weh, 'de or na dih.: Yeh eh no: ao',: yee' eh: florn-dih-uh-: worn 'gabaa. Jorwor:: Yusu' 'dhu-uh 'slen deh 'jeh, on: ne-' nyor-beh-nyor-beh deh: daa: gwluhuh' zela:. 'De or zela-uh: gwluhuh' on 'ye 'yu deh-beh 'nyi, or 'ye di. :Yee': Yusu' 'wluh 'o: dha 'o 'weh, 'de or-a'a: bo: na-nyor⧾ zi 'o or klei', 'de on mu 'de or 'bli: gwlor-'. :Yeh Nyorsoa-a': gwlee-we-eh nyni-a 'o,: yee' or 'kpa nyor⧾ deh: torne-eh-: ken 'de an-a' 'di: gweh-dih-sla 'zorn.: Yee' nyor⧾: dhulu': on 'worn-a or-a' wlu, eh: florn-dih-uh-: worn, 'de an no, Dha 'yu: daa or 'chean'-dih: deh⧾-a' klehkpeh: daa: eh?: Toror': daa or 'ble-a,: toror'-a': yor 'o: eh?: Eh no 'de or no: ao' deh⧾: kolu'⧾-a' no-a', deh: dao': eh? Eh: se: Mehle'-a'a: 'yu,: or no-a tu⧾: bha-nyor: e? Eh: se 'Jeen-: 'Joseh-:: Juda'-: 'dekorn: Samor'-: an-a' 'de-di': e? Eh: se or-a' dei'-nynor⧾-kpao'⧾, mo-: se dha: a bo: ne: e?: Yee' nyor⧾: ne-a 'de 'sla: dao' 'zorn, on: se-' or-a' dhih 'worn-dih:. 'De: Yusu': wlu 'de on bo, or 'dae:, Nyor⧾ 'sluh⧾-a 'ye Nyorsoa-a' wele-eh:: po-nyor deh-' 'weh. Jorwor: nyor⧾: on: ne-a 'o or 'bli: gwlor-'-: or 'bli 'gbu-: 'dekorn: or-a' 'wluh-a-nyor⧾-: an-a' 'ye-or deh-'. :Yee': Yusu' se 'beh-dih: or 'ye deh⧾: kolu'⧾ no 'do: dha 'o. Jorwor: deh: due' or no-a, eh-: 'dhu, or tba puhba-nyor⧾-a' kpor son⧾ ken dih, 'de or 'puh-dih-uh. Or-a': porluh 'ma-'. Deh no-eh, on: se-or' dhih 'jeh-' po.: Yee': Yusu' mu: gwlor⧾: nyene': eh: ne-a 'Nazla-gwlor 'de dih, 'de or torne nyor⧾ deh. 'De or 'da or-a'a: bo: na-nyor:⧾: on: korn-a: bhue: 'yor: ne-a 'sororn', 'do or bo, 'de or dbo an-a' 'sororn', 'sororn' deh⧾-' dih. Or 'nyi-uh 'kpih 'do 'kwla 'ye-dih-deh⧾ ken. 'De or dhe-uh 'tele' 'i, or 'da,: Dha a mu-a, nyor-a': kpa-' deh o. Deh⧾: tba-tu⧾: due', me-: a 'ye kwa 'ble. Nyor-a': kpa-' 'bhlee, nyor-a': kpa-' 'tiei 'di: po: gleu', nyor-a': kpa-' 'wlii 'de or 'paa-dih-'. :Buhbuh:⧾, me-: a 'ye buh⧾-' 'dhu. Jorwor: a-a': kpa-' 'wla: noror'. 'Gbu a 'si-a: gwlor-' dih a: ko-dih:-a 'di, mo-: a 'ye 'di dih: dhe: chio'lo:, a 'ye 'o: gwlor: dao' 'di 'wluh. :Mor nyor⧾ se a dih kpon, 'de mor on se a-a' wlu: dou'⧾ bo: to,: yee' a 'tali:: gwlor: dao' dih, a 'gbabo:: buhbuh⧾ 'zorn dih, a 'ye 'o 'wluh, eh 'ye-uh 'i: to-dih:: ka Nyorsoa: za-a an-a' deh son 'di. :Yeh or dhe-a or-a'a: bo: na-nyor⧾ 'tele' 'i,: yee' on mu-', 'de an po Nyorsoa-a' tubo-wlu⧾ 'de nyor⧾ bo on 'ye-' dih 'bili: 'do an-a' deh⧾-zon⧾-a' dhih bo. 'De on: za nyor⧾ 'kwla 'ye-dih-deh⧾ 'de, on po puhba-nyor:⧾: dhulu' 'chlan 'dlu, on 'puh-dih-uh. :Yee' 'Keen: Hehlo' 'worn: Yusu'-a' 'nyne 'weh. Deh no-eh, or-a' 'nyne gweh 'o 'bluhba-dlu:: dao' ken-: 'dlu.: Yee' nyor⧾: noo' 'dae:, Nyor⧾ 'ni 'dlu: po: Jororn': oo',: or 'wluh 'de nma-dih-deh 'di. Eh-: no-eh, 'de or 'ble 'kpih, or no nyor⧾ 'di dih 'ma-dih-deh⧾ deh: dao'. :Yee' nyor⧾: noo' 'da,: Ila'yor: 'o. 'De nyor⧾: noo' 'da: neheh', Or gweh Nyorsoa-a' wele-eh:: po-nyor: soa: due'. :Ka 'Keen: Hehlo' 'worn-ih'-a,: yee' or 'da,: Jororn': or: korn-a 'dlu 'on chehn-a 'o, or-: 'o,: or 'wluh 'de nma-dih-deh 'di. Deh: korn-a dhih or 'da: ao', eh-: 'dhu. Or-a' 'jeh 'yor-eh: 'nyi nyor⧾ 'tele', 'de on kpon: Jororn', on san-or, 'de on po-or: kasue 'di see. Or no deh: daa 'weh, 'do: Hehlo'dia-a' dhih bo,: or: Hehlo': za-a or-a' dei' Felor' 'kwa, 'de or: korn-a: naa. :Jororn' za-eh' 'weh: dee' see, 'de: Hehlo' bo, 'do kpor⧾: dhulu' 'di, or 'dae:, Eh se 'o: a-a'a: 'tele'-a': gwie 'i: ne, nyor 'ye or-a' 'de-di': yi-nyor 'nynor 'kwa: za. :Yeh: Jororn': za-a deh: daa-' 'de: Hehlo' bo,: yee': Hehlo'dia 'kpa-dih:: Jororn'-' 'chehn 'gabaa, or 'ble-dih-or 'di dih, or 'bhorn or 'ye-or' nyor⧾ ya po on 'ye-or' 'dba. Jorwor: or se eh-a' 'kpih 'ble. Deh no-eh,: Hehlo'-a ple: Jororn'-a': fano:, 'de or-a' 'worn nyor-a': no-dih-or deh-'. 'De mor or yubo-eh': ka: Jororn' no-a 'yi 'sleh-nyor, 'de or: ne-a gban 'i. 'Do ti-a' klehkpeh bo,: mor or 'worn: Jororn'-a' wlu,: yee' or-a': porluh-a 'beh-dih-or 'worn dih, jorwor: or to or-a' wlu: dou'⧾ bo 'weh, 'de: porluh-a' dih 'pehn ka 'di 'gboror:. :Yee' 'we-eh:: Hehlo' 'wluh-dih:-a-', eh-: nyni 'o, 'de or 'da gor, or 'da 'kwi⧾: klaba'⧾: on: ne-a 'o or 'zorn-:: janbe-boi'-: 'dekorn: nyor⧾: klaba'⧾: on 'wluh-a: Galali'i-bluhba ken-: mo-:: ne 'o. 'Do 'we-eh:: dao' 'di, 'do: wor: Hehlo'dia 'ye-dih:: ka or 'ye-a' no, 'de or 'ye-a': Jororn' 'dba. :Yeh nyor⧾: gweh-a de,: yee': Hehlo'dia-a'a: 'nynor-kpao'-yu 'kpa 'o: gwlea 'weh, 'de or ye, or 'pehn-dih:: Hehlo'-: 'dekorn: nyor⧾ or 'da-a, an-a': porluh⧾ dih 'gabaa. Eh-:: korn dhih, 'de: Hehlo' dhele-or dih, or 'da, Deh: an 'bhorn: eh?: Wlu. Deh-beh-deh-beh:: an 'bhorn-a, 'an mu-eh: on 'nyi-:. 'De or: zlehn-dih: deh, or 'dae:, Deh-beh-deh-beh:: an mu-a 'on 'yba-dih:, 'an mu-eh: on 'nyi-:, eh-a': yeh 'dhu, 'on 'ye 'an-a: 'bluhba-dlu: gwluhuh' 'beh-dih:, 'on 'ye or-a' 'for: on 'nyi,: on 'ye-or' wlu 'ken: korn, 'an mu-eh: no. :Yeh or 'da: ao',: yee' 'nynor-kpao'-yu mu 'de or 'de bo, or 'da, 'On-de:, deh 'on 'ye 'yba 'de 'on-ba 'kwa: eh? 'De or 'de 'da, Nyor⧾ 'ni 'dlu: po: Jororn'-a' 'dlu, mo-:: on 'ye 'yba. 'De or 'dhobo:, or mu 'de or: baa' bo de, or 'da, 'On-ba:, 'an 'bhorn: on 'ye 'on nyor⧾ 'ni 'dlu: po: Jororn'-a' 'dlu 'nyi: kana: kana 'de 'pani' 'di. :Yeh 'keen 'worn-a deh: daa,: yee' or-a': porluh pa-': chehbe' 'gabaa 'do deh or: za-' 'de or-a'a: 'nynor-kpao'-yu bo, eh-a' dhih. Deh or: zlehn-dih:-a-: 'dekorn: nyor⧾ or 'da-a, an-a' dhih-: or: se-' 'bhorn or-a' wlu 'ye sih-' 'kpa. :Yee' 'do: dha: due': dao', or 'nyi sorye'-yu:: or 'dhu-a or-a'a: 'gbu 'yli-eh bo, 'tele', or 'ye 'de nyor⧾ 'ni 'dlu: po: Jororn'-a' 'dlu: ya. 'De sorye'-yu mu, or chehn 'o or-a' 'dlu 'de: kasue 'di, 'de or po-uh 'de 'pani' di, or 'nyi-uh 'nynor-kpao'-yu, 'de 'nynor-kpao'-yu 'nyi-uh or 'de. :Yeh: Jororn'-a'a: bo: na-nyor⧾ 'worn-ih'-a,: yee' on mu 'o or-a' 'ku 'weh, 'de on nma-dih-uh dih. :Yee': Yusu'-a'a: dboo-nyor⧾ mu 'de or bo-: de, 'de on 'gola-or 'de dih, on zela-or deh⧾-a' klehkpeh on no-a-: 'dekorn: deh⧾ on: torne:-a nyor⧾-:: gwluhuh'. :Yee' nyor⧾: dhulu'-a: mu, 'de: noo'-a yi 'o on bo. Eh-: no-eh, 'de an-a' 'ye: ka on 'ye-a' no, 'de on 'ye-a' deh di-a' 'jeh. Eh-:: korn dhih, 'de or: wlu 'de or-a'a: bo: na-nyor⧾ bo, or 'dae:, A zi,: a 'wluh: daa,: a mu,: a 'ye kpor chehn, 'do: dha nyor se-a: ne, 'de: a 'ye: forn: weh-beh:. 'De on 'kpa 'de 'blagbe 'di, on mu 'de: dha nyor se-a: ne, on 'ye kpor chehn. :Yeh an 'kpa-a: gwie 'i,: yee' nyor⧾: dhulu' yubo-uh-: 'i. 'De nyor⧾: dao': on 'wluh-a: gwlor⧾: nyene' 'di dih, an na 'bluhbor, an ple, an chehn-dih-uh-: nya.: Yeh: Yusu'-: or-a'a: bo: na-nyor⧾-: on 'ye-a' dih 'si,: yee' nyor⧾: dao' on: ne 'de on ybei'. :Yeh or 'si-a 'bluhbor, or 'wluh-a 'de 'blagbe 'di,: yee' or: yeh-dih:: gwlor-nyor:⧾: doru'-: ken.: Yeh or 'ye-uh'-a,: yee' an-a': wehlih-a: no-or. Deh no-eh on gweh 'blae'⧾: en se-a 'yli-eh bo 'dhu-nyor: korn.: Yee' or 'kpa an-a' deh⧾: dhulu'-a': torne-eh-: ken. :Yeh glu-a gor-a,: yee' or-a'a: bo: na-nyor⧾ yi 'o or bo, on 'dae:, Dha: daa: a: ne-a, nyor se-a: ne, 'de mor ti zi-a: ke. Dbo nyor⧾: daa: gwlor⧾: nyene' 'di dih-: 'dekorn:: gbalie⧾ bo dih-:: en 'koan'-dih:-a dha: daa dih, on 'ye dii-deh⧾ dhen 'do an-a' 'jeh bo, on 'ye di. Jorwor:: Yusu': wlu-' 'de on bo, or 'dae:, A: mor 'ye-uh' deh 'nyi on 'ye di. 'De on 'da,: A mu: a 'ye 'wlii: nyor: due'-a 'ye-a 'de 'chuh⧾: meheh' na 'di, en-' 'bhlee dhen: a 'ye-uh': ya, on 'ye di: e? :Yeh on 'da: ao',: yee': Yusu' dhele-uh-: dih, or 'da, 'Bhlee:: kpuan'⧾ dhie a 'ble: eh? A mu, a 'ye-eh' bo dih 'ye.: Yeh on 'ye-eh bo dih,: yee' on yi-: de, 'de on 'da, 'Bhlee:: kpuan'⧾: mm'-: 'dekorn: zimi 'sororn'-: me-:: a 'ye. 'De or zela: nyor⧾: gwluhuh' on 'ye 'pu⧾ 'pu⧾ no, on 'ye-' dih dhele: 'do: peli' ken. 'De an-a' 'pu⧾ 'pu⧾ dhele:-' dih. Nyor⧾-a': kehehn': due': ne 'o on 'bli, 'de nyor⧾-a': kwlaa: mm': ne 'o on 'bli, eh-: on 'ble: blee:, 'de on: gweh 'de. :Yee' or 'duo: 'bhlee:: kpuan'⧾: mm'-: 'dekorn: zimi 'sororn': dao'-: 'weh, 'de or pobo: 'de yai', or po Nyorsoa-a' 'zio, 'de or: chehn-dih: 'bhlee:: kpuan'⧾: dao' dih, 'de or 'kwa. Or 'nyi-ih or-a'a: bo: na-nyor⧾, on 'ye-ih' nyor⧾ 'nyi. 'De on no-eh.: Yee' or gble zimi 'sororn': dao' 'weh: ke, 'de an-a' klehkpeh on 'ye. 'De: gwlor-nyor⧾-a' klehkpeh di deh, on dbo. :Yeh on gweh-a deh: di-eh 'i,: yee' 'bhlee-: 'dekorn: zimi-:: en: sie:-a 'o dih, or-a'a: bo: na-nyor⧾ po-a: dha: due', me-: 'yi: too'⧾-a': bhue: 'yor 'sororn'. Nyor⧾: on di-a deh, nyor⧾-kpalu⧾-a' 'wlu: mm': ne 'de on 'nyne-'. :Yee': yeh eh no: ao',: yee' 'do: dha: due': dao',: Yusu' po 'de or-a'a: bo: na-nyor⧾ 'blagbe 'di, 'de or 'da, A mu 'on ybei' 'de: gwlor an 'da-dih-a: Behse'la 'di, 'de: Galali'i-yobo'-pehnu-a' 'for: a 'wluh-a bo de.: Yeh an mu-a,: yee' or: sie: de, 'de or dbo nyor⧾: doru': dao' on 'bli deh⧾-' dih. :Yeh or kpa-uh-a wlu,: yee' or mu 'de tluh ken, or 'ye 'de Nyorsoa bo: wlu. :Yeh glu gor-a,: yee' 'blagbe: ne 'de 'ni-a' gwea:,: yee' or: due': sie: 'o 'kpuhba' 'i. :Yee' or 'ye-eh': ka or-a'a: bo: na-nyor⧾-a 'ye-a 'kle 'do 'blagbe-a' bli 'da, deh no-eh,: pobor'-a 'beh-dih-uh 'worn dih.: Yee' 'do: dha 'o zorn-a yi-dih-a: zen-dih: 'da, 'do: wor or na-dih 'ni ken dih, or mu 'de on bo, or 'bhorn or 'ye-uh' dih zi: dee'. Jorwor:: yeh on 'ye-or, 'de or na-a 'ni ken dih,: yee' an 'da-dih-or 'meheh'-nyor-a': zulu:: dee', 'de an po 'geh⧾. Deh no-eh,: yeh an-a' klehkpeh on 'ye-or,: yee': fano-a: no-uh 'gabaa. Jorwor: 'do: dha: due': dao', or: wlu-' 'de on bo, or 'dae:, A: ku: gwluhuh'-'. 'Mor: oo'. A 'bor: fano-a': no-' a-uh. 'De or 'kpa 'de on bo 'blagbe 'di, 'de: pobor' 'bor.: Yee' eh 'ma-dih: 'de on 'di-: dih 'gabaa. Deh no-eh, eh-: 'dhu, deh 'bhlee-deh 'dhu-eh:-', on: se-eh-' dih 'worn, 'de an-a' deh: torne-eh: kma 'i. :Yeh on 'dhan-a: Galali'i-yobo'-pehnu,: yee' on 'si 'bluhbor: 'do: gwlor an 'da-dih-a: Gehneh'sla, 'de on san an-a'a: 'blagbe. Ti on 'si-a 'bluhbor, 'de nyor⧾ 'ye-a: Yusu',: yee' on 'dhobo:, on yubo-or-: 'i. 'De an ple, an mu deh⧾-' dih, 'do 'for-a' klehkpeh: dao' bo, an ya 'de or bo puhba-nyor:⧾,: an 'pehn-a ken 'pehn-deh⧾ ken,: dha on 'worn-dih:-a or-a' 'nyne or: ne-a. :Dha klehkpeh or mu-a: mu,: gwlor⧾: nyene'-:: gwlor⧾: klaba'⧾-: 'dekorn:: gbalie⧾ bo dih-:,: yee' nyor⧾-a kpa 'de or bo an-a'a: puhba-nyor⧾ 'do: dha nyor⧾-a po-dih-a 'doror', 'de an bale: Yusu' or 'ye 'worn, puhba-nyor⧾ 'ye or-a'a:: gba 'vuu-a' 'mla-a' deh-beh dih 'tuh: sloror'. Nyor⧾-a' klehkpeh: on 'tuh-uh-a dih, an-a' klehkpeh 'puh-' 'tene': kpeen:. :Yee': Falasi'i-nyor⧾-a' nyor⧾: noo'-: 'dekorn: nyor⧾ 'tele': torne-nyor⧾-a' nyor⧾: noo'-:: on 'wluh-a: Julu'slehn, mo-: 'gbo-dih:: Yusu' 'dlu dih, 'de on 'ye or-a'a: bo: na-nyor:⧾: noo',: on se-a kwa: dle, eh 'ye-uh'-a': kane' dih: za, 'de an di-a deh. Deh no-eh: Falasi'i-nyor⧾-: 'dekorn:: Jueh'-nyor⧾-a' klehkpeh-: an dhe 'o 'tele'⧾ on: bai'-a': bai': torne-uh-a-: dih, an dle kwa, on 'ye: kane' dih: za: weh, 'de an di deh. :Mor on 'wluh 'de 'doror',: yee' an dle-': gbor, 'de an di deh. An dhe 'o 'tele'⧾: dhulu': nee' dih on: bai'-a': bai': torne-uh-a,: eh 'kpa-a: ka on 'ye-a' 'korbuh⧾-: 'plea⧾-: 'dekorn: 'pani'⧾-: en-' worlor-eh no. Eh-: no-eh, 'de: Falasi'i-nyor⧾-: 'dekorn: nyor⧾ 'tele': torne-nyor⧾-: on dhele-or dih, on 'da,: Eh: korn dhih 'de: an-a'a: bo: na-nyor⧾-a' dhe 'o 'tele': a: bai'-a': bai': sie-dih:-a: a-uh dih ke: eh, 'de an-a': dle kwa, eh 'ye-uh': kane' dih: za, 'de an di deh: eh? :Yee' or: wlu-' 'de on bo, or 'dae:,: Azaya': se-eh' 'i zi 'do deh or: za-a-': dee' see, 'do a: mor nyor⧾-a' 'yli 'ye-nyor:⧾: daa 'bhun, or po-a Nyorsoa-a' wele-eh,: ka eh no-a 'chle-eh, Nyorsoa 'da-a, Nyor⧾: daa, an po 'on dhih bo 'do on worn 'i. Jorwor: an-a': porluh⧾ se 'noror 'on bo: ne. 'An: weheh' an za-a, deh 'plo: oo' an no. An torne nyor⧾ 'tele'⧾: en 'wluh-a 'de: gwlor-nyor⧾ 'worn, 'de on 'da en 'wluh 'de 'on bo. 'De: Yusu': wlu 'de on bo: neheh', or 'dae:, A 'tali: Nyorsoa-a' 'tele'-: dih,: yee': gwlor-nyor⧾-a': ne, me-: a dhe 'o dih. 'De or 'da, 'On po a-a' 'zio, a 'ye Nyorsoa-a' 'tele' dih 'tali:, 'de jorwor: a 'ye 'o a-a' ne dih dhe. :Mose': wlu-', or 'dae:, 'Ye: on 'de-: 'dekorn:: on: baa'-: deh-'. 'De or: wlu: neheh', or 'dae:, Nyor: or 'jle-dih:-a or 'de-: 'dekorn: or: baa'-:: yee' or: korn or 'ye 'dba-eh:. Jorwor: a: mor: mloror', a 'da: mor nyor zela: or 'de-: 'dekorn: or: baa'-:: gwluhuh', or 'da, Deh a: korn a 'ye-a' 'ye, 'de 'on 'kwa: dee', a: se-eh' 'ye-: i, deh no-eh, eh: dhe-dih-eh: 'for 'i 'do Nyorsoa bo. :Mor a 'da: ao',: yee' a kan nyor⧾: dao' 'i on: ne-' deh-beh no 'do on 'de-: on: baa'-: bo. 'Do eh-a' dha,: yee' a no-eh' Nyorsoa-a' wlu no 'plo, 'do a-a' 'tele'⧾ a torne-a nyor⧾, en-' deh-' 'ye-eh-a' dhih bo. A no deh⧾: dhulu': nee', me-:: ne: ao': ke. :Yee': yeh: Yusu' gweh-a: Falasi'i-nyor⧾-: 'dekorn: nyor⧾ 'tele': torne-nyor⧾-: an-a' bo: wlu-eh 'i,: yee' or 'da: gwlor-nyor:⧾: on: ne-a 'o, on 'ye 'de or bo yi: neheh', 'de or: wlu 'de on bo, or 'dae:, A-a' klehkpeh, a: to: dou'⧾, 'de a 'ye 'an wlu-' dih 'worn o. Eh se dii-deh: korn nyor 'ye-a' di, 'de: eh 'ye-or' 'kor-dih: 'do Nyorsoa ybei'. Jorwor: deh⧾: en 'wluh-a 'o nyor-a': porluh ken, me-: 'kor-dih-or 'do Nyorsoa ybei'. [ Nyor: or 'ble-a: dou'⧾: or 'ye dhih 'worn, 'nyi or 'worn-ih.] :Yee': yeh or 'wluh-a 'o nyor⧾: dao' bo, 'de or pa-a 'de 'gbu,: yee' or-a'a: bo: na-nyor⧾ dhele-or-: dih 'do 'dlan or po-a, or-a' dhih. 'De or: wlu 'de on bo, or 'dae:, A se deh-' dih 'worn-eh: korn ke: e? A se-eh yubo: ke: e: ka dii-deh: nyor di-a: eh 'wluh-a 'noror 'zorn ka, eh-a' 'kor-dih-a nyor 'do Nyorsoa ybei': e? Deh no-eh, eh-: 'dhu, dii-deh: nyor di-a, eh: se 'de or-a': porluh ken mu, jorwor: eh mu 'de or 'di, 'de eh 'si 'zorn. (:Yee' 'do deh: daa or: za-a-', 'do eh-a' dha, eh-:: korn dhih: oo', or 'da, dii-deh⧾-a' klehkpeh: nmor-: 'yi 'do di 'da.) 'De or 'da, Deh⧾: en 'wluh-a 'o nyor-a': porluh ken, me-: 'kor-dih-or 'do Nyorsoa ybei'. Deh no-eh, 'do nyor⧾-a': porluh⧾ ken, 'do: wor deh⧾-zon⧾-a': gwluhuh' dih: na-dih-eh 'wluh. Eh-: no-eh, 'de an korn 'tmeor⧾, an 'yli, an 'dba nyor⧾, 'de an no 'nyne: zaan', on: korn deh⧾-a' 'klan, on: korn 'galo:, 'de an bo-dih nyor⧾ dih, an 'kpa 'pebe' 'i, 'de on: korn: gwlehehn', an za-dih nyor⧾ deh⧾-zon⧾ 'bhun dih, 'de an 'beh-dih an-a' 'jeh 'i, an no: bobo-deh⧾. Deh⧾-a' klehkpeh: daa, me-: 'o,: en 'dhu deh⧾-zon⧾-', me-: 'wluh 'o: gwlor-nyor⧾: porluh⧾ ken, me-: 'kor-dih nyor⧾ 'do Nyorsoa ybei'. :Yee': Yusu': sorn-' 'weh, or 'wluh 'o: dha 'o, or mu 'de 'bluhba-a' 'for 'Taya-gwlor: ne-a ken.: Yee' or: ko-dih: 'de 'gbu: due' 'di, or: se-' 'bhorn nyor⧾ 'ye-eh' yubo:: ka or: ne-a 'o: gwlor: dao' 'di, jorwor: or se 'zile-eh 'beh-dih:. :Yee' 'do: dha: due': dao', 'nynor: due': or: korn-a 'yu-nynor-kpao'-yu 'ble-a 'kwla 'ye-dih-deh 'do or 'de, or-: 'worn: Yusu'-a' 'nyne, 'de or mu 'de or bo, or 'jli dih 'do or 'zorn. 'Nynor-a' 'jeh: dao' or no 'Glii-nynor:,: or 'wluh-dih:-a 'Selofeni'sia-bluhba ken. Or bale-or', or 'ye 'kwla 'ye-dih-deh 'do or-a'a: 'yu 'de: za. 'De: Yusu': wlu 'de or bo, or 'dae:, 'Nyi 'nynuu:: nyene' dii-deh kele'a:, deh no-eh, eh se 'yi dih: nmor nyor 'ye 'nynuu-a' dii-deh⧾-' 'duo:, 'de or 'ye-ih gbe⧾ 'nyi. :Yeh or 'da: ao',: yee' 'nynor 'dae:, Keen': mloror',: Gwlor: baa', jorwor: gbe⧾-a' 'jeh: en: ne-a 'de 'tebo 'zorn, en di deh⧾-a': pibi': en kele-a 'o 'nynuu worn⧾ 'i,: en 'kpa-a 'zorn 'weh. 'De: Yusu' 'dae:, Deh: on: za-a-', eh-a' dhih, mu. 'Kwla 'ye-dih-deh 'wluh 'o: an-a'a: 'yu 'de 'weh. :Yeh 'nynor mu-a or 'bli,: yee' or: yeh-dih: or-a'a: 'yu-: ken, or 'pehn-: dih 'do ken 'pehn-deh ken,: yee' 'kwla 'ye-dih-deh 'wluh 'o or 'de 'weh. :Yee': Yusu' 'wluh 'de 'bluhba-a' 'for: or 'koan'-dih:-a 'Taya-gwlor dih bo 'weh, 'de or: yi-dih: 'Saedorn-gwlor-: 'dekorn: 'de 'bluhba-a' 'for: or: ne-a Gwlor⧾: bhue: an 'da-dih-a: Deka'poli-: ken, or mu 'de: Galali'i-yobo'-pehnu worn 'i. :Yeh or 'si-a 'o dih,: yee' on: ya 'de or bo 'yu: or 'sun-a-: 'de: or: korn: meo: 'meh-a-: 'de on bale-or, or 'ye 'yu son ken dih tba. 'De: Yusu' za-or 'de nyor⧾ 'klu-', or kpa-or 'o 'for 'i, 'de or kpa-or: jii: dou'⧾-', or po: dhehmeh, 'de or 'tuh or-a': meo dih. :Yeh or no: ao',: yee' or pobo: 'de yai', 'de or 'wla vlen dih, or: wlu 'de 'yu: dao' bo, or 'da,: Efa'ta:,: eh: bleh-dih:-a 'i, Kan-dih: 'i. :Yeh or 'da: ao',: yee' or-a': dou'⧾ kan-dih: 'i, 'de or-a': meo 'fele: kwa, or wlu deh 'jeh neh. :Yee': Yusu' dhe nyor⧾: on 'ye-eh 'tele' 'i, on: ne-' nyor-beh-nyor-beh: gwluhuh' zela:. Jorwor:: yeh or 'da: ao',: yee' or po-uh 'de de dih, 'de an mu, an zela nyor⧾: gwluhuh': chio'lo:. Nyor⧾-a' klehkpeh: on 'ye-a deh⧾ or no-a,: yee' eh: florn-dih-uh-: worn 'gabaa, 'de on 'da, Or no deh⧾-a' klehkpeh 'weh deh 'jeh neh. Or no-eh': sloror', 'suun'-nyor⧾-a 'worn-: dih, 'de 'bobo'⧾-a wlu. Eh: korn 'we-eh: due',: yee': gwlor-nyor:⧾: doru': noo', mo-:: gweh de, mo-: yi 'de: Yusu' bo: neheh'. An-a'a: dii-deh⧾: gweh-'. Eh-: no-eh, 'de or 'da or-a'a: bo: na-nyor⧾ 'do or bo, or 'da, :Gwlor-nyor:⧾: doru': daa, an-a': wehlih-a: no 'on. An-a' 'we taan 'zean' dha 'on bo, 'de an-a'a: dii-deh⧾: gweh. :Mor 'moeh 'si 'de on 'di, 'de 'on 'ye-uh' on 'bli deh⧾-' dih dbo,: yee' an mu: gwluhuh'-' dih 'kpuhba:: gwie⧾ bo dih, deh⧾: noo' 'wluh-a dih, en: tehn-'. 'De on dhele-or dih, on 'dae:, Dha: a mu 'bhlee: za 'noror: bhehneh'-bluhba:: daa ken,: a 'ye nyor⧾: daa 'nyi: eh? 'De or dhele-uh dih, or 'da, 'Bhlee:: kpuan'⧾ dhie a 'ble: eh? 'De on 'dae:, En: meheh' 'sorn: oo'. 'De or zela: nyor⧾: doru': dao': gwluhuh', on 'ye dih: dhe 'do 'bluhbor.: Yee' or 'duo: 'bhlee:: kpuan'⧾: meheh' 'sorn: dao' 'weh, 'de or po Nyorsoa-a' 'zio, 'de or: chehn-dih-ih dih 'de or 'kwa, or 'nyi-ih or-a'a: bo: na-nyor⧾, 'de on 'nyi-ih: gwlor-nyor:⧾: doru': dao'. :Yee' on 'ble zimi:: nyene'-kpor-bei:: ke, 'de or po Nyorsoa-a' 'zio 'do zimi:: dao' bo, 'de or zela: or-a'a: bo: na-nyor⧾: gwluhuh' on 'ye-ih' nyor⧾: dao' 'nyi: ke. 'De nyor⧾: dao' on di deh, on dbo.: Yeh on gweh-a deh: di-eh 'i,: yee': yih: sie:-a 'o dih, or-a'a: bo: na-nyor⧾ po-a: dha: due', en 'yi: too'⧾: meheh' 'sorn. Nyor⧾: on di-a deh, on 'beh-dih: on 'ye 'wlu: nyieh no. 'De: Yusu' dbo nyor⧾: doru': dao' on 'bli deh⧾-' dih. :Yee' 'do: dha: due': dao', or-: 'dekorn: or-a'a: bo: na-nyor⧾-: on 'kpa 'de 'blagbe 'di, 'de on mu 'de 'bluhba-a' 'for: or 'koan'-dih:-a: Damanu'ta-gwlor dih. :Yee': yeh on 'si-a dih,: yee': Falasi'i-nyor:⧾, mo-: yi 'de: Yusu' bo,: on yi-or dih 'dhen 'da, 'de on dhele-or dih, or 'ye-uh' 'yi: to-dih-deh 'i: to-dih:,: eh beh or-a' 'kpih 'wluh 'de Nyorsoa bo yai' deh 'jeh: eh? :Yeh on no: ao',: yee' or-a' 'kpih no gbleh, 'de or 'da,: Eh no: kana-nyor:⧾: daa,: an 'bhorn-a 'yi: to-dih-deh: eh? Dhih 'jeh, 'an zela a: gwluhuh', Nyorsoa: se-' nyor⧾: daa 'yi: to-dih-deh 'i: to-dih: i. :Yeh or 'da: ao',: yee' or 'wluh 'o on bo 'weh, or 'kpa 'de 'blagbe 'di-: de, 'de or 'dhan: Galali'i-yobo'-pehnu, or mu 'de an-a' 'for or 'wluh-a bo de. :Yee': yeh an mu-a,: yee': Yusu'-a'a: bo: na-nyor⧾ 'ma-dih: bo on 'ye 'bhlee:: dhulu' kpa. 'Bhlee:: kpuan': due', or-: on kpa, or-:: ne 'de on bo 'blagbe 'di. :Yee': Yusu' 'dhu-uh 'slen, or 'dae:, A 'wla: gwluhuh' dih, a 'dhu a-a' 'jeh: dhororn',: Falasi'i-nyor⧾-: 'dekorn:: Hehlo'-: an-a' deh⧾: en 'vu-dih-a 'bhlee, en: ne-' a 'kor-dih: o. :Yee' an polo dhih 'de an-a' 'jeh 'nyne-', an no,: A se 'bhlee 'ble: dhih 'o, eh-:: korn dhih or 'da: ao'. Jorwor:: ka or yubo-eh 'i,: yee' or dhele-uh-: dih, or 'dae:,: Eh no 'de a polo dhih,: ka a se-a 'bhlee 'ble, eh-a' dhih: eh? A 'see-eh 'ye 'gboror:: e?: Ae' a 'see-eh-' dih 'worn? A-a': porluh⧾: kmu-': e? 'Yli a 'ble-a, en-' 'ye dih: e?: Ae': dou'⧾ a 'ble-a, en-' 'worn dih ke? A 'see-eh: gwluhuh' bo po-dih: e? Ti 'on 'ye-a' 'bhlee:: kpuan'⧾: mm' dih: chehn-dih: 'do nyor⧾-kpalu⧾-a' 'wlu: mm' bo,: yee': yih: sie:-a 'o dih, a po-a: dha: due', en-': too'⧾ dhie: eh? 'De on 'da, En-': bhue: 'yor 'sororn': oo'. 'De: Yusu' dhele-uh dih: neheh', or 'da,: Yee' ti 'on 'ye-a 'bhlee:: kpuan'⧾: meheh' 'sorn dih: chehn-dih: 'do nyor⧾-a' 'wlu: nyieh bo, dii-deh:⧾: yih: sie:-a 'o dih, a po-a: dha: due', en-': too'⧾ dhie: eh? 'De on 'da, En: meheh' 'sorn: oo'. 'De or dhele-uh dih: dele' ka, or 'da, Deh⧾: daa, a 'see-ih-' dih 'worn 'gboror:: e? :Yee': yeh: Yusu'-: 'dekorn: or-a'a: bo: na-nyor⧾-: on 'wluh-a 'de 'blagbe 'di,: yee' on mu 'de: gwlor an 'da-dih-a: Behse'la 'di.: Yeh on 'si-a 'o dih,: yee' nyor⧾: noo': ya 'de or bo 'doror'-nyor:, 'de on bale-or or 'ye-or' dih 'tuh. :Yee' or kpon 'doror'-nyor:: dao'-a' son-: dih, 'de or za-or 'o: gwlor-'.: Yee': yeh on 'wluh-a 'o: gwlor-',: yee': Yusu' po-or: dhehmeh 'yli, 'de or 'tuh or-a' 'yli dih, or dhele-or dih, or 'da,: An 'ye dih 'weh: e? 'De 'doror'-nyor pobo: dih, 'de or 'da, Keen', 'an 'ye nyor⧾ 'weh, jorwor: on gweh: ka tu⧾-a na-a. 'De: Yusu' 'tuh or-a' 'yli dih: neheh'.: Yeh or za-or son⧾ 'yli ken,: yee' 'doror'-nyor-a 'ye-: dih, 'de or 'ye deh⧾-a' klehkpeh deh 'jeh neh. 'De: Yusu' zela-or: gwluhuh', or 'dae:,: Kana: naa mu: on 'bli.: An-a': mu-' de 'do: gwlor: dao' 'di o. :Yee': yeh: Yusu' 'puh-dih:-a 'doror'-nyor:: dao',: yee': Yusu'-: 'dekorn: or-a'a: bo: na-nyor⧾-: on zi-', 'de on mu 'de: gwlor⧾: nyene' 'di,: eh 'koan'-dih:-a 'Sehsali'a:: Fele'pa-gwlor dih.: Yeh an mu-a 'do: gwie 'i,: yee' or dhele-uh-: dih, or 'dae:,: Kaa: gwlor-nyor⧾-a 'da 'on: eh? 'De on 'da, Nyor⧾: noo' 'da: mor nyor⧾ 'ni 'dlu: po: Jororn': oo'.: Noo' 'da,: mor: Ila'yor: 'o. 'De: noo' 'da,: mor Nyorsoa-a' wele-eh:: po-nyor⧾-a' nyor: due': oo'. 'De or 'dae:,: A 'worn 'de a bo: ke.: Kaa a 'da 'an dhih: eh? 'De: Piteh' 'da,: Mor Nyorsoa-a' 'taan'-yu: 'o. 'De: Yusu' 'dhu-uh 'slen, on: ne-' nyor-beh: gwluhuh' zela: or-a' dhih. :Yee': Yusu' 'kpa 'o an-a' deh: torne: 'da 'weh: neheh', or 'dae:, 'Yu an 'da-dih-a Nyor-kpalu-a' 'yu: korn or 'ye deh⧾: doru'-a 'kle 'ye: gbor: gbor.: Yee' 'bluhba:: korn-nyor⧾-: Nyorsoa-a' 'slaa:: za-nyor:⧾: klaba'⧾-: 'dekorn: nyor⧾ 'tele': torne-nyor⧾-: on: se-' or-a' dhih 'worn-dih: i. An mu-or 'dba-:,: yee': mor 'we taan zi, or mu-': sorn. :Yee' or zela-eh-: ken dih 'de on bo deh 'jeh neh. 'De: Piteh' 'da-or 'do 'for 'i, or 'kpa 'o or-a' 'borboa' 'i: po 'da. Jorwor:: Yusu' 'bili:-'-: dih, or pobo: 'de or-a'a: bo: na-nyor⧾ bo, 'de or po: Piteh' 'borboa' 'i, or 'da, 'Wluh: daa 'on bo, 'ku. Deh no-eh,: on se 'de Nyorsoa-a' 'for bo: ne. Jorwor:: on: ne 'de: gwlor-nyor⧾-a' 'for bo. :Yee' or 'da or-a'a: bo: na-nyor⧾-: 'dekorn: nyor⧾: doru': noo'-: on 'ye 'de or bo yi. 'De or: wlu 'de on bo, or 'dae:, Nyor: or 'bhorn-a: or 'ye-a' 'o 'on klei' zi,: yee' 'nyi or 'ma-dih: or-a' 'jeh-a' dhih bo. 'Nyi or 'duo: or-a'a: 'kle 'ye-eh-a' 'klorse tu-', or 'ye 'o 'on klei' zi. Nyor: or 'bhorn-a: or 'ye-a' or-a': febeh' dih dhe,: yee' or mu-eh 'ma-dih:. Jorwor: nyor: or 'ma-dih:-a or-a': febeh' 'do 'an dhih-: 'dekorn: 'do Nyorsoa-a' tubo-wlu:⧾ 'jeh-a' dhih bo-:,: yee' eh-a' dih: dhe-eh: 'o or no. :Mor nyor 'ble 'bluhba-a' klehkpeh, 'de or-a': febeh' 'ye gbe: zie:,: yee' deh 'i-deh: eh mu-or 'o: po: eh? :Mor nyor 'ma-dih: or-a': febeh', deh or 'ye-a' plo 'de or 'ye-eh' deka 'ye, eh se: ne. :Mor nyor: taa dhen ple, 'do 'an dhih-: 'dekorn: 'an nyor⧾ deh: torne-eh-: 'noror: kana-nyor:⧾: daa 'nyne-',: an-a' no-a: dhehehn-deh⧾ 'do Nyorsoa bo, 'de: an no-a deh⧾-zon⧾,: yee' 'yu an 'da-dih-a Nyor-kpalu-a' 'yu-a mu dhen: ple, 'do nyor: dao', or-a' dhih bo: ke,: mor or 'yle 'de or: Baa'-a' dhih-a' 'i 'beh-a' 'di, 'de or: ne 'enjor-nyor:⧾: on: ne-a gban 'i, on 'ye 'de: yi-dih:. 'De: Yusu' 'dae:: neheh', Dhih 'jeh, 'an zela a: gwluhuh', nyor⧾: noo', mo-:: nyna dih dha: a 'nyne-', mo-:: se-' 'meh-: i, 'de on 'ye Nyorsoa-a' nyor⧾ wlu 'ken: korn-eh 'ye, eh 'ye 'de yi, 'de 'kpih 'di. :Yee': yeh 'we: meheh'lo zi-a,: yee': Yusu' 'duo:: Piteh'-: 'Jeen-: 'dekorn:: Jororn'-: 'weh, 'de or kpa-uh 'de tluh: dhorno' ken, on 'ye kpor chehn.: Yeh an pobo-a 'o,: yee' or-a' yau: za-dih:-', 'de 'tiei: or pa-a-', en: za-dih:: ke, 'de en fan, en: ne: bhoror:. Eh se nyor: korn dha yao 'zorn: or 'ye-eh' no, 'de paa-tiei 'ye: ao': bhoror:: ne-eh no. :Yee' on 'ye: Ila'yor-: 'dekorn:: Mose'-: mo-:: an wlu 'de or bo. 'De: Piteh': wlu 'de or bo, or 'dae:, Nyor⧾ deh: torne-nyor:, eh: nmor-: 'yi, 'de: a: ne: daa. A 'nyi,: a po gbe: dhe dih: gbalie⧾ taan,: due' 'do: on bo,: due' 'do: Mose' bo,: due' 'do: Ila'yor bo. :Fano-a: no: Piteh'-: 'dekorn: or 'bei'-: 'gabaa. Eh-: no-eh 'de deh or 'ye-a': za, 'de or se-eh yubo:. :Yeh on: ne-a 'o,: yee' yao-pli:, me-: 'jli-uh 'dlu. 'De wlu 'wluh 'de yao-pli:: dao' 'di, on 'da, 'An-a:: dhih: kma-yu: 'o, or-:: dhe dih. A: to or-a' wlu: dou'⧾ bo. :Yee' 'yli: a bla-a 'i,: yeh on 'ye-a' dih pobo:,: yee' on: se-' nyor: noror' 'ye 'do on bo: neheh'. Jorwor:: Yusu': due', or-:: ne 'o. :Yeh an 'dhle-a tluh,: yee' or dhe-uh 'tele' 'i deh on 'ye-a, on: ne-eh' nyor-beh: gwluhuh' zela: kele'a:.: Mor 'yu an 'da-dih-a Nyor-kpalu-a' 'yu 'meh, 'de or 'ye 'de nma-dih-deh 'di 'wluh, 'de on 'ye-eh' nyor⧾: gwluhuh' zela:. :Yee' on 'ye: Yusu'-a' wlu-' deh, on: se-' nyor⧾: gwluhuh' zela:,: yee' an bla or-a' 'meh: sorn-' deh-a': manua:. An dhele an-a' 'jeh dih, an no, Deh 'meh: sorn-' deh 'dhu-eh:-': eh? 'De on dhele-or dih, on 'da,: Eh: korn dhih 'de nyor⧾ 'tele': torne-nyor⧾ 'da: Ila'yor:, or-:: korn: or 'ye 'de yi: zai': eh? 'De or zela-uh: gwluhuh', or 'da,: Ila'yor: korn or 'ye 'de yi: zai', 'de or 'ye deh⧾-a' klehkpeh 'kpa po.: Yee' eh: se-' 'chle-eh: 'de Nyorsoa-a' 'chlee-deh 'di ke: e,: ka 'yu an 'da-dih-a Nyor-kpalu-a' 'yu: korn or 'ye-a' deh⧾: dhulu'-a' 'kle 'ye, 'de on: se-a' or-a' dhih 'worn-dih: i: e? Jorwor: 'nyi 'on zela: a: gwluhuh',: Ila'yor 'yle: weh, 'de deh an 'bhorn-a on 'ye-or': no-dih:, 'de on: no-dih-eh or,: ka eh no-a 'chle-eh 'do or 'bhun. :Yee': Yusu'-: 'dekorn: or-a'a: bo: na-nyor⧾-a' nyor⧾ taan: dao'-: on: yeh-dih: on 'bei': dao' ken. 'De on 'ye nyor⧾: doru', mo-: 'gbo-dih-uh 'dlu dih. 'De nyor⧾ 'tele': torne-nyor:⧾: noo'-: 'dekorn: or-a'a: bo: na-nyor:⧾: noo'-: mo-:: an 'yea wlu⧾ ken dih. :Yeh nyor⧾: dhulu': dao', on 'ye-a: Yusu',: yee' eh 'ma-dih: 'de on 'di-: dih 'gabaa, 'de 'do: dha: due': dao', an ple, an 'ya-dih-or 'i, an gble-dih-or. 'De or dhele-uh dih, or 'da,: Eh: korn dhih, on: ne a 'yea wlu⧾ ken dih: eh? :Yee' 'yu: due', or-:: ne 'de on 'klu-', or-:: wlu 'de or bo, or 'dae:, Nyor⧾ deh: torne-nyor:, 'noror: on bo, 'noror 'on: ya 'an-a: nyor-kpalu-yu, or-: 'kwla 'ye-dih-deh: ne 'o 'de, 'de eh no-eh, or-a': wlu. :Mor eh 'kpa-or ken,: yee' eh du-or' 'do 'bluhbor, 'de: feon-a bor 'o or worn 'i, or di-dih 'nyne 'i, 'de or 'sleh-dih-'. 'On dhele:: an-a'a: bo: na-nyor⧾ dih 'weh, on 'ye-eh' 'o or 'de: za. Jorwor: on se eh-a' no-a' 'beh-dih:. 'De: Yusu': wlu 'de on bo, or 'dae:, A: mor: kana-nyor:⧾: daa: or se-a dhih 'jeh-': po-eh 'ble, ti dhie 'on 'ye dha a bo no: eh?: Kaa 'on 'ye: porluh-a' 'yi 'dba-eh no 'do a bo: eh? A: ya 'de 'yu: daa 'noror 'on bo. 'De on kpa-or 'de or bo.: Yeh 'kwla 'ye-dih-deh 'ye-a: Yusu',: yee' 'yli: a bla-a 'i, eh no-eh', 'de or vorn. 'De eh 'ga-or dih, or klibo 'do 'bluhbor, 'de: feon-a 'wluh 'de or 'worn. 'De: Yusu' dhele: 'yu: baa' dih, or 'da, Deh: daa eh 'kpa-a 'o or 'bhun, eh-a' ti dhie: eh? 'De or: baa' 'da, Or za-eh 'yu-yu-bla:. :Yee' 'do ti: dhulu' 'di, eh po-or 'de 'yli-: 'dekorn: 'nior-: eh 'ye-or' 'dba. Jorwor:: mor: on 'beh-dih:: on 'ye deh no, 'do deh: daa eh-a' dha,: yee' 'ye: a-a': wehlih,: za-dih:: a-uh'. 'De: Yusu' 'da,: On 'da: mor 'on 'beh-dih-eh: e? Nyor: or 'ble-a dhih 'jeh-': po-eh,: yee' deh⧾-a' klehkpeh 'beh-dih: en 'ye: no-eh: 'do or bo. :Yeh or 'da: ao',: yee' 'yu: baa' 'dhobo:, or 'wor-', or 'dae:, 'On 'ble dhih 'jeh-': po-eh 'weh, jorwor: eh se 'i: dhie:.: On: korn 'gen, po-eh ken. :Yeh: Yusu' 'ye-a nyor⧾: dhulu' an ya-a 'de ple-a' 'de or bo, 'de or 'nyi 'kwla 'ye-dih-deh 'tele', or: wlu 'de eh bo, or 'dae:,: Mor 'kwla 'ye-dih-deh:: daa,: or 'sun-dih-a nyor⧾, 'de: or no-eh 'de nyor⧾-a': wlu-a', 'an kpa-dih: on 'kpih, 'wluh 'o 'yu: daa 'de,: an-a': zi 'o or 'de: neheh' o. :Yeh or: wlu-a 'de 'kwla 'ye-dih-deh:: dao' bo,: yee' eh: po-dih: 'yu: dao' 'geh, eh no-eh 'de or vorn 'gabaa, 'de eh mu 'o or 'de 'wluh-:.: Yeh eh no: ao',: yee' 'yu gweh: ka nyor 'meh-a.: Yee' nyor⧾: ne-a 'o, an-a': dha: dhulu' 'da, Or 'meh-'. Jorwor:: Yusu' kpon or-a' son-: dih, 'de or 'duo-or ya-', 'de or: sorn-', or: nyna dih. 'De: Yusu' pa 'de 'gbu. 'Do: wor or-a'a: bo: na-nyor⧾ dhele-or dih, 'de 'slan: pa ka 'di, on 'dae:,: Eh: korn dhih 'de: a se 'kpih 'ble 'do 'yu: dao' or-a' 'kwla 'ye-dih-deh 'de: za-eh bo: eh? 'De or zela-uh: gwluhuh', or 'dae:, Nyorsoa bo: wlu-eh-: ['dekorn: 'suehn-': pa-eh-:] en: due', me-: 'beh-dih:: en 'ye nyor⧾ 'kwla 'ye-dih-deh⧾-a': yih: dao' nyor⧾ 'de: za. :Yee': Yusu'-: 'dekorn: or-a'a: bo: na-nyor⧾-: on 'wluh 'o: dha on: ne-a 'weh, 'de on mu, on chehn 'o: Galali'i-bluhba ken: dhie'. Or: se-' 'bhorn: dha on: ne-a, nyor⧾ 'ye 'o yubo:, deh no-eh, or torne or-a'a: bo: na-nyor⧾ deh, or 'da, An mu 'yu an 'da-dih-a Nyor-kpalu-a' 'yu: plo 'de: gwlor-nyor⧾ bo. An mu-or 'dba-:.: Yee': mor 'we taan zi,: yee' or mu-': sorn. Jorwor: deh: daa or: za-a-', on: se-eh' dih 'worn. 'De mor: fano-a: no-uh, on 'ye-or' dih dhele:. :Yee': yeh on 'wluh-a 'o: dha 'o,: yee' on mu 'de: gwlor an 'da-dih-a: Kapa'nior 'di.: Yeh on pa-a 'de 'gbu: Yusu': ko-dih:-a 'di,: yee' or dhele: or-a'a: bo: na-nyor⧾-: dih, or 'dae:, Deh 'i-deh:: dhih 'o, a dhobo-' 'do: gwie 'i 'tior': eh? Jorwor: on: se-' deh-': za, deh no-eh, ti an yi-a 'de 'do: gwie 'i,: yee' nyor: or 'dhu-a nyor: klaba'-' 'do an-a' klehkpeh 'dlu, eh-:: korn dhih an dhobo-'. 'De or: dhe dih, or 'da or-a'a: bo: na-nyor⧾-a': bhue: 'yor 'sororn': dao', 'do or bo, 'de or: wlu 'de on bo, or 'dae:, Nyor: or 'bhorn-a: or 'ye-a' nyor: klaba' no,: yee' 'nyi or: ya or-a' 'jeh ya, or 'ye 'bhoi-yu no 'do a-a' klehkpeh bo. :Yee' or 'duo: 'yu-yu-beh: due'-' 'weh. 'De or dhe-or dih 'do an-a' gwea. 'De or 'duo-or ya-', or 'dhu-or: gwlii'.: Yeh or no: ao',: yee' or: wlu-' 'de on bo, or 'da, Nyor: or kpon-a 'yu-yu dih, 'de 'an 'nyne 'di,: ka: yor: daa or: ne-a,: yee' nyor: dao', 'mor-: 'o or kpon dih.: Yee' nyor: or kpon-a 'on dih,: yee' eh: se 'on: due' or: se-' dih kpon. Jorwor: nyor: or dbo-a 'on, or-: 'o or kpon dih: ke. :Yee': Jororn': wlu-' 'de: Yusu' bo, or 'dae:, Nyor⧾ deh: torne-nyor:,: a 'ye 'yu: due', or-: za nyor⧾ 'kwla 'ye-dih-deh⧾ 'de, 'de: an-a' 'nyne 'di. 'De: a zela-or: gwluhuh' or 'ye 'bor, deh no-eh, or: se 'noror: a 'nyne-' 'wluh. 'De: Yusu' 'dae: 'de or bo, A 'bor or-a' 'borboa' 'i: po-eh. Deh no-eh, nyor: or no-a deh: kolu' 'de 'an 'nyne 'di, or se 'beh-dih: or 'ye 'on deh⧾-zon⧾ 'bhun dih-': za-dih: 'de ybei'. Deh no-eh, nyor: or se-a: a bo vorn,: yee' or: ne 'noror: a-a' 'for bo. Dhih 'jeh, 'an zela a: gwluhuh', nyor-beh:: or 'nyi-a a 'ni-korbuh a 'ye-a' 'na, 'de 'an 'nyne 'di,: ka a na-a 'on 'de, eh-a' dhih,: yee' nyor: dao', or mu eh-a' geli': za-dih-deh 'ye-:: gbor: gbor. :Yee' nyor-beh-nyor-beh:: or mu-eh: no, 'de 'nynuu:: nyene': daa: on po-a 'an dhih dhih 'jeh-', on 'ye-a' 'o: gwie: 'jeh 'i 'wluh, 'de on 'ye-a': gwie-zon kpa,: yee' eh mu 'yi dih: nmor 'do nyor: dao' bo, sobu': klaba' 'ye 'o or: gwlii': san-dih-eh:, 'de or 'ye 'o yobo' worn: po-eh:. :Yee': mor eh 'dhu,: an-a' son no-eh, 'de: on 'ye deh-zon no,: yee' chehn-uh 'o. Eh: nmor-: 'yi: on 'ye: nea:, 'de: on 'ye 'de Nyorsoa 'bli yai' mu,: eh: zi 'o 'ble son⧾ 'sororn', 'de mu 'de 'ku 'bli, 'do: dha neh: eh se-a 'mo-a': korn, eh: ne-a, [ :dha: samu'⧾: en di-a nyor⧾-a' yau,: en-' 'meh-a, en: ne-a, 'de neh: eh: ne-a 'de, eh-a' 'mo-a.] :Mor: an-a' buh no-eh 'de: on 'ye deh-zon no,: yee' chehn-uh 'o. Eh: nmor-: 'yi: on 'ye: nea:, 'de: on 'ye 'de Nyorsoa 'bli yai' mu,: eh: zi 'o 'ble buh⧾ 'sororn', 'de: on 'ye 'de 'ku 'bli: po-eh:, [ :dha: samu'⧾: en di-a nyor⧾-a' yau,: en-' 'meh-a, en: ne-a, 'de neh: eh: ne-a 'de, eh-a' 'mo-a.] 'De: mor: an-a' 'yli-eh no-eh 'de: on 'ye deh-zon no,: yee' za-eh 'de. Eh: nmor-: 'yi: on 'ye 'yli-eh: due' 'ble, 'de: on 'ye 'de Nyorsoa-a' nyor⧾ wlu 'ken: korn-eh 'zorn pa,: eh: zi 'o: on 'ye 'yli 'sororn' 'ble, 'de: on 'ye 'de 'ku 'bli: po-eh:, :dha: samu'⧾: en di-a nyor⧾-a' yau,: en-' 'meh-a, en: ne-a, 'de neh: eh: ne-a 'de, eh-a' 'mo-a. Nyor⧾-a' klehkpeh, neh-a mu-uh 'dlu 'wla-:: ka 'torn-a 'wla-a 'de 'soma' bo. 'Torn: nmor-: 'yi. Jorwor:: mor or: gweh worn,: yee': eh mu-or 'torn-': no: neheh': eh? A: ne 'torn-worn 'do a-a' 'jeh bo, a-a': gweh-' worn, 'de a 'ye ken dih kpon-dih: 'de a 'nyne-'. :Yee': Yusu' mu-', or 'wluh 'o: dha 'o 'weh, 'de or mu 'de: Judi'a-bluhba ken-: 'dekorn: 'de 'Jorle-ni-a' 'yluh-a' 'kwla 'wluh-dih: 'da-:.: Yeh or: ne-a 'de,: yee' nyor⧾: doru', mo-: yi 'de or bo: neheh', 'de or torne-uh deh,: ka or no-a 'do ti-a' klehkpeh bo. :Yee': Falasi'i-nyor⧾-a' nyor⧾: noo', mo-: yi 'de or bo,: on yi-or wlu 'worn dih 'bhorn-dih: 'da, 'de on dhele-or dih, on 'da, Eh: ne 'o: a-a'a: 'tele'-a': gwie 'i 'weh: e, nyor 'ye or-a'a: 'nynor 'kwla: za: e? 'De or dhele-uh dih, or 'da, Deh: Mose' zela: a: gwluhuh': eh? 'De on 'da,: Mose' 'worn-dih-eh' nyor 'ye or-a'a: 'nynor 'kwla: za-chlee-deh 'chle, 'de or 'ye-or' 'kwla: za. 'De or 'da, A-a' deh: torne-eh: kma 'i, eh-:: korn dhih 'de: Mose' 'worn-dih-eh ken dih, 'de or 'chle 'tele': daa 'do a bo. :Eh 'wluh-a 'de eh-a' glu 'dhu 'da, 'do: dha Nyorsoa: no-dih:-a deh⧾-a' klehkpeh, 'do: wor or: no-dih: 'nynor-: 'dekorn: nyor-kpalu-:. Eh-:: korn dhih, 'de 'nynor-: 'dekorn: nyor-kpalu-: an mu an-a'a: 'cheh dih 'tali:, 'de on 'ye: dha: due' 'ti. :Yee' mo-:: ne-a 'sororn', an mu nyor: due': no.: Yee' on se 'sororn': ne: dele' ka, jorwor: on no nyor: due'. 'Do eh-a' dha, deh Nyorsoa po-a: dha: due', nyor se: korn, or 'ye-eh' 'i zela:. :Yeh on no: ao',: yee': Yusu'-: 'dekorn: or-a'a: bo: na-nyor⧾-: on mu 'de 'gbu.: Yeh on mu-a 'de 'gbu,: yee' on dhele-or deh: ne-a: due'-: dih: neheh'. 'De or: wlu 'de on bo, or 'dae:, Nyor-beh-nyor-beh:: or mu-a or-a'a: 'nynor 'kwla: za, 'de: or 'ye-a' 'nynor: noror': korn,: yee' or no 'nyne: zaan' 'do 'nynor or: za-a 'kwla bo. :Yee': mor 'nynor tba son, 'de or 'ye nyor: noror' 'bli 'ti,: yee' or no 'nyne: zaan': ke. :Yee' nyor⧾: noo', mo-:: ya 'de: Yusu' bo 'nynuu:: nyene' or 'ye-uh dih 'tuh, on 'ye: bhorlie' 'ye. Jorwor: or-a'a: bo: na-nyor⧾ kan-uh-: 'i. :Yeh or 'ye-a deh an no-a,: yee' eh se-or 'ton: korn, 'de or: wlu 'de on bo, or 'dae:, A 'nyi 'nynuu:: nyene' yi 'noror 'on bo. A 'bor an-a' 'yi: kan-eh. Deh no-eh,: ka 'nynuu:: nyene': ne-a, nyor⧾: on: ne: ao', mo-: Nyorsoa-a mu wlu 'ken: korn. Dhih 'jeh, 'an zela a: gwluhuh', nyor: or se-eh 'worn-dih: Nyorsoa 'ye-a' wlu 'ken: korn: ka 'yu-yu: ne-a,: yee' or: se-' Nyorsoa-a' nyor⧾ wlu 'ken: korn-eh 'zorn: pa i. 'De or 'duo: 'nynuu:: nyene': dao': due': due', 'de or 'dhu-uh: gwlii', or tba-uh son⧾ ken dih, or po-uh: bhorlie' bo. :Yee': yeh: Yusu' 'kpa-a: gwie 'i, 'de or mu-a,: yee' 'yu: due', or-: ple,: or yi 'de or bo, 'de: or 'jli dih 'do or 'zorn,: or dhele-or dih,: or 'da, Nyor⧾ deh: torne-nyor: 'jeh: nor, deh 'on 'ye no 'de 'on 'ye 'kmo: sie:: febeh' 'ble: eh? 'De: Yusu' dhele-or dih, or 'da,: Eh: korn dhih: an 'da-dih 'on nyor 'jeh: eh? Nyorsoa: due', or-: 'dhu nyor 'jeh-' 'klein'. :On yubo:: Mose'-a' 'tele' 'weh,: eh no-a, Nyor-a' 'dba-:-' nyor, nyor-a': no-' 'nyne: zaan', nyor-a' 'yli-:-', nyor-a' 'dhu-dih:-' nyor⧾ dhih ken dih, nyor-a' 'yli-:-': on 'be,: yee' 'ye: on 'de-: 'dekorn:: on: baa'-: deh-'. :Yeh or 'da: ao',: yee' 'yu: dao', or 'dae:, Nyor⧾ deh: torne-nyor:,: eh 'wluh-a 'de 'an 'yu: gbolo'-bla, 'on dhe 'o 'tele'⧾: daa, en-' klehkpeh-: dih. :Yeh or 'da: ao',: yee': Yusu' pobo-or-: ya, 'de: ybeh-dih: ka 'di, 'de or 'da, Deh: due', eh-:: sie: 'o, eh-:: on: korn: on 'ye no. Mu. Deh⧾-a' klehkpeh: on 'ble-a,: on 'ye-ih plo, 'de: on 'ye 'wlii:: an mu-a 'ye-:,: on 'ye-ih nyor⧾: on se-a deh-a': za-da 'ble 'nyi.: Mor: on no-eh,: yee': an mu bhaan-deh⧾ 'ble-: 'de Nyorsoa 'bli yai'.: Mor: on no: ao',: yee' 'yle,: on 'ye 'o 'on klei' zi. :Yeh 'yu: dao', or 'worn-a dhih: Yusu': za-a-',: yee' or-a': porluh 'kpa-: 'zorn, 'de or du 'yuba, or mu, or 'wluh 'o: dha: Yusu': ne-a. Deh no-eh, or 'ble: kororn-deh:⧾: dhulu'. :Yee': Yusu' pobo: or-a'a: bo: na-nyor⧾-: ya, 'de or: wlu 'de on bo, or 'dae:, Eh no 'yi: kma-deh: 'do bhaan-nyor bo, 'de or 'ye 'de Nyorsoa-a' nyor⧾ wlu 'ken: korn-eh 'zorn pa. Deh or: za-a-', eh 'ma-dih: an-a': porluh⧾ 'weh. 'De or 'dae:: neheh', 'Nynuu-a:, eh no 'yi: kma-deh: nyor 'ye 'de Nyorsoa-a' nyor⧾ wlu 'ken: korn-eh 'zorn pa. Eh: kma 'i, 'do bhaan-nyor bo, or 'ye 'de Nyorsoa-a' nyor⧾ wlu 'ken: korn-eh 'zorn pa,: eh: zi 'o: kpuan' ken: soo'o 'ye 'de 'mehno-a' 'bie' 'di: yi-dih: :Yeh or: za-a deh: daa-',: yee' an-a': porluh⧾ 'ma-' 'gabaa. 'De on dhele-or dih, on 'da,: Yee': mor eh: ne: ao',: yee': or 'beh-dih:: or 'ye 'puh: naa: eh? :Yusu' pobo-uh-: ya, 'de or 'da, Nyor⧾ se deh: daa eh-a' no-a' 'beh-dih:. Jorwor: Nyorsoa: mloror', or 'beh-dih: deh⧾-a' klehkpeh-a' no-a' 'weh. :Yeh: Yusu' 'da: ao',: yee': Piteh' wlu-', or 'da,: Gbee'e:. Deh⧾-a' klehkpeh: wor: a 'tali: dih, 'de jorwor:: a zi 'o: on klei'. 'De: Yusu' 'da, Dhih 'jeh, 'an zela a: gwluhuh', nyor: or 'tali:-a or-a'a: 'gbu-: 'de-di'-boi'-: 'de-:: baa'-: 'nynuu-: 'dekorn: or-a'a: gle⧾-: dih, 'do 'an dhih-: 'dekorn: 'do Nyorsoa-a' tubo-wlu:⧾ 'jeh bo-: :yee' nyor: dao', or mu 'gbu⧾-: 'de-di'-boi'-: 'de-: 'nynuu-: 'dekorn: gle⧾-: en-': kehehn': kehehn' 'ye-: dha ti: daa bo.: Mor or: taa deh⧾ 'jeh: daa 'ye, nyor⧾-a mu-or 'kle 'ye-dih:: ke.: Yee' or mu 'kmo: sie:: febeh' 'ye-:, 'do ti: dele': en mu-a 'de: yi 'di. Jorwor: nyor⧾: dhulu': a 'da-dih-a nyor⧾: klaba'⧾: naa, mo-:: an mu 'zeehn: no 'de ybei'.: Yee': yuh: a 'da-dih-a nyor⧾ 'zeehn: naa, an-a' 'jeh: dao', mo-:: an mu nyor⧾: klaba'⧾: no 'de ybei'. :Yee': Yusu'-: 'dekorn: or-a'a: bo: na-nyor:⧾: on: korn-a: bhue: 'yor: ne-a 'sororn', mo-: 'kpa: gwie 'i,: an mu: Julu'slehn, 'de or: korn 'de on ybei'.: Yee' or-a'a: bo: na-nyor⧾-a': porluh⧾ 'ma-', 'de nyor⧾: an zi-a 'o on klei',: fano-a no-uh. 'De or po or-a'a: bo: na-nyor⧾: dha: due', or zela-uh: gwluhuh' deh: eh mu-or: no, or 'dae:, A: gbee'e:.: A mu: Julu'slehn: naa. 'Do: wor 'yu an 'da-dih-a Nyor-kpalu-a' 'yu-a mu: plo-dih-eh, 'de Nyorsoa-a' 'slaa:: za-nyor:⧾: klaba'⧾-: 'dekorn: nyor⧾ 'tele': torne-nyor⧾-: bo.: Yee' nyor⧾: dao', an mu-or wlu 'ken chehn, or 'ye 'meh, 'de on 'ye-or' nyor⧾: on: se-a: Jueh'-nyor⧾ 'kwla: za-dih:, 'de on 'ye-or: goba'-dhih ken dih 'wluh-dih:, on 'ye-or': dhehmeh ya gba, on 'ye-or' bla, 'de on 'ye-or' 'dba. Jorwor:: mor 'we taan zi,: yee' or mu-': sorn. :Yee' 'Jeen-: 'dekorn:: Jororn'-:: on no-a: Zehbehli'-a'a: 'nynuu, mo-: yi 'de: Yusu' bo, 'de on dhele-or dih, on 'da, Nyor⧾ deh: torne-nyor:, deh-beh:, eh-:: a 'bhorn: on 'ye no 'do: a bo. 'De or dhele-uh dih, or 'da, Deh a 'bhorn 'on 'ye no 'do a bo: eh? 'De on 'da, 'Nyi: a-a' nyor: due': dhe 'de: an-a': dila-son bo dih, 'de: due' 'ye 'de: an-a' kona-son bo dih: dhe, 'de: an-a' dhih-a' 'i 'beh-a' 'di. Jorwor:: Yusu' 'dae:, Deh a dhele-a dih, a se-eh 'i yubo:. 'Kle 'ye-eh-a' 'korbuh 'an mu-a 'di 'na-dih:, a 'beh-dih: an-a' 'di 'na-dih-eh 'weh: e?: Ae': ka 'an mu-a 'ni 'dlu: po-eh: no, a 'beh-dih-eh ke? 'De on 'da,: A 'beh-dih-eh'. 'De or 'dae:, 'Korbuh 'an mu-a 'di 'na-dih:, a mu-uh 'di 'na-dih:.: Ka 'an mu-a 'ni 'dlu: po-eh: no, 'ka-: a mu 'ni 'dlu: po-eh: no: ke, jorwor: 'do 'an: dila-son-: 'dekorn: 'an kona-son-: en-' bo dih: dhe-deh:: dao', eh: se 'mor-:, 'an-a' 'nyi-eh nyor⧾. Jorwor: Nyorsoa, or-: po 'for⧾: dao' 'kpa, 'do nyor⧾ or gan-a bo, on 'ye 'de eh bo dih: dhe. :Yee': yeh or-a'a: bo: na-nyor⧾: bhue:: dao', on 'worn-ih'-a,: yee' on 'kpa-dih: 'Jeen-: 'dekorn:: Jororn'-:-' 'chehn. 'De: Yusu' 'da an-a' klehkpeh 'do or bo, or 'dae:, A yubo-eh', nyor⧾: on se-a Nyorsoa yubo:, an-a' nyor⧾ an 'da-dih-a an-a' nyor⧾ wlu 'ken: korn-nyor⧾, 'de on 'klu-', mo-:: an kpa-dih-uh 'kpih. Eh se: korn, eh 'ye: ao': ne, 'noror a 'klu-', jorwor: nyor: or 'bhorn-a nyor: klaba'-deh 'noror a 'klu-',: yee' or-:: korn: or 'ye a-a'a: 'bhoi-yu no. :Yee': mor a-a' nyor: taa 'bhorn or 'ye 'o a 'dlu: ne,: yee' or: korn or 'ye a-a' klehkpeh-a' 'ge-yu no. Jorwor: 'yu an 'da-dih-a Nyor-kpalu-a' 'yu: sloror', or: se 'de yi or 'ye: tabehyie po, jorwor: or yi-: 'de, or 'ye: gwlor-nyor⧾-a' 'bhoi-yu no, 'de or 'ye or-a': febeh' 'kwla: za 'do nyor⧾: dhulu'-a' zelie-eh bo. :Yee': Yusu'-: 'dekorn: or-a'a: bo: na-nyor⧾-: on mu: Jehliko'o.: Yeh an 'wluh-a 'o: gwlor-',: yee' nyor⧾: doru', mo-:: ne an mu.: Yee' 'yu: due' an 'da-dih-a Bateme'o,: or 'dor-a, 'de: or no-a: zloror-nyor,: or: korn-a: baa' 'dhu-a Teme'o, or-:: dhe dih 'do: gwie: worn 'i. :Yeh or 'worn-ih'-a, on no-a: Yusu': or 'wluh-a 'Nazla, or-: 'o,: or 'yle,: yee' or 'kpa 'o 'geh⧾: po 'da 'weh, or no,: Yusu',: Debe'-a' 'yu, 'ye 'an: wehlih. :Yeh or po-a 'geh⧾, 'de or wele-a: Yusu',: yee' nyor⧾: dhulu': on: ne-a 'o, an po-or 'borboa' 'i, an no, No 'dhuan.: Yee' jorwor: or 'kpa 'de de dih, or po 'geh⧾, 'de or no,: Debe'-a' 'yu, 'ye 'an: wehlih. :Yeh or no: ao',: yee': Yusu': nyna dih, or 'dae:, A 'da-or. 'De on 'da-or, on 'dae:, 'Ble: porluh-a' dih 'pehn-eh.: Sorn-'. Or 'da: on 'weh. :Yeh or 'worn-ih'-a,: yee' or 'vile: or-a'a: 'korlor 'weh, 'de or wan 'o 'bluhbor dih, or mu 'de: Yusu' bo. :Yee': Yusu' dhele-or-: dih, or 'da, Deh: an 'bhorn 'on 'ye no 'do: on bo: eh? 'De 'doror'-nyor 'da, Nyor⧾ deh: torne-nyor:, 'an 'bhorn 'on 'ye dih 'ye o. 'De: Yusu' 'da, Mu.: An-a' dhih 'jeh-': po-eh no-eh, 'de: on 'puh.: Yee' 'do: dha: due': dao',: yee' or 'ye-: dih, 'de or zi 'o: Yusu' klei' 'do: gwie 'i. :Yee': yeh an 'koan'-dih-a: Julu'slehn dih, 'de on nyni-a 'o: gwlor⧾ an 'da-dih-a: Behfe'yi-: 'dekorn:: Behtani'i-: 'di: eh: ne-a 'o 'do 'Orle-tluh ken,: yee': Yusu' dbo or-a'a: bo: na-nyor⧾-a' nyor⧾ 'sororn' ybei', or 'dae:, A mu 'de: gwlor-yu:: dao': or: ne-a 'de: a ybei' 'di.: Mor a: taa 'o dih 'si,: yee' 'do: dha: due': dao', a mu 'dhornke-yu:: eh: muae-eh dih 'ye-:,: eh nyor 'see-a 'o ken 'kpa: zai'. A bhehn-dih-eh, a 'ye-eh 'de: ya. :Mor nyor dhele: a dih, or 'da,: Eh: korn dhih, 'de a no: ao': eh?: yee' a zela-or: gwluhuh', a 'dae:,: Gwlor: baa', or-: 'bhorn-eh. Or mu-eh de: dbo: kana. 'De on mu. On 'ye 'dhornke-yu-a' 'jeh, 'de eh: muae-eh: dih 'do 'gbu: on 'koan'-dih:-a 'o 'kpa: gwie worn 'i dih, 'de on bhehn-dih-eh. :Yeh an no: ao',: yee' nyor⧾: on: nyna-a 'o dih, on dhele-uh-: dih, on 'da,: Eh no 'dhornke-yu:, a bhehn-dih-a: eh? 'De on zela-uh deh: Yusu': za-a-': gwluhuh'. 'De on 'tali-uh dih, on kpa-eh. :Yeh on kpa-eh 'de: Yusu' bo,: yee' on slo 'o eh ken an-a'a: 'ylii dih, 'de or: dhe 'o dih. :Yeh or: dhe-a 'o eh ken dih, 'de or mu-a,: yee' nyor⧾: dhulu', mo-:: an slo an-a'a: 'ylii dih 'do: gwie 'i.: Yee' nyor⧾: noo', mo-:: an jla 'kavan⧾: en 'wluh-a 'kwla⧾-' dih, 'de an po-ih: gwie bo dih. :Yee' nyor⧾: an na-a 'o or ybei'-: 'dekorn:: yuh: an zi-a 'o or 'de-: an po 'geh⧾, an no, Dhih-a' 'i 'beh-a' 'do or bo.: Bhorlie' 'do or bo: or yi-a 'de, 'de: Gwlor: baa'-a' 'nyne 'di. :Bhorlie' 'do: a: bai'-a': baa' 'Keen: Debe'-a' nyor⧾ wlu 'ken: korn-eh:: eh yi-a 'de, 'do eh bo. Dhih-a' 'i 'beh-a' 'do Nyorsoa: or: ne-a 'de yai' bo. :Yee': yeh: Yusu' 'si-a: Julu'slehn dih,: yee' or mu 'o Nyorsoa-a' 'sla ybei', 'de or pobo: deh⧾-a' klehkpeh ya.: Yee': ka glu-a yi-a gor 'da,: yee' or zi-', or mu: Behtani'i-: de. Or-: or-a'a: bo: na-nyor⧾-:: on no-a nyor⧾-a': bhue: 'yor 'sororn'-: mo-: mu. :Yeh zorn: noror' zen-a, 'de an 'wluh-a: Behtani'i, an yi-a: Julu'slehn de,: yee' 'moeh: no: Yusu'. :Yeh or pobo:-a 'de or ybei',: yee' or 'ye 'fe-tu: 'de: dha: dhorno',: on 'dhu-a wlon⧾. 'De or 'koan'-dih-uh dih or 'ye-eh' 'ye,: eh beh or mu 'bi 'ye-: 'de on ya: eh?: Yeh or: yeh-dih-uh-a ken, 'de or pobo:-a 'de on ya,: yee' or: se-' deh 'ye, wlon⧾: due', me-: 'yi 'de on ya. Deh no-eh, eh 'see an-a': tloo-ti no. 'De or: wlu 'de tu: dao' bo, or 'da,: Mor tu: daa, nyor: se-': an-a' 'buo': di i: neheh'.: Yeh or 'da: ao',: yee' or-a'a: bo: na-nyor⧾ 'worn-ih'. :Yee': yeh on nyni-a: Julu'slehn,: yee': Yusu' mu 'o Nyorsoa-a' 'sla ybei', 'de or 'kpa nyor⧾: an plo-a deh⧾-:: korn: yuh: an dhen-a deh⧾-: an-a' dih: no-eh ken. Or tba nyor⧾: an zian-dih-a 'wlii 'i, an-a'a: 'tebo⧾ 'yi glu, 'de or tba nyor⧾: an plo-a pabu'⧾ an-a'a: ken: dhe-deh⧾ 'yi glu: ke. Or: se-eh' 'worn-dih: nyor⧾ 'ye 'de Nyorsoa-a' 'sla-a' gba-dih-gba 'di deh: dhie': chehn-dih:. 'De or: torne-uh deh, or 'dae:, Eh 'chle-eh:-' 'de Nyorsoa-a' 'chlee-deh 'di, or 'da, 'An-a: 'gbu: korn on 'ye: dha 'dawor'⧾-dlu⧾-a' klehkpeh-a wlu-dih-a 'de 'on bo 'da-dih-eh:. Jorwor: a: mor no-uh 'ylii'-nyor⧾-a' 'di 'ti-gbu-'. :Yeh Nyorsoa-a' 'slaa:: za-nyor:⧾: klaba'⧾-: 'dekorn: nyor⧾ 'tele': torne-nyor⧾-: on 'worn-a dhih: daa,: yee' an ple-or',: yee' an 'bhorn: ka on 'ye-a' no, 'de on 'ye-or' 'dba. Deh no-eh, nyor⧾-a' klehkpeh, mo-: or-a' nyor⧾ deh: torne-eh: florn-dih: worn. :Yeh glu gor-a,: yee': Yusu'-: 'dekorn: or-a'a: bo: na-nyor⧾-: on 'wluh 'o: Julu'slehn 'weh, 'de on mu: Behtani'i. :Yee': yeh an yi-a de, zorn bo,: yee' on 'ye 'fe-tu:: dao', on: klor-',: eh 'wluh-a 'de an-a' 'dlu bo,: eh: yeh-dih:-a an-a' buh⧾ ken 'de glu. :Yeh: Piteh' 'ye-a tu: dao',: yee' or: po-dih-eh: gwluhuh' bo 'weh. 'De or: wlu 'de: Yusu' bo, or 'dae:, Nyor⧾ deh: torne-nyor:.: Gbee'e:. 'Fe-tu:: on po-a 'chlo bo, on: klor-' o. 'De: Yusu' zela-uh: gwluhuh', or 'da, A po Nyorsoa-a' dhih dhih 'jeh-'. Dhih 'jeh, 'an zela a: gwluhuh',: mor nyor: wlu 'de tluh: daa bo,: mor or 'da,: Mor tluh: daa, 'wluh-dih:: gwliin'-', 'kpa 'de yobo' worn.: Mor or po-eh dhih 'jeh-',: ka deh or za-a-' eh mu-a: no-eh,: yee' eh mu: no-eh: 'do or bo,: mor or-a': porluh se dhobo:. 'Do eh-a' dha, 'an zela a: gwluhuh',: mor a: taa 'de Nyorsoa bo wlu 'do deh-a' dhih bo, a po-eh dhih 'jeh-',: ka a mu-eh 'ye-:,: yee' a mu-eh 'ye-:. :Mor eh 'dhu a 'ble-dih: a 'bei' 'di dih, 'de a 'ye dih: nyna, a 'ye 'de Nyorsoa bo: wlu,: yee' a 'ma-dih: deh-zon: on no-a 'do a 'bhun, eh-a' dhih bo.: Mor a no: ao',: yee' a: Baa': or: ne-a 'de yai', or mu a-a' deh⧾-zon⧾-a' dhih bo 'ma-dih:: ke. [ Jorwor:: mor a se deh⧾-zon:⧾ a 'bei' no-a 'do a 'bhun, en-' dhih bo 'ma-dih:,: yee' a: Baa': or: ne-a 'de yai', or: se-' a-a' deh⧾-zon⧾-a' dhih bo 'ma-dih: i: ke.] :Yee': Yusu'-: 'dekorn: or-a'a: bo: na-nyor⧾-: on mu: Julu'slehn-: de. 'De or mu 'o Nyorsoa-a' 'sla ybei'.: Yeh or na-a dih 'do mor,: yee' Nyorsoa-a' 'slaa:: za-nyor:⧾: klaba'⧾-: nyor⧾ 'tele': torne-nyor⧾-: 'dekorn: 'bluhba:: korn-nyor⧾-: mo-: yi 'o or bo, 'de on dhele-or dih, on 'dae:, Dha: on: za 'kpih, 'de: an no deh⧾: daa: eh?: Or 'nyi: on 'kpih, 'de: an no-ih: eh? :Yeh on dhele-or dih,: yee' or: wlu-' 'de on bo, or 'dae:, 'On 'ble deh: due', 'an mu a dih dhele:: ke.: Mor a zela: 'on: gwluhuh': weh, 'de 'on 'ye a: gwluhuh' zela:: ke,: dha 'on: za-a 'kpih, 'de 'an no-a deh⧾: daa. A zela: 'on: gwluhuh', nyor⧾ 'ni 'dlu: po: Jororn'-a' nyor⧾ 'ni 'dlu: po-deh:: daa, eh 'wluh 'de Nyorsoa bo: e?: Ae' eh 'wluh 'de: gwlor-nyor⧾ bo ke? :Yeh or dhele-uh-a dih,: yee' an polo-ih' 'de an-a' 'jeh 'nyne-', on 'da,: Mor: a 'da, 'De Nyorsoa bo: oo',: yee' or mu: ao',: Eh: korn dhih 'de a: se-or' dhih 'jeh-' po 'da: eh? 'De mor: a se 'beh-dih:: a 'ye: ao', Eh 'wluh 'de: gwlor-nyor⧾ bo. (An ple nyor⧾-a': fano:, deh no-eh,: gwlor-nyor⧾-a' klehkpeh on 'duo:: Jororn'-' 'weh, or 'ye Nyorsoa-a' wele-eh:: po-nyor no 'jeh ka.) Eh-a' dhih, on: wlu-' 'de or bo, on 'dae:,: A se-eh yubo:.: Yeh on 'da: ao',: yee' or 'dae: 'de on bo,: Yee' 'on: se-' a: gwluhuh' zela: i: ke,: dha 'on: za-a 'kpih 'do deh⧾: daa en-' no-a' bo. :Yee': Yusu' 'kpa 'o an-a' bo: wlu 'da 'weh 'de 'dlan⧾ 'di, or 'da, Nyor-kpalu: due': oo', or-: no gle, 'de: or 'dhu 'glee-dubu'⧾ 'de eh 'di, 'de or za-ih gba-dih-gba 'de dih.: Yeh or no: ao',: yee' or 'blu 'bie',: dha on 'ye-ih'-a': za-dih:, 'de or po gba: dhorno',: dha nyor⧾ 'ye-a' gle: dao' ken: fuo-dih:.: Yeh deh⧾-a' klehkpeh, en: gweh-a 'i,: yee' or po-eh 'de nyor⧾ 'kwa, on: ne or 'ye en-' 'bi-' gble.: Yee': yeh or no: ao',: yee' or mu: gwele:. :Yeh eh no-a deh⧾: dao', en-' 'bi-a' 'kpaan'-ti,: yee' or dbo or-a'a: 'bhoi-yu: due' 'de nyor⧾ or po-a gle 'de 'kwa bo, on 'ye or-a' ne, or bo dbo. :Yee' nyor⧾: dao', on kpon-or', 'de on bla-or, on: se-or' deh 'nyi, on dbo-or de. :Yee' 'yu: or: korn-a gle, or dbo 'bhoi-yu:: noror' 'de on bo.: Yeh or mu-a,: yee' on tba-or deh 'dlu, 'de on: no-dih-or dhen. :Yee' 'yu: or: korn-a gle, or dbo 'yu: noror': neheh'.: Yeh or mu-a,: yee' on 'dba-or'. 'Ka-: on no nyor⧾: dhulu': noo' or dbo-a, an-a' dhih, on bla an-a' nyor⧾: noo', 'de on 'dba an-a': noo'. :Yeh or dbo-a nyor⧾: dboo:,: yee' or-a'a: dboo-nyor⧾-a' klehkpeh: gweh-'. Nyor: due': or: sie:-a 'o, or-: 'dhu or-a'a:: dhih: kma-yu-'.: Yee' or-: 'bor-dih: 'o, or dbo, or 'da, An mu 'an-a: 'yu deh-' 'ye-:. 'De or dbo-or. Jorwor:: yeh nyor⧾: an pobo-a 'o or: baa'-a'a: gle bo dih, on 'ye-or,: yee' an wlu-' 'de an-a' 'jeh 'nyne-', an no, 'Yu: or mu-a or: baa'-a'a:: kororn-deh⧾: korn, or-: 'o,: or 'yle. A 'yle,: a 'ye-or' 'dba.: Yee': a: mor mu or: baa'-a'a:: kororn-deh⧾: korn. 'De on kpon-or, on 'dba-or, on: za 'o or-a' 'ku gle, on po-uh 'kwla. :Yeh: Yusu' gweh-a 'dlan: dao', or-a' po-a' 'i,: yee' or dhele-uh-: dih, or 'da,: Yee' 'yu: or: korn-a gle,: kaa or mu: no: naa: eh? 'An zela a: gwluhuh', or mu: mu, or 'ye-uh' 'dba, 'de or 'ye 'de nyor⧾: noo' po. Deh: daa: eh: ne-a 'de Nyorsoa-a' 'chlee-deh 'di, a 'see-eh zlo: e?: Eh no-a, Tu-a': yuh 'gbu: po-nyor⧾ po-a dih: dee', tu-a' 'jeh: dao', mo-: no 'gbu-a': zi-tu: naa. :Gwlor: baa': oo', or-: no deh: daa. 'De mor deh or no-a, eh no deh: kolu' 'de: a 'yli-e. :Yeh: Yusu' jla-a,: yee': Jueh'-nyor⧾-a' nyor⧾: klaba'⧾: on: ne-a 'o, an 'bhorn on 'ye-or' kpon, deh no-eh, on yubo-eh': ka or: po-dih-uh-a 'dlan dih. Jorwor: an ple nyor⧾: doru': ne-a 'o, an-a' 'yli 'weh. Eh-: no-eh, 'de on 'tali-or dih, on mu. :Yeh on 'wluh-a 'o or bo,: yee' on dbo 'de: Falasi'i-nyor⧾-a' nyor⧾: noo'-: 'dekorn:: Hehlo'-a'a: bo: na-nyor:⧾: noo'-: on 'ye-or' wlu 'worn dih 'bhorn-dih:. :Yeh on mu-a 'de or bo,: yee' on: wlu-' 'de or bo, on 'dae:, Nyor⧾ deh: torne-nyor:,: a yubo-eh': ka: an za-a 'yi 'sleh-dhih-',: an-a' ple-a nyor-a' 'yli-eh, 'de: on se-a 'de eh bo: korn,: ka nyor-a': yeh 'beh.: An torne nyor⧾ Nyorsoa-a': gwie: 'jeh, 'de 'yi 'sleh ka 'di. Zela:: a: gwluhuh', eh: ne 'o: a-a'a: 'tele'-a': gwie 'i 'weh: e, nyor 'ye 'taa-deh⧾: za, 'de 'Wloon-nyor⧾-a' 'keen bo: e?: Ae': a-a': no-eh' ke?: A za-ih: e?: Ae': a-a': za-ih' ke? :Yeh an dhele-or dih,: yee' or yubo-eh': ka an 'bhorn-dih-or wlu 'worn dih. 'De or: wlu 'de on bo, or 'dae:,: Eh: korn dhih a yi 'on dih 'dhen 'da: eh? A: ya 'on 'sebla-wlii-eh: due', 'on 'ye-eh ya pobo:. 'De on: ya 'de eh-a': due'.: Yeh or 'ye-eh,: yee' or dhele-uh-: dih, or 'da,: Or: korn 'dlu-: 'dekorn: 'nyne-:: en: ne: daa eh ken: eh? 'De on 'da, 'Wloon-nyor⧾-a' 'keen: oo'. 'De or 'dae:, A 'nyi 'Wloon-nyor⧾-a' 'keen deh: eh: korn-a 'de or bo,: yee' a 'nyi Nyorsoa deh: eh: korn-a 'de or bo.: Yeh or 'da: ao' 'de on bo,: yee' or-a' deh 'ma-dih: an-a': porluh⧾ 'weh. :Yeh eh no: ao',: yee': Jueh'-nyor⧾-a' kpor an 'da-dih-a: Sayusi'i-nyor⧾: on no-a: mor nyor 'meh,: yee' or-a': sorn-': neheh', an-a' 'jeh: dao', mo-: mu 'de: Yusu' bo, 'de on dhele-or dih, on 'da, Nyor⧾ deh: torne-nyor:,: Mose' 'chle-eh' 'do: a bo, or 'da,: Mor nyor 'meh, 'de or 'ye 'nynor sie,: mor or-: 'nynor: dao'-: on se 'yu 'wluh,: yee' or-a' dei'-yu: korn or 'ye or-a'a: 'nynor-' 'duo:, or 'ye-or': korn, 'de or 'ye 'nynuu 'wluh 'do or-a' 'de-di': or 'meh-a 'gor bo. :Yee' 'de-di'-nyor⧾-kpalu⧾: meheh' 'sorn: oo', 'de: klaba' nor: korn 'nynor. 'Nynor or: korn-a, or: ne or: se-' 'yu 'wluh, 'de or 'meh. :Yeh or 'meh-a,: yee': yor: or tba-a 'o or 'de, or 'duo: 'nynor: dao'-' 'weh, 'de or korn-or.: Yeh ti: zi-dih:-a 'o ken dih,: yee' or 'meh-': ke. Or-: 'nynor-: on: se-' 'yu 'wluh. 'Ka-: taan nor no: ke. 'Ka-: an-a' klehkpeh: on: ne-a: meheh' 'sorn on no, on: tba-dih: ken. An-a' nyor: ne 'nynor: dao': se-' 'yu 'wluh.: Yeh an-a' klehkpeh on 'meh-a, 'de on: gweh-a 'o dih,: yee' 'nynor: dao', or 'meh-': ke. :Yee': ka or 'ti-a nyor⧾: meheh' 'sorn: dao' 'bli: dee',: yee': mor ti nyni 'o, 'de nyor⧾-a' klehkpeh: on 'meh-a, 'de on 'ye-': sorn,: yee': or: korn 'nynor or mu-' 'dhu-eh:: eh? :Yeh on dhele:-a: Yusu' deh: daa dih,: yee' or: wlu-' 'de on bo, or 'dae:, Deh⧾ a na-dih-a: gwluhuh' dih, en se 'i 'sleh. Deh no-eh, a: se-' Nyorsoa-a' 'chlee-deh-' dih 'worn, 'de a se or-a' 'kpih yubo:. Nyor⧾: on 'meh-a,: mor on: sorn-', on: se-' 'bli 'ti-dih: i: neheh'.: Ka 'enjor-nyor:⧾: on: ne-a 'de Nyorsoa 'bli yai' on: ne-a, 'ka-: an mu: ne: ke. 'Do 'meh: sorn-' deh bo, a 'see-eh zlo, 'de 'chlee-deh:: Mose' 'chle-a 'di: e, 'do eh-a': dha eh: za-dih:-a 'kwla: yale'-gan:: or sin-a, or-a' dhih-', 'de Nyorsoa 'ye-a': wlu 'de or bo, or 'ye: ao', 'Mor 'Eble'hehn-a' Nyorsoa. 'Mor Ase'-a' Nyorsoa. 'Mor 'Jekor-a' Nyorsoa, 'de or 'ye: ao' 'da, a 'see-eh zlo: e? Nyorsoa: se 'meheh'-nyor⧾-a' Nyorsoa. Jorwor: or no 'kmo: ne-nyor⧾-a' Nyorsoa. Eh-:: korn dhih: oo' 'on 'da deh⧾ a na-dih-a: gwluhuh' dih, en se 'i 'sleh. A zi-ih-: 'i klehkpeh. :Yee': yeh: Yusu'-: 'dekorn:: Sayusi'i-nyor⧾-: an no: ao',: yee' nyor⧾ 'tele': torne-nyor⧾-a' nyor: due' yi-: 'de.: Yeh or 'ye-eh, 'de: mor on dhele:-a: Yusu' deh dih, 'de or za-eh gbor deh 'jeh neh,: yee' eh-: no-eh, 'de or dhele-or dih: ke, or 'da, 'Tele': yeheh: eh no 'tele'⧾-a' klehkpeh-a' 'dlu: eh? 'De: Yusu' 'da, 'Tele'⧾-a' klehkpeh-a' 'dlu,: wor 'dhu, A: to: dou'⧾, a: mor 'Ezlea-nyor:⧾,: a-a': Gwlor: baa' Nyorsoa, or: due', or-: 'dhu: Gwlor: baa'-'. :Yee': ybeh: an-a': Gwlor: baa' Nyorsoa-', 'do: an-a': porluh⧾-a' klehkpeh-:: an-a': febeh'-a' klehkpeh-: 'dekorn:: an-a' 'kpih-a' klehkpeh-: bo. 'Tele'⧾-a' 'sororn': neh: eh: kma-a 'gabaa: neheh',: eh tba-a 'o: tehn 'i neh 'de dih, eh-:: dhe dih.: Ybeh nyor⧾: on: ne 'ti-a: dha: due'-',: ka: on no-a: an-a' 'jeh-a': ybeh-a'. 'Tele': neheh' se 'i 'beh, eh se 'o 'tele'⧾ 'sororn': daa-': zi. :Yeh or jla-a,: yee' nyor⧾ 'tele': torne-yu:: dao', or 'dae:, Nyor⧾ deh: torne-nyor:,: on: se-' sih 'tmo. Dhih 'jeh: oo': an za-a-'. Nyorsoa: due' 'klein', Nyorsoa: dele' se: dha: noror': ne. :Yee': gwlor-nyor: korn or 'ye Nyorsoa-': ybeh 'do or-a': porluh⧾-a' klehkpeh bo.: Yee' nyor⧾: ne or 'ti-a: dha: due'-', or: korn or 'ye-uh'-': ybeh,: ka or no-a or-a' 'jeh-a': ybeh-a', eh-:: zi 'o Nyorsoa-a' 'slaa:: za-dih-deh⧾-a' klehkpeh nyor⧾-a po-a 'yli-: 'dekorn: or-a' gban 'i 'dhu-dih-deh⧾-a' klehkpeh-:. :Yeh: Yusu' 'ye-eh: ka deh⧾ or za-a gbor, en no-a 'de nyor⧾ 'di dih: florn-dih-eh,: yee' or 'dae: 'de or bo,: On se Nyorsoa-a' wlu 'ken: korn-eh bo dih: tehn-dih:.: Eh 'wluh-a 'o,: yee' eh se nyor: korn,: or 'ye-a': gwluhuh': ku,: or 'ye-or' deh dih dhele:: neheh'. :Yee' ti: Yusu'-a torne-a nyor⧾ deh 'do Nyorsoa-a' 'sla ybei',: yee' or dhele-uh-: dih, or 'da,: Eh: korn dhih, 'de nyor⧾ 'tele': torne-nyor⧾ 'da Nyorsoa-a' 'taan'-yu no: Debe' 'di-a' 'yu: eh? Gban 'i: ne: Zulu:, mo-: no-eh, 'de: Debe'-a' 'jeh 'yor-eh 'da,: Gwlor: baa': wlu-' 'de 'an: Gwlor: baa' bo, or 'da,: Dhe 'o 'an: dila-son bo dih: chio'lo:, 'de 'on 'ye nyor⧾: on 'nyeh-a: on-' ya: ya, 'de: on 'ye-uh' ken dih: na. :Debe'-a' 'yor-eh 'da-dih 'yu-a' 'jeh: daa,: Gwlor: baa'.: Yee': kaa or 'ye or-a'a: 'yu-' 'dhu-eh no: eh?: Yee': yeh: Yusu'-a wlu-a,: yee' nyor⧾: doru': on: ne-a 'o, an to-or: dou'⧾ bo, 'de: porluh⧾-a' dih 'pehn ka 'di. :Yeh or torne-uh-a deh,: yee' or: za-' deh 'de on bo, or 'dae:, A 'dhu a-a' 'jeh: dhororn', 'de nyor⧾ 'tele': torne-nyor⧾: ne-' a dih: bo-dih:, 'de an-a' noo-deh⧾ 'di. On: ybeh pa: gba 'vuu:⧾: nmaa'e-', 'de: na dih: deh. 'De on: ybeh nyor⧾ 'ye-uh' wlu bo po, 'do 'doror', 'de deh-' 'ye ka 'di: deh. On: ybeh-' kpala'⧾ 'jeh: ne,: en: dhe-dih-eh 'for 'i, 'de 'di: gweh-dih-sla⧾ 'zorn dih-a' ken: dhe: deh. 'De on: ybeh-': dha nyor⧾: klaba'⧾-a dhe-a dih 'do gor-', dih: dhe: deh. An za: dhoba: 'nynor⧾ 'gbu⧾ 'kwa dih, 'de: mor on 'ye nyor⧾-a' 'yli, an gwle 'o Nyorsoa bo: wlu 'da.: Mor zabe:: zi-eh-a' ti nyni 'o, nyor⧾: dao', mo-: Nyorsoa-a mu 'kle 'ye-eh: 'dlu: po 'gabaa, eh 'ye 'o: zi. :Yee': Yusu' 'koan'-dih: 'o: dha nyor⧾-a po-a 'wlii, 'do Nyorsoa-a' 'sla-a' dhih bo, 'de or: dhe dih 'do mor. 'De or 'ye nyor⧾: doru', an po 'de 'wlii, 'de Nyorsoa-a' 'sla-a' 'wlii 'di: po: gbloron'-yu 'di. Bhaan-nyor:⧾: dhulu' po 'de 'wlii:: dhulu'. :Yeh or pobo-a 'o,: yee': dhoba: 'nynor: due': or se-a deh-a': za-da 'ble, or-: 'yle, 'de or po 'de deh 'di 'wlii-yor 'sororn': en 'beh-dih:: en 'ye-a' 'kaba-yor-eh: due' no. :Yeh or 'ye-a 'nynor: dao',: yee' or 'da or-a'a: bo: na-nyor⧾ 'weh 'do or bo, or 'dae:, Dhih 'jeh, 'an zela a: gwluhuh',: dhoba: 'nynor: dao': or se-a deh-a': za-da 'ble, 'wlii: or po-a 'de, en: zi 'o 'wlii: nyor⧾-a' klehkpeh on po-a 'de 'weh. Deh no-eh, eh-: 'dhu, nyor⧾: on po-a 'de 'wlii:: dhulu', en-': yih on 'ble-a,: en: sie:-a ken, me-: 'o, on po 'de. Jorwor: 'nynor: dao': or se-a deh-a': za-da 'ble, deh-a' klehkpeh or 'ble-a, 'de deh-a' klehkpeh or dhe-a: gwlii', eh-: 'o, or po 'de. :Yee': yeh: Yusu'-a 'wluh-a 'de Nyorsoa-a' 'sla bo,: yee' or-a'a: bo: na-nyor: due': wlu-' 'de or bo, or 'da, Nyor⧾ deh: torne-nyor:,: gbee'e:. Pobo: 'gbu⧾: daa, on: po-dih:-a sobu'⧾: klaba'⧾: daa ya,: ka en no-a 'yi dih: nmor-eh. :Yeh or: za-a deh: dao',: yee': Yusu' 'da, A 'ye 'gbu⧾: klaba'⧾: daa 'weh: e? Eh: se-' sobu': korn i,: on 'ye-a' 'o on 'be ken: sie:. Sobu'⧾-a' klehkpeh, en mu ken dih zela-eh:, en 'ye 'zorn: po-eh:. :Yee': yeh: Yusu': dhe-a dih 'do 'Orle-tluh ken, 'de or pobo-a Nyorsoa-a' 'sla ya,: yee': Piteh'-: 'Jeen-:: Jororn'-: 'dekorn: Andlu'-: mo-: dhele-or dih 'de 'slan: pa ka 'di, on 'da, Zela:: a: gwluhuh', ti: yihih: eh, deh⧾: daa, en mu: no-eh: eh? Deh: eh mu 'yi: to-dih-deh: no, 'de: a 'ye-eh' yubo:: ka ti-a nyni-a 'o, 'de deh⧾-a' klehkpeh: an: za-a-', en 'ye-a' dhih 'jeh-' 'kpa: eh? 'De or: wlu 'de on bo, or 'dae:, A 'dhu a-a' 'jeh: dhororn'. A-a' 'worn-:-', nyor-a': bo-dih:-' a dih. Nyor⧾: dhulu', mo-:: an mu 'de 'an 'nyne ken: yi-dih:. Mo-:: an mu: ao', mo-: Nyorsoa-a' 'taan'-yu: 'o, 'de on 'ye nyor⧾: dhulu' dih: bo-dih:. :Mor a 'worn tuh-a' 'nyne, 'de a 'ye tuh-a' kuna'⧾ 'worn: ke,: yee' a-a': ple-': fano. Deh no-eh, deh⧾: daa en: korn en 'ye: no-eh:, jorwor: eh 'see ti-a' 'dlu-': jla-ti no kele'a:. 'Bluhba⧾-dlu⧾-: 'bluhba⧾-dlu⧾-: en mu: vorn.: Yee' 'keen-boi'-a mu on 'bei' 'keen-boi' bo: vorn. 'Bluhba-a mu: tleh deh⧾-' dih. 'Moeh-a mu 'de: yi,: eh 'kpa-a Ji Kou'-moeh.: Mor deh⧾: daa en: taa 'dlu bo mu,: yee' 'do 'kle 'ye-eh-a' glu 'dhu 'da: oo',: eh gweh-a: ka 'kwli-a no-a 'nynor,: or 'bhorn-a: or 'ye-a': gbano: za. Jorwor: a 'dhu a-a' 'jeh: dhororn'. An mu a 'kwla: za 'de 'koti-', 'de on 'ye a bla 'de an-a' 'di: gweh-dih-sla⧾ 'zorn dih.: Yee' a mu 'o 'gomla-nyor⧾-a' nyor⧾: klaba'⧾-: 'dekorn: 'keen-boi'-: ybei' dih: nyna, 'do 'an dhih bo, 'de a 'ye Nyorsoa-a' tubo-wlu:⧾ 'jeh-a' dhih bo zela: 'de on bo. Jorwor:: mor ti 'ye 'dlu-': jla,: yee' Nyorsoa-a' tubo-wlu:⧾ 'jeh: korn en 'ye: po-eh: 'de 'dawor'⧾-dlu⧾-a' klehkpeh ken dih. :Mor nyor⧾ kpon a-uh, 'de on 'ye a 'kwla: za 'de 'koti-', eh-a' 'beh-dih:-' a-a': porluh⧾ 'worn dih 'do deh a mu-a-': za, eh-a' dhih bo.: Mor eh-a': zaa-ti: taa 'o nyni, deh a mu-a-': za, Nyorsoa mu-eh a: torne:. Eh: se a-a' 'jeh: or: se-': wlu i, jorwor: Gban 'i: ne: Zulu: 'o,: an mu: wlu. :Yee' 'de-di'-a mu or-a' 'de-di' nyor⧾ bo: plo-dih: on 'ye-or' 'dba.: Baa'-a mu deh: due': dao': no 'do or-a'a: 'yu bo: ke. 'Nynuu-a mu on 'de-: 'dekorn: on: baa'-: worn: bla-dih:, 'de on 'ye-uh' nyor⧾ ya po on 'ye-uh' 'dba. :Gwlor-nyor⧾-a' klehkpeh, an mu a-uh' 'nyeh-:, 'an dhih. Jorwor: nyor: or se-a sea 'de ti 'ye-a' 'dlu-': jla,: yee' or mu 'puh-:. :Yee': Yusu'-a kpa or-a' wlu 'dlu bo, or 'dae:,: Yee': mor a 'ye 'kulu-deh:: eh za-a deh⧾ gban-', 'de eh 'ye dih: nyna: dha eh se-a: korn, ('Nyi nyor: or zlo-a deh: daa, or 'worn-eh' dih.): yee' 'nyi nyor⧾: on: ne-a 'de: Judi'a-bluhba ken, on ple, on 'ye 'de tluh⧾ ken mu. :Mor nyor: ne 'de 'gbu 'dlu, 'do ti: dao' 'i,: yee' 'nyi or ple, or mu. Or-a': pa-' 'de 'gbu, or-a' 'duo:-' deh⧾: en: ne-a 'de on 'di-'. :Mor nyor: ne 'de 'gle, 'nyi or ple, or mu. Or-a': yi-': gwlor-'. Or-a' 'duo:-' or-a'a: 'korlor-'. 'Do ti: dao' bo, eh mu 'i: kma 'gabaa 'do 'nynor⧾: on: ne-a 'kwli⧾-'-: 'dekorn:: yuh: an 'nya-dih-a 'nynuu-: bo. A bale: Nyorsoa, deh⧾: daa en: ne 'de yi, 'do: chehbe'-a' ti 'di. Deh no-eh,: mor ti: dao', en nyni 'o,: yee' eh mu 'kle 'ye-eh:: klaba': no. 'Kle 'ye-eh:: klaba': daa, eh mu 'kle 'ye-eh-a' klehkpeh-': zi,: eh 'wluh-a ti Nyorsoa: no-dih:-a 'bluhba, 'de: eh: yeh-dih:-a zorn: daa ken.: Mor eh no: ao',: yee' eh-a' 'kle 'ye-tu:: dao', eh: se-' de: yi i: neheh': ka ti-a mu-a 'dlu-': tehn. Jorwor:: mor: Gwlor: baa' se ti: dao' 'i 'koan'-dih:,: yee': gwlor-nyor⧾-a' klehkpeh-a mu 'meh-:, on 'ye 'o dih: gweh. Jorwor: nyor⧾ or gan-a, mo-:: korn dhih or mu ti: dao' 'i 'koan'-dih:. :Yee' 'do ti: dao' 'di,: mor nyor zela: a: gwluhuh', or 'da, A: gbee'e:. Nyorsoa-a' 'taan'-yu: wor: dhe dih, 'de mor or 'ye: ao', A: gbee'e:, or-:: ne 'de 'naa: 'o, a-a': po-ih' dhih 'jeh-'. Deh no-eh, sih 'tmo: wele-eh:: po-nyor⧾-: 'dekorn:: yuh: an 'da-dih-a an-a' 'jeh 'Klae-: an mu-': sorn, on 'ye 'yi: to-dih-deh⧾-: 'dekorn: nyor⧾ 'di dih 'ma-dih-deh⧾-: no. An mu deh⧾: daa: no, on 'ye nyor⧾ Nyorsoa gan-a: sloror' dih: bo-dih:,: mor on 'beh-dih: eh-a' no-a'. A 'dhu a-a' 'jeh: dhororn'. 'An sie ti de. 'An zela a deh⧾-a' klehkpeh: gwluhuh' 'weh: dueh'leh:. :Yee': Yusu'-a wlu-': chio'lo:, or 'da, 'Do ti: dao' 'di,: mor 'kle 'ye-eh:: dao', eh zi, 'yluh: se-': fan i deh 'jeh, 'de mor 'chuh: se-': fan i: ke. 'Chuh: dhlaen:: en: ne-a 'de yai', en mu 'zorn 'kpa-:.: Yee' deh⧾-a' klehkpeh: en 'ble-a 'kpih 'do yao: gwlii', en-' 'kpih-a mu 'i gbua:. :Yee' nyor⧾-a mu 'yu an 'da-dih-a Nyor-kpalu-a' 'yu 'ye-:. Or mu 'de: yi, 'de 'ni-kpan⧾ 'nyne-', 'de 'kpih: klaba'⧾-: 'dekorn: dhih-a' 'i 'beh-a'-: 'di. :Yee' or mu or-a'a: 'enjor-nyor⧾: dbo, on 'ye nyor⧾ or gan-a,: on: ne-a 'bluhba-a' 'for⧾: ne-a: nyieh ken dih, yobo' po-a 'de: gle 'gbeheh 'di,: dha: due' po. :Yee' 'cheaan'-deh: a 'ye-a' 'chean' 'do 'fe-tu 'bhun, eh-:: dhe dih.: Mor an-a' 'gabuh⧾: taa torbor, 'de on 'ye wlon⧾: dele' 'dhu,: yee' a yubo-eh',: ka 'ni: dba 'i-ti-a nyni-a 'o. :Yee' 'ka-: 'o eh: ne: ke,: mor a 'ye deh⧾: daa en: taa no-eh,: yee' a mu-eh yubo:: ka ti: dao', en 'koan'-a bo 'gabaa. Dhih 'jeh, 'an zela a: gwluhuh', deh⧾-a' klehkpeh: daa en mu: no-eh:, 'de jorwor: nyor⧾-a' klehkpeh: on: ne-a 'kmo-' dha ti: daa 'i, 'de an-a' ti 'ye 'o dih: gweh, on 'ye 'meh. 'Bluhba-: 'dekorn: yao-: en mu 'dlu-': jla, jorwor: 'an wlu: se-' dih: gweh i,: ka ti-a mu-a 'dlu-': tehn. :Yee' 'we-eh:: dao'-: 'yluh-buh:: dao'-: ti en mu-a 'de: yi, nyor se-ih yubo:. 'Enjor-nyor:⧾: on: ne-a 'de Nyorsoa 'bli yai'-a' 'jeh-: 'dekorn: Nyorsoa-a' 'Yu-: on se-eh yubo:. Nyorsoa: due', or-: yubo-eh. A 'bor 'mo-a', a 'dhu-eh 'yli-eh bo, deh no-eh, ti, ti: dao' en mu-a 'de: yi, a se-ih yubo:. Eh gweh: ka nyor: or mu-a 'duhba-', 'de: or sie-a or-a'a: 'gbu 'de or-a'a: 'bhoi-nynuu 'kwa, 'de: or: gble-dih-uh-a: koan 'i dih, 'de: or zela:-a 'yu: or 'dhu-a: kpaa' 'yli-eh bo: gwluhuh', or 'ye 'gbu 'yli-eh bo 'dhu. Eh-a' dhih, a 'dhu-eh 'yli-eh bo. Deh no-eh, a se ti nyor: klaba': or: korn-a 'gbu, or mu-a 'de: ya yubo:,: eh beh 'gwie-yluh bo-:: eh beh dholo-' zuee-:: eh beh: zai': zulu⧾-a' wlu 'da-:: eh beh zorn bo-mlai'-:. :Mor or 'dhobo:, or 'yle, or: ne-' a 'nyinor-': yeh-dih:. Deh 'an za-a-' 'de a bo, eh-: 'o 'an za-' 'de nyor⧾-a' klehkpeh bo: ke. A 'dhu-eh 'yli-eh bo. :Yee' eh: sie: 'o 'we 'sororn', 'Meh-a': bla-dih: 'dlu dih-gor-: 'dekorn: Se 'vu-bhlee-a' gor-: en 'ye 'o nyni.: Yee' Nyorsoa-a' 'slaa:: za-nyor:⧾: klaba'⧾-: 'dekorn: nyor⧾ 'tele': torne-nyor⧾-: an 'bhorn on 'ye: Yusu' 'sleh dih: po-dih:, on 'ye-or' kpon, 'de on 'ye-or' 'dba. Jorwor: an wlu-' 'de an-a' 'jeh 'nyne-', an no,: A 'bor: a-a': kpon-or' 'do gor-'.: Mor: a no-eh,: yee' eh mu 'kpunu: 'kpun yaa'e dih: za, 'noror: gwlor-nyor:⧾: doru': daa 'nyne-' 'bla. Eh: korn 'we-eh: due',: yee': Yusu': ne 'de Samor',: or yau-zon-weh kpon-a: dee', 'de or 'bli 'gbu, 'de: Behtani'i.: Yeh or: ne-a 'de, 'de or di-a deh,: yee' 'nynor: due' or-: yi 'o or bo, or-:: ya 'de: zolo-eh:: eh: no-dih-eh sobu' an 'da-dih-a: alaba'ta,: eh: ne-a 'naa-tu-a' 'bleh 'bleh-a': pofi'orn:: or 'kpa-a deh ken 'gabaa 'di. Eh-: or: za deh worn 'i, 'de or 'chehli-or 'do: Yusu' 'dlu. :Yeh or no: ao',: yee' nyor⧾: ne-a 'o, an-a' nyor⧾: noo' 'kpa-' 'chehn, 'de an wlu 'de an-a' 'jeh 'nyne-', an no,: Eh: korn dhih 'de 'nynor-a dola: pofi'orn:: daa dih: eh? :Mor nyor⧾ plo: pofi'orn:: daa: dee', 'wlii: an mu-a 'ye-:, en-' 'wlii 'beh-dih: en 'ye 'wlii: nyor: due'-a 'ye-a 'do zon: due' 'di-' dih zi. 'Wlii:: dao', me-:: a: korn: a 'ye nyor⧾: on se-a deh-a': za-da 'ble 'nyi: dee'.: Yee' an jeh-or-: 'bli. :Yeh an jeh-a,: yee': Yusu': wlu-', or 'dae:, A 'wluh 'o or bo.: Eh no 'de a 'beh-dih-or 'worn dih: eh? Or no deh: nmaa'e: 'do 'on bo. Nyor⧾: on se-a deh-a': za-da 'ble, an mu dha a bo: ne, 'do ti-a' klehkpeh bo.: Mor a: taa 'bhorn a 'ye-uh' deh 'jeh bo dih no,: yee' a mu-eh: no. Jorwor: 'on: se-' dha a bo: ne i, 'do ti-a' klehkpeh bo. Deh or 'beh-dih:-a, eh-: 'o or no.: Pofi'orn:: daa, or 'wla-a 'on-', or sie ti de: dueh'leh:, or po 'an yau 'kpa, 'do 'an dih nma-dih-eh bo,: mor 'on 'meh. Dhih 'jeh, 'an zela a: gwluhuh',: dha klehkpeh Nyorsoa-a' tubo-wlu:⧾ 'jeh-a mu-a: po-dih-eh dha yao 'zorn-a' klehkpeh, deh 'nynor: daa or no-a, eh mu-': za-eh:, 'do or-a' dhih-a': gwluhuh' bo: po-dih-eh bo. :Yee': Juda': Ehkeh'lior:: or no-a: Yusu'-a'a: bo: na-nyor⧾-a': bhue: 'yor: ne-a 'sororn', an-a' nyor: due', or-: mu 'de Nyorsoa-a' 'slaa:: za-nyor:⧾: klaba'⧾ bo, or 'ye: Yusu' plo 'de on bo. :Yeh on 'worn-a deh: daa,: yee' an-a': porluh⧾ 'pehn-: dih, 'de on po wlu: dhama'-', on 'ye-or' 'wlii 'nyi.: Yeh or 'wluh-a 'o,: yee' or 'bhorn: ka or 'ye-a' no, 'de or 'ye-uh'-a': Yusu' 'kwla: za-dih:. :Yee' 'do Se 'vu-bhlee-a' gor-a': zai'-we-eh 'di, ti: Jueh'-nyor⧾-a 'dba-dih-a 'Meh-a': bla-dih: 'dlu dih-gor-a' 'blae'-yu, 'do ti-a' klehkpeh bo,: yee': Yusu'-a'a: bo: na-nyor⧾ dhele-or-: dih, on 'dae:, Dha: an 'bhorn: a 'ye mu, 'de: a 'ye 'Meh-a': bla-dih: 'dlu dih-gor-a' dii-deh⧾ 'kpa: po-dih: 'do: on bo: eh? :Yeh on dhele-or dih,: yee' or: za 'de on 'klu-' nyor⧾ 'sororn', mo-: or dbo. Or 'dhu-uh wlu worn, or 'dae:, A mu 'de: gwlor-'. 'Do: wor 'yu: due': or kpa-a: yabe:: eh: ne-a 'ni 'di, or: ne a mu 'gbon-dih:.: Yee' a zi 'o or klei'. 'Gbu or mu-a 'di: pa, 'do: wor a 'ye pa.: Yee': mor a: yeh-dih: 'yu: or: korn-a 'gbu ken,: yee' a zela-or: gwluhuh', a 'dae:,: A-a'a: nyor⧾ deh: torne-nyor 'dae:, Dha: chuu: or: ne or-a'a: bo: na-nyor⧾ 'ye-a' 'Meh-a': bla-dih: 'dlu dih-gor-a' deh 'di: di-dih:, on: ne: eh? :Mor a dhele-or dih,: yee' or mu a: chuu:: klaba': on: ne-a 'de 'gbu: dao', an-a' yai' a-uh: torne:.: Dhe-da: po-eh: 'kpa 'weh 'de mor. 'Do: wor a 'ye: a-a'a: dii-deh⧾ 'kpa: po-dih: 'do: a bo. :Yeh: Yusu' 'da: ao',: yee' on 'kpa 'i: gwie:. On mu-': gwlor.: Yeh on nyni-a: gwlor-',: yee' on 'ye deh⧾-a' klehkpeh: ka: Yusu' no-a eh-a': za-a', 'de on po 'Meh-a': bla-dih: 'dlu dih-gor-a' dii-deh⧾ 'kpa. :Yeh glu gor-a,: yee': Yusu'-: 'dekorn: or-a'a: bo: na-nyor:⧾: on: korn-a: bhue: 'yor: ne-a 'sororn'-: on mu 'de 'weh. :Yeh an di-a deh,: yee' or: wlu-' 'de on bo, or 'dae:, Dhih 'jeh, 'an zela a: gwluhuh', a-a' nyor: due', or-: mu 'on: plo. Nyor-a' 'jeh: dao', or-: 'mor-:: a di-dih deh: dha: due': naa. :Yeh or 'da: ao',: yee' an-a': porluh⧾ 'kpa-: 'zorn, 'de an dhele-or dih: due': due', an no, 'Mor: oo': e? 'De or 'da, 'De a 'nyne-': oo', nyor-a' 'jeh: dao', or: ne. A: mor: ne 'an 'gba-a, a-a' nyor: due': oo'. 'Yu an 'da-dih-a Nyor-kpalu-a' 'yu-a mu 'meh-:: mloror': kpeheh:: ka eh no-a 'chle-eh 'do or 'bhun, 'de Nyorsoa-a' 'chlee-deh 'di, jorwor: 'chlo 'do nyor: or mu-or: plo bo. Eh mu 'yi dih: nmor 'do nyor: dao' bo: dee',: mor or se 'wluh. :Yeh an di-a deh,: yee': Yusu' 'duo: 'bhlee:: kpuan'-' 'weh, or po Nyorsoa-a' 'zio 'do eh bo, 'de or: chehn-dih-eh dih, 'de or 'kwa, or 'nyi-eh or-a'a: bo: na-nyor⧾, or 'da, A 'duo-eh'. 'Bhlee:: daa, eh-: 'dhu 'an yau-'. :Yee' or 'duo: 'korbuh: on 'yi-a 'glee-nomor 'di 'weh, 'de or po Nyorsoa-a' 'zio, or 'nyi-uh, 'de an-a' klehkpeh, on 'na 'glee-nomor: or: ne-a 'de on 'di. :Yee' or 'da, 'An nyomor: or mu-a dih 'wla-: 'do nyor⧾: dhulu' bo,: or po-a kuo 'kpih ken, 'do a mor-: 'dekorn: Nyorsoa-: 'nyne bo, or-: 'o,: or: dhe dih. Dhih 'jeh, 'an zela a: gwluhuh', 'on: se-' 'glee-nomor 'na-: i: neheh', eh 'ye 'we-eh: Nyorsoa-a mu-a nyor⧾ wlu 'ken: korn 'ken: yeh-dih:. :Yeh on: gweh-a 'i,: yee' on ble Nyorsoa-a' 'zio: po-duh:. 'De on mu 'de 'Orle-tluh ken. :Yeh an mu-a,: yee': Yusu': wlu-' 'de on bo, or 'dae:, A-a' klehkpeh, a mu 'on 'de dih: gba. Deh no-eh, eh 'chle-eh:-' 'de Nyorsoa-a' 'chlee-deh 'di, or 'da, 'An mu 'blae'⧾-a' 'yli-eh bo 'dhu-nyor 'dba-:.: Mor 'on 'dba-or,: yee' 'blae'⧾-a mu dih: gba. 'De: Yusu' 'dae:: neheh', Jorwor:: mor 'on 'meh, 'de Nyorsoa 'ye 'de 'on: za,: yee' 'an mu a ybei': mu 'de: Galali'i-bluhba ken. 'De: Piteh' 'da,: Mor an-a' klehkpeh, on: gba: on 'de dih, 'on: se-eh': no i. 'De: Yusu' 'dae: 'de or bo, Dhih 'jeh, 'an zela: on: gwluhuh',: mor: soan'-beor 'ye zlo-a' kpor⧾ 'sororn' no, 'gwior: yor: daa,: an mu 'an dhih-' dhobo:,: on 'ye kpor⧾ taan no. :Yee': Piteh'-a' wlu: ne 'kpih ken: chio'lo:, or 'dae:, Eh-a': yeh 'dhu, mor-: 'mor-:: a: korn: a 'ye: dha: due' 'meh-dih:: sloror', 'on: se-': an-a' dhih-' dhobo: i.: Ka: Piteh' 'da-a,: yee' 'ka-: an-a' klehkpeh 'da: ke. :Yee' on mu 'de: dha an 'da-dih-a: Gehseh'mani, 'de: Yusu': wlu 'de or-a'a: bo: na-nyor⧾ bo, or 'dae:,: Mor 'on: taa 'de Nyorsoa bo wlu,: yee' a: dhe dih dha: dha: daa o. :Yeh or: taa mu,: yee' or kpa: Piteh'-:: Jororn'-: 'dekorn: 'Jeen-: 'weh.: Yeh on 'ken-dih:-a 'o dih: weh-beh:,: yee' or-a': porluh: ku kwa, 'de an 'beh-dih-or 'worn dih 'gabaa. :Yee' or zela-uh: gwluhuh', or 'dae:, 'An: porluh-a' 'worn dih 'beh-dih-eh:: daa, eh 'bhorn eh 'ye 'on 'dba. A: sie:: daa.: Yee' a 'dhu-eh 'yli-eh bo. :Yee': yeh or 'beh-dih:-a 'de dih: weh-beh:,: yee' or 'jli-: dih 'do 'bluhbor. 'De or: wlu 'de Nyorsoa bo, or 'dae:,: Mor eh gweh-eh,: yee' no-eh, 'an 'kle 'ye-ti:: daa, en 'ye zi. :Yee' or 'da, 'On-ba:,: on 'beh-dih: deh⧾-a' klehkpeh-a' no-a' 'weh.: Za 'on 'kle 'ye-eh-a' 'korbuh: daa 'kwa. Eh: se 'an ken dih 'worn-dih-deh:, jorwor:: an-a' ken dih 'worn-dih-deh:, eh-: 'ye 'dlu bo mu. :Yee' or mu 'de or-a'a: bo: na-nyor:⧾: on: ne-a taan bo-: de, 'de or: yeh-dih-uh 'mo 'da. 'De or za-uh 'nyinor-', or: wlu 'de: Piteh' bo, or 'dae:, Samor',: an 'mo-': e?: On se 'beh-dih:: on 'ye-eh' 'yli-eh bo 'dhu 'do 'yluh-buh: due' 'di: sloror': e? A 'dhu-eh 'yli-eh bo. A: wlu 'de Nyorsoa bo, 'de dih 'dhen-eh: ne-' a gla: za.: Porluh 'worn-dih-eh ken dih 'weh, jorwor: yau se 'kpih ken: ne. :Yeh or: za-a deh: daa-' 'de on bo,: yee' or mu-: de: neheh' 'do: dha or 'wluh-a, 'de or: wlu 'de Nyorsoa bo.: Ka or 'da-a bale-wlu: zai', 'ka-: or 'da: neheh'. :Yeh or 'wluh-a 'de Nyorsoa bo: wlu 'da, 'de or yi-a de,: yee' or: yeh-dih-uh 'mo 'da: dele' ka. Deh no-eh, an-a' 'yli: ku kwa.: Yee' deh on 'ye-a-': za 'de or bo, on se-eh yubo:. :Yeh or yi-a de, 'do kpor⧾-a' taan neh 'di,: yee' or: wlu-' 'de on bo: neheh', or 'dae:, A 'mo-' 'gboror:: e? 'Mo-a': gweh 'i: blaa'a:. Ti nyni 'o 'weh. A: gbee'e:. 'Yu an 'da-dih-a Nyor-kpalu-a' 'yu-a yi: plo-eh: 'da, 'de deh⧾-zon:⧾: no-nyor⧾ 'kwa. A: sorn-',: a 'ye mu. A: gbee'e:. 'Yu: or mu-a 'on nyor⧾ bo: plo-dih:, or-:: ne 'o: dha 'o,: or 'yle. :Yee': yeh: Yusu'-a wlu-a 'chio'lo:,: yee' 'do: dha: due' 'jeh: dao',: Juda': or no-a or-a'a: bo: na-nyor:⧾: on: korn-a: bhue: 'yor: ne-a 'sororn', an-a' nyor: due', or 'si-: dih, or: ya 'de nyor⧾: doru'. On 'ble: bhla 'jlehn⧾-: 'dekorn: tu⧾-: 'kwa. Nyor⧾: daa or: ya-a: 'de, on 'wluh 'de Nyorsoa-a' 'slaa:: za-nyor:⧾: klaba'⧾-: nyor⧾ 'tele': torne-nyor⧾-: 'dekorn: 'bluhba:: korn-nyor⧾-: bo. :Yee' 'yu: or yi-a: Yusu': plo 'da, or zela-uh-:: gwluhuh' see, or 'dae:, 'An mu deh 'i: po o. 'Yu 'an mu-a 'de: bhluun'⧾-' 'kpa-:,: yee' or-: 'o o. A kpon-or o. A 'dhu-or 'yli-eh bo, a 'ye-or' kpa o. :Yee': Juda' 'dhobo:, or 'koan'-dih:: Yusu'-: dih, 'de or 'da, Nyor⧾ deh: torne-nyor:.: Yeh or 'da: ao',: yee' or 'kpa 'de or: bhluun'⧾-'. :Yeh or no: ao',: yee' nyor⧾: ne: Juda' yi-a 'de, on kpon: Yusu' 'weh. :Yeh on kpon-or,: yee' 'yu: due': or: nyna-a 'o dih, or jli 'de or-a'a:: bhla 'jlehn kpla-'-: dih, 'de or po-eh, or chehn 'o Nyorsoa-a' 'slaa:: za-nyor⧾-a' nyor: klaba'-a'a: 'bhoi-yu-a': dou'. :Yee': Yusu' dhele-uh-: dih, or 'dae:,: Bhla 'jlehn⧾-: 'dekorn: tu⧾-: me-: a 'ble, 'de a yi 'on kpon 'da,: eh gweh-a: ka nyor: or yi-a 'ylii'-nyor:: kpon 'da: e? Zorn 'o zorn, 'on: ne 'de a bo, 'do Nyorsoa-a' 'sla ybei', 'an torne nyor⧾ deh, a: se 'de 'on: kpon-dih:. Jorwor: deh Nyorsoa-a' 'chlee-deh: za-a-', eh: korn eh 'ye dhih 'jeh-' 'kpa. :Yeh or 'da: ao',: yee' or-a'a: bo: na-nyor⧾-a' klehkpeh ple-', on gba-or 'de dih. :Yee' 'yu: due': or: chleh-dih:-a 'nena-yli-eh-', or-: zi 'o: Yusu' klei'. 'De on: ge-dih: 'yu: dao' bo. :Yee' or-a'a: 'yli-eh 'wluh-or-: dih, 'de or: chehn 'kpanua', or ple. :Yee' an kpa: Yusu' 'de Nyorsoa-a' 'slaa:: za-nyor⧾-a' nyor: klaba' bo,: dha Nyorsoa-a' 'slaa:: za-nyor:⧾: klaba'⧾-a' klehkpeh-: 'bluhba:: korn-nyor⧾-: 'dekorn: nyor⧾ 'tele': torne-nyor⧾-: on: gweh-dih:-a. :Yeh an mu-a,: yee': Piteh'-a na-or-: 'de: peh: peh, jorwor: or: se-uh' dih 'koan'-dih:, or: tehn-dih-uh bo dih, 'de or mu 'o Nyorsoa-a' 'slaa:: za-nyor⧾-a' nyor: klaba'-a'a: 'gbu ybei'. 'De or: dhe dih 'do neh 'i, 'do nyor⧾: an 'dhu-a 'gbu 'yli-eh bo 'bhun, 'de or 'wona. :Yee' Nyorsoa-a' 'slaa:: za-nyor:⧾: klaba'⧾-: 'dekorn: zabe:: zi-nyor:⧾: klaba'⧾-a' klehkpeh-: an 'bhorn dhih on 'ye-a' 'o: Yusu' 'dlu po, 'de on 'ye-or' 'dba, jorwor: on: se-or' dhih 'bhun 'ye. Nyor⧾: dhulu', mo-: 'dhu-dih:: Yusu' dhih ken dih, jorwor: an-a' wlu-a' 'kpa: dha: due'. Nyor⧾: noo', mo-:: sorn-',: on 'dhu-dih-or dhih ken dih, mo-: 'da, :A 'worn or-a' wlu, or 'da, or mu Nyorsoa-a' 'sla: daa: gwlor-nyor⧾ po-a ya: gba, 'de or 'ye: noror' po, 'do 'we taan 'di,: yor nyor⧾-a' son: se-a': po i. :Yeh on 'da: ao',: yee' an-a' wlu: se-': dha: due' 'kpa: chio'lo:. :Yee' Nyorsoa-a' 'slaa:: za-nyor⧾-a' nyor: klaba': sorn-' 'weh, 'de or: nyna dih 'do on ybei', or 'chleh: Yusu', or 'dae:,: On se deh 'ble,: on 'ye-': za, 'do dhih: daa on po-a 'o: on 'dlu, 'do en bo: e? Jorwor:: Yusu' no 'dhuan, or: se-': wlu.: Yee' Nyorsoa-' 'slaa:: za-nyor⧾-a' nyor: klaba' 'chleh-or: neheh', or 'dae:,: Mor: bhorlie'-Nyorsoa-a' 'yu, or 'tan-a: oo': e? 'De: Yusu' 'da, Keen'. 'Mor: oo'. 'De mor, a mu 'yu an 'da-dih-a Nyor-kpalu-a' 'yu 'ye-:, or mu 'de 'kpih: korn-Nyorsoa-a': dila-son bo dih: dhe, 'de a 'ye-or' 'ye, or 'ye 'de yi, 'de 'ni-kpan:⧾: en: ne-a 'de yai' 'nyne-'. :Yeh: Yusu': za-a deh: daa-',: yee' Nyorsoa-a' 'slaa:: za-nyor⧾-a' nyor: klaba' 'fa-dih: or-a'a:: gba 'vuu-: dih, 'de or 'dae:,: Eh: korn dhih, 'de: a 'bhorn dhih ken dih zela-nyor:⧾: noo': neheh': eh? A 'worn-ih': ka or no-a Nyorsoa-a' 'nyne 'kor-dih-eh.: Kaa a 'da: naa: eh? 'De an-a' klehkpeh chehn-or wlu 'ken, on 'da, Or: zlor 'meh-a' 'weh. :Yee' nyor⧾: noo' 'duo:: Yusu'-a': dhehmeh ya: gba-eh-' 'weh, 'de: noo' bla-or deh 'yli ken, 'de an tba-dih-or: kola'⧾ dih, an no, Po gban-wlu⧾.: Eh zi: eh zi: eh?: Or tba: on deh: eh? 'De nyor⧾: an 'dhu-a 'gbu 'yli-eh bo, an bla-or. Ti: Piteh': ne-a 'o 'gbu ybei',: yee' Nyorsoa-a' 'slaa:: za-nyor⧾-a' nyor: klaba'-a'a: 'bhoi-yu: due',: or no-a 'nynor-kpao'-yu, or yi-: 'de. :Yeh or 'ye-a: Piteh', or 'wona-a,: yee' or pobo-or-: ya 'dhuan, 'de or 'da,: An-a' 'jeh: ke, mor-:: Yusu'-:: or 'wluh-a 'Nazla, a na-dih: dha: due': dee'. Jorwor: or dhobo-ih' 'weh, or 'dae:, Deh: an za-a-', 'on se-eh 'i yubo:, 'de 'an-a' 'worn-ih' dih.: Yeh or 'da: ao',: yee' or mu 'de 'gbu worn 'i.: Yee': soan'-beor zlo-'. :Yeh or: ne-a 'o,: yee' 'nynor: dao', or 'ye-or': neheh', 'de or: wlu 'de nyor⧾: on: nyna-a 'o dih bo, or 'dae:, 'Yu: daa, an-a' nyor: due': oo': ke. :Yee': Piteh' dhobo-ih' 'weh: neheh'.: Yeh on: forn-dih:-a 'o,: yee' nyor⧾: on: nyna-a 'o dih, on 'dae:, Keen'.: Mor, an-a' nyor: due': oo'. Deh no-eh,: on no: Galali'i-yu:. :Yee': Piteh': zlehn-dih: deh, or 'dae:, Nyorsoa-a' dhih, dhih 'jeh: oo', 'an za-'. 'Nyi Nyorsoa 'ye 'on,: mor 'on 'tmo sih. 'Yu a 'da-a, 'on se-or yubo: 'jeh ka. :Yee' 'do: dha: due': dao',: soan'-beor zlo-', 'do kpor⧾-a' 'sororn' neh 'di.: Yeh: soan'-beor zlo-a, 'de jorwor:: Piteh': po-dih: dhih: Yusu': za-a-': gwluhuh' bo, or no-a,: Mor: soan'-beor 'ye zlo-a' kpor⧾ 'sororn' no,: an mu 'an dhih-' dhobo:, 'do kpor⧾ taan 'di.: Yee': Piteh': wa worn, or 'vin-'. Zorn bo-mlai',: yee' Nyorsoa-a' 'slaa:: za-nyor:⧾: klaba'⧾-: 'bluhba:: korn-nyor⧾-: nyor⧾ 'tele': torne-nyor⧾-: 'dekorn: zabe:: zi-nyor⧾-a' klehkpeh-: on pa 'slan. 'De on san: Yusu', on kpa-or 'o Pale' ybei', 'de on za-or 'kwla. :Yee' Pale' dhele-or-: dih, or 'dae:,: Mor 'o: or 'dhu: Jueh'-nyor⧾-a' 'keen-': e?: Yeh or 'da: ao',: yee': Yusu': wlu-', or 'dae:,: Ka: on 'da-a, 'ka-: 'o eh: ne. :Yee' Nyorsoa-a' 'slaa:: za-nyor:⧾: klaba'⧾ po-or dhih: dhulu' 'dlu. 'De Pale' dhele-or dih: neheh', or 'da,: On: se-': wlu i: e? Pobo: dhih: dhulu' an po-a 'o: on 'dlu ya. Jorwor: or: se-': wlu: chio'lo:. Eh-: no-eh, 'de Pale'-a': porluh 'ma. :Yee': mor 'Meh-a': bla-dih: 'dlu dih-gor-a' ti: taa 'o nyni, zon 'o zon,: yee' Pale'-a za 'de: kasue 'di, nyor: due',: yor: Jueh'-nyor⧾-a 'yba-a. :Yee' 'yu: due' an 'da-dih-a: Bala'ba, or-:: ne 'de: kasue 'di. Ti or: ne or 'bei': bla-dih:-a 'gomla worn, 'de on 'dba-a nyor⧾, 'do: wor on: po-dih-or 'de. :Yee' nyor⧾: doru': dao', on mu 'de Pale' bo, 'de on dhele-or dih or 'ye deh or no-a,: mor 'Meh-a': bla-dih: 'dlu dih-gor-a' ti: taa 'o nyni, or 'ye-eh' no. :Yeh on dhele-or dih,: yee' or 'da, A 'bhorn 'on 'ye: Jueh'-nyor⧾-a'a: 'keen dih 'tali: 'do a bo, or 'ye mu: e? Deh: korn-a dhih or dhele-uh-a deh: daa dih, eh-: 'dhu, or yubo-eh': ka eh 'dhu-a: gwlehehn'-',: eh no-eh, 'de Nyorsoa-a' 'slaa:: za-nyor:⧾: klaba'⧾: za-a: Yusu' 'kwla 'de or bo. Jorwor: Nyorsoa-a' 'slaa:: za-nyor:⧾: klaba'⧾ 'dhu-dih: nyor⧾: dao'-: worn 'gabaa, on 'ye: Bala'ba 'yba 'de or bo, or: ne-': Yusu' dih 'tali:. 'De Pale' 'da: dele' ka,: Yee' 'yu: daa a 'da-dih-a: Jueh'-nyor⧾-a' 'keen,: kaa 'on 'ye or-a' dhih no: eh? :Yee' an po 'geh⧾, an no,: Kor-dih-or 'o tu 'i o. 'De or 'da,: Eh: korn dhih: eh?: A 'ye deh-zon: or no-a 'dee.: Yeh or 'da: ao',: yee' an-a' 'geh⧾: po-eh 'kpa 'de de dih, an no,: Kor-dih-or 'o tu 'i o. :Yee': ka or 'bhorn-a or 'ye-a' nyor⧾: doru': dao' an-a': porluh⧾ dih 'pehn-dih:,: yee' or: za 'de: Bala'ba 'de: kasue 'di 'weh, 'do on bo. 'De or no-eh, or-a'a: sorye' bla: Yusu', 'de or za-or 'kwla, on 'ye-or' 'o tu 'i: kor-dih:. :Yeh Pale': za-a: Yusu' 'kwla,: yee' sorye': dao', on kpa-or 'o Pale'-a'a: 'sla ybei', 'de on gweh on 'bei' sorye'-a' klehkpeh de. :Yee' on: pa-dih-or': gba 'vuu:: on: kpe-a gbor. On gle 'wu⧾-a' 'gbeheh:,: ka 'keen: gblaa': ne-a, eh-: on 'dhu 'o or 'dlu. 'De an tba-dih-or son⧾ 'i, an no,: Gwle 'kmo o,: Jueh'-nyor⧾-a' 'keen. :Yee' an bla-dih-or sene'eh 'dlu, an gba-or: dhehmeh ya, 'de an bla 'koor-dlu⧾ 'yi glu, 'do or 'zorn, on 'da an 'ye-or' deh. :Yeh on gweh-a or-a': goba'-dhih ken dih 'wluh-dih-eh 'i,: yee' on za-or: gba 'vuu:: dao'-: dih, 'de on: pa-dih-or or-a' 'jeh-a'a: 'tiei-', on kpa-or, on 'ye-or' 'o tu 'i: kor-dih:. :Yeh an mu-a,: yee' 'do: gwie 'i, 'do: wor on: yeh-dih: 'yu: due' ken, an 'da-dih-a Samor': or 'ti-a: Sali'na-gwlor 'di: dee', 'de: or no-a 'Ehleza'na-: 'dekorn: 'Wlufor-: on: baa'. Or 'wluh 'de: gbalie 'i, or zi-': dee'. Or-a' 'jeh: dao', or-: on: kpa-dih: 'kpih,: or 'ye: Yusu'-a'a: 'klorse tu 'ble 'do or bo. 'De on kpa: Yusu' 'do: dha an 'da-dih-a: Gorgor'ta,: eh: bleh-dih:-a 'i, Nyor-dlu-kpaa'-tluh:. :Yeh on nyni-a 'o,: yee' on 'nyi-or nomor on po-a 'mina bo,: en pa-dih-a nyor⧾-a' ku 'dli-', or 'ye 'na, or: ne-' or-a' ku worn yubo:, jorwor: or: se-or' 'na. :Yee' on: kor-dih-or 'o tu 'i. 'De on vorn: nobo, on 'ye deh nyor: due'-a mu-a: kpa yubo:. 'Ka-: on no or-a'a: paa-tiei-a' gble-a'. :Glaa'e-yluh bo: oo', on: kor-dih-or 'o tu 'i. Deh: korn-a dhih on 'dba-or, eh-: on 'chle 'do 'klorse tu 'i, on 'da,: Jueh'-nyor⧾-a' 'keen: oo'. :Yee' 'ylii'-nyor⧾ 'sororn', mo-:: ne or: kor-dih-eh: 'o tu 'i,: dha: due'.: Due': ne 'de or-a': dila bo, 'de: due': ne 'de or-a' kona bo. [ :Yee' Nyorsoa-a' 'chlee-deh 'kpa-' dhih 'jeh,: eh no-a, An mu-or 'tele': wa-nyor⧾: zlo-dih:.] :Yeh nyor⧾: an zi-a, on 'ye-or,: yee' an du 'dlu⧾ 'i, an wla-dih-or', an no,: Ehn 'hehehn:.: Mor,: or no-a: or mu-a Nyorsoa-a' 'sla ya: gba, 'de: or 'ye-or' po: neheh', 'do 'we taan 'di, :za-dih:: an-a' 'jeh-',: on 'ye 'dhle,: on 'ye 'o tu 'i 'wluh. 'Ka-: Nyorsoa-a' 'slaa:: za-nyor:⧾: klaba'⧾-: 'dekorn: nyor⧾ 'tele': torne-nyor⧾-: an no, an wla-dih-or 'de an-a' 'jeh 'nyne-', on 'da, Or 'puh-dih: nyor⧾, jorwor: or se or-a' 'jeh-a' 'puh-dih-eh 'beh-dih:. 'Nyi Nyorsoa-a' 'taan'-yu: or 'dhu-a 'Ezlea-nyor⧾-a' 'keen-', or 'dhle, or 'wluh 'o tu 'i: naa,: a 'ye-eh' 'ye.: Mor: a 'ye-eh,: yee': a mu-or dhih 'jeh-': po.: Yee' nyor⧾: on: ne: Yusu': kor-dih-eh: 'o tu 'i,: dha: due', mo-:: an po-or wlu⧾ 'bhun dih: ke. :Yee': yeh eh no-a 'yluh-gbao',: yee' glu-tile gor-' 'do 'bluhba-dlu:: dao', an-a' klehkpeh ken, 'de eh: yeh-dih: 'gwie-yluh bo ken. :Yeh eh no-a 'gwie-yluh bo,: yee': Yusu' po 'geh, or 'dae:, 'Iloi:, 'Iloi:, 'dama:: sabata'ni:,: eh: bleh-dih:-a 'i, 'An Nyorsoa, 'an Nyorsoa,: eh: korn dhih 'de: an za 'on 'yli-eh dih: eh? :Yee' nyor⧾: on: nyna-a 'o dih, an-a': noo': on 'worn-ih'-a, on 'da, A: to: dou'⧾, or wele: Ila'yor:. :Yee' an-a' nyor: due' kpa ple-a', 'de or mu, or po: fuu'u 'de 'dli-': pa-nomor bo, 'de or 'dhu-uh 'o tu 'i, or 'tuh-uh 'o: Yusu' worn 'i, or 'ye-or' 'na.: Yeh or 'tuh-uh-a 'o,: yee' or: wlu-', or 'dae:, A 'bor, a 'nyi,: a pobo: 'o,: eh beh: Ila'yor-a mu 'de: yi, or 'ye-or' 'o tu 'i: za: eh? :Yee': Yusu' po 'geh, 'de or chehn: febeh' 'i. :Yeh or 'meh-a,: yee' 'yli-eh: on po-a yai' 'de Nyorsoa-a' 'sla 'zorn, eh 'klae: dih, eh 'wluh 'for⧾ 'sororn'. Eh: za 'de dih 'klae-eh 'dlu bo, 'de eh nyni 'de eh-a' 'zorn ne. :Yee': yeh sorye'-a' nyor: klaba': or pobo-a: Yusu' ya, or 'ye-a: ka or no-a: febeh' 'i: chehn-eh,: yee' or 'da, Keen', dhih 'jeh, 'yu: daa, Nyorsoa-a' 'Yu: oo'. :Yee' 'nynor⧾-kpao'⧾: on: ne-a 'o, 'de: an pobo-a 'de, 'de on 'klu-', 'do: wor: Mehle': or 'wluh-a: gwlor an 'da-dih-a: Magala'-:: Salo'mi-: 'dekorn:: Mehle': or 'wluh-a 'Jeen: 'zeehn-:: korn: Jose'-: on: ne. 'Nynor⧾-kpao'⧾: daa, an zi 'o: Yusu' klei', 'de an za-dih-or', ti or: ne-a: Galali'i: dee'.: Yee' 'nynor⧾-kpao'⧾: dhulu': noo': on zi-a 'o or klei', ti or yi-a: Julu'slehn, mo-:: ne 'o: ke. :Yee' eh no Nyorsoa-a': gwlee-we-eh-a' 'tiei-a' 'kpa: po-zorn:,: yeh eh 'ye-a' 'gwie-yluh bo no, :yee' 'Joseh:: or 'wluh-a: gwlor an 'da-dih-a Amati'a 'di,: or no-a: Jueh'-nyor⧾-a' zabe:: zi-nyor, nyor⧾-a 'ye-a deh-',: or fuo-a ti Nyorsoa-a mu-a nyor⧾ wlu 'ken: korn 'ken, or-:: ku: gwluhuh',: or mu 'de Pale' bo,: or dhele-or dih, or 'ye-or': Yusu'-a' 'ku 'nyi. :Yeh or 'da: ao',: yee' eh 'gele: Pale'-: dih: ka: Yusu' 'meh-a, 'de or 'da sorye'-a' nyor: klaba', or dhele-or dih: eh beh or 'meh 'jeh ka: eh? :Yeh sorye'-a' nyor: klaba' zela-or: gwluhuh': ka: Yusu' 'meh-a,: yee' Pale' zela: 'Joseh-:: gwluhuh' or 'ye or-a' 'ku kpa. :Yee' 'Joseh dhen 'nena-yli-eh:, 'de or: za 'o: Yusu'-a' 'ku 'do tu 'i, or bhian-dih-uh 'yli-eh:: dao' kle-' dih, 'de or po-uh 'de nma-dih-deh:: eh no-a 'soba 'di.: Yee' or klibo: sobu', mo-: or no, 'de or kan 'o nma-dih-deh worn 'i. :Yee': Mehle': or 'wluh-a: Magala'-: 'dekorn:: Jose' 'de: Mehle'-: on 'ye: dha on 'pehn-dih:-a or-a' 'ku dih 'weh. :Yee': yeh Nyorsoa-a': gwlee-we-eh zi-a,: yee': Mehle': or 'wluh-a: Magala'-:: Salo'mi-: 'dekorn:: Mehle': or 'wluh-a 'Jeen-:: yee' on dhen 'chlan: or po-a 'no 'jeh no, on 'ye-or': Yusu'-a' 'ku 'dhu. 'Doror'-dlu-a': zai'-we-eh: an 'da-dih-a 'Sorle, 'do eh-a' zorn bo-mlai'-we-eh 'di,: yeh 'yluh-a 'wluh-a 'kwla,: yee' an mu 'de or-a' nma-dih-deh bo. :Yeh an mu-a,: yee' an polo dhih, an no,: Or mu sobu': dao' klibo:,: or 'ye-uh' 'o nma-dih-deh worn 'i: za, 'do: a bo: eh? :Yeh on nyni-a 'o, 'de on pobo:-a 'o,: yee' on 'ye sobu': kolu': dao', on klibo-eh: 'for bo. :Yeh an pa-a 'de nma-dih-deh 'di,: yee' on 'ye 'yu: due', or-:: dhe dih 'do: dila bo ka, or-: pa: gba 'vuu-plu-'.: Yeh on 'ye-or,: yee' deh 'wla 'de on 'di dih. 'De or: wlu 'de on bo, or 'dae:, A 'bor,: fano:: ple-eh. 'On yubo-eh': Yusu': or 'wluh-a 'Nazla, on: kor-dih:-a 'o tu 'i, or-: 'o, a 'bhorn 'kwla⧾-' dih. Or se: daa: ne, or: sorn-' 'weh. A pobo:: dha on 'pehn-dih-or dih: dee' ya. A mu, a 'ye: Piteh'-: 'dekorn: or 'bei' bo: na-nyor⧾-:: gwluhuh' zela:: ka or mu-a on ybei' 'de: Galali'i-bluhba ken, 'do: wor an mu-or 'ye-dih:,: ka or no-a eh-a': za-a'. :Yeh on 'worn-ih'-a,: yee' on: za 'de nma-dih-deh worn 'i ple-a', 'de on mu. Deh on 'ye-a' no, on se-eh yubo:, 'de an-a' 'tiei-a tleh. 'De mor on: se 'de nyor-beh bo: wlu, deh no-eh,: fano 'yi-dih-uh-: dih. [ Ti: Yusu': sorn-a-' 'do 'doror'-dlu-a': zai'-we-eh an 'da-dih-a 'Sorle 'di, zorn bo-mlai', 'do: wor or 'wluh-dih:: Mehle': or 'wluh-a: Magala' 'i, 'nynor or: za-a 'kwla 'ye-dih-deh⧾: meheh' 'sorn 'de: dee'. :Yeh: Mehle' 'ye-or,: yee' or mu-', 'de or zela: nyor⧾: ne: Yusu'-a na-a: dee': gwluhuh',: an 'zlu-a, 'de: an 'vin-a. :Yeh on 'worn-ih'-a: ka: Yusu': ne-a 'kmo, 'de: Mehle' 'ye-or,: yee' on: se-ih' dhih 'jeh-' po. :Yeh ti: zi-dih:-a 'o ken dih,: yee': Yusu' 'wluh-dih: an-a' nyor⧾ 'sororn'-: 'i, 'de: ka: noror' 'di, ti an 'wluh-a 'o: gwlor-'. :Yeh on yubo-eh: ka eh 'dhu-a: Yusu'-',: yee' on mu-: de, 'de on zela: on 'bei': yuh: sie:-a 'o: gwluhuh', jorwor: on 'bei': dao', on: se-ih' dhih 'jeh-' po: ke. :Yeh kpor 'pehn-a 'o dih,: yee': Yusu' 'wluh-dih: or-a'a: bo: na-nyor⧾-a': bhue: 'yor-eh: ne-a: due'-: 'i, ti an di-a deh.: Yee' or: wlu-' 'de on bo, deh no-eh, an-a' 'dlu⧾: kmu-', 'de on: se-' nyor⧾: on 'ye-or ti or: sorn-a-', an-a' wlu dhih 'jeh-' po. 'De or: wlu 'de on bo, or 'dae:, A mu 'bluhba⧾-a' klehkpeh ken dih, a 'ye Nyorsoa-a' tubo-wlu:⧾ 'jeh po 'de: gwlor-nyor⧾-a' klehkpeh bo. Nyor: or po-ih-a dhih 'jeh-', 'de: or: po-a 'ni 'dlu,: yee' or mu 'puh-:, jorwor: nyor: or se-a dhih 'jeh-' po,: yee' or mu gbe: zie:. Nyor⧾: on po-ih-a dhih 'jeh-',: yee' an mu 'kpih 'ble-: on 'ye nyor⧾ 'di dih 'ma-dih-deh⧾ no. An mu nyor⧾ 'kwla 'ye-dih-deh⧾ 'de: za, 'de 'an 'nyne 'di,: yee' an mu wlu⧾: dele': po. :Mor on kpon sehn dih, eh: se-uh' deh-': no-dih: i.: Mor on di: nyor⧾ 'dba-deh, eh: se-uh' deh-': no-dih: i: ke. An mu puhba-nyor⧾ son⧾ ken dih: tba,: yee' an mu 'puh-:. :Yeh: Gwlor: baa': Yusu' gweh-a 'de an-a' bo: wlu-eh 'i,: yee' Nyorsoa 'duo-or' 'weh, 'de or kpa-or 'de or 'bli yai', 'de or: dhe dih 'do or-a': dila-son bo. :Yeh or mu-a,: yee' or-a'a: bo: na-nyor⧾-a mu deh⧾-' dih, an po Nyorsoa-a' tubo-wlu⧾.: Yeh an po-ih-a,: yee': Gwlor: baa': yi-dih-uh-', 'de or: ne an no-dih: koan: dha: due'. Or: to-dih-eh nyor⧾ 'i: ka or-a' tubo-wlu:⧾ on po-a, en: se-a sih, 'do nyor⧾ 'di dih 'ma-dih-deh:⧾ an no-a, 'do en-' dha.] :Yee' nyor: klaba': Tiofelor', 'mor 'ye: on. Nyor⧾: dhulu', mo-: po 'de an-a' 'kpih,: on 'chle deh⧾: en: no-eh 'noror: a 'klu-'. On 'chle deh⧾: a 'worn-a 'de nyor⧾: yuh: korn-a 'yli 'ye-a: Yusu' 'kwa,: eh 'wluh-a 'de eh-a' glu 'dhu 'da, 'de: an po-a Nyorsoa-a' tubo-wlu⧾. :Yee': ka 'an 'jeh: ke, 'on pobo:-a 'de deh⧾-a' klehkpeh: daa 'di deh 'jeh,: eh 'wluh-a 'de eh-a' glu 'dhu 'da,: yee' 'an 'jeh 'yor-eh, 'on 'da, eh mu 'yi dih: nmor, 'on 'ye-ih': on bo 'chle,: ka en no-a 'dlu bo: mu-eh: due',: due'. 'On no-eh', nyor: klaba': Tiofelor', :on 'ye-eh' yubo:,: ka deh⧾-a' klehkpeh nyor⧾ zela:: on: gwluhuh', 'de en 'dhu-a dhih-a' 'yor-eh-'. :Yee' ti 'Keen: Hehlo': korn-a: Judi'a-bluhba wlu 'ken,: yee' Nyorsoa-a' 'slaa:: za-nyor: due', an 'da-dih-a 'Zehkorwlaya', 'do: wor or: ne. Or no Nyorsoa-a' 'slaa:: za-nyor⧾-a' kpor: noo'-a' nyor: due',: yuh: korn-a: klaba': Aba'ya no-a: dee'. Or-a'a: 'nynor Lespeh': ke, or no Nyorsoa-a' 'slaa:: za-nyor:: klaba' Elorn' 'di-a' 'yu: ke. Nyor⧾ 'sororn': dao', an-a' klehkpeh, on no 'yi 'sleh-nyor⧾ 'do Nyorsoa ybei', 'de on dhe 'o or-a' 'tele'⧾-a' klehkpeh dih 'tene': kpeen:,: en se-a 'klii'-deh 'bhun: ne. Jorwor: on se 'yu 'wluh. Deh no-eh, Lespeh': sie:: zlama:, 'de mo-:: ne-a 'sororn', on ne-' 'gabaa: ke. Eh: korn 'we-eh: due',: yee' eh no ti 'Zehkorwlaya'-a' nyor⧾ 'ye an-a'a:: koan no, 'de Nyorsoa-a' 'sla 'zorn.: Yeh an no-a: koan,: yee' or no or-a'a: 'slaa:: za: koan: 'do Nyorsoa ybei': ke. :Yee' 'ka-: Nyorsoa-a' 'slaa:: za-nyor⧾-a no: aa, 'do ti-a' klehkpeh bo. An po: nobo:, 'de an za nyor, or 'ye Nyorsoa-a' 'slaa:: za: koan no. Eh-: on no 'do 'we-eh:: dao' 'di, 'de 'Zehkorwlaya'-a': nobo 'wluh. 'De or pa 'de: Gwlor: baa'-a' 'sla 'zorn, or 'ye deh⧾: en po-a 'no 'jeh no 'yli po, 'do 'slaa ken: za-dih-deh ken. :Yeh ti nyni-a 'o, eh 'ye-a': no-eh:,: yee': Jueh'-nyor:⧾: doru',: on 'kpa-a: dha: due' 'de 'zorn, an wlu 'de Nyorsoa bo. :Yee': Gwlor: baa'-a' 'enjor: due', or-: 'wluh-dih: 'Zehkorwlaya' 'i, or-:: nyna dih 'do 'slaa ken: za-dih-deh-a': dila-for bo. :Yee': yeh 'Zehkorwlaya' 'ye-or,: yee' eh 'gele-or-'-: dih, 'de: fano-a no-or. Jorwor: 'enjor:: dao', or: wlu-' 'de or bo, or 'dae:, 'Bor: fano:: ple-eh, 'Zehkorwlaya'. Deh no-eh, Nyorsoa 'worn: an-a' bale-wlu 'weh.: An-a'a: 'nynor Lespeh'-a mu nyor-kpalu-yu 'wluh-:,: yee': on: korn: on 'ye or-a' 'nyne: Jororn' 'da-dih:. :An-a': porluh-a mu dih 'pehn-:,: on 'ye 'mona-' 'kpa, 'do or-a' dhih bo.: Yee': gwlor-nyor:⧾: dhulu'-a mu 'mona-' 'kpa-:,: mor or 'wluh. Deh no-eh, or mu nyor: no, or-a' dhih 'ye 'i 'beh 'do: Gwlor: baa' ybei'. 'De or se: korn or 'ye 'mene-nomor-: 'dekorn: 'yi: kma-nomor-: 'na. 'De or mu Gban 'i: ne: Zulu-' dih 'yi-dih:, 'de jorwor: or 'ye 'wluh: sloror'. Or mu-eh: no, 'de 'Ezlea-nyor:⧾: dhulu' 'ye 'noror an-a': Gwlor: baa' Nyorsoa bo de 'bili:. Or mu: Gwlor: baa' ybei': mu, 'de Nyorsoa-a' wele-eh:: po-nyor:: Ila'yor-a' tu-: 'dekorn: 'kpih-: 'di, 'de or 'ye: bai'-a': porluh⧾-' dih 'bili: 'de an-a'a: 'nynuu bo. 'De or mu nyor⧾: an-a' dhe-a 'o Nyorsoa-a' 'tele' dih, or mu-uh' dih 'bili:, 'de on 'ye: toror': or 'yi 'sleh-nyor⧾-a 'ble-a 'ble. Or mu-eh: no, or 'ye nyor⧾ 'kpa po 'do: Gwlor: baa' bo. :Yeh 'enjor 'da: ao',: yee' 'Zehkorwlaya' dhele-or-: dih, or 'da,: Yee': kaa 'an mu eh-a' yubo-eh: no: eh,: eh: mor eh mu: no: eh? Deh no-eh, 'on ne-': naa, 'de mor 'an-a: 'nynor ne-': ke. :Yeh or 'da: ao',: yee' 'enjor:: dao', or: wlu-' 'de or bo, or 'dae:, 'Mor 'Gebleh: 'o,: or: nyna-a 'o Nyorsoa ybei' dih. Or dbo 'on 'weh, 'on 'ye 'de: on bo: wlu, 'on 'ye tubo-wlu:⧾ 'jeh: daa: on: gwluhuh' zela:. :Gbee'e:. Deh⧾ 'an 'da-a, en mu dhih 'jeh-' 'kpa-:,: mor en-' ti: taa 'o nyni. Jorwor:: ka: on se-a 'an tubo-wlu:⧾: daa dhih 'jeh-' po,: yee' 'do eh-a' dha,: an mu 'bobo': no, 'de: on: se-': wlu i: chio'lo:, eh 'ye 'we-eh: deh⧾: daa, en mu-a: no-eh ken: yeh-dih:. :Yee': yeh an no: ao',: yee' nyor⧾-a fuo 'Zehkorwlaya' 'weh, 'de an 'chihleh-eh 'i, deh or: gwle-a 'de Nyorsoa-a' 'sla 'zorn. :Yeh or 'si-a 'zorn,: yee' or se 'de on bo: wlu-eh 'beh-dih:. 'Do eh-a' dha, on yubo-eh',: ka or-a' 'yli-eh 'kpa-a deh 'i, 'de 'gbu 'zorn.: Yee' or no son⧾, or po deh⧾ 'i 'de on bo. Jorwor: or se wlu-a' 'beh-dih:: chio'lo:. :Yee': yeh or-a'a: Nyorsoa-a' 'sla-a': koan-a' 'we: gweh-a 'o dih,: yee' or mu or 'bli-: de. :Yeh ti: zi-dih:-a 'o ken dih,: yee' or-a'a: 'nynor Lespeh': ne-' 'kwli.: Yee' or: se-' 'zorn 'si, 'do 'chuh⧾: mm' 'di. Or 'da,: Gwlor: baa': oo',: or no deh: daa 'do 'on bo. Or po 'on mla bo: naa, or: za 'on dhen ybei', 'de: gwlor-nyor⧾ 'klu-'. :Yee' 'do Lespeh'-a' 'kwli-a' 'chuh-a': meheh'lo: no 'di, 'do: wor Nyorsoa: dbo-dih: or-a'a: 'enjor: 'Gebleh, 'de 'Nazla-gwlor:: or: ne-a 'de: Galali'i-bluhba ken. Or dbo-or' 'de 'nynor-kpao'-yu: due',: or se-a nyor-kpalu-dhih yubo: bo,: or 'dhu-eh 'sehn 'dlu nyor-kpalu: an 'da-dih-a 'Joseh,: or no-a 'Keen: Debe' 'di-a' 'yu, or 'ye-a': korn. 'Nynor-kpao'-yu:: dao', or-a' 'nyne: wor: Mehle'. :Yeh 'enjor:: dao', or yi-a 'o or bo,: yee' or 'dae:, 'On: yeh-dih:: on 'weh o, 'nynor-kpao'-yu:,: mor: Gwlor: baa' po-a mla bo 'gabaa. Or: ne 'o: on bo 'weh. :Yeh: Mehle' 'worn-a deh: daa or: za-a-',: yee' or-a': porluh-a 'beh-dih-or 'worn dih 'gabaa, 'de or 'chihleh-eh 'i, deh 'enjor:: dao', or-a' wlu 'dhu-eh. Jorwor: 'enjor:: dao', or: wlu-' 'de or bo, or 'dae:, 'Bor: fano:: ple-eh,: Mehle'. Deh no-eh, Nyorsoa-a': porluh 'pehn-: dih 'do: on bo. :Gbee'e:.: An mu 'kwli-': ne, 'de: on 'ye nyor-kpalu-yu 'wluh.: Yee': an mu or-a' 'nyne: Yusu' 'da-dih:. Or-a' dhih-a' 'i 'beh-a' mu 'o 'dlu dih: zi. 'De or mu 'yi 'beh-Nyorsoa-a' 'Yu 'da-dih-eh:.: Yee': Gwlor: baa' Nyorsoa-a mu-or or: bai'-a': baa': Debe'-a' 'keen: kpala' 'kwla: za-dih:. :Yee' or-: mu 'Jekor 'di wlu 'ken: korn,: ka ti-a mu-a 'dlu-': tehn, 'de or-a' nyor⧾ wlu 'ken: korn-eh: se-' 'dlu-': jla i. :Yeh or 'da: ao',: yee': Mehle' dhele-or-: dih, or 'da,: Yee': kaa deh: daa, eh mu: no, 'de eh 'ye: no-eh: eh, 'on se-a nyor-kpalu-dhih yubo:? 'De 'enjor 'da, Gban 'i: ne: Zulu-a mu: on: ne. 'Yi 'beh-Nyorsoa-a' 'kpih-a mu: on ken: yi. Deh: daa, eh-:: korn dhih, 'de gban 'i: ne-yu:: or mu-a 'wluh-:, or mu Nyorsoa-a' 'Yu 'da-dih-eh:. :Gbee'e:.: An-a' 'wluh-a-nyor: Lespeh'-a mu 'yu 'wluh-:: ke, keen': mloror', or ne-'. An 'da-dih-or: zlama:: sie-nynor:. Jorwor: or: ne-' 'chuh⧾: meheh'lo-kwli:: naa. Deh no-eh, Nyorsoa 'beh-dih: deh⧾-a' klehkpeh, en-' no-a' 'weh. :Yeh or 'da: ao',: yee': Mehle': wlu-' 'de or bo, or 'dae:,: Gbee'e:. 'Mor: Gwlor: baa'-a' 'bhoi-yu: 'o. 'Nyi eh: ne: ao', 'do 'on bo,: ka: on no-a eh-a': za-a'. 'De 'enjor:: dao', or 'wluh 'o or bo, or mu. :Yee': yeh ti-bei: zi-dih:-a 'o ken dih,: yee': Mehle' po or-a'a: 'tiei 'kpa, 'de or 'dhobo:, or mu 'de gwlor: due',: or: ne-a 'de tluh⧾ 'nyne 'di, 'de: Judi'a-bluhba ken. :Yeh or nyni-a: gwlor-',: yee' or mu 'de 'Zehkorwlaya' 'bli 'gbu, 'de or po Lespeh' 'yluh fan-'. :Yeh Lespeh' 'worn-a: Mehle'-a' 'yluh fan-': po-wlu:: dao',: yee' 'yu-a mu yaa'e dih 'de or 'di.: Yee' Gban 'i: ne: Zulu 'yi-dih: Lespeh'-'-: dih. Or po 'geh, or 'da, Nyorsoa po: on: bhorlie' bo 'weh 'gabaa, 'de 'nynor⧾-kpao'⧾-a' klehkpeh 'nyne-'. 'De 'yu: an mu-a 'wluh-:, or: po-eh:: bhorlie' bo: ke. Deh 'i-deh-nyor: 'on 'dhu-eh:-', 'de 'an-a:: Gwlor: baa' 'de-a yi 'noror 'on bo: eh? :Gbee'e:,: Mehle'.: Yeh 'on 'worn-a: an-a' 'yluh fan-': po-wlu,: yee' 'do: dha: due': dao', 'yu: ne-a 'noror 'on 'di, or mu yaa'e dih, 'de 'mona: ka 'di. :Yee': bhorlie' 'do: on bo. Deh no-eh,: on po-eh-a' dhih 'jeh,: ka deh: korn-a dhih: Gwlor: baa' po-a wlu: dhama'-', eh mu-a dhih 'jeh-' 'kpa-: 'do: on bo. :Yee': Mehle': wlu-', or 'dae:, 'An 'beh-dih: Gwlor: baa'-a' 'nyne-: 'i, 'do 'on: porluh ken. :Yee' 'mona: 'kpa 'de 'on 'di, 'do Nyorsoa: or 'dhu-a 'an 'puh-dih-nyor-', or-a' dhih bo. Deh no-eh, or: se-' 'an dhih bo 'ma-dih:, 'mor: or 'dhu-a or-a'a: 'bhoi-yu-',: or: korn-a 'nyne se-a 'i 'beh.: Gbee'e:.: Eh 'wluh-a dha 'zean'-zorn:: daa 'bli,: ka ti-a mu-a 'dlu-': tehn, nyor⧾-a' klehkpeh, an mu 'on: bhorlie'-nynor 'da-dih:. Deh no-eh, 'kpih 'ble Nyorsoa no deh⧾: kolu'⧾ 'do 'on bo. Or-a' 'nyne: ne 'i gban. :Eh 'wluh-a 'de: a: bai'-a': bai' bo,: eh mu-a 'de 'nynuu-a' 'nynuu bo, nyor⧾: an ple-a or-a': fano, mo-: or 'ye: wehlih-'. Or-a' 'kpih, me-: or no, 'de or no deh⧾: kolu'⧾, or gboba: nyor⧾ dih: an 'beh-dih-a an-a' 'jeh 'i 'do an-a' 'dlu 'di dih: na-dih-deh⧾ bo. Or: za nyor⧾ wlu 'ken: korn-nyor⧾ kpala'⧾ ken dih. 'De or 'duo: nyor⧾: on se-a 'nyne: korn ya-'. Or 'nyi nyor⧾ 'moeh-a no-a, dii-deh:⧾ 'jeh, 'de on dbo. Jorwor: nyor⧾: on bhan-a, or dbo-uh-: de, or: se-uh' deh 'nyi. Or: za-dih: or-a'a: 'bhoi-nynuu:: on 'dhu-a 'Ezlea-nyor⧾-' 'weh. Deh no-eh, or: se-' or-a': wehlih:: korn-eh bo 'ma-dih:, 'do 'Eble'hehn-: 'dekorn: or-a' 'nynuu-a' 'nynuu-: an-a' dhih bo,: ka ti-a mu-a 'dlu-': tehn,: ka or no-a wlu: dhama'-': po-eh 'do: a: bai'-a': bai' bo. :Yee' ti: Mehle' no-a 'de Lespeh' bo, en 'beh-dih: en 'ye 'chuh⧾ taan no, 'de jorwor: or mu or 'bli de: mu. :Yee': yeh Lespeh'-a': gbano:: za-ti nyni-a 'o,: yee' or 'wluh nyor-kpalu-yu:. :Yee' nyor⧾: ne or 'ti-a: dha: due'-: 'dekorn: or-a'a: 'wluh-a-nyor⧾-:: yeh on 'worn-ih'-a: ka: Gwlor: baa' no-a or-a': wehlih 'ye-eh 'gabaa,: yee' on 'kpa-or: bo, 'de an no 'mona. :Yee' 'do 'we-eh-a': meheh' na neh 'di, on yi-: 'de, on 'ye 'yu: bhlororn' 'dba, 'de on 'ye-or 'Zehkorwlaya'-nyne 'dhu-dih:,: en 'dhu-a or: baa'-a' 'nyne-'. Jorwor: or 'de 'da, 'Kei:, or mu: Jororn'-nyne 'da-dih-eh:. :Yeh or 'da: ao',: yee' on: wlu-' 'de or bo, on 'dae:,: On se nyor 'ble 'do: on 'bli 'cheh 'i, or se: Jororn'-nyne 'ble. 'De on po deh⧾ 'i, on dhele: 'yu: baa' dih, 'nyne-a': yih or mu-a: ybeh or-a'a: 'yu 'ye-a 'dhu. 'De 'Zehkorwlaya' po deh⧾ 'i, on 'ye-or' deh or 'ye-a' ken dih 'chle 'nyi. 'De on 'nyi-eh or, 'de or 'chle 'o eh ken, or 'da, Or-a' 'nyne: wor: Jororn'.: Yeh nyor⧾-a' klehkpeh: daa, on 'ye-eh,: yee' eh: florn-dih-uh-: worn. :Yee' 'do: dha: due': dao', 'do: wor or-a' worn kan-dih: 'i, 'de or-a': meo: chehn dubu', 'de or 'kpa 'o Nyorsoa-a' 'nyne ya: po 'da. :Yee': fano 'kpa 'de nyor⧾-a' klehkpeh: on: ne on 'ti-a: dha: due' 'di 'weh. 'De deh⧾: daa,: en: no-eh, 'de: gwlor-nyor⧾-a kpa en-' 'nyne: Judi'a-bluhba ken dih, or-a' 'for: yor: ne-a 'de tluh⧾ 'nyne-'. :Yee' nyor⧾-a' klehkpeh: on 'worn-ih'-a, an 'chihleh-eh-: 'i, 'do on: porluh⧾ ken, an no,: Yee': kaa 'yu: daa or-a' dhih-a mu-': ne: eh? Deh no-eh, 'de an za-a deh⧾: daa-', Nyorsoa-a' 'kpih, me-:: ne 'o or bo. :Yee': Jororn': baa' 'Zehkorwlaya' 'yi-dih: Gban 'i: ne: Zulu-'-: dih, 'de or po Nyorsoa-a' wele-eh, or 'dae:, A po 'Ezlea-nyor⧾-a': Gwlor: baa' Nyorsoa-a' 'nyne ya. Deh no-eh, or yi-: 'de, 'de or zelie: or-a'a: nyor⧾. Or 'nyi: a nyor: or 'ble-a 'kpih, 'de: or no-a: a-a' 'puh-dih-nyor,: or 'wluh-a 'o 'do or-a'a: 'bhoi-yu:: Debe' 'bli neh 'i, :eh: korn-a wlu or po-a: dhama'-',: eh: yi-dih:-a or-a' wele-eh:: po-nyor⧾-': dee' see,: on: dhe-dih-eh 'for 'i 'do or bo. Or 'nyi: a 'puh-dih-nyor:: daa, or 'ye 'o: a nyor⧾: on 'nyeh-a: a-uh' 'zorn: za, 'de nyor⧾-a' klehkpeh: an ple-a: a-a' 'ye-a', or 'ye an-a' 'kpih 'do: a ken: za. :Wehlih: or 'da-a or mu-a: a: bai'-a': bai'-' 'ye-:, en-' dhih: oo', or no deh: daa, 'de or: se-' or-a' gban 'i: ne-kuo bo 'ma-dih:: ke. Wlu or po-a: dhama'-' 'gabaa 'de: a: bai'-a': baa' 'Eble'hehn bo, mo-: 'dhu, or mu-eh: no or 'ye nyor⧾: on 'nyeh-a: a-uh',: a ken: za, 'de: a 'ye 'kpih 'ble: a 'ye or-a': weheh': za, 'de: fano: ne-': a no, 'de: a 'ye nyor⧾: on: dhe-dih-eh 'for 'i 'do or bo-: 'dekorn: 'yi 'sleh-nyor⧾-: no, 'do or ybei',: ka: a-a' 'kmo-': ne-eh mu-a 'dlu-': tehn. :Yee' 'an 'yu: Jororn',: mor: mloror',: mor 'o, an mu 'yi 'beh-Nyorsoa-a' wele-eh:: po-nyor 'da-dih:. Deh no-eh,: an mu: Gwlor: baa' ybei': mu,: on 'ye or-a': gwie 'kpa po, 'do or bo. :An mu or-a'a: nyor⧾: gwluhuh' zela:,: ka: mor Nyorsoa 'ma-dih:-a an-a' deh⧾-zon⧾-a' dhih bo,: yee' an mu-a 'puh-:. Deh no-eh,: a-a' Nyorsoa-a': porluh⧾: nmor-: 'yi, 'de or: korn: wehlih 'gabaa. 'Do eh-a' dha, or mu-eh: no, 'de nyor⧾ 'puh-dih-nyor 'ye 'noror: a bo yi,: ka zorn bo-yluh-a no-a fan-a' 'de yai', 'de or-a' zorn-pli 'ye fan 'do nyor⧾: on: ne-a 'o: kule-' ken, 'de: on: ne-a 'o: gwlebo:: gwie 'i. Zorn-pli:: dao', en mu: a-a': naa-buh⧾ 'yli-eh bo 'dhu-:,: a 'ye wlu-' dih 'worn-eh-a': gwie kpa. :Yee' 'yu: dao', or ku-', or 'kpa-' nyor 'jeh, 'de or ku dih 'de Nyorsoa-deh 'di.: Yee' 'de: bhehneh'-bluhba ken, 'do: wor or 'ti: chio'lo:, 'de jorwor: or: to-dih: or-a' 'jeh 'Ezlea-nyor⧾ 'i. :Yee' 'do ti: dao' 'di, 'do: wor 'Wloon-nyor⧾-a' 'keen: Agor'sin 'nyi-dih: 'tele', 'de or dbo wlu deh⧾-' dih, nyor⧾-a' klehkpeh, on 'ye 'nyne po, 'de on 'ye: zlo-eh:, 'do 'Wloon-bluhba-a' klehkpeh ken. Ti: Kini'nior no-a 'gomla-nyor⧾-a' nyor: klaba' 'de 'Silia-bluhba ken, 'do: wor nyor⧾: zlo-eh:: daa, eh-a': zai' neh: no-dih-eh. Wlu: daa on: dbo-eh deh⧾-' dih, eh-: no-eh, 'de nyor⧾-a' klehkpeh, on mu 'nyne: po 'da 'de on 'bli gwlor⧾ 'di dih. Eh-: no-eh: ke, 'de 'Joseh 'wluh 'Nazla-gwlor-': or: ne-a 'de: Galali'i-bluhba ken, 'de or mu 'Behble'hehn,: or: ne-a 'de: Judi'a-bluhba ken,: dha 'Keen: Debe' 'wluh-dih:-a. Deh no-eh, or 'wluh 'o: Debe' 'bli neh 'i, or no: Debe' 'di-a' 'yu: due'. :Yeh or: taa mu,: yee' or kpa: Mehle' or 'dhu-a 'sehn 'dlu, or 'ye-a': korn, 'de: or: ne-a 'kwli-', on 'ye 'nyne po. :Yeh on: ne-a 'de 'Behble'hehn,: yee' 'kwli 'kpa: Mehle'-' 'weh, or 'ye: gbano: za. 'De or: za: gbano, or 'wluh or-a'a:: zai'-nyor-kpalu-yu. Or bhian-dih-or 'ylii kle-' dih. 'De or 'pehn-dih-or dih 'do: dha: nena-deh⧾-a di-dih-a deh. Deh no-eh, on: se-' 'pehn-da 'ye, 'de 'duhba⧾-gbu 'di. :Yee' 'blae'⧾-a' 'yli-eh bo 'dhu-nyor:⧾, mo-:: ne 'de: peli' 'nyne-' 'do kpor: dao' 'di, mo-:: an 'dhu an-a'a: 'blae'⧾ 'yli-eh bo 'mano-'. :Yeh on: ne-a 'o,: yee': Gwlor: baa'-a' 'enjor: due', or-: 'wluh-dih-uh 'i.: Yee': Gwlor: baa'-a' dhih-a' 'i 'beh-a' zorn-pli-a fan-dih-uh-: ken dih.: Yee': fano 'yi-dih-uh-: dih. Jorwor: 'enjor:: dao', or: wlu-' 'de on bo, or 'dae:, A 'bor: fano:: ple-eh. A: gbee'e:. 'An ya a tubo-wlu:⧾ 'jeh,: en mu-a 'de 'mona:: dhulu': ya, 'do: gwlor-nyor⧾-a' klehkpeh bo. :Yee' dha 'zean'-we-eh:: daa 'di, 'puh-dih-nyor:: or 'dhu-a Nyorsoa-a' 'taan'-yu-',: or no-a: Gwlor: baa', or-: 'wluh 'de: Debe' 'bli: gwlor-', 'do a-a' dhih bo o. 'De deh: eh mu-a a 'yi: to-dih-deh-' 'dhu-eh 'do a bo, eh-:: dhe dih. A mu 'yu: bleheh'eh 'ye-:. Or mu 'ylii kle-' dih bhian-dih-eh:, 'de or 'ye dih 'pehn, 'do: dha: nena-deh⧾-a di-dih-a deh. :Yee' 'yli: a bla-a 'i, 'enjor-nyor:⧾: dhulu': on no-a sorye': on 'wluh-a 'de Nyorsoa 'bli yai', mo-: 'kpa 'o: yor: dao' ken, an po Nyorsoa-a' 'nyne ya, an no, Dhih-a' 'i 'beh-a', 'do Nyorsoa bo: or: ne-a 'de yai'. 'De wlu-' dih 'worn-eh: ne 'o nyor⧾: yuh, or-a': porluh 'pehn-dih:-a ken dih, dha 'bluhba ken bo. :Yee': yeh 'enjor-nyor:⧾: dao', on 'wluh-a 'o on bo, on mu-a 'de Nyorsoa 'bli yai' de,: yee' 'blae'⧾-a' 'yli-eh bo 'dhu-nyor:⧾: dao', on 'dae: 'de an-a' 'jeh 'nyne-', A 'nyi,: a mu 'Behble'hehn,: a 'ye deh: daa,: eh: no-eh 'ye,: eh: korn-a dhih: Gwlor: baa' zela:: a: gwluhuh'. :Yee' on 'dhobo:, on mu-', 'de on 'ye: Mehle'-: 'Joseh-: 'dekorn: 'yu: bleheh'eh-:: or 'pehn-a dih 'do: dha: nena-deh⧾-a di-dih-a deh. :Yee': yeh on 'ye-or,: yee' on po kuna' 'weh 'de nyor⧾-a' klehkpeh bo, deh 'enjor-nyor:⧾: dao', on zela-uh-a: gwluhuh', 'do 'yu: daa, or-a' dhih bo. :Yee' nyor⧾-a' klehkpeh: on 'worn-a deh 'blae'⧾-a' 'yli-eh bo 'dhu-nyor:⧾: daa, on: za-a-',: yee' eh: florn-dih-uh-: worn. Jorwor:: Mehle' 'ble-dih: deh⧾-a' klehkpeh: daa 'di dih, 'do or: gwlii'. 'De or na-dih-ih: gwluhuh' ken dih. 'De 'blae'⧾-a' 'yli-eh bo 'dhu-nyor⧾ mu de.: Yeh an mu-a,: yee' an 'nyi Nyorsoa-a' 'nyne dhih-a' 'i 'beh-a', 'de an po or-a' 'nyne ya, 'do deh⧾-a' klehkpeh on 'worn-a-: 'dekorn:: yih on 'ye-a: ke-:: ka 'enjor-nyor:⧾: dao' on no-a en-': za-a' 'tene': kpeen:. :Yee' 'do 'we-eh-a': meheh' na neh 'di,: yeh ti nyni-a 'o, on 'ye-a' 'yu: dao': bhlororn' 'dba,: yee' on 'dhu-dih-or: Yusu'-nyne:, 'nyne: yih 'enjor:: dao', or 'dhu-dih-or: dee' see, 'de: Mehle' 'ye-a' or-a' 'kwli-': ne. :Yee': yeh ti nyni-a 'o, 'Joseh-: 'dekorn:: Mehle'-: on 'ye-a: kane' dih: za,: ka: Mose'-a' 'tele' no-a mu-a',: yee' on 'duo: 'yu-' 'weh, on kpa-or: Julu'slehn:, on 'ye-or' 'de: Gwlor: baa' 'kwa po, :ka eh no-a 'chle-eh 'de: Gwlor: baa'-a' 'tele'-chlee-deh 'di, eh no-a,: Zai'-nyor⧾-kpalu⧾-nynuu-a' klehkpeh-: 'dekorn: nimi⧾-a': zai'-nynuu-a' gblor⧾ ne-:: an mu-a 'wluh-:, on: korn on 'ye 'de: Gwlor: baa' 'kwa 'dhu-eh:. 'De on mu: ke, on 'ye gban 'i 'dhu-dih:, pabu'⧾ 'sororn'-:: eh beh 'gbole'e-nynuu 'sororn'-:: en no-a deh: Gwlor: baa'-a' 'tele'-chlee-deh 'da-a 'do deh: dao' bo, on 'ye-eh' no. :Yee' 'do ti: dao' 'di, eh: korn 'yu: due' an 'da-dih-a 'Simior,: or 'ti-a: Julu'slehn. Or no Nyorsoa-nyor: 'jeh,: or 'sleh-a 'i. Or-: fuo nyor⧾ 'puh-dih-nyor:: or: korn-a wlu Nyorsoa po-a: dhama'-': or 'ye-a' 'Ezlea-nyor⧾ 'puh-dih:. 'De Gban 'i: ne: Zulu: ne 'o or bo. Gban 'i: ne: Zulu:: dao', mo-: no-eh, 'de or yubo-eh,: ka or: se-a' 'meh-: i, 'de or 'ye-a': Gwlor: baa'-a' 'taan'-yu 'ye: weh, 'de jorwor: or 'ye-a 'meh. Gban 'i: ne: Zulu: 'o, mo-:: na-dih-or, 'de or mu 'o Nyorsoa-a' 'sla ybei': mu, ti: Mehle'-: 'dekorn: 'Joseh-: on kpa: Yusu'-a': bleheh'eh: neh 'de mor, on 'ye-a deh: Mose'-a' 'tele' 'da-a an no-a: chio'lo:, on 'ye-eh' no, 'do or bo. :Yee' 'Simior 'duo:: Yusu'-' 'weh, 'de or 'wla-or son⧾-' dih, 'de or po Nyorsoa-a' 'nyne ya, or 'da, :Gwlor: baa' Nyorsoa, wlu: on po-a: dhama'-' 'de 'on bo, on 'kpa-' dhih 'jeh 'zean'.: Yee': kana: naa, no-eh, 'de 'mor: or 'dhu-a: an-a'a: 'bhoi-yu-', 'on 'ye: forn 'da mu, 'de: ka 'jeh nor 'di. Deh no-eh, 'an 'jeh-a' 'yli-eh: 'ye nyor: on dbo-a: or 'ye-a nyor⧾ 'puh-dih: 'weh, :yor: on 'nyi-a: gwlor-nyor⧾-a' klehkpeh, on 'ye-a' 'ye. Or no zorn-pli:: en mu-a nyor⧾: on: se-a: Jueh'-nyor⧾ dhih-a' 'yor-eh 'i: to-dih:, 'de: en: ya-a: 'de dhih-a' 'i 'beh-a' 'do 'Ezlea-nyor⧾: on 'dhu-a: an-a' nyor⧾-' bo. :Yee': yeh 'yu: baa'-: 'dekorn: or 'de-: on 'worn-a deh 'Simior: za-a-' 'do or-a' dhih bo,: yee' an-a': porluh⧾ 'ma-'. 'De 'Simior po-uh: bhorlie' bo, 'de or: wlu 'de 'yu 'de: Mehle' bo, or 'dae:, 'Yu: daa, Nyorsoa: dhe-dih-or 'for 'i, or 'ye-eh' no,: gwlor-nyor:⧾: doru' 'ye dih 'ga, 'de nyor⧾: dhulu' 'ye-': sorn, 'do 'Ezlea-bluhba ken. Or-: mu 'yi: to-dih-deh: no,: eh 'wluh-a 'de Nyorsoa bo,: eh: gwlor-nyor:⧾: doru'-a mu-a 'bhun dih: wlu-dih:. :Yee' eh-: mu-eh: no, 'de: gwlor-nyor:⧾: doru'-a' 'dlu 'di dih: na-dih-deh⧾ 'ye ken: nyeh. 'De mor: ke: porluh-a' puhbeh:: eh gweh-a: ka: bhla 'jlehn-a tba-a nyor, eh mu: an-a': porluh puhba:: ke. :Yee' 'nynor: or no-a Nyorsoa-a' wele-eh:: po-nyor, an 'da-dih-a: Ana', or-:: ne 'o: ke. Or no: Fanoeh'-a'a: 'nynor-kpao'-yu:,: or 'wluh-a 'de 'Aseh-a' 'cheh-dlu 'nyne-'. Or no 'nynor: bholuh: gela': or 'ti-a nyina 'do zon⧾: meheh' 'sorn 'di 'klein', 'de: or no-a: dhoba: 'nynor: or se-a nyina 'ti,: eh 'wluh-a 'o ti or-a'a: yibeor 'meh-dih:-a, 'de: eh: yeh-dih:-a or-a' zon⧾-a': kwlaa: meheh' na 'yor: nyieh ken. 'Nynor: dao', or: se 'o Nyorsoa-a' 'sla ybei' 'wluh, 'do ti-a' klehkpeh bo. Jorwor: 'gwie-:: glaa'e-: or za Nyorsoa-a': weheh', 'de or pa 'suehn-', 'de or wlu 'de Nyorsoa bo. :Yee' 'do: dha: ne-a: due', or mu 'o on bo, or po Nyorsoa-a' 'zio. 'De or: za 'yu: bleheh'eh:: dao', or-a' dhih-', 'de nyor⧾-a' klehkpeh bo,: an fuo-a ti Nyorsoa-a mu-a: Julu'slehn zelie:. :Yee': yeh: Mehle'-: 'dekorn: 'Joseh-: on gweh-a deh⧾-a' klehkpeh: Gwlor: baa'-a' 'tele' 'da-a, en-' no-a' 'i,: yee' on mu on 'bli 'Nazla-gwlor-',: or: ne-a 'de: Galali'i-bluhba ken de. :Yee' 'yu: dao', or ku-', or 'kpa-' nyor 'jeh, 'de or ku dih. Or 'ble: toror': dhulu', 'de Nyorsoa-a': bhorlie': ne 'o or bo. :Yee' zon 'o zon, or 'de-: 'dekorn: or: baa'-: an mu: Julu'slehn:, an mu 'Meh-a': bla-dih: 'dlu dih-gor 'dhu 'da. :Yee': yeh or no-a zon⧾-a': bhue: 'yor: ne-a 'sororn',: yee' on mu-' gor: dao' 'weh,: ka an no-a: dee': chio'lo:. :Yeh gor: jla-a, 'de an yi-a on 'bli de,: yee': Yusu': sie: 'de on 'de 'weh, 'de: Julu'slehn. Jorwor: or 'de-: 'dekorn: or: baa'-: on se-eh 'i yubo:: ka or: sie:-a 'de. :Mor on: taa 'ye: dee',: yee' on 'da, or: ne 'de nyor⧾: ne an na-a: gwie: due' bo 'klu-'. Eh-: no-eh, 'de on: na 'we-eh: due': gwie-', 'de jorwor: on 'kpa 'o or-a' 'kwla⧾-' dih 'bhorn 'da, 'de an-a'a: 'wluh-a-nyor⧾-: 'dekorn: on 'bei'-: 'klu-'. :Yeh on se-or 'ye,: yee' on mu: Julu'slehn de, on 'ye-or 'kwla⧾-' dih 'bhorn. :Yee': yeh 'we taan zi-a,: yee' on 'ye-or' 'do Nyorsoa-a' 'sla ybei', or: dhe dih 'de nyor⧾ deh: torne-nyor⧾ 'klu-', or to-uh: dou'⧾ bo, 'de or dhele-uh deh⧾: nee' dih. Nyor⧾-a' klehkpeh: on 'worn-a or-a' wlu, eh: florn-dih-uh-: worn, 'do or-a' dhih yubo-eh-: 'dekorn: deh⧾ an dhele-or dih-: en-' gbor: za-eh bo. :Yee': yeh or 'de-: 'dekorn: or: baa'-: on 'ye-or,: yee' eh: florn-dih-uh-: worn. 'De or 'de: wlu 'de or bo, or 'dae:, 'An 'yu.: Eh: korn dhih: on no: ao',: a-a' dhih: eh?: Gbee'e:.: On: baa'-: 'dekorn: 'mor-:: a 'bhorn: on 'kwla⧾-' dih, 'de: a-a': porluh⧾-a 'beh-dih:: a 'worn dih 'suh. :Yeh or 'da: ao',: yee': Yusu' 'dae:,: Eh: korn dhih, 'de a 'bhorn 'on 'kwla⧾-' dih: eh? A se-eh yubo:: ka 'on: korn 'on 'ye-a 'de 'On-ba-a' 'gbu 'zorn: ne: e? Jorwor: deh or: za-a-', 'de on bo, on se-eh-' dih 'worn. :Yee' or zi 'o on klei' 'weh, 'de on mu 'Nazla, 'de or dhe 'o an-a' wlu dih. Jorwor: or 'de 'ble-dih: deh⧾-a' klehkpeh: daa: gwlii': chio'lo: 'do or-a': porluh ken. :Yee': Yusu' 'kpa-' nyor: klaba', 'de or-a': toror' 'kpa ken.: Yee' or 'pehn-dih Nyorsoa-: 'dekorn:: gwlor-nyor⧾-: an-a': porluh⧾-: dih deh 'jeh. :Yee' ti: Tabi'lor no-a 'keen 'do 'Wloon-nyor⧾-a' 'bluhba-a' klehkpeh ken,: yee' 'do or-a' zon⧾-a': bhue: 'yor: mm' no 'di, 'do: wor 'Pantior: Pale': no-dih: 'gomla-nyor⧾-a' nyor: klaba' 'de: Judi'a-bluhba ken, 'de: Hehlo': korn: Galali'i-nyor⧾ wlu 'ken, 'de: Hehlo'-a' dei' Felor': korn: Ituli'a-nyor⧾-: 'dekorn:: Tlakoni'ta-nyor⧾-: wlu 'ken, 'de: Lesa'lior: korn: Abili'i-nyor⧾ wlu 'ken. An-a' klehkpeh: daa, on: ne 'o: Tabi'lor 'zorn. :Yee' 'Aneh-: 'dekorn:: Kai'fa-: mo-: no Nyorsoa-a' 'slaa:: za-nyor:⧾: klaba'⧾, 'do ti-a' 'jeh: dao' 'di. 'Do: wor Nyorsoa: wlu-dih: 'de: Jororn': or no-a 'Zehkorwlaya'-a'a: 'yu bo, 'de: bhehneh'-bluhba ken. :Yeh Nyorsoa: wlu-a 'de or bo,: yee' or na 'bluhba⧾-a' klehkpeh ken dih,: en: ne-a 'Jorle-ni worn dih, or po Nyorsoa-a' tubo-wlu:⧾, or 'da, A 'tali: a-a' deh⧾-zon⧾ dih, a 'ye 'de Nyorsoa bo 'bili:, 'de a 'ye 'ni 'dlu: po,: yee' Nyorsoa-a mu a-a' deh⧾-zon⧾-a' dhih bo 'ma-dih:. :Ka Nyorsoa-a' wele-eh:: po-nyor:: Azaya' no-a eh-a' 'chle-a', 'de or-a'a: 'chlee-deh 'di, or 'da, Nyor: daa, or 'wor-' 'de: bhehneh'-bluhba ken, or 'dae:, A po: Gwlor: baa'-a': gwie 'kpa 'do or bo o. A po or-a': gwie 'kpa, a 'ye-eh' 'i 'sleh-dih:, or 'ye-eh' bo: na. 'Jun⧾-a' klehkpeh, en mu 'yi-:, tluh⧾: klaba'⧾-: 'dekorn: tluh⧾: nyene'-: en-' klehkpeh, en mu dih: wa-dih-eh:, 'de en 'ye: gwluhuh': tehn-dih:.: Gwie:⧾: en 'kili-a-' dih, en mu 'yi 'sleh-dih-eh:, 'de: gwie:⧾: en: nyni-a 'yi dih, en mu: noa': noa': ne. :Yee': gwlor-nyor⧾-a' klehkpeh-a mu nyor⧾ 'puh-dih-nyor: Nyorsoa-a mu-a: dbo, 'ye-:. :Yee' nyor⧾: doru', mo-: yi 'de: Jororn' bo, 'de: bhehneh'-bluhba ken, on 'ye 'ni 'dlu: po, 'de or: wlu 'de on bo, or 'dae:, A: mor sane-zon⧾-nynuu:: daa,: or 'dhu a 'slen, a 'ye ple, a 'ye Nyorsoa-a' 'chehn-yuba:: or yi-a 'de, 'zorn 'wluh-dih:: eh? A no deh⧾, nyor⧾ 'ye a 'ye,: ka a 'tali:-a a-a' deh⧾-zon⧾ dih, 'de a 'bili:-a-' dih 'de Nyorsoa bo.: Yee' a-a': wlu-' 'de a-a' 'jeh 'nyne-',: eh: mor a: mor 'Eble'hehn 'di-a' 'nynuu: 'o,: dhih 'o, eh-:: korn dhih a mu 'puh-:. A 'nyi 'on zela: a: gwluhuh', Nyorsoa 'beh-dih: sobu'⧾: kpuan'⧾: daa en-' no-a' 'weh, en 'ye 'Eble'hehn 'di-a' 'nynuu-' 'dhu-eh:. :Dhoeh': dhe-eh: yai': naa, eh 'ye tu⧾: en: se-a' 'bi 'jeh: tlo i, en-' glubuh⧾ chehn. Tu⧾-a' klehkpeh: en: se-a' 'bi 'jeh: tlo i, en mu: dba-eh:, 'de en 'ye 'de neh-': po-eh:. :Yeh or 'da: ao',: yee' nyor⧾: doru': dao', on dhele-or-: dih, on 'da,: Yee': kaa: a 'ye no: naa: eh? 'De or 'dae:, Nyor-beh:: or 'ble-a 'wla⧾ 'sororn', or: korn or 'ye nyor: or se-a 'wla 'ble,: due' 'nyi. 'De nyor-beh:: or 'ble-a dii-deh, or: korn or 'ye deh: ne-a: due' no: ke. :Yee' 'taa-deh:⧾: za-nyor:⧾, mo-: yi 'o: Jororn' bo: ke, on 'ye 'ni 'dlu: po. Mo-: dhele-or dih, on 'da, Nyor⧾ deh: torne-nyor:,: kaa: a 'ye no: eh? 'De or 'dae:,: Mor a: taa 'taa-deh⧾ za,: yee' a-a': za-' 'wlii:: yih, on se-a a: gwluhuh' zela:, a 'ye-a: za. 'De sorye' dhele-or dih: ke, on 'da,: Yee': a: mor: mloror',: kaa: a 'ye no: ke: eh?: Yee': Jororn' zela-uh-:: gwluhuh', or 'da, A-a': kpa-dih:-' nyor⧾ 'kpih, 'de a-a': za-uh' 'wlii 'kwa dih, 'de mor a-a': po-uh' dhih 'dlu. 'Nyi a-a': porluh⧾ 'pehn dih 'do 'wlii: an za-dih-a a geli'-' bo. :Yee' nyor⧾: dhulu': dao', on dhe-eh: gwlii',: ka: Jororn'-a mu-a deh: kolu': no. 'De an-a' klehkpeh, an 'chihleh-eh 'i 'do on: porluh⧾ ken,: eh beh or-: Nyorsoa-a' 'taan'-yu: 'o: eh? 'De: Jororn': wlu 'de an-a' klehkpeh bo, or 'dae:, 'An po a 'ni 'dlu 'weh. Jorwor: nyor: or: korn-a dhih 'beh-a 'i,: or: zi-a 'o 'on-', or-: mu 'de: yi. 'On se deh-' 'dhu-eh:, 'on 'ye or-a'a:: buhbuh⧾-a' dubu'⧾: sloror' bhehn-dih:. Gban 'i: ne: Zulu-: 'dekorn: neh-: me-: or mu 'o a 'dlu: po. Or 'ble or-a'a: 'daba: 'de or 'kwa, or 'ye deh⧾-yor: or sonor:-a, or-a' klehkpeh-' vun.: Yee': yor or vun-a-', or mu-or: dha: due': po, 'de or 'bli 'gbu-a' yai'. Jorwor: or-a' fluh⧾, me-: or mu 'yli: po, 'de neh-a': yeh se-a 'mo-a': korn. :Yee': Jororn' po Nyorsoa-a' tubo-wlu:⧾ 'jeh, 'de: ka: dhulu' 'di. 'De or 'dhu-uh 'slen on 'ye an-a' deh⧾-zon⧾ dih 'tali:. :Yee': yeh or zela:-a 'Keen: Hehlo': gwluhuh', 'do deh or no-a, or: za-a or-a' dei' Felor'-a'a: 'nynor: Hehlo'dia or 'kwa, 'dekorn: deh⧾-zon⧾-a' klehkpeh: nee', or no-a-: :yee': Hehlo'-a' deh⧾-zon⧾ 'kpa 'de de dih, 'do: Jororn'-a': kasue 'di: po-eh bo. :Yee' ti: Jororn' po-a nyor⧾-a' klehkpeh: dao' 'ni 'dlu, 'do: wor or: po-dih:: Yusu' 'ni 'dlu: ke.: Yeh: Yusu'-a wlu-a 'de Nyorsoa bo,: yee' yao kan-dih: worn. :Yee' Gban 'i: ne: Zulu:: on gweh-a pabu', mo-:: dhe 'o or 'dlu dih. 'De wlu 'wluh 'de Nyorsoa 'bli yai', on 'dae:,: Mor no 'an-a:: dhih: kma-yu. 'An: porluh 'pehn-: dih 'do: on bo. :Yee' ti: Yusu' 'dhu-a or-a'a:: koan glu,: yee' or 'beh-dih: or 'ye zon⧾-a': kwlaa taan no.: Mor nyor⧾: taa 'ye: dee',: yee' on 'da, 'Joseh:: or: Hehli'-a 'wluh-a, or-a'a: 'yu: oo'. :Hehli' no 'Mata-a' 'yu. 'De 'Mata no 'Livae-a' 'yu. 'Livae no 'Mehki-a' 'yu. 'De 'Mehki-a' no 'Janai-a' 'yu. 'Janai no 'Joseh-a' 'yu. 'De 'Joseh no: Matati'a-a' 'yu.: Matati'a no 'Emor-a' 'yu. 'De 'Emor no 'Nea-a' 'yu. 'Nea no 'Ehsli-a' 'yu. 'De 'Ehsli no 'Naga-a' 'yu. 'Naga no 'Mea-a' 'yu. 'De 'Mea no: Matati'a-a' 'yu.: Matati'a no 'Sehme-a' 'yu. 'De 'Sehme no 'Josehn-a' 'yu. 'Josehn no 'Joda-a' 'yu. 'De 'Joda no: Joana'-a' 'yu.: Joana' no 'Wlisa-a' 'yu. 'De 'Wlisa no: Zowla'baba-a' 'yu.: Zowla'baba no: Sia'ti-a' 'yu. 'De: Sia'ti no 'Nili-a' 'yu. 'Nili no 'Mehki-a' 'yu. 'De 'Mehki no 'Adi-a' 'yu. 'Adi no 'Kosan-a' 'yu. 'De 'Kosan no: Ehma'na-a' 'yu.: Ehma'na no 'Eheh-a' 'yu. 'De 'Eheh no: Jasua'-a' 'yu.: Jasua' no 'Ehlie'za-a' 'yu. 'De 'Ehlie'za no 'Jowlan-a' 'yu. 'Jowlan no 'Mata-a' 'yu. 'De 'Mata no 'Livae-a' 'yu. 'Livae no 'Simior-a' 'yu. 'De 'Simior no 'Juda-a' 'yu. 'Juda no 'Joseh-a' 'yu. 'De 'Joseh no: Jona'ma-a' 'yu.: Jona'ma no: Ila'yaka-a' 'yu. 'De: Ila'yaka no: Mehli'ya-a' 'yu.: Mehli'ya no 'Mena-a' 'yu. 'Mena no: Mata'ta-a' 'yu. 'De: Mata'ta no 'Netorn-a' 'yu. 'Netorn no: Debe'-a' 'yu. 'De: Debe' no 'Jehsi-a' 'yu. 'Jehsi no 'Obeh-a' 'yu. 'De 'Obeh no 'Bhoa-a' 'yu. 'Bhoa no 'Sala-a' 'yu. 'De 'Sala no 'Nasorn-a' 'yu. 'Nasorn no: Ami'nada-a' 'yu. 'De: Ami'nada no 'Ami-a' 'yu. 'Ami no 'Ani-a' 'yu. De 'Ani no 'Ehzola-a' 'yu. 'Ehzola no 'Pehleh-a' 'yu. 'De 'Pehleh no 'Juda-a' 'yu. 'Juda no 'Jekor-a' 'yu. 'De 'Jekor no Ase'-a' 'yu. Ase' no 'Eble'hehn-a' 'yu. 'De 'Eble'hehn no 'Tila-a' 'yu. 'Tila no 'Neor-a' 'yu. 'De 'Neor no 'Sehlu-a' 'yu. 'Sehlu no 'Wliu-a' 'yu. 'De 'Wliu no 'Pehli-a' 'yu. 'Pehli no 'Ibeh-a' 'yu. 'De 'Ibeh no 'Sila-a' 'yu. 'Sila no 'Kenor-a' 'yu. 'De 'Kenor no: Afa'sa-a' 'yu.: Afa'sa no 'Siehn-a' 'yu. 'De 'Siehn no: Noa'-a' 'yu.: Noa' no 'Lama-a' 'yu. 'De 'Lama no: Mehtu'sela-a' 'yu.: Mehtu'sela no 'Inor-a' 'yu. 'De 'Inor no 'Jehla-a' 'yu. 'Jehla no: Maha'lali-a' 'yu. 'De: Maha'lali no 'Kineh-a' 'yu. 'Kineh no 'Ehnor-a' 'yu. 'De 'Ehnor no 'Seheh-a' 'yu. 'Seheh no 'Adan-a' 'yu. 'De Nyorsoa no 'Adan. :Yee': yeh: Yusu' 'wluh-a 'o 'Jorle-ni worn,: yee' or 'yi-dih: Gban 'i: ne: Zulu-: dih. 'De: Zulu kpa-or 'de: bhehneh'-bluhba ken. 'Do: wor 'ku 'dhen-dih-or-' dih, 'do 'we-a': kwlaa: nyieh 'di, or 'ye deh-zon no.: Yee' 'do 'we: dao' 'di, or: se-' deh-beh worn 'dhen.: Yee': yeh en: jla-a 'dlu-',: yee' 'moeh: no-or: blaa'a:. 'De 'ku: wlu 'de or bo, on 'dae:,: Mor: on 'dhu Nyorsoa-a' 'Yu-',: yee': wlu 'de sobu': daa bo, on 'ye 'bhlee-': za-dih:. 'De: Yusu' 'dae:, Eh 'chle-eh:-' 'de Nyorsoa-a' 'chlee-deh 'di, eh 'da,: Gwlor-nyor se dii-deh: due'-a' 'kmo-': ne-dih-eh 'beh-dih:. 'De 'ku kpa-or 'de: dha: tehn-a ya. 'De 'yli: a bla-a 'i, on: torne-or 'bluhba⧾-dlu⧾-a' klehkpeh: en: ne-a dha yao 'zorn. 'De on 'da, 'Bluhba⧾-dlu⧾-a' klehkpeh: daa-: 'dekorn: en-' 'yi dih: nmor-eh-: me-: 'an mu: on 'nyi-:: on 'ye wlu 'ken: korn. Deh no-eh, en 'nyi-eh: 'on 'weh. Eh-a' dhih, nyor 'an 'bhorn-a 'on 'ye-ih'-a 'nyi, or-: 'an mu-ih 'nyi-:. :Yee': mor eh 'dhu,: on: za 'on: weheh',: yee' en-' klehkpeh: daa, en mu 'de: on bo: korn. 'De: Yusu' 'da, Eh 'chle-eh:-' 'de Nyorsoa-a' 'chlee-deh 'di, eh 'da,: An-a': Gwlor: baa' Nyorsoa, or-:: on 'ye: weheh': za,: yee' or: due', or-:: korn 'bhoi-yu-deh:: on 'ye no. 'De 'ku kpa-or 'de: Julu'slehn. 'De on: nyna-dih-or dih 'de Nyorsoa-a' 'sla-a' 'kpehehn 'i. 'De on 'da,: Mor: on 'dhu Nyorsoa-a' 'Yu-',: yee' po: an-a' 'jeh 'zorn. Deh no-eh, eh 'chle-eh:-': neheh', eh 'da, Or mu or-a'a: 'enjor-nyor⧾ 'tele' 'nyi-: 'do: an-a' dhih bo, on 'ye: on 'yli-eh bo 'dhu. 'De on 'ye: on 'sa 'de on 'kwa, 'de: an-a' buh: ne-' sobu' 'i kor. 'De: Yusu' 'da, Eh 'chle-eh:-', eh 'da, Nyor-a' 'dhen: an-a': Gwlor: baa' Nyorsoa-' dih. :Yee': yeh 'ku gweh-a: Yusu'-a' dih 'dhen-eh 'i, 'do deh⧾-a' klehkpeh: daa bo,: yee' on 'wluh 'o or klei' 'weh, 'do ti-kpor 'di. :Yee': Yusu' mu 'de: Galali'i-bluhba ken-: de, 'de Nyorsoa-a': Zulu-a' 'kpih 'di.: Yee' or-a' 'nyne gweh 'o 'do 'bluhba-a' 'for: dao', or-a' klehkpeh ken dih-: 'dlu. 'De or torne nyor⧾ deh, 'de an-a' 'di: gweh-dih-sla⧾ 'zorn, 'de nyor⧾-a' klehkpeh, on po-or dhih bo. :Yee': Yusu' mu 'de 'Nazla de, 'do: dha or: ku-dih:-a, 'de or pa 'de 'di: gweh-dih-sla 'zorn, 'do Nyorsoa-a': gwlee-we-eh 'di,: ka or no-a 'do ti-a' klehkpeh bo. 'De or: nyna dih, or 'ye Nyorsoa-a' wlu zlo 'de mor. :Yeh or: nyna-a dih,: yee' on 'nyi-or Nyorsoa-a' wele-eh:: po-nyor:: Azaya'-a' 'chlee-deh:. 'De or kan-dih-eh 'i, or 'ye: dha eh-a' wlu 'chle-dih-eh:,: eh no-a, :Gwlor: baa'-a': Zulu: ne 'o 'on ken 'weh. Deh no-eh, Nyorsoa 'tan 'on 'weh, 'on 'ye tubo-wlu:⧾ 'jeh po, 'de nyor⧾: on se-a deh-': za-da 'ble bo. Or dbo 'on 'weh, 'on 'ye wele-eh po, 'de: kasue-nyor⧾ bo, 'on 'ye: ao', A zelie-eh. 'De 'on 'ye wele-eh po, 'de 'doror'-nyor⧾ bo, 'on 'ye: ao', A 'ye dih. Or dbo 'on 'weh, 'on 'ye nyor⧾ an no-a dhih-', zelie:, 'de 'on 'ye wele-eh po,: ka zon nyni-a 'o,: Gwlor: baa' 'ye-a or-a'a: nyor⧾ mla bo po. :Yeh: Yusu' jla-a,: yee' or kan 'chlee-deh-: 'i, 'de or 'nyi-eh 'yu: or 'dhu-a deh⧾ 'yli-eh bo, 'de 'di: gweh-dih-sla:: dao' 'zorn de, 'de or: dhe dih.: Yee' nyor⧾-a' klehkpeh: on: ne-a 'o, an-a' 'yli-a 'wla 'de or ya. 'De or: wlu 'de on bo, or 'dae:, 'Zean': daa, Nyorsoa-a' 'chlee-deh-a' wlu: daa, on 'kpa-' dhih 'jeh,: ka a no-a eh-a' 'worn-a'. :Yee' an-a' klehkpeh, an po-or dhih bo, 'de eh: florn-dih-uh worn, 'do wlu⧾: nmaa'e:: en 'wluh-a 'de or 'worn, en-' dhih bo. 'De on 'da, Eh: se 'Joseh-a' 'yu: e? 'De or: wlu 'de on bo, or 'dae:, A mu 'dlan: daa: po, 'de 'on bo 'bla, a mu: ao', Kwein:: di-nyor:, 'puh-dih:: an-a' 'jeh. 'De a mu 'on: gwluhuh' zela:, a 'ye: ao', Deh⧾: a 'worn-a: on no-a 'de: Kapa'nior, no-ih: ke dha: on 'bli: gwlor-'. 'De or 'dae:: neheh', Dhih 'jeh, 'an zela a: gwluhuh', eh se Nyorsoa-a' wele-eh:: po-nyor: korn on 'ye-a' dih kpon, 'de or 'bli: gwlor-'. Dhih 'jeh, 'an zela a: gwluhuh',: dhoba: 'nynor⧾: dhulu', mo-:: ne 'de 'Ezlea-bluhba ken, 'do: Ila'yor-a' ti 'i. Ti-a' 'jeh: dao', 'do: wor 'ni: se-': dba-dih:, 'do zon⧾ taan 'chuh⧾: meheh'lo 'di, 'de 'moeh:: eh 'kpa-a Ji Kou'-moeh, eh gweh 'o 'bluhba:: dao', or-a' klehkpeh ken 'dlu. Jorwor: Nyorsoa: se-': Ila'yor dbo, 'de 'Ezlea-nyor⧾-a' nyor-beh bo. Jorwor: or dbo-or 'de: dhoba: 'nynor: or: se-a: Jueh'-nynor, 'de: or 'ti-a: Zaleh'fa-gwlor 'di,: or 'koan'-dih:-a 'Saedorn-gwlor dih. 'De eh: korn nyor⧾: dhulu', mo-: yau-zon-weh kpon, 'de 'Ezlea-bluhba ken, 'do Nyorsoa-a' wele-eh:: po-nyor:: Ila'seor-a' ti 'i: ke. Jorwor: an-a' nyor-beh se 'o 'puh-dih:, jorwor: 'Neama: due': or 'wluh-a 'Silia-bluhba ken, or-: 'puh. :Yee': yeh on 'worn-a deh: Yusu': za-a-',: yee' an-a' klehkpeh: on: ne-a 'de 'sla: dao' 'zorn, 'chehn 'dba-uh'. 'De on: sorn-', on no-or dih, 'de on za-or 'o gwlor worn 'i, on kpa-or 'o tluh 'dlu, 'do: dha an-a'a: gwlor: po-dih-eh, 'do 'jun 'dlu, 'de on 'ye-or' 'zorn po. Jorwor: or: na, or: yi-dih: 'o on 'nyne-', 'de or mu. :Yee': Yusu' mu 'de: Kapa'nior-gwlor 'di, 'de: Galali'i-bluhba ken. 'Do Nyorsoa-a': gwlee-we-eh: due' 'di,: yee' or torne nyor⧾ deh. Or-a' nyor⧾ deh: torne-eh: florn-dih: nyor⧾-a' klehkpeh-: worn, deh no-eh, or wlu-dih 'de 'kpih 'di. :Yeh or torne-a nyor⧾ deh,: yee' 'yu: due', 'kwla 'ye-dih-deh-zon:: ne-a 'o 'de, or-:: ne 'de an-a' 'di: gweh-dih-sla 'zorn,: or 'wor,: or 'da, Deh: an 'bhorn: on 'ye: a-uh': no-dih:: eh? 'Wee'.: Yusu': mor,: or 'wluh-a 'Nazla-gwlor 'di,: on yi-: 'de,: on 'ye: a-a' dhih dih gweh: e?: Mor: dao', 'on yubo:: on 'weh o.: Mor, Nyorsoa-a' gban 'i: ne-nyor: 'o o. :Yeh or 'da: ao',: yee': Yusu' po 'kwla 'ye-dih-deh:: dao' 'borboa' 'i, or 'da, No 'dhuan. 'Wluh 'o or 'de.: Yeh or 'da: ao',: yee' 'kwla 'ye-dih-deh du 'yu 'weh, 'do on ybei', 'de eh 'wluh 'o or 'de, eh: se-or' deh tba. :Yeh eh 'wluh-a 'o or 'de,: yee' nyor⧾-a' klehkpeh: on: ne-a 'o, eh: florn-dih-uh-: worn. 'De an 'chihleh-eh 'i, an no,: Eh no 'de 'yu: daa, or-a' wlu no: ao' 'kpih ken: ne-eh: eh?: Mor or: wlu 'de 'kwla 'ye-dih-deh⧾ bo,: yee' en 'wluh 'o nyor⧾ 'de 'weh. :Yeh eh no: ao',: yee': Yusu'-a' 'nyne gweh 'bluhba:: dao', or-a' 'for-a' klehkpeh-: 'dlu. :Yee': Yusu' 'wluh 'de 'sla: dao' 'zorn 'weh, 'de or pa 'de Samor' 'bli 'gbu 'di. 'Do: wor on: wlu-dih: 'de: Yusu' bo, Samor'-a'a: 'bila-nynor:: chehbe'-a no-a, or-a' dhih. :Yeh or 'worn-ih'-a,: yee' or nyna-or-: 'dlu, or po or-a': chehbe' 'borboa' 'i, 'de eh 'bor.: Yee' 'do: dha: due': dao', or: sorn-' 'weh, 'de or kpa-uh: bale'-'. :Yee': yeh 'yluh-a 'kpa-a 'nior,: yee' nyor⧾-a' klehkpeh: on 'ble-a nyor⧾: on 'ble-a puhba-deh:⧾ 'doror: 'dor, on ya-uh 'de: Yusu' bo 'weh, 'de or tba an-a' klehkpeh son⧾ ken dih: due': due', or 'puh-dih-uh. :Yeh or no-a deh: dao',: yee' 'kwla 'ye-dih-deh⧾ 'wluh 'o an-a' nyor⧾: dhulu' 'de 'weh: ke, 'de en po 'geh⧾, en 'da,: Mor Nyorsoa-a' 'Yu: oo'. Jorwor: or po-ih 'borboa' 'i, or: se-' 'worn en: se-': wlu. Deh no-eh, en yubo:: ka or 'dhu-a Nyorsoa-a' 'taan'-yu-' 'weh. :Yeh zorn zen-a,: yee': Yusu' mu 'de: dha nyor se-a: ne.: Yee' nyor⧾: dhulu', mo-:: an 'bhorn-or 'kwla⧾-' dih.: Yeh on 'ye-or,: yee' an po 'de 'kpih, on 'ye-or': gwie 'i: za. Jorwor: or: wlu-' 'de on bo, or 'dae:, 'On: korn 'on 'ye tubo-wlu:⧾ 'jeh po,: en kor-a Nyorsoa-a' nyor⧾ wlu 'ken: korn-eh 'i, 'de: gwlor⧾: neheh' 'di: ke. Deh no-eh, eh-:: korn dhih: oo', Nyorsoa dbo 'on. :Yee' or kpa Nyorsoa-a' tubo-wlu:⧾: po-eh 'dlu bo, 'de: Jueh'-nyor⧾-a' 'di: gweh-dih-sla⧾ 'zorn, 'de: Judi'a-bluhba ken. Eh: korn 'we-eh: due',: yee': Yusu': nyna dih 'do: Gehneh'sla-yobo'-pehnu worn 'i, 'de nyor⧾: dhulu': gweh-dih-or 'dlu dih, on 'ye Nyorsoa-a' wlu 'worn. :Yee' or 'ye 'blagbe⧾ 'sororn' 'do 'kpuhba' 'i,: yih zimi: 'dba-nyor⧾ 'wluh-a 'de 'di, 'de an worlor-a an-a'a: sor⧾. 'De or 'kpa 'de 'blagbe: due' 'di,: yeh: eh: korn-a 'de Samor' bo.: Yee' or dhele: Samor'-: dih, or 'ye-eh' ken: za-dih:: weh-beh: 'do 'ni ken. 'De: Yusu': dhe dih 'de eh 'di, or torne nyor⧾ deh. :Yee': yeh or gweh-a wlu-a' 'i,: yee' or: wlu-' 'de Samor' bo, or 'dae:, Kpa 'blagbe 'de 'ni-a': wloo': or: tehn-a-', mor-: 'dekorn:: on 'bei'-: a 'ye a-a'a: sor⧾ po, 'de a 'ye zimi kpon. :Yeh or 'da: ao',: yee' Samor': wlu-' 'de or bo, or 'dae:, Nyor⧾ deh: torne-nyor:,: a no 'yi: kma: koan: no: noo: 'de: wala:: wala: zorn zen. Jorwor:: a: se-' deh-beh kpon. Jorwor: keen': mloror',: ka: on 'da: ao',: yee' 'an mu sor⧾: po: neheh'. :Yeh on po-a an-a'a: sor⧾,: yee' on kpon zimi:: dhulu'. Eh-: no-eh, 'de an-a'a: sor⧾ 'kpa: chlan-a' ken. :Yee' an po: jii: 'de on 'bei': on: ne-a 'de 'blagbe: 'sluh 'di bo, on 'ye 'de on bo yi, on 'ye-uh' bo 'kpa.: Yeh on yi-a 'de,: yee' on 'yi-dih: 'blagbe:⧾: en: ne-a 'sororn' 'weh. 'De en 'bhorn 'ni 'zorn: pa-eh. :Yeh Samor': Piteh' 'ye-eh,: yee' or 'jli-: dih 'do: Yusu' 'zorn, or 'da,: Gwlor: baa',: tehn-dih: 'on bo dih. Deh no-eh, 'mor, deh⧾-zon:⧾: no-nyor: 'o. Or: za deh: daa 'weh, deh no-eh, or-: 'dekorn: or 'bei'-a' klehkpeh-: an-a': porluh⧾ 'ma-', 'do zimi:: dhulu' on kpon-a, 'do en-' deh bo. Samor' 'bei': koan:: no-nyor:⧾ 'Jeen-: 'dekorn:: Jororn'-:: on no-a: Zehbehli'-a'a: 'nynuu, an-a': porluh⧾ 'ma-': ke. 'De: Yusu' 'dae: 'de Samor' bo, 'Bor: fano:: ple-eh.: Eh 'wluh-a dha 'zean' 'bli,: an mu nyor⧾ 'de Nyorsoa bo: ya,: ka: an no-a zimi:: kpon-eh: dee'. :Yeh or 'da: ao',: yee' on 'ya-dih: an-a'a: 'blagbe⧾ 'kpuhbuh' 'weh. 'De on sie deh⧾-a' klehkpeh, on zi 'o or klei'. Eh: korn ti: due',: yee': Yusu' mu 'o gwlor: due' 'di, 'do: dha 'yu: due', yau-zon-weh kpon-a, 'de eh gweh-or 'dlu, or: ne-a.: Yeh or 'ye-a: Yusu',: yee' or 'jli-: dih 'do or 'zorn, or bale-or, or 'da,: Gwlor: baa',: mor eh 'dhu,: on 'worn-dih-eh ken dih,: yee': on 'beh-dih: 'an 'puh-dih-eh 'weh, 'de 'on: ne-': kane' dih: ne: neheh'. :Yeh or no: ao',: yee': Yusu' tba-or son ken dih, 'de or 'da, 'On 'worn-dih-eh'. 'Wluh: kane' dih.: Yee' 'do: dha: due': dao', 'do: wor or-a' yau-zon-weh 'bor-dih:. 'De: Yusu' 'dhu-or 'slen, or 'da,: An-a' zela:-' deh: daa nyor-beh: gwluhuh' o. Jorwor: mu,: on 'ye: an-a' 'jeh Nyorsoa-a' 'slaa:: za-nyor 'i: to-dih:.: Yee' kpa 'slaa:: za-dih-deh: ka: Mose'-a' 'tele' 'da-a, 'de nyor⧾-a' klehkpeh 'ye-eh' yubo:: ka: on 'puh-a. Jorwor:: Yusu'-a' 'nyne gweh deh⧾-a' klehkpeh-: 'dlu 'gboror:. Eh-: no-eh, 'de nyor⧾: doru' yi 'de or bo, on 'ye or-a' wlu 'worn, 'de on 'ye 'puh-dih-eh: 'do an-a' puhba-deh⧾ bo. Jorwor: 'do kpor⧾: dhulu' 'di,: Yusu'-a sie-uh'. 'De or mu 'de: bhehneh'-bluhba ken, or wlu 'de Nyorsoa bo 'de mor. Eh: korn 'we-eh: due',: yeh: Yusu'-a torne-a nyor⧾ deh,: yee': Falasi'i-nyor⧾-: 'dekorn: nyor⧾ 'tele': torne-nyor⧾-:: on 'wluh-a: Julu'slehn-: 'dekorn: gwlor⧾-a' klehkpeh: eh: ne-a 'de: Galali'i-bluhba ken dih-: 'dekorn:: Judi'a-bluhba ken dih-: mo-:: dhe dih.: Yee': Gwlor: baa'-a' 'kpih: ne 'o: Yusu' bo 'weh, or 'ye nyor⧾-a' puhba-deh⧾ 'bor-dih:. :Yee' nyor⧾: noo', mo-:: ya 'de or bo 'tiei-a' 'meheh'-yu: due',: or 'pehn-a dih 'do or-a'a: ken 'pehn-deh ken. An po 'de 'kpih, on 'ye-or': pa-dih:, on 'ye-or' dih 'pehn-dih: 'do: Yusu' ybei'. Jorwor:: ka: gwlor-nyor⧾: dhie:-a 'i,: yee': ka on 'ye-a' no, 'de on 'ye-a' 'de 'yu: dao' 'de 'gbu: pa-dih:,: yee' ka se: ne. Eh-: no-eh, 'de on 'ya-dih-or 'de 'gbu 'dlu. 'De on chlan 'bie', on 'dhle-dih-or, 'do or-a'a: ken 'pehn-deh ken, 'de nyor⧾-a' gwea, 'do: Yusu' ybei'. :Yeh: Yusu' 'ye-a an-a' dhih 'jeh-': po-eh:: eh: ne-a 'de on 'di,: yee' or: wlu-' 'de or bo, or 'dae:, 'An 'yu,: an-a' deh⧾-zon⧾-a' dhih 'ma-dih-eh: bo. :Yee': yeh nyor⧾ 'tele': torne-nyor⧾-: 'dekorn:: Falasi'i-nyor⧾-: on 'worn-ih'-a,: yee' on 'kpa 'o an-a' 'jeh dih dhele: 'da 'weh, an no, Deh 'i-deh-nyor: 'o,: or: dhe dih,: or no: ao',: or 'kor-dih Nyorsoa-a' 'nyne: eh? Dha nyor 'wluh: or 'beh-dih:: or 'ye deh⧾-zon⧾-a' dhih bo 'ma-dih:: eh? Nyorsoa: due', or-: 'beh-dih-eh. :Yee': Yusu' yubo: deh an 'chihleh-eh 'i, 'do an-a': porluh⧾ ken, 'de or: wlu 'de on bo, or 'dae:,: Eh no 'de a na-dih deh⧾: daa: gwluhuh' dih 'suh: eh? Eh: kma 'i nyor 'ye: ao' 'da, 'de 'tiei-a' 'meheh'-nyor bo,: eh: mor,: Sorn-', mu yai',: na,: on 'ye mu,: eh: zi 'o,: An-a' deh⧾-zon⧾-a' dhih 'ma-dih-eh: bo. Jorwor: 'an mu-eh a: torne:,: ka 'yu an 'da-dih-a Nyor-kpalu-a' 'yu, or: korn-a 'kpih dha yao 'zorn, 'do deh⧾-zon⧾-a' dhih-a' bo 'ma-dih-eh bo. Eh-a' dhih, or: wlu-' 'de or bo, or 'dae:, 'An zela: on: gwluhuh',: sorn-', mu yai', 'duo:: an-a'a: ken 'pehn-deh-': on 'ye 'de: on 'bli 'gbu mu. :Yee' 'do: dha: due': dao', 'yu: dao', or: sorn-' 'weh 'do on ybei'. Or 'duo: or-a'a: ken 'pehn-deh:, or 'pehn-a ken-', 'de or mu or 'bli, or po Nyorsoa-a' 'nyne ya. :Yee' eh: florn-dih: an-a' klehkpeh-: worn, 'de an po Nyorsoa-a' 'nyne ya. 'De: fano-a: no-uh, an no, Deh⧾: a 'see-a 'ye, me-:: a 'ye 'zean'. :Yee': yeh deh⧾: daa, en zi-a,: yee': Yusu' 'wluh 'o: gwlor-' 'weh, 'de or 'ye 'taa-deh:⧾: za-yu: due', an 'da-dih-a 'Livae, or-:: dhe dih 'do: gbalie,: eh: korn-a 'zorn or za-dih-a 'taa-deh⧾. 'De: Yusu': wlu 'de or bo, or 'dae:, Zi 'o 'on klei'. 'De 'Livae sie 'o deh⧾-a' klehkpeh, or: sorn-', or zi 'o or klei'. Eh: korn 'we-eh: due',: yee' 'Livae 'da: Yusu' 'weh, 'de or 'bli 'gbu, on 'ye son⧾ ybei' kpuhba:.: Yee' 'taa-deh:⧾: za-nyor:⧾: dhulu'-: 'dekorn: nyor⧾: noo'-: mo-: 'kpa: Yusu'-: 'dekorn: or-a'a: bo: na-nyor⧾-: bo, 'de an kpuhba son⧾ ybei'. :Yee': Falasi'i-nyor⧾-: 'dekorn: nyor⧾ 'tele': torne-nyor:⧾: on no-a: Falasi'i-nyor⧾: ke-: mo-:: an jeh: Yusu'-a'a: bo: na-nyor⧾ 'bli, on 'da,: Eh no 'de a: ne, 'taa-deh:⧾: za-nyor⧾-: deh⧾-zon:⧾: no-nyor:⧾: noo'-: a kpuhba son⧾ ybei': eh? 'De: Yusu': wlu 'de on bo, or 'dae:, Nyor⧾: on se-a puhba:, on se: korn on 'ye kwein:: di-nyor 'kwla⧾-' dih 'bhorn. Jorwor: nyor⧾: an puhba-a, mo-:: korn: on 'ye kwein:: di-nyor 'kwla⧾-' dih 'bhorn. 'On: se 'de yi 'do 'yi 'sleh-nyor⧾-a' dhih bo. Jorwor: deh⧾-zon:⧾: no-nyor:⧾, mo-: 'on yi 'da 'da, on 'ye an-a' deh⧾-zon⧾ dih 'tali:, 'de on 'ye 'de Nyorsoa bo 'bili:. :Yee' nyor⧾: dao', on: wlu-' 'de: Yusu' bo, on 'dae:, Nyor⧾ 'ni 'dlu: po: Jororn'-a'a: bo: na-nyor⧾-: 'dekorn:: Falasi'i-nyor⧾-a' no-: an pa 'suehn-', 'do kpor⧾: dhulu' 'di, 'de an wlu 'de Nyorsoa bo. Jorwor:: an-a'a: bo: na-nyor⧾-a 'na-', 'de an di deh 'weh: chio'lo:. :Yeh on dhele-or dih,: yee' or 'da, A se 'beh-dih: a 'ye-eh' no, 'de 'duhba:⧾: on mu-a 'nynor nyina:: kpa-gor-', on 'ye 'suehn-' pa, ti 'nynor-a'a: yibeor: ne-a 'o on bo. Jorwor: ti-a mu 'o: nyni yibeor-a mu 'o on ybei': za-eh:.: Yee' 'do 'we: dao' 'di, an mu 'suehn-': pa. :Yee': Yusu' po 'dlan 'de on bo, or 'dae:, 'De: ka: ne-a: due' 'di, nyor-a' chehn 'o 'wla: dele'-a' 'for, 'de or-a' 'pa 'wla soa.: Mor or no-eh,: yee' 'wla: dele'-a' 'for: se-' 'wla soa bo: mu-dih: i.: Yee' or 'kor-dih: 'wla: dele': dao' yaa'e. 'De nyor-a' po nomor: dele' 'de: zolo-eh:: eh: no-dih-eh deh-ku: soa 'di.: Mor or no-eh,: yee' nomor: dele'-a mu-eh 'i: wa, 'de nomor 'ye dih 'wla, 'de deh-ku:: zolo-eh 'ye 'kor. Jorwor: nomor: dele': korn or 'ye 'de deh-ku-zolo-eh:: dele' 'di: po-eh:. 'De eh se nyor: korn,: mor or 'na nomor soa, 'de or 'ye nomor: dele' 'bhorn. Deh no-eh, or mu: ao', Nomor soa: nmor worn, or: zi 'o: dele' nor-'. Eh: korn-Nyorsoa-a': gwlee-we-eh: due',: yee': Yusu'-: 'dekorn: or-a'a: bo: na-nyor⧾-: an yi-dih 'de deh⧾-yor: an 'da-dih-a 'wii 'nyne-', 'de 'gle.: Yeh an zi-a,: yee' or-a'a: bo: na-nyor⧾ kplan deh⧾-yor:: dao', en-': nee'. 'De an sun-ih dih 'kwa dih, an di-ih. 'De: Falasi'i-nyor⧾-a' nyor⧾: noo' dhele-or dih, on 'dae:,: Eh no 'de a no deh: eh se-a 'o: a-a'a: 'tele'-a': gwie 'i: ne, 'do Nyorsoa-a': gwlee-we-eh 'di: eh? 'De: Yusu' 'dae:, Deh: Debe' no-a, ti 'moeh 'ye-a' or-: or-a'a: bo: na-nyor⧾ no, a: se-eh' zlo: e? Deh or no-a, eh-:: dhe dih. Or pa 'de Nyorsoa-a' 'gbu 'di, 'de or 'duo: 'bhlee: on po-a 'o Nyorsoa ybei',: eh: ne-a gban 'i, nyor 'plo-a' di-a, Nyorsoa-a' 'slaa:: za-nyor⧾: due'-a di-a. 'De or di-eh, or 'nyi eh-a': neheh' or-a'a: bo: na-nyor⧾: ke. :Yee' or 'dae:: neheh' 'de on bo, 'Yu an 'da-dih-a Nyor-kpalu-a' 'yu, or no: Gwlor: baa' 'do Nyorsoa-a': gwlee-we-eh 'dlu bo. :Yee' 'do Nyorsoa-a': gwlee-we-eh:: neheh' 'di,: Yusu' pa 'de 'di: gweh-dih-sla 'zorn, 'de or torne nyor⧾ deh. 'Do: wor or: yeh-dih: 'yu: due': or: korn-a: dila-son 'meh-a. :Yee' nyor⧾ 'tele': torne-nyor⧾-: 'dekorn:: Falasi'i-nyor⧾-: an pobo-or-: ya, on 'ye-eh' 'ye,: eh beh or mu 'yu: dao' 'puh-dih: 'do Nyorsoa-a': gwlee-we-eh 'di-:, 'de on 'ye-or' 'tele' dih: kpon-dih: 'do deh-zon:: no-eh bo. Jorwor: or yubo: deh an na-dih-a: gwluhuh' dih 'weh.: Yee' or: wlu-' 'de 'yu: or: korn-a son 'meh-a bo, or 'dae:, 'Yle.: Nyna dih 'noror nyor⧾ ybei'. 'De 'yu: dao', or: sorn-', or: nyna dih 'do mor. :Yee': Yusu' dhele-uh-: dih, or 'dae:, Eh: ne 'o: a-a'a: 'tele'-a': gwie 'i 'weh, nyor 'ye nyor-': za-dih:, 'do Nyorsoa-a': gwlee-we-eh 'di: e?: Ae' nyor 'ye deh-zon no? Eh: nmor-: 'yi nyor 'ye nyor-a': febeh' zelie:: e?: Ae' nyor 'ye nyor 'dba ke? :Yee': yeh or pobo:-a an-a' klehkpeh ya,: yee' or: wlu-' 'de son-a' 'meheh'-nyor:: dao' bo, or 'dae:, Slo: an-a' son. 'De or slo-uh.: Yee' or-a' son 'bor-'. :Yeh on 'ye-eh,: yee' 'chehn 'dba-uh'.: Yee' on polo: dhih 'de on 'nyne-', deh on 'ye-a': Yusu'-': no-dih:. Eh: korn 'we-eh: due',: yee': Yusu' 'wluh 'o: gwlor-', or mu 'de tluh ken, or 'ye 'de Nyorsoa bo: wlu. 'Do: wor or: ne, or: wlu 'de Nyorsoa bo: wluu:, 'de: wala:: wala: zorn zen. :Yeh zorn zen-a,: yee' or 'da nyor⧾: an na-or bo. 'De or gan nyor⧾-a': bhue: 'yor 'sororn', 'de on 'nyne-', mo-: or 'da-dih or-a'a: dboo-nyor⧾. An-a' 'nyne: wor: dhe dih. Samor' or 'dhu-dih:-a: Piteh'-nyne-:: Piteh'-a' dei' Andlu'-: 'Jeen-:: Jororn'-: Felor'-:: Batale'meor-: Matio'-:: Tormor'-: 'Ehfea-a' 'yu 'Jeen-:: korn Samor' an 'da-dih-a 'Bluhba-dlu-a' dhih: vorn-nyor-: 'Jeen-a' 'yu: Juda'-: 'dekorn:: Juda': Ehkeh'lior: or: za-dih:-a: Yusu'-a' ploo-nyor-'. :Yee': Yusu'-: 'dekorn: or-a'a: bo: na-nyor⧾-: mo-: 'dhle tluh, 'de or: nyna dih 'do 'bluhba-a': dha: or: tehn-dih:-a: gwluhuh'. 'Do: wor or-a'a: bo: na-nyor:⧾: noo'-a': dha: dhulu'-: 'dekorn: nyor⧾: dhulu': on 'wluh-a: Judi'a-bluhba-a' klehkpeh ken dih-:: Julu'slehn-: 'dekorn: 'Taya-gwlor-: 'Saedorn-gwlor-:: en: ne-a 'o yobo' worn 'i-:, 'do: wor on: ne. Nyor⧾: doru': dao', on yi-: 'de, on 'ye-or': dou'⧾ bo: to, 'de on 'ye 'puh-dih-eh: 'do an-a' puhba-deh⧾ bo.: Yee' nyor⧾: yuh 'kwla 'ye-dih-deh⧾-a 'beh-dih-a 'worn dih, mo-: 'puh-dih-eh:: ke. Nyor⧾: dao', an-a' klehkpeh, an 'bhorn: ka on 'ye-a' no, 'de jorwor: on 'ye-or' dih 'tuh. Deh no-eh, 'kpih me-: 'wluh-or', me-: 'puh-dih nyor⧾-a' klehkpeh-a' puhba-deh⧾. :Yee': Yusu' pobo: 'de or-a'a: bo: na-nyor⧾ bo, 'de or 'dae:,: Bhorlie' 'do a bo, a: mor: or se-a deh-a': za-da 'ble. Deh no-eh, a: mor Nyorsoa: korn wlu 'ken: naa. :Bhorlie' 'do a bo, a: mor 'moeh: no-a: naa. Deh no-eh, a mu: dbo.: Bhorlie' 'do a bo, a: mor: or 'vin-a: naa. Deh no-eh, a mu 'keleh:. :Bhorlie' 'do a bo,: mor nyor⧾: taa a 'nyeh,: mor on se a dih kpon, 'de: mor on: taa a 'jle-dih, 'de: mor nyor⧾ 'da a: mor 'kulu-nyor:⧾ 'o, 'do 'yu an 'da-dih-a Nyor-kpalu-a' 'yu-a' dhih bo. :Yee' a 'kpa 'mona-', a 'ye yaa'e dih mu, 'do 'we-eh:: dao' 'di. Deh no-eh, geli': za-dih-deh: 'kawehn:, eh-: a 'ble, 'de Nyorsoa 'bli yai'. 'Ka-: 'o on: bai'-a': bai' no 'do Nyorsoa-a' wele-eh:: po-nyor⧾ bo: dee': ke. Jorwor: 'chlo 'do a bo, a: mor bhaan-nyor:⧾. Deh no-eh, a 'ble a-a' ti 'jeh ne: weh. 'Chlo 'do a bo, a: mor: or: korn-a 'kwli 'yi-a: naa. Deh no-eh, 'moeh mu a: no. 'Chlo 'do a bo, a: mor: or 'keleh-a: naa. Deh no-eh, a mu 'zlu-:, 'de a 'ye 'vin. 'Chlo 'do a bo,: mor nyor⧾-a' klehkpeh: taa a dhih 'jeh 'bhun dih za-dih. Deh no-eh, 'ka-: 'o on: bai'-a': bai' no sih 'tmo: wele-eh:: po-nyor⧾-a' dhih bo: po-eh: dee': ke. :Yee': Yusu'-a kpa or-a' wlu 'dlu bo: chio'lo:, or 'dae:, Jorwor: 'an zela a: gwluhuh', a: mor: or 'worn-a 'an wlu, a: ybeh nyor⧾: on 'nyeh-a a-uh'. 'De mor a no deh⧾ 'jeh ne, 'do: yuh: an ple-a a-a' 'ye-a' bo. Nyor⧾: on po-a a 'chlo bo, a po-uh: bhorlie' bo.: Yee' a: wlu 'de Nyorsoa bo, 'do: yuh: on no-a a dhih-', an-a' dhih bo. :Mor nyor tba: an-a': gea 'kpa,: yee': to 'o 'for-a' 'sororn' nor: ke.: Mor nyor 'duo:: an-a'a: 'korlor-',: yee': an-a': kmu-dih:-' 'wla: yor: ne-a 'de or 'zorn ken dih: ke. :Mor nyor: zlor deh 'de: on bo,: yee' 'nyi-eh or.: Yee': mor nyor kpa: an-a'a:: kororn-deh,: yee': an-a' dhele:-' eh-a' dhih dih: neheh'. Deh a 'bhorn-a nyor⧾ 'ye-a' no 'do a bo, eh-a' 'jeh: dao', eh-: a 'ye no 'do nyor⧾ bo: ke. :Mor eh 'dhu, a: ybeh nyor⧾: on: ybeh-a a-uh',: yee' geli': za-dih-deh-a': yeheh a mu 'ye-: 'de Nyorsoa bo: eh? Deh no-eh, deh⧾-zon:⧾: no-nyor:⧾: sloror'-a' 'jeh, on: ybeh: yuh: on: ybeh-uh-a 'weh: ke. :Yee': mor eh 'dhu, a no deh⧾ 'jeh 'do: yuh: on no-a deh⧾ 'jeh 'do a bo,: yee' geli': za-dih-deh-a': yeheh a mu 'o 'ye-: 'de Nyorsoa bo: eh? Deh no-eh, deh⧾-zon:⧾: no-nyor:⧾: sloror'-a' 'jeh, an no-ih': ke. :Yee': mor eh 'dhu, nyor⧾ a dhe-eh: gwlii',: mor a 'nyi-a deh,: an mu-eh a de 'nyi-:, 'de a 'ye on: due' deh 'nyi,: yee' geli': za-dih-deh-a': yeheh a mu 'o 'ye-: 'de Nyorsoa bo: eh? Deh⧾-zon:⧾: no-nyor:⧾: sloror'-a' 'jeh, an 'nyi on 'bei' deh⧾-zon:⧾: no-nyor⧾ deh 'weh: ke. Deh no-eh, on dhe-eh: gwlii', an mu eh-a' klehkpeh de 'ye-:. Jorwor: a: ybeh nyor⧾: on 'nyeh-a a-uh'. A no deh⧾ 'jeh 'do on bo. A 'nyi-uh deh⧾, 'de a-a': dhe-eh': gwlii',: eh: mor a mu-ih de 'ye-:, 'de on 'kwa.: Mor a no deh⧾-a' klehkpeh: daa,: yee' a mu geli': za-dih-deh:: kolu' 'ye-:.: Yee' a mu 'nynuu: no, 'do 'yi 'beh-Nyorsoa bo. Deh no-eh, or-a': porluh: nmor-: 'yi 'do nyor⧾,: an-a' po-a or-a' 'zio-: 'dekorn: deh⧾-zon:⧾: no-nyor⧾-: bo. 'Do eh-a' dha, a: mor: mloror', a: korn a 'ye nyor⧾-a': wehlih 'ye,: ka a: Baa' Nyorsoa-a no-a: ke. :Yee' a-a': chehn-' a 'bei'-a' zabe 'i 'suh,: yee' Nyorsoa: se-' a-a' zabe: zi i: ke. A-a': kpon-dih:-' a 'bei' zabe,: yee' Nyorsoa: se-' a zabe: kpon-dih: i: ke. A 'ma-dih: deh⧾-zon:⧾ a 'bei'-a no-a a 'bhun, en-' dhih bo.: Yee' Nyorsoa-a mu a-a' deh⧾-zon⧾-a' dhih bo 'ma-dih:: ke. A 'nyi a 'bei' deh.: Yee' Nyorsoa-a mu a deh⧾ 'nyi-:: ke. 'Nyii'-deh: Nyorsoa-a mu-a a 'nyi-:, eh mu: dbo-dih-eh: deh 'jeh neh, 'de eh 'ye dih 'nyeh-eh:, eh 'ye deh 'yi, eh 'ye 'zorn 'wla: bhla: bhla, 'de eh 'ye 'de a 'kwa: po-eh:. Deh no-eh,: ka a no-a a 'bei'-a' ne-a': dbo-dih-eh, 'ka-: Nyorsoa-a mu a-a' ne-a': dbo-dih-eh: no: ke. :Yee': Yusu' po 'dlan 'de on bo, or 'dae:, 'Doror'-nyor 'beh-dih: or 'ye 'doror'-nyor: na-dih:: e?: Mor or no-eh,: yee' an-a' klehkpeh: se 'de 'bie' 'di 'kpa-: i: e? Nyor: or 'chean'-a deh, or se 'i 'beh, or se 'o nyor: or torne-or deh-': zi. Jorwor: nyor: or 'chean'-a deh⧾-a' klehkpeh or: korn or 'ye-ih 'chean',: yee' or mu nyor: or torne-or deh: gweh. :Eh no 'de: an 'ye: gbehne-eh-yu: due': ne-a 'de: an-a' 'de-di' 'yli-e: eh? Jorwor: tu 'kplo: yor: or: ne-a 'de: an-a' 'jeh 'yor-eh 'yli-e,: an-a' 'ye-or': e? :Yee': kaa: on 'beh-dih:: on 'ye 'de or bo: wlu-eh no: eh?: On 'ye: ao', 'An 'de-di', 'yle, 'on 'ye: gbehne-eh 'de: on 'yli-e-': za,: mor: on: se-' tu 'kplo: or: ne-a 'de: an-a' 'jeh 'yli-e 'ye.: Mor nyor⧾-a' 'yli 'ye-nyor:: daa,: za 'de tu 'kplo: dao' 'de: an-a' 'jeh-a' 'yli-e: zai',: yee': an mu dih 'ye-: deh 'jeh, 'de: on 'ye: gbehne-eh-yu:: eh: ne-a 'de: on 'be 'yli: za. :Yee' eh se tu 'jeh no: korn,: on 'ye-a' 'bi-zon⧾: tlo. 'De mor eh se tu-zon: korn,: on 'ye-a' 'bi 'jeh ne: tlo. Tu-a' 'bi, me-: nyor⧾-a yubo-dih tu. 'Wu⧾-kwla: se-' gwehn: tlo i. 'De dlan: se-' 'nyoeh': tlo i. Nyor 'jeh nor dhe deh⧾ 'jeh dih, 'do or-a': porluh ken, 'do: wor or za deh⧾ 'jeh. 'De 'kulu-nyor dhe deh⧾-zon⧾ dih, 'do or-a': porluh ken, 'do: wor or za deh⧾-zon⧾. Deh no-eh, deh⧾: en 'yi-a 'o 'do nyor⧾-a': porluh⧾ ken, me-: an-a' worn⧾-' za-'. :Yee': Yusu': wlu-' 'de nyor⧾ bo, or 'dae:,: Eh: korn dhih a 'da-dih 'on,: Gwlor: baa',: gwlor: baa', 'de a-a' 'worn, a-a' no deh 'an zela a: gwluhuh': eh? Nyor⧾-a' klehkpeh: on yi-a 'de 'on bo, 'de: on 'worn-a 'an wlu, 'de: on 'chean'-a deh⧾ 'an za-a-', en-' no-a',: yee' 'an mu-eh a: torne: deh on gweh-a. On gweh nyor: or po-a 'gbu, 'de: or 'blu-a glu,: or: tehn-dih:-a 'bie' 'di, 'de: or po-a or-a'a: 'gbu glu, 'do 'soba ken.: Yee' ti 'ni 'yi-a, 'de eh bla-a 'gbu 'i,: yee' eh se 'beh-dih: eh 'ye-uh' 'i gbua:. Deh no-eh, on: po-eh:-' deh 'jeh neh. Jorwor: nyor: or 'worn-a 'an wlu, 'de: or se-a deh⧾ 'an za-a-', en-' no-a' 'chean',: yee' or gweh nyor: or po-a 'gbu,: or se-a glu 'blu deh 'jeh neh.: Yee': yeh 'ni bla-a 'gbu: dao' 'i,: yee' 'do: dha: due': dao', on blu-'.: Yee' on: gba ya klehkpeh. :Yee': yeh: Yusu' jla-a 'do deh⧾: daa or za-a-', 'de nyor⧾: dao' bo,: yee' or mu 'de: Kapa'nior-gwlor-'. :Yee' sorye'-a' nyor: klaba': due', or-: 'ble 'bhoi-yu,: or puhba-a, 'de: or 'bhorn-a 'meh-a'. 'Yu: daa, or no: dhih: kma-yu: 'do or bo. :Yeh sorye'-a' nyor: klaba': dao', or 'worn-a: Yusu'-a' 'nyne,: yee' or dbo 'de: Jueh'-nyor⧾-a' 'bluhba:: korn-nyor:⧾: noo', on 'ye-or' 'da, or 'ye 'de yi, or 'ye or-a'a: 'bhoi-yu 'puh-dih:. :Yeh on nyni-a 'o: Yusu' bo,: yee' on bale-or deh 'jeh, on 'da, Nyor-kpalu:: daa, or: bleh-dih-eh 'i,: on 'ye deh: daa no 'do or bo. Deh no-eh, or: ybeh: a-a' nyor⧾-' 'weh. 'De or po: a-a' 'di: gweh-dih-sla 'do: a bo. :Yeh on: za-a deh: dao',: yee': Yusu' zi 'o on klei' 'weh.: Yee': yeh an 'koan'-dih-a 'gbu dih,: yee' sorye'-a' nyor: klaba': dao', or dbo or 'bei': noo' 'de: Yusu' bo, on 'ye-or: gwluhuh' zela:, on 'ye: ao',: A 'be 'dae:,: Gwlor: baa', 'bor,: an-a' 'beh-dih:-': an-a' 'jeh 'worn dih. Or 'da, or se-eh 'i: bleh-dih:,: on 'ye 'de or-a'a: 'gbu 'di pa. Or 'da, eh-:: korn dhih: oo', or: se-' or-a' 'jeh nyor 'da-dih:, or 'ye 'de: on bo yi: sloror'. Jorwor: dbo wlu 'suh,: yee' or-a'a: 'bhoi-yu-a mu 'puh-:. Or 'da, Or-a' 'jeh: ke, or-: nyor-kpalu: 'o,: or: ne-a 'o 'tele' 'zorn. 'De or 'ble 'kpih 'do sorye': on: ne-a 'o or 'zorn ken.: Mor: yor or zela:: gwluhuh', Mu,: yee': mloror' mu-'.: Yee': mor: yor or 'da, 'Yle,: yee': mloror' yi-: 'de.: Yee': mor or 'da 'de or-a'a: 'bhoi-yu bo, No deh: daa,: yee': mloror' no-eh'. :Yeh: Yusu' 'worn-a deh: daa,: yee' eh: florn-dih-or-: worn. 'De or 'bili:-' dih 'de nyor⧾: doru': an zi-a 'o or klei' bo, or 'dae:, 'An zela a: gwluhuh', 'on 'see eh-a' nyor 'ye, or 'ye dhih 'jeh-': po-eh 'ble deh: dao', dha 'Ezlea-bluhba-a' 'jeh ken. :Yee': yeh: yuh: on: dbo-eh, on mu-a 'de sorye'-a' nyor: klaba' 'bli 'gbu de,: yee' on: yeh-dih: 'bhoi-yu:: dao'-: ken, or 'puh-'. :Yee': yeh: Yusu' 'puh-dih:-a sorye'-a' nyor: klaba'-a' 'bhoi-yu, eh: se 'o: gwle,: yee' or mu 'de: gwlor an 'da-dih-a 'Nee 'di. Or-a'a: bo: na-nyor⧾-: 'dekorn:: gwlor-nyor:⧾: doru'-: mo-:: ne or: mu-dih:: dha: due'. :Yeh an 'koan'-dih-a 'o: gwlor: dao'-a' gba-dih-gba worn 'i dih,: yee' 'do: dha: due' 'jeh: dao', 'yu: due': or 'meh-a, or-: nyor⧾-a kpa-dih nma-dih: 'da. 'Yu: dao', or: due', or-: or 'de 'wluh. 'Nynor-a' 'jeh: dao', or-a'a: yibeor 'meh-'.: Yee' nyor⧾: doru',: on 'wluh-a 'de: gwlor-', mo-: zi 'o or klei'. :Yeh: Gwlor: baa' 'ye-a 'nynor: dao',: yee' or-a': wehlih 'kpa 'de or 'di 'weh. 'De or: wlu 'de or bo, or 'dae:, 'Bor 'vin-a'. 'De or mu 'de, or 'tuh 'dali: on 'pehn-dih:-a 'ku ken dih, 'de nyor⧾: an tele-uh-a, on: nyna dih.: Yeh on: nyna-a dih, 'de or: wlu 'de 'meheh'-ku:: dao' bo, or 'dae:,: Goba'-yu:, 'an zela: on: gwluhuh',: sorn-'. :Yeh or 'da: ao',: yee' 'yu: dao', or: dhe dih. 'De or 'kpa 'o: wlu 'da. 'De: Yusu' 'nyi-or or 'de: dele' ka. :Yeh or no: ao',: yee': fano-a: no an-a' klehkpeh, 'de an 'nyi Nyorsoa-a' 'nyne dhih-a' 'i 'beh-a', on 'da, Nyorsoa-a' wele-eh:: po-nyor:: klaba': oo', or-: 'wluh-dih: 'de: a 'nyne-'. 'De on: wlu: neheh', on 'dae:, Nyorsoa yi-: 'de, or 'ye or-a'a: nyor⧾-': za-dih:. :Yee': Yusu'-a' 'nyne: daa, en gweh: Judi'a-bluhba-a' klehkpeh-: 'dlu 'dekorn: 'bluhba:⧾: en 'gela-or 'de dih: ke-:. :Yee' nyor⧾ 'ni 'dlu: po: Jororn'-a'a: bo: na-nyor⧾ zela-or deh⧾-a' klehkpeh: Yusu' no-a-:: gwluhuh'.: Yeh or 'worn-ih'-a,: yee' or 'da an-a' nyor⧾ 'sororn' 'do or bo. 'De or dbo-uh 'de: Gwlor: baa' bo, on 'ye-or' dih dhele:,: eh beh or: oo': or 'dhu nyor: or mu-a 'de: yi: eh?: Ae': a: fuo: nyor: noror' 'ken ke? :Yee': yeh nyor⧾: dao', on: yeh-dih:-a: Yusu' ken,: yee' on: wlu-' 'de or bo, on 'dae:, Nyor⧾ 'ni 'dlu: po: Jororn' dbo: a-uh 'noror: on bo, or 'dae:,: Mor 'o,: or 'dhu nyor: or mu-a 'de: yi: e?: Ae': a: fuo: nyor: noror' 'ken ke? :Yee' 'do ti: dao' 'di,: Yusu' 'puh-dih: nyor⧾: dhulu': on 'ble-a puhba-deh⧾-: 'yaa'-deh⧾-: 'dekorn:: yuh 'kwla 'ye-dih-deh⧾: ne-a 'o 'de-:. 'De nyor⧾: dhulu': on 'dor-a, 'de or no-eh, 'de an 'ye dih: ke. Eh-a' dhih, or zela-uh-:: gwluhuh', or 'dae:, A mu deka.: Yee' a zela:: Jororn': gwluhuh' deh⧾ a 'ye-a-: 'dekorn: deh⧾ a 'worn-a-:. 'Doror'-nyor⧾-a 'ye-: dih. 'De: kloror-nyor⧾-a na. 'De nyor⧾ yau-zon-weh kpon-a, an 'puh, 'de on: gweh: vlehehn'-': ka: Mose'-a' 'tele' no-a mu-a'. 'De 'suun'-nyor⧾-a 'worn dih. 'De 'meheh'-nyor⧾-a sorn-'. 'De Nyorsoa-a' tubo-wlu:⧾ 'jeh-a po-eh 'de se deh-a': za-da 'ble-nyor⧾ bo. :Yee': bhorlie' 'do nyor: or se-a 'an dhih-' dhobo:, 'do or: porluh ken. :Yeh: Jororn'-a'a: dboo-nyor⧾ 'wluh-a 'o: Yusu' bo,: yee': Yusu' 'kpa 'o: Jororn'-a' dhih: za 'da 'weh, 'de nyor⧾: doru': dao' bo, or 'dae:, Ti a mu-a 'de: Jororn' bo 'de: bhehneh'-bluhba ken,: yee' deh 'i-deh: a mu 'ye 'da: eh? A mu nyor: or gweh-a: peli'-gan:: pobor'-a bla-a, 'ye 'da: e? :Mor eh se: ao': ne,: yee' deh 'i-deh: a mu 'ye 'da 'de: bhehneh'-bluhba ken: eh? Nyor: or pa-a 'tiei:: nmaa'e-': e? 'Kei:. Nyor⧾: on pa-a 'tiei:: nmaa'e, 'de: on 'ble-a deh⧾-a' klehkpeh,: an di-dih-a deh 'worn, mo-: 'ti 'de 'keen-boi' 'bli 'sla⧾ ya. :Yee' deh 'i-deh: a mu 'ye 'da, 'de: bhehneh'-bluhba ken: eh? Nyorsoa-a' wele-eh:: po-nyor:: e? Keen': mloror': kpeheh:. Jorwor: 'an zela a: gwluhuh', or: se wele-eh:: po-nyor: 'suh. Or: zi 'o wele-eh:: po-nyor-' 'weh. Or-: 'o,: or: korn dhih Nyorsoa: za-a-' 'de or-a'a: 'chlee-deh 'di, or 'da, 'An mu 'an-a: tubo-wlu:⧾: po-nyor: on ybei': dbo o. Or-: mu: an-a'a:: gwie 'kpa: po 'do: on ybei'. :Yee': Yusu'-a kpa or-a' wlu 'dlu bo, or 'dae:, 'An zela a: gwluhuh', nyor⧾-a' klehkpeh 'nynor⧾-kpao'⧾ 'wluh-a, eh se nyor: korn: or 'ye-a 'i 'beh,: or 'ye-a 'o: Jororn'-': zi. Jorwor: nyor: or no-a nyor 'zeehn: naa, 'do nyor⧾: on: ne-a 'de Nyorsoa-a' nyor⧾ wlu 'ken: korn-eh 'zorn,: yee' or-a' 'jeh: dao', or-: 'beh 'i, or-:: zi 'o: Jororn'-'. :Yee' nyor⧾-a' klehkpeh-: 'dekorn: 'taa-deh:⧾: za-nyor⧾-:: yeh on 'worn-a deh: Yusu': za-a-',: yee' on 'worn-dih-eh 'i,: ka Nyorsoa-a': gwie 'sleh-a 'i. Deh no-eh, on: po-eh: 'ni 'dlu 'weh: zai', 'de: Jororn' bo. Jorwor:: Falasi'i-nyor⧾-: 'dekorn:: Mose'-a' 'tele' yubo-nyor⧾-: deh Nyorsoa 'dhu-a 'do on bo, on: se-eh' dih kpon. Deh no-eh, on: se-' 'worn: Jororn' 'ye-uh' 'ni 'dlu: po. :Yee': Yusu'-a kpa or-a' wlu 'dlu bo, or 'dae:,: Yee' deh 'i-deh: 'on 'beh-dih: 'on 'ye: kana-nyor:⧾: daa 'i: po-dih:: eh? Deh on gweh: eh? On gweh 'nynuu:: nyene': on: dhe-a dih 'do 'doror', 'de: an wele-a on 'bei',: an no-a,: A bla: tou' 'do a bo. Jorwor: a-a' 'worn, a-a' ye.: A ble nyor-a' 'meheh'-duh:⧾ 'do a bo. Jorwor: a-a' 'worn, a-a' 'vin. :Yee': Yusu'-a kpa or-a' wlu 'dlu bo, or 'dae:, Ti nyor⧾ 'ni 'dlu: po: Jororn' yi-a 'de,: yee' or pa-' 'suehn:, 'de or: se-' nomor 'na,: yee' a 'da, 'Kwla 'ye-dih-deh:: ne 'o or 'de. :Yeh 'yu an 'da-dih-a Nyor-kpalu-a' 'yu yi-a 'de, or di deh 'weh, 'de or 'na,: yee' a 'da, A: gbee'e:. 'Yu: daa, or no deh: di-nyor-: nomor 'na-nyor-:. 'De or no 'taa-deh:⧾: za-nyor⧾-: 'dekorn: deh⧾-zon:⧾: no-nyor:⧾: noo'-: an-a': ybeh-dih-nyor. Jorwor: nyor⧾-a' klehkpeh: on 'worn-dih:-a Nyorsoa-a': toror' ken dih, an-a' noo-deh⧾-a mu-eh gbor: za,: ka Nyorsoa-a': toror' 'sleh-a 'i. Eh: korn 'we-eh: due', 'de: Falasi'i-nyor⧾-a' nyor: due': pi-dih:: Yusu' 'de or 'bli 'gbu. 'De: Yusu' mu, or di deh. :Yee' 'nynor: due', or-:: ne 'de: gwlor: dao' 'di, or-: nyor⧾-kpalu⧾-a bor-dih bo.: Yeh or 'worn-a: Yusu'-a' 'nyne,: ka or: ne-a 'de: Falasi'i-yu:: dao' 'bli 'gbu 'di, or di-a deh,: yee' or: ya 'de: yabo': or: no-dih-eh sobu' an 'da-dih-a: alaba'ta. 'Do: wor: pofi'orn: ne. :Yeh or yi-a 'de,: yee' or: nyna dih 'de: Yusu' 'kpuh 'i, 'de or buh⧾ bo, 'de or 'vin. 'De or-a' 'mii:: tehehn': en 'wluh-a 'de or 'yli, me-: zi: Yusu'-a': buhbuh⧾ dih. 'De or no or-a' 'mii:: en: ne-a 'o or 'dlu, or 'slan: Yusu'-a': buhbuh⧾ dih. 'De or 'nya or-a': buhbuh⧾, 'de deh-' 'ye ka 'di, 'de or 'wla-ih: pofi'orn:: dao'-'. :Yeh: Falasi'i-yu:: dao',: or: pi-dih:-a: Yusu', or 'ye-eh,: yee' or: wlu-' 'de or-a' 'jeh 'di, or 'da,: Mor 'yu: daa, or 'dhu Nyorsoa-a' wele-eh:: po-nyor-': dee',: yee' or mu-eh yubo:: dee' 'nynor: daa: or 'tuh-or dih, nyor or 'dhu-eh:-', 'de mor: ka or 'dhu-a deh⧾-zon:⧾: no-nynor-'. :Yeh or: za-a deh: daa-', 'do or-a' 'jeh: gwlii',: yee': Yusu': wlu-', or 'dae:, Samor', 'on 'ble deh 'on 'ye: on: gwluhuh' zela:. 'De Samor' 'da,: Ao, nyor⧾ deh: torne-nyor:. Zela: 'on: gwluhuh'. 'De: Yusu': wlu, or 'dae:, Nyor⧾-kpalu⧾ 'sororn', mo-: kpon kpa 'de 'yu: due': or nyor⧾-a kpon-dih-a kpa 'kwa.: Due' kpon 'dhorla-a': kehehn': mm' dih, 'de: noror' kpon 'dhorla-a': kwlaa: mm' dih. Mo-:: ne-a 'sororn', on se 'wlii-eh 'ble, on 'ye or-a' kpa⧾: za.: Yee' or 'tali: kpa⧾: dao', en-' dhih-: dih.: Yee' nyor: yoror: or mu-or': ybeh,: eh 'ye 'o: zi: naa: eh? 'De Samor' 'da, 'On yubo-eh',: yor: or: korn-a kpa: klaba' or 'tali:-a dih, or-: mu 'yu: dao'-': ybeh,: eh 'ye 'o: zi.: Yeh or 'da: ao',: yee': Yusu': wlu-' 'de or bo, or 'dae:, 'Ka-: eh: ne 'jeh ka. :Yee': Yusu' 'bili: 'de 'nynor bo 'weh, 'de or: wlu 'de Samor' bo, or 'dae:,: An 'ye 'nynor: daa 'weh: e?: Mor, Samor',: yeh 'on yi-a 'noror: on 'bli 'gbu,: yee': on: se-' 'on 'ni 'nyi, 'on 'ye: buhbuh⧾ dih: dle. Jorwor: 'nynor: daa, or-a' 'mii:: tehehn', me-: or no, 'de or: dle 'an: buhbuh⧾ dih, 'de or no or-a' 'mii:: ne-a 'o or 'dlu, 'de or 'slan 'an: buhbuh⧾ dih. :On: se-' 'de 'on: bhluun'⧾-' 'kpa. Jorwor:: eh 'wluh-a 'o ti 'on yi-a 'noror: on 'bli 'gbu, 'nynor: daa, or 'see 'an: buhbuh⧾-a' 'nya-a' 'bor 'de deh-' 'ye ka 'di. :On: se-' 'on 'chlan 'dlu: po. Jorwor: 'nynor: daa, or-: 'wla 'an: buhbuh⧾: pofi'orn. :Yee' eh-a' dhih, 'an zela: on: gwluhuh', 'an: dhih: kma-eh:: klaba' or 'ble-a, eh-:: to-dih:: a 'i,: ka or-a' deh⧾-zon:⧾: doru' or 'ble-a, 'de en-' dhih 'ma-dih-eh: bo. Jorwor: nyor: or: korn-a deh⧾-zon:⧾: en se-a 'i: dhie:, 'de en-' dhih 'ma-dih-eh: bo,: yee' or se: ybeh-dih-eh:: klaba' 'ble. 'De: Yusu': wlu 'de 'nynor: dao' bo, or 'dae:,: An-a' deh⧾-zon⧾-a' dhih 'ma-dih-eh: bo 'weh. :Yeh: Yusu' 'da: ao',: yee' nyor⧾: on: ne or di-dih-a deh: dha: due', on 'kpa 'o: wlu 'da 'weh, 'de an-a' 'jeh 'nyne-', an no, Deh 'i-deh-nyor: 'o,: or: dhe dih,: or 'ma-dih nyor⧾-a' deh⧾-zon⧾-a' dhih bo ke: eh? :Yee': Yusu': wlu-' 'de 'nynor: dao' bo, or 'dae:,: An-a' dhih 'jeh-': po-eh no-eh, 'de: on 'puh. Mu: pehleh'peh:. :Yee': yeh ti: zi-dih:-a 'o ken dih,: yee': Yusu'-a na: gwlor⧾: klaba'⧾-: 'dekorn:: gwlor⧾: nyene'-: 'di dih. 'De or po tubo-wlu:⧾ 'jeh: en kor-a Nyorsoa-a' nyor⧾ wlu 'ken: korn-eh 'i.: Yeh or mu-a,: yee' or-a'a: bo: na-nyor:⧾: on: korn-a: bhue: 'yor: ne-a 'sororn', on: ne 'o or bo 'weh: ke, 'dekorn: 'nynor⧾ or: za-a 'kwla 'ye-dih-deh⧾ 'de, 'de: on: korn-a puhba-deh:⧾ or 'bor-dih:-a,: on 'dhu-a,: Mehle': or 'wluh-a: gwlor an 'da-dih-a: Magala',: or 'kwla 'ye-dih-deh⧾: meheh' 'sorn: za-eh: 'o 'de: dee', 'dekorn:: Joa'na-:: or 'dhu-a 'Chuza-a'a: 'nynor-'. 'Chuza:: dao', or-: 'Keen: Hehlo'-a'a: 'gbu-a' deh⧾-a' klehkpeh: po-eh: 'de 'kwa. 'De: Suza'na-: 'dekorn: 'nynor⧾: dhulu': noo': on 'duo:-a an-a' 'jeh-a'a: 'wlii, 'de on no-a: Yusu'-: 'dekorn: or-a'a: bo: na-nyor⧾-: deh⧾ 'jeh bo dih, mo-:: ne 'o: ke. Eh: korn 'we-eh: due',: yee': gwlor-nyor:⧾: doru', mo-: 'wluh gwlor⧾ 'di dih, on 'kpa: dha: due', 'do: Yusu' bo.: Yee' or po 'dlan, or 'dae:, :Yee' 'yu: due': oo', or-: mu deh⧾-yor:: gba 'da.: Yeh or gba-ih-a 'de 'gle,: yee': nee' 'kpa 'o: gwie 'i, 'de nyor⧾ 'si-dih-ih ken dih. 'De neme:: en zi-dih-a dih 'de yai', en mla-ih. :Nee' 'kpa 'o 'bluhba ken: or: ne-a 'soba 'zorn.: Yeh en me-a,: yee' en 'klan-'. Deh no-eh, en se 'ni 'ye. 'De: nee' 'kpa 'de 'wu⧾-kwla 'nyne-'.: Yeh en: ne-a 'wu⧾: me-dih:-a: dha: due',: yee' 'wu⧾: mla-dih-ih-: worn. Jorwor:: nee' 'kpa 'o 'bluhba: 'jeh ken, me-: me, 'de: en wa.: Yeh en wa-a,: yee' 'yor-eh: due' po 'yor-a': kehehn': due',: neheh' po: kehehn': due'.: Yeh: Yusu': za-a deh: daa-',: yee' or po wele-eh:, or 'dae:, Nyor: or 'ble-a: dou'⧾: or 'ye-a' dhih 'worn, 'nyi or 'worn-ih. :Yeh: Yusu' po-a 'dlan: daa,: yee' or-a'a: bo: na-nyor⧾ dhele-or-: dih, deh deh⧾-yor-dlan:: dao' or 'dhu-eh:-'. :Yee' or 'dae:, Nyorsoa-a' nyor⧾ wlu 'ken: korn-eh-a' 'slan: za-eh: gbor 'de a: mor: mloror' bo. Jorwor: or: ne 'de 'dlan⧾ 'di, 'do nyor⧾: noo' bo. Eh-: no-eh, 'de: mor on pobo: dih, 'de an-a' 'ye dih.: Mor on: to: dou'⧾, 'de an-a' 'worn deh-' dih. :Yee' deh 'yu: or gba-a deh⧾-yor, or-a' 'dlan 'dhu-eh:-', eh-:: dhe dih. Deh⧾-yor-: 'dhu Nyorsoa-a' wlu-'. Deh⧾-yor:: or 'kpa-a 'o: gwie 'i, or gweh nyor⧾: on 'worn-a Nyorsoa-a' wlu.: Yeh on 'worn-ih'-a,: yee' 'ku yi-: 'de, 'de on: za 'o Nyorsoa-a' wlu 'do on: porluh⧾ ken, 'de on: ne-' dhih 'jeh-' po, on: ne-' 'puh. Deh⧾-yor:: or 'kpa-a 'o 'bluhba:: or: ne-a 'soba 'zorn ken, or gweh nyor⧾: yuh: mor on 'worn Nyorsoa-a' wlu,: yee' on kpon-uh-: dih 'do: porluh⧾-a' dih 'pehn ka 'di. Jorwor: on se deh-' dih 'worn-eh: 'jeh 'ble.: Yee' on gweh deh⧾-yor:: or: korn-a buh⧾ se-a: dha: dhorno' mu 'de glu.: Yee' on po-eh dhih 'jeh-', 'do ti-kpor-bei 'di. Jorwor:: mor 'ku 'dhen-uh dih,: yee' on ple-', on 'tali: Nyorsoa-deh-: dih. Deh⧾-yor:: or 'kpa-a 'de 'wu⧾-kwla 'nyne-', or gweh nyor⧾: on 'worn-a Nyorsoa-a' wlu, jorwor:: ka an kpa-a 'kmo: ne-eh 'dlu bo,: yee' 'kmo bo-deh:⧾: en 'dhu-a, an-a' 'jeh-a': porluh⧾ 'worn dih 'beh-dih-eh-: bhan-a'-: 'dekorn: an-a' 'jeh-a': porluh⧾ dih 'pehn-dih-eh-: me-: kpon-uh: bhluun' 'worn dih, 'de an-a' 'yor: se-' wa. Jorwor: deh⧾-yor:: or 'kpa-a 'o 'bluhba: 'jeh ken, or gweh nyor⧾: on 'worn-a Nyorsoa-a' wlu, 'de: on kpon-uh-a dih 'de: porluh: 'jeh ka 'di-: 'dekorn: 'de 'yi 'sleh ka 'di-:. On po 'de 'kpih, 'de on: se-' sea, 'de on po 'yor. :Yee': Yusu'-a kpa or-a' wlu 'dlu bo, or 'dae:, Nyor-a' tba 'nape, 'de or-a' 'jli-eh: yabe ken, 'de mor or-a': dhe-eh dih, 'de ken 'pehn-deh 'zorn. Jorwor: or dhe-eh: dha eh: korn-a dih, 'de nyor⧾: an pa-a 'de 'gbu, on 'ye zorn-pli-a' 'ye-a' 'beh-dih:. Deh: eh 'zile-eh, eh mu ken: nyeh. 'De deh: eh: kan-eh worn 'i, eh mu yubo-eh:, 'de mor eh mu 'o zorn-pli 'i: yi. 'Do eh-a' dha, a 'dhu a-a' 'jeh: dhororn',: ka a no-a deh⧾-a' 'worn-a'. Deh no-eh, nyor: or 'ye-a deh⧾: dhulu', or-a'a: deh⧾: dhulu' or 'ye-a, en mu ken 'kpa-:. Jorwor: nyor: or se-a deh 'ye, or-a'a: deh-yu-a' 'jeh or na-dih-a: gwluhuh' dih, 'do or: porluh ken, or 'da, or 'ble-a, eh mu-or 'kwa: za-eh:. :Yee': Yusu' 'de-: 'dekorn: or-a' dei'-nyor⧾-kpalu⧾-: mo-: yi 'o or bo. Jorwor: on se 'beh-dih: on 'ye-or' dih 'koan'-dih:. Deh no-eh,: gwlor-nyor⧾: dhie: 'i. 'De nyor zela-or: gwluhuh', or 'da,: On 'de-: 'dekorn:: an-a' dei'-boi'-: mo-:: nyna dih 'de 'zorn, an 'bhorn: an-a' 'ye-a'. Jorwor:: Yusu': wlu-' 'de or bo, or 'dae:, Nyor⧾: on 'worn-a Nyorsoa-a' wlu, 'de: on dhe-a 'o or-a' 'tele' dih, mo-: 'dhu 'on 'de-: 'dekorn: 'an 'de-di'-boi'-:-'. Eh: korn 'we-eh: due', 'de: Yusu'-: 'dekorn: or-a'a: bo: na-nyor⧾-: on 'kpa 'de 'blagbe 'di. 'De or zela-uh: gwluhuh', or 'dae:, A zi,: a 'dhan,: a 'ye 'de: Galali'i-yobo'-pehnu 'de 'kpa. 'De on 'kpa: gwie 'i. :Yeh an mu-a,: yee' or 'kpa-' 'nyinor:.: Yee': pobor': dhulu', or-:: yi-dih-uh 'de 'ni ken. 'De 'ni-a 'yi 'de 'blagbe 'di dih.: Yee' on: ne 'o: gwlebo:: gwie 'i. 'De on mu, on za-or 'nyinor-', on 'dae:, Nyor⧾ deh: torne-nyor:. Nyor⧾ deh: torne-nyor:. 'Ni-a kpa: a 'weh o.: Yee' or: sorn-' 'weh, 'de or po: pobor'-: 'dekorn: yobo'-pehnu-a' 'duh⧾: klaba'⧾: dao' 'borboa' 'i.: Yee' en 'bor-', en no 'dhuan. :Yee' or dhele-uh-: dih, or 'dae:, Dha a-a' dhih 'jeh-': po-eh: ne: eh?: Yeh or 'da: ao',: yee' eh: florn-dih-uh-: worn, 'de: fano-a no-uh. 'De an 'chihleh-eh 'i, an no, Deh 'i-deh-nyor: 'o,: or: dhe dih: eh?: Mor or 'nyi 'ni-: 'dekorn:: pobor': sloror'-: 'tele',: yee' en dhe 'o or-a' 'tele'-: dih. :Yee': yeh: Yusu'-: 'dekorn: or-a'a: bo: na-nyor⧾-: an mu-a,: yee' on nyni 'o: Galasi'i-nyor⧾-a' 'bluhba ken,: or: ne-a: Galali'i-bluhba: boleh:-a 'i, 'de en po-a 'o yobo'-pehnu 'do gwea. :Yeh on 'si-a dih 'do 'kpuhba' 'i,: yee' 'yu: due',: or 'wluh-a 'de: gwlor-', 'de: or 'kwla 'ye-dih-deh⧾: ne-a 'o 'de, or-: 'ya-dih-uh 'i. 'Yu: daa, or: se-' 'tiei-' pa, 'do ti: dhorno'⧾ 'di. Or se 'gbu 'di 'ti. Jorwor: or 'ti 'de nma-dih-deh⧾ 'klu-'. :Yeh or 'ye-a: Yusu',: yee' or 'wor-', or bla 'koor-dlu⧾ 'yi glu 'do or ybei', or po 'geh⧾ 'gabaa, or no,: Yusu', 'yi 'beh-Nyorsoa-a' 'Yu. Deh: an 'bhorn: on 'ye 'on-': no-dih:: eh? 'An bale: on 'weh,: on: korn 'gen,: an-a' 'ye-dih:-' 'on 'kle o. Deh: korn-a dhih or 'da: ao' 'de: Yusu' bo, eh-: 'dhu,: yeh: Yusu' 'ye-or: zai',: yee' or 'nyi 'kwla 'ye-dih-deh 'tele', eh 'ye 'o or 'de 'wluh.: Yee' 'do ti: dhulu' 'di, 'kwla 'ye-dih-deh 'kpa 'yu: dao'-: ken. Keen': mloror' on 'dhu-or 'yli-eh bo, on po-or 'chen-dubu'⧾ son⧾-', 'de on po-or: gbolo-eh buh⧾-'. Jorwor: or: wa-dih:: gbolo-eh-: 'dekorn: 'chen-: dih. 'Do ti-a' klehkpeh bo, 'kwla 'ye-dih-deh kpa-or 'de: bhehneh'-bluhba ken. 'De: Yusu' dhele-or dih, or 'da,: An-a' 'nyne: eh? 'De or 'da, 'An 'nyne: wor Sorye': dhulu'. Deh no-eh, 'de or 'da: ao', 'kwla 'ye-dih-deh:⧾: dhulu': ne 'o or 'de. 'De en bale:: Yusu' or: ne-ih' 'tele' 'nyi, en: ne 'de 'bie': dhorno': eh se-a: sie: 'da: korn 'di mu. :Yee' 'do dha-a' 'jeh: dao',: yee': bee'⧾: dhulu', me-: wa dih 'do tluh: gben-eh 'i. 'De 'kwla 'ye-dih-deh⧾ bale-or, en 'ye 'de: bee'⧾ 'di pa.: Yee' or 'worn-dih-eh ken dih 'weh. 'De en 'wluh 'o 'yu: dao' 'de, en mu, en pa 'de: bee'⧾ 'di.: Yee': bee'⧾: dao', en jla: jiin'-: glu, 'de en: za 'noror tluh: gben-eh 'i ple-a', en 'kpa 'o yobo'-pehnu worn, 'de en 'meh 'do 'nior. :Yee': yeh nyor⧾: an 'dhu-a: bee'⧾: dao' 'yli-eh bo, on 'ye-a deh: eh: no-eh,: yee' on ple-', on mu 'de: gwlor-'-: 'dekorn: 'de: gbalie⧾ bo dih-: 'de an zela nyor⧾: gwluhuh'. 'De nyor⧾ yi deh: eh: no-eh 'ye 'da.: Yeh on yi-a 'de: Yusu' bo,: yee' on 'ye 'yu: or 'kwla 'ye-dih-deh⧾ 'wluh-a 'o 'de 'weh, 'de or: dhe 'o: Yusu'-a' buh⧾ bo dih, or pa deh-', 'de or yi or-a' 'jeh bo.: Yee' eh po-uh': fano:. :Yee' nyor⧾: on 'ye-a deh: eh: no-eh, on zela: nyor⧾: gwluhuh': ka 'yu: or 'kwla 'ye-dih-deh⧾: ne-a 'o 'de, or no-a 'puh-a'. :Yee' nyor⧾-a' klehkpeh: on: ne-a 'o: Galasi'i-nyor⧾-a' 'bluhba-a' 'for: dao' ken, on bale:: Yusu' 'weh, or 'ye 'o on 'bli 'wluh. Deh no-eh,: fano-a: no-uh 'gabaa.: Yeh on 'da: ao',: yee' or 'kpa 'de 'blagbe 'di 'weh, 'de or mu de. :Yee' 'yu or: za-a 'kwla 'ye-dih-deh⧾ 'de, or bale-or, or 'ye 'o or klei' zi. Jorwor: or dbo-or-: de, or 'dae:, Mu 'de: on 'bli: gwlor-'. Zela: nyor⧾-a' klehkpeh: gwluhuh' deh: kolu' Nyorsoa no-a 'do: on bo. 'De 'yu: dao', or mu, or po wele-eh: 'do: gwlor: gwea, 'do deh: kolu': Yusu' no-a 'do or bo, eh-a' dhih. :Yee': yeh: Yusu' 'dhan-a: Galali'i-yobo'-pehnu: neheh',: yee' nyor⧾: doru', mo-: mu-or 'i 'ya-dih: 'da. Deh no-eh, an-a' klehkpeh: fuo-or-: ken. :Yee' 'yu: due' an 'da-dih-a 'Jalor,: or: korn-a 'de: Jueh'-nyor⧾-a' 'di: gweh-dih-sla 'zorn-a' wlu bo, or-: yi 'de: Yusu' bo. 'De or 'jli dih 'do or 'zorn, or bale-or, or 'ye 'o or klei' zi, or 'ye 'de or 'bli 'gbu mu. Deh no-eh, or-a'a: 'nynor-kpao'-yu:: or: ne-a: due' or 'wluh-a,: or: korn-a zon⧾: ne-a: bhue: 'yor 'sororn', or-: 'bhorn 'meh-a'.: Yeh or bale-or,: yee': Yusu' zi 'o or klei' 'weh.: Yeh: Yusu'-a mu-a,: yee' nyor⧾-a 'tun-dih-: dih, on 'ye-or' dih 'koan'-dih:. :Yeh an mu-a,: yee' 'nynor: due', 'nynor-kpao'-weh-a no-a, nyomor-a 'wluh-a 'de yau-' 'do zon⧾-a': bhue: 'yor 'sororn' 'di, jorwor: nyor-beh se or-a' 'puh-dih-eh 'beh-dih:, or-: 'wluh-dih: 'de: Yusu' 'kpuh 'i, or-: 'tuh or-a'a:: gba 'vuu-a' 'mla dih: weheh:.: Yee' 'do: dha: due': dao', 'do: wor or-a' nyomor 'bor-dih:. 'De: Yusu' 'da,: Or 'tuh 'on dih: eh?: Yeh or dhele-uh-a dih,: yee' an-a' klehkpeh, on dhobo:-'. 'De: Piteh' 'da, Nyor⧾ deh: torne-nyor:, nyor⧾: daa, on: dhie:: ao',: on: gweh-dih:-a: on 'dlu dih, 'de: an 'tun-dih-a: on dih,: an-a' 'ye-uh': e? Jorwor:: Yusu': wlu-', or 'da, Nyor 'tuh 'on dih. Deh no-eh, 'on yubo-eh': ka: nyor⧾ 'puh-dih-kpih 'wluh-a 'on. :Yee': yeh 'nynor: dao', or 'ye-eh,: ka or se-a 'zile-eh 'beh-dih:,: yee' or-a' 'tiei-a tleh-', 'de or mu 'de: Yusu' bo. 'De or 'jli dih 'do or 'zorn.: Yee' or zela-or-:: gwluhuh', 'do nyor⧾-a' klehkpeh ybei', deh: korn-a dhih or 'tuh-or dih, 'dekorn:: ka or-a' 'weh no-a 'bor-a'-:. :Yee': ka 'nynor jla-a,: yee': Yusu': wlu-' 'de or bo, or 'dae:, 'An 'yu,: an-a' dhih 'jeh-': po-eh no-eh, 'de: an-a' 'weh 'bor. Mu: pehleh'peh:. :Yeh or 'si-a 'o: wlu 'da,: yee' 'yu: due', or-: 'wluh 'de 'Jalor 'bli 'gbu, 'de or: wlu 'de 'Jalor bo, or 'dae:,: An-a'a: 'yu 'meh-' o.: An-a' 'beh-dih:-': a-a'a: nyor⧾ deh: torne-nyor 'worn dih: neheh' o. Jorwor:: yeh: Yusu' 'worn-ih'-a,: yee' or: wlu-' 'de 'Jalor bo, or 'dae:,: Fano 'bor: an-a' no-a'. Deh: due' 'suh, po-eh dhih 'jeh-'.: Yee' or mu 'puh-:. :Yee': yeh on nyni-a 'de 'Jalor 'bli 'gbu,: yee': Yusu': se-' 'worn nyor⧾: dhulu' 'ye 'o or klei' zi, on 'ye: dha 'yu 'meh-a mu. Nyor⧾ or kpa-a, mo-: 'dhu: Piteh'-:: Jororn'-: 'Jeen-: 'yu: baa'-: 'dekorn: 'yu 'de-:. :Yee' nyor⧾-a' klehkpeh on: yeh-dih:-a 'o, an po 'viin'-dhlumeh', 'do 'yu-a' dhih bo. 'De: Yusu' 'da, A 'bor 'vin-a'. 'Nynor-kpao'-yu:: daa, or: se-' 'meh, or 'mo-'. :Yeh or 'da: ao',: yee' an 'keleh-or'. Deh no-eh, on yubo-eh': ka or 'meh-a. Jorwor:: Yusu' kpon or-a' son-: dih, 'de or 'da-or, or 'dae:, 'An 'yu,: sorn-', mu yai'. :Yeh or 'da: ao',: yee' or-a': febeh' yi-: de.: Yee' 'do: dha: due': dao', or: sorn-' 'weh. 'De: Yusu' zela-uh: gwluhuh' on 'ye 'yu: dao' deh-beh 'nyi, or 'ye di. :Yee' or 'de-: 'dekorn: or: baa'-: eh: florn-dih-uh-: worn. Jorwor:: Yusu' 'dhu-uh 'slen on: ne-' nyor-beh-nyor-beh deh: eh: no-eh: gwluhuh' zela:. :Yee': Yusu' 'da or-a'a: bo: na-nyor:⧾: on: korn-a: bhue: 'yor: ne-a 'sororn', 'do or bo, 'de or 'nyi-uh 'kpih-a' klehkpeh, on 'ye nyor⧾ 'kwla 'ye-dih-deh⧾-a' klehkpeh 'de: za, 'de on 'ye puhba-nyor⧾ 'puh-dih:. 'De or dbo-uh deh⧾-' dih, on 'ye tubo-wlu⧾ po,: en kor-a Nyorsoa-a' nyor⧾ wlu 'ken: korn-eh 'i, 'de on 'ye puhba-nyor⧾ 'puh-dih:. 'De or: wlu 'de on bo, or 'dae:,: Dha a mu-a, nyor-a': kpa-' deh o. Nyor-a': kpa-' deh⧾: tba-tu, nyor-a': kpa-' 'tiei 'di: po: gleu', nyor-a': kpa-' 'bhlee, nyor-a': kpa-' 'wlii, nyor-a': kpa-' 'wla: noror'. 'Gbu a mu-a 'de 'di: pa, mo-: a 'ye 'di dih: dhe: chio'lo:, a 'ye 'o: gwlor: dao' 'wluh. :Mor nyor⧾ se a dih kpon,: yee' a 'tali:: gwlor: dao' dih, a 'gbabo:: buhbuh⧾ 'zorn dih, a 'ye 'o 'wluh, eh 'ye-uh 'i: to-dih:: ka Nyorsoa: za-a an-a' deh son 'di. :Yee': Yusu'-a'a: bo: na-nyor⧾ mu-', 'de an na: gwlor⧾: nyene' 'di dih, an po Nyorsoa-a' tubo-wlu:⧾ 'jeh, 'de an 'puh-dih puhba-nyor⧾ deh⧾-a' klehkpeh-' dih. :Yee': yeh: Hehlo': or no-a nyor⧾ wlu 'ken: korn-nyor 'de: Galali'i-bluhba ken, or 'worn-a deh⧾-a' klehkpeh: en mu-a 'dlu bo,: yee' or-a': porluh 'ma-'. Deh no-eh, nyor⧾: noo' 'da, nyor⧾ 'ni 'dlu: po: Jororn' 'wluh 'de nma-dih-deh 'di 'weh. 'De nyor⧾: noo' 'da,: Ila'yor: oo', or-: 'wluh-dih:: a 'i. 'De nyor⧾: noo' 'da, eh gweh: ka Nyorsoa-a' wele-eh:: po-nyor: soa: due' 'wluh-a 'de: gwlebo. 'De: Hehlo' 'da, 'On chehn 'o: Jororn' 'dlu 'weh.: Yee' deh 'i-deh-nyor: 'o,: or: dhe dih,: or: korn 'nyne 'an 'worn deh: dao': eh?: Yee' eh-: no-eh, 'de or po 'de 'kpih or 'ye: Yusu' 'ye. :Yee': Yusu'-a'a: dboo-nyor⧾ mu 'de or bo-: de, 'de on zela-or-:: gwluhuh' 'do deh⧾ on no-a bo.: Yeh on yi-a de,: yee' or kpa-uh', 'de on: ne or mu 'de: gwlor an 'da-dih-a: Behse'la 'di, on 'ye kpor chehn. Jorwor:: yeh: gwlor-nyor:⧾: doru' 'worn-ih'-a,: yee' on zi 'o or klei' 'weh, 'de or kpon-uh dih, or: wlu 'de on bo, 'do Nyorsoa-a' nyor⧾ wlu 'ken: korn-eh-a' dhih bo. 'De or 'puh-dih: puhba-nyor:⧾: on: ne-a 'de on 'klu-'. :Yeh 'yluh-a 'kpa-a 'nior,: yee': Yusu'-a'a: bo: na-nyor:⧾: on: korn-a: bhue: 'yor: ne-a 'sororn', on yi 'o or bo, on 'dae:, Dbo: gwlor-nyor:⧾: doru': daa, on 'ye: gbalie⧾ bo dih-: 'dekorn:: gwlor⧾: nyene'-: 'di dih mu,: en 'koan'-dih:-a dha dih, on 'ye dii-deh⧾-: 'dekorn: 'pehn-da-: 'bhorn 'da mu. Deh no-eh,: dha: a: ne-a, nyor se: daa: ne. Jorwor:: Yusu': wlu-' 'de on bo, or 'dae:, A: mor 'ye-uh' deh 'nyi on 'ye di. 'De on 'da, Deh: due': a 'ble-a dha mor, eh-: 'dhu, 'bhlee:: kpuan'⧾: mm'-: 'dekorn: zimi 'sororn'-:.: Mor eh 'dhu: a mu nyor⧾-a' klehkpeh: daa dii-deh⧾ 'nyi-:,: yee': a: korn: a 'ye mu,: a 'ye dii-deh:⧾: nee' dhen. ('De nyor⧾: dhulu': dao' 'nyne-', nyor⧾-kpalu⧾-a' 'wlu: mm', mo-: 'beh-dih:: on 'ye 'de: ne.) 'De: Yusu' 'da, A no-eh, on 'ye dih dhele:, on 'ye 'pu⧾ 'pu⧾ no,: on: korn-a 'pu⧾ 'beh-dih:-a,: en 'ye-a': kwlaa: mm',: kwlaa: mm' no. :Yee' or-a'a: bo: na-nyor⧾ no deh or: za-a-' 'weh, 'de on no-eh, 'de nyor⧾-a' klehkpeh dhele:-' dih. :Yee' or 'duo: 'bhlee:: kpuan'⧾: mm'-: 'dekorn: zimi 'sororn': dao'-: 'weh, 'de or pobo: 'de yai', or po Nyorsoa-a' 'zio, 'de or: chehn-dih-ih dih, 'de or 'kwa. Or 'nyi-ih or-a'a: bo: na-nyor⧾, on 'ye-ih': gwlor-nyor:⧾: doru': dao' 'nyi. 'De on no-eh. 'De an-a' klehkpeh di deh, on dbo.: Yeh on gweh-a deh: di-eh 'i,: yee': yih: sie:-a 'o dih, or-a'a: bo: na-nyor⧾ po-a: dha: due', me-: 'yi: too'⧾-a': bhue: 'yor 'sororn'. 'We-eh: due',: yee': Yusu' chehn kpor, 'de or wlu 'de Nyorsoa bo.: Yeh or: ne-a 'o,: yee' or-a'a: bo: na-nyor⧾: ne 'o or bo 'weh, 'de or dhele-uh dih, or 'da,: Kaa: gwlor-nyor⧾-a 'da 'on: eh? 'De on 'da, Nyor⧾: noo' 'da,: mor nyor⧾ 'ni 'dlu: po: Jororn': oo'.: Noo' 'da,: mor: Ila'yor: 'o. 'De: noo' 'da,: zai': wele-eh:: po-nyor:⧾ soa-a' nyor: due': oo', or-: 'wluh 'de: gwlebo. 'De or 'da,: A 'worn 'de a bo: ke.: Kaa a 'da 'an dhih: eh? 'De: Piteh' 'da,: Mor Nyorsoa-a' 'taan'-yu: 'o. 'De: Yusu' 'dhu-uh 'slen deh 'jeh, on: ne-' nyor-beh deh: daa: gwluhuh' zela:. :Yee': Yusu': wlu-', or 'dae:, 'Yu an 'da-dih-a Nyor-kpalu-a' 'yu: korn or 'ye deh⧾: doru'-a 'kle 'ye: gbor: gbor.: Yee' 'bluhba:: korn-nyor⧾-: Nyorsoa-a' 'slaa:: za-nyor:⧾: klaba'⧾-: 'dekorn: nyor⧾ 'tele': torne-nyor⧾-: on: se-' or-a' dhih 'worn-dih: i. An mu-or 'dba-:,: yee' 'do 'we-eh-a' taan neh 'di, Nyorsoa-a mu-or 'de: za. 'De or: wlu 'de nyor⧾-a' klehkpeh bo, or 'dae:, Nyor: or 'bhorn-a: or 'ye-a' 'o 'on klei' zi,: yee' 'nyi or 'ma-dih: or-a' 'jeh-a' dhih bo. 