Coa co cuatia Jesu Cristo moñemoñajaré ypycue guare. Jaé Davidrejegua, ja Abraamrejegua avei. Abraam omoñemoña Isaácpe: Isaac omoñemoña Jacobpe: Jacob omoñemoña Judape, ja tybyracuerape: Juda omoñemoña Farespe ja Zarape pe Tamargui: Fares omoñemoña Esrompe: Esrom omoñemoña Arampe: Aram omoñemoña Aminadabpe: Aminadab omoñemoña Naassónpe: ja Naassón omoñemoña Salmónpe: ja Salmón omoñemoña Boespe Racabgui: ja Boes omoñemoña Jobedpe Rutgui: ja Obed omoñemoña Jessépe: ja Jessé omoñemoña pe mburuvicha guasu Davidpe. Pe David omoñemoña Salomónpe pe Urías rembirecocue gui: ja Salomón omoñemoña Roboampe: ja Roboam omoñemoña Abíape: ja Abía omoñemoña Asape: ja Asa omoñemoña Josafatpe: ja Josafat omoñemoña Jorampe: ja Joram omoñemoña Ozíaspe: ja Ozías omoñemoña Joatampe: ja Joatam omoñemoña Akázpe: ja Akáz omoñemoña Ezekíaspe: ja Ezekías omoñemoña Manaséspe: ja Manasés omoñemoña Amónpe: ja Amón omoñemoña Josíaspe: ja Josías omoñemoña Jeconíaspe ja tybyracuerape oyereraja rire guare Babiloniape. Upegui oyebyparire pe Babiloniape oyereraja jaguegui pe Jeconías omoñemoña Salatielpe: ja Salatiel omoñemoña Zorobabelpe: ja Zorobabel omoñemoña Abiudpe: ja Abiud omoñemoña Eliakímpe: ja Eliakím omoñemoña Azorpe: ja Azor omoñemoña Sadocpe: ja Sadoc omoñemoña Akímpe, ja Akím omoñemoña Eliudpe: ja Eliud omoñemoña Eleazarpe: ja Eleazar omoñemoña Matánpe: ja Matán omoñemoña Jacobpe: ja Jacob omoñemoña Josépe, pe María mena: pe María voi Jesús joa jague pe oyee vaecue Cristo. Upeichavó oime umi ñemoñajaré retacue Abraam guive David peve catorce; ja pe David guive oyereraja peve Babiloniape ojupity catorce ñemoñajaré; ja upegui oyeby guive pe Babiloniape oyereraja jaguegui Cristo peve ojupity catorce ñemoñajaré. Ja oyeju coicha oñemoña jaguâ Jesu Cristo. Pe isŷrâ María omeê racaé iñeê Josépe omenda jaguâ jese, ja oico mboyve oñondive yepe, jae oyeyuju jygueguasumajá Espiritu Santogui. Upei catu imenarâ José, caraí iyojeipyré voí, ndoipotaigui jêrâcuâ vaí jaguâ ichugui, opoiucase ichupe iñeêgui kîrîrîjame. Upeyave jiâ pype jina ichupe oyapo jaguâ upea, sapya Ñandeyára remimbou yvapegua oyejechauca ichupe ikepe, ja jei ichupe: Nde, José, David raŷ, ani rekyjŷyé reí rerojory jaguâ nerembirecorâ co Maríape: Upe oñemoñáva jyguepe, upeva Espiritu Santoguiguante. Ja jae imembyráne, ja pe Mitâ cuimbaepe imemby rembojéra vaerâ Jesús. Jae voínte oicone umi oyejegua Repŷjárâ iñangaipágui. Âmbae voí oyeju vaecue oico jaguâ jecope pe Ñandeyára ñeêngue jeiuca vaecue pe ñemoñeêjaré yururupi: Maêke! peina oimene cuñatâí imârâŷva jygue guasu vaerâ ja imembyrá vaerâ, ja pe Mitâ cuimbae pe imemby, oñembojérane Ichupe Emmanuel, Tûpâ Ñandeyára ñanendivegua yaemo avañeême. Upei catu opaŷma rámo José okejágui, oyapo voí pe Ñandeyára remimbou oyapoucá jagueicha ichupe, ja oguerojorŷ jembirecope jogape. Opaichavévo ndoicoi jendive imembyrá peve. Ja ombojéra pe imemby cuimbaepe Jesús. Uperamo, joarire Jesús isŷgui pe Belén Judea retâmeguape, oico ramo guare mburuvicha guasu ramo Herodes, sapya ôguajê Jerusalempe caraí iñarandúva cuera ou vaecue Orientegui, cuarajy resê coty guivo, oporandúvo: ¿Mamôpa oime cu joa ramôva Judio ruvicha guasurâ? Ore rojecha raé pe yasytata jeseguare (iyestrella) pe Orientepe ja royú rombuetévo Ichupe. Upei catu ojenduma ramo pe jêrâcuâ pe mburuvicha guasu Herodes, ipya tarová, ja upeicha avei umi Jerusalemŷgua yoa. Upévareje jae ombyatyucápá umi paiguasupe ja umi iñarandúva upepeguape, ja oporandu ichupecuera mamópanerae oñemoña jaguâ reje Cristo? Ja jaecuera jei ichupe: Belénpe, Judea retâmeguape, oîjaicha voí Santa Escriturape oyee jagueicha pe ñemoñeêjaré yururupi: Ja nde, Belén co Judá retâmegua, nde ndajaei pe mîchîetevéva umi Judá ruvichá apytepe: ndejegui voí osê vaerâ peteí mburuvicha guasu, co Cherejegua Israel rerecuárâ jenonderâ. Upei catu Herodes ojenôi ñemijápe umi iñarandúvape cuera, ja oporandu andu ichupecuera aracaépa oyecuaa raé pe yasŷtatá? Ja jae omondo ichupecuera Belénpe, jeivo: Tapejó amó, ja peporandu andu pe Mitâ reje, ja peyuju rire Ichupe, peyu yeby che momaranduvo, aja jaguâ che avei ambuetévo Ichupe. Upei catu ojendu ramo jaecuera pe mburuvicha guasu jei vaecue, oyeói, ja pe yasytatá avei ojecha vaecue pe Orientepe, jenonderâ oguata oicovo ôguajê meve pe Mitâ oîjá ári, ja upepe opyta. Ja ojechama rámo opytámajá pe yasytata jory yoa obyájápe. Ja oike pypé pe ogape, ojecha pe Mitâme isŷ María ndive, ja oñesû ja ombueté Ichupe ja oipea icarameguá cuera ja oicuameê Ichupe jemimêêmbŷrâ, oro ja incienso, ja mirra. Uperire oñemo marandú gui Ñandeyára rupi ikepe ani oyeby jaguâ Herodespe, oyeí yeby jetâme ambue tapérupi. Upei catu ojorire jaecuera, oyejechauca Josépe ikepe Ñandeyára remimbou jeivo: Epuâkena, eraja co Mitâme ja isŷpe, ja eroñêguajê águi Egiptope, ja epyta upepe Che jaeuca peve ndeve. Pe Herodes voí ojecaucata jina co Mitâme oyuca potávo Ichupe. Upei catu jae opaŷ ja opuâ, ja ogueraja pe Mitâme ja isype pyjarépe, ja oyeí Egiptope. Ja upepe oico omanojápeve Herodes. Upeicha oyeju jecope pe jeiuca vaecue Ñandeyára pe ñemoñeêjaré yuru rupi: Egiptogui voí ajenôi vaecue Che Raŷpe. Upeyavé pe Herodes ojecha ramo oñembojorŷ jague jese umi iñarandúva, ipochŷeté, ja omondo oyucapaite vaerâ umi mitâ cuera Belénpe ja oparupi iyerecuevo oîvaecuepe, umi mitâ cuimbae ombotŷŷvaecue gueteri mocôi roŷ, upe jae ojechacuaa jagueicha umi iñarandúva remimombeucue ichupe. Uperamo oyeju jecópe pe oyee vaecue pe ñemoñeêjaré Jeremias yuru rupi: Oñejendu osapucai yoava Ramape, oyajeóva ja tuvicha jasêva yoa! Rakel oyajeo jina umi imembycue reje, ja nda ipyaguapysei, ndiporiveima járeje jaecuera. Uperire omanoma rámo Herodes, pe Ñandeyára remimbou oyejechauca yeby Josépe ikepe oîjape Egiptope, ja jei ichupe: Epuânte, ja eraja yeby pe Mitâme ja isŷpe, ja terejo neretâ Israelpe. Omanombáma raé voí umi oipease vaecue co Mitâ recove. Upei catu opuâ voí ja oguerajá pe Mitâme ja isŷpe, ja ou ôguajêvo Israel retâme. Upegui, ojendú pypé oicojá jina Judea ruvicha guasu ramo Arkelao, ituva Herodes rendaguepe, okyjŷyé ojo jaguâ upepe. Upegui, oñemo marandu pypé Ñandeyára rupi, ojo pe Galilea cotyvo, ja ôguajê pe tetâ jérava Nazaretpe, ja upepe opyta. Upeicha oico jecope pe oyee vaecue umi ñemoñeêjaré yuru rupi: Jéra yoa vaerâ Nazareno. Upeguirire ou pe Juan Bautista oñemoñeê oicovo pe Judea retâ ocára rupi, ja jei: Peñembyasŷna peê, jiâguimajáreje oico jaguâ pe teco marangatu yvapeguarejegua. Cova voí upe jei jague Isaías, pe ñemoñeêjaré, jei ramo guare: Aipo osapucaiva pe ñûreje: Pemyatyrôke co Ñandeyára rapérâ! Pemôi pôrâ pe opyrû jaguâ! Co Juan oico vaecue iyao camello ragué cué guiguáva, ja icúacuajá mbaepígui, ja jembiúrâ jou tucú ja eira caaguŷ. Uperamo oñembyatypá Jendápe umi Jerusalemŷgua ja Judeaŷgua ja pe ŷJordán rupigua yoa, ja oñemongaraíucá iporupi pe ŷJordánpe oñemombeú pypé iñangaipágui. Upei catu ojecha ramo iyatyjá umi fariséo ja saducéoretá pe omongaraíjape jina, jae jei ichupecuera: Mbói rejegua peê! ¿Oiméneparaé penemboe vaecue peñeguajê jaguâ reje pe oyeyepŷ jaguâ áragui? Aiporamo penerembiapó toico yvá pôrâicha iya jaicha umi oñembyasŷva jecópepe, ja ani peimoâ iyajá peême peye jaguâ pende pyapŷpe: Abraampe catu ore roguereco ore rú ramo. Che jae peême catuetei icatujá Tûpâ Ñandeyára omoñemoña taŷra Abraampe co itá gui yepe. Coanga voí oñemôima pe ybyrákytîjá (hacha) pe ybyrá rapó reje. Upeicharamo, oime ramo ybyrá jiá pôrâŷva, oñekytî vaerâ, ja oyeitŷ vaerâ tatape. Che añetéjápe pomongaraí peême ŷpe umi oñembyasŷva rejegua recórâme. Upe ou vaerâ che rire, ipuacavé chejegui, ndaiyai yepe cheve arajá jaguâ ipŷ rejegua. Jae catuetei penemongaraíne pe Espiritu Santope ja tatape. Oime pe iñyrûpê oguereco ipópe ja omopôti pôrâne pe jiacue rendâgua, ja ombyatypáne pe icuipyré pe oñeñongatú jaguâme, ja ojapŷucápáne jatycue pe tatape máramo ogué ve ŷ jaguâme. Uperamo ou Jesús Galileagui pe ŷJordanpe, pe Juan rendape, oñemongaraí ucásévo ipórupi. Juan voí oyoco ichupe, oñemo jâtâvo, ja jeivo: Che catu aicôtevê añemongaraí Nde po rupi! ¿Maerâpa Nde reyu che rendape? Upei catu jei Jesús: Tové! Toyeyapo! Upeicha voí vaerâ ñambuayepá jaguâ jecope opambae pe teco marangatu peguârâ. Upei catu jae ombuaye pe jeivaecue. Ja upeicha Jesús icaraí, ja upevove osênguévo pe ŷgui, sapyaite oyepea pe yvaga rôkê Ichupe, ja Jae ojecha pe Tûpâ Ñandeyára Espiritu ogueyŷ ramo oúvo pycasuróicha, ja opyta jiari, ja oñejendú peteî osapucaiva yvágui jeiva: Cóva catu Che Raŷ ajayjúetéva, Che arojorŷetéva! Upemaramo Jesús oñeñatóî pe Espiritu rupi ojo jaguâ mombyry pe ñûme, pe mbaepochy ipya rââ jaguâme Ichupe. Ja oico ocaruŷreje mbaeve cuarenta ára ja cuarenta pyjaré: ja ipajápe iñembyajyi. Upei catu ôguajê Jendápe pe aña ipya rââjárâ, ja jei Ichupe: Nde Tûpâ Ñandeyára Raŷeté ramo, erente pe itápe toico mbuyapé ramo. Upei catu oñeê Jae ja jei: Oime Santa Escriturape oyee jague: Na mbuyape añopei oicové vaerâ umi ybypóra, Tûpa Ñandeyára ñeê iyurueteguigua rupi avei. Upemaramo pe mbaepochy ogueraja Ichupe pe tetâ marangatupe, ja omoñemboŷ Ichupe pe tûpâó iyŷvatevéjápe, ja jei Ichupe: Nde añeté ramo Tûpâ Ñandeyára Raŷeté, eyeity ybype. Oime voí Santa Escriturape pe oyee jague: Jae omboune Nerendape jemimbou cuerape, ja Nde yocone ipópe, anichene jaguâ reñepysangá itáreje. Ja jei ichupe Jesús: Oime avei Santa Escriturape oyee jague coicha: Ani rembuajéi Tûpâ Ñandeyárape. Upemaramo pe mbaepochy ogueraja Ichupe peteî itáatŷra iyŷvatevéva ári, ja ojechaucapa Ichupe opa mburuvicha guasu retâ tuvichacué rejeve co ybyarigua, ja jei Ichupe: Âmbae amêêmbáne Ndeve, Nde reñesû ramo cheve chembuetévo. Upei catu jei ichupe Jesús: Eyeí, Satanás! Oyee voí Santa Escriturape: Tûpâ Ñandeyára ñoitépe reñesû vaerâ, ja Ichupe añó rembueté vaerâ. Upei catu opoí Ichugui pe mbaepochy, ja upevove ou yvapegua cuera omoangapyjŷvo Ichupe. Uperire ojenduma ramo Juan oñemoî jague pe ybyracuape, Jae oyeí Galileape. Osê voí pe Nazaretgui, ja ojo opyta jaguâ Capernaumpe, pe tetâ pe ŷrembeŷ rejegua pe Zabulón ja Neftalim ypypegua. Upeicha oyeju jecópe pe oyee vaecue pe Isaías pe ñemoñeêjaré yurú rupi: Pe Zabulón retâ ja Neftalim retâ, pe ŷguasu rapéŷké rejeguare pe Galilea ŷJordán mboypŷrigua, umi pytaguá retâ voi peguare upea: umi ybypóra oguapy vaecue pytûnguŷpe ojechama raé jendŷ tuvicha, ja umi oguapy vaecuepe umi tenda iñypŷtûjápe omano vaecueicha Jae omojesâcâucáma raé ichupecuera. Upeguive oñypyrú Jesús oñemoñeê ja jei: Peñembyasŷ peê jiâguima járeje oico jaguâ co mburuvicha guasu yvapegua reco marangatu. Ja sapya, oico pypé Jae pe Galilea yguasu rembeŷ reje, ojecha mocoî cuimbaepe, Simon, jérava avei Pedro, ja tybyra Andrespe omuasâi ramo jina ipyjá ŷguasupe: jaecuera voi pirácutujá: ja Jae jei ichupecuera: Peyu Che rapycuéri Chemoirûvo, ja Che pomoingóne peême ybypóra pyjyjá ramo. Upevove jaecuera ojeya ipyjá ja ojo japycuéri. Uperire ojasa pypé upegui ojecha mocoî cuimbae yeby, Jacobo, pe Zebedeo raŷ, ja tybyra Juanpe, jicuaiva imbayrúpe itúva Zebedeo ndive, omyatyrô jina ipyjá cuera. Upei catu Jae ojenoî ichupecuera. Ja jaecuera ojeya voí imbayru ja itúvape, ja ojo japycuéri. Uperire Jesús oyerepá oicovo Galilea reje omboe jiconi tûpâópe cuera, ja oñemoñeê pe Evangelio pe jêrâcuâ pôrâ oútajá pe mburuvicha guasu yvapegua reco marangatu, ja omojesaîmba opaichagua mbaasŷgui, ja mbae vaígui umi ybypórape. Ja upeagui oico jêrâcuâ pôrâ Ichugui oparupi pe Siriape, ja oguerupá Jendápe umi ojasa vaívape opaichagua mbaasygui, ja umi oipyjy vaecue mbae ivaívape, ja mbaepochy remimbotarová cuerape, ja iñâcâ tabŷvape, ja umi jetymá pirúvape, ja Jae omojesaîmba ichupecuera. Ja ojo japycuéri jeta ete Galileaŷgua, ja Decapolisŷgua, ja Jerusalemŷgua, ja Judeaŷgua, ja pe ŷJordan mboypŷrigua. Uperamo ojecha pypé Jesús iyatyjá oúvo umi ybypóra, Jae oyupi pe itáatŷra ári ja upepe oguapy, ja upei ôguajê Jendápe jemimboecuera. Upei catu Jae oipea iyuru ja omboe ichupecuera jeivo: Jeco marangatu vaerâ umi mboriaju ipya pôrâva, jendaguâ voi vaerâ pe tetâ yvapegua. Jeco marangatu vaerâ umi oyajeóva, jaecuera ojupity vaerâ ipya guapy jaguâ. Jeco marangatu vaerâ umi ipochycuaaŷva, oñemeê vaerâ ichupecuera co yby imbaerâ. Jeco marangatu vaerâ umi iñembyajyivaicha ja iyŷujéivaicha oñembo jecopôrâseva, iya vaerâ ichupecuera jyvâtâmbá jaguâ. Jeco marangatu vaerâ umi ipya poro poriajuverecova, jaecuera oyeporiajuvereco vaerâ. Jeco marangatu vaerâ umi ipya pôtíva yojeipyré, jaecuera ojecha vaerâ Tûpâ Ñandeyárape. Jeco marangatu vaerâ umi oporomoñyrôva, jéra vaerâ ichupecuera: Tûpâ Ñandeyára ray cuera. Jeco marangatu vaerâ umi ojasa asŷva jeco pôrâjáreje, jendaguâ voí vaerâ pe tetâ yvapegua. Pende reco marangatu vaerâ peê pende rerecomêgua ramo, ja oñejââ ramo pendereje, ja oñeê rei ramo opa mbae ivaíva pendereje Cherejeguajáreje peê. Pende rory ja pebyáite. Pende reco pôrângue repy tuvicha vaerâ yvágape. Upeicha voí oguereco vaí vaecue umi ñemoñeêjaré pene mboyve guarépe. Peê voí co yukŷcha co ybyarigua peguârâ. Sapya co yukŷgui oyeí ramo pe jeêngué, ¿mbaépepa ñamojêê yebŷta? Na ipôrâveima mârâve. Ñamondo vaerâ mante ocápe oñepyrû jaguâ umi ybypóra pŷguŷpe. Peê cuera ybypóra resapejá. Peteî tetâ oñemopuâ vaecue itáatŷra tuvicha ári, ndicatui oñemi. Na ñamyandyi tataendy ñamoî jaguâ mbayru guŷpe, tataendy renda árinte, ja upeicha ojesapépá umi cotype oivape. Upeicha avei tojesâcâ co pende reco endŷ umi ybypóra renondepe, icatu jaguâ ojecha pene rembiapó pôrâ, ja icatu jaguâ upeagui ombueté pende Ru yvape oivape. Ani peimoa Che ayu jague ambuai jaguâ pe Moises ñeêngue terâ umi ñemoñeêjaré ñeêngue. Che ndayui vaecue ambuaivo. Ayu catu ambuayépávo jecópe. Che jae peême catuetei ocañŷmba jaguâ co yvága ja co yby, ocañŷ mboyvé peteî jaŷî terâ peteî jaí pe Moises ñeênguegui oyeyapopáŷreje jecópe opa oiva pype. Upeicharamo, oime ramo ombuaiva peteîva co Tûpâ Ñandeyára rembiapoucapy cuéravágui mîchîetevéva yepe, ja omboéva umi ybypóra cuerape oyapo jaguâ upeicha avei, upéva oñembojéra vaerâ mîchîetéva pe tetâ yvagapeguápe. Upeicha avei oime ramo ombuayepáva jecópe, ja omboéva upearâ, upeva oñembojéra tuvicha pe tetâ yvapeguape. Che jae peême peê pende yojeipyrévé ŷ ramo pende recópe umi escriba iñarandú reíva ja umi fariseo jaecueranteséva gui, nda peikeichene pe tetâ yvapeguape. Pejenduma racaé pe oyee jague umi ymaguarepe: Ani reporoyuca, ja oime ramo oyucava, iya vaerâ ichupe ombojecoviá jecópe. Che catu jae peême oime ramo ipochy taby reíva tykeŷrape yepe, iya vaerâjá ichupe ombojecoviá jecópe. Ja oime ramo jeiva tybŷrape: Tecové jecoŷva rejegua nde, iya vaerâjá ichupe ombojecoviá jecópe mbururicha oñomongueta guasujápe, ja oime ramo jeiva Nde bŷro iya vaerâjá ichupe ombojecoviá pe tata añaretâmeguápe. Upeicharamo reru ramo ne tûpâmbaerâ reicuameê jaguâ pe tûpâmbaejápe, ja nemandua ramo upeyave nde ryby ipya vaijá ndeve, ejeyá upepe pe reicuameê moa vaecue pe tûpâmbaejá renondepe, ja terejó, eñyrô raê nde rybype, ja uperirente, eyo yeby eicuameê ne tûpâmbaerâ. Eñyrô voí mandike pe oico vaíva nendivepe reime yaveve jendive tapepe, anichene jaguâ pe oico vaíva nendive nemeê pe mburuvicha pópe, ja pe mburuvicha nemeê pe ybyrácuá rerecuápe reñemoî jaguâ ybyrácuápe. Añetétá Che jae ndeve nde resê ŷ jaguâ upegui remeêmba ŷ reje ipajaitépeve yepe pe rembojecoviá vaerâ vaecue. Pejendu neracae oyee jague: Ani rembuai mendaré. Che co jae peême oime ramo omaêva peteî cuñareje oipotáva ichupe mbae vaírâ, upeva oñembotieŷmajá ipyapŷpe. Upeicharamo co nde resá nde acatuápegua oñembotieŷucá ramo ndeve, enojênte, ja emombo ndeyejegui: ipôrâvé jávareje ndeve ocañŷ ndejegui peteî nde rete pejenguemi, aniterei oyeitypá co nde rete añaretâme. Ja nde po ndeacatuápegua oñembotieŷucá ramo ndeve, eikytînte, ja emombo ndeyejegui, ipôrâvé jávareje ndeve ocañŷ ndejegui peteî nderete pejenguemi, aniterei oyeitypá co nde rete añaretâme. Oyee vaecue avei oime ramo opoiséva jembirecogui, tomeê raê ichupe cuatia mburuvichaguiguare oyeí jaguâ jecópe oyuejegui. Che voí jae peême upe opoíva jembirecogui oime ŷ reje oñembotiey jague omboya vaerâ jese, ombuaiucá mendaré ichupe, ja pe omendava pe ipoípyrereje, upeva avei ombuai mendaré. Upeicha avei pejendu neracae oyee jague umi ymaguarepe: Ani reñemboyapú resê pypé neñeêgui. Remeê vaerâ jecópe upe nde reicuameê vaecue Ñandeyárape. Che voí jae peême: Ani mbaevéicharamo jecoŷme rembuayeté reí avave rérape. Ani rembuayeté reí yvaga rérape. Upéva voí Tûpâ Ñandeyára renda oguapyjá. Ani rembuayeté reí co yby rerape. Upéva voí ipy renda. Ani rembuayeté rei Jerusalem rérape, upeva voí pe mburuvicha guasu retâ. Ani rembuayeté rei neâcâ rérape, ndicatui voí remomorotî terâ remojû peteîmi nde áva yepe. Pene ñeê catuke ta cóicha Neí, neí! Tové, tové! ja oime ramo oyuapŷva umivareje jecovaíva rejeguama. Pejendu neracae oyee jague: Tesá tesá recoviá mante vaerâ ja Táî táî recoviá mante vaerâ. Che catu jae peême: Anike peñembo jâtâ pe ivaíva cotycoty, upea rangue oime ramo nenûpâva nderová ŷké nde acatuapeguape, emboyerente ichupe pe iyovaijá avei. Oime ramo nerenôiseva mburuvicha renondepe oipyjy jaguâ nde ao mimi, toipyjynte neâcâjoyá avei. Ja oime ramo nde yocuaiseva remoîrûvo ichupe peteî legua, terejo meme jendive mocoî legua jápeve yepe. Pe oyerureva ndevepe emeênte, ja pe oiporuséva ndejegui, ani reyere ichugui. Pejendu neracae oyee jague: Rejayjú vaerâ nde rapichape, ja reñamotareŷ vaerâ pe nda iyaeiva nderejepe. Che catu jae peême: Pejayjuke umi nda iyaeivape pendereje, peñemboéke umi pene mbojasa vaíva reje, icatu jaguâ peñemoingo pende Ru yvape oiva raŷ cuera jaetéva ramo. Upeva voi omosêva cuarajy umi ivaíva ja umi ipôrâva arive, ja omonguŷ umi jecópe oicova reje ja umi jecoŷme oicova reje avei. Upeicha ŷ ramo, pejayju ramo umi penderayjúva pente, ¿mbaépa oimene pende reco pôrângue repyrâ? ¿Ndoyapoipa upeicha avei umi tecové jecoŷva yepe? Ja pemo maiteí ramo umi pende reŷi cuera pente, ¿mbaépa peyapové peyapo vaerâ gui? ¿Ndoyapoipa upeicha avei umi icaraiŷva? Upeicharamo ta pende reco pôrâite jecoitépe, jeco pôrâite jaicha jecoitépe pende Ru yvape oiva. Pemaêteke ani moa peyapo pene rembiapo jecopegua caraí cuera resápe peyejechauca potávo ichupecuera. Upeicharamo, nda pejupityichene pende reco cue repŷ pende Ru yvagape oivagui. Upévareje pejo ramo pemeêvo tûpâmbae, ani pembopúuca turu penerenondepe oyapo jaicha umi jovámocoîva tûpâo rupi ja tapé rupi oñembueté potávo umi caraí cuera rupi. Añeté Che jae peême catuetei umichagua ojupitymanejá jecocue repy. Nde catu rejo ramo remeêvo tûpâmbae, ani oicuaa ndepo asú pe oyapova ndepo acatua, oico jaguâ co ne tûpâmbae kîrîrîjame ñemijápe, ja upeicharamo, co nde Ru, ojechava opa mbae ñemijápe oiva yepe, omeêne ndeve nde reco pôrângue repy jecope. Upeicha avei peñemboé ramo, ani peico umi jovamocoîcha. Umia obyá umi tûpâope ja umi tape racuá iyatŷjá rupi oñemboévo oñemboŷjápe, oyejechauca potávo umi caraí cuerape. Che jae peême catuetei umichagua ojupitymanejá jecocue repy. Nde catu reñemboése ramo, eikénte nde cotypype, ja embotŷ ne rokê, ja upeicha eñemboé nde Ru ñemijape oivape, ja nde Ru pe ojechava ñemijápe yepe omeêne ndeve nde recocue repy. Upeicha avei peñemboé ramo peina, ani pembopucu peneñemboé pene ñeêngatúgui reí umi icaraiŷvaicha, umi oimoâva oñeê jeta gui oñejendú vaerâjá. Ani peê peñemboyoyá jesecuera. Oicuaa voí Tûpâ Ñandeyára pende Ru mbaé mbaépa peicôtevê vaerâ peyerure mboyvé voí ichupe. Upeicharamo, peñemboé vaerâ coicha: Ore Rú reiméva yvape, Toñembueté Nde réra. Toñemoingó pe teco marangatu reñembotuvicha guasu jaguâme. Toyeyapó jecópe co Ne rembipota, upe yvapeguaicha, upeicha avei co yby ári. Co ore rembiurâ emeêna oreve angué voí tapiaguaichante. Ja ejeyá reí oreve ore romoñemyrô jague Ndeve, upe ore rojeya reí jaicha ore avei umi ore moñemyrô vaecue orevepe. Ja ani remoingue rei ore pya raâ jaguâme, ore mboínte pe mbae ivaíva gui. Upeicha vaerâ voi. Peê pejeya rei ramo umi pende rapicha cuera pe penemomârâ jague, upeicha avei pende Ru yvapegua ojeya reine peême avei. Upeichaŷramo, pejeya reí ŷ ramo umi pende rapicha cuerape penemomârâ jague, upe pende Ru upeicha avei ndojeya rei chene peême pemomârâ jague Ichupe. Upeicha avei peico ramo caruŷreje arete guasujápe, ani tei peico pende rovasŷeté umi jovamocoîvaicha. Umiva omoambue jová cuera oyejechauca jaguâ rejejápe caraí cuerape ombuetéva ramo pe areté caruŷreje. Añeté Che jae peême umiva ojupitymajá pe jecocue repy. Nde catu rembueté ramo reina arete caruŷjape, eyeabykŷnte, ja eyovajéi, anichene jaguâ reyejechauca umi caraí cuerape reicó caruŷreje ramo, nde Ru ñoite pente oiva ñemijape, ja pe nde Ru ojechava ñemijape ombojecoviáne ndeve jecópe. Ani pembyaty peêmeguarâ voínte pene râcâteyjarâ iñongatúpyrâ co ybyari co omombajape umi tiguââ ja pe javê, ja co opobybyjape mondajá omonda jaguâ. Pembyaty catu pene mbaererecorâ iñongatúpyrâ pe yvagape pe ombuai ŷ jápe mbaevéichagua tiguââ terâ javê, ja umi mondajá opobyby ŷ jápe omonda jaguâ. Upe ne râcâteyjá oijape, upepe oimene nde pyapy avei. Co ñande rete rendŷva ñande resá catu. Upeicharamo, nde resá pysó pôrâ ramo, jesâcâmba vaerâ nde rete. Upeicha avei nde resá pysó vaí ramo, nde rete iñypytûmba vaerâ. Upeicharamo, iñypytûmba ramo upe ojesape moa vaerâ nde pyapypegua, mbaéichaguápa vaerâ co pytûeteijá? Ndipóri icatuva oyeyocuáiucá mocoî yárape. Upeicharamo, oñamotareŷ vaerâ peteîme, ja ojayjú vaerâ pe ambuepe, terâ oico pôrâ vaerâ peteî ndive, ja upeyave omomârâ vaerâ pe ambuepe. Peê voí ndicatui peyeyocuáiucá Tûpâ Ñandeyârape, ja upeyaveve pe teco mbaererecojá rejeguape. Upevareje Che jae peême ani peyepyapŷ reí jaguâ co pende recovérâ reje, pe peu vaerâ reje terâ pe peŷu vaerâ reje, terâ pende rete reje mbaépa pemonde vaerâ reje. ¿Nda tuvichavéipa ñande recové ñane rembiú gui, ja ñande rete ñande ao gui? Pemaêmi umi guyrai oveveva yvaga reje! Umia noñemitŷvái terâ nomonoôvái, ja noñongatúvái jendâguâme. Upeicharamo yepe, pende Ru yvagapegua omojyvâtâ ichupecuera. ¿Ja peê na pene pôrâveipa ichugui cuera? ¿Ja máva pendejeguipa, pende pyapy pypé icatune pemboyuapŷ ipucucue reje peteî ñande yŷva pucucue? ¿Ja maerâpa peyepyapŷ reí pende ao reje? Pemaênte umi yboty ñûmeguárejé, mbaéichapa ocacuaa? Umiva nombaapóvái, ja noipovâvái: upeicharamo yepe, Che jae peême pe Salomón opa iyeguaca rejeve yepe noñemondei jague peteîva umivaicha. Upeicharamo, pe caavó ñûmegua, coanga oico pôrâva jina ja coêramo oyeitŷ vaerâ tatacuápe, Tûpâ Ñandeyára omonde ramo cóicha, noñangareco pôrâveichepane pende reje, peê peyeroviá mîrîeteva? Upeicharamo, ani peyepyapŷ peyevo ¿Mbaé pipo roune? terâ ¿Mbaé pipo roŷúne? terâ ¿Mbaépe pipo royeyajoíne? Coa mbae reje voí umi oyejecáva umi icaraiŷva. Peêmeguarâ voí pende Ru yvapegua oicuaa pôrâ peê peicôtevêjá opa âmbae reje. Peyejeca raê peê co teco marangatu Jae oñembotuvicha jaguâ reje, ja pe jeco yojeipyre reje pende recorâ, ja uperire umi mbae ambue oñembo yuapŷpáne peême. Upévareje ani peyepyapŷ co coêramo ára peguarâ reje. Coêramo âra voínte oimene peyepyapŷ jaguâ. Jemby rei voí pe ivaiva peteî teî árape. Ani pecaguaí ambue reje, anichene jaguâ ocaguaí pende reje avei umi ambue cuera. Upe pecaguaí jaicha peê, upeicha avei ocaguaí vaerâ pende reje, ja upe pejââ jague pypé, upeapŷ ojââ yeby vaerâ peême. ¿Mbaérejepa remaê co capiími nde ryby resápe oiva reje, ja co ybyrá poguasúva nde resápe voí oiva, nde rejechacuaai? ¿Terâpa mbaéichapa erene nde rybype: Ejaârô! Tanojê ndeve co capiimi nde resá pe oiva, oi yave nde resápe voí ybyrá poguasuva? Nde rovámocoî catu co nde! Enojê raê pe ybyrá nde resápe oiva, ja upemaramo rejecha pôrâne renojê jaguâ pe capiimi nde ryby resá pe oiva. Ani pemeê mbae icaraí vaecue umi yaguape. Ani avei peity curé renondepe pende yeguajá, anichene jaguâ opyrû jesecuera ipŷ cuerape, ja upegui oyere pene mondoropá jaguâ. Peyeruré, ja oñemeêne peême. Pejecá, ja peyujune. Pejenôi ja oyepeáne peême. Oimerâeva oyerurévape oñemeêne, ja pe ojecáva oyujune, ja pe ojenôivape oyepeane. ¿Máva cuimbaepa pendejegui oime itayra oyeruréva ichupe mbuyape reje, omeêne ichupe itá? ¿Terâpa oyerure ramo ichupe pirá reje omeêne ichupe mbói? Upeicha ramo, peê, pende vaí ramo yepe, pemeêcuaá ramo mbae ipôrâva pende raŷ cuerape, ¿mbaéicha pipo nuné pende Ru yvagape oiva anichene nuné omeê mbae ipôrâva jeta umi oyerurevape? Upeicharamo, opa mbae peê peipotáva oyapo peême umi caraí cuera, upeichaite peyapo peê avei ichupecuera. Cóicha voí oyee vaecue pe Moises cuatiápe ja umi ñemoñeêjaré cuatiápe. Peike catu pe okê ipychiî rupi! Ipŷguasú voi pe okê ja ipŷguasú pe tapé ojova pe teco ocañyjápe, ja jeta umi oikéva upérupi. Ipychiî pe okê, ja ipychiîete pe tapé ojova pe tecové jaetévape, ja mbobŷ oime umi oyujúva. Peyererecó catu umi ñemoñeêjaré iyapúvagui oúva pene rendape iñemondéjá ovechaicha ja ipyaitépe jeco aguará guasuicha imondáva rejeguáva. Jiacué reje pejechacuaa ichupecuera. ¿Sapya pico ñamonoô parralá caavó jatîva gui, terâpa higoá ñuatî gui? Upeicha opa ybyrá racâ ipôrâva guíve jiá pôrâ, ja co ybyra racâ ivaíva jiá vaí. Nda iyái ybyrá racâ ipôrâvape jiá vaí jaguâ. Upeicha avei co ybyra racâ ivaívape nda iyái jiá pôrâ jaguâ. Umi ybyrá racâ jiá pôrâ ŷ va guive toñekytîmba, ja toyeitŷ tatape. Upeichavo jiacué reje pejechacuaane ichupecuera. Nda opa jeíva Chevei: Ñandeyara! Ñandeyara! oikéne pe tetâ yvapeguape: upévante upe oyapóva Che Ru yvape oiva rembiapoucapŷ. Oimene jeta jei vaerâ Cheve upe jaárape: Ñandeyara! Ñandeyara! ¿no roñemoñeêipa raé co Nde rérape? ¿ja Nde rerape voípa ndo roityi raé mbaepochy? ja ¿Nde rérape pa ndo royapoi jeta mbae guasu? Ja uperamo aicuaaucáne umivape cuera: Máramo Che nda poicuaai raé. Peyeóinte Che jegui, peê mbaevaí apojá cuera. Upeicharamo oimeraêva ojendu vaecue co Che ñeê ja oyapo vaecue jecópe, amboyoyáne ichupe peteî cuimbae iñâcâ pôrâva reje, omopuâ vaecue joga pe itá jâtâva ári. Joá ama ja tŷguasu pe ŷ, ja oipeyú jâtâ pe ybytú ja oyapipá pe óga reje ja ndoairi oñemoî jague reje japó pe itá jâtâva ári. Ja oimeraêva ojendú vaecue co Che ñeê ja ndo yapoi vaecue, amboyoyáne ichupe peteî cuimbae itabyva reje omopuâ vaecue joga yby cuí ári. Joa ama ja tŷguasú pe ŷ ja oipeyú ybytú ja oyapí pe oga reje, ja joá voí, ja oñembuaipá oyaparópaite. Upei catu jeipámaramo Jesús coa ñeê, ojecharâmô yoa opytávo umi ybypóra pe jemimboe reje. Jae voí oporomboe oicóvo ichupecuera iya jáva reje jecópe ichupe, ja nda umi escriva iñarandú reíva cueraichai. Uperire ogueyŷma ramo pe itáatŷra ári gui, jeta oime ou japycueri umi iyatŷva jicuai. Uperamo sapya ou avei peteî leproso iyaípáva, ja oñesû Ichupe jeivo: Che carai, Nde reipota ramo, Nde puacá che mopôtimba jaguâ. Ja Jae oipysó ipo ja opocó jesé, ja jei: Che aipota. Ta ne pôtínte! Ja upevove jesâimba iyaí vaí gui. Upei catu jei ichupe Jesús: Maêke! Anike remombeu avavépe! Terejónte, eyejechauca pe paípe, ja eicuameê pe Moises oguerúrucá vaecue, oyecuaáucá jaguâ opávape co ne resâimbámajá. Uperire oikévo Jesús pe Capernaumpe, sapya ou Jendápe peteî mburuvicha oyerurévo ichupe, ja jeivo: Che carai, oime che rembiguai iyapá oñenó che rogape jasy eterei chejeguí. Ja Jae jei ichupe: Yajante amojesâi jaguâ ichupe. Ja oñeê pe mburuvicha jeivo: Che carai, che che poriajú eterei! Nda iyái cheve Nde reiké jaguâ che roga capií guŷpe. Erentena cheve peteî ñeêmínte, ja che rembiguai jesâimane. Che voí avei che jae caraí mburuvicha ambue po guŷpe, ja che areco che po guype che rembiyocuai cuerape, ja che jae ramo cóvape: Terejó! jae ojo voí, ja pe ambuepe: Eyo! jae ou voí, ja che rembiguaipe jae ramo: Eyapo cóva! jae oyapo voí. Upei catu ojenduma ramo Jesús pe jeiva ojecharâmô, ja jei umi oúvape jicuai japycueri: Che jae peême catuetei nda Israelpe yepei ndayujui jague peteî oyeroviaitévape cóvaichagúa. Che jae peême jeta jaguâ ou cuarajy resê guivó ja cuarajy reike guivó oguapy vaerâ Abraam ja Isaac ja Jacob ndive pe tetâ yvapeguape. Upegui pe tetâ yvapegua ray rângue moa oñemombóne ocape pytûnguype, pe tasê ja táîñeê jaguâme. Upei catu Jesus jei pe mburuvichape: Terejonte, reyeroviá jagueicha, toyeyapo ndeve. Ja upevove jesâimba pe tembiguai. Uperire ou Jesús Pedro rógape ja ojechá jembireco sŷ oñenó jupápe âcânundu rejeve. Ja Jae opoco ipo reje ja oyei voi iñâcânundu, ja opuâ voi jae ja oyeyocuáiucá Ichupe. Ja caaruma jina ogueru Jendápe jeta umi mbaepochy remimbotarovápe, ja Jae oity umi mbaepochype iñeê reje, ja omojesâimba umi ojasa vaivape guive. Upeicha oico jecópe oyee jagueicha pe Isaías ñemoñeêjaré yurú rupi: Jae voínte oñembo pítuá ñande pítuá jaicha, ja oyaŷby oicovo ñane mbaasŷ pojyi gui. Uperamo ojecha pypé Jesús iyatyjá umi jicuaiva iyerecuéreje, jei ojasa jaguâ pe yguasu mboypŷri. Upeyaveve ou Jendápe peteî iñarandúva ja jei Ichupe: Nde, ore mboejára, taja che Nde rapycuéri Neîrû ramo mamo rejo jaguâme. Ja jei ichupe Jesus: Umi aguarái oguereco icuararâ, ja umi guyra ovevéva oguereco jaitŷrâ. Co Caraí Raŷ mante ndoguerecoi omboyecó jaguâme iñâcâ. Ja oime ambue jemimboerâ avei jeivaecue Ichupe: Che caraí, tajamina raê añotŷ jaguâ che rúpe. Ja jei ichupe Jesús: Eyo Che rapycuéri, ja Ejeyánte umi omano vaecueichaguape toñotŷ umi oyejegua omano vaecuepe. Upei catu Jae oyupi pe mbayrúpe ja jemimboe cuera oyupi japycuéri. Ja sapyaite joá ybytú jâtâ ja oñemomŷi tuvicha pe ŷguasu ja pe ŷ pochy oyajoí moa imbayrú, ja Jae opyta oké jina. Upei catu jaecuera oñemboyá Jendápe ja omombaŷ Ichupe jeivo: Carai, ore pytyvôna! Roime vaíma! Ja Jae jei ichupecuera: ¿Mbaéichapa pende pya mirî, peê peyeroviaŷva? Upei catu opuâ voí ja oyaó pe ybytúpe ja pe ŷguasupe, ja sapyaite ára pôrâ yebŷma. Ja umi cuimbae cuera ojecharâmô, ja jei: ¿Mbaévapa co carai? Ybytú ja ŷguasu yepe oyapo Jae jeiva! Upei catu ôguajêma ramo mboypŷri, umi gadareno retâme, ou ojuvaitîvo Ichupe mocoî cuimbae mbaepochy remimbotarová osê oúvo umi oñeñoty renda gui ipochŷ eterei, ndicatui jaguâicha yepe avave ojasa upe tapé rupi. Ja sapyaite osapucai jeivo: ¿Maerâpa reyú oreve Nde Tûpâ Ñandeyára Ray? ¿Reyú pico coápe ore muanguecóivo ore áraŷme? Sapya oime mombyrymi upegui peteî curé atŷra ocarúva jicuai, ja umi mbaepochy oyerure ichupe jeivo: Ore reity ramo Nde, ore moingué catu umi curé atŷra pypé. Ja Jae jei ichupecuera: Tapejónte! ja osê voí ja oiké umi curé pypé. Ja sapyaite pe curé atŷra oyeitypá yoa pe itá yvatéva ári gui pe ŷguasúpe, ja joŷguŷpá pe ŷpe. Upei catu umi curé rerecuácué oñeguajêmba, ja ojo pe tetâme, ja omombeupá umimbae pe oyeju vaecue umi mbaepochy remimbo tarova vaecuepe. Upei catu osêmba pe tetâmegua yoa ojuvaitîvo Jesúspe, ja ojecha ramo Ichupe oyeruré ruré Ichupe oyeí jaguâ jetâgui. Upemaramo Jae oyupi yeby pe mbayrúpe, ja ojasa mboypŷri ja ou oguetâme. Ja upepe ogueru Ichupe peteî iyapávape oñenó jupápe. Ja ojecha ramo Jesús oyeroviajá jaecuera Jese, Jae jei pe iyapávape: Nde pya guasúna, che raŷ! Oyepeapáma ndejegui ne angaipa! Ja sapya oime upepe iñarandúva jei vaecue ipyápe: Upéva oñeê vaí reí. Ja Jesus ojechacuaa pypé pe oimoava jina jei: ¿Mbaérejepa peimoa vaí pende pyapype? yajecha catu! ¿Mávapa icatuvéva yaé Oyepeapáma ndejegui ne angaipa! terâpa yaé Epuânte, eguatá? Ja ánga peicuaa jaguâ peê ipuacajá co Caraí Raŷ co ybyari yepe oipea jaguâ angaipa -- upevove jei pe iyapávape: Epuânte, ejupi nde rupá, ja terejó nde rogape. Ja jae opuâ voí ja ojo jógape. Upei catu umi ambue cuera iyatŷva upepe ojecha ramo upéva, okyjŷyé oñemondŷi, ja ombueté Tûpâ Ñandeyárape ombopuacá jague reje cóicha umi cuimbaepe. Upei catu ojo Jesús upegui, ja ojecha peteî caraípe oguapŷva jina pe mbaerepy monoôjápe, jérava Mateo, ja Jae jei ichupe: Eyo Che rapycuéri. Ja jae opuâ voí ja ojo Japycuéri. Ja sapya Jae oguapy ramo jina ocarujape upéva rogape, oime avei upepe jeta mbaerepy mbyatyjá, ja angaipavóra, ou vaecue jicuai ja oguapŷva jina pe carujápe Jesús ja jemimboe cuera ndive. Upei catu ojecha ramo upéva, umi fariseo jei jemimboe cuerape: ¿Mbaérejepa ocaru co pene mboejára umi mbaerepy mbyatyjá, ja tecové angaipavóra ndive? Ja Jae ojenduma ramo upea, jei: Umi jesâiva noicôtevêi ipôjanôjára reje, umi jasŷvaíva nte. Tapejó, upeicharamo, peicuaami pôrâ jaguâ mbaépa jeise coa ñeê: Peiporo poriajuvereco jaguânte, upeva catu pe aipotáva, ndajaei peñembo paí reco jaguâ. Che voí ndayui ajenôivo umi jecópe oicovape, umi angaipavórapente. Uperamo ou Jendápe pe Juan remimboe cue cuera jeivo: ¿Mbaéichapa ore ja umi fariseo rombuetéva areté carûyreje ja co Ne remimboecuera nombuetévái areté upeicha avei. Ja jei ichupe cuera Jesús: ¿Mbaéicha nipo? ¿Icatúpa pe omendatava îrûnguera jasê, oico aya meme jendive cuera pe omendatava? Oune ára oyepea jaguâ ichuguicuera pe omenda ramôva, ja uperamo jaecuera ipya mbyasŷne ocaruŷrejeve. Na ñambobybyri ao pejenguemi pyajúva cu ao ituyáva reje: upeicharamo, pe pejengue ipyajúva osorópá pe ñande ao gui ja ivaívé vaerâ pe osoró jague. Upeicha avei na ñambojŷrúi vino pyajú mbae piré ituyávape; upeicharamo, osoro umi jŷrú mbae piré guigua ja oñejê reí pe vino, ja ocanŷmbá umi jyrúcué. Ñambojyrunte vino pyajú jyrú mbae piré ipyajúvape, ja upeicharamo, opytá pôrâ oñondive oñombuaiŷreje. Uperamo oñeê yavé jina Jae umi mbae ichupecuera, ou peteî mburuvicha ja oñesû Ichupe jeivo: Omano râmôite che rayŷmi. Eyókena, ja emôi ndepo jese ja jae oicove yebyne. Upei catu opuâ Jesús ja ojo japycueri, ja ojo jemimboe cuera avei. Ja sapyaite ou peteî cuña oyapóma doce años jasy jague tuguy guasu gui, ja oñemboyá Japycue guivo, ja opoco iyao rembey reje. Jei nipo racaé ipyápe: Sapya apocómínte ramo iyao reje che resaimane. Upevove oyeré Jesús ja omaê jese ja jei: Nde pya guasunte, Che rayŷ! reyerovia jague nemojesaima: ja upeguive voínte jesâi opytávo pe cuña. Upeyavé ou ôguajêvo Jesús pe mburuvicha rógape ja ojecha ramo umi imbopújá cuerape ja umi jasêvape iyatŷva jicuai, Jae jei ichupecuera: Peyeóinte! Nomanoi co cuñami. Okente jina. Ja jaecuera opucá Jese. Upei catu oñemosêma ramo ocápe umi iyatŷva jicuai pe cotype, Jae oiké ja oipyjy ipo ja upévo opuâ pe cuñami. Ja co jêrâcuâ oñejendú oparupi pe tetâ rupi. Upei catu ojasa pypé Jesús upegui, ojo japycuéri mocoî ojechaŷva osapucaivo ja jeivo: Ore poriajuverecomi oreve, Nde, David Ray! Ja ôguajêma ramo ogape yepe, ou Jendápe umi ojechaŷva, ja Jesús jei ichupecuera: ¿Peroviapa icatu jaguâ ayapo Che âmbae? Jaecuera jei Ichupe: Upeicha, carai! Upe catu Jae opoco jesáré cuera ja jei: Upe peyerovia jaicha, toyeyapo peême! Upevove oyepea jesacuera. Ja Jesús oyeruré ruré ichupecuera jeivo: Aníkena peicuaaucá avavépe cóva reje. Opaichavévo osê vove jaecuera upegui omojerâcuâ Ichugui oparupi pe tetâ yeréreje. Upei catu ojo rire umia, oime ogueru Ichupe peteî iñeêngûvape mbaepochy remimbotarováva, ja osê maramo ichugui pe mbaepochy, oñeê pe iñeêngû vaecue. Ja ojecharâmô umi iyatŷva jicuai jeivo: Máramo ndo yejechai coaichagua mbaeguasú co Israel retâme. Upegui umi fariseo jei: Pe mbaepochy ruvicha guasu rupinte Jae oity umi mbaepochype. Upeicha Jesús oyerepá umi tetâ reje ja ocára rupi avei oporomboévo itûpâope cuera, ja oñemoñeêvo co Evangelio pe yvapegua ruvicha guasu recogua gui, ja omojesâimbávo opaichagua mbaasy gui, ja opaichagua mbae ivaiva gui. Ja Jae ojecha ramo umi ybypóra atyrape, oiporiajuvereco ichupecuera, isarambipá jicuai ja oñemuasâi ovechaicha oguereco-ŷ-va jerecuárâ. Upei catu jei jemimboe cuerape: Añeté co ñemitŷngue jeta jiá. Umi monoôjárâ nte mboby. Upeareje peyerure catu co coga yárape ombouvé jaguâ jetavé imonoôjárâ icogape. Upemaramo ojenôi umi doceve jemimboecuerape, ja omeê ichupecuera ipuaca jaguâ umi mbaepochy tieŷ rejeve oity jaguâ ichupecuera, ja omojesâi jaguâ opaichagua mbaasy gui, ja opambae mbaasŷguiguagui. Coina ape umi doce jemimboe cuera réra: pe iyŷpy vaecue Simon, oyee vaecue avei Pedro, ja tybyra Andres, ja Santiago, pe Zebedeo raŷ, ja tybyra Juan, Felipe ja Bartolomé, Tomás ja Mateo, pe mbaerepy monoôjáracue, ja Jacobo, pe Alfeo ray, ja Tadeo, ja Simon, pe cananéo, ja Judas Iscariote, pe iyapyjyucájarâ avei. Upeicha umi docevepe omondo Jesús, omeê rire ichupe cuera jembiapoucarâ: Ani pejo umi pytagua tapé rupi, ja umi samaritano retâme ani peiké. Upea rângue tapejó raê umi ovecha Israel rejeguáva ocanŷvape jicuai. Ja pejo aya peñemoñeê ja peye: Jiâguima oico jaguâ pe yvapegua reco marangatu: pemojesâi umi jasyvape cuera, pemoingové yeby umi omano vaecuepe, pemonguerá umi leproso iyaívaívape, pemosê umi mbaepochŷpe. Oñemeê reí jagueicha peême tâcâteŷŷjape, upeicha avei pemeê reínte tâcâteŷŷjápe peê avei. Anichene peiporu óro terâ plata terâ cobre pende cúacuape guârâ. Ani peraja pene rembiúrâ tapépe, terâ ao mocoî pemonde yoa jaguâ, terâ pende py rejeguarâ yoa rei, terâ ybyra yepe pende pope. Ipôrâ voí pe ombaapóvape oñemeê reí yepe jembiúrâ. Ja mamo peikéjápe tetâ rupi terâ ocára rupi, peporandúnte avápa pe imbae pôrâvéva umi upepegua paûme, ja upea rogape peico pesê yeby peve upegui. Ja peikévo pe ogape pejovasá umi ogaŷguápe, ja imbae pôrâva ramo umi ogaŷgua, topytá jesecuera pe pejovasa jague, ja na imbae pôrâvái ramo, toyebŷnte peême pe pejovasa jague. Ja oime ramo pende rerojoryŷva peême ja ojenduseŷva pene ñeê, pesênte upe oga terâ tetâ gui, ja peitybyró iyŷby cuí pende py gui. Che jae peême catuetei ivevuivé oyeyopŷne umi Sodoma ja Gomorra retâmegua pe ñandeve oñembo jecovia jaguâ árape upe tetâmegua gui. Che voí anga pomondo peême ovechaicha aguará guasu apytepe; upévareje peico pene kîrîrîva mbóicha, ja pende pochŷ cuaaŷva picasúicha. Peyererecónte umi ybypóra gui! Umiva pene meêne peême umi ñomongueta guasu jápe ja itûpâope cuera yepe pene nupâne. Ja peyererajane umi mburuvichaí ja umi mburuvicha guasu renondepe yepe Che rejejape, iya jaguâ rejejápe peême peroviaucá jaguâ ichupe cuera, ja umi pytaguá ambue cue cuerape avei. Ja pene meê ramo peême mburuvicha pope, anichene peyepyapŷ mbaéichapa terâ mbaépa reñeê vaerâ reje. Uperamo voí oñemeêne peême pe peñeê vaerâ. Ndajaeichene peê vointe ñeêjarâ, pende Ru Espiritunte catu, upéva pe oñeêjarâ pende yurú rupi. Pe tykeyra omeêne tybŷrape oyucáucávo ichupe, ja pe túva omeêne itaŷrape, ja umi taŷra cuera opuâne itúva cuera reje ja oyucane ichupecuera. Ja opava pene ñamotareŷne peême, peê Che réra rejeguajá reje. Upeicharamo yepe, pe oguero puacáva ipajápeve, upéva osêne mârâŷreje. Upegui pende yopy ramo co tetâme, peñeguajênte pe ambuepe. Che jae peême catuetei nda peicopáichene raé Israel retâ rupi, ou mboyvé pe Caraí Raŷ. Pe temimboe nda tuvichavéi imboejá gui, ja pe tembiguai nda tuvichavéi icaraí gui. Upeicharamo ipôrâma nte pe temimboepe oico imboejaicha, ja pe tembiguai icaraícha. Ja ombojéra ramo Beelzebul pe ogayárape, ¿nombojéraiche pane upeicha avei umi jogápeguape? Upeicharamo, ani pekyjŷyé! Ndipóri voí mbaeve oyeyajoí vaecue oyejechauca ŷ vaerâ. Ndipóri mbaeve oñemi vaecue oyecuaa ŷ vaerâ. Co Che jaeva peême pytûnguype, peye peê ára sâcâme, ja co pejendúva pende apysá pype, pemo jêrâcuâ ogaári guive yepe. Ja ani pekyjŷyé umi ñande rete yucájárâ gui, ndicatuiva yepe oyuca ñane ânga. Pekyjŷyénte pe icatúva ombuái pene ânga ja pende reté avei pe añaretâme. ¿Noñemeêipa mocoî guyrai peteî mbaerepŷmimi reje? Upeicharamo yepe, ndipori joa jaguâ ybype peteîmiva yepe ichuguicuerava pende Ru ŷ reje. Pende áva pene âcârejegua yepe oyepapapa. Upeicharamo, ani pekyjŷyé. Peê voí pende repŷvé jeta guyrai gui. Oimeraêva oñemombeu vaecue Che rejeguajá umi ybypóra rovaké, Che añemombeune avei Che voí jeseguajá Che Ru yvapegua rovaké. Ja oimeraêva Che momârâ vaecue umi ybypóra cuera rovaké, Che amomârâne ichupe avei Che Ru yvape oiva renondepe. Ani peimoa Che ayu jague amoingo jaguâ co ybyári pe teco kîrîrî. Che ndayui amoingo jaguâ pe teco kîrîrî, peteî kysé pucúnte. Che ayu ambo yuabŷ pe cuimbae ja itúva oyuejegui, ja pe cuñatâí ja isŷ oyuejegui, ja pe cuña omendáva ja imena sŷ oyuejegui. Umi nda iyaeiva peteî cuimbae reje voí, umiva catu umi jogapetegua voínte vaerâ. Pe ojayjúvéva itúvape terâ isŷpe Chejegui, nda iyái ichupe oico jaguâ Che rejegua ramo, ja pe ojayjuvéva taŷrape terâ tayŷrape Chejegui, nda iyái ichupe oico jaguâ Che rejegua ramo. Ja pe ojupiŷva icurusu oico jaguâ Che rapycueré, nda iyái ichupe oico jaguâ Che rejegua ramo. Pe jacateŷva oguecové reje, ocañŷne ichugui, ja pe omocañŷva oguecové Che rejejape omoî jâtâmane jâcâteŷjárâ. Pe pende rerojorŷva peême, Cheve avei Che rerojorŷ, ja pe Che rerojorŷva Cheve, oguerojorŷ avei pe Che mboújarépe. Pe oguerojorŷva pe oñemoñeêjárape oñemoñeêjára jáva rejejápe, oñembo jecoviáne ichupe pe oñemoñeêjára guivó. Ja pe oguerojorŷva pe marangatúvape imarangatú jáva rejejápe, oñembo jecoviáne ichupe pe imarangatúva guivó. Ja oimeramo omboŷúva peteîvape co mitâmimime cuérava ŷ roŷsaminte yepe Che remimboe jáva rejejape, Che jae peême catuetei ndoyabŷi jaguâ pe oñembo jecovia vaerâ ichupe. Uperire omboepáma ramo Jesús umi doce jemimboe cuerape jecorâreje, Jae ae ová upegui ja omboé ja oñemoñeê oicovo jetâme cuera. Uperamo voi pe Juan oime ybyracuá rogape: ja ojendu pype Cristo rembiapocue gui, ombou Jendápe oguemimboe cuéravape jeiucávo Ichupe: ¿Ndépa pe ou vaerâ, terâpa rojaârôta ambuepe? Ja Jesus jei ichupecuera: Tapejónte, peicuaaucá Juanpe co âmbae peé pejendúva ja pejecháva, ojecha yebyjá umi ojechaŷ vaecue, oguata pôrâ yebyjá umi icarê vaecue, oñemopotîmbajá umi leproso iyaívaí gui, ja ojendu yebyjá umi iyapŷsa ŷ vaecue, ja oicové yebyjá umi omano vaecue, ja umi mboriaju cuera oñemo angapyjyucájá pe Evangelio roñemoñeêjá mbae pyajú porâiteva gui rupi. Jeco marangatu voi vaerâ oimerâeva oñembo pya vaí ŷ va Cheve. Upei catu ojoma ramo umia, Jesús oñypyru oñeê pe Juangui umi ambuecuerape jeivo: ¿Mbaépa pesê pejecha pe ñume? ¿Tacuapípa oñembovavava pe ybytú gui? ¿Mbaepa peê pesê pejecha? ¿Peteí cuimbaepa oñemondéva ao iporaitévévape? Peína umi oñemondéva ao ipôrâitévape oi jicuai mburuvicha guasu rogapente. ¿Maerâpâ, upeicharamo, pesê? ¿Rejechaseguipa ñemoñeêjarape? Upeichanerae! Ja Che jae peême tuvichavéjá upéva ñemoñeêjára rei gui yepe. Cova voí pe oyee jague Santa Escriturape: Maéke! Che ambou Che remimboupe Ne renondepe omyatyrô vaerâ Nde raperâ Ne renonde. Che jae peême catuetei máramo nopuâi jague gueteri umi cuña ryguepe ñemoñambyré apytegui peteî tuvichavéva co Juan Bautista gui. Opaichavévonte pe michietevéva pe yvapegua ruvicha guasu rejegua paûme tuvichavé upéva gui. Co Juan Bautista ára guive coanga ára peve yepe oime osororóva ouvo oyejeávo pe yvapegua ruvicha guasu reco reje, ja umi oñembo puacaitevéva oyapyjy ichupe. Opa umi ñemoñeêjára ymaguare ja umi Moises ñeêngue rejeguava pe Juan peve oicuaauca voi vaecue mbae oico vaerâ. Ja perecose ramo peroviá vaerâ upeva gui, jae catu pe Elias pe ou vaerâ vaecue, Toyapysaca oimerâeva iyapysáva! ¿Avá rejepa amboyoyáta co ybypora coangagua? Oyogua catu mitâ rusumi oguapyva jicuai pe mbae ñemûjape osapucaiva umi iñîrûnguerape, jeivo guau: Rombopúma peême, ja peê nda peyerokŷi, ore orepya mbyasy roina ja peina peê nda pende rasêi. Ou vaecue pe Juan ocaruŷvaecue ja joŷu ŷ vaecue jecope, ja oyee jese oimejá ipype mbaepochy. Ou co Carai Ray ocarúva ja joŷúva jecope, ja oyee jese: Maé co carai umi icaruvéva rejegua, ja ocaúva rejegua, umi mbaerepy monoôjá ja umi iñangaipavóra rayjupára! Opaichavévonte pe arandujá oyejechacuaa jecopeguajá umi oyejegua rembiapocue rupi. Uperire oñypyrû Jae oyao umi tetâŷguape jetavé jaguepe oyeyapo mbaeguasu ipo rupi oñembyasy ŷ jague reje: Nde Corazin angai! Nde Betsaida angai! Oyeyapo rire Tirope ja Sidonpe umi mbaeguasu oyeyapo jagueichagua pende apytepe, voívé morae oñembyasy oyeyajoí jápe ao ivaivape ja tanimbú rejeve iñâcâ reje. Che jaente peême ivevuivé jaguâ oyeyopŷ umi Tiro ja Sidonŷgua pe ñandeve oñembo jecovia jaguâ árape pendejegui. ¿Ja nde pipo Capernaum! reyejupita nde yvaga peve yepe? Reñembogueyŷne añaretâmeve. Oyeyapo rire Sodomape mbaeguasu coaichagua nde pype oyeyapo jagueichagua, opyta morae coanga peve. Che jaente peême oyeyopŷ vevuivé jaguâ umi Sodomaŷgua ndejegui pe ñandeve oñembo jecovia jaguâ árape. Uperamo Jesús jei iñemboejápe: Che rombuete Ndeve, Che Ru, pe yvaga ja co yby Yára, remoâ járeje âmbae umi iñarandúva gui, ja umi ojechacuaava gui, ja reicuaauca járeje jecope umi mitâmime. Upeichante voí vaerâ, Che Ru, jiâ járeje Ndeve upeicha Nde pyá pôrâ gui. Opambae oñemeê vaecue Cheve Che Ru gui, ja avave ndoicuaai pe Taŷrape, pe Túva mante. Upeicha avei avave ndoicuaai pe Túvape, pe Taŷra mante, ja oime ramo pe Taŷra oicuaaucaséja Ichupe, upéva avei oicuaane. Peyu catu Cheve, peê pembaapo pojŷiva guive ja peê peyeyopŷva guive, Che pomombytuú jaguâ peême. Peñemoî Chendive oyuayujápe peico jaguâ Che remimboe ramo, Che Che mbae pôrâ járeje, ja Che recokîrîrî járeje, ja peê peyujune pene angapyjŷ jaguâ. Co ñande yuayujá iya pôrânteva voí ja ivevui co Che arajaucáva. Uperamo oguata oicovo Jesús umi cocue rupi peteî sabado areté árape, ja iñembyajŷi umi jemimboe cuera ja oñypyrû jaecuera oipoo pe jiá ja jou. Ja ojecha ramo upea umi fariseo jei ichupe: Maêke! umi Ne remimboe cuera oyapo jina pe nda iyaiva yayapo co sabado arete árape. Ja Jae jei ichupecuera: ¿Na pene manduaichépane pe Santa Escriturape oiva reje pe oyapo vaecue David iñembyajyi ramo guare jae ja umi jendive oi vaecue. Jae oike pe Tûpâ Ñandeyára rogape, ja jou pe mbuyape carai, nda iyái vaecue ichupe, ja umi jendiveguápe jou, umi pai añópente iya vaecue. ¿Ja napene manduaipa pe oi vaecue pe Moises ñeême reje, umi sabado arete árape umi pai yepe, ombuai ramo yepe pe sabado arete, avave nomboyai jesecuera. Che jae peême catuetei oimejá coápe peteî tuvichavéva pe tûpâo gui yepe. Ja peicuaa rire peê mbaépa jeise coa ñeê: Aipota peê peporo poriajuvereco ja ani peñembopaí recó jaguâ, napemoî vai moraei coa jecopotîvape. Co sabado arete ára yára vointe co Carai Ray catu jae. Ja ojo upegui ja ou itûpâope cuera. Ja sapya oime upepe peteî cuimbae ipo iyŷpíva, ja jaecuera oporandú Ichupe jeivo: ¿Ipôrâpa oñepôjânó sabado areté árape? Upeicha jei omoîvaí potávo Ichupe. Ja Jae jei ichupecuera: ¿Oimepa cuimbae peêcuérava oguerecóva peteî ovechá, sapya joá ramo ybycuápe co sabado areté árape, oipyjy ŷ vaerâ ichupe ôguenojê jaguâ upegui. ¿Upeicha ramo na peimoaipa peteî cuimbae ipôrâitevéjá peteî ovechá gui? Upeva reje ipôrâ yayapo tembiapo pôrâ umi sabado areté árape yepe. Upemaramo jei pe cuimbaepe: Eipysó nde yŷvá. Ja jae oipysó voí, ja oñemyatyrô iyŷva jesâimba pe ambueicha. Upei catu umi fariseo oyeí, ja oñomonguetá ñemi oñondive oyuca jaguâ Ichupe. Ja Jesús oicuaa vove upea, oyeí upegui, ja jeta ojo japycueri ja Jae omojesâimbá ichupecuera, ja oyerure ichupecuera ani jaguâ omojerâcuâ Ichugui. Ja upeicha oico jecope pe oyeé vaecue pe ñemoñeêjaré Isaias yurú rupi: Coina ape Che rembiguai, Che rembiporavó, cóva Che ajaŷjúva, ja oguerobyájá Che ânga. Che amoinguéne ipype Che Espiritu, jae omojêrâcuâne umi ybypóra icaraiŷvape pe ñandeve oñembojecoviá jaguâ áragui. Jae noñejââichene avavé ndive ja noñeê jâtâichene, ja avavé nojenduichene iñeê umi tapé iyatyjá rupi: pe tacuapí icârâpâva nomopêichene, ja pe jobycá jatatîva nombogueichene, omoingopá peve jecope pe ñande recocue recoviajarâ oñembo puacáiteve jaguâ Jae ae. Ja umi ybypóra icaraiŷva ojaârône Jéra rupi ojupitŷ jaguâ imârâ ŷ jaguâ. Uperamo ogueru Ichupe peteî aña rembitarová ojechaŷva ja oñeeŷvape, ja Jae omojesâi ichupe, ja upeichavó oñeê yeby ja ojechá yeby pe iñeêngu vaecue. Ja ojecharâmô jicuai yoa umi ambuecuecuera ja jei: ¿Icatúnepa cóva David Ray? Ja ojendu ramo upea, umi fariseo jei: Ndajaei oyejegui voínte cóva oitŷva mbaepochype, Beelzebul rupínte umi mbaepochy ruvicha. Ja Jae, ojechacuaa pype pe oimoâva ipyapecuera, jei ichupecuera: Oime ramo mburuvicha guasu retâ oyeyuabyjape oyuejegui oñembuaipáne, ja oime ramo tetâ terâ oga oyeyuabyjápe oyuejegui ndopytaichene, ja co Satanás oity ramo Satanáspe jae oyuaby oyejegui vointe, ja ¿mbaeichapa, upeicharamo, opytá jâtâne jetâ? Ja añeté ramo Che aity mbaepochype pe Beelzebul rupi, ¿avárupípa oity ichupecuera pende ray cuera? Jaecuera vointe, upeicharamo, penemojendane peême. Anga añete ramo co Tûpâ Ñandeyára Espiritu rupi Che aity umi mbaepochype, añete jiâguimanerae pendejegui Tûpâ Ñandeyára reco marangatu. Upeicha avei ¿mbaeichapa oimene icatúva oike pe ipuacaitéva rogape oyapyjy jaguâ jemiñongatupyré oñapytî ŷ rire pe ipuacávape? Upeicharamonte oyapyjypáne opa pe ogape oiva. Upe Chendive oicoŷva, oico vaí Chendive, ja pe Chendive omonoôŷva omosarambi. Upearâ voí Che jae peême opaichagua angaipa ja opaichagua ñeê tieŷ gui oñemopôtímba jaguâ umi cuimbae. Upeicharamo yepe, oime ramo oñeê tieŷva omomârâvo pe Espiritu Santope, noñemopôtíchene upeagui. Ja oime ramo jeiva ñeê co Carai Ray reje, oñemopôtíne ichugui. Opaichavévo oime ramo jeiva ñeê pe Espiritu Santo reje, máramo noñemopôtíchene upéva ichugui mbaevéicharamo co yby ári terâ pe tetâ ambue yaja jaguâme yepe. Tecotêvê raê peyapo pe ybyrá ipôrârâ jiá pôrâ jaguâ. Upeichaŷramo, peyapo ramo tuyu vaíva ramo jiá jasypá vaerâ. Jiacue reje voi oyecuaa voi pe ybyra râcâ. Peê mbói rejegua! ¿Mbaéichapa icatu peñeê pôrâ pene ñaña jápe peê? Pe jembŷpá reiva ñande pyape voí oiva gui oñeê ñande yuru. Pe cuimbae pôrâva umi mbae pôrâ iñongatupŷ ipyápe oiva gui ôguenojê mbae ipôrâva, ja pe cuimbae iñañáva umi mbae ivaiva iñongatupŷ ipyápe oiva gui ôguenojê mbae ivaíva. Che catu jae peême, oime ramo ñeê reí jei vaecue umi ybypóra, oñembo jecoviápá vaerâ ichupecuera pe ñande recocue recoviá jaguâ árape. Neñeê reje voí reñemojendáne jecopegua rejegua ramo, ja neñeê reje avei reñemojendáne jecopeguaŷ rejegua ramo. Uperamo oñeê Ichupe umi escríva cuera iñarandú reíva ja fariseo cuera jaecueranteséva, jeivo: Nde, oremboejára, roipota rejechauca oreve mbaeguasu jechapyrâ. Ja Jae jei ichupecuera: Oime co ivaíva rejegua ja itieŷva rejegua, oyeruréva mbaeguasu jechapyrâ. Ndipori catu mbaeguasu jechapyrâ oyejechauca vaerâ ichupecuera, pe ñemoñeêjaré Jonás mbaeguasu jechapyrâ mante. Oi jagueicha pe Jonás pe pirá guasu rygué pype mbojapŷ ára ja mbojapŷ pyjaré, upeicha avei oi vaerâ co Caraí Raŷ co yby guype mbojapŷ ára ja mbojapŷ pyjaré. Umi cuimbae Nineveŷgua opuâne pe ñandeve oñembo jecovia jaguâ árape co cuimbae coangagua ndive, ja omoî vaine ichupecuera, umiva voí oñembyasŷ vaecue pe Jonás ñemoñeê reje, ja coápe voínte oime peteî tuvichavéva Jonás gui. Pe cuña caraí mburuvicha guasu ybycotŷogua opuâne pe ñandéve oñembo jecovia jaguâ árape co cuimbae coangagua ndive ja omoî vaíne ichupecuera. Upéva voí ou vaecue co yby rûâ gui ojendú potávo pe Salomon aranducué, ja coápe voínte oime petei tuvichavéva Salomon gui. Osê vove pe mbaepochy tieŷ peteî cuimbae rete gui, oguata oicóvo umi tenda icâjárupi ojecávo opytuú jaguâ ja ndoyujui. Upei catu jei oyupe: Tayebŷ yebŷ che rogape asê jague. Ja ou ramo oyuju nandí oyetypeipá ja oñemyatyrômba. Upei catu ojo yeby ja oguerú yeby ondive siete mbaepochy ambue ivaívéva ichugui voínte ja oike ja opyta upépe, ja pe cuimbae reco ipajapegua ivaívé pe iñypyrûmbŷpe guaré gui. Upeicha avei oico vaíne co tetâŷgua iñañáva coangagua. Oñeê pype jina Jae umi iyatŷvape jicuai upepe, sapya ou isy ja tybyra cuera ja opyta oñemboŷ ocape oñejaâvo oñemongueta jaguâ Jendive. Ja oime jeiva Ichupe: Peina oi ocápe Nde sy ja Nde ryby cuera oñemonguetasé Nendive jina. Ja Jae oñeê pe jei vaecuepe Ichupe ja jei: ¿Avápa Che sy? ¿Mávapa Che ryby cuera? Ja oipysó ipo jemimboe cuera reje, ja jei: Coina ape Che sy ja Che ryby cuera. Oimeraêva voí oyapóva jecope Che Ru yvapegua rembipota, upéva catu Che ryby ja Che reindy ja Che sy. Upe jaárape Jesús osê oga gui ja oguapy jina pe ŷguasu rembeype, ja upeyave ou iyatŷ iyerecuévo jeta umi ybypora. Upeareje Jae oyupi mbayrúpe, ja oguapy pypé, ja oime oñemboŷ pe ŷrembey reje umi iyatŷva jicuai. Upei catu jeta oñeê Jae ichupecuera mbaerâângá ñeê rupi ja jei: Peina oime guaú mbae ñemitŷjára osê vaecue oñemitŷvo, ja oñemitŷ aya, joa pe mbae raŷî pe tape yképe, ja ou guaú umi guyráí ja voí joupá ichupecuera. Ja oime guaú joa jemitŷ itá raŷîme iyŷby pocâjápe, ja voíeté jeñoî jetaŷjápe yby. Ja osêvove pe cuarajŷ ocáipá ja ipirú voí, nda japói jague reje. Oime avei guaú jaŷî joa rei vaecue ñûatî-ndŷpe ja ocacuaa voívé umi ñûatî ja ombopytúpá. Oime jaŷî avei joa guaú vaecue yby pôrâ jápe, ja jiá pôrâ, oime jiŷva cien, ja ambue jiŷva sesenta, ja ambue jiŷva treinta. Oimeraêva iyapysáva toyapysacante! Upemaramo ou Jendápe jemimboe cuera ja jei: ¿Maerâpa reñeê ichupecuera guaujápe co mbaeraânga ñeême? Ja Jae jei: Peêmente oñemeê peicuaa jaguâ umi ñeê ñemingué pe yvapegua reco rejeguáva. Umi ambuecuecuerape noñemeêi. Oimeraêva oguerecóvape, oñemeêvéne jembŷ reí peve, ja oimeraêva oguerecoŷva pe oguerecomimíva yepe oñemboíne ichugui. Upearâ voi añeê ichupecuera guaujápe co mbaeraânga ñeême. Upeicha voi vaerâ: omaê ramo yepe umiva, ndojechai, ja oyapysaca ramo yepe nojendui ja ndoicuaai. Upeicha voí oyeju ichupecuera jei jagueicha pe ñemoñeêjára Isaias: Pende apysápe pejendúne ja upea rejeve yepe nda peicuaaichene; pende resape pemaêne ja upea rejeve yepe nda pejechacuaaichene. Umi tecové co tetâmegua oñemoatêî ipyapŷ iñanambusúcue gui, ja iyapysápe ojendu asŷ jopejŷijápe, ja oñembojesabŷ anichene jaguâ máramo ojecha jesápe terâ ojendu iyapysápe terâ oicuaa ipyaitépe, anichene jaguâ oñemboyeré Che cotŷvo amojesâi jaguâ ichupecuera. Ipoaite pende resá ojechá jáva reje ja pende apysá ojendu jáva reje. Che jae peême catuetei jeta jaguâ umi ñemoñeêjára ymaguare ja imarangatúva ojechásé vaecue co peê pejecháva, ja ndojechai racaé, ja ojendúsé vaecue co peê pejendúva ja nojendúi racaé. Peyapysacánte, upeicharamo, co jeiséva pe Che jae guaú vaecue pe mbae ñemityjaré reje. Oime ramo ojendúvaecue Ñandeyára ñeê yvapegua reco rejegua oicuaa pôrâ ŷ reje jecópe, ou voi pe mbaepochŷ ja ôguenojê reí pe oñeñotŷ vaecue ipyápe. Peva catu pe jaŷî oñemuasaî reí vaecue pe tapé yképeguareicha. Ja pe oñemuasaî reí vaecue itátŷpe, péva catu pe ojendú vaecue pe Ñandeyára ñeé, ja ogueroviá voí vaecue torypápe. Upéva ndojapói catu iyejegui voínte, ja ndoicoaréi, sapyamíguánte upéva, ja sapya, ojasa asy ramo, terâ oyeyopŷ ramo Ñandeyára ñeê rejejápe voí, oñembo pyávaí, ja opoí. Ja pe oñemuasaî reí vaecue ñûatîndŷpe, péva catu pe ojendú vaecue Ñandeyára ñeê ja oyepyapŷ eterei pypé mbae co yby arigua reje, ja oñembo taby pypé imbaererecopŷ gui, pe Ñandeyára ñeê oñembo pytúpá ichuguicuera, ja jaecuera opytá reí jiá ŷ rejeguaicha. Ja pe oñeñotŷ vaecue yby pôrâjápe, upéva catu pe ojendú vaecue Ñandeyára ñeê ja ojechacuaa pôrâ vaecue jiá pôrâitéva ja oiméne jiŷva cien, ja ambue jiŷva sesenta ja ambue treinta. Upemaramo oñeê yeby guaujápe mbaeraânga ñeê ambuépe jeivo: Co teco yvapegua rejegua oyogua cuimbaepe oñotŷ vaecue guaú mbae raŷî ipôrâva iñûme: ja oké aya jicuai, ou guaú pe iyaeŷva jesé, ja oñotŷ yoa caavó vaí raŷî pe temityngue apytépe ja oyeí voí. Ja jokŷma ramo ja jiátama ramo, uperamo guaú oyecuaa avei pe caavó vaí. Ja pe oga yára rembiguai cuera ou Jendápe ja jei ichupe: ¿Caraí, nereñotŷipa raé mbae raŷî ipôrâva ne ñûme? ¿Mamóguípa, upeicharamo, osê co caavó vai? Ja jei guaú ichupecuera: Oiméne raé peteî iyaeŷva chereje oyapo vaecue upea. Ja jaecuera jei guaú ichupe: ¿Reipotápa, upeicharamo, rojo jaguâ rojapoóvo umia? Ja jae jei guaú ichupecuera: Ajaniri! Icatu, upeicharamo, pemonoôvo pe caavó vaí pejapoóne avei jendive pe che remityácué ipôrâva. Pejeyánte, tocacuaa oñondive pe ñamonoô jaguâ ára peve, ja uperamo pe ñamonoô jaguâ árape amombeúne umi imonoôjarâpe: Pemonoô raê co caavó vaí, ja peñapytî atŷra rupi oyejapŷ jaguâ. Pe temityácué pôrâ pembyatypá cheve pe iñongatú jaguâ me. Uperire