'Nyi or 'duo: or-a'a: 'kle 'ye-eh-a' 'klorse tu-', zorn 'o zorn, or 'ye 'o 'on klei' zi. Nyor: or 'bhorn-a: or 'ye-a' or-a': febeh' dih dhe,: yee' or mu-eh 'ma-dih:. Jorwor: nyor: or 'ma-dih:-a or-a': febeh' 'do 'an dhih bo,: yee' eh-a' dih: dhe-eh: 'o or no. :Mor nyor 'ble 'bluhba-a' klehkpeh, 'de or 'ye or-a': febeh' 'ma-dih: 'de or 'ye gbe: zie:,: yee' deh 'i-deh: eh mu-or 'o: po: eh? :Mor nyor: taa dhen ple, 'do 'an dhih-: 'dekorn: 'an nyor⧾ deh: torne-eh-:: yee' 'yu an 'da-dih-a Nyor-kpalu-a' 'yu-a mu dhen: ple, 'do nyor: dao', or-a' dhih bo: ke,: mor or 'yle, 'de or-a' dhih-a' 'i 'beh-a'-: or: Baa'-a' dhih-a' 'i 'beh-a'-: 'dekorn: 'enjor-nyor:⧾: on: ne-a gban 'i, an-a' dhih-a' 'i 'beh-a'-: 'di. Dhih 'jeh, 'an zela a: gwluhuh', nyor⧾: noo', mo-:: nyna dih dha: a 'nyne-', mo-:: se-' 'meh-: i, eh 'ye ti ken: yeh-dih:, 'de on 'ye Nyorsoa-a' nyor⧾ wlu 'ken: korn-eh 'ye. :Yee' eh 'beh-dih: eh 'ye 'we: meheh' na no,: yeh: Yusu' gweh-a deh⧾: daa, en-': za-a' 'i,: yee' or 'duo:: Piteh'-:: Jororn'-: 'dekorn: 'Jeen-: 'weh, 'de on mu 'de tluh ken, or 'ye 'de Nyorsoa bo: wlu. :Yeh or wlu-a 'de or bo,: yee' or-a' 'yuba: za-dih:-', 'de 'tiei: or pa-a-', en: za-dih:: ke, 'de en fan, en: ne: bhoror:. 'Yli: a bla-a 'i,: yee' nyor⧾-kpalu⧾ 'sororn', mo-:: an wlu 'de: Yusu' bo,: Mose'-: 'dekorn:: Ila'yor-:. On 'wluh-dih-or-: 'i, 'de Nyorsoa-a' dhih-a' 'i 'beh-a' zorn-pli 'di. 'De an wlu 'de or bo,: ka or yi-a 'meh 'da, 'de: Julu'slehn,: eh 'ye-eh' no, 'de deh Nyorsoa 'dhu-a, eh 'ye-a' dhih 'jeh-' 'kpa. :Yee': Piteh'-: 'dekorn:: yuh: on: ne-a 'o or bo-: on 'kpa-' 'nyinor:.: Yeh on: sorn-a-',: yee' on 'ye dhih-a' 'beh-a': or: ne-a: Yusu'-', or no-a fan-a' 'weh 'dekorn: nyor-kpalu⧾ 'sororn': on: nyna-a 'o or bo dih-:. :Yeh nyor⧾ 'sororn': dao', an 'wluh-a 'o: Yusu' bo,: yee': Piteh': wlu-' 'de or bo, or 'dae:, Nyor⧾ deh: torne-nyor:, eh: nmor-: 'yi, 'de: a: ne: daa. A 'nyi,: a po gbe: dhe dih: gbalie⧾ taan,: due' 'do: on bo,: due' 'do: Mose' bo,: due' 'do: Ila'yor bo. Jorwor:: Piteh' se deh or za-a-' yubo:. :Yeh: Piteh': za-a deh: daa-',: yee' yao-pli:, me-: 'yle, 'de en 'jli-uh 'dlu, 'do: dha on: ne-a.: Yeh an pa-a 'de en 'di,: yee': fano-a: no-uh. 'De wlu 'wluh 'de yao-pli:: dao' 'di, on 'da, 'An-a: 'Yu: oo', or-:: dhe dih,: or 'on gan-a. A: to or-a' wlu: dou'⧾ bo. :Yee': yeh wlu: dao', on jla-a,: yee' on 'ye: Yusu': due'. 'De mor deh on 'ye-a, on: se-eh' nyor⧾: gwluhuh' zela: 'do ti: dao' 'di. :Yee': yeh zorn zen-a,: yee': Yusu'-: 'dekorn: or-a'a: bo: na-nyor⧾-a' nyor⧾ taan: dao'-: on 'dhle tluh, 'de nyor⧾: doru' 'ya-dih-uh 'i. :Yee' nyor-kpalu: due', or-: 'wor 'de nyor⧾: doru': dao' 'nyne-', or 'dae:, Nyor⧾ deh: torne-nyor:, 'an bale: on 'weh. Pobo: 'an-a: 'yu-dheh: due' 'on 'ble-a ya. :Yee' 'do ti: dhulu' 'di, 'kwla 'ye-dih-deh 'kpa-or ken.: Mor eh 'kpa-or ken,: yee' 'do: dha: due': dao', or po 'geh.: Yee' eh no-eh, 'de or vorn 'do 'bluhbor, or bor: feon 'do or worn 'i. Eh-a' 'worn eh-a' 'wluh 'o or klei'. 'De eh 'kor-dih-or. 'On bale:: an-a'a: bo: na-nyor⧾ 'weh, on 'ye-eh' 'o 'do or 'de: za. Jorwor: on se eh-a' no-a' 'beh-dih:. 'De: Yusu': wlu 'de on bo, or 'dae:, A: mor: kana-nyor:⧾: daa: or se-a dhih 'jeh-': po-eh 'ble, 'de: or: korn-a noo-deh:⧾ se-a 'i 'sleh, ti dhie 'on 'ye dha a bo no: eh?: Kaa 'on 'ye: porluh-a' dih: kpon-eh no 'do a bo: eh? 'De or: wlu 'de 'yu: baa' bo, or 'dae:,: Ya 'de: an-a'a: 'yu 'noror 'on bo. :Yeh or kpa-or 'de or bo,: yee' 'kwla 'ye-dih-deh du-or' 'do 'bluhbor, 'de eh no-eh, 'de or vorn 'do 'bluhbor. Jorwor:: Yusu' 'nyi 'kwla 'ye-dih-deh 'tele', eh 'ye 'o 'yu: dao' 'de 'wluh. 'De or 'puh-dih-or, or 'nyi-or or: baa' de: dele' ka. :Yeh nyor⧾: on: ne-a 'o, on 'ye-a deh: daa,: yee' an-a' klehkpeh, an-a': porluh⧾ 'ma-',: ka Nyorsoa-a' dhih no-a 'i 'beh-a'.: Yee' deh⧾-a' klehkpeh: Yusu'-a no-a,: yeh on 'si-a 'o en-' 'yi 'chihleh: 'da,: yee' or: wlu-' 'de or-a'a: bo: na-nyor⧾ bo, or 'dae:, Deh 'an yi a: gwluhuh' zela: 'da, a to-eh: dou'⧾ bo 'jeh ka o. An yi 'yu an 'da-dih-a Nyor-kpalu-a' 'yu: plo 'da 'de: gwlor-nyor⧾ bo. Jorwor: deh: daa or: za-a-', on: se-eh' dih 'worn. Nyorsoa 'zile-eh on-: dih, on: ne-eh' dih 'worn. 'De mor: fano-a: no-uh, on 'ye-or dih dhele: eh-a' dhih. :Yee': Yusu'-a'a: bo: na-nyor⧾ 'kpa 'o dhobo: 'da 'weh, 'de an-a' 'jeh 'nyne-', 'do nyor: or 'dhu-a nyor: klaba'-' 'do an-a' klehkpeh 'dlu. Jorwor:: yeh: Yusu' yubo:-a deh: eh: ne-a 'o on: gwlii',: yee' or 'duo: 'yu-yu-beh: due'-' 'weh. 'De or dhe-or dih 'do or 'bhun. :Yee' or: wlu-' 'de on bo, or 'dae:, Nyor: or kpon-a 'yu-yu:: daa dih, 'de 'an 'nyne 'di,: yee' nyor: dao', 'mor-: 'o or kpon dih. 'De nyor: or kpon-a 'on dih,: yee' nyor: or dbo-a 'on, or-: 'o or kpon dih: ke. Deh no-eh, nyor: or ya-a or-a' 'jeh ya,: or: zi-a 'o nyor⧾-a' klehkpeh-',: yee' or-: no nyor: klaba' 'de a 'klu-'. :Yee': Jororn': wlu-' 'de: Yusu' bo, or 'dae:, Nyor⧾ deh: torne-nyor:,: a 'ye 'yu: due', or-: za nyor⧾ 'kwla 'ye-dih-deh⧾ 'de, 'de: an-a' 'nyne 'di. 'De: a zela-or: gwluhuh' or 'ye 'bor, deh no-eh, or: se 'noror: a 'nyne-' 'wluh. 'De: Yusu' 'dae: 'de or bo, A 'bor or-a' 'borboa' 'i: po-eh. Deh no-eh, nyor: or se-a a bo vorn,: yee' or: ne 'de a-a' 'for bo. :Yee': yeh ti: Yusu'-a mu-a 'de Nyorsoa 'bli yai': kpa, en 'koan'-a bo,: yee' or po-eh 'de or 'dlu 'di 'weh, or 'ye: Julu'slehn mu. 'De or dbo nyor⧾ 'de or ybei', mo-: mu 'de Sehmeh'la-gwlor: due' 'di, on 'ye deh⧾ 'kpa po 'do or bo. Jorwor: nyor⧾: on: ne-a 'o: gwlor: dao' 'di, on: se-eh' ken dih 'worn-dih: or 'ye 'o mu, deh no-eh, or-a' 'yuba 'bili: 'de: Julu'slehn:. :Yeh or-a'a: bo: na-nyor⧾ 'Jeen-: 'dekorn:: Jororn'-: on 'ye-eh,: yee' on: wlu-', on 'da,: Gwlor: baa',: an 'bhorn: a 'ye neh 'da, eh 'ye 'de Nyorsoa 'bli yai' 'wluh, eh 'ye nyor⧾: daa ya gba: e? :Yeh on 'da: ao',: yee' or 'bili:-'-: dih 'de on bo, or po-uh 'borboa' 'i. :Yeh or no: ao',: yee' on mu 'de: gwlor: noror' 'di. :Yee': yeh: Yusu'-: 'dekorn: or-a'a: bo: na-nyor⧾-: an na: gwie 'i,: yee' 'yu: due', or-:: wlu 'de or bo, or 'dae:, 'An mu 'o: on klei': zi,: dha klehkpeh: an mu-a: mu. 'De: Yusu': wlu 'de or bo, or 'dae:,: Tolo'-gbe⧾ 'ble 'bi, me-: en pa 'di dih. 'De neme:: en zi-dih-a-' dih 'de yai', en 'ble 'dle⧾, me-: en pa 'di dih. Jorwor: 'yu an 'da-dih-a Nyor-kpalu-a' 'yu, or se 'dlu-a' 'pehn-dih-da:: sloror'-a' 'jeh 'ble. :Yee': Yusu': wlu-' 'de 'yu: noror' bo, or 'dae:, Zi 'o 'on klei'. Jorwor: 'yu: dao' 'dae:,: Gwlor: baa', 'nyi 'on mu, 'on 'ye 'on-ba dih nma-dih: kele'a: o. Jorwor:: Yusu' zela-or-:: gwluhuh', or 'dae:, 'Nyi 'meheh'-nyor⧾ nma-dih: an-a' 'jeh-a'a: 'meheh'-nyor⧾ dih. Jorwor:: mor: mloror', mu: on 'ye Nyorsoa-a' nyor⧾ wlu 'ken: korn-eh-a' tubo-wlu⧾ po. :Yee' 'yu: noror' 'dae:, 'An mu 'o: on klei': zi,: Gwlor: baa'. Jorwor: 'nyi 'on mu, 'on 'ye 'an-a: 'cheh wlu kpa kele'a: o. 'De: Yusu': wlu 'de or bo, or 'dae:, Nyor: or 'dhu-a Nyorsoa-deh glu,: eh gweh-a: ka nyor: or 'dhu-a gle 'beleh-eh glu, 'de: or pobo-a de,: yee' or: se nyor Nyorsoa 'ye-a': koan: no-dih: 'do or-a' nyor⧾ wlu 'ken: korn-eh-a' dhih bo. :Yee': yeh deh: daa eh zi-a,: yee': Gwlor: baa' gan nyor⧾-a': kwlaa: meheh' 'sorn 'yor 'sororn': noo'. 'De or dbo an-a' 'sororn' 'sororn', on 'ye or ybei' mu, 'de gwlor⧾-a' klehkpeh or yi-a 'di dih: mu 'da-: 'dekorn: deh⧾-a' klehkpeh or yi-a dih: mu 'da-:. 'De or 'dae: 'de on bo, 'Vluu'-koo: dhubu:-'. Jorwor:: koan:: no-nyor⧾ se 'i: dhie:. Eh-a' dhih, a: wlu 'de: Gwlor: baa' bo,: or no-a 'vluu'-gle-a': kororn-nyor, or 'ye: koan:: no-nyor⧾ 'de or 'bli 'gle dbo, on 'ye: koo:: dao' chehn. A: gbee'e:. A mu. 'An dbo a-uh 'weh,: eh gweh-a: ka 'blae'⧾-nynuu mu-a 'de ji⧾ 'klu-'. A-a': kpa-' 'wlii-: 'tiei 'di: po: gleu'-: 'dekorn:: buhbuh:⧾: nee'-:. 'De a-a': gble-dih:-' nyor⧾ 'do: gwie 'i, eh: ne-' a-a' ti: zi-dih:. 'Gbu a mu-a 'de 'di: pa,: yee': zai'-deh: a 'ye-a' no, eh-: 'dhu, a: wlu 'de nyor⧾: on: ne-a 'de bo, a 'da,: Bhorlie' 'do 'gbu: daa bo. :Mor nyor: ne 'de 'gbu: dao' 'di, or: taa nyor⧾ dih kpon deh 'jeh,: yee': bhorlie': dao', eh mu 'de: sie:. Jorwor:: mor eh se: ao': ne,: yee' Nyorsoa: se-' 'gbu: dao': bhorlie' bo: po i. :Mor a 'si: gwlor-' dih,: yee' 'gbu an mu a 'nyi-:, mo-: a 'ye 'di dih: dhe.: Yee' a di deh an mu-a a 'nyi-:, 'de a 'na deh an mu-a a 'nyi-:. Deh no-eh, nyor: or no-a: koan, or: bleh-dih-eh 'i, or 'ye eh-a' geli': za-dih-deh 'ye. A-a' 'wluh-:-' 'gbu 'di, a-a': mu-' 'gbu: noo' 'di. :Mor a 'si: gwlor-' dih, 'de nyor⧾ 'ye a dih kpon, deh-beh-deh-beh: an mu-a a 'nyi-:, 'de an mu-a 'o a ybei' dih: dhe, a di-eh. A 'puh-dih: puhba-nyor:⧾: on: ne-a 'o: gwlor: dao' 'di.: Yee' a zela-uh: gwluhuh', a 'dae:, Nyorsoa-a' nyor⧾ wlu 'ken: korn-eh 'koan'-dih: a dih 'weh. Jorwor:: mor a 'si: gwlor-' dih, 'de nyor 'ye: ao', or se a dih kpon,: yee' a 'si 'de 'kpa ken dih, a 'da, :Bhuhbuh': a 'si-a dha: gwlor-' dih,: on 'ya-a: a buh⧾ dih, an-a' 'jeh: sloror', mo-:: a 'gbabo 'noror: a-a': buhbuh⧾ 'zorn dih, eh 'ye a 'i: to-dih:: ka Nyorsoa: za-a a-a' deh son 'di. Jorwor: a: korn a 'ye-eh' yubo:,: ka Nyorsoa-a' nyor⧾ wlu 'ken: korn-eh 'koan'-: bo. 'An zela a: gwluhuh',: eh: mor 'do Nyorsoa-a' zabe:: zi-we-eh 'di, Nyorsoa-a mu: wehlih 'ye-: 'do 'Salor-nyor⧾ bo, eh 'ye 'o nyor⧾: on: ne-a 'o: gwlor: dao' 'di-': zi. :Yee': Yusu'-a 'kpa or-a' wlu 'dlu bo, or 'dae:, 'Chlo 'do a: mor: Kola'zin-nyor⧾ bo. 'Chlo 'do a: mor: Behse'la-nyor⧾ bo. Deh no-eh, deh⧾: kolu'⧾ 'on no-a 'do a bo,: mor 'on no-ih 'do 'Taya-gwlor-: 'dekorn: 'Saedorn-gwlor-: bo: dee',: yee' an mu an-a' deh⧾-zon⧾ dih 'tali:, 'de on 'ye 'de Nyorsoa bo 'bili:: dee' see, 'de on 'ye 'tiei-zon⧾-' pa, on 'ye 'de: bhuhbuh' 'nyne-' dih: dhe, on 'ye-eh' nyor⧾ 'i: to-dih:: ka on 'bili:-a-' dih. 'Do eh-a' dha,: yee' 'do Nyorsoa-a' zabe:: zi-we-eh 'di, Nyorsoa-a mu: wehlih 'ye-: 'do nyor⧾: dao' bo, eh 'ye a-uh': zi. :Yee' a: mor: Kapa'nior-nyor:⧾, 'do a bo. A 'bhorn a 'ye a-a' 'jeh 'i 'beh-dih: a 'ye 'de yai' nyni: e? 'Kei:. Nyorsoa-a mu a 'de 'ku 'bli: po. :Yee': Yusu': wlu-': neheh' 'de or-a'a: bo: na-nyor⧾ bo, or 'dae:, Nyor: or to-a a-a' wlu: dou'⧾ bo, 'mor-: 'o or to: dou'⧾ bo. 'De nyor: or se-a a-a' dhih 'worn-dih:,: yee' 'an dhih: oo', or: se-' 'worn-dih:.: Yee' nyor: or se-a 'an dhih 'worn-dih:,: yee' nyor: or dbo-a 'on, or-a' dhih: oo', or: se-' 'worn-dih:. :Yee' nyor⧾-a': kwlaa: meheh' 'sorn 'yor 'sororn': Yusu' dbo-a, mo-: yi de, 'de 'mona: ka 'di. 'De on po: Yusu' kuna', on 'da,: Gwlor: baa',: mor: a no: an-a' 'nyne,: yee' 'kwla 'ye-dih-deh:⧾: sloror', en: ya en-' 'jeh-: ya, 'do: a 'zorn. :Yeh on: za-a deh: daa-' 'de or bo,: yee' or: wlu-', or 'da, 'On 'ye 'ku, on 'wluh 'de Nyorsoa 'bli yai', on 'kpa 'zorn, eh gweh: ka dhehn 'kpa-a. A: gbee'e:. 'On 'nyi a 'kpih 'weh, a 'ye sehn-: 'dekorn: 'jaan'-: ken 'si. 'De 'on 'nyi a 'kpih 'weh, 'do 'ku: on 'nyeh-a a-uh', an-a' 'kpih-a' klehkpeh 'dlu bo, 'de deh: se-' a: no i. Jorwor: a-a' 'kpa-:-' 'mona-',: ka 'kwla 'ye-dih-deh⧾-a ya-a en-' 'jeh ya 'do a 'zorn. Jorwor: a 'kpa 'mona-',: ka a-a' 'nyne 'chle-eh 'de Nyorsoa 'bli yai'. :Yee' 'do ti: dao' 'di, Gban 'i: ne: Zulu: mo-: no-eh 'de 'mona 'yi-dih:: Yusu' dih. 'De or: wlu, or 'dae:, 'On-ba:,: mor: or 'dhu-a: Gwlor: baa' 'de yai'-: 'dekorn: 'noror 'zorn-: 'on po: on 'zio. Deh no-eh,: on 'zile: deh⧾: daa,: toror': korn-nyor⧾-: 'dekorn: 'chlee-deh: yubo-nyor⧾-: dih, 'de: on: to-dih-ih 'nynuu:: nyene' 'i. Keen', 'On-ba:, eh 'pehn-dih:: an-a': porluh-: dih,: on 'ye-eh' no. :Yee' or: wlu-' 'de nyor⧾ bo, or 'dae:, 'On-ba 'nyi 'on 'kpih 'weh, 'do deh⧾-a' klehkpeh bo. Eh se nyor: korn,: or 'ye-a Nyorsoa-a' 'Yu yubo:. Jorwor: or: Baa': due' gbai, or-: yubo-or. 'De eh se nyor: korn,: or 'ye-a nyor or: Baa' 'dhu-eh:-' yubo:. Jorwor: or-a'a: 'Yu: due' gbai, or-: yubo: nyor or 'dhu-eh:-' 'dekorn:: yuh or-a'a: 'Yu-a 'bhorn-a, or 'ye-a or: Baa' 'i: to-dih:. :Yeh: Yusu': za-a deh: daa-',: yee' or 'bili:-'-: dih, 'de or-a'a: bo: na-nyor⧾ bo. 'De or: wlu 'de on bo, 'de 'slan: pa ka 'di, or 'dae:,: Bhorlie' 'do 'yli: dao' bo,: en 'ye-a deh a 'ye-a. 'An zela a: gwluhuh', Nyorsoa-a' wele-eh:: po-nyor:⧾: dhulu'-: 'dekorn: 'keen-boi': dhulu'-: an 'bhorn deh⧾ a 'ye-a, on 'ye-ih' 'ye: dee', jorwor: on: se-ih' 'ye. 'De an 'bhorn deh⧾ a 'worn-a, on 'ye-ih' 'worn: dee', jorwor: on: se-ih' 'worn. Eh: korn 'we-eh: due', 'de: Mose'-a' 'tele' yubo-yu: due',: nyna dih 'de: gwlor-nyor⧾ 'klu-'. 'De or dhele:: Yusu' dih, deh no-eh, or 'bhorn-dih:: Yusu' wlu 'worn dih, or 'da, Nyor⧾ deh: torne-nyor:, deh 'on 'ye no 'de 'on 'ye 'kmo: sie:: febeh' 'ble: eh? 'De: Yusu' 'da, Deh 'i-deh:: eh 'chle-eh 'de: Mose'-a' 'tele'-chlee-deh 'di: eh?: Kaa: an no eh-a' zlo-a': eh? :Yeh or 'da: ao',: yee' 'yu: dao', or 'dae:,: Ybeh: an-a': Gwlor: baa' Nyorsoa-', 'do: an-a': porluh⧾-a' klehkpeh-:: an-a': febeh'-a' klehkpeho-: 'dekorn:: an-a' 'kpih-a' klehkpeh-: bo.: Yee': ybeh nyor⧾: on: ne 'ti-a: dha: due'-',: ka: on no-a: an-a' 'jeh-a': ybeh-a'. 'De: Yusu' 'dae:, 'Ka-: eh: ne 'jeh ka. Dhih 'jeh: oo',: an za-a-'.: Mor: on no-eh,: yee': an mu 'kmo: sie:: febeh' 'ble-:. Jorwor: 'yu: dao', or 'bhorn or 'ye or-a' 'jeh deh yubo-nyor 'da-dih:: gbor. Eh-:: korn dhih, 'de or 'dae: 'de: Yusu' bo,: Or 'dhu nyor: ne 'on 'ti-a: dha: due': eh? 'De: Yusu' 'dae:, Eh: korn ti: due',: yee': Jueh'-yu: due', or-: 'wluh: Julu'slehn, or-: mu: Jehliko'o.: Ka or mu-a,: yee' 'ylii'-nyor⧾ kpon-or'. 'De on chehn-or wluh⧾ dih. 'De on bla-or: blaa:, on: sie-or 'o,: yee' or 'bhorn 'meh-a'. 'De on mu. :Yeh ti: zi-dih:-a 'o ken dih,: yee' Nyorsoa-a' 'slaa:: za-nyor: due', or-: 'kpa: gwie-' 'jeh: dao' 'i.: Yee': yeh or 'ye-a 'yu: dao',: yee' or zi-or-: dih, or: yi-dih: 'de: gwie-' 'for 'i. 'De deh: ne-a: due' 'di,: yee' 'Livae-yu: due' or-: yi 'o.: Yee': yeh or 'ye-a 'yu: dao',: yee' or: yi-dih: 'de: gwie-' 'for 'i: ke. Jorwor: ti Sehmeh'la-yu-a na-a: gwie:: dao' bo, 'de or: yeh-dih:-a 'yu: dao' ken,: yee' or-a': wehlih 'kpa 'de or 'di 'weh. 'De or mu 'o or bo, or po 'o 'chlan-: 'dekorn: nomor-: 'do or 'pa 'i, 'de or san 'o.: Yeh or: gweh-a 'i,: yee' or dhe-or 'o 'do or-a' 'jeh-a'a: 'dhornke ken dih. Or kpa-or 'de 'gbu 'duhba⧾-a ko-dih-a 'di. 'De or 'dhu-or 'yli-eh bo. :Yeh zorn zen-a,: yee' or: za 'o 'sebla-wlii 'sororn', or 'nyi-ih 'yu: or: korn-a 'gbu: dao', or 'dae:, 'Dhu-or 'yli-eh bo o.: Yee': mor 'on yi de, 'wlii-eh:: an mu-a: plo,: eh mu-a 'o ken 'kpa-:, 'an mu-eh: on de 'nyi-:. :Yeh: Yusu' gweh-a 'dlan: dao' or-a' po-a' 'i,: yee' or dhele: 'tele': zi-yu:: dao'-: dih, or 'dae:, 'Noror nyor⧾ taan: daa 'klu-', nyor: yoror: an-a': porluh kpon: or no: dha: due' 'ti-kplen 'do 'yu: or 'ylii'-nyor⧾ bla-a bo: eh? :Yee' 'tele' yubo-yu:: dao', or 'dae:, 'Yu: or 'ye-a or-a': wehlih, or-: 'o.: Yeh or 'da: ao',: yee': Yusu' 'da, Mu,: on 'ye deh: ne-a: due' no. :Yee': Yusu'-: 'dekorn: or-a'a: bo: na-nyor⧾-: an mu-'.: Yeh an mu-a,: yee' on 'si 'o: gwlor-yu: due' 'di-: dih, 'do: wor 'nynor: due' an 'da-dih-a: Mata' or: ne. Or-: za-or: gwie 'i. :Mata' 'ble dei'-nynor-kpao' an 'da-dih-a: Mehle', or-:: dhe dih 'do: Yusu' ybei', 'de or to: Yusu'-a' nyor⧾ deh: torne-eh: dou'⧾ bo. :Yee': koan:: Mata'-a no-a 'de 'gbu 'de, or: dhie: 'i, eh-: 'beh-dih-or 'worn dih. Eh-:: korn dhih: oo', or yi 'o: Yusu' bo, or 'da,: Gwlor: baa', eh: se deh 'do: on bo: e? Eh: nmor-: 'yi: naa: e? Deh 'an dei'-yu sie-a 'on: koan kwa dih. Zela-or: gwluhuh', or 'ye 'on-': za-dih: 'da yi. Jorwor:: Gwlor: baa': wlu-' 'de or bo, or 'dae:,: Mata',: Mata'. Deh⧾: dhulu', me-: 'beh-dih: an-a': porluh 'worn dih, 'de: an-a': porluh-a 'neneh 'de dih. Jorwor: deh: due', eh-:: on: korn: on 'ye 'ble. Deh-a' 'jeh: dao',: eh: nmor-a 'yi dih, eh-:: Mehle' gan.: Yee' eh: se 'de or 'kwa: za-eh: i. Eh: korn 'we-eh: due', 'de: Yusu': ne: dha-beh, 'de or: wlu 'de Nyorsoa bo.: Yeh or: gweh-a 'i,: yee' or-a'a: bo: na-nyor⧾-a' nyor: due', or-:: wlu 'de or bo, or 'dae:,: Gwlor: baa',: torne:: a 'de Nyorsoa bo: wlu-eh,: ka: Jororn' no-a or-a'a: bo: na-nyor⧾-a' deh: torne-eh, on 'ye-a' 'de Nyorsoa bo: wlu-eh no. 'De: Yusu': wlu 'de on bo, or 'dae:,: Mor a: taa 'de Nyorsoa bo wlu,: yee' a 'da,: A: Baa', deh-' 'ye-eh: 'do: an-a' gban 'i: ne-nyne bo. 'Nyi: an-a' nyor⧾ wlu 'ken: korn-eh 'yle. 'Nyi: a-a' 'we-a' klehkpeh dii-deh. 'Ma-dih:: a-a' deh⧾-zon⧾-a' dhih bo. Deh no-eh,: a 'ma-dih:: a 'bei'-a' klehkpeh: on no-a deh⧾-zon⧾ 'do: a 'bhun, an-a' deh⧾-zon⧾-a' dhih bo 'weh: ke.: An-a': kpa-dih:-' 'de: a dih 'dhen-eh bo. :Yee': Yusu': wlu-' 'de on bo, or 'dae:,: Mor eh 'dhu deh-', 'de a-a' nyor 'ye 'be 'ble, 'de or 'ye 'de or bo mu dholo-' zuee, 'de or 'ye-or': gwluhuh' zela:, or 'ye: ao', 'On 'be,: on: korn 'gen, 'nyi 'on 'bhlee:: kpuan'⧾ taan. 'An mu-ih de: ya. Deh no-eh, 'on 'be: due',: or: na-a: gwie:: dhorno', or-: yi 'o 'on bo. 'De 'on se dii-deh 'ble 'on 'ye-or' 'nyi. :Mor eh 'dhu,: on 'be: dao', or: wlu 'de 'gbu 'di, or 'da, 'Bor,: an-a' 'beh-dih:-' 'on 'worn dih.: Kpaa': po-eh: 'o: weh. 'De 'mor-: 'dekorn: 'an-a: 'nynuu-:: a 'pehn dih: weh. Eh-a' dhih, 'on se 'beh-dih: 'on 'ye-': sorn, 'de 'on 'ye: on deh 'nyi. 'An zela a: gwluhuh',: mor or: se-': sorn, or se-or 'bhlee 'nyi, 'do 'be deh-a': taa' 'bla, jorwor: or mu-': sorn, or 'ye-or' deh-beh-deh-beh: or se-a 'ble 'nyi, deh no-eh, or 'neh-or ken: chio'lo:. Eh-a' dhih, 'an zela a: gwluhuh', a 'yba-dih: Nyorsoa deh,: yee' a mu-eh 'ye-:. A 'bhorn-eh dih,: yee' a mu-eh 'ye-:.: Mor a bla: kpaa',: yee' or mu 'o 'wluh-: 'do a bo. Deh no-eh, nyor⧾-a' klehkpeh: an 'yba-dih-a Nyorsoa deh, an 'ye-eh'.: Yee' nyor: or 'bhorn-a deh dih, or 'ye-eh'. 'De mor nyor: or bla-a: kpaa', or mu 'o 'wluh-: 'do or bo. 'De a 'nyne-',: baa': yoror: or: korn 'yu-a mu-or zimi-eh 'yba-dih:, 'de: or 'ye-or' sehn 'nyi 'do eh bo: eh? 'De mor,: mor or-a'a: 'yu 'yba-dih-or: soan'-gehn, 'de: or 'ye-or' 'jaan' 'nyi: eh? 'De mor: ka a-a' kplen-a': yeh: nyni 'yi dih, a yubo: 'nyii'-deh:⧾ 'jeh, a 'ye-a' a-a'a: 'nynuu 'nyi 'weh,: yee' a: Baa': yor: or: ne-a 'de yai', dha or mu: na-dih: 'do nyor⧾: an 'yba-dih-or Gban 'i: ne: Zulu, an-a' dhih bo: eh? Eh: korn 'we-eh: due', 'de: Yusu': za 'o 'kwla 'ye-dih-deh:: eh-a': wlu-a', 'do 'yu: due' 'de.: Yee': yeh 'kwla 'ye-dih-deh 'wluh-a 'o 'bobo': dao' 'de,: yee' or: wlu-'.: Yee' eh: florn-dih: nyor⧾: on: ne-a 'o-: worn. Jorwor: an-a' nyor⧾: noo': wlu-', on 'da,: Behzeh'bu: 'o,: on no-a 'ku, 'de: on no-a 'kwla 'ye-dih-deh:: klaba', mo-: 'nyi-or 'kpih, 'de or za nyor⧾ 'kwla 'ye-dih-deh⧾ 'de. :Yee' nyor⧾: noo'-a 'bhorn on 'ye-or' dih 'dhen. Eh-:: korn dhih, 'de on dhele-or dih, or 'ye-uh' 'yi: to-dih-deh 'i: to-dih:: eh beh or-a' 'kpih 'wluh 'de Nyorsoa bo yai' deh 'jeh: eh? Jorwor:: Yusu' yubo: deh an za-a-' 'do on: gwlii' 'weh, 'de or 'da,: Mor 'bluhba-dlu: za an-a' 'jeh 'sororn', 'de on 'ye an-a' 'jeh bo vorn,: yee' 'bluhba-dlu:: dao', an mu gbe: zie:.: Mor 'cheh-buh: za an-a' 'jeh 'sororn', 'de on 'ye an-a' 'jeh bo vorn,: yee' an mu ya: gba. :Mor 'ku: za an-a' 'jeh 'sororn', 'de on 'ye an-a' 'jeh bo vorn,: yee': kaa an-a' nyor⧾ wlu 'ken: korn-eh mu dih: nyna-eh: no: eh? Deh no-eh, 'de 'an za-a deh: daa-', eh-: 'dhu, a 'da: Behzeh'bu 'nyi 'on 'kpih, 'on 'ye nyor⧾ 'kwla 'ye-dih-deh⧾ 'de: za. :Yee': mor eh 'dhu,: Behzeh'bu 'nyi 'on 'kpih, 'on 'ye nyor⧾ 'kwla 'ye-dih-deh⧾ 'de: za,: yee': or 'nyi a-a'a: nyor⧾ 'kpih, 'de an za nyor⧾ 'kwla 'ye-dih-deh⧾ 'de: ke: eh?: Yee' 'do eh-a' dha, mo-:: an mu a-a' zabe:: zi-nyor⧾: no. Jorwor:: mor eh 'dhu, Nyorsoa-a' 'kpih-', en no-eh, 'de 'on 'ye nyor⧾ 'kwla 'ye-dih-deh⧾ 'de: za,: yee' eh-:: za-eh: gbor: ka Nyorsoa-a' nyor⧾ wlu 'ken: korn-eh: ne-a 'noror a 'klu-': naa. :Mor: kmuu-nyor 'ble or-a'a:: vorn-dih-deh⧾-a' klehkpeh,: mor or 'dhu or-a' 'jeh-a'a: 'gbu 'yli-eh bo,: yee' deh: se-' or-a'a:: kororn-deh⧾ 'bhun: bla i. Jorwor:: mor: kmuu-nyor-a': yor: kmu-a, 'de: or zi-or-',: mor or vorn-or bo, 'de or 'ye-or' du,: yee' or mu or-a'a:: vorn-dih-deh:⧾ or dhe-a: gwlii': kpa, 'de or 'ye or-a'a:: kororn-deh⧾-' gble. Nyor: or se-a 'noror 'an 'for bo: ne,: yee' or vorn 'on bo.: Yee' nyor: or se-a 'on bo 'kpa 'do deh⧾-a': dha: due': po-eh bo,: yee' or gboba deh⧾ dih. :Yee': Yusu'-a kpa or-a' wlu 'dlu bo, or 'dae:,: Mor 'kwla 'ye-dih-deh: za-eh: 'o nyor 'de,: yee' eh zi-dih-'-: dih, eh na 'de 'kwla⧾-' dih. Eh 'bhorn: dha eh 'ye-a': forn-dih:. Jorwor:: mor eh se dha 'ye,: yee' eh 'da, 'An mu 'de 'an-a: 'gbu soa 'di de: mu,: dha 'on 'wluh-a. 'Ka-: 'o eh no, 'de eh yi de.: Yeh eh yi-a de,: yee' eh 'ye eh-a'a: 'gbu soa wobo-eh: 'di dih, on: po-eh: 'kpa. :Yee' eh mu-', eh: ya 'de 'kwla 'ye-dih-deh:⧾: nee': meheh' 'sorn,: en no-a 'kulu-deh⧾,: en: zi-a 'o eh-a' 'jeh-', 'de en pa, en 'ti 'de.: Yee': mor en gweh 'de or 'di 'dlu,: yee' nyor: dao', or: ne-' 'kmo-zon:: on: zi-a 'o, or-a': zai' neh-'. :Yee': yeh: Yusu': za-a deh: daa-',: yee' 'nynor: or: ne-a 'de nyor⧾: doru': dao' 'klu-', or-: 'wor, or-:: wlu 'de or bo, or 'dae:,: Bhorlie' 'do 'nynor: or 'wluh-a: on bo, 'de: or 'nya-dih:-a: on. Jorwor:: Yusu': wlu-' 'de or bo, or 'dae:,: Bhorlie' 'do nyor⧾: on 'worn-a Nyorsoa-a' wlu, 'de: on dhe-uh-a 'o dih bo,: eh: zi 'o, 'on 'de-a': bhorlie' bo: po-eh-'. :Yee': yeh nyor⧾: doru'-a 'kpuhba-a ken dih,: yee': Yusu'-a kpa or-a' wlu 'dlu bo, or 'da,: Kana-nyor:⧾: daa, on no deh⧾-zon:⧾: no-nyor:⧾. An 'bhorn 'yi: to-dih-deh:. Jorwor: 'yi: to-dih-deh: due' an mu-a 'ye-: 'klein', eh-: 'dhu, Nyorsoa-a' wele-eh:: po-nyor:: Jona'-a' 'yi: to-dih-deh-'. Deh no-eh,: ka: Jona' no-a 'yi: to-dih-deh 'do 'Neneva-nyor⧾ bo,: yee' 'ka-: 'yu an 'da-dih-a Nyor-kpalu-a' 'yu-a mu 'yi: to-dih-deh: no: ke, 'do: kana-nyor:⧾: daa bo. 'Do Nyorsoa-a' zabe:: zi-we-eh 'di, 'keen-nynor:: or 'wluh-a 'de 'bluhba-dlu:: on: ne-a 'de 'yluh-a' 'kwla 'wluh-dih: 'da-a' kona-for bo, or mu dih: nyna, 'do: kana-nyor:⧾: daa ybei', 'de or 'ye-uh zabe: kpon-dih:. Deh no-eh, or 'wluh: dha: dhorno' or 'ye 'Keen: Salomor'-a': toror': korn-eh: dou'⧾ bo: to. A: gbee'e:. Nyor: noror': noror': ne: daa: naa, or-: 'beh 'i, or-:: zi 'o: Salomor'-'. 'Do Nyorsoa-a' zabe:: zi-we-eh 'di, 'Neneva-nyor⧾-a mu dih: nyna, 'do: kana-nyor:⧾: daa ybei', 'de on 'ye-uh zabe: kpon-dih:. Deh no-eh, on 'tali: an-a' deh⧾-zon⧾-: dih, 'de on 'bili: 'de Nyorsoa bo, ti: Jona' po-a Nyorsoa-a' tubo-wlu⧾ 'de on bo. A: gbee'e:. Nyor: noror': noror': ne: daa: naa, or-: 'beh 'i, or-:: zi 'o: Jona'-'. :Yee': Yusu': wlu-': neheh', or 'dae:, Nyor-a' tba 'nape, 'de or-a' dhe-eh 'o: dha: or 'zile-eh, 'de mor or-a' dhe-eh dih, 'de: yabe 'zorn. Jorwor: or dhe-eh: dha eh: korn-a dih, 'de nyor⧾: an pa-a 'de 'gbu, on 'ye zorn-pli-a' 'ye-a' 'beh-dih:. :Yee': an-a' 'yli-eh:, eh-: 'dhu: an-a' yau-a' 'nape-'.: Mor: an-a' 'yli: nmor 'yi dih,: yee': an-a' yau-a' klehkpeh 'yi-dih: zorn-pli-: dih. Jorwor:: mor eh 'dhu,: an-a' 'yli se 'yi dih: nmor,: yee': an-a' yau 'yi-dih:: kule-: dih. 'Do eh-a' dha, 'dhu: an-a' 'jeh 'yli-eh bo, zorn-pli:: ne-a 'de: on 'di, en: ne-': kule-': za-dih:. :Yee': mor: an-a' yau-a' klehkpeh, on 'yi-dih: zorn-pli-' dih,: mor: kule-a' deh-beh-deh-beh se 'o on 'bhun: ne,: yee' an mu 'pu-': ne,: eh gweh-a: ka 'nape-a fan-dih-a: on ken dih, 'do eh-a' zorn-pli-'. :Yee': yeh: Yusu' gweh-a: wlu-a' 'i,: yee': Falasi'i-yu: due', or-:: pi-dih-or 'de or 'bli 'gbu. 'De or mu, or: dhe dih, or di deh. :Yeh: Falasi'i-yu:: dao', or 'ye-a: ka: Yusu' se-a kwa: dle, 'de or di-a deh,: yee' eh: florn-dih-or-: worn. 'De: Gwlor: baa': wlu 'de or bo, or 'dae:, A: mor: Falasi'i-nyor:⧾. A worlor 'de a-a'a: 'di 'na-dih-korbuh⧾-: 'dekorn: a-a'a: 'di: di-dih-deh⧾-: ken dih. Jorwor:: vlehehn' 'yi 'de en 'di 'weh,: en 'dhu-a deh⧾-a' klehkpeh-a' 'klan: korn-eh-: 'dekorn: 'kulu-kplen-:. A: mor: bobo-nyor:⧾: daa. Eh: se Nyorsoa: or no-a 'de ken, or-: se 'de 'di no: e? Jorwor: deh a 'ble-a, a 'nyi-eh nyor⧾: on se-a deh-a': za-da 'ble,: yee' deh⧾-a' klehkpeh, en mu: vlehehn'-': gweh 'do a bo. 'Chlo 'do a bo, a: mor: Falasi'i-nyor:⧾. Deh no-eh, a 'nyi Nyorsoa a-a'a: 'dhuu'-deh:⧾: en: nmor-dih:-a 'soma' worn, en-': bhue: neh 'weh, 'dekorn: 'dhuu'-deh⧾-a' klehkpeh: bhue: neh-:. Jorwor: a bla-dih 'yi 'sleh-deh⧾-: 'dekorn: Nyorsoa-a': ybeh-eh-: worn. Deh⧾: daa, me-: a: korn a 'ye no, 'de mor a se: korn a 'ye: yih a no-a: dee' see, worn: bla-dih:: ke. 'Chlo 'do a bo, a: mor: Falasi'i-nyor:⧾. Deh no-eh, a: ybeh-' kpala'⧾-a' 'jeh: ne: en: dhe-dih-eh 'for 'i, 'de 'di: gweh-dih-sla⧾ 'zorn dih-a' ken: dhe: deh. 'De a: ybeh nyor⧾ 'ye a wlu bo po, 'do 'doror', 'do deh-' 'ye ka 'di. 'Chlo 'do a bo. Deh no-eh, a gweh nma-dih-deh:⧾: en nyor⧾ se-a 'ye, 'de nyor⧾-a na-a ken dih, 'de on se-eh 'i yubo:. :Yeh: Yusu' 'da: ao',: yee': Mose'-a' 'tele' yubo-yu: due', or-:: wlu 'de or bo, or 'dae:, Nyor⧾ deh: torne-nyor:.: Mor: on 'da: ao',: yee': on 'jle-dih:: a 'weh: ke. 'De: Yusu': wlu 'de or bo, or 'dae:, 'Chlo 'do a bo, a: mor: Mose'-a' 'tele' yubo-nyor:⧾: ke. Deh no-eh, a 'nyi nyor⧾ 'gbeh⧾: en: korn-a 'ble-a': kma-a 'i. Jorwor: a-a' 'jeh, a-a' 'worn, a-a' po-uh 'o: jii-eh: due': sloror', a 'ye-uh' 'dlu dhe. 'Chlo 'do a bo. Deh no-eh, a ma nma-dih-deh:⧾ 'jeh, 'do Nyorsoa-a' wele-eh:: po-nyor:⧾ a: bai'-a': bai' 'dba-a bo. 'Do eh-a' no-a' bo, a: to-dih:: a 'i,: ka a 'worn-dih a: bai'-a': bai'-a' noo-deh⧾ ken dih. An-a' 'jeh: dao', on 'dba-uh'. 'De a: mor, ma nma-dih-deh:⧾ 'jeh, 'do on bo. 'Do eh-a' dha, Nyorsoa: or no-a: toror': korn-nyor, or: wlu-', or 'dae:, 'An mu wele-eh:: po-nyor⧾-: 'dekorn: dboo-nyor⧾-: 'de on bo: dbo. An mu an-a': noo' 'dba-:, 'de on 'ye: noo' 'kle 'ye-dih:. 'Do eh-a' dha, Nyorsoa-a' wele-eh:: po-nyor⧾-a' klehkpeh,: eh 'wluh-a 'de 'bluhba-a' glu 'dhu 'da, an-a' nyomor,: or 'wla-a 'zorn, or mu 'o: kana-nyor:⧾: daa 'dlu: po-eh:, :eh 'wluh-a 'de 'Ebo-a' nyomor bo, 'de: eh: yeh-dih:-a 'Zehkorwlaya': or 'meh-a 'do 'slaa ken: za-dih-deh-: 'dekorn: Nyorsoa-a' 'sla-: 'nyne bo ken. Keen', 'an zela a: gwluhuh',: kana-nyor:⧾: daa, nyomor-a' klehkpeh: daa, or mu 'o on 'dlu: po-eh:. 'Chlo 'do a bo, a: mor: Mose'-a' 'tele' yubo-nyor:⧾. Deh no-eh, a kpa: koeh'eh:: eh kan-dih-a 'o deh-' dih 'worn-eh-a' 'gbu worn 'i 'weh. A-a' 'jeh 'yor-eh: se-' 'de on 'di pa. 'De mor a kan-dih: yuh: an 'bhorn-a pa-a' 'zorn. :Yee': Yusu' 'wluh 'o: dha 'o 'weh.: Yee' nyor⧾ 'tele': torne-nyor⧾-: 'dekorn:: Falasi'i-nyor⧾-: on 'kpa 'o or-a' 'bhun dih: wlu-dih: 'da 'weh 'gabaa. 'De on 'kpa 'o or-a' dih dhele: 'da 'do deh⧾: dhulu'-a' dhih bo. Deh: dao' an dhele-or dih,: yee' an 'bhorn: ka on 'ye-a' no, 'de: mor or zi-a deh 'i, 'de on 'ye-or' dhih: kpon-dih:, 'do deh-zon: or mu-a-': za bo. :Yee' nyor⧾-a' 'wlu-a' 'wlu, mo-:: gweh-dih: 'o, 'de an 'si-dih on 'bei' ken dih.: Yee': Yusu'-a'a: bo: na-nyor:⧾, mo-: or: wlu 'de bo: zai', or 'dae:, A 'dhu a-a' 'jeh: dhororn', 'do: Falasi'i-nyor⧾-a' deh⧾: en 'vu-dih-a 'bhlee,: en 'dhu-a nyor⧾-a' 'yli 'ye-deh⧾-', en: ne-' a 'kor-dih: o. Deh-beh:: eh: kan-eh worn 'i, eh mu ken: nyeh. 'De deh-beh:: eh 'zile-eh, eh mu yubo-eh:. 'Do eh-a' dha, deh a: za-a-' 'de: kule-', eh mu 'worn-eh: 'de zorn-pli-'. 'De deh a: pa-dih:-a 'slan-' 'de: chuu 'di, eh mu: za-eh: 'de 'gbu 'dlu. :Yee' 'an zela a: gwluhuh', 'an: ybeh-dih-nyor:⧾. A-a': ple-' nyor⧾: yuh-a: 'dba-a nyor-a' yau, 'de: on se-a 'beh-dih:: on 'ye-a deh-beh no: neheh'. Jorwor: 'an mu a 'slen 'dhu-: nyor a: korn a 'ye-a' ple. A ple Nyorsoa,: mor: or 'dba-a nyor,: yee': or 'ble-a 'kpih: or 'ye-or 'de 'ku 'bli po. Keen', 'an zela a: gwluhuh', or-: a 'ye ple. Eh: se 'yalih: mm': en se: plo-eh: 'do 'kaba-yor 'sororn' bo: e? Jorwor: en-' deh: due' 'see bo 'ma-dih-eh 'do Nyorsoa ybei'. A-a' 'mii:: sloror': en: ne-a 'o a 'dlu-a' 'jeh, en-' klehkpeh: zlo-eh:-' 'tene': kpeen:.: Yee' 'do eh-a' dha,: fano-a': no-' a-uh. A 'kpa deh ken 'gabaa,: eh: zi 'o 'yalih: dhulu'-'. :Yee' 'an zela a: gwluhuh', nyor-beh:: or 'worn-dih:-a 'an dhih, 'do: gwlor-nyor⧾ ybei',: yee' 'yu an 'da-dih-a Nyor-kpalu-a' 'yu-a mu or-a' dhih 'worn-dih:: ke, 'do Nyorsoa-a' 'enjor-nyor⧾ ybei'. Jorwor: nyor-beh:: or dhobo:-a 'an dhih-' 'do: gwlor-nyor⧾ ybei',: yee' 'yu an 'da-dih-a Nyor-kpalu-a' 'yu-a mu or-a' dhih-' dhobo: 'do Nyorsoa-a' 'enjor-nyor⧾ ybei': ke. Nyor⧾-a' klehkpeh: an mu-a 'yu an 'da-dih-a Nyor-kpalu-a' 'yu 'bhun dih: wlu-dih:, an-a' deh⧾-zon⧾-a' dhih-a mu bo 'ma-dih-eh:. Jorwor: nyor: or mu-a Gban 'i: ne: Zulu-a' 'nyne 'kor-dih:, or-a' deh⧾-zon⧾-a' dhih: se-' bo 'ma-dih-eh: i. :Yee': mor on kpa 'de a 'di: gweh-dih-sla⧾ 'zorn, 'do an-a' zabe:: zi-nyor⧾ ybei', 'de on 'ye-a 'de nyor⧾ wlu 'ken: korn-nyor⧾-: 'dekorn: 'kwi⧾: klaba'⧾-: ybei' kpa, eh-a' 'beh-dih:-' a-a': porluh⧾ 'worn dih, 'do a-a' 'jeh dhih ken: za-eh bo-: 'dekorn: deh a mu-a: za-:. Deh no-eh, 'do ti-a' 'jeh: dao' 'di, Gban 'i: ne: Zulu:, mo-:: an mu deh a: korn a 'ye-a'-': za, a: torne:. :Yee' 'de nyor⧾: doru': dao' 'klu-',: yee' 'yu: due', or-:: wlu 'de: Yusu' bo, or 'dae:, Nyor⧾ deh: torne-nyor:. Zela: 'an 'de-di': gwluhuh', or-: 'mor-:: a 'ye: kororn-deh:⧾: a: baa': sie:-a: a-uh,: a 'ye-ih' gble. Jorwor:: Yusu': wlu-' 'de or bo, or 'dae:, 'On 'be,: or 'nyi 'on 'tele' 'on 'ye zabe:: zi-nyor no, 'de mor 'on 'ye nyor no: or 'ye a-a'a:: kororn-deh⧾-' gble, 'do a 'nyne bo: eh? 'De: Yusu': wlu 'de nyor⧾-a' klehkpeh: dao' bo, or 'dae:, A 'wla: gwluhuh' dih. A 'dhu a-a' 'jeh: dhororn', 'do deh⧾-a' klehkpeh-a' 'klan: korn-eh bo. Deh no-eh,: gwlor-nyor⧾-a' 'kmo: ne-eh: se 'de or-a'a: bhaan-deh⧾-: 'dekorn: or-a'a:: kororn-deh⧾-: bo 'wluh. :Yee': Yusu' po 'dlan: due' 'de on bo, or 'dae:, Eh: korn bhaan-nyor: due', or-:: korn gle 'ble dii-deh:⧾: dhulu'. :Yee' or: wlu-' 'do or-a' 'jeh: gwlii', or 'dae:,: Kaa 'an mu: no: naa: eh? 'On se dha 'ble, 'on 'ye 'an-a: dii-deh:⧾: doru': daa dih dhe. :Yee' or 'da, 'On yubo:: ka 'an mu-a: no 'weh. 'An mu 'an-a: dii-deh⧾-a' 'gbu⧾ ya: gba, 'de 'on 'ye: klaba'⧾ ne po,: en: korn-a 'de 'di, 'an mu-a 'an-a: dii-deh⧾-a' klehkpeh-: 'dekorn: 'an-a:: kororn-deh:⧾ 'sluh⧾ dih: dhe. :Yee' 'an mu 'de 'an 'jeh bo: wlu, 'an mu: ao', 'On: korn mla, 'de 'on dhe: kororn-deh:⧾: dhulu' dih, 'do zon⧾: dhulu': en mu-a 'de: yi bo. 'An mu: ao', 'An mu: forn. 'An mu deh 'jeh neh: di, 'de 'on 'ye nomor 'na, 'de 'on 'ye 'an 'jeh-a': porluh dih 'pehn-dih:. Jorwor: Nyorsoa: wlu-' 'de or bo, or 'dae:,: Mor: bobo-nyor:: daa. 'Gwior: daa,: an mu 'meh-:.: Yee': or mu deh⧾: on po-a: dha: due', 'do: an-a' 'jeh bo,: or mu-ih: kpa: eh? :Yee': Yusu'-a kpa or-a' wlu 'dlu bo, or 'dae:, Nyor: or dhe-a bhaan-deh⧾ dih, 'do or-a' 'jeh bo, 'de: or: se-a bhaan-nyor 'do Nyorsoa bo, 'ka-: eh mu: ne 'do or bo. :Yee': Yusu': wlu-' 'de or-a'a: bo: na-nyor⧾ bo, or 'dae:, Eh-a' dhih, 'an zela a: gwluhuh', a-a': porluh⧾ 'bor a 'worn dih 'beh-dih-eh 'do a-a' 'kmo: ne-eh-a' dhih, 'do deh a 'ye-a' di bo, 'de mor 'do a-a' yau-a' dhih, 'do deh a 'ye-a'-' pa bo. Deh no-eh,: febeh'-a' dhih 'beh-: 'i, eh: zi 'o dii-deh⧾-'. 'De yau-a' dhih 'beh 'i, on: zi 'o paa-deh⧾-'. A pobo: 'momaa'⧾: daa ya,: en-' 'dhu-a deh, 'de mor: en-' chehn-a: koo. En se dii-deh⧾-a': dhe-da 'ble. Jorwor: Nyorsoa 'nyi-ih dii-deh⧾ 'weh: gbor: gbor. Jorwor: a: mor: mloror', a-a' dhih 'beh-: 'i 'gabaa, en: zi 'o neme-' 'weh. A-a' nyor: yoror: or: korn: gwluhuh' dih: na-dih-eh-a' 'bleh 'bleh 'beh-dih:: eh 'ye 'o or-a': febeh' ybei' kpa 'do 'yluh-buh: due' 'di: eh? :Yee': mor a se deh-yu:: eh: ne: ao', eh-a' no-a' 'beh-dih:,: yee': eh: korn dhih 'da, 'de a 'beh-dih a-a' 'jeh-a': porluh⧾ 'worn dih 'do: yih: en: sie:-a 'o, en-' dhih bo: eh? A pobo:: peli'-a' 'voma'e:: daa ya,: ka en no-a ku-a', 'de en-' no-a gle, en-' no-a paa-deh⧾. Jorwor: 'an zela a: gwluhuh', 'Keen: Salomor'-a' 'jeh, ti or: ne-a 'de or-a' dhih-a' 'i 'beh-a' klehkpeh 'di, or: se-' paa-deh:⧾: nmaa'e-' pa, en: se 'o: peli'-a' 'voma'e:: daa, en-': due'-': zi. :Yee': mor eh 'dhu, Nyorsoa: taa 'o 'kwla: peli'-a' deh⧾-': pa-dih-eh no,: en 'dhu-a 'zean'-:: glaa'e-: deh-',: yee' on po-a 'yli,: yee' dha a mu: na-dih:: eh?: Yee' a: mor, or se deh-': pa-dih-eh 'beh-dih:: e? A: mor: gwlor-nyor:⧾: on: korn-a dhih 'jeh-': po-eh se-a 'i 'beh. A 'bor: gwluhuh' dih: na-dih-eh 'do deh a mu-a: di-: 'dekorn: deh a mu-a 'na-: eh-a' dhih. 'De a-a': porluh⧾ 'bor a 'worn dih 'beh-dih-eh. Deh no-eh, deh⧾: daa, me-: se Nyorsoa yubo-nyor⧾-a' klehkpeh-a ple 'de, 'de a: Baa' Nyorsoa yubo-eh': ka a: korn-a a 'ye-a en-' klehkpeh 'ble. Jorwor: a 'bhorn deh⧾: en: korn-a 'de Nyorsoa-a' nyor⧾ wlu 'ken: korn-eh bo 'kwla⧾-' dih,: yee' deh⧾: yih: sie:-a 'o, or mu-ih a 'nyi-:: ke. :Yee' a: mor nyor⧾-kpor-bei:: daa, a 'bor: fano:: ple-eh. Deh no-eh, a: Baa' Nyorsoa-a' 'ton: korn-deh: 'o, or 'ye a nyor⧾ wlu 'ken: korn-eh 'nyi. A plo a-a': kororn-deh⧾.: Yee' a 'nyi en-' 'wlii nyor⧾: on se-a deh-a': za-da 'ble. A no a-a' 'jeh-a'a: 'wlii 'di: po: gleu',: on: se-a' 'soa'-' 'kpa-: i.: Yee' a 'ye-eh' bo, a 'ye a-a'a: bhaan-deh⧾ dih dhe 'de Nyorsoa 'bli yai',: dha en: se-a' dih: gweh i, 'do: dha 'ylii'-nyor: se-a' dih 'koan'-dih: i, 'de 'gbomor⧾: se-ih'-a' 'kor-dih: i. Deh no-eh, 'do: dha a-a'a: bhaan-deh⧾: ne-a, 'do: wor a-a': porluh⧾-a mu: ne: ke. :Yee': Yusu'-a kpa or-a' wlu 'dlu bo, or 'dae:, A: ne buh⧾ ken, a 'ye 'yu an 'da-dih-a Nyor-kpalu-a' 'yu 'ken: fuo:. A po a-a'a: 'tiei 'kpa. 'Nyi a-a'a: 'nape⧾ wan: chio'lo:, :eh gweh-a: ka nyor⧾-kpalu:⧾: an fuo-a an-a'a: nyor: klaba' 'ken,: or 'ye-a 'nynor nyina:: kpa-gor-' 'wluh, 'de: mor or bla: kpaa', on 'ye 'dhobo:, on 'ye-or: kpaa' 'i: za. Eh mu 'yi dih: nmor, 'do 'bhoi-nynuu:: dao' bo,: mor an-a'a: nyor: klaba' se-uh 'nyinor-': yeh-dih:, 'de or 'ye-uh' ken: yeh-dih:, on 'ye-or' 'ken: fuo:. Dhih 'jeh, 'an zela a: gwluhuh', nyor: klaba': dao', or mu or-a'a: 'korlor dih: za, 'de or 'ye 'bhoi-nynuu-tiei-' pa, 'de or 'ye-uh': bale'-' kpa, 'de or 'ye-uh' 'de dih: dhe. Keen': mloror': mor or 'yle dholo-' zuee,: eh beh zorn bo-mlai'-: 'de or 'ye-uh' ken: yeh-dih:, on 'ye-or' 'ken: fuo:,: yee' eh mu 'yi dih: nmor 'do on bo. Jorwor: deh a 'ye-a' yubo:, eh-:: dhe dih,: mor 'gbu: korn-nyor yubo-eh: dee', ti 'ylii'-nyor-a mu-a 'de: ya,: yee' or: se-' 'worn-: i, 'ylii'-nyor 'ye or-a'a: 'gbu wa. A: mor: ke, a: korn a 'ye buh⧾ ken: ne, 'do ti-a' klehkpeh bo. Deh no-eh, 'yu an 'da-dih-a Nyor-kpalu-a' 'yu, ti a: se-or' 'sor-dih:, 'do: wor or mu 'de: yi-dih:. :Yee': Piteh' dhele:: Yusu'-: dih, or 'da,: Gwlor: baa', 'dlan: daa: on po-a, or: korn 'de: a bo: e?: Ae' or: korn 'de: gwlor-nyor⧾-a' klehkpeh bo? :Yeh or 'da: ao',: yee': Gwlor: baa': wlu-' 'de or bo, or 'dae:,: Or 'dhu 'bhoi-yu:: or 'dhu-a: dhehehn-nyor-', 'de: or: korn-a: toror': eh? Or-: 'o, or-a'a: nyor: klaba'-a mu 'de 'bhoi-nynuu:: noo' 'dlu bo: po,: or 'ye-uh' an-a'a: dii-deh⧾ 'nyi, 'do ti on: korn on 'ye-a' deh: di-dih: bo. Eh mu 'yi dih: nmor 'do 'bhoi-yu:: dao' bo,: mor or 'si 'o deh: dao', eh-a' no 'da, 'de or-a'a: nyor: klaba' 'ye-or' ken: yeh-dih:. Dhih 'jeh, 'an zela a: gwluhuh', or-a'a: nyor: klaba'-a mu or-a'a:: kororn-deh⧾-a' klehkpeh 'de or 'kwa: po, or 'ye-ih' 'yli-eh bo 'dhu. Jorwor:: mor eh 'dhu, 'bhoi-yu:: dao', or: wlu 'do or-a' 'jeh-a': porluh ken,: mor or 'da, 'An-a: nyor: klaba': gwle 'de 'weh, 'de or 'see 'de yi.: Yee': mor or no: ao',: yee' or mu 'o 'bhoi-nyor⧾-kpalu⧾-nynuu-: 'dekorn: 'bhoi-nynor⧾-kpao'⧾-nynuu-: an-a' bla 'da 'kpa-:, 'de or 'ye deh di, or 'ye 'na, 'de nomor 'ye-or' no. :Yee' eh mu 'we-eh: korn, ti 'bhoi-yu:: dao', or se-a or-a'a: nyor: klaba' 'sor-dih:, 'do: wor or mu 'de: yi-dih:.: Yee' or mu-or 'kle 'ye-eh 'dlu: po 'gabaa, 'de or 'ye-or 'de nyor⧾: on se-eh dhih 'jeh-' po, 'de on 'nyne-' po. :Yee' 'bhoi-yu:: dao',: or yubo:-a or-a'a: nyor: klaba'-a' 'ton: korn-deh, jorwor:: or: se-a or-a' 'jeh 'kpa po, 'de: or se-a or-a' 'ton: korn-deh or 'bhorn-a no,: yee' or mu: bla-eh: 'gabaa. Jorwor: 'bhoi-yu:: yor: or se-eh yubo:, 'de: or no-a blaa-deh⧾, or mu: bla-eh:: weh-beh:. Nyor⧾-a' klehkpeh Nyorsoa 'nyi-a deh⧾: dhulu', deh⧾: dhulu', me-: or mu 'sor-: 'de on 'kwa.: Ka en: dhie:-a Nyorsoa po-ih-a 'de: on 'kwa, 'ka-: en mu: dhie:, or 'ye-ih' 'yba 'de: on 'kwa. :Yee': Yusu': wlu-', or 'da, 'On yi-: 'de, 'on 'ye 'bluhba 'yli po. 'An: porluh 'da, 'bluhba 'kpa neh-': kana: naa. 'Kle 'ye-eh:, eh-:: ne 'o 'on 'de. 'De mor 'an: porluh-a mu 'on 'worn dih 'beh-dih:: beh-dihih:, 'kle 'ye-eh:: daa, eh 'ye 'dlu-': jla. :Mor a: taa 'ye,: yee' a 'da, 'on yi-: 'de, wlu-' dih 'worn-eh 'ye dha 'bluhba ken: ne: e? 'Kei o. 'An zela a: gwluhuh', 'on: ya 'de deh-': gble-eh:. :Eh 'wluh-a: daa: naa,: mor 'cheh-buh 'ble nyor⧾: mm' 'de on 'di,: yee' an mu 'sororn': za-eh:, taan mu 'sororn' 'bhun: ne, 'de 'sororn' 'ye taan 'bhun: ne: ke. An mu 'sororn': za-eh:.: Baa'-a mu 'de or-a'a: nyor-kpalu-yu ya 'bili:.: Yee' nyor-kpalu-yu-a mu 'de or: baa' ya 'bili:. 'De-a mu 'de or-a'a: 'nynor-kpao'-yu ya 'bili:.: Yee' 'nynor-kpao'-yu-a mu 'de or 'de ya 'bili:. 'De-a mu 'de or-a'a: nyor-kpalu-yu-a'a: 'nynor ya 'bili:.: Yee' 'nynor-a mu 'de or-a'a: yibeor 'de ya 'bili:. :Yee': Yusu': wlu-' 'de nyor⧾: doru': dao' bo, or 'dae:,: Mor a 'ye 'ni-kpan 'de 'yluh-a' 'nior: 'kpa 'da 'de yai',: yee' 'do: dha: due': dao', a 'da, 'Ni-a mu: dba o.: Yee' eh: no-eh:-'. :Yee': mor: pobor': taa 'de 'yluh-a' 'kwla 'wluh-dih: 'da-a' kona-for bo 'wluh dih,: yee' a 'da,: Fuun'-a mu 'de: yi.: Yee' eh: no-eh:-'. A: mor nyor⧾-a' 'yli 'ye-nyor:⧾: daa. A yubo: 'de yai'-: 'dekorn: 'bluhba-: en-' bo dih zela-eh 'weh. Jorwor:: eh: korn dhih 'de a se ti: daa: a: ne-a ken, en-' bo dih zela-eh 'beh-dih:: eh? :Yee': eh: korn dhih, 'de a: se-' zabe zi 'do a-a' 'jeh bo, 'do deh: eh 'sleh-a 'i bo: eh? :Yee' mor-: 'dekorn:: an-a'a: dhih 'ble-nyor-: a po 'de 'kpih, a 'ye wlu-' dih 'woorn:: dueh'leh: 'do: gwie 'i,: mor or: taa 'de: on 'koti-' kpa, 'de or: ne-': on dih 'kla 'do zabe:: zi-nyor ybei', 'de zabe:: zi-nyor: ne-': on: poli'si-yu 'kwla: za-dih:, 'de: poli'si-yu: ne-': on: kasue 'di po. 'An zela a: gwluhuh',: on 'se 'ba 'de: kasue 'di: dao' 'wluh: chio'lo:,: on 'ye: de 'bor-dih-kaba-yor-eh kpa, 'de: on 'ye 'de eh 'di 'wluh. :Yee' nyor⧾: noo', mo-:: ne 'o,: on zela:: Yusu': gwluhuh' 'do: Galali'i-nyor:⧾: on: korn-a nyomor Pale' 'wla-a dih, 'de Pale' zian-dih:-a an-a' 'jeh-a'a: 'slaa:: za-dih-deh⧾-a' nyomor. :Yeh on: za-a deh⧾: dao',: yee': Yusu' dhele-uh-: dih, or 'da,: Mor a: taa 'ye,: yee' a 'da: Galali'i-nyor:⧾: dao', on no deh⧾-zon:⧾: no-nyor:⧾, on: zi 'o: Galali'i-nyor⧾-a' klehkpeh-', eh-:: korn dhih, an 'ye an-a' 'jeh worn deh: dao': e? 'Kei:. 'An zela a: gwluhuh'. Jorwor:: mor a se a-a' deh⧾-zon⧾ dih 'tali:, 'de a 'ye: ao', a se 'de Nyorsoa bo 'bili:,: yee' a-a' klehkpeh, a mu gbe: zie:: ke. :Yee' a 'worn-ih' 'de nyor⧾-a': bhue: 'yor: meheh' na: on 'meh-a, ti 'gbu: dhorno' 'kpa-uh-a ken 'de: Silo'a:: gluun' 'do: Julu'slehn,: mor a: taa 'ye,: yee' a 'da, on no deh⧾-zon:⧾: no-nyor:⧾, on: zi 'o nyor⧾-a' klehkpeh: on 'ti-a: Julu'slehn: e? 'Kei:. 'An zela a: gwluhuh'. Jorwor:: mor a se a-a' deh⧾-zon⧾ dih 'tali:, 'de a 'ye: ao', a se 'de Nyorsoa bo 'bili:,: yee' a-a' klehkpeh, a mu gbe: zie:: ke. :Yee': Yusu' po 'dlan: due' 'de nyor⧾ bo, or 'dae:, 'Yu: due', or-: 'ble 'fe-tu, 'de or-a'a: 'dhuu'-deh⧾ 'klu-'. 'De or mu 'de tu: dao' bo, or 'ye-uh 'ye,: eh beh on 'ble 'bi 'de on ya: eh? Jorwor:: yeh or mu-a 'de,: yee' or: se-' deh-beh-deh-beh 'ye, 'de on ya. Eh-a' dhih,: yee' or: wlu-' 'de 'yu: or 'dhu-a or-a'a: 'dhuu'-deh:⧾: dao' 'yli-eh bo, or 'dae:,: Gbee'e:. 'Do zon⧾ taan 'di: naa, 'an pobo 'noror tu: daa ya. 'An 'bhorn 'bi 'de on ya. Jorwor: 'on: se-' deh 'ye. 'An 'bhorn: on 'ye-uh': dba.: Eh: korn dhih 'de on: nyna dha 'bluhba ken dih 'plo: eh? :Yeh or 'da: ao',: yee' 'yu: or 'dhu-a 'dhuu'-deh:⧾: dao' 'yli-eh bo, or: wlu-' 'de or bo, or 'dae:, Nyor: klaba', 'tali-uh dih, 'do zon: due' 'di: neheh'.: Yee' 'an mu-uh gbor dih 'blu-:, 'de 'on 'ye-uh 'kuo-bluh gbor dih po. :Mor on po 'bi, 'do zon: dele': an mu-a 'de: yi 'di,: yee' eh: nmor-: 'yi. Jorwor:: mor on se 'buo' po,: yee' dba-uh. :Yee' eh no Nyorsoa-a': gwlee-we-eh: due', 'de: Yusu'-a torne nyor⧾ deh, 'de an-a' 'di: gweh-dih-sla: due' 'zorn. :Yee' 'nynor: due', or-:: ne 'de, or-: 'kwla 'ye-dih-deh: nea-dih:, 'do zon⧾-a': bhue: 'yor: meheh' na 'di. 'De eh no-eh, or 'kli, or se dih: nyna-eh 'beh-dih:. :Yeh: Yusu' 'ye-or,: yee' or 'da-or 'do or bo, 'de or: wlu 'de or bo, or 'dae:, 'Nynor,: on 'puh-'. 'De or tba-or son⧾ ken dih.: Yeh or tba-or son⧾ ken dih,: yee' 'do: dha: due': dao', or: nyna dih, 'de or po Nyorsoa-a' 'nyne ya. :Yeh eh no: ao',: yee' 'yu: or: korn-a 'di: gweh-dih-sla:: dao' wlu 'ken, or 'kpa-' 'chehn. Deh: korn-a dhih, 'de or 'kpa-a 'chehn-', eh-: 'dhu,: Yusu' 'puh-dih: nyor 'do Nyorsoa-a': gwlee-we-eh 'di. Eh-:: korn dhih, 'de or: wlu 'de nyor⧾: on: ne-a 'o bo, or 'dae:,: A: korn 'we: meheh'lo:,: a 'ye: koan: no-dih:.: Yee' a 'yle 'do 'we: dao' 'di, a-a' puhba-deh⧾ 'ye 'puh-dih-eh:. Jorwor: eh: se 'de Nyorsoa-a': gwlee-we-eh 'di, a 'ye 'de yi, a 'ye 'puh-dih-eh:. :Yeh or 'da: ao',: yee': Gwlor: baa': wlu-' 'de or bo, or 'dae:, A: mor nyor⧾-a' 'yli 'ye-nyor:⧾: daa. A-a' nyor 'see or-a'a:: blii'-: 'dekorn: 'dhornke-: bhehn-dih, 'do Nyorsoa-a': gwlee-we-eh 'di, or 'see-eh 'na 'da kpa, 'de 'ni worn 'i: e? A 'see-eh no: e? :Yee' 'nynor: daa: or no-a 'Eble'hehn 'di-a' 'yu,: or 'ku san-a dih, 'do zon⧾-a': bhue: 'yor: meheh' na 'di, or se: korn or 'ye bhehn-dih-eh:, 'do Nyorsoa-a': gwlee-we-eh 'di: e? :Yeh: Yusu' 'da: ao',: yee' dhen-a: no nyor⧾-a' klehkpeh,: on se-a or-a' dhih ken 'worn-dih:.: Yee' nyor⧾-a' klehkpeh: on: sie:-a 'o, an-a': porluh⧾ 'pehn-: dih, 'do deh⧾: kolu'⧾ or no-a bo. :Yee': Yusu' dhele-uh-: dih, or 'dae:,: Kaa Nyorsoa-a' nyor⧾ wlu 'ken: korn-eh: ne: eh? Deh 'an mu-eh 'i: po-dih:: eh? Eh gweh: zlaan'-a' 'yor-eh:: eh 'yu: due' 'duo:-a, 'de or gba-a 'de or-a'a: 'dhuu'-deh⧾ 'nyne-'. 'De eh ku, eh no: zlaan'-gan:: kolu'.: Yee' neme:: en zi-dih-a-' dih 'de yai', me-: po 'dle⧾ 'do eh-a' 'gabuh⧾ 'nyne-'. :Yee': Yusu': wlu-': neheh', or 'dae:, Deh 'an mu Nyorsoa-a' nyor⧾ wlu 'ken: korn-eh 'i: po-dih:: eh? Eh gweh 'bhlee-a' 'vu-dih-deh:: eh 'nynor: due' 'duo:-a, 'de or po-a 'bhlee-a': bhebe': doru' bo, 'de or zian-dih-a, 'de: eh gweh-a 'bhlee:: bhebe'-a' klehkpeh 'dlu. :Yee': Yusu' mu 'de: Julu'slehn:.: Yeh or mu-a,: yee' or: yi-dih: 'de: gwlor⧾: klaba'⧾-: 'dekorn:: gwlor⧾: nyene'-: 'di, or torne nyor⧾ deh. 'De 'yu: due' dhele-or dih, or 'da,: Gwlor: baa', nyor⧾-kpor-bei: 'o,: an mu 'puh-:: e?: Yeh or dhele:-a: Yusu' dih,: yee': Yusu': wlu-' 'de nyor⧾: on: ne-a 'o bo, or 'dae:, A po 'de 'kpih, a 'ye 'de: kpaa': or se-a 'worn dih 'beh bo ka: yi-dih:. Deh no-eh, 'an zela a: gwluhuh', nyor⧾: dhulu', mo-:: an mu 'de 'kpih: po, on 'ye 'de: yi-dih:. Jorwor: on: se-eh' no-a' 'beh-dih: i. Jorwor:: mor 'gbu: korn-nyor: sorn-', 'de or 'ye 'o: kpaa' po,: yee' a mu dih: nyna 'de 'zorn, 'de a 'ye: kpaa' bla, a 'ye-or' bale:, a 'ye: ao', Nyor: klaba',: za: a: kpaa' 'i. Jorwor: or mu: ao', 'On se a yubo:. 'De mor 'on se: dha a 'wluh-a yubo:. :Yee': mor or 'da: ao',: yee' a mu: ao' 'da-: 'de or bo, Mor-: 'dekorn:: a mor-:: a kpuhba son⧾ ybei'. 'De: on: torne:: a deh, 'do: a 'bli: gwlor-'. Jorwor: or mu: ao' 'da-:, 'An zela a: gwluhuh', 'on se a yubo:. 'De mor 'on se: dha a 'wluh-a yubo:. A 'wluh 'o 'on ybei', a: mor deh⧾-zon:⧾: no-nyor⧾-a' klehkpeh: daa. :Yee' a mu 'vin-:, a 'ye 'nyne 'i: di-dih:,: mor a 'ye 'Eble'hehn-: Ase'-: 'Jekor-: 'dekorn: Nyorsoa-a' wele-eh:: po-nyor⧾-a' klehkpeh-: 'do: dha Nyorsoa: korn-dih:-a nyor⧾ wlu 'ken, 'de a: mor: mloror', a 'ye 'zorn: po-eh:. Nyor⧾-a mu 'de 'yluh-a' 'kwla 'wluh-dih: 'da 'wluh-:, 'de: noo' 'ye 'noror an-a' 'nior: 'kpa 'da 'wluh. 'De: noo' 'ye 'de an-a' 'kwla 'wluh-dih: 'da-a': dila-for bo 'wluh-dih:, 'de: noo' 'ye an-a' kona-for bo 'wluh-dih:, 'de on 'ye: dha: due' dih: dhe 'do gor-', 'do: dha Nyorsoa: korn-dih:-a nyor⧾ wlu 'ken. A: gbee'e:. Nyor⧾: yuh: a 'da-dih-a nyor⧾ 'zeehn: naa, mo-:: an mu nyor⧾: klaba'⧾: no 'de ybei'.: Yee': yuh: a 'da-dih-a nyor⧾: klaba'⧾: naa, an-a' 'jeh: dao', mo-:: an mu 'zeehn: no 'de ybei'. :Yee' 'do ti: dao' 'i,: yee': Falasi'i-nyor:⧾: noo', mo-: yi 'o: Yusu' bo, on 'dae:, 'Wluh dha: dha: daa: on: ne-a. Mu: dha 'sluh. Deh no-eh, 'Keen: Hehlo'-a 'bhorn or 'ye: on 'dba. :Yeh on 'da: ao',: yee' or: wlu-' 'de on bo, or 'dae:, A mu, a 'ye nyor⧾ dih: bo-dih-nyor:: dao': gwluhuh' zela:,: ka 'an mu-a nyor⧾ 'kwla 'ye-dih-deh⧾ 'de: za, 'de 'on 'ye puhba-nyor⧾ 'puh-dih: 'zean'-: 'dekorn:: glaa'e-:.: Yee' 'do 'we-eh-a' taan neh 'di, 'an mu 'an-a:: koan 'i: gweh. :Mor eh 'dhu deh-', 'on: korn 'on 'ye: gwie 'i 'kpa, 'zean'-:: glaa'e-: 'dekorn: zorn: ne-a 'o de-:. Deh no-eh, Nyorsoa-a' wele-eh:: po-nyor se: korn or 'ye: dha 'plo 'dba-dih-eh:. Jorwor: 'do: Julu'slehn 'yor-eh:, 'do: wor on: korn on 'ye-or' 'dba-dih:. A: mor: Julu'slehn-nyor:⧾: daa, a: mor 'dba Nyorsoa-a' wele-eh:: po-nyor⧾, 'de: or tba-dih: yuh Nyorsoa dbo-a 'de a bo sobu'⧾ dih, on 'ye 'meh. 'De mor, 'do ti: dhulu' 'di, 'an 'bhorn 'on 'ye a-a' klehkpeh: dha: due' po, 'do 'on bo,: eh gweh-a: ka: gbano:: soon': vlu-a an-a'a: 'nynuu ken. Jorwor: a-a' 'worn-dih-eh. Eh-a' dhih, a: to: dou'⧾, a-a'a: Nyorsoa-a' 'sla-a mu a kwa 'bor-dih-eh:.: Yee' 'an zela a: gwluhuh', a: se-' 'on 'ye-: i: neheh', eh 'ye ti a mu: ao',: Bhorlie' 'do nyor: dao' bo,: or yi-a 'de, 'de: Gwlor: baa'-a' 'nyne 'di, ken: yeh-dih:. Eh: korn-Nyorsoa-a': gwlee-we-eh: due', 'de: Falasi'i-nyor⧾-a' nyor: klaba': due': pi-dih:: Yusu' 'de or 'bli 'gbu.: Yeh or: ne-a 'de,: yee' nyor⧾-a na-dih-or 'yli-eh:. :Yee' 'yu: due': or 'ble-a 'bhun-weh, or-:: ne 'o or ybei'. 'De: Yusu': wlu 'de: Mose'-a' 'tele' yubo-nyor⧾-: 'dekorn:: Falasi'i-nyor⧾-: bo, or 'dae:, Eh: ne 'o: a-a'a: 'tele'-a': gwie 'i 'weh, nyor 'ye puhba-nyor⧾ 'puh-dih:, 'do Nyorsoa-a': gwlee-we-eh 'di: e?: Ae' eh se 'yi dih: nmor? :Yeh or dhele-uh-a dih,: yee' an-a' nyor: se-': wlu. An-a' klehkpeh, on no 'dhuan.: Yee': Yusu' 'duo: 'yu: dao' 'weh, or 'puh-dih-or, 'de or dbo-or or 'bli. :Yee': Yusu': wlu-' 'de on bo, or 'dae:,: Mor a-a' nyor: due' 'ble nyor-kpalu-yu-:: eh beh: blii'-: 'de on 'ye 'de 'ni-bie:: dhorno' 'di 'kpa, 'do Nyorsoa-a': gwlee-we-eh 'di,: yee' nyor: dao' or: se 'de 'yu-: 'dekorn:: blii'-:: za i, 'do: dha: due': dao': e? :Yeh: Yusu' 'da: ao',: yee' on se deh or dhele:-a dih, eh-a' gbor: za-da 'ble. :Yee': yeh: Yusu'-a di-a deh, 'de: Falasi'i-yu: 'bli 'gbu,: yee' or 'ye nyor⧾: noo': on 'da-eh, mo-:: an gan ken: dhe-deh:⧾ 'jeh ne.: Yeh or 'ye-eh,: yee' or po 'dlan 'de on bo, or 'dae:, :Mor nyor 'da: on 'do 'nynor nyina:: kpa-gor-',: an-a': dhe-' dih 'do ken: dhe-deh: 'jeh ken. Nyor se yubo: nyor: klaba',: or: zi-a: on-', or-: 'da-eh: 'de gor: dao': ke. :Mor nyor: klaba': dao', or 'yle,: yee' 'yu: or 'da-a a-uh, or mu 'de: yi, 'de or 'ye: wlu 'de: on bo, or 'ye: ao', 'Nyi: an-a'a: ken: dhe-deh 'yu: daa.: Yee' dhen-a mu: on: no.: Yee': an mu 'o ken: dhe-deh: 'zeehn ken 'bor-dih:. Jorwor:: mor nyor 'da: on gor-',: yee': dhe dih 'do ken: dhe-deh: 'zeehn ken dih, 'yu: or 'da-a: on gor-',: mor or 'yle, or mu: wlu 'de: on bo 'bla, or mu: ao', 'On 'be, 'yle, yi 'noror ken: dhe-deh: 'jeh ken.: Mor or no: ao',: yee' eh mu: on deh-' 'ye-eh 'nyi-:, 'do gor-a': yi-nyor⧾ ybei'. Deh no-eh, nyor-beh:: or 'beh-dih:-a or-a' 'jeh 'i, or-: Nyorsoa-a mu ya: ya.: Yee' nyor-beh:: or: ya-a or-a' 'jeh ya, or-: Nyorsoa-a mu ya-' 'duo:. :Yee': Yusu': wlu-' 'de 'yu: or: pi-dih-or bo, or 'dae:,: Mor: on: taa nyor⧾ pi-dih,: yee': an-a': pi-dih:-': on 'bei'-:: eh beh: an-a' 'de-di'-boi'-:: eh beh: an-a' 'wluh-a-nyor⧾-:: eh beh bhaan-nyor:⧾: on: ne: on 'ti-a: dha: due'-: 'suh.: Mor: on no: ao',: yee' an mu: on: pi-dih: 'bla: ke, on 'ye: an-a' son-a' kpa: za. Jorwor:: mor: on: taa nyor⧾ pi-dih,: yee': pi-dih: nyor⧾: on se-a deh-a': za-da 'ble-:: nea-nyor⧾-:: kloror-nyor⧾-: 'dekorn: 'doror'-nyor⧾-:. :Yee': an mu: bhorlie' 'ye-:, deh no-eh, on se: an-a' son-a' kpa: za-eh 'beh-dih:. Nyorsoa-a mu: on geli': za, 'do ti 'yi 'sleh-nyor⧾-a mu-a 'de nma-dih-deh⧾ 'di 'wluh-:. :Yee': yeh 'yu: due': or: ne: Yusu' 'i-a kpuhba-a son⧾ ybei', or 'worn-a deh: daa,: yee' or: wlu-' 'de: Yusu' bo, or 'dae:,: Bhorlie' 'do nyor: dao' bo,: or mu-a deh: di 'da: mu 'do gor-', 'do: dha Nyorsoa-a mu-a nyor⧾ wlu 'ken: korn-dih:. Jorwor:: Yusu': wlu-' 'de or bo, or 'dae:, Eh: korn ti: due', 'de 'yu: due' 'da gor: klaba', 'de or 'da nyor⧾: dhulu'. :Yee': yeh dii-deh⧾: gweh-a 'i,: yee' or dbo or-a'a: 'bhoi-yu: or 'ye nyor⧾: on 'da-eh: gwluhuh' zela:, on 'ye 'de yi,: ka deh⧾-a' klehkpeh: po-eh 'kpa. Jorwor: an-a' klehkpeh-a za-' dhih 'sluh⧾: due': due'.: Zai' nor zela-or-:: gwluhuh', or 'dae:, 'On dhen gle: kana, 'de 'on: korn 'on 'ye-eh 'ye 'da mu.: On: korn 'gen,: za 'o 'on ken. 'An bale: on 'weh. :Yee' 'sororn' nor 'dae:, 'On dhen: blii'⧾: bhue:: kana. 'An mu-or 'ye 'da: naa.: On: korn 'gen,: za 'o 'on ken. 'An bale: on 'weh. :Yee' taan nor 'dae:, 'An-a: 'nynor yi nyina:: kana: naa.: Yee' eh-a' dhih, 'on se 'de yi-a' 'beh-dih:. :Yee' 'bhoi-yu:: dao', or yi-: de, 'de or po deh⧾: daa en-' kuna' 'de or-a'a: nyor: klaba' bo.: Yeh or 'worn-ih'-a,: yee' or 'kpa-' 'chehn, 'de or dbo-or, or 'da, 'Dhobo:: on 'ye 'kpa: gwie:⧾: klaba'⧾-: 'dekorn: 'kpa: gwie:⧾: nyene'-:: en: ne-a 'de: gwlor-' ken mu.: Yee': ya 'de nyor⧾: on se-a deh-a': za-da 'ble-:: nea-nyor⧾-: 'doror'-nyor⧾-: 'dekorn:: kloror-nyor⧾-:. :Yeh 'bhoi-yu yi-a de,: yee' or: wlu-', or 'dae:, Nyor: klaba', 'on no deh: on zela:-a 'on: gwluhuh' 'weh. Jorwor: 'gbu 'see 'yi 'gboror:. 'De or-a'a: nyor: klaba' zela-or: gwluhuh': neheh', or 'da, Mu,: on 'ye 'kpa: gwie⧾-: 'dekorn: 'kwla 'di: gwie⧾-: bo: na.: Yee' no-eh, nyor⧾ 'ye 'de yi, 'de 'an-a: 'gbu 'ye 'yi. 'An zela a: gwluhuh', nyor⧾ 'on 'da-a: zai', an-a' nyor-beh: se-' 'an-a: gor-a' dii-deh⧾ worn 'dhen-: i. Eh: korn ti: due',: yee' nyor⧾: doru', mo-:: ne: Yusu'-a nena bo, 'de or 'bili:-' dih 'de on bo, or 'dae:, Nyor: or 'bhorn-a: or 'ye-a 'o 'on klei' zi,: mor or se or: baa'-: or 'de-: or-a'a: 'nynor-: or-a'a: 'nynuu-: or-a' 'de-di'-: 'dekorn: or-a': febeh'-a': sloror'-: 'nyeh,: yee' or se 'beh-dih: or 'ye 'an-a: bo: na-nyor no. :Yee' nyor: or se-a or-a'a: 'kle 'ye-eh-a' 'klorse tu-' 'duo:,: or 'ye-a' 'o 'on klei' zi,: yee' or se 'beh-dih: or 'ye 'an-a: bo: na-nyor no. :Yee': mor eh 'dhu deh-', 'de a-a' nyor: due' 'ye 'gbu: dhorno'-a' po-a' 'bhorn,: yee', or: se-' dih: dhe i: zai': e, or 'ye-eh' 'ye,: eh beh 'wlii: or 'ble-a, en 'beh-dih: en 'ye 'gbu: dao' 'i gweh 'weh-:? :Mor or se-eh no, 'de or 'ye 'gbu: dao' glu 'dhu, 'de or 'ye: ao', or se an-a' 'yi: gweh-eh 'beh-dih:,: yee' nyor⧾-a' klehkpeh: an mu-uh-a 'ye-:, an mu-or: wla-dih:, an mu: ao', 'Yu: daa, or 'dhu 'gbu: daa glu, jorwor: or se an-a' 'yi: gweh-eh 'beh-dih:. 'De mor,: mor eh 'dhu deh-', 'de 'keen: due' 'ye tuh: vorn 'da yi, 'do or 'be 'keen: noror' bo, or: se-' dih: dhe i: zai' or 'ye-eh' 'dlu 'di dih: na-dih:: eh beh sorye'-' 'wlu: bhue: or 'ble-a, on 'ble 'kpih on 'ye sorye'-' 'wlu-a': kwlaa 'sororn' or 'be 'ble-a, bo vorn 'weh-:. :Mor or se-eh 'beh-dih:,: yee' or mu dboo-nyor⧾: dbo 'de 'keen: dao' bo,: ka or: tehn-a bo 'gboror:, 'de or 'ye: dhoeh' dih po. :Yee' 'do deh: ne-a: due' 'di, a-a' nyor: se-' 'an-a: bo: na-nyor: no i,: mor or se deh⧾-a' klehkpeh or 'ble-a dih 'tali:. 'Torn: nmor-: 'yi. Jorwor:: mor or: gweh worn,: yee': eh mu-or 'torn-': no-dih:: neheh': eh? Or se 'yi dih: nmor 'do 'bluhbor-: 'dekorn: 'kuo:: sloror'-: bo.: Yee' or: po-eh:-' 'kwla. Nyor: or 'ble-a: dou'⧾: or 'ye-a' dhih 'worn, 'nyi or 'worn-ih. Eh: korn 'we-eh: due', 'de 'taa-deh:⧾: za-nyor⧾-: 'dekorn: deh⧾-zon:⧾: no-nyor:⧾: noo'-: an-a' klehkpeh: dao', mo-: yi 'o: Yusu' bo, on 'ye-or': dou'⧾ bo: to. :Yee': yeh: Falasi'i-nyor⧾-: 'dekorn: nyor⧾ 'tele': torne-nyor⧾-: on 'ye-a deh: daa,: yee' an wlu-dih worn dih, 'de an-a' 'jeh 'nyne-', on 'dae:, 'Yu: daa, or kpon deh⧾-zon:⧾: no-nyor⧾-: dih, 'de or: ne an kpuhba son⧾ ybei'. :Yeh on 'da: ao',: yee': Yusu' po 'dlan 'de on bo, or 'dae:, :Mor eh 'dhu deh-', 'de a-a' nyor: due' 'ye 'blae'⧾-a': kehehn': due' 'ble, 'de: due' 'ye 'ma,: yee' or: se 'o 'blae'⧾: dao': en: korn-a: kwlaa: meheh': nyieh 'yor: ne-a: meheh': nyieh 'do: dha en di-a dih: sie: i, 'de or 'ye: yeh: eh 'ma-a 'bhorn 'da mu, 'de or 'ye-eh 'ye: e? :Yee': mor or 'ye-eh,: yee' 'mona-a mu-or' dih 'yi-dih:, 'de or 'ye-eh: gwle-': po, or 'ye-eh: gwlor-' kpa. :Mor or nyni: gwlor-',: yee' or mu or 'bei'-: 'dekorn: nyor⧾: on: ne or 'ti-a: dha: due' 'da-: 'de or 'ye 'de on bo: wlu, or 'ye: ao', A 'kpa 'on bo,: a 'ye 'mona no. Deh no-eh, 'on 'ye 'an-a: 'blae': eh 'ma-a 'weh. :Yee': Yusu': wlu-', or 'dae:, 'An zela a: gwluhuh', 'ka-: 'o eh mu: ne: kpeheh:, eh mu 'mona:: dhulu': no, 'de Nyorsoa 'bli yai', 'do deh-zon:: no-nyor: due' bo,: or 'tali:-a or-a' deh⧾-zon⧾ dih, 'de: or 'bili:-a-' dih 'de Nyorsoa bo, eh 'ye 'o 'yi 'sleh-nyor⧾-a': kwlaa: meheh': nyieh 'yor: meheh': nyieh,: on 'bili:-a-' dih: dee' see-': zi. :Yee': Yusu'-a kpa or-a' wlu 'dlu bo, or 'dae:, 'De mor,: mor eh 'dhu deh-', 'de 'nynor: due' 'ye 'sebla-wlii-a' 'yor: bhue 'ble, 'de or 'ye: due' 'ma-dih:,: yee' or: se-' 'nape: tba i, 'de or 'ye 'de 'gbu 'di dih wobo:, 'de or 'ye-eh' dih 'bhorn, 'de: dhehehn: ka 'di, 'de or 'ye-eh' 'ye: e? :Yee': mor or 'ye-eh,: yee' or mu or 'bei'-: 'dekorn: nyor⧾: on: ne or 'ti-a: dha: due' 'da-:, 'de or 'ye 'de on bo: wlu, or 'ye: ao', A 'kpa 'on bo,: a 'ye 'mona no. Deh no-eh, 'on 'ye 'an-a: 'wlii-eh: 'on 'ma-dih:-a 'weh. :Yee': Yusu': wlu-', or 'dae:, 'An zela a: gwluhuh', 'ka-: 'o eh mu: ne: kpeheh:, Nyorsoa-a' 'enjor-nyor⧾-a mu 'mona 'kpa-:, 'do deh-zon:: no-nyor: due' bo,: or 'tali:-a or-a' deh⧾-zon⧾ dih, 'de: or 'bili:-a-' dih 'de Nyorsoa bo. :Yee': Yusu'-a kpa or-a' wlu 'dlu bo, or 'dae:, Eh: korn 'yu: due', or-: 'ble nyor⧾-kpalu⧾-nynuu 'sororn'. Eh: korn 'we-eh: due', 'de 'zeehn: nor zela: or: baa': gwluhuh', or 'dae:, 'On-ba:, gble: an-a'a:: kororn-deh⧾-',: on 'ye 'o 'an ne: za: naa.: Yeh or 'da: ao',: yee' or: baa' gble or-a'a:: kororn-deh⧾-' 'weh, 'do or-a'a: 'nynuu:: on: ne-a 'sororn' bo. :Yeh ti: zi-dih:-a 'o ken dih,: yee' 'zeehn: nor po deh⧾-a' klehkpeh or 'ble-a: dha: due', 'de or mu 'bluhba: 'sluh ken, 'de: dha: dhorno'. 'Do: wor or: no-dih: 'kmo, 'de or plo or-a'a: 'wlii-a' klehkpeh yaa'e. :Yeh or-a'a: 'wlii-a' klehkpeh: gweh-a,: yee' 'moeh:: eh 'kpa-a Ji Kou'-moeh, eh-: 'yle 'do 'bluhba-dlu:: dao', an-a' klehkpeh ken. Ti 'moeh:: dao', eh yi-a 'de,: yee' or-a' son: gweh-', 'de 'moeh no-or 'gabaa. :Yee' eh-a' dhih, or mu 'de 'bluhba-dlu:: dao', an-a' nyor: due' bo, or 'ye-or: koan bo: no-dih:, 'de or 'ye-or' geli': za.: Yee' 'bluhba:: korn-yu:: dao', or dbo-or 'de or 'bli: gbalie 'i, or 'ye or-a'a:: bee'⧾ dii-deh 'nyi. :Yeh or: ne-a 'de,: yee' or 'bhorn or 'ye dii-deh:⧾: dao': bee'⧾-a di-a di: dee'. Jorwor: nyor: se-or' en-' deh-beh 'nyi, or 'ye di. :Yee' eh-: no-eh, 'de or yi or-a' 'jeh bo, or 'da, 'On-ba-a'a:: koan:: no-nyor:⧾: dhulu' or po-a geli', an-a'a: dii-deh⧾ zi-uh-: worn.: Mor on di-ih,: yee': nee': sie: ken. Jorwor: 'mor-:: dhe dih,: or 'moeh-a 'bhorn 'dba: naa. 'An mu-': sorn, 'on 'ye 'de 'On-ba bo de mu.: Yee' 'an mu: aa 'da-: 'de or bo, 'On-ba:, 'on no deh-zon: 'do Nyorsoa-: 'dekorn: mor-: a bo. 'On se-eh 'i: bleh-dih:, 'on 'ye: an-a'a: 'yu 'da-dih-eh:: neheh'.: Ka: an no-a: an-a'a:: koan:: no-nyor:⧾: on po-a geli', an-a' dhih, 'ka: wor: on 'ye 'an dhih no: ke. :Yeh or no: ao',: yee' or: sorn-' 'weh, 'de or 'kpa: gwie 'i, or mu 'de or: baa' bo de. Jorwor:: yeh or na-dih-a 'de: gwie 'i, or yi-a: gwlor-' dih 'si 'da,: yee' or: baa' 'ye-or'.: Yeh or: baa' 'ye-or,: yee' or-a' 'yu-a': wehlih 'kpa 'de or 'di 'weh. 'De or kpa ple-a', or 'ya-dih-or 'i, 'de or 'kpa 'de or: bhluun'⧾-', or: gble-dih-or. 'De or-a'a: 'yu: wlu 'de or bo, or 'dae:, 'On-ba:, 'on no deh-zon: 'do Nyorsoa-: 'dekorn: mor-: a bo. 'On se-eh 'i: bleh-dih:, 'on 'ye: an-a'a: 'yu 'da-dih-eh:: neheh'. Jorwor: or: baa': wlu-' 'de or-a'a: 'bhoi-nynuu bo, or 'dae:, A 'dhobo:, a: ya 'de: gba 'vuu:: nmaa'e:: on 'kpa-a deh ken,: on: zi-a 'o: gba 'vuu⧾-a' klehkpeh-', a 'ye-or'-': pa-dih:.: Yee' a po-or 'bor-yor-eh: jii-eh-', 'de a 'ye-or': buhbuh⧾ buh⧾-': po. :Yee' a: ya 'de: blii': gbolo': eh 'borlor:-a dih, a 'ye-eh 'dba, a 'ye gor 'dhu 'do or bo. Deh no-eh, 'an-a: nyor-kpalu-yu:: daa, or 'meh-': dee', jorwor: or: ne-' 'kmo: naa. Or 'ma-', jorwor: or 'ye-eh:-': naa.: Yeh or 'da: ao',: yee' on 'kpa gor 'dhu-eh:-'-: ken. :Yeh deh⧾: daa, en mu-a 'dlu bo,: yee' 'yu: klaba' nor: ne 'de 'gle.: Yeh or yi-a: gwlor-', 'de or 'koan'-dih:-a 'gbu dih,: yee' or 'worn blaa-deh⧾-a' wlu-: 'dekorn: ye-a': dhlumeh'-: 'weh. :Yeh or 'worn-ih'-a,: yee' or 'da or: baa'-a'a: 'bhoi-nynuu-a' nyor: due', 'de or dhele-or dih, or 'ye-or': gwluhuh' zela: deh: eh mu-a 'dlu bo 'noror: gwlor-'. :Yeh or dhele-or dih,: yee' 'bhoi-yu:: dao', or 'da,: An-a' dei'-yu:, or-: 'yle, 'de: on: baa' 'dba: blii': gbolo': eh 'borlor:-a dih. Deh no-eh, or 'ye or-a'a: 'yu 'weh: dele' ka, 'de deh-beh-deh-beh: se-or' no, or yi-: de: pehleh'peh:. :Yeh 'yu: klaba' nor 'worn-a deh: daa,: yee' or 'kpa-' 'chehn, or 'da or: se 'de 'gbu 'di: pa i. Eh-a' dhih, or: baa' mu 'de or bo 'zorn, 'de or bale-or, or 'ye 'de 'gbu 'di pa. :Yeh or: baa' bale-or,: yee' or zela: or: baa': gwluhuh', or 'dae:,: Gbee'e:. Zon⧾-a' klehkpeh: daa, 'on: no-dih:-a: koan 'do: on bo,: eh gweh-a 'ge-yu 'i, 'de 'on 'see-a: on worn bla-dih. Jorwor:: on 'see 'on 'gbalor-yu:: sloror'-a' 'jeh 'dba-dih, 'de 'mor-: 'dekorn: 'on 'bei'-:: a 'ye dele:. Jorwor:: yeh: an-a'a: 'yu: daa,: or plo-a: an-a'a:: kororn-deh⧾-a' klehkpeh yaa'e, 'de: bhaa'-nynor⧾ bo,: yeh or yi-a 'de,: yee': on 'dba: blii': gbolo': eh 'borlor:-a dih, 'do or bo. :Yeh or 'da: ao',: yee' or: baa': wlu-' 'de or bo, or 'dae:, 'An 'yu,: on: ne: daa 'on bo 'weh, 'do ti-a' klehkpeh bo. 'De 'an-a:: kororn-deh⧾-a' klehkpeh 'on 'ble-a,: an-a'a:: kororn-deh:⧾ 'o. Jorwor:: a: korn: a 'ye gor 'dhu, 'de: a 'ye 'mona no. Deh no-eh,: an-a' dei'-yu:: daa, or 'meh-': dee'. Jorwor: or: ne-' 'kmo: naa. Or 'ma-': dee', jorwor: or 'ye-eh:-': naa. :Yee': Yusu': wlu-' 'de or-a'a: bo: na-nyor⧾ bo, or 'dae:, Bhaan-nyor: due': oo', or-: 'ble nyor-kpalu: due', or po-a or-a'a:: kororn-deh⧾-a' klehkpeh 'de 'kwa. 'De on zela-or: gwluhuh',: ka 'yu: dao', or 'kor-dih-a or-a'a:: kororn-deh:⧾: dao'. :Yeh or 'worn-ih'-a,: yee' or 'da-or' 'de or bo, 'de or dhele-or dih, or 'da, Deh 'i-deh: 'o,: eh: dhe dih, 'on 'worn 'do: on 'bhun: eh? Zlo 'an-a:: kororn-deh⧾-a' klehkpeh: en: po-eh 'de: on 'kwa. Deh no-eh, 'on: se 'de 'an-a:: kororn-deh⧾ 'de: on 'kwa: po i: neheh'. :Yeh or 'da: ao',: yee' 'yu: dao', or: wlu-' 'de or-a' 'jeh 'di, or 'da,: Kaa 'an mu: no: naa: eh? 'An-a: nyor: klaba'-a za 'an-a:: koan 'on 'kwa 'weh: naa. 'De mor 'on se: kmu, 'on 'ye gle: koan no. 'De mor dhen-a mu 'on: no, 'on 'ye nyor⧾: zlor. 'On yubo: deh 'an mu-a: no 'weh, 'de: mor 'on 'wluh-a: koan ken, 'de nyor⧾ 'ye-a 'on dih kpon 'de on 'bli 'gbu⧾ 'di dih. :Yeh or no: ao',: yee' or 'da nyor⧾-a' klehkpeh: on 'ble-a or-a'a: nyor: klaba'-a' kpa⧾ 'weh: due': due'. 'De or dhele:: zai' nor dih, or 'dae:, Deh dhie: on 'ble 'do 'an-a: nyor: klaba' bo: eh? 'De or 'da, 'On 'ble 'orle-chlan-a' bi-a': kehehn': meheh' na.: Yeh or 'da: ao',: yee' 'yu: or: kororn-deh:⧾: dao', en: po-eh: 'de 'kwa, or zela-or-:: gwluhuh', or 'dae:, 'Duo:: an-a'a: kpa-chlee-deh-'. 'Dhobo:,: on 'ye dih: dhe,: on 'ye: kehehn': nyieh 'chle 'do mor. :Yee' or dhele: 'sororn' nor-: dih: ke, or 'dae:, Deh dhie: on 'ble: ke: eh? 'De or 'da, 'On 'ble deh⧾-yor: an 'da-dih-a 'wii, en-' 'gbeh⧾-a' 'wlu: due'.: Yeh or 'da: ao',: yee' 'yu: or: kororn-deh:⧾: dao', en: po-eh: 'de 'kwa, or zela-or-:: gwluhuh', or 'da, 'Duo:: an-a'a: kpa-chlee-deh-'. 'Chle: kehehn': meheh' na. :Yeh 'yu: or: korn-a: kororn-deh:⧾: dao', or 'worn-a deh 'yu: dao',: or se-a 'i 'sleh, or no-a,: yee' or po-or dhih bo, or 'da or 'yaa:-'.: Yee': Yusu'-a kpa or-a' wlu 'dlu bo, or 'dae:, Nyor⧾: on: korn-a 'de 'kmo bo,: mor on: taa on 'bei' 'kmo bo-nyor⧾ deh 'bhun no,: yee' on 'yaa:-', on: zi 'o: yuh: on: ne-a 'noror zorn-pli-' 'weh. 'An zela a: gwluhuh', bhan-a': or: ne-a 'noror 'kmo bo, or-: a 'ye no, 'de a 'ye 'bei': dhulu' 'ye 'do a-a' 'jeh bo. 'De: mor 'wlii-a' ti: gweh 'o dih, 'de Nyorsoa 'ye a dih kpon 'de or 'bli yai',: ka ti-a mu-a 'dlu-': tehn. Nyor: or no-a: dhehehn-nyor 'do deh-yu-a' dih: dhe-eh bo,: yee' or mu: dhehehn-nyor: no, 'do: klaba' neh-a' dih: dhe-eh bo: ke. 'De mor nyor: or se-a 'i 'sleh 'do deh-yu-a' dih: dhe-eh bo,: yee' or: se 'i 'sleh-: i, 'do: klaba' neh-a' dih: dhe-eh bo: ke. 'Do eh-a' dha,: mor a: se: dhehehn-nyor:⧾ 'do bhan-a': or: ne-a 'noror 'kmo bo, or-a' dih: dhe-eh bo,: yee': or mu a: gwlii': dhe 'do bhan-a' 'jeh: nor: or 'wluh-a 'de Nyorsoa 'bli yai' bo: eh? 'De mor,: mor a: se: dhehehn-nyor:⧾ 'do nyor: noror'-a'a:: kororn-deh:⧾ or po-a 'de a 'kwa bo,: yee': or mu a: kororn-deh⧾ 'nyi-:, 'do a-a' 'jeh bo, a 'ye: korn: eh? :Yee' eh se 'bhoi-yu: korn: or 'ye-a nyor⧾: klaba'⧾ 'sororn'-a' 'bhoi-yu no.: Mor or no-eh,: yee' or mu: due'-' 'nyeh-:, 'de or 'ye 'sororn'-a' nor-': ybeh.: Yee' or mu: due'-a' wlu deh-' 'ye-:, 'de or 'ye 'sororn'-a' nor-a' dhih-': vlehn. A se 'wlii-: 'dekorn: Nyorsoa-: an-a': weheh': za-eh 'beh-dih: 'do: dha: due'. :Yeh: Yusu': za-a deh: daa-',: yee': Falasi'i-nyor:⧾: on: korn-a klehkpeh: kma-a 'wlii-dhih,: yeh on 'worn-ih'-a,: yee' an wla-dih-or'. :Yeh on no: ao',: yee': Yusu': wlu-' 'de on bo, or 'dae:, A: mor nyor⧾-a': yuh: an po-a an-a' 'jeh 'kpa, 'de nyor⧾ 'yli 'de, 'de nyor⧾-a 'da-dih a 'yi 'sleh-nyor⧾, a: mor 'o. Jorwor: Nyorsoa yubo: deh: eh: ne-a 'o a: porluh⧾ ken 'weh. Deh: gwlor-nyor⧾-a 'da-dih-a deh ken 'kpa-deh, eh-: Nyorsoa 'da-dih se deh ken 'kpa-deh. A 'worn deh: Mose'-a' 'tele'-: 'dekorn: deh⧾ Nyorsoa-a' wele-eh:: po-nyor⧾: za-a-', 'de: eh: yeh-dih:-a: Jororn'-a' ti ken 'weh.: Eh 'wluh-a 'o: Jororn'-a' ti bo, Nyorsoa-a' nyor⧾ wlu 'ken: korn-eh-a' tubo-wlu⧾: po-eh:-' 'de a bo, 'de nyor⧾-a' klehkpeh, an vorn on 'ye Nyorsoa-a' nyor⧾ wlu 'ken: korn-eh:: dao' 'zorn pa. :Mose'-a' 'tele'-a' deh-beh-a' 'ma-a'-a mu 'i: kma, eh 'ye 'o 'bluhba-: 'dekorn: yao-: en-' 'dlu-': jla-eh: zi. :Yee': Yusu': wlu-': neheh', or 'dae:, Nyor-beh-nyor-beh:: or mu-a or-a'a: 'nynor 'kwla: za, 'de: or 'ye-a' 'nynor: noror': korn,: yee' or no 'nyne: zaan'. 'De mor nyor: or mu-a 'nynor: or: za-eh 'kwla: korn,: yee' or no 'nyne: zaan': ke. :Yee': Yusu'-a kpa or-a' wlu 'dlu bo, or 'dae:, Eh: korn bhaan-nyor-kpalu: due', or-: pa 'ylii:: nmaa'e:: en 'kpa-a deh ken-: 'de or 'ble deh⧾-a' klehkpeh, or di-dih deh 'worn 'gwie-:: glaa'e-:. :Yee' 'yu: due' an 'da-dih-a: Lasor': or se-a deh-a': za-da 'ble, 'de: or 'yi-a 'pa⧾ dih, or-: dhe 'o bhaan-yu:: dao', or-a'a: gba-dih-gba-a': kpaa' worn 'i dih, 'do ti-a' klehkpeh bo. Dii-deh:⧾: en 'kele-a 'o bhaan-yu:: dao', or 'bli 'tebo ken, me-: or 'bhorn or 'ye di. 'De gbe⧾-a 'yle, en beh or-a' 'pa⧾ dih. :Yeh ti: zi-dih:-a 'o ken dih,: yee' se deh-a': za-da 'ble-yu:: dao', or 'meh-'.: Yeh or 'meh-a,: yee' 'enjor-nyor⧾ kpa-or', or 'ye 'o 'Eble'hehn 'bhun dih: dhe 'de Nyorsoa 'bli yai'. 'De bhaan-nyor-a' 'jeh: dao', or 'meh: ke, 'de on nma-dih-or dih. :Yee': yeh or 'ye-a or-a' 'jeh 'ye,: yee' or: ne 'de 'ku 'bli, 'de or 'ye or-a' 'jeh worn. 'De or pobo: 'de yai', or 'ye 'Eble'hehn: 'de: dha: dhorno', 'de: Lasor': dhe 'o 'Eble'hehn 'bhun dih. :Yeh or 'ye-uh'-a,: yee' or 'wor-', or wele: 'Eble'hehn, or 'dae:, 'On-ba:, 'Eble'hehn:, 'an 'ye 'an 'jeh worn 'gabaa 'noror 'ku 'bli-neh-'.: On: korn 'gen, 'ye 'an: wehlih. Dbo: Lasor' or 'ye or-a': jii-eh-a' 'mla 'de 'ni bo tba, 'de or 'ye-eh 'o 'do 'on: meo ken 'te-dih:, 'de yluh: on: ne-a 'o 'on: gwlii', on 'ye ya yi. :Yeh or 'da: ao',: yee' 'Eble'hehn: wlu-' 'de or bo, or 'dae:, 'An 'yu.: Po-dih-eh: gwluhuh' bo, ti: on: ne-a 'de 'kmo bo: dee',: yee': on 'ble deh⧾ 'jeh ne-a' klehkpeh 'weh.: Yee': Lasor', or-: 'ye zoen'. Jorwor:: kana: naa, or po: tabehyie:, 'de: an 'ye 'kle: naa. 'De mor 'jun: klaba': ne 'o mor-: 'dekorn:: a mor-: 'nyne bo. Eh-: no-eh, 'de: mor nyor 'bhorn or 'ye 'noror: a bo 'wluh, or 'ye 'de a bo yi, 'de or se eh-a' no-a' 'beh-dih:. 'De mor: ke, nyor se 'beh-dih:, or 'ye 'de a bo 'wluh, or 'ye 'noror: a bo yi. :Yeh 'Eble'hehn 'da: ao',: yee' bhaan-nyor:: dao', or: wlu-', or 'dae:, 'On-ba:,: on: korn 'gen,: mor eh: ne: ao',: yee' dbo: Lasor' 'de 'on-ba 'bli 'gbu 'di. Deh no-eh, 'on 'ble dei'-boi': mm', mo-:: ne 'de, or 'ye-uh: gwluhuh' zela:, on 'ye dih 'bili:, on: ne 'noror 'on bo 'ku 'bli-neh-' 'kle 'ye-eh: ne-a yi. :Yeh or 'da: ao',: yee' 'Eble'hehn zela-or-:: gwluhuh', or 'dae:, On 'ble: Mose'-a' 'tele'-chlee-deh-: 'dekorn: Nyorsoa-a' wele-eh:: po-nyor⧾-a' 'chlee-deh⧾-: 'weh. 'Nyi, on to-ih: dou'⧾ bo. :Yeh 'Eble'hehn 'da: ao',: yee' or 'dae:, 'Kei:, 'on-ba:, on: se-ih': dou'⧾ bo: to i. Jorwor:: mor nyor 'wluh 'noror: gwlebo, 'de or 'ye 'de on bo mu, 'de or 'ye-uh: gwluhuh' zela:,: yee' an mu-' dih 'bili:. :Yeh or: za-a deh: daa-',: yee' 'Eble'hehn zela-or-:: gwluhuh', or 'dae:,: Mor on se: Mose'-: 'dekorn: Nyorsoa-a' wele-eh:: po-nyor⧾-a' wlu: dou'⧾ bo: to,: yee': mor nyor 'wluh 'noror: gwlebo-a' 'jeh: sloror',: yee' on: se-' or-a' wlu: dou'⧾ bo: to i 'gboror:. :Yee': Yusu': wlu-' 'de or-a'a: bo: na-nyor⧾ bo, or 'dae:, Deh⧾: en no-eh, 'de nyor⧾-a no-a deh⧾-zon⧾, en mu 'de: yi: gbor: gbor. Jorwor: 'chlo 'do nyor: dao' en mu-a-': yi-dih: bo. Nyor: dao' en mu-a-': yi-dih:,: mor or no-eh, 'de 'nynuu:: nyene': on po-a 'an dhih dhih 'jeh-', 'de on 'ye deh-zon no,: yee' eh mu 'yi dih: nmor 'do nyor: dao' bo, sobu': klaba' 'ye 'o or: gwlii': san-dih-eh:, 'de or 'ye 'o yobo' worn: po-eh:. :Yee' eh-a' dhih, a 'dhu a-a' 'jeh: dhororn'.: Mor eh 'dhu,: an-a' 'de-di' no: on deh-zon 'bhun,: yee' zela-or-:: gwluhuh': ka deh or no-a, eh: nyni-a 'yi dih.: Yee': mor eh 'dhu, or 'worn-dih-eh,: yee' 'ma-dih: deh-zon: or no-a, eh-a' dhih bo. Or-a': yeh no: on deh⧾-zon⧾ 'bhun 'do kpor⧾: meheh' 'sorn 'di, 'do 'we-eh: due' 'di, 'de or 'ye 'de: on bo yi, 'do kpor⧾: meheh' 'sorn 'di, 'de or 'ye: on bale:,: yee' 'ma-dih: deh⧾-zon:⧾ or no-a: on, en-' dhih bo. :Yee': Yusu'-a'a: dboo-nyor⧾: wlu-' 'de or bo, on 'dae:,: Gwlor: baa', po: a-a' dhih 'jeh-': po-eh ken. :Yeh on 'da: ao',: yee': Yusu': wlu-' 'de on bo, or 'dae:,: Mor a-a' dhih 'jeh-': po-eh: ne: zlaan'-a' 'yor-eh: sloror' 'beh-dih:,: yee' a 'beh-dih:: wlu 'de tu: daa, an 'da-dih-a 'mormor bo 'weh,: mor a 'da,: Mor tu: daa, 'tlun-eh:,: po-eh: 'de yobo' worn,: yee' an mu 'o a-a' wlu dih: dhe, on 'ye-eh' no. :Mor eh 'dhu deh-', 'de a-a' nyor: due' 'ye 'bhoi-yu 'ble, 'de or 'ye 'beleh: 'de: on 'bli 'gle,: eh beh or 'ye: an-a'a: 'blae'⧾ 'yli-eh bo 'dhu-:: yee': mor 'bhoi-yu:: dao', or yi: gwlor-', 'de or 'ye 'de 'gbu 'di pa,: yee': an mu: ao',: Dhe dih,: on 'ye deh di. 'Ka-:: an mu 'da-:: e? 'Kei:. :An mu: ao', Po 'an-a: 'gwie-dii-deh 'kpa.: Yee' pa: an-a'a: nyor⧾: bale'-': ya-tiei-',: on 'ye 'on: bale'-': ya,: mor 'on: taa deh di, 'on: taa 'na,: on 'ye 'on 'de dih: dhe.: Mor eh 'dhu 'on: gweh 'i, 'de: on 'ye deh di,: on 'ye 'na. Deh: on zela:: an-a'a: 'bhoi-yu: gwluhuh', or 'ye-a' no, 'de or no-eh, eh-:: korn dhih: an mu-or 'zio: po: e? :Yee' 'ka-: a: ne: ke.: Mor a no deh⧾-a' klehkpeh Nyorsoa zela: a: gwluhuh', a 'ye-a' no,: yee' 'nyi, a 'da,: A: mor 'bhoi-nynuu: 'o 'suh.: A-a'a:: koan:,: a: korn: a 'ye-a' no, or-: 'o,: a no. :Yee': Yusu'-a mu: Julu'slehn:.: Yeh or mu-a,: yee' or na Sehmeh'la-bluhba-: 'dekorn:: Galali'i-bluhba-: en-' 'dhuna bo. :Yeh or mu-a,: yee' or: yeh-dih: gwlor: due' ken, 'do: wor nyor⧾-kpalu⧾: bhue: yau-zon-weh kpon-a, on 'ye-dih-or ybei'.: Yeh on 'ye-or,: yee' 'do: wor on: nyna dih, 'de on wele-or, on 'da,: Yusu', Nyor: Klaba', 'ye: a-a': wehlih. :Yeh or 'ye-uh'-a,: yee' or: wlu-' 'de on bo, or 'dae:, A mu, a 'ye a-a' 'jeh Nyorsoa-a' 'slaa:: za-nyor⧾ 'i: to-dih:.: Yeh an mu-a,: yee' an-a' yau-zon-weh 'bor-' 'do: gwie 'i. :Yeh an-a' nyor: due' 'ye-eh,: ka or 'puh-a,: yee' or yi-: de, 'de or kpa wlu yai', or po Nyorsoa-a' 'nyne ya. :Yeh or: yeh-dih:-a: Yusu' ken,: yee' or du or-a' 'jeh 'weh 'do or-a' buh⧾ bo, 'de or po-or 'zio. 'Yu: dao',: or po-or 'zio, or no Sehmeh'la-yu:. :Yeh or no-a deh: dao',: yee': Yusu' dhele-or-: dih, or 'da, Eh: se nyor⧾-kpalu⧾: bhue:: on se 'puh: e?: Yee' dha nyor⧾: meheh': nyieh: on: sie:-a 'o, on: ne: eh? :Yee': kaa eh no, 'de 'duhba-yu:: daa, or: due', or yi de, or po Nyorsoa-a' 'nyne ya: eh? 'De: Yusu': wlu 'de or bo, or 'dae:,: Sorn-',: on 'ye mu.: An-a' dhih 'jeh-': po-eh no-eh, 'de: on 'puh. Eh: korn 'we-eh: due', 'de: Falasi'i-nyor⧾ dhele:: Yusu' dih, on 'dae:, Ti: yihih: eh, Nyorsoa-a' nyor⧾ wlu 'ken: korn-eh mu 'de: yi: eh?: Yeh on dhele-or dih,: yee' or: wlu-' 'de on bo, or 'dae:, Nyorsoa-a' nyor⧾ wlu 'ken: korn-eh: se deh: oo', a mu 'ye-:, 'de eh 'ye 'de yi: deh. Nyor: se-eh' a: torne: i, or: se-': ao', Eh-:: dhe dih, 'de mor, Eh-:: ne 'de 'naa: 'o. Deh no-eh, Nyorsoa-a' nyor⧾ wlu 'ken: korn-eh: ne 'de a 'di. :Yee' or: wlu-' 'de or-a'a: bo: na-nyor⧾ bo, or 'dae:, Ti-a mu 'o: nyni, a 'ye 'yu an 'da-dih-a Nyor-kpalu-a' 'yu-a' dhih-a' 'i 'beh-a' 'we-eh: due': sloror' 'ye-a' 'bhorn. Jorwor: a: se-eh' 'ye-: i. Nyor⧾-a mu a: gwluhuh' zela:, an mu: ao', Or-:: ne 'de 'naa: 'o, 'de mor, Or-:: dhe dih.: Mor on 'da: ao',: yee' a-a': zi 'o nyor⧾: dao' klei'. Deh no-eh,: ka dhehn-a no-a 'yli-': chleh-eh, 'de eh chehn-a yao ken, 'de nyor⧾-a 'ye-a deh⧾-a' klehkpeh-' dih, 'ka-: nyor⧾-a mu 'yu an 'da-dih-a Nyor-kpalu-a' 'yu-a' 'ye-a': no, 'do 'we-eh: or mu-a 'de: ya 'di. Jorwor: or: korn or 'ye deh⧾: doru'-a 'kle 'ye: zai', 'de mor: kana-nyor:⧾: daa, on: se-' or-a' dhih 'worn-dih: i: zai': ke. :Yee': ka eh: ne-a 'do: Noa'-a' ti 'i, 'ka: wor eh mu: ne: ke, 'do ti 'yu an 'da-dih-a Nyor-kpalu-a' 'yu-a mu-a 'de: ya 'di. 'Do 'we: dao' 'di,: gwlor-nyor⧾-a di deh, an 'na-', an 'ti-dih 'bli, me-: on mane: 'i: chio'lo:, 'de: Noa' pa 'de 'ni ken-meheh 'di.: Yeh or pa-a,: yee' 'ni 'yi-', 'de eh kpa an-a' klehkpeh,: on se-a 'de eh 'di pa. 'Ka-: eh: ne 'do 'Lorte-a' ti 'i: ke.: Gwlor-nyor⧾-a di deh, 'de an 'na.: Noo'-a dhen deh⧾, 'de: noo'-a plo deh⧾.: Noo'-a 'dhu deh⧾, 'de: noo'-a po 'gbu⧾. Jorwor: 'we-eh: 'Lorte 'wluh-a 'Salor-gwlor 'di, 'do: wor neh-: 'dekorn: neh-sobu'⧾-: en 'wluh-dih: 'de yai', 'de en 'kpa 'zorn,: eh gweh-a: ka 'ni-a dba-a, 'de en 'dba nyor⧾-a' klehkpeh. 'Ka-: 'o eh mu: ne: ke, 'do 'we-eh: 'yu an 'da-dih-a Nyor-kpalu-a' 'yu-a mu-a or-a' 'jeh nyor⧾ 'i: to-dih:. 'Do 'we-eh:: dao' 'di,: mor nyor: ne 'de 'gbu 'dlu, 'de or-a'a: 'tiei 'ye 'de on 'di: ne,: yee' or-a': pa-' 'de 'gbu, or-a' 'duo:-ih'. 'De: ka: ne-a: due' 'di,: mor nyor: ne 'de 'gle, 'de 'we-eh:: dao', eh 'ye 'o nyni,: yee' or-a': yi-': gwlor-'. A: na-dih: deh: eh: no-eh 'do 'Lorte-a'a: 'nynor bo, eh-a' dhih: gwluhuh' dih. Nyor: or 'bhorn-a: or 'ye-a' or-a': febeh' dih dhe,: yee' or mu-eh 'ma-dih:. Jorwor: nyor: or 'ma-dih:-a or-a': febeh',: yee' eh-a' dih: dhe-eh: 'o or no. 'An zela a: gwluhuh', 'do 'gwie-glu:: dao' 'di,: yee' nyor⧾ 'sororn'-a mu 'o ken 'pehn-deh ken: plan-dih:, 'de: due' 'ye 'o: za-eh:, 'de: due' 'ye 'o: sie:. :Yee' 'nynor⧾-kpao'⧾ 'sororn'-a mu 'o: dhobo 'zorn: plan-dih:, 'de: due' 'ye 'o: za-eh:, 'de: due' 'ye 'o: sie:. [ :Yee' nyor⧾-kpalu⧾ 'sororn'-a mu 'de 'gle: plan-dih:, 'de: due' 'ye 'o: za-eh:, 'de: due' 'ye 'o: sie:.] :Yeh on 'worn-a deh: daa,: yee' on dhele-or-: dih, on 'da,: Gwlor: baa', dha deh⧾: daa, en mu: no-dih:: eh? 'De or zela-uh: gwluhuh', or 'dae:,: Dha deh 'meh-dih:-a, 'do: wor 'dhamua'⧾-a gweh-dih. :Yee': Yusu' po 'dlan 'de or-a'a: bo: na-nyor⧾ bo, eh 'ye-uh': gwluhuh' zela:: ka on: korn on 'ye-a 'de Nyorsoa bo: wlu, 'do ti-a' klehkpeh bo, 'de on: ne-a' sea. Or 'dae:, Nyor-kpalu: due': oo', or-:: ne 'o gwlor: due' 'di, 'de or no zabe:: zi-nyor. Or-a' ple Nyorsoa-a': fano, 'de mor or-a' 'ye nyor⧾ deh-'. :Yee' 'do: gwlor: dao' 'di, 'do: wor: dhoba: 'nynor: due': ne: ke. Or-: yi 'o or bo, 'do ti-a' klehkpeh bo, or 'dae:,: On: korn 'gen, no-eh, nyor: or pa-a 'o 'on bo 'gen: za. :Yeh or 'da: ao',: yee' zabe:: zi-yu-a' 'worn, or-a' to-or: dou'⧾ bo. Jorwor:: yeh or 'neh-or ken: neheh:, 'do ti: dhulu' 'di,: yee' zabe:: zi-nyor:: dao', or: wlu-' 'de or-a' 'jeh bo, or 'dae:, Keen': mloror' 'an-a' 'worn, 'an-a' ple Nyorsoa, 'de 'an-a' 'ye nyor⧾ deh-', jorwor:: ka 'nynor: daa, or 'beh-dih-a 'on 'worn dih, 'do ti-a' klehkpeh bo, 'de 'on yubo-eh: ka or: korn-a 'gen,: yee' 'an mu or-a'a: 'gen or-uh 'nyi-:.: Mor 'on se-eh no,: yee' 'nynor: daa, or mu 'noror 'on bo: yi, piee piee, or 'ye 'on worn gweh. :Yee': Gwlor: baa'-a kpa or-a' wlu 'dlu bo, or 'dae:, A: to zabe:: zi-nyor:: dao',: or se-a 'i 'sleh, or-a' wlu: dou'⧾ bo. :Yee' Nyorsoa: se-eh': no i, 'de deh⧾: en 'sleh-a 'i, en 'ye 'o nyor⧾ or gan-a, 'de: an 'vin-dih-or 'i 'gwie-:: glaa'e-: on bo yi, 'de on 'ye 'gen: korn: e?: Ae' a-a': porluh⧾ 'da, eh mu ti: dhorno'⧾: kpa, 'de or 'ye-uh': za-dih:: e? Dhih 'jeh, 'an zela a: gwluhuh', or mu 'dhobo:, or 'ye-uh': za-dih:. Jorwor: 'yu an 'da-dih-a Nyor-kpalu-a' 'yu,: mor or 'yle, or mu nyor⧾: on po-or dhih 'jeh-', an-a' nyor 'ye-: dha 'bluhba ken: e? :Yee': Yusu' po 'dlan: noror' 'de nyor⧾: an 'da-dih-a an-a' 'jeh 'yi 'sleh-nyor:⧾ 'jeh no, 'de: an vlehn-a on 'bei' bo, or 'dae:, Eh: korn 'we-eh: due', 'de nyor⧾-kpalu⧾ 'sororn' mu 'o Nyorsoa-a' 'sla ybei', on 'ye 'de Nyorsoa bo: wlu.: Due' no: Falasi'i-yu:, 'de: due' no 'taa-deh:⧾: za-yu. :Yeh on: ne-a 'de,: yee': Falasi'i-yu:: dao', or: nyna dih 'do or 'bli, 'de or wlu 'de Nyorsoa bo, or 'dae:, Nyorsoa, 'on po: an-a' 'zio,: ka nyor⧾: noo': ne-a, 'de 'on se: ao': ne. 'On: se 'ylii'-nyor⧾-: 'nyne: zaan': no-nyor⧾-: nyor⧾: an no-a deh⧾-zon:⧾: nee'-: 'dekorn:: ka 'taa-deh:⧾: za-yu:: daa, or: ne-a: sloror', 'on se: ao': ne. 'An pa 'suehn-' 'weh, kpor⧾ 'sororn' 'do 'doror'-dlu: due' 'di. 'De deh⧾-a' klehkpeh 'an 'ye-a, 'an 'nyi en-': bhue: neh: on 'weh. :Yeh: Falasi'i-yu-a wlu-a deh: dao',: yee' 'taa-deh:⧾: za-yu:: dao', or: nyna dih, 'de or: tehn-dih:: Falasi'i-yu bo dih: weh-beh:. Or: se-' 'de yai' pobo:: sloror'. Jorwor: or bla: porluh:, or 'da, Nyorsoa, 'mor deh⧾-zon:⧾: no-nyor: 'o. Jorwor:: on: korn 'gen, 'ye 'an: wehlih. :Yee': Yusu'-a kpa or-a' wlu 'dlu bo, or 'dae:, 'An zela a: gwluhuh', 'taa-deh:⧾: za-yu:: daa, ti or mu-a or 'bli de,: yee' Nyorsoa 'da-dih-or 'yi 'sleh-nyor 'do: yor: dao' ken. Deh no-eh, nyor-beh:: or 'beh-dih:-a or-a' 'jeh 'i, or-: Nyorsoa-a mu ya: ya.: Yee' nyor-beh:: or: ya-a or-a' 'jeh ya, or-: Nyorsoa-a mu ya-' 'duo:. :Yee' nyor⧾: noo', mo-:: ya 'de: Yusu' bo 'nynuu:: nyene', or 'ye-uh dih 'tuh, on 'ye: bhorlie' 'ye. Jorwor:: yeh or-a'a: bo: na-nyor⧾ 'ye-eh,: yee' on kan-uh-: 'i. :Yeh: Yusu' 'ye-eh,: yee' or 'da or-a'a: bo: na-nyor⧾ 'weh 'do or bo, 'de or 'da, A 'nyi 'nynuu:: nyene' yi 'noror 'on bo. A 'bor an-a' 'yi: kan-eh. Deh no-eh,: ka 'nynuu:: nyene': ne-a, nyor⧾: on: ne: ao', mo-: Nyorsoa-a mu wlu 'ken: korn. Dhih 'jeh, 'an zela a: gwluhuh', nyor: or se-eh 'worn-dih: Nyorsoa 'ye-a' wlu 'ken: korn: ka 'yu-yu: ne-a,: yee' or: se-' Nyorsoa-a' nyor⧾ wlu 'ken: korn-eh 'zorn: pa i. Eh: korn 'we-eh: due',: yee': Jueh'-nyor⧾-a' nyor⧾: na-dih-nyor: due', or-: dhele:: Yusu' dih,: or 'da, Nyor⧾ deh: torne-nyor: 'jeh: nor, deh 'on 'ye no 'de 'on 'ye 'kmo: sie:: febeh' 'ble: eh? 'De: Yusu' dhele-or dih, or 'da,: Eh: korn dhih: an 'da-dih 'on nyor 'jeh: eh? Nyorsoa: due', or-: 'dhu nyor 'jeh-' 'klein'. :On yubo:: Mose'-a' 'tele' 'weh,: eh no-a, Nyor-a': no-' 'nyne: zaan', nyor-a' 'dba-:-' nyor, nyor-a' 'yli-:-', nyor-a' 'dhu-dih:-' nyor⧾ dhih ken dih,: yee' 'ye: on 'de-: 'dekorn:: on: baa'-: deh-'. :Yeh or 'da: ao',: yee' 'yu: dao', or 'dae:,: Eh 'wluh-a 'de 'an 'yu: gbolo'-bla, 'on dhe 'o 'tele'⧾: daa, en-' klehkpeh-: dih. :Yeh: Yusu' 'worn-a deh or: za-a-',: yee' or 'da, Deh: due', eh-:: sie: 'o, eh-:: on: korn: on 'ye no. Plo: an-a'a:: kororn-deh⧾-a' klehkpeh.: Yee' 'wlii:: an mu-a 'ye-:,: yee' 'nyi-ih nyor⧾: on se-a deh-a': za-da 'ble.: Mor: on no-eh,: yee': an mu bhaan-deh⧾ 'ble-: 'de Nyorsoa 'bli yai'.: Mor: on no: ao',: yee' 'yle,: on 'ye 'o 'on klei' zi. :Yeh 'yu: dao', or 'worn-a deh: Yusu': za-a-',: yee' or-a': porluh 'kpa-: 'zorn 'gabaa. Deh no-eh, or bhan-' 'gabaa. :Yee': Yusu' pobo-or-: ya, 'de or 'da, Eh no 'i: kma-deh: 'do bhaan-nyor bo, 'de or 'ye 'de Nyorsoa-a' nyor⧾ wlu 'ken: korn-eh 'zorn pa. Eh: kma 'i 'do bhaan-nyor bo, or 'ye 'de Nyorsoa-a' nyor⧾ wlu 'ken: korn-eh 'zorn pa,: eh: zi 'o: kpuan' ken: soo'o 'ye 'de 'mehno-a' 'bie' 'di: yi-dih:. :Yeh or 'da: ao',: yee' nyor⧾: yuh: on 'worn-a or-a' wlu,: yee' on dhele-or-: dih, on 'da,: Yee': mor eh: ne: ao',: yee': or 'beh-dih:: or 'ye 'puh: naa: eh? :Yeh on dhele-or dih,: yee' or 'dae: 'de on bo, Deh nyor se-a no-a' 'beh-dih:, Nyorsoa 'beh-dih: eh-a' no-a' 'weh. :Yeh: Yusu' 'da: ao',: yee': Piteh' wlu-', or 'da,: Gbee'e:.: A-a'a: 'gbu⧾: wor: a 'tali: dih, 'de jorwor:: a zi 'o: on klei'. 'De: Yusu' 'da, Dhih 'jeh, 'an zela a: gwluhuh', nyor: or 'tali:-a or-a'a: 'gbu-: 'nynor-: 'de-di'-boi'-: 'de-:: baa'-: 'dekorn: or-a'a: 'nynuu-: dih, 'do Nyorsoa-a' nyor⧾ wlu 'ken: korn-eh-a' dhih bo, :yee' nyor: dao', or mu en-': doru' 'ye-: en 'ye 'o ken dih: zi, dha ti: daa bo.: Yee' or mu 'kmo: sie:: febeh' 'ye-: 'do ti: dele': en mu-a 'de: yi 'di. :Yee': Yusu' po or-a'a: bo: na-nyor:⧾: on: korn-a: bhue: 'yor: ne-a 'sororn': dha: due', 'de or: wlu 'de on bo, or 'dae:, A: gbee'e:.: A mu: Julu'slehn: naa. 'Do: wor deh⧾-a' klehkpeh Nyorsoa-a' wele-eh:: po-nyor⧾ 'chle-a, 'do 'yu an 'da-dih-a Nyor-kpalu-a' 'yu 'bhun, en mu dhih 'jeh-' 'kpa-dih-eh. :Yee' an mu-or 'kwla: za 'de nyor⧾: on: se-a: Jueh'-nyor⧾ bo. An mu-or: goba'-dhih ken dih 'wluh-dih:, 'de on 'ye-or: wla-dih:, on 'ye-or': dhehmeh ya gba, on 'ye-or' bla, 'de on 'ye-or' 'dba. Jorwor: 'do 'we-eh-a' taan neh 'di, or mu-': sorn. Jorwor:: Yusu'-a'a: bo: na-nyor⧾: se-' deh⧾: daa or: za-a-' en-' deh-' dih 'worn. Deh no-eh, deh en 'dhu-eh:-', on se-ih yubo:, 'de mor deh or: za-a-', on se-eh yubo:: ke. :Yee': Yusu'-a mu: Jehliko'o.: Yeh or 'koan'-dih-a: Jehliko'o dih,: yee' 'doror'-nyor: due', or-:: dhe dih 'do: gwie: worn 'i, or-: zlor. :Yeh or 'worn-a nyor⧾: doru': on: ne: Yusu'-a zi-a, an-a': dhlumeh',: yee' or dhele: nyor⧾-: dih, or 'da, Eh-a' 'nyne: eh? :Yeh or dhele-uh-a dih,: yee' on zela-or-:: gwluhuh', on 'dae:,: Yusu': or 'wluh-a 'Nazla, or-: 'o,: or zi. :Yeh on 'da: ao',: yee' or 'wor-', or 'dae:,: Yusu',: Debe'-a' 'yu, 'ye 'an: wehlih. :Yeh or 'wor-a, 'de or wele-a: Yusu',: yee' nyor⧾: on: korn-a 'de nyor⧾: dao', an-a' ybei', an po-or 'borboa' 'i, an no, No 'dhuan.: Yee' jorwor: or 'kpa 'de de dih, or po 'geh⧾, or no,: Debe'-a' 'yu, 'ye 'an: wehlih. :Yeh or no: ao',: yee': Yusu': nyna dih, or 'da, A 'da 'yu: dao', or 'ye dha 'on bo yi.: Yeh or 'koan'-dih-or dih,: yee': Yusu' dhele-or-: dih, or 'da, Deh: an 'bhorn 'on 'ye no 'do: on bo: eh? 'De 'doror'-nyor 'da,: Gwlor: baa', 'an 'bhorn 'on 'ye dih 'ye o. 'De: Yusu' 'da, 'Ye-dih:: naa.: An-a' dhih 'jeh-': po-eh no-eh', 'de: on 'puh. :Yee' 'do: dha: due': dao',: yee' or 'ye-: dih, 'de or zi 'o: Yusu' klei', or po Nyorsoa-a' 'nyne ya.: Yeh nyor⧾-a' klehkpeh, on 'ye-a deh: daa,: yee' an-a' klehkpeh, an po Nyorsoa-a' 'nyne ya: ke. :Yeh: Yusu' 'si-a 'do: Jehliko'o-gwlor dih, 'de or yi-a 'o: dhie': chehn 'da, :yee' bhaan-nyor-kpalu: due', an 'da-dih-a: Zakeor',: or no-a 'taa-deh:⧾: za-nyor⧾-a' nyor: klaba',: or 'ti-a 'o: gwlor: dao' 'di, or-a' 'jeh: dao', or-: 'bhorn or 'ye nyor: Yusu' 'dhu-eh:-' yubo:. Jorwor:: ka or 'koan'-a ya,: yee' or se or-a' 'ye-a' 'beh-dih:, deh no-eh, nyor⧾: on bhian-a: Yusu', on: dhie: 'i. :Yeh or se-a ka 'ye,: yee' or kpa ple-a', or mu: Yusu' ybei', 'de or 'ya 'de tu an 'da-dih-a 'sekamor ya, or 'ye-or 'ye. Deh no-eh,: gwie:: dao', eh-:: Yusu'-a ya 'de. :Yeh: Yusu' nyni-a 'o: dha: Zakeor': ne-a,: yee' or pobo: 'de or bo yai', or 'dae:,: Zakeor', 'dhle: kana: naa. 'De: on 'bli 'gbu, 'do: wor 'on: korn 'on 'ye: ko-dih: 'zean': gbor: gbor. :Yeh or 'da: ao',: yee': Zakeor' 'dhle 'do: dha: ne-a: due', 'de or kpa-or 'de or 'bli 'gbu, 'de: porluh-a' dih 'pehn ka 'di. :Yeh nyor⧾-a' klehkpeh 'ye-a: Yusu', 'de or: ko-dih:-a 'de: Zakeor' 'bli 'gbu,: yee' an wlu-dih worn dih, on 'dae:, Or mu 'de deh⧾-zon:⧾: no-nyor 'bli 'gbu 'di: ko-dih: 'da. :Yeh: Zakeor' 'i: ne-a 'de 'gbu 'di,: yee': Zakeor': sorn-' 'weh, 'de or: nyna dih.: Yeh or: nyna-a dih,: yee' or: wlu-' 'de: Gwlor: baa' bo, or 'dae:,: Gbee'e:,: Gwlor: baa'. 'An mu 'an-a:: kororn-deh⧾: gwluhuh' 'beh-dih:, 'on 'ye en-' 'for nyor⧾: on se-a deh-a': za-da 'ble 'nyi.: Yee' deh⧾ 'on 'yli-a 'o nyor⧾ ken, 'an mu en-' kpor⧾: nyieh on de 'nyi-:. :Yeh or 'da: ao',: yee': Yusu': wlu-', or 'dae:, 'Puh-a' pa 'noror 'gbu: daa 'di 'weh 'zean'. Deh no-eh, 'yu: daa, or no 'Eble'hehn 'di-a' 'yu: ke. 'Yu an 'da-dih-a Nyor-kpalu-a' 'yu yi-: 'de, or 'ye nyor⧾: on 'ma-a 'kwla⧾-' dih 'bhorn, 'de or 'ye-uh 'puh-dih:. :Yeh nyor⧾: dao', on 'si-a 'o deh⧾: Yusu'-a za-a-': dou'⧾ bo: to 'da,: yee' 'do: wor or: yi-dih:, 'de or po 'dlan. Deh: korn-a dhih, or po-a 'dlan: dao', eh-: 'dhu, or 'koan'-dih:: Julu'slehn-: dih,: mor on: taa 'ye: dee',: yee' on 'da Nyorsoa-a mu nyor⧾ wlu 'ken: korn 'do: dha: ne-a: due'. Eh-: no-eh, 'de or po 'dlan: daa, or 'dae:,: Yee' 'nyne: korn-nyor: due': oo', or-: mu 'duhba-',: mor or yi de, or 'ye nyor⧾ kwa 'ble. :Yeh or yi-a mu 'da,: yee' or 'da or-a'a: 'bhoi-nynuu: bhue:, 'de or 'nyi-uh 'sebla-wlii-a': kehehn': due': due', 'de or: wlu 'de on bo, or 'dae:, A 'bili: 'wlii:: daa-' dih, en 'ye ken 'kpa, 'de 'on 'ye deka yi. :Yeh or no: ao',: yee' or mu-'. Jorwor: or 'bli-nyor:⧾: on: ne-a 'noror or 'kpuh 'i, on 'nyeh-or' 'weh, 'de on dbo-or nyor⧾ ken dih, on 'da,: A: se-' 'yu: daa 'bhorn, or 'ye: a kwa 'ble. :Yeh on 'da: ao',: yee' nyor⧾ on dbo-a wlu bo, on: se-eh' 'worn-dih:, on no-or 'keen 'weh: gbor: gbor, 'de or yi or 'bli de.: Yeh or yi-a de,: yee' or dbo or-a'a: 'bhoi-nynuu: or 'nyi-a 'wlii wlu bo 'weh, or 'ye deh on 'ye-a 'o 'wlii:: dao' ken 'ye. :Yeh or 'da-uh'-a,: yee': tehn 'i nor yi-: 'de, 'de or 'da, Nyor: klaba',: an-a'a: 'sebla-wlii-a': kehehn': due': on: sie-dih:-a 'on, 'on 'ye 'o en ken 'wlu: due'. :Yeh or 'da: ao',: yee' or-a'a: nyor: klaba': wlu-' 'de or bo, or 'dae:,: On no deh 'jeh,: mor 'an-a: 'bhoi-yu: 'jeh: oo'.: Ka: on no-a: dhehehn-nyor 'do deh-yu-a' 'yli-eh bo 'dhu-eh,: yee' eh-:: korn dhih, 'an mu: on gwlor⧾: bhue 'kwa: po,: on 'ye-eh wlu 'ken: korn. 'De 'sororn' nor 'yle, or 'da, Nyor: klaba',: an-a'a: 'sebla-wlii-a': kehehn': due': on: sie-dih:-a 'on, 'on 'ye 'o en ken: kehehn': mm'. :Yeh or 'da: ao',: yee' or-a'a: nyor: klaba': wlu-' 'de or bo, or 'dae:, 'An mu: on gwlor⧾: mm' 'kwa: po,: on 'ye-eh wlu 'ken: korn. 'De 'bhoi-yu:: noror' 'yle, or 'da, Nyor: klaba',: gbee'e:.: An-a'a: 'sebla-wlii-a': kehehn': due': on: sie-dih:-a 'on, me-:: dhe dih. 'On po-ih 'de 'yli-eh-for 'di, 'de 'on dhe-ih dih 'do: dha: bhoehn': ne-ih:-a' 'nyne-eh: tba-dih:. 'An ple: an-a': fano 'weh. Deh no-eh,: an-a' deh: kma 'i.: Dha: on se-a deh dih dhe, 'do: wor: an za deh. 'De mor, deh: on se-a 'dhu, eh-:: an 'kpan. :Yeh or 'da: ao',: yee' or-a'a: nyor: klaba': wlu-' 'de or bo, or 'dae:,: Mor 'bhoi-yu:: daa,: or: korn-a: porluh:: nyni-a worn. Wlu: on 'wluh-a 'de: on 'worn, mo-: 'an mu: an-a' zabe 'i: chehn-dih:.: On yubo-eh': ka 'an deh: kma-a 'i. 'De: on yubo-eh: dha 'on se-a deh dih dhe, 'do: wor 'an za deh, 'de mor deh 'on se-a 'dhu, eh-: 'an 'kpan. :Yee': ka: on yubo:-a deh⧾: daa,: eh: korn dhih 'da, 'de: on: se-' 'an-a: 'wlii 'de 'wlii dih: dhe-gbu 'zorn kpa: eh?: Yee': mor 'on yi de,: yee' 'an mu 'an-a: 'wlii-: 'dekorn: deh: eh 'kpa-a 'o en ken-: 'ye. 'De or: wlu 'de nyor⧾: on: nyna-a 'o dih bo, or 'dae:, A za-or 'sebla-wlii-a': kehehn': due': dao' 'kwa.: Yee' a 'nyi-ih: yor: or 'ye-a 'o 'sebla-wlii-a' 'wlu: due' ken. :Yeh or 'da: ao',: yee' on 'dae:, Nyor: klaba', 'yu: daa, or 'ble 'sebla-wlii-a' 'wlu: due': weh. :Yeh on 'da: ao',: yee' an-a'a: nyor: klaba': wlu-' 'de on bo, or 'dae:, 'An zela a: gwluhuh', nyor: or 'ye-a 'o deh⧾: dhulu', or-a'a: deh⧾: dhulu' or 'ye-a 'o, en mu ken 'kpa-:. Jorwor: nyor: or se-a 'o deh 'ye, or-a'a: deh-yu-a' 'jeh or 'ble-a, eh mu-or 'kwa: za-eh:. 'De or 'da, A: ya 'de nyor⧾: dao': on 'nyeh-a 'on-', 'de: on se-a 'bhorn 'on 'ye-uh'-a kwa 'ble, a 'ye-uh 'dba dha 'on ybei'. :Yeh: Yusu' gweh-a deh: daa, eh-a': za-a' 'i,: yee' or 'kpa: Julu'slehn:: gwie 'i: neheh'. :Yee': yeh or 'koan'-dih-a: gwlor⧾ an 'da-dih-a: Behfe'yi-: 'dekorn:: Behtani'i-: dih: eh: ne-a 'o 'do 'Orle-tluh ken,: yee' or dbo or-a'a: bo: na-nyor⧾-a' nyor⧾ 'sororn' ybei', or 'dae:, A mu 'de: gwlor-yu:: dao': or: ne-a 'de a ybei' 'di.: Mor a: taa 'o dih 'si,: yee' a mu 'dhornke-yu:: eh: muae-eh dih 'ye-:,: eh nyor 'see-a 'o ken 'kpa: zai'. A bhehn-dih-eh, a 'ye-eh 'de: ya. :Mor nyor dhele: a dih, or 'da,: Eh: korn dhih, 'de a bhehn-dih-eh: eh?: yee' a zela-or: gwluhuh', a 'dae:,: Gwlor: baa', or-: 'bhorn-eh. :Yee' nyor⧾ or dbo-a ybei',: yeh on mu-a,: yee': ka or no-a eh-a': za-a',: yee' 'ka-: eh: ne: kpeheh:. :Yeh an bhehn-dih-a 'dhornke-yu:: dao',: yee' nyor⧾: on korn-eh, on dhele-uh-: dih, on 'da,: Eh: korn dhih, 'de a bhehn-dih 'dhornke-yu:: daa: eh? 'De on zela-uh: gwluhuh', on 'dae:,: Gwlor: baa', or-: 'bhorn-eh. 'De on kpa-eh 'de: Yusu' bo.: Yeh on kpa-eh,: yee' on slo 'o eh ken an-a'a: 'ylii dih, 'de on dhe 'o: Yusu' 'do eh ken dih. :Yeh or: dhe-a 'o eh ken dih, 'de or mu-a,: yee' nyor⧾-a slo an-a'a: 'ylii dih 'do: gwie 'i. :Yeh or 'koan'-dih:-a 'o: dha: gwie 'dhle-dih:-a 'Orle-tluh dih, 'de eh mu-a: Julu'slehn,: yee' or-a'a: bo: na-nyor:⧾: dhulu'-a no 'mona:, 'de an po 'geh⧾, an po Nyorsoa-a' 'nyne ya, 'de deh⧾: kolu'⧾: dhulu': Yusu' no-a, on 'ye-a, en-' dhih, on 'da, :Bhorlie' 'do 'keen bo,: or yi-a 'de, 'de: Gwlor: baa'-a' 'nyne 'di. Wlu-' dih 'worn-eh:: ne 'de Nyorsoa 'bli yai'.: Yee' dhih-a' 'i 'beh-a' 'do Nyorsoa: or: ne-a 'de yai' bo. :Yeh on 'da: ao',: yee': Falasi'i-nyor⧾-a' nyor⧾: noo',: on: ne-a 'de nyor⧾: dhulu': dao' 'klu-', mo-:: wlu 'de: Yusu' bo, on 'dae:, Nyor⧾ deh: torne-nyor:, po: an-a'a: bo: na-nyor⧾ 'borboa' 'i, on 'ye 'dhuan no. :Yeh on 'da: ao',: yee' or: wlu-' 'de on bo, or 'dae:, 'Nyi 'on zela a: gwluhuh',: mor eh 'dhu, on no 'dhuan,: yee' sobu'⧾-a mu 'geh⧾: po 'gboror:. :Yeh: Yusu' 'koan'-dih:-a: Julu'slehn dih, 'de or 'ye-or,: yee' or 'vin-dih-or 'dlu dih, or 'dae:, 'Zean'-zorn:: daa,: mor a yubo: deh nyor: korn or 'ye-a' no, 'de or 'ye-a': porluh-a dih 'pehn-eh 'ye: dee',: yee' eh: nmor-: 'yi 'do a bo. Jorwor:: dha eh: ne-a, a se 'o yubo:: naa. Ti-a mu 'o: nyni, nyor⧾: on 'nyeh-a a-uh', on 'ye 'de a: kuo 'di po, 'de on 'ye a tuh bo: pa-dih:.: Yee' a: se-' ple-a' 'beh-dih: i. :Mor: Julu'slehn-gwlor:: daa, an mu: on: wa, 'de on 'ye nyor⧾: on 'ti-a 'de: an-a' gba-dih-gba 'di 'dba. Sobu': due': se 'o: gbaan' ken: sie: i. Deh no-eh, ti Nyorsoa yi-a a zelie: 'da,: yee' a se-eh 'i yubo:. :Yee': Yusu' mu 'o Nyorsoa-a' 'sla ybei', 'de or 'kpa nyor⧾: an plo-a deh⧾ 'de mor an-a' dih: no-eh ken. 'De or: wlu 'de on bo, or 'dae:, Eh 'chle-eh:-' 'de Nyorsoa-a' 'chlee-deh 'di, or 'da, 'An-a: 'gbu: korn on 'ye: dha nyor⧾ 'ye-a' 'de 'on bo: wlu-dih-gbu no. Jorwor: a: mor no-uh 'ylii'-nyor⧾-a' 'di 'ti-gbu-'. :Yeh or no: ao',: yee' zorn 'o zorn, or torne nyor⧾ deh 'de Nyorsoa-a' 'sla ybei'. Jorwor: Nyorsoa-a' 'slaa:: za-nyor:⧾: klaba'⧾-: nyor⧾ 'tele': torne-nyor⧾-: 'dekorn: nyor⧾: klaba'⧾: on: ne-a 'de nyor⧾ 'nyne-: an vorn-' on 'ye-or' 'dba. Jorwor: an-a' 'worn, an-a' 'ye-or' ka. Deh no-eh,: gwlor-nyor⧾-a' klehkpeh, an to or-a' wlu: dou'⧾ bo, an 'bhorn deh⧾-a' klehkpeh or mu-a-': za, on 'ye-ih en-' klehkpeh-' dih 'worn. Eh: korn 'we-eh: due', 'de: Yusu'-a torne nyor⧾ deh, or po Nyorsoa-a' tubo-wlu:⧾ 'jeh, 'do Nyorsoa-a' 'sla ybei'.: Yeh or no: ao',: yee' Nyorsoa-a' 'slaa:: za-nyor:⧾: klaba'⧾-: nyor⧾ 'tele': torne-nyor⧾-: 'dekorn: 'bluhba:: korn-nyor⧾-: mo-: yi 'o or bo, 'de on dhele-or dih, on 'dae:, Zela:: a: gwluhuh', dha: on: za 'kpih, 'de: an no deh⧾: daa: eh?: Or 'nyi: on 'kpih: daa: eh? :Yeh on dhele-or dih,: yee' or: wlu-' 'de on bo, or 'dae:, 'On 'ble deh: due', 'an mu a dih dhele:: ke. A zela: 'on: gwluhuh', nyor⧾ 'ni 'dlu: po: Jororn'-a' nyor⧾ 'ni 'dlu: po-deh:: daa, eh 'wluh 'de Nyorsoa bo: e?: Ae' eh 'wluh 'de: gwlor-nyor⧾ bo ke? :Yeh or dhele-uh-a dih,: yee' an polo-ih' 'de an-a' 'jeh 'nyne-', on 'da,: Mor: a 'da, 'de Nyorsoa bo: oo',: yee' or mu: ao',: Eh: korn dhih, 'de a: se-or' dhih 'jeh-' po 'da: eh? 'De mor,: mor: a 'da, 'de: gwlor-nyor⧾ bo: oo',: yee' nyor⧾-a' klehkpeh, an mu: a sobu'⧾ dih: tba-dih:,: a 'ye 'meh. Deh no-eh, on po-eh-' dhih 'jeh,: ka: Jororn' 'dhu-a Nyorsoa-a' wele-eh:: po-nyor-'. Eh-a' dhih, on: wlu-' 'de or bo, on 'da,: Dha eh 'wluh-a,: a se 'o yubo:. :Yeh on 'da: ao',: yee' or 'dae: 'de on bo,: Yee' 'on: se-' a: gwluhuh' zela: i: ke,: dha 'on: za-a 'kpih 'do deh⧾: daa en-' no-a' bo. :Yee': Yusu' 'kpa 'o 'dlan: po 'da 'weh, 'de on bo, or 'dae:, Nyor-kpalu: due': oo', or-: no gle, 'de: or 'dhu 'de eh 'di 'glee-dubu'⧾.: Yeh or 'dhu-ih-a,: yee' or po-eh 'de nyor⧾ 'kwa, on: ne or 'ye en-' 'bi-' gble.: Yee': yeh or no: ao',: yee' or mu 'duhba-'. :Yeh eh no-a deh⧾: dao', en-' 'bi-a' 'kpaan'-ti,: yee' or dbo or-a'a: 'bhoi-yu: due' 'de nyor⧾ or po-a gle 'de 'kwa bo, on 'ye or-a' ne, or bo dbo.: Yee' nyor⧾: dao', on bla-or', on: se-or' deh 'nyi, 'de on dbo-or de. :Yee' 'yu: or: korn-a gle, or dbo 'bhoi-yu:: noror' 'de on bo.: Yeh or mu-a,: yee' on bla-or': ke, 'de on: no-dih-or dhen. 'De on dbo-or de, on: se-or' deh 'nyi. :Yee' 'yu: or: korn-a gle, or dbo 'yu-a' taan nor 'weh.: Yeh or mu-a,: yee' on: tba-dih-or deh⧾ dih, 'de on no-or dih, on za-or 'o 'gle. :Yeh eh no: ao',: yee' 'yu: or: korn-a gle, or 'dae:,: Yee': kaa 'an mu: no: naa: eh? 'An mu 'an-a:: dhih: kma-yu: dbo. An mu-or deh-' 'ye-: 'bla. 'De or dbo-or. Jorwor:: yeh nyor⧾: an pobo-a 'o or: baa'-a'a: gle bo dih, on 'ye-or,: yee' an wlu-' 'de an-a' 'jeh 'nyne-', an no, 'Yu: or mu-a or: baa'-a'a:: kororn-deh⧾: korn, or-: 'o,: or 'yle. A 'nyi,: a 'dba-or, 'de: a 'ye or: baa'-a'a:: kororn-deh⧾: korn. 'De on za-or 'o 'gle, on 'dba-or.: Yeh: Yusu' gweh-a 'dlan: dao', or-a' po-a' 'i,: yee' or dhele-uh-: dih, or 'dae:,: Yee' 'yu: or: korn-a gle,: kaa or mu nyor⧾: dao': an pobo-a 'o or-a'a: gle bo dih, an-a' dhih: no: eh? 'An zela a: gwluhuh', or mu: mu or 'ye-uh' 'dba, 'de or 'ye 'de nyor⧾: noo' po.: Yeh nyor⧾: on: ne-a 'o, on 'worn-a deh: Yusu': za-a-',: yee' on 'da,: Sago', eh se 'beh-dih: eh 'ye: ao': ne. :Yeh on 'da: ao',: yee': Yusu'-a pobo-uh-: ya 'dhuan, 'de or 'da,: Yee' deh: daa: eh 'chle-eh 'de Nyorsoa-a' 'chlee-deh 'di, deh eh 'dhu-eh:-': eh?: Eh no-a, Tu-a': yuh 'gbu: po-nyor⧾ po-a dih: dee', tu-a' 'jeh: dao', mo-: no 'gbu-a': zi-tu: naa. 'De nyor-beh:: or mu-a 'o tu: daa ken dih 'ga-:, or mu dih: wa-dih-eh:, 'de nyor-beh: tu: daa, an mu-a 'o ken 'kpa-:, or mu: sun-eh:, or 'ye: bhebe' no. :Yeh: Yusu': za-a deh: daa-',: yee' nyor⧾ 'tele': torne-nyor⧾-: 'dekorn: Nyorsoa-a' 'slaa:: za-nyor:⧾: klaba'⧾-: an 'bhorn on 'ye-or' kpon 'do: dha: due': dao'. Deh no-eh, on yubo-eh': ka or: po-dih-uh-a 'dlan dih. Jorwor: an ple nyor⧾-a' 'yli 'weh. :Yeh eh no: ao',: yee' an na-dih: Yusu' 'yli-eh:, 'de on dbo nyor⧾: an 'da-dih-a an-a' 'jeh 'yi 'sleh-nyor⧾, on 'ye-or wlu 'worn dih 'bhorn-dih:,: mor or: za deh-zon-', on 'ye-or' kpon, 'de on 'ye-or 'gomla-nyor⧾-a' nyor: klaba' 'kwla: za-dih:. :Yee' nyor⧾: on: dbo-eh, on: wlu-' 'de or bo, on 'dae:, Nyor⧾ deh: torne-nyor:,: a yubo-eh', deh⧾: an za-a-'-: 'dekorn: deh⧾: an torne-a nyor⧾-: en 'sleh-: 'i.: A yubo-eh',: ka: an-a': za-a: gwie-for: due', 'de: an torne-a nyor⧾ Nyorsoa-a': gwie: 'jeh, 'de 'yi 'sleh ka 'di. Zela:: a: gwluhuh', eh: ne 'o: a-a'a: 'tele'-a': gwie 'i 'weh: e, nyor 'ye 'taa-deh⧾: za, 'de 'Wloon-nyor⧾-a' 'keen bo: e?: Ae': a-a': no-eh' ke? :Yeh an dhele-or dih,: yee' or yubo-eh': ka eh 'dhu-a pluh-' on 'gba-a, 'de or: wlu 'de on bo, or 'dae:, A: torne: 'on 'sebla-wlii-eh: due', 'on 'ye-eh 'ye.: Yeh or 'ye-eh,: yee' or dhele-uh-: dih, or 'da,: Or: korn 'dlu-: 'dekorn: 'nyne-:: en: ne: daa eh ken: eh? 'De on 'da, 'Wloon-nyor⧾-a' 'keen: oo'. 'De or 'dae:, 'Do eh-a' dha, a 'nyi 'Wloon-nyor⧾-a' 'keen deh: eh: korn-a 'de or bo,: yee' a 'nyi Nyorsoa deh: eh: korn-a 'de or bo. :Yeh or 'da: ao',: yee' 'klii'-deh: on 'ye-a' 'o deh or: za-a-' 'bhun 'ye-dih:, eh se: ne, 'do: gwlor-nyor:⧾: doru': dao' ybei'. An-a': porluh⧾ 'ma-' 'do deh or: za-a-' bo,: yee' deh on 'ye-a': za: neheh', eh se: ne. :Yeh eh no: ao',: yee': Jueh'-nyor⧾-a' kpor an 'da-dih-a: Sayusi'i-nyor⧾: on no-a: mor nyor 'meh,: yee' or-a': sorn-': neheh', mo-: mu 'de: Yusu' bo, 'de on dhele-or dih, on 'da, Nyor⧾ deh: torne-nyor:,: Mose' 'chle-eh' 'do: a bo, or 'da,: Mor nyor 'meh, 'de or 'ye 'nynor sie,: mor or-: 'nynor: dao'-: on se 'yu 'wluh,: yee' or-a' dei'-yu: korn or 'ye or-a'a: 'nynor-' 'duo:, or 'ye-or': korn, 'de or 'ye 'nynuu 'wluh 'do or-a' 'de-di': or 'meh-a 'gor bo. :Yee' 'de-di'-nyor⧾-kpalu⧾: meheh' 'sorn: oo', 'de: klaba' nor: korn 'nynor. 'Nynor or: korn-a, or: ne or: se-' 'yu 'wluh, 'de or 'meh. :Yeh or 'meh-a,: yee': yor: or tba-a 'o or 'de,: yee' or 'duo: 'nynor: dao'-' 'weh, 'de or korn-or.: Yeh ti: zi-dih:-a 'o ken dih,: yee' or 'meh-': ke. Or-: 'nynor-: on: se-' 'yu 'wluh. 'Ka-: taan nor no: ke. 'Ka-: an-a' klehkpeh: on: ne-a: meheh' 'sorn on no, on: tba-dih: ken. An-a' nyor: ne 'nynor: dao': se-' 'yu 'wluh. :Yeh an-a' klehkpeh, on 'meh-a, 'de on: gweh-a 'o dih,: yee' 'nynor: dao', or 'meh-': ke. :Yee': ka or 'ti-a nyor⧾: meheh' 'sorn: dao' 'bli: dee',: yee': mor ti nyni 'o, 'de nyor⧾-a' klehkpeh: on 'meh-a, 'de on 'ye-': sorn,: yee': or: korn 'nynor or mu-' 'dhu-eh:: naa: eh? :Yeh on dhele:-a: Yusu' deh: daa dih,: yee' or: wlu-' 'de on bo, or 'dae:,: Kana-nyor:⧾: daa, an 'ti-dih 'bli. Jorwor:: yuh: on: bleh-dih-eh 'i,: on 'ye-a ti: en mu-a 'de: yi 'ye, 'de: on 'ye-a' 'de nma-dih-deh 'di 'wluh 'do 'we-eh:: dao' 'di, on: se-' 'bli 'ti-dih: i: neheh'. 'De mor on: se-' 'meh-: i: neheh',: ka ti-a mu-a 'dlu-': tehn. Deh no-eh,: ka 'enjor-nyor⧾: ne-a, 'ka-: an mu: ne: ke.: Ka on 'wluh-a 'de nma-dih-deh 'di: naa,: yee' eh-: no-eh, 'de on no Nyorsoa-a' 'nynuu. :Yee': Mose'-a' 'yor-eh: to-dih:: a 'i 'weh,: ka 'meheh'-nyor⧾-a sorn-a-'. Deh no-eh, 'de or-a'a: 'chlee-deh: or 'chle-a 'di, 'do eh-a': dha or: za-dih:-a 'kwla: yale'-gan:: or sin-a, or-a' dhih-', 'do: wor or 'da-dih:: Gwlor: baa', 'Eble'hehn-a' Nyorsoa, Ase'-a' Nyorsoa, 'dekorn: 'Jekor-a' Nyorsoa. Nyorsoa: se 'meheh'-nyor⧾-a' Nyorsoa. Jorwor: or no 'kmo: ne-nyor⧾-a' Nyorsoa. Nyor⧾-a' klehkpeh or 'da-a on 'ye-a' or-a' nyor⧾ no, on no 'kmo: ne-nyor:⧾. :Yeh or 'da: ao',: yee' nyor⧾ 'tele': torne-nyor⧾-a' nyor⧾: noo' 'dae:, Nyor⧾ deh: torne-nyor:, deh: on: za-a-', eh: florn ken dih. :Eh 'wluh-a 'o,: yee' eh se nyor: korn: or 'ye-a': gwluhuh': ku,: or 'ye-or deh-beh dih dhele:: neheh'. :Yee': Yusu': wlu-' 'de on bo, or 'dae:,: Eh: korn dhih, 'de nyor⧾ 'da Nyorsoa-a' 'taan'-yu no: Debe' 'di-a' 'yu: eh? :Debe'-a' 'jeh 'yor-eh za-eh' 'weh, 'de 'chlee-deh: an 'da-dih-a: Saan' 'di, or 'da,: Gwlor: baa': wlu-' 'de 'an: Gwlor: baa' bo, or 'da,: Dhe 'o 'an: dila-son bo dih: chio'lo:, 'de 'on 'ye nyor⧾: on 'nyeh-a: on-' ya: ya, 'de: on 'ye-uh' buh⧾ ken dih tba. :Debe'-a' 'yor-eh 'da-dih 'yu-a' 'jeh: daa,: Gwlor: baa'.: Yee': kaa or 'ye or-a'a: 'yu-' 'dhu-eh no: eh? :Yee' ti nyor⧾-a' klehkpeh, an to-a: dou'⧾,: yee': Yusu': wlu-' 'de or-a'a: bo: na-nyor⧾ bo, or 'dae:, A 'dhu a-a' 'jeh: dhororn', 'de nyor⧾ 'tele': torne-nyor⧾: ne-' a dih: bo-dih:, 'de an-a' noo-deh⧾ 'di. On: ybeh pa: gba 'vuu:⧾: nmaa'e-', 'de: na dih: deh. 'De on: ybeh nyor⧾ 'ye-uh' wlu bo po, 'do 'doror', 'de deh-' 'ye ka 'di: deh. On: ybeh-' kpala'⧾ 'jeh: ne: en: dhe-dih-eh 'for 'i, 'de 'di: gweh-dih-sla⧾ 'zorn dih-a' ken: dhe: deh. 'De on: ybeh-': dha nyor⧾: klaba'⧾-a dhe-a dih 'do gor-', dih: dhe: deh. An za: dhoba: 'nynor⧾ 'gbu⧾ 'kwa dih, 'de: mor on 'ye nyor⧾-a' 'yli,: yee' an gwle 'o Nyorsoa bo: wlu 'da.: Mor zabe:: zi-eh-a' ti nyni 'o, nyor⧾: dao', mo-: Nyorsoa-a mu 'kle 'ye-eh: 'dlu: po 'gabaa, eh 'ye 'o: zi. :Yeh: Yusu'-a pobo-a 'o,: yee' or 'ye bhaan-nyor:⧾,: an po-a 'de 'wlii 'de Nyorsoa-a' 'sla-a' 'wlii 'di: po: gbloron'-yu 'di. 'De or 'ye: dhoba: 'nynor: or se-a deh-a': za-da 'ble, or po 'de 'wlii-yor:: nyene' 'sororn'. :Yeh or 'ye-a 'nynor: dao',: yee' or 'dae:, Dhih 'jeh, 'an zela a: gwluhuh',: dhoba: 'nynor: dao',: or se-a deh-a': za-da 'ble, 'wlii: or po-a 'de, en: zi 'o 'wlii: nyor⧾-a' klehkpeh, on po-a 'de 'weh. Deh no-eh, eh-: 'dhu, nyor⧾: on po-a 'de 'wlii:: dhulu', en-': yih on 'ble-a,: en: sie:-a ken, me-: 'o, on po 'de. Jorwor: 'nynor: dao': or se-a deh-a': za-da 'ble, deh-a' klehkpeh or dhe-a: gwlii', eh-: 'o, or po 'de. :Yee': Yusu'-a'a: bo: na-nyor⧾-a': noo', mo-:: an po Nyorsoa-a' 'sla dhih bo,: ka on: po-dih-uh-a sobu'⧾: nmaa'e-: 'dekorn: 'nyii'-deh:⧾ nyor⧾ 'nyi-a Nyorsoa,: en no-eh, 'de on: nmor-a 'yi dih.: Yeh on 'da: ao',: yee': Yusu' 'dae:, Deh⧾: daa a 'ye-a dha mor, ti-a mu 'o: nyni, eh: se-' sobu': korn i,: on 'ye-a' 'o on 'be ken: sie:. Sobu'⧾-a' klehkpeh, en mu ken dih zela-eh:, en 'ye 'zorn: po-eh:. :Yeh: Yusu' 'da: ao',: yee' on dhele-or-: dih, on 'da, Nyor⧾ deh: torne-nyor:, ti: yihih: eh deh⧾: daa, en mu: no-eh: eh? Deh: eh mu 'yi: to-dih-deh: no, 'de: a 'ye-eh' yubo:,: ka deh⧾: daa en-' ti nyni-a 'o, en 'ye-a': no-eh: eh? 'De or: wlu 'de on bo, or 'dae:, A 'dhu a-a' 'jeh: dhororn'. A-a' 'worn-:-', nyor-a': bo-dih:-' a dih. Deh no-eh, nyor⧾: dhulu', mo-:: an mu 'de 'an 'nyne ken: yi-dih:. Mo-:: an mu: ao', mo-: Nyorsoa-a' 'taan'-yu: 'o, 'de on 'ye: ao',: De 'bor-dih-ti nyni 'o 'weh. Jorwor: a-a' zi 'o on klei'. :Mor a 'worn tuh-a' 'nyne, 'de a 'ye-eh' 'worn: ka nyor⧾-a za-a 'o nyor⧾: na-dih-nyor⧾ kpala'⧾ 'i,: yee' a-a': ple-': fano. Deh no-eh, deh⧾: daa en: korn en 'ye: no-eh:: zai', jorwor: eh 'see ti-a' 'dlu-': jla-ti no, 'do: dha: due': dao'. :Yee' or kpa or-a' wlu 'dlu bo, or 'dae:, 'Bluhba⧾-dlu⧾-: 'bluhba⧾-dlu⧾-: en mu: vorn.: Yee' 'keen-boi'-a mu on 'bei' 'keen-boi' bo: vorn. 'Bluhba-a mu: tleh 'gabaa. 'Moeh:: eh 'kpa-a Ji Kou'-moeh-: 'dekorn: 'weh⧾-: en mu 'de: yi deh⧾-' dih. Nyor⧾: fano-': po-deh⧾-: 'dekorn: nyor⧾ 'yi: to-dih-deh:⧾: klaba'⧾-: me-: mu 'ye-eh 'de yai'. Jorwor:: mor deh⧾: daa en-' klehkpeh, en 'ye: no-eh:,: gwlor-nyor⧾-a mu a: kpon, on 'ye a 'kle 'ye-dih:. An mu a 'kwla: za 'de an-a' 'di: gweh-dih-sla⧾ 'zorn dih, 'de on 'ye a: kasue 'di po.: Yee' an mu 'o a 'keen-boi'-: 'dekorn: 'gomla-nyor⧾-a' nyor⧾: klaba'⧾-: ybei': kpa, 'do 'an dhih bo. :Yee' 'do: wor eh no ti, a 'ye Nyorsoa-a' tubo-wlu:⧾ 'jeh-a' dhih bo zela: 'de on bo. A-a': sie:-' ti de, a-a': porluh⧾-a' 'beh-dih:-' a 'worn dih, 'do deh a mu-a: za,: mor a: taa a-a' 'jeh dhih ken za. Deh no-eh, 'an mu a wlu a mu-a-': za-: 'dekorn:: toror'-: 'nyi-:. Eh-: mu-eh: no, 'de nyor⧾-a' klehkpeh: on po-a a dhih 'dlu, an-a' nyor: se-' a 'borboa' 'i: po-eh 'beh-dih: i. 'De mor, on: se-' a-a' bo dhobo-eh 'beh-dih: i: ke. A 'de-: a: baa'-: a-a' 'de-di'-boi'-: a-a' 'wluh-a-nyor⧾-: 'dekorn: a 'bei'-: mo-:: an mu a: plo: sloror' 'de nyor⧾ 'plo⧾ bo, 'de on 'ye a-a': noo' 'dba. :Gwlor-nyor⧾-a' klehkpeh, an mu a-uh' 'nyeh-: 'an dhih. Jorwor: a-a' 'mii:: en: ne-a 'o a 'dlu, en-' 'yor-eh: due': sloror',: se-' gbe: zie: i. Jorwor:: mor a se sea,: yee' a mu 'kmo: sie:: febeh' 'ye-:. :Yee': Yusu'-a kpa or-a' wlu 'dlu bo, or 'dae:,: Mor eh 'dhu a 'ye sorye', 'de on 'ye: Julu'slehn bhin,: yee' a mu-eh yubo:: ka or-a' ya: gba-ti 'koan'-a bo. :Mor eh: ne: ao',: yee' nyor⧾: on: ne-a 'de: Judi'a-bluhba ken, 'nyi on ple, on mu 'de tluh⧾ ken.: Yee': yuh: on 'ti-a 'o: Julu'slehn, 'nyi on ple, on 'wluh 'o.: Yee': yuh: on: ne-a: gbalie⧾ bo dih, an-a': mu-': Julu'slehn. Deh no-eh, Nyorsoa-a mu: Jueh'-nyor⧾ 'kle 'ye-eh: 'dlu: po 'do ti: dao' 'di, 'de deh⧾-a' klehkpeh: en 'chle-eh 'de or-a' 'chlee-deh 'di, en 'ye dhih 'jeh-' 'kpa. 'Do ti: dao' bo, eh mu 'i: kma 'gabaa, 'do 'nynor⧾: on: ne-a 'kwli⧾-'-: 'dekorn:: yuh: an 'nya-dih-a 'nynuu-: bo.: Yee' eh mu 'kle 'ye-eh:: klaba': no, 'do nyor⧾: on: ne-a dha yao 'zorn bo. Nyorsoa-a' 'chehn-a mu 'dhle-: 'do on ken. An mu: noo': bhla 'jlehn 'i 'dba-dih:. An mu: noo': kpon, 'de on 'ye-uh kpa, on 'ye-uh': kasue 'di po, 'de 'bluhba⧾-a' klehkpeh ken dih. 'De nyor⧾: on: se-a: Jueh'-nyor:⧾, an mu: Julu'slehn wlu 'ken: korn, on 'ye-eh' kpa: kpaa:, 'de an-a' ti 'ye 'o dih: gweh. :Yee': Yusu'-a wlu-': chio'lo:, or 'da, 'Do ti: dao' 'di, nyor⧾-a mu nyor⧾ 'yi: to-dih-deh⧾ 'ye-: 'de 'yluh-: 'chuh-: 'dekorn: 'chuh: dhlaen-: 'de en bo yai'. Nyor⧾-a': dha: dhulu': on: ne-a dha 'bluhba ken, an mu an-a' 'jeh worn 'ye-:, 'de deh on 'ye-a' no, on: se-eh' yubo: i, 'do yobo'-a' nyor-kpalu-duh⧾-: 'dekorn:: dhlumeh' or po-a bo-:. :Gwlor-nyor⧾-a': porluh⧾-a mu 'zorn 'kpa-: on 'ye: gwluhuh' dih 'kpuhba:. Deh no-eh,: fano-a: no-uh 'do deh: eh yi-a dha 'bluhba ken bo.: Yee' deh⧾-a' klehkpeh: en 'ble-a 'kpih 'do yao: gwlii', en-' 'kpih-a mu 'i gbua:. :Yee' nyor⧾-a mu 'yu an 'da-dih-a Nyor-kpalu-a' 'yu 'ye-:. Or mu 'de: yi, 'de 'ni-kpan⧾ 'nyne-', 'de 'kpih-: 'dekorn: dhih-a' 'i 'beh-a': klaba'-: 'di. :Mor deh⧾: daa, en 'dhu-eh: glu,: yee' a: nyna dih, a 'ye 'de yai' pobo:. Deh no-eh, a-a' zelie-ti 'koan'-: bo. :Yee': Yusu' po 'dlan 'de or-a'a: bo: na-nyor⧾ bo, or 'dae:, A pobo: 'fe-tu-: 'dekorn: tu⧾-a' klehkpeh-: ya. :Mor a 'ye-ih, en: taa wlon⧾: dele' 'dhu,: yee' a-a' 'jeh 'yor-eh yubo-eh': ka 'ni: dba 'i-ti-a nyni-a 'o. :Yee' 'ka-: 'o, eh: ne: ke,: mor a 'ye deh⧾: daa en: taa no-eh,: yee' a mu-eh yubo:: ka Nyorsoa-a' nyor⧾ wlu 'ken: korn-eh 'koan'-dih:-a 'o dih. Dhih 'jeh, 'an zela a: gwluhuh', deh⧾-a' klehkpeh: daa en mu: no-eh:, 'de jorwor: nyor⧾-a' klehkpeh: on: ne-a 'kmo-' dha ti: daa 'i, 'de an-a' ti 'ye 'o dih: gweh, on 'ye 'meh. 'Bluhba-: 'dekorn: yao-: en mu 'dlu-': jla, jorwor: 'an wlu: se-' dih: gweh i,: ka ti-a mu-a 'dlu-': tehn. A 'dhu a-a' 'jeh: dhororn'. A-a': za-' a-a' 'jeh 'kwla, 'de deh⧾: en mu-a a nyor⧾-gba-': po bo-: nomor 'na-eh-: 'dekorn:: ka a 'ye-a 'kmo: ne-eh no-:.: Mor a no-eh,: yee' 'we-eh:: dao', eh mu a ken: ge-dih:, :eh gweh-a: ka pluh kpon-a deh,: vai:.: Gwlor-nyor⧾-a' klehkpeh: on: ne-a dha yao 'zorn, an mu 'we-eh:: dao' 'ye-:. :Yee' eh-a' dhih, a 'dhu-eh 'yli-eh bo, 'do ti-a' klehkpeh bo.: Yee' a bale: Nyorsoa, or 'ye-eh' no, 'de a 'ye 'kpih 'ye, a 'ye 'de deh⧾: daa: en mu-a 'de: yi, 'de en 'di: dhie' chehn: pehleh'peh:, 'de a 'ye 'kpih 'ye, a 'ye 'o 'yu an 'da-dih-a Nyor-kpalu-a' 'yu ybei' dih: nyna. :Yee' 'do 'we-a' klehkpeh bo,: Yusu'-a torne nyor⧾ deh 'do Nyorsoa-a' 'sla ybei'.: Yee' 'do ti-a' klehkpeh bo,: mor glu: taa gor,: yee' or mu 'de 'Orle-tluh ken, or 'ye 'de 'pehn. :Yee' zorn bo-mlai',: gwlor-nyor⧾-a' klehkpeh yi 'o Nyorsoa-a' 'sla ybei', on 'ye-or': dou'⧾ bo: to. :Yee' Se 'vu-bhlee-a' gor an 'da-dih-a 'Meh-a': bla-dih: 'dlu dih-gor, or-a' ti-a 'koan'-dih 'o-: dih. :Yee' Nyorsoa-a' 'slaa:: za-nyor:⧾: klaba'⧾-: 'dekorn: nyor⧾ 'tele': torne-nyor⧾-: an 'bhorn: ka on 'ye-a' no, 'de on 'ye-a: Yusu' 'dba. Jorwor: an ple nyor⧾: on: ne-a 'o, an-a' 'yli. :Yeh eh no: ao',: yee' 'ku 'kpa 'o: Juda' an 'da-dih-a: Ehkeh'lior: porluh ken 'weh.: Juda' no: Yusu'-a'a: bo: na-nyor:⧾: on: korn-a: bhue: 'yor: ne-a 'sororn', an-a' nyor: due'. 'De or mu 'de Nyorsoa-a' 'slaa:: za-nyor:⧾: klaba'⧾-: 'dekorn: Nyorsoa-a' 'sla-a': poli'si-a' nyor⧾: klaba'⧾-: bo, 'de on: ne or polo: dhih,: ka or mu-a: Yusu'-a' plo-a': no, 'de on bo, on 'ye-eh' yubo:. :Yee' an-a': porluh⧾ 'pehn-: dih, 'de on 'worn-dih-eh ken dih, on 'ye-or' 'wlii 'nyi, 'do eh-a' no-a' bo. :Juda' 'worn-dih-eh', or 'ye-eh' no.: Yee' or 'bhorn: ka or 'ye-a' no, 'de or 'ye-a: Yusu' 'kwla: za 'de on bo,: mor: gwlor-nyor:⧾: dhulu' se 'o: ne. :Yee' Se 'vu-bhlee-a' gor-a' 'we-eh nyni 'o 'weh,: eh: korn-a ken 'Meh-a': bla-dih: 'dlu dih-gor-a' 'blae'-yu: korn eh 'ye-a' 'meh-dih:. 'Do 'we-eh:: dao' 'di,: yee': Yusu' dbo: Piteh'-: 'dekorn:: Jororn'-: or 'dhu-uh wlu 'worn, or 'dae:, A mu, a 'ye 'Meh-a': bla-dih: 'dlu dih-gor-a' dii-deh⧾ 'kpa po, 'do: a bo. :Yeh or 'da: ao',: yee' on dhele-or-: dih, on 'da, Dha: an 'bhorn,: a 'ye dii-deh⧾ 'kpa: po-dih: 'da mu: eh? :Yeh on dhele-or dih,: yee' or 'da, A: gbee'e:.: Mor a 'si 'o: gwlor-' dih,: yee' 'yu: due': or kpa-a: yabe: eh: ne-a 'ni 'di, or: ne a mu 'gbon-dih:.: Yee' a zi 'o or klei'. 'Gbu or mu-a 'di: pa, 'do: wor a 'ye pa. :Yee': mor a: yeh-dih: 'yu: or: korn-a 'gbu ken,: yee' a zela-or: gwluhuh', a 'dae:,: A-a'a: nyor⧾ deh: torne-nyor 'dae:, Dha: chuu: or: ne or-a'a: bo: na-nyor⧾ 'ye-a' 'Meh-a': bla-dih: 'dlu dih-gor-a' deh 'di: di-dih:, on: ne: eh? :Mor a dhele-or dih,: yee' or mu a: chuu:: klaba': on: ne-a 'de 'gbu: dao', an-a' yai' a-uh: torne:.: Dhe-da: po-eh: 'kpa 'weh 'de mor. 'Do: wor a 'ye: a-a'a: dii-deh⧾ 'kpa: po-dih:. :Yeh or 'da: ao',: yee' on mu-', 'de on 'ye deh⧾-a' klehkpeh: ka or no-a eh-a': za-a', 'de on po 'Meh-a': bla-dih: 'dlu dih-gor-a' dii-deh⧾ 'kpa. :Yeh ti nyni-a 'o, nyor⧾ 'ye-a 'Meh-a': bla-dih: 'dlu dih-gor-a' deh di,: yee': Yusu'-: 'dekorn: or-a'a: dboo-nyor⧾-: mo-:: an di-dih deh: dha: due'. :Yeh an di-a deh,: yee' or: wlu-' 'de on bo, or 'dae:, 'On 'duo: eh-a': gwluhuh' dih: na-dih-eh 'weh see,: eh: mor a-: 'mor-:: a 'ye 'Meh-a': bla-dih: 'dlu dih-gor:: daa, or-a' deh: dha: due': di-dih:: gbor: gbor, 'de jorwor: 'on 'ye 'kle 'ye. 'An zela a: gwluhuh', 'on: se-' 'Meh-a': bla-dih: 'dlu dih-gor-a' deh: di i: neheh', 'de deh eh 'dhu-eh:-', eh 'ye gbor: za-eh: deh 'jeh, 'do: dha Nyorsoa-a mu-a nyor⧾ wlu 'ken: korn-dih:. :Yeh: Yusu': za-a deh: daa-',: yee' or 'duo: 'korbuh,: on 'yi-a 'glee-nomor 'di 'weh, 'de or po Nyorsoa-a' 'zio, 'do on bo, 'de or: wlu 'de or-a'a: bo: na-nyor⧾ bo, or 'dae:, A 'duo: 'glee-nomor: or: ne-a 'de on 'di, a 'ye-or' 'na, a 'ye ken: tba-dih:. 'An zela a: gwluhuh', 'on: se-' 'glee-nomor 'na-: i: neheh', 'de Nyorsoa-a' nyor⧾ wlu 'ken: korn-eh 'ye 'de yi. :Yeh or no: ao',: yee' or 'duo: 'bhlee:: kpuan'-' 'weh, or po Nyorsoa-a' 'zio 'do eh bo, 'de or: chehn-dih-eh dih, 'de or 'kwa, or 'nyi-eh or-a'a: bo: na-nyor⧾, or 'da, 'Bhlee:: daa, 'an yau: [:on: za-dih-eh 'slaa 'do a-a' dhih bo, mo-: 'o. A di-eh, 'do 'an dhih-a': gwluhuh' bo: po-dih-eh bo. 'De: ka: ne-a: due' 'di,: yeh on gweh-a 'gwie-deh:: daa, eh-a' di-a' 'i,: yee' or 'duo: 'korbuh: on 'yi-a 'glee-nomor 'di 'weh, or 'da, 'Korbuh: daa, on no kuo: dele' 'do a mor-: 'dekorn: Nyorsoa-: 'nyne bo.: Yee' 'an nyomor-a' dih 'wla-eh 'do a-a' dhih bo, eh-: mu kuo: dao' 'kpih 'ken: po.] Jorwor: a: gbee'e:. Nyor: or mu-a 'on: plo, a: mor: ne 'an 'gba-a, a-a' nyor: due': oo'. 'Yu an 'da-dih-a Nyor-kpalu-a' 'yu-a mu 'meh-:: mloror': kpeheh:,: ka Nyorsoa no-a eh-a' 'dhu-a', jorwor: 'chlo 'do nyor: or mu-or: plo bo. :Yeh or 'da: ao',: yee' on 'kpa 'o an-a' 'jeh dih dhele: 'da 'weh, 'de an-a' 'jeh 'nyne-', 'de on 'ye nyor: or mu-eh: no yubo:. :Yeh ti: zi-dih:-a 'o ken dih,: yee': Yusu'-a'a: bo: na-nyor⧾ 'kpa: dha: due', 'de on 'kpa 'o dhobo: 'da, 'de an-a' 'jeh 'nyne-', nyor: or mu-a nyor: klaba'-' 'dhu-eh 'de on 'nyne-'. :Yeh an no: ao',: yee': Yusu': wlu-' 'de on bo, or 'dae:, Nyor⧾: on se-a Nyorsoa yubo:, an-a' 'keen-boi'-a kpa-dih-uh 'kpih.: Mor on: taa: ao' an-a' dhih no,: yee' on 'da deh 'jeh: oo' an no, 'do on bo. Jorwor: eh se: korn eh 'ye: ao': ne, 'noror a 'klu-'. A 'nyi nyor: or no-a nyor: klaba' 'noror a 'klu-', or: ya or-a' 'jeh ya, or 'ye 'yu-yu-a' 'yu-yu gweh.: Yee' a 'nyi nyor⧾ wlu 'ken: korn-nyor gweh 'bhoi-yu 'noror a 'klu-'. :Yeh or: za-a deh: daa-',: yee' or dhele-uh-: dih, or 'da,: Yoror: or 'dhu nyor: klaba': eh?: Yor: or di-a deh: e?: Ae': yor: or kpa-a nyor: or di-a deh: bale'-'? Eh: se nyor: or di-a deh, or-:: se nyor: klaba': e? Jorwor: 'mor: or: ne-a 'noror a 'klu-', 'on gweh nyor: bale'-': kpa-nyor:. A: mor: mloror', a: se 'o 'on klei' 'wluh: chio'lo:, 'de 'on: yi-dih: 'de 'an 'kle 'ye-eh-a' klehkpeh 'di. :Ka 'On-ba no-a, 'de or 'nyi-a 'on 'kpih 'on 'ye-a or-a'a: nyor⧾ wlu 'ken: korn, 'ka-: 'on no a-a' 'kpih 'nyi-eh: ke, a 'ye or-a'a: nyor⧾ wlu 'ken: korn, 'de: a 'ye son⧾ ybei' kpuhba:, 'do: dha 'an mu-a nyor⧾ wlu 'ken: korn-dih:. 'De mor, a 'ye 'o 'keen: kpala'⧾ ken dih: dhe, a 'ye 'cheh-dlu⧾-a': bhue: 'yor 'sororn': on no-a 'Ezlea-nyor⧾ wlu 'ken: korn. :Yee': Yusu'-a wlu-': chio'lo:, or 'dae:, Samor', Samor',: to: dou'⧾, 'ku-a 'bhorn on 'ye a-' vun,: eh gweh-a: ka nyor vun-a deh⧾-yor-' 'de 'daba 'di, 'de Nyorsoa 'worn-dih-eh ken dih. Jorwor: Samor', 'on bale: Nyorsoa 'weh 'do: an-a' dhih bo, 'de: on: ne-' 'an dhih 'jeh-': po-eh dih 'tali:.: Yee': mor: on 'bili: 'noror 'on bo: neheh',: yee' 'kpa: an-a' Nyorsoa: de-di'-boi' bo, 'de an-a' dhih 'jeh-': po-eh 'ye dih ku. 'De: Piteh' 'da,: Gwlor: baa', 'on 'worn-dih-eh', mor-: 'mor-:: a 'ye: kasue 'di: dha: due': mu-dih:,: mor eh 'dhu 'meh-a',: a 'ye: dha: due' 'meh-dih:. 'De: Yusu' 'da, 'An zela: on: gwluhuh',: Piteh',: mor: soan'-beor 'ye zlo 'zean',: an mu 'an dhih-' dhobo:,: on 'ye kpor⧾ taan no,: an mu: ao',: on se 'on yubo:. :Yee': Yusu': wlu-' 'de on bo: neheh', or 'dae:, Ti 'on dbo a-uh, a 'ye-a Nyorsoa-a' tubo-wlu⧾ po, 'de 'on no-a, a-a': kpa-' 'wlii-: 'tiei 'di: po: gleu'-: 'dekorn:: buhbuh⧾-:: yeh 'on 'da: ao', 'de a mu-a 'de,: yee' deh: yeheh: eh: korn 'kle a 'ye 'de mor: eh?: Yeh or dhele-uh-a dih,: yee' on 'dae:,: A: se-' deh-' 'kle 'ye. Deh⧾-a' klehkpeh: a: korn: a 'ye-a 'ble,: a 'ye-ih'. :Yeh on 'da: ao',: yee' or: wlu-' 'de on bo, or 'dae:,: Kana: naa,: mor a 'ble 'wlii-: 'dekorn: 'tiei 'di: po: gleu'-:: yee' a kpa-ih. 'De mor,: mor a se: bhla 'jlehn 'ble,: yee' a plo a-a'a: 'korlor⧾, a 'ye: due' dhen. :Yee' 'an zela a: gwluhuh', deh: eh 'chle-eh 'de Nyorsoa-a' 'chlee-deh 'di, eh: korn eh 'ye dhih 'jeh-' 'kpa 'do 'on 'bhun: gbor: gbor,: eh no-a, Or: zlo-dih-eh: deh⧾-zon:⧾: no-nyor:⧾. Keen', deh: eh 'chle-eh 'do 'on 'bhun, eh yi dhih 'jeh-' 'kpa 'da: naa. :Yeh or 'da: ao',: yee' or-a'a: bo: na-nyor⧾ 'dae:,: Gbee'e:,: Gwlor: baa'.: Bhla 'jlehn⧾ 'sororn': wor: dhe dih. 'De or 'da, En: dhie: 'i. 'Ka-: eh 'ye: ne. :Yeh eh no: ao',: yee': Yusu' 'wluh 'o: gwlor-' 'weh, 'de or mu 'de 'Orle-tluh ken,: eh or no-a 'do ti-a' klehkpeh bo. 'De or-a'a: bo: na-nyor⧾ zi 'o or klei'. :Yeh or 'si-a 'de dih,: yee' or: wlu-' 'de on bo, or 'dae:, A: wlu 'de Nyorsoa bo, 'de dih 'dhen-eh:: ne-' a gla: za. :Yeh or 'da: ao',: yee' or: tehn-dih-uh bo dih: weh-beh:, or chehn kpor, 'do: dha: mor nyor po sobu', or-a' son 'beh-dih:-a on 'ye-a' nyni, 'do: wor or mu, or bla 'koor-dlu⧾ 'yi glu, 'de or: wlu 'de Nyorsoa bo, or 'dae:, 'On-ba:,: mor eh 'dhu: on 'worn-dih-eh ken dih,: yee': za 'on 'kle 'ye-eh-a' 'korbuh: daa 'kwa. Eh: se 'an ken dih 'worn-dih-deh:, jorwor:: an-a' ken dih 'worn-dih-deh:, eh-: 'ye 'dlu bo mu. [ :Yeh or 'da: ao',: yee' 'enjor: due': or 'wluh-a 'de Nyorsoa 'bli yai', or-: 'nyi-or 'kpih. :Ka or-a': porluh-a 'beh-dih-or 'worn dih 'gabaa, eh-: no-eh, 'de or: wlu 'de Nyorsoa bo 'gabaa, eh: zi 'o ken dih. Eh-: no-eh, 'de zuu:: on 'wluh-or, 'de: on 'kpa-a 'o 'bluhbor, on gweh nyomor.] :Yeh or gweh-a 'de Nyorsoa bo: wlu-eh 'i, 'de or: sorn-a-',: yee' or mu 'de or-a'a: bo: na-nyor⧾ bo-: de, 'de or: yeh-dih-uh 'mo 'da, deh no-eh, an-a': porluh⧾ 'kpa-: 'zorn. Eh-: no-eh, 'de on sea 'gabaa. 'De or za-uh 'nyinor-', or 'dae:,: Eh: korn dhih, a 'mo: eh? A: sorn-', a 'ye 'de Nyorsoa bo: wlu, 'de dih 'dhen-eh:: ne-' a gla: za. :Yee': yeh: Yusu'-a wlu-a: chio'lo:,: yee': gwlor-nyor:⧾: doru', mo-: 'si dih, 'de 'yu an 'da-dih-a: Juda',: or no-a or-a'a: bo: na-nyor:⧾: on: korn-a: bhue: 'yor: ne-a 'sororn', an-a' nyor: due', or-:: korn 'de an-a' ybei'. 'De or 'koan'-dih:: Yusu' dih, or 'ye 'de or: bhluun'⧾-' 'kpa. :Yeh or 'kpa-a 'de or: bhluun'⧾-',: yee': Yusu': wlu-' 'de or bo, or 'dae:,: Juda',: an plo 'yu an 'da-dih-a Nyor-kpalu-a' 'yu 'weh, 'do or-a': bhluun'⧾-' 'kpa-eh bo: e? :Yeh: Yusu'-a'a: bo: na-nyor⧾ pobo-eh ya,: yee' on dhele-or-: dih, on 'da,: Gwlor: baa',: a po: a-a'a:: bhla 'jlehn⧾: e? :Yeh on 'da: ao',: yee' an-a' nyor: due' po or-a'a:: bhla 'jlehn 'weh, 'de or chehn 'o Nyorsoa-a' 'slaa:: za-nyor⧾-a' nyor: klaba'-a'a: 'bhoi-yu-a': dila-dou'. Jorwor:: Yusu': wlu-' 'de or bo, or 'dae:,: An-a': no-' deh: daa, eh 'be: neheh' o.: Yeh or 'da: ao',: yee' or 'tuh 'yu-a': dou'-: dih, 'de or 'bor-dih-uh. :Yee' or dhele: Nyorsoa-a' 'slaa:: za-nyor:⧾: klaba'⧾-: Nyorsoa-a' 'sla-a': poli'si-a' nyor⧾: klaba'⧾-: 'dekorn: 'bluhba:: korn-nyor⧾-: dih,: on yi-or dih 'bhorn 'da, or 'da,: Bhla 'jlehn⧾-: 'dekorn: tu⧾-: me-: a 'ble, 'de a yi 'on kpon 'da,: eh gweh-a: ka nyor: or yi-a 'ylii'-nyor:: kpon 'da: e? Zorn 'o zorn, 'on: ne 'de a bo 'weh, 'do Nyorsoa-a' 'sla ybei', 'de a-a' nyor: se-' 'on son 'bhun po. Jorwor: a-a'a: ti: oo',: en: dhe dih: naa, 'de eh no 'ku: on: korn-a: kule wlu 'ken, an-a' ti. :Yeh: Yusu' 'da: ao',: yee' on kpon-or', 'de an kpa-or 'de Nyorsoa-a' 'slaa:: za-nyor⧾-a' nyor: klaba' 'bli 'gbu.: Yeh an mu-a,: yee': Piteh'-a na-uh-: 'de: peh: peh, jorwor: or: se-uh' dih 'koan'-dih:, or: tehn-dih-uh bo dih. :Yeh on: yeh-dih:-a 'gbu ken,: yee' on dhba neh 'do on ybei', 'de on: dhe dih 'do neh 'i. 'De: Piteh' yi 'o on 'bhun, 'de or: dhe dih: ke. :Yee' Nyorsoa-a' 'slaa:: za-nyor⧾-a' nyor: klaba'-a'a: 'bhoi-yu: due',: or no-a 'nynor-kpao'-yu, or-: 'ye: Piteh', or: dhe dih 'do neh worn 'i, 'de or pobo-or ya 'dhuan, or 'da, 'Yu: daa, or na: Yusu' bo: dee'. Jorwor: or dhobo-ih' 'weh, or 'dae:, 'Nynor, 'on se-or yubo:. :Yeh ti-bei: zi-dih:-a 'o ken dih,: yee' nyor: noror' 'ye-or': ke, or 'da,: Mor, an-a' nyor: due': oo': ke.: Yee': Piteh' 'da, 'On 'be, 'on: se an-a' nyor. :Yeh 'yluh-buh: due' zi-a,: yee' nyor: noror': noror' yi-: 'de: neheh', or 'da, Dhih 'jeh, 'yu: daa, or: ne: Yusu'-a na-dih: dha: due': dee'. Deh no-eh, or no: Galali'i-yu:. :Yee': Piteh' 'dae:: neheh', 'On 'be, deh: an za-a-', 'on se-eh 'i yubo:.: Yee': yeh or 'si-a 'o: wlu 'da,: yee' 'do: dha: due': dao',: soan'-beor zlo-'. :Yeh: soan'-beor zlo-a,: yee': Gwlor: baa' 'bili:-'-: dih, 'de or pobo:: Piteh' ya.: Yee': Piteh': po-dih: dhih: Gwlor: baa': za-a-': gwluhuh' bo, or no-a,: Mor: soan'-beor 'ye zlo 'zean',: an mu 'an dhih-' dhobo:, 'do kpor⧾ taan 'di. :Yee': Piteh' 'si-: 'zorn, 'de or 'vin 'gabaa. :Yee' nyor⧾: an 'dhu-a: Yusu' 'yli-eh bo, an 'wluh-dih-or: goba'-dhih ken dih, 'de an bla-or. 'De on bla-or deh 'yli ken, on 'da, Po gban-wlu⧾ 'noror: a bo.: Eh zi: eh zi: eh?: Or tba: on deh: eh? 'De on: za deh⧾: dhulu' worn 'i dih,: en no-a 'jlei. :Yeh zorn zen-a,: yee': Jueh'-nyor⧾-a' 'bluhba:: korn-nyor⧾-: Nyorsoa-a' 'slaa:: za-nyor:⧾: klaba'⧾-: 'dekorn: nyor⧾ 'tele': torne-nyor⧾-:: yee' on 'kpa: dha: due', 'de on: ya 'de: Yusu' 'do on ybei', on 'dae:, Zela:: a: gwluhuh',: mor 'o: or 'dhu Nyorsoa-a' 'taan'-yu-': e? 'De: Yusu' 'da,: Mor 'on zela: a: gwluhuh', a: se-' 'on dhih 'jeh-': po i. 'De mor,: mor eh 'dhu, 'on dhele: a dih, a: se-': wlu i. Jorwor:: eh 'wluh-a dha 'zean'-zorn:: daa 'bli, 'yu an 'da-dih-a Nyor-kpalu-a' 'yu-a mu dih: dhe, 'do 'kpih: korn-Nyorsoa-a': dila-son bo. :Yeh or 'da: ao',: yee' an-a' klehkpeh, on dhele-or-: dih, on 'da,: Yee': mor Nyorsoa-a' 'Yu: oo' 'da: e? 'De or 'da, Eh-: 'o, a-a' 'yor-eh: a za-a-'. 'De on 'da,: Eh: korn dhih, 'de: a 'bhorn dhih ken dih zela-nyor:⧾: noo': neheh': eh?: A-a' 'jeh 'yor-eh:,: a 'worn-eh', 'de or-a' 'yor-eh 'worn. :Yee' nyor⧾-a' klehkpeh: dao', on: sorn-' 'weh, 'de on kpa: Yusu' 'do Pale' ybei'. 'De on 'kpa 'o or-a' dhih 'dlu: po 'da, on 'dae:,: A 'ye 'yu: daa, or 'dhu-dih:: a-a'a: nyor⧾ worn, on 'ye 'Wloon-nyor⧾-a' 'gomla worn: bla-dih:, 'de on: ne-' 'taa-deh⧾: za 'de 'Wloon-nyor⧾-a' 'keen bo. 'De or 'da-dih or-a' 'jeh Nyorsoa-a' 'taan'-yu,: or no-a 'keen. :Yee' Pale' dhele-or-: dih, or 'dae:,: Mor 'o,: or 'dhu: Jueh'-nyor⧾-a' 'keen-': e? 'De: Yusu' 'da,: Ka: on 'da-a, 'ka-: 'o eh: ne. :Yeh or: za-a deh: daa-',: yee' Pale': wlu-' 'de Nyorsoa-a' 'slaa:: za-nyor:⧾: klaba'⧾-: 'dekorn: nyor⧾: dhulu': on: ne-a 'o-: bo, or 'dae:, 'On: se-' 'yu: daa deh-zon 'bhun 'ye,: eh 'ye-eh' no, 'de zabe 'ye-or' kpon. Jorwor: on 'neh-eh ken 'gboror:, on 'dae:, 'Yu: daa, or-a' nyor⧾ deh: torne-eh-a 'kor-dih nyor⧾-a' klehkpeh: on: ne-a: Judi'a-bluhba ken-a' 'dlu⧾ 'weh. Or tba-eh 'de: Galali'i-bluhba ken dih: chio'lo:, 'de or nyni dha: dha: daa. :Yeh Pale' 'worn-a deh: daa,: yee' or dhele-uh-: dih, or 'da, 'Yu: daa,: Galali'i-yu: 'o: e? :Yeh or yubo-eh: ka: Yusu' 'wluh-a 'de 'noror: 'Keen: Hehlo': korn-a wlu 'ken,: yee' or dbo-or' 'de: Hehlo' bo. Deh no-eh,: Hehlo': ne: Julu'slehn: 'do ti: dao' 'i: ke. :Yeh: Hehlo' 'ye-or,: yee' or-a': porluh 'pehn-: dih 'gabaa. Deh no-eh, or 'bhorn or 'ye-or' 'ye: dee' see. 'Do deh or 'worn-a 'do or 'bhun, eh-: no-eh, 'de or dhe-eh: gwlii': dee', or 'ye-or deh 'i: to-dih:. Eh-:: korn dhih, 'de or dhele-or deh⧾: doru' dih. Jorwor:: Yusu': se-': wlu 'de or bo. :Yee' 'do: wor Nyorsoa-a' 'slaa:: za-nyor:⧾: klaba'⧾-: 'dekorn: nyor⧾ 'tele': torne-nyor⧾-: on: ne, an po-or dhih 'dlu 'do 'galo: ka 'di. :Yeh on no: ao',: yee': Hehlo'-: 'dekorn: or-a'a: sorye'-: an wla-dih-or', 'de an 'wluh-dih-or: goba'-dhih ken dih, on: pa-dih-or: gba 'vuu:: nmaa'e-', 'de on dbo-or 'de Pale' bo deka. Ti deh: daa, eh 'see-a no-eh,: yee' Pale'-: 'dekorn:: Hehlo'-: on no 'nyeh-eh-dih-nyor:⧾. Jorwor:: eh 'wluh-a 'o 'we-eh:: dao' 'di, on no: ybeh-dih-nyor:⧾. :Yeh on no: ao',: yee' Pale' 'da Nyorsoa-a' 'slaa:: za-nyor:⧾: klaba'⧾-:: Jueh'-nyor⧾-a' nyor⧾: na-dih-nyor⧾-: 'dekorn: nyor⧾: noo'-: an-a' klehkpeh: dha: due'. 'De or: wlu 'de on bo, or 'dae:, 'Yu: daa, a: ya-a 'noror 'on bo, a 'da, or-: 'dhu-dih nyor⧾ worn, on 'ye 'gomla worn: bla-dih:. Jorwor:: yeh 'on pobo-or ya dha a ybei',: yee' 'on: se-' deh-beh-deh-beh 'ye, 'do or 'bhun, 'do dhih a po-a 'o or 'dlu bo. :Hehlo'-a' 'jeh, or: se-or' deh 'bhun 'ye: ke. Eh-:: korn dhih, 'de or dbo-or 'noror: a bo de. A-a' 'yor-eh:, a pobo: 'o, a 'ye 'o 'weh, or: se-' deh-beh no,: eh 'ye-eh' no, 'de or 'ye-a' 'meh. :Yee' 'do eh-a' dha, 'an mu-or 'kle 'ye-eh 'dlu: po 'suh, 'de 'on 'ye-or dih 'tali:, or 'ye mu. [ Deh no-eh, 'de Pale' 'da: ao', eh-: 'dhu,: mor 'Meh-a': bla-dih: 'dlu dih-gor-a' ti: taa 'o nyni, zon 'o zon,: yee' or: korn or 'ye 'de nyor: due' 'de: kasue 'di: za: gbor: gbor, 'do: Jueh'-nyor⧾ bo.] :Yeh Pale' no-a or mu: Yusu' dih 'tali:,: yee' an-a' klehkpeh po wlu: dha: due', 'de on 'wor, on 'da,: Za 'yu: daa, dha: a ybei'.: Za 'de: Bala'ba 'de: kasue 'di, 'do: a bo. ( :Bala'ba: an 'bhorn-a, or: bla-dih: 'gomla worn: zai' 'de: Julu'slehn, 'de or 'dba nyor. Eh-:: korn dhih, 'de on po-or: kasue 'di.) :Yee' Pale'-a 'bhorn or 'ye: Yusu' dih 'tali:. Eh-:: korn dhih or: za: Yusu'-a' dih 'tali-dhih-': neheh'. Jorwor: an po 'geh⧾ 'de or bo 'gboror:, on 'dae:,: Kor-dih-or 'o tu 'i o.: Kor-dih-or 'o tu 'i o. 'De or 'dae: 'do kpor⧾-a' taan neh 'di,: Eh: korn dhih: eh?: A 'ye deh-zon: or no-a 'dee. 'On: se-or' deh-zon 'bhun 'ye,: eh 'ye-eh' no, 'de zabe 'ye-or' kpon, 'de or 'ye-a' 'meh.: Yee' 'do eh-a' dha, 'an mu-or 'kle 'ye-eh 'dlu: po 'suh, 'de 'on 'ye-or dih 'tali:, or 'ye mu. :Yeh or 'da: ao',: yee' an-a' 'geh⧾: po-eh 'kpa 'de de dih,: eh: mor or 'ye 'o tu 'i 'meh-dih:.: Yeh on 'ble-eh: blee:,: yee' eh-: an-a' wlu: sie: ken. :Yee' Pale' 'worn-dih-eh', or 'ye deh an 'bhorn-a no. 'De or 'tali: 'yu: or: po-eh: kasue 'di, 'do 'gomla-a' worn: bla-dih-eh bo-: 'dekorn: nyor 'dba-eh-:: or an 'yba-a. 'De or: za: Yusu' 'kwla 'de on bo, on 'ye deh an 'bhorn-a, on 'ye-or': no-dih:, on 'ye-eh' no. :Yeh an kpa-a: Yusu',: yee' 'do: gwie 'i, 'do: wor on: yeh-dih: 'yu: due' ken, an 'da-dih-a Samor',: or 'ti-a: Sali'na-gwlor 'di: dee'. Or 'wluh 'de: gbalie 'i. Or-a' 'jeh: dao', or-: on kpon, on po: Yusu'-a' 'klorse tu 'do or ken, or 'ye-uh' or ken dih kpa. :Yee': gwlor-nyor:⧾: dhulu', mo-: zi 'o: Yusu' klei',: korn mor 'nynor⧾: noo',: on: jli-dih:-a son⧾ 'dlu, 'de: an po-a 'viin'-dhlumeh' or-a' dhih. :Yeh an no: ao',: yee' or 'bili:-'-: dih, 'de or: wlu 'de on bo, or 'dae:,: Julu'slehn-nynor⧾-kpao'⧾-a:, a 'bor 'vin-a' 'do 'an dhih bo. Jorwor: a 'vin 'do a-a' 'jeh 'yor-eh-: 'dekorn: a-a'a: 'nynuu-: bo. Deh no-eh, ti-a mu 'o: nyni, a mu: ao',: Bhorlie' 'do 'nynor⧾: on: sie:-a: zlama bo.: Bhorlie' 'do: yuh: on: korn: gbano-me-eh:: eh se-a 'yu 'wluh-: 'dekorn: 'nynor⧾: on 'see-a 'nynuu 'nya-dih-:. :Yee' nyor⧾-a mu: ao' 'da-: 'de tluh⧾: dhorno'⧾ bo, 'Kpa 'o: a ken. 'De on 'ye tluh⧾: nyene': gwluhuh' zela:, on 'ye: ao', A 'jli: a ken. :Yee': dha tu: ne-dih:-a: dele'-', 'de: gwlor-nyor⧾-a no-a deh⧾: daa,: yee': mor on pa: kau'-',: yee' dha eh mu: na-dih:: eh? :Yee' nyor⧾ 'sororn': ke,: on no-a deh⧾-zon:⧾: no-nyor⧾, mo-:: ne: Yusu': kpa-dih-eh:: dha: due', on 'ye 'dba-eh:. :Yeh on nyni-a 'o: dha an 'da-dih-a Nyor-dlu-kpaa',: yee' 'do: wor on: kor-dih: 'o or-: 'dekorn: deh⧾-zon:⧾: no-nyor:⧾: dao'-: 'do tu 'i.: Due': ne 'de or-a': dila bo, 'de: due': ne 'de or-a' kona bo. :Yee': Yusu': wlu-', or 'dae:, 'On-ba:, 'ma-dih: nyor⧾: daa,: an 'ye-dih-a 'on 'kle, an-a' deh⧾-zon⧾-a' dhih bo. Deh no-eh, deh⧾ an no-a, on se-ih 'i yubo:. 'De sorye': dao', on vorn: nobo, on gble or-a'a: paa-tiei-'. :Yee' nyor⧾: nyna 'o dih, 'de an pobo-or ya. 'De: Jueh'-nyor⧾-a' nyor⧾ wlu 'ken: korn-nyor⧾-a wla-dih-or, on 'dae:, Or 'puh-dih: nyor⧾.: Yee' 'nyi or 'puh-dih: or-a' 'jeh 'da: e,: mor or 'dhu Nyorsoa-a' 'taan'-yu:, or gan-a-'. 'De sorye'-a' 'jeh: ke, on yi 'o or bo, 'de an 'wluh-dih-or: goba'-dhih ken dih, on 'nyi-or 'dli-': pa-nomor, 'de on 'da,: Mor: on 'dhu: Jueh'-nyor⧾-a' 'keen-',: yee' 'puh-dih:: an-a' 'jeh. :Yee' 'chlee'-deh:⧾, me-: 'chle-eh 'do or 'dlu bo, en 'da,: Jueh'-nyor⧾-a' 'keen: wor: dhe dih. :Yee' deh⧾-zon:⧾: no-nyor⧾ 'sororn': dao',: on bhele-eh ya, an-a' nyor: due', or-: po-or wlu⧾ 'bhun dih: ke, or 'dae:, Eh: se: mor,: or 'dhu-a Nyorsoa-a' 'taan'-yu-': e? 'Puh-dih:: an-a' 'jeh-: 'dekorn:: a mor-:: ke. 'De 'sororn' nor po or 'be 'borboa' 'i, or 'dae:,: An-a' ple Nyorsoa: e? Or-: mor-: a: chehn-eh: wlu 'ken, a 'ye 'meh. :A: mor: mloror', eh 'sleh-: 'i,: a 'ye 'kle 'ye-eh 'dlu: po-eh:, 'do deh⧾-zon:⧾: a no-a bo. Deh no-eh,: a 'bhorn-eh dih. Jorwor: 'yu: daa: mloror', or: se-' deh-zon no. :Yee' or: wlu-' 'de: Yusu' bo, or 'dae:,: Yusu',: na-dih: 'an dhih: gwluhuh' dih, ti: an mu-a nyor⧾ wlu 'ken: korn. 'De: Yusu' 'dae: 'de or bo, Dhih 'jeh, 'an zela: on: gwluhuh', 'zean'-zorn:: daa,: an mu 'de 'on bo: ne, 'de Nyorsoa 'bli yai'. :Yee': yeh eh no-a 'yluh-gbao',: yee' glu-tile gor-' 'do 'bluhba-dlu:: dao', an-a' klehkpeh ken, 'de eh: yeh-dih: 'gwie-yluh bo ken. 'Yluh 'bor fan-a' 'weh. 'De 'yli-eh: on po-a yai' 'de Nyorsoa-a' 'sla 'zorn, eh 'klae: dih, eh 'wluh 'for⧾ 'sororn'. :Yee': Yusu' po 'geh, or 'dae:, 'On-ba:, 'de: on 'kwa, 'do: wor 'on po 'an: zulu.: Yeh or 'da: ao',: yee' or chehn: febeh'-: 'i. :Yee': yeh sorye'-a' nyor: klaba': or: nyna-a 'o dih, or 'ye-a deh⧾: en mu-a 'dlu bo,: yee' or po Nyorsoa-a' 'nyne ya, or 'da, Keen', dhih 'jeh, 'yu: daa, or-: 'yi 'sleh-nyor: 'o. :Yeh nyor⧾-a' klehkpeh: on 'kpa-a: dha: due',: on 'ye-a deh: daa dih 'ye, on 'ye-a deh: eh mu-a 'dlu bo,: yee' or-a': wehlih 'kpa 'de on 'di 'weh, 'de an bla: porluh⧾, an mu on 'bli deh⧾-' dih. Jorwor: nyor⧾-a' klehkpeh: on yubo-or,: korn mor 'nynor⧾-kpao'⧾: on zi-a 'o or klei': dee', 'de: on 'wluh-a: Galali'i-bluhba ken, mo-:: nyna: dha: dhorno' dih, 'de an pobo deh⧾: daa: en mu-a 'dlu bo ya. Eh: korn 'yu: due' an 'da-dih-a 'Joseh. Or no: Jueh'-nyor⧾-a' zabe:: zi-nyor⧾-a' nyor: due'. Or no nyor 'jeh: nor, 'de or no 'yi 'sleh-nyor. 'Yu-a' 'jeh: dao', deh an 'bhorn-a on 'ye-a: Yusu'-': no-dih:-: 'dekorn: deh on no-or-: or: se-eh' ken dih 'worn-dih:. Or 'wluh 'o: Judi'a-nyor⧾-a': gwlor an 'da-dih-a Amati'a 'di, 'de or fuo ti Nyorsoa-a mu-a nyor⧾ wlu 'ken: korn 'ken. Or-: mu 'de Pale' bo,: or dhele-or dih, or 'ye-or': Yusu'-a' 'ku 'nyi. :Yeh Pale' 'worn-dih-eh ken dih,: yee' 'Joseh: za 'o: Yusu'-a' 'ku 'do tu 'i, or bhian-dih-uh 'nena-yli-eh kle-' dih, 'de or po-uh 'de nma-dih-deh:: eh no-a 'soba 'di, on 'see-a nyor 'di dih nma-dih-eh: zai'. Eh no Nyorsoa-a': gwlee-we-eh-a' 'tiei-a' 'kpa: po-zorn:, 'de mor deh: sie:-a 'o, on 'ye-a Nyorsoa-a': gwlee-we-eh 'di 'kpa, eh se bo: tehn. :Yee' 'nynor⧾: on 'wluh-a: Galali'i, 'de: on zi-a 'o: Yusu' klei': dee', mo-: zi 'o 'Joseh klei', 'de on 'ye nma-dih-deh: or po-a: Yusu'-a' 'ku 'di, 'dekorn:: ka or-a' 'ku no-a dih 'pehn-a'-:. :Yee' on mu-': gwlor. 'De on po 'chlan: or po-a 'no 'jeh no-: 'dekorn:: pofi'orn-: 'kpa, on 'ye-ih: Yusu'-a' 'ku 'dhu. Jorwor: on: forn-' 'do Nyorsoa-a': gwlee-we-eh 'di, 'do: Mose'-a' 'tele'-a' dih: dhe-eh bo. :Yee' 'doror'-dlu-a': zai'-we-eh: an 'da-dih-a 'Sorle, 'do eh-a' zorn bo-mlai'-we-eh 'di,: yee' 'nynor⧾: dao', deh⧾: dao': en po-a 'no 'jeh no, on po-a 'kpa, me-: on kpa, 'de on mu 'de: Yusu'-a' nma-dih-deh bo. :Yeh on nyni-a 'o,: yee' on 'ye-eh': ka sobu' klibo:-a, on 'wluh-a 'o eh worn 'i. Jorwor:: yeh on pa-a 'de,: yee' on: se-': Gwlor: baa': Yusu'-a' 'ku 'ye 'de mor. :Ka an 'chihleh-eh 'i,: yee' 'yli: a bla-a 'i, on 'ye nyor⧾-kpalu⧾ 'sororn', mo-:: nyna 'o on 'bhun dih,: on: korn paa-tiei-a chleh 'yli-',: eh gweh-a dhehn 'i. :Yeh 'nynor⧾: dao', on 'ye-uh'-a,: yee': fano-a: no-uh, 'de on 'jli dih 'do 'bluhbor. 'De nyor⧾-kpalu:⧾: dao', on: wlu 'de on bo, on 'dae:,: Eh: korn dhih, 'de a 'bhorn 'kmo: ne-nyor dih, 'de 'meheh'-nyor⧾ 'klu-': eh? Or se: daa: ne. Or: sorn-' 'weh. Ti or: ne-a 'de a bo, 'de: Galali'i-bluhba ken, deh or: za-a-', a: po-dih-eh: gwluhuh' bo, or no-a, 'Yu an 'da-dih-a Nyor-kpalu-a' 'yu, or: korn or 'ye 'kwla: za-eh: 'de deh⧾-zon:⧾: no-nyor⧾ bo. 'De mor, or: korn or 'ye 'o tu 'i: kor-dih-eh:.: Yee' 'do 'we-eh-a' taan neh 'di, or mu-': sorn. :Yeh on 'da: ao',: yee' 'nynor⧾: dao', on: po-dih: dhih: Yusu': za-a-': gwluhuh' bo 'weh. :Yeh on 'wluh-a 'o nma-dih-deh worn 'i, 'de on nyni-a: gwlor-',: yee' on zela:: Yusu'-a'a: bo: na-nyor⧾-a': bhue: 'yor-eh: ne-a: due'-: 'dekorn: nyor⧾-a' klehkpeh-: deh⧾-a' klehkpeh on 'ye-a: gwluhuh', :Mehle': or 'wluh-a: Magala'-:: Joa'na-:: Mehle': or no-a 'Jeen 'de-: 'dekorn: 'nynor⧾: noo': on: ne-a 'o on bo-: mo-: zela:: Yusu'-a'a: dboo-nyor⧾ deh⧾: daa: gwluhuh'. Jorwor: on: se-uh' dhih 'jeh-' po. On 'da: bobo-dhih: 'o, an za-a-'. Jorwor:: yeh: Piteh' 'worn-ih'-a,: yee' or: sorn-' 'weh, 'de or kpa ple-a' 'de nma-dih-deh worn 'i.: Yeh or nyni-a 'o eh bo,: yee' or 'jli-: dih, 'de or pobo: 'de eh 'di, or 'ye 'nena-ylii: due' 'klein'.: Yee' or mu-': gwlor, 'de or 'chihleh-eh 'i, 'do or: porluh ken, 'do deh: eh: no-eh bo. 'Do 'we-eh:: ne-a: due' 'di,: yee' nyor⧾ 'sororn': an na-a: Yusu' bo, mo-:: an mu: gwlor an 'da-dih-a 'Imeyor 'di,: eh 'beh-dih:: eh 'ye-a' 'wluh: Julu'slehn, 'de mu 'o-a' tluh⧾ 'bor⧾: meheh' 'sorn no. :Yeh an mu-a,: yee' an bla: manua: 'do deh⧾-a' klehkpeh: en: no-eh, en-' dhih bo. :Yeh an bla-a: manua,: yee': Yusu'-a' 'jeh 'yor-eh-a yi-: 'de, 'de or 'kpa 'de on 'nyne-', 'de or: ne an na-dih: dha: due', an mu. On 'ye-or', jorwor: on se-or 'i yubo:. :Yeh eh no: ao',: yee' or dhele-uh-: dih, or 'da,: Eh: korn: manua a bla, 'de a na: gwie bo: eh?: Yeh or dhele-uh-a dih,: yee' on: nyna dih 'dhuan, 'de: wehlih: ka 'di. :Yee' an-a' nyor: due', an 'da-dih-a: Kleo'pa, or-: dhele-or dih, or 'da,: On: due' no nyor: or 'ti: daa: Julu'slehn,: or se deh⧾: en mu-a 'dlu bo, dha 'we 'sororn': daa 'di yubo:: e? :Yeh or 'da: ao',: yee': Yusu' dhele-uh-: dih, or 'da, Deh 'i-deh:⧾ 'o: eh?: Yeh or 'da: ao',: yee' on 'dae:,: Yusu': or 'wluh-a 'Nazla, or-a' dhih: oo'. Or no Nyorsoa-a' wele-eh:: po-nyor:: dee', 'de or-a' wlu-: 'dekorn:: koan-: en: ne 'kpih ken, 'do Nyorsoa-: 'dekorn:: gwlor-nyor⧾-a' klehkpeh-: ybei'. Or-: Nyorsoa-a' 'slaa:: za-nyor:⧾: klaba'⧾-: 'dekorn:: a-a'a: nyor⧾ wlu 'ken: korn-nyor⧾-: on: za 'kwla, 'de 'Wloon-nyor⧾ bo, on 'ye-or' wlu 'ken chehn, or 'ye 'meh. 'De on: kor-dih-or 'o tu 'i. Jorwor:: a: mor: mloror',: a dhe-eh-:: gwlii': dee',: ka eh 'dhu-or mor-': or mu-a 'Ezlea-bluhba zelie. 'De mor,: eh 'wluh-a 'o ti deh⧾: daa en: no-dih-eh, eh-a' 'we-eh-a' taan neh: wor: dhe dih: naa. 'De mor: neheh': ke,: a-a'a: 'nynor⧾-kpao'⧾: noo', deh on: za-a-', eh-: 'ma-dih: 'de: a 'di dih. On mu 'de: Yusu'-a' nma-dih-deh bo: glaa'on zorn bo-mlai'. Jorwor: on: se-' or-a' 'ku 'ye. 'De on 'yle, on zela:: a: gwluhuh', on 'da, an-a' 'yli-eh 'kpa deh 'i, 'de on 'ye 'enjor-nyor⧾, mo-: zela-uh: gwluhuh': ka or: ne-a 'kmo-'. :Yee': a 'bei': noo', mo-: mu 'de or-a' nma-dih-deh worn 'i: ke, 'de on 'ye-eh: ka: a-a'a: 'nynor⧾-kpao'⧾ no-a eh-a': za-a' 'tene': kpeen:. Jorwor: on: se-or' 'ye. :Yeh on 'da: ao',: yee' or: wlu-' 'de on bo, or 'dae:, A: mor: daa: or 'ble-a: porluh: due',: or: korn-a: porluh:⧾: kmu-a, 'do deh⧾-a' klehkpeh Nyorsoa-a' wele-eh:: po-nyor⧾: za-a-', en-' dhih 'jeh-': po-eh bo. A se-eh yubo:,: ka Nyorsoa-a' 'taan'-yu: korn or 'ye-a deh⧾-a' klehkpeh: daa, en-' 'kle 'ye: gbor: gbor, 'de or 'ye-a dhih-a' 'i 'beh-a' 'ye 'de Nyorsoa 'bli yai': e? :Yeh or 'da: ao',: yee' or zela-eh ken dih 'weh, deh⧾-a' klehkpeh: en: za-eh 'do or 'bhun,: eh tba-a 'de: Mose'-a' 'chlee-deh bo dih, 'de: eh: yeh-dih:-a Nyorsoa-a' wele-eh:: po-nyor⧾-a' klehkpeh an-a' 'chlee-deh⧾ ken. :Yeh an 'koan'-dih-a: gwlor an mu-a 'di 'de,: yee': Yusu'-a mu-',: eh gweh-a: ka nyor: or zi-a: deh. Jorwor: on 'neh-or ken 'gabaa, on 'da,: Dhe dih dha: a bo. Deh no-eh, glu-a yi gor 'da.: Yeh on za-or: gwie 'i,: yee' or: pa-dih: 'o on bo 'weh, or 'ye 'o on bo 'pehn. :Yeh on pa-a,: yee' or: dhe dih 'do on bo, on 'ye deh di.: Yeh on: dhe-a dih,: yee' or 'duo: 'bhlee:: kpuan'-' 'weh, or po Nyorsoa-a' 'zio, 'de or: chehn-dih-eh dih 'de or 'kwa, or 'nyi-eh on, on 'ye-eh' di. :Yeh or no: ao',: yee' an-a' 'yli kan-dih: 'i 'weh, 'de on yubo-or 'i. Jorwor: 'do: dha: due' 'jeh: dao', or 'ma-dih: on 'yli 'weh. :Yeh or no: ao',: yee' an 'chihleh-eh 'i, 'de an-a' 'jeh 'nyne-', an no, Ti or wlu-a 'de: a bo, 'de or zela-a: a Nyorsoa-a' 'chlee-deh⧾-a' dhih ken dih 'do: gwie 'i,: yee' 'mona-a: se-': a dih 'yi-dih:: e? :Yee' 'do: dha: due' 'jeh: dao', on: sorn-' 'weh, 'de on mu: Julu'slehn de. 'Do: wor on: yeh-dih:: Yusu'-a'a: bo: na-nyor⧾-a': bhue: 'yor-eh: due',: on: sie:-a 'o-: 'dekorn: nyor⧾: noo'-: ken. :Yee' nyor⧾ on: yeh-dih:-a ken, on 'dae:, Keen' 'jeh ka.: Gwlor: baa': sorn-' 'weh. Or 'wluh-dih: Samor'-: 'i. :Yeh nyor⧾: dao', on 'da: ao',: yee' on 'kpa 'o an-a' ne-a': za 'da 'weh: ke, deh: eh: no-eh 'do: gwie 'i, 'de eh 'dhu-a ti: Yusu': chehn-dih:-a 'bhlee dih 'de or 'kwa: weh, 'de an mu-or 'i yubo:. :Yeh on 'si-a 'o deh: daa, eh-a': za 'da,: yee': Yusu'-a' 'jeh 'yor-eh 'wluh-dih-uh-: 'i, 'de or: nyna 'o on 'nyne-' dih, or 'dae:,: Porluh-a' dih 'pehn-eh: 'do a bo. :Yee' on 'gele:-'-: dih, 'de: fano-a no-uh. Deh no-eh,: mor on: taa 'ye,: yee' on 'da 'meheh'-nyor-a': zulu: 'o: dee', on 'ye. 'De or 'dae: 'de on bo,: Eh: korn dhih a 'beh-dih a-a' 'jeh 'worn dih: eh? 'De a-a': porluh⧾-a dhobo: eh? A pobo: 'noror 'on 'kwa-: 'dekorn: 'an buh⧾-: ya. 'An 'jeh 'yor-eh: 'o,: or: dhe dih. A 'tuh 'on dih, a 'ye-eh' 'ye. 'Meheh'-nyor-a': zulu se 'pla⧾-: 'dekorn: 'kpa⧾-: 'ble,: ka a 'ye-a 'on, 'on: ne-a. :Yeh or 'da: ao',: yee' or: to 'o or-a': kola⧾-: 'dekorn: or-a' buh⧾-: on 'ye-ih' 'ye. Jorwor: on: se-eh' dhih 'jeh-' po 'gboror:. Deh no-eh, eh: florn-dih-uh-: worn, 'de eh 'yi-dih-uh 'mona dih. Eh-: no-eh, 'de or dhele-uh dih, or 'da, A 'ble deh 'do di-a' bo dha mor: e? 'De on 'nyi-or zimi-eh: on pi-a, eh-a' 'kplo. 'De or 'duo-eh', or di-eh 'do on ybei'. :Yee' or 'da, Ti a-: 'mor-:: a: ne-a: dha: due', deh⧾ 'on zela: a: gwluhuh', me-:: dhe dih: naa, 'on no-a, Deh⧾-a' klehkpeh: en 'chle-eh 'do 'on 'bhun, 'de: Mose'-a' 'tele'-chlee-deh 'di-: 'de Nyorsoa-a' wele-eh:: po-nyor⧾-a' 'chlee-deh⧾ 'di-: 'dekorn: 'de: Saan'-chlee-deh 'di-: en: korn en 'ye dhih 'jeh-' 'kpa: gbor: gbor,: ka en no-a eh-a': za-a'. 'De or kan-dih: an-a' deh-' dih 'worn-eh 'i, on 'ye Nyorsoa-a' 'chlee-deh dih 'worn deh 'jeh. 'De or 'da, Eh 'chle-eh:-' 'de Nyorsoa-a' 'chlee-deh 'di, eh 'da, Nyorsoa-a' 'taan'-yu-a mu 'kle 'ye-:, 'de or 'ye 'de nma-dih-deh 'di 'wluh, 'do 'we-eh-a' taan neh 'di. :Yee' nyor⧾-a mu or-a' tubo-wlu⧾: po, 'de 'dawor'⧾-dlu⧾-a' klehkpeh bo, 'de or-a' 'nyne 'di,: eh tba-a: Julu'slehn dih: chio'lo:, 'de: eh mu-a, 'de on 'ye nyor⧾: gwluhuh' zela: on 'ye an-a' deh⧾-zon⧾ dih 'tali:, 'de on 'ye 'de Nyorsoa bo 'bili:, 'de or 'ye an-a' deh⧾-zon⧾-a' dhih bo 'ma-dih:. A: mor mu nyor⧾: gwluhuh' zela: 'do deh⧾: daa, en-' dhih bo, deh no-eh, a: mor 'ye en-' dha. Deh: korn-a wlu 'On-ba po-a: dhama'-', 'an mu-eh a bo: dbo.: Yee' eh-a' dhih, a: dhe: Julu'slehn dih: chio'lo:, 'kpih 'ye 'de Nyorsoa 'bli yai' 'wluh, en 'ye a 'nyi-eh:. :Yeh: Yusu' gweh-a wlu-a' 'i,: yee' or za-uh 'o: gwlor-' 'weh, 'de on mu, on 'koan'-dih:: Behtani'i-gwlor dih: weh-beh:.: Yeh on nyni-a 'o,: yee' or: to or-a' son⧾ yai', 'de or po-uh: bhorlie' bo. :Yeh or 'si-a 'o an-a': bhorlie' bo: po 'da,: yee' or 'wluh 'o on bo 'weh, 'de Nyorsoa 'duo-or', or kpa-or 'de or 'bli yai'. 'De on: za or-a': weheh', on 'ble 'mona:: no-eh, on mu: Julu'slehn de. 'De an gweh-dih 'do Nyorsoa-a' 'sla ybei', 'de an po or-a' 'nyne ya 'do ti-a' klehkpeh bo. :Eh 'wluh-a 'de eh-a' glu 'dhu 'da, 'do: wor Wlu: ne. 'De mor Wlu: dao', or: ne 'o Nyorsoa bo 'weh. 'De or no Nyorsoa. :Eh 'wluh-a 'de eh-a' glu 'dhu 'da, or: ne 'o Nyorsoa bo 'weh. Or-: deh⧾-a' klehkpeh: yi-dih:-' 'de en: no-eh:. Eh se deh: korn,: eh 'ye: ao',: eh se-or': yi-dih:, 'de: eh 'ye-a': no-eh:. Or-:: ya 'de 'kmo: sie:: febeh', 'de 'kmo: sie:: febeh': dao', or: ya-a: 'de, eh-: no zorn-pli 'do: gwlor-nyor⧾ bo. Zorn-pli:: dao', en fan-' 'de: kule-', jorwor:: kule: se-ih' 'mo-dih:. Nyorsoa dbo nyor-kpalu: due' an 'da-dih-a: Jororn'. Or-: 'yle,: or 'ye zorn-pli-a' dhih ken dih zela:, 'de: gwlor-nyor⧾-a' klehkpeh 'ye en-' dhih dhih 'jeh-' po. Or-a' 'jeh 'yor-eh: se zorn-pli:: dao'. Jorwor: or yi-: 'de, or 'ye zorn-pli:: dao' en-' dhih ken dih zela:. Zorn-pli: 'jeh: en fan-dih-a: gwlor-nyor⧾-a' klehkpeh ken dih, me-: yi 'noror 'bluhba bo. Keen': mloror', or-: 'bluhba: yi-dih:-', 'de jorwor: Nyorsoa-a mu-or: no, jorwor: ti or: ne-a 'noror 'kmo bo, nyor⧾: on: ne-a 'noror, on se-or 'i yubo: nyor or 'dhu-eh:-'. Or yi 'noror or-a' 'jeh-a'a: 'bluhba ken, jorwor: or-a' 'jeh-a'a: nyor⧾: se-or' dih kpon. Jorwor: nyor⧾: yuh: on: ne-a 'de on 'klu-',: on kpon-or dih, 'de: on po-a or-a' dhih dhih 'jeh-', mo-: or 'nyi 'kpih, on 'ye or-a'a: 'nynuu no. On: se-' or-a'a: 'nynuu no, 'de yau: ka 'di,: ka nyor-kpalu-a no-a 'yu-a' 'wluh-a'. Jorwor: Nyorsoa-a' 'jeh 'yor-eh: no-eh, 'de or no on: Baa'. :Yee' Wlu: dao', or: yi-dih: 'de: gwlor-nyor-tu 'di, 'de or 'ti 'noror: a 'nyne-'.: A-a' 'jeh 'yor-eh-a' 'yli-eh 'ye or-a' dhih-a' 'i 'beh-a' 'weh,: or no-a Nyorsoa-a' 'Yu: due' gbai-a' dhih-a' 'i 'beh-a'. Or po: a Nyorsoa-a' mla: dhulu' bo, 'de or no-eh, 'de: a yubo: dhih-a' 'yor-eh:: en kor-a Nyorsoa 'i. :Jororn': za or-a' dhih-' 'weh, or 'wor-', or 'da, Nyor: korn-a dhih 'an za-a-', 'on no-a,: or mu-a 'on ken dih: yi, or-:: dhe dih. Or-a' dhih 'beh-: 'i, or: zi 'o 'on-', deh no-eh,: yeh 'on 'ye-a' 'wluh,: yee' or: ne-'. Or 'ble mla: dhulu'. Eh-: no-eh, 'de: a-a' klehkpeh 'ye: bhorlie': dhulu': yee:, 'de or 'kwa. Nyorsoa-a' 'tele': yi-dih:-': Mose'. Jorwor: mla-: 'dekorn: dhih-a' 'yor-eh-: me-:: yi-dih:: Yusu' 'Klae-'. Nyor 'see Nyorsoa 'ye: zai'. Jorwor: or-a' 'Yu: due' gbai,: or 'ble-a or-a': porluh, or-:: to-dih-eh nyor⧾ 'i, nyor or: Baa' 'dhu-eh:-'. :Yee': Jueh'-nyor⧾-a' nyor⧾: na-dih-nyor:⧾: on: ne-a: Julu'slehn, mo-: dbo Nyorsoa-a' 'slaa:: za-nyor⧾-: 'dekorn: 'Livae-nyor:⧾: noo'-: 'de: Jororn' bo, on 'ye-or' dih dhele: nyor or 'dhu-eh:-'. :Yeh on dhele-or dih,: yee' or: se-' 'dlu deh 'i 'neh-dih:, or zela-uh-:: gwluhuh' 'do: gwlor: gwea,: ka or: se-a Nyorsoa-a' 'taan'-yu:. :Yeh or 'da: ao',: yee' on dhele-or-: dih, on 'da,: Yee' nyor: on 'dhu-eh:-': eh?: Mor: Ila'yor: e? 'De or 'da, 'On: se: Ila'yor:. 'De on 'da,: Mor Nyorsoa-a' wele-eh:: po-nyor:: or: korn-a: or 'ye-a' 'de yi: oo': e? 'De or 'da, 'Kei:. :Yee' on 'dae: 'de or bo: neheh', Nyor: on 'dhu-eh:-': eh? Zela:: a: gwluhuh', 'de: a 'ye nyor⧾: on dbo-a: a-uh: gwluhuh' zela:: ke.: Kaa: on 'da: an-a' 'jeh-a' dhih: ke: eh? :Yee': Jororn': wlu-', 'de or: za deh Nyorsoa-a' wele-eh:: po-nyor:: Azaya': za-a-', 'de Nyorsoa-a' 'chlee-deh 'di, or 'da, 'Mor: oo': or 'dhu nyor: or 'wor-a 'de: bhehneh'-bluhba ken,: or no-a, A po: Gwlor: baa'-a': gwie 'kpa, a 'ye-eh' 'i 'sleh-dih:, or 'ye-eh' bo: na. :Yee': Jueh'-nyor⧾-a' kpor, an 'da-dih-a: Falasi'i, an-a' nyor⧾: noo': on: dbo-eh: ke, mo-: dhele-or dih, on 'da,: Mor: on: se Nyorsoa-a' 'taan'-yu:, 'de mor: on: se: Ila'yor:, 'de mor: on: se Nyorsoa-a' wele-eh:: po-nyor:: or: korn-a: or 'ye-a' 'de yi,: yee': eh: korn dhih: an po nyor⧾ 'ni 'dlu 'da: eh? :Yee' or: wlu-' 'de on bo, or 'dae:, 'An po nyor⧾ 'ni 'dlu 'weh. Jorwor: 'yu: due': or: nyna-a dih 'de a 'klu-', or-: a se yubo:. Or-: 'dhu nyor: or mu-a 'on ken dih: yi,: or: korn-a: buhbuh⧾-a' dubu'⧾ 'on se-a deh-' 'dhu-eh: 'on 'ye-a' bhehn-dih:: sloror'. Deh⧾-a' klehkpeh: daa, en: no-eh:-' 'de: Behtani'i-gwlor-', 'de 'Jorle-ni-a' 'yluh-a' 'kwla 'wluh-dih: 'da, 'de: dha: Jororn'-a po-dih-a nyor⧾ 'ni 'dlu. :Yee': yeh zorn zen-a,: yee': Jororn' 'ye: Yusu', or na, or yi-or 'i.: Yeh or 'ye-or,: yee' or 'da, A: gbee'e:. Nyorsoa-a' 'Blae'-yu:: or yi-a: a-a' deh⧾-zon⧾-a' dhih: jla 'da, or-:: dhe dih. 'Yu: or: korn-a dhih 'on: za-a-', or-:: dhe dih, 'on no-a, Nyor-kpalu: due', or-: mu 'on ken dih: yi, or-a' dhih 'beh-: 'i, or: zi 'o 'on-', deh no-eh,: yeh 'on 'ye-a' 'wluh,: yee' or: ne-'. 'An 'jeh 'yor-eh:, 'on se nyor: dao' yubo:: dee'. Jorwor: deh: korn-a dhih 'on yi-a 'de, 'de 'an po-a nyor⧾ 'ni 'dlu, eh-: 'dhu, 'on 'ye-or' 'Ezlea-nyor⧾ 'i: to-dih: nyor or 'dhu-eh:-'. :Yee': Jororn' zela:: Yusu'-a' dhih ken dih, or 'dae:, 'On 'ye Nyorsoa-a': Zulu:,: on gweh-a pabu', mo-: 'wluh 'de Nyorsoa 'bli yai', mo-: yi 'o or 'dlu, 'de on: sie: 'o or bo. 'An 'jeh 'yor-eh:, 'on se nyor or 'dhu-eh:-' yubo:: zai'. Jorwor: Nyorsoa: or dbo-a 'on, 'on 'ye-a' nyor⧾ 'ni 'dlu: po, or-: zela: 'on: gwluhuh': zai', or 'da, Nyor: an mu-a 'ye-:, 'an: Zulu-a mu-a 'o 'dlu: yi, 'de on 'ye-a 'o or bo: sie:, or-: 'o,: or mu 'an Gban 'i: ne: Zulu-a' 'jeh: daa nyor⧾ 'dlu: po. Deh: dao', 'on 'ye-eh'. 'De 'on no or-a' dhih ken dih zela-nyor,: ka or 'dhu-a Nyorsoa-a' 'Yu-'. :Yee': yeh zorn zen-a,: yee': Jororn'-a'a: bo: na-nyor⧾-a' nyor⧾ 'sororn', mo-:: ne: Jororn': nyna 'o: dha 'o dih: neheh'. 'De: Yusu'-a zi.: Yeh: Jororn' 'ye-or,: yee' or 'da, A: gbee'e:. Nyorsoa-a' 'Blae'-yu: wor: dhe dih. :Yeh or-a'a: bo: na-nyor⧾ 'sororn': dao', on 'worn-ih'-a,: yee' on zi 'o: Yusu' klei' 'weh. :Yee': Yusu' 'bili:-'-: dih, or 'ye-uh, an zi 'o or klei', 'de or dhele-uh dih, or 'da, Deh a 'bhorn: eh?: Yee' on 'dae:, 'Wlabae:, dha: on 'ti: eh? ('Wlabae: bleh-dih: 'i, nyor⧾ deh: torne-nyor:, 'de: Hiblu'-wlu 'di.) 'De: Yusu' 'da, A 'yle, a 'ye 'o 'ye.: Yee' on: ne or mu-', 'de on 'ye: dha or 'ti-a. Ti an mu-a,: yee' eh no 'gwie-yluh bo. 'De on: ne 'o or bo, 'de glu gor. Nyor⧾ 'sororn': dao',: on 'worn-a: Jororn'-a' wlu, 'de: on zi-a 'o: Yusu' klei', an-a' nyor: due'-a' 'nyne: wor 'dhu Andlu': or 'dhu-a Samor': Piteh'-a' dei'-'. :Yee': zai'-deh: Andlu' no-a, or mu or-a' 'de-di' 'kwla⧾-' dih 'bhorn 'da.: Yeh or 'ye-or,: yee' or zela-or-:: gwluhuh', or 'da,: A 'ye Nyorsoa-a' 'taan'-yu 'weh. (Nyorsoa-a' 'taan'-yu: bleh-dih: 'i, 'Klae.) :Yeh or 'da: ao',: yee' or kpa-or 'de: Yusu' bo.: Yeh: Yusu' pobo-or ya,: yee' or: wlu-', or 'dae:,: Mor Samor': oo',: or: korn-a: baa'-a' 'nyne 'dhu-a: Jororn'-'. Jorwor:: eh 'wluh-a dha 'zean' 'bli,: an-a' 'nyne: wor: Sifa'. (:Sifa'-nyne:: daa, me-: 'o 'Glii-nyor⧾-a 'da-dih: Piteh',: en: bleh-dih:-a 'i sobu'.) :Yee': yeh zorn zen-a,: yee': Yusu' polo-eh' 'do or-a' 'jeh: gwlii', or 'ye: Galali'i-bluhba ken mu.: Yee' or 'ye 'yu: due' an 'da-dih-a Felor'.: Yeh or 'ye-or,: yee' or: wlu-' 'de or bo, or 'da, Zi 'o 'on klei'. ( Felor' 'wluh 'o: gwlor an 'da-dih-a: Behse'la 'di,: gwlor Andlu'-: 'dekorn:: Piteh'-: on 'ti-a 'di: ke.) :Yee' Felor' 'ye: Natanio' 'weh, or zela-or-:: gwluhuh', or 'da,: A 'ye nyor: or: korn-a dhih: Mose' 'chle-a 'de or-a' 'tele'-chlee-deh 'di 'weh, 'de: or: korn-a dhih Nyorsoa-a' wele-eh:: po-nyor⧾ 'chle-a: ke. Or-a' 'nyne: wor: Yusu',: or 'wluh-a 'Nazla-gwlor 'di. Or: baa' 'nyne: wor 'Joseh:. :Yeh or 'da: ao',: yee': Natanio': wlu-', or 'dae:, Deh 'jeh 'beh-dih: eh 'ye 'Nazla-gwlor 'di 'wluh, eh 'ye nyor⧾-': za-dih:: e?: Yee' Felor' 'da, 'Nyi: a mu,: on 'ye deh 'ye. :Yeh an mu-a: Yusu': gwlii',: yee': Yusu' 'ye: Natanio' 'weh.: Yeh or 'ye-or,: yee' or: wlu-' 'de or bo, or 'da,: Gbee'e:. 'Ezlea-yu-a' 'kpa: wor: dhe dih,: or no-a 'yi 'sleh-nyor,: or-a': bo-dih:-a nyor⧾ dih. :Yeh or 'da: ao',: yee': Natanio' dhele-or dih, or 'da,: Kaa: on no 'an yubo-eh: eh?: Yee': Yusu' 'dae:, Ti: on 'ye-a' 'o 'fe-tu 'zorn: ne, 'on 'ye: on 'weh, 'de jorwor: Felor'-a mu: on 'da-:. :Yee': Natanio' 'da, Keen' 'jeh, Nyor⧾ deh: torne-nyor:,: mor Nyorsoa-a' 'Yu: oo',: or: dhe dih.: Mor 'Ezlea-nyor⧾-a' 'keen: oo'. 'De: Yusu' 'dae: 'de or bo, Deh 'on no-a, 'on 'ye: on 'weh 'do 'fe-tu 'zorn, eh-:: korn dhih: on po 'an dhih dhih 'jeh-': e? Jorwor: 'bor,: an mu deh⧾: klaba'⧾ 'ye-:: en mu-a 'o: yeh: daa: zi. :Yee': Yusu'-a kpa or-a' wlu 'dlu bo, or 'dae:, Dhih 'jeh, 'an zela a: gwluhuh', a mu 'de Nyorsoa 'bli yai' 'ye-:, 'de-a mu worn kan-dih:, 'de a 'ye Nyorsoa-a' 'enjor-nyor⧾ 'ye, on 'ye 'ya 'dhle no, 'de 'yu an 'da-dih-a Nyor-kpalu-a' 'yu bo. :Yee': yeh 'we 'sororn' zi-a, 'do 'we-eh taan neh 'di,: yee' nyor⧾-a 'dhu 'nynor nyina:: kpa-gor 'de 'Kena-gwlor 'di, 'de: Galali'i-bluhba ken.: Yee' 'do: wor: Yusu' 'de: ne. 'De on dbo: Yusu'-: 'dekorn: or-a'a: bo: na-nyor⧾-: wlu bo, on 'ye gor: dao' yi: ke. :Yeh on: ne-a 'o,: yee' 'glee-nomor: nyor⧾-a' klehkpeh, an 'na-a, or: gweh-'. 'De: Yusu' 'de: wlu 'de or bo, or 'dae:, An-a'a: 'glee-nomor: gweh-' o. :Yeh or 'da: ao',: yee': Yusu': wlu-' 'de or bo, or 'da, 'On-de:,: eh: korn dhih: an zela 'on: gwluhuh': eh? Eh 'see ti no 'do 'on bo, 'on 'ye deh no kele'a:. :Yeh or 'da: ao',: yee' or 'de zela: 'bhoi-nynuu:: an no-dih-a 'o: koan: gwluhuh', or 'dae:, Deh⧾-a' klehkpeh or mu a: gwluhuh' zela:, a 'ye-a' no, me-: a 'ye no o. :Yee' 'nior-yabe⧾: meheh'lo:: en: no-dih-eh sobu'⧾,: en: ne-a 'o, 'do: Jueh'-nyor⧾-a': kane' dih: za-eh bo, 'de: en 'beh-dih:-a: en 'ye-a' bi-a': kwlaa 'sororn'-:: kwlaa taan-: kpa, me-:: dhe 'o dih. :Yee': Yusu': wlu-' 'de 'bhoi-nynuu:: dao' bo, or 'da, A 'yi-dih: 'nior-yabe:⧾: daa 'ni 'di.: Yeh or 'da: ao',: yee' on 'yi-dih-ih-': porlu:: porlu:. :Yee' or 'da, A 'plin-eh, a 'ye 'yu: or: korn-a 'de gor-a' wlu bo kpa.: Yee' on no-eh'. :Yee' 'ni: dao' on kpa-a, eh: za-dih:-' 'glee-nomor:. 'De 'yu: or: korn-a 'de gor-a' wlu bo, or 'dhen-or worn.: Yee' or se: dha or 'wluh-a, yubo:, jorwor: 'bhoi-nynuu:: dao', on: mloo', on yubo: 'o 'weh.: Yee': yeh or 'dhen-or worn,: yee' or 'da 'yu: or: korn-a 'nynor yi-a nyina 'weh, 'de or zela-or: gwluhuh', or 'dae:,: Mor nyor 'da gor,: yee' an ya 'de 'glee-nomor 'jeh: nor: zai'.: Yee': mor nyor⧾ 'na, on dbo: weh, 'de jorwor: an ya 'de 'glee-nomor: or se-a worn: nmor. Jorwor:: mor: mloror',: on dhe 'jeh: nor dih: chio'lo:, 'de eh: yeh-dih: ti: daa ken. :Yee' nyor⧾ 'yi: to-dih-deh:: kolu': daa, eh-: no: zai'-deh: Yusu': to-dih: nyor⧾ 'i.: Yee' 'do 'Kena-gwlor 'di,: or: ne-a 'de: Galali'i-bluhba ken, 'do: wor or: no-dih-eh. 'Do: wor or: to-dih: or-a' dhih-a' 'i 'beh-a' nyor⧾ 'i, 'de or-a'a: bo: na-nyor⧾ po or-a' dhih dhih 'jeh-'. :Yeh or no: ao',: yee' or 'de-: or-a' dei'-nyor⧾-kpalu⧾-: 'dekorn: or-a'a: bo: na-nyor⧾-: on mu: Kapa'nior-gwlor 'di, 'do: wor on: ne 'do ti-kpor-bei 'di. :Yee': yeh: Jueh'-nyor⧾-a' 'Meh-a': bla-dih: 'dlu dih-gor-a' ti-a 'koan'-dih-a 'o dih,: yee': Yusu' mu: Julu'slehn:. :Yeh or nyni-a,: yee' or mu 'o Nyorsoa-a' 'sla ybei', 'de or 'ye nyor⧾, mo-:: an plo: blii'⧾-: 'blae'⧾-: 'dekorn: pabu'⧾-: 'de: noo'-a zian-dih 'wlii 'i, 'do an-a'a: 'tebo⧾ ken 'de mor. :Yeh or 'ye-uh'-a,: yee' dubu'⧾, me-: or: no-dih: sene'eh, 'de or no an-a' klehkpeh dih, or za-uh 'de gba-dih-gba 'di, 'dekorn: 'blae'⧾-:: blii'⧾-:: ke. 'De or gboba: nyor⧾: an zian-dih-a 'wlii 'i, an-a'a: 'wlii dih, 'de or tba an-a'a: 'tebo⧾-a' 'dlu⧾ glu. 'De or: wlu 'de pabu'⧾: plo-nyor⧾ bo, or 'dae:, Deh⧾: daa, a za-ih dha: dha: daa. A 'bor 'On-ba-a'a: 'gbu 'doror'-gbu-': no-eh. :Yeh or no: ao',: yee' or-a'a: bo: na-nyor⧾: po-dih-eh: gwluhuh' bo 'weh,: ka eh 'chle-eh 'de Nyorsoa-a' 'chlee-deh 'di, eh no-a, Nyorsoa,: porluh: 'on 'ble-a 'do: an-a'a: 'gbu-a': ybeh-eh bo, mo-: 'beh 'i, 'de mor, mo-:: an mu-eh: no, 'de 'on 'ye 'meh. :Yee': Jueh'-nyor⧾-a' nyor⧾: na-dih-nyor⧾: wlu-' 'de or bo, on 'dae:, Nyor⧾ 'yi: to-dih-deh-': yeheh: eh,: an mu: a 'i: to-dih:,: eh mu-a: a: gwluhuh' zela:,: ka: on 'ble-a 'kpih: on 'ye-a deh⧾: daa no: eh? :Yeh on 'da: ao',: yee': Yusu': wlu-' 'de on bo, or 'da,: Mor a gba Nyorsoa-a' 'sla: daa ya,: yee' 'an mu-or: po: neheh', 'do 'we taan 'di. :Yee' on 'dae:, Zon⧾-a': kwlaa: nyieh 'yor: meheh'lo:, me-:: a: po-dih: 'gbu: daa. Mo-:: an mu: po: neheh' 'do 'we taan 'di: e? Jorwor:: Yusu'-a' 'jeh-a' yau: 'o or 'da, eh: se Nyorsoa-a' 'sla-a' 'yor-eh:. :Yee': ka ti nyni-a 'o, 'de: Yusu' 'wluh-a 'de nma-dih-deh 'di,: yee' or-a'a: bo: na-nyor⧾: po-dih-eh: gwluhuh' bo 'weh, deh or: za-a-' 'de on bo: zai'.: Yee' on po Nyorsoa-a' 'chlee-deh-: 'dekorn: deh: Yusu': za-a-' 'de on bo-: dhih 'jeh. :Yee': gwlor-nyor:⧾: dhulu', mo-: po: Yusu'-a' dhih dhih 'jeh-', ti or: ne-a: Julu'slehn, 'do 'Meh-a': bla-dih: 'dlu dih-gor-'. Deh no-eh, on 'ye deh⧾: kolu'⧾ or to-dih-uh-a 'i 'weh. Jorwor: or: se-uh': gwlii' dhe, deh no-eh, or yubo:: gwlor-nyor⧾-a' klehkpeh-a': porluh⧾ 'weh. Nyor⧾ se: korn on 'ye-or': gwlor-nyor⧾-a' dhih: gwluhuh' zela:, deh no-eh, or yubo: deh: eh: ne-a 'de nyor⧾ 'di 'weh. :Yee' eh: korn nyor-kpalu: due': or no-a: Falasi'i-yu, an 'da-dih-a 'Nekodi'ma, 'de: or no-a nyor: klaba' 'do: Jueh'-nyor⧾ bo: ke, or-: yi 'de: Yusu' bo, 'gwie-we-eh: due'.: Yeh or yi-a 'de,: yee' or: wlu-' 'de or bo, or 'dae:, Nyor⧾ deh: torne-nyor:,: a yubo-eh': mor nyor⧾ deh: torne-nyor:: or 'wluh-a 'de Nyorsoa bo: oo'. Deh no-eh, nyor se 'beh-dih: or 'ye nyor⧾ 'di dih 'ma-dih-deh:⧾: an no-a no,: mor eh 'dhu Nyorsoa: ne 'o or bo: gbor, 'de or 'ye-ih' no. :Yee': Yusu': wlu-' 'de or bo, or 'dae:, Dhih 'jeh, 'an zela: on: gwluhuh', nyor se 'beh-dih: or 'ye Nyorsoa-a' nyor⧾ wlu 'ken: korn-eh 'ye,: mor eh 'dhu or se 'wluh: dele' ka. :Yee' 'Nekodi'ma dhele-or-: dih, or 'da,: Kaa nyor: or ne-a, or mu 'wluh-a': no: neheh': dele' ka: eh? Or 'beh-dih: or 'ye 'de or 'de 'di pa, 'de or 'ye 'wluh 'do kpor⧾-a' 'sororn' neh 'di: e? 'De: Yusu' 'da, Dhih 'jeh, 'an zela: on: gwluhuh',: mor eh 'dhu nyor se 'de 'ni-: 'dekorn: Nyorsoa-a': Zulu-': yi-dih:, 'de or 'ye 'wluh,: yee' or se 'beh-dih: or 'ye Nyorsoa-a' nyor⧾ wlu 'ken: korn-eh 'zorn pa. :Gwlor-nyor: or-: 'wluh: gwlor-nyor. Jorwor: Nyorsoa-a': Zulu: due', mo-:: an no-eh, 'de: an no Nyorsoa-a' 'yu. :Yee' eh-a' 'ma-dih:-': an-a': porluh, deh 'on no-a, A: korn a 'ye 'wluh: dele' ka. :Dha: pobor'-a 'bhorn-a mu-a', 'do: wor or mu.: An 'worn or-a' wlu 'weh, jorwor:: on se: dha or 'wluh-a yubo:, 'de mor: on se: dha or mu-a yubo:. 'Ka-: nyor: yor Nyorsoa-a': Zulu no-eh, 'de: or 'dhu-a Nyorsoa-a' 'yu-', or-a' dhih: ne: ke. :Yee' 'Nekodi'ma 'da,: Kaa deh: daa, eh 'beh-dih: eh 'ye: ao' no-a' no: eh? 'De: Yusu' 'dae: 'de or bo,: Mor: or 'dhu-a 'Ezlea-nyor⧾-a' nyor⧾ deh: torne-nyor:: klaba'-',: mor 'o: or se deh⧾: daa yubo:: e? Dhih 'jeh, 'an zela: on: gwluhuh', deh⧾: a yubo:-a, me-:: korn dhih: a za-a-'. 'De deh⧾: a 'ye-a, me-:: korn kuna'⧾: a po. Jorwor: a: se-' deh⧾-a' klehkpeh: daa: a: za-a-', dhih 'jeh-' po. :Mor eh 'dhu, 'on zela: a 'noror yao 'zorn-a' dhih: gwluhuh',: mor a se-eh dhih 'jeh-' po,: yee': mor eh 'dhu, 'on zela: 'de Nyorsoa 'bli yai'-a' dhih a: gwluhuh',: yee': kaa a mu eh-a' dhih 'jeh-': po-eh: no: eh? Nyor-beh-nyor-beh 'see 'de Nyorsoa 'bli yai' mu, 'yu an 'da-dih-a Nyor-kpalu-a' 'yu: or 'wluh-a 'de or 'bli yai', or: due' 'klein'. :Yee': ka: Mose' no-a dhiehn-sehn-a' yai': to-eh 'do tu 'i, 'de: bhehneh'-bluhba ken,: yee' 'ka-: 'yu an 'da-dih-a Nyor-kpalu-a' 'yu: korn or 'ye yai': to-eh no: ke, 'de nyor⧾-a' klehkpeh: an mu-a or-a' dhih dhih 'jeh-': po, on 'ye 'kmo: sie:: febeh' 'ble. Nyorsoa: kma dha yao 'zorn-a' dhih 'weh 'gabaa. Eh-:: korn dhih, or dbo or-a' 'Yu: due' gbai dha mor.: Yee' nyor: or mu-a or-a' dhih dhih 'jeh-': po, or: se-' gbe: zie: i, jorwor: or mu 'kmo: sie:: febeh' 'ble-:. Deh no-eh, Nyorsoa: se-' or-a' 'Yu dbo or 'ye nyor⧾: on: ne-a dha yao 'zorn-a' zabe: kpon-dih:. Jorwor: or dbo-or', or 'ye: gwlor-nyor⧾-a' klehkpeh-a' 'puh-dih-nyor no. :Yee' nyor: or po-a Nyorsoa-a' 'Yu-a' dhih dhih 'jeh-',: yee' Nyorsoa-a' zabe: se-or' kpon. Jorwor: nyor: or se-a or-a' dhih dhih 'jeh-' po,: yee' Nyorsoa-a' zabe kpon-or' see, deh no-eh, or: se-' Nyorsoa-a' 'Yu: due' gbai: daa, or-a' dhih dhih 'jeh-' po. Deh: eh: kpon-dih:-a nyor⧾ zabe, eh-:: dhe dih. Zorn-pli yi dha yao 'zorn 'weh. Jorwor:: gwlor-nyor⧾: ybeh-': kule:,: eh: zi 'o zorn-pli-', deh no-eh, an no deh⧾-zon:⧾. Nyor⧾-a' klehkpeh: an no-a deh⧾-zon⧾, on 'nyeh zorn-pli-' 'weh, 'de an-a' yi 'noror zorn-pli-', deh no-eh, on: se-' 'bhorn deh⧾ an no-a, en 'ye ken: nyeh. Jorwor: nyor: or: ne-dih:-a dhih-a' 'yor-eh 'kmo, or-: yi 'noror zorn-pli-', 'de deh⧾ or no-a, en 'ye ken dih: florn,: ka en: yi-dih:-a Nyorsoa-'. :Yee': ka deh⧾: daa, en zi-a,: yee': Yusu'-: 'dekorn: or-a'a: bo: na-nyor⧾-: mo-: mu 'de: Judi'a-bluhba ken. 'Do: wor or: zi-dih: ti-kpor-bei 'de on bo, 'de or po nyor⧾ 'ni 'dlu. :Yee' nyor⧾ 'ni 'dlu: po: Jororn'-a po nyor⧾ 'ni 'dlu: ke, 'de 'Ena: or se-a: gwlor an 'da-dih-a 'Sela bo dih: tehn-dih:. Deh no-eh, 'ni: doru': ne 'o, 'de: gwlor-nyor:⧾: dhulu'-a mu 'de or bo, on 'ye 'ni 'dlu: po. ( Deh: daa, eh: no-eh:-': weh, 'de: Jororn' mu: kasue 'di: po-eh.) Eh: korn 'we-eh: due',: yee': Jororn'-a'a: bo: na-nyor⧾-a': noo' 'kpa 'o: Jueh'-yu: due'-a' bo dhobo: 'da 'weh, 'do: Jueh'-nyor⧾-a': kane' dih: za-eh-a' dhih bo. :Yeh eh no: ao',: yee' on mu 'de: Jororn' bo, on zela-or-:: gwluhuh', on 'da, Nyor⧾ deh: torne-nyor:,: on 'beh-dih:: on 'ye 'yu: or: ne-a 'de: on bo 'de 'Jorle-ni-a' 'yluh-a' 'kwla 'wluh-dih: 'da, yubo:: e,: or: korn-a dhih: on: za-a-'? 'Yu-a' 'jeh: dao', or po nyor⧾ 'ni 'dlu: naa, 'de: gwlor-nyor:⧾: dhulu'-a mu 'de or bo. :Yeh on 'da: ao',: yee': Jororn' zela-uh-:: gwluhuh', or 'dae:, Nyor se 'beh-dih: or 'ye deh no, 'do or-a' 'jeh bo, jorwor:: mor eh 'dhu, Nyorsoa: ne 'o or bo: gbor, 'de or 'ye-eh' no. A-a' 'jeh 'yor-eh:, a 'beh-dih: a 'ye-eh' ken dih zela:: ka 'on no-a, 'on: se Nyorsoa-a' 'taan'-yu:. Jorwor: 'mor-: Nyorsoa dbo or ybei'. A yubo-eh', 'yu: or: korn-a 'nynor yi-a nyina, or-: 'o 'nynor: korn 'de bo. Jorwor: or 'be: or: nyna-a 'o dih,: mor or 'worn or-a' wlu,: yee' or-a': porluh 'pehn-: dih. 'De: ka: ne-a: due' 'di, 'ka-: 'o 'mona-a no 'an dih 'yi-dih-eh: ke. Or-a' dhih: korn en 'ye 'i 'beh, en 'ye ken dih 'kpuhba:.: Yee' 'an ne: korn en 'ye ya yi. :Yee' nyor: or 'wluh-a 'de Nyorsoa 'bli yai', or-: no nyor: klaba' 'do nyor⧾-a' klehkpeh ken. Nyor: or 'wluh-a dha 'bluhba ken, or: korn 'de 'bluhba bo.: Yee' deh⧾: en kor-a dha 'bluhba ken 'i, me-:: korn dhih or za-a-'. Jorwor: nyor: or 'wluh-a 'de Nyorsoa 'bli yai', or-: no nyor: klaba' 'do nyor⧾-a' klehkpeh ken. :Yee' deh or 'ye-a-: 'dekorn: deh or 'worn-a-: me-:: korn dhih or zela ken dih. Jorwor: eh se nyor: korn: or 'ye-a deh⧾ or za-a-', dhih 'jeh-' po. Jorwor: nyor: or po-a deh or zela:-a ken dih dhih 'jeh-',: yee' or po-eh deh-: 'i,: ka Nyorsoa-a za-a dhih-a' 'yor-eh-'. :Yee' Nyorsoa-a' 'yu or dbo-a, or-: za Nyorsoa-a' wlu-'. Deh no-eh, Nyorsoa 'nyi or-a': Zulu or 'weh klehkpeh klehkpeh. :A: Baa' Nyorsoa: ybeh or-a' 'Yu-' 'weh. 'De or po 'de deh⧾-a' klehkpeh 'de or 'kwa. Nyor: or po-a Nyorsoa-a' 'Yu-a' dhih dhih 'jeh-',: yee' or 'ble 'kmo: sie:: febeh': naa. Jorwor: nyor: or se-a 'o or-a' 'tele' dih dhe,: yee' or: se-' 'kmo: sie:: febeh' 'ye-: i. Deh no-eh, Nyorsoa-a mu-or 'chehn-' 'kpa-dih:,: ka ti-a mu-a 'dlu-': tehn. :Yee': Falasi'i-nyor⧾ 'worn-ih',: ka: Yusu' no-eh, 'de bo: na-nyor:⧾: dhulu'-a zi-a 'o or klei', 'de or po-a nyor⧾: dao' 'ni 'dlu,: eh: zi-a 'o: Jororn'-'. Keen': mloror': Yusu'-a' 'jeh 'yor-eh: se-' nyor⧾ 'ni 'dlu: po, jorwor: or-a'a: bo: na-nyor:⧾ 'o,: an no-eh. :Yee': yeh: Gwlor: baa' yubo:-a deh: daa 'i,: yee' or 'wluh: Judi'a-bluhba ken 'weh, 'de or mu: Galali'i-bluhba ken de: dele' ka. :Yee': mor or: taa mu, or: korn or 'ye Sehmeh'la-bluhba ken: yi-dih:. :Yeh or yi-dih-a Sehmeh'la-bluhba ken,: yee' 'do: wor or: yeh-dih:: gwlor an 'da-dih-a 'Saeka ken,: or se-a 'bluhba-a' 'kplo 'Jekor 'nyi-a or-a'a: 'yu 'Joseh, bo dih: tehn-dih:. 'Do: wor 'Jekor-a'a: 'ni-bie: ne: ke.: Yee': yeh: Yusu': na-a: naa:, 'de or sea-a,: yee' or: dhe dih, 'do 'ni-bie:: dao' worn 'i, 'yluh-gbao'. :Yeh or: ne-a 'o,: yee' Sehmeh'la-nynor: due', or-: yi 'nior, 'de: Yusu': wlu 'de or bo, or 'dae:, 'Nyi 'on 'ni, 'on 'ye 'na. ( :Yeh or-: 'nynor-: an no-a 'ni-deh:: dao',: yee' or-a'a: bo: na-nyor⧾ mu dii-deh:⧾: dhen 'da 'de: gwlor-'.) 'De 'nynor: dao', or: wlu 'de: Yusu' bo, or 'dae:,: Mor: Jueh'-yu: 'o. 'De 'on 'dhu Sehmeh'la-nynor-'.: Yee': kaa eh no, 'de: an 'yba-dih 'on 'ni: eh? (Deh: korn-a dhih, 'de 'nynor: dao', or: za-a-' deh: daa, eh-: 'dhu, Sehmeh'la-nyor⧾-: 'dekorn:: Jueh'-nyor⧾-: an-a' nena: 'ni dih.) 'De: Yusu' 'da,: Mor eh 'dhu: on yubo: deh Nyorsoa 'nyi-a nyor⧾: dee', 'de: on 'ye nyor: or 'yba-dih-a: on 'ni yubo:: ke,: yee': an mu-or 'ni 'yba-dih:: dee', 'de or 'ye: on 'ni: eh 'nyi-a nyor⧾ 'kmo: sie:: febeh' 'nyi. 'De 'nynor 'da, Nyor: klaba',: on se 'ni 'plin-dih-deh 'ble. 'De mor 'ni-bie:: daa, eh: tehn-' 'di.: Yee' dha: an mu 'ni: dao',: eh 'nyi-a nyor⧾ 'kmo: sie:: febeh': za, 'de: on 'ye-eh' 'on 'nyi: eh? :A: bai'-a': baa' 'Jekor: 'o, or-: 'nyi: a 'ni-bie:: daa. Or-: or-a'a: 'nynuu-: 'dekorn: or-a'a:: nena-deh⧾-: mo-: 'na 'ni: daa: zai'.: An-a' dhih 'beh-: 'i, en: zi 'o: a: bai'-a': baa' 'Jekor: e? :Yeh or 'da: ao',: yee': Yusu' zela-or-:: gwluhuh', or 'dae:, Nyor-beh-nyor-beh:: or mu-a 'ni: daa 'na-:, 'ni 'na-ton-a mu-or: no: dele' ka. Jorwor: nyor: or mu-a 'ni 'an mu-or 'nyi-:, 'na-:, 'ni 'na-ton 'se 'ba-or no,: ka ti-a mu-a 'dlu-': tehn. Keen' 'jeh, 'ni 'an mu-or 'nyi-:, eh mu 'ni-a' 'dlu⧾-a' glu 'wluh 'da: gweh 'de or 'di,: eh mu-or 'ni: eh 'nyi-a nyor⧾: febeh' 'nyi-:, 'de or 'ye 'kmo: sie:: febeh' 'ble. :Yee' 'nynor 'dae: 'de or bo, Nyor: klaba', 'nyi 'on 'ni: an 'da-a, 'de 'ni 'na-ton: ne-' 'on no: neheh', 'de 'on 'ye 'nior:: yi-eh 'bor dha mor. 'De: Yusu' 'da, Mu,: on 'ye: an-a'a: yibeor 'da, a 'ye 'de yi. 'De or 'da, 'On se yibeor 'ble. 'De: Yusu' 'da, Eh-a' 'yor-eh: 'o,: an za-a-',: ka: on no-a,: on se yibeor 'ble. Deh no-eh,: on no nyina: 'ti-eh-a' kpor⧾: mm': zai'. 'De: kana: naa, nyor-kpalu:: or: ne: an na-a: naa, or: se: an-a'a: yibeor:. Dhih 'jeh: oo',: on: za-a-'. :Yeh or 'da: ao',: yee' 'nynor 'da, Nyor: klaba', 'on yubo-eh-: 'i: naa,: ka: on 'dhu-a Nyorsoa-a' wele-eh:: po-nyor-'. Sehmeh'la-nyor:⧾: on no-a 'on: bai'-a': bai', an za Nyorsoa-a': weheh' dha tluh: daa ken. Jorwor: a: mor: Jueh'-nyor:⧾, a 'da, 'de: Julu'slehn:, 'do: wor: a: korn: a 'ye Nyorsoa-a': weheh': za-dih:. 'De: Yusu' 'da, 'Nynor, po 'an wlu dhih 'jeh-'. Ti-a mu 'o: nyni, a: se-' a: Baa' Nyorsoa-a': weheh': za i, dha tluh: daa ken-:: eh beh 'de: Julu'slehn-:. A: mor Sehmeh'la-nyor:⧾, nyor a za-a: weheh', a se-or yubo:. Jorwor:: a: mor: or 'dhu-a: Jueh'-nyor⧾-',: a yubo: nyor: a za-a: weheh' 'weh, deh no-eh, 'puh-a' 'wluh 'de: Jueh'-nyor⧾ bo. Jorwor: ti-a mu 'o: nyni, 'de mor en nyni 'o 'weh: naa,: a: Baa' Nyorsoa-a': weheh': za-nyor:⧾ 'jeh 'ye or-a': weheh': za, 'de or-a': Zulu-a' 'kpih 'di,: eh kor-a or-a' dhih-a' 'yor-eh 'i. Deh no-eh,: weheh': za-nyor:⧾: on: ne: ao', mo-: Nyorsoa 'bhorn. Nyorsoa, or-: 'dhu: Zulu-'.: Yee' nyor⧾: an za-a or-a': weheh', on: korn on 'ye or-a': weheh': za, 'de or-a': Zulu-a' 'kpih 'di,: eh kor-a or-a' dhih-a' 'yor-eh 'i. :Yeh or 'da: ao',: yee' 'nynor 'dae: 'de or bo, 'On yubo-eh' Nyorsoa-a' 'taan'-yu: an 'da-dih-a 'Klae, or mu 'de: yi.: Mor or 'yle, or mu deh⧾-a' klehkpeh ken dih zela: 'noror: a bo. 'De: Yusu' 'da, 'Mor: or wlu-a 'de: on bo, 'mor-: 'o. :Yeh: Yusu' 'si-a 'o deh⧾: daa, en-': za 'da,: yee' or-a'a: bo: na-nyor⧾ yi-: 'de.: Yeh on 'ye-or, 'de or wlu-a 'de Sehmeh'la-nynor:: dao' bo,: yee' eh: florn-dih-uh-: worn. Jorwor: an-a' nyor-beh-nyor-beh: se-': Yusu' dih dhele: deh or 'bhorn-a, 'de mor, deh: korn-a dhih or wlu-a 'de or bo. :Yee' 'nynor sie 'o or-a'a: 'nior-yabe 'weh, 'de or mu: gwlor-', or zela: nyor⧾: gwluhuh', or 'dae:, A 'yle, a 'ye nyor-kpalu:: or zela:-a 'on deh⧾-a' klehkpeh 'on no-a: gwluhuh', a 'ye-or' 'ye. Or 'beh-dih: or 'ye Nyorsoa-a' 'taan'-yu-' 'dhu-eh:: e? :Yeh or zela-uh-a deh⧾: daa: gwluhuh',: yee' an-a' klehkpeh, on 'wluh 'o: gwlor-' 'weh, 'de an mu 'de: Yusu' bo. :Yeh deh⧾: daa, en mu-a 'dlu bo,: yee': Yusu'-a'a: bo: na-nyor⧾ 'neh-or-: ken, on 'da, Nyor⧾ deh: torne-nyor:, di deh-beh. 'De or 'da, 'On 'ble dii-deh:, 'on 'ye-a' di, eh-:: korn dhih a se yubo:. :Yeh or 'da: ao',: yee' or-a'a: bo: na-nyor⧾-a wlu-' 'de an-a' 'jeh 'nyne-', on 'da, Nyor-beh: ya-or dii-deh ke: e? 'De or 'da, 'An-a: dii-deh:, eh-: 'dhu, 'on 'ye nyor: or dbo-a 'on, or-a' 'ton: korn-deh no, 'de 'on 'ye: koan: or 'nyi-a 'on, or-a' no-a' 'i gweh. A 'ble 'dlan, or-: a po, a 'da, 'Chuh⧾: nyieh,: yee': koo-a' chehehn-ti nyni 'o 'weh. Jorwor: 'an zela a: gwluhuh', a kpa 'dlu⧾ yai', 'de a 'ye 'gle⧾ ya pobo:. En-' klehkpeh: ne 'pu-': naa. Ti nyni 'o 'weh, en 'ye: chehn-eh:. Nyor: or chehn-a: koo, or 'ye geli': za-dih-deh 'weh: naa. 'De or po dii-deh⧾: dha: due'. Dii-deh:⧾: dao' or po-a: dha: due',: gwlor-nyor:⧾ 'o, mo-: or po: dha: due', on 'ye 'kmo: sie:: febeh' 'ble. 'De nyor: or tba-ih-a-: 'dekorn: nyor: or chehn-ih-a-: 'de on 'ye 'mona: dha: due': no-dih:. 'Dlan: daa,: or no-a, Nyor: due'-: tba-ih, 'de nyor: due'-a chehn-ih, dhih 'jeh: oo'. 'On dbo a 'weh, a 'ye: koo:: on: korn-a: koan: a se-a no, chehn. Nyor⧾: noo', mo-:: no-dih: 'de: koan. 'De: koan: on: no-dih:-a 'de, a: mor 'ye 'o deh. :Yee' Sehmeh'la-nyor:⧾: dhulu': on: ne-a 'o: gwlor: dao' 'di, on po: Yusu'-a' dhih-' dhih 'jeh, deh no-eh, 'nynor zela-uh-:: gwluhuh', or 'da,: Yusu' zela-or-: deh⧾-a' klehkpeh or no-a: gwluhuh'. 'Do eh-a' dha,: yeh Sehmeh'la-nyor⧾ yi-a 'o: Yusu' bo,: yee' on bale-or', or 'ye 'o on bo 'we 'sororn' zi. 'De: gwlor-nyor:⧾: dhulu': noo' po or-a' dhih dhih 'jeh-': ke, 'do deh⧾ or za-a-' 'do ti: dao' bo, en-' dhih bo. 'De on: wlu 'de 'nynor bo, on 'dae:,: A po or-a' dhih-' dhih 'jeh: naa, eh: se deh: on: za-a-': due', jorwor: deh⧾: a-a' 'jeh 'yor-eh 'worn-a or: za-a-'.: Yee': a yubo-eh' 'jeh ka,: ka or 'dhu-a nyor⧾ 'puh-dih-nyor-' 'do 'bluhba bo. :Yeh 'we 'sororn' zi-a,: yee': Yusu' mu: Galali'i-bluhba ken. Or-a' 'yor-eh zela-eh ken dih 'weh,: ka Nyorsoa-a' wele-eh:: po-nyor se-a deh-' 'ye-eh 'ble, 'do or-a' 'jeh 'bli 'bluhba ken. :Yeh or 'si-a: Galali'i-bluhba ken dih,: yee': Galali'i-nyor⧾ kpon-or-: dih. Deh no-eh, an-a' 'jeh 'yor-eh, on: ne 'o 'Meh-a': bla-dih: 'dlu dih-gor-' 'weh 'de: Julu'slehn, 'de on 'ye deh⧾-a' klehkpeh or no-a 'do gor: dao' 'weh. :Yeh or: ne-a 'de: Galali'i-bluhba ken,: yee' or mu 'Kena-gwlor-' de: neheh', 'do: dha or: za-dih:-a 'ni 'glee-nomor-'.: Yee' 'kwi: klaba': due', or-:: korn 'yu-nyor-kpalu-a: puhba, 'de: Kapa'nior-gwlor 'di. :Yeh 'kwi: klaba': dao', or 'worn-ih'-a: ka: Yusu' 'wluh-a: Judi'a-bluhba ken, 'de or 'si-a: Galali'i-bluhba ken dih,: yee' or mu 'de or bo, 'de or bale-or, or 'ye 'de or 'bli 'gbu mu, or 'ye or-a'a: 'yu: or 'bhorn-a 'meh-a', 'puh-dih:. :Yeh or bale-or,: yee': Yusu': wlu-' 'de or bo, or 'dae:, A: mor nyor⧾: daa,: mor eh 'dhu, a se 'yi: to-dih-deh⧾-: 'dekorn: nyor⧾ 'di dih 'ma-dih-deh⧾-: 'ye,: yee' a: se-' 'an dhih dhih 'jeh-': po i. :Yee' 'kwi: klaba' 'da, Nyor: klaba', 'yle,: a 'ye mu, 'de 'an-a: 'yu: ne-' 'meh: blaa'a:. 'De: Yusu' 'da, Mu,: an-a'a: 'yu-a mu 'kmo-': ne.: Yeh: Yusu' 'da: ao',: yee' or po: Yusu'-a' wlu-' dhih 'jeh, 'de or mu. :Yeh or 'si-a 'o: gwie 'i,: yee' or-a'a: 'bhoi-nynuu: ya 'de tubo-wlu⧾ 'weh,: ka or-a'a: 'yu 'puh-a. 'De or dhele-uh dih, or 'da, Ti: yihih: eh, or yi or-a' 'jeh bo: eh? 'De on 'da, Ti eh no-a 'yluh-gbao' zama, 'do: wor or-a': chehbe' 'bor-dih:. :Yee' 'yu: baa': po-dih-eh: gwluhuh' bo 'weh,: ka eh 'dhu-a: dha ti: bleh-dih:-a 'i zama,: Yusu' zela-or: gwluhuh', or no-a,: An-a'a: 'yu-a mu 'kmo-': ne.: Yeh eh no: ao',: yee' or-: or-a'a: 'gbu-a' klehkpeh-: on po: Yusu'-a' dhih-' dhih 'jeh. :Yee' 'wluh: Judi'a-bluhba ken, mu: Galali'i-bluhba ken, 'de no nyor⧾ 'yi: to-dih-deh:⧾: kolu'⧾, eh-a' kpor⧾-a' 'sororn' neh: wor: dhe dih: Yusu' no. :Yeh ti: zi-dih:-a 'o ken dih,: yee': Yusu' mu-': Jueh'-nyor⧾-a' gor: due' 'de: Julu'slehn. :Yee' 'de: Julu'slehn: 'do: dha: or 'koan'-dih:-a gba-dih-gba-a': kpaa' 'worn dih, an 'da-dih-a 'Blae'⧾-a': kpaa', 'do: wor pehnu: ne, an 'da-dih-a: Behteh'sla, 'de: Hiblu'-wlu 'di. Pehnu:: daa, 'zorn: forn-dih-deh⧾: mm', me-: 'dleh-uh. :Yee' 'do en 'zorn: dao', 'do: wor: nea-nyor⧾-a 'pehn dih,: on 'dhu-a, 'doror'-nyor⧾-:: kloror-nyor⧾-: 'dekorn: 'tiei-a' 'meheh'-nyor⧾-:. [Nyor⧾: dao', an fuo 'ni 'ken, eh 'ye dih dhile:. Deh no-eh, 'do kpor: due': due' 'di,: Gwlor: baa'-a' 'enjor: due', or-: 'yle,: or 'kpa 'o pehnu:: dao' worn, 'de or dhile-uh dih.: Mor or dhile-uh dih,: yee': zai'-nyor:: or mu-a 'o 'nior 'kpa-:,: yee' or-: mu 'puh-:, puhba-deh⧾-a': yih or 'ble.] :Yee' nyor-kpalu: due',: or puhba:-a 'do zon⧾-a': kwlaa taan 'yor: meheh' na 'di, or-:: ne 'o. :Yee': Yusu' 'ye 'yu: dao' 'weh, or 'pehn dih 'do mor.: Yeh or yubo-eh 'i: ka or 'pehn-a dih 'do: dha 'o, 'do ti: dhorno'⧾ 'di,: yee' or dhele-or-: dih, or 'da,: An 'bhorn: on 'ye 'puh: e? :Yeh or dhele-or dih,: yee' 'yu: dao', or: wlu-', or 'da, Nyor: klaba', ti 'ni dhile-a dih, 'on se nyor 'ble: or 'ye-a' 'on bo 'kpa, 'de 'on 'ye-a' 'o pehnu:: daa worn 'kpa.: Mor 'on: taa vorn, 'on 'ye 'o 'kpa,: yee' nyor: noror': chehn-dih: 'on nya. 'De: Yusu' 'da,: Sorn-', mu yai'. 'Duo:: an-a'a: ken 'pehn-deh-',: na,: on 'ye mu. :Yee' 'do: dha: due': dao', 'yu 'puh-'. 'De or 'duo: or-a'a: ken 'pehn-deh-', or: na, or mu. 'We-eh: deh: daa, eh: no-eh, eh no Nyorsoa-a': gwlee-we-eh:. Eh-:: korn dhih, 'de: Jueh'-nyor⧾-a' nyor⧾: na-dih-nyor⧾: wlu 'de 'yu: or 'puh-a, on 'dae:, 'Zean' no Nyorsoa-a': gwlee-we-eh:.: Yee' eh se 'o: a-a'a: 'tele'-a': gwie 'i: ne,: on 'ye: an-a'a: ken 'pehn-deh kwa 'gba,: on 'ye-eh' kpa. :Yeh on 'da: ao',: yee' or: wlu-' 'de on bo, or 'dae:, Nyor: or 'puh-dih:-a 'on, or-: zela: 'on: gwluhuh', 'on 'ye 'an-a: ken 'pehn-deh-' 'duo:, 'on 'ye: na, 'on 'ye mu. 'De on dhele-or dih, on 'da, 'Yu: or zela:-a: on: gwluhuh',: or no-a, 'Duo:: an-a'a: ken 'pehn-deh-',: na,: on 'ye mu, or-a' 'nyne: eh? Jorwor: or se nyor: or 'puh-dih-or yubo:. Deh no-eh,: Yusu' 'kpa 'de: gwlor-nyor:⧾: dhulu': ne-a 'o 'nyne-' 'weh. :Yeh ti-kpor-bei: zi-dih:-a 'o ken dih,: yee': Yusu' 'ye-or' 'do Nyorsoa-a' 'sla ybei'. 'De or: wlu 'de or bo, or 'dae:,: Gbee'e:.: Ka: on 'puh-a: naa,: yee' 'bor deh⧾-zon⧾-a' no-a', 'de deh-zon:: klaba': neheh',: eh: zi-a 'o: zai' neh-', eh: ne 'o: on bo yi o. :Yeh or 'da: ao',: yee' 'yu: dao', or mu-', 'de or zela:: Jueh'-nyor⧾-a' nyor⧾: na-dih-nyor⧾: gwluhuh',: ka eh 'dhu-a: Yusu'-': or 'puh-dih-or. :Yee' deh: Yusu'-a no-a deh⧾: daa 'do Nyorsoa-a': gwlee-we-eh 'di, eh-:: korn dhih an 'ye-dih-or 'kle. Jorwor:: Yusu' zela-uh-:: gwluhuh', or 'dae:, 'On-ba: ne 'o: koan 'i 'weh, 'de eh yeh-dih 'we-eh:: daa ken. 'De 'an 'jeh: ke, 'on: korn 'on 'ye: koan no: ke. :Yeh: Yusu': za-a deh: daa-',: yee' eh-: no-eh, 'de an vorn 'gabaa,: eh: zi 'o: zai' neh-', on 'ye-or' 'dba. Eh: se deh or wa-a Nyorsoa-a': gwlee-we-eh-a' 'tele'-a' dhih: due', jorwor: or 'da-dih Nyorsoa or: Baa': ke.: Mor or: taa: ao' no,: yee' on 'da or po-dih or-a' 'jeh Nyorsoa 'i. :Yee': Yusu': wlu-' 'de on bo, or 'da, Dhih 'jeh, 'an zela a: gwluhuh', 'mor: or 'dhu-a Nyorsoa-a' 'Yu-', 'on se 'beh-dih: 'on 'ye deh no, 'de 'an 'jeh-a' 'kpih 'di. Deh 'on 'ye-a 'On-ba-a no-a, eh-: 'o, 'an no. Deh no-eh, deh 'On-ba-a no-a, eh-: 'an no: ke. 'On-ba: ybeh 'on-' 'weh, 'de or torne 'on deh⧾-a' klehkpeh or-a' 'jeh 'yor-eh no-a. Keen', or mu 'on deh⧾: klaba'⧾: nee': torne:, en 'ye 'o: yih: daa: zi, 'de a-a': porluh⧾ 'ye 'ma. :Yee': ka 'On-ba-a no-a, 'de or 'duo:-a 'meheh'-nyor⧾ ya-', 'de or 'nyi-uh-a: febeh', 'ka-: 'an no: ke. Nyor 'an 'bhorn-a 'on 'ye-a: febeh' 'nyi, or-: 'an 'nyi: febeh'. Eh: se eh: due', jorwor: 'On-ba-a' 'worn, or-a' zi nyor-a' zabe. Jorwor: zabe:: zi-eh-a' klehkpeh, or po-eh' 'de 'on 'kwa, 'de nyor⧾-a' klehkpeh 'ye 'o 'on 'dhu,: ka an no-a 'o or-a' 'dhu-a': ke. Nyor: or se-a 'o 'on 'dhu,: yee' nyor: dao', or: se 'o 'On-ba:: or no-a Nyorsoa: or dbo-a 'on, 'dhu: ke. Dhih 'jeh, 'an zela a: gwluhuh', nyor: or 'worn-a 'an wlu, 'de: or po-a Nyorsoa: or dbo-a 'on, or-a' dhih dhih 'jeh-',: yee' nyor: dao', or 'ble 'kmo: sie:: febeh'. Nyorsoa-a' zabe: se-or': kpon i. Deh no-eh, or 'wluh 'de 'meh-a' 'kpih 'zorn, 'de or 'dhu 'kmo: ne-eh glu: naa. Dhih 'jeh, 'an zela a: gwluhuh', ti-a mu 'o: nyni, 'de en nyni 'o 'weh: naa, nyor⧾: on deh⧾-zon⧾ 'yi-dih-a-' dih,: eh gweh-a: ka nyor⧾ 'meh-a, mo-:: an mu 'mor: or 'dhu-a Nyorsoa-a' 'Yu-', 'an wlu 'worn-:.: Yee': yuh: on 'worn-a deh 'on: za-a-' dih deh 'jeh, mo-:: an mu 'kmo: sie:: febeh' 'ble-:. :Ka 'kmo: sie:: febeh' 'wluh-a 'de 'On-ba bo, 'ka-: 'On-ba no, or 'nyi-eh 'on, 'de 'kmo: sie:: febeh' 'wluh 'de 'on bo: ke. Or 'nyi 'on 'kpih 'weh: ke, 'on 'ye nyor⧾-a' zabe zi. Deh no-eh, 'on no 'yu an 'da-dih-a Nyor-kpalu-a' 'yu. Eh-a' 'ma-dih:-' a-a': porluh⧾. Deh no-eh, ti-a mu 'o: nyni,: en nyor⧾-a' klehkpeh: on: ne-a 'de nma-dih-deh⧾ 'di, an mu-a 'an wlu 'worn-:, 'de on 'ye 'de nma-dih-deh⧾ 'di 'wluh. Nyor⧾: yuh: on no-a deh⧾ 'jeh ne, an mu-': sorn, on 'ye 'kmo: ne,: ka ti-a mu-a 'dlu-': tehn.: Yee' nyor⧾: yuh: on no-a deh⧾-zon⧾, an mu-': sorn: ke, 'de Nyorsoa-a' zabe 'ye-uh' kpon, 'de on 'ye gbe: zie:. Jorwor: 'on se 'beh-dih: 'on 'ye deh no, 'de 'an 'jeh-a' 'kpih 'di.: Mor 'On-ba zela: 'on: gwluhuh', 'on 'ye zabe zi, 'de 'an zi-ih. 