omboe yeby ichupecuera guaujápe jeivo: Co teco marangatú yvapegua rejegua oyogua pe mostaza raŷîme oipyjŷ vaecue cuimbae oñotŷvo pe icocuepe. Upéva voí mîchîvéva opa ambue mbae raŷîva gui, upeicharamo yepe ocacuaa rire oñembo tuvichavé umi ambue cue ybyráígui, ja oñembo ybyrá râcâ, ja ou umi guyra ovevéva ja oñembo jaitŷ jâcâ reje. Upei catu jei yeby ichupecuera guaujápe mbaeraângá ñeême jeivo: Co teco marangatu yvapegua rejegua oyogua pe mbuyapé mbobujarâme oipyjŷva cuña ja oyajoíva mbojapy kilo mbae icuípyré pypé, ja ojeya reí iyavevopá peve. Opa umimbae oñeê Jesús guaujápe mbaeraânga ñeê rupi umi ybypóra oñembyaty jicuáivape, ja co mbaeraânga ñeê ŷ reje noñeêi mbaevé ichupecuera. Upeicha oico jecópe pe oyeé vaecue pe ñemoñeêjaré yurú rupi: Aipeane Che yuru añeêvo guaujápe, ja oñejêmba reine Che yuru gui ñeê ñemi iyajoípyré co yby ñemoñá ypy jague mboyvé voí. Upegui omondo Jesús umi ambuecuecuerape ja ou ogape ja ôguajê Jendápe jemimboecuera jeivo: Ore mboemi oreve mbaépa jeise co ñeê guaújá pe caavó vaí ñûme guaguiguare? Ja Jae jei ichupecuera: Pe oñotŷva guaú pe mbae raŷî ipôrâva, upéva catu co Caraí Raŷ. Pe ñû oñotŷjápe co yby catu. Umi mbae raŷî ipôrâva guaú, umiva catu pe yvapegua ruvicha guasu rejegua cuera, ja umi caavó vaí guaú, umia catu pe mbaepochy rejegua cuera, ja pe iyaeŷva ñandereje oñotŷva guaú umia, upéva catu pe mbaepochŷ voí, ja pe oñemonoô jaguâ ára guaú oicone pe oñemombá jaguâ árape co yby, ja umi omonoôjarâ, umíva catu umi yvapegua. Upeicharamo, pe caavó vaí oñembyatŷ yoá yoá jaicha oyejapŷ jaguâ tatape, upeicha avei oico vaerâ pe co yby oñemombá jaguâ árape. Pe Caraí Raŷ omboune jemimbou cuera yvapeguape, ja umiva omonoômbáne umi jesegua apytegui umi oporombotieŷvape ja umi oñembojecovaíjárape, ja oityne ichupecuera pe tatacuá ratápe: upepe catu oicone pe tasê guasú ja taiñeê ete. Uperamo ojesapé veráne umi imarangatúeté jecopeguáva pe cuarajyicha pe Túva Juvichá guasu yvapegua rendape. Oimeraêva iyapysáva toyapysacante! Upeicha avei co teco marangatu yvapegua rejegua oyogúa petei tacateŷjá iñongatupyrâ oñeñotŷ vaecue ñûme, ja sapya peteî carai oyuju reí ja oyajoí yeby, ja jorŷ gui ojo ja oñemû opa oguerecóva reje oyogua jaguâ pe ñû. Upeicha avei pe teco marangatu yvapegua rejegua oyoguá pe oñemûjárape ojecáva oicovo umi itá verá jacateŷjarâ, ja sapya oyujuma ramo peteî itá verá jepŷetéva, ojo ja oñemû opa oguerecóva reje oyoguá jaguâ ichupe. Upeicha avei pe teco marangatu yvapegua rejegua oyogua pe pyjápe ñamoinguéva ŷguasupe, ja ñamonoôjá opaichagua pirá, ja jenyjêmbama ramo pe pyjá ñanojê pe ŷrembeype ja yaguapŷvo ñamonoô umi ipôrâva imbayrurâme ja umi ivaíva ñamombo. Upeicha avei oicone co yby oñemombá jaguâ árape. Osêne umi yvapegua ja oipeáne umi ivaívape umí imarangatúva apytegui, ja oitŷne ichupecuera pe tatacuá ratápe. Upepe oicone tasê guasú ja taiñeê ete. ¿Peicuaa pôrâpa peê mbaépa jeisé opa âmbae? Ja jaecuera jei Ichupe: Jeê! Roicuaa. Ja Jae jei ichupecuera: Upeareje opa iñarandúva imboepyré co teco marangatu yvapegua rejegua reje, upéva oyoguá caraí oga yárape ôguenojêva iñongatupŷ ryrú gui mbae ipyajúva ja mbae ituyáva. Uperire jeipa maramo Jesús umi ñeê guaujápe ojo upegui. Ja ou rire oguetâme omboé oicovo itûpâope cuera ja ojecharâmô jaecuera ja jei. ¿Mamóguípa iya co caraípe iñarandú jaguâ ja ipuacáité jaguâ cóicha? ¿Ndajaeipa co tecové pe ybyra rombaapojára ray? ¿Nda jérai pico isŷpe María? ja tybyra cuera Jacóbo, ja José ja Simon ja Judás? ¿Ja noimbái pico ñanendive jeindŷra cuera avei? ¿Mamóguipa, upeicharamo, iya ichupe opa âmbae? Ja oñembo pyávaí jaecuera Ichupe. Jesús voí jeinte ichupecuera: Ndipóri ñemoñeêjára oyeyeroviá ŷ já, oguetâme voínte, ja oguógateépe, upépente ndo yeyeroviávái. Upévareje Jae nda jetai mbaeguasu jechapyrâ oyapo upepe ndo yeroviai jague reje jicuai Jese. Uperamo pe mburuvicha guasu Herodes ojendu jerâcuâ guasújá Jesús, ja jei jembiguai cuerape: Cóba pe Juan Bautista oicové yebŷneraé umi omano vaecue paûgui, ja upeareje co ipuacajá oñatoî ichupe. Pe Herodes oipyjyucá racaé pe Juanpe ja oñapytîucá ja omoingué racaé ichupe ybyracuá rógape amo Herodias, tybyra Felipe rembirecócué rejejápe. Juan voí jei racaé ichupe: Na ipôrâi ndeve rerecó ichupe. Ja jiâ ichupe oyucá Juanpe, ja ndicatui, okyjŷyé gui pe tetâŷgua gui, oguereco járeje jaecuera ichupe oñemoñeêjára ramo. Upei catu oico ramo pe Herodes areté ára, oyeroky jenondépe pe Herodias memby, ja oguerojorŷeté Herodes ichupe. Ja upegui oicuameê ichupe Ñandeyára rérape omeê jaguâ ichupe oimeraêva mbae oyeruré jaguâichaguánte. Ja jae oñeñatoî pypé isy rupi, jei: Emeêmi cheve coápe voí ñaembépe pe Juan Bautista âcângué. Upei catu ombyasŷ eterei ramo yepe pe Herodes mburuvicha guasu, oicuameê jaguérejénte yepe Ñandeyára rérape ja umi ambuecuera pe caruguasujápe oiva rejejápe, jeiuca oñemeê jaguâ ichupe. Ja omondo ja iñâcâóucá Juanpe pe ybyracuá róga oijape. Ja iñâcângué oyererú ñaembé guasupe, ja oñemeê pe cuñatâíme, ja jae ogueraja isype. Uperire ou jemimboecue cuera pe oi jaguepe ja ojupi jetecue ja oñotŷ ja ojo voí omomarandúvo Jesúspe. Ja Jesús ojenduma ramo upea, oyeí upegui mbayrupe, ja ojo ñûme jaeñojápe. Ja umi ambuecue cuera ojenduma ramo Jae oyei jague, osê oguetâ gui ja ojo japycuéri yby rupi. Upei catu Jae ogueyŷma ramo ybype ojecha jetáma eterei iyatŷ jague ja oiporiajuvereco ichupecuera, ja omojesâi umi oiva ipaûmecuera jasyvape. Uperire caaruma ramo ôguajê Jendápe jemimboe cuera jeivo: Coápe catu ñûme, ja caarúma jina. Emondonte umi iyatŷbape jicuai ojo jaguâ umi ogajárupi oyoguávo joú vaerâ. Ja Jesús jei ichupecuera: Natecôtevêi ojo. Peê catu pemongarú ichupecuera. Ja jaecuera jei Ichupe: Ndo roguerecoi mbaeve coápe, cinco mbuyape mante, ja mocoî piráí. Ja Jae jei ichupecuera: Perúnte Cheve ape. Ja jei umi iyatŷvape oguapŷ jaguâ pe capiípépe. Ja Jae oipyjy umi cinco mbuyape ja umi mocoî piráí, ja omaê yvaga cotŷ ja ojovasá ichupecuera ja oipejaâ umi mbuyape ja omeê jemimboe cuerape, ja jemimboe cuera omeê umi ambuecue cuerape. Ja jou opavavé ja jyvâtâ, ja ojupi pe mbuyape cuí jembŷ vaecue doce ayacá renyjê ngue. Ja umi jou vaecue retacue ojupity cinco mil, ja umia rejeve oime yoá cuña ja mitâ etá avei. Upei catu Jae omondo jemimboecuerape oyupi jaguâ mbayrupe, ojo jaguâ jenonde mboypŷri, omondo aya Jae umi ambuecue cuerape. Upei catu omondoma ramo umi oñembyaty vaecuepe, Jae oyupi pe itáatŷra ári jaeñojápe oñemboe jaguâ. Ja pyjarema ja Jae oime jaeño upepe. Upeyave pe mbayru oima pe ŷguasu mbytepe, ja ipochŷeté pe ŷ ja oguereco vaí ichupecuera oipeyú vaí gui ybytu. Ja pyjare ramo gueteri coê mboyve voí, ojo Jae Jendápe cuera oguata ojovo pe ŷ rová ári. Ja umi jemimboe cuera, ojechama ramo Ichupe oguata ramo ojovo ŷ rová ári oñemondŷi ja jei pórajá upéva, ja osapucai okyjŷyé gui. Upevove oñeê Jesús ichupecuera jeivo: Pende pyá guasúkena! Chente jae! Ani pekyjŷyé! Upei catu oñeê Pedro ja jei Ichupe: Ore Yára! Nde ramo jae añeté, erénte taja che Nerendape co ŷ rová ári. Ja Jae jei: Eyonte. Ja Pedro ogueyŷ mbayru gui ja oguata ojovo pe ŷ rová ári ojo jaguâ Jesús rendape. Upei catu ojecha ramo oipeyú jâtâjá pe ybytú, sapyaite okyjŷyé ja oñypyrû ramo joŷguŷvo, osapucai jeivo: Che Yára, che renojê. Upemaramo Jesús oipyso ipo ja oipyjy ichupe ja jei: Nde pya mîrî! ¿Mbaerejepa reñemongüé? Upei catu oyupi vove pe mbayrúpe, okîrîrî pe ybytú. Ja umi oiva pe mbayrúpe oñesû Ichupe jeivo: Añeteté Nde Tûpâ Ñandeyára Raŷ. Ja ojasama ramo mboypŷri, ôguajê pe Genesaret retâme. Ja umi ybypóra upepegua ojechacuaa Ichupe, ja omo maranducá pe tetâ yerecuereje oparupi. Upei catu oguerupá Ichupe umi jasŷvape, ja oyeruré Ichupe topocominte iyao rembeŷ reje, ja umi opoco vaecue guive Jesé oñemo jesâimba. Upemaramo ôguajê ouvo Jesús rendape Jerusalem gui fariseo cuera ja iñarandúva cuera, jeivo: ¿Mbaeréjepa osé Ne remimboe cuera ñande ypycue ymaguare ñeêngue gui, ndo yepojéiri jaecuera jou jaguâ jembiu? Upei catu Jae jei ichupecuera: ¿Mbaeréjepa peê avei pembuai Tûpâ Ñandeŷara rembiapoucapŷ pene ñeêngá reí rupi? Jei vaecue Tûpâ Ñandeyára: Embuete co nde ru ja nde sŷpe, ja pe oñeê yajéiva itúva terâ isŷpe omano tamó tieŷjápe. Peê voí peye: Oime ramo jeiva itúvape terâ isype: mbae caraijá co che remicuameêmbŷ Ñandeyárape upe nde reiporú vaecue chejegui, upeicharamo peê peye, nda tecôtevêvéimajá upéva ombuete itúva ja isŷpe. Upeicharamo peê pembuainerae co Tûpâ Ñandeyára ñeêngue pene ñeêngá reí rupi. Peê pende rovámocoî! Añeté pe ymaguive voi jei vaecue pendejegui pe Isaias, jeivo: Co tetâmegua iyurú rupínte Che mbuete ja mombyrŷ Chejegui ipya. Che mbuete reí reí Cheve omboe yave jecopeguavaicha ramo umi ybypóra rembiapoucapŷ reí reje. Upei catu Jae ojenôi umi upepe jicuai vaecuepe ja jei ichupecuera: Pejendúkena ja pejechacuaákena! Ndajaei pe oikéva ñande yurúpe ñane monguŷájarâ, pe osêvante ñande yurú gui, upéa catu pe ñane monguŷajarâ. Upei catu ôguajê Jendápe jemimboe cuera ja jei Ichupe: ¿Reicuaapa umi fariseo ojendu pype coa Nde ere vaecue oñembo pochŷjá? Ja Jae jei: Opa ybyrá râcâ oñotŷ ŷ vaecue Che Ru yvapegua oyejapoóne. Pejeyante ichupecuera. Jaecuera vointe tapecuaajá jesa pysóŷva. Ja sapya pe jesapysoŷva oisambyjy ramo pe jesapysoŷvape, joane umi mocoive pe ybycuape. Upei catu oñeê Pedro ja jei: Ore mboe pôrâ mbaépa jeise co Ne ñeê guaujapegua? Ja Jae jei: ¿Peê aveipa napeñeñandui gueteri? ¿Nda pejechacuaaipa yepe opambae oikéva ñande yurúpe ojojá ñande ryguepe, ja upegui oyeitŷjá ñañáme? Umi mbae osêva ñande yurú gui, umiva catu osê ñande pyapŷ guive, ja umiva catu ñane monguŷajarâ. Umi ybypóra cuera pyapy gui voí osê umi jiâva ichupecuera jecovaírâ, oporoyuca jaguâ, pe ombuai jaguâ mendaré, pe jeco tieŷ jaguâ, pe ombaeabyky jaguâ, pe oñemboyapu jaguâ, pe oñeê tieŷ jaguâ: âmbae nico umi ybypóra cuera reco monguŷájá, ja yau ramo yayepojéiŷreje, ndajaei upéva ñane monguŷajárâ. Uperire Jesús oyeí upegui ja ojo Tiro ja Sidon cotŷ. Ja peina ou peteî cuña Canaanŷgua uperupigua voí, osê ja osapucai jeivo: Che poriajuvereco cheve, Nde, Caraí, David Ray! Che memby cuñami jasy eterei chejegui aña remimbotarová vaíva. Ja Jae ndeiri ichupe na peteî ñeê yepei. Ja upepe ôguajê Jendápe jemimboe cuera ja oyerure Ichupe jeivo: Emondo ichupe! Osapucai jina ñande rapycueri. Ja Jae jei: Che voi añembou vaecue umi Israel rejegua cuera ovechá ocañŷ vaichaguáva piari nte añó. Ja ou jae ja oñesû Ichupe jeivo: Caraí, che pŷtŷvôkena! Ja jei Jae: Na ipôrâi roipyjy ore raŷ mbuyape roitŷvo umi yaguáípe. Ja jae jei: Añeté, Carai! Upeicharamo yepe, umi yaguai jou umi mbuyape cuícue joáva iyára carujágui. Upei catu oñeê Jesús ja jei ichupe: Cuña caraí! tuvicha reyerovia. Toyeyapo ndeve co reipota jaicha. Ja upeyaveve jesâimba opytá imemby. Uperire Jesús oyeí upegui ja ou pe Galilea ŷguasu ypype, ja oyupi pe itáatŷrape, ja upepe oguapy. Upei catu ou oñembyatŷ Jendápe jeta ybypóra oguerecóva ondivecuera umi icarêvape, umi iyŷva canguŷvape, umi ojechaŷvape, umi oñeêngûvape, ja jeta ambuecue jasŷvape, ja omoñenó ichupecuera ipŷ renondepe. Ja Jae omojesâimba ichupecuera. Upeichavo ojecharâmô umi ambuecue cuera ojechá ramo oñeê ramo umi iñeêngû vaecue, umi iyŷva canguŷ vaecue imbaraete yeby, ja umi icarê vaecue oguatá pôrâ yeby, ja umi ojecha ŷ vaecue ojechá yeby, ja ombueté tuvicha yoa Israel Tûpâ Ñandeyárape. Upei catu Jesús ojenôi jemimboe cuerape ja jei: Aiporiajuvereco eterei umi jicuaivape, oyapóma mbojapy ára oimeja jina Chendive, ja ndo guerecói jou vaerâ, ja namondosei ichupecuera ocaruŷreje anitereje ipya manó tapépe. Ja jei Ichupe jemimboe cuera: ¿Mamópa oime yareco mbuyape coápe co ñûme ñamojyvâtâ jaguâ co iyatŷ jetaiteivape? Ja jei ichupecuera Jesús: ¿Mboby mbuyapépa oime pereco? Ja jei jaecuera: Siete oime, ja mbobymi piráí avei. Upei catu jeiuca umi ambuecuecuerape oguapy jaguâ pe capiípépe. Ja oipyjy umi siete mbuyape ja umi piráí, ja ojovasáma ramo ichupecuera oipejaâ, ja omeê jemimboe cuerape, ja jemimboe cuera omeê umi ambuecue cuerape. Ja jou opavavé ja jyvâtâmbá. Ja umi mbuyape cuícué jembŷva siete ayacá renyjêngué. Ja umi jou vaecue retacue ojupity irundy mil cuimbae, ja umia rejeve oime yoa cuña ja mitâ etá avei. Upei catu Jae omondopá umi jicuai vaecuepe ja oyupi pe mbayrupe, ja ou pe Magadan retâme. Uperamo ôguajê Jendápe umi fariseo ja saduceo, ja ojaâ mbotávo Ichupe, oyerure ojechauca jaguâ ichupecuera mbaeguasú jechapyrâ yvaga guivó. Ja Jae jei ichupecuera: Caaruma ramo peê peye: Icoê pôrâne, ára pŷtâ ramo tata rendŷicha, ja pyjarevé peê peye: Anga ára vaíne, icoê ramo ára pŷtâ tatá rendŷicha iñypytû nungá. Peê pejechacuaa pôrâva pe ára rová gui, ja mbaépa jeise jechapyrâ coa ybyarigua coangagua ndicatui pejechacuaa. Co ybypóra coangagua ivaíva ja itieŷva, oyerure ramo yepe mbae jechapyrâ, noñemeêi chene mbaeve jechapyrâ, pe Jonás recocuénte jechapyrârâ. Ja upepe Jae ojeya ichupecuera ja oyeí. Uperire ôguajêma ramo jemimboe cuera mboypŷri, oyujú jesarái jague oguerú jaguâ mbuyapé. Upei catu Jesús jei ichupecuera: Maêke! Peyererecó umi fariseo ja saduceo mbobújá gui! Ja jaecuera oñomongueta oñondive jeivo: Upea Jae jei nda yarui jague reje mbuyape. Ja Jesús ojechacuaa upea, ja jei ichupecuera ¿Mbaerejépa peñomongueta oñondive, peê peyerovia catu ŷ va! nda perui jague reje mbuyape vaicha? ¿Nda peicuaaipa gueteri, terâpa na pene manduai umi cinco mil cuimbae jou ramo guare reje umi cinco mbuyape, ja mboby ayacá pejupi racae jembyré? ¿Terâpa na pene manduai umi irundy mil cuimbae, jou ramo guare reje umi siete mbuyape, ja mboby ayacápa pejupi racae jembyré? ¿Mbaéichapa nda pejechacuaai, na mbuyape rejei jague Che jae peême, peyererecó jaguânte umi fariseo ja saduceo mbobújá gui? Upei catu jaecuera ojechacuaa pôrâ ndeiri jague ichupecuera oyererecó jaguâ mbuyape mbobújá gui, anichene jaguânte oyejeá umi fariseo ja saduceo remimboe reje. Uperire ôguajêma ramo Jesús pe Cesarea Filipo coty, Jae oporandú andú jemimboe cuerape jeivo: ¿Mávapa jei umi ybypóra co Caraí Raŷ jaejá? Ja jei jaecuera: Oime jeiva Jae Juan Bautistajá. Oime ambuecue jeiva Jae Eliasjá. Ja oime jeiva Jae Jeremiasjá, terâ peteîva umi ñemoñeêva rejeguajá. Ja Jae jei ichupecuera: ¿Ja peê pico? ¿Avápa peye peê Chejá? Upevove oñeê Simón Pedro jeivo: Nde nico pe Cristo, Tûpá Ñandeyára oicovéva Raŷeté! Upei catu oñeê Jesús ja jei: Nde poaite, nde reco marangatu vaerâ, nde, Simón, Jonás raŷ. Ndajaei ñande roó ja ñande ruguŷ guiguáva ojechaucá vaecue ndeve âmbae, Che Ru yvape oivante. Ja Che jae ndeve avei nde Pedrojá (Yaemo “itá”) ja co itá ári Che amopuâne Che Iglesia (Che rejeguavarâ), ja pe añaretâ rokê nda ipuacaichene jeseve. Ameêne ndeve pe teco marangatu yvapegua rejegua roké yepeájarâ, ja oimeraêva reñapytî vaecue co ybyari opytáne ñapytîmbyré yvagape, ja oimeraêva reyorá vaecue co ybyari, opytáne yerapyré yvagape. Upemaramo Jae oyerure jemimboe cuerape ani jaguâ omombeu avavepe Jae Cristojá. Uperire oñypyrú Jesu Cristo omboe pôrâ jemimboe cuerape: Jae ojo vaerâjá Jerusalempe, ja ojasa asy jeta vaerâjá umi caraí ituyáva gui ja umi paí guasu gui, ja umi iñarandúva gui, ja oyeyucáucá vaerâjá, ja oicové yeby vaerâjá mbojapy arajápe. Upei catu Pedro oguerajá Ichupe jaeñojápe ja oñypyrû oyaó Ichupe jeivo: Eñemo âcâteŷ Ndeyeje, ore Yára. Mbaevéichavo ndoyeju moai Ndeve coaichagua mbae. Upevove Jae oyeré ja jei Pedrope: Eyeí catu Che rapycuépe, nde, Satanás. Nde catu Che mbojecovaí vaerâ moa. Na Tûpâ Ñandeyára reco rejeguai co nde pyapŷpegua, ybypóra reco rejeguante. Uperamo jei Jesús jemimboe cuerape: Oime ramo oicoséva Che rapycuéri, toñembo jesarái oyejegui vointe, tojupí icurusú, ja toú Che rapycueri Che îrûrâ. Oime ramo voí jacateŷva oguecové reje, ocañŷne ichugui. Ja oime ramo omocañŷséva oguecové Che rejejape, oñeñongatúcá pôrâne raé. ¿Mbaé pico voi ôguenojéne raé peteî carai oyapyjypama ramo yepe opambae co ybyarigua, ja upeichavo ocañŷmbá ramo ichugui jiánga? ¿Terâpa mbaé mbae omeêne peteî caraí jiánga recoviarâ. Outa jina catuetei co Caraí Raŷ pe Túva tuvicha guasucué rejeve umi yvapegua rejeve, ja uperamo ombojecoviáne opavavépe jembiapo cuera cue. Che jae peême catuetei oimejá umi coápe oñemboŷva gui jina nojaâ vaerâi mbaevéicharamo pe ñemanojá ojecha peve co Caraí Raŷ ou ramoguârâ pe ogueco tuvicha guasu yvapegua rejegua rejeve. Upea jague seis arajápe Jesús ojenôi Pedrope ja Santiagope ja tybyra Juanpe, ja oguerajá ichupecuera jaeñojápe peteî itáatŷra yvaté ári. Ja upepe Jae oñemoambué jesápe cuera voí, ja ojesapé verá jová cuarajŷicha, ja iyao oñemo morotîmba ára resâcâicha. Ja sapyaite oyejechauca ichupecuera Moises ja Elías oñemonguetávo Jendive. Uperamo Pedro oñeê, ja jei Jesúspe: Ore Yára, ipôrâ voí ore roime coápe. Reipota ramo Nde, tayapo coápe mbojapy cuarajyá, peteî Ndeveguârâ, ja ambue Moises peguârâ ja ambue Elías peguârâ. Ja oñeê aya gueteri jina, sapyaite ogueyŷ peteî arai ojesapéva, ja oyajoí ichupecuera, ja oñejendu sapyaité pe arai apytegui peteî osapucaiva jeivo: Peva catu Che Ray ajayjúetéva Che arojorŷ tuvichaite Ichupe. Pejendú catu Ichupe! Ja ojendú pypé upea, jemimboe cuera oñesû ovapŷvo, ja okyjyŷé tuvichaite. Upei catu Jesús ou Jendápe cuera, ja opoco jesecuera ja jei: Pepuânte! Ani pekyjŷyé. Upei catu jaecuera omaê yeby ja ndo jechaveima avavépe, Jesúspe añonte. Upegui ogueyŷ aya pe itáatŷra ári gui Jesús omboe ichupecuera jeivo: Ani peye avavépe co pejecha vaecue reje oicove yeby peve co Caraí Raŷ umi omano vaecue paûgui. Upei catu oporandu Ichupe jemimboe cuera jeivo: ¿Mbaerejépa, upeicharamo, jei umi iñarandúva tecôtevêjá ou jaguâ pe Elias raê? Ja Jae jei ichupecuera: Añeté nico ou vaerâ raê pe Elias, ja jae omyatyrômbane opambae. Che jae peême catuetei ouma jague pe Elias, ja jaecuera ndo jechacuaai raé ichupe. Oyaponte raé jese opa oipota vaecue. Upeichaite ojasa asy vaerâ ichugui cuera co Caraí Raŷ avei. Upeagui catu oicuaa jemimboecuera Jae oñeê jague ichupecuera pe Juan Bautista gui. Upemaramo ôguajê vove pe iyatŷjápe umi ybypóra, oime ou Jendápe peteî cuimbae oñesûvo Ichupe, ja jeivo: Ore Yára, eiporiajuverecomi co che raŷmíme. Iñâcâ taby ja ojasa asy vaí. Amome joa tatape, amome ŷpe. Ja aru curi ichupe co Ne remimboe cuerape, ja jaecuerante ndicatui omojesâi ichupe. Upei catu Jesús oñeê, ja jei: Peê umi oyeroviaŷetéva rejegua ja umi iñâcâ jâtâva ja oyabŷcuaaséva rejegua! ¿Aracaépevépa ai vaerâ penendive? ¿Aracaépevépa po guero kîrîrî vaerâ peême? Erúnte ichupe ape Che rendape. Upei catu Jesús oyao pe mbaepochype, ja osê voí ichugui, ja uperamoite guive voí jesâi opytávo pe mitâ. Upemaramo jemimboe cuera ôguajê Jesús rendape jaeñojápe jeivo: ¿Mbaérejépa raé ore ndicatui roity ichupe? Ja Jae jei ichupecuera: Pende yerovia mîrî eté guinte. Che jae peême catuetei, pereco ramo peyerovia jaguâ peteî mostaza raŷîmicha, mo peye co itáatŷrape: Evá catu coágui pe amongoty peve, ja upevove mo ová, ja ndipori moai mbaeve iyaŷvaerâ peême. Coaichagua mbaepochy voi nosê moai peñemboe aré ŷ reje pya nandi rejeve. Uperire oguata oicovo jaecuera Galilea retâ rupi, ja Jesús jei ichupecuera: Co Caraí Raŷ oñemeêtama jina umi ybypóra pope, ja oyucáne Ichupe, ja Jae oicove yebyne mbojapy arajápe. Upeagui jaecuera ombuasŷ eterei yoa. Uperire ôguajêma ramo Capernaumpe, ou Pedro rendape umi mbaerepy monoôjára ja jei Ichupe: Co pene mboejárapa nomeêi jecópe pe mocoî mbaerepŷ ñameê vaerâ mburuvichape? Ja jae jei: Jeê, omeê. Upei catu oiké pypé ógape oñeê raê Jesús ja jei ichupe: ¿Mbaépa jiâ ndeve, Simon? ¿Umi mburuvicha guasu co ybyari gua mávaguipa omonoôucá mbaerepy? ¿Tayra cuera guipa terâpa umi pytaguagui cuera? Ja jae jei: Umi pytaguagui cuerante. Ja jei ichupe Jesús: Upeicha ramo, ojo rei vaerâ umi tayra cuera. Opaichavévonte, anichene jaguâ ñambo pyávaí reí ichupecuera, terejó pe ŷguasupe, eity ne pindá, ja pe pirá tenonde oyáva enôjênte, eipeá iyurú ja reyujúne ipypé peteî mbaerepŷ. Eipyjy upea, ja emeênte jecope Chereje, ja ndereje. Uperamo voí avei Jesús remimboe cuera ôguajê Jendápe ja jei: ¿Avápa pe tuvichavéva pe yvapegua ruvicha guasu rejegua paûme? Upei catu ojenôi peteî mitâmimime ja omoñemboŷ ichupe iyapytépe cuera, ja jei: Che jae peême catuetei peñemboyere ŷ ramo peê ja peñembo jecómitâ ŷ ramo, nda iyaichene peême peyejeá pe yvapegua ruvicha guasu rejegua reje. Upeicharamo, oimeraêva oñemo mîrîva co mitâicha, upéva catu pe tuvichavéva pe yvagapegua ruvicha guasu rejegua paûme. Upeicha avei oimeraêva oguerojorŷva coaichagua mitâme Che réra rejejápe Cheve avei Che rerojorŷ. Upeicha avei oimeraêva ombojecotieŷva peteîva coa mîchîva oyeroviáva Cherejepe, ipôrâve vaerâ oñeñapytî iyayúri itá tuvicha iyapuáva omboŷguŷ jaguâ pe ŷguasu ruguápe. Angai umi ybypóra cuera oimejáreje umichagua teco tieŷ! Ndipóri voí oyeico jaguâ oico ŷ reje teco tieŷ. Opaichavévo angai pe cuimbae oporo mbojecotieŷ jára! Upeicharamo, nembo jecotieŷ ramo nde po terâ nde py, eikytînte, ja emombo ndeyejegui. Ipôrâve reiké pe tecové jaetévape ndepoŷva terâ ndepŷŷva, anichene jaguâ reyeity pe tata añaretâmeguápe nde po oyovaive ja nde pŷ oyovaive rejeve. Upeicha avei nembo jecotieŷ ramo ndeve nde resá, enôjênte, ja emombó ndeyejegui. Ipôrâve nde reiké pe tecové jaetévape nde resá peteî rejeve, anichene jaguâ reyeity nde resá oyovaive rejeve pe añaretâme tatá oîjape. Chake! Ani peroŷrô peteîva coa mitâmíme cuérava. Che jae peême catuetei oimejá yvagape umi mitâ rerecuá voínte omaêva tapia jicuai Che Rú yvape oiva rová reje. Oime co Caraí Raŷ ou voi ombo jeco pôrâ jaguâ umi ocanŷ vaecuepe imârâ ŷ jaguâ. ¿Mbaetecópa? ¿Mbaépa jiâ peéme? Sapya oime ramo peteî carai oguerecóva cien ovechá ja opiá ramo ichugui peteî ichugui cuérava, ¿ndo jeyai chepane umi noventa y nueve umi itáatŷra rupi ojo jaguâ pe opia vaecue réca. Ja sapya oyuju ramo ichupe, jiâite Cheve joryvé jaguâ catuetei upea rejeve umi noventa y nueve ambuecue opiaŷvaecue reje gui. Upeicha avei ndajaei Che Ru yvagape oiva rembipota ocañŷ jaguâ Ichugui peteîmi yepe coa mitâmi cuérava gui. Oñemo angaipa ramo nde ryby, terejó Jendápe, ja eyaó ichupe peñomonguetávo oñondive jaeñojápe. Sapya nerenduse ramo ndeve, oime rembo jeco pôrâ mane nde rybype. Upeichaŷramo, na nerendusei ramo ndeve, eraja nendive peteî terâ mocoî ambuecuepe, icatu jaguâ mocoî terâ mbojapy jechajarâ yurú rupi oñemo añeté opa ñeê oyee vaerâ. Ja upegui nojendusei ramo ichupecuera, emombeupá pe Iglesia rejegua Che rejeguavape. Ja nojenduséi ramo pe Iglesia rejeguape avei, toico jae ndeve itabŷbaicha ja icaraiŷbáicha ramo. Upeicharamo Che jae peême catuetei oimeraêva mbae peñapytî vaecue cóicha co ybyari, opytáne ñapytîmbyré yvagape avei, ja oimeraêva mbae peyorá vaecue cóicha co ybyari, opytáne yerapyré yvagape avei. Upeicha avei Che jae peême oime ramo mocoî peêcuérava pende pyáyoyá vaecue co ybyari oimeraêva mbae peyerure vaerâ reje, oyeyapone catuetei peême pe Che Ru yvagape oiva rupi. Mamo oijape mocoî terâ mbojapŷ oñembyaty vaecue Che rérape, upepe voi Che aime iyapytépe cuera. Upemaramo ou Jendápe Pedro ja jei Ichupe: Ore Yára, oime ramo che ryby oñemo angaipa angaipa yeby yeby chereje, ¿mboby yeby peve pa ajeya reí vaerâ ichupe? ¿Siete yeby pevépa? Ja Jesús jei ichupe: Che voí ndaei ndeve siete yeby peve jaguâ, setenta yeby umi siete yebyjá yepe. Upea guivó co teco marangatu yvapegua rejegua oyoguá peteî caraí mburuvicha guasúvape oyerurese vaecue guaú jembiguai cuerape jembiapocué reje. Ja oñypyrú pypé guaú oyerure ichupecuera oyererú jenondepe peteî ombojecoviá vaerâ ichupe diez mil mbaerepŷ. Ja ndo guerecoi gui guaú ombojecoviá jaguâ, upe icaraí oñemûucá jese ja jembireco reje ja taŷra cuera reje, ja opa oguerecomiva reje oimbá jaguâ pe ombuecoviá vaerâ. Upei catu guaú pe jembiguai oyaŷbŷ oñesûvo ichupe ja jeivo: Che poriajuverecominte. Ani che mojangé. Upeicharamo, ambojecoviapáne ndeve. Ja upe icarai guaú oiporiajuvereco ichupe ja opoí ichugui, ja ojeya rei ichupe imbaerângue. Ja sapyaite guaú osê vove pe tembiguai upegui, ojuvâitî peteî tembiguai ambuepe ombojecovia vaerâ ichupe cien mbaerepŷ, ja oipyjy ichupe, ja oyuby ichupe jeivo: Embojecoviánte pe reiporú vaecue chejegui. Upei catu guaú pe tembiguai ambue oyaŷby jenondepe, ja oyerure ichupe jeivo: Che poriajuvereconte. Ani che mojangé, ja upeicharamo, ambojecoviapáne ndeve nembaerâ. Ja jae ndoipotai upeicha: oyeínte guaú sapyaite ja oguerajaucá ichupe oyeyopŷ jaguâ ybyracuape ombuecoviá peve pe oiporú vaecue ichugui. Upei catu guaú umi ambuecue tembiguai, ojechá ramo pe oyeju vaecue, ombuasy eterei, ja ou ja omombeupá icaraípe pe oico vaecue. Upei catu guaú pe caraí ojenôiucá ichupe ja jei: Tembiguai ne ñañáva nde! Che voí ajeyapá rei raé ndeve opa pe rembojecoviá vaerâ vaecue cheve, nde reyerure jague reje cheve. ¿Na ipôrâi pa raé ndeve, upeicharamo, reiporiajuvereco upe neîrûme, che avei roiporiajuvereco jagueicha ndeve? Ja ipochy eterei guaú icaraí, ja omeê ichupe umi ybyracua rerecuá pope oyopŷ jaguâ ichupe ombuecoviápáite peve pe oiporú vaecue ichugui. Upeichaite Che Ru yvapegua avei oyapone peême peê peñoñyrô ŷ ramo oyoupe pende pyaite guive opavavé peêva pende reŷí rejeguava. Uperire Jesús oñeêmbama ramo umimbae reje, sapya oyeí Galileagui, ja ojasa pe Judea retâ pe ŷ Jordan mboypŷriguape. Ja jeta eterei oime iyatŷ vaecue ouvo japycueri, ja omojesâimba upepe umi jasyvape cuera. Ja upepe ôguajê Jendápe fariseo cuera ojaâvo Ichupe ja jeivo: ¿Icatúpa peteî cuimbae opoí oguembireco gui oimeraêva mbae reí reje? Ja Jae jei: ¿Nda peicuaaipa pe Santa Escriturape oyee jague: Upe poro moñemoñá ypycue iñypyrûmbype voí oyapo jague ichupecuera cuimbae ja cuña, ja jei jague: Upévareje pe cuimbae ojeya vaerâ itúva ja isŷpe, ja oyejea vaerâ jembireco reje, ja co mocoî oñemoingó vaerâ peteî tetente ramo. Upeicharamo, na mocoîveima umia, peteî tetente. Upévareje umi Tûpa Ñandeyára remi mboyuayu, ani umi caraí cuera reí oyepeaucá oyuejegui. Ja jaecuera jei Ichupe: ¿Mbaeréjepa racaé, upeicharamo, Moises omboe pe cuimbae oyapoucá jaguâ cuatia oyeí jaguâ oyuejegui? Ja Jae jei ichupecuera: Pende pya jâtâ guinte oime Moises omeê vaecue peême pepoí jaguâ pene rembireco gui. Upeicharamo yepe, nda upeichai vaecue pe iñypyrûmbype voí. Ja Che jae peême catuetei: Oimeraêva opoíva oguembireco gui oime ŷ reje oñembo tieŷvaí jague, ja omendáva ambue reje, ombuai mendaré, ja pe omendáva pe oyepoí vaecue reje ombuai mendaré avei. Upei catu jei Ichupe jemimboe cuera: Upeicharamo, tecôtevê ramo oico oñondive upeicha pe cuimbae ja jembireco, ipôrâve na ñamendai. Ja Jae jei ichupecuera: Nda iyái opavavépe ipuaca co ñeê rejeve: umia mante oñembo puacá vaecuepe. Oime voí iya ŷ ja omenda, oñemoña jague reje upeicha voí isy rygué guive voí: oime avei iya ŷ ja omenda oñemoingo jague reje upeicha umi cuimbae po rupi: ja oime avei iya ŷ ja omenda jaecuera voínte oñemoingo jague reje oyejegui voí pe teco marangatu yvapegua rejegua rejejape. Oime ramo iyajá ipuaca jaguâ âmbae reje taipuacánte! Uperamo oyererú mitâ cuera Jae omoî jaguâ ipó iñâcâ reje ojovasá jaguâ ichupecuera. Ja jemimboe cuera oyaó ichupecuera. Upei catu Jesús jei: Pejeyante umi mitâ cuera toú Che rendape, ja ani peyoco ichupecuera. Pe tetâ marangatu yvapegua rejegua umi mitâichagua retâ voí. Upei catu omoî ipo jesecuera, ja upemaramo Jae oyeí upegui. Uperire ôguajê Jendápe peteî jeiva: Ore mboejára, ¿mbae ipôrâvapa ayapo vaerâ ajupitŷ jaguâ pe tecové iyapyraŷva yvapegua? Ja Jae jei ichupe: ¿Mbaerejépa reporandu Cheve pe ipôrâva reje? Peteî añó jae pe ipôrâva jaetéva. Reikese ramo nde pe tecové jaetévape, embuayé jecopé Ñandeyára rembiapoucapŷ. Ja jae jei: ¿Máva ichugui cuerapa? Ja Jesús jei: Cova jae: Ani reporo yuca, Ani rembuai mendaré, Ani rembaeabykŷ, Ani nde yapu, Ani remopuâ nde rapicha reje mbae oimeŷva, Embueté co nde ru ja nde sype, ja Rejaŷjú vaerâ nde rapichape nde reyejaŷju jaicha voínte. Upei catu pe cariaŷ jei Ichupe: Opa âmbae ayapopá jecope. ¿Mbaé mbaépa aicôteyêve? Ja Jesús jei ichupe: Reñembojeco marangatuitese ramo jecope, terejó, eñemû opa rerecova reje, ja emeê jepycué umi mboriaju cuerape. Upeicharamo, rerecone pe ne râcâteŷjarâ iñongatupyrâ yvagape, ja upegui eyo Che rapycuéri. Ja ojendú pypé coa ñeê, pe cariaŷ ombuasŷ ojovo, caraí guasú voi jae mbaererecojá. Upei catu Jesús jei jemimboe cuerape: Añeté Che jae peême, jasŷpe oiké jaguâ pe teco marangatu yvapegua rejeguape umi mbaererecojá. Añeté Che jae peême catuetei iyávéjá peteî camellope ojasa jaguâ pe okê ipychiî jérava Yú resá rupi pe mbaererecojápe gui oiké jaguâ pe teco marangatu yvapegua rejeguape. Ja ojendúma ramo umimbae jemimboe cuera tuvicha ojecharâmô, ja jei: ¿Avápa icatune, upeicharamo, ojupitŷ pe teco imârâ ŷ jaguâme? Upei catu Jesús omaê jesecuera ja jei: Umi ybypórape mbae icatuŷva upéva. Tûpâ Ñandeyárapente opambae icatuva. Upemaramo Pedro jei Ichupe: Maêke! Ore rojeyapá vaecue ore mbae ja royú Nde rapycueri. ¿Mbaépa, upeicharamo, rojupitŷne ore? Ja Jesús jei ichupecuera: Añeté Che jae peême upe opambae oñemoñá pyajú yeby jaguâ árape, upe oguapŷ jaguâ árape voí pe Caraí Raŷ mburuvicha guasu ramo ituvicha guasucue rejeve, opa peê peyú vaecue Che rapycueri, peguapŷne doce tendape mburuvicha ramo, umi doce tetâ Israel cuera rejegua ruvicha ramo. Ja oimeraêva ojeya vaecue joga terâ tybyra cuerape terâ teindŷra cuerape, terâ itúva terâ isŷpe terâ taŷra cuerape terâ iñû cuera Che réra rejejápe, upéva catu ojupitŷne jeta jetavé yoa yoa, ja ojupitŷne oñemoingó jaguâ pe tecové yvapegua apyraŷva rejegua ramo. Opaichavévonte oimene jeta coanga itenondéva oñemoî vaerâ tapycue pegua ramo, ja oimene tapycue peguare oñemoî vaerâ tenondé. Oime voí co teco marangatu yvapegua rejeguáva oyogua peteî caraí ogayáravape osê vaecue guaú pyjarevé oyocuai jaguâ icocuepe imbaapojarâme. Ja jaecuera omeêma ramo iñeê guaú ombaapo jaguâ pe árape peteî mbaerepŷ reje, upevove jae omondo ichupecuera icocuepe. Uperiremi jae osê yeby guaú pyjarevé asayemi ja ojecha tecove ambuecue cuera oico reíva tapépe, ja jae jei ichupecuera: Tapejó peê avei che cocuepe, ja ameêne peême avei pe jecope vaerâ. Ja umia ojo avei. Ja jae osê yeby asaye pyté rupi, ja asaye caaru ja oyapo upeicha avei, ja osê yeby caarueté rupi guaú ja oyuju ambue cuera oico reíva avei ja jei ichupecuera: ¿Mbaerejépa peime reí opa co ára cóape? Ja jei ichupe: Ndipori nipo raé ore yocuai vaerâ. Ja jae jei ichupecuera: Tapejó peê avei che cocuepe. Upei catu caaru pytûma ramo guaú pe cocue yára jei icocue ñangarecojárape: Ejenoî umi cocuepe mbaapojaré cuerape ja emeê ichupecuera jembiapocue repŷ remeêvo raê tenonde umi ayocuai pajá vaecuepe, ja umia rire umi ayocuai ypy vaecuepe. Upei catu guaú ou pypé umi caarúeté guaré oñemeê peteî teîme peteî mbaerepŷ. Ja ou pypé guaú umi oyeyocuai ypy vaecue, jaecuera oimoâ oñemeêvé vaerâ moajaguâ ichupecuera, ja upea rângue, oñemeê ichupecuera peteîmi mbaerepy mante avei. Ja oipyjy ramo guaú oñeêngururú jaecuera pe cocue yára reje, jeivo: Cóava ipajapeguaré ombaapo sapyamínte, ja nde remboyoyá ichupecuera orereje ore rombaapó pojyivéva co ára jacu cue aya. Upei catu guaú jae oñeê peteîva ichugui cuéravape: Cuimbae, che ndo rorecoi jecoŷme. ¿Ne remeêipa raé neñeê cheve peteî mbaerepy rejente jaguâ? Eipyjynte co nembaerâ, ja terejó. Jiâ co cheve ameê co ipajávape ndeve guaicha avei. ¿Ndaicatuipa che ayapo che aipotáva che mbaeteé reje? ¿Terâpa ivaí nde resá che che mbae pôrâ jáva reje? Upeicha umi tenondegua oicone tapycue pegua ramo, ja umi tapycue pegua oicone tenondegua ramo. Jetá voí umi oñejenoî vaecue, ja mbobŷ nte umi oyeporavó vaerâ. Uperamo Jesús ojota jina Jerusalempe, ja upévareje ogueraja umi doce jemimboe cuerape jaeñojápe, ja pe tapé rupi voi oguata aya, Jae jei ichupecuera: Anga ñâguajêtama ñaína Jerusalempe, ja co Caraí Raŷ oñemeêne umi paí ruvicha pope ja umi iñarandúva pope, ja omoî vaíne Ichupe oyuca jaguâicha Ichupe, ja omeêne Ichupe umi pytaguá pope, ja jaecuera oñembo jorŷne Jese, ja oinûpâne Ichupe, ja omoîne Ichupe curusu reje: upegui pe mbojapy arajápe oicove yebyne. Uperire ôguajê Jendápe pe Zebedeo raŷ cuera sy imemby cuera rejeve, ja oñesû Ichupe, ja oyeruré Ichupe peteî mbae reje. Ja Jae jei ichupe: ¿Mbaépa reipota? Ja jae jei Ichupe: Erente co che memby mocoî oguapŷ jaguâ peteîva Nde acatuacotŷ, ja pe ambue Nde asucotŷ Nde reñemoingo jaguâ árape mburuvicha guasu ramo. Upei catu jei Jesús: Peê nda peicuaai mbaépa co peyeruréva. ¿Icatúpa peê peŷú pe mbaŷru Che jaŷútaja gui? Ja jaecuera jei: Jeê! Icatu! Ja Jae jei ichupecuera: Añeté co Che mbaŷru gui peê peŷúne. Uperire peguapy jaguâ peê Che acatuacotŷ ja Che asucotŷ nda iyái Cheve ameê jaguâ peême. Iya voínte umi oñembosacoí jaguepe jicuai Che Ru rupi. Upei catu ojendu ramo umimbae gui umi diez ambuecue oñembo pochŷ umi mocoî ambuecuepe. Upei catu Jesús ojenoî ichupecuera ja jeí: Peê peicuaa voí umi pytagua ruvicha guasu oñembo caraí guasujá ichupecuera, ja umi tuvichavéva oguerecojá umi ambuecue cuerape ipó guŷpe. Upeicharamo yepe, nda upeicha vaerâi pene paûme cuera. Upea rângue oime ramo oñembo tuvichaséva pene paûme cuera, upéva catu oicone pene rembiguai ramo, ja oime ramo oñemo tenondeséva pene paûme cuera, upéva catu oicone pene rembiguai ramo. Upeicha jaguânte voí ou co Caraí Raŷ, ani jaguâ oyocuai umi ambuecue cuerape oguembiguai ramo, oyeyocuaiucánte jagua umia rembiguai ramo Jae, ja omeê jagua oguecové jetáva repŷrâ. Uperire osê nguévo Jericó gui, oime jeta oñembyatŷ ojó japycueri. Ja sapya mocoî ojechaŷva oguapŷva jina pe tapé yképe, ojendú ramo Jesús ojasajá ojovo, osapucai jeivo: Nde! Ore Yára. David Ray! ore poriajuverecomínte. Upei catu umi jicuaiva upepe oyaó ichupecuera okîrîrî jaguâ. Opaichavévo jaecuera osapucai jâtâvénte jeivo: Nde Ore Yára, David Ray! Ore poriajuverecomí. Upei catu Jesús opytá, ja ojenoî ichupecuera ja jei: ¿Mbaépa peipota Che ayapo pendereje? Ja jaecuera jei Ichupe: Ore Yára, toyepeante oreve ore resa! Upei catu Jesús oiporiajuvereco ichupecuera, ja opoco jesa cuera reje, ja upevove jesa pysó pôrâ yeby opytavo: ja jaecuera ojo japycueri. Uperiremi jiâguima ramo Jerusalem gui, ja ôguajê oúvo pe Betfagepe pe Olivas itáatŷrape, Jesús omondo tenondé mocoî jemimboe cuerape, jeivo ichupecuera: Tapejó pe tetaí oivape pene renondevo coa rovái voí, ja upepe voí peyujune peteî mburicá ñapytîmbŷ ja taŷra jendive. Peyorante ja peru ape Cheve guârâ. Ja oime ramo jei vaerâ peême, peyente ichupe: Ñandeyara oicôtevê jesecuera, ja upevove omboune ichupecuera. (Âmbae ojeyu vaecue voí oico jaguâ jecope pe oyee vaecue pe ñemoñeêjára rupi pe jei vaecue: Peyé umi Sionŷguape: Peína ape ou ne rendape co nde ruvicha guasu, imbae pôrâva oguapy oúvo mburicá ári taŷra rejeve aveí ñane rymbá rejegua raŷva voí.) Upeicharamo, umi jemimboe cuera ojo, ja oyapo pe oyapouca jagueicha ichupecuera Jesús, ja oguerú pe mburicá itaŷra rejeve. Ja omoî jiari cuera iyajoyá ja Jae oyupi oguapŷvo umia ári. Ja oime jetaitéva umi oñembyatŷ vaecue, ja oipysó iñâcâjoyá cuera pe tapé reje. Ja oime ambue cuera oikytî vaecue ybyrá râcâ rogué ja omuasaî tapé reje. Ja opa umi iyatŷva umi ojo vaecue jenonde ja umi ouva japycueri osapucai ja jei: Hosanna co David Raŷpe! Ta imombeu catu pyrâ co oúva Ñandeyára rérape! Hosanna Ichupe iyŷvatevé jápeve yepe! Ja oiké pypé Jerusalempe, oñemomŷipá pe tetâ, ja oporandú: ¿Avápa cova? Ja umi iyatŷva iyerecuevo jei: Cóva catu pe oñemoñeêjára Jesús pe Nazaretŷgua Galilea pegua. Upegui Jesús oiké pe tûpâope ja omosêmba ocápe umi oñemû vaecuepe jicuai pe tûpâope ja omboŷképá umi iñemûja rendá ichugui cuera, ja umi oñemû vaecue pycasú reje oguapyjá, ja jei ichupecuera: Oyee Santa Escriturape: Co Che roga oñembo jéra vaerâ Oga ñemboejá: peê voí peyapo peina mondajára cuára ramo! Uperamo ou Jendápe pe tûpâope voí umi ojechaŷva ja umi icarêva ja Jae omojesâimba ichupecuera. Upei catu umi paí ruvicha ja umi iñarandúva ojecha pype umi mbaeguasu Jae oyapo vaecue ja umi mitâme osapucai ramo pe tûpâope jei ramo: Hosanna! co David Ray, jaecuera ipochŷ eterei, ja jei Ichupe: ¿Rejendúpa co jeiva jina umia? Ja Jesús jei ichupecuera: Jeê! Ajendú! ¿Máramo na pemoñeêipa racaé pe Santa Escritura cuatia: Umi mitâ yurú rupi, ja umi ocambúva yurú rupinte rembopurajei jecoitepe umi mbae ipôrâvéva? Upegui Jae ojeyá ichupecuera ja osê ocápe pe tetâ gui upe Betanía retâ meve, ja opyta upepe. Ja pe pyjarevé oyebŷvo pe tetâme sapya Jae iñembyajŷi, ja ojecha peteî higo râcâ pe tapé ypype ja ojo oijape. Ja ndoyujui jese mbaeve, jogué pyajú mante, ja Jae jei ichupe: Máramové anichene ndeáve tapiaguâra! Ja upevove ipirupá pe higo râcâ. Upei catu jemimboe cuera ojecha ramo upea, ojecharâmô jeivo: ¿Mbaéicharupípa sapyaite ipirú voíete co higo râcâ? Ja Jesús oñeê ja jei ichupecuera: Che jae peême catuetei peyeroviá ramo pende pya yuabŷ ŷ jápe, nda co higo râcâichagua añoi mo peyapo, upegui sapya peye ramo co itáatŷrape yepe: Eyejapóó ja eñemombó pe ŷguasupe oyeyapone jecope, ja opambae oimeraêva mbae peyeruréjaichagua pene ñemboejápe, peyeroviá ramo jecópe, pejupitŷne. Uperire oiké Jae pe tûpâope ja ôguajê Jendápe omboejápe jina Jae, umi paí ruvicha ja umi ituyáva upepegua ja jei Ichupe: ¿Mbaéicharupípa iya Ndeve reyapo jaguâ âmbae? ¿Ja avápa omeê Ndeve iya jaguâ Ndeve peicha? Upei catu Jesús oñeê ja jei ichupecuera: Taporandumi peême peteî mbae reje Che avei, ja peye pôrâ ramo Cheve Che avei jaene peême mbaéicharupípa iya Cheve ayapo jaguâ âmbae. ¿Pe Juan Bautista oporo mongaraí jague mamógui guarépa? ¿Yvágagui guarépa terâpa caraicuera guiguaré? Ja jaecuera oñomongueta ñemi raê oñondive jeivo oyoupecuera: Sapya ñande yae ramo Yvágagui guare Jae jeine ñandeve: ¿Mbaéichapa, upeicharamo, nda peroviai Ichupe? ja sapya yae ramo: Caraicuera guiguaré, yakyjŷyé co tetâmeguagui. Opavavé jaecuérava oguereco racaé Juanpe ñemoñeêjára ramo. Upévareje oñeê Jesúspe ja jei: Ndo roicuaai. Ja Jae jei ichupecuera: Upeicha avei Che ndaei peême mbaéicharupípa iya Cheve ayapo jaguâ âmbae. Opaichavévonte mbaépa jiâ peême? ¿Mbaetecópa? Oime vaecue guaú peteî carai itaŷra mocoîva ja jae ôguajê guaú pe iyŷpycuépe ja jei ichupe: Che raŷ, terejó angué voí, embaapomí cocuepe. Ja jae jei: Ndajáséi. Upegui curimive guaú oñembyasŷ ja ojo. Ja ôguajê guaú pe ambuepe ja jei ichupe upeicha yebynte, ja jae jei: Neí, caraí! ja ndojoi. ¿Máva umi mocoî guipa oyapo itúva rembipotá? Ja jaecuera jei ichupe: Pe iyŷpycuénte. Ja Jesús jei ichupe cuera: Añete Che jae peême, umi tecové tieŷ ja umi cuña jeco vaíva oikéne pene renonde pe Tûpâ Ñandeyára retâ yvapeguape. Ou racae peême pe Juan umi imarangatúva recope oicovachagua, ja peê ndaperoviai ichupe. Umi tecové tieŷ ja umi cuña jeco vaíva ogueroviá ichupe catuetei, ja peê pejechapá ramo yepe umimbae, na peñembyasŷi racaé yepe ipajápe peroviá jaguâicha ichupe. Pejendúmíkena co mbae raânga ñeême ambue. Oime vaecue guaú peteî caraí ogayára oyapo vaecue jemitŷ jaguâ ja omongorá ybyrá râcâme ja oyoó ybycuá pe parralá oñamí jaguâ ja omopuâ ipype avei peteî mañajá yvaté, ja omoingue ipypé guaú imbaapojarâ cuerape, ja jae ae oyeí mombyryjápe. Uperire guaú jiâguima ramo pe jiá jaguâ parralá, jae ombou jembiguaipe umi ombaapóva rendape oipyjy jaguâ pe jiacué gui pe iya vaerâ ichupe. Ja umi ombaapóva guaú oipyjy jembiguaipe cuera ja ombuepotí peteîvape, ja oyuca ambuepe ja oyapi itápe ambuecue cuerape. Uperire guaú ombou pyajú yeby jembiguai ambuecue jetavé umi iyŷpy vaecue gui, ja jaecuera oyapo upeicha yebŷnte jeseve cuera. Ja ipajápe guaú ombou jendapecuera itayra teépe jeivo: Sapya oyepoŷjúnte che raŷ gui. Ja umi ombaapova guaú ojechama ramo pe taŷrape jei oñondive: Coina ape ou pe mbaeyararâ! yajá yayucá ichupe, ja yayapyjŷ co imbae rângue. Upei catu guaú oipyjŷ ichupe ja omosê ichupe pe cocue gui ocape ja oyucá ichupe. Anga catu ou ramo pe cocue yára ¿mbaépa oyapone umi ombaapóvape cuera? Ja jaecuera jei Ichupe: Ombuaípáiténe umi itieŷvape, ja omoinguéne icocuepe ombaapojarâ ambuecuepe omeê vaerâ jecópe jiacue jiayú jápe. Ja Jesús jei ichupecuera: ¿Máramo na pemoñeêi chepane racaé pe Santa Escritura cuatia: Pe itá omombo reí vaecue umi oyógapó vaecue, upéva catu oñemoîma pe oga racuájá âcâ ramo. Ñandeyára po rupi voi iyapopyré âmbae, ja mbaeguasú jechapyrâ ñande resápe. Upévareje voí Che jae peême co Tûpâ Ñandeyára reco yvapegua rejeguáva oñemboíne pendejegui, ja oñemeêne tetâmegua ambuecuepe jembiapo pôrâ vaerâ jecópe iya jaicha pe teco rejeguape. Upe joáva co itá reje opêmbáne, ja upe pe itá joá jague ári oñemonguípáne. Uperamo umi paí ruvicha ja umi fariseo ojendú jicuai co jei vaecue guaujápe, ja jaecuera oñandú Jae oñeê jagué jesecuera. Ja oñejaâ ramo yepe oyapocoi jaguâ Jese, okyjŷye yepe umi ambuecue cuera gui, oguereco jaguereje jaecuera Ichupe oñemoñeêjára ramo. Uperire oñeê yeby Jesús ja jei ichupecuera guaujápe: Co teco marangatu yvapegua rejeguava oyogua guaú peteî caraí mburuvicha guasu ombosacoí vaecue guaú caru guasurâ itaŷra omenda ramo guârâ. Upei catu omondo ramo jembiguaipe ojenoîvo umi oñejenoîucá vaecuepe icaruguasu jápe, jaecuera guaú ndousei. Ja curimive omondo guaú tembiguai ambuecuepe jeivo: Peyente umi oñejenoîucá vaecuepe: Peina jina oimbáma che caruguasu ambuesacoíucá vaecue. Oime oyeyucapáma che rymbá ikyrá pôrâva ja oñembuesacoípáma opambae. Peyúnte, upeicharamo, che caruguasujápe. Ja jaecuera na iñeêrendusei guau, ja oyeoí peteîva ojovo jembiapojápe cocuepe, ambue ojovo mbae ñemûjape. Oime guaú ambue cuera avei oipyjy yepe jembiguaipe ja omomârâ ichupecuera ja oyuca ichupecuera. Upevareje ipochy etéreí pe mburuvicha guasu ojendu ramo ja omondo guau jembiyocuaietápe mbocá rejeve, ja omombá umi oporo yucávape cuera, ja ojapŷpá jetâ. Upemaramo jei guaú jembiguaipe: Añetejápe oñembuesacoípáma co che caruguasurâ, umi oñejenoî vaecuepe mante nda iyavéi oico pypé. Tapejónte, upeicharamo, umi tape yurú rupi, ja pejenoî ñande caruguasurâme opa peyuju jaichaguánte. Upei catu jembiguai cuera osê umi tapé rupi ja ombyatypá opa oyuju jaichaguánte umi ivaíva umi ipôrâvaichante avei, ja jenyjêmba pe caruguasujá coty umi oúva gui ocaru jaguâ. Ja sapya oiké pe mburuvicha guasu ojecha jaguâ umi oguapŷvape jina carujápe, ja ojecha guaú pe cotype peteî cuimbae oñemondeŷva guaú jecópe menda jápe guârâicha, ja jei ichupe: Che caraí, ¿mbaéichapa nde reiké raé coápe reñemondeŷva mendajápe guârâicha. Ja jae okîrîrî. Upei catu pe mburuvicha guasu jei umi jembiyocuáipe: Peñapytî ipy ja ipo gui ja pemombo ichupe ocape pytûnguype pe oico jaguâ tasê ja táîñeê. Jetá voí umi jenoîmbyré, mbobŷnte umi iporavópyré. Uperire ojo upegui umi fariseo ja oñomongueta ñemi oñondive mbaéichapa icatune oñapytî ichupe iñeême. Upearâ voí ombou Jendápe oguemimboecuera umi Herodiano ndive ja jeiuca Ichupe: Ore mboejára, roicuaa Nde reñeêvajá jecope ja Nde remboévajá jecoitépe Tûpâ Ñandeyára reco reje, ja Nde reyepoŷjúváijá avavégui ja Nde remboyoabŷrijá carai cuera oyuejegui, upeicharamo, eréna oreve ¿mbaépa jiâ Ndeve? ¿Ipôrâpa ñameê pe mbaerepŷ mburuvicha oyeruréva Cesar rerape terâpa ajaniri? Ja Jesús ojechacuaa voí iñañangué, ja jei ichupecuera: ¿Maerápa Che pya raâ Cheve, peê pende rovámocoîva? Pejechaucánte Cheve pe mbaerepy mburuvicha oyerurevaichagua. Ja oguerú Ichupe peteî pirá piré. Upei catu Jae jei ichupecuera: ¿Avá raângápa cóva? ¿Ja avá rérapa cóva? Ja jaecuera jei: Cesar raângante. Ja Jae jei ichupecuera: Upeicharamo, emeê yeby Cesarpe pe Cesar mbaéva ja Tûpâ Ñandeyárape pe Ñandeyára mbaéva. Ja ojendú pypé upea, jaecuera ojecharâmô, ja ojeyá Ichupe, ja oyeói. Upe jaárape avei ôguajê Jendápe umi saduceo umi jei vaecue ndoicoi jaguâ pe yaicové yeby jaguâ ára, ja oporandú Ichupe jeivo: Ore mboejára, pe Moises jei vaecue oime ramo omanóva itaŷra ŷ reje, tybyra omenda vaerâjá jembirecocue reje oñemoña jaguâ itybyra recoviarâ. Oime vaecue ore paûme siete tybyra cuera, ja pe iyŷpycue omenda vaecue cuña reje, ja omano voí ja ndaitayrai pypé ojeya jembirecope itybyrape. Upeicha yeby pe mocoîjá, ja pe mbojapyjá ja pe sietejá peve yepe omenda jese, ja omanombá rire jaecuera omanó avei ipajápe pe jembireco cueracué. Upeicharamo, pe oicove yeby jaguâ árape ¿máva rembirecotapa jae umi siete apytegui, omenda vaecue guive jese opavavé jaecuera? Ja Jesús oñeê ja jei ichupecuera: Peê peyabŷ catu nda peicuaai gui co Santa Escritura ja Tûpâ Ñandeyára puacacué. Pe yaicove yeby jaguâ árape, umi cuimbae na jembirecóichene, ja umi cuña na iménaichene, umi Ñandeyára rembiyocuaichagua voí vaerâ yvagape. Uperire yaévo pe yaicove yeby jaguâ ára umi omano vaecue paûgui reje, ¿na pemoñeêi chepane racaé pe cuatia oyee jague peême Tûpâ Ñandeyára yurú rupi voí: Che jae Abraam Ñandeyára, ja Isaac Ñandeyára ja Jacob Ñandeyára. Jae voí ndajaei Ñandeyára umi omano vaecuepe, umi oicovevapente. Ja ojendu pypé upea, umi oñembyatŷva jicuai upepe ojecharâmô co jemimboe reje. Ja umi fariseo ojendú pypé Jae omokîrîrî jague umi saduceope oñembyatŷ Jendápe. Ja peteî jaecuérava, caraí iñarandúva voí ojaâmbotávo Ichupe, oporandu: Ore mboejára, ¿Mávapa pe Ñandeyára rembiapoucapŷ tuvichavéva pe Moises ñeêmeguaré? Ja Jae jei ichupe: Rejayjú vaerâ Tûpâ Ñandeyárape nde pyaite guive, ja ne ânga apyté guive ja ne aranducuepáitepe. Cóva catu pe Ñandeyára rembiapoucapŷ tuvichavéva ja tenondegua memé. Ja pe mocoîja upea yoguajánte avei: Rejayjú vaerâ nde rapichape nde reyejayjú jaichante avei. Co mocoî Ñandeyára rembiapoucapŷ reje oime opavavé pe Moises ñeêngue ja umi ñemoñeêjára ñeêngue avei imboyoapŷré mante. Ja oi pypé oñondive gueteri umi fariseo, Jesús oporandú ichupecuera, jeivo: ¿Mbaépa jiâ peême pe Cristo gui? ¿Avá raŷpa vaerâ Jae? Ja jaecuera jei Ichupe: David Ray vaerâ. Ja Jae jei ichupecuera: ¿Mbaéichapa, upeicharamo, oime pe David pe Espiritu rupi ombojéra Ichupe Che Yara, jei ramo guaré, Jei Ñandeyára Che Yarape: Eguapŷnte Nde Che acatuacotŷ, amoîmbá meve umi iyaeŷva Ndereje Nde py guŷpe. Upeicharamo pe David ombojéra ramo Ichupe Che Yara ¿mbaéichapa Jae itaŷra nuné? Ja avave ndicatui ombojovai Ichupe iñeê, ja upe jaára guive avavé noñejaâvei oporandúvo Ichupe mbaeve reje. Upemaramo oñeé Jesús umi oñembyatŷvape jicuai ja jemimboe cuerape, ja jei: Oime umi iñarandúva ja umi fariseo oguapŷ pe Moises oguapyjá ári. Upeicharamo, umi jeiva guive jaecuera peyapopánte ja pembuayepá jecópe. Opaichavó yepe ani peyapo jembiapocueicha. Jaecuera voí jei, ja ndoyapoi. Jaecuera oñapytî guaú mbae ipojŷiva icatuŷvaerâ yarajá, ja omoî guau umi cuimbae cuera atúa ári, ja jaecuera voí na peteî icuâme yepei nomomŷiséi umimbae. Ja umi jembiapo voí yepe oyapopá oyejecha potávonte umi caraí gui. Jaecuera ombopŷvé umi isŷva rejegua, ja ombopucúvé iyao yeguajá. Oipyjy umi tenda oyeguapŷjá tenondévégua umi caruguasujápe, ja upeicha avei umi oyeguapŷjá tenondévégua umi tûpâope. Jaecuera obŷá eterei oúpá ramo otûpânoî ichupecuera umi tapé rupi, ja ombojéra ramo ichupecuera Ore mboejára umi ybypóra. Peêcuera voí ani peñembo jéraucá mboejára ramo. Oime voí peteî añó pene mboejaraeté, ja opavavé peêcuera oyuejeguante. Upeicha avei ani pembojéra avavepe pende ru ramo co ybyari. Peteî añó oime pende Ru, pe oiméva yvape. Upeicha avei ani peñembo jéraucá mburuvicha ramo. Peteî añónte oime pende Ruvichá, pe Cristo catu jae. Ja pe tuvichavéva pende apytepe toico pene rembiguai ramo. Ja oime ramo oñembo tuvicháva oyupe, upéva oñemo mîchîne. Ja oime ramo oñemo mîchîva oyupe, upéva oñembo tuvicháne. Angai peêva, peê pene arandúva ja fariseo peêsénteva, pende rová mocoîva! Peê pemboty pe yvaga rokê umi ybypóra rová reje. Peê voínte nda peikei, ja umi ambuecue cuera umi oikesévape yepe peê na pemoinguéséi. Angai peêcuera pene arandúva, ja fariseo peêsénteva, pende rová mocoiva! Peê peúpáva umi cuña tyreŷ gui joga cuera yepe, ja upeyave pembo tabyjápe peñemboe pucu guaujápe peicovo, upévareje peê peyeyopŷ pojŷivéne. Angai peêcuera pene arandúva ja peê fariseo peêsénteva, pende rová mocoîva! Peê pemboyerepáva pe ŷguasu ja co yby peñejaâvo pemoingo pendeyupeichagua ramo peteî ybypóra añópente, ja anga peyapyjŷma ramo ichupe, peê pemo añaretâ raŷvé yoa yoa ichupe pendejegui voi. Angai peêcuera, peê tapécuaajá pende resápysóŷva! Peê peye oime ramo omeêva iñeê pe tûpaô rŷepŷ rérape, mbaevé ndeiseijá, ja oime ramo omeêva iñeê pe óro tûpaô ryepype oiva rérape, upea jeisejá oimejá jae ombuecovia vaerâ. Pende taby ja pende resa ŷ va peê! ¿Mávapa pe tuvichavéva? ¿Pe óropa terâpa pe tûpaô ryepŷ pe óro mongaraíjá? Upeicha avei peê peye oime ramo omeêva iñeê pe mbae caraí rendá rérape mbaevé ndeiseijá, upegui oime ramo omeêva iñeê pe mbae caraí jiari oiva rérape, upea jeisejá oimejá jae ombuecovia vaerâ. Peê pene âcâjâtâite, ja pende resa pysoŷva peê! ¿Mávapa pe tuvichavéva? ¿pe mbae caraí terâpa pe mbae caraí rendá ñane mbae meêmbyré mongaraíjá? Upeicharamo, pe omeêva iñeê pe mbae caraí renda rérape omeê iñeê upea rérape ja opambae jiari oiva rérape avei. Upeicha avei oime ramo omeéva iñeê pe tûpaô ryepŷ rérape omeê iñeê upea rérape ja Upe ipype oicóva rérape avei. Upeicha avei oime ramo omeêva iñeê pe yvaga rérape, omeê iñeê Tûpâ Ñandeyára oguapyjá rérape, ja Upe jiari oguapŷva rérape avei. Angai peêcuera pene arandúva ja fariseo peêsénteva, pende rová mocoîva! Peê pemeêva jecópe tûpâmbae ne mentagui ja ne aneldogui ja ne cominogui, ja upea aya pemboŷké umi Ñandeyára rembiapoucapŷ ipoguasuvéva, pe teco mboyoyájá ja pe poro poriajuverecojá ja pe yeroviajá. Cova tecôtevê raê peyapo pemboŷké ŷ reje yepe umi mbae ambuecue. Peê tapécuaajá pende resapŷsoŷva voí, pemboguáva peteî mbariguímí, ja upeichavo pemôcôva peteî camellope! Angai peêcuera pene arandúva ja fariseo peêsénteva pende rová mocoîva! Peê pemopôtí pôrâ pe mbayrú apé, ja pe ñaembé apé, ja jyepŷpe jenyjêmba jina pe poro mbaeabykŷsejá ja pe iñâcâjâtâsejá gui. Nde fariseo sapysoŷva, emopôtí raê pe mbayru ryepŷ ja pe ñaembé ryepŷ icatu jaguâ ipôtí pe iyapé avei. Angai peê pene arandúva ja peê fariseo peêsénteva, pende rová mocoîva, peê peyoguá panteón oñemo morôtî vaecuepe, ocá guió iyapé yajecha ipôrâitejá, jyepŷpe voí jenyjêmba umi teôngué cangué cué gui, ja opaichagua mbae kyá gui. Upeichaite avei peê. Peê ocá guió peyechaucá umi caraípe jecopegua rejegua ramo vaicha, pende pyapŷpe voí pene renyjê továmocoîgui ja jecoŷ gui. Angai peê pene arandúva ja peê fariseo peêsénteva, pende rová mocoîva peê pemyatyrôva umi ñemoñeêjára ymaguaré oñeñotŷ jague renda ja pemboyeguáva umi imarangatu vaecue panteón, ja peyéva Ore voí ore roime rire umi ore ru ypycue oico ramo guaré, na mo royejea raéi jesecuera oñojê jaguepe jaecuera umi ñemoñeêjára ymaguare ruguŷcué. Upeicharamo, peê voi peyecuaaucá pende yupe voínte peêcuera umi ñemoñeêjára ymaguare yucájaré rejegua cuerajá. Ja anga iya peême pemombá jaguâ pende ru ypycué rembiapo rângue. Peê mbói catu peê mbói rejegua! ¿Mbaéichapa peñeguajêne pe oñembo jecovia vaerâ peême pe añaretâme gui? Upearâ voí ambou pene rendape ñemoñeêjárape, ja imbaecuaajárape, ja iñarandúvape. Oimene ichugui cuérava peé peyuca vaerâ ja oimene pemoî vaerâ yepe curusu reje ja oimene peinûpâ vaerâ pene tûpâope yepe, ja pemoñá vaerâ peteî tetâ gui ambue tetâ meve. Upeicharamo, oñembo jecoviáne peême opa umi imarangatúva jecopeguáva ruguŷcué oñejé vaecue co ybyári pe Abel marangatu ruguŷcué guive pe Zacarías pe Barakías raŷ ruguŷcué peve pe peyucá vaecue pe tûpâo ryepŷ ja pe Altar (mbae carai renda) paûme. Che jae peême catuetei añetejápe opa âmbae oñembojecovia vaerâjá co tetâmegua coangaguape. Nde, Jerusalem, Jerusalem, nde, umi ñemoñeêjára yucajaré, nde reyapíva itápe umi ne rendape oñemboúvape, ¿mbobŷ yebŷpa raé aipota oñembyatŷ nde raŷ cuera Chendive ombyatŷ jaicha pe ryguasú tayra cuera ipepo guŷpe, ja peê nda peipotai. Angama oyejeyá nandí peême pende roga tapéra ramo. Che jae peême catuetei peê nda Che rechaveí jaguâ Cheve co anga guive upe peye jaguâ ára peve: Ta imombeu catu pyrâ pe Ñandeyára rérape oúva. Upei catu Jesús osê pe tûpâo gui ja oguatá oicovo, ja ôguajê Jendápe jemimboe cuera ojechaucasévo Ichupe umi oga guasu pe tûpâo rejeguava. Ja Jae jei ichupecuera: ¿Pejechápa co âmbae? Che jae peême catuetei añeté ndo yejeyai jaguâ coápe itá oyoári oñembuai ŷ vaerâ. Uperire oguapy pypé Jae pe Olivas itáatŷra ári ôguajê Jendápe jemimboe cuera jaeñojápe ja jei Ichupe: Eréna oréve aracaépa oicone co âmbae? ja ¿mbaéicha vaerâpa Nde reyú jaguâ ára, ja mbaéicha vaerâpa pe oñemombá jaguâ ára co teco co ybyarigua? Ja oñeê Jesús ja jei ichupecuera: Peyererecóke peê ani jaguâ avavé pene mombiá peême. Jetá voí oune Che rérape, ja jeine: Che jae Cristo, ja jetápe omombiáne. Ja curimive pejendúne oicojá ñorayrô, ja pejendune jêrâcuâ oicotajá ñorayrô. Pemaêke! Ani peyepyapŷ. Tecôtevê voí opa âmbae oyeju. Upeicharamo yepe, ndajaei gueteri ipajarâ. Oñopuâne oyueje umi tetâ, ja umi mburuvicha guasu, ja oicone ñembyajŷi guasú ja yby ryryi oparupi. Opa âmbae umi ára pojŷieté renonderâichante. Uperamo pene meêne pene mbojasa asy jaguâ, ja pende yucáne yepe, ja peñe ñamotareŷne opavavé ybypóra gui Che réra rejegua járeje peê, ja uperamo jeta oñombopŷavaíne ja oñomeêne oyoupe, ja oñopaûme oñoñamotareŷne, ja jeta opuâne oñemoñeê reíva ja omombiáne jetápe. Ja oñembo yoá yoá eterei teco tieŷ, ja upeagui iroŷne jeta eterei gui pe oyoaŷju pôrâ jague jecópe. Upeicharamo yepe, pe oguero puacá vaerâ ipajápeve, upea catu osêne maraŷreje. Ja co Evangelio pe yvapegua ruvicha guasu reco marangatu rejegua oñemo jêrâcuâ vaerâ opa co yby yere reje oyecuaaucá jaguâ opa ybypóra opa tetâmeguape, ja upémaramo oicone pe ipajá. Upeicharamo, pejecha ramo pe itieŷva pe oporombuaijára oñemboŷ ramo pe tûpâo renda oñembuetejápe, (jei jagueicha pe ñemoñeêjára ymaguare Daniel, pe omoñeêva pe cuatia taimandua coa ñeê reje!) Uperamo umi oiva Judeape toñeguajê umi itáatŷra ári, ja pe oiva oga ári, ani ogueyŷ ôguenojê jaguâ imbae oiva cotypype, ja pe oiva ñûme, ani oyeby yeby ogueraja jaguâ iyao. Angai umi mboriajú jygue guasúva ja umi omocambúva umi jaárape. Uperire peyerurénte pene ñemboépe anichene jaguâ peñeguajê pe roy árape terâ pe sabado areté árape. Oicone voí uperamo pe tecôtevê guasu máramo ndoicoi jagueichagua iñypyrûmbŷ guive co yby co anga peve yepe, ja máramo ndoicovei yeby jaguâichagua. Ja umi ára oñemo mbykyucá ŷ rire voí, avavé ybypóra ndopyta mo raei. Upeicharamo yepe, umi Ñandeyára iporavópyré rejejápente, umi ára oñemo mbykŷucáne. Ja uperamo oime ramo jeiva peême Coina ape Cristo, terâ Peina ape, ani perovia. Opuâne voí cristo guaúva ja oñemoñeêjára guaúva, ja umiva ojechaucáne peême mbae guasu tuvicha ja jechapyrâ, ja upeicha cuévo mo omombia umi Ñandeyára iporavópyré yepe, icatu varâ rire. Pemaêke! Che pomomarandúma vaecue voí peême umiagui. Upeicharamo, jei ramo peême: Peina jina oime ocápe ñûme, ani pesê ocape, terâ jei ramo: Coina ape oime cotype, ani perovia. Pe araveráicha osêva cuarajy resê cotŷ guivó ja overápáva ojasavo cuarajŷ reiké cotŷ peve, upeichaite vaerâ co Caraí Raŷ yú yave catu. Mamó oime jápe voí pe teôngue, upepe iyatŷ vaerâ umi yrybú. Upei catu pe tecôtevê guasú rire umi ára ipojŷietéguaré, upémaramo iñypytûne pe cuarajŷ ja pe yasŷ ndojesapeichene ja umi ára resá joáne yva gui, ja umi mbae guasú pe ararejegua yepe oñemomŷimbáne. Upei catu oyejechaucáne yvápe co Caraí Raŷ yú râ jechapyrâ, ja uperamo jasêmbáne opa umi ybypóra ojecha ramo co Caraí Raŷ ou ramo umi arai yvapegua ári ipuacaite ja iyeguaitéjápe. Ja Jae omboune jembiyocuai yvapeguape ombopú jaguâ oúvo pe turú guasu, ja ombyatŷne umi iporavópyré jeseguávape umi irundŷvé ybytú cotŷ guivó pe cuarajŷ oico oyovaivé coty guivó pe árape. Pe higo râcâ gui voí oime Che pomboe jaguâ peême. Pe jâcâ ikyryîma ramo, ja jogué jokyma ramo, upepe pejechacuaa ára jacu jiâguimajá. Upeicha avei peê pejechama ramo opa âmbae