'Do eh-a' dha, 'an zabe:: zi-eh 'sleh-: 'i. Deh no-eh, 'an-a' 'worn, 'an-a' 'pehn-dih: 'an 'jeh-a': porluh dih. Jorwor: nyor: or dbo-a 'on, or-:: korn: porluh: 'an 'pehn-dih dih. :Yee': Yusu'-a kpa or-a' wlu 'dlu bo, or 'dae:,: Mor eh 'dhu, 'on zela: 'an 'jeh-a' dhih ken dih,: yee' dhih 'an zela-a ken dih, en se deh-' 'dhu-eh:. Jorwor: Nyorsoa, or-: zela 'an dhih ken dih.: Yee' 'on yubo-eh', 'an dhih or zela-a ken dih, en no dhih-a' 'yor-eh:. A: mor: Jueh'-nyor:⧾, a dbo nyor⧾ 'de: Jororn' bo, 'de or zela: 'an dhih ken dih 'de on bo, 'de deh or zela:-a ken dih, en no dhih-a' 'yor-eh:. Eh: se: gwlor-nyor:, or-:: korn or 'ye 'an dhih ken dih zela:: deh. Jorwor: 'on: ya-dih-eh 'o 'weh 'suh, a 'ye 'puh: dhih 'o. :Jororn', or-: no 'nape: eh wan-a, 'de: eh 'nyi-a nyor⧾ zorn-pli. 'De a 'worn-dih-eh ken dih, a 'ye 'mona no, 'de or-a' zorn-pli-' 'do ti-kpor-bei 'di. Jorwor: 'on 'ble dhih ken dih zela-deh:: klaba': eh: zi-a 'o: Jororn' neh-'. Deh no-eh,: koan-a' 'jeh 'On-ba 'nyi-a 'on, 'on 'ye-a 'i gweh, 'de 'an no-a: naa, or-: zela: 'an dhih ken dih,: ka 'On-ba dbo-a 'on. 'De 'On-ba:: or dbo-a 'on, or-a' 'jeh 'yor-eh zela: 'an dhih ken dih 'weh. A 'see or-a' wlu 'worn, 'de mor a 'see or-a' 'yuba 'ye, 'de mor or-a' tubo-wlu⧾ se: dhe-da: korn 'de a 'di. Deh no-eh, a: se-' 'mor or dbo-a, 'an dhih dhih 'jeh-' po. A 'chean' Nyorsoa-a' 'chlee-deh 'weh, 'de a yubo-eh 'gabaa. Deh no-eh,: mor a: taa 'ye,: yee' a 'da, eh-: mu a 'kmo: sie:: febeh' 'nyi-:. Nyorsoa-a' 'chlee-deh:: daa, eh-: zela 'an dhih ken dih. Jorwor: a: se-' 'worn, a 'ye 'noror 'on bo yi, 'de a 'ye 'kmo: sie:: febeh' 'ble. Eh: se: gwlor-nyor⧾-a' nyor⧾ dhih bo: po-eh:, 'on: se-' 'bhorn. 'De mor 'on yubo: a 'weh, a se Nyorsoa-a': ybeh-eh 'ble 'de a-a': porluh⧾ ken. 'On yi-: 'de, 'de 'On-ba-a' 'kpih 'di, 'de a: se 'on dih kpon. Jorwor:: mor nyor: noror' 'yle, 'de or-a' 'jeh 'yor-eh-a' 'kpih 'di,: yee' or-: a kpon dih. Po: on 'be dhih bo, 'de: on 'be 'ye: on dhih bo po, eh-:: korn a 'ton 'de a 'nyne-'. Jorwor: a-a' 'worn, a-a' po 'de 'kpih, 'de a 'ye-eh' no, 'de Nyorsoa: or: ne-a: due' 'klein', or 'ye a dhih bo po.: Yee': kaa a 'beh-dih: a 'ye 'an dhih 'jeh-': po-eh no: eh? Jorwor: a-a': na-dih-eh': gwluhuh' dih,: eh: mor 'an mu a-a' kuna': kpa 'de 'On-ba bo: deh. Jorwor:: Mose', a dhe-a: gwlii', or-: mu a-a' kuna': kpa. :Mor a po dhih: Mose': za-a-' dhih 'jeh-': dee',: yee' a mu 'on dhih 'jeh-': po: ke. Deh no-eh, 'an dhih: oo', or 'chle. Jorwor:: ka a se-a deh⧾ or 'chle-a dhih 'jeh-' po,: yee': kaa a mu deh⧾ 'an za-a-', en-' dhih 'jeh-': po-eh no: eh? :Yeh: Yusu' no: ao',: yee' or 'dhan-', or 'kpa 'de: Galali'i-yobo'-pehnu 'de. (Pehnu:: dao', mo-: an 'da-dih: Tabi'lor-yobo'-pehnu: ke.) :Yeh or 'dhan-a,: yee': gwlor-nyor:⧾: doru' zi 'o or klei'. Deh no-eh, nyor⧾ 'di dih 'ma-dih-deh:⧾ or no-a 'do puhba-nyor⧾-a' 'puh-dih-eh bo, me-: on 'ye. :Yee' or mu 'de tluh ken, 'de or: ne or-a'a: bo: na-nyor⧾-: on: dhe dih. :Yee': Jueh'-nyor⧾-a' 'Meh-a': bla-dih: 'dlu dih-gor-a' ti-a 'koan'-dih 'o-: dih. :Yeh: Yusu' pobo:-a 'de or ybei', 'de or 'ye-a nyor⧾: doru'-a yi-a 'de,: yee' or dhele: Felor'-: dih, or 'da, Dha: a mu 'bhlee: dhen-dih: 'do nyor⧾: daa bo, 'de on 'ye deh di: eh? Or 'dhen-or', eh-:: korn dhih or dhele-or deh: daa dih. Deh no-eh, deh or mu-a: no, eh: ne 'de or 'di 'weh: dee' see. :Yee' Felor' 'da, 'Wlii: nyor: due'-a 'ye-a 'de 'chuh⧾: meheh' na 'di,: mor nyor⧾: dhen-dih-ih 'bhlee, 'bhlee:: dao', eh se 'o nyor⧾: doru': daa worn 'i: gweh i. :Yeh or 'da: ao',: yee': Yusu'-a'a: bo: na-nyor: Andlu',: or no-a Samor': Piteh'-a' dei', or-: 'da, 'Yu-yu-beh: due': ne: daa, or-: 'ble 'bale-bhlee:: kpuan'⧾: mm'-: 'dekorn: zimi: 'sororn'-:. Jorwor: deh en mu nyor⧾: dhulu': daa: no-dih:: eh? 'De: Yusu' 'da, A no-eh, nyor⧾: daa, on 'ye-' dih dhele:. (:Yee': peli': doru': ne 'o: dha 'o, 'de nyor⧾ dhele:-' dih 'do en ken.) Nyor⧾-kpalu⧾-a' 'wlu: mm', mo-: 'beh-dih:: on 'ye 'de on 'nyne-': ne. :Yee': Yusu' 'duo: 'bhlee:: kpuan'⧾: dao' 'weh, 'de or po Nyorsoa-a' 'zio, 'de or no-eh, on: gble-dih-ih nyor⧾: on dhele:-a-' dih 'yi dih, 'de an-a' klehkpeh, on 'ye: ka an no-a en-' 'bhorn-a'.: Yee' 'ka: wor or no zimi-a' gble-a': ke. :Yeh an-a' klehkpeh di-a deh, 'de on dbo-a,: yee' or 'dae: 'de or-a'a: bo: na-nyor⧾ bo, A po: yih: sie:-a 'o dih: dha: due', en-' deh-beh-deh-beh: po-eh:-' dih. :Yee' on po 'bale-bhlee:: yih: sie:-a 'o dih,: dha: due', 'de en 'yi: too'⧾-a': bhue: 'yor 'sororn'. :Yee': yeh nyor⧾: dao', on 'ye-a nyor⧾ 'yi: to-dih-deh:: kolu': dao': Yusu' no-a,: yee' on 'kpa 'o: wlu 'da 'weh, on 'da, Keen' 'jeh, 'yu: daa, or-: Nyorsoa-a' wele-eh:: po-nyor:: or mu-a 'noror yao 'zorn: yi, or-: 'o 'bla. :Yeh on 'da: ao',: yee': Yusu' yubo-eh-: 'i,: ka an 'bhorn-a on 'ye-or' 'kpih: kpa-dih:, 'de on 'ye-or' 'keen-' no.: Yee' or 'wluh 'o on bo 'weh, or 'ya-dih: ya, 'de or: ne: due', or chehn kpor: neheh'. :Yeh eh no-a 'gwie-yluh bo: peheh'eh,: yee': Yusu'-a'a: bo: na-nyor⧾ 'dhle tluh, 'de an mu 'de yobo'-pehnu:: dao' worn 'i. :Yeh glu-a gor-a, 'de or 'see-a de yi,: yee' on 'kpa 'de 'blagbe 'di 'weh, on 'ye yobo'-pehnu 'dhan, on 'ye: Kapa'nior-gwlor 'di mu. :Yeh an 'dhan-a,: yee' yobo'-pehnu-a po nyor-kpalu-duh:⧾, deh no-eh,: pobor': dhulu'-a: 'yle. :Yeh on bli-a 'blagbe: blii:,: yee' eh 'beh-dih: eh 'ye 'yluh-buh: due' no, 'de on 'ye: Yusu', or na 'ni ken dih, or 'koan'-dih an-a'a: 'blagbe dih.: Yeh on 'ye-or,: yee': fano-a: no-uh 'gabaa. Jorwor: or: wlu-' 'de on bo, or 'dae:, 'Mor: oo'. A 'bor: fano-a': no-' a-uh. :Yeh or 'da: ao',: yee' on 'worn-dih-eh ken dih 'weh, or 'ye 'de on bo 'blagbe 'di 'kpa.: Yee' 'do: dha: due': dao', eh nyni 'o 'kpuhba' 'i 'weh, 'do: dha an mu-a: dee'. :Yeh zorn zen-a,: yee' nyor⧾: dhulu': dao',: on: sie:-a 'do yobo'-pehnu-a' 'kpuhbuh'-a' 'for-a' 'sororn' nor bo, on yubo-eh-: 'i: ka 'blagbe: due': ne-a 'o zama, 'de: Yusu' se-a 'de or-a'a: bo: na-nyor⧾ bo 'blagbe 'di 'kpa, 'de eh 'dhu-a or-a'a: bo: na-nyor⧾: due'-': on kpa-eh. :Yee' 'blagbe:⧾: nee', me-: 'wluh: Tabi'lor-gwlor 'di, 'de en: nyna dih 'do: dha 'koan'-dih:-a 'o: dha: Gwlor: baa': po-dih:-a Nyorsoa-a' 'zio dih, 'de or 'nyi-a nyor⧾ 'bhlee, on di-ih-a. :Yee': yeh nyor⧾: dhulu': dao', on yubo-eh 'i,: ka: Yusu'-: 'dekorn: or-a'a: bo: na-nyor⧾-: on se-a 'o: ne,: yee' on 'kpa 'de 'blagbe:⧾: dao' 'di, 'de on mu: Kapa'nior-gwlor 'di, on 'ye: Yusu' 'kwla⧾-' dih 'bhorn. :Yeh on 'ye-or 'de 'for: yor: dao' bo,: yee' on dhele-or-: dih, on 'dae:, Nyor⧾ deh: torne-nyor:, ti: yihih: eh,: on yi 'noror: eh? 'De or 'da, Dhih 'jeh, 'an zela a: gwluhuh', eh: se nyor⧾ 'yi: to-dih-deh:⧾: kolu'⧾ a 'ye-a, en-' dhih, a: se 'on 'kwla⧾-' dih 'bhorn. Jorwor: 'bhlee:: dhulu' a di-a, 'de a dbo-a, eh-a' dhih: oo', a 'bhorn 'on 'kwla⧾-' dih. :Yee' dii-deh:: eh mu-a 'kor-:, a-a': no-' eh-a': koan. Jorwor: dii-deh:: eh mu-a a 'kmo: sie:: febeh' 'nyi-:, eh-:: korn: koan: a 'ye no. Dii-deh:: daa, 'yu an 'da-dih-a Nyor-kpalu-a' 'yu, or-: mu-eh a 'nyi-:. Deh no-eh, or: Baa' Nyorsoa 'worn-dih: or-a' dhih ken dih 'weh. 'De on 'dae:, Deh 'i-deh:: a 'ye no, 'de: a 'ye: koan: Nyorsoa 'bhorn-a no: eh? 'De or 'da, Nyorsoa-a': koan: wor 'dhu, a po nyor or dbo-a dhih 'jeh-'. 'De on 'da: neheh', Nyor⧾ 'yi: to-dih-deh-': yeheh,: an mu: no,: a 'ye 'ye, 'de: a 'ye: on dhih 'jeh-' po,: ka: on 'wluh-a 'de Nyorsoa bo: eh? Deh 'i-deh:: an mu: no: eh? :A: bai'-a': bai' di 'mana: 'de: bhehneh'-bluhba ken,: ka eh no-a 'chle-eh 'de Nyorsoa-a' 'chlee-deh 'di, eh no-a, Nyorsoa 'nyi-uh dii-deh:⧾: en 'wluh-a 'de or 'bli yai', on 'ye di. :Yee': Yusu' 'dae:: neheh', Dhih 'jeh, 'an zela a: gwluhuh', eh: se: Mose' or: se-' a dii-deh:⧾: en 'wluh-a 'de Nyorsoa 'bli yai' 'nyi. Jorwor: 'On-ba: 'o, or-: 'nyi a dii-deh:⧾ 'jeh: en 'wluh-a 'de or 'bli yai'. Nyor: or 'wluh-a 'de or 'bli yai', 'de: or 'nyi-a nyor⧾: on: ne-a dha yao 'zorn: febeh', or-: 'dhu dii-deh: Nyorsoa 'nyi-a nyor⧾-'. 'De on 'da, Nyor: klaba',: eh 'wluh-a dha 'zean' 'bli, 'nyi: a dii-deh:: daa. 'De or 'da, 'Mor-: 'dhu dii-deh:: eh 'nyi-a nyor⧾ 'kmo: sie:: febeh'. Nyor: or yi-a 'noror 'on bo, 'moeh: se-or': no i: neheh'. 'De mor nyor: or po-a 'an dhih dhih 'jeh-',: yee' 'ni 'na-ton: se-or': no i: neheh'. Jorwor:: ka 'on no-a a-a': gwluhuh' zela-eh, a 'ye 'on 'weh, 'de a: se-' 'an dhih dhih 'jeh-' po: chio'lo:. Nyor⧾-a' klehkpeh 'On-ba 'nyi-a 'on, an mu 'noror 'on bo: yi. 'De mor nyor-beh-nyor-beh:: or mu-a 'noror 'on bo: yi, 'on: se-or' dih: no i,: ka ti-a mu-a 'dlu-': tehn. Deh no-eh, 'on: se 'de Nyorsoa 'bli yai' 'wluh, 'on 'ye 'an 'jeh 'yor-eh-a' 'ton: korn-deh no. Jorwor: 'on yi-: 'de, 'on 'ye nyor: or dbo-a 'on, or-a' 'ton: korn-deh no. :Yee' nyor: or dbo-a 'on, or-a' 'ton: korn-deh: wor 'dhu, 'on se: korn 'on 'ye nyor⧾-a' klehkpeh or 'nyi-a 'on, an-a' nyor: due' 'ma-dih:. Jorwor: 'on: korn 'on 'ye-eh' no, 'de an-a' klehkpeh, on 'ye 'de nma-dih-deh 'di 'wluh, 'do: de 'bor-dih-we-eh 'di. :Yee' 'On-ba-a' 'ton: korn-deh: wor 'dhu, nyor-beh-nyor-beh:: or pobo:-a 'on ya,: ka 'on 'dhu-a or-a' 'Yu-', 'de mor: or po-a 'an dhih dhih 'jeh-', or-: mu 'kmo: sie:: febeh' 'ye-:,: yee' 'an mu-or 'de nma-dih-deh 'di: za, 'do: de 'bor-dih-we-eh 'di. :Yeh: Jueh'-nyor⧾ 'worn-a deh: daa,: yee' on 'kpa 'o or-a' 'bhun dih: wlu-dih: 'da 'weh, deh no-eh, or 'da, or-: 'dhu dii-deh:: eh 'wluh-a 'de Nyorsoa 'bli yai'-'. 'De on 'da, Eh: se: Yusu',: or 'dhu-a 'Joseh-a'a: 'yu-',: or: korn-a 'de-: 'dekorn:: baa'-:: a yubo:-a, or se dih: dhe: e?: Yee': kaa or no: naa, 'de or 'da, or 'wluh 'de Nyorsoa 'bli yai': eh? :Yee' or: wlu-' 'de on bo, or 'dae:, A 'bor worn dih: wlu-dih-eh, 'de a-a' 'jeh 'klu-'. Nyor se 'beh-dih: or 'ye 'noror 'on bo yi,: mor eh 'dhu, 'On-ba:: or dbo-a 'on, or se-or jli.: Yee' 'do: de 'bor-dih-we-eh 'di, 'an mu-or 'de nma-dih-deh 'di: za. :Yee' Nyorsoa-a' wele-eh:: po-nyor⧾ 'chle-eh' see, on 'da, Nyor⧾-a' klehkpeh, Nyorsoa-: mu-uh deh: torne:.: Yee' 'do eh-a' dha, nyor⧾-a' klehkpeh: on: to-a 'On-ba: dou'⧾ bo, 'de: on 'chean'-a deh 'de or 'kwa, mo-:: an mu 'noror 'on bo: yi. Nyor-beh-nyor-beh 'see 'On-ba 'ye. Jorwor: 'mor: or 'wluh-a 'de or bo, 'on: due' 'ye-or. Dhih 'jeh, 'an zela a: gwluhuh', nyor: or po-a 'an dhih dhih 'jeh-', or-: 'ble 'kmo: sie:: febeh'. 'Mor-: 'dhu dii-deh:: eh 'nyi-a nyor⧾ 'kmo: sie:: febeh'-'. A: bai'-a': bai' di 'mana 'weh, 'de: bhehneh'-bluhba ken, jorwor: on 'meh-' 'gboror:. Jorwor: dii-deh:: eh 'wluh-a 'de Nyorsoa 'bli yai',: mor nyor di-ih-a,: yee' or: se-a' 'meh-: i, eh-:: dhe dih. 'Mor-: 'dhu dii-deh:: dao',: eh 'wluh-a 'de Nyorsoa 'bli yai'-'. 'De mor: mor nyor di dii-deh:: daa, or mu 'kmo: ne,: ka ti-a mu-a 'dlu-': tehn. 'An yau: wor 'dhu dii-deh: 'an mu-a 'bluhba 'nyi-:, 'de on 'ye-a' 'kmo: sie:: febeh' 'ble. :Yeh or 'da: ao',: yee': Jueh'-nyor⧾ 'kpa 'o worn dih: jeh-dih: 'da 'weh, 'de an-a' 'jeh 'klu-', on 'dae:,: Kaa 'yu: daa, or mu or-a' yau: a 'nyi-a': no, 'de: a 'ye-uh' di: eh? :Yee' or 'dae: 'de on bo, Dhih 'jeh, 'an zela a: gwluhuh',: mor eh 'dhu, a se 'yu an 'da-dih-a Nyor-kpalu-a' 'yu-a' yau di, 'de mor: mor a se or-a' nyomor 'na,: yee' 'kmo: sie:: febeh': se 'de a 'di: ne i. Jorwor: nyor-beh-nyor-beh:: or di-a 'an yau, 'de mor: or 'na-a 'an nyomor,: yee' or-: 'ble 'kmo: sie:: febeh',: yee' 'do: de 'bor-dih-we-eh 'di, 'an mu-or 'de nma-dih-deh 'di: za. Deh no-eh, 'an yau:, mo-: no dii-deh: 'jeh neh. 'De 'an nyomor, or-: no 'naa'-deh: 'jeh neh. Nyor: or di-a 'an yau, 'de mor: or 'na-a 'an nyomor,: yee' or mu 'on-': ne, 'de 'on 'ye-or': ne. :Ka Nyorsoa: or no-a 'kmo: ne: Baa', or dbo-a 'on, 'de 'on: ne-a 'kmo, or-a' dhih, 'ka: wor nyor: or mu-a 'on: di, or mu 'kmo: ne-eh: no, 'do 'an dhih bo: ke. 'Mor-: 'o,: or 'dhu dii-deh:: eh 'wluh-a 'de Nyorsoa 'bli yai'-'. Eh: ne 'mana: a: bai'-a': bai' di-a 'de on 'meh-a, eh: ne eh se goor-dih:. Jorwor: nyor: or di-a dii-deh:: daa, or mu 'kmo: ne,: ka ti-a mu-a 'dlu-': tehn. Deh: daa, eh-:: Yusu': za-a-', ti or torne-a nyor⧾ deh, 'de: Jueh'-nyor⧾-a' 'di: gweh-dih-sla 'zorn, 'do: Kapa'nior-gwlor 'di. :Yeh: Yusu'-a'a: bo: na-nyor⧾-a': dha: doru' 'worn-a deh or: za-a-',: yee' on: wlu-', on 'da, Nyor⧾ deh: torne-eh:: daa, eh: kma 'i, nyor 'ye-eh' dih kpon. Nyor: yoror: or 'beh-dih:: or 'ye-eh' dih kpon: eh? :Yee': Yusu' yubo-eh 'i,: ka or-a'a: bo: na-nyor⧾-a wlu-dih-a worn dih, 'do deh: daa, eh-a' dhih bo, 'de or dhele-uh dih, or 'dae:, Deh: daa, eh 'gele: a-'-: dih: e? :Yee': mor eh 'dhu, a: taa 'yu an 'da-dih-a Nyor-kpalu-a' 'yu 'ye, or: taa 'de yai' mu,: dha or: ne-a: dee',: yee': kaa a mu: no: eh? Nyorsoa-a': Zulu:, mo-:: an 'nyi nyor⧾ 'kmo: sie:: febeh'. Jorwor:: gwlor-nyor⧾-a' 'kpih se deh-' 'dhu-eh: klehkpeh. Wlu⧾ 'on: za-a-' 'de a bo, me-: no-eh, 'de a 'ye Nyorsoa-a': Zulu, 'de Nyorsoa-a': Zulu 'nyi a 'kmo: sie:: febeh'. Jorwor: a-a' nyor⧾: noo' 'see-eh dhih 'jeh-' po. Deh: korn-a dhih: Yusu': za-a deh: daa-', eh-: 'dhu, or yubo-eh',: eh 'wluh-a 'de eh-a' glu 'dhu 'da, nyor⧾: yuh: se-a' or-a' dhih dhih 'jeh-': po i-: 'dekorn: nyor: yor: or mu-or: plo-: or yubo-uh'. :Yee': Yusu'-a kpa or-a' wlu 'dlu bo, or 'dae:, Eh-:: korn dhih 'on zela: a: gwluhuh' see, 'on 'da, nyor se 'beh-dih: or 'ye 'noror 'on bo yi,: mor 'On-ba se-eh ken dih 'worn-dih:. :Eh 'wluh-a 'o ti or: za-a deh: dao' bo,: yee' nyor⧾: dhulu': an na-or bo: dee', on 'wluh 'o or klei' 'weh, 'de on 'bor or-a' bo: na-eh. :Yeh on no: ao',: yee': Yusu' dhele: or-a'a: bo: na-nyor:⧾: on: ne-a: bhue: 'yor 'sororn'-: dih, or 'dae:,: A 'worn 'de a bo. A 'bhorn a 'ye mu: ke: e? :Yeh or dhele-uh-a dih,: yee' Samor': Piteh' zela-or-:: gwluhuh', or 'dae:,: Gwlor: baa',: or: korn 'de bo,: a 'ye mu: eh?: Mor 'ble wlu⧾: en 'nyi-a nyor⧾ 'kmo: sie:: febeh'. :A po-eh dhih 'jeh, 'de mor: a yubo-eh',: ka: on 'dhu-a gban 'i: ne-nyor:: or 'wluh-a 'de Nyorsoa bo-'. :Yee': Yusu' 'dae: 'de or bo, Eh: se a-a': bhue: 'yor 'sororn', 'on: se-' gan: e? Jorwor: a-a' nyor: due' no 'ku. :Juda': oo', or-: or 'da,: or 'dhu-a Samor': Ehkeh'lior-a' 'yu-'. Keen': mloror' or no: Yusu'-a'a: bo: na-nyor:⧾: on no-a nyor⧾-a': bhue: 'yor 'sororn', an-a' nyor: due', jorwor:: mor ti: zi-dih: 'o ken dih,: yee' or mu: Yusu' nyor⧾ bo: plo-dih:. :Yeh deh⧾: daa, en no: ao',: yee': Yusu'-a na: Galali'i-bluhba ken dih. Or: tehn-dih:: Judi'a-bluhba bo dih, deh no-eh,: Jueh'-nyor⧾-a' nyor⧾: na-dih-nyor:⧾: on: ne-a 'de, an 'bhorn: ka on 'ye-a' no, 'de on 'ye-or' 'dba. :Yee': yeh: Jueh'-nyor⧾-a': Ylehih'-gor-a' ti-a 'koan'-dih-a 'o dih, :yee': Yusu'-a' dei'-nyor⧾-kpalu⧾: wlu-' 'de or bo, on 'dae:,: On: korn: on 'ye dha: dha: daa 'wluh,: on 'ye 'de: Judi'a-bluhba ken mu, 'de: an-a'a: bo: na-nyor:⧾: on: ne-a 'de, on 'ye deh⧾: kolu'⧾: an no-a 'ye. Deh no-eh, nyor: or 'bhorn-a nyor⧾ 'ye-or yubo:,: yee' or-a' no: koan 'de 'zile: ka 'di.: Ka: an no-a deh⧾: daa,: yee': to-dih:: an-a' 'jeh 'bluhba 'i. Deh: korn-a dhih or-a' dei'-boi': za-a deh: daa-' 'de or bo, eh-: 'dhu, an-a' 'jeh: sloror', on: se-' or-a' dhih dhih 'jeh-' po. Eh-: no-eh, 'de or: wlu 'de on bo, or 'dae:, Ti 'jeh: en: korn-a 'de 'on bo, en 'see 'o nyni, 'on 'ye: Judi'a-bluhba ken mu. Jorwor: a: mor: mloror', ti-a' klehkpeh, en: nmor-: 'yi 'do a bo. 'De 'kmo se 'beh-dih: on 'ye a-' 'nyeh. Jorwor: on 'nyeh 'on-' 'weh, deh no-eh, deh⧾ an no-a, en no deh⧾-zon:⧾. Me-:: korn dhih 'an za-a-', a: mor 'ye ybei' mu 'do gor: dao'. 'On: se-or': mu i kele'a:. Deh no-eh, ti 'jeh: en: korn-a 'de 'on bo, 'on 'ye-a' 'de mu, en 'see 'o nyni. :Yeh or 'da: ao',: yee' or: sie: 'de: Galali'i-bluhba ken 'weh. Jorwor:: yeh or-a' dei'-boi' mu-a gor: dao',: yee' or zi 'o on klei' 'weh: ke. Or: se 'i: nyeh, or: se 'o mu. Jorwor: or mu-' 'de 'zile: ka 'di. :Yee': Jueh'-nyor⧾-a' nyor⧾: na-dih-nyor:⧾: on: ne-a 'o 'do gor: dao', an 'bhorn-dih-or 'yli-eh dih, 'de an dhele or-a' dhih dih, on 'da, Dha nyor-kpalu:: dao', or: ne: eh? :Yee': gwlor-nyor:⧾: dhulu',: on: ne-a 'o 'do gor: dao', an pa 'slan⧾ 'de an-a' 'jeh 'klu-', 'do: Yusu'-a' dhih bo.: Noo' 'da, Or-: nyor 'jeh: nor 'o. 'De: noo' 'da, A 'gbeh-'. Or: se nyor 'jeh: nor. Nyor⧾ dih: bo-dih-nyor: 'o. Jorwor: deh⧾-a' klehkpeh an no-a, nyor: or 'ye-a' 'i: nyeh, 'de: or 'ye-a': wlu, or se: ne. Deh no-eh, an ple: Jueh'-nyor⧾-a' nyor⧾: na-dih-nyor⧾ 'weh. :Yee': yeh gor-a na-dih-a 'o gwea,: yee': Yusu' mu 'o Nyorsoa-a' 'sla ybei', 'de or 'kpa 'o nyor⧾-a' deh: torne: 'da. :Yee' eh: florn-dih:: Jueh'-nyor⧾-a' nyor⧾: na-dih-nyor⧾-: worn, on 'da,: Kaa 'yu: daa,: or se-a: zuku'-' mu, or no deh⧾: daa, en-' yubo-eh deh: dao': eh? :Yeh on 'da: ao',: yee': Yusu' 'dae:, Deh⧾ 'an torne-a nyor⧾, en: se 'an 'jeh-a' nyor⧾ deh: torne-eh:. Jorwor: en 'wluh 'de Nyorsoa: or dbo-a 'on bo. Nyor: or 'bhorn-a: or 'ye-a' Nyorsoa-a' 'ton: korn-deh no,: yee' or mu-eh yubo:,: eh beh deh⧾ 'an torne-a nyor⧾, en 'wluh 'de Nyorsoa bo-:: eh beh 'an 'jeh-a' 'kpih bo-:. Nyor: or wlu-dih-a 'de or-a' 'jeh-a' 'kpih 'di,: yee' nyor: dao', or 'bhorn dhih-a' 'i 'beh-a' 'do or-a' 'jeh bo. Jorwor: nyor: yor 'bhorn-a dhih-a' 'i 'beh-a' 'do nyor: or dbo-or bo,: yee' nyor: dao', or za-' dhih-a' 'yor-eh:. Or-a' 'tmo sih. Eh: se: Mose': se-' a Nyorsoa-a' 'tele': daa 'nyi: e? Jorwor: eh se nyor: korn: or 'ye-a' 'o 'tele': daa dih dhe 'de a 'klu-'.: Yee': eh: korn dhih, 'de a vorn, a 'ye 'on 'dba: eh? :Yeh or 'da: ao',: yee' nyor⧾: dhulu': dao', on 'dae:,: On 'ble 'kwla 'ye-dih-deh: 'do: on 'de. Nyor: yoror: or vorn, or 'ye: on 'dba: eh? 'De or 'da, 'On no deh: kolu': due', 'de a-a' klehkpeh, a: florn worn. Keen': mloror': bhlororn' 'meheh'-tele' a 'ble-a, eh: se 'de: Mose' bo 'wluh. Eh 'wluh 'de a: bai'-a': bai' bo. Jorwor:: ka: Mose' 'nyi-a a 'tele', a 'ye-a' nyor⧾-kpalu⧾-nynuu: bhlororn' 'dba, eh-:: korn dhih, a 'dba nyor⧾-kpalu⧾-nynuu: bhlororn', 'do Nyorsoa-a': gwlee-we-eh 'di. :Mor a: taa nyor-kpalu-yu: bhlororn' 'dba, 'do Nyorsoa-a': gwlee-we-eh 'di,: Mose'-a' 'tele': ne-': wa dhih,: yee': eh: korn dhih, 'de a 'kpa-dih 'on 'chehn-', deh 'on 'puh-dih:-a 'gba-glao', 'do Nyorsoa-a': gwlee-we-eh 'di: eh? :Yee' a-a': zi-' nyor⧾-a' zabe,: ka a no-a an-a' ya pobo-eh. Jorwor: a zi nyor⧾-a' zabe, 'de 'yi 'sleh ka 'di. :Yeh eh no: ao',: yee' nyor⧾: noo',: on 'ti-a: Julu'slehn,: yee' on 'kpa 'o eh-a' dih dhele: 'da 'weh, on 'dae:, Eh: se 'yu an vorn-a, on 'ye-a' 'dba, eh: se or: mor, or se dih: dhe: e? Or-:: nyna 'o: gwlor: gwea dih, or-: wlu. 'De on: se-' deh-beh: za 'de or bo.: A-a' nyor⧾: na-dih-nyor⧾ 'worn-dih-eh ken 'weh 'jeh ka,: eh: mor 'yu: daa, or 'dhu-a Nyorsoa-a' 'taan'-yu-': e? Jorwor:: dha 'yu: daa, or 'wluh-a,: a yubo: 'o 'weh.: Mor Nyorsoa-a' 'taan'-yu 'yle,: dha or mu-a 'wluh-:, nyor: se 'o yubo: i. :Yeh eh no: ao',: yee': Yusu'-a torne nyor⧾ deh, 'do Nyorsoa-a' 'sla ybei' 'gboror:, or 'wor, or 'da, Keen', a yubo: 'on 'weh. 'De a yubo:: dha 'on 'wluh-a 'weh. 'On se dha yao 'zorn: ne, 'de 'an 'jeh-a' 'kpih 'di. Nyor: or dbo-a 'on, or za-' dhih-a' 'yor-eh:. Jorwor: a se-or yubo: deh 'jeh neh. Jorwor: 'mor: mloror', 'on yubo-or' deh 'jeh neh. Deh no-eh, 'on 'wluh 'de or bo, 'de or dbo 'on. :Yeh on 'worn-a deh: daa,: yee' an 'bhorn: ka on 'ye-a' no, 'de on 'ye-or' kpon. Jorwor: nyor: se-or' son 'bhun po. Deh no-eh, ti on: korn on 'ye-or': kpon-dih:, en se 'o nyni 'gboror:. :Yee': gwlor-nyor:⧾: doru',: on: ne-a 'de nyor⧾: dao' 'klu-', on po or-a' dhih dhih 'jeh-' 'do mor, on 'da,: Mor eh 'dhu, Nyorsoa-a' 'taan'-yu 'yle, or 'beh-dih: or 'ye deh⧾: kolu'⧾: doru' no, or 'ye 'o 'yu: daa: zi: e? :Yee': Falasi'i-nyor⧾ 'worn 'slan⧾ an pa-', 'do or 'bhun 'weh.: Yee' Nyorsoa-a' 'slaa:: za-nyor:⧾: klaba'⧾-: 'dekorn:: Falasi'i-nyor:⧾: dao'-: on dbo Nyorsoa-a' 'sla-a': poli'si 'weh, on 'ye-or' kpon. :Yee': Yusu'-a kpa or-a' wlu 'dlu bo, or 'dae:, 'An mu dha a bo: ne 'do ti-kpor-bei 'di kele'a:, 'de jorwor: 'on 'ye 'de nyor: or dbo-a 'on bo deka mu. A mu 'on 'kwla⧾-' dih 'bhorn-:. Jorwor: a: se 'on 'ye-: i. 'De mor: dha 'an mu-a: mu, a se 'de-a' mu-a' 'beh-dih:. :Yeh or: za-a deh: daa-',: yee': Jueh'-nyor⧾-a' nyor⧾: na-dih-nyor⧾: wlu-' 'de an-a' 'jeh 'nyne-', on 'da, Dha 'yu: daa, or mu: mu, 'de: a: se-or' 'ye-: i: eh? Or mu 'de: a-a'a: nyor⧾: on 'ti-a 'de 'Glii-nyor⧾ 'nyne-', 'de or 'ye 'Glii-nyor⧾ deh: torne:: e? :Mor or 'da, A mu 'on 'kwla⧾-' dih 'bhorn-:, jorwor: a: se 'on 'ye-: i, 'de mor: dha 'an mu-a: ne, a se 'de-a' yi-a' 'beh-dih:,: mor or 'da: ao',: yee' deh eh: bleh-dih: 'i: eh? :Yee' gor: dao', or-a' 'bor-dih: 'o-we-eh:: eh no-a 'we-eh:: klaba', 'do: wor: Yusu': sorn-', 'de or: nyna dih, 'do: gwlor: gwea, or 'wor, or 'dae:,: Mor 'ni 'na-ton: taa nyor no,: yee' or yi 'noror 'on bo, or 'ye 'na. :Ka Nyorsoa-a' 'chlee-deh no-a eh-a': za-a', eh no-a, Nyor: or po-a 'an dhih dhih 'jeh-', 'do or: porluh ken, 'do: wor 'ni: eh 'nyi-a nyor⧾ 'kmo: sie:: febeh', eh mu 'wluh-:. Deh: Yusu'-a za-a-', Nyorsoa-a': Zulu-a' dhih: oo',: on nyor⧾: an mu-a or-a' dhih dhih 'jeh-': po, an mu-a 'ye-:. Ti or za-a deh: daa-',: yee' Nyorsoa 'see or-a': Zulu nyor 'nyi. Deh no-eh, Nyorsoa 'see: Yusu' dhih-a' 'i 'beh-a' 'nyi kele'a:. :Yeh on 'worn-a deh⧾: daa,: yee' nyor⧾: noo': noo' 'da, Keen' 'jeh, 'yu: daa, or-: Nyorsoa-a' wele-eh:: po-nyor:: or: korn: or 'ye-a' 'de yi: oo'. :Yee' nyor⧾: noo' 'da, Or-: Nyorsoa-a' 'taan'-yu: 'o.: Yee' nyor⧾: noo' dhele-eh-: dih: ke, on 'da,: Kaa Nyorsoa-a' 'taan'-yu-a mu: Galali'i-bluhba ken-a' 'wluh-a': no: eh? Eh: se-' 'chle-eh: 'de Nyorsoa-a' 'chlee-deh 'di,: ka Nyorsoa-a' 'taan'-yu-a mu-a 'de 'Keen: Debe' 'di-a'a: 'cheh 'klu-' 'wluh-:: e, 'dekorn:: gwlor: Debe' 'ti-a 'di, an 'da-dih-a 'Behble'hehn: e? :Yee' nyor⧾: dao', on: gble-eh:-' 'weh,: Yusu'-a' dhih. Nyor⧾: noo'-a 'bhorn on 'ye-or' kpon. Jorwor: nyor: se-or' son 'bhun po. :Yeh eh no: ao',: yee' Nyorsoa-a' 'sla-a': poli'si mu-: de, 'de Nyorsoa-a' 'slaa:: za-nyor:⧾: klaba'⧾-: 'dekorn:: Falasi'i-nyor⧾-: bo, 'de on dhele-uh dih, on 'dae:,: Eh: korn dhih, a: se-or' 'de: ya: eh? 'De: poli'si 'dae:,: Ka 'yu: daa, or no-a: wlu-a', nyor se: ao': wlu-a' no: zai'. 'De: Falasi'i-nyor⧾ 'da, A 'bhorn a 'ye: a: gwluhuh' zela:: eh: mor 'yu: dao', or: bo-dih: a dih: ke: e? A 'ye: a-a'a: 'bluhba-a' nyor⧾: na-dih-nyor⧾-:: eh beh: Falasi'i-nyor⧾-: an-a' nyor: due' po or-a' dhih dhih 'jeh-': e? Jorwor: nyor⧾: dhulu': dao',: on po-a or-a' dhih dhih 'jeh-', 'de: on se-a: Mose'-a' 'tele' yubo:, Nyorsoa po-uh 'chlo bo 'weh. :Yee' 'Nekodi'ma:: or mu-a 'de: Yusu' bo: zai', 'de: or no-a an-a' nyor: due', or-: dhele-uh dih, or 'dae:, :A-a'a: 'tele'-a chehn nyor-a' zabe 'i: e,: mor eh 'dhu,: a se or-a' wlu 'worn: zai', 'de mor: a se deh or no-a yubo:: e? :Yeh or 'da: ao',: yee' on dhele-or-: dih, on 'da,: On 'wluh: Galali'i-bluhba ken: ke: e? Pobo: 'de Nyorsoa-a' 'chlee-deh 'di.: An mu-eh 'ye-:,: ka Nyorsoa-a' wele-eh:: po-nyor se-a: korn or 'ye-a': Galali'i-bluhba ken 'wluh. [ :Yeh on no: ao',: yee' nyor⧾-a' klehkpeh, on mu on 'bli deh⧾-' dih. Jorwor:: Yusu' mu 'de 'Orle-tluh ken. :Yee' zorn bo-mlai', or mu 'o Nyorsoa-a' 'sla ybei' de.: Yee': gwlor-nyor⧾-a' klehkpeh yi 'o or bo, 'de or: dhe dih, or torne-uh deh. 'De nyor⧾ 'tele': torne-nyor⧾-: 'dekorn:: Falasi'i-nyor⧾-: on: ya 'de or bo, 'nynor: or 'si-a 'o 'nyne: zaan': no 'da, 'de on kpon-a.: Yee' on no-eh', 'de or: nyna dih 'do an-a' klehkpeh ybei'. 'De on: wlu 'de: Yusu' bo, on 'dae:, Nyor⧾ deh: torne-nyor:, 'nynor: daa, or 'si 'o 'nyne: zaan': no 'da, 'de: a kpon-or. :Mose'-a' 'tele' za-eh' 'weh 'de or-a' 'chlee-deh 'di,: eh: mor 'nynor: or no-a deh: ne: ao',: yee': a: tba-dih-or sobu'⧾ dih,: a 'ye-or' 'dba.: Yee': kaa: on 'da: ke: eh? Deh: korn-a dhih, 'de an dhele-a deh: daa dih, pluh: oo', an gba. An 'bhorn: ka on 'ye-a' no, 'de on 'ye-or' dhih: kpon-dih:. Jorwor:: Yusu' 'jli-: dih 'do 'bluhbor, 'de or no or-a': jii-eh, or 'chle 'o 'bluhbor dih. :Yeh on dhele-or dih: dhelee:,: yee' or kpa 'dlu yai', or: nyna dih, or 'dae:, Nyor: or 'see-a deh-zon no: zai', 'de a 'klu-',: yee' nyor: dao', or-: 'ye: zai'-nyor no,: or 'ye-or sobu' tba. :Yeh or 'da: ao',: yee' or 'jli-: dih: neheh', 'de or 'chle 'bluhbor dih. :Yee' nyor: yor: or 'worn-a deh: Yusu': za-a-',: yee' or mu-', on 'slo-eh:: due': due', on 'wluh 'o.: Yuh 'beh-a 'i, mo-: no: zai',: on mu. Eh-: on 'ble: blee:, 'de: Yusu': due': sie: 'o.: Yee' 'nynor: nyna dih 'do or ybei' 'gboror:. 'De: Yusu' kpa 'dlu yai', or: nyna dih, or dhele-or dih, or 'dae:, 'Nynor, dha nyor⧾: on: ya-a: 'de: on, on: ne: eh? Nyor: se-': an-a' zabe 'i chehn: e? 'De 'nynor 'da, Nyor: klaba'. Nyor-beh-nyor-beh: se-' 'an zabe 'i chehn. 'De: Yusu' 'dae: 'de or bo, 'On: se-': an-a' zabe 'i: chehn i: ke. 'Kpa 'o,: on 'ye mu. Jorwor:: an-a': no-' deh-zon: neheh' o.] :Yee': Yusu': wlu-' 'de: Falasi'i-nyor⧾ bo: dele' ka, or 'dae:, 'Mor 'dhu 'bluhba-a' zorn-pli-'. Nyor: or mu-a 'o 'on klei': zi, or: se-': kule-': na i. Jorwor: or mu zorn-pli:: en 'nyi-a nyor⧾ 'kmo: sie:: febeh' 'ble-:. :Yeh or 'da: ao',: yee': Falasi'i-nyor⧾: wlu-' 'de or bo, on 'dae:,: An zela: an-a' 'jeh-a' dhih ken dih. Deh⧾: an zela-a ken dih, 'do: an-a' 'jeh 'bhun, en se deh-' 'dhu-eh:. 'De or 'da,: Mor 'an 'jeh zela: 'an 'jeh-a' dhih ken dih,: yee' dhih 'an za-a-', en no dhih 'jeh: ne. Deh no-eh, 'on yubo:: dha 'on 'wluh-a 'weh, 'de mor 'on yubo:: dha 'an mu-a 'weh. Jorwor: a: mor: mloror',: dha 'on 'wluh-a, 'de mor: dha 'an mu-a, a se eh-a': toror' 'ble. A zi nyor⧾-a' zabe: 'de: gwlor-nyor: ka 'di. Jorwor: 'an-a' 'worn, 'an-a' zi nyor-a' zabe. Jorwor:: mor 'on zi nyor-a' zabe,: yee' 'an zabe:: zi-eh 'sleh-: 'i. Deh no-eh, 'on se: due': ne. 'On-ba:: or dbo-a 'on, or-:: ne 'o 'on bo. Eh 'chle-eh:-' 'de a-a' 'jeh 'yor-eh-a'a: 'tele' 'di,: mor nyor⧾ 'sororn' zela: deh: due' ken dih,: yee' deh: dao', eh no dhih 'jeh. 'On no nyor: or zela-a 'an 'jeh-a' dhih ken dih.: Yee' 'On-ba:: or dbo-a 'on, or-: zela 'an dhih ken dih: ke. :Yeh or 'da: ao',: yee' on 'da, Dha: on: Baa'-a' 'jeh: ne: eh? 'De or 'da, A se 'on yubo:. 'De mor a se 'On-ba yubo:: ke.: Mor eh 'dhu, a yubo: 'on: dee',: yee' a mu 'On-ba yubo:: ke. :Yee' ti: Yusu'-a torne-a nyor⧾ deh, 'do Nyorsoa-a' 'sla ybei',: or 'koan'-dih:-a 'o,: dha an: za-dih:-a 'wlii dih, 'do: wor or: za-dih: deh⧾: daa-'. Jorwor: nyor: se-or' kpon, deh no-eh, ti on: korn on 'ye-or': kpon-dih:, en se 'o nyni. :Yee': Yusu': wlu-' 'de nyor⧾: dao' bo: dele' ka, or 'dae:, 'An mu dha: mu.: Yee' a mu 'on 'kwla⧾-' dih 'bhorn-:, jorwor: a mu 'de a-a' deh⧾-zon⧾ 'di 'meh-dih:.: Dha 'an mu-a, a se 'o-a' mu-a' 'beh-dih:. Deh or: za-a-', eh-: no-eh, 'de: Jueh'-nyor⧾-a' nyor⧾: na-dih-nyor⧾ dhele-eh dih, on 'dae:, Or mu or-a' 'jeh 'dba-:: e? Eh-:: korn dhih 'de or za deh: daa-',: eh: mor,: Dha 'an mu-a, a se 'beh-dih:, a 'ye 'o yi: e? :Yee' or kpa or-a' wlu 'dlu bo, or 'dae:, A 'wluh dha yao 'zorn, 'de 'on 'wluh 'de yai'. A no 'kmo bo-nyor:⧾ 'de 'on: se 'kmo bo-nyor:. 'On zela: a: gwluhuh' 'weh see,: ka a mu-a 'de a-a' deh⧾-zon⧾ 'di 'meh-dih:.: Mor eh 'dhu, a se-eh dhih 'jeh-' po nyor 'on no-a, 'on 'dhu-eh:-',: yee' a mu 'de a-a' deh⧾-zon⧾ 'di 'meh-dih: deh 'jeh. 'De on 'da, Nyor: on 'dhu-eh:-': eh? 'De or 'da,: Eh 'wluh-a 'de eh-a' glu 'dhu 'da, deh 'on: za-a-', eh-: 'o. 'On 'ble deh⧾: dhulu', 'on 'ye 'o a 'bhun: za-dih:, 'do a-a' zabe:: zi 'da. Jorwor: 'On-ba:: or dbo-a 'on, or no: gwlii': dhe-nyor:, 'de deh 'on 'worn-a 'de or 'worn, eh-: 'an zela 'bluhba: gwluhuh'. :Yeh or: za-a deh: daa-',: yee' on se-eh-' dih 'worn,: ka eh 'dhu-a or: Baa' dhih-' or za-a-'. 'Do eh-a' dha, or 'dae: 'de on bo, Ti a mu-a 'yu an 'da-dih-a Nyor-kpalu-a' 'yu yai': to, 'do tu 'i,: yee' a mu-eh yubo: nyor 'on no-a, 'on 'dhu-eh:-', 'de: ka 'an-a' no-a deh 'de 'an 'jeh-a' 'kpih 'di, jorwor: deh⧾ 'On-ba: torne:-a 'on, me-: 'an za-'. 'De nyor: or dbo-a 'on, or: ne 'o 'on bo 'weh. Or: se-' 'on buh 'de: za i, deh no-eh, deh⧾: en 'pehn-dih-a or-a': porluh dih, me-: 'an no 'do ti-a' klehkpeh bo. :Yee': ka or wlu-a, 'ka-:: gwlor-nyor:⧾: doru'-a po or-a' dhih dhih 'jeh-'. :Yee': Yusu': wlu-' 'de: Jueh'-nyor⧾-a': yuh: on po-or dhih 'jeh-' bo, or 'dae:,: Mor eh 'dhu, a kpon 'an nyor⧾ deh: torne-eh:: daa dih,: yee' a: mor 'an-a: bo: na-nyor:⧾ 'o 'jeh ka. :Yee' a mu dhih-a' 'yor-eh yubo:, 'de dhih-a' 'yor-eh:: dao', me-: mu-eh: no, a 'ye 'de deh⧾-zon⧾-a' 'gegeye 'zorn 'wluh, 'de a 'ye dih 'tali-eh:. :Yeh or 'da: ao',: yee' on: wlu-' 'de or bo, on 'dae:,: A: mor 'Eble'hehn 'di-a' 'nynuu: 'o. 'De mor: a 'see nyor-a' 'ge-yu no: zai'.: Yee': kaa eh no 'de: on 'da,: a mu dih 'tali-eh: eh? 'De: Yusu' 'da, Dhih 'jeh, 'an zela a: gwluhuh', nyor-beh-nyor-beh:: or no-a deh⧾-zon⧾,: yee' or no 'ge-yu: 'do deh⧾-zon:⧾ or no-a bo. 'De mor 'ge-yu se 'for 'ble 'do neh 'i, jorwor: nyor-kpalu:: or 'wluh-a 'o 'cheh-dlu:: dao' 'i, or-a'a: 'yu 'ble 'for,: ka ti-a mu-a 'dlu-': tehn. :Yee' 'do eh-a' dha,: mor Nyorsoa-a' 'Yu 'tali: a-a' deh⧾-zon⧾-a' dhih dih,: yee' a mu dih 'tali-eh: deh 'jeh. 'On yubo-eh',: ka a 'dhu-a 'Eble'hehn 'di-a' 'nynuu-'. Jorwor: a vorn-': chio'lo:, a 'ye 'on 'dba. Deh no-eh, 'an wlu se: dhe-da: korn 'de a 'di. Deh 'on 'ye-a 'do 'On-ba ybei', eh-: 'an zela a: gwluhuh'. 'De deh⧾ a 'worn-a 'de a: baa' 'worn, me-: a no. 'De on 'da, 'Eble'hehn:, or-: no: a: baa'. 'De or 'dae:,: Mor a 'dhu 'Eble'hehn 'di-a' 'nynuu-': dee',: yee' a mu deh⧾ or no-a: no. :Ka eh no-a: ne-a': naa, 'mor: or zela:-a a dhih-a' 'yor-eh: 'on 'worn-a 'de Nyorsoa 'worn: gwluhuh', 'mor-: 'o, a 'ble-dih-eh 'dlu 'di dih, a 'ye 'dba: naa. 'Eble'hehn: se-' deh no, eh se: ao': ne. Deh⧾ a: baa' no-a, me-: 'o, a no. 'De on 'da,: A: se 'zorn-nynuu:.: Baa': due': a 'ble-a, or-: 'dhu Nyorsoa: due' 'klein'. 'De or 'da,: Mor eh 'dhu, Nyorsoa 'dhu a: Baa': dee',: yee' a mu 'on-': ybeh. Deh no-eh, 'on 'wluh 'de Nyorsoa bo, 'de 'on: ne: daa. 'On: se 'de yi, 'de 'an 'jeh-a' 'kpih 'di, jorwor: or-: dbo 'on. :Eh: korn dhih, 'de deh⧾ 'an za-a-', a-a' 'worn-ih' dih: eh? Eh: se: ka a se-a en-' 'yi: nyna-eh 'beh-dih:: e? A: korn 'de a: baa': or 'dhu-a 'ku-' bo, 'de a 'bhorn a 'ye a: baa'-a' 'ton: korn-deh no. Or no: nyor⧾ 'dba-nyor:: eh 'wluh-a 'de eh-a' glu 'dhu 'da, 'de or: se-' dhih-a' 'yor-eh dih kpon. Deh no-eh, dhih-a' 'yor-eh se 'de or 'di: ne.: Mor or 'tmo sih,: yee' or 'bli-deh: 'o, or no. Deh no-eh, or no sih 'tmo-nyor:, 'de or no sih 'tmo-nyor⧾-a' klehkpeh: baa'. Jorwor: 'mor: or za-a dhih-a' 'yor-eh-', a: se-' 'on dhih 'jeh-' po. A-a' nyor 'beh-dih: or 'ye-eh' ken dih zela:: eh: mor deh⧾-zon⧾-a' zabe kpon 'on: weh: e?: Yee': mor eh 'dhu, 'on: taa dhih-a' 'yor-eh-' za,: yee': eh: korn dhih, 'de a-a' po 'on dhih 'jeh-': eh? Nyor: or: korn-a 'de Nyorsoa bo, or to deh⧾ Nyorsoa za-a-': dou'⧾ bo 'weh. Deh: korn-a dhih a-a': to-a deh⧾ Nyorsoa za-a-': dou'⧾ bo, eh-: 'dhu, a se 'de or bo: korn. :Yeh: Yusu' 'da: ao',: yee': Jueh'-nyor:⧾: dao', on: wlu-' 'de or bo, on 'dae:, Deh: a za-a-',: a no-a,: Mor Sehmeh'la-yu: 'o, 'de: on 'ble 'kwla 'ye-dih-deh 'do: on 'de, eh: se dhih 'jeh: e? 'De: Yusu' 'da, 'On se 'kwla 'ye-dih-deh 'ble 'do 'on 'de. 'De mor 'an 'dhu 'o 'On-ba 'weh. Jorwor: a po 'on yaa'e. 'On: se-' dhih-a' 'i 'beh-a' 'bhorn, 'do 'an 'jeh bo. Jorwor: nyor, or-:: ne 'o, or-: 'bhorn-eh 'kwla⧾-' dih, 'do 'on bo, 'de mor, or-: 'dhu zabe:: zi-nyor-'. Dhih 'jeh, 'an zela a: gwluhuh', nyor-beh-nyor-beh:: or dhe-a 'o 'an wlu dih, or: se-' 'meh-: i,: ka ti-a mu-a 'dlu-': tehn. :Yeh or: za-a deh: daa-',: yee' on 'dae:, Jorwor:: a yubo-eh': naa,: ka: on 'ble-a 'kwla 'ye-dih-deh 'do: on 'de. 'Eble'hehn 'meh-', 'de mor Nyorsoa-a' wele-eh:: po-nyor⧾ 'meh-': ke. Jorwor:: mor: mloror',: on 'da,: mor nyor dhe 'o: an-a' wlu dih, or: se-' 'meh-: i,: ka ti-a mu-a 'dlu-': tehn. :On 'beh-: 'i,: on: zi 'o: a: bai'-a': baa' 'Eble'hehn-': e? 'Eble'hehn-a' 'jeh: dao', or 'meh-'. 'De mor Nyorsoa-a' wele-eh:: po-nyor⧾ 'meh-': ke. Nyor: an 'da-dih: an-a' 'jeh ke: eh? 'De or 'da,: Mor eh 'dhu, 'on 'nyi 'an 'jeh dhih-a' 'i 'beh-a': dee',: yee' 'an dhih-a' 'i 'beh-a': dao', or se deh-' 'dhu-eh:. 'On-ba: a no-a: or 'dhu a-a' Nyorsoa-', or-: 'beh-dih 'an dhih 'i. Keen': mloror', a se-or yubo: deh 'jeh, jorwor: 'mor: mloror', 'on yubo-or'.: Mor 'on 'da, 'on se-or yubo:,: yee' 'an mu sih 'tmo-nyor-' 'dhu-eh:,: ka a: ne-a. Jorwor: 'on yubo-or' deh 'jeh, 'de 'on dhe 'o or-a' wlu-: dih. :A: bai'-a': baa' 'Eble'hehn no 'mona: or 'ye ti 'an mu-a 'de: ya 'ye.: Yeh or 'ye-dih-ih-a ybei',: yee' or-a': porluh 'pehn-: dih. :Yeh or 'da: ao',: yee' on 'da,: Mor: or 'see-a zon⧾-a': kwlaa: mm' no,: mor 'ye 'Eble'hehn: e? 'De or 'da, Dhih 'jeh, 'an zela a: gwluhuh',: yeh 'Eble'hehn 'ye-a' 'wluh,: yee' 'on: ne-'. :Yeh on 'worn-a deh: daa,: yee' on 'duo: sobu'⧾-' 'weh, on 'ye-or dih: tba-dih:, on 'ye-or' 'dba. Jorwor: or 'zile: or-a' 'jeh 'weh, 'de or 'wluh 'o Nyorsoa-a' 'sla ybei', 'de or mu. Eh: korn 'we-eh: due',: yeh: Yusu'-a na: gwie bo,: yee' or 'ye 'yu: due': or 'wluh-dih:-a 'dor-a'. :Yeh or-a'a: bo: na-nyor⧾ 'ye-a 'yu: dao': ke,: yee' on dhele:: Yusu'-: dih, on 'dae:, Nyor⧾ deh: torne-nyor:,: or: korn deh⧾-zon:⧾ no-eh, 'de 'yu: daa, or 'wluh-dih: 'dor-a': eh? Or-a' 'jeh 'yor-eh: e?: Ae' or 'de-: 'dekorn: or: baa': oo'-: ke? 'De or 'da, Eh: se or-a' deh⧾-zon:⧾, 'de mor eh: se or 'de-: 'dekorn: or: baa'-: an-a': ne: ke. Eh: no-eh:-', 'de Nyorsoa-a' 'kpih 'ye 'ye-eh: 'do or 'bhun. :Dha glu 'see-a goor-dih,: a: korn: a 'ye nyor: or dbo-a 'on, or-a': koan no. Glu-a mu: gor.: Yee' nyor: se-': koan:: no-eh 'beh-dih: i. :Yee': ka eh mu-a 'dlu-': tehn, 'de 'an mu-a dha yao 'zorn: ne, 'mor-: no dha 'bluhba ken-a' zorn-pli. :Yeh: Yusu' gweh-a deh: daa, eh-a': za-a' 'i,: yee' or po 'o: dhehmeh 'do 'bluhbor, 'de or zian-dih-eh 'bluh. 'De or 'duo: 'bluh: dao', or tli-uh 'o 'yu: dao' 'yli ken. :Yeh: Yusu' no: ao',: yee' or zela-or-:: gwluhuh', or 'dae:, Mu,: on 'ye 'yi dih: dle, 'do: Silo'a-pehnu worn 'i. (:Silo'a: bleh-dih: 'i, Nyor: dbo-eh:.): Yee' 'yu: dao', or mu-', 'de or: dle 'yi dih.: Yee' or 'ye-: dih, 'de or mu 'gbu bo. :Yeh nyor⧾: on: ne or 'ti-a: dha: due'-: 'dekorn: nyor⧾: yuh 'ye-or ti or zlor-a: dee'-: on 'ye-or,: yee' an wlu-' 'de an-a' 'jeh 'nyne-', on 'da, Eh: se 'yu: daa,: or 'dor-a, 'de: or zlor-a: dee': e? :Yee': noo' 'da, Or-: 'o. 'De: noo' 'da, 'Kei:, eh: se or: mor. On goor-dih:-'. Jorwor: or-a' 'jeh 'yor-eh: wlu-', or 'dae:, 'Mor-: 'o. :Yeh or 'da: ao',: yee' on dhele-or-: dih, on 'dae:,: Yee': kaa: an-a' 'yli no 'i kan-dih-eh: 'da: eh? 'De or 'dae: 'de on bo, 'Yu an 'da-dih-a: Yusu', or-: po 'bluh: dhehmeh bo, 'de or tli-uh 'o 'do 'on 'yli ken.: Yeh or tli-uh-a 'o,: yee' or dbo 'on 'weh 'do: Silo'a-pehnu worn 'i, 'on 'ye 'yi dih: dle.: Yee' 'on mu 'de 'weh, 'de 'on: dle 'yi dih.: Yee' 'an 'ye-: dih. 'De on 'da, Dha 'yu-a' 'jeh: dao', or: ne: eh? 'De or 'da, 'On se 'o yubo:. :Yee' on: ya 'de 'yu: dao': or 'dor-a: dee', 'de: Falasi'i-nyor⧾ bo. 'Do Nyorsoa-a': gwlee-we-eh 'di: oo',: Yusu': no-dih: 'bluh, 'de or kan-dih: 'yu: dao',: or 'dor-a, or-a' 'yli 'i. 'De: Falasi'i-nyor⧾ dhele-or dih: ke, on 'dae:,: Kaa: on no dih 'ye-a': eh?: Yeh on dhele-or dih,: yee' or 'da,: Yusu' tli 'o 'bluh 'do 'on 'yli ken.: Yeh or tli-uh-a 'o, 'de 'on: dle-a 'yi dih,: yee' 'an 'ye-: dih. :Yee': Falasi'i-nyor⧾-a' nyor⧾: noo' 'da, 'Yu: or no-a deh: daa, or: se 'de Nyorsoa bo 'wluh. Deh no-eh, or: se 'o Nyorsoa-a': gwlee-we-eh-a' 'tele' dih dhe.: Yee': noo' 'da,: Kaa nyor: or 'dhu-a deh⧾-zon:⧾: no-nyor-', or 'beh-dih: or 'ye deh: kolu': eh: ne: ao', eh-a' no-a' no: eh?: Yee': Falasi'i-nyor⧾: gble-eh:-' 'weh 'de on 'nyne-'. 'De on dhele: 'yu: or 'dor-a: dee' dih: neheh', on 'dae:,: Mor 'o: or: korn 'yli or kan-dih: 'i.: Yee': kaa: on 'da or-a' dhih: eh? 'De or 'da, Nyorsoa-a' wele-eh:: po-nyor: 'o. Jorwor:: Jueh'-nyor⧾-a' nyor⧾: na-dih-nyor⧾: se-eh' dhih 'jeh-' po: chio'lo:,: ka 'yu: daa, or 'dor-a: dee', 'de or 'ye-a dih: naa. Eh-:: korn dhih, 'de on dbo or 'de-: 'dekorn: or: baa'-: wlu bo. :Yeh or 'de-: 'dekorn: or: baa'-: on yi-a 'de,: yee' on dhele-uh-: dih, on 'dae:, A-a' 'yu: oo',: or: dhe dih: e, a no-a or 'wluh-dih: 'dor-a'?: Kaa eh no, 'de or 'ye dih: naa: eh? 'De on 'da,: A yubo-eh',: a-a' 'yu: oo'. 'De: a yubo-eh',: ka or 'wluh-dih:-a 'dor-a'. Jorwor:: ka or no-a dih 'ye-a'-: 'dekorn: nyor: or kan-dih:-a or-a' 'yli 'i-:: a se-or yubo:. A dhele-or dih. Or: se 'yu-yu:. Or 'beh-dih: eh-a' bo dih zela-eh 'weh. Deh: korn-a dhih on 'da: ao', an ple: Jueh'-nyor⧾-a' nyor⧾: na-dih-nyor⧾-a' 'yli 'weh. Deh no-eh,: Jueh'-nyor⧾-a' nyor⧾: na-dih-nyor⧾ za-eh' 'weh 'de an-a' 'jeh 'nyne-', 'de on 'worn-dih-eh ken dih,: eh: mor nyor: or mu-eh 'i 'worn-dih:: ka: Yusu' no-a Nyorsoa-a' 'taan'-yu,: yee' an mu-or 'zorn: po, or 'ye 'de an-a' 'di: gweh-dih-sla 'zorn 'wluh. Eh-:: korn dhih, or 'de-: 'dekorn: or: baa'-: on 'da, Or: se 'yu-yu:. A dhele-or dih. :Yee' on 'da 'yu: or 'dor-a: dee' 'weh: neheh': dele' ka, on 'da,: Za dhih-a' 'yor-eh 'do Nyorsoa ybei'.: A: mor: mloror',: a yubo-eh', 'yu: daa: or 'puh-dih:-a: on, or-: deh⧾-zon:⧾: no-nyor: 'o. 'De or 'da,: Mor or 'dhu deh⧾-zon:⧾: no-nyor-', 'on se-eh yubo:. Deh: due' 'on yubo:-a, 'on 'dor-': dee', jorwor: 'an 'ye-: dih: naa. 'De on 'da, Deh or: no-dih:: on: eh?: Kaa or no: an-a' 'yli-a' 'yi kan-dih-eh: eh? :Yeh on dhele-or dih,: yee' or 'dae:, 'On zela: a: gwluhuh' 'weh see. 'De a: se-' 'an wlu: dou'⧾ bo: to.: Eh: korn dhih, a 'bhorn a 'ye-eh' 'worn: neheh': eh? A 'bhorn a 'ye or-a' bo: na-nyor⧾ no: ke: e? :Yeh or 'da: ao',: yee' on 'wor-dih-or 'dlu dih, on 'da,: Mor: mloror',: mor 'yu: dao', or-a' bo: na-nyor: 'o. Jorwor:: a: mor: mloror',: a: mor: Mose'-a' bo: na-nyor:⧾ 'o. :A yubo-eh', Nyorsoa: wlu-' 'de: Mose' bo. Jorwor: 'yu: yor: daa: mloror',: dha or 'wluh-a,: a se 'o yubo:: sloror'. 'De or 'da, Deh: daa, eh no nyor⧾-a': porluh:⧾ 'ma-dih-deh:. A se: dha or 'wluh-a yubo:, jorwor: or kan-dih: 'an 'yli-: 'i. :A yubo-eh',: ka Nyorsoa-a': to-a deh⧾-zon:⧾: no-nyor⧾: dou'⧾ bo. 'De: a yubo-eh', nyor⧾: an za or-a': weheh', 'de: an no-a or-a' 'ton: korn-deh, mo-: or: to: dou'⧾ bo. :Eh 'wluh-a 'de 'bluhba-a' glu 'dhu 'da, nyor 'see-eh 'worn: zai',: eh: mor nyor: or 'wluh-dih:-a 'dor-a', nyor 'ye or-a' 'yli 'i kan-dih:. :Mor 'yu: dao', or: se 'de Nyorsoa bo 'wluh: dee', or se 'beh-dih: or 'ye deh no. :Yeh or 'da: ao',: yee' on: wlu-' 'de or bo, on 'dae:,: Mor: or 'wluh-dih:-a 'de deh⧾-zon⧾ 'nyne-',: mor 'o: or torne: a deh: e?: Yee' on po-or-: 'zorn, on za-or 'de an-a' 'di: gweh-dih-sla 'di 'weh. :Yee': Yusu' 'worn-ih': ka on po-or 'zorn.: Yeh or 'ye-or,: yee' or dhele-or-: dih, or 'da,: On po 'yu an 'da-dih-a Nyor-kpalu-a' 'yu, or-a' dhih dhih 'jeh-' 'weh: e? 'De 'yu: dao', or 'da, Nyor: klaba', zela: 'on: gwluhuh', or-a' 'nyne: eh? 'De 'on 'ye or-a' dhih dhih 'jeh-' po. 'De: Yusu' 'da,: On 'ye-or': weh. Nyor: or wlu-a 'de: on bo, or-: 'o. :Yeh: Yusu' 'da: ao',: yee' or 'da,: Gwlor: baa', 'on po: an-a' dhih-' dhih 'jeh.: Yee' or 'jli-: dih 'do or 'zorn, or za-or: weheh'. 'De: Yusu' 'da, 'On yi dha yao 'zorn, 'de zabe 'ye: zi-eh:. 'De nyor⧾: on 'dor-a, on 'ye dih 'ye. 'De nyor⧾: an 'ye-a dih, on 'ye 'dor. :Yee': Falasi'i-nyor:⧾: noo': on: ne-a 'o or bo, on 'worn deh or: za-a-' 'weh.: Yeh on 'worn-ih'-a,: yee' on dhele-or-: dih, on 'dae:,: An 'bhorn: on 'ye: a: gwluhuh' zela:: eh: mor: a 'dor-': ke: e? 'De: Yusu' 'da,: Mor eh 'dhu, a 'dor,: yee' deh⧾-zon⧾-a' zabe: se-' a: kpon i: dee'. Jorwor:: ka a no-a, a 'ye-: dih,: yee' deh⧾-zon⧾-a' zabe kpon a 'weh. :Yee': Yusu'-a kpa or-a' wlu 'dlu bo, or 'dae:, Dhih 'jeh, 'an zela a: gwluhuh', nyor: or se-a 'de 'blae'⧾-a' kpo-a': kpaa' 'worn: yi-dih:, 'de: or 'ya-a kpo ya dih, 'de: or 'si-a 'de or 'di dih,: yee' nyor: dao', or-: 'ylii'-nyor: 'o. Jorwor: nyor: or: yi-dih:-a 'do: kpaa' 'worn, 'de: or pa-a,: yee' or-: or-a'a: 'blae'⧾-a' 'yli-eh bo 'dhu-nyor: 'o. :Yee': kpaa'-a' 'yli-eh bo 'dhu-nyor: za 'o: kpaa' 'weh 'do or bo. 'De 'blae'⧾ 'worn en-' 'yli-eh bo 'dhu-nyor-a' wlu 'weh. Or 'da en-' 'nyne, 'de en zi 'o or klei', or 'si-dih-ih 'zorn. :Mor or 'si-dih: en-' klehkpeh 'zorn,: yee' or 'kpa 'de en ybei', 'de en zi 'o or klei', deh no-eh, en yubo: or-a' wlu 'weh. En: se 'o nyor 'plo klei': zi i. Deh no-eh, en se or-a' wlu yubo:.: Yee' en mu: ple, en 'ye 'o or klei' 'wluh. 'Dlan: daa, or-:: Yusu' po 'de, 'de on bo. Jorwor: on: se-or' dih 'worn. :Yee': Yusu': wlu-': neheh' 'de on bo, or 'dae:, Dhih 'jeh, 'an zela a: gwluhuh', 'mor 'dhu: kpaa': or: ne-a 'o 'blae'⧾ worn 'i-'. Nyor⧾-a' klehkpeh,: on yi-a 'on ybei': zai', on no 'ylii'-nyor:⧾ 'tene': kpeen:. Jorwor: 'blae'⧾: se-uh': dou'⧾ bo: to. 'Mor no: kpaa'.: Mor nyor-beh-nyor-beh: yi-dih: 'on-', 'de or 'ye pa,: yee' or mu 'puh-:. Or mu: pa, 'de or 'ye 'zorn 'si,: yee' or mu dii-deh 'ye-:. 'Ylii'-nyor yi-: 'de 'klein', or 'ye 'yli, or 'ye nyor⧾ 'dba, 'de or 'ye deh⧾ 'kor-dih:. Jorwor: 'on yi-: 'de, 'de 'an-a: 'blae'⧾ 'ye 'kmo: ne, 'de 'kmo an mu-a-': ne, on 'ye 'mona-' dih 'yi-dih:. 'Mor no 'blae'⧾-a' 'yli-eh bo 'dhu-nyor: 'jeh nor.: Yee' 'blae'⧾-a' 'yli-eh bo 'dhu-nyor: 'jeh nor-a 'worn-dih-eh ken dih 'weh, or 'ye or-a': febeh' 'kwla: za, or 'ye 'meh, 'do or-a'a: 'blae'⧾-a' dhih bo. Nyor an za-a geli',: or 'ye-a' 'blae'⧾ 'yli-eh bo 'dhu, or: se 'blae'⧾-a' 'yli-eh bo 'dhu-nyor:,: or: korn-a 'blae'⧾.: Yee' eh-a' dhih,: mor or 'ye ji, eh: taa 'de yi,: yee' or sie 'blae'⧾ 'weh, or ple, or mu-'.: Yee' ji-a 'kpa 'de 'blae'⧾ 'nyne-' 'weh, 'de en gboba-' dih. 'Yu: dao', or ple-', deh no-eh, an za-or geli', or 'ye 'o 'blae'⧾ bo dih pobo:. Eh-:: korn dhih, or se en-' ti: korn. 'Mor no 'blae'⧾-a' 'yli-eh bo 'dhu-nyor: 'jeh nor. 'On yubo: 'an-a: 'blae'⧾ 'weh. 'De en yubo: 'on 'weh: ke. 'Ka-: 'On-ba no 'an yubo-eh, 'de 'on no or-a' yubo-eh: ke.: Yee' 'on 'worn-dih-eh ken dih 'weh, 'on 'ye 'an: febeh' 'kwla: za, 'on 'ye 'meh, 'do 'an-a: 'blae'⧾-a' dhih bo. 'On 'ble 'blae'⧾: nee', me-: se 'noror 'blae'⧾-a' kpo: daa 'di: ne. 'On: korn 'on 'ye-ih' 'de: ya: gbor: gbor: ke. En mu 'an wlu: dou'⧾ bo: to: ke, 'de en-' klehkpeh 'ye deh: due' no, en 'ye 'yli-eh bo 'dhu-nyor: due' 'ble. Deh: korn-a dhih 'On-ba: ybeh-a 'on, eh-: 'dhu, 'on 'worn-dih-eh ken dih 'weh, 'on 'ye 'an: febeh' 'kwla: za, 'on 'ye 'meh, 'de 'on 'ye-eh' 'ye: dele' ka. Nyor: se-eh' 'on 'kwa: za i. Jorwor: 'an 'jeh 'yor-eh: 'worn-dih-eh ken dih, 'on 'ye-eh' 'kwla: za, 'on 'ye 'meh. 'On 'ble 'kpih, 'on 'ye-eh' 'kwla: za, 'de 'on 'ble 'kpih, 'on 'ye-eh' 'ye: dele' ka. 'Ka: wor 'On-ba no 'an: gwluhuh' zela-eh, 'on 'ye no. :Yeh or: za-a deh: daa-',: yee': Jueh'-nyor⧾-a' nyor⧾: na-dih-nyor⧾: gble-eh:-' 'weh: neheh', 'de on 'nyne-'. An-a': dha: dhulu' 'da, 'Kwla 'ye-dih-deh:: ne 'o or 'de, eh-: no-dih-or sena.: Yee': eh: korn dhih, a to or-a' wlu: dou'⧾ bo: eh? Jorwor:: noo' 'da, Nyor 'kwla 'ye-dih-deh⧾: ne-a 'o 'de, or-a' no: ao': wlu-a'. 'Kwla 'ye-dih-deh 'beh-dih: eh 'ye nyor-a' 'yli 'i kan-dih:: e? Ti on: za-a Nyorsoa-a' 'sla 'kwla, 'de Nyorsoa bo, 'de: Julu'slehn, me-:: korn gor-a' ti nyni 'o. 'Do ti: dao' 'di,: yee' eh no: chehbe'-a' ti. :Yee': Yusu'-a na-' 'do Nyorsoa-a' 'sla-a' 'for: noror',: on 'dhu-dih-a: Salomor'-a' 'zorn: forn-dih-da-nyne. :Yeh or: ne-a 'de,: yee': Jueh'-nyor⧾ po-or 'de: kuo 'di, 'de an dhele-or dih, on 'dae:,: Bleheh: eh,: an mu 'de: a 'di dih: florn-dih:: eh?: Mor: on 'dhu Nyorsoa-a' 'taan'-yu-',: yee' zela:: a: gwluhuh' deh 'jeh neh. :Yeh on 'da: ao',: yee' or 'da, 'On zela: a: gwluhuh' 'weh. Jorwor: a: se 'on dhih 'jeh-' po. Deh⧾: kolu'⧾ 'an no-a, 'de 'On-ba-a' 'nyne 'di, me-: zela: 'an dhih ken dih, nyor 'on 'dhu-eh:-'. Jorwor: a: se 'on dhih 'jeh-' po. Deh no-eh, a: se 'an-a: 'blae'⧾. 'An-a: 'blae'⧾ 'worn 'an wlu 'weh. 'De mor: ke, 'on yubo-ih', 'de en zi 'o 'on klei' 'weh. 'De 'on 'nyi-ih 'kmo: sie:: febeh'. 'Do eh-a' dha, en: se-' gbe: zie: i,: ka ti-a mu-a 'dlu-': tehn. 'De nyor se 'beh-dih: or 'ye-ih 'de 'on 'kwa: za. 'On-ba:: or 'nyi-ih-a 'on, or 'beh-: 'i, or: zi 'o nyor⧾-a' klehkpeh-'. Nyor se 'beh-dih: or 'ye-ih 'de 'On-ba 'kwa: za. 'On-ba-: 'dekorn: 'mor-:: a no deh: due'. :Yeh: Jueh'-nyor⧾-a' nyor⧾: na-dih-nyor⧾ 'worn-a deh: daa,: yee' on 'duo: sobu'⧾ 'weh: neheh', on 'ye-or dih: tba-dih:, on 'ye-or' 'dba. :Yeh on no: ao',: yee': Yusu': wlu-' 'de on bo, or 'dae:, 'On: to-dih: a deh⧾: kolu'⧾: doru', 'On-ba zela:-a 'on: gwluhuh', 'on 'ye-a' no.: Yee' deh⧾: daa 'on no-a, en-': yihih: eh,: en: nyni 'yi dih, 'de a 'bhorn a 'ye 'on sobu'⧾ dih: tba-dih:, 'on 'ye 'meh: eh? 'De on 'da, Eh: se deh⧾ 'jeh: on no-a en-' dhih,: a: se-': on sobu'⧾ dih: tba-dih-eh 'bhorn. Jorwor: deh no-eh,: mor: or 'dhu-a: gwlor-nyor-' 'klein',: mor 'o: or 'duo:: an-a' 'jeh-',: or 'ye Nyorsoa no.: Yee': an 'kor-dih Nyorsoa-a' 'nyne 'weh. 'De: Yusu' 'da, Eh: se-' 'chle-eh:, 'de: Mose'-a' 'tele'-chlee-deh 'di,: eh: mor Nyorsoa 'da, A: mor nyorsoa⧾: oo': e? :A yubo-eh',: ka deh Nyorsoa-a' 'chlee-deh: za-a-', eh 'dhu-a dhih-a' 'yor-eh-': ka ti-a mu-a 'dlu: tehn.: Mor eh 'dhu, Nyorsoa 'da-dih: nyor⧾ or: wlu-a 'de bo, nyorsoa⧾, :yee': eh: korn dhih,: mor 'on 'da, 'Mor Nyorsoa-a' 'Yu: oo', 'de a 'da, 'an 'kor-dih or-a' 'nyne 'weh 'da: eh? 'Mor-: 'o, or tba: jii-eh, 'de or dbo 'on 'noror yao 'zorn. :Mor eh 'dhu, 'on se 'On-ba-a': koan no,: yee' a-a': po-' 'on dhih 'jeh-'. Jorwor:: mor eh 'dhu, 'on no 'On-ba-a': koan, keen': mloror' a: se-' 'on dhih 'jeh-' po, jorwor: deh⧾: kolu'⧾: dao' 'on no-a, me-: a 'ye dhih 'jeh-' po, 'de a 'ye-eh' yubo: deh 'jeh,: ka 'On-ba: ne-a 'on-', 'de 'on ne-or': ke. :Yeh or 'da: ao',: yee' an vorn-', on 'ye-or' kpon: neheh'. Jorwor: or 'dhan 'de on 'kwa-: dih. 'De or mu 'de 'Jorle-ni-a' 'yluh-a' 'kwla 'wluh-dih: 'da de: neheh', 'do: dha: Jororn' po-dih-a nyor⧾ 'ni 'dlu: dee'. 'Do: wor or: ne, 'de nyor⧾: dhulu' yi 'de or bo, on: wlu 'de an-a' 'jeh 'nyne-', on 'dae:, Keen': mloror': Jororn': se-' nyor⧾ 'yi: to-dih-deh 'i: to-dih:, jorwor: deh⧾-a' klehkpeh or: za-a-' 'do nyor-kpalu:: daa 'bhun, en no dhih-a' 'yor-eh:. :Yee' nyor⧾: dhulu' po: Yusu'-a' dhih dhih 'jeh-' 'do: dha 'o. :Yee' nyor-kpalu: due' an 'da-dih-a: Lasor', or-: puhba. Or-: 'dekorn: or-a' 'de-di'-nynor⧾-kpao'⧾: on: ne-a 'sororn', an 'da-dih-a: Mehle'-: 'dekorn:: Mata'-: on 'ti 'de: gwlor an 'da-dih-a: Behtani'i 'di. :Mehle': or 'wla-a: pofi'orn: Gwlor: baa'-a': buhbuh⧾-', 'de: or no-a or-a' 'mii:: en: ne-a 'o or 'dlu,: or 'slan-a: Yusu'-a': buhbuh⧾ dih, or-:: korn dei'-nyor-kpalu:: Lasor': oo',: or puhba. :Yeh or puhba-a,: yee' or-a' 'de-di'-nynor⧾-kpao'⧾ dbo: Yusu' wlu bo, on 'dae:,: Gwlor: baa',: on 'be: on: ybeh-a, or-: puhba o. :Yeh: Yusu' 'worn-a tubo-wlu:⧾: daa,: yee' or: wlu-', or 'da, 'Weh: daa, eh: se-': Lasor' 'dba-: i. Jorwor: eh: no-eh:-', 'de Nyorsoa-a' 'nyne 'ye dhih-a' 'i 'beh-a' 'ye.: Yee' eh-a' 'jeh: dao', eh-: mu-eh: no, 'de 'mor: or 'dhu-a Nyorsoa-a' 'Yu-', 'on 'ye dhih-a' 'i 'beh-a' 'ye: ke. :Yusu': ybeh: Mata'-: or-a' dei': Mehle'-: 'dekorn: an-a' dei': Lasor'-: 'weh. Jorwor:: yeh or 'worn-ih'-a: ka: Lasor'-a puhba-a,: yee' 'do: dha or: ne-a, or no 'o 'we 'sororn'. :Yeh 'we 'sororn': dao', en zi-a,: yee' or zela: or-a'a: bo: na-nyor⧾-:: gwluhuh', or 'da, A zi,: a mu: Judi'a-bluhba ken de. :Yee' on 'da, Nyor⧾ deh: torne-nyor:, 'do ti-kpor-bei:: en zi-a 'di,: yee': Jueh'-nyor⧾-a 'bhorn, on 'ye: on sobu'⧾ dih: tba-dih:, on 'ye: on 'dba.: Yee' 'do: wor: an 'bhorn: a 'ye de mu: neheh': e? 'De or 'da, Eh: se 'yluh-buh⧾-a': bhue: 'yor 'sororn',: en se 'de zorn-we-eh 'di: ne: e?: Mor eh 'dhu, nyor: na zorn-',: yee' or: se-' dih 'ga-: i, deh no-eh, 'bluhba-a' zorn-pli:, me-: no-eh, 'de or 'ye dih. Jorwor:: mor nyor: na: kule-',: yee' or mu dih 'ga-:, deh no-eh, or se zorn-pli 'ble,: en 'ye-eh' no, 'de or 'ye-a dih 'ye. :Yeh: Yusu' gweh-a deh: daa, eh-a': za-a' 'i,: yee' or: wlu-' 'de on bo: neheh', or 'dae:,: A 'be: Lasor' 'kpa-' 'nyinor:. Jorwor: 'an mu: mu, 'on 'ye-or' 'nyinor-': za. 'De on 'da,: Gwlor: baa',: mor eh 'dhu, or: taa 'mo,: yee' or mu 'pehli:. 'Mo-a': yor: Yusu'-a 'da-a, 'meh-a': oo'. Jorwor: or-a'a: bo: na-nyor:⧾: mloo', on 'da 'mo-a' 'jeh: nor 'o, or 'da: dee'. :Yee' or zela-eh-: ken dih deh 'jeh, or 'da,: Lasor' 'meh-' o. :Yee' a-a' dhih, 'an: porluh 'pehn-: dih, deh 'on se-a 'o: ne, 'de or 'meh-a, 'de a 'ye 'on dhih 'jeh-' po. A 'nyi,: a mu 'de or bo. :Yee': Tormor', an 'da-dih-a 'Gba-yu, or: wlu-' 'de or 'bei' bo: na-nyor⧾ bo, or 'dae:, A 'nyi,: a mu, 'de: a: ne: Yusu' 'ye: dha: due' 'meh-dih:. :Yeh: Yusu' 'si-a: gwlor-' dih,: yee' or 'worn-ih': ka: Lasor' no-a 'we: nyieh 'de nma-dih-deh 'di: weh. 'Wluh: Behtani'i, mu: Julu'slehn, eh se: tehn. Eh 'beh-dih: eh 'ye tluh⧾ 'bor⧾ 'sororn' no. Eh-: no-eh, 'de: Jueh'-nyor:⧾: dhulu' yi: Mata'-: 'dekorn:: Mehle'-:: porluh⧾ 'di dih: dhe 'da, 'do an-a' dei'-a' 'meheh'-dhih bo. :Yeh: Mata' 'worn-ih'-a: ka: Yusu'-a yi-a 'de,: yee' or mu-or 'i 'ya-dih: 'da.: Yee': Mehle': sie: 'de 'gbu 'weh. :Yeh: Mata': yeh-dih:-a: Yusu' ken,: yee' or: wlu-' 'de or bo, or 'dae:,: Gwlor: baa',: mor eh 'dhu,: on: ne: daa: dee',: yee' 'an dei': se-' 'meh-: i: dee' o. Jorwor: 'on yubo-eh', deh⧾-a' klehkpeh: an mu-a Nyorsoa 'yba-dih:: naa-a' 'jeh, or mu-ih: on 'nyi-:. :Yeh or 'da: ao',: yee': Yusu' 'dae: 'de or bo,: An-a' dei'-a mu 'kmo: ne: neheh'. 'De: Mata' 'da, 'On yubo-eh', or mu-': sorn: neheh': dele' ka, ti 'meheh'-nyor⧾-a' klehkpeh, an mu-a-': sorn-dih:, 'do: de 'bor-dih-we-eh 'di. 'De: Yusu' 'da, 'Mor-: 'o,: or za 'de 'meheh'-nyor⧾ 'de nma-dih-deh 'di, 'de: or 'nyi-uh 'kmo: sie:: febeh'. Nyor: or po-a 'on dhih 'jeh-', or-a': yeh 'meh, or mu 'kmo: ne: neheh'. 'De mor nyor-beh-nyor-beh:: or: ne-a 'kmo-', 'de: or po-a 'on dhih 'jeh-', or: se-' 'meh-: i,: ka ti-a mu-a 'dlu-': tehn.: On po-eh-' dhih 'jeh: e? 'De: Mata' 'da, Keen',: Gwlor: baa', 'on po-eh-' dhih 'jeh,: mor Nyorsoa-a' 'Yu, or 'tan-a,: or: korn-a,: or 'ye-a dha yao 'zorn yi,: mor 'o. :Yeh: Mata': za-a deh: daa-',: yee' or mu 'de 'gbu-: de, 'de or 'da or-a' dei': Mehle', 'de 'slan ka 'di, or 'da,: A-a'a: nyor⧾ deh: torne-nyor yi-: 'de, 'de or dhele: an-a' dhih dih. :Yeh: Mehle' 'worn-ih'-a,: yee' or 'dhobo:, or: sorn-' 'weh, 'de or mu 'de or bo. :Yeh deh⧾: daa, en mu-a 'dlu bo,: yee': Yusu' 'see: gwlor-' dih 'si. 'Do: dha: Mata': yeh-dih-or, 'do: wor or: ne 'gboror:. :Yee': Jueh'-nyor:⧾: on yi-a: Mehle': porluh 'di dih: dhe 'da, 'de: on: ne-a 'de or bo 'gbu,: yeh on 'ye-a: Mehle', 'de or 'dhobo:-a, or: sorn-a-', or 'si-a 'zorn,: yee' on zi 'o or klei' 'weh. Deh no-eh,: mor on: taa 'ye: dee',: yee' on 'da or mu 'vin 'da, 'do or-a' dei'-a' nma-dih-deh ken. :Yeh: Mehle' nyni-a 'o: dha: Yusu': ne-a, 'de or 'ye-or,: yee' or du or-a' 'jeh 'weh, 'do or ybei', or 'da,: Gwlor: baa',: mor eh 'dhu,: on: ne: daa: dee',: yee' 'an dei': se-' 'meh-: i: dee' o. :Yeh: Yusu' 'ye-or, 'de or 'vin-a, 'de: Jueh'-nyor:⧾: on zi-a 'o or klei', an 'vin-a: ke,: yee' or-a': porluh 'kpa-: 'zorn 'gabaa. 'De or 'da, Dha a nma-dih-or dih ka: eh? 'De on 'da, 'Yle,: on 'ye 'o 'ye,: Gwlor: baa'. :Yee': Yusu' 'vin-'. 'De on 'da, A 'ye: ka or no-a or-a': ybeh-a' 'weh: e? Jorwor: an-a' nyor⧾: noo' 'da, Nyor: or kan-dih:-a 'doror'-nyor-a' 'yli 'i, or-:: se 'de: Lasor'-a': gwlebo:: gwie 'i: za-eh 'beh-dih:: e? :Yee': ka: Yusu'-a': porluh-a 'beh-dih-or 'worn dih: chio'lo:,: yee' or mu 'de: dha on nma-dih:-a: Lasor' dih,: eh no-a wor, on no-a sobu': kolu', on kan-a 'o or worn 'i. :Yeh or nyni-a 'o,: yee' or 'da, A: za 'o sobu': daa. Jorwor: 'yu: or 'meh-a, or-a' 'de-di'-nynor-kpao': Mata' 'da,: Gwlor: baa',: mor: a: za 'o sobu',: yee' or mu 'no: po. Deh no-eh,: a nma-dih-or dih: naa, eh-a' 'we: nyieh 'zean'. 'De: Yusu' 'da, 'On: se-': on: gwluhuh' zela:, 'on: se-': ao',: an mu Nyorsoa-a' dhih-a' 'i 'beh-a' 'ye-:: mor: on po-eh dhih 'jeh-': e? :Yeh or 'da: ao',: yee' on: za 'o sobu' 'weh, 'de or pobo: 'de yai', or: wlu, or 'dae:, 'On-ba:, 'on po: on 'zio: ka: an 'worn-a 'an wlu. 'On yubo-eh',: ka: an 'worn-a 'an wlu 'do ti-a' klehkpeh bo. Jorwor: 'an za-eh' 'weh, 'do nyor⧾: on: nyna-a dha dih, an-a' dhih bo, 'de on 'ye-eh' dhih 'jeh-' po,: ka eh 'dhu-a: on mor-': or dbo-a 'on. :Yeh or: za-a deh: daa-',: yee' or 'wor-', or 'da,: Lasor', 'si 'zorn. :Yeh or 'da: ao',: yee' 'yu: or 'meh-a,: yee' or 'si-: 'zorn, 'de: za 'ku 'gbu-yli-eh bhian-dih: or-a' buh⧾-: 'dekorn: or-a' son⧾-: kle-' dih. 'De 'yli-eh: 'sluh: san-dih: 'o or 'yli ken.: Yeh or 'si-a 'zorn,: yee': Yusu': wlu-' 'de on bo, or 'dae:, A bhehn-dih-or. A za-or 'ylii kle-' dih, or 'ye mu. :Yeh or no: ao',: yee': Jueh'-nyor:⧾: dhulu': on yi-a: Mehle' 'ye 'da,: yeh on 'ye-a deh: Yusu' no-a,: yee' on po or-a' dhih-' dhih 'jeh. Jorwor: an-a' nyor⧾: noo' mu 'de: Falasi'i-nyor⧾ bo, 'de on zela-uh: gwluhuh' deh or no-a. :Yeh on 'worn-ih'-a,: yee' Nyorsoa-a' 'slaa:: za-nyor:⧾: klaba'⧾-: 'dekorn:: Falasi'i-nyor⧾-: on 'da zabe:: zi-nyor⧾-a' klehkpeh: dha: due', on 'da,: Kaa: a mu: no: eh? 'Yu: daa, or no deh⧾: kolu'⧾: kolu'⧾: dhulu': naa o. :Mor: a za-or 'yli-eh dih, 'de or 'ye deh⧾: daa, en-' no-a' 'dlu bo kpa,: yee': gwlor-nyor⧾-a' klehkpeh, an mu or-a' dhih dhih 'jeh-': po, on 'ye 'o or klei' zi.: Yee' 'Wloon-nyor⧾-a' nyor⧾: klaba'⧾-a mu 'de: yi, on 'ye: a-a'a: Nyorsoa-a' 'sla-: 'dekorn:: a-a'a: 'bluhba-dlu-a' klehkpeh-: ya: gba. :Yee' 'yu: due' an 'da-dih-a: Kai'fa,: or no-a an-a' nyor: due', 'de: or no-a Nyorsoa-a' 'slaa:: za-nyor⧾-a' nyor: klaba' 'do zon: dao' 'di, or-:: wlu 'de on bo, or 'dae:, A se-eh yubo:: ka eh: nmor-a 'yi dih, nyor: due' 'ye-a 'meh, 'do: a-a'a: nyor⧾-a' dhih bo,: eh: zi 'o: a-a' 'bluhba-dlu-a' klehkpeh, on 'ye gbe: zie:. Deh: daa, or: za-a-', eh: se 'o or-a' 'jeh: gwlii' 'wluh. Jorwor:: ka or no-a Nyorsoa-a' 'slaa:: za-nyor⧾-a' nyor: klaba' 'do zon: dao' 'di,: yee' or po gban-wlu:⧾: ka: Yusu'-a mu-a 'meh-:, 'do: Jueh'-nyor⧾-a' 'bluhba-dlu-a' dhih bo. Eh: se: Jueh'-nyor⧾-a' 'bluhba-dlu-a' dhih: due', jorwor: Nyorsoa-a' 'nynuu:: on gboba:-a dih, 'de or 'ye-uh': dha: due' po, on 'ye nyor: due' no. :Eh 'wluh-a 'o 'we-eh:: dao' 'di, 'do: wor on 'dhu-dih: dhih, on 'ye-or' 'dba. 'Do eh-a' dha, or-a' 'worn, or-a' van-dih: dih 'de: Jueh'-nyor⧾ 'klu-': dele' ka. Jorwor: or-: 'dekorn: or-a'a: bo: na-nyor⧾-: on mu 'de: gwlor an 'da-dih-a 'Iflan,: or 'koan'-dih:-a: bhehneh'-bluhba dih. 'Do: wor on: ne. :Yeh: Jueh'-nyor⧾-a' 'Meh-a': bla-dih: 'dlu dih-gor 'koan'-dih:-a 'o dih,: yee': gwlor-nyor:⧾: dhulu': on 'wluh-a gwlor⧾ 'di dih, mo-: mu: Julu'slehn, on 'ye an-a' 'jeh: kane' dih: za, 'de gor-a' ti 'ye 'o nyni. :Yee': yeh on: ne-a 'o Nyorsoa-a' 'sla ybei',: yee' on: nyna dih, 'de an 'bhorn-dih: Yusu' 'yli-eh dih, an dhele on 'bei' dih, on 'dae:,: Kaa eh no 'o a: gwlii'-a': ne-a': eh?: Yusu'-a mu gor: daa: yi: e?: Ae' or: se 'de: yi i ke? Jorwor: Nyorsoa-a' 'slaa:: za-nyor:⧾: klaba'⧾-: 'dekorn:: Falasi'i-nyor⧾-: on 'nyi nyor⧾ 'tele' 'weh see, on 'da,: mor nyor 'ye: Yusu',: yee' or zela-uh: gwluhuh', on 'ye-or' kpon. :Yee' eh: sie: 'o 'we: meheh'lo:, eh 'ye 'Meh-a': bla-dih: 'dlu dih-gor-a' ti no.: Yee': Yusu' mu 'de: Behtani'i-gwlor 'di,: dha: Lasor' or: za-a: 'de nma-dih-deh 'di, or 'ti-a. :Yeh or: ne-a 'de,: yee' on: pi-dih-or 'de mor. 'De: Mata' kpa-uh: bale'-'.: Yee': Lasor': ne 'o nyor⧾: an di-a deh 'do: Yusu' bo 'nyne-' 'weh. 'De: Mehle' 'duo: 'naa-tu-a' 'bleh 'bleh-a': pofi'orn:,: or 'yi-a: zolo-eh:: kolu', 'de: or 'kpa-a deh ken-'. Or-: or 'wla: Yusu'-a': buhbuh⧾-', 'de or no or-a' 'mii:: en: ne-a 'o or 'dlu, or 'slan: Yusu'-a': buhbuh⧾ dih.: Yeh or no: ao',: yee': pofi'orn-a' 'no gweh 'de 'gbu 'di-: 'dlu. :Yeh eh no: ao',: yee': Juda': Ehkeh'lior:: or no-a: Yusu'-a'a: bo: na-nyor⧾-a' nyor: due', 'de: or mu-or: plo 'de ybei', or-:: wlu, or 'dae:, :Eh: korn dhih,: pofi'orn:: daa, or: se-': plo-eh:, 'de or-a' 'wlii 'ye nyor⧾: on se-a deh-a': za-da 'ble 'nyi-eh: eh?: Pofi'orn:: daa,: mor nyor⧾ plo-or, or 'beh-dih: or 'ye 'wlii: nyor: due'-a 'ye-a 'do zon: due' 'di ken: yeh-dih:. Deh: daa, or: za-a-', eh: se or: kma nyor⧾: on se-a deh-a': za-da 'ble, an-a' dhih: deh. Jorwor: or za-eh' 'weh, deh no-eh, or no 'ylii'-nyor:. 'De or no 'wlii dih: dhe-nyor 'do on bo.: Yee' 'wlii: or dhe-a dih, 'do: wor or: za 'wlii, or plo, 'do or-a' 'jeh bo. :Yeh: Juda': za-a deh: daa-',: yee': Yusu': wlu-' 'de or bo, or 'dae:, 'Wluh 'o or bo.: Pofi'orn:: daa,: mor 'on 'meh-a, or mu-a 'on 'wla-:: dee', or-: 'o, or 'wla 'on: naa. Nyor⧾: on se-a deh-a': za-da 'ble, an mu dha a bo: ne, 'do ti-a' klehkpeh bo. Jorwor: 'on: se-' dha a bo: ne i, 'do ti-a' klehkpeh bo. :Yee': Jueh'-nyor:⧾: doru', mo-: yubo-eh 'i,: ka: Yusu': ne-a 'o, 'de on yi 'o. Eh: se: Yusu'-a' dhih: due', on: se 'o yi, jorwor: on yi: Lasor': or: Yusu': za-a: 'de nma-dih-deh 'di 'ye 'da. :Yee' eh-a' dhih, Nyorsoa-a' 'slaa:: za-nyor:⧾: klaba'⧾ po wlu: dha: due', on 'ye: Lasor' 'dba: ke. Deh no-eh, or-a' dhih: oo',: Jueh'-nyor:⧾: dhulu' po: Yusu'-a' dhih dhih 'jeh-', 'de on zi 'o or klei'. :Yeh zorn zen-a,: yee': Jueh'-nyor⧾-a' nyor⧾: dhulu',: on yi-a gor: dao', mo-: 'worn-ih': ka: Yusu'-a yi-a: Julu'slehn. :Yee' on chehn yuh⧾-wlon:⧾, me-: on 'gba kwa, 'de an mu-or 'i 'ya-dih: 'da, an po 'geh⧾, an no, Dhih-a' 'i 'beh-a' 'do or bo.: Bhorlie' 'do or bo: or yi-a 'de, 'de: Gwlor: baa'-a' 'nyne 'di.: Bhorlie' 'do 'Ezlea-nyor⧾-a' 'keen bo. :Yee': Yusu' 'ye 'dhornke-yu:, 'de or: dhe 'o eh ken dih,: ka eh no-a 'chle-eh, 'de Nyorsoa-a' 'chlee-deh 'di, eh no-a, A: mor 'Zayorn-nyor:⧾,: fano-a': no-' a-uh'. A: gbee'e:. A-a'a: 'keen: wor yi 'noror a bo. Or-:: dhe 'o 'dhornke-yu ken dih. :Yee' or-a'a: bo: na-nyor⧾: se-' deh⧾: daa dih 'worn 'do ti: dao' 'i. Jorwor: ti Nyorsoa 'nyi-or dhih-a' 'i 'beh-a', 'do: wor on: po-dih-eh: gwluhuh' bo,: ka deh⧾ nyor⧾ no-a 'do or 'bhun, en 'chle-eh:-' see, 'de Nyorsoa-a' 'chlee-deh 'di, 'do or-a' dhih bo. :Yee' nyor⧾: dhulu': on 'si-a 'o, 'de: Yusu' 'ye-a 'de: Lasor' 'de nma-dih-deh 'di: za, mo-:: gweh-dih: eh-a' 'nyne deh⧾-' dih 'dlu. Nyor⧾ 'di dih 'ma-dih-deh:: kolu': dao', or no-a, eh-:: korn dhih, nyor⧾: dhulu': dao', on mu-or 'i 'ya-dih: 'da. :Yee' eh-a' dhih,: Falasi'i-nyor⧾-a wlu-' 'de an-a' 'jeh 'nyne-', on 'dae:, A: gbee'e:. Nyor⧾-a' 'worn, an-a' zi 'o: a klei': neheh' o. 'Bluhba-a' klehkpeh, an zi 'o: Yusu' klei' o. :Yee' 'Glii-nyor:⧾: noo', mo-:: ne 'de nyor⧾: on yi-a Nyorsoa-a': weheh': za 'da 'klu-', 'do gor: dao'. 'De on yi 'o Felor' bo,: or 'wluh-a: gwlor an 'da-dih-a: Behse'la 'di,: or: ne-a: Galali'i-bluhba ken, on 'dae:, Nyor: klaba',: a 'bhorn: a 'ye: Yusu' 'ye. 'De Felor' mu, or zela: Andlu': gwluhuh', 'de Felor'-: 'dekorn: Andlu'-: on mu, on zela:: Yusu': gwluhuh'. :Yeh: Yusu' 'worn-ih'-a,: yee' or: wlu-' 'de on bo, or 'dae:, Ti nyni 'o 'weh, 'yu an 'da-dih-a Nyor-kpalu-a' 'yu, Nyorsoa 'ye or-a' 'nyne dhih-a' 'i 'beh-a' 'nyi. Dhih 'jeh, 'an zela a: gwluhuh',: mor eh 'dhu: koo-yor-eh se 'de 'bluh 'zorn 'kpa, 'de eh 'ye: ao', eh se 'meh,: yee' eh mu: koo-yor-eh: due': no 'gboror:. Jorwor:: mor eh 'kpa 'de 'bluh 'zorn, 'de eh 'ye 'meh,: yee' eh mu 'yor: dhulu': po. Nyor: or: ybeh-a or-a': febeh'-',: yee' or mu-eh 'ma-dih:. Jorwor: nyor: or 'nyeh-a or-a': febeh'-' dha yao 'zorn,: yee' eh-a' dih: dhe-eh: 'o or no,: yee' or mu 'kmo-': ne,: ka ti-a mu-a 'dlu-': tehn. Nyor: or 'bhorn-a: or 'ye-a 'an-a: 'bhoi-yu no,: yee' 'nyi or zi 'o 'on klei'.: Yee': dha 'on: ne-a, 'do: wor or mu: ne: ke.: Yee' or-: 'On-ba-a mu deh-' 'ye-eh 'nyi-:. :Yee': Yusu'-a kpa or-a' wlu 'dlu bo, or 'dae:, 'An: porluh-a 'beh-dih 'on 'worn dih: naa.: Kaa 'an mu 'da-:: naa: eh? 'An mu: ao', 'On-ba:, zelie: 'on, 'do 'kle 'ye-eh-a' ti: daa 'kwa: e? 'Kei o. Eh-a' dhih: oo', 'on: yeh-dih: ti: daa ken. 'De: Yusu': wlu 'de Nyorsoa bo, or 'dae:, 'On-ba:, deh: eh mu-a: an-a' 'nyne dhih-a' 'i 'beh-a' 'nyi-:, eh-:: on 'ye no.: Yeh or 'da: ao',: yee' wlu 'wluh 'de Nyorsoa 'bli yai', on 'dae:, 'On no-eh': weh. Jorwor: 'an mu-eh: no: dele' ka. :Yeh nyor⧾: dhulu': dao': on: nyna-a 'o dih, on 'worn-ih'-a,: yee' an-a': noo' 'da, 'ni-a' 'gbu-wlu: 'o, an 'worn.: Yee': noo' 'da, 'enjor: 'o, or-:: wlu 'de or bo. :Yeh eh no: ao',: yee': Yusu' 'da, Wlu: daa: on: wlu-a, eh: se 'an dhih, jorwor: a-a' dhih: oo', on: wlu. Ti nyni 'o 'weh, dha yao 'zorn-a' zabe 'ye: zi-eh:. 'De 'ku: on: korn-a dha wlu 'ken, on 'ye 'zorn: po-eh:. 'De: mor 'on: to-eh: yai' 'do 'klorse tu 'i,: yee' 'an mu nyor⧾-a' klehkpeh: jli 'do 'on bo. Deh: korn-a dhih or: za-a deh: daa-', 'meh-a': yor or mu-a 'meh-:, or-:: korn dhih: oo', or za-a-'. :Yeh or 'da: ao',: yee' nyor⧾: dhulu': dao', on 'dae:,: A 'worn-ih' 'de: Mose'-a' 'tele'-chlee-deh 'di,: ka Nyorsoa-a' 'taan'-yu-a mu-a 'kmo: ne,: ka ti-a mu-a 'dlu-': tehn.: Yee': kaa eh no, 'de: on 'da, 'Yu an 'da-dih-a Nyor-kpalu-a' 'yu-a mu yai': to-eh: 'do 'klorse tu 'i: eh?: Or 'dhu Nyor-kpalu-a' 'yu-a' 'jeh: daa-': eh? 'De or 'da, Zorn-pli-a mu 'noror a bo: ne, 'do ti: dhorno'⧾-bei 'di 'gboror:. 'Do eh-a' dha,: ka a 'ble-a zorn-pli: naa,: yee' a: na, 'de glu: ne-' a: gor-dih:. Nyor: or na-a 'de: kule-' dih, 'do: dha or mu-a, or se 'o yubo:. :Ka a 'ble-a zorn-pli: naa,: yee' a po zorn-pli:: daa dhih 'jeh-', 'de a 'ye nyor⧾: on 'ble-a zorn-pli no.: Yeh: Yusu' gweh-a deh: daa, eh-a': za-a' 'i,: yee' or 'wluh 'o on bo 'weh, 'de or 'zile-uh dih. Keen': mloror' or no nyor⧾ 'yi: to-dih-deh:⧾: dhulu': dao' 'weh, 'do nyor⧾ ybei', jorwor: on: se-or' dhih 'jeh-' po 'gboror:. Deh: daa, eh: no-eh:-' 'de Nyorsoa-a' wele-eh:: po-nyor:: Azaya'-a' wlu 'ye dhih 'jeh-' 'kpa,: or no-a,: Gwlor: baa', tubo-wlu:⧾: a po-a, nyor: yoror: or po-ih dhih 'jeh-': eh?: Or: korn 'de bo,: Gwlor: baa': to-dih: or-a' 'kpih 'i: eh? Deh: korn-a dhih on se-a eh-a' dhih 'jeh-': po-eh 'beh-dih:, eh-: 'dhu,: Azaya' za-eh' 'weh, 'de or-a'a: 'chlee-deh 'di: ke, or 'da, Nyorsoa: kpe-dih: 'de on 'yli-' 'weh, 'de or: kmu-dih: an-a': porluh⧾, 'de on: ne-' dih 'ye, 'de on: ne-' deh-' dih 'worn, 'do an-a': porluh⧾ ken, 'de on: ne-' dih 'bili:, 'de or: ne-uh' 'puh-dih:. :Azaya': za deh: daa-' 'weh, deh no-eh, or-a' 'yli-eh 'ye: Yusu'-a' dhih-a' 'i 'beh-a' 'weh, 'de or: za or-a' dhih-'. Keen': mloror', 'ka-: eh: ne 'suh, jorwor:: Jueh'-nyor⧾-a' nyor⧾: na-dih-nyor:⧾: dhulu' po: Yusu'-a' dhih dhih 'jeh-', 'de on 'klu-'. Jorwor: an-a' 'worn, an-a': to-dih-eh nyor⧾ 'i, deh no-eh, an ple: Falasi'i-nyor⧾-a': fano:, on: ne-uh' 'zorn po, 'de an-a' 'di: gweh-dih-sla 'zorn. On: ybeh: gwlor-nyor⧾ 'ye-uh' dhih bo po,: eh: zi 'o Nyorsoa-'. :Yee': Yusu' 'wor-', or 'dae:, Nyor: or po-a 'on dhih 'jeh-',: yee' eh: se 'on: due' or: se-' dhih 'jeh-' po. Jorwor: nyor: or dbo-a 'on, or-: 'o, or po dhih 'jeh-': ke. :Yee' nyor: or 'ye-a 'on,: yee' or 'ye nyor: or dbo-a 'on 'weh: ke. 'On yi-: 'de, 'on 'ye zorn-pli no dha yao 'zorn, 'de nyor: or po-a 'on dhih 'jeh-', or: ne 'de: kule-': sie:. Nyor: or 'worn-a deh 'on: za-a-', 'de: or se-eh: dou'⧾ bo: to,: yee' 'on: se-' or-a' zabe: zi i. Deh no-eh, 'on: se-' 'noror 'bluhba ken yi, 'on 'ye nyor⧾-a' zabe zi. Jorwor: 'on yi-: 'de, 'on 'ye-uh' zelie:. Nyor: or se-a 'an dhih 'worn-dih:, 'de mor: or se-a 'an wlu dih kpon,: yee' 'an wlu-a' 'jeh: dao', 'an za-a-', mo-:: an mu-or zabe: kpon-dih:, 'do: de 'bor-dih-we-eh 'di. Deh no-eh, eh: se 'de 'an 'jeh-a' 'kpih 'di, 'on: se-': wlu-dih:. Jorwor: 'On-ba:: or dbo-a 'on, or-: 'nyi 'on 'tele', deh 'on 'ye-a': za. 'On yubo-eh', or-a' 'tele': daa, eh: ya 'de 'kmo: sie:: febeh'.: Yee' 'do eh-a' dha, deh⧾ 'On-ba zela: 'on: gwluhuh', me-: 'an za-'. :Yee': yeh eh 'ye-a' 'Meh-a': bla-dih: 'dlu dih-gor-a' ti no,: yee': Yusu' yubo-eh',: ka or-a' ti-a nyni-a 'o, or 'ye-a 'noror yao 'zorn 'wluh, 'de or 'ye-a 'de or: Baa' bo mu. Or: ybeh or-a'a: nyor⧾: on: korn-a 'de or bo-' 'weh, dha yao 'zorn.: Ka or no-a an-a': ybeh-a', 'ka-: or no an-a': ybeh-a': chio'lo:, 'de eh nyni 'de eh-a' 'dlu-': jla 'da. :Yeh or-: or-a'a: bo: na-nyor⧾-: on 'ye-a' 'gwie-deh di,: yee' 'ku 'kpa 'o Samor'-a'a: 'yu, an 'da-dih-a: Juda': Ehkeh'lior: porluh ken 'weh, or 'ye: Yusu' plo. :Yee': Yusu' yubo-eh',: ka or: Baa' Nyorsoa 'nyi-or 'kpih 'do deh⧾-a' klehkpeh ken. Or yubo-eh': ke,: ka or 'wluh-a 'de or bo, 'de or mu-a 'de or bo de: mu. :Yee' or: sorn-' 'weh, or: nyna dih, 'do: dha an di-dih-a 'gwie-deh, 'de or: za or-a'a:: gba 'vuu dih, or 'gba 'taba. :Yeh or no: ao',: yee' or po 'de 'ni, 'de 'pani' 'di, 'de or 'kpa or-a'a: bo: na-nyor⧾-a' buh⧾ dih: dle-eh ken. 'De or no 'taba:, or 'gba-a, or 'slan-uh buh⧾ dih. :Yeh or: yeh-dih:-a Samor': Piteh' ken,: yee': Piteh' dhele-or-: dih, or 'dae:,: Gwlor: baa',: an mu 'on buh⧾ dih: dle: ke: e? 'De: Yusu' 'da, Deh 'an no-a,: on se-eh yubo:: naa. Jorwor:: mor ti: zi-dih: 'o ken dih,: yee': an mu-eh dih 'worn-:. 'De: Piteh' 'da, 'Kei:.: On: se-' 'an buh⧾ dih: dle i, klehkpeh klehkpeh. 'De: Yusu' 'da,: Mor 'on se: on buh⧾ dih: dle,: yee': on se 'for 'ble 'noror 'on bo. 'De Samor': Piteh' 'da,: Gwlor: baa',: yee': mor eh: ne: ao',: yee' eh: se 'an buh⧾: due': deh, jorwor: 'an son⧾-: 'dekorn: 'an 'dlu-: en-' klehkpeh: ke. 'De: Yusu' 'da, Nyor: or: dle-a,: yee' or-a' yau-a' klehkpeh: gweh: vlehehn'-' 'weh.: Mor or: na,: yee' deh: due' or: korn or 'ye-a': dle, eh-: 'dhu or-a' buh⧾-'. A: gweh: vlehehn'-' 'weh. Jorwor: eh: se a-a' klehkpeh. Deh: korn-a dhih, or: za-a deh: daa-', eh-: 'dhu, or yubo: nyor: or mu-or: plo 'weh. :Yeh or gweh-a an-a' buh⧾ dih: dle-eh 'i,: yee' or pa or-a'a:: gba 'vuu 'weh, 'de or mu 'o or 'bli ken: dhe-deh ken de, 'do: dha an di-dih-a deh. 'De or 'da, Deh 'on no-a 'do a bo, a 'worn-eh-: dih: e? A 'da-dih 'on, Nyor⧾ deh: torne-nyor-: 'dekorn:: Gwlor: baa'-:. Dhih 'jeh: oo', a za-a-'. 'Ka: wor eh: ne 'jeh ka. :Yee': ka 'mor: or 'dhu-a a-a'a:: Gwlor: baa'-: 'dekorn: a-a'a: Nyor⧾ deh: torne-nyor-: 'de 'on: dle-a a-a' buh⧾ dih,: yee' 'ka-: a 'ye a 'bei'-a' buh⧾ dih: dle-eh no: ke. 'On: torne: a deh: daa 'weh, a 'ye-eh' 'ye, 'de a 'ye-eh' no 'do a 'bei' bo: ke. Dhih 'jeh, 'an zela a: gwluhuh', 'bhoi-yu se 'i 'beh, or se 'o or-a'a: nyor: klaba'-': zi. 'De mor dboo-nyor se 'i 'beh, or se 'o nyor: or dbo-or': zi. :Yee': ka a yubo:-a deh⧾: daa: naa,: mor a no-ih,: yee' a mu: bhorlie' 'ye-: 'do en-' no-a' bo. Eh: se a-a' klehkpeh, 'on: se-' 'da. Nyor⧾ 'on gan-a 'de nyor⧾ 'klu-', 'on yubo-uh'. Jorwor: Nyorsoa-a' 'chlee-deh-a' wlu: korn on 'ye dhih 'jeh-' 'kpa,: on no-a, 'Yu: or: ne 'an kpuhba-a son⧾ ybei', or-a' 'jeh: dao', or-: 'bili: 'de 'on ya. 'An sie ti de, 'an zela a deh: daa: gwluhuh': dueh'leh:, 'de eh 'ye: no-eh:.: Yee': mor eh: no-eh:, 'de a 'ye-eh' dhih 'jeh-' po nyor 'on no-a, 'on 'dhu-eh:-'. Dhih 'jeh, 'an zela a: gwluhuh', nyor: or kpon-a nyor 'on dbo-a dih,: yee' nyor: dao', 'mor-: 'o or kpon dih. 'De nyor: or kpon-a 'on dih,: yee' nyor: or dbo-a 'on, or-: 'o or kpon dih: ke. :Yeh: Yusu': za-a deh: daa-',: yee' or-a': porluh-a 'beh-dih-or 'worn dih, 'de or: na 'bluhbor, or zela-uh: gwluhuh' deh 'jeh, or 'da, Dhih 'jeh, 'an zela a: gwluhuh', a-a' nyor: due', or-: mu 'on: plo. :Yeh or: za-a deh: daa-',: yee' or-a'a: bo: na-nyor⧾-a no pobo: 'de: on 'be ya, 'de: on 'be pobo: 'de: on ya. Deh no-eh, nyor: Yusu'-a 'da-a, 'de on 'nyne-', on se-or yubo:. :Yee' or-a'a: bo: na-yu: due' or: ybeh-a 'gabaa, or-:: ne 'o or 'bhun, 'do deh: di 'da. Or-: Samor': Piteh' no 'yli, or zela:: gwluhuh', or 'ye: Yusu' dih dhele: nyor or 'da-a. :Yee' bo: na-yu:: dao', or 'koan'-dih:: Yusu'-: dih, 'de or dhele-or dih, or 'da,: Gwlor: baa', or-a' 'nyne: eh? 'De: Yusu' 'dae:,: Mor 'on tba 'de 'bhlee-yor-eh 'soma' bo, nyor 'an mu-eh 'nyi-:,: yee' or-: 'o. 'De or tba 'de 'bhlee-yor-eh 'de 'soma' bo, or 'nyi-eh: Juda': Ehkeh'lior,: or no-a Samor'-a'a: 'yu. :Yeh: Juda' 'duo:-a 'bhlee-yor-eh:: dao',: yee' 'do: dha: due': dao',: yee' 'ku 'kpa 'o or: porluh ken 'weh. 'De: Yusu': wlu 'de or bo, or 'dae:, Deh: an yi-a no 'da, 'dhobo:,: on 'ye-eh' no. Deh or: za-a-', or-a'a: bo: na-nyor⧾-a' klehkpeh: on: ne-a 'o: dha an di-dih-a deh, on: se-eh' dih 'worn, deh: korn-a dhih or: za-a deh: dao', 'de or bo. :Yee': ka: Juda' no-a 'wlii dih: dhe-nyor 'do on bo,: yee': mor an-a': noo': taa 'ye: dee',: yee' on 'da,: Yusu' zela-or: gwluhuh', or 'ye 'Meh-a': bla-dih: 'dlu dih-gor-a' dii-deh:⧾: dhen 'da mu.: Mor: noo': taa 'ye: neheh',: yee' on 'da,: Yusu' zela-or: gwluhuh', or 'ye nyor⧾: on se-a deh-a': za-da 'ble, or 'ye-uh 'wlii 'nyi. :Yeh: Juda' 'duo:-a 'bhlee-yor-eh-',: yee' 'do: dha: due' 'jeh: dao',: yee' or 'si-: 'zorn, 'de glu gor. :Yeh: Juda' 'si-a 'zorn,: yee': Yusu': wlu-', or 'dae:, Nyorsoa-a yi 'yu an 'da-dih-a Nyor-kpalu-a' 'yu, dhih-a' 'i 'beh-a' 'nyi 'da: naa, 'de nyor⧾ 'ye Nyorsoa-a' dhih-a' 'i 'beh-a' 'ye 'de or ya. :Mor nyor⧾ 'ye Nyorsoa-a' dhih-a' 'i 'beh-a' 'de or ya,: yee' Nyorsoa-a mu: Yusu'-a' 'nyne dhih-a' 'i 'beh-a' 'nyi-:: ke. 'De mor or mu-eh bo 'dhobo:. 'An 'nynuu-a:, ti: en: sie:-a 'o, 'de 'on 'ye-a' dha a bo 'wluh, en: se 'i: dhie:. Deh 'on zela:-a: Jueh'-nyor⧾: gwluhuh', eh-: 'o, 'an zela a: gwluhuh': ke. A mu 'on 'kwla⧾-' dih 'bhorn-:. 'De mor,: Dha 'an mu-a, a se 'o-a' mu-a' 'beh-dih:. 'An 'nyi a 'tele': dele', a: ybeh-dih:.: Ka 'on no-a a-a': ybeh-a', 'ka-: a 'ye: ybeh-dih-eh no: ke. :Mor eh 'dhu a: ybeh-dih:,: yee': gwlor-nyor⧾-a' klehkpeh, an mu-eh yubo:,: ka a 'dhu-a 'an-a: bo: na-nyor⧾-'. :Yeh: Yusu' 'da: ao',: yee' Samor': Piteh' dhele-or-: dih, or 'da,: Gwlor: baa', dha: an mu: eh? 'De: Yusu' zela-or: gwluhuh', or 'da,: Dha 'an mu-a,: on se 'beh-dih:: on 'ye 'o 'on klei' zi: naa. Jorwor:: an mu 'on ken dih: yi 'de nya. 'De: Piteh' 'da,: Gwlor: baa',: eh: korn dhih, 'de 'on se 'o: an-a' klei': zi-eh 'beh-dih:: naa: eh? Eh-a': yeh 'dhu deh-', 'an mu 'an: febeh' 'kwla: za, 'on 'ye 'meh, 'do: an-a' dhih bo. :Yee': Yusu' 'da,: On 'beh-dih:: on 'ye: an-a': febeh' 'kwla: za, 'do 'an dhih bo 'jeh ka: e? Dhih 'jeh, 'an zela: on: gwluhuh',: mor: soan'-beor 'ye zlo zorn bo-mlai',: yee': an mu 'an dhih-' dhobo:, 'do kpor⧾ taan 'di. :Yee': Yusu': wlu-' 'de or-a'a: bo: na-nyor⧾ bo, or 'dae:, A-a': porluh⧾-a' 'beh-dih:-' a 'worn dih. A dhe Nyorsoa: gwlii'.: Yee' a dhe 'on: gwlii': ke. 'De 'On-ba 'bli 'gbu,: chuu:⧾: dhulu': ne 'de. 'An mu: mu, 'on 'ye dha 'kpa po 'do a bo.: Mor eh se: ao': ne,: yee' 'on: se-' a: gwluhuh' zela: i: dee'. :Yee': mor 'on mu,: mor 'on gweh dha 'kpa: po-eh 'i, 'do a bo,: yee' 'an mu de: yi: neheh', 'de 'on 'ye 'de a kpa. 'De: dha 'on: ne-a, 'de a 'ye 'o: ne: ke. A yubo:: gwie:: eh mu-a 'de: dha 'an mu-a 'weh. :Yeh: Yusu' 'da: ao',: yee': Tormor': wlu-' 'de or bo, or 'dae:,: Gwlor: baa', 'do: dha: an mu-a,: a se-a 'o yubo:.: Yee': kaa: a mu: gwie:: eh mu-a 'de, eh-a' yubo-eh: no: eh? 'De: Yusu' 'dae: 'de or bo, 'Mor 'dhu: gwie:: eh no-eh 'de nyor⧾-a yubo-a dhih-a' 'yor-eh:: en kor-a Nyorsoa 'i, 'de: eh 'nyi-a nyor⧾: febeh'. Nyor se 'beh-dih: or 'ye 'de 'On-ba bo mu,: mor eh 'dhu, or: yi-dih: 'on-': gbor, 'de or 'ye 'de mu. :Mor eh 'dhu, a yubo: 'on 'jeh ka,: yee' a yubo: 'On-ba 'weh: ke.: Eh 'wluh-a dha 'zean' 'bli: naa, a 'ye-or', 'de a yubo-or. 'De Felor' 'da,: Gwlor: baa',: torne:: on: Baa': a-uh.: Yee': a-a': porluh⧾-a mu dih 'pehn-:. 'De: Yusu' 'da, Deh: daa, 'on: ne a dha a bo: ne: nee:,: on se 'on yubo: 'gboror:: e? Nyor: or 'ye-a 'on,: yee' or 'ye 'On-ba 'weh.: Yee': eh: korn dhih,: an dhele 'on dih, 'on 'ye 'On-ba a-uh: torne:: eh? :On se-eh dhih 'jeh-' po,: ka 'on: ne-a 'On-ba-', 'de 'On-ba: ne-a 'on-': e? Eh: se 'de 'an 'jeh-a' 'kpih 'di, 'on: se-' deh⧾: daa-': za-dih: 'de a bo. Jorwor: 'On-ba:: or: ne-a 'on-', or-: 'o,: or no or-a': koan. A po 'on dhih 'jeh-',: mor 'on 'da, 'on: ne 'On-ba-' 'weh, 'de or: ne 'on-': ke.: Mor a se deh⧾ 'on: za-a-' dhih 'jeh-' po,: yee' a po 'on dhih 'jeh-', 'do deh⧾: kolu'⧾ 'on no-a, en-' dhih bo. Dhih 'jeh, 'an zela a: gwluhuh', nyor: or po-a 'on dhih 'jeh-',: yee' deh⧾ 'an no-a, or mu-ih: no: ke. 'De mor deh⧾-a' 'jeh or mu-a: no, en mu 'i 'beh-:, en 'ye 'o 'an ne-': zi. Deh no-eh, 'an mu 'de 'On-ba bo de: mu. 'De mor deh-beh-deh-beh: a mu-a 'yba-: 'de 'an 'nyne 'di, 'an mu-eh: no, 'de 'on 'ye 'On-ba-a' 'nyne dhih-a' 'i 'beh-a' 'nyi. :Yee': mor a 'yba deh, 'de 'an 'nyne 'di,: yee' 'an mu-eh: no, 'do a bo. :Yee': Yusu'-a kpa or-a' wlu 'dlu bo: chio'lo:, or 'dae:,: Mor a: ybeh 'on-',: yee' a mu 'o 'an 'tele' dih: dhe. :Yee' 'an mu 'On-ba dih dhele:, or 'ye nyor: noror' dbo, or 'ye a-uh': za-dih:, 'de or 'ye 'o a bo: ne,: ka ti-a mu-a 'dlu-': tehn. Nyor-a' 'jeh: dao', or-: 'dhu Nyorsoa-a': Zulu:: an torne-a nyor⧾ dhih-a' 'yor-eh:: en kor-a Nyorsoa 'i. An-a' 'jeh: dao', 'kmo se an-a' dih: kpon-eh 'beh-dih:. Deh no-eh, on: se-uh' 'ye, 'de on se-uh yubo:. Jorwor: a: mor: mloror', a yubo-uh'. Deh no-eh, on: ne a-uh' 'weh, 'de mor an mu 'o a bo: ne. :Mor 'on mu, 'on: se-' a: sie: i,: eh gweh-a: ka 'kwie'-yu: sie:-a dha. 'An mu 'de a bo de: yi. Eh: se 'o: gwle i,: yee' 'kmo: se 'on 'ye-: i: neheh'. Jorwor: a: mor: mloror', a mu 'on 'ye-:. 'De mor: ka 'on: ne-a 'kmo,: yee' a mu 'kmo-': ne: ke. :Mor ti: dao', en nyni 'o,: yee' a mu-eh 'i yubo:,: ka 'on: ne-a 'On-ba-', 'de a: ne-a 'on-', 'de 'on: ne-a a-uh': ke. Nyor-beh:: or 'ble-a 'an 'tele', 'de: or dhe-eh 'o dih,: yee' or-: no nyor: or: ybeh-a 'on-'. Nyor: or: ybeh-a 'on-', 'On-ba-a mu-or': ybeh: ke.: Yee' 'an 'yor-eh mu-or': ybeh: ke, 'de 'on 'ye 'an 'jeh, or 'i: to-dih:. :Yeh: Yusu': za-a deh: daa-',: yee' or-a'a: bo: na-nyor⧾-a' nyor: due' an 'da-dih-a: Juda', (Eh: se: Juda': Ehkeh'lior:.) or-:: wlu,: or 'da,: Gwlor: baa',: eh no 'de: on 'da,: an mu: an-a' 'jeh: a 'i: to-dih:, 'de: on: se-': an-a' 'jeh 'kmo 'i: to-dih: i: eh? 'De: Yusu' 'da, Nyor: or: ybeh-a 'on-', or-: mu 'o 'an 'tele' dih: dhe. 'On-ba-a mu-or': ybeh: ke.: Yee': a mu 'de: yi,: a 'ye 'de or 'di 'ti. Nyor: or se-a 'on-': ybeh,: yee' or: se 'o 'an 'tele' dih: dhe i. Nyor⧾ deh: torne-eh: a 'worn-a: naa, eh: se 'de 'on bo 'wluh. Jorwor: 'On-ba:: or dbo-a 'on, 'de or bo: oo', eh 'wluh. 'An zela deh⧾-a' klehkpeh: daa: gwluhuh' 'weh,: ka 'on: ne-a dha a bo: naa. Jorwor: nyor⧾-': za-dih-nyor:: or 'dhu-a Gban 'i: ne: Zulu-', or-: 'On-ba-a mu: dbo, 'de 'an 'nyne 'di. Or mu a deh⧾-a' klehkpeh: torne:.: Yee' deh⧾-a' klehkpeh 'on: za-a-' 'de a bo, or mu-ih a: gwluhuh' bo: po-dih:. :Porluh-a' dih 'pehn-eh:, eh-: 'an sie-dih a-uh. 'An: porluh-a' dih 'pehn-eh: 'o, eh-: 'an 'nyi a-uh. 'On: se-eh' a 'nyi: ka 'kmo-a no-a eh-a' nyor⧾ 'nyi-eh. A-a': porluh⧾-a' 'beh-dih:-' a 'worn dih. 'De mor a 'bor: fano:: ple-eh: ke. A 'worn-eh', 'on zela: a: gwluhuh' 'weh,: ka 'an mu-a dha: mu, 'de 'an mu-a 'noror a bo de: yi.: Mor eh 'dhu, a: ybeh 'on-',: yee' a-a': porluh⧾-a mu dih 'pehn-:: ka 'an mu-a 'de 'On-ba bo. Deh no-eh, 'On-ba 'beh-: 'i, or: zi 'o 'on-'. 'An zela a: gwluhuh' 'weh: dueh'leh:, 'de eh 'ye: no-eh:. 'De: mor eh: no-eh:, 'de a 'ye 'on dhih 'jeh-' po. Eh: se 'o: gwle i, 'on 'ye wlu-a' 'bor 'de a bo. Deh no-eh, 'ku: on: korn-a dha yao 'zorn wlu 'ken, an yi-: 'de. Jorwor: on se 'kpih 'ble 'do 'on ken. Deh⧾-a' klehkpeh 'On-ba zela 'on: gwluhuh', me-: 'o, 'an no, 'de nyor⧾: on: ne-a dha yao 'zorn, 'ye-eh' yubo:: ka 'on: ybeh-a 'On-ba-'.: Yeh: Yusu' gweh-a deh: daa eh-a': za-a' 'i,: yee' or 'da, A: sorn-',: a 'ye mu. :Yee': Yusu': wlu-': neheh', or 'dae:, 'Mor-: no tu 'jeh: no: an tlo-a 'bi. 'De 'On-ba no tu: dao', an-a': kororn-nyor. 'Gabuh⧾-a' klehkpeh: en tba-a 'o 'on 'bhun, 'de: en: se-a' 'bi: tlo i, me-: or mu 'o: chehn. Jorwor:: yih: en tlo-a 'bi, me-: or 'gbabo 'de dih, 'de en 'ye dih van-dih:, en 'ye 'bi: dhulu': tlo. Wlu 'on: za-a-' 'de a bo, eh-: no-eh, 'de a: gweh: vlehehn'-' see. A: ne 'on-',: yee' 'an mu a-uh: ne: ke. Tu-a' 'gabuh se 'beh-dih: on 'ye 'bi: tlo, 'do an-a' 'jeh bo,: mor on se 'o tu 'bhun tba. 'De: ka: ne-a: due' 'di, a se 'beh-dih: a 'ye 'bi: tlo 'do a-a' 'jeh bo,: mor a se 'on-': ne. 'Mor-: 'o,: or no tu.: Yee' a: mor 'dhu tu-a' 'gabuh⧾-'.: Mor nyor: ne 'on-', 'de 'on 'ye-or': ne,: yee' or mu 'bi: dhulu': tlo.: Mor a se 'on-': ne, a se 'beh-dih: a 'ye deh no. :Mor nyor se 'on-': ne,: yee' or gweh tu-a' 'gabuh:: on: po-eh 'kwla, 'de: on: klor-a. 'Gabuh:: dao': on: ne: ao', nyor⧾-a mu-uh' 'duo:, on 'ye-uh' 'yli 'dhu, 'de on 'ye sin. :Mor a: ne 'on-', 'de 'an wlu 'ye a-': ne,: yee' deh a 'bhorn-a, a 'yba-dih-eh 'on,: yee' a mu-eh 'ye-:. :Mor a: tlo 'bi: dhulu',: yee' eh mu 'On-ba-a' 'nyne dhih-a' 'i 'beh-a' 'nyi-:,: yee' eh mu-eh nyor⧾ 'i: to-dih:,: ka a 'dhu-a 'an-a: bo: na-nyor⧾-'. :Ka 'On-ba no-a 'an: ybeh-a', 'ka-: 'on no a-a': ybeh-a': ke.: Yee' a no-eh, 'de 'on 'ye a-': ybeh: chio'lo:. :Mor a dhe 'o 'an 'tele' dih,: yee' 'an mu a-': ybeh: chio'lo:,: ka 'on no-a 'o 'On-ba-a' 'tele'-a' dih: dhe-eh, 'de or: ybeh-a 'on-' 'gabaa. 'On: za dhih: daa-' 'weh 'de a bo, 'de 'mona:: or 'yi-dih:-a 'on-' dih, or 'ye a-' dih 'yi-dih:: ke, or 'ye 'zorn 'wla. 'An 'tele': wor: dhe dih, a: ybeh-dih:,: ka 'on no-a a-a': ybeh-a': ke. :Ybeh-dih-eh-a' klehkpeh-a' 'dlu: wor 'dhu, nyor 'ye or-a': febeh' 'kwla: za, or 'ye 'meh, 'do or 'bei'-a' dhih bo. :Mor eh 'dhu, a no deh 'an zela a: gwluhuh',: yee' a: mor 'an: ybeh-dih-nyor:⧾ 'o. 'On: se-' a 'an-a: 'bhoi-nynuu 'da-dih: i: neheh'. Deh no-eh, 'bhoi-yu se deh or-a'a: nyor: klaba'-a no-a yubo:. Jorwor: 'an 'da-dih a 'an-a:: ybeh-dih-nyor:⧾. Deh no-eh, deh⧾-a' klehkpeh 'on 'chean'-a 'de 'On-ba 'kwa, me-: 'on: torne: a-uh. A: se 'on gan. Jorwor: 'mor gan a-uh, 'de: or tba a-uh: jii-eh, a 'ye mu, a 'ye 'kmo: sie-bi: tlo.: Yee' deh⧾-a' klehkpeh a mu-a 'yba-: 'de 'an 'nyne 'di, me-: 'On-ba-a mu a 'nyi-:. 'An 'tele': wor: dhe dih, a: ybeh-dih:. :Yee': Yusu'-a kpa or-a' wlu 'dlu bo: chio'lo:, or 'dae:,: Mor 'kmo 'nyeh a-uh',: yee' a yubo-eh': ka on 'nyeh-a 'on-': zai'. :Mor a: korn 'de 'kmo bo: dee',: yee' an mu a-': ybeh: ka on no-a an-a'a: nyor⧾-a': ybeh-a'.: Ka eh: ne-a: naa, a se 'de 'kmo bo: korn. Jorwor: 'on: za 'de a nyor⧾: on: korn-a 'de 'kmo bo 'klu-' 'weh. Eh-:: korn dhih, 'de 'kmo bo-nyor⧾ 'nyeh a-uh'. A: po-dih: dhih 'on: za-a-' 'de a bo: gwluhuh' bo, 'on no-a, 'Bhoi-yu se 'i 'beh, or se 'o or-a'a: nyor: klaba'-': zi.: Ka nyor⧾ 'ye-dih:-a 'on 'kle,: yee' an mu a 'kle 'ye-dih:: ke.: Ka nyor⧾: noo' dhe-a 'o 'an 'tele' dih,: yee' an mu 'o a-a' 'tele' dih: dhe: ke. 'Kle: dao', eh-: an mu a 'ye-dih:, 'do deh a zi-a 'o 'on klei', eh-a' dhih bo. Deh no-eh, on se nyor: or dbo-a 'on yubo:. :Mor 'on se 'de yi: dee', 'de 'on 'ye: ao', 'on se 'de on bo: wlu,: yee' deh⧾-zon⧾-a' zabe: se-uh': kpon i: dee'. Jorwor:: ka 'on: wlu-a 'de on bo: naa,: yee' on se deh 'ble, on 'ye-a 'o: za-dih:, 'do an-a' deh⧾-zon:⧾: no-eh bo. Nyor: or 'nyeh-a 'on-',: yee' or 'nyeh 'On-ba-' 'weh: ke. 'On no deh⧾: kolu'⧾ nyor 'see-a no: zai', 'de on 'nyne-'.: Mor on se deh⧾: daa 'ye: dee',: yee' deh⧾-zon⧾-a' zabe: se-uh': kpon i: dee'. Jorwor: on 'ye 'on 'weh, 'on no-ih', 'de on 'nyeh 'mor-: 'dekorn: 'On-ba-: 'gboror:. Deh: daa, eh: no-eh:-', 'de an-a'a: 'tele' 'ye dhih 'jeh-' 'kpa,: ka eh no-a eh-a': za-a', eh 'da, Dhih on 'nyeh-a 'on-', en se 'nyne: korn. :Mor nyor⧾-': za-dih-nyor:: or: ne-a 'de 'On-ba bo, 'an mu a: dbo,: mor or 'yle,: yee' or mu 'an dhih ken dih zela:. Or-: 'dhu Gban 'i: ne: Zulu-': an torne-a nyor⧾ dhih-a' 'yor-eh:: en kor-a Nyorsoa 'i. A: mor: ke, a mu 'an dhih ken dih zela:. Deh no-eh, a: ne 'o 'on bo 'weh,: eh 'wluh-a 'de 'an-a:: koan-a' glu 'dhu 'da. :Yee' 'on zela: a deh⧾: daa: gwluhuh' 'weh: naa, 'de a: ne 'o: gwie 'i 'wluh. An mu a 'de an-a' 'di: gweh-dih-sla⧾ 'zorn: za. Keen' 'jeh, ti-a mu 'o: nyni, nyor: or mu-a a 'dba-:,: mor or: taa 'ye: dee',: yee' or 'da, or no Nyorsoa-a': koan:. An mu deh⧾: daa: no, deh no-eh, on se 'On-ba-: 'dekorn: 'mor-:: a-a' nyor yubo: deh 'jeh. 'On zela: a deh⧾: daa: gwluhuh' 'weh, 'de: mor en-' ti nyni 'o, 'de a 'ye-eh': gwluhuh' bo: po-dih:,: ka 'on zela: a: gwluhuh' see. 'On: se-' a deh⧾: daa: gwluhuh' zela:: zai'. Deh no-eh, 'an 'jeh 'yor-eh: ne: daa a bo 'weh. :Kana: naa nyor: or dbo-a 'on, 'de or bo 'an mu de. Jorwor: a-a' nyor 'see 'on dih dhele: dha 'an mu-a: mu. Deh 'on zela:-a a deh⧾: daa: gwluhuh', eh-: no-eh, 'de a-a': porluh⧾ 'kpa 'zorn. Jorwor: dhih 'jeh, 'an zela a: gwluhuh', eh mu 'yi dih: nmor 'do a bo, 'on 'ye mu. Deh no-eh,: mor 'on se mu,: yee' nyor⧾-': za-dih-nyor: se 'noror a bo: yi i. Jorwor:: mor 'on mu,: yee' 'an mu-or 'noror a bo: dbo. :Mor or 'yle,: yee' or mu deh⧾ 'bluhba-a zi-a 'i, on: gwluhuh' zela:, 'do deh⧾-zon:⧾ on no-a bo. Or mu-uh 'yi 'sleh-deh:⧾ on 'ye-a' no, 'do Nyorsoa ybei': torne:.: Yee' or mu-uh deh: mor nyor⧾ no-a, 'de Nyorsoa-a' zabe-a kpon-uh-a, or mu-eh 'bluhba: torne:. :Ka on no-a deh⧾-zon⧾-a' dih 'worn-eh, 'do an-a' 'jeh bo, eh-: no-eh, 'de an zi deh⧾ 'i. Deh no-eh, on: se-' 'on dhih 'jeh-' po. Or mu-uh 'yi 'sleh-deh:⧾ on 'ye-a' no, 'do Nyorsoa ybei': torne:. Deh no-eh, 'an mu 'de 'On-ba bo de. 'De mor a: se-' 'on 'ye-: i: neheh'. Or mu-uh deh,: mor nyor⧾ no-a, 'de Nyorsoa-a' zabe-a kpon-uh-a, or mu-eh 'bluhba: torne:. Deh no-eh, Nyorsoa-a' zabe kpon 'ku: on: korn-a dha yao 'zorn wlu 'ken 'weh see. 'On 'ble deh⧾: dhulu' 'on 'ye a: gwluhuh' zela:. Jorwor:: mor 'on za-ih',: yee' a-a': porluh⧾-a mu 'zorn 'kpa-:. Deh no-eh, a se en-' 'yi: nyna-a' 'beh-dih:: naa. Jorwor: Nyorsoa-a': Zulu:: an torne-a nyor⧾ dhih-a' 'yor-eh:: en kor-a Nyorsoa 'i,: mor on 'yle, an mu-eh: no, 'de a 'ye dhih-a' 'yor-eh-a' klehkpeh: en kor-a Nyorsoa 'i yubo:. On: se 'de an-a' 'jeh-a' 'kpih 'di: wlu-dih: i. Deh on 'worn-a, eh-: an mu-': za.: Yee' deh⧾: en mu-a: no-eh 'de ybei', me-: an mu a: gwluhuh' zela:. An mu 'an 'nyne dhih-a' 'i 'beh-a' 'nyi-:. Deh no-eh, deh⧾ 'on: za-a-', me-: an mu a: gwluhuh' zela:. Deh⧾-a' klehkpeh 'On-ba 'ble-a, 'mor korn-ih. Eh-:: korn dhih, 'on: wlu 'de a bo, 'on 'da, deh⧾ 'on: za-a-', me-: or-a': Zulu-a mu a: gwluhuh' zela:: ke. :Yee': Yusu'-a kpa or-a' wlu 'dlu bo, or 'dae:, Eh: se 'o: gwle i, a 'ye 'an 'ye-a' 'bor. 'De: mor ti-bei: zi-dih: 'o ken dih,: yee' a mu 'on 'ye-:: neheh'. :Yeh or 'da: ao',: yee' or-a'a: bo: na-nyor⧾-a': noo': wlu-' 'de an-a' 'jeh 'nyne-', on 'dae:,: Mor or 'da, Eh: se 'o: gwle i, a 'ye 'an 'ye-a' 'bor. 'De: mor ti-bei: zi-dih: 'o ken dih,: yee' a mu 'on 'ye-:: neheh',: mor or 'da: ao',: yee' deh eh 'dhu-eh:-': eh? 'De or: wlu: neheh', or 'da or mu 'de or: Baa' bo, eh-:: korn dhih: a: se-or' 'ye-: i. :Yee' an dhele-eh-: dih: chio'lo:, on 'dae:,: Mor or 'da, 'do ti-bei 'di,: yee' deh eh 'dhu-eh:-': eh? Deh or: za-a-',: a-a' 'worn-eh-' dih. :Yee': Yusu' yubo-eh',: ka an 'bhorn-a on 'ye-or' dih dhele: 'do deh or: za-a-' 'de on bo, 'do eh-a' dhih bo. Eh-: no-eh, 'de or: wlu 'de on bo, or 'dae:, A 'chihleh-eh 'i, 'de a-a' 'jeh 'nyne-',: eh: mor deh 'on: za-a-', deh eh 'dhu-eh:-': e? Deh 'on no-a, Eh: se 'o: gwle i, a 'ye 'an 'ye-a' 'bor. 'De: mor ti-bei: zi-dih: 'o ken dih,: yee' a mu 'on 'ye-:: neheh'. Dhih 'jeh, 'an zela a: gwluhuh', a mu 'vin-:, 'de a 'ye 'zlu. Jorwor: 'kmo bo-nyor⧾-a mu 'mona: no. A-a': porluh⧾-a mu 'zorn 'kpa-:. Jorwor: a-a': porluh⧾-a' 'zorn 'kpa-eh:: dao', eh mu 'mona-': za-dih:. :Mor 'kwli: taa 'nynor no,: yee' or 'ye or-a' 'jeh worn. Deh no-eh, or-a': gbano:: za-ti nyni 'o 'weh. Jorwor:: mor 'yu 'wluh,: yee' or 'ma-dih: 'kle or 'ye-a, eh-a' dhih-: bo. Deh no-eh, or-a': porluh 'pehn-: dih,: ka 'yu: dele' 'wluh-a dha yao 'zorn. 'Ka-: 'o, eh: ne: ke, 'do a bo.: Yeh: daa: naa, a-a': porluh⧾ 'kpa-: 'zorn. Jorwor: 'an mu a 'ye-:: neheh'.: Mor 'on 'ye a-uh,: yee' 'mona-a mu a-' dih 'yi-dih:, 'de nyor se 'beh-dih:, or 'ye-a 'mona:: dao', 'kwa: za. :Mor 'we-eh:: dao', eh nyni 'o,: yee' a: se 'on deh dih dhele: i: neheh'. Dhih 'jeh, 'an zela a: gwluhuh', deh-beh-deh-beh: a mu-a 'On-ba 'yba-dih: 'de 'an 'nyne 'di, eh-: or mu a 'nyi-:. :Eh 'wluh-a 'o ti: dao' bo,: eh: yeh-dih:-a ti: daa ken, a 'see deh 'yba 'de 'an 'nyne 'di. A 'yba-dih: Nyorsoa deh, 'de 'an 'nyne 'di,: yee' a mu-eh 'ye-:.: Yee' 'mona-a mu a-' dih 'yi-dih:. :Mor 'on: taa wlu 'de a bo,: yee' 'an wlu-dih 'de 'dlan⧾ 'di. Jorwor: ti-a mu 'o: nyni, 'on: se 'de 'dlan⧾ 'di: wlu-dih: i: neheh'. Jorwor: 'an mu wlu dih 'si-dih:,: mor 'on: taa 'On-ba-a' dhih-' za. 'Do 'we-eh:: dao' 'di, a mu-or deh 'yba-dih: 'de 'an 'nyne 'di. 'On se: ao', 'mor-: mu-or deh dih dhele: 'do a-a' 'gor bo. Jorwor: 'On-ba-a' 'jeh 'yor-eh: ybeh a-uh' 'weh. Deh no-eh, a: ybeh 'on-' 'weh, 'de a po-eh dhih 'jeh-',: ka 'on 'wluh-a 'de or bo. 'On 'wluh 'de 'On-ba bo, 'de 'on yi dha yao 'zorn. Jorwor:: yeh: daa: naa, 'an 'wluh dha yao 'zorn 'weh, 'de 'an mu 'de or bo de. :Yeh or 'da: ao',: yee' or-a'a: bo: na-nyor⧾: wlu-' 'de or bo, on 'dae:, Jorwor:: on 'si-dih: wlu dih: naa, 'de: on 'bor 'de 'dlan⧾ 'di: wlu-dih-eh. :Kana: naa,: a yubo-eh' deh 'jeh,: ka: on yubo:-a deh⧾-a' klehkpeh.: Yee' eh-a' dhih, nyor se: korn or 'ye: on deh: gwluhuh' zela:. Eh-: no-eh, 'de: a po-eh dhih 'jeh-',: ka: on 'wluh-a 'de Nyorsoa bo 'jeh ka. 'De: Yusu' 'da, Jorwor: a po 'on dhih 'jeh-': naa: e? Jorwor: ti-a mu 'o: nyni, 'de en nyni 'o 'weh: naa, a 'ye dih: gba, a 'ye a 'bli deh⧾-' dih mu, a 'ye 'o 'on dih sie. Jorwor: 'on se: due': ne, deh no-eh, 'On-ba: ne 'o 'on bo 'weh. 'An zela a deh⧾: daa: gwluhuh' 'weh, 'de a 'ye: porluh-a' dih 'pehn-eh 'ye, 'an dhih. A mu 'kle 'ye-: dha yao 'zorn. Jorwor: a ku 'di dih. 'On du 'kmo-a' 'kpih 'weh. :Yeh: Yusu' gweh-a deh⧾: daa, en-': za-a' 'i,: yee' or pobo: 'de Nyorsoa 'bli yai', 'de or: wlu, or 'da, 'On-ba:, ti nyni 'o 'weh: naa. 'Nyi 'mor: or 'dhu-a: an-a' 'Yu-', 'an 'nyne dhih-a' 'i 'beh-a', 'de 'on 'ye: an-a' 'nyne dhih-a' 'i 'beh-a' 'nyi: ke. Deh no-eh,: on 'nyi 'on 'kpih 'do: gwlor-nyor⧾-a' klehkpeh ken, 'de 'on 'ye nyor⧾-a' klehkpeh: on 'nyi-a 'on, 'kmo: sie:: febeh' 'nyi. 'Kmo: sie:: febeh': wor 'dhu, on 'ye: on yubo:,: mor: or 'dhu-a Nyorsoa: due' 'klein' 'jeh ka, 'de on 'ye 'mor: or 'dhu-a: Yusu' 'Klae-',: on dbo-a yubo:: ke. 'On 'nyi: an-a' 'nyne dhih-a' 'i 'beh-a' 'weh, dha yao 'zorn, 'do: koan:: on 'nyi-a 'on, or-a' 'yi: gweh-eh bo. :Yee' 'On-ba:, 'nyi 'an 'nyne dhih-a' 'i 'beh-a': naa 'do: on ybei'. 'Nyi 'on dhih-a' 'i 'beh-a': daa 'on 'ble-a 'de: on bo, 'de jorwor: 'bluhba-a mu-a: no-eh. Nyor⧾: on 'nyi-a 'on,: on: za-a: 'de 'kmo 'di, mo-: 'on no-eh, 'de on yubo:: on deh 'jeh. On: korn 'de: on bo, 'de: on 'nyi-uh 'on, 'de on dhe 'o: an-a' wlu dih. :Yee' on yubo-eh': naa,: ka deh⧾-a' klehkpeh: on 'nyi-a 'on, en 'wluh-a 'de: on bo. Deh no-eh, wlu: on 'nyi-a 'on, mo-: 'on 'nyi-uh, 'de on kpon-uh dih.: Yee' on yubo-eh' deh 'jeh neh,: ka 'on 'wluh-a 'de: on bo. 'De on po-eh dhih 'jeh-',: ka eh 'dhu-a: on mor-',: or dbo-a 'on. 'An wlu 'de: on bo, 'do an-a' dhih bo. Eh: se 'kmo-a' dhih, 'on: se 'de: on bo: wlu. Jorwor:: yuh: on 'nyi-a 'on, an-a' dhih, 'an wlu 'de: on bo. Deh no-eh, on: korn 'de: on bo. Nyor⧾-a' klehkpeh 'on 'ble-a, on: korn 'de: on bo. 'De mor nyor⧾-a' klehkpeh: on 'ble-a, on: korn 'de 'on bo: ke. Nyor⧾-a' 'jeh: dao', mo-:: to-dih-eh nyor⧾ 'i,: ka 'an dhih 'beh-a 'i. 'On: se-' dha yao 'zorn: ne i: neheh'. 'An yi 'de: on bo 'weh: naa. Jorwor: on: mloo', on sie dha yao 'zorn 'weh 'gboror:. 'On-ba:: or: ne-a gban 'i,: an-a' 'worn-:-' deh-a': no-uh', de: an-a' 'yor-eh-a' 'kpih: on 'nyi-a 'on 'di. 'De: ka: a no-a nyor: due', on 'ye: ao': ne: ke. Ti 'on: ne-a 'de on bo, 'on: se-' 'worn deh: se-uh' no, 'de 'kpih: on 'nyi-a 'on 'di. 'On pobo: 'o on bo dih 'weh, 'de an-a' nyor: ne-' 'ma. Jorwor:: yor: or: korn-a: or 'ye-a' gbe: zie:, 'de deh: an-a' 'chlee-deh: za-a-', eh 'ye-a' dhih 'jeh-' 'kpa, or: due': oo',: or 'ma. 'An yi 'de: on bo 'weh: naa. 'An za deh: daa-' 'weh: naa,: ka 'on: ne-a 'noror yao 'zorn 'gboror:, 'de 'an 'mona 'ye-uh' dih 'yi-dih: 'gabaa. 'On po: an-a' tubo-wlu⧾ 'weh, 'noror on bo. Eh-:: korn dhih, 'de 'kmo 'nyeh-uh'. Deh no-eh, on se 'de 'kmo 'di: ne,: ka 'on no-a, 'de 'on se-a 'de 'kmo 'di: ne: ke. 'On: se-': on dih dhele:,: on 'ye-uh 'noror 'kmo bo: za, jorwor:: on 'ye-uh 'ku bo dih: tehn-dih:. On se 'de 'kmo 'di: ne,: ka 'on no-a, 'de 'on se-a 'de 'kmo 'di: ne: ke. :An-a' wlu no dhih-a' 'yor-eh:.: Yee' no: an-a' wlu: daa, 'de nyor⧾: daa, on 'ye 'for 'i: dhe-dih-eh: 'do: on bo. :Ka: on no-a, 'de: on dbo-a 'on, 'noror 'kmo bo, 'ka-: 'o, 'on no, 'de 'on dbo-uh 'noror 'kmo bo: ke. 'On dhe-dih: 'an 'jeh 'for 'i 'do: on bo, 'do an-a' dhih bo, 'de an-a' 'jeh: ke, on 'ye 'for 'i: dhe-dih-eh: 'jeh ka 'do: on bo. Eh: se 'an-a: bo: na-nyor:⧾: daa, an-a' dhih: due', 'on: se 'de: on bo: wlu. 'An wlu 'de: on bo 'weh, 'de: yuh: an mu-a 'on dhih 'jeh-': po,: mor on 'worn tubo-wlu:⧾ 'an-a: bo: na-nyor⧾-a mu-a: po, 'de on bo. 'Nyi an-a' klehkpeh no nyor: due', 'On-ba:,: ka: on: ne-a 'on-', 'de 'on: ne-a: on-': ke.: Yee' 'nyi on: ne: a no nyor: due', 'de 'kmo 'ye-eh' dhih 'jeh-' po,: ka eh 'dhu-a: on mor-',: or dbo-a 'on. Dhih-a' 'i 'beh-a': on 'nyi-a 'on, or-: 'on 'nyi-uh: ke. 'De: ka: a no-a nyor: due', on 'ye: ao': ne: ke. 'On ne-uh' 'weh, 'de: on: ne 'on-'.: Yee' 'nyi on no nyor: due' 'jeh ka, 'de 'kmo 'ye-eh' yubo:: ka eh 'dhu-a: on mor-',: or dbo-a 'on, 'de: on ybeh-uh-a-',: ka: on no-a 'an: ybeh-a': ke. 'On-ba:, 'an 'bhorn nyor⧾: on 'nyi-a 'on,: dha 'on: ne-a, on 'ye 'o: ne: ke, 'de an-a' 'yli 'ye 'an dhih-a' 'i 'beh-a' 'ye. Dhih-a' 'i 'beh-a': daa,: mor 'o: or 'nyi-eh 'on, deh no-eh,: on: ybeh 'on-' 'weh, 'de jorwor: 'bluhba-a mu: no-eh. 'On-ba:,: or 'sleh-a 'i, keen': mloror' 'kmo se: on yubo:, jorwor: 'on yubo:: on 'weh. 'De mor nyor⧾: on 'nyi-a 'on, on yubo-eh': ka eh 'dhu-a: on mor-': or dbo-a 'on. 'On no-eh', 'de 'kmo yubo:: on, 'de mor 'an mu-eh: no: chio'lo:, on 'ye: on yubo:, 'de jorwor:: ybeh-a': on 'ble-a 'do 'on bo, eh 'ye-uh': ne, 'de 'an 'jeh 'yor-eh 'ye-uh': ne: ke. :Yeh: Yusu' gweh-a 'de Nyorsoa bo: wlu-eh 'i,: yee' or-: or-a'a: bo: na-nyor⧾-: on mu-', 'de on 'dhan 'ni-yu: an 'da-dih-a 'Kedlor, on pa 'de 'dhuu'-deh⧾-a' gba-dih-gba: or: ne-a 'o 'di. :Yee': Juda': or plo-a: Yusu', or yubo: 'o: dha 'o 'weh, deh no-eh,: Yusu'-: 'dekorn: or-a'a: bo: na-nyor⧾-: an 'gbon-dih 'o 'weh, 'do ti-a' klehkpeh bo. :Yee': Juda' mu 'de 'dhuu'-deh⧾-a' gba-dih-gba: dao' bo 'weh, 'de or kpa 'Wloon-sorye': noo'-: 'dekorn: Nyorsoa-a' 'sla-a': poli'si:: noo'-:: yuh Nyorsoa-a' 'slaa:: za-nyor:⧾: klaba'⧾-: 'dekorn:: Falasi'i-nyor⧾-: on dbo-a. An-a' klehkpeh: dao', on kpa: dhali-pu⧾-: 'nape⧾-: 'dekorn:: vorn-dih-deh⧾-: on 'ye: Yusu' kpon. :Yeh on 'ye: ao' no,: yee': Yusu' yubo: deh⧾-a' klehkpeh: en mu-a: no-eh, 'do or 'bhun 'weh see.: Yeh or 'ye-uh'-a,: yee' or 'wluh 'de gba-dih-gba 'di 'weh, 'de or 'ya-dih-uh 'i.: Yee' or dhele-uh-: dih, or 'dae:, Nyor a 'bhorn 'kwla⧾-' dih: eh? 'De on 'da,: Yusu': or 'wluh-a 'Nazla, or-: 'o: a 'bhorn 'kwla⧾-' dih. 'De: Yusu' 'da, 'Mor-:: dhe dih.: Yeh deh⧾: daa, en mu-a 'dlu bo,: yee' 'do: wor: Juda': or plo-a: Yusu', or: ne. :Yeh: Yusu' no-a, 'Mor-:: dhe dih,: yee' nyor⧾: dao', on: za-dih: ken, 'de an-a' klehkpeh 'ga dih 'do 'bluhbor. :Yee' or dhele-uh-: dih: neheh', or 'dae:, Nyor a 'bhorn 'kwla⧾-' dih: eh? 'De on 'da,: Yusu': or 'wluh-a 'Nazla: oo'. 'De or 'da, 'On zela: a: gwluhuh' 'weh, 'on 'da, 'Mor-:: dhe dih.: Mor eh 'dhu 'mor-', a: taa 'kwla⧾-' dih 'bhorn,: yee' a 'tali: nyor⧾: yuh: daa dih, on 'ye mu. ( Deh: daa, eh: no-eh:-', 'de or-a' wlu or: za-a-', on 'ye dhih 'jeh-' 'kpa,: eh 'dhu-a, 'On-ba:, nyor⧾: on 'nyi-a 'on, 'on: se-' an-a' nyor: due' 'ma-dih:.) :Yeh eh no: ao',: yee' Samor': Piteh': or 'ble-a: bhla 'jlehn,: yee' or jli-eh 'de kpla-'-: dih, 'de or po-eh, or chehn 'o Nyorsoa-a' 'slaa:: za-nyor⧾-a' nyor: klaba'-a'a: 'bhoi-yu-a': dila-dou'. 'Bhoi-yu:: dao', or-a' 'nyne: wor: Mala'ka:. Jorwor:: Yusu': wlu-' 'de: Piteh' bo, or 'da, Po 'de: an-a'a:: bhla 'jlehn 'de kpla-' de. 'Kle 'ye-eh-a' 'korbuh 'On-ba: 'nyi-a 'on, 'on 'ye-a' 'di 'na-dih:, 'on: se-uh' 'di 'na-dih: i: e? :Yee' sorye': dao'-: an-a'a:: janbe-: 'dekorn:: Jueh'-nyor⧾-a': poli'si:: dao'-: mo-: kpon: Yusu'. 'De on san-or, on kpa-or 'de 'yu: due' an 'da-dih-a 'Aneh bo: zai'. 'Aneh no: Kai'fa-a'a: 'nynor: baa'. 'De: Kai'fa no Nyorsoa-a' 'slaa:: za-nyor⧾-a' nyor: klaba' 'do zon: dao' 'di. :Kai'fa-a' 'jeh: dao', or-: 'o,: or: wlu 'de: Jueh'-nyor⧾ bo: dee' see, or 'da, eh: nmor-: 'yi nyor: due' 'ye 'meh 'do: gwlor-nyor⧾-a' klehkpeh-a' dhih bo. :Yee' Samor': Piteh'-: 'dekorn:: Yusu'-a'a: bo: na-nyor:: noror'-: mo-: zi 'o: Yusu' klei'. Jorwor:: ka Nyorsoa-a' 'slaa:: za-nyor⧾-a' nyor: klaba' yubo:-a bo: na-yu:: dao',: yee' or: due' mu 'o Nyorsoa-a' 'slaa:: za-nyor⧾-a' nyor: klaba'-a'a: 'gbu ybei', or zi 'o: Yusu' klei'. Jorwor:: Piteh': se 'o mu. Or fuo-uh-: 'ken 'do gba-dih-gba-a': kpaa' worn 'i, 'noror 'zorn.: Yee': Yusu'-a'a: bo: na-yu:: dao', Nyorsoa-a' 'slaa:: za-nyor⧾-a' nyor: klaba' yubo:-a, or yi-: de, 'de or: wlu 'de 'nynor-kpao'-yu:: or 'dhu-a: kpaa' 'yli-eh bo, 'de or 'worn or 'ye: Piteh': pa-dih:. :Yeh: Piteh' pa-a,: yee' 'nynor-kpao'-yu:: dao', or: wlu-' 'de or bo, or 'dae:,: On: se: Yusu'-a'a: bo: na-nyor⧾-a' nyor: due' ke: e? 'De: Piteh' 'da, 'Kei:. Eh: se 'mor-:. 'Do ti: dao' 'di,: yee': chehbe'-a: 'yle. Eh-: no-eh, 'de 'bhoi-nynuu-: 'dekorn:: poli'si:: dao'-: on dhba neh, 'de an 'wona. 'De: Piteh' mu 'o: ke, or 'ye 'wona:. :Yeh deh⧾: daa, en mu-a 'dlu bo,: yee' Nyorsoa-a' 'slaa:: za-nyor⧾-a' nyor: klaba'-a 'chleh: Yusu', 'do or-a'a: bo: na-nyor⧾-: 'dekorn: or-a' nyor⧾ deh: torne-eh-: en-' dhih bo. :Yee': Yusu': wlu-' 'de or bo, or 'dae:,: Mor 'on: taa 'de nyor⧾: on: ne-a dha 'kmo bo wlu,: yee' 'an nyna 'o: gwlor: gwea dih. 'Do ti-a' klehkpeh bo, 'an torne nyor⧾ deh, 'de: a-a'a: 'di: gweh-dih-sla⧾ 'zorn-: 'dekorn: 'do Nyorsoa-a' 'sla ybei'-:: dha: Jueh'-nyor⧾-a' klehkpeh, an 'kpa-dih-a: dha: due'. 'On 'see deh-' za, 'de 'gbu 'de. :Eh: korn dhih, 'de: an 'chleh 'on: eh? Dhele: nyor⧾: on 'worn-a 'an wlu dih. On yubo: deh 'on: za-a-' 'weh. :Yeh: Yusu': za-a deh: daa-',: yee': poli'si-yu: due',: or: nyna-a 'o or 'bhun dih, or-: po-or 'kpa 'yli, 'de or 'da, 'Ka-: nyor no 'de Nyorsoa-a' 'slaa:: za-nyor⧾-a' nyor: klaba' bo: wlu-eh: e? 'De: Yusu' 'da,: Mor 'on: za deh-zon-',: yee' za-eh'. Jorwor:: mor deh⧾ 'on: za-a-',: mor en 'dhu dhih 'jeh-',: yee': eh: korn dhih,: on po 'on 'kpa 'yli: eh? :Yee': ka on no-a or-a' san-a': chio'lo:,: yee' 'ka-: or: ne, 'de 'Aneh dbo-or 'de: Kai'fa bo,: or no-a Nyorsoa-a' 'slaa:: za-nyor⧾-a' nyor: klaba'. :Yeh deh⧾: daa, en mu-a 'dlu bo,: yee' 'do: wor Samor': Piteh': ne, or 'wona 'gboror:, 'de on dhele-or dih, on 'da,: An-a' 'jeh: daa,: on: se: Yusu'-a'a: bo: na-nyor⧾-a' nyor: due': ke: e?: Yeh on dhele-or dih,: yee' or dhobo-ih' 'weh, or 'da, Keen'. Eh: se 'mor-:. :Yeh: Piteh' 'da: ao',: yee' Nyorsoa-a' 'slaa:: za-nyor⧾-a' nyor: klaba'-a'a: 'bhoi-yu: due',: or: ne 'yu: or: korn-a: dou': Piteh' chehn-a 'o, on 'wluh-a, or-a' 'jeh: dao', or-: dhele:: Piteh' dih, or 'dae:, Eh: se: mor, 'on 'ye-a 'de 'dhuu'-deh⧾-a' gba-dih-gba 'di, 'do: Yusu' bo: e? :Yee': Piteh' dhobo-ih': neheh': dele' ka.: Yee' 'do: dha: due': dao',: soan'-beor zlo-'. :Yee': Jueh'-nyor⧾-a' nyor⧾: na-dih-nyor⧾: za 'de: Yusu' 'de: Kai'fa bo, 'de on kpa-or 'de 'Wloon-gomla-a' nyor: klaba'-a'a: 'sla bo, zorn bo-mlai'. Jorwor:: Jueh'-nyor:⧾: dao', on: se-' 'bhorn on 'ye: kane' dih: ne. Eh-: no-eh, 'de on: se 'de 'sla: dao' ya 'ya.: Mor on no-eh,: yee' on se 'beh-dih: on 'ye 'Meh-a': bla-dih: 'dlu dih-gor-a' dii-deh⧾ di. Eh-: no-eh, 'de Pale': or no-a 'gomla-nyor⧾-a' nyor: klaba': dao', or 'si 'noror on bo 'zorn dih, 'de or dhele-uh dih, or 'dae:, Deh 'i-deh: 'yu: daa, or no, 'de a ya-or 'noror 'on bo: eh? 'De on 'da,: Mor or se deh-zon no: dee',: yee': a: se-or' 'noror: on bo: ya i. :Yee' Pale' 'dae:, A-a' 'jeh 'yor-eh, a 'duo-or', a 'ye-or' zabe zi,: ka a-a'a: 'tele' no-a mu-a'. 'De on 'da,: A se 'kpih 'ble,: a 'ye nyor wlu 'ken chehn, or 'ye 'meh. ( Deh: daa, eh: no-eh:-', 'de deh: Yusu': za-a-', 'de eh 'ye dhih 'jeh-' 'kpa, 'do 'meh-a' or mu-a 'meh-:,: ka or: korn or 'ye-a': ne.) :Yee' Pale' 'ya 'de or 'bli 'sla ya-: de: neheh', 'de or 'da: Yusu' 'do or bo, or 'dae:,: Mor 'o,: or 'dhu: Jueh'-nyor⧾-a' 'keen-': e? 'De: Yusu' 'da, Deh: daa,: an dhele-a 'on dih, eh 'wluh 'o: an-a' 'jeh: gwlii': e?: Ae' nyor⧾ 'sluh⧾ zela:: on: gwluhuh', 'an dhih? 'De Pale' 'da,: Mor: on: taa 'ye,: yee': on 'da, 'mor: Jueh'-yu: oo': e?: An-a' 'jeh 'yor-eh-a'a: nyor⧾-: 'dekorn: Nyorsoa-a' 'slaa:: za-nyor:⧾: klaba'⧾-: mo-:: za: on 'kwla 'noror 'on bo. Deh 'i-deh:: on no: eh? 'De: Yusu' 'da, 'An nyor⧾ wlu 'ken: korn-eh se dha yao 'zorn: korn.: Mor eh 'dhu, eh: korn dha yao 'zorn: dee',: yee' 'an-a: bo: na-nyor⧾-a mu: vorn: dee', on: se-' 'worn-: i, nyor⧾: se 'de 'on: Jueh'-nyor⧾-a' nyor⧾: na-dih-nyor⧾ 'kwa: po i. Jorwor: 'an nyor⧾ wlu 'ken: korn-eh se dha yao 'zorn: korn. :Yeh or 'da: ao',: yee' Pale' 'da,: Yee' dhih 'jeh,: mor 'keen: oo': e? 'De: Yusu' 'da,: Mor: on 'da, 'mor 'keen: oo',: yee': on: se-' 'gbeh. Eh-a' dhih: oo', 'on 'wluh. 'De mor, eh-a' dhih: oo', 'on yi 'noror yao 'zorn: ke, 'on 'ye dhih-a' 'yor-eh ken dih zela:. Nyor⧾-a' klehkpeh: on: ne-a 'noror dhih-a' 'yor-eh-a' 'for bo, mo-:: an 'worn 'an wlu. :Yeh or 'da: ao',: yee' Pale' dhele-or-: dih, or 'da,: Eh 'dhu dhih-a' 'yor-eh-': eh?: Yeh Pale': za-a deh: daa-',: yee' or 'si-: 'zorn, or mu 'de: Jueh'-nyor⧾ bo de: dele' ka, 'de or: wlu 'de on bo, or 'dae:, 'On: se-or' deh-zon 'bhun 'ye,: eh 'ye-eh' no, 'de zabe 'ye-or' kpon. Jorwor:: mor a-a' 'Meh-a': bla-dih: 'dlu dih-gor-a' ti: taa 'o nyni 'o, zon 'o zon,: yee' 'an za 'de: kasue 'di nyor: due',: yor a 'bhorn-a,: or 'ye-a' 'de 'wluh. A 'bhorn 'on 'ye: Jueh'-nyor⧾-a' 'keen dih 'tali: 'do a bo: e? :Yeh or dhele-uh-a dih,: yee' on 'wor-', on 'dae:, 'Kei o.: A: se-or' 'bhorn. Jorwor:: Bala'ba:, or-:: a 'bhorn. (:Bala'ba:: dao', an 'bhorn-a, or no 'gomla worn: bla-dih-nyor⧾-a' nyor: due'.) :Yee' Pale' no-eh', 'de or-a'a: sorye' bla: Yusu'. 'De on gle 'wu⧾-a' 'gbeheh,: ka 'keen: gblaa': ne-a, eh-: on 'dhu 'o or 'dlu.: Yee' on: pa-dih-or: gba 'vuu:: on: kpe-a gbor. 'De on yi 'o or bo, an no,: Gwle 'kmo o,: Jueh'-nyor⧾-a' 'keen. 'De an po-or 'kpa⧾ 'yli. :Yee' Pale' 'si-: 'zorn: neheh': dele' ka, 'de or: wlu 'de: Jueh'-nyor:⧾: dao' bo, or 'dae:, A: gbee'e:. 'An ya-or 'de a bo 'zorn 'weh, 'de a 'ye-eh' yubo:,: ka 'on se-or deh-zon 'bhun 'ye,: eh 'ye-eh' no, 'de zabe 'ye-or' kpon. :Yee': yeh: Yusu': taa 'zorn 'si,: yee' 'wu⧾-gbla: on 'dhu-a 'o or 'dlu-: 'dekorn:: gba 'vuu:: dao'-: me-:: ne 'o or 'bhun. 'De Pale' 'dae: 'de on bo, A: gbee'e:. 'Yu a 'da-a, or-:: dhe dih. :Yeh Nyorsoa-a' 'slaa:: za-nyor:⧾: klaba'⧾-: 'dekorn: Nyorsoa-a' 'sla-a': poli'si-: on 'ye-or,: yee' an po 'geh⧾, an no,: Kor-dih-or 'o tu 'i o.: Kor-dih-or 'o tu 'i o. Jorwor: Pale' 'da, A-a' 'jeh 'yor-eh 'duo-or', a 'ye-or' 'o tu 'i: kor-dih:. 'Mor: mloror', 'on: se-or' deh-zon 'bhun 'ye,: eh 'ye-eh' no, 'de zabe 'ye-or' kpon. 'De on 'da,: A 'ble 'tele'. 'De: ka: a-a'a: 'tele' no-a mu-a',: yee' or: korn or 'ye 'meh. Deh no-eh, or 'da-dih or-a' 'jeh Nyorsoa-a' 'Yu. :Yeh Pale' 'worn-a deh: daa,: yee': fano-a: no-or 'gabaa, eh: zi 'o ken dih. :Yee' or 'ya 'de or 'bli 'sla ya-: de. 'De or dhele:: Yusu' dih, or 'dae:, Dha: on 'wluh: eh? Jorwor:: Yusu': se-': wlu. 'De Pale' 'da,: On: se-': wlu i: e?: On se-eh yubo:,: ka 'on 'ble-a 'kpih, 'on 'ye-a: on dih 'tali:: e, 'de mor 'on 'ble-a 'kpih, 'on 'ye-a 'o: on tu 'i: kor-dih:: e? 'De: Yusu' 'da,: Mor eh 'dhu: an-a' 'kpih se 'de Nyorsoa bo 'wluh,: yee': on se 'kpih 'ble: on 'ye 'on deh-': no-dih:.: Yee' eh-a' dhih, nyor: or: za-a 'on 'kwla 'noror: on bo, or-a' deh-zon 'beh-: 'i, eh: zi 'o: an-a' neh-'. :Yeh Pale' 'worn-a deh: daa,: yee' or 'bhorn: ka or 'ye-a' no, 'de or 'ye-a': Yusu' dih 'tali:, or 'ye-a' mu. Jorwor:: Jueh'-nyor⧾-a kpa 'geh⧾: po-eh 'dlu bo, on 'dae:,: Mor eh 'dhu,: on 'tali: 'yu: daa dih, 'ye or 'ye mu,: yee': on: to-dih-eh: a 'i,: ka: on se-a 'Wloon-nyor⧾-a' 'keen-': ybeh. Deh no-eh, nyor: or 'da-dih-a or-a' 'jeh 'keen,: yee' or vorn 'Wloon-nyor⧾-a' 'keen bo. :Yeh Pale' 'worn-a deh on: za-a-',: yee' or 'si-dih:: Yusu'-: 'zorn, 'do: dha on no-a, 'de an 'da-dih-a 'Soba ken. ('De: Hiblu'-wlu 'di, an 'da-dih 'o: Gaba'ta:.) 'Do: wor Pale': dhe dih, 'de zabe:: zi: kpala' 'di. :Yee' eh no 'yluh-gbao', 'de eh: sie: 'o 'we-eh: due', eh 'ye 'Meh-a': bla-dih: 'dlu dih-gor-a' ti no, 'de Pale': wlu 'de on bo, or 'dae:, A: gbee'e:. A-a'a: 'keen: wor: dhe dih. :Yee' an po 'geh⧾, an no, 'Dba-or o. 'Dba-or o.: Kor-dih-or 'o tu 'i o. 'De Pale' 'da, A 'bhorn 'on 'ye a-a'a: 'keen 'dba: e?: Yee' Nyorsoa-a' 'slaa:: za-nyor:⧾: klaba'⧾ 'da,: A se 'keen 'ble o. 'Wloon-nyor⧾-a' 'keen: due', or-: 'dhu: a-a'a: 'keen-' o. :Yee' Pale' za-or-: 'kwla, 'de on bo, or 'ye 'o tu 'i: kor-dih-eh:.: Yee' on kpa: Yusu' 'weh. 'De or 'ble or-a' 'jeh 'yor-eh-a'a: 'klorse tu, or za-uh 'o: gwlor-', or kpa-uh 'o,: dha an 'da-dih-a, Nyor-dlu-kpaa'-tluh ken. ('De: Hiblu'-wlu 'di, an 'da-dih 'o: Gorgor'ta:.) 'Do: wor on: kor-dih-or 'o tu 'i.: Yee' nyor⧾ 'sororn', mo-:: ne or: kor-dih-eh: 'o tu 'i: dha: due'.: Due': ne 'de or-a': dila bo, 'de: due': ne 'de or-a' kona bo. 'De: Yusu': ne 'o an-a' gwea. 'De Pale' zela: nyor⧾: gwluhuh', on 'ye 'chlee'-deh⧾ 'chle, 'de on 'ye-ih' 'o 'klorse tu 'i po,: en no-a,: Yusu': or 'wluh-a 'Nazla.: Jueh'-nyor⧾-a' 'keen. 'Chlee'-deh:⧾: dao', en 'chle-eh:-' 'de: Hiblu'-wlu 'di-: 'de 'Wloon-nyor⧾-a' wlu 'di-: 'dekorn: 'Glii-nyor⧾-a' wlu 'di-:.: Yee': Jueh'-nyor:⧾: dhulu', mo-:: an zlo-ih. Deh no-eh, 'do: dha: Yusu': kor-dih-eh: 'o tu 'i, 'do 'koan'-dih: 'o: Julu'slehn-: dih. :Yeh Nyorsoa-a' 'slaa:: za-nyor:⧾: klaba'⧾ zlo-a 'chlee'-deh:⧾: dao',: yee' on: wlu-' 'de Pale' bo, on 'dae:,: An-a': no-',: Jueh'-nyor⧾-a' 'keen: oo'. Jorwor: deh: on 'ye-a' 'chle, eh-: 'dhu,: on 'da, 'Yu: daa, or 'dae:, or-:: Jueh'-nyor⧾-a' 'keen: oo'. :Yeh on 'da: ao',: yee' Pale' 'da, Deh 'on 'chle-a, 'on 'chle-eh': weh. :Yeh sorye': kor-dih-or 'o tu 'i,: yee' on 'duo: or-a'a: paa-tiei-' on za-or dih 'weh, 'de on gble-ih', on za-ih 'dlu⧾-kpor⧾: nyieh-'. 'De an-a' nyor: due'-a kpa: due', 'de: noror'-a kpa: due'. Deh: due': eh: sie:-a 'o dih, eh-: 'dhu, or-a'a: 'wla,: or: dba-eh, 'de: or se-a 'i 'dhu-dih-eh:. 'De on 'da,: A-a': chlan-or'. A 'nyi,: a vorn: nobo, nyor: or mu-eh: kpa,: a 'ye-or' 'ye. Deh: daa, an no-a, eh: no-eh:-', 'de Nyorsoa-a' 'chlee-deh-a' wlu 'ye dhih 'jeh-' 'kpa,: eh no-a, On gble 'an-a: paa-tiei 'weh, 'de an-a' 'jeh 'nyne-', 'de on vorn: nobo, 'do 'an-a: 'wla-a' dhih bo.: Yee' deh: daa, eh-: sorye': dao', on no. 'Klorse: tu on: kor-dih:-a 'o: Yusu' 'i, 'do on 'bhun, 'do: wor: Yusu' 'de-: or 'de-a' dei'-nynor-kpao'-:: Kleo'pa-a'a: 'nynor: Mehle'-: 'dekorn:: Mehle': or 'wluh-a: gwlor an 'da-dih-a: Magala'-: on: nyna dih. :Yeh: Yusu' 'ye-a or 'de-: 'dekorn: or-a'a: bo: na-nyor⧾-a' nyor: due' or: ybeh-a 'gabaa-: 'de on: nyna-a 'o dih,: yee' or: wlu-' 'de or 'de bo, or 'dae:, 'On-de:, 'duo: 'yu: daa, or 'ye: an-a'a: nyor-kpalu-yu no. 'De or: wlu 'de or-a'a: bo: na-yu:: dao' bo: ke, or 'dae:,: On 'de: wor: dhe dih.: Eh 'wluh-a 'o ti: dao' 'di,: yee' bo: na-yu:: dao', or 'duo:: Yusu' 'de-' 'weh, 'de or kpa-or 'de or 'bli 'gbu. :Yee': Yusu' yubo-eh': ka deh⧾-a' klehkpeh, en: jla-' 'dlu-' 'do: dha 'o.: Yee': ka deh Nyorsoa-a' 'chlee-deh: za-a-', eh 'ye-a' dhih 'jeh-' 'kpa,: yee' or 'dae:, 'Ni 'na-ton-a: no 'on. :Yeh or 'da: ao',: yee': yabo': or 'yi-a 'dli-': pa-nomor 'di,: or: dhe-a 'o dih, or-: on po: fuu'u bo, on 'dhu-uh 'o tu an 'da-dih-a 'hesor 'i, 'de on 'tuh-uh 'o: Yusu' worn 'i. :Yeh on 'tuh-uh-a 'o or worn 'i, 'de or 'na-or,: yee' or 'dae:, Deh⧾-a' klehkpeh: jla-'.: Yee' or bla 'dlu glu, 'de or chehn: febeh' 'i. :Yee': Jueh'-nyor⧾-a' nyor⧾: na-dih-nyor⧾ bale: Pale' 'weh, or 'ye-uh' 'tele' 'nyi, on 'ye nyor⧾: on: kor-dih-eh 'o tu 'i, an-a' buh⧾ dih jela:, 'de on 'ye 'dhobo: on 'ye 'meh, 'de on 'ye-uh 'o tu 'i: za. Deh: korn-a dhih, an 'bhorn-a on 'ye-a' deh: daa no, eh-: 'dhu, eh no Nyorsoa-a': gwlee-we-eh-a' 'tiei-a' 'kpa: po-zorn:, 'de on: se-' 'bhorn Nyorsoa-a': gwlee-we-eh 'ye 'o nyor⧾: dao' tu 'i: yeh-dih:. Deh no-eh,: gwlee-we-eh:: dao',: eh yi-a 'de, eh 'kpa deh ken 'gabaa. 'De sorye' mu, on jela:: tehn 'i nor-a' buh⧾ dih: or: ne: Yusu': kor-dih-eh: 'o 'klorse tu 'i: dha: due'. 'Ka-: on no 'sororn' nor-a' dhih: ke. Jorwor:: yeh on: yeh-dih:-a: Yusu' ken, 'de on 'ye-or,: ka or 'meh-a,: yee' on: se-' or-a' buh⧾ dih jela:. Jorwor: sorye'-yu: due', or-: 'duo: 'di-', 'de or tba-eh 'o or 'gben-',: yee' 'do: dha: due': dao', nyomor-: 'dekorn: 'ni-: me-: 'wluh 'o or gben bo,: en 'si 'zorn. Nyor: or 'ye-a deh: daa eh-a' dha, or zela-eh ken dih 'weh, 'de deh or zela:-a ken dih, eh no dhih 'jeh. Or-a' 'jeh yubo-eh',: ka or za-a dhih-a' 'yor-eh-'. Eh-:: korn dhih, or zela-eh ken dih, a 'ye-eh' dhih 'jeh-' po. Deh⧾: daa, en: no-eh:-', 'de deh Nyorsoa-a' 'chlee-deh: za-a-', eh 'ye dhih 'jeh-' 'kpa,: eh no-a, Or-a' 'kpa: due'-beh: se-': jla i. :Yee' eh za-eh' 'weh, 'de Nyorsoa-a' 'chlee-deh 'di: neheh', eh 'da, Nyor on tba-a 'di 'gben-', or-: an mu ya pobo:. :Yeh deh⧾: daa, en zi-a,: yee' 'Joseh:: or 'wluh-a: gwlor an 'da-dih-a Amati'a 'di, or-: dhele: Pale' dih, or 'ye: Yusu'-a' 'ku kpa. 'Joseh-a' 'jeh: dao', or no: Yusu'-a'a: bo: na-nyor:. Jorwor: or-a': nyeh 'i, deh no-eh, or ple: Jueh'-nyor⧾-a' 'yli 'weh.: Yeh or dhele:-a Pale' dih,: yee' Pale' 'nyi-or: Yusu'-a' 'ku 'weh, 'de or kpa-uh. 'Nekodi'ma:: or mu-a 'de: Yusu' bo 'gwie-we-eh: due', or-: zi 'o 'Joseh klei': ke. 'De or: ya 'de 'mina-: 'dekorn: 'alo-:: en zian-dih:-a, 'de nyor⧾-a po-dih-ih-a 'ku 'kpa, 'de on: sor po-a 'no. Deh⧾-a' 'jeh: dao', en-' kwa: ku-eh gweh: koo-blor 'i. :Yee' nyor⧾ 'sororn': dao', on 'duo:: Yusu'-a' 'ku-' 'weh, 'de on po-or deh⧾: dao': en po-a 'no 'jeh kle-' dih, 'de on bhian-dih-or 'nena-ylii kle-' dih. 'Ka-: 'o,: Jueh'-nyor⧾-a no nyor dih nma-dih-eh, 'de on 'bli. :Yee' 'do: dha on: kor-dih:-a 'o: Yusu' tu 'i,: yee' 'dhuu'-deh⧾-a' gba-dih-gba: ne 'o, 'do: wor nma-dih-deh:: dele': ne, on no-a 'de 'soba 'di,: eh on 'see-a nyor 'di dih nma-dih: zai'. :Yee': ka eh no-a Nyorsoa-a': gwlee-we-eh-a' 'tiei-a' 'kpa: po-zorn, 'de nma-dih-deh:: dao', eh 'koan'-dih:-a 'o dih, eh-: no-eh, 'de on nma-dih:: Yusu' dih 'do mor. :Yee' 'doror'-dlu-a': zai'-we-eh: an 'da-dih-a 'Sorle, 'do eh-a' dholo-zorn-mlai' 'di,: yee': Mehle': or 'wluh-a: Magala', or mu 'de: Yusu'-a' nma-dih-deh bo.: Yeh or nyni-a 'o eh bo,: yee' or 'ye-eh': ka sobu' 'wluh-a 'o eh worn 'i. :Yeh or 'ye-eh,: yee' or kpa ple-a' 'de Samor': Piteh'-: 'dekorn:: Yusu'-a'a: bo: na-nyor⧾-a' nyor: due' or: ybeh-a bo, 'de or zela-uh: gwluhuh', or 'dae:, On: za 'de: Gwlor: baa'-a' 'ku 'de nma-dih-deh 'di 'weh o. 'De: dha on 'dhu-uh-a,: a se 'o yubo: o. :Yeh on 'worn-ih'-a,: yee': Piteh'-: 'dekorn: bo: na-yu:: dao'-:: yee' on mu 'de nma-dih-deh bo 'weh. 'De an-a' klehkpeh, an ple.: Yee' bo: na-yu:: dao', or zi: Piteh'-: dih, or nyni 'o nma-dih-deh bo: zai'. :Yeh or nyni-a 'o eh bo,: yee' or 'jli-: dih, 'de or pobo: 'de eh 'di, or 'ye 'nena-ylii:: dao',: en 'pehn-a dih 'de mor. Jorwor: or: se 'de eh 'di pa. :Yee' Samor': Piteh': or: sie:-a de, or 'si-: dih, 'de or pa 'de nma-dih-deh 'di, 'de or 'ye 'nena-ylii:: dao': ke, 'dekorn: 'yli-eh:: yeh on bhian-dih:-a: Yusu'-a' 'dlu kle-' dih. Eh: ne 'nena-ylii se: dha: due': ne. Eh polo-eh: 'i, 'de eh 'pehn 'dor. :Yee': Yusu'-a'a: bo: na-yu:: dao',: or nyni-a 'o nma-dih-deh bo: zai', or pa 'de eh 'di 'weh: ke. 'De or 'ye 'ylii:: dao',: en: ne-a 'de.: Yeh or 'ye-ih'-a,: yee' or po-eh-' dhih 'jeh,: ka: Yusu': sorn-a-'. ( Jorwor: deh Nyorsoa-a' 'chlee-deh: za-a-',: eh no-a, or: korn or 'ye 'de nma-dih-deh 'di 'wluh: gbor: gbor,: yee' on 'see-eh dih 'worn 'gboror:.) :Yeh eh no: ao',: yee': Yusu'-a'a: bo: na-nyor:⧾: dao', on mu on 'bli deh⧾-' dih. :Yeh: Yusu'-a'a: bo: na-nyor⧾ 'sororn': dao', on mu-a,: yee': Mehle': sie: 'o nma-dih-deh worn 'i 'weh, 'de or: nyna 'o dih, or 'vin.: Ka or 'vin-a, 'ka-: or bla 'yli-eh dih 'de eh 'di. 'De or 'ye 'enjor-nyor⧾ 'sororn',: on pa-a 'tiei-plu⧾-'. 'De on: dhe 'o: dha: Yusu'-a' 'ku 'pehn-a dih: dee' dih.: Due': ne 'de 'dlu bo, 'de: due': ne 'noror buh⧾ bo. :Yeh on 'ye-a: Mehle',: yee' on dhele-or-: dih, on 'dae:, 'Nynor,: eh 'vin-dih:: on: eh? 'De: Mehle' 'da, On kpa 'an-a:: Gwlor: baa'-a' 'ku 'weh. 'De: dha on 'dhu-uh-a, 'on se 'o yubo:. :Yeh or: za-a deh: daa-',: yee' or 'bili:-'-: dih, 'de or 'ye: Yusu', or: nyna dih. Jorwor: or se-or 'i yubo:. 'De: Yusu' dhele-or dih, or 'dae:, 'Nynor,: eh 'vin-dih:: on: eh? Deh 'i-deh-nyor: 'o,: an 'bhorn 'kwla⧾-' dih: eh?: Yeh or 'da: ao',: yee': mor: Mehle': taa 'ye: dee',: yee' or 'da 'yu: or no-a: koan 'de 'dhuu'-deh:⧾: dao' 'nyne-', or-: 'o: dee'. 'De: Mehle': wlu 'de or bo, or 'dae:, Nyor: klaba',: mor eh 'dhu,: on mor-', 'de: on 'ye-or' kpa,: yee': torne: 'on: dha: on 'dhu-or, 'de 'on 'ye-or' 'duo:, 'on 'ye-or' kpa. :Yeh or 'da: ao',: yee': Yusu': wlu-' 'de or bo, or 'dae:,: Mehle'.: Yeh or 'da-a or-a' 'nyne,: yee': Mehle' 'bili:-'-: dih 'de or bo, 'de or 'wor, 'de: Hiblu'-wlu 'di, or 'dae:,: Wlabo'ni:,: eh: bleh-dih:-a 'i, Nyor⧾ deh: torne-nyor:. :Yeh or 'da: ao',: yee': Yusu': wlu-' 'de or bo, or 'dae:,: An-a': kpon-' 'on dih. Deh no-eh, 'on 'see 'de 'On-ba bo de mu. Jorwor: mu,: on 'ye 'an-a: bo: na-nyor⧾: gwluhuh' zela:,: ka 'an mu-a 'de 'On-ba-: a: Baa'-: 'dekorn: 'an Nyorsoa-: a-a' Nyorsoa-: bo yai': mu. :Yeh: Yusu': za-a deh: daa-' 'de or bo,: yee': Mehle': or 'wluh-a: Magala', or mu 'de: Yusu'-a'a: bo: na-nyor⧾ bo, or 'ye-uh: gwluhuh' zela:: ka or 'ye-a: Gwlor: baa'. 'De or zela-uh deh⧾-a' klehkpeh: Yusu': za-a-' 'de or bo: gwluhuh': ke. :Yee' eh no 'doror'-dlu:: dao', an-a': zai'-we-eh-a' 'gwie-yluh bo, 'do: wor: Yusu'-a'a: bo: na-nyor:⧾: dao', on 'kpa-dih:: dha: due', 'de on 'gba: kpaa'. Deh no-eh, an ple: Jueh'-nyor⧾-a' 'yli 'weh.: Yeh on: ne-a 'de 'gbu,: yee': Yusu' 'wluh-dih-uh-: 'i, 'de or: nyna 'o on 'nyne-' dih, or 'dae:,: Porluh-a' dih 'pehn-eh: 'do a bo. :Yeh or 'da: ao',: yee' or: to 'o or-a': kola⧾-: 'dekorn: 'do or 'gben-'-: on 'ye-ih' 'ye.: Yee' 'mona 'yi-dih-uh-: dih. Deh no-eh, on 'ye an-a'a:: Gwlor: baa' 'weh. :Yee': Yusu': wlu-' 'de on bo: dele' ka, or 'dae:,: Porluh-a' dih 'pehn-eh: 'do a bo.: Ka 'On-ba no-a, 'de or dbo-a 'on, 'ka-: 'o, 'an no: ke, 'de 'an dbo a-uh. :Yeh or gweh-a deh: daa, eh-a': za-a' 'i,: yee' or po-uh: pobor' ya, or 'dae:, A 'ye Gban 'i: ne: Zulu o. :Mor eh 'dhu, nyor-beh no deh-zon, 'de a 'ye eh-a' dhih bo 'ma-dih:,: yee' Nyorsoa-a mu eh-a' dhih bo 'ma-dih:: ke.: Mor a se eh-a' dhih bo 'ma-dih:,: yee' Nyorsoa: se-' eh-a' dhih bo 'ma-dih: i: ke. Ti: Yusu' 'wluh-dih:-a or-a'a: bo: na-nyor⧾ 'i,: yee': Tormor': or no-a or-a'a: bo: na-nyor:⧾: on: korn-a: bhue: 'yor: ne-a 'sororn', an-a' nyor: due', an 'da-dih-a 'Gba-yu,: yee' or se 'o 'si. :Yeh on 'ye-or,: yee' on zela-or-:: gwluhuh',: ka on 'ye-a: Gwlor: baa'.: Yeh on zela-or: gwluhuh',: yee' or: wlu-' 'de on bo, or 'dae:, 'On: se-eh' dhih 'jeh-': po i,: mor eh 'dhu 'on 'ye 'tulu-a' 'gor, 'de or 'kwa. 'De mor: mor 'on po 'de 'an: jii-eh 'do: dha 'tulu-a' 'gor: ne-a, 'de 'on 'ye 'o or 'gben-' dih 'tuh, 'de jorwor: 'on 'ye-eh' dhih 'jeh-' po. :Yeh 'doror'-dlu: due' zi-a,: yee': Yusu'-a'a: bo: na-nyor⧾: gweh-dih: 'de 'gbu 'di: neheh'.: Yee': Tormor': ne 'de on 'klu-' 'weh. Keen': mloror': kpaa' 'gba-eh:-', jorwor:: yeh an mu-a 'ye-:,: yee': Yusu': nyna dih 'de on 'nyne-', or 'dae:,: Porluh-a' dih 'pehn-eh: 'do a bo. :Yee' or: wlu-' 'de: Tormor' bo, or 'dae:,: Tormor',: gbee'e:. 'Noror 'on 'kwa: wor: dhe dih. 'Kpa 'o: an-a': jii-eh,: on 'ye 'o dih 'tuh. Slo son,: on 'ye 'o 'do 'on 'gben-' dih 'tuh.: An-a': porluh 'bor dhobo-eh. Po-eh dhih 'jeh-'. :Yeh: Yusu' 'da: ao',: yee': Tormor': wlu-' 'de or bo, or 'dae:, 'An: Gwlor: baa'. 'An Nyorsoa. :Yeh or 'da: ao',: yee': Yusu' 'da,: Tormor', deh: on 'ye-a 'on: naa, eh-: no-eh, 'de: on po-eh dhih 'jeh-': e?: Bhorlie' 'do nyor⧾: dao' bo,: on se-a 'on 'ye, 'de: on po-eh dhih 'jeh-'. :Yee' nyor⧾ 'yi: to-dih-deh:⧾: dhulu': nee', me-:: Yusu' no, 'do or-a'a: bo: na-nyor⧾ ybei'. Jorwor: en: se-' 'chle-eh: 'noror 'chlee-deh:: daa 'di. Jorwor:: yih: daa, en 'chle-eh:-', 'de a 'ye-eh' dhih 'jeh-' po,: ka: Yusu' 'dhu-a Nyorsoa-a' 'Yu or 'tan-a-'. 'De: mor eh 'dhu, a po or-a' dhih dhih 'jeh-',: yee' a mu 'kmo: sie:: febeh' 'ye-:. :Yeh deh⧾: daa en zi-a,: yee': Yusu' 'wluh-dih: or-a'a: bo: na-nyor⧾ 'i, 'do: Tabi'lor-yobo'-pehnu worn 'i.: Ka or no-a an-a' 'yi 'wluh-dih-eh, eh-:: dhe dih. Eh: korn 'we-eh: due',: yee' Samor': Piteh'-:: Tormor' an 'da-dih-a 'Gba-yu-:: Natanio': or 'wluh-a 'Kena 'de: Galali'i-bluhba ken-:: Zehbehli'-a'a: nyor⧾-kpalu⧾-nynuu-: 'dekorn:: Yusu'-a'a: bo: na-nyor⧾-a' nyor⧾ 'sororn': noo'-: an-a' klehkpeh: dao', mo-:: ne: dha: due'. :Yeh on: ne-a 'o,: yee' Samor': Piteh' zela-uh-:: gwluhuh', or 'dae:, 'An mu zimi: 'dba 'da o.: Yeh or 'da: ao',: yee' on 'dae:,: A mu 'o: on klei': zi. 'De on zi 'o or klei', on 'kpa 'de 'blagbe 'di, on 'ye zimi 'dba. Jorwor: 'do glu-we-eh:: dao' 'di, on: se-' deh-beh-deh-beh 'dba. :Yee': yeh zorn zen-a,: yee': Yusu': nyna dih 'do 'kpuhba' 'i. Jorwor: or-a'a: bo: na-nyor⧾ se-or 'i yubo:,: ka eh 'dhu-a or mor-'. 'De or 'wor 'de on bo, or 'dae:,: A 'bli-nyor⧾-a:, a kpon deh-beh 'weh: e? 'De on 'da, 'Kei o.: A: se-' deh-beh kpon o. :Yeh on 'da: ao',: yee' or zela-uh-:: gwluhuh', or 'dae:, A po a-a'a: sor 'de 'blagbe-a': dila-for bo.: Yee' a mu deh: kpon. 'De on no-eh.: Yeh on no-eh,: yee' zimi 'yi 'de an-a'a: sor 'di 'weh kpan kpan. Eh-: no-eh, 'de on se or-a' jli-a' 'beh-dih:, on 'ye-or 'de 'blagbe 'di po. :Yeh eh no: ao',: yee' bo: na-yu:: dao': Yusu': ybeh-a 'gabaa, or: wlu-' 'de: Piteh' bo, or 'dae:,: Gwlor: baa': oo'.: Yeh: Piteh' 'worn-ih'-a: ka eh 'dhu-a: Gwlor: baa',: yee' or pa or-a'a: 'tiei: or: za-a dih 'weh, 'de or 'kpa 'o 'nior, or: dle, or mu 'de: Yusu' bo. :Yee': Yusu'-a'a: bo: na-nyor:⧾: yuh: sie:-a 'de 'blagbe 'di, an zi 'o: Piteh' klei', an bli 'blagbe, 'de an jli an-a'a: sor: wleh: wleh,: or 'yi-a zimi 'di. Deh no-eh, on se 'kpuhbuh' bo dih: tehn-dih:. Eh 'beh-dih: eh 'ye po son bo-a': kehehn': due' no. :Yeh on 'si-a 'o 'kpuhba' 'i dih,: yee' on 'ye neh, eh-:: dhba-eh:. 'De on 'ye zimi-: 'dekorn: 'bhlee-: en 'pehn 'o: nane' ken dih. :Yee': Yusu': wlu-' 'de on bo, or 'dae:, Zimi: a 'dba-a: kana, a: ya 'de en-': nee'. :Yeh or 'da: ao',: yee' Samor': Piteh' mu 'de 'blagbe 'di-: de, 'de or 'kla sor dih, or ya-or 'o 'kpuhba' 'i. Or 'yi zimi:: klaba'⧾-a' 'bleh 'ble-a': kehehn': due': kwlaa: mm' 'yor taan 'di. Keen': mloror' or 'yi zimi 'di 'weh, jorwor: or-a' deh: se-': chlan. :Yee': Yusu' 'da-uh', on 'ye deh di. Jorwor: eh se nyor: korn: or 'ye-or dih dhele:, deh 'i-deh-nyor: or 'dhu-eh:-'. Deh no-eh, on yubo-eh',: ka eh 'dhu-a: Gwlor: baa'-'. :Yee' or 'duo: 'bhlee-: 'dekorn: zimi:: dao'-: 'weh, 'de or 'nyi-ih on, on 'ye-ih' di. :Yeh: daa: naa, eh-: no eh-a' kpor⧾-a' taan neh,: Yusu': to-dih: or-a' 'jeh or-a'a: bo: na-nyor⧾ 'i,: eh 'wluh-a 'o ti or 'wluh-a 'de nma-dih-deh 'di bo. :Yeh on gweh-a deh: di-eh 'i,: yee': Yusu' dhele: Samor': Piteh'-: dih, or 'dae:,: Jororn'-a' 'yu, Samor'.: On: ybeh 'on-' 'weh deh 'jeh,: eh: zi 'o deh⧾: daa-': e? 'De: Piteh' 'da, Keen',: Gwlor: baa'.: On yubo-eh',: ka 'on: ybeh-a: on.: Yeh or 'da: ao',: yee': Yusu': wlu-' 'de or bo, or 'dae:, 'Nyi 'an-a: 'blae'⧾-nynuu dii-deh. 'De: Yusu' dhele-or dih: neheh', or 'dae:,: Jororn'-a' 'yu, Samor'.: On: ybeh 'on-' 'weh deh 'jeh: e? 'De: Piteh' 'da, Keen',: Gwlor: baa'.: On yubo-eh',: ka 'on: ybeh-a: on.: Yeh or 'da: ao',: yee': Yusu' 'dae:, 'Dhu 'an-a: 'blae'⧾ 'yli-eh bo. :Yee': Yusu': wlu-' 'de or bo, 'do kpor⧾-a' taan neh 'di, or 'dae:,: Jororn'-a' 'yu, Samor'.: On: ybeh 'on-' 'weh: e?: Yeh: Yusu' 'da: ao',: yee' eh 'tuh: Piteh'-: dih, deh no-eh,: Yusu' dhele-or-: dih, or no kpor⧾ taan, or 'da,: On: ybeh 'on-' 'weh: e? 'De or: wlu 'de: Yusu' bo, or 'dae:,: Gwlor: baa',: on yubo: deh⧾-a' klehkpeh 'weh. 'De mor: on yubo-eh',: ka 'on: ybeh-a: on. 'De: Yusu': wlu 'de or bo, or 'dae:, 'Nyi 'an-a: 'blae'⧾ dii-deh. Dhih 'jeh, 'an zela: on: gwluhuh', ti: on no-a: goba'-yu,: yee': an pa-dih: an-a' 'jeh deh-' 'weh, 'de: dha: korn-a: on 'ton, 'de: an mu 'o. Jorwor: ti: an mu-a: ne,: yee': an mu son⧾: slo, 'de nyor: noror' 'ye: on 'behleh bo 'dhu, 'de: dha: on se-a mu-a' 'bhorn, 'do: wor or mu: on: kpa. ('Meh-a': Piteh'-a mu-a 'meh-:,: or 'ye-a' Nyorsoa-a' 'nyne 'i 'beh-dih:, or-a' dhih: oo',: Yusu': za deh: daa-'.): Yeh or gweh-a deh: daa, eh-a': za-a' 'i,: yee' or: wlu-' 'de: Piteh' bo, or 'dae:, Zi 'o 'on klei'. :Yeh: Yusu' 'da: ao',: yee': Piteh' 'bili:-'-: dih, 'de or 'ye bo: na-yu:: dao': Yusu': ybeh-a 'gabaa, or zi 'o on klei'. Bo: na-yu:: dao', or-: 'o,: or: ne 'o: Yusu' 'bhun: dee', ti an di-a 'gwie-deh,: or dhele:-a: Yusu' dih,: or no-a,: Gwlor: baa', or-a' 'nyne: eh,: or mu: on: plo: eh? Or-a' 'jeh: dao',: yeh: Piteh' 'ye-or, 'de or zi-a 'o on klei',: yee': Piteh' dhele:: Yusu'-: dih, or 'dae:,: Gwlor: baa',: a 'worn 'de: yor: daa bo: ke. :Yeh or dhele-a: Yusu' dih,: yee': Yusu': wlu-' 'de or bo, or 'dae:,: Mor eh 'dhu, 'an 'bhorn: yor: daa, or 'ye 'kmo-': ne: chio'lo:, 'de 'on 'ye deka yi,: yee' deh: on po 'de dih: eh?: On: mor: mloror', zi 'o 'on klei'. Deh: daa: Yusu': za-a-', eh-: no-eh, 'de or-a' klei': zi-nyor⧾-a': dha: dhulu' 'da, or-a'a: bo: na-yu:: daa, or: se-' 'meh-: i: dee'. Jorwor:: Yusu' se: ao', or: se-' 'meh-: i, or 'dae:,: Mor eh 'dhu, 'an 'bhorn or 'ye 'kmo-': ne: chio'lo:, 'de 'on 'ye deka yi,: yee' deh: on po 'de dih: eh? :Yee': Yusu'-a'a: bo: na-nyor-a' 'jeh: dao', or-: 'o,: or zela: deh⧾-a' klehkpeh: daa ken dih, 'de: or 'chle-ih. 'De: a yubo-eh',: ka or-a' wlu: se-a sih. Deh⧾: dhulu': nee', me-:: Yusu' no: ke.: Mor eh 'dhu, en-' klehkpeh 'chle-eh:: dee',: yee' 'on yubo-eh', 'bluhba-a' klehkpeh se: dha 'ble, 'chlee-deh:⧾: en 'chle-eh, en 'ye-a dih: dhe. :Yee' nyor: klaba': Tiofelor', 'mor 'ye: on. 'De 'an-a:: zai'-chlee-deh 'di, 'do: wor 'on 'chle-dih: deh⧾-a' klehkpeh: Yusu' no-a-: 'dekorn: deh⧾-a' klehkpeh or: torne:-a nyor⧾-:: eh 'wluh-a 'o ti or 'dhu-a or-a'a:: koan glu, 'de: eh: yeh-dih:-a ti or 'nyi-a or-a'a: dboo-nyor⧾ or gan-a 'tele',: eh: yi-dih:-a Gban 'i: ne: Zulu, 'de jorwor: Nyorsoa-a mu-or 'de yai': kpa. :Eh 'wluh-a 'o ti or 'ye-dih:-a 'kle, 'de or 'meh-a 'di, 'de: eh: yeh-dih:-a 'we-a': kwlaa: nyieh ken, or: to-dih: or-a' 'jeh or-a'a: dboo-nyor⧾ 'i 'do kpor⧾: dhulu' 'di. 'De mor deh⧾ 'doror: 'dor or no-a: ke, me-: no-eh, 'de on yubo-eh: ka or: ne-a 'kmo-' 'jeh ka. 'De or: za Nyorsoa-a' nyor⧾ wlu 'ken: korn-eh-a' dhih-' 'de on bo. :Yee' 'we-eh: due', ti: Yusu': ne-a 'o or-a'a: bo: na-nyor⧾ bo 'gboror:, or 'nyi-uh 'tele': daa, or 'dae:, A-a' 'wluh-:-': Julu'slehn kele'a:. Jorwor: a: fuo: 'nyii'-deh:: eh: korn-a wlu 'On-ba po-a: dhama'-' 'ken,: eh: korn-a dhih 'on zela: a: gwluhuh'. :Jororn' po nyor⧾ 'ni 'dlu 'weh: mloror'. Jorwor:: mor 'we-kpor-bei: zi-dih: 'o ken dih,: yee' Nyorsoa-a mu or-a' Gban i: ne: Zulu a 'dlu: po. :Yee': yeh: Yusu'-: 'dekorn: or-a'a: dboo-nyor⧾-: on 'kpa-a: dha: due',: yee' on dhele-or-: dih, on 'dae:,: Gwlor: baa',: an mu-eh: no, 'Ezlea-nyor⧾ 'ye an-a'a: 'bluhba-dlu:: daa wlu 'ken: korn: neheh', dha ti: daa 'i: e? 'De: Yusu' 'da, A se: korn a 'ye ti 'On-ba polo:-a deh: daa 'de or-a' 'jeh-a' 'kpih 'di, eh 'ye-a': no-eh: yubo:. Jorwor: a mu 'kpih 'ye-:: mor Gban i: ne: Zulu 'yle, 'de on 'ye a-uh': ne.: Yee' a: mor mu 'an-a: dhih bo zela-nyor⧾: no, 'de: Julu'slehn-: 'de: Judi'a-bluhba-a' klehkpeh ken-: 'dekorn: Sehmeh'la-bluhba-a' klehkpeh ken-: 'de mor: korn dha 'bluhba-a' klehkpeh yobo' po-a 'de: gle 'gbeheh 'di-:. :Yeh or gweh-a deh⧾: daa, en-': za-a' 'i,: yee' 'do: dha: due': dao', Nyorsoa kpa-or 'de or 'bli yai' 'do on ybei'. 'De yao-pli 'zile-or, 'de on 'bor or-a' 'ye-a'. :Yeh or mu-a,: yee' an pobo 'de yai' 'weh 'dhuan: chio'lo:.: Yeh an no: ao', 'de an mu-a 'ye-:,: yee' on 'ye nyor⧾-kpalu⧾ 'sororn', mo-: pa 'tiei-plu⧾-',: on: nyna dih 'do on 'bhun. :Yee' nyor⧾-kpalu⧾ 'sororn': dao', on: wlu-' 'de on bo, on 'dae:, A: mor: Galali'i-nyor:⧾: daa.: Eh: korn dhih a: nyna dih dha: dha: daa: eh, 'de a pobo 'de yai' 'gboror:: eh?: Yusu': daa: or 'wluh-a dha a bo,: or Nyorsoa kpa-a 'de or 'bli yai',: ka a 'ye-or, or no-a mu-a', 'ka: wor or mu de: ka: yi-eh: no. :Yeh nyor⧾-kpalu⧾ 'sororn': dao', on zela-uh-a: gwluhuh',: yee': Yusu'-a'a: dboo-nyor:⧾: dao', on 'wluh 'o 'Orle-tluh ken 'weh, 'de on mu: Julu'slehn de,: eh se-a 'de tluh 'bor gweh. :Yeh on nyni-a: gwlor-',: yee' on pa 'de: chuu:: on: ne-a 'de 'gbu-a' yai' 'di, an 'pehn-a 'di. Nyor⧾: on pa-a 'de: chuu:: dao' 'di, an-a' 'nyne: wor: dhe dih.: Piteh'-:: Jororn'-: 'Jeen-: Andlu'-: Felor'-:: Tormor'-:: Batale'meor-: Matio'-: 'Jeen-:: or 'dhu-a 'Ehfea-a'a: 'yu-', Samor': or no-a or-a'a: 'bluhba-dlu-a' dhih: vorn-nyor-: 'dekorn:: Juda': or no-a 'Jeen-a'a: 'yu-:. :Yee' dboo-nyor⧾-a' klehkpeh: daa, mo-:: an 'kpa: dha: due', 'do ti-a' klehkpeh bo,: an wlu 'de Nyorsoa bo.: Yusu' 'de: Mehle'-: 'nynor⧾-kpao'⧾: noo'-: 'dekorn:: Yusu'-a' dei'-nyor⧾-kpalu⧾-: mo-:: ne 'de nyor⧾: dao' 'klu-': ke. Eh: korn 'we-eh: due', ti: Yusu'-a'a: dhih 'jeh: po-nyor⧾ 'kpa-a: dha: due',: yee': Piteh': nyna dih 'de on 'nyne-',: on 'beh-dih:-a: on 'ye-a' nyor⧾-a': kehehn': due': kwlaa 'sororn' no, or 'dae:, 'An 'de-di'-boi'-a:. Nyorsoa-a' 'chlee-deh-a' wlu: korn on 'ye dhih 'jeh-' 'kpa: gbor: gbor,: ka Gban 'i: ne: Zulu no-a eh-a': za-a': dee' see,: eh: yi-dih:-a 'de: Debe' 'worn, 'do: Juda'-a' dhih bo,: or kpa-a nyor⧾ on 'ye-a: Yusu' kpon. :Juda': daa, or no: a-a' nyor: due': dee',: or: ne: a no-dih-a: koan: dha: due'. ( :Juda': korn-a dhih: Piteh'-a za-a-', 'wlii: or 'ye-a 'do 'kulu-deh: or no-a bo, me-: or: dhen-dih: 'bluhba-a' 'kplo. 'Do: wor or: po-dih: 'dlu glu, 'de or-a' 'kwli wa 'i, or-a' 'me-a' klehkpeh 'wla 'zorn. :Yee' nyor⧾-a' klehkpeh: on: ne-a: Julu'slehn, on 'worn dhih: daa 'weh.: Yee' eh-:: korn dhih an 'da-dih 'bluhba-a' 'kplo: dao': Akade'ma 'de on 'bli-wlu 'di,: eh: bleh-dih:-a 'i, Nyomor-bluhba:.) :Yee': Piteh': wlu-': neheh', or 'dae:, Eh 'chle-eh:-' 'de: Saan'-chlee-deh 'di, eh 'da, 'Nyi or-a'a: 'gbu: florn 'di dih. Nyor-a' 'ti-:-' 'de on 'di.: Yee' eh 'dae:: neheh', 'Nyi nyor: noror' 'kpa-dih: 'o or 'gor-', or 'ye or-a'a:: koan no. :Yee' eh-a' dhih,: a: korn: a 'ye nyor⧾-kpalu:⧾: daa, an-a' nyor: due' gan 'noror: a 'klu-',: on: ne: a mor-:: a na-dih-a: dha: due': dee' see, ti: Gwlor: baa': Yusu': ne-a 'noror: a 'nyne-'. Nyor: dao', or: korn or 'ye nyor: or: ne-a 'noror: a 'nyne-' no,: eh 'wluh-a 'o ti: Jororn': po-dih:-a: Yusu' 'ni 'dlu, 'de: eh: yeh-dih:-a ti Nyorsoa: za 'o: Yusu' 'do: a ybei' ken, 'de or kpa-or 'de or 'bli yai' de.: Yee' nyor: dao', or: ne: a mor-:: a: korn: a 'ye: Yusu'-a' 'meheh': sorn-' dhih bo zela-nyor⧾ no. :Yeh or jla-a,: yee' on: za nyor⧾-kpalu⧾ 'sororn'.: Due'-a' 'nyne: wor 'Joseh:, an 'da-dih-a: Basa'ba. Or-a' 'nyne: nee': wor 'Jehtor:.: Yee' nyor-kpalu-a' 'sororn' nor-a' 'nyne: wor: Mata'ya:. :Yeh on no: ao',: yee' on: wlu-' 'de: Gwlor: baa' bo, on 'dae:,: Gwlor: baa',: on yubo: deh⧾-a' klehkpeh: en: ne-a 'o: gwlor-nyor⧾-a': porluh⧾ ken 'weh.: Yee' eh-a' dhih,: torne:: a nyor: on gan-a 'noror nyor⧾ 'sororn': daa 'nyne-', or 'ye 'o: Juda'-a' 'gor bo 'kpa-dih:, or 'ye: Yusu'-a'a: dboo-nyor no, or 'ye: koan:: Juda' 'tali:-a dih no, ti: Juda' mu-a: dha or: korn-a or 'ye-a' mu. :Yeh on gweh-a 'de Nyorsoa bo: wlu-eh 'i,: yee' on po: nobo:, 'de: Mata'ya-a'a:: nobo 'wluh, 'de or 'kpa 'o: Yusu'-a'a: dboo-nyor⧾-a': bhue: 'yor-eh: ne-a: due': dao' ken. :Yee': yeh gor an 'da-dih-a 'Pehnti'kor, or-a' 'we-eh nyni-a 'o,: yee': Yusu'-a'a: dhih 'jeh-': po-nyor⧾-a' klehkpeh 'kpa: dha: due'. :Yeh an pobo-a 'o,: yee' an 'worn: dhlumeh': eh 'wluh 'de Nyorsoa 'bli yai',: eh gweh-a: ka: pobor': dhulu'-a yi-a 'de, 'de eh gweh 'de 'gbu-a' klehkpeh on: dhe-a 'di dih 'dlu. :Yee' on 'ye deh⧾: en gweh-a neh-a': meo, me-:: gble-eh,: en: dhe 'o an-a': due': due' 'dlu dih. :Yee' an-a' klehkpeh: on: ne-a 'o, on 'yi-dih: Gban 'i: ne: Zulu-: dih, 'de on 'kpa 'o wlu⧾ 'doror: 'dor: po 'da,: ka Gban 'i: ne: Zulu no-a an-a' 'kpih 'nyi-eh on 'ye-a': wlu-a' no. :Yee' 'do ti: dao' 'di,: Jueh'-nyor:⧾: noo',: on no-a Nyorsoa-nyor:⧾ 'jeh, mo-: 'wluh 'bluhba⧾-a' klehkpeh: en: ne-a dha yao 'zorn ken dih, 'de: on 'ti: Julu'slehn. :Yeh on 'worn-a: dhlumeh': daa,: yee' an-a' klehkpeh, on 'kpa: dha: due'.: Yee' eh 'ma-dih: 'de on 'di-: dih. Deh no-eh,: yor: or: korn-a or 'bli-wlu,: yee' or 'worn-uh' 'de: Yusu'-a'a: dhih 'jeh-': po-nyor⧾ 'worn, 'do 'we-eh:: dao' 'di. :Yeh eh no: ao',: yee' an-a': porluh⧾ 'ma-', 'de eh: florn-dih-uh worn, an 'chihleh-eh 'i, on 'da, Nyor⧾-a' klehkpeh: daa: an wlu-a, on: se: Galali'i-nyor:⧾ ke: e? :Yee': kaa eh no, 'de: yor: or: korn-a or 'bli-wlu, 'de or 'worn-uh, 'de on 'worn: eh? :A-a' nyor⧾: noo' 'wluh: Patia'-:: noo' 'wluh Midia'-:: noo' 'wluh 'Ilor-:: noo' 'wluh 'Mehsopata'mior-:: noo' 'wluh: Judi'a-:: noo' 'wluh 'Kapado'sia-:: noo' 'wluh 'Pantor-: 'dekorn: 'Esea-:. 'De: noo' 'wluh 'Fleya-:: noo' 'wluh: Panfi'la-:: noo' 'wluh 'Iye-: 'dekorn: 'Lebia-bluhba-a' 'for: or 'koan'-dih:-a: Sali'na dih-:. 'De 'duhba:⧾: noo' 'wluh 'Wloon: ke, :yuh: on no-a: Jueh'-nyor⧾-: 'dekorn:: yuh: on 'kpa-a: Jueh'-nyor⧾-a' Nyorsoa-deh-:. Nyor⧾: noo', mo-: 'wluh 'Klii-: 'dekorn:: Ale'bia-:. Jorwor:: a-a' klehkpeh,: a 'worn: Yusu'-a' dhih 'jeh-': po-nyor:⧾: daa, an-a' wlu-: dih.: A 'bli-wlu:⧾, me-: an po, 'de an za deh⧾: klaba'⧾ Nyorsoa no-a, en-' dhih-'. :Yee' an-a' klehkpeh, an-a': porluh⧾ 'ma-', 'de on se eh-a' bo dih zela-eh 'beh-dih:. 'De: noo'-a dhele on 'bei' dih, Deh 'i-deh: deh: daa, eh 'dhu-eh:-': eh? Jorwor: an-a': noo'-a wla-dih-uh', on 'da, Nomor on 'na-a, or-: 'o,: or no-uh. :Yeh on: za-a deh: dao',: yee': Piteh'-: 'dekorn:: Yusu'-a'a: dboo-nyor⧾-a': bhue: 'yor-eh: due': dao', on: nyna dih, 'de: Piteh' 'wor, or: wlu 'de nyor⧾: dhulu': dao' bo, or 'dae:, A: mor: or 'dhu-a: a 'bli: Jueh'-nyor⧾-: 'dekorn: nyor⧾-a' klehkpeh: on: ne-a dha: Julu'slehn-: a: to 'on: dou'⧾ bo 'dhuan, 'de 'on 'ye deh: daa ken dih zela: 'de a bo. Nyor⧾-kpalu:⧾: daa, nomor: se-uh' no.: Ka a no-a eh-a' 'ye-a', eh se: ao': ne. Zorn zen-a: naa, eh 'see 'o gwle. Jorwor: deh Nyorsoa-a' wele-eh:: po-nyor: 'Joeh: za-a-': dee' see, eh-: 'o, a 'ye: naa, or no-a, Nyorsoa 'dae:, 'An mu 'an: Zulu 'do nyor⧾-a' klehkpeh ken: po, 'do: de 'bor-dih-we 'di. A-a'a: nyor⧾-kpalu⧾-nynuu-: 'dekorn: 'nynor⧾-kpao'⧾-nynuu-: an mu 'an wele-eh: po. A-a'a: nyor⧾-kpalu⧾-nynuu:: gbolo'⧾-a' 'yli-eh mu deh 'i 'kpa-:. 'De mor: mor a-a'a: nyor⧾: bholuh⧾ 'kpa 'nyinor-', an-a' 'dlu⧾-a mu deh⧾ 'ye-:. 'De mor 'an-a: 'bhoi-nynuu:: sloror', nyor⧾-kpalu⧾-: 'dekorn: 'nynor⧾-kpao'⧾-: 'an mu 'an: Zulu 'do on ken: po, 'do ti: dao' 'di, 'de on 'ye 'an wele-eh po. 'An mu nyor⧾ 'di dih 'ma-dih-deh⧾: no 'de yai', 'de 'on 'ye nyor⧾ 'i: to-dih-deh⧾ no dha 'bluhba ken. Nyomor-: neh-: 'dekorn:: daluh': dhulu'-: me-: nyor⧾-a mu 'ye-:. :Yee' 'yluh: se-': fan i deh 'jeh, 'de 'chuh 'yli 'de 'ye 'zoo: ne,: eh gweh-a nyomor 'i, 'de jorwor:: Gwlor: baa'-a' dhih-a' 'i 'beh-we-eh: 'kawehn:, or mu-a 'de: ya, 'de eh 'ye 'o nyni. 'De mor nyor⧾-a' klehkpeh: on 'da-a: Gwlor: baa'-a' 'nyne, or 'ye-a' 'puh-dih:, or mu-uh 'puh-dih:. :Yee': Piteh'-a kpa or-a' wlu 'dlu bo: chio'lo:, or 'dae:, A: mor 'on 'bli 'Ezlea-nyor:⧾. A: to 'on: dou'⧾ bo. Deh⧾: kolu'⧾-: nyor⧾ 'di dih 'ma-dih-deh⧾-: 'dekorn: nyor⧾ 'i: to-dih-deh⧾-: Nyorsoa no-a 'de a 'klu-',: en: yi-dih:-a: Yusu': or 'wluh-a 'Nazla-gwlor 'di, me-:: to-dih: a 'i: ka: Yusu' 'wluh-a 'de Nyorsoa bo. A-a' 'jeh 'yor-eh yubo-eh'. Nyorsoa-a' 'jeh 'yor-eh 'worn-dih-eh ken dih: dee' see, 'de a mu: Yusu': kpon. 'De a no-eh, 'de 'kulu-nyor⧾: kor-dih-or 'o tu 'i, on 'dba-or. Jorwor:: yeh a no: ao',: yee' Nyorsoa za-or 'de nma-dih-deh 'di 'weh, or zelie-or' 'do 'meh-a' 'kpih 'zorn. Deh no-eh, 'meh-a' se or-a' wlu 'ken: korn-eh 'beh-dih:. :Yee': Debe': za: Yusu'-a' dhih-' 'weh see, or 'dae:, 'An 'ye: Gwlor: baa' 'weh, dha 'on 'bhun, 'do ti-a' klehkpeh bo. Or: ne 'noror 'an: dila-son bo 'weh.: Yee': fano:: se-' 'on: no i. :Yee' 'do eh-a' dha, 'an: porluh 'pehn-: dih.: Mor 'on: taa wlu,: yee' 'mona 'yi-dih: 'on-: dih.: Yee' 'an 'kmo: ne-eh mu deh: gwlii': dhe-eh 'ble-:. Deh no-eh,: mor: or 'dhu-a Nyorsoa-',: on: se-' 'worn-: i, 'on: se 'de: gwlebo: sie: i.: On: se-' 'worn-: i,: an-a' Gban 'i: ne-nyor: se 'de nma-dih-deh 'di 'zorn-dih: i. :On: torne: 'on 'kmo: ne-eh-a': gwie⧾ 'weh.: Yee': an mu-eh: no, 'on 'ye 'mona-' dih 'yi-dih:,: mor 'on yi 'o: on ybei'. :Yee': Piteh'-a kpa or-a' wlu 'dlu bo, or 'dae:, 'An 'de-di'-boi'-a:. 'Nyi 'on zela: a: gwluhuh' deh 'jeh, 'do: a: bai'-a': baa' 'Keen: Debe'-a' dhih bo. Or 'meh-', 'de or nma-dih-eh: dih. Or-a' nma-dih-deh: ne: daa: a bo 'weh: naa, 'de eh: yeh-dih: 'we-eh:: daa ken. 'De mor or no Nyorsoa-a' wele-eh:: po-nyor:. Or yubo: deh: korn-a wlu Nyorsoa po-a: dhama'-' 'weh. Nyorsoa za-eh' 'weh deh 'jeh, or 'da or mu: Debe' 'di-a' 'yu: due' 'keen-': no,: ka or no-a: Debe'-a' dhih: ke. :Debe' sie ti de, or 'ye deh Nyorsoa-a mu-a: no 'noror ybei'. Eh-:: korn dhih or: za Nyorsoa-a' 'taan'-yu-a' nma-dih-deh 'di 'wluh-dhih-'. Or 'da, Nyorsoa: se-' 'worn-: i, or: se 'de: gwlebo: sie: i. 'De mor, Nyorsoa: se-' 'worn-: i, or-a' 'ku: se 'de nma-dih-deh 'di 'zorn-dih: i. Nyorsoa: za 'de: Yusu': daa 'de nma-dih-deh 'di 'weh, 'de: a-a' klehkpeh,: a 'ye deh: daa ken dih 'weh. :Yee' Nyorsoa 'duo-or ya-', 'de or dhe-or dih 'de or-a': dila-son bo.: Yee' 'do: wor or: Baa' Nyorsoa 'nyi-dih-or or-a' Gban 'i: ne: Zulu,: on: korn-a wlu or po-a: dhama'-'. 'De: Yusu' dbo Gban 'i: ne: Zulu-a' 'jeh: dao' 'noror: a bo. Mo-: 'o: on: korn dhih a 'worn, 'de a-a' 'yli 'ye: naa. :Debe'-a' 'jeh 'yor-eh: se 'de Nyorsoa 'bli yai' mu.: Yee' eh-a' dhih, eh: se or-a' 'jeh 'yor-eh-a' dhih, or: se-': za,: mor or 'da,: Gwlor: baa': wlu-' 'de 'an-a:: Gwlor: baa' bo, or 'da,: Dhe 'o 'an: dila-son bo dih: chio'lo:, 'de 'on 'ye nyor⧾: on 'nyeh-a: on-' ya: ya, 'de: on 'ye-uh' buh⧾ ken dih tba. :Yee' eh-a' dhih, a: mor 'Ezlea-nyor⧾-a' klehkpeh, a: korn a 'ye-eh' yubo: deh 'jeh,: Yusu': daa, a: kor-dih:-a 'o tu 'i, or-: 'o Nyorsoa 'tan, 'de or: no-or: Gwlor: baa'-'. :Yeh nyor⧾: on: ne-a 'o, on 'worn-a deh⧾: daa,: yee' eh 'tuh an-a': porluh⧾-: dih 'gabaa, 'de on dhele:: Piteh'-: 'dekorn:: Yusu'-a'a: dboo-nyor:⧾: yuh: dao'-: dih, on 'dae:,: A 'bli-nyor⧾-a:. Deh: a 'ye no: naa: eh? 'De: Piteh' 'da, A-a' klehkpeh, a 'tali: a-a' deh⧾-zon⧾ dih, a 'ye 'de Nyorsoa bo 'bili:, 'de a 'ye 'ni 'dlu: po, 'de: Yusu' 'Klae-a' 'nyne 'di.: Yee' Nyorsoa-a mu a-a' deh⧾-zon⧾-a' dhih bo 'ma-dih:, 'de or 'ye a Gban 'i: ne: Zulu 'nyi. :A-a': Gwlor: baa' Nyorsoa po deh⧾: daa, en-' wlu: dhama'-' 'weh, 'do nyor⧾-a' klehkpeh or 'da-a: on 'ye-a 'o or klei' zi bo, a mor-: a-a'a: 'nynuu-: 'dekorn:: yuh: on: tehn-a bo-:. :Yee': Piteh': za-' deh⧾: dhulu': nee',: en 'ye-uh'-a 'slen 'dhu, or 'dae:, 'An bale a-uh 'weh, a zelie: a-a' 'jeh 'do Nyorsoa-a' 'chehn-yuba:: or yi-a 'de 'do 'kulu-nyor:⧾: daa bo 'zorn. :Yeh or 'da: ao',: yee' 'do 'we-eh:: dao' 'di, nyor⧾: on 'beh-dih:-a: on 'ye-a 'wlu taan no, mo-: po Nyorsoa-a' tubo-wlu⧾: Piteh' po-a dhih 'jeh-', 'de on: po 'ni 'dlu, on 'kpa 'o on 'bei' ken. :Yee' nyor⧾: dao', on 'duo: an-a' ti-a' klehkpeh-', 'de an 'chean': Yusu'-a'a: dboo-nyor⧾-a' deh⧾, 'de on: ne on 'bei'-a na-dih: dha: due'. An di-dih deh: dha: due', 'de an di-dih: Gwlor: baa'-a' gban 'i: ne-dii-deh: dha: due': ke, an wlu 'de Nyorsoa bo. :Yee' nyor⧾ 'di dih 'ma-dih-deh:⧾: dhulu'-: 'dekorn: nyor⧾ 'i: to-dih-deh:⧾: dhulu'-:: Yusu'-a'a: dboo-nyor⧾ no-a, me-: no-eh, 'de: fano 'kpa 'de nyor⧾-a' klehkpeh 'di. :Yee' nyor⧾-a' klehkpeh: on po-a: Yusu'-a' dhih dhih 'jeh-', an nena bo, 'de an kpuhba deh⧾ dih. 'De mor: mor on plo an-a'a: 'bluhba⧾-: 'dekorn: an-a'a:: kororn-deh⧾-:: yee' an po 'wlii: en 'ye-a: dha: due'.: Yee' ti an-a' nyor-a' son: gweh-a,: yee' an 'nyi en-' 'wlii:: nee' or 'weh. :Yee' an 'gbon-dih: dha: due' 'do ti-a' klehkpeh bo, 'do Nyorsoa-a' 'sla ybei'. 'De on 'bli 'gbu⧾ 'di dih, 'do: wor an di-dih: Gwlor: baa'-a' gban 'i: ne-dii-deh: dha: due', 'de an kpuhba son⧾ ybei', 'de: porluh⧾-a' 'worn: nmor ka 'di-: 'dekorn: 'de: porluh⧾-a' dih 'pehn ka 'di-:, 'de an po Nyorsoa-a' 'nyne ya. Nyor⧾-a' klehkpeh: on: ne-a: Julu'slehn, an 'ye-uh' deh.: Yee' zorn 'o zorn nyor⧾: on 'puh-a, 'ka-:: Gwlor: baa'-a po 'o on ken nyor⧾: noo'. :Yee' eh: korn 'we-eh: due', 'de: Piteh'-: 'dekorn:: Jororn'-: an mu 'de Nyorsoa-a' 'sla bo, 'gwie-yluh-gbao',: ka ti-a ne-a 'de nyor⧾-a mu-a 'de Nyorsoa bo: wlu 'da. :Yeh an mu-a,: yee' 'yu: due': or 'wluh-dih:-a: klor-a', or-: nyor⧾-a kpa 'o gba-dih-gba-a': kpaa' 'worn 'i, an 'da-dih-a 'Yi dih: nmor: kpaa'. An kpa-or 'o 'weh 'do 'we-a' klehkpeh 'di, or 'ye nyor⧾: an pa-a, 'wlii: zlor-dih:. :Yeh or 'ye-a: Piteh'-: 'dekorn:: Jororn'-: an yi-a pa 'da,: yee' or zlor-uh 'wlii:. 'De: Piteh'-: 'dekorn:: Jororn'-: on pobo-or ya.: Yee': Piteh': wlu-' 'de or bo, or 'dae:, Pobo:: a ya. :Yeh: Piteh' 'da: ao',: yee' or pobo-uh-: ya, or: mor: mloror' or 'da or mu deh 'ye-:: dee' 'de on 'kwa. 'De: Piteh' 'da: neheh', 'On se 'sebla-: 'dekorn: 'goo-: 'ble, 'on 'ye: on 'nyi. Jorwor: deh 'on 'ble-a, eh-: 'an mu: on 'nyi-:. 'De: Yusu' 'Klae: or 'wluh-a 'Nazla-gwlor 'di-a' 'nyne 'di, Mu yai',: on 'ye: na. :Yeh or: za-a deh: daa-',: yee' or kpon or-a': dila-son-: dih, 'de or 'duo-or ya-'.: Yee' 'do: dha: due': dao', or-a' buh⧾-: 'dekorn: or-a' buh⧾-a' 'yi 'dhu-dih-da-: en 'ye 'kpih 'weh. :Yeh or-a' 'tiei 'ye-a 'kpih,: yee' or: sorn-' 'weh, 'de or: nyna dih: vai:, or na dih.: Yee' or: ne on mor-: on pa 'de gba-dih-gba: dao' 'di. 'De or na dih, or 'bhlun yaa'e, or po Nyorsoa-a' 'nyne ya. :Yeh or no: ao', 'de: gwlor-nyor⧾-a' klehkpeh: on: ne-a 'o, on 'ye-or, 'de or na-a, 'de or po-a Nyorsoa-a' 'nyne ya, :yee' on yubo-or-: 'i,: ka eh 'dhu-a 'yu: or: dhe-a 'o gba-dih-gba-a': kpaa' 'worn 'i, an 'da-dih-a 'Yi dih: nmor: kpaa' dih, 'de: or zlor-a: dee'.: Yee' deh: eh: no-eh 'do or bo, eh 'ma-dih: an-a': porluh⧾-a' klehkpeh 'weh, 'de on: florn worn. :Yee' 'yu: dao',: or 'puh-a, or kpon: Piteh'-: 'dekorn:: Jororn'-: dih 'weh: chio'lo:.: Yeh nyor⧾-a' klehkpeh, on 'ye-uh'-a,: yee' eh: florn-dih-uh-: worn, 'de on kpa ple-a' 'de on bo, 'do Nyorsoa-a' 'sla-a': dha an 'da-dih-a: Salomor'-a': forn-dih: 'da. :Yeh: Piteh' 'ye-a nyor⧾: dao',: yee' or: wlu-' 'de on bo, or 'dae:, A: mor 'on 'bli 'Ezlea-nyor:⧾.: Eh: korn dhih 'de deh: daa, eh 'ma-dih: 'de a 'di dih, 'de eh: florn-dih:-a worn: eh? 'De mor: eh: korn dhih a pobo: a ya deh: dao': eh?: Mor a: taa 'ye,: yee' a 'da 'de: a-a' 'jeh-a' 'kpih 'di-: 'dekorn:: a-a' Nyorsoa-a': weheh': za-eh 'de 'yi 'sleh ka 'di-: eh-: no-eh, 'de 'yu: daa, or: sorn-', or na: e? :A: bai'-a': bai' 'Eble'hehn-: Ase'-: 'dekorn: 'Jekor-: an-a' Nyorsoa, or-: 'nyi or-a' 'bhoi-yu:: Yusu' dhih-a' 'i 'beh-a'. Jorwor: a: mor za-or 'kwla or 'ye 'meh. 'De a dhobo: or-a' dhih-' 'do Pale' ybei', ti Pale'-a 'bhorn-a or 'ye-or dih 'tali:, or 'ye-a' mu. :Yor: or: ne-a gban 'i, 'de: or 'sleh-a 'i, or-:: korn dhih a dhobo:-'.: Yee': yor: or 'dhu-a: nyor⧾ 'dba-nyor-', or-:: korn dhih a dhele: Pale' dih, or 'ye dih 'tali-eh: 'do a bo, or 'ye mu. A: mor no-eh 'de nyor: or: korn-a 'de bo 'kmo: sie:: febeh' 'wluh-a, on 'dba-or. Jorwor: Nyorsoa za-or 'de nma-dih-deh 'di 'weh.: A-a' 'yor-eh 'ye deh: daa ken dih 'weh. :Kloror-yu:: daa a 'ye-a, 'de a yubo:-a,: Yusu'-a' 'nyne-a' dhih 'jeh-': po-eh: 'o, eh-: 'nyi-or 'kpih.: Yusu'-a' dhih 'jeh-': po-eh:, eh-: no-eh, 'de or 'puh klehkpeh klehkpeh, 'do a-a' klehkpeh ybei'. :Yee' 'an 'de-di'-boi'-a:, 'on yubo-eh', a mor-: 'dekorn: a-a'a: nyor⧾: na-dih-nyor⧾-: deh a no-a, a se-eh 'i yubo:. Jorwor: deh Nyorsoa: za-a-': dee' see,: eh: yi-dih:-a or-a' wele-eh:: po-nyor⧾-a' klehkpeh-', eh-: 'o: eh 'kpa dhih 'jeh-': naa,: eh no-a, Or-a' 'taan'-yu: korn or 'ye 'kle 'ye. :Yee' 'do eh-a' dha, a 'tali: a-a' deh⧾-zon⧾ dih, 'de a 'ye 'de Nyorsoa bo 'bili:, 'de: Gwlor: baa' 'ye a-a' deh⧾-zon⧾-a' dhih bo 'ma-dih:. :Yee' ti-a mu 'o: nyni: Gwlor: baa'-a mu a 'kpih: dele' 'nyi-:, 'de or 'ye: Yusu': or 'dhu-a or-a' 'taan'-yu-', or gan-a: dee' see 'do a bo, or 'ye-or 'de a bo dbo. :Yusu': korn or 'ye 'de Nyorsoa 'bli yai' dih: dhe: chio'lo:, 'de ti Nyorsoa-a mu-a deh⧾-a' klehkpeh: dele': po, 'de en 'ye 'o nyni,: ka or no-a eh-a' wlu-a': dhama'-': po-eh: dee' see,: eh: yi-dih:-a or-a' wele-eh:: po-nyor⧾-': on: dhe-dih-eh 'for 'i 'do or bo. :Mose'-a' 'jeh: ke, or 'dae:, A-a': Gwlor: baa' Nyorsoa-a mu a-a' nyor⧾-a' nyor: due' dih: nyna-dih:, or 'ye wele-eh:: po-nyor no 'do a bo,: or mu-a 'on: gweh.: Yee' a: to deh⧾-a' klehkpeh or mu-a-': za, 'de a bo: dou'⧾ bo. :Yee' nyor-beh-nyor-beh:: or se-a Nyorsoa-a' wele-eh:: po-nyor:: dao': dou'⧾ bo: to,: yee' or mu 'de Nyorsoa-a' nyor⧾ 'klu-': za-eh:, 'de or 'ye gbe: zie:. Keen' 'jeh ka, Nyorsoa-a' wele-eh:: po-nyor⧾-a' klehkpeh: eh 'wluh-a 'o Sameo'-a' ti bo an-a' klehkpeh sie ti de, 'de on: za deh⧾: daa: en mu-a 'dlu bo: naa dha ti: daa 'i, en-' dhih-'. Wlu Nyorsoa po-a: dhama'-',: on: yi-dih:-a or-a' wele-eh:: po-nyor⧾-', on: korn 'de a bo. 'De mor a 'ble 'for 'de kuo Nyorsoa: ne a: bai'-a': bai' po-a 'di, ti or 'ye-a': wlu 'de 'Eble'hehn bo, or 'ye: ao',: An-a'a: 'nynuu-a' 'nynuu: mo-: 'an mu-': yi-dih:, 'de 'on 'ye nyor⧾-a' klehkpeh: on: ne-a dha 'bluhba ken,: bhorlie' bo po. :Yee': yeh Nyorsoa: nyna-dih:-a or-a'a: 'bhoi-yu:: Yusu' dih,: yee' or dbo-or' 'de a bo: zai', or 'ye a: bhorlie' bo po.: Bhorlie' or mu-a a bo: po, eh-: 'dhu or 'ye-eh' no, 'de a 'ye a-a' deh⧾-zon⧾ 'kpuh ya: to. :Yeh: Piteh'-: 'dekorn:: Jororn'-: on 'si-a 'o nyor⧾ bo: wlu 'da,: yee' Nyorsoa-a' 'slaa:: za-nyor⧾-: or-a' 'sla-a': poli'si-a' nyor: klaba'-: 'dekorn:: Sayusi'i-nyor⧾-: mo-: yi 'o on bo. :Yee' on 'kpa-' 'chehn. Deh no-eh,: mor on: taa: Yusu'-a' 'meh: sorn-' dhih-' za,: yee' eh torne nyor⧾ deh: ka 'meheh'-nyor⧾-a mu-a: sorn: neheh'. 'De on kpon-uh, on po-uh: kasue 'di.: Yee' ti zi-' on 'ye-uh' 'de zabe:: zi-gbu 'zorn kpa. Eh-: no-eh, 'de on 'pehn 'de: kasue 'di, 'de zorn zen. Jorwor: nyor⧾: dhulu': on 'worn-a tubo-wlu:⧾: dao' on po-a, on po-ih' dhih 'jeh. Nyor⧾-kpalu:⧾: on po-ih-a dhih 'jeh-': naa,: mor on bele: bo,: yee' on 'beh-dih: on 'ye 'wlu: mm' no. :Yee': yeh zorn zen-a,: yee': Jueh'-nyor⧾-a' nyor⧾ wlu 'ken: korn-nyor⧾-: 'bluhba:: korn-nyor⧾-: 'dekorn: nyor⧾ 'tele': torne-nyor⧾-: mo-: 'kpa: dha: due' 'do: Julu'slehn. :Yee' 'do: wor 'Aneh:: or no-a Nyorsoa-a' 'slaa:: za-nyor⧾-a' nyor: klaba'-:: Kai'fa-:: Jororn'-: 'Ehleza'na-: 'dekorn: Nyorsoa-a' 'slaa:: za-nyor⧾-a' nyor: klaba'-a'a: 'cheh-buh-a' nyor⧾-kpalu:⧾: noo'-: on: ne. :Yee': yeh an-a' klehkpeh, on 'kpa-a: dha: due',: yee' on no-eh', 'de: Piteh'-: 'dekorn:: Jororn'-: on: nyna dih 'do on ybei', 'de on dhele-uh dih, on 'dae:, Deh 'i-deh-kpih: a no, 'de mor: or: korn 'nyne 'di, a 'puh-dih:: kloror-yu:: daa: eh? :Yee': Piteh': or 'yi-dih:-a Gban 'i: ne: Zulu dih, or: wlu-' 'de on bo, or 'dae:, A: mor nyor⧾ wlu 'ken: korn-nyor⧾-: 'dekorn: 'bluhba:: korn-nyor⧾-:. :Mor eh 'dhu a 'chleh: a 'i 'zean', 'do deh 'jeh: a no-a 'do: kloror-yu:: dao' bo, 'dekorn:: ka or no-a 'puh-a'-: :yee' a-a' klehkpeh, a: korn a 'ye-eh' yubo:, 'de mor nyor⧾-a' klehkpeh: on: ne-a dha 'Ezlea-bluhba ken, on: korn on 'ye-eh' yubo:: ke,: ka 'yu: daa: or: nyna-a dih dha a ybei', 'de: or 'puh-a klehkpeh klehkpeh,: Yusu' 'Klae: or 'ti-a 'Nazla: dee', 'de or-a' 'nyne 'di: oo', 'do: wor or 'puh-dih:.: Yusu' a: kor-dih:-a 'o tu 'i, 'de Nyorsoa: za-a: 'de nma-dih-deh 'di, or-: 'o: or 'puh-dih-or. :Yusu' no tu, a: mor 'gbu: po-nyor:⧾, a po-a dih: dee'. Tu-a' 'jeh: dao', mo-: no 'gbu-a': zi-tu: naa. :Yusu': due', or-: 'ble 'kpih,: or 'ye nyor⧾ zelie: 'do deh⧾-zon⧾-a' 'kpih 'zorn. Or-a' 'nyne: due', me-:: ne dha yao 'zorn, me-: 'beh-dih:: en 'ye nyor⧾ zelie:. :Yee': yeh on 'ye-a: Piteh'-: 'dekorn:: Jororn'-: on se-a: fano: gwlii': ne,: yee' zabe:: zi-nyor:⧾: dao', eh: florn-dih-uh-: worn, deh no-eh, on yubo-eh 'i,: ka nyor⧾ 'sororn': dao', on se-a 'chlee-deh yubo:, 'de mor on se-a deh-' 'dhu-eh:.: Yee' on yubo-eh-: 'i: ka on: na-a: Yusu' bo: naa:: zai'. Jorwor:: ka on 'ye-a 'yu: or 'puh-a, 'de or: nyna-a dih 'do: Piteh'-: 'dekorn:: Jororn'-: 'bhun,: yee' deh on 'ye-a': za, eh se: ne. 'De on zela-uh: gwluhuh' on 'ye 'de zabe:: zi-gbu-a': chuu 'di 'wluh.: Yeh on 'wluh-a 'de,: yee': Jueh'-nyor⧾-a' zabe:: zi-nyor:⧾: dao', on 'kpa dhih polo-eh-: ken 'de an-a' 'jeh 'nyne-', on 'dae:, :Kaa: a mu nyor⧾: daa, an-a' dhih: no: eh? Nyor⧾-a' klehkpeh: on 'ti-a dha: Julu'slehn, on yubo-eh': ka eh 'dhu-a on mor-' on no-a nyor⧾ 'di dih 'ma-dih-deh:: klaba': dao'. 'De mor: a se eh-a' dhih-' dhobo-eh 'beh-dih:: ke. Jorwor:: mor eh 'dhu: a se 'bhorn nyor⧾: dhulu' 'ye dhih: daa 'worn, 'de en-' 'nyne: sor gweh 'bluhba 'dlu,: yee' a 'nyi: a 'dhu nyor⧾: daa 'slen, on: ne 'de nyor bo: wlu, 'de: Yusu'-a' 'nyne 'di: dele' ka. :Yeh on gweh-a dhih polo-eh 'i,: yee' on 'da-uh': dele' ka, on 'ye pa.: Yeh on pa-a,: yee' on dhe-uh' 'tele' 'i, on 'dae:, A-a' 'da-:-': Yusu'-a' 'nyne, 'de mor a-a': no-': Yusu'-a' 'nyne, a-a': torne:-' nyor⧾ deh: dele' ka. :Yeh on 'da: ao',: yee': Piteh'-: 'dekorn:: Jororn'-: on: wlu-' 'de on bo, on 'dae:, A-a' 'jeh 'yor-eh:, a polo-eh 'do a: gwlii', eh 'sleh-: 'i 'do Nyorsoa ybei',: a 'ye 'o a-a' 'tele' dih dhe, eh 'ye 'o Nyorsoa-a' neh-': zi: e? :A: mor: mloror',: a se 'beh-dih:: a 'ye deh⧾: a 'ye-a-: 'dekorn: deh⧾: a 'worn-a-: en-': za-a' 'bor. :Yeh: Piteh'-: 'dekorn:: Jororn'-: on 'da: ao',: yee' nyor⧾: dao', on 'da an mu-uh deh 'bhun: no, 'de on 'tali-uh dih, on mu.: Ka on 'ye-a an-a' 'kle 'ye-eh 'dlu: po-eh no, on se-eh yubo:. Deh no-eh, nyor⧾-a' klehkpeh, an po Nyorsoa-a' 'nyne ya, 'do deh: eh: no-eh bo. 'De mor 'yu on no-a nyor⧾ 'di dih 'ma-dih-deh, 'de: or 'puh-a, or-a' zon⧾ zi: kwlaa: nyieh-: dih. :Yeh on 'tali:-a: Piteh'-: 'dekorn:: Jororn'-: dih,: yee' 'do: dha: due' 'jeh: dao', on mu 'de on 'bei' dhih 'jeh-': po-nyor⧾ bo de. 'De on: za deh⧾-a' klehkpeh Nyorsoa-a' 'slaa:: za-nyor:⧾: klaba'⧾-: 'dekorn: 'bluhba:: korn-nyor⧾-: on: za-a 'weh 'de on bo. :Yee': yeh on 'bei' 'worn-a dhih: daa,: yee' an-a' klehkpeh bele: wlu bo, an wlu 'de Nyorsoa bo, on 'dae:,: Gwlor: baa' Nyorsoa,: mor 'o: or no yao-: 'bluhba-: yobo'-: 'dekorn: deh⧾-a' klehkpeh: en: ne-a 'de en 'di-:. :An-a' Gban 'i: ne: Zulu:, mo-: po-eh 'de: an-a'a: 'bhoi-yu:: Debe' 'worn,: or no-a: a: bai'-a': baa', 'de or za-eh', or 'dae:,: Eh: korn dhih, 'de nyor⧾: on: se-a: Jueh'-nyor:⧾, 'de on 'kpa 'chehn-' 'gabaa: eh?: Eh: korn dhih, 'de nyor⧾-a 'dhu dhih on: se-a' deh 'i 'ye-: i: eh? 'Keen-boi': on: ne-a dha 'bluhba ken, an po an-a' 'jeh 'kpa, on 'ye vorn 'da mu. 'De nyor⧾ wlu 'ken: korn-nyor⧾ 'kpa: dha: due': ke, on 'ye: Gwlor: baa'-: 'dekorn: or-a' 'taan'-yu-: bo vorn. Keen' 'jeh ka. 'Keen: Hehlo'-: 'Pantior: Pale'-: nyor⧾: on: se-a: Jueh'-nyor⧾-: 'dekorn:: Jueh'-nyor⧾-: mo-: 'kpa: dha: due' dha: gwlor: klaba': daa 'di, 'de on 'dhu dhih 'do: Yusu' bo,: or no-a: an-a' gban 'i: ne-bhoi-yu:: on 'tan-a. :Yee' on no deh⧾-a' klehkpeh: an 'bhorn-a: en 'ye-a': no-eh:: dee' see 'weh, 'do: on: porluh ken-: 'dekorn: 'de: an-a' 'kpih 'di-:. :Yee': kana: naa,: Gwlor: baa', pobo: deh an za-' ya-: e, on no-a, an mu: a deh 'bhun: no. Jorwor: 'nyi: a: mor: or 'dhu-a: an-a' 'bhoi-nynuu 'kpih,: a 'ye: an-a' tubo-wlu⧾ po, 'de: gwluhuh': ku ka 'di. 'Nyi: an-a' 'kpih: a-uh,: a 'ye nyor⧾-a' puhba-deh⧾ 'puh-dih:.: Yee' 'nyi nyor⧾ 'di dih 'ma-dih-deh⧾-: 'dekorn: nyor⧾ 'i: to-dih-deh⧾-:: no-eh:, 'de: an-a' gban 'i: ne-bhoi-yu-a' 'nyne 'di,: or 'dhu-a: Yusu'-'. :Yee': yeh on gweh-a 'de Nyorsoa bo: wlu-eh 'i,: yee' 'do: dha on 'kpa-dih:-a: dha: due', 'do-a zi-a 'i. 'De an-a' klehkpeh 'yi-dih: Gban 'i: ne: Zulu-' dih, an po or-a' tubo-wlu⧾, 'de: gwluhuh': ku ka 'di. :Yeh eh no: ao',: yee': Yusu'-a' dhih 'jeh-': po-nyor⧾-a' klehkpeh, on 'ble: porluh: due'-: 'dekorn: 'dlu 'di dih: na-dih-deh: due'-:. An-a' nyor-a' no, 'On: due', 'mor: korn 'an-a:: kororn-deh⧾. An-a' klehkpeh, an kpuhba deh⧾ dih. :Yee' 'de 'kpih: klaba'⧾ 'di,: Yusu'-a'a: dboo-nyor⧾-a zela-eh ken dih 'weh: chio'lo:,: ka Nyorsoa no-a 'de: Gwlor: baa': Yusu' 'de nma-dih-deh 'di: za-eh. 'De Nyorsoa po dhih 'jeh-': po-nyor⧾-a' klehkpeh mla: dhulu' bo. Eh se nyor: korn,: or 'ye-a' 'de nyor⧾: dao' 'nyne-': ne,: or 'ye: ao', or se deh: korn. Deh no-eh, 'do kpor: due': due' 'di, nyor⧾: on 'ble-a gle⧾-: 'dekorn: 'gbu⧾-: an plo-ih'.: Mor on plo-ih,: yee' an ya 'de en-' 'wlii: on: plo-dih:-a 'weh. 'De an 'nyi-ih: Yusu'-a'a: dboo-nyor⧾. 'De an gble dih nyor⧾ 'yi dih,: on: korn-a son⧾: gweh-a. :Yee' 'do ti: dao' bo, 'Joseh:: or 'dhu-a 'Livae-yu-', 'de: or 'wluh-a 'Sapor-bluhba ken,: or: Yusu'-a'a: dboo-nyor⧾ 'dhu-dih:-a: Bana'ba-nyne,: eh: bleh-dih:-a 'i, 'Yu: or po-a 'de nyor⧾-a' 'kpih, or-: plo or-a'a: gle: due', 'de or: ya 'de eh-a' 'wlii, or 'nyi-ih: Yusu'-a'a: dboo-nyor⧾. :Yee' 'yu an 'da-dih-a 'Anenaya'-: 'dekorn: or-a'a: 'nynor: Sofaya'-: mo-: plo an-a'a: 'bluhba⧾-a' 'kplo: due'. :Yee' 'Anenaya' dhe or-a' 'wlii:: nee' dih, 'do or-a' 'jeh bo. Or-a'a: 'nynor yubo: eh-a' deh-: 'i. 'De or kpa: yih: sie:-a 'o: Yusu'-a'a: dboo-nyor⧾. :Yeh or kpa-a 'wlii-a' kpor: dao',: yee': Piteh' dhele-or-: dih, or 'da, 'Anenaya',: eh: korn dhih 'de: on: za 'ku 'yli-eh dih, 'de on: korn: an-a': porluh wlu 'ken, 'de: on 'tmo sih 'de Gban 'i: ne: Zulu bo: eh? 'De 'bluhba-a' 'kplo: on plo-a,: on dhe or-a' 'wlii:: nee' dih 'do: an-a' 'jeh bo: eh? Ti: on 'see-a 'bluhba-a' 'kplo: dao' plo,: yee' or se 'de: on bo: korn: e?: Ae': yeh: on plo-or, or-a' 'wlii se 'de: on bo: korn ke?: Yee': eh: korn dhih, 'de: on po 'o deh: daa: eh: ne: ao', 'do: on: porluh ken: eh? Sih: on 'tmo-a, eh: se 'de: gwlor-nyor⧾ bo,: on: se-ih' 'tmo-dih:. Jorwor: 'de Nyorsoa bo: oo',: on 'tmo-dih-ih. :Yee': yeh 'Anenaya' 'worn-a deh: daa: Piteh': za-a-',: yee' or 'ga-: dih, 'de or 'meh.: Yee' nyor⧾-a' klehkpeh: on 'worn-a deh: daa: eh: no-eh,: fano 'kpa 'de on 'di 'weh 'gabaa. :Yee': yeh or 'meh-a,: yee' 'nynuu:: gbolo'⧾, mo-: 'yle,: on bhian-dih: or-a' 'ku deh⧾ kle-' dih, 'de on kpa-uh 'o 'zorn, on nma-dih-uh dih. :Yee': yeh 'yluh-buh⧾ taan 'beh-dih: en 'ye-a 'o ken dih: zi-dih:,: yee' 'Anenaya'-a'a: 'nynor pa 'de 'gbu: Piteh': ne-a 'di 'weh: ke. Jorwor: or se deh: eh: no-eh yubo:. 'De: Piteh' dhele-or dih, or 'dae:, Zela: 'on: gwluhuh', 'bluhba-a' 'kplo a plo-a, 'wlii-a' klehkpeh a 'ye-a, me-: 'o: en: dhe dih: e? 'De or 'da, Keen', 'wlii:: a 'ye-a, en-' klehkpeh: oo'. 'De: Piteh' 'da,: Eh: korn dhih 'de mor-: 'dekorn:: an-a'a: yibeor-: a 'worn-dih-eh ken dih, 'de a 'dhen: Gwlor: baa': eh?: Gbee'e:. Nyor⧾-kpalu:⧾: on nma-dih:-a: an-a'a: yibeor dih, on: ne 'o 'gbu worn 'i 'weh 'gboror:. An mu 'de: on 'zorn: kpa: kana: ke. :Yeh: Piteh' jla-a,: yee' 'do: dha: due': dao', or 'ga-: dih 'do: Piteh' ybei', 'de or 'meh.: Yee': yeh 'nynuu:: gbolo'⧾: dao', on pa-a 'de 'gbu 'di: neheh', 'de on 'ye-a 'nynor: or 'meh-a,: yee' on 'si-dih: or-a' 'ku-: 'zorn, 'de on nma-dih-uh dih 'do or-a'a: yibeor-a' nma-dih-deh 'bhun. :Yee' 'chore-nyor⧾-a' klehkpeh-: 'dekorn: nyor⧾-a' klehkpeh: on 'worn-a dhih: daa-: on 'kpa-': fano: 'gabaa. :Yee': Yusu'-a'a: dboo-nyor⧾ no nyor⧾ 'i: to-dih-deh⧾-: 'dekorn: nyor⧾ 'di dih 'ma-dih-deh⧾-: 'de: gwlor-nyor⧾ 'nyne-'.: Yee': Yusu'-a' dhih 'jeh-': po-nyor⧾-a' klehkpeh, an 'kpa: dha: due' 'do ti-a' klehkpeh bo, 'do: dha an 'da-dih-a: Salomor'-a': forn-dih: 'da. Jorwor: nyor⧾ 'sluh⧾: on 'ye-a' 'di dih ku,: on 'ye-a' 'de on 'nyne-' 'kpa, on se: ne. Keen': mloror' nyor⧾-a 'ye-uh' deh 'gabaa. :Yee': yeh eh mu-a 'dlu bo: muu:,: yee' nyor⧾-kpalu⧾-: 'dekorn: 'nynor⧾-kpao'⧾-: mo-: po: Gwlor: baa'-a' dhih dhih 'jeh-', 'de an-a': dha: dhulu' 'kpa 'o on ken. :Yee' 'do deh: dao': Yusu'-a'a: dboo-nyor⧾ no-a bo, eh-: no-eh, 'de nyor⧾-a kpa puhba-nyor⧾ 'de 'kpa: gwie 'i, 'de an 'pehn-dih-uh dih 'do ken 'pehn-deh ken-: 'dekorn: 'do: sleheh'⧾ ken-:. Deh: korn-a dhih an no-a deh⧾: dao', eh-: 'dhu, an 'bhorn: mor: Piteh': taa zi, or-a': yeh beh: or se-uh dih 'tuh, 'de or-a' 'gbu: gwlii': zulu 'ye 'o, on ken: yi-dih: 'klein', 'de on 'ye 'puh. :Yee' nyor⧾: dhulu', mo-: 'wluh: gwlor⧾: eh: ne-a: Julu'slehn 'de dih 'di, 'de an ya 'de puhba-nyor⧾-: 'dekorn: nyor⧾: yuh 'kwla 'ye-dih-deh⧾: ne-a 'o 'de-: 'do: Yusu'-a'a: dboo-nyor⧾ bo, 'de an-a' klehkpeh 'puh. :Yeh deh⧾-a' klehkpeh: dao', en mu-a 'dlu bo,: yee' Nyorsoa-a' 'slaa:: za-nyor⧾-a' nyor: klaba'-: 'dekorn: nyor⧾: an na-or bo-:: on no-a: Sayusi'i-nyor⧾-a' kpor,: gwlehehn'-: no-uh, 'do: Yusu'-a'a: dboo-nyor⧾-a' deh bo. 'De on kpon-uh, on po-uh 'de: kasue 'di. Jorwor: dholo-',: yee': Gwlor: baa'-a' 'enjor: due' yi-: 'de, 'de or: za 'o: kasue-gbu-a': kpaa', 'de or 'si-dih-uh 'zorn. 'De or 'da, A mu 'de Nyorsoa-a' 'sla ybei', a 'ye dih: nyna 'do: gwlor-nyor⧾ ybei', a 'ye-uh: gwluhuh' zela: 'do 'kmo: ne-eh:: dele': daa, eh-a' klehkpeh-a' dhih bo. :Yeh zorn zen-a,: yee': Yusu'-a'a: dboo-nyor:⧾: dao', on dhe 'o 'enjor:: dao', or-a' 'tele'-: dih, 'de on mu 'o Nyorsoa-a' 'sla ybei', 'de on 'kpa nyor⧾ deh: torne-eh ken.: Yeh an no: ao',: yee' Nyorsoa-a' 'slaa:: za-nyor⧾-a' nyor: klaba'-: 'dekorn: nyor⧾: an na-or bo-: on 'da: Jueh'-nyor⧾-a' zabe:: zi-nyor:⧾: klaba'⧾-: 'dekorn: an-a' 'bluhba:: korn-nyor⧾-a' klehkpeh-: 'weh, on 'ye dhih polo:. 'De on dbo nyor⧾ on 'ye 'de: kasue-gbu 'di mu, on 'ye 'de: Yusu'-a'a: dboo-nyor:⧾: on: ne-a 'de: ya. Jorwor:: yeh nyor⧾ on dbo-a, on 'si-a dih 'do: kasue-gbu bo, 'de on pobo:-a 'de on 'di,: yee': Yusu'-a'a: dboo-nyor:⧾: dao', on se 'de: ne. 'De on mu deka, on po-uh kuna', on 'da, :Yeh: a: yeh-dih:-a: kasue-gbu ken,: yee' on 'gba-eh: worn 'i 'weh deh 'jeh, 'de: a 'ye nyor⧾: an 'dhu-uh-a 'yli-eh bo, on: nyna dih 'do an-a': kpaa' worn 'i. Jorwor:: yeh: a kan-dih:-a 'o 'gbu worn 'i,: yee': a: se-' nyor 'ye 'de mor. :Yeh Nyorsoa-a' 'sla-a': poli'si-a' nyor: klaba'-: 'dekorn: Nyorsoa-a' 'slaa:: za-nyor:⧾: klaba'⧾-: on 'worn-a dhih: daa,: yee' an 'chihleh-eh-: 'i, 'do deh: eh: no-eh 'do: Yusu'-a'a: dboo-nyor⧾ bo. 'De 'yu: due' yi 'o on bo, or zela-uh: gwluhuh', or 'dae:, A: gbee'e:. Nyor⧾ a po-a 'de: kasue 'di, mo-:: ne 'de Nyorsoa-a' 'sla ybei',: an torne nyor⧾ deh 'de mor. :Yee' 'do: dha: due': dao',: poli'si-a' nyor: klaba': dao', or kpa or-a'a:: poli'si 'weh, 'de on: ya 'de: Yusu'-a'a: dboo-nyor:⧾: dao'. Jorwor: on: se-uh' 'kpih: kpa-dih:. Deh no-eh, an ple: fano:, nyor⧾: ne-uh' sobu'⧾ dih: tba-dih:. :Yee' on: pa-dih-uh', 'de on no-eh, on: nyna dih 'do zabe:: zi-nyor⧾ ybei'. 'De Nyorsoa-a' 'slaa:: za-nyor⧾-a' nyor: klaba' 'chleh-uh, or 'dae:,: A: se-' a 'tele' 'i dhe,: eh: mor nyor-a': no-': Yusu'-a' 'nyne,: an-a': torne:-' nyor⧾ deh: dele' ka: e? Jorwor: a: gbee'e:. A pobo: deh a no-a ya-: e. A: gweh-dih: a-a' nyor⧾ deh: torne-eh dha: Julu'slehn 'dlu 'weh. 'De a 'bhorn a 'ye or-a' nyomor 'do: a 'dlu po. :Yeh or 'da: ao',: yee': Piteh'-: 'dekorn: or 'bei' dboo-nyor⧾-: on 'da,: A: korn: a 'ye 'o Nyorsoa-a' 'tele' dih dhe: gbor: gbor,: eh: zi 'o: gwlor-nyor-a' neh-'. :Yee' an kpa an-a' wlu 'dlu bo: chio'lo:, on 'dae:,: Yusu' a: kor-dih:-a 'o tu 'i, 'de a 'dba-a, Nyorsoa: or: korn-a: weheh': a: bai'-a': bai'-a za-a, or za-or 'de nma-dih-deh 'di 'weh. :Yeh Nyorsoa za-or 'de nma-dih-deh 'di,: yee' or 'duo-or ya-', 'de or dhe-or dih 'de or-a': dila-son bo, 'de or no-or: a-a' nyor⧾: na-dih-nyor-: 'dekorn: nyor⧾ 'puh-dih-nyor-:. Or no deh: daa 'weh, 'de 'Ezlea-nyor⧾ 'ye an-a' deh⧾-zon:⧾: no-eh dih 'tali:, 'de on 'ye 'de Nyorsoa bo 'bili:, 'de or 'ye an-a' deh⧾-zon⧾-a' dhih bo 'ma-dih:. :A: mor no deh⧾: daa, en-' dhih bo zela-nyor⧾, 'dekorn: Gban 'i: ne: Zulu: or 'nyi-a nyor⧾: yuh: an dhe-a 'o or-a' 'tele' dih-:: ke. :Yeh zabe:: zi-nyor:⧾: dao', on 'worn-a deh⧾ on: za-a-',: yee' 'chehn 'yi-dih-uh-: dih 'gabaa, 'de an 'bhorn on 'ye-uh' 'dba. Jorwor: an-a' nyor: due',: or 'dhu-a: Falasi'i-yu-', an 'da-dih-a: Game'la,: or no-a nyor⧾ 'tele': torne-nyor⧾-a' nyor: due', nyor⧾-a' klehkpeh, an 'dhu-a 'o 'gabaa, or-:: nyna dih 'do zabe:: zi-nyor⧾ ybei', 'de or 'nyi 'tele', on 'ye 'o dboo-nyor:⧾: dao' 'zorn kpa 'do ti-kpor-bei 'di. :Yeh on kpa-uh-a 'o 'zorn, 'de or: wlu 'de or 'bei' zabe:: zi-nyor⧾ bo, or 'dae:, A: mor 'Ezlea-nyor:⧾. A no 'neh 'neh, 'do deh a polo-a, a 'ye-a no 'do nyor⧾: daa 'bhun. Deh no-eh, 'do ti-kpor-bei:: en zi-a 'di,: yee' nyor-kpalu: due' an 'da-dih-a: Teyu'la,: or 'da-dih-a or-a' 'jeh nyor: klaba', or-: 'yle,: yee' nyor⧾-kpalu:⧾: on 'beh-dih:-a: on 'ye-a nyor⧾-a': kehehn': nyieh no, mo-: zi 'o or klei'. Jorwor: nyor⧾ 'dba-or'.: Yee' or-a'a: nyor⧾-a' klehkpeh, an-a' 'slih 'meh-', 'de on: gba dih. :Yee': yeh eh 'wluh-a 'o: neheh',: yee' nyor-kpalu: due' an 'da-dih-a: Juda',: or 'wluh-a: Galali'i-bluhba ken, or-: 'yle, 'do ti an zlo-dih-a nyor⧾ 'i, 'de or no-eh, 'de nyor⧾: dhulu' zi 'o or klei', on 'ye 'gomla worn: bla-dih:. Jorwor: nyor⧾ 'dba-or': ke. 'De nyor⧾-a' klehkpeh: on zi-a 'o or klei', on: gba dih: ke. :Yee' eh-a' dhih: naa, 'an 'dhu a 'slen, a 'ye: Yusu'-a'a: dboo-nyor:⧾: daa dih 'tali:, on 'ye mu. Deh no-eh, deh⧾ an 'dhu-a on 'ye-a' no-: 'dekorn: deh⧾ an no-a-:: mor en 'wluh 'o an-a' 'jeh 'yor-eh-a': porluh⧾ ken,: yee' en mu worn: gweh. Jorwor:: mor en 'wluh 'de Nyorsoa bo,: yee' a se en-' 'borboa' 'i: po-eh 'beh-dih:, a: ne-eh' no: noo:, 'de a: ne-' Nyorsoa-a' bo: vorn-nyor⧾ no.: Yee' zabe:: zi-nyor:⧾: dao', on 'worn-dih: deh: Game'la: za-a-' 'weh. 'De on 'da: Yusu'-a'a: dboo-nyor⧾ 'de zabe:: zi-gbu 'zorn: neheh', 'de on bla-uh, on dhe-uh 'tele' 'i, on: ne-': Yusu'-a' 'nyne 'da: neheh': dele' ka,: mor on: taa Nyorsoa-a' tubo-wlu⧾ po. 'De on 'tali-uh dih, on 'ye mu. :Yee' dboo-nyor:⧾: dao',: yeh on 'tali-uh-a dih, 'de on 'wluh-a 'de zabe:: zi-gbu 'zorn,: yee' an no 'mona:. Deh no-eh, Nyorsoa 'duo-uh' 'weh, on 'ye deh ken 'kpa-nyor⧾ no, on 'ye yaa'e 'kpa: Yusu'-a' dhih. :Yee': eh 'wluh-a 'o ti on za-uh-a 'de: kasue 'di, zorn 'o zorn, on: se-' nyor⧾ deh: torne-eh 'bor: chio'lo:, 'do Nyorsoa-a' 'sla ybei'-: 'dekorn: 'de nyor⧾ 'bli 'gbu⧾ 'di dih-:. 'De mor on: se-' tubo-wlu:⧾ 'jeh-a' po-a' 'bor: ke,: ka: Yusu' 'dhu-a Nyorsoa-a' 'taan'-yu-'. :Yee' 'do ti: dao' 'di,: yeh: Yusu'-a' klei': zi-nyor⧾-a 'kpuhba-a ken dih,: yee': Jueh'-nyor⧾-a': yuh: an po-a 'Glii-wlu, mo-:: an wlu-dih: Jueh'-nyor⧾-a': yuh: an po-a: Hiblu'-wlu 'bhun dih, on 'dae:,: Mor on: taa: dhoba: 'nynor⧾-a'a: dii-deh⧾-' gble, zorn 'o zorn,: yee' an-a' no-a' 'ye deh on: korn on 'ye-a' 'ye. :Yee': Yusu'-a'a: dboo-nyor:⧾: on: korn-a: bhue: 'yor: ne-a 'sororn', on 'da: Yusu'-a' klei': zi-nyor⧾-a' klehkpeh: dha: due', 'de on: wlu 'de on bo, on 'dae:, Eh se 'yi dih: nmor,: a 'ye Nyorsoa-a' tubo-wlu:⧾: po-eh 'kpuh ya: to, 'de: a 'ye dii-deh⧾-' gble. :Yee': ka eh: ne: ao',: a-a' 'Klae: de-di'-boi'-a:, a: za 'de a 'nyne-' nyor⧾-kpalu⧾: meheh' 'sorn,: yuh a yubo:-a: on: korn-a: toror', 'de: on 'yi-dih:-a Nyorsoa-a': Zulu-' dih,: on: korn-a 'de 'kwa,: a 'ye-a deh⧾-a' klehkpeh: daa po. :Yee': mor eh: ne: ao',: yee': a 'beh-dih:: a 'ye: a-a' ti-a' klehkpeh-' 'duo: 'de Nyorsoa bo: wlu-eh bo-: 'dekorn: or-a' tubo-wlu:⧾: po-eh bo-:. :Yeh: Yusu'-a'a: dboo-nyor⧾: za-a deh: dao',: yee' eh 'pehn-dih: or-a' dhih 'jeh-': po-nyor⧾-a' klehkpeh-a': porluh⧾-: dih, 'de on: za Timi': or po-a: Yusu'-a' dhih dhih 'jeh-' 'gabaa, 'de: or 'yi-dih:-a Gban 'i: ne: Zulu dih. 'De on: za Felor'-: 'Plorkior-: 'Nikanor-:: Timor'-:: Pame'na-: 'dekorn: 'Nakorlor-:: or 'wluh-a: gwlor an 'da-dih-a 'Antior 'di, 'de: or 'kpa-a: Jueh'-nyor⧾-a' Nyorsoa-deh-'. 'De on kpa nyor⧾-kpalu⧾: meheh' 'sorn: dao' on: za-a, 'de: Yusu'-a'a: dboo-nyor⧾ bo. 'De dboo-nyor:⧾: dao', on tba-uh son⧾ ken dih, 'de on: wlu 'de Nyorsoa bo, 'do an-a' dhih bo. :Eh 'wluh-a 'o ti: dao' 'di,: yee' Nyorsoa-a' wlu-a mu 'dlu bo 'weh: chio'lo:.: Yee': Yusu'-a' klei': zi-nyor:⧾: on: ne-a: Julu'slehn, an 'kpuhba ken dih,: bhuh: bhuh. 'De mor Nyorsoa-a' 'slaa:: za-nyor:⧾: dhulu', mo-: po: Yusu'-a' dhih dhih 'jeh-': ke. :Yee' Nyorsoa po Timi' mla: dhulu' bo. Eh-: no-eh, 'de or 'yi-dih: 'kpih-' dih, or no nyor⧾ 'di dih 'ma-dih-deh:⧾: klaba'⧾-: 'dekorn: nyor⧾ 'i: to-dih-deh:⧾: klaba'⧾-: 'de nyor⧾ 'klu-'. :Yee' nyor⧾-kpalu:⧾: noo': on no-a: Jueh'-nyor⧾-a' kpor: on 'wluh-a 'de 'di: gweh-dih-sla: an 'da-dih-a Nyor⧾: on se-a 'de 'gegeye: ne: neheh' 'di, 'de: on no-a: Jueh'-nyor:⧾: on 'wluh-a: gwlor⧾ an 'da-dih-a: Sali'na-: 'dekorn: 'Ehlezan'dla-: 'de: on: korn-a: noo' 'wluh-a: Sele'sia-bluhba-: 'dekorn: 'Esea-bluhba-: ken, mo-: 'kpa 'o Timi' bo dhobo: 'da. Jorwor: Nyorsoa-a': Zulu 'nyi Timi': toror': yor: mor or: wlu-a,: yee' nyor se-or 'i: nyna-eh 'beh-dih:. :Yeh eh no: ao',: yee' on: pa-dih: nyor⧾ 'zorn dih, on 'nyi-uh 'wlii:, on 'ye sih 'tmo, on 'ye: ao',: A 'worn-ih': ka Timi': wlu-dih:-a: Mose'-a' 'tele'-: 'dekorn: Nyorsoa-: 'bhun dih 'gabaa. Deh on: za-a-', eh-: no-eh, 'de nyor⧾ 'bili: 'de Timi' ya,: korn mor 'bluhba:: korn-nyor⧾-: 'dekorn: nyor⧾ 'tele': torne-nyor⧾-:. 'De on kpon Timi', on kpa-or 'o: Jueh'-nyor⧾-a' zabe:: zi-nyor⧾ ybei'. :Yee' on: ya 'de nyor⧾: noo', mo-: 'tmo-dih: Timi' sih ken dih, on 'da, 'Yu: daa, 'do ti-a' klehkpeh bo, or wlu-dih Nyorsoa-a' gban 'i: ne-sla:: daa-: 'dekorn:: Mose'-a' 'tele'-: 'bhun dih. :Yee' on: wlu-': neheh', on 'dae:,: A 'worn or-a' wlu, or 'dae:,: Yusu': dao': or 'ti-a 'Nazla: dee', or mu Nyorsoa-a' 'sla: daa ya: gba. 'De mor or mu: a 'bli-deh⧾-a' klehkpeh dih: gweh,: en: Mose' 'nyi: a-uh. :Yeh nyor⧾: dao', on: za-a deh⧾: dao',: yee' nyor⧾-a' klehkpeh: on: dhe-a dih 'de: Jueh'-nyor⧾-a' zabe:: zi-gbu 'zorn, an-a' 'yli-a' klehkpeh, en: ne 'de Timi' ya.: Yeh an pobo-or ya 'dhuan,: yee' or-a' 'yuba gweh 'enjor-a' 'yuba:, 'de on 'yli-e. :Yee': yeh nyor⧾: dao', on jla-a,: yee' Nyorsoa-a' 'slaa:: za-nyor⧾-a' nyor: klaba' dhele: Timi'-: dih, or 'dae:, Deh⧾-a' klehkpeh on po-a 'o: on 'dlu, dhih 'jeh: oo': e? :Yee' Timi': wlu-', or 'dae:, 'An 'de-di'-boi'-a-: 'dekorn: 'on-bai'-a-: a: to 'on: dou'⧾ bo o. Nyorsoa: or: korn-a dhih 'beh-a' 'i, or 'wluh-dih:: a: bai'-a': baa' 'Eble'hehn-: 'i, ti or: ne-a 'Mehsopata'mior-bluhba ken: dee', 'de jorwor: or mu 'Hala-gwlor 'di 'ti 'da: mu. :Yee' Nyorsoa: wlu-' 'de or bo, or 'dae:, Sie: an-a'a: 'cheh-: 'dekorn:: an-a'a: 'bluhba-dlu-: 'de: on 'ye 'de 'bluhba-dlu: 'an mu-a: on: torne: ken mu. :Yee': yeh Nyorsoa 'da: ao',: yee' 'Eble'hehn 'wluh 'o: Kali'a-nyor⧾-a' 'bluhba ken, 'de or mu, or 'ti 'Hala-gwlor 'di. 'Do: wor or: baa' 'meh-dih:.: Yeh or: baa' 'meh-a,: yee' Nyorsoa za-or 'o 'bluhba:: dao' ken 'weh, 'de or ya-or dha 'bluhba:: daa ken,: or: korn ken a 'ti-a: naa. Ti or yi-a dha, Nyorsoa: se-or' 'bluhba-yli-eh 'nyi 'do or-a' 'jeh bo. Or: se-or' 'bluhba-a': dha-yu-beh: or 'ye-a buh dih 'si-dih:-a 'jeh 'nyi: sloror'. Jorwor: Nyorsoa po wlu: dhama'-' 'de or bo,: ka or mu-or 'bluhba-dlu:: daa 'nyi-:, or 'ye-or': korn, or-: or-a'a: 'nynuu-a' 'nynuu-:, keen': mloror' or 'see 'yu 'wluh 'do ti: dao' 'i. :Yee' deh Nyorsoa: za-a 'de 'Eble'hehn bo: neheh', eh-:: dhe dih, or 'dae:,: An-a'a: 'nynuu-a' 'nynuu-a mu 'duhba⧾: no, 'de 'bluhba: 'sluh ken, 'do: wor an mu 'ge-nynuu deh: no-dih:, 'de on 'ye-uh' dhih-' no 'do zon⧾-a': kehehn': nyieh 'di. Jorwor: 'an mu 'bluhba-dlu:: or: korn-a 'zorn an mu-a 'ge-nynuu deh: no-dih: 'kle 'ye-eh 'dlu: po.: Yee': mor deh: daa, eh zi,: yee' an mu 'o 'bluhba:: dao' ken 'wluh-:, 'de on 'ye dha: dha: daa deka yi, on 'ye 'an: weheh': za dha mor. :Yee' Nyorsoa no-eh', 'de or-: 'dekorn: 'Eble'hehn-: on po: bhlororn' 'meh-eh-a' kuo.: Yee': yeh eh 'wluh-a 'o,: yee' 'Eble'hehn 'wluh Ase', 'de or 'dba Ase': bhlororn' 'do 'we-eh-a': meheh' na neh 'di. 'De Ase' 'wluh 'Jekor, 'de or 'dba 'Jekor: bhlororn': ke. 'De 'Jekor 'wluh nyor⧾-kpalu⧾-nynuu-a': bhue: 'yor 'sororn', 'de or 'dba-uh: bhlororn': ke,: on no-a: a: bai'-a': bai' 'zean'. :Yee' 'nynuu:: dao' 'Jekor 'wluh-a,: on no-a: a: bai'-a': bai', an no an-a' dei' 'Joseh: gwlehehn' bo, 'de on: plo-dih-or nyor⧾ bo, 'de nyor⧾: dao', on kpa-or 'Iye-bluhba ken, or 'ye 'ge-yu no. Jorwor: Nyorsoa: ne 'o or bo 'weh, 'de or zelie-or, 'do 'kle 'ye-eh-a' klehkpeh: eh: yi-dih-or ya dih 'zorn. Or 'nyi-or: toror'. Eh-: no-eh, 'de 'Iye-nyor⧾-a' 'keen 'worn-dih: 'Joseh-a' dhih ken dih, 'de or no-or nyor⧾ wlu 'ken: korn-nyor-' 'do 'Iye-bluhba ken-: 'dekorn: or-a'a: 'gbu-a' klehkpeh-:. Ti 'Joseh no-a nyor⧾ wlu 'ken: korn-nyor 'do 'Iye-bluhba ken,: yee' 'moeh:: eh 'kpa-a Ji Kou'-moeh, eh-: 'yle 'do 'Iye-bluhba-a' klehkpeh-: 'dekorn: 'Keneh-bluhba-a' klehkpeh-: ken.: Yeh 'moeh:: dao', eh yi-a 'de,: yee' eh: ya 'de 'kle 'ye-eh:: dhulu' 'de: a: bai'-a': bai'-a' 'ye dii-deh. :Yee' 'Jekor 'worn-ih': ka dii-deh⧾: ne-a 'Iye-bluhba ken.: Yeh or 'worn-ih'-a,: yee' or dbo or-a'a: nyor⧾-kpalu⧾-nynuu 'weh: on no-a: a: bai'-a': bai': naa, eh-: no an-a': tehn 'i-ti on kpa 'de. 'Sororn': neh on kpa-a 'de,: yee' 'Joseh: za or-a' 'jeh 'kwla 'de or-a' 'de-di'-boi' bo. Eh-: no-eh, 'de 'keen: dao', or yubo: 'Joseh-a'a: 'cheh. :Yee': yeh or 'ye-a 'Joseh-a'a: 'cheh,: yee' 'Joseh dbo wlu 'de or: baa' 'Jekor-: 'dekorn: or-a'a: 'cheh-a' klehkpeh bo-: on 'ye 'de or bo 'Iye yi,: on no-a nyor⧾-a': kwlaa: meheh' 'sorn 'yor: mm'. :Yeh 'Jekor 'worn-a tubo-wlu:⧾: daa,: yee' or mu 'Iye 'weh, 'do: wor or: ne: a: bai'-a': bai' 'meh-dih:. 'De on: ya an-a' 'ku⧾-a' klehkpeh de, 'do: dha an 'da-dih-a 'Sikan-gwlor:: or: ne-a dha 'Keneh-bluhba ken. 'Do: wor on nma-dih: an-a' klehkpeh dih, 'de nma-dih-deh:: eh no-a wor, 'Eble'hehn dhen-a: dee' see 'di, 'de 'Hemor-a'a: 'nynuu 'kwa: on 'ti-a 'Sikan. :Yee' deh: korn-a wlu Nyorsoa po-a: dhama'-' 'de 'Eble'hehn bo, eh-a' ti-a 'koan'-dih 'o-: dih, eh 'ye: no-eh:, 'de mor: a-a'a: nyor⧾: on: ne-a 'Iye-bluhba ken, an 'kpuhba ken dih 'gabaa: ke. :Yee' 'keen: dele',: or se-a 'Joseh-a' deh 'i yubo:, or-: 'kpa 'o 'Iye-bluhba-a': na-dih: 'da. 'Keen: dao', or: po-dih:: a-a'a: nyor⧾: bhuli' dih, 'de or no-uh dhih-'. Or: kpa-dih-uh-: 'kpih, 'de on: za an-a'a: 'nynuu:: bleheh'eh:⧾ on 'bli 'gbu⧾ 'di dih, on po-uh 'kwla, on 'ye 'meh. :Yee' 'do ti-a' 'jeh: dao' 'i, 'do: wor: Mose' 'wluh-dih:.: Mose'-a' 'jeh: dao', or no 'yu: or: nmor-a 'yi dih 'gabaa.: Yeh or 'wluh-a,: yee' or-a'a: 'cheh 'ble-or', 'do 'chuh⧾ taan 'di. :Yeh 'chuh⧾ taan: dao', en zi-a,: yee' or-a'a: 'cheh za-or 'de 'gbu.: Yee' 'keen-a'a: 'yu-nynor-kpao'-yu 'duo-or' 'weh, or 'ye or-a'a: 'yu no. 'De on: torne-or 'Iye-nyor⧾-a': toror'-a' klehkpeh. Eh-: no-eh, 'de or-a' noo-deh⧾-: 'dekorn: or-a': zaa-dhih-: en 'kpa deh ken. :Yee': yeh: Mose'-a' zon⧾ nyni-a: kwlaa: nyieh bo,: yee' or polo-eh' 'do or-a' 'jeh 'yor-eh:: gwlii', or 'ye or-a' 'de-di'-boi' 'Ezlea-nyor⧾ 'ye 'da mu. :Yeh: Mose' mu-a,: yee' or 'ye or-a'a: nyor⧾-a' nyor: due', or-: 'Iye-yu: due' no dhih-', 'de or mu 'Ezlea-yu:: dao' ken: kan-dih: 'da.: Yeh or mu-a,: yee' or 'wluh 'Ezlea-yu:: dao' bo, 'de or 'dba 'Iye-yu-a' 'jeh: dao'. :Yee': mor: Mose': taa 'ye: dee', or 'da or-a'a: nyor⧾-a mu eh-a' 'i yubo-eh: korn: dee',: ka Nyorsoa dbo-or, or 'ye-uh'-a 'de 'gegeye: za. Jorwor: on se eh-a' 'i yubo-eh: korn. :Yeh zorn: noror' zen-a, 'de or mu-a de: neheh',: yee' or 'ye 'Ezlea-nyor⧾ 'sororn', mo-:: an vorn, 'de or mu-uh 'i zela: 'da, or 'ye-eh' no, on 'ye wlu-' dih 'woorn:, 'de or: wlu 'de on bo, or 'dae:,: A 'bli-nyor⧾-a:. A: gbee'e:. A: mor 'de-di'-boi': oo'.: Eh: korn dhih, a 'bhorn a-a' nyor 'ye or 'be deh tba: eh? :Yeh: Mose': za-a deh: dao',: yee' 'yu-a' 'jeh: dao': or no-a or 'be dhih-', or 'tun-dih:: Mose' 'for bo, 'de or: wlu 'de: Mose' bo, or 'dae:,: Or no: on nyor⧾ wlu 'ken: korn-nyor-' 'do: a 'dlu: eh? 'De mor: or no: on zabe:: zi-nyor-' 'do: a 'dlu: eh? :An 'bhorn: on 'ye 'on 'dba,: ka: on no-a 'Iye-yu:: dao', or-a' 'dba-a' zama: e? :Yeh: Mose' 'worn-a deh 'yu: dao' or: za-a-',: yee' or ple-', or mu 'bluhba: an 'da-dih-a 'Median ken. 'Do: wor or 'ti, 'de or 'wluh nyor⧾-kpalu⧾-nynuu 'sororn' 'de mor. :Yee': yeh zon⧾-a': kwlaa: nyieh zi-a,: yee' 'enjor: due', or-: 'wluh-dih-or 'i, 'de neh-', 'do: dha 'kwla-gan:: yale'-a sin-dih-a, 'de: bhehneh'-bluhba ken,: eh 'koan'-dih:-a 'Sanae-tluh dih. :Yeh: Mose' 'ye-a neh, 'de eh wan-a,: yee' eh 'ma-dih: 'de or 'di-: dih, 'de or 'koan'-dih: 'o eh bo dih, or 'ye deh: eh mu-a 'dlu bo 'ye, deh 'jeh.: Yeh or 'koan'-dih:-a 'o dih,: yee' or 'worn: Gwlor: baa'-a' wlu, or 'dae:, 'Mor: or no-a: on: bai'-a': bai' 'Eble'hehn-: Ase'-: 'dekorn: 'Jekor-: an-a' Nyorsoa, 'mor: oo'.: Yeh: Mose' 'worn-a wlu: daa,: yee': fano-a: no-or, 'de or-a' 'tiei-a tleh, 'de or ple 'de-a' pobo-eh. :Yee': Gwlor: baa': wlu-': neheh' 'de or bo, or 'dae:,: Za 'de: an-a'a:: buhbuh⧾. Deh no-eh, 'do: dha: on: nyna-a dih, 'do: ne 'i gban. 'On pobo: 'de 'Iye-bluhba ken 'weh, 'de 'on 'ye: ka an no-a 'an-a: nyor dhih-': no-eh 'weh 'de mor. 'On 'worn an-a' 'viin'-wlu 'weh. Eh-:: korn dhih, 'on 'wluh 'de yai', 'on yi-uh zelie: 'da. 'Yle, 'on 'ye: on 'Iye de dbo. :Mose': or: korn-a dhih 'Ezlea-nyor⧾ se-a 'worn-dih:, 'de on no-a,: Or no: on nyor⧾ wlu 'ken: korn-nyor-: 'dekorn: zabe:: zi-nyor-:: eh? Or-: 'o.: Mose'-a' 'jeh: dao', or-: 'o Nyorsoa-a' 'jeh 'yor-eh dbo, or 'ye-uh' wlu 'ken: korn, 'de or 'ye-uh' zelie:,: eh: yi-dih:-a 'enjor:: dao', ti 'kwla-gan:: yale'-a sin-a, 'de or 'ye-a: Mose' 'i 'wluh-dih: 'de or 'di. Ti: Mose' za-uh-a 'Iye,: yee' or no nyor⧾ 'di dih 'ma-dih-deh⧾-: 'dekorn: nyor⧾ 'i: to-dih-deh⧾-: 'de 'Iye-: 'dekorn: 'do Yobo': zaehn-: worn 'i. 'De or no nyor⧾ 'di dih 'ma-dih-deh⧾ 'de: bhehneh'-bluhba ken: ke, 'do zon⧾-a': kwlaa: nyieh 'di. :Mose': dao', or-: 'o,: or zela: 'Ezlea-nyor⧾: gwluhuh',: or 'da, Nyorsoa-a mu a wele-eh:: po-nyor bo: dbo,: or mu-a 'de: a-a'a: nyor⧾ 'klu-' 'wluh-:.: Ka 'on: ne-a, 'ka-: 'o or: ne: ke. :Mose'-a' 'jeh: dao', or: ne 'Ezlea-nyor⧾ 'kpa: dha: due' 'weh 'de: bhehneh'-bluhba ken,: on no-a: a: bai'-a': bai'. 'Enjor:: or: wlu-a 'de or bo, 'do 'Sanae-tluh ken, or: ne 'o or bo 'weh: ke. 'Enjor-a' 'jeh: dao', or 'nyi-or tubo-wlu:⧾, or 'ye-ih po 'noror: a bo,: en no-a tubo-wlu:⧾: en 'nyi-a nyor⧾: febeh'. Jorwor:: a: bai'-a': bai': se-': Mose'-a' dhih 'worn-dih:, 'de mor an-a' 'worn, an-a' dhe 'o or-a' 'tele' dih. 'De an-a': porluh⧾-a 'bhorn en 'ye 'Iye de mu. 'De on zela: 'yu an 'da-dih-a Elorn': gwluhuh', on 'dae:, No: a-a'a: nyorsoa⧾ 'do: a bo, en 'ye 'o: a ybei': korn, 'de: a 'ye-ih 'de: na. Deh no-eh,: Mose': yor: daa: mloror',: or: za-a: 'de: a 'Iye-bluhba ken, deh 'ye-or no,: a se-eh yubo:. :Yee' 'do ti-a' 'jeh: dao' bo: oo', 'do: wor on: ma-dih: deh: eh gweh-a: blii'-yu, 'de on: za 'slaa 'do eh bo, on 'dhu gor 'do deh an-a' 'jeh 'yor-eh-a' son⧾ ma-a bo, 'do eh-a' deh-' 'ye-eh bo. :Yeh on no-a deh: dao',: yee' eh-: no-eh, 'de Nyorsoa to-uh 'kpuh ya, or za-uh 'yli-eh bo, on 'ye 'chuh-: 'yluh-: 'dekorn: 'chuh: dhlaen-:: en: ne-a 'de yai', en-': weheh': za,: ka eh no-a 'chle-eh 'de Nyorsoa-a' wele-eh:: po-nyor⧾-a' 'chlee-deh 'di, eh no-a, A: mor 'Ezlea 'di. 'Mor: oo', a 'nyi 'slaa:: za-dih-deh⧾-: 'dekorn: 'nyii'-deh⧾-: 'do zon⧾-a': kwlaa: nyieh a no-a 'de: bhehneh'-bluhba ken: e? 'Kei:. 'Mornor:-nyorsoa: gwlor-nyor⧾-a' son no-a, or-a': gbalie: oo' a tele:, 'de mor 'Wlafa:-nyorsoa: or no-a 'chuh: dhlaen-eh: a-a' 'jeh 'yor-eh-a' son no-a, or-: a tele:: ke. Zuu:⧾: daa, me-: 'o a no, a 'ye: weheh': za.: Yee' 'do eh-a' dha, 'an mu-eh: no, tuh 'ye a 'bluhba ken: za, 'de on 'ye a: dha: dhorno' kpa, 'de 'Babe'lor-gwlor 'de. :Yee' ti: a: bai'-a': bai': ne-a 'de: bhehneh'-bluhba ken, on 'ble 'taa: 'por: gbalie: eh: to-dih-eh on 'i,: ka Nyorsoa: ne-a 'o on bo.: Ka Nyorsoa no-a: Mose'-a' deh: jii-eh dih: po-eh-: 'dekorn:: ka or no-a eh-a' 'ye-a'-: 'ka: wor or no eh-a' po-a'. :Yee': a: bai'-a': bai': za 'taa: 'por: gbalie: dao' 'de on: bai' 'kwa, 'de on kpa-eh ti: Jasua'-a na-dih-uh-a: dee', ti on 'ya-a 'bluhba⧾-dlu:⧾ Nyorsoa: za-a 'dawor'⧾ ken dih 'dlu 'do on bo.: Gbalie: dao', on 'ble-eh: chio'lo: dha 'bluhba:: daa ken, 'de eh: yeh-dih:: Debe'-a' 'keen: no-ti ken. Nyorsoa-a': porluh 'pehn-: dih 'do: Debe' bo. 'De: Debe' dhele-or dih, or 'ye-eh' ken dih 'worn-dih: or 'ye 'gbu po 'do or bo,: or 'dhu-a 'Jekor-a' Nyorsoa-'. Jorwor:: Debe'-a' 'jeh 'yor-eh: se-uh' po.: Salomor', or-: po 'gbu: dao' 'do Nyorsoa bo. Jorwor: 'yi 'beh-Nyorsoa-a' 'ti 'de 'gbu: gwlor-nyor⧾-a' son po-a 'di. 'De mor: ka or-a' wele-eh:: po-nyor no-a eh-a': za-a', or no-a, :Gwlor: baa' 'dae:, 'Noror 'on 'bli yai', 'do: wor no 'an-a: 'keen: kpala' 'an dhe ken. 'De dha 'bluhba ken: wor no 'an-a: buh⧾ ken dih: tba-deh. Deh 'i-deh-gbu: a mu: po 'do 'on bo: eh?: A 'ye: dha 'an mu-a dih 'pehn-: 'on 'ye-a: forn 'dee. Eh: se 'an 'jeh 'yor-eh:: or se deh⧾-a' klehkpeh: daa no: e? :Yee' Timi'-a kpa or-a' wlu 'dlu bo 'de on bo, or 'dae:, A: mor 'dlu⧾-a': kmuu-nyor:⧾: daa,: or: korn-a: porluh⧾-: 'dekorn:: dou'⧾-:: en: kmu-a deh: dao'. A gweh a: bai'-a': bai', a bla-dih Gban 'i: ne: Zulu worn 'do ti-a' klehkpeh bo. Nyorsoa-a' wele-eh:: po-nyor:: yoror: or a 'beh-dih: a 'ye 'nyne-' 'si, a: bai'-a': bai': se-' 'kle 'ye-dih:: eh? On 'dba Nyorsoa-a' wele-eh:: po-nyor:⧾: sloror',: on sie-a ti de, 'de: on: za-a Nyorsoa-a' 'taan'-yu:: or 'sleh-a 'i, or-a' 'de: yi-dhih-' 'weh. Jorwor:: yeh or yi-a 'de,: yee' a plo-or', 'de a 'dba-or. A: mor 'ye 'tele' 'enjor-nyor⧾: ya-a: 'de. Jorwor: a-a' no-eh. :Yee': yeh: Jueh'-nyor⧾-a' zabe:: zi-nyor:⧾: dao', an to-a Timi'-a' wlu: dou'⧾ bo,: yee' 'chehn-: no-uh 'gabaa, 'de on 'si-dih: 'nyne 'i. :Yee' Timi' 'yi-dih: Gban 'i: ne: Zulu-: dih, 'de or pobo: 'de Nyorsoa 'bli yai', or 'ye or-a' dhih-a' 'i 'beh-a', 'de or 'ye: Yusu' or: nyna dih 'do Nyorsoa-a': dila-son bo. :Yee' or: wlu-', or 'dae:, A: gbee'e:. 'An 'ye 'de Nyorsoa 'bli yai' 'weh, 'de kan-dih: worn. 'De 'yu an 'da-dih-a Nyor-kpalu-a' 'yu, or: nyna dih 'do Nyorsoa-a': dila-son bo. :Yeh Timi': za-a deh: dao',: yee' an-a' klehkpeh, an po 'geh⧾, 'de on kan an-a': dou'⧾, on: ge-dih-or bo, on kpon-or. 'De on 'kla-or dih, on za-or 'o: gwlor-'. 'De on 'kpa 'o or-a' sobu'⧾ dih: tba-dih: 'da.: Yuh: on po-or dhih 'dlu, on: za an-a'a: 'korlor⧾ dih, 'de on sie-ih 'o: goba'-yu: due' an 'da-dih-a: Soror' bo. :Yee': yeh an tba-dih-a Timi' sobu'⧾ dih,: yee' Timi': wlu-' 'de Nyorsoa bo, or 'dae:,: Gwlor: baa': Yusu', 'worn-dih: 'an: zulu-a' dhih o. :Yeh or 'da: ao',: yee' or bla 'koor-dlu⧾ 'yi glu, 'de or 'wor, or 'da,: Gwlor: baa', deh⧾-zon:⧾: daa an no-a,: an-a': kpon-uh' dih 'do en-' dhih bo o.: Yeh or: za-a deh: daa-',: yee' or 'kpa-' 'nyinor:: klaba'. :Soror'-a' 'jeh: dao', or 'worn-dih: Timi'-a' 'meheh'-dhih 'weh: ke.: Yee' 'do 'we-eh-a' 'jeh: dao' 'di, nyor⧾ 'kpa 'o 'chore-nyor⧾-a' 'kle 'ye-dih: 'da 'weh 'gabaa, 'de: Julu'slehn. Eh-: no-eh, 'de 'chore-nyor⧾-a' klehkpeh gboba: dih, on gweh: Judi'a-bluhba-: 'dekorn: Sehmeh'la-bluhba ken dih 'dlu. Jorwor:: Yusu'-a'a: dboo-nyor⧾: due', mo-:: se-' ple, on: se-' dih gboba:. :Yee' Nyorsoa-nyor:⧾: noo': on 'sleh-a 'i, mo-: nma-dih: Timi' dih, 'de on 'vin, on 'zlu or-a' dhih 'gabaa. :Yeh deh⧾: daa, en mu-a 'dlu bo,: yee': Soror' vorn or 'ye 'chore ya gba. Or pa 'gbu⧾ 'di dih, or: za 'de: Yusu'-a' dhih 'jeh-': po-nyor:⧾, 'nynor⧾-kpao'⧾-: 'dekorn: nyor⧾-kpalu⧾-: 'de or 'kla-uh dih, or po-uh: kasue 'di. :Yee': Yusu'-a' dhih 'jeh-': po-nyor:⧾: on gboba:-a dih, 'de: on mu-a deh⧾-' dih, deh⧾ on: ne-a dih,: yee' an po Nyorsoa-a' tubo-wlu:⧾ 'jeh 'de nyor⧾ bo. :Yee' Felor' mu 'de Sehmeh'la-bluhba-a': gwlor: klaba' 'di, 'de or: za Nyorsoa-a' 'taan'-yu-a' dhih-' 'de mor. :Gwlor-nyor:⧾: dhulu': on: ne-a 'de, Felor': wlu-a 'de bo, on to-or: dou'⧾ bo deh 'jeh. Deh no-eh, nyor⧾ 'i: to-dih-deh:⧾ or no-a, me-: on 'ye. 'Kwla 'ye-dih-deh:⧾, me-: po 'geh⧾, en 'wluh 'o an-a': dha: dhulu' 'de. 'De 'tiei-a' 'meheh'-nyor:⧾: dhulu'-: 'dekorn:: nea-nyor:⧾: dhulu'-: on 'puh. :Yee' 'do eh-a' dha,: gwlor-nyor⧾-a' klehkpeh: on: ne-a 'o: gwlor: dao' 'di, an no 'mona: 'gabaa. :Yee' 'do ti: en zi-a 'di, 'yu: due' an 'da-dih-a Samor',: or 'ti-a 'o gwlor-a' 'jeh: dao' 'di, or-: no 'ylaa: 'yla⧾: dee', 'de or 'ma-dih: 'de nyor⧾: ne-a 'o 'di dih.: Yee' or 'beh-dih: or-a' 'jeh-: 'i, or 'da-dih or-a' 'jeh nyor: klaba'. :Yee' nyor⧾-a' klehkpeh: on: ne-a 'o gwlor-a' 'jeh: dao' 'di, 'nyne: korn-nyor⧾-: 'dekorn: nyor⧾: on se-a 'nyne: korn-: an-a' klehkpeh, an to-or: dou'⧾ bo 'gabaa, on 'da, 'Yu: daa, or-: 'dhu Nyorsoa-a' 'kpih an 'da-dih-a 'Kpih: klaba'⧾-'. Deh no-eh, 'de on zi-a 'o or klei', eh-: 'dhu, 'ylaa: 'yla⧾ or no-a, me-: 'ma-dih: 'de on 'di dih, 'do ti: dhorno'⧾ 'di. Jorwor:: yeh Felor' po-a Nyorsoa-a' nyor⧾ wlu 'ken: korn-eh-a' tubo-wlu:⧾ 'jeh, 'de or: za-a: Yusu' 'Klae-a' 'nyne-a' dhih-',: yee' on po-ih' dhih 'jeh.: Yeh on po-ih-a dhih 'jeh-',: yee' 'nynor⧾-kpao'⧾-: 'dekorn: nyor⧾-kpalu⧾-: an-a' klehkpeh, on: po 'ni 'dlu. Samor'-a' 'jeh 'yor-eh po-ih' dhih 'jeh: ke, 'de or: po 'ni 'dlu.: Yee': dha klehkpeh Felor'-a mu-a: mu,: yee' or zi 'o or klei' 'weh. Or-a': porluh 'ma-', 'do nyor⧾ 'i: to-dih-deh:⧾: klaba'⧾-: 'dekorn: deh⧾: kolu'⧾-:: en: no-eh bo. :Yee': yeh: Yusu'-a'a: dboo-nyor:⧾: on: ne-a: Julu'slehn, on 'worn-ih'-a: ka nyor⧾: on: ne-a Sehmeh'la, on kpon-a Nyorsoa-a' wlu dih,: yee' on dbo: Piteh'-: 'dekorn:: Jororn'-: 'weh 'de on bo. :Yeh on 'si-a dih,: yee' on: wlu 'de Nyorsoa bo 'weh 'do an-a' dhih bo, on 'ye Gban 'i: ne: Zulu 'ye. Deh no-eh, Gban 'i: ne: Zulu 'see 'o an-a' nyor: due' ken yi. 'De: Gwlor: baa': Yusu'-a' 'nyne 'di, 'do: wor on: po-dih: 'ni 'dlu 'klein'. :Yee': Piteh'-: 'dekorn:: Jororn'-: on tba-uh son⧾ ken dih. 'De nyor⧾: dao', on 'ye Gban 'i: ne: Zulu. :Yee': yeh Samor' 'ye-a nyor⧾, 'de an 'ye-a Nyorsoa-a': Zulu, ti dboo-nyor:⧾: dao', on tba-uh-a son⧾ ken dih,: yee' or 'nyi-uh 'wlii:, or 'da, A 'nyi 'on 'kpih: dao': ke, 'de: mor 'on tba nyor son⧾ ken dih, 'de or 'ye Gban 'i: ne: Zulu 'ye: ke. :Yeh or 'da: ao',: yee': Piteh': wlu-' 'de or bo, or 'dae:, 'Nyi mor-: 'dekorn:: an-a'a: 'wlii-: a mu 'de 'ku 'bli neh-'. Deh no-eh,: mor: on: taa 'ye: dee',: yee': on 'da: an mu Nyorsoa-a' 'nyii'-deh 'wlii: dhen-dih:: e? :On se deh-: 'dekorn: 'for-: 'ble 'noror: a-a'a:: koan:: daa 'di. Deh no-eh,: an-a': porluh se 'i 'sleh 'do Nyorsoa ybei'. 'Tali:: an-a' kplen-zon⧾ dih, 'de: on 'ye 'de: Gwlor: baa' bo: wlu. Or mu deh-zon:: eh: ne-a 'o: an-a': porluh ken, en-' dhih bo 'ma-dih: 'bla. 'An 'ye: gwlehehn'-zon:⧾: ne-a 'de: on 'di 'weh. 'De: on: ne 'o deh⧾-zon⧾-a' 'gegeye 'zorn. :Yee' Samor': wlu-' 'de: Piteh'-: 'dekorn:: Jororn'-: bo, or 'dae:, A: korn 'gen. A: wlu 'de: Gwlor: baa' bo, 'de deh⧾: daa a 'da-a, en-' deh-beh-deh-beh: ne 'o 'on bo yi. :Yee': yeh: Piteh'-: 'dekorn:: Jororn'-: on zela:-a: Gwlor: baa'-a' dhih ken dih, 'de on po-a tubo-wlu:⧾: en kor-or 'i,: yee' on mu: Julu'slehn de.: Yeh an mu-a de,: yee' an po Nyorsoa-a' tubo-wlu:⧾ 'jeh 'de Sehmeh'la-bluhba-a': gwlor⧾: nyene': dhulu' 'di dih, 'do: gwie 'i. :Yee': Gwlor: baa'-a' 'enjor: due', or-:: wlu 'de Felor' bo, or 'dae:,: Sorn-',: on 'ye: gwie:: eh mu-a 'de 'yluh-a' 'kwla 'wluh-dih: 'da-a' kona-for bo kpa,: eh 'wluh-a: Julu'slehn, 'de: eh: yi-dih:-a 'de: bhehneh'-bluhba ken,: eh mu-a: gwlor an 'da-dih-a 'Geza,: on 'ye-eh kpa. :Yee' Felor' 'kpa 'o 'weh.: Yeh or mu-a,: yee' 'Itio'pa-nyor⧾-a' 'kwi: klaba',: or: korn-a 'de 'keen-nynor-kpao': or: ne-a 'Itio'pa-bluhba ken, or-a'a: 'wlii-a' klehkpeh-a' dih: dhe 'da wlu bo, or-:: ne 'o: gwie:: dao' 'i. Or 'wluh Nyorsoa: weheh': za 'da 'de: Julu'slehn, 'de or mu or 'bli de. Or: dhe dih 'do deh: eh 'ble-a buh⧾: nyieh, 'de: soo'o⧾-a jli-a ken, 'de or mu or 'bli, or zlo Nyorsoa-a' wele-eh:: po-nyor:: Azaya'-a' 'chlee-deh or 'chle-a. :Yee' Nyorsoa-a': Zulu zela: Felor': gwluhuh', on 'dae:, Mu 'de deh: dao', 'yu: dao' or: ne-a 'de 'di bo,: on 'ye-eh' 'worn dih: na-dih:. :Yee' Felor' ple-', or mu 'de 'weh, 'de or 'worn 'yu: dao', or-a' wlu, or zlo Nyorsoa-a' wele-eh:: po-nyor:: Azaya'-a' 'chlee-deh: or 'chle-a. 'De Felor' dhele-or dih, or 'da, Deh: an zlo-a,: an 'worn-eh dih: naa: e? 'De or 'da,: Kaa 'an mu eh-a' dih 'worn-eh: no: eh?: Mor eh 'dhu nyor zela-eh ken dih 'noror 'on bo, 'de 'on 'ye-eh dih 'worn.: Yeh or 'da: ao',: yee' or 'da Felor' 'weh, 'de or bo deh 'di. :Yee' deh or zlo-a 'de Nyorsoa-a' 'chlee-deh:: dao' 'di, eh-:: dhe dih, eh 'da, Or gweh 'blae' an kpa-a 'dba 'da. 'De or gweh 'blae'-yu:: eh-a' 'worn-a,: eh-a': wlu-a,: mor on: taa 'o eh-a' 'pibi chehn. 'Ka-: or: ne: ke, or: se-': wlu. On: no-dih-or dhen, 'de on zi or-a' zabe 'de: bhuli' ka 'di. Or se 'nynuu-a' 'nynuu 'ble,: on: korn-a dhih nyor⧾ 'ye-a': za. Deh no-eh, or-a': febeh': jla-' 'dlu, dha yao 'zorn. :Yeh or gweh-a deh: dao', eh-a' zlo-a' 'i,: yee' or dhele: Felor'-: dih, or 'dae:, Zela: 'on: gwluhuh', or-a' 'nyne Nyorsoa-a' wele-eh:: po-nyor:: daa, or 'da: eh? Or-a' 'jeh 'yor-eh: e?: Ae' nyor: noror': oo' ke? 'De Felor' tba 'de Nyorsoa-a' 'chlee-deh:: dao' bo dih, 'de or po tubo-wlu:⧾ 'jeh: en kor-a: Yusu' 'i 'de or bo. :Yeh an mu-a, 'de deh: dao', eh kpa-uh-a,: yee' on: yeh-dih: 'ni ken. 'De 'kwi: klaba': dao', or: wlu 'de Felor' bo, or 'dae:, 'Ni: wor: dhe dih.: Eh 'ye 'on 'yi kan 'do 'ni 'dlu: po-eh bo: eh? [ 'De Felor' 'da,: Mor: on po-eh dhih 'jeh-', 'do: an-a': porluh⧾-a' klehkpeh bo,: yee' eh-: 'o.: Yee': an mu 'ni 'dlu: po-eh:. 'De 'yu: dao', or: wlu, or 'dae:, 'On po-eh-' dhih 'jeh,: ka: Yusu' 'Klae 'dhu-a Nyorsoa-a' 'yu-'.] :Yee' 'kwi: klaba': dao', or zela: 'yu: or na-dih-a deh on: ne-a 'de 'di: gwluhuh', or 'ye-eh' dih: nyna-dih:. 'De or: nyna-dih-eh dih.: Yee' Felor'-: 'dekorn: 'kwi: dao'-: on 'si-: 'zorn, on mu 'o 'nior. 'De Felor' po-or 'ni 'dlu 'do 'nior. :Yeh on 'wluh-a 'o 'nior,: yee' 'yli: a bla-a 'i,: Gwlor: baa'-a': Zulu 'duo: Felor' 'weh, 'de on kpa-or. 'Kwi: klaba': dao', or: se-' Felor' 'ye: neheh'.: Yee' or 'kpa or-a'a:: gwie-: 'i: ke, 'de or mu or 'bli, or no 'mona. :Yee': yeh on no: ao', 'de Felor'-a mu-a or-a' 'jeh 'ye-:,: yee' or: ne: Azo'ta:, 'de or na, or po Nyorsoa-a' tubo-wlu:⧾ 'jeh gwlor⧾-a' klehkpeh 'di dih. Eh-: or no: noo:, 'de or 'si 'Sehsali'a dih. :Yee': yeh deh⧾: daa, en mu-a 'dlu bo,: yee': Soror'-a 'da or mu 'Klae-a' klei': zi-nyor⧾ 'dba-:: gbor: gbor. 'De or mu 'de Nyorsoa-a' 'slaa:: za-nyor⧾-a' nyor: klaba' bo, or 'ye-or 'chlee-deh 'nyi: eh 'ye-eh no, 'de nyor⧾ 'ye-or yubo:, 'de or 'ye 'de: Jueh'-nyor⧾-a' 'di: gweh-dih-sla⧾ 'zorn dih pa, 'de: gwlor an 'da-dih-a: Dama'kor 'di.: Mor or 'ye nyor,: or zi-a 'o: Gwlor: baa'-a': gwie klei' de mor, or 'ye-or' kpon, or 'ye-or': Julu'slehn kpa, or 'ye-or': kasue 'di po, 'nynor⧾-kpao'⧾-: 'dekorn: nyor⧾-kpalu⧾-:. :Yee': Soror' 'kpa 'i: gwie:, 'de or mu.: Yeh or mu-a, 'de or 'koan'-dih-a: Dama'kor dih, 'de or mu-a 'ye-:,: yee' zorn-pli:, me-: 'wluh 'de yai',: en 'si 'de or 'yli dih,: en 'dleh-or. :Yeh en no: ao',: yee' or 'ga-: dih 'do 'bluhbor.: Yee' or 'worn wlu, mo-: 'da,: Soror',: Soror',: eh: korn dhih: an 'ye-dih 'on 'kle: eh? 'De or 'da,: Gwlor: baa',: an-a' 'nyne: eh? 'De wlu: dao', on: za-eh: de: neheh', on 'da, 'Mor: Yusu': oo',: an 'ye-dih-a 'kle. Jorwor:: sorn-',: on 'ye: gwlor-' dih 'si. 'Do: wor deh: on: korn: on 'ye-a' no, an mu-eh: on: gwluhuh' zela-dih:. :Yeh eh no: ao',: yee' nyor⧾: on: ne: Soror'-a mu-a: dee', on: nyna dih, on se: wlu-a' 'beh-dih:. On 'worn wlu: daa 'weh, jorwor: an-a' 'worn, an-a' 'ye nyor. :Yee': Soror': sorn-' 'weh, or 'wluh 'o 'bluhbor, 'de or behn-dih: 'yli, jorwor: or-a' 'ye dih. Eh-: no-eh, 'de on kpon or-a' son dih, on kpa-or: Dama'kor. :Yee' 'do 'we taan 'di, or: se-' dih 'ye. 'De mor or: se-' dii-deh-: 'dekorn: 'ni-: 'na. :Yee' 'de: Dama'kor, 'do: wor: Yusu'-a' klei': zi-yu: due' an 'da-dih-a 'Anenaya' or: ne. Or-:: korn 'yli-eh 'kpa deh 'i, 'de: Gwlor: baa': wlu 'de or bo, or 'dae:, 'Anenaya'. 'De 'Anenaya' 'da,: Gwlor: baa', 'mor-:: dhe dih. 'De: Gwlor: baa' zela-or: gwluhuh', or 'da,: Sorn-',: on 'ye 'kpa an 'da-dih-a 'Yi 'sleh-kpa ken mu, 'de: Juda' 'bli 'gbu.: Mor: on mu,: yee' dhele: 'yu: or 'wluh-a 'Tasor, an 'da-dih-a: Soror', or-a' dhih dih. 'Do: wor or: ne, or wlu 'de Nyorsoa bo. 'De: Yusu' 'da: neheh',: Soror'-a' 'jeh: ke, or-a' 'yli-eh 'kpa deh 'i, 'de or 'ye 'yu an 'da-dih-a 'Anenaya', or 'yle, 'de or tba-or son⧾ ken dih, or 'ye dih 'ye: neheh'. :Yee' 'Anenaya' 'dae:,: Gwlor: baa'. Nyor⧾: dhulu', mo-: zela: 'on, 'kulu-deh:⧾: dhulu' or no-a: an-a'a: nyor⧾ 'yi dih, 'de: Julu'slehn en-' dhih, 'on: gwluhuh'. 'De mor deh: korn-a dhih or yi-a dha: Dama'kor, eh-:: dhe dih, Nyorsoa-a' 'slaa:: za-nyor:⧾: klaba'⧾ 'nyi-or 'tele' or 'ye nyor⧾: an mu-a: an-a': weheh': za kpon. :Yeh or 'da: ao',: yee': Gwlor: baa' 'dae:, Mu. 'On gan-or', or 'ye 'an-a: 'bhoi-yu no, or 'ye-eh' no, 'de nyor⧾: on: se-a: Jueh'-nyor⧾-: 'keen-boi'-: 'dekorn: 'Ezlea-nyor⧾-: on 'ye 'an 'nyne yubo:. 'An 'jeh 'yor-eh:, 'an mu-or deh⧾-a' klehkpeh: gwluhuh' zela:: ka or mu-a 'kle 'ye-: 'do 'an dhih bo. :Yeh or 'da: ao',: yee' 'Anenaya' mu-', 'de or pa 'de 'gbu: on: korn-a 'di: Soror': ne-a. 'De or tba-or son⧾ ken dih, or: wlu, or 'da, 'An 'de-di': Soror',: Gwlor: baa': Yusu': or 'wluh-dih:-a: on 'i 'do: gwie 'i, ti: an yi-a 'de, or-: dbo 'on 'noror: on bo,: on 'ye dih 'ye: neheh', 'de Gban 'i: ne: Zulu 'ye: on-' dih 'yi-dih:. :Yee' 'do: dha: due': dao', deh⧾: en gweh-a zimi-a' 'kon⧾, me-: 'wluh 'de: Soror' 'yli, 'de or 'ye dih: neheh'. 'De or: sorn-', 'de 'Anenaya' po-or 'ni 'dlu. 'De: Soror' di deh.: Yee' or-a' 'kpih yi 'o or 'bhun-: de: neheh'.: Yee': Soror': ne 'o: Yusu'-a' klei': zi-nyor⧾ bo 'weh 'do 'we-bei 'di, 'de: Dama'kor. :Yeh eh 'wluh-a 'o,: yee' 'do: dha: due': dao', or mu: Jueh'-nyor⧾-a' 'di: gweh-dih-sla⧾ 'zorn dih, 'de or 'kpa tubo-wlu:⧾: po-eh ken 'de mor,: ka: Yusu' 'dhu-a Nyorsoa-a' 'Yu-'. :Yeh or no: ao',: yee' eh: florn-dih: nyor⧾-a' klehkpeh: on 'worn-a or-a' wlu-: worn, 'de an no, Eh: se 'yu: or: ne-a: Julu'slehn,: or 'ye-dih-a nyor⧾: an 'da-a: Yusu'-a' 'nyne 'kle 'gabaa: e? Eh: se nyor⧾-a' 'jeh: dao', an-a' dhih, or: se 'de yi, or 'ye-uh kpon, or 'ye-uh 'de Nyorsoa-a' 'slaa:: za-nyor:⧾: klaba'⧾ bo kpa: e? Jorwor:: Soror'-a' Nyorsoa-a' tubo-wlu:⧾: po-eh 'kpa-: ken, 'de en: ne 'kpih ken.: Yee': Jueh'-nyor:⧾: on 'ti-a: Dama'kor, on se: wlu-a' 'beh-dih:. Deh no-eh, tubo-wlu:⧾: Soror' po-a, en za-eh: gbor: ka: Yusu' 'dhu-a Nyorsoa-a' 'taan'-yu-'. :Yeh 'we: dhulu': zi-dih:-a 'o ken dih,: yee': Jueh'-nyor⧾ 'dhu dhih, on 'ye-or 'dba. Jorwor:: yee' or yubo-eh 'i: ka on 'dhu-a dhih, on 'ye-or 'dba. 'Gwie-:: glaa'e-: an fuo-or 'ken 'do gwlor-a' gba-dih-gba worn 'i, on 'ye-or 'dba. :Yee' 'gwie-we-eh: due',: yee' or-a'a: bo: na-nyor⧾ po-or 'de: too' 'di, 'de on: ya-dih-or gba-dih-gba 'dlu, on 'si-dih-or dih. :Yee': Soror' mu: Julu'slehn:, 'de or 'bhorn: ka or 'ye-a' no, 'de or 'ye-a 'de: Yusu'-a' klei': zi-nyor⧾ 'nyne-' 'kpa. Jorwor: an-a' klehkpeh, an ple-or'. On: se-eh' dhih 'jeh-' po: ka or 'dhu-a: Yusu'-a' klei': zi-nyor 'jeh ka. :Yeh eh: ne: ao',: yee' 'yu: due' an 'da-dih-a: Bana'ba, or-: kpa-or 'de: Yusu'-a'a: dboo-nyor⧾ bo. 'De or zela-uh: gwluhuh': ka: Soror' 'ye-a: Gwlor: baa' 'do: gwie 'i, 'de: Gwlor: baa': wlu-a 'de or bo, 'dekorn:: ka or po-a Nyorsoa-a' tubo-wlu:⧾ 'de: Yusu'-a' 'nyne 'di, 'de: Dama'kor, 'de: gwluhuh': ku ka 'di. :Yee': Soror': ne 'o on bo 'weh 'de: Julu'slehn. 'De or 'kpa-uh bo, an na: Julu'slehn-gwlor ken dih, an po Nyorsoa-a' tubo-wlu:⧾ 'de: gwluhuh': ku ka 'di, 'de: Gwlor: baa'-a' 'nyne 'di. :Yee': Soror'-a wlu 'de: Jueh'-nyor⧾-a': yuh: an po-a 'Glii-wlu bo, 'de on: ne or dhobo. Jorwor: nyor⧾: dao', an vorn-' on 'ye-or' 'dba. Jorwor:: yeh or-a' 'Klae: de-di'-boi' 'worn-a deh: daa,: yee' on za-or 'o: gwlor-' 'weh, 'de on kpa-or 'Sehsali'a, on dbo-or 'Tasor. :Yeh on za-or 'o: gwlor-',: yee' 'chore-nyor:⧾: on: ne-a: Judi'a-:: Galali'i-: 'dekorn: Sehmeh'la-: nyor⧾ 'bor an-' 'kle 'ye-dih-eh 'weh. 'De on 'ble: Gwlor: baa'-a': fano:: ple-eh. Gban 'i: ne: Zulu: mo-: 'nyi-uh 'kpih, 'de an 'kpuhba ken dih. :Yee': yeh: Piteh'-a mu-a deh⧾-' dih,: yee' or kpa 'we 'de Nyorsoa-nyor:⧾: on: ne-a: gwlor an 'da-dih-a 'Leda bo, 'do: wor or 'ye-dih: nyor-kpalu: due' an 'da-dih-a: Ehni'a,: or: korn-a 'tiei 'meh-a, 'de: or zi-a 'o 'bluhbor-zon⧾: meheh' na. :Yee': yeh: Piteh' 'ye-or,: yee' or: wlu-' 'de or bo, or 'dae:,: Ehni'a:,: Yusu' 'Klae 'puh-dih:: on 'weh.: Sorn-',: on 'ye: an-a'a:: sleheh' 'fean'.: Yee' 'do: dha: due': dao',: Ehni'a: sorn-' 'weh. :Yee' nyor⧾-a' klehkpeh: on 'ti-a 'Leda-: 'dekorn:: dha an 'da-dih-a 'Sehlor-:: or 'beh-dih:-a: gwluhuh',: yeh on 'ye-a deh: eh: no-eh,: yee' on 'bili:-'-: dih, 'noror: Gwlor: baa' bo. :Yee' 'de: gwlor an 'da-dih-a 'Japa 'di, 'do: wor 'nynor: due': ne: or zi-a 'o: Yusu' klei'. Or-a' 'nyne: wor: Tabi'ta:. ('De mor or-a' 'Glii-nyne: wor 'Dorkor:,: eh: bleh-dih:-a 'i kweh.) 'Nynor: dao', or no deh⧾ 'jeh: ne 'do ti-a' klehkpeh bo, 'de or 'kpa nyor⧾: on se-a deh-a': za-da 'ble bo. :Yee' 'do ti-a' 'jeh: dao' 'di, 'do: wor 'o, or kormu-dih:, 'de or 'meh.: Yeh or 'meh-a,: yee' on: dle or-a' 'ku 'weh, 'de on 'pehn-dih-uh dih 'de: chuu:: on: ne-a 'de 'gbu-a' yai' 'di. :Yee' 'Leda-gwlor se 'Japa-gwlor bo dih: tehn-dih:.: Yee': yeh: Yusu'-a' klei': zi-nyor:⧾: on: ne-a 'Japa, on 'worn-ih'-a: ka: Piteh': ne-a 'Leda,: yee' on dbo nyor⧾-kpalu⧾ 'sororn' 'de or bo, on 'dhu-uh tubo-wlu⧾ worn, on 'dae:,: Piteh',: on: korn 'gen. 'Dhobo:, yi 'noror: a bo. :Yeh nyor⧾ 'sororn': dao' on dbo-a, on zela:-a: Piteh': gwluhuh',: yee' or: ne on mu-'.: Yeh or 'si-a: gwlor-' dih,: yee' on kpa-or 'de: chuu:: dao': on: ne-a 'de 'gbu-a' yai' 'di.: Yee': dhoba: 'nynor⧾-a' klehkpeh, on: nyna dih 'do or 'bhun, 'de an 'vin. 'De an torne-or 'wla⧾-: 'dekorn: paa-tiei:: nee'-: or tba-a 'do on bo, ti or: ne-a 'kmo. :Yee': Piteh' po 'o an-a' klehkpeh 'zorn 'weh, 'de or bla 'koor-dlu⧾ 'yi glu, or: wlu 'de Nyorsoa bo. 'De or 'bili: 'de 'nynor-a' 'ku bo, or 'dae:,: Tabi'ta:,: sorn-'.: Yeh or 'da: ao',: yee': Tabi'ta behn-dih: 'yli 'weh.: Yeh or 'ye-a: Piteh',: yee' or: dhe dih. 'De: Piteh' 'kpa-or bo, or kpon or-a' son dih, 'de or 'duo-or ya-', or 'ye dih: nyna.: Yeh or no: ao',: yee' or 'da dhih 'jeh-': po-nyor⧾-a' klehkpeh-: 'dekorn:: dhoba: 'nynor⧾-: 'weh, 'de or: ne 'kmo, or za-or 'kwla 'de on bo. :Yee' deh: daa: eh: no-eh, eh-a' 'nyne gweh 'Japa-gwlor-a' klehkpeh 'dlu. Eh-: no-eh, 'de nyor⧾: dhulu' po: Gwlor: baa'-a' dhih dhih 'jeh-'. :Yee': yeh eh zi-a,: yee': Piteh' zi 'Japa 'we: dhulu', 'de 'yu an 'da-dih-a Samor', 'de or 'bli 'gbu,: or no-a deh⧾-ku⧾-a': koan. :Yee' 'do: gwlor an 'da-dih-a 'Sehsali'a 'di, 'do: wor 'yu: due' an 'da-dih-a: Korli'nor, or 'ti. Or no nyor: klaba' 'do sorye'-a' kpor: on 'wluh-a 'Etole-bluhba ken bo. Or-a' 'jeh: dao', or-: 'dekorn: or-a'a: 'cheh-: on no Nyorsoa-nyor:⧾ 'jeh, 'de an za-or: weheh'. Or se 'kwa dih: kmu, or no deh⧾: dhulu' 'do: Jueh'-nyor⧾-a': yuh: on: korn-a son⧾ se-a 'o nyni bo. 'De or wlu 'de Nyorsoa bo 'do ti-a' klehkpeh bo. :Yee' 'we-eh: due',: yeh eh no-a 'gwie-yluh-gbao',: yee' or-a' 'yli-eh 'kpa deh 'i. 'De or 'ye Nyorsoa-a' 'enjor: due' deh 'jeh, or yi 'o or bo, or: wlu 'de or bo, or 'dae:,: Korli'nor:. :Yeh or 'da: ao',: yee': Korli'nor-a pobo-or-: ya 'dhuan, 'de: fano: ka 'di, 'de or: wlu, or 'da, Eh-a' 'nyne: eh?: Gwlor: baa'. 'De 'enjor:: dao', or 'da, Nyorsoa worn: an-a' bale-wlu 'weh, 'de or 'ye: ka: an no-a nyor⧾: on se-a deh-a': za-da 'ble deh⧾ 'nyi-eh 'weh: ke. :Yee' eh-a' dhih, dbo nyor⧾ 'de 'Japa, on 'ye 'yu: due' an 'da-dih-a Samor',: or: korn-a 'nyne: nee' 'dhu-a: Piteh'-',: gwie 'i mu. Or no 'duhba-yu: 'de Samor': or no-a deh⧾-ku⧾-a': koan 'bli 'gbu, 'de: or: korn-a 'gbu: ne-a 'o yobo' worn 'i. :Yeh 'enjor:: dao', or gweh-a: wlu-a' 'i,: yee' or mu-: de.: Yee': Korli'nor 'da or-a'a: 'bhoi-nynuu-a' nyor⧾ 'sororn'-: 'dekorn: or-a'a: sorye'-a' nyor: due': or no-a or-a'a: 'gbeh⧾ 'ble-yu, 'de: or no-a Nyorsoa-nyor: 'jeh: ke. 'De or zela-uh deh⧾-a' klehkpeh: en: no-eh: gwluhuh', 'de or dbo-uh 'Japa. 'De on mu. :Yee': yeh zorn zen-a, 'de an 'koan'-dih-a 'Japa dih 'yluh-gbao',: yee': Piteh' 'ya 'de 'gbu 'dlu, or 'ye 'de Nyorsoa bo: wlu 'do 'yluh-gbao'-we-eh:: dao' 'di. :Yeh or wlu-a 'de Nyorsoa bo,: yee' 'moeh: no-or: blaa'a:, 'de or 'bhorn deh or 'ye di.: Yeh an 'ye-a dii-deh⧾-a' deh bo dih,: yee' or-a' 'yli-eh 'kpa deh 'i. 'De or 'ye yao, on kan-dih: worn, 'de deh: eh gweh-a 'yli-eh:: klaba', eh-: 'dhle, eh-: yi 'bluhbor: eh gweh-a: ka nyor kpon-a eh-a' 'for⧾: ne-a: nyieh dih. :Yee' 'de eh 'di: dao', 'do: wor 'kwla-nimi⧾-: 'dekorn:: gwlor-nimi⧾-:: en se-a goor-dih:: en na-dih-a buh⧾: nyieh en: ne. Nimi⧾: or na-dih-a 'bhehleh': ka sane-a no-a-: 'dekorn: neme:: en zi-dih-a-' dih 'de yai'-:, me-:: ne 'de: ke. :Yeh or 'ye-a deh⧾: dao',: yee' wlu, mo-:: wlu 'de or bo,: on 'dae:,: Piteh',: sorn-'. 'Dba-ih,: on 'ye-ih di. :Yee': Piteh' 'dae:,: Sago',: Gwlor: baa'. 'On 'see nimi: eh se-a 'yi dih: nmor 'do di-a' bo, 'de: eh no-eh 'de nyor⧾-a ne-a: kane' dih, di: zai'. :Yee' wlu: dao', on: wlu-' 'de or bo: neheh' 'do kpor⧾-a' 'sororn' neh 'di, on 'dae:, Deh Nyorsoa: za-a: kane' dih,: an-a': no-', eh se 'yi dih: nmor 'do di-a' bo. Wlu: dao', on: wlu-' 'do kpor⧾ taan 'di.: Yee' 'do: dha: due': dao', 'yli-eh:: dao', eh: kpa-eh: yai' de. :Yee': yeh: Piteh'-a na-dih-a deh or 'ye-a, deh eh: bleh-dih:-a 'i, eh-a' dhih: gwluhuh' dih,: yee' nyor⧾-kpalu:⧾: Korli'nor dbo-a, on 'ye: dha Samor'-a'a: 'gbu: ne-a 'weh, 'de on: nyna dih 'do 'gbu-a' gba-dih-gba worn 'i. 'De on dhele: deh dih, on 'da, 'Duhba-yu: or-:: ko-dih: 'de a 'bli 'gbu, an 'da-dih Samor': Piteh': e? :Yee': yeh: Piteh' 'si-a 'o deh: daa, eh-a': gwluhuh' dih: na-dih: 'da 'gboror:,: yee' Nyorsoa-a': Zulu: wlu-' 'de or bo, on 'dae:, Samor', nyor⧾-kpalu⧾ taan, mo-:: an 'bhorn: on 'kwla⧾-' dih. :Yee' eh-a' dhih, 'dhle,: on 'ye 'zorn 'si.: An-a': tba 'o wlu, 'do an-a' klei': zi 'da. Deh no-eh, 'mor-: 'o,: or dbo-uh. 'De: Piteh' 'dhle, or mu 'de on bo. 'De or: wlu 'de on bo, or 'dae:, 'Mor a 'bhorn-a 'kwla⧾-' dih, 'mor: wor: dhe dih.: Eh: korn dhih a yi 'noror: eh? :Yee' nyor⧾-kpalu:⧾: dao', on 'da,: Korli'nor:: or no-a sorye'-a' nyor: klaba', or-: dbo: a-uh. Or no nyor: or 'sleh-a 'i, 'de: or za-a Nyorsoa: weheh'. 'De an-a' klehkpeh, an 'ye-or deh-'. Gban 'i: ne-enjor: due', or-: zela-or: gwluhuh', or 'ye: on wlu bo dbo, 'de: on 'ye 'de or 'bli 'gbu yi. 'De deh: an mu-a: za-a-', or 'ye-eh': dou'⧾ bo: to. 'De: Piteh' kpa nyor⧾: dao': on yi-or: gwie 'i, 'gbu bo, on 'ye dih 'pehn.: Yee': yeh zorn zen-a,: yee': Piteh' po or-a'a: 'tiei 'kpa, 'de or: ne on 'kpa: gwie 'i, on mu.: Yee': Yusu'-a' dhih 'jeh-': po-nyor:⧾: noo',: on: ne-a 'Japa, mo-:: ne or mu: ke. :Yee' 'do 'we-eh-a' 'sororn' neh 'di,: yee' on 'si-: dih 'do 'Sehsali'a.: Yee' 'do: wor: Korli'nor: ne, or 'da or-a'a: 'wluh-a-nyor⧾-: 'dekorn: or 'bei': on: ne or mu-dih-a 'bli-:: dha: due', 'de an fuo: Piteh' ken 'de or 'bli 'gbu. :Yee': yeh: Piteh'-a yi-a 'de 'gbu 'di: pa 'da,: yee': Korli'nor 'ya-dih-or 'i, 'de or 'jli dih 'do or ybei' 'de deh-' 'ye ka 'di. Jorwor:: Piteh' no-eh' or 'ye dih: nyna, or 'da,: Nyna dih. 'Mor: gwlor-nyor: 'o: ke,: ka: on: ne-a. :Yee': Piteh'-a wlu 'de or bo, 'de an na, an pa 'de 'gbu 'di, 'de: Piteh' 'ye nyor⧾: dhulu': on 'kpa-a: dha: due' 'de mor. :Yeh or 'ye-uh'-a,: yee' or: wlu-' 'de on bo, or 'dae:, A-a' 'jeh 'yor-eh yubo-eh' deh 'jeh,: ka eh se-a 'o: Jueh'-nyor⧾-a' 'tele'-a': gwie 'i: ne, 'de: Jueh'-yu-: 'dekorn:: yor: or: se-a: Jueh'-yu-: on 'ye-a' bo nena:, 'de mor or 'ye-a: na 'da mu 'de or 'bli 'gbu. Jorwor: Nyorsoa zela: 'on: gwluhuh',: ka 'on se-a: korn, 'on 'ye: ao' nyor: daa, or: ne: kane' dih, 'de mor 'on 'ye: ao', or-: 'mor-:: a se: korn: a 'ye bo nena:. :Yee' eh-:: korn dhih: oo',: yeh a dbo-a 'on wlu bo, 'de 'on: se 'o wlu tba, 'de 'on 'yle. 'An dhele a dih: naa,: Eh: korn dhih a dbo 'on wlu bo: eh? :Yee': Korli'nor 'da, Eh: korn 'we-eh: due', 'an wlu 'de Nyorsoa bo, 'de 'on 'bli 'gbu 'di,: ka ti: ne-a: naa,: yee' 'ka-: ti: ne, 'gwie-yluh-gbao'.: Yeh 'an mu-a 'ye-:,: yee' nyor-kpalu: due', or-: pa 'tiei:: en fan-a-', 'de or: nyna dih 'do 'on ybei', eh-a' 'we: nyieh: naa 'zean'. 'De nyor-a' 'jeh: dao', or: wlu 'de 'on bo, or 'dae:,: Korli'nor:, Nyorsoa 'worn: an-a' bale-wlu 'weh, 'de or 'ye: ka: an no-a nyor⧾: on se-a deh-a': za-da 'ble deh⧾ 'nyi-eh 'weh. :Yee' 'do eh-a' dha, dbo nyor⧾ 'de 'Japa, on 'ye 'yu an 'da-dih-a Samor': Piteh': gwie 'i mu,: or: ko-dih:-a 'de Samor': or no-a deh⧾-ku⧾-a': koan, 'de or 'bli 'gbu,: on: ne-a 'de yobo' worn 'i. :Yee' eh-:: korn dhih 'de 'on dbo: on wlu bo, 'do: dha: due' 'jeh: dao'.: Yee' eh: nmor-: 'yi,: ka: on yi-a 'de: naa.: A-a' klehkpeh,: a: ne: daa: Gwlor: baa' Nyorsoa ybei' 'weh: naa. Deh or zela:: on: gwluhuh',: on 'ye-eh: a: gwluhuh' zela:,: a 'ye-eh' 'worn. :Yeh: Korli'nor 'da: ao',: yee': Piteh' 'kpa 'o: wlu 'da 'weh, or 'dae:, Jorwor: 'on yubo-eh': naa,: ka eh 'dhu-a dhih 'jeh-',: ka Nyorsoa-a': za-a: gwie-for: due'. Jorwor: nyor-beh-nyor-beh:: or: korn-a or-a': fano-a' ple-a', 'de: or no-a deh: eh 'sleh-a 'i, 'dawor'-dlu-a': yuh or mu-a 'i 'wluh-:,: ka eh 'ye eh: ne, Nyorsoa-a mu or-a' dhih 'worn-dih:. A yubo: tubo-wlu:⧾ Nyorsoa dbo-a 'noror 'Ezlea-nyor⧾ bo: en: ya-a: 'de wlu-' dih 'worn-eh:, 'de: en: yi-dih:-a: Yusu' 'Klae,: or no-a: Gwlor: baa' 'do nyor⧾-a' klehkpeh bo 'weh. 'De mor a yubo: deh: klaba': eh: no-eh 'de: Judi'a-bluhba-a' klehkpeh ken 'weh. Deh: daa, eh tba: Galali'i dih: chio'lo:, ti: Jororn' gweh-a nyor⧾ 'ni 'dlu: po-eh-a' tubo-wlu:⧾: po-eh 'i. 'De mor a yubo-eh': ke,: Yusu': or 'ti-a 'Nazla: dee',: ka Nyorsoa no-a or-a' gan-a', 'de or no-eh, 'de or-a' Gban 'i: ne: Zulu-: 'dekorn: 'kpih-: en 'yi-dih-or dih, 'dekorn:: ka or no-a deh⧾-' dih: mu-eh, 'de or no-a deh⧾ 'jeh ne-a' no-a', 'de or 'puh-dih:-a puhba-nyor⧾-a' klehkpeh: on: ne-a 'o 'ku-a' 'kpih 'zorn. Deh no-eh, Nyorsoa: ne 'o or bo 'weh. Deh⧾-a' klehkpeh or no-a 'de: Julu'slehn-: 'dekorn: 'Ezlea-bluhba-a' klehkpeh ken-:: a: mor dhe-ih ken dih. On bhele-or-: ya 'do tu 'i, 'de on 'dba-or. Jorwor: Nyorsoa za-or 'de nma-dih-deh 'di 'weh 'do 'we-eh-a' taan neh 'di, 'de or no-eh, 'de nyor⧾ 'ye-or. Eh: se nyor⧾-a' klehkpeh on: se-or' 'ye. Jorwor:: a: mor dhih bo zela-nyor:⧾ Nyorsoa gan-a,: a: mor 'ye-or. Ti or 'wluh-a 'de nma-dih-deh 'di, or: ne: a mor-:: a kpuhba: son⧾ ybei' 'weh. Or 'nyi: a 'tele': a 'ye tubo-wlu⧾ po 'de nyor⧾ bo, 'de: a 'ye-uh: gwluhuh' zela:: ka eh 'dhu-a or mor-' Nyorsoa gan-a,: or 'ye-a zabe:: zi-nyor no, 'do 'kmo: ne-nyor⧾-: 'dekorn: 'meheh'-nyor⧾-: bo. Nyorsoa-a' wele-eh:: po-nyor⧾-a' klehkpeh, on: za or-a' dhih-' 'weh,: ka nyor-beh:: or mu-a or-a' dhih dhih 'jeh-': po,: yee' or-a' deh⧾-zon⧾-a' dhih-a mu-a bo 'ma-dih-eh:, 'de or-a' 'nyne 'di. :Yeh: Piteh' 'si-a 'o wlu 'da,: yee' nyor⧾-a' klehkpeh: on: ne-a 'o, 'de: an to-a or-a' wlu: dou'⧾ bo,: yee' Gban 'i: ne: Zulu yi 'o on ken 'weh. :Yeh eh no: ao',: yee': Jueh'-nyor⧾-a': yuh: on po-a: Yusu' 'Klae-a' dhih dhih 'jeh-',: on 'wluh-a 'Japa, 'de: on: ne: Piteh' yi-a 'de,: yee' eh 'ma-dih: 'de on 'di-: dih, Nyorsoa 'ye or-a' Gban 'i: ne: Zulu nyor⧾: on: se-a: Jueh'-nyor⧾ 'nyi: ke. Deh no-eh, on 'worn an-a' wlu, an po wlu⧾ 'doror: 'dor,: en Gban 'i: ne: Zulu 'nyi-uh-a, on 'ye-a' po. 'De nyor⧾: dao', an po Nyorsoa-a' 'nyne ya.: Yeh eh no: ao',: yee': Piteh': wlu-', or 'dae:, :Ka: a no-a Gban 'i: ne: Zulu-a' 'ye-a', 'ka-: nyor⧾: daa, on no: ke. Nyor 'beh-dih: or 'ye-uh 'i kan, 'do 'ni 'dlu: po-eh bo: e? :Yeh or 'da: ao',: yee' or 'nyi 'tele' on 'ye 'ni 'dlu: po 'de: Yusu' 'Klae-a' 'nyne 'di.: Yeh on gweh-a 'i,: yee' on dhele-or-: dih, or 'ye 'o on bo 'we-kpor-bei zi. :Yee': Yusu'-a'a: dboo-nyor⧾-: 'dekorn: dhih 'jeh-': po-nyor:⧾: on: ne-a dha: Judi'a-bluhba-a' klehkpeh: daa ken-: on 'worn-ih': ka nyor⧾: on: se-a: Jueh'-nyor:⧾ an-a': noo' kpon-a Nyorsoa-a' wlu dih. :Yee': Piteh' mu: Julu'slehn:.: Yeh or mu-a,: yee': Jueh'-nyor⧾-a': yuh: on no-a: bhlororn' 'meh-deh 'kpa deh ken, 'de: on po-a: Yusu'-a' dhih dhih 'jeh-': naa, mo-:: an wlu-dih: Piteh' 'bhun dih, on 'dae:, Nyor⧾: on se-a: bhlororn' 'meh, 'de on 'bli 'gbu, 'do: wor: on mu, 'de on: ne: an kpuhba son⧾ ybei'. :Yeh on: za-a deh: daa-',: yee': Piteh' zela-uh deh⧾-a' klehkpeh: en: no-eh: gwluhuh': ka en no-a 'dlu bo: mu-eh: kpeen:, or 'dae:, Ti 'an wlu-a 'de Nyorsoa bo, 'do 'Japa-gwlor-',: yee' 'an 'yli-eh 'kpa deh 'i.: Yeh 'an mu-a 'ye-:,: yee' 'on 'ye deh: eh gweh-a 'yli-eh:: klaba', eh-: 'wluh 'de yai', eh-: 'dhle, eh-: yi 'noror 'on bo,: eh gweh-a: ka nyor kpon-a eh-a' 'for⧾: ne-a: nyieh dih. :Yee' 'on pobo: 'de eh 'di 'weh. 'De 'on 'ye 'kwla-nimi⧾-: 'dekorn:: gwlor-nimi⧾-:: en na-dih-a buh⧾: nyieh 'do 'bluhbor-: nimi⧾: en na-dih-a 'bhehleh': ka sane-a no-a-: 'dekorn: neme:: en zi-dih-a-' dih 'de yai'-: en: ne. :Yee' 'on 'worn wlu, mo-: 'da,: Piteh',: sorn-'. 'Dba-ih,: on 'ye-ih di. Jorwor: 'on: wlu-', 'on 'da,: Sago',: Gwlor: baa'. Deh: eh se-a 'yi dih: nmor 'do di-a' bo, 'de: eh no-eh 'de nyor⧾-a ne-a: kane' dih, eh 'see 'o 'on worn 'i 'ye: zai'. :Yeh 'on 'da: ao',: yee' wlu: dao',: on 'wluh-a 'de yai', on: wlu-': neheh' 'do kpor⧾-a' 'sororn' neh 'di, on 'dae:, Deh Nyorsoa: za-a: kane' dih,: an-a': no-', eh se 'yi dih: nmor 'do di-a' bo. Wlu: daa, on: wlu-' 'do kpor⧾ taan 'di.: Yee' 'yli-eh:: dao', eh-a' klehkpeh, eh: kpa-eh: yai' de. :Yee' 'do: dha: due': dao',: yee' nyor⧾-kpalu⧾ taan: Korli'nor dbo-a: on 'wluh-a 'Sehsali'a,: yee' on 'si-: dih 'do 'gbu 'on: ko-dih:-a 'di worn 'i. :Yee' Nyorsoa-a': Zulu zela: 'on-:: gwluhuh',: ka 'on: sor tba-a 'o wlu 'do mu 'da.: A-a' 'Klae: de-di'-boi': meheh'lo:: daa, mo-:: ne 'on mu: ke. 'De: a pa 'de nyor-kpalu:: dao' 'bli 'gbu. 'De or zela:: a: gwluhuh': ke,: ka 'enjor:: or 'wluh-dih-or 'i 'de or 'bli 'gbu, 'de or: wlu-a 'de or bo, or no-a, Dbo Samor': Piteh': or: ne-a 'Japa wlu bo, or 'ye 'de yi. Or mu tubo-wlu⧾: po 'de: on bo,: en mu-a mor-: 'dekorn:: an-a'a: 'gbu-a' klehkpeh-: 'puh-dih:. :Yee': yeh 'on 'kpa 'o an-a' bo: wlu 'da,: yee' Gban 'i: ne: Zulu yi 'o on ken,: ka on no-a 'o: a ken: yi-eh: dee'. :Yee' dhih: Gwlor: baa': za-a-', 'on: po-dih-eh: gwluhuh' bo 'weh, or no-a,: Jororn' po nyor⧾ 'ni 'dlu, jorwor: Gban 'i: ne: Zulu:, mo-: a mu 'dlu: po-eh. :Yee' 'do eh-a' dha,: mor Nyorsoa 'nyi-uh 'nyii'-deh:: eh: korn-a 'be or 'nyi: a: mor: or po-a: Gwlor: baa': Yusu' 'Klae-a' dhih dhih 'jeh-',: yee' deh 'i-deh-nyor: 'on 'dhu-eh:-', 'on 'ye Nyorsoa 'borboa' 'i po: eh? :Yeh: Jueh'-nyor:⧾: dao', on 'worn-a deh: Piteh': za-a-',: yee' deh on 'ye-a' 'o: za-dih:, eh se: ne.: Yee' an po Nyorsoa-a' 'nyne ya, an no,: Yee' Nyorsoa 'worn-dih-eh ken dih 'weh, nyor⧾: on: se-a: Jueh'-nyor:⧾ on 'ye an-a' deh⧾-zon⧾ dih 'tali:, 'de on 'ye 'kmo: sie:: febeh' 'ble: ke. :Yee': Yusu'-a' klei': zi-nyor:⧾: on gboba:-a dih, ti: Jueh'-nyor⧾ 'dba-a Timi', 'de on 'ye-uh'-a 'kle 'ye-dih:, an-a' 'jeh: dao', on mu: Feni'sia-: 'Sapor-: 'dekorn: 'Antior-: 'de an po tubo-wlu⧾: en kor-a: Yusu' 'i, 'de: Jueh'-nyor⧾: due' bo 'klein'. Jorwor:: Yusu'-a' klei': zi-nyor:⧾: noo',: on no-a nyor⧾-kpalu⧾: on 'wluh-a 'Sapor-: 'dekorn:: Sali'na-: an-a' 'jeh: dao', mo-: mu 'Antior, 'de on: wlu 'de nyor⧾: on: se-a: Jueh'-nyor⧾ bo: ke, on po Nyorsoa-a' tubo-wlu:⧾ 'jeh: en kor-a: Gwlor: baa': Yusu' 'i, 'de on bo. :Gwlor: baa'-a' 'kpih: ne 'o on bo 'weh, 'de nyor⧾: dhulu' po-eh dhih 'jeh-', 'de on 'bili: 'de or bo. :Yee' deh: daa, eh-a' 'nyne nyni 'de 'chore: eh: ne-a 'de: Julu'slehn bo 'weh. Eh-: no-eh, 'de on dbo: Bana'ba, or 'ye 'de mu. :Yeh or 'si-a dih, 'de or 'ye-a: ka Nyorsoa no-a nyor⧾: on: ne-a 'de, an-a' mla bo: po-eh,: yee' or-a': porluh 'pehn-: dih, 'de or po 'de an-a' 'kpih, on 'ye: Gwlor: baa'-': ne,: ka ti-a mu-a 'dlu-': tehn, 'do an-a': porluh⧾-a' klehkpeh bo. :Bana'ba-a' 'jeh: dao', or no nyor 'jeh: nor,: or 'yi-dih:-a Gban 'i: ne: Zulu-: dih, 'de: or: korn-a dhih 'jeh-': po-eh 'beh-a 'i. 'De or no-eh, 'de nyor⧾: dhulu' po: Gwlor: baa'-a' dhih dhih 'jeh-'. :Yeh eh no: ao',: yee' or mu 'de 'Tasor-gwlor 'di, or 'ye: Soror' 'kwla⧾-' dih 'bhorn. :Yeh or 'ye-or,: yee' or ya-or 'Antior:.: Yee' 'do zon: due' 'di,: Bana'ba-: 'dekorn:: Soror'-: on: ne 'chore-a 'gbon-dih-' 'do ti-a' klehkpeh bo, 'de an torne nyor⧾: dhulu' deh. 'Do 'Antior: oo', on 'da-dih:: Yusu'-a' klei': zi-nyor⧾ 'Klae-a' nyor⧾: zai'. 'Do ti-a' 'jeh: dao' 'di: oo', Nyorsoa-a' wele-eh:: po-nyor:⧾: noo' 'wluh-dih:: Julu'slehn, 'de on mu 'Antior. :Yeh on: ne-a 'o,: yee' an-a' nyor: due' an 'da-dih-a: Aga'ba, or-:: sorn-',: or: nyna dih, 'de or: wlu 'de Nyorsoa-a': Zulu-a' 'kpih 'di, or sie ti de, or: za 'moeh:: klaba': eh 'kpa-a Ji Kou'-moeh:: eh mu-a 'de: yi dha 'bluhba⧾-a' klehkpeh 'Wloon-nyor⧾: korn-a wlu 'ken bo, eh-a' dhih. 'Moeh:: daa or 'da-a, eh yi-: 'de, 'do 'keen Klordior'-a' ti 'i. :Yee' eh-a' dhih,: Yusu'-a' klei': zi-nyor:⧾: on: ne-a 'Antior, on polo-eh' 'de an-a' 'jeh 'nyne-', on 'ye an-a' 'Klae: de-di'-boi': on 'ti-a: Judi'a-': za-dih:, 'do deh an-a' nyor: due' 'beh-dih:-a or 'ye-a' dbo, or 'ye-eh' dbo. :Yeh on polo-eh,: yee' on 'worn-dih-eh', 'de on 'nyi an-a'a: 'nyii'-deh:⧾: Bana'ba-: 'dekorn:: Soror'-: on 'ye-ih 'chore-nyor:⧾: klaba'⧾ kpa. 'De on kpa-ih. :Yee' 'do ti: dao' 'i, 'do: wor 'o 'Keen: Hehlo': kpon-dih: 'chore-nyor:⧾: noo', or 'ye-uh' 'kle 'ye-dih:. :Yee' or 'nyi nyor⧾ 'tele', 'de on no: bhla 'jlehn, on 'dba: Jororn'-a' dei' 'Jeen. :Yeh or 'ye-a deh or no-a, eh 'pehn-dih:-a: Jueh'-nyor⧾-a': porluh⧾ dih,: yee' or mu-': neheh', or dbo nyor⧾, 'de on kpon: Piteh': ke. Deh: daa, eh: no-eh:-' 'do Se 'vu-bhlee-a' gor-'. :Yeh nyor⧾ or dbo-a on kpon-a: Piteh',: yee' or po-or: kasue 'di. 'De or po-or 'de sorye'-a' 'dlu⧾: nyieh 'kwa,: on 'ble-a sorye': nyieh: nyieh 'de on 'di, on 'ye-or 'yli-eh bo 'dhu, or: ne-' ple.: Hehlo'-a 'bhorn: mor 'Meh-a': bla-dih: 'dlu dih-gor zi, 'de or 'ye-or zabe zi 'do: gwlor: gwea. :Yee': yeh on kpon-a: Piteh' ken dih, 'de: kasue 'di: chio'lo:,: yee' 'chore-nyor⧾-a po 'de 'kpih, 'de an wlu 'de Nyorsoa bo deh 'jeh 'do or-a' dhih bo. :Yee' glu-we-eh:: mor zorn zen-a, 'de: Hehlo' 'ye-a: Piteh'-a' zabe zi,: yee': Piteh'-a 'mo-' 'do sorye' 'sororn' 'nyne bo, 'de on: san-dih-or 'chen-dubu'⧾ 'sororn'. 'De sorye': noo': ne 'o: kasue-gbu-a': kpaa' worn 'i,: an 'dhu: kasue-gbu 'yli-eh bo. :Yeh or mu-a 'ye-:,: yee': Gwlor: baa'-a' 'enjor: due', or-: 'wluh-dih-or 'i, 'de zorn-pli-a fan 'de: kasue-gbu-a': chuu:: Piteh': ne-a 'de 'di. 'De or bla: Piteh' ken, or za-or 'nyinor-', 'de or 'da, 'Dhobo:,: sorn-'.: Yeh or 'da: ao',: yee' 'chen-dubu'⧾ on: san-dih-or, en 'wluh 'de or son⧾-' 'weh, 'do: dha: due': dao'. :Yee' or: wlu-' 'de: Piteh' bo, or 'dae:, 'Dba: an-a'a: 'behleh 'i.: Yee' 'dhu: an-a'a:: buhbuh⧾ buh⧾-'. 'De or no-eh. 'De or 'da, Pa: an-a'a: 'korlor-',: on 'ye 'o 'on klei' zi. 'De: Piteh' zi 'o or klei', an 'wluh 'de: kasue-gbu 'di. Jorwor: deh 'enjor:: dao', or no-a,: Piteh' se eh-a' 'i yubo-eh: korn.: Mor or: taa 'ye: dee',: yee' or 'da, or-a' 'yli-eh 'kpa deh 'i. 'De an 'wluh 'de: kasue-gbu 'di, on zi: dha: zai'-sorye': an 'dhu-or 'yli-eh bo, on: ne-a. 'De on zi 'o: dha 'sororn' no: ne-a: ke. 'De on nyni 'o gba-dih-gba-a' nene:: kpaa' worn 'i, 'do: dha nyor⧾-a yi-dih-a, 'de an 'si-a: gwlor-' dih.: Yeh on nyni-a 'o,: yee': kpaa': dao', or kan-dih: worn 'do or-a' 'jeh bo, 'do an-a' dhih bo, 'de on zi.: Yeh on: na-a 'kpa-a' 'kplo beh ken dih: weh-beh:,: yee' 'yli: a bla-a 'i, 'enjor:: dao', or 'wluh 'o: Piteh' klei' 'weh. :Yeh eh no: ao',: yee': Piteh' yi or-a' 'jeh-: bo, 'de or: wlu, or 'da, Jorwor: 'on yubo: deh: eh mu-a 'dlu bo: naa deh 'jeh.: Gwlor: baa': oo', or-: dbo or-a'a: 'enjor, or 'ye 'on: Hehlo'-a' 'kpih-: 'dekorn: deh⧾-a' klehkpeh: Jueh'-nyor⧾-a 'bhorn-a on 'ye-a 'on-': no-dih:, or 'ye-ih 'o 'on ken: za. :Yee': yeh or yubo:-a deh: daa 'i,: yee' or mu: Mehle': or 'wluh-a: Jororn' an 'da-dih-a 'Make: ke, 'de or 'bli 'gbu. 'Do: wor: gwlor-nyor:⧾: dhulu' 'kpa-dih:: dha: due', 'de an wlu 'de Nyorsoa bo. :Yeh or nyni-a 'o,: yee' or bla gba-dih-gba-a': kpaa' 'weh. 'De 'nynor-kpao'-yu: an 'da-dih-a 'Wlola,: or no-a 'bhoi-nynor-kpao'-yu, or-: yi 'o: kpaa' bo. Jorwor:: yeh or yubo:-a: Piteh'-a' wlu 'i,: yee' 'mona: 'yi-dih-or-: dih 'gabaa, 'de or: se 'o: kpaa'-a' 'jeh: za. 'De or ple, or mu de, or mu nyor⧾: gwluhuh' zela: 'da: ka: Piteh': ne-a 'o: kpaa' ken. :Yeh 'nynor-kpao'-yu:: dao', or zela-uh-a: gwluhuh',: yee' on 'da, Sena-a: no: on ke: e? Jorwor:: yeh or 'neh-eh ken, or za-ih-a 'gboror:,: yee' on 'da, Eh gweh, or-a'a: 'enjor:: or: korn-a 'de or bo, or-: 'o, or 'ye 'bla. :Yeh an no-a deh: dao',: yee': Piteh'-a bla: kpaa' 'weh: chio'lo:.: Yeh on: za-a 'o: kpaa', 'de on 'ye-or,: yee' eh: florn-dih: an-a' klehkpeh-: worn. :Yee' or 'ga-dih-uh': kola 'i, on 'ye 'dhuan no, 'de or zela-uh deh⧾-a' klehkpeh: gwluhuh',: ka: Gwlor: baa' no-a 'de or-a': kasue 'di: za-eh. 'De or zela-uh: gwluhuh', on 'ye 'Jeen-: 'dekorn: 'Klae: de-di'-boi': yuh: sie:-a 'o-:: gwluhuh' zela:.: Yeh or no: ao',: yee' or 'wluh 'o on bo 'weh, or mu: dha 'sluh. :Yeh zorn zen-a,: yee' sorye': an 'dhu-a: kasue-nyor⧾ 'yli-eh bo, on: ne-a' ple, an no mu 'noror yi 'noror, 'do deh: eh: no-eh 'do: Piteh' bo, eh-a' dhih. :Yee': Hehlo' no-eh', on 'ye-or 'kwla⧾-' dih 'bhorn. Jorwor:: dha or: ne-a, on se 'o yubo:.: Yeh eh no: ao',: yee' or dhele: sorye': dao'-: dih, or-a' dhih, 'de or 'nyi 'tele' on 'ye-uh' 'dba.: Yeh: Hehlo' no: ao',: yee' or 'wluh: Judi'a-bluhba ken 'weh, 'de or kpa 'we, 'de 'Sehsali'a-gwlor 'di. :Yee' nyor⧾: on: ne-a 'Taya-: 'dekorn: 'Saedorn-:: Hehlo' 'kpa-dih-uh 'chehn 'gabaa.: Yeh or no: ao',: yee' an-a' klehkpeh 'kpa: dha: due', 'de on mu 'de or bo, on mu-or 'ye 'da.: Yeh on nyni-a 'o: gwlor-',: yee' 'yu: due' an 'da-dih-a 'Blator,: or: Hehlo' dhe-a: gwlii', 'de or po-a 'de or-a'a: deh⧾-a' klehkpeh 'kwa, or-a' 'jeh: dao', or-: on: wlu 'de bo, on 'ye: Hehlo' 'ye, or: ne on 'ye wlu-' dih 'woorn:. Deh: korn dhih on no-a deh: dao', eh-: 'dhu, 'de: Hehlo' 'bli 'bluhba ken, 'do: wor an-a'a: dii-deh⧾-a 'wluh. :Yee': Hehlo' pa-' or-a'a:: gba 'vuu:: nmaa'e:, 'do 'we-eh: on: korn on 'ye-or ken: yeh-dih: 'di, 'de or: dhe dih 'do or-a'a: 'keen: kpala' ken, or: wlu 'de nyor⧾: dao' bo, 'do: gwlor: gwea. :Yeh or: wlu-a,: yee' an po 'geh⧾, an no, Eh: se: gwlor-nyor:,: or-a': wlu. Nyorsoa: noror': oo', or-: wlu. :Yee' 'do: dha: due': dao',: Gwlor: baa'-a' 'enjor: due', or-: 'tuh-or dih, 'de: samu'⧾ pa-or', en di-or, 'de or 'meh. Deh no-eh, or: se-' Nyorsoa dhih-a' 'i 'beh-a' 'nyi. Jorwor: Nyorsoa-a' wlu-a mu 'dlu bo: chio'lo:, 'de on gweh deh⧾-a' klehkpeh 'dlu. :Yee': yeh: Bana'ba-: 'dekorn:: Soror'-: on gweh-a: koan: on mu-a bo 'i 'de: Julu'slehn,: yee' on mu 'Antior de. 'De on kpa: Jororn': or: korn-a 'nyne: nee' 'dhu-a 'Make-': ke. :Yee' 'de 'chore: eh: ne-a 'de 'Antior-gwlor 'di, 'do: wor Nyorsoa-a' wele-eh:: po-nyor⧾-: 'dekorn: nyor⧾ deh: torne-nyor⧾-: on: ne. An-a' 'nyne: wor,: Bana'ba-: 'Simior: an 'da-dih-a Nyor-yle-: 'Lusior:: or 'wluh-a: Sali'na-: 'Manior:: or: ne: Hehlo': or no-a nyor⧾ wlu 'ken: korn-nyor, on: ku-dih:-a: dha: due'-: 'dekorn:: Soror'-:. :Yee' ti an za-a: Gwlor: baa'-a': weheh', 'de an pa 'suehn-',: yee' Gban 'i: ne: Zulu: wlu-' 'de on bo, on 'dae:, A: za: Bana'ba-: 'dekorn:: Soror'-: 'do 'on bo, on 'ye: koan:: or: korn-a dhih 'on 'da-uh'-a, on 'ye-or' no. :Yee': yeh on gweh-a 'suehn-': pa-eh 'i, 'de on: wlu-a 'de Nyorsoa bo,: yee' on tba-uh son⧾ ken dih, on 'worn-dih: an-a' dhih, 'de on dbo-uh. :Yee' Gban 'i: ne: Zulu dbo mo-:: ne-a 'sororn' 'weh, 'de on 'kpa: gwie 'i, on mu: Silu'sia 'de yobo' worn 'i. 'De on chehn 'o: dhie', on 'kpa 'de 'ni ken-meheh 'di, 'de on mu 'Sapor-bluhba ken,: or no-a yobo'-a' dubeh-'. :Yeh on 'si-a 'o: gwlor an 'da-dih-a: Sala'mi dih 'do 'Sapor-bluhba ken,: yee' an po Nyorsoa-a' tubo-wlu:⧾ 'de: Jueh'-nyor⧾-a' 'di: gweh-dih-sla⧾ 'zorn.: Jororn' an 'da-dih-a 'Make, or-:: ne on mu, 'de or: za-dih-uh: ke. 'De on: na 'bluhba-dlu:: dao', or-a' klehkpeh ken dih, on chehn 'o or ken: dhie', 'de on mu 'Pefor. 'Do: wor on: yeh-dih:: Jueh'-yu: due', an 'da-dih-a Ba-Yusu',: or no-a 'ylaa: 'yla⧾, 'de: or no-a sih 'tmo: wele-eh:: po-nyor. 'Yu-a' 'jeh: dao', or no 'gomla-nyor:: klaba', an 'da-dih-a 'Sorya: 'Palor:, or-a' bo: na-yu: due'. 'Gomla-nyor:: klaba': dao', or no nyor: or: korn-a: toror'. Or-a' 'jeh: dao', or-: dbo: Bana'ba-: 'dekorn:: Soror'-: wlu bo. Deh no-eh, or 'bhorn or 'ye Nyorsoa-a' wlu 'worn: ke. Jorwor: 'yu: dao',: or no-a 'ylaa: 'yla⧾, 'Glii-nyor⧾-a 'da-dih-or: Ehli'mor:, or vorn-eh-: bo, or 'ye-eh' no, 'de 'gomla-yu:: dao', or: sor po: Yusu'-a' dhih dhih 'jeh-'. :Yee': Soror': or: korn-a 'nyne: nee' 'dhu-a: Poror', or 'yi-dih: Gban 'i: ne: Zulu-: dih, 'de or pobo:: Ehli'mor ya 'dhuan, or: wlu 'de or bo, or 'dae:, :Mor 'ku-a' 'yu: oo'.: On 'nyeh deh⧾-a' klehkpeh: en no-a dhih 'jeh-' 'weh.: On 'yi-dih: nyor⧾ dih: bo-dih-eh-: 'dekorn:: bhuli': doru'-: dih. 'Do ti-a' klehkpeh bo,: an no-eh',: Gwlor: baa'-a' dhih 'jeh 'ye sih-' 'kpa. :Yee' 'do eh-a' dha, or mu: on 'ye-:.: An mu 'dor-:,: on: se-' dih 'ye-: i.: On: se-' 'yluh-a' zorn-pli 'ye-: i 'do ti-kpor-bei 'di.: Yeh: Soror' 'da: ao',: yee' 'do: dha: due' 'jeh: dao',: kule-kpan: or-:: yi-dih: 'o: Ehli'mor 'yli ken. 'De or dua-' dih, or 'bhorn nyor: or 'ye-a or-a' son dih kpon. :Yeh 'gomla-yu:: dao', or 'ye-a deh: eh: no-eh,: yee' or po: Yusu'-a' dhih-' dhih 'jeh. Deh no-eh, or-a': porluh 'ma-', 'de eh: florn-dih-or worn, 'do: Gwlor: baa'-a' dhih an torne-a nyor⧾ bo. :Yeh on no: ao',: yee': Poror'-: 'dekorn: or-a'a: bo: na-nyor⧾-: on 'kpa 'de 'ni ken-meheh 'di 'weh, 'de on 'wluh 'Pefor, 'de jorwor: on mu 'Pehka 'de: Panfi'la-bluhba ken. 'Do: wor: Jororn' an 'da-dih-a 'Make, or sie-uh, 'de jorwor: or mu: Julu'slehn de. :Yeh on 'wluh-a 'Pehka,: yee' on zi-': neheh', on mu 'Antior: 'de: Pasi'la-bluhba ken.: Yeh on 'si-a dih,: yee' on pa 'de: Jueh'-nyor⧾-a' 'di: gweh-dih-sla 'zorn, 'do Nyorsoa-a': gwlee-we-eh 'di, 'de on: dhe dih 'de mor. 'De nyor zlo deh 'de: Mose'-a' 'tele'-chlee-deh 'di-: 'dekorn: 'de Nyorsoa-a' wele-eh:: po-nyor⧾-a' 'chlee-deh 'di-:.: Yeh or gweh-a eh-a' zlo-a' 'i,: yee' nyor⧾: klaba'⧾: on: korn-a 'de 'di: gweh-dih-sla:: dao', or-a' wlu bo, on 'da: Soror' 'i 'weh, on 'dae:, 'De-di'-boi'-a:,: mor a 'ble tubo-wlu⧾: en 'ye-a 'de nyor⧾-a' 'kpih po,: yee' a po-ih. :Yeh on 'da: ao',: yee': Poror': sorn-' 'weh, 'de or: to son yai', 'de or 'kpa 'o: wlu 'da, or 'dae:, 'On 'bli 'Ezlea-nyor⧾-: 'dekorn: a: mor nyor⧾: on: se-a: Jueh'-nyor⧾-: 'de: an za-a Nyorsoa: weheh', a: to 'on: dou'⧾ bo. 'Ezlea-nyor⧾-a' Nyorsoa, or-: gan: a: bai'-a': bai', 'de or no-eh, 'de an-a' dhih 'beh 'i, ti on: ne-a 'Iye-bluhba ken. Or-a' dhih-a' 'i 'beh-kpih:, me-: or no, 'de or za-uh 'de. 'De or ku 'di dih: chio'lo: 'do an-a' kplen bo, 'do zon⧾: en 'beh-dih:-a: en 'ye-a: kwlaa: nyieh no 'di, 'de: bhehneh'-bluhba ken. Or gba 'dawor'⧾-dlu⧾: meheh' 'sorn ya de 'Keneh-bluhba ken, 'de or 'nyi or-a'a: nyor⧾ 'bluhba:⧾: dao', on 'ye-ih': korn. Deh⧾-a' klehkpeh: daa,: en mu-a 'dlu bo, en 'beh-dih: en 'ye: no-eh: 'do zon⧾-a': kehehn': nyieh: kwlaa: mm' 'di.: Yeh deh⧾: daa, en zi-a,: yee' Nyorsoa 'nyi-uh zabe:: zi-nyor:⧾, mo-:: na-dih-uh 'de jorwor: eh: yeh-dih: or-a' wele-eh:: po-nyor: Sameo'-a' ti ken. 'Do ti-a' 'jeh: dao' 'i, 'do: wor 'o, 'Ezlea-nyor⧾ 'yba-dih: 'keen. 'De Nyorsoa 'nyi-uh 'keen an 'da-dih-a: Soror',: or 'dhu-a 'Kee-a' 'yu-',: or 'wluh-a 'o 'Behnjemeh-a' 'cheh-dlu 'i. Or-:: na-dih-uh 'do zon⧾-a': kwlaa: nyieh 'di. :Yee': yeh Nyorsoa: za-a 'o: Soror' 'do kpala' 'i,: yee' or no: Debe' 'keen-'. 'De mor or zela: or-a' dhih bo dih 'weh, or 'da, 'On 'ye-eh': ka: Debe': or 'dhu-a 'Jehsi-a'a: 'yu-', 'de or 'dhu-a nyor-': or no-a 'an: porluh, 'de: or mu-a deh⧾-a' klehkpeh: en: korn-a 'on 'ton: no. 'De or-a'a: 'nynuu-a' 'nynuu 'nyne: oo', 'do: wor Nyorsoa: za nyor⧾ 'puh-dih-nyor:: Yusu' 'do 'Ezlea-nyor⧾ bo,: ka or no-a eh-a' wlu: dhama'-': po-eh. :Yeh: Yusu' 'ye-a 'de yi,: yee': Jororn' po Nyorsoa-a' tubo-wlu:⧾ 'de 'Ezlea-nyor⧾-a' klehkpeh bo, on 'ye an-a' deh⧾-zon⧾ dih 'tali:, 'de on 'ye 'de Nyorsoa bo 'bili:, 'de on 'ye 'ni 'dlu: po. :Yeh: Jororn'-a': koan yi-a 'dlu-': jla 'da,: yee' or dhele-uh-: dih, or 'da, Deh 'i-deh-nyor: a-a': porluh⧾ 'da, 'on 'dhu-eh:-': eh? 'On: se nyor: yor a fuo-a 'ken o. Jorwor: nyor-a' 'jeh: dao', or mu 'on ken dih: yi,: or: korn-a: buhbuh⧾-a' dubu'⧾ 'on se-a deh-' 'dhu-eh:, 'on 'ye-a' bhehn-dih:: sloror'. 'An 'de-di'-boi'-a:. A: mor 'Eble'hehn-a' 'di-: 'dekorn: nyor⧾: on: se-a: Jueh'-nyor⧾-:: on: ne-a 'noror a 'klu-',: an za-a Nyorsoa: weheh', tubo-wlu:⧾: daa: en: ya-a: 'de 'puh-a', me-:: dbo-eh: 'noror: a bo. Nyor⧾: on 'ti-a: Julu'slehn-: 'dekorn: an-a'a: nyor⧾ wlu 'ken: korn-nyor⧾-: on se eh-a' 'i yubo-eh: korn nyor: Yusu' 'dhu-eh:-'. Jorwor: on chehn-or wlu 'ken, or 'ye 'meh.: Mor on: taa: ao' no,: yee' Nyorsoa-a' wele-eh:: po-nyor⧾-a' wlu, an zlo-a 'do Nyorsoa-a': gwlee-we-eh 'di, 'do ti-a' klehkpeh bo, mo-:: oo', an no-eh,: on 'ye dhih 'jeh-' 'kpa. Deh: Yusu' no-a,: eh: korn-a dhih on no-a or 'ye-a' 'meh, eh se 'nyne: korn. Jorwor: on zela: Pale': gwluhuh' 'weh, or 'ye: Yusu'-a' 'meheh'-deh wlu 'ken chehn 'gboror:. Deh⧾-a' klehkpeh an mu-a: Yusu' 'bhun: no,: en: korn-a dhih Nyorsoa-a' 'chlee-deh: za-a-',: yeh on no-ih-a,: yee' on za-or 'o tu 'i 'weh, 'de on po-or 'de nma-dih-deh 'di. Jorwor: Nyorsoa za-or 'de nma-dih-deh 'di 'weh. :Yee' nyor⧾: ne or 'wluh-a: Galali'i, 'de: an mu-a: Julu'slehn, on 'ye-or' 'do 'we: dhulu' 'di.: Yee' nyor⧾: dao', mo-: no or-a' dhih ken dih zela-nyor⧾ 'de: a-a'a: nyor⧾ bo: naa. :Yee' 'do eh-a' dha,: a: ne: daa 'weh,: a 'ye a Nyorsoa-a' tubo-wlu:⧾ 'jeh: gwluhuh' zela:. Deh: korn-a wlu or po-a: dhama'-' 'de: a: bai'-a': bai' bo, eh-: or no,: eh 'kpa dhih 'jeh-' 'do: a bo,: a: mor 'dhu-a an-a' 'nynuu-'. Deh-a' 'jeh: daa, eh-: 'dhu,: Yusu'-a' nma-dih-deh 'di: za-eh-',: ka eh no-a 'chle-eh 'de: Saan'-a' 'chlee-deh-a' 'dlu⧾ 'sororn' 'di, Nyorsoa no-a,: Mor no 'an-a: 'Yu. 'De: eh 'wluh-a dha 'zean'-zorn:: daa 'bli, 'mor no: on: Baa'. Nyorsoa za-or 'de nma-dih-deh 'di 'weh, 'de mor or: se-' 'meh-: i: neheh',: ka Nyorsoa no-a eh-a': za-a': kpeheh:, or no-a,: Bhorlie': eh: korn-a wlu 'on po-a: dhama'-' 'de: Debe' bo,: eh no-a: gwlii': dhe-deh, eh-: 'an mu a 'nyi-: 'de gban 'i: ne ka 'di. 'De eh 'chle-eh:-' 'de 'chlee-deh:: ne-a: due' 'di, 'do eh-a' 'for: noror' bo, eh 'da,: On: se-' 'worn-: i,: an-a' Gban 'i: ne-nyor: se 'de nma-dih-deh 'di 'zorn-dih: i. :Debe' no Nyorsoa-a' 'ton: korn-deh 'weh, 'do or-a' ti 'i, 'de or 'meh. 'De on nma-dih-or dih 'do or: bai'-a': bai' bo. Jorwor: or-a' 'ku 'zorn-'. Jorwor:: yor Nyorsoa: za-a: 'de nma-dih-deh 'di, or-a' 'ku: se-' 'zorn. :Yee' 'do eh-a' dha, 'an 'de-di'-boi'-a:, 'an 'bhorn a 'ye-eh' yubo:: ka eh 'dhu-a: Yusu'-': or no-eh, 'de a-a' deh⧾-zon⧾-a' dhih 'ma-dih-eh: bo. Eh-:: a zela a: gwluhuh'. A: korn a 'ye-eh' yubo:: ka nyor: yor: or po-a or-a' dhih dhih 'jeh,: yee' or mu-a 'puh-:, or 'ye-a 'o deh⧾-zon⧾ 'zorn 'wluh,: en: korn-a 'zorn: Mose'-a' 'tele' se-a nyor: za-eh 'beh-dih:. :Yee' 'do eh-a' dha, a 'wla: gwluhuh' dih, 'de deh Nyorsoa-a' wele-eh:: po-nyor⧾: za-a-', eh: ne-': no-eh: 'do a bo,: eh no-a, A: gbee'e:, a: mor: or 'wluh-dih-a deh Nyorsoa: za-a-': goba'-dhih ken dih. 'Nyi eh 'ma-dih: 'de a 'di dih, a 'ye gbe: zie:. Deh no-eh, 'an mu deh: no 'do a-a' ti 'i,: yeh a: se-a' dhih 'jeh-': po i, nyor-a': yeh zela: a: gwluhuh': sloror', a: se-eh' dhih 'jeh-': po i. :Yeh: Poror'-: 'dekorn:: Bana'ba-: an 'wluh-a 'de 'sla: dao' 'zorn,: yee' nyor⧾: on: ne-a 'de, on: wlu 'de on bo 'weh, on 'ye deka yi: neheh', 'do Nyorsoa-a': gwlee-we-eh:: eh mu-a 'de: yi 'di, 'de: Poror' 'i 'ye-uh deh⧾: daa en-': nee' on: gwluhuh' zela:. :Yeh: gwlor-nyor:⧾: dao', on: gba-a dih, 'de: Poror'-: 'dekorn:: Bana'ba-: an mu-a,: yee': Jueh'-nyor⧾-a': dha: dhulu'-: 'dekorn: nyor⧾: on 'kpa-a: Jueh'-nyor⧾-a' Nyorsoa-deh-: 'de: on chehn-a 'de eh bo, mo-: zi 'o on klei'.: Yee' nyor⧾: dao', on: wlu-' 'de on bo, on 'neh-uh ken, on 'ye 'de Nyorsoa-a' mla 'zorn dih: na. :Yee' 'do: gwlee-we-eh-a' 'sororn' neh 'di, eh 'beh-dih: eh 'ye: gwlor-nyor⧾-a' klehkpeh: on: ne-a 'o: gwlor: dao' 'di no, mo-: 'kpa: dha: due', on 'ye tubo-wlu:⧾: en kor-a: Gwlor: baa' 'i 'worn. :Yee': yeh: Jueh'-nyor⧾ 'ye-a: gwlor-nyor:⧾: dhulu': dao',: yee': gwlehehn'-a no-uh, 'de an po 'jlei, an wlu-dih deh: Poror'-a za-a-' 'bhun dih. Jorwor:: Poror'-: 'dekorn:: Bana'ba-: on: se-' 'dlu deh 'i 'neh-dih:, 'de on: wlu 'de on bo, on 'dae:,: A: korn: a 'ye Nyorsoa-a' tubo-wlu⧾ po 'de a bo: zai': gbor: gbor, 'de: a no-eh. Jorwor:: ka a se-ih-a dih kpon, 'de a se-a a-a' 'jeh deh 'da-dih: 'do 'kmo: sie:: febeh'-a' dhih bo,: yee' eh-:: korn dhih: a 'tali a dih, 'de: a 'bili 'de nyor⧾: on: se-a: Jueh'-nyor⧾ bo. :Yee' deh: Gwlor: baa' zela:-a: a: gwluhuh',: a 'ye-a' no, 'de or-a' 'chlee-deh 'di, eh-:: dhe dih, 'On no-eh', 'de: on no zorn-pli 'do nyor⧾: on: se-a: Jueh'-nyor⧾ bo, 'de 'bluhba-a' klehkpeh 'ye: on-': yi-dih:, on 'ye 'puh. :Yeh nyor⧾: on: se-a: Jueh'-nyor:⧾, on 'worn-a deh: daa,: yee' an-a': porluh⧾ 'pehn-: dih, 'de an po: Gwlor: baa'-a' 'nyne ya, 'do tubo-wlu:⧾: dao', on 'worn-a, en-' dhih bo, 'de nyor⧾ or gan-a: on 'ye-a 'kmo: sie:: febeh' 'ye, mo-: po-eh dhih 'jeh-'. :Yee' tubo-wlu:⧾: en kor-a: Gwlor: baa' 'i, en gweh 'o 'bluhba-a' 'for: dao', or-a' klehkpeh ken-: 'dlu. Jorwor:: yeh eh no: ao',: yee': Jueh'-nyor⧾ 'dhu-dih: 'nynor⧾-kpao'⧾ worn: yuh: on: korn-a 'nyne nyor⧾ yubo:-a, 'de: an za-a Nyorsoa: weheh'-: 'dekorn: nyor⧾: klaba'⧾: on: ne-a 'o: gwlor: dao' 'di-:. 'De on 'dhu-dih: nyor⧾ worn, on 'ye: Poror'-: 'dekorn:: Bana'ba-: 'kle 'ye-dih:. 'De on no-uh dih, on za-uh 'o on 'bli 'bluhba ken. :Yee': Poror'-: 'dekorn:: Bana'ba-:: yeh on 'ye-a 'o: gwlor: dao' 'di 'wluh,: yee' on 'gbabo: an-a': buhbuh⧾ 'zorn-: dih, eh 'ye-uh 'i: to-dih:: ka Nyorsoa: za-a an-a' deh son 'di.: Yeh on no: ao',: yee' on mu: gwlor an 'da-dih-a: Iko'nia 'di. :Yee': Yusu'-a' klei': zi-nyor:⧾: on: ne-a 'Antior, 'mona: 'yi-dih-uh-: dih, 'de Gban 'i: ne: Zulu 'yi-dih-uh-: dih: ke. :Yee': Poror'-: 'dekorn:: Bana'ba-: on mu 'de: Jueh'-nyor⧾-a' 'di: gweh-dih-sla 'zorn 'de: Iko'nia,: ka on no-a 'de 'Antior: ke. 'Do: wor on: wlu-dih:: neheh' 'gabaa. Eh-: no-eh, 'de: Jueh'-nyor:⧾: dhulu'-: 'dekorn: nyor⧾: on: se-a: Jueh'-nyor⧾-: on po: Yusu'-a' dhih dhih 'jeh-'. :Yeh eh no: ao',: yee': Jueh'-nyor⧾-a': yuh: on se-a: Yusu'-a' dhih dhih 'jeh-': po-dhih 'worn-dih:, on po nyor⧾: on: se-a: Jueh'-nyor:⧾ wlu⧾: dou'⧾-', 'de on 'bili: 'de: Yusu'-a' dhih 'jeh-': po-nyor⧾ ya. :Yee' eh-: no-eh, 'de: Poror'-: 'dekorn:: Bana'ba-: on: gwle 'o: gwlor: dao' 'di 'do ti: dhorno'⧾ 'di. On: za: fano: gwlii', 'de on po tubo-wlu:⧾: en kor-a: Gwlor: baa' 'i. 'De: Gwlor: baa': to-dih-eh nyor⧾: dao' 'i: ka or-a' tubo-wlu:⧾ an po-a,: en kor-a or-a' mla 'i, en: se-a sih, 'do 'kpih or 'nyi-uh-a bo, on 'ye-a nyor⧾ 'i: to-dih-deh⧾-: 'dekorn: nyor⧾ 'di dih 'ma-dih-deh⧾-: no. :Yeh deh: daa, eh: no-eh,: yee' nyor⧾: on: ne-a 'o: gwlor: dao' 'di, on: gble-eh:-' 'weh.: Noo': ne 'de: Jueh'-nyor⧾ 'de, 'de: noo': ne 'de: Yusu'-a'a: dboo-nyor⧾ 'de. :Yee' nyor⧾: on: se-a: Jueh'-nyor⧾-: 'dekorn:: Jueh'-nyor⧾-:: korn mor an-a'a: nyor⧾: na-dih-nyor⧾-: an 'dhu dhih, on 'ye: Yusu'-a'a: dboo-nyor⧾ dhih-' no, on 'ye-uh sobu'⧾ dih: tba-dih:, on 'ye 'meh. Jorwor:: yeh: Yusu'-a'a: dboo-nyor:⧾: dao', on yubo-eh 'i,: yee' on ple-', on 'wluh 'o: gwlor: dao' 'di 'weh. 'De on mu: gwlor⧾ an 'da-dih-a 'Lesla-: 'dekorn: 'Dorbi-:: en: ne-a 'de 'Lekao'nia-bluhba ken,: korn mor en-': gbalie⧾ bo dih-:. 'Do: wor on mu, 'de an kpa Nyorsoa-a' tubo-wlu:⧾ 'jeh-a': po-eh 'dlu bo. :Yee' 'de 'Lesla-gwlor 'di, 'do: wor 'yu: due': or 'wluh-dih:-a: klor-a', 'de: or 'see-a na: zai', or: ne. 'We-eh: due',: yee' 'yu-a' 'jeh: dao', or: dhe dih, 'de or to: Poror' wlu: dou'⧾ bo ti: Poror'-a wlu-a. 'De: Poror' pobo-or ya 'dhuan.: Yee' or yubo-eh': ka 'yu: dao', or po-eh dhih 'jeh-',: ka: Yusu' 'beh-dih:-a or 'ye-eh' no, or 'ye-a' 'puh. 'De or 'wor, or 'da,: Sorn-',: on 'ye dih: nyna.: Yeh or 'da: ao',: yee' 'yu: dao', or wan 'o 'bluhbor-: dih, 'de or: na 'do: dha: due': dao'. :Yeh nyor⧾: dhulu': dao': on: ne-a 'o, on 'ye-a deh: Poror' no-a,: yee' on 'kpa 'geh⧾: po-eh-: ken, 'de an po on 'bli 'Lekao'nia-wlu, an no, Nyorsoa⧾: za-dih:-': gwlor-nyor⧾-a' nyior-tu:, 'de on yi 'noror: a bo yao 'zorn. :Yee' on 'dhu-dih:: Bana'ba 'Zuza: nyorsoa-a' 'nyne. 'De on 'dhu-dih:: Poror' 'Hormi: nyorsoa-a' 'nyne, deh no-eh, or no dhih-': za-nyor:. :Yee' 'yu: or za-a 'Zuza: nyorsoa-a' 'slaa,: or: korn-a 'sla: nyna-a 'o: gwlor 'worn 'i dih, or-a' 'jeh: dao', or-:: ya 'de: blii'⧾-gblor⧾-: 'dekorn: 'gborn⧾-: 'do gwlor-a' gba-dih-gba worn 'i. Deh no-eh, or: ne nyor⧾: dhulu': dao' an 'bhorn on 'ye 'slaa: za 'do: Poror'-: 'dekorn:: Bana'ba-: bo. Jorwor:: yeh: Poror'-: 'dekorn:: Bana'ba-: on 'worn-a deh nyor⧾: daa, an 'bhorn-a on 'ye-a' no,: yee' on 'fa-dih: an-a'a: paa-tiei-'-: dih, 'de on ple, on: ge-dih: 'de nyor⧾: dhulu': dao' 'nyne-', an po 'geh⧾, an no, :A 'bli-nyor⧾-a:.: Eh: korn dhih a no deh⧾: daa: eh?: A-a' 'jeh: ke,: a: mor: gwlor-nyor:⧾ 'o,: ka a: ne-a: ke. Tubo-wlu:⧾ 'jeh, me-:: a: ya a-uh, 'de a 'ye 'o deh⧾: daa: en se-a deh ken 'kpa 'zorn 'wluh, a 'ye dih 'bili: 'noror 'kmo: ne-Nyorsoa bo,: or no-a yao-: 'bluhba-: yobo'-: 'dekorn: deh⧾-a' klehkpeh: en: ne-a 'de en 'di-:. 'Do ti: en zi-a 'di, Nyorsoa: za 'dawor'⧾-dlu⧾-a' klehkpeh 'yli-eh dih, en 'ye en-' 'jeh-a' 'ton: korn-deh no. Jorwor: or: to-dih: or-a' 'jeh nyor⧾ 'i 'weh 'do deh⧾ 'jeh or no-a bo. Or 'nyi a dbaa-ni:: eh 'wluh-a 'de yai', 'de or 'nyi a 'dhuu'-deh⧾ 'do en-': noror' 'i. 'De or 'nyi a dii-deh:⧾: dhulu', or 'yi-dih: a-a': porluh⧾ 'mona-' dih. Jorwor:: yeh: Poror'-: 'dekorn:: Bana'ba-: on: za-a deh: daa-' 'gboror:,: yee' an-a' 'worn, 'de on 'ye 'kle 'do nyor⧾: dao', an-a' 'borboa' 'i: po-eh bo, on: ne-' 'slaa: za 'do on bo. :Yee': Jueh'-nyor⧾-a' nyor⧾: noo', mo-: 'wluh 'Antior-: 'dekorn:: Iko'nia-: mo-:: pa-dih: nyor⧾: dhulu': dao' 'zorn dih, 'de an-a': porluh⧾ 'bili:-' dih. On: tba-dih:: Poror' sobu'⧾ dih, 'de on 'kla-or dih, on za-or 'o: gwlor-'.: Mor on: taa 'ye: dee',: yee' on 'da or 'meh-'. :Yeh on za-or 'o: gwlor-',: yee': Yusu'-a' klei': zi-nyor⧾ 'gola-or 'de dih, 'de or: sorn-', or mu: gwlor-' de.: Yee': yeh zorn zen-a,: yee' or-: 'dekorn:: Bana'ba-: on 'wluh 'o: gwlor: dao' 'di 'weh, 'de on mu 'Dorbi. :Yee': yeh on nyni-a 'o,: yee' on po Nyorsoa-a' tubo-wlu:⧾ 'jeh 'do: gwlor: dao' 'di, 'de on no-eh, 'de nyor⧾: dhulu' po: Yusu'-a' dhih dhih 'jeh.: Yeh on no: ao',: yee' on chehn 'o: dhie', 'de on mu 'Lesla-:: Iko'nia-: 'dekorn: 'Antior-: gwlor⧾ 'di de. :Yee' an po 'de: Yusu'-a' klei': zi-nyor⧾-a' 'kpih, 'de an zela-uh: gwluhuh', on 'ye: Yusu'-a' dhih 'jeh-': po-eh 'dlu bo kpa. 'De an zela-uh: gwluhuh': ke, an no,: A: korn: a 'ye 'de 'kle 'ye-eh:: dhulu' 'di: yi-dih:, 'de jorwor:: a 'ye 'de Nyorsoa-a' nyor⧾ wlu 'ken: korn-eh 'zorn pa. 'Chore: yeh: Poror'-: 'dekorn:: Bana'ba-: on mu 'di,: yee' an tba nyor⧾: jii-eh:: on 'ye-a nyor⧾: klaba'⧾ no 'de mor.: Mor on 'ye-uh': jii-eh tba,: yee' an pa-' 'suehn:, 'de an wlu 'de Nyorsoa bo, 'de an po 'de nyor⧾: klaba'⧾: dao', 'de: Gwlor: baa' 'kwa, on dhe-a: gwlii'. :Yee' on mu: Pasi'la-bluhba ken.: Yeh on gweh-or 'dlu,: yee' on zi-', on mu: Panfi'la-bluhba ken. 'Do: wor on: po-dih: Nyorsoa-a' tubo-wlu⧾ 'de 'Pehka-gwlor 'di. 'De on mu: gwlor an 'da-dih-a: Ati'lia 'di, 'de yobo' worn 'i. :Yeh on 'wluh-a: Ati'lia,: yee' on 'kpa 'de 'ni ken-meheh 'di, 'de on mu 'Antior de, 'do: dha on: po-dih-uh-a 'de Nyorsoa 'kwa, 'do: koan: on mu-a no 'da bo.: Koan:: dao', or-: on gweh 'i: naa, 'de on yi 'o de. :Yeh on 'si-a: gwlor-' dih,: yee' on po 'chore-nyor⧾-a' klehkpeh: dha: due', 'de on zela-uh: gwluhuh', deh⧾-a' klehkpeh Nyorsoa no-a: en: yi-dih-uh-a-', 'dekorn:: ka or no-a: gwie 'i kan-dih-eh 'do nyor⧾: on: se-a: Jueh'-nyor⧾ bo, 'de on po-a: Yusu'-a' dhih dhih 'jeh-'. :Yeh on no: ao',: yee' on: gwle 'o: Yusu'-a' klei': zi-nyor⧾ bo 'weh, 'de an mu: mu. :Yee' nyor⧾-kpalu:⧾: noo', mo-: 'wluh: Judi'a-bluhba ken, 'de on mu 'Antior, 'de an torne: Yusu'-a' dhih 'jeh-': po-nyor:⧾: on: ne-a 'de deh, on 'dae:,: Mor nyor se: bhlororn' 'meh,: ka: Mose'-a' 'tele' 'da-a,: yee' or se 'beh-dih: or 'ye 'puh. :Yee': yeh nyor⧾: dao', on: za-a deh: daa-',: yee': Poror'-: 'dekorn:: Bana'ba-: on: se-eh' 'worn-dih: klehkpeh klehkpeh, 'de on: ne an dhobo. Eh-: no-eh, 'de 'chore-nyor⧾: za: Poror'-: 'dekorn:: Bana'ba-: 'dekorn:: Yusu'-a' dhih 'jeh-': po-nyor:⧾: noo'-: on 'ye: Julu'slehn mu, on 'ye: Yusu'-a'a: dboo-nyor⧾-: 'dekorn: 'chore-a' nyor⧾: klaba'⧾-: on 'ye-uh dih dhele: 'do deh: daa, eh-a' dhih bo. 'De on dbo-uh, 'de on 'kpa: gwie 'i.: Yee' on: yi-dih:: Feni'sia-: 'dekorn: Sehmeh'la-: 'de an zela: Yusu'-a' dhih 'jeh-': po-nyor:⧾: on: ne-a 'de: gwluhuh': ka nyor⧾: on: se-a: Jueh'-nyor:⧾ on 'bili:-a-' dih 'de Nyorsoa bo.: Yeh dhih 'jeh-': po-nyor:⧾: on: ne-a 'de, on 'worn-ih'-a,: yee' 'mona 'yi-dih-uh-: dih 'gabaa. :Yee': yeh: Poror' 'i 'si-a: Julu'slehn dih,: yee' 'chore-nyor⧾-:: Yusu'-a'a: dboo-nyor⧾-: 'dekorn: 'chore-a' nyor⧾: klaba'⧾-: on kpon-uh-: dih. 'De: Poror'-: 'dekorn:: Bana'ba-: on zela-uh deh⧾-a' klehkpeh Nyorsoa: yi-dih-uh-a-', 'de: en: no-eh: gwluhuh'. :Yee': Yusu'-a' dhih 'jeh-': po-nyor:⧾: noo': on: ne-a 'de: Falasi'i-deh 'di, mo-:: wlu, on 'da, Nyor⧾: on: se-a: Jueh'-nyor:⧾, on: korn on 'ye: bhlororn' 'meh: gbor: gbor.: Yee' on: korn on 'ye 'o: Mose'-a' 'tele' dih dhe: ke. :Yeh on 'da: ao',: yee': Yusu'-a'a: dboo-nyor⧾-: 'dekorn: 'chore-a' nyor⧾: klaba'⧾-: on 'kpa: dha: due', on 'ye 'de dhih: daa 'di pobo:. :Yeh on dhobo:-a: dhoboo:,: yee': Piteh': sorn-' 'weh, 'de or: wlu, or 'dae:, 'An 'de-di'-boi'-a:. A yubo-eh', 'do ti-kpor-bei:: en zi-a 'di, Nyorsoa tba 'on: jii-eh: 'de a 'nyne-', 'on 'ye or-a' tubo-wlu:⧾ 'jeh po, 'de nyor⧾: on: se-a: Jueh'-nyor⧾ bo, on 'ye-ih 'worn, 'de on 'ye-ih dhih 'jeh-' po. Nyorsoa: or 'ye-a 'o nyor⧾: porluh ken dih, or-:: to-dih-eh nyor⧾ 'i,: ka or 'worn-dih-a an-a' dhih ken dih, 'do an-a' Gban 'i: ne: Zulu: 'nyi-eh bo,: ka or no-a: a-a' 'nyi-a': ke. Mo-: 'dekorn:: a mor-: or: se-': a-uh dih zela:.: Ka: a no-a 'de: a-a' dhih 'jeh-': po-eh no-eh, 'de: a-a': porluh⧾: gweh-a: vlehehn'-', 'ka-: on no: ke. :Yee': eh: korn dhih: oo': naa, 'de a 'dhen Nyorsoa, 'do 'gbeh⧾: a: bai'-a': bai'-: 'dekorn:: a-a' 'jeh 'yor-eh-:: a se-a kpa-a' 'beh-dih:, 'de a po-ih 'o: Yusu'-a' klei': zi-nyor⧾ 'dlu: eh? 'Kei:. Eh se: korn eh 'ye: ao': ne.: A po-eh' dhih 'jeh,: ka eh 'dhu-a: Gwlor: baa': Yusu'-a' mla-': or no-eh, 'de: a 'puh-a, 'ka-: on: ne: ke. :Yee': Poror'-: 'dekorn:: Bana'ba-: an po kuna',: ka Nyorsoa: yi-dih-uh-a-', 'de on no-a nyor⧾ 'i: to-dih-deh⧾-: 'dekorn: nyor⧾ 'di dih 'ma-dih-deh⧾-: 'de nyor⧾: on: se-a: Jueh'-nyor⧾ 'nyne-'.: Yeh an po-a kuna',: yee': gwlor-nyor⧾-a' klehkpeh: on: gweh-dih:-a 'o, on no 'dhuan, 'de an to-uh: dou'⧾ bo. :Yeh on gweh-a: wlu-a' 'i,: yee' 'Jeen: wlu-', or 'dae:, A: to 'on: dou'⧾ bo, 'an 'de-di'-boi'-a:. Samor': wlu-': kana, or zela-eh ken dih 'weh,: ka Nyorsoa no-a 'de nyor⧾: on: se-a: Jueh'-nyor:⧾, an-a' bo: yi-eh: zai', 'de or 'kpa-a 'de on 'nyne-' son, 'de or: za-a: 'de nyor⧾ or tba-a: jii-eh 'do or-a' 'jeh bo. Deh Nyorsoa-a' wele-eh:: po-nyor⧾: za-a-', eh-: 'o, eh: gweh-dih: 'i: kpeheh:,: ka eh no-a 'chle-eh, eh no-a, :Gwlor: baa' 'dae:, 'De ybei'-a' ybei', 'an mu de: yi, 'on 'ye: Debe'-a' 'gbu: on blu-a: po: dele' ka. Or-a'a: 'gbu: on: gba-a ya, an-a' 'tiei:: en 'pehn-a 'o an-a': gbaan' ken dih, 'an mu-ih-' 'duo:, 'on 'ye-uh po: dele' ka, 'on 'ye-uh dih: ku-dih:: neheh'. Eh-: mu-eh: no, 'de nyor⧾: yuh: on: sie:-a 'o, on 'ye 'on 'kwla⧾-' dih 'bhorn, 'de mor nyor⧾: on: se-a: Jueh'-nyor:⧾ 'on 'da-a 'de on 'ye 'an-a: nyor⧾-' 'dhu-eh:. Deh: daa, eh-:: Gwlor: baa': za-a-',: or no-eh, 'de: a yubo:-a deh⧾-a' klehkpeh: daa,: en: za-eh: dee' see. :Yee' 'Jeen-a kpa or-a' wlu 'dlu bo, or 'dae:,: Yee' 'do eh-a' dha, deh: yeh: ne-a 'o 'on: gwlii', eh-: 'dhu, nyor⧾: daa: on: se-a: Jueh'-nyor:⧾ 'de: an 'bili-a-' dih 'noror Nyorsoa bo,: a-a' 'beh-dih:-uh' 'worn dih. Deh: due': a 'ye-a' no,: a 'chle-uh bo,: a 'ye-uh': gwluhuh' zela:, on: ne-' dii-deh:⧾: en 'dhu-dih-eh zuu⧾ gban 'i di.: A mu-uh: gwluhuh' zela:, on: ne-' 'tmeor:⧾: korn-eh buh 'di po. 'De on: ne-': gwlor-nimi-: 'dekorn: 'kwla-nimi-: nyor⧾ 'dba-a,: en se-a nyomor-' 'wluh, 'de: en: dhe-dih:-a nyomor-' dih di, 'dekorn: nyomor 'na-a'-:. Deh no-eh,: Mose'-a' 'tele'-a zlo-eh-' 'de: a-a' 'di: gweh-dih-sla⧾ 'zorn, 'do Nyorsoa-a': gwlee-we-a' klehkpeh 'di, 'de mor eh-a' tubo-wlu⧾-a po-eh-' gwlor⧾ 'di dih: dee' see. :Yee': Yusu'-a'a: dboo-nyor⧾-: 'chore-a' nyor⧾: klaba'⧾-: 'dekorn: 'chore-nyor⧾-a' klehkpeh-: mo-: polo: dhih, on 'ye nyor⧾-kpalu⧾: za 'de on 'klu-', 'de nyor⧾-a' 'jeh: dao', mo-:: Poror'-: 'dekorn:: Bana'ba-: on 'ye 'Antior mu. Nyor⧾ 'sororn' on: za-a, an-a' 'nyne: wor: Juda' an 'da-dih-a: Basa'ba, 'dekorn:: Salor'-:: on no-a: Yusu'-a' dhih 'jeh-': po-nyor⧾-a' nyor⧾: na-dih-nyor⧾-a' nyor⧾ 'sororn'. :Yee' on 'chle 'chlee-deh:, eh-: on 'nyi-uh, on 'ye kpa. 'Chlee-deh-a' 'jeh: daa, eh-a' wlu 'da,: A: mor: Yusu'-a'a: dboo-nyor⧾-: 'dekorn: 'chore-a' nyor⧾: klaba'⧾-:: a: mor: or no-a a-a' 'Klae: de-di'-boi',: a: mor 'ye a-uh, a: mor: or 'dhu-a: a-a' 'Klae: de-di'-boi'-': on 'ti-a 'Antior-: 'Silia-: 'dekorn:: Sele'sia-:: on: se-a: Jueh'-nyor:⧾. :A 'worn-ih': ka nyor⧾ 'wluh-a 'noror: a 'nyne-',: a se-a 'tele' 'nyi, 'de on yi-a 'de a bo, 'de deh⧾ on: za-a-' 'de a bo, en 'beh-dih-a a 'worn dih, 'de en po-a a-a': porluh⧾ 'zorn. :Yee' 'do eh-a' dha,: a 'worn-dih-eh ken dih 'weh,: a 'ye nyor⧾-kpalu:⧾: noo': za, on: ne: Poror'-: 'dekorn:: Bana'ba-:: on no-a: a-a': dhih: kma-nyor⧾, on 'ye 'de a bo yi, :on 'ma-dih:-a an-a' 'meheh'-dhih bo, 'do: a-a': Gwlor: baa': Yusu' 'Klae-a' dhih bo. :Yee' eh-:: korn dhih,: a dbo: Juda'-: 'dekorn:: Salor'-: on 'ye-a deh⧾: a 'chle-a 'de 'chlee-deh:: daa 'di, on 'ye wlu no, on 'ye a: gwluhuh' zela:,: ka en 'dhu-a dhih 'jeh-'. :A mor-: 'dekorn: Gban 'i: ne: Zulu-:: a 'worn-dih-eh ken dih 'weh,: a 'ye 'o 'gbeh⧾-a': yih: daa, 'do a 'dlu po 'klein',: en no-a, A-a': di-' dii-deh:⧾: en 'dhu-dih-eh zuu⧾ gban 'i. A-a' 'na-:-' nyomor. 'De mor a-a': di-': gwlor-nimi-: 'dekorn: 'kwla-nimi-: nyor⧾ 'dba-a,: en se-a nyomor-' 'wluh, 'de: en: dhe-dih:-a nyomor-' dih. A-a': po-' 'tmeor:⧾: korn-eh buh 'di.: Mor eh 'dhu, a: tehn-dih: deh⧾: daa bo dih,: yee' eh mu 'yi dih: nmor 'do a bo.: A 'ye 'ye-dih: o. :Yee' on dbo dboo-nyor:⧾: dao' 'weh, 'de on mu 'Antior.: Yeh on 'si-a dih,: yee' on po 'chore-nyor⧾-a' klehkpeh: dha: due', 'de on: za 'chlee-deh:: dao' 'kwla. :Yeh nyor⧾: dao', on zlo-a 'chlee-deh:: dao',: yee' 'mona 'yi-dih-uh-: dih. Deh no-eh, eh no 'de nyor⧾-a' 'kpih: po-chlee-deh:. :Yee': Juda'-: 'dekorn:: Salor'-:: on: korn-a 'jeh 'yor-eh: no-a Nyorsoa-a' wele-eh:: po-nyor⧾, mo-:: za deh⧾: doru': en 'ye-uh'-a 'kpih bo po, 'de on 'ye-a dih ku. :Yeh on zi-a 'o ti-kpor-bei 'do on bo 'de 'Antior,: yee' an-a' 'Klae: de-di'-boi': on: ne-a 'o, on po-uh: bhorlie' bo, 'de on dbo-uh 'de: yuh: on dbo-uh-a de bo. [ Jorwor:: Salor' polo-eh' 'do or-a' 'jeh: gwlii', or 'ye 'de: sie:.] Jorwor:: Poror'-: 'dekorn:: Bana'ba-: on: sie: 'Antior 'weh, 'de mo-: 'dekorn: nyor⧾: dhulu': noo'-: an torne nyor⧾ deh, 'de an po tubo-wlu:⧾: en kor-a: Gwlor: baa' 'i. :Yee': yeh 'we-kpor-bei: zi-dih:-a 'o ken dih,: yee': Poror': wlu-' 'de: Bana'ba bo, or 'dae:, 'Nyi: a mu de, 'de gwlor⧾-a' klehkpeh: a: yi-dih:-a 'di dih,: eh: korn-a 'de 'di: a: po-dih:-a: Gwlor: baa'-a' tubo-wlu⧾,: a 'ye: a-a' 'Klae: de-di'-boi'-a' klehkpeh: on: ne-a 'de 'ye,: a 'ye 'de on bo dih 'worn. :Yeh or: za-a deh: daa-',: yee': Jororn' an 'da-dih-a 'Make: ke, or-:: Bana'ba-a 'bhorn or 'ye kpa: ke. Jorwor:: Poror': se-eh': toror' 'di 'ye, on 'ye-or' kpa. Deh no-eh, ti on mu-a: zai', or: ne on: se-': koan 'dlu-' jla, or sie-uh: koan kwa dih 'de: Panfi'la, 'de or yi de. Eh-: no-eh, 'de mo-:: ne-a 'sororn', on 'ya-ih'-a wlu ken dih, 'de on: gble-eh:-'. 'De: Bana'ba 'duo: 'Make-', 'de mo-:: ne-a 'sororn', on 'kpa 'de 'ni ken-meheh 'di, on mu 'Sapor. 'De mor: Poror' 'duo:: Salor'-': ke, 'de on mu.: Yeh on 'ye-a' mu,: yee' an-a' 'Klae: de-di'-boi' po-uh 'de: Gwlor: baa' 'kwa, 'de jorwor: an mu: mu. :Yeh: Poror': taa mu,: yee' or: yi-dih: 'Silia-bluhba-: 'dekorn:: Sele'sia-bluhba-: ken, 'de or po 'chore-nyor⧾: on: ne-a 'de 'kpih bo. :Yee': Poror' 'i mu 'Dorbi:. 'De on zi, on mu 'Lesla, 'do: dha: Yusu'-a' klei': zi-yu an 'da-dih-a: Timehte', or 'ti-a. Or 'de no: Yusu'-a' dhih 'jeh-': po-nynor:: ke, 'de or no: Jueh'-nynor. Jorwor: or: baa' no 'Glii-yu:. 'Klae: de-di'-boi'-a' klehkpeh: on: ne-a 'Lesla-: 'dekorn:: Iko'nia-: an 'tmo: Timehte'-a' 'nyne 'jeh: ne. :Poror' 'bhorn or 'ye: Timehte' kpa. Eh-:: korn dhih or 'dba-or: bhlororn'. Deh no-eh,: Jueh'-nyor:⧾: on 'ti-a 'o 'do: dha 'o-a' klehkpeh, on yubo-eh': ka or: baa' 'dhu-a 'Glii-yu-'. :Yeh an no-a 'wluh gwlor 'di, mu gwlor 'di,: yee' 'tele': Yusu'-a'a: dboo-nyor⧾-: 'dekorn: 'chore-a' nyor⧾: klaba'⧾-: on po-a 'de: Julu'slehn,: yee' on za-eh-: 'kwla 'de on bo, on 'ye-eh' 'o dih dhe. :Yee' 'chore-nyor⧾-a' klehkpeh ku-: dih 'de an-a': Yusu'-a' dhih 'jeh-': po-eh 'di, 'de an 'kpuhba ken dih zorn 'o zorn. :Yee': Poror' 'i: yi-dih: 'Fleya-bluhba-: 'dekorn:: Gale'tia-bluhba ken-:. Jorwor: Gban 'i: ne: Zulu: se-' 'worn on 'ye Nyorsoa-a' tubo-wlu⧾ po 'de 'Esea-bluhba ken. :Yeh on nyni-a 'o 'Mesea-bluhba-a' 'dhuna 'i,: yee' an 'bhorn on 'ye 'de: Behfi'nia-bluhba ken mu. Jorwor:: Yusu'-a': Zulu: se-' 'worn, on 'ye-eh' no. Eh-: no-eh, 'de on zi 'Mesea dih, 'de on mu: gwlor an 'da-dih-a 'Tloa 'di. :Yee': yeh glu gor-a,: yee': Poror'-a' 'yli-eh 'kpa deh 'i, 'de or 'ye 'Masordo'nia-yu: due', or-:: nyna dih, 'de or bale-or, or 'da, Yi 'noror: a bo 'Masordo'nia,: on 'ye: a bo 'kpa. :Yeh deh: daa, eh: no-eh 'do: Poror' bo,: yee': a 'bhorn: ka: a 'ye-a' no, 'de: a 'ye-a' 'Masordo'nia mu 'do: dha: due': dao'. Deh no-eh,: a 'worn-dih-eh ken dih 'weh,: ka Nyorsoa 'da-a: a-uh,: a 'ye-a or-a' tubo-wlu:⧾ 'jeh po, 'de nyor⧾: on: ne-a 'de bo. :Yee': a 'kpa 'de 'ni ken-meheh 'di, 'de: a 'wluh 'Tloa,: a mu 'o yobo'-a' dubeh: an 'da-dih-a: Samor'tle ken: dhehehn:.: Yeh zorn zen-a,: yee': a mu: Nia'poli:. :Yeh: a 'wluh-a 'o: neheh',: yee': a mu: gwlor an 'da-dih-a: Fele'pa,: or no-a 'Masordo'nia-bluhba-a' 'for: dao', or-a': gwlor: klaba',: or 'Wloon-nyor⧾ 'ya-a ken, 'de on: korn-a wlu 'ken. 'De: a zi 'o: gwlor: dao' 'di 'we-kpor-bei. :Yee': yeh: a: ne-a 'o, 'de Nyorsoa-a': gwlee-we-eh nyni-a 'o,: yee': a 'wluh 'o gwlor-a' 'yor-eh 'weh, 'de: a mu 'de 'ni: klaba': eh: ne-a 'o worn 'i, 'do: dha: a dhe-a: gwlii',: a mu-a: Jueh'-nyor⧾ 'ye-dih: on 'ye-a' 'de Nyorsoa bo: wlu. 'Do: wor: a: dhe dih, 'de: a: wlu 'de 'nynor⧾-kpao'⧾: on 'kpa-a: dha: due' 'do mor bo. 'Nynor⧾-kpao'⧾: on: dhe-a 'o dih, 'de: an to-a: Poror': dou'⧾ bo, an-a' nyor: due': wor 'Ledia,: or 'wluh-a: Taya'ta,: or za-a Nyorsoa: weheh'. Or plo 'ylii:: nmaa'e:: en: kpe-a gbor, 'de: en 'kpa-a deh ken. Or-a' 'jeh: dao', or-:: korn: porluh:: Gwlor: baa' 'tuh dih, or 'ye dhih: Poror': za-a-' dih kpon. :Yee' or-: 'dekorn: or-a'a: nyor⧾-a' klehkpeh: on: ne-a 'de or 'bli 'gbu-:, on: po-eh: 'ni 'dlu.: Yeh on gweh-a 'ni 'dlu: po-eh 'i,: yee' or 'da: a 'weh 'de or 'bli 'gbu, or 'dae:,: Mor a: zlo-dih: 'on: Gwlor: baa'-a' dhih 'jeh-': po-nyor,: yee' a 'yle, a 'ye 'noror 'on 'bli 'gbu: ko-dih:.: Yeh or 'neh-a: a ken,: yee': a 'worn-'. Eh: korn 'we-eh: due',: yee': a mu 'o: dha: ne-a: due',: Jueh'-nyor⧾-a wlu-dih-a 'de Nyorsoa bo.: Yeh: a mu-a 'o,: yee' 'nynor-kpao'-yu:: or no-a 'ge-yu, 'de: or 'ble-a 'kwla 'ye-dih-deh 'do or 'de, 'de: eh no-eh, 'de or zi-a de, or-:: a: yeh-dih: ken. 'Nynor-kpao'-yu-a' 'jeh: dao', or no 'wlii:: dhulu' 'do de: zi-eh bo, 'do or-a'a: nyor⧾: on korn-or wlu 'ken bo. :Yeh 'nynor-kpao'-yu:: dao', or 'ye-a: a mor-: 'dekorn:: Poror'-:: yee' or zi 'o: a klei' 'weh, 'de or po 'geh⧾, or no, Nyor⧾-kpalu:⧾: daa, on no Nyorsoa: or no-a 'yi 'beh-Nyorsoa, or-a' 'bhoi-nynuu:: an zela: a: gwluhuh': ka: a 'ye-a' no, 'de: a 'ye-a' 'puh. Deh: dao', eh-: or no: noo:, 'do 'we: dhulu' 'di.: Yee': Poror' sea: blaa'a:, 'de or 'bili:-' dih, 'de or: wlu 'de 'kwla 'ye-dih-deh bo, or 'dae:, 'De: Yusu' 'Klae-a' 'nyne 'di, 'an zela: on: gwluhuh', 'wluh 'o or 'de.: Yeh or 'da: ao',: yee' 'do: dha: due'-a' 'jeh: dao', eh 'wluh 'o or 'de 'weh. :Yeh nyor⧾: on: korn-a 'nynor-kpao'-yu:: dao' wlu 'ken, on 'ye-a deh: Poror' no-a, 'de on yubo-eh: ka or kan-a an-a'a: 'wlii: 'ye: gwie 'i,: yee' on kpon: Poror'-: 'dekorn:: Salor'-: 'weh, 'de on 'kla-uh dih, on kpa-uh 'de 'koti-', 'do 'doror'. 'De on kpa-uh 'o 'kwi⧾: klaba'⧾ ybei',: yee' on 'da, Nyor⧾-kpalu:⧾: daa, mo-:: Jueh'-nyor:⧾ 'o. Mo-:: ya 'de: zaa'za dha: a 'bli: gwlor-'. Mo-:: an torne nyor⧾ on 'bli-deh⧾: en se-a 'o: a: mor 'Wloon-nyor:⧾: a-a'a: 'tele'-a': gwie 'i: ne, 'de an 'bhorn: a 'ye-ih' 'worn-dih:,: a 'ye-ih' no. :Yee' nyor⧾-a' klehkpeh: on: ne-a 'o, on 'kpa nyor⧾: yuh: dao' bo, 'de an po: Poror'-: 'dekorn:: Salor'-: dhih 'dlu: ke. 'De 'kwi⧾: klaba'⧾: dao', on chena:: Poror' 'i-a' paa-tiei dih, 'de on chehn 'kpanua', 'de on 'nyi nyor⧾ 'tele' on 'ye-uh' bla. :Yeh on bla-uh-a: blaa:,: yee' on kpa-uh', 'de on po-uh: kasue 'di, 'de on zela: 'yu: or: korn-a 'de: kasue-gbu-a' wlu bo: gwluhuh', or 'ye-uh' 'yli-eh bo 'dhu deh 'jeh, on: ne-' ple. :Yee': yeh or 'worn-a tubo-wlu:⧾: dao',: yee' eh-: no-eh, 'de or po-uh 'de: kasue-gbu-a': chuu:: on: ne-a 'de 'di ka 'di, 'de or po-uh: gbolo-eh buh⧾-'. :Yeh eh 'koan'-dih-a 'o glu-a' gwea dih,: yee': Poror'-: 'dekorn:: Salor'-: an wlu 'de Nyorsoa bo, 'de an ble or-a' 'zio: po-duh⧾ 'do or bo.: Yee' nyor⧾: on: ne on: ne-a 'de: kasue 'di, an to an-a' wlu: dou'⧾ bo. :Yeh an mu-a 'ye-:,: yee' 'bluhba-a tleh-' 'gabaa. Eh-: no-eh, 'de 'do: dha: kasue-gbu: nyna-a dih, 'de 'do-a tleh.: Yee' 'do: dha: due': dao',: kasue-gbu-a': kpaa'⧾-a' klehkpeh kan-dih: worn, 'de 'chen-dubu'⧾: en: ne-a 'de an-a' klehkpeh buh⧾-', 'de en bhehn-dih:. :Yeh eh no: ao',: yee' 'yu: or: korn-a 'de: kasue-gbu-a' wlu bo, or 'wluh 'nyinor:, 'de or: sorn-'.: Yeh or 'ye-a: kasue-gbu-a': kpaa'⧾: florn-a worn,: yee' or jli 'de or-a'a:: bhla 'jlehn kpla-'-: dih, or 'ye or-a' 'jeh 'dba.: Mor or: taa 'ye: dee',: yee' or 'da: kasue-nyor⧾-a' klehkpeh, on ple-'. Jorwor:: yee': Poror' 'wor-', or 'da, 'Bor, 'bor,: an-a': tba-': an-a' 'jeh deh.: A-a' klehkpeh,: a: ne: daa 'weh. :Yeh: Poror' 'da: ao',: yee' 'yu: dao', or 'da nyor⧾ on 'ye-or: dhali-pu⧾: ya.: Yeh on ya-ih-a 'de,: yee' or ple, or: ge-dih: 'de: kasue-gbu 'di 'weh. 'De or 'jli dih 'do: Poror'-: 'dekorn:: Salor'-: ybei', or-a' 'tiei-a tleh. :Yee' or 'si-dih-uh-: 'zorn, 'de or dhele-uh dih, or 'dae:, Nyor⧾: klaba'⧾-a:.: Kaa 'on 'ye no, 'de 'on 'ye 'puh: eh? 'De on 'da, Po: Gwlor: baa': Yusu'-a' dhih dhih 'jeh-'.: Yee': an mu 'puh-:, mor-: 'dekorn:: an-a'a: 'gbu-a' klehkpeh-:. 'De on: za: Gwlor: baa'-a' dhih-' 'de or bo-: 'dekorn: nyor⧾-a' klehkpeh: on: ne-a 'de or 'bli 'gbu bo-:. 'Do glu-we-eh:: dao' 'di, or 'duo:: Poror'-: 'dekorn:: Salor'-: 'weh, 'de or: dle an-a' sene'eh⧾-a': momae. 'De or-: 'dekorn: or-a'a: 'cheh-a' klehkpeh-: on po 'ni 'dlu, 'do: dha: due': dao'. :Yeh or no: ao',: yee' or kpa-uh 'de or 'bli 'gbu 'di, 'de or 'nyi-uh dii-deh⧾ on 'ye di.: Yee' or-a'a: 'cheh-a' klehkpeh, on 'yi-dih: 'mona-'-: dih. Deh no-eh, an-a' klehkpeh, on po Nyorsoa-a' dhih dhih 'jeh: naa. :Yee': yeh zorn zen-a,: yee' 'kwi⧾: klaba'⧾: dao', on dbo an-a'a:: poli'si 'weh, 'de: kasue-gbu-a' wlu 'ken: korn-nyor bo, on 'dhu-uh wlu worn, or 'ye: Poror' 'i dih 'tali:. :Yeh or 'worn-a tubo-wlu:⧾: daa,: yee' or zela:: Poror'-:: gwluhuh', or 'dae:,: A-a'a: 'kwi⧾: klaba'⧾ dbo wlu 'noror 'on bo, on 'da, 'on 'tali: a dih, a 'ye mu. A 'kpa 'o, a 'ye mu: naa, 'de: porluh-a' dih 'pehn ka 'di o. :Yeh or 'da: ao',: yee': Poror': wlu-' 'de: poli'si:: on: dbo-eh bo, or 'dae:, 'Kwi⧾: klaba'⧾: daa, on: se-': a-a' zabe zi, 'de on bla: a-uh 'do: gwlor: gwea. Keen': mloror': a: mor 'Wloon-nyor⧾-a' nyor⧾: oo', jorwor: on bla: a 'weh, 'de on po: a: kasue 'di.: Yee' jorwor: an 'bhorn on 'ye: a dih 'tali:: weheh:,: a 'ye mu 'de 'zile: ka 'di: naa: e? 'Kei:.: A: se-' 'worn. 'Nyi an-a' 'jeh 'yor-eh 'yle, on 'ye 'de: a: kasue 'di: za 'do: gwlor-nyor⧾-a' klehkpeh ybei'. :Yee': poli'si:: dao', on mu-: de, 'de on po kuna' 'de 'kwi⧾: klaba'⧾: dao' bo.: Yee': yeh on 'worn-ih'-a: ka: Poror' 'i 'dhu-a 'Wloon-nyor⧾-a' nyor⧾-',: yee': fano: 'kpa 'de on 'di 'weh 'gabaa. Eh-: no-eh, 'de on mu 'de on bo 'de: kasue 'di, on bale-uh, on za-uh 'de: kasue 'di. 'De an bale-uh on 'ye 'o: gwlor-' 'wluh. :Yee': yeh: Poror'-: 'dekorn:: Salor'-: on 'wluh-a 'de: kasue 'di,: yee' on mu 'de 'Ledia 'bli 'gbu. 'Do: wor on: ne 'Klae: de-di'-boi' 'gbon-dih:, 'de: Poror' 'i: wlu 'de on bo, 'de deh on: za-a-' 'de on bo, eh po 'de an-a' 'kpih.: Yeh on no: ao',: yee' on mu-'. :Yee': Poror'-: 'dekorn:: Salor'-: on: yi-dih:: gwlor⧾ an 'da-dih-a: Anfi'poli-: 'dekorn: 'Apolo'nia-: 'de jorwor: on mu 'Tehsolo'nika-gwlor 'di, 'do: dha: Jueh'-nyor⧾-a' 'di: gweh-dih-sla: ne-a. :Yeh on 'si-a 'o dih,: yee' deh: Poror'-a no-a 'do ti-a' klehkpeh bo, eh-: or no. Or mu 'de 'sla: dao' 'zorn: ke. Or no 'de-a' mu-a' kpor⧾ taan 'do: gwlee-we-eh-a' 'dlu⧾ kpor⧾ taan 'di. 'De or: ne on mor-: an 'chleh 'de Nyorsoa-a' 'chlee-deh 'di dih. 'De or zela: Nyorsoa-a' 'chlee-deh-a' dhih ken dih, 'de or zlo eh-a': dha eh: za-dih-eh gbor: ka Nyorsoa-a' 'taan'-yu: korn or 'ye-a' 'kle 'ye: gbor: gbor, 'de jorwor: or 'ye-a' 'de nma-dih-deh 'di 'wluh. 'De or zela-uh: gwluhuh', or 'da,: Yusu': daa, or-:: korn dhih: oo', 'an za-a-' 'de a bo, or-: 'dhu Nyorsoa-a' 'taan'-yu-'. :Yeh: Poror': za-a deh: dao',: yee': Jueh'-nyor:⧾: noo', mo-: po deh or: za-a-' dhih 'jeh-', 'de on 'kpa-uh bo. 'Ka: wor 'Glii-nyor:⧾: dhulu': an za-a Nyorsoa: weheh'-: 'dekorn: 'nynor⧾-kpao'⧾: klaba'⧾: noo'-: on no: ke. :Yeh eh no: ao',: yee': gwlehehn' 'kpa 'de: Jueh'-nyor⧾-a': yuh: on se-a: Yusu'-a' dhih dhih 'jeh-' po 'di 'weh. 'De on mu 'o 'doror', on po nyor⧾: an na-a 'o yaa'e: on se-a noo-deh: korn, 'de: an no-a deh⧾-zon⧾: dha: due'. Mo-:: za 'kpunu: 'kpun 'blo 'do: gwlor-'. 'De on: ge-dih: 'de 'Jesorn 'bli 'gbu, on mu: Poror'-: 'dekorn:: Salor'-: 'kwla⧾-' dih 'bhorn 'da, on 'ye-uh 'noror: gwlor-nyor⧾ 'nyne-': ya. Jorwor:: yeh on se-uh-a 'ye,: yee' on kpon 'Jesorn-: 'dekorn: 'Klae: de-di'-boi': noo'-: 'weh, 'de on 'kla-uh dih, 'do gwlor-a' 'kwi⧾: klaba'⧾ ybei'. 'De an po 'geh⧾, an no, Nyor⧾-kpalu:⧾: daa,: an 'chlin-dih-a 'bluhba⧾-a' klehkpeh 'i, mo-: 'o: on yi: daa: a 'bli 'bluhba ken: naa. An-a' 'jeh: dao', mo-: 'o 'Jesorn kpon-dih 'de or 'bli 'gbu 'di. 'De an-a' klehkpeh, an vlehn 'Wloon-nyor⧾-a' 'keen-a' 'tele', on 'da, 'Keen: noror', or-:: ne: daa, or-:: korn 'nyne 'dhu: Yusu'-'. :Yee': yeh gwlor-a' 'kwi⧾: klaba'⧾: dao'-: 'dekorn:: gwlor-nyor:⧾: dhulu': on: ne-a 'o-:: yeh on 'worn-a deh: dao',: yee' on 'kpa 'o: dhlumeh': po 'da 'weh. :Yee' gwlor-a' 'kwi⧾: klaba'⧾: dao', on 'da 'Jesorn 'i: ya 'de: dhama'-wlii.: Yeh on: to-a 'o 'wlii:: dao',: yee' on 'tali-uh-: dih, 'de on mu. :Yee': yeh glu gor-a,: yee' 'Klae: de-di'-boi': on: ne-a 'o, on dbo: Poror'-: 'dekorn:: Salor'-: 'de: gwlor an 'da-dih-a: Behli'a 'di.: Yeh on 'si-a: gwlor-' dih,: yee' on mu 'de: Jueh'-nyor⧾-a' 'di: gweh-dih-sla 'zorn. Jorwor: nyor⧾: on: ne-a: Behli'a, an-a': porluh⧾: florn ken dih,: eh: zi 'o nyor⧾: on: ne-a 'Tehsolo'nika. 'De Nyorsoa-a' tubo-wlu:⧾: Poror' po-a, on kpon-ih-: dih: glii:, 'de: porluh-a' dih 'pehn ka 'di. 'De mor 'gwie-:: glaa'e-: an 'chleh 'de Nyorsoa-a' 'chlee-deh 'di-: dih, on 'ye-eh' yubo:: eh beh dhih: Poror'-a za-a-', dhih 'jeh: oo'-:. :Yee': Jueh'-nyor⧾-a': dha: dhulu', mo-: po: Yusu'-a' dhih dhih 'jeh-'. 'Ka: wor 'Glii-nynor⧾-kpao'⧾: noo': on: korn-a 'nyne nyor⧾ yubo:-a-: 'dekorn: 'Glii-nyor⧾-kpalu:⧾: dhulu'-: on no: ke. Jorwor:: yeh: Jueh'-nyor:⧾: on: ne-a 'Tehsolo'nika, on 'worn-ih'-a: ka: Poror'-a po-a Nyorsoa-a' tubo-wlu⧾ 'de: Behli'a,: yee' on mu 'de 'weh: ke, on 'ye nyor⧾: dhulu': dao': on: ne-a 'de, worn 'dhu-dih:, eh 'ye an-a': porluh⧾ ya gba, on: ne-': Poror': dou'⧾ bo: to. Jorwor: 'do: dha: due': dao',: yee' 'Klae: de-di'-boi': dao', on dbo: Poror' 'de yobo' worn 'i. Jorwor:: Salor'-: 'dekorn:: Timehte'-: on: sie: 'de: Behli'a 'weh. Nyor⧾-kpalu:⧾: on kpa-a: Poror': gwie 'i, on kpa-or: chio'lo:, 'de on: nynia-dih-or 'de 'Atehn, 'de jorwor: an mu de: yi.: Yeh an yi-a de,: yee' or tubo-uh',: Salor'-: 'dekorn:: Timehte'-: on 'ye 'dhobo: on 'ye-or ken dih yi. :Yee': yeh: Poror'-a fuo-uh-a 'ken 'do 'Atehn-gwlor 'di,: yee' or-a': porluh 'kpa-: 'zorn 'gabaa, or 'ye zuu⧾ 'ye en 'ye: ao': dhie: 'do: gwlor: dao' 'di. :Yee' eh-: no-eh, 'de or: ne: Jueh'-nyor⧾-: 'dekorn: 'Glii-nyor:⧾: an za-a Nyorsoa: weheh'-: 'de an dhobo 'de: Jueh'-nyor⧾-a' 'di: gweh-dih-sla 'zorn, 'dekorn: 'do 'doror' zorn 'o zorn, nyor⧾ or yeh-dih-a 'o, mo-:: ne or dhobo: ke. :Yee' 'Ehpikoli'-nyor⧾-a' kpor-: 'dekorn:: Soto'i-nyor⧾-a' kpor-:: an torne-a nyor⧾ deh, mo-: 'kpa 'o or-a' bo dhobo: 'da: ke. An-a' nyor⧾: noo' dhele-eh-: dih, on 'dae:, Deh 'i-deh: 'yu: daa,: or 'chean'-a: wlu-a' or: za-a-': eh? Nyor⧾: noo' 'da, Eh gweh, deh or za-a-', or 'bhorn nyor⧾ 'ye 'o nyorsoa⧾: nee' klei' zi: deh. Deh: korn-a dhih on: za-a deh: daa-', eh-: 'dhu,: Poror' po tubo-wlu:⧾: en kor-a: Yusu'-: 'dekorn: or-a' nma-dih-deh 'di 'wluh-dhih 'i-:. :Yee' on 'da: Poror' 'weh, 'de or: ne on mu 'o 'Alea'pa-nyor⧾-a' 'gbon-dih: 'da, 'do: dha an zi-dih-a zabe. 'Do: wor on dhele-or dih, on 'da, Deh: dele': daa: an torne-a nyor⧾, deh eh 'dhu-eh:-': a 'bhorn: a 'ye-eh' yubo:. Deh no-eh, deh⧾: an za-a-',: a 'see-ih 'worn: tehn 'i.: Yee' eh-a' dhih,: a 'bhorn deh⧾ en: bleh-dih:-a 'i,: a 'ye-ih yubo:. Deh: korn-a dhih on: za-a deh: daa-', eh-: 'dhu, 'Atehn-nyor⧾-a' klehkpeh-: 'dekorn: 'duhba:⧾: on 'ti-a 'o-: an 'duo an-a' ti-a' klehkpeh-', an za dhih: dele'-', 'dekorn: dhih: dele'-a': dou'⧾ bo: to-eh-:. :Yee': yeh on: ne: Poror' 'gbon-dih:-a 'do mor,: yee' or: sorn-' 'weh, 'de or: nyna dih 'do on ybei'. 'De or: wlu 'de on bo, or 'dae:, A: mor 'Atehn-nyor⧾-kpalu:⧾. 'On yubo-eh': ka a chehn-a 'de nyorsoa⧾ 'doror: 'dor: weheh': za-eh bo 'gabaa. Deh no-eh,: yeh 'on yi-a dha a 'bli: gwlor-', 'de 'on: na-a dih: naa:, 'de 'on pobo:-a deh⧾ a za-a: weheh' ya,: yee' 'chlee'-deh:⧾: daa: en no-a, Eh: korn 'de Nyorsoa: a se-a yubo: bo, me-: 'on 'ye 'do a-a'a: nyorsoa⧾-a' 'slaa ken: za-dih-deh⧾-a' deh: due' 'bhun.: Yee' nyorsoa: dao' a se-a yubo:, 'de a za-a: weheh', or-:: korn dhih 'an yi-': za 'da: naa 'de a bo. Nyorsoa: or no-a 'bluhba-: 'dekorn: deh⧾-a' klehkpeh: en: ne-a dha 'bluhba ken-: or-: 'dhu: Gwlor: baa': or: korn-a 'de yai'-: 'dekorn: dha yao 'zorn-: wlu 'ken. 'De mor or-a' 'ti 'sla⧾: gwlor-nyor⧾-a' son⧾ po-a 'di dih. 'De mor or: se-' deh 'bhorn 'de: gwlor-nyor⧾ 'kwa,: eh 'ye-or': za-dih:. Deh no-eh, or-: no: gwlor-nyor⧾-a' klehkpeh, 'de or 'nyi-uh: febeh'-: 'dekorn: deh⧾-a' klehkpeh-:. 'Do: gwlor-nyor: due' ken: oo', or tba-dih 'de or no 'dawor'⧾-dlu⧾-a' klehkpeh: en: ne-a dha yao 'zorn, on 'ye 'bluhba⧾-a' klehkpeh yobo' po-a 'de: gle 'gbeheh 'di ken dih 'ti, 'de on 'ye-ih: korn. Or: due': dao', or-: chehn ti 'dawor'⧾-dlu⧾-a' klehkpeh mu-a dha yao 'zorn-a': gwle-a': no, 'de or po 'dhuna⧾ dih: ka on 'ye-a' 'ti-a' no. Nyorsoa no deh: daa 'weh, 'de: gwlor-nyor⧾ 'ye-or 'kwla⧾-' dih 'bhorn, 'de on 'ye dih boleh: 'bla, on 'ye-or ken: yeh-dih:, on 'ye-or 'ye. Or se: a bo dih: tehn-dih:. 'De mor, 'de or-a' 'kpih 'di, 'do: wor: a: ne-dih: 'kmo-', 'de: a na-dih,: a no: gwlor-nyor⧾. 'Ka-: a-a' deh 'chle-nyor:⧾: noo' no eh-a': za-a': ke, on 'da,: A: mor or-a' 'nynuu: 'o. :Yee' eh-a' dhih,: ka: a 'dhu-a or-a' 'nynuu-',: yee': a-a': na-dih-eh:-': gwluhuh' dih,: eh: mor Nyorsoa gweh zuu:⧾: gwlor-nyor⧾ no-a 'sleh, on ma-a, en-' deh,: en no-a 'goo:: kpuan'⧾-: 'sebla:: kpuan'⧾-: 'dekorn: sobu'⧾-:. :Tehn 'i: dee', ti: gwlor-nyor⧾ se-a deh 'i yubo:, 'de an no-a deh⧾: dao',: yee' Nyorsoa: se-eh' deh 'da-dih:. Jorwor:: kana: naa, or zela: nyor⧾-a' klehkpeh: on: ne-a deh⧾-a' klehkpeh-: dih: gwluhuh', on 'ye an-a' deh⧾-zon⧾ dih 'tali:, 'de on 'ye 'de or bo 'bili:. Deh no-eh, or: dhe-dih: 'we-eh 'for 'i, or mu-a nyor⧾-a' klehkpeh: on: ne-a dha yao 'zorn, an-a' zabe: zi-dih:, 'de 'yi 'sleh ka 'di. Nyor-kpalu:: or mu-a zabe:: dao': zi, or tba-or: jii-eh 'weh. 'De or za-eh gbor 'de: gwlor-nyor⧾-a' klehkpeh bo, 'do nyor-kpalu-a' 'jeh: dao', or-a' nma-dih-deh 'di: za-eh bo. :Yee': yeh on 'worn-a deh: Poror': za-a-': eh 'dhu-a 'meh 'wluh 'de-deh-',: yee' an-a' nyor⧾: noo'-a wla-dih-or'. 'De: noo' 'da,: A 'bhorn: on 'ye deh: on: za-a-', de: za: neheh' 'do ti: nee' 'di,: a 'ye-eh 'worn. :Yeh on no: ao',: yee': Poror' 'wluh 'de on 'nyne-' 'weh, 'de or mu. Nyor⧾: noo' 'kpa-or bo, mo-: po: Yusu'-a' dhih dhih 'jeh-'. Nyor⧾: dao': on po-a: Yusu'-a' dhih dhih 'jeh-', 'de on 'nyne-', 'do: wor 'yu: due' an 'da-dih-a 'Dayorne'sia: or no-a 'Alea'pa-nyor:⧾: dao', an-a' nyor: due', 'do: wor or: ne, 'dekorn: 'nynor: due' an 'da-dih-a: Dama'na,: korn mor nyor⧾-a' kpor: noo'-:. :Yeh eh no: ao',: yee': Poror' 'wluh 'o 'Atehn 'weh, 'de or mu 'o: gwlor an 'da-dih-a 'Korli 'di. 'Do: wor or: yeh-dih:: Jueh'-yu: due' an 'da-dih-a: Akwi'la,: or 'wluh-dih:-a 'Pantor-bluhba ken. Or-: 'dekorn: or-a'a: 'nynor: Plosi'la-: on 'wluh-a 'Etole-bluhba ken, eh 'see 'o gwle. Deh no-eh, 'de on 'wluh-a 'o, eh-: 'dhu, 'Wloon-nyor⧾-a' 'keen Klordior' 'da or: se-': Jueh'-nyor⧾-a' 'ye-a' 'bhorn 'de 'Wloon-gwlor-'.: Yeh on yi-a 'de,: yee': Poror' mu-uh 'ye 'da. 'De or: dhe 'o on bo dih, or 'kpa-uh bo, an dba 'taa: 'por⧾ nyor⧾-a po-dih-a: gbalie⧾. Deh no-eh, or no 'taa: 'por⧾: dba-nyor:: ke. 'Do Nyorsoa-a': gwlee-we-a' klehkpeh bo,: mor on 'gbon-dih: 'de: Jueh'-nyor⧾-a' 'di: gweh-dih-sla 'zorn,: yee': Poror': ne: Jueh'-nyor⧾-: 'dekorn: 'Glii-nyor⧾-: an dhobo-'. Or vorn-', or 'ye-eh' no, on 'ye dhih or za-a-', dhih 'jeh-' po. :Yeh: Salor'-: 'dekorn:: Timehte'-: on 'wluh-a 'Masordo'nia, 'de on 'si-a dih,: yee': Poror' 'duo: or-a' ti-a' klehkpeh-', 'de or po Nyorsoa-a' tubo-wlu⧾ 'de: Jueh'-nyor⧾ bo,: ka: Yusu' 'dhu-a Nyorsoa-a' 'taan'-yu-'. Jorwor: dhih: Poror': za-a-', on: se-ih' 'worn-dih:, 'de an 'jle-dih-or.: Yeh on no: ao',: yee' or 'gbabo: or-a'a: 'tiei: or pa-a-'-: dih, eh 'ye-uh 'i: to-dih:: ka Nyorsoa: za-a an-a' deh son 'di. 'De or: wlu 'de on bo, or 'dae:,: Mor a 'ma,: yee' nyor-a': kpa-ih' nyor 'i. A kpa-ih a-a' 'jeh 'yor-eh 'i. 'On: se-' ka 'da o.: Eh 'wluh-a dha ti: daa 'i, nyor⧾: on: se-a: Jueh'-nyor:⧾, mo-:: korn 'de bo, 'an mu: mu. :Yee': yeh: Poror' 'wluh-a 'o on bo,: yee' or mu 'de nyor-kpalu: due' an 'da-dih-a 'Tisior: 'Jehtor 'bli 'gbu 'di,: or za-a Nyorsoa: weheh'. Or-a'a: 'gbu: ne 'o: Jueh'-nyor⧾-a' 'di: gweh-dih-sla:: dao' 'bhun. :Yee' 'yu: due' an 'da-dih-a 'Klepor,: or: korn-a 'de 'di: gweh-dih-sla:: dao' wlu bo, or-: 'dekorn: or-a'a: 'gbu-a' klehkpeh-: on po: Gwlor: baa'-a' dhih dhih 'jeh-'. 'De nyor⧾: dhulu': noo': on: ne-a 'Korli-gwlor-',: on 'worn-a Nyorsoa-a' tubo-wlu:⧾: Poror' po-a,: yee' on po-ih' dhih 'jeh: ke, 'de on: po 'ni 'dlu. Glu-we-eh: due',: yee': Poror'-a' 'yli-eh 'kpa deh 'i, 'de: Gwlor: baa': wlu 'de or bo, or 'dae:,: An-a': ple-': fano.: Ka: an no-a: wlu-a': chio'lo:, 'ka: wor: on 'ye no.: An-a': sea:-'. 'On: ne 'o: on bo 'weh: chio'lo:. Eh se nyor: korn: or 'ye-a 'de: on ya 'kpa,: or 'ye-a: on deh tba dha: gwlor: daa 'di. Deh no-eh, 'on 'ble nyor⧾: dhulu' dha mor. :Yeh eh no: ao',: yee': Poror': ne 'o: gwlor: dao' 'di 'weh 'do zon: due': gbor: tile 'di. Or torne nyor⧾ Nyorsoa-a' wlu. :Yee' ti 'yu: due' an 'da-dih-a 'Galior, or no-a 'Wloon-nyor⧾-a' nyor⧾ wlu 'ken: korn-nyor 'do: Ehki'a, 'do: wor: Jueh'-nyor⧾ 'kpa-dih:: dha: due', 'de on kpon: Poror', on kpa-or 'de 'koti-'. 'De on 'da, 'Yu: daa, or-: 'bili:: a-a' nyor⧾-a' 'dlu⧾ dih, 'de on 'ye Nyorsoa: weheh': za-eh:: eh se-a 'o: a-a'a: 'tele'-a': gwie 'i: ne no. :Yeh: Poror'-a yi-a: wlu 'da,: yee' 'Galior: wlu-' 'de: Jueh'-nyor⧾ bo, or 'dae:,: Mor zabe:: daa: en: korn-a: jii-eh: a: ya-a: 'de, en 'dhu deh 'kor-dih-zabe-', 'de mor,: mor en 'dhu 'kulu-deh:: no-zabe-',: yee' 'an mu: porluh dih: kpon, 'de 'on 'ye a: dou'⧾ bo: to. Jorwor:: ka zabe:: daa, en 'dhu-a wlu⧾-a' dhih-' dhobo-zabe-: 'nyne-a' dhih-' dhobo-zabe-: 'dekorn: a-a' 'jeh 'yor-eh-a'a: 'tele'-a' dhih-:: yee' a-a' 'jeh 'yor-eh zi-ih. 'On: se-' zabe:: en: ne: ao', en-' zii-nyor: no i. :Yeh or 'da: ao',: yee' or no-uh-: dih, or za-uh 'de 'koti-'. :Yeh 'Galior no-uh-a dih,: yee' an-a' klehkpeh, on kpon 'yu an 'da-dih-a 'Sortehneh 'weh,: or: korn-a 'de an-a'a: 'di: gweh-dih-sla-a' wlu bo, 'de on bla-or 'do 'koti: dao' ybei'. Jorwor: deh⧾: dao' on no-a, 'Galior: se-ih': dou'⧾ bo: to. :Yee': Poror': ne 'o 'Klae: de-di'-boi': dao' bo, 'do 'we: dhulu' 'di, 'de 'Korli.: Yeh or zi-a 'o 'we: dhulu',: yee' or-:: Plosi'la-: 'dekorn:: Akwi'la-: on 'kpa: gwie 'i, on 'ye 'Silia-bluhba ken mu.: Yeh on 'si-a 'Sehkia dih,: yee': Poror' 'kploror: or-a' 'dlu 'weh. Deh no-eh, or po wlu: dhama'-' 'de Nyorsoa bo.: Yee' on 'kpa 'de 'ni ken-meheh 'di, 'de on 'kpa 'Silia: gwie 'i. :Yeh on 'si-a 'Ehfesor dih,: yee' 'do: wor: Plosi'la-: 'dekorn:: Akwi'la-: on 'wluh-dih: 'o: Poror' klei', 'de or mu 'de: Jueh'-nyor⧾-a' 'di: gweh-dih-sla 'zorn. Or mu: manua:: bla 'da 'de: Jueh'-nyor⧾ bo, 'do: Yusu'-a' dhih bo. :Yee': yeh an bla: manua,: yee' an bale-or', or 'ye 'o on bo 'we: nee' zi. Jorwor: or: se-' 'worn. 'De or kpa-uh wlu, or 'dae:,: Mor Nyorsoa 'worn,: yee' 'an mu de: yi.: Yeh or 'da: ao',: yee' or 'kpa 'de 'ni ken-meheh 'di, or 'wluh 'o 'Ehfesor. :Yeh or 'si-a 'Sehsali'a dih,: yee' or chehn 'o-:: dhie', or mu: Julu'slehn. Or mu 'chore-nyor:⧾: ne-a 'de ken: yeh-dih: 'da, 'de jorwor: or mu 'Antior: mu. :Yee': yeh or zi-a 'o 'we-kpor-bei 'do 'Antior,: yee' or 'wluh 'o 'weh, or no 'wluh: dha: noror', mu: dha: noror', 'de or gweh: Gale'tia-bluhba-: 'dekorn: 'Fleya-bluhba-: en-' klehkpeh 'dlu, 'de or po 'de: Yusu'-a' klei': zi-nyor⧾-a' klehkpeh-a' 'kpih. :Yee' 'do ti-a' 'jeh: dao' bo,: yee': Jueh'-yu: due' an 'da-dih-a: Apor'lor,: or 'wluh-dih:-a 'do 'Ehlezan'dla-gwlor 'di, or-: mu 'Ehfesor. Or no nyor: or yubo:-a: wlu-a' deh 'jeh neh, 'de: or yubo:-a Nyorsoa-a' 'chlee-deh, or gweh-eh 'zorn deh 'jeh. Nyor⧾: torne-or: ka or 'ye-a: Gwlor: baa'-a' 'de: na-eh no 'weh: zai'. 'De or: ne neh ken, or: wlu 'de nyor⧾ bo, or torne-uh: Yusu'-a' dhih, 'de 'yi 'sleh ka 'di. Jorwor:: Jororn'-a' nyor⧾ 'ni 'dlu: po-tubo-wlu⧾: due', me-: or yubo:. :Yee' or: za: fano: gwlii', 'de or 'kpa: wlu-a' ken 'de: Jueh'-nyor⧾-a' 'di: gweh-dih-sla 'zorn, 'de: gwluhuh': ku ka 'di.: Yee': yeh: Plosi'la-: 'dekorn:: Akwi'la-: on 'ye-a: ka or no-a: wlu-a',: yee' on kpa-or 'gbu bo, 'de on zela: Nyorsoa-deh ken dih 'de or bo, deh 'jeh,: eh: zi 'o: zai' neh-'. :Yee': Apor'lor 'bhorn: Ehki'a-bluhba ken: mu-eh:.: Yeh 'Klae: de-di'-boi': on: ne-a 'Ehfesor, on 'worn-ih'-a,: yee' an po 'de or-a' 'kpih, or 'ye mu, 'de on 'chle: Yusu'-a' klei': zi-nyor:⧾: on: ne-a 'de: Ehki'a bo, on 'ye-or dih kpon: glii:.: Yeh or 'si-a 'o dih,: yee' eh no-': za-dih-eh:: klaba' 'do nyor⧾ Nyorsoa-a' mla no-eh, 'de: on 'dhu-a: Yusu'-a' dhih 'jeh-': po-nyor⧾-' bo. :Ka or no-a an-a': za-dih-eh, eh-: 'dhu, dhobo-eh: or: ne: Jueh'-nyor⧾ dhobo:-a dih 'gabaa, 'do: gwlor: gwea, or za-eh-: gbor 'de Nyorsoa-a' 'chlee-deh 'di,: ka: Yusu' 'dhu-a Nyorsoa-a' 'taan'-yu-'. :Yee': yeh: Apor'lor: ne-a 'Korli,: yee': Poror': yi-dih: 'bluhbor dih, 'de tluh⧾ 'nyne-', or mu 'Ehfesor. 'Do: wor or: yeh-dih:: Yusu'-a' klei': zi-nyor:⧾: noo'. 'De or dhele-uh dih, or 'dae:, Ti a po-a: Yusu'-a' dhih dhih 'jeh-',: yee' a 'ye Gban 'i: ne: Zulu 'weh: e? 'De on 'da, 'Kei o.: A 'see Gban i: ne: Zulu-a' dhih 'worn: zai'. :Yeh on 'da: ao',: yee': Poror' dhele-uh-: dih, or 'da,: Yee' 'ni 'dlu: po-eh-a': yeheh a no 'da: eh? 'De on 'da,: Jororn'-a': neh 'o o. :Yeh on 'da: ao',: yee': Poror': wlu-' 'de on bo, or 'dae:,: Jororn': po nyor⧾: on 'tali:-a an-a' deh⧾-zon⧾ dih, 'de: on 'bili:-a-' dih 'de Nyorsoa bo 'ni 'dlu. 'De or zela-uh: gwluhuh' on 'ye nyor: or mu-or ken dih: yi, on 'ye or-a' dhih dhih 'jeh-' po. Nyor-a' 'jeh: dao', or-a' 'nyne: wor: Yusu'. :Yeh on 'worn-a deh: Poror': za-a-',: yee' on: po-eh: 'ni 'dlu 'de: Gwlor: baa': Yusu'-a' 'nyne 'di. 'De: Poror' tba-uh son⧾ ken dih. 'De Gban 'i: ne: Zulu 'kpa-uh ken.: Yee' an po wlu⧾ 'doror: 'dor,: en Gban 'i: ne: Zulu 'nyi-uh-a, on 'ye-a' po, 'de an po Nyorsoa-a' wele-eh. Nyor⧾-a' 'jeh: dao', on 'beh-dih: on 'ye nyor⧾-kpalu⧾-a': bhue: 'yor 'sororn' no. :Yee' 'do 'chuh⧾ taan 'di, 'ka-:: Poror'-a mu 'de: Jueh'-nyor⧾-a' 'di: gweh-dih-sla 'zorn. 'De or wlu-dih 'de, 'de: gwluhuh': ku ka 'di, 'de or: ne an dhobo 'gabaa 'do Nyorsoa-a' nyor⧾ wlu 'ken: korn-eh-a' dhih bo. Or vorn-', or 'ye-eh' no, on 'ye dhih or za-a-', dhih 'jeh-' po. Jorwor: nyor⧾: noo'-a' 'dlu⧾: kmu-'. An-a' 'worn, an-a' po-ih' dhih 'jeh-'.: Yee': Gwlor: baa'-a': gwie:, eh-: an po yaa'e 'do nyor⧾ ybei'. Eh-: no-eh, 'de: Poror' 'wluh 'o on bo.: Yeh or: taa 'o on bo 'wluh,: yee' or kpa nyor⧾: an zi-a 'o: Yusu' klei' 'weh, 'de: chuu:: Tila'nor wlu-dih-a 'de nyor⧾ bo 'di. 'De or wlu 'de on bo, zorn 'o zorn. Deh: dao', eh-: or no 'do zon⧾ 'sororn' 'di. Eh-: no-eh, 'de nyor⧾-a' klehkpeh: on: ne-a 'de 'Esea-bluhba ken,: Jueh'-nyor⧾-: 'dekorn: nyor⧾: on: se-a: Jueh'-nyor⧾-: 'de an-a' klehkpeh 'worn tubo-wlu:⧾: en kor-a: Gwlor: baa' 'i. :Yee' Nyorsoa: yi-dih:: Poror'-', 'de or no deh⧾: kolu'⧾ nyor⧾ 'see-a 'ye: zai'. :Yee': Poror'-a'a: 'paa-dih-': po-taba⧾-: 'dekorn: 'ylii-for:⧾ or po-a: gwlii' dih-:: en 'tuh-a or-a' ku dih, me-: nyor⧾-a dbo 'de puhba-nyor⧾ bo.: Mor puhba-nyor⧾ 'tuh-ih dih,: yee' an-a' puhba-deh⧾ 'bor-', 'de 'kwla 'ye-dih-deh⧾-a 'wluh 'o nyor⧾: noo' 'de. :Yee': Jueh'-nyor⧾-a' nyor⧾: noo', mo-:: an na deh⧾-' dih, 'de an za nyor⧾ 'kwla 'ye-dih-deh⧾ 'de.: Yee' nyor⧾-a' 'jeh: dao',: mor on: taa-eh no,: yee': Gwlor: baa': Yusu'-a' 'nyne, me-: an 'bhorn on 'ye no: dee', 'de an wlu 'de 'kwla 'ye-dih-deh bo, on 'da,: Mor 'kwla 'ye-dih-deh:: daa, 'wluh 'o 'yu: daa 'de, 'de: Yusu' 'Klae-a' 'nyne 'di,: or: korn-a dhih: Poror'-a za-a-'. :Yee': Jueh'-yu: due' an 'da-dih-a 'Siva: or no-a Nyorsoa-a' 'slaa:: za-nyor:⧾: klaba'⧾-a' nyor: due', or-a'a: nyor⧾-kpalu⧾-nynuu:: on: ne-a: meheh' 'sorn or 'wluh-a, mo-: 'o: an no deh: dao'. :Yee': yeh an no: ao',: yee' 'kwla 'ye-dih-deh: wlu-' 'de on bo, eh 'da, 'On yubo:: Yusu': mloror' 'weh. 'De mor 'on yubo:: Poror'-a' dhih 'weh: ke. Jorwor: deh 'i-deh-nyor:⧾ a: mor: mloror', a 'dhu-eh:-': eh? :Yee' nyor-kpalu:: or 'kwla 'ye-dih-deh: ne-a 'o 'de, or 'kpa 'de on ya, 'de jorwor: or za-uh gla. 'De on: chehn 'kpanua', an 'wluh nyomor-', on ple, on 'wluh 'de 'gbu 'di. :Yee': Jueh'-nyor⧾-: 'dekorn: nyor⧾: on: se-a: Jueh'-nyor⧾-:: on 'ti-a 'Ehfesor,: yeh on 'worn-a deh: dao',: yee' an-a' klehkpeh, on 'kpa-': fano:. 'De an 'beh-dih: Gwlor: baa': Yusu'-a' 'nyne 'i. :Yee' an-a': dha: dhulu': on: po-eh dhih 'jeh-', on: nyna dih 'de nyor⧾ 'nyne-', 'de an za an-a' 'jeh-a' deh⧾-zon⧾ gbor. :Yee' an-a' nyor⧾: noo': on di-a gu, on: ya 'de an-a'a: gu-chlee-deh⧾-a' klehkpeh: dha: due', 'de on po-ih 'yli 'do nyor⧾-a' klehkpeh ybei'.: Yeh on zlo-a 'chlee-deh:⧾: dao' on po-a 'yli,: yee' en-': dhen-dih-wlii no 'sebla-wlii-a' 'wlu-a': kwlaa: mm'. :Yee' deh⧾: daa: en mu-a 'dlu bo, en-' dhih, 'de: Gwlor: baa'-a' wlu gweh deh⧾-a' klehkpeh-a' dih 'dlu, 'de an ku, 'de on: ne 'kpih ken. :Yee': ka deh⧾-a' klehkpeh: daa, en mu-a 'dlu bo, 'de en zi-a,: yee': Poror' polo-eh 'do or: gwlii', or 'ye 'Masordo'nia-bluhba-: 'dekorn:: Ehki'a-bluhba-: ken: yi-dih:, 'de jorwor: or 'ye: Julu'slehn mu.: Yee' or 'da,: Mor 'on 'wluh: Julu'slehn,: yee' 'on: korn 'on 'ye 'Wloon-gwlor mu: gbor: gbor. :Yeh or no: ao',: yee' nyor⧾: an 'kpa-or bo, or: za 'de on 'klu-' nyor⧾ 'sororn' an 'da-dih-a: Timehte'-: 'dekorn:: Ila'tor-: 'de or dbo-uh ybei' 'de 'Masordo'nia-bluhba ken, 'de jorwor: or-a' 'jeh 'yor-eh: sie: 'de 'Esea-bluhba ken 'do ti-kpor-bei 'di. 'Do ti: dao' 'di: oo', 'do: wor: zaa' 'kpa-dih: 'o 'do 'Ehfesor, 'do: Gwlor: baa'-a': gwie-a' dhih bo. :Yee' 'yu: due' an 'da-dih-a: Dimi'tlor,: or no-a 'sebla:: bla: koan, or-: pobo 'Atimi:-nyorsoa-a' 'sla ya, 'de or 'wla 'sebla, 'de or no 'sla: dao', or-a' 'sla⧾: nyene': nyene': doru'-deh, 'de or plo-ih. 'De or-: 'dekorn: nyor⧾: an no-dih-or: koan bo-: an 'ye-ih 'wlii:: dhulu' 'ken. :Yee': Dimi'tlor 'da nyor⧾-a' klehkpeh: an no-dih-or: koan bo-: 'dekorn: nyor⧾: noo': an no-a: koan:: or: ne: ao': ke-:: dha: due'. 'De or: wlu 'de on bo, or 'dae:,: A 'bli-nyor⧾-a:.: Koan:: daa: or: dhe-a dih, a yubo-eh', or-:: a 'ye-dih deh 'i, or-:: bhan-dih:: a-uh. A-a' 'jeh 'yor-eh kpa 'yli, a 'ye-eh', 'de mor a 'worn-eh',: ka 'yu: daa an 'da-dih-a: Poror', or: za 'o nyor⧾: dhulu'-a' 'dlu⧾: gwie 'i, dha 'Ehfesor-gwlor-' 'de mor eh: sie: 'o deh-beh: or 'ye 'Esea-bluhba-a' klehkpeh 'dlu gweh. Or zela-uh-:: gwluhuh', or 'da, nyorsoa⧾: gwlor-nyor⧾-a' son⧾ no-a, en: se nyorsoa 'jeh: nor. Jorwor:: mor: a se deh: daa 'yli-eh bo 'dhu,: yee' eh mu: a-a'a:: koan-a' 'nyne 'kor-dih:. Eh: se: a-a'a:: koan: due': deh. Jorwor: nyorsoa: klaba': daa,: a ma-a,: or gweh-a 'nynor-kpao',: or: korn-a dhih 'beh-a 'i, an 'da-dih-a 'Atimi:, or-a' 'sla: daa, nyor⧾: se-or' deh-' 'ye-: i: neheh'. Nyorsoa: daa: or: korn-a: weheh' 'Esea-nyor⧾-: 'dekorn: nyor⧾: on: ne-a dha yao 'zorn-a' klehkpeh-: an za-a,: yee' or-a' dhih-a mu yaa'e 'kpa-:.: Yee' nyor⧾: se-or' deh-' 'ye-: i: neheh'. :Yee': yeh nyor⧾: dhulu': daa, on 'worn-a deh or: za-a-',: yee' on 'kpa-' 'chehn 'gabaa, 'de an po 'geh⧾, an no, 'Atimi:: or no-a 'Ehfesor-nyor⧾-a' nyorsoa, or-a' dhih 'beh-: 'i. :Yeh an no: ao', 'de an po-a 'geh⧾,: yee' eh: se 'o: gwle, gwlor-a' klehkpeh gbua: 'i. 'De on kpon nyor⧾ 'sororn': on: ne: Poror' 'wluh-a 'Masordo'nia, an 'da-dih-a 'Geyeh-: 'dekorn: 'Alita'kor-:. 'De on 'dhobo:, on 'kla-uh-: dih, 'de on kpa-uh 'o: dha an 'gbon-dih-a. :Yee': yeh on no: ao',: yee': Poror'-a 'bhorn or 'ye: gwlor-nyor:⧾: dhulu': dao' ybei' mu, or 'ye: wlu. Jorwor:: Yusu'-a' klei': zi-nyor⧾: se-eh' 'worn-dih:. 'De mor: Poror' 'bei': noo': on no-a 'bluhba-a' 'for: dao', or-a' 'kwi⧾: klaba'⧾, mo-: dbo-or tubo-wlu⧾ bo, on bale-or, or: ne 'de: dha on kpa-a nyor⧾: dao' bo mu. :Yeh eh: forn-dih:-a 'o dih,: yee' nyor⧾: on 'kpa-a: dha: due' 'do: dha nyor⧾-a 'gbon-dih-a, an po: dhlumeh'. Deh an za-a-', an-a' 'worn-eh dih, an-a' wlu se: due': ne. 'De mor deh: korn-a dhih an-a': dha: dhulu' yi-a 'o, on se-eh yubo:: sloror'. :Yeh on no: ao',: yee': Jueh'-nyor⧾ 'tun-dih: 'yu: due' dih, an 'da-dih-a 'Ehleza'na, 'de or mu 'o: gwlor-nyor:⧾: dhulu': dao' ybei'. 'De nyor⧾: noo' 'dhu-or wlu worn, deh or 'ye-a': za.: Yee': yeh or mu-a 'o,: yee' or 'ga-dih-uh: kola 'i, on 'ye: zleh: po-eh 'bor, 'de jorwor: or 'ye dhih: dao' on po-a 'o or-a' 'cheh 'dlu, or 'ye-ih 'o on ken: za. Jorwor:: yeh on yubo-eh 'i,: ka or 'dhu-a: Jueh'-yu-',: yee' an-a' klehkpeh: po-dih: 'geh⧾: dha: due', 'de an no, 'Atimi:: or no-a 'Ehfesor:-nyorsoa, or-a' dhih 'beh-: 'i. Deh: daa, eh-: on no: noo: 'do 'yluh-buh⧾ 'sororn' 'di. :Yeh an no: ao',: yee' 'yu: or no-a gwlor-a' deh 'chle-nyor, or-: no-eh, 'de on 'bor 'geh⧾: po-eh, 'de or: wlu 'de on bo, or 'dae:.: A 'bli-nyor⧾-a:.: A-a' klehkpeh,: a yubo-eh': ka nyor⧾-a' klehkpeh: on: ne-a dha 'Ehfesor-gwlor:: daa 'di, on yubo-eh: ka 'Atimi:-nyorsoa: or: korn-a dhih 'beh-a 'i, 'de eh 'dhu-a: a mor-': or 'dhu-a or-a' 'sla: daa-: 'dekorn: sobu': on kele:-a 'de yai',: on: nyna-a 'o or 'gor bo dih-: 'yli-eh bo. :Yee' eh-a' dhih,: ka nyor se-a deh: daa, eh-a' dhih-' dhobo-eh 'beh-dih:,: yee' a: korn a 'ye 'geh⧾: po-eh 'bor, 'de a: ne-' deh no, eh: ne-eh' no, 'de a: ne-': porluh bla 'de ybei'. Keen': mloror' a: ya 'de nyor⧾: daa 'weh: mloror': kpeheh:. Jorwor: on: se-' deh 'yli, 'de: a-a'a: nyorsoa⧾-a' 'sla⧾ 'zorn. 'De mor on: se-': a-a'a: 'Atimi: nyorsoa,: or gweh-a 'nynor-kpao', 'bhun dih: wlu-dih:. :Mor eh 'dhu: Dimi'tlor-: 'dekorn: or-a' 'bei': koan:: no-nyor⧾-: 'de nyor 'ye-uh' deh-' no, 'de on 'ye-or 'koti-': po-eh 'bhorn,: yee' 'koti-gbu kan-dih: 'i 'weh 'do ti-a' klehkpeh bo. 'Do: wor zabe:: zi-nyor⧾: ne, on 'ye-or 'de kpa.: Mor on 'ble zabe on 'ye 'o or 'dlu po, on 'ye-ih' 'o po. :Mor eh 'dhu deh 'sluh-a' dhih-' a 'bhorn a 'ye 'de: ya,: yee' 'nyi a kpa-eh 'o: gwlor: korn-nyor⧾ ybei',: ka: a-a'a: 'tele' no-a mu-a', on 'ye-ih zi. :Kana: naa deh: daa: eh mu-a 'dlu bo 'zean', 'Wloon-nyor⧾ 'beh-dih: on 'ye: ao': a: mor 'o: or: za 'kpunu: 'kpun yaa'e. 'De mor nyor: or 'ye-a dih: nyna 'noror: a 'klu-',: or 'ye-a: dhlumeh': dhulu': daa: eh 'wluh-a yaa'e, eh-a' dhih bo dih zela:, 'de en: sor kpon: a-uh, or se: ne. Deh no-eh, deh se 'de dhih: daa 'di: ne. :Yeh or gweh-a deh: daa, eh-a': za-a' 'i,: yee' or zela:: gwlor-nyor⧾-a' klehkpeh: gwluhuh', on 'ye 'gbu⧾ bo dih mu. :Yeh: zaa'za:: dao', or 'bor-eh,: yee': Poror' dbo: Yusu'-a' klei': zi-nyor⧾ wlu bo. 'De or po 'de an-a' 'kpih.: Yeh or no: ao',: yee' or kpa-uh-: wlu, 'de or 'kpa 'Masordo'nia:: gwie 'i. Or na 'bluhba-a' 'for: dao' ken dih, 'de or wlu 'de nyor⧾: ne-a 'de bo, or po 'de an-a' 'kpih. Eh-: or no: noo:, 'de or 'si-dih: 'Glii-bluhba ken dih. 'Do: wor or: ne 'do 'chuh⧾ taan 'di.: Yee': yeh or po-a or-a'a: 'tiei 'kpa or 'ye-a 'de 'ni ken-meheh 'di 'kpa, or 'ye-a 'Silia-bluhba ken mu,: yee' or 'worn-ih': ka: Jueh'-nyor:⧾: on: ne-a 'de, on 'dhu-a dhih, 'do or-a' dhih bo. Eh-: no-eh, 'de or polo-eh 'do or: gwlii', 'de or mu deka, or: yi-dih: 'Masordo'nia. :Yeh or: taa mu,: yee': Sopa'tor:: or no-a 'Pilor-a' 'yu: or 'wluh-a: Behli'a-gwlor-: 'Alita'kor-:: korn: Sehkorn'dor-:: on 'wluh-a 'Tehsolo'nika-gwlor-: 'Geyeh:: or 'wluh-a 'Dorbi-gwlor-:: Teki'kor-:: korn: Tlofi'ma-:: on 'wluh-a 'Esea-bluhba ken-: 'dekorn:: Timehte'-: an-a' 'jeh: dao', mo-:: ne: Poror': mu-dih: 'de. Nyor⧾-kpalu⧾-a' 'jeh: dao', mo-: mu: a ybei', 'de on: fuo:: a 'ken 'do 'Tloa-gwlor-'. Jorwor:: yeh Se 'vu-bhlee-a' gor: jla-a,: yee': a 'kpa 'de 'ni ken-meheh 'di, 'de: a 'wluh 'o: Fele'pa-gwlor-'.: Yeh 'we: mm' zi-a,: yee': a nyni 'o on bo 'Tloa-gwlor-' 'weh, 'de: a-a' klehkpeh: a: zi 'o: gwlor: dao' 'di 'we: meheh' 'sorn. :Yee' 'do 'doror' 'gwie-yluh bo-we-eh 'di,: yee': a 'kpa: dha: due',: a 'ye: Gwlor: baa'-a' gban 'i: ne-dii-deh di. 'Do: wor: Poror': wlu-dih: 'de nyor⧾ bo. Or: wlu: wluu:, 'de eh no dholo-' zuee, deh no-eh, or yubo-eh',: mor zorn zen,: yee' or mu: mu. 'De: chuu:: on: ne-a 'de 'gbu-a' yai',: a: ne-a 'de 'di, 'de or wlu-a, 'nape⧾: dhulu': ne 'de, me-: wan. :Yeh: Poror': wlu-a: wluu:: blaa'a:,: yee' 'yu: due' an 'da-dih-a: Yute'kor, or-:: dhe dih 'do 'wina worn 'dlu.: Yeh or: ne-a 'o, 'de or: to-a: Poror'-a' wlu: dou'⧾ bo: too:: blaa'a:,: yee' or 'kpa-' 'nyinor:. 'De or blu 'o, or 'kpa 'zorn. 'Do: dha or blu-a, 'do no 'o 'gbu-a' 'dlu: dhe-dih-eh-a' kpor⧾ taan: dha.: Yeh on 'ye-or ya-' 'duo:,: yee' or 'meh-'. :Yeh eh no: ao',: yee': Poror' 'si-: 'zorn, 'de or mu 'o or bo, or 'jli-or ken, 'de or 'dhu-or: gwlii'. 'De or: wlu 'de on bo, or 'dae:,: Fano-a': no-' a-uh. Or 'wluh 'de 'weh. :Yeh or no: ao',: yee' or mu 'de: chuu:: dao',: on: ne-a 'de 'gbu-a' yai'-: de, 'de or: ne on: chehn-dih: 'bhlee dih, 'de on di: Gwlor: baa'-a' gban 'i: ne-dii-deh. 'De or 'kpa 'o: wlu-a': neheh', or: wlu: wluu:: walaa: 'de zorn: gba dih.: Yeh or no: ao',: yee' or mu-'. :Yee' 'yu: dao': or 'kpa-a 'zorn, on kpa-or 'gbu bo, 'de an no 'mona. Deh no-eh, or: ne-' 'kmo: neheh'. :Yeh eh no: ao',: yee': a 'wluh 'o 'weh,: a mu: Poror' ybei', 'de: a 'kpa 'de 'ni ken-meheh 'di,: a mu: gwlor an 'da-dih-a 'Asor, 'do: dha: a mu-a: Poror' 'duo-dih:, 'de or 'ye-a 'de: a bo 'kpa. Or zela:: a: gwluhuh' 'weh,: a 'ye-eh' no 'do or bo. Deh no-eh, or na 'bluhbor:, 'de or mu 'de. :Yeh or: yeh-dih:-a: a ken 'do 'Asor,: yee': a 'duo-or 'weh, 'de or 'kpa 'de: a bo. 'De or: ne: a mu: gwlor an 'da-dih-a 'Mehtoli. :Yee': yeh: a 'si-a 'Mehtoli dih, 'de: a 'pehn-a 'o, 'de zorn zen-a,: yee': a 'kpa 'de 'ni ken-meheh 'di 'weh: neheh'. 'De: a 'wluh 'o,: a: yi-dih: yobo'-a' dubeh: an 'da-dih-a 'Kior worn dih. 'De: a 'pehn: gwie 'i.: Yeh zorn zen-a,: yee': a 'si 'o yobo'-a' dubeh: an 'da-dih-a 'Semor ken-: dih.: Yee' 'do 'we-eh-a' 'sororn' neh 'di, 'de jorwor:: a nyni: Mali'ta. :A: se-' 'Ehfesor: yi-dih:. Deh no-eh,: Poror' polo-eh': dee' see 'do or: gwlii',: eh: mor or: se 'de: yi-dih:. Deh no-eh, or: se-' 'bhorn or 'ye ti: dhulu': zi-dih: 'do 'Esea-bluhba-a' 'for: dao' ken. Or 'dhobo-', or 'ye: Julu'slehn dih 'si, 'de jorwor: eh 'ye 'Pehnti'kor-we-eh no,: mor or 'beh-dih-eh. :Yeh: a 'si-a: Mali'ta dih,: yee': Poror' dbo tubo-wlu:⧾ 'de 'chore-a' nyor⧾: klaba'⧾: on: ne-a 'Ehfesor bo, on 'ye 'de or bo yi 'de: Mali'ta. :Yeh on 'si-a dih,: yee' or: wlu-' 'de on bo, or 'dae:, A-a' 'jeh 'kpa 'yor-eh yubo-eh',: eh 'wluh-a 'o: zai'-we-eh: 'on 'si-dih:-a dha 'Esea-bluhba ken dih,: ka 'on no-a dha a bo-a': ne-a'. :Jueh'-nyor:⧾: noo', mo-: 'dhu dhih 'do 'on bo. Eh-: no-eh, 'de 'on 'ye 'kle, 'de 'an 'vin 'gabaa. Jorwor: 'mor: or 'dhu-a: Gwlor: baa'-a' 'bhoi-yu-', 'an-a' 'worn, 'an-a' 'beh-dih 'an 'jeh 'i, 'do: koan 'an no-a or-a' dhih. A yubo-eh': ka 'on se-a a deh: eh mu-a a: za-dih: dih 'zile:. Jorwor: 'on po Nyorsoa-a' tubo-wlu⧾ 'weh 'de a bo, 'de 'on: torne: a Nyorsoa-deh 'do: gwlor: gwea-: 'dekorn: a 'bli 'gbu⧾ 'di dih-:. :Jueh'-nyor⧾-: 'dekorn: nyor⧾: on: se-a: Jueh'-nyor⧾-: 'on zela-uh-:: gwluhuh': ka on 'ye-a an-a' deh⧾-zon⧾ dih 'tali:, 'de on 'ye-a 'de Nyorsoa bo 'bili:, 'de on 'ye-a: a-a': Gwlor: baa': Yusu'-a' dhih dhih 'jeh-' po. :Yeh: daa: naa 'on: ne-a ken, 'an mu: Julu'slehn de, 'do Nyorsoa-a': Zulu-a' wlu-a' deh-' 'ye-eh-a' dha. Jorwor: deh: eh mu-a 'on: no 'de mor, 'on se-eh yubo:. Deh: due' 'on yubo:-a, eh-: 'dhu, gwlor⧾-a' klehkpeh 'on: yi-dih:-a 'di dih, Gban 'i: ne: Zulu-a zela 'on: gwluhuh',: ka: kasue 'di: mu-eh-: 'dekorn: 'kle 'ye-eh-: en fuo 'on 'ken 'de ybei'. Jorwor: 'on: se-' 'an 'jeh-a' 'yor-eh-a': febeh'-a' dhih zi. Deh: due' 'an 'bhorn-a, eh-: 'dhu,: koan:: Gwlor: baa': Yusu' 'nyi-a 'on, 'on 'ye-or 'dlu-' jla.: Koan:: dao', or 'nyi-a 'on, or-: 'dhu, 'on: korn 'on 'ye Nyorsoa-a' tubo-wlu:⧾ 'jeh po: ka or no-a: gwlor-nyor⧾ mla bo: po-eh. 'On: na a-a' klehkpeh bo dih 'weh, 'de 'on po tubo-wlu⧾: en kor-a Nyorsoa-a' nyor⧾ wlu 'ken: korn-eh 'i, 'de a bo. Jorwor: 'on yubo-eh': naa,: ka a-a' nyor: se-a' 'an 'yuba 'ye-: i: neheh': dele' ka. :Yee' eh-a' dhih, 'an zela a: gwluhuh': naa,: eh 'wluh-a dha 'zean'-zorn:: daa 'bli,: mor a-a' nyor 'ma,: yee' eh: se 'an dhih o. Deh no-eh, 'on: se-' a deh dih 'zile:. Jorwor: 'on zela: a deh⧾-a' klehkpeh Nyorsoa 'bhorn-a a 'ye-a' yubo:, en-' dhih, a: gwluhuh' 'weh. :Yee' eh-a' dhih, a 'dhu a-a' 'jeh 'yli-eh bo, 'de mor a 'dhu nyor⧾-a' klehkpeh Gban 'i: ne: Zulu po-a 'de a 'kwa, 'yli-eh bo: ke. A: mor: korn: or 'ye Nyorsoa-a' 'chore-nyor⧾ 'yli-eh bo 'dhu,: ka 'blae'⧾-a' 'yli-eh bo 'dhu-nyor⧾-a no-a. Or-a' 'yu-a' 'meh-a', eh-: no-eh, 'de 'chore-nyor:⧾: dao', on no or-a'a: nyor⧾. 'On yubo-eh',: mor 'on 'wluh 'noror a 'klu-', 'on mu,: yee' nyor⧾: noo': on: korn-a noo-deh:⧾ gweh-a ji-a' noo-deh⧾, an mu 'noror a 'klu-': yi, 'de on: se-' a-a': wehlih 'ye-: i, an mu a bo: pa: gbor: gbor. 'De mor nyor⧾-a mu 'noror a-a' 'jeh 'yor-eh 'nyne-' 'wluh-:, on 'ye sih 'tmo 'noror a 'nyne-', eh 'ye-eh' no, 'de nyor⧾ 'ye 'o on klei' zi. :Yee' eh-a' dhih, a 'dhu a-a' 'jeh: dhororn'.: Yee' a: na-dih-eh: gwluhuh' dih,: eh: mor 'do zon⧾ taan 'di, 'gwie-:: glaa'e-: 'on: se-' a-a' 'slen 'dhu-eh 'bor 'do 'mii-a' dih 'wla-eh bo. :Yee': kana: naa, 'on po 'de a Nyorsoa 'kwa. Nyor-a' 'ma-dih:-' tubo-wlu:⧾: en za-a or-a' mla-a' dhih-', en-' dhih bo. Tubo-wlu:⧾: daa, en 'beh-dih: en 'ye-eh' no, 'de a 'ye 'kpih ken: ne, 'de Nyorsoa-deh 'di. 'De en 'beh-dih: en 'ye a deh: eh: korn-a 'de a bo 'nyi,: ka a 'dhu-a Nyorsoa-a' nyor⧾-'. 'An: porluh: se-' sin, a-a' nyor-beh-a' 'sebla-: 'goo-: 'dekorn: paa-tiei-: en-' dhih. A-a' 'jeh 'yor-eh:, a yubo-eh': ka eh 'dhu-a 'an 'jeh 'yor-eh-a': kola⧾ 'an no-dih-a: koan-', 'de jorwor: 'mor-: 'dekorn: 'on 'bei'-: 'de: a 'ye-a deh: a se-a 'ble. 'Do deh⧾-a' klehkpeh 'on no-a bo, 'on: torne: a 'weh,: ka: a: korn-a: a 'ye-a: koan no 'gabaa,: a 'ye-a nyor⧾: on: korn-a 'kpih-a chehn-a-': za-dih:. A 'nyi: a: po-dih-eh: gwluhuh' bo,: ka: Gwlor: baa': Yusu'-a' 'jeh 'yor-eh za-eh', or no-a,: Mor: on 'nyi nyor deh,: yee' eh no: bhorlie'-deh: 'do: on bo,: eh: zi 'o nyor 'nyi: on deh. :Yeh: Poror' gweh-a: wlu-a' 'i,: yee' on: ne or bla 'koor-dlu⧾ 'yi glu. 'De jorwor: or: wlu 'de Nyorsoa bo. :Yeh or yi-a mu 'da,: yee' an-a' klehkpeh, on: gble-dih-or: gwlii', 'de an 'vin. Deh: eh po-a an-a': porluh⧾ 'zorn 'gabaa, eh-: 'dhu, deh or: za-a-' 'de on bo: zai', or no-a, A: se-' 'an 'yuba 'ye-: i: neheh': dele' ka.: Yee' an-a' klehkpeh, on kpa-or: gwie 'i, 'do 'ni ken-meheh bo, or 'ye mu. :Yeh: a gweh-a an-a' wlu kpa-eh 'i,: yee': a 'kpa 'de 'ni ken-meheh 'di 'weh, 'de: a kpon: gwie:: eh mu-a: gwlor an 'da-dih-a 'Koror 'di ken dih,: a 'si 'o dih.: Yee': yeh zorn zen-a,: yee': a mu yobo'-a' dubeh:, an 'da-dih-a 'Wloo ken: ke.: Yeh: a 'wluh-a 'o,: yee': a mu: gwlor an 'da-dih-a: Pata'la 'di. 'Do: wor: a: yeh-dih: 'ni ken-meheh:: eh mu-a: Feni'sia-bluhba ken, 'de: a 'kpa 'de eh 'di,: a mu. :Yeh: a mu-a,: yee': a 'ye yobo'-a' dubeh: an 'da-dih-a 'Sapor 'weh.: A po-or 'for 'i 'noror kona bo, 'de: a: mu-dih: 'de 'yluh-a' 'kwla 'wluh-dih: 'da ka,: a mu 'Silia-bluhba ken.: Yeh: a nyni-a 'o 'Taya-gwlor-': or no-a: dha on: korn on 'ye-a 'ni ken-meheh-a' 'tiei 'di: za-dih:,: yee': a 'si-: 'zorn. 'De: a 'bhorn: Yusu'-a' klei': zi-nyor⧾ dih 'do mor.: Yeh: a 'ye-uh-a,: yee': a zi 'o on bo 'we: meheh' 'sorn. 'De Nyorsoa-a': Zulu-a' 'kpih 'di, 'do: wor nyor⧾: dao', on zela:: Poror': gwluhuh', on 'dae:, 'Bor: Julu'slehn: mu-eh. Jorwor:: yeh: a no-a 'o on bo 'we: meheh' 'sorn: dao',: yee': a: sorn-' 'weh, 'de: a mu. 'De mo-: an-a'a: 'nynor⧾-: 'dekorn: 'nynuu-: on kpa: a: gwie 'i 'do yobo' worn 'i. 'De: a bla 'koor-dlu⧾ 'yi glu 'do 'kpuhba' 'i,: a: wlu 'de Nyorsoa bo. :Yeh: a gweh-a 'i,: yee': a kpuhba: wlu⧾ dih, 'de: a 'kpa 'de 'ni ken-meheh 'di. 'De on mu on 'bli de. :Yeh: a 'wluh-a 'Taya,: yee': a 'si 'Talehmi dih. 'Do: wor: a 'si-dih: 'bluhbor,: a mu 'Klae: de-di'-boi': on: ne-a 'de 'ye 'da. 'De: a zi 'o on bo 'we-eh: due'. :Yeh zorn zen-a,: yee': a zi-': neheh',: a mu 'Sehsali'a-gwlor-'.: Yeh: a 'si-a 'o dih,: yee' 'yu: due' an 'da-dih-a Felor': or no-a nyor⧾: on: ne-a: meheh' 'sorn: on: po-eh 'de Nyorsoa 'kwa 'de: Julu'slehn, an-a' nyor: due', 'de: or kpa-a Nyorsoa-a' tubo-wlu⧾ 'jeh deh⧾-' dih.: Yee' 'de or 'bli 'gbu, 'do: wor: a: ko-dih:. Felor'-a' 'jeh: dao', or 'wluh 'nynor⧾-kpao'⧾-nynuu: nyieh: on 'see-a nyor-kpalu-dhih yubo. Mo-:: an po Nyorsoa-a' wele-eh. 'Do: wor: a: ne 'do 'we-bei 'di. 'De Nyorsoa-a' wele-eh:: po-yu: due' an 'da-dih-a: Aga'ba, or-: 'wluh: Judi'a, 'de or 'yle. :Yeh or yi-a 'o: a bo,: yee' or 'duo:: Poror'-a' 'behleh 'weh, 'de or san or-a' 'jeh-a' buh⧾-: 'dekorn: son⧾-:.: Yeh or: gweh-a 'i,: yee' or: wlu-', or 'da, Gban 'i: ne: Zulu 'dae:, 'Yu: or: korn-a 'behleh: daa, 'ka: wor: Jueh'-nyor⧾-a mu or-a' san-a': no 'de: Julu'slehn, 'de on 'ye-or nyor⧾: on: se-a: Jueh'-nyor⧾ 'nyi. :Yeh: a 'worn-a dhih: daa,: yee': a mor-: 'dekorn: nyor⧾: on: ne-a 'o-:: a bale:: Poror' 'weh, or: ne-': Julu'slehn mu. :Yeh: a no: ao',: yee': Poror' dhele:: a dih, or 'da,: Eh no a-uh, 'de a 'vin deh: dao': eh? A 'bhorn a 'ye 'an: porluh 'zorn po: e? Eh: se san-a': due', 'on: se-' ken dih 'worn-dih: 'de: Julu'slehn. Jorwor: 'on 'worn-dih-eh ken dih 'weh, 'on 'ye 'meh 'do: Gwlor: baa': Yusu'-a' dhih bo. :Yeh: a: wlu-a 'de or bo or: ne-a' mu, 'de or se-a 'worn,: yee': a 'tali-or-: dih, 'de: a 'da,: Ka: Gwlor: baa' 'da-a, 'ka-: eh 'ye: ne o. :Yeh: a no: ao',: yee': a po: a-a'a: 'tiei 'kpa, 'de jorwor:: a mu: Julu'slehn. :Yee': Yusu'-a' klei': zi-nyor:⧾: noo': on: ne-a 'Sehsali'a, mo-: kpa: a-uh, 'de on: nynia-dih:: a, 'de 'yu: or: korn-a 'bli 'gbu: a mu-a: ko-dih: an 'da-dih-a 'Nesorn. 'Yu-a' 'jeh: dao', or no 'Sapor-yu:,: or no-a: Yusu'-a' klei': zi-nyor: dee' see. :Yeh: a 'si-a: Julu'slehn dih,: yee' 'Klae: de-di'-boi': on: ne-a 'de, on: gble-dih:: a 'weh 'de: porluh-a' dih 'pehn ka 'di. :Yee': yeh zorn zen-a,: yee': a mor-:: Poror'-:: a mu 'Jeen: 'ye 'da. 'Do: wor: a: yeh-dih: 'chore-a' nyor⧾: klaba'⧾-a' klehkpeh: on: ne-a: Julu'slehn. :Yeh on: gble-dih-or,: yee' or zela-uh deh⧾-a' klehkpeh: gwluhuh' 'weh 'tene': kpeen:,: ka Nyorsoa no-a or-a': yi-dih-eh, 'de or no-a: koan 'de nyor⧾: on: se-a: Jueh'-nyor⧾ 'nyne-'. :Yeh on 'worn-a dhih or: za-a-',: yee' an 'beh-dih Nyorsoa-a' 'nyne-: 'i. 'De on: wlu 'de or bo, on 'dae:,: A 'be dhih 'jeh-': po-nyor:.: Gbee'e:.: Jueh'-nyor⧾-a' 'wlu: wlu 'wlu, mo-: po: Yusu'-a' dhih dhih 'jeh-'. 'De an-a' klehkpeh, an-a': Mose'-a' 'tele' dih: dhe-eh-a': porluh 'beh 'i: chio'lo:. On 'da nyor⧾ zela-uh: gwluhuh': ka: on: torne:-a: Jueh'-nyor⧾-a' klehkpeh: on 'ti-a 'de nyor⧾: on: se-a: Jueh'-nyor:⧾ 'bli 'bluhba⧾ ken dih deh, on 'ye-a: Mose'-a' 'tele' dih 'tali:. On 'da: on zela-uh: gwluhuh',: on 'da, An-a' 'dba-:-' an-a'a: 'nynuu: bhlororn'. 'De: on zela-uh: gwluhuh', on: ne 'o: a 'bli-deh⧾ klei' zi. :Kaa: a mu: no: naa: eh? An mu-ih 'worn-:: ka: on yi-a 'de o. Eh-a' dhih, deh: a 'bhorn-a: on 'ye-a' no, eh-:: on 'ye no. Nyor⧾-kpalu⧾: nyieh, mo-:: ne: daa, mo-:: zlehn-dih: deh ken 'de Nyorsoa bo. Nyor⧾-a' 'jeh: dao', mu: on 'ye-uh' bo 'kpa, a 'ye: kane' dih: za. Deh nyor⧾-a to-a 'o, 'de an no-eh,: on 'ye 'o an-a' neh: to: ke, 'de on 'ye an-a' 'dlu⧾ 'kploror:.: Mor: on no deh: daa,: yee' nyor⧾-a' klehkpeh mu-eh yubo:: ka deh⧾ on: za-a-' 'do: on 'bhun, en: se-a dhih 'jeh.: Yee' an mu-eh yubo:: ka: Mose'-a' 'tele' 'da-a,: a 'ye-a 'kmo-': ne-eh no, 'de: an no: ao' 'kmo: ne-eh: ke. Jorwor: nyor⧾: on: se-a: Jueh'-nyor:⧾, 'de: on po-a: Yusu'-a' dhih dhih 'jeh-',: a 'chle-uh bo 'weh,: a zela-uh: gwluhuh', on: ne-' dii-deh:⧾ on 'dhu-dih:-a zuu⧾ gban 'i di, 'de on: ne-' nyomor 'na, 'de mor: gwlor-nimi-: 'dekorn: 'kwla-nimi-: nyor⧾ 'dba-a,: en se-a nyomor-' 'wluh, 'de: en: dhe-dih:-a nyomor-' dih, on: ne-' di.: Yee' on: ne-' 'tmeor:⧾: korn-eh buh 'di po: ke. :Yeh on 'da: ao', 'de zorn zen-a,: yee': Poror' kpa nyor⧾-a' 'jeh: dao' 'weh, 'de on: ne or mu, on: za: kane' dih.: Yeh on no: ao',: yee' on pa 'de Nyorsoa-a' 'sla 'zorn. 'De: Poror' zela: nyor⧾: on: ne-a 'de: gwluhuh', ti an-a': kane' dih: za-we:: yih: sie:-a 'o, en mu-a 'dlu-': jla, 'de nyor⧾ 'ye Nyorsoa gban 'i 'dhu: due': due' 'do on bo. :Yeh 'we: meheh' 'sorn: dao', en yi-a 'dlu-': jla 'da,: yee': Jueh'-nyor:⧾: noo': on 'wluh-a 'de 'Esea-bluhba ken, mo-: 'ye: Poror' 'de Nyorsoa-a' 'sla 'zorn.: Yeh on 'ye-or,: yee' on 'dhu-dih: nyor⧾-a' klehkpeh: on: ne-a 'o worn. 'De on 'wla 'de or ya, an po 'geh⧾, an no, A: mor 'Ezlea-nyor:⧾, a 'kpa: a bo. Deh no-eh, 'yu: daa, or-: 'o: or mu deh⧾-' dih, 'de: or: wlu-dih:: a-a'a: nyor⧾-:: Mose'-a' 'tele'-: 'dekorn:: a-a' Nyorsoa-a' 'sla: daa 'bhun dih.: Yeh: daa: a: ne-a ken: naa, or: ya 'de nyor⧾: on: se-a: Jueh'-nyor:⧾ 'noror Nyorsoa-a' gban 'i: ne-sla:: daa 'zorn, 'de on za-uh gban-'. Deh: korn-a dhih, 'de on: za-a deh: daa-', eh-: 'dhu, on 'ye 'yu: due' an 'da-dih-a: Tlofi'ma:: or: se-a: Jueh'-yu:, 'de: or 'wluh-a 'Ehfesor, or-:: Poror'-:: dha: due' dha: gwlor-'.: Yee': mor on: taa 'ye: dee', on 'da: Poror' kpa-or 'de Nyorsoa-a' 'sla 'zorn 'weh. :Yeh on 'da: ao',: yee' gwlor-a' klehkpeh gbua: 'i. 'De nyor⧾-a' klehkpeh, an ple, an 'wluh deh⧾ 'doror: 'dor dih. 'De on kpon: Poror', on 'kla-or dih, 'de on za-or 'de Nyorsoa-a' 'sla 'zorn.: Yeh on 'si-dih-or 'zorn,: yee' 'do: dha: due': dao', on po 'o Nyorsoa-a' 'sla-a' gba-dih-gba-a': kpaa' 'weh. :Yeh an 'bhorn-a on 'ye-a: Poror' 'dba: blaa'a:,: yee' 'Wloon-nyor⧾-a': janbe 'worn-ih': ka: Jueh'-nyor⧾-a' klehkpeh: on: ne-a: Julu'slehn, an vorn-a 'kpunu: 'kpun. :Yee' 'do: dha: due': dao', or 'duo: sorye'-a' nyor⧾: klaba'⧾: noo'-: 'dekorn: sorye': noo'-: 'de on kpa ple-a' 'de: gwlor-nyor:⧾: dhulu': dao' bo.: Yeh nyor⧾: an bla-a: Poror', on 'ye-uh-a,: yee' on 'bor or-a' bla-a' 'weh. :Yee': yeh sorye'-a': janbe: dao', or 'si-a 'o dih,: yee' or kpon: Poror' 'weh. 'De or zela: or-a'a: sorye': gwluhuh', on 'ye: Poror'-a' son⧾ 'chen-dubu'⧾ 'sororn': san-dih:.: Yeh on no: ao',: yee' or dhele-uh-: dih, or 'da, 'Yu: daa, or-a' 'nyne: eh? Deh or no: eh? :Yeh or dhele-uh-a dih,: yee' an po 'geh⧾.: Noo'-a za-' dhih 'dor, 'de: noo'-a za dhih 'sluh⧾-'.: Yee': janbe-a' 'worn deh an za-' dih. Deh no-eh, an-a': dhlumeh': dhie: 'i. Eh-: no-eh, 'de or zela: or-a'a: sorye': gwluhuh', on 'ye: Poror' 'de sorye' 'bli: bale' 'gle kpa. :Yeh an kpa-or, 'de on nyni-a 'o: bale' 'gle-gbu-a' 'steheh ken,: yee' nyor⧾: doru': dao', nyor se an-a' 'yi: kan-eh 'beh-dih:: neheh'. Eh-: no-eh, 'de sorye': dao', on 'ble-dih-or 'de: gwle-', on kpa-or. 'De nyor⧾: dhulu': dao': an zi-a 'o on klei', an po 'geh⧾, an no, A 'dba-or o. :Yeh an yi-a: Poror' 'de: bale' 'gle: pa-dih: 'da,: yee' or: wlu-' 'de: janbe: dao' bo, or po 'Glii-wlu:, or 'dae:,: On: korn 'gen, 'an 'bhorn 'on 'ye deh-beh-': za 'de: on bo.: Yeh or po-a 'Glii-wlu,: yee': janbe dhele-or-: dih, or 'da,: An po 'Glii-wlu:: e? :Mor 'on: taa 'ye: dee',: yee' 'on 'da: mor 'Iye-yu:: or: bla-dih:-a 'gomla worn, 'de: or kpa-a nyor⧾ 'dba-nyor⧾-a' 'wlu: nyieh 'de: bhehneh'-bluhba ken: dee': oo'. 'De: Poror' 'da, 'Kei o. 'Mor: Jueh'-yu: 'o. 'Do 'Tasor-gwlor 'di, 'do: wor 'on 'wluh-dih:,: or: ne-a 'de: Sele'sia-bluhba ken.: Gwlor: dao': or: korn-a 'di 'on 'wluh-dih:-a, or no: gwlor: or: korn-a 'nyne nyor⧾ yubo:-a.: On: korn 'gen, 'nyi, 'on: wlu 'de nyor⧾: daa bo. :Yeh or 'da: ao',: yee': janbe 'worn-', or 'ye: wlu. 'De: Poror': nyna dih 'do 'gbu-a' 'steheh ken, 'De or: to son yai', nyor⧾ 'ye: zleh: po-eh 'bor.: Yeh an-a' klehkpeh: on: ne-a 'o 'zorn, on no-a 'dhuan,: yee': Poror' po: Hiblu'-wlu:, 'de or: wlu 'de on bo, or 'dae:, :Yee' 'on 'bei'-a-: 'dekorn: 'on-bai'-a-: 'an yi 'an 'jeh dhih ken: za 'da: naa.: Yee' a: to 'on: dou'⧾ bo. :Yeh on 'worn-a or-a' wlu, 'de or po-a: Hiblu'-wlu 'de on bo,: yee' an-a' klehkpeh, on no dhliin.: Yee': Poror'-a kpa or-a' wlu 'dlu bo: chio'lo:, or 'dae:, 'Mor: Jueh'-yu: 'o. 'De 'Tasor-gwlor 'di, 'do: wor 'on 'wluh-dih:, 'de: Sele'sia-bluhba ken. Jorwor: dha: Julu'slehn:, dha: wor 'on: ku-dih:. 'De 'on 'chean'-dih: 'o: Game'la 'zorn deh: or: torne:-a 'on: a: bai'-a': bai'-a' 'tele' deh 'jeh neh.: Ka a-a' klehkpeh,: or: ne-a dha 'zean', a no-a, 'de a-a' Nyorsoa-a': weheh': za: porluh⧾ 'beh-a 'i, 'ka: wor 'an no: ke: dee'. :Zai', 'an 'ye-dih nyor⧾: an zi-a 'o: Gwlor: baa'-a': gwie klei' 'kle: dee' 'gabaa, 'de: noo' 'meh-dih-eh 'zorn. Nyor⧾-kpalu⧾-: 'dekorn: 'nynor⧾-kpao'⧾-: mo-: 'an kpon, 'de 'an po-uh 'de: kasue 'di: dee'. Nyorsoa-a' 'slaa:: za-nyor⧾-a' nyor: klaba'-: 'dekorn:: Jueh'-nyor⧾-a' zabe:: zi-nyor:⧾: klaba'⧾-a' klehkpeh-: on 'beh-dih: on 'ye a: gwluhuh' zela:: ka dhih: daa 'an za-a-', 'de en: se-a sih. On 'nyi 'on 'chlee-deh⧾-a' 'jeh: sloror', 'on 'ye-ih'-a an-a' 'de-di'-boi': on no-a: Jueh'-nyor⧾, 'de: Dama'kor kpa. 'De 'on mu 'de, 'on 'ye nyor⧾: an zi-a 'o: Yusu' klei' kpon, 'on 'ye-uh: Julu'slehn: ya, on 'ye-uh 'kle 'ye-eh: 'dlu po. :Yee': Poror'-a kpa or-a' wlu 'dlu bo, or 'da, Ti 'an 'koan'-dih-a: Dama'kor dih, 'yluh-gbao'-we-eh: due',: yeh 'an mu-a 'ye-:,: yee' zorn-pli:, me-: 'wluh 'de yai',: en 'si 'de 'on 'yli dih,: en 'dleh 'on. :Yeh en no: ao',: yee' 'on 'ga-: dih 'do 'bluhbor.: Yee' 'on 'worn wlu, mo-: 'da,: Soror',: Soror'.: Eh: korn dhih: an 'ye-dih 'on 'kle: eh? 'De 'on 'da,: Gwlor: baa',: an-a' 'nyne: eh? 'De wlu: dao', on: za-eh: de: neheh', on 'da, 'Mor: Yusu': oo',: an 'ye-dih-a 'kle. :Yeh eh no: ao',: yee' nyor⧾: on: ne 'an mu-a: dee', on 'ye zorn-pli:: dao' 'weh. Jorwor: an-a' 'worn nyor: or wlu-a 'de 'on bo, or-a' wlu-' dih. 'De 'on dhele-or dih, 'on 'da,: Gwlor: baa'.: Yee': kaa 'on 'ye no: eh?: Yee' or: wlu-' 'de 'on bo, or 'dae:,: Sorn-',: on 'ye: Dama'kor mu. 'Do: wor deh Nyorsoa 'bhorn-a: on 'ye-a' no, 'do: wor an mu-eh: on: gwluhuh' zela-dih:. :Yeh zorn-pli:: dao', en 'si-a 'de 'on 'yli dih,: yee' 'on 'bor dih 'ye-eh 'weh: neheh'. Eh-: no-eh, 'de nyor⧾: on: ne 'an mu-a: dee', on kpon 'an son dih, on kpa 'on: Dama'kor. 'Do: gwlor: dao' 'di, 'do: wor 'yu: due' an 'da-dih-a 'Anenaya' or: ne,: or dhe-a 'o: Mose'-a' 'tele' dih, 'de: or chehn-a 'de eh bo. 'De: Jueh'-nyor⧾-a' klehkpeh: on: ne-a 'o: gwlor: dao' 'di, an 'ye-or deh-' 'gabaa. 'Yu-a' 'jeh: dao', or-: yi 'de 'on bo,: or: nyna dih 'do 'on 'bhun, or: wlu,: or 'dae:, 'An 'de-di': Poror'. 'Ye-dih:: neheh'.: Yeh or 'da: ao',: yee' 'do: dha: due': dao', 'an 'ye-: dih: neheh', 'de 'an pobo-or ya. :Yee' or: wlu-' 'de 'on bo, or 'dae:, Nyorsoa: a: bai'-a': bai'-a za-a: weheh', or-: gan: on,: on 'ye deh or 'bhorn-a,: on 'ye-a' no,: on 'ye-eh' yubo:, 'de: on 'ye or-a' 'Yi 'sleh-nyor 'ye, 'de: on 'ye or-a' wlu 'worn, or 'ye 'de: on bo: wlu. :Mor mu or-a' dhih bo zela-nyor: no, 'de: gwlor-nyor⧾-a' klehkpeh bo, 'de deh⧾: on 'worn-a, deh⧾: on 'ye-a, me-:: an mu-uh: gwluhuh' zela:. :Eh: korn dhih 'de: an zi-dih ti: eh?: Sorn-', mu,: on 'ye 'ni 'dlu: po. 'De: on 'ye 'de: Gwlor: baa' bale:, or 'ye: an-a' deh⧾-zon⧾ worlor:. :Yee' 'on mu: Julu'slehn de. 'De 'on mu 'o Nyorsoa-a' 'sla ybei', 'on 'ye 'de Nyorsoa bo: wlu.: Yeh 'an wlu-a 'de or bo,: yee' 'an 'yli-eh 'kpa deh 'i. 'De 'on 'ye: Gwlor: baa', or: wlu 'de 'on bo, or 'dae:, 'Dhobo:,: on 'ye dha: Julu'slehn 'wluh. Deh no-eh,: mor: on: za 'an dhih-' dha mor, on: se-ih' 'worn-dih: i. :Yeh or 'da: ao',: yee' 'on: wlu-' 'de or bo, 'on 'dae:,: Gwlor: baa'. Nyor⧾: daa, on yubo-eh': ka 'on pa-a 'di: gweh-dih-sla⧾ 'zorn dih, 'de 'on: kpon-dih:-a 'de nyor⧾: on po-a: an-a' dhih dhih 'jeh-', 'de 'on bla-uh-a. Ti on 'ye-a Timi': or no-a: an-a' dhih ken dih zela-nyor 'dba,: yee' 'do: wor 'on: ne. 'On 'worn-dih: or-a' 'meheh'-dhih ken dih 'weh. 'Mor: oo': or 'dhu nyor⧾: on 'dba-or, an-a'a: 'korlor⧾ 'yli-eh bo, 'do ti: dao' bo. :Yee': Gwlor: baa': wlu-' 'de 'on bo, or 'dae:, 'Yle. 'An mu: on: dha: dhorno': dbo 'de nyor⧾: on: se-a: Jueh'-nyor⧾ bo. :Yee': gwlor-nyor:⧾: dhulu': dao', on: to: Poror'-a' wlu: dou'⧾ bo: chio'lo:, 'de or: za nyor⧾: on: se-a: Jueh'-nyor:⧾ an-a' dhih-'.: Yeh on 'worn-ih'-a,: yee' on 'kpa 'o 'geh⧾: po 'da 'weh, an no, A: za 'yu: daa 'noror: a 'klu-'. A 'dba-or. Or se-eh 'i: bleh-dih:, or 'ye 'kmo-': ne: neheh'. :Yeh an po-a 'geh⧾,: yee' an 'vuan an-a'a: 'wla⧾ yaa'e, 'de an po: bhuhbuh' yaa'e. :Yeh an no: ao',: yee': janbe zela: or-a'a: sorye'-:: gwluhuh', on 'ye: Poror' 'de: bale' 'gle: pa-dih:, on 'ye-or' bla deh 'jeh neh, on 'ye-or' dih dhele: deh: eh: korn-a dhih: Jueh'-nyor⧾-a po-dih-or 'geh⧾ 'dlu dih deh: dao', or-a' dhih, on 'ye-eh' yubo:. :Yeh on san-or, 'de on 'pehn-dih-or dih, on 'ye-or' bla,: yee' or: wlu-' 'de sorye'-a' nyor: klaba': due': or: nyna-a 'o dih bo, or 'dae:, Eh: ne 'o 'Wloon-nyor⧾-a' 'tele'-a': gwie 'i 'weh: e,: eh: mor a bla 'Wloon-nyor⧾-a' nyor: or: korn-a zabe: se-a: zi-eh:, 'de mor dhih 'see-a kpon: e? :Ka sorye'-a' nyor: klaba': dao', or 'worn-a deh: Poror': za-a-',: yee' or mu 'de an-a'a:: janbe bo 'weh, or dhele-or dih, or 'da,: Kaa: an mu: no: naa: eh? 'Yu: daa, or-: 'Wloon-nyor⧾-a' nyor: oo'. :Yeh or 'worn-ih'-a,: yee': janbe: dao', or mu 'de: Poror' bo 'weh, 'de or dhele-or dih, or 'da, Zela: 'on: gwluhuh'.: Mor 'Wloon-nyor⧾-a' nyor: oo': e? 'De: Poror' 'da, Keen'. 'De: janbe 'da, 'Mor: mloror', 'on plo 'wlii:: dhulu' 'de 'Wloon-nyor⧾-a' 'gomla bo, 'de jorwor: 'an mu 'Wloon-nyor⧾-a' nyor: no. 'De: Poror' 'da, 'An neh se-a 'o: ne. 'Wloon-nyor⧾-a' nyor 'wluh 'on. :Yeh: Poror' 'da: ao',: yee' nyor⧾: an yi-or dih dhele: 'da: dee', an-a' klehkpeh: za-dih: ken 'do: dha: due': dao'.: Yee': ka: janbe yubo-eh 'i: ka: Poror' 'dhu-a 'Wloon-nyor⧾-a' nyor-',: yee': fano 'kpa 'de or 'di 'weh. Deh no-eh,: Poror' or po-a 'chen-dubu'⧾ son⧾-', on 'ye-a' bla: dee', or-: 'Wloon-nyor⧾-a' nyor: oo'. :Yeh zorn zen-a,: yee': janbe: dao', or 'bhorn deh: eh: korn-a dhih 'de: Jueh'-nyor⧾ po-a: Poror' dhih 'dlu, or 'ye-eh yubo: deh 'jeh neh. Eh-: no-eh, 'de or: za: Poror' 'chen-dubu'⧾ son⧾-', 'de jorwor: or 'da Nyorsoa-a' 'slaa:: za-nyor:⧾: klaba'⧾-: 'dekorn: zabe:: zi-nyor⧾-a' klehkpeh-: on 'ye: dha: due' 'gbon-dih:.: Yee': yeh on 'kpa-a: dha: due',: yee' or 'duo:: Poror'-' 'weh, 'de or: nyna-dih-or dih 'do on ybei'. :Yeh: Poror': nyna-a dih 'do on ybei',: yee' or pobo-uh-: ya 'dhuan, 'de or: wlu, or 'dae:, 'An 'de-di'-boi'-a:. 'An: porluh: se-' 'on zabe: kpon-dih:, 'de 'an 'kmo: ne-eh 'di, 'do 'an Nyorsoa-deh bo, 'de eh: yeh-dih: 'zean'-we-eh:: daa ken. :Yeh or 'da: ao',: yee' 'Anenaya': or no-a Nyorsoa-a' 'slaa:: za-nyor⧾-a' nyor: klaba', or zela: nyor⧾: on: nyna-a 'o: Poror' 'bhun dih: gwluhuh', on 'ye-or' 'kpa 'worn po. :Yee': yeh on po-a: Poror' 'kpa 'worn,: yee' or: wlu-' 'de 'slaa:: za-nyor⧾-a' nyor: klaba': dao' bo, or 'dae:, Nyorsoa-a mu: on 'kpa 'worn: po: ke,: mor 'yli-eh ken dih: nmor-nyor:: daa, 'de: or: korn-a 'di: nyni-a worn.: Mor: or: dhe-a 'o: dha 'o dih,: or 'ye-a 'an zabe zi: ka: Mose'-a' 'tele' no-a mu-a',: mor 'o: or wa-eh 'do nyor⧾: gwluhuh' zela-eh bo, on 'ye 'on 'kpa 'worn po: e? :Yee' nyor⧾: on: nyna-a 'o: Poror' 'bhun dih, on 'da,: An 'jle-dih Nyorsoa-a' 'slaa:: za-nyor⧾-a' nyor: klaba' 'weh o. 'De: Poror' 'da, 'On se-eh yubo:, 'an 'de-di'-boi'-a:,: ka or 'ye-a Nyorsoa-a' 'slaa:: za-nyor⧾-a' nyor: klaba' 'dhu-eh:. Eh 'chle-eh:-' 'de Nyorsoa-a' 'chlee-deh 'di, eh 'da,: An-a': za-' deh-zon-' 'do nyor: or: korn-a: an-a' nyor⧾ wlu 'ken 'bhun. :Yee': Poror' yubo-eh': ka zabe:: zi-nyor:⧾: dao', an-a': noo' 'dhu-a: Sayusi'i-nyor⧾-', 'de: noo' 'dhu-a: Falasi'i-nyor⧾-', 'de or van-dih: wlu dih, or: wlu deh 'jeh 'de zabe:: zi-gbu:: dao', on: ne-a 'zorn, or 'dae:, 'An 'de-di'-boi'-a:. 'Mor: Falasi'i-yu: 'o. 'De mor 'on no: Falasi'i-yu-a' 'yu. Deh: korn-a dhih, 'de a zi-a 'an zabe 'zean', eh-: 'dhu, 'on dhe-eh-:: gwlii': ka Nyorsoa-a mu-a 'meheh'-nyor⧾ de: ya: neheh'. :Yeh: Poror': za-a deh: dao',: yee' dhobo-eh 'kpa 'o: Falasi'i-nyor⧾-: 'dekorn:: Sayusi'i-nyor⧾-: 'nyne bo 'weh.: Yee': gwlor-nyor:⧾: dhulu': dao', on 'wluh 'sororn'. Deh no-eh,: Sayusi'i-nyor⧾ 'da 'meheh'-nyor⧾: se-': sorn i, 'de mor on: se-eh' dhih 'jeh-' po: ka 'enjor-: 'dekorn: deh⧾-a': zulu⧾-: en: ne-a. Jorwor:: Falasi'i-nyor⧾ po, me-:: ne-a taan dhih 'jeh-' 'weh. :Yee': dhlumeh' 'kpa-: ken 'de on 'nyne-'. 'De nyor⧾ 'tele': torne-nyor:⧾: noo': on: ne-a 'de: Falasi'i-nyor⧾-a' 'for bo, mo-:: nyna dih, 'de on: ne nyor⧾-a dhobo: 'gabaa, on 'da,: A: se-' 'yu: daa deh-zon 'bhun 'ye. Eh gweh deh-a': zulu-:: eh beh 'enjor-: mo-:: wlu 'de or bo 'bla. :Yee' dhobo-eh:: eh: ne-a 'de nyor⧾: dao' 'nyne-', eh: dhie: 'i 'gabaa.: Yee': fano-a: no: janbe: dao', on: ne-': Poror' dih: chehn-dih:. Eh-: no-eh, 'de or zela: or-a'a: sorye': gwluhuh', on 'ye: Poror' 'de on 'kwa: za, on 'ye-or 'de: bale' 'gle kpa. :Yee': yeh glu gor-a,: yee': Gwlor: baa': nyna dih 'do: Poror' 'bhun, 'de or 'da, Ku: gwluhuh'.: Ka: on no-a 'an dhih-': za-eh dha: Julu'slehn, 'ka: wor: on 'ye 'an dhih-': za-eh no 'de 'Wloon-gwlor 'di: ke. :Yee': yeh zorn: dele' zen-a,: yee': Jueh'-nyor:⧾: noo', mo-: 'kpa: dha: due', 'de on 'dhu dhih 'de an-a' 'jeh 'nyne-'. 'De on: zlehn-dih: deh,: eh: mor on: se-' deh: di i, 'de mor on: se-' 'na-: i, on 'ye: Poror' 'dba: gbor: gbor. Nyor⧾-a' klehkpeh: on 'dhu-a dhih: daa, on zi nyor⧾-kpalu⧾-a': kwlaa: nyieh-: dih. 'De on mu 'de Nyorsoa-a' 'slaa:: za-nyor:⧾: klaba'⧾-: 'dekorn: an-a' 'bluhba:: korn-nyor⧾-: bo, 'de on 'da,: A: zlehn-dih: deh 'gabaa.: A 'da: a: se-' deh: di i, 'de mor: a: se-' 'na-: i,: a 'ye: Poror' 'dba: gbor: gbor. :Yee' 'do eh-a' dha, a mor-: 'dekorn:: Jueh'-nyor⧾-a' zabe:: zi-nyor⧾-: a bale: sorye'-a': janbe or 'ye 'de: Poror': ya 'do a ybei', a 'ye 'sleh po, a 'ye: ao', a 'bhorn: Poror' 'ye a kuna' 'jeh nor 'nyi 'do or-a' zabe:: dao' bo.: Mor a no: ao',: yee': a fuo-or 'ken,: mor or: taa 'de yi,: a 'ye-or' 'dba. Jorwor:: yeh: Poror'-a' 'de-di'-nynor-kpao'-a'a: 'yu-nyor-kpalu-yu 'worn-a dhih: daa on 'dhu-a,: yee' or mu 'de: Poror' bo: bale' 'gle 'weh. 'De or zela-or: gwluhuh', eh-a' dhih. 'De: Poror' 'da sorye'-a' nyor: klaba': due', or: wlu 'de or bo, or 'dae:, Kpa 'de 'yu: daa 'de: janbe bo. Or 'ble deh or 'ye-or: gwluhuh' zela:. 'De or 'duo: nyor-kpalu-yu:: dao', or kpa-or 'de: janbe bo, 'de or 'da,: Poror': or: ne-a 'de: kasue 'di, or-: 'da 'on, 'de or bale: 'on, 'on 'ye 'de 'yu: daa 'noror: on bo: ya. Deh no-eh, or 'ble deh or 'ye: on: gwluhuh' zela:. 'De: janbe: dao', or kpon nyor-kpalu-yu:: dao', or-a' son dih, 'de or kpa-or 'o 'for 'i, or dhele-or dih, or 'da, Deh 'i-deh:: on 'ble: on 'ye 'on: gwluhuh' zela:: eh? 'De nyor-kpalu-yu:: dao', or: wlu, or 'dae:,: Jueh'-nyor⧾-a' nyor⧾: na-dih-nyor⧾ 'dhu dhih, on 'ye: on dih dhele:,: on 'ye: Poror' 'de: Jueh'-nyor⧾-a' zabe:: zi-nyor⧾ ybei' kpa: glaa'e, on 'ye 'sleh po, on 'ye: ao', an 'bhorn on 'ye kuna' 'jeh nor 'worn 'de or 'worn. :An-a': to-uh': dou'⧾ bo. Deh no-eh, nyor⧾-kpalu:⧾: on zi-a: kwlaa: nyieh dih, mo-: 'zile:,: an fuo-or 'ken. On: zlehn-dih: deh: eh: mor on: se-' deh: di i, 'de mor on: se-' 'na-: i, on 'ye: Poror' 'dba: gbor: gbor.: Yeh: a: ne-a ken, an fuo-or 'ken: naa,: eh: sie: 'o: on 'ye 'worn 'klein'. :Yeh or zela:: janbe: dao': gwluhuh',: yee': janbe 'dhu-or 'slen, or: ne-' nyor: gwluhuh' zela:: ka or zela-or: gwluhuh'. 'De or zela: nyor-kpalu-yu:: dao': gwluhuh', or 'ye de mu. :Yee': janbe: dao', or 'da or-a'a: sorye'-a' nyor⧾: klaba'⧾-a' nyor⧾ 'sororn' 'weh, or 'nyi-uh 'tele', or 'da, A po sorye'-a': kehehn' 'sororn': dha: due', a 'ye 'Sehsali'a-gwlor 'di mu,: mor nyor⧾: taa 'mo 'da mu 'gwior.: Yee' a po: soo'⧾-a': na-dih-nyor⧾-a': kwlaa: meheh' 'sorn-: 'dekorn: 'di-a' 'ble-nyor⧾-a': kehehn' 'sororn'-:: dha: due': ke, a 'ye-uh kpa. A: za 'o: soo'o:⧾: nee' 'do: Poror' bo, en 'ye-or' kpa: pehleh'peh:, 'de 'gomla-nyor⧾-a' nyor: klaba' File' bo. 'De: janbe: dao', or 'chle 'chlee-deh, or 'nyi-uh. 'Chlee-deh: or 'chle-a, eh-a' wlu 'da, 'Mor: or 'dhu-a Klordior' 'Lesea, 'mor 'ye: on, File',: mor: or 'dhu-a 'gomla-nyor⧾-a' nyor: klaba'-'. Nyor-kpalu:: daa 'an dbo-a 'de: on bo, or-:: Jueh'-nyor⧾ kpon, eh: sie: 'o deh-beh: on 'ye-or 'dba: dee'. Jorwor:: ka 'on yubo-eh 'i, 'de or 'dhu-a 'Wloon-nyor⧾-a' nyor-',: yee' eh-:: korn dhih 'de 'on kpa sorye' 'de on bo, 'de: a za-or on 'kwa. 'An 'bhorn 'on 'ye deh: eh: ne-a 'o or-: 'dekorn: on mor-: 'nyne bo yubo:: dee'. Eh-:: korn dhih 'de 'on kpa-or 'de an-a'a: zabe:: zi-nyor⧾ ybei'. 'On yubo-eh', or: se-' deh no,: eh: korn-a dhih or 'ye-a 'meh, 'de mor or 'ye-a: kasue 'di: po-eh:. Deh: korn-a dhih on po-or dhih 'dlu, eh tba 'o an-a'a: 'tele' 'bhun dih. :Yee': yeh 'on 'worn-ih'-a: ka: Jueh'-nyor⧾ 'dhu-a dhih, on 'ye-or' 'dba,: yee' eh-:: korn dhih, 'do: dha: due': dao', 'an dbo-or 'de: on bo. 'On zela: nyor⧾: on: ne or 'ble-a dhih: gwluhuh', on 'ye 'de dhih-a' 'jeh: dao' 'do: on ybei': ya. :Yee' deh: janbe zela: or-a'a: sorye': gwluhuh', eh-: on no. 'De on 'duo:: Poror'-' dholo-', on 'si 'o 'Antipa'tor-gwlor 'di dih. :Yee': yeh zorn: zen-dih-uh-a 'o,: yee' sorye': an na-a 'bluhbor, on mu 'de: bale' 'gle-: de.: Yee': yuh: on: ne-a 'o: soo'o⧾ ken, mo-: kpa-or. :Yee': yeh on nyni-a 'Sehsali'a,: yee' on 'nyi 'gomla-nyor⧾-a' nyor: klaba': dao' 'chlee-deh:: dao' 'weh. 'De on: za: Poror' 'kwla 'de or bo. :Yeh or zlo-eh,: yee' or dhele:: Poror'-: dih, or 'da, 'Bluhba-a' 'for: yoror: on 'wluh bo: eh?: Yeh or yubo-eh 'i,: ka: Poror' 'wluh-a: Sele'sia-bluhba ken, :yee' or 'dae:, 'An mu: on: dou'⧾ bo: to,: mor eh 'dhu, nyor⧾: ne: on 'ble-a dhih, on 'yle. 'De or 'nyi nyor⧾ 'tele', on 'ye-or 'de 'keen: Hehlo'-a'a: 'sla ya kpa, or po-a: dee' see, on 'ye-or 'yli-eh bo 'dhu 'de mor, or: ne-' ple. :Yee': yeh 'we: mm' zi-a,: yee' Nyorsoa-a' 'slaa:: za-nyor⧾-a' nyor: klaba' an 'da-dih-a 'Anenaya', or mu 'Sehsali'a:.: Yeh or: taa mu,: yee' or kpa: Jueh'-nyor⧾-a' 'bluhba:: korn-nyor⧾-a': noo'-: 'dekorn: 'tele': zi-yu: due' an 'da-dih-a: Tehtor'lor-:. Mo-: mu 'o 'gomla-nyor⧾-a' nyor: klaba': dao' ybei', 'de jorwor: on 'ye: Poror' dhih 'dlu po. :Yee' on 'da: Poror' 'weh 'do on ybei'. 'De: Tehtor'lor 'kpa 'o: Poror'-a' dhih 'dlu: po 'da, 'do File' ybei', or 'dae:, 'Gomla-nyor⧾-a' nyor: klaba' File'.: An-a': toror': korn-eh:, eh-: no-eh, 'de: a 'ble wlu-' dih 'worn-eh:, 'de eh: tehn 'dlu-' dha 'bluhba-dlu:: daa ken. 'De: on kpa: a-a'a: 'bluhba yai': ke. 'Gomla-nyor⧾-a' nyor: klaba' File'. Deh⧾-a' klehkpeh: daa,: kpeen:,: a kpon-ih-: dih, 'de: a po: on 'zio 'do en-' klehkpeh bo, deh 'jeh o. Jorwor: 'on: se-' 'bhorn 'on 'ye: an-a' ti: zi-dih:.: Yee' 'an bale: on 'weh,: on 'ye 'on: dou'⧾ bo: to: weh-beh:, 'do deh 'an yi-a: za 'da bo. :An 'ye 'yu: daa 'weh: e? Or za: zaa' yaa'e 'do ti-a' klehkpeh bo. Or 'dhu-dih: Jueh'-nyor:⧾: on: ne-a dha yao 'zorn 'i, on 'ye 'kpunu: 'kpun vorn. Or no 'Nazla-nyor⧾-a' kpor-a' nyor: klaba': due': ke. Or-a' 'jeh, or 'bhorn or 'ye: a-a'a: Nyorsoa-a' 'sla: sloror' gban-': za: dee'. Eh-:: korn dhih,: a kpon-or, [:a 'ye or-a' zabe zi,: ka: a-a'a: 'tele' no-a mu-a'. Jorwor: 'Wloon-nyor⧾-a' sorye'-a': janbe an 'da-dih-a 'Lesea, or-:: kpa-dih:: a 'kpih, 'de or za-or: a 'kwa, 'de or zela: nyor⧾: on: ne or 'ble-a dhih: gwluhuh', on 'ye 'noror: on bo yi.]: Mor: an-a' 'jeh 'yor-eh dhele-or dih,: yee': an mu-eh yubo:: ka deh⧾: a za-a-', en 'dhu-a dhih-a' 'yor-eh-'. :Yeh 'tele': zi-yu:: dao', or jla-a,: yee': Jueh'-nyor⧾-a' klehkpeh, on 'worn-dih: dhih or: za-a-' 'weh, 'de on 'da, Keen'. 'Ka-: eh: ne 'jeh ka. :Yee' 'gomla-nyor⧾-a' nyor: klaba' 'duo: 'dhun-' ya,: Poror' 'ye: wlu.: Yee': Poror' 'dae:, 'On yubo-eh': ka: on 'dhu-a zabe:: zi-nyor:: klaba'-' 'do: a-a'a: 'bluhba-dlu:: daa bo, 'do zon⧾: dhulu' 'di.: Yee' 'do eh-a' dha, 'an: porluh 'pehn-: dih, 'on 'ye 'an 'jeh 'yor-eh dhih ken: za dha: on ybei'. :Mor: on dhele: nyor⧾ dih,: yee': an mu-eh yubo:,: ka 'on mu-a: Julu'slehn, 'on 'ye-a Nyorsoa: weheh': za 'de mor.: Eh 'wluh-a 'o ti-a' 'jeh: dao' bo: naa, eh 'see 'we-a': bhue: 'yor 'sororn' dih zi. :Jueh'-nyor:⧾: on po-a 'on dhih 'dlu, on: se-' 'on 'ye, 'on: se-' nyor bo jeh 'de Nyorsoa-a' 'sla 'zorn. 'De mor on: se-' 'on 'ye, 'on: se-' nyor⧾ 'i 'dhu-dih:, 'de an-a' 'di: gweh-dih-sla⧾ 'zorn dih, 'de: korn mor gwlor-a': dha: noror'-:. 'De mor on se 'beh-dih: on 'ye-eh' ken dih zela: 'de: on bo,: eh: mor dhih on po-a 'o 'on 'dlu, en no dhih-a' 'yor-eh. 'On 'worn-dih-eh ken dih 'weh,: ka 'an za-a: a: bai'-a': bai'-a' Nyorsoa-a': weheh', 'do: Gwlor: baa'-a': gwie-a' klei': zi-eh bo.: Gwie-a' 'jeh: dao', eh-: on 'da,: eh: se: gwie: 'jeh: neh. Jorwor: deh⧾-a' klehkpeh: en 'chle-eh 'de: Mose'-a' 'tele'-chlee-deh 'di-: 'dekorn: Nyorsoa-a' wele-eh:: po-nyor⧾-a' 'chlee-deh 'di-: 'on po-ih dhih 'jeh. 'De 'on dhe-eh: gwlii': ka Nyorsoa-a mu-a 'de deh⧾-zon:⧾: no-nyor⧾-: 'dekorn: 'yi 'sleh-nyor⧾-:: on 'meh-a, 'de nma-dih-deh 'di: za. Eh-: 'jeh: dao', eh-: on po dhih 'jeh-': ke. :Yee' 'do eh-a' dha, 'an vorn-' 'do ti-a' klehkpeh bo, 'an: porluh: ne-' 'on zabe: kpon-dih: 'do: gwlor-nyor⧾-: 'dekorn: Nyorsoa-: ybei'. :Yee': ka 'on 'wluh-a: Julu'slehn, 'de eh no-a zon⧾-kpor,: yee' 'on mu 'de-: de, 'de 'on kpa 'wlii 'de 'on 'bli-nyor:⧾: on se-a deh-a': za-da 'ble bo, 'de mor 'on 'ye Nyorsoa-a' 'slaa: za. :Yee' ti 'an no-a deh-a' 'jeh: dao', 'do: wor on 'ye-dih: 'on 'do Nyorsoa-a' 'sla ybei'.: Yeh on 'ye-a 'on 'ye,: yee' 'on: za: kane' dih: weh. 'De mor nyor⧾: dhulu' se 'o 'on bo: ne. 'De mor 'on: se-': zaa' yaa'e: za. Ti 'an no-a deh-a' 'jeh: dao',: yee' 'do: wor: Jueh'-nyor:⧾: noo': on 'wluh-a 'de 'Esea-bluhba ken, 'do: wor on: ne. An-a' 'jeh: dao', mo-:: korn on 'ye dha: on ybei' yi,: mor on 'ble dhih, on 'ye 'o 'on 'dlu po, on 'ye-ih': za. :Ka: yuh: dao', on se-a dha: ne,: yee' 'nyi: yuh: on: ne-a dha: naa, ti 'on: nyna-a 'o: Jueh'-nyor⧾-a' zabe:: zi-nyor⧾ ybei' dih: zai',: mor deh-beh:: ne 'o eh kpon 'on,: yee' 'nyi on za-eh'. :Mor eh 'dhu deh 'on: za-a-': dee' see, 'do on ybei', 'on 'wor-a, 'on no-a, 'Meheh'-nyor⧾-a mu-': sorn, eh-:: korn dhih, a 'chleh 'on 'i 'zean',: mor eh 'dhu eh mor-',: yee' 'on: se-': mleheh' 'da. :Yee' File': or yubo:-a: Gwlor: baa'-a': gwie-a' eh-a' deh 'i, or-: kan zabe:: dao' 'i, 'de or 'da,: Mor sorye'-a': janbe 'Lesea 'yle: weh, 'de 'on 'ye 'de a-a'a: zabe:: dao' 'di pobo:. :Yee' or 'nyi sorye'-a' nyor: klaba': dao' 'tele', or 'ye: Poror' 'yli-eh bo 'dhu, or: ne-' ple. Jorwor: or 'da, No-eh, or 'ye dih van-dih:: weh-beh:. 'De mor 'nyi or 'bei' 'yle, on 'ye 'o or bo dih pobo:: ke. :Yeh 'we-kpor-bei: zi-dih:-a 'o ken dih,: yee' File'-: 'dekorn: or-a'a: 'nynor: or no-a: Jueh'-nynor an 'da-dih-a: Dlusi'la-: mo-: 'yle. 'De File' dbo: Poror' wlu bo.: Yeh: Poror' yi-a 'de,: yee' or: za-': Yusu' 'Klae-a' dhih 'jeh-': po-dhih:, 'de File'-a to or-a' wlu: dou'⧾ bo. :Yee': Poror'-a za 'yi 'sleh-deh⧾-a' no-a'-: an-a' 'jeh-a' wlu 'ken: korn-eh: on: ne-' deh⧾-zon⧾ no-: 'dekorn: Nyorsoa-a' zabe:: zi-eh:: eh mu-a 'de: yi-: en-' dhih.: Yeh File' 'worn-a deh⧾: daa,: yee' or 'kpa-': fano:, 'de or 'dae:, Eh: dhie: 'i: blaa'a:,: Poror'. 'Kpa 'o,: on 'ye mu: naa.: Mor 'on 'ye ti,: yee' 'an mu: on wlu bo: dbo: dele' ka. :Yee' 'do ti: dao' 'di, File' dhe-eh: gwlii': dee',: Poror' 'ye-or' 'zorn dih: pa-dih:. Eh-:: korn dhih, 'de or dbo-or wlu bo 'teheh: 'teh, 'de or: wlu 'de or bo. :Yee': yeh zon⧾ 'sororn' zi-a,: yee' 'Porsia: 'Fehtor 'kpa 'o File' 'gor-' 'weh, 'de or no 'gomla-nyor⧾-a' nyor: klaba'. Jorwor: File'-a 'bhorn or 'ye deh no 'do: Jueh'-nyor⧾ bo, eh 'ye an-a': porluh⧾ dih 'pehn-dih:. Eh-:: korn dhih, 'de or sie 'de: Poror' 'de: kasue 'di, 'de or mu kpala' dih 'tali:. :Yee': yeh 'Fehtor no-a 'o 'bluhba-a' 'for: dao' ken 'we taan,: yee' or 'wluh 'o 'Sehsali'a-gwlor 'weh, 'de or mu: Julu'slehn. 'Do: wor Nyorsoa-a' 'slaa:: za-nyor:⧾: klaba'⧾-: 'dekorn:: Jueh'-nyor⧾-a' nyor⧾: na-dih-nyor⧾-: on: mu-dih: 'o or ybei', 'de on zela-or: gwluhuh', 'do zabe: on 'ble-a 'do: Poror' 'bhun, en-' dhih bo. 'De on bale-or, on 'da, :On: korn 'gen. Deh: daa,: mor: on no-eh 'do: a bo, eh-: mu: a-a': porluh⧾ dih 'pehn-dih:. Dbo: Poror' wlu bo, or 'ye dha: a bo: Julu'slehn yi. Deh: korn-a dhih on: za-a deh: daa-', eh-: 'dhu, an po 'sleh, on 'dhu-ih, an 'bhorn: mor: Poror': taa 'de yi, on 'ye-or 'o: gwie 'i: kpon-dih:, on 'ye-or' 'dba. :Yeh on 'da: ao',: yee' 'Fehtor 'da, 'Kei:. 'Nyi: Poror': dhe 'de: kasue 'di dih, 'de 'Sehsali'a. Eh: se 'o: gwle i, 'an 'jeh 'yor-eh 'ye 'de mu. :Mor 'on: taa mu,: yee' 'nyi a-a' nyor⧾: klaba'⧾ zi 'o 'on klei'.: Mor eh 'dhu or no deh-zon, on 'ye-ih': za 'de mor. 'Fehtor zi 'o: Julu'slehn 'we: meheh' na-: 'we: bhue-:: neheh' 'bla, 'de or mu 'Sehsali'a.: Yeh or 'si-a 'o dih, 'de zorn zen-a,: yee' or: dhe dih 'de zabe:: zi: kpala' 'di 'de 'koti-', 'de or dbo nyor⧾, on 'ye 'de: Poror': ya 'do or ybei'. :Yeh: Poror' pa-a,: yee': Jueh'-nyor:⧾: dao': on 'wluh-a: Julu'slehn,: yee' on 'dleh: Poror' 'weh, 'de an po-or zabe:: kolu'⧾: kolu'⧾ 'dlu. Jorwor: zabe:: kolu'⧾ an po-a 'o or 'dlu, on se 'beh-dih: on 'ye-eh' ken dih zela:: eh: mor en no dhih-a' 'yor-eh:. :Yeh on no: ao',: yee': Poror': wlu-', or: za or-a' 'jeh dhih ken, or 'dae:, 'On: se-' deh-zon no, 'do: Jueh'-nyor⧾-a' 'tele'-: Nyorsoa-a' 'sla-: 'dekorn: 'Wloon-nyor⧾-a' 'keen bo-:. :Yee' 'Fehtor-a 'bhorn or 'ye: Jueh'-nyor⧾-a': porluh⧾ dih 'pehn-dih:. Eh-:: korn dhih or dhele:: Poror' dih, or 'dae:,: On 'worn-dih-eh ken dih 'weh,: a 'ye: Julu'slehn mu, 'de: on 'ye dih: nyna 'do 'on ybei', 'de 'on 'ye: an-a' zabe zi 'de mor, 'do dhih on po-a 'o: on 'dlu, en-' dhih bo: e? 'De: Poror' 'da, Dha 'Wloon-nyor⧾-a' 'keen 'bli 'koti-': oo', 'on: nyna dih: naa.: Yee' dha: wor 'an zabe 'ye: zi-dih-eh:.: An-a' 'jeh 'yor-eh:,: on yubo-eh' deh 'jeh, 'on: se-': Jueh'-nyor⧾ deh-zon-' no. :Mor eh 'dhu, 'on no deh-zon: eh: korn-a dhih 'on 'ye-a' 'meh,: yee' 'an mu-eh ken dih 'worn-dih:, 'on 'ye 'meh. Jorwor: dhih: daa,: Jueh'-nyor⧾ po-a 'o 'on 'dlu,: mor en se 'on kpon,: yee' nyor-beh-nyor-beh se eh-a' 'kpih 'ble, or 'ye 'on 'kwla: za 'de on bo. 'An dhele: on dih,: on 'ye 'de zabe:: daa 'de 'Wloon-nyor⧾-a' 'keen bo dbo, or 'ye 'an zabe zi. :Yeh: Poror' 'da: ao',: yee' 'Fehtor: wlu-' 'de nyor⧾: an 'dhu-or 'slen bo.: Yeh or: wlu-a 'de on bo,: yee' or: wlu-' 'de: Poror' bo, or 'dae:,: On dhele: 'on-: dih,: on 'ye 'de 'Wloon-nyor⧾-a' 'keen bo mu. 'On 'worn-'. Mu 'de,: an-a' zabe 'ye: zi-eh: 'de mor. :Yeh 'we-kpor-bei: zi-dih:-a 'o ken dih,: yee' 'Keen: Agle'pa-: 'dekorn: or-a'a: 'nynor: Behni'i-: on mu: na 'da 'de 'Fehtor bo, 'do 'Sehsali'a-gwlor 'di. On mu-or: gwluhuh' zela: 'da: ka an-a': porluh⧾ 'pehn-a dih 'do or-a' yi-a' bo. :Ka an mu-a 'o 'we: doru': zi,: yee' eh-: no-eh, 'de 'Fehtor zela: 'keen: gwluhuh', 'do: Poror'-a' dhih bo, or 'dae:, 'Yu: due', or-:: ne: daa, or-: File' sie 'de: kasue 'di. :Yee' ti 'on mu-a: Julu'slehn, 'do: wor Nyorsoa-a' 'slaa:: za-nyor:⧾: klaba'⧾-: 'dekorn:: Jueh'-nyor⧾-a' 'bluhba:: korn-nyor⧾-: on 'da, 'Yu: daa, or no deh-zon:.: Yee' eh-a' dhih, 'on no-eh zabe 'ye-or' kpon. Jorwor: 'on zela-uh-:: gwluhuh', 'on 'da, eh: se 'Wloon-nyor⧾-a' 'bli-deh:, nyor 'ye nyor: or: ne or 'be 'ble-a zabe 'kwla: za 'de or bo. On: korn on 'ye ybei' dih dhele:: zai': weh, 'de jorwor: deh or no-a, 'de: on 'ye-eh': za, 'de or 'ye ti 'ye, or 'ye or-a' 'jeh dhih ken: za: ke. :Yeh on: ya-a: 'de 'yu-a' 'jeh: dao', or-a' zabe 'noror 'on bo,: yee' 'on: se-' ti: zi-dih:.: Yeh zorn zen-a,: yee' 'on: dhe dih, 'de zabe:: zi: kpala' 'di, 'de 'koti-', 'de 'on zela: nyor⧾: gwluhuh' on 'ye 'de 'yu-a' 'jeh: dao': ya 'do 'on ybei'. :Yee': yeh on ya-or 'de,: yee' nyor⧾: on: ne or 'ble-a dhih, on: sorn-' 'weh, 'de on: nyna dih, an wlu. 'Mor: mloror',: mor 'on: taa 'ye: dee',: yee' 'on 'da or no deh-zon:: klaba'. Jorwor: deh on zela:-a ken dih, deh-zon:: yeh or 'ye-a' no, 'on: se-eh' 'ye. Jorwor: deh: eh: korn-a dhih on: ne or dhobo-a, eh tba 'o an-a' Nyorsoa-a': weheh': za-deh 'bhun dih, 'dekorn: 'yu: due': or 'meh-a an 'da-dih-a: Yusu': or: Poror' no-a: or: ne-' 'kmo: neheh'. :Yee': ka 'on 'ye-a zabe:: daa, en-' zi-a' no, 'on se-eh yubo:,: yee' eh-a' dhih, 'on dhele:: Poror'-: dih, 'on 'da,: An mu-eh 'worn-dih:: on 'ye: Julu'slehn mu, 'de: an-a' zabe 'ye: zi-eh: 'do deh⧾: daa on po-a 'o: on 'dlu bo: e? Jorwor:: Poror' dhele: 'on-: dih, 'on 'ye-or ken dih kpon, 'de jorwor: 'Wloon-nyor⧾-a' 'keen 'ye or-a' zabe zi. Eh-: no-eh, 'de 'on zela: nyor⧾: gwluhuh', on 'ye-or ken dih kpon, 'de jorwor: 'on 'ye-or 'de 'Wloon-nyor⧾-a' 'keen bo dbo. :Yeh 'Fehtor jla-a,: yee' 'Keen: Agle'pa: wlu-' 'de or bo, or 'dae:, 'An 'jeh 'yor-eh:, 'an 'bhorn 'on 'ye 'yu-a' 'jeh: daa, or-a' wlu 'worn: ke. 'De 'Fehtor 'da,: An mu or-a' wlu 'worn-:: glaa'e. :Yee': yeh zorn zen-a,: yee' 'Keen: Agle'pa-: 'dekorn:: Behni'i-: an na: dhuo-deh:, 'de on pa 'de: chuu:: klaba': on: korn-a 'di: gwlor-nyor⧾-a 'gbon-dih-a.: Yee' sorye'-a': janbe-boi'-: 'dekorn: 'nyne: korn-nyor:⧾: on: ne-a 'o: gwlor: dao' 'di-: mo-:: ne on: mu-dih: 'de.: Yeh on pa-a,: yee' 'Fehtor zela: nyor⧾-:: gwluhuh' on 'ye 'o: Poror' 'do on ybei': ya. :Yeh on: pa-dih:-a: Poror',: yee' 'Fehtor: wlu-' 'de 'Keen: Agle'pa bo, or 'dae:, 'Keen: Agle'pa:. Mor-: 'dekorn: nyor⧾-a' klehkpeh: on: ne-a dha: a bo: naa-: a 'ye 'yu: dhe-a dih 'weh: e?: Jueh'-nyor⧾-a' klehkpeh: on: ne-a dha: gwlor: daa 'di-: 'dekorn:: yuh: on: ne-a: Julu'slehn-: mo-:: to or-a': jii-eh 'noror 'on bo, an po 'geh⧾, an no, Or-a': ne-' 'kmo: neheh'. Jorwor: deh or no-a: eh: korn-a dhih an 'bhorn-a or 'ye-a 'meh, 'on se-eh yubo:. Jorwor:: ka or no-a 'Wloon-nyor⧾-a' 'keen, or-: 'ye or-a' zabe zi,: yee' eh-: no-eh, 'de 'on polo-eh 'do 'on: gwlii', 'on 'ye-or 'Wloon dbo. Jorwor: deh or no-a: eh: korn-a dhih 'on 'ye-a 'Wloon-nyor⧾-a' 'keen bo 'chle, 'on se-eh yubo:. Eh-:: korn dhih, 'on ya-or 'noror a-a' klehkpeh bo. Jorwor: 'Keen: Agle'pa:,: mor 'dhu-eh mor-',: mor eh 'dhu: on pobo: 'de zabe:: daa 'di, 'de deh 'an mu-a 'chle-:,: eh 'ye-a 'de 'Wloon-nyor⧾-a' 'keen bo mu, 'de 'on 'ye-eh yubo:. 'On: se-eh': toror' 'di 'ye, 'on 'ye 'de or bo: kasue-nyor dbo, 'de deh or no-a 'on 'ye: ao', 'on: se-eh': za. :Yee': Agle'pa: wlu-' 'de: Poror' bo, or 'dae:, 'On 'nyi: on ti 'weh: naa,: on 'ye: wlu, 'do: an-a' 'jeh bo.: Yeh or 'da: ao',: yee': Poror': to son yai', 'de or 'kpa 'o or-a' 'jeh dhih ken: za 'da, or 'dae:, 'Keen: Agle'pa:. Eh no: bhorlie'-deh: 'do 'on bo, 'on 'ye dha: on ybei' dih: nyna 'zean', 'de 'on 'ye dhih-a' klehkpeh: Jueh'-nyor⧾ po-a 'o 'on 'dlu, 'on 'ye-ih' 'o: za. Eh no: bhorlie'-deh: 'jeh: neh 'do 'on bo. Deh no-eh,: on no nyor: or yubo:-a: Jueh'-nyor⧾-a' 'bli-deh⧾-a' klehkpeh bo dih. 'De mor: on yubo: deh⧾-a' klehkpeh: en: korn-a dhih an dhobo-a ken dih 'weh, 'de on 'nyne-'.: Yee': on: korn 'gen, kpon: porluh dih 'jeh ka,: on 'ye 'an wlu: dou'⧾ bo: to o. :Ka 'on no-a 'kmo-': ne-eh,: eh 'wluh-a 'de 'an 'yu-yu-bla,: Jueh'-nyor⧾-a' klehkpeh yubo-eh': dee' see,: ka 'an 'kmo no-a glu 'dhu-eh 'de 'on 'bli 'bluhba ken-: 'dekorn: 'de: Julu'slehn-: on yubo-eh'. On yubo: 'on 'weh: dee' see.: Mor an 'bhorn on 'ye-eh' ken dih zela:,: yee' 'nyi on 'yle,: mor 'on: se: Falasi'i-nyor⧾-a' kpor: on chehn-a 'de: a-a' Nyorsoa-a': weheh': za-deh bo, an-a' nyor: due'. :Yee' 'zean': naa, deh: eh: korn-a dhih an zi-a 'an zabe, eh-: 'dhu, wlu Nyorsoa po-a: dhama'-' 'de: a: bai'-a': bai' bo, mo-: 'on dhe: gwlii'. :Yee': a-a'a: 'cheh-dlu⧾-a': bhue: 'yor: ne-a 'sororn', an za Nyorsoa: weheh' 'gwie-:: glaa'e-:, 'de on dhe-eh: gwlii', on 'ye deh: dao',: eh: korn-a wlu Nyorsoa po-a: dhama'-' 'ye. 'Keen: Agle'pa:, deh: daa, eh-a' dhih: oo',: Jueh'-nyor⧾ po 'on dhih 'dlu. :Yee': eh: korn dhih 'de eh: kma 'i, 'do a-a' nyor bo, or 'ye-eh dhih 'jeh-' po: ka Nyorsoa-a mu-a 'de 'meheh'-nyor⧾ 'de nma-dih-deh 'di: za: eh? 'An 'jeh 'yor-eh:,: mor 'on: taa 'ye: dee',: yee' 'on 'da, eh no 'an-a:: koan: 'on 'ye: Yusu': or 'wluh-a 'Nazla, 'on 'ye or-a' 'nyne 'borboa' 'i po: dee'. Deh⧾: daa, me-: 'o 'on no: dee' 'do: Julu'slehn. Nyorsoa-a' 'slaa:: za-nyor:⧾: klaba'⧾, mo-: 'nyi 'on 'tele', 'de 'on kpon Nyorsoa-nyor⧾, 'de 'on po-uh: kasue 'di. 'De: mor on 'da, on: korn on 'ye 'meh, 'de 'an 'worn-dih-eh ken dih: dee': ke. 'Do kpor⧾: dhulu' 'di, 'an no 'wluh 'di: gweh-dih-sla:: noror' 'zorn, mu: noror' 'zorn, 'de 'an po-uh 'kle 'ye-eh 'dlu. 'De 'an vorn: dee', 'on 'ye-eh' no, on 'ye an-a': Yusu' 'Klae-a' dhih 'jeh-': po-eh dih 'tali:. An-a' deh 'worn, eh po 'on 'chehn-' 'gabaa, 'de 'an mu 'bluhba:⧾ 'sluh⧾-a' gwlor⧾ 'di dih: ke, 'on 'ye-uh 'kle 'ye-dih: 'de mor. Eh: korn 'we-eh: due',: yee' Nyorsoa-a' 'slaa:: za-nyor:⧾: klaba'⧾ 'nyi 'on 'chlee-deh:: eh 'nyi-a 'on 'kpih, 'de 'on mu-a: Dama'kor. :Yee' ti 'on: ne-a 'o: Dama'kor:: gwie 'i, 'Keen: Agle'pa:, 'do: wor 'on 'ye-dih: zorn-pli:: en 'wluh-a 'de yai',: en: zi-a 'o 'yluh-',: en 'si-a 'de 'on 'yli dih, 'de en 'dleh 'mor-: 'dekorn: nyor⧾: on: ne 'an mu-a: dee'-:. :Yeh en no: ao',: yee': a-a' klehkpeh,: a 'ga-: dih 'do 'bluhbor, 'de 'on 'worn wlu 'de: Hiblu'-wlu 'di, mo-: 'da,: Soror',: Soror'.: Eh: korn dhih: an 'ye-dih 'on 'kle: eh? Eh: kma 'i nyor 'ye: ao', or se 'de: buhbuh⧾: po, 'de or 'ye 'wu⧾-tu buh tba. 'De 'on 'da,: Gwlor: baa',: an-a' 'nyne: eh? 'De wlu: dao', on: za-eh: de: neheh', on 'da, 'Mor: Yusu': oo',: an 'ye-dih-a 'kle. :Sorn-',: on 'ye dih: nyna. 'On 'wluh-dih:: on 'i 'weh 'zean', 'on 'ye: on gan,: on 'ye 'an-a: 'bhoi-yu-' 'dhu-eh:. 'De: on 'ye deh⧾: on 'ye-a 'zean': en kor-a 'on 'i-: 'dekorn:: yih 'an mu-a: on: torne: 'de nya-: en-' dhih bo zela-nyor-' 'dhu-eh:. :Yee' or 'dae:: neheh',: On 'bli: Jueh'-nyor⧾-: 'dekorn: nyor⧾: on: se-a: Jueh'-nyor⧾-: 'on: se-' 'worn-: i, on: se-': on deh-': no-dih: i. 'An dbo: on 'weh 'de on bo, :on 'ye an-a' 'yli 'i bhehn-dih:, 'de on 'ye-' dih 'bili:, on 'ye 'de: kule-' 'wluh, on 'ye 'noror zorn-pli-' yi. 'De on 'ye 'de 'ku-a' 'kpih 'zorn 'wluh, on 'ye 'noror Nyorsoa bo yi.: Yee' an-a' deh⧾-zon⧾-a' dhih-a mu bo 'ma-dih-eh:, 'de on 'ye 'de Nyorsoa-nyor⧾ 'nyne-' 'kpa,: mor on po 'an dhih dhih 'jeh-'. :Yee' 'Keen: Agle'pa:, ti 'an 'yli-eh 'kpa-a deh 'i, nyor 'on 'ye-dih:-a 'o,: or 'wluh-a 'de Nyorsoa 'bli yai', or-a' wlu: oo' 'an dhe 'o dih. :Tehn 'i, 'on mu: Dama'kor:, 'de jorwor: 'an mu: Julu'slehn-:: Judi'a-bluhba-a' klehkpeh ken dih-: 'dekorn: nyor⧾: on: se-a: Jueh'-nyor⧾-: bo dih: mu, 'de 'on po Nyorsoa-a' tubo-wlu⧾ 'de on bo, on 'ye an-a' deh⧾-zon⧾ dih 'tali:, 'de on 'ye 'de Nyorsoa bo 'bili:, 'de on 'ye deh⧾ no, en 'ye-eh' nyor⧾ 'i: to-dih:: ka on 'tali:-a an-a' deh⧾-zon⧾ dih. Deh: daa, eh-a' dhih: oo',: Jueh'-nyor⧾ kpon 'on, 'do Nyorsoa-a' 'sla ybei', 'de an vorn on 'ye 'on 'dba. Jorwor:: eh 'wluh-a 'o 'do ti: dao' bo, 'de: eh: yeh-dih:-a 'zean'-we-eh:: daa ken, Nyorsoa, or-: 'ma 'o 'on bo. Eh-: no-eh, 'de 'on: nyna dih dha a ybei', 'de 'an zela deh⧾: daa ken dih, 'de a: mor: or: korn-a 'nyne-: 'dekorn:: yuh nyor⧾ se-a yubo:-: bo. Deh or-a' wele-eh:: po-nyor⧾-: 'dekorn:: Mose'-: on: za-a-': dee' see, on no-a,: eh mu: no-eh, eh: due': dao', eh-: 'o, 'an za-'. On 'da Nyorsoa-a' 'taan'-yu: korn or 'ye 'kle 'ye.: Yee' or-: mu: zai'-nyor: no,: or mu 'de nma-dih-deh 'di 'wluh-:, 'de or 'ye-eh' no, 'de zorn-pli 'ye 'de: Jueh'-nyor⧾-: 'dekorn: nyor⧾: on: se-a: Jueh'-nyor⧾-: bo mu. :Yeh deh: dao', eh 'si-a 'de: Poror' 'worn,: yee' 'Fehtor 'wor-dih-or 'yli dih, or 'da, Sena-a: no: on o,: Poror'. 'Chlee-deh:⧾: dhulu': on yubo:-a, me-:: en no-dih: on sena. :Yee': Poror' 'da, Nyor: klaba' 'Fehtor:. Sena: se-' 'on no. Dhih 'an za-a-', en no dhih-a' 'yor-eh:, 'de en: ne 'o: gwie 'i. 'Keen: Agle'pa yubo: deh⧾-a' klehkpeh: daa 'weh. Eh-a' dhih, 'on: se-': fano: ple i. 'An mu dih van-dih:, 'on 'ye: wlu 'de or bo. 'On po-eh-' dhih 'jeh, or yubo: deh⧾-a' klehkpeh: daa 'weh. Deh no-eh, deh⧾: daa: en: no-eh, en: se-': no-eh: 'de: kule-'. 'Keen: Agle'pa:.: On po Nyorsoa-a' wele-eh:: po-nyor⧾-a' wlu dhih 'jeh-' 'weh: e? 'On yubo-eh',: on po an-a' wlu dhih 'jeh-' 'weh. :Yee': Agle'pa: wlu-' 'de: Poror' bo, or 'dae:, Dha ti-bei:: daa 'i,: an-a': gwluhuh' 'da,: an mu-eh: no, 'on 'ye 'Klae-a' nyor no: e? 'De: Poror' 'da, 'Do ti-kpor-bei 'di o-: 'do ti: dhorno'⧾ 'di o-: 'an wlu 'de Nyorsoa bo 'weh, 'de mor-: 'dekorn: nyor⧾-a' klehkpeh: an to-a 'on: dou'⧾ bo 'zean'-:: ka 'on: ne-a, a 'ye: ao': ne. Deh: due' 'on se-a 'bhorn,: eh 'ye-a': no-eh: 'do a bo, eh-: 'dhu, an-a': po-' a 'chen-dubu'⧾ son⧾-',: ka 'on: ne-a: naa. :Yeh or jla-a,: yee' 'Keen: Agle'pa-: 'gomla-nyor⧾-a' nyor: klaba' 'Fehtor-:: Agle'pa-a'a: 'nynor: Behni'i-: 'dekorn: nyor⧾-a' klehkpeh: on: ne on: dhe-a: dha: due' dih-:: yee' on: sorn-' 'weh. :Yeh on 'wluh-a 'de: chuu:: dao' 'di, 'de an mu-a,: yee' an wlu-' 'de an-a' 'jeh 'nyne-', an no, 'Yu: daa, or: se-' deh no: eh: korn-a dhih, or 'ye-a: kasue 'di: po-eh:, 'de or 'ye-a 'dba-eh:. :Yee': Agle'pa: wlu-' 'de 'Fehtor bo, or 'dae:,: Mor 'yu: daa, or se: on dih dhele:: dee',: on 'ye-or' 'de 'Wloon-nyor⧾-a' 'keen bo dbo, or 'ye or-a' zabe zi,: yee' or mu 'de: kasue 'di: za-eh:: dee', or 'ye mu. :Yee': yeh on polo-eh,: a 'ye-a 'de 'ni ken-meheh 'di 'kpa,: a 'ye-a 'Etole-bluhba ken mu,: yee' on po 'de: Poror'-: 'dekorn:: kasue-nyor:⧾: noo'-: 'de 'yu: due' 'kwa, an 'da-dih-a: Julia': or no-a nyor: klaba' 'do sorye'-a' kpor: on: dhe-dih-eh 'for 'i, 'de 'Wloon-nyor⧾-a' 'keen bo. 'De: a 'kpa 'de 'ni ken-meheh 'di: eh 'wluh-a 'Adlami'tior-gwlor 'di,: eh 'bhorn-a: eh 'ye-a 'Esea-bluhba-a' gwlor⧾ 'di dih: pa-dih:, 'de: a mu.: Yee' 'yu: due' an 'da-dih-a 'Alita'kor: or no-a 'Masordo'nia-yu,: or 'wluh-a 'Tehsolo'nika-gwlor 'di, or-a' 'jeh: dao', or-:: ne: a mu. :Yee': yeh zorn zen-a,: yee': a 'si 'Saedorn-gwlor 'di-: dih. 'De: Julia' no deh 'jeh 'do: Poror' bo, or 'tali-or dih, or 'ye or 'bei' 'ye 'da mu, on 'ye deh or se-a 'ble, on 'ye-or 'nyi. :Yee': yeh: a 'wluh-a 'o,: yee': a 'kpa 'de 'ni ken-meheh 'di-: de, 'de: a mu.: Yeh: a mu-a,: yee': pobor'-a yi: a: gwlii'. Eh-: no-eh, 'de: a: yi-dih: 'noror 'Sapor-bluhba-a' 'for: yor: pobor' se-a bo: ne. :Yeh: a: yi-dih-or worn dih,: yee': a: mu-dih: 'de yobo'-a' gwea:, 'de: a: yi-dih:: Sele'sia-bluhba-: 'dekorn:: Panfi'la-bluhba-: worn dih, 'de jorwor:: a 'si: gwlor an 'da-dih-a 'Mala dih,: or: ne-a 'de 'Lisia-bluhba ken. 'Do: wor sorye'-a' nyor: klaba': dao', or 'ye-dih: 'ni ken-meheh: eh 'wluh-a: gwlor an 'da-dih-a 'Ehlezan'dla 'di, 'de: eh mu-a 'Etole-bluhba ken, 'de or po 'de eh 'di: a-uh. :Yeh: a mu-a,: yee' 'ni ken-meheh:: a: ne-a 'de 'di, eh na: wleh: wleh, 'do 'we: dhulu' 'di. 'De: a 'ye 'kle 'gabaa, 'do: gwlor an 'da-dih-a 'Klalor, or-a' ken: yeh-dih: 'da, deh no-eh,: pobor': dhie: 'i 'gabaa. Eh-: no-eh, 'de: gwie:: a kpa-a: dee',: a se eh-a' kpa-a' 'beh-dih:. 'De: a: yi-dih: 'noror 'Klii-bluhba-a' 'for: yor: pobor' se-a bo: ne-dih: ka, 'do: dha 'bluhba 'nyna-dih:-a 'de yobo' 'di, an 'da-dih-a 'Samorne. Ti: a na-dih-a 'kpuhbuh' worn dih,: a 'ye 'kle 'do: gwie 'i 'gabaa, 'de: a mu 'o: dha an 'da-dih-a Dubeh:: po 'da 'jeh nor: nyni. 'Do 'koan'-dih: 'o 'Lasea-gwlor: worn 'i dih. :Yee': yeh: a: zi-dih:-a ti: doru': zi-dihih: 'do: gwie 'i, 'de 'we-eh:: Jueh'-nyor⧾-a 'dhu-dih-a Nyorsoa gban 'i, eh zi-a,: yee' ti: en: korn-a 'di 'ni ken-meheh 'di 'kpa-eh nyni-a 'yi dih, en nyni 'o 'weh. Eh-: no-eh, 'de: Poror' 'dhu-uh 'slen, or 'dae:, :A 'bli-nyor⧾-a:. 'An 'ye-eh',: ka: mor: a 'wluh: daa, eh mu-a 'yi dih: nyni 'do: a bo. 'Meheh-: 'dekorn: 'tiei:: en: ne-a 'de eh 'di-: en mu 'kor-:. Eh se en: due': deh, jorwor:: a-a': febeh': ne 'o 'weh: ke. :Yeh: Poror' 'da: ao',: yee' sorye'-a' nyor: klaba': dao', or: se-': Poror'-a' wlu: dou'⧾ bo: to. Jorwor: 'ni ken-meheh-a': janbe-: 'dekorn: 'yu: or korn-eh-: an-a' wlu, mo-: or: to: dou'⧾ bo. :Yee': ka 'do: dha 'o se-a 'yi dih: nmor, on 'ye-a 'o: ne, 'do: chehbe'-a' ti 'di, eh-: no-eh, 'de nyor⧾-a': dha: dhulu' polo-eh,: a 'ye 'o 'wluh. An 'bhorn: a 'ye vorn,: a 'ye 'Fineh-a' dubeh:: po 'da nyni,: or: ne-a 'Klii-bluhba ken,: a 'ye 'o dih: dhe, 'do: chehbe'-a' ti 'di. Dubeh:: po 'da: dao', or kan-dih: worn 'noror 'yluh-a' 'nior: 'kpa 'da-a': dila bo-: 'dekorn: 'noror kona bo-:: ke. :Yee': yeh: pobor'-a 'wluh-dih-a 'de 'yluh-a' 'kwla 'wluh-dih: 'da-a' kona-for bo: wleh: wleh,: yee': mor on: taa 'ye: dee',: yee' on 'da eh mu 'yi dih: nmor, on 'ye deh an na-dih-a: gwluhuh' dih no.: Yee' eh-a' dhih, on bhehn-dih: 'ni ken-meheh 'weh, 'de: a 'kpa: gwie 'i,: a: yi-dih: 'kpuhbuh': on: ne-a 'noror 'Klii-bluhba worn dih. :Yeh: a ken-dih:-a 'o dih: weh-beh:,: yee': pobor': or ku-a dih 'gabaa,: or 'wluh-dih:-a 'noror 'yluh-a' 'kwla 'wluh-dih: 'da-a': dila bo ka, or-: chehn 'Klii-bluhba:: or no-a yobo'-a' dubeh: dhie', 'de or: yi-dih:: a-uh'. :Yeh: pobor': dao', or bla 'ni ken-meheh-: 'i,: yee': ka: a 'ye-eh': gwie: po ka no,: yee' ka se: ne. 'De: a 'tali-eh dih, 'de: pobor'-a kpa-eh: dha or 'bhorn-a or 'ye-eh: kpa-dih:. :Yeh: a: yi-dih:-a 'noror yobo'-a' dubeh-yu:, an 'da-dih-a 'Korla, 'noror or-a' 'for: yor: pobor' se-a bo: ne-dih: ka,: yee': a 'ye 'kle 'gabaa 'do 'dho-yu:: or: san-dih-eh 'o 'ni ken-meheh 'kpuh 'i, 'do or-a' 'ni ken-meheh 'di: po 'da. On jli-or', 'de on po-or 'de 'ni ken-meheh 'di. 'De on: ya-dih: 'de dubu'⧾ 'de 'ni ken-meheh-a' 'jeh 'yor-eh 'zorn, on san-eh 'kpan 'kpan, eh: ne 'i 'wo-dih:.: Yeh on no: ao',: yee' on: za 'yli-eh:: eh: pobor' bla-a, 'de 'ni ken-meheh na-a yai', 'de on: za 'ni ken-meheh 'yli-eh dih, 'de: pobor'-a kpa-eh. Deh no-eh,: fano-a: no-uh, eh: ne 'o: bhehneh': eh: ne-a 'o 'nior ken ze, 'do 'ni-a': dha an 'da-dih-a 'Siti. :Yee': yeh zorn zen-a, 'de: kmuu-pobor': dao', or-a' 'worn-dih:-a 'boror'-dhih 'gboror:,: yee' on 'kpa 'o 'tiei:: en: ne-a 'noror: a bo 'ni ken-meheh 'di, en-' 'nior:: po 'da 'weh. :Yee' 'do 'we-eh-a' taan neh 'di,: yee' deh⧾: nee' on 'dhu-a 'meheh 'bhun dih,: yee' on no an-a' 'jeh 'yor-eh-a' son⧾, 'de on po en-': nee' 'nior. :Yee': ka: a se-a 'yluh-: 'dekorn: 'chuh: dhlaen-: 'ye, 'do 'we: dhulu' 'di, 'de: kmuu-pobor': dao', or bla: a 'i 'gboror:,: yee': a: se-eh': gwlii' dhe: neheh',: a 'ye 'puh. :Yee': yeh an-a' klehkpeh se-a deh di, 'de eh kpa-a 'we: dhulu',: yee': Poror': sorn-' 'weh, 'de or: nyna dih 'do on ybei', or: wlu, or 'dae:, A: korn a 'ye 'an wlu: dou'⧾ bo: to: dee'.: Mor a no-eh: dee',: yee': a: se-' 'Klii 'wluh-: i: dee'.: Yee' deh⧾: dhulu': daa: en 'kor-a-: 'dekorn: deh⧾-a' klehkpeh: daa: en 'ma-a-: en se: korn en 'ye: ao': ne: dee'. Jorwor: 'an bale a 'weh: naa. A po a-a' 'jeh 'kpih bo. A 'bor: fano:: ple-eh. Deh no-eh, a-a' nyor-beh-nyor-beh:: or 'ye-a' 'ma, or se: ne. 'Ni ken-meheh: due' 'klein', eh-: mu ya: gba. 'Gwie-glu: zi-a, Nyorsoa: or 'on: korn-a 'de bo, 'de 'an za-a: weheh', or-a' 'enjor: due', or-:: nyna 'o 'on 'bhun dih. Or-:: wlu 'de 'on bo, or 'dae:,: Poror',: an-a': ple-': fano.: An-a' zabe-a mu: zi-eh: 'do 'Wloon-nyor⧾-a' 'keen ybei': gbor: gbor. 'De: an-a' dhih, Nyorsoa-a mu nyor⧾-a' klehkpeh: on: ne-a 'noror: on bo 'meheh 'di 'puh-dih:. :Yee' 'do eh-a' dha, a po a-a' 'jeh 'kpih bo,: a 'bli-nyor⧾-a:. Deh no-eh, 'on dhe Nyorsoa: gwlii',: ka or no-a 'an: gwluhuh' zela-eh:, 'ka-: eh mu: ne. Jorwor: 'ni ken-meheh:: a: ne-a 'di, eh mu: ze 'do yobo'-a' dubeh: due' ken. :Yee' 'do 'we-eh-a': bhue: 'yor: nyieh-a' dholo-we-eh 'di,: yee': pobor'-a 'tun: a 'weh 'gboror: 'noror 'Edlea'te-yobo' ken.: Yeh eh no-a dholo-' zuee,: yee' nyor⧾: an no-a: koan 'de 'meheh 'di, on yubo-eh': ka an 'koan'-dih-a 'kpuhbuh' dih: weh-beh:. 'De on: yba-dih: 'ni. 'De eh-a' 'di: tehn-eh no, po son bo-a': kwlaa: nyieh.: Yeh on 'beh-dih:-a 'o dih: weh-beh:,: yee' on: yba-dih-eh: neheh'. 'De eh no po son bo-a': kwlaa taan. :Yee': yeh on 'ye-eh,: yee': fano-a: no-uh, an-a'a: 'ni ken-meheh: ne 'o 'soba 'i 'ya. Eh-: no-eh, 'de on po 'meheh-a' dubeh⧾: nyieh 'nior 'noror eh-a': gborluh' bo, eh 'ye dih: nyna: dee'. 'De an bale Nyorsoa zorn 'ye zen. :Yee' nyor⧾: an no-a: koan 'de eh 'di, an 'bhorn on 'ye ple. Eh-:: korn 'sleh an po, 'de on 'duo: 'dho-yu-', on za-or 'de 'ni ken-meheh 'di, 'de on po-or 'nior,: eh gweh-a: ka nyor: or 'bhorn-a: or 'ye-a 'meheh-a' dubeh:: eh: ne-a 'de eh mlai', 'nior po: dee'. :Yeh an no: ao',: yee': Poror': wlu-' 'de sorye'-a' nyor: klaba'-: 'dekorn: or-a'a: sorye'-: bo, or 'da,: Mor eh 'dhu nyor⧾: daa, on se 'noror 'ni ken-meheh 'di dih: dhe,: yee' a: se-' 'puh-: i. :Yeh: Poror' 'da: ao',: yee' sorye': dao', on chehn dubu'⧾: en kpon-a 'dho-yu:: dao' dih 'weh, 'de or 'kpa 'nior, or mu. :Yeh zorn yi-a zen 'da,: yee': Poror' bale: an-a' klehkpeh: on: ne-a 'de 'ni ken-meheh 'di 'weh, on 'ye deh-beh di, or 'da, 'We-a': bhue: 'yor: nyieh: a zi-a 'noror 'ni ken-meheh 'di, deh a: ne-a ken, a se-eh yubo:, a 'see deh-beh di. :Yee' 'do eh-a' dha, 'an bale a 'weh: naa, a 'ye deh-beh di. A: korn a 'ye deh di, 'de a: ne-' 'meh. A-a' nyor-beh-nyor-beh-a' 'mii-eh: due': sloror': se-' 'ma-: i 'do or 'dlu. :Yeh or: za-a deh: daa-',: yee' or 'duo: 'bhlee 'weh. 'De or po Nyorsoa-a' 'zio 'do on ybei', or: chehn-dih-eh dih, or di-eh. :Yee': ka or di-a or-a' neh,: yee' eh po 'de an-a' klehkpeh-a' 'kpih 'weh, 'de on di deh-beh: ke. :A-a' klehkpeh: or: ne-a 'de 'ni ken-meheh:: dao' 'di,: a no nyor⧾-a': kehehn' 'sororn': kwlaa: meheh' 'sorn 'yor: meheh'lo:. :Yee': yeh on di-a deh, on dbo-a,: yee' on po deh⧾-yor: an 'da-dih-a 'wii 'nior:, 'de 'meheh 'ye kwa 'fele:. :Yee': yeh zorn zen-a,: yee' 'bluhba-a' 'for: yor on: ne-a bo, on se-or 'i yubo:. Jorwor: on 'ye: bhehneh'-dhu: 'do: dha yobo': du-dih:-a: kolo. 'Do: wor on polo-eh, on 'ye 'o 'ni ken-meheh 'do 'kpuhba' 'i kpa,: mor eh 'dhu on 'beh-dih-eh. :Yee' on chehn dubu'⧾: en kpon-a 'meheh-a' dubeh⧾ dih 'weh, 'de on sie-ih 'o yobo' 'worn.: Yee' 'do: dha: due': dao', on bhehn-dih: deh: eh po-a 'meheh: gwie-', eh-a' dubu'⧾ 'weh. 'De on po 'yli-eh:: eh na-dih-a 'meheh yai' 'de 'meheh mlai',: pobor' 'ye-eh 'i bla, eh 'ye 'o 'kpuhba' 'i mu. 'De eh kpa: gwie-'. :Yeh an mu-a 'o 'kpuhba' 'i,: yee' eh ze-' 'do: bhehneh': eh: ne-a 'o 'nior ken. 'De eh-a' 'mla ze glu.: Yee' eh se: gwliin' 'wluh-dih-eh 'beh-dih:.: Yeh eh no: ao',: yee' yobo'-a' nyor-kpalu-duh⧾-a gba eh-a': gborluh'-: ya. :Yee' sorye': on: ne-a 'de 'ni ken-meheh:: dao' 'di, on polo-eh', on 'ye: kasue-nyor:⧾: dao' 'dba, 'de on: ne-' 'nior 'kpa, on: ne-': dle, on: ne-' ple. Jorwor: sorye'-a' nyor: klaba': dao', or 'bhorn or 'ye: Poror' 'puh-dih:. Eh-:: korn dhih or po sorye' 'borboa' 'i, deh an 'bhorn-a on 'ye-a' no, on: ne-eh' no.: Yee' or zela: nyor⧾-a' klehkpeh: on yubo:-a: dle-a': gwluhuh', on 'ye 'nior 'kpa: zai', on 'ye: dle, on 'ye 'o 'kpuhba' 'i mu. :Yee': yuh: on: sie:-a 'o, or zela-uh-:: gwluhuh': ke, on 'ye tu⧾ 'for⧾-: 'dekorn: 'meheh-a' 'for⧾: en: wa-a-: on 'ye-ih' 'duo:, on 'ye 'o en ken 'kpa, on 'ye 'o 'kpuhba' 'i mu.: Yee' 'ka-:: a no, 'de: a-a' klehkpeh,: a nyni 'o 'kpuhba' 'i: pehleh'peh:. :Yee': yeh: a nyni-a 'o 'kpuhba' 'i: pehleh'peh:,: yee': a yubo-eh-: 'i: ka yobo'-a' dubeh:: dao', eh-a' 'nyne 'dhu-a 'Morta-'. :Yee' nyor⧾: on 'ti-a 'o 'bluhba-dlu:: dao' ken, on no deh 'jeh 'do: a bo, on kpon: a dih deh 'jeh neh. On dhba neh, 'de on 'da: a-a' klehkpeh,: a 'ye 'wona:. Deh no-eh, 'ni-a: dba, 'de: chehbe'-a no: a-uh. :Yee': Poror'-a 'tehn: name dih, me-: or po: dha: due', 'de or: ya 'de en-' 'pu. 'De or 'dhu-ih 'o 'yli.: Yee' neh-a': fuun' no-eh, 'de sehn 'dhan 'de en 'di dih, 'de eh nmu-or, eh bhele: 'o or son 'i. :Yee': yeh nyor⧾: on 'ti-a 'o 'bluhba-dlu:: dao' ken, on 'ye-a sehn, 'de eh bhele:-a 'o or son 'i,: yee' an wlu-' 'de an-a' 'jeh 'nyne-', an no, Eh se dhobo-eh: korn. 'Yu: daa,: nyor⧾ 'dba-nyor: 'o. Keen': mloror' or 'wluh 'o yobo' worn 'weh, or 'puh-'. Jorwor:: a-a' nyorsoa: or no-a 'yi 'sleh-nyorsoa, or: se-' 'worn-: i, or 'ye 'kmo-': ne. :Yee': Poror' 'vuan: or-a' son-: dih, 'de eh 'kpa 'de 'yli. Jorwor: deh sehn nmu-or, eh: se-or' deh-': no-dih:. :Yeh eh no: ao',: yee': mor: gwlor-nyor⧾-a' klehkpeh: taa 'ye: dee',: yee' on 'da, 'bhun-a'-: 'dekorn: 'ga-dih 'meh-: en-' deh: due'-a mu-or: no: dee'. Jorwor:: yeh on pobo-a 'o: poboo: 'do ti: dhorno'⧾ 'di, 'de on 'ye-eh: ka deh se-or no,: yee' an-a': porluh⧾ 'bili:-'-: dih, 'de on 'da, Or-: nyorsoa: noror': oo'. :Yee' gle: klaba', eh-: 'koan'-dih: 'o dha-a' 'jeh: dao' dih,: eh: korn-a 'de 'Porblior bo. 'Porblior:: dao', or no 'kwi: klaba',: or: ne-a 'o nyor⧾-a' klehkpeh 'dlu, 'do 'bluhba-dlu:: dao' ken. Or-: kpon: a dih 'de or 'bli 'gbu 'di. 'De or no: a-a' deh-' dih, 'do 'we taan 'di. 'Yu-a' 'jeh: dao', or: baa', or-:: chehbe'-: 'dekorn: 'klayeh-: en no 'gabaa. Eh-: no-eh, 'de or 'pehn dih.: Yee': Poror' pa 'de or bo: chuu 'di 'weh, or 'ye-or' 'ye. 'De or: wlu 'de Nyorsoa bo.: Yeh or gweh-a 'de Nyorsoa bo: wlu-eh 'i,: yee' or tba-or son⧾ ken dih, or 'puh-dih-or. :Yeh: Poror' no-a deh: dao',: yee' puhba-nyor⧾-a' klehkpeh: on: ne-a 'o 'bluhba-dlu:: dao' ken, on yi-: 'de, 'de on 'puh. :Yee' nyor⧾: dao', on 'dhu 'o: a 'weh 'de: ka: dhulu' 'di.: Yee': yeh: a 'kpa-a 'de 'ni ken-meheh:: neheh' 'di,: a yi-a mu 'da,: yee' on 'nyi: a deh⧾-a' klehkpeh: a se-a 'ble 'weh. :Yeh 'chuh⧾ taan zi-a,: yee': a 'kpa 'de 'ni ken-meheh:: eh 'wluh-a 'Ehlezan'dla-gwlor 'di,: eh fuo-a: chehbe'-a' ti 'ken en 'ye-a' zi, 'do 'bluhba-dlu:: dao' ken, 'de eh 'ye-a' mu. 'De: a 'kpa: gwie 'i 'do yobo' ken.: Yee' nyorsoa⧾ 'sororn': on: bha-a,: en no-a 'gba-nynuu an 'da-dih-a 'Kator-: 'dekorn: 'Porlor-: me-: on 'dhu 'o eh mlai'. :Yee': yeh: a nyni-a 'do: gwlor an 'da-dih-a: Sila'ku 'di,: yee': a: ne 'o 'weh 'do 'we taan 'di. :Yeh: a 'wluh-a 'o,: yee': a mu-': chio'lo:, 'de: a 'si: gwlor an 'da-dih-a 'Wleyor 'di dih.: Yee': yeh zorn zen-a,: yee': pobor': or 'wluh-dih:-a 'yluh-a' 'kwla 'wluh-dih: 'da-a' kona-for bo, or-: 'yle.: Yee': yeh zorn: dele' zen-a,: yee': a 'si: gwlor an 'da-dih-a 'Putio'li-: dih. 'Do: wor: a 'ye-dih: 'Klae: de-di'-boi': noo',: on: za-a: a: gwie 'i,: a 'ye-a 'doror'-dlu: due' no 'do on bo.: Yeh: a 'wluh-a 'o,: yee': a mu 'Wloon:. :A-a' 'Klae: de-di'-boi': on: ne-a 'Wloon, on 'worn-ih': ka: a yi-a 'de. 'De on yi 'Apior-nyor⧾-a' 'doror': po 'da-: 'dekorn: 'do: dha an 'da-dih-a 'Duhba⧾-gbu⧾ taan-: 'do: wor on yi: a 'yi 'ya-dih: 'da.: Yeh: Poror' 'ye-uh'-a,: yee' or po Nyorsoa-a' 'zio, 'de eh po 'de an-a' 'kpih. :Yeh: a nyni-a 'Wloon,: yee' 'Wloon-nyor⧾-a' 'gomla 'worn-dih-eh ken dih 'weh, or 'ye 'o or-a' 'jeh bo: ne.: Yee' sorye'-yu-a mu-or 'yli-eh bo 'dhu-:, or: ne-' ple. :Yeh 'we taan zi-a,: yee': Poror' 'da: Jueh'-nyor⧾-a' nyor⧾: na-dih-nyor⧾-a' klehkpeh 'weh.: Yeh an-a' klehkpeh, on: gweh-a de,: yee' or: wlu-' 'de on bo, or 'dae:, 'An 'de-di'-boi'-a:. 'On: se-': a-a' nyor⧾ deh-zon 'bhun no. 'De mor 'on: se-' deh-zon no 'do: a 'bli-deh:⧾: a: bai'-a': bai': torne:: a-uh bo. Jorwor: on kpon 'on 'weh 'de: Julu'slehn: chio'lo:, 'de on: za 'on 'kwla 'de 'Wloon-nyor⧾ bo. 'De 'Wloon-nyor⧾ 'chleh 'on, 'de an 'bhorn on 'ye 'on dih 'tali:. Deh no-eh, eh-: 'dhu on yubo-eh': ka 'on se-a deh-zon no,: eh: korn-a dhih 'on 'ye-a 'meh. Jorwor:: Jueh'-nyor⧾: se-' deh: daa ken dih 'worn-dih:.: Yee' deh: due' 'on: korn 'on 'ye-a' no, eh-: 'dhu, 'on 'ye nyor⧾ dih dhele: on 'ye 'de 'on 'Wloon-nyor⧾-a' 'keen bo dbo, or 'ye 'an zabe zi. Keen': mloror' 'on se dhih 'ble, 'on 'ye-a 'o 'an 'jeh-a'a: nyor⧾ 'dlu po. :Yee' deh: daa, eh-:: korn dhih, 'on 'da a-uh, 'on 'ye 'de a bo: wlu. 'Do nyor 'Ezlea-nyor⧾ dhe-a: gwlii', or-a' dhih: oo', on po 'on 'chen-dubu'⧾: daa son⧾-'. :Yeh or 'da: ao',: yee' on: wlu-' 'de or bo, on 'dae:,: A: se-' 'chlee-deh⧾ 'ye, en: se-': Judi'a-bluhba ken 'wluh, en: se-': on 'i kor. 'De mor 'de-di'-boi'-a' nyor-beh-nyor-beh: or: se 'de 'wluh, or: se 'de: an-a' kuna'-zon: ya. 'De mor or: se-': on 'bhun dih: wlu-dih:. Jorwor:: a 'bhorn: a 'ye: an-a' 'jeh 'yor-eh-a' wlu 'worn. Deh no-eh,: a yubo-eh': ka: gwlor-nyor⧾-a' klehkpeh, an wlu-dih-a deh: dele': daa a: ne-a 'de 'di 'bhun dih, deh⧾-a' klehkpeh-' dih. :Yee' mo-:: Poror'-: on polo-eh', on 'ye 'gbon-dih: 'we-eh: due'.: Yeh 'we-eh:: dao', eh nyni-a 'o,: yee': gwlor-nyor:⧾: dhulu' yi 'o: dha or 'ti-a.: Eh 'wluh-a zorn bo-mlai' 'bli, 'de: eh: yeh-dih:-a 'gwie-yluh bo ken,: Poror' po Nyorsoa-a' nyor⧾ wlu 'ken: korn-eh-a' tubo-wlu:⧾ 'de on bo, 'de or zela-eh ken dih.: Yee' 'de: Mose'-a' 'tele'-chlee-deh 'di-: 'dekorn: Nyorsoa-a' wele-eh:: po-nyor⧾-a' 'chlee-deh⧾ 'di-:, 'do: wor or: za wlu, or vorn or 'ye an-a': porluh⧾ dih 'bili: 'noror: Yusu' bo. An-a': noo', mo-:: korn: porluh:⧾ 'bili:-' dih, 'do deh or: za-a-' bo. Jorwor: nyor⧾: noo': se-eh' dhih 'jeh-' po. :Yee' wlu-' dih 'worn-eh:: se 'de on 'klu-': ne. 'De on 'kpa 'o, on mu, ti: Poror' gweh-a deh: daa, eh-a': za-a' 'i, or no-a, Gban 'i: ne: Zulu: se-eh' 'i zi 'do deh on zela:-a a: bai'-a': bai': gwluhuh': dee' see,: eh: yi-dih:-a Nyorsoa-a' wele-eh:: po-nyor: Azaya'-', or no-a, Mu 'de nyor⧾: daa bo,: on 'ye-uh: gwluhuh' zela:,: on 'dae:, A mu: dou'⧾: to: too:, jorwor: a 'se 'ba deh-' dih 'worn, 'de a mu dih pobo:: poboo:, jorwor: a 'se 'ba dih 'ye. Deh no-eh, nyor⧾: daa, an-a' 'dlu⧾ 'sun-', 'de on: se-' 'bhorn on 'ye: dou'⧾: to, 'de on kan 'yli, 'de on: ne-' dih 'ye, 'de on: ne-' dih 'worn, 'de on: ne-' deh-' dih 'worn 'do an-a': porluh⧾ ken, 'de on: ne-' dih 'bili:, 'de Nyorsoa: ne-uh' 'puh-dih:. :Yee': Poror'-a kpa or-a' wlu 'dlu bo, or 'da,: Yee' 'do eh-a' dha, 'an 'bhorn a 'ye-eh' yubo:: ka Nyorsoa-a' nyor⧾ 'puh-dih-eh-a' tubo-wlu⧾: dbo-eh: 'noror nyor⧾: on: se-a: Jueh'-nyor⧾ bo. 'De eh 'dhu-a on mor-',: an mu-ih-a: dou'⧾ bo: to. [ :Yeh: Poror': za-a deh: daa-',: yee': Jueh'-nyor⧾ mu-'.: Yeh an mu-a,: yee' an jeh-' 'de an-a' 'jeh 'nyne-' 'gabaa.] 'Do zon⧾ 'sororn' 'di,: Poror': ne 'de 'gbu or kpon-a dih 'do or-a' 'jeh bo 'di. 'De nyor⧾-a' klehkpeh: on yi-or 'ye 'da, or kpon-uh dih. :Yee' 'de: gwluhuh': ku ka 'di, or po Nyorsoa-a' nyor⧾ wlu 'ken: korn-eh-a' tubo-wlu:⧾ 'de nyor⧾ bo. 'De or torne-uh: Gwlor: baa': Yusu' 'Klae-a' dhih. 'De nyor-beh: se-or' 'borboa' 'i po, 'do en-': za 'da: ke. 'Mor: Poror': or no-a: Yusu' 'Klae-a' 'bhoi-yu, 'mor 'ye a: mor 'Wloon-nyor⧾. Nyorsoa 'da 'on 'weh 'on 'ye: Yusu'-a'a: dboo-nyor no, 'de or gan 'on 'weh, 'on 'ye or-a' tubo-wlu:⧾ 'jeh po. Tubo-wlu:⧾ 'jeh: daa, or po-ih wlu: dhama'-' 'weh: zai', 'de en: yi-dih: or-a' wele-eh:: po-nyor⧾-', 'de on 'chle-ih 'de or-a' gban 'i: ne-chlee-deh 'di. En kor or-a'a: 'Yu 'i,: or no-a: Debe' 'di-a' 'yu, 'de yau: ka 'di. :Yee' Gban i: ne: Zulu: mo-:: to-dih-eh nyor⧾ 'i, 'de an-a' 'kpih 'di,: ka: a-a': Gwlor: baa': Yusu' 'Klae 'dhu-a Nyorsoa-a' 'Yu-', 'do or-a' nma-dih-deh 'di 'wluh-eh bo. Nyorsoa: yi-dih-or-', 'de or po 'on mla bo, 'on 'ye or-a'a: dboo-nyor no, 'do or-a' dhih bo, 'de eh 'ye-eh' no, nyor⧾: on 'wluh-a 'bluhba⧾-a' klehkpeh ken dih, on 'ye or-a' dhih dhih 'jeh-' po, 'de on 'ye 'o or-a' 'tele' dih dhe. 'De mor, a: ne 'de nyor⧾: dao' 'nyne-' 'weh: ke,: yuh Nyorsoa 'da-a, on 'ye-a' 'de: Yusu' 'Klae bo: korn. 'An 'chle deh: daa 'de a-a' klehkpeh: or: ne-a 'de 'kwi: gwlor: klaba' an 'da-dih-a 'Wloon 'di bo,: yuh Nyorsoa: ybeh-a, 'de or 'da-a,: on 'ye-a or-a'a: nyor⧾ no. Mla-: 'dekorn: wlu-' dih 'worn-eh-: 'do a bo,: en 'wluh-a 'de Nyorsoa: or no-a: a: Baa'-: 'dekorn:: Gwlor: baa': Yusu' 'Klae bo. :Zai' 'on po 'an Nyorsoa-a' 'zio, 'de: Yusu' 'Klae-a' 'nyne 'di, 'do a-a' klehkpeh-a' dhih bo. Deh no-eh, 'bluhba⧾-a' klehkpeh yobo' po-a 'de: gle 'gbeheh 'di, en 'worn a-a' dhih 'jeh-': po-eh-a' kuna'⧾ 'weh. Nyorsoa,: or: korn-a 'bhoi-yu-deh 'an no-a 'do 'an: porluh⧾-a' klehkpeh bo, 'do tubo-wlu:⧾ 'jeh: en kor-a or-a' 'Yu 'i, en-' po-a' bo, or-: no 'an dhih ken dih zela-nyor,: ka 'an po-a 'de a-a' 'nyne, 'do ti-a' klehkpeh bo, :mor 'on: taa 'de or bo wlu. 'De 'an dhele-or dih, or 'ye-eh' ken dih 'worn-dih: or 'ye-eh' no, 'de jorwor:: gwie 'ye 'i kan-dih: 'do 'on bo, 'on 'ye 'de a bo yi: naa. Deh-:: korn-a dhih, 'an 'bhorn-a 'on 'ye a 'ye 'gabaa, eh-: 'dhu, 'an 'bhorn: bhorlie'-Nyorsoa-a': Zulu 'nyi-a 'on, 'on 'ye-eh' no, a 'ye 'for 'ble 'de eh 'di, 'de a 'ye 'kpih ken: ne. Deh 'an 'da-a,: eh mu-a: a-a' klehkpeh-': za-dih:, eh-: 'dhu, 'an 'Klae-a' dhih 'jeh-': po-eh mu-eh: no, 'de a 'ye 'kpih ken: ne, 'de a-a' 'Klae-a' dhih 'jeh-': po-eh mu-eh: no, 'de 'on 'ye 'kpih ken: ne: ke. :Yee' 'an 'Klae: de-di'-boi'-a:, 'an 'bhorn a 'ye-eh' 'i yubo:,: ka 'an 'bhorn-a, 'on 'ye-a 'de a bo yi 'do ti: dhulu' 'di, jorwor: deh⧾: nee', me-:: kpan-dih: 'on: chio'lo:, 'de eh: yeh-dih: ti: daa ken. 