jechapyrâ, pejechacuaane jiâguimajá Jae, ja oimémajá pe okê ypŷpe yepe. Che jae peême añeté umi ybypóra coâva rejegua ndojasai jaguâ oicopá mboyve opa âmbae. Pe yvaga ja co yby ojasane catuetei, co Che ñeênte máramo ndojasáichéne. Pe jiára ja jihora avave ndoicuaai aracaépa, na umi tembiyocuai yvapegua yepei, ja nda pe Tayra yepei, pe Túva añónte oicuaa. Pe Noé ramo guaréicha, upeichaite vaerâ co Caraí Raŷ yú yavé catu. Uperamo voí pe ŷ tŷguasu tuvichaité mboyvé guaré ocarú ja ocaú jicuai, omendá ja omomendá jicuai upe Noé oyupi jague arapeve pe mbayrú guasúpe, ja ndoicuaai jicuai mbaevé tŷguasupá peve pe ŷ pe oguerajápá vaecue ichupecuera. Upeichaite vaerâ co Caraí Raŷ yú yavé catu. Uperamo oimene mocoî pe ñûme, peteî oyererajáne ja pe ambue oyejeyáne, oimene mocoî cuña oñembisóva anguápe, peteî oyererájane ja pe ambue oyejeyáne. Pemaña, upeicharamo, nda peicuaai aracaé rupipa pende Caraí ou jaguâ ára. Peteî mbae peê peicuaa voi. Oicuaa rire pe ogayára aracaé rupipa pyjare ou jaguâ pe mbaeabykyjá mo omañá raé ja mo oyoco raé, anichene jaguâ ombocuá joga. Upeareje peê avei peñembosacoi vaerâ: upe peimoaŷjá arapente oune co Caraí Raŷ. ¿Avápa, upeicharamo, pe tembiguai yeroviajá ja iñâcâ pôrâva iyára omoingo vaerâ pe joga pegua rerecuá ramo, omeê jaguâ ichupecuera jembiurâ jecope. Jeco marangatú vaerâ ja ipoaité pe tembiguai oyuju ramo iyára oyapo ramo upeicha iyú pe. Che jae peême añeté omoingóne ichupe opa oguerecóva rerecuá ramo. Sapya oime ramo tembiguai jeco vaíva jeíva ipyápe: Che carai jiaré ou jaguâ, ja upéichavo oñypyrû oinûpâ umi tembiguai iñîrûnguéravape voí, ja ocarú ja ocaú umi ocaúva ndive, sapyaite ojaaró ŷ jaárape ja oicuaa ŷ jápe pe tembiguai, oune iyára, ja oikytîne mbytépe ichupe ja omojendáne ichupe umi jovamocoîva oijápe pe oico jaguâme pe tasê ja táîñeê. Uperamo pe teco yvapegua rejegua oyoguáne guaú diez cuñatâíme oipyjy vaecue tataendŷ cuera ja osê vaecue ojuvaîtîvo peteî menarâme. Ja oime guaú cinco jaecuerava itabŷva ja oime cinco iñâcâ pôrâva. Umi itabŷva guaú ogueraja ramo yepe imbaerendy ryrú ndoguerajai jesevé cuera ñandŷ. Umi iñâcâ pôrâba guaú ogueraja ñandŷ imbayrúpe imbae rendy rejeve voí. Ja jiaré gui pe menarâ ou jaguâ, umia jopejŷi yoa ja oké. Ja sapyaite guaú pyjaré pyté oñejendú peteî osapucaiva: Peina oúma jina pe menarâ. Pesênte pejuvaîtîvo ichupe. Upei catu guaú opaŷpá umi cuñatâí ja omoî pôrâ imbae rendŷ cuera. Ja umi itabŷva guaú jei umi iñâcâ pôrâvape: Pemeêmína oreve pene ñandŷ gui, ore mbaerendŷ ogué reí jina. Ja oñeê guaú umi iñâcâ pôrâva ja jei ichupecuera: ¿Mbaéicha nipo? Upeicharamo nda iyái chene oréve ja peême. Tapejonte umi ñandŷ ñemûjape, ja peyoguá peême guârâ voínte. Ja oyeby aya guaú oyogua jaguâ, sapyaite ou pe menarâ, ja umi oicopámava jicuai guaú oiké jendive pe omenda jaguâme, ja voí oñembotŷ pe okê. Upeguirire guaú ou umi cuñatâí ambue cuera avei ja ojenoî: Carai! Carai! Eipeána oreve! Upegui guaú jae jei ichupecuera: Añeté Che jae peême Che nda poicuaaijá peême. Pemañante, upeicharamo, peê, nda peicuaajá reje iyú jaára terâpa sapyaite ou vaerâ Jae. Oime vaecue peteî caraí guasú ojota ramo jina guaú mombyry, ojenoî vaecue jembiguai cuerape ja omeê ichupecuera ipopecuera imbaerepy. Peteî jaecuéravape guaú omeê cinco mbaerepŷ ja ambuepe omeê mocoî ja ambuepe omeê peteînte, jecó catupyrŷ jaichante jaecuera jae omeê; ja uperire jae ojo mombyrŷjápe. Upémaramo guaú pe oipyjy vaecue cinco mbaerepy, ojo ja omombaapo ichupecuera, ja upeicha ôguenojêvé cinco mbaerepy ambue. Upeicha avei upe oipyjy vaecue mocoî omboyuapŷ mocoî ambuepe. Upegui guaú pe oipyjy vaecue pe mbaerepŷ peteîminte ojo ja oyoo yby ja oñotŷ icaraí mbaerepŷ. Upegui aré rire guaú, oyeby umi tembiguai caraí ja oyeruré ichupecuera jembiapocue reje. Ja ôguajê raê guaú pe oipyjy vaecue umi cinco mbaerepy, ja oguerú ichupe ambue cincove ja jei: Che caraí, Nde remeê vaecue cheve cinco mbaerepy. Coinaape amboyuapŷma vaecue cinco ambuepe. Ja jei ichupe guaú icaraí: Ipôrâite che rembiguai, ne mbaepôrâ ja yeroviajá. Nde catu che yeroviajá vaecue umi mîchîmi rejeve, upeareje romoingone ndeve jeta mbae rerecuá ramo. Eikénte rebyá jaguâ nde caraí ndive. Upei catu ou avei guaú pe oipyjy vaecue mocoî mbaerepy ja jei: Che caraí, nde remeê vaecue cheve mocoî mbaerepy, aye? Coina ape ambue mocoî amboyuapŷma vaecue. Ja jei ichupe guaú icaraí: Ipôrâite che rembiguai ne mbaepôrâ ja yeroviajá. Mîchî rejente cheyerovia já vaecue, upeareje che romoingóne ndeve jeta mbae rerecua ramo. Eikénte rebyá jaguâ nde caraí ndive. Uperire ou guaú pe oipyjy vaecue pe peteîmi mbaerepy avei ja jei: Che caraí, che roicuaa vaecue ndeve, caraí nde pojŷivajá reikytîséva pe reñoty ŷ jague gui, ja remonoôséva pe remuâsâi ŷ jague gui, ja akyjŷyé guinte aja racae ja añotŷ co ne mbaerepy yby guype. Coina ape nembaecue. Upei catu guaú jei pe caraí: Nde tembiguai ne ñañá ja neatêî! ¿nde reicuaapa raé che aikytîvajá pe añoty ŷ jague gui ja amonoôvajá pe amuâsâi ŷ jague gui? Upeicharamo guaú ipôrâve vaerâ moa raé remoî che mbaerepy umi mbaerepy omombaapóva pope, ja upeicharamo, che ayu rire che mo aipyjy raé che mbaerepy opa iyoájá rejeve. Upévareje peê pemboínte ichugui co mbaerepy, ja pemeê pe oguerecóvape diez mbaerepy. Oime ramo voí oguerecóva, upévape oñemeêvene meme jembŷ jaguâ. Ja oime ramo pe oguerecoŷva, upévagui oñemboíne pe oguerecomimiva yepe. Ja co tembiguai ateî, pemombó ichupe ocápe pytúnguŷpe pe oico jaguâme tasê ja táîñeê. Ou ramo pe Caraí Raŷ iyeguaité verá jápe opa jembiyocuai yvapegua rejeve, uperamo oguapŷne iyeguaite verá rejeve mburuvicha guasú ramo, ja oñembyatŷpáne jenondepe umi ybypóra opa tetâmegua, ja Jae oipeane oyuejegui, pe ovecha rerecuá oipea jaicha iyovecha umi icabará gui. Ja omoñemboŷne iyovecha iyacatua cotŷ ja umi cabará iyasú coty. Upei catu pe mburuvicha guasu jeine umi iyacatua coty oîvape: Peyúna peê, Che Ru rejegua marangatúva! Peyapyjŷ mbaeyárarâ co tetâ yvapegua oñembosacoí voí vaecue peêmeguârâ oyeyapó ypy guive co yby. Che che ñembyajŷi vaecue ja peê Che mongarú: Che Che ŷujéi vaecue, ja peê Chemboŷú Cheve: Che nda Che rógai vaecue, ja peê Che rerojorŷ pene mbojupá ramo; Che catu Che opívo vaecue, ja peê Che mondé; Che Che rasŷ vaecue, ja peê Che andú vaecue; Che aico vaecue ybŷracuá rógape ja peê peyú vaecue Che rendape. Upei catu oñeêne umi imarangatúva ja jeine: Ñandeyára, ¿aracaé pico rojecha raé Nde vareá ramo, ja ore romongaru Ndeve? ¿terâpa Nde ŷujéi ramo ja ore romboŷu Ndeve? ¿Aracaépa rojecha raé Ndeve Nde roga ŷ ramo, ja roguerojorŷ Ndeve? ¿terâpa Nde opívo ramo, ja ore romondé? ¿terâpa aracaé rojecha raé Nde rasŷ ramo terâpa ybyracuá rógape reime ramo ja royú Ne rendape? Upei catu oñeêne pe mburuvicha guasú ja jeine ichupecuera: Añeté Che jae peême peyapo guive upeicha peteîva yepe umi mîchîetéva umi Che rejeguávape, Cheve voínte peyapomane raé. Upemaramo Jae jeine umi iyasu cotŷ oivape avei: Peyeí Chejegui peê, pene mombeu vaípŷrâ pe tatá oguévé ŷ jaguâme, oñembosacoí voí vaecue pe mbaepochy ja jembiyocuai peguârâ. Che Che ñembyajŷi vaecue ja peê na Che mongarui: ja Che Che ŷujéi ja peê na Che mboŷui: Che nda che rógai vaecue, ja peê nda Che rerojorŷi: Che opívo vaecue ja peê na pe Chemondei: Che Che rasŷ vaecue, ja ybyracua rógape, ja peê na che andúi. Upei catu oñeêne jaecuera ja jeíne: ¿Ñandeyára, aracaépa rojecha raé Nde vareá ramo, terâ Nde ŷujéi ramo terâ Nde rogaŷ ramo terâpa Nde oico opívo ramo, terâpa Nde rasy ramo, terâpa ybyracua rôgape reime ramo, ja ore no roipŷtŷvôi raé Ndeve? Upei catu Jae oñeêne ichupecuera ja jeine: Añeté Che jae peême, peyapo ŷ guive upeicha peteîva coa mîchîetévape, Cheve voínte nda peyapoi. Ja umiva oyéine pe oyeyopŷ tapia jaguâme, ja umi imarangatúva ojone pe oicové tapia jaguâme. Uperire omombáma ramo Jesús opa coa jemiñemoñeê, Jae jei jemimboecuerape: Peê peicuaa voí mocoî arajápe oicótajá pe areté guasú Pascua, ja co Caraí Raŷ oñemeêne oyeyuca jaguâ curusu reje. Uperamo voí umi pai ruvicha ja umi caraí ituyáva upepegua oñembyatŷma raé pe pai guasu jérava Caiafas ró cárape, ja oñomonguetá ñemi oñondive oyapyjŷ jaguâ Jesúspe pichyguŷpe icatu jaguâ oyucá Ichupe. Ja jei: Nda iyái co areté guasu yavé ani jaguâ oico aybú co tetâme. Uperamo oi pypé Jesús pe Betaníape pe Simon pe leproso rógape, sapya ou Jendápe peteî cuña peteî mbayru pôjâ jyacuâ pôrâva jepy etéva rejeve, ja oñojê ichupe iñâcâ reje oguapyjápe Jae pe carújápe. Ja ojecha ramo upea jemimboe cuera ipochy ja jei: ¿Maerâpa co sarambi? Peva catu icatu vaerâ moa ñañemû jepy etá reje ja oñemeê vaerâ moa jepycue umi mboriajú cuerape. Ja Jesús ojechacuaama ramo jeija jina upeicha, jei ichupecuera: ¿Maerâpa pemuanguecói co cuña me? Jae oyapo tembiapo ipôrâvarâ Cheve. Umi mboriaju cuerape oime pereco tapia voí penendive. Cheve nda Che rerecoi tapia. Oñojê pype co pôjâ jyâcuâva Che rete reje, oyaponte Che añeñotŷ ramo guârâ. Ja Che jae peême añeté mamo oñemoñeê jaguâme co Evangelio opa co yby yere reje, oñemo jêrâcuâne co Jae oyapo vaecue avei, oñemandua jaguâ jese. Uperamo peteî umi doceva, jérava Judas Iscariote, ojo umi pai ruvicha rendape, ja jei ichupecuera: Mbobypa peicuameê cheve ameê ramo guârâ Ichupe pende pope? Ja jaecuera oicuameê ichupe treinta pirá piré. Ja upeguive jae ojeca oicovo ára iya jaguâ omeê Ichupe ipopecuera. Uperire pe oñypyrûjá árape pe areté mbuyape caraí pegua ou Jesús rendape jemimboe cuera jeivo: ¿Mamópa reipota rombosacoí Ndeve reú jaguâ co Pascua peguârâ? Ja Jae jei: Tapejó pe tetâme petei caraí rendape ja peye ichupe: Ore mboejára jeiuca ndeve: Jiâguíma Che ára. Nde rogape voí ambuetese co Pascua areté Che remimboe cuera rejeve. Upei catu oyapo jemimboe cuera jecópe pe Jesús oyapouca jagueicha ja ombosacoí pe Pascua peguârâ. Ja caaru etéma ramo. Jae oguapy carujápe umi doce jemimboe cuera rejeve, ja ocaru aya jaecuera Jae jei: Che jae peême añete oiméjá peteî peêva Che yapyjyucá vaerâ. Ja ombuasŷ tuvicha jaecuera ja oñypyrû oporandu Ichupe jeivo oyoapycueri: ¿Chepa jae, Ñandeyára? Ja Jae jei: Upe opoêva Che yave co ñaembépe, upéva catu pe Che yapyjyucá vaerâ. Co Caraí Raŷ oyeí jina añeté, oyee jaicha Ichugui pe Santa Escriturape. Angai pe cuimbae co Caraí Raŷ yapyjy ucá járarâ. Ipôrâ vaerâ moa máramo oñemoña ŷ rire pe cuimbae. Upei catu pe Judas pe iyapyjyucájarâ jei: ¿Chepa jae, Ñandeyára? Ja Jae jei: Upeicha! nde ere jaichante voí. Ja ocaru aya jaecuera Jesús oipyjy pe mbuyape ja ojovasá ja oipejaâ ja omeê jemimboe cuerape, ja jei: Coina ape, peúnte. Cóva Che reté. Upeicha avei Jae oipyjy pe mbayru ja ojovasá ja omeê ichupecuera jeívo: Peúnte ichugui opavavé peêcuera. Cóva voí Che ruguŷ pe Ñandeyára remicuameê ypycue pende repŷrâ, oñejê vaerâ jeta rejejape, oyepeapá jaguâ iñangaipa. Che jae peême coanga guive ndaŷuvéi jaguâ Che co parral rycuéré gui upe yau jaguâ ipyajúva ára peve pene ndive Che Ru yvapegua rendape. Uperire opurajeipáma ramo osê ojovo pe Olivas itáatŷrape. Upei catu Jesús jei ichupecuera: Opavavé peê peñembo pyávaíne Cheve co pyjaré, oyeé jagueicha voí pe Santa Escriturape: Ayapíne pe ovecha rerecuápe, ja isarambipáne pe ovecha atŷra. Upegui aicové yeby rire ajane pene renonde Galileape. Upei catu oñeê Pedro ja jei Ichupe: Opavavé oñembo pyávaí ramo yepe Ndeve, che nico máramo nañembo pyávaí chéne. Ja Jesús jei ichupe: Añeté Che jae Ndeve anga pyjaré voí osapucai mboyvé ryguasu nde Che momârâmane mbojapŷ yeby. Ja jei Ichupe Pedro: Tecôtevê ramo yepe amano Nendive, máramo no romomârâi chene Ndeve. Upeicha avei jeipa umi ambuecue jemimboe cuera avei. Upegui ôguajê Jesús jendive cuera pe tendape jérava Getsemané, ja jei jemimboecuerape: Peguapŷ coápe peê aja peve Che amongoty añemboe jaguâ. Ja Jae ogueraja jaeñojápe Pedrope, ja umi Zebedeo raŷ cuera mocoîvepe. Upei catu Jae oñypyrû ombuasŷ eterei ja oyepyapŷ tuvicha. Ja jei ichupecuera: Che ángape Che pyámbyasŷ tubichaité amano jaguâicha. Pepytá ape Che reromaña jaguâ. Upei catu Jae ojo tenondemivé ja oñesû ovapŷvo ja oñemboe jeivo: Che Ru, icatu ramo tojasá Chejegui co mbayrú. Upeichaŷramo yepe, anichene Che aipota jaicha, toiconte Nde reipota jaicha. Upei catu oú jemimboe cuera rendape ja oyuju oké jicuai, ja jei Pedrope: ¿Ndicatuipa, upeicharamo, Che reromaña sapyami. Pemaña ja peñemboe, ani jagua peiké pe aña pende pyaraâ jaguâme. Pende pyapŷpe añete pene kyrêî, pende retente jeungue. Upei catu oyeí yeby ichuguicuera ja oñemboe yeby: Che Ru, icatu ŷ ramo ojasa Chejegui co mbayru Che jaŷú ŷ reje ipype, toyeyaponte Ne rembipota! Ja ou yeby ja oyuju oké jicuai; jopejŷi eterei voí jaecuera. Ja Jae ojeya ichupecuera, ja ojo yeby, ja oñemboe yeby mbojapy yebyjápe jei yebyvo yepi guaicha. Uperire ou yeby jemimboe cuera rendape, ja jei ichupecuera: Pekénte gueteri ja pepytuú peê. Peina Chejáma. Anga voi jiâguíma co Caraí Raŷ oñemeê jaguâ umi angaipavóra pope. Pepuânte, yaja! Peina jiâguíma pe Che pyjyucájarâ. Ja oñeê aya gueteri jina peína ou pe Judás umi doce rejeguáva, ja oi jendive tecové iyatŷva kysé pucu ja ybyrá rejeve, umi paí ruvicha ja caraí ituyáva upepegua remimbou cuera voí. Ja pe ipyjŷucájarâ omboe voí raé tenonderâ ichupecuera jeivo: Pe che ayurupyte vaerâme upéva Jae. Peipyjynte Ichupe. Ja upevove jae oñemboya Jesús rendape ja jei: ¿Maitéipa ore mboejára? ja oyurupyté Ichupe. Ja Jesús jei ichupe: Eyaponte, Che îrû, pe reyapo vaerâ reyúvo. Upemaramo oñemboya jaecuera ja oyapocoi Jesús reje, ja oyapyjy Ichupe. Ja sapyaite peteîva Jesús rejeguáva omondo ipo ja ojekyi ikysé pucu ja oikytî pe paí guasu rembiguaipe ja onambió. Upei catu Jesús jei ichupe: Emoingué yeby nde kysé pucu jyrúpe. Opa umi kysé pucu oiporúva guive kysé pucúpe omanombáne. Sapya reimoâ Che ndicatúijá ayerure Che Ru pe Che pŷtŷvô jaguâ, ja sapyaite Jae ombou moa Cheve jetave doce jembiyocuai yvapegua atŷra gui. Upeicharamo, mbaéichapa icatúne oyeyapo jecope pe Santa Escriturape oyeéva upeicha voí vaerâjá. Upemaramo Jesús jei umi iyatŷvape jicuai: Peteî imondavaichapepa pesê peyúvo pende kysé pucu ja ybyra rejeve Che yapyjŷ jaguâ? Opa árape aguapŷ aicovo pe tûpâope aporo mboévo, ja peê nda Che yapyjŷi vaecue. (Opa umimbae oyeju voí oico jaguâ jecope pe oyee vaecue Santa Escriturape umi ñemoñeêjára yuru rupi.) Ja upepe jemimboe cuera ojeyapá Ichupe, ja oñeguâjêmba. Upei catu umi oipyjy vaecue Jesúspe, ogueraja Ichupe pe pai guasu Caiafas rendape oñembyatŷ jaguepe voí umi iñarandúva ja umi caraí ituyáva. Ja Pedro ou japycuéri, mombyry Ichugui oicovo, pe pai guasu corapŷ peve ja oike pypé ja oguapy umi tembiyocuai ndive ojecha jaguâ mbaépa oyejú vaerâ. Ja umi pai ruvicha ja umi carai ituyáva ja umi mburuvicha yoa ojecá jei vaerâ yapú Jesú reje oime jaguâicha oyuca jaguâ Ichupe. Ja ndicatui oyuju mbaeve, oyejechaucá ramo yepe jeta jei vaecue yapú Jesé. Uperire oyejechaucá mocoî tecové jei vaecue: Cóva nico jei vaecue: Icatu Che ambuai Tûpâ Ñandeyára roga marangatú, ja mbojapŷ arajápe amopuâmba yebyne. Upei catu opuâ oñemboŷ pe pai guasu ja jei Ichupe: ¿Ndipóripa rembojovai jaguâ umivape cuera? ¿Mbaé mbaepa coa omboyáva umia Ndereje? Ja oguero kîrîrî Jesús. Ja pe paí guasu jei yeby Ichupe: Ta romoñeê Ndeve Tûpâ Ñandeyára oicovéva rérape ere jaguâ Ndépa pe Cristo, Tûpâ Ñandeyára Raŷ? Ja Jesus jei ichupe: Upeicha! nde ere jaichante. Anga tae pôrâite abei peême coanga rire pejecha jaguâ co Caraí Raŷ oguapŷ ramo pe Ipuacaitevéva acatua coty ja ou ramo yvagui umi arai paûme. Upei catu pe pai guasu omondoropá iyao ja jei: Oñeê vaí Tûpâ Ñandeyára reje! ¿Maerâpa ñaicôtevê oicuaaucáve vaerâ. Peina anga peê voi pejendúma raé oñeê vaí ramo Ñandeyára reje. ¿Mbaépa jiâ peême? Ja jaecuera oñeê ja jei: Iyánte Ichupe oyeyuca jaguâ. Upei catu oindybu jová reje, ja oinûpâ Ichupe, ja ojovápeté, jeivo: Ejaûvônte oreve. Nde Cristo, yajecha avápa Ne nûpâ raé? Upeyave Pedro oime oguapy ocápe pe corapŷpe, ja ôguajê Jendápe peteî tembiguai cuñáva ja jei: Nde avei reime vaecue co Jesús pe Galileaŷgua ndive. Ja jae omomârâ Ichupe opáva renondepe, ja jei: Ndaicuaai co nde eréva. Ja jae osê pe okême, ja ojecha ichupe cuñatâí ambue, ja jei umi upepe oi vaecuepe: Co tecové avei oi vaecue co Jesús Nazaréno ndive. Ja jae omomârâ yeby Ichupe oñeê jâtâvo Tûpâ Ñandeyára rérape jeivo: Che ndaicuaai pe cuimbaepe. Uperiremi umi oñemboŷva upepe ôguajê Pedro rendape ja jei ichupe: Añetejápe nde avei Upéva cueraguá. Ne ñeê yepe ne mombeú. Upemaramo jae oñypyrû oñeê tieŷ omondopávo ichupecuera añaretâme ja oñeêvo Tûpâ rérape ja jeivo: Che ndaicuaai pe cuimbaepe. Ja upevove osapucai ryguasú. Ja Pedro imanduá pe Jesús ñeêngue reje jei vaecue ichupe: Osapucai mboyvé ryguasu Che momârâ maneraé Cheve mbojapy yeby. Ja jae osê ocape ja jasê oyajeóvo ombuasŷ ete gui. Ja coê yave oñemonguetá oñondive opa umi paí ruvicha ja umi caraí ituyáva upepegua Jesús reje oyucaucá jaguâ Ichupe. Ja ogueraja Ichupe ipocuajape ja omeê Ichupe pe mburuvicha Poncio Pilato pope. Upeyavé pe Judás pe ipyjyucajaré ojechama ramo Jae oñemoí vaímajá oñembyasŷ eterei ja oguerú yeby umi treinta pirá piré umi paí ruvichá ja umi caraí ituyávape, ja jei: Che che angaipa vaecue ayapyjyucá pypé pe tuguy imârâŷvaecue. Ja jaecuera jei ichupe ¿Mbaé nipo? ¿Mbaépa oréve upea? Nembae catu rejecha vaerâ nde! Upei catu jae omombo umi pirá piré pe tûpâo ryepŷpe ja oyeí upegui ja ojo ja oyeyuby. Upei catu umi paí ruvicha ojupi umi pirá piré ja jei: Naipôrâi ñamoî pe tûpâmbae ryrúpe tuguy repycue jáva reje. Upévareje oñomongueta rire oñondive, oyoguá ipypé pe cambuchi apojára ñû oime jaguâ oñeñoty jaguâ umi pytagua. Upévareje pe ñû oñembo jéra vaecue Ñû tuguyguigua, ja anga peve yepe jéra upeicha avei. (Uperamo voí oico jecope pe oyee vaecue pe Jeremias ñemoñeêjára yuru rupi: Oipyjy umi treinta pirá piré pe oñembojepŷucá vaecue repycue pe ombojepŷ vaecue umi Israel cuérava, ja omeê pe cambuchi apojára ñû reje oyapouca jagueicha cheve Ñandeyára.) Ja upeyave oi oñemboŷ Jesús pe mburuvicha renondepe, ja pe mburuvicha oporandú Ichupe jeivo: ¿Ndepa co Judio cuera ruvichá guasu? Ja Jesus jei: Upeicha! ere jaichante nde. Ja ombae mboya reí jeta ramo yepe Jesé umi paí ruvicha ja umi ituyáva, Jae okîrîrî. Upei catu jei Ichupe pe Pilato: ¿Ne rejendúipa iyatyjá umi mbae vaí omboyáva Ndereje jicuai? Ja na peteî ñeê yepei noñeê mboyebŷi ichupe iyeje voí, ja upeagui ojecharâmôite pe mburuvichá. Ja upe areté guasu árape oyepocuaáva raé pe mburuvicha opoí pe tetaŷguape peteî ybyracua rógape oiva gui oimeraêva jaecuera oyerure jaichagua. Ja uperamo sapya oime peteî ybyracua rogape oiva jêrâcuâ vaí vaecue jérava Barabbás. Upeicharamo iyatypápe jicuai jenondepe Pilato jei ichupecuera: ¿Máva guipa peipota apoí peême, co Barabbás guipa terâpa pe Jesús gui co oyeéva Cristo? Oicuaa voí oñamotareŷ járeje Ichupe, jaecuera oyapyjy jague Ichupe. Uperamo oguapy pypé jina pe mburuvicha cotŷpe sapya ombou Jendápe jembireco jeiucávo ichupe: Ani reyejeá nde pe carai imarangatúva mbae reje. Angue pyjaré catu che ajasa asy eterei che kepe Jesejape. Ja umi pai ruvicha ja umi ituyáva oñatôi jina umi tecové tavŷpe oyerure jaguâ opoí jaguâ Barabbás gui ja oyucaucá jaguâ Jesúspe. Ja pe mburuvicha oñeê yeby ja oporandu ichupecuera: ¿Mávagui co mocoî guipa peipota che apoí peême? Ja jei jaecuera: Barabbás guinte. Upei catu Pilato jei ichupecuera: ¿Mbaépa, upeicharamo, ayapota co Jesús co Cristo oyeéva gui? Ja opavavé jei yoa: Toyeyucá catu curusu reje! Ja jae jei: ¿Mbaé ivaíva pico oyapo raé Jae? Ja jaecuera osapucai jâtâvénte jeivo: Toyeyucánte curusu reje! Upei catu ojecha pypé Pilato mbaeve ndojupity moai ja upeyaveve iyaŷbúvéjá ojovo, oguerurucá ŷ ja oyepojéi umi iyaty vaecue renondepe jeivo: Che nico che pôtí co carai marangatúva ruguy gui. Pene mbaerâma catu co! Ja opavavé umi iyatŷva jicuai osapucai yoa: Juguy topytá ore reje ja ore raŷ cuera reje. Upei catu opoí ichupecuera Barabbás gui ja Jesúspe oinûpâucá ja omeê Ichupe ipopecuera oyuca jaguâ Ichupe curusu reje. Upei catu pe mburuvicha rembiyocuai cuera oguerajá Jesuspe pe Pretorio jápe, ja ombyatypá Jendápe opavavé iñîrûnguerape, ja omoñemboï Ichupe ja omonde Jese mburuvicha ao pŷtâ jobŷva, ja oñopê ñûatî ja omoî Ichupe iñâcâreje ja omoî ipo iyacatuapeguape peteî tacuapí ja oñesû Ichupe oñembo jorŷvo Jese ja jeivo: ¿Maitéipa Nde? Judio ruvicha guasu! Ja oindybú Jese ja oipyjy pe tacuapí ja oinûpâ Ichupe iñâcâ reje. Uperire oñembo jorŷpá rire Jese omboí Ichugui pe mburuvicha ao ja omondo yeby Jese iyaótevépe, ja upeicha oguerajá Ichupe pe curusu reje oyuca jaguâme. Ja osênguévo upegui ojuvaîtî peteî Cireneo jérava Simonpe, ja oipyjŷ ichupe ja oguerajáucá ichupe pe curusu. Ja upeicha ôguajê pe tendape oyee vaecue Golgota (Âcâ cangue renda yaé mo ñande), ja upepe omboŷu Ichupe vinagre yopará pôjâ iróva ndive, ja Jae ojaâma ramo iyurupe ndousei. Ja omoî rire Ichupe pe curusu reje, oñemboyao iyaocue reje oñembo jarai jápe. Ja upei catu oguapy upepe omaña jagûa Jese. Ja omoî iñâcâ renda ári peteî cuatia pe omboya jague Jese: Cóva Jesús Judio ruvicha guasu. Upepe avei omopuâ curusu reje cuera iyavevé iyŷke coty oyovaive mondajá mocoîme peteî iyacatua coty ja pe ambue iyasu coty. Ja umi ojasáva jina itieŷ Ichupe oñâcâ mbovavajápe, jeivo: Nde tûpâo mbuaijarâ ja imopuâjarâ pyaju mbojapy arajápe! Eñemo jesâinte nde yupe voí! Nde Tûpâ Ñandeyára Ray ramo, egueyŷnte co curusu gui. Upeicha umi paí ruvicha avei ja umi iñarandúva ja umi ituyáva oñembojorŷ Jese jeivo: Oime voí ambuecue cuera omojesâi vaecue, iyupe voínte Jae ndicatui oñemo jesâi. Jae Israel cuérava ruvicha guasu guaú! Togueyŷnte, upeicharamo anga voí co curusu gui, ja upepe yaroviane Ichupe. Jae oyerovia vaecue Tûpâ Ñandeyára reje. Upeicha ramo añeté, tôguenôjê Ichupe coanga ojaŷjú ramo Ichupe añeté. Jei raé voí guau Che Tûpâ Ñandeyára Ray já. Upeicha avei omomârâ Ichupe umi mondajá oi vaecue curusu reje iyavevé. Ja pe asaye pyté guive iñypytûmba oparupi yby yerecuevo upe asaye caaru peve. Ja caaru las tres jahora rupi Jesús osapucai jâtâ jeivo: Eli! Eli! Lama sabacthani! (Che Tûpâ! Che Tûpâ! Mbaé rejépa Che reyá rei? yae mo ñane ñeême). Ja oime umi upepe jicuaivagui ojendu vove upea jei: Upéva ojenôi jina Eliaspe! Upei catu peteî jaecuerava oñaní ja oipyjŷ peteî esponja ja ombojycué vinagrepe, ja omoî peteî tacuapí apŷraré ja ojupitŷucá Ichupe jou jaguâ. Ja umi ambuecue jei: Ejeyánte! Yajecha oúnepa Elias ôguenojê jaguâ Ichupe. Upei catu Jesús osapucai jâtâ yeby ja upévo oyejekyi. Upevove osoró mbytépe yvaté gui yby peve pe ao oyepysóva tûpâopegua, oryrŷi yby, oyecapá reí itá guasú, ja oyepea rei umi panteon oñeñoty jague omano vaecue, ja jeta umi imarangatu omano vaecue opuâ yeby jete rejeve, ja osê ipanteon gui oicove yeby rire Jae, ja ou jicuai pe tetâ imarangatúvape ja oyejechauca jetape. Ja pe mburuvicha ja umi jembiyocuai oiva jendive oñangarecova Jesús reje, ojecha ramo yby oryrŷipá ja umi mbae oyejúva jina okyjŷyé eterei ja jei: Añeté Tûpâ Ñandeyára Ray, raé cóva! Ja oime upepe cuñaetá omaê jicuai mombyry guive, ou vaecue Jesús rapycuéri Galilea gui oyeyocuaiucávo Ichupe. Umiva apytepe oime pe Maria Magdaléna ja María pe Santiago ja José sŷ, ja Zebedeo ray sŷ cuera. Ja caaruetéma ramo ou peteî carai mbaererecojá Arimateaŷgua, jérava José oico vaecue jaeté avei Jesús remimboe cue ramo, upeva ôguajê Pilato rendape ja oyerure Jesú rete cue reje. Ja Pilato omeêucá ichupe. Upei catu José oipyjy jetecué ja oñuâ peteî ao morotî ipôtívape, ja omoingue ichupe itacuá ipyajúvape jae oyoóucá voí vaecue pe itá guasu reje voí. Ja ombuapayerei peteî itá guasú iyapuáva pe itacuá yurú reje, ja upei catu oyeí. Ja oi upepe Maria Magdaléna ja pe Maria ambue oguapy jicuai pe itacuá rovai. Ja pe ára ambuepe upe oñembosacoi jague ára rire oñembyatŷ umi pai ruvicha ja umi fariseo Pilato rendape, jeivo: Ore caraí ore ore mandua jei jague pe oporo mbotabŷjára oicove pypé gueteri Mbojapy arajápe aicové yebŷne. Upeicharamo, ipôrâ remondó rembotŷ jâtâucá pe itacuá mbojapy arajápeve, anichene jaguâ ojo jemimboecuecuera pyjarépe oñomí jetecue, ja uperire jei co tetaŷguape: Oicove yeby umi omano vaecue paûgui, ja upeicharamo, oiméne oporombotabŷ jaguâ tuvichavé ipajápe iñypyrûmbŷ peguaré gui. Ja Pilato jei ichupecuera: Peê pereco voi peñangareco ucá jaguâicha. Tapejó pemoî jâtâ ipôrâve jaicha peicuaa peê. Upei catu ojo jaecuera ja ombotŷ jâtâ pe itacuá yuru ja ojaângámoî pe itá iyapuáva reje, ja omoî umi imañajarâme. Ja pe sabado pyjaré icoé jaguâ pe ára ambue pe iñypyrûmbŷjá ou pe María Magdaléna ja pe María ambue ojecha jaguâ pe itacuá. Ja sapyaite oico yby ryrŷi tuvicháva ja ogueyŷ yvága gui pe Ñandeyára remimbou ja ôguajê ja ombuapayerei pe itá guasú ja oguapŷ jina jiari. Jae overápá pe araveráicha ja iyaó morotîva pe amandauicha. Ja okyjŷyé gui ichugui umi mañajára oryrŷipá ja opyta omano vaicha ramo. Ja pe yvapegua oñeê ja jei umi cuñáme: Ani pekyjŷyé peê. Aicuaa voi peê pejecajá jina Jesús pe curusu reje omano vaecuepe. Ndipórivéima coápe. Oicové yebyma, Jae jei jagueicha. Peyúnte peê pejecha jendagué. Ja tapejó pyaé, pemombeu jemimboecuérape Jae oicové yebymajá umi omano vaecue paûgui, ja ojómajá pene renonde Galileape. Upepénte pejecháne Ichupe. Pejendupa? che jaepáma peême jecope. Upei catu osê pyaé pe itacuá ryepŷgui okyjŷyé ja jorŷ tuvichaite, oñaní oyeóivo omomarandúvo jemimboe cuerape. Ja sapyaite Jesús ojuvaîtî ichupecuera, ja jei: Maitéipa! Ja jaecuera ôguajê Jendápe ja oñañuá ipy ja oñesû Ichupe. Upei catu Jesús jei ichupecuera: Ani pekyjŷyé! Tapejó pemomarandú umi Che rejeguape oyeói jaguâ Galileape. Upepe Che recháne. Ja oyeói pypé jaecuera, sapya ojo avei peteîva umi mañajaré cuérava oyebŷvo pe tetâme omomarandupávo umi paí ruvichape pe oyejú vaecue gui. Upei catu oñembyatŷma ramo jaecuera umi ituyáva ndive, oñomongueta oñondive ja omeê jeta mbaerepŷ umi mañajarépe, jeivo ichupecuera: Peê pemojêrâcuânte ou jague pyjarépe jemimboe cuera ja oñomî jetecue peê peké aya. Ja sapya oyeyerure ramo coa mbae reje pe mburuvicha rovaké, ore rombo pochŷpoíne ichupe ja pomopôtíne peême pene maraŷ jaguâ. Upeicharamo, oipyjŷ pe mbaerepŷ ja oyapo jecópe oyeyapoucá jagueicha ichupecuera. Ja upe iñeêngué oñemo jêrâcuâ umi Judio apytépe coanga peve yepe. Upeyavé umi once jemimboe cuera oyeói Galileape pe itáatŷra pe Jesús oñembyatŷucá jaguepe. Upepe ojecha vove Ichupe oñesû Ichupe. Upeicharamo yepe, oime oguerovia ŷ nungáva. Upei catu Jesús oñemboyá Jendápe cuera ja oñeê ichupecuera jeívo: Oñemeê Cheve añembo puacaitévo yvágape ja co ybyári. Upeicharamo, tapejó peê ja pemoingó Che remimboé ramo opa ybypóra opa tetâmeguápe, pemongaraí ichupecuera pe Túva, pe Taŷra ja pe Espiritu Santo rérape, pemboévo ichupecuera ombuayépá jaguâ opa co Che rembiapoucapy añeê vaecue peême, ja peína Che aime penendive opa árape tapia guârâ upe co teco ybyarigua oñemombá jaguâ ára peve. Cova co Jesu Cristo, Tûpâ Ñandeyára Ray Evangelio iñypyrûmbŷjá. Cóicha oyee voí pe Che amondo Che rembiyocuaipe Ne renonderâ ombosacoí vaerâ Nde rapérâ. Oime osapucaiva co ñeê: Pe ñûme pembosacoíke Ñandeyára rapérâ. Pemoî pôrâ pe opyrû jaguâ. Upeicha voí oico pe Juan pe oporo mongaraí jára, ja oñemoñeê oicovo pe ñûme toñemboyeré toñembyasŷ oyepea jaguâ iñangaipa oñemongaraí pype. Ja osê Jendápe ybypóra Judeaŷgua yoa ja Jerusalemŷgua yoa, ja oñemongaraíucá ipo rupi pe ŷ Jordanme, oñemombeú pypé iñangaipa gui. Ja pe Juan iyao camello ragué cue guigua ja icúacuajá mbaepí gui vaecue, ja jembiúrâ jou tucú ja eíra caaguŷ. Ja oñemoñeêjápe jei: Ou voí che rapycuéri pe ipuacavéva chejegui. Nda iyái cheve ayaŷbŷvo ayorá jaguâ ipŷ rejegua sâ. Che pomongaraí peéme ŷ pe. Upéva catu pene mongaraíne peême Espiritu Santo pypé. Uperamo ou sapya avei Jesús pe Nazaret Galileapegua gui, ja oñemongaraíucá Juan po rupi pe ŷ Jordanme. Ja sapyaite osênguévo pe ŷ gui Jae ojecha oyepea ramo yvaga rokê, ja pe Espiritu pycasuroicha ogueyŷ ramo Jese. Ja oico peteî osapucaiva yvágagui jeiva: Nde catu Che Ray rojaŷjuetéva. Che rorerojorŷ tuvichaité Ndeve. Upevove pe Espiritu oñatôi Ichupe ojo jaguâ pe ñû oyeicoŷjápe; ja oico pe ñûme cuarenta arajá peve, ja pe mbaepochy Satanás ipya raâ oicovo. Ja oi umi mbae ivaíva oijápe, ja umi yvapeguante oñanagarecó Jese. Upeguirire oñemoî rire Juan pe ybyracuá rógape, ou Jesús Galileape oñemoñeêvo pe Evangelio pe Tûpâ Ñandeyára ñeê ipyajúva gui, ja jei: Oguajêma jiára ja jiâguima oñemoingó jaguâ Tûpâ Ñandeyára reco marangatu yvapegua rejegua. Peñembyasŷke! Peñemboyeré, ja peroviá co ñeê pyajú Evangelio peguare. Uperire oguata pypé jiconi pe ŷ Galilea rembeŷ reje, sapya ojecha pe Simonpe ja tybyra Andrespe, ombogueyŷ ramo ipyjá pe ŷ pe: jaecuera pirá cutujára voí. Ja Jesús jei ichupecuera: Peyú Che rapycuéri ja Che pomoingone peême cuimbae pyjŷ jára ramo. Upemaramo ojeya ipyjá cuera ja ojo japycuéri. Upegui mîchînte oguatave tenondévo, ja ojecha pe Santiago, pe Zebedeo raŷpe, ja tybŷra Juanpe jicuaiva pe imbaŷrúpe avei, ja omyatyrô jicuai ipyjá. Upevove Jae ojenôi ichupecuera, ja jaecuera ojeyá itúva Zebedeope upe mbayrúpe jembiyocuai rejeve ja ojo japycueri. Ja upegui ou ôguajê Capernaumme ja pe sabado areté árape Jae oiké pe tûpâope ja oporo mboe. Ja ojecharâmô jaecuera pe jemimboé reje: Jae omboe voí ichupecuera iya jáva reje jecópe Ichupe, ja na umi escriva iñarandu reíva cueraichai. Ja sapyaite pe tûpâope voí peteî cuimbae mbaepochy tieŷ rembitarováva osapucai, jeivo: ¿Mbaépa reipota orejegui, Nde Jesús Nazareno? ¿Reyúpa raé ore mbuai jaguâ? Aicuaa voí avápa Nde. Tûpâ Ñandeyára remimbou imarangatúva Nde! Ja Jesús ipochŷ ichupe, ja jei: Ekîrîrî, ja esê eyeí ichugui! Upei catu pe mbaepochy tieŷ oipocapá ichupe ja osapucai jâtâjápe osê oyeí voí ichugui. Ja opavavé ojecharâmô tuvichaité, ja oñoporandú oyoupe cuera yepe: ¿Mbaépa coa? Ipyajú vaichagua co jemimboé! Oporo poyjújára vaicha co iyáva ramo vaicha jecópe Ichupe, ja umi mbaepochy tieŷpe yepe Jae oyocuai ja jaecuera iñeêrendú Ichupe. Upemaramo oñemo jêrâcuâ Ichugui oparupi pe Galilea retâ yerecuevo. Upegui osê ramo tûpâo gui ôguajê Santiago ja Juan ndive pe Simon ja Andres rogape. Ja sapya uperamo voí jasŷ jina Simon rembireco sŷpe iñâcânundu eterei, ja omombeu voí Ichupe jese, ja Jae oñemboyá Jendápe ja oipyjy ichupe ipo gui ja omopuâ ichupe. Ja upevove oyeipá ichugui iñâcânundu, ja upei catu jae oyeyocuaiucá Ichupe. Ja caarúma ramo oiké vove cuarajŷ, oguerúpá Jendápe umi jasŷvape cuera ja umi mbaepochy rembitarovápe. Ja iyatŷpá pe okê renondépe opavavé pe tetâmegua. Ja Jae jetape omojesâi, umi ojasa vaíva opaichagua mbaasy gui, ja oity mbaepochy ichugui cuera, ja oyoco umi mbaepochŷpe ani omombeu mbaeve, oicuaa jague reje Jae Cristojá. Ja pyjarevété pytû gueteri opuâ, ja osê ojo pe ñû yeicoŷjape jaeñojápe, ja upepe oñemboe. Ja Simon ja umi ambuecuera oiva jendive ojo ojecávo Ichupe. Ja oyujuma ramo Ichupe, jei: Opavavé Nde recá jicuai. Ja Jae Jei ichupecuera: Yaja mandike umi tetâ ânguijápeguape añemoñeê jaguâ upepe avei: upe jaguâite voí ayu vaecue. Ja Jae oñemonñeê oicovo itûpâope cuera Galileape oparupi, ja oity mbaepochy cuerape. Uperamo ou Jendápe avei peteî leproso iyaipáva ja oyeruré Ichupe oñesûjape ja jei: Reipota ramo icatu Nde che mopôtí. Ja Jae oiporiajuvereco ichupe ja oipyso ipo ja opoco jese ja jei: Che aipota! Ta ne pôtínte! Ja upevove ocañŷmbá ichugui iyaívaí, ja ipôtímba opytávo. Ja Jae omboe ichupe ja omondovo ichupe, jei: Ani remombeu avavépe. Terejónte, eyejechauca pe paípe ja co reñemo pôtí jague reje eicuameê pe Moises omeêucá vaecue oyecuaaucá jaguâ ichupecuera. Opaichavévonte jae osê vove oñypyrú omombeu oparupi opavavépe ja omojerâcuâ pe oyeju jague ichupe, ja upeagui Jesús ndicatuvei oiké pe tetâme oyejechaucájápe: oicónte ocápe ñûreje ocáraré, ja oime oúva ôguajê Jendápe opa cotŷ guivó. Ja upea jague mboby ára jápe ôguajê yeby Jae pe Capernaumme ja vocoí oime jêrâcuâ Jae oi jague peteî ogape. Ja upei oñembyatŷ jetaite Jendápe ndiporivei peve iya jaguâ pe okême yepe. Ja Jae omboe jina ichupecuera Ñandeyara ñeê reje. Ja sapyaite ou oguerúva Jendápe peteî paralítico iyapávape. Oime jerújaré irundy, ja ndicatuigui oñemboyá Jendápe iyatŷpá gui umi jicuaiva omonandí pe oga jiari guivó oijape Jesús ja ombocuá, ja ombogueyŷ pe icuá rupi pe jupá oñenójápe voí pe iyapáva. Ja Jesús ojecha pypé oyeroviájá jicuai Jesé, jei pe iyapávape: Che raŷ, oyepeapáma ndejegui ne angaipa. Ja upeyave oime voí oguapy jina upepe peteîva umi escriva iñarandú reíva oñemonguetávo jina ipyápe jeivo: ¿Mbaéichapa oñeê cóicha co caraí? Oñeê vaí Ñandeyára reje. Avápa icatu oipea angaipa? Oime peteî añónte, ja upéva Tûpâ Ñandeyára. Upevove Jesús ojechacuaa opyape oyejegui voínte jaecuera ipyápe oñemonguetajá jina upeicha, ja jei ichupecuera: ¿Maerâpa pende pyape peñemongueta âmbae reje? ¿Mávapa icatuvé ayapo? Jae ramopa co iyapávape Oyepeapáma ndejegui ne angaipa, terâpa jae ramo ichupe: Epuâ ejupi nde rupá, ja eguatá? Ja peicuaa jaguâ co Caraí Raŷ ipuacajá co ybyari yepe oipea jaguâ angaipa -- (Upepe jei pe iyapávape:) Ndeve jae Epuâ, ejupi nde rupá, ja terejó nde rógape. Ja upevove opûa ja opavavé resápe ojupi jupacué ja osê. Ja upeichajá gui ojecharâmô opavavé ja tuvicha ombueté Tûpâ Ñandeyárape, ja jei: Máramo nda yajechai raé coaichagua mbae! Uperire Jae osê ojo yeby pe ŷguasu renda cotŷ ja oñembyatŷ Jendápe opavavé umi upepegua ja Jae omboe ichupecuera. Ja ojasávo ojechá pe Levi Mateope, Alfeo raŷ, oguapŷ ramo pe mburuvicha monoôjápe mbaerepy, ja jei ichupe: Eyo Che rapycuéri! Ja jae opuâ voí ja ojo japycuéri. Uperire oguapŷ yave Jae carujápe upea rógape, sapya jeta oime avei mbaerepy monoôjára ja angaipavóra oguapŷva jina Jesús ja jemimboe cuera ndive. Jeta raé jicuai umívarejegua omoîrû Ichupe. Upei catu umi escriva iñarandú reíva umi fariseo reŷi rejeguáva, ojecha ramo Ichupe ocaru ramo umi angaipavóra ndive ja umi mbaerepŷ monoôjára ndive, jei jemimboe cuerape: Oime Jae ocarú ja joŷu umi mbaerepy monoôjára ndive ja umi angaipavóra ndive. Ja ojendu pype upéva, Jesús jei ichupecuera: Ndajaei umi jesâiva oicôtevêva oporo pôjânôjára reje: umi jasŷva mante. Che ndayui ajenôivo umi jeco pôrâvape cuera, umi angaipavórapente. Oime uperamo Juan remimboe cuera, ja umi fariseo remimboe cuera ombuayéva jina areté ára ocaruŷreje, ja oime oúva Jendápe ja oporandúva Ichupe: ¿Mbaéichapa Juan remimboe cuera ja fariseo remimboe cuera ombuayé co areté ára ocaruŷreje ja Ne remimboe cuera nombuayéi areté ára ocaruŷreje? Ja Jesús jei ichupecuera: ¿Sapya icatúpa oico ocaruŷreje pe menarâ îrûnguéra oico yavevé pucu cue jendive cuera pe menarâ. Oguereco aya pucu cue jendive cuera pe menarâ ndicatui oico ocaruŷreje. Ou voí vaerâ ára oyepeá jaguâ iyapytégui cuera pe menarâ, ja upe jaárape añeté oicone ocaruŷreje. Na ñambobybŷri ao pejeguémi ipyajúva cu ao ituyáva reje. Upeicharamo pe imboyuapŷre osoróne ichugui, pe ipyajúva pe ituyáva gui, ja pe icuájá ivaíve opytávo. Upeicha avei na ñambo jyrúi vino ipyajúva mbaepí ituyávape. Upeicharamo, pe vino omombú umi mbayrú mbaepirégua ja ocañŷmbá pe vino ja umi mbayrú avei. Oñembojyrú vaerâ vino ipyajúva mbayru ipyajúvape. Uperire peteî sabado areté árape oguatá ojovo jina Jae umi cocue rupi, ja jemimboe cuera yavevé oicóva oñypyrú oipoó jiŷva. Upei catu umi fariseo jei Ichupe: Maê! ¿Maerâpa oyapo co sabado areté árape pe oyapo ŷ vaerâ? Ja Jae jei ichupecuera: ¿Máramo na pemoñeêipa racaé pe Santa Escriturape oyapo vaecue David oicôtevê ramo guaré iñembyajŷi ramo guare jae ja umi oiva jendive, oiké jague pe tûpâope oico ramo jiconi pai guasú Abiatar ja jou jague pe mbuyapé carai, pe iyaŷva avavépe jou, umi paípe mante, ja joúucá jague avei umi jendive oivape? Ja Jae jei ichupecuera: Oñemoingo racae pe sabado ára umi ybypóra cuera peguârâ, ndajaei umi ybypóra cuera pe sabado ára peguârâ. Upeicharamo co Caraí Raŷ jae co sabado areté ára yára yepe avei. Ambue árape oiké pype Jae pe tûpâope oi upepe peteî cuimbae ipo iyŷpíva, ja oime omoñujáva omaña Jesé yajecha omojesâipa pe sabado areté árape, omoî vaí jaguâ Ichupe. Ja Jae jei pe cuimbae ipo iyŷpívape: Epuânte eñemboŷ ore apytépe. Ja Jae oporandu ichupecuera: ¿Iyápa ñandeve co sabado areté árape yayapo pôrâ terâpa yayapó vaí, ñamojesâi tecové terâpa yayucá? Ja okîrîrî jaecuera. Ja Jae ipochŷ omaê iyerecuévo jesecuera, ja ombuasŷ tuvichaite ipya jâtâ eté reje, ja jei pe cuimbaepe: Eipysó nde po! Ja oipyso voí ipo ja oñemyatŷrômba ipo. Upei catu osêma ramo umi fariseo, oñemongueta jaecuera umi herodiano ndive Jese oyuca jaguâ Ichupe. Upévareje Jesus oyeí upegui jemimboe cuera ndive ja ojo ŷguasu renda cotŷ. Ja iyatŷ umi jeta ou vaecue japycuéri umi Galileaŷgua upeicha avei umi Judeaŷgua, ja Jerusalemŷgua, ja Idumeaŷgua ja pe ŷ Jordan mboypŷrigua, ja Tiro ja Sidon yererejegua, jeta oñembyaty jicuai Jendápe ojendu pype jeta jague oyapo mbaeguasu. Ja Jae jei jemimboe cuerape tombuesacoí peteî mbayrumi ichupeguârâ umi jetaite oñembyatŷva gui anichene jaguâ iyatŷpá Jesé. Jetape voi Jae omojesâi racae, ja upeareje iyatŷpá Jesé opáva umi jasŷva opoco jaguâ Jese. Ja umi mbaepochy tieŷ ojecha vové Ichupe oñesû Ichupe, ja osapucai jeivo: Nde Tûpâ Ñandeyára Raŷ. Ja jeta yeby Jae oyao ichupecuera ani jaguâ omojerâcuâ reí Ichugui. Upei catu Jae oyupi pe itáatŷra ári ja ojenôi umi Jae oipotavévape ja jaecuera oú Jendápe. Ja omoingo doce ichugui cuéravape ja ombo jéra avei ichupecuera Apóstoles oico vaerâ Jendive ja oyocuai vaerâ oñemoneêjára ramo, ja ipuaca vaerâ oity jaguâ mbaepochy cuerape. Upeicha omoingo umi docepe: Simon (ombojéra yoapŷ Pedro), ja Santiago, Zebedeo raŷ, ja Juan, Santiago ryby (ombojéra ichupecuera Boanerges arasunu raŷcuera yae mo avañeême), ja Andrespe ja Felipepe, ja Bartolomepe, ja Mateope, ja Tomaspe, ja Santiago, pe Alfeo raŷ, ja Tadeo, ja Simon, pe cananeo, ja pe Judás Iscariote upe iyapyjyucájarâ voí Ichupe. Ja Jae oiké peteî ogape ja iyatŷpá yeby umi oñembyatŷva Jendápe, ja upeagui nda iyái yepe ichupecuera jou tembiumi. Ja ojendu ramo co âmbae umi Jesegua cuera voí ou oyapyjy jaguâ Ichupe, jei pype Jae itarovájá. Ja umi escriva iñarandú reíva avei, ou vaecue Jerusalem gui, jei oguerecójá Beelzebul ipyápe, ja co mbaepochŷ ruvicha guasu rupínte, jei, jae oitŷjá umi mbaepochŷpe. Upei catu Jae ojenôi ichupecuera ja jei ichupecuera co neê raânga jápe: ¿Mbaéichapa icatune guaú Satanás oity Satanáspe? Ja oyuabŷ ramo guaú peteî tetaŷgua oyuejegui, ndicatui opytá jâtâ pe tetâ. Ja oyuaby ramo peteî ogapegua oyuejegui, ndicatu moai opyta jâtâ pe ogapegua. Ja pe Satanás oyuaby ramo oyejegui ndicatu moai opyta, oicomane ipajarâ. Ndicatui guaú avavé oiké peteî cuimbae mbaraetéva rogape oñomî jaguâ ichugui imbae iñongatupyré, oñapytî raê ŷ ramo pe cuimbae imbaraetévape. Upeicharamonte icatu oñomî joga gui. Che Jae peême catuetei opambae oñembo jesarai jaguâ umi cuimbae cuérava gui, opaichagua iñangaipa ja ñeê ivaíva omomârâ jague Ñandeyára pe. Upeicharamo yepe oime ramo omomârâva iñeême pe Espiritu Santope máramo ndo jupity moai oñemopôtí jaguâ tapia guârâ, iyánte vaerâ ichupe pe angaipa recoviá tapia guârâ. Âmbae voí jei Jae, jei jague reje jaecuera pe ipyapegua mbaepochy tieŷjá. Uperamo ou avei isŷ ja tybyra cuera opyta oñemboŷ ocápe ja omondo Jendápe ojenoîucávo Ichupe. Uperamo oime ôguajêva iyerecuevo umi oñembyatŷva ja umiva jei Ichupe: Peina oime ocápe Nde sŷ ja Nde rybŷ cuera ja Ne reindy cuera ou vaecue Nde recávo. Ja Jae oñeê ichupecuera jeivo: ¿Avápa Che sŷ ja Che rybŷ cuera? Ja omaê pype umi iyerecuévo oguapyva reje jicuai jei: Coina ape Che sŷ ja Che rybŷ cuera. Oimeraêva ombuayéva Tûpâ Ñandeyára rembipota, upéva catu Che rybŷ ja Che reindŷ ja Che sy. Uperire Jae oñypyrû yeby omboe pe ŷguasu rembeype, ja oñembyaty Jendápe jeta eterei ja iyatypáite. Upeareje Jae oyupi pe mbayrú pe ŷguasupe oivape ja oguapy pypé, ja opa umi oñembyatŷva jicuai oi ybype pe ŷguasu rembeype, ja upegui Jae omboe ichupecuera jeta mbae reje ñeê raânga rupi. Ja jei ichupecuera imboejápe: Pe Che rendúkena! Sapya osê guaú pe ñemityjára oñemitŷvo. Ja sapya guau oñoty ramo jina oime joa reíva pe tapé yképe ja oveve ouvo guaú umi guŷraí ja joupá. Ja oime avei joá reíva itátŷpe yby pocâ jápe. Ja voí jeñoî guaú nda ipypucui gui yby. Ja osê vove cuarajŷ ocái ja nda japói gui ipirupá voí. Ja oime avei joa reíva guaú ñûatîndŷpe, ja ocacuaa voíve umi ñûatî ja ombopytúpá pe temityngue, ja upeagui nda jiai. Ja oime avei joava jecope guaú pe yby pôrâ jápe ja jiá pôrâ, jeñoî pôrâ ja ocacuaa ja oime jiŷva treinta ja ambue jiŷva sesenta ja oime jiŷva cien. Upemaramo jei: Tojendúkena oimeraêva iyapysáva ojendu jaguâ. Uperire oime ramo jaeñojápe, umi doce ja umi ambuecue oiva iyŷpype, oporandú Ichupe pe jei guaú vaecue gui. Ja Jae jei ichupe cuera: Peêmente oñemeê peicuaa jaguâ co ñeê ñemí Tûpâ Ñandeyára reco marangatu rejegua, umi ambue cue cuera peêŷvape oyeé guaújápente opa umi mbae, icatu jaguâ omaê maê ramo yepe ndo jechacuaai, ja ojendu ramo yepe ndoicuaai, anichene jaguâ sapya oñemboyere oyepeapá jaguâ iñangaipa. Ja Jae jei ichupecuera: ¿Nda peicuaaipa mbaépa jeise co ñeê guaújápegua? Upeicharamo, ¿mbaéichapa peicuaane umi ambue ñeê guaújápegua? Pe ñemityjára oñemitŷ pe Tûpâ Ñandeyára ñeê. Umi tapé ypypegua ñaimoa umi Tûpâ Ñandeyára ñeê oñeñotŷ vaecuepe, ja ojendu rire, sapyaite ou pe Satanás ja ôguenojê pe ñeê oñeñotŷ vaecue ipyápe. Upeicha avei umi oñeñotŷ vaecue itátŷpe, ñaimoa umi ojendu vaecue Tûpâ Ñandeyára ñeê, ja ogueroviá torŷpápe, ja nda japoi gui oyejegui voí ja nda jeco pucú vái gui, sapya ojasa asy ramo terâ oime ramo omoñava ichupecuera Ñandeyára Ñeê reje, vocoí joa jeco pôrângue gui. Oime avei umi ambuecue oñeñotŷ vaecue ñûatîndŷpe, umiva catu umi ojendu vaecue Ñandeyára ñeê, ja oiké ichupecuera pya anguecoi ybypóra reco rejegua, ja pe teco porombotaby imbae rerecojá guiguáva, ja pe mbaepotá potáva mbae ambue reje, ja ombopytúpá Ñandeyára ñeê, ja upeagui nda jiai. Oime avei umi oñeñotŷ vaecue yby pôrâ jápe, umiva catu umi ojendu vaecue Tûpâ Ñandeyára ñeê, ja oguerojorŷva ichupe tapia, ja jiá pôrâ, peteî jiŷva treinta, ambue sesenta, ja ambue cien. Upei catu Jae jei ichupecuera: ¿Yarúpa tataendy ñamoî jaguâ mbayru guŷpe, terâpa ñande rupá guype? ¿Ndajaéipa oñemoî jaguâ tataendŷ rendape? Ndipóri voí mbae oñemoâva oyejechauca ŷ vaerâ, ja ndipóri mbae oñemîva oyecuaauca ŷ vaerâ. Oime ramo iyapysáva ojendu jaguâ, tojendúnte! Jei avei ichupecuera: Pejechacuaa pôrâ pe pejendúva! Pe mbayru voí pejaâ jague peê, upea pypé oñejaâne peême ja oyuapŷvéne peême yepe. Pe oguereco voívape oñemeê yoavéne ichupe, ja pe oguereco-ŷ-va gui oñemboíne pe oguereco mîchîva yepe. Jei Jae avei: Oime pe teco marangatu Tûpâ Ñandeyára rejegua oyogua peteî cuimbae oity vaecuepe mbae raŷî yby reje, ja oké yepi ja opuâ yepi, ára ja pyjarépe, ja pe mbae raŷî jemityngue jeñoî ja ocacuaa, jae ae voí ndoicuaai mbaéichapa. Oyejegui vointe pe yby omoñemoña, iyŷpŷpe jeñoî ja upegui iñapêsâ ja upegui jiŷva otŷarô pe iñapêsâ reje, ja otŷarôma ramo jiŷva, upevove jae omondo umi ikytîjarâme: oimbama catu co jina oñemonoô jaguâ. Jei Jae avei: ¿Mbaéichaguápa mbae ñaimoa vaerâ co teco marangatu Tûpâ Ñandeyára rejegua yoguajá, terâpa mbaé mbaé raângá ñamoî vaerâ jese. Oyogua voí pe mostaza raŷîme. Upéva oñeñoty pypé yby guŷpe mîchîeteveva ramo yepe opa mbae raŷîmi ambuecue co ybyari oiva gui, upeicha ramo yepe oñeñotŷma ramo, voí ocacuaa ja oñembotuvicháve umi caavó râcâ ambue gui, ja oñemo jâcâ guasú icatu jaguâicha umi guyra ovevéva oñembo jaitŷ icuarajŷâ guŷpe. Umichagua ñeê raângá reje jeta yeby Jae omombeú ichupecuera Tûpâ Ñandeyára ñeê icatu jagueicha jaecuera ojenducuaa, ja umi mbae raânga ñeê ŷ reje Jae noñeêi mbaeve ichupecuera. Umi jemimboe cuerape voínte oicuaaucapá opa âmbae jaeñojápe cuera. Upe jaárape voí caarúetéma ramo, Jae jei ichupecuera: Yajasa mandike mboypŷri. Upei catu jaecuera omondo umi oñembyatŷ vaecuepe ja ogueraja Ichupe oi jaicha voí mbayrúpe, ja oime Jendive mbayru ambue avei. Ja sapyaite joa ama guasu ybytu jâtâ rejeve ja oyapi pe mbayru reje pe ŷ pochŷ ja upéichavo jenyjêtama jina ŷ gui pe mbayru. Jae voí oime mbayru rapycuépe oké jina acánguytá ári, ja sapyaite ou jaecuera ja omombaŷ Ichupe ja jei: Nde! Ore poromboejá! ¿Ne rembuasyipa ñande yajá vaí jarejejape? Ja opaŷ voí Jae ja ipochy pe ybytúpe, ja jei pe ŷ pe: Ekîrîrî! Eguapŷ! ja opí voí pe ybytú ja oguapŷpá, ja sapyaite ára oñemyatyrômba opytávo. Ja Jae jei ichupecuera: ¿Mbaeichapa pende pya mimi peê upeicha? ¿Coanga pevépa yepe nda peroviai gueteri? Ja okyjŷyé tuvicha eterei jaecuera, ja jei oyoupe: ¿Avá pico cóva iñeêrendúva Ichupe ybytú ja co ŷ yepe? Upeicha ôguajê pe ŷguasu mboypŷri umi Gesarene retâme, ja ogueyŷma ramo Jae pe mbayrú gui, ou ojuvâitivo Ichupe umi omano vaecue oñeñotŷ jague gui peteî cuimbae mbaepochy rembitarová vaiva, oico vaecue umi omano vaecue oñeñotŷ jague rupi, ja ndicatuvéima oyeyoco oñeñapytîme yepe. Jeta yeby voí oñeñapytî racae itacupysâ pypé ja itasâ pypé, ja umi itasâ omopêpêmba racae ja umi itacupysâ ombuaipa racae, ja ndipóri ipuaca vaerâ jese. Ja osapucai oicovo tapia ára ja pyjarepe umi omano vaecue oñeñotŷ jague rupi, ja umi itáatŷra rupi ja oime yepi oyecutu oyupe itápe. Ja ojechama ramo Jesúspe mombyry guive yepe oñani ja oñesû Ichupe, ja osapucai jâtâ ja jei: ¿Mbaepa reipota chejegui, Nde Jesús Tûpâ Ñandeyára pe Tuvichaitéva Raŷ? Ayerure Ndeve Tûpâ Ñandeyára rérape ani che muanguecoi! Upeicha oñeê pe mbaepochy, jei jague reje Jae ichupe: Nde! mbaepochy vaí! Esê catu co cuimbae gui! Ja Jae oporandu ichupe: ¿Mbaéichapa nde réra? Ja jae jei: Legión che réra ore retajá reje. Ja jeta oyerure Ichupe ani jaguâ omondo ichupecuera pe tetâ gui ocápe. Ja oime voí upepe pe itáatŷra rupi peteî curé atŷra tuvicha ocaru jicuai, ja oyeruré Ichupe umi mbaepochy jeivo: Ore mondónte umi curé oijápe roike jaguâ jete pypé cuera. Neí! jei Jae ichupecuera. Ja osê voí umi mbaepochy vaí ja oiké umi curé reté pypé ja pe iyatŷra, (jetacue voí mocoî mil) iñacuâmba ja umi curé joapá peteî itá yvaté ári gui pe ŷguasupe ja joŷguŷpá pe ŷguasupe. Upei catu umi curé rerecuácué cuera oñeguajê ja omojerâcuâ pe tetâme ja pe ñû ocaraguape. Upei catu osê umi ambuecuera ojecha jaguâ mbaépa oyeju raé. Ja ou Jesús rendape ja ojecha pe mbaepochŷ rembitarová vaecuepe oguapy ramo iyao pôrâva ja iñâcâ pôrâ yebŷmava, upe oguereco vaecue ipypé mbaepochy atyra Legion. Ja okyjŷyé jicuai, ja umi jechajaré omombeu ichupecuera mbaéichapa oyeju raé pe mbaepochy rembitarová vaecuepe ja umi curépe avei. Upeagui oñypyrû oyerure Ichupe oyei jaguâ jetâ gui cuera. Ja Jae oyupi pypé pe mbayrúpe, pe mbaepochy rembitarová vaecue oyerure Ichupe oime jaguâ Jendive. Ja Jae ndoipotai. Jei mante ichupe: Terejo nde rogape nde rejegua cuerape ja emombeupá ichupecuera mbaeichaguápa mbaeguasu Tûpâ Ñandeyára oyapo raé ndereje ja mbaéichapa Jae nde poriajuvereco raé ndeve. Upeicha oyeí ja omo jêrâcuâ oicovo oparupi Decapolispe opa âmbae Jesús oyapo vaecue jese: ja oime ojecharâmô yoa. Upegui oyebyma ramo Jesús pe mbayrúpe mboypŷri gui oñembyatŷ Jendápe jeta iyatŷvo, ja Jae oi pe ŷguasu rembeŷpe, ja upeyave ou peteî mburuvicha tûpâo rejegua jérava Jairo, ja ojecha vove jae Ichupe oñesû Ichupe, ja oyerure rure Ichupe, jeivo: Jasŷeté jina chejegui che rayŷmi omano jaguâicha. Eyókena emoî Nde po jese jesaîmba yeby jaguâ, ja upeicharamo, oicove vaerâ. Ja Jae ojo jendive. Ja umi jeta oñembyatŷ vaecue ojo japycueri avei ja iyatŷpáité Jese. Ja oime peteî cuña oyapoma raé doce años jasy ypy jagué tuguy guasu gui. Ja oñepôjânôucáma racae jeta poropôjâno jára cuerape, ja upeicha ombojŷcupáma racae pe oguerecomimi vaecue, ja opaichavévonte mbaeveté ndopytuúi, jasŷ jasŷvé ojóvo mante reí. Sapya ojendúma raé Jesús rerâcuâ, ja upeicha ou japycué guivó umi ambuecue iyatŷ vaecue jina apytépe ja opoco iyao reje. Jei nipo raé ipyápe: sapya apocomi ramo iyao rejente che resaîne. Ja upevove jypá pe tuguy joa vaecue ichugui, ja jae oñeñandu jete pype jesaîmbámajá pe mbae ivaíva gui. Upevove Jesús ojechacuaáma ramo iyejegui voí osê jagué Ichugui ipuacacué gui oyeré umi iyatŷva apytépe ja jei: ¿Avápa raé opoco Che ao reje? Upei catu jei Ichupe jemimboe cuera: ¿Nde rejechaipa oime jetajá iyatŷva Nde reje? ¿Upeicharamo, maerâpa ere: ¿Avápa raé opoco Chereje? Ja Jae omaê oparupi iyerecuévo ojecha jaguâ mávapa oyapó raé upea. Upei catu pe cuña okyjŷyé orŷrŷipa, oicuaa pypé pe oyejú vaecue ichupe, ou ja oñesû Ichupe, ja oñemombeupá Ichupe jecópe. Ja Jae jei Ichupe: Che rayŷ reyeroviá guínte ne resaî repytávo. Terejo nde pya guapy! Eico mârâve ŷ reje co tucumbócué gui. Ja oñeê aya yepe oime oúva pe tûpâo ruvicha roga gui jeíva: Omanóma nde rayŷmi. ¿Maerâpa reyocuaivé co ore poromboejárape? Upei catu Jesús ojendu pypé pe jeiva, jei pe mburuvichápe: Ani rekyjŷyé! Eyeroviánte! Upegui Jae ndoipotai avavé ojo Jendive, Pedro ja Santiago ja Juan, Santiago rybŷ, umia añónte. Ja upeicha ôguajê pe mburuvicha rogape. Ja ojecháma ramo Jae iyaŷbú ramo yoa umi oyajeóva jina ja jasêva jicuai, Jae oiké ja jei ichupecuera: ¿Mbaerejépa pende aybú ja peyajeó? Co mitâ cuña nomanoi, okénte jina! Ja jaecuera oñembojorŷ Jese. Upei catu Jae omosêmba ichupecuera, ja omoingue pe cotŷpe pe mitâ cuña rú ja isŷpe nte añó, ja umi Jendive oivape, ja upeicha oiké pe mitâ cuña oijape. Ja Jae oipyjy pe mitâ cuña po, ja jei ichupe: Taleitha coum! (Mitâ cuña jae ndeve, epuânte! yae mo avá ñeême.) Ja sapyaite opuâ voí pe mitâ cuña ja oñemboŷ ja oguatá. Oime oguereco voí doce años. Ja jaecuera oñemondŷi ja ojecharâmô tuvichaité. Ja Jae jei ichupecuera anichene jaguâ oicuaaucá avavépe âmbae gui ja jei ichupecuera omongarú jaguâ ichupe. Uperire osê upegui ja ou oguetâme ja omoîrû Ichupe jemimboe cuera. Ja pe sabado areté árape Jae oñypyrú omboe pe tûpâope. Ja jeta umi ojendu vaecue Ichupe ojecharâmô ja jei: ¿Mamoguípa oguereco co Carai âmbae? ¿Mbaéichaguápa co mbaecuaa oñemeêva Ichupe ja mbaépa co mbaeguasu oyeyapóva ipórupi? ¿Ndajaéipa cóva pe ybyrá reje ombaapojára, pe Maria membŷ, Santiago ja José ja Judás ja Simón rykeŷ? ¿Ndoicoipa avei coápe ñanendive iteindyra cuera? Upévareje jaecuera oñembo pyávaí Ichupe. Opaichavévonte Jesús jei ichupecuera: Ndipóri catu mbaemombeújára oyeyerovia ŷ vaerâ, oguetâme mante ja oñanáma paûme ja umi jogaitevépente oyeyerovia ŷ vaerâ catu. Ja upepe Jae ndicatui oyapo mbaevéichagua mbaeguasu: oiménte vaecue mbobymí jasŷva cuera omoî vaecue ipo jesecuera ja Jae omojesaî ichupecuera. Ja Jae ojecharâmô ndogueroviai járeje jaecuera. Upegui ojo umi ambue tetâi rupi oporo mboe oicovo, ja ojenoî umi doce jemimboe cuerape, ja oñypyrú omondo ichupecuera mocô mocoî ja omeê ichupecuera ipuaca jaguâ umi mbaepochy tieŷ reje. Ja jei ichupecuera: ani jaguâ oguerajá mbaeve tape peguârâ, peteî ybyrá mi añonte, mbaeve mbuyape, mbaeve mbayru, mbaeve mbaerepy icúacuápe, toñemondénte ipŷrejegua reípe, ja ani omboyoa mocoî iyaópe. Ja jei ichupecuera avei: Mamo oga peiké jaguâme, upépente peico pesê yeby peve upegui, ja oime ramo tenda pende rerojory ŷ jaguâme terâ pene renduse ŷ jaguâme peême, pesênte upegui ja peitybyró pe yby cuí pende pŷ reje oyáva pemoî vaívo upeicha ichupecuera jecocue vaí reje. Upeicha oyeói jaecuera ja oñemoñeê oicovo toñembyasŷ ybypóra cuera oñembo jecó pôrâ jaguâ. Ja oity jeta mbaepochype, ja omoná ñandy umi jasyetéva reje ja upeicha omojesaî ichupecuera. Uperamo pe mburuvicha guasu Herodes ojendu jêrâcuâ, (Oñemo jérâcuâ eterei ma voi jéra). Ja jei: Oiméne pe Juan Bautista oicové yeby umi omano vaecue paûgui ja upeareje umi mbae ipuacaitéva oñatôi ipypé. Oime ambuecue cuera jei vaecue: Upeva catu pe Elias. Ja oime ambuecue jei vaecue: Oñemoñeêjára catu jae peteî umi oñemoñeêva rejegua jaetévaicha. Pe Herodes voí ojenduma ramo jêrâcuâ jei: Oime pe Juan che añâcâo vaecue jae catu oicové yeby nerae umi omano vaecue paûgui. Pe Herodes voínte omondo racae ja oipyjyucá racae pe Juanpe, ja omoingué racae ichupe pe ybyracuá rógape, pe Herodias, tybŷra Felipe rembirecocué rejéjápe, Jae oipyjy vaecue oguembireco ramo. Upévareje Juan jei yeby yeby racae pe Herodespe: Nda iyái ndeve rereco nde ryby rembirecope. Upévareje pe Herodias oñemyrô oicovo ichupe ja jiâ ichupe oyucaucá ichupe. Uperamónte nda iyái ichupe. Upe Herodes voínte okyjŷyé pe Juan gui, oicuaa guive jaejá cuimbae yojeipyré ja imarangatu, ja upeareje oñangarecóucá pôrâ jese. Ja sapya ojendú ramo jeiva ipya tarováité: upeicharamo yepe obya ojendú ramo ichupe. Uperire oime oyeju sapyaite iya pôrâ jaguâ ichupe. Oime pe Herodes voí jiareté árape omeê caruguasu umi mburuvichape ja umi mburuvichaípe ja umi Galilea ruvichape. Upe ramo oike oijape pe Herodias memby cuñatâí pôrâ ja oyeroky jenondepe cuera ja oguerojorŷ Herodes ichupe ja umi oiva jendive pe caruguasujápe. Upei catu pe mburuvicha guasu jei pe cuña taíme: Eyerurénte cheve oimeraêva mbae reipota jáichaguántereje, ja che ameêne ndeve. Ja oicuameê ichupe Tûpâ rérape jeivo: Reyerure guive cheve ameêta ndeve che retâ mbyté guive yepe. Ja jae osê sapyaite ja jei isŷpe: ¿Mbáe mbaé rejépa ayerure vaerâ ichupe? Ja jae jei: Pe Juan Bautista âcângué reje. Upei catu oiké pyae pe mburuvicha guasu rendape ja oyeruré ichupe jeivo: Aipota angaite voí remeêuca cheve pe Juan Bautista âcângué peteî ñaembepe. Upei catu pe mburuvicha guasu ombuasŷ eterei. Upeicharamo yepe nomomârâsei ichupe omeê jague reje iñeê Tûpâ rérape, ja umi oiva jendive caruguasujápe reje. Upévareje pe mburuvicha guasu omondo voí jemboyocuaipe ja oguerúrucá iñâcângué. Upei catu oyeí ja iñâcâó ichupe pe ybyracuá rógape oijape, ja oguerú iñâcângué peteî ñaembépe ja omeê pe cuñatâíme. Ja pe cunataí omeê isŷpe. Upei catu ojenduma ramo pe Juan remimboe cue cuera pe oyeju vaecue ichupe, ou ja ojupi jetecue ja oñotŷ ybycuápe. Uperire oime Jesús rembiyocuai Apóstoles oñemonoô yeby Jesús rendape, ja jaecuera omombeupá Ichupe jembiapocué ja jemimboecue reje. Ja Jae jei ichupecuera: Peyú peê ñaneñó jaguâme ocápe pe ñû oyeicoŷjape, ja pepytuú mîchîmi. Oime voí jeta eterei oúva ja ojóva Jendápe cuera, upeagui nda iyái ichupecuera ocarú jaguâ yepe. Upévareje oyeói mbayrúpe peteî Jendápe oyeicoŷjape jaeño jaguâme cuera. Upeicharamo yepe umi ambuecue cuera ojecha ichupecuera oyeói ramo ja jeta ojechacuaa ichupecuera ja oñembyatŷ oñanijápe upepe yby rupi opa umi tetâ gui ja ôguajê tenonde raê umiva. Upeicharamo, ogueyŷ ramo Jesús ybype ojecha jeta umi oñembyatŷva jicuai. Ja Jae oiporiajuvereco ichupecuera oico járeje ovecha rerecuaŷvaicha. Upeareje Jae oñypyrú omboe ichupecuera jeta mbae reje. Ja caarúma guive ôguajê Jendápe jemimboe cuera ja jei Ichupe: Coina ape ñaime catu co ñû oyeicoŷjape ja caarúetéma. Emondonte, upeicharamo, ichupecuera, tojo umi ogajárupi, ja tetâi rupi iyerecuévo icatu jaguâ jaecuera oyoguá jou vaerâ iyupe cuera guârâ. Ja Jae jei ichupecuera: Peê voínte pemeê ichupecuera jou vaerâ. Ja jaecuera jei Ichupe: ¿Rojótapa royoguavo mbuyapé doscientos mbaerepŷ reje ñamongaru jaguâ ichupecuera? Ja Jae jei ichupecuera: ¿Mboby mbuyapépa oime pereco? Tapejó pejechami. Ja oporandúma ramo jaecuera jei oimejá cinco mbuyape ja mocoî pirá. Ja Jae jei ichupecuera oguapŷucá umi ambuecue cuerape pe capiipépe oyoŷsŷiré, ja upeicha oguapŷ oyoŷsŷire oime jysŷi cien ambue jysŷi cincuenta oyoakŷcuéri. Upei catu Jae oipyjy umi cinco mbuyape ja umi mocoî pirá ja omaê yvága coty ja ojovasá ichupecuera. Upemaramo oipejaâ umi mbuyape ja omeê jemimboe cuérape joúucá jaguâ umi ambuecue cuerape ja umi mocoî pirá upeicha avei oipejaâ opáva peguârâ. Ja upeicha joupá jicuai ja jyvâtâmba. Ja upegui oime doce ayacá jenyjêmba umi mbuyape pejengue, ojupi vaecuegui ja umi pirá pejengue jembŷ vaecue gui. Ja umi jou vaecue retacué ojupity cinco mil cuimbae. Upegui Jae omojangué voí jemimboe cuerape oyupi jaguâ mbayrupe oyeói jaguâ tenondevé Betsaidape mboypŷri, ja upeyavevé Jae omondo umi oñembyatŷ vaecuepe. Upei catu omondo rire ichupecuera Jae ojo pe itáatŷra ári oñemboe jaguâ jaeñojápe. Upeicha caaru pytûma ramo pe mbayru oi ŷguasu mbytepe ja Jae oî Jaeño ybype. Ja Jae ojecha ichupecuera icaneôma jicuai omboguatávo imbayru, oipeyu vaí járeje pe ybytú. Upei catu pyjaré gueteri ryguasu sapucai mocoîjá rupi Jae ou Jendápe cuera oguatá ouvo pe ŷ rová ári. Ja Jae ojasa moa jina. Ja ojecha ramo Ichupe oguata ramo pe ŷ rová ári, oimoa pórajá Jae, ja osapucai. Opavavé voí jaecuera ojechá Ichupe ja ipya tarová. Upei catu Jae oñeê ichupecuera ja jei: Pende pyaguasúnte! Che jae! Ani pekyjŷyé! Ja Jae oyupí Jendápe cuera pe mbayrúpe ja upévo opí pe ybytú. Upei catu jaecuera ojecharâmô oñemondŷi eterei. Na imanduai yepe umi mbuyapé Jae joúucá ramo guaré reje: ipya voí iñypytûmba ichugui cuera. Upegui ojasama ramo mboypŷri ôguajê pe tetâ Genesaretepe. Ja upepe oñemboyá ybype. Ja ogueyŷ yavé pe mbaŷru gui ojechacuaa ramo umi ambuecuecuera Jaejá, oñani oparupi omboyerévo pe tetâ iyere reje cuevo ja upevove oñypyrú oguerú oparupi gui umi jasyvacuera jupá rejeve mamo ojendu jápe jaecuera oijá jina Jae. Ja mamo oikéjápe umi tetâi reje ja umi tetâ guasu reje terâ ocára reje, ôguenojê umi jasŷvape cuera ja omoî tapepe voí, ja oyerure rure Ichupe opocomi jaguâ iyao rembeŷ rejente. Ja upeicha opa umi opocó vaecue guive Jesé jesâimba opytavo. Uperamo oñembyatŷ Jendápe umi fariseo ja umi escriva iñarandú reíva ou vaecue Jerusalem gui. Jaecuera ojecha racae umi jemimboe cuera joujá jembiu ipo kyá nungá yaicuaa oyepojei ŷ jague reje ocaru jaguâ. Umi fariseo voí ja opa umi Judio voí jacateŷ gui umi ymaguaré ñeêngá reje ndocarusei oyepojei ŷ rire catuetei iyŷva peve yepe. Upeicha avei ou rire oguatá jague gui ndo carusei oyaju ŷ rire. Ja jeta mbae ambue avei oime oipocuaáva ombuayé vaerâ, oyojei umi tembiporú oyeŷújá, ja opaichagua mbaŷru ja tembiporú oyeújá. Upeicharamo umi fariseo ja umi escriva iñarandú reíva oporandu Ichupe: ¿Mbaerejépa ne remimboe cuera osê umi ymaguare ñeêngá gui joúvo jembiu oyepojei ŷ reje? Ja Jae jei ichupecuera: No ñeê reíri vaecue pendereje pe Isaias, peêcuera pende rovámocoî, oñeê ramo guare yma guivé voí oyeé jaicha voí pe Santa Escriturape: Co tetâmegua iyurúpénte Che mbuete, ipya voí imombyry Chejegui. Reínte voí vaerâ co Che mbuetéva Cheve: jemimboe voí oporo mboejá umi cuimbae rembiapoucapŷnte. Peê pejeya reí Tûpâ Ñandeyára rembiapoucapŷ, ja pembuayé umi ybypóra ñeêngá reí. Ja Jae jei ichupecuera: ¿Ipôrâ pipo pemboŷké Tûpâ Ñandeyára rembiapoucapŷ icatu jaguâ pembuayé pene ñeêngá reí voínte. Yma voí pe Moises jei vaecue: Embueté nde rúpe ja nde sŷpe. Upeicha avei jei vaecue: Upe omomârâva itúvape terâ isŷpe tomano asŷeté. Peê voi peye: Oime ramo cuimbae jeíva itúvape ja isŷpe: Oimeraêva mbae reyŷké co vaerâ chejegui upéva Corban (tûpâmbae che remicuameê Tûpâ Ñandeyárape). Upeicharamo peê pepoí ichugui cuera anive jaguâ oyapo mbaeveté itúva terâ isŷ rejejápe. Ja upeicha peê peyapo mbaeve ramo Tûpâ Ñandeyára ñeê co pene ñeêngá reí reje co pene remimboe anga peve. Jetambae coaichaguáva voí peê peyapo tapiá. Uperire Jae ojenoî yeby umi oñembyatŷ vaecue Jendápe, ja jei ichupecuera: Pe Che rendúkena opavavé peê ja peicuaá. Ndipóri mbaeve cuimbae ocá rejegua oiké vaerâ jete pypé omonguŷá vaerâ ichupe, umi osêva cuimbaé gui, umia catu omonguŷá vaerâ cuimbaépe. Upegui oyeí Jae umi jetavé apytégui, ja oiké ogape, ja upemaramo jemimboe cuera oporandú Ichupe ¿Mbaépa jeise pe jeí vaecue guaujápe? Upei catu Jae jei ichupecuera: ¿Peêcuerapa upeicha avei umi imbaecuaaŷva rejegua? ¿Nda pejechacuaáipa? opaichagua mbae ocá rejeguáva oikéva cuimbae reté pypé ndicatuijá omonguŷá Ichupe. Upéva voí ndoikei ipyapŷpe, jyguépente oiké ja oyeitŷ yeby ñanáme. Ipôtímba vaerâ, upeicharamo, ñane rembiú rejegua. Ja Jae jei yeby: Pe osêva cuimbae pyapŷ gui, upéva catu pe omonguŷáva cuimbaepe. Ipyapy gui voí pe cuimbae pyapŷ gui osê umi jiâva ichupe cuera jeco vaírâ, teco tieŷrâ, teco mondárâ, teco poroyucárâ, teco ombuairâ mendaré, teco poropyjŷrâ, teco ñañárâ, teco porombotabŷrâ, teco yuru kŷájárâ, teco payé resájarâ, pe tacateŷ jecoŷme, pe teco mombeú vaí, pe teco jaecuerantesévarâ, ja pe teco byró reírâ, opa umi ivaíva osê ipyapŷ gui ja omonguŷá pe cuimbaepe. Upemaramo opuâ ja oyei upegui ja ojo Tiro ja Sidon cotŷvo, ja oiké peteî ogape ja ndoipotai avavé oicuaa. Upeicharamo yepe ndicatui oñemi. Oime voí upepe peteî cuña ojendú vove jêrâcuâ ou Jendápe, imemby cuña jasŷva mbaepochy tieŷ gui, ja oñesû Ichupe, cuña Griega jae Siro Fenecia cotŷgua. Ja jae oyerure Ichupe oity jaguâ pe mbaepochy tieŷ imemby gui. Ja Jae jei ichupe: Tové tojyvâtâ raê umi taŷra cuera. Naipôrâi yaipyjy umi taŷra cuera rembiurâ ja yaity umi yaguaípe. Upei catu jae oñeê ja jei Ichupe: Upeicha, carai! Upeicharamo yepe, umi yaguai yepe oiva carujá guype jou umi taŷra cuera rembiu cuí cué gui. Upei catu Jae jei ichupe: Co nde eréva reje terejónte. Osêma catu nememby gui pe mbaepochy. Upegui ojo jae jogape ja oyuju imembype oñenó jupápe ja osêma raé ichugui pe mbaepochy. Upegui osê yeby pe Tiro retâ gui ja ou Sidon rupi pe ŷguasu Galilea peve ojasávo pe Decapolis retâ mbytépe. Upepe oguerú Ichupe peteî iyapysaŷva iñeêpaâva avei, ja oyeruré Ichupe opocó jaguâ jese. Upei catu Jae omojaeño ichupe umi iyatŷva apytegui ja omoîngue icuâ iyapysápe, ja oindybú ja pe jendŷcué gui omyakŷ icû, ja omaê yvága reje ja iñajô ja jei ichupe: Ephphatha (toyepeánte yae mo ñande). Ja upevove oyeapysápeá ja oyerá icû yocó jague, ja jae oñeê pôrâ. Ja Jae jei ichupecuera: Ani omombeu avavépe. Opaichavévonte jae oyerurévé ramo yepe ichupecuera upepe omojerâcuâ guasuvé meme. Ja umi ambuecue cuera ojecharâmô ja tuvichaite oguerojory, ja jei: Opambae catu oyapo pôrâite, omojendú yepe umi iyapysaŷvape, ja omoñeê umi iñeêngûvape. Uperamo jeta oime yeby umi oñembyatŷ vaecue, ja ndo guerecoi járeje jou vaerâ Jae ojenoî jemimboe cuerape ja jei ichupecuera: Aiporiajuvereco eterei umi iyatŷvape jicuai, oyapóma mbojapŷ ára oija Chendive jicuai ja ndo guerecoi jou vaerâ. Ja sapya amondo ramo ichupecuera ocaruŷreje jogape cuera icatu ipya mano tapépe. Oime avei jaecuérava ou vaecue mombyry gui. Upei catu oñeê jemimboe cuera ja jei: ¿Mamópa oimene mbuyape ñamojyvâtâ jaguâ coâvape co ñu reípe? Ja Jae oporandu ichupecuera: ¿Mboby mbuyapepa pereco? Ja jei Ichupe: Oime siete. Upei catu jeiuca umi jetávape oguapŷ jaguâ pe capiipépe, ja Jae oipyjy umi siete mbuyape ja ojovasá ichupecuera ja upei catu oipejaâ ja omeê jemimboe cuerape oicuameê jaguâ umi jicuaivape. Ja upeicha omeê ichupecuera. Oime avei mbobymi pirai, ja Jae ojovasá avei ichupecuera ja jei oicuameê jaguâ avei umia. Ja joupá jaecuera ja jyvâtâmba, ja ojupi umi pejengue jemby vaecue siete ayacá, ja umi jou vaecue retacue ojupity irundy mil. Upei catu Jae omondo ichupecuera, ja upemaramo oyupi mbayrupe jemimboe cuera ndive, ja ojo Dalmanuto cotŷvo. Uperamo osê Jendápe umi fariseo ja oñypyrú ojaâ Ichupe oyerurévo Ichupe omboyecuaa jaguâ mbae jechapyrâ yvaga gui ojaâ reívonte Ichupe. Ja Jae iñajô ipya mbuasŷ gui ja jei ichupecuera: ¿Mbaerejepa cuimbae coangagua oyeruré mbae jechapyrâ? Añete Che jae peême catuetei mbaevéichagua jechapyrâ anichene jaguâ oyejechaucá cuimbae coangaguape. Upei catu oyeí ichugui cuera ja oyupi yeby pe mbayrupe ja ojo mboypŷri. Ja jesarai raé ogueraja jaguâ mbuyape, ja mbaeve ndoguerecoi jendive cuera imbayrúpe, peteî mbuyapémínte. Ja Jae omboe ichupecuera jeívo: Pemaê peyererecóke umi fariseo ja pe Herodes rejegua mbobújá! Ja jaecuera oñomongueta oñondive jei jague Jae upeicha ndo guerecoi járeje mbuyape. Upei catu Jae ojechacuaa vove pe jeiva, jei ichupecuera: ¿Mbaeréjepa peñomonguetá oñondive nda perecoi járeje mbuyape? ¿Nda pejechacuaáipa, ja nda peicuaaipa gueteri? ¿Oime jâtâpa gueteri pende pyá? ¿Pende resá pôrâ ramo yepe, nda pejecháipa, ja pende apysá pôrâ ramo yepe na pejendúipa? ¿ja na pene manduaipa? Che aipejaâ ramo guare umi cinco mbuyape umi cinco mil cuimbae peguârâ, ¿mboby ayacápa jenŷjê ipejengue gui pejupí racaé? Ja jei ichupe: Oime raé doce. Ja aipejaâ ramo guare umi siete umi irundy mil peguârâ, ¿mboby ayacápa jenŷjê ipejengué gui pejupi racaé? Ja jaecuera jei: Siete oime raé. Ja Jae jei ichupecuera: ¿Neírapa gueteri ndapejechacuaai? Uperire ou Jae pe Betsaidape ja upepe oguerú Ichupe peteî ojecha-ŷ-vape ja oyerure Ichupe opoco jaguâ jesé. Upei catu oipyjy ipogui pe jesaŷvape ja ôguenojê ichupe pe tetâí gui ocápe, ja oindybú jesa reje ja omoî ipo jese ja oporandu: ¿Rejechamipa? Ja jae omaê ja jei: Ajecha umi ybypórape, ajecha ichupecuera ybyra râcâicha oguatante jicuai. Upei catu omoî yeby ipo jesa reje ja jae omaê jâtâ ja jesa pysó pôrâma, ja ojecha sâcâ pôrâ opambae. Ja Jae omondo ichupe jogape, ja jei: Ani reike pe tetâíme yepe. Upegui Jesús ja jemimboe cuera oyeí ja ojo umi tetâí Cesarea Filipo peguape. Ja ojo pypé jina tapépe oime Jae oporandu jemimboe cuerape jeivo: ¿Mávapa umi cuimbae jeiva Chejá? Ja jaecuera jei Ichupe: Oime jeiva Juan Bautistajá, ja oime ambuecue jeiva Elias já, ja oime ambuecue jeiva Peteîva umi oñemoñeêvarejegua ymaguaréjá. Ja Jae oporandu ichupecuera: ¿Ja peê vointe mávapa peye Chejá? Upei catu Pedro oñeê ja jei Ichupe: Nde jae Cristo. Ja Jae jei ichupecuera anichene omombeu Ichugui avavepe. Uperamo oñypyrú Jae omboe ichupecuera jeivo tecôtevêjá co Caraí Raŷ ojasa asŷ jeta ja oñemomârâ jaguâ umi caraí ituyáva ja umi paí guasu ja umi escriva iñarandú reíva rupi omano jaguâ ja oicove yeby jaguâ mbojapy arajápe. Upeicha oñeê omombeupávo ichupecuera âmbae. Upévareje Pedro oipyjy Ichupe ja oñypyrú oyaó Ichupe. Upei catu Jae oyere ja ojechávo jemimboe cuerape oyaó Pedrope, jeivo: Eyeí Che rapycuepe, nde Satanás! Nde rejechacuaai Tûpâ Ñandeyára mbae, reicuaa mante jiâva ybypórape. Uperire ojenoî umi jemimboecuerape ja umi oñembyatŷ vaecuépe avei ja jei ichupecuera: Oime ramo ouséva Che rapycuéri Che reje guârâ, tojesarai oyejegui. Tojupí icurusu ja toú Che rapycuéri. Oimeraêva jacateŷva oguecove reje, ocañŷne ichugui, ja oimeraêva omocañŷva oguecove Che rejejápe ja co Evangelio rejejápe omoî jâtâ manerae. ¿Mbaépa ôguenojêne raé peteî cuimbae oyapyjypáma ramo yepe opambae co ybyarigua ja upeichavo ocañy ramo ichugui jianga? ¿Terâpa mboby reje oñemûta peteî cuimbae jianga reje. Oimeraêva otîva Chereje ja Cheñee reje co cuimbae coangagua itieŷva ja angaipavórava renondepe, co Caraí Raŷ avei otîne jese ou ramo Jae pe Tûva tuvicha guasu cue rejeve ja umi yvapegua imarangatuva ndive. Jei Jae avei ichupecuera: Che jae peême catuetei oimejá peteîva peêcuerava peñemboŷva jina coápe nomano vaerâi ojecha peve oñemoingómajá pe teco marangatu Tûpâ Ñandeyára rejegua ituvicha cué, ja ipuacacué rejeve. Uperire pe seis arajápe Jesús oguerajá ondive Pedrope ja Santiagope ja Juanpe, ja oguerajá ichupecuera jaeñojápe cuera peteî itáatŷra yvaté ári, ja upepe jesápe cuera voí Jae oñemo ambue, iyao avei oñemo môrôtî, ja overápá ndicatujaichai omomôrôtî avave aoyojeijára co ybyarigua. Ja oyejechauca ichupecuera Elias pe Moises ndive. Ja umiva oñemonguetá Jesús ndive. Upeyave sapyaite oñeê Pedro ja jei Jesúspe: Ore Yára ipôrâ ore roime coápe. To royapó mbojapŷ tapyi peteî Ndeve guârâ, ja ambue Moises peguârâ ja ambue Elias peguârâ. Ndoicuaai voí jei vaerâ oñemondyi eterei gui. Upei catu ogueyŷ peteî araí ja omoâmba ichupecuera ja oñejendú peteî oñeêva pe arai apytegui jeiva: Cóva Che Raŷ ajaŷjúetéva. Pejendu Ichupe. Ja sapyaite jaecuera omaê oparupi iyerecuévo ja ndojechavéi avavépe jendive cuera, Jesúspe añó mante. Upegui ogueyŷ yave pe itáatŷraári gui, Jae okîrîrîucá ichupecuera anichene jaguâ omombeu avavépe pe ojecha vaecue, oicove yeby peve pe Caraí Raŷ umi omano vaecue paûgui. Upévareje oñongatú co iñeêngué ñemijápe ipyapŷpe, ja sapya pya oñoporandú oyoupe cuera mbaépane raé upéva pe jei vaecue oicove yeby jaguâ umi omano vaecue paûgui. Jaecuera oporandu Ichupe avei mbaépa co jeiva umi escriva tecôtevêjá ou raê Elias? Ja Jae jei: Añete jápe ou raê vaerâ vaecue Elias omyatyrômba jaguâ opambae, ja upeicha avei ¿ndoyeeipa Santa Escriturape co Caraí Raŷ reje ojasa asŷ jeta vaerâjá ja oñeroŷrômbaite vaerâjá? Opaichavévonte Che jae peême ouma jague Elias ja oyapóma jague jese opambae jiâ jagueicha ichupecuera, oyée jagueicha voí ichugui pe Santa Escriturape. Upei catu ôguajêmbotáma ramo jemimboecuera ambuecuera rendape ojecha jeta oiméjá iyatŷva jicuai iyerecuévo cuera ja oiméjá escriva iñarandú reíva oñejaâva jendive cuera. Ja upevove ojechama ramo Ichupe, umi iyatŷva jicuai ojecharâmô ja oñemondyi. Upeicharamo yepe oñani Jendápe ja oguerojorŷ Ichupe. Upei catu Jae oporandú ichupecuera: ¿Mbaépa peñejaâ jendive cuera? Upei catu peteîva umi iyatŷva jicuai jei Ichupe: Ore poro mboejára, aru Ndeve co che raŷpe jasŷva mbaepochy iñeêngûva gui, ja mamo oipyjyjápe ichupe oity ichupe ybŷpe, ja iyuru jŷyúi, ja jaîñeê ja iyŷpí oicovo. Ja ayerure curi ne remimboe cuerape oity jaguâ pe mbae vaí ja nda ipuacái jese. Upei catu Jae jei Ichupecuera: Peê catu umi ogueroviaŷva rejeguáva. ¿Aracaépevepa aime vaerâ penendive? ¿Aracaépevépa po rokîrîrîta peême? Perúnte ichupe Cheve coápe. Ja upeicha oguerú ichupe Jendápe. Ja pe mbaepochy ojechama ramo Ichupe, sapyaite oipocápá pe jasŷvape ja jae joa ybype ja oyapayerei ja iyuru jŷyúi. Upei catu Jae oporandú itúvape: ¿Aracaé guivépa oico upeicha? Ja jae jei: Imitâmi guive voi, ja jeta yeby oity ichupe tatape ja ŷpe upeicha avei, oyucá jaguâicha ichupe. Anga catu, icatú ramo, ore poriajuverecomi oreve ja ore pytyvô. Upei catu Jesús jei ichupe: ¿Mbaeicha nipo icatú ramo? Opambae icatúva pe ogueroviávape. Upevove osapucai pe mitâ rú ja jei: Che aroviaité catú. Che pytyvôkena che yeroviaŷjá reje yepe. Upei catu Jesús ojecha ramo iyatŷjá yoa jicuai Jendápe, oyao pe mbaepochŷpe ja jei ichupe: Nde mbaepochy ne ñeêngûva ja nde apysaŷva, Che catu Jae ndeve: Esênte ichugui ja anive reiké ipypé. Upei catu osapucai jâtâ ja omochâimbáma ramo ichupe osê ichugui. Ja jae opyta omanovaicha, ja upeicha pypé jeta oime jeiva omanoma jague. Upei catu Jesús oipyjy ipógui ja omyâtâ ichupe ja jae oñemboŷ. Uperire oikéma ramo Jae ogape, jemimboe cuera oporandu Ichupe jaeñojápe: ¿Mbaeguípa ndicatui raé ore roitŷ ichupe? Ja Jae jei ichupecuera: Coaichagua mbaepochy ndicatui oyeity, ñane ñemboe pypénte. Ja upegui oyeí ja oguata Galilea rupi ja ndoipotai avavé oicuaa ojasajá jina. Oime voi omboe oicovo jemimboe cuerape, ja jei ichupe cuera: Co Caraí Raŷ oñemeê vaerâ ybypóra pópe ja oyucá vaerâ Ichupe ja omano jague mbojapy arajápe oicove yeby vaerâ. Jaecuera voínte ndojechacuaai mbaépa co jeiva ja okyjŷyé oporandu jaguâ Ichupe. Upegui ou Capernaumme, ja oime rire ogape Jae oporandu ichupecuera: ¿Mbaépa peyuaby oñopaûme tapépe? Ja jaecuera okîrîrî: oyuabŷ nipo raé oñopaûme tapépe yajecha mávapa pe tuvichavéva? Upei catu Jae oguapy ja ojenôi umi docevepe ja jei ichupecuera: Oime ramo oñemoingóséva pe tenondevéva toñemoî opava rapycuépe ja opa umi ambuecue rembiyocuairâ. Upei catu Jae oipyjy peteî mitâme, ja omoî ichupe iyapytépe cuera ja ojupima ramo ichupe iyŷva ári jei ichupecuera: Oime ramo oguerojorŷva peteî mitâ coaichaguápe Che rérape Cheve avei Che rerojorŷ, ja pe Che rerojorŷva Cheve nda Che rerojorŷi Cheve añói oguerojorŷ avei pe Che mboújarépe. Uperire Juan jei Ichupe: Ore poromboejára oime rojecha vaecue oity vaecue jina mbaepochŷ Nde rérape, ja ore royoco ichupe na ñande reŷi rejeguai járeje. Upei catu Jesús jei: Ani peyoco ichupe. Ndipóri voí oyapóva mbaeguasu Che rérape icatu vaerâ upeyavevé Che momârâ iñeême. Upe oñemoîŷva ñande reje, upéva iyaé ñande reje. Ja oimeraêva omeêva peême ŷmi peŷú jaguâ Che rerape peê Cristo rejegua járeje, Che jae peême catuetei ndoyabyi jaguâ pe jembiapocue repŷ. Ja oimeraêva ombo jecovaíva peteîva umi mîchîva oyeroviáva Cherejepe ipórâve moa oñeñapytî ramo iyayúri peteî itá tuvicha ja oñemombo ŷguasupe. Ja ne mbo jecovaí ramo ndeve ndepo voí, eikytînte; ipôrâve jávareje reiké pe teco marangatúpe nde po ŷ reje aniterei rejó añaretâme ndepo iyovaive rejeve pe aña ratá oguévé ŷ jaguâme. Upeicha avei ne mbo jecovaí ramo ndeve ndepy eikytînte, ipôrâve jáva reje reiké pe teco marangatúpe nde carêva aniterei reyeity añaretâme nde iyovaive rejeve. Je ne mbo jecovaí ramo ndeve nde resá enojênte. Ipôrâve mo reiké pe Tûpâ Ñandeyára reco marangatúpe nde resá peteî rejeve aniterei reyeity jaguâ añaretâme nde resá iyovaive rejeve, pe iyŷsó omano ŷ jaguâme, ja ogueve ŷ jaguâme pe tatá. Upeicha voi opavavé oñemojeê vaerâ tatape. Ipôrâ pe yukŷ. Upeicharamo yepe oyeí ramo ichugui jeêngué, mbaepépa oñemojeê yeby vaerâ. Ta pende yuky pendeyejegui voínte ja peyoguerojorŷ oñondive. Upei catu Jae opuâ ja oyeí upegui ja ou Judea cotŷvo pe ŷ Jordan mboypŷri ja upepe iyaty Jendápe tapiaguaicha umi oñembyatŷva, ja oyepocuaa jaicha Jae omboe yeby ichupecuera. Uperamo ôguajê Jendápe fariseo cuera ja ojaâmbotávo Ichupe oporandu Ichupé: ¿Ipôrâpa peteî omendávape ojeyavo jembirecópe? Ja Jae oñeê ichupecuera jeivo: ¿Mbaépa pe Moises rembiapoucapŷ peême? Ja jei jaecuera: Moisés jei icatújá oyapoucá cuatia oyepea jaguâ oyuejegui icatu jaguâ oyojeyá. Upei catu Jesús jei ichupecuera: Pende pya jâtâ járejente omoî cuatiápe peême co tembiapoucapŷ. Upeicharamo yepe pe iñypyrúmbŷpe opambae, Tûpâ Ñandeyára oyapo vaecue ichupecuera cuimbae ja cuña. Upeareje pe cuimbae ojeya vaerâ itúva ja isŷpe oyejeá jaguâ oguembirecó reje, ja upeicha umi mocoî vaecue oñemoingó vaerâ peteî ramonte. Upeicharamo na mocoîvemái jaecuera, peteîntema. Upeicharamo pe Tûpâ Ñandeyára omboyuayú vaecue anive terei ombo yuaby oyuejegui cuimbae cuera. Uperire oikema ramo ogape, jemimboe cuera oporandu yeby Ichupe upe mbae reje avei. Ja Jae jei ichupecuera: Oimeraêva ojeyá vaecue oguembirecópe, omenda yeby ramo cuña ambué reje ombuaiucá ichupe mendaré, ja pe cuña ojeyá reí ramo iménape omenda jaguâ cuimbae ambué reje, jae avei ombuiucá ichupe mendaré. Uperire oguerú Ichupe mitâmimi opoco jaguâ jesecuera. Ja umi jemimboe cuera oyaó ichupecuera. Upei catu Jesús ojecha pype upea, ipochy ja jei ichupecuera: Tové pejeyante toú Che rendape umi mitâmi: anikena peyoco ichupecuera. Coaichagua voí umi Tûpâ Ñandeyára reco marangatu rejegua. Che jae peême catuetei oimeraêva oguerojorŷŷva, Tûpâ Ñandeyára reco marangatu peteî mitâicha, mbaeveicharamo ndoikeichéne pypé. Upei catu Jae ojupi ichupecuera iyŷva ári ja ojovasá peteî teîme ichupecuera omoîvo ipo jese cuera. Upegui osê yebŷvo ojo jaguâ tapepe, sapyaite oñani oúvo peteî cuimbae oñesû Ichupe ja oporandú Ichupe: Ore poromboejára marangatú ¿mbaé mbaépa ayapo vaerâ icatu jaguâ ajupitŷ pe tecové apyraŷva? Ja Jesús jei ichupe: ¿Mbaeréjépa ere Che marangatújá? Ndipóri marangatúva jaetéva, peteî añonte, upéva catu Tûpâ Ñandeyára. Nde reicuaa umi Tûpâ Ñandeyára rembiapoucapy: Ani reporoyuca: Ani rembuai mendare, Ani rembaeabykŷ, Ani remboyá rei nde rapicha reje, Ani reporo mbotaby, Embueté nde rú ja nde sŷ pe. Ja jae jeí Ichupe: Ore poro mboejára, umimbae ambuayepá vaecue che pyajú guivé voí. Upei catu Jesús omaê jesé ja ojayjú gui ichupe oguerojorŷ jeivo: Peteî mbaénte oime reicôtevêva. Terejónte, eñemû opa mbae rerecóva reje, ja emeê jepycué umi mboriajú cuerape, ja upeicharamo rereco vaerâ nembaeteérâ iñongatupŷrâ yvagape, ja eyo Che rapycuéri Che reŷí rejeguarâ. Ja ipyambyasŷ eterei jae jei jague reje Jae ichupe upeicha, ja ojo iñangau: jetambae rerecojá reje co caraí guasú. Upei catu Jesús omaê pypé iyerecuévo jei jemimboe cuerape: Jasŷpe oikéne umi mbaererecojá Tûpâ Ñandeyára reco marangatújápe. Ja jemimboe cuera ojecharâmô co iñeêngué jei vaecue reje Jae. Upévareje Jesús jei yeby ichupecuera: Che raŷ cuera; mbae jypyú co yaiké jaguâ Tûpâ Ñandeyára reco marangatujápe. Ojasa voívé peteî camello pe okê ipychiî rupi (pe jérava Yu resá) oiké jaguâ gui pe teco marangatu Tûpâ Ñandeyára rejeguape peteî mbaererecojá. Upei catu ojecharâmô tuvichaité jaecuera ja jei oyoupe: ¿Upeicharamo avápa icatune ojupitŷ co teco mârâ ŷ jaguâ me? Upei catu Jesús omaê jesecuera ja jeí ichupecuera: Añeté catu mbae icatuŷva umi ybypórape upéva. Tûpâ Ñandeyárape ndaupéichái. Opambae voí icatu Tûpâ Ñandeyára. Upei catu Pedro oñypyrú jei: Coina ape ore rojeyapá opambae, ja royú Nde rapycuéri. Ja Jesús jei ichupe: Añeté co Che jaéva peême. Ndipóri ojeya vaecue joga cuera, tybyra cuerape, tera teindŷra cuerape terâ isype, terâ itúvape terâ tayra cuerape terâ iñû cuera Che rejejápe ja co Evangelio rejejápe, omboyuapy ŷ vaerâ oyoari ichupe cien yeby, co ybyari voí oicové yavé, oga cuera, ja tybyra cuera ja teindŷra cuera, ja isŷ cuera ja taŷra cuera, ja iñû cuera, upeyavévé voí oimene ombojasa asy vaerâ ichupe, ja coágui rire pe tetâ yvapegua yaja jaguâme ojupityne pe tecové apyraŷva. Opaichavévonte oimene jeta tenondegua opytá vaerâ tapycuepe, ja oimene tapycuegua oñemoî vaerâ tenondepe. Ja oguata oicovo jaecuera pe tapepe ojo jaguâ Jerusalempe. Jesús voí ojo jaeñó jenondepe cuera. Jaecuera voi ojecharâmô oicovo, ja oime yepe umi ojova japycueri okyjŷyéva jicuai. Upei catu Jae ojenôi yeby Jendápe umi docepe, ja oñypyrú jei ichupecuera pe oyeju voí vaerâ reje Ichupe: Coina ape, jei, yaja ñaina Jerusalempe ja co Caraí Raŷ oñemeêne umi pai ruvicha ja umi escriva iñarandu reiva po guŷpe, ja omoî vaíne Ichupe, oyuca jaguâicha Ichupe, ja jaecuera omeêne Ichupe umi pytagua po guŷpe, ja umia oyaóne Ichupe ja oindybúne Jesé, ja oinûpâne Ichupe ja oyucáne Ichupe, upei catu Jae oicove yebyne pe mbojapy arajápe. Uperamo oñemboya Jendápe Santiago ja Juan, pe Zebedeo raŷ cuera, ja jei Ichupe: Nde, ore poromboejára, roipota nde reyapo oreve mbae royeruré jaichaguánte voí. Ja Jae jei ichupecuera: ¿Mbae mbaépa peipota ayapo peême? Ja jei Ichupe: Emeêmo oréve, to roguapy peteî Nde acatua coty ja ambue Nde asu coty upe Nde reco yeguaite jaguâme. Ja Jesús jei ichupecuera: Peê nda peicuaai co peyeruréva. ¿Icatúpane peê peŷú pe mbayru Che jaŷú jaguâ gui terâpa icatune peñe mongaraí co Che añemongarai jaguâme? Ja jaecuera jei: Ore icatune. Ja Jesús jei ichupecuera: Añete co mbayrú Che jaŷújarâ gui voí peê avei peŷúne, ja pe Che añemongarai jaguâme voí peê peñe mongaraíne avei. Opaichavévonte peguapŷ jaguâ Che acatua coty terâ Che asu coty nda iyái Cheve ameê jaguâ peême, umi oñemboescoíjarâme voí oñemeê vaerá. Ja umi diez ambue ojenduma ramo upea, oñypyrú ipochy Santiago ja Juanpe. Upei catu Jesús ojenôi ichupecuera ja jei: Peê peicuaa voí umi oyejechacuaáva mburuvicha guasu ramo umi ybypóra cuera apytepe oñembo caraí guasú jiari cuera, ja umi tuvichavéva iyapytepe cuera oñemo mbaeguasu oguerecovo ichupecuera ipo guŷpe cuera. Upeicharamo yepe nda upeicha vaerâi pene paûme cuera voí. Upe oñemo mbaeguasuva pene paûme, toico pene rembiyocuai ramo, ja oimeraêva peêcuerava oicoseva tenonderâ penepaûme toico upeva opavave rembiguai. Co Caraí Raŷ voí ndoui catu oyocuai jagua avavépe, Jae ou voí oyeyocuaiucá jagua umi ambuecue cuerape ja omeê jaguâ oguecove jeta ybypóra repyrâ. Uperire ôguajê Jericope, ja osê yeby pypé Jerico gui jemimboe cuera ndive ja jeta iyaty vaecue Jesé, sapya oî pe Bartimeo, Timeo raŷ pe jesápysóŷva oguapy vaecue jina pe tape yképe oyerurévo tûpâmbae reje. Ja ojendúma ramo jaejá Jesús Nazareno, oñypyrú osapucai jeivo: Nde, Jesús, David Ray, che poriajúverecomí chéve! Ja jeta oyaó ramo yepe ichupe okîrîrî jaguâ jâtâvente osapucai jae: Nde, David Ray, che poriajúverecomí cheve! Upei catu Jesús opytá ja jei: Pejenôinte ichupe! Ja ojenôi pe jesápysóŷvape, ja jei ichupe: Nde pyá guasúnte! Epuâ catu! ne renôi jina. Upei catu jae omombo pe oñañuâ jague jina, ja opuâ oñemboŷ ja ou Jesús rendape. Ja oñeê Jesús ja jei ichupe: ¿Mbae pico reipota ayapo ndeve? Je pe jesaŷva jei ichupe: Nde, ore poro mboejára, toyeby cheve che resápysó! Ja Jesús jei ichupe: Terejónte! Co nde reyerovia já reje reñemyatyrômbáma. Ja upevove jesápysó pôrâ yebyma, ja ojo japycueri pe tapépe. Uperire jiâgui oyeóivo Jerusalemgui ja ôguajêma ramo Betfage ja Betaníape pe itáatŷra Olivas ypŷpé Jae omondo tenonde mocoî jemimboe cuéravape, jeivo ichupecuera: Tapejó pe tenda oiva coa rovai ja peiké vove upepe, peyujúne peteî mburicá raŷ oñeñapŷtîva ndo yupiri jague avave gueteri. Peyoránte ichupe ja peru ape; ja sapya oime ramo oporandúva: ¿Maerâpa peyapo upeicha? peyente ichupe: Oime Ñandeyára oicôtevê jese, ja upevove oguerúrucáne ichupe ape. Upeicha ojo jaecuera ja oyuju pe mburicá raŷ oñeñapytîva pe tetâ rokê ypype ocape tape râcâmbŷpe. Ja oyorá ramo jina ichupe, peteiva umi oñemboŷva jicuai upepe jei ichupecuera: ¿Maerápa peyorá pe mburicá raŷ? Ja jaecuera jei ichupecuera, jeiuca jagueichante Jesús. Ja upei catu ndoyocovei ichupecuera. Ja oguerú pe mburicá raŷ Jesúspe ja omoî iyao cuera jiari, ja Jesús oyupi jiari. Ja oime jeta avei omuâsâiva jicuai iyao cuera pe tape reje, ja oime ambue cuera omuâsâiva jicuai ybyra râcâ joguéva oikytî vaecue umi ñû gui, ja umi ojóva jina tenondepe ja umi ouva jina japycuépe osapucai: Hosanna! Ñambueténa Ichupe! Imombeucatupyrâ pe oúva Ñandeyára rérape! Imombeu catupyrâ pe ñande ru ypycue David reco marangatu oicótava jina. Hosanna yvatevejápe yvágape! Ja upeicha ôguajê Jerusalempe ja Jae oike pe tûpâope ja omaêma ramo iyerecuevo opambae reje caaruetéma gui osê yeby ja ojo Betaniape umi doce jemimboe cuera ndive. Ja pe ára ambuepe osêvo Betania gui Jae iñembyajŷi, ja ojecha mombyry guive yepe peteî higo râcâ jogue pyaju jobŷva ja ojo oijape, yajecha ndoyujuipa jiácué. Ja ôguajê ramo oijape ndoyujui mbaeve jogue pyaju mante: nôguajêi voí jiá jaguâ gueteri. Upeicharamo Jae jei ichupe: Máramové ani oico ndereje mbaeveichagua yvá jou vaerâ avave. Ja jemimboe cuera ojendu co jeiva. Upeguirire ôguajê Jerusalempe ja Jae oike petûpâope ja oñypyrú omosê opava umi oñemûvape jina pe tûpâo ryepype, ja omboŷké ichugui cuera iñemûja ja omboŷképa umi oguapŷjá umi oñemûva pycasuro reje, ja oyoco ichupecuera ani jaguâ avave oguerajá mbaeveichagua mbayru pe tûpâo ryepy rupi. Ja Jae omboe ichupecuera, jeivo: ¿Ndo yeéipa pe Santa Escriturape: Co Che roga oñembo jéra vaerâ oga ñañemboejá opavave ybypóra peguârâ? Peê voí peyapo ichupe mondajá cuára ramo. Uperamo umi pai ruvicha ja escriva iñarandu reivacuera ojendu iñeê, ja upegui ojecá iya jaguâ ichupecuera oyuca jaguâ Ichupe okyjŷyé járeje Ichugui ja ojecharâmô yoa járeje opa umi ambuecuecuera pe jemimboecue reje. Ja caarúetéma ramo yepi Jae osê pe tetâ gui. Ja ojasávo pyjarevé ojecha pe higo râcâ ipirupáma jague japó guive yepe. Ja Pedro imanduá ja jei: Nde, ore poro mboejára maêké pe higo râcâ, reñeê pochŷ jague, ipirupáma. Upei catu Jesús jei ichupecuera: Peyeroviánte Tûpâ Ñandeyára reje. Añeté Che jae peême, oime ramo jei vaecue co itáatŷrape: Eyeí upegui ja eñemombó ŷguasupe, ja oyeroviaité ramo ipyaité guive okyjŷyé ŷ reje oico vaerâjá pe jae jei vaecue, oyeyapone jecópe catuetei. Upeareje Che jae peême opambae peñemboe jague ja peyerure jague peroviá ramo pejupitŷmajá oñemeêne peême. Upeicha avei peñemboe ramo peñemboŷjápe peñembojesarai oime ramo pemboya vaerâ pende rapichá reje, icatu jaguâ pe pende Ru oiva yvape oñembo jesarai avei pe pemoñemyrô avei Ichupe. Ja peêcuera peñembo jesarai ŷ ramo, upeicha avei pende Ru yvape oiva noñembo jesarai chene pemoñemyrô jague Ichupe. Uperire oyeby yeby Jerusalempe, ja oguata oicovo pe tûpâo ryepy rupi, ja ou Jendápe umi pai ruvicha ja umi escriva iñarandú reíva cuera, ja umi caraí ituyáva, ja jei Ichupe: ¿Mbaéichapa rereco Nde pope reyapo jaguâ âmbae? ¿terâpa avá omeê ndeve nde pope reyapo jaguâ âmbae? Upei catu Jesús jei ichupecuera: Taporandú peême peteî mbae. Peyénte Cheve, ja, upeicharamo, Che amombeúne peême mbaéichapa arecó Che pope ayapo jaguâ âmbae. ¿Pe Juan omongaraí jague yvagapegua rejeguápa terâpa ybypóra rejeguacuera? Peyémí Cheve. Ja jaecuera oñomongueta oñondive jeivo: Sapya yae ramo yvagapegua rejeguajagué, Jae jeine ¿Mbaeguípa, upeicharamo, nda peroviai raé ichupe? ¿ja sapya ñande yaé ramo ybypóra cuera rejeguajague, yakyjŷyé umi japicha cueragui, opavavé jei jague reje Juan oñemoñeêjara rejegua jague añete. Upévareje jeí Jesúspe: Ore ndo roicuaai. Upei catu Jesús jei ichupecuera: Upeicha avei Che ndae moai mbaeicharupípa areco Che pópe ayapo jaguâ âmbae. Uperire Jae oñypyrú oñeê ichupecuera mbaeraângá ñeê rupi: Oime vaecue peteî carai oñotŷ vaecue guaú peteî parraltŷ, ja omongorá ja oyoó jiacue oñami jaguâ ja omopuâ omaña jaguâ yvaté ja oiporuruca imbaapojarâme cuera, ja upei jaeae oyeí tetâ ambuepe. Ja jiayúma ramo guaú pe parralá ombou peteî jembiyocuáipe umi ombaapóva rendape oyerure jaguâ pe parralácué gui pe iya vaerâ ichupe voí. Ja jaecuera oipyjy ichupe guaú ja oinûpâ ichupe, ja omondo yeby nandí. Ja uperire ombou yeby Jendápe cuera tembiyocuaipe ambue ja oñâcâyocá ichupe, ja omomârâ vaí ichupe, ja uperire guaú ombou ambuépe, ja upévape oyuca ja ambuecue jetape ombou ja oime oicutu vaecue ja oime ambuecue oyucá vaecue. Ja oime guau oguereco peteîme gueteri ombou vaerâ, pe tayra ojayjuetéva, upevape guau ipajaité ombou Jendápe cuera jeivo: Icatu oyepoŷjúne che raŷ gui. Opaichavévonte guaú, umi ombaapóva cuera jei oyoupe: Peina upéva pe mbae rerecojá yárarâ, yaja yayuca ichupe, opyta jaguâ ñandeve co imbae rângue. Upei catu guaú oipyjy ichupe ja oyucá ichupe ja omombo jetecue pe parraltŷ gui ocápe. ¿Mbae pipo, upeicharamo, oyapone pe parraltŷ yára? Oune guaú ja oyucáne umi ombaapóvape cuera ja omeêne iparraltŷ ambuecuecuera pópe jecovia cuera ramo. ¿Máramo na pemoñeêi chépane racaé pe cuatia Santa Escritura peguare oyeé jague: Pe itá omombo reí vaecue umi oyogapo vaecue jicuai upeva catu oñemoîne yvate pe oga racuajápe. Ñandeyára porupi oico upéva ja mbae jechapyrâ voí ñande resápe. Ja oipyjyse moa ramo yepe Ichupe okyjŷyé umi ambuecuecuera gui. Ojechacuaa voí Jae jei jague jesecuera pe mbaeraânga ñeême. Upévareje ojeyá Ichupe ja oyeói. Ja upegui ombou Jendápe peteîva umi fariseo cuérava ja umi herodiano cuérava oñapytî potávo Ichupe iñeéme. Upearâ ou Jendápe ja jei Ichupe: Ore poro mboejára, ore roicuaa Ndejá carai umi oñeê jecoitepe rejeguáva, ja reyepoyjú ŷ vajá avave gui, ja Nde voí ne remaêvái ybypóra apé reje, ja añetejápe remboejá jecópe Tûpâ Ñandeyára rapé reje. Upeicharamo erente oreve ñameê vaerâpa Cesarpe pe mbaerepy mburuvicha oyeruréucáva terâpa ajaniri? ¿Ñameê vaerâpa terâpa na ñameê vaerâi? Ja Jae ojechacuaa voí jovamocoijá, ja upeareje jei ichupecuera: ¿Maerâpa pe Che mbuajei Cheve? Perunte Cheve pirá pirémi tajecha. Ja oguerú Ichupe peteî ja Jae jei ichupecuera: ¿Máva raângápa coa? ¿ja mbaépa co oyejaíva jesé? Ja jaecuera jei: Cesar mbae. Ja Jesús jei ichupecuera: Cesar mbae, upeicharamo, pemeênte Cesarpe jecópe, ja pe Tûpâ Ñandeyára mbae pemeê Ñandeyárape. Ja ojecharâmôite Ichupe. Uperire ou Jendápe saduceo cuera: umia catu umi jeiva ndoicoi jaguâ yaicove yeby jaguâ ára umi omano vaecue paûgui. Ja oporandu Ichupe jeivo: Ore poro mboejára, pe Moises omoí vaecue cuatiápe co jembiapoucapŷ ñandéve. Sapya omano ramo peteî cuimbae ja ojeya ityreŷ jembireco ja nda itaŷrai ipypé, pe itybŷra tomendá jembirecocue reje jae imemby jaguâ ichugui, itykeŷra recoviárâ. Oime guaú vaecue siete cuimbae oyuejegua ja pe iyŷpycue omendá cuña reje, ja omano nda itaŷrai. Ja pe itybyra mocoîjá omenda jesé ja omano jae avei ojeya ŷ reje taŷra. Ja pe mbojapyjá upeicha avei, ja umi sietevé nda itaŷrai ipypé. Ja ipajaitépe omano pe cuña avei. Upeicharamo pe yaicove yeby jaguâ árape ¿máva ichuguicuera rembirecópane pe cuña? Umi sietevé voí omendama racaé jesé. Upei catu Jesús jei ichupecuera: ¿Nda jaéipa coa reje peê peyabŷjá nda peicuaai járeje Santa Escritura ja nda peicuaai járeje Tûpâ Ñandeyára ipuacacué. Upepe voí oicové yeby ramo umi omano vaecue paûgui, umi ybypóra nomendaichene, ja noñemendai chene. Oicone oico jaichante umi yvapegua oiva yvagape. Ja umi omano vaecue oicove yeby vaerâ gui ¿nda pemoñeêipa racaé pe Moises cuatia pe yuapecápe oyeju vaecue gui oñeê ramo guaré ichupe Tûpâ Ñandeyára jeivo: Che jae Abraam Tûpâ Ñandeyára, ja Che Isaac Tûpâ Ñandeyára, ja Che Jacob Tûpâ Ñandeyára. Jae nda jaei umi omano vaecue Tûpâ Ñandeyára, umi oicovéva jina Tûpâ Ñandeyára Jae. Tuvicha voí peyabŷ peê. Uperamo oñemboyá peteî umi escriva iñarandu reí cuérava ojendu vaecue oyoabŷ ramo jicuai, ja oicuaa vaecue Jae ombojovai jague catuetei ichupecuera, ja oporandú Ichupe: ¿Máva umi Tûpâ Ñandeyára rembiapoucapŷ guípa pe tuvichavéva? Ja Jesús jei ichupe: Pe Tûpâ Ñandeyára rembiapoucapŷ tuvichavéva cóva catu: Pejendu catu peê Israel cuérava, Ñandeyara pe Tûpâ Ñandeyára jae Tûpâ Ñandeyára peteî añónte, ja rejayjú vaerâ Tûpâ Ñandeyárape nde pyaité guive ja ne anga guive ja ne aranducué rejeve, ja ne mbaraeté rejeve. Ja cóva catu pe mocoíjá: Rejayjú vaerâ nde rapichape nde reyejayjú jaicha avei. Uperire ndipóri Tûpâ Ñandeyára ñeê ambue tuvichavéva cova gui. Upei catu pe iñarandúva jei Ichupe: Ipôrâite, ore poro mboejara, nde ere jecópe, Jae peteîntejá ja ndipórijá ambue Jaeriregua, ja yajayjú ramo Ichupe ñande pyaité guive ja ñane mbaecuaa rejeve ja ñane mbaretecue rejeve, ja yajayjú ramo ñande rapichape yayejayjú jaicha avei: umia catu ipôrâve opa umi ñane rymbá yayucáva ja yajesŷva ñane cuameêmbyrâ Ñandeyárape gui. Upei catu Jesús ojechacuaa ramo jae oñeê pôrâ jagué jecoitépe jiarandú cue gui voí, jei ichupe: Ne reimei mombyry pe Tûpâ Ñandeyára reco marangatu gui. Ja uperire ndiporivéima oporanduséva Ichupe mbaeve reje, oyepoŷjúnte Ichugui. Uperire sapya omboe pype Jesús pe tûpâope, Jae oporandú: ¿Mbaeichapa jei umi escriva iñarandú reíva cuera pe Cristo David Ray vaerâjá? Oime pe David voínte jei vaecue Espiritu Santo rupi: Ñandeyára jei che Yárape: Eguapy catu Che acatua coty amoîmbá meve umi ne ñamotareŷvape Nde pŷ guŷpe. Upeicha David voínte jei Jae iyárajá. ¿Mbaéichapa, upeicharamo, icatúne itaŷra avei? Uperamo oime umi mboriaju cuera obyá etereíva ojendú pypé Ichupe. Uperire Jae jei imboejápe: Peyererecóke umi escriva iñarandú reíva cuera gui, umi oicoséva oparupi iyao pucu rejeve ja obyáva oñetûpânôi ramo tapé rupi, ja oipyjyséva umi tenda guapŷ jaguâ ipôrâvéva tûpâope, ja umi tenda ipôrâveva caruguasu jápe; umíva voí joúpá rei jicuai umi cuña iména omano vaecue róga oñemboé pucu pucu jaguâ rejejápe ramo vaicha. Umichagua tecovépe oimene oyeyopŷ pojyieté jaguâ ára. Uperamo Jae oguapy jina pe tûpâmbae ryrú renondepe, ja omaé jina umi oúva jicuai omoi ramo mbaerepy pe tûpâmbae ryrúpe, ja jeta oime umi mbaererecojá omoîva jeta. Upeyave ou avei peteî cuña iporiaju ja ityreŷ omoîva mocoî pirá pirémi omboyoyáva peteî realpe. Upei catu jae omaêucá jemimboe cuerape ja jei ichupecuera: Añeté Che jae peême co cuña mboriaju ityreŷ omoî jetavéjá umi ambuecue omoî vaecue gui pe tûpâmbae ryrúpe. Umi ambuecuera catu omoî jicuai pe jembŷva gui ichupecuera. Cóva catu opa iporiaju rejeve omoîmba pe oguerecómíva jembiumi repyrâ rângue yepe. Upegui osê ramo Jae pe tûpâo gui peteîva jemimboe cuérava jei Ichupe: Nde, ore poro mboejára, emaêke mbaeichagua tuvicha umi itá ja umi oga guasu! Ja Jesús jei ichupe: ¿Pejechápa umi oga cacuaá? Ndo pytáichene coápe oyoari umi itá oyeity ŷ vaerâ. Uperire oguapy jina pe itáatŷra Olivas ári pe tûpâo rovai, ja oporandú Ichupe jaeñojápe Pedro ja Santiago ja Juan ja Andres jeivo: Eréna oreve aracaépa oicone co âmbae ja ¿mbaé mbae jechapyrâ rupipa oyecuaane oicota jaguâ âmbae? Ja Jesús oñypyrú jei ichupecuera: Peyerereco ani jaguâ avave pene mombiá. Jeta oimene ou vaerâ Che rérape jeivo: Che jae, ja omombiáne jetávape. Ja uperamo pejendu ramo oicojá ñoraŷrô guasu ja pejendu ramo jêrâcuâ oicótaja ñoraŷrô guasu ani peyepyapŷ, tecôtevê voí upeicha oico. Opaichavévonte ndajaei vaerâ gueteri pe opambae oñemombá jaguâ ára. Oñopuâne umi ybypóra oyueje cuera ja umi mburuvicha guasu oyueje cuera: oicone yby ryrŷi jeta Jendápe, ja oicone ñembyajŷi guasú. Umi mbae tenonderânte umi ára vaí jaguâ. Uperamo yepe peyererecó peê! Pene moinguéne peême peñeñapytîjape mburuvicha renondepe ja umi tûpâópe yepe pene nûpâne ja pene jenoîne peyejechauca jaguâ umi mburuvicha ja umi mbururvicha guasu yepe renondepe Che réra rejejape peicuaaucá jaguâ ichupecuera yepe peê Che rejeguajá. Upeicharamo yepe tecôtevê raê oñemo jêrâcuâ co Evangelio opa tetâ rupi guape. Uperamo pende rerája ramo jina penemeê jaguâ mburuvicha po guype, ani peñembopyaé pe ere vaerâ gui, peñeênte upe oñemeê vaerâ peême upeyave. Ndajaeichene voí peê cuera peñeêva, pe Espiritu Santonte. Oimene umi tykeŷra oñomeêne tybyra cuerape oyucaucávo ichupecuera, ja umi tuva itaŷracuerape, ja umi taŷra cuera opuâne ituva cuera reje ja oyucaucane ichupecuera. Ja peê peñe ñamotareŷne opáva gui peê Che réra rejeguajáreje. Upeicharamo yepe upe oguero puacá vaerâ ipajaite peve, upéva catu osê vaerâ imârâ ŷ reje. Ja peê pejecha ramo pe oporombuaijára itieŷva oñemboŷ ramo oi ŷ jaguâme (tojechacuaa pôrâ pe omoñeêva co cuatia) uperamo toñeguajê umi Judeape oiva itáatŷra peve, ja pe oiva ogaári ani ogueyŷ cotype, ja ani oiké ôguenojê jaguâ mbaeve jogagui. Ja pe oiva ñûme ani oyeby japycuerépe iyao piari. Angai umi jygué guasúva, ja umi omocambúva umia árape! Peñemboe catu ani tecôtevê peñeguajê roŷ yavé. Añeté catu oicone uperamo ára pojyi oyejasa asŷeté jaguâme ára máramo voí ndoicoi jagueichagua co yby ñypyrûmbŷ guive oñemoña ypy guive Tûpâ Ñandeyára coanga peve, ára voí umia maramove ndoicoi jaguâichagua. Ja Ñandeyára omombykŷucá ŷ rire umi ára vaí mo ndipori chene osê vaerâ imârâ ŷ reje. Upeicharamo yepe umi ojenoî vaecue rejejape umi oiporavó vaecue voí, Jae omombykŷmane raé voí umi ára vaí. Uperamo oime ramo jeíva peême: Coina ape oi Cristo, terâ Peina upepe, ani perovia jeíva. Opuâne voí Cristo guaúva, ja oporo mombeujára yapuva, ja ojechaucáne mbae jechapyrâ ja mbaeguasu imombeupyrâ omombia jaguâicha icatu ramo umi iporavópyrépe yepe. Peyererecókénte! che pomomarandupáma voí tenonde guive peême opa âmbae reje. Umia árape voí upe oyejasa asŷ rire, iñypytûmbáne pe cuarajŷ, ja pe yasy ndojesapévei chene, ja oimene yasy tata joa vaerâ yvagui, ja umi mbaeguasu arapegua yepe oñemomŷimbáne. Upei catu ojecháne pe Caraí Raŷ ou ramo umi araí apytepe ituvicha guasu cue ja iyeguaité rejeve. Uperamo omboune jembiyocuai yvapeguape ja ombyatŷne umi iporavópyrépe umi irundy ybytú cotŷ guivó co yby ŷva guive pe ára ŷva peve. Tapomboemi peême pe higo râcâ yoguajá reje. Pe jâcâ ikyryî ramo ja jokŷ ramo jogué, peicuaa voí jiâguimája ára racu. Upeicha avei pejecha ramo peê oyeju ramo umi mbae peicuaa vaerâ jiâguímajá Jae, oimaja yepe pene rokême. Añeté Che jae peême ndo jasai jaguâ co ñande cuera rejegua co tetâmegua coangagua oyeyapopá peve coambae. Opane pe yvaga ja co yby, Che ñeê voínte máramo ndopai chene. Upeicharamo yepe avave ndoicuaai aracaépa ôguajê vaerâ jiára, terâ aracaépa oyeju vaerâ umi mbae, umi yvapegua oiva yvape yepe ndoicuaai, pe Túva añónte oicuaa. Peyererecóke, pemaña, ja peñemboe, nda peicuaai guive aracaépa ôguajê jiára. Peteî caraí ojo vaicha mombyry ojeya vaecue joga ja omeêmba vaecue jembiguai cuera po guype peteî teîme jaecuérava jembiapo cuerarâ, pe okê rerecuape omañaucá tapiá. Pemaña peê upeicharamo. Peê nda peicuaai aracaépa ou vaerâ pe oga yára, oúpa caaru pytû, terâpa pyjare pyté, terâpa ryguasu sapucai ramo, terâpa pyjarevé. Chake! Anitere sapya ou ramo pende yuju pende kéra. Ja co Che jaéva peême Che jae upeicha avei opavavépe: Pemañakente! Upegui mocoî coêjape oico vaerâ pe pascua ja pe areté guasu mbuyape caraípegua, ja umi pai ruvicha ja umi escriva iñarandú reíva cuera oñejaâ oicovo oipyjy jaguâ Ichupe pichyguŷpe oyuca jaguâ Ichupe. Jeinte: Ani yayapo areté árape anichene jaguâ oico aybú co tetâ-ŷ-gua cuera gui. Uperamo oime sapya peteî árape Jae oi Betaniape, pe leproso pe iyaipáva Simon rogape, ja oguapy pypé jina carujápe ou peteî cuña mbayrú pôjâ jyâcuâ pôrâva jepy etereíva rejéve, ja oipea jyrú ja oñojê iñâcâreje. Ja oime upepe ipochy etereíva ipyápe ja jei: ¿Maerâpa oñemombo reí upeicha co ñandy jyâcuâ? Icatu vaerâ moa oñeñemû jepyvé trescientos pirapire gui reje, ja jepycue oñemeê vaerâ moa umi mboriaju cuerape. Ja ipochy eterei ichupe. Upei catu Jesus jei: Tové! Pejeyante ichupe! ¿Maerâpa pemuanguecoi ichupe? Tembiapo pôrâ oyapo Cheve. Oime voí pereco tapiá penendive umi mboriaju cuerape, ja peyapose jaárape iya peême peyapo pôrâ ichupecuera. Cheve catu nda Che rerecoi tapiá penendive. Pe icatúva voínte, upeva catu oyapo jae. Oñemo tenondé omojyâcuâ Che rete añeñotŷ rôguârâ. Añeté Che jae peême mamo oñemo jêrâcuâ jaguâme co Evangelio gui co ybyari co oyapo vaecue upéva oñemombeu vaerâ oñemandua jaguâ jesé. Upei catu pe Judas Iscariote peteî umi doce rejeguáva ou umi paí ruvicha rendape omeê jaguâ Ichupe ipope cuera, ja jaecuera ojendú pype jeiva oguerojorŷ yoa ja oicuameê Ichupe mbaerepŷ. Upei catu jae omaña oicovo iya pôrâ ramo guârâ ichupe omeê jaguâ Ichupe ipope cuera. Ja pe mbuyape caraí ñypyrújá ára oñembosacoí pe pascua peguârâ, jei Ichupe jemimboe cuera: ¿Mamópa reipota rojo rombosacoí jaguâ reu jaguâ co pascua mbae? Ja Jae omondo mocoî jemimboe cuérava ja jei ichupecuera: Tapejó pe tetâme ja pejuvaitîne peteî cuimbaepe oguerajáva cambuchiŷ. Tapejó japycueri ja mamo oiké jaguâme peye pe ogayárape: Ore poromboejára jeiuca ndeve ¿Mamópa oime coty jau jaguâ co pascua rejeguarâ Che remimboe cuera ndive? Ja jae ojechaucane peême peteî coty tuvichava oñemyatyrô pôrâva. Pembosacoínte upepe ñandeve yajávo guârâ. Upei catu jemimboe cuera osê ojo ja ôguajê pe tetâme ja oyuju Jae jei jagueichante voí. Ja upeicha ombosacoí pascua oico rôguârâ. Ja caarúma ramo Jae ojo umi doce rejeve ja oguapy carujápe ja ocaru jicuai. Ja Jesús jei ichupecuera: Añeté jae peême oimejá peteîva peêcuérava Che yapyjŷucá vaerâ. Upéva catu ocarúva jina Chendive voí. Ja oñypyrú jaecuera oyepyapŷ ja peteî teî jei Ichupe: ¿Ndajaéipane Che? Ja Jae jei ichupecuera: Peteîva peê docevéva gui, upéva jae, pe omyakŷva Chendive mbuyapé co ñaembépe. Co Caraí Raŷ voí ojota jina oyeé jagueicha Ichugui Santa Escriturape. Angai pe cuimbae oyapyjŷucá vaerâ co Caraí Raŷpe! Ipôrâve vaerâ moa máramo oñemoña ŷ rire upe cuimbae. Ja ocaru pype jicuai Jae oipyjy mbuyape ja ojovasa ja oipejaâ ja omeê ichupecuera ja jei: Coina cóva Che reté. Upei catu oipyjy pe mbayru, ja ojovasá ja omeê ichupecuera ja opavavé jou ichugui, ja Jae jei ichupecuera: Cóva Che ruguy oñejê vaerâ jeta rejejápe omoî jâtâ jaguâ pe Tûpâ Ñandeyára remicuameêmbyré. Añete Che jae peême Che ndaŷú vei jaguâ co parralayuá rycué gui pe jaára peve jaŷú jaguâ yeby ipyajúva Tûpâ Ñandeyára rendape yvágape. Upei catu opurajéi pe mburajéi ja uperire osê ojovo pe itáatŷra Olivaspe. Ja upépe Jesús jei ichupecuera: Peê opáva peñembo pyávaíta jina yoa, oyeé jagueicha Santa Escriturape: Aicutúne pe ovecha rerecuápe, ja umi ovecha oñemuasâimbané. Upegui aicove yeby rire ajane pene renonde Galileape. Ja Pedro jei Ichupe: Opáva oñembo pyávaí ramo yepe, che ajanichene. Ja Jesús jei ichupe: Añeté Che jae ndeve coanga co pyjaré voí osapucai mboyvé ryguasu mocoî yeby nde Che momârâne raé mbojapy yeby. Upei catu jae oñeê jâtâvé: Tecôtevê ramo yepe amano Nendive máramo no romomârâi chene Ndeve. Upeicha avei jei umi ambuecue yoa. Ja ou jicuai pe Jendápe jérava Getsemané ja Jae jei jemimboe cuerape: Peguapŷ coápe añemboepá peve Che. Ja oguerajá ondive Pedrope ja Santiagope ja Juanpe ja oñypyrú oñemonguŷjŷyé ja oyepŷapŷ eterei, ja jei ichupecuera: Che pya mbyasy tuvichaite eterei amano jaguâicha yepe. Pejaârôke ape ja pemaña. Upei catu Jae ojo tenondemi ja oyeity ybype ovapŷvo, ja oñemboe oyerurévo icatuta ramo ojasa rei jaguâ Ichugui pe ára pojyi, ja jei: Abba, Che Ru, opambae iya Ndeve reyapo jaguâ. Eipeá Chejegui co mbayru. Opaichavo nda Che rembipotai. Ne rembipotante vaerâ. Upei catu ou yeby ja oyuju ichupecuera oké jicuai ja jei Pedrope: Nde, Simon ¿rekepa reina? ¿Ndicatuipa raé remaña reké ŷ reje sapyamiminte yepe? Pemañante ja ani peké ja peñemboe ani jaguâ peiké pe aña pende pyá raâ jaguâme. Pende pyaguasú ja pende kyreŷ ramo yepe, ipituánte pende reté. Ja Jae ojo yeby ja oñemboé jeivo umi ñeê voínte jei vaecue. Upei catu ou yeby ja oyuju ichupecuera oké jicuai jopejyieté voí jaecuera, ja upeagui ndoicuaai jei vaerâ Ichupe. Ja ou ramo Jendápe cuera mbojapy yeby jápe jei ichupecuera: Pekénte ja pepytuú. Ipôrâma, jiáraguâjêma, ja co Caraí Raŷ oñemeêtama umi angaipavóra pope. Pepuânte yajá! Jiâguima jina pe Che yapyjŷucájarâ. Upeyave oñeê pypé Jae jina ou pe Judas umi doceve rejeguare petei ja oime jendive jeta tecove ouva kysé pucu rejeve ja ybyrá rejeve, umi pai ruvicha ja umi escriva iñarandu reíva ja caraí ituyáva remimbou cuera umia. Ja upe iyapyjŷucájarâ oñomomarandú ma racae oñondive ja jeima racae ichupecuera: Upe che ayurupytéva upéva Jae. Peipyjŷnte Ichupe peñapytînte jâtâ ja perajá. Upeicha ou voí ja oñemoânguívo Ichugui jei Ichupe: Rabbí! Che poromboejára! ja upeicha oyurupyté Ichupe. Upevove oyapocoí Jese ja oyocó Ichupe. Upei catu peteîva umi oñemboŷva jina upepe ôguenojê ikysé pucu ja oicutu pe pai ruvicha rembiguaipe ja oinambió. Upei catu Jesús jei ichupecuera: ¿Peyúpa peina peê imondajá vaicha reje Che yapyjŷ jaguâ Cheve pende kysé pucu ja ybyrá rejeve. Opa árape aime vaecue aicovo pene ndive tûpâope ja nda chepyjŷi. Upeichante vaerâ voí oico jaguâ jecópe pe Santa Escriturape oyeé vaecue. Upemaramo ojeyápa Ichupe jemimboe cuera yoa ja oñeguajêmba. Oimente peteî cariaŷ jete opívo oñemo âcâjoyánte ojóva japycueri, ja oipyjŷ ichupe jaecuera, ja jae ojeyá iñâcâjoyá ja oñeguajê ichugui cuera opívo. Upei catu oguerajá Jesúspe pe pai guasu rendape ja oñembŷatŷ Jendápe opa umi pai ruvicha ja caraí ituyáva ja umi escriva iñarandú reíva. Ja upe aya Pedro ou jina japycueri mombyry guive ôguajê meve pe pai guasu corapy peve. Ja opyta upepe oguapy jina umi tembiguai ndive ja oyepeé jina pe tata ypype. Ja umi paí ruvicha ja opa umi iñarandúva yoa ojeca oicovo omboyá vaerâ Jesús reje icatu jaguâ oyucauca jaguâ Ichupe. Ja ndicatui oyuju mbaeve. Ja oime ramo yepe jeta omboya rei vaecue Jesé yapujápe tuvicha oyuabŷ oyuejegui cuera iñeême. Upei catu opuâ omboyá reíva Jese yapujápe ja jei: Ore rojendu jei ramo Jae: Che ambuaipáne co tûpâo iyapopŷré cuimbaepó rupi ja mbojapy arajápe amopuâ yebyne ambue oyeyapo ŷ vaerâ cuimbae pó rupi. Opaichavévonte nda upeichai yepe oyoyá oñondive pe jeívape. Upei catu pe pai guasu opuâ oñemboŷ iyapytépe cuera ja oporandú Jesúspe jeivo: ¿Ne reñeêipa mbaeve Ndeyeje? ¿Mbaé mbaépa oicuaaucá umiva co omboyá vaecue Ndereje? Ja Jae okîrîrî ja mbaeveté ndeiri. Upévareje pe pai guasu oporandu yeby Ichupe ja jei: ¿Nde pipo pe Cristo upe Imarangatúetéva Raŷ? Ja Jesus jei: Che jae! ja peê pejechane co Caraí Raŷpe oguapŷ ramo pe Ipuacaitéva acatua cotŷ ja ou yeby ramo yvágagui araí apytepe. Upei catu pe pai guasu omondoró iyao ja jei: ¿Maerâpa ñaicôtevêvé ambue reje oñeê vaerâ? Peê voí pejendúma rae peêcuera iñeê oñeê vaíja Tûpâ Ñandeyára reje. ¿Mbaépa peimoâ peê? Ja opavave jaecuera omoî vaí Ichupe jeivo iyajá Ichupe oyeyucá jaguâ. Ja oime oñypyrú oindybú Jese ja oyajoí jová Ichugui ja ojovapeté ja upei jei Ichupe: Ejaûvônte oréve. Ja umi tembiyocuai oguerajáva Ichupe ojovayocá Ichupe. Ja oime pypé Pedro pe cora pype iguŷetépe ou peteîva pe paí guasu rembiguai cuñáva, ja ojecha ramo Pedrope oyepeé jina ramo omaê jese ja jei: ¿Nde avei reico vaecue pe Nazareno Jesús ndive? Ja jae oñomî ja jei: Che ndaicuaai Ichupe ja ndaicuaai yepe mbaépa jeise co nde eréva. Upei catu osê pe okê gui ocápe, ja pe cuñatâí ojecha ramo ichupe, jei yeby umi oñemboŷva jicuai upepe: Peva catu peteîva jaecuerava avei. Ja jae oñomî yeby jeívo: Ajaniri! Uperiremi umi oñemboŷva jicuai upepe jei yeby Pedrope: Añeté nde Jese cuéragua. Nde Galileaŷgua voí. Upei catu omondopá ichupecuera añaretâme ja oñeê jâtâ Tûpâ rérape jeivo: Che ndaicuaai co caraípe peporandú jague cheve. Ja upevove osapucai mocoî yeby jápe ryguasu. Ja Pedro imanduá voí Jesús ñeêngue reje jei ramo guaré ichupe: Ryguasu sapucai mboyvé mocoî yebyjápe, Che momârâma neraé mbojapŷ yeby. Ja imanduá pype upea reje oyajeó. Upegui pyjarevé coêmba yave umi pai ruvicha oñomonguetá pype jicuai umi caraí ituyáva ja umi escriva iñarandu reíva ja opa umi caraí mburuvicha cuérava, oguerajá Jesúspe oyepocuajápe ja omeê Ichupe Pilato pópe. Ja Pilato oporandú Ichupe: ¿Ndépa Judio cuera ruvicha guasu? Ja Jesús jei ichupe: Che jae, nde eré jaichante voí. Upeyave umi pai ruvicha jetambae omboyá yoa Jese. Upeareje Pilato oporandu yeby Ichupe jeivo: ¿Ne reneêipa mbaeve Ndeyeje? Peina jeta omboyáva jicuai Ndereje. Opaichavévo Jesús ndeiri mbaeveté. Ja upeagui tuvichaité ojecharâmô Pilato. Ja pe areté guasu yavé jae opoí vaecue yepi ichupecuera peteîva umi ybyracuá rógape oivagui oyerurejaichaguá jaecuera. Ja uperamo voí oime peteî cuimbae jérava Barabbás oiva ybyracuá rógape, upeva peteîva umi opuá vaecue mburuvicha reje ja umi oporoyucá vaecue pe aybú guasú yave. Upeicha oñembyatŷ yoa pe tetaŷgua ja oñypyrú oyerure rure toyapo tapiá oyapo jagueicha ichupecuera. Ja Pilato oporandú ichupecuera jeivo: ¿Peipotapa apoí peême co Judio ruvicha guasugui? Jae oicuaa voí ipyavaí gui umi pai ruvicha omeê jague Ichupe ipope. Ja umi pai ruvicha oñatôi atôi umi tecové atŷrape oyerure ruré jaguâ topoí ichupecuera pe Barabbás gui. Upei catu Pilato oporandú yeby ichupecuera: ¿Mbaépa upeicharamo peipota ayapo co pembojérava Judio ruvicha guasu? Ja jaecuera osapucai yeby: Peyucánte ichupe curusu reje. Ja Pilato jei ichupecuera: ¿Mbae ivaívapa oyapo raé Jae? Ja jaecuera osapucai jâtâ jâtâve: Peyucá catu ichupe curusú reje! Upei catu Pilato ombuayésegui umi tecové atŷrape opoí ichupecuera Barabbás gui ja oinûpâucá rire Jesúspe omeê Ichupe ipope cuera oyeyucá jaguâ curusú reje. Upemaramo umi tembiyocuai omoingué Ichupe pe mburuvichá roga guasu cora pŷpé, ja ombyatypá rire iñîrûnguera atŷrape, omondé Ichupe ao jobŷvape, ja oñopê ñuatî ja omoî Ichupe iñâcâ reje, ja oñypyru oñesû Ichupe jeivo: Eicové catu nde Judio ruvicha guasu! Ja oinûpâ Ichupe iñâcâ reje tacuarí pypé ja oindybú Jesé, ja ombuete guaú Ichupe oñesûjápe. Ja oñembojorŷpa rire Jesé omboí pe ao jobŷ ja omondé yeby Jesé iyaóteé. Ja upei oguerajá Ichupe ocápe oyuca jaguâ Ichupe curusú reje. Uperamo sapya oime ojasava jina peteî carai Simon Cireneŷgua, pe Alejandro ja Rufo ru, ou ramôva jina ocáragui. Ja omoî iyatiŷ ári pe curusu oguerajá jaguâ. Ja omboguata Ichupe upe Jendápe jérava Golgotape (pe “âcâ cangue cué rendá” yae mo avá ñeême). Ja omboŷú Ichupe vino oyoparáva pôjâ rejeve, ja Jae ndoŷúsei. Upei catu omoî Ichupe pe curusú reje. Uperire oñomboyaó iyaocue gui oñembojaraí pypé jesecuera yajecha mávapa oipyjy vaerâ. Ja pyjarevé asayémi ramo las nueve rupi omoî jague Ichupe pe curusú reje. Ja oime peteî cuatia ojaí jagué pe imboyapyré Jesé, omoî vaecue iñâcâ ári coicha: Judio ruvicha guasu. Ja omoî icurusu cuera reje Jendive mocoî mondajárape iyŷkécoty oyovai peteî iyacatua cotŷ ja pe ambue iyasú coty. Upeicha oico jecópe pe Santa Escritúrape oyeé vaecue: Jae oyepapá umi iñañáva apytepe. Ja umi ojasava jina omomârâ Ichupe oñeâcâvováva Jese jeivo: Nde catu rembuai moa vaecue tûpâo ja remopuâ moa vaerâ mbojapy arajápe, egueyŷnte co curusu gui Ne mârâ ŷ jaguâ. Upeicha avei umi pai ruvicha ja umi escriva iñarandú reíva oñembo jorŷ Jese jeivo oyoupecuera: Umi ambue cue cuerape omojesâimbá vaecue, oyupe catu ndicatui oñemojesâi. Co Cristo Israel ruvicha guasu togueyŷnte angaite voí curusu gui ore rojecha jaguâ, ja roguerovia jaguâ. Upeicha avei umi Iyŷkécotŷ oyovai oiva curusú reje cuera oyaó Ichupe. Ja pe ára mbyte guive iñypytûmba opa pe tetâ rupi iyerecuévo asayé caarú peve. Ja upepé voí Jesús osapucai jâtâ jeivo: Eloi Eloi Lama Sabachthani! Che Tûpâ Ñandeyára, Che Tûpâ Ñandeyára, ¿maerâpa Che reya? Ja oime umi oñemboŷva jicuai ojendu ramo Ichupe jei: Peina ojenôi Eliaspe. Ja oime petei oñani ja ombojycué esponja ŷjái gui ja omoî tacuarí apŷrá reje ja ojupityucá Ichupe ja omboŷú Ichupe ipypé. Ja jei Pejeyante! Yajecha oúpa Elias omboí jaguâ Ichupe. Upei catu Jesús osapucai jâtâ ja oyejekyi. Ja upeyave pe ao yepysójá tûpâope osoró mbytepe oyejegui reínte yvate guive yby peve. Ja pe mburuvicha oñemboŷva jiconi Jenondepe voí ojecha ramo oyejekyi jague, jei: Añetejápe cóva Tûpâ Ñandeyára Raŷ raé. Ja oime avei cuña caraí omaêva jicuai mombyrŷ gui, umia paûme oime Maria Magdalena ja Maria pe Santiago Michi sŷ, ja José sŷ, ja pe Salome, umi omoîrû vaecue Ichupe oico ramo guare Jae Galileape ja oyeyocuaiuca vaecue Ichupe. Ja oime avei jeta ambue cuera omoîrû vaecue Ichupe ou ramo guare Jerusalempe. Ja caarúma ramo oija reje pe oñembosacoí jaguâ ára pe sabado areté ára guârâ, ou pe José pe Arimateaŷgua caraí guasú iñarandúeté iyojeipyré ojaarôva voí jiconi oñemoingo jaguâ pe teco marangatu Tûpâ Ñandeyára rejegua, upéva catu oike poŷjuŷjape pe Pilato rendape ja oyeruré ichupe Jesús retecue reje. Ja Pilato ojecharâmô jei ramo ichupe omanoma jague Jae. Upeareje ojenôiucá pe mburuvichape ja oporandú ichupe: ¿Añetépa omanóma raé? Ja oicuaa pôrâma ramo pe mburuvicha yuru rupi añetéjá, omeêucá pe jetecue Josépe. Upeva voí oyoguáma raé ao oñuâ jaguâ, ja omboíma ramo jetecue oñuâ pe ao pypé ja oñotŷ Ichupe itácuárape itá guasu oñembocuá jaguepe, ja upei ombuapayerei peteî itá iyapuáva pe itacuá yurú reje. Ja Maria Magdalena ja Maria José sŷ omaê jicuai pe oñeñotŷ jague. Uperire ojasama ramo pe sabado ára pe Maria Magdalena, Maria, Santiago sy, ja Salome oyoguá pôjâ jyâcuâ pôrâva ojo jaguâ omoná jaguâ Jese. Ja pyjarevété pe ñypyrújá árape cuarajŷ osê rire ojo jicuai upe oñeñotŷ jaguepe, ja jei oyoupe jicuai: Avápa ombuapayereine pe itá ñandeve pe itacuá yurú gui? Ja omaê ramo ojecha pe itá oñembo apayereima jague: tuvicha nico raé pe itá. Ja oikéma ramo pe itacuápe ojecha peteî cariaŷ oguapŷva jina iyacatua cotŷpe oñeñuâva ao pucu morotîme, ja ojecharâmô oñemondŷi. Ja jae jei ichupecuera: Ani peñemondyi. Peê pejeca peina Jesús pe Nazarénope omano vaecue curusu reje. Jae oicove yebyma. Ndiporivéima coápe. Coina ape Jendague oñemoî jague. Tapejónte, peye umi jemimboecuérape ja Pedrope avei Jae ojómajá peê mboŷve pene renondepe Galileape. Upepe peê pejecháne Ichupe Jae jei jagueicha peême. Upei catu jaecuera osê oñeguajê pe oñeñotŷ jaguegui, okyjŷyé oryryipá, ja oñemondŷi. Ja ndeiri mbaeveté avavépe okyjŷye eterei gui. Jae oicove yebyma raé voí pyjareveté pe ára ñypyrújápe, ja oyejechaucá Jae Maria Magdalenape pe Jae oity jague siete mbaepochy. Ja upeva ojo ja omombeu umi oico vaecuepe Jendive ipyambyasy ja oyajeo gueteri jicuai. Ja jaecuera ojenduma ramo Jae oicove yebymajá ja upeva ojecha jague Ichupe ndo gueroviasei. Uperiremi Jae oñemoambue oyejechaucávo mocoî jaecuéravape oguatáva jicuai oyeói ocárape. Umiva avei ojo ja omomarandú umi ambuecue cuerape. Ja ndo gueroviai ichupecuera yepe. Uperire ipajápe Jae oyejechauca umi once jemimboe cuerape oguapyva jicuai ocarujápe, ja Jae oyao ichupecuera ndo gueroviai járeje ja ipya jâtâjá reje, ndo gueroviai jaguereje umi ojecha vaecuepe Ichupe oicove yeby rire umi omano vaecue paûgui. Ja Jae jei ichupe cuera: Tapejo oparupi co ybyári iyerecuévo ja pemojerâcuâ co Evangelio opa ybypóra opa tetâmeguape. Oimeraêva ogueroviáva ja oñemongaraíva opyta pôrâ vaerâ Tûpâ Ñandeyára ndive. Oimeraêva ogueroviaŷva oñemoî vaí vaerâ. Ja oimene mbae jechapyrâ omoañeté vaerâ pe jeiva umi oyeroviáva jicuai. Cóicha rupi voí Che rera rupi oity vaerâ mbaepochy, oñeê vaerâ ñeê ambue ipyajúvape, ja ojupi rei vaerâ mbói ipope ja sapyá joŷú ramo mbae ivaíva oyuca vaerâichagua na imârâ vaerâi, ja omoî ipo cuera umi jasŷva reje ja jesaîmba vaerâ. Upeicha Ñandeyára Jesús oñeêmbáma ramo, sapyaite oyererajá yvaté cotŷvo yvágape, ja oguapy Tûpâ Ñandeyára acatuape. Ja jaecuera osê oparupi omojerâcuâvo, ja Ñandeyára oipytyvô ichupecuera ja omoañeté iñeê umi mbae jechpyrâ oicova jeseve voí rupi. Amen. Ja oimeraêva mbae oyeé vaecue ichupecuera, jaecuera omombeupá jecópe mbykymi Pedrope ja umi jendiveguápe. Ja uperire Jesús ae omondo omboyecuaa vaerâ oparupi pe cuarajy resê cotŷ guivó pe cuarajy reiké cotŷ pevé pe jêrâcuâ marangatú máramo ocañŷ ŷ vaerâ pe ñande reco mârâ ŷ jaguâ tapia guârâ reje. Jeta voí oime umi oñejaâ vaecue omoi pôrâ oicuaauca jaguâ jecópe opa umimbae yaroviava iyerovia catupyrâ, omombeu jagueicha ñandeve umi jechajaré voí oico vaecue iñypyrûmbŷ guive, umi oñemoingo vaecue Ñandeyara rembiyocuai ramo pe Iñeê rejeguarâ. Upeicha avei jiâ co cheve amboyejupá jecópe opa umi mbae iñypyrumby guive amoî pôrâ jaguâ jecópe co cuatia ñeême ndeveguara voí, che caraí guasu, Teofilo. Upeicharamo, icatu nde reicuaa pôrâve vaerâ añetejá coa ñeê reñemboe jague. Yma oico ramo jiconi mburuvicha guasu Herodes pe Judeape, oico vaecue peteî caraí paí jérava Zacarías, umi Abías reŷi rejegua: oime jembireco, upe Aaron rejegua cuérava, jérava Elizabet. Umi mocoîve jecopôrâva Tûpâ Ñandeyára ypype, ja iyojeipyré, ombuayepá oicovo jecópe Ñandeyára rembiapoucapy pe teco marangatu rejegua, ja nda itayrai, na jesâi jaguereje pe Elizabet, ja oime avei ituyama jae ja inguainguima jembireco. Oyeju vaecue sapya ombaapo pypé oicovo paí râ pe Zacarías Ñandeyára ypype, iya yave ichupe oico jaguâ tûpâope, aco oyepocuaa jagueicha umi pai cuera, oime jaejáma omotîmbó jaguâ. Ja upeicha jae oiké racae Ñandeyára tûpâope, ja oñembyatypá jicuai ocápe ja oñemboŷ jicuai upe omotîmbo ramo jiconi. Uperamo sapyaite oyejechauca ichupe peteî Ñandeyára remimbou oñemboŷjápe jina pe oporomotîmbója renda acatua coty. Ja ojecha pypé ichupe, Zacarias oñemondŷi tuvicha ja okyjŷye cacuaá. Upei catu jei ichupe pe yvapegua: Ani rekyjŷye, Zacarias, pe nembae yerure oñejendúma ja ne rembireco Elizabet imembyráne, ja pe nde raŷpe rembo jéra vaerâ Juan. Upéva vaerâ nembobŷájarâ ja nde rerojorŷeténe ichupe ja jeta oguerojoryne pe oñemoña jague reje. Tuvicha voí vaerâ Ñandeyára ypype ja ndouichene mbaeveichagua oñemongaúva ja jenyjê vaerâ Espiritu Santo gui isy rygue ypy guive yepe, ja jeta umi Israel cuéravape ombojecopôrâ yebyne jae Tûpâ Ñandeyára rejeguarâ. Jae oicone jenonderâ pe Elias pyaguasú cué ja ipuaca cué rejeve ombo pyapôrâ jaguâ umi tuva cuera itayra cuerape omo ñoñyrôvo iyoupecuera, ja ombo jeco pôrâ jaguâ umi iñeêrendúsévape iñâcâ pôrâ jaguâ pe teco marangatuvarejegua vaicha, ja ombosacoi jaguâ Ñandeyára peguarâ peteî tetâ oñemo tyarômbavarâ. Upei catu Zacarias jei pe yvapeguape: ¿Mbaeichapa che aicuaa jaguâ coa mbae? Che che tuyáma, ja che rembireco inguainguima avei ojovo? Upei catu oñeê yeby pe yvapegua ja jei ichupe: Che jae Gabriel Tûpâ Ñandeyára ypŷpegua voí, ja che añembou añemonguetávo ndeve ja romomarandúvo co mbae ipôrâva gui, ja jae co ndeve ne ñeêngûne ja ndicatuichene reñeê upe oicopa jaguâ ára peve âmbae, rerovia ŷ jague reje co che ñeê. Umimbae voí oico vaerâ jecópe jiárape. Upeyave umi jicuaiva upepe ojaarô jicuai Zacariaspe, ja ojecharâmô jiaré jague reje jae pe tûpâo ryepype. Ja osênguévo jae ndicatui oñeê ichupecuera, ja jaecuera ojechacuaa oyejechauca jague ichupe peteî mbae pe tûpâope ja jae oñemonguetá ichupecuera icuâme ja iñeêngû opytávo. Uperire oicopama ramo umi ára jae oyeyocuai jague pe tûpâope, ojo jogape. Ja upegui umi ára rire oyeju jygué guasu jembireco Elizabet, ja jae oñemî cinco yasy peve, ja jei ipyápe; Coicha Ñandeyára oyapo chereje upe jaára Jae omaê jague chereje omboívo chejegui pe che motî jague umi caraí apytepe. Upegui seis yasy jápe oñemboú Tûpâ Ñandeyára gui pe jembiyocuai yvapegua Gabriel peteî tetâ jérava Nazaretpe, peteî cuñatâí imârâŷva rendape, omeê vaecue iñeê omenda jaguâ peteí caraí jérava José reje: upéva David cuera rejegua, ja pe cuñatâí jérava Maria. Ja oiké pype pe yvapegua Jendápe jei ichupe: ¿Maitéipa? Ne pôrânguérecó catu pyrâ nde! Oi nendive Ñandeyára. Upegui ojecha ramo ichupe, tuvicha oñemondŷi iñeêreje ja ndo jechacuaai mbaépa jeise upeva. Upei catu jei ichupe pe yvapegua: Ani rekyjŷyé, Maria, rejupity ipyapôrâ jaguâ Tûpâ Ñandeyára ndeve, ja peina jina rerecone nde ryguépe, ja ne membyne ja pe mitâ cuimbae nememby jéra vaerâ Jesús, upéva tuvicháne ja oñembo jéra yoa vaerâ upe Yvatevápegua Raŷ ja Tûpâ Ñandeyára omeêne Ichupe oico jaguâ ituva ypycue David rendaguepe mburuvicha guasu ramo, ja Jae oñemoingóne umi Jacob cuérava ruvicha guasu ramo tapia guârâ ja nda iyapyrái chene pe jeco mburuvicha guasu jápe. Upei catu jei Maria pe yvapeguape: ¿Mbaéichapane cóva cheve, che ndaicuaai guive gueteri avave cuimbaepe? Ja jei yeby ichupe pe yvapegua: Oime pe Espiritu Santonte oune nde ári ja upe Tuvichaitevéva puacácué nemoâne; upévareje voí pe mbae imarangatúva oñemoñambyrâ oñembo jéra vaerâ Tûpâ Ñandeyára Raŷ. Upeicha avei pe Elizabet upe nde rejegua voínte jygue guasúma inguainguime yepe ja oyapoma seis yasy jygue guasu jague, upe oyee vaecue imembyra ŷ va. Ndipori voí ñeê Tûpâ Ñandeyára yuru gui gua ipuaca ŷ vaerâ. Uperamo jei Maria: Coina ape aime che, Ñandeyára rembiguai. Toyeyapo jecópente cheve nde ere jaicha. Upevove pe yvapegua ojo oyei jendágui. Ja umi jaárape opuâ Maria ja ojo pyae pe itáatŷra guasu cotyvo peteî tetâ Judeapeguape, ja oiké pe Zacarías rogape ja omomaitéipa Elizabetpe. Ja upeyave ojendu vove Elizabet pe Maria omomaitéi jague ichupe, pe mitâ opopo jyguepe ja pe Espiritu Santo oñatôimba Elizabetpe, ja jae osapucai ja jei: Ne mombeu guasu catupyrâ nde umi cuña caraí cuera apytepe, ja imombeu guasu catupyrâ upe nde rygue gui joa vaerâ. ¿Ja mbaeichapa oyeju cheve che poá jaguâ coicha co Ñandeyára sy ou che rendape. Anga voí jyapúma ramo ne ñeê che apysápe che momaitéivo, upevove pe mitâ opopo jory gui che ryguepe. Imarangatu vaerâ pe oguerovia vaecue oyeyapo jaguâ jecópe âmbae oyee vaecue ichupe Ñandeyára gui. Upei catu jei Maria: Tambuete guasu Ñandeyárape che pyaite guive, ja arojory tuvichaite che pyapype Tûpâ Ñandeyára che yeroviajápe. Jae omaê che reje che poriajuverecóvo cheve, peteî tembiguai poriajuicha. Upevareje coanga guive che renôine che marangatúvajá opava ñemoñare tapiaguarâ. Jetambae tuvichava voí oyapo Jae cheve pe Ipuacaitéva ja imarangatu vaerâ Jera. Umi ñemoñaré ypycue guive ñemoñare oico vaerâ mevé Jae oiporiajuverecó tapiá umi ombuetevape Ichupe. Oñembotuvicha vicha oyŷvá puacacue reje. Omosarambipá umi jaecueranteséva ipichyguy ipyapypegua voí rupi. Omongúi umi ipuacávape jenda yvategua gui, ja ombotuvicha umi oñemomîrîvape. Umi ñembyajŷivape omojyvâtâ ipôrâva gui, ja umi mbaererecojápe Jae omondo nandí. Oipŷtŷvô pe jembiguai Israelpe ja imanduá Jae oiporiajuvereco jague Abraampe ja jesecuera guape tapiaguârâ, oicuameê jagueicha ñande ypycuépe. Uperamo Maria opyta jendive mbojapy yasy, ja uperire oyeby yeby jogape. Ja ôguajêma ramo jiára Elizabet imembyra jaguâ imemby mitâ cuimbae. Ja ojenduma ramo japicha cuera ja jesecueragua Tûpâ Ñandeyára oiporiajuvereco tuvicha jague ichupe, jaecuera oguerojorŷ ichupe. Ja uperire pe ocho ára jápe ou ramo omongaraí jaguâ ichupe (umi Judio reco rupi) omoîsé ichupe itúva réra Zacarías. Upei catu jei isy: Ajaniri! Juan mante jéra vaerâ. Ja jei jaecuera: ¿Mbaerejépa? Ndipóri voí pende rejeguáva jérava upeicha, ja omongueta icuâme túvape ja oporandu ichupe: ¿Mbaéichapa rembojerase ichupe? Ja jae oguerúrucá cuatia ja oicuaauca cuatia ñeême Juan jéra vaerâjá. Ja ojecharâmô jicuai. Ja upevove oyepea iyuru ja ocué icû ja oñeê yeby omombeu guasúvo Tûpâ Ñandeyárape. Ja opa umi iyŷpyrupigua okyjŷyé ja umi itáatŷra guasu pe tetâ Judeapegua rupi oñemojerâcuâ opa umi mbae. Ja opa umi ojendu vaecue umimbae imanduá ja oguero kîrîrî ipyápe mbaéichagua pipo vaerâ co mitâ ja jei: Ñandeyára po oi jendive añete. Ja Zacarias jenyjê pe Espiritu Santo gui oñatoîva ichupe oñemoñeê jaguâ ja jae jei; Ta imombeu guasu catupyrâ co Ñandeyára, Israel Tûpâ Ñandeyára, ñaneandúva poro poriajuverecojápe ja omoingóva co Jesegua cuera repŷrâ. Jae omopuâva ñandéve co ipuacaitevévape ñanemoî pôrâ vaerâ pe jembiguai David rejegua cuera apytegui, Jae jei jagueicha iñypyrumby guive voí umi oñemoneêjára imarangatúva yuru rupi, ñanemboí jaguâ umi ñane ñamotareŷva póguŷ gui ja umi ndaiyaeiva ñandereje poguŷ gui. Jae oiporiajuvereco vaecue ñande ru ypycuepe, ja imanduá iñeêngue omeê vaecue reje ichupecuera, pe iñeê voí omeê vaecue Abraam ñande ru ypycuepe oicuameê ramo guare, ñane mboí jaguâ ñandeve yayepoívo umi iyaeŷva ñandereje poguŷ gui, icatu jaguâ yayeyocuaiucá Ichupé jecópe yakyjŷyé ŷ reje, yaicovo ñane marangatujápe jecoitépe iyŷpŷpe yaicove aya pucu cue. Ja nde avei, nde mitâ, reñembo jérane pe Ñandeyára Tuvichaitevéva ñemoñeêjára ramo; rejone voí Ñandeyára renonderâ rembosacoí jaguâ Ichupe japerâ, nde reicuaaucáne jesecueraguape imârâŷma jague oyepeá jaguereje ichuguicuera iñangaipa. Tûpâ Ñandeyára ñande poriajuverecojá reje ipya pôrâ guive ñane andúvo ñandeve yvágagui pe cuarajŷ osê vaicha ramo guaicha, ojesapé jaguâ umi oicovévape pytûnguŷpe ja oñemoâjápe umi omano vaecueicha ja ñane mboguatá jaguâ jecópe yaico jaguâ pe tapé jeco kîrîrîja peguape. Ja ocacuaa pe mitâ ja oñemombaraeté ojovo ipyápe ja oico umi ñû oyeicoŷjape ocára rupi upé oyejechaucá jaguâ ára peve Israélpe. Uperamo umi jaárape osê cuatia Cesar Augusto gui opa ybypóra ybyarigua oicuaauca jaguâ jéracuera umi mburuvichape cuera. Ja oñemoîucá ypy vaecue cuatiápe jéracuera oico ramo jiconi mburuvicha Cireneo pe Siriape. Ja oyeóipa opavavé oicuaaucá jaguâ jéra cuera jetâteé pe cuera. Upeicha ojo José Galileagui pe tetâ Nazarét gui Judea peve pe David retâ jérava Belén, jae voí David cuérava, ja David rejegua voí, oicuaauca jaguâ jéra. Ja oi jendive María pe omenda ramôva jese ja jae jygue guasúma. Ja oime pype jaecuera upepe ôguajê jiára imembyra jaguâ. Ja oipyjy co imemby cuimbaemi iyŷpy vaecue ja oñuâ Ichupe ao ñeñuâ reípe, ja omoñenó Ichupe peteî cavayú carujápe, ndipóri jague reje jendaguâ pe oñembojupájá rogape. Uperamo oime pe tetâme voínte ovecha rerecua oñangarecóva jymbá reje ja oyopyrúva jicuai pyjarépe. Ja sapyaite Ñandeyára remimbou ogueyŷ Jendápe cuera ja pe Tûpâ Ñandeyára gui jesâcâva ojesape iyerecuevo ja okyjŷyé eterei. Upei catu jei ichupecuera pe yvapegua: Ani pekyjŷyé. Peina coápe che ayu amojerâcuâvo mbae ipyajuva ombojory tuvicha vaerâ opáva ybypórape. Co angue nico oime imembyra ramôva co David retâme, ja pe Mitâ voí penemopôtíjarâ, pe Cristo Ñandeyára upéva. Cova reje pejechacuaane: peyujune pe Mitâ me oñeñuâ mitâ ao ñeñuâ reípe, ja oñeñó peteî cavayu carujápe. Ja sapyaite oico pe yvapegua ndive jeta umi yvagapegua cuérava oguero purajéivo omombeu guasúvo Tûpâ Ñandeyárape, ja jeivo: Toñembueté Tûpâ Ñandeyára yvaga yvatéetévéjápeve ja co ybyari toyeico pôrâ oñondive jecoitépe umi ybypóra umi oguerojorŷva Ichupe. Upei catu oyeíma ramo umi yvapegua oyeby jaguâ yvape, umi ovecha rerecua jei oyoupe: Yaja mandi Belénpe yajecha jaguâ pe mbae oyeju ramôva co Ñandeyára oicuaaucáva ñandeve. Ja ojo pyae eté ja oyuju Maríape ja Josépe ja pe Mitâ oñeno pe cavayú carujápe. Ja ojecha ramo Ichupe oicuaauca pe ñeê oyee vaecue pe Mitâ reje, ja opa umi ojendu vaecue umimbae ojecharâmô pe jeiva gui ichupecuera umi ovecha rerecua. María voí oguero kîrîrî opa âmbae ipyapype ja imanduá meme ipyápe umi mbae reje. Ja oyeby yeby umi ovecha rerecua ombotuvichávo ja omombeu guasúvo Tûpâ Ñandeyárape ojendu ja ojecha jague reje opa umi mbae oyee jagueicha voí ichupecuera. Uperire pe ocho ára jápe ôguajê omongaraí jaguâ ára pe Mitâme Judio reco rupi, ja ombojéra Ichupe Jesús pe yvapegua ombojéraucá jagueicha Ichupe oñemoña mboyve voí isy ryguepe. Ja ombotŷma ramo umi ára pe Moises oyapouca jagueicha oñemopôtí jaguâ cuña caraí, oguerú Ichupe Jerusalempe ojupi jaguâ Ichupe Ñandeyara ypype; oyeé jaicha pe Ñandeyára Santa Escriturape: Opa mitâ cuimbae ypycue oñejenoî vaerâ marangatu ja icaraí Ñandeyára ypype. Ja oguerú avei pe oñecuameê vaerâ oyeyapouca jaicha pe Ñandeyára Santa Escriturape, mocoî pycui terâ mocoî pycasuró raŷ. Uperamo voí oico vaecue Jerusalempe peteî carai jérava Simeon, carai jecopôrâ ja iñemboécatúva ja ojaarô vaecue jina ou jaguâ upe Israel pytyvôjarârâ. Ja pe Espiritu Santo oi jendive. Oime omomarandu racae voí ichupe pe Espiritu Santo jae omano ŷ vaerâjá ojecha ŷ reje Ñandeyára Cristope. Ja oñatôi ichupe pe Espiritu ou jaguâ tûpâope, ja omoingue ramo pe Mitâ Jesúspe tûpâope ituva ja isy, oyapo jaguâ Jesé oyeyapouca jaicha pe Moises ñeê rupi, uperamo jae ojupí Ichupe iyŷva ári ja omombeu guasu Tûpâ Ñandeyárape ja jei: Coanga che angapyjŷma, che Yara, coanga icatu repoí chejegui, che Ne rembiguai, anga che pyáguapŷma ramo Nde ere jagueicha; Ja itúva ja isy ojecharâmô jicuai umimbae oyeé vaecue reje Jesé, ja Simeon ojovasá ichupecuera, ja jei isy Mariape: Co Mitâ cóva oñemoingo joa jaguâ ja opuâ yeby jaguâ jeta umi Israel cuérava, ja oicone jechapyrâ ramo oñeñeê vaí jaguâ, ja oimene peteî kysé pucu reyecutu jaguâ ne anga mbyte peve ja upeicha oyecuaauca vaerâ pe jiâva jetávape ipyapype cuera. Sapya oime upepe avei Ana pe oñemoñeêjára, Fanuel rayŷ, Aser cuera rejeguáva ojupitŷma inguainguinguéma, oico vaecue siete años peteî carai rembireco ramo cuña pyajújague guive, ja omano vaecue iména, ja jae opytá ityreŷ ochenta cuatro años peve máramo nosêvái tûpâo gui oñesûvo ára ja pyjarépe ombo aretévo yepi ocaruŷreje ja oñemboe jiconi. Upéva avei ôguajê uperamo ja omombeu guasu Tûpâ Ñandeyárape ja oñeê Ichugui opa umi ojaarô vaecuepe jina ou jaguâ pe Jerusalem repŷjarâ. Upei catu oyapopáma ramo jecópe opa mbae oyeyapouca jaicha pe Ñandeyára Santa Escritura rupi, oyeby Galileape pe jetâ Nazaretpe. Ja pe mitâ ocacuaa ja imbaraeté ojovo ja iñarandu ete ja Tûpâ Ñandeyára ipyapôrâ Ichupe. Oime oyepocuaa opa roŷpe yepi ojo itúva ja isŷ Jerusalempe pe arete guasu pascua arete ára pe. Upeicha oguereco pype Jae doce años, jaecuera ojo Jerusalempe tapiaguaicha pe arete árape. Ja opamaramo pe areté, oyeby jaecuera ja sapya opyta japycuepe pe Mitâ Jesús Jerusalempe oicuaaŷreje itúva ja isŷ. Jaecuera voi oimôajape oimejá jae iyapytepe cuera, oguata rae peteî ára, ja ojeca oicovo Ichupe umi iyejecueragua paûme, ja umi oicuaava paûme, ja ndoyujuima ramo Ichupe oyeby Jerusalempe ojecávo Ichupe yepyapŷ rejeve. Ja pe mbojapŷ arajápe oyuju Ichupe pe tûpâope, oguapy jina umi iñarandúva cuera apytepe oyapysacávo jeíva ja oporandúvo ichupecuera, ja opa umi ojendu vaecue Ichupe ojecharâmô yoa pe imbaecuaajá ja iñeê jeiva gui. Ja ojecha vove Ichupe, jaecuera ojecharâmô ja jei Ichupe isy: ¿Che memby, mbaerejépa peyapo orereje coicha, nde ru ja che jeta rojeca roina pya mbyasŷ rejéve? Ja Jae jei ichupecuera: ¿Mbaépa oime? ¿Mbaerejépa che reca? ¿Nda peicuaaipa raé Che Ru rembiapópe ipôrâjá Che aime? Upegui jaecuera ndoicuaai mbaépa jeise pe ñeê jeiva. Upei catu osê jendive cuera ja ojo Nazaretpe, ja oyeyoco ipóguŷpe cuera. Oime isy voínte oñongatu ipyapŷpe imanduajápe opa iñeê Jae jei vaecue. Ja Jesús ocacuaa yaveve ipucúcuépe tuvichavé iñarandú ojovo. Ja Tûpâ Ñandeyára ipyapôrâ Ichupe ja upeicha avei ipyapôrâ Ichupe umi caraí cuera. Oyapo pypé quince años oico jague jiconi mburuvicha guasu ramo Tiberio Cesar, oico ramo jiconi pe Judea retâ ruvicha ramo pe Poncio Pilato, ja oico ramo jiconi pe Galilea retâ ruvicha ramo pe Herodes, ja oime pe Iturea ja Traconite retâ ruvicha ramo pe Herodes ryby Felipe, ja oime pe Abilene retâ ruvicha ramo pe Lisanias; ja oico ramo jicuai pai guasu cuera ramo pe Annas ja Caiafas, uperamo voí ou Tûpâ Ñandeyára ñeê pe Zacarias raŷ Juan reje, oime ramo jae pe ñûme ocárarupi. Ja jae ojo pe tetâ Jordan rupigua iyerecuevo oñemoñeêvo toñembyasŷ oñemongaraí jaguâ oyepea jaguâ iñangaipa. Upeicha oico oyee jagueicha voí pe Isaias pe oñemoñeêjara cuatia ñeême pe jei vaecue: Peina pe ñeê upe osapucaiva pe ñûme ocara rupi. Pembosacoí Ñandeyára raperâ ja pemyatyrô pôrâ pe opyrû jaguâ. Umi yby ipycoejá oñemo tenyjêmba vaerâ, ja umi itáatŷra guasu ja umi ybŷatŷra oñemombê vaerâ, ja opa umi tenda icarêva oñecarêó vaerâ ja umi tapé yoyáŷjá oñemboyoya vaerâ, ja upeicharamo opa ybypóra ojecha vaerâ Tûpâ Ñandeyára rembiapo guasu ñande rejejápe. Ja upeicha voí jae jei umi ybypóra osê vaecuepe jicuai oñemongaraíucávo ipórupi: Peê mbói rejegua peê! ¿Avápa pene momarandu raé peñeguajê jaguâ upe oyepŷjarâ ou vaerâ gui? Peñe mbojecopôrâ catu, upeicharamo, iyájaicha umi oñembyasŷ pôrâva rejeguápe, ja ani peñypyrú peye pende pyápe voínte: Oime yareco ñande ru ypycue ramo pe Abraampe. Che voí jae peême Tûpâ Ñandeyára icatujá omoñemoña coa itá gui yepe taŷra cuera Abraam peguârâ. Coangama voí oñemoî umi ybyra rapó reje pe ikytîjarâ; aiporamo opa ybyra râcâ jiá pôrâŷva oñekytî vaerâ ja oyeity vaerâ tatápe. Upei catu umi ybypóra oporandu ichupe: ¿Mbaépa, upeicharamo, royapo vaerâ? Ja jae jei ichupecuera: Oime ramo oguerecova mocoî ao tomeê peteî pe oguerecoŷvape, ja oime ramo oguerecova joú vaerâ toyapo upeicha avei. Oime ou avei Jendápe umi mbaerepy monoôjára oñemongaraíucávo ja jei ichupe: Nde ore poromboejára, ¿Mbaépa ore royapo vaerâ? Ja jae jei ichupecuera: Ani peyerurévé upe mburuvicha omonoôucápyrâ gui. Ja oporandu avei ichupe umi mburuvicha rembiyocuai: Ja orepa, ¿mbaé royapo vaerâ? Ja jae jei ichupecuera: Ani pemonguyjŷyé avavépe, ja ani pemoî vaí reí avavépe, ja ani peñembo yajei pene rembiapocue repŷ gui, pekîrîrînte. Ja upeicha ojaâro jina umi ambuecuecuera ja imanduá ipyapecuera jicuai Juan reje jaepa jaguâ pe Cristo? Upei catu oñeê Juan voí, ja jei opavavépe: Che nico pemongarai ŷpe: upegui ou peteî ipuacaveva chejegui, ndaiyai cheve ayorá ipy rejegua sâ yepe. Jae voí penemongaraine peême Espiritu Santo pype ja tata pype. Oime oguereco ipope pe iñyrûpê, ja omopôtímba vaerâ pe avati yŷkyijá cotŷ, ja ombyaty vaerâ pe avati raŷî pe iñongatujá ryrúpe, ja ojapŷucá vaerâ pe kyácué pe tata ogueve ŷ jaguâme mâramo. Jeta mbae ambue umichagua avei jae oicuaauca umi ybypórape jemimboepe, ja omojerâcuâ ichupecuera pe ipyajúva ipôrâitéva. Uperire sapya pe Juan oyaó pe Herodes pe mburuvicha guasu pe Herodias rupi, pe tybyra Felipe rembireco, ja opa pe Herodes rembiapo vaí ambue oyapo vaecue reje. Opa umimbae vaí yoa yoa reje Herodes omboyuapŷ coambae ambue avei, omoiucá pe Juanpe ybyracuápe. Oyeju racae oñemongaraípa rire opa umi ybypóra jicuaiva upepe oñemongaraíucá avei Jesús, ja uperire oñemboe ramo jina oyepea pe yvaga rokê, ja ogueyŷ Jese pe Espiritu Santo jetéva pycasu ramo ja oñejendú peteî osapucaiva yvagagui jeivo: Nde Che Ray Rojayjúva, Che rorerojorŷeté Ndeve. Uperamo oñypyru ramo Jesús oñemoñeêvo oguero guata ojovo treinta años, Jose raŷ Jae oyeé jagueicha: upéva Eli raŷ, ja upéva Mathat raŷ, ja upéva Leví raŷ, ja upéva Melchi raŷ, ja upéva Janna raŷ, ja upéva José raŷ, ja upéva Mattathias raŷ, ja upéva Amos raŷ, ja upéva Nahum raŷ, ja upéva Esli raŷ, ja upéva Naggai raŷ, ja upéva Maat raŷ, ja upéva Mattathias raŷ, ja upéva Semei raŷ, ja upéva José raŷ, ja upéva Juda raŷ, ja upéva Joanna raŷ, ja upéva Rhesa raŷ, ja upéva Zorobabel raŷ, ja upéva Salaltiel raŷ, ja upéva Neri raŷ, ja upéva Melchi raŷ, ja upéva Abdi raŷ, ja upéva Cosam raŷ, ja upéva Elmodam raŷ, ja upéva Er raŷ, ja upéva Josué raŷ, ja upéva Eliezer raŷ, ja upéva Joreim raŷ, ja upéva Mathat raŷ, ja upéva Leví raŷ, upéva Simeon raŷ, upéva Juda raŷ, ja upéva José raŷ, ja upéva Jonán raŷ, ja upéva Eliachim raŷ, ja upéva Melea raŷ, ja upéva Mainan raŷ, ja upéva Mattatha raŷ, ja upéva Nathan raŷ, ja upéva David raŷ, ja upéva Jesse raŷ, ja upéva Obed raŷ, ja upéva Booz raŷ, ja upéva Salmon raŷ, ja upéva Naasson raŷ, ja upéva Aminadab raŷ, ja upéva Aram raŷ, ja upéva Esrom raŷ, ja upéva Phares raŷ, ja upéva Juda raŷ, ja upéva Jacob raŷ, ja upéva Isaac raŷ, ja upéva Abraam raŷ, ja upéva Thara raŷ, ja upéva Nachor raŷ, ja upéva Saruch raŷ, ja upéva Ragau raŷ, ja upéva Phalec raŷ, ja upéva Heber raŷ, ja upéva Sala raŷ, ja upéva Cainan raŷ, ja upéva Arphaxad raŷ, ja upéva Sem raŷ, ja upéva Noé raŷ, ja upéva Lamech raŷ, ja upéva Mathusala raŷ, ja upéva Enoch raŷ, ja upéva Jared raŷ, ja upéva Maleleel raŷ, ja upéva Cainan raŷ, ja upéva Enos raŷ, ja upéva Seth raŷ, ja upéva Adan raŷ, ja upéva Tûpâ Ñandeyára raŷ. Uperire Jesús jenyjê pe Espiritu Santo gui pe iñatôijara Ichupe oyeby ŷ Jordan gui, ja oico oñatôi jaicha Ichupe pe Espiritu pe ñûrupi oyeicoŷjape, cuarenta ára peve ja opyáraâ oicovo Ichupe pe mbaepochy. Ja umi jaárape Jae ndoui mbaeve, ja ipajápe ojasa rire umi jaára iñembyajŷi. Upei catu jei Ichupe pe mbaepochy: Nde ramo Tûpâ Ñandeyára Raŷ, ere co itápe toñembo mbuyapé. Ja Jesús jei ichupe: Oyeé co Santa Escriturape: Na mbuyape añoipe oicove vaerâ umi cuimbae, opa Tûpâ Ñandeyára ñeême avei. Upei catu pe mbaepochy ogueraja Ichupe peteî itáatŷra yvatevéva ári ja ojechauca Ichupe sapyaite opa tetâ ybyarigua tuvicha guasu cue rejeve, ja jei Ichupe pe mbaepochy: Ameêmbata Ndeve opa coambae rereco jaguâ Nde po guŷpe ja reñembo tuvicha jaguâ ipypécuera. Che pope voí oñemoî vaecue ja iya cheve ameê oimeraêvape jiâ jaichaguánte cheve. Upeicharamo, reñesû ramo che renondepe opa umi mbae nembaerâ. Ja jei ichupe Jesús: Pe Santa Escriturape voí oyeé: Tûpâ Ñandeyárape reñesû vaerâ ja Ichupe año rembueté vaerâ. Uperire ogueraja Ichupe Jerusalempe ja omboyupi Ichupe pe tûpâo ári ja jei Ichupe: Tûpâ Ñandeyára Ray ramo Nde, eyeity coa gui ybype. Oyeé voí Santa Escriturape: Umi yvapeguape oyocuai vaerâ Nderejejape oñangarecó vaerâ Ndereje, ja ipope cuera Nde yoco vaerâ ani jaguâ reñepysângá itáreje. Ja jei Jesús: Santa Escriturape oyeé avei: Ani rembuyajei Tûpâ Ñandeyárape. Uperire opyáraâmbáma ramo Ichupe pe mbaepochy oyeí Ichugui ojeyavo Ichupe iya pôrâve meve ichupe. Upei catu Jesús oyeby ombopuaca pype Ichupe pe Espiritu Santo Galilea peve ja oñemo jêrâcuâ Ichugui oparupi iyerecuevo. Ja Jae oporomboe vaecue tûpâope cuera ja opavave omombeu guasu Ichupe. Ou avei Jae pe Nazaretpe pe ocacuaa jaguépe, ja oike oyepocuaa jagueicha pe sabado arete árape pe tûpâope ja oñemboŷ omoñeê jaguâ cuatia, ja ombojasa Ichupe pe cuatia pe Isaias ñemoñeêjara ñeêngueguaré, ja Jae oipea pe cuatia ja oyuju pe jenda oijape coa ñeê: Oime Ñandeyára Espiritu oico Che reje, Jae Che mongaraí amojerâcuâ jaguâ mbae ipôrâva ipyajúva umi mboriajupe, Che mbou avei amoangapyjŷ jaguâ umi ipyambyasŷvape, ja aicuaauca jaguâ umi oñeñapytîmbŷrépe oyepoí jaguâ, ja amomaê jaguâ umi ojechaŷvape, ajeŷa reíucá jaguâ umi oyeyopŷvape, amojerâcuâ jaguâ ôguajêmaja Ñandeyára oguerojorŷ jaguâ ára. Upemaramo Jae oyapacua yeby pe cuatia ja ombojasa yeby pe jerecuápe ja Jae oguapy. Ja opa umi tûpâope jicuaiva oyesareco Jese. Upei catu oñypyrú Jae jei ichupecuera: Coanga oicopáma jecópe co Santa Escritura ñeê pejendújápe voí. Ja opavavé oguerojorŷ Ichupe ja ojecharâmô umi iñeê jeêva ja ipôrâva osêva iyuru gui, ja jei jicuai: ¿Ndajaeipa cóva pe José raŷ? Ja Jae jei ichupecuera: Icatu peê peyene Cheve co ñeênga: Nde poropôjânôjára, eñepôjânô ndeyupe. Rojendu jagueicha jeta mbae reyapo vaecue Capernaumme, eyaponte coápe upeicha avei neretâme voí. Ja jei avei ichupecuera: Añeté Che jae peême mavavé oñemoñeêjára ndo yererojorŷi jetâme voí. Añeté jae peême jeta ramo yepe umi cuña imenáveŷva pe Israelpe umi jaára pe Elias oico ramo guare pe yvaga oñembotŷ ramo guare mbojapy roŷ ja seis yasŷ peve, ja oico ramo guare tuvicha ñembyajyi opa pe tetârupi, upeicharamo yepe, avave ichupecueravápe noñemondoi pe Elias, oñemondo pe Sareptape mante pe Sidon retâ rejegua peteî cuña caraí imenáveŷva rendape. Ja upeicha avei jeta ramo yepe umi leproso iyaívaíva pe Israelpe pe ñemoñeêjara Eliseo oico ramo guare, upeicharamo yepe, mavavé ichugui cuérava noñemopôtiri imbaasy gui, pe Naaman pe Siriaŷgua añonte. Upei catu opa umi jicuaiva pe tûpâope ojenduma ramo umi mbae, oñembo pochŷpá, ja opuâ ja omosê Ichupe pe tetâ gui ocápe ja ogueraja Ichupe pe itá atŷra ári peve, oñemopuâ jague voínte co jetâ cuera, oity jaguâ Ichupe yvaté gui. Upegui Jae ojasa rei iyapyte rupi cuera, ja oyeí ichugui cuera. Uperire ojo Capernaumme pe Galilea retâme ja upepe oporomboé umi sabado areté árape. Ja jaecuera ojecharâmô pe jemimboe reje iñeê pojŷijáva reje ichupecuera. Ja oi pe tûpâope peteî cuimbae mbaepochy itieŷva rembitarová, ja upeva osapucai jâtâ jeivo: Nde Jesús, Nazareno. ¿Mbaépa reipota orejegui? ¿Reyú pipo ore mbuaipá jaguâ? Che roicuaa pôrâ avápa Nde, Tûpâ Ñandeyára remimbou marangatúva. Ja Jesús oyao ichupe ja jei: Ekîrîrî ja esê ichugui. Upemaramo pe mbaepochy oity ichupe iyapytepe cuera ja osê ichugui omomârâŷreje ichupe mbaevéicharamo. Ja oñemondŷipa jicuai ja omongueta oñopaûme jeivo: ¿Mbaeichaguápa ñeê cóva? Iñeê pojŷieté nico ja ipuacaite, Jae oyocuaijá umi mbaepochy itieŷvape ja jaecuera osê. Upeicha oñemo jêrâcuâ Ichugui oparupi pe tetâ yerereje. Uperire opuâ ja osê pe tûpâo gui ja upegui oiké pe Simon rogape ja Simon rembireco sy tuvicha iñâcânundu jina, ja jaecuera oyerure Ichupe jese. Ja Jae oyayby jenda cotŷ ja oyao pe âcânundúpe, ja upevove opi pe âcânundu ja upei catu jae opuâ ja oyeyocuaiucá ichupecuera. Ja cuarajy oiké rupi opa umi oguerecóva guive jasŷva opaichagua mbaasŷ gui oguerú ichupecuera Jendápe ja Jae opoco opavave jesecuera peteî teî reje, ja omojesâimba ichupecuera. Oime osê avei mbaepochy jetava gui osapucaijápe jeivo: Nde Tûpâ Ñandeyára Raŷ. Ja Jae oyao ichupecuera anichene jaguâ oñeê Ichugui, oicuaajáreje Jae Cristojá. Ja coêmaramo Jae osê ja ojo ñûme oyeicoŷjape ja umi ybypóra ojeca oicovo Ichupe ja ou Jendápe ja oñejaâ oyoco Ichupe anive jaguâ oyepeá ichugui cuera. Ja Jae jei ichupecuera: Tecôtevê amojerâcuâ co teco marangatu Tûpâ Ñandeyára rejegua co Evangeliope guare umi tetâ ambuepe avei: upearânte voí añemboú. Ja uperire oñemoñeê oicovo umi tûpâo Galileapeguape. Peteî árape oi pype Jae pe ŷ Genesaret ŷpŷpe umi ybypóra oyoapa jiari ojendu jaguâ pe Tûpâ Ñandeyára ñeê, ja Jae ojecha mocoî mbayru oi ramo pe ŷguasu rembeype umi piracutujá cuera ogeuyŷ jague oyojeivo ipyjá cuera. Ja Jae oyupi peteîva umi mbayrúpe Simon mbae voí, ja oyerure ichupe ojekŷimivé jaguâ pe ŷ rembey gui ja Jae oguapy pypé ja omboe umi ybypórape pe mbayru ári guive nte. Uperire oñemoñeêmbama ramo, jei Simonpe: Ejekyi catu ŷ mbytepe, ja pembogueyŷ pende pyjá penôjê jaguâ pirá. Ja jei Simon: Che caraí, rombaapo angué pyjaré pucu cue ja noroguênojêi mbaeve. Upeicharamo yepe, neñeê reje amuasâita che pyjá. Ja ombogueyŷ vove ipyjá oñembotŷ voí pypé jeta eterei pirá omondoro jaguâicha yepe pe ipyjá. Ja jae ojenôi icuâme iñîrûnguera jicuaivape pe mbayru ambuepe ou jaguâ oipŷtŷvôvo ichupecuera, ja ou voí ja omojenŷjêmba umi mocoîve mbayrú jaimete ombojoŷguŷ jaguâicha. Ja ojecha ramo upéva Simon Pedro oñesû Jesúspe ja jei: Eyeínte chejegui, che Yara, che nico angaipavóra che. Onemondŷi ja tuvicha okyjŷyé jae ja opa iñîrûnguera avei oi vaecue jendive jeta eterei jague gui ôguenojê umi pirá, ja upeicha avei oñemondŷi Simon îrûnguera Jacobo ja Juan, Zebedeo raŷ. Ja Jesús jei Simonpe: Ani rekyjŷyé, anga guive reico vaerâ cuimbae pyjyjára ramo. Upei catu ogueru ramo ybype imbayru jaecuera ojeyapá imbae ja ojo japycueri jeseguarâ. Uperire pe ára ambuepe oi pype jina peteî tetâme oime upepe peteî cuimbae iyaípáva pe mbaasy Lepra gui ja ojechama ramo Jesúspe oñesû Ichupe ovapŷvo ja oyerure Ichupe jeivo: Che caraí, reipota ramo, Nde puaca voí che mopôti jaguâ. Upei catu Jae oipyso ipo ja opoco jese ja jei: Che aipota! Ta nepôtí! Ja upevove ocañŷmba ichugui pe Lepra iyaíjá, ja jei Jae ichupe ani jaguâ omombeu avavepe: Terejónte, jei, eyejechauca pe paípe ja eicuameê upe Moises omeêucá jagueicha reñemopôtí jague reje oyecuaauca jaguâ opavavépe. Upeicharamo yepe, oñemuasâive meme ojovo jêrâcuâ Ichugui, ja oñembyatŷ jeta ybypóra ojendu jaguâ Ichupe ja oñemojesâiucá jaguâ imbaasy gui cuera. Ja Jae voí oyepea ichugui cuera pe ñû oyeicoŷjape oñemboe jaguâ. Ja peteî árape Jae oporomboe jina ja oi upepe oguapy jicuai umi fariseo ja umi escriva iñarandu reíva ou vaecue opa umi tetâ Galilea ja Judea pegua gui, ja Jerusalem gui avei. Ja pe Ñandeyára puacacué oi Jendive omojesâi jaguâ ichupecuera. Ja sapya ou cuimbae cuera oguerúva jupápe peteî cuimbae iyapávape ja ojeca jicuai omoingue jaguâ ichupe omoî jaguâ Jesús renondepe, ja ndoyujui pypé omoingue jaguâ ichupe umi iyatŷva gui jicuai, oyupi pe oga ári, ja ombocuá ja ogueroyŷ jupá rejeve iyapytépecuera Jesús renondepe. Ja Jae ojecha pypé jaecuera oyeroviájá Jesé jei ichupe: Cuimbae, ne angaipa oyepeapáma ndejegui. Upei catu umi escriva iñarandureíva ja umi fariseo jaecueranteséva oñypyrú oñomongueta oñondive: ¿Avápa cóva, jei, oñeê vaíva Tûpâ Ñandeyára reje? ¿Avápa icatu vaerâ oipea angaipa? Tûpâ Ñandeyára año mante. Upei catu Jesús, ojechacuaa pypé pe jiâva ichupecuera jina, jei: ¿Mbaépa peimoa pende pyapype? ¿Mbaépa icatuvéva, yaé ramo: Ne angaipa oyepeapama ndejegui, terâpa yaéramo: Epuâ ja terejó. Anga peicuaa jaguâ peê co Caraí Raŷ ipuacajá co ybyari oipea jaguâ angaipa (upévo jei pe iyapávape) Che jae ndeve: Epuânte ejupi nde rupá ja terejó nde rogape. Upevove opuâ jesápe cuera ja ojupi pe oñenó jague jina ja ojo jogape ombuetévo Tûpâ Ñandeyárape. Ja tuvicha oñemondŷi opa umi ambuecue cuera ja upegui ombuete Tûpâ Ñandeyárape. Upeicha ramo yepe tuvicha okyjŷyé jicuai ja jei: Coanga yajecha mbae guasu iyerovia ŷ jarâ. Uperire Jae osê ja oguata oicovo ja ojecha peteî mbaerepy monoôjarape jérava Levi (Mateo) oguapŷ jina pe mburuvicha rogape, ja Jae jei ichupe: Eyo Che rapycueri Che rejeguarâ. Ja jae ojeyapá imbae ja opuá ja ojo japycueri. Uperire co Levi (Mateo) oyapo avei caruguasu jogape ja jeta oñembyaty umi mbaerepy monoôjára, ja ambuecue cuera rejegua avei oguapŷva jicuai jendive cuera pe carujápe. Upei catu umi fariseo jaecueranteséva ja umi escriva iñarandú reíva oñomongueta ñemí jemimboecuera reje ja jei ichupecuera: ¿Maerâpa pecaru ja peŷú peê umi mbaerepy monoôjára cuera ja umi angaipavóra ndive? Upei catu Jesús jei ichupecuera: Ndajaei umi jesâiva oicôtevêva oporopojânôjára reje, umi jasŷvante. Che ndayui ajenôivo umi imarangatúvape oñembo jeco pyajú jaguâ, umi iñangaipávape nte. Uperire jaecuera jei yeby Ichupe: Umi Juan remimboecuera ombuaye jeta arete ára ocaru ŷ reje, ja oñemboejape, ja upeicha avei umi fariseo remimboe cuera: Ne remimboe cuerante ocaru ja joŷú umi arete ára pe. Ja Jae jei ichupecuera: ¿Icatúpa pembojasa asy ocaruŷreje pe menarâ îrûnguerape oi aya pe menarâ jendivecuera? Ou voíne ára upearâ, ja oyepeama ramo ichugui cuera pe omendamava, uperamo ojasa asŷne ocaruŷreje umi ára cuerape. Upei catu jei avei ichupecuera guaujápe: Avave, jei, nomondoroi peteî ao ipyajúva omyatyrô jaguâ ao tuyá. Upeicharamo, omondoro reínerae pe ao ipyajúva ja pe pejengue pe ao ipyajuvagui gua nda iya pôrâi pe ao tuyápe. Ja upeicha avei avave nombojyrúi vino pyajú mbaepire ituyávape. Upeicharamo, pe vino pyajú omombúne umi mbaepire ja pe vino oñejêmba ja oñembuaipáne umi jyrú cuera. Pe vino ipyajúva oñembojyrú vaerâ mbaepire pyajúpe. Upeicha avei ndipori avave jouma vaecue vino ituyáva jouséva jiari vino ipyajúva. Jei voí pe ituyáva ipôrâvejá. Uperire pe sabado mocoîjá pe yasy ñypyrúmbŷ pypé Jesús oguata oicovo umi cocue rupi ja umi jemimboecuera oipoó oicovo pe jiacue, ja oipokytî ipope cuera jou jaguâ. Ja oime umi fariseo cuérava jeiva: ¿Marâpa peyapo pe ipôrâŷva yayapo co sabado arete árape? Ja jei ichupecuera Jesús: ¿Na pemoñeêipa racae pe cuatia ñeê Santa Escriturape guare pe oyapo vaecue gui David iñembyajŷi ramo guare ja umi jicuai vaecue jendive, oike jague tûpâope ja oipyjy ja jou pe mbuyape caraí ja jouucá avei umi oi vaecuepe jendive, nda iyái voí avavépe jou umiva, umi paípe mante? Ja Jae jei ichupecuera: Co caraí Raŷ sabado arete ára Yára yepe avei. Uperire oime sabado ára ambuepe avei Jae oiké pe tûpâope ja oporomboe ja oi upepe peteî cuimbae ipo iyacatuapegua iyŷpíva. Ja oime umi escriva iñarandú reíva ja umi fariseo jaecueranteséva omaña jese jicuai yajecha omojesâipa pe sabado areté árape, oyuju potávo omoî vaí jaguâ Ichupe. Jae voí oicuaa pe jiâva ichupecuera ja jei pe cuimbae ipo iyŷpívape: Epuâ ja eñemboŷ mbytepe cuera. Ja opuâ voi jae ja oñemboŷ. Upei catu Jesús jei ichupecuera: Taporandúmi peême ¿iyápa ñandeve co sabado areté árape yayapo pôrâ terâpa yayapo vaí, ñamojesâi jecove terâpa ñambuai jecove? Ja Jae omaê opavave reje oyerecuevo ja jei pe cuimbaepe: Eipysonte nde po. Ja oyapo voí upeicha ja jesâi yeby ipo. Ja ipochŷpa umi ambuecue cuera ja oñemongueta oñondive mbaépa oyapo vaerâ Jesu reje. Uperamo umi ára rupi ojo peteî árape mombyry pe itáatŷrape oñemboe jaguâ. Ja pe pyjare pucu cue yave oñemboe Tûpâ Ñandeyárape. Ja coêma ramo ojenôi jemimboe cuerape ja oiporavó doce iyapytegui cuera ja ombojéra ichupecuera avei Apostoles jembiyocuairâ. Umiva catu pe Simon (ombojéra yoa avei Pedro) ja tybyra Andres, Santiago ja Juan ja Felipe ja Bartolomé, ja Mateo ja Tomas ja Santiago, Alfeo raŷ, ja Simon jérava avei Celador, ja Judás, Santiago ryby, ja Judás Iscariote pe iyapyjyucájarâ. Ja Jae ogueyŷ jendivecuera ja opyta peteî ñu pôtíme, ja oico upepe avei jemimboecuera atŷra ja jeta umi ybypóra ou vaecue opa Judea gui ja Jerusalem gui, ja Tiro ja Sidon retâ pe ŷguasu coty guivo, ou vaecue ojendu jaguâ Ichupe ja oñemo jesâiucá jaguâ imbaasy gui cuera. Ja oime ambuecue avei oñemuanguecói vaecue mbaepochy vaí gui ja oñemojesâi avei umia. Ja opa umi ybypóra oñejaâ opoco Jese, osêjareje Ichugui mbae ipuacáva omojesâi vaerâ opávape. Uperire Jae omaê ja oyesarecó umi jemimboe cuera reje ja jei ichupecuera: Pende reco marangatu vaerâ peêcuera pende poriaju pene tyreŷva, pene mbaerâ voínte pe teco marangatu yvapegua rejegua. Pende reco marangatu vaerâ peêcuera coanga pene ñembyajyiva, peê voi peñemo jyvâtâ vaerâ. Pende reco marangatu vaerâ peêcuera coanga peyajeóva, peê voi pende rorŷ vaerâ. Pende reco marangatú vaerâ umi carai cuera pene ñamotareŷ reí ramo ja pende peá reí ramo iyapytegui cuera ja pene momârâ reí ramo, ja omboí rei ramo pende réra ivaívaicha co Caraí Raŷ rejegua járeje peê. Pende rorŷ peê upe jaára ja peyerokŷ pende rorŷ gui, tuvicha voínte oñembo jecovia vaerâ peême yvagape. Upeicha voí oyapo vaecue ituva cuera ypycue umi oñemoñeêjára cuera ymaguarépe. Angai peê mbaererecojá cuera! Coanga voínte peê perecoma pene angapyjy jaguâ. Angai peêcuera pene ryvâtâmbava jina! Peê pene ñembyajŷi vaerâ. Angai peê pende rorŷva coanga! Pembuasy ja peroyajeó vaerâ. Angai peê oñeê pôrâ ramo pendejegui opa umi ybypóra cuera! Upeicha voí oyapo vaecue itúva cuera umi jaûvôjára ymaguarepe. Peême voí Cherendúvape peina Cheve taémi peême: Pejayjú umi nda yaeívape pendereje, ja peyapo pôrâ umi pene ñamotareŷvape. Pejovasá umi oñeê vaíva pendereje pe, ja peñemboe umi pene momârâva reje. Ja oime ramo nembotáva nde rova ykepe emboyere ichupe pe iyováiva. Ja oime ramo omboíva ndejegui nde ao ndeajoyava ani ne râcâteŷ ne aomimi reje avei. Ja oime ramo oyeruréva ndeve emeênte ichupe. Ja oime ramo oipyjŷva ndejegui nembaéva ani reyerure oñembo jecovia jaguâ reje. Ja peipota jaicha peê oyapo jaguâ peême umi caraí cuera, upeicha avei peyapo peê ichupecuera peteicha. Pejayjú ramo pende rayjúvape, ¿mbaépa oime oñembo jecovia vaerâ peême? Umi iñangaipáva yepe avei ojayjú umi ojayjúvape ichupecuera. Ja peyapo pôrâ ramo umi oyapo pôrâvape peême, ¿mbaépa oimene oñembojecovia vaerâ peême? Umi iñangaipáva oyapo nte avei upeicha. Ja upeicha avei peiporucá ramo umi pejaârô jaguâ peiporú yeby, ¿mbaépa oimene oñembo jecovia vaerâ peême? Umi iñangaipavóra avei oiporú umi angaipavórape oñembo jecovia yeby jaguâ ichupecuera peteîcha. Pejayjúnte, upeicharamo, umi pene ñamotareŷvape, ja peyapo pôrâ ja peiporuca ichupecuera máramo pepoívo pende yerovíajague gui, ja oimene oñembo jecovia vaerâ tuvicha peême, ja peê peñemoingo vaerâ upe Yvateitevéva ray cuera ramo. Upéva voí imbae pôrâva umi tecove otîŷvape yepe ja umi jeco vaívape yepe. Peiporoporiajuvereco peê avei, upeicharamo, upe pende Ru oiporo poriajuverecova jaicha. Ani pecaguaí avave reje, ja upeicharamo, pende reje avei ndiporichene ocaguai vaerâ. Ani pemoî vaí reí avavépe, ja upeicharamo ndiporichene pene moî vaí vaerâ peême. Pejeya reí peê, ja peême avei oyejeya reíne. Pemeê peê ja upeicharamo oñemeêne peême, pene mbayru ipôrâvape oyeyopŷvape oñemonguévape ja oñejêmba reívape omeêne peême pende ao ryguépe: upe mbayrunte voí peê pejaâ jague upévapŷ oñejaa yeby vaerâ peême. Upei catu oñeê yeby ichupecuera guaujápe jeivo: ¿Icatúpa pe jesapysoŷva oisambyjy pe jesapysoŷva ambuepe? ¿Ndoaichépane umi mocoîve ybycuá pe? Ndipori temimboe tuvichavéva pe imboejára gui. Oime ramo imbaecuaa pôrâ jecoitéva, upéva catu imboejára raicha vaerâ. ¿Maerâpa remaê pe capiimi oiva nderyby resápe reje, ja pe ybyrá guasu oiva nde resape voínte nde rejechacuaai. ¿Mbaeichapa iyáne ndeve ere nde rybŷpe: Che ryby, tanojêmi pe capiimi nde resape oiva, rejecha ŷ pypé pe ybyrá guasu nderesápe voí oiva? Nde rovamocoî! Enojê raê pe ybyrá guasu nde resápe oiva, ja upeguirire rejecha pôrâne renojê jaguâ pe capiimi nde ryby resape oiva. Ndipori ybyrá pôrâ jiá vaí vaerâ, ja ndipori ybyra ivaíva jiá pôrâ vaerâ. Opa ybyrá râcâ oyejechacuaa jiácué reje vointe. Ndajaei umi ñûatî râcâ ñamonoôjá umi higoá, ja ndajaei umi yuapecá râcâ ñamonoôjá parralayu. Pe cuimbae imbaepôrâva umi mbae ipôrâva iñongatupŷré ipyapypegua gui ôguenojê mbae pôrâ. Ja pe cuimbae jeco vaíva umi mbae ivaíva iñongatupŷré ipyapypegua gui ôguenojê ivaíva. Upe ñande pyapŷ gui oñejê reiva gui vointe oñeê ñande yurú. ¿Maerâpa Che renôi Cheve Ore Yara, ore Yara, ja upeicharamo yepe ndapeyapoi Che jaéva? Oime ramo ouva Che rendape ja ojenduva Che ñeê ja oyapóva jecope, tajechauca peême avápepa oyoguá. Oyogua peteî cuimbae oyapo vaecue oga, ja oyoo raê vaecue ja ombopypucu ja omoî japórâ itá jâtâ ári, ja uperire tyguasú ramo umi ŷ ja ou ramo oyapi pe oga reje ndicatui ombovává, oyeyapo jâtâ pôrâ jague reje. Oime ramo ojendúva Che ñeê ja ndoyapoiva, upeva oyogua peteî cuimbae omopuâ vaecue oga yby cuí aripe omoî ŷ reje japó pôrârâ, ja ou ramo oyapi jâtâ jesé pe ŷ, voí joá ja osununu oyaparópáite pe oga. Uperire oñemoñeêmbama ramo ichupecuera umi iyatŷvape ojendu vaecue jicuai, Jae oike pe Capernaum retâme. Ja upepe oime peteî mburuvicha rembiguai ojayjueté vaecue jasŷeté omano jaguâicha. Ja pe mburuvicha ojenduma ramo Jesú gui omondo Jendápe umi Judio ituyávape, ja oyeruré Ichupe ou jaguâ reje sapyaite omojesâi jaguâ jembiguaipe. Ja umiva ou Jesús rendape ja oyerure rure Ichupe ojo jaguâ reje catuete. Ja jei: Imbaepôrâite voí upéva, reyapo jaguâicha ichupe cóva. Ojayjú voí ore rejeguape, ja omopuâ yepe oreve ore tûpâo. Upei catu ojo Jesús jendivecuera. Upegui na imombyryveima ramo joga gui, pe mburuvicha omondó Jendápe jayjupára cuérape jeiucávo: Che caraí, ani neanguecói ore rejejápe. Nda iyái cheve Nde reiké jaguâ che roga poriajúpe. Upéva reje voí avei che naimoai raé iyajá cheve aja jaguâ Ne rendape. Erentena peteî ñeêmi yepe toñemyatyrô che rembiguai. Che avei carai añemoî vaecue mburuvicha ambue poguŷpe ja che poguŷpe voí oime areco che rembiyocuaipe, ja jae ramo peteîme: Terejo! jae ojo voí, ja pe ambuepe: Eyo! jae ou voí, ja jae ramo che rembiguaipe: Eyapo cóva! jae oyapo voí. Ja ojenduma ramo upea Jesús ojecharâmô, ja oñembo yeré ja jei umi iyatŷvape jicuai japycuéri: Che co jae peême catuetei nda co Israel retâme yepei ndayujui peteî oyeroviávarejeguá covaicha. Ja oyeby ramo ogape umi jemimbou cuera oyuju jesâi pôrâ yebymajá pe tembiguai jasy vaecue jina. Uperire Jae ojo pe tetâ jérava Nainme, ja ojo Jendive jemimboecuera ja jeta ybypóra avei. Ja ôguajê nguévo pe tetâ rokê ypype, oime upeyave ôguenojê jicuai peteî omano vaecuépe, peteî cuña memby jaeñomi, cuña imena omano vaecue voí, ja jeta upe tetâmegua omoîrû ichupe. Ja Jesús ojecha ramo pe cuñáme, oiporiajuvereco ichupe ja jei: Ani reyajeo. Ja Jae oñemboya ja opoco pe jetecue oija reje, ja umi jerajájaré opytá ja Jae jei: Cariaŷ! Che jae ndeve Epuâ! Ja pe omano vaecue oguapŷ ja oñypyrú oñeê ja Jae omeê ichupe isŷpe. Ja opavavé okyjŷyé, ja ombueté Tûpâ Ñandeyárape. Oime jeíva: Coina ape peteî poromboejára icatupyrŷ guasúva opuâva ñande apytépe: ja oime jeiva: Tûpâ Ñandeyára oñanduma co oyejegua cuerape imanduápypé jesecuera. Ja oico jêrâcuâ pôrâ guasu opa pe Judea retâ yerecuevo ja opa pe tetâ yerereje. Uperamo pe Juan remimboecuera omombeu ichupe opa umimbae oyeju vaecue gui jina. Ja Juan ojenoî mocoî jemimboe cuéravape ja omondo ichupecuera Ñandeyára rendape jeiúcávo: ¿Ndépa upe ou vaerâ vaecue, terâpa oiménepa ambuecue rojaarô vaerâ? Upei catu ou ramo umi cuimbae Jendápe, jei Ichupe: Oime orembou Ne rendape pe Juan Bautista jeiuca Ndeve ¿Ndepa upe ou vaerâ vaecue, terâpa oiménepa ambuecue rojaarô vaera? Upepe voí Jae omojesâi jina jetávape mbaasŷ vaí gui ja mbaasŷ tuyá gui ja mbaepochŷ gui ja jeta ojechaŷvape ombo jesapysó yeby. Upemaramo Jae jei ichupecuera: Tapejó, ja pemombeunte Juanpe opambae pejecha ja pejendu vaecue gui, umi ojecha ŷ vaecue ojecha yebyjá, umi iyapá vaecue cuera oguata yebyjá, umi iyaipá vaecue leproso oñemopôtímbájá, umi iyapysa ŷ vaecue ojendu yebyjá, ja umi omanó vaecue oicové yebyjá, ja umi mboriajúpe cuera roicuaaucajá pe Evangelio co jêrâcuâ ipôrâva ipyajúva. Jeco marangatu vaerâ pe oñembo pyavai ŷ va Cheve. Upegui oyeoi vove umi Juan rembiyocuai, Jae oñypyru oñeê Juan gui umi ybypóra cuerape. ¿Mbaépa, jei, pesê pejecha ñûme? ¿Peteî tacuaripa oñembo vavava ybytúpe? ¿Mbaépa pesê pejecha? ¿Peteî caraípa oñemondéva ao jepŷetévape? Oime umi oñemondé pôrâva ja oicovéva iyeguaite jápe, umiva catu oyeyuju umi mburuvicha guasu rógapente. ¿Mbaepa pesê pejecha? ¿Peteî ñemoñeêjárapa? Upeicha! ja Che jae peême tuvichavé yepe umi ñemoñeêvarejegua gui. Cóva voí upe oyeé jague pe Santa Escriturape: Maêke! Che amondo co Che rembiyocuaipe Ne renonderâ ombosacoí vaerâ Nde raperâ Ne renondepe. Che jae peême umi cuña ryguépe oñemoña vaecue apytépe, ndipori tuvichave co Juan gui. Upeicharamo yepe upe mîchîmietevéva co teco marangatú Tûpâ Ñandeyára rejeguáva tuvichavé ichugui. Ja opa umi ybypóra cuera ja umi mbaerepy monoôjara yepe ojendu vaecue Ichupe ombuayé Tûpâ Ñandeyára imarangatuetéjá oñemongaraíucá pype Juan mongaraíjapŷ. Umi fariseo cuera voí ja umi iñarandúva omboŷké vaecue oyejegui cuera pe Tûpâ Ñandeyára ombosacoí vaecué ichupecuera guârâ oñemongaraíse ŷ pype jae rupi. ¿Avápepa, upeicharamo, jei Jae, amboyoyá vaerâ co cuimbae coâva rejegua coangagua ja mbaepépa oyogua jaecuera? Oyogua voí umi mitâ oguapyva ñambaeyoguajápe ja osapucaiva oyoupe cuera jeivo: Ore rombopu ore mimby peême ja peê nda peyerokyi, ore royajeo papá peême ja peê na pene rasêi. Pe Juan Bautista ou voí ocaruŷva jecope ja joŷú ŷ va jecope, ja peê peye mbaepochy oguerecojá jae. Co Caraí Raŷ ou ocarúva ja joŷúva jecope ja peê peye: Peina pe caraí icarúva rejegua ja icaúva rejegua, umi mbaerepy monoôjára ja umi iñangaipavóra raŷjú pára. Upeicharamo yepe, pe iñarandujá oyecuaa voí jecopejá opa umi iñarandúva rejegua jaetéva rupi voínte. Uperamo oime peteî fariseo oyeruréva Ichupe ocaru jaguâ jendive, ja upei Jae oiké pe fariseo rogape ja oguapy pe carujápe. Oime vaecue pe tetâme peteî cuña jeco vaí vaecue. Ojendúma ramo upéva oija Jesús pe carujápe pe fariseo rogape, oguerú peteî mbayru pôjâ jyâcuâ pôrâva rejeve, ja oñemboŷ japycueri ipy coty ja oyajeo ja ombojycuépá jesaŷ pype ipy ja jiáva iñâcâ rejeguape omocâ ipŷ ja oyurupyte ipy ja omoná jesecuera pe pôjâ jyâcuâva. Ja ojecha ramo upea pe fariseo ojenôi vaecue Ichupe, oñeê ipyápe jeivo: Ñemoñeêjára jaetéva rire co caraí mo oicuaa raé avápa ja mbaéichaguápa co cuña opocóva jese, ja mo oicuaa raé jae cuña jecovaíja. Upei catu Jesús, ojechacuaávo pe ipyapŷpegua, jei ichupe: Simon, oime areco jae mi vaerâ ndeve. Ja jae jei: Nei! erénte, che mboejára. Ja Jae jei: Oime vaecue guaú mocoî cuimbae ombojecoviá vaerâ peteî mbaerepy porucájárape, petei ombojecoviá vaerâ ichupe quinientos mbaerepy ja upe ambue cincuenta. Ja isogué jaecuera guaú ja ndoguerecoi ombojecoviá vaerâ ichupe. Ja upeareje jae ipya pôrâ gui ojeyareí ichupecuera. Eremínte Cheve, upeicharamo, ¿mávapa umiva gui ojayjuvé vaerâ ichupe? Ja Simon jei: Jiâ co cheve pe jetavé jague ojeya reí. Ja Jae jei ichupe: Upeicha nde reimoa jecope. Ja Jae oyeré pe cuñáme ja jei Simonpe: Nde, ¿rejechápa co cuñáme? Che aiké nde rogape, ja nde neremeêi cheve ŷmi yepe che pŷ rejeguarâ. Co cuña voí omboyajú cheve che py jesaŷpe ja omocâ jiávape. Nde nda che yurupŷtéi. Cóva che aiké guive ndopoíri oyurupytévo Che pŷ. Nde neremonái Che âcâ reje yepe ñandŷ. Cóva omoná che pŷ reje ñandŷ pôrâ jyâcuâva. Upévareje Che jae ndeve iñangaipa jeta ete ramo yepe, oyepeapáma ichugui Che rayju ete járeje Cheve. Oime ramo voí yajeyá reí jague mîchîminte, upéva catu ñande rayjú michiminte. Ja Jae jei ichupe: Oyejeyá reípá ndeve ne angaipa. Upei catu umi oguapy vaecue jicuai iyŷpŷpe pe carujápe oñypyrú jei ipyápe: ¿Avápa cóva co oipeáva yepe angaipa? Pe cuñáme Jae jei: Reyeroviajá reje reñemoi pôrâ. Terejo nde pyá guapŷ jaguâme. Uperire Jae oguata oicovo umi tetâ rupi ja umi oga ocara rupigua rupi oñemoñeêvo ja omojerâcuâvo pe Evangelio pe mbae pôrâ ipyajúva pe teco marangatu Tûpâ Ñandeyára rejegua gui. Ja oico Jendive umi doce jemimboe cuera, ja oime avei cuña cuera oñemo jesâi vaecue ipo rupi mbaepochŷ gui, ja mbaasŷ ambuegui, pe Maria jérava avei Magdaléna osê jague siete mbaepochŷ, ja Juana pe Herodes yeroviajá Chusa rembireco, ja Susanna ja cuña cuera ambuecue oyeyocuaiuca vaecue Jesúspe ja jemimboe cuerape imbaeteéva gui voínte. Uperire oñembyaty yoá yoá jeta ybypóra ja ou ouve meme Jendápe umi ambue tetâ gui. Ja Jae oñeê ichupecuera guaujápe, jeivo: “Osê guaú peteî ñemityjára oñemitŷ jaguâ mbae raŷî ja oñemitŷ ramo ojovo oime joa reí vaecue ichugui pe tape ŷképe, ja oñepyrû ja umi guyra oveveva ou ja joupá. Ja oime guaú joa reí vaecue pe itá jâtâ reje ja jeñoi voí ja voí ipirú najeoi gui. Ja oime joa reí vaecue guaú ñuatî ndŷpe ja umi ñuatî jeñoi oñondive ja ombopytúpá. Ja oime joa réi vaecue yby pôrâ jápe ja jeñoi pôrâ ja jiá pôrâ, oime iñapêsâ cien raŷîva. Upei catu jeipáma ramo umimbae Jae osapucai jeivo: Oime ramo iyapysáva ojendu jaguâ tojendunte! Upei catu umi jemimboe cuera oporandu Ichupe: ¿Mbaépa jeise coa ñeê guaujapegua? Ja Jae jei ichupecuera: Peêmente año iya peicuaa umi mbae ñemí co teco marangatu Tûpâ Ñandeyára rejegua guare, umi ambuecue cuerape iya añeê guaújápente, icatu jaguâ omaê ramo yepe jaecuera ojecha ŷ jaguâ ja ojendu ramo yepe ojechacuaa ŷ jaguâ. Co ñeê guaújápegua jeise coicha: Umi mbae raŷî Tûpâ Ñandeyára Ñeê. Umi tape ŷképeguare, umiva catu umi ojendu vaecue ja ou voí pe mbaepochy ja oipea ipya gui pe Ñeê anichene jaguâ oguerovia oñemojesâi jaguâ jianga. Ja umi itá jâtâ rejeguare umiva catu umi ojendu vaecue ja oguerovia vaecue torŷpape pe Ñeê. Umiva ndajapói gui oguerovia sapyaminte ja oime ramo ipya raâva, upe jaárape opoí. Ja umi joa vaecue umi ñûatîndype, umiva catu umi ojendu vaecue: upeguirire oicove yave icatu oyepyapŷ ja iñanguecói umi imbaererecoja gui ja icatu obya eterei gui co teco ybyariguape, oñembopytúpá ja noñemo tyarôi jecópe. Umi yby pôrâ rejeguare umiva catu umi ojendu vaecue pe Ñeê ja oñongatu ichupe imanduajápe ipya pôrâ ja jecopeguápe ja upeicha oguero puaca ipya rôsâme osê pôrâ meve jecope. Ndipori omyandŷva tataendŷ oyajoi jaguâ ichupe mbayru guŷpe terâ omoi jaguâ jupa guype, omoînte pe tataendy rendape ojecha jaguâ ojesapejá umi oikéva pe cotype. Ndipori mbae oñemí vaecue oyejechacuaa ŷ vaerâ, ja ndipori mbae oyeyajoí vaecue oyecuaauca ŷ vaerâ oñerênojê pype ára sâcâ jápe. Peñeñangarecóke, upeicharamo, mbaeichapa pejendú. Oime ramo oguerecóva, oñemeêve vaerâ ichupe, ja oime ramo oguereco ŷ va, pe oguereco ramo gua baicha oñemboí vaerâ ichugui.” Uperamo ou Jendápe isŷ ja umi tybŷra cuera. Ja ndicatui oñemboyá Jendápe oñembyaty jeta eterei gui jicuai. Ja oime omomaranduva Ichupe: Nde sy ja Nde ryby cuera oi ocápe nde rechasevo. Ja Jae jei ichupecuera: ¿Che sy pico ja Che ryby cuera? umiva catu umi ojendúva Tûpâ Ñandeyára Ñeê ja oyapóva jecope. Uperire peteî ára Jae oyupi mbayrupe jemimboe cuera ndive ja jei ichupecuera: Yajasa mandike co ŷ mboypŷri! ja upeicha oyeoi. Ja ojo aya jicuai Jae oké jina. Ja sapyaite oico ára vaí ybytú jâtâ rejeve ja pe mbayru jenyjê moâ ŷ gui ja oi vaí jicuai. Upei catu ôguajê jaecuera Jendápe ja omombaŷ Ichupe jeívo: Caraí, caraí, yajá vaí ñaina! Ja Jae opaŷ ja oyaó pe ybytu ja pe ŷ opupúvape ja okîrîrî voí ja upeicha ára pôrâ yebŷma. Ja Jae jei ichupecuera ¿Môôpa oîme pende yerovia jague? Ja okyjŷyé jaecuera ja ojecharâmô ja jei oyoupecuera: ¿Mávapa cova co ybytúpe ja co ŷpe yepe oyocuai ja iñeêrendú Ichupe? Upegui rire ôguajê umi Gadareno retâme pe oiva Galilea rovai. Upepe ogueyŷ Jae ybype ja ou ojuvâitivo Ichupe peteî cuimbae pe tetâmegua mbaepochy rembitarova: jiaréma voí noñemondevei jague ja ndoicovei jague ógape, oicóvante umi omano vaecue oñeñotŷ jague rupi. Ja ojecha ramo Jesúspe osapucai ja oñesû Jesúspe ja jei osapucaijápe: ¿Mbaépa reipota chejegui, nde Jesús Tûpâ Ñandeyára Tuvichaitevéva Raŷ? Che ayerure ndeve ani che muanguecói cheve. Jae voi oyocuai raé pe mbaepochy vaípe osê jaguâ pe cuimbae gui. Jiaréma voí oguero ñeguajê ichupe pe mbaepochy, ja oñejaâ ramo yepe umi japicha cuera oyoco jaguâ ichupe oyeyocuapŷpé ipó ja ipŷ pe, jae omondojó reínte pe oyeyocuajague ja upegui oñereroñeguajê pe mbaepochy rupi umi ñû reí reje. Ja Jesus oporandu ichupe: ¿Mbaéichapa nde rera? Ja jae jei: Legion (atŷra yae mo ñande): oime voí mbaepochy atŷraetá oike vaecue jeté pypé. Ja oyerure Ichupe ani omondo ichupecuera pe ybyguŷpeté-añaretâme. Upepe sapya oime voí curé atŷra ocaruva jicuai pe itáatŷra ypy rupi. Ja oyerure Iehupe umi mbaepochy Jae omoingue jaguâ ichupecuera jetépe cuera. Ja jae oyapoucá pe jeiva. Upei catu osê umi mbaepochy cuera pe cuimbae gui ja oiké umi curé retepe ja pe curé atŷra oyeity peteî itá guasu yvaté ári gui pe ŷpeve ja joŷguŷpá. Upei catu umi curé rerecua ojecha ramo pe oyeju vaecue oñeguajê ja omomarandú upe tetâmeguape ja pe ñûrupiguape avei. Ja upei catu osê jicuai ojecha jaguâ pe oyeju vaecue ja ojuââimba Jesú rendape ja oyuju pe cuimbae osê jague umi mbaepochy cuera oguapy Jesú py renondepe ja oñemondé ja iñâcâguapŷma jecope. Ja okyjŷyé jicuai, ja umi jechajaré omombeúpá mbaéichapa oñemo jesâi raé pe cuimbae pe mbaepochy rembitarova vaecue. Upei catu opa umi ybypóra Gadarenepegua ja iyerecuerejegua oyerure Ichupe oyeí jaguâ jendágui, okyjŷyé tuvicha eterei. Upeareje Jae oyupi pe mbayrupe ja oyei upegui. Pe cuimbae voi pe mbaepochy osê jague, oyerure Ichupe oico jaguâ reje Jendive. Ja Jae omondo ichupe jeivo: Terejó yebynte nde rogape, ja emombeupá umi mbaeguasu Tûpâ Ñandeyára oyapo vaecue ndeve. Upeareje jae ojo ja omojerâcuâ opa pe tetâ rupi umi mbae tuvicha oyapo vaecue ichupe Jesús. Upei catu oyebŷvo Jesús, umi ybypóra oguerojorŷ Ichupe, opavave jaecuera omaña voí jicuai Jesé. Uperamo ou peteî carai jérava Jairo pe tûpâo ñangarecojára ja oyeity Jesús py renondepe oñesûvo Ichupe, ja oyeruré Ichupe ôguajê jaguâ jogape. Oime oguereco itayŷra peteîmi doce añova, ja upeva omanombotama jina. Ja uperamo oguatavo oicovo Jae, oyoapá jiari umi jicuai vaecue Japycueri. Ja peteî cuña oyapoma doce años jasy jague mbaasy jyguepegua gui, ja omeêmbama opa oguerecómimíva umi ipôjânôjarépe ja ndipóri raé ipuaca vaecue imbaasy reje omojesâi jaguâ ichupe. Upéva ôguajê Japycue guivo ja opocó iyao rembeŷ reje ja upevové jŷpá pe tuguy imbaasŷrejeguare. Upei catu jei Jesús: ¿Avápa co opocóva Chereje? Ja opavavé jei ndoicuaaijá. Upei catu Pedro ja umi oiva jendive jei: Ore Caraí, oime co iyatŷetéva Nde yopŷpá oyoápá. Ja jei yeby Jesús: Oime raé peteîva opoco vaecue Chereje. Che ajechacuaa voínte osêjá Chejegui Che puacácué gui. Upei catu pe cuña, ojecha ramo Jae ndojechaguíri jague ichupe, oryrŷipá ouvo ja oñesû Ichupe ja omombeupá opava renondepe maerâpa opoco raé Jese, ja mbaéichapa jesâi voí yeby raé opytá. Upei catu jei Jesús: Che rayŷ reyerovia guinte reñemo jesâimba. Terejo nde pyaguapŷ jaguâme. Uperamo oñeê pype gueteri Jae, oime ou peteî pe tûpâo ruvicha rogapeguáva jeivo ichupe: Oime omanóma nde rayŷ! Anive, upeicha ramo, reyocuai co carai poromboejárape. Ja ojendú pype upea, Jesús jei: Ani rekyjŷyé! Eyeroviánte ja jesâi yeby vaerâ. Upeicha ôguajê jogape ja Jae nomoinguei ondive avavépe, pe Pedro ja Juan ja Santiagope año mante ja pe mitâ cuña rú ja sŷ. Upepe oime voí oyajeóva yoa ja oyepytianûpâva yoa pya mbyasŷ gui, ja Jae jei: Ani peyajeó, nomanoi jina, okénte! Upeichape opuca Jesé, oicuaa pypé voi jaecuera omanómajá jae. Ja Jae oipyjy ipo ja oñeê jâtâ: Mitâ cuña, epuânte! Upevove ipytûjê yeby ja opuâ voí ja Jae jei ichupecuera omongarú jaguâ ichupe. Ja ojecharâmô pe túva ja isŷ, ja Jae jei ichupecuera anichene jaguâ omombeu avavépe pe oyeyapo vaecue. Uperire Jae ojenôi ombyatŷvo umi doce jemimboe cuerape ja omeê ichupecuera ipuaca ja icatupyrŷ jaguâ umi mbaepochy cuera reje ja omojesâi jaguâ mbaasy gui, ja upeicha omondo ichupecuera omojêracuâ jaguâ pe teco marangatú Tûpâ Ñandeyára rejegua gui, ja omojesâi jaguâ jasyva cuerape. Ja Jae jei avei ichupecuera: Ani peraja mbaeve tapepeguârâ, mbaeve ybyrá pendepopeguârâ, mbaeve mbaerŷrúrâ, mbaeve mbuyapé, mbaeve mbaerepŷ, ja ani perajá mocoî ao yoa. Ja mamo oga peike jaguâme pepyta upépente, ja upegui avei pesê yeby peyeóivo. Ja oime ramo pende rerojory ŷ va pesê jetâgui ocape ja peitybyró pe iyŷbycui pende pŷgui, pejechauca jaguâ oñemoîvaíjá umiva. Upeicharamo, jaecuera osê ojo ja oguata opa umi ogajá rupi oñemoñeêvo pe Evangelio ja omojesâivo oparupi. Uperamo voi pe Herodes pe mburuvicha guasu, ojendu ramo opa umimbae oyeju vaecue jina, oyepyapŷ, oimejá reje jei vaecue pe Juan oicove yeby jague umi omano vaecue paûgui: ja oime ambuecue cuera jei vaecue oyejechauca yeby jague pe Elias, ja oime ambuecue cuera jei vaecue jicuai oicove yeby jague peteî umi oñemoñeêjára ymaguareva. Upeicharamo jei pe Herodes: Pe Juanpe voi che añâcâó. ¿Mávapane cova ajendu jague co jêrâcuâ? ja upeicha oñejaâ iya jaguâ ojecha Ichupe. Upeyave umi Jesús remimboecuera oyebyma racae ja omombeupá rae Ichupe opa umi mbae oyapo vaecue. Upei catu Jae oguerajá ichupecuera ja ojo mombyry jaeñojápe peteî tetâ jérava Betsaida ypŷpe. Upegui oicuaama ramo umi tapicha cuera, ojo Japycueri. Ja Jae oguerojorŷ ichupecuera ja omongueta ichupecuera pe teco marangatu Tûpâ Ñandeyára rejegua gui, ja upeicha avei omojesâi umi oicôtevê vaecue oñepôjânô. Ja pe cuarajy oyaŷbŷma oiké jaguâicha ou Jendápe umi doce ja jei Ichupe: Emondóna umi ybypóra oyeói jaguâ umi tetâ rupi ja umi ogajá rupi iyerecuévo ojeca jaguâ oké jaguâ ja oyuju jaguâ jembiurâ. Coápe voi ñaime co ñû reipe oyeicoŷjape. Ja Jae jei ichupecuera: Peê voí pemeê vaerâ ichupecuera jou vaerâ. Ja jaecuera jei: Ore ndo roguerecoi mbaeve, cinco mbuyape mante ja mocoî pirai, ore rojo ŷ ramo royoguávo tembiu opavave peguârâ. Oime voí jetacue cinco mil cuimbae. Upei catu Jae jei ichupecuera: Pemboguapŷ ichupecuera ybype oyoŷsŷire cincuentape oyoakycuéri. Ja upeicha oyapo, ja omboguapypá opavavé ichupecuera. Ja oyapyjy umi cinco mbuyape ja umi mocoî pirai ja omaê yvaga reje ja ojovasa ja oipejaâ ja omeê