'An 'bhorn 'on 'ye 'de a bo yi, a: mor: or: se-a: Jueh'-nyor:⧾, 'de 'on 'ye-eh' no, 'de nyor⧾ 'ye 'Klae-a' dhih dhih 'jeh-' po 'de a 'klu-',: ka 'on no-a eh-a' no-a', 'de nyor⧾ po-a 'Klae-a' dhih dhih 'jeh-', 'de nyor⧾: on: se-a: Jueh'-nyor:⧾, an-a': noo' 'klu-': ke. 'On: korn 'on 'ye Nyorsoa-a' tubo-wlu:⧾ 'jeh po: gbor: gbor, 'de nyor⧾: on yubo:-a 'kwi deh 'i bo-: 'dekorn:: yuh: on se-a 'kwi deh 'i yubo: bo-:: korn mor: yuh: on yubo:-a 'chlee-deh-: 'dekorn:: yuh: on se-a 'chlee-deh yubo:-:. Eh-:: korn dhih, 'an: porluh-a sin, 'on 'ye tubo-wlu:⧾ 'jeh: daa po, 'de a: mor nyor⧾: on: ne-a 'de 'Wloon bo: ke. :Yee' Nyorsoa-a' tubo-wlu:⧾ 'jeh: daa 'an po-a, en-': no-dih: 'on dhen, deh no-eh, me-: no Nyorsoa-a' 'kpih, me-: 'puh-dih: nyor⧾-a' klehkpeh: on po-ih-a dhih 'jeh-'. En: korn 'de: Jueh'-nyor⧾ bo: zai', 'de jorwor: en: korn 'de nyor⧾: on: se-a: Jueh'-nyor⧾ bo: ke. Deh no-eh, en to-dih: a 'i,: ka Nyorsoa no-a nyor⧾ 'yi 'sleh-nyor⧾ 'da-dih-eh 'do or-a' 'jeh ybei'. Nyorsoa-a' nyor⧾ 'yi 'sleh-nyor:⧾ 'da-dih-deh:: daa, eh 'wluh 'de dhih 'jeh-': po-eh bo 'klein'. Deh: neheh' se 'o: ne.: Ka eh no-a 'chle-eh 'de Nyorsoa-a' 'chlee-deh 'di, eh no-a, Nyor Nyorsoa 'da-dih-a 'yi 'sleh-nyor, 'do or-a' dhih 'jeh-': po-eh bo,: yee' or-: mu 'kmo-': ne. :Yee' Nyorsoa 'kpa-' 'chehn 'de or 'bli yai', 'do: gwlor-nyor⧾-a' deh⧾-zon:⧾: no-eh-: 'dekorn: 'kulu-kplen-a' klehkpeh-: bo. 'De or to-dih-eh: a 'i: naa. Nyor⧾: dao', an-a' 'kulu-kplen: me-: no-eh, 'de nyor⧾ se dhih-a' 'yor-eh:: en kor-a Nyorsoa 'i yubo:. Nyorsoa 'kpa-dih-uh 'chehn, deh no-eh, deh⧾: en kor-a Nyorsoa 'i, on 'ye-a' yubo:, en: florn ken dih 'do on bo, deh no-eh, Nyorsoa-a' 'yor-eh:: florn-dih-eh ken dih. :Eh 'wluh-a 'o ti Nyorsoa: no-dih:-a 'bluhba, Nyorsoa-a' deh⧾ nyor⧾-a' 'ye-a,: en 'dhu-a or-a' 'kmo: sie-kpih-: 'dekorn: or-a' Nyorsoa-tu-: me-: zela-eh ken dih, nyor⧾-a 'ye-ih' 'de deh⧾ or no-a 'di. Eh-:: korn dhih, 'de: gwlor-nyor⧾ se 'o deh: neheh' 'ble on 'ye 'o: za-dih:. Keen': mloror', on yubo: Nyorsoa 'weh, jorwor: an-a' 'nyi-or dhih-a' 'i 'beh-a': ka nyor⧾ 'ye-a or-a' dhih-a' 'i 'beh-a' 'nyi-a' no, 'de mor an-a' po or-a' 'zio. Eh-: no-eh, 'de an-a' 'dlu 'di dih: na-dih-deh no deh: forbuh, 'de an-a': bobo:: porluh⧾: ne 'de: kule-'. An 'da-dih an-a' 'jeh: toror': korn-nyor:⧾, jorwor: on no: bobo-nyor:⧾. An-a' 'nyi Nyorsoa dhih-a' 'i 'beh-a': or: se-a 'meheh'-Nyorsoa. Jorwor: an 'nyi-eh' zuu⧾: en gweh-a: gwlor-nyor:: or mu-a 'meh-: 'de an 'nyi-eh neme-: 'dekorn: nimi⧾-:. Eh-:: korn dhih 'de Nyorsoa 'tali-uh dih, on 'ye: vlehehn'-deh:⧾ an-a': porluh⧾-a sin-a on 'ye-a' no, on 'ye-ih' no. An no dhen-deh:⧾, 'do an-a' yau 'bhun, 'de an-a' 'jeh 'klu-'. On 'bor dhih-a' 'yor-eh:: en kor-a Nyorsoa 'i, en-' dhih 'jeh-': po-eh 'weh, jorwor: deh⧾: en 'dhu-a sih-', me-: an po dhih 'jeh-'. An-a': za Nyorsoa: or no-a deh⧾-a' klehkpeh-a': weheh', jorwor: deh⧾ or no-a, me-:: korn: weheh' an za. Dhih-a' 'i 'beh-a': korn 'de or bo: ka ti-a mu-a 'dlu-': tehn. 'Ka-: eh 'ye: ne. Eh-:: korn dhih: oo', 'de Nyorsoa 'tali-uh dih, on 'ye an-a' 'bhororn'-deh:⧾, an-a': porluh⧾-a sin-dih-a bo: en no-a dhen-deh⧾, on 'ye-ih' no. An-a' 'nynor⧾-kpao'⧾: sloror': za-dih: kplen: gwliin', 'de an no: yih: en se-a 'de on bo: korn. An 'pehn on 'bei' 'nynor⧾-kpao'⧾ bo. Eh-: nyor⧾-kpalu⧾-a no: ke. On 'tali: an-a' kplen on: korn on 'ye-a' no 'do an-a'a: 'nynor⧾ bo-: dih, 'de an-a': porluh⧾-a sin, on 'ye on 'bei' nyor⧾-kpalu⧾ bo 'pehn. 'De an no dhen-deh⧾ 'do on 'bei' bo. 'De gu-kplen:: dao', on no-a, eh-: no-eh, 'de on: ya an-a' 'jeh 'kle 'ye-eh: on: korn on 'ye-a 'ye 'dlu. :Yee': ka on se-a 'bhorn, on 'ye-a Nyorsoa-a' deh-' dih 'worn 'do an-a': porluh⧾ ken,: yee' or 'tali-uh-: dih, on 'ye an-a' 'dlu⧾ 'di dih: na-dih-deh:⧾: en se-a 'o: gwie 'i: ne no, 'de on 'ye deh⧾ on se-a: korn on 'ye-a' no, on 'ye-ih' no. :Yee' on 'yi-dih: kplen-zon:⧾ 'doror: 'dor dih, 'kulu-deh⧾-: deh⧾-a' klehkpeh-a' 'klan: korn-eh-: 'dekorn: gu-kplen-:. On 'yi-dih:: gwlehehn'-: nyor⧾ 'dba-eh-:: wlu-a'-: nyor⧾ dih: bo-dih-eh-: 'dekorn: 'galo:: korn-eh-:. 'De an chehn nyor⧾, 'de an za-dih nyor⧾ deh⧾-zon⧾ 'bhun dih. On 'nyeh Nyorsoa-' 'weh, an po nyor⧾ yaa'e, an 'beh-dih an-a' 'jeh 'i, an po an-a' 'jeh dhih bo, an chehn 'di-ji: on 'ye deh⧾-zon⧾ no, an-a' dhe 'o on 'de-: 'dekorn: on: baa'-: an-a' wlu dih. On se: gwluhuh' dih: na-dih-dhih: korn, deh on: za-a-', an-a' no-eh, on se nyor-a': ybeh-eh 'ble, on se: wehlih: korn. Keen': mloror' on yubo-eh': ka Nyorsoa-a' 'tele' no-a, nyor⧾: an mu-a deh⧾: daa: no, on: bleh-dih-eh 'i, on 'ye-a' 'meh, jorwor: an no deh⧾-a' 'jeh: daa 'weh: chio'lo:, 'de mor an po nyor⧾: an no-ih-a dhih bo: ke. :Yee' 'do eh-a' dha,: mor: mloror',: on: se 'o: bhor,: mor: or chehn-a nyor: noror'-a' zabe 'i 'suh. Deh no-eh,: ka: an no-a on 'bei'-a' zabe-a' 'i chehn-a',: yee' zabe kpon: on 'weh: ke. Deh no-eh,: mor: or chehn-a: on 'be-a' zabe 'i deh: dao',: an-a' 'jeh 'yor-eh no deh: ne-a: due' 'weh: ke. :A yubo-eh', nyor⧾: an no-a deh⧾: daa: en: ne: ao', Nyorsoa zi an-a' zabe 'weh, 'de 'yi 'sleh ka 'di. :Mor: gwlor-nyor:: daa,: or chehn-a nyor⧾: an no-a deh⧾: daa, an-a' zabe 'i, jorwor:: an-a' 'jeh-a no-ih': ke,: yee': mor: on: taa 'ye,: yee': an mu 'o dih: sie: 'do Nyorsoa-a' zabe:: zi-eh bo: e? :Ae': on: vlehn Nyorsoa-a': porluh-a' 'yi dih: nmor-eh:: doru' 'weh ke,: or-a' 'dhobo:-a or-a' chehn-a nyor⧾-a' zabe 'i, 'de: or kpon-a: porluh dih 'gabaa? 'De mor: on se-eh yubo:: ka Nyorsoa-a': porluh-a' 'yi dih: nmor-eh:: daa, eh jli-a: on,: on 'ye-a' dih 'bili: 'de: on 'ye-a': an-a' deh⧾-zon⧾ dih 'tali:: e? Jorwor:: an-a' 'dlu-a': kmu-a'-: 'dekorn:: an-a': porluh se dih 'bili-eh: korn-:, me-: mu-eh: no, 'de Nyorsoa 'ye: on 'kle 'ye-eh: 'dlu po, eh 'ye 'o ken dih: zi, 'do zorn or mu-a or-a' 'chehn-yuba nyor⧾ 'i: to-dih:, 'de or 'ye-a or-a' 'yi 'sleh-zabe zi, 'do 'we-eh:: dao' 'di. Or mu nyor⧾-a' klehkpeh geli': za: due': due' 'do an-a' noo-deh⧾ on no-a bo. Nyor⧾: on se-a sea-a': korn 'do deh⧾ 'jeh ne-a' no-a' bo, an 'bhorn dhih-a' 'i 'beh-a'-: deh-' 'ye-eh-: 'dekorn: 'kmo: sie:: febeh' 'kwla⧾-' dih, an-a' 'jeh: dao', mo-: Nyorsoa-a mu 'kmo: sie:: febeh' 'nyi-:. Jorwor: nyor⧾: an zi-a on: due'-a' dhih, 'de: on po-a dhih-a' 'yor-eh dih, 'de: an zi-a 'o deh⧾-zon⧾ klei', mo-: Nyorsoa-a mu 'chehn-' 'kpa-dih:, or 'ye an-a' zabe zi 'gabaa. :Gwlor-nyor⧾-a' klehkpeh 'tene': kpeen:,: an no-a deh⧾-zon⧾, an mu 'kle 'ye-eh-: 'dekorn: 'worn dih 'beh-eh-: 'ye-:.: Jueh'-nyor:⧾, mo-:: an mu: zai'-nyor⧾: no, 'de: yuh: on: se-a: Jueh'-nyor:⧾, on 'ye 'o 'kpa: ke. Jorwor: nyor⧾-a' klehkpeh: an no-a deh⧾ 'jeh ne, an mu dhih-a' 'i 'beh-a'-: deh-' 'ye-eh-: 'dekorn:: porluh-a' dih 'pehn-eh-: 'ye-:.: Jueh'-nyor:⧾, mo-:: an mu: zai'-nyor⧾: no, 'de: yuh: on: se-a: Jueh'-nyor:⧾, on 'ye 'o 'kpa: ke. Deh no-eh, Nyorsoa-a': za: gwie-for: due'. Nyor⧾-a' klehkpeh: on se-a: Mose'-a' 'tele' 'ble, 'de: an no-a deh⧾-zon⧾, an mu gbe: zie: 'gboror:.: Yee': Jueh'-nyor:⧾: on 'ble-a: Mose'-a' 'tele', 'de: an no-a deh⧾-zon⧾, an-a' zabe-a mu: zi-eh:: ka 'tele' no-a mu-a'. Deh no-eh, eh: se nyor⧾: on 'worn-a 'tele': daa, mo-: 'dhu 'yi 'sleh-nyor⧾-' 'do Nyorsoa ybei': deh, jorwor:: yuh: on dhe-eh 'o dih, mo-: Nyorsoa-a mu 'yi 'sleh-nyor⧾ 'da-dih:. :Mor eh 'dhu, nyor⧾: on: se-a: Jueh'-nyor:⧾: on se-a: Mose'-a' 'tele' 'ble, 'de deh⧾ an no-a,: en 'wluh-a 'o an-a' 'jeh-a': porluh⧾ ken, en 'ye deh⧾ 'tele' 'da-a gweh,: yee' on 'ble 'tele' 'weh 'gboror:. Deh no-eh, an-a' kplen: to-dih:: a 'i,: ka deh⧾: Mose'-a' 'tele'-a 'da-a, en 'chle-eh 'do an-a': porluh⧾ ken. An-a': porluh⧾-a' 'jeh, me-:: to-dih-eh: a, 'i: ka en 'dhu-a dhih 'jeh-': ke. Deh no-eh, an-a': porluh⧾-a zela-uh: gwluhuh',: mor on no deh-zon, 'de: porluh:⧾: ne-a: due', me-:: an zela-uh: gwluhuh': mor on no deh 'jeh. :Yee' tubo-wlu:⧾ 'jeh 'an po-a, en 'dae:, Deh⧾: daa en mu: no-eh: 'do 'we-eh: Nyorsoa-a mu-a: Yusu' 'Klae-': yi-dih:, 'de or 'ye-a' deh⧾: gwlor-nyor⧾ 'zile:-a 'do on: porluh⧾ ken, en-' zabe zi. :Yee': mor: mloror': an 'da-dih: an-a' 'jeh: Jueh'-yu:, 'de: on dhe: Mose'-a' 'tele': gwlii'.: An 'beh-dih: an-a' 'jeh 'i,: ka: on: korn-a 'de Nyorsoa bo. :Mose'-a' 'tele': torne:: on Nyorsoa-a' 'ton: korn-deh-: 'dekorn: deh 'jeh neh-a' gan-a'-: 'weh. :An 'da-dih: an-a' 'jeh 'doror'-nyor⧾-a': na-dih-nyor:, 'de: on 'da: on no zorn-pli 'do: yuh: on: ne-a 'de: kule-' bo. :An 'da-dih: an-a' 'jeh se: toror': korn-nyor⧾-a' deh: torne-nyor, 'de: on 'da: on no 'nynuu:: nyene': on 'see-a deh 'chean', an-a' deh: torne-nyor. Deh no-eh,: on 'da,: Mose'-a' 'tele': daa, eh 'yi-dih:: toror'-: 'dekorn: dhih-a' 'yor-eh-: dih. :Yee': mor: yor no-a,: or torne-a nyor⧾: noo' deh,: eh: korn dhih, 'de: an-a': torne:: an-a' 'jeh deh: ke: eh?: Mor: yor zela-a nyor⧾: gwluhuh' on: ne-a' 'yli,: eh: korn dhih, 'de: an 'yli: ke: eh? :Mor: yor no-a nyor⧾-a': no-' 'nyne: zaan',: eh: korn dhih, 'de: an no 'nyne: zaan': ke: eh?: Mor: yor wlu-dih-a zuu⧾ 'bhun dih,: eh: korn dhih, 'de: an 'yli 'de zuu⧾-a' 'sla⧾ 'zorn: ke: eh? :Mor: yor 'beh-dih-a: an-a' 'jeh 'i: ka: on 'ble-a Nyorsoa-a' 'tele',: eh: korn dhih,: an ya Nyorsoa-a' 'nyne dhen bo, 'do or-a' 'tele'-a' wa 'da: ke: eh? Eh 'chle-eh:-' 'de Nyorsoa-a' 'chlee-deh 'di, eh 'da, A: mor: Jueh'-nyor:⧾, a: mor no-eh, 'de nyor⧾: on: se-a: Jueh'-nyor⧾, an wlu-dih Nyorsoa-a' 'nyne 'bhun dih, 'de on 'klu-'. :Mor: on dhe 'o: Mose'-a' 'tele' dih,: yee': an-a': bhlororn' 'meh-eh 'kpa deh ken. Jorwor:: mor: on wa 'tele',: yee': on gweh se: bhlororn' 'meh-nyor:. :Mor eh 'dhu nyor: or se-a: bhlororn' 'meh, 'de or 'ye 'o: Mose'-a' 'tele' dih dhe,: yee' Nyorsoa: se-or': bhlororn' 'meh-nyor⧾: zlo-dih: i: e? :Yee': yor: or se-a: bhlororn' 'meh, 'de: or dhe-a 'o: Mose'-a' 'tele' dih, or mu: mor: yor 'ble-a 'tele': daa: eh 'chle-eh, 'de: or 'meh-a: bhlororn', 'de: or wa-a: Mose'-a' 'tele' 'gboror:,: an-a' zabe 'i: chehn. :Mor eh 'dhu nyor no: Jueh'-yu, 'do or-a' yau ken: due',: yee' or: se: Jueh'-yu: 'jeh: nor, 'de mor: bhlororn' 'meh-eh:: eh: ne-a 'o yau ken: due', eh: se: bhlororn' 'meh-eh: 'jeh: neh: ke. Jorwor: nyor: or 'dhu-a: Jueh'-yu-' 'de or 'di, or-: 'dhu: Jueh'-yu: 'jeh nor-', 'de: bhlororn' 'meh-eh: 'jeh neh no: bhlororn' 'meh-eh 'do: porluh ken,: eh 'wluh-a 'de Nyorsoa-a': Zulu bo,: eh: se-a 'de: Mose'-a' 'tele': eh 'chle-eh bo 'wluh. Eh: bo-nyor:: dao', or-a' dhih bo: po-eh se 'de: gwlor-nyor⧾ bo 'wluh, jorwor: eh 'wluh 'de Nyorsoa-a' 'jeh 'yor-eh bo. :Yee': mor nyor 'dhu: Jueh'-yu-',: yee' deh 'i-deh-kpih: or 'ble nyor: noror' se 'ble: eh? Deh 'i-deh:: bhlororn' 'meh-eh: mu-or 'o: po: eh? Keen' 'jeh ka, eh 'nyi-or deh 'de 'for⧾-a' klehkpeh bo.: Zai'-deh: Nyorsoa po 'de or-a' tubo-wlu⧾ 'de on 'kwa. :Yee': mor an-a' nyor⧾: noo' se-eh dhih 'jeh-' po, eh-: mu Nyorsoa-a': dhehehn-deh dih: gweh: e? 'Kei o.: Mor eh 'dhu: gwlor-nyor⧾-a' klehkpeh no sih 'tmo-nyor⧾,: yee': a: mor: mloror',: a yubo-eh', Nyorsoa no dhih 'jeh-': za-nyor:,: ka eh no-a 'chle-eh 'de or-a' 'chlee-deh 'di, eh no-a,: Gwlor-nyor⧾-a mu-eh 'ye-:: ka or-a' wlu: se-a sih.: Yee' or mu 'gen: korn 'do zabe:: zi 'da. Nyor⧾: noo' 'da,: a-a' deh⧾-zon:⧾: no-eh:, eh-:: to-dih-eh nyor⧾ 'i deh 'jeh,: ka Nyorsoa no-a 'yi 'sleh-nyor 'gabaa.: Yee': mor eh: ne: ao',: yee': a mu: ao', Nyorsoa no: bhuli'-nyor: 'do 'kle 'ye-eh: or po-a: a 'dlu: e? ('Ka-:: gwlor-nyor:⧾: noo'-a no dhobo-eh.) 'Kei o.: Mor eh 'dhu, Nyorsoa no: bhuli'-nyor,: yee': kaa or mu 'bluhba-a' zabe:: zi-eh: no: eh? Nyor: noror'-a mu dhobo: 'bla, or mu: ao',: Mor 'an sih 'tmo-eh: to-dih-eh nyor⧾ 'i: ka Nyorsoa no-a 'yi 'sleh-nyor 'jeh ka, 'de eh 'ye-or' dhih-a' 'i 'beh-a': doru' 'nyi,: yee' dhih Nyorsoa zi 'an zabe, 'de or 'da-dih 'on deh⧾-zon:⧾: no-nyor 'gboror:: eh? :Yee': eh: korn dhih 'da, 'de: a-a' no, A 'nyi: a no deh⧾-zon⧾, 'de deh⧾ 'jeh 'ye 'de en bo 'wluh,: ka nyor⧾: noo'-a no-a: a-a' deh⧾-zon⧾ 'bhun dih: za-dih-eh-', on no-a,: a: mor 'da: ao'. Jorwor: nyor⧾: an no-a deh⧾: dao', Nyorsoa-a mu an-a' zabe 'i: chehn. Deh no-eh, on 'bhorn-eh-: dih. :Yee': kaa: a mu 'da-:: naa: eh?: A: mor: Jueh'-nyor:⧾,: a 'kpa deh ken 'gabaa,: eh: zi 'o nyor⧾: on: se-a: Jueh'-nyor⧾: e? 'Kei o. 'On zela: a: gwluhuh' 'weh see,: ka: Jueh'-nyor⧾-: 'dekorn: nyor⧾: on: se-a: Jueh'-nyor⧾-: an-a' klehkpeh, on: ne-a 'o deh⧾-zon⧾-a' 'kpih 'zorn. :Ka eh no-a 'chle-eh 'de Nyorsoa-a' 'chlee-deh 'di, eh no-a, Eh se 'yi 'sleh-nyor: due'-beh: korn. Eh se nyor: due'-beh: korn: or 'ye-a' Nyorsoa-' dih 'worn. Eh se nyor: due': korn: or 'ye-a' Nyorsoa 'kwla⧾-' dih 'bhorn. Nyor⧾-a' klehkpeh: to Nyorsoa 'kpuh ya. An-a' klehkpeh: po-eh:: dha: due', on se deh-' 'dhu-eh:. Eh se nyor: korn: or 'ye-a' deh 'jeh no. Eh se nyor: due'-beh: korn. Deh⧾ an za-a-', en ya 'de 'meh-a'. An-a': meo:, mo-: an no, an bo-dih nyor⧾ dih. On 'ble gu-ni: 'do on: meo ken,: en gweh-a sehn-a' gu-ni 'i. 'Jlei-zon:⧾: ne 'de on 'worn. An 'dhobo buh⧾-', on 'ye nyor⧾ 'dba. :Mor on: zi-dih: dha,: yee' deh⧾-a' 'kor-a'-: 'dekorn: nyor⧾ 'kle 'ye-dih-eh-: me-:: an sie 'o on 'gor bo. Deh on 'ye-a' no, 'de nyor⧾ 'ye-a' wlu-' dih 'worn-eh 'ble, on se-eh yubo:. Nyorsoa-a': fano:: ple-eh: se 'de on 'di: ne. :Yee': a yubo-eh', deh⧾-a' klehkpeh: Mose'-a' 'tele' 'da-a, en: korn 'de nyor⧾: on: ne-a 'o eh 'zorn bo, 'de nyor-beh: ne 'o: bhor, 'de Nyorsoa-a' zabe 'ye nyor⧾-a' klehkpeh: on: ne-a dha yao 'zorn kpon. :Yee' Nyorsoa: se-' nyor 'yi 'sleh-nyor 'da-dih: i 'do or ybei', 'do: Mose'-a' 'tele'-a' dih: dhe-eh bo. Jorwor: 'tele': daa, eh-: no-eh 'de: a yubo: deh⧾-zon⧾ bo dih. Jorwor:: kana: naa,: ka Nyorsoa-a no-a nyor⧾ 'yi 'sleh-nyor⧾ 'da-dih-eh, eh-: or: to-dih:: a 'i. 'De mor, eh se: Mose'-a' 'tele' 'i kor. 'Yi 'sleh-deh:: daa,: Mose'-a' 'tele'-: 'dekorn: Nyorsoa-a' wele-eh:: po-nyor⧾-: on: za eh-a' dhih-' 'weh. :Yusu' 'Klae-a' dhih 'jeh-': po-eh:, eh-: no-eh, 'de Nyorsoa 'da-dih nyor⧾ 'yi 'sleh-nyor⧾. Nyorsoa-a': za: gwie-for: due'. Deh no-eh, nyor⧾-a' klehkpeh, on no deh⧾-zon⧾ 'weh, 'de on: tehn-dih: Nyorsoa-a' dhih-a' 'i 'beh-a' bo dih. Jorwor: Nyorsoa-a' mla or po-a: a bo yaa'e, or-: no-eh 'de Nyorsoa 'da-dih-uh 'yi 'sleh-nyor⧾,: or: yi-dih:-a: Yusu' 'Klae-': or zelie-uh-a. Nyorsoa: to 'o: Yusu' or 'ye 'meh, eh 'ye Nyorsoa gban 'i 'dhu, 'de: mor nyor po: Yusu'-a' dhih dhih 'jeh-', or-a' deh⧾-zon⧾-a' dhih 'ye bo 'ma-dih-eh:. Or no deh: daa 'weh, nyor⧾ 'ye-eh yubo:: ka or 'sleh-a 'i. Or kpon: porluh dih: zai', 'do: tehn 'i-nyor⧾ bo, 'de or: se-uh' 'kle 'ye-eh 'dlu po, an-a' deh⧾-zon⧾-a' dhih. Jorwor:: kana: naa, or 'da-dih nyor⧾-a' klehkpeh: on po-a: Yusu'-a' dhih dhih 'jeh-' 'yi 'sleh-nyor:⧾. Eh-:: to-dih:: a 'i,: ka or-a' 'jeh 'yor-eh 'dhu-a 'yi 'sleh-nyor-'. :Yee': eh: korn dhih: a 'beh-dih:: a-a' 'jeh 'i: naa: eh? Eh se 'nyne: korn.: Eh: korn dhih: oo': eh? 'Do: Mose'-a' 'tele'-a' dih: dhe-eh:: e? 'Kei o. 'Klae-a' dhih 'jeh-': po-eh: 'o. Eh-a' dhih,: a yubo-eh': ka nyor: or po-ih-a dhih 'jeh-', Nyorsoa 'da-dih-or 'yi 'sleh-nyor, eh: se 'o: Mose'-a' 'tele'-a' dih: dhe-eh:. Nyorsoa: daa, or no: Jueh'-nyor⧾-a' Nyorsoa 'klein': e? Or: se nyor⧾: on: se-a: Jueh'-nyor⧾-a' Nyorsoa: ke: e? 'Kei o. Or no nyor⧾: on: se-a: Jueh'-nyor⧾-a' Nyorsoa 'weh: ke o. Deh no-eh, Nyorsoa: due' 'klein'. Or-a' 'jeh: dao', or mu nyor⧾: on 'meh-a: bhlororn', 'yi 'sleh-nyor⧾ 'da-dih:, 'do an-a' dhih 'jeh-': po-eh bo, 'de or 'ye nyor⧾: on se-a: bhlororn' 'meh, 'yi 'sleh-nyor⧾ 'da-dih:: ke, 'do dhih 'jeh-': po-eh:: ne-a: due' bo. :Yee': a 'duo: dhih 'jeh-': po-eh:: daa 'weh, eh 'ye: Mose'-a' 'tele' dih gweh: e? 'Kei o. Jorwor:: a-a' dhih 'jeh-': po-eh:, eh-: 'ye: Mose'-a' 'tele' dih: ku-dih:. :Yee': kaa: a mu 'da-: 'do 'Eble'hehn:: or no-a: a: bai'-a': baa', dhih bo: eh? Deh or 'ye 'de dhih: daa 'di: eh? :Mor eh 'dhu, deh⧾ 'Eble'hehn-a' 'jeh 'yor-eh no-a, en-' dhih-', 'de Nyorsoa 'ye-or' 'yi 'sleh-nyor 'da-dih:,: yee' or 'ble deh: eh 'ye-a or-a' buh⧾ 'i 'beh-dih:: dee'. Jorwor: eh: se 'o Nyorsoa ybei': ka. :Yee': kaa Nyorsoa-a' 'chlee-deh 'da: eh? Eh 'da, 'Eble'hehn po Nyorsoa-a' dhih dhih 'jeh, 'de or-a' dhih 'jeh-': po-eh no-eh, 'de Nyorsoa 'da-dih-or 'yi 'sleh-nyor. :Yee': mor nyor no: koan, or-a' geli': za-dih-deh:,: an-a': zlo-dih-eh:-' 'nyii'-deh, jorwor:: zlo-dih-eh or-a': kororn-deh, deh no-eh, or no eh-a': koan 'weh. Jorwor: nyor: or se-a or-a' 'jeh 'yor-eh-a' noo-deh⧾: gwlii' dhe, 'de: or dhe-a Nyorsoa: or no-eh 'de deh⧾-zon:⧾: no-nyor⧾-a no-a 'yi 'sleh-nyor⧾: gwlii', eh: bo-nyor:: dao', or-a' dhih 'jeh-': po-eh no-eh, 'de Nyorsoa 'da-dih-or 'yi 'sleh-nyor. :Debe': za deh: due': dao' 'weh: ke, ti or 'ye-a nyor Nyorsoa 'da-dih-a 'yi 'sleh-nyor, or-a': bhorlie'-a' dhih-': za,: eh se-a: koan: or no-a 'i kor, ti or no-a, :Bhorlie' 'do nyor⧾: dao' bo,: on: korn-a 'kulu-kplen-a' dhih Nyorsoa 'ma-dih:-a bo,: on: korn-a deh⧾-zon⧾ Nyorsoa: za 'o: gwie 'i. :Bhorlie' 'do nyor: dao' bo: or: korn-a deh⧾-zon:⧾: Gwlor: baa': se-a': zlo i 'do or 'dlu: neheh'. :Yee': bhorlie': daa, eh: korn 'de: bhlororn' 'meh-nyor⧾: due' bo: e? 'Kei o. Eh: korn 'de nyor⧾: on se-a: bhlororn' 'meh bo: ke.: A za-eh' 'weh,: a 'da, 'Eble'hehn-a' dhih 'jeh-': po-eh: no-eh, 'de Nyorsoa 'da-dih-or 'yi 'sleh-nyor. Ti: yihih: eh Nyorsoa 'da-dih-or 'yi 'sleh-nyor: eh? Ti or 'meh-a: bhlororn': e?: Ae' ti or 'see-a: bhlororn' 'meh ke? Eh: se ti or 'meh-a: bhlororn', jorwor: ti or 'see-a: bhlororn' 'meh-dih: oo'. :Yee' 'Eble'hehn-a': bhlororn' 'meh-deh no nyor⧾ 'i: to-dih-deh:: ka Nyorsoa 'da-dih-or 'yi 'sleh-nyor, 'do or-a' Nyorsoa-a' dhih 'jeh-': po-eh bo, ti or 'see-a: bhlororn' 'meh.: Yee' eh-a' dhih, or-: no: baa' 'do nyor⧾-a' klehkpeh: on Nyorsoa-a 'da-dih-a 'yi 'sleh-nyor⧾, 'do an-a' dhih 'jeh-': po-eh bo, keen': mloror' on: se-': bhlororn' 'meh. 'De or no: baa' 'do: bhlororn' 'meh-nyor⧾ bo: ke,: on kpa-a dhih 'jeh-': po-eh-a': gwie:: eh 'Eble'hehn kpa-a, 'de or mu-a: bhlororn' 'meh-:. Eh: se 'Eble'hehn-a' dhe 'o: Mose'-a' 'tele' dih-dhih: Nyorsoa: se-' or-a' wlu: dhama'-' po, 'do or-: or-a'a: 'nynuu-a' 'nynuu-: bo, 'bluhba⧾-a' klehkpeh 'ye 'de on bo: korn. Jorwor: deh no-eh or po Nyorsoa-a' dhih-' dhih 'jeh, 'de Nyorsoa 'da-dih-or 'yi 'sleh-nyor, eh-: no-eh, 'de Nyorsoa po or-a' wlu: dhama'-' 'do or bo. :Mor eh 'dhu, deh: korn-a wlu Nyorsoa po-a: dhama'-', 'de or 'ye-eh' nyor⧾: on: ne-a 'o: Mose'-a' 'tele' 'zorn 'nyi,: yee' dhih 'jeh-': po-eh se deh-' 'dhu-eh:, 'de deh se 'de Nyorsoa-a': dhama'-a': po-wlu:: dao' 'di: ne. :Mose'-a' 'tele': daa, eh-:: ya 'de Nyorsoa-a' 'chehn-yuba. Jorwor:: dha 'tele': se-a: ne, 'tele'-a' wa-a' se 'o: ne. :Yee' Nyorsoa-a' wlu-a': dhama'-': po-eh 'wluh 'de dhih 'jeh-': po-eh bo, 'de deh⧾-a' klehkpeh 'ye 'de or-a' mla bo 'wluh. Eh: se 'Eble'hehn-a' 'nynuu-a' 'nynuu:: on: ne-a 'o: Mose'-a' 'tele' 'zorn: due', mo-: Nyorsoa-a': dhama'-': po-wlu: korn 'de bo: deh, jorwor: an-a' klehkpeh: on po-eh dhih 'jeh-': ka 'Eble'hehn no-a: ke, mo-: on: korn 'de bo: ke. Deh no-eh, or no: a-a' klehkpeh: baa'. :Ka eh no-a 'chle-eh: 'de Nyorsoa-a' 'chlee-deh 'di, or no-a, 'Mor no: on 'dawor'⧾-dlu:⧾: dhulu': baa'.: Yee' 'Eble'hehn no: a: baa' 'do Nyorsoa ybei'. Or po Nyorsoa: daa, or-a' dhih dhih 'jeh: or 'nyi-a 'meheh'-nyor⧾: febeh', 'de: mor or 'da, 'Nyi deh: daa, eh: ne,: yee' eh: ne-a. Nyorsoa po 'nynuu-a' 'nynuu:: dhulu'-a' wlu: dhama'-' 'de 'Eble'hehn bo. Keen': mloror' nyor se-eh: gwlii': dhe-eh 'beh-dih:, 'de 'Eble'hehn po-eh dhih 'jeh-' 'gboror:. Eh-: no-eh, 'de or no: baa' 'do 'dawor'⧾-dlu:⧾: dhulu' bo. :Yee' 'Eble'hehn-a' dhih 'jeh-': po-eh ku-: dih 'gboror: keen': mloror' or 'beh-dih: or 'ye zon⧾-a': kehehn': due' 'ble, 'de or yubo-eh: ka or ne-a, 'de or: se-a 'yu 'wluh-nyor: neheh', 'de or yubo-eh: ke,: ka: Selor': sie:-a: zlama, 'de or-a': gbano:: za-ti zi-a: ke. Jorwor: or po-ih dhih 'jeh 'gboror:, 'de or-a': porluh: se-' dhobo: 'do Nyorsoa-a': dhama'-': po-wlu bo, jorwor: or-a' dhih 'jeh-': po-eh: ku-dih-or-: dih. 'De or 'nyi Nyorsoa dhih-a' 'i 'beh-a'. Deh no-eh, or yubo-eh' deh 'jeh,: ka Nyorsoa 'ble-a 'kpih or 'ye-a' deh: korn-a wlu or po-a: dhama'-' no. Eh-:: korn dhih: oo', 'de or-a' dhih 'jeh-': po-eh no-eh, 'de Nyorsoa 'da-dih-or 'yi 'sleh-nyor. Nyorsoa-a' wlu⧾: daa,: en 'chle-eh, 'de: en 'da-dih:-a 'Eble'hehn 'yi 'sleh-nyor, en se 'de or: due' bo: korn. Jorwor: en: korn 'de: a bo: ke,: a: mor Nyorsoa-a mu-a 'yi 'sleh-nyor⧾: zlo-dih:, 'de: or po-a or-a' dhih dhih 'jeh, Nyorsoa: or: za-a: 'de: a-a': Gwlor: baa': Yusu' 'de nma-dih-deh 'di. Nyorsoa: za: Yusu' 'kwla 'weh or 'ye 'meh, 'do: a-a' deh⧾-zon⧾-a' dhih bo. 'De or za-or 'de nma-dih-deh 'di, 'de: a 'ye 'yi 'sleh-nyor⧾ 'da-dih-eh: 'do Nyorsoa ybei'. :Yee' 'do eh-a' dha,: ka: a-a' dhih 'jeh: po-eh no-eh, 'de Nyorsoa 'da-dih-a: a 'yi 'sleh-nyor⧾,: yee': a-a': Gwlor: baa': Yusu' 'Klae: oo', or-: no-eh, 'de: a: mor-: Nyorsoa-:: a 'worn-eh: wlu-' dih. :A-a' dhih 'jeh-': po-eh no-eh, 'de: Yusu': za: gwie 'do: a bo,: a 'ye Nyorsoa-a' mla: a: ne-a 'de 'di: naa 'ye. 'Mona-a: no: a-uh,: ka: a pobo-a 'de: gwie 'i,: a 'ye-a 'for 'ble, 'de Nyorsoa-a' dhih-a' 'i 'beh-a' 'di. :Yee' eh: se eh: due', jorwor:: a no 'mona 'weh, 'de: a-a' 'kle 'ye-eh 'di: ke. Deh no-eh,: a yubo-eh', 'kle 'ye-eh: no-eh, 'de: a-a' sea. :Yee': mor: a se sea-a' 'ble,: yee' eh-: no-eh, 'de: a 'ble kplen 'jeh ne. 'De kplen 'jeh ne-a' no-a', eh-: ya 'de deh: gwlii': dhe-eh. 'De deh: gwlii': dhe-eh-a': no-dih:: a dhen. Deh no-eh, Nyorsoa 'nyi: a or-a' Gban 'i: ne: Zulu:,: on po-a 'o or-a': ybeh-a' 'do: a-a': porluh⧾ ken. 'Do ti 'jeh 'i: oo', 'Klae 'meh-dih:, ti: a se-a: a-a' 'jeh-a': za-dih-eh 'beh-dih:, 'do: a: mor: or se-a Nyorsoa deh-' 'ye-eh 'nyi,: a-a' dhih bo. Eh no 'yi: kma-deh: nyor 'ye 'meh 'do 'yi 'sleh-nyor-a' dha. Jorwor: nyor: noror'-a mu: gwluhuh' ku 'bla, or 'ye 'meh 'do nyor 'jeh-a' dha. Jorwor: 'Klae 'meh-' 'do: a-a' dhih bo, ti: a 'si-a 'o deh⧾-zon⧾-a' no 'da. 'Ka-: 'o Nyorsoa no: a-a': torne-eh: ka or: ybeh: a-uh' 'gabaa. :Yee': ka: Yusu' 'Klae-a' 'meh-a' no-eh: naa, 'de Nyorsoa-a 'da-dih-a: a 'yi 'sleh-nyor⧾,: yee': a yubo-eh' deh 'jeh,: ka: Yusu'-a mu-a 'o: a Nyorsoa-a' 'chehn-yuba 'zorn: za. :Yee' Nyorsoa: a 'nyeh-a: dee', or-a' 'Yu-a' 'meheh'-deh:, eh-: no-eh, 'de: a: ne or 'woorn-dih: wlu-' dih: naa.: Yee': mor eh: ne: ao',: yee': a yubo-eh' deh 'jeh,: ka or-a' 'Yu-a' 'kmo: ne-eh mu-eh: no,: a 'ye-a' 'puh. Jorwor: eh: se en-' klehkpeh. Nyorsoa: yi-dih:: a-a': Gwlor: baa': Yusu' 'Klae-', 'de: a no 'mona. Deh no-eh, or-: no-eh, 'de: a: ne-Nyorsoa 'worn-eh: wlu-' dih: naa. :Yee' nyor: due', or-:: ya 'de deh⧾-zon⧾ 'noror yao 'zorn, 'de deh⧾-zon⧾: ya 'de 'meh-a'. Eh-: no-eh, 'de 'meh-a': yeh-dih:: gwlor-nyor⧾-a' klehkpeh ken 'noror yao 'zorn. Deh no-eh, an-a' klehkpeh no deh⧾-zon⧾ 'weh. Dhih 'jeh, deh⧾-zon⧾: ne 'noror yao 'zorn 'weh: zai', 'de jorwor: Nyorsoa 'nyi: a: Mose'-a' 'tele'. Jorwor: deh⧾-zon⧾-a': zlo-eh:: dha 'tele' se-a: ne. Jorwor: 'meh-a': korn nyor⧾ wlu 'ken 'gboror:,: eh 'wluh-a 'de 'Adan-a' ti bo, 'de: eh: yeh-dih:-a: Mose'-a' ti ken. 'Meh-a': korn: yuh-a' 'jeh: on se-a deh⧾-zon⧾ no, wlu 'ken: ke,: on se-a Nyorsoa-a' 'tele' wa,: ka 'Adan no-a.: Yee': Yusu': or mu-a 'de: yi, or-: 'o 'Adan gweh. Jorwor: Nyorsoa-a' 'nyii'-deh: ne 'Adan-a' deh-zon se goor-dih:. Nyor: due'-a' deh-zon: no-eh, 'de nyor⧾: dhulu' 'meh. Jorwor: Nyorsoa-a' mla or 'nyi-a nyor⧾: dhulu' yaa'e,: or: yi-dih:-a: Yusu' 'Klae: due'-', or-a' dhih 'beh-: 'i. :Yee': dele' ka, Nyorsoa-a' 'nyii'-deh: ne nyor: due': dao'-a' deh-zon-a' geli': za-dih-deh se goor-dih:. Deh-zon: due' or no-a, eh-:: ya 'de Nyorsoa-a' zabe:: zi-eh, 'de zabe kpon: gwlor-nyor⧾-a' klehkpeh. Keen': mloror' nyor⧾ no deh⧾-zon:⧾: dhulu' 'weh, jorwor: Nyorsoa-a' 'nyii'-deh:: a se-a 'sor, eh-: no-eh, 'de zabe: se-': a kpon. :Yee' nyor: due': dao'-a' deh-zon: no-eh, 'de 'meh-a': korn: a wlu 'ken. Jorwor: deh nyor: due': or 'dhu-a: Yusu' 'Klae, or no-a, eh: zi 'o ken dih 'gabaa. Nyor⧾-a' klehkpeh Nyorsoa po-a mla: dhulu' bo, 'de or 'da-dih-a 'yi 'sleh-nyor⧾: eh: yi-dih:-a: Yusu'-', mo-:: an mu 'kmo-': ne, 'de on 'ye nyor⧾ wlu 'ken: korn. :Yee': ka nyor: due'-a' deh-zon-a' geli': za-eh: kpon-dih:-a: gwlor-nyor⧾-a' klehkpeh zabe,: yee' 'ka-: nyor: due'-a' 'yi 'sleh-deh-a' geli': za-eh no-eh: ke, 'de Nyorsoa 'da-dih:: a 'yi 'sleh-nyor⧾ 'do or ybei',: eh: ya-a: 'de 'kmo: sie:: febeh' 'do: gwlor-nyor⧾-a' klehkpeh bo. :Yee': ka nyor: due'-a' Nyorsoa-a' 'tele'-a' wa-a' no-eh, 'de: gwlor-nyor:⧾: dhulu' no-a deh⧾-zon:⧾: no-nyor⧾,: yee' 'ka-: nyor: due'-a' Nyorsoa-a' 'tele' dih: dhe-eh mu-eh: no: ke, 'de: gwlor-nyor:⧾: dhulu' 'ye 'yi 'sleh-nyor⧾ no 'do Nyorsoa ybei'. Ti: Mose'-a' 'tele' yi-a 'de, 'do: wor: gwlor-nyor⧾ yubo: deh⧾-zon:⧾: dhulu' an no-a 'i. Jorwor:: dha deh⧾-zon⧾-a 'kpuhba-a ken dih, 'do: wor Nyorsoa-a' mla-a 'kpuhba ken dih: ke, 'de or 'wla 'zorn. :Yee': ka deh⧾-zon⧾-a' nyor⧾ wlu 'ken: korn-eh: ya-a: 'de 'meh-a',: yee' 'ka-: Nyorsoa-a' mla no: a-a' wlu ken: korn-eh,: a 'ye 'yi 'sleh-nyor⧾ 'da-dih-eh: 'de: a 'ye 'kmo: sie:: febeh' 'ble,: eh: yi-dih:-a: a-a': Gwlor: baa': Yusu' 'Klae-'. :Yee': kaa: a mu 'da-:: naa: eh?: A kpa deh⧾-zon:⧾: no-eh 'dlu bo, 'de Nyorsoa-a' mla 'ye ken dih 'kpuhba:: e? 'Kei o.: Mor eh 'dhu: a 'wluh 'o deh⧾-zon⧾-a' 'kpih 'zorn,: yee': kaa eh no, 'de: a 'ye 'de en 'di: ne 'gboror:: eh? :Ae' a se-eh yubo:: ka: a-a' klehkpeh: or: po-eh 'ni 'dlu,: a mor-:: Yusu' 'Klae-:: a no-a deh: due', 'de mor: a-a' 'ni 'dlu: po-eh gweh: ka or: ne: a 'meh-dih:-a: dha: due': e? :Yee': a-a' 'ni 'dlu: po-eh gweh: ka: a 'meh-a, 'de: a mor-:: Yusu' 'Klae-:: a nma-dih-eh: dih: dha: due'.: Yee': ka Nyorsoa: or 'dhu-a: a: Baa', or-a' dhih-a' 'i 'beh-a' no-eh, 'de 'Klae 'wluh-a 'de nma-dih-deh 'di,: yee' 'ka-:: a mu: no: ke, 'de: a 'ye 'kmo-': dele': ne. :Mor eh 'dhu, or: ne: a no deh: due',: eh gweh-a: ka or: ne: a 'meh-dih:-a: dha: due',: yee' dhih 'jeh, or: ne: a mu 'de nma-dih-deh 'di: dha: due' 'wluh-dih:. :A yubo-eh', deh⧾: a-a' 'yor-eh: ne-dih:-a 'kmo: zai', en: ne or: kor-dih-eh: 'o tu 'i, 'de: a-a' yau:: daa: on 'yi-dih:-a deh⧾-zon⧾ dih, an-a' 'kpih 'ye gbe: zie:, 'de deh⧾-zon⧾: ne-': a dih kpon: neheh': ka nyor kpon-a 'ge-yu dih. Deh no-eh, nyor: or 'meh-a,: yee' or 'wluh 'o deh⧾-zon⧾-a' 'kpih 'zorn 'weh. :Yee': mor eh 'dhu, eh gweh: a: ne 'Klae 'meh-dih:: dha: due',: yee': a po-eh dhih 'jeh: eh: mor or: ne: a mu: dha: due' 'kmo-': ne-dih:: ke. :A yubo-eh': ka Nyorsoa: za-a: 'de 'Klae 'de nma-dih-deh 'di, 'de or: se-a' 'meh-: i: neheh'. 'Meh-a' se-or wlu 'ken: korn: dele' ka. 'Meh-a' or 'meh-a, or 'meh-' kpor: due' 'klein', deh⧾-zon⧾: se-or' wlu 'ken: korn i, 'de 'kmo or: ne-a, or: ne-' 'kmo 'do Nyorsoa bo. 'Do deh: ne-a: due' 'di, a: zlo-dih: a-a' 'jeh deh⧾-zon⧾-a' 'kpih 'zorn 'wluh-nyor⧾, 'de a: ne 'kmo 'do Nyorsoa bo,: eh: yi-dih:-a: Yusu' 'Klae-'. :Yee' eh-a' dhih, a-a' 'worn-:-' deh⧾-zon⧾-a': korn-' a-a' yau:: an mu-a 'meh-: wlu 'ken, 'de a: ne 'o an-a' 'bhororn'-deh⧾-zon⧾-a' 'tele' dih dhe. A-a': za-' a-a' yau-a' 'for⧾ 'kwla 'de deh⧾-zon⧾-a' no-a' bo. Jorwor: a: za a-a' 'jeh 'kwla 'de Nyorsoa bo,: eh gweh-a: ka a 'wluh-a 'meh 'da, 'de a: ne-a 'kmo: naa.: Yee' a: za a-a' yau-a' 'for⧾-a' klehkpeh 'kwla 'do 'yi 'sleh-deh⧾-a' no-a' bo. Jorwor: deh⧾-zon⧾-a': korn-' a wlu 'ken, deh no-eh, a se 'o: Mose'-a' 'tele' 'zorn: ne, jorwor: a: ne 'o Nyorsoa-a' mla 'zorn. :Yee': kaa: a mu 'da-:: naa: eh?: Ka: a se-a 'o: Mose'-a' 'tele' 'zorn: ne, 'de: a: ne-a 'o Nyorsoa-a' mla 'zorn,: yee': a: korn: a 'ye deh⧾-zon⧾ no: e? 'Kei o. A se-eh yubo:,: ka: mor a: za a-a' 'jeh 'kwla 'do nyor bo, 'de a 'ye 'o or-a' wlu dih dhe,: ka 'ge-yu-a no-a,: yee' a no-a 'ge-yu 'do nyor: dao': or: korn-a wlu a dhe-a 'o dih bo: e?: Mor a 'dhu deh⧾-zon⧾-a' 'ge-yu-',: yee' a mu 'meh-:.: Mor a dhe 'o Nyorsoa-a' wlu dih,: yee' eh-: mu-eh: no, 'de a 'ye 'yi 'sleh-nyor⧾ no 'do or ybei'. 'On po Nyorsoa-a' 'zio, a: mor: or no-a deh⧾-zon⧾-a' 'ge-nynuu: dee', 'de a 'ye 'o deh⧾ 'on: torne: a-uh, en-' 'tele' dih dhe: naa, 'do a-a': porluh⧾-a' klehkpeh bo. :Yee' a zelie-eh:-' 'do deh⧾-zon⧾-a' 'kpih 'zorn, 'de a no 'ge-nynuu 'do 'yi 'sleh-deh-a' dhih bo. (Deh 'an wlu-a: naa, 'an wlu-': ka: gwlor-nyor wlu-a 'de or 'be: gwlor-nyor bo. Deh no-eh, a: mor: gwlor-nyor:⧾ 'o, 'de a-a' deh-' dih 'worn-eh:: kma 'i.): Ka a: za-a a-a' yau 'kwla: zai', a 'ye-a' 'ge-nynuu no 'do deh⧾: en se-a: vlehehn'-': gweh, en-' no 'da-: 'dekorn: 'kulu-deh⧾-a' ken dih 'kpuhba-eh-: 'ka-: a 'ye a-a' yau-a' 'kwla: za-eh: no: naa: ke, a 'ye 'ge-nynuu no 'do 'yi 'sleh-deh-a' dhih bo, a 'ye 'for 'i: dhe-dih-eh: 'do Nyorsoa bo. Ti a no-a 'ge-nynuu 'do deh⧾-zon⧾ bo,: yee' 'yi 'sleh-deh se a wlu 'ken: korn. :Yee' deh⧾: dao': en no-dih-a a dhen: naa, deh en po-a a 'o 'do ti: dao' bo: eh? Deh⧾: dao' en ya 'de 'meh-a'. Jorwor:: kana: naa,: ka Nyorsoa zelie:-a a-uh 'do deh⧾-zon⧾-a' 'kpih 'zorn, 'de a no-a 'ge-nynuu 'do Nyorsoa bo,: yee' deh eh po 'o a-uh, eh-: 'dhu, a: dhe-dih-eh: 'for 'i 'do or bo.: Yee' eh-a' geli': za-dih-deh:, eh-: 'dhu 'kmo: sie:: febeh'. Deh⧾-zon⧾-a' geli': za-dih-deh: wor 'dhu 'meh-a', jorwor: Nyorsoa-a' 'nyii'-deh:, eh-: 'dhu 'kmo: sie:: febeh'-': eh: yi-dih:-a: a-a': Gwlor: baa': Yusu' 'Klae-'. :Yee' 'an 'Klae: de-di'-boi'-a:, 'an wlu-' 'de a: mor: or yubo:-a: gwlor-nyor⧾-a' 'tele' bo. A se-eh yubo:,: ka 'tele': korn-a: gwlor-nyor wlu 'ken 'do ti or: ne-a 'kmo-' 'klein': e? Eh gweh: ka 'nynor: or 'ti-a nyina, 'de: or: ne-a 'o nyina: 'ti-tele' 'zorn, 'do or-a'a: yibeor bo, ti or-a'a: yibeor: ne-a 'kmo. Jorwor:: mor or-a'a: yibeor 'meh,: yee' or se 'o 'tele': dao': eh san-or dih: dee', 'do or 'zorn: ne: neheh': dele' ka. :Yee': mor eh 'dhu, or 'ti nyor: noror' 'bli, 'de or-a'a: yibeor 'ye 'kmo: ne 'gboror:,: yee' an mu-or 'nyne: zaan': no-nynor 'da-dih:. Jorwor:: mor or-a'a: yibeor 'meh,: yee' or se 'o 'tele': dao' 'zorn: ne: neheh' klehkpeh klehkpeh. Or: se 'nyne: zaan': no-nynor:, keen': mloror' or 'ti nyor-kpalu: 'sluh 'bli. :Yee' 'do deh: ne-a: due' 'di, 'an 'Klae: de-di'-boi'-a:, 'Klae-a' 'meh-a' no-eh, 'de a gweh 'meheh'-nyor⧾ 'do: Mose'-a' 'tele' bo: ke, a se 'o eh-a' 'kpih 'zorn: ne: neheh', 'de a 'ye 'de nyor: noror' bo: korn,: or Nyorsoa: za-a: 'de nma-dih-deh 'di, 'de: a 'ye 'bi 'jeh ne: tlo 'do Nyorsoa bo. Ti: a: ne-dih:-a deh⧾: a-a': gwlor-nyor-tu-a 'bhorn-a 'kmo-',: yee': Mose'-a' 'tele', eh-: no-eh, 'de: a-a': porluh⧾-a sin,: a 'ye deh⧾-zon:⧾: a-a' yau-a 'bhorn-a no. Me-:: ya 'de 'meh-a'. Jorwor:: kana: naa,: a zelie-eh:-' 'do 'tele': dao' 'zorn, deh no-eh,: a gweh 'meheh'-nyor⧾ 'do eh bo.: Ka: Mose'-a' 'tele': dao',: eh 'chle-eh, eh 'da-a,: a 'ye-a Nyorsoa-a': weheh': za-eh no,: a-a' no-eh: neheh'. Jorwor:: weheh': za-eh:: dele', Nyorsoa-a': Zulu 'da-a, eh-:: a no. :Yee': kaa: a mu 'da-:: naa: eh?: Mose'-a' 'tele': daa, deh-zon: 'o: e? 'Kei o. Jorwor:: mor eh se: ne: dee',: yee' 'on se deh-zon yubo:.: Mor eh: se-': ao',: a-a': korn-': gwlehehn': dee',: yee' 'on se deh: eh 'dhu-a: gwlehehn' deh 'i yubo: i: dee' 'jeh ka. Deh⧾-zon⧾ 'duo: en-' 'jeh-a' ti-',: ka 'tele' no-a 'o: kpaa': za-eh, eh-: no-eh, 'de 'bhororn'-deh⧾-zon:⧾ 'doror: 'dor 'yi-dih: 'on dih. Jorwor:: mor 'tele' se: ne,: yee' deh⧾-zon⧾ se deh-' 'dhu-eh:. :Zai' ti 'on se-a: Mose'-a' 'tele' yubo:,: yee' 'on: ne 'kmo. Jorwor:: yeh 'tele' yi-a 'de,: yee' 'on yubo: deh⧾-zon⧾ 'weh, 'de 'an 'bhorn 'on 'ye-ih' no, 'de 'tele' chehn 'on wlu ken, 'on 'ye 'meh.: Yee' 'tele': daa: eh: korn-a: eh 'ye-a' 'de: febeh': ya: dee', 'do 'on bo, eh-: no-eh, 'de 'on 'meh. Deh no-eh, deh⧾-zon⧾ 'duo: en-' 'jeh-a' ti-',: ka 'tele' no-a 'o: kpaa': za-eh, 'de en: bo-dih: 'on dih, en: yi-dih: 'tele'-', en chehn 'on wlu ken, 'on 'ye 'meh. :Yee': Mose'-a' 'tele': daa, eh: ne 'i gban, 'de deh⧾ 'tele' 'da-a, en: ne gban 'i, en 'sleh 'i, 'de en no deh⧾ 'jeh ne. :Yee' deh: eh: nmor-a 'yi dih, eh-: chehn 'on wlu ken, 'on 'ye 'meh: e? 'Kei o. Jorwor: deh⧾-zon⧾: yi-dih: deh: eh: nmor-a 'yi dih, 'de en 'dba 'on, eh 'ye nyor⧾ 'i: to-dih:,: ka en: ne-a.: Yee' 'tele': daa, eh-: no-eh, 'de: a yubo-eh,: ka deh⧾-zon⧾ 'dhu-a 'yi dih: nyni-deh⧾-' 'gabaa. :Yee': a yubo-eh': ka: Mose'-a' 'tele' kor-a Nyorsoa-deh 'i. Jorwor: 'on no: gwlor-nyor:,: or no-a 'ge-yu:: or: plo-eh 'de deh⧾-zon⧾ bo. 'On se 'an 'jeh-a' noo-deh⧾ bo dih yubo:. Deh no-eh, deh⧾ 'an 'bhorn 'on 'ye-a' no, me-: 'an-a' 'worn-dih: noo-dhih. Jorwor: deh⧾ 'on 'nyeh-a, me-: 'an no. :Yee': mor 'on no deh 'on se-a no-a' 'bhorn,: yee' 'on 'worn-dih-eh ken dih 'weh,: ka: Mose'-a' 'tele' 'sleh-a 'i. :Yee' eh: se 'an 'jeh 'yor-eh:,: or-a' no deh⧾: daa. Jorwor: deh⧾-zon:⧾: en: ne-a 'on-', me-: no-ih. 'On yubo-eh': eh: mor dhih 'jeh ne se 'o 'on: ne.: Mor 'on 'da: ao',: yee' 'de 'an: gwlor-nyor-tu 'di: oo', 'an 'da. Deh no-eh, 'an 'bhorn 'on 'ye deh⧾ 'jeh ne no, jorwor: 'on se en-' no-a' 'beh-dih:. :Yee' deh⧾ 'an no-a, eh: se deh⧾ 'jeh 'an 'bhorn-a 'on 'ye-a' no. Jorwor: deh⧾-zon:⧾ 'on se-a 'bhorn 'on 'ye-a' no, me-: 'an no. :Yee': mor eh 'dhu, 'on no deh⧾ 'on se-a no-a' 'bhorn,: yee' eh: se 'an 'jeh 'yor-eh:: or-a' no-eh: neheh'. Jorwor: deh⧾-zon:⧾: en: ne-a 'on-', me-: 'o: en no-eh. :Yee' deh 'on yubo:-a 'i,: eh no-eh 'do 'on bo, eh-:: dhe dih.: Mor 'an 'bhorn 'on 'ye deh⧾ 'jeh ne no,: yee' deh⧾-zon⧾-a' no-a': due', me-: 'on 'beh-dih:. Nyorsoa-a' 'tele' 'yi-dih: 'an: porluh⧾-a' klehkpeh 'mona-' dih. Jorwor: 'on 'ye 'tele': neheh', eh-: no: koan 'de 'an yau 'di, eh-: vorn 'tele' 'an: porluh 'worn-dih-a ken dih bo. 'De eh no 'on: kasue-nyor-', 'do deh⧾-zon⧾-a' 'tele': en: korn-a 'an yau wlu 'ken bo. Deh 'i-deh:: porluh-a' dih 'neneh-nyor: 'o, 'on 'dhu-eh:-': eh? Deh 'i-deh-nyor:: or mu 'on yau:: daa,: an 'bhorn-a 'an 'dba-a', 'kwa: za: eh? 'Wee'. 'On po Nyorsoa-a' 'zio,: or no-eh, 'de eh: yi-dih:-a: a-a': Gwlor: baa': Yusu' 'Klae-'.: Yee' eh-a' dhih, 'do 'an 'jeh 'yor-eh-a': porluh ken, 'on no 'ge-yu 'do Nyorsoa-a' 'tele' bo. Jorwor: 'do 'an: gwlor-nyor-tu bo, 'on no 'ge-yu 'do deh⧾-zon⧾-a' 'tele' bo. :Yee' 'do eh-a' dha,: yuh: on: ne-a: Yusu' 'Klae-', Nyorsoa: se-uh' 'kle 'ye-eh 'dlu: po i. Deh no-eh,: Yusu' 'Klae, or-: no-eh, 'de Nyorsoa-a': Zulu:: an 'nyi-a: a: febeh', an-a' 'kpih zelie: a-uh 'do deh⧾-zon⧾-: 'dekorn: 'meh-a'-: en-' 'kpih 'zorn. :Mose'-a' 'tele' se eh-a' no-a' 'beh-dih:, deh no-eh,: gwlor-nyor⧾-a' nyior-tu: mo-: no-eh, 'de 'tele': dao', eh se 'kpih ken: ne. Jorwor: Nyorsoa no-eh', ti or dbo-a or-a' 'jeh 'yor-eh-a' 'Yu, 'de or: yi-dih:-a: gwlor-nyor-tu-',: on 'yi-dih:-a deh⧾-zon⧾-' dih, or 'ye gban 'i 'dhu-dih-deh no 'do: a-a' deh⧾-zon⧾-a' dhih bo.: Yee' eh-: no-eh, 'de Nyorsoa: za deh⧾-zon⧾ 'kpih ken, 'de: gwlor-nyor-tu:: dao' 'Klae: yi-dih:-a 'de 'di. Nyorsoa no deh: daa 'weh, 'de: a 'ye 'yi 'sleh-deh⧾-a' klehkpeh: Mose'-a' 'tele'-a 'bhorn-a: a 'ye-a' no,: a 'ye en-' klehkpeh no,: a: mor: yuh: or no-a deh⧾ Nyorsoa-a': Zulu-a 'bhorn-a: a 'ye-a' no, 'de: or-a' no-a deh⧾: a-a' nyior-tu-a 'bhorn-a. Nyor⧾: an no-a deh⧾ nyor⧾-a' nyior-tu-a 'bhorn-a on 'ye-a' no, en: due', me-: an na-dih: gwluhuh' dih. Jorwor: nyor⧾: yuh: an no-a deh⧾ Nyorsoa-a': Zulu-a 'bhorn-a on 'ye-a' no, en: due', me-: an na-dih: gwluhuh' dih. Deh⧾-zon:⧾ nyor⧾-a na-dih-a: gwluhuh' dih,: yih an-a' nyior-tu-a 'bhorn-a on 'ye-a' no, en ya-uh 'meh-a' bo. Jorwor: nyor⧾: an na-dih-a Nyorsoa-a': Zulu-a' 'bhororn'-deh⧾: gwluhuh' dih, en ya-uh 'kmo: sie:: febeh'-: 'dekorn:: porluh-a' dih 'pehn-eh-: bo. :Yee' nyor⧾: an na-dih-a deh⧾ an-a' nyior-tu-a 'bhorn-a, on 'ye-a' no,: gwluhuh' dih, on no nyor⧾: on 'nyeh-a Nyorsoa-'. Deh no-eh, an-a': ya an-a' 'jeh ya 'do Nyorsoa-a' 'tele' 'zorn, 'de mor on se eh-a' no-a' 'beh-dih:. Nyor⧾: yuh an-a' nyior-tu: korn-a wlu 'ken, on se Nyorsoa-a': porluh-a' dih 'pehn-dih-eh 'beh-dih:. Jorwor:: mor Nyorsoa-a': Zulu: ne a-uh',: yee' a-a' nyior-tu se a wlu 'ken: korn, jorwor: Nyorsoa-a': Zulu:, mo-:: korn a wlu 'ken.: Mor nyor se 'Klae-a': Zulu 'ble,: yee' or se 'de or bo: korn. Jorwor:: mor 'Klae: ne a-uh', keen': mloror' a-a' yau-a mu 'meh-: 'do a-a' deh⧾-zon⧾-a' dhih bo, jorwor: Nyorsoa-a': Zulu-a mu-eh: no, a 'ye 'kmo-': ne, deh no-eh, Nyorsoa 'da-dih a 'yi 'sleh-nyor:⧾. :Yee': mor eh 'dhu, Nyorsoa-a': Zulu:: on: za-a: 'de 'Klae 'de nma-dih-deh 'di, on: ne a-uh',: yee' Nyorsoa: or za-or 'de nma-dih-deh 'di, or mu or-a': Zulu:: on: ne a-uh': yi-dih:, 'de or 'ye a-a' yau:: an mu-a 'meh-:, 'kmo: sie:: febeh' 'nyi. :Yee' 'an 'Klae: de-di'-boi'-a:,: a 'ble deh, eh-:: a: korn: a 'ye no. Jorwor: eh: se deh⧾: a-a' nyior-tu-a 'bhorn-a, me-:: a 'ye 'kmo-': ne-dih:: deh. :Mor eh 'dhu, a: ne-dih: deh⧾ a-a' nyior-tu-a 'bhorn-a 'kmo-',: yee' a mu 'meh-:. Jorwor:: mor eh 'dhu, Nyorsoa-a': Zulu 'kpa a bo, 'de a 'ye deh⧾-zon:⧾ a-a' yau-a no-a, en-' no-a' 'bor klehkpeh,: yee' a mu 'kmo-': ne. Deh no-eh,: yuh Nyorsoa-a': Zulu-a na-dih-a, on no or-a' 'nynuu:. :Yee' Nyorsoa: se-' a or-a': Zulu a-uh 'nyi, on 'ye a 'ge-nynuu-': no-dih:, 'de eh 'ye-eh' no, 'de: fano 'ye a no. Jorwor: mo-: no-eh, 'de a no Nyorsoa-a' 'nynuu. 'De an-a' 'kpih, me-: no-eh, 'de: mor: a: taa Nyorsoa 'da,: a no, 'On-ba:, 'On-ba:. Nyorsoa-a': Zulu-a' 'jeh 'yor-eh zela-eh ken dih 'weh, 'do: a: porluh⧾ ken,: ka: a 'dhu-a or-a' 'nynuu-'. :Yee': ka: a 'dhu-a or-a' 'nynuu-',: yee': a mor-: 'dekorn: 'Klae-:: a: mor mu: bhorlie': eh: korn-a wlu Nyorsoa po-a: dhama'-' 'do or-a'a: 'nynuu bo 'ye-:.: Yee': mor 'Klae: ne: a 'ye-dih: 'kle: dha: due',: yee': a mu 'for 'ble-: 'de or-a' dhih-a' 'i 'beh-a' 'di: ke. :Yee': mor 'on: na-dih: 'kle 'ye-eh:: a 'ye-a: naa, eh-a' dhih: gwluhuh' dih, eh se deh 'do 'on bo, deh no-eh, dhih-a' 'i 'beh-a' Nyorsoa-a mu-a: a 'nyi-:, or 'beh-: 'i 'gabaa, or zi-eh'. 'Bluhba-a' klehkpeh Nyorsoa no-a-: 'dekorn: deh⧾: en: ne-a 'de or 'di-: en: nyna buh⧾ ken: naa 'gabaa, en fuo ti Nyorsoa-a mu-ih-a or-a'a: 'nynuu 'i: to-dih:. Deh no-eh, deh⧾-a' klehkpeh Nyorsoa no-a, deh en: korn en 'ye-a' no, en se eh-a' no-a' 'beh-dih:. Eh: se en-' 'jeh 'yor-eh:, en: se-eh' 'bhorn en 'ye: ao': ne. Jorwor: Nyorsoa, or-: 'worn-dih-eh ken dih, 'de en: ne: ao'. Jorwor: en dhe-eh: gwlii' 'gboror:, :ka Nyorsoa-a mu-ih-a zelie: 'de 'gegeye, en: ne-a' 'zorn: neheh', 'de en 'ye zelie-eh:: eh 'ble-a dhih-a' 'i 'beh-a' 'ye,: ka Nyorsoa-a' 'nynuu: ne-a. :A yubo-eh': chio'lo:,: eh: yeh-dih:-a ti: daa ken, deh⧾-a' klehkpeh Nyorsoa no-a, en kehn-', 'de en 'ye en-' 'jeh worn,: eh gweh-a: ka 'nynor: or 'bhorn-a: gbano:: za-eh. Eh: se en: due', en: se-': kehn. Jorwor:: a-a' 'jeh 'yor-eh:: ke,: or 'ble-a Nyorsoa-a': Zulu: on no-a 'nyii'-deh: or 'nyi: a-uh: zai',: a kehn-' 'de: a 'di: ke, 'de: a fuo Nyorsoa 'ken, 'de 'mona: ka 'di,: a 'ye or-a'a: 'nynuu no, 'de: a-a' yau 'ye zelie-eh:. Deh: gwlii': dhe-eh:, eh-: 'puh-dih:: a-uh.: Gwlii': dhe-deh:,: a-a' 'yli-eh 'ye-a, eh: se: gwlii': dhe-deh:: neheh', deh no-eh,: a 'ye-eh': weh.: Or 'ye deh, 'de: or dhe-eh: gwlii': chio'lo:: eh? Jorwor:: mor eh 'dhu,: a dhe deh: a 'see-a 'ye: gwlii': chio'lo:,: yee': a fuo-eh 'de: porluh-a' dih: kpon ka 'di. :Yee' 'de: ka: ne-a: due' 'di, Nyorsoa-a': Zulu-a 'kpa: a bo,: mor: a-a' 'kpih: taa chehn. Deh no-eh,: a se: ka: a 'ye-a' 'de Nyorsoa bo: wlu-eh no yubo:. Jorwor: Nyorsoa-a': Zulu-a' 'jeh 'yor-eh:, mo-:: an wlu 'de Nyorsoa bo, 'do: a-a' dhih bo, 'de 'viin' ka 'di, 'de nyor⧾ se an-a' wlu-a' ken dih zela-eh 'beh-dih: 'de: gwlor-nyor-wlu 'di. Nyorsoa: or pobo-a 'o: a-a': porluh⧾ ken, or yubo: deh or-a': Zulu-a za-a-' 'weh, deh no-eh, or-a': Zulu:: dao', mo-:: an wlu 'de or-a' 'jeh 'yor-eh bo, 'do or-a'a: nyor⧾-a' dhih bo,: ka eh no-a or-a' 'ton: korn-eh. :Yee': a yubo-eh', 'de deh⧾-a' klehkpeh 'di, Nyorsoa-a 'kpa: a: mor ybeh-or' bo 'weh, 'de deh⧾ 'jeh ne 'ye 'de en 'di 'wluh,: a: mor or 'da-a,: ka or no-a eh-a' 'dhu-a'. :Yee': yuh Nyorsoa gan-a see, mo-: or: dhe-dih: 'for 'i, on: ne or-a'a: 'Yu 'ye goor-dih:, 'de or-a'a: 'Yu 'ye: zai'-nyor no, 'de 'de-di'-boi': dhulu' 'klu-'. :Yee': yuh or: dhe-dih:-a 'for 'i,: on: ne or-a'a: 'Yu 'ye-a' goor-dih:, mo-: or 'da: on 'ye or-a'a: 'nynuu no.: Yee': yuh or 'da-a: on 'ye-a' or-a'a: 'nynuu no, mo-: or 'da-dih: 'yi 'sleh-nyor⧾ 'do or ybei'.: Yee': yuh or 'da-dih:-a 'yi 'sleh-nyor⧾-', mo-: or 'nyi dhih-a' 'i 'beh-a': ke. :Yee': kaa: a mu 'da-:: naa: eh?: Mor Nyorsoa: ne 'de: a-a' 'for bo,: yee': or 'beh-dih:: or 'ye: a bo vorn: eh? Nyorsoa: or 'worn-dih:-a or-a' 'jeh 'yor-eh-a'a: 'Yu-a' dhih ken dih, 'de or 'nyi-or nyor⧾ or 'ye-a' 'meh, 'do: a-a' dhih bo,: yee' or-: se: a deh⧾-a' klehkpeh 'nyi-eh: 'beh-dih: yaa'e: ke: e? :Or 'beh-dih: nyor⧾ Nyorsoa gan-a, an-a' dhih 'dlu: po: eh? Eh se nyor: korn. Deh no-eh, Nyorsoa-a' 'yor-eh:, or-: 'da, zabe: se-uh' kpon. :Or mu: a-a' zabe 'i: chehn: eh? Eh se nyor: korn. Deh no-eh,: Yusu' 'Klae 'meh-' 'do: a-a' dhih bo. Jorwor: Nyorsoa za-or 'de nma-dih-deh 'di 'weh. 'De or: ne 'de Nyorsoa-a': dila-son bo, or wlu 'de or bo 'do: a-a' dhih bo. :Eh 'beh-dih:: eh 'ye-eh' no, 'de: ybeh-dih-eh:: eh: ne-a 'o: a mor-: 'dekorn: 'Klae-: 'nyne bo 'i cheehn-dih:: eh? 'Worn dih 'beh-eh: e?: Ae' 'kle 'ye-eh:?: Ae' nyor⧾ 'ye-dih:: on 'kle: e?: Ae' 'moeh:: eh 'kpa-a Ji Kou'-moeh ke: e?: Ae' se paa-deh 'ble: e?: Ae' 'de 'meh-a' 'worn-dih: na-eh:: e?: Ae': bhla 'jlehn 'i 'dba-dih-eh:: e? Eh se deh: korn,: eh 'ye-eh' no. :Ka eh no-a 'chle-eh 'de Nyorsoa-a' 'chlee-deh 'di, eh no-a,: An-a' dhih,: a: ne 'meh-a' pobo 'yli dih, 'do 'we-a' klehkpeh bo.: A: zlo-dih-eh: 'blae'⧾: en: gweh-a 'dba-a'. Jorwor: 'Klae: or: ybeh: a-uh', or-: 'nyi: a nyor: du-kpih, 'de: a kpa: glaa' deh 'jeh, 'do deh⧾-a' klehkpeh: daa: a: yi-dih:-a 'de 'di bo. 'On po-eh' dhih 'jeh, eh beh: se 'meh-a', 'de mor eh: se: febeh', eh beh: se 'enjor-nyor:⧾, 'de mor eh: se 'kwla 'ye-dih-deh:⧾, eh beh: se: kana: ti, 'de mor eh: se ti: en mu-a 'de: yi, 'de mor eh: se deh⧾: nee'-a' 'kpih, eh beh: se deh⧾: en: ne-a 'de yai', 'de mor eh: se: yih: en: ne-a 'de 'bluh 'zorn, eh beh: se deh⧾-a' klehkpeh: en: no-eh, me-: 'beh-dih:: en 'ye: a mor-: Nyorsoa-:: a-a': ybeh-dih-eh 'i cheehn-dih:: deh,: eh: yi-dih:-a: a-a': Gwlor: baa': Yusu' 'Klae-'. :Yee' 'mor 'Klae-a' klei': zi-nyor: 'o. 'An: porluh: Gban 'i: ne: Zulu: korn-a wlu 'ken, on zela-eh ken dih 'weh 'noror 'on bo,: ka 'an za-a dhih-a' 'yor-eh-', 'on se-a sih 'tmo. 'On 'ble: porluh-a' dih 'neneh-eh: 'gabaa, 'de 'on 'ble 'pa,: or-a' 'bor, 'do 'an: porluh ken, 'do 'an 'de-di'-boi'-a' deh bo,: on no-a 'Ezlea-nyor⧾,: on: ne 'on 'ble-a yau: due'. 'An 'bhorn: dee' Nyorsoa 'ye 'on 'chlo bo po, 'de 'mor-: 'Klae-:: a 'ye 'i cheehn-dih: 'de 'an 'de-di'-boi' 'ye 'o 'an 'gor bo 'kpa. Nyor⧾: dao', Nyorsoa gan-uh' on 'ye or-a'a: 'nynuu no, 'de on 'ble 'for 'de or-a' dhih-a' 'i 'beh-a' 'di, 'de or: ne on po kuo. Or 'nyi-uh 'tele', or: torne-uh: ka on 'ye-a or-a': weheh': za-eh no, 'de or 'nyi-uh deh⧾: korn-a wlu⧾ or po-a: dhama'-'. 'Ezlea-nyor⧾ no 'nynuu: 'do: a: bai'-a': bai' bo. 'Klae no an-a' nyor: due': ke, 'de yau: ka 'di,: or no-a Nyorsoa: or: ne-a 'o deh⧾-a' klehkpeh 'dlu bo. A 'nyi: a po or-a' 'nyne ya,: ka ti-a mu-a 'dlu-': tehn. 'Ka-: eh 'ye: ne. Eh: se deh Nyorsoa: za-a-', or: se-eh' no: deh. Eh: se nyor⧾-a' klehkpeh: on 'wluh-a 'de 'Ezlea 'di, mo-: no Nyorsoa-a' gaan-nyor⧾: deh. 'De mor eh: se nyor⧾-a' klehkpeh: on 'wluh-a 'de 'Eble'hehn 'di, mo-: Nyorsoa 'da-dih 'Eble'hehn-a'a: 'nynuu: deh. Jorwor: Nyorsoa zela: 'Eble'hehn-:: gwluhuh', or 'da, Ase' 'di: due', mo-:: an mu 'Eble'hehn 'di 'da-dih-eh:. :Yee' 'de: ka: noror' 'di, deh: daa, eh: bleh-dih: 'i, eh: se 'Eble'hehn-a' 'di-a' klehkpeh, mo-: no Nyorsoa-a' 'nynuu: deh. Jorwor:: yuh: korn-a wlu Nyorsoa po-a: dhama'-', mo-:: zlo-dih-eh: 'Eble'hehn-a'a: 'nynuu deh 'jeh neh. :Ka Nyorsoa-a': dhama'-': po-wlu 'da-a, eh-:: dhe dih, on 'da,: Mor ti: taa dha: dha: daa na-dih, zon: an yi-a 'de,: yee' 'an mu deka: yi, 'de: Selor' 'ye nyor-kpalu-yu 'wluh. :Yee' eh: se eh: due'.: Wlibehkor'-a'a: nyor⧾-kpalu⧾-nynuu:: on: ne-a 'sororn', on 'ble: baa': due',: or 'dhu-a: a: bai'-a': baa' Ase'-'. Jorwor: ti 'gba-nynuu:: dao', on 'see-a 'wluh, 'de mor on 'see-a deh 'jeh-: deh-zon-: no,: yee' Nyorsoa gan an-a' nyor: due'. Eh-:: torne-eh: a-uh: ka deh or 'bhorn-a or 'ye-a' no, eh-: 'o or no. Or: torne-eh: a 'weh 'do: Wlibehkor'-a': gwluhuh' zela-eh bo, or 'da,: Klaba' nor-a mu 'zeehn nor-a' 'bhoi-yu: no.: Yee' eh-a' dhih, Nyorsoa-a mu nyor⧾ or 'bhorn-a 'duo:: chio'lo:. Eh se deh⧾ nyor⧾-a no-a: deh, jorwor: eh: sie: 'de or bo, nyor or 'bhorn-a, or-: 'o or mu 'da-:. :Ka eh no-a 'chle-eh 'de Nyorsoa-a' 'chlee-deh 'di, Nyorsoa no-a, 'Jekor:, or-: 'on: ybeh-', jorwor: 'Isor:, or-: 'on 'nyeh-'. :Yee': kaa: a mu 'da-:: naa: eh?: A mu: ao', Nyorsoa no: bhuli'-nyor:: e? 'Kei o. Deh no-eh, or: wlu-' 'de: Mose' bo, or 'da, Nyor 'an 'bhorn-a, 'on 'ye-a': wehlih 'ye, or-: 'an mu: wehlih 'ye-:.: Yee' nyor 'an 'bhorn-a, 'on 'ye-a': gwluhuh': nmor-dih:, or-: 'o 'an mu: gwluhuh': nmor-dih:. :Yee' 'do eh-a' dha, eh: se 'de nyor⧾-a' 'bhororn'-deh⧾ bo 'wluh, 'de mor eh: se 'de 'kpih on po-a 'de: deh, jorwor: Nyorsoa-a' nyor⧾: wehlih 'ye-eh: 'o. 'Ka-: Nyorsoa 'da: ke, 'de or-a' 'chlee-deh 'di, or: wlu-' 'de 'Iye-nyor⧾-a' 'keen bo, or 'da, 'Mor 'duo:: on ya-': on 'ye 'keen no, 'do deh: daa dhih bo. Eh-: 'dhu, 'on 'ye 'an 'kpih nyor⧾ 'i: to-dih: 'de: on 'di, 'de eh 'ye-eh' no, 'an 'nyne 'ye 'bluhba-a' klehkpeh 'dlu gweh dha yao zorn. :Yee' eh-a' dhih, nyor Nyorsoa 'bhorn-a, or 'ye-a': wehlih 'ye, or-: 'o or 'ye: wehlih. 'De nyor or 'bhorn-a,: or 'ye-a' worn 'i ku, or mu-eh: no, or 'ye worn 'i ku. :Yee' a-a' nyor: due' mu: aa 'da-:, 'de 'on bo,: Eh: korn dhih 'da, 'de Nyorsoa po: gwlor-nyor dhih 'dlu: chio'lo:: eh,: mor: a se Nyorsoa-a' 'ton: korn-deh 'i: kan-eh 'beh-dih:? Jorwor:: gwlor-nyor:: mor: daa, nyor: on 'dhu-eh:-', 'de: an kpon Nyorsoa wlu 'worn: eh?: Yabo': or: ma-eh, or se 'beh-dih: or 'ye: wlu 'de nyor: or ma-or bo, or 'ye: ao',: Eh: korn dhih 'de: on no: ao', 'an ma-a': eh? Maa-nyor: korn 'kpih or 'ye meh: kpuan': due'-' 'duo:, or 'ye: yabo': or 'kpa-a deh ken ma, 'de or 'ye meh: kpuan': ne-a: due': dao', or-a' 'for-' 'duo:: neheh', or 'ye: yabo': or se-a deh ken 'kpa ma. 'De deh: ne-a: due' 'di,: mor Nyorsoa: taa 'bhorn, or 'ye or-a' 'chehn nyor⧾ 'i: to-dih:: dee', 'de on 'ye or-a' 'kpih yubo:,: yee' or 'beh-dih: or 'ye-eh' no: dee'. Jorwor: or kpon: porluh dih 'gabaa, 'do nyor⧾: dao' or 'kpa-dih:-a 'chehn-' bo,: on: korn-a: on 'ye-a' gbe: zie:: dee'. Or no deh: daa 'weh, or 'ye or-a' dhih-a' 'i 'beh-a': doru': daa, nyor⧾ 'i: to-dih:,: eh or 'nyi-a nyor⧾ or 'ye-a: wehlih,: yuh or po-a 'kpa: dee' see,: on 'ye-a or-a' dhih-a' 'i 'beh-a' 'ye. :Yee': a: mor 'o,: or 'dhu nyor⧾: dao', Nyorsoa 'da-a 'noror or bo. Eh: se 'de: Jueh'-nyor⧾: due' 'nyne-', or: se-' nyor⧾ 'da-dih:, jorwor: or 'da nyor⧾ 'weh, 'de nyor⧾: on: se-a: Jueh'-nyor⧾ 'nyne-': ke. :Ka Nyorsoa-a' wele-eh:: po-nyor:: Ozea' no-a eh-a': za-a', or no-a, Nyorsoa 'dae:, Nyor⧾: on: se-a 'an nyor⧾, mo-: 'an mu 'an-a: nyor⧾ 'da-dih:. 'Bluhba-dlu: 'on se-a-': ybeh: dee', mo-: 'an mu 'an-a:: ybeh-dih-nyor⧾ 'da-dih:. 'De Nyorsoa 'da: neheh',: Yee' 'do: dha 'on: za-dih-eh-', 'on no-a, A: se 'an-a: nyor⧾,: yee' 'do dha-a' 'jeh: dao', 'do: wor an mu 'kmo: ne-Nyorsoa-a' 'nynuu 'da-dih-eh. :Yee' Nyorsoa-a' wele-eh:: po-nyor:: Azaya' po 'wele-eh:,: eh: korn-a 'de 'Ezlea-nyor⧾ bo, or 'da,: Ka yobo'-a': bhehneh': dhie:-a, 'ka-: 'Ezlea-nyor⧾: dhie:. Jorwor: an-a' 'yor-bei:, mo-:: an mu 'puh-:. Deh no-eh, 'kle 'ye-eh:: Gwlor: baa' 'da-a or mu-a 'o 'bluhba-a' klehkpeh 'dlu: po, or mu 'dhobo: or 'ye-eh' no: gbor: gbor. Eh gweh: ka: Azaya' no-a eh-a': za-a' see, or 'da,: Mor eh 'dhu,: a-a': Gwlor: baa': or 'ble-a 'kpih-a' klehkpeh kwa, or se 'o: a-a' 'nynuu-a' 'nynuu-a': noo' sie: dee',: yee': a mu 'Salor-gwlor-: 'dekorn:: Gormor'la-gwlor-:: gweh: dee'. :Yee': kaa: a mu 'da-:: naa eh?: Ka: a mu-a 'da-:, eh-:: dhe dih. Nyor⧾: on: se-a: Jueh'-nyor:⧾,: an-a' 'worn-a,: an-a' po-a 'de 'kpih, 'do 'yi 'sleh-deh⧾-a' no-a' bo: dee', 'do Nyorsoa ybei', nyor⧾-a' 'jeh: dao', mo-: no 'yi 'sleh-nyor⧾: naa 'do dhih 'jeh-': po-eh bo. Jorwor: 'Ezlea-nyor:⧾,: an po-a 'de 'kpih: on 'ye-a' 'yi 'sleh-nyor⧾ no, 'do: Mose'-a' 'tele'-a' dih: dhe-eh bo, mo-:: se-eh' no. :Eh: korn dhih: oo': eh? Deh no-eh, an-a' 'kpih: po-eh: se 'de an-a' dhih 'jeh-': po-eh bo 'wluh, jorwor: eh 'wluh 'de: koan: an no-a bo. An 'gbele sobu': daa: an 'gbele-a nyor⧾. :Ka eh no-a 'chle-eh 'de Nyorsoa-a' 'chlee-deh 'di, Nyorsoa no-a, A: gbee'e:. 'An po tu glu 'de 'Zayorn-gwlor 'di,: an mu-eh: no, 'de nyor⧾ 'ye-a' 'gbele:, 'de on 'ye-a' dih 'ga. Nyor: or: kpa-dih-or 'kpuh, or: se-' 'bluhbor 'bor-dih: i. :Yee' 'an 'Klae: de-di'-boi'-a:, deh 'an: porluh-a 'bhorn-a 'gabaa, 'de 'an wlu-a 'de Nyorsoa bo, 'do 'Ezlea-nyor⧾-a' dhih bo, eh-: 'dhu on 'ye 'puh-a': korn. 'On 'beh-dih: an-a' dhih ken dih zela-eh 'weh,: eh: mor an-a' Nyorsoa-a': weheh': za: porluh: mo-: 'beh 'i. Jorwor: an-a' Nyorsoa-a': weheh': za: porluh:: dao', on se deh-' dih 'worn-eh 'ble. 'De on se: ka on 'ye-a' no, 'de Nyorsoa 'ye-uh'-a' 'yi 'sleh-nyor⧾ 'da-dih: yubo:.: Yee' 'do eh-a' dha, an no an-a' 'jeh 'yor-eh-a': gwluhuh', 'de Nyorsoa 'ye-uh' 'yi 'sleh-nyor⧾ 'da-dih:.: Yee': ka nyor ne-a 'de Nyorsoa 'da-dih-or 'yi 'sleh-nyor, on: se-eh' 'worn-dih:. Jorwor: 'Klae, or-: jla: Mose'-a' 'tele': daa 'dlu. Eh-a' dhih, nyor⧾-a' klehkpeh: on po-or dhih 'jeh-', mo-: Nyorsoa-a mu 'yi 'sleh-nyor⧾ 'da-dih:. :Yee': Mose' za-eh' 'weh 'de or-a'a: 'chlee-deh 'di: ka Nyorsoa-a no-a nyor⧾ 'yi 'sleh-nyor⧾ 'da-dih-eh: mor on dhe 'o 'tele': daa Nyorsoa 'nyi-uh-a dih, or 'da, Nyor: or dhe-a 'o 'tele': daa, eh-a' klehkpeh dih,: yee' or-: mu 'kmo-': ne. Jorwor:: yuh: on: korn-a dhih 'jeh-': po-eh no-eh, 'de Nyorsoa 'da-dih-a 'yi 'sleh-nyor⧾, on se 'beh-dih: on 'ye: wlu 'do on: porluh⧾ ken, on 'ye: ao',: Or mu 'de Nyorsoa 'bli yai': mu: eh? (:Eh 'dhu-a,: or mu 'de Nyorsoa 'bli yai': mu,: or 'ye 'de 'Klae 'noror: a bo 'zorn: ya: eh?) 'De mor, an-a' no,: Or mu 'de: gwlebo: mu: eh? (:Eh 'dhu-a,: or mu 'de 'Klae 'de nma-dih-deh 'di: za: eh?) Deh an mu-a-': za, eh-: 'dhu, Nyorsoa-a' tubo-wlu⧾: ne 'o a bo 'weh. En: ne 'de: on 'worn-: 'dekorn: 'do: on: porluh ken-:. Nyorsoa-a' tubo-wlu:⧾: daa, me-: 'o: a po,: en kor-a dhih 'jeh-': po-eh 'i. :Yee' eh-a' dhih,: mor: on 'worn-dih-eh 'de: on 'worn,: ka: Yusu' 'dhu-a: Gwlor: baa'-', 'de: on 'ye-eh' dhih 'jeh-' po, 'do: an-a': porluh⧾-a' klehkpeh bo,: ka Nyorsoa za-or 'de nma-dih-deh 'di,: yee': an mu 'puh-:. Deh no-eh,: a-a' dhih 'jeh-': po-eh:: eh 'wluh-a 'o: a: porluh⧾ ken, eh-: 'o: eh no-eh, 'de Nyorsoa-a 'da-dih: a 'yi 'sleh-nyor⧾. 'De mor: a-a' 'jeh 'yor-eh-a' worn: oo',: or za-eh': ke, 'de: a 'puh. :Ka Nyorsoa-a' 'chlee-deh no-a eh-a': za-a', eh no-a, Nyor-beh-nyor-beh:: or: kpa-dih-or 'kpuh, or: se-' 'bluhbor 'bor-dih: i. :Yee' deh-a': gble-eh se 'o: Jueh'-nyor⧾-: 'dekorn: nyor⧾: on: se-a: Jueh'-nyor⧾-: 'nyne bo: ne. Deh no-eh,: Gwlor: baa': ne-a: due', or-: no: a-a' klehkpeh-a': Gwlor: baa'. 'De or 'nyi nyor⧾-a' klehkpeh: bhorlie': dhulu': an 'da-or or 'ye-a': za-dih:. :Ka Nyorsoa-a' 'chlee-deh no-a eh-a': za-a', eh no-a, Nyor⧾-a' klehkpeh: an 'da-a: Gwlor: baa'-a' 'nyne, or 'ye-a': za-dih:, mo-:: an mu 'puh-:. :Yee': kaa an mu nyor on se-a dhih 'jeh-' po, or-a' 'da-a': no: eh?: Yee': kaa an mu nyor: or: korn-a 'nyne on se-a 'worn, or-a' dhih dhih 'jeh-': po-eh: no: eh?: Yee': mor nyor se or-a' dhih on: gwluhuh' zela:,: yee': kaa an mu or-a' 'nyne-a' 'worn-a': no: eh? :Yee': mor nyor⧾ se-uh dbo,: yee': kaa an mu or-a' dhih-a': za-a': no: eh?: Ka eh no-a 'chle-eh 'de Nyorsoa-a' 'chlee-deh 'di, eh no-a, Nyor⧾: an ya-a 'de tubo-wlu:⧾ 'jeh, an-a': naa-buh⧾: nmor-: 'yi. Jorwor: eh: se nyor⧾-a' klehkpeh: on no-a 'Ezlea-nyor⧾, on: se-' tubo-wlu:⧾ 'jeh: daa dih kpon. Deh no-eh,: Azaya' 'dae:,: Gwlor: baa', nyor: yoror: or po: an-a' tubo-wlu:⧾: daa: a po-a, dhih 'jeh-': eh? :Yee' nyor se 'beh-dih: or 'ye dhih 'jeh-': po-eh 'ble,: mor or se tubo-wlu:⧾: en kor-a 'Klae 'i 'worn. Jorwor: 'an dhele a dih, 'Ezlea-nyor⧾: se-' tubo-wlu:⧾: daa 'worn: e? Keen', on 'worn-ih',: ka Nyorsoa-a' 'chlee-deh no-a eh-a': za-a', eh no-a, Tubo-wlu:⧾: daa, en: po-eh:-' dha 'bluhba-a' klehkpeh ken. En-' wele-eh: po-eh:-' 'de 'bluhba⧾-a' klehkpeh yobo' po-a 'de: gle 'gbeheh 'di ken dih 'weh. :Yee' 'an dhele-eh-: dih: neheh', 'Ezlea-nyor⧾: se-eh' dih 'worn: e?: Mose', or-: 'chle-eh: zai',: ka Nyorsoa 'da-a, or no-a, 'An mu 'bluhba-dlu:: daa nyor⧾ se-a zlo-' 'duo:, eh 'ye a: gwlehehn' 'di po. 'An mu 'bluhba-dlu: nyor⧾-a 'da-dih-a: bobo-nyor⧾-' 'duo:, eh 'ye a 'chehn 'di po. :Yee' Nyorsoa-a' wele-eh:: po-nyor:: Azaya' ku: gwluhuh', or 'da, Nyorsoa 'dae:,: Yuh: on: se-a 'on 'kwla⧾-' dih 'bhorn, mo-: 'ye 'on.: Yuh: on: se-a 'an dhih dih dhele:, mo-: 'on: to-dih: 'an 'jeh 'i. Jorwor: 'do 'Ezlea-nyor⧾-a' dhih bo, or 'dae:. 'Do zorn-we-a' klehkpeh bo, 'an slo 'an son⧾ 'do nyor⧾,: an-a' dhe-a 'o 'an 'tele' dih bo, 'de: on: korn-a 'dlu⧾: kmu-a'. :Yee' 'an dhele a dih, Nyorsoa po or-a'a: nyor⧾-: dih: e? 'Kei o. 'An 'jeh: ke, 'on no 'Ezlea-yu:, 'de 'on no 'Eble'hehn-a' 'di-a' 'yu, 'de 'on 'wluh 'de 'cheh-dlu: an 'da-dih-a 'Behnjemeh 'di 'nyne-'. Nyorsoa: se-' or-a'a: nyor⧾ or gan-a: dee' see, dih po. A se-eh yubo:: e? Deh Nyorsoa-a' 'chlee-deh: za-a-', 'do eh-a': dha eh: za-dih:-a: Ila'yor-a' dhih-', ti or: to-a 'Ezlea-nyor⧾-a': jii-eh 'de Nyorsoa bo, or no-a, :Gwlor: baa', on 'dba: an-a' wele-eh:: po-nyor⧾-a' klehkpeh 'weh, 'de on: wa-dih:: an-a'a: 'slaa ken: za-dih-deh⧾ dih. 'On: due': sie: 'o: naa, 'de an vorn on 'ye 'on 'dba. :Yee': kaa Nyorsoa 'da 'de or bo: eh? Or 'dae:, 'On dhe nyor⧾-a' 'wlu: meheh' 'sorn dih, 'do 'an 'jeh bo,: on se-a 'koor-dlu⧾ 'yi glu bla, 'do zuu: an 'da-dih-a 'Bee 'zorn,: on 'ye-uh'-a': weheh': za. :Yee' 'ka-: eh: ne: ke, 'noror ti: daa: a: ne-a 'di bo. 'Ezlea-nyor⧾-a' kpor-bei: Nyorsoa gan-a, or-a': wehlih:: korn-eh-a' dhih, mo-:: an za-or: weheh' 'gboror:. :Yee': mor eh 'dhu, or gan nyor⧾: dao' 'do or-a': wehlih:: korn-eh-a' dhih bo,: yee' eh: se: koan: on no-a, or-a' dhih, or: se-uh' gan.: Mor eh 'dhu, or gan-uh, 'do: koan: on no-a, or-a' dhih bo: dee',: yee' or-a': wehlih:: korn-eh: se: wehlih:: dele' ka. :Yee': kaa: a mu 'da-:: naa: eh? Deh 'Ezlea-nyor⧾ 'bhorn-a 'kwla⧾-' dih 'gabaa, on: se-eh' 'ye. Jorwor:: yuh-kpor-bei: Nyorsoa gan-a, mo-: 'ye-eh.: Yee': yuh: sie:-a 'o, Nyorsoa 'nyi-uh: porluh⧾-a': kmu-a'. :Ka eh no-a 'chle-eh 'de Nyorsoa-a' 'chlee-deh 'di, eh no-a, Nyorsoa no-eh', 'de an-a' 'dlu⧾ 'sun. On 'ble 'yli, 'de an-a' 'ye dih. On 'ble: dou'⧾, jorwor: an-a' 'worn dih. 'Ka-: eh: ne 'zean': ke 'gboror:. :Yee': Debe' 'dae:: ke, 'Nyi an-a' gor an 'dhu-a, no Nyorsoa-a' pluh: on 'ye-uh'-a' kpon. 'Nyi an-a' gor: dao', or no deh: eh 'ye-uh'-a' 'gbele:, 'de Nyorsoa 'ye-uh' 'kle 'ye-eh 'dlu po. 'Nyi Nyorsoa no-eh, 'de an-a' 'yli 'ye-': kpe, on: ne-' dih 'ye, 'de on 'ye 'kle 'ye, 'do deh⧾: en 'beh-dih-uh-a 'worn dih 'zorn,: ka ti-a mu-a 'dlu-': tehn. :Yee' 'an dhele a dih: neheh'. Ti: Jueh'-nyor⧾ 'gbele:-a, 'de on 'ye-a' dih 'ga,: yee' on se: sorn-a' 'beh-dih:: neheh' klehkpeh klehkpeh: e? 'Kei o. Jorwor: an-a' dih 'ga-eh:: dao', eh-: no-eh, 'de Nyorsoa 'puh-dih: nyor⧾: on: se-a: Jueh'-nyor:⧾, eh 'ye: Jueh'-nyor⧾: gwlehehn' 'di po. :Mor an-a' dih 'ga-eh:: dao', eh: ya 'de: bhorlie': kolu': daa, 'do nyor⧾: on: ne-a dha 'bluhba ken bo, 'de deh 'jeh: neh on 'ma-dih:-a,: mor eh: ya 'de: bhorlie': kolu' 'do nyor⧾: on: se-a: Jueh'-nyor⧾ bo,: yee' ti: Jueh'-nyor⧾-a' klehkpeh, an mu-a 'puh-:,: yee' dha: bhorlie': kolu': dao', eh mu: na-dih:: eh? :Yee' 'an wlu 'de a: mor, nyor⧾: on: se-a: Jueh'-nyor⧾ bo: naa.: Ka 'on no-a: Yusu'-a'a: dboo-nyor 'noror a bo, 'an mu 'an 'jeh 'i 'beh-dih: 'do 'an-a:: koan 'an no-a bo, eh 'ye-eh' no 'bla, 'on 'ye 'on 'bei': Jueh'-nyor⧾: gwlehehn' 'di po, eh 'ye-eh' no, an-a': noo' 'ye 'puh. :Yee': yeh Nyorsoa po-a: Jueh'-nyor⧾ dih,: yee' eh-: no-eh, 'de or-: 'dekorn: nyor⧾-a' klehkpeh: on: ne-a dha 'bluhba ken, on: ne or no wlu-' dih 'woorn-nyor⧾.: Yee': kaa eh mu: ne,: mor Nyorsoa kpon: Jueh'-nyor⧾ dih: neheh': eh? Eh mu: ka nyor: or 'wluh-a 'de nma-dih-deh 'di: gweh. :Mor eh 'dhu, 'bhlee:: kpuan'-a': zai'-for nyor⧾-a 'nyi-a Nyorsoa, or: ne gban 'i 'do Nyorsoa 'nyi-eh bo,: yee' 'bhlee:: kpuan'-a' klehkpeh: ne 'i gban: ke.: Mor eh 'dhu, tu-a' glubuh: ne gban 'i,: yee' 'gabuh⧾-a' klehkpeh: ne 'i gban: ke. :Yee': Jueh'-nyor⧾ gweh 'orle-tu:: on: me-dih:-a 'de 'dhuu'-deh⧾ 'nyne-',: on: korn-a 'gabuh:⧾: nee': chehn-eh:-a 'o.: Yee': mor: or: se-a: Jueh'-yu:,: mor 'o,: or 'dhu 'orle-tu:,: on: me-dih:-a 'de 'kwlae: 'kpan 'kpan 'zorn, an-a' 'gabuh-', 'de: on 'kpa-dih: 'o: yuh: on: chehn-eh:-a 'o gor-', 'de: on 'ble 'for 'de: bhorlie': kolu': eh 'wluh-a 'de on bo 'di. 'Do eh-a' dha,: an-a': vlehn-' 'gabuh:⧾: dao': en: chehn-eh-a 'o.: Yee': kaa eh no, 'de: an 'beh-dih an-a' 'jeh 'i: eh?: On se-eh yubo:: ka eh 'dhu-a tu-a' glubuh-': an 'nyi-a: on 'ni: e? 'De eh se-a: on: mor: or se-uh'-a 'ni 'nyi: e? :Yee': mor eh 'dhu: on 'da, Tu-a' 'gabuh⧾: chehn-eh: 'o 'weh, 'de 'on 'ye 'o en-' gor-' 'kpa-dih:, :yee': on: se-' 'gbeh. En: chehn-eh: 'o 'weh. Jorwor: deh no-eh, 'de en: chehn-eh:-a 'o, eh-: 'dhu, en se dhih 'jeh-': po-eh 'ble. Jorwor:: mor: mloror',: on po-ih' dhih 'jeh, eh-:: korn dhih: on: ne 'o. Eh-a' dhih,: an-a' 'beh-dih:-': an-a' 'jeh 'i, jorwor: 'dhu: an-a' 'jeh: dhororn'. Deh no-eh, Nyorsoa: se-': Jueh'-nyor⧾-a': wehlih 'ye,: on no-a tu-a' 'jeh 'yor-eh-a' 'gabuh⧾.: Yee': eh: korn dhih or 'ye: on: wehlih 'ye: ke: eh? :Yee' pobo: Nyorsoa-a': porluh-a' 'yi dih: nmor-eh-: 'dekorn: or-a' 'yi: kma-eh-: ya. Or: kma 'i 'do nyor⧾: yuh: on 'ga-a dih bo, jorwor: or-a': porluh: nmor 'yi 'do: on bo,: mor: on: taa or-a': porluh-a' 'yi dih: nmor-eh:: daa dih kpon: chio'lo:.: Mor: on 'tali-eh dih,: yee': an mu 'o: chehn-eh:: ke. :Yee': mor eh 'dhu,: Jueh'-nyor⧾ 'kpa or-a' dhih 'jeh-': po-eh ken: neheh',: yee' Nyorsoa-a mu-uh 'o tu: dao' on: chehn-eh:-a 'o, 'bhun de 'dhu-:: neheh'. Deh no-eh, Nyorsoa 'ble 'kpih or 'ye-eh' no. :Yee': mor eh 'dhu,: mor: or no-a 'orle-tu-a' 'gabuh:: on: me-dih:-a 'de 'kwlae: 'kpan 'kpan 'zorn, 'de: on 'ye 'o: chehn-eh:, 'de Nyorsoa 'ye: on 'i 'dhu-dih-eh: 'de: yuh: on: me-dih:-a 'de 'dhuu'-deh⧾ 'nyne-' 'bhun,: eh 'see-a no-eh: zai',: yee' eh: se 'i: kma i 'do or bo, or 'ye 'gabuh:⧾ or chehn-a 'o 'de en-' 'jeh-a' tu ya, or 'ye-ih' 'i 'dhu-dih:: dele' ka 'de mor. :Yee' 'an 'Klae: de-di'-boi'-a:, 'on: se-' 'bhorn, 'slan: daa, or 'ye 'de a 'di dih: kpe-dih:, 'de a: ne-' a-a' 'jeh: toror': korn-nyor⧾ 'da-dih:. 'Slan 'an 'da-a, or-: 'dhu. Nyorsoa: kmu-dih: 'Ezlea-nyor⧾-a': porluh⧾ 'weh 'do ti kpor 'di: chio'lo:, 'de nyor⧾: on: se-a: Jueh'-nyor:⧾: on po-a 'Klae-a' dhih dhih 'jeh-', on 'ye 'kwla: gweh, 'de on 'ye 'de yi. Deh: daa, eh-: mu-eh: no, 'de 'Ezlea-nyor⧾-a' klehkpeh 'ye 'puh.: Ka eh no-a 'chle-eh 'de Nyorsoa-a' 'chlee-deh 'di, eh no-a, Nyor⧾ zelie-nyor mu 'de 'Zayorn-gwlor 'di 'wluh-:.: Yee' or mu se Nyorsoa deh-' 'ye-kplen-a' klehkpeh 'de 'Jekor-a'a: 'nynuu-a' 'nynuu 'di: za. 'De Nyorsoa 'da, Kuo on: ne 'an mu-a: po, or-: 'dhu, 'an mu an-a' deh⧾-zon⧾-a' dhih bo 'ma-dih:. :Yee': Jueh'-nyor⧾: se-' Nyorsoa-a' tubo-wlu:⧾ 'jeh dih kpon, eh-: no-eh, 'de or za-uh: dou'⧾ bo, 'de a: mor: or: se-a: Jueh'-nyor:⧾, a 'ye 'o deh. Jorwor: or gan: Jueh'-nyor⧾ 'weh, 'de or ybeh-uh' 'gboror:, 'do wlu or po-a: dhama'-' 'de on: bai'-a': bai' bo, an-a' dhih. Deh no-eh,: mor or 'nyi nyor deh, or-a' za-eh nyor 'kwa: neheh'. 'De mor: mor or gan nyor,: yee' or gan-or'. :Zai': dee',: yee' a: mor: or: se-a: Jueh'-nyor:⧾, a-a': dhe 'o Nyorsoa-a' 'tele' dih. Jorwor:: kana: naa, or 'ye a: wehlih 'weh, deh no-eh,: Jueh'-nyor⧾: se 'o or-a' 'tele' dih dhe. Jorwor:: wehlih: Nyorsoa 'ye a-uh, eh-: mu-eh: no, 'de or 'ye-uh: wehlih 'ye: ke. :Yee': gwlor-nyor⧾-a' klehkpeh, an-a' dhe 'o Nyorsoa-a' 'tele' dih, eh-: no-eh, 'de on gweh: kasue-nyor⧾.: Yee' or 'ye-uh': wehlih 'ye: dhih 'o, eh-:: korn dhih or no-uh: kasue-nyor⧾-'. :Yee' Nyorsoa po or-a': bhorlie': kolu': a bo 'weh. 'De or-a': toror'-: 'dekorn: deh 'i yubo-eh-: en: tehn 'di. 'De eh se nyor: korn: or 'ye-a' or-a' zabe:: zi-eh-' dih 'worn. 'De eh se nyor: korn,: or 'ye-or dih 'worn. :Ka Nyorsoa-a' 'chlee-deh no-a eh-a': za-a', eh no-a, Eh se nyor: korn: or 'ye-a deh: Gwlor: baa'-a na-dih-a: gwluhuh' dih yubo:. 'De mor eh se nyor: korn: or 'ye-or 'slen 'dhu. Eh se nyor: korn: or 'ye-a Nyorsoa deh 'nyi, 'de: eh 'ye-eh' no 'de Nyorsoa 'ye-a eh-a' kpa: za: ke. Deh no-eh, deh⧾-a' klehkpeh 'wluh 'de Nyorsoa bo, 'de or-: no deh⧾-a' klehkpeh: dao', 'de en-' klehkpeh: no-eh 'do or bo.: Yee' dhih-a' 'i 'beh-a' 'do or bo,: ka ti-a mu-a 'dlu-': tehn. 'Ka-: eh 'ye: ne. :Yee' 'do eh-a' dha, 'an 'Klae: de-di'-boi'-a:, 'an bale a 'weh,: ka Nyorsoa 'ye-a a: wehlih,: yee' a: za a-a' yau 'kwla 'de or bo,: eh gweh-a: ka nyor⧾-a za-dih-a 'kmo: ne-deh:: eh: dhe-dih-eh 'for 'i 'slaa, 'do or-a': koan-a' no-a' bo, 'de: eh 'pehn-dih:-a or-a': porluh dih. Eh-: 'dhu or-a': weheh': za-eh: 'jeh neh-' 'de or-a' deh 'di. :Yee' deh⧾ 'kmo bo-nyor⧾-a ne-dih-a 'kmo, a-a': ne-dih:-' 'kmo: ke. Jorwor: a 'nyi Nyorsoa 'nyi a 'dlu 'di dih: na-dih-deh:: dele',: eh mu-a a-a': gwlor-nyor-tu-a' klehkpeh-' dih 'bili: 'de a 'di.: Yee': mor eh no: ao',: yee' a mu deh: eh: korn-a Nyorsoa 'ton yubo:,: eh 'dhu-a deh 'jeh-: deh: eh 'pehn-dih:-a or-a': porluh dih-: 'dekorn: deh: eh gweh-a 'kwla-:. :Yee' Nyorsoa po 'on mla bo. Eh-a' dhih, 'an zela a-a' klehkpeh: gwluhuh', A-a' 'ye-:-' a-a' 'jeh deh-' 'gabaa, eh-a': zi 'o ken dih, 'de a-a' 'jeh 'yli 'de. Dhih 'jeh-': po-eh: or 'nyi a-uh, eh-: a 'ye no, a 'ye a-a' 'jeh: yba-dih:, 'de: toror': korn ka 'di. :A-a' klehkpeh,: a 'ble yau: due': due',: on 'ble-a deh⧾: dhulu' 'do on 'bhun. Jorwor: en-' klehkpeh: dao', en se: koan: due' 'ble. :Yee' 'de deh: ne-a: due' 'di,: a: mor: or: dhie:-a 'o, 'de: or: ne-a 'Klae-',: a no yau: due'.: Yee': a 'dhu-dih-eh: 'i,: ka yau-a' deh⧾: en: ne-a 'o on 'bhun, en no-a 'i 'dhu-dih-eh: ke. :Ka Nyorsoa no-a: a-a' mla bo: po-eh, 'ka-:: a no 'nyii'-deh:⧾ 'doror: 'dor 'ye-a'.: Yee': mor Nyorsoa 'nyi nyor wele-eh:: po-eh,: yee' 'nyi or po or-a' wele-eh. 'Nyi eh: ne or-a' dhih 'jeh-': po-eh kpa: gwie: due'. :Mor or-a' 'nyii'-deh no 'bhoi-yu-deh 'do nyor bo,: yee' 'nyi or no-eh.: Mor or-a' 'nyii'-deh no nyor⧾ deh: torne-eh,: yee' 'nyi or: torne: nyor⧾ deh. :Mor or-a' 'nyii'-deh 'dhu 'de nyor⧾-a' 'kpih: po-deh-' 'do nyor bo,: yee' 'nyi or po 'de nyor⧾-a' 'kpih.: Mor or-a' 'nyii'-deh 'dhu, 'nyi nyor⧾ deh yaa'e-deh-',: yee' 'nyi or no-eh, or 'bor 'kwa dih: kmu-eh.: Mor or-a' 'nyii'-deh no, nyor⧾: na-dih-eh,: yee' 'nyi or: na-dih: nyor⧾ deh 'jeh neh.: Mor or-a' 'nyii'-deh no nyor⧾: wehlih 'ye-eh,: yee' 'nyi or no-eh, 'de 'mona: ka 'di. :Yee' a: ybeh nyor⧾-' 'de: porluh⧾-a': vlehehn'-': gweh ka 'di. A 'nyeh deh⧾-zon⧾-', 'de a 'ye: yih: en no-a deh⧾ 'jeh ne dih kpon: glii:. A: ybeh a 'bei' 'Klae-a' nyor⧾-',: ka a no-a a-a' 'de-di'-boi'-a': ybeh-eh. A 'ye nyor⧾ deh-', eh 'ye 'o a-a' 'jeh 'yor-eh-': zi. A 'nyi a-a': porluh:: en mu-a: koan: no, en 'beh 'i. A: ne neh ken 'do: Gwlor: baa'-a': weheh': za 'da. 'Nyi deh: gwlii': dhe-eh no-eh, a 'ye 'mona no.: Mor a: taa 'kle 'ye,: yee' a kpon: porluh⧾ dih. A: wlu 'de Nyorsoa bo, 'do ti-a' klehkpeh bo. Nyorsoa-a' nyor⧾: on: korn-a son⧾ se-a 'o nyni, a 'nyi-uh deh.: Yee' a: za a-a'a: 'gbu⧾ 'kwla 'do 'Klae: de-di'-boi': on no-a 'duhba⧾ bo. :Yee' a po nyor⧾: an 'ye-dih-a a 'kle,: bhorlie' bo. A-a': po-uh' 'chlo bo, a po-uh: bhorlie' bo. Nyor⧾: an no-a 'mona, a 'kpa-uh bo, a 'ye 'mona no.: Yee' nyor⧾: an 'zlu-a, a 'kpa-uh bo, a 'ye 'zlu: ke. A kpon-dih: ken dih 'de a 'nyne-'. A-a' 'beh-dih:-' a-a' 'jeh 'i, jorwor: a 'worn-dih-eh ken dih, a: ne nyor⧾: on: se-a deh ken 'kpa, a 'ye bo nena:. A-a': na-': toror': korn-deh. Nyor: or no-a deh-zon 'do a bo, a-a': za-dih-or' deh-zon kpa-'. A 'wla: gwluhuh' dih, a 'ye deh⧾ 'jeh ne no, 'do: gwlor-nyor⧾-a' klehkpeh ybei'. A no deh⧾-a' klehkpeh a 'beh-dih:-a a 'ye-a' no,: en mu-eh: no, 'de a: ne nyor⧾-a' klehkpeh 'ye-a ken dih kpon-dih:. :Yee': a 'bli-nyor⧾-a:,: mor nyor no deh-zon 'do a bo, nyor-a': za-' kpa, jorwor: 'nyi Nyorsoa-a' 'jeh-a' 'yor-eh no-eh. Deh no-eh, eh 'chle-eh:-' 'de or-a' 'chlee-deh 'di, eh 'da,: A-a': Gwlor: baa' 'da, 'Mor: korn: or 'ye kpa: za. 'An mu nyor⧾: an no-a deh⧾-zon⧾ 'do on 'bei' bo, 'kle 'ye-eh 'dlu: po. :Yee' or-a' 'chlee-deh 'da: neheh',: Mor 'moeh: taa nyor: or 'nyeh-a: on-' no,: yee' 'nyi-or dii-deh.: Mor 'ni 'na-ton: taa-or no,: yee' 'nyi-or 'ni or 'ye 'na.: Mor: on: taa: ao' no,: yee' eh mu-or dhen-' dih: po 'gabaa. :Yee', eh-a' dhih,: an-a' 'worn-:-' deh⧾-zon⧾-a' du: on, jorwor: du deh⧾-zon⧾ 'do deh⧾ 'jeh-a' no-a' bo. :Yee' 'nyi nyor⧾-a' klehkpeh: ya an-a' 'jeh ya 'do 'gomla-nyor:⧾: on: ne-a 'o on 'dlu, 'zorn. Deh no-eh, eh se 'gomla: korn-Nyorsoa 'ye: ao', or se-a 'o kpala' 'i po. Nyorsoa: oo', or-: 'nyi on 'kpih, 'de on no nyor⧾: klaba'⧾ 'do: a 'dlu. :Yee' 'do eh-a' dha, nyor-beh-nyor-beh:: or: bla-dih:-a 'gomla worn,: yee' deh Nyorsoa po-a 'o, eh-: 'o or: bla-dih: worn. Nyor: or no-eh,: yee' or: ya or-a' 'jeh 'kle 'ye-eh 'dlu. :Mor eh 'dhu,: on: taa 'yi 'sleh-deh⧾ no,: yee': on se: korn: on 'ye nyor⧾ wlu 'ken: korn-nyor⧾-a': fano ple. Jorwor:: mor eh 'dhu,: on: taa kplen-zon⧾ no,: yee': on: korn: on 'ye an-a': fano ple.: An 'bhorn: on 'ye 'kmo-': ne, 'de: on 'ye: an-a'a: 'gomla-a': fano-a' ple-a' 'bor: e?: Yee': mor: an 'bhorn: on 'ye: ao': ne,: yee' no 'yi 'sleh-deh⧾, 'de: an-a'a: 'gomla 'ye: on dhih bo po. Deh no-eh, 'gomla no Nyorsoa-a' 'bhoi-yu: 'do: an-a' dhih bo. Jorwor:: mor eh 'dhu,: on no kplen-zon⧾,: yee' ple: fano, deh no-eh, 'gomla se 'dhun 'ble yaa'e. On no Nyorsoa-a' 'bhoi-nynuu:, an za or-a' 'chehn dha yao 'zorn, 'do nyor⧾: an no-a kplen-zon⧾ bo. :Yee' 'do eh-a' dha, a: korn a 'ye a-a' 'jeh ya: ya 'do 'gomla-nyor⧾ 'zorn. Eh: se Nyorsoa-a' 'chehn-a' kpa an za-a, eh-a' dhih: due' a: korn a 'ye-eh' no: deh, jorwor: deh no-eh, a-a': porluh⧾ me-: zela: a: gwluhuh' a 'ye-eh' no. Eh-:: korn dhih: oo', a za 'taa-deh⧾: ke, deh no-eh, 'gomla-nyor⧾ no Nyorsoa-a' 'bhoi-nynuu:,: an no-a an-a'a:: koan, on: korn on 'ye-a' no. Deh⧾-a' klehkpeh, a 'ble-a 'do on bo, a 'nyi-uh.: Mor a 'ble 'gomla-a' 'taa-deh:⧾ 'doror: 'dor,: yee' 'nyi a za-ih.: Mor eh 'dhu, an-a' deh-' 'ye-eh,: yee' 'nyi a 'ye-uh deh-'.: Mor eh 'dhu 'o, an-a' 'dhu-a',: yee' 'nyi, a 'dhu-uh 'o. :Yee' nyor-a' kpa-a': sie: 'o a ken. Deh: due' a 'ye-a' no, eh-: 'dhu, a: ybeh-dih: 'do ti-a' klehkpeh bo. Deh no-eh, nyor: or: ybeh-a or 'be: gwlor-nyor-',: yee' or no: Mose'-a' 'tele'⧾-a' klehkpeh or 'da-a 'weh. 'Tele'⧾-a' klehkpeh: daa,: en no-a, Nyor-a': no-' 'nyne: zaan', nyor-a' 'dba-:-' nyor, nyor-a' 'yli-:-',: gwlehehn': sin-dih:-' a 'di dih, 'dekorn: 'tele'⧾: nee': en: sie:-a 'o, en-' klehkpeh en: ne 'noror 'tele': due': daa 'di,: eh no-a,: Ybeh nyor⧾: on: ne 'ti-a: dha: due'-',: ka: on no-a: an-a' 'jeh-a': ybeh-a'. :Mor: on: ybeh: an-a': dha: due' 'ti-nyor-',: yee': on: se-or' deh-zon 'bhun: no-dih: i.: Yee' eh-a' dhih,: mor: on 'ble: ybeh-dih-eh,: yee': Mose'-a' 'tele'⧾-a' klehkpeh or 'da-a, me-: 'o: an no. :Yee' eh-: a 'ye no,: ka a yubo:-a ti a: ne-a ken: naa. Ti nyni 'o 'weh, a 'ye 'nyinor-' 'wluh. Deh no-eh, ti: a mu-a 'puh-: klehkpeh klehkpeh, en 'koan'-: bo: naa,: eh: zi 'o, ti: a po-a: Yusu' 'Klae-a' dhih dhih 'jeh-': zai'. Eh: sie: 'o deh-beh:, glu 'ye 'dlu-': jla.: Yee' zorn 'koan'-: bo: naa. Eh-a' dhih, a 'bor deh⧾ nyor⧾-a no-a 'de: kule-', en-' no-a'. Jorwor: a 'nyi a 'dhu zorn-pli-a' ta-tiei-' dih. A 'nyi: a: ne-dih: kplen 'jeh ne 'kmo deh 'jeh,: ka nyor⧾: on: ne-a 'noror zorn-pli-', on: ne-a. A-a' 'dhu-:-' 'nynor⧾: zi-eh-a' gor, a-a': ne-dih:-' nomor 'na-eh-a' 'kmo. A-a': korn-' 'tmeor⧾-: 'dekorn: 'pebe' 'i 'kpa-eh-:. A-a': ne-dih:-' jeh-a'-:: gwlehehn'-: 'kmo. Jorwor: a 'duo:: a-a': Gwlor: baa': Yusu' 'Klae-', a 'ye-or' pa, 'de a-a': na-dih:-': gwluhuh' dih,: ka a 'ye-a' no, 'de a 'ye-a' a-a': porluh⧾ dih 'pehn-dih: 'do a-a': gwlor-nyor-tu-a' 'bhororn'-deh⧾-zon⧾ bo. :Yee' 'Klae-a' nyor: or: korn-a dhih 'jeh-': po-eh se-a dih ku, a kpon-or dih, jorwor: or: ne a-a' dhobo:-' 'do deh⧾ or na-dih-a: gwluhuh' dih,: en: ne a-a' ne se-a: gwie: due' kpa, en-' dhih bo. Nyor⧾: noo': on no-a 'Klae-a' nyor⧾, an-a' dhih 'jeh-': po-eh no-eh, 'de an di deh⧾-a' klehkpeh, jorwor: nyor⧾: noo': on: korn-a dhih 'jeh-': po-eh se-a dih ku, an di 'dhuu'-deh⧾: due' 'suh 'klein'. 'Klae-a' nyor⧾: yuh: an di-a deh⧾-a' klehkpeh, an-a': vlehn-': yuh: an-a' di-ih-a.: Yee' nyor⧾: yuh: an-a' di-a deh⧾-a' klehkpeh, an-a': chehn-': yuh: an di-a deh⧾-a' klehkpeh-a' zabe 'i: ke. Deh no-eh, Nyorsoa kpon-uh-: dih. Nyor: on 'dhu-eh:-': eh, 'de: an chehn nyor: noror'-a'a: 'bhoi-yu-a' zabe 'i: eh? Or-a' 'jeh 'yor-eh-a'a: Nyor: Klaba', or-:: korn 'de eh bo,: mor or-a': yeh: nyna dih,: mor or-a': yeh 'ga dih. Keen', or mu dih: nyna. Deh no-eh,: Gwlor: baa' 'ble 'kpih, or 'ye-eh' no, 'de or 'ye dih: nyna. Nyor⧾: noo' 'duo: zorn-we-eh: due'-', eh 'ye deh ken 'kpa, eh 'ye 'o 'we-eh:: neheh': zi.: Yee' nyor⧾: noo', mo-: 'duo: 'we-a' klehkpeh-' en 'ye goor-dih:. Nyor⧾-a' klehkpeh: korn on 'ye deh on po-a dhih 'jeh-' dih 'worn deh 'jeh, 'do on: porluh⧾ ken, 'do 'we-eh-deh:: daa, eh-a' dhih bo. Nyor⧾: on 'duo-a zorn-we-eh: due', eh 'ye-a' deh ken 'kpa, on 'duo-eh' 'weh 'do: Gwlor: baa'-a' deh-' 'ye-eh bo. Nyor⧾: an di-a nimi, an di-eh 'do: Gwlor: baa'-a' deh-' 'ye-eh bo. Deh no-eh, on po Nyorsoa-a' 'zio 'do dii-deh:: dao' bo.: Yee': yuh: an-a' di-a nimi, an no-eh 'do: Gwlor: baa'-a' deh-' 'ye-eh bo, 'de on po Nyorsoa-a' 'zio 'do deh an di-a bo: ke. :Mor: a-a': yeh: ne 'kmo, 'de mor: a-a': yeh 'meh, Nyorsoa-a' dhih: oo': a no-eh, eh: se: a-a' 'jeh-a' dhih. :Mor: a: ne 'kmo-',: yee': a: ne-' 'kmo 'do: Gwlor: baa'-a' deh-' 'ye-eh dhih bo.: Mor: a 'meh,: yee': a 'meh-' 'do or-a' deh-' 'ye-eh dhih bo: ke.: Yee' 'do eh-a' dha,: a-a': yeh: ne 'kmo, 'de mor: a-a': yeh 'meh,: a: korn 'de: Gwlor: baa' bo. :Yee' eh-a' dhih: oo', 'Klae 'meh, 'de or 'wluh 'de nma-dih-deh 'di, 'de or: ne 'kmo, or 'ye: Gwlor: baa' no 'do 'meheh'-nyor⧾-: 'dekorn: 'kmo: ne-nyor⧾-: bo. :Yee': eh: korn dhih, 'de: an chehn: an-a' 'Klae: de-di'-a' zabe 'i: eh?: Yee': eh: korn dhih, 'de: an vlehn-or: eh? En-' klehkpeh: daa,: a-a' klehkpeh,: a mu dih: nyna, 'do Nyorsoa-a' zabe:: zi: kpala' ybei', :ka eh no-a 'chle-eh 'de Nyorsoa-a' 'chlee-deh 'di, eh no-a,: Gwlor: baa' 'da,: Ka 'on: ne-a 'kmo, nyor⧾-a' klehkpeh, an mu 'koor-dlu⧾ 'yi glu: bla 'do 'on ybei'.: Yee': meo⧾-a' klehkpeh mu-eh-': za: ka 'on 'dhu-a Nyorsoa-'. :Yee' eh-a' dhih,: a-a': due': due'-a mu deh⧾: a no-a, en-' dhih bo zela: 'do Nyorsoa ybei'. :Yee' eh-a' dhih, a 'nyi,: a 'bor: a 'bei'-a' zabe 'i: chehn-eh 'suh. Jorwor: a: korn a 'ye-eh': gwluhuh' dih: na-dih:, 'de a: ne 'o deh 'do a-a' 'Klae: de-di'-a': gwie 'i po, 'de or: ne-eh' 'gbele:. :Ka 'on 'dhu-a nyor: or: korn-a 'de: Gwlor: baa': Yusu' bo, 'on yubo-eh' 'jeh ka, dii-deh⧾-a' klehkpeh: nmor-: 'yi, 'do di-a' bo. Jorwor:: mor nyor 'da dii-deh:: yeh: daa, eh se 'yi dih: nmor 'do di-a' bo,: yee' 'do or bo: oo', eh se 'yi dih: nmor-dih:. :Mor eh 'tuh: an-a' 'Klae: de-di' dih, 'do deh: an di-a, eh-a' dhih bo,: yee' eh se 'de or-a': ybeh-dih: ka 'di: ne: neheh'.: An-a' dii-deh:⧾-a': no-eh', 'de en-' 'kor-dih:-': an-a' 'Klae: de-di',: or: korn-a dhih 'Klae 'meh-a. :Yee' deh a 'da-dih-a deh 'jeh neh, a-a': no-eh' nyor⧾-a' 'da-dih:-eh' deh-zon. Deh no-eh, Nyorsoa-a' nyor⧾ wlu 'ken: korn-eh se deh: di-eh-: 'dekorn: 'na-a'-: deh 'i kor. Jorwor: eh kor 'yi 'sleh-eh-: ken dih: kpon-dih-eh-: 'dekorn: 'mona-:: en 'wluh-a 'de Gban 'i: ne: Zulu bo 'i. Deh no-eh, nyor: or za-a 'Klae-a': weheh' deh: dao',: yee' or-: 'pehn-dih: Nyorsoa-a': porluh dih, 'de: gwlor-nyor⧾ 'worn-dih: or-a' dhih ken dih. :Yee' eh-a' dhih, a 'nyi: a vorn,: a 'ye deh no,: eh 'ye-a 'de ken dih: kpon-dih-eh: ya, 'de: eh 'ye-a: a-a' dhih 'jeh-': po-eh dih: ku-dih:, 'do: a-a': due': due' bo. A-a' 'kor-dih:-' Nyorsoa-a': koan, dii-deh⧾-a' dhih. Dii-deh⧾-a' klehkpeh, en: nmor-: 'yi 'do di-a' bo. Jorwor: eh: nyni-: 'yi 'de nyor 'ye deh di, eh 'ye-eh' no, 'de or 'be 'Klae-a' nyor 'ye 'gbele:. Eh: nmor-: 'yi,: on 'ye nimi: di-eh-: nomor 'na-eh-: 'bor, 'de: an-a': no-' deh-beh-deh-beh:: eh mu-a: an-a' 'Klae: de-di' dih 'ga-:. :Yee' eh-a' dhih, deh: korn-a dhih: on po-a dhih 'jeh-' 'do deh⧾: daa bo, 'nyi eh no 'slan, 'do mor-: Nyorsoa-: 'nyne bo.: Bhorlie' 'do nyor: or: korn-a: porluh: se-or dhih: yeh-dih:, 'do deh or po-a dhih 'jeh-', eh 'sleh-a 'i 'do or bo,: eh kor-a dii-deh-deh 'i, eh-a' dhih bo. Jorwor:: mor nyor: taa deh di, 'de or-a': porluh 'ye dhobo:,: yee' or: kpon-dih: or-a' 'jeh zabe:. Deh no-eh,: porluh: or di-dih-a deh, on: se 'de dhih 'jeh-': po-eh bo 'wluh. 'De mor, deh⧾-a' klehkpeh: en: se-a 'de dhih 'jeh-': po-eh bo 'wluh, en no deh⧾-zon:⧾. :Yee': a: mor: or: korn-a dhih 'jeh-': po-eh: ku-a dih,: a: korn: a 'ye: yuh: on: korn-a dhih 'jeh-': po-eh: se-a dih ku bo 'kpa.: A 'bor,: a-a' 'pehn-dih:-': a-a': porluh⧾: due' dih 'klein'. :A-a': due': due': korn: a 'ye: a-a' 'Klae: de-di'-a': porluh dih 'pehn-dih:, eh-a': yeh: eh mu-or': za-dih:, 'de eh 'ye-eh' no, or-a' dhih 'jeh-': po-eh 'ye dih ku. Deh no-eh, 'Klae: sloror', or: se-' or-a' 'jeh 'yor-eh-a': porluh dih 'pehn-dih:. 'De mor eh 'chle-eh 'de Nyorsoa-a' 'chlee-deh 'di, eh 'da, 'Jlei: nyor⧾: noo' 'jle-dih:-a: on, en 'wla 'on ken dih: ke. :Yee' deh⧾-a' klehkpeh: en 'chle-eh 'de Nyorsoa-a' 'chlee-deh 'di: zai', en 'chle-eh:-' en 'ye: a deh: torne:, 'de: a: ne-' sea.: Yee': mor en no-eh, 'de: a 'ye: ao',: a se sea, 'de en 'ye: a 'kpih 'nyi,: yee': a mu: gwlii': dhe-deh 'ble-:. :Yee' 'nyi Nyorsoa: or no-eh 'de nyor⧾-a' sea-a, 'de: or po-uh-a 'kpih bo, 'nyi or no-eh, 'de a 'ye ken dih kpon-dih: 'de a 'klu-',: ka a zi-a 'o: Yusu' 'Klae klei', 'de a 'ye: porluh: due' 'ble, 'de a 'ye wlu: due' 'ble, a 'ye: a-a': Gwlor: baa': Yusu' 'Klae: Baa': or 'dhu-a Nyorsoa-' dhih-a' 'i 'beh-a' 'nyi. :Yee' 'do eh-a' dha, a kpon a 'bei' dih: due': due',: ka 'Klae no-a a-a' dih: kpon-eh: ke, eh 'ye-eh' no nyor⧾ 'ye Nyorsoa dhih-a' 'i 'beh-a' 'nyi. :Yee' 'an zela a: gwluhuh', deh: korn-a dhih 'Klae no-a: Jueh'-nyor⧾-a' 'bhoi-yu, eh-: 'dhu, eh 'ye-eh' no, 'de wlu Nyorsoa po-a: dhama'-' 'de: a: bai'-a': bai' bo, on 'ye dhih 'jeh-' 'kpa, 'de eh 'ye-eh' nyor⧾ 'i: to-dih:: ka Nyorsoa no-a: dhehehn-nyor. Or no-eh': ke, 'de nyor⧾: on: se-a: Jueh'-nyor:⧾, on 'ye Nyorsoa-a' dhih-a' 'i 'beh-a' 'nyi, 'do or-a': wehlih:: korn-eh-a' dhih bo,: ka eh no-a 'chle-eh 'de Nyorsoa-a' 'chlee-deh 'di, eh no-a,: Yee' 'do eh-a' dha, 'an mu Nyorsoa-a' 'nyne ya: po, 'de nyor⧾: on: se-a: Jueh'-nyor⧾ 'klu-'. 'An mu or-a' 'nyne bo: ble-dih:, 'on 'ye-ih' ya po. Nyorsoa-a' 'chlee-deh 'da: neheh', A: mor nyor⧾: on: se-a: Jueh'-nyor:⧾, a: ne-Nyorsoa-a' nyor⧾: no-dih: 'mona: dha: due'. 'De eh 'dae:: neheh' A: mor nyor⧾: on: se-a: Jueh'-nyor:⧾, a-a' klehkpeh, a po: Gwlor: baa'-a' 'nyne ya. A: mor 'dawor'⧾-dlu⧾-a' klehkpeh, a po or-a' 'nyne ya. :Yee' Nyorsoa-a' wele-eh:: po-nyor:: Azaya' 'dae:, 'Jehsi: 'di-a' nyor: due'-a mu 'de: yi. Or-: Nyorsoa-a mu ya-' 'duo:, or 'ye nyor⧾: on: se-a: Jueh'-nyor⧾ wlu 'ken: korn.: Yee' or-: an mu: gwlii': dhe. :Yee' 'nyi Nyorsoa: or 'nyi-a nyor⧾ deh: gwlii': dhe-eh, or 'nyi a 'mona:: doru'-: 'dekorn: wlu-' dih 'worn-eh:: dhulu'-:: ka a po-or dhih 'jeh-', 'de a-a' deh: gwlii': dhe-eh-a' dih: ku-eh 'ye 'dlu bo mu,: eh: yi-dih:-a Gban 'i: ne: Zulu-a' 'kpih-'. :Yee' 'an 'Klae: de-di'-boi'-a:, 'an 'jeh 'yor-eh:, 'on po-eh dhih 'jeh,: ka a 'yi-dih:-a noo-deh:⧾ 'jeh ne-' dih, 'de a yubo:-a deh⧾-a' klehkpeh a: korn-a, a 'ye-a' no, 'de a 'beh-dih:-a a 'ye-a a 'bei' deh: torne:: due': due'. 'An 'chle a bo, 'de: gwluhuh': ku ka 'di, 'do deh⧾: nee'-a' dhih bo, en 'ye a dhih: gwluhuh' bo: po-dih:: dele' ka. 'An no deh: daa 'weh, deh no-eh, Nyorsoa po 'on mla bo, 'on 'ye: Yusu' 'Klae-a' 'bhoi-yu no, 'de nyor⧾: on: se-a: Jueh'-nyor⧾ 'klu-'. 'De 'an: koan:: no-eh:: daa, eh gweh: ka Nyorsoa-a' 'slaa:: za-nyor: ne-a. 'An po or-a' tubo-wlu:⧾ 'jeh, 'de Gban 'i: ne: Zulu 'ye-eh no, 'de nyor⧾: on: se-a: Jueh'-nyor:⧾, on 'ye 'slaa:: za-dih-deh no,: eh: dhe-dih-eh 'for 'i, 'do or bo,: eh or mu-a ken dih 'worn-dih:. :Yee' 'do eh-a' dha, 'on 'beh-dih: 'on 'ye 'an 'jeh 'i 'beh-dih: 'do deh⧾: Yusu' 'Klae no-a: en: yi-dih:-a 'on-', 'de Nyorsoa-a': koan 'di, en-' dhih bo. Deh: due': eh: korn-a dhih 'on 'beh-dih:-a 'on 'ye-a': za, eh-: 'dhu, deh 'Klae no-a, 'de: eh: yi-dih:-a 'on-', 'de 'on no-eh, 'de nyor⧾: on: se-a: Jueh'-nyor:⧾, on: dhe-a 'o or-a' 'tele' dih, 'do deh 'on: za-a-'-: 'dekorn: deh 'on no-a-: bo. Or 'nyi 'on 'kpih, 'do deh⧾: daa, en-' no-a' bo, 'on 'ye nyor⧾ 'i: to-dih-deh⧾-: 'dekorn: nyor⧾ 'di dih 'ma-dih-deh⧾-: no, 'de or 'nyi Nyorsoa-a': Zulu-a' 'kpih 'on: ke. Eh-: no-eh, 'de 'on po Nyorsoa-a' tubo-wlu:⧾ 'jeh-a' klehkpeh,: en kor-a 'Klae 'i,: eh 'wluh-a: Julu'slehn: chio'lo:, 'de: eh mu-a: Ili'ka-bluhba ken. 'An po 'de 'kpih, 'do ti-a' klehkpeh bo, 'on 'ye tubo-wlu:⧾ 'jeh: daa po, 'do: dha nyor⧾ se-a 'Klae-a' 'nyne 'da-dih:: zai'. 'Do: dha nyor⧾: no-dih:-a: koan: zai', 'de 'on: ne 'o: koan: no-dih:: ke. Jorwor:: ka eh no-a 'chle-eh 'de Nyorsoa-a' 'chlee-deh 'di, eh no-a,: Yuh nyor-beh-nyor-beh se-a: gwluhuh' zela:, or-a' dhih, mo-:: an mu-or yubo:. 'De: yuh: on se-a or-a' dhih 'worn, mo-:: an mu or-a' dhih-' dih 'worn-:. :Yee' eh-a' dhih, 'an-a:: koan:: daa, or-: kpan-dih 'on, 'de 'on 'see 'de a bo yi, 'do ti: dhulu' 'di. :Yee' 'on se: koan 'ble: neheh' dha 'bluhba-a' 'for: daa bo. 'Do zon⧾: dhulu' 'di, 'an 'bhorn 'on 'ye 'de a bo yi. 'Do eh-a' dha, 'an 'bhorn, 'on 'ye-eh' no, ti 'an mu-a 'Smee-bluhba ken: mu. 'On dhe-eh: gwlii' 'weh, 'on 'ye 'de a bo: yi-dih:, 'de: a 'ye 'ton-' dih zela:, 'de 'on 'ye 'Smee mu.: Yee': mor: a zela: 'ton-' dih 'do ti-kpor-bei 'di,: yee' 'on dhe-eh: gwlii': ke,: ka a mu-a 'on son 'nyi-:, 'do 'Smee:: gwie: 'an mu-a: kpa bo. Jorwor:: kana: naa, 'an mu: Julu'slehn:, 'on 'ye Nyorsoa-nyor:⧾: on: ne-a 'de bo 'kpa. Deh no-eh, 'chore-nyor:⧾: on: ne-a 'Masordo'nia-bluhba ken-: 'dekorn:: Ehki'a-bluhba ken-: en-': porluh⧾ 'pehn-: dih, en 'ye 'wlii: za, 'do se deh-a': za-da 'ble-nyor:⧾: on: ne-a 'de Nyorsoa-nyor⧾ 'nyne-' 'de: Julu'slehn bo. Nyor⧾: daa,: on se-a: Jueh'-nyor:⧾, an-a': porluh⧾ 'pehn-: dih, on 'ye-eh' no. Dhih 'jeh, on 'ble eh-a' kpa 'do: Jueh'-nyor⧾ bo. Deh no-eh,: ka: Jueh'-nyor⧾ gble-a Nyorsoa-a': bhorlie'-',: eh no-eh, 'de nyor⧾-a yubo-or, 'de nyor⧾: on: se-a: Jueh'-nyor⧾ bo,: yee' nyor⧾: on: se-a: Jueh'-nyor:⧾, on 'ble eh-a' kpa, on: ne: Jueh'-nyor⧾ 'ye an-a'a:: kororn-deh⧾-a': bhorlie'-' gble: ke. :Yee': mor eh 'dhu, 'on gweh: koan:: daa 'i, 'de 'on 'ye-eh' yubo:: ka on 'ye-a 'wlii:: dao',: yee': mor 'on: taa 'Smee mu, 'de 'on 'ye 'o a bo: pa-dih:. 'On yubo-eh',: mor 'on: taa 'de a bo yi, 'an mu 'de 'Klae-a': bhorlie': dhulu' 'de a bo: ya. :Yee' 'an 'Klae: de-di'-boi'-a:, 'an bale a 'weh, 'do: a-a': Gwlor: baa': Yusu' 'Klae-a' dhih-: 'dekorn:: ybeh-dih-eh: Nyorsoa-a': Zulu: 'nyi: a-uh, eh-a' dhih-: a 'ye 'on bo 'kpa, a 'ye 'de Nyorsoa bo: wlu 'do 'yi: kma: koan: 'an no-a bo. A bale: Nyorsoa, 'de 'on: ne 'de se dhih 'jeh-': po-nyor:⧾: on: ne-a 'de: Judi'a-bluhba ken 'kwa 'kpa. A bale-or, 'de Nyorsoa-nyor:⧾: on: ne-a: Julu'slehn, on 'ye 'nyii'-deh:⧾ 'an kpa-uh-a dih kpon. :Yee' a bale-or, 'de 'on 'ye 'de a bo yi, 'de or-a' 'ton: korn ka 'di, 'de 'mona: ka 'di, 'de 'on 'ye: forn 'de a 'nyne-'. A 'nyi Nyorsoa: or 'nyi-a: a wlu-' dih 'worn-eh,: ne 'o a-a' klehkpeh bo. 'Ka-: eh 'ye: ne. :Yee' 'an 'bhorn a 'ye: a-a' 'Klae: de-di'-nynor-kpao': or 'dhu-a 'Fibi-' yubo:. Or no nyor 'jeh, 'de or no: koan:: no-nyor 'do 'chore: eh: ne-a 'de 'Sehkia-gwlor 'di bo. A kpon-or dih,: ka Nyorsoa-nyor⧾: korn-a on 'ye-a' nyor⧾ dih: kpon-eh no, deh no-eh, or: korn 'de: Gwlor: baa' bo.: Mor or-a' son: gweh,: yee' a: za-dih-or'. Deh no-eh, or: za-dih: nyor⧾: dhulu'-: 'dekorn: 'an 'jeh 'yor-eh-:: ke. 'Mor 'ye: Plosi'la-: 'dekorn: or-a'a: yibeor:: Akwi'la-:: on no-a 'on 'bei': koan:: no-nyor⧾ 'do: Yusu' 'Klae-a' dhih bo. On: na 'de 'meh-a' 'worn dih, 'an dhih. Eh: se 'on: due': se-uh' 'zio po, jorwor: nyor⧾: on: se-a: Jueh'-nyor⧾, an-a' 'chore-nyor⧾-a' klehkpeh, an po-uh 'zio 'weh: ke. 'Mor 'ye 'chore: eh 'gbon-dih-a 'de on 'bli 'gbu. 'Mor 'ye 'an: dhih: kma-nyor: 'Ehpehni'tor,: or no-a: zai'-nyor: or 'bili-a-' dih 'de 'Klae bo, 'do 'Esea-bluhba ken. 'Mor 'ye: Mehle': or no-a 'yi: kma: koan 'gabaa, 'do a bo. 'Mor 'ye 'Andlorni'kor-: 'dekorn:: Junia'-:: on no-a 'on 'bei': Jueh'-nyor⧾,: on: ne 'on: po-dih-eh: kasue 'di: dha: due'. On no 'nyne: korn-nyor:⧾, 'de: Yusu'-a'a: dboo-nyor⧾ 'klu-', 'de on yubo-or: zai', 'do 'on ken. 'Mor 'ye 'Aplia'ta,: or no-a 'an: ybeh-dih-nyor 'de: Gwlor: baa'-a' deh 'di. 'Mor 'ye: Orba'nor: or no-a: a 'be: koan:: no-nyor 'do 'Klae-a' dhih bo, 'dekorn: 'an: dhih: kma-nyor:: Sita'kor:. 'Mor 'ye: Apeh'lor,: or: korn-a 'Klae-a' dhih 'jeh-': po-eh: to-dih-eh nyor⧾ 'i deh 'jeh. 'Mor 'ye nyor⧾: on: ne-a 'de 'Alitor'bior 'bli 'gbu. 'Mor 'ye: Hehlo'nior,: or no-a 'on 'be: Jueh'-yu. 'Mor 'ye: yuh: on: ne-a 'de: Nase'sa 'bli 'gbu,: on yubo:-a: Gwlor: baa'. 'Mor 'ye: Tlifi'na-: 'dekorn:: Tlofo'sa-: 'nynor⧾-kpao'⧾: dao',: on no-a 'yi: kma: koan 'gabaa, 'do: Gwlor: baa'-a' dhih bo. 'Mor 'ye 'an: dhih: kma-nyor: 'Pehsor,: or no-a 'nynor: noror': ke: or no-a 'yi: kma: koan 'gabaa 'do: Gwlor: baa'-a' dhih bo. 'Mor 'ye 'Wlufor,: or no-a nyor 'de: Gwlor: baa'-a' deh 'di, 'dekorn: or 'de: or pobo-a 'o 'on bo dih,: eh gweh-a 'on-de: ke. 'Mor 'ye: Asin'klitor-: 'Flehgorn-: 'Hormi-:: Patloba'-: 'Horma-: 'dekorn: 'Klae: de-di'-boi': noo': on: ne-a 'de on bo: ke. 'Mor 'ye 'Filolo'gor-:: Julia'-:: Nilior'-: 'dekorn: or-a'a: 'de-di'-nynor-kpao'-: 'dekorn:: Olinpa'-: 'dekorn: Nyorsoa-nyor⧾-a' klehkpeh: on: ne-a 'de on bo-:. A 'kpa 'de a 'bei': bhluun'⧾-': due': due', a 'ye-uh': gble-dih: 'de: porluh⧾-a': vlehehn'-': gweh ka 'di. 'Klae-a' 'chore-nyor⧾-a' klehkpeh 'da, mo-: 'ye a-uh. :Yee' 'an 'Klae: de-di'-boi'-a:, 'an bale a 'weh, a 'dhu a-a' 'jeh: dhororn', 'do: yuh: an ya-a 'de nyor⧾-': gble-eh,: an vorn-a deh⧾ 'on: torne: a-uh bo, 'de: an no-eh, 'de nyor⧾-a 'tali:-a 'Klae-a' dhih 'jeh-': po-eh dih. A: tehn-dih: nyor⧾: dao' bo dih. Deh no-eh, nyor⧾: on: ne: ao', eh: se: a-a': Gwlor: baa' 'Klae-a' 'bhoi-yu-deh:, on: se-' no. Jorwor: an-a' 'jeh 'yor-eh-a' 'bhororn'-deh:⧾ 'o an no. Worn: nmor-wlu⧾-: 'dekorn: nyor⧾ 'sleh dih: po-dih-eh-: me-: an no, 'de an bo-dih nyor⧾ dih: on: korn-a: porluh:⧾: se-a dih ku. Nyor⧾-a' klehkpeh yubo-eh',: ka a dhe-a 'o Nyorsoa-a' wlu dih. Eh-: no-eh, 'de 'on 'yi-dih: 'mona-' dih, 'do a-a' dhih bo. Jorwor: 'an 'bhorn a 'ye: toror': korn-nyor⧾ no, 'do deh 'jeh neh bo. 'De 'on: se-' 'bhorn deh⧾-zon⧾ 'ye a dih: bo-dih:, 'de a 'ye-ih' no. Nyorsoa: or 'nyi-a: a wlu-' dih 'worn-eh, or: se 'o: gwle i, or 'ye-eh' no, a 'ye 'ku dih: wa-dih: 'de a-a': buhbuh⧾ 'zorn. 'Nyi: a-a': Gwlor: baa': Yusu'-a' mla: ne 'o a bo. :Timehte': or no-a 'on 'be: koan:: no-nyor, or 'da, or-: 'ye a-uh, 'dekorn: 'Lusior-: 'Jesorn-:: korn: Sosepa'tor-:: on no-a 'on 'bei': Jueh'-nyor⧾. 'Torsior:: or 'chle-a 'chlee-deh:: daa 'do 'on bo, or 'da, or-: 'ye a-uh, 'de: Gwlor: baa'-a' 'nyne 'di. 'Geyeh:: or: korn-a 'bli 'gbu 'di, 'on: dhe-a dih, 'de 'chore-a' klehkpeh 'gbon-dih-a 'de, or 'da, or-: 'ye a-uh.: Ila'tor:: or no-a 'kwi: gwlor: daa, or-a' 'wlii-a' dih: dhe-nyor, 'dekorn:: a-a' 'Klae: de-di'-nyor-kpalu: 'Kwator-: on 'da, mo-: 'ye a-uh: ke o. [ 'Nyi: a-a': Gwlor: baa': Yusu' 'Klae-a' mla: ne 'o a-a' klehkpeh bo o. 'Ka-: eh 'ye: ne.] A 'nyi: a 'nyi Nyorsoa dhih-a' 'i 'beh-a',: or 'beh-dih-eh: or 'ye-eh' no, 'de a 'ye-a' dih: nyna deh 'jeh, 'do tubo-wlu:⧾ 'jeh 'on po-a bo,: en kor-a: Yusu' 'Klae 'i. Tubo-wlu:⧾ 'jeh: daa, me-: no 'slan: or 'zile:-a: dee' see, 'de: or: to-dih-eh:: a 'i: naa. :Kana: naa eh: to-dih-eh:: a 'i, 'de Nyorsoa-a' wele-eh:: po-nyor⧾-a' 'chlee-deh⧾ 'di. 'De mor 'kmo: sie: Nyorsoa 'nyi 'tele', 'de 'dawor'⧾-dlu⧾-a' klehkpeh 'ye-eh' yubo:, 'de on 'ye or-a' dhih dhih 'jeh-' po, 'de on 'ye 'o or-a' 'tele' dih dhe. A 'nyi: a 'nyi: a-a': toror': korn-Nyorsoa: due': daa, dhih-a' 'i 'beh-a',: eh: yi-dih:-a: Yusu' 'Klae-',: ka ti-a mu-a 'dlu-': tehn. 'Ka-: eh 'ye: ne. 'Mor: Poror': or Nyorsoa 'da-a,: or 'ye-a: Yusu' 'Klae-a'a: dboo-nyor no, 'de or-a' 'ton: korn ka 'di. 'Mor-: 'dekorn:: a-a' 'Klae: de-di' an 'da-dih-a 'Sortehneh-:: a: mor 'ye a-uh, a: mor: or 'dhu-a Nyorsoa-a' 'chore: eh: ne-a 'Korli-gwlor-',: yuh Nyorsoa 'da-a,: on 'ye-a or-a' 'jeh 'yor-eh-a' nyor⧾ no,: eh: yi-dih:-a: Yusu' 'Klae-', 'dekorn: nyor⧾-a' klehkpeh: on yobo' po-a 'de: gle 'gbeheh 'di,: on: ne: a mor-:: a za-a: a-a': Gwlor: baa': Yusu' 'Klae-a': weheh', 'de: ka: ne-a: due' 'di. Mla-: 'dekorn: wlu-' dih 'worn-eh-: 'do a bo,: en 'wluh-a 'de Nyorsoa: or no-a: a: Baa'-: 'dekorn:: Gwlor: baa': Yusu' 'Klae-: bo. 'Do ti-a' klehkpeh bo, 'ka-: 'an po 'an Nyorsoa-a' 'zio, 'do a-a' dhih bo, 'do mla or po a bo,: or: yi-dih:-a: Yusu' 'Klae-' or-a' dhih. Deh no-eh, 'do a-a': Yusu'-a' klei': zi-eh bo, a: korn mla 'de deh⧾-a' klehkpeh 'di,: en no-a: ka a no-a: wlu-a'-: 'dekorn: a-a' deh-' dih 'worn-eh-:. Tubo-wlu:⧾: a po-a 'de a bo,: en kor-a 'Klae 'i, me-: a kpon dih: glii:. :Yee' eh-a' dhih, a se Nyorsoa-a': Zulu-a': bhorlie'-a' deh-beh-deh-beh bo dih: tehn-dih:,: ka a fuo-a ti Nyorsoa-a mu-a: a-a': Gwlor: baa': Yusu' 'Klae: a 'i: to-dih:, :or mu-a a-a' dhih 'jeh-': po-eh dih: ku-dih:: chio'lo:: eh mu-a ti-a' 'dlu-': jla 'da. 'De Nyorsoa: ne-' a dhih 'bhun 'ye-dih:, 'do 'we-eh:: a-a': Gwlor: baa': Yusu'-a mu-a 'de: ya 'di. Nyorsoa: or 'da-a a-uh, 'de a: ne or-a' 'Yu: Yusu' 'Klae: or no-a: a-a': Gwlor: baa', a 'ye-a': dha: due': na-dih:, or no: dhehehn-nyor:. :Yee' 'an 'Klae: de-di'-boi'-a:, 'an bale a-uh 'weh, 'de: a-a': Gwlor: baa': Yusu' 'Klae-a' 'nyne 'di, 'de a-a' klehkpeh, a 'ye deh: due' ken dih 'worn-dih:, 'de deh-': gble-eh: ne 'de a 'nyne-' 'kpa. A kpon-dih: ken dih deh 'jeh, 'de deh a polo:-a 'do a: gwlii', a 'ye-eh' no. :Yee' a: mor no-a 'an 'Klae: de-di'-boi', nyor⧾: noo': on 'wluh-a 'de 'Kloa 'bli 'gbu, mo-: po 'on kuna', on 'dae:, A jeh-' 'de a-a' 'jeh 'nyne-'. Deh 'an za-a-', eh-: 'dhu, A-a' nyor⧾: noo' 'da, an zi 'o: Poror' klei'. 'De: noo' 'da, an zi 'o: Apor'lor klei'. 'De: noo' 'da, an zi 'o: Piteh' klei'. 'De: noo' 'da: neheh', an zi 'o 'Klae klei'. 'Klae-a' 'jeh: daa, or: gble-eh:-' 'weh ke: e? 'Mor: or 'dhu-a: Poror'-', 'mor-: 'o,: or: kor-dih-eh: 'o tu 'i 'do a-a' dhih bo: e?: Ae' 'de 'an 'nyne 'di: oo', a: po-dih-eh: 'ni 'dlu ke? 'On po Nyorsoa-a' 'zio,: ka 'on 'see-a a-a' nyor-beh 'ni 'dlu po, 'on: za 'o 'Klepor-: 'dekorn: 'Geyeh-: 'on po-a 'ni 'dlu, an-a' dheh. 'De a-a' nyor-beh: sor no-a, 'de 'an 'nyne 'di: oo' or: po-dih-eh: 'ni 'dlu. A 'bor, eh 'kpa 'on: gwlii' 'weh: naa, 'on po: Tehfa'nor-: 'dekorn: nyor⧾: on: ne-a 'de or 'bli 'gbu-: 'ni 'dlu 'weh: ke. Jorwor:: mor 'on po nyor: noror' 'ni 'dlu 'do 'for 'i,: yee' 'on se 'beh-dih: 'on 'ye-eh': gwluhuh' bo: po-dih:: naa. 'Klae: se-' 'on dbo, 'on 'ye nyor⧾ 'ni 'dlu po. Jorwor: or dbo 'on 'weh, 'on 'ye Nyorsoa-a' tubo-wlu:⧾ 'jeh po. Or: se-' 'on dbo, 'on 'ye 'an 'jeh 'yor-eh-a': toror' no, 'on 'ye tubo-wlu:⧾ 'jeh: daa po.: Mor 'on no-eh,: yee' 'Klae-a' 'klorse tu 'i 'meh-dih-eh no deh: forbuh:, 'do nyor⧾: an mu-a 'on: dou'⧾ bo: to bo. :Yee' nyor⧾: on: ne-a 'o gbe: zi-eh-a': gwie 'i,: mor on 'worn 'Klae-a' tu 'i 'meh-dih-tubo-wlu⧾,: yee' en se deh-' 'dhu-eh:, en no: bobo-deh:⧾ 'do on bo. Jorwor:: a: mor: yor 'puh-a, tubo-wlu:⧾: daa, en: to-dih:: a 'i,: ka Nyorsoa 'ble-a 'kpih. :Ka eh no-a 'chle-eh 'de Nyorsoa-a' 'chlee-deh 'di, or no-a, 'An mu nyor⧾: on dhe-a an-a' 'jeh 'yor-eh-a': toror': korn-eh: gwlii', an-a': toror' ya: gba, 'de or 'ye 'o on: gwlii' dih 'ma-dih:. 'De 'an mu-eh: no, 'de 'chlee-deh yubo-nyor⧾-a' deh-' dih 'worn-eh 'ye: ao', eh se deh-' 'dhu-eh:. Dha: toror': korn-nyor⧾: ne: naa: eh? Dha 'chlee-deh yubo-nyor⧾: ne: naa: eh? Dha nyor⧾: an dhobo-a nyor⧾ bo dha 'bluhba ken, on: ne: naa: eh? Eh: se Nyorsoa, or-: se-eh: a 'i: to-dih:: ka: toror': korn-eh:: eh: ne-a dha 'bluhba ken, 'de eh 'dhu-a: bobo-deh⧾-': e? 'De Nyorsoa-a': toror': korn-eh 'di, or no-eh', 'de nyor⧾: on: ne-a dha yao 'zorn, on se 'beh-dih: on 'ye-or 'i yubo: 'de an-a' 'jeh 'yor-eh-a': toror': korn-eh 'di. Jorwor: Nyorsoa-a': porluh 'pehn-: dih 'do tubo-wlu:⧾ 'jeh: a po-a 'de nyor⧾ bo,: yih nyor⧾: noo': an zi-a 'o 'kmo bo-noo-deh⧾ klei', an 'da-dih-a: bobo-deh⧾, 'de or 'ye-eh' no, 'de nyor⧾: on po-ih-a dhih 'jeh-', on 'ye 'puh. :Jueh'-nyor⧾ 'da, an 'bhorn nyor⧾ 'i: to-dih-deh:⧾. 'De nyor⧾: on: se-a: Jueh'-nyor:⧾, on 'da, an 'bhorn: toror' 'de deh: daa 'di. Jorwor:: a: mor: mloror',: a za-a-' 'Klae-a' tu 'i 'meh-dih-dhih:: en no-a: zolo': or 'gbele-a: Jueh'-nyor⧾, 'de: en no-a: bobo-dhih 'de nyor⧾: on: se-a: Jueh'-nyor⧾ 'yli 'de. Jorwor: nyor⧾ Nyorsoa 'da-a,: on 'ye-a or-a' nyor⧾ no,: Jueh'-nyor⧾-: 'dekorn: nyor⧾: on: se-a: Jueh'-nyor⧾-: on po-eh-' dhih 'jeh: ka 'Klae 'dhu-a Nyorsoa-a' 'kpih-: 'dekorn: or-a': toror'-:-'. Deh no-eh,: mor Nyorsoa gweh: bobo-nyor 'de: gwlor-nyor⧾ 'yli 'de,: yee' or-a': bobo-a': dao', or: ne: toror' 'di, or: zi 'o: gwlor-nyor⧾-a': noror'-' 'weh. 'De mor,: mor Nyorsoa gweh 'kpih-a': chehehn-nyor 'de: gwlor-nyor⧾ 'yli 'de,: yee' or-a' 'kpih-a': chehn-a': dao', or: zi 'o: gwlor-nyor⧾-a' 'kpih-': ne-eh 'weh. :Yee' 'an 'Klae: de-di'-boi'-a:, a: gbee'e:. A: na-dih: a-a': tehn 'i-deh: gwluhuh' dih, ti Nyorsoa 'ye a 'da, a 'ye-a or-a' nyor⧾ no. 'Do ti: dao' 'i,: yee' 'kmo bo nyor⧾-a 'da-dih a-a': dha: dhulu' se: gwluhuh' dih: florn-nyor:⧾: dee'. 'De mor a-a': dha: dhulu' se 'kpih 'ble-nyor:⧾. 'De mor a-a': dha: dhulu': se 'nyne: korn-nyor:⧾: ke. Jorwor: Nyorsoa 'duo: nyor⧾ 'kmo-a 'da-dih-a: bobo-nyor⧾-' 'weh, eh 'ye: gwluhuh' dih: florn-nyor⧾ dhen-' dih po. 'De mor Nyorsoa 'duo: nyor⧾ 'kmo-a 'da-dih-a 'kpih-a': chehehn-nyor⧾-' 'weh, eh 'ye: kmuu-nyor⧾ dhen-' dih po. Nyorsoa 'duo: nyor⧾ 'kmo-a 'da-dih-a se deh ken 'kpa-nyor⧾-: nyor⧾: yuh nyor⧾-a vlehn-a-: 'dekorn: nyor⧾: yuh 'kmo no-a,: on se deh-' 'dhu-eh-: or 'duo-uh' 'weh, eh 'ye-eh' no, 'de or 'ye nyor⧾ 'kmo-a 'da-dih-a deh ken 'kpa-nyor⧾, on 'ye: ao', on se deh-' 'dhu-eh:. :Yee' eh-: mu-eh: no, 'de nyor-beh-nyor-beh: se-' or-a' 'jeh 'i 'beh-dih: i 'do Nyorsoa ybei'. Nyorsoa: oo', or-: po a mor-: 'dekorn:: Yusu' 'Klae-:: dha: due'.: Yusu' or-: Nyorsoa: yi-dih:-', 'de or: no-dih:: a: toror': korn-nyor⧾-: 'yi 'sleh-nyor⧾-: 'dekorn:: vlehehn'-': gweh-nyor⧾-:. 'De or zelie:: a-uh. :Yee' eh-a' dhih,: ka eh no-a 'chle-eh 'de Nyorsoa-a' 'chlee-deh 'di, eh no-a, Nyor: or mu-a or-a' 'jeh 'i 'beh-dih:, 'nyi or 'beh-dih: or-a' 'jeh 'i, 'do deh: Gwlor: baa' no-a, eh-a' dhih bo. :Yee' 'an 'Klae: de-di'-boi'-a:, ti 'on yi-a 'de a bo, 'de 'on 'ye-a' Nyorsoa-a' 'slan-a' dhih-': za, 'on: se-' worn dih: nmor: manua bla, 'de mor eh: se 'an deh 'i yubo-eh:: ke, 'on: se 'de: ya. Ti 'on: ne-a 'de a bo, deh: due' 'on: na-dih:-a: gwluhuh' dih, 'on 'ye-a' no, eh-: 'dhu, 'on 'ye deh⧾-a' klehkpeh 'for 'i: po-dih:, 'de 'on 'ye: Yusu' 'Klae-a' tu 'i 'meh-dih-dhih-a' tubo-wlu⧾: due' ken 'neh. Ti 'on yi-a 'de a bo,: yee' 'an 'kpih-a: chehn, 'de 'an 'tiei-a tleh, 'de: fano:: ple-eh 'di. 'An nyor⧾ deh: torne-eh-: 'dekorn: 'an Nyorsoa tubo-wlu:⧾: po-eh 'di-: 'on: se 'de wlu⧾: klaba'⧾-: 'dekorn: worn: nmor-wlu⧾-: 'di dih: wlu-dih:. Jorwor: Nyorsoa-a': Zulu-a' 'kpih, me-: za-eh gbor: ka dhih 'an za-a-', 'de en no-a dhih-a' 'yor-eh, 'de a-a' dhih 'jeh-': po-eh: ne-': gwlor-nyor⧾-a': toror': gwluhuh': kpa-dih:. Jorwor: Nyorsoa-a' 'kpih, me-: no-eh, 'de a po-eh dhih 'jeh-'. Jorwor: tubo-wlu:⧾: en: ne-a: toror' 'di, me-:: a po 'de nyor⧾: on ku-a dih, 'de Nyorsoa-deh 'di bo. Jorwor:: toror': daa, eh: se 'kmo-a': toror', 'de mor eh: se: yor: or 'kmo-a nyor⧾ wlu 'ken: korn-nyor⧾ 'ble-a, 'de: or yi-a 'worn: gweh 'da: naa. :Toror': or: korn-a dhih 'an za-a-', or no Nyorsoa-a' 'slan: or 'zile-eh: gwlor-nyor⧾ dih. Jorwor:: toror'-a' 'jeh: dao', or: dhe-dih-or 'for 'i: dee' see, 'do: a-a' dhih-a' 'i 'beh-a' bo, 'de jorwor: 'bluhba-a mu: no-eh. Eh se nyor: korn: or 'ye-a 'kmo-a' nyor⧾ wlu 'ken: korn-nyor⧾ no,: or 'ye-a: toror': daa dih 'worn. Deh no-eh,: mor eh 'dhu, on 'worn-eh dih: dee',: yee' on: se-': Gwlor: baa': or: korn-a dhih 'beh-a' 'i 'do tu 'i: kor-dih: i: dee'. :Ka Nyorsoa-a' 'chlee-deh no-a eh-a': za-a', eh no-a, Deh Nyorsoa-a dhe-a dih, 'do nyor⧾: on ybeh-or' bo, 'yli-eh 'see-eh 'ye, 'de: dou'⧾ 'see-eh 'worn, 'de nyor-beh 'see-eh: gwluhuh' dih na-dih: eh: mor eh mu: no-eh:. Jorwor: Nyorsoa-a': Zulu za-eh-: gbor 'de: a bo.: Zulu-a' 'jeh: dao', mo-: 'worn deh⧾-a' klehkpeh-' dih, 'de mor: korn: yih: en 'zile-eh 'de Nyorsoa bo. Nyor: yoror: or 'beh-dih:: or 'ye dhih: en: ne-a 'de nyor 'di yubo:: eh? Eh: se or-a' 'jeh 'yor-eh-a': porluh:, mo-: se: mleheh' no-a' 'beh-dih:: e? 'De: ka: ne-a: due' 'di, nyor se dhih: en: ne-a 'de Nyorsoa 'di yubo:. Or-a': Zulu: due', mo-: yubo-ih. :Zulu:: on: ne-a,: a: mor 'Klae-a' nyor⧾-', on: se 'kmo-a': no. Jorwor:: Zulu:: on: ne-a: a-uh, on 'wluh 'de Nyorsoa bo.: Zulu-a' 'jeh: dao', mo-: no-eh, 'de: a 'worn deh⧾-a' klehkpeh Nyorsoa 'nyi: a-uh yaa'e dih. :Yee' eh-a' dhih, eh-:: korn dhih, 'de deh⧾: a za-a-' 'de a bo, en se: gwlor-nyor⧾-a': toror': or no-a 'cheaan'-deh dha 'bluhba ken. Jorwor: deh⧾: a zela-a a: gwluhuh', Nyorsoa-a': Zulu:, mo-:: an torne: a-uh.: A zela or-a': Zulu-a' 'yi 'sleh-deh⧾-a' dhih ken dih, 'de: yuh or-a': Zulu:: dao', on: ne-a-' bo. Nyor: or Nyorsoa-a': Zulu se-a-': ne, or se 'beh-dih: or 'ye deh: eh 'wluh-a 'de Nyorsoa-a': Zulu bo dhih 'jeh-' po. Deh no-eh, eh no: bobo-deh: 'do or bo. 'De mor or se 'beh-dih: or 'ye-eh'-' dih 'worn. Deh no-eh, nyor Nyorsoa-a': Zulu: ne-a-', or-: 'worn-ih' dih. Nyor: or Nyorsoa-a': Zulu: ne-a-', or 'beh-dih: or 'ye deh⧾-a' klehkpeh bo dih zela:,: en no-a deh⧾ 'jeh-: deh⧾-zon⧾-:. Jorwor:: yor: Zulu se-a-': ne, or se 'beh-dih: or 'ye: yor on: ne-a-', or-a' zabe zi. :Ka Nyorsoa-a' 'chlee-deh no-a eh-a': za-a', eh no-a,: Or yubo: deh: Gwlor: baa'-a na-dih-a: gwluhuh' dih: eh?: Or 'beh-dih: or 'ye-or' 'slen 'dhu: eh? Jorwor:: a: mor: mloror',: ka 'Klae-a no-a deh: gwluhuh' dih: na-dih-eh, 'ka-:: a no eh-a': gwluhuh' dih: na-dih-eh: ke. :Yee' 'an 'Klae: de-di'-boi'-a:, 'on se 'beh-dih: 'on 'ye 'de a bo: wlu,: ka 'on no-a 'de nyor⧾: on Nyorsoa-a': Zulu: ne-a-' bo: wlu-eh. Jorwor: 'on: korn 'on 'ye 'de a bo: wlu: eh gweh-a: ka nyor⧾ wlu-a 'de nyor⧾: on: ne-a 'de 'kmo bo 'gboror:, 'de: on gweh-a 'nynuu:: bleheh'eh⧾ 'de 'Klae-a' deh 'di. Eh-:: korn dhih, deh⧾ 'on: torne: a-uh, eh gweh: ka 'nynor: or 'nyi-a or-a' 'yu nyene-ni. 'On: se-' a dii-deh:⧾: en: kmu-a 'nyi. 'De mor: kana: naa, a 'see 'o en-' ti ken nyni 'gboror:. Deh no-eh,: ka nyor⧾: on: ne-a 'de 'kmo bo, on no-a 'kmo: ne-eh, 'ka-: a: ne 'gboror:.: Yeh: gwlehehn'-: 'dekorn: jeh-a'-: en: ne-a 'de a 'klu-',: yee' eh po kuna' 'weh,: ka a: ne-a 'de 'kmo bo 'gboror:. 'De mor deh⧾ 'kmo bo-nyor⧾-a no-a, me-: a no: ke. :Mor a-a' nyor⧾: noo' 'da, an zi 'o: Poror' klei', 'de: noo' 'ye: ao', an zi 'o: Apor'lor klei',: yee' eh: se deh⧾ 'kmo bo-nyor⧾-a no-a, a se no: e? Eh-a' 'jeh: daa,: or 'dhu: Apor'lor: eh? 'De mor: or 'dhu: Poror': eh?: A: mor Nyorsoa-a' 'bhoi-nynuu: 'o 'klein',: a: mor 'o,: or no-eh 'de a po-eh dhih 'jeh-'.: A-a' klehkpeh,: koan:: a-a': Gwlor: baa' 'nyi: a-uh,: a 'ye-a' no: due': due', or-: 'o: a no. 'Mor: or 'dhu-a: Poror'-', 'mor-: 'dhu 'dhuu'-deh⧾-a' 'yor. 'De: Apor'lor po-ih 'ni ken. Jorwor: Nyorsoa, or-: no-eh, 'de en ku. :Yee' 'do eh-a' dha, nyor: yor: or 'dhu-a deh⧾-a' 'yor-: 'dekorn: nyor: yor: or po-ih-a 'ni ken-: on se deh ken 'kpa klehkpeh. Nyorsoa: or no-eh 'de en 'ye-a ku, or-: 'o: or 'kpa deh ken. Nyor: yor: or 'dhu-a deh-: 'dekorn:: yor: or po-ih-a 'ni ken-:: koan:: ne-a: due': oo' an no. Jorwor:: ka an no-a: koan-a' no-a', 'ka: wor Nyorsoa-a mu an-a'a: geli': za-eh: no: due': due'. 'Mor-: 'dekorn:: Apor'lor-:: a no: koan:: ne-a: due' 'do Nyorsoa bo, 'de or 'bli 'gle. 'De mor a: mor 'dhu or-a'a: gle. 'De a no or-a'a: 'gbu: ke. :Yee' mla Nyorsoa po-a 'on bo, or-: no-eh, 'de 'on po 'gbu glu: eh gweh-a 'sleh: korn-nyor 'i. 'De nyor: noror'-a kpa 'gbu: dao', an-a' po-a' 'dlu bo. Jorwor: 'nyi nyor: or kpa-a 'gbu: dao' an-a' po-a' 'dlu bo, or 'wla: gwluhuh' dih 'do an-a' po-a' bo. Deh no-eh,: Yusu' 'Klae, or-: 'dhu 'gbu: dao', an-a' glu 'dhu 'da. 'De mor 'gbu-a' 'jeh: dao', an-a' glu 'dhu 'da: noror' se 'o 'for 'i: ne. :Mor nyor-beh kpa 'gbu: on 'dhu-eh glu, an-a' po-a' 'dlu bo, 'de or 'ye 'goo-: 'sebla-: sobu'⧾: en 'kpa-a deh ken-: tu⧾-:: peli'-: 'dekorn:: koo:: kpalu⧾-: no, 'de or 'ye-uh' po, :yee': koan: or no-a, Nyorsoa-a mu-or nyor⧾ 'i: to-dih:: ka or: ne-a. Deh no-eh, 'we-eh:: Yusu'-a mu-a 'de: ya, or mu: koan:: dao' 'do zorn-pli-': ya. 'Do 'we-eh:: dao' 'di, neh eh-: or mu: no, 'de or 'ye: koan-a' klehkpeh nyor⧾ no-a 'dhen, 'de Nyorsoa 'ye-or' bo dih yubo:. :Mor eh 'dhu 'gbu or po-a, on se sin,: yee' Nyorsoa-a mu-or geli': za-dih-deh 'nyi-:. Jorwor:: mor on sin,: yee' or-a': koan-a' klehkpeh 'kpa 'nior:. Nyor-a' 'jeh: dao', or mu 'puh-:,: eh gweh-a: ka nyor ple-a, 'de or 'wluh-a 'de neh 'klu-',: or 'puh-a, 'de or-a' deh⧾-a' klehkpeh sin-a. A se-eh yubo: ke: e,: ka a 'dhu-a Nyorsoa-a' 'sla-': e? 'De mor: ka Nyorsoa-a': Zulu: ne-a a-uh': e? :Mor nyor-beh-nyor-beh gba Nyorsoa-a' 'sla: daa ya,: yee' Nyorsoa-a mu-eh: no, nyor: dao', or 'ye gbe: zie:: ke. Deh no-eh, Nyorsoa-a' 'sla: ne 'i gban, 'de mor a: mor 'dhu 'sla: dao'. A 'bor a-a' 'jeh-a' dih: bo-dih-eh.: Mor eh 'dhu a-a' nyor-beh-nyor-beh 'da or: korn: toror': or 'kmo bo-nyor⧾-a 'da-dih-a: toror',: yee' 'nyi or no: bobo-nyor: eh 'kmo bo-nyor⧾-a 'da-dih-a: bobo-a'.: Mor or no-eh,: yee' or mu nyor Nyorsoa 'da-dih-a: toror': korn-nyor⧾: no. Deh no-eh,: toror': korn-eh:: eh: ne-a dha 'kmo bo, eh no: bobo-deh: 'do Nyorsoa ybei',: ka eh no-a 'chle-eh 'de or-a' 'chlee-deh 'di, eh no-a,: Toror': korn-nyor⧾-a': toror': dao', or-: Nyorsoa no, 'de or ya-uh 'kle 'ye-eh bo. 'De eh 'da: neheh',: Gwlor: baa' yubo:: ka deh⧾: en: ne-a 'o: toror': korn-nyor⧾: gwlii', en se-a deh-beh 'di: ne 'weh. :Yee' eh-a' dhih, nyor-a' 'beh-dih:-' or-a' 'jeh 'i, 'do: gwlor-nyor⧾-a' noo-deh⧾ bo. Deh no-eh, deh⧾-a' klehkpeh-: 'dekorn: nyor⧾-a' klehkpeh-: on: korn 'de a bo. :Eh: mor: Poror' o,: Apor'lor o,: Piteh' o, dha yao zorn o,: febeh' o, 'meh-a' o, ti: a: ne-a ken: kana o, 'dekorn: ti: yih: en mu-a 'de: yi o, an-a' klehkpeh: korn 'de a bo. 'De a: korn 'de 'Klae bo, 'de mor 'Klae: korn 'de Nyorsoa bo: ke. :Yee': gwlor-nyor⧾: korn on 'ye 'mor-: 'dekorn: 'on 'bei': koan:: no-nyor⧾-:: a 'dhu,: ka: a 'dhu-a 'Klae-a' 'bhoi-nynuu-', 'de Nyorsoa po-a 'de or-a' 'slan 'de: a 'kwa. Nyor Nyorsoa po-a deh⧾: daa 'kwa, deh: due' or 'bhorn-a or 'ye-a 'ye 'de or ya, eh-: 'dhu, or 'ye: dhehehn-nyor no. :Yee' eh-:: korn dhih: oo',: fano se 'o 'on: gwlii': ne, 'an zabe 'ye: zi-eh: 'do a ybei'-: 'dekorn: 'do: gwlor-nyor⧾-a' klehkpeh ybei'-:. 'De mor 'on: se-' 'an 'jeh-a' zabe 'i chehn. 'De mor 'an: porluh: se-' 'on zabe: kpon-dih: 'do 'an noo-deh⧾ bo: ke. Jorwor: eh: se-eh' nyor⧾ 'i: to-dih:: eh: mor zabe se 'on kpon.: Gwlor: baa': due' 'i-a': due', or-: 'dhu nyor-': or zi 'an zabe. :Yee' eh-a' dhih, a-a': zi-' a 'bei'-a' zabe, 'de ti 'ye 'o nyni. A: fuo: ti: Gwlor: baa'-a mu-a de: yi 'ken. Or mu deh⧾-a' klehkpeh: en 'zile:-a 'de: kule-' 'do zorn-pli-': ya.: Yee' deh⧾: en: ne-a 'o: gwlor-nyor⧾-a': porluh⧾ ken, en mu ken: nyeh.: Mor ti: dao' en nyni 'o,: yee' nyor⧾-a' klehkpeh, an mu dhih bo: po-eh:: eh 'wluh-a 'de Nyorsoa bo, 'de: eh: korn-a 'de on bo 'ye-:. :Yee' 'an 'Klae: de-di'-boi'-a:, deh⧾: daa 'an za-a-' 'de a bo, 'do 'mor-: 'dekorn:: Apor'lor-: a-a' dhih bo, 'an za-ih' 'weh, en 'ye 'yi: to-dih-deh no 'do a bo, 'de a 'ye 'o: a-a' 'gor klei' zi. 'De a 'ye-ih' 'chean' 'de: a 'kwa, deh en 'dhu-eh:-', 'de a-a' noo-deh⧾: ne 'o 'doror': ne, 'do: yih: en 'chle-eh ken. A-a' 'dhu-:-' 'o nyor: noror', 'de a-a': vlehn-': noror': noror'. :Or: no-dih:: on deh ken 'kpa-nyor-' 'de: on 'bei' 'nyne-': eh? Deh 'i-deh:: on 'ble, Nyorsoa: se-': on 'nyi: eh?: Mor eh 'dhu Nyorsoa-',: or 'nyi-eh: on,: yee': eh: korn dhih: an 'beh-dih: an-a' 'jeh 'i,: eh gweh-a: ka or se-eh: on 'nyi: eh? 'On yubo-eh', a 'da, deh⧾-a' klehkpeh a 'bhorn-a, a 'ye-ih': naa. 'De a no bhaan-nyor⧾: weh. 'De a 'da, a no 'keen-boi': naa, 'do a-a' 'jeh bo. Jorwor: 'an 'bhorn a 'ye 'keen-boi' no 'jeh ka, 'de a: ne: a mor-:: a 'ye 'keen-boi'-deh: dha: due': no-dih:. 'Do 'on: gwlii', eh gweh: ka Nyorsoa po-a 'de: a: mor: Yusu'-a'a: dboo-nyor⧾ 'de dubu'-a': gborluh' bo,: eh gweh-a nyor⧾ on chehn-a wlu 'ken on 'ye-a' 'dba 'do: gwlor: gwea.: A: ne 'o 'bluhba ybei'. 'Enjor-nyor⧾-: 'dekorn:: gwlor-nyor⧾-: an-a' klehkpeh an pobo: a ya. Keen': mloror': gwlor-nyor⧾-a 'ye: a: bobo: ka 'do 'Klae-a' dhih bo. Jorwor: a: mor: mloror' a 'da a: korn: toror' 'de 'Klae-a' deh 'di.: Ao.: A 'worn-',: a: mor: korn 'kpih-a: chehn. 'De a no: kmuu-nyor⧾. A: mor an 'dhu 'o, 'de an po: a yaa'e: neheh': e? :Eh 'wluh-a 'de eh-a' glu 'dhu 'da, 'de: eh: yeh-dih:-a ti: daa ken, 'moeh-: 'dekorn: 'ni 'na-ton-: me-: no: a-uh. Keen',: a se deh-a': za-da 'ble, 'de: a pa 'wla⧾-zon⧾-': naa, 'de nyor⧾-a bla: a-uh 'gabaa, 'de: a se: dhe-da 'ble. :A no: a-a' son⧾-a' 'kpih, 'de: a pobo-': a-a' 'jeh bo dih.: Mor nyor⧾ 'jle-dih:: a-uh,: yee': a po-uh: bhorlie' bo. An 'ye-dih: a 'kle, 'ka: wor eh: ne: chio'lo:, 'de: a nyna-eh 'i. :Mor nyor⧾ 'jle-dih:: a-uh, 'ka-:: a 'pehn dih wlu dih: chio'lo: 'de on bo.: Eh yi-a 'de: chio'lo:, 'de: eh: yeh-dih:-a 'zean'-we-eh:: daa ken, nyor⧾ 'duo:: a-' 'weh: a 'ye 'kuo-:: gbehne: nyor⧾-a po-a 'kwla-: 'dekorn: 'zororn'-deh-: gweh. 'On: se-' a deh⧾: daa bo 'chle en 'ye a dhen-' dih po. Jorwor: 'on no-eh', eh 'ye a 'slen 'dhu,: eh gweh-a: ka nyor: or 'dhu-a or-a' 'di: za-nynuu 'slen. :Mor a-a': yeh 'ble nyor⧾-a' 'wlu: bhue on: taa deh torne 'do: Yusu' 'Klae-a' klei': zi-eh bo, a se: bai': dhulu' 'ble 'gboror:. Deh no-eh, Nyorsoa-a' tubo-wlu:⧾ 'jeh 'on po-a, me-: no-eh, 'de 'on 'dhu a: baa' 'de: Yusu' 'Klae-a' deh 'di. :Yee' eh-a' dhih, 'an bale a 'weh, a 'ye 'o 'an 'gor klei' zi. Eh-:: korn dhih: oo', 'an dbo: Timehte': or no-a 'an-a:: dhih: kma-yu-: 'dekorn:: dhehehn-nyor-: 'de: Gwlor: baa'-a' deh 'di. Or-: mu 'an noo-deh⧾-a' klehkpeh a-uh: gwluhuh' bo: po-dih: 'de: Yusu' 'Klae-a' deh 'di. Eh: due': dao', eh-: 'on: torne: 'chore-a' klehkpeh: eh: ne-a deh⧾-' dih. A-a' nyor⧾: noo', mo-:: an 'beh-dih an-a' 'jeh 'i,: mor on: taa 'ye: dee',: yee' on 'da 'on: se 'de a bo: yi i. Jorwor:: mor eh 'dhu: Gwlor: baa' 'worn-dih-eh ken dih,: yee' 'on: se 'o: gwle i, 'on 'ye 'de a bo yi.: Mor 'on 'yle,: yee' deh⧾ a-a': noo'-a za-a-': en: korn-a dhih an 'beh-dih-a an-a' 'jeh 'i, eh: se en: due'-a' dhih 'on: se 'de: yi i, jorwor: 'kpih on 'ble-a, me-:: korn dhih 'an mu 'de: yi: ke, 'on 'ye-ih 'ye. Nyorsoa-a' nyor⧾ wlu 'ken: korn-eh se wlu-a' 'i kor. Jorwor: eh kor or-a' 'kpih 'i. Deh a 'bhorn 'on 'ye no: naa: eh? 'On 'ble sene'eh kwa, 'on 'ye 'de a bo yi: e?: Ae' 'on 'yle 'de nyor⧾-': ybeh ka-: 'dekorn: 'yi: kpoehn: ka-: 'di? :Yee' keen' 'jeh ka, eh-a' kuna': yeh-dih: 'on-: ken,: ka 'tmeor:⧾: korn-eh: ne-a 'de a 'nyne-'. Eh-a': yeh: ne-a 'de a 'nyne-', eh se 'de nyor⧾: on se-a Nyorsoa yubo: 'nyne-': ne-a' 'jeh. 'On 'worn-ih': ka a-a' nyor: due': ne or: baa'-a'a: 'nynor-a 'tmo-a. :Yee': kaa eh no 'de a 'beh-dih a-a' 'jeh 'i 'suh: eh? A-a': porluh⧾: korn en 'ye 'zorn 'kpa: dee', 'do deh-zon:, nyor: dao' or no-a bo. A: korn a 'ye-or' 'o 'zorn po, or 'ye 'de a 'nyne-' 'wluh: dee'. Keen': mloror' 'an 'jeh 'yor-eh-a' nyior-tu se 'de a bo: ne, jorwor: 'an: porluh⧾-a' klehkpeh: ne 'de a bo 'weh. 'De mor 'on chehn nyor: dao' or-a' zabe 'i see,: eh gweh-a: ka 'on: ne-a 'o. :Mor a 'kpa: dha: due' 'de: a-a': Gwlor: baa': Yusu'-a' 'nyne 'di, 'de 'an: porluh⧾-a' klehkpeh 'ye 'de a bo: ne, 'de: Gwlor: baa': Yusu'-a' 'kpih 'ye 'de a bo: ne: ke, :yee' a: za nyor: dao' 'kwla 'de 'ku 'kwa, 'de 'ku 'ye or-a' yau 'kor-dih:. Eh-: mu-eh: no, 'de or 'ye 'o or-a' 'jeh bo yi, 'de: mor: Gwlor: baa' yi de, 'de or-a': zulu 'ye 'puh. Eh-a' dhih, eh se 'yi dih: nmor, a 'ye a-a' 'jeh 'i 'beh-dih:. A se-eh yubo:: ka deh⧾: en 'vu-dih-a 'bhlee, en-': bhebe' deh⧾-bei:, me-: 'vu-dih 'bhlee:: kpuan'-a' klehkpeh: e? :Yee' a 'tali: a-a' deh⧾-zon:⧾: en gweh-a deh⧾: en 'vu-dih-a 'bhlee dih, 'de a 'ye 'bhlee:: eh se-a 'vuu'-deh⧾ bo: ne gweh. 'De 'on yubo-eh, 'ka-: a: ne 'jeh ka. Deh no-eh, 'Klae: or no-a: a-a' 'Meh-a': bla-dih: 'dlu-dih-blae'-yu, or 'dhu-dih-eh: gban 'i: weh see, 'do: a bo. :Yee' 'do eh-a' dha,: a-a' 'dhu-:-' gor: or gweh-a 'bhlee:: eh: ne-a 'vuu'-deh:⧾ soa bo,: en 'dhu-a 'galo:: korn-eh-: 'dekorn: deh⧾-zon:⧾: no-eh-:. Jorwor: a 'nyi: a 'dhu gor: daa 'de: vlehehn'-': gweh ka-: 'dekorn: dhih-a' 'yor-eh-: 'di: eh gweh-a: ka 'bhlee:: eh se-a 'vuu'-deh⧾ bo: ne. 'Chlee-deh: 'on 'chle-a a bo: zai', 'on zela: a: gwluhuh' 'weh: eh: mor 'tmeor:⧾: korn-nyor⧾: ne a-a' nena:-' bo. Deh 'an za-a-': naa, 'on: se-' 'kmo bo-nyor⧾ 'da,: on no-a 'tmeor:⧾: korn-nyor⧾-: deh⧾-a' 'klan: korn-nyor⧾-: 'ylii'-nyor⧾-: 'dekorn: zuu⧾-a': weheh': za-nyor⧾-:.: Mor 'on: taa: mloo' 'da: dee',: yee' a: korn a 'ye dha 'kmo bo 'wluh klehkpeh klehkpeh. Deh 'an za-dih-a dhih-' dih, eh-:: dhe dih. Nyor: or 'da-dih-a or-a' 'jeh 'Klae-a' klei': zi-nyor, 'de: or: ne-dih:-a 'tmeor:⧾: korn-eh-: deh⧾-a' 'klan: korn-eh-: zuu⧾-a': weheh': za-eh-: nyor⧾ 'bhun dih: wlu-eh-: nomor 'na-eh-: 'dekorn: 'yli-a'-: 'kmo. Eh-a' nyior-tu:: ne: ao', or: ne a-a' nena:-' bo, 'de on: ne a-a' kpuhba:-' son⧾ ybei': sloror'. Deh 'on po 'de dih: eh, 'de 'on 'ye nyor⧾: on se-a 'noror 'chore-': ne, an-a' zabe zi: eh? Nyor⧾: on: ne-a 'noror 'chore-', mo-:: korn zabe: a: korn a 'ye zi. Nyorsoa-a mu: yuh se-a 'noror 'chore-': ne, an-a' zabe: zi.: Yee' a: mor 'ye: yuh: ne-a 'de 'chore-', an-a' zabe zi,: ka Nyorsoa-a' 'chlee-deh no-a eh-a': za-a', eh no-a, A: za 'de deh⧾-zon:⧾: no-nyor⧾ 'noror a 'nyne-'. :Eh: za a: fano: gwlii', 'de: mor a-a' nyor 'ble zabe 'do or 'be 'Klae-a' nyor 'bhun, 'de or kpa-ih 'de nyor⧾: on se-a Nyorsoa deh-' 'ye bo 'koti-': eh? 'De or-a' kpa-ih 'de Nyorsoa-nyor⧾ bo: eh? A se-eh yubo:: ka eh 'dhu-a Nyorsoa-nyor⧾-' an mu-a 'bluhba-a' zabe: zi: e?: Yee': mor a mu 'bluhba-a' zabe: zi,: yee' a: mor se zabe:: nyene': daa, en-' zi-a' 'beh-dih:: e? A se-eh yubo:: ka: a mu-a 'enjor-nyor⧾-a' zabe: zi: e?: Yee' a yi: zaa-dhih:: nyene': en: ne-a dha 'kmo bo 'ye. :Yee' eh-a' dhih,: mor a 'ble: zaa-dhih:: en: ne: ao', en 'bei' 'noror a 'nyne-', a-a': kpa-ih' 'de nyor⧾: on se-a 'noror 'chore-': ne bo. Deh⧾ a no-a, en: korn en 'ye a dhen-' dih po. Eh-:: korn dhih 'an za-ih'. Nyor se 'de a 'nyne-': ne: or 'ye-a: toror': korn deh 'jeh, 'de: or 'ye-a zabe:: en: ne: ao', 'Klae-a' nyor⧾ 'nyne-' zi: e? Jorwor: a: to: mleheh' 'kpuh ya, 'de a kpa a 'bei' 'koti-' dih, 'do nyor⧾: on se-a 'Klae-a' dhih dhih 'jeh-' po ybei'. :Yee': mor a: taa deh⧾: daa no,: yee' eh-:: to-dih-eh nyor⧾ 'i,: ka a-a' dhih 'jeh-': po-eh no-a deh 'plo. Eh mu 'yi dih: nmor,: mor nyor no: on deh-zon-',: on 'ye: porluh dih kpon,: eh: zi 'o: on 'ye kpa: za. Eh mu 'yi dih: nmor,: mor nyor: di-dih:: on: kleheh': kleheh' dih,: on 'ye: porluh dih kpon,: eh: zi 'o: on 'ye kpa: za. Jorwor: a: sea-dih:: mleheh' no-a' 'weh, 'de a-a' 'jeh 'yor-eh di-dih nyor⧾: kleheh': kleheh' dih, 'de a no nyor⧾ deh⧾-zon⧾ bo dih. Eh: se nyor⧾ 'sluh⧾ a-a' no-ih'. Nyor⧾: on: ne a zi-a 'o: Yusu' klei', mo-: 'o a no-ih'. A se-eh yubo:: ka nyor⧾: an no-a deh⧾-zon⧾, on se-a 'beh-dih: on 'ye-a 'de Nyorsoa-a' nyor⧾ wlu 'ken: korn-eh 'zorn pa: e? A 'bor, a-a': bo-dih:-' a-a' 'jeh dih. Nyor⧾: an korn-a 'tmeor⧾-:: yuh: an za zuu⧾-a': weheh'-:: yuh: an no-a 'nyne: zaan'-: nyor⧾-kpalu:⧾: an no-dih-a an-a' 'jeh 'nynor⧾-' 'wlii-dhih-: 'dekorn: nyor⧾-kpalu:⧾: an po-a on 'bei'-nyor⧾-kpalu⧾ 'nynor⧾-: eh-a' nyor⧾-tu:: dao', on: se 'de Nyorsoa-a' nyor⧾ wlu 'ken: korn-eh 'zorn: pa i. 'De mor 'ylii'-nyor⧾-: deh⧾-a' 'klan: korn-nyor⧾-: nomor 'na-nyor⧾-: nyor⧾: an wlu-dih-a on 'bei' 'bhun dih-: 'dekorn: nyor⧾: an 'yli-a on 'bei' ken-:. An-a' nyor-beh:, or-:: se 'de Nyorsoa-a' nyor⧾ wlu 'ken: korn-eh 'zorn: pa i: ke. A-a' nyor⧾: noo': noo', mo-:: ne: ao': zai'. Jorwor:: Gwlor: baa': Yusu' 'Klae-: 'dekorn:: a-a' Nyorsoa-a': Zulu-: mo-: worlor: a-a' deh⧾-zon⧾-a' klehkpeh, 'de a: dhe-dih-eh 'for 'i 'do Nyorsoa bo, 'de or 'da-dih a 'yi 'sleh-nyor⧾. A-a' nyor⧾: noo'-a mu: ao', 'on: bleh-dih-eh: 'i, 'on 'ye deh⧾-a' klehkpeh no. Keen': mloror', jorwor: eh: se deh⧾-a' klehkpeh, me-:: nmor 'yi dih 'do a bo: deh. 'De 'on: se-eh' ken dih 'worn-dih: i deh 'ye 'on 'ge-yu-' no. Nyor⧾: noo'-a mu: ao', Dii-deh: korn 'de 'kwli 'di, 'de 'kwli: korn 'de dii-deh bo: ke. Keen'. Jorwor: Nyorsoa-a mu en-' klehkpeh: daa 'borboa' 'i: po. Nyorsoa: se-': a yau:: daa 'nyi,: a 'ye-uh 'tmeor:⧾: korn-dih:. Jorwor: or 'nyi-uh': a 'weh,: a 'ye: Gwlor: baa': weheh': za-dih:. 'De mor: Gwlor: baa'-a' 'jeh: dao', or-:: korn 'de: a-a' yau-a' deh bo. Nyorsoa: or: za-a: 'de: Gwlor: baa' 'de nma-dih-deh 'di, or mu or-a' 'kpih: due': dao': no, or 'ye 'de: a nma-dih-deh 'di: za: ke. A se-eh yubo:: ka a-a' yau 'dhu-a 'Klae-a' yau-a' 'for-' ke: e? 'On 'beh-dih: 'on 'ye 'Klae-a' 'for 'duo:, 'on 'ye-uh: bhaa'-nynor 'nyi: e? 'Kei:. Eh se-eh 'beh-dih:. A se-eh yubo:: ka nyor-kpalu:: or: ne: bhaa'-nynor:: dao' 'tmo-a,: yee' or: ne or 'gba-a yau: due': e? 'Ka: wor Nyorsoa-a' 'chlee-deh no eh-a': za-a', eh 'da, Mo-:: on: ne-a 'sororn', an mu nyor: due': no. Jorwor: nyor: or 'nyi-a or-a' 'jeh: Gwlor: baa',: yee' or-:: Gwlor: baa'-: on 'ble: porluh: due'. A: tehn-dih: 'tmeor:⧾: korn-eh bo dih. Deh⧾-zon⧾-a' klehkpeh nyor⧾-a no-a,: en: sie:-a 'o, en se 'o yau 'bhun: ne. Jorwor:: mor eh 'dhu: on: taa 'tmeor⧾: korn,: yee': an-a' 'jeh 'yor-eh-a' yau: oo': an no deh-zon 'bhun. A se-eh yubo: ke: e,: ka a-a' yau 'dhu-a Gban 'i: ne: Zulu-a' 'sla-': e, or 'nyi-a a-uh,: on: ne-a a-uh'? A se 'de a-a' 'jeh bo: korn, jorwor: a: korn 'de Nyorsoa bo. Deh no-eh, Nyorsoa: po-dih:: Yusu' 'Klae-a' nyomor 'pehluh', 'de or dhen a-uh.: Yee' eh-:: korn dhih: oo', a 'ye a-a' yau no, a 'ye Nyorsoa dhih-a' 'i 'beh-a' 'nyi. :Yee': kana: naa, deh a 'chle-a 'on bo, eh-:: korn dhih 'an mu ken dih: wlu-dih:. Eh mu 'yi dih: nmor: dee',: mor nyor-kpalu se 'nynor: korn. Jorwor: deh no-eh, 'tmeor:⧾: korn-eh: ne-a 'de eh 'di, eh-:: korn dhih: oo', nyor-kpalu: korn or 'ye or-a' 'jeh 'yor-eh-a' 'nynor 'i: glehn, 'de mor 'nynor-kpao': korn or 'ye or-a' 'jeh 'yor-eh-a' yibeor 'i: glehn: ke. :Yee' nyor-kpalu se: korn or 'ye 'o or-a'a: 'nynor dih dhe. 'De mor: ke 'nynor-kpao' se: korn or 'ye 'o or-a'a: yibeor dih dhe. 'Nyi mo-:: ne-a 'sororn', on 'pehn-dih: on 'bei'-a': porluh dih. Deh no-eh, 'nynor-kpao' se or-a' 'jeh-a' 'yor-eh-a' yau wlu 'ken: korn. Jorwor: or-a'a: yibeor: 'o, or-:: korn yau:: dao' wlu 'ken. 'De: ka: ne-a: due' 'di: ke, nyor-kpalu se or-a' 'jeh-a' 'yor-eh-a' yau wlu 'ken: korn. Jorwor: or-a'a: 'nynor: oo', or-:: korn yau:: dao' wlu 'ken. 'Nynor-a' 'tonor:-' or-a' 'jeh ken 'do or-a'a: yibeor bo. 'De mor yibeor-a' 'tonor:-' or-a' 'jeh ken 'do or-a'a: 'nynor bo.: Mor eh 'dhu a: mor: ne-a 'sororn', a 'worn-dih-eh ken dih, 'de a 'ye-eh' no,: yee' a no-eh 'do ti-kpor-bei 'di, 'de a 'ye a-a' ti-a' klehkpeh-' 'duo: 'do Nyorsoa bo: wlu 'da.: Yee': mor eh: jla 'dlu-',: yee' a 'kpa: dha: due': dele' ka, 'de 'ku: ne-' a dih 'dhen,: mor a se a-a' 'jeh wlu 'ken: korn-eh 'beh-dih:. 'An po 'o Nyorsoa bo: wlu-deh:: daa 'do a ybei'-: dih, 'de deh a 'ye-a' no, 'de a 'ye-eh' yubo:. Jorwor: eh: se 'tele', 'on: se-' po. :Mor 'on: ne: due': dee',: yee' 'on 'da: ka 'on: ne-a, 'on se-a 'nynor 'ble, 'ka-:: gwlor-nyor⧾-a' klehkpeh 'ye: ne: dee'. Jorwor:: a: mor Nyorsoa no-a: a se goor-dih:, 'de or 'nyi: a 'nyii'-deh:⧾ 'doror: 'dor. A: mor: yuh se-a nyina 'ti-:: yuh se-a 'nynor⧾: korn-: 'dekorn:: dhoba: 'nynor⧾-: deh 'an 'bhorn-a, a 'ye-a' no, eh-:: dhe dih. Eh mu 'yi dih: nmor: mor a se 'bli 'ti-dih:. 'De: ka 'on: ne-a, a 'ye: ao': ne. Jorwor:: mor nyor-kpalu-deh-: 'dekorn: 'nynor-deh-: eh 'yi 'o 'do a: porluh⧾ ken 'gabaa, 'de a 'ye: ao', a se a-a' 'jeh-a' wlu 'ken: korn-eh 'beh-dih:,: yee' 'nyi nyor-kpalu 'ble or-a' 'jeh-a'a: 'nynor, 'de 'nynor 'ye or-a' 'jeh-a'a: yibeor 'ble: ke. Deh no-eh, eh mu 'yi dih: nmor a 'ye 'bli 'ti-dih:,: eh: zi 'o a-a': porluh⧾ 'ye sin,: dha: due' 'pehn-dih-dhih. Nyor⧾: on 'ti-dih:-a 'bli, an-a'a: 'tele': wor: dhe dih. Eh: se 'mor-:: or: se-eh' po. Jorwor:: Gwlor: baa': oo', or-: po-eh. 'Nynor se: korn or 'ye or-a'a: yibeor dih 'tali:. Jorwor:: mor eh 'dhu or no-eh,: yee' or 'bor nyina: 'ti-eh 'klein'.: Mor or se-eh 'worn 'i 'beh-dih:,: yee' or mu 'de or-a'a: yibeor bo de, on 'ye wlu-' dih 'woorn-dih:, or 'ye de 'gbu mu. 'De: ka: ne-a: due' 'di, nyor-kpalu se: korn or 'ye or-a'a: 'nynor 'kwla: za. :Yee' deh: neheh', 'an yi-a: za 'da, 'de: yuh: sie:-a 'o bo, eh-:: dhe dih. Eh se: Gwlor: baa' zela: 'on: gwluhuh': deh. Jorwor: eh 'wluh 'o 'an 'jeh: porluh ken.: Mor eh 'dhu 'Klae-a' dhih 'jeh-': po-nyor 'ble 'nynor: or se-a 'Klae-a' dhih dhih 'jeh-' po, 'de 'nynor-a' 'jeh: dao' or 'ye-eh ken dih 'worn-dih: 'gboror: or: ne or 'ye 'bli 'ti-dih:,: yee' or 'bor 'nynor: dao' 'kwla: za-eh. 'De: ka: ne-a: due' 'di: ke,: mor 'Klae-a' dhih 'jeh-': po-nynor 'ti nyor-kpalu:: or se-a 'Klae-a' dhih dhih 'jeh-' po 'bli: dee' see, 'de nyor-kpalu-a' 'jeh: dao', or 'ye-eh ken dih 'worn-dih: 'gboror: or: ne 'nynor: dao' 'ye 'bli 'ti-dih:,: yee' or 'bor nyor-kpalu:: dao', or-a' dih 'tali-eh:. Deh no-eh, nyor-kpalu:: or se-a 'Klae-a' dhih dhih 'jeh-' po, or-a'a: 'nynor-a' dhih 'jeh-': po-dhih: 'o, eh-: no-eh, 'de or gweh nyor: or: korn-a dhih Nyorsoa 'worn-dih:-a ken dih. 'De: ka: ne-a: due' 'di, 'nynor: or se-a 'Klae-a' dhih dhih 'jeh-' po, or-a'a: yibeor-a' dhih 'jeh-': po-dhih: 'o, eh-: no-eh, 'de or gweh 'nynor: or: korn-a dhih Nyorsoa 'worn-dih:-a ken dih: ke.: Mor eh se-eh: mor: dee',: yee' a-a'a: 'nynuu: se-' Nyorsoa-nyor⧾: gweh i: dee'. Jorwor:: yeh eh: ne-a: naa, Nyorsoa 'worn-dih: a-a'a: 'nynuu-a' dhih 'weh: naa. Jorwor: nyor: or se-a 'Klae-a' dhih dhih 'jeh-' po,: mor or 'bhorn or 'ye nyor: or po-a 'Klae-a' dhih dhih 'jeh-' dih 'tali:,: yee' 'nyi or no-eh. 'Klae-a' dhih dhih 'jeh-': po-nyor-kpalu-: 'dekorn: 'nynor-kpao'-: nyor: se-uh': san-dih: 'do: yeh: dao': mleheh' bo. Deh no-eh, Nyorsoa 'da: a 'weh, wlu-' dih 'worn-eh: 'ye 'o 'nynor-: 'dekorn: yibeor-: 'nyne bo: ne. :Mor: or 'dhu-a 'nynor-',: kaa: on no eh-a' yubo-eh,: eh: mor: an mu: an-a'a: yibeor-' dih 'bili: 'noror 'Klae bo: eh? 'De mor: mor 'dhu-a yibeor-': ke,: kaa: on no eh-a' yubo-eh,: eh: mor: an mu: an-a'a: 'nynor-' dih 'bili: 'noror 'Klae bo: eh? :Yee' deh: korn-a dhih: Gwlor: baa' 'da-a nyor⧾-a' klehkpeh on 'ye-a' 'kmo-': ne-dih:, ti or 'da-uh'-a, on 'ye-a or-a' klei': zi-nyor⧾ no,: yee' 'nyi on: ne-dih-eh 'kmo. Eh-: no 'tele' 'an torne 'chore-nyor⧾-a' klehkpeh. :Mor nyor-kpalu 'meh: bhlororn' 'de Nyorsoa 'ye-or 'da,: yee' 'ka-: eh 'ye: sie:. 'De mor: mor nyor-kpalu se: bhlororn' 'meh, 'de Nyorsoa 'ye-or 'da,: yee' 'ka-: or 'ye: ne, or 'ye 'de yi. Deh no-eh,: bhlororn' 'meh-eh-: 'dekorn: se: bhlororn' 'meh-:: mlee' se: kma. Deh: due': eh 'dhu-a: kmaa-deh-', eh-: 'dhu Nyorsoa-a' 'tele' dih: dhe-eh-'. :Ka nyor: ne-a 'de Nyorsoa 'ye-or 'da, 'ka-: or 'ye: ne: chio'lo:. :Mor eh 'dhu: on no 'ge-yu, 'de Nyorsoa 'ye: on 'da,: mleheh' 'beh-dih:-': an-a': porluh 'worn dih.: Dhe 'de eh 'di dih. Jorwor:: mor eh 'dhu,: on 'ye ti: on 'ye 'ge-deh 'wluh,: yee' no-eh. :Mor eh 'dhu nyor no 'ge-yu, 'de: Gwlor: baa' 'ye-or 'da,: yee' or 'wluh 'de 'gegeye 'weh 'do: Gwlor: baa' bo ka. 'De deh: ne-a: due' 'di, nyor: or se-a 'ge-yu no, 'de or 'ye-a' 'da,: yee' or-: 'Klae-a' 'ge-yu: 'o. Nyorsoa no 'Klae-a' nyomor, 'de or po a-a' 'pehluh', or dhen a-uh.: Yee' eh-a' dhih, nyor-a' 'worn-:-', nyor-a': no-dih:-' a 'ge-yu 'do deh⧾-zon:⧾: gwlor-nyor⧾-a 'bhorn-a a 'ye-a' no bo. :Yee' 'an 'Klae: de-di'-boi'-a:, 'nyi a: za Nyorsoa-a': weheh': ka a: ne-a: chio'lo: 'de or mu-a a-a': due': due' 'da-:. :Yee' 'nynor-kpao'-: 'dekorn: nyor-kpalu-:: on 'see-a 'bli 'ti-dih,: on 'see-eh 'ye, 'on: se-' 'tele' 'ye, eh: se 'de: Gwlor: baa' bo 'wluh, 'do an-a' dhih bo. Jorwor: deh: daa, 'an mu-a-': za, eh 'wluh 'o 'an 'jeh: porluh ken, 'mor: or: Gwlor: baa'-a': wehlih:: korn-eh no-eh, 'de nyor⧾ 'beh-dih:-a on 'ye-a: gwlii' dhe. 'Kle 'ye-eh:: daa: a: ne-a ken: naa, eh-a' dhih, eh-:: korn dhih 'on 'da eh: nmor-: 'yi, a 'ye 'o: dha a: ne-a dih kpon. :Mor: korn 'nynor,: yee' 'bor or-a' 'kwla: za-eh-a': gwie⧾-a': za-a'.: Mor se 'nynor: korn,: yee' 'bor 'nynor: korn-eh-a': gwie:⧾: za-eh. Jorwor:: mor: on 'da: an mu 'nynor: korn: gbor: gbor, eh se deh-zon:. 'De mor: mor 'nynor-kpao'-yu 'ti nyina, eh: se deh-zon: or: se-' no: ke. Jorwor: deh: due' 'an 'ye-a 'de eh 'di, eh-: 'dhu, nyor⧾: on 'ti-dih:-a 'bli, an mu 'kle 'ye-eh:: dhulu' 'ye-: 'de an-a' 'kmo: ne-eh 'di. 'De 'an 'bhorn 'on 'ye a zelie: 'do eh 'zorn. :Yee' 'an 'Klae: de-di'-boi'-a:, deh 'an za-dih-a dhih-' 'de a bo, eh-:: dhe dih. Ti: en: sie:-a 'o, 'de ti 'ye-a' 'dlu-': jla, en se 'i: tehn.: Yee' 'do eh-a' dha,: eh 'wluh-a dha: dha: daa: naa, 'de: eh mu-a 'dlu bo, nyor⧾-kpalu:⧾: on: korn-a 'nynor⧾, 'nyi an-a' 'kmo: ne-eh gweh: ka nyor⧾ se-a 'nynor⧾: korn, an-a': dhe-' 'nynor⧾: korn-deh: due'-a' 'dlu yai' 'suh. :Yee' nyor⧾: an 'vin-a, an-a': dhe-' 'viin'-deh-a' 'dlu yai', nyor⧾ 'mona-a no-a: naa, an-a': dhe-' 'mona:: no-eh-a' 'dlu yai'. Nyor⧾: an dhen-a deh⧾, an-a': dhe-' en-': kororn-deh-a' 'dlu yai'. Nyor⧾: an 'ye-a 'kmo bo-deh⧾ deh 'i, an-a': dhe-' eh-a' 'dlu yai'. Deh no-eh, 'kmo-a gweh 'de: a 'kwa-: dih,: yeh on: ne-a ken: naa. 'On: se-' 'bhorn: porluh-a' 'worn dih 'beh-eh 'ye 'o a bo yi. Deh no-eh, nyor-kpalu:: or se-a 'nynor: korn, deh: due' or na-dih-a: gwluhuh' dih, eh-: 'dhu,: Gwlor: baa'-a' dhih-',: ka or 'ye-a no, 'de or 'ye-a or-a': porluh dih 'pehn-dih:. Jorwor: nyor-kpalu:: or: korn-a 'nynor, deh: due' or na-dih-a: gwluhuh' dih, eh-: 'dhu, 'kmo bo-deh⧾-': ka or 'ye-a' no, 'de or 'ye-a or-a'a: 'nynor-a': porluh dih 'pehn-dih:. :Yee' nyor-kpalu:: dao', or-a': gwluhuh': gble-eh:-' 'weh, 'do deh⧾ 'sororn' 'nyne bo.: Yee' 'nynor: or se-a nyina 'ti-:: eh mor 'nynor-kpao'-yu:: or se-a nyor-kpalu-dhih yubo:-: deh: due' or na-dih-a: gwluhuh' dih, eh-: 'dhu,: Gwlor: baa'-a' dhih-'. Deh: due' or 'bhorn or 'ye-a' no, eh-: 'dhu, or-a' yau-: 'dekorn: or-a': porluh⧾-a' klehkpeh-: en 'ye 'de: Gwlor: baa' bo: korn. Jorwor: 'nynor: or 'ti-a nyina, deh: due' or na-dih-a: gwluhuh' dih, eh-: 'dhu 'kmo bo-deh⧾-',: ka or 'ye-a' no, 'de or 'ye-a or-a'a: yibeor-a': porluh dih 'pehn-dih:. A-a' 'jeh 'yor-eh-a' dhih: oo', 'an za dhih: daa-'. Eh: se 'tele': oo', 'an vorn 'on 'ye po 'do a bo: deh. Jorwor: 'an 'bhorn a 'ye 'kmo 'jeh no 'kmo-': ne-dih:, 'de a-a': porluh⧾: ne-': gble-eh:, 'de a 'ye a-a' ti-a' klehkpeh zi 'de: Gwlor: baa' bo. :Mor nyor yubo-eh 'i 'do or-a' 'jeh bo,: eh: mor deh⧾ or no-a 'do 'nynor-kpao'-yu: or 'dhu-a 'sehn 'dlu bo, 'de en 'ye: ao', en se 'o: gwie 'i: ne, 'de mor or-a': porluh 'ye sin, or: ne or 'ye dih 'pehn, 'de noo: ka: noror' 'ye: ao', or se: ne, 'de or 'bhorn or: ne or mor-: on 'ye 'bli 'ti-dih:,: yee' a: ya or-a'a: 'nynor nyina, or 'ye-or': korn. Deh-zon se 'de eh 'di: ne. Jorwor: nyor-kpalu:: or polo-eh 'do or-a' 'jeh 'yor-eh: gwlii', 'de nyor se-a 'dlu 'tun-dih:, 'de or: korn-a or-a' 'jeh 'yor-eh-a' wlu 'ken, 'de or polo-eh 'do or-a' 'jeh: gwlii': eh: mor or: se-a' 'nynor-kpao'-yu:: dao' or 'dhu-a 'sehn 'dlu: korn i, nyor-kpalu-a' 'jeh: dao', or no deh 'jeh: neh: ke. :Yee' 'do eh-a' dha,: mor nyor-kpalu 'da, or mu 'nynor or-a' 'jeh 'yor-eh 'dhu-a 'sehn 'dlu,: korn, or no deh 'jeh: neh. Jorwor:: mor or 'da, or: se-or': korn i,: yee' or no deh 'jeh: neh,: eh: zi 'o or 'ye-or': korn. 'Nynor: or 'ti-a nyina, or se: korn or 'ye or-a'a: yibeor dih 'tali:: ka eh mu-a 'dlu-': tehn, or: ne-a 'kmo. Jorwor:: mor eh 'dhu or-a'a: yibeor 'meh,: yee' or: florn ken dih, or 'ye nyor or 'bhorn-a 'bli 'ti. Jorwor: nyor or mu-a 'bli 'ti-:, 'nyi or no: Gwlor: baa'-a' dhih 'jeh-': po-nyor: gbor. Jorwor:: ka 'on no-a eh-a' 'ye-a', or mu 'mona dih 'yi-dih:: mor or se nyina 'ti: neheh'. Eh gweh Nyorsoa-a': Zulu: 'o, on po 'o 'on deh: daa: gwlii' 'bla. :Yee': kana: naa, dii-deh:⧾ on 'dhu-dih:-a zuu⧾ gban 'i, me-:: korn dhih 'an yi a: gwluhuh' zela: 'da.: A yubo-eh': ka a-a' nyor⧾: noo' no-a,: a: mor: or 'dhu-a: Yusu'-a' dhih 'jeh-': po-nyor⧾-': a: mor no deh 'i yubo-nyor⧾. Deh 'i yubo-eh:, eh-: no-eh, 'de nyor⧾-a 'beh-dih an-a' 'jeh 'i. Jorwor:: ybeh-dih-eh:, eh-: no-eh, 'de nyor⧾-a ku-dih 'de Nyorsoa-deh 'di. Nyor: or no-a or yubo: deh 'i 'gabaa, or-a' 'jeh: dao', or: korn or 'ye deh 'chean' 'gboror:. Jorwor: nyor: or: ybeh-a Nyorsoa-', or-: 'o Nyorsoa yubo:. :Yee' dii-deh:⧾ on 'dhu-dih:-a zuu⧾ gban 'i, jorwor: 'on: yeh-dih: en-' dhih ken: naa.: A yubo-eh': ka zuu:⧾: daa, en se-a deh-' 'dhu-eh: dha yao 'zorn. 'De mor nyorsoa: noror' se-a 'o Nyorsoa: or: ne-a 'de yai' 'bhun: ne. Keen': mloror' deh⧾: nee', me-:: ne 'o yao: gwlii'-:: eh beh 'noror 'zorn-: me-: nyor⧾: noo'-a 'da-dih an-a' nyorsoa⧾. Keen' 'jeh ka, on po-ih dhih 'jeh: ka deh⧾: daa an 'da-dih-a nyorsoa⧾-: 'dekorn:: gwlor: bai'-: en: ne-a dha 'kmo bo. Jorwor:: a: mor: mloror': a 'ble Nyorsoa: due' 'i-a': due' gbai, or-: 'dhu: a: Baa'. Or-: no deh⧾-a' klehkpeh, 'de or-a': weheh': za-dhih:,: a: ne 'kmo. 'De mor: neheh': ke,: a 'ble: Gwlor: baa': due' gbai, or-: 'dhu: Yusu' 'Klae-'. Or-: deh⧾-a' klehkpeh: yi-dih:, 'de en mu: no-eh, 'de mor or-: 'nyi: a: febeh', 'de: a: ne 'kmo-'. Jorwor: eh: se nyor⧾-a' klehkpeh: on po-a 'Klae-a' dhih dhih 'jeh-', mo-: yubo: deh⧾-a' klehkpeh: daa: deh. Nyor⧾: noo' yubo: zuu:⧾ deh: daa 'i: dee' see, 'de an mu: Yusu'-a' dhih dhih 'jeh-': po,: yee' eh-: no-eh, 'de: mor on di dii-deh:⧾: dao',: yee' deh: due' an na-dih-a: gwluhuh' dih, eh-: 'dhu, on 'dhu-dih: dii-deh:⧾: dao' zuu⧾ gban 'i.: Yee': ka on se-a deh-zon-: deh 'jeh-: en-' bo dih zela-eh yubo: deh 'jeh,: yee': mor on: taa 'ye: dee',: yee' on 'da on no deh-zon: 'do Nyorsoa ybei'. Jorwor: dii-deh se 'beh-dih: eh 'ye: a Nyorsoa dih 'koan'-dih:.: Mor: a se-eh di, eh: se deh: a: se-' 'ma-dih:. 'De mor: mor: a di-eh,: a: se-eh' deh 'i 'ye-: i. :Yee' a 'wla: gwluhuh' dih, dii-deh:⧾: en 'wla-a 'de dih, a di-a, en: ne-': zolo' no, en: ne-' nyor⧾: on se-a deh-zon-: deh 'jeh-: en-' bo dih zela-eh yubo: deh 'jeh 'gbele:. :Mor eh 'dhu deh-', 'de nyor: or se-a deh-zon-: deh 'jeh-: bo dih zela-eh yubo: deh 'jeh, 'de or 'ye: mor: or no-a: or 'worn deh-' dih 'ye, 'de zuu⧾-a' 'sla 'zorn,: on 'ye 'de deh: di-dih:,: an-a': gwluhuh' 'da, nyor: dao', eh: se-or' 'kpih bo: po i, or 'ye dii-deh:⧾ nyor⧾ 'dhu-dih:-a zuu⧾ gban 'i, di: e? :Mor eh 'dhu: on no: ao',: yee': an-a' deh-' dih 'worn-eh:: dao': on 'ble-a, eh-: no-eh, 'de: an-a' 'Klae: de-di': or se-a deh-zon-: deh 'jeh-: bo dih zela-eh yubo: deh 'jeh, 'de or: zie: gbe,: or: korn-a dhih 'Klae 'meh-a. :Mor a: taa deh: dao' no,: yee' a no deh-zon: 'do a-a' 'Klae: de-di'-boi' bo,: yee' a: mor no-eh, 'de nyor⧾: on se-a deh-zon-: deh 'jeh-: bo dih zela-eh yubo: deh 'jeh, 'de an-a': porluh⧾ kpon-dih-uh zabe 'do Nyorsoa ybei', 'de a no deh-zon: 'do 'Klae bo: ke. :Yee' eh-a' dhih,: mor eh 'dhu dii-deh:⧾ 'on di-a, 'de en 'ye-eh' no, 'de 'an 'Klae: de-di' 'ye deh-zon no,: yee': mor eh: ne: ao', 'on: se-' eh: bo-dii-deh-tu:: dao': di i: neheh', 'de 'on: ne-eh' no, or: ne-' deh-zon no. :Yee' 'an 'jeh: daa, 'on se-eh 'i: bleh-dih: 'on 'ye deh 'an 'bhorn-a, 'on 'ye-a' no, 'on 'ye-eh' no: e?: Ae' 'on se: Yusu'-a'a: dboo-nyor: ke?: Ae' 'on: se-': a-a': Gwlor: baa': Yusu' 'ye? Eh: se: koan: 'on no-a, or-: se-eh no, 'de a se: Gwlor: baa'-a' dhih dhih 'jeh-' po: e? Keen': mloror' nyor⧾: noo': se-' 'on: Yusu'-a'a: dboo-nyor 'da-dih:. Jorwor: a: mor: mloror', 'mor: Yusu'-a'a: dboo-nyor: 'o 'do a bo. Deh no-eh, a: mor no 'yi: to-dih-deh 'do: gwlor-nyor⧾ ybei',: ka 'on 'dhu-a: Gwlor: baa'-a' dboo-nyor-'. :Mor nyor⧾: za-dih: 'on dhih-zon⧾ 'bhun dih,: yee' 'ka-: 'an no: aa 'an 'jeh dhih ken: za-eh. 'Mor: or 'dhu-a: Yusu'-a'a: dboo-nyor-', 'on se-eh 'i: bleh-dih:, 'on 'ye: koan:: daa 'an no-a, 'on 'ye-or dii-deh-: 'dekorn: 'naa'-ni-: 'di 'ye: e? 'An 'jeh: daa, 'on se-eh 'i: bleh-dih:, 'on 'ye 'Klae-a' dhih 'jeh-': po-nynor: korn, 'on 'ye-or: gwele kpa,: ka 'on 'bei' dboo-nyor⧾-:: Gwlor: baa'-a' dei'-boi'-: 'dekorn:: Piteh'-: an no-a: e? 'Mor-: 'dekorn:: Bana'ba-:: a: due' 'klein',: or 'ye Nyorsoa-a': koan no, 'de: or 'ye: koan: 'sluh no 'do 'for 'i, 'de: or 'ye 'o 'or-a' 'jeh bo dih pobo:: e? :Or no sorye'-yu 'de: or: za or-a' 'jeh geli': eh? Dha nyor 'wluh: or no gle, 'de dii-deh:⧾: en 'wluh-a 'de eh 'di, 'de or: se-' en-' deh-beh worn 'dhen: eh?: Or no 'blae'⧾-a' 'yli-eh bo 'dhu-nyor, 'de: or-a' 'na en-' nyene-ni: eh? Deh⧾: daa 'an za-a-', eh: se: gwlor-nyor⧾-a': porluh⧾-a': gwluhuh' dih: na-dih-deh: due': oo': deh. Eh: se deh⧾: Mose' 'chle-a 'de or-a' 'tele'-chlee-deh 'di: ke: e? Eh 'chle-eh:-' 'de or-a' 'tele'-chlee-deh 'di,: eh no-a, A 'bor: blii'-a' worn: san-eh,: mor eh: taa deh⧾-yor sonor 'do a bo.: Yeh: daa: naa,: mor a: taa 'ye,: yee' a 'da: blii' 'jeh neh-a' dhih: oo', Nyorsoa zi: e? Eh: se: a: mor: gwlor-nyor:⧾, or se 'da: e? Keen' 'jeh ka, deh: daa, eh 'chle-eh:-' 'do: a-a' dhih bo. Deh no-eh, nyor: or 'beleh-a gle-: 'dekorn:: yor: or sonor-a: koo-:: on 'wluh-a 'de gle: dao' 'di-: mo-:: on: ne-a 'sororn', on: korn on 'ye-eh': gwlii' dhe,: ka an mu-a: koan:: dao' deh 'di 'ye-:. :A po Nyorsoa-a' tubo-wlu:⧾ 'de a bo,: eh gweh-a: ka nyor tba-a deh⧾-yor:: en no-a Nyorsoa-a': Zulu-a' 'yor.: Yee': a: korn: a 'ye 'o deh 'ye 'de: a 'ye 'kmo: ne: ke. Eh se-eh 'i: bleh-dih:: a 'ye deh 'ye, 'de a 'kwa: e? :Mor nyor⧾: noo': bleh-dih-eh 'i on 'ye-eh': gwlii' dhe, a 'ye-uh': za-dih:,: yee': a: mor: mloror',: a-a' neh se 'o ken dih: zi ke: e? Jorwor:: a: se-eh' no, 'de eh: yeh-dih: ti: daa ken. Jorwor:: a ku 'di dih: chio'lo: 'do deh⧾-a' klehkpeh bo. Deh no-eh,: a: se-' 'bhorn,: a 'ye deh no, 'de eh: ne-' tubo-wlu:⧾ 'jeh: en kor-a 'Klae 'i, en-': gwie 'i kan. A se-eh yubo:: ka nyor⧾: an no-dih-a 'de Nyorsoa-a' 'sla 'zorn: koan, eh 'dhu-a 'de mor-' an-a' dii-deh⧾-a 'wluh-a: e? 'De mor: yuh: an no-dih-a 'o deh an za-dih-a 'slaa ken: koan, deh nyor⧾-a ya-a 'o eh ken, an za-dih-a 'slaa, eh: se-eh: mor, an se 'o 'kplo za, an se-uh 'nyi, eh-:: se an-a'a: dii-deh: ke: e? :Yee' 'de: ka: ne-a: due' 'di,: Gwlor: baa' 'nyi: a 'tele', or 'dae:, Nyor⧾: an po-a Nyorsoa-a' tubo-wlu:⧾ 'jeh, tubo-wlu:⧾ 'jeh: daa an po-a, 'do: wor an-a'a: dii-deh mu 'wluh-:. Jorwor: deh⧾: daa 'on: bleh-dih:-a 'i, 'on 'ye-a' no, 'on 'see en-' deh-beh no: chio'lo:, 'de eh: yeh-dih: ti: daa ken. 'De mor eh: se 'on dhe-eh: gwlii' a mu deh: daa: no 'do 'on bo, eh-:: korn dhih 'an 'chle a bo: deh.: Mor eh 'dhu: mleheh',: yee' 'nyi 'on 'meh,: eh: zi 'o nyor 'ye 'on deh 'nyi, 'de eh 'ye 'an 'jeh 'i 'beh-dih-deh:: daa 'on 'kwa: za. :Mor 'on: taa tubo-wlu:⧾ 'jeh: daa po, 'on se-eh 'i: bleh-dih:, 'on 'ye 'an 'jeh 'i 'beh-dih:. Deh no-eh, 'on: korn 'on 'ye-eh' no: gbor: gbor. 'Chlo 'do 'on bo,: mor 'on se-ih po. :Mor 'an: porluh 'worn-dih-eh ken dih, 'on 'ye-ih' po, 'an mu eh-a' geli': za-dih-deh 'ye-:.: Mor 'an 'jeh se-eh ken dih 'worn-dih:, 'an mu-eh: no: gbor: gbor. Deh no-eh, Nyorsoa, or-: po-ih 'de 'on 'kwa, 'on 'ye-ih' po. :A 'ye geli': za-dih-deh: 'an 'ye-a' 'o 'dee. 'An-a: geli': za-dih-deh: wor 'dhu, 'on 'ye tubo-wlu:⧾ 'jeh: daa po,: eh: se-a 'wlii-eh-deh:. Deh 'on: bleh-dih:-a 'i,: mor 'on: taa-ih po, 'on 'ye-a' no, 'an-a' 'worn, 'an-a' no-eh. 'On: se 'ge-yu:. 'De mor 'on se 'de nyor bo: korn. Jorwor: 'on no-eh' 'de 'on no 'ge-yu 'do: gwlor-nyor⧾-a' klehkpeh bo, 'on 'ye ka 'ye, 'on 'ye nyor⧾: dhulu' 'on 'beh-dih:-a 'on 'ye-a dih 'bili: 'noror 'Klae bo, 'on 'ye-uh' dih 'bili:. :Mor 'on: ne 'de: Jueh'-nyor⧾ 'nyne-',: yee' 'an na: Jueh'-nyor⧾-a' deh, eh 'ye-eh' no, 'on 'ye-uh dih 'bili: 'noror 'Klae bo.: Mor 'on: yeh-dih: nyor⧾: on: ne-a 'o: Mose'-a' 'tele' 'zorn ken,: yee': ka an no-a na-a', 'ka-: 'an no na-a': ke, keen': mloror' 'on se 'o: Mose'-a' 'tele' 'zorn: ne. Jorwor: 'an no-eh' 'suh, 'on 'ye nyor⧾: on: ne-a 'o: Mose'-a' 'tele' 'zorn dih 'bili: 'noror 'Klae bo. :Mor 'on: yeh-dih: nyor⧾: on se-a: Mose'-a' 'tele' 'ble ken: ke,: yee': ka an no-a na-a', 'ka-: 'an no na-a': ke, eh 'ye-eh' no, 'de 'on 'ye nyor⧾: on se-a: Mose'-a' 'tele' 'ble, dih 'bili: 'noror 'Klae bo, keen': mloror' 'on: ne 'o 'Klae-a' 'tele' 'zorn 'weh, jorwor: 'on se 'o Nyorsoa-a' 'tele' 'zorn 'wluh 'gboror:. :Mor 'on: yeh-dih: nyor⧾: on: korn-a 'Klae-a' dhih 'jeh-': po-eh se-a dih ku ken,: yee': ka an no-a na-a', 'ka-: 'an no na-a': ke, eh 'ye-eh' no, 'de 'on 'ye-uh dih 'bili: 'noror 'Klae bo deh 'jeh. Nyor: yor 'on mu 'o bo,: yee': ka or: ne-a, 'ka-: 'on: ne, 'de: ka: yor 'on 'beh-dih:-a, 'on 'ye-a' no, 'de 'on 'ye-eh' no, 'on 'ye an-a': noo' dih 'bili: 'noror 'Klae bo deh 'jeh. Nyorsoa-a' tubo-wlu:⧾ 'jeh-a' dhih: oo', 'an no deh⧾-a' klehkpeh: daa, 'de 'on 'ye: bhorlie': eh: ne-a 'de eh 'di 'ye: ke. A se-eh yubo:: ka nyor⧾-a' klehkpeh: an dhobo-a dih 'do ple-a' bo,: mor an-a' klehkpeh ple,: yee' nyor: due' 'wluh-a 'de on 'nyne-', or du-uh-a, 'de or 'ye-a geli': za-dih-deh: e? A-a' ple-a' a mu-a: ple, a ple deh 'jeh neh, 'de a 'ye geli': za-dih-deh 'ye. Nyor⧾: an dhobo-a dih, 'do deh-a' dhih bo, an torne-uh deh 'weh deh 'jeh, on 'ye an-a' 'jeh wlu 'ken: korn. An no-eh', 'de on 'ye: gale': kornu:⧾: gblaa' 'ye,: or: se-a' 'o: gwle i,: or 'ye-a' 'kor. Jorwor:: a-a': neh: mleheh',: a no-eh',: a 'ye 'kmo: sie:: gblaa' 'ye. :Yee' 'do eh-a' dha, 'an-a' 'worn, 'an-a' ple: eh gweh-a: ka nyor: or ple-a dih zeh zeh. 'An-a' 'worn, 'an-a' vorn: eh gweh-a: ka nyor: or vorn-a 'gbu: gwlii': zulu bo. Jorwor: 'on 'ye-dih: 'an 'jeh-a' yau 'kle, 'de mor 'on korn-uh wlu 'ken: ke. Deh no-eh,: mor 'on gweh Nyorsoa-a' tubo-wlu⧾-a' po-a' 'i 'de nyor⧾ bo, 'de or: ne-' 'on 'zorn sie, 'do 'an-a: geli': za-dih-deh bo. :Yee' 'an 'Klae: de-di'-boi'-a:, 'an 'bhorn a 'ye-eh' yubo: ti: a: bai'-a': bai'-a 'wluh-a 'Iye-bluhba ken, 'ni-kpan: or-: 'yli an-a' klehkpeh 'dlu: chio'lo:, 'de on 'dhan Yobo': zaehn: pehleh'peh:. 'Ni-kpan-: 'dekorn: Yobo': zaehn-: on: yi-dih:-a 'de 'di, eh-: no 'ni 'dlu: po-eh, 'de eh no-eh, on no: Mose'-a' klei': zi-nyor⧾. An-a' klehkpeh, on di dii-deh: due': eh 'wluh-a 'de Nyorsoa bo. An-a' klehkpeh, on 'na 'ni: due': eh 'wluh-a 'de Nyorsoa bo. Deh no-eh, on 'na 'ni: dao' Nyorsoa dbo-a: eh 'wluh-a 'de 'soba: or 'nyi-uh-a 'di. 'De 'soba:: dao', or: ne an na-dih: dha: due', an mu. 'De mor 'soba-a' 'jeh: dao', or-: 'dhu 'Klae-'. Jorwor: Nyorsoa-a': porluh: se-' dih 'pehn 'do an-a': dha: dhulu' bo. Eh-:: korn dhih, 'de an-a': dha: dhulu' 'meh 'de: bhehneh'-bluhba ken. Deh: daa: eh: no-eh, eh-: 'dhu: a 'slen, 'de: a-a': porluh⧾: ne-' 'de deh⧾-zon⧾ bo: ne,: ka on no-a. A-a': za-' zuu⧾-a': weheh',: ka an-a' nyor⧾: noo' no-a,: ka Nyorsoa-a' 'chlee-deh no-a eh-a': za-a', eh no-a, An 'dhu gor, 'de an di-dih-or deh 'zorn, an 'na-dih-or nomor 'zorn, 'de an korn-dih-or 'tmeor⧾ 'zorn. A 'nyi: a 'tali: 'tmeor:⧾: korn-eh dih. Eh-: 'jeh: dao', eh-: an-a' nyor⧾: noo' no: dee', 'de an-a' 'wlu-a': kwlaa 'sororn' 'wlu taan 'meh 'do 'we-eh: due' 'di. :A 'bor: Gwlor: baa'-a' 'dhen-a',: ka an-a': noo' no-a, 'de sane: nmua-dih-uh-a dih, 'de on 'meh-a 'de: bhehneh'-bluhba ken. A-a': jeh-dih:-' worn dih,: ka an-a': noo' no-a: dee', ti 'enjor:: or 'dba-a nyor⧾, or 'ye-a an-a': noo' 'dba. Deh⧾: daa, en: no-eh:-' 'do on bo, en 'ye: a 'i: to-dih-eh:. 'De on 'chle-ih, en 'ye: a 'slen 'dhu: ka: a 'ye-a 'kmo: ne-eh no. Deh no-eh,: a: ne 'noror: de 'bor-dih-ti 'di. :Yee' 'do eh-a' dha, nyor: or no-a, 'On: kmu-' deh 'jeh, deh se 'on 'beh-dih:,: yee' eh-a' nyior-tu:: dao', or 'wla: gwluhuh' dih, 'de or: ne-' dih 'ga. Eh se dih 'dhen-eh: korn,: eh 'ye-a 'o nyor bo yi,: eh 'ye: ao',: eh 'see-a 'o nyor: noror' bo mu: zai'. 'De Nyorsoa no: dhehehn-nyor:. 'De dih 'dhen-eh:: on se-a worn 'i 'beh-dih:, Nyorsoa se 'beh-dih: or 'ye-eh 'yli-eh dih: za, eh 'ye 'o: on bo yi. Jorwor:: mor eh 'dhu, dih 'dhen-eh yi 'o: on bo, or mu: ka: noror' 'bhorn-:: chio'lo:: on 'ye-eh 'yi: nyna-a' 'beh-dih:. :Yee' 'do eh-a' dha,: a 'bli-nyor⧾-a:. A 'nyi a: tehn-dih: zuu⧾-a': weheh': za-eh bo dih. 'An wlu 'de a bo: ka nyor-a wlu-a 'de: toror': korn-nyor⧾ bo. Deh 'an za-a-', a pobo: 'de eh 'di 'do a-a' 'jeh bo. 'Korbuh: a 'na-dih-a 'glee-nomor 'di,: mor: a: taa: Gwlor: baa'-a' gban 'i: ne-dii-deh di,: on: korn-a dhih: a po-a Nyorsoa-a' 'zio,: yee' 'Klae-a' nyomor: oo',: a: ne: a 'bei'-a gble-'. 'De mor 'bhlee:: a: chehn-dih:-a dih,: mor: a di-eh,: yee' 'Klae-a' yau: 'o,: a: ne: a 'bei'-a gble-'. Deh no-eh, 'bhlee:: yor-eh no: kpuan': due', 'ka-: eh: ne: ke,: a: dhie: 'i: mloror': kpeheh:, jorwor:: a no yau: due'. Deh no-eh, 'bhlee:: kpuan': due': oo',: a gble-'. A pobo: 'Ezlea-nyor⧾ ya, a 'ye deh 'ye.: Mor on: taa deh: eh: za-dih-eh 'slaa 'do 'slaa ken: za-dih-deh ken di: dha: due',: yee' eh se Nyorsoa an se: weheh' za: dha: due': e? Deh 'an za-a-', 'on se: ao', deh an za-dih-a 'slaa 'do zuu bo, eh-: 'kpa deh ken. De mor 'on se: ao', zuu-a' 'yor-eh, mo-: 'kpa deh ken. Deh 'an za-dih-a dhih-' dih, eh-:: dhe dih. Nyor⧾: on se-a Nyorsoa yubo:, 'slaa: an za-a, an za-or 'de 'kwla 'ye-dih-deh⧾ bo. Eh: se 'de Nyorsoa bo. 'De mor 'on: se-' 'bhorn a-a' 'for 'ye 'de 'kwla 'ye-dih-deh⧾ bo: ne. A se: korn a 'ye: Gwlor: baa'-a' 'korbuh 'di 'na-dih: 'de a 'ye 'o 'wluh, a 'ye 'de 'kwla 'ye-dih-deh⧾-a'a: 'korbuh 'di 'na-dih:: ke. 'De mor a se: korn a 'ye 'o: Gwlor: baa'-a' 'tebo ken deh: di-dih:, 'de a 'ye 'o 'wluh, a 'ye 'kwla 'ye-dih-deh⧾-a' 'tebo ken deh: di-dih:: ke. A 'bhorn a 'ye-eh' no, 'de: Gwlor: baa' 'ye: gwlehehn': no-nyor no: e?: Ae': a-a': gwluhuh' 'da: a: kmu-',: a zi-or-' ke? A-a' nyor⧾: noo'-a mu: ao', 'on: bleh-dih-eh: 'i, 'on 'ye deh⧾-a' klehkpeh no. Keen': mloror', jorwor: eh: se deh⧾-a' klehkpeh, me-:: nmor 'yi dih 'do a bo: deh. 'De eh: se en-' klehkpeh, me-: ku-dih: a-a' 'Klae-a' dhih 'jeh-': po-eh dih: deh. Nyor-a': zi-' or: due'-a' dhih. Jorwor: 'nyi: a zi: a 'bei'-a' dhih: ke. :Mor a 'ye nimi 'do 'doror', a dhen-eh, a 'ye-eh' di. Nyor-a' dhele:-' deh dih. 'Tele' se 'de eh 'di: ne. A-a' 'worn-:-', a-a': porluh⧾-a': kpon-dih:-' a zabe. Deh no-eh, Nyorsoa-a' 'chlee-deh za-eh' 'weh, eh 'da, 'Bluhba-: 'dekorn: deh⧾-a' klehkpeh: en: ne-a dha or ken-: en: korn 'de: Gwlor: baa' bo. :Mor nyor: or se-a 'Klae-a' dhih dhih 'jeh-' po, or: pi-dih:: on, 'de: an 'bhorn: on 'ye-ih' di,: an-a' dhele:-' deh dih, di deh or mu-a 'o: on ybei': ya. A-a' 'worn-:-', a-a': porluh⧾-a': kpon-dih:-' a zabe. Jorwor:: mor nyor zela:: on: gwluhuh': eh: mor eh 'dhu-dih-eh: zuu gban 'i,: yee' 'bor eh-a' di-a'. Deh no-eh, 'yu: or zela:-a: on: gwluhuh', or-a' dhih-: 'dekorn: or-a': porluh: ne-' or zabe: kpon-dih: eh-a' dhih-: eh-:: korn dhih: on 'ye eh-a' di-a' 'bor. 'On: se-': an-a' dhih zi. Jorwor:: yor: or zela:: on: gwluhuh', or-:: korn dhih 'an zi, or-a': porluh: ne-' or zabe: kpon-dih:.: Mor nyor: noror'-a': porluh kpon-dih-or zabe, 'do deh-a' no-a' bo,: yee': eh: korn dhih, eh 'ye 'on 'i kan: eh,: mor 'an: porluh se 'on zabe: kpon-dih: 'do eh bo? Deh 'on di-a,: mor 'on po Nyorsoa-a' 'zio 'do eh bo,: yee': eh: korn dhih an wlu-dih 'on 'bhun dih, 'do deh: eh: korn-a 'zio 'on po-a Nyorsoa, eh-a' dhih: eh? Deh: due' 'on 'ye-a': za 'de a bo, eh-: 'dhu. A-a': yeh di deh: o, A-a': yeh 'na: o. Deh-beh-deh-beh: a mu-a: no: o, a no-eh, eh 'ye Nyorsoa-a' 'nyne dhih-a' 'i 'beh-a' 'nyi. A-a': po 'o deh: gwie 'i, eh: ne-' nyor 'gbele:,: eh beh: Jueh'-nyor:⧾ 'o-:: eh beh nyor⧾: on: se-a: Jueh'-nyor:⧾ 'o-:: eh beh nyor⧾: on: ne-a 'de Nyorsoa-a' 'chore-' 'o-:. :Ka 'on no-a, 'de 'on vorn-a, 'on 'ye-a nyor⧾-a' klehkpeh, an-a': porluh⧾ dih 'pehn-dih:, 'ka-: a 'ye no: ke. 'On: se-' 'an 'jeh 'yor-eh-a' dhih zi. Jorwor: nyor⧾-a' klehkpeh-a': ne, me-: 'an zi, eh 'ye-eh' no, on 'ye 'puh. A zi 'o 'an 'gor klei',: ka 'on no-a 'o 'Klae-a' 'gor klei': zi-eh: ke. 'On po a dhih bo 'do 'an dhih-a': gwluhuh' bo: po-dih-eh bo, 'do deh⧾-a' klehkpeh 'on: torne: a-uh, en-' dih: kpon-eh bo.: Ka 'on no-a en-': zi-dih-eh 'de a bo, 'ka-: a no en-' dih kpon-a'. :Yee' 'an 'bhorn a 'ye deh: daa dih 'worn,: ka 'Klae no-a nyor: klaba' 'do nyor⧾-kpalu⧾-a' klehkpeh 'dlu. 'Ka: wor nyor-kpalu no: ke, 'de or no nyor: klaba' 'do 'nynor-kpao' 'dlu bo. 'De Nyorsoa no nyor: klaba' 'do 'Klae 'dlu bo: ke. :Yee' nyor-kpalu-a': yor: or mu-a 'de Nyorsoa bo: wlu 'de 'chore-',: eh beh or po Nyorsoa-a' wele-eh-: 'de or 'ye deh 'dlu 'dhu,: yee' or: se-' 'Klae: or: ne-a 'o or 'dlu bo deh-' 'ye. 'De mor 'nynor-a': yor: or mu-a 'de Nyorsoa bo: wlu,: eh beh or po Nyorsoa-a' wele-eh-: 'de 'chore-', 'de or 'ye: ao', or se deh 'dlu bla,: yee' or: se-' or-a'a: yibeor:: or: ne-a 'o or 'dlu bo deh-' 'ye.: Yee' or gweh 'nynor: or: korn-a 'dlu on 'kploror:-a, eh 'ye-or' dhen dih po. :Mor eh 'dhu 'nynor se deh 'dlu bla,: yee' 'nyi or chehn or-a' 'dlu: dueh'leh:.: Mor eh no dhen-deh 'nynor 'ye or-a' 'dlu chehn, 'de or 'ye or-a' 'dlu 'kploror:,: yee' 'nyi or bla deh 'dlu 'da. Nyor-kpalu se: korn or 'ye deh 'dlu 'dhu 'de 'chore-'. Deh no-eh, nyor-kpalu: ne 'de Nyorsoa-a' tu-', 'de or: to-dih: Nyorsoa-a' dhih-a' 'i 'beh-a' nyor⧾ 'i. Jorwor: 'nynor, or-:: to-dih: nyor-kpalu-a' dhih-a' 'i 'beh-a' nyor⧾ 'i. Deh no-eh, eh: se 'o 'nynor-kpao' 'bhun Nyorsoa: se-' deh: za, 'de or: se-' nyor-kpalu no. Jorwor: 'do nyor-kpalu 'bhun: oo', or: za deh, 'de or no 'nynor-kpao'. 'De mor eh: se 'nynor-kpao'-a' dhih nyor-kpalu: se-': no-eh:. Jorwor: nyor-kpalu-a' dhih: oo', 'nynor-kpao': no-eh:. Eh-:: korn dhih 'nynor-kpao': korn or 'ye deh 'dlu bla, 'enjor-nyor⧾-a' dhih, 'de eh 'ye-eh' nyor⧾ 'i: to-dih:: ka or-a'a: yibeor: ne-a 'o or 'dlu. Jorwor: 'de: Gwlor: baa'-a' deh 'di, 'nynor-kpao' se 'beh-dih: or 'ye 'o or 'bli dih: nyna, 'de mor nyor-kpalu se 'beh-dih: or 'ye 'o or 'bli dih: nyna: ke. Deh no-eh,: ka 'nynor 'wluh-a 'o nyor-kpalu 'bhun, 'de or: no-eh, 'ka-: 'nynor-kpao' no, 'de or 'wluh nyor-kpalu: ke. 'De deh⧾-a' klehkpeh 'wluh 'de Nyorsoa bo. A: na-dih-eh: gwluhuh' dih 'do a-a' 'jeh-a': porluh⧾ ken. Eh: nmor-: 'yi 'nynor-kpao' 'ye: ao' or se deh 'dlu bla, 'de or 'ye 'de Nyorsoa bo: wlu 'do: gwlor-nyor⧾ ybei': e? Eh: se: ka Nyorsoa no-a: gwlor-nyor-buo no-a' 'de or-a' 'kmo-' 'di, eh-: se a deh: torne:: eh: mor,: mor nyor-kpalu 'ble 'mii:: dhorno'⧾,: yee' eh no dhen-deh: e? Jorwor:: mor 'nynor-kpao' 'ble 'mii:: dhorno'⧾,: yee' eh no or-a' 'yi dih: nmor-eh:. Deh no-eh, Nyorsoa 'nyi-or 'mii:: dao' 'weh, or 'ye or-a' 'dlu 'zile:. :Yee': mor eh 'dhu deh 'on: za-a-', nyor se-eh ken dih 'worn-dih:,: yee': a mor-: 'dekorn: Nyorsoa-a' 'chore-nyor⧾-:: a se deh: neheh' 'ble: a 'ye 'o: no-dih:. :Yee' deh 'an yi-a-': za 'da, 'on: se-' a dhih bo: po i. Deh no-eh, a-a' 'gbon-dih-eh: a 'gbon-dih-a, 'de a za-a: Gwlor: baa': weheh', eh-a' 'worn, eh-a': za-dih: a-uh', jorwor: eh 'kor-dih a-uh 'weh. Deh no-eh,: zai'-deh:,: mor a 'gbon-dih: 'do 'chore bo,: yee' 'on 'worn-ih': ka deh-': gble-eh: ne-a 'de a 'nyne-'. 'On yubo-eh' en-' klehkpeh: se sih. :Yee' 'on yubo-eh' deh-': gble-eh: korn eh 'ye 'de a 'nyne-': ne, nyor⧾: on no-a: dhehehn-nyor⧾ 'de a 'nyne-', 'de nyor⧾ 'ye-uh' yubo:. :Mor a 'gbon-dih:: dha: due',: yee': Gwlor: baa'-a' gban 'i: ne-dii-deh:, a 'da, a di-a, a-a' di-eh, 'de: ka 'jeh nor 'di. Deh no-eh,: mor a: taa-eh di, a-a': fuo: a 'bei' ken.: Yee': noo'-a' 'ye dii-deh. 'De: noo' 'na, 'de nomor-a no-uh. Eh: korn dhih: oo': eh? A se a-a' 'jeh-a'a: 'gbu⧾ 'ble a 'ye-a' deh 'di: di-dih:: e? 'De mor a 'ye-a' 'di 'na-dih:: e?: Yee' a vlehn Nyorsoa-a' 'chore 'weh: e? A 'bhorn a 'ye nyor⧾: on se-a deh-a': za-da 'ble dhen: no-dih:: e?: Yee': kaa 'on 'ye 'da 'de a bo: eh? 'On po a dhih bo: e? 'On se-eh 'beh-dih:. :Yee' nyor⧾ deh: torne-eh: 'on: za-a: 'de: Gwlor: baa' bo,: eh 'on: torne: a-uh: ke, eh-:: dhe dih. 'Do glu-we-eh: on: plo-dih-or 'di, 'do: wor or 'duo-dih: 'bhlee-'. :Yee': yeh or gweh-a Nyorsoa-a' 'zio: po-eh 'i,: yee' or: chehn-dih-eh-: dih, 'de or 'kwa, or 'da, 'Bhlee:: daa, 'an yau:: on: za-dih-eh 'slaa 'do a-a' dhih bo, mo-: 'o. A di-eh, 'do 'an dhih-a': gwluhuh' bo: po-dih-eh bo. 'De: ka: ne-a: due' 'di,: yeh on gweh-a 'gwie-deh:: daa, eh-a' di-a' 'i,: yee' or 'duo: 'korbuh: on 'yi-a 'glee-nomor 'di 'weh, or 'da, 'Korbuh: daa, on no kuo: dele', 'do a mor-: 'dekorn: Nyorsoa-: 'nyne bo, kuo 'an nyomor no-eh, 'de: or: ne-a 'kpih ken.: Yee' ti-a' klehkpeh bo, a mu-or 'na-:, a no-eh, 'do 'an dhih-a': gwluhuh' bo: po-dih-eh bo. :Yee': Poror' kpa or-a' wlu 'dlu bo, or 'da, Ti-a' klehkpeh bo, a mu-a 'bhlee:: daa: di, 'de a 'ye-a nomor: ne-a 'noror 'korbuh: daa 'di 'na,: yee': Gwlor: baa'-a' 'meheh'-wele-eh: 'o a po: chio'lo:, eh 'ye or-a' de: yi-ti ken: yeh-dih:. :Yee' eh-a' dhih, nyor: yor: or mu-a: Gwlor: baa'-a' 'bhlee:: daa: di, 'de: or 'ye-a nomor: or: ne-a 'noror 'korbuh: daa 'di 'na, 'de se or-a' deh-' 'ye ka 'di,: yee' or no deh-zon: 'do: Gwlor: baa'-a' yau-: 'dekorn: or-a' nyomor-: bo. :Yee': mor nyor 'ye 'bhlee:: daa di, 'de or 'ye 'korbuh: daa 'di 'na-dih:,: yee' 'nyi nyor: dao' or pobo: 'do or-a' 'jeh: porluh ken deh 'jeh,: mor deh-zon se 'o: ne: weh, 'de or 'ye-ih' 'duo:. Deh no-eh, nyor: or mu-a 'bhlee:: daa: di, 'de: or 'ye-a' 'korbuh: daa 'di 'na-dih:, 'de: or 'ye: ao': or se-a deh: Gwlor: baa'-a' yau: bleh-dih:-a 'i yubo:,: yee' or: ya 'de Nyorsoa-a' zabe:: zi-eh: 'do or-a' 'jeh bo. Eh-:: korn dhih, 'de a-a': dha: dhulu'-a kormu, 'de an-a' 'kpih-a chehn, 'de: noo' 'meh. Jorwor:: mor: a pobo 'o: a-a' 'jeh: porluh ken: zai',: mor deh-zon se 'o: ne,: yee' Nyorsoa-a' zabe: se-': a: kpon i. Jorwor:: mor: Gwlor: baa' zi: a-a' zabe,: yee' or 'dhu-dih:: a kplen 'jeh. Deh no-eh, or: se-' 'bhorn: mor or: taa 'kmo-a' zabe 'i chehn, 'de or: ne-': a: dha: due' po. :Yee' 'do eh-a' dha, 'an 'Klae: de-di'-boi'-a:,: mor a 'gbon-dih: 'do: Gwlor: baa'-a' gban 'i: ne-dii-deh-a' di 'da,: yee' a: fuo: a 'bei' ken. :Mor 'moeh: taa a-a' nyor no,: yee' 'nyi or di deh 'de or 'bli 'gbu, 'de or: ne 'o Nyorsoa-a' zabe:: zi-eh 'zorn pa, 'do a-a' 'gbon-dih: 'da.: Yih: en: sie:-a 'o,: mor 'on 'yle,: yee' 'an mu-ih 'kpa: po. :Yee' 'do Nyorsoa-a': Zulu-a' 'nyii'-deh⧾ 'bhun, 'an 'Klae: de-di'-boi'-a:, 'on: se-' 'bhorn en 'ye 'de a 'di dih: kpe-dih:. A yubo-eh', ti a se-a Nyorsoa yubo:: zai',: yee' a: bo-dih-eh: dih, 'de: ka: dhulu' 'di, 'de a za zuu:⧾: en se-a: febeh' 'ble en-': weheh'. :Yee' eh-a' dhih, 'an 'bhorn a 'ye-eh' yubo:, nyor: or Nyorsoa-a': Zulu-a na-dih-a, or se 'beh-dih: or 'ye: Yusu' 'chlo bo po. Nyor Gban 'i: ne: Zulu-a na-dih-a, or: due', or-: 'beh-dih:: or 'ye-eh': za 'de or 'worn: ka: Yusu' 'dhu-a: Gwlor: baa'-'. Nyorsoa-a': Zulu-a' 'nyii'-deh⧾: ne 'doror: 'dor. Jorwor: Nyorsoa-a': Zulu:: ne-a: due' mo-: 'o 'gboror:. Nyorsoa-a': koan-a' no-a': ne 'doror: 'dor. Jorwor:: Gwlor: baa': ne-a: due': oo' 'gboror:. Nyor⧾-a' klehkpeh, on 'ble 'kpih 'doror: 'dor 'do Nyorsoa-a': koan:: no-eh bo. Jorwor: Nyorsoa: ne-a: due', or-: 'o,: or 'nyi nyor⧾-a' klehkpeh 'kpih 'doror: 'dor, 'do an-a': koan:: no-eh bo. Nyorsoa 'nyi nyor⧾-a' klehkpeh or-a': Zulu-a' 'nyii'-deh:⧾: due': due', eh 'ye-eh' no, eh 'ye 'chore-a' klehkpeh-': za-dih:. Nyorsoa-a': Zulu-a 'nyi nyor: noror' tubo-wlu:⧾: en: ne-a: toror' 'di. 'De mo-:: ne-a: due' an 'nyi: noror' tubo-wlu:⧾: en 'ble-a deh-' dih 'worn-eh: 'de en 'di. :Zulu:: ne-a: due', mo-:: an 'nyi nyor: noror' dhih 'jeh-': po-eh: 'de or no nyor⧾ 'di dih 'ma-dih-deh⧾. 'De mo-:: ne-a: due': neheh', an 'nyi: noror' 'kpih: en 'puh-dih-a puhba-nyor⧾. :Zulu:: ne-a: due', mo-:: an 'nyi nyor: noror' 'kpih or 'ye nyor⧾ 'di dih 'ma-dih-deh⧾ no. 'De an 'nyi nyor: noror' Nyorsoa-a' wele-eh:: po-eh. 'De an 'nyi: noror' 'kpih or 'ye deh⧾: en 'wluh-a 'de on bo-: 'dekorn:: yih: en se-a 'de 'wluh-: or 'ye-ih' dih zela:. An 'nyi nyor: noror' 'kpih or 'ye wlu⧾ 'doror: 'dor po: en Gban 'i: ne: Zulu 'nyi-or, or 'ye-a' po. 'De an 'nyi nyor: noror' 'kpih or 'ye wlu⧾: dao' gbor: za. Nyorsoa-a': Zulu:: ne-a: due' mo-: 'o: an no deh⧾-a' klehkpeh: daa.: Ka an 'bhorn-a 'ka-: 'o on no nyor⧾ 'nyii'-deh:⧾ 'doror: 'dor: daa en-' 'nyi-a': due': due'. 'Klae gweh yau:: on 'ble-a deh⧾: doru' 'do on 'bhun. Jorwor: on no deh: due'. Keen': mloror' deh⧾: doru', me-: 'dhu-dih-uh 'i. :Yee' 'de: ka: ne-a: due' 'di,: Jueh'-nyor⧾-:: yuh: on: se-a: Jueh'-nyor⧾-: 'ge-nynuu-:: yuh: on: se-a 'ge-nynuu-: 'de Nyorsoa-a': Zulu: due' 'di: oo', 'do: wor: a-a' klehkpeh: a: po-dih-eh: 'ni 'dlu, 'de: a-a' klehkpeh,: a no yau: due', 'de Nyorsoa 'nyi: a-a' klehkpeh or-a': Zulu:: ne-a: due' 'do: a-a': porluh⧾ ken. Deh no-eh, eh: se deh: due': eh: se-' yau no. Jorwor: deh⧾: dhulu' me-:: po-eh:: dha: due' me-: no yau. :Yee': mor eh 'dhu buh 'da,: Ka 'on: se-a son,: yee' 'on: se yau-a' deh,: mleheh': se-uh' yau-deh-': zai' 'gboror:. 'De mor: mor: dou' 'da,: ka 'on: se-a 'yli-eh:,: yee' 'on: se yau-a' deh,: mleheh': se-uh' yau-a' deh-': zai': ke. :Yee': mor yau-a' klehkpeh 'dhu 'yli-eh-': dee',: yee': kaa an mu: no, 'de on 'ye dih 'worn: eh? 'De mor: mor an-a' klehkpeh 'dhu: dou'-',: yee': kaa an mu: no 'de on 'ye deh⧾-a' 'no 'worn: eh? Jorwor:: ka on: ne-a: naa, Nyorsoa po-uh deh⧾ 'doror: 'dor 'bhun dih,: ka or 'bhorn-a on 'ye-a': ne. :Mor yau-a' klehkpeh no 'kplo: due': dee',: yee' yau: se-': ne i: dee'. Jorwor:: ka on: ne-a: naa, deh⧾: doru' me-: 'dhu-eh: 'o on 'bhun, jorwor: yau: due': oo'. :Yee' eh-a' dhih, 'yli-eh se 'beh-dih: eh 'ye: ao', Son, 'on se: korn 'on 'ye: on 'ble. 'De mor, 'dlu se 'beh-dih: on 'ye: ao' 'da: ke 'de buh⧾ bo. Keen', yau-a' 'for: on: a no-a on se 'kpih ken: ne, an-a' 'jeh: dao', mo-:: a: korn: a 'ye 'ble: gbor: gbor. :Yee' yau-a' 'for⧾-': yih: a no-a en se deh-' 'dhu-eh: deh 'jeh, en-' 'jeh: dao', me-:: a 'ye deh-' deh 'jeh. 'De yau-a' 'for⧾-': yih: a se-a 'o: gwlor: gwea: to-eh 'beh-dih:, me-:: a pa-dih 'wla⧾-' deh 'jeh. Jorwor: yau-a' 'for⧾-': yih: a to-a 'o: gwlor: gwea,: a se: korn: a 'ye-a 'o en-' bo dih pobo-eh no deh: dao'. Nyorsoa-a' 'jeh 'yor-eh: po yau: dha: due' 'de: ka: noror' 'di, 'de deh-' 'ye-eh:: klaba' 'ye 'for⧾-': yih nyor⧾ se-a zlo 'nyi-eh:. Nyorsoa no deh: daa 'weh, 'de deh-': gble-eh: ne 'o yau 'bhun: ne. An-a' 'for⧾-a' klehkpeh 'ye en 'bei'-a' deh bo: korn. :Mor yau-a' 'for: taa 'kle 'ye,: yee': yih: en: sie:-a 'o, en 'ye 'kle: ke.: Mor 'for: due': po-eh: dhih bo,: yee' 'for⧾: yih: sie:-a 'o, en gble or-a' 'mona:: dao' 'weh: ke. :Yee' a-a' klehkpeh a no 'Klae-a' yau:, 'de a no an-a' 'for⧾: due': due'. :Yee' 'de 'chore: ke, Nyorsoa 'dhu deh⧾-a' klehkpeh: dhe-da:.: Tehn 'i-deh:, or po 'o: Yusu'-a'a: dboo-nyor:⧾,: yee' 'sororn': neh, or-a' wele-eh:: po-nyor:⧾, taan: neh, nyor⧾ deh: torne-nyor:⧾.: Yee' nyor⧾: on 'kpih 'nyi-eh: on 'ye-a deh⧾: kolu'⧾: kolu'⧾ no, nyor⧾: on 'kpih 'nyi-eh: on 'ye-a puhba-nyor⧾ 'puh-dih:, mo-: kor 'o dih,: korn nyor⧾: an za-dih-a nyor⧾-:: korn nyor⧾: on yubo:-a 'o deh bo dih pobo-eh-: 'dekorn:: yuh: an po-a wlu⧾ 'doror: 'dor Gban 'i: ne: Zulu 'nyi-uh-a, on 'ye-a' po. An-a' klehkpeh, an-a' no: koan: due'. Eh: se an-a' klehkpeh, mo-:: an no: koan: Yusu'-a'a: dboo-nyor⧾-a no-a: deh,: korn mor Nyorsoa-a' wele-eh:: po-eh-: nyor⧾ deh: torne-eh-:. 'De mor eh: se nyor⧾-a' klehkpeh, mo-: 'ble 'kpih: en no-a deh⧾: kolu'⧾: kolu'⧾: deh. Eh: se nyor⧾-a' klehkpeh on se 'kpih: en 'puh-dih-a puhba-nyor⧾ 'ble,: korn mor wlu⧾ 'doror: 'dor: po-eh-:: en Gban 'i: ne: Zulu 'nyi-uh-a, on 'ye-a' po. 'De mor eh: se nyor⧾-a' klehkpeh, mo-: yubo: en-' gbor: za-eh: ke: deh. 'Nyii'-deh:⧾: en no-a 'nyii'-deh⧾: en 'kpa-a deh ken, 'do: wor a 'ye a-a': porluh⧾ po. Jorwor: en-': gwie:: eh 'sleh-a 'i, 'de: eh: zi-a 'o deh⧾-a' klehkpeh, 'an mu-eh a: torne:. :Yee': mor eh 'dhu 'on po: gwlor-nyor-wlu,: korn mor 'enjor-a' wlu, jorwor:: mor 'on se: ybeh-dih-eh 'ble,: yee' dhih 'an za-a-', en gweh: ka nyor bla 'kpole-eh-: 'dekorn: 'gea-:: en po-a: dhlumeh': dhulu', 'de dhih en za-a-', nyor-a' 'worn-ih'-a' dih. 'An: yeh 'ble 'kpih, 'on 'ye Nyorsoa-a' wele-eh po, 'an: yeh 'ble deh-' dih 'worn-eh-a' klehkpeh, 'de 'on 'ye 'slan⧾-a' klehkpeh-' dih 'worn, 'de 'on 'ye dhih 'jeh-': po-eh-a' klehkpeh: eh: korn-a: eh 'ye-a tluh: gwliin': za-dih: 'ble, jorwor:: mor 'on se: ybeh-dih-eh 'ble,: yee' 'on se deh-' 'dhu-eh:. 'De mor: mor 'on 'nyi 'an-a: deh⧾-a' klehkpeh 'on 'ble-a se deh-a': za-da 'ble-nyor⧾, 'de 'on 'ye 'an yau-a' klehkpeh 'kwla: za on 'ye 'yli: po-eh:,: mor 'on se: ybeh-dih-eh 'ble, en-' klehkpeh: se 'o 'on deh po 'gboror:. :Porluh-a' dih: kpon-eh-: an-a' 'yi dih: nmor-eh-: me-: 'dhu: ybeh-dih-eh.: Ybeh-dih-eh se: gwlehehn'-:: an-a' 'jeh dhih bo: po-eh-: 'dekorn: 'jeh 'i 'beh-dih-eh-: 'ble. :Ybeh-dih-eh-a' po nyor⧾ yaa'e dih. Eh-a' zi eh-a' 'jeh 'yor-eh-a': due'-a' dhih. Eh-a' 'dhobo:, eh-a' 'kpa 'chehn-'. Eh-a' 'ble-dih: dhih 'di dih. Nyor⧾: on 'ble-a: ybeh-dih-eh, an-a' no 'mona: mor nyor no deh-zon. Jorwor: dhih-a' 'yor-eh:, me-:: korn dhih an no 'mona. :Ybeh-dih-eh 'ble 'di dih: ku-eh: 'do nyor⧾ bo. Eh 'ble nyor⧾-a' dhih 'jeh-': po-eh-: an-a': gwlii': dhe-eh-: 'dekorn:: porluh-a' dih: kpon-eh-: 'do on bo. :Ybeh-dih-eh se 'dlu-': jla 'da: korn. Jorwor: Nyorsoa-a' wele-eh:: po-eh mu dih: gweh. Wlu⧾ 'doror: 'dor: po-eh:: en Gban 'i: ne: Zulu 'nyi-a nyor⧾, on 'ye-a' po, en mu dih: gweh. Deh 'i yubo-eh:: eh no-a 'nyii'-deh: Nyorsoa 'nyi: a-uh, eh mu dih: gweh. Deh no-eh, deh 'i yubo-eh:: eh no-a 'nyii'-deh: Nyorsoa 'nyi: a-uh,: a se eh-a' klehkpeh 'zorn gweh, 'de mor: a se 'nyii'-deh:: eh no-a tubo-wlu:⧾: en Nyorsoa 'nyi: a-uh, en-' wele-eh:: po-eh-a' klehkpeh 'zorn gweh: ke. Jorwor:: mor ti deh: eh gweh-a: vlehehn'-', eh mu-a 'de: yi,: yee': yih: en se-a 'de: gweh, en mu: zi. :Yee' ti 'on no-a 'yu-yu,: yee': ka 'yu-yu-a no-a: wlu-a', 'ka-: 'an no: wlu-a'.: Ka 'yu-yu-a no-a: gwluhuh' dih: na-dih-eh, 'ka-: 'an no: ke.: Ka or no-a deh-' dih 'worn-eh, 'ka-: 'an no. Jorwor:: yeh 'on no-a nyor-kpalu: naa,: yee' 'on 'tali: 'yu-yu-deh⧾-a' klehkpeh-: dih. :Yee': kana: naa, deh⧾: a 'worn-a dih 'de Nyorsoa-deh 'di: naa, en gweh: ka nyor: or pobo-a 'de 'ni: eh se-a 'yli zelie: bo. Jorwor: or: ne: a mor-:: a mu ybei' dih dhele: 'de ybei'.: Kana: naa 'on 'see Nyorsoa-a' yubo-eh 'zorn gweh. Jorwor: 'de ybei', 'an mu-or dih 'worn-: deh 'jeh,: ka or no-a 'an dhih-' dih 'worn-eh deh 'jeh: naa. :Yee' deh⧾ taan: daa, en: se-' dih: gweh i, dhih 'jeh-': po-eh-: deh: gwlii': dhe-eh-: 'dekorn:: ybeh-dih-eh-:. Jorwor:: ybeh-dih-eh:, eh-: no en-' klehkpeh-a' 'dlu. :Yee': ybeh-dih-eh:, eh-: 'ye deh no, a 'ye 'kwla⧾-' dih 'bhorn. 'Nyi a-a': porluh⧾ sin 'gabaa, a 'ye Nyorsoa-a': Zulu-a' 'nyii'-deh⧾ 'ble.: Yee' 'de Nyorsoa-a' wele-eh:: po-eh bo, 'do: wor a-a': porluh⧾ 'ye: sin-dih: 'gabaa, eh 'ye 'o dih: zi. Deh no-eh, nyor: or po-a wlu⧾ 'doror: 'dor: en Gban 'i: ne: Zulu 'nyi-or, or 'ye-a' po, or: se 'de nyor bo: wlu, jorwor: 'de Nyorsoa bo: oo' or wlu. Deh no-eh, nyor-a' 'worn deh or za-a-' dih. Nyorsoa-a': Zulu-a' 'kpih, me-: or no, 'de or za Nyorsoa-a' 'slan⧾-a' dhih-'. Jorwor: nyor: or po-a Nyorsoa-a' wele-eh, or wlu 'de: gwlor-nyor⧾ bo. 'De or ku-dih-uh dih, or po 'de an-a' 'kpih, 'de or dhe-uh: porluh⧾ 'di dih. Nyor: or po-a wlu⧾ 'doror: 'dor: en Gban 'i: ne: Zulu 'nyi-or, or 'ye-a' po, or ku-dih or-a' 'jeh: due' dih 'klein'. Jorwor: nyor: or po-a Nyorsoa-a' wele-eh, or ku-dih 'chore-a' klehkpeh dih. Eh mu 'on 'ton: korn, a-a' klehkpeh, a 'ye wlu⧾ 'doror: 'dor po: mloror': kpeheh:. Jorwor: eh mu 'on 'ton: korn deh 'jeh, a 'ye Nyorsoa-a' wele-eh po. Deh no-eh, nyor: or po-a Nyorsoa-a' wele-eh, or-: 'kpa deh ken 'gabaa, or-:: zi 'o: yor: or po-a wlu⧾ 'doror: 'dor-'.: Mor eh 'dhu nyor: ne 'o, or 'ye wlu⧾ 'doror: 'dor or po-a gbor: za, 'de 'chore 'ye dih ku,: yee' 'on: se-': mleheh' 'da. :Yee' 'an 'Klae: de-di'-boi'-a:,: mor 'on yi 'o a bo, 'de 'on 'ye wlu⧾ 'doror: 'dor po: poo:,: yee' 'mo: za-dih-eh-': yeheh 'on: za-dih: a-uh': eh?: Mor eh 'dhu 'on: ya 'de tubo-wlu:⧾ Nyorsoa: to-dih:-a 'on 'i-:: eh beh deh-' dih 'worn-eh-: Nyorsoa-a' wele-eh:: po-eh-: 'dekorn: nyor⧾ deh: torne-eh-:,: yee' 'on: se-': mleheh' 'da. 'De: ka: ne-a: due' 'di,: mor blaa-deh:⧾: en se-a: febeh' 'ble: en 'kpa-a: dholo-: 'dekorn: 'solo': wepe'-:: mor nyor: or bla-ih-a, or se en-' wlu-' dih zela:,: yee': kaa nyor⧾-a mu deh an bla-a eh-a' dih 'worn-a': no: eh? :Yee': mor 'yu: or bla-a tuh: vuwor', or se or-a' wlu-' dih zela: deh 'jeh,: yee' nyor: yoror: or mu ta-tiei dih 'dhu-': eh? :Yee' 'de: ka: ne-a: due' 'di,: kaa nyor⧾-a mu deh a za-a-' dih 'worn-a': no: eh?: Mor a-a' tubo-wlu⧾-a' po-a' klehkpeh: ne 'de wlu⧾ 'doror: 'dor 'di? A-a' wlu-a mu 'o 'ploba-' dih 'kpa-:. 'Dawor'⧾-wlu:⧾ 'doror: 'dor, me-:: ne dha yao 'zorn. Eh se wlu: korn,: on 'ye: ao': on se deh 'i: bleh-dih:. Jorwor:: mor 'on se wlu on po-a yubo:,: yee' nyor: or po-uh-a, or no 'dawor'-yu: 'do 'on bo, 'de 'on no 'dawor'-yu 'do or bo: ke. :Yee' eh-a' dhih,: ka a-a': porluh⧾-a sin-a, a 'ye-a Nyorsoa-a': Zulu-a' 'nyii'-deh⧾ 'ble,: yee' a vorn a 'ye 'nyii'-deh:⧾: en ku-dih-a 'chore dih, a 'ye-ih': koan: no-dih: 'gabaa. :Yee' eh-a' dhih, nyor: or po-a wlu⧾ 'doror: 'dor, 'nyi or dhele: Nyorsoa dih, or 'ye-or' 'kpih 'nyi, or 'ye deh or: za-a-', eh-a' gbor: za-eh 'beh-dih:. Deh no-eh,: mor 'on: taa 'de Nyorsoa bo wlu, 'de wlu⧾ 'doror: 'dor 'di,: yee' or-a': Zulu: mo-:: an yi-dih 'on-',: an wlu 'de or bo. Jorwor: 'an 'dlu 'di dih: na-dih-deh se 'o deh 'ye. Deh no-eh, 'an-a' 'worn deh-' dih. :Yee' deh 'an mu-a: no, eh-: 'dhu, 'an mu Nyorsoa-a': Zulu-a' wlu: po, 'on 'ye 'de or bo: wlu, 'de 'on 'ye 'an: gwlor-nyor-wlu no,: on 'wluh-a 'de 'an 'dlu 'di dih: na-dih-deh bo, 'on 'ye 'de or bo: wlu: ke.: Yee' 'an mu or-a': Zulu-a' wlu: no, 'on 'ye 'duh ble, 'de 'on 'ye 'an: gwlor-nyor-wlu no,: on 'wluh-a 'de 'an 'dlu 'di dih: na-dih-deh bo, 'on 'ye 'duh ble: ke. :Yee': mor: on po Nyorsoa-a': Zulu-a' wlu, 'de: on 'ye or-a' 'zio po 'klein',: yee': kaa nyor⧾: on se-a Nyorsoa-a' deh-' dih 'worn deh 'jeh, 'de: on: ne-a 'de a bo 'chore-',: kaa an mu: an-a' bo 'worn-dih-eh: no: eh, 'do: an-a' Nyorsoa-a' 'zio: po-wlu bo: eh? :Mor: an-a' Nyorsoa-a' 'zio: po-wlu-a': yeh: nmor 'yi dih, jorwor:: on 'be: yor: ne-a 'o, or: se-': za-dih-eh:. 'On po Nyorsoa-a' 'zio, 'on 'ye wlu⧾ 'doror: 'dor po: en Gban 'i: ne: Zulu 'nyi-a 'on, 'on 'ye-a' po, 'on 'ye 'o a-a' klehkpeh-': zi. Jorwor: eh mu 'yi dih: nmor, 'on 'ye wlu⧾-a' 'yor: mm' po,: en nyor⧾ 'beh-dih:-a on 'ye-a' dih 'worn, 'do an-a' deh: torne: 'da,: eh: zi 'o 'on po wlu⧾-a' 'wlu: wlu 'wlu 'de wlu⧾ 'doror: 'dor 'di, 'de nyor: se 'o deh 'worn. :Yee' 'an 'Klae: de-di'-boi'-a:, a 'bor: gwluhuh' dih: na-dih-eh,: ka 'nynuu:: nyene'-a no-a. Jorwor: a gweh 'nynuu:: bleheh'eh:⧾: on se-a deh-zon-a' deh 'i yubo:. A 'nyi a-a': gwluhuh' dih: na-dih-eh gweh: ka nyor⧾: on ku-a dih, 'de Nyorsoa-deh 'di. Eh 'chle-eh:-' 'de Nyorsoa-a' 'chlee-deh 'di, eh 'da,: Gwlor: baa' 'da, 'An mu nyor⧾: an po-a 'dawor'⧾-wlu:⧾ 'sluh⧾: no, 'on 'ye 'de 'an nyor⧾ bo: wlu. 'An mu 'duhba⧾ wlu 'worn: po on 'ye 'an tubo-wlu⧾ po. Jorwor: 'an nyor⧾: se-' 'on: dou'⧾ bo: to i 'gboror:. :Yee' wlu⧾ 'doror: 'dor: po-eh: en Gban 'i: ne: Zulu 'nyi-a nyor⧾, on 'ye-a' po, en: se 'yi: to-dih-deh: 'do nyor⧾: on po-a 'Klae-a' dhih dhih 'jeh-' bo. Jorwor: nyor⧾: on se-a or-a' dhih dhih 'jeh-' po, mo-:: korn 'yi: to-dih-deh: 'o. 'De: ka: ne-a: due' 'di, Nyorsoa-a' wele-eh:: po-eh se 'yi: to-dih-deh: 'do nyor⧾: on se-a 'Klae-a' dhih dhih 'jeh-' po bo. Jorwor: en no 'yi: to-dih-deh: 'do nyor⧾: on po-a or-a' dhih dhih 'jeh-' bo. :Yee': mor eh 'dhu 'chore-nyor⧾-a' klehkpeh 'gbon-dih:: dha: due' 'de nyor⧾-a' klehkpeh on 'ye wlu⧾ 'doror: 'dor: po-eh ya-' 'duo:, 'de nyor⧾: on se-a Nyorsoa-a' deh-' dih 'worn deh 'jeh-: 'dekorn: nyor⧾: on se-a 'Klae-a' dhih dhih 'jeh-' po-: 'de on 'ye pa, on se 'beh-dih: on 'ye: ao' sena-: no a-uh: e? Jorwor:: mor nyor⧾-a' klehkpeh: taa wlu⧾: en 'wluh-a 'de Nyorsoa bo en-' wele-eh po, 'de nyor⧾: on se-a 'Klae-a' dhih dhih 'jeh-' po-:: yuh: on se-a Nyorsoa-a' deh-' dih 'worn deh 'jeh-: 'de on 'ye pa,: yee' an mu-eh 'i yubo:: ka on 'dhu-a deh⧾-zon:⧾: no-nyor⧾-' 'do deh on 'worn-a bo. An-a': porluh⧾-a mu-uh dhih: yeh-dih:, 'do deh⧾-a' klehkpeh on 'worn-a bo. :Yee' deh⧾: en 'zile:-a 'do on: porluh⧾ ken, en mu gbor: za-eh:.: Yee' an mu dih 'jli-: on 'ye Nyorsoa-a': weheh': za, 'de on 'ye-eh': za 'de on 'worn, on 'ye: ao', Dhih 'jeh, Nyorsoa: ne 'noror a 'nyne-' 'weh 'jeh ka. :Yee' eh: nmor-: 'yi, 'an 'Klae: de-di'-boi'-a:,: mor a 'kpa: dha: due' a 'ye Nyorsoa-a': weheh': za,: yee' nyor⧾: noo' ble Nyorsoa-a' 'zio: po-duh,: noo': torne: nyor⧾ deh,: noo' po tubo-wlu:⧾ Nyorsoa: to-dih-uh-a 'i,: noo' po tubo-wlu⧾ 'de wlu⧾ 'doror: 'dor 'di: en Gban 'i: ne: Zulu 'nyi-uh-a, on 'ye-a' po.: Yee' deh: eh: za-eh 'de wlu⧾ 'doror: 'dor 'di,: noo' za-eh gbor. A no deh⧾-a' klehkpeh: daa, 'de eh 'ye-eh' no, 'de 'Klae-a' dhih 'jeh-': po-nyor⧾ 'ye: za-dih-eh:, 'de on 'ye ku. :Yee': mor nyor mu wlu⧾ 'doror: 'dor: po 'de 'chore-', 'nyi nyor⧾ 'sororn', nyor⧾ taan no-eh, 'nyi on 'tola: 'de, an-a': wlu-dih:-': dha: due'.: Yee' 'nyi nyor: noror': za dhih on: za-a-' gbor. Jorwor:: mor nyor se 'o: ne, or 'ye-ih' gbor: za,: yee' nyor: or po-a wlu⧾ 'doror: 'dor: dao', 'nyi or no 'dhuan, 'nyi or: wlu 'do or-a' 'jeh-a': porluh ken-: 'dekorn: 'de Nyorsoa bo-:. :Mor Nyorsoa 'nyi nyor⧾ wele-eh:: on 'ye-eh' po,: yee' nyor⧾ 'sororn', nyor⧾ taan, mo-:: on 'ye-eh' no. 'De: yuh: on: sie:-a 'o, on 'ye 'de dhih: en: za-eh:-' 'di pobo:. Jorwor:: mor nyor: ne 'de a 'nyne-', 'de or 'ye dih: dhe, 'do a-a' 'gbon-dih: 'da, 'de Nyorsoa-a' tubo-wlu⧾ 'ye-or' 'nyi-eh:,: yee' 'nyi nyor: or 'si-a 'o: wlu 'da, or no 'dhuan. A-a' klehkpeh, a 'beh-dih: a 'ye Nyorsoa-a' wele-eh po: due': due' 'de a 'bei' bo, 'de an-a' klehkpeh 'ye deh 'chean', on 'ye 'kpih 'ye. 'Nyi nyor: or po-a Nyorsoa-a' wele-eh, or: korn or-a' 'nyii'-deh:: dao' wlu 'ken. Deh no-eh, Nyorsoa 'bhorn deh⧾-a' klehkpeh 'ye 'o: dhororn' 'i: ne, 'de a 'ye wlu-' dih 'worn-eh 'ble. Or: se-' deh⧾ ya: gba-eh 'bhorn 'de a 'nyne-'.: Yee': ka eh no-a: ne-eh 'de Nyorsoa-nyor⧾-a' klehkpeh-a' 'nyne-', 'nyi 'nynor⧾-kpao'⧾ no 'dhuan 'de a-a' 'gbon-dih: 'da. On: se-' 'tele' 'nyi-eh: on 'ye: wlu. 'Nyi on: ne 'o nyor⧾ 'zorn,: ka: Mose'-a' 'tele' 'da-a. :Mor eh 'dhu an 'bhorn on 'ye deh-' dih 'worn,: yee': mor on mu: gwlor-',: yee' on dhele: an-a' yibeor-boi' dih, 'de on 'bli 'gbu⧾ 'di dih. Eh no dhen-deh: 'nynor 'ye: wlu 'de 'chore-a' 'gbon-dih: 'da. 'De a bo: oo', Nyorsoa-a' wlu tba-dih ke: e?: Ae' a: due' 'dhu nyor⧾-' en yi 'de bo ke? :Yee': mor nyor 'da or no Nyorsoa-a' wele-eh:: po-nyor: 'de mor or 'ye: ao' or 'ble or-a': Zulu-a' 'nyii'-deh: 'jeh ka,: yee' or mu-eh yubo:: ka deh⧾ 'an 'chle-a 'de a bo, 'de en 'dhu-a: Gwlor: baa'-a' 'tele'. Jorwor:: mor nyor se-ih: dou'⧾ bo: to,: yee' nyor-a': to-or': dou'⧾ bo: ke. :Yee' 'an 'Klae: de-di'-boi'-a:, 'nyi a-a': porluh⧾ sin, a 'ye Nyorsoa-a' wele-eh po. Jorwor: nyor-a': po-' wlu⧾ 'doror: 'dor: en Gban 'i: ne: Zulu 'nyi a-uh, a 'ye-a' po, en-' po-a' 'borboa' 'i: ke. Jorwor: a no deh⧾-a' klehkpeh 'de 'yi dih: nmor ka 'di, 'de en 'ye 'o: dhororn' 'i: ne. :Yee' 'an 'Klae: de-di'-boi'-a:, 'an 'bhorn 'on 'ye-a Nyorsoa-a' tubo-wlu:⧾ 'jeh 'on po-a 'de a bo, en-' dhih a: gwluhuh' bo: po-dih:,: yih a kpon-a dih, 'de a-a' dhih 'jeh-': po-eh: nyna-a 'o ken dih. Tubo-wlu:⧾ 'jeh: daa, me-: no-eh, 'de a 'puh,: mor eh 'dhu a kpa en-' dih: kpon-eh 'dlu bo,: ka 'on no-a en-' po-a' 'de a bo. Jorwor:: mor a se: ao' en-' dih: kpon-eh no,: yee' a-a' dhih 'jeh-': po-eh no deh 'plo. Tubo-wlu⧾-a': yih: en 'kpa-a deh ken 'gabaa, me-: 'on kpon-dih, 'de 'on: zi-dih-ih 'de a bo,: en 'dhu-a, 'Klae 'meh-' 'do: a-a' deh⧾-zon⧾-a' dhih bo,: ka Nyorsoa-a' 'chlee-deh no-a eh-a': za-a'. 'De on nma-dih-or dih, 'de or no 'we taan 'de mor. 'De Nyorsoa za-or 'de nma-dih-deh 'di. Deh: eh 'chle-eh 'de Nyorsoa-a' 'chlee-deh 'di, eh-: 'o,: eh 'kpa dhih 'jeh-'. Or 'wluh-dih:: Piteh' 'i: zai'. 'De or 'wluh-dih: or-a'a: bo: na-nyor:⧾: on: korn-a: bhue: 'yor: ne-a 'sororn' 'i. 'De or 'wluh-dih: or-a' klei': zi-nyor:⧾: noo' 'i,: on zi-a: kehehn': mm' dih, 'do: dha: due'. An-a': dha: dhulu' mo-:: ne 'kmo-': naa, keen': mloror' an-a': noo' 'meh. :Yeh or 'wluh-a 'o: neheh',: yee' or 'wluh-dih: 'Jeen 'i, 'de or 'wluh-dih: or-a'a: dboo-nyor⧾-a' klehkpeh 'i: ke. :Yee': yeh 'bor-dih:-a 'o klehkpeh, eh-: 'dhu, or 'wluh-dih: 'an 'jeh 'yor-eh 'i: ke. Keen': mloror' 'on gweh nyor: or se-a ti 'jeh 'i 'wluh-dih:. Deh no-eh, 'mor no: Yusu'-a'a: dboo-nyor⧾-a' 'zeehn. 'On se-eh 'i: bleh-dih:, 'on 'ye or-a'a: dboo-nyor 'da-dih-eh:: sloror'. Deh no-eh, 'on 'ye-dih: Nyorsoa-a' 'chore 'kle: zai'. Jorwor: Nyorsoa-a' mla: oo', or-: no-eh, 'de 'on 'dhu-eh: nyor-' 'zean',: eh 'dhu-a: Yusu'-a'a: dboo-nyor-deh:: daa. 'De or-a' mla or po-a 'on bo, or: se-' 'kwla 'wla-eh:. Jorwor: 'on no: koan:, 'on: zi 'o 'on 'bei' dboo-nyor:⧾: yuh: sie:-a 'o. Keen': mloror' eh: se 'an 'jeh 'yor-eh-a' 'kpih, jorwor: Nyorsoa-a' mla: oo', or-:: no-dih: 'on: koan bo. :Yee' eh-a': yeh 'dhu 'mor-', 'on po Nyorsoa-a' tubo-wlu:⧾: daa, 'de mor eh-a': yeh 'dhu 'on 'bei' dboo-nyor⧾-', tubo-wlu:⧾: daa: a po-a, me-: a po dhih 'jeh-'. :Yee': mor: gwlor-nyor⧾: taa tubo-wlu⧾ po,: ka Nyorsoa: za-a: 'de 'Klae 'de nma-dih-deh 'di,: yee': kaa eh no, 'de a-a': noo' 'da, 'meheh'-nyor⧾: se-' 'kmo-' bo: yi i: neheh': eh? :Yee': mor eh 'dhu dhih 'jeh-', 'meheh'-nyor⧾: se-' 'kmo-' bo: yi i: neheh',: yee' Nyorsoa: se 'de 'Klae 'de nma-dih-deh 'di: za 'da. 'De mor: mor Nyorsoa se 'de 'Klae 'de nma-dih-deh 'di: za: dee',: yee' tubo-wlu:⧾: a po-a, en se deh-' 'dhu-eh:: dee'.: Yee': a-a' dhih 'jeh-': po-eh se deh 'di: ne: ke. :Yee' 'do 'de: neheh',: a 'dhu-dih: Nyorsoa dhih ken dih. Deh no-eh,: a 'da: a dhe-eh ken dih 'weh, Nyorsoa: za 'de 'Klae 'de nma-dih-deh 'di 'weh. Jorwor:: mor eh 'dhu dhih 'jeh-',: ka 'meheh'-nyor⧾: se-a' 'kmo-' bo: yi i: neheh',: yee' Nyorsoa: se 'de 'Klae 'de nma-dih-deh 'di: za 'da. Deh no-eh,: mor eh 'dhu 'meheh'-nyor⧾: se-' 'kmo-' bo: yi i: neheh',: yee' Nyorsoa: se 'de 'Klae 'de nma-dih-deh 'di: za 'da. :Mor eh 'dhu Nyorsoa se 'de 'Klae 'de nma-dih-deh 'di: za,: yee' a-a' 'Klae-a' dhih 'jeh-': po-eh se deh 'di: ne, 'de a-a' deh⧾-zon⧾-a' dhih 'see bo 'ma-dih-eh 'gboror:. :Yee': mor Nyorsoa se 'de 'Klae: za,: yee' or-a' dhih 'jeh-': po-nyor:⧾: on 'kpa-a 'nyinor:: klaba'⧾-', on: zie: gbe: weh see. Deh: gwlii': dhe-eh:: a 'ble-a,: mor eh 'dhu 'Klae 'ye: a 'puh-dih: dha yao 'zorn: due' 'klein',: yee': a-a' dhih: korn en 'ye: wehlih: ne, eh 'ye 'o nyor⧾-a' klehkpeh-': zi. Jorwor: eh no dhih-a' 'yor-eh:, Nyorsoa: za 'de 'Klae 'de nma-dih-deh 'di 'weh. Or-: no: zai'-nyor,: or 'meh, 'de Nyorsoa: za-a: 'de nma-dih-deh 'di. :Yee': ka nyor-kpalu: due' no-eh 'de: gwlor-nyor⧾-a 'meh-a, 'ka-: eh no: ke, 'de nyor-kpalu: due': noror' no-eh, 'de 'meheh'-nyor⧾-a mu 'kmo-' bo: yi: neheh'. :A-a' 'Adan 'i: kor-eh: eh-:: ya 'de 'meh-a' 'do: a-a' klehkpeh bo.: Yee' 'ka-: eh: ne: ke,: a-a' 'Klae-a': ne-a', eh-: mu-eh: no, 'de: a-a' klehkpeh,: a 'ye 'kmo-': ne: dele' ka. Jorwor:: gwlor-nyor⧾-a' 'kmo-' bo: yi-eh mu 'o: dhororn' 'i: ne. Nyorsoa: za 'de 'Klae 'de nma-dih-deh 'di 'weh: zai' see.: Yee': mor 'Klae: taa 'de yi,: yee': yuh: on: korn-a 'de or bo, mo-: kor 'o dih. :Yee': mor or no: ao',: yee' 'bluhba-a' 'dlu-': jla-ti nyni 'o 'weh. 'Klae-a mu 'ku-: 'kwla 'ye-dih-deh⧾-: 'dekorn: nyor⧾ wlu 'ken: korn-nyor:⧾: on se-a Nyorsoa-a' dhih 'worn-dih:-: or mu an-a' klehkpeh: du, 'de or 'ye or-a' nyor⧾ wlu 'ken: korn-eh Nyorsoa 'nyi,: or 'dhu-a or: Baa'-'. Deh no-eh, 'Klae: korn or 'ye nyor⧾ wlu 'ken: korn: chio'lo:, 'de or 'ye nyor⧾: on 'nyeh-or' ya: ya, 'de or 'ye-uh' ken dih: na. 'Mo 'nyeh-eh-dih-nyor:: or mu-a 'o 'bor-dih:,: or 'ye-a gbe: zie:, or-: 'dhu 'meh-a' 'kpih-'. Eh 'chle-eh:-' 'de Nyorsoa-a' 'chlee-deh 'di, eh 'da, Nyorsoa po 'o deh⧾-a' klehkpeh 'do or: buhbuh⧾ 'zorn. Eh 'worn-eh-'-: dih: mloror', jorwor:: mor eh 'da, deh⧾-a' klehkpeh,: yee' Nyorsoa: se 'o 'kpa.: Eh: korn dhih: oo': eh? Nyorsoa: oo',: or po 'o deh⧾-a' klehkpeh 'do 'Klae: buhbuh⧾ 'zorn. :Yee' ti Nyorsoa-a mu-a 'o deh⧾-a' klehkpeh 'do 'Klae 'zorn: po, or 'ye-ih'-a wlu 'ken: korn,: yee' 'Klae-a' 'yor-eh:: or 'dhu-a or-a' 'Yu-', or mu or-a' 'jeh 'do Nyorsoa 'zorn: po,: or po-a 'o deh⧾-a' klehkpeh 'do or 'zorn: zai'. 'De Nyorsoa 'ye deh⧾-a' klehkpeh wlu 'ken: korn 'tene': kpeen:. :Mor eh 'dhu deh-',: yee' a 'nyi: a: na-dih: nyor⧾: an po-a 'ni 'dlu 'do 'meheh'-nyor⧾-a' 'gor bo, an-a' dhih: gwluhuh' dih. Deh on dhe: gwlii' an mu 'ye-:: eh?: Yee': mor 'meheh'-nyor⧾: se-' 'kmo-' bo: yi i: neheh' klehkpeh,: yee' deh on dhe: gwlii' 'de an po 'ni 'dlu 'do 'meheh'-nyor⧾-a' 'gor bo: eh? :Yee': mor 'meheh'-nyor⧾: se-' 'kmo-' bo: yi i: neheh',: yee': eh: korn dhih, 'de: a: mor: mloror',: a na 'de 'meh-a' 'worn dih 'do ti-a' klehkpeh bo: eh? 'An 'Klae: de-di'-boi'-a:, 'mor-: 'dekorn: 'meh-a'-:: a pobo 'yli 'de dih, zorn 'o zorn. 'An buh⧾ a 'beh-dih:-a 'i, 'de: a-a': Gwlor: baa': Yusu' 'Klae-a' deh 'di, eh-: no-eh, 'de 'an za deh: daa-'. 'On vorn 'Ehfesor-nyor⧾ bo,: ka nyor-a vorn-a kpoon-nimi⧾ bo.: Mor 'on se-eh: gwlii' dhe, 'de 'an vorn-a': dao' 'di,: eh: mor,: mor 'on 'meh, 'an mu 'kmo bo: yi: neheh',: yee' deh 'on 'ye 'o: eh?: Yee': mor 'meheh'-nyor⧾: se-' 'kmo-' bo: yi: neheh',: yee': a 'beh-dih:: a 'ye: ao', A 'nyi: a di deh,: a 'ye 'na. Deh no-eh,: glaa'e: a mu 'meh-:,: ka nyor⧾: noo'-a 'da-a. A-a' 'worn-:-' nyor-a': bo-dih:-' a dih. Nyor⧾-zon⧾-: 'dekorn: nyor⧾ 'jeh-: an-a' bo nena-eh: gwle 'o, nyor⧾ 'jeh no-a' 'kor-dih: 'da. :Yee' a yi a-a' 'jeh bo. A 'bor deh⧾-zon:⧾: no-eh. Nyor⧾: noo', mo-:: ne 'de a 'nyne-', mo-: se Nyorsoa yubo: deh 'jeh. Deh: daa, eh: korn eh 'ye a dhen: no-dih:. :Yee' nyor: noror'-a mu eh-a' dih dhele: 'bla, or mu: ao',: Kaa Nyorsoa-a mu 'meheh'-nyor⧾-a' 'kmo bo: ya-eh: no: eh? Yau-a': yor-eh an mu 'ble-:: eh? A: mor: daa,: or 'ble-a: porluh: due'.: Koo-yor-eh:: on tba-a 'de glu,: mor eh 'meh: weh, 'de eh me. 