umi jemimboecuerape omoî jaguâ umi ybypóra renondépe. Ja upeicha ocarú opavave ja jyvâtâmba. Ja ojupi pe jemby vaecue doce ayacá renŷjêngue. Uperire peteî ára, oi pype jaeño oñemboejape, oime Jendive jemimboe cuera, ja Jae oporandu ichupe cuera jeivo: ¿Avápa jei umi ybypóra Chejá? Ja jaecuera jei: Oime jeiva Ndejá Juan Bautista, oime ambuecue jeiva Ndejá Elias, ja oime ambuecue jeiva Ndejá peteî umi ñemoñeêjára ymaguareva oicove yebyva. Upei Jae jei ichupecuera: ¿Ja peê pico ¿Avápa peye peê Chejá? Upei catu jei Pedro: Nde catu Tûpâ Ñandeyára Cristo. Ja Jae oñemongueta jendive cuera anichene jaguâ omombeu upeva avavépe. Ja Jae jei avei: Tecôtevê co Carai Ray jeta ojasa asy ja oñemomârâ umi ituyáva rupi ja umi paí guasu rupi ja umi escriva iñarandú reíva rupi ja oyeyuca jaguâ ja oicove yevy pe mbojapy arajápe. Ja jei opavavepe: Oime ramo ouséva Che rapycueri Che rejeguarâ, toñemomârâ oyupe voínte ja tojupi icurusu opa árape ja tou Che rapycueri. Oime ramo jacateŷva oguecove reje voí omocañŷne ichupe, ja oime ramo omocañŷséva oguecove voí Cherejejápe oñongatú jâtâucá manerae ichupe. ¿Mbaepa ôguenôjêta peteî cuimbae oyapyjypá ramo yepe opambae co ybyarigua oñemombó pype oyupe voínte terâ oñemomârâ pype oyejegui jae vointe. Oime ramo otî vaecue Che reje ja Che Ñeê reje oime otî vaerâ jesé pe Caraí Raŷ ou ramo pe Jae oñembueté jaguâ árape ja pe Túva ja umi yvapegua imarangatú cuérava oñembueté jaguâ árape. Añetejápe Che jae peême oime peteîva coápe oiva gui omano ŷ vaerâ ojecha peve pe Tûpâ Ñandeyára reco yvapeguava. Uperire ocho arajápe oñeê jague umimbae, Jesús ogueraja ondive Pedro ja Juan ja Santiagope ja oyupi peteî itáatŷraári oñemboe jaguâ. Ja upepe oñemboe aya, oime jóva oñemo ambue ja iyao oñemo môrôtîmba ja ovérápa opytávo. Ja sapyaite oime mocoî cuimbae oñemonguetáva Jendive, umiva catu Moises ja Elias. Umiva oyejechauca oguecope yvapeguarejeguape, ja oñemongueta Jendive upe omano jaguâ reje pe oyeju vaerâ voí Ichupe Jerusalempe. Upe yave Pedro ja umi oiva jendive jopejŷieté jicuai. Upegui opaŷma ramo, ojecha Ichupe overápá jina ja umi mocoî cuimbae oî vaecue Jendivepe upeicha avei, ja oyepeata ramo jina jaecuera Ichugui, Pedro jei Jesúspe: Ore Carai, ipôrâ nico ore roime coápe. To royapo mbojapy cuarajŷâ, peteî Ndeve guârâ ja ambue Moises peguârâ, ja ambue Elias peguârâ: ndoicuaai voí pe jeiva. Ja oñeé pype jina âmbae, sapyaite peteî araí omoâmba ichupecuera ja okyjŷyé tuvicha jaecuera oikévo pe araí guŷpe. Upei catu ou peteî ñeê pe araí apytegui jeiva: Cova Che Ray Che poravópyré. Pejendu catu Ichupé. Ja ojasavo pe ñeê oime oyeju jaeño Jesús, ja jaecuera okîrîrî, ja umi ára rupi ndeiri avavépe mbaeve pe ojecha vaecue gui. Upe ára ambuepe ogueyŷma ramo pe itáatŷra ári gui oime jeta ybypora ojuââi osê ojuvâitivo Ichupe. Ja oime peteî cuimbae umi iyatŷ vaecue cuérava osapucaiva oyerurévo: Ore poromboejára, ayeruré Ndeve rejecha mi jaguâ che raŷpe, che raŷ jaeñomi voínte. Ja oime peteî mbaepochy oipyjŷva ichupe, ja upegui jae sapyaite osapucai ja upei catu omochâimbá ichupe ja omboyurujŷyúipá ja jasype oyei ichugui, oñopûmbá rirente ichupe. Ja che ayerure curi Ne remimboecuerape oity jaguâ ichupe, ja jaecuera ndicatui. Ja jei Jesús: Peê umi oyeroviaŷva rejegua ja pene âcâjâtâva. ¿Aracaépevépa aime vaerâ pene ndive ja aracaé pevépa arokîrîrî vaerâ? Erúnte Cheve nde raŷ coápe. Ja jiâgui vove, pe mbaepochy oity ichupe ybype ja omochâimba jeté. Upei catu Jesús oyaó pe mbaepochŷpe ja omojesâi pe mitâ cuimbaepe ja omeê ichupe itúvape. Ja opavavé ojecharâmô jicuai co Tûpâ Ñandeyára rembiapo tuvicha gui. Ja upe yave opava ojecharâmô yave opa âmbae oyapova gui jina, Jae jei jemimboe cuerape: Pemoingue co Che ñeê pende apysápe pene mandua jaguâ: Co Caraí Raŷ voí oñemeêta jina umi cuimbae pópe. Uperamonte jaecuera ndo jechacuaai pe jeivaecue; oñemoâ voi ichugui cuera, anichene jaguâ ojechacuaa, ja okyjŷye oporandu jaguâ upe jei vaecue reje. Uperire oyuabŷ jaecuera oyuejegui yajecha máva ichuguicuerapa pe tuvichaitevéva? Ja Jesús ojechacuaa pe oyuabyjague ipyápe cuera ja Jae oipyjy ja ojupi peteî mitâmíme ja omoî ichupe iyŷké reje, ja jei ichupecuera: Oime ramo oguerojorŷva co mitâme Che rerape Cheve Che rerojory avei, ja oime ramo Che rerojorŷva Cheve, upeva oguerojory avei pe Che mboujarépe. Upe mîchîetevéva pende apytepeguava, upea nico pe tuvichaitevé vaerâ. Uperamo jei Juan: Ore caraí, ore rojecha peteî oityva mbaepochŷpe Nde rérape, ja ore royoco ichupe oico ŷ jague reje orendive Nde rejeguarâ. Ja jei ichupe Jesús: Ani peyoco ichupe. Oime ramo oico vai ŷ va peême, upeva catu pende rejejape voi oico. Uperire ôguajêma ramo umi jiara oyejupi jaguâ Jae yvagape, Jae omoî jová Jerusalempe ojo jaguâicha. Ja omondo jembiyocuáipe jenonde, ja umia ojo ja oike peteî tetâ Samariapeguape ombosacoí jaguâ Ichupe guârâ. Ja umi upepegua ndo guerojorŷséi Ichupe omoî jague reje jová ojo jaguâicha Jerusalem cotŷ. Ja ojecha pype upea, umi jemimboe cuera, Santiago ja Juan, jei Ichupe: Ore Carai, ¿reipotapa rojenôi ogueyŷ jaguâ tata yvagui ojapŷpá jaguâ ichupecuera oyapo jagueicha Elias? Upei catu Jae oyere ja oyao ichupecuera. Ja upemaramo oyeói jaecuera tetâ ambuepe. Ja oguata oicovo pe tapepe ou peteî cuimbae ja jei Ichupe: Taja Nde rapycueri Nde rejeguarâ mamo rejo jaguâme. Ja jei Jesús: Umi aguará oguereco icuára ja umi guyra cuera yvategua oguereco jaitŷrâ. Co Caraí Ráy mante ndo guerecoi omboyecó jaguâ iñâcâ. Ja Jae jei ambuepe: Eyo Che rapycueri Che rejeguarâ. Ja jae jei: Che Carai, tajami tañotŷ raê che rúpe. Ja jei ichupe Jesús: Tové! Ejeyánte umi omanova rejegua toñotŷ umi omano vaecuepe. Nde catu terejo emojêrâcuâ oparupi co Tûpâ Ñandeyára reco marangatu yvapegua rejegua. Ja oime ambue jeivaecue Ichupe: Taja che Nde rapycueri, che Carai. Tajami raênte tamombeu che rogapeguape. Ja Jesús jei ichupe: Oime ramo omoî vaecue ipo pe yby mbovojá reje, omaê ramo oguapycuepe, ndipori moai jendaguâ pe Tûpâ Ñandeyara reco marangatu rejeguápe. Uperire Ñandeyára oiporavó setenta dos ambue jembiyocuairâ, ja omondo ichupecuera mocô mocôi jenondépe voí opa tetâ ja tenda Jae ojo jaguâme. Ja Jae jei ichupecuera: Jeta co temityácue otyarôma añeté; mbobyeté nte umi imbaapojarâ pypé. Upeareje peyerure peê upe temityá yárape tombou imbaapojarâme co temityácue monoô jaguâme. Tapejonte peê. Maêke! Che pomondo peême ovecha raŷcha aguará guasu apytepe. Ani peraja mbaerepy ryrúrâ, ani peraja mbae rei ryrúrâ ja ani perajá pende pŷryrúrâ ambue, ja ani pendearé pemomaiteivo avavépe pe tapépé. Ja mamo oga peike jaguâme peye raê Taipyáguapŷ co ogapegua. Ja oime ramo upepe peteî ipyáguapŷva jeco yoaŷjúva, upévape catuetei pejovasá vaerâ. Upeichaŷramo pe pejovasa jague toyeby yebynte peême. Ja upe oga voínte pepytá ja peu ja peŷú oimeraêva mbae oicuameê jaichaguánte peême. Pe ombaapóvape iya vói ôguenojê jaguâ pe jembiapo repŷcue. Ani pevá umi ogajá rupi oyoejegui. Ja mamo tetâ peike jaguâme pende rerojorŷ ramo peême peúnte pe oicuameêva peême. Ja pemonguerá umi jasyva cuerape ipype oimeva ja peye ichupecuera: Oñemoânguíma pendejegui co Tûpâ Ñandeyára reco marangatú yvapegua rejegua. Ja mamo tetâ peiké jaguâme, pende rerojorŷ ŷ ramo, pesê umi ogajá rupi ja peyé: Co ybycui nico co pene retâme guare oyáva ore pŷreje roitybyro pendereje. Cóvante peicuaa vaerâ oñemo anguímajá pendejegui co Tûpâ Ñandeyára reco marangatu yvapegua rejegua. Che jae peême upe oñembo jecovia jaguâ árape umi Sodomaŷgua ivevuivé oyeyopy jaguâ upe tetâŷgua gui. Angai nde Corazin retâ! Angai nde Betsaida retâ! Oyeyapo rire Tirope ja Sidonpe umi mbaeguasu oyeyapo vaecue pende apytepe, jiaréma jaecuera mo oguapŷ raé tanimbu mbytepe iyao jû rejeve oñembyasŷvo oñembo jecó ambue jaguâ. Upévareje Tiro ja Sidon oyeyopy ivevuivé vaerâ pendejegui cuera upe oñembo jecovia jaguâ árape. ¿Ja ndepa nde Capernaum ¿reyejupisépa yvagapeve? Oime reñembo gueyŷ vaerâ añaretâmeve yepe. Umi pene rendúva peême, Cheve avei Che rendu, ja umi peême pene momârâva, Cheve avei Che momârâ, ja umi Che momârâva Cheve, omomârâ avei pe Che mboujarépe. Uperire oyeby ramo umi setenta, jorŷeté jaecuera ja jei: Ore Yara, umi mbaepochy yepe oñemoî ore po guŷpe roiporú vove Nde réra. Ja Jae jei ichupecuera: Che voí ajecha vaecue Satanáspe joa ramo araveráicha yvagui. Peême voi ameê pende puaca jaguâ pepyrû jaguâ mbói reje ja yapeusá reje, ja pe pene ñamotareŷjára puacácué reje, ja ndipori chene pene momârâ vaerâ peême. Upeicha ramo yepe anichene peyererojorŷeté umi mbaepochŷ oñemoî járeje pende po guype. Pende rorŷnte oñemoî jague reje pende rera yvagape. Uperamo voi pe Espiritu Santo oñatôi Jesúspe oguerojorŷ tuvichávo, ja Jae jei: Tuvichaite abyá Nde pyri, Nde Che Ru pe yvaga ja co yby Yara, Nde reñomi jague reje coa mbae umi iñarandúva gui, ja umi mbaecuaáva gui, ja reicuaauca járeje umi mitâ cuerape. Upeicha voí iporâ vaerâ, Che Ru, jiâjá reje co Ndeve cóicha. Opambae oñemoî Che pope Che Ru gui. Avave ndoicuaai avápa co Taŷra, pe Túva mante, ja avave ndoicuaai avápa pe Túva, pe Taŷra mante, ja oime ramo pe Tayra oicuaáucáséja Ichupe, upéva oicuaa vaerâ. Upemaramo oyere jemimboe cuera coty ja jei ichupecuera jaeñojápe: Jeco marangatu vaerâ ja ipoaite vaerâ umi ojecha vaecue oguesape voí co peêcuera pejecha vaecue. Che jae peême jeta jague umi ñemoñeêjára ja mburuvicha guasu ymaguare ojechase vaecue co peêcuera pejecháva, ja ndojechai racae, ja ojenduse vaecue co peêcuera pejendúva ja nojendui racae. Upemaramo oñemoî oñemboŷ peteî iñarandúva ja ojaâjápe oporandú Ichupe jeivo: Ore poromboejára ¿mbaépa ayapo vaerâ ajupity jaguâ pe tecové iyapŷraŷva? Ja Jae jei ichupe: ¿Mbaépa oyeé pe Moises cuatia ñeême? ¿Mbaeichaguápa pe remoñeêva pype? Ja jei jae: Rejayju vaerâ ye Tûpâ Ñandeyárape ndepyapy guive, ja opa ne anga rejeve ja opa nde puacacue rejeve ja opa nembaecuaa rejeve, ja rejayjú vaerâ nde rapichápe ndeyupe guaicha. Ja jei Jesús: Upeicha! nde ere jecope. Eyapo upeicha nde, ja reicové vaerâ. Upegui jae jaeséntevágui voí jei Jesúspe: ¿Mávapa che rapicha? Ja jei yeby Jesús: Oime peteî cuimbae guaú ojo vaecue jina Jerusalem gui Jericope ojóvo ja joa moñai cuera pope, ja umiva omoñemboí ichupe ja oicutupá ichupe ja oyeoi voívo ojeya ichupe omano vaí vaí. Ja sapyante guaú ojasa oicovo pe tapé reje voínte peteî paí, ja jae ojecha vove ichupe ojasa jovai rupi ojóvo. Ja upeicha avei guaú ou peteî Levita ja ôguajê pe oijape, ja ojecha vove ichupe ojasa jovai rupi ojovo. Upei catu guaú ou peteî Samariaŷgua ojasavo ojovo, ja jae oñemboya Jendápe ja ojecha ramo ichupe oiporiajuvereco ichupe, ja ôguajê Jendápe ja oipôjânô pe iyecutu jague ñandŷ ja vinope ja oyocua pôrâ jecope, ja upei catu ojupi ichupe oguenda ári ja ogueraja ichupe peteî ñembojupájápe ja oñangarecóucá jese. Ja pe ára ambuepe guaú ojota pype jina ôguenojê mocoî mbaerepy ja omeê pe ogayárape, ja jei ichupe: Eñangareco pôrâ cheve jese, ja oime ramo remoîve vaerâ ichupeguârâ ayu rire che ambojecoviáne ndeve. ¿Mavapa, upeicharamo, umi mbojapy gui jiâ ndeve oñembo japicha raé pe joa vaecue umi moñai cuera pope pe? Ja jae jei: Upe oiporiajuvereco vaecue ichupe, upéva jae. Upei catu Jesús jei ichupe: Terejó, nde eyapo peteîcha. Uperire sapya Jae ojovo ôguajê peteî ogajápe ja peteî cuña caraí jérava Marta oguerojorŷ Ichupe jogape. Co cuña caraí kypŷŷ jérava Maria, ja upéva oguapŷ Ñandeyára py renondepe oyapysaca jina iñeêreje. Upeyave Marta iñanguecói nungá jiconi jembiapóetágui. Ja sapyaite opytá jae ja jei: ¿Ore Yára ndeisei mbaevepa Ndeve che kypŷŷ che reya ramo ayapopá co tembiapo cheaño? Erénte ichupe ta che pytyvômi. Upei catu jei Jesús: Marta, Marta, ne anguecói ja reyepyapy reí reicovo jeta mbae reje. Peteî mbae año tecotêvê. Maria voí oiporavó pe ipôrâveva opambaegui, ja upéva noñemboi chene ichugui. Oime peteî árape oñemboe jina Jae peteî Jendápe, ja uperire oñemboepáma ramo peteî jemimboe cuérava jei Ichupe: Che Carai, Oremboéna oreve roñemboe jaguâ reje pe Juan omboe jagueicha avei umi jemimboe cuerape. Ja Jae jei: Peñemboe ramo peye vaerâ cóicha: Ore Rú, toñembueté Nde réra, toñemoingo Nde reco yvapegua rejegua, pe ore rembiurâ opa arapeguarâ emeê oreve coanga tapiaguaichante, ja ejeyá rei oreve ore angaipa, ore rojeya rei jaicha umi ombojecoviá vaerâ orevepe, ja ani ore moingué oreve ore pya rââ rei jaguâme. Jei Jae avei ichupecuera: Sapya oime guaú peteî peêcuérava oguereco jayjupárape ja pyjare pyté ojo Jendápe, ja jei ichupe: Che rayjúpára, eiporucámí cheve mbojapy mbuyape. Oime peteî che rayjupára ouva che rendape tape pucu gui ja che ndarecoi amoî vaerâ ichupe jou vaerâ. Icatu guaú pe ambue oñeêne pe coty guive: Ani che muanguecói, che rokê oñembotŷma ja che ja che raŷ cuera roime roñeno ore rupápe: ndaicatui apuâ ameê ndeve. Che jae peême, opuâse ŷ ramo yepe omeê jaguâ ichupe ojayjupárajáva reje, añetejápe omoanguecoi járeje jina ichupe opuâne ja omeêne oicotêvêjaichagua. Ja Che jae peême avei: Peyerure ja oñemeê vaerâ peême. Pejeca peê ja peyuju vaerâ. Pemboya ja oyepea vaerâ peême pe okê. Opa pe oyerurévape oñemeê vaerâ, ja upe ojecáva oyuju vaerâ, ja pe ombotávape oyepea vaerâ pe okê. Oime ramo tayra oyeruréva itúvape mbuyape reje, ¿máva peêcueravapa omeêne ichupe peteî itá? ¿terâpa oyerure ramo pirá reje omeêne ichupe peteî mbói pirá rangue? ¿terâpa oyerure ramo ryguasu rupia reje omeêne ichupe peteî yapeusa? Upeicharamo peê pende roco vaíva voí pemeêcuaa ramo pene remimeêmbyré pôrâ pende raŷ cuerape ¿pico ndicatui voívé pende Ru oiva yvape omeê Espiritu Santo umi oyerurévape Ichupe? Uperire omosê jina Jae peteî mbaepochy iñeêngúvape ja osêma ramo pe mbaepochy, oñeê yeby pe iñeêngû vaecue ja umi ybypóra ojecharâmô. Ja oime jaecuérava jeiva: Beelzebul umi mbaepochŷ ruvicha guasu rupínte Jae oityjá umi mbaepochŷ pe. Ja oime ambuecuera ojaâmbotávo Ichupe oyerure Ichupe ojechaucá ichupecuera mbae jechapyrâ yvaga guive. Upegui Jae ojechacuaapŷpe pe jiâva ichupecuera, jei: Oime ramo tetâ oyeyuabŷjá oyuejegui voí oñemo nandí vaerâ. Ja oime ramo oga oyeyuabŷjá oyuejegui voínte joa vaí vaerâ. Ja oime ramo co Satanás mbaepochy oyuabŷva oyejegui voínte, ¿mbaéichapa opytá jâtâne mburuvicha guasu ramo? Peê peye voí Che aityjá umi mbaepochy cuerape Beelzebul rupi. Ja upeicha ramo Che aity ramo umi mbaepochype Beelzebul rupi, pende raŷcuera pa ¿avá rupi oity jaecuera mbaepochŷpe? Upeareje umiva voí pene mojendá vaerâ peême. Ja Che aity ramo Tûpâ Ñandeyára cuâ rupi umi mbaepochype, añete co Tûpâ Ñandeyára reco yvapegua rejegua ôguajêmane peême. Oime ramo cuimbae mbaraete oñembosacoíva, upéva oñangarecó pe oyeikéjá jogape ja oñongatu imbae pyáguapŷjápe. Upegui ou ramo ambue imbaraetevéva ichugui ja oñembo puacá ramo jeseve, upéva omboí ichugui opa pe oñembosacoí jague iyerovia jague ja oimene oñomboyao jaguâ pe oyapyjypyré. Upe ndayaeiva che reje oi vaí Che ndive ja upe Chendive omonoôŷva omuasâimba jina. Osêma ramo pe mbaepochy tieŷva peteî cuimbae gui oico umi tenda icâjá rupi ja ojeca opytuú jaguâ ja oyuju ŷ ramo, jei iyupe: Tayeby pe ogape asê jague, ja ouma ramo oyuju pe oga oyetypéi ja oñemyatyrô. Upemaramo oyeí ja oipyjy sietevé mbaepochy ondive iñañavéva ichuguí voí, ja umiva oike ja opyta upepe ja pe cuimbae reco ipajapegua ivaívé pe iyŷpycue ramo guarégui. Ja Jae jei vove umi mbae oime peteî cuña umi jicuaivagui osapucai ja jei: Jeco marangatu vaerâ, ipoaite pe cuña jygúe Nde ryrú vaecue, ja icáma Ne mocambu vaecue! Ja Jae jei: Jiâ co Cheve ipoaitevé vaerâ umi ojendúva Tûpâ Ñandeyára Ñeê ja ombuayéva ichupe jecope. Upei catu oñembyaty ramo jina umi ybypóra Jae oñypyru jei ichupecuera: Coâva rejegua cuera coangagua ivaíva rejegua voí. Ojechase jaecuera mbae jechapyrâ reí, ja ndo yejechaucáne ichupecuera mbaeve jechapyrâ, pe Jonás jechacuaápyré mante. Upe Jonás oñemoingo jagueicha mbae jechacuaapyrâicha umi Nineveŷguape, upeicha avei co Caraí Raŷ oñemoingóne jechacuaapyrâicha coâva cuera rejegua coangaguávape. Upe cuña caraí mburuvicha guasu ybŷcotyó gua opuâ vaerâ upe oñembojecoviá jaguâ árape umi cuimbae cuera coâva rejegua coangagua ndive, ja omoî vaíne ichupecuera. Upéva voí ou mombyryete gui co yby yva guive voí ojendu jaguâ pe Salomon mbaecuaacue gui, ja coina ape oime peteî tuvichavéva Salomóngui. Umi Nineveŷgua cuera opuâ vaerâ umi cuimbaecuera coangagua ndive upe oñembojecoviá jaguâ árape ja omoî vaí vaerâ ichupecuera. Umiva nico oñemboyere oñembo jecopôrâvo pe Jonas oñemoñeê jague rupi. Ja coina ape oime peteî tuvichavéva pe Jonas gui. Ndipori omyandŷva tataendŷ omoî jaguâ coty ñemijapeguápe, terâ mbayru guype, pe tataendy rendape mante omoî umi oikéva jina ojecha jaguâ jendyjá. Co ñande rete ojesapéva ñande resá voí. Nde resápysó pôrâ ramo jecópe, nde rete avei oyejesapépá vaerâ. Nde resápyso vaí ramo opa nde rete avei iñypytûmba vaerâ. Upeicharamo remaê porâ vaerâ yajecha pe ojesapéva oiva pende pype ndajaeijá iñypytûvánte. Upeicharamo nde rete oyejesapépá ramo, ja ndipori ramo mamové iñypytûjá, oyejesapépá vaerâ pe tataendy jendy pôrâvaicha ndeve nderesapé jaicha ramo. Upei catu oñeêmbáma ramo umimbae, oime peteî fariseo oyerure vaecue Ichupe ocaru jaguâ jendive. Ja Jae oike ja oguapy pe carujápe. Ja pe fariseo ojecha ramo Ichupe ojecharâmô ndo yepojéi jague reje ocaru mboyvé. Ja jei ichupe Ñandeyára: Coanga peé fariseo cuera pemopôtí pene mbayrú apé ja pene ñaembé apé ja upeyaveve pende pya voí jenyjêmba umi iyabykŷba rejegua ja umi iñañáva rejegua recó gui. Pende tabŷ peêcuera. ¿Upe oyapo vaecue pe iyapé rejegua ndoyapoipa avei pe jyepypegua? Upeicharamo yepe, pemeê ramo tûpâmbaerâ pe pendepype oiva, ipôtímba vaerâ opambae peême. Angai peêcuera fariseo! Peê peipeáva mbae tûpâmbaeicha pene menta ja ruda ja opaichagua caavó gui, ja upeyaveve pemboŷké pe teco yoyá ja Tûpâ Ñandeyára mboraŷjú. Umi mbae voí tecôtevê vaerâ peyapo pejeya rei ŷ reje yepe umi ambue. Angai peê fariseo peê peguapyséva umi tenda ipôrâvévape tûpâope, ja peipotava opavavé pene momaitéi umi tapé rupi. Angai peê pene arandu reiva, ja peê fariseo pende rová mocoîva! Peê peyogua umi ybycuá omano vaecue oñeñotŷ jague oyejecha ŷ va ja umi cuimbae opyrûjá oicuaa ŷ reje. Upemaramo jei peteî caraí iñaranduva Ichupe: Ore poromboejára, ere ramo Nde upeicha, oreve avei ore momârâ reina. Ja jei Jae: Angai peêcuera pene arandúva avei! Rejupíucá ipojŷiva cuimbae apéreje icatuŷva oguerajá, ja peê na peteî pene cuâme yepei nda pepocoi umi ipojŷiva reje. Angai peê pemopuâva panteon umi oñemoñeêjára ymaguarépe umi penderú ypycue oyuca vaecue. Upeicha peê, jechajarévaicha, pende pya yoyáva pende ru ypycue ndive jembiapo vaícuépe. Umiva voí oyuca ichupecuera ja peê pemopuâ ichupecuera ipanteonrâ. Upeareje avei pe Tûpa Ñandeyára aranducué jei: Amondóta ichupecuera oñemoñeêjára ja cherembiyocuaipe ja oimene ichugui cuérava oyuca vaerâ ja oimene ambuecue omoña vaerâ, icatu jaguâ co tetâmegua coangaguagui oyeyeruré opa umi oñemoñeêjára ruguŷ repycue reje oñejê vaecue iñypyrumbŷ guive co yby, pe Abel ruguŷcué guive upe Zacarías ruguŷcué peve upe peyuca vaecue pe mbae caraí rendá ja pe tûpâoryepŷ paûme. Añetejápe Che jae peême oyeyerurépá vaerâjá coâva cuera rejeguagui. Angai peêcuera, caraí iñarandúva pe pemboí vaecue pe mbaecuaa yepeájá: peê vointe nda peikéi ja umi oikesévape peê peyoco. Upegui osêma ramo Jae, umi escriva iñarandúreíva ja umi fariseo jaecueranteséva oñypyrú oyopy eterei Jesé, ja oñejaâ omoñeê Ichupe jetambae gui, omañavo Jese oñapytîmbotávo Ichupe iñeê iyuru rupigua gui voí. Upeyave ou oñembyatŷ jetaeterei ybypóra atŷra oyoápá reí jicuaí oñopyrû reí jaguâicha oyoejecuera, ja Jae oñypyrú ramo oñeê, jei raê jemimboe cuerape: Peyererecóke umi fariseo reco mbobujágui pe jovámocoî recó gui voí. Ndipori voí mbaeve oyeyajoí vaecue oyeyajoyáó ŷ vaerâ, ja ndipori mbaeve oñeñomí vaecue oyecuaáucá ŷ vaerâ. Upevareje oimerâeva mbae peye vaecue pytûnguŷpe oñejendú vaerâ arasâcâ jápe, ja oimeraêva mbae peñeê vaecue iyapysápe cotypype oyerero sapucai vaerâ oga ári guive voí. Anga taémi peême, peê Che raŷjupára cuérava, ani pekyjŷyé jaguâ umi oyucáva gui ñande rete ja upe gui ndo guerecovévái oyapo vaerâ ñande reje. Tamombeumi peême aváguipa peê pekyjŷyé vaerâ. Pekyjŷyéke upe oguerecóva ipópe gui pende yucá jaguâ peême ja uperire avei pende reitŷ jaguâ añaretâme. Añete Che jae peême, upeva catu pe pekyjŷyé jaguâ. ¿Na ñañemûipa cinco guyrámimi peteî mbaerepŷ reje? Upeicha ramo yepe ndipori peteîmi ichuguicuérava oyejesaraíjá Tûpâ Ñandeyára ypype. Ja peê pende áva pene âcâ rague yepe oyepapapa. Upeicha ramo ani pekyjŷyé, peê pende repŷetevé jeta guyrámí gui. Anga Che jae peême opa pe Che mombeú baecue Cheve umi ybypóra renondepe, upevape avei co Caraí Raŷ omombeu vaerâ umi Tûpâ Ñandeyára rembiyocuai yvapegua renondepe. Upeicha avei opa pe Che momârâ vaecue umi ybypóra renondepe, upéva oñemomârâ vaerâ umi Tûpâ Ñandeyára rembiyocuai yvapegua renondepe. Upeicha avei oime ramo jei vaecue ñeê co Carai Ray coty coty, oyejeyá rei vaerâ ichupe. Oime ramo voí oñeê vaí vaecue pe Espiritu Santo coty coty omomârâvo Ichupe, ndiporichene oyejeya rei jaguâ ichupe upeá. Ja pende reru ramo tûpâope ja umi mburuvichaí ja umi mburuvicha guasu renondepe, ani peyepyapŷeté mbaéichapa terâpa mbae peñeê vaerâ reje pende yeje, terâpa mbae peye vaerâ. Pe Espiritu Santonte upepe voí uperamo penemboe vaerâ pe peye vaerâ reje. Uperamo oñeê peteîva umi upepe jicuaiva ja jei: Ore poromboejá, eremi che rykeŷpe tomboyao cheve pe ore ru amyryi ojeya vaecue oreve. Ja Jae jei ichupe: ¿Mbae nipo? cuimbae! ¿mávapa Che moingo raé Cheve mburuvicha ramo terâ oporomboyaojára ramo pene paûme? Upei catu jei umi ambuecue cuerape: Pemaêke, peñeñangarecóke opaichagua mbaepotá potavégui! Upe ñañembo mbae guasuetéjá árape yepe ndajaei ñanembae ñongatupyré gui ñande recové jaetéva. Ja upei catu omombeu avei ichupecuera peteî ñeê guaúvape jeivo: Oime guaú peteî caraí guasu mbaererecojá jiá pôrâite vaecue iñû gui. Upéva jei ipyápe: ¿Mbaépa ayapota? Ndarecovei ambyaty jaguâ che remityacue. Ja jei oyupe: Tayapónte cóicha. Tamboyaparó co che mbae ñongatú jague ja tamopuâ yeby pyajú tuvichavéva, ja upépe ambyatyne che coga ja opa che racateŷjá pôrâva avei. Ja upeicha guaú jaéne che ángape: Nde, che ânga, jetambae ipôrâva rereco iñongatupyré jeta roŷ rôguârâ. Eropytuúnte, erocarú, erocaú, ja erobŷá! Upei catu jeine guaú ichupe Tûpâ Ñandeyára: Nde taby! co pyjare voí oyeyerure vaerâ ndeve ne anga reje, ja umimbae rembuesacoí vaecue ¿avá mbaerâpáne? Upeicha vaerâ voí umi oñongatu vaecuepe jacateŷjarâ iyupeguârânte, ja noñongatu vaecuei mbaererecojarâ Tûpâ Ñandeyára peguârâ. Upei catu jei jemimboe cuerape avei: Upeareje Che jae peême ani peyepyapy reí jaguâ pende recové reje mbaépa peu vaerâ reje terâ pende rete reje mbaépa pemonde vaerâ reje. Ñande recové nico tuvichavé tembiú mbae gui, ja ñande rete ñande aó gui. Pemaê umi yrybú reje. Umiva noñemitŷvái ja nomonoôvái temityacue, umiva ndoguerecoi coty monoô jaguâ terâ oñongatú jaguâ. Opaichavévonte Tûpâ Ñandeyára omongarú ichupecuera jecópe. ¿Ja peê pico? ¿Na pende repŷetevéipa umi guyra gui? Upeicha avei máva peêcuérava peyepyapy pype icatune pembopucu jaguâ pende recové sapyamimi yepe? Upeicharamo ndicatui ramo peyapo pe mîchîveva yepe, ¿maerâpa peyepyapy umi mbae ambue reje? Ta pejecha umi yboty râcâ mbaéichapa ocacuaa. Umiva nombaapóvái ja noipóvái. Upeicharamo yepe Salomon yepe opa oyeguacá rejeve noñemondei vaecue peteîva umivacuéra ráicha. Ja upeicha omondé ramo Tûpâ Ñandeyára co caavó pe ñûme oiva coanga, ja coêramo oñemombó vaerâ tatacuápe ¿mbaéichapa na pene mondeichene peême, peê peyerovia mîrîva? Upeicharamo ani peñejaâ reí pe pecaru vaerâ reje ja pe peŷú vaerâ reje avei, ja ani peyepyapŷ eté peicovo. Oime oyejecá jecáva opa âmbae reje, umiva catu umi ybypóra reí icaraiŷva. Oime pende Ru yvapegua oicuaa pôrâ peê peicôtevêjá coa mbae reje. Peñejaânte peê pe teco marangatu yvapegua rejegua reje ja opa mbae ambue oñembo yuapŷ vaerâ peême. Ani pekyjŷyé peê, peê Che atyra mîchî! Ipya pôrâ pende Ru omeê jaguâ peême pe teco marangatu yvapegua. Peñemû pene mbaeteé reje ja pemeê tûpâmbaerâ. Peyapo pende yupe guârâ mbaerepy ryrúrâ oyeyaró ŷ vaerâ ituyá gui, pene racateŷjárâ ñongatupyrâ yvágape opaŷvaera, upe mondajára ôguajê ŷ jaguâme terâ umi tiguaâ omongui ŷ jaguâme. Upe oijape nico pene racateŷjá ñongatupyré upepe avei pende pyapy oi vaerâ. Peñembosacoi peê peyecúacuá pôrâke ja pemyandy pene rataendŷ, ja peicóna cuimbae ojaârôvaicha jicuai omañajápe icaraipe oyeby ramo guârâ imendaja gui, icatu jaguâ ou ramo guârâ ja ombota ramo guârâ okê oipeá voí jaguâ ichupe pe okê. Ipoaité vaerâ umi tembiguai, icaraí ou ramo ja oyuju ramo ichupecuera omañajápe jina. Añete Che jae peême jae jaeté oyecúacuáne ja omboguapŷne ichupecuera icarujápe ja jae ae ôguajêne Jendápe ja oyeyocuáiucá ichupecuera. Ja ou ramo yepe jae pe ryguasu sapucai peteî yave terâ mocoî yave, oyuju ramo ichupecuera upeicha oicovo ipoaité vaerâ umi tembiguai. Cova avei peê pene mandua vaerâ, oicuaa rire pe ogayára aracaérupipa oune pe mondajára jae mo omaña rae catuetei ja mo ndojeyai che ombocuá joga. Peê avei peñembosacoíke, upe jaára peimoâ ŷ jápe peê oune co Caraí Raŷ pene rendape. Upei catu Pedro jei Ichupe: ¿Ore Yara, erépa nde coa mbae raânga ñeê oreveguârânte terâpa opavave peguârâ avei? Ja jei ichupe Ñandeyára: ¿Mávapa pe mbae ñangarecojá yeroviajá ja iñâcâ pôrâva pe ogayára omoingo vaerâ umi jembiguai rerecuarâ omeê jagua ichupecuera jembiurâ jecope? Ipoaite pe tembiguai icarai oyujúva oyapo ramo upeicha ou ramo jae. Añete Che jae peême omoingóne ichupe opa oguerecova rerecuáramo. Ja sapya oime ramo tembiguai jeiva ipyápe: Che caraí jiaré jina ou jaguâ, ja oñypyrúva oinûpâ umi tembiguai ambuecuepe cuimbaeva ja cuñávape avei, ja ocaruete ja ocaúeté oñemotieŷ meve, sapyaite oune pe tembiguai caraí upe jaárape jae ojaârôŷme, ja pe hora oicuaaŷme, ja ombuepotíucáne ichupe ja omondone ichupe umi iyeroviaŷva rejegua paûme. Upe tembiguai oicuaa vaecue voí icarai rembipota ja oñembosacoi ŷ ramo ja oyapo ŷ ramo jembipota jeta oñenûpâne. Ja oime ramo oicuaa ŷ vaecue ja oyapo vaecue mbae ivaíva oñenûpâucá jaguâicha, oñenûpâ mbobŷne. Oime ramo oñemeê jague jetá, jetá yeby oyeyerurene ichugui jecoviárâ, ja oime ramo oyeyeroviá jague jetá mbae reje jetave oyeyeruréne ichugui. Che ayu amboyá jaguâ tata co yby ári. ¿Ja coanga mbaépa pe aipotáva? Mbaeicha tamo jendyma rae! Oime gueteri peteî oñemongaraíjá tecôtevê añemongaraí jaguâ, ja Che ayepyapy catuetei oicopa peve jecópe upéva. ¿Peimoâpa peé Che ayu jague co yby ári amoingo pe teco kîrîrî? Ajaniri nda upeichai, Che jae peême, ayu oyuaby jaguâ oyuejegui. Coaguirire nico oimene cinco peteî ogape oyuabyva oyuejegui, oimene mbojapy umi mocoî coty coty ja mocoî umi mbojapy coty coty. Oiméne pe tuva oñemoî tayra coty ja pe taŷra itúva coty coty oyuabŷvo oyuejegui, oimene pe sy imemby cuña coty coty, ja pe imemby isy coty coty, oimene ndesy nerembireco coty coty, ja nerembireco ndesy coty coty. Ja jei Jae avei umi oñembyaty jicuaivape: Pejecha ramo pe arai opuâ ouvo cuarajy reikejá guio, upevove peê peye: Ou ama. Ja upeicha voi oyeju. Ja oipeyu ramo ybytu peê peye: Mbyryaita jina. Ja upeicha oyeju. Peê pende rovamocoîva! Peê pejechacuaa pôrâ co yby rová ja pe ára rová rejegua, ¿ja mbaéichapa nda pejechacuaai co coangagua rejegua mbae? ¿Mbaeguípa avei nda pejechacuaai pendeyejegui vointe pe teco jecopegua? Sapya pejo ramo peina pe mburuvicha rendape upe ndereje omboyáséva ndive, eñejaâ icatu jagueicha jae oñyrô jaguâ ndeve pe tapepe voí ani nde rerajá jaguâ pe mburuvicha rendape ja ani pe mburuvicha nembo jasa jaguâ pe ybyracua rerecuápe ja pe ybyracua rerecuá nemoingue pe ybyracuápe. Che jae ndeve resê ŷ jaguâ upegui rembo jecoviápáite peve pe rembojecoviá vaerâ. Upeyave voínte oi upepe oúva Jendápe omombeúvo Ichupe umi Galileaŷgua gui juguŷcué pe Pilato omboyopará vaecue umi jymbá oñemongaraípyré ruguŷcué ndive. Ja Jae jei ichupecuera: ¿Peimoâpa peê umi Galileaŷgua ojasa asŷ jague upeicha iñangaipavé jague reje umi Galileaŷgua ambuecue gui? Ajaniri, Che jae peême. Icatu peêcuera voí peñembyasŷ ŷ ramo peñembo jeco pyajúvo, opavavé peê pemanomba asŷne peteîcha. Upeicha abei umi ambuecue diez y ocho joa jague pe itárendá yvaté Siloepegua ja upe oyucapá jague ichupecuera, ¿peimoâpa peê umiva jecóvaívé umi cuimbae ambuecue jicuai vaecue Jerusalempe gui? Ajaniri che jae peême. Icatu peê cuera voí peñembyasŷ ŷ ramo peñembo jecó pyajúvo, opavavé peê pemanomba asyne peteîcha. Upei catu Jae jei ichupecuera co ñeê guaujápe: Oime vaecue guaú peteî oguerecó vaecue higo râcâ icocuepe ja ou ojecá jiacué jesé ja ndoyujui, ja jei pe cocuépe ombaapovape: Oyapoma mbojapy roy ayú jague ajeca jiacué jâcâ reje co higo mâtâme ja ndayujui mbaeve. Eikytînte ichupe. ¿Maerâpa ombopirú reí co yby? Upei catu guaú oñeê jae ja jei: Che caraí ejeyamivéna peteî roŷ gueteri ayoo jaguâ iyerecuévo ja amboyopará ambyavévó jaguâ pe yby. Ja upeguirire jia ramo, ipôrâitéta, ja upeichaŷramo icatu reikytîucáne uperire. Ja Jae omboe jina peteî tûpâópe peteî sabado arete árape, ja oime upepe peteî cuña jasŷva oyapóma diez y ocho años ja jumbŷyaŷbŷjápente oico jague ja mbaeveicharamo ndicatui jague oñemboŷ pôrâ. Ja Jesús ojecha ramo ichupe ojenôi ichupe ja jei: Nde, cuña caraí, opoípáma ndejegui nembaasy. Ja omoî ipo jiari ja upevove jae ojetepysó ja oñemboŷ pôrâ ja ombuete Tûpâ Ñandeyárape. Upei catu pe tûpâo rerecua ipochy eterei Jesús omojesâi jague reje pe sabado areté árape, ja oñeê jae umi oñembyatŷ vaecuepe jicuai jeivo: Oime voí seis ára iyajá ñandeve ñambaapo jaguâ. Umi jaárape, upeicharamo, peyu ja peñembo jesâiucá, ja ani co sabado aréte árape. Upei catu jei ichupe Ñandeyára: Nde rovámocôi! ¿Nda peyoráipa pende buey ja pene mburica iñapytî jágui icarujágui upe sabado areté árape yepe perajá jaguâ pemboŷú jaguâ ichupecuera? Ja co Abraam rayŷpe oyapoma diez y ocho años pe mbaepochy oñapytî jague, ¿naipôrâipa rae yayora pe iñapytî jague co sabado areté árape yepe? Ja jeima ramo co âmbae oñemotîmba umi oñemoî vaecue icoty coty. Umi ambuecue voí oñembyatŷva jicuai oguerojorŷ Ichupe opa umi mbaeguasu jechapyrâ Jae oyapo vaecue reje. Upei catu Jae jei ¿Mbaetepepa oyogua co teco marangatu Tûpâ Ñandeyára rejegua ja mbaerépa amboyoyá vaerâ? Oyogua nico mostaza raŷîme oipyjyva cuimbae ja oñotŷva icocuépe, ja ocacuaa ja oñembo ybyrá ja umi guyra cuera arapegua oñembo jaitŷ jâcâ reje. Ja jei yeby: Upeicha avei mbaerépa amboyoyá vaerâ co teco marangatu Tûpâ Ñandeyára rejegua? Oyogua voí pe mbuyape mbobújápe oipyjŷva cuña caraí ja oyajoíva mbojapy kilo mbae icuipyré apytepe obupápeve. Uperamo Jae oguata oicovo umi tetâ ja oga atŷrajá rupi oporomboevo ja oipyjy rae tape ojo jaguâicha Jerusalem coty. Uperamo oime peteî jeiva Ichupe: Ore caraí, ¿mbobymíntepa umi oñembo jecomarangatúva jina ojo jaguâicha yvágape? Ja Jae jei ichupecuera: Peñejaâ catuetei peê myâtâjápe peike jaguâ pe okê ipychîîva rupi. Jetaeté voí Che jae peême oimene umi ojeca vaerâ oike jaguâ ja ndicatuichene. Opuâ rire pe ogayára ja omboty rire okê, uperamo peê peimene ocapé, ja peñypyrúne pembotá pe okê peyévo: Carai eipeána oreve. Ja Jae jeine peême: Che nda poicuaai peême mamoguápa peê. Upei catu peê peñypyrúne peye: Ore voí rocaru vaecue ja ore roŷú vaecue Nde rovaké voí yepe, ja ore roga rupi voi Nde vointe reporomboe vaecue. Uperamo jae jeine peême: Che ndaicuaai peême mamoguápa peê. Peyeí peê Chejegui peê cuera mbaévaí apojaré cuera guive. Ja upepe oico vaerâ pe yajeo ja taiñeê, pejecha ramo pe Abraampe ja Isaácpe ja Jacóbpe ja opa umi ñemoñeêjara ymaguare oi ramo pe Tûpâ Ñandeyára rendape ja peê voi peñemombo ramo ocápe. Oimene ou vaerâ cuarajy resê coty guivo ja pe cuarajy reike coty guivo ja oimene pe yvate coty guivo ja pe yby coty guivo oguapy vaerâ pe caru guasu jápe Tûpâ Ñandeyára rendape. Añetejápe oimene umi coanga tapycuepeguare tenondepegua vaerâ, ja oimene umi coanga itenondeguaré tapycuepegua vaerâ. Uperamo ôguajê Jendápe fariseo cuera jeiva Ichupe: Eyeínte coágui, ja terejó, oime pe Herodes voí Nde yucase jina Ndeve. Upei catu Jae jei ichupecuera: Tapejo catu ja peye upe aguarápe: Maêke! coanga ja coêramo aity aicovo mbaepochy cuérape, ja aporomo jesâi mbaasy gui, ja pe mbojapy arajápente ayapopámane jecópe pe ayapo vaerâ. Upeicharamo yepe, tecôtevê aguatavé gueteri coanga ja coêramo ja coê ambue ramo. Ndicatui voí peteî ñemoñeêjára omano pe Jerusalemgui ocape. Angai nde Jerusalem, Jerusalem, nde reyucáva umi ñemoñeêjárape ja reyapíva itápe umi oñemboúvape ndeve, ¿mboby yebypa ambyaty moa nde ray cuérape cheve, upe ryguasu ombyaty jaicha taŷra cuerape ipepo guŷpe, ja peê nda peipotai? Maêke! oyejeyama peême co pende roga nandí. Che voí jae peême maramové nde cherechavei jaguâ Cheve upe peye jaguâ arapeve: Ta imombeu guasúpyrâ upe Ñandeyara rerape oúva. Peteî sabado areté árape oiké Jae peteî mburuvicha fariseo rejeguava rogape ocaru jaguâ, ja jaecuera omaña Jese jicuai. Ja sapya oime jenondepe voí peteî cuimbae jasyva irurúpáva. Uperamo Jesús oporandu umi iñarandúvape ja umi fariseo cuerape jeivo: ¿Iyápa ñandeve ñamojesâi jasŷvape co sabado areté árape? Ja jaecuera okîrîrî. Upei catu Jae oipyjy ichupe ja omojesâimba ichupe ja opoí ichugui ja omondó. Upegui Jae oyere ichupe cuera ja jei: Oime ramo pende raŷ terâ pene mburica terâ pende buey oimeraêva pene rymbá joa vaecue ybycua pe, ¿na pende pyaeichépane penôjê jaguâ upegui pe sabado areté árape yepe? Ja oñeê pype âmbae Jae, ndicatui jaecuera ombojovai Ichupe. Upei catu Jae ojecha ramo umi oñejenôi vaecue pe carujápe oiporavó meme jicuai umi tenda guapyjá itenondéva, jei ichupecuera co mbae guaujápe: Reñejenoîucá ramo peteî caruguasú mendajápeguápe, ani reguapŷ pe guapyjá tenondevévape, sapya oime ramo guârâ ambue oñejenôi vaecue oyererojorŷvéva ndejegui, ja sapya ou ramo guârâ pe pene renôi vaecue ndeve ja upévape jeivo ndeve: Nde, emeêmo co tenda co caraípe. Uperamo nde retîne, ja reváne reguapy jaguâ pe tenda ipajápeguape. Upévareje reñejenôi ramo carujápe terejo eguapŷnte pe ipajapegua tendápe voí, ou ramo guârâ pe nerenôi vaecue: icatu jae jeine ndeve: Nde, Che rayjupára, eyupimi yvatevé. Uperamo nde reyererojorŷetévéne umi oguapŷva nendive pe carujápe renondepe. Oimeraêva voí oñembo tuvicháva oyupe, oñemo mîchîne, ja oimeraêva oñemo mîchîva oyupe, oñembo tuvicháne. Jei avei pe ojenôijarépe: Ja nde, reyapo ramo caru guasu árape terâ pyjarépe ani rejenôiucá umi nde rayjupára cuérapente, terâ umi nde reje cuera guape nte, terâ neanáma cuérapente, terâ nde roga ypypegua mbae rerecoja pente, anitere umiva avei nerenôi yeby ndeve iyejegui cuera ja oyapo ndeve ombo jecovia vaicha ramo. Upea rângue nde reyapo ramo caru guasu ejenôiucá umi mboriajupe cuera ja umi ipo ŷ vape ja umi ipy carêvape ja umi jesapyso ŷ vape cuera. Upeicharamo, nde poaite vaerâ ja rerojoryeté vaerâ: umiva voi ndo guerecoi ombo jecovia vaerâ ndeve: upe oicove yeby jaguâ árape umi imarangatu vaecue, oñembo jecoviáne ndeve jecópe. Upei catu peteîva umi oguapŷva jicuai Jendive, ojendu ramo upea, jei Ichupe: Jeco orŷeté vaerâ umi ocaru vaerâ pe caru guasu Tûpâ Ñandeyára renda yvapegua rejeguape. Upei catu Jae jei ichupe: Oime guaú peteî caraí oyapo vaecue caru guasu ja ojenôiucá jetape. Ja oicopáma ramo guaú pe caru guasu rôguârâ jae omondo jembiguaipe jei jaguâ umi oñejenôi vaecuepe: Peyúnte, oime oicopáma. Upei catu guaú opavavé oñypyrú oñembojecórei. Oime peteîva jeiucáva ichupe: Oime ayogua râmô peteî ñû, ja tecôtevê aja ajecha jaguâ. Ayerure ndeve ani reipyjy vaí cheve. Oime ambue jeiucáva: Oime ayogua curi cinco yunta buey, ja ajata ajaâvo ichupecuera. Ayerure ndeve ani reñemyrô cheve ndicatui járeje aja. Oime ambue jeiucáva: Oime amendápá râmô aina ja upegui ndicatui aja. Upei catu guaú oyeby pe tembiguai ja oicuaaucá co âmbae icaraipe. Uperamo ipochŷeté pe ogayára ja jei jembiguaipe: Nde pyaé, terejó umi mbae ñemûja rupi ja co tetâ oga paû rupi ja eru emoingué coápe umi mboriajúpe cuera, ja umi ipo ŷ vape ja umi ipy carêvape ja umi jesapysoŷvape. Upeguirire guaú ou yeby pe tembiguai jeivo: Che carai oyeyapópáma jecópe pe nde ere jagueicha cheve, ja upea rejeve yepe oime gueteri iyávé jaguâ. Upei catu guaú jei pe carai jembiguaipe: Terejó umi tapé rupi ja umi caaguŷ cupé rupi ja emoingue catuetékena myâtâjápe yepe jenyjêmba jaguâ che roga. Che jae peême avave umi cuimbae oñejenôi vaecue nojaâi chene che caru guasu gui. Oime sapya peteî ára ojo Jendive ybypóra atyra omoîrûvo Ichupe tapepe, ja Jae oyere ichupecuera ja jei: Oime ramo ouva Che rendape oñamotarey ŷ va itúvape ja isŷpe ja jembirecópe ja taŷra cuérape ja tybyra cuérape ja teindyra cuerape ja upeicha avei oguecové voínte, upeichagua cuimbae ndicatui oico Che remimboe ramo. Ja oimeraêva ogueraja ŷ va icurusu voínte ja ou ŷ va Che rapycueri ndicatui oico Che remimboe ramo. ¿Mávapa peêcuerava omopuâse ramo peteî oga yvate, ndoguapy raêi pa oipapá jaguâ mbobypane jepŷrâ, ani jaguâ omoî rire japorâ ndicatui omomba ja upegui oimene oñypyrú oñembo jory jesé opa umi ojechava, jeivo: Oime co carai oñypyrú omopuâ oga ja ndicatui omombá. ¿Terâpa máva tetâ ruvicha osê vaerâ oñorayrô jaguâ ambue tetâ ruvicha ndive, ndoguapy raêipa ojecha jaguâ icatûpane diez mil cuimbae rejeve osê ojuvâitivo upe veinte mil cuimbae oúvape oñorayrô jaguâ jendive. Upeicha ŷ ramo icatu mombyry ramo gueteri, pe ambue omondo Jendápe tembiyocuai cuerape oporandu jaguâ ndicatuipa oñoñyrô jaguâ oñondive. Upeicharamo oimeraêva peêcuérava oyepease ŷ va opambae jacateŷjá gui, ndicatui oico Che remimboe ramo. Ipôrâ voí pe yuky. Upeicharamo yepe, ocañŷ ramo pe yuky gui yepe jeêngue, ¿mbaepa peiporúta pemojeê yeby jaguâ? Naipôrâvei ñambuavevó jaguâ yby terâ yaity yty atyra reje yepe: ñamombó mante ocape. Oime ramo iyapysáva ojendu jaguâ tojendúnte. Uperamo oime oñemboyá vaecue jicuai Jendápe opa umi mbaerepy monoôjára cuera ja umi iñangaipavóra cuérava ojendu jagûa Ichupe. Ja oime oñemongueta ñemí jicuai oñondive umi fariseo jaecueranteséva voí ja umi escriva iñarandú reíva cuera jeivo: Oime co carai oguerojorŷ umi iñangaipavórape ja ocaru jendive cuera. Upei catu Jae oñeê ichupecuera guaujápe jeivo: ¿Máva cuimbaepa peêcuerava oguerecova cien ovecha ocañŷ ramo ichugui peteîmi yepe, ¿ndojeyai chepane umi noventa nueve pe ñûme ojo jaguâ ojecávo pe ocañŷ vaecue oyuju peve. Ja oyujuma ramo ichupe ojupi iyatiŷ reje torŷpápe, ja oyere jogape, ja ojenôi jaŷjúpára cuerape ja joga ypypeguape, ja jei ichupecuera: Pebyá catu che pŷri ayujuma járeje che ovecha ocañŷ vaecue. Che jae peême upeicha avei pe yvagape voí oñembo jeco marangatu ma ramo mbyasyjápe peteî angaipavóra yepe, oico vaerâ tory tuvichavé umi noventa y nueve jecope oico vaecue reje gui nda tecôtevêvai oñembo jeco marangatu. ¿Terâpa máva cuña oguerecova diez mbaerepy ocañŷ ramo ichugui peteîmi nomyandyi chépane tataendŷ ja ndoitypéi chepane joga ojeca jaguâ catuetei oyuju peve ichupe, ja oyujuma ramo ojenôi jaŷjúpára cuerape ja joga ypypeguape, ja jei ichupecuera: Pebyá catu che pŷri ayujuma járeje che mbaerepy ocañy vaecue chejegui. Upeicha avei Che jae peême oico torŷ guasu Tûpa Ñandeyára rembiyocuai yvapegua paûme oñembo jeco marangatu jague reje mbyasŷjápe peteî angaipavóra yepe. Jei Jae avei: Oico vaecue guaú peteî carai mocoî taŷrava. Ja upe mitâveva guaú jei itúvape: Nde, che ru, emeê cheve ñane mbae gui upe chembaerâ voínte. Ja jae omboyao ichupecuera imbae. Ja nda jetai ára uperire guaú pe itayra imitâvéva oñembosacoípáma ramo osê ojo tetâ ambuepe mombyryjápe ja upepe jae omombucápá reí imbaerepŷ oicovo iñâcâ vaíete itieŷjápe. Ja upeicha ramo guaú ombojycúpáma ramo, sapya oico upe tetâme ñembyajŷi guasu ja jae isoguépe ojasa asyete. Upévareje guaú ojo ôguajê peteî caraí pe tetâmegua rendape, ja upéva omondo ichupe iñûme oñangarecó jaguâ curé reje. Ja upepe guaú ipyayeruré jou pe yvopé yepe umi curé rembiucué ja avavé nomongarui ichupe. Ja jae guau oyeby oyeje, ja jei ipyápe: ¿Mboby che ru rembiguaipa oguereco jemby reíva ichupecuera jembiugui aime yave che coápe amanojápe ñembyajŷi gui? Tapuânte, ja taja yeby che ru rendape ja taénte ichupe: Nde, che ru, añemo angaipa yvaga coty coty ja nde coty coty, ja nda iyavéi cheve añembo jéra nde raŷ ramo. Che rereconte peteî ne rembiguai ramonte. Upei catu jae opuâ upegui ja ojo itúva rendape. Ja oi ramo yepe mombyryeté gueteri, ojecha ichupe itúva, ja oiporiajuverecoite ichupe, ja oñaní ja oñañuâ ichupe ja oyurupyté ichupe. Ja jei pe itayra ichupe: Che ru, che añemo angaipa yvaga coty coty, ja nde coty coty avei, ja nda iyavéi cheve añembo jéra nde raŷ ramo. Upei catu guaú jei pe itúva jembiguai cuerape: Penôjê ichupe pe ao ipôrâveva ja pemonde ichupe jecópe ja pemoî cuâîrû icuâ reje, ja emoî ichupe ipyrejegua râ, ja perú pe ñane rymbá raŷ ikyraitéva ja peyuca voí, ja yacarú ja yayerokŷ. Co che raŷ voi omano vaecue ja oicove yebyma, ocañŷ vaecue ja oyeyuju yebŷma. Ja upeicha oyoguerojory. Ja sapya guaú pe tayra iyŷpycue oico ñûme upeyaveve, ja ou ramo ôguajêvo pe oga ypype ojendu mbaraca ombopu ramo ja oyeroky ramo. Ja ojenoî peteî tembiguaipe ja oporandu mbaépa upea? Ja jae jei: Oime ou yebyma nde ryby ja nde ru oyucauca pe jymbá raŷ ikyráetevéva oguerojory jaguâ jesaîmba járeje oúvo. Ja ipochy jae ja ndoikesei. Upevareje guaú osê ituva ja oyerure rure ichupe oiké jaguâ reje. Ja oñeê jae ja jei: Tové catu! Maêke, jiare aréma che ayeyocuaiucá jague ndeve, ja máramove namomârâvái jague nerembiapoucapy ja máramo neremeêvái cheve peteî cabará raŷ yepe ayererojorŷ jaguâ che raŷjúpára cuera ndive. Ja coanga ouma ramo co nde raŷ co ombojycúpa reí vaecue nembae umi cuña reco vaí ndive, vocoí reyuca ichupe guârâ pe ñane rymbá raŷ ikyraitevéva. Upei catu guaú jae jei ichupe: Nde, che ray, nde tapia reico chendive ja opa che mbaererecojá nembae voínte. Tecôtevê voínte yayapo caruguasu ja ñande rorŷ jaguâ co nde ryby rejejápe: jae omano vaecue ja oicové yebyma, jae ocañŷ vaecue je oyeyujú yebŷma. Uperire Jae oñeê yeby jemimboe cuerape avei jeivo: Oime vaecue guaú peteî carai mbaererecojá oyocuai vaecue peteîme joga rerecua ramo. Ja sapya oime omboyáva jese ombojycúpá rei icarai mbae. Upévareje jae ojenoî ichupe, ja jei: ¿Mbaépa cova ajendúva ndejegui? Emoîmba cuatiápe jecópe nde reco cue che roga rerecua jague gui. Nda iyaveima ndeve reico che roga rerecua ramo. Upei catu jei ipyápe pe oga rerecua: ¿Mbaépa che ayapota anga che carai che mongúi cheve joga rerecua jague gui? Ndaicatui ayoo jaguâ cocuepe, ja atî aico rei jaguâ tûpâmbae yararâ. Aicuaa nico ayapo vaerâ acúi ramo guârâ co oga rerecua jague gui oime jaguâ che rerojory vaerâ jogape cuera voí. Upei catu guaú jae ojenôi peteîba ombojecoviá vaerâme icaraipe ja jei pe itenondévape: ¿Mbobypa oime rembojecovia vaerâ nde che caraipe? Ja jae jei: Oime cien ñandy ryrú. Ja jei ichupe: Coina ape eipyjy co nde cuatia ja eguapŷ voí ja emoî cincuentante. Upei catu jae jei ambuepe: ¿Ja ndépa mboby oime rembojecovia vaerâ? Ja jae jei: Cien avati ryrú. Ja jei ichupe: Eipyjy co nde cuatia ja emoî ochentante. Ja upe carai guasu guaú oiporangereco pe joga rerecua oñembo jeco vaí vaecuepe oyapo jague reje iñâcâ pôrâ jápe. Oime voí umi cuimbae ybypóra reco rejeguava iñâcâpôrâve japicha cuerateépe umi oyejesapéva rejeguava gui. Ja Che jae peême: Peñejaâ peyejayjúucá jaguâ umi pene mbaerepy rupi, mbae jecoŷmegua ramo yepe, icatu jaguâ pende sogue ramo guârâ pende rerojory jaguâ peñemoâ jaguâme tapiaguârâ. Upe iyerovia jague mîchîmívape yepe upeva iyeroviajá vaerâ mbae tuvichavévape upeicha avei. Ja pe oicova jecoŷme mbae mîchîmívape, oicone jecoŷme mbae tuvichavévape avei. Upeicharamo, pende yeroviajá ŷ ramo peê umi mbaererecojá jecoŷmegua rejeguape, avápa oyeroviáne pende reje umi mbae ipôrâva jecopegua rejeve? Ja umi penembae ŷ reje yepe nda peicoi ramo oyeyerovia jaguâicha pende reje, ¿avápa omeêne peême ore mbae voi? Ndipori tembiguai peteî ogapegua icatúva oyeyocuáiucá mocoî caraipe. Icatune oñamotareŷ peteîme ja ojayjú pe ambuépe. Terâ oyane peteî reje ja ogueroŷrône pe ambuepe. Ndicatui peê peyeyocuaiuca Tûpâ Ñandeyárape, ja upeyaveve pe mbaererecojápe avei. Ja oime oyapysacáva jicuai opa umimbae reje umi fariseo jaecueranteséva jacateŷ etereiva mbaerepy reje, ja umiva oñembo jory jicuai Jesé. Ja Jae jei ichupecuera: Peêcuera vointe umi oñemo mbaepôrâva rejeguava iyupecuera umi carai cuéra resape. Oime Tûpâ Ñandeyára ojechacuaa pende pyapy ja icatu pe jepŷetevéva umi caraí resápe omboyeguarú Ichupe. Upe teco Moises ñeêngue rejegua ja umi oñemoñeêjara ñeêngue rejegua oico ou peve pe Juan, ja upe guive oime oñemo jêrâcuâ ojovo co teco marangatu Tûpâ Ñandeyára rejegua ja opavavé oñomyaña jicuai oike jaguâ ipype. Icatuve pe yvaga ja co yby ocañŷ, opyta rei mboyve peteî tykŷ pe Moises ñeêngue gui yepe. Oimeraêva opoiva oguembireco gui ja omendava cuña ambue reje, upéva ombuai mendaré, ja upe omendáva pe imena opoí jague reje, upeva avei ombuai mendaré. Oico vaecue guaú peteî caraí guasu oñemondé vaecue ao joby jepyetevévape ja oyapovaecue opa árape caruguasu torypape. Ja oime guaú peteî mboriaju ityreŷva jérava Lazaro, upéva oñemoi vaecue yepi upe carai rokê ypype jasŷva iyaípáva. Ja jae iyurujei jousévo yepe pe tembiu cuicue gui joáva pe mbaererecojá carujágui. Oime guaú avei umi yagua yepe ouva ojereívo iyaíjá. Ja sapyaite omano pe mboriaju ja oyererajá umi yvapegua po rupi pe Abraam yŷvá ári peve. Ja oime guaú upe carai guasu upe mbaererecojá omano avei ja jae oñeñotŷ. Ja pe añaretâme oija gui omaê yvate coty pe ojasa asyjá gui jina ja ojecha pe Abraampe mombyry guive ja pe Lazarope iyŷva ári oiva. Upei catu jae osapucai jeivo: Nde, che ru Abraam, che poriajuverecomi ja embou pe Lazarope tomyakŷ icuâ apyra ŷ pe omoroŷsâmi cheve che cû. Che anguecói eterei co tata jendyva apytepe. Upei catu guaú jei ichupe Abraam: Che ray, emanduami ne mbae pôrâ rereco jague nde recove pucu cue yave ja co Lazaro upeicha avei ímbae vaí rereco jague. Coanga jae oime coápe iñangapyjyjápe jina ja nde reime pe rejasa asy jápe reina. Ja uperire avei oime oico ñane paûme co ñane mboyaó tuvicha oyuejegui, ja oime ramo yepe ojasáséva acoty guivo peêcuera peime jápeve ndicatui, ja ndipori avei ojasa jaguâ amongoty guivo ñane ñaime jápeve. Ja jae jei: Upeicharamo, ayerure ndeve, che ru, remondo jaguâ reje ichupe che ru rógape. Oime areco voi cinco che ryby cuerape toicuaaucá ichupe cuera ani jaguâ ou jaecuera avei co tenda oyejasa asyete jápe. Upei catu Abraam jei ichupe: Oime oguereco voí pe Moises ñeêngue ja umi oñemoñeêjara ñeêngue; ta iñeêrendu ichupecuera. Ja jae jei: Anichene, che ru Abraam, sapya ojo ramo mante ichupecuera peteî umi omano vaecue paûgui, icatu mo oñembo jeco marangatu mbyasyjape. Ja jae jei guaú ichupe: Ojenduse ŷ ramo Moises ñeêngue ja umi oñemoñeêjara ñeêngue ndoyeroviaucái chene avei opuâ ramo yepe peteî umi omano vaecue gui. Uperire Jesús jei jemimboe cuerape: Ndipori oyeico jaguâ oico ŷ reje omoñemyrôjá. Angai pe omoñemyrôucájára! Ipôrâve vaerâ moa oñemoî iyayúri peteî itá apua ja oñemombo jeseve ŷguasu ruguápe anichene omoñemyrôucá peteîme co mitâ mîchîmíme. Peñeñangarecóke peê! Sapya oime ramo nde ryby oñemo angaipa, eyaonte ichupe, ja oñembo jecopôrâ ramo mbyasyjápe eñyrônte ichupe. Ja oñemo angaipa ramo nde coty coty siete yeby peteî árape, ja oñemboyere ramo siete yeby nerendape jeivo: Añembyasy añembo jecopôrâsévo, nde reñyrô vaerâ ichupe. Ja umi Ñandeyara rembiyocuai Apostoles jei Ichupe: Emboyoavé yoavé oreve yeroviá. Upei catu jei Ñandeyára: Peyerovia ramo peteî mostaza raŷîcha peyemo co ybyra râcâme: Eyejapoó catu ja eñeñotŷ pe ŷguasupe, ja mo iñeêrendú peême. Sapya oime ramo peteî peêcuérava oguerecova jembiguaipe yby mbobújára terâ jymbá rerecuá ramo, oyere ramo upeva ñû gui ombaapo jague gui, ¿jeípane ichupe: Eguajê catu nde angaite voi eguapy carujápe? ¿Upea rangue nde erei chépane ichupe: Embosacoínte acaru jaguâ che, eyapacuante nde ao, ja toroyocuai acarupá peve che ja jaŷúpá peve. Ja upegui rire ecaru nde ja jeŷu. ¿Oguerojorypa pe jembiguaipe oyapo jague reje jecópe pe oyeyapouca vaecue ichupe? Che aimoâ ajaniri. Upeicha avei peêcuera peyapopa rire jecópe opa pe oyeyapouca vaecue peême, peyente vaerâ: Ore voí tembiguai reínte. Ore royapo mante pe royapo vaerâ. Uperire Jae oguata ojovo Jerusalem cotŷvo, ja ojasa ramo jina Samaria retâ ja Galilea retâ mbyte rupi, sapya oikévo Jae peteî tetâi ojuvâiti Ichupe diez cuimbae leprosos iyaipáva. Umiva opyta mombyry jicuai, ja osapucai jâtâ jeivo: Nde, Jesús, ore Carai, ore poriajuverecomi oreve. Ja jae ojecha ramo ichupecuera jei: Tapejónte, peyejechaucá umi pai pe. Ja sapyaite ojo yave jicuai ipôtímba imbaasŷ gui. Upei catu peteîva ichugui cuérava ojechama ramo jesâimbámajá oyeby ja ombueté Tûpâ Ñandeyárape osapucaijápe, ja oyayby ovapŷvo Jesús pŷ renondepe oguerojorŷvo Ichupe. Upéva Samariaŷgua rae. Upei catu oñeê Jesús ja jei: ¿Noñemo pôtimba pico raei umi diezve? ¿Umi nuevepa mamo oime? ¿Ndo yeyujuipa ambuecuera oyeby vaerâ ombuete jaguâ Tûpâ Ñandeyárape, co pytagua añonte? Ja Jae jei ichupe: Epuânte, terejó reyerovia jague nemo jesâimbáma rae. Upei catu oporandu ramo Ichupe umi fariseo: ¿Aracaépa oñemoingo vaerâ pe teco marangatu Tûpa Ñandeyára rejegua? Jae jei ichupecuera: Co teco marangatu Tûpâ Ñandeyára rejegua noñemoingoi chene peê pemaña ramo guârâichagúa, ja ndiporichene jei vaerâ: Coina ape jina! terâ Peina upepe jina! Pe teco marangatu Tûpâ Ñandeyára rejegua oi voí pende apytepe. Upei catu Jae jei jemimboe cuerape: Oicone ára pejechase jaguâ peteînte co Caraí Raŷ ára cuérava ja nda pejechaichene. Ja oimene jei vaerâ peême: Peina upepe jina! terâ: Coina ape jina! Upeicharamo ani pejo japycueri. Upe araverá overájaicha pe ára guy reje ojesapévo peteî jenda gui ambue jendapeve pe ára guype, upeicha vaerâ avei co Caraí Raŷ jiárape. Anga tecôtevê raê Jae ojasa asy jeta, ja oñemomârâ coâva rejegua cuera coangagua voi rupi. Ja oyeju jagueicha pe Noe ára cuerape, upeicha avei oyeju vaerâ co Caraí Raŷ aracuerape. Oime ocaru ja joŷú, oime umi cuimbae oñemo jembireco ja umi cuña oñemo mena upe Noe oiké jague arapeve pe mbayru guasupe ja upevove tyguasupá umi ŷ ja omombápá umi ambue cue cuerape. Upeicha avei oyeju jagueicha pe Lot aracuerape: uperamo oime ocaru, joŷú, oyogua, oñemû, oñoty, oyogapo jicuai, ja sapyaite upe Lot osê jague árape Sodoma gui, oky yvaga gui tata ja itá ycú, ja omombápá umi ambue cue cuerape. Upeicha vaerâ co Caraí Raŷ oyejechauca jaguâ árape. Upe jaárape pe oiva joga ári ja oime jacateŷjá cotype, ani ogueyŷ ôguenojê jaguâ imbae. Ja upe oiva ñûme ani oyeby yeby japycuepe. Pene manduákena pe Lot rembireco reje! Oime ramo oñemo jacateŷva oguecove vointe reje ocañy vaerâ ichugui, ja oime ramo jacateŷ ŷ va oguecove reje omoingove vaerâ ichupe tapiaguârâ. Ja Che jae peême upeja pyjarepe oimene mocoî okéva oyopojei, peteî oyererajáne ja ambue oyejeyane. Oimene mocoî cuña oñembisóva oñondive, oimene peteî oyererajá vaerâ ja pe ambue oyejeya vaerâ. Oimene mocoî pe ñûme, oimene peteî oyererajá vaerâ, ja pe ambue oyejeya vaerâ. Upei catu jaecuera oporandu Ichupe jeivo: ¿Mamo rupipa, Carai? Ja Jae jei ichupecuera: Mamo oijape teôngue, upepe iyaty umi yrybú. Upei catu Jae omboe ichupecuera peteî mbaerâânga ñeême jeivo tecôtevêjá oñemboe tapiá ja ani jaguâ ipya mîrî. Ja jei: Oico vaecue guaú peteî mburuvicha peteî tetâme okyjŷyéŷva Tûpâ Ñandeyára gui, ja oyepoyjú ŷ va mbaeveichagua caraí gui. Oime guaú oico avei upe tetâme peteî cuña imena omano vaecue, ja upeva ou Jendápe jeivo: Cherepŷ cheve upe che yopŷjaré poguŷ gui. Ja jae ndoyaposei mbaeve ichupe aré peve. Ja upegui riremi jei ipyápe: Che akyjŷyé ŷ ramo yepe Tûpâ Ñandeyára gui ja ayepoŷjú ŷ ramo yepe mbaeveichagua caraí gui, opaichavévonte che muanguecói eterei járeje co cuña iména omano vaecue ajepŷne ichupe anitere ou pŷŷî pŷŷî che mongueráipá peve. Upei catu jei Ñandeyára: Pejendúkena pe jei vaecue pe mburuvicha jecopeguaŷ. ¿Ja ndo yapoichepane mbaeve Tûpâ Ñandeyára ojepŷ jaguâ umi iporavópyrépe oyerureruréva Ichupe ára ja pyjarepe, oguero kîrîrî aré ramo yepe vaicha jesejape cuera. Che jae peême catuetei vocoí oyapone jecópe ojepŷ jaguâ ichupecuera. Upeicharamo yepe ou ramo co Caraí Ray ¿oyujupane oyeroviávape co ybyari? Sapya oime umi jaecueranteséva oyeroviava oyejegui vointe jecopeguajá ja ogueroŷrôva umi ambue cuepe, ja Jae jei umivape guaujápe co mbae raânga ñeême. Oime vaecue guaú mocoî cuimbae oyupi vaecue tûpâope oñemboe jagua, peteî fariseo, ja pe ambue mbaerepy monoôjára. Ja pe fariseo oñemboŷjápe oñemboe iyupe voínte coicha: Nde, Tûpâ Ñandeyára, arojory Ndeve che ndajaei járeje umi cuimbae ambuecueicha. Che ndajaei umi imondavarejeguaicha terâ umi jecoŷva rejeguaicha, terâ umi itieŷva rejeguaicha terâ co tecové mbaerepy monoôjára rejeguaicha yepe. Che ambuaye arete ára mbojapy arajápe meme pyánandí jápe ja opa che mbaerepy yoa gui aipea tûpâmbaerâ. Upeyave guaú pe mbaerepy monoôjára oñemboy jina mombyry jaeñojápe ndicatui oyesaupi yepe yva coty, oyepytiánûpânte, jeivo: Nde, Tûpâ Ñandeyára, eñyrô cheve reporiajuverecójápe. Che nico angaipavóra mboriajúnte. Che jae peême co cuimbae ojo jague jogape oñemo pôtímbáma ja upe ambue ajanirí. Oime ramo voi oñembo tuvichava oyupe, upéva oñemo mîchîne, ja oime ramo oñemo mîchîva oyupe, upéva oñembo tuvichane. Uperire sapya oime ogueru Jendápe mitâme cuera Jae opoco jaguâ jesecuera. Ja ojecha ramo upea, jemimboe cuera oyao ichupecuera. Upegui Jesús ojenôi ichupecuera jeivo: Tové! Toúnte Che rendape umi mitâ cuera! ja ani peyoco ichupecuera. Coaichagua voínte vaerâ umi Tûpâ Ñandeyára reco marangatu rejegua. Añete Che jae peême oime ramo oguerojorŷŷva co Tûpâ Ñandeyára reco marangatu peteî mitâicha, ndoikei chene ipype. Uperire peteî mburuvicha oporandu Ichupe jeivo: Ore poromboejára marangatu, ¿Mbaepa ayapo vaerâ ajupity jaguâ pe tecove iyapyra ŷ va? Ja Jesús jei ichupe: ¿Mbaeréjepa ere Cheve Che marangatújá? Ndipori avave imarangatúva. Tûpâ Ñandeyára año mante. Nde reicuaa voí vaerâ Ñandeyára rembiapoucapŷ: Ani reyapo tieŷ vaí, Ani reporo yuca, Ani rembaeabyky, Ani remopuâ nde rapicha reje mbae yapújápegua, Embueté co nde rú ja nde sŷpe. Ja jae jei: Opa âmbae che ambuayépáma vaecue jecópe che mitâ guive. Ja Jesús ojendu vove jeiva, jei ichupe: Oime peteî mbae gueteri oimba ŷ va ndeve. Eñemûnte opa nde rerecóva reje ja emboyaó jepŷcue umi mboriaju cuerape, ja upeicharamo, rerecone iñongatupyrâ yvagape, ja eyo Che rapycueri Che rejegua râ. Ja ojenduma ramo co jeiva ombuasŷeté jae, carai guasu mbaererecojá raé voí. Ja Jesús ojecha pype ombuasy jague, jei: Añeté jasŷeté oñemoî umi mbaererecojá oñemoingo jaguâ Tûpâ Ñandeyára reco marangatú rejegua râ. Iyávé voí peteî camello oiké pe okê ipichîî rupi upe jérava Yú resá mbaererecójápegui oiké Tûpâ Ñandeyára reco marangatu rejeguape. Upei catu jei umi jendujaré: ¿Avápa upeicharamo, icatune ojupity upe imârâ ŷ jaguâme? Ja Jae jei ichupecuera: Pe icatuŷva ybypórape icatuva catuetei Tûpâ Ñandeyárape. Upei catu jei Pedro: Peina ore rojeyápá raé ore mbaéteé royú jaguâ Nde rapycueri Nde rejegua râ. Ja jei Jae ichupecuera: Añeté Che jae peême ndiporijá avave ojeya vaecue joga terâ jembirecope terâ tybyra cuerape terâ itúva ja isŷpe, terâ tayra cuerape co Tûpâ Ñandeyára reco marangatu rayjúpape, iya ŷ vaerâ ichupe ojupity jaguâ oicové aya yepe co yby ári jetave jetave yoa yoa, ja pe teco yvapegua oico jaguâme ojupity pe tecové iyapyraŷva. Uperire Jesús oguerajá umi docepe jaeñojápe ja jei ichupecuera: Anga yajata ñaina Jerusalempe, ja oicopa vaerâ jecópe opa mbae pe Santa Escriturape oiva oyee