'De: mor: on tba deh⧾-yor, eh: se en-' tu-a': kpalu:: an mu-a: me,: on: se-' tba, jorwor: deh-a' 'yor-eh: due': oo': on tba. Eh 'beh-dih: eh 'ye: koo-yor-: 'dekorn: deh⧾-yor:: nee' no 'bla. Yau: Nyorsoa gan-a 'do deh⧾-yor:: dao' bo, me-: or 'nyi-ih. Yau:: on: korn-a 'de en bo: due': due', me-: or 'nyi-ih. :Yee' eh: se 'kmo: ne deh⧾-a' klehkpeh, me-:: korn yau: goor-dih:: deh.: Gwlor-nyor⧾-a' yau: ne 'o 'dor. 'De nimi-a' yau: ne 'o 'dor. 'De neme-a' ne: ne 'o 'dor: ke. 'De zimi-a' ne: ne 'o 'dor. 'De deh⧾: en: ne-a 'de yao en-' yau-tu: ne 'o: weh, 'de: yih: en: ne-a dha yao 'zorn, en-' yau-tu: ne 'o: ke. 'Yi dih: nmor-eh:: eh: korn-a 'de: yih: en: ne-a 'de yao bo, eh: ne 'o 'dor. 'De 'yi dih: nmor-eh:: eh: korn-a 'de: yih: en: ne-a dha yao 'zorn bo, eh: ne 'o 'dor. 'Yluh 'ble an-a' 'jeh-a' 'yi dih: nmor-eh:. 'Chuh 'ble 'yi dih: nmor-eh: 'dor. 'De 'chuh: dhlaen: 'ble en-' 'yi dih: nmor-eh: 'dor: ke. 'De mor 'de 'chuh: dhlaen-a' 'jeh 'nyne-', en 'ble 'yi dih: nmor-eh: 'dor: dor 'dor: ke. :Yee' 'ka-: eh mu: ne: ke, ti Nyorsoa-a mu-a 'de 'meheh'-nyor⧾ 'de nma-dih-deh 'di: za.: Mor yau nma-dih-eh: dih,: yee' on no deh 'meh-a': korn-a wlu 'ken, 'de: eh mu-a 'zorn-:. Jorwor:: mor Nyorsoa za-uh 'de nma-dih-deh 'di,: yee' on no deh: eh: se-a' 'zorn-: i, 'de: eh: se-a' 'meh-: i: neheh'. :Mor on nma-dih-eh: dih,: yee' on nyni-: 'yi, 'de on se 'kpih 'ble. Jorwor: ti Nyorsoa-a mu-uh-a 'de nma-dih-deh 'di: za,: yee' an mu 'yi dih: nmor, 'de on 'ye: kmu. :Yee': mor on nma-dih-eh: dih,: yee' on no yau:: on: ne-a dha yao 'zorn 'gboror:. Jorwor:: mor Nyorsoa za-uh 'de nma-dih-deh 'di,: yee' on no yau:: on Nyorsoa-a': Zulu 'nyi-a: febeh'.: Mor eh 'dhu yao 'zorn-yau: ne,: yee' yau: Nyorsoa-a': Zulu 'nyi-a: febeh': ne: ke. :Yee' eh 'chle-eh:-' 'de Nyorsoa-a' 'chlee-deh 'di, eh 'da,: Tehn 'i-nyor-kpalu: Nyorsoa no-a: or 'dhu-a 'Adan-', or: no-eh or 'ye 'kmo: ne-nyor no. Jorwor: 'Adan: or 'bor-dih:-a 'o, or-: 'dhu: Zulu:: an 'nyi-a nyor⧾: febeh'-'. Eh: se yau:: yuh Nyorsoa-a': Zulu 'nyi-a: febeh', on: se 'de yi: zai'. Jorwor:: yuh: on: ne-a dha yao 'zorn, mo-: 'o: on 'yle: zai', 'de jorwor:: yuh or-a': Zulu 'nyi-a: febeh' 'de an mu 'de: yi,: on 'kpa-a deh ken. 'Bluh: on: ne-a dha yao 'zorn, mo-: Nyorsoa no, 'de or no: tehn 'i 'Adan. Jorwor: 'Adan:: yor: or no-a 'sororn' nor, or 'wluh 'de Nyorsoa 'bli yai'. :Yee' nyor⧾: on: korn-a dha yao 'zorn bo, on gweh: yor Nyorsoa: no-dih:-a 'bluh. Jorwor:: yuh: on: korn-a 'de Nyorsoa 'bli yai' bo, on gweh nyor: or 'wluh-a 'de Nyorsoa 'bli yai'. :Ka: a gweh-a nyor Nyorsoa: no-dih:-a 'bluh, 'ka-:: a mu nyor: or 'wluh-a 'de Nyorsoa 'bli yai' or-a' gweh-a': no: ke. 'Nyi 'on zela: a: gwluhuh', 'an 'Klae: de-di'-boi'-a:. Deh: eh 'ble-a nyomor-: 'dekorn: 'pla⧾-: eh se 'beh-dih: eh 'ye Nyorsoa-a' nyor⧾ wlu 'ken: korn-eh 'ye. 'De mor yau:: an mu-a 'meh-:, on se 'beh-dih: on 'ye: dhe-da 'ye 'de: dha nyor⧾: se-a' 'meh-dih: i. A: gbee'e:. 'An mu a deh: eh no-a 'slan a-uh: gwluhuh' zela:. Eh: se: a-a' klehkpeh,: a: se-' 'meh-: i. Jorwor:: a-a' klehkpeh,: a-a' yau-a mu: za-dih:, 'yli: a bla-a 'i, ti: de 'bor-dih:: gamu-a mu-a: wlu.: Yee': mor on: wlu,: yee' Nyorsoa-a mu nyor⧾: on 'meh-a 'noror 'kmo bo de: ya.: Yee' on: se-' 'meh-: i: neheh'.: Yee': a-a' klehkpeh,: a-a' yau-a mu: za-dih:: ke. :Yee': a-a' yau:: an mu-a 'meh-:, an mu: yuh: on: se-a' 'meh-: i: za-dih:. 'De yau:: an mu-a 'zorn-:, an mu: yuh: on: se-a' 'zorn-: i: za-dih:: ke. :Yee': mor yau:: an mu-a 'zorn-:, on: za-dih: yau:: on: se-a' 'zorn-: i, 'de: yuh: an mu-a 'meh-:, on 'ye: yuh: on: se-a' 'meh-: i: za-dih:,: yee' Nyorsoa-a' wlu-a mu dhih 'jeh-' 'kpa-:: eh no-a, 'Meh-a': za-eh:: gla. 'Meh-a', dha: an-a' nyor: du-kpih: ne: naa: eh? Dha: an-a' 'kpih: en puhba-a nyor⧾ dih, en: ne: eh? :Yee' 'kpih 'meh-a' 'ble-a, 'de: en puhba-a nyor⧾ dih, en 'wluh 'de deh-zon bo. 'De deh-zon: za 'de eh-a' 'kpih: en 'dba-a nyor⧾ 'de: Mose'-a' 'tele' bo. Jorwor: 'zio: korn 'de Nyorsoa bo: or 'nyi-a: a 'kpih, 'de: a du-a 'meh-a',: eh: yi-dih:-a: a-a': Gwlor: baa': Yusu' 'Klae-'. :Yee' eh-a' dhih, 'an 'Klae: de-di'-boi'-a:,: on: korn-a dhih 'on: kma-a, a: nyna dih deh 'jeh. A-a' 'wluh-dih:-': gwliin'. A po 'de 'kpih a 'ye: Gwlor: baa'-a': koan no 'do ti-a' klehkpeh bo,: ka a yubo-eh,: eh: mor: koan: a no-a 'de or-a' deh 'di, or: se-a 'plo. :Yee' 'an 'bhorn 'on 'ye 'wlii: a mu-a: za 'do Nyorsoa-nyor:⧾: on: ne-a: Judi'a-bluhba ken bo, en-' dhih a-uh: gwluhuh' zela:. Deh 'on zela:-a 'chore-nyor:⧾: on: ne-a: Gale'tia-bluhba ken: gwluhuh', on 'ye-a' no, eh-: a 'ye no: ke. :Yee' 'do 'doror': zai'-we-eh 'di, a-a': due': due': za 'o 'nyii'-deh a 'ye 'for 'i: dhe-dih: 'de a 'bli 'gbu⧾ 'di dih.: Ka a no-a deh⧾-a' 'ye-a', 'ka-: a 'ye 'nyi-a' no.: Yee': mor 'on 'yle,: yee' 'wlii: za-eh se: korn eh 'ye: ne: neheh'. :Yee': mor 'on 'si dih,: yee' nyor⧾-kpalu:⧾ a dhe-a: gwlii', 'an mu-uh 'chlee-deh:⧾: en: mor nyor⧾ 'ye-ih'-a, 'de on 'ye-uh'-a yubo: 'nyi-:, 'de 'on 'ye-uh': Julu'slehn dbo, on 'ye 'wlii: a: za-a kpa. :Mor eh: nmor 'yi dih, on: ne 'on 'ye mu: ke,: yee' on-: 'mor-:: a mu: dha: due': mu-dih:. :Yee': mor 'on: yi-dih: 'Masordo'nia-bluhba ken,: yee' 'an mu a 'ye 'da: yi. Deh no-eh, 'do: wor 'an mu: yi-dih:. :Yee' nyor se yubo:, 'an mu ti-kpor-bei: zi 'do a bo 'bla,: eh beh 'an mu 'o a bo: ne 'de: chehbe'-a' ti 'ye zi-:, 'de a 'ye 'on bo 'kpa, 'de: dha: noror' 'an mu-a: mu: neheh', 'on 'ye 'o mu. 'On: se-' 'bhorn, 'on 'ye 'de a bo yi: naa, 'de 'on 'ye 'o: dhie' chehn 'suh. Deh no-eh, 'on dhe-eh: gwlii', 'on 'ye 'o a bo ti: dhulu' zi,: mor: Gwlor: baa' 'worn-dih-eh ken dih. Jorwor: 'an mu dha 'Ehfesor: ne, 'de eh 'ye 'Pehnti'kor-we-eh no. Deh no-eh,: kpaa' 'wluh 'o 'weh, 'de or 'beh 'worn dih, 'on 'ye: koan: 'jeh: or mu-a deh 'i 'si-: no dha mor, keen': mloror' nyor⧾: doru', mo-:: an vorn 'on bo. :Yee': mor: Timehte' 'si 'o a bo dih, a no-eh or 'ye dih van-dih: 'de a 'nyne-'. Deh no-eh, or no: Gwlor: baa'-a': koan:,: ka 'an no-a: ke. A-a' 'worn-:-' nyor-a': vlehn-or'. A: za-dih-or, or 'ye or-a': gwie 'dlu bo kpa 'de: porluh-a' dih 'pehn ka 'di, 'de or 'ye deka yi 'noror 'on bo. Deh no-eh, 'on dhe-eh: gwlii',: mor or: taa de yi, or: ne: a-a': koan:: no-de-di'-boi': noo' 'ye 'de: yi-dih:. Jorwor:: a-a' 'Klae: de-di': Apor'lor: mloror', 'on bale-or 'gabaa, or: ne: a-a' 'Klae: de-di'-boi': noo' 'ye a 'ye 'da yi. Jorwor: or 'see-eh ken dih 'worn-dih kele'a:.: Yee': mor or 'ye ti,: yee' or mu 'de: yi. :Yee' a 'dhu: gbeheh'. A: nyna dih deh 'jeh 'de a-a' 'Klae-a' dhih 'jeh-': po-eh 'di. A ku: gwluhuh', a 'ye: kmu. Deh⧾-a' klehkpeh a mu-a: no, a no-ih 'de: ybeh-dih-eh 'di. :Yee' 'an 'Klae: de-di'-boi'-a:, a yubo-eh' nyor⧾: on: ne-a 'de: Tehfa'nor 'bli 'gbu, mo-: no: zai'-nyor⧾: on 'bili:-' dih, 'de: on no 'Klae-a' nyor⧾ 'de: Ehki'a-bluhba ken. 'De on: no-dih: an-a' 'kpih-a' klehkpeh: koan 'do Nyorsoa-nyor⧾ bo.: Yee' 'an bale a 'weh, a: ya a-a' 'jeh ya 'do eh: bo-nyor:⧾: dao' 'zorn,: korn mor nyor⧾-a' klehkpeh: an mu-uh-a bo 'kpa-: on 'ye-a': koan: 'jeh: dao' 'dlu bo kpa. :Yee': yeh: Tehfa'nor-: 'Fortuna'tor-: 'dekorn:: Aki'kor-: on yi-a 'noror 'on bo,: yee' 'mona-: no 'on. Deh a se-a 'beh-dih: a 'ye-a' no 'do 'on bo, eh-: on no. Deh no-eh, on dhe 'on: porluh 'di dih,: ka on no-a a-a' dhih: ke.: Yee' eh-a' dhih, a: to eh: bo-nyor:⧾: dao': dou'⧾ bo. 'Chore-nyor:⧾: on: ne-a 'de 'Esea-bluhba ken, on 'da, mo-: 'ye a-uh.: Akwi'la-:: Plosi'la-: 'dekorn: 'chore: eh 'gbon-dih-a 'de on 'bli 'gbu-: on 'da, mo-: 'ye a-uh 'gabaa: ke, 'de: Gwlor: baa'-a' 'nyne 'di. :A-a' 'Klae: de-di'-boi'-a' klehkpeh 'da, mo-: 'ye a-uh. A kpa 'de a 'bei': bhluun'⧾-': due': due', a 'ye-uh': gble-dih: 'de: porluh⧾-a': vlehehn'-': gweh ka 'di. 'Mor: or 'dhu-a: Poror'-', 'an 'jeh 'yor-eh-a' son, mo-: 'on no, 'de 'on 'chle a 'yee'-wlu:⧾: daa bo, 'mor 'ye a-uh. :Yee': mor nyor se: a-a': Gwlor: baa'-': ybeh, 'nyi Nyorsoa po-or 'chlo bo.: Yee' 'nyi: a-a': Gwlor: baa' 'yle. 'Nyi: Gwlor: baa': Yusu'-a' mla: ne 'o a bo o. A yubo-eh': ka 'on: ybeh-a a-a' klehkpeh 'de: Yusu' 'Klae-a' deh 'di. 'Ka-: eh 'ye: ne. 'Mor: Poror': oo',: or Nyorsoa 'da-a: or 'ye-a: Yusu' 'Klae-a'a: dboo-nyor no, 'de or-a' 'ton: korn ka 'di. 'Mor-: 'dekorn:: a-a' 'Klae: de-di' an 'da-dih-a: Timehte'-:: a: mor 'ye a-uh, a: mor: or 'dhu-a Nyorsoa-a' 'chore: eh: ne-a 'Korli-gwlor-: 'dekorn: Nyorsoa-nyor⧾-a' klehkpeh: on: ne-a: Ehki'a-bluhba ken bo-:. Mla-: 'dekorn: wlu-' dih 'worn-eh-: 'do a bo: en 'wluh-a 'de Nyorsoa: or no-a: a: Baa'-: 'dekorn:: Gwlor: baa': Yusu' 'Klae-: bo. :Yee': a po Nyorsoa-a' 'zio: or no-a: a-a': Gwlor: baa': Yusu' 'Klae: Baa', 'de: or no-a: a: Baa': or: korn-a: wehlih, 'de: or: korn-a bo nyor⧾: porluh⧾ 'di dih: dhe-eh-a' klehkpeh 'wluh-a. Nyorsoa, or-: dhe: a: porluh⧾ 'di dih 'do 'kle 'ye-eh-a' klehkpeh bo, 'de: a 'ye 'kpih 'ye,: a 'ye nyor⧾: an 'ye-a 'kle: porluh⧾ 'di dih dhe: ke. :Yee' 'Klae 'ye 'kle, 'de: a-a' 'jeh: ke,: a 'ye 'kle: ka or no-a 'kle 'ye-eh:.: Yee': ka Nyorsoa no-a, 'de or dhe-or: porluh 'di dih, 'ka-: eh no: ke, 'de Nyorsoa: yi-dih-or-' 'de or dhe: a: porluh⧾ 'di dih. :Yee': mor eh 'dhu: a 'ye 'kle,: yee' a 'ye: porluh⧾ 'di dih: dhe-eh:, a 'ye 'puh: dhih 'o.: Yee': mor Nyorsoa dhe: a: porluh⧾ 'di dih,: yee' a-a' 'jeh: ke, a mu: porluh⧾ 'di dih: dhe-eh:: ke, 'de a 'ye 'kpih: en se-a sea-a': korn 'nyi-eh: 'de: porluh-a' dih: kpon-eh 'di,: eh no-a 'kle 'ye-eh:: a-a' 'jeh: ke,: a: yi-dih:-a 'de 'di. :Yee': gwlii': dhe-eh:: a 'ble-a 'do a bo, eh ku-: dih. Deh no-eh,: a yubo-eh' 'kle: a 'ye-a, eh-:: korn 'be a 'ye: ke. 'De: porluh 'di dih: dhe-eh:: a 'ye-a, eh-: a 'ye: ke. :Yee': a 'bhorn a 'ye eh-a' deh 'i yubo:, 'Klae: de-di'-boi'-a:, 'do 'kle: a 'ye-a 'de 'Esea-bluhba ken, eh-a' dhih. 'Kle: a 'ye-dih:-a 'de, eh: dhie: 'i. Eh-: no-eh, 'de: a: se-eh': gwlii' dhe: dee',: ka: a mu-a 'kmo-': ne. :A-a': porluh⧾ zela:: a: gwluhuh',: eh gweh-a: a: chehn-eh wlu 'ken: a 'ye-a' 'meh. Jorwor: eh: no-eh:-' 'de: a: ne-': a-a' 'jeh: gwluhuh': kpa-dih:. Jorwor: Nyorsoa,: or za-a 'de 'meheh'-nyor⧾ 'de nma-dih-deh 'di, or-:: a 'ye: gwluhuh': kpa-dih:. Or: za 'de: a ji-a' 'worn. 'De mor or mu: a zelie: 'de ybei'.: A dhe-or-:: gwlii' or 'ye: a zelie:: neheh', :mor eh 'dhu a 'kpa: a bo, 'do Nyorsoa-a' bo: wlu-eh bo 'do: a-a' dhih bo.: Yee' eh mu-eh: no, 'de nyor⧾: dhulu' 'ye Nyorsoa-a' 'zio po 'do: a-a' dhih bo. Deh no-eh, or 'worn bale-wlu:⧾: dhulu' nyor⧾-a bale-a 'do: a-a' dha 'weh, 'de or po: a: bhorlie' bo. :Yee' deh: eh 'beh-dih-a: a-a' buh⧾ 'i, eh-:: dhe dih.: A-a': porluh⧾ zela: a: gwluhuh' 'weh,: ka 'kmo: a: ne-dih:-a 'kmo, on: gweh-a: vlehehn'-', 'de eh tba-a 'de: a 'di dih,: ka Nyorsoa no-ih-a: a-a' 'nyi-a',: yeh: a no-a 'jeh ka, eh-: 'dhu, ti: a: ne-a 'o a bo. Eh: se 'kmo-a': toror', or-a': na-dih:: a-uh. Jorwor: Nyorsoa-a' mla: oo'. :Yee': a: se-' deh⧾ a se-a zlo-a' 'beh-dih:-: 'dekorn: deh⧾ a se-a-' dih 'worn-eh: 'beh-dih:-: bo 'chle. 'On dhe-eh: gwlii', :mor a 'worn deh⧾: a no-a, en-' deh-beh dih: naa,: yee' eh mu ti: korn a mu: yih: en: sie:-a 'o dih 'worn-:, 'de eh 'ye a-a' buh⧾ 'i 'beh-dih: 'do: a-a' dhih bo. 'Ka-:: a mu: no: ke, eh 'ye: a-a' buh⧾ 'i 'beh-dih: 'do a-a' dhih bo: ke, 'do 'we-eh:: Gwlor: baa': Yusu'-a mu-a nyor⧾-a' klehkpeh-a' zabe: zi-dih: 'di. 'On yubo-eh' deh 'jeh,: ka a mu-a deh⧾: daa dih 'worn-:, eh-:: korn dhih 'on 'dhu-eh' 'do 'on: gwlii': dee', 'on 'ye 'de a bo yi: zai', 'de a 'ye 'o deh 'ye-eh kpor⧾ 'sororn' no. 'On 'dhu-ih' 'on 'ye 'o a bo: pa-dih:: dee',: mor 'on: taa 'Masordo'nia-bluhba ken mu.: Yee': mor 'on 'wluh 'Masordo'nia, 'de 'on 'ye 'o a bo yi: neheh': ke, 'de a 'ye 'on son 'nyi, 'on 'ye: Judi'a-bluhba ken mu. :Yee' deh⧾: daa 'on 'dhu-a, 'on gweh pehn-meo: 'ble-nyor: e?: Ae': ka 'kmo bo-nyor⧾-a no-a, 'ka-: 'an no ke? 'De worn: ne-a: due' 'di, on no-a, Keen', keen'.: Yee' 'do: wor an no-dih, 'On: se-eh': no i. :Yee': ka Nyorsoa no-a: dhehehn-nyor 'jeh ka, 'ka-: 'on no: ke.: Mor 'on no, Keen',: yee' 'an-a' 'wluh 'o, 'an-a' no, 'Kei:: neheh'. Deh no-eh, Nyorsoa-a' 'Yu: Yusu' 'Klae: or: korn-a tubo-wlu:⧾ 'mor-:: Salor'-: 'dekorn:: Timehte'-:: a po-a 'de a bo, or se pehn-meo 'ble. Or-: Nyorsoa: yi-dih: 'de or-a' keen'-a no keen' 'do ti-a' klehkpeh bo. 'De mor deh⧾-a' klehkpeh: en: korn-a wlu Nyorsoa po-a: dhama'-', en 'kpa-' dhih 'jeh 'de: Yusu' 'Klae-'. Eh-:: korn dhih: a 'da, 'ka-: eh 'ye: ne, 'de or-a' 'nyne 'di, 'de eh 'ye Nyorsoa-a' 'nyne dhih-a' 'i 'beh-a' 'nyi. Nyorsoa-a' 'jeh 'yor-eh: or-: no-eh, 'de a mor-: 'dekorn:: a mor-: 'de: a: nyna dih deh 'jeh 'de 'Klae-a' deh 'di. Or-:: ne-a: due', or-: 'o: or gan: a-uh, :a 'ye 'de or bo: korn. 'De or po or-a': Zulu 'do: a: porluh⧾ ken, eh 'ye: a 'i: to-dih:: ka deh⧾-a' klehkpeh or 'ble-a 'do: a bo, or mu-ih-a: a 'nyi-:. :Yee' Nyorsoa, or-: no 'an dhih ken dih zela-nyor. Deh: korn-a dhih 'on se-a 'Korli yi, eh-: 'dhu, 'on: se-' 'bhorn, 'on 'ye-eh' no 'de a-a': porluh⧾ 'ye 'zorn 'kpa. Eh: se: a 'ye a 'kpih: kpa-dih:, 'do deh a 'ye-a dhih 'jeh-' po, eh-a' dhih: deh. Jorwor: a: ne: a no-dih: koan: dha: due', 'de eh 'ye a 'mona-' dih 'yi-dih:. Deh no-eh,: a yubo-eh', a ku-: dih 'de a-a' dhih 'jeh-': po-eh 'di. :Yee' eh-:: korn dhih, 'de 'on: na-dih-eh 'dlu 'di dih, 'on: ne-' a 'ye 'da yi: neheh', 'de eh: ne-eh' no 'de a-a': porluh⧾: ne-' 'zorn 'kpa. Deh no-eh,: mor 'on no deh, 'de eh 'ye a-a': porluh⧾ 'zorn po,: yee': or mu-eh: no, 'de 'on 'ye 'mona-' 'kpa: eh? Eh: se a: mor: ne-a: due': e? 'On 'chle a bo 'weh, deh no-eh, 'on: se-' 'bhorn, 'on 'ye a 'ye 'da yi: naa. Deh no-eh, nyor⧾: an mu-eh: no, 'de 'mona 'ye-a' 'on dih 'yi-dih:, 'on: se-' 'bhorn on 'ye-eh' no, 'de 'an: porluh 'ye 'zorn 'kpa. 'On yubo-eh' deh 'jeh,: mor 'mona: taa 'on no,: yee' 'mona-a mu a-a' klehkpeh: no: ke. Deh no-eh, ti 'on 'chle-a a bo,: yee' 'an: porluh-a 'beh-dih 'on 'worn dih 'gabaa, 'de 'on 'ble 'pa 'do 'an: porluh ken, 'de 'an 'vin 'gabaa. 'On: se-' a bo 'chle, eh 'ye a-a': porluh⧾ 'zorn po. Jorwor: 'an 'bhorn a 'ye-eh' yubo:: ka 'on no-a a-a': ybeh-a' 'gabaa. Nyor: or no-eh, 'de 'an: porluh 'ye-a' 'zorn 'kpa, eh: se 'on: due' or: se-eh' no, jorwor: a-a' klehkpeh: oo', or no-eh'. A 'bor, eh: se a-a' klehkpeh. (Deh: korn-a dhih 'an za-a-' deh: daa, 'on: se-' 'bhorn deh or se-a no, 'on 'ye-eh 'o or 'dlu po.) Nyor: dao', 'kle 'ye-eh: a-a': dha: dhulu' po-a 'o or 'dlu, eh: dhie: 'i. :Yee' 'do eh-a' dha, a 'ma-dih: or-a' deh⧾-zon⧾-a' dhih bo, 'de a 'ye-or: porluh 'di dih dhe, or-a': porluh: ne-' 'zorn 'kpa, 'de or: ne-': keheh' 'kpa. :Yee' 'an bale a 'weh. A: to-dih-eh or 'i: ka a ybeh-or' deh 'jeh. 'Chlee-deh: 'on 'chle-a 'de a bo, 'on 'chle-eh', 'on 'ye a 'dhen,: eh beh a 'beh-dih: a 'ye 'o 'an wlu⧾-a' klehkpeh dih dhe-:. :Mor eh 'dhu a 'ma-dih: nyor-a' deh⧾-zon⧾-a' dhih bo,: yee' 'an 'jeh: ke, 'on 'ma-dih: or-a' deh⧾-zon⧾-a' dhih bo 'weh: ke.: Mor 'on 'ma-dih: nyor-a' deh⧾-zon⧾-a' dhih bo,: mor deh: ne 'o: eh: korn-a dhih 'on 'ye-a' bo 'ma-dih:,: yee' 'on no-eh 'do 'Klae ybei', 'do a-a' dhih bo. 'On no deh: daa 'weh, 'de 'ku: ne-' 'kpih 'ble 'do: a ken. Deh no-eh,: a yubo:: gbeheh: 'ku 'dhu-a 'weh. :Yee': yeh 'on 'si-a 'Tloa-gwlor dih, 'on 'ye-a tubo-wlu:⧾ 'jeh,: en kor-a 'Klae 'i po,: yee' 'on 'ye-eh': ka or: za-a 'o: kpaa' 'do 'on bo, 'on 'ye-a: koan no 'do or bo. Jorwor: 'an: porluh-a 'neneh 'de-: dih, deh no-eh, 'on: se-' 'an 'Klae: de-di' Talor' 'ye 'de mor.: Yee' eh-: no-eh, 'de 'on kpa nyor⧾: on: ne-a 'o wlu, 'on 'wluh 'o on bo, 'on mu 'Masordo'nia-bluhba ken. Jorwor: 'on po Nyorsoa-a' 'zio. Deh no-eh, or-: no-eh, 'de 'Klae du deh⧾-zon⧾-a' tuh, 'de: a 'ble 'for 'de or-a' tuh: du-eh:: dao' 'di.: A: mor Nyorsoa: yi-dih: 'de 'Klae-a' deh-' dih 'worn-eh: gweh deh⧾-a' klehkpeh 'dlu,: eh gweh-a: pofi'orn 'i. Deh no-eh,: a gweh deh⧾: en po-a 'no 'jeh no: en 'Klae-a za-dih-a 'slaa 'do Nyorsoa ybei',: en mu-a 'de nyor⧾: on: ne-a 'o 'puh-a': gwie 'i-: 'dekorn:: yuh: on: ne-a 'o gbe: zie-eh-a': gwie 'i-: bo. 'Do: yuh: on: ne-a 'o gbe: zie-eh-a': gwie 'i bo, on 'duo: 'no 'jeh: po-deh:: daa 'weh, eh 'ye 'no-zon no,: eh mu-a 'de 'meh-a' bo. Jorwor:: yuh: on: ne-a 'o 'puh-a': gwie 'i, on 'duo-eh 'weh, eh 'ye 'no 'jeh: po-deh no,: eh mu-a 'de 'kmo: sie:: febeh' bo.: Or 'beh-dih:: or 'ye: koan:: daa no: naa: eh? :Ka nyor⧾: noo'-a no-a,: a se: ao': ne,: on 'duo:-a Nyorsoa-a' wlu-',: on 'ye-uh'-a 'doror': po-dih:. Jorwor:: ka Nyorsoa dbo: a-uh,: yee': a no 'Klae-a' 'bhoi-nynuu:: an za-a: dhehehn-dhih-' 'de nyor⧾ bo, 'do Nyorsoa ybei'. :Mor: a: taa deh: daa-' za,: yee': a 'beh-dih:: a-a' 'jeh 'i: dele' ka: e?: Yee': a: korn: a 'ye 'chlee-deh⧾ 'ble,: en 'ye-a: a 'kwla: za, 'de a 'ye: a yubo:,: ka: a no-a nyor⧾ 'jeh,: ka nyor⧾: noo'-a no-a: e?: Ae': a 'ye a dih dhele:, a 'ye 'chlee-deh⧾ 'chle,: en 'ye: a 'kwla: za 'de nyor⧾: noo' bo: e? A-a' 'jeh 'yor-eh:, a: mor 'dhu: a-a' 'chlee-deh-': eh: ne-a 'o: a: porluh⧾ ken, 'de nyor⧾-a' klehkpeh 'ye-eh' yubo:, 'de on 'ye-eh' zlo. Eh 'worn-eh-: dih: ka eh 'dhu-a 'Klae-a' 'jeh 'yor-eh-': or 'chle-a 'chlee-deh:: daa, 'de or: dbo-dih:: a bo. Or: se-' 'chlee-deh-tu-a' 'ni no, or: se-eh' 'chle. Jorwor: 'kmo: ne-Nyorsoa-a': Zulu: mo-: or no. Or: se-eh' 'chle 'do sobu' ken. Jorwor: 'do: gwlor-nyor⧾-a': porluh⧾ ken: oo', or 'chle-dih-eh. Deh: korn-a dhih: a za-a deh⧾: daa-', eh-: 'dhu,: a: kpa-dih: Nyorsoa: gwluhuh',: eh: yi-dih:-a 'Klae-'. :A se: a-a' 'jeh-a' 'kpih: gwlii' dhe, 'do: koan:: daa, or-a' no-a' bo. Jorwor: Nyorsoa: oo', or-: no-eh, 'de: a 'beh-dih: or-a' no-a'. Nyorsoa: oo' or-: no-eh, 'de: a 'beh-dih: or-a' kuo: dele'-a': koan-a' no-a'. Kuo: dele': daa, or: se-' 'tele': eh 'chle-eh 'i kor, jorwor: eh kor Nyorsoa-a': Zulu 'i. Deh no-eh, 'tele': eh 'chle-eh, eh ya 'de 'meh-a'. Jorwor: or-a': Zulu-a ya 'de: febeh'. :Mose'-a' 'tele', eh 'chle-eh:-' 'do sobu'⧾ ken. Eh: za-eh: 'kwla, 'de Nyorsoa-a' dhih-a' 'i 'beh-a' 'di. Or-a' dhih-a' 'i 'beh-a': dao', or-: no-eh, 'de: Mose'-a' 'yuba-a fan, keen': mloror' dhih-a' 'i 'beh-a' fan-a': dao', or: gweh worn, jorwor: 'Ezlea-nyor⧾ se or-a' ya pobo-eh 'beh-dih: 'gboror:.: Yee': mor 'tele': daa: eh chehn-a nyor⧾ wlu 'ken, on 'ye-a' 'meh, eh: taa 'de dhih-a' 'i 'beh-a': or: ne: ao' ya, :yee' dha dhih-a' 'i 'beh-a': or: korn-a 'de Nyorsoa-a': Zulu-a': koan bo, or mu: na-dih:: eh? :Yee': mor kuo: soa:: or: ya-a: 'de nyor⧾-a' zabe 'i: chehn-eh, or no: ao' dhih-a' 'i 'beh-a' 'ble-a',: yee' dha kuo: dele': or no-eh, 'de: a no-a 'yi 'sleh-nyor⧾ 'do Nyorsoa ybei', or mu: na-dih:: eh? :A 'beh-dih:: a 'ye: ao', dhih-a' 'i 'beh-a': or fan-a deh 'jeh: naa, or-a' dhih, eh-: no-eh, 'de dhih-a' 'i 'beh-a': a 'da-dih-a faan-deh: dee', 'de nyor⧾ 'bor or-a' 'ye-a': naa. :Yee': mor deh: eh mu-a worn: gweh, eh no: ao' dhih-a' 'i 'beh-a' 'ble-a',: yee': yeh: eh mu-a 'kmo: sie:, dha eh mu: na-dih:: eh? :Yee': ka: a 'ble-a deh: gwlii': dhe-eh:: daa,: yee': a ku-': gwluhuh'. :A se: Mose' gweh,: or no-a 'yli-eh: or 'zile:-a or-a' 'yuba: dee', 'de 'Ezlea-nyor⧾: ne-' or-a' 'yuba:: or fan-a, or-a' worn: gweh-eh 'ye. Jorwor: an-a': porluh⧾: kpe ken dih, 'de eh: yeh-dih: 'zean'-we-eh:: daa ken.: Mor on: taa kuo: soa-chlee-deh zlo,: yee' 'yli-eh-for:: dao', or 'jli-eh: an-a': porluh⧾ ken 'gboror:. Deh no-eh, 'Klae-a' dhih 'jeh-': po-eh:, eh-: mu-eh: no, 'de 'yli-eh-for:: dao', or 'ye 'o 'wluh 'klein'. 'De mor 'ka-: eh: ne 'zean': ke.: Mor on: taa: Mose'-a' 'tele'-chlee-deh zlo,: yee' 'yli-eh-for:: dao', or 'jli an-a': porluh⧾-: ken 'gboror:. Jorwor:: mor nyor⧾ 'bili:-' dih 'noror: Gwlor: baa' bo,: yee' 'yli-eh-for:: dao', or 'wluh 'o 'weh. :Yee': Gwlor: baa': oo': a 'da, or-: 'dhu Nyorsoa-a': Zulu-'. 'De mor: dha: Gwlor: baa'-a': Zulu: ne-a,: yee' 'do: wor 'gegeye 'zorn 'wluh-eh: ne. :Yee': a-a' klehkpeh: or no-a 'Klae-a' nyor⧾,: a se 'yli-eh-for:: dao' 'dlu dih 'wla, 'de: a: to-dih:: Gwlor: baa'-a' dhih-a' 'i 'beh-a' nyor⧾ 'i. 'De: a: za-dih: or-a' tu-',: a gweh-or, 'de dhih-a' 'i 'beh-a': or 'kpuhba-a ken dih 'di,: eh 'wluh-a 'de or bo,: or 'dhu-a Nyorsoa-a': Zulu-'. :Yee' 'do eh-a' dha,: a-a': porluh⧾: se-' 'zorn 'kpa. Deh no-eh,: koan:: daa: a no-a, Nyorsoa-a': wehlih:: korn-eh: 'o: eh no-eh, 'de: a no-or. :A: dhe-dih: dhen-deh:⧾: en nyor⧾-a no-a 'de 'zile: ka 'di, 'for 'i.: A-a': bo-dih: nyor⧾ dih. 'De mor: a-a': za-dih: Nyorsoa-a' wlu: gwliin'. Jorwor: dhih: en no-a dhih-a' 'yor-eh, me-:: a za-'. 'De mor: a no-eh' 'do Nyorsoa ybei', 'de nyor⧾-a' klehkpeh 'ye: a-a' dhih 'worn-dih:. :Yee': mor eh 'dhu tubo-wlu:⧾ 'jeh: a po-a, en: kma 'i, nyor⧾: noo' 'ye-ih' dih 'worn,: yee' nyor⧾: on: ne-a 'o gbe: zie-eh-a': gwie 'i, mo-: 'o: on 'dhu nyor⧾-',: an-a' 'worn-ih' dih. Deh no-eh, 'ku: yuh 'kmo-a 'da-dih-a nyorsoa,: on korn-uh-a wlu 'ken, mo-: kan nyor⧾: on se-a Nyorsoa-a' tubo-wlu:⧾ 'jeh, dhih 'jeh-' po, an-a' deh-' dih 'worn-eh 'i. Zorn-pli:: en fan-a 'do on ken, an-a' 'ye-ih,: en 'wluh-a 'de Nyorsoa-a' tubo-wlu:⧾ 'jeh bo: en za-a 'Klae-a' dhih-a' 'i 'beh-a' dhih-',: or: ne-a 'de Nyorsoa-a' tu 'di. Eh: se: a-a' 'jeh 'yor-eh-a' tubo-wlu:⧾: a: se-' po. Jorwor: tubo-wlu:⧾: a po-a,: a 'da: Yusu' 'Klae, or-: no: Gwlor: baa'. Deh: due': a za-a-' 'do: a-a' 'jeh 'bhun, eh-: 'dhu: a no 'bhoi-nynuu: 'do a bo, 'do: Yusu'-a' dhih bo. Nyorsoa: or no-a, zorn-pli-a mu: fan 'de: kule-', or-a' 'jeh: dao', or-: no-eh, 'de or-a' zorn-pli-a fan 'do: a: porluh⧾ ken,: a 'ye or-a' dhih-a' 'i 'beh-a' dih 'worn: eh fan-a 'do 'Klae 'yuba 'i. :Yee': a gweh maa-yabo': or: korn-a 'di Nyorsoa-a' bhaan-deh:: daa, eh: dhe-a 'di dih. Eh-:: to-dih-eh nyor⧾ 'i,: ka 'kpih: kolu'⧾: daa, en se-a 'de: a bo 'wluh, jorwor: en 'wluh-a 'de Nyorsoa bo. Nyor⧾-a 'beh-dih: a 'worn dih 'for⧾-a' klehkpeh bo. Jorwor: eh se: a-a' du-a' 'beh-dih:.: Mor ti: nee': ne 'o,: yee' deh⧾: nee': kpe-dih: 'o: a: gwlii' dih. Jorwor:: a 'ble: gwlii': dhe-deh: 'gboror:. :Gwlor-nyor⧾-a 'ye-dih: a 'kle. Jorwor: Nyorsoa: se-': a dih 'tali:. Nyor⧾-a no-eh',: a 'ga-: dih. Jorwor:: a: se-' gbe: zie:. :Yee' 'do ti-a' klehkpeh bo,: a na 'de 'meh-a' 'worn dih: or: ne: Yusu'-a' 'meh-a goor-dih:-a.: Yee': ka: a: ne-a 'kmo 'gboror: eh-:: to-dih-eh nyor⧾ 'i: ka: Yusu': ne-a 'kmo: ke. :Yee' 'do: a-a' 'kmo: ne-eh-a' klehkpeh bo,: a-a': febeh': ne 'de ji-a' 'worn: Yusu'-a' dhih, 'de: a-a' yau:: daa: an mu-a 'meh-:, on 'ye-eh' nyor⧾ 'i: to-dih:: ka: Yusu': ne-a 'kmo. :Yee' deh: a na-a 'de 'meh-a' 'worn dih 'do ti-a' klehkpeh bo, eh-: no-eh, 'de a: ne 'kmo 'de Nyorsoa-deh 'di. Eh 'chle-eh:-' 'de Nyorsoa-a' 'chlee-deh 'di, eh 'da, 'On po-eh' dhih 'jeh. Eh-:: korn dhih 'an wlu.: Yee': ka: a 'ble-a dhih 'jeh-': po-eh:: ne-a: due',: yee': a-a' 'jeh: ke,: a po-eh' dhih 'jeh. Eh-:: korn dhih: a wlu. Deh no-eh,: a yubo-eh', Nyorsoa: or: za-a: 'de: Gwlor: baa': Yusu' 'de nma-dih-deh 'di, or mu: a 'kmo bo: ya: ke,: mor: a 'meh,: ka or no-a: Yusu'-a' dhih. 'De or 'ye a mor-: 'dekorn:: a mor-: kpa 'do or ybei'. A-a' dhih: oo', 'de deh⧾-a' klehkpeh: daa, en: no-eh:.: Yee': ka Nyorsoa-a' mla mu-a: gwlor-nyor:⧾: doru'-a ken: yeh-dih-eh: no, 'de on 'ye-a' 'puh, eh-: mu-eh: no, 'de Nyorsoa-a' 'zio: po-eh 'ye ken dih 'kpuhba:, eh 'ye-or' dhih-a' 'i 'beh-a' 'nyi. :Yee' eh-a' dhih,: a-a': porluh⧾: se-' 'zorn 'kpa. Keen': mloror': a-a' yau: ne 'o 'zorn-a': gwie 'i. Jorwor:: a-a': porluh⧾-a 'kpa-': dele' 'gwie-:: glaa'e-:. 'Worn dih 'beh-eh-yu-beh:: daa: eh: se-a 'o: gwle i,: a 'ye-a: naa, eh mu: a 'kmo: sie:: febeh': eh 'ble-a dhih-a' 'i 'beh-a': eh 'beh-a 'i,: eh: zi-a 'o 'kle 'ye-eh:: daa, 'nyi-:. :Yee' 'do eh-a' dha, deh⧾: a-a' 'yli-eh 'ye-a, eh: se 'de en bo,: a: se-': a-a': porluh⧾ po. Jorwor:: yih: a-a' 'ye-a, 'de en bo, 'do: wor: a po: a-a': porluh⧾. 'De mor deh⧾: a-a' 'yli-eh 'ye-a, en: se 'o: gwlee-deh:. Jorwor:: yih: a-a' 'ye-a, me-: no 'kmo: sie-deh⧾. :Yee': a yubo-eh',: a-a' yau:: daa: a 'ti-a 'de 'di,: mor on 'meh,: eh gweh-a: ka 'taa: 'por: gbalie blu-a,: yee' Nyorsoa-a mu 'gbu: noo' 'ble-: 'do: a bo 'de or 'bli yai',: a 'ye 'de on 'di 'ti, 'gbu or-a' 'jeh 'yor-eh po-a: an mu-a 'kmo: sie:: ka ti-a mu-a 'dlu-': tehn. :Yee': yeh: a: ne-a 'noror yau:: daa 'di 'gboror:,: yee': a 'vin-dih 'di dih. Deh no-eh,: a 'bhorn: a 'ye yau:: yuh: on: ne-a 'de Nyorsoa 'bli yai'-' pa. :A 'bhorn: a 'ye 'de: a-a' yau:: dele' 'di: ne.: Yee': a mu yau 'ble-: 'do ti-a' klehkpeh bo. :Yee': yeh: a: ne-a 'noror yau:: yuh: daa 'di,: yee': a 'vin-dih 'di dih: eh gweh-a: ka: a 'ble-a 'gbeh: a 'ye-a' kpa. Eh: se: a 'bhorn: a 'ye: a-a' yau:: a 'ble-a dha yao 'zorn, dih 'tali:: deh. Jorwor:: a 'bhorn: yuh: on: korn-a 'de Nyorsoa 'bli yai' bo,: a 'ye-uh' pa.: Yee': a-a' yau:: an mu-a 'meh-:, on 'ye yau:: yuh: on: se-a' 'meh-: i: za-dih:. Nyorsoa: oo', or-: po: a-a' yau 'kpa 'do deh: daa bo. 'De or po 'o or-a': Zulu 'do: a: porluh⧾ ken, eh 'ye: a 'i: to-dih:: ka deh⧾-a' klehkpeh or 'ble-a 'do: a bo, or mu-ih: a 'nyi-:. :Yee' eh-a' dhih,: a-a': porluh⧾-a' 'worn, en-' 'kpa 'zorn, keen': mloror': a yubo-eh': ka: mor: a: ne-a 'noror yau:: daa 'di,: yee': a: tehn-dih:-a: Gwlor: baa' 'bli bo dih. :Yee' or-a' dhih 'jeh-': po-eh:, eh-: no-eh, 'de: a: ne 'kmo. Eh: se or-a' 'ye-a': se-eh' no. :A-a': porluh⧾: se-' 'zorn 'kpa. Eh mu: a 'ton: korn: a 'ye yau:: daa dih 'tali:, 'de: a 'ye 'de: Gwlor: baa' 'bli yai' mu. :Yee' 'do eh-a' dha,: a 'bhorn: a 'ye deh no,: eh 'ye-a or-a': porluh dih 'pehn-dih:,: a-a': yeh: ne 'noror yau:: on: ne-a 'noror yao 'zorn 'di-: 'de mor: a-a': yeh: ne 'de: yuh: ne-a 'de Nyorsoa 'bli yai' 'di-:. Deh no-eh,: a-a' klehkpeh: a: korn: a 'ye dih: nyna 'do 'Klae-a' zabe:: zi: kpala' ybei': due': due': gbor. Deh⧾: a-a' klehkpeh: a no-a ti: a: ne-a 'kmo dha yao 'zorn,: eh beh deh-zon:: a no-:: eh beh deh 'jeh: a no-:: a mu eh-a' geli': za-dih-deh 'ye-:: due': due'. :Yee': a yubo: deh: Gwlor: baa'-a': fano:: ple-eh: bleh-dih:-a 'i 'weh.: Yee' 'do eh-a' dha,: a vorn-' nyor⧾ 'ye tubo-wlu:⧾: daa dhih 'jeh-' po. Nyorsoa yubo: deh⧾-a' klehkpeh: en: ne-a 'o: a: gwlii' 'weh. 'De 'on dhe-eh: gwlii', a yubo: nyor⧾: a 'dhu-eh:-' 'weh: ke. Eh: se: a vorn-': a 'ye: a-a' 'jeh 'i 'beh-dih: 'de a bo: dele' ka: deh. Deh: a no-a, eh-: 'dhu: a 'bhorn: a 'ye a 'kpih 'nyi, 'de eh 'ye a buh⧾ gbor po, 'do: a-a' dhih bo. 'De a 'ye nyor⧾: an pobo-a nyor⧾-a' ken-ku ya, 'de: an-a' pobo-a 'o nyor⧾-a': porluh⧾ ken,: an 'beh-dih-a an-a' 'jeh 'i, an-a' wlu-a' kpa: za-eh 'beh-dih:. :Yee': mor eh 'dhu sena, or: taa: a no 'jeh ka,: ka nyor⧾: noo' 'da-a,: yee' Nyorsoa-a' dhih: oo', 'de sena-a no: a-uh. Jorwor:: mor sena se: a no,: yee' eh po 'o a deh 'jeh ka. :Yee': ybeh-eh 'Klae 'ble-a 'do: a bo, eh-:: korn: a wlu 'ken. Deh no-eh,: a yubo-eh 'i: ka: mor nyor: due' 'meh-a 'do nyor⧾-a' klehkpeh-a' dhih bo,: yee' eh gweh nyor⧾-a' klehkpeh 'meh-': ke. 'De mor or 'meh-' 'do nyor⧾-a' klehkpeh-a' dhih bo, 'de: yuh: on: ne-a 'kmo, on: ne-' an-a' 'jeh-a' 'ton: korn deh no: neheh', jorwor: on 'ye 'Klae-a' deh 'kmo: ne-dih:. Deh no-eh, an-a' dhih: oo', 'Klae 'meh, 'de Nyorsoa za-or 'de nma-dih-deh 'di. :Yee': eh 'wluh-a dha, 'de: eh mu-a 'dlu bo,: a: se-': toror': or: ne-a dha 'kmo bo: no i, 'de: a: se-' nyor⧾-a' zabe: zi i, nyor⧾ on 'dhu-eh:-'. Keen': mloror' 'do ti: en zi-a 'di,: toror': or: ne-a dha 'kmo bo, or-:: a no, 'de: a zi 'Klae-a' zabe. Jorwor:: yeh: daa: naa,: a: ne-a ken,: a-a' no-eh: neheh'. :Yee' 'do eh-a' dha,: mor nyor: ne 'Klae-',: yee' or no nyor: dele'. Deh⧾: soa: klehkpeh, en zi-'.: Yee' deh⧾: dele', me-: or: ne-dih: 'kmo: naa. Nyorsoa, or-: no deh⧾-a' klehkpeh: daa 'do: a bo. 'De mor deh 'Klae no-a, eh-: no-eh, 'de: a mor-: Nyorsoa-:: a 'worn-eh: wlu-' dih.: Koan: Nyorsoa 'nyi: a-uh, or-: 'dhu,: a 'ye-eh' no, 'de nyor⧾-a' klehkpeh: ne or 'ye wlu-' dih 'worn-eh:. Deh 'an 'da-a, eh-:: dhe dih. Nyorsoa: yi-dih: 'Klae-', 'de or vorn, or: ne nyor⧾-a' klehkpeh: on: ne-a dha 'bluhba ken, on 'ye wlu-' dih 'worn-eh:. Or 'tali: an-a' deh⧾-zon⧾-a' dhih-: dih. 'De or 'nyi: a tubo-wlu⧾: a 'ye-ih' po,: ka or 'bhorn-a or: ne nyor⧾-a' klehkpeh on 'ye-a wlu-' dih 'worn-eh:. :Yee' eh-a' dhih,: a: mor wlu-dih 'o 'Klae 'gor-'.: A: mor 'o Nyorsoa: yi-dih:-' 'de or bale nyor⧾-a' klehkpeh.: A bale a 'weh 'do 'Klae-a' 'gor bo, a 'nyi a mor-: 'dekorn: Nyorsoa-: a 'worn-eh: wlu-' dih. :A-a' dhih, eh-: no-eh, 'de Nyorsoa 'duo: 'Klae-' or 'ye deh⧾-zon:⧾: no-nyor no,: or se-a deh-zon-a' deh 'i yubo:, 'de: a 'ye 'Klae-': yi-dih:,: a 'ye 'yi 'sleh-nyor⧾ no, 'do Nyorsoa ybei'. :Yee': ka: a: ne-Nyorsoa-a no-dih-a: koan: dha: due': naa,: yee': a bale a 'weh, a po 'de 'kpih, a 'ye Nyorsoa-a' mla: daa or po a bo, deh-': no-dih:. Deh no-eh, Nyorsoa 'dae: 'de or-a' 'chlee-deh 'di,: Yeh ti nyni-a 'o, 'on 'ye a-': za-dih:,: yee' 'on: to a: dou'⧾ bo 'weh. 'De mor: yeh ti nyni-a 'o, 'on 'ye a 'puh-dih:,: yee' 'on: za-dih: a-uh' 'weh.: Yee' 'an 'Klae: de-di'-boi'-a:, a: gbee'e:. Ti nyni 'o 'weh Nyorsoa 'ye a-': za-dih:. 'De mor Nyorsoa-a' nyor⧾ 'puh-dih-ti: wor: dhe dih. :A-a' po 'o deh 'do: gwie 'i,: eh 'ye-a' nyor⧾ 'gbele:, 'de: eh 'ye-eh' no 'de nyor⧾ 'ye-a: a-a': koan:: daa 'bhun dih: wlu-dih:. Jorwor: deh⧾-a' klehkpeh: a no-a,: a: to-dih-eh nyor⧾ 'i 'weh: ka: a 'dhu-a Nyorsoa-a' 'bhoi-nynuu-', 'de: a se-a sea, 'de 'kle 'ye-eh-:: a-a' 'jeh 'worn 'ye-eh-: 'dekorn: 'worn dih 'beh-dih-eh-: 'di. Blaa-tu⧾-:: kasue 'di: po-eh-: gwlor vorn 'kpunu: 'kpun: a-a' dhih-:: a-a': koan:: dhulu': no-dih-eh-:: a-a' 'mo-: 'dekorn: 'moeh-: me-:: a 'ye. :Yee': a-a': porluh⧾-a': vlehehn'-': gweh-eh-: Nyorsoa-a' tubo-wlu:⧾ 'jeh-a' dih 'worn-eh-:: porluh-a' dih: kpon-eh-: 'dekorn:: porluh-a' 'yi dih: nmor-eh-: me-:: a no, 'de: a: to-dih-eh nyor⧾ 'i: ke,: ka: a 'dhu-a Nyorsoa-a' 'bhoi-nynuu-',: eh: yi-dih:-a or-a' Gban 'i: ne: Zulu-' 'do: ybeh-eh: 'jeh: a 'ble-a 'do nyor⧾ bo 'di. :Yee' tubo-wlu:⧾ 'jeh: en no-a dhih-a' 'yor-eh-: 'dekorn: Nyorsoa-a' 'kpih or 'nyi: a-uh-: me-:: a no, 'de: a: to-dih-eh nyor⧾ 'i: ke.: Yee': a 'ble: a-a' 'yi 'sleh-deh:: eh 'ye: a-a': vorn-dih-deh no, eh-:: a no, 'de: a kpon nyor⧾, 'de mor: a kan-dih: a-a' 'jeh ken: ke. Nyor⧾: noo', mo-:: an 'dhu 'o: a-uh, 'de: noo'-a po: a yaa'e. Nyor⧾: noo', mo-:: an 'jle-dih: a-uh, 'de: noo'-a po: a dhih bo. Nyor⧾: noo'-a 'da-dih: a nyor⧾ dih: bo-dih-nyor:⧾. Jorwor:: a za-' dhih-a' 'yor-eh:. Nyor⧾: noo' 'da: a se deh-' 'dhu-eh:. Jorwor: nyor⧾-a' klehkpeh yubo:: a 'weh.: A na-dih 'de 'meh-a' 'worn dih. Jorwor:: a: ne-' 'kmo 'gboror:. Nyor⧾-a 'ye-dih: a 'kle 'do ti-a' klehkpeh bo. Jorwor:: a: se-' 'meh. :Mor: a-a': porluh⧾ 'kpa 'zorn,: yee' 'ka-: eh: ne, 'de: a no 'mona 'gboror:.: A no nyor⧾: on se-a deh-a': za-da 'ble. Jorwor:: a: mor no-eh, 'de nyor⧾: dhulu'-a bhan 'de Nyorsoa-a' deh 'i yubo: ka 'di.: A gweh nyor⧾: on se-a deh 'ble. Jorwor: 'de Nyorsoa-a' yubo: ka 'di,: a: mor 'ble deh⧾-a' klehkpeh. :Yee' a: mor 'Korli-nyor:⧾,: a kan-dih:: a-a': porluh⧾ 'i 'de a bo. 'De: a wlu 'de a bo deh 'jeh.: A: se-' a deh dih 'zile:. :A: se-': a-a': porluh⧾ 'i kan 'do a bo. Jorwor: a: mor 'o: or kan a-a': porluh⧾ 'i 'do: a bo. :Yee' 'an wlu 'de a bo: ka: baa'-a no-a 'de or-a' 'yu bo: wlu-eh. Eh-a' dhih, a kan-dih: a-a': porluh⧾ 'i 'do: a bo,: ka: a no-a: a-a' no-a' 'i kan-dih-eh: ke 'do a bo. :Yee' nyor⧾: on se-a 'Klae-a' dhih dhih 'jeh-' po, on: ne a-a': no-' deh: due'.: Kaa deh 'jeh-: deh-zon-: en no 'bei': eh? 'De mor: kaa zorn-pli-: 'dekorn:: kule-: en na-dih: dha: due': eh? :Kaa 'Klae-: 'dekorn: 'ku-: an mu ken dih kpon-dih-eh: no: eh?: Kaa nyor⧾: on po-a: Yusu'-a' dhih dhih 'jeh-: 'dekorn: nyor⧾: on se-a or-a' dhih 'jeh-' po-:: kaa an mu wlu: due' 'ble-a': no: eh? 'De mor wlu-' dih 'worn-eh-a': yeheh: eh: ne 'o zuu⧾-: 'dekorn: Nyorsoa-a' 'sla-: 'nyne bo: eh? Deh no-eh,: a: mor 'dhu 'kmo: ne-Nyorsoa-a' 'sla-',: ka Nyorsoa no-a eh-a': za-a', or no-a, 'An mu 'de 'an-a: nyor⧾ 'nyne-' 'ti-:, 'de 'on 'ye dih zi-dih: 'de on 'nyne-'. 'Mor-: mu an-a' Nyorsoa: no, 'de on 'ye 'an-a: nyor⧾-' 'dhu-eh:: ke. :Yee' 'do eh-a' dha,: Gwlor: baa' 'dae:: neheh', A 'wluh 'de nyor⧾: on se-a 'an dhih dhih 'jeh-' po 'nyne-', 'de a 'ye-uh bo dih: tehn-dih:. Deh: eh se-a: vlehehn'-': gweh 'do 'on ybei', a-a' 'tuh-eh:-' dih.: Mor a se-eh dih 'tuh,: yee' 'an mu a dih: kpon. :Yee' 'an mu a: Baa': no, 'de a 'ye 'an-a: nyor⧾-kpalu⧾-nynuu-: 'dekorn: 'nynor⧾-kpao'⧾-nynuu-: no. 'Ka-: 'mor: or 'dhu-a: Gwlor: baa'-': or 'ble-a 'kpih-a' klehkpeh kwa 'da. :Yee': a 'bli-nyor⧾-a:,: ka Nyorsoa po-a wlu⧾: daa: dhama'-' 'do: a bo,: yee' eh-a' dhih, a 'nyi: a po deh⧾-a' klehkpeh dih,: en no-eh, 'de: a-a': porluh⧾-: 'dekorn: yau: en pa-a: vlehehn'-'. A 'nyi: a 'ye Nyorsoa deh-', 'do: a-a' 'jeh-a' 'for 'i: dhe-dih-eh bo, 'do or bo. :Yee' a kan-dih: a-a': porluh⧾ 'i 'do: a bo.: A: se-' a-a' nyor deh-zon 'bhun no.: A: se-' nyor-a' 'dlu 'kor-dih:. 'De: a: se-' a-a' nyor 'dlu dih 'vleh. :Yee' eh: se 'on chehn a-a' zabe 'i, eh-:: korn dhih 'an za-a deh: daa-': deh. Jorwor:: ka 'on no-a eh-a': za-a': chio'lo:, 'on 'da,: a kan-dih:: porluh⧾ 'i 'weh 'do a bo,: a-a': yeh: ne 'kmo-: 'de mor: a-a': yeh 'meh-:. 'On: kpa-dih: a: gwluhuh' 'gabaa. 'De a 'beh-dih: 'an buh⧾ 'i. 'Kle 'ye-eh-a' klehkpeh: a: yi-dih:-a 'de 'di, 'an: porluh: se-' 'zorn 'kpa, jorwor: 'mona: 'yi-dih: 'on-: dih. :Yee': yeh: a 'si-a 'Masordo'nia-bluhba ken dih,: a se: forn-a' 'ble.: Dha: yor: a: mu-dih:,: yee': a 'ye 'kle.: A-a' 'bli: jeh-eh: 'noror 'zorn ka, 'de: fano-a no: a-uh 'noror 'di ka. Jorwor: Nyorsoa: or dhe-a nyor⧾: on: korn-a: porluh⧾-a 'kpa-a 'zorn,: porluh⧾ 'di dih, or-: dhe: a: porluh⧾ 'di dih, 'do Talor'-a' yi-a' bo. 'De mor eh: se or-a' yi-a': due', eh: se-': a: porluh⧾ 'di dih dhe, jorwor: tubo-wlu:⧾ 'wluh 'de or bo: ka a po-a 'de or-a' 'kpih. Or zela:: a: gwluhuh' 'weh: ka a 'bhorn-a, a 'ye-a 'on 'ye 'gabaa, 'dekorn:: ka a-a': porluh⧾ no-a 'zorn 'kpa-eh-: 'gabaa, 'de: mor eh 'dhu-a deh-', a mu-a 'on ken: kan-dih:.: Yeh 'on 'worn-ih'-a,: yee' 'mona-a: no 'on 'gabaa, eh: zi 'o ken dih. :Yee': mor 'chlee-deh: 'on 'chle a bo, eh po a-a': porluh⧾ 'zorn, jorwor: 'mor: mloror', eh: se-' 'an: porluh⧾ 'worn dih 'beh-dih:. Keen': mloror', eh 'beh-dih: 'an: porluh⧾ 'worn dih: zai'. 'De 'on yubo-eh, eh po a-a': porluh⧾ 'zorn, jorwor: eh: se 'o: gwle. Jorwor:: ka eh: ne-a: naa, 'mona-a: no 'on. Eh: se deh 'on no-eh, 'de a-a': porluh⧾ 'kpa-a 'zorn, eh-: no-eh: deh. Jorwor: a-a': porluh⧾-a' 'zorn 'kpa-eh:, eh-: no-eh, 'de a 'bili: 'noror Nyorsoa bo. Or-: 'o,: or no-eh, 'de a-a': porluh⧾ 'kpa 'zorn, 'de mor deh: daa,: a no-a, eh: se-' a dih puhba:. :Yee': mor Nyorsoa no-eh, 'de nyor⧾-a': porluh⧾ 'ye 'zorn 'kpa, eh-: no-eh, 'de an 'bili-' dih 'noror or bo, on 'ye 'puh,: mleheh' se: mor 'on 'ye: dee', 'dee' 'ble. Jorwor:: mor 'kmo no-eh, 'de nyor⧾-a': porluh⧾ 'ye 'zorn 'kpa, eh-: ya 'de 'meh-a'. A: gbee'e:. A pobo: deh Nyorsoa no-a 'do a bo ya,: yeh or po-a a-a': porluh⧾ 'zorn. Eh-: no-eh, 'de a-a': porluh⧾-a sin, a 'ye-eh' gbor: za: ka a se-a deh-zon no. 'De 'chehn-a no a-uh, 'do deh: eh: no-eh bo. 'De mor: fano-a: no a-uh 'do: yeh: eh mu-a: no-eh: 'bla bo: ke. Eh-: no-eh 'de a 'bhorn a 'ye 'on 'ye, 'de a-a': porluh⧾-a sin, a 'ye 'on dhih ken: za, 'de a 'ye nyor: or no-a 'on deh⧾-zon⧾ 'dlu dih 'kle 'ye-dih:. 'De deh⧾-a' klehkpeh: daa 'di, a: to-dih-eh nyor⧾-: 'i 'weh: ka a-a' son se-a 'de deh: eh: no-eh 'di: ne. :Yee' 'chlee-deh: 'on 'chle-a, eh: se nyor: or no-a deh-zon-:: eh beh: yor on no-a deh-zon: 'bhun-: an-a' dhih 'on: se-eh' 'chle. 'On 'chle-eh', eh 'ye-eh' no, 'de a-a' 'jeh 'yor-eh 'ye-eh' 'ye, 'do Nyorsoa ybei',: ka a-a': porluh⧾-a sin-a 'gabaa 'do: a-a' dhih bo. Eh-: 'nyi: a 'kpih 'gabaa.: Yee' 'do 'de, Talor'-a' 'jeh 'yor-eh-a' 'mona: or-: no-eh 'de: a 'kpa 'mona-' 'gabaa eh: zi 'o ken dih. Deh no-eh, a za-or: fano: gwlii'. 'On po a dhih bo, 'de or bo, 'de a: se-' 'on dhen: no-dih:. Dhih-a' 'yor-eh:, me-:: a za-' 'de a bo 'do ti-a' klehkpeh bo.: Yee' 'de: ka: ne-a: due' 'di,: ka: a no-a a-a' dhih bo: po-eh 'de or bo, eh za-eh-: gbor: ka eh 'dhu-a dhih-a' 'yor-eh. Or: po-dih-eh: gwluhuh' bo 'weh,: ka a-a' klehkpeh, a dhe-a 'o or-a' wlu dih, 'de ti a kpon-or dih, a-a' 'tiei-a tleh 'de: fano:: ple-eh 'di. Eh-: no-eh, 'de: ybeh-eh: or 'ble-a 'do a bo, eh ku dih, eh: zi 'o ken dih 'gabaa. :Yee' 'mona-a: no 'on: naa. Deh no-eh, 'on 'beh-dih: 'on 'ye a: gwluhuh': kpa-dih: deh 'jeh. :Yee' 'Klae: de-di'-boi'-a:,: a 'bhorn: a 'ye a: gwluhuh' zela: deh Nyorsoa-a' mla no-a 'do 'chore-nyor:⧾: on: ne-a 'Masordo'nia-bluhba ken bo. 'Mo 'dhen-eh:: doru' eh-:: yi-dih-uh ya dih, 'de 'kle 'ye-eh: on: yi-dih:-a 'di bo. On no nyor⧾: on se-a deh-a': za-da 'ble 'jeh ka, jorwor: an-a': porluh⧾ 'pehn-: dih 'gabaa, on 'ye nyor⧾ deh 'nyi 'do: porluh-a' 'worn: nmor-eh bo. :Yee' 'on 'beh-dih: 'on 'ye-eh' ken dih zela:, deh on 'beh-dih:-a on 'ye-a 'nyi, eh-: 'o on 'nyi, 'de: porluh-a' dih 'pehn ka 'di. 'De mor: yih on 'nyi-a, en: zi 'o ken dih. An-a' 'jeh 'yor-eh:, on bale:: a 'weh deh 'jeh, on 'ye 'for 'ble 'de Nyorsoa-nyor:⧾: on: ne-a: Judi'a-bluhba ken, an-a': za-dih-eh 'di. 'De mor deh⧾: daa on no-a,: a: se-': ao' en-': gwlii': dhe-eh no.: Zai' on: za an-a' 'jeh 'kwla 'de: Gwlor: baa' bo. 'De on: za an-a' 'jeh 'kwla 'noror: a bo, 'de Nyorsoa-a' 'ton: korn ka 'di. Talor', or-:: za 'wlii:: za-deh:: daa glu 'de a 'nyne-'.: Yee' 'do eh-a' dha,: a bale-or', or 'ye-eh' 'dlu bo kpa, 'de or 'ye a-': za-dih: a 'ye: ybeh-dih-eh:: daa: eh: ne: ao' 'i gweh. :Yee' a: mor: ne 'o a 'bei' 'dlu, 'do dhih 'jeh-': po-eh 'di-: Nyorsoa-a' tubo-wlu:⧾ 'jeh: po-eh-: deh-' dih 'worn-eh-:: porluh-a' sin-a' 'do nyor⧾-': za-dih-eh-: 'dekorn:: ybeh-eh: a 'ble-a 'do: a bo-:.: Yee' eh-a' dhih, a 'ye-eh bo, a 'ye-eh' no, a 'ye 'o a 'bei' 'dlu: ne 'do 'nyii'-deh:⧾: daa, en-' 'nyi-a' bo: ke. Eh: se 'tele' 'on: se-' a 'nyi. Jorwor:: ka 'chore-nyor:⧾: on: ne-a 'Masordo'nia-bluhba ken, an-a': porluh⧾-a no-a sin-a', on 'ye-a 'nyi, eh-: 'o 'an po-dih-eh 'i. 'An 'bhorn a 'ye-eh 'on 'i: to-dih:: ka a-a': ybeh-dih-eh 'dhu-a: ybeh-dih-eh: 'jeh-'. Deh no-eh, a yubo:: ybeh-eh:: klaba': a-a': Gwlor: baa': Yusu' 'Klae 'ble-a 'do: a bo 'weh. Keen': mloror' or bhan-', jorwor:: a-a' dhih-a' 'bleh 'bleh, eh-: no-eh, 'de or no se deh-a': za-da 'ble-nyor. Or no deh: daa 'weh, 'de: a 'ye bhan 'de Nyorsoa-a' deh 'i yubo-eh 'di. 'Do zon: on zi-a 'di, a: mor no: zai'-nyor⧾: or 'bhorn: or 'ye 'o 'nyii'-deh: to, 'de a no-eh. 'Slen 'an 'bhorn 'on 'ye a 'dhu, me-:: dhe dih. Eh mu 'yi dih: nmor, a 'ye deh a 'dhu-a glu 'i gweh.: Yee' 'nyi a-a': porluh⧾ sin a 'ye-eh' 'i gweh,: ka a-a': porluh⧾-a no-a sin-a', a 'ye-eh' no.: Ka a no-a deh⧾-a' 'ye-a', 'ka-: a 'ye 'nyi-a' no. :Yee': mor eh 'dhu a-a': porluh⧾: taa sin, a 'ye nyor⧾ deh 'nyi, deh: yeh a 'beh-dih:-a, a 'ye-a 'nyi,: mor a 'nyi-eh, Nyorsoa-a mu-eh ken dih 'worn-dih:. Deh a se-a 'ble, or: se-eh': gwlii' dhe, a 'ye-eh' nyor⧾ 'nyi. Eh: se: yee': a 'bhorn nyor⧾: noo' 'ye 'o eh 'zorn 'wluh, 'de eh-a' 'gbeh 'ye 'o a: mor: mloror' 'dlu: ne: deh. Jorwor:: a 'bhorn deh⧾-a' klehkpeh 'ye 'beh-dih:. :Yee' deh a 'ble-a: naa, eh: dhie: 'i.: Mor a 'nyi-eh on,: yee' on 'beh-dih: on 'ye deh on se-a 'ble 'ye.: Yee': mor ti: zi-dih: 'o ken dih,: yee' an-a': neh on 'ble-a: eh: dhie:-a 'i, 'de on 'ye a 'nyi: ke,: mor eh 'dhu a se deh 'ble.: Yee' deh⧾-a' klehkpeh-a mu 'beh-dih:. :Ka eh no-a 'chle-eh 'de Nyorsoa-a' 'chlee-deh 'di, eh no-a,: Yee' nyor: yor: or po-a dii-deh:⧾: dhulu': dha: due', or-a' 'ye 'o deh ken. 'De mor nyor: yor: or po-a dii-deh⧾-yor-bei: dha: due', or 'ye deh 'weh: ke. A 'nyi: a po Nyorsoa-a' 'zio,: or no-eh, 'de: ka 'an: porluh-a no-a sin-a', 'on 'ye a-': za-dih:, 'de Talor'-a' no-a no: ao' sin-a': ke. Ti: a bale-or, or 'ye-a 'de a bo yi,: yee' or 'worn-dih-eh ken dih 'weh. Or-a': porluh-a sin-', or 'ye-eh' no: dee' see, 'do or-a' 'jeh bo, 'de: a mu 'de or bo: wlu. :Yee' Talor'-: 'dekorn: 'Klae: de-di': due'-: mo-:: a dbo 'de a bo: naa. 'De-di'-nyor-kpalu-a' 'jeh: dao', 'chore-nyor⧾-a' klehkpeh 'ble or-a' 'nyne 'jeh, 'do or-a' Nyorsoa-a' tubo-wlu:⧾ 'jeh-a': po-eh-a': koan bo. Or-a' 'jeh: dao', or-: 'chore-nyor⧾-a' klehkpeh: za, or: ne: a 'ye mu,: a 'ye 'nyii'-deh:: daa kpa,: en mu-a 'de dhih-a' 'i 'beh-a': ya 'do: Gwlor: baa' bo, 'de: en mu-eh nyor⧾ 'i: to-dih:,: ka: a-a': porluh⧾-a sin-a,: a 'ye-a nyor⧾ bo 'kpa. :A: se-' 'bhorn nyor⧾ 'ye: a dhih 'bhun: za-dih: 'do: ka: a no-a 'nyii'-deh:⧾: dhulu': daa en-' nyor⧾ 'nyi-eh: bo, eh-:: korn dhih: oo'. Deh no-eh, deh: a 'bhorn-a: a 'ye-a' no, eh-: 'dhu: a: se-' 'bhorn: a 'ye deh: eh 'sleh-a 'i no 'do: Gwlor: baa': due' ybei'. Jorwor:: a 'bhorn: a 'ye-eh' no 'do: gwlor-nyor⧾ ybei': ke. :Yee': a dbo 'Klae: de-di': noror', or-:: ne an yi-dih 'de.: A 'dhen-or-: dih 'do kpor⧾: dhulu' 'di, 'de or: to-dih:: a 'i: ka or-a': porluh-a sin-a or 'ye-a a bo 'kpa.: Yee': ka or: kpa-dih:-a a: gwluhuh' 'gabaa: naa,: yee' or-a': porluh-a sin-' 'gabaa, eh: zi 'o ken dih, or 'ye-eh' no. :Yee' Talor': mloror', or: ne 'an na-dih: dha: due', 'de or no 'on 'be: koan:: no-nyor 'do a-a' dhih bo. Jorwor:: a-a' 'Klae: de-di'-boi': on: ne-a 'sororn': on: ne or yi-a 'de a bo, mo-: 'chore-nyor⧾ 'dhu 'o, 'de on: ya 'de dhih-a' 'i 'beh-a' 'do 'Klae bo. :Yee' 'do eh-a' dha, a: to-dih-eh nyor⧾: daa 'i, 'do 'chore-nyor⧾ ybei',: ka a ybeh-uh-a 'jeh ka, 'de on 'ye-eh' yubo: deh: korn-a dhih: a 'beh-dih:-a: a-a' 'jeh 'i, 'do a-a' dhih bo. :Yee' 'on se: korn 'on 'ye a bo 'chle 'do Nyorsoa-nyor:⧾: on: ne-a 'de: Judi'a-bluhba ken, an-a': za-dih-deh bo. Deh no-eh, 'on yubo-eh', a-a': porluh⧾-a sin-' a 'ye nyor⧾-': za-dih:. Eh-:: korn dhih 'de 'an po a dhih bo, 'de nyor⧾: on: ne-a 'de 'Masordo'nia-bluhba ken bo. 'On zela-uh-:: gwluhuh', 'on 'da,: Eh 'wluh-a zon zi-a 'bli: chio'lo:, a: mor: Ehki'a-nyor:⧾, a: ne buh⧾ ken a 'ye nyor⧾ deh 'nyi.: Yee' a-a': porluh⧾-a' sin-a': dao', eh-: po 'de 'Masordo'nia-nyor⧾-a': dha: dhulu'-a' 'kpih, on 'ye deh no. :Yee' 'do eh-a' dha, 'Klae: de-di'-boi': daa, mo-: 'an dbo 'de a bo, 'de dhih bo: po-eh:: a po a bo, eh: ne-' deh 'plo no, 'de a 'ye buh⧾ ken: ne, a 'ye a-a'a: 'nyii'-deh 'nyi,: ka 'on no-a eh-a': za-a'. :Yee': mor eh 'dhu, 'mor-: 'dekorn: 'Masordo'nia-nyor⧾-a' nyor⧾: noo'-: 'de: a 'ye dih 'si, 'de a 'ye: ao' a 'see deh za,: yee' eh mu: a dhen-' dih: po. Deh no-eh,: a: kpa-dih: a: gwluhuh': dee' 'gabaa.: Yee' dha a: mor: mloror' a mu: na-dih:: ke: eh? :Yee' eh-: no-eh, 'de 'on 'da eh: nmor-: 'yi, 'on 'ye 'de-di'-boi': daa bale:, on 'ye 'on ybei' yi 'noror a bo, on 'ye 'nyii'-deh⧾-a' klehkpeh: en: korn-a wlu a po-a: dhama'-': dha: due' po. 'De: mor 'on 'si dih 'suh, 'on 'ye-ih' 'duo:.: Yee' eh mu-eh nyor⧾ 'i: to-dih:: ka a-a': porluh⧾ 'pehn-a dih, a 'ye-eh' no, 'de nyor se-a a kpon. :Yee' a: na-dih-eh: gwluhuh' dih, nyor: or tba-a deh⧾-yor-bei,: yee' deh⧾-yor-bei: or mu 'kpan-:. Jorwor: nyor: yor: or tba-a: dhulu', or mu deh⧾-yor:: dhulu' 'kpan-:. Deh nyor-a': porluh 'worn-dih-a ken dih, or 'ye-a 'nyi, eh-: or 'ye 'nyi. Jorwor: 'nyi or no-eh 'de: porluh-a' dih 'pehn ka 'di,: eh: se-a nyor 'kpih: kpa-dih-eh:, deh no-eh, nyor: or to-a 'o 'nyii'-deh 'de: porluh-a' dih 'pehn ka 'di, or-: Nyorsoa: ybeh-'. 'De mor Nyorsoa 'beh-dih: or 'ye a: bhorlie': dhulu' 'nyi, eh 'ye 'o ken dih: zi, 'de eh 'ye-eh' no, 'do ti-a' klehkpeh bo, a 'ye deh⧾-a' klehkpeh a se-a 'ble, a 'ye-ih 'ye, 'do a-a' 'jeh bo.: Yee' a mu: dhulu' 'ble-: a 'ye: koan: 'jeh: nor 'doror: 'dor no 'do nyor⧾ bo. :Ka eh no-a 'chle-eh 'de Nyorsoa-a' 'chlee-deh 'di, eh no-a, Or to 'nyii'-deh:⧾ 'do nyor⧾: on se-a deh-a': za-da 'ble bo, 'de: porluh-a' 'worn: nmor ka 'di. 'De mor or-a': porluh-a' 'yi dih: nmor-eh: se 'boror'-deh:. Nyorsoa: oo' or-: 'nyi: gwlor-nyor deh⧾-yor or 'ye tba. 'De or no-eh, 'de: gwlor-nyor 'ye 'o dii-deh.: Yee' 'do eh-a' dha, or mu a deh⧾-yor-a' klehkpeh a 'beh-dih:-a a 'ye-a' tba 'nyi-:, 'de or 'ye-eh' no en 'ye ku.: Yee' or mu-eh: no, 'de a-a': porluh⧾-a' 'yi dih: nmor-eh:: dao', en 'ye 'yor: doru' po. Or mu-eh: no 'de a 'ye bhan, 'de 'for⧾-a' klehkpeh bo, 'de a: sor: kmu 'kwa dih 'do ti-a' klehkpeh bo, 'de: gwlor-nyor:⧾: dhulu' 'ye Nyorsoa-a' 'zio po, 'do a-a' 'nyii'-deh:⧾: a 'nyi-uh-a bo. Deh no-eh,: koan:: daa a no-a, eh: se a 'ye Nyorsoa-nyor:⧾: on: korn-a son⧾ se-a 'o nyni deh 'nyi: due': deh. Jorwor: eh 'ye-eh' no, 'de nyor⧾: dhulu' 'ye Nyorsoa-a' 'zio po. :Yee': koan:: daa a no-a, or mu-uh deh 'i: to-dih: nyor⧾ a 'dhu-eh:-', 'de nyor⧾: dhulu' 'ye Nyorsoa-a' dhih-a' 'i 'beh-a' 'nyi. Deh no-eh, a dhe 'o tubo-wlu:⧾ 'jeh: en kor-a 'Klae 'i, en-' 'tele'-: dih. 'De mor deh a 'ble-a, a: nmor-dih-eh: gwluhuh' 'do eh-a' 'nyi 'da, 'de on bo-: 'dekorn: nyor⧾: noo': noo'-:. :Yee' an mu 'de Nyorsoa bo: wlu 'do a-a' dhih bo.: Yee' an mu a-a' 'ye-a' 'bhorn 'gabaa. Deh no-eh, or po a mla: dhulu': or: zi-a 'o ken dih bo. A 'nyi: a po Nyorsoa-a' 'zio, 'do 'nyii'-deh: or 'nyi: a-uh bo,: eh: a-a' 'worn se-a 'i po-a' 'beh-dih:. 'Mor: Poror', 'an no 'an 'jeh 'yor-eh-a' wlu, 'an wlu 'de a bo. Nyor⧾ 'da: mor 'on: ne 'o a bo,: yee' 'on bhlor-'. Jorwor:: mor 'on: tehn-dih: a bo dih,: yee' 'on: kma 'i.: Yee' 'de 'Klae-a' 'jeh ya: ya-eh-: 'dekorn: or-a' 'yi: kpon-eh-: 'di, 'an bale a 'weh,: mor 'on 'yle, a-a': no-eh' 'de 'an-a': kma 'i 'do a ken,: ka 'on no-a eh-a': gwlii': dhe-eh, 'on 'ye-a nyor⧾: noo'-a' dhih no,: on no-a,: ka nyor⧾: on: ne-a dha 'kmo bo, an no-a, 'ka-:: a no. Keen': mloror': a: ne 'noror 'kmo bo 'weh. Jorwor:: a-a' vorn: ka 'kmo bo-nyor⧾-a no-a. :Vorn-dih-deh:⧾: a no-a, 'de: a vorn-a, en: se: vorn-dih-deh:⧾: yih: en: ne-a dha 'kmo bo. Jorwor: Nyorsoa-a' 'kpih: en no-a: vorn-dih-deh, me-: 'o: a no, 'de: a gba 'kulu-deh⧾-a' gwlor⧾ en dhe-a: gwlii' ya.: A: za 'o sih-deh:⧾ nyor⧾-a dhobo-a-': en se-a deh 'di: ne: gwie 'i 'weh. Deh⧾-a' klehkpeh 'jeh 'i 'beh-dih-nyor⧾ po-a 'o: gwie 'i, 'de nyor⧾: sor yubo:-a Nyorsoa, me-:: a: wa-dih: dih klehkpeh. 'De: a vorn: a 'ye-eh' no,: a 'ye: gwlor-nyor⧾-a' 'dlu⧾ dih 'bili:, 'de an-a' 'dlu⧾ 'di dih: na-dih-deh 'ye 'o 'Klae-a': gwie 'i: ne, 'de on 'ye 'o or-a' 'tele' dih dhe. :Yee': mor eh 'dhu, a: to-dih-eh: a 'i,: ka a dhe-a 'o or-a' 'tele' dih deh 'jeh,: yee': a: ne buh⧾ ken: a 'ye nyor⧾: an-a' dhe-a 'o or-a' 'tele' dih 'kle 'ye-eh 'dlu po. A pobo deh: eh: ne-a 'o a 'yli-eh 'zorn ya 'klein'.: Mor nyor yubo-eh deh 'jeh,: ka or: korn-a 'de 'Klae bo,: yee' 'nyi or: na-dih-eh: gwluhuh' dih: ke,: a-a' 'jeh: ke,: a: korn 'de 'Klae bo,: ka or: ne-a. :A-a': Gwlor: baa', or-: 'nyi: a 'kpih 'do a 'dlu. Eh: se: a 'ye a 'kor-dih:: deh. Jorwor: eh 'ye-eh' no, 'de a 'ye ku. Keen': mloror' 'on 'beh-dih: 'an 'jeh-: 'i 'do 'kpih 'Klae 'nyi-a 'on bo, eh: zi 'o ken dih deh-beh. Jorwor: eh: se-' 'on dhen-' dih po. 'On: se-' 'bhorn eh 'ye-eh' gweh: eh: mor 'an po a: fano 'di 'do 'an-a: 'chlee-deh⧾ bo. Deh no-eh, nyor⧾: noo' 'da, or-a'a: 'chlee-deh⧾: kma 'i 'do: a ken, 'de en 'neh: a ken. Jorwor:: mor or-a' nyior-tu: ne 'o: a bo,: yee' or se 'kpih ken: ne, 'de or-a' wlu se deh-' 'dhu-eh:. :Yee' nyor: or mu: ao' 'da-:, 'nyi or 'worn deh: daa dih, deh⧾: a za-a-' 'noror: a-a'a: 'chlee-deh:⧾: daa 'di, me-:: ne-a: due': oo': a mu: za,: mor: a: ne 'o a bo. :Yee': a se: gwluhuh': ku: a 'ye: a-a' 'jeh nyor⧾: dao': an po-a an-a' 'jeh dhih bo, 'i: po-dih:. An no an-a' 'jeh-a'a: 'tele', 'de an zi an-a' 'jeh-a' zabe. An po-dih an-a' 'jeh on 'bei'-'.: Mor on: taa 'o no,: yee' on no: bobo-nyor:⧾. Jorwor:: a: mor: mloror': a: se-': a-a' 'jeh 'i 'beh-dih: i, eh: se 'o 'dlu dih: zi. Jorwor:: koan: Nyorsoa dbo: a-uh,: a 'ye-a' no, or-:: korn dhih: a mu: a-a' 'jeh 'i 'beh-dih:. 'De mor a no: koan:: dao', or-a' 'for: ke. :A-a' 'jeh 'i 'beh-dih-eh: se 'o 'dlu dih: zi. Deh no-eh,: a: mor 'o,: or: ya 'de tubo-wlu:⧾ 'jeh: en kor-a 'Klae 'i, 'de a bo. :Yee': a-a' 'beh-dih:: a-a' 'jeh 'i, eh: zi 'o ken dih, 'do: koan: a 'bei' no-a bo. Jorwor: deh: a dhe-a: gwlii', eh-: 'dhu a-a' dhih 'jeh-': po-eh 'ye ku, 'de: a 'ye: koan:: kolu'⧾: no-eh 'beh-dih: or 'ye 'o ken dih: zi, 'de a 'nyne-'. :Mor eh: ne: ao',: yee': a 'beh-dih:: a 'ye zi,: a 'ye Nyorsoa-a' tubo-wlu:⧾ 'jeh: po 'da mu 'de 'bluhba⧾-dlu:⧾: en: ne-a 'de a 'kpuh 'i ken.: Yee': a se: korn: a 'ye: a-a' 'jeh 'i 'beh-dih: 'do nyor: noror' 'bli or: no-dih:-a: koan: zai'. Jorwor:: ka eh no-a 'chle-eh 'de Nyorsoa-a' 'chlee-deh 'di, eh no-a, Nyor: or mu-a or-a' 'jeh 'i 'beh-dih:, 'nyi or 'beh-dih: or-a' 'jeh 'i, 'do deh: Gwlor: baa' no-a, eh-a' dhih bo. Deh no-eh, eh: se nyor: or po-a or-a' 'jeh-a' dhih bo, Nyorsoa: se-' ken dih 'worn-dih:. Jorwor: nyor: yor: Gwlor: baa' po-a dhih bo, or-: 'o Nyorsoa 'worn-dih: ken dih. :Yee' 'an 'bhorn a 'ye a-a': porluh⧾ dih kpon: weh-beh:, 'do: bobo-dhih: 'an yi-a: za 'da bo. A: korn 'gen, 'an 'bhorn a 'ye-eh' no. 'An no: gwlehehn' a-a' dhih,: ka Nyorsoa-a no-a. A gweh 'nynor-kpao'-yu:: or se-a nyor-kpalu-dhih yubo:, 'de: or: gweh-a: vlehehn'-',: or: korn-a wlu 'on po-a: dhama'-': or 'ye-a nyor-kpalu: due' 'bli 'ti, an 'da-dih-a 'Klae. Jorwor:: fano-a: no 'on, deh: eh: no-eh 'do 'Ii bo, eh: ne-': no-eh: 'do a bo. Sehn po: bhuli' 'de eh: bo-dih-or dih, 'de or no deh-zon. 'De: ka: ne-a: due' 'di, a-a' 'dlu⧾ 'beh-dih: en 'ye 'o: gwie 'i 'wluh 'weh,: eh 'ye-eh' no 'de a-a' 'Klae-a': ybeh-a': eh tba-a 'de a 'di dih,: eh: gweh-a: vlehehn'-', eh 'ye 'kor: ke. Deh no-eh,: mor nyor: noror' yi 'o a bo, 'de or 'ye tubo-wlu:⧾: en kor-a: Yusu': noror' 'i po,: or: se-a: yor: or: korn-a tubo-wlu:⧾: a po-a 'de a bo. 'De mor a 'ye: zulu:: noo' 'ye,: on: se-a Nyorsoa-a': Zulu:: yuh a 'ye-a: zai', 'de a 'ye tubo-wlu:⧾: nee': nee' dih kpon,: eh: se-a: yih a kpon-a dih: zai',: yee' eh-: 'o, a 'worn-dih ken dih. :Yee' 'on yubo-eh': Yusu'-a'a: dboo-nyor:⧾: daa, a 'da-dih-a dhih-a' 'i 'beh-nyor:⧾: on: zi-a 'o nyor⧾-a' klehkpeh-',: ka on no-a, on 'kpa-a deh ken, 'ka-: 'on no, 'on 'kpa deh ken 'de deh⧾-a' klehkpeh 'di. Eh gweh 'on: se-' dha deh 'chean'-dih: 'do: wlu-a' bo 'bla, jorwor: 'on 'ble deh-' dih 'worn-eh: 'gboror:.: A: florn-dih-eh ken dih 'weh, deh 'jeh, 'de a bo: zai'. 'On po Nyorsoa-a' tubo-wlu:⧾ 'jeh 'weh 'de a bo, 'de 'on: se-' a geli': za-dih-deh dih dhele:. 'On: ya 'an 'jeh ya 'weh 'de a bo, 'de eh 'ye a ya-' 'duo:.: Mor 'on: taa: ao' no,: yee' deh-zon: 'o, 'on no 'de Nyorsoa bo: e? 'Chore-nyor:⧾: noo' 'nyi 'on 'wlii:, 'de 'on 'ye-ih: koan: no-dih: 'de a 'nyne-'.: Mor 'on: taa 'ye,: yee' 'an 'yli nyor⧾: an 'nyi-a 'on 'wlii:: dao' 'weh, 'do a-a': za-dih-eh bo. :Yee' ti 'on: ne-a 'de a bo, 'de 'an son: gweh-a, 'on: se-' a-a' nyor 'worn dih 'beh-dih:. Deh no-eh, 'Klae: de-di'-boi': on 'wluh-a 'Masordo'nia-bluhba ken, mo-:: ya 'on deh⧾-a' klehkpeh 'on se-a 'ble.: Yee': ka 'on no-a, 'de 'on se-a a 'worn dih 'beh-dih:, 'ka-: 'an mu: no, 'on: se-' a 'worn dih 'beh-dih: i,: ka eh mu-a 'dlu-': tehn. 'Klae-a za-' dhih-a' 'yor-eh 'do ti-a' klehkpeh bo.: Yee' 'ka-: 'an no: ke,: mor 'on 'da nyor se 'noror: Ehki'a-bluhba ken: ne,: or 'ye-a 'on 'borboa' 'i po,: mor 'on: taa 'an 'jeh dhih bo po 'do deh: daa, eh-a' dhih. :Eh: korn dhih: oo': eh? 'On se a-': ybeh: dhih 'o: e? Nyorsoa yubo-eh', 'on: ybeh a-uh' 'weh. Deh 'an no-a 'do ti-a' klehkpeh bo, eh-: 'an mu 'dlu bo: kpa, 'de eh 'ye nyor⧾: dao',: an 'bhorn-a: on 'ye-a an-a' 'jeh 'i 'beh-dih:, 'borboa' 'i po, 'de on: ne-' 'an-a:: koan: 'an no-a, 'an nor 'i: po-dih:. Nyor⧾-kpalu:⧾: dao', on: se: Yusu'-a'a: dboo-nyor:⧾ 'jeh: no. An 'tmo sih 'do: koan: an no-a bo. 'De on po an-a' 'jeh 'kpa, on gweh 'Klae-a'a: dboo-nyor:⧾ 'jeh no. Eh: se deh: oo': eh 'ye 'de a 'di dih 'ma-dih:: deh. 'Ku-a' 'jeh: ke, an za-dih-', 'de an gweh 'enjor:: or: korn-a dhih-a' 'i 'beh-a'-a fan. :Yee' eh: se deh: dele': mor 'ku-a' 'bhoi-nynuu po an-a' 'jeh 'kpa, 'de on 'ye 'yi 'sleh-Nyorsoa-a' 'bhoi-nynuu gweh. 'Do eh-a' 'dlu-': jla 'da, deh⧾ on no-a, me-:: korn geli': za-dih-deh: an mu 'ye-:. :Yee' 'an za-eh-: de: neheh'. Nyor-a' 'da-dih: 'on: bobo-nyor. Jorwor:: mor nyor no-eh,: yee' 'nyi or kpon 'on dih: ka nyor: or kpon-a: bobo-nyor dih, 'de 'on 'ye 'an 'jeh 'i 'beh-dih:: weh-beh:. Deh 'an za-': naa, eh: se 'tele': Gwlor: baa' 'nyi-a 'on. 'Jeh 'i 'beh-dih-eh: 'an 'da-a,: ka: bobo-nyor-a wlu-a, 'ka-: 'o 'an wlu. Jorwor:: ka nyor⧾: dhulu'-a 'beh-dih-a an-a' 'jeh 'i,: ka 'kmo-a no-a,: yee' 'an 'jeh: ke, 'an mu 'an 'jeh 'i 'beh-dih:. A se: ao', a: mor: toror': korn-nyor:⧾ 'o: neheh': e? Eh-:: korn dhih, 'de a: za: bobo-nyor⧾ 'yli-eh dih, 'de: porluh⧾-a' dih 'pehn ka 'di: neheh': e? :Yee': mor nyor: no-dih: a 'ge-yu, a za-or 'yli-eh dih: chio'lo:. 'De mor: mor nyor 'yli a bo, a za-or 'yli-eh dih: chio'lo:. 'De mor: mor or-a': yeh 'vleh a 'dlu dih, or-a': yeh po a 'kpa 'yli, a za-or 'yli-eh dih: chio'lo:, 'de or no-eh. A: korn a-a' deh 'gen o nii:. Jorwor: 'mor: mloror', eh po 'on dhen-' dih, 'on se eh-a': gwluhuh'-': ku: kao:, 'on 'ye deh: eh: ne: ao' no 'do a 'bhun o. Jorwor:: mor nyor: ku: gwluhuh' or 'ye or-a' 'jeh 'i 'beh-dih: 'do deh-a' dhih bo, keen': ke,: yee' 'an mu: gwluhuh': ku, 'on 'ye 'an 'jeh 'i 'beh-dih: 'do deh: ne-a: due', eh-a' dhih bo: ke. 'An wlu-': ka: bobo-nyor 'i: naa. An-a' 'jeh: daa, mo-:: Hiblu'-nyor⧾: oo': e? 'Ka-: 'on: ne: ke. Mo-: 'Ezlea-nyor⧾: oo': e? 'Ka-: 'on: ne: ke.: Ae' mo-: 'Eble'hehn-a' 'di-a'-nynuu: oo' ke? 'Ka-: 'on: ne: ke. :Ae' mo-: 'Klae-a' 'bhoi-nynuu: oo' ke? (:Mor 'on: taa: ao': wlu-a' no,: yee' sena-: no 'on.) 'On zi-uh' 'weh 'do 'bhoi-yu-deh-a' no 'da. 'On no: koan:: dhulu', 'on zi-uh'. 'On: po-eh:: kasue 'di kpor⧾: dhulu' 'di, eh zi-uh'. Nyor⧾ bla 'on, eh zi-uh': ke. 'De 'an pobo 'de 'meh-a' 'yli 'de, 'do ti: dhulu' 'di, eh zi-uh'. :Jueh'-nyor⧾-a' sene'eh⧾-a': kwlaa taan 'yor: meheh': nyieh, me-: 'on 'ye 'do kpor⧾: mm' 'di. 'Wloon-nyor⧾ no 'an tu⧾: bla-dih-eh kpor⧾ taan. 'De eh: korn ti: due' nyor⧾: noo': tba-dih: 'on sobu'⧾ dih, on 'ye 'on 'dba: dee'. 'De 'ni ken-meheh no 'an 'wla-dih-eh kpor⧾ taan. 'De 'on no zorn-we-eh-: glu-we-eh-: 'do yobo' 'worn, ti 'ni ken-meheh 'wla-dih:-a 'on. Deh⧾-a' klehkpeh 'an na-' dih, 'an na 'de 'meh-a' 'worn dih. 'Yii'-ni-a' 'dhan-a'-: 'ylii'-nyor⧾ 'nyne-': yi-dih-eh-: 'on 'bli: Jueh'-nyor⧾-: 'dekorn: nyor⧾: on: se-a: Jueh'-nyor⧾-:: an 'bhorn-a: on 'ye-a 'on 'dba, 'de gwlor⧾ 'di dih-: 'de 'kwla 'di-: 'de yobo' ken-: 'dekorn: 'de-di'-boi': an 'da-dih-a an-a' 'jeh 'Klae-a' klei': zi-nyor⧾ 'de: an 'tmo-a sih-: en-' klehkpeh: dao', me-: 'dhu 'de 'meh-a' 'an na 'de 'worn dih. 'On no: koan: 'gabaa, eh: zi 'o ken dih. 'Do ti: dhulu' 'di, 'an-a' 'mo. 'De 'moeh-: 'ni 'na-ton-: en no 'on, 'do ti: dhulu' 'di. 'An-a' 'ble dii-deh-: 'dekorn: paa-wla-:. 'De: chehbe'-a no 'on. :Yee' 'on: se-': yih: daa: mlee' 'da. Jorwor: 'gbeh: klaba' 'on 'ble-a eh-: 'dhu, 'an: porluh⧾-a 'beh-dih 'on 'worn dih, zorn 'o zorn, 'do 'chore-nyor⧾-a' klehkpeh-a' dhih bo. Or-a' 'nyne: or: korn 'kpih-a: chehn, 'de 'an ne: se-' chehn: ke: eh? Nyor: yoror: or: korn 'be no-eh, 'de or no deh-zon, 'de 'an: porluh: se-' 'plun: eh? :Mor eh 'dhu 'on: korn 'on 'ye 'an 'jeh 'i 'beh-dih:,: yee' deh on po-a 'on dhen-' dih: poo: 'do: gwlor-nyor⧾ ybei', eh-:: korn dhih 'an mu 'an 'jeh 'i 'beh-dih:. Nyorsoa: or no-a: a-a': Gwlor: baa': Yusu': Baa', or yubo-eh': ka 'on se-a sih 'tmo.: Bhorlie' 'do or bo,: ka ti-a mu-a 'dlu-': tehn. Ti 'on: ne-a 'de: Dama'kor-gwlor 'di,: yee' 'gomla-nyor⧾-a' nyor: klaba': or: ne-a 'o 'Keen: Ali'ta 'zorn, or-: po 'o nyor⧾ 'do gwlor-a' gba-dih-gba worn 'i, on 'ye 'on kpon. Jorwor: 'de: too' 'di, 'do: wor nyor⧾ po 'on, 'de on: ya-dih: 'o 'on gba-dih-gba-a': dha-beh:: or: florn-a worn 'de: too' 'di, 'de on 'si-dih: 'on dih, 'de 'on ple, 'on 'dhan 'de or 'kwa dih. Keen': mloror', 'jeh 'i 'beh-dih-eh se 'o 'on deh po 'i. Jorwor: 'on: korn 'on 'ye-eh' no 'gboror:. 'De mor: kana: naa, ti 'an 'yli-eh 'kpa-a deh 'i, deh⧾: Gwlor: baa' no-a, 'de 'on 'ye-a-: 'dekorn:: yih or: to-dih:-a 'on 'i-: me-:: korn dhih 'an mu: za: naa. 'Klae-a' dhih 'jeh-': po-nyor: due' 'on yubo:-a, or-: Nyorsoa kpa 'de or 'bli yai': dha: dhorno'. Eh: no-eh:-': naa eh-a' zon⧾-a': bhue: 'yor: nyieh, me-: zi. 'On se-eh yubo:: eh beh or-a' nyior-tu mu 'de 'weh 'jeh ka-:: eh beh or-a': zulu: due': oo': on mu 'de-: Nyorsoa: due', or-: yubo-eh. 'On yubo-eh' nyor-kpalu:: daa, or: kpa-eh: 'de Nyorsoa 'bli yai' 'weh.: Eh beh or-a' nyior-tu: 'o: on mu 'de-:: eh beh or-a': zulu: due': oo',: on mu 'de-: Nyorsoa: due', or-: yubo-eh. Or: kpa-eh: 'de Nyorsoa 'bli yai' 'weh. 'Do: wor or 'worn-dih: deh⧾: en: ne-a gban 'i,: en se-a: korn: en 'ye-a': za-eh: 'de mor: en se-a: korn: en 'ye-a' 'o: gwlor-nyor⧾ worn 'i: yi-dih:. 'An mu 'an 'jeh 'i 'beh-dih: 'do nyor-kpalu:: daa, or-a' dhih bo. Jorwor:: mor eh 'dhu 'an 'jeh 'yor-eh-a' dhih-', 'on: se-eh': no i. Jorwor: deh on po-a 'on dhen-' dih, 'do: gwlor-nyor⧾ ybei', me-:: korn dhih 'an mu 'an 'jeh 'i 'beh-dih:. Jorwor:: mor eh 'dhu 'an 'bhorn 'on 'ye 'an 'jeh 'i 'beh-dih:,: yee' eh: se: bobo-deh:. Deh no-eh, dhih-a' 'yor-eh: 'o, 'an mu-': za. Jorwor: 'on: se-' 'an 'jeh 'i 'beh-dih: i. 'On: se-' 'bhorn nyor⧾ 'ye deh⧾: nee': gwluhuh' dih: na-dih:: eh: mor 'on no nyor: klaba'. Jorwor: deh⧾ on 'worn-a, 'de 'on 'worn-: 'dekorn:: yih on 'ye-a 'on, 'an no-a-: me-: on 'ye ya pobo:. Nyorsoa: to-dih: 'on deh⧾: kolu'⧾. Jorwor: or dbo deh: neheh' 'noror 'an yau 'zorn, eh-: gweh 'wu: an 'nyna 'on, eh 'ye-eh' no, 'de 'on: sor 'beh-dih: 'an 'jeh 'i. 'Wu: daa, on no 'ku-a' 'bhoi-yu:: or 'ye-a 'on 'worn dih 'beh-dih:, 'de: or 'ye-a 'on 'borboa' 'i po, 'on: sor 'beh-dih:-a 'an 'jeh 'i. 'On bale:: Gwlor: baa' 'weh kpor⧾ taan, or 'ye 'on deh: daa 'de: za. Jorwor: or: wlu-' 'de 'on bo, or 'dae:, 'An mla: due', or-:: on: korn: on 'ye 'ye. Deh no-eh, 'an 'kpih: kmu-' 'de: on 'di, en: zi 'o ken dih,: mor: an-a' 'kpih: taa chehn.: Yee': mor eh: ne: ao', 'de 'Klae 'ye or-a' 'kpih 'on 'nyi: chio'lo:,: yee' 'an: porluh-a mu dih 'pehn-: 'gabaa, 'on 'ye 'an 'jeh 'i 'beh-dih:: ka 'an 'kpih-a chehn-a. :Yee' eh-: no-eh, 'de 'an: porluh 'pehn dih, 'an 'kpih-a': yeh: taa chehn, nyor⧾-a': yeh 'jle-dih: 'on, 'an: yeh: taa 'kle 'ye, nyor⧾-a': yeh 'ye-dih: 'on 'kle, deh⧾-a': yeh: yi-dih: 'on ya dih 'do 'Klae-a' dhih. Deh no-eh,: mor 'an 'kpih: taa chehn,: yee' 'Klae-a' 'kpih-a no-eh' 'de 'an kmu. :Yee' deh⧾: bobo-nyor⧾-a no-a, me-: 'o 'an no. Jorwor: a: mor no-eh, 'de 'an no-ih. Deh⧾ 'jeh: ne 'an no-a, a: mor: korn: or 'ye en-' dhih-': za: dee'. Keen': mloror' 'on se deh-' 'dhu-eh:, jorwor:: yuh a 'da-dih-a: Yusu'-a'a: dboo-nyor⧾: on: korn-a dhih 'beh-a' 'i,: on: zi-a 'o nyor⧾-a' klehkpeh-',: ka on no-a, on 'kpa-a deh ken, 'ka-: 'on no, 'on 'kpa deh ken 'de deh⧾-a' klehkpeh 'di. Nyorsoa: yi-dih: 'on-', 'de or no 'yi: to-dih-deh⧾-: nyor⧾ 'di dih 'ma-dih-deh⧾-: 'dekorn: deh⧾: kolu'⧾-: 'de a 'nyne-', ti 'an no-a 'an-a:: koan 'de: porluh-a' dih: kpon-eh 'di. Deh⧾: daa, me-:: to-dih: a 'i: ka 'on 'dhu-a: Yusu'-a'a: dboo-nyor-' deh 'jeh. Deh 'on no 'do 'chore-nyor:⧾: noo' 'bhun, 'on: se-' no 'do a 'bhun: eh?: Mor eh 'dhu: yeh 'on se a 'dlu: dhe,: yee' 'on: se-': mleheh' 'da.: Yee' 'do a 'bli: tehn ya, 'do: mleheh' bo. :Yee' 'on: ne buh⧾ ken, 'on 'ye a 'ye 'da yi, 'do kpor⧾-a' taan neh 'di: naa. 'On: se-' a 'dlu: dhe 'da yi, 'de mor 'on: se-' deh 'bhorn 'de a 'kwa. Jorwor: a-a' nyior-tu 'an 'bhorn. Deh no-eh, eh: se 'nynuu:, an-a': gban-dih: on: bai'. Jorwor:: bai', mo-:: korn: on 'ye an-a'a: 'nynuu: gban-dih:. Jorwor: 'mor: mloror', eh mu 'on 'mona-' dih 'yi-dih: 'on 'ye 'wlii-a' klehkpeh 'on 'ble-a plo 'do a-a' dhih bo, eh: yeh 'dhu 'an 'jeh 'yor-eh-a' 'kwla: za-eh, 'de eh 'ye a-': za-dih:. Deh 'on: ybeh-a a-uh' deh: dao', eh-: no-eh, 'de a se 'on-': ybeh deh 'jeh: e? A yubo-eh': ka 'on se-a a 'dlu: dhe. Jorwor: nyor⧾: noo' 'da, 'on no: bhuli'-: sih-: 'de 'on 'ye a-a': kpon 'da. Nyor⧾ 'on dbo-a 'de a bo, on: se-' a 'dlu dih 'vleh. 'On bale: Talor' 'weh, or 'ye 'de a bo yi. 'De 'on: dbo-dih-or 'Klae: de-di': noror' bo. A 'bhorn a 'ye 'on: gwluhuh' zela: Talor' 'vleh a 'dlu dih: e? Eh: se: gwie:: ne-a: due',: a-a' klehkpeh,: a se kpa: e? 'De mor eh: se kplen or 'ble-a 'on se 'ble: e? Nyor-a': na-dih-eh': gwluhuh' dih: eh: mor: a vorn-': a 'ye: a-a' 'jeh ken: kan-dih: 'de a bo.: A za-' dhih-a' 'yor-eh: 'do Nyorsoa ybei',: ka: a: ne-a 'Klae-'.: Yee' deh⧾-a' klehkpeh: a no-a,: a 'bli-nyor⧾-a:,: a no-ih', en 'ye a-': za-dih:. :Yee' eh-a' dhih,: fano-a: no 'on,: mor 'on 'si 'o a bo dih, 'de deh 'on dhe-a: gwlii' a 'ye-a' no, a: sor se-eh no. 'De mor deh a dhe-a 'on: gwlii' 'on 'ye-a' no, 'on: sor se-eh no.: Fano-a: no 'on, 'on: ne-' jeh-a'-:: gwlehehn'-: 'chehn 'kpa-eh-: 'cheh 'ya 'cheh 'ya-: 'jlei:: po-eh-: nyor⧾ chehn-eh-: 'jeh 'i 'beh-dih-eh-: 'dekorn: deh⧾ ya: gba-eh-: 'ye 'noror a 'nyne-'. 'De mor: fano-a: no 'on,: mor 'on 'si 'o a bo dih: neheh', Nyorsoa: ne-eh' no, 'de dhen: ne 'on no 'do a-a' dhih bo.: Yee' 'an: porluh-a mu 'zorn 'kpa-: 'do nyor⧾: on no-a deh⧾-zon:⧾: ne-a: due' on no-a: zai' bo, 'de: on 'see-ih-a 'kpuh ya to,: en 'dhu-a se: vlehehn'-': gweh-deh⧾-: 'tmeor:⧾: korn-eh-: 'dekorn: 'pebe' 'i 'kpa-eh-:. :Yee' 'an kpor⧾-a' taan neh: wor: dhe dih 'an yi a 'ye 'da.: Yee' Nyorsoa-a' 'chlee-deh 'da,: Mor: on po nyor dhih 'dlu,: yee' nyor⧾ 'sororn', nyor⧾ taan, dhe-eh ken dih, ti or no-eh, 'de: on 'ye-or' dhih 'dlu po. Ti 'on yi-a 'de a bo 'do kpor⧾-a' 'sororn' neh 'di, 'on zela: a: gwluhuh' 'weh, 'dekorn: nyor⧾-a' klehkpeh-:: ka: mor nyor: or se-a deh⧾-zon:⧾: no-eh dih 'tali:, 'an mu-or 'kle 'ye-eh 'dlu: po. Jorwor:: ka 'on: tehn-a bo: naa, 'an zela a: gwluhuh': neheh'. Eh-: mu a 'i: to-dih:: ka 'an wlu-dih-a 'do 'Klae gor-'.: Mor or po a 'kle 'ye-eh 'dlu,: yee' eh: se or-a' 'kpih-a: chehn: deh. Jorwor: or-a' 'kpih, me-:: ne 'de a 'nyne-'. :Yee' ti or 'ye-a' 'o tu 'i: kor-dih-eh:,: yee' or se 'kpih 'ble. Jorwor: Nyorsoa-a' 'kpih 'nyi-or: febeh', 'de or: ne 'kmo: neheh'.: A se 'kpih ken: ne,: ka 'Klae no-a: dee'. Jorwor: 'do a-a' dhih bo,: a mu Nyorsoa-a' 'kpih 'kmo: ne-dih:,: ka 'Klae no-a: ke. :Yee' a pobo: 'o a-a' 'jeh-a': porluh⧾ ken, a 'ye a-a' 'jeh-a' zabe zi,: eh beh a: ne-dih: 'Klae-a' dhih 'jeh-': po-eh 'kmo-:. A yubo-eh' 'jeh ka, or: ne a-uh': e?: Mor eh 'dhu a se-or dhih 'jeh-' po,: yee' 'on: se-': mleheh' 'da. 'On dhe-eh: gwlii' a mu-eh yubo:: ka: a 'dhu-a: Yusu'-a'a: dboo-nyor⧾ 'jeh ka, 'de: a zi-a 'de eh 'di. 'An: dou'⧾ se 'de: ne,: mor 'on se: Yusu'-a'a: dboo-nyor: 'jeh gweh 'de a 'yli 'de. Deh: due': eh: korn-a dhih 'an wlu-a 'de Nyorsoa bo, eh-: 'dhu, a: ne-' deh-zon no. Deh: due' 'an 'bhorn-a a 'ye-a' no 'klein', eh-: 'dhu a 'ye deh: eh 'sleh-a 'i no. Eh: se: yee' 'an vorn 'on 'ye: Yusu'-a'a: dboo-nyor: 'jeh gweh: deh. Deh no-eh, deh: eh 'beh-dih:-a: eh 'ye-a tubo-wlu:⧾ 'jeh: daa dih: ku-dih:, eh-:: a no.: A se 'beh-dih:: a 'ye deh no: eh 'ye-ih'-a ya gba. :Mor eh gweh: a-a' 'kpih-a: chehn 'de nyor⧾ 'yli 'de, 'de a 'ye: kmu,: yee' 'mona-a: no: a-uh. Eh-:: korn dhih: a wlu 'de Nyorsoa bo, a 'ye 'de 'kpih po 'de 'Klae-a' deh 'di. :Yee' deh: korn-a dhih 'an 'chle-a 'chlee-deh:: daa 'de a bo,: dha 'on: tehn-dih:-a a bo: dueh'leh:, eh-: 'dhu, 'on: se-' 'bhorn: mor 'on 'yle, 'on 'ye 'kpih: Gwlor: baa' 'nyi-a 'on no 'do a 'dlu, 'de 'on 'ye 'i: kma 'do a ken. 'Kpih: daa, or 'nyi-a 'on, eh: se 'on 'ye a 'kor-dih:: deh. Jorwor: en 'ye-eh' no, 'de a 'ye ku. :Yee' 'an 'Klae: de-di'-boi'-a:, 'an kpa a wlu o. A vorn a 'ye 'yi 'sleh-nyor⧾ no. A: to 'an bale-wlu⧾: dou'⧾ bo. A 'worn-dih: a 'bei' bo: due': due'. A: ne-dih: ken dih kpon-dih-eh-a' 'kmo.: Yee' Nyorsoa: or 'ble-a: ybeh-dih-eh-: 'dekorn: wlu-' dih 'worn-eh-: or mu 'o a bo: ne. A kpa 'de a 'bei': bhluun'⧾-': due': due', a 'ye-uh': gble-dih: 'de: porluh⧾-a': vlehehn'-': gweh ka 'di. Nyorsoa-nyor⧾-a' klehkpeh, on 'da, mo-: 'ye a-uh. :Yee': Gwlor: baa': Yusu' 'Klae-a' mla-: Nyorsoa-a': ybeh-dih-eh-: 'dekorn:: dha: due': na-dih-eh:: eh or-a' Gban 'i: ne: Zulu no-a 'de: eh: ne-a 'de a 'nyne-: 'nyi en: ne 'o a-a' klehkpeh bo o. 'Mor: Poror': oo',: or no-a: Yusu' 'Klae-a'a: dboo-nyor. 'An dboo-nyor-deh:: daa, eh: se: gwlor-nyor:: or: se-eh' 'on 'nyi, 'de mor eh: se-': gwlor-nyor-': yi-dih:: ke. Jorwor: eh 'wluh 'de: Yusu' 'Klae bo, 'dekorn:: a: Baa' Nyorsoa: or za-or 'de nma-dih-deh 'di-:. 'Mor-: 'dekorn:: a-a' 'Klae: de-di'-boi'-a' klehkpeh: on: ne-a dha 'on bo-:: a: mor 'ye a-uh, a: mor 'dhu-a 'chore-nyor⧾-a' klehkpeh: on: ne-a: Gale'tia-bluhba ken. Mla-: 'dekorn: wlu-' dih 'worn-eh-: 'do a bo,: en 'wluh-a 'de Nyorsoa: or no-a: a: Baa'-: 'dekorn:: Gwlor: baa': Yusu' 'Klae-: bo. Eh no Nyorsoa: or no-a: a: Baa' or-a' ken dih 'worn-dih-deh: 'de 'Klae 'ye or-a' 'jeh 'kwla: za, or 'ye gban 'i 'dhu-dih-eh: 'do: a-a' deh⧾-zon⧾-a' dhih bo, 'de eh 'ye 'o: a deh⧾-zon:⧾: en: ne-a dha 'kmo bo: naa, en-' 'gegeye 'zorn: za. Dhih-a' 'i 'beh-a' 'do Nyorsoa bo,: ka ti-a mu-a 'dlu-': tehn klehkpeh klehkpeh. 'Ka-: eh 'ye: ne. :Yee' deh a no-a, eh: florn-dih: 'on-: worn. Deh no-eh, Nyorsoa: or 'da-a a-uh, 'de eh: yi-dih:-a: Yusu' 'Klae-a' mla-', a: se 'o: gwle, a 'wluh 'o or-a': gwie 'i, 'de a kpon tubo-wlu:⧾ 'sluh⧾ dih. Tubo-wlu:⧾: daa a kpon-a dih, en: se tubo-wlu:⧾ 'jeh. Deh no-eh 'de 'an za-a deh: daa-', eh-: 'dhu, nyor⧾: noo': noo', mo-:: an 'beh-dih a-a': porluh⧾ 'worn dih, 'de an vorn on 'ye tubo-wlu:⧾ 'jeh: en kor-a 'Klae 'i dih gweh, 'de on 'ye 'de sih ne po. Jorwor:: mor eh 'dhu: a mor-': eh beh 'enjor:: or 'wluh-a 'de Nyorsoa 'bli yai'-: 'de: a-a' nyor 'ye tubo-wlu⧾ po, 'de en: ne: yih: a po-a 'de a bo: zai', 'de en 'ye: ao', en se: gwie: due' kpa,: yee' 'nyi Nyorsoa po nyor: dao' 'chlo bo. :Yee' deh: a: za-a-': zai', eh-: 'an za de: neheh',: mor nyor po tubo-wlu⧾ 'de a bo, 'de en 'ye: ao', en: ne: yih: a po-a 'de a bo: zai', en se: gwie: due' kpa,: yee' 'nyi Nyorsoa po nyor: dao' 'chlo bo. :Mor a: taa 'ye,: yee' eh gweh 'an 'bhorn: gwlor-nyor⧾ 'ye 'on dhih bo po: e? 'Kei:. 'On: se-eh' 'bhorn. Nyorsoa, or-: 'an 'bhorn: or 'ye 'on dhih bo po.: Ae' 'an vorn 'on 'ye-eh' no: gwlor-nyor⧾ 'ye 'on-': ybeh?: Mor 'on: taa vorn, 'on 'ye-eh' no 'gboror:,: yee' 'on: se-' 'Klae-a' 'bhoi-yu: no i: dee'. 'Nyi 'on zela a: gwluhuh', 'an 'Klae: de-di'-boi'-a:, tubo-wlu:⧾ 'jeh 'an po-a, en: se 'dlan⧾: yih: gwlor-nyor⧾-a po-a: dha: due', 'de an po-a. 'On se-ih 'de nyor-beh-nyor-beh 'kwa: za. 'De mor: gwlor-nyor se-ih' 'on: torne:.: Yusu' 'Klae-a' 'yor-eh: 'o, or-:: to-dih-ih 'on 'i. A 'beh-dih: a 'ye-eh' 'worn, deh⧾ 'an no-a: dee', ti 'an za-a Nyorsoa: weheh': ka: Jueh'-nyor⧾-a no-a or-a': weheh': za-eh. 'De 'on 'ye-dih: Nyorsoa-a' 'chore 'kle 'gabaa, 'de 'an vorn-eh bo: dee', 'on 'ye-eh' ya gba. 'De: ka 'an no-a Nyorsoa-a': weheh': za-eh 'de: Jueh'-nyor⧾-a' 'tele' 'di,: yee' 'mor: ne 'o 'on 'bei': Jueh'-nyor⧾-a': dha: dhulu' 'dlu,: on: ne 'on 'beh-dih:-a 'do ti: dao' 'i.: Porluh: 'on 'ble-a, 'do 'tele': a: za-a 'de: a: bai'-a': bai' 'kwa: dee', mo-: 'beh 'i 'gabaa. Jorwor: Nyorsoa-a' mla, or-: no-eh, 'de or gan 'on: weh, 'de jorwor: 'an mu 'wluh-:. 'De or 'da 'on, 'on 'ye or-a': koan no.: Yee': yeh ti nyni-a 'o, or 'ye-a or-a' 'Yu 'on 'i: to-dih:, 'de 'on 'ye-a or-a' tubo-wlu:⧾ po, 'de nyor⧾: on: se-a: Jueh'-nyor⧾ bo,: yee' 'on: se-' nyor dih dhele: or 'ye: ka 'on 'ye-a eh-a' no-a' no: gwluhuh' zela:. 'De mor 'on: se-': Julu'slehn mu, 'on: se 'de: yuh: on no-a: Yusu'-a'a: dboo-nyor⧾: zai' 'do 'on ken, an-a' nyor bo mu, or 'ye 'on deh: torne:. Deh: due' 'on no-a, eh-: 'dhu 'on mu 'de 'bluhba: an 'da-dih-a: Ale'bia ken. 'Do: wor 'on: sie-dih:, 'de 'on 'bili:-' dih, 'on yi 'kwi: gwlor an 'da-dih-a: Dama'kor de. :Yee' eh kpa zon⧾ taan: weh, 'de 'an mu: Julu'slehn: mu, 'an mu: Piteh' 'ye 'da: mu, 'on 'ye-or' yubo:. 'We-a': bhue: 'yor: mm', me-: 'on no 'do or bo. :Yee': dele' ka, 'on: se-': Yusu'-a'a: dboo-nyor:: noror' 'ye. Jorwor: 'Jeen: due' 'on 'ye. 'Jeen:: dao' or no: a-a': Gwlor: baa'-a' dei'. Deh⧾ 'an 'chle a bo,: mor en 'dhu sih-', Nyorsoa, or-: mu-eh bo dih zela:. :Yeh 'on 'wluh-a 'o,: yee' 'on mu 'Silia-bluhba-a' 'for-: 'dekorn:: Sele'sia-bluhba-a' 'for-: ken dih. :Yee' 'do ti: dao' 'i, 'chore-nyor:⧾: on: ne-a: Judi'a-bluhba ken,: on: ne-a 'Klae-', on 'see 'an nyior-tu 'ye: zai'. Deh⧾ nyor⧾: noo'-a za-a-' 'do 'an dhih bo, en: due' me-: an 'worn,: en 'dhu-a, Nyor-kpalu:: or 'ye-dih:-a: a 'kle: dee', or-: zela nyor⧾: gwluhuh': naa,: ka on 'ye-a 'Klae-a' dhih dhih 'jeh-': po-eh no,: eh: korn-a dhih or vorn-a: dee', or 'ye-a nyor⧾: on po-a 'Klae-a' dhih dhih 'jeh-' ya gba. :Yeh on 'worn-ih'-a,: yee' an po Nyorsoa-a' 'nyne ya, 'do deh or 'bili:-a 'on-' dih, eh-a' dhih. :Yee': yeh zon⧾-a': bhue: 'yor: nyieh zi-a,: yee' 'an mu: Julu'slehn de.: Yeh 'on: taa mu,: yee' 'on kpa: Bana'ba-: 'dekorn: Talor'-: 'weh. Deh no-eh, 'de 'on mu-a, eh-: 'dhu, Nyorsoa: to-dih-eh 'on 'i 'weh,: ka 'on: korn 'on 'ye-a 'de mu.: Yeh 'on mu-a 'de,: yee' 'mor-: 'dekorn: 'chore-a' nyor⧾: na-dih-nyor⧾-a' 'bleh 'bleh: due'-:: a: mor: dhe dih. 'De 'on zela: tubo-wlu:⧾ 'jeh 'an po-a 'de nyor⧾: on: se-a: Jueh'-nyor⧾ bo, en-' dhih ken dih. Deh no-eh, 'on: se-' 'bhorn: koan: 'on no-a-: 'dekorn:: yor 'an no-a: naa-: or 'ye deh 'plo no. Keen': mloror' Talor': or: ne 'on: yi-dih:-a 'de, or no 'Glii-yu:. Jorwor: on: se-or' 'kpih: kpa-dih: or 'ye: bhlororn' 'meh. Jorwor: nyor⧾: noo': an 'da-dih-a an-a' 'jeh 'Klae-a' dhih 'jeh-': po-nyor⧾, mo-: za-eh 'blo. An 'bhorn or 'ye: bhlororn' 'meh. Nyor⧾: dao', on yi: a 'yli-eh 'zorn dih: bla 'da 'noror: a 'nyne-', 'de on 'ye-eh' 'ye: ka: a van-dih:-a dih 'de: a-a' 'Klae-a' deh 'di. An 'bhorn: a 'ye 'ge-nynuu no. :A: se-eh' ken dih 'worn-dih: klehkpeh klehkpeh. Deh no-eh,: a 'bhorn Nyorsoa-a' tubo-wlu:⧾ 'jeh: en no-a dhih-a' 'yor-eh, a 'ye-ih' 'dlu bo kpa. :Yee': yuh nyor⧾-a 'da-dih-a 'chore-a' nyor⧾: klaba'⧾, deh no-eh, 'de 'on po-a wlu: daa, eh-: 'dhu, eh se deh-' 'dhu-eh: 'do 'on bo, nyor⧾ on 'dhu-eh. Deh no-eh, Nyorsoa-a' pobo: nyor-a' ken ku ya, 'de or-a' zi or-a' zabe. Nyor⧾: daa, on: se 'o deh: dele': neheh' 'do tubo-wlu:⧾ 'jeh: daa 'an po-a, ken po. Jorwor: on 'ye-eh': ka Nyorsoa 'nyi-a 'on tubo-wlu:⧾ 'jeh: po: koan:: daa, 'on 'ye-ih'-a po 'de nyor⧾: on: se-a: Jueh'-nyor⧾ bo,: ka or no-a 'de or 'nyi-a or-a' tubo-wlu:⧾: po: koan: Piteh', or 'ye-ih'-a po 'de: Jueh'-nyor⧾ bo: ke. Deh no-eh, Nyorsoa-a' 'kpih, me-: no-eh, 'de 'on no: Yusu'-a'a: dboo-nyor 'de nyor⧾: on: se-a: Jueh'-nyor⧾ bo,: ka or-a' 'kpih no-eh, 'de: Piteh' no-a or-a'a: dboo-nyor 'de: Jueh'-nyor⧾ bo: ke. :Yee' 'Jeen-:: Piteh'-: 'dekorn:: Jororn'-:: on nyor⧾-a 'da-dih-a 'chore-a': zi-tu⧾, on yubo-eh 'i: ka Nyorsoa zela: 'on: gwluhuh', or no-a 'an-a:: koan: 'on 'ye-a no, or-: 'o. Eh-: no-eh, 'de on 'tuh 'de 'mor-:: Bana'ba-:: a 'kwa dih. Eh-: po-eh 'i: ka on: ne: a no-a deh: due'. 'De eh 'worn-dih-eh ken dih, 'mor-: 'dekorn:: Bana'ba-:: a 'ye: koan no 'de nyor⧾: on: se-a: Jueh'-nyor⧾ 'nyne-', 'de on 'ye: koan no 'de: Jueh'-nyor⧾ 'nyne-': ke. Deh: due' on dhele:: a dih, eh-: 'dhu, on 'da, A-a' 'ma-dih:-' se deh-a': za-da 'ble-nyor:⧾: on: ne-a 'noror: a: mor: Jueh'-nyor⧾ 'nyne-', an-a' dhih bo o. 'De mor, eh-: no deh 'an: porluh-a sin, 'on 'ye no: dee' see. :Yee' ti: Piteh' yi-a: gwlor an 'da-dih-a 'Antior 'di,: yee' or-: 'mor-:: a dhe-dih: ybei' dih, 'de 'on: wlu 'de or bo. Deh no-eh, deh or no-a, eh no deh-zon: 'jeh ka. :Yee': tehn 'i: dee', or: ne nyor⧾: on: se-a: Jueh'-nyor:⧾, an kpuhba son⧾ ybei'. Jorwor:: yeh nyor⧾: on 'wluh-a 'de 'Jeen bo, 'de on yi-a 'de,: yee' or: jli-dih-eh: de. Or-a' 'worn, or: ne an-a': di-dih: deh: dha: due': neheh', 'de or: tehn-dih-uh bo dih. Deh no-eh, or ple nyor⧾: an 'neh-a: bhlororn' 'meh-deh ken, an-a' 'yli. :Yee': Jueh'-nyor⧾-a': noo': on: sie:-a 'o,: on no-a 'Klae: de-di'-boi', on 'kpa 'o: Piteh' klei' 'weh: ke, 'de an ple nyor⧾-a' 'yli.: Bana'ba-a' 'jeh: ke, or 'kpa-uh-: bo: ke, 'de an ple nyor⧾-a' 'yli. :Yee': yeh 'on 'ye-a deh⧾ an no-a, 'de en se-a 'o dhih-a' 'yor-eh:: en: ne-a 'de Nyorsoa-a' tubo-wlu:⧾ 'jeh 'di, en-': gwie 'i: ne,: yee' 'on: wlu-' 'de: Piteh' bo 'do 'Klae-a' dhih 'jeh-': po-nyor⧾-a' klehkpeh ybei', 'on 'da,: Mor: Jueh'-yu: 'o. Jorwor:: ka nyor⧾: on: se-a: Jueh'-nyor:⧾, an-a' 'kmo: ne-a, 'ka-:: on: ne.: Yee': eh: korn dhih: an 'kpa-dih nyor⧾: on: se-a: Jueh'-nyor⧾ 'kpih, on 'ye 'o: Jueh'-nyor⧾ 'bli-deh⧾-a' 'tele' dih dhe: eh? :Yee': a: mor: Jueh'-nyor⧾-a' 'kpa: oo'.: A: se nyor⧾: on: se-a: Jueh'-nyor:⧾: yuh: Jueh'-nyor⧾-a 'da-dih-a deh⧾-zon:⧾: no-nyor⧾. 'De mor: a yubo-eh': gwlor-nyor-a': Yusu' 'Klae-a' dhih 'jeh-': po-eh:, eh-: no-eh, 'de Nyorsoa 'da-dih-or 'yi 'sleh-nyor. Eh: se deh: Mose'-a' 'tele' 'da-a,: mor or no-eh: gbor: deh.: A-a' 'jeh: ke,: a po: Yusu' 'Klae-a' dhih dhih 'jeh-' 'weh, 'de Nyorsoa 'ye: a 'yi 'sleh-nyor⧾ 'da-dih: 'do: a-a' 'Klae-a' dhih 'jeh-': po-eh bo. Eh: se deh: Mose'-a' 'tele' 'da-a: mor: a no-eh: gbor: deh. Deh no-eh, eh: se nyor: korn-Nyorsoa 'ye-a 'yi 'sleh-nyor 'da-dih: 'do: Mose'-a' 'tele' dih: dhe-eh bo. :Yee': mor eh 'dhu: a vorn Nyorsoa 'ye: a 'yi 'sleh-nyor⧾ 'da-dih: 'do: a-a' 'Klae-a': ne-a' bo,: yee': a 'worn-dih-eh ken dih 'weh,: ka: a 'dhu-a deh⧾-zon:⧾: no-nyor⧾-',: ka nyor⧾: noo': ne-a.: Mor eh: ne: ao',: yee' a 'bhorn a 'ye: a: gwluhuh' zela:: eh: mor 'Klae: oo', or-: no-eh, 'de deh⧾-zon⧾-a no-eh: e? 'Kei:. :Mor 'on 'kpa 'tele' 'on wa-a, eh-a' dih: dhe-eh ken: dele' ka,: yee' 'on: to-dih-eh nyor⧾ 'i,: ka 'on no-a deh-zon:: no-nyor 'jeh ka. :Mose'-a' 'tele'-a' 'jeh 'yor-eh:, eh-: no-eh, 'de 'on se 'o eh-a' 'kpih 'zorn: ne: neheh', 'de 'on 'ye 'kmo-': ne 'do Nyorsoa bo. 'On gweh 'meheh'-nyor: 'do eh bo. 'Mor-: 'Klae-:: a 'meh-dih: 'o tu 'i. 'De eh: se 'mor-:: or se 'kmo-': ne: dele' ka. Jorwor: 'Klae, or-: 'ti 'noror 'on 'di: naa. 'Kmo: daa 'on: ne-a: naa, 'on: ne-dih: Nyorsoa-a' 'Yu-a' dhih 'jeh-': po-eh-a' 'kmo,: or: ybeh-a 'on-', 'de: or: za-a or-a': febeh' 'kwla, 'do 'an dhih bo. 'On: se-' Nyorsoa-a' mla 'kpuh ya: to i. Jorwor:: mor eh 'dhu: Mose'-a' 'tele'-a' dih: dhe-eh 'bleh 'bleh, eh-: no-eh, 'de Nyorsoa 'da-dih nyor⧾ 'yi 'sleh-nyor⧾,: yee' dhih 'Klae 'meh-a, en se 'nyne: korn. :Yee' a: mor: Gale'tia-nyor:⧾: daa,: or se-a: toror' 'di: ne,: or: za 'o a-a' 'dlu⧾: gwie 'i: eh? 'Do a ybei'-a' 'yor-eh:, 'do: wor 'on: florn-dih-eh ken dih,: ka: Yusu' 'Klae 'meh-a 'do 'klorse tu 'i. A zela: 'on deh: due': gwluhuh', deh a dhe-a 'o: Mose'-a' 'tele' dih, eh-: no-eh, 'de Nyorsoa-a': Zulu: korn a-a': porluh⧾ wlu 'ken: e?: Ae' deh a 'worn-a: eh kor-a 'Klae 'i, 'de a po-a dhih 'jeh-', eh-: 'o ke? :Eh no a-uh', 'de a se: toror' 'di: ne deh: dao': eh? Nyorsoa-a': Zulu-a' 'kpih, me-: a 'dhu-dih: Nyorsoa-deh glu.: Yee' a 'bhorn a 'ye-eh' 'dlu-' jla, 'de a-a' 'jeh-a' 'kpih 'di: e? :Yee' 'kle on 'ye-dih: a-uh, a: se 'o deh 'ye-: i: e? A: se 'o deh 'ye-: i 'jeh ka: e? :Yee' deh⧾: Mose'-a' 'tele' 'da-a, a 'ye-a' no, 'de a no-a, eh-:: korn dhih Nyorsoa 'nyi a or-a': Zulu a-uh, 'de or no deh⧾: kolu'⧾ 'de a 'nyne-': e?: Ae' deh a 'worn-a: eh kor-a 'Klae 'i, 'de a po-a dhih 'jeh-', eh-: 'o ke? A: na-dih: 'Eble'hehn-a' dhih: gwluhuh' dih,: ka Nyorsoa-a' 'chlee-deh no-a eh-a': za-a', eh no-a, Or po Nyorsoa-a' dhih dhih 'jeh, 'de or-a' dhih 'jeh-': po-eh no-eh, 'de Nyorsoa 'da-dih-or 'yi 'sleh-nyor. :Yee' deh a 'ye-a' yubo:, eh-: 'dhu, nyor⧾: on po-a Nyorsoa-a' dhih dhih 'jeh,: ka 'Eble'hehn no-a, mo-: 'dhu 'Eble'hehn-a' 'wluhuh'-nynuu deh 'jeh. Nyorsoa-a' 'chlee-deh za-eh' 'weh: dee' see, eh 'da, nyor⧾: on: se-a: Jueh'-nyor:⧾, an-a' Nyorsoa-a' dhih 'jeh-': po-eh:, eh-: mu-eh: no, 'de or 'ye-uh' 'yi 'sleh-nyor⧾ 'da-dih:. Eh-:: korn dhih 'de Nyorsoa sie ti de, 'de or po or-a' tubo-wlu:⧾ 'jeh 'de 'Eble'hehn bo, or 'da,: Mor 'an mu-': yi-dih:, 'de 'on 'ye nyor⧾-a' klehkpeh: on: ne-a dha 'bluhba ken: bhorlie' bo po. :Yee' nyor⧾-a' klehkpeh: on po-a Nyorsoa dhih 'jeh-',: ka 'Eble'hehn no-a, mo-: or mu: bhorlie' bo: po,: ka or no-a 'Eble'hehn-a' dhih. :Yee' nyor⧾: on dhe-a: Mose'-a' 'tele' dih: dhe-eh: due': gwlii', on: ne 'o Nyorsoa-a' 'chlo 'zorn. Deh no-eh, Nyorsoa-a' 'chlee-deh 'dae:, Nyor: or se-a 'o deh⧾-a' klehkpeh: en 'chle-eh 'noror: Mose'-a' 'chlee-deh 'di, en-' 'tele'⧾-a' klehkpeh dih dhe,: yee' on: ne 'o or-a' 'chlo 'zorn. :Yee' eh zela-eh-: ken dih 'weh: naa,: eh: mor Nyorsoa-a' 'da-dih: nyor 'yi 'sleh-nyor 'do: Mose'-a' 'tele'-a' dih: dhe-eh bo. Deh no-eh, Nyorsoa-a' 'chlee-deh 'dae:: ke, Nyor Nyorsoa 'da-dih-a 'yi 'sleh-nyor 'do or-a' dhih 'jeh-': po-eh bo,: yee' or-: mu 'kmo-': ne. :Mose'-a' 'tele'-a' dih: dhe-eh-: 'dekorn: Nyorsoa-a' dhih 'jeh: po-eh-: en: se-': gwie: due' kpa. Jorwor: Nyorsoa-a' 'chlee-deh 'da, Nyor: or dhe-a 'o: Mose'-a' 'tele'⧾-a' klehkpeh dih,: yee' or-: mu 'kmo-': ne. Jorwor: 'Klae 'ye: a zelie: 'do 'chlo: Mose'-a' 'tele' po: a bo 'zorn: dhih 'o, eh-:: korn dhih Nyorsoa po-or 'chlo bo, 'do: a 'gor bo 'do or-a' 'klorse tu 'i: kor-dih-eh bo. Deh no-eh, Nyorsoa-a' 'chlee-deh 'da, Nyor⧾-a' klehkpeh: on: kor-dih-eh 'o tu 'i, on: ne 'o Nyorsoa-a' 'chlo 'zorn. 'Klae no deh: daa 'weh 'de: bhorlie': eh: korn-a wlu Nyorsoa po-a: dhama'-' 'do 'Eble'hehn bo, eh 'ye: Yusu' 'Klae: yi-dih:, 'de nyor⧾: on: se-a: Jueh'-nyor:⧾, on 'ye-eh' 'ye. 'De mor: ke: a-a' Nyorsoa-a' dhih 'jeh-': po-eh 'ye-eh' no, 'de or-a': Zulu:: on: korn-a wlu or po-a: dhama'-', or 'ye-uh: a 'nyi. :Yee' 'Klae: de-di'-boi'-a:, deh⧾: en: no-eh 'do ti-a' klehkpeh bo, me-: 'an mu Nyorsoa-a': dhama'-': po-wlu 'yi: po-dih:.: Mor nyor⧾ 'sororn' 'worn-dih: deh-' dhih ken dih, 'de on 'ye-eh son ken po, nyor se 'beh-dih: or 'ye-eh wa, 'de mor or 'ye-eh deh: neheh' ken po. :Yee': dhama'-': po-wlu:⧾ Nyorsoa po-a, or po-ih' 'de 'Eble'hehn-: 'dekorn: or-a'a: 'die'-yu-: bo. Nyorsoa-a' 'chlee-deh se: ao', 'die'-nynuu:,: eh: bleh-dih:-a 'i, nyor⧾: dhulu'. Jorwor: eh 'da, nyor: due' 'klein'.: Yee' nyor-a' 'jeh: dao', or-: 'dhu 'Klae-'. :Yee' deh 'an 'da-a, eh-:: dhe dih. Nyorsoa-: 'dekorn: 'Eble'hehn-: on po kuo. 'De Nyorsoa po wlu: dhama'-': eh: mor deh or 'da-a, or mu-eh: no.: Yee': Mose'-a' 'tele': yeh zon⧾-a': kehehn': nyieh: kwlaa taan zi-a 'de: eh 'ye-a' 'de yi, eh se 'beh-dih: eh 'ye kuo: dao' wa, 'de mor eh 'ye Nyorsoa-a': dhama'-': po-wlu ya gba. :Yee': a 'beh-dih:: a 'ye Nyorsoa-a' 'nyii'-deh 'ye, 'do: Mose'-a' 'tele' dih: dhe-eh bo: e?: Mor eh 'dhu eh mor-',: yee' eh: se deh: korn-a dhih Nyorsoa po-a wlu: dhama'-' 'da. Jorwor:: ka Nyorsoa po-a wlu: dhama'-', 'de or-a' mla 'di, or 'ye-a 'Eble'hehn 'nyii'-deh:: dao' 'nyi, eh-:: korn dhih: oo', 'de or 'nyi-eh 'Eble'hehn. :Yee': eh: korn dhih 'da, 'de Nyorsoa 'nyi: Mose' 'tele': daa: eh? 'Tele': daa, eh 'kpa 'o kuo ken 'weh 'suh, 'de nyor⧾ 'ye deh⧾ an no-a,: en no-a deh⧾-zon⧾ yubo:, eh 'ye dih ku: chio'lo:, eh 'ye 'Eble'hehn-a' 'die'-yu:: or: korn-a dhih Nyorsoa po-a wlu: dhama'-' 'de or bo, or-a' ti ken: yeh-dih:. 'Enjor-nyor:⧾, mo-: 'nyi: Mose' 'tele': daa, 'de or no gwea:: ne-nyor, or 'nyi-eh nyor⧾. Jorwor:: mor eh 'dhu nyor: due' 'klein',: yee' gwea:: ne-nyor se: korn or 'ye 'o: ne. Jorwor: Nyorsoa: due', or-: po wlu: dhama'-' 'klein'. A 'bhorn a 'ye 'on: gwluhuh' zela:,: Mose'-a' 'tele'-: 'dekorn: wlu⧾ Nyorsoa po-a: dhama'-', en: se-' deh: due' 'da: e? 'Kei:. Jorwor:: mor eh 'dhu, Nyorsoa 'nyi: a 'tele': eh 'beh-dih:-a: eh 'ye-a nyor⧾: febeh' 'nyi: dee',: yee' Nyorsoa-a mu nyor⧾ 'yi 'sleh-nyor⧾ 'da-dih: 'do eh-a' dih: dhe-eh bo. Jorwor: Nyorsoa-a' 'chlee-deh 'da, Nyor⧾-a' klehkpeh: on: ne-a dha yao 'zorn, on: ne 'o deh⧾-zon⧾-a' 'kpih 'zorn.: Yee' eh-a' dhih, deh: mor nyor po-a 'Klae-a' dhih dhih 'jeh-' or mu-a 'ye-:: eh: korn-a wlu: po-eh: dhama'-', eh 'nyi-eh: nyor⧾: on po-a 'Klae-a' dhih dhih 'jeh-' 'weh. :Yee': yeh eh 'ye-a ti nyor⧾ 'ye-a 'Klae-a' dhih 'jeh-': po-eh ken: yeh-dih:,: yee': Mose'-a' 'tele': daa, eh po: a: gbolo-eh buh-', 'de eh-a' 'worn: a-a' kpa 'dlu yai', 'de jorwor: 'Klae-a' dhih 'jeh-': po-eh:: daa, Nyorsoa-a mu-eh: a 'i: to-dih:. 'Tele': daa, eh-:: korn: a wlu 'ken: dee', 'de jorwor: 'Klae-a mu 'de: yi. 'Tele' no deh: daa 'weh, 'de: a-a' 'Klae-a' dhih 'jeh-': po-eh 'ye-eh' no 'de ybei', 'de Nyorsoa 'ye: a 'yi 'sleh-nyor⧾ 'da-dih:. :Yee': kana: naa, 'Klae-a' dhih 'jeh-': po-eh-a' ti nyni 'o: weh.: Mose'-a' 'tele' se: a wlu 'ken: korn: neheh'. :Yee' a-a' klehkpeh, a-a': Yusu' 'Klae-a' dhih 'jeh-': po-eh:, eh-: no-eh, 'de a no Nyorsoa-a' 'nynuu. A-a' klehkpeh,: or: po-a 'ni 'dlu 'de 'Klae-a' 'nyne 'di, a pa-or' 'weh. :Yee' 'do eh-a' dha, deh-': gble-eh se 'o: Jueh'-nyor⧾-: nyor⧾: on: se-a: Jueh'-nyor⧾-: 'ge-nynuu-:: yuh: on: se-a 'ge-nynuu-: nyor⧾-kpalu⧾-: 'nynor⧾-kpao'⧾-: 'dekorn: an-a' klehkpeh 'nyne bo: ne. Deh no-eh, a-a' klehkpeh, a no deh: due' 'de: Yusu' 'Klae-'. :Yee': mor eh 'dhu, a: korn 'de 'Klae bo,: yee' a: mor 'Eble'hehn-a' 'die'-nynuu: 'o. 'De deh: korn-a wlu Nyorsoa po-a: dhama'-' 'do or-a' 'die'-nynuu bo, a mu-eh 'ye-:: ke. :Yee' deh 'an za-a-', eh-:: dhe dih. Nyor-kpalu-yu:: or: korn-a: or 'ye-a or: baa'-a': kororn-deh⧾ kpa,: yee': ka nyor⧾-a no-a 'ge-yu-a' dhih, 'ka-: an no or-a' dhih: ke, ti or no-a 'yu-yu, keen': mloror', or-:: korn deh⧾-a' klehkpeh. :Yee' nyor⧾: noo', mo-:: an pobo 'o or bo dih, 'de: noo'-a 'dhu or-a'a:: kororn-deh:⧾: dao' 'yli-eh bo,: mor ti or: baa' chehn-a, en nyni 'o, 'de or 'ye-ih' 'ye. :Yee' 'ka-:: a: ne: dee': ke.: A no 'ge-nynuu: 'do 'kwla 'ye-dih-deh:⧾: en: korn-a 'bluhba:: daa wlu 'ken bo: dee', 'de jorwor:: a mu dhih-a' 'yor-eh yubo:. Jorwor:: yeh ti Nyorsoa 'da-a, en nyni-a 'o,: yee' or dbo or-a' 'jeh 'yor-eh-a' 'Yu 'weh 'noror yao 'zorn. 'De or: yi-dih: 'nynor-kpao'. Or 'ti 'de: Jueh'-nyor⧾ 'nyne-': on: ne-a 'o: Mose'-a' 'tele' 'zorn, 'de or 'ye: a-a' klehkpeh: or: ne-a 'o 'tele': dao' 'zorn zelie:, 'de: a 'ye Nyorsoa-a' 'nynuu no. :Yee' eh 'ye: a 'i: to-dih-eh:,: ka: a 'dhu-a or-a' 'nynuu-', eh-:: korn dhih Nyorsoa dbo or-a' 'Yu-a': Zulu, on 'ye: a-a': porluh⧾ wlu 'ken: korn. Or-a': Zulu:: daa, mo-:: an no-eh, 'de: mor: a: taa Nyorsoa 'da,: a no, 'On-ba:, 'On-ba:. :Yee' eh-a' dhih, a: se 'ge-nynuu:: neheh'. Jorwor: a no Nyorsoa-a' 'nynuu:.: Yee': ka a 'dhu-a or-a' 'nynuu-',: yee' or mu a deh⧾-a' klehkpeh or 'ble-a 'do or-a' 'nynuu bo a-uh 'nyi-:: ke. :Yee': zai': dee', a se Nyorsoa yubo:. Eh-: no-eh, 'de a no 'ge-nynuu 'do 'kwla 'ye-dih-deh⧾ bo,: en: se-a Nyorsoa. :Yee': ka a yubo:-a Nyorsoa: naa, keen', Nyorsoa yubo: a-uh 'weh,: yee': eh: korn dhih, a 'bhorn a 'ye dih 'bili: 'de 'kwla 'ye-dih-deh:⧾: dao': en: korn-a nyor⧾ wlu 'ken: korn-eh: se-a 'kpih 'ble,: en se-a 'o Nyorsoa-': zi, 'de: en se-a deh-' 'dhu-eh:, 'de en bo: neheh': eh?: Eh: korn dhih, a 'bhorn a 'ye en-' 'ge-nynuu:: no-eh de: za: neheh': eh? A: za 'o 'we: nee'-: 'chuh⧾: nee'-: ti: nee'-: 'dekorn: zon⧾: nee'-: me-: a 'ye deh-'. 'An na-dih a-a' dhih: gwluhuh' dih, 'de: koan-a' klehkpeh 'on no-a 'do a bo, or: ne-' deh 'plo no. :Yee' 'an 'Klae: de-di'-boi'-a:, 'an bale a 'weh.: Ka 'on: ne-a, 'ka-: a 'ye: ne. Deh no-eh,: ka a: ne-a, 'ka-: 'on: ne: naa. A: se-' 'on deh-zon 'bhun no, eh-a' 'gor: se 'o: sie:: zai'. A yubo-eh', 'an kormu-eh:, eh-: no-eh, 'de 'on po Nyorsoa-a' tubo-wlu:⧾ 'jeh, ti 'on yi-a 'de a bo: zai'. Keen': mloror' 'an kormu-eh 'worn, eh 'ye-dih a 'kle 'gabaa. Jorwor: a: se 'on: vlehn, 'de mor a: se 'on 'kpuh ya: to. Jorwor:: ka a mu-a Nyorsoa-a' 'enjor-a' dih: kpon-eh: no: dee', 'ka-: a no 'an dih: kpon-eh. 'De mor: ka a mu-a: Yusu' 'Klae-a' dih: kpon-eh: no: dee', 'ka-: a no 'an dih: kpon-eh: ke. A 'yi-dih: 'mona-' dih: dee'. Jorwor: dha a-a' 'mona: ne: naa: eh? 'On yubo-eh',: mor eh 'dhu, no ka se: ne: dee', a 'beh-dih: a 'ye 'de a-a' 'jeh 'yor-eh-a' 'yli: za, a 'ye-ih' 'on 'nyi 'weh: dee'. :Yee' dhih 'an zela-a a dhih-a' 'yor-eh: gwluhuh', eh-:: korn dhih a 'nyeh-a 'on-': naa: eh? :Yee' nyor⧾: yuh: dao',: an 'neh-a: Mose'-a' 'tele'-deh ken 'gboror:,: porluh: on 'ble-a on 'ye-a a jli 'de on bo, mo-: 'beh 'i. Jorwor: deh on 'ble-dih:-a 'dlu 'di dih, eh se 'yi dih: nmor 'do a bo. Deh: due' an 'bhorn-a, eh-: 'dhu, on 'ye a-: 'mor-:: a-' gble, 'de a-a': porluh⧾-a' klehkpeh 'ye 'de on bo: ne. Eh: nmor-: 'yi nyor-a': porluh: or 'ble-a 'do deh bo, on 'ye 'i 'beh, 'do ti-a' klehkpeh bo. Eh: se: mor 'on: ne 'o a bo: due': deh. Jorwor: 'nyi deh-a' 'jeh: dao', eh: ne 'o: gwie 'i. :Yee': dele' ka, 'an 'nynuu-a:.: Mor 'nynor: taa: gbano:: za-da yi,: ka 'de or 'di-a no-a 'fean'-a', eh-: 'on gweh: ke 'do a-a' dhih bo. 'De 'on 'di-a: 'fean'-' 'do a-a' dhih bo, a 'ye 'Klae-a' klei': zi-nyor⧾ no 'jeh ka, 'de jorwor: 'de 'ye 'bor. 'An: porluh-a sin-', 'on 'ye 'de a bo: ne: naa, 'de 'on: ne-': ao': wlu-a' no 'de a bo: neheh'. 'An: porluh: gba ya 'do a-a' deh bo. :Yee' 'nyi 'on dhele: a: mor: yuh: an 'bhorn-a: on 'ye-a 'o: Mose'-a' 'tele' 'zorn: ne dih, dhih eh: za-a-', a: se-ih' 'worn: e? Eh 'dae:, 'Eble'hehn 'wluh nyor⧾-kpalu⧾-nynuu 'sororn'. 'Nynor: or no-a 'ge-nynor, or-: 'wluh: due'. 'De 'nynor: or: se-a 'ge-nynor:, or 'wluh 'sororn' nor. Jorwor:: yor or: ne 'nynor: or: se-a 'ge-nynor:, on 'wluh-a, or-a' neh: ne 'o 'dor, deh no-eh, Nyorsoa-a' 'yor-eh: or-: po or-a' wlu: dhama'-', 'de jorwor: or mu 'wluh-:. Deh⧾ 'sororn': daa, nyor 'beh-dih: nyor 'ye-ih' deh 'i: po-dih:. 'Nynor⧾ 'sororn': daa, on: nyna 'o kuo-a' 'dlu⧾: ne-a 'sororn', en-' 'gor bo dih.: Yee': yor: korn-a 'nynuu 'wluh-dih:-a 'ge-nynuu-deh, or-a' 'nyne: wor: Haga'. 'De or: nyna 'o kuo: or: po-eh 'do tluh an 'da-dih-a 'Sanae-tluh ken, an-a' 'gor bo dih. :Yee': Haga': nyna 'o 'Sanae-tluh:: on: ne-a: Ale'bia-bluhba ken 'di, an-a' 'gor bo dih. Nyor 'beh-dih: nyor 'ye-uh: Julu'slehn-a' 'zean' neh 'i: po-dih:: ke. Deh no-eh,: Julu'slehn-: 'dekorn: nyor⧾-a' klehkpeh: ne-a 'de or 'di-: on: ne 'de 'gegeye 'zean'. Jorwor:: Julu'slehn:: or no-a Nyorsoa-a' gwlor, or se 'de 'gegeye: ne, 'de or-: no: a 'de. Deh no-eh, eh 'chle-eh:-' 'de Nyorsoa-a' 'chlee-deh 'di, eh 'da,: Mor 'nynor: daa,: or: sie:-a: zlama, no 'mona,: on 'ye 'geh⧾ po,: mor: or 'kwli 'see-a no: zai'. Deh no-eh, 'nynor: or: po-eh 'zorn, or mu 'nynuu:: dhulu' 'ble-: or 'ye 'o 'nynor: or: korn-a yibeor se-or 'zorn: po: zi. Jorwor:: kana: naa, 'an 'Klae: de-di'-boi'-a:, a no Nyorsoa-a' 'nynuu:.: Ka Ase': ne-a, 'de or 'wluh-a 'do Nyorsoa-a': dhama'-': po-wlu 'ken, 'ka-: 'o a: ne ke. :Yee' 'do ti: dao' 'i, nyor-kpalu-yu:: or: korn-a wlu se-a: dhama'-': po-eh:, 'de: or 'wluh-a, or 'ye-dih: yor: or Nyorsoa-a': Zulu-a' 'kpih no-eh, 'de: or 'ye-a' 'wluh 'kle. 'De mor 'ka-: 'o eh: ne 'zean': ke. Jorwor:: kaa Nyorsoa-a' 'chlee-deh 'da: eh? Eh 'dae:, Po 'nynor: dao': or no-a 'ge-nynor-: 'dekorn: or-a'a: nyor-kpalu-yu-: 'zorn. Deh no-eh, 'nynor: or no-a 'ge-nynor, or-a'a: nyor-kpalu-yu se 'for 'ble 'do or: baa'-a'a:: kororn-deh⧾ 'ken. 'Nynor: or: se-a 'ge-nynor:, or-a'a: nyor-kpalu-yu:, or-:: korn: kororn-deh:⧾: dao'. :Yee' 'an 'Klae: de-di'-boi'-a:,: a: se 'nynor: or no-a 'ge-nynor, or-a'a: 'nynuu:. Jorwor: 'nynor: or: se-a 'ge-nynor:, or-a'a: 'nynuu:, mo-:: a 'dhu-eh:-'. :Yee': ka 'Klae zelie:: a-uh,: yee': a zelie-eh:-' deh 'jeh. 'De mor 'nyi a gweh nyor⧾: on zelie-eh: ke. A-a' 'worn-:-' nyor⧾-a': no-eh' 'de a-a': ne-' 'kmo: eh gweh-a: ka 'ge-nynuu 'i: neheh'. 'Mor: or 'dhu-a: Poror'-', a: to deh 'an yi-a: za 'da: dou'⧾ bo.: Mor eh 'dhu a 'worn-dih-eh ken dih, 'de nyor⧾: noo' 'ye a: bhlororn' 'dba,: yee' 'Klae se deh-' 'dhu-eh: 'do a bo klehkpeh klehkpeh. :Yee' 'an zela a: gwluhuh': dele' ka, nyor: or 'worn-dih-eh ken dih, nyor⧾: noo' 'ye a: bhlororn' 'dba,: yee' or: korn or 'ye 'o: Mose'-a' 'tele'⧾-a' klehkpeh dih dhe: dueh'leh:. :Yee' a: mor: yuh: an 'bhorn-a: on 'ye-a 'o: Mose'-a' 'tele' dih dhe, 'de Nyorsoa 'ye-a a 'yi 'sleh-nyor⧾ 'da-dih:, a: za 'o a-a' 'jeh 'do 'Klae 'bhun 'weh, 'de a: tehn-dih: Nyorsoa-a' mla bo dih. Jorwor:: a: mor: mloror', Nyorsoa-a': Zulu:: za-dih:: a-uh', 'de: a 'beh-dih:: a 'ye 'de ybei' pobo:, 'de: a-a' 'Klae-a' dhih 'jeh-': po-eh 'di, 'de: a dhe-eh: gwlii': ka Nyorsoa-a mu-a: a 'yi 'sleh-nyor⧾ 'da-dih:. Deh no-eh,: mor eh 'dhu: a: ne: Yusu' 'Klae-',: yee' 'meh: bhlororn' o, se: bhlororn' 'meh o, en: se-' deh 'da. Jorwor: deh: eh 'dhu-a deh-', eh-: 'dhu,: a-a' 'Klae-a' dhih 'jeh-': po-eh-',: eh no-eh 'de: a: ybeh-a nyor⧾-'. A po 'de 'kpih 'weh: dee' 'jeh ka. Jorwor:: or no-eh, 'de a 'bor dhih-a' 'yor-eh-a' 'tele'-a' dih: dhe-eh: eh? 'On yubo-eh', eh: se Nyorsoa: or 'da a-uh, or: se-eh' no. :A 'ble 'dlan, or-:: a po,: a 'da, Deh⧾: en 'vu-dih-a 'bhlee, en-': bhebe'-deh⧾-bei:, me-: 'vu-dih 'bhlee:: kpuan'-a' klehkpeh. 'On: kpa-dih:: Gwlor: baa': gwluhuh'. Eh-: no-eh, 'de 'on yubo-eh deh 'jeh,: ka a: se-a 'o nyor: noror' wlu klei' 'kpa-: i. Nyor: or 'beh-dih-a a-a' 'dlu⧾ 'worn dih, nyor: yor or mu-a-' 'dhu-eh, Nyorsoa-a mu-or 'kle 'ye-eh 'dlu: po. :Yee' 'an 'Klae: de-di'-boi'-a:,: mor eh 'dhu,: ka nyor⧾: noo' 'da-a, on no-a, tubo-wlu:⧾ 'an po-a en 'da, nyor: korn or 'ye: bhlororn' 'meh: gbor: gbor,: yee': eh: korn dhih nyor⧾-a 'ye-dih 'on 'kle 'gboror:: eh?: Yee': mor eh 'dhu, 'on: taa-eh no 'jeh ka,: yee' tubo-wlu:⧾ 'an po-a,: en 'dhu-a, 'Klae 'meh-' 'do tu 'i, en: se 'de: zaa'za: ya i: dee'. Jorwor:: yuh: dao': an 'beh-dih-a a 'worn dih,: mor 'on: ne: due',: yee' on kpa-eh 'dlu bo, on 'ye an-a' 'jeh gbor-' dih 'dba. :Yee' 'an 'Klae: de-di'-boi'-a:, a: mor: mloror', Nyorsoa 'da a 'weh, a 'ye 'de 'gegeye 'wluh.: Yee': ka a 'wluh-a 'de 'gegeye: naa,: yee' a-a': yi-dih-eh:-' 'i, 'de a-a' no deh⧾-zon:⧾ a-a': gwlor-nyor-tu-a 'bhorn-a. Jorwor: a no a 'bei'-a' 'bhoi-nynuu, 'de: ybeh-dih: ka 'di. Deh no-eh,: Mose'-a' 'tele'⧾-a' klehkpeh 'wluh 'noror 'tele': due': daa 'di,: eh 'dhu-a,: Ybeh nyor⧾: on: ne 'ti-a: dha: due'-',: ka: on no-a: an-a' 'jeh-a': ybeh-a'. :Yee': mor a: taa-' 'memeh, 'de a 'ye a 'bei' 'kle 'ye-dih:: eh gweh-a 'dle-: ji-:,: yee' a 'dhu-eh: dhororn': mor a se: gwluhuh' dih 'wla, a-a': dha: due' 'kpa-eh mu ya: gba 'tene': kpeen:. Deh 'an za-a-', eh-:: dhe dih. A 'nyi Nyorsoa-a': Zulu: korn a-a' 'kmo: ne-eh wlu 'ken.: Yee' deh⧾-zon:⧾ a-a': gwlor-nyor-tu-a 'bhorn-a a 'ye-a' no, a: se-': no i. Deh no-eh, deh⧾-zon:⧾ a-a': gwlor-nyor-tu-a 'bhorn-a-: 'dekorn: deh Nyorsoa-a': Zulu-a 'bhorn-a-: en se: gwie: due' kpa. 'De mor wlu-' dih 'worn-eh se 'o en 'nyne bo: ne. Eh-: no-eh, 'de a-a' no deh a 'bhorn-a a 'ye-a' no. :Yee': mor eh 'dhu Nyorsoa-a': Zulu: taa a na-dih,: yee' a se 'o: Mose'-a' 'tele' 'zorn: ne. Deh⧾-zon:⧾: en 'wluh-a 'de: gwlor-nyor⧾-a' 'bhororn'-deh⧾ bo, nyor⧾ yubo-ih', me-: 'dhu, 'tmeor:⧾: korn-eh-: se: vlehehn'-': gweh-deh⧾-: 'pebe' 'i 'kpa-eh-: nyor⧾: an za-a zuu⧾-a': weheh'-:: yuh: on no-a 'gwiorn⧾-: nyor⧾: on 'nyeh-a on 'bei'-: 'dekorn:: yuh: korn-a wlu⧾-a vorn-a 'de an-a' 'jeh 'nyne-:: gwlehehn': korn-nyor⧾-: 'chehn-': gwlii': ne-nyor⧾-: nyor⧾: an zi-a on: due' dhih-:, a: za a-a' 'jeh 'sororn'-: 'de a 'kpuhba: ya dih-:: korn mor 'cheh 'ya 'cheh 'ya-: :porluh-a' sin-a' 'do deh⧾-a' klehkpeh bo-: nomor 'na-eh-: 'nynor⧾: zie-dih-eh-a' gor⧾ deh⧾-' dih-: 'dekorn: noo-deh:⧾: nee': en: ne-a: yih: daa en-' goor-dih:-a-:: ke. 'On 'dhu a 'slen 'weh: zai'. Jorwor: 'an za-ih-' de: neheh', nyor⧾: an no-a deh⧾: en: ne: ao', on: se-' Nyorsoa-a' nyor⧾ wlu 'ken: korn-eh 'zorn: pa i. Jorwor: Nyorsoa-a': Zulu-a: no-eh, 'de nyor⧾-a ybeh-dih, 'de 'mona 'yi-dih nyor⧾-' dih, 'de on 'ble wlu-' dih 'worn-eh-:: porluh-a' dih: kpon-eh-:: porluh-a' 'yi dih: nmor-eh-: deh⧾ 'jeh: no-eh-: 'dekorn:: dhehehn-nyor⧾-:. 'De: Zulu:: ne-a: due', an no-eh, 'de nyor⧾-a kpon-eh 'i, 'de an korn an-a' 'jeh wlu 'ken, on: ne-' deh-zon no. Eh se 'tele': korn: eh 'ye deh-zon-': za, 'do deh⧾: daa 'bhun. 'De mor nyor⧾: on: korn-a 'de: Yusu' 'Klae bo, an-a' 'worn an-a': gwlor-nyor-tu-a' 'bhororn'-deh⧾-zon:⧾: en an 'bhorn-a on 'ye-a' no 'gabaa, en-' korn-uh wlu 'ken: neheh'. Nyorsoa-a': Zulu: no-eh, 'de: a: ne 'kmo.: Yee' 'nyi on: korn: a-a' 'kmo: ne-eh wlu 'ken. :Yee' a 'bor a-a' 'jeh 'i 'beh-dih-eh, 'de mor a 'bor a 'bei' 'chehn-' dih: po-eh-: 'dekorn: a 'bei': gwlehehn' bo: no-eh-:. :Yee' 'an 'Klae: de-di'-boi'-a:,: mor a 'ye nyor 'de or 'ye deh-zon no,: yee' a: mor: yor ku-a 'de Nyorsoa-deh 'di, a: mor: or 'ye-or' 'o: gwie 'i de po. Jorwor: a 'pehn-dih: wlu dih, 'de or bo.: Yee' a 'dhu a-a' 'jeh: dhororn' 'de deh or no-a, a: ne-' eh-a' no-a' 'bhorn: ke. :Yee': mor a 'be: taa 'kle 'ye,: yee' a: za-dih-or-'.: Mor a: taa 'o no,: yee' 'tele' 'Klae: torne: a-uh, eh-: 'o a dhe 'o dih. :Mor nyor: or se-a deh-' 'dhu-eh:, 'de or 'ye or-a' 'jeh deh 'da-dih:,: yee' or bo-dih or-a' 'jeh 'weh. A-a' klehkpeh, a pobo: a-a' noo-deh⧾ ya: due': due'.: Mor en: nmor 'yi dih,: yee' or 'beh-dih: or 'ye or-a' 'jeh 'i 'beh-dih: 'do deh or-a' 'jeh 'yor-eh no-a bo. Or-a': po-dih:-' deh or no-a, or 'be: noror'-a' noo-deh 'i. Deh no-eh, nyor⧾-a' klehkpeh, on: korn on 'ye an-a' 'jeh-a' noo-deh⧾-a' 'gbeh⧾ 'ble: due': due'. :Mor nyor: torne: a tubo-wlu:⧾ 'jeh: en kor-a 'Klae 'i,: yee' deh 'jeh: neh a 'ble-a, a: za 'o deh, a 'ye-or 'nyi. A-a': bo-dih:-' a-a' 'jeh dih. Deh no-eh, Nyorsoa: se: goba'-dhih ken dih 'wluh-dih-nyor:. Deh nyor 'dhu-a, eh-: or mu 'kpan-:. :Mor nyor 'dhu deh⧾-zon⧾ or-a': gwlor-nyor-tu-a 'bhorn-a,: yee' or mu 'meh-a' 'kpan-:. Jorwor:: mor nyor 'dhu deh⧾ Nyorsoa-a': Zulu-a 'bhorn-a,: yee' or mu 'kmo: sie:: febeh': eh 'wluh-a 'de: Zulu bo 'kpan-:. :Yee' 'do eh-a' dha, a 'nyi: a 'bor sea-a' 'do deh 'jeh-a' no-a' bo. Deh no-eh,: mor: a se sea, eh mu ti: korn,: a mu 'o deh⧾ 'jeh 'kpan-:. :Yee' eh-a' dhih,: dha: a 'ble-dih:-a ti,: a 'ye-a' deh no, 'nyi: a no deh 'jeh 'do nyor⧾-a' klehkpeh bo. Nyor⧾: a 'ye-eh' bo dih no 'gabaa, mo-: 'dhu nyor⧾: on: ne: a no-a deh: due' 'de: Yusu' 'Klae-a' dhih 'jeh-': po-eh 'di. :Yee' a pobo: 'chlee-deh⧾-a' 'yli: klaba'⧾ 'an no-a, 'an 'jeh 'yor-eh-a' son, 'an 'chle-a a bo ya. :Yee' nyor⧾: an 'bhorn-a: on 'ye a 'kpih: kpa-dih:, 'de a 'ye-a: bhlororn' 'meh, an 'bhorn on 'ye an-a' 'jeh nyor⧾ 'i: to-dih: 'do deh⧾: gwlor-nyor⧾-a 'ye-a deh-' bo. Deh: korn-a dhih an no-a deh⧾: daa, eh-: 'dhu, on: se-' 'bhorn: mor on po: ka 'Klae 'meh-a 'do 'klorse tu 'i, eh-a' tubo-wlu⧾, 'de nyor⧾: ne-uh' 'kle 'ye-dih:. 'De mor: yuh-a' 'jeh: on 'meh-a: bhlororn', an-a' 'worn, an-a' dhe 'o: Mose'-a' 'tele' dih. Jorwor: an 'bhorn: mor on 'dba a: bhlororn': weh, 'de on 'ye an-a' 'jeh 'i 'beh-dih:, on 'ye: ao', nyor⧾: on: se-a: Jueh'-nyor:⧾, on 'worn-dih-eh ken dih 'weh,: a 'ye-uh': bhlororn' 'dba. Jorwor: 'mor: mloror',: a-a': Gwlor: baa': Yusu' 'Klae-a' 'klorse tu 'i 'meh-dih-eh: due', eh-:: korn dhih 'an mu 'an 'jeh 'i 'beh-dih:. Deh no-eh, or-a' 'klorse: tu, mo-: no-eh, 'de 'kmo-a' deh⧾ no 'meheh'-deh⧾ 'do 'on bo, 'de 'on no 'meheh'-nyor 'do 'kmo bo. :Mor nyor 'meh: bhlororn' o, or se: bhlororn' 'meh o, 'koror'-deh se 'de eh 'di: ne. Deh: due': eh 'kpa-a deh ken, eh-: 'dhu, 'nyi Nyorsoa po: on: dele'-': neheh': dele' ka. :Yee': yuh: on: ne-dih:-a deh⧾ 'on: torne: a-uh 'kmo, 'nyi wlu-' dih 'worn-eh-: Nyorsoa-a': wehlih:: korn-eh-: en: ne 'o on bo, mo-: 'dekorn: Nyorsoa-nyor:⧾: noo'-a' klehkpeh-:. :Yee': mor 'on 'ye jla,: eh 'wluh-a dha 'zean' 'bli, nyor-beh-nyor-beh:-a' 'beh-dih: 'on 'worn dih: neheh' o. Deh no-eh, fan: daa 'on 'ble-a 'do 'an yau 'bhun, eh: to-dih-eh nyor⧾ 'i,: ka 'on 'dhu-a: Yusu'-a' 'ge-yu-'. 'Nyi: a-a': Gwlor: baa': Yusu' 'Klae-a' mla: ne 'o a-a' klehkpeh bo o, 'an 'Klae: de-di'-boi'-a:. 'Ka-: eh 'ye: ne. 'Mor: Poror': or Nyorsoa 'da-a: or 'ye-a: Yusu' 'Klae-a'a: dboo-nyor no 'de or-a' 'ton: korn ka 'di, 'mor 'ye a-uh, a: mor 'dhu-a Nyorsoa-nyor:⧾: on: ne-a 'de 'Ehfesor-gwlor 'di, 'de: or no-a: dhehehn-nyor⧾ 'de: Yusu' 'Klae-a' deh 'di. Mla-: 'dekorn: wlu-' dih 'worn-eh-: 'do a bo,: en 'wluh-a 'de Nyorsoa: or no-a: a: Baa'-: 'dekorn:: Gwlor: baa': Yusu' 'Klae bo. Dhih-a' 'i 'beh-a': korn 'de Nyorsoa bo,: or 'dhu-a: a-a': Gwlor: baa': Yusu' 'Klae: Baa'. Deh no-eh,: ka: a: ne-a 'Klae-',: yee' or po: a: bhorlie' bo 'weh, 'for⧾-a' klehkpeh bo, 'de or-a' deh 'di,: bhorlie': eh 'wluh-a 'de or 'bli yai', eh-: or no. 'De mor: yeh 'bluhba 'ye-a': no-eh:,: yee' Nyorsoa gan: a 'weh see: a 'ye or-a'a: nyor⧾ no, 'do: a mor-: 'Klae-:: a-a': dha: due' 'kpa-eh: bo, 'de: a 'ye: vlehehn'-': gweh-nyor⧾ no 'do or ybei': on se-a dhih 'bhun: ne. Or: ybeh: a-uh' 'weh. Eh-: no-eh, 'de or gan: a-uh: dee' see 'do or-a' 'jeh bo,: a 'ye or-a'a: 'nynuu no: eh: yi-dih:-a: Yusu' 'Klae-'. Eh-: no or-a' 'mona-deh: or 'bhorn-a or 'ye-a' no. A 'nyi: a po Nyorsoa-a' 'nyne ya, 'do or-a' dhih-a' 'i 'beh-mla bo: or no-a 'nyii'-deh or 'nyi-a: a-uh yaa'e: eh: yi-dih:-a or-a': dhih: kma-yu-'. 'De 'Klae-a' 'meh-a' 'di, 'do: wor: a-a' deh⧾-zon⧾-a' dhih 'ma-dih-eh: bo, 'de: a zelie-eh:. 'De Nyorsoa-a' mla: dhulu' 'di, 'do: wor or: no-dih-eh. 'Do or-a': toror' klehkpeh 'di-: 'dekorn: or-a' deh-' dih 'worn-eh 'di-: 'do: wor or: po-dih:: a mla: dhulu': daa bo. :Yee' deh 'Klae no-a, eh-: no-eh, 'de Nyorsoa: to-dih: or-a' 'slan, or 'dhu-a: dee' see,: a 'i. Deh: daa Nyorsoa 'dhu-a, or mu-eh 'i: gweh: mor ti nyni 'o. Eh-: mu deh⧾-a' klehkpeh or no-a: dha: due': ya,: yih: en: ne-a 'de or 'bli yai'-: 'dekorn:: yih: en: ne-a dha yao 'zorn-:. 'Klae or-:: ne 'o en 'dlu. Nyorsoa no deh⧾-a' klehkpeh 'weh,: ka or no-a eh-a' 'dhu-a'. 'De or gan: a-uh: dee' see,: a ye or-a' 'jeh 'yor-eh-a' nyor⧾ no, 'do: a-a' 'Klae-a': ne-a' bo 'dekorn:: ka or 'bhorn-a eh 'ye-a': ne. :Yee' a 'nyi: a: mor: or no-a: zai'-nyor⧾: or dhe-a 'Klae: gwlii',: a po Nyorsoa-a' dhih-a' 'i 'beh-a' 'nyne ya. :Yee' ti a 'worn-a tubo-wlu:⧾: daa: en no-a dhih-a' 'yor-eh,: yee' a no Nyorsoa-a' nyor⧾: ke,: en no-a tubo-wlu:⧾ 'jeh: daa: en: ya-a: 'de 'puh-a' 'do a bo. A po 'Klae-a' dhih dhih 'jeh-' 'weh. Eh-:: korn dhih Nyorsoa 'nyi or-a' Gban 'i: ne: Zulu a-uh,: on: korn-a wlu or po-a: dhama'-', eh 'ye a 'i: to-dih:: ka a: korn-a 'de or bo. :Yee': ka: a 'ble-a or-a' Gban 'i: ne: Zulu:: dao',: yee' a 'nyi: a yubo-eh: ka: a mu-a deh: korn-a wlu or po-a: dhama'-' 'de or-a' nyor⧾ bo 'ye-:. Eh-: no-eh, 'de: a yubo-eh deh 'jeh,: ka or mu-a nyor⧾: on 'dhu-a or-a'a: nyor⧾-' zelie:. A 'nyi: a po or-a' dhih-a' 'i 'beh-a' 'nyne ya. :Yee' eh-a' dhih,: yeh 'on 'worn-a: ka a no-a: Gwlor: baa': Yusu'-a' dhih 'jeh-': po-eh-: 'dekorn:: ybeh-eh: a 'ble-a 'do Nyorsoa-nyor⧾-a' klehkpeh bo-: :yee' 'an-a' 'worn 'an-a' 'bor Nyorsoa-a' 'zio: po-eh 'do a-a' dhih bo. 'De: mor 'on: taa 'de Nyorsoa bo wlu, 'an po 'de a-a' 'nyne 'weh. 'De 'an dhele Nyorsoa dih: or no-a: a-a': Gwlor: baa': Yusu' 'Klae-a' Nyorsoa,: or no-a dhih-a' 'i 'beh: Baa', or 'ye a or-a': Zulu a-uh 'nyi,: an mu-eh: no, 'de a 'ye-a: toror': korn, 'de on 'ye-a a Nyorsoa 'i: to-dih:: ke, 'de a 'ye-or' dih 'worn deh 'jeh. :Yee' 'an dhele-or dih: neheh', or 'ye a deh-' dih 'worn-eh 'nyi, 'de deh a 'ye-a': gwlii' dhe: eh: korn-a dhih or 'da a-uh 'de a 'ye-eh' yubo:. 'De a 'ye or-a' dhih-a' 'i 'beh: bhorlie': dhulu',: or: korn-a wlu or po-a: dhama'-' or no-a or mu or-a'a: nyor⧾ 'nyi-: 'de a 'ye eh-a' dhih dih 'worn deh 'jeh. 'De 'an dhele-or dih,: ka or-a' 'kpih no-a 'i 'beh-a', 'de: en no-a: koan, 'de: a: mor: or po-or dhih 'jeh-' 'di, 'de a 'ye-ih' dih 'worn deh 'jeh. 'Kpih: dao': en no-a: koan 'de: a 'di, me-:: ne-a: due' me-: 'o: en 'dhu dhih-a' 'i 'beh-kpih-', :en Nyorsoa no-a, ti or: za 'de 'Klae 'de nma-dih-deh 'di, 'de or dhe-or 'o 'do or-a': dila-son bo dih, 'de or 'bli yai'. 'Klae: ne 'o nyor⧾ wlu 'ken: korn-nyor⧾-: nyor⧾: na-dih-nyor⧾-: nyor⧾: klaba'⧾-: 'dekorn: 'kpih-a' klehkpeh: nee'-:: en: ne-a 'o yao: gwlii'-:: yih: ne-a 'noror 'zorn-: or-:: ne 'o en-' klehkpeh 'dlu. 'Nyne or 'ble-a 'do: koan: or no-a bo, en-' dhih 'beh-: 'i, en: zi 'o 'nyne-a' klehkpeh-'. Eh: se ti: yih: a: ne-a ken: naa: due', en-' dhih se 'i 'beh, jorwor: ti: yih-a: mu-a 'de: yi: ke o. 'De mor Nyorsoa po 'o deh⧾-a' klehkpeh 'do or: buhbuh⧾ 'zorn. 'De or no-eh 'de or no nyor: klaba' 'do deh⧾-a' klehkpeh: en: ne-a 'de 'chore bo. 'Chore, eh-: 'dhu 'Klae-a' yau-'. 'De 'chore 'yi-dih-or dih,: or no-a nyor: or deh⧾-a' klehkpeh 'yi-dih:-a dih. :Yee' Nyorsoa-a' 'tele'-a' wa-a'-: 'dekorn: a-a' deh⧾-zon⧾-: me-: no-eh 'de nyor 'beh-dih: or 'ye: ao', a 'meh-': dee', 'do Nyorsoa ybei'. :Yee' 'do ti: dao' 'i, a zi 'o 'kmo-a' 'kulu-kplen klei'. A dhe 'o 'ku: on: korn-a 'kwla 'ye-dih-deh⧾ wlu 'ken, an-a' 'tele' dih. 'Ku: dao', mo-:: korn nyor⧾: an-a' dhe-a 'o Nyorsoa-a' 'tele' dih wlu 'ken: naa. Keen', 'ka-:: a-a' klehkpeh: a: ne: ke: dee'.: Ka: a-a': porluh⧾-a 'bhorn-a: a 'ye-a 'kmo-': ne-eh no, 'ka-:: a no: dee'. 'De: a no deh⧾-zon:⧾: a-a': gwlor-nyor-tu-: 'dekorn:: a-a' 'dlu 'di dih: na-dih-deh⧾-: en 'bhorn-a: a 'ye-a' no.: Yee': ka: a 'dhu-a deh⧾-zon:⧾: no-nyor⧾-': ka: gwlor-nyor⧾-a' klehkpeh: ne-a,: yee': a: korn: a 'ye Nyorsoa-a' 'chehn-yuba 'ye: ke: dee'. Jorwor: Nyorsoa: or: korn-a: wehlih 'gabaa-: 'dekorn: or-a': ybeh-eh:: klaba' or 'ble-a 'do: a bo-: or-: no-eh, 'de: a mor-: 'Klae-:: a: ne-dih: 'kmo-': dha: due': neheh', ti: a gweh-a 'meheh'-nyor⧾ 'do or ybei', or-a' 'tele'-a' waa-dhih. Or-a' mla, or-: no-eh, 'de a 'puh. 'De Nyorsoa 'duo:: a mor-: 'Klae-: ya-': dha: due', 'de: a: ne-dih: 'kmo-': dha: due': neheh', 'de or: ne: a mor-:: a 'ye 'de Nyorsoa 'bli yai' wlu 'ken: korn. Or no deh: daa 'weh, 'de eh 'ye-eh' no 'de nyor⧾-a' klehkpeh 'ye-eh' yubo:: ka or-a' mla: kolu': ne-a, 'de nyor se-a or-a' 'yba-dih-eh 'beh-dih:, 'do ti-a mu-a 'de: yi 'di. Or: yi-dih:: Yusu' 'Klae-', 'de or: to-dih:: a or-a': porluh-a' 'yi dih: nmor-eh:: a 'i. :Yee' Nyorsoa-a' mla: oo': or no-eh, 'de a 'puh,: eh: yi-dih:-a dhih 'jeh-': po-eh-'. Eh se 'de a-a' 'yor-eh bo 'wluh, jorwor: Nyorsoa-a' 'nyii'-deh: 'o. 'Puh-a': daa or: se 'de a-a' 'yor-eh-a': koan bo 'wluh, 'de nyor-beh-nyor-beh: ne-' or-a' 'jeh 'i 'beh-dih:. Deh no-eh,: yeh: a: ne-a: naa, Nyorsoa: oo', or-: no-eh 'de: a: ne: ao'.: A 'ye: koan: 'jeh nor no: dhih 'o, eh-:: korn dhih 'de Nyorsoa: yi-dih:: Yusu' 'Klae-' 'de or no: a-uh.: Koan: 'jeh: nor: daa, Nyorsoa po-or: 'kpa: dee' see: a 'ye-or' no. A yubo-eh',: ka a: se-a: Jueh'-nyor:⧾, 'de a 'wluh-dih-eh. Jorwor:: yuh: on 'meh-a: bhlororn' 'de nyor⧾ 'ye-eh' yubo:: ka on 'dhu-a Nyorsoa-nyor⧾-', an-a' 'jeh: dao', mo-:: an 'da-dih a, se Nyorsoa yubo-nyor⧾. Deh no-eh a: se-': bhlororn' 'meh-eh:: dao',: eh: korn-a 'de: gwlor-nyor⧾-a' yau bo no. :Yee' a yubo-eh', 'do ti: dao' 'i, a mor-: 'Klae-: a: gble-eh:-' 'weh. A se 'de nyor⧾ Nyorsoa gan-a: on 'dhu-a 'Ezlea-nyor⧾-' bo: ne, 'de a no 'duhba⧾. A se 'for 'ble 'de kuo 'di,: eh 'dhu-a wlu or po-a: dhama'-' 'de or-a' nyor⧾ bo.: Yee' a 'ti dha 'bluhba:: daa ken 'weh 'suh, 'de a se deh: gwlii': dhe-eh 'ble, 'de a se Nyorsoa yubo:: dee'. Jorwor:: kana: naa, a-a': Yusu' 'Klae-': ne-eh:, eh-: no-eh, 'de a: mor: or: tehn-a bo: dee', 'de 'Klae-a' gban 'i 'dhu-dih-eh 'do tu 'i, no-eh, 'de a 'koan'-dih: Nyorsoa dih. Deh no-eh, 'Klae-a' 'yor-eh: or-:: ya 'de wlu-' dih 'worn-eh: 'do nyor⧾: on: se-a: Jueh'-nyor⧾-: 'dekorn: nyor⧾: on 'dhu-a: Jueh'-nyor⧾-: 'nyne bo, 'do an-a': dha: due': po-eh bo, on 'ye nyor: due' no. Or-a' 'jeh 'yor-eh-a' yau: mo-: or no, 'de or: za 'o gba-dih-gba: or: ne-a 'o on 'nyne bo, 'de: or gble-uh-a: dee',: or no-eh, 'de on 'nyeh-eh-dih:-a: dee'. Or-a' yau:: ne-a: due', mo-: no-eh, 'de or gweh: Jueh'-nyor⧾-a' 'tele'⧾-a' klehkpeh dih 'de nyor: se-ih' 'o dih: dhe i: neheh'. Or no deh: daa 'weh, 'de eh 'ye-eh' no 'de nyor⧾-a' 'dlu⧾-kpor⧾ 'sororn': daa, on 'ye: dha: due' 'kpa, en: ne or 'ye deh: due' no,: eh 'dhu-a wlu-' dih 'worn-eh-'. :Yee' or-a' tu 'i 'meh-dih-eh:, eh-: no-eh 'de nyor⧾ 'bor 'nyeh-eh-dih-eh. Or-a' tu 'i 'meh-dih-eh:, eh-: no-eh 'de nyor⧾-a' 'dlu⧾-kpor⧾ 'sororn': daa, on no deh: due', 'de or ya-uh 'noror Nyorsoa bo de. :Yee' eh-a' dhih 'Klae 'yle, 'de or po tubo-wlu:⧾: en 'ble-a wlu-' dih 'worn-eh 'de a: mor: or: se-a: Jueh'-nyor:⧾,: or: tehn-dih:-a Nyorsoa bo dih: dee'-: 'dekorn:: Jueh'-nyor:⧾: on 'koan'-dih:-a Nyorsoa dih-: 'de on bo. :Yee' deh 'Klae no-a, eh-: no-eh, 'de: a-a' klehkpeh: or 'dhu-a: Jueh'-nyor⧾-: 'dekorn:: se: Jueh'-nyor⧾-: 'de: a: yi-dih: Nyorsoa-a': Zulu:: ne-a: due'-',: on no-eh, 'de: a 'beh-dih:-a: a 'ye-a 'o: a: Baa' Nyorsoa ybei' dih: nyna. :Yee' 'do eh-a' dha, a: mor: or: se-a: Jueh'-nyor:⧾, a: se 'duhba:⧾: dele' ka. A mor-: 'dekorn: Nyorsoa-a' nyor⧾-: a no 'bluhba: due'-' nyor⧾. 'De a no nyor⧾: on: ne-a 'de Nyorsoa 'bli 'gbu-a' nyor⧾. A-a' 'jeh: ke, 'gbu: Yusu'-a'a: dboo-nyor⧾-: 'dekorn: Nyorsoa-a' wele-eh:: po-nyor⧾-: on 'dhu-a glu, 'do: wor a: po-dih-eh:: ke.: Yusu' 'Klae-a' 'yor-eh: or-: no an-a': zi-tu. :Yusu'-a' 'yor-eh:, or-: po 'gbu-a' klehkpeh: daa: dha: due', or-: kpon-uh dih, 'de or no-eh, 'de on ku, on no gban 'i: ne-sla:: on: dhe-dih-eh 'for 'i 'do: Gwlor: baa' bo. :Yee': ka a: ne-a 'Klae-',: yee' a mor-: 'dekorn: or-a' nyor⧾-a' klehkpeh-: 'Klae or-: no-eh, 'de a no 'gbu: yuh Nyorsoa-a': Zulu 'ti-a 'de 'di. :Yee' 'do eh-a' dha, 'mor: Poror', 'an wlu 'de Nyorsoa bo 'do a-a' dhih bo, 'mor: or: Yusu' 'Klae no-eh, 'de: or 'dhu-a: kasue-nyor-', 'do a: mor: or: se-a: Jueh'-nyor:⧾, a-a' dhih. Keen' a 'worn-ih' 'jeh ka,: ka eh 'dhu-a 'de Nyorsoa-a' mla 'di-', or 'nyi-a 'on: koan:: daa 'on 'ye-or' no 'do a bo. Nyorsoa: to-dih: or-a' 'slan or 'dhu-a 'on-: 'i, 'de 'on 'chle deh-beh 'do eh 'bhun 'noror 'chlee-deh:: daa 'di. :Yee': mor eh 'dhu, a mu deh 'on 'chle-a: zlo,: yee': ka 'on no-a 'slan: or kor-a 'Klae 'i, or-a' dih 'worn-eh,: yee' 'ka-: a mu eh-a' dih 'worn-a': no: ke. 'Do ti: en zi-a 'di, 'slan: daa, or: se-': gwlor-nyor⧾: gwluhuh' zela-eh:. Jorwor:: kana: naa Nyorsoa no-eh' 'de or-a': Zulu: to-dih-or or-a' nyor⧾: on: dhe-dih-eh 'for 'i 'do or bo 'i,: on 'dhu-a or-a' dboo-nyor⧾-: 'dekorn: or-a' wele-eh:: po-nyor⧾-:. 'Slan: daa, or-:: dhe dih.: Yusu' 'Klae-a' dhih, Nyorsoa-a' tubo-wlu:⧾ 'jeh no-eh, 'de nyor⧾: on: se-a: Jueh'-nyor:⧾, on 'ble 'for 'de: dhama'-': po-wlu:, Nyorsoa po-a: dhama'-' 'de: Jueh'-nyor⧾ bo 'di. 'De or no-eh, on no nyor: due'. Nyorsoa: no-dih: 'on 'bhoi-yu: 'do tubo-wlu:⧾ 'jeh: daa bo,: en no-a 'nyii'-deh: or 'nyi-a 'on,: en: yi-dih:-a or-a' 'kpih-'. Keen': mloror' 'mor: or no 'zeehn-a' 'zeehn 'do Nyorsoa-a' nyor⧾-a' klehkpeh 'zorn, 'de or 'nyi 'on: koan:: daa, 'on 'ye 'de nyor⧾: on: se-a: Jueh'-nyor⧾: gwluhuh' zela:: ka 'Klae no-eh, 'de: a 'ble-a: bhorlie': dhulu',: eh nyor se-a zlo-a' 'beh-dih:, 'de 'on 'ye-eh' no 'de nyor⧾-a' klehkpeh 'ye-eh' 'ye: ka Nyorsoa-a mu-a or-a' 'slan or 'dhu-a, or-a': koan:: no-dih-eh: no. Nyorsoa: or no-a deh⧾-a' klehkpeh-a' noo-nyor, or 'zile: deh: daa 'weh 'do or: porluh ken: chio'lo: 'do ti: dhorno'⧾: en zi-a 'di: dee'. Deh no-eh, ti: a: ne-a ken: naa, or 'bhorn or 'ye 'chore: yi-dih: 'de or 'ye or-a': toror' 'doror: 'dor, 'enjor-nyor:⧾: on: ne-a 'de or 'bli yai' 'i: to-dih:,: yuh: on: korn-a deh⧾ wlu 'ken-: 'dekorn:: yuh: on: korn-a 'kpih-:. Or no deh⧾: daa 'weh,: ka or no-a en-' 'dhu-a': eh 'wluh-a 'de eh-a' glu 'dhu 'da.: A-a': Gwlor: baa': Yusu' 'Klae, or-: or: yi-dih:-' 'de en: no-eh:. :A-a' 'Klae: ne-eh-: or-a' dhih 'jeh-': po-eh-: me-: no-eh, 'de: a: ku: gwluhuh',: a: za: fano: gwlii', 'de: a mu 'o Nyorsoa ybei'. :Yee' eh-a' dhih, 'an bale a 'weh, a-a': porluh⧾: nee' 'zorn 'kpa,: mor 'on 'ye 'kle 'do a-a' dhih bo. A 'ye 'o deh 'ye: dhih 'o, 'de 'an 'ye 'kle. :Yee' eh-:: korn dhih, 'an 'jli dih 'do 'koor-dlu⧾ ken 'do: a: Baa' Nyorsoa ybei'. 'De or bo, 'do: wor deh⧾-a' klehkpeh-: 'dekorn: nyor⧾-a' klehkpeh-:: on: ne-a 'de or 'bli yai'-: 'dekorn: dha yao 'zorn-: an-a': febeh' 'wluh. 'An bale Nyorsoa 'weh, 'de or-a': bhorlie': dhulu' 'di, or-a': Zulu 'ye a 'kpih 'nyi, 'de a 'di. 'De 'an bale-or: neheh', 'de 'Klae 'ye 'o a: porluh⧾ ken 'ti,: eh: yi-dih:-a dhih 'jeh-': po-eh:-'. 'An bale-or 'de deh⧾-a' klehkpeh a mu-a: no, en 'ye: ybeh-dih-eh 'i kor, 'de a mor-: 'dekorn: Nyorsoa-nyor⧾-a' klehkpeh-: a 'ye 'kpih 'ble,: en mu-eh: no, 'de a 'ye-eh' yubo: deh 'jeh,: ka 'Klae no-a a-a': ybeh-eh 'gabaa,: eh: zi-a 'o ken dih. 'An bale Nyorsoa 'weh: neheh', a 'ye: ka 'Klae no-a a-a': ybeh-a' 'gabaa, a 'ye-eh' yubo:,: ybeh-eh-a': yeh nyor se-a 'zorn: gweh-eh 'beh-dih:. Deh: daa, eh-:: korn dhih 'an bale Nyorsoa, a 'ye or-a' kplen-a' klehkpeh-' dih 'yi-dih:. Nyorsoa 'beh-dih: or 'ye deh⧾: doru' no, 'de or-a' 'kpih: en no-a: koan 'de: a 'di, en 'ye 'o: yih: a dhele-or dih-: 'dekorn:: yih: a na-dih-a: gwluhuh' dih-': zi. Dhih-a' 'i 'beh-a' 'do or bo: eh: yi-dih:-a 'chore-: 'dekorn:: Yusu' 'Klae-: 'do ti-a' klehkpeh bo,: ka ti-a mu-a 'dlu-': tehn klehkpeh klehkpeh. 'Ka-: eh 'ye: ne. :Yee' 'mor: Poror': or no-a: kasue-nyor 'do: Gwlor: baa'-a' dhih bo, 'an bale a 'weh, Nyorsoa 'da a 'weh, a 'ye or-a' nyor⧾ no,: yee' a: ne 'kmo: ka or-a' nyor⧾: ne-a. :Yee' 'do ti-a' klehkpeh bo, a: ya a-a' 'jeh ya. A no 'yi: kpon-eh-nyor⧾. A kpon a-a': porluh dih. A: to-dih: a-a': ybeh-dih-eh a 'bei' 'i, 'do a-a': porluh⧾-a' dih: ku-dih-eh bo, 'do an-a' noo-kplen bo. A po 'de 'kpih deh 'jeh, a 'ye deh⧾-a' klehkpeh no, a 'ye ken dih kpon-dih-eh: Nyorsoa-a': Zulu 'nyi-a a-uh 'dlu bo kpa. Or-a': Zulu:: dao', mo-: no-eh, 'de a 'ble wlu-' dih 'worn-eh,: eh po-a a: dha: due'. :Yee': ka a-a' klehkpeh, a 'ble-a Nyorsoa-a': Zulu: due',: yee' a-a' klehkpeh a no yau: due' 'de 'Klae-': ke. 'Ka-: eh: ne: ke, a dhe deh: due': gwlii': eh: korn-a dhih Nyorsoa 'da a-uh. 'De mor: ke: a 'ble: Gwlor: baa': due' 'i-a': due' gbai. 'De: a-a' dhih 'jeh-': po-eh: ne: due'. 'De: a-a' 'ni 'dlu: po-eh: ne: due': ke. Nyorsoa: due' 'i-a': due' 'klein',: or no-a: Baa' 'do nyor⧾-a' klehkpeh bo,: or no-a nyor: klaba' 'do nyor⧾-a' klehkpeh 'dlu. 'De or: yi-dih:: a-a' klehkpeh-', or no: koan, 'de or: ne: a-a' klehkpeh-'. 'Klae 'nyi: a-a': due': due' 'nyii'-deh:⧾ 'doror: 'dor, 'de or se 'kwa dih: kmu. Eh-:: korn dhih Nyorsoa-a' 'chlee-deh 'da, Ti or mu-a 'de yai',: yee' nyor⧾ or du-a, mo-: or: kpa-dih: 'de, 'de or 'nyi: gwlor-nyor⧾ 'nyii'-deh⧾. :Yee' deh or-a' yai': mu-eh: bleh-dih: 'i: eh? Eh: bleh-dih: 'i or yi 'bluhbor:: zai' 'noror: gwlebo. :Yee' 'do eh-a' dha, nyor: or: ne-a: due': or yi-a 'noror 'bluhbor, or-: 'o,: or mu 'o yao: gwlii', 'de or zi, or mu 'de yao 'de: dha: dhorno', 'de or 'ye deh⧾-a' klehkpeh-' dih: ne. Or-:: ne-a: due', or-: 'o,: or 'nyi: gwlor-nyor⧾: koan: 'doror: 'dor. Or: za: noo', on 'ye or-a' dboo-nyor⧾ no,: noo' 'ye or-a' wele-eh:: po-nyor⧾ no,: noo' 'ye Nyorsoa-a' tubo-wlu:⧾ 'jeh deh⧾-' dih kpa,: noo' 'ye 'chore-a' nyor⧾: na-dih-nyor⧾ no, 'de: noo' 'ye nyor⧾ deh: torne-nyor⧾ no. Or no deh⧾: daa 'weh or 'ye Nyorsoa-a' nyor⧾ 'kpa po, 'de on 'ye: koan: nyor⧾: an zi-a 'o or klei' an no-a, on 'ye-or' no, 'de 'Klae-a' nyor⧾: on 'dhu-a or-a' yau, on 'ye: kmu. 'De: a-a' ken dih kpon-dih-eh 'ye ken dih kpon-dih-eh: 'jeh no, 'de: a-a' dhih 'jeh-': po-eh 'di-: 'dekorn:: a-a' Nyorsoa-a' 'Yu-a' deh-' dih 'worn-eh 'di-:. 'De: a 'ye 'yu-yu-deh:⧾: no-eh 'bor, 'de: a 'ye 'Klae-a' kplen-a' klehkpeh-' dih 'yi-dih:. :Yee': a-a': gweh-' 'nynuu:: nyene': neheh',: an po-a nyor⧾ deh: torne-eh-a' klehkpeh, dhih 'jeh-',: eh nyor⧾ sih-deh:⧾: torne-nyor⧾-a ya-a 'de, 'de nyor⧾ 'sleh dih: po-dih: ka 'di,: eh gweh-a 'dho yobo'-a' 'duh⧾-a kpa-a, en ya-a de, 'de: pobor'-a bla-a 'for⧾-a' klehkpeh bo dih. :Yee': a: korn: a 'ye ku 'de 'Klae-a' deh⧾-a' klehkpeh 'di: or: ne-a 'o 'chore-a' klehkpeh 'dlu. A: za dhih-a' 'yor-eh-' 'de a-a' 'jeh 'nyne bo, 'de: ybeh-dih: ka 'di. Me-:: a mu-': yi-dih: 'de: a 'ye ku. :Yee': ka or: korn-a deh⧾-a' klehkpeh: en: ne-a 'o yau 'bhun wlu 'ken, eh-: no-eh, 'de yau-a' klehkpeh on: po-eh:: dha: due'. 'De an-a' 'yi 'dhu-dih-deh:⧾, me-: kpon-uh dih.: Yee': mor yau-a' 'for⧾-a' klehkpeh no an-a': koan on: korn on 'ye-a' no,: yee' yau-a' klehkpeh an mu: ku 'de: ybeh-dih-eh 'di, 'de on 'ye: kmu 'do an-a' 'jeh bo. :Yee' 'de: Gwlor: baa'-a' 'nyne 'di, 'an 'dhu a 'slen, nyor⧾: on se-a Nyorsoa yubo:, 'kmo on: ne-dih:-a 'kmo, nyor-a': kpa-uh' 'dlu bo. Nyor⧾: dao', deh⧾ an-a': porluh⧾-a na-dih-a: gwluhuh' dih, en se deh 'di: ne. 'De an-a' deh-' dih 'worn-eh: ne 'de: kule-'. 'Kmo: sie:: febeh' Nyorsoa 'nyi: a-uh, on se 'for 'ble 'de eh 'di. Deh no-eh, on se deh yubo:, 'de an-a': porluh⧾: kmu, on: se-' 'bhorn on 'ye deh yubo:. Deh-a': no-dih-uh dhen: dele' ka. On: za an-a' 'jeh 'kwla, 'de 'pebe' 'i 'kpa-eh bo. Deh⧾ 'doror: 'dor: en se-a: vlehehn'-': gweh, me-: an-a': porluh⧾-a sin, on 'ye no. Eh: se-eh: mor a: se-' 'chean' 'de: Yusu' 'Klae-a' deh 'di. Keen', a 'worn or-a' dhih-: dih.: Ka a 'dhu-a or-a' klei': zi-nyor⧾: naa, on: torne: a dhih-a' 'yor-eh:: en: ne-a 'de or-a' deh 'di 'weh. :Yee' 'do eh-a' dha, 'kmo a: ne-dih:-a 'kmo-': dee', a 'bor an-a' 'kmo: ne-dih-eh: dele' ka,: on no-a 'kmo soa,: on: ne-a 'de a-a' noo-deh:⧾ soa bo. A-a' 'bhororn'-deh⧾-zon:⧾: en bo-dih-a a dih: dee', me-: 'kor-dih a-uh. :Yee' a-a': porluh⧾-: 'dekorn: a-a' 'dlu 'di dih: na-dih-deh⧾-: en: korn en 'ye: dele'-': ne. 'De a 'ye ku: dele'-' pa. Ku: dele': daa Nyorsoa no-uh', 'de on gweh or-a' 'yor-eh.: Yee' a mu 'yi 'sleh-nyor⧾-: 'dekorn: nyor⧾: on: dhe-dih-eh 'for 'i 'do or bo-:: no 'jeh ka. :Yee' 'do eh-a' dha, sih 'tmo-eh se: ne: neheh'. 'Nyi nyor⧾-a' klehkpeh: za dhih 'jeh-' 'de an-a' 'Klae: de-di'-boi' bo. Deh no-eh,: a-a' klehkpeh,: a no deh: due' 'de 'Klae-'. :Yee': mor a 'kpa 'chehn-', a-a' 'worn-:-' a-a' 'chehn-': no-eh' a-a': no-' deh-zon. 'De mor a-a' 'chehn-': gor-dih:-' glu. 'De mor, a-a' 'worn-:-' 'ku-a' 'ye-:-' a-a' ka. :Yee' nyor: or 'yli-a, or 'bor 'yli-a'. 'Nyi or no or-a' son, or 'ye: koan: 'jeh nor no, 'de or 'ye nyor⧾: on: korn-a son⧾ se-a 'o nyni, an-a': za-dih-eh 'beh-dih:. A-a': nyni-' 'worn dih. Jorwor: a 'pehn-dih: wlu⧾ dih, wlu⧾-a': yih: en 'beh-dih:-a: en 'ye-a 'de nyor⧾-a' 'kpih po-: en-': yih: en 'beh-dih:-a: en 'ye-a nyor⧾: porluh⧾ 'di dih dhe-: me-: a 'ye no.: Yee': mor a no: ao',: yee' nyor⧾: on: to-a a-a' wlu: dou'⧾ bo, eh mu-uh 'o deh: po. A-a': no-eh' 'de Gban 'i: ne: Zulu-a' 'zlu-:-' 'do a-a' dhih bo. Deh no-eh, Nyorsoa-a': Zulu:: dao', mo-: or 'nyi a-uh, eh 'ye a 'i: to-dih:,: ka eh mu-a 'we-eh: korn, or 'ye-a a zelie:. Dhih 'bor 'de a 'di 'neh-eh, 'de 'chehn 'bor 'de a 'di dih: sin-dih-eh. A 'bor nyor⧾ 'yi dih 'wor-dih-eh, 'de a 'bor nyor⧾ deh⧾-zon⧾ 'bhun dih: za-dih-eh. A 'bor 'galo-deh⧾-a' klehkpeh-a' no-a'. Jorwor: a 'ble: porluh-a' 'yi dih: nmor-eh. A 'ye a 'bei': wehlih.: Mor on no a deh⧾-zon⧾ 'bhun,: yee' a 'ma-dih: an-a' deh⧾-zon⧾-a' dhih bo,: ka Nyorsoa no-a a-a' deh⧾-zon⧾-a' dhih bo 'ma-dih-eh: ke 'Klae-a' dhih. :Yee': ka a 'dhu-a Nyorsoa-a': dhih: kma-nynuu,: yee' deh⧾ or no-a, me-: a 'ye no: ke. 'De mor 'nyi: ybeh-dih-eh: na-dih: a-a' 'kmo: ne-eh,: ka 'Klae no-a: a-a': ybeh-eh, 'de or: za-a or-a': febeh' 'kwla 'do: a-a' dhih bo,: eh no-a gban 'i 'dhu-dih-deh:: eh 'pehn-dih:-a Nyorsoa-a': porluh dih. :Yee': ka a no-a Nyorsoa-a' nyor⧾,: yee' eh se 'i 'sleh nyor 'ye 'tmeor:⧾: korn-eh-: se: vlehehn'-': gweh-: deh⧾-a' klehkpeh-a' 'klan: korn-eh-: a 'ye en-' deh-beh no. A-a': no-ih', 'de nyor⧾ 'plo: ne-' a 'nyne-' 'si, 'do en-' deh 'bhun. 'De mor eh se 'yi dih: nmor a 'ye 'de 'za⧾ po, 'de a 'ye: bobo-dhih-': za, a 'ye: goba'-dhih-zon⧾ 'wluh: en kor-a 'nynor-: yibeor-: deh 'i. Jorwor: deh a 'ye-a' no, eh-: 'dhu, a po Nyorsoa-a' 'zio. :Yee' a yubo-eh', nyor⧾: an korn-a 'tmeor⧾-:: yuh se-a: vlehehn'-': gweh 'do Nyorsoa ybei'-: 'dekorn: nyor⧾: on: korn-a deh⧾-a' klehkpeh 'klan-: on se 'for 'ble 'de 'Klae-: 'dekorn: Nyorsoa-: an-a' nyor⧾ wlu 'ken: korn-eh 'di. Deh: korn-a dhih 'klan: korn-nyor⧾: se-a' 'de: ne i: ke, eh-: 'dhu, deh⧾-a' klehkpeh-a' 'klan: korn-eh no deh⧾: nee'-a': weheh': za-eh-a' 'for. A-a' 'worn-:-' nyor⧾-a': no-' wlu⧾: en se-a deh 'di: ne, 'de an-a': bo-dih:-' a dih, deh⧾: daa, en-' dhih. Deh no-eh, deh⧾: daa en-' dhih: oo' Nyorsoa-a' 'chehn-yuba-a mu 'noror nyor⧾: on se-a 'o or-a' 'tele' dih dhe bo 'bili:. :Yee' 'do eh-a' dha, a mor-: 'dekorn: nyor⧾-a' 'jeh: dao'-: a-a' nena:-' bo. A-a' 'jeh 'yor-eh:: ne 'de: kule-': dee'. Jorwor:: ka a no-a: Gwlor: baa'-a' nyor⧾: naa,: yee' a: ne 'de zorn-pli-'.: Yee' eh-a' dhih, 'nyi a: ne 'kmo: eh gweh-a: ka nyor⧾: ne-a 'de zorn-pli-'. Deh no-eh, zorn-pli: 'o, me-:: an ya 'de 'bi 'jeh ne-a' po-a',: en no-eh, 'de nyor⧾-a no-a deh⧾ 'jeh-:: yih: en 'sleh-a 'i-: 'dekorn: dhih-a' 'yor-eh-:. A vorn a 'ye deh: eh 'pehn-dih-a: Gwlor: baa'-a': porluh dih yubo:. 'De mor a-a': po-' deh⧾: en se-a deh 'di: ne son 'di,: yih nyor⧾: noo'-a no-a: en no-a deh⧾: en: korn-a 'de: kule-' bo. Jorwor: a no-eh, 'de nyor⧾ 'ye deh⧾: dao' yubo:: ka en no-a deh⧾-zon⧾. Deh⧾ an 'zile-a 'de an no-a, en no dhen-deh:⧾ nyor⧾ 'ye en-' dhih-': za-a' 'jeh: sloror'. :Yee': mor eh 'dhu deh⧾-a' klehkpeh: daa, en yi 'o zorn-pli-',: yee': gwlor-nyor⧾ yubo-eh' deh en 'dhu-eh:-'. Deh no-eh, zorn-pli: 'o, me-:: to-dih:: a deh⧾-a' klehkpeh 'i: ka en: ne-a. Eh-:: korn dhih 'de nyor⧾: noo' 'da,: Sorn-', 'moo'-nyor:. 'Wluh 'de nma-dih-deh 'di.: Yee' 'Klae-a' zorn-pli-a mu: fan 'do: on ken. :Yee' 'do eh-a' dha, a 'wla: gwluhuh' dih: ka a no-a 'kmo-': ne-eh. A-a': ne-' 'kmo: ka nyor: or se-a deh 'i yubo:. Jorwor: a gweh: toror': korn-nyor. Ti-a' klehkpeh a 'ble-a: naa, 'nyi a: no-dih-ih: koan, nyor-a': zi-dih:-' ti, deh no-eh, ti-zon:⧾ 'o,: a: ne ken: naa. :Yee' eh-a' dhih, a-a': no-': bobo-nyor⧾. Jorwor: a vorn a 'ye deh: Gwlor: baa'-a 'bhorn-a a 'ye-a' no, a 'ye-eh' yubo:. A-a': no-' nomor 'na-nyor⧾,: eh mu-a a nyor⧾-gba-': po. Jorwor: Nyorsoa-a': Zulu-a' dih 'yi-dih-eh:, eh-: a 'ye 'dlu bo kpa. :Mor a: taa 'de a 'bei' bo wlu,: yee' a no Nyorsoa-a' 'chlee-deh-a' 'duh⧾-: 'dekorn: or-a' 'zio: po-duh⧾-:.: Yee' a ble 'duh⧾ Nyorsoa-a': Zulu 'nyi a-uh. A ble 'duh⧾, a 'ye: Gwlor: baa'-a' 'nyne ya po 'do a: porluh⧾ ken. :Yee' 'de: a-a': Gwlor: baa': Yusu' 'Klae-a' 'nyne 'di, a po: a: Baa' Nyorsoa-a' 'zio 'do ti-a' klehkpeh bo, 'do deh⧾-a' klehkpeh bo. A: ya a-a' 'jeh ya 'do a 'bei' 'zorn: due': due'. Deh no-eh, 'Klae-a': fano-a' ple-a',: dhih 'o, a no-eh. :Yee' a: mor 'nynor⧾-kpao'⧾-a:, a: ya a-a' 'jeh ya 'do a-a'a: yibeor-boi' 'zorn,: ka a no-a a-a' 'jeh ya: ya-eh 'do: Gwlor: baa' 'zorn. Deh no-eh, nyor-kpalu 'ble 'kpih 'do or-a'a: 'nynor 'dlu: ka 'Klae no-a, 'de or 'ble-a 'kpih 'do 'chore 'dlu: ke. 'De mor, 'Klae-a' 'jeh 'yor-eh:, or-: no 'puh-dih-nyor 'do 'chore bo,: eh 'dhu-a or-a' yau-'. :Yee' 'do eh-a' dha, 'nynor⧾-kpao'⧾: korn on 'ye an-a' 'jeh ya: ya 'do an-a'a: yibeor-boi' 'zorn 'do deh⧾-a' klehkpeh 'di,: ka 'chore-a no-a eh-a' no-a': ke 'do 'Klae bo. :Yee' a: mor yibeor-boi'-a:, a: ybeh a-a'a: 'nynor⧾-': ke,: ka 'Klae no-a or-a'a: 'chore-a': ybeh-a', 'de or: za-a or-a': febeh' 'kwla, or 'ye-a' 'meh, 'do eh-a' dhih bo. Or no deh: daa 'weh, 'de 'chore 'ye 'for 'i: dhe-dih-eh: 'do Nyorsoa bo, 'do or-a' tubo-wlu⧾-a' 'kpih bo. 'Ni, eh-: or no, 'de or worlor-eh, eh: gweh: vlehehn'-'. Or no-eh', 'de 'chore 'ye 'o or ybei' dih: nyna, 'de eh-a' 'yi dih: nmor-eh 'di,: eh se-a fan 'bhun: ne, 'de: eh se-a 'pona:, deh-beh-deh-beh se-a 'o 'bhun: ne, 'de: eh 'sleh-a 'i 'do Nyorsoa ybei',: eh se-a dhih 'bhun: ne. :Yee' nyor⧾-kpalu⧾: korn on 'ye an-a'a: 'nynor⧾-': ybeh: ka an no-a an-a' 'jeh 'yor-eh-a' yau-a': ybeh-a': ke. Nyor-kpalu:: or: ybeh-a or-a'a: 'nynor-',: yee' or: ybeh or-a' 'jeh-' 'weh: ke. Eh se nyor: korn: or 'ye-a or-a' 'jeh 'yor-eh-a' yau 'nyeh. Nyor⧾-a' klehkpeh, an 'nyi an-a' yau dii-deh:, 'de an pobo 'o on bo dih: ka 'Klae-a no-a,: a: mor: or 'dhu-a or-a'a: 'chore,: a-a' dhih: ke, deh no-eh,: a no or-a' yau:: daa, an-a' 'for: ke. :Ka Nyorsoa-a' 'chlee-deh no-a eh-a': za-a', eh no-a, Eh-:: korn dhih, 'de 'nynor-: 'dekorn: nyor-kpalu-: an mu an-a' 'cheh dih 'tali:, 'de on 'ye: dha: due' 'ti.: Yee' mo-:: on: ne-a 'sororn', an mu nyor: due': no. :Yee' wlu⧾: daa, me-: 'dhu 'slan: or 'kpa-a deh ken,: or 'wluh-a 'de Nyorsoa-a' 'chlee-deh:: dao' 'di, me-: 'on 'worn-' dih: ka en za-a 'Klae-: 'dekorn: or-a'a: 'chore-: an-a' dhih-'. 'De mor wlu⧾: daa, en wlu-' 'de a bo: ke.: Yee' a: mor yibeor-boi'-a' klehkpeh, a: korn a 'ye a-a'a: 'nynor⧾-kpao'⧾: ybeh,: ka a no-a a-a' 'jeh 'yor-eh-a': ybeh-a'. 'De mor 'nynor⧾-kpao'⧾-a' klehkpeh, on: korn on 'ye an-a'a: yibeor-boi' deh-' 'ye: ke. :Yee' a: mor 'wluhuh'-nynuu-a:,: ka a: korn-a 'de: Gwlor: baa' bo,: yee' a dhe 'o a 'de-: 'dekorn: a: baa'-: an-a' wlu dih. Eh-: no 'yi 'sleh-deh a 'ye no. :Zai'-tele': eh: korn-a wlu: po-eh:: dhama'-',: mor nyor no-a,: yee' or mu-a 'o deh 'ye-:, eh-:: dhe dih. A 'ye a 'de-: 'dekorn: a: baa'-: deh-', 'de deh⧾-a' klehkpeh 'ye 'yi dih: nmor 'do a bo, 'de a 'ye 'kmo-': gwle dha 'bluhba ken. A: mor 'nynuu: bai'-a:, nyor-a': no-' deh 'do a-a'a: 'nynuu 'bhun: eh se-a 'i 'sleh, 'de eh: ne-uh' 'chehn-' po. Jorwor:: Gwlor: baa'-a' nyor⧾-a' kplen-: 'dekorn: 'slen-: me-: a 'ye-uh' 'dhu-dih:, 'de on 'ye 'de en 'di: ku-dih:. :Yee' a: mor 'ge-nynuu-a:, a dhe 'o a-a'a: nyor⧾: klaba'⧾-a' wlu dih,: on: ne-a dha yao 'zorn, 'de deh-' 'ye ka 'di-: 'dekorn: an-a': fano:: ple-eh 'di-:. 'De mor 'nyi eh tba 'de a 'di dih,: ka a mu-a 'Klae-a' dhih: no: ke. Eh: se: mor an-a' 'yli-eh: ne 'o a ken, 'de a 'ye-eh' no: deh,: eh gweh-a: ka a 'bhorn-a on 'ye-a' a dhih bo po: deh. Jorwor: 'do a-a': porluh⧾-a' klehkpeh bo, a no deh Nyorsoa 'bhorn-a a 'ye-a' no,: ka a no-a 'ge-nynuu: naa 'do 'Klae bo: ke. A no a-a'a: 'ge-yu:: koan: due': due', 'de 'mona: ka 'di,: eh gweh-a: ka nyor no-a: Gwlor: baa'-a' 'bhoi-yu,: eh: se-a 'o: gwlor-nyor bo. A yubo-eh',: ka: Gwlor: baa'-a mu-a nyor⧾-a' klehkpeh geli': za, 'ge-nynuu-:: korn mor: se 'ge-nynuu-: 'do: koan: 'jeh on no-a bo. :Yee' a: mor 'ble-a 'ge-nynuu, a 'ye a-a'a: 'ge-nynuu deh-', 'de: ka: ne-a: due' 'di. A-a': no-', a mu-uh deh 'bhun: no. A yubo-eh',: ka a mor-: 'dekorn: a-a'a: 'ge-nynuu-: a: korn-a 'de Nyor: Klaba': due' bo: or: ne-a 'de Nyorsoa 'bli yai',: or-a': za-': gwie-for: due'. :Yee' eh-a' klehkpeh-a' 'dlu-': jla 'da, a: ku-dih: a-a' 'kpih dih 'do: Gwlor: baa'-a': ne-a' bo. 'Nyi or-a' dhih-a' 'i 'beh-kpih: ku-dih: a dih. A pa Nyorsoa-a' ta-tiei-a' klehkpeh or 'nyi-a a-uh, 'de a 'ye 'ku-a nyor⧾ dih: bo-dih-eh 'i: nyna. Deh no-eh, eh: se: gwlor-nyor⧾-a' nyior-tu:: a: se-' bo vorn. Jorwor:: a vorn 'kwla 'ye-dih-deh:⧾: en: ne-a 'o yao: gwlii'-:: yih: en: korn-a: kule wlu 'ken dha yao 'zorn-: 'dekorn:: yih: en: korn-a 'kpih-:. :Yee' 'do eh-a' dha, a pa Nyorsoa-a' ta-tiei-a' klehkpeh: naa. 'De: mor 'kulu-we-eh 'yle, 'de a: ne-' ken: za-dih:.: Yee': mor a vorn: chio'lo:, 'de a 'ye: ao', a se sea, 'de a 'ye-eh' 'dlu-' jla,: yee' a mu 'o: dha a: nyna-a dih: nyna 'gboror:. :Yee' a: nyna dih deh 'jeh, 'de dhih-a' 'yor-eh 'di, eh 'ye 'behleh no, a 'ye-eh' bo 'dhu. 'Yi 'sleh-deh:, eh-: 'ye a-a'a:: gwlii': kan-dih-deh no. A: ne buh⧾ ken a 'ye Nyorsoa-a' tubo-wlu:⧾ 'jeh: en 'ble-a wlu-' dih 'worn-eh: po 'da mu. 'Nyi a-a' buh⧾ ken: ne-eh:: dao', eh no buh⧾-': po-deh 'do a bo. :Yee' 'do ti-a' klehkpeh bo, a kpa dhih 'jeh-': po-eh, eh 'ye a-a'a: 'yi: kan-dih-deh no. Deh no-eh, eh-: a mu: no, 'de a 'ye neh-a' klehkpeh: eh mu-a 'o 'ku-a'a: pluh-sehn mlai' 'wluh-: 'mo-dih:. A 'worn-dih: 'puh-a' Nyorsoa 'nyi-a a-uh or-a' dhih ken dih. Or-: no deh nyor⧾-a 'dhu-a 'dlu 'de deh-a' tba-a nyor⧾. 'De mor a 'worn-dih: Nyorsoa-a' wlu: on no-a or-a': Zulu-a': bhla 'jlehn-a' dhih ken dih: ke. A no deh⧾-a' klehkpeh: daa 'de Nyorsoa-a' bo: wlu-eh 'di. A dhele-or dih, or 'ye a-uh': za-dih:. A: wlu 'de or bo 'do ti-a' klehkpeh bo 'de or-a': Zulu-a' 'kpih 'di,: ka an no-a a-a': na-dih-eh.: Yee' eh-a' dhih, a-a' 'mo-:-', 'de mor a-a': sea:-'. A: wlu 'de or bo 'do ti-a' klehkpeh bo 'do or-a' nyor⧾-a' klehkpeh, an-a' dhih bo. 'De mor a: wlu 'de or bo, 'do 'an dhih bo: ke, or 'ye 'on tubo-wlu⧾ 'nyi,: mor 'on: taa or-a' dhih-': za 'da mu. 'De 'on 'ye 'slan: or kor-a Nyorsoa-a' tubo-wlu:⧾ 'jeh 'i, 'on 'ye-or ken dih zela:, 'de: gwluhuh': ku ka 'di. :Yee': koan:: daa 'on no-a, eh-: no-eh, 'de 'on: ne: kasue 'di: naa. Jorwor: a bale: Nyorsoa, 'on 'ye: gwluhuh': ku,: ka 'on: korn-a 'on 'ye-a': ne,: mor 'on: taa tubo-wlu:⧾ 'jeh: daa po. :Yee': Teki'kor:: or no-a: a-a': dhih: kma-de-di'-: 'dekorn:: dhehehn-bhoi-yu-: 'de: Gwlor: baa'-a' deh 'di, or-: mu a tubo-wlu⧾-a' klehkpeh 'nyi-: 'do 'an dhih bo, 'de a 'ye-eh' yubo:: ka 'on: ne-a: naa, 'dekorn: deh 'an no-a. Eh-:: korn dhih 'de 'an dbo-or 'de a bo, or 'ye a: gwluhuh' zela:: ka: a-a' klehkpeh,: a: ne-a: naa, 'de or 'ye 'de a-a' 'kpih po. :Yee' 'nyi Nyorsoa: or no-a: a: Baa'-: 'dekorn:: a-a': Gwlor: baa': Yusu' 'Klae-: or 'nyi 'Klae: de-di'-boi'-a' klehkpeh wlu-' dih 'worn-eh: 'dekorn:: ybeh-dih-eh:: eh 'ble-a dhih 'jeh-': po-eh-:. 'Nyi Nyorsoa-a' mla: ne 'o nyor⧾-a' klehkpeh: on: ybeh-a: a-a': Gwlor: baa': Yusu' 'Klae bo, 'de: ybeh-dih-eh:: eh se-a 'dlu-': jla 'da: korn 'di. 'Mor: Poror'-: 'dekorn:: Timehte'-:: a: mor no-a: Yusu' 'Klae-a' 'bhoi-nynuu,: a: mor 'ye a-a' klehkpeh: on 'dhu-a Nyorsoa-nyor:⧾: on: korn-a 'de: Yusu' 'Klae bo 'de: Fele'pa-gwlor-: 'dekorn: a-a'a: 'chore-a' nyor⧾: na-dih-nyor⧾-: 'dekorn: 'dikeh-boi'-:. Mla-: 'dekorn: wlu-' dih 'worn-eh-: 'do a bo,: en 'wluh-a 'de Nyorsoa: or no-a: a: Baa'-: 'dekorn:: Gwlor: baa': Yusu' 'Klae bo. :Yee' 'an po 'an Nyorsoa-a' 'zio, 'do ti-a' klehkpeh bo,: mor 'on: na-dih: a-a' dhih: gwluhuh' dih. 'Do ti-a' klehkpeh bo,: mor 'on: taa 'de Nyorsoa bo wlu, 'do a-a' klehkpeh-a' dhih bo,: yee' 'an wlu-' 'de 'mona: ka 'di. Deh no-eh, a 'kpa 'on-: bo, 'do Nyorsoa-a' tubo-wlu:⧾ 'jeh-a': po-eh bo,: eh 'wluh-a 'de: zai'-we-eh bo, 'de: eh: yeh-dih:-a 'zean'-we-eh ken. Deh: due' 'on yubo:-a deh 'jeh, eh-:: dhe dih, Nyorsoa: or po-a 'o deh⧾ 'jeh ne 'do a: porluh⧾ ken, 'de: or 'dhu-eh glu, or mu-eh 'dlu bo: kpa, 'de or 'ye-eh' 'i gweh, 'de jorwor: 'we-eh:: Yusu' 'Klae-a mu-a 'de: ya, 'de eh 'ye 'o nyni. A-a' klehkpeh-a' dhih: ne 'o 'on: gwlii' 'weh. Eh-a' dhih, eh: nmor-: 'yi, 'on 'ye 'mona-' 'kpa, a-a' dhih. A-a' klehkpeh, a: za-dih: 'on-' 'weh 'do: koan: Nyorsoa 'nyi-a 'on, or-a' no-a' bo,: eh 'dhu-a, or-a' tubo-wlu:⧾ 'jeh-a' dhih ken dih zela-eh: en 'ye-a' dih ku, 'an: yeh: ne: kasue 'di, 'de mor 'an: yeh: se 'de: kasue 'di: ne. Nyorsoa yubo-eh': ka 'an 'bhorn-a 'on 'ye-a a 'ye 'gabaa, 'de: ka: Yusu' 'Klae no-a a-a': ybeh-a', 'ka-: 'o 'on no a-a': ybeh-a': ke. :Mor 'on: taa 'de Nyorsoa bo wlu, 'do a-a' dhih bo,: yee' 'an dhele-or-: dih, or 'ye-eh' no, a-a': ybeh-dih-eh 'ye ken dih 'kpuhba:, 'do ti-a' klehkpeh bo. 'De a 'ye deh 'i yubo-eh-: 'dekorn: deh-' dih 'worn-eh-: 'ble, 'de a 'ye 'de dhih 'di pobo-eh 'beh-dih:, a 'ye 'de 'yi 'sleh ne: za.: Mor eh: ne: ao',: yee' a mu: vlehehn'-': gweh-nyor⧾: no, 'de 'Klae: ne-' a dhih 'bhun 'ye-dih:, 'do 'we-eh: or mu-a 'de: ya 'di. :Yusu' 'Klae, or-: mu-eh: no, a 'ye 'bi 'jeh ne: tlo 'do ti-a' klehkpeh bo, 'do Nyorsoa-a' dhih-a' 'i 'beh-a'-: 'dekorn: or-a' 'nyne-a' ya: po-eh-: bo. :Yee' 'an 'Klae: de-di'-boi'-a:, 'an 'bhorn a 'ye-eh' yubo:, deh⧾: en yi-dih-a 'on ya dih: naa, me-: no-eh, 'de nyor⧾: doru' po Nyorsoa-a' tubo-wlu:⧾ 'jeh dhih 'jeh-'. Deh⧾: daa, me-: no-eh, 'de sorye'-a' klehkpeh: an 'dhu-a 'keen-a'a: 'sla 'yli-eh bo-: 'dekorn: nyor⧾-a' klehkpeh: on: sie:-a 'o-: on yubo-eh', deh 'an na-a 'Klae de, eh-:: korn dhih: oo', on po 'de 'on: kasue 'di. Deh 'on: ne-a 'noror: kasue 'di, eh-: no-eh, 'de 'an 'Klae: de-di'-boi'-a': dha: dhulu' 'ble: gwluhuh': ku-eh 'gabaa, 'de: Gwlor: baa'-a' deh 'di. Eh-: no-eh, 'de on ku: gwluhuh' 'gabaa, 'de: fano:: gweh 'o on: gwlii' dih,: mor on: taa Nyorsoa-a' tubo-wlu⧾ po. Keen': mloror', nyor⧾: noo', mo-:: an za 'Klae-a' dhih-', 'de: gwlehehn'-: 'dekorn: dih dhobo-eh-: 'di. Jorwor: nyor⧾: noo', mo-:: an no-eh, 'de: ka 'jeh nor 'di. Nyor⧾: daa, an no-eh', 'de 'an: ybeh-dih: ka 'di. Deh no-eh, on yubo-eh',: ka 'on: po-eh: 'o, 'do Nyorsoa-a' tubo-wlu:⧾ 'jeh-a' ken dih zela-eh bo. Jorwor:: yuh: an za-a 'Klae-a' dhih-', 'de: gwlehehn' ka 'di, an po-ih', on 'ye-ih deh 'ken 'ye 'do an-a' 'jeh bo. En: se 'de on 'di dih tba. Jorwor: an 'bhorn eh 'ye 'on 'kle 'ye-dih: 'noror: kasue 'di 'on: ne-a. Eh: se deh 'do 'on bo. Deh: eh 'pehn-dih:-a 'an: porluh dih, eh-: 'dhu, an po tubo-wlu:⧾ 'jeh: en kor-a 'Klae 'i 'weh, an-a': yeh po-ih 'de: gwlehehn': ka 'di-:: eh beh 'de: ka 'jeh 'di-:. Keen', 'an: porluh-a' dih 'pehn-eh mu 'dlu bo: mu: chio'lo:. Deh no-eh, 'on yubo-eh': ka 'an mu-a: kasue 'di 'wluh-:.: Eh: korn dhih: oo': eh? A bale 'o 'an dha 'weh, 'de: Yusu' 'Klae-a': Zulu-a mu 'o 'on bo 'ma-:: ke. Deh: eh: korn-a: gwie 'i 'an pobo-a 'gabaa, 'de 'on dhe-a: gwlii', eh-: 'dhu, 'on: se-' deh: no i, eh: se-' 'on dhen-' dih: po i klehkpeh klehkpeh. Jorwor: 'on: korn 'on 'ye: gwluhuh': ku-eh:: doru' 'ble, 'on 'ye-eh' no, 'de 'an yau-a' klehkpeh 'ye 'Klae-a' 'nyne dhih-a' 'i 'beh-a' 'nyi, 'an: yeh: ne 'kmo, 'de mor 'an: yeh 'meh. 'Do 'on bo,: mor 'on: ne 'kmo,: yee' 'on: ne-' 'kmo, 'on 'ye 'Klae: weheh': za, 'de: mor 'on 'meh: ke,: yee' eh po 'o 'on deh. :Mor 'on: gwle 'kmo-',: yee' 'an mu: koan: 'jeh: nor: no-eh 'dlu bo: kpa. Eh-a' dhih, 'meh-a'-: 'dekorn: 'kmo: ne-eh-:: yeh 'on 'ye-a 'o: za, 'on se-eh yubo:. 'On: ne 'o 'kpan-: gban-: 'nyne bo. 'An 'bhorn 'on 'ye 'kmo: daa dih 'tali:, 'de 'on 'ye 'de 'Klae bo: ne. Deh: daa, eh-: mu 'yi dih: nmor 'gabaa 'do 'on bo,: eh 'ye 'o 'kmo-': ne-eh: zi. Jorwor: 'do 'for: noror' ken,: mor eh 'dhu, a-a' dhih-',: yee' eh 'kpa deh ken, 'on 'ye 'kmo-': ne,: eh: zi 'o 'on 'ye 'meh. :Yee': ka 'on yubo:-a deh: daa 'i deh 'jeh,: yee' 'on yubo-eh',: ka 'an mu-a 'kmo: ne-eh-a' 'dlu bo: kpa.: Yee' 'an mu a-a' klehkpeh bo 'kpa-:, 'de a-a' dhih 'jeh-': po-eh-a' ku-a' 'ye 'dlu bo mu, 'de a 'ye 'mona no, 'de a-a' dhih 'jeh-': po-eh 'di. :Yee': mor eh no: ao', 'de 'on 'ye 'o a bo: ne: neheh',: yee' a mu deh 'ble-: a 'ye a-a' 'jeh 'i 'beh-dih:: Yusu' 'Klae-a' dhih, 'do 'an dhih bo. :Yee' deh: due' a 'ye-a' no, eh-: 'dhu, 'nyi a-a' 'kmo: ne-eh no-eh, 'de tubo-wlu:⧾: en kor-a 'Klae 'i, en 'ye deh-' 'ye-eh:.: Yee': mor eh no: ao', 'an: yeh beh: or 'yle,: or 'ye a-uh, 'de mor 'on 'ye a-a' 'nyne 'worn, ti 'on se a 'o: ne,: yee' 'an mu-eh yubo:: ka a: nyna-a dih deh 'jeh neh, 'de deh: due' 'di, 'de a vorn-dih-a: dha: due', a 'ye-a' dhih 'jeh-': po-eh:: eh 'wluh-a 'de Nyorsoa-a' tubo-wlu:⧾ 'jeh bo, ken dih zela: deh 'jeh. A-a': ple-' nyor⧾: an vorn a bo, an-a': fano. Eh-: mu 'yi: to-dih-deh: no 'do on bo,: ka an mu-a gbe: zie:, 'de a mu-a 'puh-:. Nyorsoa: oo', or-: mu a 'puh-dih:. Nyorsoa po a mla bo 'weh. Or-a' mla: dao', or: se 'Klae-a' dhih dhih 'jeh-': po-eh: due', jorwor: 'kle-a' 'ye-a' 'do 'Klae-a' dhih bo, eh no mla: ke. :Yee': kana: naa, a-: 'mor-:: a vorn tuh: due', tuh-a' 'jeh: dao',: on a 'ye-a 'on, 'on vorn-a: zai',: on: korn-a 'nyne a 'worn-a: naa, mo-: 'o, 'an vorn 'gboror:. :Yee' a-a' 'Klae-a': ne-a', eh po 'de a-a' 'kpih 'weh: e? Or-a': ybeh-eh dhe a: porluh⧾ 'di dih 'weh: e? A mor-: Nyorsoa-a': Zulu-: a 'woorn-dih: wlu-' dih 'weh: e? 'Klae: torne: a: gwluhuh': nmor-eh-: 'dekorn: nyor⧾: wehlih 'ye-eh-: 'weh: e? :Yee': mor eh: ne: ao',: yee' a no-eh, 'on 'ye 'mona-' dih 'yi-dih:, 'do a-a': gwluhuh': due' 'ble-eh bo-: a-a': ybeh-dih-eh: due' 'ble-eh bo-: a-a': porluh: due' 'ble-eh bo-: 'dekorn: a-a': gwluhuh' dih: na-dih-eh: due' 'ble-eh bo-:. Deh⧾-a' klehkpeh a mu-a: no, a-a': zi-' a-a' 'jeh 'yor-eh dhih, 'de a-a' 'ble-:-': porluh:⧾: klaba'⧾. Jorwor: a: ya a-a' 'jeh ya 'do a 'bei' bo.: Yee' a 'ye a 'bei' deh-', eh 'ye 'o a-a' 'jeh 'yor-eh-': zi. A-a': zi-' a-a': due'-' dhih. Jorwor: a zi a 'bei'-a' dhih: ke. :Yee' 'nyi a-a' noo-kplen: ne: Yusu' 'Klae-a' noo-kplen goor-dih:. Keen': mloror': Yusu' no Nyorsoa, 'de or-a' 'jeh-a' tu 'di, jorwor: or: se-' vorn, or-: Nyorsoa-: on 'ye 'beh-dih:. Jorwor: or 'tali: or-a' nyor: klaba'-deh-: dih, 'de or po 'de or-a' 'jeh 'bhoi-yu-tu 'di, 'de: ka: gwlor-nyor: ne-a, or: ne: ao': ke. :Yee': yeh or: yi-dih:-a 'de: gwlor-nyor-tu 'di,: yee' or: ya or-a' 'jeh-: ya, 'de or dhe 'o Nyorsoa-a' wlu dih, or 'worn-dih: or-a' 'jeh 'yor-eh-a' 'meheh'-dhih:,: eh no-a dhen-meh-a' 'do tu 'i: sloror'. :Yee' eh-a' dhih, eh-: no-eh, 'de Nyorsoa 'duo-or ya-', or 'ye nyor: klaba' no 'do deh⧾-a' klehkpeh 'dlu. 'De or 'nyi-or 'nyne,: en: ne-a 'o 'nyne-a' klehkpeh 'dlu bo. :Yee': Yusu'-a' 'nyne-a' deh-' 'ye-eh-a' dhih, eh-: no-eh, 'de nyor⧾-a' klehkpeh: on: ne-a 'de Nyorsoa 'bli yai'-: dha yao 'zorn-: 'dekorn: 'de: gwlebo-: an mu 'koor-dlu⧾ yi glu: bla 'do or ybei'. :Yee' eh-: no-eh: ke, 'de: meo⧾-a' klehkpeh 'ye-eh-': za,: ka: Yusu' 'Klae 'dhu-a: Gwlor: baa'-', 'do: a: Baa' Nyorsoa-a' dhih-a' 'i 'beh-a' bo. :Yee': a 'bli-nyor⧾-a:, a dhe 'o 'an wlu dih 'weh, 'do ti-a' klehkpeh bo, ti 'on: ne-a 'o a bo.: Yee': kana: naa,: yeh 'on: tehn-a bo: naa,: yee' a: korn a 'ye 'o 'an wlu dih dhe, eh 'ye 'o: zai' neh-': zi.: Yee' a kpa noo-deh:⧾: en mu-a a 'puh-dih: 'dlu bo, 'do Nyorsoa-a': fano-a' ple-a'-: 'dekorn: or-a' deh-' 'ye-eh-: bo. Deh no-eh, Nyorsoa: oo', or-: no: koan 'do a-a': porluh⧾ ken, eh 'ye-eh' no, 'de a 'ye or-a': porluh-a' dih 'pehn-deh-a' no-a' 'bhorn, 'de a 'ye-eh' no: ke. Deh⧾-a' klehkpeh a mu-a: no, a-a': wlu-dih:-' worn dih, 'de mor a-a': jeh-': ke, 'de a 'ye Nyorsoa-a' 'nynuu 'dhu-eh:: on se-a dhih 'bhun: ne, 'de: on: gweh-a: vlehehn'-', 'de 'Klae: ne-' a 'klii'-deh 'bhun 'ye-dih:, keen': mloror' a 'ti 'de deh⧾-zon:⧾: no-nyor:⧾: on se-a 'i 'sleh 'nyne-'. Jorwor: a: korn a 'ye fan 'de on 'nyne-',: ka 'chuh: dhlaen:: en: ne-a 'de yai', en no-a fan-a', :mor a: taa-uh-a Nyorsoa-a' wlu: an 'nyi-a nyor⧾: febeh' 'nyi.: Mor a no deh⧾: daa,: yee' eh mu 'an buh⧾ 'i 'beh-dih: 'do 'we-eh: 'Klae-a mu-a 'de: ya 'di. Eh-: mu-eh: no, 'de nyor⧾ 'ye-eh' yubo:: ka 'yi: kma: koan: 'on no-a, or: se-a: koan: 'plo. A-a' dhih 'jeh-': po-eh gweh 'slaa:: za-dih-deh: nyor⧾-a 'nyi-a Nyorsoa.: Yee' eh 'beh-dih: eh 'ye: no-eh:, 'de 'an 'meh-a' 'ye 'o a-a' 'slaa:: za-dih-deh ken 'kpa.: Mor eh no: ao': dee',: yee' 'an: porluh-a mu dih 'pehn-:, 'de 'on 'ye a-a' klehkpeh bo 'kpa,: a 'ye 'mona: dha: due': no-dih:. :Yee' a-a' 'jeh: ke, a-a': porluh⧾: korn en 'ye dih 'pehn, 'de a 'ye 'on bo 'kpa,: a 'ye 'mona: dha: due': no-dih:. :Yee' 'on dhe-eh-:: gwlii',: Gwlor: baa': Yusu'-a mu-eh ken dih 'worn-dih:, 'on 'ye 'dhobo:, 'on 'ye: Timehte' dbo 'de a bo, 'de 'an: porluh 'ye dih 'pehn,: mor 'on 'worn 'de a bo dih. :Timehte': due', or-: no nyor 'on 'ble,: or na-dih a-a' dhih: gwluhuh' dih 'gabaa. Nyor⧾-a' klehkpeh, an zi an-a' 'jeh 'yor-eh-a' dhih: due' 'klein'. An-a' 'worn, an-a' zi: Yusu' 'Klae-a' dhih. Jorwor: a yubo-eh',: ka: Timehte': to-dih:-a or-a' 'jeh: a 'i,: ka or 'dhu-a nyor 'jeh-'. Deh no-eh, or-: 'mor-:: a: no-dih:: koan: dha: due', 'do Nyorsoa-a' tubo-wlu:⧾ 'jeh-a': po-eh bo,: eh gweh-a: ka: baa'-: 'dekorn: 'yu-: an no-dih-a: koan: dha: due'. :Yee' 'do eh-a' dha, 'on dhe-eh: gwlii', 'on 'ye 'dhobo:, 'on 'ye-or 'de a bo dbo,: mor 'on yubo:: ka deh⧾-a mu-a: ne 'noror 'on bo. :Yee' 'on: kpa-dih:: Gwlor: baa': gwluhuh'. Eh-: no-eh, 'de 'on yubo-eh deh 'jeh,: ka 'an 'jeh 'yor-eh: se-a 'o: gwle i, 'on 'ye 'de a bo yi: ke. Jorwor: 'mor: mloror' 'on 'da, eh no deh 'jeh, 'on 'ye: a-a' 'Klae: de-di': Ipa'flordi'tor 'de a bo de dbo. Or no 'on 'be: koan:: no-nyor:, 'de or-: 'mor-:: a no 'Klae-a' sorye'. Or-a' 'jeh: dao', or-: 'dhu-a a-a' dboo-nyor-' a dbo-a 'noror 'on bo,: or 'ye-a 'o 'on bo dih pobo:. 'An dbo-or 'de a bo de. Deh no-eh, or 'bhorn or 'ye a-a' klehkpeh 'ye 'gabaa. 'De mor or-a': porluh 'kpa-: 'zorn: ke. Deh no-eh, a 'worn or-a' 'nyne, on 'da, or puhba:-': dee'. Keen', or puhba:-': dee'. Deh-beh:: sie: 'o: dee', or 'ye 'meh. Jorwor: Nyorsoa 'ye or-a': wehlih 'weh. Eh: se 'do or: due' bo. Jorwor: 'do 'on bo: oo': ke. Deh no-eh, Nyorsoa no-eh', 'de: porluh-a' 'zorn 'kpa-eh:: klaba': dao' eh: se 'o 'on bo yi. :Yee' eh-a' dhih, 'an: porluh-a sin-' 'gabaa, eh: zi 'o ken dih, 'on 'ye-or 'de a bo dbo.: Mor a 'ye-or: neheh', 'de a-a': porluh⧾ 'ye dih 'pehn, 'de mor 'an: gwluhuh' dih: na-dih-eh 'ye ya yi: ke. :Yee' eh-a' dhih, a kpon-or dih, 'de: Gwlor: baa'-a' ka 'di, 'de 'mona: ka 'di.: Ka or: ne-a, nyor⧾: on: ne: ao', a 'dhu-uh 'o. Deh no-eh, eh: sie: 'o deh-beh: or 'ye 'meh: dee', 'do 'Klae-a': koan-a' dhih bo, 'de or 'ma-dih: or-a' 'jeh-a': febeh'-a' dhih bo, 'do 'an bo 'kpa-eh bo,: eh a se-a no-a' 'beh-dih:. :Yee' eh-a' klehkpeh-a' 'dlu-': jla 'da, 'an 'Klae: de-di'-boi'-a:, a no 'mona,: ka a: korn-a 'de: Gwlor: baa' bo. Eh se 'i: kma 'do 'on bo, 'on 'ye deh⧾: ne-a: due' 'chle: neheh' 'de a bo,: ka 'on no-a: zai'. Me-: mu-eh: no, 'de a 'ye deh-' dih 'worn deh 'jeh, 'de a: ne 'o: gwie 'i 'wluh. A 'dhu a-a' 'jeh: dhororn' 'do gbe⧾: dao' bo,: an no-a deh⧾: en se-a 'o: gwie 'i: ne, 'de: an chehn-dih an-a' 'jeh-a' yau dih,: an 'meh-a: bhlororn'. :A: mor 'o,: or 'dhu: bhlororn' 'meh-nyor:⧾ 'jeh no-'. Deh no-eh,: a za Nyorsoa-a': weheh' 'weh, 'de or-a': Zulu-a' 'kpih 'di. 'De mor: Yusu' 'Klae, or-: 'beh-dih:: a-a' buh⧾ 'i.: A: se-': gwlor-nyor⧾-a' noo-deh⧾: gwlii' dhe, keen': mloror', 'an 'jeh, 'on 'beh-dih: 'on 'ye-ih': gwlii' dhe: dee'.: Mor nyor 'da or 'ble deh⧾: doru', or no-a, me-: no-eh, 'de or 'puh,: yee' 'an 'jeh: ke, 'on 'ble deh⧾: doru',: en: korn-a dhih 'on 'ye-a' 'an 'jeh 'i 'beh-dih:: ke,: eh zi-or'. :Yeh 'on 'wluh-a,: yee' 'do 'we-eh-a': meheh' na neh 'di, 'do: wor 'on 'meh-dih:: bhlororn'. 'Mor 'Ezlea-yu: 'o,: or 'wluh-a 'o 'Behnjemeh-a' 'cheh-dlu 'i. 'On no: Hiblu'-yu-a' 'kpa. 'Do: Jueh'-nyor⧾-a' 'tele'-a' dih: dhe-eh bo, 'mor: Falasi'i-yu: 'o: ke. 'An Nyorsoa-a': weheh': za: porluh: mo-: 'beh 'i, eh-: no-eh, 'de 'an 'ye-dih 'chore 'kle: dee'. 'On 'sleh-: 'i: dee', 'do: Mose'-a' 'tele' dih: dhe-eh bo 'gabaa. Eh se nyor: korn,: or 'ye-a 'on 'tele' dih: kpon-dih:: dee'. Jorwor: deh⧾-a' klehkpeh: dao' 'on no-a,: en 'kpa deh ken: dee' 'do 'on bo, me-: 'an 'da-dih se deh ken 'kpa-deh⧾: naa, 'do 'Klae-a' dhih bo. Eh: se deh⧾: dao', en-' dhih: due'. Jorwor: 'on 'duo: deh⧾-a' klehkpeh-' 'weh, en 'ye: ao', en se deh ken 'kpa 'do 'on bo: naa. Deh no-eh, 'an: Gwlor: baa': Yusu' 'Klae-a' yubo-eh 'kpa deh ken 'gabaa, eh zi-ih'.: Yee' or-a' dhih: oo', 'on po deh⧾-a' klehkpeh 'kwla, 'de 'on 'duo-ih', en 'ye: gbehne no, 'de 'on 'ye 'Klae kpa, 'de or-: 'mor-:: a 'ye nyor: due' no.: Yee' eh: se: Mose'-a' 'tele' 'on dhe-a 'o dih, eh: se-eh no, 'de Nyorsoa: se-' 'on 'yi 'sleh-nyor 'da-dih:. Jorwor: deh 'on po-a 'Klae-a' dhih dhih 'jeh-', eh-: no-eh, 'de or 'da-dih: 'on 'yi 'sleh-nyor. Deh no-eh, dhih 'jeh-': po-eh: 'o, eh-: no-eh, 'de Nyorsoa 'da-dih:: a 'yi 'sleh-nyor⧾. :Yee' deh 'an 'bhorn-a, eh-: 'dhu, 'on 'ye 'Klae yubo: deh 'jeh, 'de 'on 'ye or-a' 'kpih: en za-or 'de nma-dih-deh 'di dih 'worn. 'De 'on 'ye 'for 'ble 'de or-a' 'kle 'ye-eh 'di, 'de 'on 'ye-or' gweh, 'do: ka or no-a 'meh-a' bo. :Yee' 'on dhe-eh-:: gwlii': ka: mor 'on 'meh-a,: yee' Nyorsoa-a mu-a 'de 'on nma-dih-deh 'di: za: ke. :Yee' 'on: se: ao', 'on 'ye deh⧾-a' klehkpeh: daa 'weh, 'de mor 'on: se: ao' 'on gweh-ih 'zorn: weh. Jorwor: 'an vorn-' 'gabaa, 'on 'ye deh⧾: daa 'ye. Deh no-eh, en-' dhih: oo',: Yusu' 'Klae no-eh 'de 'on 'kpa 'de or-a' 'for bo. 'An 'Klae: de-di'-boi'-a:, 'on yubo-eh', 'on 'see nyni 'gboror:. Jorwor: deh: due', 'an-a' 'worn, 'an-a' no-a, eh-: 'dhu, 'an-a' 'worn, 'an-a' pobo: deh⧾: en zi-a ya. Jorwor:: yih: en: ne-a 'de 'on ybei', me-: 'an po 'kpih bo. 'An vorn-' 'gabaa, 'on 'ye-eh 'dlu-' jla, 'de 'on 'ye eh-a' geli': za-dih-deh 'ye,: eh: yi-dih:-a: Yusu' 'Klae-',: eh 'dhu-a, Nyorsoa 'da 'on 'weh, 'de or 'bli yai'. :A: mor: yor,: or ku-a dih, 'de Nyorsoa-deh 'di, 'ka-:: a: korn: a 'ye eh-a': gwluhuh' dih: na-dih-eh no: ke. Jorwor:: mor a: na-dih-eh: gwluhuh' dih, 'de: ka: noror' 'di,: yee' Nyorsoa-a mu-eh ken dih: florn-dih: 'de a bo. Deh: eh no-a: kmaa-deh, eh-: 'dhu, deh⧾ 'jeh: ne: a kpon-a dih: dee', me-:: a 'ye dih kpon 'gboror:. :Yee' 'an 'Klae: de-di'-boi'-a:, a-a' klehkpeh, a zi 'o 'an 'gor klei'.: Yee' nyor⧾: an no-a deh⧾ on 'ye-a 'de: a 'kwa, a pobo-uh ya. 'On zela: a: gwluhuh' 'weh, 'do kpor⧾: dhulu' 'di: zai', 'de 'an za-eh de, 'de 'viin' ka 'di: neheh', eh: korn nyor⧾: dhulu', mo-:: korn 'kmo: ne-eh gweh 'Klae-a' tu 'i 'meh-dih-eh se deh-' 'dhu-eh: 'do on bo. Nyor⧾: daa, 'do ti-a' 'dlu-': jla 'da, an mu gbe: zie:. An-a' yau-a' 'bhororn'-deh:⧾, me-: 'dhu an-a' nyorsoa-'. 'De deh⧾: en: korn: en 'ye-uh'-a' dhen-' dih po, me-: an no-dih: nya-dih-eh ken dih. 'Kmo-a' deh⧾: due', me-: an na-dih: gwluhuh' dih. Jorwor:: a: mor: mloror',: a no 'de Nyorsoa 'bli yai'-a' nyor⧾.: Yee' eh-a' dhih,: a-a': porluh⧾-a sin-', 'de: a fuo: a-a' 'puh-dih-nyor,: or 'dhu-a: a-a': Gwlor: baa': Yusu' 'Klae-', or 'ye 'de Nyorsoa 'bli yai' 'wluh. Or mu-eh: no,: a-a' yau:: daa: on se-a deh ken 'kpa, on 'ye: za-dih: 'de on 'ye or-a' dhih-a' 'i 'beh-yau gweh. Or mu deh: daa: no, 'de or-a' 'kpih 'di,: en no-eh, 'de or 'beh-dih:-a or 'ye-a' deh⧾-a' klehkpeh: dha: due' po, 'de or 'ye-ih' wlu 'ken: korn. :Yee' 'an 'Klae: de-di'-boi'-a:, 'on: ybeh a 'weh, 'de 'an 'bhorn 'on 'ye a 'ye 'gabaa. A: mor: korn dhih: oo', 'de 'an no 'mona, 'de a 'beh-dih: 'an buh⧾ 'i.: Yee': a 'bli-nyor⧾-a:, a: nyna dih deh 'jeh, 'do: Gwlor: baa'-a' deh 'di. :Yee' 'an bale 'Yodia-: 'dekorn:: Sehnte'ki-: on 'ye wlu-' dih 'worn-eh: korn, 'de: Gwlor: baa'-a' deh 'di. :Yee' 'on 'be: koan:: no-nyor:: or: ne 'an no-dih-a: koan: dha: due' 'gabaa, 'an bale: on 'weh,: on 'ye 'o 'nynor⧾-kpao'⧾: daa bo dih pobo:, on 'ye wlu-' dih 'worn-eh:. On 'worn, on: za-dih: 'on-' 'gabaa,: mor 'on: taa Nyorsoa-a' tubo-wlu:⧾ 'jeh po, 'mo-: 'Klehmeh-: 'dekorn: 'on 'bei': koan:: no-nyor:⧾: noo'-:: on: korn-a 'nyne: ne-a 'de 'kmo: sie:: febeh'-a' 'chlee-deh 'di. A no 'mona 'do ti-a' klehkpeh bo, 'de: Gwlor: baa'-a' deh 'di. 'An mu-eh-': za: neheh', a no 'mona. A no deh⧾ 'do nyor⧾-a' klehkpeh bo, 'de on 'ye-eh' 'ye,: ka a: kpon-eh 'i. Deh no-eh,: Gwlor: baa'-a' de: yi-ti-a 'koan'-: bo. A-a': porluh⧾-a' 'beh-dih:-' a 'worn dih, 'do deh-beh-deh-beh-a' dhih bo. Jorwor: a: wlu 'de Nyorsoa bo, 'de deh⧾-a' klehkpeh 'di. Deh⧾-a' klehkpeh a mu-or dih dhele:-: 'dekorn:: yih: korn-a dhih a mu-or bale:-: a no-eh, 'de or-a' 'zio: po ka 'di. :Yee': ka a: korn-a 'de: Yusu' 'Klae bo, Nyorsoa-a mu a: porluh-a' dih 'pehn-eh 'nyi-:: eh: gwlor-nyor⧾ se-a-' dih 'worn-eh 'beh-dih: klehkpeh klehkpeh. Eh-: mu a-a': porluh⧾-: 'dekorn: a-a' 'dlu 'di dih: na-dih-deh⧾-: wlu 'ken: korn. :Yee' eh-a' klehkpeh-a' 'dlu-': jla 'da, 'an 'Klae: de-di'-boi'-a:, a: na-dih: deh⧾: daa: gwluhuh' dih,: en 'dhu-a, deh⧾: en no-a dhih-a' 'yor-eh-: deh⧾: en no-a deh-' 'ye-deh⧾-: deh⧾: en 'sleh-a 'i-: deh⧾: en: gweh-a: vlehehn'-: deh⧾: en: nmor-a 'yli-eh ken dih-: 'dekorn: deh⧾: en 'ble-a 'nyne 'jeh-:. Deh⧾-a' klehkpeh: en: nmor-a 'yi dih-: 'dekorn: deh⧾ nyor⧾ 'beh-dih:-a on 'ye-a' dhih bo po-: me-: a: korn a 'ye: gwluhuh' dih: na-dih:. :Yee' deh⧾ a 'chean'-a-: a: za 'noror 'on 'kwa-: 'de deh⧾ a 'worn-a 'noror 'on bo-: 'dekorn:: yih a 'ye-a 'on, 'an no-a-: me-: a 'ye no.: Yee' Nyorsoa: or 'nyi-a nyor⧾: porluh-a' dih 'pehn-eh, or mu 'o a bo: ne. :Yee' 'an no 'mona: deh 'jeh neh, 'de: Gwlor: baa'-a' deh 'di. Deh no-eh, a na-dih 'an dhih: gwluhuh' dih: dele' ka: neheh'. Keen': mloror', a na-dih 'an dhih: gwluhuh' dih 'weh: dee'. Jorwor: ti: se-' a 'nyi-eh: a 'ye-eh 'on 'i: to-dih:. Eh: se 'on se deh 'ble, eh-: 'an 'bhorn, eh-a' dhih: oo', 'an za dhih: daa: deh. Deh no-eh, 'on 'chean': porluh-a' dih 'pehn-eh 'weh,: ka eh-a': yeh beh: eh 'ye: eh: ne. 'On yubo:: ka: mor nyor-a' son: gweh-a, or: ne-a 'weh. 'De 'on yubo:: ka: mor nyor 'ble-a deh⧾: dhulu', or: ne-a 'weh. 'On 'chean': porluh-a' dih 'pehn-eh-a': gwie⧾ 'weh, 'do ti-a' klehkpeh bo, dha: yor 'on: ne,: mor 'moeh-a': yeh beh: eh se 'on no-:: mor 'moeh-a': yeh beh: eh: taa 'on no-: 'an: yeh 'ble deh⧾: dhulu'-: 'de mor 'an: yeh se deh 'ble-:. 'On 'beh-dih: deh⧾-a' klehkpeh worn 'i 'weh, 'do 'kpih 'Klae 'nyi-a 'on bo. Jorwor: eh: nmor-: 'yi, 'de a: za-dih: 'on-', ti 'an 'ye-a 'kle: dee'. :Yee' a: mor: Fele'pa-nyor:⧾, a yubo-eh' deh 'jeh neh, ti 'on 'dhu-a Nyorsoa-a' tubo-wlu:⧾ 'jeh: po-eh glu: zai', 'de 'on 'ye-a 'Masordo'nia-bluhba ken 'wluh, 'chore: neheh': se-' 'on bo 'kpa. A: due' gbai, a: mor 'kpa 'on bo,: or 'nyi 'on 'wlii. Deh no-eh, ti 'on: ne-a 'de 'Tehsolo'nika-gwlor:-': sloror', a dbo 'on 'wlii bo, 'do kpor⧾: dhulu' 'di, ti 'an son: gweh-a. Eh: se 'an 'bhorn 'nyii'-deh:: deh. Jorwor: 'an 'bhorn Nyorsoa 'ye a-a': bhorlie' 'dlu 'yi-dih:, deh no-eh, a 'nyi nyor⧾ deh⧾. Deh⧾-a' klehkpeh 'on: korn 'on 'ye-a' 'ye, 'on 'ble-ih'. Keen', en: zi 'o: yih 'on: korn 'on 'ye-a' 'ye: dee' 'weh. 'Nyii'-deh⧾-a' klehkpeh a: dbo-dih:-a: Ipa'flordi'tor bo, 'on 'ye-ih'. Eh-: no-eh, 'de 'on 'ble deh⧾: dhulu': naa. 'Nyii'-deh:⧾: daa, en gweh 'slaa:: za-dih-deh:⧾: en po-a 'no 'jeh no, 'de Nyorsoa 'worn-dih:-a ken dih, 'de: en 'pehn-dih:-a or-a': porluh dih. :Yee' 'an Nyorsoa-a': bhorlie': dhulu' or 'ble-a,: eh: yi-dih:-a: Yusu' 'Klae-', 'do: wor or mu deh: za, or 'ye 'o a bo dih pobo:: mor a-a' son⧾: gweh. Dhih-a' 'i 'beh-a' 'do Nyorsoa: or 'dhu-a: a: Baa' bo,: ka ti-a mu-a 'dlu-': tehn klehkpeh klehkpeh. 'Ka-: eh 'ye: ne. 'Mor 'ye Nyorsoa-nyor⧾-a' klehkpeh,: on: korn-a 'de: Yusu' 'Klae bo. 'Klae: de-di'-boi': yuh: on: ne-a 'noror 'on bo, on 'da, mo-: 'ye a-uh. Nyorsoa-nyor⧾-a' klehkpeh 'da, mo-: 'ye a-uh.: Yee': yuh: on: ne-a 'de 'Wloon-nyor⧾-a' 'keen 'bli 'gbu, on 'da, mo-: 'ye a-uh: yee: o. 'Nyi: Gwlor: baa': Yusu' 'Klae-a' mla: ne 'o a-a' klehkpeh bo o. 'Ka-: eh 'ye: ne. 'Mor: Poror': or Nyorsoa 'da-a: or 'ye-a: Yusu' 'Klae-a'a: dboo-nyor no, 'de or-a' 'ton: korn ka 'di. 'Mor-: 'dekorn:: a-a' 'Klae: de-di': Timehte'-:: a: mor 'ye a-uh, a: mor: or 'dhu-a Nyorsoa-nyor⧾ 'de: Kolorsi'-gwlor 'di, 'de: or no-a: a-a': dhehehn:: de-di'-boi' 'de 'Klae-a' deh 'di. Mla-: 'dekorn: wlu-' dih 'worn-eh-: 'do a bo,: en 'wluh-a 'de Nyorsoa: or no-a: a: Baa' bo. :Yee' 'do ti-a' klehkpeh bo,: a po Nyorsoa-a' 'zio: or no-a: Baa' 'do: a-a': Gwlor: baa': Yusu' 'Klae bo,: mor: a: taa 'de or bo wlu, 'do a-a' dhih bo. Deh no-eh,: a 'worn a-a' dhih 'jeh-': po-eh: a 'ble-a 'de: Yusu' 'Klae-' eh-a' 'nyne 'weh 'dekorn:: ybeh-eh: a 'ble-a 'do Nyorsoa-nyor⧾-a' klehkpeh bo. :Yeh tubo-wlu:⧾ 'jeh: en no-a dhih-a' 'yor-eh, en yi-a 'de a bo: zai', a 'worn-ih': ka eh 'dhu-ih'-a mor-': en: ya-a: 'de deh: gwlii': dhe-eh 'do a bo.: Yee' 'do eh-a' dha, a-a' dhih 'jeh-': po-eh-: 'dekorn:: ybeh-dih-eh-: en 'wluh 'de deh a dhe-a: gwlii' bo,: eh: dhe-eh dih 'de Nyorsoa 'bli yai' 'do a bo. Tubo-wlu:⧾ 'jeh: daa, me-:: en ya 'de: bhorlie': chio'lo:, 'de eh gweh 'bluhba-a' klehkpeh 'dlu,: ka eh: ne-a 'noror a 'nyne-' 'do: tehn 'i-we-eh: a 'worn-dih:-a Nyorsoa-a' mla-a' 'nyne, 'de a yubo:-a dhih-a' 'yor-eh:: en kor-a mla: dao' 'i. :Ipa'fa: 'o, or-: zela: a: gwluhuh' 'do Nyorsoa-a' mla-a' dhih bo,: or no-a: a 'be 'bhoi-yu: or: korn-a dhih: kma-a, 'de: or no-a: dhehehn-nyor 'de 'Klae-a': koan 'di 'do: a 'gor bo. :Ybeh-dih-eh: Nyorsoa-a': Zulu 'nyi-a a-uh, or zela: eh-a' dhih ken dih 'weh 'noror: a bo. :Yee' 'do eh-a' dha,: a wlu 'de Nyorsoa bo 'do a-a' dhih bo 'do ti-a' klehkpeh bo,: eh 'wluh-a 'o ti: a 'worn-a a-a' 'nyne.: A dhele Nyorsoa-: dih or 'ye a deh 'i yubo-eh-' dih 'yi-dih:, 'de a 'ye or-a' 'ton: korn-deh yubo:. Nyorsoa-a': Zulu:, mo-:: an no-eh, 'de a 'ble: toror'-: 'dekorn: deh-' dih 'worn-eh-: 'de mo-:: ne-a: due', mo-: no-eh, 'de a yubo: Nyorsoa-a' 'ton: korn-deh. :A dhele: Gwlor: baa'-: dih, 'do deh: daa, eh-a' dhih bo, 'de a-a' 'kmo: ne-eh 'ye nyor⧾: on: korn-a 'de or bo gweh, eh 'ye or-a' 'nyne dhih-a' 'i 'beh-a' 'nyi, 'de a 'ye deh⧾-a' klehkpeh: en mu-a or-a': porluh dih 'pehn-dih: no.: Yee' a-a' 'kmo: ne-eh mu: koan: 'jeh-a' klehkpeh a no-a nyor⧾ 'i: to-dih:.: Yee' a mu: ku, 'de Nyorsoa-a' deh-' dih 'worn-eh 'di. :A dhele Nyorsoa-: dih, a 'ye dih ku, 'do 'kpih-a' klehkpeh: en 'wluh-a 'de or-a' dhih-a' 'i 'beh-kpih 'di, 'de a 'ye deh⧾-a' klehkpeh 'i: nyna-a' 'beh-dih: 'de: porluh-a' dih: kpon-eh 'di, 'dekorn: 'de 'mona: ka 'di-:. A po: a: Baa' Nyorsoa-a' 'zio,: or no-eh, 'de a: bleh-dih-eh 'i, a 'ye-a 'for 'ble 'do deh Nyorsoa dhe-a dih 'do or-a'a: nyor⧾ bo, 'de or-a' nyor⧾ wlu 'ken: korn-eh-a' zorn-pli-'. Or zelie:: a 'weh 'do 'ku-a': kule-a' 'kpih 'zorn, 'de or: ya 'de: a 'noror or-a': dhih: kma-yu-a' nyor⧾ wlu 'ken: korn-eh 'zorn: pehleh'peh:. Or-a' 'Yu: dao', or-: no-eh, 'de or 'ma-dih:: a-a' deh⧾-zon⧾-a' dhih bo. Eh-: no-eh, 'de or zelie:: a-uh. 'Klae: ne 'de Nyorsoa nyor⧾-a' 'ye-a, or-a' tu 'di. 'De mor or-: no: tehn 'i-yu,: or no nyor: klaba' 'do deh⧾-a' klehkpeh: en: no-eh 'dlu. :Yee' or-: Nyorsoa: yi-dih:-', 'de deh⧾-a' klehkpeh: en: ne-a 'de Nyorsoa 'bli yai'-: 'dekorn: dha yao 'zorn-: en: no-eh:, 'de: yih nyor⧾-a' 'yli-eh 'ye-a-: 'dekorn:: yih nyor⧾-a' 'yli-eh-a' 'ye-a-:: eh beh 'keen-boi'-: nyor⧾: klaba'⧾-: nyor⧾ wlu 'ken: korn-nyor⧾-: 'dekorn: 'kpih-a' klehkpeh: en: ne-a 'o yao: gwlii'-:: yih: ne-a 'noror 'zorn-:. Or-: Nyorsoa: yi-dih:-' 'de or no deh⧾-a' klehkpeh-: 'dekorn: nyor⧾-a' klehkpeh-:. On: no-eh:-' 'do or-a' dhih bo. 'Klae: ne-', 'de deh⧾-a' klehkpeh, en mu: no-eh. Or-: deh⧾-a' klehkpeh: yi-dih:-', 'de en: po-eh: deh⧾ en: korn-a-' dih, 'de en kpon-dih: dih. 'Klae-a' yau: mo-: 'dhu 'chore-'. 'De 'chore: dao', or-: no eh-a' 'dlu. Or-: no-eh, 'de yau:: daa on: ne 'kmo. Or-: no: zai'-nyor: or 'wluh 'de nma-dih-deh 'di. Eh-: no-eh, 'de or no deh⧾-a' klehkpeh en-' 'dlu. Deh no-eh, Nyorsoa-a' 'yor-eh: 'worn-dih-eh ken dih, 'de or-a' 'kwla: gweh-eh-a' klehkpeh: ne 'de or-a' 'Yu-'. Or-a' 'Yu, or-: or: yi-dih:-' 'de or polo-eh, or 'ye deh⧾-a' klehkpeh-: 'dekorn: nyor⧾-a' klehkpeh-:: on: ne-a dha yao 'zorn-: 'dekorn: 'de or 'bli yai'-: deka: ya 'do or-a' 'jeh bo. Or-a' 'Yu-a' 'meh-a' 'do tu 'i, eh-: or: yi-dih:-', 'de or: ya 'de wlu-' dih 'worn-eh:: daa. :Tehn 'i: dee', a: tehn-dih: Nyorsoa bo dih, 'de or: za a: dou'⧾ bo, 'do deh⧾-zon⧾-: 'dekorn: deh⧾ a na-dih-a: gwluhuh' dih-: bo. Jorwor:: kana: naa or-a' 'Yu-a' 'meh-a', eh-: no-eh, 'de Nyorsoa kpon a 'be-', eh 'ye-eh' no, a 'ye 'yi 'sleh-nyor⧾ no 'do or ybei', 'de dhih: sor: ne 'o a 'bhun, 'de dhih: ne-' a kpon 'do or ybei'. A mu 'o Nyorsoa ybei' dih: nyna,: mor eh 'dhu a: taa a-a' dhih 'jeh-': po-eh 'dlu bo kpa, 'de a 'ye dih ku,: ka 'gbu-a': zi-tu: ne-a, 'de a 'ye: ao', a se 'o deh: gwlii': dhe-eh-a': gwie 'i 'wluh,: eh a: ne-a 'i, ti a 'worn-a Nyorsoa-a' tubo-wlu:⧾ 'jeh: zai',: en: po-eh 'de nyor⧾-a' klehkpeh bo: on: ne-a dha yao 'zorn. En-' dhih: oo', 'mor: or 'dhu-a: Poror'-', 'on no 'bhoi-yu. :Yee': kana: naa, 'mona-a: no 'on, 'do 'kle 'an 'ye-a: naa, 'do a-a' dhih bo. Deh no-eh, 'kle 'Klae 'ye-a 'do or-a' yau:: on 'dhu-a 'chore bo, 'kle-a' 'jeh: dao', eh-: 'an kpa 'dlu bo, 'de 'an: gwlor-nyor-tu 'di. 'De Nyorsoa no 'on 'bhoi-yu-' 'do or-a' 'chore bo. Or 'nyi 'on: koan:: daa, 'on 'ye-or' no 'do a-a' dhih bo.: Koan:: daa, or-: 'dhu, 'on 'ye or-a' tubo-wlu⧾-a' klehkpeh po, :en no-a 'slan or 'zile:-a nyor⧾-a' klehkpeh dih, 'do ti: dhorno'⧾: en zi-a 'di. Jorwor:: kana: naa, or za-or-: gbor 'de or-a'a: nyor⧾ bo. Deh Nyorsoa-a 'bhorn-a, eh-: 'dhu, or 'ye or-a' 'slan,: or 'ble-a dhih-a' 'i 'beh-a': klaba', or-a' nyor⧾ 'i: to-dih:,: or no-a 'slan 'do 'dawor'⧾-dlu⧾-a' klehkpeh bo. 'Slan: daa, or-: 'dhu, 'Klae: ne a-uh 'weh, 'de or-:: a dhe: gwlii': ka: a mu 'for 'ble-: 'de Nyorsoa-a' dhih-a' 'i 'beh-a' 'di. :Yee' 'do eh-a' dha,: a: za 'Klae-a' dhih-' 'weh 'de nyor⧾-a' klehkpeh bo.: A 'dhu-uh 'slen, 'de: a torne-uh deh, 'de: toror' klehkpeh 'di, 'de an-a' klehkpeh 'ye 'o Nyorsoa ybei' yi, on 'ye 'yi 'sleh-nyor⧾ no, 'de 'Klae-a' deh 'di. :Yeh deh: daa, eh 'ye-a': no-eh:,: yee' 'on no: koan: 'gabaa,: eh: zi 'o ken dih. Dhih-a' 'i 'beh-kpih: 'Klae 'nyi-a 'on, me-: 'on: no-dih:: koan:: daa-'. :Yee' a 'nyi 'on zela: a: gwluhuh': ka 'on no-a: koan:: no-eh 'gabaa 'do a bo-: 'dekorn: nyor⧾: on: ne-a 'Lolesi'a-gwlor 'di-:: korn mor nyor⧾-a' klehkpeh: on 'see-a 'an nyior-tu 'ye: zai'-:. 'On no-eh, eh 'ye 'de an-a' 'kpih po, 'de an-a' klehkpeh 'ye: dha: due' 'kpa 'de: ybeh-dih-eh 'di, 'de on 'ye deh-' dih 'worn-eh-a' klehkpeh 'ye,: eh no-a: bhorlie': kolu' 'do on bo,: eh mu-eh: no, 'de on 'ye-a Nyorsoa-a' 'slan yubo:,: or 'dhu-a 'Klae-a' 'yor-eh-'. Or-: no: koeh'eh:: eh kan-dih 'o: dha Nyorsoa 'zile:-a or-a' bhaan-deh⧾-a' klehkpeh: en 'dhu-a deh-' dih 'worn-eh-: 'dekorn:: toror'-:. :Yee' 'do eh-a' dha, 'an zela a: gwluhuh', a-a' 'worn-:-' nyor-a': bo-dih:-' a dih, 'de or-a': za 'o a: gwie 'i,: ka deh⧾ an za-a-', en-': yeh no 'yi dih: nmor-eh. Keen': mloror' 'an nyior-tu se 'de a bo: ne, jorwor: 'an: porluh⧾-a' klehkpeh: ne 'de a bo 'weh.: Yee' 'mona-a: no 'on,: ka a-a' 'kmo: ne-eh: ne-a 'o: gwie 'i, 'de mor a no-a dih: nyna-eh deh 'jeh 'de a-a' 'Klae-a' dhih 'jeh-': po-eh 'di. :Ka a 'worn-dih:-a: Yusu' 'Klae-a' dhih, or 'ye-a a-a': Gwlor: baa' no,: yee' a: ne-dih-or 'kmo, 'do ti-a' klehkpeh bo. A kor a-a' 'jeh 'do: Yusu' 'bhun. 'Nyi a-a' 'kmo: ne-eh-a' klehkpeh tba 'o or ken dih.: Yee' a ku-dih 'de or-a' dhih 'jeh-': po-eh 'di,: ka on no-a a-a' deh: torne-eh.: Yee' a po or-a' 'zio 'do ti-a' klehkpeh bo. A 'dhu-eh 'yli-eh bo,: gwlor-nyor⧾: ne-' 'kmo-a': toror' no,: or se-a deh 'di: ne, 'de on: ne 'o a 'yi 'sleh: gwie 'i: za, a: ne-' 'ge-nynuu no: neheh'. Deh no-eh, nyor⧾: noo', mo-:: an no 'kmo-a': toror' 'de: an torne nyor⧾ deh⧾: en 'wluh-a 'de 'nai' bo-: 'dekorn: 'kwla 'ye-dih-deh⧾-:: en: korn-a nyor⧾ wlu 'ken dha yao 'zorn-:. Eh: se 'de 'Klae bo, en: se-' 'wluh. Deh no-eh, Nyorsoa-a' 'kwla: gweh-eh-a' klehkpeh: ne 'de 'Klae-a' nyior-tu 'di. :Yee': ka a: ne-a 'Klae-': naa,: yee' Nyorsoa 'nyi a 'kmo: ne-eh: 'jeh neh 'weh klehkpeh klehkpeh. 'De 'Klae: ne 'o nyor⧾ wlu 'ken: korn-nyor⧾-a' klehkpeh-: 'dekorn: 'kpih-a' klehkpeh: en: ne-a 'o yao: gwlii'-:: yih: ne-a 'noror 'zorn-: 'dlu. :Yee': ka a: ne-a 'Klae-',: yee' a 'meh-:: bhlororn'. Eh: se: bhlororn' 'meh-eh:: yeh: gwlor-nyor⧾-a' son-a no-a, jorwor:: yeh 'Klae: ya-a: 'de: oo',: eh 'dhu-a a-a': gwlor-nyor-tu-a' 'bhororn'-deh⧾-zon⧾-a' 'gegeye 'zorn 'wluh-eh. :Yee' ti a: po-eh 'ni 'dlu,: yee' a mor-: 'dekorn: 'Klae-: eh gweh: ka a nma-dih-eh: dih: dha: due'.: Yee' 'de 'ni 'dlu: po-eh 'di, eh gweh or-: a mor-: a 'wluh 'de nma-dih-deh 'di 'weh, 'do a-a' dhih 'jeh-': po-eh bo, 'de Nyorsoa-a' 'kpih 'di: or: za-a: 'de 'Klae 'de nma-dih-deh 'di. :Yee' a-a' deh⧾-zon⧾-a' dhih-: 'dekorn:: ka a no-a nyor⧾: on: se-a: Jueh'-nyor:⧾: on se-a: Mose'-a' 'tele' 'ble-: eh-: no-eh, 'de a gweh 'meheh'-nyor⧾ 'do Nyorsoa ybei': dee'. Jorwor:: kana: naa, Nyorsoa no-eh' 'de a mor-: 'Klae-: a: ne-dih:: dha: due' 'kmo-': naa. Or 'ma-dih:: a-a' klehkpeh,: a-a' deh⧾-zon⧾-a' dhih-: bo. Deh⧾-a' klehkpeh: en kpon: a-uh, 'do: a-a': Mose'-a' 'tele'-a' waa-dhih, me-: Nyorsoa: za 'o: a 'dlu, 'de or: kor-dih-ih 'o, 'klorse tu 'i. :Yee' 'do 'klorse: tu: dao' 'i, 'do: wor 'Klae: za-dih: 'kwla 'ye-dih-deh:⧾: en 'ble-a 'kpih-: 'dekorn:: yih: en: korn-a nyor⧾ wlu 'ken-: gla. 'Do: wor or: torne-eh: gwlor-nyor⧾-a' klehkpeh: ka en: gweh-a worn. :Yee' 'do eh-a' dha, a-a' 'worn-:-' nyor-a': po-' 'tele'⧾: dhulu' 'do deh a mu-a: di-: a mu-a 'na-: 'we-eh: 'for 'i: dhe-dih-eh 'do zon 'di 'do Nyorsoa-a': weheh': za-eh bo-: 'dhu gor 'do 'we-eh: 'nynor: dele': nyna-a bo-: 'dekorn: Nyorsoa-a': gwlee-we-eh bo-:. Deh⧾-a' klehkpeh: daa: en: ne: ao', deh⧾: en mu-a 'de: yi, en-' 'yi: to-dih-deh: 'o. Jorwor: eh-a' 'kpa: wor 'dhu 'Klae-'. Eh 'ble nyor⧾: noo', mo-: 'da an ya an-a' 'jeh ya, 'de an za 'enjor-nyor⧾: weheh'. Deh⧾: daa, me-:: no-dih-uh 'mona.: Mor an-a' 'yli-eh 'kpa deh 'i,: yee' an 'duo: an-a' 'jeh-' 'weh, on 'ye nyor⧾: klaba'⧾ no. Nyor⧾: dao',: ka: gwlor-nyor⧾-a no-a: gwluhuh' dih: na-dih-eh, 'ka-: an no: gwluhuh' dih: na-dih-eh: ke, 'de an 'beh-dih an-a' 'jeh 'i. 'De dhih an 'beh-dih-a an-a' 'jeh 'i, en se 'nyne: korn. A-a' 'worn-:-' nyor⧾: dao', an-a': za 'o a-a' geli': za-dih-deh-a': gwie 'i. Nyor⧾: dao', on 'tali: 'Klae-a' son-: dih,: or 'dhu-a yau-a' 'dlu-': on 'dhu-a or-a' 'chore-'. 'Klae: korn yau wlu 'ken, 'de or 'nyi-uh dii-deh. Or po-uh: dha: due' 'do an-a' 'yi 'dhu-dih-deh⧾-a' klehkpeh-: bo. 'De an ku: ka Nyorsoa-a 'bhorn-a on 'ye-a' ku-a' no. :Yee': ka a gweh-a: ka a: ne 'Klae 'meh-dih:-a: dha: due', 'de a 'wluh-a 'o 'kwla 'ye-dih-deh:⧾: en: korn-a 'bluhba:: daa wlu 'ken, en-' 'kpih 'zorn,: yee': eh: korn dhih, 'de a: ne 'kmo: eh gweh-a: ka nyor: korn-a 'de 'kmo: daa bo 'gboror:: eh?: Eh: korn dhih a: ya a-a' 'jeh ya 'do 'tele'⧾: daa 'zorn: eh?: En 'dhu-a, Nyor-a': kpon-' deh⧾: yih: daa dih, nyor-a' 'dhen-:-': yih: daa worn, 'de mor nyor-a' 'tuh-:-': yih: daa dih. 'Tele'⧾-a' klehkpeh: daa, en kor deh⧾: mor nyor⧾: no-dih-ih-a: koan,: yee': en: korn-a ti: jla-a 'i. 'Tele'⧾: daa, en no 'tele'⧾: en 'wluh-a 'de: gwlor-nyor⧾ 'worn, 'de an torne-ih nyor⧾. 'Tele'⧾: daa,: en: ne: ao', en gweh: ka deh⧾: ne-a: toror' 'di: dee'. Nyor⧾: an torne-a nyor⧾ deh⧾: daa, an-a' 'jeh-a' 'yor-eh-a'a: 'tele'⧾: oo' an po,: ka nyor⧾ 'ye-a Nyorsoa-a': weheh': za-eh no. 'De on 'da, an ya an-a' 'jeh ya. 'De deh⧾ an-a' yau-a 'bhorn-a, an-a' 'worn, an-a' no-ih. Jorwor: 'tele'⧾-a' klehkpeh: daa, en se 'kpih: korn en 'ye yau-a' 'bhororn'-deh⧾ 'borboa' 'i po. :Yee': ka a: ne 'Klae 'wluh-dih:-a 'de nma-dih-deh 'di: dha: due',: yee' 'do eh-a' dha, deh⧾: en: ne-a 'de Nyorsoa 'bli yai', 'do: wor a 'ye a-a': porluh⧾ po,: dha 'Klae: dhe-a dih, 'do or-a' dhih-a' 'i 'beh: kpala' ken 'do Nyorsoa-a': dila-son bo. Deh⧾: en: ne-a 'de or bo yai', 'do: wor a-a': porluh⧾-a' klehkpeh 'ye: ne. A-a': porluh⧾-a': ne-' dha: yih: en: ne-a dha yao 'zorn bo. Deh no-eh, a 'meh-', 'de 'Klae 'duo: a-a': febeh'-', 'de or 'zile-eh 'de Nyorsoa bo. 'Klae: or 'dhu-a: a-a': febeh'-', ti or mu-a or-a' 'jeh nyor⧾ 'i: to-dih:: neheh' dha 'bluhba ken,: yee': a mu 'o: ne, 'de: a 'ye 'for 'ble 'de or-a' dhih-a' 'i 'beh-a' 'di. :Yee' 'do eh-a' dha, a 'tali: a-a' 'kmo-a' 'bhororn'-deh⧾ dih,: en 'dhu-a, 'tmeor:⧾: korn-eh-: se: vlehehn'-': gweh-:: porluh-a' sin-a' 'do deh⧾-zon⧾-a' no-a' bo-: 'dekorn: deh⧾-a' klehkpeh-a' 'klan: korn-eh-:: eh no-a deh⧾: nee'-a': weheh': za-eh-a' 'for. :Yee' nyor⧾: an no-a deh⧾: daa: en: ne: ao', Nyorsoa-a' 'chehn-yuba-a mu 'de on bo 'bili:. :Yee': tehn 'i: dee', deh⧾: dao', me-: a no, ti a: ne-a 'de 'kmo: dao' 'di. Jorwor:: kana: naa, a: korn a 'ye deh⧾-a' klehkpeh: daa dih 'tali:,: en 'dhu-a, 'chehn 'kpa-eh-: 'galo:: korn-eh-:. 'De mor 'jlei-wlu:⧾: sloror' 'bor 'o a 'worn 'i: yi-dih-eh: ke,: korn mor 'worn dih: nyni-eh-:. A 'bor sih dih 'tmo-dih-eh. Deh no-eh, a po ku soa-: 'dekorn: an-a' noo-deh⧾-: dih, 'de a pa ku: dele'-': naa, a 'ye nyor: dele' no,: or Nyorsoa no-a, 'de or po a: dele'-' 'do ti-a' klehkpeh bo,: ka or: ne-a, a 'ye: ao': ne, 'de eh 'ye-eh' no, or 'ye a or-a' deh-' dih 'worn-eh-a' klehkpeh 'nyi. :Yee' deh Nyorsoa no-a, eh-: no-eh, 'de deh-': gble-eh se 'o: Jueh'-nyor⧾-: 'dekorn: nyor⧾: on: se-a: Jueh'-nyor⧾-: 'nyne-': ne: dele' ka. Nyor⧾: on 'meh-a: bhlororn'-: 'dekorn: nyor⧾: on se-a: bhlororn' 'meh-: deh-': gble-eh se 'o on 'nyne-': ne. 'Dawor'⧾-dlu:⧾ 'sluh⧾-: nyor⧾: on se-a 'kwi deh 'i yubo:-: 'ge-nynuu-: nyor⧾: on: se-a 'ge-nynuu-: 'Klae, or-: 'kpa deh ken, or-:: zi 'o an-a' klehkpeh-'. 'De mor, or-:: ne a-a' klehkpeh-'. :Yee' Nyorsoa: ybeh a-uh' 'weh, 'de or gan a-uh, a 'ye or-a' nyor⧾: on: dhe-dih-eh 'for 'i no 'do or bo.: Yee' eh-a' dhih, a pa 'wla⧾: en no-a, nyor⧾: wehlih 'ye-eh-:: porluh-a' 'yi dih: nmor-eh-: an-a' 'jeh ya: ya-eh-: 'yi: kpon-eh-: 'dekorn:: porluh-a' dih: kpon-eh-:. A 'bor a 'bei' 'chehn-' 'kpa-dih-eh. A 'ma-dih: a 'bei'-a' deh⧾-zon⧾-a' dhih bo,: mor eh 'dhu on no a deh-zon 'bhun. A 'ma-dih: an-a' deh⧾-zon⧾-a' dhih bo,: ka: Gwlor: baa' no-a, 'de or 'ma-dih:-a a-a' ne-a' dhih bo: ke. :Yee': ybeh-dih-eh:, eh-: 'ye 'o deh⧾-a' klehkpeh: daa 'dlu: ne. Eh-: 'kpa deh ken. Eh-: po deh⧾-a' klehkpeh: dha: due', 'de ken dih mu-dih-eh: 'jeh 'di. Wlu-' dih 'worn-eh: 'Klae 'nyi a-uh, 'nyi eh: korn a-a': porluh⧾ wlu 'ken. Eh-a' dhih: oo', Nyorsoa po a: dha: due' 'do yau: due' bo, a 'ye wlu-' dih 'worn-eh:: daa 'ble.: Yee' a po Nyorsoa-a' 'zio. 'Nyi tubo-wlu:⧾: kolu'⧾: en kor-a 'Klae 'i, en: ne 'o a-a': porluh⧾-a' klehkpeh ken. A: torne: a-a' 'jeh deh 'de a 'nyne-'.: Yee' a no: toror'-a' klehkpeh, a 'ye a 'bei' deh: jii-eh 'i dih po. A ble Nyorsoa-a' 'chlee-deh-a' 'duh⧾.: Yee' a ble Nyorsoa-a' 'zio: po-duh⧾. A ble 'duh⧾ Nyorsoa-a': Zulu 'nyi a-uh, 'de or-a' 'zio: po ka 'di, 'do a: porluh⧾ ken. :Yee' deh⧾-a' klehkpeh a mu-a-': za-: a mu-a: no-: a no en-' klehkpeh, 'de: Gwlor: baa': Yusu'-a' 'nyne 'di. A: yi-dih-or-' a 'ye: a: Baa' Nyorsoa-a' 'zio po. :Yee' a: mor 'nynor⧾-kpao'⧾-a:, a: ya a-a' 'jeh ya 'do a-a'a: yibeor-boi' 'zorn. Deh no-eh,: ka a 'dhu-a: Gwlor: baa'-a' nyor⧾-',: yee' eh-: a: korn a 'ye no. :Yee' a: mor yibeor-boi'-a:, a: ybeh a-a'a: 'nynor⧾-'. Nyor-a': kma 'i 'do on ken. :Yee' a: mor 'wluhuh'-nynuu-a:, a dhe a 'de-: 'dekorn: a: baa'-: an-a' wlu dih, 'de deh⧾-a' klehkpeh 'di. Deh no-eh, eh-: 'pehn-dih: Gwlor: baa'-a': porluh dih. :Yee' a: mor 'nynuu: bai'-a:, a-a': chehn-' a-a' 'nynuu-a' 'kpih, 'de on: ne-' 'chehn-' 'kpa. Deh no-eh, eh mu-eh: no, an-a': porluh⧾ 'ye 'zorn 'kpa. :Yee' a: mor 'ge-nynuu-a:, a dhe 'o a-a'a: nyor⧾: klaba'⧾-a' wlu dih, 'de deh⧾-a' klehkpeh 'di,: on: ne a: ne-a dha yao 'zorn. Eh: se: mor an-a' 'yli-eh: ne 'o a ken, 'de a 'ye-eh' no: deh,: eh gweh-a: ka a 'bhorn-a on 'ye a dhih bo po. Jorwor: 'nyi eh tba 'de a 'di dih,: ka a no-a: Gwlor: baa'-a': fano:: ple-eh. :Yee' deh⧾-a' klehkpeh a mu-a: no, a no-ih, 'do a-a': porluh⧾-a' klehkpeh bo,: eh gweh-a: ka a no-a: koan 'do: Gwlor: baa' bo: eh: se-a 'o: gwlor-nyor bo. A: na-dih-eh: gwluhuh' dih,: ka: Gwlor: baa'-a mu a eh-a' geli': za-dih-deh a-uh 'nyi-:: eh or dhe-a dih 'do or-a' nyor⧾ bo. Deh no-eh,: Gwlor: baa' 'Klae, or-:: korn 'bhoi-yu-deh: a no. 'De mor deh⧾-zon:⧾: no-nyor⧾-a' klehkpeh, an mu deh⧾-zon:⧾ on no-a, en-' geli': za-dih-deh 'ye-: 'tene': kpeen:. Deh no-eh, Nyorsoa-a': za: gwie-for: due'. :Yee' a: mor 'ble-a 'ge-nynuu, a 'ble a-a'a: 'ge-nynuu 'de 'yi 'sleh ka 'di. A-a': ne-': bhuli'-'. A: na-dih-eh: gwluhuh' dih,: ka a-a' 'jeh: ke, a 'ble-a Nyor: Klaba' 'de Nyorsoa 'bli yai'. A 'duo: a-a' ti-a' klehkpeh-' 'do Nyorsoa bo: wlu-eh bo.: Mor a: taa 'de or bo wlu,: yee' 'do: wor a-a' 'dlu 'di dih: na-dih-eh-a' klehkpeh 'ye: ne. A po or-a' 'zio: ke. A bale-or 'do: a-a' dhih bo: ke, 'de: kpaa' 'ye 'o 'wluh 'do: a bo,: a 'ye or-a' tubo-wlu⧾ po,: a 'ye 'slan: or kor-a 'Klae 'i, or-a' dhih-': za. Deh no-eh, en-' dhih: oo', 'on: ne: kasue 'di: naa. :Yee' a: wlu 'de Nyorsoa bo, 'on 'ye: wlu: ka 'on: korn 'on 'ye-a wlu-a' no, 'de 'on 'ye-eh' ken dih zela: deh 'jeh, on 'ye-eh' dih 'worn. A no: toror': korn-deh⧾ 'do nyor⧾: on se-a 'Klae-a' dhih dhih 'jeh-' po ybei'. Ti-a' klehkpeh a 'ble-a, a: no-dih-ih: koan: 'jeh nor-' 'do on ybei'. :Yee' 'nyi deh a mu-a-': za, a 'wla: gwluhuh' dih, 'de nyor⧾ 'ye a: dou'⧾ bo: to. 'De: mor nyor dhele a deh dih, 'de a 'ye eh-a' gbor: za-da yubo: 'de: dhehehn: ka 'di. :Yee': Teki'kor:: or no-a: a-a': dhih: kma-de-di', 'de: or no-a: dhehehn-koan:: no-nyor-: 'dekorn:: a 'be 'bhoi-yu-: 'de: Gwlor: baa'-a' deh 'di, or-: mu a tubo-wlu⧾-a' klehkpeh 'nyi-: 'do 'an dhih bo. Eh-:: korn dhih 'de 'an dbo-or 'de a bo, or 'ye 'de a-a' 'kpih po, 'de or 'ye a: gwluhuh' zela:: ka 'noror: a bo: ne-a. Or-:: Oni'sima-: mo-:: an mu 'de: yi-dih:: or no-a: a-a' 'Klae: dhih: kma-de-di', 'de: or no-a: dhehehn-nyor. Mo-:: an mu a deh⧾-a' klehkpeh: en mu-a 'dlu bo 'noror: a bo: gwluhuh' zela:. 'Alita'kor:: or: ne 'on: ne-a 'noror: kasue 'di, or 'da, or-: 'ye a-uh. 'Make: or: ne: Bana'ba no-a 'de-di': yi-nyor⧾-a' 'nynuu, or 'da or-: 'ye a-uh: ke o. A 'ye 'chlee-deh 'weh, 'do or-a' dhih bo,: eh zela:-a a: gwluhuh', a 'ye-or dih kpon,: mor or yi 'de a bo. :Jasua': or: korn 'nyne: nee' 'dhu-a 'Jehtor-', or 'da, or-: 'ye a-uh: ke o. Nyor⧾ taan: daa mo-: no: Jueh'-nyor⧾ 'klein': on 'wluh 'de: Jueh'-nyor:⧾: on po-a: Yusu'-a' dhih dhih 'jeh-' 'nyne-', 'de: on: ne 'an no-dih: koan: dha: due', 'do Nyorsoa-a' nyor⧾ wlu 'ken: korn-eh-a' dhih bo, 'de on 'worn, on dhe 'on: porluh 'di dih 'gabaa. :Ipa'fa 'da, or-: 'ye a-uh,: or no-a a-a' nyor: due': ke, 'de: or no-a: Yusu' 'Klae-a' 'bhoi-yu. Or wlu 'de Nyorsoa bo 'weh 'do a-a' dhih bo, 'do ti-a' klehkpeh bo 'gabaa. Or dhele Nyorsoa-: dih, or 'ye-eh' no, 'de a 'ye-eh yubo: deh 'jeh, deh⧾ Nyorsoa 'bhorn-a a 'ye-a' no, 'de a 'ye en-' klehkpeh no deh 'jeh. 'An 'jeh 'yor-eh: 'on 'beh-dih: 'on 'ye-eh' ken dih zela:: ka or no-a: koan:: no-eh 'gabaa 'do a bo, 'dekorn: nyor⧾: on 'ti-a: gwlor⧾ an 'da-dih-a 'Lolesi'a-: 'dekorn: 'Yala'poli-:. 'Lu: or no-a: a-a' kwein:: di-nyor 'de: or no-a: a-a': dhih: kma-nyor, or-: 'Dima-: on 'da, mo-: 'ye a-uh. A zela:: a-a' 'Klae: de-di'-boi': on: ne-a 'Lolesi'a,: gwluhuh',: a: mor 'ye-uh o, 'dekorn:: a-a' 'de-di'-nynor-kpao': Nefa'-:: korn mor 'chore: eh 'gbon-dih-a 'de or 'bli 'gbu: ke-:. :Yee': mor 'chlee-deh:: daa eh: zlo-eh: 'de a bo,: yee' a 'ye-eh bo, eh 'ye: zlo-eh: 'do 'chore: eh: ne-a 'Lolesi'a ybei'. 'De mor 'chlee-deh: 'Klae: de-di'-boi': on: ne-a 'Lolesi'a, an mu-a a bo 'chle-:, a zlo-eh: ke. A zela:: Aki'pa: gwluhuh', or 'ye-eh' bo 'ye,: koan:: or 'nyi-eh or-uh, 'de: Gwlor: baa'-a' deh 'di, or 'ye-or 'i gweh. 'Mor: or 'dhu-a: Poror'-', 'an 'jeh 'yor-eh-a' son, mo-: 'on no, 'de 'on 'chle-a 'yee'-wlu:⧾: daa bo, 'mor 'ye a-uh. Nyor-a' 'ma-dih:-' 'an dhih bo,: ka 'on: ne-a 'noror: kasue 'di. 'Nyi Nyorsoa-a' mla: ne 'o a bo o. 'Mor: Poror'-:: Salor'-: 'dekorn:: Timehte'-:: a: mor 'ye a-uh, a: mor: or 'dhu-a 'chore: eh: ne-a 'de 'Tehsolo'nika-gwlor 'di: or: korn-a 'de Nyorsoa: or no-a: a: Baa'-: 'dekorn:: Gwlor: baa': Yusu' 'Klae-: bo. Mla-: 'dekorn: wlu-' dih 'worn-eh-: 'do a bo. :A po Nyorsoa-a' 'zio 'weh 'do a-a' klehkpeh-a' dhih bo.: Mor: a: taa 'de or bo wlu,: yee': a po 'de a-a' 'nyne 'weh. Deh no-eh,: mor: a: taa 'de: a-a' Nyorsoa: or no-a: a: Baa' bo wlu,: yee': a po 'de a-a' 'nyne 'weh,: ka a no-a: koan:: no-eh 'de a-a' dhih 'jeh-': po-eh 'di-: 'dekorn:: ka a-a': ybeh-dih-eh no-a eh-a' no-a' 'de a no-a: koan 'gabaa-: 'dekorn:: ka a-a' deh: gwlii': dhe-eh: a 'ble-a 'de: a-a': Gwlor: baa': Yusu' 'Klae-deh 'di, 'de eh ku-a dih 'gabaa-:. :Yee' a: mor: or 'dhu-a: a-a' 'Klae: de-di'-boi'-',: a yubo-eh': ka Nyorsoa: ybeh-a a-uh, 'de or gan a-uh, a 'ye-a' 'de or bo: korn. Deh no-eh, eh: se: a-a' wlu⧾ 'plo: due',: a: se-' no,: a: se-' 'de Nyorsoa-a' tubo-wlu:⧾ 'jeh: ya, 'de a bo. Jorwor: Gban 'i: ne: Zulu-a' 'kpih, me-:: a no. 'De: a: to-dih: a 'i: ka: a no-a dhih-a' 'yor-eh: en: ne-a 'noror tubo-wlu:⧾ 'jeh: daa 'di en-' dhih 'jeh-': po-eh deh 'jeh.: Yee' ti: a: ne-a 'de a bo, a yubo: 'kmo: a: ne-dih:-a 'kmo 'weh. En-' klehkpeh: daa,: a no-ih' 'do a-a' dhih bo. 'Kmo: a: ne-dih:-a 'kmo-: 'dekorn: 'kmo: Gwlor: baa': ne-dih:-a 'kmo-: mo-:: korn 'gor a zi 'o klei'. Keen': mloror', nyor⧾ 'ye-dih: a 'kle 'weh 'gabaa, jorwor: a po tubo-wlu:⧾ 'jeh: daa dhih 'jeh 'gboror: 'de 'mona: ka 'di,: or 'wluh-a 'de Gban 'i: ne: Zulu bo. :Yee' 'do eh-a' dha, a: mor 'Klae-a' dhih 'jeh-': po-nyor⧾-a' klehkpeh: on: ne-a 'Masordo'nia-bluhba ken-: 'dekorn:: Ehki'a-bluhba ken-: a: mor an mu ya pobo:. Eh: se 'Masordo'nia-: 'dekorn:: Ehki'a-:: due', tubo-wlu:⧾: en kor-a: Gwlor: baa' 'i, en: se-': po-dih-eh:, jorwor: a: mor no-eh, 'de en mu deh⧾-' dih. 'De mor a-a' Nyorsoa-a' dhih 'jeh-': po-eh-a' 'nyne mu deh⧾-a' klehkpeh-' dih 'weh: ke. Deh: neheh' se 'o: ne,: a 'ye 'o: za-dih:. Nyor⧾-a' klehkpeh: daa, an za-ih' 'weh: ka a no-a: a-a' dih: kpon-eh, ti: a yi-a a 'ye 'da, 'dekorn:: ka a no-a zuu⧾-a': weheh': za-eh dih 'tali-eh:, 'de a yi-a 'noror Nyorsoa bo: or no-a Nyorsoa 'jeh nor, 'de: or no-a 'kmo: ne-Nyorsoa, a 'ye-or: weheh': za. 