vaecue umi ñemoñeêjára ymaguare yuru rupi co Caraí Raŷ gui guare. Oñemeê vaerâ umi pytagua pope cuera, ja umiva oyaóne Ichupe ja oñembojaraíne Jesé, ja oindybûne Jesé, ja oinûpâne Ichupe ja uperire oyucane Ichupe, upegui pe mbojapy arajápe oicové yebŷne. Jaecuera voí uperamo ndojechacuaai mbaépa jeise raé umimbae, ja co jei vaecue oyeyajoi ichuguicuera, ja ndoicuaai pe jeivaecue. Uperire jiâguíma ramo Jerico gui sapya oime peteî ojechaŷva oguapŷva jina pe tapé ykepe oyeruréva tûpâmbae reje. Ja ojendu ramo jae oimejá jeta ojasava jina oporandu: ¿Mbaepa upéva? Ja omombeu ichupe ojasajá jina Jesús Nazareno. Upei catu jae osapucai jâtâ jeivo: Nde, Jesús, David Ray, che poriajuverecomína! Ja umi ojova tenonde ipochy ichupe tokîrîrîte reje. Ja jae jâtâ jâtâve osapucai: Nde, David Ray, che poriajuverecomi! Upei catu Jesús opyta ja oguerúrucá ichupe Jendápe ja oñemboyáma ramo Jae oporandu ichupe ja jei: ¿Mbaépa reipota Che ayapo nde reje? Ja jae jei: Ajecha yeby tamo. Upei catu jei Jesús ichupe: Ejecha yebynte! Nde yerovia nemo jesâimbáma. Ja sapyaite ojecha yeby jae ja ojo Japycueri ombotuvichávo Tûpâ Ñandeyárape ja opa umi pe tetâmegua, ojecha ramo upéva, ombueté Tûpâ Ñandeyárape. Upegui voi Jae oiké Jericope ja ojasa oicovo mbyte rupi, ja upepe oico peteî cuimbae jérava Zaqueo, umi mbaerepy monoôjára ruvicha upéva, ja mbaererecojá voí. Sapya jae ojechase Jesúspe mbaeichagua caraípa Jae, ja ndicatui umi jetaite iyatŷva gui ja icarapé gui jae voí. Upeareje jae oñani tenonde cuera ja oyupi peteî ybyra râcâme ojecha jaguâ Ichupe, Jae voí ojasata jina upe rupi. Upei catu ojupitŷvo Jesús upe tenda oijápe jae, omaê yvaté ja jei ichupe: Zaqueo, nde pyaé egueyŷ! Coanga voí tecôtevê apyta nde rogape. Upei catu jae ogueyŷ pyaété ja oguerojorŷ tuvichaité Ichupe. Ja ojecha pype upea umi jicuai vaecue, oñemongueta ñemî yoa Jese, jeivo: Oime co tecové angaipavórava rogape oikéjá Jae imbojupá ramo. Upei catu pe Zaqueo oñemboŷ iyapytepe cuera ja jei Ñandeyárape: Coina ape, Che Yara, anga tamboyao che mbae rerecova gui ja tameê umi mboriaju cuérape, ja sapya oime ramo ambaeabykŷ jague, ambuecoviáne ichupe irundy yeby imbaerepŷ. Upei catu Jesús jei ichupe: Coangama oñemoingó co ogape pe teco marangatu, cóva avei, co carai voi, yepe Abraam raŷ járeje. Co Caraí Raŷ ou voí ojecá potávo ja ombo jecómârâŷ jaguâ umi ocañŷ vaecuepe. Ja oime upepe oyapysacáva jicuai umimbae, ja Jae omboyuapŷ iñeê yoa omboevo ichupecuera co mbaeraânga ñeêreje. Upeicha oyapo jiâguímajáreje Jerusalem gui, ja jaecuera oimoâjá reje jina vocoi oyejechauca vaerâja Tûpâ Ñandeyára reco marangatu yvapegua. Upévareje Jae jei ichupecuera: Oime guaú peteî carai guasu ojo vaecue peteî tetâ mombyrŷjá peguape oñemoingo jaguâ mburuvicha guasu ramo ja oyeby jaguâ. Upe mboyve guaú jae ojenôi raê diez jembiguai cuerape ja omeê ichupecuera peteî teîme diez mbaerepy ja jei ichupecuera oñemû jaguâ jesecuera ou yeby ramo guârâ jae. Ja pe jetâmegua guaú oñamotareŷ ichupe ja omondo japycueri oñemongueta vaerâ jeiucávo iyuru rupi: Ndoroipotai cova oico jaguâ ore ruvicha guasu ramo. Upeguirire guaú oyeby jae upe oñemo mburuvicha guasu jague gui, ja ojenôiucá umi jembiguai cuera mbaerepy omeê jague oicuaa jaguâ mbaeichapa oico rae oñemû jaguepe. Ja ou guaú pe tenonde guare ja jei ichupe: Che carai, coina ape, ne mbaerepy oñembo yuapŷ diez peve. Ja jae jei ichupe: Ipôrâite nde, che rembiguai pôrâ. Pe mîchîmivape yeroviajá jague reje nde, rerecóne nde po guype diez tetâ. Upei catu ou ambue ja jei: Che caraí, coina ape ne mbaerepy oñembo yuapŷ cinco peve. Ja jae guaú jei ichupe avei: Nde avei rerecone nde po guype cinco tetâ. Ja ou guaú avei ambuecue jeiva: Che carai, coina ape ne mbaerepy areco vaecue ñongatújápe petei ao pype. Che akyjŷyé voí ndejegui nde cuimbae nde pojŷiva járeje reipyjyséva pe reñoty ŷ jague gui, ja remonoôséva pe reñemitŷ ŷ jague gui. Upei catu guaú jei ichupe: Nde yurúete rupi voí to romoi vaí ndeve, tembiguai nde retî ŷ va. Reicuaa voí raé che caraí che pojŷietéjá aipyjyséva pe añoty ŷ jague gui ja amonoôséva pe añemitŷ ŷ jague gui. ¿Mbaeguipa, upeicharamo, ne remoîri raé co che mbaerepŷ pe Bancope oñemombaapo jaguâme, icatu jaguâ ayeby rire che anôjê ichupe pe imboyuapŷ rejeve? Ja jae jei guaú umi jicuai vaecue upepe pe: Pemboí ichugui pe mbaerepy ja pemeê upe diez oguerecovape. Ja jaecuera jei ichupe: ¿Maerâpa, caraí? Oime upéva oguerecóma diez mbaerepy. Ja jei Jae guaú: Che voi jae peême: Oime ramo oguereco jâtâva, upévape oñemeêve vaerâ, ja oime ramo oguereco jâtâ ŷ va, oñemboí vaerâ upéva gui pe oguerecómimíva yepe. Uperire avei guaú umi che ñamotareŷva oipota ŷ vaecue che aico juvicha guasu cuera ramo, umivape perú ape ja peñâcâó ichupecuera che renondepe. Upei catu jeipa vove umimbae Jae ojo tenonde oguatávo Jerusalem cotyvo. Upegui jiâguívo Betfage gui ja Betania gui, ôguajêvo pe itá atŷra jérava Olivatŷ ypype, omondo jenonde rupi mocoî jemimboe cuéravape, jeivo: Tapejo amo tetâí coa rovai oivape. Ja peike vove upepe peyujune peteî mburica raŷ iñapytîmbŷ oyupi ŷ jague gueteri avave, peyorá ichupe ja perú ape. Ja sapya oime ramo oporandu vaerâ peême ¿maerâpa peyorá ichupe? peyene ichupe coicha: Oime Ñandeyára oicôtevê jesé. Upeicha oyeói umi jemimondo ja oyuju Jae jei jagueicha ichupecuera. Ja oyorá pype jaecuera pe mburicá raŷ iyára cuera jei ichupecuera: ¿Maerâpa peyorá pe mburica raŷ? Ja jaecuera jei: Oime Ñandeyára oicôtevê jesé. Upei catu ogueru ichupe Jesúspe. Ja omoî pe mburicá raŷ ári iyao cuera, ja omboyupi Jesúspe jiari. Ja oguata ojovo Jae, ja oime omuâsâi vaecue iyajoyá cuera pe tapé reje. Ja jiâguíma ramo pe tetâ gui ja oime ogueyŷma ramo jina pe itáatŷra Olivatŷ ári gui, opa jemimboe cuera iyatŷva jicuai oñypyrú oguerojory yoa ja ombueté yoa Tûpâ Ñandeyárape opurajéijápe opa umi mbaeguasu ojecha vaecue reje, jeivo: Ta imombeu catu pyrâ co ouva jina, co ore Ruvicha Guasu ouva Ñandeyára rérape! Yvagape oi teco kîrîrî, ja umi tenda yvatéetévévape oî voi pe teco orŷeté! Upei catu peteîva umi fariseóva umi iyatŷva jicuai paûme jei Ichupe: Nde, ore poromboejára, eyaónte ne remimboe cuerape. Ja Jae oñeê ja jei ichupe cuera: Che jae peême: Okîrîrî ramo coâva, mo sapucai yepe umi itá. Uperire jiâguima ramo ja ojechama ramo pe tetâ, Jae oyajeo jesé, ja jei: Nde angai nico! Reicuaa tamo rae, coanga voi yepe, nde catu voínte, pe teco kîrîrîjárâ! Anga catu oyeyajoima nde resa gui. Oune ára ndereje umi ne ñamotareŷva omboŷbŷcuá jaguâ nde yere cuevo ja ne mongorá jaguâ ja opa coty guivo nde yoco jaguâ. Uperamo opyrûne ndereje ja umi nde raŷ cuera nde pype oiva reje avei. Ja ndo jeyaichene ndepype itá oyoari nde rejechacuaai jague gui ndejáma jague reñeñandu jaguâ. Uperire Jesús oiké pe tûpâope ja oñypyrú omosêmba ocape umi oñemû vaecuepe jicuai, jeivo ichupecuera: Oyeé voí Santa Escriturape: Oime Che roga vaerâ oga oñeñemboé jaguâ. Upea rangue peê peyapo ichupe mondaja cuára ramo. Uperire Jae oporomboe oicovo opa árape pe tûpâope. Upeyave umi pai ruvicha ja umi escriva iñarandúva ojecueca oyuca jaguâ Ichupe ja umi tuvichavéva pe tetâmegua upeicha avei, ja ndoyujui mbaépa oyapo vaerâ Jese, oime gui umi japicha cuera iyŷpype oñemboya yoaite jicuai oyapysacávo Jesé. Peteî árape omboe pype jina Jae tûpâo pe tetâmeguape ja omojerâcuâ pype Evangelio, sapya ou jiari umi pai ruvicha ja umi iñaranduva ja umi ituyáva, ja oporandu Ichupe jeivo: Eréna oreve mbaéicha rupipa iya Ndeve reyapo jaguâ âmbae, terâpa avá omeê Ndeve Nde pope iya jaguâ Ndeve upeva? Upei catu Jae oñeê ichupecuera ja jei: Taporandumi peême che avei peteî mbae reje peê peye vaerâ Cheve. Upe Juan omongaraí jague yvagapegua rejeguarépa terâpa ybypóra rejeguare? Upei catu jaecuera oñomongueta oñondive jeivo oyoupe: Yae ramo Yvapegua rejeguarejá Jae jeine ¿Mbaeguipa, upeicharamo, nda perovia raei ichupe? Ja upeicha avei yae ramo Ybypóra rejeguaréjá opa co tetaŷgua ñande apíne itápe oyeroviaite járeje pe Juan reje oporo ñemoñeêjara jague. Upévareje jaecuera jei Ichupe: Ore ndo roicuaai mamoguarépa. Upei catu jei Jesús ichupecuera: Che upeicha avei ndaei peême mbaéicharupípa iya Cheve ayapo jaguâ âmbae. Uperire oñypyrú omboe pe tetaŷguape co mbae raânga ñeême jeivo: Oime vaecue guaú peteî caraí oñotŷ vaecue cocue ja oiporuca jerecuárâ cuerape, ja jae ae oyeí mombyry are peve. Ja otyarôma ramo guaú jae omondo peteî jembiguaipe umi icocue rerecuá rendape omeê jaguâ ichupe pe jiácuémi pe icocue gui guarégui. Ja umi icocue rerecuá oicutu ichupe ja omondo nandí. Upei catu guaú jiâ ichupe omondo ambue jembiguaipe ja upeape avei jaecuera oicutu ja omomârâ ja omondo yeby nandí. Upei catu guaú jiâ ichupe omondo jembiguai ambuepe pe mbojapŷjá voí, ja upévape omombo oyecutúpá. Upei catu guaú pe cocue yara jei: ¿Mbaépa ayapota? Tamondonte che raŷ ajayjúvape, icatu oyepoŷjúne ichugui. Upegui guaú ojechama ramo ichupe pe cocue rerecua cuera oñomongueta oñondive jeivo: Cova pe mbae yárarâ. Yaja yayucá ichupe ñane mbae jaguâ imbae rangue. Upei catu guaú omombo ichupe pe cocue gui ocape ja oyuca ichupe. ¿Mbae pipo, upeicharamo, oyapone jesecuera pe cocue yara? Ou nipone ja ombuaipa nipone umi cocue rerecuape ja omeêne icocue ambuecue cuerape. Ja umi jendújaré jei: Tamo rae anichene upeicha! Upei catu Jae omaê jesecuera ja jei: ¿Mbaépa, upeicha ramo, jeise pe oiva Santa Escriturape? Pe itá omomârâ vaecue umi ogapojára, upeva oñemoingóma pe oga racuajá âcâ ramo. Ja oime ramo joava pe itá ári opêmbáne, ja oime ramo joa jague pe itá omonguípáne ichupe. Upei catu umi pai ja umi iñarandúva ja umi pai ruvicha oipyjy moa Ichupe uperamo voi, okyjŷyé mante umi japicha cuera gui. Ojechacuaa voí icoty coty cuera Jae jei jague pe mbae raânga ñeê. Upevareje omoñujá reí rire Jesé, omondo omaña vaerâ Jese oñembo jovámocoî jaguâ jecópôrâ vaicha oipyjy vaí jaguâ iñeê icatu jaguâ upeicha oime oyapyjŷucá jaguâ Ichupe umi mburuvichape ja pe mburuvicha guasupe. Upeicha umiva oporandu Ichupe jeivo: Nde ore poromboejára, roicuaa pôrâ Nde eréjá ja remboejá jecoitépe, ja ne rembo yuabŷijá oyuejegui cuera, remboe voínte jecoitépe Tûpâ Ñandeyára rapé. Yajecha ¿ñameê vaerâpa pe mbaerepŷ Cesar remimeêucápŷ terâpa ajaniri? Upegui Jae ojechacuaa ipichyguy cuera ja jei ichupecuera: Pejechaucami Cheve peteî pirá pirémi. ¿Avá raângápa, ja avá rérapa co oiva jese? Ja jaecuera jei: Cesar mbae. Upei catu jei ichupecuera: Aiporamo, pemeênte Cesarpe pe Cesar mbaéva, ja pe Tûpâ Ñandeyára mbaéva Tûpâ Ñandeyárape. Upeicha ndipori iya jaguâ ichupecuera oipyjy vaí pe Jae jeiva umi japicha cuera renondepe. Ojecharâmônte iñeêngue reje ja oguero kîrîrî. Uperire ou Jendápe peteîva umi saduceo rejegua cuérava, umi jeiva rejeguáva ndipori jaguâ yaicove yeby ñamano jague gui, ja umiva oporandú Ichupe jeivo: Nde, ore poromboejá, pe Moises oremboe vaecue Santa Escriturape coicha: Oime ramo cuimbae omenda vaecue, sapya omano ramo itayra ŷ reje, itybyra tomenda jembireco cue reje oñemoña jaguâ itykeyra recoviá. Oime vaecue siete cuimbae oyuejeguáva, ja pe iyŷpycue omenda ja omano voi itayra ŷ reje. Ja pe mocoîja, ja pe mbojapyja omenda jese, ja upeicha avei umi sieteve ja omanomba opavave itayra ŷ reje. Ja uperire ipajaitepe omano avei pe cuña. Upeicharamo pe yaicove yeby jaguâ árape, ¿mavaite rembirecopane jae, umi sieteve voí omenda rae jese? Upei catu jei Jesús ichupecuera: Añete umi cuimbae ybypóra rejeguáva omenda ja umi cuña oñemeê oñemenda jaguâ. Umi oyerereco vaerâ imbae pôrâiteva ramo ojupity jaguâicha jenda jaguâ pe tetâ yvapeguape ja oicove yeby jaguâicha umi omano vaecue paûgui, umiva catu nomendai ja noñemendai, ndicatuveima voi omano jaguâ, umi yvapeguaichama voí ja Tûpâ Ñandeyára raŷ cuerama, umi oicove yeby vaecue rejeguava guive. Pe Moises voí oico ramo guare pe yuapecá râcâ ypype oicuaauca oicove yeby vaerâjá umi omano vaecue, jei ramo: Ñandeyára Abraam Tûpâ Ñandeyára, ja Isaac Tûpâ Ñandeyára, ja Jacob Tûpâ Ñandeyára. Jae ndajaei umi omano vaecue Tûpâ Ñandeyára, umi oicoveva Ñandeyárante: opavavé voí oicovéva Ichupe. Upei catu oñeê yeby peteîva umi iñarandu cuérava ja jei: Nde, ore poromboejá, ere pôrâite jecópe. Ja upegui noporandusevei Ichupe mbaeve reje. Upei catu Jae oporandu ichupecuera: ¿Mbaeichapa oyee Cristo David raŷjá? Pe David voínte pe Santa Escriturape pe Salmope jei: Jei Ñandeyára Che Yárape: Eguapy Che acatua coty, amoîmbá meve umi Ne ñamotareŷvape Nde pŷ renda jaguâ. Upeichavo David ombojéra Ichupe Che Yára, ¿mbaéichapa, upeicharamo, icatune itayra? Upei catu ojendu pype yepe umi ambuecue cuera pe tetâmegua, Jae jei jemimboe cuerape: Peñeñangarecóna umi iñarandúva gui, umi oicoséva ao pucu rejeve ja oipotava oñemomaitei umi tapé rupi ja oipotáva umi yeguapŷjá ipôrâvéva tûpâope ja umi tenda ipôrâvéva umi caru guasujápe, ja joúpá reíva umi imena ŷ va gui joga cuera oñemboe pucúvo ombotaby jaguâichante ichupecuera. Umiva catu oyeyopy jâtâjâtâite vaerâ pe oñembojecoviá jaguâ árape. Upei catu sapya omaê Jae ja ojecha umi carai guasu mbaererecójape omoî ramo tûpâmbae pe mbayrúpe. Ja oime ojecha avei peteî cuña mboriaju imena omano vaecuepe omoî ramo pypé mocoî mbaerepy jesáí mimíva. Ja Jae jei: Añete Che jae peême co cuña imenaŷva tyreŷ omoî jetavé opavavégui. Umi ambuecue pe jembŷva gui ichupe cuerante omoî tûpâmbae. Cóva jecôtevê rejeve yepe omoîmba jembiúmi repŷrâ yepe. Oime avei oñemonguetáva jina pe tûpâo gui oñemboyeguá jague itá ipôrâitéva gui ja mbae icaraípyré gui, ja Jae jei: Co âmbae pemaêjá jina, oune ára opyta ŷ jaguâ itá oyoari oñembo yaparó ŷ vaerâ. Ja jaecuera oporandu Ichupe jeivo: Ore poromboejára ¿aracae vaerâpa cova? ¿ja mbaépa oime vaerâ jechapyrâ oico ramo guârâ âmbae? Ja Jae jei ichupecuera: Maêke ani peñemombiá. Jeta oune Che rerape jeivo Che jae! ja Jiâguíma jiára! Aníkena pejo japycueri cuera. Upeicha avei pejendu ramo jêrâcnâ oicojá ñorayrô guasu, ja oimejá opuâva juvicha cuera reje, ani peñe mondŷi, Tecôtevê voí oyeju rae âmbae, Upeicharamo yepe nda voíri oicone pe ára ipajaité. Upei catu Jae jei ichupecuera: Opuâne umi tetaŷgua oyueje ja umi mburuvicha guasu opuâne oyueje, ja oicone yby ryrŷi tuvicha, ja jeta Jendápe oicone ñembyajŷi guasu ja mbaasy vaí ováva, ja oimene mbae poromondŷi ja mbaeguasu jechapyrâ oyejecha vaerâ pe yvaga reje. Ja upe mboyve voí oyapocoine pende reje ja pene moñáne; pene meêne umi tûpâo rerecuá pope ja umi ybyrácuá rerecuá pope: peyererajáne umi mburuvicha guasu ja umi mburuvicha renondepe Che réra reje jápe. Uperamo voí iyáne peême peicuaáucá jaguâ pende yeroviajápe. Pene manduánte, upeicharamo, pende pyapype anichene jaguâ peñembosacoi tenonde guive voí peñeê jaguâicha pendeyeje voínte. Che voi ameêne peême pende yuru ja pene arandu pôrâ jaguâ, anichene jaguâ ipuaca pende reje terâ penembojovai peême avave umi oñemoi vaerâ pende reje. Peñembotabŷne pende ru rupi yepe ja pende ryby rupi ja pene anama rupi ja pende rayjupára rupi yepe, ja oimene peêcuérava pende yuca vaerâ. Ja peñe ñamotareŷne opáva gui Che rera rejegua járeje peê. Opaichavévonte na peteîva pene âcâ rague gui yepei na imârâi chene. Peropuaca ramo pende pya rôsâme pejupityne pene angapyjŷ jápeve. Ja pejecha ramo iyatŷpá ramo Jerusalem yerecuevo umi mburuvicha rembiyocuai, peicuaana uperamo jiâguímaja oñemonandípá jaguâ ára. Uperamo umi oiva Judeape toñeguajê umi itáatyrá ári peve ja umi oiva iyapytepe tosê ocápe, ja umi jicuaiva ñûme ocápe ani oiké ipype. Umia voí umi oyepŷ jaguâ ára, oico jaguâ jecópe opambae oiva Santa Escriturape. Angai umi jygue guasúva, ja umi imemby cambúva umi jaárape. Oicone uperamo tuvicha mbae ipojŷiva co ybyari, ja oimene oñembo pochŷeté vaerâ co tetameguape. Ja joáne kyse pucu rupi, ja oyererajáne opa tetâme ja Jerusalem oñepyrûne umi pytagua pŷ guype ombotŷpá peve umi pytaguape jiára voí iya vaerâ ichupecuera catuetei voí. Oiméne avei mbae jechapyrâ pe cuarajy reje, ja pe yasy reje ja umi yasŷ tatá (estrella) reje, ja co ybyari oyepyapy tuvichaiténe umi ybypóra ja itarovápáne pe ŷguasu ryapú ja opororo umi ŷpochy oyoapi oyuejegui. Oñembo pyamîrîne umi ybypóra okyjŷyéetégui ja ojaarô gui umi mbae oyeju vaerâ umi ybypórape. Oiméne umi mbae ipuacaitéva arapegua voí yepe oñemomŷimbá vaerâ. Upemaramo ojechane pe Caraí Raŷ ou ramo umi araí apytepe ipuacaite ja oyeguaite jápe. Ja oico ypy ramo umimbae pemaêna ŷvá cotŷvo! pene âcârapuána, jiâguíma járeje pe pende repŷjarâ. Upei catu Jae jei ichupecuera ñeê guaujápe: Pejecha pe higo râcâ ja opa umi ybyra râcâ ambuecue. Anga jokŷma ramo umiva, pejecha pype upea peê voí pejechacuaáma jiâguímajá umi ára jacu. Upeicha avei pejechama ramo oico ramo umimbae pejechacuaa vaerâ jiâguímajá oico jaguâ Tûpâ Ñandeyára reco yvapegua. Che jae peême catuetei coâva cuera rejegua coangagua ndopai chene oicopá peve jecópe opa âmbae. Pe yvaga ja co yby opáne catuetei. Che ñeênte voí máramo ndopaichene. Pemaênte pendeyeje ani jaguâ peñembo jecópojŷi pecarú jeta gui, ja pecaú gui ja peyepyapŷ etereí gui pende recové rejegua gui, anichene jaguâ ou sapyaite pende ári upe jaára joa jaicha ñujâ. Ou vaerâ voi catuetei opavave ybypóra cuera ári oicovéva co ybyari guive. Pemañákena peê ja peñemboé memeté iyájaicha peême peñembo puacá jaguâ peñemboŷké jaguâicha opa umi mbae oico vaerâ gui ja icatu jaguâ pejupity pei peñemboŷjápe pe Caraí Raŷ renondepe. Uperamo Jae oporomboe aracue pe tûpâope, ja pyjarecue osê ocape ja opytá pe itáatŷra jérava Olivatŷ rupi. Ja opa pe tetâmegua oguero coê Jendive pe tûpâope ojendú jaguâ Ichupe. Upeyave jiâguíma jina pe arete guasu ára mbuyape caraípegua jérava pascua. Ja oime umi pai ruvicha ja umi iñarandúva ojecá oicovo maichapa oyuca jaguâ Ichupe: okyjŷyénte umi ambuecue cuera gui. Ja pe Satanás voí oikéma rae pe Judáspe jérava Iscariote, jae umi doce rejeguáva. Ja jae ojo ja oñemongueta umi pai ruvicha ndive ja umi mburuvicha ndive mbaéichapa icatune omeê Ichupe ipopecuera. Ja umiva oguero jory eterei ja oñomongueta oñondive omeê jaguâ ichupe mbaerepy. Ja jae omeê iñeê ja ojaarô iya pôrâ ramo guârâ omeê Ichupe ipope cuera iyaty ŷ jápe umi japicha cuera. Upei catu ôguajêma ramo pe arete guasu mbuyape carai jaára tecôtevê jaguâ oyeyuca ovecha raŷ pe pascua peguarâ, Jae omondo Pedro ja Juanpe jeivo: Tapejo pembosacoí pe pascua peguarâ yau jaguâ. Ja jaecuera jei Ichupe: ¿Mamopa reipota rombosacoi? Ja Jae jei ichupecuera: Anga peikévo pe tetâme pene ruvâitíne peême peteî cuimbae oguerajava jina peteî cambuchi ŷ, tapejo japycueri pe oga oiké jápeve, ja peye upe oga yárape: Jeíucá ndeve ore mboejára ¿Mamópa oime pe coty jau jaguâ co pascua peguarâ Che remimboe cuera ndive? Ja jae ojechaucane peême peteî coty tuvichava oicopama. Pembosacoínte upepe. Upei catu jaecuera oyeói ja oyuju pe jei jagueicha ichupecuera. Ja ombosacoí pe pascua peguarâ. Ja oicopama ramo jecope, oguapy pe carujápe umi jemimboe cuera rejeve. Ja Jae jei ichupecuera: Che pyaite guive Che pya yerure jaú jaguâ pene ndive co pascua peguarâ ajasa asy mboyve. Che jae peême catuetei voí, Che ndauvei chemane ichugui oyecuaaucápá peve jecope pe jeiséva Tûpâ Ñandeyára reco marangatu yvapeguape. Upei catu Jae oipyjy pe mbayru ja ojovasama ramo ichupe, jei: Peipyjy ja peñomboyao oñondive cuera. Che jae peême catuetei coágui rire ndaŷúvei chene pe parralá rycue gui oñemoingo peve pe Tûpâ Ñandeyára reco yvapegua. Upei catu oipyjy avei pe mbuyape ja ojovasama ramo ichupe oipejaâ ja jei ichupecuera: Cova Che rete oñemeê vaerá pende rejejape. Peyapo coicha peñe momandua jaguâ Chereje. Upeicha avei omeê ichupecuera pe mbayru ocarúpá rire ja jei ichupe cuera: Cóva co mbayrú pe Ñandeyára oicuameê jague ja coanga oico pyajújá Che ruguy rupi oñejê vaerâ pende rejejape. Opaichavévonte coápe voínte oime Chendive co carujápe voí pe tecove po upe Che yapyjŷucájárâ. Co Caraí Raŷ ojo añete pe japé oico jaguâme iyájaicha voí Ichupe. Angai pe ybypóra iyapyjŷucájarâ! Upei catu jaecuera oñypyrú oñoporandú oyuapytepe mávaitépane ichugui cuera pe oyapótava upéva? Uperamo avei oyuaby oyoapytepe cuera jicuai yajecha mávaitépa ichugui cuera oyee vaerâ pe tuvichaitévéva ramo. Ja Jae jei ichupecuera: Umi pytagua ruvicha guasu oñembo caraí guasu jiari cuera ja umi oguerecóva ichupecuera ipo guype oñembo jéra mbae pôrâ apojára ramo. Nda upeicha vaerâi pene paûme. Upea rangue upe tuvichavéva pende apytepe toico pe imitâvévaicha, ja pe mburuvicha toico pe tembiguaicha. ¿Mávapa tuvichavé? ¿Pe oguapŷvapa carujápe terâpa pe jembiguai ramo oicova ichupe? ¿Ndajaeipa pe oguapŷva carujápe? Che voí aime pene paûme aicovo pene rembiguai ramo peême. Ja peê cuera voínte pepytá jâtâ vaecue pero puacá jápe Chendive Che ajasa asy jague rupi, Che moingo jagueicha Cheve Che Ru mburuvicha guasu ramo, Che avei pomoingo peême pene rendâguá, pe pecaru jaguâme ja peŷú jaguâme Che carujápe pe Che reco mburuvicha guasujá peguape yvagape, ja peguapy jaguâ peê mburuvicha guasu jápe perecovo pende po guype umi doce Israel reŷi cuéravape juvicha guasu cuera ramo. Nde, Simon, Simon, maêke! Pe Satanás oyerure rure pende rereco jaguâ reje peême penembogua jaguâ juîtîcha. Che catu añemboéma ndereje ani jaguâ repoí pe reyerovia jague gui, ja nde, reñemboyere yebyma ramo, emombaraeté pende reŷi cuerape. Ja jae jei Ichupe: Che Yara, che aicopama voí aja jaguâicha Nendive ybyracua rogape yepe ja amano jaguâ meve yepe. Ja Jae jei ichupe: Che jae ndeve, Pedro, pe ryguasu ndo sapucai chene raé coanga nde Che momârâ mboyve mbojapy yeby. Uperire jei Jae ichupecuera: Yma pomondo jague peême mbaerepy ryru ŷ reje ja tembiu ryru ŷ reje ja pende pŷrejegua ŷ reje, ¿noimbaipa peême mbaéva? Ja jaecuera jei: Oimba raé. Ja Jae jei ichupecuera: Anga catu oime ramo oguerecova mbarepy ryrú toiporu ichupe, ja upeicha avei oime ramo oguerecóva tembiu ryrû, ja oime ramo oguereco ŷ va kyse pucu toñemû iyajoyá reje ja toyoguá. Che jae peême tecôtevêjá oyeyapópá jecópe Chereje pe oiva Santa Escriturape: Oyepapá Jae umi jecopegua ŷ rejegua paûme. Co oyee vaecue Chejegui oico mante vaerâ jecópe. Ja jaecuera jei Ichupe: Ore Yara coina ape mocoî kyse pucu. Ja Jae jei ichupecuera: Ipôrâma. Uperire Jae osê ja ojo oyepocuaa jagueicha pe itáatŷra Olivatŷpe, ja jemimboe cuera avei ojo japycueri. Upei catu ôguajêma ramo pe ojo jápe jina Jae jei ichupecuera: Peñemboe peê ani jaguâ peiké pende pya raâ reí jaguâme. Ja Jae oyepea ichugui cuera peteî itá yayapí vaicha, ja oñesû ja oñemboe jeivo: Che Ru, reipota ramo, toyeí Chejegui co mbayru. Opaichavévonte ani oyeyapo Che rembipota, Ne rembipota mante toyeyapo. Upeyave oyejechauca Ichupe peteî yvapegua omombaraetévo Ichupe. Ja ipya yeyopy etereipe jina Jae oñemboe jâtâ jâtâve ja jŷái tuguŷ otykŷ vaicha joava yby peve. Upei catu opuâ pe oñemboe jague gui ja ou jemimboe cuera rendape, ja oyuju oké jicuai ipyambyasy gui, ja Jae jei ichupecuera: ¿Maerâpa peke? Pepuânte ja peñemboe anichene jaguâ peiké pende pya raâ reí jaguâme. Ja oñeê pype jina gueteri sapyaite ou cuimbae atŷra ja upe jérava Judás, peteîva umi doce rejegua vaecue, ou jenonderâ cuera, ja oñemboyá Jesús reje oyurupyté potávo Ichupe. Ja Jesús jei ichupe: ¿Nde Judás, reyurupytépepa reyapyjŷucá co Caraí Raŷpe? Upei catu umi jicuai vaecue iyŷpype ojechama ramo pe oicotava, jei: Ore Yára, ¿roicutútapa kyse pucúpe? Upevove peteîva ichugui cuérava oicutu pe pai guasu rembiguaipe ja oipea ichugui inambi iyacatuapeguape. Upei catu Jesús jei: Pepoíminte Chejegui coarânte. Ja upevo opoco inambi reje ja omyatyrômba. Upei catu Jesús jei umi pai ruvichape ja umi mburuvicha cuera tûpâo rerecuáva ja umi carai ituyávape ou vaecue Jendápe: ¿Peyúpa coicha kyse pucu ja ybyra rejeve peipyjy jaguâicha peteî imondáva rejeguape? Yma aime pype opa árape penendive pe tûpâope nda peipysoi pende po Che reje. Anga pendejáma voí ja ipuaca vaerâjáma upe pytûnguypegua. Upei catu jaecuera oipyjy Ichupe ja ogueraja ja omoingué Ichupe pe pai guasu rogape. Ja Pedro ou japycueri mombyry guivente. Ja jaecuera oyatapy tatapŷi pe corapype, ja oguapy jicuai iyerecuevo ja oi Pedro avei oguapy ipaûmecuera. Ja sapya peteî tembiguai cuñáva ojecha ichupe oguapy ramo jina pe tata ypype ja oyesarecó jese ja jei: Cova avei oi vaecue Jendive. Ja jae omomârâ ja jei: Cuña, che ndaicuaai Ichupe. Uperiremi avei oime ambue ojecháva ichupe ja jei: Nde avei Jesecuera gua. Ja Pedro jei: Cuimbae, che ndajaei. Ja aremi rire peteî hora rasamicha oñeê jâtâ ambue ja jei: Añeté cova avei oi vaecue Jendive, cova Galileaŷgua voí avei. Upei catu Pedro jei: Cuimbae, che ndaicuaai mbaépa eréva. Upevove, oñeê yave jina, osapucai ryguasu. Ja oyere Ñandeyara ja omaê Pedro reje, ja Pedro imanduá Ñandeyara ñeêngue reje jei ramo guare: Coanga voi osapucai mboyve ryguasu, nde Che momârâ manerae mbojapy yeby. Ja osê jae ocape ja oyajeo ipyambyasŷjápe. Upeyave umi cuimbae oipyjy vaecue Ichupe oinûpâ Ichupe oñembo jorŷjápe Jese, ja ojesayocuá Ichupe ja oporandu Ichupe jeivo: Ejaûvônte, yajecha ¿avápa nde cutu rae? Ja jeta mbae tieŷ jei avei Ichupe. Ja coêma ramo oñembyatŷpá umi carai tuya ja umi pai ruvicha ja umi iñarandúva ja omoinguéucá Ichupe upe iñomonguetájá cotype, ja oporandu Ichupe: ¿Ndépa Cristo? Erénte oreve. Ja Jae jei ichupe cuera: Che jae ramo yepe peême, nda peroviaichene, ja Che avei aporandu ramo peême peê na chembojovaichene. Aguirirente co Caraí Raŷ oimene oguapŷ Tûpâ Ñandeyára acatua coty oñembo tuvichájápe. Upei catu jei yoa: ¿Aiporamopa Nde Tûpâ Ñandeyára Raŷ? Ja Jae jei ichupecuera: Peêcuera voí peye Che jaéjá. Upei catu jei jaecuera: ¿Mbaépa yaipotavé oñemopuâ Jese? Ñande ae ñajenduma iyuruete rupi. Upemaramo opa umi oñembyatŷ vaecue opuâmba ja ogueraja Ichupe Pilato rendape, ja oñypyru omoî vai Ichupe jeivo: Covape royuju omboyabŷvo ore retâmeguape ja ore yocosévo oreve romeê ŷ jaguâ pe Cesar remimeêucápŷ ja jeivo Jae Cristojá mburuvicha guasu. Upei catu Pilato oporandu Ichupe jeivo: ¿Ndepa umi Judio ruvicha guasu? Ja Jae jei ichupe: Upeicha, nde ere jaichante. Ja Pilato jei umi pai ruvichape ja umi oñembyatŷvape jicuai: Che ndayujui mbaeve ñamoî vaí jaguâicha co caraípe. Ja jaecuera iñâcâ jâtâ jâtâve, ja jei: Oime Jae omboaŷbúpa co tetâmeguape omboe pype opa Judea retá yerecuévo Galilea guive yepe upe oñypyrú jague voi, co tetâ meve yepe. Ja Pilato ojenduma ramo upea, oporandu ichupe cuera Galileaŷguápa pe caraí? Ja oicuaama ramo Jae Herodes poguypegua retâmeguájá, omondo Ichupe Herodes rendape. Sapya upéva oi avei Jerusalempe umi jaárape. Ja Herodes ojechama ramo Jesúspe, obya tuvichaité: aréma ojechase jague Ichupe ojendu jague gui jêrâcuâ guasu Ichugui, ja ojaarô jague gui ojecha oyeyapo ramo iporupi mbaeguasu jechapyrâ. Ja oporandu yeby yeby Ichupe jeta ñeême. Ja Jae ndeiri mbaeve ichupe, okîrîrînte. Upeyave oime oñemboŷ umi pai ruvicha ja umi iñarandúva oñejaâ icatu jagueicha omoî vaí Ichupe. Upei catu Herodes ja umi jembiyocuai ogueroŷrô Ichupe ja oñembojorŷ Jese, ja omonde Jese ao verápe ja ombou yeby Ichupe Pilato rendape. Ja upe jaárape oñoñyrô oñondive Pilato ja Herodes, yma voi nda iyaei rae oyuejecuera. Upei catu Pilato ojenôiucá umi pai ruvicha ja umi mburuvichape pe tetaŷguape, ja jei ichupecuera: Peê peru cheve co cuimbaepe omombia vaicha co tetâmeguape, ja coina ape aporandu randu ramo Ichupe pene renondepe ndayujui mbaeve amoî vai jaguâicha co caraípe umi mbae pemboyáva Jesé. Ja upeicha avei pe Herodes. Jae avei ombou yeby Ichupe ñandeve, ja peê pejecha ndiporijá mbaeve oyapo vaecue oyeyuca jaguâicha. Tainûpâminte Ichupe apoí jaguâ Ichugui. (Tecôtevê voi upe arete árape oyepoi peteî umi ybyracua rogape oiva gui.) Ja osapucai jâtâ yoa jeivo: Eipeá catu jecove, ja epoínte oreve Barabbás gui. Upéva voi ybyracua rogape oñemoî vaecue omopuâ jague reje juvicha reje pe tetaŷguape, ja oporo yuca jague reje. Upei catu Pilato opoise gui Jesús gui oñemongueta yeby jendive cuera. Upeicha ramo yepe jaecuera osapucai jâtâ yeby ja jei: Emoîucá Ichupe curusu reje, Emoi Ichupe curusu reje! Ja jei ichupecuera mbojapy yeby jápe; ¿Mbaerejepa? ¿Mbae ivaiva pa oyapo raé Jae? Che voí ndayujui mbaeve ipype icatu jaguâicha yayucá Ichupe. Tainûpânte Ichupe, upeicharamo, ja tapoi Ichugui. Ja jaecuera oyopŷ yopŷve jese osapucai jâtâjápe oyerurévo oyeyuca jaguâ curusu reje. Ja ipuaca jese isapucai jague. Ja Pilato omboaye ichupecuera, oyapoucávo imbae yerure, ja opoí ichupecuera upe oñemoingué vaecue gui ybyracua rogape opuâ jague reje juvicha reje, ja oporo yuca jague reje, pe jaecuera oyerure jague, ja Jesúspe omeê ipope cuera oyapo jaguâ Jese oyapose vaerâ. Ja ogueraja ramo jina Ichupe, oipyjy peteî cuimbae Simon pe Cireneŷguape, ouva jina ocára gui ja omoî ichupe, iyapé reje pe curusu ogueraja jaguâ Jesús rapycueri. Ja oime iyatŷ yoa pe tetaŷgua ja ojo japycueri cuera ja cuñaetá oyepytiánûpâva ja oyajeóva jicuai Jesé. Ja Jesús oyere ichupecuera ja jei: Peê Jerusalem rayŷ cuera, ani peyajeo Chereje! Peyajeónte pendeyeje ja pene membŷ reje. Peina oune ára oyee jaguâ: Ipoaite umi imemby ŷ vaecue ja umi cuña ipuruá ŷ vaecue ja umi omocambu ŷ vaecue. Uperamo voi oñypyrúne jei umi itá atŷrape: Peá oreari! ja umi ybŷatŷrape: Ore yajoi! Co ybyrá râcâ iyŷbŷravape oyapo ramo âmbae, ¿iyŷpivapema catu mbaépa oyeyapone? Ja oyereru avei mocoî mbaevaí apojaré oyeyuca jaguâ Jendive. Ja ouma ramo pe âcâ cangue renda oyeejápe, upepe omoî Ichupe pe curusu reje, ja umi mbaevaí apojarépe, peteîme iyacatua coty ja pe ambuepe iyasu coty. Ja Jesús jei: Che Rú, ani reñemŷrô ichupecuera. Umiva ndoicuaai voí co oyapova jicuai. Ja oime oitŷ poá jicuai oñomboyaóvo iyaocue reje. Ja oime oñemboŷ omaê jicuai pe tetâŷgua, ja umi mburuvicha oñembo jorŷ Jesé jeivo: Ambuecuepe voí omojesâi, toñemboínte oyejegui Jae Cristo ramo añete Tûpâ Ñandeyára poravópyré. Ja omboyarú Ichupe umi jerújaré avei, ja oñemboya Jese ja ojupitŷucá Ichupe pôjâ rycue jâi, ja jei: Nde ramo umi Judio ruvicha guasu, eñemboí ndeyejegui. Ja oime avei iñâcâ ári peteî cuatia jeijá griego ja latin ja hebráico ñeême: Judio cuera ruvicha guasu cova. Ja peteîva umi mbaevaí apojaré oñemosaingo vaecue jina, oyao Ichupe jeivo: ¿Ndajaéipa Nde pe Cristo? Eñemboínte, upeicharamo, ja ore mboí oreve avei. Ja pe ambue oñeê ichupe ipochŷ ja jei: ¿Ja nde rekyjŷyéipa Tûpâ Ñandeyáragui co reñemoî vaí jápe nde avei Jaeicha? Ñandeve voí añetejápe iya jecope ñaime vaí ñane rembiapó vaícue recoviá co. Cova voí mbaeveté jecoŷme ndo yapói raé. Ja jae jei avei: Nde, Jesús, emanduámína chereje rêguajêma ramo Nde reco tuvichajápe mburuvicha guasu ramo. Ja Jae jei ichupe: Añeteté, Che jae ndeve, angaite voí reimene Chendive Paraísope ne angapyjŷ jaguâme. Ja ára mbyte rupima ja iñypytûmba opa yby yere cuevo asaye caaru peve, pe cuarajy oguépá gui, ja pe ao tûpâo ryepy ajoyá osoró mbytépe. Ja Jesús osapucai jâtâ ja jei: Che Ru, Nde pópente amoî Che anga. Ja jeipávo upea oyejekyi. Ja pe mburuvicha ojechama ramo pe oyeju vaecue, ombuete Tûpâ Ñandeyárape jeivo: Añeteté co carai imarangatu raé. Ja opa umi oñembyatŷ vaecue ojecha jaguâ co mbae jechapyrâ, ojechapáma ramo pe oyeju vaecue oyeói oyepytiánûpâ. Opytánte opa umi oicuaa vaecue Ichupe ja umi cuña ou vaecue japycuéri Galilea guive oñemboŷ mombyrymi jicuai omaêvo umi mbae reje. Oime avei peteî carai, jérava José, iñarandúva umi mburuvicha rejeguava, caraí imbae pôrâva ja iyojeipyré (jae voí ndo yejeai raé umi ambuecue cuera reje jemiñomongueta ja jembiapocue pe), pe Judio retâ Arimateaŷgua jae, ojaarôva ou jaguâ Tûpâ Ñandeyára reco marangatu yvapegua. Upéva ôguajê Pilato rendape ja oyerure Jesús retecue reje. Ja ombogueyŷma ramo Ichupe oñuâ peteî ao ipôrâitévape ja oñotŷ peteî itacuá oyeyoó vaecue pe itá tuvichavareje avave noñeñotyi jague gueteri. Upe jaára voí pe areté renonderâ ja coêmbotama pe sabado ára. Oime umi cuña carai, omoîrû vaecue Ichupe Galilea guive, ojo japycueri cuera ja ojecha pe itacuá ja mbaeichapa omoî raé jetecue. Upei catu oyeby jaecuera ja ombosacoí pôjâ ja ñandŷ jyâcuâ pôrâ. Ja upeicha omboaye pe sabado areté ára oyeyapouca jagueicha pe Ñandeyára rembiapoucapŷpe. Upei catu pe ára iñypyrúmbŷpe pyjareveté ou jicuai pe itacuajápe oguerúvo umi pôjâ jyâcuâ pôrâvo ombosacoí vaecue, ja oyuju pe itá oñembo apayerei pe itacuá yuru gui. Ja oikévo jyepype ndoyujuvei Ñandeyára Jesús retecue, ja ojecharâmô jicuai upévagui, ja sapyaite oi oñemboŷ iyŷpype cuera mocoî cuimbae oñemondéva ao verápápe. Ja okyjŷyé eterei gui jaecuera oyayby jicuai ja upei catu jaecuera jei ichupecuera: ¿Maerâpa pejecá umi omano vaecue apytepe pe oicovévape jina? Ndiporiveima coápe. Oicove yebyma. Pene manduante Jae omongueta jague peême oime aya gueteri Galileape jei ramo guare: Tecôtevê co Caraí Raŷ oñemeê jaguâ umi cuimbae angaipavóra pope, ja oyeyuca jaguâ curusu reje, ja oicove yeby jaguâ mbojapy arajápe. Upei catu jaecuera imanduá iñeêngue reje, ja oyeby pe itacuágui ja omomarandúpá umi mbae reje umi oncepe ja opa umi ambuecue cuérape. Oime voí pe Maria Magdalena raé ja Juana ja Maria, Santiago sŷ, ja umi jendive cuera oí vaecue, umiva catu omombeu vaecue umi mbae umi jemimboe cuerape. Ja jaecuera oimoâ itabŷva ñeêicha pe jaecuera jeíva ja ndo gueroviai ichupecuera. Pedronte voí opuâ ja oñaní ojo pe itacuá jápe ja oyayby omaêvo ojecha iyaocue mante ja oyei yeby ogape ojecharâmô ojovo pe oyeju jague gui. Ja sapya upe jaárape avei mocoî jesecueragua oyeói peteî tetâ mîchîva cotŷvo jérava Emmaus, oiva voí Jerusalem gui mocoî legua. Ja oñomonguetá oyeóivo opa umimbae oyejú vaecue reje, ja sapyaite oñomongueta yave jina oñondive ja oñoporandu oyoupe ojovo, Jesús ae oñemboya jesecuera ja ojo oñondive; oyeyocónte jesa cuera anichene jaguâ ojechacuaa Ichupe. Ja Jae jei ichupecuera: ¿Mbaépa co peñomonguetajá oñondive pejóvo? Ja jaecuera opyta jovasŷ jicuai. Ja oñeê peteî ichugui cuérava, jérava Cleopas, ja jei Ichupe: ¿Sapyamíntepa reime neñojápe Jerusalempe, ja upeicharamo, nde reicuaai raé pe oyeju vaecue ipype cueje ambue árape? Ja Jae jei ichupecuera: ¿Mbaepa? Ja jaecuera jei Ichupe: Pe Jesús Nazareno gui guare, caraí oñemoñeêjára vaecue, ipuacáva jembiapope ja iñeême Tûpâ Ñandeyára ypype ja opa co tetaŷgua ypype avei, umi pai ruvicha ja umi mburuvicha omeê jague Ichupe oyeyuca jaguâ ja omoî jaguâ Ichupe curusu reje. Ore voí rojaarô vaecue Jae jague co Israel repŷjá rangue. Coanga voí opa âmbae rejeve yepe oyapo mbojapy ára oico jague umi mbae. Oime yepe cuña caraí cuera ore cuérava ore mondyi vaecue coê mboyve yeco oyeói raé pe itacuá jápe, ja ndoyujui pype jetecue ou yeby, ja jei ojecha jague yvapegua cuerape oyejechauca vaecue ja jei vaecue ichupecuera Jae oicove yebŷjá. Upei catu peteîva ore cuérava ojo avei pe itacuajápe ja oyujú jei jagueicha umi cuña, Ichupente ndojechai. Ja Jae jei ichupecuera: Peê pende taby ja pene ateî pende pyape perovia jaguâ opa umi oñemoñeêjára ymaguare jei vaecue. ¿Na tecôtevêipa raé pe Cristo ojasa asy upeicha oiké jaguâ upe jeco tuvicha oñemo mburuvicha guasu jaguâme? Upei catu oñypyrú Moises ñeêngue ja opa umi ñemoñeêjára ymaguare guive ja ojechacuaáucápá ichupecuera umi ñeê Santa Escriturapegua oyee jague Ichugui. Ja jiâguima ramo pe tetâ mîchîva oyeói jague, Jae oyeyapo ojo jaguâicha mombyryve. Ja jaecuera oyoco Ichupe jeivo: Epytante orendive! Caarúma, cuarajy oikétama jina. Ja oiké opyta jaguâ jendive cuera. Upei catu oguapy vove pe carujápe jendive cuera oipyjy pe mbuyape ja ojovasa ja oipejaâ pype ja ombojasa pype ichupecuera, sapyaite oyejesapeá, ja ojechacuaa Ichupe. Upevove Jae ocañŷ jeságui cuera. Ja jaecuera jei oyoupe ¿Na ñande pya acúvoipa raé oñemongueta aya Jae ñanendive omuesâcâ ramo jina ñandeve pe Santa Escriturape oiva? Upevove jaecuera opuâ pyaé ja oyeby Jerusalempe ja oyuju umi oncévépe ja umi oivape jendive cuera oñembyaty oñondive jicuai, ja umiva jei: Añetejá oicove yeby jague Ñandeyára, ja oyejechauca jague Simonpe, ja jaecuera avei omombeupá pe oyeju vaecue pe tapepe ja ojechacuaa jague Ichupe pe mbuyape oipejaâ jápe. Ja uperamo oñomongueta aya jicuai umimbae reje, sapyaite Jae oñemoî oñemboŷ iyapytepecuera ja jei ichupecuera: Ta pende pya guapy! Ja jaecuera oñemondyi ja okyjŷyé, oimoa ojechajá peteî póra. Jae voínte jei ichupecuera: ¿Mbaeréjepa peyepyapy peina ja maerâpa opuâ pende pyape co oyuabŷva mbae? Pemaênte Che po ja Che py reje Che vointejá. Pepocó Che reje ja pejechá. Umi póra rejegua nda joovái ja na icanguevái pe Che recha jaicha Cheve Che recópe. Ja jeivo âmbae ojechauca ichupecuera ipo ja ipy, ja ndo gueroviai pype gueteri upeicha rejeve yepe jorŷeté gui, ja ojecharâmô gui, Jae jei ichupecuera: ¿Perecópa yau vaerâ ape? Upei catu ombojasa Ichupe pirá pejengué mbichŷpyré, ja eiretemi, ja Jae oipyjy ja jou jesápe cuera. Ja Jae jei ichupecuera: Cóva voí umi ñeêngue Che jae vaecue peême aime pype gueteri pene ndive tecôtevêjá oyeyapopá jecópe umi mbae oyee vaecue Chejegui Moises cuatiápe ja umi oñemoñeêjara ymaguare cuatiápe ja umi Salmope pe Santa Escritura peguape. Uperamo Jae oñatôi ichupecuera imbaecuaájápe ojechacuaa jaguâ umi Santa Escritura jeiséva, ja jei ichupecuera: Upeicha voínte oyee Santa Escriturape ojasa asy jaguâ Cristo ja oicové yeby jaguâ umi omano vaecue paûgui mbojapy arajápe, ja oñemo jêrâcuâ jaguâ Jérape toñembyasŷ oyepeapá jaguâ angaipa opa tetâ rupi oñypyrú pype Jerusalem guive. Peê voi jechajaré peicuaáucá vaerâ umi mbae, ja peina amboútama peême pe Che Ru remicuameêmbyré ja peê pejaarônte Jerusalempe peñemonde peve pe puacacue yvaguiguape. Upegui Jae ogueraja ichupecuera ocape Betanía cotyvo ja omopuâ ipo jiari cuera ja ojovasá ichupecuera, ja ojovasá yave ichupecuera sapyaite oyepea ichugui cuera ja oyererajá yvape. Ja jaecuera oñesû ombuetevo Ichupe. Uperire oyeby Jerusalempe torypape, ja oico tapia jicuai pe tûpâope ombuetévo Tûpâ Ñandeyárape. Iñypyrurâite voí oicoma vaecue pe Ñeê, ja pe Ñeê oi vaecue Tûpâ Ñandeyárandive, ja pe Neê jae Tûpâ Ñandeyára voí. Upéva oico voí vaecue pe iñypyrúmbŷpe Tûpâ Ñandeyára ndive. Upéva rupi voí opa mbae oñemoingo ypy vaecue, ja Jese ŷ reje na peteî mbaemi yepei noñemoingoi. Upe oñemoingo ypy vaecue ipype voí, upéva voí pe Tecové, ja pe Tecové jae voí umi ybypóra cuera resapéjá. Upe Jendy ojesapé jina pytûjápe, ja pe pytûjá nda ipuacái Jesé. Oi vaecue peteî cuimbae Tûpâ Ñandeyára remimbou jérava Juan. Upéva ou vaecue imombeujára ramo oicuaauca jaguâ pe Jesapéjarâ gui opavave oyerovia jaguâ Jese jaerupi. Ndajaei rae upéva pe Jesapéjarâ, oiconte vaecue jae oicuaauca jaguâ pe Jesapéjarâ gui. Upéva catu pe Jesapéjarâ jaetéva añeteté ojesapé vaerâ opa ybypórape ou pype co ybyari. Upéva oicoma vaecue co ybyari, ja co yby oyeyapo ypy vaecue Jaerupi, upeicharamo yepe, umi ybypóra ndojechacuaai Ichupe. Jae ou vaecue imbaéteé jápe, ja umi Jesegua voí ndo guerojorŷi Ichupe. Opa umi oguerojory vaecue Ichupe, umi oyerovia vaecue voi Jese Jera rejeguarâ, umivape catu Jae omeê iya jaguâ ichupecuera oñemoingó jaguâ Tûpâ Ñandeyára rejegua ramo. Umia catu noñemoñai tuguy gui, terâ ybypóra racucue gui, terâ cuimbaepe jiâ jague gui, Tûpâ Ñandeyára guinte oñemoña vaecue. Ja upe Ñeê oñembo jeté vaecue ja oyepocuaa ñanepaûme: (ñande voí yajecha rae oñembuete jague, pe Túva ombueteucá vaicha Tayra jaeñomívape). Jae ipya pôrâ itereiva ja imarangatuva jecoitepegua. Pe Juan voí oicuaaucá ja osapucai jeivo, (upéva voí upe jei vaecue): Upe ou vaerâ vaecue che rire, upéva oñemoingóma che renonde. Upéva raêvé voí chejegui. Pe ipype voí oimbava gui oñemeê opavave ñandeve, ja ipya pôrâ gui voí ipya pôrâ yoa yoa ñandeve. Umi Tûpâ Ñandeyára rembiapoucapy oñemeê ypy vaecue Moises rupi: upe pyapôrâ ja pe ñeê jecopegua ou co Jesú Cristo rupi. Ndipori avave ojecha vaecue Túpâ Ñandeyárape máramo: pe Ñandeyára pe Tayra jaeñomíva, upe oñañuáva pe Túva yŷvá paûme, upéva catu pe ojechauca vaecue Ichupe ñandeve. Coicha voí omojerâcuâ vaecue Ichugui pe Juan ombou ramo Jendápe umi Judio pe Jerusalem gui pai cuerape ja Levita cuerape oporandu jaguâ ichupe: ¿Avápa nde? Ja jae omombeupa ichupecuera ja noñomíri mbaeve, omombeupá mante jeivo: Che ndajaei pe Cristo. Ja oporandu ichupe: ¿Mbaévapa nde, upeicharamo? ¿Ndépa Elias? Ja jae jei: Che ndajaei. Ja jei: ¿Ndépa pe oporo ñemoñeêjára? Ja jae jei: Ajaniri. Upei catu oporanduve ichupe: ¿Avápa nde, aiporamo, roguereco jaguâ romombeu vaerâ umi ore mboújarépe? ¿Mbaépa ere ndeyejegui voi? Ja jae jei: Che yuru rupinte oñeê petei osapucaiva pe ñu oyeicoŷjape jeíva: Pemyatyrô Ñandeyára rapérâ jei jagueicha pe Isaias pe oñemoñeêjara ymaguare. Oime voí umi fariseo rejeguava umi oñembou baecue Jendápe. Upeareje oporandu ichupe: ¿Maerâpa, jei, upeicharamo, remongaraí reina jae ŷ ramo nde pe Cristo terâ pe Elias terâ pe oñemoñeêjára jaetéva? Ja Juan jei ichupecuera: Che aporo mongaraí ŷpe nte. Oime voí pende apytepe oñemboŷ jina peteî peê peicuaa ŷ va. Upéva pe ou vaerâ che rire, pe ipy rejegua sâ yepe ndaiyai jaguâ cheve ayorá. Oime oyeju umi mbae pe Betaniape pe ŷ Jordan mboypŷri upe Juan oijápe omongaraijápe jina. Uperire pe ára ambuepe oime Juan ojecha Jesúspe ou ramo Jendápe ja jei: Pemaêke! Upéva Tûpâ Ñandeyára Ovecha Ray umi ybypóra angaipa mboíjarâ! Upéva che jae jague: Che rire ou peteî caraí oñemoingóma vaecue che renonde: Jae raêve jague reje chejegui. Uperamo che ndaicuaai raé Ichupe: oyejechacuaauca jaguânte Jae umi Israel cuéravape, upearâ voínte che ayu amongaraívo ŷpe. Upe Juan oicuaauca avei jeivo: Che ajecha pe Espiritu Santo ogueyŷ ramo pycasuroicha yvagui, ja opyta Jese. Cheyejegui vointe che ndaicuaai Ichupe. Upe chembou vaecue amongaraí jaguâ ŷpe, upéva catu jei cheve: Upe rejecha vaerâ ogueyŷ jaguâ Espiritu Santo ja opyta jaguâ, upéva catu pe oporo mongaraíjarâ Espiritu Santope. Ja che voí ajecha rae upea ja jechajaré ramo voí aicuaauca Jae Tûpâ Ñandeyára Raŷjá. Ja pe ára ambuepe oime yeby upepe jina Juan ja mocoî jemimboe cuérava, ja omaê Jesu reje oguatava jina uperupi ja jei: Peina pepe Tûpâ Ñandeyára Ovecha Ray! Ja umi mocoî jemimboe cuera ojendu oñeê ramo, ja ojo Jesús rapycueri. Ja oyere Jesús ja ojecha pype ou ramo japycueri, jei ichupecuera: ¿Mbaépa pejeca peê? Ja jei Ichupe: Rabbi, (Nde, ore mboejara yaemo avañeême,) ¿Mamópa Nde roga? Ja Jae jei ichupecuera: Peyú ja pejecha ne. Upei catu jaecuera ojo ja ojecha pe oga Jae oico jápe jina. Ja opyta Jendive upe jaára, caarutama jina voí. Oime pe Andres, pe Simon Pedro rykey upéva, peteîva umi ojendu vaecue Juan jei vaecue ja ojo vaecue Japycueri. Ja jae oyuju raê vaecue tykeyra Simonpe ja jei ichupe: Ore royujúma pe Mesiaspe oyee jaicha avei Cristo, ja oguerú ichupe Jesús rendape. Ja Jesús omaê pype jese jei: Nde, Simon, Jonás raŷ, nde nde réra vaerâ Cefas (Pedro, terâ Itá, yaemo avañeême). Ja upe ambue árape jiâ Ichupe osê upegui ojo jaguâ Galileape ja ojuvâiti Felipepe, ja jei ichupe Jesús: Eyu Che rapycueri. Co Felipe Betsaidaŷgua voí oño jetâmegua voí Andres ja Pedro avei. Uperire pe Felipe ojuvâiti Natanaelpe ja jei ichupe: Royujúma upe Moises ja umi oñemoñeêjara ymaguare oñeê jague Santa Escriturape, Jesús pe José raŷ Nazaretŷgua pe. Ja Natanael jei ichupe: ¿Mbaeichapa icatune Nazaretgui oyeju mbae ipôrâva? Ja Felipe jei ichupe: Eyo, ejecha! Ja Jesús ojecha Natanaelpe ou ramo Jendápe, ja jei ichugui: Peina pepe peteî Israelita jaetéva, ipya mocoîŷva. Ja Natanael jei Ichupe: ¿Mbaeichapa, che cuaa raé? Ja Jesús jei ichupe: Ne renoî mboyve Felipe, reime ramo guare pe higo râcâ guype Che rorecha vaecue. Ja Natanael jei ichupe: Rabbi, ore poromboejára, Nde Tûpâ Ñandeyára Raŷ, Nde Israel cuérava Ruvicha Guasu! Ja Jesús jei ichupe: Che jae jague reje ndeve Rorecha jague ndeve pe higo râcâ guype, ¿upévarejépa rerovia nde? Mbae tuvichavéva cova gui rejechane. Añeté Che jae peême catuetei pejechane oyepea ramo yvaga rokê ja Tûpâ Ñandeyára rembiyocuai oyupi ja ogueyŷ ramo jicuai co Caraí Raŷ reje. Upe jague pe mbojapy ára jápe oico caruguasu oñemendajápe pe Cana Galileapeguape, ja oico upepe Jesús sŷ, ja oñejenoî avei Jesús ja Jemimboe cuera pe caruguasu jápe. Ja sapya opá ichugui cuera pe vino, ja Jesús sŷ jei Ichupe: Ndiporivei vino. Ja Jesús jei ichupe: ¿Mbaépa reipota Chejegui, cuña carai? Nda Che jámai gueteri. Upei catu isŷ jei umi tembiguaipe: Oimeraêva mbae jei jaichante peême, peyapónte. Oime voí upepe seis cambuchi itáguigua ŷ ryrúrâ oyepojei jaguâ oyepocuaa jagueicha umi Judio (iya vaerâ peteî teîme treinta terâ cuarenta litro). Ja Jesús jei ichupecuera: Pemotenŷjê umi cambuchi ŷ gui. Ja omotenyjê iyurú peve. Ja Jae jei ichupecuera: Anga penojê ja peraja pe caruguasu yárape. Ja upeicha ogueraja. Ja pe caruguasu yára ojaâ vove pe ŷ oyeby vaecue vino ramo, ja ndoicuaai jague reje mamoguarepa, (oicuaa pôrâ ramo yepe umi tembiguai umi ôguenojê vaecue pe ŷ,) upei catu pe caruguasu yára ojenoî pe omenda ramó vaecuepe, ja jei ichupe: Ñande caraíva ñamoiucá raêva vino ipôrâvéva tenondé ja uperire jyvâtâmbáma ramo ñamoîucá pe vino ivaívéva. Nde catu reñongatu raé co vino ipôrâitevéva angapeve. Cova iyŷpy vaecue oyapo Jesús mbae jechapyrâ pe Cana Galileapeguape, ja upeicha ojechauca ipuacacue imboetepyrâ ja jemimboe cuera oyeroviá Jesé. Upeguirire Jae ojo Capernaumme, Jae ja isŷ ja tybyra cuera ja jemimboe cuera, ja upepe jiarémi mboby ára. Uperire jiâguíma gui pe Judio arete guasu pascua, Jesús ojo Jerusalempe, ja oyuju pe tûpâope umi oñemûva buey reje ja ovecha reje ja pycasuró reje, ja umi mbaerepy mbojesaíjára. Upei catu Jae omboyoŷbŷ tucumbo, oinûpâ jaguâ, ja omosêmba pe tûpâogui umi ovechá ja vaca raŷ ja oñejêmba ybype umi ñemûjára mbaerepy mbojesaíjára mbae, ja omboŷké jendague, ja umi oñemû vaecuepe pycasuró reje jei: Pemboí âva águi, ja ani peyapo co Che Ru roga oga ñemûjá ramo. Uperamo oñemo mandua jemimboe cuera pe Santa Escriturape oiva reje: Che Che râcâteŷ ngue Nde roga reje che mombá vaerâ. Upévareje umi Judio oyeré ja jei Ichupe: ¿Mbae mbae jechapyrâpa rereco rejechaucá vaerâ oreve iyajá ndeve reyapo jaguâ co âmbae? Ja Jesús oyere ichupecuera ja jei: Pembuai co tûpâo, ja mbojapy arajápente Che amopuâ yebŷmane. Upei catu jei Ichupe umi Judio: Jiaré vaecue cuarenta ja seis años oñemopuâ jaguâ co tûpâo, ¿ja Nde remopuâ yebypane mbojapŷ arajápente? Jae voí oñeê jina ogueté gui tûpâo vaicha. Upevareje oicove yeby rire omano vaecue paûgui, imanduá jemimboecuera Jae jei jague upea, ja upeicha oguerovia umi Santa Escritura ja umi ñeê Jesús jei vaecue ichupecuera. Ja oico pype Jerusalempe, pe pascuajápe pe arete guasu árape, jeta oyerovia Jerareje ojecha pype umi mbae jechapyrâ oyapo vaecue. Jesús vointe ndo yeroviai jesecuera oicuaa jague reje ichupecuera, ja noicôtevêi avave oicuaauca jaguâ Ichupe umi ybypóra recógui; Jae voí oicuaa pe oimeva umi ybypóra pype. Oime vaecue peteî caraí umi fariseo rejegua jérava Nicodemo, umi Judio ruvichárejeguava. Upéva ou Jesús rendape pyjarépe ja jei Ichupe: Carai, ore roicuaa Nde reyú jague Tûpâ Ñandeyára gui poro mboejára ramo. Ndipóri voí avave icatúva oyapo co âmbae jechapyrâ Nde reyapova oi ŷ ramo jendive Tûpâ Ñandeyára. Ja Jesús oñeê ja jei ichupe: Añeteté Che jae ndeve, oime ramo oñemoña yeby ŷ vaecue yvá guivo, ndicatui ojecha Tûpâ Ñandeyára reco marangatu. Ja jei Ichupe Nicodemo: ¿Mbaéichapa icatu oñemoña yeby peteî carai ituyá rire? ¿Icatúpa oiké yeby isŷ rygue pype ja joá yeby ichugui? Upei catu Jesús oñeê yeby: Añeteté Che jae ndeve catuetei oime ramo oñemoña ŷ vaecue ŷ gui ja Espiritu Santo gui, ndicatui oiké Tûpâ Ñandeyára reco marangatúpe. Oimeraêva oñemoña vaecue ybypóra roó gui ybypóra roó rejeguánte upéva, ja oimeraêva oñemoña vaecue Espiritu gui Espiritu rejegua upéva. Ani rejecharâmô Che jae jague reje ndeve tecôtevêjá peñemoña yeby yvá guivo. Pe ybytu oipeyu mamo oipotájárupi, ja rejendu ramo yepe jyapú, nde reicuaai mamo guipa terâpa mamópevé ojo. Upeichaguante avei opa umi oñemoña vaecue Espiritu gui. Ja oñeê yeby Nicodemo ja jei Ichupe: ¿Mbaéichapa icatúne upea? Ja Jesús oñeê yeby ja jei ichupe: ¿Mbaéichapa nde co Israel mboejára ja nde reicuaaipa cova? Añeteté Che jae ndeve catuetei ore roéjá pe roicuaa pôrâva mante ja roicuaaucájá pe rojecha vaecuente. Opaichavévonte peê nda peroviaséi pe roicuaaucáva. Jae ramo Che peême mbae co ybyariguagui ja peê nda peroviai ramo, ¿mbaéichapa peroviane jae ramo peême mbae yvagape gua gui? Ndipóri avave oyupi vaecue yvagape, oimente upe ogueyŷ vaecue yvaga gui, pe Caraí Raŷ yvaga peguava voínte. Pe Moises omosaingo jagueicha pe mbói raângá pe ñûme, upeicha avei tecôtevê pe Caraí Raŷ oyejupi, icatu jaguâ opa umi ogueroviava Ichupe ojupity pe Tecove iyapyraŷva. Oime Tûpâ Ñandeyára voí ojayjú tuvichaite gui umi ybypóra cuerape omeê Tayra peteî jaeñomívape, icatu jaguâ opa oyeroviáva guive Jesé anichene ocañŷ, ojupitŷnte jaguâ pe Tecove iyapyraŷva. Tûpâ Ñandeyára nomboui Taŷrape co ybyari omoî vaí jaguâ umi ybypórape, oñemoî pôrâ jaguâ mârâŷreje umi ybypóra cuera Jaerupi. Upe oyeroviáva Jese noñemoî vaíri, upe oyeroviaŷva oñemoî vaíma, ndoyeroviai jaguéreje Tûpâ Ñandeyára Raŷ peteî jaeñomíva réra reje. Cova voí pe ybypóra oñemoî vaí jaguâ ou ramo yepe pe ojesapéjarâ co ybyari, umi ybypóra ojayjuvé pe pytûjá pe ojesapéjágui jembiapo ivaí jague reje. Opa mbaevaí apojaré oñamotareŷ pe ojesapévape ja ndoui pe ojesapé jápe anichene jaguâ oyeyaó jembiapo vaí cue reje. Upe oyapóva jecopé ou voí pe ojesapéjápe oyejechacuaa jaguâ oyeyapo jague jembiapocue Tûpâ Ñandeyára ypype. Uperire ou Jesús ja jemimboe cuera pe Judea retâme ja oico aré upepe jendive cuera ja omongaraí oicovo. Pe Juan avei omongaraí Ainonme pe Salem ypype jeta jague reje upepe ŷ, ja ou jicuai jeta ja oñemongaraíucá. (Neíra raé Juan oñemoî ybyracua rogape.) Upepe voí oyoaby Juan remimboe cuera ja peteî Judio oyuejegui mbae yojeipyré reje. Uperire ou Juan rendape ja jei ichupe: Ore poro mboejára, upe oi vaecue nendive ŷ Jordan mboypŷri pe remojerâcuâ jague, upéva avei oporo mongaraí jina coanga ja ou yoa Jendápe opavave. Upei catu oñeê Juan ja jei: Ndicatui peteî carai ojupitŷ mbaeve oñemeê ŷ ramo ichupe yvaga gui. Peê voí peicuaa pejendu jague gui chejegui jae jague che ndajaéijá Cristo, ja che añemboujánte jenonderânte. Upe oguerecova pe jembirecorâ, upéva pe menarâ, ja pe menarâ rayjupára oñemboŷva iyŷkepe ja ojendúva ichupe, obyaite torypápe pe menarâ ñeê reje. Upeicha avei anga abyá itereima ai pôrâmbama. Tecôtevê Jae oñembo tuvicha, ja che añemo mîchî. Upe ouva yvategui upéva tuvichavé opávagui. Pe ybyarigua rejegua ybypóra rejeguante avei, ja iñeê avei ybyarigua rejegua ñeênte. Upe oúva yvaga gui tuvichavé opavavegui. Umi mbae ojecha vaecue ja ojendu vaecue umiante jae oicuaaucá, upeicharamo yepe, avavé ndogueroviai pe oicuaaucáséva jae. Oime ramo ogueroviava pe oicuaaucáva, upéva omoañeté Tûpâ Ñandeyára iyeroviájájá. Upe Tûpâ Ñandeyára remimbou oñeê Tûpâ Ñandeyára jeíva, ja Jae nomeêi Iyespiritu jacateŷjápe. Pe Túva ojayjú pe Tayrape ja omeê Ichupe opambae ipope. Oimeraêva oyeroviáva pe Tayra reje ojupityma pe Tecové iyapyraŷva. Oimeraêya omomârâva pe Tayrape ndojechaichene pe Tecové iyapyraŷva, oime Tûpâ Ñandeyára oñemyrô ichupe tapiâguârâ. Uperamo sapya oicuaa Ñandeyára umi fariseo ojendu jague jêrâcuâ Jesús omoingójá jina jetavépe jemimboe cuérarâ, ja omongaraíjá jina jetavépe pe Juan gui. (Jesús ae ndo poro mongaraíri, jemimboe cuera ñonte omongaraí.) Upévareje Jae oyeí Judea gui, ja ojo yeby Galilea cotŷvo. Ja tecôtevê voí ojasa Samaria retâ rupi. Ja upeicharamo, ôguajê pe tetâ Samariapegua, jérava Sicarpe, pe ñû ypype Jacob yma omeê vaecue tayra Josépe, oijape avei pe Jacob ŷcua. Ja upepe Jesús, icaneô ouvo tapépe, oguapy pe ŷcua ypype, ára mbyte jina. Ja sapya ou peteî cuña Samariaŷgua ôguenojê jagua ŷ. Ja Jesús jei ichupe: Chemboŷúmi. Oyeima rae jemimboe cuera pe tetâme oyogua jaguâ jembiurâ cuera. Ja pe cuña Samariaŷgua jei Ichupe: ¿Mbaéichapa Nde Judiojápe reyerure cheve ŷ reú vaerâ reje, co che cuña Samariaŷgua. (Oime umi Judio voí ndoyejeai umi Samaritano reje.) Ja Jesús oñeê ja jei ichupe: Reicuaa rire Tûpâ Ñandeyára remimeêmbyrâ ja reicuaa rire avápa pe jeiva ndeve Chemboŷúmi mo reyerure Ichupe ja Jae mo omeê raé ndeve ŷ oicoveva. Carai, jei, nde rerecoi renojê jaguâ ŷ, ja ipŷ pucu co ŷcua, ¿mamoguípa, upeicharamo, rerecone co ŷ oicovéva? ¿Ndepa tuvichavé ore rú ypycue Jacob gui pe omeê vaecue oreve co ŷcua, co joŷú jague jae ae ja tayra cuera ja jymba cuera? Upei catu Jesús jei ichupe: Opa joŷúva co ŷ gui iyŷujéi yeby vaerâ. Oimeraêva joŷúva co ŷ Che amboŷú vaerâ gui máramové nda iyŷujéi véi vaerâ. Co ŷ Che amboŷú vaerâ ichupe oi vaerâ pype peteî ŷbu opupu vaerâ pe Tecové iyapyra ŷ vaerâ meguâra. Ja jei Ichupe pe cuña: Che carai che mboŷúnte upe ŷ gui, anive jaguâ che ŷujéi, ja anive jaguâ tecôtevê ayu ape anojê jaguâ ŷ. Upei catu Jae jei ichupe: Terejo, ejenoî ne ménape ja eyo yeby ape. Upei catu oñeê yeby pe cuña jeivo: Na che ménai. Ja Jesús jei ichupe: Ere jecópente ere ramo nde na ne ménaijá. Cinco yeby remenda vaecue, ja upe anga rerecóva ndajaei ne ména. Upeicha nde ere añetegua. Ja jei Ichupe pe cuña: Caraí rojechacuaa Ndeve umi ñemoñeêva rejeguavajá nde. Ore ru ypycue oñesû vaecue co itáatŷra ári, ja peê peye Jerusalempe oijá pe tenda tecôtevêjá ñañesú. Ja Jesús jei ichupe: Cuña, che reroviákena, ôguajêtama pe ára peñesû jaguâ pe Túvape nda co itáatŷra ariri, ja nda Jerusalempei. Peê peñesû pe peicuaaŷvape, ore catu roñesû pe roicuaávape. Umi Judio rejegua voí vaerâ pe teco marangatu. Oguajêtama ára ja óguajêma voi yepe umi añetéjápe ombuetéva ombueté jagua oñesûvo pe Túvape ipyaite guive, ja jecoitépe. Umichaguape voí oipota pe Túva ombueté vaerâ Ichupe. Tûpâ Ñandeyára anga rejegua voí ja umi ombuetéva Ichupe tecôtevê ombueté Ichupe jiánga guive ja jecoitépe. Ja jei Ichupe pe cuña: Che aicuaa ou vaerâjá pe Mesías, upéva jérava Cristo. Ja ou ramo Jae, oicuaaucáne opambae. Jei ichupe Jesús: Che voí jae, Che co añemonguetáva ndeve. Upeyave ôguajê Jendápe jemimboe cuera, ja ojecharâmô oñemonguetá járeje pe cuñáme. Upeicharamo yepe mavave ndeiri Ichupe: ¿Mbaépa reporandu? terâ ¿Mbaépa remongueta ichupe? Upei catu ojeyante pe cuña icambuchi ja ojo sapyaite pe tetâme ja jei umi caraí cuerape: Peyu pejecha peteî caraípe omombeupá vaecue cheve opambae che ayapo vaecue, ¿ndajaei pipo upéva Cristo? Upévareje osê umiva avei pe tetâ gui ja ou Jendápe. Upe aya jemimboe cuera oyerure rure jina Ichupe jeivo: Ore Yara, ecarúminte. Ja Jae jei ichupecuera: Areco voí che rembiurâ jau vaerâ peêcuera nda peicuaavái. Upei catu jemimboe cuera oñomongueta oñondive jeivo: ¿Oimene pipo ogueru vaecue Ichupe jou vaerâ? Ja Jesús jei ichupecuera: Che rembiurâ ambuayéjá pe Che mboujaré rembipota ja amombá jaguâ jecope jembiapoucapŷ. ¿Nda peyei pico peê oiméjá gueteri irundy yasŷ ôguajê jaguâ pe temityngué ñemonoô jaguâ? Pemaê catu! Che jae peême, peyesaupí ja pemaê umi cocue reje jiayu pôrâma oñemonoô jaguâicha. Oguenojêma jina pe monoôjára jembiapocué repŷ ja ombyatŷ pe jiacué pe Tecové iyapyraŷva ro guârâ icatu jaguâ pe ñemityjaré ja pe monoôjaré oyoguerojory. Coicha voí joa pôrâ pe ñeênga: Peteî pe ñemityjaré ja ambue pe monoôjára. Che pomondo vaecue peême pemonoô jaguâ pe peê pembaapo ŷ jague. Oime ambue cue cuera ombaapo vaecue ja peê peiké imbaapo jaguepe. Upeicha jeta oime pe tetaŷgua Samariapegua oyeroviá vaecue Jese pe cuña jei vaecue reje pe oicuaaucá vaecue: Omombeupá cheve opambae che ayapo vaecue. Upeicharamo, ou ramo Jendápe umi Samariaygua oyerure rure Ichupe opyta jaguâ jendive cuera. Ja upeicha Jae opyta upepe mocoî ára. Je upeaya jeta jetave oyerovia Jese pe iñeêngue rejente voi, ja jei pe cuñáme: Coanga ndajaeveima nde ere vaecue rejente ore roguerovia. Ore voi rojendu Ichupe ja roicuaama añetéjá cova ñande ybypóra Repŷjarâ. Ja upea jague mocoî arajápe Jae oyei upegui ja ojo Galileape, oicuaaucá ramo yepe Jesús voínte peteî oñemoñeêjára ndo