'De a fuo or-a' 'yu: Yusu' 'Klae-a' de: yi-ti ken, or 'ye 'de Nyorsoa 'bli yai' 'wluh.: Yusu' 'Klae: daa, or-: Nyorsoa: za-a: 'de nma-dih-deh 'di, 'de or: za 'o: a Nyorsoa-a' 'chehn-yuba:: or yi-a 'de 'zorn. :Yee': a-a' 'Klae: de-di'-boi'-a:, a-a' 'jeh 'yor-eh:, a yubo-eh',: a: se-' a 'ye 'da yi yaa'e. A-a' 'jeh 'yor-eh:, a yubo-eh': ka on no-a: a-a' 'kle 'ye-dih-eh, 'de on no-a: a-a' 'jle-dih-eh 'de: Fele'pa-gwlor:-', 'de jorwor:: a mu-a 'de a bo: yi. Keen': mloror' nyor⧾: doru' mo-:: se-': a-a' dhih 'worn-dih:. Jorwor:: a-a' Nyorsoa po: a 'kpih bo,: a 'ye tubo-wlu:⧾ 'jeh: daa: en 'wluh-a 'de or bo po, 'de a bo. :Yee': mor eh 'dhu: a: taa Nyorsoa-a' dhih-' za 'de a bo, 'de: a: taa 'de 'kpih po, a 'ye-ih' dhih 'jeh-' po,: a-a' 'tmo sih,: a-a': po-dih: nyor⧾ 'sleh dih, 'de mor: a-a': bo-dih: nyor⧾ dih. Jorwor:: ka Nyorsoa 'bhorn-a: a 'ye-a': wlu-a' no, 'ka-:: a no: wlu-a'. Deh no-eh, or dhe: a: gwlii', 'de or 'duo:: a-uh, or po 'de or-a' tubo-wlu:⧾ 'jeh 'de: a 'kwa.: A: se-eh' no,: a 'ye: gwlor-nyor⧾-a': porluh⧾ dih 'pehn-dih:. Jorwor: Nyorsoa: or pobo-a 'o: a-a': porluh⧾ ken, or-a': porluh: mo-:: a 'bhorn: a 'ye dih 'pehn-dih:. A yubo-eh' deh 'jeh,: a: se 'de yi,: a 'ye a dhih bo po,: eh gweh-a: ka: a 'bhorn-a deh 'de a 'kwa: deh. Eh: se: a 'bhorn deh 'de a 'kwa: deh, eh-:: korn dhih: a po Nyorsoa-a' tubo-wlu⧾ 'de a bo: deh. Nyorsoa yubo: deh: a no-a 'weh. :A: se-' deh⧾ no, a mor-:: korn mor nyor⧾: noo'-: a 'ye: a dhih bo po. Keen': mloror',: ka: a 'dhu-a: Yusu'-a'a: dboo-nyor⧾-',: yee': a: bleh-dih-eh 'i: dee',: a 'ye a deh 'yba-dih:. Jorwor:: a-a': porluh⧾: nmor worn ti: a: ne-a 'o a bo. Eh-: no-eh, 'de: a pobo 'o a bo dih,: eh gweh-a: ka 'de-a pobo-a 'o or-a'a: 'nynuu bo dih. :Yee': ybeh-eh:: a 'ble-a 'do a bo, eh-: no-eh, 'de: mor eh 'dhu deh-', 'de: a 'worn-dih-eh ken dih,: a 'ye: a-a' 'jeh 'kwla: za,: a 'ye 'meh, 'do a-a' dhih bo. Eh: se Nyorsoa-a' tubo-wlu:⧾ 'jeh: due', me-:: a 'ye-ih a: torne:: deh. Deh no-eh,: a: ybeh a-uh' 'weh 'gabaa. Keen' 'jeh ka,: a-a' 'Klae: de-di'-boi'-a:, a yubo-eh': ka: a no-a: koan:: no-eh 'gabaa, 'de eh zi-a 'o ken dih. Deh: korn-a dhih: a no-a: koan, 'gwie-:: glaa'e-: eh-: 'dhu: a: se-' 'bhorn: a 'ye a 'dlu: dhe ti: a po-a Nyorsoa-a' tubo-wlu:⧾ 'jeh 'de a bo. A-a' 'jeh 'yor-eh yubo: deh: a no-a 'weh, 'de mor Nyorsoa yubo: deh: a no-a 'weh: ke. Ti: a: ne-a 'de a: mor: or 'dhu-a 'Klae-a' dhih 'jeh-': po-nyor⧾ bo,: a: gweh-': vlehehn', 'de: a no 'yi 'sleh-deh⧾, 'de mor a se 'beh-dih: a 'ye: a dhih-zon⧾ 'bhun-': za-dih:. A yubo-eh': a: za-dih: a-a' klehkpeh: daa 'weh,: ka 'nynuu: baa' no-a or-a'a: 'nynuu-': za-dih-eh. :A po a 'kpih bo 'weh, 'de: a dhe a: porluh⧾ 'di dih, 'de: a zela: a: gwluhuh' deh 'jeh 'gboror:, a 'ye 'kmo: an 'pehn-dih-a Nyorsoa-a': porluh dih 'kmo-': ne-dih:,: or 'da-a a-uh, a 'ye-a 'for 'ble 'noror or-a' 'jeh-a' nyor⧾ wlu 'ken: korn-eh 'di-: 'dekorn: or-a' dhih-a' 'i 'beh-a' 'di-:. Deh: neheh': ne 'o, eh-:: korn dhih: a po Nyorsoa-a' 'zio 'do ti-a' klehkpeh bo. Ti: a po-a Nyorsoa-a' tubo-wlu⧾ 'de a bo, a 'worn-ih', 'de a kpon-ih dih. A kpon-ih-: dih: ka nyor-a kpon-a Nyorsoa-a' tubo-wlu⧾ dih,: en: se-a: gwlor-nyor⧾-a': ne. Keen', en no Nyorsoa-a' tubo-wlu:⧾ 'jeh ka. 'De a: mor: or po-or dhih 'jeh-', Nyorsoa-a no: koan: 'de a-a' 'kmo: ne-eh 'di. :Yee': a-a' 'Klae: de-di'-boi'-a:, deh: eh: no-eh 'de Nyorsoa-a' 'chore-nyor:⧾: on: ne-a: Judi'a-bluhba ken bo,: on no-a nyor⧾: on: ne-a 'de,: on: korn-a 'de: Yusu' 'Klae bo. Eh: no-eh:: ke 'do a bo, a-a' 'jeh 'yor-eh-a' nyor⧾: on: ne a 'ti-a dha a 'bli-bluhba ken, mo-: 'ye-dih: a 'kle. 'Ka-:: Jueh'-nyor⧾ no: ke, 'de on 'ye-dih: 'chore-nyor:⧾: dao' 'kle: ke. Mo-:: ne-a: due', mo-: 'dba: Gwlor: baa': Yusu'-: 'dekorn: Nyorsoa-a' wele-eh:: po-nyor⧾-:. 'De on no: a dih. An po Nyorsoa-a' 'chehn-' 'gabaa. On 'nyeh nyor⧾-a' klehkpeh-' 'weh. An-a' 'jeh, an vorn-' on 'ye: a 'borboa' 'i po,: a 'ye Nyorsoa-a' tubo-wlu:⧾: po-eh 'bor 'de nyor⧾: on: se-a: Jueh'-nyor⧾ bo: en mu-eh: no 'de on 'ye-a' 'puh. Deh⧾-zon⧾-a' klehkpeh on 'duo:-a no-a', deh-zon:: yeh: daa, on 'bor-dih:-a 'o, eh-: zi 'o en-' klehkpeh-'. 'De: kana: naa Nyorsoa-a' 'chehn-yuba 'bili: 'de on bo 'weh. Jorwor:: a: mor: mloror', 'Klae: de-di'-boi'-a:, ti: a: tehn-dih: a bo dih 'do ti-kpor-bei 'di, keen': mloror': a-a' 'jeh 'yor-eh-a' nyior-tu: se 'de a bo: ne, jorwor:: a na-dih a-a' dhih: gwluhuh' dih 'weh 'do ti-a' klehkpeh bo.: A 'bhorn: a 'ye-a a 'ye 'gabaa. Eh-:: korn dhih: a vorn: a 'ye a 'ye: neheh'. :A 'bhorn: a 'ye a 'ye 'da yi: dee'. 'An 'yor-eh:, 'on vorn-' 'do ti: dhulu' 'di, 'on 'ye 'de yi. Jorwor: 'ku-a' 'worn. Eh: se a: mor: or se-eh no 'de: a: se-' deh: gwlii': dhe-eh-: 'mona-: 'dekorn:: a-a' 'jeh 'i 'beh-dih-eh-: 'ble-: i, 'do: a-a': Gwlor: baa': Yusu' ybei' 'do 'we-eh: or mu-a 'de: ya 'di: e? Keen' 'jeh ka, a: mor 'beh-dih:: a-a' buh⧾ 'i, 'de a po: a 'mona 'di. :Yee': a se-eh 'i: nyna-a' 'beh-dih:: neheh',: mor: a se a 'ye. Eh-: no-eh, 'de: a 'dhu 'i,: a-a' 'bleh 'bleh 'ye 'Atehn-gwlor 'di dih: dhe. 'De: a dbo: Timehte' 'de a bo,: or no-a: a-a' 'Klae: de-di', 'de: or: ne: a no-a: koan 'do Nyorsoa bo, 'do tubo-wlu:⧾ 'jeh: en kor-a 'Klae 'i, en-': po 'da.: A dbo-or', or 'ye 'de a-a' 'kpih po, 'de or 'ye-eh' no, a-a' dhih 'jeh-': po-eh 'ye dih ku, 'de 'kle 'ye-dih-eh: nyor⧾-a 'ye-dih a-uh, eh: ne-eh' no, 'de a-a' nyor: ne-' 'Klae-a' dhih 'jeh-': po-eh dih 'tali:. A-a' 'yor-eh:, a yubo-eh', Nyorsoa-a za 'kle 'ye-eh:: eh: ne: ao' 'yli-eh dih, 'de eh yi 'o: a bo. 'De mor ti: a: ne-a 'o a bo 'gboror:,: a sie ti de, 'de: a zela: a: gwluhuh',: ka nyor⧾-a mu-a: a 'kle 'ye-dih:. 'De a yubo-eh' 'jeh ka, 'ka-: eh: ne: kpeheh:. Eh-:: korn dhih, 'de 'on dbo: Timehte' 'de a bo. Deh no-eh, 'on: se-eh' 'i: nyna-a' 'beh-dih:: neheh'. 'On dbo-or' 'de a bo 'weh, or 'ye dhih 'jeh-': po-eh: a 'ble-a 'de 'Klae-' 'ye. 'De 'an na-dih a-a' dhih: gwluhuh' dih, 'de 'ku: ne-' a dih 'dhen, a: ne-' deh-zon no, 'de: a-a': koan-a' klehkpeh: a: no-dih:-a, 'de or: ne-' deh 'plo no. Jorwor:: Timehte' yi-: de: naa. 'De or: ya 'de kuna'⧾ 'jeh, 'do a-a' dhih 'jeh-': po-eh-: 'dekorn:: ybeh-dih-eh-: bo. Or zela:: a: gwluhuh' 'weh: ka a na-dih-a: a-a' dhih: gwluhuh' dih deh 'jeh, 'de a 'bhorn-a a 'ye-a: a 'ye 'gabaa,: ka: a no-a 'de: a 'bhorn-a,: a 'ye a 'ye: ke. :Yee' 'do eh-a' dha, 'kle nyor⧾ 'ye-dih:: a-uh-: 'dekorn: 'worn dih 'beh-dih-eh-: en-' klehkpeh: daa: a 'ye-a,: yeh: a 'worn-a kuna'⧾ 'jeh: en 'wluh-a 'de a bo,: a-a' 'Klae: de-di'-boi'-a:,: yee' eh po 'de: a-a' 'kpih 'weh. A-a' dhih 'jeh-': po-eh:, eh-: 'o: eh po 'de: a-a' 'kpih. :Yeh: a 'worn-ih'-a: ka a: nyna-a dih deh 'jeh 'de: Gwlor: baa'-a' deh 'di,: yee': a van-dih: dih, 'de 'mona no: a-uh. :Yee': kana: naa,: a po Nyorsoa-a' 'zio 'do a-a' dhih bo.: A po or-a' 'zio 'do 'mona:: a 'ble-a 'do or ybei' 'do a-a' dhih bo. 'Gwie-:: glaa'e-:: a dhele-or dih 'do: a-a': porluh⧾-a' klehkpeh bo, or 'ye-eh' no, 'de a: ne: a 'ye 'ye-dih:: neheh', 'de deh: yeh: sie:-a 'o 'do a-a' 'Klae-a' dhih 'jeh-': po-eh 'di, 'on 'ye-eh a-uh: torne:. :Yee' 'nyi Nyorsoa: or no-a: a: Baa', or-a' 'jeh 'yor-eh-: 'dekorn:: a-a': Gwlor: baa': Yusu'-: on po: gwie:: eh yi-a 'de a bo 'kpa, 'de: a 'ye 'de a bo yi. 'Nyi: Gwlor: baa' no-eh, a-a': ybeh-dih-eh 'ye ken dih 'kpuhba: 'de a 'nyne-: 'dekorn: nyor⧾-a' klehkpeh-:. A: ybeh-dih: 'gabaa, eh 'ye 'o ken dih: zi, eh 'ye: ka: a no-a a-a': ybeh-dih-eh ken: yeh-dih:. :Yee' 'nyi or 'nyi a 'kpih, 'de: mor or 'yle, 'de nyor⧾-a' klehkpeh: on: korn-a 'de or bo, on 'ye-or 'de dih 'gola:,: yee' a: se-' dhih 'bhun: ne i, 'de a 'ye: vlehehn'-': gweh 'do: a: Baa' Nyorsoa ybei'. :Yee' eh-a' klehkpeh-a' 'dlu-': jla 'da,: a-a' 'Klae: de-di'-boi'-a:,: a: torne: a-uh: ka a 'ye-a 'kmo: an 'pehn-dih-a Nyorsoa-a': porluh dih, an-a': ne-a' no 'weh. Keen', 'ka-: 'o a no 'kmo: ne-eh.: Yee': a bale a 'weh, 'de: a 'neh a ken, 'de: Gwlor: baa': Yusu'-a' 'nyne 'di, a 'ye-eh' no, eh 'ye 'o ken dih: zi. Deh no-eh, a yubo: deh: a zela: a: gwluhuh' 'weh, a 'ye-a' no. 'Tele': daa eh 'wluh 'de: Gwlor: baa': Yusu' bo. Deh Nyorsoa 'bhorn-a a 'ye-a' no, eh-: 'dhu a 'ye: vlehehn'-': gweh, 'de a 'ye 'tmeor:⧾: korn-eh dih 'tali:: ke. A-a' klehkpeh, a: korn a 'ye a-a' yau-a' wlu 'ken: korn-eh 'chean': due': due' 'de: vlehehn'-': gweh ka 'di-: 'dekorn: a-a' yau-a' deh-' 'ye-eh-:: ke. A-a': porluh⧾-a': sin-' 'do 'tmeor:⧾: korn-eh-a' dha,: ka 'kmo bo-nyor:⧾: on se-a Nyorsoa yubo:, an no-a. :Yee' nyor-a' 'bhorn-:-' or 'be-a' 'nynor.: Mor or no-eh,: yee' or-a' 'dlu dih 'vleh-eh: 'o, or no.: Yee' or no deh-zon: 'do or 'bhun: ke.: A zela: a deh: daa: gwluhuh' 'weh see. 'De: a 'dhu a 'slen deh 'jeh,: ka: Gwlor: baa'-a mu-a nyor⧾: an no-a deh⧾: dao' 'kle 'ye-eh 'dlu: po. Nyorsoa: se-': a 'da,: a 'ye 'tmeor:⧾: korn-eh 'kmo-': ne-dih:. Jorwor: or 'da: a 'weh,: a 'ye: vlehehn'-': gweh-eh-a' 'kmo-': ne-dih:. :Yee' eh-a' dhih, nyor: or se-a nyor⧾ deh: torne-eh:: daa dih kpon,: yee' eh: se nyor: or: torne-or deh, or-: 'o or: se-' dih kpon: deh. Jorwor: Nyorsoa: or 'nyi-a or-a' Gban 'i: ne: Zulu a-uh, or-: 'o or: se-' dih kpon. :Yee' 'on se: korn 'on 'ye a bo 'chle: eh: mor a: ybeh a 'bei' 'Klae-a' dhih 'jeh-': po-nyor⧾-'. Deh no-eh, Nyorsoa-a' 'jeh 'yor-eh: torne: a-uh 'weh: ka a 'ye-a a 'bei'-a': ybeh-a' no. Keen' 'jeh ka, 'ka-: a no. A: ybeh 'Klae: de-di'-boi'-a' klehkpeh: on: ne-a dha 'Masordo'nia-bluhba-a' klehkpeh ken 'weh.: Yee': a bale a 'weh,: a-a' 'Klae: de-di'-boi'-a:,: yeh a mu-a: no, eh 'ye 'o ken dih: zi. A 'nyi eh: ne 'o a: porluh⧾ ken, a: ne-': dhlumeh': doru': po-eh: 'kmo-': ne-dih:. A-a': po-' nyor⧾-a' dhih buh 'di. A no: koan: a 'ye a-a' 'jeh-a' deh 'bhorn,: ka: a no-a a-a': gwluhuh' zela-eh: zai'. :Yee' 'de: ka: dao' 'di, a mu-eh: no, 'de nyor⧾: on se-a 'Klae-a' dhih dhih 'jeh-' po, on 'ye a deh-' 'ye.: Yee' a: se-' nyor⧾ 'dlu: dhe i. :Yee': a-a' 'Klae: de-di'-boi'-a:,: a: se-' 'bhorn eh 'ye 'de a 'di dih: kpe-dih:, 'do nyor⧾: on 'meh-a see 'bhun, 'de a: ne-' 'zlu 'do an-a' dhih bo,: ka nyor⧾: on se-a deh: gwlii': dhe-eh 'ble, an no-a 'zlu-a' 'do 'meheh'-nyor⧾-a' dhih bo, on no-a on: se-uh' 'ye-: i: neheh'. :A po-eh' dhih 'jeh: ka: Yusu' 'meh-a, 'de or 'wluh-a 'de nma-dih-deh 'di.: Yee': ka eh 'dhu-a dhih 'jeh-',: yee' Nyorsoa-a mu 'de nyor⧾: on po-or dhih 'jeh-', 'de: on 'meh-a, nma-dih-deh 'di: za: ke, 'de or 'ye mo-:: Yusu'-: de: ya 'do or-a' 'jeh bo. Deh: Gwlor: baa'-a' 'yor-eh: torne:: a-uh, eh-: 'o: a torne a-uh.: A: mor: or mu-a 'kmo-': ne 'do 'we-eh:: Gwlor: baa'-a mu-a 'de: ya 'di,: a: se-' nyor⧾: on 'meh-a ybei': mu i 'de Nyorsoa 'bli yai'. :Yee' nyor⧾-a mu wlu 'worn-: on 'ye 'wor, on 'ye 'tele' 'nyi, 'de 'enjor:: klaba': due' 'ye: wlu. Nyor⧾-a mu Nyorsoa-a': gamu-a' wlu 'worn-:. 'De: gwlor: baa'-a' 'yor-eh 'ye 'de Nyorsoa 'bli yai' 'wluh.: Yee' nyor⧾: on po-a 'Klae-a' dhih dhih 'jeh-', 'de: on 'meh-a, mo-:: an mu 'de nma-dih-deh 'di 'wluh-:: zai'. :Yee': a: mor: or: ne-a 'kmo-', 'de: or po-a 'Klae-a' dhih dhih 'jeh,: yee' on: ne: a mu: dha: due' 'kpa-: 'de 'ni-kpan⧾ 'nyne-', 'de: a 'ye: Gwlor: baa' 'yi 'ya-dih: 'do yao: gwlii'.: Yee': a mu 'o or bo: ne: ka ti-a mu-a 'dlu: tehn. :Yee' eh-a' dhih, a no wlu⧾: daa, a 'ye 'de a 'bei'-a' 'kpih po: due': due'. :Yee' 'an 'Klae: de-di'-boi'-a:, 'on se: korn 'on 'ye a bo 'chle, 'do ti deh⧾: daa en mu-a: no-dih-eh 'di. Deh no-eh, a-a' 'jeh 'yor-eh:, a yubo-eh': ka 'ylii'-nyor⧾-a no-a 'de yi-a', 'ka-: 'we-eh:: Gwlor: baa'-a mu-a 'de: ya eh mu: ne. :Mor nyor⧾ 'da, Vorn-a' se: ne,: a 'puh-',: yee' 'yli: a bla-a 'i, on: ne 'de an-a' 'jeh 'worn 'ye-eh 'di 'gabaa.: Ka 'kwli-a no-a 'nynor-a' ken: ge-dih-eh, 'ka-: eh mu 'de yi-a': no.: Yee' on: se-' eh-a' 'zorn-a' 'wluh-eh 'beh-dih: i. Jorwor: a: mor: mloror', 'an 'Klae: de-di'-boi'-a:, a se 'de: kule-': ne.: Yee' 'we-eh:: dao', eh se: korn eh 'ye a ken: ge-dih:: ka 'ylii'-nyor no-a. A-a' klehkpeh, a no nyor⧾: on: korn-a 'de zorn-pli bo, 'de a: korn 'de zorn bo: ke.: A se 'de glu-: 'dekorn:: kule-: bo: korn. :Yee' eh-a' dhih, a 'bor 'mo-a': ka nyor⧾: noo'-a no-a. A 'nyi: a: sorn-'. A 'nyi: a: korn: a-a' 'jeh wlu 'ken,: a: ne-' deh-zon no. :Mor glu gor, 'de nyor⧾-a 'mo. 'De mor: mor glu gor, 'de nyor⧾-a 'na nomor, 'de nomor-a no-uh. Jorwor:: a: mor: mloror',: a: korn 'noror zorn bo.: Yee': a: korn: a 'ye: a-a' 'jeh wlu 'ken: korn,: a: ne-' deh-zon no. A 'nyi: a 'ble dhih 'jeh-': po-eh-: 'dekorn:: ybeh-dih-eh-: eh 'ye: a-a'a: deh nyor kan-dih-a 'o: gwlii' 'de or vorn-a no. A 'nyi: a dhe-eh: gwlii': eh: mor Nyorsoa-a mu: a 'puh-dih:: gbor: gbor, eh 'ye deh nyor 'dhu-a 'dlu, 'de deh-a' tba-or no. Nyorsoa: se-': a gan: a 'ye 'kle 'ye 'do or-a' 'chehn-yuba 'zorn, jorwor:: a 'ye 'puh-a': or: yi-dih:-a: a-a': Gwlor: baa': Yusu' 'Klae-' 'ye: dhih 'o, eh-:: korn dhih or gan: a-uh. :Yusu' 'meh-' 'do: a-a' dhih bo. 'De 'we-eh: or mu-a 'de: ya,: mor: a-a': yeh 'meh, 'de mor: a-a': yeh: ne 'kmo, or: ne: a 'ye 'kmo: dha: due': ne-dih:. :Yee' 'do eh-a' dha, a po 'de a 'bei'-a' 'kpih: due': due'.: Yee' a: za-dih-uh': ka a no-a: naa. :Yee' a-a' 'Klae: de-di'-boi'-a:,: a bale a 'weh, a 'ye nyor⧾: an no-a: koan 'de a 'nyne-' deh-' 'ye deh 'jeh. Mo-:: an na-dih a-uh, 'de: Gwlor: baa'-a' deh 'di, 'de: an zela a: gwluhuh': ka a 'ye-a 'kmo-': ne-eh no. A 'nyi-uh deh-' 'ye-eh-a' klehkpeh.: Yee' a ybeh-uh': ke, 'do: koan: an no-a bo.: Yee' a kpon-dih: ken dih 'de a 'nyne-': ke. :Yee': a 'neh a ken, a: mor: or 'dhu-a: a-a' 'Klae: de-di'-boi'-', a zela: nyor⧾: on vlan-a: gwluhuh', on 'ye vlaan-deh⧾-a' no-a' 'bor. Nyor⧾: on: fano: ne-a 'o: gwlii', a za-uh: fano: gwlii'. A: za-dih: nyor⧾: on se-a dih ku-'. A kpon: porluh dih, 'do nyor⧾-a' klehkpeh bo. A 'ye-eh' bo, nyor: ne-' deh-zon kpa-': za-dih:. Jorwor: 'do ti-a' klehkpeh bo, a 'ble-dih-eh 'o a: gwlii' a 'ye deh⧾ 'jeh ne no 'do a 'bei' bo, 'dekorn: nyor⧾-a' klehkpeh-:. A 'yi-dih: 'mona-' dih 'do ti-a' klehkpeh bo. A: wlu 'de Nyorsoa bo 'do ti-a' klehkpeh bo. A po Nyorsoa-a' 'zio 'de deh⧾-a' klehkpeh 'di. Eh-: or 'bhorn 'de: a-a' 'kmo: ne-eh 'di,: eh kor-a: Yusu' 'Klae 'i. Nyor-a': kan-' Nyorsoa-a': Zulu 'i. Nyor-a': vlehn-' Nyorsoa-a' wele-eh:: po-eh. A 'dhen deh⧾-a' klehkpeh.: Yee': yeh: eh: nmor-a 'yi dih, a dhe-eh dih. 'De mor a: tehn-dih: deh⧾-zon⧾ 'doror: 'dor bo dih. 'Nyi Nyorsoa: or 'nyi-a: a wlu-' dih 'worn-eh: or no-eh, a 'ye 'for 'i: dhe-dih-eh: 'do or bo, 'de deh⧾-a' klehkpeh 'di.: Yee' 'nyi or no-eh, 'de a-a' 'kmo: ne-eh-: a-a': porluh⧾-a' klehkpeh-: 'dekorn: a-a' yau-: en: sor: ne deh-zon 'bhun, 'do 'we-eh:: a-a': Gwlor: baa': Yusu' 'Klae-a mu-a de: ya 'di. Nyor: or 'da-a a-uh, or 'beh-dih: or 'ye-eh' no. Deh no-eh, or no: dhehehn-nyor:. :A-a' 'Klae: de-di'-boi'-a:, a: wlu 'de Nyorsoa bo 'do: a-a' dhih bo. A kpa 'de: a-a' 'Klae: de-di'-boi'-a' klehkpeh: bhluun'⧾-', a 'ye-uh': gble-dih: 'de: porluh⧾-a': vlehehn'-': gweh ka 'di. :Yee' 'an bale a 'weh, 'de: Gwlor: baa'-a' 'nyne 'di, a 'ye 'chlee-deh:: daa zlo, 'de 'Klae-a' dhih 'jeh-': po-nyor⧾-a' klehkpeh bo. 'Nyi: a-a': Gwlor: baa': Yusu' 'Klae-a' mla: ne 'o a-a' klehkpeh bo o. 'Mor: Poror'-:: Salor'-: 'dekorn:: Timehte'-:: a: mor 'ye a-uh, a: mor: or 'dhu-a 'chore: eh: ne-a 'Tehsolo'nika-gwlor 'di,: or: korn-a 'de Nyorsoa: or no-a: a: Baa'-: 'dekorn:: Gwlor: baa': Yusu' 'Klae-: bo. Mla-: 'dekorn: wlu-' dih 'worn-eh-: 'do a bo,: en 'wluh-a 'de Nyorsoa: or no-a: a: Baa'-: 'dekorn:: Gwlor: baa': Yusu' 'Klae bo. :Yee' 'an 'Klae: de-di'-boi'-a:,: a: korn: a 'ye Nyorsoa-a' 'zio po 'do ti-a' klehkpeh bo, 'do a-a' dhih bo. Eh: nmor-: 'yi: a 'ye: ao' no. Deh no-eh, a-a' dhih 'jeh-': po-eh ku-: dih 'gabaa: naa. 'De: ybeh-dih-eh: a 'ble-a 'do a 'bei' bo: due': due', 'de eh 'kpuhba ken dih. Eh-:: korn dhih, ti: a mu-a 'de Nyorsoa-a' 'chore-nyor⧾ 'nyne-' 'de: a po a dhih bo 'de on bo. Deh a ku-a dih, 'de a se-a sea 'de a-a' dhih 'jeh-': po-eh 'di-: 'kle on 'ye-dih a-uh-: 'dekorn: a-a' 'jeh 'worn 'ye-eh-:: en: korn-a klehkpeh a: nyna-a 'i, eh-:: korn dhih: a po a dhih bo. En-' klehkpeh: daa en: to-dih:: a 'i,: ka Nyorsoa-a' zabe:: zi-eh 'sleh-a 'i. 'De deh⧾: en: yi-dih:-a a ya dih, me-: mu-eh: no, 'de a 'ye: zlo-eh: 'de Nyorsoa-a' nyor⧾ wlu 'ken: korn-eh 'zorn: eh: korn-a dhih a 'ye-a 'kle. Deh: eh 'sleh-a 'i, eh-: Nyorsoa-a mu: no. Or mu nyor⧾: on 'ye-dih-a a 'kle, 'kle 'ye-eh 'dlu: po. :Yee' a: mor: or 'ye-a 'kle-: 'dekorn:: a mor-: Nyorsoa-a mu-eh: no,: a-a' klehkpeh,: a 'ye 'kle 'ye-eh 'bor. Ti: Gwlor: baa': Yusu'-: 'dekorn: or-a'a: 'kpih 'ble-enjor-nyor⧾-: an mu-a 'de Nyorsoa 'bli yai' 'wluh-:, 'do: wor or mu-eh: no-dih:. :Yee' neh: dhulu'-a mu 'o: ne, 'de or 'ye nyor⧾: on se-a Nyorsoa-a' dhih 'worn-dih: 'kle 'ye-eh 'dlu po, 'dekorn:: yuh: on se-a 'o tubo-wlu:⧾ 'jeh: en kor-a: a-a': Gwlor: baa': Yusu' 'i, en-' 'tele' dih dhe. 'Kle 'ye-eh:: eh mu-a 'o on 'dlu: po-eh, eh mu gbe: zie-eh: no,: eh se-a 'dlu-': jla 'da: korn. 'De mo-:: Gwlor: baa'-: an mu 'i chehn-eh-dih:: ka ti-a mu-a 'dlu-': tehn, 'de on 'ye or-a' dhih-a' 'i 'beh-a' 'kpih bo dih: tehn-dih:, 'do 'we-eh:: dao' 'di, or mu-a 'de: ya. Or mu 'de: yi, or 'ye dhih-a' 'i 'beh-a' 'ye, 'de or-a' nyor⧾-a' klehkpeh 'kwa, 'de or 'ye deh-' 'ye-eh 'ye, 'de nyor⧾-a' klehkpeh: on po-or dhih 'jeh-' 'kwa.: Yee' a mu 'de on 'nyne-': ne: ke. Deh no-eh, tubo-wlu:⧾: a po-a 'de a bo, me-: a po dhih 'jeh-'. Eh-:: korn dhih,: a wlu 'de Nyorsoa bo 'do ti-a' klehkpeh bo, 'do a-a' dhih bo.: A dhele: a-a' Nyorsoa dih, or 'ye a zlo 'do 'kmo or 'da-a a-uh, a 'ye-a 'kmo-': ne-dih: bo. 'Nyi Nyorsoa-a' 'kpih no-eh, 'de deh⧾ 'jeh ne-a' klehkpeh a 'bhorn-a a 'ye-a' no, en 'ye: no-eh:. 'De en 'ye-eh' no, 'de: koan-a' klehkpeh a no-a, 'do dhih 'jeh-': po-eh-a' dhih bo, a 'ye-or' 'i gweh. :Yee' eh-: mu-eh: no, 'de: a-a': Gwlor: baa': Yusu'-a' 'nyne 'ye dhih-a' 'i 'beh-a' 'ye 'de a 'kwa. 'De or 'ye-eh' no, a 'ye dhih-a' 'i 'beh-a' 'ye: ke. Deh no-eh,: a-a' Nyorsoa-: 'dekorn:: Gwlor: baa': Yusu' 'Klae-: on po a mla: dhulu' bo. :Yee': a-a': Gwlor: baa': Yusu' 'Klae-a' de: yi-deh-: 'dekorn:: a-a': dha: due' 'kpa-eh 'do or bo-: 'an bale a 'weh, 'an 'Klae: de-di'-boi'-a:, :mor nyor⧾: noo' 'da, 'We-eh:: dao', eh nyni 'o: weh, 'de nyor⧾: noo' 'ye: ao', Nyorsoa-a': Zulu: zela-uh: gwluhuh': eh: mor eh nyni 'o: weh, 'de: noo' 'ye: ao',: a: mor 'chle 'chlee-deh:: or za-ih': eh: mor eh nyni 'o: weh, a-a' 'worn-:-' nyor⧾: dao', an-a': za 'o a-a' 'dlu⧾: gwie 'i: wleh o, 'de a-a': ple-': fano: ke. A-a' 'worn-:-' nyor-a': bo-dih:-' a dih klehkpeh klehkpeh. Deh no-eh, 'we-eh:: daa, eh 'see 'de yi kele'a:.: Mor ti: dao', en 'ye 'o nyni,: yee' nyor⧾: dhulu'-a mu Nyorsoa worn: bla-dih:, 'de on 'ye-or 'kpuh ya: to, 'de 'kulu-nyor: Nyorsoa-a mu-a gbe: zie:, or 'ye 'bluhba 'i 'wluh-dih:, 'de jorwor: 'we-eh:: dao', eh 'ye 'o nyni. Or mu deh⧾-a' klehkpeh nyor⧾-a 'da-dih-a nyorsoa⧾, bo: vorn,: korn mor deh-beh-deh-beh: nyor⧾-a za-a: weheh'-:. Or mu-eh: no, or 'ye en-' klehkpeh 'dlu: ne. Or mu: mu 'de or 'ye 'de Nyorsoa-a' 'sla 'zorn dih: dhe: sloror', 'de or 'ye or-a' 'jeh Nyorsoa 'da-dih:. A se 'beh-dih: a 'ye deh⧾: daa: gwluhuh' bo: po-dih:: e? Ti 'on: ne-a 'o a bo, 'on: se-' a deh⧾-a' klehkpeh: daa: gwluhuh' zela:: e? :Yee' a-a' klehkpeh, a yubo-eh' deh: eh: ne-a 'o, 'de deh: daa, eh 'see-a no-eh kele'a:. 'Do 'we-eh: eh: korn eh 'ye-a': no-dih-eh 'di,: mor eh nyni 'o,: yee' 'kulu-nyor:: dao', or mu 'bluhba 'i 'wluh-dih:. :Yee' 'kulu-kplen: nyor⧾-a' 'ye-a, en no en-': koan 'weh: naa. Jorwor: deh, eh-: kan-dih: 'o: gwie 'i, 'de 'kulu-nyor:: daa, or 'see 'bluhba 'i 'wluh-dih.: Mor deh: dao', eh 'wluh 'o: gwie 'i,: yee' or mu 'bluhba 'i 'wluh-dih:. :Yee' 'do ti: dao' 'i, 'kulu-nyor:: dao', or mu 'bluhba 'i 'wluh-dih:. Jorwor:: mor: Gwlor: baa': Yusu' 'yle, or-a': pobor': or 'wluh-a 'de or 'worn, or-: or mu: no or 'ye-or' 'dba. Or-a' yi-a'-a mu dhih-a' 'i 'beh-a' 'ble-: 'gabaa, eh-: mu-eh: no 'de 'kulu-nyor:: dao', or 'ye gbe: zie:. :Yee' 'kulu-nyor:: dao', or mu 'de 'ku-a' 'kpih: ya, 'de or 'ye deh⧾: kolu'⧾-: nyor⧾ 'i: to-dih-deh⧾-: 'dekorn: nyor⧾ 'di dih 'ma-dih-deh⧾-: en 'ye nyor⧾ dih: bo-dih:. Or mu 'kulu-deh:⧾ 'doror: 'dor: no, or 'ye nyor⧾: an mu-a gbe: zie: dih: bo-dih:. Deh: korn-a dhih an mu-a gbe: zie:, eh-: 'dhu on se dhih-a' 'yor-eh:: en mu-uh-a 'puh-dih:: ybeh. Eh-: no-eh 'de Nyorsoa no-eh, 'de on zi: gwie 'i, 'de on po nyor⧾ dih: bo-dih-deh⧾ dhih 'jeh-'. :Yee' eh-a' dhih, nyor⧾-a' klehkpeh: on se-a dhih-a' 'yor-eh dhih 'jeh-' po, 'de: an no-a 'mona 'do deh⧾-zon⧾-a' no-a', Nyorsoa-a mu an-a' zabe 'i: chehn. :Yee' 'an 'Klae: de-di'-boi'-a:,: a: korn: a 'ye Nyorsoa-a' 'zio po, 'do ti-a' klehkpeh bo, 'do a-a' dhih bo, a: mor: or: Gwlor: baa': ybeh-a. Deh no-eh, Nyorsoa gan a 'weh: zai', a 'ye 'puh,: eh 'wluh-a 'de eh-a' glu 'dhu 'da. 'De Nyorsoa-a': Zulu-a' 'kpih 'ye-eh' no, a 'ye 'for 'i: dhe-dih-eh: 'do or bo, 'do a-a' dhih-a' 'yor-eh-a' dhih 'jeh-': po-eh bo. Nyorsoa-a' tubo-wlu:⧾ 'jeh: a po-a 'de a bo, me-: or: yi-dih:-', 'de or 'da a-uh 'do deh: daa bo, a 'ye a-a'a: 'for 'ble 'de: a-a': Gwlor: baa': Yusu' 'Klae-a' dhih-a' 'i 'beh-a' 'di. :Yee' eh-a' dhih, 'an 'Klae: de-di'-boi'-a:, a: nyna dih deh 'jeh, a 'ye dhih-a' 'yor-eh:: a: torne: a-uh, 'do tubo-wlu:⧾: po 'da-: 'dekorn: 'chlee-deh:⧾: a dbo-a a bo dih-: a 'ye-ih' dih kpon. :Yee': a-a': Gwlor: baa': Yusu' 'Klae-a' 'jeh 'yor-eh-: 'dekorn:: a: Baa' Nyorsoa: or: ybeh-a: a-uh-: 'de: or 'nyi-a: a 'kpih,: en no-eh, 'de: a se-a sea-a': korn-: 'de: or 'nyi: a deh: gwlii': dhe-eh: 'jeh 'de or-a' mla 'di-: 'nyi or po 'de a-a' 'kpih, 'de eh 'ye a-': za-dih:, a 'ye noo-deh:⧾ 'jeh ne no, 'de mor a 'ye dhih 'jeh ne-': za: ke, 'do ti-a' klehkpeh bo. :Yee' eh-a' klehkpeh-a' 'dlu-': jla 'da,: a-a' 'Klae: de-di'-boi'-a:, a: wlu 'de Nyorsoa bo, 'do: a-a' dhih bo, 'de tubo-wlu:⧾: a po-a,: en kor-a: Gwlor: baa' 'i, en 'ye 'dhobo: en 'ye deh⧾-a' klehkpeh 'dlu gweh, 'de nyor⧾-a' klehkpeh 'ye-ih' dih kpon, 'de deh-' 'ye ka 'di,: ka en: ne-a 'de a 'nyne-': ke. A: wlu 'de Nyorsoa bo: ke, 'de: a: ne 'de deh⧾-zon:⧾: no-nyor⧾-: 'dekorn: 'kulu-nyor⧾-: 'kwa 'kpa. Deh no-eh, eh: se nyor⧾-a' klehkpeh, mo-: po tubo-wlu:⧾: daa dhih 'jeh-': deh. Jorwor:: Gwlor: baa' no: dhehehn-nyor:. Or mu a dih: ku-dih:, 'de or 'ye 'o a bo dih pobo:, 'kulu-deh: ne 'o a bo yi. :Yee' or-: no-eh, 'de: a: kpa-dih: a: gwluhuh',: ka deh⧾: a zela: a: gwluhuh', a no-ih-a, 'de mor a mu en-' no-a' 'dlu bo: kpa 'gboror:. 'Nyi: Gwlor: baa' no-eh, 'de a 'ye Nyorsoa-': ybeh. 'De a 'ye: ao', a se sea,: ka 'Klae no-a: ke. :Yee': a-a' 'Klae: de-di'-boi'-a:,: a zela a: gwluhuh' 'de: Gwlor: baa': Yusu' 'Klae-a' 'nyne 'di, a 'ye 'Klae: de-di'-boi'-a' klehkpeh: on: ne-dih:-a vlaan 'kmo bo dih: tehn-dih:, 'de: on se-a 'o 'tele': a: torne-uh-a klei' zi. A-a' 'jeh 'yor-eh:, a yubo-eh' deh 'jeh, deh: a no-a, eh-: a: korn a 'ye no: ke. Ti: a: ne-a 'o a bo,: a-a' no vlaan-deh⧾. Dii-deh⧾-a' klehkpeh a 'nyi: a-uh,: a dhen-ih'.: A no: koan: 'gabaa, eh: zi 'o ken dih,: a: ne-' a-a' nyor 'dlu: dhe, eh-:: korn dhih: a no: koan 'gwie-:: glaa'e-:. Eh: se,: a se: korn: a 'ye a deh 'yba-dih: eh-:: korn dhih: a no-eh: deh. Jorwor:: a no-eh', 'de a 'ye 'o: a-a' 'gor klei' zi: dhih 'o. Ti: a: ne-a 'o a bo,: a zela: a: gwluhuh' 'weh, 'do ti-a' klehkpeh bo,: a 'da, Nyor: or se-a: koan:: no-dhih 'worn-dih:, nyor-a' 'worn-:-' or-a': di-' deh. Deh: korn-a dhih: a: za-a deh: daa-', eh-: 'dhu,: a 'worn-ih': ka nyor⧾: noo'-a no-a vlaan-deh⧾ 'de a 'nyne-'. An-a' 'worn-dih:: koan:: no-dhih. Jorwor: an po nyor⧾-a' dhih buh 'di. Eh-a' nyior-tu:⧾: dao',: a 'nyi-uh 'tele' 'de: Gwlor: baa': Yusu' 'Klae-a' 'nyne 'di, 'de: a 'dhu-uh 'slen, on 'ye: dha: due' dih: dhe, on 'ye an-a' 'jeh-a' dii-deh⧾-a': koan no. :Yee' a: mor: mloror', 'an 'Klae: de-di'-boi'-a:, a 'bor sea-a' 'do deh 'jeh-a' no-a' bo. :Yee': mor eh 'dhu nyor se 'o 'tele': eh: ne-a 'noror 'chlee-deh:: daa 'di dih dhe,: yee' a 'dhu-or 'yli-eh bo, or: ne a-a' nena:-' bo, 'de eh 'ye-or' dhen-' dih po. Nyor-a' 'duo-or' 'nyeh-eh-dih-nyor: ka. Jorwor: a 'dhu-or 'slen: ka a mu-a a-a' 'de-di'-a' 'slen 'dhu-eh:-': no: dee'. :Yee' 'nyi: Gwlor: baa': or 'nyi-a nyor⧾ wlu-' dih 'worn-eh or-a' 'jeh 'yor-eh, 'nyi a wlu-' dih 'worn-eh: 'do ti-a' klehkpeh bo-: 'dekorn: 'de deh⧾-a' klehkpeh 'di-:.: Yee' 'nyi or: ne 'o a-a' klehkpeh bo. 'Mor: or 'dhu-a: Poror'-', 'an 'jeh 'yor-eh-a' son, mo-: 'on no 'de 'on 'chle-a 'yee'-wlu:⧾: daa bo. 'Ka-: 'an no 'an 'nyne-a' 'chle-a' 'do 'an-a: 'chlee-deh⧾-a' klehkpeh-a' 'dlu-': jla 'da. 'Ka-: 'an no en-' 'chle-a'. 'Nyi: a-a': Gwlor: baa': Yusu' 'Klae-a' mla: ne 'o a-a' klehkpeh bo. 'Mor: Poror': or Nyorsoa: or no-a: a-a' 'puh-dih-nyor-: 'dekorn:: Yusu' 'Klae: or no-a: a-a': gwlii': dhe-nyor-: on 'nyi-a 'tele',: or 'ye-a dboo-nyor no, 'mor 'ye: on, :Timehte',: mor: or gweh-a 'an 'jeh-a'a: 'yu, 'de 'Klae-a' dhih 'jeh-': po-eh 'di. Mla-:: wehlih:: korn-eh-: 'dekorn:: porluh-a' dih 'pehn-eh-: 'do: on bo,: en 'wluh-a 'de Nyorsoa: or no-a: a: Baa'-: 'dekorn:: a-a': Gwlor: baa': Yusu' 'Klae bo. :Yee' 'an 'bhorn: on 'ye 'de 'Ehfesor-gwlor 'di dih: dhe,: ka 'on no-a: an-a' bale-eh, ti 'an mu-a 'Masordo'nia-bluhba ken. Nyor⧾: noo', mo-:: ne 'de,: an torne nyor⧾ sih-deh⧾. Dhe-uh 'tele' 'i, on 'ye 'bor. Zela-uh: gwluhuh', on 'bor an-a' 'jeh 'yor-eh-a' ti: zi-dih-eh, 'do sih: manua:: bla-eh bo, 'dekorn: 'wluh-a-keli:: dhorno'⧾: en se-a 'dlu-:: gborluh'-:: korn. Deh no-eh,: zaa': due', or-: en ya 'de. 'De en-' 'worn, nyor⧾-a' no Nyorsoa-a': koan,: or dhih 'jeh-': po-eh mu-eh: no, 'de: a 'ye-a' no. Deh: korn-a dhih 'an 'nyi-a: on 'tele': daa, eh-: 'dhu,: a 'ye: ybeh-dih:: dhih 'o,: eh 'wluh-a 'de: porluh:: on: gweh-a: vlehehn'-' bo-:: porluh:: on se-a: an-a' 'jeh zabe: kpon-dih:-: 'dekorn: 'Klae-a' dhih 'jeh-': po-eh: 'jeh-:. Nyor⧾: noo': to deh⧾: daa 'kpuh⧾ ya, 'de on 'bili: 'de: bobo: dhih-a': polo-eh bo. An 'bhorn on 'ye nyor⧾: Mose'-a' 'tele': torne-nyor⧾ no. Jorwor: deh⧾ an za-a-', on se-ih 'i yubo:. 'De mor deh⧾: mor on: taa nyor⧾ torne, 'de an-a' 'neh-dih:-a 'dlu deh 'i, deh⧾ en 'dhu-eh:-', on se-ih 'i yubo:. :A yubo-eh',: ka: Mose'-a' 'tele' no-a 'tele' 'jeh,: mor eh 'dhu,: a no-eh 'de: ka 'jeh nor 'di. 'De mor: a yubo-eh: ke,: ka eh se-a: no-eh: 'do 'yi 'sleh nyor⧾ bo. Jorwor: eh: no-eh:-' 'do 'tele': wa-nyor⧾ bo-: nyor⧾: an bla-dih-a 'gomla worn-: nyor⧾: an-a' 'nyi-a Nyorsoa deh-' 'ye-eh-: deh⧾-zon:⧾: no-nyor⧾-: nyor⧾: an-a' 'ye-a Nyorsoa-a' gban 'i: ne-deh⧾ deh-'-: nyor⧾: an-a': za-a Nyorsoa: weheh'-: nyor⧾: an 'dba-a on 'de-: on: baa'-: 'dekorn: nyor⧾: an 'dba-a nyor⧾: noo'-:. Eh: no-eh:-' 'do nyor⧾: an korn-a 'tmeor⧾ bo-: nyor⧾-kpalu:⧾: an po-a on 'bei'-nyor⧾-kpalu⧾ 'nynor⧾-: nyor⧾: an plo-a nyor⧾ on 'ye-a' 'ge-nynuu no-: nyor⧾: an 'tmo-a sih-: nyor⧾: an 'dhu-dih-a nyor⧾ dhih ken dih-: 'dekorn: nyor⧾: an no-a deh⧾: nee': en se-a 'o nyor⧾ deh: torne-eh: 'jeh-a': gwie 'i: ne-: :eh 'wluh-a 'de Nyorsoa: or: gweh-a 'kwla, or-a' dhih-a' 'i 'beh-a' tubo-wlu:⧾ 'jeh or po-a 'de 'on 'kwa bo. :Yee' 'on po: a-a': Gwlor: baa': Yusu' 'Klae 'zio,: or 'nyi-a 'on 'kpih, 'de: or dhe-a 'on: gwlii',: or: za-a 'on, 'on 'ye-a or-a': koan no. Keen': mloror', 'on 'kor-dih: or-a' 'nyne, 'de 'an 'ye-dih nyor⧾ 'kle: dee', 'de 'on no deh⧾ 'kor-dih-nyor, jorwor: Nyorsoa 'ye 'an: wehlih:. Deh no-eh, deh⧾ 'an no-a: dee', 'on se-ih 'i yubo:, 'de mor 'on 'see-or dhih 'jeh-' po 'do ti: dao' 'di. :Yee': a-a': Gwlor: baa' po 'on mla: dhulu' bo. 'De or no-eh, 'on 'ye dhih 'jeh-': po-eh-: 'dekorn:: ybeh-dih-eh-:: en 'wluh-a 'de or bo 'ble. Dhih: daa, 'an yi-a: za 'da, en no dhih 'jeh. 'De nyor⧾ 'beh-dih: on 'ye-ih': gwlii' dhe,: en 'dhu-a,: Yusu' 'Klae yi dha yao 'zorn, or 'ye deh⧾-zon:⧾: no-nyor⧾ 'puh-dih:: on: korn-a 'dlu 'on no-a. Jorwor: Nyorsoa 'ye 'an: wehlih:. 'De or no-eh, 'de 'mor: or no-a deh⧾-zon:⧾: no-nyor⧾-a' klehkpeh-a' 'dlu, 'on no 'yi: to-dih-deh 'do: Yusu' 'Klae-a': porluh-a' dih: kpon-eh:: eh se-a 'dlu-': jla 'da: korn bo. Eh-: no 'yi: to-dih-deh, 'do nyor⧾: an mu-or dhih 'jeh-': po bo, 'de on 'ye 'kmo: sie:: febeh' 'ye. :Yee' 'nyi 'kmo: sie-keen,: or: se-a 'meheh'-nyor:, 'de: or nyor⧾-a' 'ye-a,: or no-a Nyorsoa: due' 'klein', 'nyi deh-' 'ye-eh-: 'dekorn: dhih-a' 'i 'beh-a'-:: korn 'de or bo,: ka ti-a mu-a 'dlu-': tehn klehkpeh klehkpeh. 'Ka-: eh 'ye: ne. :Yee': Timehte', 'an 'yu, 'tele': daa, 'an 'nyi-a: on, eh kor dhih Nyorsoa-a' wele-eh:: po-nyor⧾: za-a-': dee' see, 'do: an-a' dhih bo 'i.: Mor: on zi 'o en klei',: yee': an mu vorn-a' 'jeh nor: vorn. Kpa: an-a' 'Klae-a' dhih 'jeh-': po-eh-: 'dekorn:: porluh:: on se-a an-a' 'jeh dhih: kpon-dih:-: 'dlu bo. Nyor⧾: noo', mo-:: se-' an-a': porluh⧾: dou'⧾ bo: to. Eh-: no-eh, 'de on 'kor-dih: an-a' 'Klae-a' dhih 'jeh-': po-eh. Nyor⧾: dao', an-a' nyor⧾ 'sororn': wor 'dhu,: Ame'na-: 'dekorn: 'Ehleza'na-:. Mo-: 'on: za 'kwla, 'on po 'de 'ku-a' 'kpih 'kwa, eh 'ye-uh': torne:, 'de on 'ye Nyorsoa-a' 'nyne-a' 'kor-dih-eh 'bor. :Yee': tehn 'i-deh:, 'an bale: on 'weh, wlu 'de Nyorsoa bo 'do: gwlor-nyor⧾-a' klehkpeh bo. Bale-or 'do an-a' dhih bo, or 'ye-uh': bhorlie' bo po.: Yee' po-or 'zio 'do an-a' dhih bo. :Yee': wlu 'de or bo, 'do 'keen-boi'-: 'dekorn: nyor⧾ wlu 'ken: korn-nyor⧾-a' klehkpeh-: an-a' dhih bo, eh 'ye-eh' no,: a 'ye 'kmo 'jeh: on 'ble-a wlu-' dih 'worn-eh, 'de: on se-a 'worn dih 'beh-dih-eh 'ble, 'kmo-': ne-dih:, 'de Nyorsoa-a' deh-' 'ye ka-: 'dekorn: noo-deh:⧾: en 'sleh-a 'i-: 'di. Deh: daa, eh-:: nmor 'yi dih, 'de: eh 'pehn-dih Nyorsoa: or no-a: a-a' 'puh-dih-nyor, or-a': porluh dih. Or no nyor: or 'bhorn-a: gwlor-nyor⧾-a' klehkpeh on 'ye-a' 'puh, 'de mor on 'ye-a' dhih-a' 'yor-eh:: en kor-or 'i yubo:. Deh no-eh, Nyorsoa: due' gbai,: yee' 'yu: due', or-:: ne 'o: gwlor-nyor⧾-: 'dekorn: Nyorsoa-: an-a' gwea. 'Yu: dao', or-: 'dhu: Yusu' 'Klae-',: or no-a: gwlor-nyor, :or: za-a or-a' 'jeh 'kwla: or 'ye-a' 'meh,: or 'ye-a': gwlor-nyor⧾-a' klehkpeh zelie:. Nyorsoa: to-dih:: a deh: daa 'i, 'do ti 'jeh 'i. Eh-:: korn dhih: oo', 'de Nyorsoa gan 'on, 'on 'ye or-a'a: tubo-wlu:⧾: po-nyor-: 'dekorn:: Yusu'-a'a: dboo-nyor-: no, 'on 'ye nyor⧾: on: se-a: Jueh'-nyor:⧾, 'on 'ye-uh' deh⧾: en kor-a 'Klae-a' dhih 'jeh-': po-eh 'i-: 'dekorn: or-a' dhih-a' 'yor-eh-:: torne:. 'On: se-' sih 'tmo. Dhih 'jeh: oo', 'an za-a-'. :Yee' 'an 'bhorn: mor nyor⧾-kpalu⧾: taa 'de Nyorsoa bo wlu 'de 'chore-',: yee' 'nyi on no: vlehehn'-': gweh-nyor:⧾: an to-a an-a' son⧾ 'de or bo. 'De an-a': wlu-' 'de or bo, 'de 'chehn ka 'di. 'De mor on: ne nyor⧾-a': jeh-'. :Yee' 'an 'bhorn: ke, 'nynor⧾-kpao'⧾ 'ye an-a' deh-': pa son: dhororn' 'dhu. 'An 'bhorn on 'ye deh-' pa 'de deh-' 'ye ka 'di. On se: korn on 'ye an-a' 'mii: bheh-dih: 'gabaa, 'de nyor⧾: ne-uh' dih 'ye, 'de on se: korn on 'ye 'tiei:: en 'kpa-a deh ken 'gabaa,: eh: zi-a 'o ken dih-' pa. Jorwor: on: korn on 'ye noo-deh:⧾ 'jeh ne no, me-:: korn: en 'ye an-a': bheh-dih-deh⧾ no. Eh-: 'dhu 'yi 'sleh-deh-' 'do 'nynor⧾: on no-a,: an za-a Nyorsoa-a': weheh' bo. :Yee' 'nyi 'nynor⧾-kpao'⧾: ya an-a' 'jeh ya, 'de on 'ye deh 'chean', 'de bhloror ka 'di. 'On: se-uh' 'tele' 'nyi, on 'ye nyor⧾ deh: torne:, 'de mor on 'ye 'kpih 'ble, 'do nyor⧾-kpalu⧾ 'dlu. On: korn on 'ye 'dhuan no. Deh no-eh, 'Adan, or-:: no-eh:: zai', 'do 'Ii ken. Eh: se 'Adan:, 'ku: se-' dih: bo-dih:. 'Nynor-kpao': dao': oo', or-: 'ku: bo-dih: dih, 'de or no deh-zon:: no-nyor. Jorwor: 'do: gbano:: za 'da, 'nynor⧾-kpao'⧾-a mu 'puh-:,: mor on kpa 'Klae-a' dhih 'jeh-': po-eh-:: ybeh-dih-eh-: 'dekorn:: vlehehn'-': gweh-eh-: 'dlu bo, 'de: dhehehn: ka 'di. :Yee' dhih: en no-a dhih 'jeh, me-:: dhe dih.: Mor nyor: taa 'bhorn or 'ye 'chore-a' nyor⧾: na-dih-nyor no,: yee': koan: or 'bhorn-a, or: nmor-: 'yi, 'de or 'kpa deh ken. :Yee' eh-a' dhih, nyor⧾ se: korn on 'ye 'chore-a' nyor⧾: na-dih-nyor dhih 'bhun 'ye. Or: korn or 'ye 'nynor: due': korn 'klein'. 'De mor, or-a' 'jeh: dao', or: korn or 'ye nyor: or tba-a 'de 'yli 'de dih no. Or: korn or 'ye: gwluhuh' dih: florn. Or: korn or 'ye or-a' 'jeh deh-' 'ye.: Yee' or: korn or 'ye or-a'a: 'gbu 'kwla: za 'de 'duhba⧾ bo. Or: korn or 'ye nyor⧾ deh: torne-eh 'beh-dih:. Or-a': no-' nomor 'na-nyor-: 'dekorn: deh⧾ 'kor-dih-nyor-:. Jorwor: or: korn or 'ye 'yi: kpoehn:. Or-a': no-': wluu-nyor. Or-a': no-' nyor: or: kma-a 'wlii-dhih. Or: korn or 'ye 'de or 'bli 'gbu wlu 'ken: korn-eh 'beh-dih: deh 'jeh. Or: korn or 'ye-eh' no, or-a'a: 'nynuu 'ye 'o or-a' wlu dih dhe, 'do deh-' 'ye ka 'di. :Mor nyor se 'de or 'bli 'gbu-a' wlu 'ken: korn-eh 'beh-dih:,: yee': kaa or mu Nyorsoa-a' 'chore-a' 'yli-eh bo 'dhu-eh: no: eh? Or se: korn or 'ye 'Klae-a' dhih 'jeh-': po-nyor:: dele' no, 'de or: ne-' or-a' 'jeh 'i 'beh-dih:, 'de: ka Nyorsoa no-a 'ku-a' zabe:: zi-eh, or: ne-': ao', or-a' zabe:: zi-eh no: ke. :Yee' or: korn or 'ye 'nyne 'jeh 'ble, 'de nyor⧾: on: se-a 'noror 'chore: ne bo, 'de or: ne-' yaa'e 'kpa, 'de or: ne 'de 'ku 'kwa dih 'si-dih:. :Yee' 'de: ka: ne-a: due' 'di, nyor⧾ an 'da-dih-a 'dikeh-boi' 'de 'chore-', on: korn on 'ye an-a' 'jeh deh-' 'ye. Or se: korn or 'ye dhih 'kpuh ken: chehn-dih:. Or: korn or 'ye: porluh 'di dih tba, 'de or 'ye: wlu. An-a': no-' nomor 'na-nyor⧾. 'De an-a': no-' nyor⧾: an zi-a 'wlii-dhih: due'. On: korn on 'ye 'slan: or kor-a: a-a' 'Klae-a' dhih 'jeh-': po-eh 'i, dih kpon: glii:,: eh: se-a 'de: porluh⧾-a' dhobo: ka 'di. On: korn on 'ye-uh' bo dih yubo:: zai'.: Yee': mor deh-zon se 'o on 'bhun: ne, 'de jorwor: on 'ye 'dikeh-boi' no 'de 'chore-'. 'De: ka: ne-a: due' 'di, 'nynor⧾-kpao'⧾: an no-a: koan 'de 'chore-', on: korn on 'ye an-a' 'jeh deh-' 'ye. On se: korn on 'ye nyor⧾: chehn-nyor⧾ no. On: korn on 'ye nyor⧾: on tba-a 'de 'yli 'de dih no. On: korn on 'ye: dhehehn-nyor⧾ no, 'do deh⧾-a' klehkpeh an mu-a: no bo. :Yee' nyor: or no-a 'dikeh 'de 'chore-', or: korn or 'ye 'nynor: due': korn 'klein'. 'De or: korn or 'ye or-a'a: 'nynuu-: 'dekorn: nyor⧾: noo': on: ne-a 'de or 'bli 'gbu-: an-a' wlu 'ken: korn-eh 'beh-dih: deh 'jeh. :Yee' 'dikeh-boi': on no-a: koan: 'jeh nor,: koan: 'jeh nor, on no-a, or-: mu-eh: no, 'de on 'ye 'nyne 'jeh 'ble, 'de or mu-eh: no: ke, on 'ye: gwluhuh': ku,: mor on: taa dhih 'jeh-': po-eh: on 'ble-a 'de: Yusu' 'Klae-', eh-a' dhih-' za. :Yee' 'an 'chle deh⧾: daa 'de: on bo, keen': mloror' 'on dhe-eh-:: gwlii', 'on: se 'o: gwle i, 'on 'ye 'de: on bo yi. Jorwor:: mor deh: kpan-dih: 'on,: yee' 'chlee-deh:: daa, eh-: mu: on: gwluhuh' zela:,: ka nyor⧾-a' kplen: korn en 'ye-a': ne, 'de Nyorsoa-a' 'cheh 'klu-',: on 'dhu-a 'kmo: ne-Nyorsoa-a' 'chore.: Ka 'gbu-a': zi-tu-: 'dekorn: an-a' glu 'dhu 'da-: en no-a an-a' dih: kpon-eh, 'ka-: 'chore no dhih-a' 'yor-eh-a' dih: kpon-eh: ke. Nyor se eh-a' dhobo-eh 'beh-dih:,: ka Nyorsoa-deh:: a no-a, eh-a' 'slan-a' dhih 'beh-a 'i. 'Slan: daa, or-:: dhe dih. 'Klae yi 'noror: a bo 'weh, 'de: gwlor-nyor-tu-'. 'De Nyorsoa-a': Zulu za-or 'de nma-dih-deh 'di. 'De 'enjor-nyor⧾ 'ye-or.: Gwlor-nyor⧾ po tubo-wlu:⧾: en kor-or 'i 'weh, 'de 'dawor'⧾-dlu⧾ bo.: Gwlor-nyor:⧾: on: ne-a dha yao 'zorn, on po-or-' dhih dhih 'jeh. 'De Nyorsoa kpa-or yai', or 'nyi or-a' 'nyne dhih-a' 'i 'beh-a'. :Yee' Nyorsoa-a': Zulu-a za-eh' 'weh, 'de eh 'si 'de nyor⧾: dou'⧾-' dih, on 'da nyor⧾: noo'-a mu 'Klae-a' dhih 'jeh-': po-eh 'kpuh ya: to, 'do: de 'bor-dih-ti 'i.: Yee' an mu 'o 'kwla 'ye-dih-deh:⧾: en bo-dih-a nyor⧾ dih, en-' nyor⧾ deh: torne-eh klei': zi. Nyor⧾ deh: torne-eh:: daa, eh 'wluh 'de sih 'tmo-nyor:⧾: an bo-dih-a nyor⧾ dih bo,: on: korn-a: porluh⧾ 'meh-a. Nyor⧾: dao', mo-: 'o,: on dhe nyor⧾ 'tele' 'i, on: ne-' 'bli 'ti-dih:. An-a' 'jeh: dao', mo-: 'da: gwlor-nyor⧾-a': di-' dii-deh:⧾: nee': nee', Nyorsoa no-a. Nyorsoa no dii-deh:⧾: dao' 'weh, nyor⧾ 'ye-ih' di, nyor⧾: on po-or dhih 'jeh-', 'de: on yubo:-a dhih-a' 'yor-eh,: mor on: wlu 'de Nyorsoa bo, on po or-a' 'zio,: yee' an di-ih'. Deh⧾-a' klehkpeh Nyorsoa no-a, en: nmor-: 'yi. Eh-a' dhih, nyor se: korn or 'ye deh 'bor.: Mor nyor: wlu 'de Nyorsoa bo,: mor or po or-a' 'zio,: yee' or di-ih'. Deh no-eh, Nyorsoa-a' wlu-: 'dekorn: or-a' 'zio: po-eh-: eh-: no-eh, 'de en: nmor 'yi dih, 'do di-a' bo, 'do Nyorsoa ybei'. :Yee' deh⧾: daa,: mor: on: torne-ih 'Klae: de-di'-boi',: yee': an mu: Yusu' 'Klae-a' 'bhoi-yu: 'jeh: no.: An mu-eh nyor⧾ 'i: to-dih:: ka: on ku-a dih, 'de wlu⧾: en kor-a 'Klae 'i-: 'dekorn: nyor⧾ deh: torne-eh: 'jeh: on zi-a 'o klei' 'di-:. :Tehn-dih: sih: manua:: or se-a Nyorsoa deh-' 'ye-eh 'nyi, or-a' bla-a' bo dih,: or se-a deh 'di: ne. Jorwor:: torne:: an-a' 'jeh deh,: on 'ye 'yi 'sleh-nyor no 'do Nyorsoa bo. Ple-dih: an-a' 'tiei 'ye 'o 'si, eh: nmor-: 'yi: mloror'. Jorwor: 'yi 'sleh-deh⧾-a' no-a' 'do Nyorsoa ybei', eh-: 'kpa deh ken, 'do: an-a' 'kmo: ne-eh-a' klehkpeh bo,: eh mu-a 'de: yi-: 'dekorn:: yeh: daa-:. Dhih: daa, 'an yi-a: za 'da, dhih 'jeh: oo', 'de nyor⧾ 'beh-dih: on 'ye-ih': gwlii' dhe. :Yee': a vorn-', 'de: a no: koan 'gabaa. Deh no-eh,: a dhe: a-a' 'kmo: ne-Nyorsoa: gwlii',: or 'dhu-a: gwlor-nyor⧾-a' klehkpeh, an-a' 'puh-dih-nyor-'. Jorwor: nyor⧾: on po-or dhih 'jeh-', mo-: or 'puh-dih 'jeh ka. :Torne: nyor⧾ deh⧾: daa 'de 'chore-'.: Yee' 'nyi-uh 'tele' on 'ye-ih' no. :An-a' 'worn-:-', nyor-a': vlehn-': on,: an-a' 'yu-yu-dhih. Jorwor:: an-a': wlu-a'-: noo-deh⧾-:: an-a' nyor⧾-a': ybeh-a'-: 'Klae-a' dhih 'jeh-': po-eh-: 'dekorn:: an-a': vlehehn': gweh-eh-: me-: 'ye 'yi: to-dih-deh⧾ no, 'do dhih 'jeh-': po-nyor⧾ ybei', on 'ye 'o: an-a' gor klei' zi. :Yee' zlo Nyorsoa-a' wlu 'de nyor⧾ bo. Po Nyorsoa-a' tubo-wlu⧾ 'de nyor⧾ bo.: Torne: nyor⧾ deh. Deh⧾: daa, me-:: on 'ye no,: on 'ye 'dlu bo kpa: chio'lo:, 'de 'on 'ye 'de a bo yi. 'Nyii'-deh: Nyorsoa-a': Zulu 'nyi-a: on,: eh: yi-dih:-a Nyorsoa-a' wele-eh:: po-nyor⧾-', ti 'chore-a' nyor⧾: klaba'⧾ tba-a: on son⧾ ken dih,: an-a': bla-dih:-eh' worn. Po 'de 'kpih,: on 'ye deh⧾: daa no.: Yee': za: an-a' 'jeh 'kwla, 'do deh⧾: daa, en-' no-a' bo, 'de nyor⧾-a' klehkpeh, on 'ye: an-a' noo-deh⧾-a' ku-a' 'ye. 'Dhu: an-a' 'jeh-: 'dekorn: deh: an torne-a nyor⧾-:: dhororn'. Kpa deh⧾: daa, en-' no-a' 'dlu bo. Deh no-eh,: mor: on no-ih,: yee': an mu nyor⧾: an to-a: on: dou'⧾ bo-: 'dekorn:: an-a' 'jeh-: 'puh-dih:. :Yee': an-a': kma-dih:-' wlu 'i, 'do nyor⧾: bholuh⧾ bo. Jorwor:: ka: an no-a: on: baa'-a' 'slen 'dhu-eh, 'ka: wor: on 'ye an-a' 'slen 'dhu-eh no: ke.: Ka: an no-a: an-a' 'de-di'-nyor-kpalu-a' deh-' 'ye-eh, 'ka: wor: on 'ye: on 'bei': goba'⧾-a' deh-' 'ye-eh no: ke. :Ka: an no-a: on 'de-a' deh-' 'ye-eh, 'ka: wor: on 'ye 'nynor⧾: on: gweh-a: an-a' 'wluh-a' deh-' 'ye-eh no: ke.: Ka: an no-a: an-a' 'de-di'-nynor⧾-kpao'⧾-a' deh-' 'ye-eh, 'ka: wor: on 'ye 'nynor⧾-kpao'⧾-nynuu-a' deh-' 'ye-eh no: ke, 'de: porluh-a': vlehehn'-': gweh ka 'di, klehkpeh klehkpeh. :Yee': dhoba: 'nynor⧾: on: korn-a son⧾ se-a 'o nyni 'jeh ka, pobo: 'o on bo dih. Jorwor:: mor or 'ble 'nynuu-:, 'dekorn: 'die'-nynuu-:: yee' 'nynuu:: dao',: tehn 'i-deh: on: korn on 'ye-a' 'chean', 'do an-a' Nyorsoa-a': weheh': za-deh 'di, eh-: 'dhu, on 'ye an-a' 'jeh-a'a: 'cheh 'yli-eh bo 'dhu.: Mor on no deh: daa,: yee' kpa: oo', an za, 'do on 'de-: on: baa'-: 'dekorn: an-a' 'na-boi'-: bo. Deh: daa, eh-: 'pehn-dih Nyorsoa-a': porluh dih. :Dhoba: 'nynor,: or: korn-a son se-a 'o nyni 'jeh ka, 'de: or: ne-a 'o or-a' 'jeh bo, 'nynor: or: ne: ao', or dhe Nyorsoa: gwlii'. 'De or kpa or-a' bo: wlu-eh 'dlu bo, or bale-or 'gwie-:: glaa'e-: or 'ye-or': za-dih:. Jorwor:: dhoba: 'nynor: or 'kpa-a 'kmo bo,: or 'pehn-dih:-a or-a' 'jeh-a': porluh dih, keen': mloror', or-:: dao', or: ne 'kmo 'weh, jorwor: or 'meh-'. Zela: nyor⧾-a' klehkpeh deh⧾: daa: gwluhuh', 'de nyor: ne-uh' dhih 'bhun 'ye. :Yee' nyor: korn or 'ye or-a'a: 'wluh-a-nyor⧾ 'yli-eh bo 'dhu,: yuh: on: ne-a 'de: or 'bli 'gbu, mo-: or 'ye-eh' bo dih no 'gabaa.: Mor or se-eh no,: yee' or: to 'Klae-a' dhih 'jeh-': po-eh 'kpuh ya.: Yee' or: zi 'o nyor: or se-a dhih 'jeh-': po-eh 'ble 'weh. :Mor: dhoba: 'nynor-a' zon⧾ se: kwlaa: meheh'lo ken: yeh-dih:,: yee': an-a': po-' or-a' 'nyne 'de 'chlee-deh:: eh: korn-a 'di,: an po-a: dhoba: 'nynor⧾-a' 'nyne.: Mor: on 'ye 'nynor-a' 'nyne po,: yee' 'nyi or no 'nynor: eh 'wluh-a 'o ti or-a'a: yibeor 'meh-a,: or 'see-a yibeor:: noror' korn. :Yee' 'nyi or no 'nynor: or 'ble-a 'nyne 'jeh, 'do deh⧾ 'jeh ne-a' no-a' bo-:: eh po-a 'nynor: or pobo-a 'o or-a'a: 'nynuu bo dih-: 'nynor: or za-a or-a'a: 'gbu 'kwla 'de 'duhba⧾ bo-: 'nynor: or-a' ple-a or-a' 'jeh ya: ya-eh, 'do Nyorsoa-nyor⧾-a': za-dih-eh bo-: 'nynor: or za-dih-a nyor⧾-',: mor on: taa 'kle 'ye-: 'dekorn: 'nynor: or 'duo:-a or-a' ti-a' klehkpeh-', 'do deh⧾ 'jeh: ne 'doror: 'dor-a' no-a' bo-:. :Yee' 'nynor⧾: gbolo'⧾: on: korn-a yibeor-boi' 'meh-a,: an-a': po-' 'de an-a' 'nyne, 'de 'chlee-deh:: dao' 'di. Deh no-eh,: mor an-a' nyor-kpalu:: porluh 'beh 'i, on: zi 'o: porluh on 'ble-a 'do 'Klae bo,: yee' an 'bhorn on 'ye nyina 'ti: neheh'. Eh-a' dhih,: yee' on: ya 'de zabe:: zi-eh: 'do an-a' 'jeh bo. Deh no-eh, deh: korn-a wlu on po-a: dhama'-' 'de 'Klae bo, on: se-eh' no. Jorwor: eh: se-eh: due'. An 'chean' vlan-a'. 'De an na 'o yaa'e dih. An no, mu 'gbu: noo' 'di, 'wluh 'de. Eh: se-eh: due', an-a' no. Jorwor: an chehn nyor⧾. 'De an po nyor⧾-a' dhih buh 'di. Deh⧾ on se-a: korn, on 'ye-a' wlu bo po, me-: an po wlu bo. :Yee' deh 'on 'da-a, eh-:: dhe dih. 'An 'bhorn 'nynor⧾: gbolo'⧾: on: korn-a yibeor-boi' 'meh-a, on 'ye nyina 'ti. 'De on 'ye 'nynuu 'wluh. 'De on 'ye an-a'a: 'gbu⧾ 'yli-eh bo 'dhu. 'De nyor⧾: on 'nyeh-a: a-uh', on: ne-' ka 'ye, 'do: a-a' deh⧾-zon⧾ 'bhun dih: za-dih: 'da. Deh: korn-a dhih, 'de 'an za-a deh: daa-', eh-:: dhe dih. An-a' nyor⧾: noo', mo-: 'wluh 'o 'Klae 'de, 'de an zi 'o 'ku klei'. :Yee': mor 'Klae-a' dhih 'jeh-': po-nynor 'ble: dhoba: 'nynor⧾ 'do or 'bli neh 'i,: yee' 'nyi or 'kpa-uh bo, 'de an-a' dhih: sor: po-eh 'o 'chore 'dlu, 'de 'chore 'ye: dhoba: 'nynor⧾: yuh: on se-a deh-a': za-da 'ble 'jeh ka, an-a' bo dih pobo-eh 'beh-dih:. 'De mor: ke, 'chore-a' nyor⧾: klaba'⧾: an no-a: koan: 'jeh, 'do nyor⧾: na-dih-eh bo, an-a'a: geli': za-dih-deh: an mu-a 'ye-:, eh: korn eh 'ye ken 'dhu-eh:, eh 'ye 'o on 'bei'-': zi. Nyor⧾: an no-a: koan, 'do nyor⧾ deh: torne-eh bo-: 'dekorn: Nyorsoa-a' tubo-wlu:⧾: po-eh bo-: mo-:: korn: on 'ye geli': za-dih-deh:: daa 'ye. Deh no-eh, Nyorsoa-a' 'chlee-deh 'da, A 'bor: blii'-a' worn: san-eh,: mor eh: taa deh⧾-yor sonor 'do a bo. 'De eh 'da: ke, Nyor: or no-a: koan, or: bleh-dih-eh 'i, or 'ye or-a'a: geli': za-dih-deh 'ye. :Yee': mor nyor: ya 'de 'chore-a' nyor: klaba'-a': jii-eh 'de: on bo,: an-a': po-eh' dhih 'jeh-' 'suh.: Mor nyor⧾ 'sororn' taan dhe-eh ken dih: weh, 'de jorwor:: on 'ye-eh' dhih 'jeh-' po. Jorwor:: mor or no-eh 'jeh ka, 'de or 'ye or-a' deh⧾-zon⧾-a' no-a': dao' 'dlu bo kpa,: yee' za-eh' 'do 'chore ybei', 'de: yuh: sie:-a 'o, on 'ye: fano ple, on: ne-' deh-zon no: ke. 'An 'da: on 'weh, 'do Nyorsoa-:: Yusu' 'Klae-: 'dekorn: 'enjor-nyor:⧾ or gan-a-: ybei',: on 'ye 'o deh⧾: daa 'an za-a-', dih dhe.: An-a' 'chleh-: 'de dih. 'De mor deh⧾-a' klehkpeh: an mu-a: no,: an-a': za-': gwie-for: due'. :Mor: on: taa nyor son⧾ ken dih tba, 'do Nyorsoa-a': koan:: no-eh bo,: yee' 'wla: gwluhuh' dih, 'do eh-a' no 'da.: An-a': zi-', eh-a' noo-dhih 'suh.: Yee': ke,: an-a' 'kpa-:-' nyor⧾ bo, 'do deh⧾-zon:⧾: no-eh bo. Jorwor: 'dhu: an-a' 'jeh: dhororn',: on 'ye: vlehehn'-': gweh. :An-a' 'na-:-' 'ni-a' 'plo: due': neheh'. Jorwor: 'na 'glee-nomor-deh⧾-bei, 'de: on 'di-a' dhih bo-: 'dekorn:: an-a' kormu-eh: 'tihlih' 'tihlih'-a' dhih-:: ke. Nyor⧾: noo'-a' deh⧾-zon⧾: nyeh ken. En mu on ybei', 'do: dha nyor⧾-a zi-dih-a zabe, 'de jorwor: an mu-ih ken dih: mu. Jorwor: nyor⧾: noo'-a' deh⧾-zon⧾-a' 'ye-a': kma 'i. Eh gwle 'o: weh, 'de jorwor: nyor⧾-a 'ye-ih. 'Ka-: deh 'jeh: no-eh-a' no ken: nyeh-eh: ke. 'De mor en-': yeh se ken: nyeh: tehn 'i, en mu ken: nyeh: gbor: gbor. :Yee' nyor⧾-a' klehkpeh: on no-a 'ge-nynuu, on: korn on 'ye an-a'a: nyor⧾: klaba'⧾: on korn-uh-a wlu 'ken, deh-' 'ye-eh-a' klehkpeh 'nyi, 'de nyor⧾: ne-' Nyorsoa-: 'dekorn:: a-a'a: nyor⧾ deh: torne-eh-: deh⧾-zon⧾ 'bhun dih: za-dih:. :Yee' 'ge-nynuu:: yuh 'Klae-a' dhih 'jeh-': po-nyor⧾ korn-a wlu 'ken, an-a': no-',: A-a' 'Klae: de-di'-boi': oo',: on: dhe dih. 'De an-a': vlehn-uh'. Jorwor: 'ge-nynuu:: dao', on: korn on 'ye an-a'a: nyor⧾: klaba'⧾: dao', an-a': koan no deh 'jeh neh, eh 'ye 'o: zi. Deh no-eh, an-a'a: nyor⧾: klaba'⧾: dao',: an 'ye-dih-a: koan: an no-a deh 'i, an-a' 'Klae: de-di'-boi': oo'. 'De on no an-a': dhih: kma-nyor⧾: ke. Deh⧾: daa, me-:: on 'ye-uh': torne:.: Yee' 'neh-uh ken, on 'ye-ih' no. :Yee': mor nyor: torne: nyor⧾ sih-deh⧾, 'de or-a' nyor⧾ deh: torne-eh: ne: a-a': Gwlor: baa': Yusu' 'Klae-a' 'yi 'sleh-deh: or torne-a nyor⧾, en 'ye: ao', en se: gwie: due' kpa, 'de sih-deh:⧾: dao', en: ne-Nyorsoa-deh se: gwie: due' kpa: ke, :yee' nyor: dao', or 'beh-dih or-a' 'jeh 'i yaa'e. 'De or se deh-' dih 'worn-eh 'ble. Or-a' 'dlu se 'o: gwie 'i: ne. Deh: due' or 'bhorn-a, eh-: 'dhu,: zaa'-: 'dekorn:: dhlumeh': po-eh-: 'do wlu⧾-a' dhih bo.: Yee' deh⧾: daa, en ya 'de: gwlehehn'-: jeh-a'-: 'jlei:: zie-dih-eh-: deh⧾ 'yli-eh 'zorn dih: bla-eh: 'de 'kulu: ka 'di-: 'dekorn: jeh-a': or se-a 'dlu-': jla 'da: korn-: 'de nyor⧾: on: korn-a 'dlu⧾ se-a 'i 'sleh, 'nyne-'. Nyor⧾: dao', on se dhih-a' 'yor-eh yubo:: neheh'. An-a': porluh⧾ 'da, Nyorsoa-deh,: mor deh: oo', nyor⧾-a no,: eh 'ye nyor⧾: bhan-dih:. Keen', Nyorsoa-deh-a bhan-dih nyor⧾ 'weh, jorwor: eh: se 'kmo-a' bhan-a'.: Ka eh no-a nyor⧾: bhan-dih-eh, eh-: 'dhu, eh no-eh', 'de: an-a': porluh-a' 'pehn-dih, 'do deh: on 'ble-a bo. Ti: a 'ye-a 'noror yao 'zorn yi,: a: se 'de deh: ya.: Yee': mor: a: taa de mu,: a se 'beh-dih:: a 'ye deh kpa. 'Do eh-a' dha,: ka eh: ne: ao',: mor: a 'ble dii-deh⧾-: 'dekorn: paa-deh⧾-:: yee': a-a': porluh⧾: korn en 'ye dih 'pehn. Jorwor: nyor⧾: an 'bhorn-a bhan-a', an-a' 'bhororn'-deh:⧾: dhulu': en 'dhu-a: bobo-deh⧾-: 'dekorn: nyor⧾ 'kor-dih-deh⧾-: me-: no-eh, 'de an 'kpa 'de dih 'dhen-eh-a' pluh 'worn: gbor. 'Bhororn'-deh:⧾: daa, me-: mu-uh ya: ya, 'de en 'ye-uh' 'kor-dih:, 'de on 'ye gbe: zie:. Deh no-eh, 'wlii-dhih:: kma-eh:, eh-: 'dhu, deh⧾-zon⧾-a' klehkpeh: en: ne-a dha yao 'zorn, en-' ji-buh-'. Nyor⧾: noo', mo-:: korn 'wlii-porluh: 'beh 'i 'gabaa, mo-: 'dhu eh-a' dhih,: on: to 'Klae-a' dhih 'jeh-': po-eh 'kpuh ya. 'De on: ya an-a' 'jeh 'kle 'ye-eh:: dhulu' bo. Jorwor:: mor: or 'dhu-a Nyorsoa-nyor-',: an-a': po-' deh⧾: daa son 'di. Jorwor: po 'de 'kpih,: on 'ye 'yi 'sleh-nyor no,: on 'ye Nyorsoa-nyor: 'jeh nor no,: on 'ye 'Klae-a' dhih 'jeh-': po-eh 'ble,: on 'ye: ybeh-dih-eh 'ble.: An-a': sea:-', jorwor:: kpoehn: 'i. Vorn vorn-a' 'jeh nor, 'do 'Klae-a' dhih 'jeh-': po-eh bo. Kpon 'kmo: sie:: febeh' dih,: eh: korn-a dhih Nyorsoa 'da: on, ti: on: nyna-a 'o: gwlor-nyor:⧾: dhulu' ybei' dih, 'de: on zela-eh ken dih deh 'jeh,: ka: on 'worn-dih:-a: Yusu' 'Klae-a' dhih. 'Do Nyorsoa: or 'nyi-a deh⧾-a' klehkpeh: febeh' ybei'-: 'dekorn:: Yusu' 'Klae ybei'-:: or zela:-a or-a' 'jeh-a' dhih ken dih deh 'jeh, 'do 'Pantior: Pale' ybei', 'an 'bhorn :on 'ye 'o 'tele': daa dih dhe, 'do 'yi 'sleh ka 'di, 'de nyor⧾: ne-': on dhih 'bhun 'ye, 'de eh 'ye 'we-eh:: a-a': Gwlor: baa': Yusu' 'Klae-a mu-a 'de: ya ken: yeh-dih:. :Yusu'-a' 'de: yi-eh:, Nyorsoa: or no-a: bhorlie'-Nyorsoa, 'de: or: ne-a: due',: or no-a nyor⧾ wlu 'ken: korn-nyor,: or no-a 'Keen 'do 'keen-boi'-a' klehkpeh bo, 'de: or no-a: Gwlor: baa' 'do: gwlor: bai'-a' klehkpeh bo, or-a' 'jeh: dao', or-: mu-eh: no, 'de eh 'ye: no-eh:, 'do ti eh: korn eh 'ye-a': no-dih-eh 'di. Or: due' gbai,: or-a' 'meh. Or 'ti 'de zorn-pli-',: dha nyor se-a dih 'koan'-dih-eh 'beh-dih:. Nyor 'see-or 'ye: zai'. 'De mor nyor se 'beh-dih: or 'ye-or' 'ye. Deh-' 'ye-eh-: 'dekorn: 'kpih-: en: korn 'de or bo,: ka ti-a mu-a 'dlu-': tehn. 'Ka-: eh 'ye: ne. :Yee' 'nyi bhaan-nyor:⧾: on bhan-a: naa 'tele', dha yao 'zorn, on: ne-' on 'bei': vlehn, 'de on: ne-' an-a' deh: gwlii': dhe-eh 'de bhan-a' bo po. Deh no-eh, bhaan-deh⧾: se: gwlii': dhe-deh:. Jorwor: 'nyi-uh 'tele', on 'ye an-a' deh: gwlii': dhe-eh 'de Nyorsoa bo po,: or se-a 'kwa dih: kmu, 'de: or 'nyi-a: a deh⧾-a' klehkpeh,: en 'ye-a: a-a': porluh⧾ dih 'pehn-dih:. 'Nyi bhaan-nyor:⧾: dao' 'tele', on 'ye deh⧾ 'jeh no, 'de an-a' deh⧾ 'jeh: no-eh:: dao', en 'ye 'o dih: zi. 'De on: sor: kmu 'kwa dih, an-a': porluh⧾ 'ye worn: nmor 'do nyor⧾ bo, 'do ti-a' klehkpeh bo. :Yee': mor on no deh⧾: dao',: yee' an dhe bhaan-deh⧾ dih, 'de ybei', 'do an-a' 'jeh bo, 'de on 'ye 'kmo-': ne-eh:: eh no-a 'kmo-': ne-eh: 'jeh 'ye, 'jeh ka. :Yee': Timehte', deh Nyorsoa po-a 'de: on 'kwa,: on 'ye-a' 'yli-eh bo 'dhu,: yee' 'dhu-eh 'yli-eh bo deh 'jeh neh.: An-a': po-': an-a' 'jeh 'de deh⧾: daa 'di,: en no-a,: bobo-dhih-a' polo-eh:: en se-a Nyorsoa deh-' 'ye-eh 'nyi-: 'dekorn: dhobo-eh:: eh se-a: toror' 'di: ne-:,: eh nyor⧾: noo'-a 'da-dih-a: gwluhuh' dih: florn-eh. :Gwluhuh' dih: florn-eh:: daa,: eh: ne: ao', eh-: nyor⧾: noo' 'da on 'ble.: Yee' 'do eh-a' dha, on se 'o 'Klae-a' dhih 'jeh-': po-eh-a': gwie 'i: ne: neheh'.: Yee' Nyorsoa po a-a' klehkpeh mla bo o. 'Mor: Poror': or Nyorsoa 'da-a: or 'ye-a: Yusu' 'Klae-a'a: dboo-nyor no, 'de or-a' 'ton: korn ka 'di, or dbo 'on 'weh, 'on 'ye 'kmo: sie:: febeh': a 'ble-a,: eh: yi-dih:-a: Yusu' 'Klae-', eh-a' tubo-wlu⧾ po,: ka Nyorsoa no-a eh-a' wlu: dhama'-': po-eh. 'Mor 'ye: on,: Timehte',: mor: or gweh-a 'an: dhih: kma-yu, 'de 'Klae-a' deh 'di. Mla-:: wehlih:: korn-eh-: 'dekorn:: porluh-a' dih 'pehn-eh-: 'do: on bo,: en 'wluh-a 'de Nyorsoa: or no-a: a: Baa'-: 'dekorn:: a-a': Gwlor: baa': Yusu' 'Klae-: bo. 'On po Nyorsoa-a' 'zio,: or: korn-a 'bhoi-yu-deh: 'an no-a, 'de 'an: porluh se-a 'an 'jeh zabe: kpon-dih:,: ka 'on: bai'-a': bai' no-a or-a': weheh': za-eh: ke.: Mor 'on: taa 'de Nyorsoa bo wlu, 'gwie-:: glaa'e-:: yee' 'an po 'de: an-a' 'nyne 'weh, 'de 'an po-or 'zio: an-a' dhih. Deh: an no-a 'vin-a',: an no-a 'mii dih 'wla-eh, eh: ne 'o 'on: gwlii' 'weh. Eh-: no-eh, 'de 'an 'bhorn 'on 'ye: on 'ye 'gabaa, 'de 'mona 'ye 'on-' dih 'yi-dih:. :An-a' Nyorsoa dhih 'jeh-': po-eh: 'jeh: on 'ble-a, eh: ne 'o 'on: gwlii' 'weh.: An-a' 'na 'Loeh:: or no-a 'nynor-kpao', or-: po-ih dhih 'jeh-': zai'. 'De: on 'de 'Nyuneh po-ih dhih 'jeh-': ke. 'On yubo-eh', eh-a' 'jeh: dao', eh-:: on 'ble: ke. 'Do deh: daa, eh-a' dhih, 'an po-dih: on dhih: gwluhuh' bo, 'nyii'-deh: Nyorsoa 'nyi-a: on, ti 'on tba-a: on son⧾ ken dih, po-eh: na 'kaen 'zorn, 'de eh-a' neh 'ye 'i kpon. Deh no-eh, Nyorsoa: se-' or-a': Zulu: a-uh 'nyi,: a 'ye: fano ple. Jorwor: or-a': Zulu:: dao', mo-: 'nyi: a 'kpih-:: ybeh-dih-eh-: 'dekorn:: a-a' 'jeh wlu 'ken: korn-eh,: a: ne-' deh-zon no-:. :Yee' eh-a' dhih, dhen-a': no-': on, 'do: a-a': Gwlor: baa'-a' dhih-': za-eh bo. 'De mor dhen-a': no-': on: ke, 'do 'an: kasue 'di: po-eh bo, or-a' dhih. Jorwor: no Nyorsoa-a' 'kpih,: on 'ye 'on bo 'kpa,: a 'ye 'kle 'ye, 'do Nyorsoa-a' tubo-wlu:⧾ 'jeh-a' dhih bo. Or 'puh-dih:: a 'weh. 'De or 'da: a-uh,: a 'ye or-a': vlehehn'-': gweh-nyor⧾ no. Eh: se deh⧾: a no-a: dee', en-' dhih. Jorwor: or 'worn-dih-eh ken dih 'weh, or 'ye: a mla bo po. Mla: daa,: or: yi-dih:-a: Yusu' 'Klae-', or 'nyi-eh:: a 'weh, 'de jorwor: Nyorsoa-a mu 'bluhba: no. :Yee' or: to-dih:: a 'i 'weh: naa, 'de eh: yi-dih:: a-a' 'puh-dih-nyor:: Yusu' 'Klae-', ti or yi-a 'de, 'de or: za-a 'meh-a' gla, 'de or: ya-a: 'de 'kmo: sie:: febeh' 'do zorn-pli 'i,: eh: yi-dih:-a tubo-wlu:⧾ 'jeh: daa-'. 'Mor: or 'dhu-a: Poror'-', Nyorsoa gan 'on 'weh, 'on 'ye or-a' tubo-wlu⧾ po, 'de 'on 'ye: Yusu'-a'a: dboo-nyor no, 'de 'on 'ye nyor⧾ deh: torne-nyor no, 'do tubo-wlu:⧾ 'jeh: daa bo. Eh-:: korn dhih: oo', 'de 'an 'ye deh⧾: daa, en-' 'kle: naa. Jorwor: dhen: se-' 'on no, 'do tubo-wlu:⧾ 'jeh: daa, en-' po-a' bo. Deh no-eh, 'on yubo: nyor 'on dhe-a: gwlii' 'weh. 'On yubo-eh' deh 'jeh, or 'beh-dih: deh or po-a 'de 'on 'kwa, or 'ye-eh' 'yli-eh bo 'dhu, 'de Nyorsoa-a' zabe:: zi-we-eh 'ye 'o nyni. Dhih 'jeh: on 'worn-a, 'de 'on: torne:-a: on, me-:: on 'ye 'o klei' zi, 'de dhih 'jeh-': po-eh-: 'dekorn:: ybeh-dih-eh-:: en: Yusu' 'Klae 'nyi: a-uh, 'de en 'di. Gban i: ne: Zulu:: on 'ti-a 'de: a 'di, an-a' 'kpih, me-: a 'ye no, a 'ye bhaan-deh:⧾: daa: en: po-eh 'de a 'kwa, 'yli-eh bo 'dhu. :On yubo-eh',: ka nyor⧾-a' klehkpeh: on: ne-a 'de 'Esea-bluhba ken, on po-a 'on dih.: Faya'lor-: 'dekorn:: Ehma'jinor-: on 'kpa 'o on klei' 'weh: ke. Jorwor: 'nyi: Gwlor: baa' 'ye: Oneh'sifor-a'a: 'gbu: wehlih. Deh no-eh, or po 'de 'an 'kpih, 'do kpor⧾: dhulu' 'di. 'De mor eh: se-or' dhen: no-dih:, 'an: kasue 'di: ne-dhih. Jorwor:: yeh or 'si-a 'Wloon dih,: yee' or 'bhorn 'on 'kwla⧾-' dih: bhororn:, 'de or 'ye 'on. 'Nyi: Gwlor: baa' no-eh, 'de Nyorsoa 'ye-or: wehlih 'ye 'do or-a' zabe:: zi-we-eh 'di.: On yubo-eh' deh 'jeh,: ka or no-a 'an bo 'kpa-eh, ti 'on: ne-a 'o: gwlor an 'da-dih-a 'Ehfesor 'di. :Yee' 'an 'yu,: Timehte',: mor: mloror',: on: korn: on 'ye dih ku, 'do mla: Yusu' 'Klae po-a: on bo, or-a' dhih. :Yee' deh⧾: on 'worn-a, 'on: za-a-', 'do nyor⧾: dhulu' ybei', me-:: on: korn: on 'ye 'de nyor⧾: noo' 'kwa po,: yuh nyor⧾ dhe-a: gwlii', 'de: on 'beh-dih:-a on 'bei'-a' deh: torne-eh. :Mor: an-a' 'kle 'ye-ti nyni 'o,: yee' ku 'di dih,: ka: Yusu' 'Klae-a' sorye'-yu: 'jeh nor no-a. :Mor sorye'-yu: ne 'o: koan 'i,: yee' or-a' no: koan: nyor⧾: yuh: se-a sorye' an no-a. Deh no-eh, or 'bhorn or 'ye or-a'a:: janbe-a': porluh dih 'pehn-dih:. Nyor: or: ne or 'be-: an dhobo-a dih 'do ple-a' 'di,: mor or 'ye or 'be du, 'de or 'ye geli': za-dih-deh 'ye,: yee' or: korn or 'ye 'o ple-a' 'tele' klei' zi. Gle: no-nyor:: or no-a: koan 'gabaa 'de or 'bli 'gle, or-:: korn or 'ye or-a'a: gle-a': tehn 'i-deh di. Deh⧾ 'an zela-a: on: gwluhuh', po-ih 'de: on 'dlu 'di. Deh no-eh,: Gwlor: baa'-a mu-eh: no,: on 'ye en-' klehkpeh-a' dih 'worn. :Yee' a: na-dih:: Yusu' 'Klae-a' dhih: gwluhuh' dih,: or Nyorsoa: za-a: 'de nma-dih-deh 'di, 'de: or 'dhu-a: Debe' 'di-a' 'yu-'. Eh-:: korn tubo-wlu:⧾ 'jeh: oo', 'an po. Tubo-wlu:⧾ 'jeh 'an po-a, en-' dhih 'an 'ye 'kle, 'de on: san-dih: 'on 'chen-dubu'⧾: sloror',: eh gweh-a: ka nyor: or no-a deh-zon. Jorwor: Nyorsoa-a' wlu: se-' 'chen-dubu'⧾: san-dih-eh:. :Yee' eh-a' dhih, 'on ku 'di dih 'weh, 'do 'kle 'ye-eh-a' klehkpeh bo, 'do nyor⧾ Nyorsoa gan-a, an-a' dhih bo, on 'ye 'puh-a': or: yi-dih:-a: Yusu' 'Klae-' 'ye,: or: ya-a: 'de dhih-a' 'i 'beh-a',: or: sie:-a 'kmo. :Yee' dhih: en no-a dhih 'jeh, me-:: dhe dih.: Mor: a: ne: Yusu' 'meh-dih:: dha: due',: yee': a mu: dha: due' 'kmo-': ne-dih:: ke. :Mor: a se sea,: yee' or: ne: a mor-:: a mu nyor⧾ wlu 'ken: korn.: Mor: a dhobo or-a' dhih-',: yee' or mu: a-a' dhih-' dhobo:: ke. Deh: a: korn: a 'ye-a' no 'do 'Klae bo,: mor: a se-eh no,: yee' or: mor: mloror', or mu or-a' neh: no 'do: a bo: chio'lo:. Deh no-eh, or se or-a' 'jeh-a' dhih-' dhobo-eh 'beh-dih:. :Yee': po-dih:: an-a'a: nyor⧾ dhih: daa: gwluhuh' bo. 'Dhu-uh 'slen 'do Nyorsoa ybei', an-a': po-': dhlumeh' 'do wlu⧾-a' dhih bo. Eh: se 'o a deh 'jeh: po i. Jorwor: deh: due' eh no-a, eh 'kor-dih nyor⧾: an to-a a: dou'⧾ bo 'weh. Po 'de 'kpih: on 'ye nyor no, Nyorsoa 'ye: an-a' dhih ken dih 'worn-dih:,: on 'ye: koan:: no-nyor:: or dhen se-a: korn en 'ye-a' no gweh, 'de: or no-a nyor: or torne-a nyor⧾ Nyorsoa-a' wlu,: on no-a dhih-a' 'yor-eh, 'de 'yi 'sleh ka 'di. :Tehn-dih:: an-a' 'jeh: bobo-dhih-a' polo-eh:: en se-a deh 'di: ne bo dih, 'de: en se-a Nyorsoa deh-' 'ye-eh 'nyi. Deh no-eh, nyor⧾: on: ne-a 'de en 'di, an-a' Nyorsoa bo dih: tehn-dih-eh mu ken dih 'kpuhba:: chio'lo:. An-a' nyor⧾ deh: torne-eh:: dao', eh gweh 'pa: or-a' 'bor-a, 'de: or gweh-a nyor⧾-a' yau-a' klehkpeh 'dlu. Nyor⧾ 'sororn': an torne nyor⧾ deh⧾: en: ne: ao', an-a' 'nyne: wor: Ame'na-: 'dekorn:: Fali'ta-:. Nyor⧾: daa, on 'wluh 'o dhih-a' 'yor-eh-a': gwie 'i 'weh. An 'tmo sih. On 'da 'meh: sorn-' deh zi: weh. Nyor: se 'de nma-dih-deh 'di 'wluh-: i: neheh'.: Mor on 'da: ao',: yee' an 'kor-dih nyor⧾: noo'-a' dhih 'jeh-': po-eh 'weh. Jorwor: 'chore Nyorsoa po-a glu, eh: se 'i gbua-deh:. Eh 'chle-eh:-' 'do eh ken, eh 'da,: Gwlor: baa' yubo:: yuh: on: korn-a 'de or bo 'weh.: Yee' eh 'da: neheh', Nyor⧾-a' klehkpeh: on no-a, mo-:: Gwlor: baa'-a' nyor⧾: oo', on: korn on 'ye an-a' deh⧾-zon⧾ 'kpuh ya: to. 'De 'gbu: klaba' 'di, 'di: di-dih-deh:⧾: en: ne-a 'de, en: sie-dih: 'zorn dih. On: no-dih:: nee' 'sebla-:, 'dekorn: 'goo-:. 'De on: no-dih:: nee' meh-: 'dekorn: tu⧾-:.: Nee': korn ti, 'de an 'duo-ih', an no-dih-ih: koan-'. 'De: nee': ne 'o, an no-dih-ih: koan-' 'do ti-a' klehkpeh bo. :Mor eh 'dhu, nyor 'tali: or-a' deh⧾-zon⧾ dih, 'de or 'ye: vlehehn'-': gweh,: yee' or mu 'di: di-dih-deh:: eh: korn-a ti, 'de nyor⧾-a no-dih-a: koan: gweh. Or mu 'for 'i: dhe-dih-eh: 'do Nyorsoa bo, or 'ye: koan: korn 'do or bo.: Yee' or mu buh⧾ ken: ne, or 'ye: koan: 'jeh: nor 'doror: 'dor no. :Timehte',: tehn-dih: 'nynuu:: gbolo'⧾-a' 'bhororn'-deh⧾-zon⧾ bo dih. Nyor⧾: an za-a: Gwlor: baa'-a': weheh', 'de: porluh⧾-a': vlehehn'-': gweh ka 'di, mo-:: on 'ye bo: na, a 'ye 'yi 'sleh-deh⧾-: dhih 'jeh-': po-eh-:: ybeh-dih-eh-: wlu-' dih 'worn-eh-: a 'ye-ih' 'de ple. :An-a' 'kpa-:-' nyor⧾ bo, a-a' dhobo:-': bobo-dhih-: 'dekorn: se deh 'i yubo-dhih-:. Deh no-eh,: on yubo-eh',: ka en ya-a 'de jeh-a'. :Yee': Gwlor: baa'-a' 'bhoi-yu: ne nyor⧾-a': jeh-'. Jorwor: or-a': porluh: korn on 'ye 'yi dih: nmor, 'do nyor⧾-a' klehkpeh bo.: Yee' or: korn or 'ye nyor⧾ deh: torne-nyor: 'jeh nor no,: or kpon-a: porluh dih 'do nyor⧾ bo. :Mor or: taa nyor⧾: an vorn-or bo, deh: jii-eh 'i dih po, or: korn or 'ye 'i: kpoehn:. Nyor se yubo:, nyor⧾: dao', Nyorsoa-a mu-eh: no, on 'ye-' dih 'bili:, 'de on 'ye dhih-a' 'yor-eh yubo:, on 'ye an-a' 'jeh bo yi, on 'ye 'de 'ku: on kpon-uh-a: dee', on 'ye-a' an-a' 'ton: korn-deh no, on 'ye ple, on 'ye 'de an-a' pluh 'worn 'wluh. :Yee' 'an 'bhorn: on 'ye-eh' yubo:, 'do: de 'bor-dih-we 'di, deh⧾-a mu 'i: kma. :Gwlor-nyor⧾-a mu an-a' 'jeh-a': due'-a' dhih: zi. An mu 'wlii-a' dhih: kma. An mu an-a' 'jeh dhih bo: po. An mu an-a' 'jeh 'i 'beh-dih:. An mu 'jlei 'worn 'yi-:. On: se 'o on 'de-: 'dekorn: on: baa'-: an-a' wlu dih: dhe i. 'Zio: po-eh se 'de on 'worn: ne, 'de an-a' 'ye Nyorsoa-a' gban 'i: ne-deh⧾ deh-'. An mu 'galo:: korn. On: se-': wehlih: gwlii': ne i. An mu on 'bei' deh⧾-zon⧾ 'bhun dih: za-dih:. On: se-' an-a' 'jeh wlu 'ken: korn i, 'do deh⧾-zon:⧾: no-eh bo. An-a': porluh⧾-a mu worn: nyni. An mu deh 'jeh 'nyeh-:. An mu: bhuli' dih 'yi-dih:. On: se-' deh 'kor-dih-eh: ple i. An mu: nya-dih-eh-' dih 'yi-dih:. An mu 'kmo bo 'kpa-: on 'ye-uh': ybeh, eh 'ye 'o Nyorsoa-': zi. An mu an-a' 'jeh Nyorsoa-nyor⧾ 'da-dih:. Jorwor: an mu or-a' 'kpih: vlehn. Nyor⧾: dao',: on: ne: ao',: tehn-dih-uh bo dih o. Nyor⧾-a' 'jeh: dao', mo-: 'o,: an po-dih nyor⧾ 'sleh dih, 'de: an pa nyor⧾ 'bli 'gbu⧾ 'di dih. 'De: an bo-dih 'nynor⧾-kpao'⧾ dih,: yuh: korn-a: porluh:⧾ se-a dih ku, 'de: an-a': gwle-a 'o nyor⧾-a' wlu dhih 'jeh-': po 'da, 'de an korn-uh wlu 'ken. 'Nynor⧾-kpao'⧾: dao', deh⧾-zon:⧾ an no-a, en-' bhali-a bla-uh'. 'De an-a' 'bhororn'-deh⧾-zon:⧾ 'doror: 'dor-a na-dih-uh 'kle. An 'bhorn on 'ye deh 'chean' 'do ti-a' klehkpeh bo. Jorwor: on se 'beh-dih: on 'ye dhih-a' 'yor-eh dih 'worn. :Ka nyor⧾ 'sororn' an 'da-dih-a 'Jana-: 'dekorn: 'Janble-: on no-a, 'de on vorn-a: Mose' bo, 'ka: wor nyor⧾: dao',: an bo-dih-a nyor⧾ dih, an no: ke, an vorn dhih-a' 'yor-eh bo. 'De an-a' 'dlu⧾ se 'i 'sleh. 'De on se dhih 'jeh-': po-eh: 'jeh neh 'ble. Jorwor: on: se-' deh-': na i. Deh no-eh, nyor⧾-a mu-eh 'ye-:,: ka on no-a: bo-a'. Deh: korn-a 'be no-a 'Jana-: 'dekorn: 'Janble-:, eh-: 'o. Jorwor:: mor: mloror',: on yubo: 'an nyor⧾ deh: torne-eh bo dih 'weh.: On yubo: 'an noo-deh⧾-: deh 'an 'bhorn-a 'on 'ye-a' no 'noror 'kmo bo-: 'an dhih 'jeh-': po-eh-: 'an: porluh-a' dih: kpon-eh-: 'an nyor⧾-': ybeh-eh-: 'dekorn: deh 'an-a' 'worn, 'an-a' sea-:. 'De: on yubo:: ka nyor⧾ no-a 'an 'kle 'ye-dih-eh, 'de 'on 'ye-a 'an 'jeh worn 'gabaa. Deh⧾-a' klehkpeh: en: yi-dih:-a 'on ya dih, 'do: gwlor⧾ an 'da-dih-a 'Antior-:: Iko'nia-: 'dekorn: 'Lesla-: 'di,: on yubo-ih'. Jorwor:: Gwlor: baa' zelie: 'on 'weh, 'do deh⧾-a' klehkpeh: daa 'zorn. :Yee' nyor⧾-a' klehkpeh: on: korn-a 'de: Yusu' 'Klae bo,: an 'bhorn-a: on 'ye-a' 'kmo: on 'pehn-dih:-a Nyorsoa-a': porluh dih 'kmo-': ne-dih:, nyor⧾-a' 'jeh: dao', nyor⧾-a mu-uh 'kle 'ye-dih:. :Yee' 'do ti: ne-a: due' 'di, 'kulu-nyor⧾-: 'dekorn: nyor⧾ dih: bo-dih-nyor⧾-: an-a' deh⧾-zon:⧾: no-eh-a mu 'de de dih 'kpa-:. An mu nyor⧾ dih: bo-dih:, 'de nyor⧾ 'ye-uh' dih: bo-dih:: ke. Jorwor:: mor: mloror', deh⧾: a: torne:-a: on,: on po-a dhih 'jeh-' 'gabaa, 'nyi en: sie:: on. Deh no-eh,: on yubo:: yuh: korn-a 'kwa: on 'chean'-dih-a deh⧾: daa 'weh. :Eh 'wluh-a 'de: an-a' 'yu-yu-bla,: on yubo: Nyorsoa-a' gban 'i: ne-chlee-deh 'weh,: eh 'beh-dih:-a: eh 'ye-a: on: toror' 'nyi,: on 'ye-a: Yusu' 'Klae-a' dhih dhih 'jeh-' po,: on 'ye-a' 'puh. Deh⧾-a' klehkpeh: en 'chle-eh 'de Nyorsoa-a' 'chlee-deh 'di, Nyorsoa: oo', or-: za-ih'. 'De en: korn: koan 'do nyor⧾ deh: torne-eh bo, 'do 'yi zi-deh⧾-a' 'bhun dih: wlu-dih-eh bo, 'do nyor⧾-a': gwie-': po-eh bo, 'dekorn:: ka nyor⧾ 'ye-a' 'yi 'sleh-deh⧾-a' 'kmo-': ne-dih-eh no, eh-a' nyor⧾: jii-eh 'i dih: po-eh-:. 'De nyor: or: korn-a 'de Nyorsoa bo, or 'ye 'kpa: po-eh: deh 'jeh, 'do: koan: 'jeh-a' klehkpeh-a' no-a' bo. :Yee': mor: Yusu' 'Klae 'yle, 'de 'keen ka 'di,: yee' or mu 'meheh'-nyor⧾-: 'dekorn: 'kmo: ne-nyor⧾-: an-a' zabe: zi. Eh-:: korn dhih: oo', 'de 'an 'da: on, 'do or-: 'dekorn: Nyorsoa-: ybei', :on 'ye Nyorsoa-a' tubo-wlu⧾ po.: Ne buh⧾ ken,: on 'ye-eh' no, 'do ti-a' klehkpeh bo.: Mor nyor⧾: taa-ih-a: dou'⧾ bo to-: 'de mor an-a': yeh se-ih: dou'⧾ bo: to-: po-ih 'suh. Po 'o nyor⧾: gwie 'i.: Wlu-dih: 'yi zi-deh⧾ 'bhun dih. Po 'de nyor⧾-a' 'kpih.: Mor: on: taa nyor⧾ deh torne,: yee' kpon: porluh dih. Deh no-eh, ti-a mu 'o: nyni,: gwlor-nyor⧾: se-' nyor⧾ deh: torne-eh: 'jeh: dou'⧾ bo: to i. Deh: eh tba-a 'o on: gwlii' dih, eh-: an mu: no. Eh-:: korn dhih an mu nyor⧾ deh: torne-nyor:⧾: dhulu' deh⧾-' dih: za, on 'ye deh⧾ an-a': porluh⧾-a sin-a, on 'ye-a' no, on 'ye-ih' on: gwluhuh' zela:. Dhih-a' 'yor-eh:: en kor-a Nyorsoa 'i, an mu-ih 'kpuh ya: to, on 'ye sih: manua: dou'⧾ bo: to. Jorwor:: mor: mloror', 'dhu: an-a' 'jeh: dhororn' 'do: an-a' noo-deh⧾-a' klehkpeh bo.: Mor: on: taa 'kle 'ye,: yee' ku 'di dih. Nyor⧾: an kpa-a Nyorsoa-a' tubo-wlu:⧾ 'jeh deh⧾-' dih,: koan: an no-a, or-:: on 'ye no: ke.: Yee' no: an-a' Nyorsoa-a': koan-a' klehkpeh deh 'jeh. 'Mor: mloror', ti nyni 'o 'weh, 'on 'ye 'an: febeh' Nyorsoa 'nyi,: eh gweh-a: ka nyor⧾-a za-a 'slaa. Ti nyni 'o 'weh, 'on 'ye dha yao 'zorn 'wluh. 'On vorn vorn-a' 'jeh nor 'weh. 'On jla 'an-a:: koan 'weh. 'On kpa 'Klae-a' dhih 'jeh-': po-eh 'dlu bo 'weh, 'on: nynia-dih-eh. :Yee': yeh 'on: ne-a ken: naa,: gblaa': or no-a geli': za-dih-deh 'do 'yi 'sleh-nyor⧾ bo, or-: fuo 'on ken: naa.: Gblaa': dao', or-:: Gwlor: baa': or no-a 'yi 'sleh-zabe:: zi-nyor-a mu 'on geli': za-dih: 'do Nyorsoa-a' zabe:: zi-we-eh 'di. 'De eh: se 'on: due'. Jorwor: nyor⧾-a' klehkpeh: an fuo-a or-a' de: yi-ti 'gabaa, or-: or mu-uh geli': za-dih:: ke. :Yee' po 'de 'kpih,: on 'ye 'dhobo:,: on 'ye 'noror 'on bo yi. Deh no-eh, 'Dima po 'on-: dih. Or 'kpa 'kmo-a' deh⧾ bo. Or mu 'Tehsolo'nika. 'Klehseh mu: Gale'tia, 'de Talor' mu: Dama'tia. 'Lu: due', or-:: ne: daa 'on bo. Mu 'o 'Make,: on 'ye-or' 'de: ya. Deh no-eh, or: korn noo-deh: 'noror 'an: koan 'di. 'On dbo: Teki'kor 'de 'Ehfesor. :Mor: on: taa 'de yi,: yee': ya 'de 'an-a: 'korlor 'on: sie-dih:-a 'Kapor 'de: gwlor an 'da-dih-a 'Tloa.: Yee': ya 'de 'an-a: 'chlee-deh⧾: ke. Jorwor:: an-a': sie: 'de: yih nyor⧾: no-dih:-a nimi⧾-a' ku⧾ o. 'Yu an 'da-dih-a 'Ehleza'na,: or no-a nene:: bla-nyor, deh-zon: or no-a 'on-', eh: ne-' 'dli 'gabaa.: Gwlor: baa'-a mu eh-a' kpa: za, 'do deh or no-a 'on-' bo. :Yee' eh-a' dhih, 'dhu: an-a' 'jeh: dhororn': ke, 'do or bo o. Deh no-eh, tubo-wlu:⧾: a po-a, or vorn-ih-: bo 'gabaa. Ti on 'ye-a' 'de 'on 'koti-' kpa: zai', 'de 'on 'ye-a 'an 'jeh dhih ken: za,: yee' nyor: se-' 'on bo 'kpa. An-a' klehkpeh, on sie 'de 'on 'weh. Nyorsoa-a' 'ye-uh:-' 'do eh bo. Jorwor:: Gwlor: baa': ne 'de 'an 'for bo 'weh. Or 'nyi 'on 'kpih 'weh, 'de 'on po Nyorsoa-a' tubo-wlu⧾-a' klehkpeh, 'de nyor⧾: on: se-a: Jueh'-nyor⧾ bo, 'de on 'ye-ih' 'worn. 'De Nyorsoa: za 'de 'on ji 'worn. :Yee': Gwlor: baa'-a mu-eh: no 'kulu-deh se 'beh-dih: eh 'ye 'on bo yi, 'de or 'ye 'de or 'bli yai' 'on kpa: pehleh'peh:,: dha or: korn-a wlu 'ken. Dhih-a' 'i 'beh-a' 'do or bo,: ka ti-a mu-a 'dlu-': tehn klehkpeh klehkpeh. 'Ka-: eh 'ye: ne. :Yee' 'mor 'ye: Plosi'la-:: Akwi'la-: 'dekorn:: Oneh'sifor-a'a: 'gbu-:. :Ila'tor: sie: 'de 'Korli-gwlor:-' 'weh. 'De 'on sie: Tlofi'ma 'de: Mali'ta. Deh no-eh, or kormu:-'. Po 'de 'kpih,: on 'ye 'de yi, 'de eh 'ye: chehbe'-a' ti no o. 'Yubilor-: 'Pudeh-: 'Lanor-: 'Klordia-: 'dekorn: 'Klae: de-di'-boi'-a' klehkpeh-: on 'da, mo-: 'ye: on. :Gwlor: baa': ne 'o: on bo. Or po a-a' klehkpeh mla bo o. 'Mor: Poror': or no-a Nyorsoa-a' 'bhoi-yu, 'de: or no-a: Yusu' 'Klae-a'a: dboo-nyor, 'mor 'ye: on, Talor'. Or dbo 'on 'weh, 'on 'ye nyor⧾ Nyorsoa gan-a, an-a' dhih 'jeh-': po-eh 'kpih ken po, 'de dhih-a' 'yor-eh:: en: ne-a 'de: a-a'a: Nyorsoa-deh 'di, on 'ye-ih' yubo:. Dhih 'jeh: po-eh:: daa-: 'dekorn: dhih-a' 'yor-eh:: daa-: en 'wluh 'de 'kmo: sie:: febeh'-a': gwlii': dhe-eh bo,: eh: korn-a wlu Nyorsoa,: or-a' 'tmo-a sih, or po-a: dhama'-', 'de jorwor: 'bluhba-a mu-a: no-eh. 'Do ti 'jeh 'i: oo', 'do: wor Nyorsoa: or no-a: a-a' 'puh-dih-nyor, or: florn-dih: or-a' tubo-wlu⧾ ken dih 'noror: a bo: eh: yi-dih:-a or-a' tubo-wlu:⧾: po-eh:: daa, or po-a 'de 'on 'kwa, 'de or 'nyi-a 'on 'tele', 'on 'ye-ih'-a po. 'An 'chle: on bo, Talor',: mor: or gweh-a 'an 'jeh-a'a: 'yu,: a-a' 'Klae-a' dhih 'jeh-': po-eh-a' dhih. Mla-: 'dekorn:: porluh-a' dih 'pehn-eh-: 'do: on bo,: en 'wluh-a 'de Nyorsoa: or no-a: a: Baa'-: 'dekorn:: Yusu' 'Klae: or no-a: a-a' 'puh-dih-nyor-: bo. :Yee' deh: korn-a dhih, 'de 'on: sie:-a 'de: on 'Klii-bluhba ken, 'an 'bhorn: on 'ye deh⧾: en se-a 'i: gweh,: on 'ye-ih' 'i gweh,: on 'ye 'chore-nyor:⧾: klaba'⧾ kpala'⧾ 'i po, 'de gwlor⧾ 'di dih,: ka 'on no-a: an-a': gwluhuh' zela-eh. 'Chore-a' nyor: klaba' se: korn or 'ye dhih 'bhun: ne. Or: korn or 'ye 'nynor: due': korn 'klein'. Or-a'a: 'nynuu: korn on 'ye 'Klae-a' dhih dhih 'jeh-' po. On se: korn on 'ye 'nyne-zon⧾ 'ble,: eh: mor nyor se an-a' wlu 'ken: korn-eh 'beh-dih:, 'de mor an-a' dhe 'o on 'de-: 'dekorn: on: baa'-: an-a' wlu dih. :Yee': ka Nyorsoa-a': koan: po-eh 'de 'chore-a' nyor⧾: na-dih-nyor 'kwa,: yee' or se: korn or 'ye dhih 'bhun: ne. Or-a': no-', or: due' or-: yubo: deh 'i. Or se: korn or 'ye 'chehn-': ne. Or-a': no-' nomor 'na-nyor. Or se: korn or 'ye deh⧾ 'kor-dih-nyor no. Or se: korn or 'ye 'wlii-dhih: due' zi. Jorwor: or: korn or 'ye or-a'a: 'gbu 'kwla: za 'do 'duhba⧾ bo. Or: korn or 'ye deh 'jeh-': ybeh. Or: korn or 'ye or-a' 'jeh wlu 'ken: korn, or: ne-' deh-zon no. Or: korn or 'ye 'yi 'sleh-nyor no,: or: dhe-dih-eh 'for 'i 'do Nyorsoa bo. Or: korn or 'ye: gwluhuh' dih: florn. Or: korn or 'ye Nyorsoa-a' tubo-wlu:⧾ 'jeh,: en nyor⧾ dhe-a: gwlii', 'de on: torne:-a: a-uh, dih kpon: glii:, 'de or 'ye nyor⧾-a' 'kpih bo: po-eh 'beh-dih:, 'do nyor⧾ deh: torne-eh: 'jeh bo, 'de or 'ye: yuh: an vorn-a nyor⧾ deh: torne-eh:: daa bo,: gwluhuh' zela:: ka on se-a 'o: gwie 'i: ne. Deh no-eh, nyor⧾: dhulu', mo-:: an bla-dih nyor⧾ worn. Nyor⧾-a' 'jeh: an no-a deh⧾: dao', mo-: 'dhu: Jueh'-nyor⧾-a': yuh,: on po-a 'Klae-a' dhih dhih 'jeh-', 'de: an 'neh-a: bhlororn' 'meh-deh ken. An no an-a' wlu⧾: forbuh:⧾, an bo-dih nyor⧾ dih. :Yee' Talor',: on: korn: on 'ye nyor⧾: dao' 'borboa' 'i po. Deh no-eh, deh⧾ on se-a: korn, on 'ye-a' nyor⧾: torne:, me-: an torne nyor⧾, me-: 'kor-dih nyor⧾: dhulu'-a' dhih 'jeh-': po-eh:: eh: ne-a 'de on 'bli 'gbu⧾ 'di dih. 'Wlii-a' dhih: due': oo', an zi, eh-:: korn dhih an no: ao'. An-a' 'yor-eh-a' wele-eh:: po-nyor: due': sloror', or-:: wlu,: or 'dae:, 'Klii-nyor⧾ no sih 'tmo-nyor:⧾, 'do ti-a' klehkpeh bo. On gweh 'yi: kma-nimi⧾. 'De on no vlaan-nyor⧾-a': yuh: on nyni-a worn⧾ 'i. :Yee' dhih an-a' wele-eh:: po-nyor:: daa, or: za-a-', en no dhih-a' 'yor-eh:.: Yee' eh-a' dhih,: wlu 'de on bo deh 'jeh, 'de an-a' 'Klae-a' dhih 'jeh-': po-eh 'ye 'kwla: gweh, 'de on: ne-': Jueh'-nyor⧾-a' sih: manua: dou'⧾ bo: to,: korn mor nyor⧾: on po-a dhih-a' 'yor-eh dih, an-a' 'tele'-:. Nyor⧾: on: gweh-a: vlehehn'-', deh⧾-a' klehkpeh, en: nmor-: 'yi 'do on bo, 'do Nyorsoa ybei'. Jorwor: nyor⧾: yuh deh⧾-zon⧾ 'kor-dih:-a, 'de: on se-a dhih 'jeh-': po-eh 'ble, deh-beh-deh-beh se 'yi dih: nmor 'do on bo, 'do Nyorsoa ybei'. 'De mor, an-a' 'dlu 'di dih: na-dih-deh⧾-: 'dekorn: an-a': porluh⧾-: en 'kor-' 'do deh⧾-zon⧾ bo. On 'da on no nyor⧾: on yubo:-a Nyorsoa. Jorwor: an-a' noo-deh⧾: torne-eh: a 'weh,: ka on: se-a Nyorsoa-nyor:⧾. An-a' dhe 'o Nyorsoa-a' 'tele' dih, 'de or 'nyeh-uh'. On se deh-beh-deh-beh:: eh no-a deh 'jeh, eh-a' no-a' 'beh-dih:. :Yee' Talor',: mor: mloror',: ka nyor⧾ deh: torne-eh: 'jeh-a': gwie⧾ no-a mu-a', 'ka-:: on 'ye nyor⧾ deh: torne-eh no. :Torne: nyor⧾: bholuh⧾ deh, on 'ye 'de 'yli 'de dih tba, 'de on 'ye an-a' 'jeh deh-' 'ye, 'de on 'ye an-a' 'jeh wlu 'ken: korn, on: ne-' deh-zon no, 'de on 'ye 'kwla: gweh 'de 'Klae-a' dhih 'jeh-': po-eh-:: ybeh-dih-eh-: 'dekorn:: an-a' sea-: 'di. 'Ka: wor: on 'ye no: ke, 'do 'nynor⧾: bholuh⧾ bo.: Torne-eh on: ka Nyorsoa-nynor⧾-kpao'⧾: korn on 'ye-a' 'kmo: ne-eh no, 'de on: ne-' nyor⧾ deh⧾-zon⧾ 'bhun dih: za-dih:, 'de on: ne-' nomor 'na-nyor⧾ no. Jorwor: 'nyi on: torne: nyor⧾ deh⧾: en 'sleh-a 'i, 'de on 'ye 'nynor⧾: gbolo'⧾ deh: torne:: ke,: ka on 'ye-a' an-a'a: yibeor-boi'-: 'dekorn: an-a'a: 'nynuu-: an-a' dhih: kma-eh no. :Torne-eh on, on 'ye an-a' 'jeh wlu 'ken: korn, on: ne-' deh-zon no, on 'ye: vlehehn'-': gweh-nyor⧾ no, 'de on 'ye 'nynor⧾ 'jeh no no,: an 'dhu-a 'gbu 'yli-eh bo deh 'jeh, 'de an-a': porluh⧾ 'ye 'yi dih: nmor, on 'ye an-a' 'jeh ya: ya 'do an-a'a: yibeor-boi' 'zorn, 'de nyor⧾: ne-' Nyorsoa-a' wlu 'bhun dih: wlu-dih:. 'Ka: wor: on 'ye no: ke, 'do nyor⧾-kpalu⧾-nynuu:: gbolo'⧾ bo.: Wlu 'de on bo, on 'ye an-a' 'jeh wlu 'ken: korn, on: ne-' deh-zon no. :Mor an mu ya pobo:, 'do deh⧾-a' klehkpeh: an mu-a: no bo,: yee' deh⧾: en: nmor-a 'yi dih, me-:: on 'ye no.: Mor: on: taa nyor⧾ deh torne,: yee' 'nyi eh tba 'de: on 'di dih, 'de mor: an-a' 'wluh-dih:-': goba'-dhih ken dih. :Mor: on: taa-eh no,: dha wlu: korn-a, 'do: wor: on 'ye-uh': po-dih:, 'de nyor⧾: ne-' ka 'ye, 'do: an-a' dhih 'bhun dih: za-dih: 'da, 'de dhen 'ye nyor⧾: an vorn-a: on bo no. Deh no-eh, deh-zon:, on 'ye-a': za 'do: a 'bhun, eh se: ne. :Yee': torne: 'ge-nynuu deh, on 'ye an-a' 'jeh ya: ya 'do an-a'a: nyor⧾: klaba'⧾: on korn-uh-a wlu 'ken, 'zorn, 'de deh⧾-a' klehkpeh 'di, 'de on 'ye 'de 'kpih po, on 'ye an-a'a: nyor⧾: klaba'⧾: dao'-a': porluh⧾ dih 'pehn-dih:. On se: korn on 'ye-uh' worn 'i 'si. 'De mor on se: korn on 'ye-uh' bo 'yli. Jorwor: on: korn on 'ye-eh on: torne:: ka on 'beh-dih:-a on 'ye-uh'-a: gwlii' dhe 'do deh⧾-a' klehkpeh bo. 'De on 'ye-eh' no, on 'ye Nyorsoa: or no-a: a-a' 'puh-dih-nyor, or-a' nyor⧾ deh: torne-eh 'nyne 'nyi, 'do deh⧾-a' klehkpeh bo. Deh no-eh, Nyorsoa: to-dih: or-a' mla nyor⧾-a' klehkpeh-: 'i, 'de an-a' klehkpeh 'ye 'puh-a' 'beh-dih:. Nyorsoa-a' mla: daa, or-:: torne-eh: a-uh,: ka: a 'ye-a se Nyorsoa deh-' 'ye-kplen-a' 'kpuh ya: to-eh no-: 'dekorn:: porluh-a' sin-a' 'do 'kmo bo deh⧾-a' 'bhorn-a' bo-:. Or-:: ne-a: due', or-:: torne-eh: a-uh: ka: a 'ye-a: a-a' 'jeh wlu 'ken: korn-eh no, 'de: a: ne-a' deh-zon no-: 'yi 'sleh-deh-a' no-a'-: 'dekorn: 'kmo-': ne-eh:: eh 'pehn-dih-a Nyorsoa-a': porluh dih-: 'noror ti: a: ne-a ken: naa 'di. Deh⧾: daa, me-:: a: korn: a 'ye no,: ka: a fuo-a: bhorlie'-we-eh:: a-a' klehkpeh: a dhe-a: gwlii',: eh mu-a 'de: yi 'ken. 'Do 'we-eh:: dao' 'di,: Yusu' 'Klae: or no-a: a-a' 'yi 'beh-Nyorsoa-: 'dekorn:: a-a' 'puh-dih-nyor-: or mu: a 'i 'wluh-dih:, 'de or-a' dhih-a' 'i 'beh-a' 'di. Or: za or-a' 'jeh 'kwla 'weh, 'do: a-a' dhih bo, or 'ye: a zelie:, or 'ye: a 'de deh⧾-zon⧾-a' klehkpeh 'di: za, or 'ye-eh' no, 'de: a 'ye: vlehehn'-': gweh-nyor⧾ no,: on: korn-a 'de or: due' bo, 'de: on: korn-a: porluh⧾-a: sin-a,: on 'ye-a deh⧾ 'jeh ne no. :Yee' deh⧾: daa, me-:: on 'ye nyor⧾: torne:.: Mor: on: taa-eh no,: yee' po 'de an-a' 'kpih. No Nyorsoa-a' 'kpih,: on 'ye-uh' 'o: gwie 'i po.: An-a' 'worn-:-', an-a' nyor-beh-nyor-beh:-': vlehn-': on. :Yee': po-dih-eh nyor⧾: gwluhuh' bo, on 'ye an-a' 'jeh ya: ya 'do nyor⧾ wlu 'ken: korn-nyor⧾-: 'dekorn: 'gomla-nyor⧾-: 'zorn, on 'ye 'o an-a' 'tele' dih dhe, on 'ye buh⧾ ken: ne 'do deh 'jeh: neh: no-eh bo. Zela-uh: gwluhuh', on: ne-' nyor-beh: deh⧾-zon⧾ 'bhun dih: za-dih:. An-a': no-' jeheh-nyor⧾.: Yee' 'nyi on no 'yi: kpon-eh-nyor⧾. 'Nyi on no nyor⧾: on: korn-a kplen: nmor-a 'yi dih 'do: gwlor-nyor⧾-a' klehkpeh bo. :A-a' 'jeh: daa: ke,: a no nyor⧾: dee',: an no-a: bobo-deh⧾. 'De: a-a': dhe 'o Nyorsoa-a' 'tele' dih.: A: bo-dih-eh: dih. 'De: a no 'ge-nynuu: dee', 'do: porluh-a' sin-a' 'do deh⧾-zon:⧾ 'doror: 'dor bo-: 'dekorn: deh⧾: en 'pehn-dih:-a: a-a': porluh⧾ dih-:.: A: ne-dih: 'galo:: korn-eh-: 'dekorn:: gwlehehn'-: 'kmo: dee'.: A 'nyeh: a 'bei'-' 'weh, 'de nyor⧾ 'nyeh: a-uh': ke. Jorwor: Nyorsoa: or no-a: a-a' 'puh-dih-nyor,: yeh or-a': porluh-a' 'yi dih: nmor-eh-: 'dekorn: or-a' nyor⧾: ybeh-eh-: en: to-dih-eh:: a 'i, :yee' or 'puh-dih:: a 'weh. Eh: se: a-a' 'yi 'sleh noo-deh:⧾: a no-a en-' dhih, or 'puh-dih:: a-uh: deh. Jorwor: or-a': wehlih:: korn-eh: 'o. Or 'puh-dih:: a 'weh, 'do: a-a' worlor-eh bo,: eh: ya-a: 'de 'wluh-a': dele'-: 'dekorn:: febeh': dele'-:: eh: yi-dih:-a or-a' Gban 'i: ne: Zulu. Nyorsoa: yi-dih:: Yusu' 'Klae-': or no-a: a-a' 'puh-dih-nyor, 'de or 'nyi or-a' Gban 'i: ne: Zulu: a-uh 'de or-a': porluh-a' worn: nmor-eh 'di. Eh-: no-eh, 'de: a no 'yi 'sleh-nyor⧾ 'do Nyorsoa ybei',: eh: yi-dih:-a or-a' mla-', 'de: a 'ye 'kmo: sie:: febeh': a dhe-a: gwlii': naa 'ye 'de ybei'. Dhih: daa: a za-a-', dhih-a' 'yor-eh: 'o.: Yee' eh-a' dhih, 'an 'bhorn: on 'ye en-' wlu-' dih tli, 'do en-': za 'da, 'de nyor⧾: on po-a Nyorsoa-a' dhih dhih 'jeh-', on 'ye: gwluhuh' dih 'wla, on 'ye an-a' ti-a' klehkpeh-' 'duo:, 'do deh⧾ 'jeh ne-a' no-a' bo. Deh⧾: daa, en: nmor-: 'yi, 'de en: korn: koan 'do: gwlor-nyor⧾-a' klehkpeh bo. Jorwor:: zaa': or se-a: toror' 'di: ne-: 'wluh-a-keli-: dhobo-eh-: 'dekorn: jeh-a': Mose'-a' 'tele'-a' dhih-: me-:: on 'ye bo dih: tehn-dih:. Deh no-eh, en se: koan: korn, en-' po 'o nyor⧾ deh. Nyor: or ya-a 'de nyor⧾-': gble-eh, 'de nyor⧾ 'nyne-', 'dhu-or 'slen. No kpor⧾ 'sororn'.: Yee': mor or se 'slen 'worn,: yee' za-or son 'bhun. :On yubo-eh',: ka nyor: or: ne: ao', or se-a 'o: gwie: 'jeh 'i: ne, 'de or no-a deh⧾-zon:⧾: no-nyor. Or-a' 'jeh-a' kplen, me-: chehn or-a' zabe 'i. :Yee': mor 'on dbo 'Atima-: 'dekorn:: Teki'kor-: an-a' nyor: due' 'de: on bo,: yee': on: korn 'gen, 'do: dha: due' 'jeh: dao', po 'de 'kpih,: on 'ye 'de 'on bo: Nikor'poli-gwlor 'di yi. Deh no-eh, 'do: wor 'on polo-eh 'do 'on: gwlii', 'do: chehbe'-a' ti 'di, 'on 'ye 'o: ne. Po 'de 'kpih,: on 'ye 'Zina:: or no-a 'tele': zi-nyor-: 'dekorn:: Apor'lor-: bo 'kpa, 'de on 'ye: gwie 'i 'kpa.: Yee' 'ye-eh bo, deh⧾-a' klehkpeh on se-a 'ble, on 'ye-ih' 'ye. :A-a'a: nyor⧾: korn on 'ye an-a' ti-a' klehkpeh-' 'duo-eh 'chean', 'do deh⧾ 'jeh: ne: no-eh bo. 'De on 'ye nyor⧾: on: korn-a son⧾ se-a 'o nyni-': za-dih:, 'de on: ne-' 'kmo-': ne-eh:: eh se-a deh-' 'dhu-eh: 'kmo: ne-dih:. :Yee' nyor⧾-a' klehkpeh: on: ne-a 'noror 'on bo, on 'da, mo-: 'ye: on.: A: mor 'ye: a 'bei'-a' klehkpeh: on no-a 'Klae-a' nyor⧾. Mla 'do a-a' klehkpeh bo. 'Mor: Poror': or no-a: kasue-nyor 'do: Yusu' 'Klae-a' dhih. 'Mor-: 'dekorn:: a-a' 'Klae: de-di': Timehte'-:: a: mor 'ye: on,: Falimor',: mor: or 'dhu-a: a-a': dhih: kma-nyor-', 'de: or no-a: a 'be: koan:: no-nyor, :korn: a-a' 'Klae: de-di'-nynor-kpao': Afi'a-:: korn: Aki'pa:: or no-a: a 'be sorye'-yu 'de 'Klae-a' deh 'di-: 'dekorn: 'chore-nyor:⧾: an 'gbon-dih-a 'de: on 'bli 'gbu-:. Mla 'do a bo, 'dekorn: wlu-' dih 'worn-eh-:: eh 'wluh-a 'de Nyorsoa: or no-a: a: Baa'-: 'dekorn:: Gwlor: baa': Yusu' 'Klae-: bo. :Yee' 'an po 'an Nyorsoa-a' 'zio 'do: on bo.: Mor 'on: taa 'de or bo wlu,: yee' 'an po 'de: an-a' 'nyne 'weh, 'do ti-a' klehkpeh bo. Deh no-eh, 'on 'worn: an-a' dhih 'jeh-': po-eh: on 'ble-a 'de: Gwlor: baa': Yusu'-a' deh 'di, eh-a' 'nyne 'weh, 'dekorn:: ybeh-eh:: on 'ble-a 'do Nyorsoa-nyor⧾-a' klehkpeh bo-:. 'An wlu 'de Nyorsoa bo: on 'ye 'yaa:: mor: on: taa: an-a' dhih 'jeh-': po-eh-a' dhih-' za 'de nyor⧾ bo, 'de: on 'ye deh-' dih 'worn-eh-a' klehkpeh 'ble, 'do deh⧾ 'jeh ne-a' klehkpeh: a 'ble-a,: en: yi-dih:-a 'Klae bo. :An-a': ybeh-eh: 'yi-dih: 'on 'mona-' dih 'gabaa, 'de eh po 'de 'an 'kpih: ke. Deh no-eh,: mor: or 'dhu-a 'an 'de-di'-',: mor 'o,: or no-eh, 'de Nyorsoa-nyor⧾ 'yi-dih: 'mona dih. Keen': mloror' 'on 'beh-dih: 'on 'ye dih: nyna, 'on 'ye: on 'tele' 'nyi, 'de 'Klae-a' 'nyne 'di,: on 'ye deh: on: korn: on 'ye-a' no,: on 'ye-eh' no. Jorwor:: ybeh-dih-eh-a' dhih: oo', 'an bale: on.: Yee' 'mor: or 'dhu-a: Poror'-',: or no-a nyor: bholuh, 'de: or no-a: kasue-nyor,: Yusu' 'Klae-a' dhih: naa: ke, 'an bale: on 'weh, 'do 'an-a: 'yu: Oni'sima-a' dhih bo,: or: ne 'on 'dhu-a 'yu-:: baa'-: deh glu, dha 'an: kasue 'di: ne-ti-'. :Tehn 'i: dee', or se deh ken 'kpa 'do: on bo. Jorwor:: kana: naa or: za-dih:-' deh ken 'kpa-nyor: 'do mor-: 'dekorn: 'mor-:: a bo. :Yee' 'an dbo-or-: de, 'de: on bo,: eh gweh-a: ka 'an dbo-a 'an 'jeh-a': porluh 'de: on bo. 'An 'bhorn 'on 'ye-or dih dhe 'noror 'on bo: dee', 'de or 'ye 'o: an-a' 'gor bo 'kpa-dih:, or 'ye 'on-': za-dih:,: ka 'on: ne-a: kasue 'di: naa, 'do Nyorsoa-a' tubo-wlu:⧾ 'jeh-a' dhih bo. Jorwor: 'on: se-' 'bhorn, 'on 'ye deh-beh-deh-beh no,: eh: korn-a dhih: on se-a ken dih 'worn-dih:. 'On: se-' 'bhorn 'on 'ye: on 'kpih: kpa-dih:,: on 'ye deh 'jeh no. Jorwor: 'an 'bhorn eh 'ye 'o: an-a' 'jeh: porluh ken 'wluh. Eh gweh: on 'ye-or 'ble: dele' ka klehkpeh klehkpeh: dhih 'o, eh-: no-eh, 'de Nyorsoa no-eh, 'de or: tehn-dih:: on bo dih, 'do ti-kpor-bei 'di. :Yee' dha ti: daa bo, or: se 'ge-yu: 'klein'. Jorwor: or 'kpa deh ken: naa,: eh: zi 'o 'ge-yu-'. Or no: a-a': dhih: kma: de-di' 'de 'Klae-'. Or no 'an: dhih: kma-nyor:. 'De or no: an-a': dhih: kma-nyor,: eh: zi 'o 'on-'. Deh no-eh, or no: on 'be: gwlor-nyor:, 'de or no: an-a' 'de-di' 'de: Gwlor: baa'-a' deh 'di. :Yee' 'do eh-a' dha,: mor: on 'duo: 'on-', 'de 'on 'ye: an-a': dha: due': na-dih-nyor-' 'dhu-eh:,: yee' 'duo-or-': ke,: ka: an mu-a 'on-' 'duo-eh: no: dee'. :Mor eh 'dhu, or no: on deh-zon bo: dee' see, 'de or 'ye: an-a' kpa 'ble,: yee' po 'o eh-a' kpa: dao' 'do 'on 'dlu. 'Mor: or 'dhu-a: Poror'-', 'an no 'an 'jeh 'yor-eh-a' son, 'an 'chle deh: daa. 'On 'da 'an mu-eh: on deka 'nyi-:. Jorwor:: an-a' 'ma-dih:-' bo,: ka: on 'ble-a 'an kpa, 'do: an-a': febeh'-a' dhih bo. :Yee' 'do eh-a' dha,: on: korn 'gen, 'an 'Klae: de-di', no deh: daa 'do 'on bo, 'do: Gwlor: baa'-a' dhih bo. Po 'on 'mona: gwlii', 'do 'Klae-a' deh 'di. :Ka 'an 'chle-a deh⧾: daa, 'on yubo-eh',: an mu deh⧾ 'an dhele-a dih: no.: Yee' 'on yubo-eh' deh 'jeh,: an mu-eh: no, eh 'ye 'o: yih 'an 'da-a: zi. :Yee' deh: due': neheh', po: chuu 'kpa 'do 'on bo. Deh no-eh, 'on dhe-eh-:: gwlii', Nyorsoa-a mu a-a' bale-wlu 'worn-:, or 'ye 'on 'de: kasue 'di: za, 'on 'ye 'de a bo yi: neheh'. :Ipa'fa:,: or: ne 'on: ne-a 'noror: kasue 'di, 'do: Yusu' 'Klae-a' dhih bo, or 'da, or-: 'ye a-uh. :Yee' 'ka-: 'Make-: 'Alita'kor-: 'Dima-: 'dekorn: 'Lu-:: on: ne 'an no-dih-a: koan: dha: due', on 'da, mo-: 'ye a-uh: ke o. :Gwlor: baa': Yusu' 'Klae-a' mla: ne 'o a-a' klehkpeh bo o. :Yee' 'do ti: dhorno'⧾: en zi-a 'di, Nyorsoa: yi-dih: or-a' wele-eh:: po-nyor⧾-', 'de or: wlu 'de: a: bai'-a': bai' bo, 'do ti: dhulu'-: 'dekorn:: ka: dhulu'-: 'di. Jorwor: ti: daa: en 'koan'-dih:-a: de 'bor-dih-we-eh:: a: ne-a ken: naa dih, or-a' 'Yu, or-: or: yi-dih:, 'de or: wlu 'de: a bo. Or-: or: yi-dih:-', 'de or no 'bluhba-: 'dekorn: yao-: 'de or gan-or, or 'ye deh⧾-a' klehkpeh: korn. Or: to-dih:: a Nyorsoa-a' dhih-a' 'i 'beh-a' 'i, 'de or gweh Nyorsoa-a' nyior-tu. Or-a' wlu: on 'ble-a 'kpih, mo-: or no, 'de deh⧾-a' klehkpeh: en: ne-a, en mu 'dlu bo. 'De or no-eh, 'de Nyorsoa 'ye: gwlor-nyor⧾-a' deh⧾-zon⧾-a' dhih bo 'ma-dih:.: Yeh or no-eh, 'de Nyorsoa 'ma-dih:-a: gwlor-nyor⧾-a' deh⧾-zon⧾-a' dhih bo,: yee' or: dhe dih 'de Nyorsoa 'bli yai', 'do or-a': dila-son bo, Nyorsoa: or 'ble-a 'kpih 'do deh⧾-a' klehkpeh 'dlu. Nyorsoa, or-: no-eh, 'de or-a' 'Yu no nyor: klaba' 'do 'enjor-nyor⧾ ken. 'De: ka: ne-a: due' 'di, 'ka-: 'nyne Nyorsoa 'nyi-or, en no 'yi 'beh-a' 'do an-a' 'nyne-a' klehkpeh ken. Deh no-eh, Nyorsoa: se-eh': za 'de or-a'a: 'enjor-nyor⧾-a' nyor: due' bo: sloror',: eh: mor,: Mor no 'an-a: 'Yu. 'De: eh 'wluh-a dha 'zean'-zorn:: daa 'bli, 'mor no: on: Baa'. 'De mor or: se-eh': za, 'do an-a' nyor 'bhun,: eh: mor, 'Mor-: mu or: Baa': no, 'de or 'ye 'an-a: 'Yu no: ke. Jorwor:: yeh Nyorsoa-a yi-a or-a'a:: zai'-nyor-kpalu-yu 'noror 'bluhba ken: dbo 'da,: yee' or 'da, 'Nyi 'an-a: 'enjor-nyor⧾-a' klehkpeh za-or: weheh'. Nyorsoa: za 'enjor-nyor⧾-a' dhih-', or 'dae:, 'On no-eh', 'de 'an-a: 'enjor-nyor⧾ gweh: pobor'. 'De 'on no-eh, 'de mo-: 'dhu-a 'an-a: 'bhoi-nynuu-', on gweh neh-a': meo. Jorwor: Nyorsoa 'dae: 'do or-a'a: 'Yu 'bhun,: Mor: or 'dhu-a Nyorsoa-',: an-a' nyor⧾ wlu 'ken: korn-eh mu dih: nyna,: ka ti-a mu-a 'dlu-': tehn klehkpeh klehkpeh.: An-a' nyor⧾ wlu 'ken: korn-eh: se-': bhuli' 'di: ne i. :On: ybeh: on 'ye nyor 'ye, or 'ye 'yi 'sleh-deh⧾ no. Eh se: on 'ton: korn,: on 'ye nyor 'ye, or 'ye deh⧾-zon⧾ no. Eh-:: korn dhih, 'mor: or 'dhu-a: an-a' Nyorsoa-', 'de 'on gan: on. 'De 'on 'nyi: on deh-' 'ye-eh:: eh no-eh, 'de: on 'yi-dih:-a 'mona-' dih,: or 'beh-a 'i,: or: zi-a 'o: on 'bei'-a' nor-'. 'De Nyorsoa 'dae:: neheh' 'de or bo,: Gwlor: baa',: mor no 'bluhba: eh 'wluh-a 'de eh-a' glu 'dhu 'da. 'De: on no: an-a' 'jeh 'yor-eh-a' son,: on no yao. Deh⧾: daa, en mu ya: gba. Jorwor:: mor: mloror',: an mu dih: nyna. En mu worn: gweh: eh gweh-a paa-tiei 'i. :An mu-ih 'fean'-:: ka nyor: or 'fean'-a: sleheh'-zon 'i. 'De en 'ye 'i zian-dih:: ka nyor: or zian-dih-a: sleheh' 'i, 'de: or slo-a: dele' neh. Jorwor:: mor: mloror',: ka: on: ne-a, 'ka-:: an mu: ne. 'De: on se 'meh-a': korn. 'De mor Nyorsoa: se-eh': za 'de or-a'a: 'enjor-nyor⧾-a' nyor: due' bo: sloror',: eh: mor,: Dhe 'o 'an: dila-son bo dih: chio'lo:, 'de 'on 'ye nyor⧾: on 'nyeh-a: on-' ya: ya, 'de: on 'ye-uh' buh⧾ ken dih tba. 'Enjor-nyor⧾ no: zulu:⧾ 'suh,: en Nyorsoa dbo-a 'noror nyor⧾: on: korn: on 'ye-a 'puh bo, 'de: en 'ye-uh'-a': za-dih:. :Yee' eh-a' dhih, a 'nyi: a kpon dhih: a 'worn-a dih, deh 'jeh, 'de nyor: ne 'o: a: gwie: 'jeh 'i: za. A yubo-eh' tubo-wlu:⧾ 'enjor-nyor⧾: ya-a: 'de, 'de: a: bai'-a': bai' bo, en no dhih-a' 'yor-eh:. 'De mor nyor: or se-a 'o en-' 'tele' dih dhe, 'de: or bla-dih-ih-a worn, 'kle 'ye-eh: or: bleh-dih:-a 'i, or 'ye-a 'ye, eh-: Nyorsoa po 'o or 'dlu. :Mor: a se 'puh-a': klaba': daa dih kpon,: yee': kaa: a mu 'kle 'ye-eh:: daa,: eh mu-a 'o nyor⧾ 'dlu: po-eh, eh-a' 'zorn 'wluh-dih-eh: no: eh?: Gwlor: baa'-a' 'yor-eh:, or-: po 'puh-a': daa or-a' wele-eh: zai'. 'De nyor⧾: on 'worn-a or-a' wlu, on: to-dih:: a 'i,: ka 'puh-a': daa, or 'dhu-a dhih-a' 'yor-eh-' deh 'jeh. 'De mor Nyorsoa-a' 'yor-eh zela-eh ken dih 'weh: ke, 'do or-a' nyor⧾ 'i: to-dih-deh⧾-: nyor⧾ 'di dih 'ma-dih-deh⧾-: deh⧾: kolu'⧾: nee'-: 'dekorn: Gban 'i: ne: Zulu-a' 'nyii'-deh:⧾ or 'nyi-a nyor⧾: due': due', 'de or-a' 'ton: korn ka 'di-: bo. :Yee' eh: se 'enjor-nyor:⧾, mo-:: an mu 'bluhba:: dele': or mu-a 'de: yi, wlu 'ken: korn,: deh,: eh: korn-a dhih: a za-'. Jorwor: 'de Nyorsoa-a' 'chlee-deh-a': dha: noror', 'do: wor eh 'chle-dih-eh:,: eh no-a, Nyorsoa, deh: gwlor-nyor 'dhu-eh:-': eh, 'de: an na-dih or-a' dhih: gwluhuh' dih: eh? Or-:: gwlor-nyor: 'o 'suh.: Eh: korn dhih: an pobo 'o or bo dih 'gboror:: eh? :On no-eh', 'de: gwlor-nyor: ya-eh: ya: weh-beh:, 'do: an-a'a: 'enjor-nyor⧾ 'zorn, 'do ti-kpor-bei 'di. Jorwor:: on 'nyi-or' dhih-a' 'i 'beh-a'-: 'dekorn: deh-' 'ye-eh-:. 'De: on 'nyi-or' 'kpih, or 'ye deh⧾-a' klehkpeh wlu 'ken: korn. Nyorsoa-a' 'chlee-deh:: daa, eh 'dae:, Nyorsoa no-eh', 'de: gwlor-nyor: korn deh⧾-a' klehkpeh wlu 'ken. Deh⧾-a' klehkpeh: en: ne-a dha yao 'zorn, me-: 'o wlu: daa, an 'da. Jorwor:: a: se-': gwlor-nyor 'ye, or: se-' deh⧾-a' klehkpeh wlu 'ken: korn: naa. Jorwor:: yee': a 'ye: Yusu' 'weh,: or Nyorsoa: ya-a ya: weh-beh:, 'do 'enjor-nyor⧾ 'zorn, 'do ti-kpor-bei 'di, 'de: or 'ye-a 'meh, Nyorsoa-a' mla-a' dhih, 'do: gwlor-nyor⧾-a' klehkpeh-a' dhih bo. Jorwor:: a 'ye-or': naa, Nyorsoa 'nyi-or' dhih-a' 'i 'beh-a'-: 'dekorn: deh-' 'ye-eh-: 'do 'meh-a' or 'ye-a 'kle, 'de or 'meh-a bo. :Yee' eh: nmor-: 'yi, Nyorsoa: or no-a deh⧾-a' klehkpeh 'do or-a' 'jeh bo, or 'ye-eh' no, 'de: Yusu' 'ye deh⧾-a' klehkpeh or: korn or 'ye-a' no, or 'ye-ih' no, 'de nyor⧾: dhulu' 'ye 'o or klei': zi-nyor⧾ no, 'do 'kle or 'ye-a bo, 'de on 'ye 'for 'ble 'de or-a' dhih-a' 'i 'beh-a' 'di. Deh no-eh,: Yusu' 'Klae: oo', or-:: torne-uh: gwie:: eh mu-a 'de 'puh-a' bo. :Yusu': or za-a 'de nyor⧾ deh⧾-zon⧾ 'di-: 'dekorn:: yuh or: za-a: 'de deh⧾-zon⧾ 'di-: an-a' klehkpeh 'ble: Baa': due',: or 'dhu-a Nyorsoa-'. Eh-:: korn dhih, eh-a': no-dih:: Yusu' dhen, or 'ye-uh dei'-boi' 'da-dih:. 'De or: wlu 'de Nyorsoa bo, or 'dae:, Nyor⧾: on no-a 'an dei'-boi', 'an mu-uh: gwluhuh' zela: 'do nyor: on 'dhu-eh:-' bo. 'An mu 'duh: ble, 'do: an-a' 'nyne: gba-eh bo, ti an mu-a: on: weheh': za, 'do an-a' 'gbon-dih: 'da. 'De or 'da: neheh', 'An mu Nyorsoa: gwlii': dhe. 'De or 'da: dele' ka, 'Nynuu Nyorsoa 'nyi-a 'on, mo-:: dhe dih,: on: ne 'noror 'on bo. :Yee': ka: yuh or 'da-dih-a Nyorsoa-a' 'nynuu, on 'dhu-a: gwlor-nyor⧾-', 'de on 'ble-a 'pla⧾-: 'dekorn: nyomor-: 'ka-:: Yusu'-a' 'jeh no: ke, 'de or: yi-dih: 'de: gwlor-nyor-a' nyior-tu-'. Or no deh: daa 'weh, 'de or-a' 'meh-a' 'ye 'ku gbe: zie-dih:: an no-eh, 'de nyor⧾-a 'meh-a. 'De mor 'de: ka: dao' 'di, eh-: zelie: nyor⧾-a' klehkpeh: on 'meh-a': fano-a no-a, 'de: on: ne-a 'de eh-a' 'gegeye. Eh zela-eh ken dih 'weh: ka eh: se-a 'enjor-nyor:⧾, or se-a-': za-dih:. Jorwor: Nyorsoa-a' 'chlee-deh 'da, 'Eble'hehn-a' 'di: oo', or: za-dih:. :Yee' eh-a' dhih,: ka: gwlor-nyor: ne-a, 'de deh⧾-a' klehkpeh 'di, 'ka-: or: korn or 'ye: ne, 'de or 'ye Nyorsoa-a' 'slaa:: za-nyor⧾-a' nyor: klaba': or no-a: dhehehn-nyor-: 'dekorn:: wehlih:: korn-nyor-: no, 'do Nyorsoa-a': koan:: no 'da, 'de or 'ye Nyorsoa gban 'i 'dhu, 'do: gwlor-nyor⧾-a' deh⧾-zon⧾-a' dhih bo. :Yee': ka or-a' 'jeh 'yor-eh 'ye-a 'kle, ti or 'dhen-eh: dih: dee', or 'ye-a deh-zon no,: yee' eh-a' dhih, or 'beh-dih: or 'ye nyor⧾: on 'dhen-eh dih-': za-dih:, 'de on: sor no deh-zon. :Yee' 'an 'Klae: de-di'-boi'-a:, a: mor: or: dhe-dih-eh 'for 'i 'do Nyorsoa bo, 'de or 'da-a: ke, a pobo:: Yusu' ya,: or Nyorsoa dbo-a: or 'ye-a or-a' 'slaa:: za-nyor⧾-a' nyor: klaba' no, 'do deh: a: za-a-', 'de: a po-a dhih 'jeh-' bo. :Yusu' no: dhehehn-nyor: 'do Nyorsoa: or gan-or, or 'ye-a or-a': koan no bo,: ka: Mose' no-a 'de or no-a: dhehehn-nyor 'do Nyorsoa-a' nyor⧾-a': na-dih-eh-a': koan bo. Nyor: or po-a 'gbu, or-:: korn deh-' 'ye-eh: 'gabaa: eh: zi 'o 'gbu-a' 'jeh or po-a-'. 'De: ka: ne-a: due' 'di,: Yusu': bleh-dih-eh-: 'i, or 'ye deh-' 'ye-eh: 'gabaa, eh 'ye 'o: Mose'-': zi. Keen': mloror', 'gbu⧾-a' klehkpeh, nyor⧾-a: po-ih. Jorwor: Nyorsoa, or-: no-eh, 'de deh⧾-a' klehkpeh, en: ne. :Mose' no: dhehehn-nyor: 'do Nyorsoa-a' nyor⧾-a': na-dih: 'da, 'do or-a' 'bhoi-yu:: koan bo. 'De deh⧾ Nyorsoa-a mu-a-': za, 'de ybei', me-:: korn dhih or zela ken dih. Jorwor: 'Klae no: dhehehn-nyor: 'do Nyorsoa-a' 'Yu-deh bo, 'de or-a'a:: koan: wor 'dhu, or 'ye 'de Nyorsoa-nyor⧾-a' klehkpeh-a' dhih bo: korn.: Mor eh 'dhu: a kpa: a-a': gwluhuh': ku-eh-: 'dekorn: deh: gwlii': dhe-eh-:: eh: korn-a 'mona-a: no: a-uh 'dlu bo,: yee': a: mor 'dhu Nyorsoa-nyor⧾-a' 'yor-eh-'. :Yee' eh-a' dhih,: ka Gban 'i: ne: Zulu no-a eh-a': za-a', on no-a,: Mor eh 'dhu, a 'worn Nyorsoa-a' wlu 'zean', :yee' a-a': kmu-dih:-' a-a': porluh⧾,: ka a: bai'-a': bai' no-a, ti on 'ye-a Nyorsoa worn: bla-dih: 'de: bhehneh'-bluhba ken, 'de on 'ye-or' 'dhen 'do 'we-eh:: dao' 'di. Nyorsoa 'da, 'Do: wor nyor⧾: dao', on 'dhen-dih: 'on dih, keen': mloror' on 'ye deh⧾ 'on no-a 'do on bo, 'do zon⧾-a': kwlaa: nyieh 'di 'weh. :Yee' eh-a' dhih, 'on 'kpa-dih-uh 'chehn, 'de 'on 'da, An-a' 'dlu 'di dih: na-dih-deh⧾ se 'o: gwie 'i: ne, 'do ti-a' klehkpeh bo. 'De deh 'an 'bhorn-a on 'ye-a' no, an-a' 'worn-eh' dih. Eh po 'on-' 'chehn. Eh-:: korn dhih 'on po wlu: dhama'-' 'gabaa, 'on 'da, On: se-' 'bluhba: 'on 'nyi-uh-a: dee', on 'ye-a': forn, 'de or ken dih 'si-:. :Yee' 'an 'Klae: de-di'-boi'-a:, a 'wla: gwluhuh' dih, 'de nyor: ne-' 'de a 'nyne-': ne, or: ne-' 'kulu:: porluh 'ble, 'de or: sor se 'o Nyorsoa-a' 'tele' dih dhe,: eh mu-eh: no, 'de or 'ye-a 'kmo: ne-Nyorsoa 'kpuh ya: to. Jorwor: deh: eh mu-eh: no, 'de deh⧾-zon⧾: sor: bo-dih: a dih, 'de a-a': porluh⧾: sor: kmu-a' 'do Nyorsoa bo, eh-: 'dhu, a po a 'bei' 'kpih bo, zorn 'o zorn, 'de a 'bei' 'ye a 'kpih bo po: due': due',: ka ti: daa Nyorsoa-a' 'chlee-deh 'da-a 'Zean': a: ne-a ken: naa, en 'see-a 'dlu-' jla 'gboror:. Deh no-eh,: mor eh 'dhu: a kpon deh: gwluhuh': kpa-dih-eh:: a 'ble-a dih: chio'lo:: eh 'wluh-a 'de eh-a' glu 'dhu 'da, 'de: a 'ye-eh 'dlu-' jla,: yee': a mu 'Klae-a' bo nena-nyor⧾: no. :Yee' Nyorsoa-a' 'chlee-deh 'da,: Mor eh 'dhu a 'worn Nyorsoa-a' wlu 'zean',: yee' a-a': kmu-dih:-' a-a': porluh⧾,: ka a: bai'-a': bai' no-a, ti on 'ye-a Nyorsoa worn: bla-dih:. Deh 'i-deh-nyor:⧾ 'o,: on 'worn deh Nyorsoa: za-a-', 'de: on: bla-dih-or worn: eh? Eh: se nyor⧾-a' klehkpeh: Mose' 'ble-a kwa, 'de or: za-a: 'de 'Iye-bluhba ken: e? An-a' 'nyne: on Nyorsoa 'kpa-dih: 'chehn-' 'do zon⧾-a': kwlaa: nyieh 'di: eh? Eh: se: yuh: on no-a deh⧾-zon⧾, 'de: on 'meh-a 'de: bhehneh'-bluhba ken: e? Ti Nyorsoa po-a wlu: dhama'-' 'gabaa, 'de or no-a, On: se-' 'bluhba: 'on 'nyi-uh-a: dee', on 'ye-a': forn, 'de or ken dih 'si-:,: yee' an-a' 'nyne or 'da 'de bo: eh? Eh: se: yuh: on se-a 'o or-a' wlu dih dhe: e? :Yee': a 'ye-eh' 'jeh ka, on: se 'de 'bluhba:: dao' ken dih 'si, deh no-eh, on: se-eh' dhih 'jeh-' po. :Yee' Nyorsoa-a' wlu: dao' or po-a: dhama'-': eh: mor: a mu: dha nyor⧾-a forn-dih-a 'do or bo: mu, on: ne-' 'gboror:.: Yee' eh-a' dhih, a 'nyi: a 'wla: gwluhuh' dih, 'de a-a' nyor: ne-' 'zorn: sie:. Deh no-eh,: a 'worn Nyorsoa-a' tubo-wlu:⧾ 'jeh 'weh: ka: a: bai'-a': bai' no-a: ke. On 'worn tubo-wlu:⧾: dao' 'weh, jorwor: eh: se-uh' 'o deh po. Deh no-eh,: yeh on 'worn-ih'-a,: yee' on: se-ih' dih kpon 'de dhih 'jeh-': po-eh 'di. Jorwor:: a: mor: or po-eh dhih 'jeh-',: a mu: forn-a': dao' 'ye-:: ka or no-a eh-a': za-a', or 'da, Eh po 'on-' 'chehn. Eh-:: korn dhih 'on po wlu: dhama'-' 'gabaa, 'on 'da, On: se-' 'bluhba: 'on 'nyi-uh-a: dee', on 'ye-a': forn, 'de or ken dih 'si-:. Keen': mloror' or: za deh: daa-' 'weh 'suh, jorwor: or-a'a:: koan: gweh 'i,: eh 'wluh-a 'o ti or: no-dih:-a 'bluhba. :Yee' 'de Nyorsoa-a' 'chlee-deh-a': dha: noror', 'do: wor eh: za-dih: 'we-eh-a': meheh' 'sorn neh dhih-': eh 'dhu-a, Nyorsoa: forn-' 'do 'we-eh-a': meheh' 'sorn neh 'di, 'do: koan-a' klehkpeh or no-a, or-a' dhih bo. Dhih: daa en: za-eh: de 'weh: neheh',: en 'dhu-a, On: se-' 'bluhba: 'on 'nyi-uh-a: dee', on 'ye-a': forn, 'de or ken dih 'si-:. :Yee' nyor⧾: on 'worn-a tubo-wlu:⧾ 'jeh: daa: zai', on: se-': forn-a': dao' 'ye, deh no-eh, on se 'o Nyorsoa-a' 'tele' dih dhe. Jorwor: nyor⧾: noo', mo-: or 'worn-dih-eh ken dih,: on 'ye: forn-a': dao' 'ye. :Yee' 'do eh-a' dha, or tba 'we-eh:: dele',: eh or 'da-dih-a 'Zean'-we-eh. 'Do ti: dhorno'⧾: en zi-a 'di, or: yi-dih:: Debe', 'de or za-ih' 'de or-a' 'chlee-deh 'di,: eh 'on: za-a-' 'tior' 'de a bo,: eh 'dhu-a,: Mor eh 'dhu, a 'worn Nyorsoa-a' wlu 'zean',: yee' a-a': kmu-dih:-' a-a': porluh⧾. :Yee': mor eh 'dhu: Jasua' no-eh, 'de: forn-a': korn-a wlu Nyorsoa po-a: dhama'-': dee', 'de nyor⧾ 'ye: forn,: yee' Nyorsoa: se-' 'we-eh:: neheh' dhih-': za i: dee' 'de ybei'. :Yee' 'do eh-a' dha,: forn-a': noror',: or gweh-a Nyorsoa-a': gwlee-we-eh, or-:: sie: 'o 'do Nyorsoa-a' nyor⧾ bo 'gboror:. Deh no-eh,: mor nyor 'ye: forn-a': dao',: or: korn-a wlu Nyorsoa po-a: dhama'-',: yee': koan: or no-a, or-:: korn: forn-a': oo' or 'ye,: ka Nyorsoa no-a, 'de or: forn-a 'do or-a': koan or no-a bo: ke. :Yee' eh-a' dhih, a 'nyi: a po 'de 'kpih,: a 'ye: forn-a': dao' 'ye, 'de: a-a' nyor: ne-eh': sea-dih:: ka: a: bai'-a': bai' no-a, 'de on: sea-dih-eh. Deh no-eh, on se 'o Nyorsoa-a' 'tele' dih dhe. Nyorsoa-a' wlu: ne-' 'kmo, 'de on 'ble 'kpih. On 'nma,: eh: zi 'o: bhla 'jlehn: eh 'ble-a worn⧾ 'sororn'. An pa 'de: gwlor-nyor 'di, 'de an zela: febeh'-: 'dekorn:: zulu-: 'i. An zela 'do 'kpa⧾-a' 'yi 'dhu-dih: 'da-: 'i, 'de an yeh-dih 'kpa-a': zami' ken. 'De an zi deh⧾: gwlor-nyor⧾-a 'bhorn-a-: 'dekorn: deh⧾ an na-dih-a: gwluhuh' dih-: en-' zabe. Eh se deh: korn: eh 'ye-a Nyorsoa dih 'zile:. Deh⧾-a' klehkpeh or no-a, en: nyeh ken, 'de en kan-dih: 'i 'do or ybei'. 'De mor 'do or ybei', 'do: wor: a: korn: a 'ye deh⧾-a' klehkpeh: a no-a, en-' dhih ken dih zela:. :Yee' a 'nyi: a kpon dhih 'jeh-': po-eh dih,: a-a' worn: za-a-',: a no-a,: a po-eh dhih 'jeh. Deh no-eh,: a 'ble Nyorsoa-a' 'slaa:: za-nyor⧾-a' nyor: klaba': due': or 'kpa-a deh ken,: or 'dhu-a Nyorsoa-a' 'Yu: Yusu'-': or mu-a 'o Nyorsoa ybei'-a' 'yor-eh. :A-a' Nyorsoa-a' 'slaa:: za-nyor⧾-a' nyor: klaba': daa,: mor: a se 'kpih ken: ne,: yee': a-a': wehlih-a: no-or. 'De mor or 'dhen-eh: dih 'weh: ke,: ka: a no-a. Jorwor: or: mor: mloror', or: se-' deh-zon no: a-a' ka 'i. :Yee' eh-a' dhih, a 'nyi: a 'ble: gwluhuh': ku-eh: naa,: a 'ye Nyorsoa-a' 'keen: kpala' dih 'koan'-dih:. Deh no-eh, 'do: wor mla: ne. 'De mor 'do: wor: a mu: wehlih 'ye-eh-: 'dekorn: mla-: 'ye-dih:, en 'ye: a-': za-dih:, ti: a: korn: a 'ye-a': za-dih-eh:. :Yee' Nyorsoa-a' 'slaa:: za-nyor⧾-a' nyor⧾: klaba'⧾-a' klehkpeh, 'de on 'bei': gwlor-nyor⧾ 'nyne-', 'do: wor Nyorsoa za-uh, 'de or gan-uh, on 'ye or-a': koan no 'do on 'bei' 'gor bo.: Koan:: dao', or-: 'dhu, Nyorsoa-a' 'nyii'-deh⧾-a': to-a'-: 'dekorn: Nyorsoa gban 'i 'dhu-eh-: 'do deh⧾-zon⧾-a' dhih bo. :Yee' eh: bo-nyor:⧾: dao',: ka on 'dhu-a: gwlor-nyor⧾-': ke, 'de an zi-a deh 'i 'do ti: nee' 'di,: yee' on 'beh-dih: on 'ye nyor⧾: on deh⧾: kpe-dih:-a 'de 'di dih, 'de: an zi-a: gwie 'i, an-a' bo: wlu-eh yubo:. :Yee': ka an-a' 'jeh 'yor-eh-a zi-a deh 'i: ke, eh-:: korn dhih, an-a' 'worn, an-a' 'dhu Nyorsoa gban 'i, 'do nyor⧾-a' deh⧾-zon⧾-a' dhih bo: due', jorwor: 'do an-a' 'jeh 'yor-eh-a' neh bo: oo': ke. Nyor-a' gan or-a' 'jeh 'yor-eh 'do Nyorsoa-a' 'slaa:: za-nyor:: klaba'-deh bo,: eh 'ye-eh' no 'de nyor⧾ 'ye-or 'o 'dhu. Jorwor: Nyorsoa 'da nyor, 'de or no-eh,: ka Nyorsoa no-a, 'de or 'da-a Elorn'. 'De: ka: ne-a: due' 'di, 'Klae: se-' or-a' 'jeh Nyorsoa-a' 'slaa:: za-nyor⧾-a' nyor: klaba': no-dih: 'de or 'ye deh-' 'ye-eh 'ye. Jorwor: Nyorsoa-a' 'yor-eh:, or-: za-eh' 'de or bo,: or 'da,: Mor no 'an-a: 'Yu. 'De: eh 'wluh-a dha 'zean'-zorn:: daa 'bli, 'mor no: on: Baa'. 'De or za-eh' 'weh 'de or-a' 'chlee-deh-a': dha: noror': ke, or 'dae:,: An mu Nyorsoa-a' 'slaa:: za-nyor: no,: ka ti-a mu-a 'dlu-': tehn,: eh: korn-a 'be: Mehke'seleh no-a: ke. :Yee' ti: Yusu' yi-a dha yao 'zorn, or kan-dih: or-a' worn 'i, 'de or 'vin-dih: Nyorsoa 'i, or dhele-or dih, Nyorsoa: or 'beh-dih:-a: or 'ye-eh' no, 'de or: sor 'meh-a.: Ka or: ya-a or-a' 'jeh ya, 'de or 'ble-a Nyorsoa-a': fano:: ple-eh, eh-: no-eh, 'de Nyorsoa 'worn or-a' wlu. Keen': mloror', or-: Nyorsoa-a' 'Yu: oo', jorwor: 'de or-a' 'kle 'ye-eh 'di, 'do: wor or 'chean'-dih: deh Nyorsoa-a' wlu dih: dhe-eh 'dhu-eh. :Yee': yeh or no-a deh⧾-a' klehkpeh or: korn or 'ye-a' no,: yee' or-: no nyor: or no-eh, 'de nyor⧾-a' klehkpeh: on dhe-a 'o or-a' 'tele' dih, an 'puh, an 'wluh 'de deh⧾-zon⧾-a' 'kpih 'zorn: ka ti-a mu-a 'dlu-': tehn. 'De Nyorsoa gan-or, or 'ye or-a' 'slaa:: za-nyor⧾-a' nyor: klaba' no,: eh: korn-a 'be: Mehke'seleh no-a: ke. :A 'ble dhih: doru': a 'ye-': za 'noror dhih: daa 'di, jorwor: en-' ken dih zela-eh: kma 'i 'noror a bo. Deh no-eh, a-a' deh-' dih 'worn-eh: kma 'i. A: korn a 'ye nyor⧾: an torne-a nyor⧾ deh no: blaa'a:. Jorwor: nyor: korn or 'ye-a deh⧾ nyor⧾-a 'chean'-a: zai' 'de Nyorsoa-a' tubo-wlu⧾ 'di, a: torne: 'gboror:. A gweh 'nynuu:: nyene', a se dii-deh:⧾: en: kmu-a, en-' di-a' 'beh-dih:. Jorwor: nyene-ni:, me-: a: korn, a 'ye 'nya 'gboror:. Nyor: or 'nya-a nyene-ni,: yee' or-: 'yu: bleheh'eh: 'o 'gboror:. Or se 'beh-dih: or 'ye deh-zon-: deh 'jeh-: en-' bo dih zela-eh yubo:. 'De: ka: noror' 'di, dii-deh:⧾: en: kmu-a, en: korn 'de nyor⧾: kolu'⧾ bo, deh⧾ on 'chean'-a, en 'beh-dih: en 'ye-eh' no, 'de on 'ye deh-zon-: deh 'jeh-: bo dih zela:. :Yee' eh-a' dhih, a 'nyi: a vorn: a 'ye ku, 'de Nyorsoa-deh 'di,: a 'ye: zai'-deh:⧾ on: torne:: a-uh 'do 'Klae-a' dhih bo,: a 'ye 'o: mlee' bo: dhie' chehn,: a 'ye 'yu-yu-deh:⧾: no-eh 'bor.: A se: korn: a 'ye: mlee'-a' dhih-': za: zaa: 'suh,: en 'dhu-a, deh⧾: en ya-a 'de 'meh-a', en-' dih 'tali-eh-: Nyorsoa-a' dhih 'jeh-': po-eh-: nyor⧾ deh: torne-eh: 'do 'ni 'dlu: po-eh bo-: nyor⧾ son⧾ ken dih: tba-eh-: 'meheh'-nyor⧾-a': sorn-a'-: 'dekorn: zabe:: zi-eh: Nyorsoa-a mu-a 'de: ya,: eh: korn-a wlu: se-a': gwliin' 'wluh-dih-eh: i-:: ka ti-a mu-a 'dlu-': tehn. :Yee': mor Nyorsoa 'worn-dih-eh ken dih,: yee': a mu 'yu-yu-deh:⧾: no-eh 'bor-:. :Yee' nyor⧾: on 'ye-a Nyorsoa-a' zorn-pli, 'de: on 'ye-a or-a' 'nyii'-deh:: eh 'wluh-a 'de or 'bli yai', 'de: on to-or 'kpuh ya, nyor se 'beh-dih: or 'ye-eh' no, 'de on 'ye dih 'bili:: neheh' 'noror or bo. On 'ye Gban 'i: ne: Zulu 'weh: dee'. On yubo-eh' 'do on: porluh⧾ ken: ka deh Nyorsoa: za-a-', eh: nmor-a 'yi dih. On 'ye Nyorsoa-a' 'kpih 'weh,: en: korn-a 'de ti: en mu-a 'de: yi bo. Nyor⧾: dao',: mor on: to Nyorsoa 'kpuh ya, nyor se 'beh-dih: or 'ye-eh' no, 'de on 'ye dih 'bili:: neheh' 'noror or bo. Deh no-eh, an-a' 'jeh 'yor-eh: mo-:: an kor-dih 'o Nyorsoa-a' 'Yu 'do tu 'i: neheh', 'de an no-dih-or dhen 'do: gwlor-nyor⧾ ybei'. 'Bluhba-yli-eh:: eh 'na-a 'ni: eh 'kpa-a 'o eh ken, 'do ti: dhulu' 'di, 'de 'dhuu'-deh⧾ 'ye 'o eh ken: me-dih: en 'ye 'bi 'jeh ne po 'do nyor⧾: on 'beleh:-a 'o bo,: yee' Nyorsoa po 'bluhba-yli-eh:: dao': bhorlie' bo. Jorwor:: mor 'wu⧾-kwla-: 'dekorn:: peli'-: en: me-dih: 'o 'bluhba-yli-eh ken,: yee' eh se deh-' 'dhu-eh:. 'De eh na 'de Nyorsoa-a' 'chlo 'worn dih, 'de neh 'ye-eh' ya gba. Jorwor:: a 'bli-nyor⧾-a:,: a-a': yeh no: ao', a-a' bo 'chle-eh:,: a yubo-eh' deh 'jeh, deh⧾ nyor⧾: on 'puh-a, an no-a, me-: a no. Nyorsoa se: bhuli'-': ne 'do zabe:: zi 'da. Or: se-' a-a' dhih bo 'ma-dih: i 'do: koan: a no-a-: 'dekorn:: ybeh-dih-eh: a: to-dih-or 'i, 'do a 'bei' 'Klae-a' nyor⧾-a': za-dih-eh bo-: 'de a se-a 'bor, a no-a 'gboror:. :Yee' deh: a 'bhorn-a, eh-: 'dhu, a-a': due': due' 'ye a-a': porluh⧾-a' sin-a' 'do en-' no-a' bo, 'dlu bo kpa: chio'lo: 'de eh-a' 'dlu-': jla 'da, 'de deh⧾ a dhe-a: gwlii', en 'ye dhih 'jeh-' 'kpa. :A: se-' 'bhorn a 'ye vlaan-nyor⧾ no, jorwor: nyor⧾: on po-a 'Klae-a' dhih dhih 'jeh-', 'de: on kpon-a: porluh⧾ dih, 'de: on 'ye-a deh: korn-a wlu Nyorsoa po-a: dhama'-', a 'ye 'o an-a' 'gor klei' zi. :Yee': ka nyor: klaba': noror' se-a 'o 'for 'i: ne 'do Nyorsoa ken, eh-:: korn dhih, or po wlu: dhama'-' 'gabaa, 'de or-a' 'jeh-a' 'nyne 'di, 'de 'Eble'hehn bo, or 'dae:, 'An mu: on: bhorlie' bo: po, 'de 'on 'ye: on 'nynuu-a' 'nynuu:: dhulu' 'nyi. :Yeh Nyorsoa 'da: ao',: yee' 'Eble'hehn kpon: porluh-: dih: chio'lo:, 'de or 'ye deh: korn-a wlu Nyorsoa po-a: dhama'-' 'de or bo. :Yee': mor nyor: zlehn-dih: deh,: yee' nyor: or 'beh-a 'i: or zi-or', or-:: korn 'nyne or 'da, nyor: dao', or 'ye-eh' 'worn.: Mor or 'worn-eh,: yee' nyor: or 'ye-eh' ken dih: jeh-dih:, or se: ne. :Yee': yuh: korn-a: on 'ye-a deh: korn-a wlu Nyorsoa po-a: dhama'-' 'ye, Nyorsoa 'bhorn or 'ye-eh' ken dih zela: deh 'jeh 'de on bo,: ka or se-a 'beh-dih: or 'ye-a deh or 'dhu-a or 'ye-a' no,: gwliin': za-dih:. Eh-:: korn dhih, or: ku-dih: or-a': dhama'-': po-wlu dih. :Yee' wlu Nyorsoa po-a: dhama'-: 'dekorn: deh: korn-a wlu or tli-a dih-: deh⧾ 'sororn': daa, en-': za-dih-eh:: gwliin', 'de mor Nyorsoa-a' 'tmo sih 'do en ken.: Yee': a: mor: or 'dhu-a 'puhuh'-dhih, 'de: or ple-a,: or mu-a 'de or bo, eh 'nyi: a 'kpih,: a 'ye deh: gwlii': dhe-eh: Nyorsoa po-a 'o: a ybei' dih kpon, :eh 'dhu-a: Yusu'-', or-: 'nyi: a-a': porluh⧾ deh, en 'ye-a' dih kpon, or-: 'dhu: a: dhororn', 'de: a ku-dih. 'De or mu 'de Nyorsoa-a' 'sla: or: ne-a 'de or 'bli yai' 'zorn, 'de or pa 'de gban 'i: ne: chuu:: on: ne-a 'de 'yli-eh 'de 'di. :A-a' dhih: oo', eh-:: korn dhih: Yusu' mu: a ybei', 'de or pa 'de on 'di. Or no Nyorsoa-a' 'slaa:: za-nyor⧾-a' nyor: klaba': ka ti-a mu-a 'dlu-': tehn,: eh: korn-a 'be: Mehke'seleh no-a: ke. :Yee': Mehke'seleh no 'Seleh-gwlor-a' 'keen. 'De or no 'yi 'beh-Nyorsoa-a' 'slaa:: za-nyor.: Yee' ti 'Eble'hehn 'wluh-a tuh-', 'de or du-a 'keen-boi': nyieh, 'do: wor or: ne: Mehke'seleh 'gbon-dih: 'do: gwie 'i, 'de: Mehke'seleh po-or: bhorlie' bo. 'De 'Eble'hehn 'nyi deh⧾-a' klehkpeh or: za-a: 'de tuh-', en-': bhue: neh: Mehke'seleh. (:Zai'-deh:: Mehke'seleh-nyne: bleh-dih:-a 'i, me-: 'dhu, 'Keen: or 'sleh-a 'i.: Yee' or no 'Seleh-gwlor-a' 'keen: ke.: Yee' 'Seleh-keen: bleh-dih: 'i, 'Keen: or 'ble-a wlu-' dih 'worn-eh.) Nyorsoa-a' 'chlee-deh: se-' deh-': za, 'do or 'de-: or: baa'-:: korn mor or 'nai'-: an-a' nyor-beh 'bhun. 'De mor eh: se-': ka or no-a 'wluh-a'-: or no-a 'meh-a'-: en-' deh-': za: ke. Or gweh Nyorsoa-a' 'Yu: or no-a 'slaa:: za-nyor: ka ti-a mu-a 'dlu-': tehn. A-a' 'ye: ka or-a' dhih no-a 'i 'beh-a': e? 'Eble'hehn:: or no-a: a: mor 'dawor'-dlu:: daa: baa', deh⧾-a' klehkpeh or: za-a: 'de tuh-', or 'nyi en-': bhue: neh or 'weh. :Yee' 'Livae 'di,: on no-a Nyorsoa-a' 'slaa:: za-nyor⧾, mo-:: Mose'-a' 'tele' 'nyi 'kpih, on 'ye deh⧾-a': bhue: ne 'tehn 'de 'Ezlea-nyor⧾ 'kwa,: on 'dhu-a an-a' 'jeh 'yor-eh 'bli-nyor⧾-'. Keen': mloror', an-a' 'jeh 'yor-eh 'bli-nyor:⧾: dao', on no 'Eble'hehn 'di: ke. :Mehke'seleh: se 'Livae 'di-a' 'yu. Jorwor: or 'tehn: bhue-deh 'weh 'de 'Eble'hehn bo, 'de or po-or: bhorlie' bo. 'Eble'hehn:: daa, or-:: korn bo: oo', Nyorsoa: po-dih: wlu: dhama'-'. :Gwlor-nyor⧾-a' klehkpeh yubo-eh', nyor: or po-a nyor: bhorlie' bo, or-: 'beh 'i, or-:: zi 'o: yor or po-a: bhorlie' bo-'. :Yee' 'Livae 'di: an 'tehn-a deh⧾-a': bhue: neh, on no nyor⧾: an mu-a 'meh-:. Jorwor:: Mehke'seleh:: or 'tehn-a deh⧾-a': bhue: neh, or no nyor: or: ne 'kmo,: ka Nyorsoa-a' 'chlee-deh no-a eh-a': za-a'. :Yee' nyor 'beh-dih: nyor 'ye: ao',: ka 'Eble'hehn: za-a deh⧾-a': bhue: neh,: yee' 'Livae:: or: korn-a 'nynuu-a' 'nynuu:: an 'tehn-a: bhue: deh⧾, or za-ih': ke, 'de: Mehke'seleh bo. Keen': mloror' 'Livae 'see 'wluh ti 'Eble'hehn 'ye-a': Mehke'seleh ken: yeh-dih:. Jorwor: or: ne 'de 'Eble'hehn-a' yau 'weh,: or no-a or: bai'-a': baa'. :Yee': Mose'-a' 'tele' 'da, Nyorsoa-a' 'slaa:: za-nyor⧾: korn on 'ye 'Livae 'di no. Jorwor: Nyorsoa-a' 'slaa:: za-nyor:⧾: dao', on se 'beh-dih: on 'ye-eh' no, 'de nyor⧾ 'ye 'yi 'sleh-nyor⧾ no. Eh-a' dhih,: a: korn: a 'ye Nyorsoa-a' 'slaa:: za-nyor 'ble,: ka: Mehke'seleh: ne-a,: or: ne: ao',: eh: se-a Elorn'-a' ka 'i. :Yee': mor: ka an no-a Nyorsoa-a' 'slaa:: za-nyor⧾-a' gan-a', eh 'wluh-dih:: gwliin',: yee' 'tele': korn eh 'ye: gwliin' 'wluh-dih:: ke. :Yee': a-a': Gwlor: baa': or: korn-a dhih: a za-a-', or 'wluh 'de 'cheh-dlu: 'sluh 'nyne-'. 'De mor 'cheh-dlu:: dao', an-a' nyor 'see Nyorsoa-a' 'slaa:: za: koan no: zai'. :Gwlor-nyor⧾-a' klehkpeh yubo-eh': ka or 'wluh-a 'de 'Juda 'di-a' 'cheh-dlu 'nyne-'. 'De mor: Mose': se-eh': za: eh: mor Nyorsoa-a' 'slaa:: za-nyor⧾-a mu 'de 'cheh-dlu:: dao' 'nyne-' 'wluh-:. :Yee' deh: eh: korn-a dhih: a: za-a-', eh 'worn-eh:-'-: dih deh 'jeh, eh: zi 'o ken dih,: mor: a 'ye Nyorsoa-a' 'slaa:: za-nyor:: noror': ka: Mehke'seleh: ne-a,: or: ne: ao', or 'yle. Eh: se: gwlor-nyor⧾-a' 'tele', eh: se-eh': za,: eh: mor 'cheh-dlu:: yuh: daa, mo-: or 'ye 'di 'wluh: gbor: gbor, eh: se eh: mor, eh: se-or' Nyorsoa-a' 'slaa:: za-nyor-' no. Jorwor:: ka or 'ble-a 'kpih or 'ye-a 'kmo-': ne: ka ti-a mu-a 'dlu-': tehn, eh-:: korn dhih or no Nyorsoa-a' 'slaa:: za-nyor. Deh no-eh, Nyorsoa-a' 'chlee-deh 'da,: An mu Nyorsoa-a' 'slaa:: za-nyor: no,: ka ti-a mu-a 'dlu-': tehn,: eh: korn-a 'be: Mehke'seleh no-a: ke. :Yee' 'tele': soa:: dao', eh: dhe-dih-eh: 'for 'i. Eh se 'kpih ken: ne, 'de eh se: koan: korn. Deh no-eh,: Mose'-a' 'tele': dao', eh se 'beh-dih: eh 'ye nyor⧾ 'yi 'sleh-nyor⧾-' no. Jorwor: Nyorsoa no-eh', 'de: a dhe deh 'jeh neh: gwlii': eh: zi 'o: zai' neh-',: eh 'dhu-a: Yusu'-',: or no-eh, 'de: a 'koan'-dih-or dih. Ti Nyorsoa no-a: Yusu' or-a'a: 'slaa:: za-nyor-', or po wlu: dhama'-' 'gabaa. Ti or no-a: yuh: dao', or-a'a: 'slaa:: za-nyor⧾-', or: se-' wlu: dhama'-' po deh: dao'. Jorwor: ti Nyorsoa no-a: Yusu' or-a'a: 'slaa:: za-nyor-', 'do: wor or: po-dih: wlu: dhama'-' 'gabaa, ti or no-a, 'Mor: Gwlor: baa', 'on po wlu: dhama'-' 'gabaa 'de: on bo, 'de 'on: se-uh': gwliin': za-dih: i,: eh 'dhu-a,: An mu 'an 'slaa:: za-nyor: no,: ka ti-a mu-a 'dlu-': tehn. :Yee': dhama'-': po-wlu:: daa, an-a' dhih,: Yusu' no nyor: or no-eh, 'de: a 'ble-a kuo 'jeh nor,: eh: zi 'o: zai' nor-'. Nyorsoa-a' 'slaa:: za-nyor:⧾: dhulu', mo-:: a 'ble. Deh no-eh, 'de on: dhie:-a 'i, eh-: 'dhu,: mor: noror' 'meh,: yee': noror' 'kpa 'o. Jorwor:: Yusu': mloror', or: ne-' 'kmo,: ka ti-a mu-a 'dlu-': tehn. 'De or-a' Nyorsoa-a' 'slaa:: za: koan:: dao', or: se 'de or 'kwa 'wluh-: i, or: se 'de nyor: noror' 'kwa 'kpa-: i. :Yee' eh-a' dhih, or 'beh-dih: or 'ye nyor⧾-a' klehkpeh: on: yi-dih-or', 'de: on yi-a 'noror Nyorsoa bo 'puh-dih: klehkpeh klehkpeh. Deh no-eh, or: ne-' 'kmo: ka ti-a mu-a 'dlu-': tehn, or 'ye 'de Nyorsoa bo: wlu 'do an-a' dhih bo. :Yee': Yusu', or-: no Nyorsoa-a' 'slaa:: za-nyor⧾-a' nyor: klaba': or: za-dih:: a-uh' 'de deh⧾-a' klehkpeh 'di. Or: ne gban 'i. Or se dhih 'bhun: ne, 'de mor or: gweh-': vlehehn'. Or: se-' deh-zon no,: a-a' ka 'i. 'De Nyorsoa: dhe-dih-or 'for 'i, 'de or kpa-or 'de or 'bli yai', 'do deh⧾-a' klehkpeh 'dlu. Or: ne-Nyorsoa-a' 'slaa:: za-nyor⧾-a' nyor⧾: klaba'⧾: noo' se goor-dih:. Deh no-eh, 'slaa:: za-nyor:⧾: klaba'⧾: dao', an 'dhu Nyorsoa gban 'i, zorn 'o zorn, 'do an-a' 'jeh-a' dhih bo: zai', 'de jorwor: an no on 'bei'-a' neh. Jorwor: or: mor: mloror', ti or 'dhu-dih:-a or-a' 'jeh Nyorsoa gban 'i, 'do: gwlor-nyor⧾-a' deh⧾-zon⧾-a' dhih bo,: yee' or no-eh' kpor: due' 'klein'. :Yee' nyor⧾: an zi-a deh 'i, 'do ti: nee' 'di, mo-:: Mose'-a' 'tele' gan, on 'ye Nyorsoa-a' 'slaa:: za-nyor⧾-a' nyor⧾: klaba'⧾ no. Jorwor: Nyorsoa-a': dhama'-': po-wlu:: on ku-a dih,: Mose'-a' 'tele' yi-a 'de: weh, 'de: on 'ye-a' 'de yi, mo-: gan Nyorsoa-a' 'Yu,: or Nyorsoa no-eh, 'de: or no-a deh⧾-a' klehkpeh or: korn or 'ye-a' no,: ka ti-a mu-a 'dlu-': tehn. :Yee' deh⧾: a: za-a-', en-' 'kpa: wor 'dhu,: a 'ble eh: bo-nyor:: ke,: or no-a Nyorsoa-a' 'slaa:: za-nyor⧾-a' nyor: klaba',: or: dhe-a dih 'de Nyorsoa: or 'ble-a 'kpih 'do deh⧾-a' klehkpeh 'dlu, or-a' 'keen: kpala'-a': dila bo, 'de or 'bli yai'. Or no or-a'a: 'slaa:: za: koan 'weh, 'de: chuu:: on: ne-a gban 'i,: on: zi-a 'o: chuu⧾-a' klehkpeh-' di,: on: ne-a 'de 'taa: 'por: gbalie 'jeh neh 'di,: eh: Gwlor: baa'-a' 'jeh 'yor-eh po-a,: eh: se-a: gwlor-nyor⧾-a' son. Nyorsoa-a' 'slaa:: za-nyor⧾-a' nyor⧾: klaba'⧾-a' klehkpeh: po-eh: 'o 'weh, on 'ye-or' 'nyii'-deh⧾ 'nyi, 'de mor on 'ye or-a'a: gban 'i 'dhu-dih-deh⧾: to.: Yee' eh-a' dhih,: a-a' Nyorsoa-a' 'slaa:: za-nyor⧾-a' nyor: klaba': korn or 'ye deh 'ble, or 'ye-a Nyorsoa 'nyi: ke. :Mor eh 'dhu or: ne dha yao 'zorn: dee',: yee' or: se-' Nyorsoa-a' 'slaa:: za-nyor: no i: dee' klehkpeh klehkpeh. Deh no-eh, Nyorsoa-a' 'slaa:: za-nyor:⧾ mo-:: on: ne dha: naa,: an 'nyi Nyorsoa 'nyii'-deh⧾: ka: Jueh'-nyor⧾-a' 'tele' no-a mu-a'. An no an-a' Nyorsoa-a' 'slaa:: za: koan: 'do: dha: or: ne-a gban 'i,: eh 'dhu-a: dha: or: ne-a 'de Nyorsoa 'bli yai', or-a' 'kafluh⧾. 'Ka-: eh: ne: ke 'do: Mose' bo.: Yeh or yi-a: gbalie: eh no-a kuo: po 'da,: yee' Nyorsoa zela-or-:: gwluhuh', or 'da, 'Dhu-eh: dhororn',: on 'ye deh⧾-a' klehkpeh no, eh: ne: gbalie 'on: to-dih:-a: on 'i 'do tluh 'dlu, en 'ye goor-dih:. Jorwor:: kana: naa, Nyorsoa-a' 'slaa:: za: koan:: or 'beh-a 'i,: or: zi-a 'o nyor⧾: on: ne-a dha yao 'zorn, an-a' nor-', or-: Nyorsoa 'nyi: Yusu'. 'Ka-: eh: ne: ke, kuo: Yusu' no-a, 'de: or: ne-a 'o Nyorsoa-: 'dekorn: or-a'a: nyor⧾ 'nyne bo, or-: no kuo 'jeh nor,: or: zi 'o: zai' nor-'. Deh no-eh, deh 'jeh: neh: eh: zi-a 'o: zai' neh-', eh-:: korn wlu Nyorsoa po: dhama'-' 'do kuo: daa, or-a': po 'da,: yeh nyor⧾-a mu-a deh 'i 'ye-:. :Yee': mor eh 'dhu: zai' kuo no deh⧾-a' klehkpeh or: korn or 'ye-a' no: dee',: yee' kuo-a' 'sororn' nor se: korn or 'ye 'de yi: dee'. Jorwor: Nyorsoa zela: or-a'a: nyor⧾: gwluhuh', ti on no-a deh-zon, or 'da, Ti-a mu 'o: nyni, 'de 'Ezlea 'di-: 'dekorn: 'Juda 'di-: on: ne 'on 'ye kuo: dele' po. 'Ka-: 'mor: or 'dhu-a: Gwlor: baa'-', 'on 'da. Kuo: dao' or: ne: yor on: bai'-a': bai': ne 'on po-a, 'do 'we-eh: 'on 'gba-uh-a: jii-eh 'i, 'on za-uh-a 'Iye, en: se-' goor-dih: i. Kuo: dao', on: bai': ne 'on po-a, on: bai': se 'o or-a' 'tele' dih dhe. Eh-: no-eh, 'de 'on za-uh son bo. Jorwor: kuo 'Ezlea 'di: ne 'an mu-a: po, 'do ti: en mu-a 'de: yi 'di, or-:: dhe dih. 'Ka-: 'mor: or 'dhu-a: Gwlor: baa'-', 'on 'da. 'An mu 'an 'tele'⧾ 'de on 'dlu 'di: po, 'de 'on 'ye-ih' 'chle 'do on: porluh⧾ ken. 'Mor-: mu an-a' Nyorsoa: no, 'de on 'ye 'an-a: nyor⧾ no. :Yee' 'de ybei', nyor: se-' or-a': dha: due' 'ti-nyor-:: eh beh or-a' 'de-di'-:: gwluhuh' zela: i, or 'ye: ao', Yubo:: Gwlor: baa'. Deh no-eh,: eh 'wluh-a 'de se 'nyne: korn-nyor⧾ bo-: 'de: eh: yeh-dih:-a 'nyne: korn-nyor⧾ ken-: an-a' klehkpeh, an mu-eh yubo:: ka 'on 'dhu-a an-a' Nyorsoa-'. :Mor on zi deh 'i, 'an mu an-a': wehlih 'ye-:. 'On: se-' an-a' deh⧾-zon⧾-a' dhih: gwluhuh' dih: na-dih: i: neheh'. :Yeh Nyorsoa: za-a kuo: dele': dao', or-a' dhih-',: yee' eh-: no-eh, 'de: zai' nor no 'soa'. 'De mor deh: eh no-a 'soa', 'de: eh se-a: koan: korn, eh: se 'o: gwle i, eh 'ye 'ma. :Yee': zai' kuo 'ble or-a' 'jeh 'yor-eh-a' 'tele' 'do Nyorsoa-a': weheh': za 'da, 'dekorn:: dha nyor 'ye-a' Nyorsoa: weheh': za-dih: dha yao 'zorn. :Yee' 'taa: 'por: gbalie, eh-:: po-eh:. 'De eh-a': zai': chuu:, mo-: an 'da-dih Gban 'i: ne: chuu. 'De on 'di: dao', 'do: wor 'nape: ne, 'dekorn: 'tebo: or 'bhlee on po-a 'o Nyorsoa ybei' dih,: eh: ne-a gban 'i, eh: ne-a 'o ken-:. :Yee' 'de 'yli-eh 'de, 'do: wor: chuu-a' 'sororn' no: ne, an 'da-dih-a: Chuu:: on: ne-a gban 'i: on: zi-a 'o: chuu⧾-a' klehkpeh-'. 'De on 'di, 'do: wor 'slaa ken: za-dih-deh: ne,: eh no-a 'goo,: eh: korn-a 'o ken an po-dih-a deh⧾: en po-a 'no 'jeh no 'yli, 'dekorn: kuo: gbloron': on: ne-a 'goo kle-' dih. 'De mor: yabo': or no-a 'goo, 'mana: ne-a 'de 'di, or: ne 'de: gbloron': dao' 'di. Elorn'-a'a: deh⧾: tba-tu:: on: me-dih:-a ken dih-: 'dekorn: sobu'⧾: en no-a deh⧾ 'por⧾ 'de: Mose'-a' 'tele' 'chle-eh: ken dih-: en-' klehkpeh, me-:: ne 'de: ke. :Yee' 'do: gbloron': dao' ken, 'do: wor deh⧾ 'sororn': en 'ble-a: kpabuh'⧾, on ma-a,: en: nyna-a 'o Nyorsoa-a' 'gor bo dih, en: ne.: Yee' 'do: dha Nyorsoa 'ma-dih:-a nyor⧾-a' deh⧾-zon⧾-a' dhih bo, 'do: wor en-': kpabuh'⧾: dao', en 'jli 'dlu. Jorwor: eh: se dha: dha: daa: a: se-' deh⧾-a' klehkpeh ken dih zela: i. :Yee' 'ka-: deh⧾-a' klehkpeh: daa, en no mu-a', 'de Nyorsoa-a' 'slaa:: za-nyor⧾-a pa 'de 'taa: 'por: gbalie: dao', eh-a': zai': chuu 'di, zorn 'o zorn, on 'ye an-a' 'slaa:: za: koan no. Jorwor:: yor: or no-a Nyorsoa-a' 'slaa:: za-nyor⧾-a' nyor: klaba': due' 'klein', or-: pa 'de: chuu:: on: ne-a gban 'i,: on: zi-a 'o: chuu⧾-a' klehkpeh-' 'di. 'De mor or no 'de-a' pa-a' kpor: due' 'do zon 'di 'klein'.: Mor or: taa 'de pa,: yee' nimi or 'dhu-dih-a Nyorsoa gban 'i, eh-a' nyomor or-: or kpa, 'do or-a' 'jeh 'yor-eh-a' dhih-: 'dekorn: deh⧾-zon:⧾ nyor⧾ no-a, on se-a 'i yubo: en-' dhih-:. Deh⧾-a' klehkpeh: daa, me-: Gban 'i: ne: Zulu: yi-dih:-', 'de an torne: a-uh,: ka: gwie:: eh mu-a 'de: Chuu:: on: ne-a gban 'i,: on: zi-a 'o: chuu⧾-a' klehkpeh-': on: ne-a 'de Nyorsoa 'bli yai', eh: se-a 'i kan-dih: i,: mor eh 'dhu: zai': gbalie: dao': eh no-a kuo soa, eh se blu. En-' klehkpeh: daa, me-: 'o: en: to-dih:: a 'i, ti: a: ne-a ken: naa,: ka 'nyii'-deh:⧾ nyor⧾-a 'nyi-a Nyorsoa-: 'dekorn: Nyorsoa-a' gban 'i 'dhu-deh⧾-: en se-a 'beh-dih: en 'ye-eh' no, 'de nyor⧾: an za-or: weheh', an-a': porluh⧾ 'ye: ao', en se-uh-a zabe: kpon-dih:. En-' klehkpeh: daa, deh: due' en kor-a 'i, eh-: 'dhu, dii-deh⧾-: 'naa'-deh⧾-: 'dekorn: 'de 'doror: 'dor ka 'di, nyor⧾: noo'-a dle-a an-a' yau-a' deh⧾: nee'-: an za an-a' 'jeh: kane' dih. En-' klehkpeh: daa, en no 'tele'⧾: en: ne-a 'noror ken ka, 'de: en mu-a 'o: ne: chio'lo:, 'de jorwor: Nyorsoa 'ye-a' 'kmo: ne-eh:: dele' nyor⧾ 'nyi. Jorwor: 'Klae 'yle: weh. 'De or no Nyorsoa-a' 'slaa:: za-nyor⧾-a' nyor: klaba' 'do deh⧾ 'jeh ne bo,: yih: ne-a dha: dee' see. 'Taa: 'por: gbalie: eh: korn-a 'di or: no-dih:-a or-a'a: 'slaa:: za: koan 'do: a bo, eh 'kpa deh ken, 'de eh: gweh: vlehehn'-', eh: zi 'o ken dih. Eh: se: yeh: gwlor-nyor⧾-a' son po-a,: eh: bleh-dih:-a 'i, eh: se deh⧾ Nyorsoa no-a dha 'bluhba ken, en-' deh. :Yee' ti 'Klae pa-a 'de 'taa: 'por: gbalie: dao' 'di, kpor: due' 'klein', 'de eh-a': Chuu:: on: ne-a gban 'i,: on: zi-a 'o: chuu⧾-a' klehkpeh-' 'di, or: se-' 'gbalor-: 'dekorn:: blii'-: en-' nyomor kpa, or 'ye Nyorsoa gban 'i 'dhu. Jorwor: or-a' 'jeh 'yor-eh-a' nyomor, or-: or kpa, eh-: no-eh, 'de: a zelie-eh:,: ka ti-a mu-a 'dlu-': tehn. 'Gbalor-a' nyomor-:: blii'-gblor-a' nyomor-: 'dekorn:: blii'-yu:: eh sin-a, eh-a': bhuhbuh'-: me-: Nyorsoa-a' 'slaa:: za-nyor⧾-a gba nyor⧾: on: ne-a: kane' dih ya dih. Deh⧾: dao' an no-a, eh-: za-uh: kane' dih 'noror ken ka. :Yee' dha 'Klae-a' nyomor-a mu: na-dih:: eh? 'Klae se jorwor: 'bhun: ne, 'de or: yi-dih: Nyorsoa-a': Zulu:: on: ne-a 'do ti-a' klehkpeh bo-', or 'dhu-dih: or-a' 'jeh Nyorsoa gban 'i, 'de or-a' nyomor no-eh, 'de: a-a': porluh⧾: se-': a zabe: kpon-dih:.: Yee' eh-: no-eh, 'de: a 'beh-dih: 'kmo: ne-Nyorsoa-a' 'bhoi-yu-deh:: no-eh, 'de: a 'bor deh⧾: en kpa-a nyor⧾ 'de 'meh-a' bo-a' no-a'. :Yee' eh-a' dhih, 'Klae or-: no-eh, 'de kuo: dele': ne, 'de nyor⧾: yuh Nyorsoa 'da-a,: on 'ye-a: bhorlie': daa: eh se-a 'dlu-': jla 'da: korn, 'de: eh: korn-a wlu or po-a: dhama'-' 'ye, on 'ye-eh' 'ye. Deh: korn-a dhih deh: daa, eh 'beh-dih: eh 'ye-a': no-eh:, eh-: 'dhu, 'Klae 'meh-', or 'ye nyor⧾: on no-a deh⧾-zon⧾ 'do kuo soa 'zorn zelie:. :Yee': mor nyor sie 'o wlu, or 'da,: Mor 'on 'meh,: yee' nyor: daa, or-: 'ye 'an: kororn-deh⧾ kpa o,: mor nyor: dao', or 'ye: kororn-deh:⧾: dao' kpa,: yee' nyor⧾: korn on 'ye-eh' yubo:: ka nyor: or sie-a 'o wlu, or 'meh-a deh 'jeh. Deh no-eh,: mor or: ne 'kmo,: yee' wlu: dao' or sie-a 'o, on 'see deh 'da.: Mor eh 'dhu or 'meh: weh, 'de jorwor: wlu or sie-a 'o, an 'da deh. 'De: ka: ne-a: due' 'di,: mor deh se 'meh,: yee': zai'-kuo:: dao', or se 'kpih ken: ne. :Yee': tehn 'i-deh:: Mose' no-a, eh-: 'dhu, 'tele'⧾-a' klehkpeh Nyorsoa 'nyi-or,: en: ne-a 'de or-a' 'tele'-chlee-deh 'di, or po en-' wele-eh 'weh 'do nyor⧾-a' klehkpeh bo. 'De or 'duo:: blii'-gblor-a' nyomor-: 'dekorn: 'gbalor-a' nor-: me-: or zian-dih: 'ni, 'de or no 'yli-eh: an 'da-dih-a 'woo, eh-a' 'for: ne-a 'zoo-: 'dekorn: 'hesor-tu-a' 'te-mla⧾-: 'de or gba-ih: gwlor-nyor⧾-a' klehkpeh-: 'dekorn: 'tele'-chlee-deh-: ya dih. 'De or 'da, Nyomor: daa, or-: Nyorsoa: po-dih: kuo 'do or-: a mor-: 'nyne bo. Kuo: daa, or-: 'o Nyorsoa 'nyi a 'tele', a 'ye 'o dih dhe. :Yee' 'de: ka: ne-a: due' 'di,: Mose' gba nyomor 'do 'taa: 'por: gbalie: dao' ken-: 'dekorn: deh⧾-a' klehkpeh nyor⧾-a za-dih-a Nyorsoa: weheh' ya dih: ke. Keen' 'jeh ka, 'ka-:: Mose'-a' 'tele' no mu-a', nyomor or-: no-eh, 'de deh⧾-a': dha: dhulu'-a gweh: vlehehn'-' 'do Nyorsoa ybei'. 'De mor eh 'da,: Mor nyomor se dih 'wla,: yee' deh⧾-zon⧾-a' dhih: se-' bo 'ma-dih-eh: i. :Yee' deh⧾: daa: a: za-a-', deh⧾: en: ne-a 'de Nyorsoa 'bli yai', en-' 'kafluh:⧾ 'o.: Yee' 'ka-: en: korn en 'ye: vlehehn'-': gweh-eh no. Jorwor: en-' 'jeh 'yor-eh:: en: ne-a 'de or 'bli yai', me-: Nyorsoa gban 'i 'dhu-dih-deh: 'jeh: neh: eh 'kpa-a deh ken,: eh: zi-a 'o: zai' neh-', eh: korn eh 'ye: no-eh: 'do en bo. Deh no-eh, 'Klae: se 'de: chuu:: gwlor-nyor⧾-a' son no-a,: on: ne-a gban 'i 'di pa,: on no-a: chuu: 'jeh no-a' 'kafluh. 'De Nyorsoa 'bli yai'-a' 'yor-eh:, 'do: wor or mu. 'De or: ne 'o Nyorsoa ybei', or wlu 'de or bo, 'do: a 'gor bo. :Yee' Nyorsoa-a' 'slaa:: za-nyor⧾-a' nyor: klaba'-a pa 'de: Chuu:: on: ne-a gban 'i 'di,: on: zi-a 'o: chuu⧾-a' klehkpeh-' 'do zon 'di, 'de or kpa nimi-a' nyomor. Jorwor: 'Klae: se-' or-a' 'jeh Nyorsoa gban 'i 'dhu-dih: 'do kpor⧾: dhulu' 'di. Jorwor: or no kpor: due' 'klein'. :Yee': mor eh se: ao': ne,: yee' or mu 'kle 'ye-:: yee:: eh 'wluh-a 'de 'bluhba-a' glu 'dhu 'da: dee'. Jorwor:: kana: naa, ti: a: ne-a ken: en no-a: de 'bor-dih-ti, or yi-: 'de, 'do kpor: due' 'di 'klein', 'de or jla: a-a' deh⧾-zon⧾-a' dhih, 'do or-a' 'jeh 'yor-eh-a' Nyorsoa gban 'i 'dhu-dih-eh bo. :Gwlor-nyor⧾-a' klehkpeh: korn on 'ye 'meh-a' kpor: due' no 'klein'.: Yee': mor eh 'wluh 'o,: yee' Nyorsoa: korn or 'ye an-a' zabe zi. :Yee' 'de: ka: ne-a: due' 'di, 'Klae: za-eh: 'kwla or 'ye gban 'i 'dhu-dih-eh: 'do kpor: due' 'di 'klein', 'de or 'ye nyor⧾: dhulu'-a' deh⧾-zon⧾-a' dhih jla. Or mu deka: yi: neheh'. Jorwor: or: se-' deh⧾-zon⧾-a' dhih bo: yi i: neheh'. Or mu 'de: yi, or 'ye nyor⧾: an fuo-or 'ken 'puh-dih:. :Yee': Mose'-a' 'tele': daa: eh 'nyi-eh: Jueh'-nyor⧾, eh no deh⧾ 'jeh: ne,: en mu-a 'de: yi, en-' 'kafluh:⧾. Eh: se en-' 'jeh 'yor-eh:.: Yee' eh-a' dhih, 'tele': daa, eh se 'beh-dih:, eh 'ye nyor⧾: an 'koan'-dih-a Nyorsoa dih, 'de: on 'ye-or': weheh': za, 'yi 'sleh-nyor⧾-' no 'do Nyorsoa gban 'i 'dhu-eh:: dhulu' bo,: eh: ne-a: due', an no-a zon 'o zon 'di. :Yee': mor eh 'dhu nyor⧾: dao',: an za-a Nyorsoa: weheh' deh: dao', on: gweh: vlehehn'-' 'jeh ka 'do Nyorsoa ybei': dee',: yee' an-a': porluh⧾: se-uh' zabe: kpon-dih: i: dee', 'do deh⧾-zon:⧾ an no-a bo.: Yee' Nyorsoa gban 'i 'dhu-eh mu 'bor-:: dee'. Jorwor:: ka eh: ne-a: naa, Nyorsoa gban 'i 'dhu-deh:: daa, eh no-eh', 'de nyor⧾-a po-dih an-a' deh⧾-zon⧾: gwluhuh' bo, 'do zon 'o zon 'di. Deh no-eh,: blii'-gblor-a' nyomor-: 'dekorn: 'gbalor-a' nor-: en se 'beh-dih: en 'ye nyor⧾-a' deh⧾-zon⧾-a' dhih jla. Eh-:: korn dhih, ti 'Klae-a yi-a 'noror yao 'zorn,: yee' or: wlu-' 'de Nyorsoa bo, or 'dae:,: On: se-' 'slaa:: za-dih-deh⧾-: 'dekorn: 'nyii'-deh⧾-: 'bhorn. Jorwor:: on no-eh', 'de 'on 'ble yau. 'Slaa:: za-dih-deh:⧾ nyor⧾-a po-a 'yli-:: an-a' gban 'i 'dhu-dih-deh:⧾ 'do deh⧾-zon⧾-a' dhih bo-:: mlee' se 'beh-dih: en 'ye: an-a': porluh dih 'pehn-dih: 'gboror:. 'De 'Klae 'da: neheh', 'Mor-:: dhe dih, Nyorsoa. 'An mu: an-a' ken dih 'worn-dih-deh: no,: ka: Mose'-a' 'tele'-chlee-deh no-a 'an dhih-a': za-a'. :Yee': tehn 'i-deh: 'Klae 'da, Nyorsoa,: an-a': porluh: se-' dih 'pehn, 'do 'slaa:: za-dih-deh⧾-: 'nyii'-deh⧾-: 'slaa:: za-dih-deh:⧾ nyor⧾-a po-a 'yli-: 'dekorn:: an-a' gban 'i 'dhu-dih-deh:⧾ 'do deh⧾-zon⧾-a' dhih bo-:. 'De mor: on: se-ih' 'bhorn: ke. Keen': mloror' 'Klae: za deh: daa-' 'weh, jorwor: deh⧾: daa en: no-eh:-' 'do: Mose'-a' 'tele'-a' dih: dhe-eh dhih bo. :Yee' 'Klae 'dae:: neheh', 'Mor-:: dhe dih, Nyorsoa. 'An mu: an-a' ken dih 'worn-dih-deh: no.: Yee' Nyorsoa: za 'o 'slaa:: za-dih-deh⧾-: 'dekorn: gban 'i 'dhu-dih-deh⧾-:: gwie 'i 'weh, 'de or po 'o: neheh'. :Yee': ka: Yusu' 'Klae no-a deh Nyorsoa 'bhorn-a or 'ye-a' no, eh-: no-eh, 'de or-a' 'jeh 'yor-eh-a' 'kwla: za-eh: or no-a 'do kpor: due' 'di 'klein', eh: dhe-dih:: a 'for 'i, 'do Nyorsoa bo. :Yee': Jueh'-nyor⧾-a' Nyorsoa-a' 'slaa:: za-nyor⧾-a no an-a'a:: koan 'do zorn 'o zorn 'di, 'de an 'nyi Nyorsoa gban 'i 'dhu-dih-deh:⧾: ne-a: due' 'do kpor⧾: dhulu' 'di. Jorwor: en se 'beh-dih: en 'ye nyor⧾-a' deh⧾-zon⧾-a' dhih jla. Jorwor: 'Klae: mloror', or 'dhu Nyorsoa gban 'i 'do deh⧾-zon⧾-a' dhih bo kpor: due' 'klein',: ka ti-a mu-a 'dlu-': tehn. 'De or: dhe dih 'de Nyorsoa-a': dila-son bo. 'Do: wor or: ne: naa, or fuo Nyorsoa 'ken, Nyorsoa 'ye-eh' no, or 'ye nyor⧾: on 'nyeh-or' ya: ya, 'de or 'ye-uh' buh⧾ ken dih tba. :Yee' Nyorsoa-a' gban 'i 'dhu-eh-a' kpor: due': daa 'Klae no-a 'klein', eh-: no-eh, 'de nyor⧾: on: dhe-dih-eh 'for 'i 'do Nyorsoa bo, on zelie-eh: 'do deh⧾-zon⧾-a' 'kpih 'zorn,: ka ti-a mu-a 'dlu-': tehn. Gban 'i: ne: Zulu zela: deh⧾: daa ken dih 'weh 'noror: a bo: ke, on 'da, :Gwlor: baa' 'dae:, Kuo on: ne 'an mu-a: po, 'do ti: en mu-a 'de: yi 'di, or-:: dhe dih. 'An mu 'an 'tele'⧾ 'do on: porluh⧾ ken: po, 'de 'on 'ye-ih' 'chle 'de on 'dlu 'di. 'De or 'dae:: neheh', 'On: se-' an-a' deh⧾-zon⧾-: 'dekorn: an-a' 'kulu-deh⧾-: en-' dhih: gwluhuh' dih: na-dih: i: neheh'. :Yee': mor eh 'dhu, en-' dhih 'ma-dih-eh: bo,: yee' Nyorsoa-a' gban 'i 'dhu-deh se: korn eh 'ye: no-eh:, 'do deh⧾-zon⧾-a' dhih bo: neheh'. :Yee' eh-a' dhih, 'an 'Klae: de-di'-boi'-a:, 'Klae-a' 'meh-a' no-eh', 'de: a 'beh-dih:,: a 'ye 'de: Chuu:: on: ne-a gban 'i,: on: zi-a 'o: chuu⧾-a' klehkpeh-' 'di pa, 'de: gwluhuh': ku ka 'di. Or: za: gwie:: dele' 'do: a bo,: eh mu-a 'de 'kmo: ne-eh:: dele' bo.: Yusu'-a' yau-a' dhih, eh-: no-eh, 'de: gwie:: dele': dao', eh: yi-dih: 'de 'yli-eh:: eh bhele:-a ya 'di. :A 'ble Nyorsoa-a' 'slaa:: za-nyor:: klaba': or: korn-a 'de Nyorsoa-nyor⧾-a' klehkpeh-a' dhih bo. :Yee' eh-a' dhih, a 'nyi: a 'koan'-dih: Nyorsoa dih, 'de: porluh⧾-a': vlehehn'-': gweh ka 'di, 'de: a 'ye-or': gwluhuh': kpa-dih:,: eh 'wluh-a 'de: a-a' dhih 'jeh-': po-eh bo.: Yee' 'nyi: a-a': porluh⧾: gweh: vlehehn'-', 'de en: ne-': a zabe: kpon-dih:, 'de 'ni: eh: gweh-a: vlehehn'-', eh 'ye: a-a' yau worlor:. :Yee' a 'nyi: a kpon deh: gwlii': dhe-eh:: eh: korn-a dhih: a-a' 'jeh 'yor-eh za-a-' dih: glii:. Deh no-eh,: a yubo-eh': mor Nyorsoa po deh-a' wlu: dhama'-',: yee' or no-eh': gbor. :Yee': a: korn: a 'ye: a 'bei'-a' dhih zi, 'de on 'ye: a-a' ne-a' dhih zi: ke, 'de eh 'ye 'de a 'bei'-a' 'kpih po, 'de: ybeh-dih-eh-: 'dekorn: deh⧾ 'jeh ne-a' no-a'-: en 'ye 'de a 'nyne-': ne. :Ka nyor⧾: noo'-a no-a, 'de on 'bor-a: dha: due' 'kpa-eh, 'do Nyorsoa-a': weheh': za 'da, a-a': no-eh': ke. Jorwor: a 'nyi: a po: a 'bei' 'kpih bo: due': due', eh 'ye 'o ken dih zi,: ka a yubo-eh 'de 'we-eh:: Gwlor: baa'-a mu-a 'de: ya, eh 'koan'-a bo. :Yee': yeh: a yubo:-a dhih-a' 'yor-eh:: en: ne-a 'noror tubo-wlu:⧾ 'jeh: daa 'di: naa, 'de: a 'ye dhih 'yi dih tba,: a 'ye deh⧾-zon⧾-a' no-a' 'dlu bo kpa 'gboror:,: yee' Nyorsoa-a' gban 'i 'dhu-dih-deh:: neheh' se: ne 'do: a-a' deh⧾-zon⧾-a' dhih bo. Jorwor: deh: eh: sie:-a 'o, eh-: 'dhu,: on 'ye Nyorsoa-a' zabe:: zi-eh: fuo: 'de: fano: ka 'di, 'dekorn: 'yi: kma-neh:: eh mu-a nyor⧾-a' klehkpeh: on 'nyeh-a Nyorsoa-': sin-dih:, on 'ye-a' ya: gweh. :Yee': mor nyor se 'o: Mose'-a' 'tele'-a' dih: dhe-dhih 'worn-dih:, 'de nyor⧾ 'sororn', nyor⧾ taan, on 'ye-eh' ken dih zela:: eh: mor or no-eh' deh 'jeh, 'de zabe 'ye-or' kpon,: yee' an-a' 'ye or-a': wehlih, 'de an 'dba-or. :Yee' dha nyor: or vlehn-a Nyorsoa-a' 'Yu, 'de: or no-a, 'Klae-a' 'meh-a',: or no-a kuo, 'de: eh no-eh, 'de: a: dhe-dih-eh 'for 'i 'do Nyorsoa bo, or se deh 'di: ne, 'de: or po-a Nyorsoa-a': Zulu:: an po-a nyor⧾ mla bo, wlu 'bhun, eh: bo-nyor:: dao', dha or-a' 'kle 'ye-eh:: eh mu-a 'o or 'dlu: po-eh, eh mu: na-dih:: eh? Deh no-eh,: a yubo-eh': ka eh 'dhu-a: Gwlor: baa'-': or no-a, 'Mor: korn: or 'ye kpa: za. 'An mu nyor⧾: an no-a deh⧾-zon⧾ 'do on 'bei' bo, 'kle 'ye-eh 'dlu: po.: Yee' or 'dae:: neheh', 'An mu 'an-a: nyor⧾-a' zabe: zi. :Yee' eh-a' dhih, eh mu 'yi: kma 'gabaa 'do nyor: or mu-a 'de 'kmo: ne-Nyorsoa-a' pluh 'worn 'kpa-: bo. A: po-dih: deh: eh: no-eh 'do a bo, 'do ti: en zi-a 'di: gwluhuh' bo. 'Do ti: dao' 'i,: yeh a 'ye-a Nyorsoa-a' zorn-pli,: yee' a 'ye 'kle 'gabaa. Jorwor: a: se-' sea, 'de a-a' 'kle 'ye-eh:: dao' 'di. :Yee' 'do ti: nee' 'di, nyor⧾ po a wlu⧾ 'bhun dih 'do: gwlor: gwea, 'de on 'ye-dih: a 'kle. 'De mor 'do ti: nee' 'di, a 'worn-dih-eh ken dih 'weh, a 'ye on 'bei' nyor⧾-a 'ye-dih-a 'kle deh: dao', an-a' 'kle 'ye-eh-' gble. Nyor⧾: on: po-eh: 'de: kasue 'di, on: ne a gble an-a' 'kle 'ye-eh 'weh. 'De mor: mor nyor⧾: za a-a'a:: kororn-deh⧾-a' klehkpeh a 'kwa, a kpon: porluh⧾-: dih: chio'lo: 'de 'mona: ka 'di. Deh no-eh, a yubo-eh' a 'ble deh: eh 'kpa-a deh ken: eh: zi-a 'o deh⧾: dao', 'de: eh mu-a 'kmo: sie:: ka ti-a mu-a 'dlu-': tehn. :Yee' eh-a' dhih, a kpa a-a': gwluhuh': ku-eh 'dlu bo. Deh no-eh, eh ya 'de geli': za-dih-deh:: klaba'. A: korn a 'ye: porluh⧾ dih kpon. Eh-: mu-eh: no, 'de a 'ye Nyorsoa-a' 'ton: korn-deh no, 'de a 'ye deh: korn-a wlu or po-a: dhama'-' 'ye. Deh no-eh, Nyorsoa-a' 'chlee-deh 'dae:, Eh: se 'o: gwle i, nyor: or yi-a 'de, or 'ye dih 'si. Or: se-' ti: zi-dih: i. Nyor Nyorsoa 'da-dih-a 'yi 'sleh-nyor, 'do or-a' dhih 'jeh-': po-eh bo,: yee' or-: mu 'kmo-': ne. Jorwor:: mor an-a' nyor 'bili:-' dih, 'de or 'ye Nyorsoa-a' deh dih 'tali:, Nyorsoa-a': porluh: se-' dih 'pehn-: i 'do or bo. :Yee': a: se nyor⧾: an 'tali-a Nyorsoa-deh dih, 'de: an 'ma-a. Jorwor:: a: mor: mloror',: a po 'Klae-a' dhih-' dhih 'jeh, 'de or 'puh-dih:: a-uh. :Yee': mor: a po-eh dhih 'jeh-',: yee': a yubo-eh': eh: mor deh: a dhe-a: gwlii',: a mu-eh 'ye-:. 'De mor: a yubo-eh' deh⧾: a-a' 'yli-eh se-a 'ye, en: ne-' 'jeh ka. :Yee': a: bai'-a': bai' po Nyorsoa-a' dhih-' dhih 'jeh. Eh-: no-eh, 'de Nyorsoa 'worn-dih: an-a' dhih ken dih. :Yee': a-a' Nyorsoa-a' dhih dhih 'jeh-': po-eh:, eh-: no-eh, 'de: a 'worn-eh dih: ka Nyorsoa no-a or-a' wlu, 'de or no-a 'bluhba-: yao-: 'dekorn: deh⧾-a' klehkpeh: en: ne-a 'de en 'di-:. Deh⧾ nyor⧾-a' 'ye-a, me-: or 'duo:-', 'de or no: yih nyor⧾-a 'ye-a. 'Ebo po Nyorsoa-a' dhih-' dhih 'jeh. Eh-: no-eh, 'de or-a' Nyorsoa-a' gban 'i 'dhu-dih-deh: nmor 'yi dih, eh: zi 'o 'Kein-a' neh-'. 'De mor eh-: no-eh, 'de Nyorsoa 'worn-dih: or-a' dhih ken dih,: ka or 'dhu-a 'yi 'sleh-nyor-'. Deh no-eh, Nyorsoa-a' 'jeh 'yor-eh: or-: 'worn-dih: or-a' 'nyii'-deh-a' dhih ken dih. Or-a' dhih 'jeh-': po-eh:, eh-: no-eh, 'de deh or no-a, eh-a' kuna': sie: 'kmo 'gboror:, keen': mloror' or 'meh-'. 'Inor po Nyorsoa-a' dhih-' dhih 'jeh. Eh-: no-eh, 'de or: se-' 'meh. 'De or: kpa-eh: 'de Nyorsoa 'bli yai', 'de nyor: se-or' 'ye: neheh'. Deh no-eh, Nyorsoa kpa-or-: yai'. 'De mor Nyorsoa-a' 'chlee-deh 'dae:, 'Inor 'pehn-dih: Nyorsoa-a': porluh-: dih. Eh-: no-eh, 'de Nyorsoa kpa-or 'de yai'. Nyor: or se-a Nyorsoa-a' dhih dhih 'jeh-' po, or se 'beh-dih: or 'ye Nyorsoa-a': porluh dih 'pehn-dih:. Deh no-eh, nyor-beh-nyor-beh:: or yi-a 'noror Nyorsoa bo, or: korn or 'ye-eh' dhih 'jeh-' po: gbor: gbor: ka or: ne-a 'kmo, 'de mor eh 'dhu or mor-',: or za-a nyor⧾-a' klehkpeh: an 'bhorn-or 'kwla⧾-' dih geli'. :Noa' po Nyorsoa-a' dhih-' dhih 'jeh. Eh-: no-eh, 'de or: to Nyorsoa-a' 'slen or 'dhu-or: dou'⧾ bo,: en 'dhu-a deh⧾: en mu-a: no-eh 'de ybei'. Or dhe 'o Nyorsoa-a' 'tele'-: dih, 'de or kor 'ni ken-meheh, eh-: no-eh, 'de or-: or-a'a: 'cheh-: on 'puh. Or-a' dhih 'jeh-': po-eh:: dao', eh-: no-eh, 'de Nyorsoa chehn 'bluhba-a' zabe 'i, 'de or 'da-dih-or 'yi 'sleh-nyor. 'Eble'hehn po Nyorsoa-a' dhih-' dhih 'jeh. Eh-: no-eh, 'de ti Nyorsoa 'da-or, or 'ye-a 'bluhba:: or: korn-a wlu or po-a: dhama'-' 'do or bo, or 'ye-a 'de or ken mu, 'de or dhe 'o or-a' wlu dih, or mu 'de. Keen': mloror',: dha or mu-a, or se 'o yubo:, jorwor: or 'wluh 'o or 'bli 'bluhba ken 'weh, or mu-' 'suh. Or-a' Nyorsoa-a' dhih 'jeh-': po-eh:, eh-: no-eh, 'de 'bluhba:: or: korn-a dhih Nyorsoa po-a wlu: dhama'-' 'do or bo, 'de or 'ti 'o or ken,: ka 'duhba-yu 'i. Or 'ti 'de 'taa: 'por⧾: gbalie 'di. 'Ka-: Ase'-: 'dekorn: 'Jekor-: on no: ke: on no-a nyor⧾: on 'ye-a deh: korn-a wlu Nyorsoa po-a: dhama'-': ke. Deh no-eh, 'Eble'hehn pobo 'de 'kwi: gwlor Nyorsoa po-a dih, 'de or po-a, or-a': gwie 'i, 'kwi: gwlor: or mu-a: ne 'do ti-a' klehkpeh bo. 'Eble'hehn po Nyorsoa-a' dhih-' dhih 'jeh. Eh-: no-eh, 'de or 'beh-dih: or 'ye 'yu 'wluh, keen': mloror' or-a' 'yu 'wluh-ti zi-', 'de mor: Selor': sie:: zlama: dee'. Jorwor: or yubo-eh' deh: korn-a wlu Nyorsoa po-a: dhama'-', or mu-eh: no: gbor: gbor. Keen': mloror' 'Eble'hehn gweh: ka nyor: or 'meh-a, jorwor: nyor-kpalu:: daa, or bhan-' 'do 'nynuu-a' 'nynuu bo.: Ka 'chuh: dhlaen:: en: ne-a 'de yai', en: dhie:-a, 'ka-: on: dhie:.: Ka yobo'-a': bhehneh' nyor se-a zlo-a' 'beh-dih: eh: dhie:-a, 'ka-: on: dhie:: ke. Nyor⧾-a' klehkpeh: daa: a zlo-a, on po Nyorsoa-a' dhih-' dhih 'jeh: chio'lo:, 'de eh: yeh-dih: an-a' 'meheh'-ti ken. On: se-' deh: korn-a wlu Nyorsoa po-a: dhama'-', eh-a' ti ken: yeh-dih:. Jorwor: on sie eh-a' ti de, 'de on 'ye-dih-eh ybei'.: Yeh on 'ye-dih-eh ybei',: yee' an-a': porluh⧾ 'pehn-: dih. 'De on 'da,: A no 'duhba⧾-: 'dawor'⧾-: dha 'bluhba ken. Nyor⧾: an za-a deh⧾: daa-', on zela-eh ken dih 'weh deh 'jeh,: ka an 'bhorn-a 'bluhba-dlu 'do an-a' 'jeh bo, on 'ye-a ken 'ti. On: se-' 'bluhba: on 'wluh-a 'de ken, or-a' dhih: gwluhuh' dih: na-dih:.: Mor eh 'dhu on no-eh: dee',: yee' deh: eh 'ye-uh'-a 'i kan,: mor an 'bhorn on 'ye de mu, eh se: ne. Jorwor: 'bluhba: 'jeh: nor: or: zi-a 'o: yor: dao', or-:: korn: gwie 'i an pobo,: or no-a 'bluhba:: or: ne-a 'de Nyorsoa 'bli yai'. Eh-:: korn dhih, eh-a': no-dih: Nyorsoa dhen, on 'ye-or an-a' Nyorsoa 'da-dih:. Deh no-eh, or po 'kwi: gwlor 'do on bo. 'Eble'hehn po Nyorsoa-a' dhih-' dhih 'jeh. Eh-: no-eh, 'de or kpa or-a'a: 'yu Ase', or 'ye-or 'slaa: za-dih:: dee', ti Nyorsoa 'dhen-or. Keen': mloror' Nyorsoa po wlu: dhama'-' 'weh 'de or bo,: eh: mor or mu 'nynuu-a' 'nynuu 'wluh-:, jorwor: or 'worn-dih-eh ken dih 'weh 'gboror:, 'de or: ne buh⧾ ken, or 'ye or-a'a: 'yu: due' gbai: dao' 'slaa: za-dih:: dee', keen': mloror' Nyorsoa zela-or: gwluhuh', or 'da,: An-a'a: 'yu Ase', or-: mu-eh: no, 'de: on 'ye 'nynuu-a' 'nynuu:: on: korn-a wlu 'on po-a: dhama'-' 'do: on bo 'wluh. 'Eble'hehn: wlu-' 'de or-a' 'jeh: porluh ken, or 'da, Nyorsoa 'beh-dih: or 'ye 'de Ase': za, or 'ye 'kmo: ne: neheh'.: Ka 'Eble'hehn no-a eh-a': gwlii': dhe-eh, 'ka-: eh: ne: kpeheh: 'do 'we-eh:: dao' 'di. Eh gweh: ka Nyorsoa: za-a: 'de Ase' nma-dih-deh 'di. Ase' po Nyorsoa-a' dhih-' dhih 'jeh. Eh-: no-eh, 'de or po 'Jekor-: 'dekorn: 'Isor-:: bhorlie' bo, an mu-a 'ye-: 'de ybei'. 'Jekor po Nyorsoa-a' dhih-' dhih 'jeh. Eh-: no-eh, 'de or po 'Joseh-a' 'nynuu:: on: ne-a 'sororn',: bhorlie' bo, ti or yi-a 'meh 'da. 'De or kor kor-a' tu dih, or za Nyorsoa: weheh' 'gboror:. 'Joseh po Nyorsoa-a' dhih-' dhih 'jeh. Eh-: no-eh, ti or yi-a 'meh 'da, 'de or: za 'Ezlea-nyor⧾-a' 'Iye 'wluh-dhih-', 'de or: sie-dih-uh 'tele', deh on 'ye-a or-a' 'meheh'-ku-a' 'kpa⧾: no-dih:. :Mose' 'de-: 'dekorn: or: baa'-: on po Nyorsoa-a' dhih-' dhih 'jeh. Eh-: no-eh, 'de on 'zile-or 'do 'chuh⧾ taan 'di, ti or 'wluh-a,: yeh on 'ye-a: ka or: nmor-a 'yi dih. Eh-a' dhih, on: se-': fano ple, 'de on: bla-dih: 'keen-a' 'tele' worn. :Mose' po Nyorsoa-a' dhih-' dhih 'jeh. Eh-: no-eh,: yeh or 'beh-a 'i,: yee' or: se-' 'worn, nyor⧾ 'ye-or 'Iye-nyor⧾-a' 'keen-a' 'nynor-kpao'-yu-a' 'yu 'da-dih:. :Mose' 'da eh: nmor-: 'yi, nyor⧾ 'ye, or-: Nyorsoa-nyor⧾-:: dha: due' dhih-': no-dih:,: eh: zi 'o or-a': porluh 'ye dih 'pehn, 'do ti-kpor-bei 'di, 'de deh⧾-zon⧾ 'di. 'De or: wlu 'de or-a' 'jeh bo, or 'da,: Mor on: no-dih: 'on dhen 'do Nyorsoa-a' 'taan'-yu-a' dhih bo, eh 'kpa deh ken 'gabaa,: eh: zi 'o 'on 'ye bhaan-deh⧾-a' klehkpeh: en: ne-a 'Iye 'ye. Deh: korn-a dhih or: za-a deh: daa-' 'de or-a' 'jeh bo, eh-: 'dhu, or pobo 'de geli': za-dih-deh: or mu-a 'ye-: 'de ybei', eh-a': gwie 'i. :Mose' po Nyorsoa-a' dhih-' dhih 'jeh. Eh-: no-eh, 'de or 'wluh 'Iye. Or: se-' 'keen-a' 'yuba-a': fano ple. Deh no-eh, eh gweh: ka or 'ye-a Nyorsoa,: or nyor-a' 'ye-a. Eh-:: korn dhih, or: se-' sea. :Mose' po Nyorsoa-a' dhih-' dhih 'jeh. Eh-: no-eh, 'de or no-eh, 'de nyor⧾-a 'dhu 'Meh-a': bla-dih: 'dlu dih-gor. 'De or 'nyi-uh 'tele', on 'ye nyomor 'do an-a': kpaa'⧾ ken tli, 'de 'enjor:: or ya-a 'de 'meh-a', or: ne-' 'Ezlea-nyor⧾-a': zai'-nyor⧾-kpalu⧾-nynuu 'dba. 'Ezlea-nyor⧾ po Nyorsoa-a' dhih-' dhih 'jeh. Eh-: no-eh, 'de Yobo': zaehn: gble-eh:-', 'de on: na or-a' 'bluhba-yli-eh ken dih, on 'dhan,: eh gweh-a: ka nyor-a na-a 'bluhba: 'jeh nor ken dih. Jorwor:: yeh 'Iye-nyor⧾-a yi-eh no 'da,: yee' 'ni kpa an-a' klehkpeh 'weh. 'Ezlea-nyor⧾ po Nyorsoa-a' dhih-' dhih 'jeh. Eh-: no-eh, 'de gba-dih-gba: or bhin-a: Jehliko'o-gwlor, 'de or blu, ti on bhin-or 'do 'we: meheh' 'sorn 'di. :Bhaa'-nynor: an 'da-dih-a 'Wlea, or po Nyorsoa-a' dhih-' dhih 'jeh. Eh-: no-eh, 'de: yuh: on se-a 'o Nyorsoa-a' 'tele' dih dhe, 'de on: ne or: se-': dha: due' 'meh-dih:. Deh no-eh, or kpon 'Ezlea-nyor:⧾: on yi-a gwlor 'yli-eh 'zorn dih: bla 'da-: dih, 'de: porluh-a' dih 'pehn ka 'di. 'On 'beh-dih: 'on 'ye 'dlu bo mu, 'on 'ye 'Gilion-: 'Sansin-: 'Bala-: 'Jehta-:: Debe'-: Sameo'-: 'dekorn: Nyorsoa-a' wele-eh:: po-nyor⧾-: an-a' dhih-': za: dee'. Jorwor: ti 'on 'ble-a, en se 'i: dhie:. :Yee' an-a' klehkpeh: daa, on po Nyorsoa-a' dhih-' dhih 'jeh. Eh-: no-eh, 'de an-a': due': due' vorn 'bluhba⧾-dlu⧾ bo, 'de on du-ih. Deh: eh 'sleh-a 'i, eh-: on no, 'de on 'ye deh: korn-a wlu Nyorsoa po-a: dhama'-'.: Yee' an-a': noo' kan: gbolo⧾-a' worn⧾-: 'i. 'De on 'mo-dih: neh: eh wan-a: jlu: jlu, 'de on ple, on 'dhan 'de nyor⧾: an 'bhorn-a: on 'ye-uh'-a: bhla 'jlehn 'i 'dba-dih: 'kwa dih. Keen': mloror' on se: kmu: dee', jorwor: on: za-dih:-': kmuu-nyor:⧾. On no nyor⧾: on: kmu-a 'de tuh-', 'de on du 'bluhba:⧾ 'sluh⧾-a' sorye'. 'Nynor⧾-kpao'⧾: noo' po Nyorsoa-a' dhih-' dhih 'jeh. Eh-: no-eh, 'de an-a'a: nyor⧾: on 'meh-a, on yi 'kmo-' bo de: neheh'. Jorwor: nyor⧾: noo': se-eh' ken dih 'worn-dih:, on 'ye zelie-eh:, 'de nyor⧾ 'ye-dih-uh 'kle: ye-dihih:, 'de on 'meh, eh 'ye-eh' no,: mor on 'wluh 'de nma-dih-deh 'di, on 'ye 'kmo 'jeh no-': ne,: on 'ye 'o: zai' no-': zi. On: wla-dih:: noo': noo', 'de on bla-uh. On po: noo' 'chen-dubu'⧾ son⧾-', 'de on po-uh: kasue 'di. On: tba-dih-uh sobu'⧾ dih, 'de on 'meh. On no 'soror, 'de on: za: noo': tile⧾ 'sororn'. On 'dba-dih:: noo': bhla 'jlehn⧾ 'i. 'Blae'⧾-: 'dekorn: 'gbalor⧾-: en-' ku⧾, me-:: noo'-a pa-'. On se deh-a': za-da 'ble, 'de nyor⧾ 'ye-dih-uh 'kle, on no-uh dhih-'. Nyor⧾: daa, 'de: bhehneh'-bluhba ken-: tluh⧾ ken-: me-: an na-' dih. 'De wor⧾ 'di-: 'dekorn: 'bi 'di dih-: me-: an 'pehn dih: ke. Nyor⧾ 'jeh: no: daa, on se-eh 'i: bleh-dih: on 'ye 'de 'kmo-a' nyor⧾ 'nyne-' 'ti. Nyorsoa 'worn-dih: nyor⧾: daa, an-a' dhih 'jeh-': po-eh-a' dhih ken-: dih. Jorwor: an-a' nyor: due': sloror': se-' deh: korn-a wlu Nyorsoa po-a: dhama'-' 'ye. Deh no-eh, Nyorsoa 'dhu deh 'jeh: neh 'do: a bo: eh: zi 'o: zai' neh-'. Eh-: 'dhu, mo-: 'dekorn:: a mor-:: a 'ye Nyorsoa-a': bhorlie'-a' klehkpeh 'ye: dha: due'. :A: mor: mloror', nyor⧾: dhulu': daa: on: to-dih:-a an-a' 'jeh 'yor-eh-a' dhih 'jeh-': po-eh: a 'i, mo-:: ne: a 'de dih.: Yee' eh-a' dhih, a 'nyi: a: za 'o deh⧾-a' klehkpeh: en-' 'worn-a: a-a' no-a, deh⧾: a: korn: a 'ye-a no: gwie 'i, 'dekorn: deh⧾-zon:⧾: a: ybeh-a 'gabaa: en san-a: a dih-:.: Yee' deh: eh: ne-a 'o: a ybei': a vorn-dih-a, a 'nyi: a 'ble-dih-eh 'dlu 'di dih: chio'lo:, 'de: a 'ye-eh' ken: yeh-dih:. A 'nyi: a pobo: 'de: Yusu' ya,: or no-eh, 'de: a po-a Nyorsoa-a' dhih dhih 'jeh-',: eh 'wluh-a 'de eh-a' glu 'dhu 'da, 'de: eh mu-a 'de eh-a' 'dlu-': jla 'da. 'Mona:: or fuo-or 'ken 'de ybei', or-a' dhih, eh-: no-eh, 'de 'klorse tu 'i 'meh-dih-deh: nyor⧾-a 'da-dih-a dhen-meh-a', 'de eh: se-or' dhen: no-dih:, 'do-a' 'meh-dih: 'da.: Yee': kana: naa, or: dhe dih 'de Nyorsoa-a' 'keen: kpala'-a': dila-son bo. A: na-dih: deh⧾: en: yi-dih-or ya dih: gwluhuh' dih,: ka deh⧾-zon:⧾: no-nyor:⧾: on 'nyeh-or', on no-a or-a' 'kle 'ye-dih-eh.: Yee' eh-a' dhih, a-a': sea:-'. A mu 'dlu bo: chio'lo:. Deh⧾-zon:⧾ a 'dhu-a bo: vorn-eh, an-a' nyor 'see-eh 'zorn 'meh-dih. :Ka a 'dhu-a Nyorsoa-a' 'nynuu,: yee' a-a' 'ma-dih:-' bo,: ka or-a' wlu po-a a 'kpih bo,: on no-a, 'An 'yu,: mor: Gwlor: baa' 'dhu-dih:: on kplen,: yee': an-a' 'da-dih:-eh' deh-yu. 'De mor: mor or 'da,: an no deh-zon:,: an-a': porluh-a' 'kpa-:-' 'zorn. Deh no-eh, nyor⧾: yuh: Gwlor: baa': ybeh-a, mo-: or 'dhu-dih kplen. 'De nyor⧾: yuh: on: korn-a dhih or 'worn-dih-a ken dih,: on 'ye-a or-a'a: 'nynuu no, mo-: or 'ble-dih sene'eh 'de,: mor on no deh-zon. :Mor a: taa 'kle 'ye, a-a': sea:-'. A 'duo-eh' eh 'ye a-a' kplen 'dhu-dih-eh no. Deh no-eh,: ka: baa'-a no-a 'yu-a' dhih, 'ka-: 'o Nyorsoa no a-a' dhih: ke. Dha 'yu 'wluh: or: korn: baa' se-or kplen 'dhu-dih: eh? Nyorsoa-a 'dhu-dih or-a'a: 'nynuu-a' klehkpeh kplen.: Yee' eh-a' dhih,: mor or se a kplen 'dhu-dih:,: yee' a se or-a'a: 'nynuu:: dhih 'o. A: mor nyor: noror' 'nynuu: 'o. 'De mor a: na-dih:: a: bai': on no-a: gwlor-nyor⧾, an-a' dhih: gwluhuh' dih.: Mor on 'dhu-dih:: a kplen,: yee': a 'ye-uh deh-' 'weh 'do eh bo.: Yee': a: Baa': or: ne-a 'de yai',: mor or 'dhu-dih:: a kplen,: yee' dha or-a' deh-' 'ye-eh-a mu: na-dih:: eh,: eh mu-eh: no, 'de: a 'ye-a 'kmo: sie:: febeh' 'ble? :A-a' 'jeh 'yor-eh: bai': on: ne-a dha 'bluhba ken, an 'dhu-dih: a kplen 'do ti-kpor-bei 'di, ti: a no-a 'nynuu:: nyene',: yeh: eh 'sleh-a 'i 'do on bo, eh-: an no. Jorwor:: mor Nyorsoa no-eh,: yee' or no-eh', eh 'ye: a-': za-dih:: dhih 'o, 'de: a 'ye 'for 'ble 'de or-a' gban 'i: ne-tu 'di. :Yee': mor: a: taa kplen 'dhu-dih-eh,: yee' eh puhba: a dih, eh-a': no-dih:: a 'mona. Jorwor: 'de ybei', nyor⧾: on 'dhu-dih-eh kplen, 'de: on: po-eh: 'o: gwie 'i de, an-a' geli': za-dih-deh-a mu wlu-' dih 'worn-eh-: 'dekorn: 'yi 'sleh-deh-a' 'kmo-': ne-dih-eh-:: no. :Yee' eh-a' dhih, a: ku-dih: a-a' son worn 'i dih o. 'De mor, a po 'de: yle: bo-tanu⧾ o. A: na: gwie:: eh 'sleh-a 'i bo, 'de a-a': nea-buh⧾: ne 'de de dih 'kpa, jorwor: en 'ye 'bor. :Yee' a vorn a: ne nyor⧾-a' klehkpeh 'ye ken dih kpon-dih:. 'De mor a 'nyi a vorn, a 'ye nyor⧾: on: dhe-dih-eh 'for 'i no, 'do Nyorsoa bo. Deh no-eh, nyor: or se-a or-a' 'jeh 'for 'i: dhe-dih: 'do or bo,: yee' or: se-': Gwlor: baa' 'ye-: i. A 'ye-eh bo: naa, 'de a-a' nyor: ne-' Nyorsoa-a' mla: sea-dih:. 'De mor or: ne-' 'we-buo gweh, 'de or-a' worn: nyni-eh: ne-' nyor⧾: dhulu'-a' 'kmo: ne-eh 'kor-dih:. A-a' nyor-a' 'kpa-:-' 'de 'tmeor:⧾: korn-eh 'di,: korn mor se Nyorsoa deh-' 'ye-:: ka 'Isor no-a,: or 'dhu-a 'soma'-ni-dhih, 'de: or plo-a or-a'a: nyor: klaba'-deh. A yubo-eh',: yeh ti: zi-dih:-a 'o ken dih,: yee' or 'bhorn or 'ye or: baa'-a': bhorlie' 'ye: dee'. Jorwor: or: baa': se-eh' or 'nyi, deh no-eh, ti zi-'. 'De mor deh 'Isor no-a, or-a' 'yor-eh se eh-a' dih 'bili-eh 'beh-dih:: neheh', keen': mloror' or 'vin-' ti or 'bhorn-eh 'kwla⧾-' dih. :Yee' eh: se deh nyor⧾-a 'tuh-a dih bo, a: se-' yi,: ka 'Ezlea-nyor⧾ no-a, ti on yi-a 'o 'Sanae-tluh bo,: on 'kpa-a neh-', 'de: kule-kpan:: klaba'-: 'dekorn:: pobor': dhulu'-: en: ne-a 'o ken. 'De: vuwor' 'wor, 'de nyor⧾-a 'worn wlu 'de mor.: Yeh on 'worn-a wlu: dao',: yee' an bale-', on: ne-' wlu: noo' 'worn: neheh'. Deh no-eh, on se 'o 'tele': daa, eh-a' dih: dhe-eh 'beh-dih:,: eh no-a, Eh-a': yeh 'dhu nimi-', eh 'tuh tluh: daa dih,: yee' on: korn on 'ye-eh' sobu'⧾ dih: tba-dih:, eh 'ye 'meh. Deh: eh: no-eh 'do 'Sanae-tluh ken,: Mose' 'ye-a, eh po-or': fano: 'gabaa, 'de or 'da, 'An 'tiei-a tleh-'. Jorwor: a: mor: mloror', a yi 'noror 'Zayorn-tluh bo,: or 'dhu-a: Julu'slehn:: or: ne-a 'de Nyorsoa 'bli yai',: or: korn-a 'de 'di, 'enjor-nyor:⧾: on no-a 'wlu-a' 'wlu, on: ne-a, 'de: or 'dhu-a 'kmo: ne-Nyorsoa-a' 'kwi: gwlor-'. :Yee' a yi 'noror 'chore-nyor:⧾: on 'kpa-a: dha: due' bo: weh, 'de 'mona: ka 'di, 'de: on no-a Nyorsoa-a': zai'-nynuu:: on: korn-a 'nyne 'chle-eh 'de Nyorsoa 'bli yai'. 'De a yi 'noror Nyorsoa bo 'weh: ke,: or no-a: gwlor-nyor⧾-a' klehkpeh, an-a' zabe:: zi-nyor. 'De mor a yi 'noror 'yi 'sleh-nyor⧾ bo 'weh,: on 'meh-a, 'de: on: ne-a 'de Nyorsoa bo, or no-a: vlehehn'-': gweh-nyor⧾-'. A yi 'noror: Yusu' bo 'weh: ke,: or no-eh, 'de kuo: dele': ne-a 'o a mor-: 'dekorn: Nyorsoa-: 'nyne bo. 'De mor a yi 'noror or-a' nyomor bo 'weh,: or 'wla-a dih, nyomor: daa,: or po-a kuna' 'jeh nor,: or: zi-a 'o 'Ebo-a' nor-'. :Yee' eh-a' dhih, a 'wla: gwluhuh' dih, 'de a 'ye nyor: or wlu-a: naa,: dou'⧾ bo: to. Nyor⧾: on se-a tubo-wlu:⧾: en 'wluh-a 'de Nyorsoa bo,: en: po-eh dha 'bluhba ken, 'do 'Sanae-tluh ken,: dou'⧾ bo: to, nyor⧾: dao', on: se-' or-a' nyor⧾ 'kle 'ye-dih-eh 'dlu 'zorn: za.: Yee' dha eh mu: na-dih:: eh,: mor: a se: yor: or: ne-a 'de Nyorsoa 'bli yai', 'de: or wlu-a 'noror: a bo,: dou'⧾ bo: to? Or-a' wlu, mo-: gbua: 'bluhba 'i, 'do ti: dao' 'i. Jorwor:: kana: naa, or po wlu: dhama'-', or 'da,: yeh mu-a 'de: yi, or: se-' 'bluhba: due' 'i gbua: i: dele' ka, jorwor: or mu 'bluhba-: 'dekorn: yao-: 'i gbua:: ke. Wlu⧾: daa: en no-a, or mu-ih 'i gbua:: dele' ka, me-:: to-dih:: a 'i,: ka deh⧾: yih Nyorsoa no-a, en mu-a 'i gbua:, 'de en 'ye-a' 'o 'wluh, 'de deh⧾: en se-a 'beh-dih: en 'ye-a' 'i gbua:, en 'ye-a' 'o: sie:. :Yee' a 'nyi: a po Nyorsoa-a' 'zio. Deh no-eh, or 'nyi: a 'kpih, or: ne: a 'ye nyor⧾ wlu 'ken: korn, 'kpih: en: se-a' worn: gweh i.: Yee' eh-a' dhih, a 'nyi: a po or-a' 'zio, 'de: a 'ye-or: weheh': za, 'de or-a': porluh-a' dih 'pehn ka 'di, 'de or-a': fano:: ple-eh-: 'dekorn: deh-' 'ye ka 'di-:. Deh no-eh,: a-a' Nyorsoa gweh neh: eh sin-dih-a deh⧾, 'de en gweh-a ya. A kpa a-a': ybeh-dih-eh 'dlu bo: chio'lo:,: ka 'Klae: de-di'-boi': korn on 'ye-a: ybeh-dih-eh no. A 'ye-eh' bo, a 'ye 'duhba⧾ 'de a 'bli 'gbu⧾ 'di dih: ko-dih:. Nyor⧾: noo': noo', mo-: no-eh, 'de on: ko-dih: 'enjor-nyor⧾ 'de on 'bli 'gbu⧾ 'di dih. Jorwor: on se-eh 'i yubo:: ka on 'dhu-a 'enjor-nyor⧾-'. A: na-dih: nyor⧾: on: ne-a: kasue 'di, an-a' dhih: gwluhuh' dih,: eh gweh-a: ka on: ne a: ne-a: kasue 'di. A: na-dih:: yuh nyor⧾-a no-a dhih-', an-a' dhih: gwluhuh' dih,: eh gweh-a: ka on: ne a gble-a an-a' 'kle 'ye-eh. :Gwlor-nyor⧾-a' klehkpeh: korn on 'ye 'bli 'ti-dih-eh deh-' 'ye. 'Nynor-: yibeor-: an-a' nyor-a': korn-' 'tmeor⧾. Deh no-eh, Nyorsoa-a mu nyor⧾: an korn-a 'tmeor⧾-: 'dekorn:: yuh: an no-a 'nyne: zaan'-: an-a' zabe 'i: chehn. A 'bor 'wlii-dhih:: kma-eh. Jorwor: a 'nyi a-a': porluh⧾ 'pehn-dih 'do deh a 'ble-a bo. Deh no-eh, Nyorsoa 'dae:, 'On: se-' a bo dih: tehn-dih: i. 'De mor 'on: se-' a dih 'tali: i. :Yee': ka Nyorsoa: za-a deh: daa-',: yee': a 'beh-dih:: a 'ye: gwluhuh': ku,: a 'ye: ao',: Gwlor: baa', or-: 'dhu: a-a': za-dih-nyor-'. Eh-a' dhih: fano: se-': a: no i. Deh: gwlor-nyor⧾-a mu: a-': no-dih:: eh? A: na-dih: a-a' nyor⧾: na-dih-nyor:⧾: on po-a Nyorsoa-a' tubo-wlu⧾ 'de a bo, an-a' dhih: gwluhuh' dih. A: na-dih: 'kmo on: ne-a: zai', 'de an mu-a 'meh-:, an-a' dhih: gwluhuh' dih.: Ka on no-a Nyorsoa-a' dhih dhih 'jeh-': po-eh, 'ka-: a 'ye no: ke. :Ka: Yusu' 'Klae: ne-a zama, 'ka-: or: ne 'zean', 'ka-: or mu: ne,: ka ti-a mu-a 'dlu-': tehn. A-a' 'worn-:-' nyor⧾ deh: torne-eh: 'doror: 'dor,: eh: ne 'Klae-a' neh se a: gwie: due' kpa, eh-a': za 'o a: gwie 'i. Eh: nmor-: 'yi, Nyorsoa-a' mla 'ye-eh' no, 'de: a-a': porluh⧾ 'ye dih ku. Jorwor: dii-deh⧾-a' 'tele' dih: dhe-eh se eh-a' no-a' 'beh-dih:. Nyor⧾: an dhe-a 'o dii-deh⧾-a' 'tele' dih, eh se an-a': za-dih-eh 'beh-dih:. :A 'ble 'slaa ken: za-dih-deh: 'jeh: neh: eh: korn-a ken: mor deh 'wluh-a,: Jueh'-nyor⧾-a' 'slaa:: za-nyor:⧾: an za-a 'slaa 'do 'taa: 'por: gbalie 'zorn, on se-a: korn on 'ye-a' di. :Jueh'-nyor⧾-a' Nyorsoa-a' 'slaa:: za-nyor⧾-a' nyor: klaba'-a kpa nimi⧾-a' nyomor 'de Gban 'i: ne: chuu:: on: zi-a 'o: chuu⧾-a' klehkpeh 'di, on 'ye-or' Nyorsoa gban 'i 'dhu-dih: 'do deh⧾-zon⧾-a' dhih bo. Jorwor: 'do: gwlor worn 'i, 'do: wor an po-dih nimi⧾: dao', or-a' 'meheh'-ku⧾-a' 'jeh 'yor-eh 'yli. Eh-:: korn dhih: Yusu' 'meh-dih: 'o: gwlor worn 'i: ke, 'de or-a' 'jeh 'yor-eh-a' nyomor 'ye-eh' no, 'de: gwlor-nyor 'ye 'for 'i: dhe-dih-eh: 'do Nyorsoa bo. :Yee' eh-a' dhih, a 'nyi: a mu 'de or bo: gwlor worn 'i, on 'ye: a dhen: no-dih:: ke,: ka on no-a or-a' dhen: no-dih-eh. Deh no-eh,: a se gwlor 'ble dha 'bluhba ken: or: korn-a 'di: a mu-a 'ti-:: ka ti-a mu-a 'dlu-': tehn. Jorwor:: a pobo 'de 'kwi: gwlor: or mu-a: ne, 'de ybei', or-a': gwie 'i. :Yee' eh-a' dhih, a 'nyi: a po Nyorsoa-a' 'nyne ya, 'do ti-a' klehkpeh bo. Eh-: no: a-a' 'slaa:: za-dih-deh:: eh: yi-dih:-a: Yusu'-'. A 'nyi: a no-eh, 'do or-a' 'nyne ya: po 'da. Nyor-a' 'ma-dih:-' bo, a 'ye deh⧾ 'jeh ne no, 'do a 'bei' bo, 'de deh⧾ a 'ble-a, a 'ye-uh': za-dih:: due': due'. Deh no-eh,: a-a' deh⧾ 'jeh: ne: a no-a, en mu Nyorsoa-a': porluh dih 'pehn-dih:.: Yee' en mu 'slaa:: za-dih-deh: gweh 'do or bo. A dhe 'o nyor⧾: an na-dih-a a-uh, an-a' 'tele' dih.: Yee' a: ya a-a' 'jeh ya 'do on 'zorn. Mo-:: an 'dhu a 'yli-eh bo 'do ti-a' klehkpeh bo. Deh no-eh, eh mu 'we-eh: korn,: koan:: or: po-eh 'de on 'kwa, an mu: ka on no-a or-a' no-a', eh-a' dhih bo zela: 'do Nyorsoa ybei'.: Mor a dhe 'o an-a' 'tele' dih,: yee' an mu an-a': koan: no, 'de 'mona: ka 'di. Jorwor:: mor a se-eh no,: yee' an-a': porluh⧾-a mu 'zorn 'kpa-:. 'De mor eh mu-eh: no, a: se 'o deh 'ye-: i. A kpa Nyorsoa bo: wlu-eh 'dlu bo, 'do: a-a' dhih bo.: A yubo-eh',: a-a': porluh⧾: se-': a zabe: kpon-dih:, 'de mor: a 'bhorn: a 'ye 'yi 'sleh-deh no 'do ti-a' klehkpeh bo. 'An bale a 'weh deh 'jeh neh, a 'ye 'de Nyorsoa bo: wlu, or 'ye-eh' no, 'on 'ye 'dhobo:, 'on 'ye 'de a bo deka yi. Nyorsoa: or 'nyi-a nyor⧾ wlu-' dih 'worn-eh, or-:: za-a: 'de: a-a': Gwlor: baa': Yusu' 'de nma-dih-deh 'di.: Yusu': dao', or gweh 'blae'⧾-a' 'yli-eh bo 'dhu-nyor:: klaba'. 'De or-a' 'meh-a': dao', or-: no-eh, 'de kuo: or mu-a 'kmo: ne: ka ti-a mu-a 'dlu-': tehn, 'de or: ne. 'Nyi Nyorsoa 'nyi a deh⧾-a' klehkpeh: en no-a deh⧾ 'jeh,: en mu-eh: no, 'de a 'ye-a or-a' 'ton: korn-deh no. Deh: eh 'pehn-dih-a or-a': porluh dih, eh-: or 'ye: Yusu' 'Klae-': yi-dih: or 'ye no 'de: a 'di. Dhih-a' 'i 'beh-a' 'do: Yusu' bo: ka ti-a mu-a 'dlu-': tehn klehkpeh klehkpeh. 'Ka-: eh 'ye: ne. :Yee' 'an 'Klae: de-di'-boi'-a:, 'an bale a 'weh, a 'ye tubo-wlu:⧾: daa: en no-a 'de nyor⧾-a' 'kpih: po-wlu⧾: dou'⧾ bo: to, 'de: porluh⧾-a' dih: kpon-eh 'di. Deh no-eh, 'chlee-deh:: daa 'on 'chle-a a bo, eh se 'dlu-': tehn. :Yee' 'an 'bhorn a 'ye-eh' yubo:: ka: a-a' 'Klae: de-di': Timehte' 'wluh-a 'de: kasue 'di: weh.: Mor eh 'dhu or 'dhobo: or 'si dih: dha 'on bo,: yee' or: ne 'an mu a 'ye 'da: yi. A zela: a-a' nyor⧾: na-dih-nyor⧾-: 'dekorn: Nyorsoa-nyor⧾-a' klehkpeh: on: sie:-a 'o: gwluhuh',: a: mor 'ye an-a' klehkpeh o. 'Klae: de-di': on 'wluh-a 'Etole, on 'da, mo-: 'ye a-uh: ke o. 'Nyi Nyorsoa-a' mla: ne 'o a-a' klehkpeh bo o. 'Mor 'Jeen:: or no-a Nyorsoa-: 'dekorn:: Gwlor: baa': Yusu' 'Klae-: an-a' 'bhoi-yu, 'mor 'ye a-uh, a: mor no-a 'Klae-a' nyor⧾: on 'dhu-a 'Ezlea 'di-',: on: korn-a 'dlu⧾: ne-a: bhue: 'yor 'sororn',: or gboba:-a 'bluhba⧾-a' klehkpeh ken dih. :Yee' 'an 'Klae: de-di'-boi'-a:, a 'nyi eh no 'mona-deh:: klaba' 'do a bo,: mor nyor⧾ 'worn dih 'beh-dih-deh:⧾ 'doror: 'dor: taa 'o a bo yi. Deh no-eh, a yubo-eh, a-a' dhih 'jeh-': po-eh-a' 'dhen-a', eh-: mu-eh: no, 'de a: se-': sea: i. Jorwor: 'nyi a-a' se sea-a': dao', eh no eh-a': koan-a' klehkpeh, a 'ye nyor⧾: on 'bor-a 'yu-yu-deh:⧾: no-eh, 'de: on gweh-a Nyorsoa-deh 'zorn, 'de: on: gweh-a 'kwla gweh. :Mor a-a' nyor se: toror' 'ble, 'nyi or dhele: Nyorsoa dih,: yee' or mu-or 'ye-:. Deh no-eh, Nyorsoa se 'kwa dih: kmu, or-a' 'dba-dih: nyor 'yuba 'i. Or 'nyi nyor⧾-a' klehkpeh deh. Jorwor:: mor eh 'dhu a: taa Nyorsoa deh 'yba-dih, a po-eh dhih 'jeh-', a-a': porluh⧾-a' dhobo:-'. Deh no-eh, nyor: or: korn-a: porluh-a: dhobo-a,: yee' or gweh yobo'-a' 'duh⧾: pobor'-a ya-a 'de,: en mu-a de. Nyor: dao', or-a': na-dih-eh': gwluhuh' dih: eh: mor or mu deh 'ye-: 'de: Gwlor: baa' 'kwa. Deh no-eh, or-a' 'worn, or-a' 'si-dih: buh⧾ 'sororn' dih. Or-a' kpon 'o deh: due' ken dih, 'do deh⧾-a' klehkpeh or no-a bo. :Yee' 'Klae: de-di': or se-a deh-a': za-da 'ble, 'nyi or-a': porluh 'pehn dih or 'ye 'mona no,: mor Nyorsoa 'ya-dih-or ya. :Yee' 'Klae: de-di': or no-a bhaan-nyor, 'nyi or-a': porluh 'pehn dih: ke,: mor Nyorsoa ya-or 'bluhbor. Deh no-eh, or mu nyor⧾ 'yli-' 'ma-dih:,: ka: peli'-a' 'voma'e-a no-a 'o 'wluh-a'. :Mor 'yluh: kma 'i,: yee': peli': dao' en wlor-', 'de en-' 'voma'e-a 'kpa 'zorn,: yee' en-' 'yi dih: nmor-eh 'kor-'. 'Ka-: bhaan-nyor-a mu gbe: zi-eh: no: ke, 'do ti or zi-dih-a-' dih bo, or 'bhorn-a 'wlii, or 'ye-a or-a'a: bhaan-deh⧾ ken po. :Yee': bhorlie' 'do nyor: or ku-a dih, 'de: or se-a sea,: mor nyor⧾ 'worn dih 'beh-dih-deh⧾ yi 'o or bo. Deh no-eh,: mor eh 'dhu or: nyna dih 'dhen-eh:: daa 'i,: yee' or mu 'kmo: sie:: febeh': gblaa',: eh 'dhu-a geli': za-dih-deh:: eh: korn-a wlu Nyorsoa po-a: dhama'-' or mu-a nyor: or ybeh-or' 'nyi-:,: yee' or mu-eh 'ye-:. :Mor nyor 'dhen-eh: dih, or 'ye deh-zon no, or-a': no-', Nyorsoa: oo', or-: 'dhen 'on-' dih, 'on 'ye deh-zon no. Deh no-eh, Nyorsoa se deh-zon-': ne. 'De mor Nyorsoa-a' 'dhen nyor-' dih, or 'ye deh-zon no: ke. Jorwor:: mor nyor 'dhen-eh: dih, or 'ye deh-zon no,: yee' or-a' 'jeh 'yor-eh-a' 'bhororn'-deh⧾-zon:⧾, me-: 'o: en jli-or, 'de: en 'da-dih-or 'yi, or 'ye deh-zon no. :Yee' or-a' 'bhororn'-deh⧾-zon:⧾: dao',: mor or dhe 'o en-' 'tele' dih, me-: ya 'de deh⧾-zon⧾-a' no-a'.: Yee': mor deh⧾-zon⧾ ku deh 'jeh,: yee' en ya 'de 'meh-a'. :Yee' deh-a': bo-dih:-' a dih, 'an 'Klae: dhih: kma: de-di'-boi'-a:. 'Nyii'-deh:⧾ 'jeh ne-a' klehkpeh-: 'dekorn: 'nyii'-deh⧾-a' klehkpeh: en: gweh-a 'kwla-: en 'wluh 'de Nyorsoa 'bli yai'. 'De en yi 'noror 'zorn, en 'wluh 'de: a: Baa' Nyorsoa bo,: or no-a 'yluh-: 'chuh-: 'dekorn: 'chuh: dhlaen-:: en: ne-a 'de yai'. Or se worn: gweh-eh: korn. 'De mor or-a': to: a 'kpuh ya,: a-a': na: kule-'. 'De or-a' 'yi 'sleh-wlu 'di, or no: a or-a'a: 'nynuu-', 'de or-a' 'jeh-a' 'ton: korn ka 'di, 'de: a 'ye: zai'-nyor⧾ no 'do noo-deh⧾-a' klehkpeh or no-a bo. :Yee' 'an 'Klae: dhih: kma: de-di'-boi'-a:, a: korn a 'ye deh: daa yubo:. Nyor⧾-a' klehkpeh, on 'dhobo: on 'ye dih 'worn. Jorwor: on 'wla: gwluhuh' dih 'de on 'ye: wlu. On 'wla: gwluhuh' dih, 'de on 'ye 'chehn-' 'kpa. Deh no-eh,: gwlor-nyor⧾-a' 'chehn-' 'kpa-eh: se-eh': no i, 'de on 'ye 'yi 'sleh-kplen: Nyorsoa-a 'bhorn-a on 'ye-a' no, on 'ye-ih' no. :Yee' eh-a' dhih, 'nyi a 'tali: a-a' gu-kplen-: 'dekorn: a-a' deh⧾-zon:⧾: doru': dao'-: dih.: Yee' a: ya a-a' 'jeh ya, 'de a 'ye wlu⧾ Nyorsoa po-a 'o a: porluh⧾ ken dih kpon,: en 'beh-dih:-a: en 'ye-a a 'puh-dih:. A-a': bo-dih:-' a-a' 'jeh dih, a-a': to-' wlu⧾: daa: dou'⧾ bo yaa'e, jorwor: deh en 'da-a, eh-: a 'ye no. Nyor: or 'worn-a wlu⧾: daa, 'de: or se-a: ka en 'da-a no,: yee' or gweh: ka nyor: or pobo-a 'de 'yela' 'di, 'de: or 'ye-a or-a' 'jeh-a' 'yuba: ka or: ne-a. :Mor or pobo: 'de 'yela' 'di, 'de or 'ye or-a' 'jeh 'ye,: yee': mor or 'wluh 'o,: yee' 'do: dha: due' 'jeh: dao', or 'ma-dih: bo: ka or no-a: ne-a'. Jorwor: nyor: or pobo-a 'tele': eh: gweh-a 'kwla, 'de: eh zelie-a nyor⧾, 'de: dhehehn: ka 'di ya, 'de: or kpa-eh 'dlu bo, 'de: or se-a bo 'ma-dih:: ka or no-a eh-a' 'worn-a', 'de: or no-eh, eh mu-eh: no, 'de nyor: dao', or 'ye: bhorlie' 'ye, 'do or-a' noo-deh⧾-a' klehkpeh bo. Nyor: or no-a,: or za Nyorsoa: weheh' deh 'jeh,: yee' or: korn or 'ye or-a': meo wlu 'ken: korn.: Mor or se-eh no,: yee' or bo-dih or-a' 'jeh 'weh,: yee' or-a' Nyorsoa-deh se deh 'di: ne. Deh: a: Baa' Nyorsoa-a 'da-dih-a or-a': weheh': za-eh deh 'jeh,: eh: gweh-a: vlehehn'-',: eh se-a 'klii'-deh 'bhun: ne, eh-:: dhe dih. A: za-dih: 'kwie'-nynuu-: 'dekorn:: dhoba: 'nynor⧾-:: an 'ye-a 'kle.: Yee' a 'dhu a-a' 'jeh: dhororn', 'de 'kmo bo-deh⧾: ne-' a 'kor-dih:. :Yee' 'an 'Klae: de-di'-boi'-a:,: ka a po-a: a-a': Gwlor: baa': Yusu' 'Klae-a' dhih dhih 'jeh,: or: korn-a dhih 'beh-a 'i, a-a': za-': gwie-for: due'. :Mor eh 'dhu, bhaan-nyor:: or pa-a 'tiei:: nmaa'e-', 'de: or: po-a 'goo-bor-yor-eh: jii-eh-', 'de or 'ye 'de a 'bli 'gbon-dih: 'da yi, 'de nyor: or se-a deh-a': za-da 'ble, 'de: or pa-a 'saan-zon⧾-', 'de or 'ye 'de yi: ke, :yee': mor a 'ye: yor: or pa-a 'tiei:: nmaa'e deh-', 'de a 'ye 'de or bo: wlu, a 'ye: ao', Ken: dhe-deh: 'jeh neh: wor: dhe dih, 'do: on bo o,: mor a: wlu 'de nyor: or se-a deh-a': za-da 'ble bo,: Nyna 'o: dao' dih, 'de mor a 'ye: ao',: Dhe dih dha 'bluhbor 'do 'an buh⧾ 'bhun, :yee': mor a no: ao',: yee' a se 'de dih 'chleh 'de a 'klu-': e?: Yee' eh: se: porluh⧾-zon:⧾ a 'ble-a, 'de a zi-a 'klii'-zabe: e? :Yee' a: to: dou'⧾, 'an 'Klae: dhih: kma: de-di'-boi'-a:. Eh: se nyor⧾: gwlor-nyor⧾-a 'da-dih-a se deh-a': za-da 'ble-nyor⧾, mo-: Nyorsoa se gan on 'ye bhaan-nyor⧾ no 'do or-a' dhih 'jeh-': po-eh bo: e, 'de on 'ye Nyorsoa-a' nyor⧾ wlu 'ken: korn-eh 'zorn pa,: eh: korn-a dhih Nyorsoa po-a wlu: dhama'-' 'do nyor⧾: on ybeh-or' bo: e? Jorwor: a: mor po se deh-a': za-da 'ble-nyor yaa'e. Eh: se bhaan-nyor:⧾, mo-:: an se a dih 'nyeh: e? 'De: an se-a a dih 'kla, 'de: an se-a a 'de 'koti⧾-' dih kpa: e? Eh: se nyor⧾: dao', mo-:: an se 'nyne: klaba' Nyorsoa 'nyi a-uh, 'bhun dih wlu-dih: e? :Mor eh 'dhu, a dhe 'o Nyorsoa-a' 'tele'-a': klaba' neh dih 'jeh ka,: eh 'chle-eh 'de Nyorsoa-a' 'chlee-deh 'di,: eh no-a,: Ka: on no-a: an-a' 'jeh-a': ybeh-a', 'ka-:: on 'ye nyor⧾: on: ne 'ti-a: dha: due'-a': ybeh-a' no: ke,: yee' 'yi 'sleh-deh: 'o a no. Jorwor:: mor eh 'dhu, a: za: gwie-for: due',: yee' a no deh-zon:.: Yee' 'tele' chehn a-a' zabe-: 'i, eh 'da, a: mor 'tele': wa-nyor:⧾ 'o. Nyor-beh-nyor-beh:: or dhe-a 'o 'tele'⧾-a' klehkpeh dih, 'de: or wa-a eh-a' 'yor-eh: due',: yee' dhih kpon-or',: yee' or wa 'tele'⧾-a' klehkpeh 'weh. Deh no-eh, nyor: or no-a, Nyor-a': no-' 'nyne: zaan', or-a' 'jeh: dao', or-: 'da, Nyor-a' 'dba-:-' nyor,: ke.: Mor eh 'dhu a se 'nyne: zaan' no, 'de a 'ye nyor 'dba,: yee' a: mor 'tele': wa-nyor:⧾ 'o 'gboror:. A: korn a 'ye: wlu, 'de mor a 'ye deh⧾ no,: eh gweh-a: ka nyor⧾: on: korn-a zabe: Nyorsoa-a mu-a: zi, 'do 'tele': eh zelie-a nyor⧾ 'zorn. Deh no-eh, nyor: or se-a nyor⧾-a': wehlih: 'ye-eh: korn,: mor Nyorsoa: taa or-a' zabe zi,: yee' or: se-' or-a': wehlih 'ye-: i: ke. Nyor⧾: on: korn-a: wehlih, an-a' ple Nyorsoa-a' zabe:: zi-eh. :Yee' 'an 'Klae: de-di'-boi'-a:,: mor nyor 'da, or-: dhih 'jeh-': po-nyor: 'o, 'de or 'ye: ao', or se eh-a': koan no,: yee' deh 'i-deh: eh mu-or 'o: po: eh? Dhih 'jeh-': po-eh-a': yeh: dao', eh 'beh-dih: eh 'ye-or' 'puh-dih:: e? :Mor eh 'dhu a-a' 'Klae: de-di'-boi', an-a' nyor se paa-deh 'ble, 'de mor or se dii-deh 'ble, :mor eh 'dhu a-a' nyor: due' 'da 'de or bo, 'Wla: gwluhuh' dih o.: Chehbe': ne-': on no o.: Yee' di deh 'jeh neh o.: Mor or 'da: ao', 'de or 'ye: ao', or se-or deh-beh 'nyi,: yee' deh 'jeh-a': yeheh or no 'do or bo: eh? :Yee': mor a 'ble dhih 'jeh-': po-eh: due' 'klein', 'de a 'ye: ao', a se eh-a': koan no,: yee' eh 'meh-'. Jorwor: nyor: noror' mu: ao' 'da-: 'de 'on bo,: Mor: mloror',: on 'ble dhih 'jeh-': po-eh:. Jorwor: 'mor: mloror', 'an no: koan.: Yee' 'mor: or 'dhu-a 'Jeen-', 'an mu: aa 'da-: 'de nyor-a' 'jeh: dao' bo,: Torne:: an-a' dhih 'jeh-': po-eh 'on,: eh se-a: koan 'bhun: ne,: yee' 'an mu 'an-a: dhih 'jeh-': po-eh: on: torne:: ka 'an no-a eh-a': koan-a' no-a'. :On po-eh-' dhih 'jeh: ka Nyorsoa: ne-a: due' 'klein'.: Goo:. 'De mor 'kwla 'ye-dih-deh⧾-a' 'jeh: ke, en po-eh-' dhih 'jeh, 'de: fano-a no-ih, 'de en-' 'tiei-a tleh. :Mor: daa: or 'ble-a: porluh: due', 'an mu-eh: on: torne:: ka dhih 'jeh-': po-eh:: eh se-a: koan 'bhun: ne,: yee' eh no-a deh 'plo. Eh: se: a: bai'-a': baa': or 'dhu-a 'Eble'hehn-', Nyorsoa se-or 'yi 'sleh-nyor 'da-dih:, 'do deh or no-a bo: e,: ka or no-a or-a'a: 'yu Ase'-a' 'duo-eh, 'de or po-or 'o 'slaa ken: za-dih-deh ken, or 'ye-or' 'slaa: za-dih:? A 'ye: ka or-a' Nyorsoa-a' dhih 'jeh-': po-eh-: 'dekorn: or-a' noo-deh⧾-: en no-dih-a: koan: dha: due', 'de or-a' Nyorsoa-a' dhih 'jeh-': po-eh: gweh-a 'zorn, 'do deh or no-a bo, :ka Nyorsoa-a' 'chlee-deh no-a eh-a': za-a', eh no-a, 'Eble'hehn po Nyorsoa-a' dhih dhih 'jeh, eh-:: korn dhih 'de Nyorsoa 'da-dih-or 'yi 'sleh-nyor.: Yee' Nyorsoa 'da-dih-or or-a': ybeh-dih-nyor:. A 'ye: ka Nyorsoa 'da-dih-a nyor 'yi 'sleh-nyor, 'do or-a' noo-deh⧾ bo, 'de: eh: se-a or-a' dhih 'jeh-': po-eh: due' 'klein'. :Yee' 'de deh: ne-a: due' 'di: dao', 'Wlea:: sloror': or no-a: bhaa'-nynor, Nyorsoa 'da-dih-or 'yi 'sleh-nynor:, 'do deh or no-a, or 'nyi-a nyor⧾: Jasua' dbo-a,: on mu-a: Jehliko'o pobo: 'da, 'pehn-da, 'de or: dbo-dih-uh-a: gwie: 'sluh bo, on 'ye-a' ple. :Ka: mor yau:: on se-a: zulu 'ble,: yee' on 'meh-a, 'ka-: dhih 'jeh-': po-eh: ne: ke.: Mor eh se: koan 'bhun: ne,: yee' eh 'meh-'. :Yee' 'an 'Klae: de-di'-boi'-a:, a-a': dha: dhulu'-a': no-' nyor⧾ deh: torne-nyor⧾. Deh no-eh, a yubo-eh',: a: mor no-a nyor⧾ deh: torne-nyor⧾, Nyorsoa-a mu: a-a' zabe: zi 'gabaa, eh 'ye 'o nyor⧾: noo': zi. :A-a' klehkpeh,: a no deh⧾: dhulu' 'i: zi-nyor:⧾. Jorwor:: mor nyor 'see deh 'i zi 'de or-a': zaa-dhih 'di,: yee' or no nyor: or: gweh-a 'kwla 'de Nyorsoa-deh 'di, 'de or 'beh-dih: or-a' 'jeh-a' yau wlu 'ken: korn-eh 'weh. :A ya-dih dubu' 'de: soo'o 'worn. Eh-: no-eh 'de: a 'beh-dih: or-a' 'gbono-a' klehkpeh-' dih 'bili-eh. A pobo: 'ni ken-meheh: 'kawehn:: daa ya: ke,: ka eh no-a 'yi 'beh-eh, 'de: kmuu-pobor'-a kpa-eh. Jorwor: 'dho: bli-dih-deh-yu: eh-: 'sleh-dih-eh 'i, 'de eh mu: dha eh-a': janbe-a 'bhorn-a eh 'ye-a' mu. 'Ka-: 'o: meo: ne: ke. On no deh-yu-beh: 'do: gwlor-nyor⧾ 'bhun, jorwor: an za-' deh⧾: klaba'⧾ an mu-a: no. A pobo: 'kwlae-gle: 'kpulu'eh:: daa ya,: nane'-eh-yu-a po-a 'yli. :Meo gweh neh: ke. 'Kpih on 'ble-a, en 'wluh 'de 'kulu-deh⧾ bo. On no: a-a' yau-a' deh, 'de an 'kor-dih: a-a' nyior-tu-a' klehkpeh. Neh: eh 'wluh-a 'de 'ku 'bli, eh-: an no, 'de nyor-a': febeh'-a' klehkpeh gweh: ka deh: ne-a 'de neh-'. Nimi⧾-: neme-: 'dekorn: zimi-:: gwlor-nyor 'beh-dih: en-' klehkpeh-a': dhaa-a': za-eh 'weh, 'de mor or: gwle 'o, eh-a' no-a' 'weh. Jorwor: eh se nyor: korn,: or 'ye-a': meo deh: torne:.: Meo no 'kulu-deh:. Nyor se an-a' wlu 'ken: korn-eh 'beh-dih:,: on gweh-a deh: eh 'yi-dih:-a gu-ni-' dih. :Meo:: ne-a: due', mo-:: a no: a po: a-a': Gwlor: baa': or no-a: a: Baa'-a' 'nyne ya.: Meo-a' 'jeh: dao', mo-:: a no, 'de: a po nyor⧾ Nyorsoa no-a 'de or-a' 'jeh-a' nyior-tu 'di 'chlo bo. 'De worn: due': dao' 'di, 'do: wor Nyorsoa-a' 'nyne ya: po-eh-: 'dekorn: nyor⧾ 'chlo bo: po-eh-: 'do: wor en 'wluh. 'An 'Klae: de-di'-boi'-a:, deh⧾: daa en se-eh 'i: bleh-dih: en 'ye: ao': ne. 'Ni 'jeh neh-: 'dekorn: 'torn-ni-: en 'beh-dih: en 'ye 'de tluh-a' 'jun: due' 'di 'wluh: e? 'An 'Klae: de-di'-boi'-a:, yuh 'beh-dih: on 'ye: nyami'eh-bi: tlo: e?: Ae' 'nyoeh' 'ye gwehn: tlo ke? 'Kei:. 'De mor 'torn-ni-jun se 'de 'ni 'jeh neh-a': ya-a' 'beh-dih:: ke. :Yee' nyor: or no-a: toror': korn-nyor, 'de: or no-a deh-' dih 'worn-nyor 'de a 'klu-', 'nyi or-a' kplen 'jeh po eh-a' kuna',: en no-a deh⧾ or no-a 'de: toror': korn-eh-: 'dekorn: 'de or-a' 'jeh ya: ya-eh 'di-:. Jorwor:: mor eh 'dhu, a-a': porluh⧾ 'yi-dih:: gwlehehn' dih, 'de a 'ye a-a' 'jeh-a' dhih zi, 'do a: porluh⧾ ken,: yee' a 'bor a-a' 'jeh 'i 'beh-dih-eh,: eh: mor a: korn: toror'.: Mor a no-eh,: yee' a 'tmo sih. :Toror': korn-eh-a': yeh: dao', eh: se 'de Nyorsoa 'bli yai' 'wluh, jorwor: 'kmo-a': toror': korn-eh: 'o. Eh: se Nyorsoa-a': Zulu-a': neh, jorwor: 'ku-a': neh 'o. :Dha: gwlehehn'-:: korn a-a' 'jeh-a' dhih: zi-eh-: en: ne-a, 'do: wor: zaa'za-: 'dekorn: deh⧾-zon⧾-a' klehkpeh-a' no-a': gweh-dih:. Jorwor:: zai'-deh:, nyor⧾: on 'ble-a: toror': or 'wluh-a 'de Nyorsoa 'bli yai', on no nyor⧾: on: gweh-a: vlehehn'-', 'de on se: zaa'za 'ble, on no 'yi: kpoehn-nyor:⧾, 'de an 'ye nyor⧾ bo. On 'yi-dih: nyor⧾: wehlih 'ye-eh dih. Kplen 'jeh-a' klehkpeh, me-:: korn 'bi an tlo. An-a': za: gwie-for: due'. 'De deh⧾ an za-a-', 'de an no-a, en tba 'de on 'di-: dih. Nyor⧾: on no-a nyor⧾ 'yi zela-nyor⧾, se: zaa'za 'ble-a' 'yor: oo', an gba.: Yee' an mu 'yi 'sleh-deh⧾-a' 'bi 'kpan-:. :Yee': eh 'ble vorn-a'-: 'dekorn: jeh-a'-: 'de a 'klu-': eh? Eh: se a-a' 'jeh-a' 'bhororn'-deh⧾-zon:⧾,: en se tuh vorn 'de a 'di: e? A 'bhorn deh, jorwor: a-a' 'ye-eh. 'De a 'dba nyor⧾, 'de: gwlehehn' sin-dih 'de a 'di dih, jorwor: a-a' 'ye-eh: chio'lo:. 'De a jeh, a vorn 'de a-a' 'jeh 'nyne-', jorwor: deh a 'bhorn-a, a-a' 'ye-eh. Deh no-eh, a-a' dhele: Nyorsoa dih 'do eh-a' dhih bo. :Yee': mor a dhele-or dih 'do deh-a' dhih bo, a-a' 'worn, a-a' 'ye-eh. Deh no-eh, a 'bhorn-eh' a 'ye-eh deh: neheh': no-dih:. Deh⧾ a dhele-a dih, a 'bhorn a 'ye a-a' 'jeh-a': porluh⧾ dih 'pehn-dih:. A: mor nyor⧾: or-a' no-a: dhehehn-deh⧾ 'do Nyorsoa bo, a se-eh yubo:: ka: mor a: ybeh-a 'kmo,: yee' a 'nyeh-a Nyorsoa-': e? Nyor-beh-nyor-beh:: or kpon-a 'kmo 'be-',: yee' or-: Nyorsoa: za: dou'⧾ bo. :Ae': mor a: taa 'ye,: yee' a 'da deh Nyorsoa-a' 'chlee-deh: za-a, eh se deh-' 'dhu-eh:: ke: e,: ka: zulu: Nyorsoa no-eh, 'de: on 'ti-a 'de: a 'di, on: korn-a: gwlehehn': e, 'de an 'bhorn-a: a 'ye-a 'de Nyorsoa: due' bo: korn 'klein': e? Jorwor: mla or po-a: a bo, or: zi 'o 'weh. Eh-:: korn dhih 'de Nyorsoa-a' 'chlee-deh 'da, Nyor⧾: an 'beh-dih-a an-a' 'jeh 'i, Nyorsoa: se-' an-a' dhih ken dih 'worn-dih:. Jorwor: nyor⧾: an ya-a an-a' 'jeh ya, or mu-uh mla bo: po. :Yee' 'do eh-a' dha, a: za a-a' 'jeh 'kwla 'de Nyorsoa bo. A: bla-dih: 'ku worn.: Mor a no-eh,: yee' an mu: ple, on 'ye a bo dih: tehn-dih:. A 'yle, a 'koan'-dih: Nyorsoa dih,: yee' or mu a dih 'koan'-dih:: ke. A: dle kwa, a: mor: or no-a deh⧾-zon:⧾: no-nyor⧾. A: mor: or-a' 'si-dih-a buh⧾ 'sororn' dih, a gweh a-a': porluh⧾: vlehehn'. 'Nyi a-a': porluh⧾ 'kpa 'zorn, a 'ye son⧾ 'dlu: jli-dih:, a 'ye 'viin'-dhlumeh' po. A 'bor 'keleh-eh, a 'ye 'zlu. 'Nyi a-a': porluh⧾: ku kwa, a 'ye 'mona:: no-eh 'bor. A: ya a-a' 'jeh ya 'do: Gwlor: baa' ybei',: yee' or mu a ya-' 'duo:. :Yee' 'an 'Klae: de-di'-boi'-a:, a 'bor a 'bei'-a' deh⧾-zon⧾ 'bhun dih: za-dih-eh, 'de a 'klu-'. Nyor-beh:: or: za-a deh-zon-' 'do or-a' 'Klae: de-di' 'bhun, 'de mor: or chehn-a or-a' zabe 'i 'suh,: yee' 'tele': oo', eh-: or wlu-dih 'bhun dih, 'de or bla-dih-eh worn.: Mor: on: bla-dih-eh worn,: yee': on: se 'o eh-a' dih: dhe-nyor:, jorwor:: yee': mor eh-a' worn: bla-dih-nyor: 'o. Nyorsoa: due' or-: 'dhu nyor⧾ 'tele' 'nyii'-nyor-' 'dekorn: nyor⧾-a' zabe:: zi-nyor-'. Or: due' 'beh-dih: nyor-a' 'puh-dih-eh-: 'dekorn: nyor-a' 'kor-dih-eh-:. Jorwor: nyor: on 'dhu-eh:-', 'de: an chehn: on 'bei'-a' zabe 'i 'suh: eh? :Yee' a: to: dou'⧾, a: mor: or no-a, 'Zean'-: 'de mor: glaa'e-:: a mu 'de: gwlor: klaba': dao' 'di: mu,: a 'ye 'o zon: due' zi,: a 'ye deh⧾ plo,: a 'ye 'wlii:: dhulu' 'ye, a: mor: or 'da: ao', a se-eh yubo:: sloror', deh: glaa'e-a mu-a 'de: ya. Deh a-a': febeh' 'dhu-eh:-': eh? A-a': febeh' gweh: daluh',: mor on 'yle 'do ti-kpor-bei 'di,: yee' on 'ma-'. Jorwor: a: korn a 'ye: ao',: Mor eh 'dhu: Gwlor: baa'-a' ken dih 'worn-dih-deh-',: yee': a mu 'kmo: gwle,: yee': a mu: yeh: daa: no, 'de: a 'ye: yeh: dao' no. Jorwor:: yih a no-a: naa, me-: 'dhu, a 'beh-dih a-a' 'jeh 'i, 'de a za deh⧾: klaba'⧾ a mu-a: no. 'Jeh 'i 'beh-dih-eh-a' klehkpeh: eh: ne: ao', eh: nyni-: 'yi. 'Do eh-a' dha, nyor-beh-nyor-beh:: or yubo:-a deh 'jeh or: bleh-dih:-a 'i or 'ye-a' no, 'de or 'ye: ao', or se-eh no,: yee' deh-zon: 'o, or no. :Yee' a: to: dou'⧾, a: mor bhaan-nyor:⧾. A 'vin 'gabaa, a-a': porluh⧾ 'ye neh wan, 'do 'kle 'ye-eh:: klaba': eh yi-a 'o a bo, eh-a' dhih. A-a'a: bhaan-deh⧾-a mu 'nior 'wla-:, 'de 'gbomor⧾ 'ye a-a'a: paa-tiei di. A-a'a: 'goo-: 'dekorn: 'sebla-:: en no-a bhaan-deh:⧾ a 'gbo-dih:-a 'gbo-dihih:, 'do: de 'bor-dih-we:: daa: a: ne-a ken: naa, gani'-a mu-ih ken 'ya-:. Gani': dao', me-: mu a-a' noo-deh⧾ nyor⧾ 'i: to-dih:, 'de en 'ye a 'bhun dih beh,: ka neh-a sin-dih-a nyor, 'do Nyorsoa-a': de 'bor-dih-we-eh 'di. A: to: dou'⧾. Nyor⧾ a po-a geli' 'de a 'bli 'gle⧾-', 'wlii:: en: korn-a 'de on bo, a: se-uh' 'nyi, 'de an 'vin-dih a-uh. 'De mor: koan:: no-nyor:⧾: dao',: on 'kpan-a a-a'a: 'dhuu'-deh⧾, an-a' 'viin'-wlu nyni 'de: Gwlor: baa': dou'⧾ 'weh: or 'ble-a 'kpih-a' klehkpeh kwa. A 'ble deh⧾-a' klehkpeh 'weh, 'de a di-dih deh 'worn, dha 'bluhba ken. 'De a no deh⧾ a-a': porluh⧾-a 'bhorn-a a 'ye-a' no. Eh-: no-eh, 'de a 'borlor: dih, 'do Nyorsoa-a' zabe:: zi-we-eh:: eh mu-a 'de: yi bo,: eh gweh-a nimi: eh gweh-a 'dba-a'. A kpon-dih nyor⧾ zabe:: on se-a eh-a' deh 'i yubo:, 'de: on se-a a bo vorn: ke, 'de a 'dba-uh yaa'e. :Yee' 'an 'Klae: de-di'-boi'-a:, a kpon: porluh dih: chio'lo:, a 'ye: Gwlor: baa'-a' de: yi-ti 'ken: fuo:. A: gbee'e:,: ka gle: no-nyor-a no-a, 'de or kpon-a: porluh dih, 'de: zai'-ni-a dba-a, 'de or-a': porluh-a' dih: kpon-eh yeh-dih-a 'ni: dhulu'-a' ti ken. A pobo:: ka or no-a gle-a' ti 'ken: fuo-eh. Or kpon: porluh dih: chio'lo:, 'de or-a'a:: nmoror-gle-a' chehehn-ti-a nyni 'o. 'Ka: wor a 'ye no: ke, a 'ye: porluh dih kpon, a 'ye dih: nyna deh 'jeh. Deh no-eh,: Gwlor: baa'-a' de: yi-ti 'koan'-: bo. :Yee' 'an 'Klae: de-di'-boi'-a:, a 'bor a 'bei' 'bhun dih: wlu-dih-eh, 'de a: ne-' a-a' 'jeh zabe:: zi-eh 'dlu: ya. A: gbee'e:. Nyorsoa: or no-a zabe:: zi-nyor, or: nyna dih 'do 'gbu worn 'i. 'An 'Klae: de-di'-boi'-a:, a 'duo: Nyorsoa-a' wele-eh:: po-nyor⧾-',: an wlu-a 'de: Gwlor: baa'-a' 'nyne 'di, on 'ye a-a' 'yi: to-dih-deh no,: ka on no-a 'kle-a' 'ye-a', 'de on no-a: porluh-a' dih: kpon-eh: chio'lo:. A yubo-eh', nyor⧾: on ku-a dih, 'de: on se-a sea-a': korn 'de 'kle 'ye-eh 'di, mo-:: a 'da-dih nyor⧾ Nyorsoa po-a: bhorlie' bo. A 'worn-ih': ka: Joo' no-a dih ku-a', 'de or se-a sea 'de or-a' 'kle 'ye-eh 'di, 'de a 'ye: ka: Gwlor: baa' no-a or-a' dhih, 'de eh-a' 'dlu-': jla 'da 'weh: ke. Deh no-eh,: Gwlor: baa': korn: wehlih 'gabaa, 'de or: nmor: gwluhuh'. 'Do en-' klehkpeh 'dlu, 'an 'Klae: de-di'-boi'-a:,: mor a po wlu: dhama'-',: yee' a 'bor deh⧾ ken: zlehn-dih-eh,: eh beh 'de Nyorsoa 'bli yai'-:: eh beh 'noror yao 'zorn-:: eh beh deh-beh-deh-beh-a' 'jeh-:. A 'nyi a-a' keen' no keen', 'de a 'nyi a-a' 'kei no 'kei.: Yee' Nyorsoa-a' zabe: se-' a: kpon i. :Yee': mor nyor-beh: ne 'de a 'klu-', or: taa 'kle 'ye, 'nyi or: wlu 'de Nyorsoa bo.: Mor nyor-beh: ne 'de a 'klu-', 'mona-a: taa-or no, 'nyi or ble 'duh, 'do Nyorsoa-a' 'nyne: gba-eh bo. :Mor nyor-beh: ne 'de a 'klu-', or: taa puhba, 'nyi or dbo 'chore-a' nyor⧾: klaba'⧾ wlu bo, 'de on 'ye 'de or-a' dhih Nyorsoa bo: wlu, 'de on 'ye-or' 'chlan 'dlu: po 'de: Gwlor: baa'-a' 'nyne 'di. :Yee' ti an wlu-a 'de Nyorsoa bo 'do or-a' dhih bo,: mor on po-eh dhih 'jeh-',: yee' eh mu puhba-nyor:: dao' 'puh-dih:.: Gwlor: baa'-a mu-or ya-' 'duo:.: Mor eh 'dhu or no deh-zon,: yee': Gwlor: baa'-a mu eh-a' dhih bo 'ma-dih:. 'Do eh-a' dha, a 'worn-dih: a-a' 'jeh-a' deh⧾-zon⧾-a' dhih, 'de a-a' 'jeh 'nyne-'. A: wlu 'de Nyorsoa bo, a 'bei'-a' dhih,: yee' a 'bei': wlu 'de Nyorsoa bo, a-a' dhih: ke.: Yee': mor a no deh⧾: dao',: yee' a-a' puhba-deh⧾-a mu 'bor-:. Deh no-eh, 'yi 'sleh-nyor-a' Nyorsoa bo: wlu-eh: ne 'kpih ken, 'de eh 'si deh 'i. :Ila'yor: mor: gwlor-nyor: 'o: ke,: ka: a: ne-a, 'ka-: or: ne: ke, 'de or: wlu 'de Nyorsoa bo,: eh: se-a kpan: chehn: ka, 'do 'ni: ne-' dba dhih, 'de 'ni: se-' dba 'do 'bluhba:: dao' ken, 'do zon⧾ taan 'chuh⧾: meheh'lo 'di. 'De or: wlu 'de Nyorsoa bo: neheh', 'de yao: to 'o 'ni, 'de 'bluhba: nmor-dih: dii-deh⧾. :Yee' 'an 'Klae: de-di'-boi'-a:,: mor eh 'dhu a-a' nyor 'wluh 'o dhih-a' 'yor-eh-a': gwie 'i, 'de nyor: noror' 'ye-or' de: ya, :yee' 'nyi nyor: dao',: or ya-or de, or yubo-eh,: ka: mor nyor-beh:: or mu-a deh⧾-zon:⧾: no-nyor 'do: gwie-zon: or: ne-a 'i: za, 'de: or 'ye-or 'o: gwie: 'jeh 'i po,: yee' eh 'dhu-a 'o 'meh-a': gwie 'i, or za-or, 'de mor or-a' deh⧾-zon⧾-a' klehkpeh, me-: Nyorsoa: za 'o: gwie 'i. 'Mor: Piteh': or no-a: Yusu' 'Klae-a'a: dboo-nyor, 'mor 'ye a-uh, a: mor Nyorsoa gan-a, 'de: or no-a 'duhba⧾ dha yao 'zorn, 'de: or gboba:-a 'bluhba⧾-a' klehkpeh ken dih, 'Pantor-bluhba-:: Gale'tia-bluhba-: 'Kapado'sia-bluhba-: 'Esea-bluhba-: 'dekorn:: Behfi'nia-bluhba-:. :A: Baa' Nyorsoa gan a 'weh see,: ka or no-a eh-a' 'dhu-a'. Or-a': Zulu: mo-: no-eh, 'de a: dhe-dih-eh: 'for 'i 'do or bo, 'de a 'ye 'o: Yusu' 'Klae-a' 'tele' dih dhe, 'de or-a' nyomor 'ye a-a' deh⧾-zon⧾ worlor:. 'Nyi mla-: 'dekorn: wlu-' dih 'worn-eh-: en 'kpuhba: ken dih 'do a bo. :Yee' a po Nyorsoa-a' 'nyne ya,: or 'dhu-a: a-a': Gwlor: baa': Yusu' 'Klae: Baa'. Or-a': wehlih-a' 'bleh 'bleh, me-: no-eh, 'de: a 'wluh: dele' ka,: a 'ble: gwlii': dhe-deh:,: eh-a' 'bor-dih:-a nyor⧾ 'bluhbor.: Yusu' 'Klae-a' nma-dih-deh 'di 'wluh-eh:, eh-: or: yi-dih:-', 'de: a 'wluh: dele' ka. 'De: a pobo 'de: bhorlie'-Nyorsoa dhe-a dih 'do or-a'a: nyor⧾ bo, eh-a': gwie 'i.: Bhorlie': daa, or dhe-eh-: dih 'de or 'bli yai', 'do a bo,: dha eh: se-a' 'zorn-dih: i, eh: se-a' 'kor-dih: i, 'de mor eh: se-a' worn: gweh i. A-a': Yusu' 'Klae-a' dhih 'jeh-': po-eh: no-eh, 'de Nyorsoa-a' 'kpih: kan-dih: a ken: chio'lo:, 'de eh 'ye: de 'bor-dih-we-eh ken: yeh-dih:.: Yee' or mu a 'puh-dih:,: yeh or 'dhu-a: dee' see, or 'ye-a' no. A 'yi-dih: 'mona-: dih, 'do deh⧾-a' klehkpeh: daa bo, keen': mloror': kana: naa deh⧾: nee': nee': korn en 'ye a 'kle 'ye-dih:, 'do ti-kpor-bei 'di. :Yee' a mu 'goo:: or 'dhen-eh dih 'de neh-': gweh. 'Kle 'ye-dih-deh:⧾: daa, en yi-: 'de, 'de nyor⧾ 'ye-eh' yubo:: ka a-a': Yusu' 'Klae-a' dhih 'jeh-': po-eh:: eh 'kpa-a deh ken,: eh: zi-a 'o 'goo-',: or no-a 'koror'-deh, eh no-a dhih 'jeh-': po-eh: 'jeh neh, 'jeh ka.: Yee' 'do 'we-eh:: Yusu' 'Klae-a mu-a 'de: ya 'di, Nyorsoa-a mu a dhih bo: po, 'de or 'ye a dhih-a' 'i 'beh-a'-: 'dekorn: deh-' 'ye-eh-: 'nyi. Keen': mloror', a 'see-or 'ye, jorwor: a ybeh-or' 'weh 'gboror:. 'De mor a 'see-or 'ye: naa, a po or-a' dhih dhih 'jeh-' 'weh: chio'lo:, 'de a 'yi-dih: 'mona:: klaba'-' dih,: or nyor se-a ken dih zela-eh 'beh-dih:. Deh no-eh, a 'ye a-a' dhih 'jeh-': po-eh-a' geli': za-dih-deh:: eh 'dhu-a a-a' 'puh-a'-'. :Yee' Nyorsoa-a' wele-eh:: po-nyor:⧾: on: za-a mla Nyorsoa-a mu-a a bo: po, or-a' dhih-', mo-: 'o,: on 'wla: gwluhuh' dih, 'de: dhehehn: ka 'di, on pobo: 'de 'puh-a': daa 'di. 'Klae-a': Zulu:, mo-: ne-uh', 'de on sie ti de, on za-eh': ka or mu-a 'kle 'ye-:, 'de mor or mu-a dhih-a' 'i 'beh-a' 'ye-:: ke,: mor or-a' 'kle 'ye-dih-eh 'wluh 'o: gwie 'i. On vorn-', on 'ye ti eh mu-a: no-eh-: 'dekorn:: ka eh mu-a no-a': no-: on 'ye-ih' yubo:. Nyorsoa: to-dih-eh on-: 'i,: ka deh⧾ an za-a-', en se-a 'de on bo: korn, jorwor: en: korn 'de a bo. Deh⧾: daa, me-: a 'worn: naa,: en 'wluh-a 'de nyor⧾: an po-a Nyorsoa-a' tubo-wlu:⧾ 'jeh bo,: yuh Gban 'i: ne: Zulu:: on 'wluh-a 'de Nyorsoa 'bli yai',: yi-dih:-a-', 'de: an po-ih-a 'de a bo. Deh⧾: daa, 'enjor-nyor:⧾: sloror'-a 'bhorn on 'ye-ih' dih 'worn. :Yee' eh-a' dhih, nyor: or: korn-a or-a' 'jeh, or po or-a' 'dlu 'di dih: na-dih-deh: dha: due', a 'ye deh: no-eh ken 'kpa. A: korn a-a' 'jeh wlu 'ken, a: ne-' deh-zon no. A po 'de a-a': porluh⧾-a' klehkpeh 'de mla Nyorsoa-a mu-a a bo: po bo, ti: Yusu' 'Klae-a mu-a 'de: ya. :Yee': ka a 'dhu-a 'nynuu:: an dhe-a 'o Nyorsoa-a' 'tele' dih-',: yee' a-a': zi 'o 'bhororn'-deh⧾-zon⧾ klei': neheh',: yih a zi-a 'o klei': dee', ti a se-a: Yusu' 'Klae yubo:. Jorwor:: ka Nyorsoa: or 'da-a a-uh, or: gweh-a: vlehehn'-',: yee' a: gweh: vlehehn' 'do deh⧾-a' klehkpeh a mu-a: no bo. Deh no-eh, eh 'chle-eh:-' 'de Nyorsoa-a' 'chlee-deh 'di, or 'da, A: gweh: vlehehn'. Deh no-eh, 'on: gweh-': vlehehn': ke. :Yee' a 'da-dih Nyorsoa a: Baa',: or zi-a nyor⧾-a' zabe: ka on no-a: koan-a' no-a',: or-a': za-': gwie-for: due'. Eh-a' dhih, a-a' 'kmo: ne-eh-a' klehkpeh: eh gweh-a 'duhba⧾ 'i, dha 'bluhba ken, 'nyi eh 'nyi Nyorsoa deh-' 'ye-eh. A zelie-eh:-' 'do deh⧾ a: bai'-a': bai': torne: a-uh 'zorn,: en se-a deh 'di: ne. A yubo-eh', eh: se 'goo-: 'sebla-:: en no-a 'koror'-deh⧾ en: se-': plo-eh:: weh, 'de a: se-' zelie-eh:. Jorwor: 'Klae-a' nyomor: or 'kpa-a deh ken 'gabaa, or-: 'o or no, 'de or zelie: a-uh, 'Klae: or gweh-a 'blae'-yu: on: za-dih:-a 'slaa,: eh se-a fan-: 'dekorn: dhih-: 'bhun: ne. Nyorsoa gan-or': dee' see, 'de jorwor: 'bluhba-a mu: no-eh. Jorwor: a-a' dhih: oo', eh-: no-eh, 'de Nyorsoa: to-dih-or a 'i, dha ti: daa bo,: en no-a: de 'bor-dih-ti. 'Klae-a' 'jeh: dao', or-: no-eh, 'de a po Nyorsoa-a' dhih dhih 'jeh-',: or za-or 'de nma-dih-deh 'di, 'de: or 'nyi-or dhih-a' 'i 'beh-a'.: Yee' eh-:: korn dhih, 'de a-a' dhih 'jeh-': po-eh-: 'dekorn: deh: gwlii': dhe-eh-: en: ne 'de Nyorsoa bo. :Yee': kana: naa,: ka a gweh-a a-a': porluh⧾: vlehehn'-', 'do dhih-a' 'yor-eh-a' 'tele' dih: dhe-eh bo, 'de a: ybeh a-a' 'Klae: de-di'-boi'-', 'de: ka 'jeh nor 'di,: yee' 'nyi a: ybeh-dih: deh 'jeh, 'do a-a': porluh⧾-a' klehkpeh bo. Deh no-eh, Nyorsoa: or 'dhu-a a: Baa', or-: 'nyi a: febeh': dele'. Or: se 'meheh'-Nyorsoa, jorwor: or-: 'kmo: ne-Nyorsoa: oo'. 'De or no or-a' wlu,: on: ne-a 'kmo-', 'de: on: se-a zii-deh:, 'de on 'nyi a: febeh', :ka eh no-a 'chle-eh 'de Nyorsoa-a' 'chlee-deh 'di, eh no-a,: Gwlor-nyor⧾-a' klehkpeh gweh: peli'. 'De an-a' dhih-a' 'i 'beh-a' gweh: peli'-a' 'voma'e:: en: ne-a 'de 'kwla.: Peli'-a 'meh-', 'de en-' 'voma'e-a 'kele 'o. Jorwor:: Gwlor: baa'-a' wlu-a mu dih: nyna: ka ti-a mu-a 'dlu-': tehn.: Yee' Nyorsoa-a' tubo-wlu:⧾ 'jeh: en: po-eh 'de a bo, me-: 'o. :Yee' eh-a' dhih, 'galo-deh⧾-a' klehkpeh-: nyor⧾ dih: bo-dih-deh⧾-a' klehkpeh-: nyor⧾-a' 'yli 'ye-deh⧾-:: gwlehehn'-: 'dekorn: nyor⧾ wlu⧾ 'bhun dih: po-eh-: a: za deh⧾: dao' son⧾ 'di. 'Nyi a gweh 'yu: bleheh'eh,: or 'bhorn-a nyene-ni-a' 'nya-a' 'do ti-a' klehkpeh bo. 'Ka-: a: korn a 'ye: ne: ke, a 'ye dii-deh:: eh 'wluh-a 'de Nyorsoa bo,: eh: gweh-a: vlehehn'-', 'bhorn.: Mor a di-eh,: yee' a mu: ku, 'de a 'ye 'puh. :Ka Nyorsoa-a' 'chlee-deh no-a eh-a': za-a', eh no-a, A-a' 'jeh 'yor-eh: yubo-eh 'i,: ka: Gwlor: baa'-a' kplen no-a 'yi dih: nmor-eh. :Yee' a yi 'noror: Gwlor: baa' bo,: or 'dhu-a 'gbu-a' tu: an-a' 'meh-a-',: or: gwlor-nyor⧾ po-a dih: dee'. Jorwor: Nyorsoa gan-or', 'de or 'kpa deh ken 'gabaa 'do or bo. :Yee' a-a' 'jeh: ke, a gweh tu⧾: yih: en-' 'meh-a,: yih Nyorsoa-a': Zulu no-a, 'de on po-a 'gbu 'do or bo. A mu Nyorsoa-a' 'slaa:: za-nyor:⧾: on: dhe-dih-eh 'for 'i 'do or bo: no, 'de or-a': Zulu: 'ye-eh' no, a 'ye 'slaa: or 'worn-dih:-a ken dih: za, 'de: or: yi-dih:-a: Yusu' 'Klae-'. Deh no-eh, Nyorsoa za-eh' 'weh, 'de or-a' 'chlee-deh 'di, or 'da, A: gbee'e:. 'An po: zi-tu: 'on gan-a, 'de: on 'kpa-a deh ken glu 'de 'Zayorn-gwlor 'di. Nyor: or: kpa-dih-or 'kpuh, or: se-' 'bluhbor 'bor-dih: i. :Yee' a: mor: or po-eh dhih 'jeh-': naa, tu: daa, on 'kpa deh ken 'do a bo. Jorwor:: yuh: on se-eh dhih 'jeh-' po, Nyorsoa-a' 'chlee-deh 'dae:, Tu-a': yuh 'gbu: po-nyor⧾ po-a dih: dee', tu-a' 'jeh: dao', mo-: no 'gbu-a': zi-tu: naa. 'De Nyorsoa-a' 'chlee-deh 'da: neheh', Tu: an mu-eh: no, 'de nyor⧾ 'ye-a' 'gbele:, 'de on 'ye-a dih 'ga, mo-:: dhe dih. Deh no-eh 'de on 'gbele-uh-a, eh-: 'dhu, on: se 'o Nyorsoa-a' tubo-wlu⧾-a' 'tele' dih dhe. 'Ka-: Nyorsoa no eh-a' 'dhu-a' 'do on bo. Jorwor: a: mor: mloror', a no nyor⧾: yuh Nyorsoa gan-a 'do or-a' 'jeh bo. A no Nyorsoa: or no-a 'keen, or-a' 'slaa:: za-nyor:⧾. 'De a no 'dawor'-dlu:: yuh: dhe-dih-eh 'for 'i 'do or bo. A no nyor⧾: on 'dhu-a or-a' 'jeh-a'a: nyor⧾-'. Or-: 'o,: or: za 'de a: kule-', 'de: or 'da-a a-uh 'noror or 'bli zorn-pli-': en no-a zorn-pli:: kolu'⧾, 'de a 'ye deh⧾: kolu'⧾ or no-a, a 'ye-ih': za. :Tehn 'i: dee', a se nyor⧾-' 'dhu-eh:. Jorwor:: kana: naa, a no Nyorsoa-a' nyor⧾.: Tehn 'i: dee', Nyorsoa: se-' a: wehlih 'ye. Jorwor:: kana: naa, or 'ye a: wehlih 'weh. :Yee': a 'bli-nyor⧾-a:, a: mor 'duhba⧾ dha 'bluhba ken. Eh-a' dhih, 'an bale a-uh 'weh: naa, a 'ye a-a' yau-a' 'bhororn'-deh⧾-zon:⧾: en vorn-a a-a': porluh⧾ bo, a 'ye-ih' bo dih: tehn-dih:. :Mor a: ne 'de nyor⧾: on se-a Nyorsoa yubo: 'nyne-',: yee' a: ne-dih: 'kmo 'jeh no 'kmo-'. An-a': yeh po a dhih 'dlu,: eh: mor a no deh-zon:,: yee' 'we-eh: Nyorsoa-a mu-a nyor⧾-a' zabe: zi,: yee' an mu-eh-': za: ka deh⧾ on 'ye-a a-uh, a no-a: zai', en no-a deh⧾ 'jeh, 'de on 'ye or-a' 'nyne dhih-a' 'i 'beh-a' 'nyi. :Yee' 'do: Gwlor: baa'-a' dhih bo, a: ya a-a' 'jeh ya 'do 'gomla-nyor⧾-a' klehkpeh: gwlor-nyor⧾ po-a 'o kpala' 'i, 'zorn. A: ya a-a' 'jeh ya 'do 'Wloon-nyor⧾-a' 'keen: or: ne-a 'o nyor⧾-a' klehkpeh 'dlu, 'zorn, 'dekorn: 'gomla-nyor⧾-a' nyor⧾: klaba'⧾ or dbo-a,: on 'ye-a nyor⧾: an no-a deh⧾-zon⧾ 'kle 'ye-eh 'dlu po, 'de on 'ye nyor⧾: an no-a deh⧾ 'jeh dhih bo po: ke. Deh no-eh, Nyorsoa-a' 'ton: korn-deh: 'o, a 'ye deh 'jeh no.: Mor a no-eh,: yee' a mu: bobo-nyor:⧾: on deh⧾: kpe-dih:-a 'de 'di dih 'borboa' 'i: po, on 'ye: wlu-a' 'bor. A van-dih: dih, a 'ye 'kmo-': ne. Jorwor: a-a' dih van-dih-eh:: dao', eh-a': no-eh', 'de a-a': no-' deh⧾-zon⧾.: Ka Nyorsoa-a' 'bhoi-yu-a no-a 'kmo-': ne-eh, 'ka-: a 'ye 'kmo-': ne-eh no: ke. Deh-' 'ye-eh:: eh: korn-a 'de nyor⧾-a' klehkpeh bo, a 'nyi-eh on. A: ybeh a 'bei' 'Klae-a' nyor⧾-'. A ple Nyorsoa-a': fano.: Yee' a 'dhu 'o 'Wloon-nyor⧾-a' 'keen. :Yee' a: mor 'ge-nynuu-a:, a: ya a-a' 'jeh ya 'do a-a'a: nyor⧾: klaba'⧾: on: korn-a a wlu 'ken, 'zorn, 'do an-a' deh-' 'ye-eh-a' klehkpeh bo. Eh: se: yuh: on no-a nyor⧾ 'jeh,: on: korn-a kplen: nmor-a 'yi dih on: due', mo-: a 'ye deh-' 'ye: deh. Jorwor: a 'ye: yuh: on: korn-a: porluh:⧾: nyni-a worn deh-': ke. Deh no-eh,: mor eh 'dhu, a 'bhorn a 'ye Nyorsoa-a' 'ton: korn-deh no, 'de on 'ye a 'kle 'ye-dih: yaa'e, 'de a 'ye-eh 'i: nyna,: yee' or mu a: bhorlie' bo: po. Deh 'i-deh: eh mu 'o a: po: eh,: mor on bla a-a': gborluh'⧾ 'do deh-zon:: no-eh bo, 'de a 'ye-eh 'i: nyna 'gboror:: eh? Jorwor:: mor on 'ye-dih: a 'kle 'do deh a no-a,: eh 'sleh-a 'i, eh-a' dhih bo, 'de a 'ye-eh 'i: nyna,: yee' Nyorsoa-a mu a: bhorlie' bo: po. Deh: daa, eh-a' dhih Nyorsoa 'da a-uh. Deh no-eh, 'Klae 'ye 'kle 'do a-a' dhih bo.: Yee' eh-:: to-dih: a 'i,: ka a 'ye-a 'o or-a' 'gor klei' zi. Or: se-' deh-zon no. 'De mor nyor: se-' sih-dhih 'worn 'de or 'worn. :Yee' ti an 'jle-dih-or, or: se-' an-a' wlu-a' kpa: za. Ti an 'ye-dih-or 'kle,: yee' or: se-': ao', or mu-uh deh 'bhun: no. Jorwor: Nyorsoa: or no-a 'yi 'sleh-zabe:: zi-nyor, 'de or 'kwa, 'do: wor or po or-a' 'jeh. Or-a' 'jeh 'yor-eh 'duo:: a-a' deh⧾-zon⧾ 'weh, 'de or kpa-ih 'do 'klorse tu 'i,: a 'ye 'o deh⧾-zon⧾-a' 'kpih 'zorn 'wluh, 'de: a 'ye 'yi 'sleh-deh 'kmo-': ne-dih:. Or-a' blaa-tu⧾-a': momae, me-: 'puh-dih: a-uh. A gweh 'blae'⧾: en zi-a: gwie 'i: dee'. Jorwor:: kana: naa, a 'bili: 'noror 'Klae bo 'weh: neheh',: or 'dhu-a a 'yli-eh bo: ka 'blae'⧾-a' 'yli-eh bo 'dhu-nyor-a no-a, 'de or na-dih a-uh. :Yee' a: mor 'nynor⧾-kpao'⧾-a:, a: ya a-a' 'jeh ya 'do a-a'a: yibeor-boi' 'zorn.: Mor eh 'dhu an-a' nyor se Nyorsoa-a' wlu dhih 'jeh-' po,: yee' a-a' noo-kplen 'beh-dih: en 'ye-eh' no, 'de on 'ye-uh' dhih 'jeh-' po, a-a': yeh se 'de on bo: wlu, :mor on 'ye: ka a no-a an-a' deh-' 'ye-eh Nyorsoa-a' dhih-: 'dekorn:: ka a no-a: vlehehn'-': gweh-eh-:. A-a' 'yi dih: nmor-eh:-a' 'wluh-:-' 'noror ken ka, 'do deh⧾ a: bheh-dih-a bo,: eh 'kpa-a: ka a no-a a-a' 'mii-a' ken: na-eh-: 'goo-a': bheh-dih-eh-: 'dekorn: 'tiei:: nmaa'e-a' pa-a'-:. Jorwor: 'nyi a-a' 'yi dih: nmor-eh 'wluh 'o a: porluh⧾ ken. Eh: korn eh 'ye 'yi dih: nmor-eh:: eh-a': gweh-a worn no,: eh: kpoehn 'i, 'de: eh: dhe-a dih 'dhuan. 'Yi dih: nmor-eh-a': yeh: daa, eh-: 'kpa deh ken 'gabaa 'do Nyorsoa ybei'. 'Ka-: 'nynor⧾: an za-a Nyorsoa: weheh', 'de: on dhe-or: gwlii': zai', 'ka-: an no an-a' 'jeh 'yi dih: nmor-dih-eh. On: ya an-a' 'jeh ya 'do an-a'a: yibeor-boi' 'zorn, :eh po-a: Selor': or dhe-a 'o 'Eble'hehn-a' 'tele' dih, 'de: or 'da-dih-or nyor: klaba'. A: mor: Selor'-a'a: 'nynor⧾-kpao'⧾-nynuu: 'o: ke,: mor eh 'dhu a no deh: eh 'sleh-a 'i, 'de a 'ye: ao', a se deh-a': fano ple. :Yee' a: mor yibeor-boi'-a:, a kpon: porluh dih, 'do a-a'a: 'nynor⧾ bo: ke. A 'ye-uh deh-', deh no-eh,: ka a no-a dih: ku-eh, on se: ao': ne, 'de mor on: ne a 'ble 'for 'de 'kmo: sie:: febeh' 'di.: Yee': mor a no: ao',: yee' Nyorsoa-a mu a-a' bale-wlu 'worn-:. :Yee' eh-a' klehkpeh-a' 'dlu-': jla 'da, a-a' klehkpeh, a kpon-dih: ken dih 'de a 'nyne-'. 'Nyi a-a': porluh⧾ 'chlehn 'do a 'bei' bo. A: ybeh-dih:: ka a 'dhu-a 'Klae: de-di'-boi'-'. A 'ye a 'bei': wehlih.: Yee' a: ya a-a' 'jeh ya. :Mor nyor no a deh-zon 'bhun,: yee' a-a': no-' deh-zon, a-a': za-' kpa.: Mor nyor 'jle-dih: a-uh,: yee' a-a': no-' 'jlei, a-a': za-' kpa. Jorwor: a po nyor: dao': bhorlie' bo. Deh no-eh, eh-:: korn dhih 'de Nyorsoa 'da a-uh.: Yee' a mu: bhorlie' 'ye-:. :Yee' Nyorsoa-a' 'chlee-deh 'dae:, Nyor: or 'bhorn-a: or 'ye-a': porluh-a' dih 'pehn-eh-a' 'kmo: ne-dih:, 'de: or 'ye-a' ti 'jeh 'ble,: yee' deh⧾-zon⧾ 'bor 'o or-a': meo ken: yi-eh,: yee' sih 'bor 'o or-a' worn 'i: yi-eh. :Yee' 'nyi or 'tali: deh⧾-zon:⧾: no-eh dih, 'de or 'ye deh⧾ 'jeh ne no. Or: korn or 'ye wlu-' dih 'worn-eh 'kwla⧾-' dih 'bhorn, 'de or 'ye 'o eh klei' zi. Deh no-eh,: Gwlor: baa'-a' 'yli-eh: ne 'o 'yi 'sleh-nyor⧾ bo 'weh, 'de or to an-a' bale-wlu⧾: dou'⧾ bo. Jorwor: or za nyor⧾: an no-a deh⧾-zon⧾ 'yuba bo. :Or mu a deh-': no: eh,: mor a-a': porluh⧾: taa 'plun, 'do deh 'jeh neh-a' no-a' bo: eh? Jorwor: a-a': yeh 'ye 'kle, 'do deh a no-a,: eh 'sleh-a 'i, eh-a' dhih bo,: yee': bhorlie' 'do a bo. A-a': ple-' nyor⧾-a': fano, 'de a-a': porluh⧾-a' 'beh-dih:-' a 'worn dih, 'do an-a' dhih bo. 'Nyi a-a' 'Klae-a' deh-' 'ye-eh 'wluh 'o a: porluh⧾ ken.: Yee' 'nyi or no: Gwlor: baa' 'de a-a' 'kmo: ne-eh 'di. A: ne buh⧾ ken, a 'ye-eh' ken dih zela:, 'do ti-a' klehkpeh bo, 'do nyor: or mu-a a dih dhele: bo, deh: korn-a dhih a dhe-a Nyorsoa: gwlii'. :Mor a: taa-eh no,: yee' a no-eh, 'de 'yi: kpoehn-: 'dekorn: deh-' 'ye ka-: 'di 'de a-a': porluh⧾: ne-' a zabe: kpon-dih:, 'de nyor⧾: an za-dih-a a deh⧾-zon⧾ 'bhun dih, 'do a-a' kplen 'jeh: ne a no-a 'do 'Klae-a' dhih bo, 'de dhen 'ye-uh' no. :Mor eh 'dhu, Nyorsoa-a' 'ton: korn-deh-',: yee' eh: nmor-: 'yi, a 'ye 'kle 'ye, 'do deh 'jeh neh-a' no-a' bo,: eh: zi 'o deh-zon-a' 'kle 'ye-eh-'. Deh no-eh, 'Klae 'meh-' 'do: gwlor-nyor⧾-a' deh⧾-zon⧾-a' dhih bo kpor: due' 'klein'. Or no 'yi 'sleh-nyor:, jorwor: or 'meh-' 'do a: mor deh⧾-zon:⧾: no-nyor⧾-a' 'gor bo, or 'ye a 'de Nyorsoa bo: ya. Or 'dba-eh: 'de yau: ka 'di, jorwor: Nyorsoa-a': Zulu 'nyi-or: febeh': dele' ka. :Zulu:: dao', mo-: or: yi-dih:-', 'de or po Nyorsoa-a' tubo-wlu⧾ 'de: gwlor-nyor⧾-a': zulu:⧾: en: ne-a 'de: kasue 'di bo, :en se-a 'o Nyorsoa-a' 'tele' dih dhe, 'do ti: dhorno'⧾: en zi-a 'di, ti Nyorsoa-a kpon-a: porluh dih, 'de: Noa'-a kor-a 'ni ken-meheh. 'De 'ni ken-meheh:: dao' 'di, nyor⧾: meheh' na: ne 'de, mo-: 'ni: se-' kpa, 'ni 'puh-dih:. :Yee' 'ni: dao', eh-:: nyna 'o 'ni 'dlu: po-eh-a' 'gor bo dih,: eh 'puh-dih-a a-uh: naa. 'Ni 'dlu: po-eh: se: dle a-a' 'jeh-a' yau, on 'ye: vlehehn' dih: gweh: deh. Jorwor: eh no Nyorsoa dih dhele-wlu:, or 'ye-eh' no, a-a': porluh⧾: ne-' a zabe: kpon-dih:. Eh 'puh-dih: a-uh 'weh 'do: Yusu' 'Klae-a' nma-dih-deh 'di 'wluh-eh bo, :or mu-a 'de Nyorsoa 'bli yai', 'de: or: dhe-a dih 'do or-a': dila-son bo. 'Enjor-nyor⧾-: 'kpih-a' klehkpeh: en: ne-a 'o 'bluhba-: yao-: 'nyne bo-: en-' klehkpeh: daa, me-:: ya en-' 'jeh ya 'do or 'zorn. :Yee' eh-a' dhih,: ka 'Klae-a' yau 'ye-a 'kle,: yee' a: korn a 'ye-eh' yubo:: ka a mu-a 'kle 'ye-:: ke. Deh no-eh, nyor: or: korn-a yau: 'ye-a' 'kle,: yee' deh⧾-zon:⧾ se-or wlu 'ken: korn: neheh'. :Yee': mor a no: ao',: yee' a-a' 'kmo: ne-eh-a' klehkpeh: eh: sie:-a 'o dha 'bluhba ken, eh se 'de: gwlor-nyor⧾-a' 'bhororn'-deh⧾-zon⧾ bo: ne, jorwor: Nyorsoa-a' 'ton: korn-deh:, eh-: a: ne-dih: 'kmo. :Yee' a: zi-dih: ti: doru': zai', 'do deh⧾ nyor⧾: on se-a Nyorsoa yubo:, on: ybeh-a on 'ye-a' no, 'do en-' no 'da,: en 'dhu-a, 'pebe' 'i 'kpa-eh-:: porluh-a' sin-a' 'do 'nynor bo 'pehn-eh: bo-: nomor 'na-eh-: 'nynor⧾: zie-eh-a' gor-: nomor 'na-eh-a' gor-: 'dekorn: zuu⧾-a': weheh': za-eh-:: eh no-a gu-kplen. :Yee' eh 'ma-dih: 'de nyor⧾: on: ne a no-a deh⧾: dao' 'di-: dih, deh no-eh, 'kmo-zon:⧾ on: ne a no-a: zai',: en: zi-a 'o dih, a-a' ple-ih 'de: neheh', 'de an 'jle-dih a-uh. Jorwor: an mu deh⧾: dao' on no-a, en-' dhih bo zela: 'do Nyorsoa ybei',: or: ne-a buh⧾ ken,: or yi-a 'kmo: ne-nyor⧾-: 'dekorn: 'meheh'-nyor⧾-: an-a' zabe:: zi 'da. :Yee' eh-:: korn dhih, nyor⧾: on 'meh-a, Nyorsoa-a' tubo-wlu:⧾ 'jeh: po-eh: 'de on bo: zai', 'de an mu 'meh-:, keen': mloror' an-a' zabe: zi-eh:-': weh, 'do 'meh-a' bo,: ka Nyorsoa-a no-a: gwlor-nyor⧾-a' klehkpeh, an-a' zabe:: zi-eh.: Yee' an mu 'de Nyorsoa bo: ne. :Yee' deh⧾-a' klehkpeh, en-' 'dlu-': jla-ti-a 'koan'-dih 'o-: dih.: Yee' eh-a' dhih, a no: toror': korn-nyor⧾.: Yee' a: korn a-a' 'jeh wlu 'ken, a: ne-' deh-zon no, 'de a 'ye 'de Nyorsoa bo: wlu-eh 'beh-dih: deh 'jeh neh. En-' klehkpeh-a' 'dlu: wor 'dhu, a: ybeh-dih: 'gabaa. Deh no-eh,: ybeh-dih-eh 'ma-dih: deh⧾-zon:⧾: dhulu'-a' dhih bo. A: za a-a'a: 'gbu⧾ 'kwla 'de 'duhba⧾ bo.: Yee' a 'bor 'worn dih: wlu-dih-eh 'do eh bo. Nyorsoa 'nyi a 'nyii'-deh:⧾ 'doror: 'dor.: Yee' 'nyii'-deh:⧾ Nyorsoa 'nyi-a a-uh: due': due', a: no-dih-ih: koan 'de 'yi 'sleh ka 'di, a 'ye a 'bei'-': za-dih: 'do en bo. :Mor nyor: taa Nyorsoa-a' tubo-wlu⧾ po,: yee' 'nyi or-a' tubo-wlu:⧾: po-eh:: dao', eh 'wluh 'de Nyorsoa bo.: Mor nyor: taa nyor⧾-' za-dih,: yee' 'nyi or no-eh, 'de 'kpih Nyorsoa 'nyi-or 'di, 'de dhih-a' 'i 'beh-a' 'ye Nyorsoa 'nyi-eh: 'de: Yusu' 'Klae-a' 'nyne 'di, 'de deh⧾-a' klehkpeh a no-a 'di. Dhih-a' 'i 'beh-a'-: 'dekorn: 'kpih-: en: korn 'de: Yusu' 'Klae bo,: ka ti-a mu-a 'dlu-': tehn klehkpeh klehkpeh. 'Ka-: eh 'ye: ne. :Yee': a 'bli-nyor⧾-a:, eh-a' 'ma-dih:-' 'de a 'di dih, 'do 'kle 'ye-eh:: eh: kma-a 'i, a 'ye-a: naa bo,: eh no-a nyor⧾-a' dih 'dhen-deh. A-a': no-' deh: dele': oo': eh yi 'o a bo. Jorwor: a no 'mona: ka a 'ble-a 'for 'de 'Klae-a' 'kle 'ye-eh 'di. Eh mu-eh: no, 'de 'mona 'ye a-' dih 'yi-dih: ti or-a' dhih-a' 'i 'beh-a'-a mu-a nyor⧾ 'i: to-dih-eh. :Mor eh 'dhu nyor 'jle-dih a-uh 'do 'Klae-a' 'nyne-a' dhih bo,: yee': bhorlie' 'do a bo. Deh no-eh,: Zulu:: on: korn-a dhih 'beh-a 'i,: on no-a Nyorsoa-a': Zulu, mo-:: ne 'o a bo. 'Kle a mu-a 'ye-:, eh-a': no-' 'kle nyor⧾: an 'dba-a nyor⧾-:: an 'yli-a-:: an no-a deh⧾-zon:⧾: nee': nee'-: 'dekorn: po nyor⧾-a' dhih buh 'di-: a-a' 'ye-:-' eh: bo-kle. Jorwor:: mor a: taa 'kle 'ye,: eh: mor a no 'Klae-a' nyor⧾, eh-a': no-dih:-' a dhen. Jorwor: a 'nyi Nyorsoa dhih-a' 'i 'beh-a',: ka 'Klae-a' 'nyne: ne-a 'o a ken. Eh no ti: naa Nyorsoa-a' zabe:: zi-eh 'ye glu 'dhu-eh: 'de or-a'a: 'cheh 'bli 'gbu 'di.: Yee': mor eh 'dhu-eh: glu 'do: a: mor: or no-a or-a'a: 'cheh bo,: yee': yuh: on se-a 'o or-a' tubo-wlu:⧾ 'jeh-a' 'tele' dih dhe, dha an mu: na-dih:: eh? :Yee' Nyorsoa-a' 'chlee-deh 'dae:,: Mor eh: kma 'i, 'yi 'sleh-nyor⧾ 'ye 'puh,: yee' dha nyor⧾: on se-a Nyorsoa deh-' 'ye-eh 'nyi-: 'dekorn:: yuh: an no-a deh⧾-zon⧾-: an mu: na-dih:: eh? :Yee' eh-a' dhih, nyor⧾ Nyorsoa 'worn-dih-eh ken dih,: on 'ye-a' 'kle 'ye,: yee' 'nyi on po 'de an-a' 'jeh 'de Nyorsoa: or no-uh-a, 'de: or no-a: dhehehn-nyor 'kwa.: Yee' 'nyi on kpa deh 'jeh: neh: no-eh 'dlu bo. 'Mor: or 'dhu-a 'chore-a' nyor: klaba'-', 'mor-: wlu 'de 'chore-a' nyor⧾: klaba'⧾: on: ne-a 'de a 'klu-' bo. 'On 'ye: ka 'Klae no-a 'kle 'ye-eh 'weh, 'de 'on no nyor: or mu-a 'for 'ble-: 'de or-a' dhih-a' 'i 'beh-a': or mu-a: a 'i: to-dih-eh 'di. :Ka 'blae'⧾-a' 'yli-eh bo 'dhu-nyor⧾ no-a, 'ka-: a 'ye nyor⧾ Nyorsoa po-a 'de a 'kwa, an-a' 'yli-eh bo 'dhu-eh no. A 'dhu-uh' 'yli-eh bo, 'de: porluh-a' dih 'pehn ka 'di,: ka Nyorsoa 'bhorn-a, a 'ye-a' no, eh: se 'de a-a' 'kpih: kpa-dih: ka 'di. 'De mor a-a': zi-' 'wlii-dhih 'suh, jorwor: 'nyi eh 'wluh 'o a: porluh⧾ ken. Nyor⧾ Nyorsoa po-a 'de a 'kwa, a-a': kpa-dih:-uh' 'kpih. Jorwor: a: mor an mu ya pobo:, 'do deh⧾-a' klehkpeh a mu-a: no bo. :Yee': mor 'Klae: or no-a Nyorsoa-nyor⧾-a' klehkpeh an-a' 'yli-eh bo 'dhu-nyor:: klaba',: mor or 'yle,: yee' a mu geli': za-dih:: gblaa',: or: korn-a dhih 'beh-a' 'i, 'de: or: se-a' worn: gweh i 'ye-: 'de or 'kwa. :Yee' 'nynuu:: gbolo'⧾-a:, 'de: ka: ne-a: due' 'di, a: ya a-a' 'jeh ya 'do nyor⧾: klaba'⧾: on: ya-dih:-a a de, 'zorn. A-a' klehkpeh: sie:-a 'o: ke, a: ya a-a' 'jeh ya, 'do a 'bei' 'zorn: due': due'. Deh no-eh, Nyorsoa-a' 'chlee-deh 'da, Nyor⧾: an 'beh-dih-a an-a' 'jeh 'i, Nyorsoa: se-' an-a' dhih ken dih 'worn-dih:. Jorwor: nyor⧾: an ya-a an-a' 'jeh ya, or mu-uh mla bo: po. :Yee' 'do eh-a' dha, a: ya a-a' 'jeh ya 'do Nyorsoa-a' dhih-a' 'i 'beh-kpih 'zorn.: Yee': mor ti or 'bhorn-a, or 'ye a ya-' 'duo:, en nyni 'o, or mu-eh: no. Deh⧾-a' klehkpeh: en 'beh-dih-a a-a': porluh⧾ 'worn dih, a 'nyi-ih or-uh, or 'ye-ih' kpa. Deh no-eh, or: kma a-a' dhih 'weh. A: korn a-a' 'jeh wlu 'ken, a: ne-' deh-zon no.: Yee' a 'dhu: gbeheh. Deh no-eh, 'ku: on 'nyeh-a a-uh', mo-:: an na-dih,: ka: gbolo:: or klu-a, or no-a, 'de an 'bhorn nyor on 'ye-a' bo pa. A: bla-dih-uh worn.: Yee' a: nyna dih deh 'jeh, 'de Nyorsoa-a' dhih 'jeh-': po-eh 'di. Deh no-eh, a yubo-eh': ka a 'bei' 'Klae-a' nyor⧾: on: ne-a 'bluhba⧾-a' klehkpeh ken dih, an 'ye 'kle: ne-a: due': ke. Nyorsoa: or: ne-a buh⧾ ken, 'do ti-a' klehkpeh bo,: or 'ye-a nyor⧾ mla bo po, or-:: yi-dih:: Yusu' 'Klae-',: or 'da a-uh, a 'ye 'for 'ble 'de or-a' dhih-a' 'i 'beh-a': or se-a 'dlu-': jla 'da: korn 'di. A mu 'kle 'ye-: 'do ti-kpor-bei 'di, jorwor: Nyorsoa-a' 'jeh 'yor-eh:, or mu a: dele'-': po, 'de or 'ye a son bo po, or 'ye-eh' no a 'ye dih ku, a 'ye dih: nyna deh 'jeh. 'De or bo, 'do: wor 'kpih-a' klehkpeh en: korn,: ka ti-a mu-a 'dlu-': tehn klehkpeh klehkpeh. 'Ka-: eh 'ye: ne. :Yee': Salor': or 'on 'duo-a-': or 'ye-a 'Klae: de-di' no,: or no-a: dhehehn-nyor, or-: kpa 'on bo, 'de 'on 'chle a 'chlee-deh: 'kpo: daa bo. 'An 'chle a bo, eh 'ye 'de a-a' 'kpih po, 'de 'on 'ye a: gwluhuh' zela:: ka mla Nyorsoa po-a a bo, or: to-dih-eh a 'i,: ka or: ybeh-a a-uh'. A kpa or-a' dhih 'jeh-': po-eh 'dlu bo: chio'lo:. 'Chore-nyor:⧾: on: ne-a: gwlor: klaba' an 'da-dih-a 'Babe'lor 'di, on: ne a mor-: Nyorsoa: gan-dih:-a: dha: due', on 'da, mo-: 'ye a-uh.: Yee' 'Make: or gweh-a 'an-a: 'yu, or 'da, or-: 'ye a-uh: ke o. A 'wla 'de a 'bei': bhluun'⧾ dih, a 'ye-uh: gble-dih: 'de: ybeh-dih: ka 'di. Wlu-' dih 'worn-eh: 'do a-a' klehkpeh: or: korn-a 'de 'Klae bo. 'Mor Samor': Piteh': or no-a: Yusu' 'Klae-a' 'bhoi-yu-: 'dekorn: or-a'a: dboo-nyor-: 'mor 'ye a-uh, a: mor: or 'ble-a dhih 'jeh-': po-eh:: eh 'kpa-a deh ken,: ka: a-a' neh: ne-a.: A-a' klehkpeh,: a 'ble dhih 'jeh-': po-eh:: daa 'weh, deh no-eh,: Yusu' 'Klae: or no-a: a-a' Nyorsoa-: 'dekorn: 'puh-dih-nyor-: or no 'yi 'sleh-nyor:. 'Nyi mla-: 'dekorn: wlu-' dih 'worn-eh-: en 'kpuhba: ken dih 'do a bo. Deh no-eh, a 'ble Nyorsoa-: 'dekorn:: a-a': Gwlor: baa': Yusu'-: an-a' deh-' dih 'worn-eh:. :Yee': Yusu' 'Klae-a' 'kpih: en 'wluh-a 'de Nyorsoa bo, me-: or no, 'de or 'nyi: a deh⧾-a' klehkpeh,: a: korn: a 'ye-a 'ye, 'de: a 'ye 'kmo: an 'pehn-dih-a Nyorsoa-a': porluh dih, 'kmo-': ne-dih:,: eh: yi-dih:-a or-a' deh-' dih 'worn-eh-'. Or 'da: a-uh 'weh,: a 'ye 'for 'ble 'de or-a' dhih-a' 'i 'beh-a'-: 'dekorn: or-a' deh⧾ 'jeh ne-a' no-a'-: 'di. Deh⧾: daa, me-: or: yi-dih:-', 'de or po deh⧾: klaba'⧾: en 'kpa-a deh ken, en-' wlu⧾: dhama'-' 'noror: a bo, 'de en 'ye-eh' no, 'de: a 'ye nyor⧾ 'kor-dih-deh:⧾: en: ne-a dha yao 'zorn,: en 'wluh-a 'de: gwlor-nyor⧾-a' 'bhororn'-deh⧾-zon⧾ bo, 'de: a 'ye 'o en 'zorn 'wluh, 'de: a 'ye 'for 'ble 'de or-a' Nyorsoa-tu 'di. :Yee' eh-a' dhih,: ka a po-eh dhih 'jeh-': naa,: yee' a po 'de 'kpih, a 'ye 'o eh ken deh⧾ 'jeh ne-a' no-a' po.: Mor a 'ble deh⧾ 'jeh ne-a' no-a',: yee' a po 'o eh ken, deh-' dih 'worn-eh. :Mor a 'ble deh-' dih 'worn-eh,: yee' a po 'o eh ken, a-a' 'jeh wlu 'ken: korn-eh, a: ne-' deh-zon no.: Mor a: korn a-a' 'jeh wlu 'ken,: yee' a-a': sea:-'.: Mor a se sea,: yee' a po 'o eh ken, 'kmo: an 'pehn-dih-a Nyorsoa-a': porluh dih. :Yee': mor a-a' 'kmo 'pehn-dih Nyorsoa-a': porluh dih,: yee' a po 'o eh ken, 'Klae: de-di'-boi'-a': dhih: kma-eh.: Mor a: kma 'Klae: de-di'-boi'-a' dhih,: yee' a po 'o eh ken, nyor⧾-a' klehkpeh-a': ybeh-eh-'. :Mor eh 'dhu a no deh⧾-a' klehkpeh: daa, 'de a 'ye-ih' no, en 'ye 'o 'dlu dih: zi,: yee' en mu-eh: no, a 'ye deh 'i 'si, 'de a 'ye 'bi: dhulu' po, 'de a-a': Gwlor: baa': Yusu' 'Klae-a' deh-' dih 'worn-eh 'di. Jorwor: nyor-beh:: or se-a deh⧾: daa no,: yee' 'de or 'yli: kpe-' 'weh, or-a' 'ye 'de nya dih.: Yee' or 'ma-dih: bo 'weh,: ka Nyorsoa worlor:-a or-a' deh⧾-zon:⧾ or no-a: zai'. :Yee' eh-a' dhih, 'an 'Klae: de-di'-boi'-a:, a vorn: naa, a 'ye 'de 'kpih po, eh 'ye 'o: zai' neh-': zi, 'de a-a' 'da-a'-: 'dekorn: a-a' gan-a'-: en 'ye dih ku 'do Nyorsoa ybei'.: Yee': mor eh 'dhu a no deh⧾: daa,: yee' a: se-' dih 'ga-: i klehkpeh klehkpeh. :Yee' Nyorsoa-a mu a: kpaa' 'i: za vuwor, 'de or 'bli yai', 'do: dha: Yusu' 'Klae: or no-a: a-a': Gwlor: baa'-: 'dekorn:: a-a' 'puh-dih-nyor-: or: korn-a wlu 'ken,: ka ti-a mu-a 'dlu-': tehn. 'An mu a deh⧾: daa: gwluhuh' bo: po-dih: 'do ti-a' klehkpeh bo, keen': mloror' a yubo-ih', 'de mor Nyorsoa-a' dhih: en no-a dhih-a' 'yor-eh, on: torne: a-uh, a kpon-ih dih: glii:. :Mor 'on: taa 'ye,: yee' eh 'sleh-: 'i, 'on 'ye a deh⧾: daa: gwluhuh' bo: po-dih:,: ka eh mu-a 'dlu-': tehn, 'an mu-a 'kmo-': ne. 'On yubo-eh', eh: se 'o: gwle i, 'on 'ye 'meh,: ka: a-a': Gwlor: baa': Yusu' 'Klae no-a eh-a' ken dih: florn-dih-eh 'de 'on bo. :Yee' 'an mu 'de 'an 'kpih-a' klehkpeh: po, 'on 'ye-eh no, 'de: mor 'on 'meh, 'de a 'ye deh⧾: daa 'do a: gwlii' 'ble-dih: 'do ti-a' klehkpeh bo. :Yee' ti: a zela-a: a-a': Gwlor: baa': Yusu' 'Klae-a' de: yi-ti-: 'dekorn: or-a' 'kpih-: en-' dhih a: gwluhuh',: yee' eh: se worn: nmor-dlan:⧾: en 'wluh-a 'o: a-a': porluh⧾ ken,: a: se 'de po 'de a bo. Jorwor:: a-a' 'jeh 'yor-eh-a' 'yli-eh 'ye-eh': ka or-a' dhih 'beh-a 'i, 'de or: Baa': or 'ble-a 'kpih 'do deh⧾-a' klehkpeh 'dlu,: or no-a dhih-a' 'i 'beh-Nyorsoa, or 'nyi-or deh-' 'ye-eh-: 'dekorn: dhih-a' 'i 'beh-a'-: ti wlu 'wluh-a 'de or bo, on no-a, 'An-a:: dhih: kma-yu: 'o, or-:: dhe dih. 'An: porluh 'pehn-: dih 'do or bo. :A-a' 'jeh 'yor-eh 'worn wlu: daa 'weh: on 'wluh-a 'de Nyorsoa 'bli yai', ti or: ne: a mor-:: a: ne-a 'de gban 'i: ne-tluh 'dlu. :Yee' deh⧾-a' klehkpeh: daa, me-: no-eh, 'de: a yubo-eh deh 'jeh,: ka deh⧾ Nyorsoa-a' wele-eh:: po-nyor⧾: za-a-', 'de en no-a dhih-a' 'yor-eh. Eh mu 'yi dih: nmor, a 'ye Nyorsoa-a' wele-eh:: po-nyor⧾-a' wlu⧾: daa: dou'⧾ bo: to,: ka a no-a 'nape: eh wan-a 'de: kule-': chio'lo:, 'de zorn: zen-dih:-a 'o yai', eh-a' ya pobo-eh. A: korn a 'ye-uh': dou'⧾ bo: to: chio'lo:, 'de: Yusu' 'ye 'de yi,: eh gweh-a: ka 'chuh: dhlaen-eh:: eh fan-a zorn bo-mlai', an 'da-dih-a 'Zola'-a no-a fan-a', 'de zorn zen-a. Eh-a' klehkpeh: daa, deh a 'ye-a' yubo:, eh-: 'dhu, nyor se 'beh-dih: or 'ye 'chlee-deh:⧾: daa Nyorsoa-a' wele-eh:: po-nyor⧾ 'chle-a, or 'ye-ih ken dih zela:, 'de or-a' 'jeh-a' 'kpih 'di,: mor eh 'dhu, Nyorsoa-a': Zulu se 'o or bo: ne. Deh no-eh, deh⧾ Nyorsoa-a' wele-eh:: po-nyor⧾: za-a-', en se 'o an-a' 'jeh: gwlii' 'wluh 'suh. Jorwor: Gban 'i: ne: Zulu: 'o, mo-: po-ih 'o on: gwlii', 'de on po tubo-wlu:⧾: daa: en 'wluh-a 'de Nyorsoa bo. :Yee': zai': dee', sih 'tmo: wele-eh:: po-nyor:⧾ mo-:: ne 'de 'Ezlea-nyor⧾ 'klu-'. 'Ka-: nyor⧾: an torne-a nyor⧾ sih-deh⧾ an mu 'de a 'nyne-': ne-eh: no: ke. Nyor⧾ deh: torne-eh:: eh se-a 'o Nyorsoa-a': gwie 'i: ne, 'de: eh 'kor-dih-a nyor⧾, me-: an mu 'de: ya: wleh: wleh, 'de a 'nyne-'.: Gwlor: baa' Nyorsoa: or zelie-uh-a, an mu or-a' dhih-' dhobo:: sloror', 'de eh 'ye-eh' no, on 'ye an-a' 'jeh gbe: zie-eh bo: ya 'yli: a bla-a 'i. A-a' nyor⧾: dhulu'-a mu 'o an-a' 'pebe' 'i 'kpa-eh klei': zi.: Yee' eh-: mu-eh: no, nyor⧾ 'ye dhih-a' 'yor-eh-a': gwie, wlu 'bhun dih po. An-a' 'wlii-a' 'klan: korn-eh-a' dhih, an mu a sih-deh:⧾ an-a' 'jeh 'yor-eh po-a: dha: due': gwluhuh' zela:, on 'ye a 'yli. Jorwor: zabe:: zi-eh:, Nyorsoa dhe-a dih: dee' see, eh-: bhele: ya 'do on 'dlu,: eh fuo-uh 'ken. 'De Nyorsoa: or mu-eh: no, 'de on 'ye-a gbe: zie:, or-a' 'mo. :Yee' ti 'enjor-nyor⧾-a': noo', no-a deh-zon, Nyorsoa: se-' an-a': wehlih 'ye. Jorwor: or po-uh 'de 'ku 'bli, 'do: dha an mu-uh-a 'chen-dubu'⧾: san-dih: 'de: kule-': chio'lo: 'de an-a' zabe:: zi-ti 'ye-a 'o nyni. 'De mor Nyorsoa: se-': tehn 'i-nyor⧾-a': wehlih 'ye, ti or dbo-a 'yii'-ni,: eh kpa-a nyor⧾: on se-or deh-' 'ye-eh 'nyi.: Noa': or po-a Nyorsoa-a' 'yi 'sleh-tubo-wlu⧾-: 'dekorn: nyor⧾: meheh' 'sorn: noo'-: on: due', mo-: or 'puh-dih:. :Yee' Nyorsoa chehn 'Salor-gwlor-: 'dekorn:: Gormor'la-gwlor-: en-' zabe-: 'i, 'do en-' 'yli: po-eh bo, 'de en no: bhuhbuh'. Eh-: no nyor⧾ 'yi: to-dih-deh: ka or mu-a nyor⧾: on se-or deh-' 'ye-eh 'nyi, an-a' dhih: no. 'Lorte no 'yi 'sleh-nyor:. 'De mor 'pebe', 'kulu-nyor:⧾: dao', an 'kpa-a 'i, 'do: gwlor: dao' 'di, en 'beh-dih or-a': porluh 'worn dih. Eh-: no-eh, 'de Nyorsoa zelie-or. 'Yi 'sleh-nyor:: daa, or 'ti 'de nyor⧾: dao' 'nyne-'.: Yee' 'kulu-deh:⧾ an no-a zorn 'o zorn, or 'ye-ih', 'de or 'worn-ih, me-: 'beh-dih or-a': porluh:: on: gweh-a: vlehehn'-' 'worn dih. :Gwlor: baa' yubo:: ka or 'ye-a' no, 'de or 'ye-a' nyor⧾: an 'nyi-or deh-' 'ye-eh zelie: 'weh,: mor 'kle 'ye-eh 'yle. 'De or yubo: nyor⧾: on se-a 'i 'sleh,: ka or 'ye-a' an-a' 'kle 'ye-eh: 'dlu: po-eh no 'weh, 'de zabe:: zi-ti 'ye-a 'o nyni. :Yuh or mu-eh-': no 'jeh ka, mo-: 'dhu, nyor⧾: an vlehn-a Nyorsoa-a' nyor⧾ wlu 'ken: korn-eh, 'de: an no-a gu-kplen: an-a': porluh⧾-a sin-a, on 'ye-a' no. Nyor⧾ sih-deh:⧾: torne-nyor⧾-a' 'jeh: dao', on se: fano: korn, 'de an 'ye an-a' 'jeh deh-'. An-a' ple: fano 'do 'enjor-nyor:⧾: on: ne-a 'de Nyorsoa 'bli yai',: on: korn-a dhih 'beh-a' 'i 'gabaa, 'do an-a' 'jle-dih: 'da. Jorwor: 'enjor-nyor:⧾: sloror',: on 'ble-a 'kpih, 'de: on ku-a dih,: on: zi-a 'o nyor⧾ sih-deh:⧾: torne-nyor:⧾: dao', an-a' po nyor⧾: dao' wlu 'bhun, 'do: Gwlor: baa' ybei'. Jorwor: nyor⧾: dao', deh⧾ on se-a-' dih 'worn, me-: an 'jle-dih. On gweh nimi⧾: or se-a: toror': korn, 'de deh⧾ en no-a, en-': na-dih-eh': gwluhuh' dih. En 'wluh nyor⧾ 'ye-ih kpon, 'de on 'ye-ih 'dba.: Yee': ka nimi⧾ no-a gbe: zie-eh, 'ka-: an mu gbe: zie-eh: no: ke. Deh⧾-zon:⧾ an no-a 'do: gwlor-nyor⧾ bo, me-:: korn geli': za-dih-deh: an mu 'ye-:: ke. 'De deh: eh no-a an-a' 'mona-deh, eh-: 'dhu, an no an-a' 'jeh-a' yau-a' 'bhororn'-deh⧾-zon⧾ 'weh: sloror' 'do zorn-pli-'. Nyor⧾: dao', an 'dba nyor⧾-a' 'yuba:⧾, 'de an no-dih nyor⧾ dhen,: mor on: ne a: taa son⧾ ybei' kpuhba, 'de mor an-a': porluh⧾ 'pehn-: dih, on 'ye a dih: bo-dih:. 'Nynor⧾-kpao'⧾-a' klehkpeh an 'ye-a, an-a': porluh⧾-a sin-', on 'ye-uh 'bhorn. An-a' 'tali: deh⧾-zon⧾-a' no-a' dih. An po-dih nyor⧾: on: korn-a 'sleh dih: po-dih-eh se-a 'i: kma 'sleh dih, on 'ye deh⧾-zon⧾ no. An-a' deh⧾-a' klehkpeh-a' 'klan: korn-eh zi 'o-: dih. Nyor⧾: dao', on: ne 'o Nyorsoa-a' 'chlo 'zorn. On 'tali: 'yi 'sleh-deh⧾-a' no-a': gwie-: dih, 'de on zi 'o Nyorsoa-a' wele-eh:: po-nyor: 'Benor:: or no-a 'Bio-a'a: 'yu-a' kplen klei',: or no-a deh⧾-zon⧾, 'de 'wlii: or 'ye-a 'o, en korn-or 'ton. Jorwor: or-a'a: 'dhornke po-or 'borboa' 'i, or 'ye or-a' deh-zon: or mu-a no 'da dih 'tali:. Nimi: dao': eh se-a: gwlor-nyor-wlu 'ble, eh-:: wlu 'de or bo: ka: gwlor-nyor-a no-a: wlu-a', 'de eh no-eh, or 'tali: or-a': bobo-deh: or yi-a: no 'da dih. Nyor⧾: dao', on gweh 'jun: on: korn-a: on 'ye-a 'ni 'ble: dee', 'de: on se-eh 'ble. 'De on gweh 'ni: eh 'yi-a 'de yai' dih, 'de: pobor' gboba-a dih. 'Bie': eh: tehn-a 'di 'gabaa, 'de: eh: korn-a 'de 'di: ne-a: bhlin: bhlin, eh-: Nyorsoa dhe dih 'do on bo. Deh⧾ an za-a worn⧾ 'i dih,: en: korn-a dhih an 'beh-dih-a an-a' 'jeh 'i, en se deh-beh-deh-beh 'di: ne. Nyor⧾: noo': on 'wluh-a 'o: yuh se-a 'o: gwie: 'jeh 'i: ne 'zorn, 'de eh 'see-a 'o gwle, mo-: an po-dih 'sleh dih.: Ka an no-a eh-a' no-a', eh-: 'dhu, 'pebe' 'i 'kpa-eh:: eh no-a an-a': gwlor-nyor-tu-a' 'bhororn'-deh⧾-zon:⧾ an-a': porluh⧾-a sin-dih-a bo, on 'ye-a' no, me-: an za-a-' 'de on bo. Nyor⧾: an jli-a nyor⧾-a' 'jeh: dao', mo-: po wlu: dhama'-' 'de on bo, on 'dae:,: Mor eh 'dhu, a no deh: a za-a-',: yee' a mu dih van-dih:, a 'ye dih: na. Jorwor: nyor⧾: on no-a nyor⧾-a mu dih van-dih:, an-a' 'jeh 'yor-eh no 'ge-nynuu: 'do deh⧾-zon⧾ bo. Deh no-eh,: gwlor-nyor no 'ge-yu: 'do deh: eh korn-or wlu 'ken bo. :Mor: Yusu' 'Klae: or no-a: a-a': Gwlor: baa'-: 'dekorn: 'puh-dih-nyor-: or-a' yubo-eh no-eh, 'de nyor⧾ 'ye 'o 'kmo bo-deh:⧾: en no-a 'kulu-deh⧾ 'zorn 'wluh, 'de on 'ye deka mu: neheh', en 'ye-uh' wlu 'ken: korn,: yee' on 'kpa 'de de dih,: eh: zi 'o: zai' neh-'. Eh mu 'yi dih: nmor: dee',: mor on se 'yi 'sleh-deh⧾-a': gwie yubo:,: eh: zi 'o on 'ye-ih yubo:, 'de on 'ye Nyorsoa-a' 'tele' on 'nyi-uh-a 'kpuh ya: to. Deh: eh: no-eh 'do on bo, eh: to-dih:: a 'i,: ka 'dlan⧾: daa, en no-a dhih-a' 'yor-eh,: en no-a, Gbe-a di eh-a' 'jeh-a' gwla-a'. 'De mor,: Bee': yeh nyor⧾: dle-a, eh-: mu 'de 'kporn 'klu-' de: neheh'. :Yee': a 'bli-nyor⧾-a:, 'chlee-deh-a' 'sororn': neh 'o,: eh: dhe dih, 'an 'chle a bo. 'On 'chle me-:: ne-a 'sororn' 'weh, eh 'ye a: gwluhuh' bo: po-dih:, 'de a-a' 'dlu 'di dih: na-dih-deh⧾ 'ye 'o: gwie 'i: ne. 'An 'bhorn Nyorsoa-a' wele-eh:: po-nyor:⧾: on: dhe-dih-eh 'for 'i 'do or bo, dhih on: za-a-': dee' see, a 'ye-ih: gwluhuh' bo: po-dih: 'dekorn: 'tele': a-a': Gwlor: baa': or no-a: a-a' 'puh-dih-nyor, or 'nyi a-uh: eh: yi-dih:-a or-a'a: dboo-nyor⧾-'. :Tehn 'i-deh:, a: korn a 'ye eh-a' dih 'worn-eh: korn: eh: mor 'do: de 'bor-dih-we 'di, nyor⧾: yuh an-a' 'bhororn'-deh⧾-zon⧾ korn-a wlu 'ken, an mu a: goba'-dhih ken dih 'wluh-dih:, an mu: ao', 'Klae po wlu: dhama'-',: eh: mor or mu de: yi.: Yee' dha or: ne: naa: eh?: Eh 'wluh-a 'o ti: a: bai'-a': bai' 'meh-a, deh⧾-a' klehkpeh: en mu-a 'dlu bo: chio'lo:,: eh 'wluh-a 'o ti Nyorsoa no-a 'bluhba,: ka en: ne-a, 'ka-: en: ne 'gboror:. Jorwor: nyor⧾: daa, an 'ye dih 'yi, on: se-' 'bhorn on 'ye deh: daa: gwluhuh' bo: po-dih:,: ka Nyorsoa no-a or-a' wlu, 'de or no-a yao see, 'de or no-eh, 'de 'bluhba 'wluh-a 'de 'ni 'zorn, 'de jorwor: or: no-dih: 'bluhba 'ni. 'De mor 'ni-a' 'jeh: dao', eh-: Nyorsoa no, eh-: 'yi, eh-: mla: tehn 'i-bluhba-a' klehkpeh, 'de or 'kor. Yao-: 'dekorn: 'bluhba-:: a 'ye-a 'zean': naa, or-a' wlu: ne-a: due', mo-: kpon-ih dih: chio'lo:, or 'ye neh no, or 'ye-ih' 'kor-dih:, 'do ti or mu-a nyor⧾: on se-or deh-' 'ye-eh 'nyi, an-a' zabe: zi-dih:, 'de or 'ye-eh' no, on 'ye gbe: zie:. :Yee': a 'bli-nyor⧾-a:, deh: due' a-a' 'ma-dih:-a' bo, eh-: 'dhu. 'Do: Gwlor: baa' bo, 'we-eh: due' gweh zon⧾-a' 'wlu: due', 'de mor zon⧾-a' 'wlu: due' gweh 'we-eh: due' 'do or bo: ke. Or: se-' dhlen 'do wlu or po-a: dhama'-', an-a' no-a' bo,: ka nyor⧾-a no-a eh-a': gwluhuh' dih: na-dih-eh,: eh: mor or dhlen-'. Or: se-' dhlen. Jorwor: or kpon: porluh dih 'do a bo. Deh no-eh, or: se-' 'bhorn, nyor-beh-nyor-beh 'ye gbe: zie:. Or 'bhorn nyor⧾-a' klehkpeh on 'ye an-a' deh⧾-zon⧾ dih 'tali:, 'de on 'ye 'de or bo 'bili:. Jorwor: 'we-eh: or mu-a de: ya, eh mu: ka 'ylii'-nyor yi-a 'de: gweh.: Mor 'we-eh:: dao', eh nyni 'o,: yee' yao-a mu: dhlumeh': doru': po, 'de on 'ye 'ma. Deh⧾-a' klehkpeh: en: ne-a 'de yao: gwlii', en mu: sin. 'De mor 'bluhba-: 'dekorn: deh⧾-a' klehkpeh: en: ne-a dha 'bluhba ken-: en mu 'ma-:. :Yee': ka deh⧾-a' klehkpeh, en mu: ao' gbe: zie-eh: no,: yee' deh 'i-deh-nyor:⧾ a: korn a 'ye 'dhu-eh:: naa-': eh? A: korn a 'ye: vlehehn'-': gweh, 'de mor a: korn a 'ye nyor⧾: an 'nyi-a Nyorsoa deh-' 'ye-eh no, :ka a pobo-a 'de 'we-eh: Nyorsoa-a mu-a nyor⧾-a' zabe: zi, eh-a': gwie 'i, 'de a po-a 'de 'kpih, a 'ye-eh' no, 'de eh 'ye-a' 'dhobo:, eh 'ye-a 'o nyni.: Yee' 'do 'we-eh:: dao' 'di, yao-a mu neh-' 'kpa-:, on 'ye ya: gweh. 'De mor deh⧾-a' klehkpeh: en: ne-a 'o yao: gwlii', neh-a': fuun'-a mu-ih: dlan-dih:. Jorwor:: ka or no-a eh-a' wlu: dhama'-a': po-eh,: yee': a pobo 'de eh-a': gwie 'i,: a 'ye yao:: dele'-: 'dekorn: 'bluhba:: dele'-:: yih 'yi 'sleh-nyor⧾-a mu-a 'di: ne, 'ye. :Yee': a 'bli-nyor⧾-a:, eh-a' dhih,: ka a pobo-a 'de deh: daa, eh-a': gwie 'i,: yee' a vorn, a 'ye 'de 'kpih po, 'de a: sor: ne fan 'bhun, 'de a: ne-' dhih 'bhun: ne, 'de Nyorsoa: ne a 'ye wlu-' dih 'woorn:. A 'ble-dih-eh: gwlii',: ka: a-a': Gwlor: baa'-a': porluh-a' dih: kpon-eh no-a deh,: eh 'nyi-a: a ti,: a 'ye-a' 'puh.: A-a' 'Klae: de-di': Poror' no: toror' Nyorsoa 'nyi-or, 'de or 'chle deh: ne-a: due' a bo: ke. 'Ka-:: Poror' 'da: ke 'de or-a'a: 'chlee-deh⧾-a' klehkpeh 'di, ti or za-a deh⧾: daa, en-' dhih-'. 'De or-a'a: 'chlee-deh⧾ 'di, deh⧾: nee': ne 'de, me-:: kma 'i, nyor⧾ 'ye dih 'woorn:. Deh⧾: dao', me-: nyor⧾: on deh⧾: kpe-dih:-a 'de 'di dih, 'de: an-a' kpon-a 'o deh: due' ken dih, me-: on 'bili:-' dih,: ka on no-a Nyorsoa-a' 'chlee-deh:⧾: nee'-a' wlu-' dih 'bili-eh: ke. Deh⧾: daa, an no-a, me-:: ya 'de an-a' 'jeh-a' gbe: zie-eh. :Yee': a 'bli-nyor⧾-a:, eh-a' dhih,: ka a yubo:-a deh: daa: naa,: yee' a 'dhu a-a' 'jeh: dhororn', 'de 'kulu-nyor:⧾: daa, deh⧾ an no-a: en se-a 'o: gwie 'i: ne, a: ne 'de en 'di 'kpa: ke, a: ne-' a-a' dih: ku-eh dih 'tali:. Jorwor: 'nyi a-a' ku-a' mu 'dlu bo, 'de Nyorsoa-deh 'di, 'de: Yusu' 'Klae: or no-a: a-a': Gwlor: baa'-: 'dekorn:: a-a' 'puh-dih-nyor-: or 'ye: a mla: doru' bo po, 'de or 'ye: a deh-' dih 'worn-eh:: doru' 'nyi.: Yee' 'nyi dhih-a' 'i 'beh-a': korn 'de or bo: naa-: 'dekorn:: ka ti-a mu-a 'dlu-': tehn-:. 'Ka-: eh 'ye: ne. :Eh 'wluh-a 'de eh-a' glu 'dhu 'da, 'do: wor Wlu: or: ya-a: 'de 'kmo: sie:: febeh' or: ne. Wlu: daa,: a 'worn or-a' wlu 'weh, 'de: a-a' 'yli-eh 'ye-or, 'de: a pobo-or ya, 'de: a-a' son⧾ 'tuh-or dih, or-:: korn dhih: a 'chle a bo. 'Kmo: sie:: febeh': daa, eh 'wluh-dih:: a 'i 'weh,: a 'ye-eh', 'de: a zela eh-a' dhih bo dih, 'de: a po eh-a' wele-eh 'de a bo, 'do 'kmo: sie:: febeh': daa: eh: ne-a 'de: a: Baa' Nyorsoa bo, 'de: eh 'wluh-dih:-a: a 'i, eh-a' dhih. :A po wele-eh: 'de a bo, 'do deh: a 'ye-a,: a 'worn-a, eh-a' dhih, 'de a: ne: a mor-:: a 'ye: dha: due': na-dih:,: ka: a no-a: dha: due': na-dih-eh 'do: a: Baa' Nyorsoa-: 'dekorn: or-a' 'Yu: Yusu' 'Klae bo. :A 'chle deh⧾: daa 'weh 'de a bo, eh 'ye: a 'mona-' dih 'yi-dih:. Tubo-wlu:⧾: daa, me-:: a 'worn,: en 'wluh-a 'de: Yusu' 'Klae bo, me-:: a zela a: gwluhuh'. Nyorsoa, or-: 'dhu zorn-pli-',: kule se 'de or 'di: ne klehkpeh klehkpeh. :Mor eh 'dhu: a 'da, or: ne: a na-dih: dha: due', 'de: a 'ye: kule-': na 'gboror:,: yee': a 'tmo sih,: yee': a se dhih-a' 'yor-eh 'kmo: ne-dih:. Jorwor:: mor eh 'dhu: a: taa zorn-pli-' na,: ka or no-a 'de zorn-pli-': ne-eh,: yee': a na-dih: dha: due' 'weh,: yee' or-a' 'Yu: Yusu'-a' nyomor worlor:: a-a' deh⧾-zon⧾-a' klehkpeh 'weh. :Mor eh 'dhu: a 'da,: a se deh⧾-zon⧾-': ne,: yee': a bo-dih: a-a' 'jeh 'weh,: yee' dhih 'jeh se 'de: a 'di: ne. :Mor eh 'dhu: a 'worn-dih:: a-a' deh⧾-zon⧾-a' dhih,: yee' Nyorsoa: or no-a: dhehehn-nyor, 'de: or 'sleh-a 'i, or-: mu: a-a' deh⧾-zon⧾-a' dhih bo 'ma-dih:, 'de or 'ye: a-a' noo-deh⧾-a' klehkpeh: en se-a 'i 'sleh, 'do: gwie 'i po. :Mor eh 'dhu: a 'da,: a: se-' deh-zon no,: yee': a no-eh' or 'ye sih 'tmo-nyor no,: yee' or-a' wlu se: dhe-da 'ble 'de: a-a' 'kmo: ne-eh bo. 'An 'nynuu-a:, 'an 'chle a deh⧾: daa bo, 'de a: ne-' deh-zon no. Jorwor:: mor eh 'dhu a-a' nyor-beh no deh-zon,: a 'ble gwea:: ne-nyor: due': or bale-a: a: Baa' 'do: a-a' dhih bo. Or-: 'dhu: Yusu' 'Klae: or no-a 'yi 'sleh-nyor. Or-: 'dhu Nyorsoa gban 'i 'dhu-dih-deh-', 'do: a-a' deh⧾-zon⧾-a' dhih bo. 'De eh: se: a: due',: a-a' deh⧾-zon⧾-a' dhih, jorwor: 'do: gwlor-nyor⧾-a' klehkpeh yobo' po-a 'de: gle 'gbeheh 'di, an-a' deh⧾-zon⧾-a' dhih bo: oo': ke. :Mor eh 'dhu,: a dhe 'o or-a' 'tele'⧾-a' klehkpeh dih,: yee': a yubo-eh': ka: a yubo-or deh 'jeh. Nyor: or no-a, 'On yubo-or', 'de jorwor:: or se-a 'o or-a' 'tele' dih dhe,: yee' or no sih 'tmo-nyor:,: yee' dhih 'jeh se 'de or 'di: ne. Jorwor:: mor eh 'dhu, nyor-beh dhe 'o or-a' 'tele' dih,: yee' Nyorsoa-a': ybeh-dih-eh: gweh-dih-or-: ken 'weh, deh 'jeh neh. 'Ka-: 'o: a no eh-a' yubo-eh,: ka: a ne-or'. Nyor-beh-nyor-beh:: or no-a or: ne: Yusu'-' 'weh,: yee' 'nyi or-a': na-a' gweh: Yusu'-a': na-a'. :Yee': a 'bli-nyor⧾-a:, 'on: se-' a 'tele': dele' bo 'chle, jorwor: eh-a' 'soa': neh: ne-a: due': chio'lo:, a 'ble-a, 'de: eh 'wluh-a 'de eh-a' glu 'dhu 'da. 'Tele': soa:: dao', eh-:: korn tubo-wlu:⧾ 'o, a 'worn. Jorwor: 'de: ka: noror' 'di, eh no 'tele': dele' 'gboror:, 'an 'chle a bo, 'de or-a' 'kmo: ne-eh-: 'dekorn: a-a' neh-: me-:: to-dih-eh nyor⧾ 'i,: ka 'tele': daa, eh 'dhu-a dhih-a' 'yor-eh-'. Deh no-eh,: kule-a zi-', 'de zorn-pli-a' 'jeh ne-a fan: naa. Nyor-beh:: or no-a or: ne 'de zorn-pli-', 'de jorwor:: or 'nyeh-a or-a' 'de-di'-',: yee' or: ne 'de: kule-' 'gboror:. Nyor-beh:: or: ybeh-a or-a' 'de-di'-',: yee' or: ne-dih: zorn-pli-' 'kmo.: Yee' deh-beh-deh-beh se-or': ne,: eh 'ye-eh' no, 'de or 'ye-a' 'gbele:. Jorwor: nyor-beh:: or 'nyeh-a or-a' 'de-di'-',: yee' or: ne 'de: kule-',: yee' 'de: kule-': oo', 'do: wor or na-dih. Or se: dha or mu-a yubo:. Deh no-eh,: kule: kpe-dih: 'de or 'yli 'weh. 'An 'chle a bo, 'an 'nynuu-a:, deh no-eh, a-a' deh⧾-zon⧾-a' dhih 'ma-dih-eh: bo 'weh, 'do deh 'Klae no-a, eh-a' dhih bo. 'An 'chle a bo, 'on: bai'-a:, deh no-eh, a yubo: nyor: or 'wluh-a 'de 'bluhba-a' glu 'dhu 'da 'weh. 'An 'chle a bo, a: mor 'nynuu:: gbolo'⧾-a:, deh no-eh, a du 'ku-a' tuh 'weh. 'An 'chle a bo, 'an 'nynuu-a:, deh no-eh, a yubo:: a: Baa' Nyorsoa 'weh. 'An 'chle a bo, 'on: bai'-a:, deh no-eh, a yubo: nyor: or 'wluh-a 'de 'bluhba-a' glu 'dhu 'da 'weh. 'An 'chle a bo, a: mor 'nynuu:: gbolo'⧾-a:, deh no-eh, a: kmu-', 'de Nyorsoa-a' wlu: ne-' a-uh, 'de a du 'ku-a' tuh: ke. A-a': ybeh-' 'kmo-', 'de mor a-a': ybeh-' 'kmo bo-deh⧾-'.: Mor eh 'dhu, nyor: ybeh 'kmo-',: yee': a: Baa' Nyorsoa-a' 'mo: ybeh-eh se-or': ne. Deh no-eh, deh⧾-a' klehkpeh: ne-a 'noror 'kmo bo, deh⧾-zon:⧾: gwlor-nyor⧾-a 'bhorn-a-: 'yli-eh-a' 'mo: ybeh-deh⧾-: 'dekorn: deh⧾: korn-a dhih: gwlor-nyor⧾-a 'beh-dih-a an-a' 'jeh 'i-: en: se 'de: a: Baa' Nyorsoa bo 'wluh, jorwor: 'noror 'kmo bo: oo', en 'wluh. 'Kmo-: 'dekorn: deh⧾-a' klehkpeh: gwlor-nyor⧾-a 'bhorn-a 'de on 'di-: en mu dih: gweh, jorwor: nyor: or mu-a Nyorsoa-a' 'ton: korn-deh: no,: yee' or mu 'kmo: ne,: ka ti-a mu-a 'dlu-': tehn. 'An 'nynuu-a:,: de 'bor-dih-ti: 'o, me-:: dhe dih. A 'worn-ih': ka 'yu: or vorn-a 'Klae bo, or mu-a 'de: yi. 'De mor: kana: naa 'Klae-a' bo: vorn-nyor:⧾: dhulu', mo-: 'yle. 'Ka-:: a no eh-a' yubo-eh: ka eh 'dhu-a: de 'bor-dih-ti-' en: dhe-a dih. Nyor⧾: dao', on 'wluh 'noror: a 'klu-' 'weh, jorwor: on se 'noror: a bo: korn deh 'jeh: dhih 'o.: Mor eh 'dhu, on: korn 'noror: a bo: dee',: yee' an mu 'noror: a bo: sie:: dee'. Jorwor: an-a' mu-a': to-dih-eh: a 'i,: ka an-a' nyor-beh-nyor-beh se-a 'noror: a bo: korn. Jorwor: 'Klae: or no-a Gban 'i: ne-nyor, or 'tan a 'weh, 'de a-a' klehkpeh, a yubo: dhih-a' 'yor-eh. Eh: se, a se dhih-a' 'yor-eh yubo:: deh, 'on: se-' a bo 'chle. Jorwor: deh no-eh, a yubo-ih', 'de mor a yubo-eh': ka sih se-a 'de dhih-a' 'yor-eh 'di 'wluh-eh 'beh-dih:. :Or 'dhu sih 'tmo-nyor-': eh? Nyor: or dhobo:-a: eh: mor: Yusu': se Nyorsoa-a' 'taan'-yu:, or-: 'dhu sih 'tmo-nyor-'. Nyor-a' 'jeh: dao', or-: 'dhu 'Klae-a' bo: vorn-nyor-'. Or-a' 'jeh, or: se-': a: Baa' Nyorsoa-: 'dekorn: or-a' 'Yu-: an-a' dhih 'worn-dih:: ke. Nyor-beh:: or dbobo:-a Nyorsoa-a' 'Yu-a' dhih-',: yee' or se 'de: a: Baa' Nyorsoa bo: korn, jorwor: nyor: or 'worn-dih:-a or-a' dhih,: yee' or: korn 'de: a: Baa' Nyorsoa bo 'weh: ke. :Yee' deh⧾ a 'worn-a,: en 'wluh-a 'de eh-a' glu 'dhu 'da, 'nyi en: sie: a-uh'.: Yee': mor eh: ne: ao',: yee' a mu: a: Baa' Nyorsoa-: 'dekorn: or-a' 'Yu-:: sie:: ke. :Yee' 'kmo: sie:: febeh', eh-:: korn wlu or po: dhama'-' 'de: a bo. 'An 'chle a deh⧾: daa bo, 'do nyor⧾: an 'bhorn-a a-a' dih: bo-dih-eh-a' dhih bo. A: mor: mloror', Nyorsoa-a': Zulu-a' 'kpih a 'ble-a,: en 'wluh-a 'de 'Klae bo, en: sie: a-uh' 'weh,: yee' nyor: noror' se: korn or 'ye a deh: neheh': torne:. Deh no-eh, or-a': Zulu-a torne a deh⧾-a' klehkpeh 'weh. 'De mor deh⧾ an torne a-uh, dhih 'jeh: oo', en: se sih.: Yee' 'do eh-a' dha, deh⧾: Zulu:: dao', on: torne: a-uh, a 'ye-a' 'Klae-': sie:, a dhe 'o en-' 'tele' dih. :Kana: naa, 'an 'nynuu-a:.: Glii:, a kpon-or dih: chio'lo:.: Yee': mor or 'yle,: yee': fano-: dhen-: en: se-': a: no i, 'do or ybei' dih: nyna 'da. :Ka a yubo-eh, or 'dhu-a 'yi 'sleh-nyor-',: yee' a yubo-eh': ke,: ka nyor⧾-a' klehkpeh: an no-a deh⧾: en 'sleh-a 'i, on 'dhu-a Nyorsoa-a' 'nynuu-'. A pobo:: ka: a: Baa' Nyorsoa no-a: a-a': ybeh-eh 'gabaa: ee', 'de or 'da-dih-a or-a' 'nynuu: a-uh. 'De mor, 'ka-: eh: ne 'jeh ka. Jorwor:: ka 'kmo se-or yubo:, eh-a' dhih, on se nyor⧾: a 'dhu-eh:-' yubo:: ke. :A 'bli-nyor⧾-a:,: a: mor Nyorsoa-a' 'nynuu: 'o: kana, 'de eh se: a 'i: to-dih-eh kele'a:,: ka: a mu-a: ne. Jorwor:: a yubo-eh',: mor: Yusu' 'yle, or: ne: a mu goor-dih:. Deh no-eh,: a mu-or 'ye-:,: ka or-a' 'jeh 'kpa 'yor-eh: ne-a. Nyor-beh:: or dhe-a deh⧾: daa: gwlii',: yee' or 'dhu or-a' 'jeh: dhororn', or 'ye: vlehehn'-': gweh,: ka 'Klae: ne-a: ke. Nyor-beh:: or no-a deh-zon,: yee' or wa Nyorsoa-a' 'tele' 'weh. Deh no-eh, deh-zon-a' no-a', eh-: 'dhu Nyorsoa-a' 'tele'-a' wa-a'. A-a' 'jeh 'yor-eh yubo-eh',: ka: Yusu' yi-a: a-a' deh⧾-zon⧾-a' dhih: jla 'da, 'de or-a' 'jeh se-a deh-zon-': ne. :Yee' eh se nyor: korn: or 'ye-or': ne, 'de: or 'ye-a deh-zon:: no-eh 'dlu bo kpa. Jorwor: nyor: or mu-a deh⧾-zon⧾-a' no-a' 'dlu bo: kpa,: yee' or 'see-or 'ye, 'de mor or 'see-or yubo. 'An 'nynuu-a:, a-a' 'worn-:-' nyor-a': bo-dih:-' a dih, 'de or-a': za 'o a: gwie 'i. Nyor: or no-a deh⧾: en 'sleh-a 'i,: yee' or-: 'yi 'sleh-nyor:: ka: Yusu': ne-a. Nyor-beh:: or no-a deh⧾-zon⧾,: yee' or: korn 'de 'ku bo. Deh no-eh, 'ku no deh-zon:: eh 'wluh-a 'de eh-a' glu 'dhu 'da. Deh: korn-a dhih, Nyorsoa-a' 'Yu yi-a 'de, eh-: 'dhu, or 'ye 'ku-a': koan 'kor-dih:. Nyor-beh:: or 'dhu-a Nyorsoa-a' 'yu-', or-a' kpa deh⧾-zon⧾-a' no-a' 'dlu bo. Deh no-eh, Nyorsoa-a' 'yor-eh-a' kplen, me-: ne-or'. Or se 'beh-dih: or 'ye deh-zon:: no-eh 'dlu bo kpa. Deh no-eh, or-: Nyorsoa-a' 'yu: oo'. :Yee': ka: a mu-a Nyorsoa-a' 'nynuu-: 'dekorn: 'ku-a' 'nynuu-: an-a' bo dih zela-eh: no, eh-:: dhe dih. Nyor: or se-a deh⧾: en 'sleh-a 'i no,: yee' or: se Nyorsoa-a' 'yu. 'De mor nyor-a' 'jeh,: or se-a or-a' 'de-di'-': ybeh,: yee' or: se Nyorsoa-a' 'yu: ke. :Yee' tubo-wlu:⧾ a 'worn-a: chio'lo:,: en 'wluh-a 'de eh-a' glu 'dhu 'da, me-: 'o: en: dhe dih. A: ybeh-dih:. A-a': gweh-' 'Kein: or: korn-a 'de 'ku bo, 'de: or 'dba-a or-a' dei' 'Ebo.: Eh: korn dhih or 'dba or-a' dei'-a' 'jeh: eh? Dhih or 'dba-or, me-: 'dhu, or-a' 'jeh-a' noo-deh⧾ no 'kulu-deh:⧾, 'de or-a' dei'-a' noo-deh⧾ no 'yi 'sleh-deh⧾. Eh-a' 'ma-dih:-' 'de a 'di dih, 'an 'Klae: de-di'-boi'-a:,: mor 'kmo 'nyeh a-uh'. :A yubo-eh',: ka: a 'wluh-a 'o 'meh-a' 'kpih 'zorn, 'de: a 'dhu-a 'kmo: ne-eh glu: naa. Deh no-eh,: a: ybeh: a-a' 'de-di'-boi' 'weh. Nyor-beh:: or se-a: ybeh-eh 'ble,: yee' or: sie: 'o 'meh-a' 'kpih 'zorn 'weh. Nyor-beh:: or 'nyeh-a or-a' 'de-di'-',: yee' or-:: nyor⧾ 'dba-nyor: 'o. 'De a yubo-eh,: ka: nyor⧾ 'dba-nyor se-a 'kmo: sie:: febeh' 'ble. :Ka: a no-a deh: ybeh-dih-eh 'dhu-eh:-' eh-a' yubo-eh, eh-: 'dhu,: Yusu' 'Klae: za or-a': febeh' 'kwla, or 'ye 'meh, 'do: a-a' dhih bo.: Yee': a: korn: a 'ye: a-a': febeh' 'kwla: za, 'do: a-a' 'de-di'-boi'-a' dhih bo: ke. :Mor eh 'dhu nyor 'ble: kororn-deh:⧾: dhulu', 'de or 'ye or-a' 'de-di': or: korn-a son se-a 'o nyni, 'ye, 'de or 'ye: ao' or se or-a': wehlih 'ye,: yee': kaa Nyorsoa-a': ybeh-eh no or-a': ne-a': eh? 'An 'nynuu-a:,: a-a': ybeh-dih-eh 'bor 'o: a worn 'i: ne-eh 'suh. Jorwor: 'nyi: a-a' noo-deh⧾: to-dih-eh nyor⧾ 'i,: ka: a 'ble-a: ybeh-dih-eh: 'jeh. :Yee': mor: a no: ao',: yee': a yubo-eh',: ka dhih 'jeh: ne-a 'de: a 'di. 'De mor: yee' 'ka-:: a no eh-a': gwlii': dhe-eh,: ka: fano: se-a': a: no i, 'do or ybei'. :Mor: a-a': porluh⧾: kpon-dih:: a zabe,: fano-a': no-': a-uh, deh no-eh, Nyorsoa-a': wehlih 'beh-: 'i, en: zi 'o: a-a': porluh⧾-', 'de mor or yubo: deh⧾-a' klehkpeh: en: ne-a 'o: a-a': porluh⧾ ken 'weh. :A 'bli-nyor⧾-a:,: mor: a-a': porluh⧾ se: a zabe: kpon-dih:,: yee': a: ku-': gwluhuh' 'do Nyorsoa ybei'. 'De mor deh-beh:: a mu-or dih dhele:,: a mu-eh 'ye-:. Deh no-eh,: a dhe 'o or-a' 'tele'-: dih, 'de: a no or-a': porluh-a' 'ton: korn-deh. 'Tele' or 'nyi-a: a-uh, eh-: 'dhu. A 'nyi: a po or-a' 'Yu: Yusu' 'Klae-a' dhih dhih 'jeh-'.: Yee': a: ybeh-dih:: ka: Yusu' no-a: a-a' 'tele'-a' 'nyi-a'. Nyor-beh:: or dhe-a 'o Nyorsoa-a' 'tele' dih,: yee' or: ne-Nyorsoa-' 'weh, 'de Nyorsoa ne-or': ke. Or-a': Zulu:, mo-: no-eh, 'de: a yubo-eh,: ka Nyorsoa: ne: a-uh'. :Yee': a 'bli-nyor⧾-a:, nyor⧾-a' klehkpeh: on no-a: on 'ye Nyorsoa-a': Zulu:, a-a': po-uh' dhih 'jeh-' kele'a:. Jorwor: a 'dhen-uh,: eh beh: zulu:⧾: dao' on 'ye-a, en 'wluh 'de Nyorsoa bo deh 'jeh: eh? Deh no-eh, sih 'tmo: wele-eh:: po-nyor:⧾: dhulu'-a na 'bluhba⧾ bo: naa. Mo-:: an mu deh⧾-a' klehkpeh-' dih. :Yee': ka a mu-a Nyorsoa-a': Zulu-a' 'yi yubo-eh: no, eh-:: dhe dih. Nyor-beh:: or mu-eh 'worn-dih:: ka: Yusu' 'Klae yi-a 'de, 'de: gwlor-nyor-a' nyior-tu 'di,: yee': Zulu:: dao' or 'ble-a, on 'wluh 'de Nyorsoa bo. Jorwor: nyor-beh:: or mu-a: Yusu'-a' dhih-' dhobo:,: yee': zulu:: dao' or 'ble-a, on: se 'de Nyorsoa bo 'wluh, on 'wluh 'de 'Klae-a' bo: vorn-nyor bo,: yor: korn-a dhih a 'worn-a: dee',: or mu-a 'de: yi, 'de: or: ne-a dha 'bluhba ken: naa. 'An 'nynuu-a:, a: mor: mloror', a: korn 'de Nyorsoa bo, 'de a du sih 'tmo: wele-eh:: po-nyor:⧾: dao', an-a' tuh 'weh. Deh no-eh, Nyorsoa-a': Zulu:: on: ne-a a-uh', on 'ble 'kpih 'gabaa, on: zi 'o 'ku: on: ne-a dha 'kmo bo-' 'weh. Nyor⧾: daa, on: korn 'noror 'kmo bo. Eh-a' dhih, an za-' dhih: en 'ye-a' 'kmo bo-nyor⧾-a': porluh⧾ dih 'pehn-dih:. 'De 'kmo bo-nyor⧾-a to-uh: dou'⧾ bo. Jorwor:: a: mor: mloror',: a: korn 'de Nyorsoa bo. Nyor: or yubo:-a Nyorsoa,: yee' or to: a: dou'⧾ bo. Jorwor: nyor: or se-a 'de Nyorsoa bo: korn, or-a': to: a: dou'⧾ bo. 'Ka-:: a no: Zulu:: an za-a dhih 'jeh-: 'dekorn: sih: zulu-: en-' bo dih yubo-eh. :A 'bli-nyor⧾-a:, a 'nyi: a: ybeh-dih:. Deh no-eh,: ybeh-dih-eh 'wluh 'de Nyorsoa bo.: Yee': mor: a: ybeh-dih:,: yee': a: mor Nyorsoa-a' 'nynuu: 'o, 'de mor: a yubo-or deh 'jeh. :Mor eh 'dhu,: a se: ybeh-dih:,: yee': a se Nyorsoa yubo: deh 'jeh. Deh no-eh, 'de Nyorsoa bo, 'do: wor: ybeh-dih-eh-a' klehkpeh 'wluh. :Yee': ka Nyorsoa no-a or-a' nyor⧾-a': ybeh-eh,: a-a' 'yi: to-dih-eh, eh-:: dhe dih. Or dbo or-a' 'Yu: due' gbai 'noror yao 'zorn, 'de: a 'ye 'kmo: sie:: febeh',: eh: yi-dih:-or-' 'ye. :Yee': ybeh-dih-eh: wor: dhe dih. Eh: se: a: mor: ybeh Nyorsoa-': deh. Jorwor: or-:: ybeh: a-uh', 'de or dbo or-a' 'Yu, or 'ye or-a' gban 'i 'dhu-dih-deh no, 'do: a-a' deh⧾-zon⧾-a' dhih bo. :A 'bli-nyor⧾-a:,: ka Nyorsoa no: ao': a-a': ybeh-a',: yee': a: korn: a 'ye: ybeh-dih:: ke. Nyor 'se 'ba Nyorsoa 'ye: zai'. Jorwor:: mor eh 'dhu: a: ybeh-dih:,: yee' Nyorsoa: ne: a-uh' 'weh,: yee' or-a': ybeh-dih-eh: gweh-dih:: a-uh' 'weh. Nyorsoa 'nyi or-a': Zulu: a 'weh. Eh-: no-eh, 'de: a yubo-eh,: ka: a ne-or', 'de or: ne: a-uh'. :A 'ye-eh', 'de: a zela eh-a' dhih bo,: ka: a: Baa' Nyorsoa dbo-a or-a'a: 'Yu or 'ye-a': gwlor-nyor⧾-a' klehkpeh-a' 'puh-dih-nyor no. Nyor-beh:: or 'worn-dih-eh,: ka: Yusu' 'dhu-a Nyorsoa-a' 'Yu-',: yee' Nyorsoa ne-or' 'weh, 'de or: ne-Nyorsoa-': ke. :Yee': a yubo-eh', 'de: a po-ih dhih 'jeh-',: ka Nyorsoa: ybeh: a-uh' deh 'jeh. 'De Nyorsoa bo, 'do: wor: ybeh-dih-eh-a' klehkpeh 'wluh.: Yee' nyor: or: ne-dih:-a: ybeh-dih-eh-a' 'kmo,: yee' or: ne-' Nyorsoa, 'de Nyorsoa ne-or': ke. :Mor: a no: ao',: yee': ybeh-dih-eh: gweh-dih:: a-uh' 'weh. Eh-: mu-eh: no, 'de: a 'ye: gwluhuh': ku-eh 'ble, 'do Nyorsoa-a' zabe:: zi-we-eh bo. Deh no-eh,: ka 'Klae: ne-a, 'ka-:: a: ne: ke, dha 'kmo bo. :Ybeh-dih-eh se: fano 'ble. 'De mor: ybeh-dih-eh: 'jeh neh no: fano-: dih. Jorwor: 'kle 'ye-eh-a' 'dlu: po-eh-a' ple-a', eh-: ya 'de: fano. 'Do eh-a' dha, nyor: yor: or ple-a: fano,: yee' or 'see: ybeh-dih-eh: 'jeh neh-' ne. :A: ybeh-dih:-', deh no-eh, Nyorsoa, or-: no: zai'-nyor, or-:: ybeh: a-uh'. :Mor eh 'dhu nyor 'da, or: ybeh Nyorsoa-' 'weh, 'de or 'ye or-a' 'de-di'-' 'nyeh,: yee' or-: sih 'tmo-nyor: 'o. Deh no-eh,: mor eh 'dhu, or se or-a' 'de-di', or 'ye-a-',: ybeh,: yee' or se 'beh-dih: or 'ye Nyorsoa, or 'see-a 'ye-': ybeh. :Yee' 'tele': a: za-a 'de Nyorsoa bo, eh-:: dhe dih. Nyor-beh:: or: ybeh-a Nyorsoa-', or: korn or 'ye or-a' 'de-di'-': ybeh: ke. :Yee' nyor⧾-a' klehkpeh: on po-ih-a dhih 'jeh-',: ka: Yusu' 'dhu-a Nyorsoa-a' 'taan'-yu-',: yee' mo-: Nyorsoa-a' 'nynuu: 'o. 'De nyor⧾-a' klehkpeh: on: ybeh-a 'yu: baa'-',: yee' on: ybeh 'yu-a' 'jeh 'yor-eh-' 'weh: ke. Nyorsoa-a': ybeh-eh-: 'dekorn: or-a' 'tele' dih: dhe-eh-: eh-: no-eh, 'de: a yubo-eh: ka: a: ybeh-a or-a' 'nynuu-'. Nyorsoa-a': ybeh-eh: wor 'dhu, or-a' 'tele' dih: dhe-eh-'. 'De mor or-a' 'tele' se kwa: ku. Deh no-eh, nyor-beh:: or 'dhu-a Nyorsoa-a' 'yu-',: yee' or du 'kmo-a' tuh 'weh. 'De: a-a' 'kmo-a' tuh-a' du-a': wor 'dhu,: a-a' dhih 'jeh-': po-eh-'. :Or 'beh-dih: 'kmo-a' tuh-a' du-a': eh? Nyor: or po-ih-a dhih 'jeh-',: ka: Yusu' 'dhu-a Nyorsoa-a' 'Yu-', or-a' 'jeh: dao' 'klein', or-: 'beh-dih: eh-a' no-a'. :Yee': Yusu' 'Klae: oo', or-: 'yle,: or: yi-dih: 'de 'ni 'dlu: po-eh-: 'dekorn: or-a' nyomor or 'wla-a dih ti or 'meh-a-: 'di. Eh: se 'ni: due', or: se 'de 'di: yi-dih:. Jorwor: 'ni-: 'dekorn: nyomor-: me-:: korn 'de 'di, or: yi-dih:.: Yee' Nyorsoa-a': Zulu:, mo-: zela-eh ken dih,: ka eh 'dhu-a dhih 'jeh-'. Deh no-eh, Nyorsoa-a': Zulu:: dao', an za-' dhih-a' 'yor-eh:. :Yee' deh⧾ taan: daa, me-: zela-eh ken dih. Nyorsoa-a': Zulu-: 'ni-: 'dekorn: nyomor-: en-' klehkpeh: ne-a taan, en-' ken dih 'worn-dih-deh no deh: due'. :Mor eh 'dhu: a: taa deh⧾: gwlor-nyor⧾-a zela-a ken dih, dhih 'jeh-' po,: yee' dha Nyorsoa-a': neh 'kawehn:: daa, eh mu: na-dih:: eh,: eh kor-a or-a' 'Yu 'i? :Yee' nyor-beh:: or po-a Nyorsoa-a' 'Yu-a' dhih dhih 'jeh-',: yee' or 'ble deh⧾: daa Nyorsoa zela:-a ken dih 'weh, 'do or: porluh ken. Jorwor: nyor-beh:: or se-a or-a' dhih dhih 'jeh-' po,: yee' or no-eh', Nyorsoa 'ye sih 'tmo-nyor no. Deh no-eh, or: se-' dhih: daa Nyorsoa zela:-a ken dih,: en kor-a or-a' 'Yu 'i, dhih 'jeh-' po. :Yee' dhih ken dih zela-eh: Nyorsoa 'nyi-a: a-uh, eh-:: dhe dih. Nyorsoa 'nyi: a 'kmo: sie:: febeh'. 'De: febeh': daa, eh 'wluh 'de or-a' 'Yu bo. Nyor-beh:: or: ne-a or-a' 'Yu-',: yee' or 'ble: febeh': daa 'weh. Nyor-beh:: or se-a or-a' 'Yu-': ne,: yee' or se: febeh': daa 'ble. 'An 'chle a deh⧾: daa bo, 'de a 'ye-eh' yubo:: ka a 'ble-a 'kmo: sie:: febeh', a: mor: or po-a Nyorsoa-a' 'Yu-a' 'nyne-a' dhih dhih 'jeh-'. Deh: eh: ku-dih:-a: a: gwluhuh' 'do Nyorsoa ybei', eh-:: dhe dih.: Mor eh 'dhu: a dhele-or deh-a' dhih dih, 'de eh 'ye or-a' 'ton: korn-deh-' 'dhu-eh:,: yee' or 'worn: a-a' wlu 'weh. :Mor: a yubo-eh,: ka or 'worn-a: a-a' bale-wlu,: yee': a yubo-eh': ke,: ka deh⧾-a' klehkpeh: a dhele-or dih,: a mu-ih-a 'ye-:. :Yee' nyor-beh:: or mu-a or-a' 'de-di' 'ye-:, or 'ye-a' deh-zon-a': yeh, Nyorsoa-a 'ma-dih-a bo no,: yee' or bale: Nyorsoa, or-a' dhih, or mu-or 'kmo: sie:: febeh' 'nyi-:.: Yuh: on: korn-a deh⧾-zon⧾-a' dhih Nyorsoa-a mu-a bo 'ma-dih:, mo-:: korn dhih 'an za-a-'. Deh⧾-zon:⧾: nee', me-:: korn dhih, Nyorsoa-a' 'ma-dih: bo. 'On: se-': ao' deh⧾-zon:⧾: dao', me-:: korn dhih, a 'ye Nyorsoa bale:: deh. Nyor⧾-a' klehkpeh: an no-a deh⧾: en se-a 'i 'sleh, an no deh⧾-zon:⧾. Jorwor: eh: se deh⧾-zon⧾-a' klehkpeh nyor⧾-a no-a, me-:: korn dhih Nyorsoa: se-' bo 'ma-dih: i: deh. :A yubo-eh',: ka nyor: or 'dhu-a Nyorsoa-a' 'yu-', or-a' kpa-a deh⧾-zon:⧾: no-eh 'dlu bo. Deh no-eh, Nyorsoa-a' 'Yu: Yusu'-a 'dhu-or 'yli-eh bo, 'de 'ku-a': no-dih-or deh-'. :A yubo-eh',: ka: a: korn-a 'de Nyorsoa bo, 'de dha 'bluhba ken-a' klehkpeh: ne-a 'o 'ku-a' 'kpih 'zorn. 'De: a yubo-eh: ke,: ka Nyorsoa-a' 'Yu yi-a 'de, 'de or 'nyi-a: a deh-' dih 'worn-eh,: a 'ye-a Nyorsoa 'jeh nor yubo:.: A: ne-' Nyorsoa 'jeh: nor. Keen',: a: ne 'de or-a' 'Yu: Yusu' 'Klae-',: or 'dhu-a Nyorsoa 'jeh nor-',: or 'nyi-a: a 'kmo: sie:: febeh'. 'An 'nynuu-a:, a: tehn-dih: a-a' 'jeh zuu⧾ bo dih. 'Mor: or 'dhu-a 'chore-a' nyor: klaba'-', 'mor 'ye: on, 'on-de:,: mor Nyorsoa gan-a, mor-: 'dekorn:: an-a'a: 'nynuu-: a: mor 'on: ybeh-a, deh 'jeh neh. 'De eh se 'on: due', jorwor: nyor⧾-a' klehkpeh: on yubo:-a dhih-a' 'yor-eh, on: ybeh a-uh' 'weh: ke. Deh no-eh, dhih 'jeh: ne: a-uh' 'weh, 'de en mu: a-uh': ne,: ka ti-a mu-a 'dlu-': tehn. Mla-:: wehlih:: korn-eh-: 'dekorn: wlu-' dih 'worn-eh-:: en 'wluh-a 'de: a: Baa' Nyorsoa-: 'dekorn:: Yusu' 'Klae: or 'dhu-a: a: Baa' Nyorsoa-a' 'Yu-: bo, me-: mu 'o: a-a' klehkpeh bo: ne deh 'jeh neh, 'de: ybeh-dih: ka 'di. :Yee' eh po 'on-' 'mona: 'gabaa, 'de 'on 'ye: an-a'a: 'nynuu-a': noo': noo' 'ye, on 'ye 'o dhih-a' 'yor-eh-a': gwie 'i: ne,: ka: a: Baa' Nyorsoa no-a eh-a' 'tele': a-a' 'nyi-a'. :Yee' 'on-de:, eh: se 'tele': dele', 'on: se-': on bo 'chle. Jorwor: eh-:: ne-a: due',: a 'ble-a: chio'lo:,: eh 'wluh-a 'de eh-a' glu 'dhu 'da, eh-: 'o. 'An bale: on 'weh,: a: ybeh-dih:. :Yee': ybeh-dih-eh: wor 'dhu.: A: dhe 'o or-a' 'tele' dih.: Yee': ka a no-a eh-a' 'worn-a',: eh 'wluh-a 'de eh-a' glu 'dhu 'da, or-a' 'tele': wor 'dhu, a: ne-dih:: ybeh-dih-eh-a' 'kmo. :Yee' nyor⧾ dih: bo-dih-nyor:⧾: dhulu'-a na 'bluhba bo: naa. Mo-:: an mu deh⧾-a' klehkpeh-' dih. Nyor⧾: on se-eh 'worn-dih:,: ka: Yusu' 'Klae yi-a 'de, 'de: gwlor-nyor-a' nyior-tu 'di,: yee' nyor⧾-a' 'jeh: dao', mo-: 'dhu nyor⧾ dih: bo-dih-nyor⧾-', mo-: 'dhu 'Klae-a' bo: vorn-nyor⧾-'. A 'dhu a-a' 'jeh: dhororn', 'de deh: korn: koan: a no-a, eh: ne-' 'ma, 'de jorwor: a-a'a: geli': za-dih-deh 'ye 'kwla: gweh. Nyor-beh:: or 'kpa-' ple-a' ybei', 'de: or se-a 'Klae-a' nyor⧾ deh: torne-eh: on: torne-or, 'dlu bo kpa,: yee' or se Nyorsoa-': ne. Jorwor: nyor-beh:: or mu-a deh⧾: dao' on: torne-or, 'dlu bo: kpa,: yee' or: ne: a: Baa' Nyorsoa-'-: 'dekorn: or-a' 'Yu-'-: 'weh. :Mor eh 'dhu, nyor-beh yi 'o a bo, 'de or 'ye: ao', or se 'de deh: torne-eh:: daa: ya,: yee' a-a': kpon-or' dih 'de a 'bli 'gbu. 'De mor a-a': gble-dih:-or' 'jeh. Nyor: or mu-or': gble-dih:,: yee' or 'ble 'for 'de or-a': koan-zon:: dao' 'di. :Yee' 'on 'ble deh⧾: dhulu', 'on 'ye a: gwluhuh' zela:. Jorwor: 'on: se-' 'bhorn 'on 'ye-ih' a bo 'chle. Jorwor: 'on dhe-eh-:: gwlii', 'an 'jeh 'yor-eh 'ye 'de a bo yi, 'de: a 'ye ybei' dih dhele:,: a 'ye: manua bla, 'de: a 'ye 'mona-' dih 'yi-dih:. :An-a' 'de-di'-nynor-kpao' Nyorsoa gan-a, or-a'a: 'nynuu 'da, mo-: 'ye: on. 'Mor: or 'dhu-a 'chore-a' nyor: klaba'-', 'mor 'ye: on, 'an: dhih: kma-nyor: 'Geyeh:,: mor 'on: ybeh-a deh 'jeh neh. 'An: dhih: kma-nyor:, 'an dhele Nyorsoa-: dih: chio'lo:, 'de deh⧾-a' klehkpeh 'ye 'yi dih: nmor 'do: on bo.: Yee': ka: on no-a dih ku-a' 'de Nyorsoa-deh 'di, 'de: an-a' yau 'ye: ao' 'sa 'sa: ne-eh no: ke. 'On 'kpa-' 'mona: 'gabaa, ti: a-a'a: 'Klae: de-di'-boi': noo' 'wluh-a 'de: on bo, 'de on: ya-a: 'de: an-a' 'nyne 'jeh ne,: ka: an no-a 'de 'kpih: po-eh 'do dhih-a' 'yor-eh:: en kor-a Nyorsoa 'i, en-' dhih bo-: 'dekorn:: ka: an no-a en-' 'dlu bo: kpa-eh-:. Eh se deh: korn,: eh 'ye-a 'on 'mona-' po,: eh 'ye-a 'an-a: 'nynuu-a' dhih-a' 'yor-eh-a' 'dlu bo: kpa-eh-a' dhih, 'on 'worn-a-': zi. :Yee' 'an: dhih: kma-nyor:,: on no: dhehehn-nyor:, 'do: koan:: an no-a 'do: an-a' 'Klae: de-di'-boi' bo, or-a' dhih, keen': mloror', on no 'duhba:⧾.: On se-uh yubo:. :Yee' nyor⧾: dao',: on 'wluh-a 'de: on bo, on 'tmo: an-a' nyor⧾-': ybeh-eh-a' dhih 'weh, 'do 'chore-nyor⧾ ybei', dha: a bo. Eh mu 'yi dih: nmor,: on 'ye-uh' son bo po, on 'ye: gwie 'i 'kpa: neheh', 'de Nyorsoa-a': porluh-a' dih 'pehn ka 'di. Deh no-eh,: gwie:: daa on: ne-a 'i, on 'kpa-eh-: 'i,: Yusu'-a' 'nyne-a' deh⧾-' dih: kpa-eh-a' dhih, 'de mor an-a' 'worn, an-a' kpon deh dih, 'de se Nyorsoa yubo-nyor⧾ 'kwa. 'Do eh-a' dha,: a: mor no-a Nyorsoa-nyor⧾,: a: mor: korn: or 'ye eh: bo-nyor:⧾: dao': za-dih:, 'de: a 'ye: koan: dha: due': no-dih-nyor⧾-' 'dhu-eh:, 'do dhih-a' 'yor-eh:: en kor-a Nyorsoa 'i, en-' dhih bo. 'On 'chle 'chore 'chlee-deh bo. Jorwor:: Dayo'tifa:: or zlo-dih-a or-a' 'jeh nyor: klaba' 'de 'chore-', or-:: se-' deh 'an za-a-': dou'⧾ bo: to. :Yee': mor 'on 'yle, 'an mu deh⧾-a' klehkpeh or no-a 'blo: za, deh⧾: sano:⧾ or za-dih-a: a 'bhun dih-: 'dekorn: sih or 'tmo-dih:-a: a dih-:. 'De mor or: se 'o: sie-dih:. Or-a' 'jeh 'bor 'Klae: de-di'-boi'-a': gwie 'i: za-eh 'weh. 'De or po nyor⧾: an 'bhorn-a an-a': gwie 'i: za-eh, 'borboa' 'i. 'De or po-uh 'zorn, or za-uh 'de 'chore. 'An: dhih: kma-nyor:,: an-a': zi 'o deh⧾-zon:⧾ nyor⧾-a no-a klei'. Jorwor: deh⧾ 'jeh: ne, me-:: on 'ye 'o klei' zi. Nyor-beh:: or no-a deh⧾ 'jeh,: yee' or: korn 'de Nyorsoa bo. Nyor-beh:: or no-a deh⧾-zon⧾,: yee' or 'see Nyorsoa 'ye. Nyor⧾-a' klehkpeh, an 'tmo: Dimi'tlor-a' 'nyne 'jeh. 'De or-a' kplen 'jeh or no-a, me-: po or-a' kuna' 'jeh. 'De: a 'tmo or-a' 'nyne 'jeh: ke. 'De mor: on yubo-eh',: ka deh: a za-a-', eh no-a dhih-a' 'yor-eh. :Yee' 'on 'ble deh⧾: dhulu', 'on 'ye: on: gwluhuh' zela:. Jorwor: 'on: se-' 'bhorn, 'on 'ye-ih': on bo 'chle. Jorwor: 'on dhe-eh-:: gwlii', 'on: se 'o: gwle i, 'on 'ye: on 'ye, 'de: a 'ye ybei' dih dhele:,: a 'ye: manua bla. :Porluh-a' dih 'pehn-eh: 'do: on bo.: On 'bei': ne-a 'noror, on 'da, mo-: 'ye: on. 'Mor 'ye 'on 'bei'-a' klehkpeh o. 'Da an-a' 'nyne-a': due': due' o. 'Mor Juu': or 'dhu-a: Yusu' 'Klae-a' 'bhoi-yu-', 'de: or 'dhu-a 'Jeen-a' dei'-', 'mor 'ye a-uh, a: mor: a: Baa' Nyorsoa: ybeh-a-', 'de or gan-a, 'de: Yusu' 'Klae-a pobo-a 'o bo dih. 'Nyi Nyorsoa-a': wehlih:: korn-eh-: wlu-' dih 'worn-eh-: 'dekorn:: ybeh-eh-: en 'kpuhba: ken dih 'do a bo. :Yee': a 'bli-nyor⧾-a:, 'an: porluh-a sin-': dee', 'on 'ye-a 'Klae-a' deh: a-a' klehkpeh,: a po-a dhih 'jeh-', eh-a' dhih a bo 'chle. Jorwor:: kana: naa, 'an: porluh-a zela 'on: gwluhuh' 'on 'ye a bo 'chle, 'de eh 'ye 'de a-a' 'kpih po, a 'ye a-a' 'Klae-a' dhih 'jeh-': po-eh: or 'nyi-a or-a' nyor⧾ kpor: due' 'klein', a 'ye vorn, a 'ye eh-a' dhih ken dih zela: deh 'jeh. Deh no-eh, nyor⧾ 'plo⧾ mo-: 'kpa 'noror: a 'nyne-': wleh, eh-:: a se 'i yubo:. Nyorsoa-a' 'chlee-deh sie ti de, 'de eh za-ih': ka nyor⧾: daa: on se-a Nyorsoa deh-' 'ye-eh 'nyi, or mu-uh-a 'kle 'ye-eh: 'dlu: po. On 'da Nyorsoa ybeh-uh' 'weh. Eh-a' dhih,: mor on 'kpa 'pebe' 'i, or: se-uh' 'kle 'ye-eh 'dlu: po i. An-a' 'jeh: dao', mo-:: se-eh' 'worn-dih:: ka: Yusu' 'Klae 'dhu-a: a-a' Nyor: Klaba'-: 'dekorn:: Gwlor: baa'-:. 'An 'bhorn 'on 'ye a deh-beh: gwluhuh' bo: po-dih:: yeh a yubo:-a see.: Gwlor: baa': or: za-a 'o 'Ezlea-nyor⧾ 'do 'Iye-nyor⧾-a' 'kpih 'zorn, or-: no-eh, 'de nyor⧾-a' 'jeh: dao', an-a' nyor⧾: yuh: on se-a or-a' dhih dhih 'jeh-' po, 'de or: zie-dih-uh gbe. :Yee' 'enjor-nyor:⧾: ke, 'kpih Nyorsoa 'nyi-uh-a ti on se-ih-a: dhororn' 'dhu, 'de on: mu-dih:-a: dha: noror', 'de on 'ye-a: dha or 'nyi-uh-a dih 'tali:. Eh-: no-eh, 'de or po-uh 'kmo: sie:: gbolo-eh buh-', 'de or po-uh 'de: kule-': ke, 'do: dha or dhe-uh-a dih 'de 'we-eh:: klaba' or mu-a an-a' zabe 'i: chehn, eh 'ye-a' 'o nyni. :Yee' 'de: ka: ne-a: due' 'di: ke, nyor⧾: on: ne-a 'Salor-:: Gormor'la-: 'dekorn:: gwlor⧾: eh 'koan'-dih-uh-a dih-: on 'kpa 'de 'tmeor:⧾: korn-eh 'di. 'De on 'tali: kplen on: korn on 'ye-a' no 'do an-a'a: 'nynor⧾ bo-: dih: ke, 'de an no gu-kplen.: Gwlor⧾: dao'-: 'dekorn: nyor⧾: on: ne-a 'de en 'di-: neh: eh: se-a 'moo'-neh:: ka ti-a mu-a 'dlu-': tehn, eh-: sin-dih an-a' klehkpeh. 'Kle 'ye-eh:: daa: eh: po-eh: 'o on 'dlu, eh-: no 'yi: to-dih-deh 'do nyor⧾-a' klehkpeh bo. Eh-: nyor⧾: daa, an no: ke. An ya sih-ya:⧾: en no-eh, 'de an no-a dhen-deh⧾ 'do an-a' 'jeh-a' yau 'bhun. An po Nyorsoa-a' nyor⧾ wlu 'ken: korn-eh-: dih, 'de an 'jle-dih or-a' dhih-a' 'i 'beh-enjor-nyor:⧾: on: ne-a 'de yai'. 'De mor 'enjor:: klaba', an 'da-dih-a Makor', or: se-' deh: daa no-a' 'jeh. Ti or: ne 'ku 'ye-a: Mose'-a' 'ku ken dih: vorn-dih:, 'do nyor: or mu-uh-a: kpa deh bo, or: se-': gwluhuh': ku, or: se-' 'ku-a' zabe 'i chehn, 'de mor or: se-uh' 'jle-dih:. Deh: due' or no-a, eh-: 'dhu or 'da, 'Nyi: Gwlor: baa' po: on 'kle 'ye-eh 'dlu. Jorwor: nyor⧾: daa on 'ble 'jlei: 'de on 'worn, 'do deh⧾ on se-a 'i yubo: bo. 'De an-a' deh-' dih 'worn-eh gweh: ka nimi⧾: or se-a: toror': korn, 'de deh⧾ en no-a, en se-ih-a yubo:. Deh⧾-a' 'jeh: daa, me-: mu-eh: no, 'de on 'ye gbe: zie:. 'Chlo 'do on bo.: Gwie: 'Kein kpa-a, eh-: an kpa. On 'dhu 'wlii-dhih 'de on 'kpa 'de 'yi zi-deh:: eh 'Benor zi-a 'i 'di: ke.: Ka 'Kola no-a, 'de or: bla-dih:-a: Mose' worn, eh-:: korn 'be an no: ke. An mu gbe: zie:: ka or no-a gbe: zie-eh. Nyor⧾-a' 'jeh: dao', on: ne-' 'dli, 'do a-a' son⧾ ybei' kpuhba: 'da. On se dhen ybei': ne, 'do mor, 'do deh-zon:: no 'da. An zi on: due'-a' dhih. On gweh 'ni-kpan:⧾: pobor'-a gboba-' dih 'de yai', 'de 'ni-a' 'worn eh-a' dba-a'. On gweh tu: an-a': tlo-a' 'buo', eh-a': yeh 'dhu ti on: korn on 'ye-a': tlo-dih:. On 'tlun-dih-eh: buh⧾ dih, 'de on 'meh klehkpeh klehkpeh. On gweh yobo'-a' nyor-kpalu-duh:⧾: en ya-a 'o en-': feon-zon:⧾: en no-a dhen-deh⧾ 'do 'kpuhba' 'i. On gweh 'chuh: dhlaen:: en-': dhe-a': dha: due' dih, 'de: en 'dhan-a 'o: gwie 'i dih. Nyorsoa dhe: kule: 'kawehn dih 'do nyor⧾: dao' bo,: ka ti-a mu-a 'dlu-': tehn. :Yee' 'Inor:: or no-a 'Adan-a' 'nynuu-a' 'nynuu-a' kpor⧾: meheh' 'sorn nor, or-: sie ti de,: or po Nyorsoa-a' wele-eh,: or: za deh: daa-' 'do an-a' dhih bo,: or 'da, A: gbee'e:.: Gwlor: baa': ne or-a'a: 'enjor-nyor:⧾: on: ne-a gban 'i,: on no-a 'wlu-a' 'wlu, an mu 'de: yi, on 'ye nyor⧾-a' klehkpeh-a' zabe zi, 'de on 'ye nyor⧾-a' klehkpeh: on se-a Nyorsoa deh-' 'ye-eh 'nyi, an-a' zabe 'i chehn, 'do deh⧾-zon:⧾ an no-a,: en se-a Nyorsoa deh-' 'ye-: 'dekorn: wlu⧾-zon:⧾ on po-or 'bhun dih-: bo. Nyor⧾: daa, an wlu-dih worn dih. An-a': porluh-a' 'pehn dih. An zi 'o an-a' 'jeh-a' 'bhororn'-deh⧾-zon⧾ klei'. An po an-a' 'jeh dhih bo. An nmor-dih 'de on 'bei' 'di 'worn, on 'ye deh 'ye, 'de on 'kwa. Jorwor:: a 'bli-nyor⧾-a:, a: na-dih: dhih: a-a': Gwlor: baa': Yusu' 'Klae-a'a: dboo-nyor⧾: za-a-': zai' 'de a bo, en-' dhih: gwluhuh' dih. On 'dae: 'de a bo, 'Do: de 'bor-dih-we-eh 'di, nyor⧾: noo'-a mu deh Nyorsoa: za-a-': goba'-dhih ken dih 'wluh-dih:. An mu an-a' 'bhororn'-deh⧾-zon⧾: en se-a Nyorsoa deh-' 'ye-eh 'nyi, klei': zi. Nyor⧾: daa, mo-: 'o: on: ya 'de deh-': gble-eh 'de a 'nyne-'. An-a' yau-a' 'bhororn'-deh⧾-zon:⧾, me-: korn-uh wlu 'ken. On se Nyorsoa-a': Zulu 'ble. Jorwor:: a 'bli-nyor⧾-a:, a kpa a-a' 'jeh-a' dih: ku-dih-eh 'dlu bo, 'de a-a' 'Klae-a' dhih 'jeh-': po-eh:: eh: ne-a gban 'i 'gabaa 'di. 'De a: wlu 'de Nyorsoa bo, 'de or-a' Gban 'i: ne: Zulu-a' 'kpih 'di. A: ne-dih: 'kmo,: an mu-eh: no 'de Nyorsoa-a': ybeh-eh 'ye-a 'o a bo: ne. A: fuo:: a-a': Gwlor: baa': Yusu' 'Klae 'de or-a': wehlih: korn-eh 'di, or 'ye a 'kmo: sie:: febeh' 'nyi. Nyor⧾: on: korn-a: porluh⧾-a: dhobo-a 'do 'Klae-a' deh bo, a 'pehn-dih: wlu dih, 'de on bo, a 'ye-uh': za-dih:. Nyor⧾: noo': ne 'o 'ku 'bli-neh-a': mu-eh-a': gwie 'i. A po-uh 'o: gwie: 'jeh ne 'i, a 'ye-uh' 'puh-dih:. Nyor⧾: noo': ne 'o, mo-: a: korn a 'ye: wehlih 'ye. Jorwor: a 'wla: gwluhuh' dih, 'de an-a' gu-kplen: ne-' a 'yi dih: nyni-dih:: ke. :Yee' Nyorsoa: or 'beh-dih:: or 'ye-eh' no, 'de a: sor 'ga-a dih, 'de: or mu-eh: no, 'de a: sor: ne-a dhih 'bhun, 'de 'mona 'ye a dih 'yi-dih: 'do or-a' dhih-a' 'i 'beh-a' ybei', :yee' Nyorsoa: due' 'i-a': due': dao',: or no-a: a-a' 'puh-dih-nyor,: eh: yi-dih:-a: a-a': Gwlor: baa': Yusu' 'Klae-', dhih-a' 'i 'beh-a' 'do or bo. 'Nyi: a po or-a' 'nyne ya. Deh no-eh, or-a' dhih 'beh-: 'i, or 'ble 'kpih, or: korn deh⧾-a' klehkpeh wlu 'ken.: Ka or: ne-a 'de deh⧾-a' klehkpeh-a mu-a: no-eh, 'ka-: or: ne: naa, 'de mor 'ka-: or mu: ne: ka ti-a mu-a 'dlu-': tehn. 'Ka-: eh 'ye: ne. :Yee' deh⧾: yih: korn: en 'ye-a': no-eh:, me-: 'o: Yusu' 'Klae: to-dih:: a 'i 'noror 'chlee-deh:: daa 'di,: yih Nyorsoa 'nyi-or, or 'ye-a or-a'a: 'bhoi-nynuu 'i: to-dih: 'do deh⧾: en: se-a 'o: gwle i,: en 'ye-a': no-eh dhih bo. 'De or dbo or-a'a: 'enjor: due', eh 'ye-ih 'mor: or 'dhu-a or-a'a: 'bhoi-yu:: Jororn' 'i: to-dih:. :Yee' deh⧾-a' klehkpeh 'on 'ye-a, 'on za-ih' 'weh. En no Nyorsoa-a' tubo-wlu:⧾, 'de en no dhih-a' 'yor-eh:: Yusu' 'Klae: to-dih:-a 'on 'i. :Bhorlie' 'do nyor: or zlo-a Nyorsoa-a' wele-eh:: po-chlee-deh:: daa 'de nyor⧾ bo. 'De mor: bhorlie' 'do nyor⧾: on to-ih-a: dou'⧾ bo, 'de: on dhe-a 'o en-' 'tele' dih. Deh no-eh, eh: se 'o: gwle i, deh⧾: daa en 'ye: no-eh:. 'Mor: or 'dhu-a: Jororn'-', 'mor 'ye a-uh, a: mor 'chore-nyor⧾-a' 'dlu⧾-kpor⧾: ne-a: meheh' 'sorn: on: ne-a 'de 'Esea-bluhba ken. Mla-: 'dekorn: wlu-' dih 'worn-eh-: 'do a bo,: en 'wluh-a 'de Nyorsoa bo,: or: ne-a: chio'lo:, 'de: or: ne-a: naa, 'de: or mu-a: ne 'de ybei'-: 'dekorn:: zulu⧾: meheh' 'sorn,: en za-or: weheh',: en: ne-a 'o or-a'a: 'keen: kpala' ybei'-:: ke. Mla-: 'dekorn: wlu-' dih 'worn-eh-:: en 'wluh-a 'de: Yusu' 'Klae bo: ke,: or no-a: dhehehn-nyor 'do Nyorsoa-a' tubo-wlu:⧾: po 'da, 'de: or no-a: zai'-nyor: or 'wluh-a 'de nma-dih-deh 'di, 'de: or: korn-a 'keen-boi'-a' klehkpeh: on: ne-a dha yao 'zorn wlu 'ken. Or: ybeh: a-uh' 'weh, 'de or no or-a' nyomor, or zelie:: a-uh 'do deh⧾-zon⧾-a' 'kpih 'zorn. 'De or no: a 'dawor'-dlu:: an za-a 'slaa 'do or: Baa' Nyorsoa bo. Dhih-a' 'i 'beh-a'-: 'dekorn: 'kpih-: 'do: Yusu' 'Klae bo,: ka ti-a mu-a 'dlu-': tehn klehkpeh klehkpeh. 'Ka-: eh 'ye: ne. A: gbee'e:. 'Klae-a mu 'de: yi, 'de 'ni-kpan⧾ 'nyne-'. Nyor⧾-a' klehkpeh: on: ne-a dha 'bluhba ken, an mu-or 'ye-:,: korn mor: yuh: on 'dba-or 'do tu 'i: ke-:. 'Dawor'⧾-dlu⧾-a' klehkpeh: en: ne-a dha 'bluhba ken, en mu 'vin-: 'de en 'ye 'zlu, 'do or-a' dhih bo. 'Ka-: eh 'ye: ne. :Yee': Gwlor: baa' Nyorsoa: or 'ble-a 'kpih-a' klehkpeh kwa, or 'dae:, or-: no eh-a' glu 'dhu 'da-: 'dekorn: eh-a' 'dlu-': jla 'da-:. Nyorsoa: daa, or-:: ne: chio'lo:, 'de or-:: ne: naa, 'de or-: mu: ne 'de ybei'. 'Mor: Jororn': or no-a a-a' 'Klae: de-di', 'de: or: ne a kpon-a: porluh dih: chio'lo: 'de: a se-a sea 'do 'kle 'ye-dih-eh: an 'ye-dih: a-uh bo,: ka: a: korn-a 'de 'Klae-a' nyor⧾ wlu 'ken: korn-eh bo, eh-a' dhih. 'De yobo'-a' dubeh:, an 'da-dih-a 'Pamor, 'do: wor on kpa 'on, on 'da: eh: korn dhih 'on po Nyorsoa-a' tubo-wlu⧾-: 'dekorn: dhih-a' 'yor-eh-:: Yusu': to-dih:-a 'on 'yi: eh? Eh-:: korn dhih on kpa 'de 'on. :Yee' 'do: Gwlor: baa'-a' 'we-eh 'di an 'da-dih-a 'Sorle,: yee' Nyorsoa-a': Zulu: ne 'o 'on ken. 'De 'on 'worn wlu, on 'wor,: on gweh-a: ka: gamu-a wlu-a 'noror 'on 'de, mo-:: an wlu 'de 'on bo. Wlu: dao', on 'dae:, Deh⧾: daa,: an mu-a 'ye-:, 'chle-ih 'de 'chlee-deh 'di.: Yee' dbo-eh 'de 'chore-nyor⧾-a' 'dlu⧾-kpor⧾: ne-a: meheh' 'sorn,: on: ne-a 'kwi: gwlor⧾: klaba'⧾: daa 'di dih,: en 'dhu-a 'Ehfesor-:: Simo'na-: 'Pehkama-:: Taya'ta-: 'Saleh-: 'Filadeh'fia-: 'dekorn: 'Lolesi'a-:. :Yee' 'on 'bili:-'-: dih, 'on 'ye nyor: or wlu-a 'de 'on bo 'ye. Jorwor:: yeh 'on 'bili:-a-' dih,: yee' 'on 'ye 'nape⧾: meheh' 'sorn: en no-a 'goo. :Yee' 'de en 'nyne-': dao', 'do: wor 'on 'ye-dih: deh: eh gweh-a: gwlor-nyor: or pa-a: gba 'vuu:: dhorno', 'de wluh or bla-a 'do or 'gben-', on no 'goo. Nyor-a' 'jeh: dao', 'mii:: en: ne-a 'o or 'dlu, en: ne 'pu-', en gweh 'fehmeh'-plu 'i, 'de or-a' 'yli-a' wan-a' gweh neh. Or-a' buh⧾-a' fan-a' gweh: ka nyor 'wla-a: dhiin, 'de en fan-a 'de 'yli. 'De or-a' wlu gweh: ka 'ni-a wla-a. :Yee' 'chuh: dhlaen: meheh' 'sorn, me-: or 'ble 'de or-a': dila-son 'kwa.: Bhla 'jlehn: eh 'nma-a,: eh 'ble-a worn⧾ 'sororn', eh-: 'wluh 'de or 'worn. 'De or-a' 'yuba-a' fan-a' gweh 'yluh-a' 'yi: kma-eh 'i. :Yee': yeh 'on 'ye-or,: yee' 'on du 'an 'jeh 'weh 'do or ybei': eh gweh-a: ka nyor 'meh-a. Jorwor: or-a': dila-son:, mo-: or tba 'o 'on ken dih, 'de or 'da,: An-a': ple-': fano. 'Mor-: 'dhu eh-a' glu 'dhu 'da-: 'dekorn: eh-a' 'dlu-': jla 'da-:. 'On no 'kmo: ne-nyor:. 'On 'meh-': dee'. Jorwor: 'on: ne-' 'kmo: ka ti-a mu-a 'dlu-': tehn klehkpeh klehkpeh. 'Mor: korn 'meh-a'-: 'dekorn: 'zinor'-: wlu 'ken. :Yee': kana: naa, deh⧾: an mu-a 'ye-:, 'chle-ih,: yih: en mu-a 'dlu bo: naa-: 'dekorn:: yih: en mu-a: no-eh 'de ybei'-:. :Yee' deh 'chuh: dhlaen: meheh' 'sorn: on 'ye-a 'de 'an: dila-son 'kwa-: 'dekorn: 'nape⧾: meheh' 'sorn,: en no-a 'goo: on 'ye-a, deh en 'dhu-eh:-', eh-:: dhe dih. 'Chuh: dhlaen: meheh' 'sorn: dao', me-:: nyna 'o 'enjor-nyor⧾: meheh' 'sorn: on: korn-a 'de 'chore-nyor⧾-a' 'dlu⧾-kpor⧾: meheh' 'sorn: daa, an-a' 'gor bo dih. 'De 'nape⧾: meheh' 'sorn: dao', me-:: nyna 'o 'chore-nyor⧾-a' 'dlu⧾-kpor⧾: ne-a: meheh' 'sorn, en-' 'gor bo dih. :Yee' 'yu: dao', or kpa or-a' wlu 'dlu bo 'gboror:, or 'dae:, 'An 'bhorn: on 'ye wlu⧾: daa 'chle, 'de 'enjor:: or: korn-a 'de 'chore: eh: ne-a 'de 'Ehfesor bo,: on 'dae:, Tubo-wlu:⧾: en 'wluh-a 'de 'yu: or 'ble-a 'chuh: dhlaen: meheh' 'sorn 'de or-a': dila-son 'kwa, 'de: or na-a 'de 'nape⧾: meheh' 'sorn 'nyne-' bo dih, me-:: dhe dih. 'On yubo: a-a' noo-deh⧾ 'weh. 'On yubo:: ka a no-a: koan-a' no-a' 'weh 'gabaa, 'de a kpon-a a-a': porluh⧾ dih, a se-a sea 'do 'kle 'ye-dih-eh: on 'ye-dih: a-uh 'di. 'On yubo-eh': ka a se-a nyor⧾: an no-a deh⧾-zon⧾, an-a' dhih ken dih 'worn-dih: klehkpeh klehkpeh. 'De a 'dhen-a nyor⧾: an 'da-dih-a an-a' 'jeh: Yusu'-a'a: dboo-nyor⧾, 'de a yubo-eh 'i: ka on: se-a or-a'a: dboo-nyor⧾ 'jeh. 'On yubo-eh': ka a kpon-a a-a': porluh⧾ dih, 'de a 'ye-a 'kle 'do 'an dhih bo, 'de a se-a sea. Jorwor: deh-beh: 'on se-a-': ybeh 'do a 'bhun, eh-:: dhe dih,: ka a no-a 'an: ybeh-a': zai', a-a' 'worn, a-a' no-eh: neheh'. 'An 'bhorn: ka a no-a 'an: ybeh-a': zai', a 'ye eh-a' dhih: gwluhuh' dih: na-dih:. A 'tali: a-a' deh⧾-zon⧾ dih, a 'ye noo-deh:⧾ a no-a: zai' no.: Mor a se-eh no, 'an mu 'de a bo: yi, 'de 'on 'ye a-a'a: 'nape a-uh 'zorn: za. Jorwor: deh a no-a, 'de 'on po-a a dhih bo, eh-:: dhe dih. A 'nyeh deh⧾ nyor⧾: an zi-a 'o 'Nakorlor klei' an no-a 'weh, 'ka-: 'an 'jeh, 'on no: ke, 'on 'nyeh-ih' 'weh. :Yee' nyor: or 'ble-a: dou'⧾, 'nyi or: to deh⧾: daa: dou'⧾ bo,: yih Nyorsoa-a': Zulu-a za-a-' 'de 'chore-nyor⧾ bo.: Yee' nyor: or du-a 'ku-a' tuh, 'an mu-or 'tele' 'nyi-: or 'ye tu: an 'nyi-a nyor⧾: febeh', an-a' 'buo' di,: on: ne-a 'de Nyorsoa-a' 'dhuu'-deh⧾ 'nyne-'. 'An 'bhorn: on 'ye wlu⧾: daa 'chle, 'de 'enjor:: or: korn-a 'de 'chore: eh: ne-a 'de: Simo'na bo,: on 'dae:, Tubo-wlu:⧾: en 'wluh-a 'de 'yu: or 'dhu-a eh-a' glu 'dhu 'da-: 'dekorn: eh-a' 'dlu-': jla 'da-:: or 'meh-a: dee', 'de: or: ne-a 'kmo: naa bo, me-:: dhe dih. 'On yubo: deh⧾: en 'ye-dih a 'kle 'weh. 'De 'on yubo-eh: ka a se-a deh-a': za-da 'ble. Jorwor: a no bhaan-nyor:⧾, 'de Nyorsoa-a' deh 'i yubo: ka 'di. 'On yubo-eh': ka nyor⧾: an 'da-dih-a an-a' 'jeh: Jueh'-nyor⧾ Nyorsoa gan-a, jorwor: on: se: yuh or gan-a, an za-dih a 'kulu-deh⧾ 'bhun dih. On no: dha: due' 'kpa-nyor:⧾ 'do 'ku-a' nyor⧾-a' 'gbon-dih: 'da. :Fano-a': no-' a-uh 'do 'kle a yi-a 'ye 'da bo. A: gbee'e:. 'Ku-a mu-eh: no, a-a': noo' 'ye 'de: kasue 'di: po-eh:, on 'ye a 'dhen. Nyor⧾-a mu a 'kle 'ye-dih: 'do 'we: bhue 'di. Eh-a': yeh 'da a-a' 'meh-a', a po 'an dhih dhih 'jeh-' 'gboror:.: Yee' 'an mu a 'kmo: sie:: febeh'-a': gblaa' geli': za-dih:. :Yee' nyor: or 'ble-a: dou'⧾, 'nyi or: to deh⧾: daa: dou'⧾ bo,: yih Nyorsoa-a': Zulu-a za-a-' 'de 'chore-nyor⧾ bo.: Yee' nyor: or du-a 'ku-a' tuh, or: se 'de 'ku 'bli-neh-': po-eh: i,: eh 'dhu-a 'meh-a' 'sororn' nor-'. 'An 'bhorn: on 'ye wlu⧾: daa 'chle, 'de 'enjor:: or: korn-a 'de 'chore: eh: ne-a 'de 'Pehkama bo,: on 'dae:, Tubo-wlu:⧾: en 'wluh-a 'de 'yu: or 'ble-a: bhla 'jlehn: eh 'nma-a,: eh 'ble-a worn⧾ 'sororn' bo, me-:: dhe dih. 'On yubo-eh': ka: gwlor a 'ti-a 'di, eh 'dhu-a 'de or 'di-', 'ku-a' 'keen: kpala' an dhe-a 'di dih, or: ne-a. A no: dhehehn-nyor:⧾ 'do 'on bo, 'de a: se-' 'an dhih 'jeh-': po-eh dih 'tali: 'do ti on 'dba-dih:-a 'Antipa: sloror',: or no-a: dhehehn-nyor 'do 'an tubo-wlu:⧾: po 'da, 'do: dha 'ku 'ti-a. Jorwor: deh⧾-kpor-bei: 'on se-a-': ybeh 'do a 'bhun, me-:: dhe dih. Nyor⧾: noo', mo-:: ne 'de a 'nyne-', mo-:: an zi 'o 'Benor-a' nyor⧾ deh: torne-eh klei',: or: torne:-a 'Keen 'Bela: ka or 'ye-a' no, 'de or 'ye-a' 'Ezlea-nyor⧾ 'de deh⧾-zon:⧾: no-eh 'di po, 'de on 'ye dii-deh:⧾: en 'dhu-dih-eh zuu⧾ gban 'i di, 'de on 'ye 'tmeor:⧾: korn-eh 'di 'kpa: ke. :Yee' 'de: ka: ne-a: due' 'di, a 'ble nyor⧾ 'de a 'nyne-' mo-: zi 'o 'Nakorlor-nyor⧾-a' nyor⧾ deh: torne-eh klei'. :Yee' eh-a' dhih, a 'tali: a-a' deh⧾-zon⧾ dih.: Mor a se-eh no, 'on: se 'o: gwle i, 'on 'ye 'de a bo yi, 'de 'on 'ye: bhla 'jlehn: eh: ne-a 'noror 'on 'worn no, 'on 'ye nyor⧾: dao' bo vorn. :Yee' nyor: or 'ble-a: dou'⧾, 'nyi or: to deh⧾: daa: dou'⧾ bo,: yih Nyorsoa-a': Zulu-a za-a-' 'de 'chore-nyor⧾ bo.: Yee' nyor: or du-a 'ku-a' tuh, 'an mu-or 'mana:: or 'zile-eh see 'nyi-:. 'De 'an mu-or sobu'-plu 'nyi-:: ke,: on: korn-a ken 'nyne: dele' 'chle-eh:: yih nyor: noror' se-a yubo:. Nyor: yor sobu': daa an mu-a 'nyi-eh, or: due', or-: mu 'nyne: dele': dao' yubo:. 'An 'bhorn: on 'ye wlu⧾: daa 'chle, 'de 'enjor:: or: korn-a 'de 'chore: eh: ne-a 'de: Taya'ta bo,: on 'dae:, Tubo-wlu:⧾: en 'wluh-a 'de Nyorsoa-a' 'Yu bo,: or: korn-a 'yli-a' wan-a' gweh-a neh, 'de: or: korn-a buh⧾-a: wla bo-a,: eh gweh-a: dhiin:: en 'wla-eh 'chlan-', me-:: dhe dih. 'On yubo: a-a' noo-deh⧾ 'weh,: ka a no-a 'an: ybeh-a'-: 'an dhih 'jeh-': po-eh-: 'an: koan-a' no-a'-: 'dekorn: se sea 'do: porluh-a' dih: kpon-eh bo-:. 'De 'on yubo-eh,: ka a po-a 'de 'kpih,: eh: zi-a 'o: zai' neh-'. Jorwor: deh 'on se-a-': ybeh 'do a 'bhun, eh-:: dhe dih. A: mor: za 'nynor: dao' an 'da-dih-a 'Jehzebeh 'yli-eh dih,: or 'da-dih-a or-a' 'jeh Nyorsoa-a' wele-eh:: po-nyor, 'de or torne 'an-a: 'bhoi-nynuu deh, or bo-dih-uh dih, 'de on 'ye 'tmeor:⧾: korn-eh 'di 'kpa, 'de mor on 'ye dii-deh:⧾: en 'dhu-dih-eh zuu⧾ gban 'i di: ke. 'On 'nyi-or ti, or 'ye or-a' deh⧾-zon:⧾: dao' dih 'tali:. Jorwor: or: se-' 'bhorn or 'ye or-a' 'tmeor:⧾: korn-eh:: dao' dih 'tali:. A: gbee'e:. 'An mu-eh: no, 'weh 'ye-or' du 'do ken 'pehn-deh ken. 'De mor nyor⧾: on: ne or no-a 'nyne: zaan', 'an mu-eh: no, on 'ye an-a' 'jeh worn 'ye 'gabaa,: mor eh 'dhu, on se 'bor. 'An mu or-a'a: 'nynuu 'dba-:.: Yee' 'chore-nyor⧾-a' klehkpeh mu-eh yubo:: ka 'on yubo:-a deh: eh: ne-a 'o nyor⧾: porluh⧾ ken-: 'dekorn: deh⧾ an na-dih-a 'dlu 'di dih-:.: Ka a no-a: koan-a' no-a', 'ka-: 'an mu a-a' geli': za-eh: no. Jorwor: a: mor: yuh: sie:-a 'o 'do: Taya'ta,: or se-a 'o or-a' nyor⧾ deh: torne-eh:: daa klei' zi, 'de: or se-a 'o deh⧾ nyor⧾: noo'-a 'da-dih-a 'ku-a' 'slan⧾: en: tehn-a 'di 'chean', 'on: se-' a 'tele': neheh' 'dlu: po i. Jorwor: a kpa 'an dhih 'jeh-': po-eh 'dlu bo: chio'lo:, 'on 'ye 'de yi. :Yee' nyor: or du-a 'ku-a' tuh, 'de: or dhe-a 'o 'an 'tele' dih: chio'lo:, 'de 'on 'ye-a' de yi,: yee' 'an mu-or 'kpih 'nyi-: 'do 'dawor'⧾-dlu⧾-a' klehkpeh 'dlu. :Ka 'on no-a, 'de 'on: za-a: 'de 'kpih 'de 'On-ba bo, 'ka-: nyor: dao', or mu: no: ke, 'on 'ye-or 'kpih 'nyi, or 'ye nene-eh-dhun 'ble, or 'ye 'dawor'⧾-dlu:⧾: dao' wlu 'ken: korn, or 'ye-uh' dih: wa-dih:: ka nyor-a wa-dih-a maa-yabo'⧾ dih. :Yee' 'an mu-or 'chuh: dhlaen-eh:: eh fan-a zorn bo-mlai' 'nyi-:: ke. :Yee' nyor: or 'ble-a: dou'⧾, 'nyi or: to deh⧾: daa: dou'⧾ bo,: yih Nyorsoa-a': Zulu-a za-a-' 'de 'chore-nyor⧾ bo. 'An 'bhorn: on 'ye wlu⧾: daa 'chle, 'de 'enjor:: or: korn-a 'de 'chore: eh: ne-a 'de 'Saleh bo,: on 'dae:, Tubo-wlu:⧾: en 'wluh-a 'de 'yu: or: korn-a: zulu⧾: meheh' 'sorn: dao': en za-a Nyorsoa-a': weheh' wlu 'ken, 'de: or 'ble-a 'chuh: dhlaen: meheh' 'sorn: dao' 'de or 'kwa bo, me-:: dhe dih. 'On yubo: a-a' noo-deh⧾ 'weh. 'On yubo-eh': ka nyor⧾-a 'da-dih-a a 'kmo: ne-nyor⧾. Jorwor: a gweh nyor⧾: on 'meh-a 'do Nyorsoa ybei'. A 'wluh 'nyinor-'. A ku-dih, 'de: febeh': deh⧾-bei:: en: sie:-a 'o a mla 'i, en: ne-' 'i: chehn klehkpeh klehkpeh. Deh no-eh, 'on 'ye-eh', a-a' noo-deh⧾ 'see: yih 'an Nyorsoa 'bhorn-a a 'ye-a' no, ken yeh-dih. A: na-dih: deh⧾ nyor⧾: torne: a-uh-: 'dekorn: deh⧾ a 'worn-a-:: gwluhuh' dih. A dhe 'o en-' 'tele' dih.: Yee' a 'tali: a-a' deh⧾-zon⧾ dih.: Mor eh 'dhu, a se 'nyinor-' 'wluh, 'an mu a ken: ge-dih:: ka 'ylii'-nyor-a no-a. 'De mor a: se-' ti 'an mu-a 'de: ya yubo: i. Jorwor: nyor⧾-kpor-bei:, mo-:: ne 'de a 'nyne-' 'de 'Saleh, mo-:: se-' 'worn an-a'a: paa-tiei: se-': vlehehn' pa. An mu 'tiei-plu⧾-': pa, 'de on: ne 'on 'ye: dha: due': na-dih:. Deh no-eh, on: bleh-dih-eh-: 'i. Jorwor: nyor: or du-a 'ku-a' tuh, 'ka-: or mu 'tiei-plu⧾-a' pa-a': no: ke. 'De 'on: se 'de or-a' 'nyne 'de 'kmo: sie:: febeh'-chlee-deh 'di: za i.: Yee' 'do 'On-ba-: 'dekorn: or-a'a: 'enjor-nyor⧾ ybei'-: 'do: wor 'an mu-eh-': za-dih:: ka or: korn-a 'noror 'on bo. :Yee' nyor: or 'ble-a: dou'⧾, 'nyi or: to deh⧾: daa: dou'⧾ bo,: yih Nyorsoa-a': Zulu-a za-a-' 'de 'chore-nyor⧾ bo. 'An 'bhorn: on 'ye wlu⧾: daa 'chle, 'de 'enjor:: or: korn-a 'de 'chore: eh: ne-a 'de 'Filadeh'fia bo,: on 'dae:, Tubo-wlu:⧾: en 'wluh-a 'de 'yu: or: ne-a gban 'i, 'de: or no-a: dhehehn-nyor bo, me-:: dhe dih,: or: korn-a: Debe'-a': koeh'eh wlu 'ken.: Mor or kan-dih:: kpaa' 'i,: yee' nyor: or 'ye-or 'o po, or se: ne. 'De mor: mor or po 'o: kpaa',: yee' nyor: or 'ye-or' 'i kan-dih:, or se: ne. 'On yubo: a-a' noo-deh⧾ 'weh. A: gbee'e:. 'On kan-dih:: kpaa'-: 'i 'do a bo,: or nyor se-a 'o po-a' 'beh-dih:. 'On yubo-eh': ka nyor⧾ se-a a zlo. Jorwor: a dhe 'o 'an 'tele'-: dih, 'de a no: dhehehn-nyor⧾ 'do 'an klei': zi-eh bo 'gboror:. A: gbee'e:.: Yuh: dao': on no-a: dha: due' 'kpa-nyor⧾ 'do 'ku-a' nyor⧾-a' 'gbon-dih: 'da,: an 'da-dih-a an-a' 'jeh: Jueh'-nyor:⧾ Nyorsoa gan-a, jorwor: on: se: yuh or gan-a, on no sih 'tmo-nyor:⧾, 'an mu-eh: no, on 'ye ya yi 'do a 'zorn, 'de on 'ye-eh' yubo:: ka 'on: ybeh-a a-uh'. :Yee': ka a dhe-a 'o 'an 'tele' dih,: eh 'dhu-a, se sea, 'de: porluh-a' dih: kpon-eh 'di, ti a 'ye-a 'kle,: yee': ka a no-eh: naa,: yee' 'kle 'ye-eh:: eh mu-a dha 'bluhba ken: yi,: eh 'ye-a nyor⧾-a' klehkpeh: on: ne-a dha 'bluhba ken 'dhen, 'an mu-eh: no, eh 'ye a 'zorn: zi-dih:. 'On: se 'o: gwle i, 'on 'ye 'de yi. A kpa 'an dhih 'jeh-': po-eh 'dlu bo: chio'lo:, 'on 'ye 'de yi, 'de nyor: ne 'o geli': za-dih:: gblaa' a mu-a 'ye-:, or-a': gwie 'i a: za. :Yee' nyor: or du-a 'ku-a' tuh, 'an mu-or 'an Nyorsoa-a' 'sla-a' tu: on 'kpa-a deh ken-': no. Or: se 'de on 'di 'wluh-: i. 'An mu 'an Nyorsoa-a' 'nyne 'chle-: 'do or ken, 'dekorn: 'an Nyorsoa-a' 'kwi gwlor-a' 'nyne-:: or 'dhu-a: Julu'slehn:: dele': or mu-a 'de or bo yai' 'wluh-:. 'An mu 'an 'nyne: dele' 'chle-: 'do or ken: ke. :Yee' nyor: or 'ble-a: dou'⧾, 'nyi or: to deh⧾: daa: dou'⧾ bo,: yih Nyorsoa-a': Zulu-a za-a-' 'de 'chore-nyor⧾ bo. 'An 'bhorn: on 'ye wlu⧾: daa 'chle, 'de 'enjor:: or: korn-a 'de 'chore: eh: ne-a 'de 'Lolesi'a bo,: on 'dae:, Tubo-wlu:⧾: en 'wluh-a 'de 'yu: or: korn-a 'nyne 'dhu-a, 'Ka-: eh 'ye: ne bo, me-:: dhe dih,: or no-a: dhehehn-nyor 'do Nyorsoa-a' tubo-wlu:⧾: po 'da, 'de nyor⧾ 'beh-dih:-a on 'ye-a': gwlii' dhe,: or Nyorsoa: yi-dih:-a, 'de or no-a deh⧾-a' klehkpeh. 'On yubo: a-a' noo-deh⧾ 'weh. 'On yubo-eh': ka a gweh-a tebe-ni, a se 'cheh-': ne, 'de mor a se: sma: ke. 'An 'bhorn a 'ye 'ni 'cheh-: 'ni: smao-: en-' deh: due' no. Jorwor:: ka a se-a 'for: due' bo: ne,: yee' 'an mu a worn: za. A mu: ao', a bhan-'. Deh⧾-a' klehkpeh: nmor-: 'yi 'do a bo. Deh⧾-a' klehkpeh a 'bhorn-a, a 'ble-ih'. Jorwor: a se-eh yubo:: ka a no-a nyor⧾-gba-nyor⧾, 'de nyor⧾: korn on 'ye-a a: wehlih 'ye, 'de a se-a deh-a': za-da 'ble, a 'dor-a, 'de a chehn 'kpanua'. :Yee' eh-a' dhih, 'an 'dhu a 'slen, a dhen 'goo:: or no-a 'goo: 'jeh nor, 'noror 'on 'kwa, eh 'ye-eh' no, a 'ye bhan deh 'jeh. A dhen paa-tiei-plu⧾ 'noror 'on 'kwa, a 'ye a-a' 'jeh deh-': pa-dih:, 'de a 'ye a-a' 'kpanua': chehn-eh:: eh no-dih-a a dhen, a 'ye-eh' 'zile:.: Yee' a dhen kwein 'noror 'on 'kwa, a 'ye 'de a 'yli po, 'de a 'ye dih 'ye. :Yee' nyor⧾: on: korn-a dhih 'on: kma-a,: mor on no deh-zon, 'an 'dhu-dih-uh kplen, 'de 'an po-uh 'o: gwie 'i de.: Yee' eh-a' dhih,: porluh:⧾ a 'ble-a 'do 'on bo, 'nyi en 'beh 'i, a 'tali: a-a' deh⧾-zon⧾ dih. A: gbee'e:. 'On: nyna dih 'do: kpaa' ken: naa, 'de 'an bla-or.: Mor nyor 'worn 'an wlu, 'de or 'ye 'o: kpaa': za,: yee' 'an mu 'de or 'bli 'gbu 'di: pa, 'de or: ne 'mor-:: a 'ye son⧾ ybei' kpuhba:. :Yee' nyor: or du-a 'ku-a' tuh, 'an mu-or 'tele' 'nyi-: or: ne 'on 'ye 'o 'an-a: 'keen: kpala' ken dih: dhe,: ka 'on no-a, 'de 'on du-a 'ku-a' tuh, 'de 'on: ne 'On-ba: dhe-a 'o or-a'a: 'keen: kpala' ken dih: ke. :Yee' nyor: or 'ble-a: dou'⧾, 'nyi or: to deh⧾: daa: dou'⧾ bo,: yih Nyorsoa-a': Zulu-a za-a-' 'de 'chore-nyor⧾ bo. :Yeh deh⧾: daa en no: ao',: yee' 'mor: or 'dhu-a: Jororn'-', 'on 'ye: kpaa': or: ne-a 'de Nyorsoa 'bli yai', or kan-dih: 'i.: Yee': tehn 'i-wlu:: dao', 'on 'worn-a: zai',: on gweh-a: ka: gamu-a wlu-a, mo-:: wlu 'de 'on bo: neheh', on 'dae:, Yi 'ya 'noror 'on bo. 'An mu: on deh⧾: en: korn: en 'ye-a': no-eh: 'de ybei': torne:. :Yeh 'an mu-a 'ye-:,: yee' Nyorsoa-a': Zulu: ne 'o 'on ken, 'de 'on 'ye 'keen: kpala' 'de Nyorsoa 'bli yai', 'de 'yu: due': dhe 'o or ken dih. 'De 'yu: or: dhe-a 'o kpala': dao' ken dih, or-a' 'yuba-a' fan-a' gweh-a sobu' an 'da-dih-a 'jaspa-: 'dekorn:: yuh an 'da-dih-a: kani'nior-:. 'De 'ni 'dba doeh kpala': dao' 'de dih, 'de eh-a' fan-a' gweh sobu' an 'da-dih-a 'ehmlor. :Yee' 'keen: kpala'⧾-a': kwlaa 'sorn 'yor: nyieh, me-: 'dleh kpala': dao' 'de dih. 'De nyor⧾: klaba'⧾-a': kwlaa 'sorn 'yor: nyieh, mo-: pa 'tiei-plu⧾-' 'de on 'dhu 'keen: gblaa'⧾: en no-a 'goo 'dlu, 'de on: dhe 'o kpala'⧾: dao' ken dih. :Yee' 'de kpala': dao' bo, dhehn-a chleh-' 'yli, 'de eh 'pona-' dih 'de mor. 'De: dhali-pu⧾: meheh' 'sorn-a wan 'do kpala': dao' ybei': en no-a: zulu⧾: meheh' 'sorn: dao': en za-a Nyorsoa: weheh'. :Yee' 'do kpala': dao' ybei', 'do gweh yobo': or: no-dih-eh 'yela',: or: ne-a 'wlen 'wlen,: eh gweh-a: chehbe': kpuan' 'i.: Yee' 'do or-a' 'for⧾-a' klehkpeh 'de dih, 'do: wor 'kmo: ne-deh⧾: nyieh-a': due': due': ne. En-' yau-a' klehkpeh gweh 'yli 'dlu, 'noror en ybei'-: 'dekorn: 'noror en 'kpuh 'i-:. :Zai' neh gweh: gbolo:. 'De 'sororn' neh gweh: blii'-gblor. Taan neh 'ble: gwlor-nyor-a' 'yuba:. 'De: nyieh neh gweh: jili': eh wan-a. 'De 'kmo: ne-deh⧾: nyieh: dao', en 'ble: kpabuh'⧾: meheh'lo:: meheh'lo:: due': due'. 'De 'yli gweh en-' yau-a' klehkpeh 'dlu,: korn mor 'noror en-': kpabuh'⧾ 'zorn-:. 'De en ble 'gwie-:: glaa'e-: en-' 'bor, en no, Gban 'i: ne-eh:, gban 'i: ne-eh:, gban 'i: ne-eh: 'do: Gwlor: baa' Nyorsoa: or 'ble-a 'kpih-a' klehkpeh kwa bo,: or: ne-a: chio'lo:, 'de: or: ne-a: naa, 'de: or mu-a: ne 'de ybei'. :Yee': mor 'kmo: ne-deh:⧾: dao', en ble dhih-a' 'i 'beh-duh⧾-: ya: dhe-duh⧾-: 'dekorn: 'zio: po-duh⧾-: 'do 'yu: or: dhe-a 'o 'keen: kpala': dao' ken bo,: or: ne-a 'kmo: ka ti-a mu-a 'dlu-': tehn klehkpeh klehkpeh, :yee' nyor⧾: klaba'⧾-a': kwlaa 'sorn 'yor: nyieh: dao', on 'jli-: dih 'do 'yu: dao': or: dhe-a dih 'do 'keen: kpala': dao' ken 'zorn,: or: ne-a 'kmo: ka ti-a mu-a 'dlu-': tehn klehkpeh klehkpeh. 'De an za-or: weheh', an za an-a' 'keen: gblaa'⧾ 'dlu, 'de an po-ih 'o, 'keen: kpala': dao' ybei' dih. 'De an ble, an no, :A-a' Nyorsoa,: a-a': Gwlor: baa',: on: bleh-dih-eh-: 'i,: on 'ye dhih-a' 'i 'beh-a'-: ya: dhe-eh-: 'dekorn: 'kpih-: 'ble.: Mor no deh⧾-a' klehkpeh: en: ne-a. 'De mor: on 'worn-dih-eh ken dih 'weh, 'de en-' klehkpeh: no-eh:, 'de en: ne. :Yee' 'on 'ye 'chlee-deh-fluh:: on 'fean'-eh, 'de 'yu: or: dhe-a dih 'do 'keen kpala': dao' ken, 'de or-a': dila-son 'kwa. 'De an-a' 'for⧾: ne-a 'sororn' 'chle-eh: ken dih, 'de on no dhlun, on kan-eh worn 'i, kpor⧾: meheh' 'sorn. :Yee' 'on 'ye 'enjor: due',: or 'ble-a dhih-a' 'i 'beh-kpih, or-: 'wor, or-: dhele deh dih, or 'da,: Or: bleh-dih-eh 'i: or 'ye dhlun-a' 'dlu⧾: meheh' 'sorn: dao' 'i zela:, 'de: or 'ye 'chlee-deh:: dao' 'i kan-dih:: eh? Jorwor: nyor se 'de Nyorsoa 'bli yai': ne, nyor se dha yao 'zorn: ne, 'dekorn: 'de 'zinor'-:: or 'ye-eh 'i kan-dih:, 'de: or 'ye-a deh: eh: ne-a 'de eh 'di zlo. :Yeh 'on 'ye-eh,: yee' 'on 'vin-' 'gabaa. Deh no-eh, nyor: or 'ye-eh 'i: bleh-dih:, 'de: or 'ye-eh 'i kan-dih:, 'de: or 'ye-a deh: eh: ne-a 'de eh 'di zlo, or se: ne. :Yee' nyor⧾: klaba'⧾: dao', an-a' nyor: due': wlu-' 'de 'on bo, or 'da, 'Bor 'vin-a'.: Gbee'e:. 'Yu an 'da-dih-a: Gbolo: or 'wluh-a 'de 'Juda 'di-a' 'cheh-dlu 'nyne-',: Debe' 'di-a' 'yu: or: korn-a nyor⧾ wlu 'ken, or du 'ku-a' tuh 'weh.: Yee' or 'beh-dih: or 'ye dhlun-a' 'dlu⧾: meheh' 'sorn: dao' 'i zela:, 'de or 'ye 'chlee-deh:: dao' 'i kan-dih:. :Yee' 'do 'keen: kpala': dao' 'bhun, 'do: wor 'on 'ye-dih: 'Blae'-yu: due' eh: nyna dih. 'De 'kmo: ne-deh:⧾: en: ne-a: nyieh-: 'dekorn: nyor⧾: klaba'⧾: dao'-: on bhin-eh. 'Blae'-yu:: dao', eh gweh deh on 'dba-a: zai'. Eh 'ble 'gbon⧾: meheh' 'sorn-: 'dekorn: 'yli: meheh' 'sorn-:: en 'dhu-a: zulu⧾: meheh' 'sorn: en za-a Nyorsoa: weheh',: yih or dbo-a dha 'bluhba-a' klehkpeh ken dih. 'De 'Blae'-yu mu, or kpon 'chlee-deh:: dao' dih, 'de 'yu: or: dhe-a dih 'do 'keen: kpala': dao' ken, 'de or-a': dila-son 'kwa. :Yee': yeh or no-a deh: dao',: yee' 'kmo: ne-deh⧾: nyieh: dao'-: 'dekorn: nyor⧾: klaba'⧾-a': kwlaa 'sorn 'yor: nyieh: dao'-: on 'jli-: dih 'do 'Blae'-yu 'zorn. An-a' klehkpeh 'ble: dholo:⧾ 'de on 'kwa: due': due', 'dekorn: 'koba:⧾: en no-a 'goo,: yih deh⧾: mor nyor⧾ po-a 'yli: en po-a 'no 'jeh no, en 'yi-a 'de 'di-:: en 'dhu-a Nyorsoa-nyor⧾-a' bale-wlu⧾. 'De an ble 'duh: dele', an no, 'Blae'-yu:,: on: bleh-dih-eh-: 'i: on 'ye 'chlee-deh:: dao' 'duo:, 'de: on 'ye dhlun-a' 'dlu⧾: meheh' 'sorn: dao' 'i zela:. Deh no-eh, on 'dba: on 'weh: dee'. 'De mor 'de: an-a' 'meh-a': dao' 'di, 'do: wor: on: dhen-dih:: gwlor-nyor⧾ 'do Nyorsoa bo,: on 'wluh-a: bai' 'di dih-: wlu⧾ 'doror: 'dor: po-nyor⧾-: 'dawor'⧾-dlu⧾-: 'dekorn: 'bluhba⧾-dlu⧾-: en-' klehkpeh ken dih. 'De: on no-uh 'dawor'-dlu:: an za-a 'slaa 'do: a: Baa' Nyorsoa bo, 'de on 'ye dha 'bluhba ken wlu 'ken: korn. :Yee': yeh 'on pobo:-a 'de: neheh',: yee' 'on 'worn 'enjor-nyor:⧾: dhulu'-a' wlu⧾,: on zi-a zlo: zloo: pa 'o: pebeh'-' dih. Mo-: bhin 'keen: kpala': dao'-: 'kmo: ne-deh⧾: nyieh: dao'-: 'dekorn: nyor⧾: klaba'⧾: dao'-: 'de dih. 'De an 'wor, an ble, an no, 'Blae'-yu: on 'dba-a, or: bleh-dih-eh-: 'i, or 'ye 'kpih-: bhan-a'-:: toror'-: 'kpih ken: ne-eh-: ya: dhe-eh-: dhih-a' 'i 'beh-a'-: 'dekorn: 'nyne ya: po-eh-: 'ble. 'De 'on 'worn 'kmo: ne-deh⧾-a' klehkpeh Nyorsoa no-a,: en: ne-a 'de Nyorsoa 'bli yai'-:: yih: en: ne-a dha yao 'zorn-:: yih: en: ne-a 'de 'zinor'-: 'dekorn:: yih: en: ne-a 'de yobo' 'worn-: en-' klehkpeh: daa, me-: ble,: en no, 'Nyne ya: po-eh-: ya: dhe-eh-: dhih-a' 'i 'beh-a'-: 'dekorn: 'kpih-: 'do 'yu: or: dhe-a dih 'do 'keen: kpala' ken-: 'dekorn: 'Blae'-yu-: bo,: ka ti-a mu-a 'dlu-': tehn klehkpeh klehkpeh. :Yee' 'kmo: ne-deh⧾: nyieh: dao', en 'da, 'Ka-: eh 'ye: ne.: Yeh en no: ao',: yee' nyor⧾: klaba'⧾: dao', on 'jli-: dih, an za Nyorsoa-: 'dekorn: 'Blae'-yu-:: weheh'. :Yee' 'on 'ye 'Blae'-yu:: dao', or zela: dhlun-a' 'dlu⧾: meheh' 'sorn: dao', en-': due' 'i. 'De 'on 'worn 'kmo: ne-deh⧾: nyieh: dao', en-': due'-a' wlu,: eh gweh-a: ka dhehn 'plan-a, eh 'da, 'Yle o. :Yee': yeh 'an pobo-a 'o,: yee' 'on 'ye: soo'o-plu:. 'Yu: or: dhe-a 'o or ken dih, or 'ble 'sehn⧾: po-dih-pluh: 'de or 'kwa. 'De on 'nyi-or 'keen: gblaa'. 'De or na-dih: soo'o:: dao': eh gweh-a: ka tuh: vorn-nyor mu-a tuh: du 'da. :Yee': yeh 'Blae'-yu:: dao', or zela: dhlun-a' 'sororn' no 'i,: yee' 'on 'worn 'kmo: ne-deh:⧾: dao', en-' 'sororn' neh-a' wlu 'weh, eh 'da, 'Yle o. :Yee' 'on 'ye: soo'o:: noror', or-: 'si 'zorn,: or: ne-a 'zoo. 'De Nyorsoa 'nyi 'yu: or: dhe-a 'o or ken dih 'kpih, or 'ye wlu-' dih 'worn-eh dha 'kmo bo: za, 'de: gwlor-nyor⧾ 'ye 'dba: on 'be,: on 'be 'dba: on no.: Yee': bhla 'jlehn: klaba', eh-: on 'nyi-or. :Yee': yeh 'Blae'-yu zela:-a taan no 'i,: yee' 'on 'worn 'kmo: ne-deh⧾: nyieh: dao' en-' taan neh-a' wlu 'weh, eh 'da, 'Yle o.: Yee': yeh 'an pobo-a 'o,: yee' 'on 'ye: soo'o:: bhlin: bhlin. 'De 'yu: or: dhe-a 'o or ken dih, or 'ble deh: eh 'dhen-a deh⧾ kwa, 'de or 'kwa. 'De 'on 'worn deh-a' wlu: eh gweh-a: gwlor-nyor-a' wlu, 'de 'kmo: ne-deh⧾: nyieh: dao' 'nyne-', on 'da,: Mor nyor no: koan 'do 'we-eh: due' 'di, deh or 'ye-a, eh-: mu deh⧾-yor: an 'da-dih-a 'wii, en-' 'saa: 'korbuh⧾ 'sororn': dhen-dih-eh. 'De mor eh-:: ne-a: due', eh-: mu deh⧾-yor: an 'da-dih-a 'bale, en-' 'saa: 'korbuh⧾: meheh'lo:: dhen-dih-eh. Jorwor: nyor-a' 'tuh-:-' 'orle-tu⧾-: 'dekorn: dubu'⧾ nyor⧾-a no-dih-a 'glee-nomor-: dih kele'a: o. :Yee': yeh 'Blae'-yu zela:-a: nyieh no 'i,: yee' 'on 'worn 'kmo: ne-deh⧾: nyieh: dao', en-': nyieh neh-a' wlu 'weh, eh 'da, 'Yle o. :Yee': yeh 'an pobo-a 'o,: yee' 'on 'ye: soo'o:: or 'plu-a gbor. 'De 'yu: or: dhe-a 'o or ken dih, or-a' 'nyne: wor 'Meh-a', 'de 'zinor' zi 'o or klei'. 'De 'bluhba-a' 'for⧾: ne-a: nyieh, or-a' 'for: due': za-eh: 'kwla 'de en bo, en 'ye-eh' no, 'de nyor⧾: on: ne-a 'de or 'di, on 'ye: bhla 'jlehn⧾-: 'moeh:: eh 'kpa-a Ji Kou'-moeh-: 'weh⧾-: 'dekorn: kpoon-nimi⧾-: on 'ye-ih 'i 'meh-dih:. :Yee': yeh 'Blae'-yu zela:-a: mm' no 'i,: yee' deh an za-dih-a Nyorsoa-a' 'slaa ken, 'do eh 'zorn, 'do: wor 'on 'ye-dih: nyor⧾: on no-a: dhehehn-nyor⧾, 'de: on 'dba-eh 'do Nyorsoa-a' tubo-wlu:⧾: po-eh-a' dhih bo an-a': zulu⧾. 'De an po 'geh⧾, an no,: Gwlor: baa' Nyorsoa: or: ne-a gban 'i,: or no-a: dhehehn-nyor, ti: yihih: eh,: an mu nyor⧾: on: ne-a dha 'bluhba ken, an-a' zabe: zi, 'de: on 'ye-uh' 'kle 'ye-eh 'dlu po, 'do deh on 'dba: a-uh, eh-a' dhih bo: eh? 'De or: pa-dih: an-a' klehkpeh: gba 'vuu:⧾-plu⧾-', 'de or zela-uh: gwluhuh', on 'ye 'o dih: forn-dih:: weh-beh:, 'de an-a' 'Klae: de-di'-boi': yuh: sie:-a 'o, 'de: on no-a Nyorsoa-a' 'bhoi-nynuu,: on: korn on 'ye-a 'meh-a': dao' or 'be 'meh, an-a' klehkpeh 'ye 'meh: ke. :Yee': yeh or zela:-a: meheh'lo: no 'i, 'de 'an pobo-a 'de,: yee' 'bluhba-a tleh-' 'gabaa.: Yee' 'de 'yluh 'yli 'de: ne dih: bhlin: bhlin: eh gweh-a 'munu: yli-eh 'i. 'De 'chuh bele: bo, 'de on 'yli 'de: ne 'zoo: eh gweh-a nyomor 'i. 'De 'chuh: dhlaen:: en: ne-a 'de yai', en 'kpa 'zorn 'do 'bluhba ken,: eh gweh-a: ka: pobor': dhulu' yi-a 'de, 'de or gbua:-a 'fe-tu 'i, 'de an-a' 'bi: en se-a 'vlu, 'de en-': dhumu⧾ 'kpa-a 'zorn. 'De yao 'ma-dih: 'de yai' dih,: eh gweh-a: ka nyor 'fean'-a: sleheh'. 'De tluh⧾-a' klehkpeh-: 'dekorn: 'ni-a' dubeh⧾-a' klehkpeh-: en 'wluh-dih:-': gwliin'. :Yee' 'keen-boi': on: ne-a dha 'bluhba ken-: 'nyne: korn-nyor⧾-: sorye'-a': janbe-boi'-: bhaan-nyor⧾-: 'kpih 'ble-nyor⧾-: 'ge-nynuu-: 'dekorn:: yuh: on: se-a 'ge-nynuu-: an-a' klehkpeh, on 'zile: an-a' 'jeh 'weh 'de wor⧾ 'di-: 'dekorn: 'de sobu'⧾: en: ne-a 'de tluh⧾ ken 'zorn-:. :Yee' on: wlu-' 'de en bo, on 'da, A 'yli: a ken, a 'ye: a 'zile: 'de 'yu: or: dhe-a dih 'do 'keen: kpala': dao' ken, or: ne-': a 'ye, 'de mor 'zile:: a-uh 'do 'Blae'-yu-a' 'chehn-yuba:: or yi-a 'de bo: ke. Deh no-eh, 'yi: kma-we-eh: an-a' 'chehn-yuba-a mu-a 'noror: a bo 'bili:, eh nyni 'o: weh. Nyor: yoror: or 'beh-dih:: or 'ye-eh' 'i: nyna: eh? :Yee': yeh eh 'wluh-a 'o,: yee' 'on 'ye 'enjor-nyor⧾: nyieh, mo-:: nyna dih 'de 'bluhba-a' 'for⧾: ne-a: nyieh bo, 'de on kan 'bluhba-a' 'for⧾: ne-a: nyieh: pobor'-a 'wluh-dih-a bo 'i, 'de: pobor' 'ye 'noror 'bluhba ken-a' yi-a' 'bor,: korn 'de yobo' ken-: 'dekorn: tu⧾-a' 'yi: bla-eh-:. :Yee' 'on 'ye 'enjor:: noror', or-: 'wluh-dih: 'de 'yluh-a' 'kwla 'wluh-dih: 'da, 'de or 'ble 'kmo: ne-Nyorsoa-a' deh or 'dhu-dih-a nyor⧾ yubo-da 'de or 'kwa. 'De or wele: 'enjor-nyor⧾: nyieh: dao',: on 'kpih 'nyi-eh: on 'ye-a 'bluhba-: 'dekorn: yobo'-: 'kor-dih:. Or 'dae:, A-a' 'kor-dih:-' 'bluhba-: yobo'-: 'dekorn: tu⧾-: kele'a: o,: a 'ye Nyorsoa-a' 'bhoi-nynuu yubo-da 'dhu 'do an-a' 'yuba-sehn 'i o. 'De on zela: 'on: gwluhuh', on 'da, nyor⧾: on: korn-a 'yuba-sehn 'i 'dhu-eh yubo-da, on no nyor⧾-a' 'wlu-a': kehehn': due' 'wlu-a': kwlaa: nyieh 'wlu: nyieh (144,000), on 'wluh 'de 'Ezlea 'di-a' 'dlu⧾-a' klehkpeh 'nyne-'. Nyor⧾-a' 'wlu-a': bhue: 'yor 'sororn', mo-: 'wluh 'de 'Juda 'di 'nyne-', mo-: 'dhu-eh yubo-da. 'Wlu-a': bhue: 'yor 'sororn', mo-: 'wluh 'de: Wluben' 'di 'nyne-'. 'Wlu-a': bhue: 'yor 'sororn', mo-: 'wluh 'de 'Gaeh 'di 'nyne-'. 'De 'wlu-a': bhue: 'yor 'sororn', mo-: 'wluh 'de 'Aseh 'di 'nyne-'. 'Wlu-a': bhue: 'yor 'sororn', mo-: 'wluh 'de 'Natali 'di 'nyne-'. 'Wlu-a': bhue: 'yor 'sororn', mo-: 'wluh 'de: Mana'sa 'di 'nyne-'. 'De 'wlu-a': bhue: 'yor 'sororn', mo-: 'wluh 'de 'Simior 'di 'nyne-'. 'Wlu-a': bhue: 'yor 'sororn', mo-: 'wluh 'de 'Livae 'di 'nyne-'. 'Wlu-a': bhue: 'yor 'sororn', mo-: 'wluh 'de 'Esaka 'di 'nyne-'. 'De 'wlu-a': bhue: 'yor 'sororn', mo-: 'wluh 'de 'Zehbilor 'di 'nyne-'. 'Wlu-a': bhue: 'yor 'sororn', mo-: 'wluh 'de 'Joseh 'di 'nyne-'. 'De 'wlu-a': bhue: 'yor 'sororn', mo-: 'wluh 'de 'Behnjemeh 'di 'nyne-'. 'De an-a' klehkpeh: daa, on 'dhu-eh: yubo-da. :Yee': yeh deh⧾: daa, en no: ao', 'de en zi-a, 'de 'an pobo-a 'de: neheh',: yee' 'on 'ye: gwlor-nyor:⧾: doru' nyor⧾ se-a zlo-a' 'beh-dih:,: on 'wluh-a 'bluhba⧾-dlu⧾ ken dih-:: bai' 'di dih-: 'dawor'⧾-dlu⧾-: 'dekorn: wlu⧾ 'doror: 'dor: po-nyor⧾-: an-a' klehkpeh, mo-:: nyna 'o 'keen: kpala': dao'-: 'dekorn: 'Blae'-yu:: dao'-: ybei' dih. 'De on pa: gba 'vuu:⧾-plu⧾-', 'de on 'gba yuh⧾-wlon⧾ kwa. 'De an po 'geh⧾, an no,: A-a' Nyorsoa: or: dhe-a dih 'do 'keen: kpala' ken-: 'dekorn: 'Blae'-yu-: on 'puh-dih:: a 'weh. 'De 'enjor-nyor⧾-a' klehkpeh, on: nyna 'keen: kpala': dao'-: nyor⧾: klaba'⧾: dao'-: 'dekorn: 'kmo: ne-deh⧾: nyieh: dao'-: 'de dih. 'De on 'jli dih 'do: kpala': dao' ybei', 'de an za Nyorsoa-a': weheh', an no, 'Ka-: eh 'ye: ne. 'Nyne ya: po-eh-: dhih-a' 'i 'beh-a'-:: toror'-: 'zio: po-eh-: ya: dhe-eh-: 'kpih-: 'dekorn: 'kpih ken: ne-eh-: 'do: a-a' Nyorsoa bo: ka ti-a mu-a 'dlu-': tehn klehkpeh klehkpeh. 'Ka-: eh 'ye: ne. :Yee' nyor⧾: klaba'⧾: dao', an-a' nyor: due' dhele: 'on-: dih, or 'da, Deh 'i-deh-nyor:⧾ 'o: on: dhe dih,: on pa: gba 'vuu:⧾-plu⧾-': eh? 'De mor, dha on 'wluh: eh? 'De 'on: wlu 'de or bo, 'on 'da, Nyor: Klaba',: mor yubo-eh. 'De or 'da, Nyor⧾: on: yi-dih:-a 'de 'kle 'ye-eh: 'kawehn 'di, mo-: 'o: on: dhe dih. 'Blae'-yu:: daa, or-:: korn nyomor on no, 'de on worlor: an-a'a:: gba 'vuu:⧾: dao', 'de en: ne 'pu-'. Eh-:: korn dhih on: nyna 'o Nyorsoa-a' 'keen: kpala' ybei' dih, 'de an no or-a' 'bhoi-nynuu-deh 'gwie-:: glaa'e-: 'de or-a' 'sla 'zorn.: Yee' 'yu: or: dhe-a 'keen: kpala': dao' ken, or mu-uh 'yli-eh bo 'dhu-:, deh: se-uh': no i. 'Moeh:: se-uh': no i: neheh'. 'Ni 'na-ton:: se-uh': no i: neheh'. 'De mor 'yluh-:: eh beh 'yluh-a': fuun'-: en-' deh-beh: se-uh': no i: neheh'. Deh no-eh, 'Blae'-yu:: or: ne-a 'de 'keen: kpala': dao' 'bhun, or-: mu an-a' 'blae'⧾-a' 'yli-eh bo 'dhu-nyor: no. Or-: mu-uh son bo: na-dih:, 'de on 'ye 'ni: eh 'nyi-a nyor⧾ 'kmo: sie:: febeh' ken: yeh-dih:.: Yee' Nyorsoa-a mu-uh 'mii-tehn-a' klehkpeh 'yi dih 'slan-:. :Yee': yeh 'Blae'-yu zela:-a dhlun-a': meheh' 'sorn no 'i,: yee' 'de Nyorsoa 'bli yai' no 'dhuan 'do 'yluh-buh-a': gbor-tile 'di. :Yee' 'on 'ye 'enjor-nyor⧾: meheh' 'sorn,: an nyna 'o Nyorsoa ybei' dih.: Gamu⧾: meheh' 'sorn, me-: on 'nyi-uh. :Yee' 'enjor:: noror', or-: 'yle, or-:: nyna dih 'do 'slaa ken: za-dih-deh 'bhun.: Yee' deh nyor⧾-a po-a deh⧾: mor nyor⧾ po-a 'yli,: en po-a 'no 'jeh no 'di,: eh no-a 'goo, eh-: or 'ble 'de or 'kwa. On 'nyi-or deh⧾: en po-a 'no 'jeh: doru', or 'ye-ih 'o Nyorsoa-nyor⧾-a' klehkpeh, an-a' bale-wlu⧾ ken po, 'de or 'ye-ih' 'slaa: za-dih: 'do 'slaa ken: za-dih-deh:: eh no-a 'goo ken,: eh: ne-a 'o 'keen: kpala': dao' ybei'. :Yee' deh⧾: dao': en po-a 'no 'jeh no, en-': daluh'-: 'dekorn: Nyorsoa-nyor⧾-a' bale-wlu⧾-: en 'wluh 'de 'enjor:: dao' 'kwa, 'de en mu-dih: dha: due' 'de Nyorsoa bo yai'. :Yee' 'enjor:: dao', or 'duo: deh nyor⧾-a po-a 'no: po-deh:⧾: dao' 'di-' 'weh. 'De or 'yi-dih-eh neh: eh 'wluh-a 'o 'slaa ken: za-dih-deh ken 'di, or 'vile-eh 'noror yao 'zorn.: Yee' dhehn-a chleh-' 'yli, 'de eh 'pona-' dih, 'de 'bluhba-a tleh. :Yee' 'enjor-nyor⧾: meheh' 'sorn: dao', 'on 'ye-a,: on 'ble-a: gamu⧾: meheh' 'sorn, on: ne buh⧾ ken, on 'ye-ih' bla. :Yeh: zai' nor 'on 'ye-a, or bla-a or-a' no,: yee': chehbe': kpuan'⧾-: 'dekorn: neh: eh zian-dih:-a nyomor-: me-: dba dha yao 'zorn.: Yee': mor eh 'dhu 'bluhba: gble-eh 'do kpor⧾ taan 'di,: yee' or-a' 'for: due', or-: sin,: korn mor tu⧾-: 'dekorn:: peli'-:: en: ne-a 'o or ken-:. 'De 'sororn' nor 'on 'ye-a, or bla or-a' no.: Yee' deh: eh gweh-a tluh: dhorno': dhorno', 'de: eh: korn-a klehkpeh 'kpa-a neh-', eh-:: po-eh: 'do yobo' worn.: Yee': mor yobo': gble-eh 'do kpor⧾ taan 'di,: yee' or-a' 'for: due' no nyomor. 'De 'kmo: ne-deh:⧾: en: ne-a 'o or-a' 'for: dao' worn, en-' klehkpeh 'meh. 'De 'ni ken-meheh:⧾: en: ne-a 'o or-a' 'for: dao' ken, en-' klehkpeh: wa-dih: dih: ke. 'De taan nor 'on 'ye-a, or bla or-a' no.: Yee' 'chuh: dhlaen-eh:: klaba', eh-: kele: 'de yai', eh-: 'kpa 'zorn. Eh-: sin: ka: dhali-pu-a sin-a.: Yee': mor eh 'dhu 'bluhba: gble-eh 'do kpor⧾ taan 'di,: yee' 'do 'for: due' ken, 'do: wor eh 'kpa, 'do 'ni⧾: klaba'⧾-a' klehkpeh-: 'dekorn: 'ni⧾-a' 'dlu⧾-a' glu 'wluh 'da-: ken. ('Chuh: dhlaen-eh:: dao', eh-a' 'nyne: wor Worn: nyni-eh:.) 'De 'ni⧾ eh 'kpa-a 'o worn, or: nyni worn. Nyor⧾: dhulu': on 'na-a 'ni⧾: dao', on 'meh-', deh no-eh, eh: nyni worn. 'De: nyieh nor 'on 'ye-a, or bla or-a' no.: Yee' 'yluh-: 'chuh-: 'dekorn: 'chuh: dhlaen-: en: se-' fan 'do 'yluh-buh⧾: nyieh 'di. 'Yluh: se-' fan 'do 'yluh-buh⧾: nyieh 'di 'do zorn-we-eh-a' klehkpeh 'di. 'De 'chuh-: 'dekorn: 'chuh: dhlaen-: en: se-' fan 'do 'yluh-buh⧾: nyieh 'di 'do glu-we-eh-a' klehkpeh 'di. :Yee': yeh 'an pobo-a 'de,: yee' 'on 'worn: jili'-a' wlu, eh-: wan 'de yai': dha: dhorno', eh-: 'wor, eh-: no, Eh no: wehlih-deh:, eh no: wehlih-deh:, eh no: wehlih-deh:, 'do nyor⧾: on 'ti-a dha 'bluhba ken bo. Deh no-eh, 'enjor-nyor⧾ taan,: on: sie:-a 'o, an yi an-a'a:: gamu:⧾: bla 'da: naa. 'De 'enjor-a': mm' nor 'on 'ye-a, or bla or-a'a:: gamu: ke.: Yee' 'on 'ye 'chuh: dhlaen-eh: eh-: 'wluh 'de yai', eh-: 'kpa 'zorn dha 'bluhba ken. 'De on 'nyi-eh 'bie': dhorno': eh se-a: sie: 'da: korn, eh-a': koeh'eh. 'De 'chuh: dhlaen-eh:: dao', eh kan-dih: 'bie': dao' 'i.: Yee': daluh': on 'wluh-a 'de eh 'di, on gweh: gborlu-gle-a': daluh', 'de on: kpe-dih: 'de yai' dih, 'de 'yluh-a' 'worn-dih: faan-dhih. :Yee': kpamu'⧾, me-: 'wluh 'de: daluh': dao' 'nyne-', 'de en yi dha 'bluhba ken.: Yee' 'kpih 'jaan' 'ble-a, me-: on 'nyi-ih. :Yee' on zela-ih-:: gwluhuh', on 'da en 'bor: peli' deh-': no-dih-eh,: korn mor 'dhuu'-deh⧾-: 'dekorn: tu⧾-:. Jorwor: nyor-beh-nyor-beh:: or se-a Nyorsoa-a' yubo-dih-deh 'ble 'do or 'yuba-sehn 'i, or-: en 'ye deh-': no-dih:. En: se-' 'tele' 'nyi-eh: en 'ye-uh' 'dba, jorwor: en 'ye-uh' 'kle 'ye-dih: 'gabaa 'do 'chuh⧾: mm' 'di. En-' puhbeh:: dao', eh gweh: ka 'jaan'-a no-a puhbeh: ke. :Yee' 'do 'chuh⧾: mm': dao' 'di, nyor⧾: dao', an mu 'meh-a' 'kwla⧾-' dih 'bhorn-:. Jorwor: on: se-or' 'ye-: i. Eh mu-uh 'ton: korn 'gabaa, on 'ye 'meh, jorwor: 'meh-a': se-uh' dih 'koan'-dih: i. :Yee': kpamu'⧾: dao', en gweh: soo'o:⧾: en: nyna-a buh⧾ ken,: en 'ye-a' tuh: vorn 'da mu. Deh⧾: en: ne-a 'o en 'dlu, en gweh 'keen: gblaa'⧾: yih no-a 'goo, 'de en 'ble: gwlor-nyor-yuba. En-' 'mii gweh 'nynor-a' 'mii:, 'de en-' 'nyne gweh: gbolo-a' 'nyne. 'Do en: gwlii' gweh nene-eh: nyor⧾-a kan-dih-a 'o 'do on: gwlii', 'de an vorn-a tuh. 'De en-': kpabuh'⧾-a': dhlumeh' gweh: ka deh⧾ nyor⧾-a dhe-a ken, 'de: soo'o⧾-a jli-a en-': dhlumeh': eh gweh-a: ka en-': dhulu'-a 'dhobo-a en mu-a tuh-'. :Ka 'jaan'-a' gon⧾: ne-a, 'ka-: en-' gon⧾: ne. 'De en sun nyor⧾: ka 'jaan' no-a nyor⧾: sun-eh.: Yee' 'de en-' gon⧾ 'di, 'do: wor 'kpih: ne,: en 'ye-a' nyor⧾ dih puhba: 'do 'chuh⧾: mm' 'di. En 'ble 'keen 'do en 'dlu, or-: 'dhu 'kwla 'ye-dih-deh:: eh: korn-a 'de 'bie': dao': eh se-a: sie: 'da: korn, eh-a' wlu bo.: Hiblu'-nyor⧾-a 'da-dih-or: Aba'dorn:. 'De 'Glii-nyor⧾-a 'da-dih-or: Aporlion': en: bleh-dih:-a 'i, Deh⧾ 'kor-dih-nyor:. :Yee': zai': wehlih-deh zi-'. Jorwor: eh: sie: 'o: wehlih-deh⧾ 'sororn', me-:: korn: en 'ye 'de yi 'gboror:. :Yee' 'enjor-a': meheh'lo: nor 'on 'ye-a, or bla or-a'a:: gamu 'weh.: Yee' 'on 'worn wlu, mo-: 'wluh 'de Nyorsoa-a' 'slaa ken: za-dih-deh:: eh no-a 'goo,: eh: nyna-a 'o or ybei' dih, eh-a' 'for⧾: ne-a: nyieh bo dih. Mo-:: wlu 'de 'enjor-nyor⧾-a': meheh'lo:: nor: or 'ble-a: gamu bo, on 'dae:, Bhehn-dih: 'kwla 'ye-dih-deh⧾: nyieh: dao',: en: san-eh 'do 'ni: klaba' an 'da-dih-a: Yufle'ti worn 'i. :Yee' 'kwla 'ye-dih-deh⧾: nyieh: dao',: en: dhe-dih-eh 'for 'i,: mor 'yluh-buh:: dao'-: 'we-eh:: dao'-: 'chuh: dao'-: zon: dao'-: en nyni 'o,: yee' en bhehn-dih-eh:-', en 'ye: mor eh 'dhu,: gwlor-nyor⧾-a' klehkpeh 'wluh 'dlu⧾-kpor taan-' dha 'bluhba ken, en 'ye an-a' 'dlu-kpor: due' 'dba. On zela: 'on: gwluhuh': ka tuh: vorn-nyor:⧾ 'kwla 'ye-dih-deh:⧾: dao', en 'ble-a,: an na-dih-a: soo'o⧾, on no-a zlo: zloo: pa 'o: pebeh'. :Yee': soo'o⧾-: 'dekorn: nyor⧾: an na-dih-ih-a-: 'on 'ye-a, ti 'an 'yli-eh 'kpa-a deh 'i, 'ka-: on: ne: aa. Nyor⧾: an na-dih-a: soo'o:⧾: dao', deh⧾ an kan-dih-a 'o on: gwlii', 'de an vorn-a tuh,: en no-a nene, en: ne 'zoo,: ka neh: ne-a, 'de en: kpe gbor, en zani: ya dih, en gweh 'soeh:: ka neh-sobu'⧾: ne-a. 'De an-a': soo'⧾-a' 'dlu⧾ gweh: gbolo⧾-a' 'dlu⧾. Neh-:: daluh'-: 'dekorn: neh-sobu'⧾-: me-: 'wluh 'de en 'worn. :Yee': mor eh 'dhu,: gwlor-nyor⧾-a' klehkpeh 'wluh 'dlu⧾ taan-' dha 'bluhba ken,: yee' nyor⧾ 'kle 'ye-dih-deh⧾ taan: daa,: en 'dhu-a neh-:: daluh'-: 'dekorn: neh-sobu'⧾-:: en 'wluh-a 'de en 'worn, me-: 'dba: gwlor-nyor⧾-a' 'dlu-kpor: due'. :Soo'o:⧾: dao', en-' 'kpih: ne 'de en 'worn-: 'dekorn: 'de en-' gon⧾ 'di-:. En-' gon⧾: dao',: en 'ble-a 'dlu⧾, 'de: en gweh-a sane, me-: en no, 'de en tba nyor⧾ deh⧾ dih. Jorwor: nyor⧾: yuh: sie:-a 'o, deh⧾: daa, en se-a 'dba, on: se-' zuu⧾ an-a' 'jeh 'yor-eh-a' son⧾ no-a, 'kpuh ya: to 'gboror:. On: se-' 'kwla 'ye-dih-deh⧾-: 'dekorn: zuu⧾-: on 'wla-a 'goo-: 'sebla-:: dhiin-:: yih on: no-dih:-a sobu'⧾-: 'dekorn: tu⧾-:: weheh': za-eh dih 'tali:, deh⧾: daa,: en-' 'ye-a dih,: en-' 'worn-a dih, 'de mor: en-': na-a. 'De mor on: se-' an-a' nyor⧾ 'dba-eh-: gu: po-eh-: 'tmeor:⧾: korn-eh-: 'dekorn: 'yli-a'-: dih 'tali:: ke. :Yee' 'on 'ye 'enjor:: noror': or 'ble-a dhih-a' 'i 'beh-kpih, or-: 'dhle, or 'wluh 'de Nyorsoa 'bli yai'. Or-: bhin-a dih 'ni-kpan kle-' dih, 'de 'ni 'dba doeh 'do or 'dlu: gwea. Or-a' 'yuba-a' fan-a' gweh 'yluh. 'De or-a' buh⧾ gweh: ka tu⧾ 'kpa-a neh-'. Or 'ble 'chlee-deh-yu:: eh kan-dih:-a 'i, 'de or 'kwa. 'De or po or-a': dila-buh 'de yobo' ken. 'De or po or-a' kona-buh dha 'bluhba ken. Or 'wor, or wele:: eh gweh-a: ka: gbolo-a klu-a.: Yeh or wele:-a,: yee' 'ni-a' 'gbu-wlu⧾: meheh' 'sorn, me-:: wlu. :Yee': yeh en: wlu-a,: yee' 'an yi 'chle 'da: dee'. Jorwor: 'on 'worn wlu, mo-: 'wluh 'de Nyorsoa 'bli yai', mo-: 'da, Deh 'ni-a' 'gbu-wlu⧾: meheh' 'sorn: daa, en: za-a-',: an-a' 'chle-eh. 'Nyi eh no 'slan 'do: on bo. :Yee' 'enjor:: dao' 'on 'ye-a,: or: korn-a buh: due': ne-a 'de yobo' ken, 'de buh: due': ne-a dha 'bluhba ken, or-:: to or-a': dila-son 'de Nyorsoa 'bli yai', or 'ye wlu: dhama'-' po, 'de Nyorsoa-a' 'nyne 'di, or 'da, Nyorsoa: or: ne-a 'kmo: ka ti-a mu-a 'dlu-': tehn klehkpeh klehkpeh: or no-a yao-: 'dekorn: deh⧾-a' klehkpeh: en: ne-a 'de-: 'de: or no-a 'bluhba-: 'dekorn: deh⧾-a' klehkpeh: en: ne-a dha or ken-: 'de: or no-a yobo'-: 'dekorn: deh⧾-a' klehkpeh: en: ne-a 'do or 'worn-:. Or 'da deh Nyorsoa 'ye-a' 'ken: fuo:: neheh', eh se: ne. Jorwor:: mor 'enjor-nyor⧾-a': meheh' 'sorn nor: taa or-a'a:: gamu:: bla 'da yi,: yee' Nyorsoa-a' 'slan or 'dhu-a, or mu dhih 'jeh-' 'kpa-:: or: korn-a dhih or: za-a-' 'de or-a'a: 'bhoi-nynuu:: an po-a or-a' wele-eh bo. :Yee' wlu 'on 'worn-a: on 'wluh-a 'de Nyorsoa 'bli yai', on: wlu-' 'de 'on bo: neheh', on 'dae:, Mu: on 'ye 'chlee-deh:: dao': eh kan-dih:-a 'i dih kpon, 'de 'enjor:: dao' 'kwa,: or: nyna-a 'o yobo'-: 'dekorn: 'bluhba-: ken dih. 'De 'on mu 'de or bo. 'On zela-or-:: gwluhuh' or 'ye-eh 'on 'nyi. 'De or: wlu 'de 'on bo, or 'da, 'Duo-eh': on 'ye-eh' di. Eh mu 'mene: 'de: on worn: ka duh-ni no-a 'mene-eh. Jorwor: eh mu: an-a' 'kwli 'bhun-dih:, 'de eh-a' 'no 'ye: on worn 'ya. 'De 'on za-eh or 'kwa, 'on di-eh.: Yee' eh 'mene: 'de 'on 'worn, eh gweh duh-ni 'i. Jorwor:: yeh 'on gweh-a eh-a' di-a' 'i,: yee' eh 'bhun-dih: 'an 'kwli 'weh, 'de eh-a' 'no-a 'ya 'on 'worn. 'De on zela: 'on: gwluhuh': neheh', 'on 'ye Nyorsoa-a' wele-eh po,: eh kor-a nyor⧾: daa, an-a': dha: dhulu' 'i,: on 'dhu-a 'dawor'⧾-dlu⧾-: 'bluhba⧾-dlu⧾-: wlu⧾ 'doror: 'dor: po-nyor⧾-: 'dekorn: 'keen-boi'-:. :Yee': yeh eh no: ao',: yee' tu: on gweh-a deh nyor⧾-a yba-dih-a deh, mo-: on 'nyi 'on, 'de Nyorsoa zela: 'on: gwluhuh', or 'da,: Yba-dih: 'an 'sla-: 'dekorn: 'an 'slaa ken: za-dih-deh-: 'de: on 'ye nyor⧾: an za-a 'an: weheh' 'do mor zlo. Jorwor:: an-a': yba-dih:-' 'noror gba-dih-gba 'di ka,: or: ne-a 'sla 'de dih. Deh no-eh, 'de 'nyi-eh: se Nyorsoa yubo-nyor⧾. An mu: Julu'slehn:: or no-a gban 'i: ne gwlor wlu 'ken: korn 'do zon⧾ taan 'chuh⧾: meheh'lo 'di. 'De or 'da: neheh', 'An mu 'an nyor⧾ 'sororn': daa: an zela 'an dhih ken dih, 'kpih 'nyi-: on 'ye 'an wele-eh po 'do zon⧾ taan 'chuh⧾: meheh'lo 'di. An mu 'munu: tiei-': pa. Nyor⧾ 'sororn': daa, mo-:: nyna 'o 'orle-tu:⧾: en: ne-a 'sororn'-: 'dekorn: 'nape⧾: or: ne-a 'sororn'-: en-' 'gor bo dih,: en: nyna-a 'o: Gwlor: baa': or: korn-a 'bluhba-a' klehkpeh wlu 'ken ybei' dih. :Yee': mor nyor: taa an-a' deh: tba-eh 'bhorn,: yee' neh 'wluh 'de on 'worn, eh-: 'dba nyor⧾: dao': on 'nyeh-uh'-a.: Yee' nyor: or mu-a an-a' deh: tba-eh 'bhorn-:, 'ka-: or: korn or 'ye 'meh-a' no. On 'ble 'kpih on 'ye 'ni 'i kan 'de eh: sor dba, 'do 'we an mu-a Nyorsoa-a' wele-eh: po-dih: 'di. 'De on 'ble 'kpih 'do 'ni 'dlu, eh 'ye nyomor-': za-dih:. 'De on 'ble 'kpih on 'ye 'de 'kle 'ye-eh: 'doror: 'dor: ya dha yao 'zorn. Ti: yih an 'bhorn-a eh 'ye-a': no-dih-eh:, me-: eh mu: no-dih-eh. :Yee': mor on gweh Nyorsoa-a' wele-eh:: po-eh 'i,: yee' worn: kma-deh:: eh 'wluh-a 'de 'bie': dhorno': eh se-a: sie: 'da: korn 'di, eh mu-uh bo: vorn, eh 'ye-uh' gla: za, 'de eh 'ye-uh' 'dba. An-a' 'meheh'-ku⧾-a mu dih 'pemeh: 'do 'kpa: gwie 'i 'do 'kwi: gwlor: klaba': dao' 'di,: or: korn-a 'di on: kor-dih:-a an-a': Gwlor: baa' tu 'i.: Gwlor: daa, on 'dhu-dih-or sa-nyne:: en 'dhu-a 'Salor-gwlor-: 'dekorn: 'Iye-bluhba-:. :Yee' 'we taan gbor: tile:, me-: nyor⧾: on 'wluh-a 'dawor'⧾-dlu⧾-:: bai' 'di dih-: wlu⧾ 'doror: 'dor: po-nyor⧾-: 'dekorn: 'bluhba⧾-dlu⧾-: en-' klehkpeh ken dih, me-: on 'ye-dih: an-a' 'meheh'-ku⧾ dih: ye-dihih:. 'De nyor⧾: dao', on: se-' 'worn, nyor⧾ 'ye Nyorsoa-a' wele-eh:: po-nyor:⧾: dao' dih nma-dih:. :Yee' nyor⧾: on 'ti-a dha 'bluhba ken, an-a': porluh⧾-a mu 'ni worn dih: yi, on 'ye gor 'dhu, on 'ye dele: 'do nyor⧾ 'sororn': daa, an-a' 'meheh'-deh bo.: Yee' an mu on 'bei' deh⧾ 'kor-dih:. Deh no-eh, Nyorsoa-a' wele-eh:: po-nyor⧾ 'sororn': daa,: on: ya-a: 'de 'kle 'ye-eh: 'gabaa 'do: gwlor-nyor:⧾: on: ne-a dha 'bluhba ken bo, on 'meh-'. Jorwor:: yeh 'we taan gbor: tile zi-a,: yee' Nyorsoa po-uh: febeh' 'di de: neheh'. 'De on: sorn-', on: nyna dih.: Yee': fano-a: no nyor⧾: on 'ye-uh-a 'gabaa. :Yee' nyor⧾ 'sororn': dao', on 'worn wlu, mo-: 'wluh 'de Nyorsoa 'bli yai', mo-: 'da 'de on bo, A yi 'ya.: Yeh nyor⧾: on 'nyeh-uh'-a, an pobo-a 'o,: yee' on 'kpa 'de 'ni-kpan⧾ 'nyne-', 'de on mu 'de Nyorsoa 'bli yai'. :Yee' 'do: dha: due': dao',: yee' 'bluhba-a tleh-' 'gabaa. 'De 'kwi: gwlor: dao',: mor 'gbu⧾: bhue: ne: gluun'-for bo,: yee' 'gbu: due' 'wluh 'o mo-: blu.: Yeh 'bluhba-a tleh-a,: yee' nyor⧾-a' 'wlu: meheh' 'sorn, mo-: 'meh. 'De nyor⧾: yuh: sie:-a 'o,: on se-a 'meh,: fano 'kpa 'de on 'di, 'de an 'nyi Nyorsoa: or: ne-a 'de yai' dhih-a' 'i 'beh-a'. :Yee': wehlih-deh-a' 'sororn' neh zi-'. Jorwor: taan neh: se 'o: gwle i, eh 'ye 'de yi. :Yee' 'enjor-nyor⧾-a': meheh' 'sorn nor 'on 'ye-a, or bla or-a'a:: gamu 'weh.: Yee' wlu⧾, me-: 'wor 'de Nyorsoa 'bli yai',: en 'da,: A-a': Gwlor: baa'-: 'dekorn: or-a' 'taan'-yu-: mo-: 'kpih: en: korn-a 'bluhba:: daa wlu 'ken: korn 'de bo: naa. 'De mor an mu-or wlu 'ken: korn: ka ti-a mu-a 'dlu-': tehn klehkpeh klehkpeh. :Yee' nyor⧾: klaba'⧾-a': kwlaa 'sororn' 'yor: nyieh: dao': on: dhe-a dih 'do an-a'a: 'keen: kpala'⧾ ken 'do Nyorsoa ybei', on 'jli-: dih 'do or 'zorn, 'de an za or-a': weheh', an no,: Gwlor: baa' Nyorsoa: or 'ble-a 'kpih-a' klehkpeh kwa,: or: ne-a: chio'lo:, 'de: or: ne-a: naa,: a po: an-a' 'zio,: mor: or no-a: an-a' 'kpih: klaba'⧾: dao', 'de: or 'dhu-a: an-a' nyor⧾ wlu 'ken: korn-eh glu: naa. Nyor⧾: on se-a: on yubo:, on 'kpa-' 'chehn. 'De mor: an-a' 'chehn-a' ti nyni 'o 'weh,: on 'ye 'meheh'-nyor⧾-a' zabe zi. 'De: on 'ye: an-a'a: 'bhoi-nynuu:: an po-a: an-a' wele-eh, geli': za, 'dekorn:: an-a' nyor⧾-a' klehkpeh: an za-a: on: weheh'-:: on 'dhu-a 'nyne: korn-nyor⧾-: 'dekorn:: yuh nyor⧾ se-a yubo:-:. Ti nyni 'o 'weh: on 'ye nyor⧾: an 'kor-dih-a 'bluhba gbe: zie-dih:. :Yeh on no: ao',: yee' 'on 'ye Nyorsoa-a' 'sla: or: ne-a 'de or 'bli yai', or kan-dih: worn. 'De 'on 'ye kuo: gbloron' 'de mor.: Yee' dhehn-a chleh-' 'yli, 'de eh 'pona-' dih, 'de 'bluhba-a tleh. 'De: chehbe': kpuan'⧾: kolu'⧾: kolu'⧾-a dba dha mor. :Yee' nyor⧾ 'di dih 'ma-dih-deh:: kolu' nyor⧾ 'see-a 'ye: zai', eh-:: to-dih-eh: 'on 'i 'de yao. 'Nynor: due', or-: pa 'yluh-',: eh gweh-a: ka nyor pa 'wla-'. 'De or kor 'chuh buh⧾ ken dih.: Yee' 'keen: gblaa' on: no-dih:-a 'chuh: dhlaen-a': bhue: 'yor 'sororn', or-: or 'dhu 'dlu. Or: ne-' 'kwli, 'de or po 'geh⧾, deh no-eh, or yi: gbano:: za 'da. :Yee' nyor⧾ 'di dih 'ma-dih-deh:: neheh', eh-:: to-dih-eh: 'on 'i 'de yao. Dorsehn:: zaehn: due': eh kolo:-a, eh-: 'on 'ye,: eh 'ble-a 'dlu⧾: meheh' 'sorn-: 'dekorn: 'gbon⧾: bhue-:. 'De eh-a' 'dlu⧾: ne-a: meheh' 'sorn, en 'ble 'keen: gblaa': due': due' 'do en 'dlu. Eh-a' 'jeh: dao', eh-a' gon, mo-: eh no, 'de eh: za 'chuh: dhlaen: yai',: en: ne-a 'de yai',: mor eh 'dhu en-' 'dlu⧾-kpor⧾: ne taan,: yee' eh: za 'o 'dlu-kpor: due', 'de eh po-ih 'zorn dha 'bluhba ken. 'De eh: nyna 'o 'nynor: or yi-a: gbano:: za 'da ybei' dih, eh 'ye 'yu: or mu-a 'wluh-: di, 'do: dha: due': dao'. 'De 'nynor: dao', or 'wluh nyor-kpalu-yu:: or mu-a nene-eh-dhun 'ble-:: or 'ye-a 'bluhba⧾-dlu⧾-a' klehkpeh wlu 'ken: korn. Jorwor: Nyorsoa no-eh' 'de 'yu: dao', or: kpa-eh: yai' 'de or-a' 'keen: kpala' bo. :Yee': yeh eh no: ao',: yee' 'nynor: dao', or ple-', or mu 'de: bhehneh'-bluhba ken 'do: dha Nyorsoa po-a 'kpa 'do or bo, or 'ye-a 'o bo dih pobo-eh: 'do zon⧾ taan 'chuh⧾: meheh'lo 'di. :Yee' tuh 'kpa 'zorn 'de Nyorsoa 'bli yai'. 'Enjor:: klaba' an 'da-dih-a Makor'-: 'dekorn:: yuh: on: ne-a 'o or 'zorn-: mo-: vorn dorsehn:: dao' bo. 'De eh-a'a:: weheh': za-deh⧾-a vorn on bo: ke. Jorwor: Makor'-: 'dekorn: 'enjor-nyor:⧾: on: ne-a 'o or 'zorn-: on du dorsehn-: 'dekorn: eh-a'a:: weheh': za-deh⧾-: 'weh.: Yee' en se: dhe-da: korn 'de Nyorsoa 'bli yai': neheh'. 'De dorsehn:: klaba': dao', eh 'vile-eh: 'noror 'zorn,: eh no-a sehn: soa:: eh: ne-a: chio'lo:, an 'da-dih-a 'ku-: 'dekorn: 'Setorn-:: an bo-dih-a 'bluhba-a' klehkpeh dih. Mo-: an-a'a:: weheh': za-deh⧾-: on 'vile-eh: 'noror yao 'zorn. :Yee' 'on 'worn wlu, mo-: 'wor 'de Nyorsoa 'bli yai', on 'da,: A-a' Nyorsoa-a mu or-a' nyor⧾ 'puh-dih:: naa. 'De or mu 'kpih: no, or 'ye nyor⧾ wlu 'ken: korn: ka 'keen-a no-a. Or-a' 'taan'-yu-a mu or-a' 'kpih 'bluhba 'i: to-dih:: naa. Deh no-eh, 'ku: se 'o Nyorsoa ybei' dih: nyna i, 'de on: se-': a 'bei' 'bhoi-nynuu dhih 'dlu: po i 'gwie-:: glaa'e-:: neheh'. 'Ku: po-eh: 'zorn, on 'wluh 'de Nyorsoa 'bli yai' 'weh. 'Blae'-yu:: dao', or-a' nyomor-: 'dekorn: Nyorsoa-a' tubo-wlu⧾: a 'bei': dao', on po-a-: me-: on no, 'de on du 'ku. 'De on 'worn-dih-eh ken dih, on 'ye an-a': febeh' 'kwla: za: sloror', on 'ye 'meh. :Yee' eh-a' dhih, a-a' klehkpeh: or: ne-a 'de Nyorsoa 'bli yai', a no 'mona. Jorwor: eh no: wehlih-deh: 'do nyor⧾: on: ne-a dha 'bluhba-: 'dekorn: yobo'-: ken. Deh no-eh, 'ku 'vile-eh:-' 'de on bo. 'De 'chehn 'yi 'de 'ku 'di dih 'gabaa. Deh no-eh, on yubo-eh': ka ti: en: sie:-a 'o 'do on bo, en se-a 'i: dhie:. :Yee': yeh dorsehn:: dao' eh yubo-eh 'i: ka eh 'vile-eh 'noror yao 'zorn,: yee' eh no 'nynor: dao': or 'wluh-a nyor-kpalu-yu:: dao' dih, eh 'ye-or' kpon. Jorwor: Nyorsoa 'nyi-or: kpabuh'⧾ 'sororn': en: korn-a 'be: jili': klaba' 'ble-a, or 'ye wan, or 'ye sehn: dao' 'zorn 'wluh, or 'ye 'de: bhehneh'-bluhba ken mu, 'do: dha an mu-or 'yli-eh bo 'dhu-dih: 'do zon⧾ taan 'chuh⧾: meheh'lo 'di. :Yeh 'nynor ple-a,: yee' 'ni: eh 'wluh-a 'de dorsehn 'worn,: eh gweh-a 'ni: klaba', eh-: eh dbo-or ken dih, eh 'ye-or' kpa. Jorwor:: yee' 'bluhba yi-: 'de, or 'ye 'nynor-': za-dih:. 'De 'bie': kolu' kan-dih: worn 'do 'bluhba ken, 'de 'ni-a' klehkpeh: eh 'wluh-a 'de eh 'worn, eh pa glu 'de mor. :Yee' eh 'kpa-dih: 'nynor-' 'chehn. 'De eh kpa tuh 'do or-a'a: 'nynuu: yuh: sie:-a 'o bo,: yuh: an dhe-a 'o Nyorsoa-a' 'tele' dih, 'de: an kpon-a dhih-a' 'yor-eh:: Yusu': to-dih-uh-a 'i dih. 'De dorsehn:: dao', eh: nyna 'o yobo'-a': bhehneh'-dhu ken dih. :Yee' 'on 'ye worn: kma-deh: due', eh-: 'wluh 'de yobo' 'zorn. Eh 'ble 'gbon⧾: bhue-: 'dekorn: 'dlu⧾: meheh' 'sorn-:. 'De eh-a' 'gbon⧾: ne-a: bhue, en dhe 'keen: gblaa': due': due' 'dlu.: Yee' 'do eh-a' 'dlu⧾: meheh' 'sorn: dao' ken, 'do: wor 'nyne 'chle-dih-eh:: due': due': en 'jle-dih:-a Nyorsoa. 'De worn: kma-deh:: dao' 'on 'ye-a, eh gweh ji. 'De eh-a' buh⧾ gweh 'kpehn-a' buh⧾. 'De eh 'worn gweh 'de: gbolo 'worn. 'De dorsehn:: dao', eh 'nyi worn: kma-deh:: dao', eh-a' 'keen: kpala'-: 'dekorn: eh-a' 'kpih: klaba'⧾-:: yih eh 'ble-a: ke. Eh gweh: ka deh tba eh-a' 'dlu: due' 'gabaa, 'de eh 'meh-a: zai', 'de jorwor: 'do 'bor-a.: Yee' eh: florn-dih: 'bluhba-a' klehkpeh-: worn, 'de an zi 'o eh klei'. :Yee': gwlor-nyor⧾-a za dorsehn:: dao': weheh'. Deh no-eh, eh 'nyi eh-a' 'kpih: klaba'⧾ eh 'ble-a, worn: kma-deh:: dao' 'weh, 'de an za worn: kma-deh:: dao': weheh': ke, an no, Worn: kma-deh:: daa, eh se 'be: korn.: Or 'beh-dih:: or 'ye-eh bo vorn: eh? :Yee' Nyorsoa: za worn: kma-deh:: dao' 'yli-eh dih, eh 'ye eh-a' 'jeh 'i 'beh-dih: 'do or ken, 'de eh 'ye wlu⧾ po: en 'ye-or 'jle-dih:. Nyorsoa za-eh 'yli-eh dih, eh 'ye nyor⧾ wlu 'ken: korn 'do zon⧾ taan 'chuh⧾: meheh'lo 'di. :Yee' eh kan-dih: eh-a' worn 'i, 'de eh 'jle-dih: Nyorsoa-: or-a' 'nyne-:: dha or 'ti-a-: 'dekorn: nyor⧾: on 'ti-a 'de or bo yai'-:. 'De Nyorsoa za-eh 'yli-eh dih, eh 'ye or-a' nyor⧾ tuh bo: pa-dih:, eh 'ye-uh' du. 'De or 'nyi-eh 'kpih 'do: baa' 'di-boi'-a'-: 'bluhba⧾-dlu⧾-: wlu⧾ 'doror: 'dor: po-nyor⧾-: 'dekorn: 'dawor'⧾-dlu⧾-: an-a' klehkpeh ken. Nyor⧾-a' klehkpeh: on: ne-a dha 'bluhba ken, an mu-eh: weheh': za. Jorwor:: yuh: on: korn-a 'nyne 'chle-eh 'de 'kmo: sie:: febeh'-chlee-deh 'di, 'de 'bluhba-a mu-a: no-eh, on: due' mo-:: se-eh': weheh': za i. 'Chlee-deh:: dao', eh: korn 'de 'Blae'-yu:: or 'dba-eh bo. :Yee' 'mor: or 'dhu-a: Jororn'-', 'on 'dae:, Nyor: or 'ble-a: dou'⧾, 'nyi or: to deh⧾: daa: dou'⧾ bo. :Yee' nyor tuh: korn on 'ye-a' kpon, an mu-or: kpon.: Yee': mor nyor: korn or 'ye: bhla 'jlehn 'i 'meh-dih:,: yee': bhla 'jlehn, eh-: an mu-or 'i 'dba-dih:.: Yee': mor eh: ne: ao',: yee' Nyorsoa-nyor⧾: korn on 'ye dih: nyna deh 'jeh, 'de an-a' 'Klae-a' dhih 'jeh-': po-eh 'di. :Yee' 'on 'ye worn: kma-deh:: neheh', eh-: 'wluh 'de 'bluhba 'zorn. Eh-: 'ble 'gbon⧾ 'sororn', eh gweh: ka 'blae' 'i. 'De eh wlu: ka dorsehn no-a: wlu-a'. 'Kpih: tehn 'i neh 'ble-a, me-: eh 'ble, 'de eh no-dih: koan-' 'do eh ybei'. 'De eh: kpa-dih: nyor⧾-a' klehkpeh: on: ne-a dha 'bluhba ken 'kpih, on 'ye: tehn 'i neh-a': weheh': za,: eh: korn-a 'dlu: due' deh tba-a, 'de eh 'meh-a: zai', 'de: on 'bor-a. Eh no nyor⧾ 'di dih 'ma-dih-deh:⧾: kolu'⧾. Eh no-eh': sloror', 'de neh 'wluh 'de yao, 'de eh yi dha 'bluhba ken 'do: gwlor-nyor⧾-a' klehkpeh ybei'. Nyorsoa za-eh 'yli-eh dih, 'de eh no nyor⧾ 'di dih 'ma-dih-deh⧾ 'do: tehn 'i neh ybei', eh 'ye nyor⧾-a' klehkpeh: on: ne-a dha 'bluhba ken dih: bo-dih:. Eh zela-uh-:: gwluhuh' on 'ye deh ma, eh 'ye 'o: tehn 'i neh-a' 'gor bo dih: nyna,: yeh on 'dba-dih:-a: bhla 'jlehn, 'de: eh: ne-a 'kmo: neheh'. 'De Nyorsoa: za 'sororn' neh 'yli-eh dih, eh 'ye: tehn 'i neh-a' deh on ma-a: febeh' 'di po, 'de eh 'ye: wlu, eh 'ye nyor⧾: on se-eh: weheh': za 'dba. :Yee' worn: kma-deh-a' 'sororn': neh: dao', eh: kpa-dih: nyor⧾ 'kpih, eh 'ye-uh' yubo-da 'dhu 'de an-a': dila-son 'kwa-:: eh beh 'do an-a' 'yuba-sehn 'i-:: on 'dhu-a 'nyne: korn-nyor⧾-:: korn: yuh nyor⧾ se-a yubo:-: bhaan-nyor⧾-:: korn se deh-a': za-da 'ble-nyor⧾-: nyor⧾: on: se-a 'ge-nynuu-: 'dekorn: 'ge-nynuu-: an-a' klehkpeh. :Mor on 'ble yubo-dih-deh: gbor, 'de jorwor: on 'ye deh dhen, on 'ye deh plo. Yubo-dih-deh:: daa, eh no: zai' worn: kma-deh-a' 'nyne,: eh beh 'nama:: or: nyna-a 'o eh-a' 'nyne-a' 'gor bo dih-:. Eh 'worn nyor: or 'ble-a: toror', or-: 'beh-dih: or 'ye deh: daa dih 'worn. 'De nyor: or 'ble-a deh-' dih 'worn-eh, 'nyi or po en-' 'nama: dha: due' or 'ye en-' gbor: za 'da yubo:. Deh no-eh, en: nyna 'o nyor-a' 'nyne-a' 'nama-a' 'gor bo dih,: en 'dhu-a: kehehn': meheh'lo:: kwlaa: meheh'lo: 'yor: meheh'lo:-'. :Yee': yeh 'an pobo-a 'de: neheh',: yee' 'on 'ye 'Blae'-yu:: dao' 'weh, or: nyna 'o tluh an 'da-dih-a 'Zayorn ken dih. 'De nyor⧾-a' 'wlu-a': kehehn': due' 'wlu-a': kwlaa: nyieh 'wlu: nyieh: dao' (144,000): on: korn-a 'yuba-sehn 'i or-a' 'nyne-: 'dekorn: or: Baa' 'nyne-: en 'chle-dih-eh, mo-:: ne 'o or bo. 'De 'on 'worn wlu, on 'wluh 'de Nyorsoa 'bli yai': on gweh: ka 'ni-a wla-a-: 'dekorn:: ka dhehn-a 'plan-a-: 'de en-' wlu gweh: ka: dholo:: bla-nyor⧾-a bla-a: dholo⧾. 'De nyor⧾: dao', an ble 'duh: dele' 'do 'keen: kpala': dao'-: 'kmo: ne-deh⧾: nyieh: dao'-: 'dekorn: nyor⧾: klaba'⧾: dao'-: ybei'. Nyor se 'duh: dao', an-a' 'chean'-a' 'beh-dih:. Jorwor:: yuh Nyorsoa zelie:-a,: on: korn-a 'wlu-a': kehehn': due' 'wlu-a': kwlaa: nyieh 'wlu: nyieh: dao' (144,000), or: za-a: 'de: gwlor-nyor⧾ 'nyne-', on: due' yubo-uh. On no nyor⧾: on: dhe-dih:-a an-a' 'jeh 'for 'i,: on se-a 'nynor bo 'pehn, 'de: on se-a 'nynor-dhih yubo:. 'De an zi 'o 'Blae'-yu klei': dha klehkpeh or mu-a. On zelie-eh:-', on 'wluh 'de: gwlor-nyor⧾ 'nyne-'. Mo-: no: zai'-nyor⧾: on 'nyi-eh Nyorsoa-: 'dekorn: 'Blae'-yu-:. Sih 'see 'o on worn 'i yi-dih, 'de mor on se dhih 'bhun: ne. :Yee' 'on 'ye 'enjor:: noror', or-: wan 'de yai': dha: dhorno'. Or 'ble 'kmo: sie-tubo-wlu:⧾ 'jeh or 'ye-ih' po, 'de nyor⧾: on 'ti-a dha 'bluhba ken bo,: on 'dhu-a 'bluhba⧾-dlu⧾-:: bai' 'di-dih-: wlu⧾ 'doror: 'dor: po-nyor⧾-: 'dekorn: 'dawor'⧾-dlu⧾-: an-a' klehkpeh. 'De or 'wor, or 'dae:, A ple Nyorsoa-a': fano, a 'nyi-or dhih-a' 'i 'beh-a'. Deh no-eh, or-a' zabe:: zi-ti nyni 'o 'weh. Or-: no yao-: dha 'bluhba ken-: yobo'-: 'dekorn: 'ni⧾-a' 'dlu⧾-a' glu 'wluh 'da-:.: Yee' a za-or: weheh'. 'De 'sororn' nor zi 'o or klei', or no, 'Babe'lor-gwlor:: dao': or ku-a dih, or blu-',: gwloru:, or no-eh, 'de 'dawor'⧾-dlu⧾-a' klehkpeh 'na or-a' 'tmeor:⧾: korn-eh-a' nomor,: eh: ya-a: 'de Nyorsoa-a' 'chehn-yuba. :Yee' taan nor tba 'o: zai' nor-: 'dekorn: 'sororn' nor-: 'de-: dih. 'De or 'wor, or no,: Mor eh 'dhu nyor⧾: za worn: kma-deh:: dao'-: 'dekorn: eh-a' 'yor-eh: on ma-a: weheh', 'de on 'ye eh-a' yubo-da 'dhu-dih-eh:, 'do an-a' 'yuba-sehn 'i-:: eh beh 'de an-a': dila-son 'kwa-: :yee' nyor⧾: dao', on: korn on 'ye nomor: or: nyna-a 'o Nyorsoa-a' 'chehn-yuba-a' 'gor bo dih 'na,: or no-a 'yi: kma-nomor:: or Nyorsoa-a' 'yor-eh po-a 'de or-a' 'chehn-korbuh 'di. Nyor⧾: dao', neh-a' yluh-: 'dekorn: neh-sobu'⧾-: en mu 'o on: gwlii': di, 'do 'enjor-nyor:⧾: on: ne-a gban 'i-: 'dekorn: 'Blae'-yu-: ybei'. 'De neh: dao': eh: korn-a yluh-a di-a 'o on: gwlii', eh-a': daluh'-a mu yai': mu: ka ti-a mu-a 'dlu-': tehn klehkpeh klehkpeh. 'De 'gwie-:: glaa'e-: nyor⧾: dao': an za-a worn: kma-deh:: dao': weheh', 'dekorn: eh-a' 'yor-eh: on ma-a-:: korn mor nyor⧾: on: korn-a 'yuba-sehn 'i-: 'dekorn:: dila-son 'kwa-: on 'dhu-dih:-a eh-a' 'nyne-a' yubo-da, an-a' 'kle 'ye-eh:: dao', eh-a' 'bor. :Yee': mor eh: ne: ao',: yee' Nyorsoa-nyor⧾: korn on 'ye dih: nyna deh 'jeh 'de 'kle 'ye-eh 'di,: on 'dhu-a nyor⧾: an dhe-a 'o or-a' 'tele' dih-', 'de: on no-a: dhehehn-nyor⧾ 'do: Yusu' bo. :Yee' 'on 'worn wlu, mo-: 'wluh 'de Nyorsoa 'bli yai', mo-: 'da, 'An 'bhorn: on 'ye deh: daa 'chle.: Bhorlie' 'do nyor⧾: on po-a: Gwlor: baa'-a' dhih dhih 'jeh-', 'de: on 'meh-a,: eh 'wluh-a dha 'zean' 'bli, 'de: eh mu-a 'dlu bo.: Yee' Nyorsoa-a': Zulu 'da, Keen' deh 'jeh.: Bhorlie' 'do on bo. An mu: forn 'do 'yi: kma: koan: on no-a bo. Deh no-eh,: koan: on no-a, or-a' 'nyne zi 'o on klei' 'weh. :Yee': yeh 'an pobo-a 'de: neheh',: yee' 'on 'ye yao-pli:, 'de nyor: dhe 'o en ken dih, or gweh 'yu an 'da-dih-a Nyor-kpalu-a' 'yu. 'De or 'dhu 'keen: gblaa': or no-a 'goo 'dlu. 'De or 'ble: koo:: chehn-dih-jehn:: eh 'nma-a 'de or 'kwa. :Yee' 'enjor:: noror', or-: 'wluh 'de Nyorsoa-a' 'sla 'zorn, 'de or 'wor, or 'da 'de nyor-kpalu:: dao' bo, 'Duo:: an-a' 'jehn-': on 'ye: koo chehn. Deh no-eh,: koo:: chehn-ti nyni 'o 'weh, 'de 'bluhba-a' klehkpeh 'vlu-': naa. 'De or no or-a'a: 'jehn: dao', or chehn 'bluhba:: eh gweh-a: ka nyor-a chehn-a 'vluu'-koo. :Yee' 'enjor:: noror', or-: 'wluh 'de Nyorsoa-a' 'sla: or: ne-a 'de or 'bli yai' 'zorn. 'De or 'ble deh⧾: chehn-dih-jehn:: eh 'nma-a 'de or 'kwa. :Yee' 'enjor:: noror',: or: korn-a 'de neh-a' wlu bo, or-: 'wluh 'de deh an za-dih-a Nyorsoa-a' 'slaa ken bo. 'De or wele: 'de: yor 'ble-a 'nmaa'-jehn bo, or 'da, 'Duo:: an-a'a: 'jehn-': on 'ye: koan ken 'kpa. Chehn 'glee-bi-a' klehkpeh: en: ne-a dha 'bluhba ken. Deh no-eh, en-' klehkpeh, en 'vlu-'. 'De or no or-a'a: 'jehn: dao', or chehn 'glee-bi-a' klehkpeh: en: ne-a dha 'bluhba ken. 'De or po-ih 'de 'bie': klaba' 'di, or 'ye-ih: za-dih:,: eh: nyna-a 'o Nyorsoa-a' 'chehn-yuba, 'gor bo dih. 'De on 'fean' 'glee-bi:: dao' 'do: gwlor worn 'i. 'De nyomor 'wluh 'de 'bie': dao' 'di, or zi dih, or: na tluh⧾ 'bor⧾-a': kehehn' 'sororn', or kpon-dih 'noror nyor: bhluun' 'worn. :Yee' 'on 'ye nyor⧾ 'di dih 'ma-dih-deh:: kolu': neheh' 'de yao. 'Enjor-nyor⧾: meheh' 'sorn, mo-: 'ble 'kle 'ye-eh-a' 'dlu⧾: meheh' 'sorn: yih 'bor-dih:-a 'o. Deh no-eh, 'do en bo, 'do: wor Nyorsoa-a' 'chehn: jla-dih:. :Yee' 'on 'ye deh,: eh gweh yobo': or: no-dih-eh 'yela', 'de: or zian-dih:-a neh. 'De 'on 'ye: yuh: on du-a worn: kma-deh:: dao': eh: korn-a 'nyne-a' 'nama: nyna-a 'o eh-a' 'gor bo dih-: 'dekorn: eh-a' 'yor-eh: on ma-a-: en-' tuh. Mo-:: nyna 'o yobo': daa 'bhun dih, 'de on 'ble: dholo:⧾ Nyorsoa 'nyi-uh-a 'de on 'kwa. 'De an ble 'duh: Mose' ble-a: or no-a Nyorsoa-a' 'bhoi-yu, 'dekorn: 'duh 'Blae'-yu ble-a: ke, 'de an no,: Gwlor: baa' Nyorsoa: or 'ble-a 'kpih-a' klehkpeh kwa, deh⧾-a' klehkpeh: an no-a, en 'beh-: 'i, 'de en 'ma-dih 'de nyor⧾ 'di dih.: Mor: or 'dhu-a 'keen-',: ka ti-a mu-a 'dlu-': tehn,: an-a' kplen 'sleh-: 'i, 'de en se: bhuli' 'di: ne. Or-a' 'nyne,: or se 'beh-dih:: or 'ye: an-a': fano ple: eh,: Gwlor: baa'? 'De mor: or se 'beh-dih:: or 'ye: an-a' 'nyne dhih-a' 'i 'beh-a' 'nyi: eh? Deh no-eh,: on: due',: mor: ne gban 'i 'klein'. 'De mor 'bluhba⧾-dlu⧾-a' klehkpeh, en mu 'de: yi, en 'ye: on: weheh': za. Deh no-eh,: an-a' zabe:: zi-eh 'sleh-: 'i, 'de eh: to-dih-eh nyor⧾ 'i. :Yee': yeh deh⧾: daa en zi-a,: yee' 'on 'ye Nyorsoa-a' 'sla: or: ne-a 'de or 'bli yai', or kan-dih: worn, 'de: gbalie: eh: to-dih-eh 'Ezlea-nyor⧾ 'i: ka Nyorsoa: ne-a 'o on bo, eh: ne 'de 'sla: dao' 'zorn. :Yee' 'de or 'zorn: dao', 'do: wor 'enjor-nyor⧾: meheh' 'sorn: dao', on 'wluh, 'de an ya 'de 'kle 'ye-dih-eh-a' 'dlu⧾: meheh' 'sorn: dao'. On pa-' 'nena-ylii:: en: gweh-a: vlehehn'-', 'de: en fan-a. 'De wluh⧾ on bla-a 'gben-', en no 'goo. :Yee' 'kmo: ne-deh⧾: nyieh: dao', en-': due', eh-: 'nyi-uh 'koba:⧾: en: ne-a: meheh' 'sorn, 'de: en no-a 'goo, Nyorsoa: or: ne-a 'kmo: ka ti-a mu-a 'dlu-': tehn klehkpeh klehkpeh, or-a' 'chehn-yuba 'yi-a 'de 'di. 'De Nyorsoa-a' dhih-a' 'i 'beh-a'-: 'dekorn: or-a' 'kpih-: me-: no-eh, 'de: daluh' 'yi 'de or-a' 'sla: dao' 'zorn dih. 'De nyor se 'beh-dih: or 'ye 'de or 'zorn pa,: mor 'kle 'ye-eh-a' 'dlu⧾: meheh' 'sorn: daa, on: ya-a: 'de, en zi: weh. :Yee' 'on 'worn wlu, mo-: 'wor, mo-: 'wluh 'de Nyorsoa-a' 'sla 'zorn, an wlu 'de 'enjor-nyor⧾: meheh' 'sorn: dao' bo, on 'dae:, A mu, a 'ye 'koba⧾: meheh' 'sorn: dao' Nyorsoa-a' 'chehn-yuba 'yi-a 'de 'di 'chehli: 'do 'bluhba ken. :Yeh wlu: dao', on no: ao',: yee': zai' nor mu-', 'de or 'chehli: or-a'a: 'koba 'do 'bluhba ken.: Yee' nyor⧾: dao' on 'dhu-dih:-a worn: kma-deh:: dao', eh-a' 'nyne yubo-da, 'de: an za-a eh-a' 'yor-eh: on ma-a: weheh', 'pa⧾-zon:⧾: en puhba-a, me-: 'kpa 'o on 'bhun. :Yee' 'sororn' nor 'chehli: or-a'a: 'koba 'weh 'do yobo' worn.: Yee' yobo': za-dih:-' 'de or gweh 'meheh'-nyor⧾-a' nyomor. 'De 'kmo: ne deh⧾-a' klehkpeh: en: ne-a 'o or worn, en 'meh. 'De taan nor 'chehli: or-a'a: 'koba 'do 'ni⧾: klaba'⧾ worn-: 'dekorn: 'ni⧾-a' 'dlu⧾-a' glu 'wluh 'da-:.: Yee' en-' klehkpeh no nyomor. :Yee' 'on 'worn 'enjor:: or: korn-a 'de 'ni⧾-a' wlu bo, or-:: wlu 'de Nyorsoa bo, or 'dae:,: Mor: or: ne-a gban 'i,: or: ne-a: chio'lo:, 'de: or: ne-a: naa, 'kle 'ye-eh-a' 'dlu⧾: daa: on: ya-a: 'de dha 'bluhba ken, en: ne 'o: gwie 'i. Deh no-eh,: gwlor-nyor⧾ 'wla: an-a' nyor⧾-: 'dekorn:: an-a' wele-eh:: po-nyor⧾-: an-a' nyomor-: dih. Eh-:: korn dhih: on 'nyi-uh nyomor on 'ye 'na. Deh no-eh, on 'bhorn-eh-: dih. :Yee' 'on 'worn wlu, mo-: 'wluh 'o deh an za-dih-a Nyorsoa-a' 'slaa ken, mo-: 'da,: Gwlor: baa' Nyorsoa: or 'ble-a 'kpih-a' klehkpeh kwa,: an-a' zabe:: zi-eh 'sleh-: 'i, 'de eh se: bhuli' 'di: ne. :Yee': nyieh nor 'chehli: or-a'a: 'koba 'weh 'de 'yluh ken.: Yee' 'yluh: kma 'i 'gabaa, eh: zi 'o dih, 'de an-a' neh-a sin-dih: gwlor-nyor⧾. 'De an-a' yau gblor. Deh no-eh, 'yluh-a': fuun': kma 'i 'gabaa. 'De an 'jle-dih Nyorsoa: or 'ble-a 'kpih 'do 'kle 'ye-eh-a' 'dlu⧾: meheh' 'sorn: daa 'dlu. 'De mor on: se-' an-a' deh⧾-zon⧾ dih 'tali:, on 'ye-or' dhih-a' 'i 'beh-a' 'nyi. :Yee': mm' nor 'chehli: or-a'a: 'koba 'weh 'do worn: kma-deh:: dao', eh-a' 'keen: kpala' ken.: Yee' 'do: dha eh: korn-a wlu 'ken no: kule:. 'De: gwlor-nyor⧾-a nmu-a dih an-a': meo⧾ dih. Deh no-eh, an 'ye an-a' 'jeh 'worn 'gabaa. 'De an 'jle-dih Nyorsoa: or: ne-a 'de yai', 'do an-a' 'pa⧾: en puhba-a, en-' dhih bo. Jorwor: on: se-' an-a' deh⧾-zon⧾ dih 'tali: 'gboror:. :Yee': meheh'lo nor 'chehli: or-a'a: 'koba 'weh 'do 'ni: klaba' an 'da-dih-a: Yufle'ti worn. 'De eh ma 'gbee', eh 'ye 'keen-boi': on 'wluh-a 'de 'yluh-a' 'kwla 'wluh-dih: 'da: gwie 'nyi. :Yee' 'on 'ye 'kwla 'ye-dih-deh⧾ taan, me-: gweh: kpabor⧾, me-: 'wluh 'de dorsehn:: dao'-: worn: kma-deh:: dao'-: 'dekorn: sih 'tmo: wele-eh:: po-nyor-: 'worn. 'Kulu-deh:⧾: daa, en no 'kwla 'ye-dih-deh:⧾: en no-a nyor⧾ 'di dih 'ma-dih-deh⧾. Me-: mu 'bluhba-a' klehkpeh ken dih, 'de en 'da 'keen-boi'-a' klehkpeh: on: ne-a dha 'bluhba ken: dha: due', on 'ye tuh vorn 'do 'we-eh:: klaba' Nyorsoa: or 'ble-a 'kpih-a' klehkpeh kwa, or mu-a nyor⧾-a' zabe: zi-dih: 'di. 'De 'Klae: wlu, or 'dae:, A: gbee'e:. 'An mu 'de: yi: ka 'ylii'-nyor yi-a 'de.: Bhorlie' 'do nyor: dao' bo,: or fuo-a ti 'ken, 'de: or se-a 'nyinor-': gweh-dih:, 'de: or dhe-a or-a'a: paa-tiei son ken, 'de: mor eh 'dhu-a deh-', or: ne-a' 'kpanua': chehn, or: ne-a' 'noror: gwlor: gwea dih 'si. :Yeh 'Klae 'da: ao',: yee' 'on 'ye 'kwla 'ye-dih-deh:⧾: dao', en po 'keen-boi'-a' klehkpeh: dha: due' 'do: dha nyor⧾-a 'da-dih-a 'Amageh'dor 'de: Hiblu'-wlu 'di. :Yee': meheh' 'sorn nor 'chehli: or-a'a: 'koba 'weh 'de yao.: Yee' 'on 'worn wlu, mo-: 'wor, on 'wluh 'de 'keen: kpala': or: ne-a 'de Nyorsoa-a' 'sla 'zorn bo, on 'dae:, Eh: jla 'dlu-': weh. :Yee' dhehn-a chleh-' 'yli, 'de eh 'pona-' dih, 'de 'bluhba-a tleh 'gabaa. Nyorsoa no-a: gwlor-nyor: noo:, 'bluhba 'see: ao' tleh-a' no: zai'. 'Bluhba-a' tleh-a': yor: dao', eh: zi 'o-: dih 'gabaa. 'De 'kwi: gwlor: or ku-a dih, an 'da-dih-a 'Babe'lor, or 'kor, or 'klae: dih 'do kpor⧾ taan 'di. 'De 'kwi gwlor⧾-a' klehkpeh: en: ne-a dha 'bluhba ken, en blu. Nyorsoa: se-' 'Babe'lor:: dao': or ku-a dih, or-a' 'kle 'ye-eh-a' 'dlu: po-eh-a' dhih bo 'ma-dih:. Eh-:: korn dhih, or 'nyi-or nomor: or: ne-a 'de 'korbuh 'di,: or: nyna-a 'o Nyorsoa-a' 'chehn-yuba-a' 'gor bo dih. :Yee' 'ni-a' dubeh⧾-a' klehkpeh en 'ma-'. 'De tluh⧾-a' klehkpeh, en 'ma: ke. :Yee': chehbe': kpuan'⧾: kolu'⧾: en: korn-a kwa: ku-eh: ne: koo-blor-a' kwa: ku-eh 'beh-dih:-a, me-: 'wluh 'de yai', en 'kpa 'zorn 'do: gwlor-nyor⧾ ken. Jorwor:: gwlor-nyor⧾-a 'jle-dih Nyorsoa 'weh 'gboror: 'do: chehbe': kpuan'⧾: dao': en 'ye-dih-uh-a 'kle bo. Deh no-eh, 'kle 'ye-eh:: dao', eh: kma worn 'gabaa. :Yee': yeh eh no: ao',: yee' 'enjor-nyor:⧾: dao',: on 'ble-a 'koba⧾: meheh' 'sorn, an-a' nyor: due', or-: yi 'o 'on bo,: or 'da, 'Yle, 'on 'ye: on 'kle 'ye-eh: Nyorsoa-a mu-a 'o: bhaa'-nynor:: klaba' 'dlu: po: torne:,: or: dhe-a dih, 'do 'ni⧾: klaba'⧾ 'nyne bo. Or-:: nyna 'o 'kwi: gwlor: klaba' 'gor bo dih. 'Keen-boi'-a' klehkpeh: on: ne-a dha 'bluhba ken, mo-:: ne or 'tmo.: Yee': mor or: ne nyor⧾: on: ne-a dha 'bluhba ken 'tmo,: yee' eh-a' nomor-: no-uh. :Yee' Nyorsoa-a': Zulu: ne 'o 'on ken, 'de or-a' 'enjor:: dao', or kpa 'on 'de: bhehneh'-bluhba ken. 'De 'on 'ye 'nynor: due' or: dhe 'o worn: kma-deh: due': eh: ne-a 'zoo ken dih. 'Nyne: dhulu': en 'jle-dih-a Nyorsoa, me-: 'chle-eh: 'do eh-a' yau-a' klehkpeh 'bhun. Worn: kma-deh:: dao', eh 'ble 'dlu⧾: meheh' 'sorn-: 'dekorn: 'gbon⧾: bhue-:. 'Nynor: dao', or pa-' 'ylii:: nmaa'e:: en: kpe-a gbor 'de: en: ne-a 'zoo,: en 'kpa-a deh ken. 'De or: bheh-dih: 'goo-: sobu'⧾: en 'kpa-a deh ken-: 'dekorn: 'za⧾-kon:⧾ on no-a 'wla⧾-yor-' 'de: en 'kpa-a deh ken-:. 'De or 'ble 'korbuh: on no-a 'goo kwa: on: korn-a 'di nomor 'yi-a 'de 'di. Nomor: dao', or: nyna 'o or-a' dhen-deh:⧾ or no-a-: 'dekorn: or-a' 'tmeor:⧾: korn-eh-: en-' 'gor bo dih. :Yee' 'do or 'yuba-sehn 'i, 'do: wor 'nyne: en: korn-a gbor: za-eh: 'zile:-a, en 'chle-eh:,: en no-a, 'Babe'lor-gwlor:: or ku-a dih. Or no: bhaa'-nynor⧾-a' klehkpeh 'de. 'De mor 'de or bo, 'do: wor gu-kplen:: no-eh-a' klehkpeh 'wluh. :Yee' 'on 'ye 'nynor: dao', 'de Nyorsoa-nyor:⧾ on 'dba-a: Yusu'-a' dhih, an-a' nyomor-a no-or,: on 'da: ka nomor-a no-a nyor⧾.: Yeh 'on 'ye-or,: yee' eh: florn-dih: 'on-: worn 'gabaa. Jorwor: 'enjor:: dao', or: wlu-' 'de 'on bo, or 'dae:,: Eh: florn-dih:: on worn: eh? 'An mu: on deh 'nynor-: 'dekorn: worn: kma-deh:: dao'-:: eh 'ble-a 'dlu⧾: meheh' 'sorn-: 'dekorn: 'gbon⧾: bhue-: or: dhe-a 'o ken dih,: eh kpa-or, en-' 'slan 'dhu-eh:-': gwluhuh' zela:. Worn: kma-deh:: dao': on 'ye-a, eh: ne-' 'kmo: dee'. Jorwor: eh 'meh-': naa. Eh yi 'de 'bie': dhorno': dao': eh se-a: sie: 'da: korn 'di 'wluh 'da: naa, 'de eh 'ye mu, eh 'ye gbe: zie:.: Yee' nyor⧾: on 'ti-a dha 'bluhba ken,: on: korn-a 'nyne se-a 'chle-eh: 'de 'kmo: sie:: febeh'-chlee-deh 'di, 'de jorwor: Nyorsoa-a mu-a 'bluhba: no, eh mu an-a' klehkpeh worn: florn-dih:,: mor on 'ye-eh. Deh no-eh, eh: ne-' 'kmo: dee', 'de eh 'meh, 'de eh yi de: yi 'da: neheh'. Eh 'worn nyor: or 'ble-a: toror', or-: 'beh-dih: or 'ye deh: daa dih 'worn. 'Dlu⧾: meheh' 'sorn: dao', me-:: nyna 'o tluh⧾: meheh' 'sorn: en 'nynor: dhe-a 'o ken dih,: en: bleh-dih:-a 'keen-boi': meheh' 'sorn 'i: ke. On: mm', mo-: 'meh, 'de: due': korn nyor⧾ wlu 'ken: naa.: Yee' eh: sie: 'o: due', or-: 'see 'de yi.: Mor or 'yle, or mu nyor⧾ wlu 'ken: korn 'do ti-kpor-bei 'di 'klein'. Jorwor: worn: kma-deh:: dao': eh: ne-a 'kmo: dee', 'de: eh 'meh-a: naa, eh no 'keen-boi': meheh' 'sorn: dao', an-a' nyor: due', jorwor: eh mu-': sorn, eh 'ye 'kmo: ne: neheh', 'de eh 'ye 'de 'keen-boi': dao', an-a' nyor⧾: na-dih-eh-a' kpor⧾: meheh' na neh gweh. 'De eh mu: mu eh 'ye gbe: zie-dih-eh:: ke. :Yee' 'gbon⧾: bhue:: dao': on 'ye-a, en: nyna 'o nyor⧾: bhue 'gor bo dih,: an mu-a 'keen: no 'de ybei'. 'Keen-boi': bhue:: dao', 'kpih-a mu-uh 'nyi-eh: mo-: worn: kma-deh-: on 'ye nyor⧾ wlu 'ken: korn, 'do 'yluh-buh: due' 'di. 'Keen-boi': bhue:: dao', an-a' klehkpeh, an mu deh: due' ken dih 'worn-dih:, 'de on 'ye an-a' 'kpih 'kwla: za, on 'ye-ih' worn: kma-deh:: dao' 'nyi. :Yee' worn: kma-deh:: dao'-: 'dekorn: 'keen-boi': bhue:: dao'-: an mu 'Blae'-yu tuh bo: kpa. Jorwor: or-: 'dekorn: nyor⧾: on zi-a 'o or klei'-: an mu-uh: du. Deh no-eh, or-: no: Gwlor: baa' 'do: gwlor: bai'-a' klehkpeh bo. 'De or no 'Keen 'do 'keen-boi'-a' klehkpeh bo. 'De nyor⧾ or-a' 'jeh 'yor-eh gan-a, 'de or 'da-a, mo-: zi 'o or klei', 'de on no: dhehehn-nyor⧾ 'do or bo. 'De 'enjor:: dao', or: wlu 'de 'on bo, or 'dae:, 'Ni⧾: klaba'⧾: dao': on 'ye-a,: en: korn-a 'nyne bo: bhaa'-nynor:: dao', or: dhe-a dih, en: nyna 'o nyor⧾: doru': on 'wluh-a 'dawor'⧾-dlu⧾-: 'bluhba⧾-dlu⧾-: 'dekorn: wlu⧾ 'doror: 'dor: po-nyor⧾-: 'di dih, an-a' 'gor bo dih. 'De 'gbon⧾: bhue:: dao': on 'ye-a-: 'dekorn: worn: kma-deh:: dao'-: en mu: bhaa'-nynor:: dao' 'nyeh-:. Deh⧾-a' klehkpeh or 'ble-a, an mu-ih or 'kwa: za, 'de or 'ye 'kpanua': chehn. An mu or-a' 'pla⧾: di, 'de on 'ye-or 'yli po. Deh no-eh, Nyorsoa: oo', or-: po-eh 'o on: porluh⧾ ken, on 'ye deh Nyorsoa 'bhorn-a no. Eh-:: korn dhih 'keen-boi': dao', on 'worn-dih-eh ken dih, on 'ye an-a' nyor⧾ wlu 'ken: korn-eh-a' 'kpih worn: kma-deh:: dao' 'nyi. An mu 'o eh-a' 'tele' dih: dhe: dhee:: chio'lo: 'de Nyorsoa-a' wlu⧾-a' klehkpeh 'ye dhih 'jeh-' 'kpa. :Yee' 'nynor: dao': on 'ye-a, or-:: nyna 'o 'kwi: gwlor: klaba': or ku-a dih, 'de: or: korn-a 'bluhba:⧾: en: ne-a dha yao 'zorn wlu 'ken 'gor bo dih. :Yee': yeh deh⧾: daa en zi-a,: yee' 'on 'ye 'enjor:: noror',: or: ne-a 'de Nyorsoa 'bli yai', or-: 'dhle,: or yi 'bluhbor. Or 'ble 'kpih: klaba'⧾. 'De dhih-a' 'i 'beh-a' or 'ble-a, or-: no-eh, 'de dha 'bluhba ken-a 'ye-dih. 'De or 'wor-dih: or-a' dhih-a' 'i 'beh-wlu:: dao', or 'da, 'Babe'lor-gwlor:: dao': or ku-a dih, or blu-',: gwloru:. 'Kwla 'ye-dih-deh:⧾ 'doror: 'dor-: neme: Nyorsoa 'nyeh-a, 'de: en no-eh, 'de nyor⧾-a ne-a: kane' dih-: deh⧾-a' klehkpeh: daa, me-: 'ti 'de or 'di: naa. Deh no-eh, 'bluhba⧾-dlu⧾-a' klehkpeh, on 'na or-a' 'tmeor:⧾: korn-eh-a' 'yi: kma-nomor. 'Keen-boi'-a' klehkpeh: on: ne-a dha 'bluhba ken, mo-:: ne or 'tmo. 'De 'doror': po-nyor⧾-a' klehkpeh: on: ne-a dha 'bluhba ken, on: bhan-dih: or-a' 'tmeor:⧾: korn-eh:: eh: zi-a 'o dih, 'zorn. :Yee' 'on 'worn wlu: noo', mo-: 'wluh 'de Nyorsoa 'bli yai', mo-: 'da, A 'wluh 'o: gwlor: dao' 'di, a: mor: or 'dhu-a 'an-a: nyor⧾-', 'de a: ne-' deh⧾-zon:⧾ or no-a son 'di po, 'de a: ne-' 'for 'ble, 'do 'kle 'ye-eh:: doru' Nyorsoa-a mu-a 'o or 'dlu: po 'di. Deh no-eh, deh⧾-zon:⧾ or no-a, en dhele: 'dlu: dhelee: 'de en: ne 'wluh dha 'bluhba ken, mu 'de Nyorsoa 'bli yai': tehn-dih:. 'De Nyorsoa: se-' deh⧾-zon:⧾ or no-a, en-' dhih bo 'ma-dih: i. Deh⧾ or no-a 'do or 'bei' 'bhun, me-: a 'ye no, 'do or 'bhun: ke. Deh⧾ or no-a, me-:: korn kpor⧾ 'sororn', a 'ye-or' geli': za-dih:. 'Yi: kma-nomor or 'nyi-a or 'bei', or-: a 'ye-eh' no, or-a' 'yi: kma-eh 'ye kpor⧾ 'sororn' no, a 'ye-or' 'nyi: ke. :Yee': ka or 'nyi-a or-a' 'jeh dhih-a' 'i 'beh-a'-: 'dekorn: deh 'worn: di-dih-eh-:: yee' a no-eh, or 'ye or-a' 'jeh worn 'ye, or 'ye 'kle 'ye 'gabaa, en: ne or-a' dhih-a' 'i 'beh-a'-: 'dekorn: deh 'worn: di-dih-eh-: en 'ye 'beh-dih:. Deh no-eh, or po or-a' 'jeh dhih bo 'do ti-a' klehkpeh bo 'de or 'di, or no, 'Mor 'keen: nynor 'o,: or: dhe dih 'do 'keen: kpala' ken. 'On: se: dhoba: 'nynor. 'De mor: ka: dhoba: 'nynor-deh: ne-a worn, 'on: se-eh' worn 'ye-: i. :Yee' 'do eh-a' dha, 'kle 'ye-eh:: doru': eh: dhe-dih-eh 'for 'i, 'do or bo, eh mu-or: kpon 'do 'we-eh: due' 'di. 'Weh⧾-: 'zlu-a'-: 'moeh:: eh 'kpa-a Ji Kou'-moeh-: me-: mu-or: no. Neh, eh-: mu-or ya: gweh. Deh no-eh,: Gwlor: baa' Nyorsoa: or chehn-a or-a' zabe 'i, or-a' dhih 'beh-: 'i. :Yee' 'keen-boi': on: ne or 'tmo-a, 'de: on: ne or di-dih-a deh 'worn: dha: due', an mu 'vin-: 'de on 'ye 'zlu, 'do: gwlor: dao' or-a' dhih bo,: mor on 'ye neh: eh po-or 'yli, eh-a': daluh'. An mu-or bo dih: tehn-dih:, 'de on 'ye 'de pobo:. Deh no-eh, an ple: fano: on: ne-' 'kle 'ye-dih-eh:: ke. 'De an no, Eh no: wehlih-deh:, eh no: wehlih-deh:, 'do: mor 'Babe'lor-gwlor:: daa,: or ku-a dih bo: or 'ble-a 'kpih: dee'. 'Yli: a bla-a 'i,: on: po-eh: 'kle 'ye-eh: 'dlu. :Yee' 'doror': po-nyor:⧾: on: ne-a dha 'bluhba ken: ke, an mu 'vin-: 'de on 'ye 'zlu 'do or-a' dhih bo. Deh no-eh, nyor-a' dhen an-a'a: ploo-deh⧾: neheh', :en 'dhu-a 'goo-: 'sebla-: sobu'⧾: en 'kpa-a deh ken-: 'za⧾-kon:⧾ on no-a 'wla⧾-yor-' 'de: en 'kpa-a deh ken-: 'nena-ylii:: nmaa'e-: 'ylii:: nmaa'e:: en 'kpa-a deh ken-:: yih: en: kpe-a gbor-:: yih: en: ne-a 'zoo-: 'dekorn: 'sleke-ylii-: tu⧾ 'doror: 'dor,: en: korn-a 'ye-a': kma 'i-: deh⧾ 'dor: dor 'dor on: no-dih:-a dor-nyne-:: yih on: no-dih:-a tu⧾: en 'kpa-a deh ken 'gabaa-:: yih on 'wla-a: dhiin 'de on no-a-:: yih on: no-dih:-a nene-: 'dekorn:: yih on: no-dih:-a sobu'⧾: en 'kpa-a deh ken an 'da-dih-a 'mabor-: 'dekorn: ploo-deh:⧾: nee': en 'dhu-a, 'chlan an 'da-dih-a 'sinamo-:: pofi'orn-: deh⧾: mor nyor⧾ po-a 'yli, 'de: en po-a 'no 'jeh no-:: pofi'orn: an 'da-dih-a 'mina-: 'yli: po-deh:⧾: nee' an 'da-dih-a 'flehnkensehn-: nomor-: 'chlan nyor⧾-a di-a-: 'flawa:: bhebe'-: 'dekorn: deh⧾-yor: an 'da-dih-a 'wii-:: blii'⧾-: 'blae'⧾-:: soo'o⧾-: 'dekorn: deh⧾: soo'o⧾-a jli-a-: 'dekorn: 'ge-nynuu-:. :Yee' 'doror': po-nyor:⧾: dao', on 'dae: 'de 'Babe'lor-gwlor:: dao' bo, Deh⧾: dhulu': nmaa'e:: an-a': porluh-a 'bhorn-a: on 'ye-a': korn, en-' klehkpeh 'ma-'.: An-a' worn: nmor-deh:: di-eh-: 'dekorn: bhan-a'-: en-' klehkpeh 'ma-', 'de mor: on: se-ih' 'ye-: i: neheh'. :Yee' 'doror': po-nyor:⧾: on po-a 'doror' 'do: gwlor: dao' 'di, 'de: on: bhan-dih-eh 'zorn, an mu-or bo dih: tehn-dih:, 'de on 'ye 'de pobo:. Deh no-eh, an ple: fano: on: ne-' 'kle 'ye-dih-eh:: ke. An mu 'vin-:, 'de on 'ye 'zlu, 'de on 'ye: ao', Eh no: wehlih-deh:, eh no: wehlih-deh:, 'do 'kwi: gwlor: daa: or ku-a dih bo,: or: bheh-dih:-a 'nena-ylii:: nmaa'e-: 'ylii:: nmaa'e:: en 'kpa-a deh ken-:: yih: en: kpe-a gbor-: 'dekorn:: yih: en: ne-a 'zoo-: 'de: or: bheh-dih:-a 'goo-: sobu'⧾: en 'kpa-a deh ken-: 'dekorn: 'za⧾-kon:⧾ on no-a 'wla⧾-yor-', 'de: en 'kpa-a deh ken-:. 'Do 'yluh-buh: due' 'di, or 'ma-dih: or-a' bhan-a' deh⧾-a' klehkpeh 'weh.: Yee' 'do ti: dao' 'i, 'ni ken-meheh⧾-a': janbe-a' klehkpeh-: nyor⧾ en kpa-: nyor⧾: yuh: an no-dih-ih-a: koan bo-: 'dekorn: nyor⧾-a' klehkpeh: an no-a: koan 'do yobo' worn, 'de: an 'ye-a dii-deh-: an-a' klehkpeh, an mu-or bo dih: tehn-dih:, 'de on 'ye 'de pobo:. :Mor on 'ye neh: eh po-or 'yli, eh-a': daluh',: yee' an mu 'geh⧾: po, an mu: ao', 'Kwi: gwlor: yoror nyor 'beh-dih: or 'ye 'kwi: gwlor: daa,: or ku-a dih, 'i: po-dih:: eh? :Yee' an mu: bhuhbuh'-' dih: sue-dih:, on 'ye 'vin, 'de on 'ye 'zlu. 'De on 'ye 'geh⧾ po, on 'ye: ao', Eh no: wehlih-deh:, eh no: wehlih-deh:, 'do 'kwi: gwlor: klaba': dao' bo. Or-a' bhan-a' or 'ble-a, or-:: bhan-dih: nyor⧾-a' klehkpeh: on 'ble-a 'ni ken-meheh⧾: dee' 'do yobo' worn. 'Do 'yluh-buh: due' 'di, deh⧾-a' klehkpeh or 'ble-a, en 'ma-'. :Yee' eh-a' dhih, a: mor: or: ne-a 'de Nyorsoa 'bli yai', a: no-dih-or 'mona ken dih.: Yee' a: mor Nyorsoa-nyor⧾-:: Yusu'-a'a: dboo-nyor⧾-: 'dekorn: Nyorsoa-a' wele-eh:: po-nyor⧾-: a no 'mona: ke. Deh no-eh, Nyorsoa chehn: gwlor: dao' or-a' zabe 'i, 'do deh or no-a 'do a 'bhun, eh-a' dhih bo. :Yee' 'enjor-nyor:⧾: on 'ble-a dhih-a' 'i 'beh-kpih, an-a' nyor: due', or-: 'duo: sobu': on 'beh-a 'i, 'de: on: ku-a kwa 'gabaa. Mo-: or 'vile: 'do yobo' worn, 'de or 'da, 'Ka-:: mor 'Babe'lor-gwlor:: daa,: or ku-a dih,: an mu blu-a': no,: gwloru:, 'de mor: on: se-' 'ye-eh: i: neheh'. 'Babe'lor-gwlor:: daa, nyor: se-': an-a' blaa-deh⧾-a': dhlumeh' 'worn-: i: neheh' 'do: an-a' 'kpa⧾: gwie⧾ bo dih,: en 'dhu-a: dholo⧾-: blee-nyor⧾-: 'solo': wope'⧾-: 'dekorn:: gamu⧾-:.: An-a' 'sleh: korn-nyor⧾-a' klehkpeh: se-' 'ye-eh: i: neheh' 'de: on 'di. Nyor: se-' 'sun-: 'dekorn:: dhobo-: en-' wlu 'worn-: i: neheh'. 'De mor 'nape⧾-a' neh: se-': wan i 'de: on 'di: neheh'. 'De mor 'nynor nyina:: kpa-gor: se 'de: on 'di: ne i: neheh'.: An-a' 'doror': po-nyor⧾: wor 'dhu 'doror': po-nyor:⧾: klaba'⧾-' dha 'bluhba-a' klehkpeh ken: dee'.: An-a' gu: po-eh:, eh-:: on no, 'de: on: bo-dih: 'bluhba-a' klehkpeh dih: dee'. :Yee' Nyorsoa-a' wele-eh:: po-nyor⧾-a' klehkpeh-: Nyorsoa-nyor⧾-a' klehkpeh-: 'dekorn: nyor⧾-a' klehkpeh: on 'dba-eh dha yao zorn-: 'Babe'lor-gwlor:: daa, or-: an mu dih: kpon 'do an-a' 'meh-a' dhih bo. :Yee': yeh deh⧾: daa en zi-a,: yee' 'on 'worn 'geh⧾, 'de Nyorsoa 'bli yai',: en gweh-a: ka: gwlor-nyor:⧾: doru'-a po-a 'geh⧾, an no, A po Nyorsoa-a' 'nyne ya,: or no-a: a-a' 'puh-dih-nyor. Dhih-a' 'i 'beh-a'-: 'dekorn: 'kpih-: en: korn 'de or bo. Deh no-eh, or-a' zabe:: zi-eh 'sleh-: 'i, 'de eh se: bhuli' 'di: ne. Or chehn: bhaa'-nynor:: klaba': dao', or-a' zabe 'i 'weh,: or 'kor-dih:-a 'bluhba-a' klehkpeh 'do or-a' 'tmeor:⧾: korn-eh bo. Nyorsoa po-or 'kle 'ye-eh: 'dlu, deh no-eh, or 'dba Nyorsoa-a' 'bhoi-nynuu:. :Yee' an po 'geh⧾: neheh', an no, A po Nyorsoa-a' 'nyne ya. Neh: eh po-a 'Babe'lor-gwlor 'yli, eh-a': daluh'-a mu yai': mu: muu:: ka ti-a mu-a 'dlu-': tehn klehkpeh klehkpeh. :Yee' nyor⧾: klaba'⧾-a': kwlaa 'sororn' 'yor: nyieh-: 'dekorn: 'kmo: ne-deh⧾: nyieh: dao'-: on 'jli-: dih 'do Nyorsoa: or: dhe-a dih 'do 'keen: kpala' ken, 'zorn, 'de an za-or: weheh'. 'De an no, 'Ka-: eh 'ye: ne. A po Nyorsoa-a' 'nyne ya. :Yee' wlu, mo-: 'wluh 'de 'keen: kpala': dao' bo,: on 'da, A po: a-a' Nyorsoa-a' 'nyne ya, a: mor: or 'dhu-a or-a' 'bhoi-nynuu,: or: korn-a or-a': fano-a ple-a, a: mor: or 'dhu-a 'nyne: korn-nyor⧾-: 'dekorn:: yuh nyor⧾ se-a yubo:-:. :Yee' 'on 'worn wlu⧾: en gweh-a: gwlor-nyor:⧾: doru'-a' wlu⧾: en gweh-a: ka 'ni-a wla-a, 'de: eh gweh-a: ka dhehn-a 'pona-' dih 'gabaa, me-:: an no, A po Nyorsoa-a' 'nyne ya. Deh no-eh,: a-a': Gwlor: baa' Nyorsoa: or 'ble-a 'kpih-a' klehkpeh kwa, or-: no 'keen: or: korn nyor⧾ wlu 'ken. A 'nyi: a no 'mona,: a 'ye dele:. A 'nyi-or dhih-a' 'i 'beh-a'. Deh no-eh, 'Blae'-yu-a'a: 'nynor nyina:: ya-ti nyni 'o: weh. 'De 'nynor: or mu-or 'bli 'ti-:, or po or-a' 'jeh-: 'kpa, 'de or: ne buh⧾ ken: naa. Nyorsoa 'nyi 'nynor: dao' 'nena-ylii:: nmaa'e:: en: gweh-a: vlehehn'-', 'de: en fan-a, or 'ye pa. ('Nena-ylii:: nmaa'e:: dao', me-:: nyna 'o Nyorsoa-nyor⧾-a' noo-deh:⧾ 'jeh on no-a, 'gor bo dih.) :Yee' 'enjor:: dao', or zela: 'on: gwluhuh', or 'da, 'Chle wlu⧾: daa: an mu-a 'worn-:,: Bhorlie' 'do nyor⧾: yuh: on 'da-eh 'do 'Blae'-yu-a'a: 'nynor nyina:: ya-gor:: daa 'di, 'de: on 'ye-a or-a' 'gwie-deh di. 'De or 'dae: 'de 'on bo: neheh', Deh⧾: daa Nyorsoa: za-a-', en no dhih-a' 'yor-eh:. :Yeh or 'da: ao',: yee' 'on 'jli-: dih 'do or 'zorn, 'on 'ye-or: weheh': za. Jorwor: or: wlu-' 'de 'on bo, or 'da, 'Bor,: an-a': no-': ao'.: Ka: on no-a, 'de: on no-a 'bhoi-yu, 'ka-: 'on: ne: ke,: korn mor: an-a' 'Klae: de-di'-boi': on kpon-a dhih-a' 'yor-eh dih: en: Yusu': to-dih-uh-a 'i. Nyorsoa, or-:: on 'ye: weheh': za. Deh no-eh, dhih-a' 'yor-eh:: Yusu': to-dih:: a 'i, me-: 'o: en 'nyi Nyorsoa-a' wele-eh:: po-nyor⧾ 'kpih, on 'ye or-a' tubo-wlu⧾ po. :Yee' 'on 'ye 'de Nyorsoa 'bli yai', 'de kan-dih: worn, 'de 'on 'ye: soo'o-plu: 'de mor. 'De 'yu: due': dhe 'o or ken dih, or-a' 'nyne: wor: Dhehehn-nyor-: 'dekorn: Dhih-a' 'yor-eh-:. Or-a' zabe:: zi-eh 'sleh-: 'i, 'de or-a' tuh: vorn-eh 'sleh 'i: ke. Or-a' 'yli-a wan-a' gweh neh. 'De or 'dhu 'keen: gblaa'⧾: dhulu' 'dlu. 'De or 'ble 'nyne, me-: 'chle-eh: 'do or ken,: en nyor se-a yubo:. Jorwor: or: due', or-: yubo-ih. :Gba 'vuu or pa-', on no nyomor-a' 'bleh 'bleh.: Yee' 'nyne an 'da-dih-or, me-: 'dhu Nyorsoa-a' wlu-'. :Yee' sorye': dhulu': on: ne-a 'de Nyorsoa 'bli yai', on pa-' 'nena-ylii:: nmaa'e:: en: gweh-a: vlehehn'-', 'de: en: ne-a 'pu-'. 'De on: dhe 'o: soo'o⧾-plu⧾ ken dih. An zi 'o or klei'. :Bhla 'jlehn: eh 'nma-a, eh-: 'wluh 'de or 'worn, eh-: or mu: no, or 'ye 'bluhba⧾-dlu⧾ du. Nene-eh-dhun:, mo-: or mu: no, or 'ye-uh' wlu 'ken: korn. Or mu-uh' 'fean'-:: eh gweh-a: ka nyor-a: or 'fean'-a 'glee-bi-', deh no-eh, Nyorsoa: or 'ble-a 'kpih-a' klehkpeh kwa, or-a' 'chehn-yuba 'bili: 'de on bo. :Yee' 'do or-a'a:: gba 'vuu 'bhun-: 'dekorn: 'do or-a' 'porno 'bhun-: 'do: wor 'nyne 'chle-dih-eh:: en no-a, 'keen-boi'-a' klehkpeh, an-a' 'Keen, 'dekorn:: gwlor: bai'-a' klehkpeh, an-a': Gwlor: baa'-:. :Yee' 'on 'ye 'enjor: due', or-:: nyna 'o 'yluh ken dih. 'De or 'wor, or wele: neme-a' klehkpeh: en wan-a 'de yai': dha: dhorno', or 'da, A 'yle, a 'ye: dha: due' 'kpa, 'do 'gor: klaba' Nyorsoa 'da-a bo o. A 'yle, a 'ye 'keen-boi'-a' 'meheh'-kwia di,: janbe-boi'-a' ne-: 'kpih 'ble-nyor⧾-a' ne-:: soo'⧾-a' ne-: 'dekorn: nyor⧾: an na-dih-ih-a, an-a' ne-: nyor⧾-a' klehkpeh, an-a' ne-:: on 'dhu-a 'ge-nynuu-: 'dekorn:: yuh: se-a 'ge-nynuu-: 'nyne: korn-nyor⧾-: 'dekorn:: yuh nyor⧾ se-a yubo:-: a 'yle, a 'ye an-a' klehkpeh-a' 'meheh'-kwia di o. :Yee' 'on 'ye worn: kma-deh:: dao'-: 'dekorn: 'keen-boi': on: ne-a dha 'bluhba ken-: mo-: an-a'a: sorye'-: on 'kpa: dha: due', on 'ye 'yu: or: dhe-a 'o: soo'o-plu:: dao' ken dih-: 'dekorn: or-a'a: sorye'-: bo vorn. 'De tuh kpon worn: kma-deh:: dao'-: 'dekorn: sih 'tmo: wele-eh:: po-nyor:: or no-a nyor⧾ 'di dih 'ma-dih-deh⧾, 'do eh-a' dhih bo. Me-: 'o or no, 'de or: bo-dih: nyor⧾: on worn: kma-deh 'dhu-a yubo-da-: 'dekorn:: yuh: on: za-a, eh-a' 'yor-eh: on ma-a: weheh'-:. Sih 'tmo: wele-eh:: po-nyor:: dao'-: 'dekorn: worn: kma-deh:: dao'-: an-a' klehkpeh: po-eh: 'de neh-pehnu worn: dha neh-sobu'⧾-a sin-dih-a. :Yee' 'yu: or: dhe-a 'o: soo'o:: dao' ken dih,: bhla 'jlehn: eh 'wluh-a 'de or 'worn, eh-: or no, 'de or 'dba sorye': yuh: sie:-a 'o, 'de neme-a' klehkpeh, en di an-a' 'meheh'-kwia: di: dii:, 'de en-' 'kwli⧾: ne 'zoo. :Yee' 'on 'ye 'enjor: due',: or: ne-a 'de Nyorsoa 'bli yai', or-: 'dhle, or yi 'bluhbor. Or 'ble 'bie': dhorno': dao': eh se-a: sie: 'da: korn, eh-a': koeh'eh-: 'dekorn: 'chen-dubu': klaba'-: 'de or 'kwa. 'De or kpon dorsehn:: dao': eh no-a sehn: soa:: eh: ne-a: chio'lo: an 'da-dih-a 'ku-: 'dekorn: 'Setorn-:. 'Ku-a' 'jeh: dao', mo-: or: san-dih: 'chen-dubu': klaba': dao', on 'ye zon⧾-a' 'wlu: due' no 'de dubu'⧾-'. :Yeh or san-uh-a,: yee' or 'vile-uh 'de 'bie': dao' 'di, 'de or po 'o: kpaa', or gba-uh-: worn 'i, 'de or 'dhu 'o yubo-da, 'de on: ne-' 'bluhba⧾-dlu⧾ dih: bo-dih:: neheh', 'de zon⧾-a' 'wlu: due': dao', en 'ye 'o dih: gweh.: Yee': mor en: gweh 'o dih,: yee' on: korn on 'ye bhehn-dih-eh:: gbor, 'do ti-kpor-bei 'di. :Yee' 'on 'ye 'keen: kpala'⧾,: en: korn-a ken nyor⧾: yuh 'kpih 'nyi-eh:: on 'ye-a zabe zi, on: dhe-a ken dih. 'De 'on 'ye nyor⧾: on: korn-a 'dlu⧾ on chehn-a 'o,: Yusu'-a' tubo-wlu:⧾: po-dhih-: 'dekorn: Nyorsoa-a' wlu-a' dhih-: an-a': zulu⧾. On: se-' worn: kma-deh:: dao'-: 'dekorn: eh-a' 'yor-eh: on ma-a-:: weheh': za. 'De mor eh: se-uh' yubo-da 'dhu 'do an-a' 'yuba-sehn 'i-:: eh beh 'do on son 'i-:. An-a' 'jeh: dao', mo-: yi 'kmo bo de, 'de on: ne 'Klae: korn nyor⧾ wlu 'ken, 'do zon⧾-a' 'wlu: due' 'di. Eh-: no 'meheh'-nyor⧾-a' nma-dih-deh 'di 'wluh-eh-a': zai' neh.: Yee' 'meheh'-nyor⧾-a': yuh: sie:-a 'o, on: se-' 'kmo bo yi: chio'lo: 'de zon⧾-a' 'wlu: due': dao', en 'ye 'o dih: gweh. :Yee' nyor⧾: an mu-a 'de: zai'-nyor:⧾ Nyorsoa: za-a: 'de nma-dih-deh 'di 'nyne-': ne, Nyorsoa po-uh: bhorlie' bo, 'de an mu or-a' nyor⧾ no. On: se 'de 'ku 'bli-neh-': po-eh: i,: eh 'dhu-a 'meh-a' 'sororn' nor-'. Jorwor: an mu Nyorsoa-: 'dekorn: 'Klae-: an-a' 'slaa:: za-nyor⧾: no. 'De on: ne 'Klae 'ye nyor⧾ wlu 'ken: korn 'do zon⧾-a' 'wlu: due' 'di. :Yee': mor zon⧾-a' 'wlu: due': dao' en zi,: yee' 'ku-a mu dih 'tali-eh: on 'ye 'de: kasue 'di 'wluh, 'de on 'ye 'bluhba-a' 'for⧾: ne-a: nyieh ken dih mu, on 'ye 'bluhba⧾-dlu⧾ dih: bo-dih:,: eh 'wluh-a 'Goga,: eh mu-a 'Mega. 'Ku-a mu an-a' klehkpeh: dha: due': po, on 'ye tuh kpa. Nyor⧾ on po-a: dha: due',: ka yobo'-a': bhehneh': dhie:-a, 'ka-: on: dhie:. 'De nyor⧾-a' 'jeh: dao', on gweh 'bluhba-a' klehkpeh 'dlu, on bhin Nyorsoa-nyor⧾-a'a: sorye'-a' 'gbe-: 'dekorn:: gwlor or: ybeh-a-:. Jorwor: neh, eh-: 'wluh 'de Nyorsoa 'bli yai', eh-:: sin-dih: an-a' klehkpeh, 'de on no: bhuhbuh'. 'De 'ku: on: bo-dih-uh-a dih, on: po-eh: 'de neh-pehnu worn: dha neh-sobu'⧾-a sin-dih-a, 'do: dha worn: kma-deh:: dao'-: 'dekorn: sih 'tmo: wele-eh:: po-nyor: dao'-: on: ne-a. Neh-a' yluh-a mu 'o on: gwlii': di, 'gwie-:: glaa'e-:: ka ti-a mu-a 'dlu-': tehn klehkpeh klehkpeh. :Yee' 'on 'ye 'keen: kpala'-plu:: klaba', 'de 'yu: due': dhe 'o or ken dih. 'De 'bluhba-: 'dekorn: yao-: en ple, en 'wluh 'o 'yu: or: dhe-a 'o or ken dih ybei', 'de: dha nyor 'ye-ih'-a 'ye-dih:, 'do se: ne. 'De 'on 'ye nyor⧾: on 'meh-a,: on 'dhu-a, 'nyne: korn-nyor⧾-: 'dekorn:: yuh nyor⧾ se-a yubo:-: mo-:: nyna 'o 'keen: kpala': dao' ybei' dih. 'De nyor kan-dih: 'chlee-deh⧾ 'i.: Yee' 'chlee-deh:: neheh': ne 'o, eh-: nyor kan-dih: 'i,: eh 'dhu-a 'kmo: sie:: febeh'-chlee-deh-'. 'De Nyorsoa-a zi 'meheh'-nyor⧾-a' zabe,: ka on no-a deh⧾-a' no-a',: en 'chle-eh 'de 'chlee-deh:⧾: dao' 'di. :Yee': yuh yobo' kpa-a, yobo' za-uh-: 'kwla, an-a' zabe 'ye: zi-eh:. 'De: yuh: on 'meh-a, 'de: on: ne-a 'de 'zinor', 'zinor'-: 'dekorn: 'meh-a'-: en za-uh-: 'kwla, an-a' zabe 'ye: zi-eh:: ke.: Ka on no-a deh⧾-a' no-a', 'ka-: on no an-a' klehkpeh-a' zabe:: zi-eh. :Yee' 'meh-a'-: 'dekorn: 'zinor'-: en 'vile-eh: 'de neh-pehnu worn. Neh-pehnu:: dao', eh-: 'dhu 'meh-a' 'sororn' nor-'. :Yee' nyor⧾: on: korn-a 'nyne se-a 'chle-eh: 'de 'kmo: sie:: febeh'-chlee-deh:: dao' 'di, mo-: 'vile-eh: 'de neh-pehnu worn: ke. :Yee' 'on 'ye yao:: dele'-: 'dekorn: 'bluhba:: dele'-:.: Yih: en no-a: zai' ne, en se dha: ne: neheh'. 'De yobo' se dha: ne: ke. :Yee' 'on 'ye gban 'i: ne: gwlor: or 'dhu-a: Julu'slehn:: dele'-', or-: 'dhle,: or 'wluh 'de Nyorsoa bo 'de or 'bli yai'.: Gwlor: dao', or: po-eh: 'kpa: eh gweh-a: ka 'nynor: or yi-a nyina, 'de: or: bheh-dih:-a,: or: ne-a buh⧾ ken,: or 'ye-a or-a'a: yibeor ken: yeh-dih:. :Yee' 'on 'worn wlu, mo-: 'wor,: on 'wluh 'de 'keen: kpala': dao' bo, mo-: 'da,: Eh 'wluh-a dha 'zean' 'bli, Nyorsoa-a mu 'noror: gwlor-nyor⧾ 'nyne-' 'ti-:, 'de on 'ye or-a'a: nyor⧾ no. Nyorsoa-a' 'jeh 'yor-eh mu 'o on bo: ne, 'de or 'ye an-a' Nyorsoa-' 'dhu-eh:. Or mu-uh 'mii-tehn-a' klehkpeh 'yi dih 'slan-:. 'Meh-a': se-': ne i: neheh'. 'Zlu-a'-: 'vin-a'-:: an-a' 'jeh worn 'ye-eh-: en: se-': ne i: neheh'. Deh no-eh, deh⧾: soa:⧾ klehkpeh se dha: ne: neheh'. :Yee' 'yu: or: dhe-a dih 'do 'keen: kpala' ken, or 'dae:, A: gbee'e:. 'An po deh⧾-a' klehkpeh: dele': naa.: Yee' or 'dae:: neheh' 'de 'on bo, 'An 'bhorn: on 'ye deh⧾: daa 'chle, deh no-eh, wlu⧾: daa 'an za-a-', en no: gwlii': dhe-wlu:⧾, 'de en no dhih-a' 'yor-eh: ke. 'De or: wlu 'de 'on bo: neheh', or 'da, Deh⧾-a' klehkpeh, en: jla 'dlu-': weh. 'Mor-: no eh-a': zai'-nyor-: 'dekorn: eh-a' 'yi: gweh-nyor-:. 'Mor-: no eh-a' glu 'dhu 'da-: 'dekorn: eh-a' 'dlu-': jla 'da-:.: Yee' nyor⧾: yuh 'ni 'na-ton-a no-a, 'an mu-uh 'ni: eh 'wluh-a 'o 'ni-a' 'dlu-a' glu 'wluh 'da: eh 'nyi-a nyor⧾: febeh' 'nyi-:, on 'ye-eh' 'na. On: se-eh': dhen i. :Yee' nyor⧾: on du-a 'ku-a tuh, mo-:: an mu 'nyii'-deh:: daa 'ye-:. 'De mor 'mor-: mu an-a' Nyorsoa: no, 'de on 'ye 'an-a: 'nynuu-' 'dhu-eh:. Jorwor:: fano-' dih 'yi dih-nyor⧾-:: yuh: on 'tali:-a 'Klae-a' klei': zi-eh dih-:: yuh: on se-a: vlehehn'-': gweh 'do Nyorsoa ybei'-:: nyor⧾ 'dba-nyor⧾-: 'dekorn: 'tmeor:⧾: korn-nyor⧾-: gu: po-nyor⧾-: zuu⧾-a': weheh': za-nyor⧾-: 'dekorn: sih 'tmo-nyor⧾-a' klehkpeh-: 'de on 'bli: wor 'dhu 'do neh-pehnu worn-': dha neh-sobu'⧾-a sin-dih-a,: eh no-a 'meh-a' 'sororn' nor. :Yee' 'enjor-nyor⧾: meheh' 'sorn: dao': on 'ble-a 'koba⧾: meheh' 'sorn: en 'kle 'ye-eh-a' 'dlu⧾: meheh' 'sorn: en 'bor-dih:-a 'o, en 'yi-a 'de 'di, an-a' nyor: due' yi 'o 'on bo, 'de or 'dae:, 'Yle o. 'An mu: on 'Blae'-yu-a'a: 'nynor: or yi-a nyina: torne:. :Yee' Nyorsoa-a': Zulu: mo-:: ne 'o 'on ken, 'de 'enjor: dao', or kpa 'on 'de tluh: klaba': dhorno' ken. 'De or: torne: 'on gban 'i: ne: gwlor: or 'dhu-a: Julu'slehn-', or-: 'dhle,: or 'wluh 'de Nyorsoa bo 'de or 'bli yai'. 'De Nyorsoa-a' dhih-a' 'i 'beh-a' no-eh 'de: gwlor: dao', or fan. Or-a' fan-a' gweh sobu': on 'kpa-a deh ken,: yuh an 'da-dih-a 'jaspa,: on: ne-a 'wlen 'wlen,: eh gweh-a: chehbe': kpuan' 'i. Gba-dih-gba: or bhin-a: gwlor: dao', or: tehn ya, 'de or ku dih. Or 'ble worn⧾-a': bhue: 'yor 'sororn'. 'De 'enjor-nyor:⧾: on: korn-a: bhue: 'yor: ne-a 'sororn', mo-:: korn 'de or-a' worn⧾: dao', eh-a' wlu bo. 'Do eh-a': kpaa'⧾ ken, 'do: wor 'Ezlea 'di-a' 'dlu⧾-a': bhue: 'yor: ne-a 'sororn', an-a' 'nyne 'chle-dih-eh:. :Yee' gba-dih-gba: dao', or-a' worn⧾ taan: ne 'de 'yluh-a' 'kwla 'wluh-dih: 'da. 'De worn⧾ taan: ne 'de an-a' 'kwla 'wluh-dih: 'da-a': dila-for bo, 'de taan: ne 'de an-a' kona-for bo, 'de taan: ne 'de an-a' 'nior: 'kpa 'da. Gba-dih-gba: dao', or-a' glu 'dhu 'da: no-dih-eh: sobu'⧾-a': bhue: 'yor 'sororn'. 'De 'Blae'-yu-a'a: dboo-nyor:⧾: on no-a: bhue: 'yor 'sororn', an-a' 'nyne 'chle-eh: 'do sobu'⧾: dao' ken: due': due'. :Yee' 'enjor:: dao',: or wlu-a 'de 'on bo, or 'ble deh⧾: yba-dih-tu:: on no-a 'goo, or 'ye 'kwi: gwlor: dao'-: or-a' gba-dih-gba-a': kpaa'⧾-a' 'worn⧾-: 'dekorn: or-a' gba-dih-gba-a': kpalu-:: yba-dih:. 'Kwi: gwlor: dao', or-a' 'for⧾: ne-a: nyieh, en 'beh-dih:-'.: Ka or-a' ken: chehn-eh 'beh-a, 'ka-: or-a' dih: tehn-eh 'beh. 'De or no or-a'a: tu, or: yba-dih:: gwlor: dao'.: Gwlor: dao', or-a' dih: tehn-eh no tluh⧾ 'bor⧾-a' 'wlu: due': kehehn': mm'. 'Ka-: or no ken dih 'beh-eh-: 'dekorn: or-a' ya: tehn-eh-:: ke. Or: yba-dih: or-a' gba-dih-gba-a': kpalu:: dao' 'weh: ke. Or-a' ku-a' no buh⧾-a': kehehn' 'sororn': bhue: 'yor: meheh'lo:. Tu: gwlor-nyor⧾-a yba-dih-a deh, mo-: or no, 'de or: yba-dih-eh. Sobu'⧾ an 'da-dih-a 'jaspa, me-: on: po-dih: gba-dih-gba: dao', or-a': kpalu. 'De 'kwi gwlor-a' 'jeh 'yor-eh: po-dih-eh: 'goo-a' 'bleh 'bleh,: or: ne-a 'wlen 'wlen,: ka 'yela': ne-a. Gba-dih-gba: dao', or-a' glu 'dhu 'da: no-dih-eh: sobu'⧾ 'doror: 'dor: en 'kpa-a deh ken.: Zai' no-a' 'nyne: wor 'jaspa:. 'Sororn' no-a' 'nyne: wor: sofa'. Taan no-a' 'nyne: wor: ageh'.: Nyieh no-a' 'nyne: wor 'ehmlor:. :Mm' no-a' 'nyne: wor 'orneh:.: Meheh'lo: no-a' 'nyne: wor: kani'nior:.: Meheh' 'sorn no-a' 'nyne: wor 'klesola:.: Meheh' na no-a' 'nyne: wor 'behlor:.: Meheh': nyieh no-a' 'nyne: wor 'topa:.: Bhue: no-a' 'nyne: wor 'chaselor:.: Bhue: 'yor-eh: due' no-a' 'nyne: wor 'tokwa:. 'De: bhue: 'yor 'sororn' no-a' 'nyne: wor 'amehte. :Yee' gba-dih-gba-a' 'worn⧾: eh: ne-a: bhue: 'yor 'sororn', eh-a': kpaa'⧾: no-dih-eh: 'za⧾-kon:⧾: en 'kpa-a deh ken. 'Za-kon: due', mo-:: no-dih-eh:: kpaa': due'. 'Kpa: gwie:: eh: ne-a 'o: gwlor: dao' 'di, eh no 'goo-a' 'bleh 'bleh,: or: ne-a 'wlen 'wlen,: ka 'yela': ne-a. 'On: se-' Nyorsoa-a' 'sla 'ye 'de 'kwi: gwlor: dao' 'di. Deh no-eh, or-a' 'sla: wor 'dhu 'Blae'-yu-: 'dekorn:: Gwlor: baa' Nyorsoa: or 'ble-a 'kpih-a' klehkpeh kwa-:. 'De mor 'yluh-:: eh beh 'chuh-: en se: koan: korn 'do or ken. Deh no-eh, Nyorsoa-a' dhih-a' 'i 'beh-a' zorn-pli-a fan-' 'do or ken. 'De 'Blae'-yu: wor 'dhu 'nape-' 'do: gwlor: dao' bo. :Gwlor: dao', or-a' zorn-pli:, me-: 'bluhba⧾-dlu⧾-a' klehkpeh: en: ne-a dha 'bluhba ken, me-: an mu-' dih 'ye-dih:. 'De 'keen-boi'-a' klehkpeh: on: ne-a dha 'bluhba ken, an mu 'de an-a'a: bhan-a' klehkpeh: ya 'de or 'di. :Gwlor: dao', or-a' gba-dih-gba-a': kpaa'⧾: se 'o: po-eh: i, 'de zorn-we-eh-a' klehkpeh 'di. En: se 'o: po-eh: i, 'do 'we-a' klehkpeh 'di, deh no-eh, glu: se-': gor i 'de mor. 'Bluhba⧾-dlu⧾-a' klehkpeh, an mu 'de an-a'a: bhan-a'-: 'dekorn: an-a'a: 'nyii'-deh⧾-:: en 'kpa-a deh ken, 'de: gwlor: dao' 'di: kpa. Jorwor: deh: eh se-a: vlehehn'-': gweh 'do Nyorsoa ybei' eh: se 'de or 'di: pa i. 'De nyor⧾: an no-a dhen-deh⧾-: 'dekorn: sih 'tmo-nyor⧾-: on: se 'de or 'di: pa i: ke.: Yuh: on: korn-a 'nyne 'chle-eh: 'de 'Blae'-yu-a' 'kmo: sie:: febeh'-chlee-deh 'di, on: due',: an mu 'de or 'di: pa. :Yee' 'enjor:: dao', or-:: torne: 'on 'ni: klaba': eh: korn-a 'ni-a: 'nyi-a nyor⧾: febeh',: eh: ne-a 'slih 'slih,: eh gweh-a: chehbe': kpuan' 'i, 'de eh 'wluh 'de Nyorsoa-: 'dekorn: 'Blae'-yu-: an-a' 'keen: kpala' 'zorn. Eh: yi-dih: 'de 'kpa: gwie:: eh: ne-a 'o: gwlor: dao' 'di, eh-a' gwea:. Tu⧾: en 'nyi-a nyor⧾: febeh', me-:: nyna 'o eh-a' 'for⧾: ne-a 'sororn' bo dih. Tu⧾: dao', en no 'bi: po-eh-a' kpor⧾-a': bhue: 'yor 'sororn' 'do zon: due' 'di,: eh 'dhu-a 'de 'chuh⧾-a' klehkpeh 'di-'. En-' wlon⧾: ne 'o 'weh, en 'ye 'dawor'⧾-dlu⧾-a' klehkpeh-a' puhba-deh⧾ 'bor-dih:. Deh: yeh Nyorsoa po-a 'chlo bo, eh: se 'o 'kwi: gwlor: dao' 'di: ne i. Nyorsoa-: 'dekorn: 'Blae'-yu-: an-a' 'keen: kpala', or-: mu 'o or 'di: ne. 'De Nyorsoa-a' 'bhoi-nynuu 'ye or-a': weheh': za. An mu or-a' 'yuba 'ye-:. 'De or-a' 'nyne-a mu 'chle-eh: 'do on 'yuba⧾-sehn⧾ 'i. :Yee' glu: se-': gor i: neheh'. 'De mor 'yluh-: 'dekorn: 'nape⧾-: en se: koan: korn 'de or 'di. Deh no-eh,: Gwlor: baa' Nyorsoa, or-: an mu dih 'ye-dih:.: Yee' an mu nyor⧾ wlu 'ken: korn: ka ti-a mu-a 'dlu-': tehn klehkpeh klehkpeh. :Yee' 'enjor:: dao', or: wlu-' 'de 'on bo, or 'dae:, Wlu⧾: daa, 'an za-a-', en no: gwlii': dhe-wlu:⧾, 'de en no dhih-a' 'yor-eh: ke. 'De: Gwlor: baa': or 'nyi-a or-a': Zulu or-a' wele-eh:: po-nyor⧾, or-: 'o: or dbo or-a' 'enjor, 'noror or-a' 'bhoi-nynuu bo, or 'ye-uh deh⧾: en: se-a 'o: gwle i: en 'ye-a': no-eh:: torne:. :Yee': Yusu' 'dae:, A: gbee'e:. 'On: se 'o: gwle i, 'on 'ye 'de yi.: Bhorlie' 'do nyor: or dhe-a 'o Nyorsoa-a' wele-eh:: po-eh:: eh: ne-a 'noror 'chlee-deh:: daa 'di, eh-a' 'tele' dih. 'Mor: or 'dhu-a: Jororn'-', 'an 'jeh 'yor-eh-a' 'yli-eh: 'ye deh⧾: daa, 'de 'on 'worn-ih.: Yeh 'on 'ye-ih-a, 'de 'on 'worn-ih-a,: yee' 'on 'jli-: dih, 'do 'enjor:: daa,: or: to-dih:-a 'on deh⧾: daa 'i, 'do or 'zorn, 'on 'ye-or': weheh': za. Jorwor: or: wlu-' 'de 'on bo, or 'dae:, 'Bor,: an-a': no-': ao',: ka mor-:: an-a' 'Klae: de-di'-boi'-:: on no-a Nyorsoa-a' wele-eh:: po-nyor⧾-: 'dekorn: nyor⧾-a' klehkpeh: on dhe-a 'o 'chlee-deh:: daa, eh-a' 'tele' dih, a no-a, 'de a 'dhu-a 'bhoi-nynuu-' 'do Nyorsoa bo, 'ka-: 'on: ne: ke. Nyorsoa, or-:: on 'ye: weheh': za. 'De or: wlu 'de 'on bo: neheh', or 'dae:,: An-a' 'zile:-' deh⧾: en: korn-a wele-eh:: po-eh: 'noror 'chlee-deh:: daa 'di nyor⧾ dih. Deh no-eh, deh⧾: daa, en: se 'o: gwle i, en 'ye: no-eh:. :Yee' 'nyi nyor: or no-a deh⧾-zon⧾, or kpa or-a' deh⧾-zon:⧾: no-eh 'dlu bo 'suh. Nyor: or se-a: vlehehn'-': gweh 'do Nyorsoa ybei', 'nyi or kpa or-a' se: vlehehn'-': gweh-deh 'dlu bo: ke. Nyor: or no-a 'yi 'sleh-deh⧾, 'nyi or kpa or-a' 'yi 'sleh-deh⧾-a' no-a' 'dlu bo: ke. Nyor: or: gweh-a: vlehehn'-' 'do Nyorsoa bo, 'nyi or kpa or-a': vlehehn'-': gweh-eh 'dlu bo. :Yee': Yusu' 'dae:, A: gbee'e:. 'On: se 'o: gwle i, 'on 'ye 'de yi. 'An mu 'de a-a'a: geli': za-dih-deh⧾: ya, 'on 'ye a geli': za,: ka a no-a: koan-a' no-a': due': due'. 'Mor-: no eh-a': zai'-nyor-: 'dekorn: eh-a' 'yi: gweh-nyor-:. 'Mor-: no eh-a' glu 'dhu 'da-: 'dekorn: eh-a' 'dlu-': jla 'da-:. :Bhorlie' 'do nyor⧾: on worlor:-a an-a'a:: gba 'vuu⧾ bo. An mu 'tele' 'nyi-eh: on 'ye 'o 'kwi: gwlor: dao' or-a' gba-dih-gba 'worn⧾: yi-dih:, on 'ye tu: an 'nyi-a nyor⧾: febeh' an-a' 'bi 'di. Jorwor:: yuh: on: se-a': pa i, mo-: 'dhu, gu-kplen:: no-nyor⧾-: gu: po-nyor⧾-: 'tmeor:⧾: korn nyor⧾-:: nyor⧾ 'dba-nyor⧾-: zuu⧾-a': weheh': za-nyor⧾-: 'dekorn: sih 'tmo-nyor:⧾: on: ybeh-a sih 'tmo-deh-' 'de: an no-eh 'do ti-a' klehkpeh bo-:. 'Mor: or 'dhu-a: Yusu'-', 'on dbo 'an-a: 'enjor 'de a bo, or 'ye deh⧾: daa, en-' wele-eh po 'do a-a'a: 'chore-nyor⧾ bo. 'On no: Debe' 'di-a' 'yu. 'Mor-: 'dhu 'chuh: dhlaen-eh:: eh fan-a 'gabaa zorn bo-mlai'. :Yee' Nyorsoa-a': Zulu-: 'dekorn: 'nynor: or yi-a nyina 'do 'Blae'-yu bo-: on 'da,: Gwlor: baa': Yusu', 'yle o. 'De 'mor: or 'dhu-a: Jororn'-', 'on 'da, Nyor: or 'worn-a wlu: daa, 'nyi or 'da, 'Yle,: ke o. 'De mor 'on 'da: neheh',: Mor 'ni 'na-ton: taa nyor no, 'nyi or 'yle. Nyor: or 'bhorn-a 'ni: eh 'nyi-a nyor⧾: febeh', 'nyi or 'duo-eh' yaa'e. Nyor⧾-a' klehkpeh: on 'worn-a wlu⧾: daa: en: korn-a wele-eh:: po-eh: 'noror 'chlee-deh:: daa 'di, mo-: 'an 'dhu 'slen.: Mor nyor po-ih ken, Nyorsoa-a mu 'kle 'ye-eh-a' 'dlu⧾: en: ne-a 'noror 'chlee-deh:: daa 'di, 'do or-a'a: 'kle 'ye-eh: or: korn or 'ye-a 'ye ken: po. 'De mor: mor nyor za-ih ken,: yee' Nyorsoa-a mu or-a': bhorlie': eh: korn-a wlu or po-a: dhama'-' 'noror or-a' 'chlee-deh:: daa 'di, or 'kwa: za.: Yee' 'tele' or 'nyi-or, or 'ye-a' tu: an 'nyi-a nyor⧾: febeh', an-a' 'bi di-: 'dekorn: 'for or 'ble-a 'de gban 'i: ne: gwlor: dao' 'di-: or mu-ih or 'kwa: za. :Yee' nyor: or zela: deh⧾: daa ken dih 'noror 'on bo, or-: 'da, Dhih 'jeh, 'on: se 'o: gwle i, 'on 'ye 'de yi. 'Ka-: eh 'ye: ne.: Gwlor: baa': Yusu', 'yle o. 'Nyi: Gwlor: baa': Yusu'-a' mla: ne 'o Nyorsoa-nyor⧾-a' klehkpeh bo o. 'Ka-: eh 'ye: ne.