yererojorŷijá oguetâme voínte. Upeicharamo yepe, Jae ôguajê ramo Galileape, umi Galileaŷgua oguerojory Ichupe ojecha jague reje opa umi mbae Jae oyapo vaecue Jerusalempe umi areté árape, jaecuera avei oico jague pe areté jápe. Upeicha ou yeby pe Cana Galileapeguape, pe Jae oyapo jague vino pe ŷ gui. Ja oime peteî mburuvicha jasy jina itayra Capernaumme. Upeva ojenduma ramo Jesús ou jague Judea gui Galileape ou Jendápe, ja oyerure Ichupe ojo jaguâ omojesâi jaguâ itayrape, oime, yeco, omano jaguâicha. Upei catu Jesús jei ichupe: Pejecha ŷ ramo mbae jechapyrâ ja mbaeguasu ñemondyi nda peroviai chene. Upei catu jei yeby Ichupe pe mburuvicha: Caraí, eyókena omano mboyve che raŷ. Ja Jesús jei ichupe: Terejónte nde rogape. Oicové nde ray. Ja pe carai oguerovia pe ñeê Jesús jei vaecue ichupe ja upeicha ojo. Ja ojo aya ou jembiguai ojuvâitívo ichupe jeivo oicovéjá itayra. Upei catu jae oporandu ichupecuera: ¿Mbae hora rupipa raé oñypyrú opytuú? Ja jei ichupe: Cueje caaru asaye opoi ichugui iñâcânundu. Upeicha pe túva ojechacuaa upéjá horape rae jei jague ichupe Jesús: Oicové nde raŷ. Ja jae oguerovia ja opa umi jogapegua guive. Upéva pe mocoîjá mbae jechapyrâ oyapo vaecue Jesús ou ramo guare Judea gui Galileape. Upeguirire oico arete ára umi Judiorejegua ja Jesús ojo Jerusalempe. Oi Jerusalempe pe jymba rokê ykepe peteî ŷcua pucu jérava Judio ñeême Bethesda ja iyerecuevo oime cuarajyâguŷ cinco paú rejeve. Ja umi paûme oime jeta jasŷva oñeno jicuai jesapysoŷva, ja icarêva ja iyŷpíva ojaarôva jicuai opupu pe ŷ; ogueyŷ yepi peteî yvapegua pe ŷcuape ja oipybú pe ŷ, ja pe ogueyŷ raê vaecue tenondéva pe ŷ pe, opupu rire pe ŷ, oñemo jesâimba oimeraêva mbaasy oguereco vaecue gui. Sapya oi upepe peteî cuimbae, oyapoma treinta ocho años jasy jague jina, ja Jesús ojecha ichupe oñeno ramo jina ja oicuaama ramo ymama jague jasy, jei ichupe: ¿Ne resâisépa? Ja pe jasyva jei Ichupe: Che caraí, che ndarecoi che moingue vaerâ co ŷcuape pe ŷ oyepybú yave. Che ayu ayante, ogueyŷ ambue che renonde. Ja Jesús jei ichupe: Epuânte, ejupi nde rupá ja terejó. Ja upevove jesâi pe cuimbae ja ojupi jupâ ja ojo. Upe jaára pe sabado areté ára voí. Upeareje umi Judio jei pe oñemojesâi vaecuepe: Coanga sabado naipôrâijá ndeve rerajá nde rupá. Ja jae jei ichupecuera: Upe che mojesâijaré, upéva catu jei cheve: Ejupi nde rupá ja terejó. Ja oporandu jaecuera: ¿Avápa upe carai jei vaecue ndeve: Ejupi nde rupá ja terejo? Ja pe oñemo jesâi vaecue ndoicuaai yepe avápa raé? Jesús voí oyepeama rae upegui, oime jague gui jetá eterei iyatŷ vaecue jicuai. Uperiremi Jesús oyuju ichupe pe tûpâope ja jei ichupe: Anga neresâimba yebyma. Anive reñemo angaipa, anichene oyeju ndeve mbae ipojŷivéva. Upei catu pe cuimbae ojo ja omombeu umi Judiope Jesúsjá pe omo jesâi vaecue ichupe. Upeareje umi Judio oñembopŷa vaí Jesúspe, oyapo jague reje umimbae pe sabado árape. Ja jei ichupecuera Jesús: Coanga peve che Ru ombaapo memeté ja Che upeicha avei ambaapo. Upévareje umi Judio oñejaâve oyuca jaguâ Ichupe nombuaretei jague reje pe sabado ára ja jei jague reje Tûpâ Ñandeyára itúvaetéjá ja oñemboyoyá jague reje Tûpâ Ñandeyára reje. Upei catu Jesús jei ichupecuera: Che jae peême catuetei pe Tayra ndicatui oyapo mbaeve oyejegui voínte. Upe ojecha vaecue pe Túva oyapo ramo, upeante oyapo Jae, umimbae oyapóva Upéva umimbae oyapo pe Tayra upeicha avei. Pe Túva ojayju pe Tayrape ja ojechauca Ichupe opambae Jae ae oyapóva, ja mbaeguasu tuvichavéva coâva gui yepe ojechaucane Ichupe peê pejecharâmô jaguâ. Pe Túva omombaŷ jaicha ja omoingove yeby jaicha umi omano vaecuepe, upeicha avei pe Tayra omoingove Jae oipotávape. Pe Túva nomojendai avavépe. Pe Tayra pópente omeêmba omojenda jaguâ, icatú jaguâ opava ombotuvicha pe Tayrape, upe Tuvape ombotuvicha jaicha. Upe ombotuvicha ŷ va pe Tayrape nombotuvichai pe Túva imboujarépe avei. Tae pôrâite peême añetéjá pe ojendúva Che ñeê ja ogueroviáva pe Che mboujarépe, upeva ojupitŷmaja pe Tecové iyapyraŷva ja ndouvei vaerâjá pe oñemojenda jaguâme, ojasámaja voí pe omanojagui pe Tecove jaetéva peve. Che jae peême catuetei añetejá ou vaerâ pe ára, oicoma voi coanga yepe, umi omano vaecue ojendu jaguâ Tûpâ Ñandeyára Raŷ ñeê ja umi ojenduva oicové jaguâ. Pe Túva oguereco jaicha oguecove ipype voí, upeicha avei omeêma pe Tayrape oguereco jaguâ oguecope ipype voí avei. Ja omoî avei ipope oyeyapo jaguâ mburuvicha ramo Caraí Raŷ járeje Jae. Ani pejecharâmô coágui. Oguajê voí vaerâ upe ára ojendu jaguâ iñeê opa umi oñeñoty vaecue ybycuape, osê jaguâ umi mbaepôrâ apojaré oicove yeby jaguâ pe Tecove iyapyra ŷ vaerâme, ja umi mbaevaí apojaré oicove yeby jaguâ upe oñemoî vaí jaguâ ára ramo guârâ. Che ndaicatui Che yejeguinte ayapo mbaeve. Ajendu jaichante Che amojenda, ja co Che amojendajá jecoitepe meme, ndajaei járeje pe jiâva Cheve gui, añejaâ pe Che mboujarépe jiâva guinte. Che aicuaauca ramo Cheyejegui, pe che aicuaaucáva ndoyeyerovia vaerâi; oime ambuecue oicuaaucáva Chejegui ja aicuaa añeteguajá jecopete pe Jae oicuaaucáva Chejegui. Peê voí pemondo vaecue Juan rendape ja jae oicuaauca pe jecopeguante. Che ndaiporui pe oicuaaucáva Chejegui umi cuimbae. Upeicharamo yepe, Che jae âmbae pene mârâ ŷ jaguâ peê. Upéva catu pe tataendŷ jendŷ vaecue ja ojesapé vaecue, ja sapyaminte jiânte peême pebyá jaguâ upe ojesapéjápe. Che voí areco Che cuaauca pôrâvé vaerâ pe Juan gui yepe, umi tembiapo omeê vaecue Cheve pe Túva Che ayapopá vaerâ jecópe, co tembiapo voí Che ayapova aina, cova catu pe oicuaaucaba Chejegui pe Tuva Che mbou jague. Ja pe Tuva avei Che mboújaré Jae voí oicuaaucá Chejegui. Ndipori avave peêcuérava máramo ojendu vaecue Jae oñeê ramo terâ ojecha vaecue iyoguajá, ja pe iñeê peê nda perecoi opyta tapiáva pende pyape nda peroviai járeje co Jemimboúpe. Peê pejecápá voí Santa Escriturape peimoâ járeje peyuju jaguâ ipype cuera pe Tecove iyapyraŷva. Umiva catu umi oicuaaucáva Chejeguinte. Opaichavévonte peê nda peyusei Che rendape pejupity jaguâ pe Tecove iyapyraŷva. Che ndaipotai umi ybypóra Che mbotuvicha jaguâ, peême voi Che poicuaa pôrâ, ja aicuaa peê nda perecoijá Tûpâ Ñandeyára mborayjú pende pyape. Che ayu Che Ru rérape ja peê nda che rerojorŷi. Sapya ou ramo ambuecue oguéra tevépe, upévape peê perojoryne. ¿Mbaéichapa icatune perovia peê peñembo aguará ramo oñondive pejeca rendague pe ñembueté jaguâ pe Tûpâ Ñandeyára año mante pende rerojory jaguâ? Ani peimoâ Che pomoî vaí jaguâ pe Tuva ypype, oime voí peteî pene moî vaí vaerâ peême, pe Moises, upe pende yeroviajá. Perovia rire Moisespe añeté, mo Che reroviá rae Cheve avei. Chejegui voi jae oñeê Santa Escriturape. Ja peroviá ŷ ramo pe jae oñeê vaecue Santa Escriturape ¿mbaéichapa peroviata Che jaeva? Upeguirire Jesús oyei pe ŷguasu Galilea oyeéva avei Tiberias mboypŷri, ja jeta oñembyatŷ ja iyatŷ ojovo japycueri ojecha jaguereje umi mbae jechapyrâ oyapo vaecue umi jasŷva cuerape. Upegui Jesús oyupi pe itáatŷra ári ja upepe oguapy jemimboe cuera ndive. Jiâguima uperamo pe Judio arete guasu pe pascua. Ja oyesaupi Jesús ja ojechama ramo jeta iyatŷjá umi ou vaecue Jendápe jei Felipepe: ¿Mamoguipa yayoguata mbuyape jou vaerâ umiva? Cova jei ichupe ipya raâ mbotávonte: Jae vointe oicuaa pôrâ pe oyapotava jina. Ja Felipe jei Ichupe: Doscientos mbaerepy ndo jupity moai icatu jaguâicha opavave umiva cuérava joumimi yepe. Ja jei Ichupe peteîva jemimboe cuérava, pe Andres, Simon Pedro ryby: Coina ape peteî mitâ cuimbae oguerecóva cinco mbuyapé ja mocoî pirai. Opaichavévonte ¿mbaépa coamimi umi jetaite apytepe? Ja Jesús jei: Pemboguapŷnte umi ybypórape. (Oi voí upepe jeta capiipé) Ja upeicha oguapŷ: umi cuimbae cacuaá jetacue cinco mil. Upei catu Jesús oipyjy umi mbuyape ja ojovasá ja omboyaoucá umi oguapy vaecuepe jina, ja upeicha avei umi pirai gui oipota jagueichante. Ja jyvâtâmbáma ramo Jae jei jemimboecuerape: Pemonoômba umi mbuyape akytâ jemby vaecue anichene jaguâ ocañŷ reí mbaeve. Ja upeicha omonoô ja omotenyjê doce ayacá umi mbuyape akytâ gui umi cinco mbuyape cuicue jemby vaecue umi jou vaecuepe. Upegui umi cuimbae ojecha ramo pe mbae jechapyrâ oyapo vaecue jei: Añetejápe cóva pe oñemoñeêvarejegua jaetéva ou vaerâ vaecue co ybyari. Upei catu Jesús ojechacuaa vove outa jague oipyjy jaguâ Ichupe omoingo jaguâ Ichupe mburuvicha guasu ramo, oyei upegui ja oyupi yeby pe itáatŷra pe jaeñojápe. Ja caaruetéma ramo jemimboe cuera ogueyŷ pe ŷguasupe, ja oyupi petei mbayrupe ja ojo mboypyri ôguajê jaguâ Capernaumme. Ja pyjaréma ja Jesús ndoui gueteri raé Jendápe cuera. Ja oyepybú pe ŷguasu peteî ybytu jâtâ oipeyúva gui jina. Ja oyeóima ramo pype jicuai mbojapŷ terâ irundŷ kilometro, ojecha Jesúspe oguata ramo pe yguasú rova ári ja oñemoângui ouvo pe imbayrú gui jaecuera okyjŷyé Ichugui. Upei catu Jae jei ichupecuera: Che jae! Ani pekyjŷyé! Upei catu oguerojory Ichupe imbayrupe ja upegui sapyaite imbayru ôguajê pe tetâ ojo jápe jina. Ja pe pyjarevépe umi oñembyaty vaecue oime oñemboŷ jina gueteri mboypyri, ja ojecha oi jague upepe peteî mbayrumi añonte, ja ojecha Jesús ndoyupiri jague pe mbayrupe jemimboe cuera ndive ja oyeoi jague jaecuera ñonte jemimboe cuera. Oime voínte mbayrumi cuera ou vaecue pe Tiberias gui oñemboyávo pe tenda jou jaguepe mbuyape Ñandeyára ojovasá vaecue. Upeicharamo umi oñembyaty vaecue ojechama ramo ndiporivei maja upepe Jesús terâ jemimboe cuera oyupi avei mbayru mimi cuerape, ja ou Capernaumme ojecávo Jesúspe. Upei catu oyujuma ramo Ichupe mboypyri jei Ichupe: Caraí, ore poromboejára, ¿aracaépa reguajê raé ape? Ja Jesús oñeê ichupecuera ja jei: Che jae peême añetéjá ndajaei pejecha jaguereje mbae jechapyrâ peê Che recá peicovo, pe mbuyape peu vaecue reje mante, ja pene ryvâtâ jaguereje pype. Ani pembaapó pe tembiu ituyú vaerâ reje, pe tembiu opyta vaerâ rejente pe Tecové iyapyraŷ vaerâ meve yepe, upe omeê vaerâ peême pe Caraí Raŷ, pe Tûpâ Ñandeyára pe Tûva omoingo vaecue upearâ voí. Upei catu jei Ichupe: ¿Mbaepa royapo vaerâ rombuaye jaguâ jecópe Tûpâ Ñandeyára rembiapoucápy? Ja oñeê Jesús ja jei ichupecuera: ¿Pe Tûpâ Ñandeyára rembiapoucapy pico? cova jae, peyerovia jaguâ pe Jemimbou reje. Upei catu jei Ichupe: ¿Mbae mbae jechapyrâpa reyapo nde rojechacuaa jaguâ ja royeroviá jaguâ Ndereje? ¿Mbaépa rembaapó Nde? Ore ru ypycue cuera jou vaecue pe manna pe ñûme, oyee jaicha Santa Escriturape: Mbuyape yvaguigua omeê ichupecuera. Upei catu Jesús jei ichupecuera: Che jae peême añetéjá ndajaei jague Moises omeê vaecue pe mbuyape yvaguigua, Che Ru mante omeê jina peême pe mbuyape yvaguigua jaeteva. Pe Tûpâ Ñandeyára mbuyape, upéva catu upe ogueyŷ vaecue yvaga gui umi ybypóra omoingovéjarâ. Upei catu jei Ichupe: Carai, emeê tapia oreve co mbuyape. Ja Jesús jei ichupecuera: Che catu pe Mbuyape pe Moingovéjarâ. Upe ouva Che rendape máramo no ñembyajyi chene, ja pe oyeroviáva Che reje, máramo nda iyŷujei chene. Upeicha voínte Che jae jagueicha peême, peê Che recha ramo yepe, nda peyeroviai Che reje yepe. Opa umi omeê vaecue Cheve Che Ru, ou vaerâ Cheve, ja upe ouvape Che rendape mbaevéicharamo na mombói chene Chejegui. Che voí ayu vaecue yvagui ani jaguâ ayapo pe jiânteva Cheve, upe Che mboujaré rembipotante. Covante Che mbou jaré rembipota, anichene jaguâ apoí na peteîmi gui yepei umi omeê vaecue guive Cheve, amoingovepá yeby jaguânte ichupecuera pe ára ipajávape. Cova voí Che Ru rembipota, pe omaêva guive pe Tayra reje ja oyeroviáva Jese oguereco jaguâ pe Tecové iyapyraŷva, ja Che avei amoingove yebyne ichupe pe ára ipajávape. Upévareje umi Judio oñeêngururú Jese Jae jei jague reje: Che jae pe Mbuyape ogueyŷ vaecue yvagui. Ja jei: ¿Ndajaeipa cova pe Jesús, Jose ray, ore roicuaava ituva ja isype? ¿Mbaeichapa upeicha ramo jei coanga: Che agueyŷ vaecue yvagui? Ja oñeê Jesús ja jei ichupecuera: Ani peñoñeêngururu oñondive. Ndicatui avave ou Che rendape ogueru ŷ ramo ichupe pe Tuva pe Che mboujare ja Che amoingové yebyne ichupe pe ára pajávape. Oime Santa Escriturape pe jei vaecue umi oñemoñeêjára ymaguare: Ja opavavé jaecuerava Tûpâ Ñandeyára remimboe vaerâ. Upeicharamo opa umi ojendu vaecue pe Túva ñeê voi ja oico imboepyré Jaerupi ou vaerâ Che rendape. Ndipori voí avave ojecha vaecue pe Tuvape, upe añonte ou vaecue Tûpâ Ñandeyára gui, upéva año ojecha vaecue pe Túvape. Añete Che jae peême catuetei upe Che rerovia vaecue guive oguerecoma voi pe Tecove iyapyraŷva. Che catu pe mbuyape pe omoingovéjarâ. Penderu ypycue jou vaecue pe Manna ja omano vaecue. Coina ape pe Mbuyape ogueyŷ vaecue yvagui jou vaerâ umi cuimbae cuera, anichene jaguâ omano. Che catu pe Mbuyape oicoveva ogueyŷ vaecue yvagui. Oime ramo jouva co Mbuyape oicovéne tapia guârâ. Pe Mbuyape ameê vaerâ, upéva catu Che roo vointe ameê vaerâ umi ybypóra cuera moingové jarâ. Upei catu oyuaby oyuejegui umi Judio jeivo: ¿Mbaeichapa icatu cova omeê ñandeve joo voí yau vaerâ? Upei catu Jesús jei ichupecuera: Añetejápe che jae peême peu ŷ ramo co Caraí Raŷ roo ja peu ŷ ramo juguy, nda perecoichene pe Tecovéité pendepype. Upe jouva Che roo ja jouva Che ruguy, oguereco pe Tecové iyapyraŷva, ja Che amombaŷne ichupe pe ára ipajávape. Che roo nico tembiúeté ja Che ruguy pe peŷú vaerâ jaéetéva. Upe jouva Che roo ja joŷúva Che ruguy opyta Che pypé ja Che apyta pypé. Che mbou jagueicha pe Túva oicovéva, ja aicove jaicha Che pe Túva rupi, upeicha avei upe Che úva Cheve oicovéne Che rupi. Cova pe mbuyape ogueyŷ vaecue yvagui, nda upe jou vaecuechai pende ru cuera ypycue. Umiva jou ja omano vaecue. Upe joúva co Mbuyape oicovéne tapia guârâ. Opa umimbae Jae jei vaecue tûpâope omboe jaguepe Capernaumme. Upei catu jeta jemimboe cuérava ojendu ramo umi jei vaecue jei: Ipojyiete co ñemoñeê. ¿Avápa ipuacáne ojendu jaguâ âmbae? Upei catu Jesús ojechacuaa vove jemimboe cuera oñeêngururú ipyapype jicuai âmbae reje, jei ichupe cuera: ¿Cóvapa mbae pene mombia vaerâ? ¿Upeicharamo mbaépa oimene sapya pejecha ramo co Caraí Raŷ oyupi yeby ojovo pe yma oi jaguepe? Pe Espiritu voí, upéva catu pe ñane moingovéjarâ. Pe ñande roo naipôrâi mbaevetérâ. Coa ñeê Che jae vaecue peême, cova catu ñane anga rejegua ja omoingovéjarâ. Upeicharamo yepe oime pene paume oguerovia-ŷ-va. Oicuaa voi Jesús iñypyrúmbŷ guive voí avápa umi oguerovia-ŷ-va ja avápa upe iyapyjyucájarâ. Upei catu jei: Upearâ voi Che jae vaecue peême ndicatuija avave ou Che rendape oñemeê ŷ ramo ichupe pe Túva gui. Upevareje jeta jemimboe cuérava oyeípa Ichugui ja ndoicovémái Jendive. Upevareje Jesús jei umi docevepe: ¿Peyeóisepa peê avei? Jei voí Simon Pedro: Ore Yara, ¿avapepa rojota? Nde catu rereco ere vaerâ oreve pe Ñeê ore moingové vaerâ tapia guârâ. Ja ore roguerovia ja roicuaa pôrâ Nde catu Tûpâ Ñandeyára Imarangatuvajá. Ja Jesús jei ichupecuera: ¿Nda poiporavó racaeipa peême doce? Upeicharamo yepe oime peteîva peêcuerava yepe aña reco rejeguava. Jei voí pe Judas, Simon Iscariote raŷ gui, upéva voí upe iyapyjyjucájarâ Ichupe, jae ramo yepe peteî umi doce cuérava. Upeguirire Jesús oico acoty pecoty Galilea rupi: ndoicosevei voí Judeape, oico jague reje japycueri umi Judio oyucápotavó Ichupe. Uperamo jiâguíma umi Judio arete guasu Tûpâopegua. Upeareje tybyra jei Ichupe: Evánte coágui, ja terejó Judeape icatu jaguâ Ne remimboecuera avei ojecha pe Nerembiapo reyapova. Ndipori avave oyapo vaerâ jembiapo ñemijape oñemo caavóucásé ramo jina. Reyapo guive coambae, eyejechaucánte umi ybypóra resape. Umi tybyrá voí yepe ndo yeroviai Jesé. Upei catu Jesús jei ichupecuera: Neira gueteri Chejáma: oime pendejáma peipotaja ára pente voi. Ndicatui umi ybypóra pene ñamotareŷ peême. Chevente Che ñamotareŷ, aicuaauca járeje ichugui cuera ivaíjá jecocue. Peê tapejónte co arete guasu jápe. Che nico ndaja moai anga co arete guasu jápe, nda iyáijareje gueteri Cheve aja jaguâ. Upeicha jei ichupecuera ja opyta gueteri Galileape. Upeicharamo yepe ojo rire tybyra cuera pe arete guasu jápe, Jae avei ojo, ndo oyejecha jaguâichai, ñemijape guaichante. Upeyave umi Judio ojeca oicovo Ichupe pe arete guasujápe ja oporandu: ¿Mamopa oime upéva? Ja jeta oime umi oñeêngururúva Ichugui umi ambuecue cuera apytépe. Oime jeiva: Imbaepôrâ catu Jae, oime ambuecue jeiva: Nda upeichai, ombotabŷnte umi tapicha cuerape. Upeicharamo yepe, ndipori avave oyepoyju-ŷ-va oñeê jaguâ Ichugui okyjŷyé gui umi Judio cueragui. Ja pe arete guasu pytévo Jesús oico pe tûpâope ja oporomboe. Upegui ojecharâmô umi Judio jeivo: ¿Mbaeichapa co tecove iñarandu cuatia, máramo na imboepyréi? Upei catu Jesús oñeê ichupecuera jeivo: Na Che mbaei co Che remimboe. Upe Che mboujaré mbae mante. Oimeraêva oyaposéva Upeva rembipota, ojechacuaane co temimboe Tûpâ Ñandeyáraguiguapa terâpa Che añeê Cheyejeguinte. Upe oñeêva oyejegui voínte oñemo mbaeguasunte jina oyupe, upe oñejaâva ombotuvicha pe imboujarépe, upéva catu iyojeipyre jaetéva ja ndipori pype mbae jecopeguaŷva. ¿Ndajaeipa racae Moises penemboe vaecue peême Ñandeyára rembiapoucapy reje? Upeicharamo yepe, ndipori pene paûme ombuayeva jecope pe Ñandeyára rembiapoucapy. ¿Mbaeréjepa peñejaâ peicovo Che yuca jaguâ? Upei catu jei umi oñembyatŷva jicuai: Aña remimbotarová nte Nde! ¿Mávapa oñejaâ Nde yuca jaguâ? Oñeê Jesús ja jei ichupecuera: Oime vaecue peteî mbaeguasu peteîmi Che ayapo vaecue, ja peê opavave pejecharâmô. Upearâ voí Moises penemboe vaecue peême pe peñe mongarai jaguâ reje. Ndajaei voi Moiseseté gui oñypyrú vaecue, umi pende ru ypycue guinte. Ja upévareje pe sabado arete árape yepe peê pemongarai mitâ cuimbaepe. Upeicharamo, iya ramo oñemongarai jaguâ peteî mitâ cuimbae sabado arete árape ani jaguâ rei oñembyai Moises ñeêngue, ¿maerâpa peê pende vaí Chendive amojesâimba jague reje peteî cuimbae sabado arete árape? Ani peñemoa pende rapicha reje jiâvante peême gui: peñemoânte pende reco pôrâ guinte. Oime uperamo umi Jerusalemŷguava jei vaecue: ¿Ndajaéipa cova upe ojecava jicuai oyuca jaguâ? Coina ape oime oñeê oyepoyjuŷjápe iyapytepe cuera, ja jaecuera ndeiri mbaeve Ichupe. Yajecha ojechacuaapa rae umi mburuvicha cuérava cova jaejá Cristo jaetéva. Ñande voí yaicuaa covape ja yaicuaa mamoguápa jae. Pe Cristo iyújápe avave ndoicuaai mamoguápa Jae? Upei catu Jesús omboejápe jina pe tûpâope sapyaite osapucai jeivo: Peê Che cuaa pôrâ Cheve ja peicuaa pôrâ avei mamoguápa Che. Nda Che yejeguiri ayu vaecue. Oime peteî Che mbou vaecue, Upéva pe Jaeteva iyeroviajá peê peicuaa ŷ va. Che voi aicuaa Ichupe, Che ayu jague reje Ichugui ja Jae Chembou jague reje. Upei catu jiâ ramo yepe ichupecuera oyapocoi Jesé, ndipori avave yepe icatúva opoco Jese, nôguajêi gui gueteri jiára. Umi tapicha mboriaju cuérava gui oime jeta ogueroviáva Ichupe ja jei: Upe Cristo ou ramo, ¿oyapópane jetavé mbaeguasu oyapova gui cova? Umi fariseo ojendu ramo umi ambuecue cuera oñeê ramo umi mbae Ichugui oñomongueta ñemijape, ja umi paí ruvicha, ja umi fariseo ombou jembiyocuáipe oipyjy jaguâ Ichupe. Upei catu Jesús jei ichupecuera: Sapyaminte gueteri aimene pene paûme ja upegui aja yeby vaerâ upe Che mboujaré rendape. Peê Che recáne, ja nda che yujuichene, ja upe Che ai jaguâme ndicatui chene peê pejupity. Upei catu jei oñondive umi Judio: ¿Mamo pico ojota jina cova anichene jaguâ yayuju Ichupe? ¿Ojótapa umi ñande rejeguava oñemuasâi vaecue umi griego apytepepe ja omboe jaguâ umi griego cuerape? ¿Mbaépa jeise co ñeê jei vaecue: Che recane ja nda che yujuichene ja upe Che ai jaguâme peêcuera ndicatuichene pejupity? Uperire pe arete ára ipajávape, upe arete ára guasueté, Jesús oñemoî oñemboy ja osapucai jeivo: Oime ramo iyŷujéiva toúnte Che rendape ja toŷú. Upe oyeroviava Che reje, oyee jaicha Santa Escritura pe ipyapy guive voí ŷ syrŷvaicha osê vaerâ co ŷ oicovéva. (Cova jei pe Espiritu Santo gui oñemeê vaerâ umi oyerovia vaecuepe Jese: neira rae ou gueteri Espiritu Santo, noñembo tuvichai jaguereje gueteri Jesús yvagape). Uperamo oime umi oñembyatŷ vaecue apytegui ojendu iñeê co Jae oñemoñeêja, ja jei: Añetejápe cova pe oñemoñeêjára jaetéva. Ja oime ambuecue jeivaecue: Cova jae Cristo. Oime ambuecue avei jei vaecue: Nda upeichai! ¿Galileaŷgua vaerâpa Cristo? ¿Ndo yeeipa Santa Escriturape David rejegua vaerâjá pe Cristo ja pe tetâ Belenŷgua vaerâjá pe oico jague David? Upei catu oyuaby oyuejegui Jese umi oñembyatŷva jicuai. Ja oime jaecuérava oyapyjyucaséva Ichupe: ndipórinte avave icatúva opocó Jese. Upegui ojo yeby umi tembiyocuai umi mburuvicha ja umi fariseo rendape ja umiva jei ichupecuera: ¿Mbaeguípa ndaperui rae Ichupe? Ja umi tembiyocuai jei: Máramo noñeêi vaecue carai upe carai oñeê jaicha. Upei catu oñeê umi fariseo: ¿Peê avei peñembotabŷpa peina? ¿Oimépa rae umi mburuvicha rejegua cuérava terâ umi fariseo rejeguava oyerovia vaecue Jese? Umi tecové itabŷva oicuaaŷva Ñandeyára ñeê, umiva catu toñemondó añaretâme. Upei catu oñeê ichupecuera pe Nicodemo upe ou vaecue Jesús rendape pyjarépe, jesegua cuérava voi jae, ja jei: ¿Ñande yayepocuaapa ñamoî vaí peteî caraípe ñajendu mboyve pe oñeêséva oyeje, ja yaicuaa mboyve mbaépa oyapo rae? Ja jaecuera oñeê ja jei ichupe: ¿Ndepa avei Galileaŷgua? Ejecante ja rejechane ndiporijá oñemoñeêva rejegua Galileaŷgua vaerâ. Upeichape oyeói jogapecuera. Ja Jesús ojo pe itáatŷra Olivaspe. Ja pe pyjareveté oyeby pe tûpâope ja ou iyatŷpá Jendápe umi tapicha cuera ja Jae oguapy ja omboe jina ichupecuera. Ja upeyave ou Jendápe umi escrivas iñarandu reíva ja fariseo ogueruvo Ichupe peteî cuñáme jaecuera oipyjy vaecue itieŷ jague rupi voí, ja omoñemboŷ ichupe iyapytepe cuera, ja omombeu Ichupe ichugui, jeivo: Ore poromboejára, co cuña oyeyapyjy rae itieŷ yave jina, ja pe Moises ñeêngueme oyee yayapi vaerâjá itápe coaichagua cuña me. ¿Nde pipo, mbae ere? Coambae oporandu Ichupe ojaâ mbotávo Ichupe oguereco jaguâ omboya vaerâ Jese. Upei catu Jesús oyayby ja oñypyrú ojaí yby reje icuâme. Upegui oporandu meme ramo Ichupe jina, Jae opuâ ja jei ichupecuera: Oime ramo pene paûme iñangaipa-ŷ-va, upeva tenonderâ toyapi itá jese. Upei catu oyayby yeby ja ojaí yeby yby reje. Ja jaecuera ojenduma ramo jeiva, oñecâráî ipyápe ja osê ojovo oyoakycueri umi ituyáva osê raêvo oyeóipa peve. Ja Jesús opyta jaeño ja oime pe cuña oñemboŷ Jenondepe. Upei catu Jesús opuâ yeby, ja ndojechai pype avavepe, pe cuñáme añónte, jei ichupe: Cuña! ¿Mamo pico umi omboya vaecue ndereje? ¿Ndiporipa nemoî vaecue ndeve? Ja jae jei: Ndipori avave, che carai. Upei catu Jesús jei ichupe: Ja Che avei noromoî vaíri ndeve. Terejónte, ja coanga guive anive ne angaipa. Uperire Jesús oñeê yeby ichupecuera jeivo: Che catu ybypóra resapéjarâ. Upe ouva Che rapycueri ndoicoichene pytûnguype, oguerecone pe Tecove pe jesapéjarâme. Upei catu jei Ichupe umi fariseo: Nde ndeyejegui vointe remojerâcuâ reina. Upeicharamo, nda jecopei pe remojêrâcuâva oyeyerovia jaguâicha. Upei catu Jesús oñeê ja jei ichupecuera: Amojerâcuâ ramo yepe Cheyejegui vointe, jecoitepe pe Che amojerâcuâva ja iyeroviajá, aicuaa járeje mamoguípa ayu raé ja mamopépa ajata. Peê voí nda peicuaai mamoguípa ayu rae terâ mamopépa aja. Peê peñemoâ pende rapicha reje ybypóraichante. Che nañemoâvái avavé che rapicha reje. Ja sapya che añemoâ ramo, jecoitépente Che añemoâva. Che na Che añoi. Pe Túva voí pe Che mbou vaecue oime Chendive. Ja pende cuatiápe voí oyee oime ramo mocoî carai oicuaauca yoyava oyereroviá mante vaerâ jecopegua ramo. Che voi aicuaaucáva Cheyejegui ja oime avei pe Túva Che mbou vaecue, Jae avei oicuaaucáva Chejegui. Upei catu jaecuera jei Ichupe: ¿Mamopa oime Nde Ru? Ja Jesús rei: Peê nda che cuaai Cheve ja nda peicuaai Che Rupe. Peê che cuaa rire mo peicuaa rae Che Rúpe avei. Upeicha oñeê Jesus pe tûpâmbae oñemeêjápe omboe pype jina pe tûpâo rupi. Upeicharamo yepe, avave ndoipyjyi Ichupe, nôguajêi gui gueteri jiára. Uperire Jae oñeê yeby ichupecuera: Che ajata aina, ja upei peê Che recane peicovo. Upeicharamo yepe, pemanone pene angaipa mbytepe nda iyái járeje peême pejupity jaguâ pe aja jaguâme. Upei catu jei umi Judio: ¿Oyeyucatapa oyupe, jei gui Upe Che aja jaguâme peê ndicatui pejupity? Ja Jae jei ichupecuera: Peê catu co ybŷariguánte: Che voi yváguiguá. Peênte ybypóra recó rejeguáva, Che voí nda ybypóra reco rejeguavái. Upevareje voí Che jae vaecue peême pemano jaguâ pene angaipa mbytepe. Upeicha voi vaerâ, perovia ŷ ramo Che jaejá. Añete pemanone pene angaipa mbytepe. Upei catu oporandu Ichupe: ¿Nde pico, avápa nde? Ja Jesús jei ichupecuera: ¿Ndajaeipa upea pe iñypyrúrâite guive añeê jague peême? Jeta mbae oime areco añeê vaerâ pendejegui, ja añemoâ vaerâ pendereje. Upe Chembou vaecue Cheve jecoitepegua ja umi mbae ajendu vaecue Ichugui umiva catu umi Che añeêva ybypóra cuerape. Jaecuera voi ndojechacuaai Jae oñeêjá jina ichupecuera pe Túvagui. Upei catu Jesús jei: Upe pejupi jaguâ ára co Caraí Raŷpe, uperamo pejechacuaane Che jaejá, ja Che ndayapoijá mbaeve Cheyejegui, ja Chemboe jagueicha Cheve pe Túva, upeichaite Che añeê. Ja upe Che mbou vaecue Cheve oi Chendive. Jae nda che reyai tyreŷ Cheve ayapojá reje tapia pe oguerojoryva Ichupe. Ja oñeê cuévo umimbae Jae, oime oyeroviá Jese jetáva. Upegui Jesús jei umi Judiope oyerovia vaecue Jese: Pepytá jâtâ ramo co Che ñeême añetejápe, peê Che remimboe jaetéva. Ja peê peicuaane pe ñeê jecoitépegua ja pe ñeê jecoitepegua rupi peê peñemboíne ipoguŷ gui. Upei catu jaecuera jei Ichupe: Abraam rejegua cuérava ore, ja máramo no roñembo tembiguai avave po guŷpe. ¿Mbaépa jeise co Nde eréva Peê peñemboíne ipoguŷ gui? Ja Jesús jei ichupecuera: Añete Che jae peême oimeraêva oñemo angaipa oñembo tembiguai angaipa guŷpe. Pe tembiguai ndopytai tapia guârâ iyára rogape, upe taŷrante, upéva catu opyta tapia guârâ. Upeicharamo pe Taŷra penemboí ramo peême pende yara po guŷ gui, uperamo pesêne pende aetéva ramo añete. Aicuaa voí peê Abraam rejegua cueravajá peê. Upeicha ramo yepe peê peñejaâ Che yuca jaguâ, nda iyái gui Che ñeê pende pyape. Umimbae Che ajecha vaecue pe Túva ypype umiante amombeu peême. Upei catu oñeê ja jei Ichupe: Ore rú catu Abraam voí. Jesús jei ichupecuera: Abraam rejegua ramo peê mo peyapo Abraam rembiapo. Coanga voi peê peñejaâ peina Che yuca jaguâ, Che cuimbae añeê vaecue peême pe jecoitepeguante pe ajendu vaecue voí Tûpâ Ñandeyára gui. Abraam catu ndoyapo vaecuei upeicha. Peê peyapo pende ru rembiapo. Ja jaecuera jei Ichupe: Ore nda itieŷva ñemoñarei. Peteînte ore rú, upeva Tûpâ Ñandeyára. Ja Jesús jei ichupecuera: Tûpâ Ñandeyára pende rú ramo, peê mo che rayjú, asê jague reje Tûpâ Ñandeyára gui aico jaguâ ape: nda Che yejeguiri ayu vaecue, Jaente Che mbou vaecue. ¿Mbaeguípa nda pejechacuaai co jaéva? Na pende puacainte peê pejendu jaguâ reje Che ñeê. Peêcuera catu pende rú pe mbaepochy raŷcuera. Ja peê peyapose pe jiâva pende rú pe. Iñypyrúmbŷ guive oporoyuca vaecue voi jae, ja osê meme vaecue pe ñeê jecoitepegua gui nda iyái gui ipype pe jecoitepegua. Iyapú ramo jae, oñeê oyejegui vointe oguecoite gui voí. Iyapú voí jae ja yapú rú jae. Ja Che añeê járeje jecoitépe, peê nda Che reroviai Cheve. ¿Avá pendejeguípa omboya angaipa Chereje? Añeê ramo jecoitépe, ¿mbaeguípa nda Che reroviai peê? Upe Tûpâ Ñandeyára rejeguáva ojendú Tûpâ Ñandeyára ñeê. Peê voí na pejendui, ndajaei gui peê Tûpâ Ñandeyára rejeguáva. Upei catu umi Judio oñeê ja jei Ichupe: ¿Ndo roe pôrâipa ore nde Samaritanojá ja nde mbaepochy rejeguajá. Ja Jesús jei ichupecuera: Na mbaepochy rejeguai Che. Upea rângue Che ambuete Che Rupe ja peê Che momârâ Cheve. Che nañejaâi añembueteucá jaguâ. Oime voi peteî oñejaâva upearâ, ja Che mojendáva. Añeté añeté Che jae peême, oime ramo ombuayéva Che jaeva, máramo nomanoi chene. Upei catu umi Judio jei Ichupe: Anga roicuaama mbaepochy rejeguajá nde. Omano vaecue Abraam ja umi oñemoñeêjara ymaguare, ja opaichavévonte Nde ere Oime ramo ombuayéva Che jaéva nomanoichene máramo. ¿Ndépa Nde tuvichave ore rú Abraam gui? Jae omano vaecue ja umi oñemoñeêjara ymaguare upeicha avei. ¿Avápa reñembo tuvichase tei nde yebynte? Upei catu Jesús jei: Añembueteucá ramo Chente voí Cheyupe, ndajaeichene mbaeve co añembuetéjá. Oime voí pe Che mbuetéva, upéva pe Túva, upe peê peyeva pene Tûpâ Ñandeyárajá. Peê voí nda peicuaai Ichupe; Che catu aicuaa Ichupe, ja sapya Che jae ramo Che ndaicuaaijá Ichupe, mo Che peêichaguante avei Che yapúva. Che aicuaa pôrâ Ichupe, ja ambuaye iñeê. Abraam pende rú ypycue oguerojorŷeté ojecha ramo guârâicha co Che ára, ja añete jae ojecha ja oguerojorŷeté. Upei catu umi Judio jei Ichupe: Nde rerecoi yepe gueteri cincuenta años ja ¿rejechápa raé nde Abraampe? Ja Jesús jei ichupecuera: Añeté añeté che jae peême. Abraam oico mboyve Che aicóma voi. Upemaramo jaecuera ojupí itá oyapi jaguâ Jesúspe. Upegui Jae oñemi ja osê tûpâogui, ja ojasavo iyapyte rupi cuera yepe oyei. Uperire oguata oicovo Jae ja ojecha peteî cuimbae jesapysoŷva iyŷpy guive. Upei catu jemimboe cuera oporandu Ichupe ja jei: Ore poromboejára ¿avápa oñemo angaipa racae, jaépa terâpa itúva terâpa isŷ oñemoña ypy jaguâ jesapysoŷreje? Ja Jesús jei: Ndajaei cova oyapo jaguereje angaipa terâ túva terâ isy, oyejechauca jaguânte ipype Tûpâ Ñandeyára rembiapocue. Tecôtevê yayapo pe Che mboujare rembiapoucapy ipucu cue yave ára: ou pyjare pytû icatu ŷ jaguâ ombaapo avave. Aico aya pucu cue co yby ári Che jae ybypóra resapejarâ. Ja jeipáma ramo umimbae Jae oindybú yby reje ja oyapo tuyu jendŷpe, ja omona pe tuyu jesa reje. Ja jei ichupe: Terejo eyovajéi pe ŷcua Siloepeguape (yae mo avañeême Temimbou). Ja jae ojo voi ja oyovajei, ja ojechama ouvo. Upei catu umi iyererejegua ja umi ambuecue ojecha vaecue yma guive voi oico ramo tûpâmbae yara ramo jei: ¿Ndajaeipa cova upe oguapy vaecue ja oyerure vaecue tûpâmbae reje? Ja oime jeiva: Cova jae; ja oime jeiva: Ndajaei, oyoguánte ichupe. Jae vointe jei: Che jae. Upei catu oporandu ichupe: ¿Mbaéichapa, upeicharamo, oyepea rae nde resa? Ja jae jei: Upe carai jérava Jesús oyapo tuyu ja omona che resa reje ja jei cheve: Terejo Siloepe ja eyovajéi. Upeicharamo, che aja ja ayovajei ja ou yeby cheve che resa pysó. Ja jaecuera jei ichupe: ¿Mamópa oime jae? Ja jae jei: Che ndaicuaai. Upei catu ogueraja umi fariseo rendape pe yma jesapysoŷ vaecuepe. Ja sabado arete ára voi pe oyapo jague Jesús pe tuyu ja ojesapeá jague ichupe. Ja umi fariseo oporandu yeby ichupe mbaéicha rupi pa ou yeby rae ichupe jesapysó? Ja jae jei ichupecuera: Jae omona cheve tuyu che resa reje ja che ayovajéi ja ajechama. Upei catu jei peteîva umi fariseo cuérava: Upéva ndajaei carai Tûpâ Ñandeyára remimbouva: nombuaretei sabado ára? Oime ambuecue jeiva: ¿Mbaeichapa icatune cuimbae iñangaipáva oyapo coaichagua mbae jechapyrâ? Ja upeicha oyuaby oyuejegui cuera. Upeicha ramo oporandu yeby pe jesapysoŷ vaecuepe: ¿Nde pico, mbaépa ere Ichugui nde resapea jague reje? Ja jae jei: Jae nico ñemoñeêvarejegua Jae. Opaichavévonte umi Judio ndogueroviasei yepe jesapysoŷ jague jae, ja upei ou yeby jague ichupe jesapysó. Ojenoi raê pe ojecha yebyva ru ja isy ja oporandu ichupecuera jeivo: ¿Covapa pende ray, peê peye jague jesapysó ŷ jague oñemoña ypy jague guive? ¿Mbaéichapa, upeicharamo, ojecha coanga? Upei catu oñeê itúva ja isy ja jei: Ore roicuaa coa ore raŷjá, ja jesapysó ŷ jague iñypyrúmbŷ guive. Ore nico ndo roicuaai mbaéicha rupipa ojecha yeby coanga, ja ndo roicuaai mávapa ojesapea rae ichupe? Peporandúnte ichupe: jae tuvicháma, jae ae oñemombeúne oyejegui. Upeichante jei ituva ja isy okyjŷyé gui umi Judio gui: umi Judio voi oñomboepama rae oime ramo jeiva ojechacuaajá Jaejá Cristo, upeva oñemósê vaerâ jaguâ tûpâo gui. Upévareje jei ituva ja isy: Jae ocacuaama, peporandunte ichupe. Upei catu ojenoî yeby pe cuimbae jesapysó ŷ vaecuepe ja jei ichupe: Embueténte Tûpâ Ñandeyárape; ore roicuaa co cuimbae cova angaipavórajá. Upei catu jae oñeê ja jei: Che ndaicuaai angaipavórapa pe carai terâpa ajaniri. Peteî mbaente che aicuaa pôrâ, che che resapysoŷ vaecue, coanga ajechámajá. Upei catu oporandu ichupe: ¿Mbaépa oyapo Jae ndeve? ¿Mbaeichapa oipea nde resa? Ja jae jei: Jaepáma peême, ja peê nda peyapysacai. ¿Mbaerejepa pejenduse yeby? ¿Peñemoingosépa peê avei jemimboe cuera ramo? Upei catu ipochŷpa jicuai ja jei ichupe: Nde catu jemimboe voi. Ore nico Moises remimboe. Ore roicuaa Tûpâ Ñandeyára oñeê jague Moisespe. Ndo roicuaai mamoguápa upéva. Upei catu oñeê pe cuimbae ja jei ichupecuera: Upéva catu mbae jecharâmômbyrâ peê nda peicuaai ramo mamoguápa Jae, che resapea ramo yepe cheve. Yaicuaa pôrâ voi Tûpâ Ñandeyára nojenduijá angaipavórape. Oime ramo ombuetéva Ñandeyárape ja ombuayéva Jembipota, upévape Jae ojendu. Iñypyrumby guive voí co yby, noñejendui vaecue peteî ojesapeava gui peteî jesapysó ŷ vaecuepe oñemoña jague guive voí. Tûpâ Ñandeyára rejegua ŷ ramo cova, mo ndicatui oyapo mbaeve. Upei catu oñeê jaecuera ja jei ichupe: Angaipa gui voí reñemoña vaecue catuetei nde, ja ¿nde pico ore mboéta oreve? Ja omombo ichupe ocape. Ja ojendu Jesús omombo jague ichupe, ja oyujuma ramo ichupe, jei ichupe: ¿Reyeroviápa nde co Caraí Raŷ reje? Upei catu jae jei: ¿Avápa upéva, che carai, ayeroviá jaguâ jese? Ja Jesús jei ichupe: Nde rejechama vaecue Ichupe, ja cova añemonguetáva nendive upéva jae. Ja jae jei: Che arovia, che Yara! Ja oñesû Ichupe. Ja Jesús jei ichupe: Che ayu co yby ári amojenda jaguâ ojecha jaguâ umi ojecha ŷ vaecue, ja oico jesapysoŷva ramo umi ojecha vaecue. Ja umi fariseo oiva Jendive ojenduma ramo jeiva, jei Ichupe: ¿Ore pico avei ndore resapysói? Ja Jesús jei ichupecuera: Peê pende resapyso ŷ rire ndipori mo rae angaipa omboya vaerâ pende reje. Coanga nico peê peye: Rojecha catu, ja upeicharamo pene angaipa oya pende reje. Añete Che jae peême catuetei oime ramo oikeŷva ovecha corá pype okê rupi, oyupívante ambue tenda rupi, upéva catu mbaeabykyjá ja mondajá. Upe oikéva pe okê rupi, upéva catu umi ovecha rerecua eté. Upévapénte pe okê ñangarecójarâ oipea pe okê, ja umi ovecha ojendu iñeê ja jae ojenoî iyovecha jéra rupi cuera ja ôguenojê ichupecuera. Upei catu ôguenojêmbama ramo iyovechaite cuera, jae ae oguata jenonde cuera, ja umi ovecha ojo japycueri, oicuaa póra gui iñeê. Oime ramo ambuecue jaecuera oicuaaŷva ndojosei japycueri, oñeguajênte ichugui oicuaa ŷ gui umi jesecueragua ŷ ñeê. Upeicha guaujapente Jesús oñeê ichupecuera ja jaecuera ndoicuaai mbaépa jeise pe jei vaecue ichupecuera. Upevareje Jesús jei yeby ichupecuera: Añeté Che jae peême catuetei, Che catu umi ovecha rokê. Opa umi ou vaecue Che mboyve, mbaeabykyjá ja mondajánte umiva. Ja umi ovecha nojendu moai ichupe cuera. Che catu jae pe okê. Oime ramo oikéva Che rupi, upeva catu naimârâi chene. Oikene ja osê yebyne ja oyujune capii pôrâ. Upe mondajá omonda oúvonte, ja oyuca ja ombuai ouvo. Che catu ayu vaecue oñemoingové jaguâ jaecuera ja oñemoingovété yoa yoa jaguâ tapia guârâ. Che catu pe ovecha rerecuá imbaepôrâiteva. Pe ovecha rerecuá pôrâ yeroviajá omeê oguecové yepe iyovecha rejejape. Upe tembiyocuai ndajaeiva ovecha rerecuáité ja naimbaéiva umi ovecha, upéva catu ojechama ramo ou ramo pe aguará guasu ojeya voi umi iyovecha ja oñeguajê ja pe aguará guasu oyapi ichupecuera, ja omosarampipa. Upéva catu tembiyocuainte ja ndoyepyapyi umi ovecha reje. Che catu pe ovecha rerecuá imbaepôrâitéva ja Che aicuaa Che rymba cuerape, ja umi Che rymba Che cuaa Cheve, Che cuaa jaicha Cheve pe Túva, ja Che aicuaa jaicha pe Túvape, ja ameêta aina Che recové umi ovecha rejejape. Oime areco avei ovecha ambue ndajaeiva coâva rejegua. Umiva catu tecôtevê aru ja ojendu vaerâ Che ñeê. Ja upeicha oicone peteî atyra ramo nte, ja peteînte pe jerecuárâ. Upévareje voi pe Túva Che rayju Cheve ameêja reje Che recové oñemeê yeby jaguâ Cheve. Ndipori avave omboíva Chejegui Che recové, Che aéte ameêta aina Cheyejegui vointe: iya Cheve ameê Che recové ja iya avei Cheve oñemeê yeby jaguâ Cheve. Cova voi Che Ru rembiapoucapŷ Cheve. Upei catu oyoyuaby yeby oyoapytepe umi Judio co iñeêngue reje. Oime jeta jaecuérava jei vaecue: Mbaepochy rejegua Jae, ja itabyraípá. ¿Maerâpa pejendu Ichupe? Oime ambuecue jei vaecue: Umi iñeêngue catu ndajaei mbaepochy rejegua jeivaicha. ¿Icatúpa pe mbaepochy oipea umi ojechaŷva resa? Uperamo oico Jerusalempe arete guasu. Oico voí roŷ; ja Jesús oguata oicovo pe tûpâo rupi, pe Salomon rokê yke rupi. Ja umi Judio oyerépá Jese ja oporandu andu Ichupe: ¿Aracae pevépa ore pya yucáta? nde jae ramo Cristo pe Cristoité emombeu pôrâ oreve catuetei. Upei catu Jesús jei ichupe cuera: Che jaema vaecue peême ja peê nda che reroviai. Umi Che rembiapocue ayapóva Che Rú rérape, umiva catu Che cuaauca vaerâ Cheve. Peê catu nda Che reroviai, ndajaei gui peê Che ovecha cuérava. Che ovecha cuera voínte ojendu Che ñeê ja Che aicuaa ichupecuera, ja jaecuera ou Che rapycueri. Che ameê ichupecuera pe Tecové iyapyraŷva ja máramo nocañŷchene, ja ndipóri chene avave omboí vaerâ ichupecuera Che po gui. Pe omeê vaecue Cheve, Che Ru, upéva catu tuvichave Cheve opa mbaegui, ja ndipóri avave icatúva omboí Che Rú po gui. Che ja Che Ru peteîchante voí. Upei catu umi Judio oipyjy yeby itá oyapi jaguâ Ichupe. Ja Jesús jei ichupecuera: Jeta tembiapo pôrâ Che ajechauca vaecue peême ou vaecue Che Rú guivo. ¿Mava Che rembiapocue rejépa peê Che apita itápe? Ja jei Ichupe umi Judio: Na nerembiapo pôrângue rejei ore roapita ndeve itápe, reñeê vaí jague rejente, ja nde cuimbae ramo yepe reyeyapo járeje Tûpâ Ñandeyára ramo. Upei catu Jesús jei ichupecuera: ¿Ndoyeéipa pende cuatiápe: Che jae vaecue peême Peêcuera Tûpâ Ñandeyárajá? Upeicharamo oyee ramo Tûpâ Ñandeyára jague umi ou jaguepe Tûpâ Ñandeyára neê, (ja co Santa Escritura ndicatui oñemboŷké). ¿maerâpa peye peê co pe Túva ombuete vaecue ja ombou vaecue co ybyaripe: Nde reñeê vaí, Che jae jague reje: Che Tûpâ Ñandeyára Raŷjá? Ndajaei ramo Che Rú rembiapoucapy co Che ayapova, ani Che rerovia. Ayapo ramo jecope añeté, nda che reroviai ramo yepe Cheve, peroviante co Che rembiapocue gui, peicuaa jaguâ ja pejechacuaa jaguâ pe Túva oijá Che pype ja Che aijá Ipype. Upei catu oñejaâve yeby oyapyjy jaguâ Ichupe, upegui Jae osê ojo ipo apytegui cuera. Uperire oyeby ŷ Jordan mboypŷri, upe tenda oporomongarai ypy jague pe Juan, ja upepe opyta. Ja jeta ou Jendápe jeivo: Ndoyapoi ramo yepe Juan mbaeveichagua mbaeguasu jechapyrâ, umi jei vaecue guive Juan co Carai gui yepe opambae añete rae. Ja upeicha jeta umi upepegua oyerovia Jese. Oime peteî jasyva jérava Lazaro Betaniaygua, pe Maria ja ikypŷŷ Marta oicojá voínte. Pe Maria voí upe omona vaecue Jesú reje ñandy jyâcuâ pôrâva, ja omocâ vaecue Ichupe ipy jiávape. Upeva kyby, Lazaro, jasŷva jina. Upévareje umi jeindyra cuera omondo Jendápe jeiucávo: Ore Carai, upe Nde rayjupára jasŷ jina? Ja ojendu vove upea, Jesús jei: Co mbaasy ndajaei oyuca vaerâ, oñembo tuvichaiteucánte Tûpâ Ñandeyára ja oñembueteucá jaguâ co Caraí Raŷ upéarupi. Jesus voí iyaé Marta reje ja jeindyra Maria reje ja pe Lazaro reje. Upeicharamo yepe, ojendu ramo jasŷjá jina, jiaré gueteri upepe mocoî ára. Ja uperire jei jemimboe cuerape: Yaja yeby Judea pe. Upei catu jei Ichupe jemimboe cuera: Ore poromboejára, ramôité umi Judio oñejaâ Nde api itápe, ¿ja rejosé yebŷmapa upepe? Ja Jesús jei: ¿Ndoguerecoipa pe ára doce hora? Upeicharamo, oime ramo oguatava árape noñepysangai ojecha pôrâ gui co ára sâcâme. Oime ramo oguatava pyjarépe icatu oñepysanga ndaiyai gui ichupe oyejesapé jaguâ. Upeicha jei Jae, ja upei catu jei yeby ichupecuera: Lazaro, ñande rayjupára okénte jina. Anga ajata amombaŷ jaguâ ichupe. Upei catu jemimboe cuera jei Ichupe: Ore carai, oké ramo jina, na imârâvei chene. Jesús voí jei rae upeicha, omanoite jague reje: jaecuerante oimoâ Jae jei jague jae opytuu ja oké jague jina. Upévareje Jesús jei ichupecuera: Añeté jápe omanoitéma Lazaro; ja Che voí Che rory pende reje naimei jague reje upepe peê perovía jaguâ jecope. Anga yaja mandi Jendápe. Upei catu pe Tomas, jéra yoava Didimo, jei umi temimboecuera ambuecuepe: Yajánte ñande avei ñamano jaguâ Jendive! Upeicha ojo Jesús ja ôguajê ramo, oyuju irundy arama oi jague jetecue oñeñoty jaguepe. (Pe Betania jiâgui voí Jerusalem gui jaimete peteî leguante.) Ja ouma racae jeta umi Judio Marta ja Maria rendape ombuasŷvo oñondive tybyra omano jague reje. Upei catu Marta ojenduma ramo oujá jina Jesús osê ojo ojuvâitivo Ichupe. Maria voí opyta ogape. Upei catu Marta jei Jesús pe: Carai, Nde reime rire coápe mo nomano raei che kyby. Ja coanga yepe che aicuaa pôrâ opambae Nde reyerure jaichaguánte Tûpâ Ñandeyárape omeê jaguâ Ndeve Tûpâ Ñandeyára. Ja Jesús jei ichupe: Nde kyby oicové yebŷne. Ja Marta jei Ichupe: Che aicuaa pôrâ oicove yeby jaguâ pe ára ipajávape ñandepá yaicove yeby jaguâ árape. Ja Jesús jei ichupe: Che catu pe oyeicove yebyjá ja Che pe Tecové. Upe oyeroviáva Che reje, omanoma ramo yepe oicove yebyne. Ja opa umi oicovéva jina uperamo ja oyeroviáva Che reje, máramo nomanoichene. ¿Reroviapa nde cova? Ja jei Ichupe: Jeê, Carai, che aroviaité voí Nde pe Cristo, Tûpâ Ñandeyára Raŷjá pe ou vaerâ vaecue, yeco, ybyari. Upei catu jeipáma ramo upea, oyei ja ojenoî ñemijápe Maria ikybype jeivo: Ouma ñande poromboejára, ja nerenoî jina. Ja jae ojenduma ramo upea, opuâ voí ja ojo pyae Jendápe. Neira ôguajê rae Jesús pe tetâme, oi gueteri upe Marta ojuvâiti jaguepe Ichupe. Upeicharamo, umi Judio, oi vaecue jendive ogape imbaembyasy yoa, ojechama ramo Maria opuâ pyae ramo ja osê ojo ramo, ojo japycueri oimoâvo oyei jague pe oñeñoty jaguepe oyajeo jaguâ upepe. Upei catu oguajêma ramo Maria Jesús oijape, ojecha vove Ichupe oñesû Ichupe ipy renondepe jeivo Ichupe: Carai, reime rire coápe mo nomano raei che kyby. Upei catu Jesús ojecha ramo ichupe oyajeo ouvo ja umi Judio oi vaecue jendive oyajeovo avei, Jae ae ipyajê ipyambyasy gui ja oyepyapy ja jei: ¿Mamópa pemoî raé Ichupe? Ja jaecuera jei Ichupe: Eyónte, Carai, rejecha jaguâ. Ja Jesús oyajeo. Upévareje umi Judio jei: ¿Pejechapa mbaéichapa ojayju raé ichupe? Oime ambuecue ichugui cuérava jei vaecue: ¿Ndicatúipane rae moa cova, ojesapea vaecue umi jesápysoŷvape, oyapouca omano ŷ jaguâ upéva. Upei catu Jesús ipyajê yeby ipyambyasy gui ja upeicha ou pe oñeñoty jaguepe. Itacuá voi upéva ja oyajoi iyuru petei itá. Upei catu Jesús jei: Eipeá catu pe itá! Ja Marta, pe omano vaecue reindy, jei Ichupe: Ore Carai, inêmane! oyapoma irundy ára omano jague. Ja Jesús jei ichupe: ¿Ndaeipa rae ndeve, rerovia ramo, mo rejecha vaerâjá Tûpâ Ñandeyára ipuacajá? Upei catu oipea pe itá. Ja Jesús omaê yvate ja jei: Nde, Che Ru, Che rory Nendive Che rendu jague reje. Aicuaa voí Nde Che rendujá tapia Cheve. Anga umi Che reje oyeréva rejejape Che añeê coicha, icatu jaguâ jaecuera oguerovia Nde Che mbou jague. Upei catu jeipáma ramo upea, osapucai jâtâ: Lazaro, esê catu! Upei catu upe omano vaecue osê ipo ja ipy oyeyocua ao pype, ja jova oyeyajoi peteî aope. Ja Jesús jei ichupecuera: Peyoránte ichupe, ja pepoí ichugui! Upei catu jeta umi Judio, ou vaecue Maria rendape, ja ojecha vaecue pe Jae oyapo vaecue, oyeroviá Jese. Oime ambuecue cuera ichuguicuérava ojo voi umi fariseo rendape ja omombeúpá ichupecuera pe Jesús oyapo vaecue. Upévareje umi pai ruvicha ja umi fariseo oñembyaty pe oñomonguetajápe ja jei: ¿Mbae pico yayapo ñaina ñande? Co carai voí jetaite mbaeguasu oyapo. Ja yajeya reí ramo Ichupe upeicha, opava oyeroviane Jese, ja oune umi Romano ja omboíne ñandejegui ñane renda ja ñane retâ. Upei catu Caiafas, peteî jaecuerava, upéva pai guasu uperamoguare, jei ichupecuera: Peê ndapeicuaai mbaeve, ja ndapejechacuaai ipôrâjá omano jaguâ peteî cuimbae co ñane retâmegua rejejápe, oñembyaipá ŷ jaguâ opa ñande cuera ñaneretâmegua. Co âmbae jae ndeiri oyejegui vointe, oico guinte pai guasu ramo uperamo guare omojerâcuâ tenonde guive vointe omano vaerâjâ Jesús pe tetâmegua rejejápe, ja nda pe tetâmegua rejejapente añoi, icatu jaguâ rejejápe ombyatypá avei peteî atyrape umi Tûpâ Ñandeyára raŷ cuera, umi oñemuasâi vaecue oparupi. Upeicharamo upe jaára guive oñomongueta oñondive oyuca jaguâ Ichupe. Upévareje Jesús ndoicóvémái opava resápe umi Judio cuera apytepe, oyeínte upegui ja ojo pe tetâ, oiva pe ñû oyeicoŷjápe ypype, peteí tetâ jérava Efraim meve ja opyta upepe jemimboe cuera ndive. Ja uperamo jiâguima jina pe Judio arete guasu pascua ja jeta ojo pe tetâ gui Jerusalempe pe pascua arete ára mboyve oñembuesacoi jaguâ jecópe. Upévareje omaña Jesús reje jicuai, ja oi pype oñemboe jicuai pe tûpâope oñomongueta oñondive jeivo: ¿Mbaépa peimoâ peê? ¿Oicotapa Jae co arete guasu jápe terâpa ajaniri? Umi pai ruvicha ja umi fariseo oicuaáucáma racae voí oime ramo oicuaava mamópa oi Jae omomarandu jaguâ ichupecuera oipyjyucá jaguâ Ichupe. Jesús voí seis ára pe pascua arete mboyve ou Betaniape, oijape Lazaro, upe Jesús omoingove yeby vaecue umi omano vaecue paûgui. Ja upepe oyapo vaecue Ichupe peteî caruguasu ja Marta ogueroya pe tembiu. Lazaro voí oime Jendive umi oguapyva jievai paûme pe carujápe. Oime pe Maria avei ja jae oipyjy peteî mbayru ñandy jyâcuâ pôrâva jepyetéva ja omona Jesús py reje ja upegui omopôtí ipy Ichupe jiávape, ja oñejetû pe ñandy ryâcuângue pe oga ryepype. Upei catu oñeê pe Judas Iscariote, peteîva umi jemimboe cuérava, upe oyapyjŷucátava Ichupe, ja jei: ¿Mbaeguípa na ñañemû raei co ñandy jyâcuâ reje trescientos mbaerepy reje ñameê jaguâ jepycue umi mboriajupe cuera? Jae ndeiri upea jacateŷ jágui umi mboriaju cuera reje, imbaeabykyjaré guinte ja pe mbaerepy ryrú rerecuá járeje ja ombaeabykyjáva reje pe oñemoîva pype. Upei catu Jesús jei: Tové catu! Ejeyánte ichupe. Upe Che añeñoty jaguâ ára rejeguârâ jae oñongatu upea. Umi mboriajupe pereco tapia penendive: Cheve catu nda Che rerecoi tapia. Uperamo jeta umi Judio cuera yoa ojendu jêrâcuâ Jae oijá upepe, ja ou nda Jesú rejei año, ojechase guinte avei pe Lazaro Jae omoingove yeby vaecue umi omano vaecue paûgui pe. Upeicharamo umi pai ruvicha oñomongueta oñondive oyuca jaguâ pe Lazarope avei, jetajá reje umi Judio cuera oyepea vaecue ichugui cuera jaerupi oyeroviavo Jesús reje. Upegui pe ára ambuepe jeta umi oñembyaty vaecue oicovo pe arete guasu jápe ojenduma ramo outajá jina Jesús Jerusalempe, oipyjy mbocaya rope ja osê ojuvâitivo Ichupe. Ja osapucai: Hosanna! Ta imombeu guasu catu pyrâ co ouva Ñandeyára rérape, Co Israel Ruvicha guasu voí. Ja upepe Jesús oyuju peteî mburica pyaju ja oyupi jiari, oyee jagueicha yma voí pe Santa Escriturape: Ani rekyjŷyé, nde, Zion rayŷ! Coina ape ou nde Ruvicha Guasu oguapy mburica raŷ ári. Umi jemimboe cuera ndojechacuaa voíri iñypyrumbŷpe mbaépa jeise co jei vaecue, oyejupi rirente Jesús yvagape, uperamo catu imanduá umimbae oñemoî jague Ichugui Santa Escriturape ja oyeyapo jague umimbae Ichupe. Upeyave umi ambuecue oñembyatŷ vaecue, ja oi vaecue upe ojenoî jaguepe Jae pe Lazarope iñeñoty jaguegui, ja omoingove yeby jague ichupe umi omano vaecue paûgui, umiva catu omojerâcuâ oicovo ojecha jague umimbae. Upévareje voi ojuvâiti ouvo Ichupe umi ambue cuecuera ojendu jague reje Jae oyapo jague pe mbaeguasu. Upei catu umi fariseo jei oñondive: ¿Nda pejechaipa peê nda peyapoijá mbaevete, ja upeyave opavave oyeóipa japycueri? Ja sapya umi ou vaecue oñemboé jaguâ pe arete guasu jápe paûme oime Griego cuera avei. Ja umiva ou Felipe rendape, pe Betsaida Galileapegua, ja oyerure ichupe jeivo: Nde, carai, ore rojechase Jesúspe. Upei catu ou Felipe ja omombeu Andrespe ja upevove Andres ja Felipe omombeu Jesúspe. Ja Jesús jei: Oguajêma catu co oñembuete jaguâ ára co Caraí Raŷ. Añeté Che jae peême catuetei, no ñeñotyi ramo yby guype pe avatí raŷî ja nomanoi ramo opyta reí jaeño. Upegui omanoite ramo jiá jeta ojovo. Upe ojaŷjuva oguecove jacateŷjápe ombuai jina ichupe oyejegui, ja upe oñamotareŷva oguecove ogueroŷrôjápe co yby ári oñongatúucáne ichupe pe tecove iyapyraŷva ramo guârâ. Oime ramo oyeyocuaiucáva Cheve tou Che rapycueri ja pe aime jaguâme Che, upepe avei oi vaerâ Che rembiyocuai. Oime ramo oyeyocuáiucáva Cheve, upévape Che Ru ombotuvicha vaerâ. Ayepyapy eterei coanga, ja ¿mbaepa Che jaeta? Nde, Che Ru, Che moâ catu Cheve co ára pojyi gui. Co vaerâ Che ayu voí co ára peve. Nde, Che Ru, embuetéucá Nde réra. Upevove oñejendu peteî osapucaiva pe yvagui jeiva: Ambuetéucáma vaecue ja ambuetéucá yebyta. Uperamo umi jetava oñemboŷva jina upepe ojendu ramo upea, jei: Arasunújá jina. Oime ambuecue jei vaecue: Peteî yvapegua oñeê Ichupe. Upei catu oñeê Jesús ja jei ichupecuera: Nda Che rejejapei oico co osapucaiva, pende rejejapente. Coanga ae oyejechacuaa umi ybypóra co ybyarigua oñemo jenda jaguâ. Coanga voi oñemomboma ocape co yby ruvicha, ja Che ayejupi ramo co ybyari gui amoânguí ne Chejegui opavavepe. Upeicha Jae oñeê oicuaauca jaguâ mbaéicharupipa Jae omano vaerâ. Upevareje umi oñembyatyva jicuai jei Ichupe: Ore rojendu oyee jague pe Santa Escriturape pe Cristo oico tapia jaguâ. ¿Mbaéichapa Nde ere upeicharamo tecôtevêjá oyejupi jaguâ pe Caraí Raŷ. ¿Mávapa co Caraí Raŷ? Upei catu Jesús jei ichupecuera: Sapyaminte yepe oime pende apytepe co ojesapéva. Peguata pereco yave co pende resapévape, anichene jaguâ pende pyjy pytû. Pe oicova pytûnguŷpe ndoicuaai voi mamórupipa ojo. Pereco yave co pende resapéva, peyeroviánte co pende resapéva reje, peñe moingo jaguâ umi oyejesapéva rejegua ramo. Upeicha oñeê Jesús, ja upei catu oyeí upegui ja oñemi ichugui cuera. Ja jeta ramo yepe umi mbaeguasu Jae oyapo vaecue jesápe cuera, upeicharamo yepe ndo yeroviai Jese. Ja upeicha oico jecope jei jagueicha pe oñemoñeêva rejegua Isaias: Nde, Ñandeyára, ¿avápa oguerovia raé pe romojerâcuâ vaecue, ja ¿avápepa oyejechauca rae Ñandeyára yŷvá? Upeváreje voí jaecuera ndicatui oguerovia, jei yeby jagueicha pe Isaias: Ombotyucá jesa ja omojâtâ ipya cuera, anichene jaguâ ojecha jesa rupi, ja anichene jaguâ ojechacuaa ipyapŷgui, ja anichene jaguâ oñemboyere Chendive ja anichene jaguâ Che amyatyrô ichupecuera. Upeicha oñeê Isaias ojechama voi jague reje Ichupe oñembo tuvicha jaguâme, ja Ichugui voi oñeê. Upeicharamo yepe, oime jeta umi mburuvicha cuérava oyerovia vaecue. Umi fariseo gui okyjŷyé guinte, noñemombeui, anichene jaguâ oñemombo pe tûpâo gui: oipotavénte oñembo caavó caraí cuera ypype oñembo tuvicha jaguâ gui Tûpâ Ñandeyára ypype. Upei catu Jesús osapucai jâtâ jeivo: Upe oyeroviáva Che reje, ndo yeroviai Cherejente año, oyerovia avei pe Che mboujaré reje avei. Ja pe Che recháva Cheve ojecha avei pe Che mboujarépe. Che ayu rae co ybyari peteî ojesapéva ramo, anichene jaguâ umi oyeroviáva Che reje opyta pytûnguŷpe. Oime ramo ojendúva Che jaeva ja nombuayei ramo, ndajaei Che amoî vaí vaerâ ichupe: ndayui voi Che amoî vaí jaguâ umi ybypóra cuerape, amoî pôrâ jaguânte umi ybypórape imârâ ŷ jaguâ. Upe Che momârâva Cheve ja ndo guerojoryiva Che jaeva, upevape catu oime voí omoî vaí vaerâ ichupe. Co Che ñeêngue Che jae vaecue, upéva catu omoî vaí vaerâ ichupe pe ára ipajávoguape. Che voí nañeêi Che yejegui añonte: pe Túva Che mboujaré upéva catu Che yocuai vaecue jeiucávo ja oñeêucávo Che yuru rupi. Ja Che aicuaa upe Jae oyocuaiva pe Tecové iyapyraŷvarâjá. Upeicharamo co Che añeêva, Che añeê voí jei jagueichante Cheve Che Ru. Uperamo oico mboyve pe pascua areté ára Jesús oicuaa voí ôguajêmaja jiára ova jaguâ co ybyari gui ojo jaguâ pe Tuva rendape. Ojayjú vaecue umi Jeseguape oi vaecue ybyari ja upeicha ojayjú ichupecuera ipajápeve. Uperamo pe mbaepochy oñatôima racae pe Judas Iscariote Simon raŷ pyapype oyapyjyucá jaguâ Ichupe. Ja pe pyjare ocaru yave, Jae oicuaa pôrâ ramo yepe pe Túva omeê jague opambae ipope ja Jae osê jague Tûpâ Ñandeyára gui ja oyeby vaerâ jagûa pe Tûpâ Ñandeyára rendape, upeicharamo yepe, Jesús opuâ pe carujágui, ja omboí iyao, ja oipyjy peteî ao oñemocâjá ja oyecúacuá ipype. Upei catu omoî ŷ peteî ñaembe guasupe ja oñypyrú oyojei ipy umi jemimboe cuerape, ja omocâ ichupecuera pe ao oyecúacuá jaguepe. Upegui ôguajê ramo Simon Pedro rendape, jae jei Ichupe: Che Yara, ¿reyojeitapa cheve che py? Ja Jesús jei ichupe: Co coanga che ayapova ndeve nde reicuaai gueteri, coangarirente reicuaane. Upei catu Pedro jei Ichupe: Máramo Nde reyojeichene cheve che py. Ja Jesús jei ichupe: Che royojei ŷ ramo ndeve na nde yai chene Chendive. Upei catu Simon Pedro jei Ichupe: Aiporamo, che Yara, eyojei catu nda che py añoi, che po ja che âcâ avei. Ja Jesús jei ichupe: Pe oyajú ramôva noicôtevêvéima oyeyojei, ipy añonte, ipôtímbáma voí. Ja peê pene pôtíma peina: upeicha ramo yepe nda opavavei yepe pene pôtí. Jae oicuaa voí pe oyapyjŷucájarâ Ichupe, upeareje jei: Nda opavavei peê penepôtí. Upegui oyojéipáma ramo ipy ichupecuera oñemonde yeby iyao, ja oguapy yeby carujápe. Upei catu jei ichupecuera: ¿Peicuaapa peê mbaépa jeise co ayapo vaecue pende reje? Peê Che renôi Cheve Ore mboejára ja Ore Yára ja upeicha peye pôrâ. Che voí jae upeva. Upeicharamo, Che jae ramo pene mboejára ja pende yára ja ayojei ramo peême pendepŷ, peê avei peyoyojei vaerâ pendepy oyoupe. Che voí ajechaucama peême Che reco icatu jaguâ co Che ayapo jaicha peême upeicha avei peê peyapo. Añete Che jae peême catuetei pe tembiguai nda tuvichavéijá iyára gui ja pe temimbou nda tuvichavéijá pe imboujárégui. Ja peicuaa pôrâmba ramo umimbae, pende reco orŷete vaerâ peyapo ramo jecópe. Upeicha ramo yepe, ndaei âmbae opavave peêcuerava gui. Che aicuaa voí umi aiporavó vaecuepe ja upeicha voí vaerâ, oyeyapo jaguâ jecópe oyee jagueicha Santa Escriturape. Upe joúva mbuyape Chendive, upéva catu pe opyvoíva Che reje. Anga guive oime mbae amombeu vaerâ peême oico mboyve voí, icatu jaguâ oico ramo guârâ catuetei peê perovia Che jaéjá. Añete Che jae peême catuetei upe oguerojorŷva pe Che remimboúpe, Che rerojory Cheve avei, ja upe Che rerojorŷva Cheve oguerojory avei pe Che mboujarépe. Upei catu Jesús jeipáma ramo umimbae ipojyi Ichupe ipyápe ja oyepyapy eterei, ja oicuaauca ichupecuera jeivo: Añete Che jae peême oimejá peteîva peêcuerava Che yapyjyucá vaerâ Cheve. Upei catu umi jemimboe cuera oñomaê oyueje, ndoicuaai máva jaecuéravaguipa Jae oñeê raé. Oime voí uperamo peteî jemimboe, Jesús ojayjúvé voí vaecue, oyecóva jina Jesús pytia reje. Aipóramo Simon Pedro oñeê cuâ ñembovavápe ichupe, ja jei ichupe: Ere catu mavaité-gui-pa Jae jei rae upea? Upei catu, pe oyecóva jina Jesús pytia reje jei Ichupe: ¿Carai, mávapa jae? Ja Jesús jei ichupe: Upe Che ameêja co mbuyape akŷ, upéva catu jae. Upei catu oipyjy pe mbuyape ja omoakŷ ja omeê pe Judás Iscariote, Simon raŷpe, ja upéva oipyjy rire pe mbuyape oike ipyápe pe mbaepochy. Upei catu Jesús jei ichupe: Upe reyapo vaerâ nde pyae eyapo. Uperamo voí ndipori avave umi ocaru vaecue jina oicuaava maerâpa jei rae ichupe upea. Oime voí oimoâ vaecue oñongatújá gui Judás pe mbae repy ryru Jesús jei jague ichupe: Eyoguante pe ñaicôtevê vaerâ co arete ramo guârâ terâ omeê jaguâ tûpâmbae umi mboriajúvape cuera. Upei catu Jae oipyjy pe mbuyape ja upevove osê ocape, ja pyjaréma voínte. Upei catu osêma ramo jae, Jesús jei: Anga catu oñembuetéucáma co Caraí Raŷ, ja Tûpâ Ñandeyára oñembuetéucáma avei ipype. Upeicha avei Tûpâ Ñandeyára ombuetene Ichupe oyejegui voi, ja voíeté catu avei ombuetene Ichupe. Peé Che raŷcuera, sapya minte gueteri aime penendive. Peê Che recane Cheve, ja jae jagueicha umi Judiope: Che ajajápe peê ndicatui pejupitŷ, upeicha avei Che jae peême. Oime peteî Che rembiapoucapy ipyajúva pomboesejá peême, peyojayju jaguâ oyoapytepe, Che pojayju jagueicha peême, upeicha avei peê peyojayju jaguâ oyoapytepe. Upepe opava ojechacuaane peê Che remimboejá, peyojayju ramo oyoapytepe. Upei catu Simon Pedro jei Ichupe: Caraí! ¿Mamópa rejo? Ja Jesús jei ichupe: Pe Che aja jaguâme ndicatui nde reyu coanga Che rapycueri. Aremi rire mante reyune Che rapycueri. Upei catu Pedro jei Ichupe: Carai, ¿mbaeguipa ndicatui coanga aja Nde rapycueri? Ameêne che recové voí yepe Nde rejejape. Upei catu jei ichupe Jesús: ¿Añete pico? ¿Remeêpane nde recove Che rejejápe? Añete Che jae ndeve pe ryguasu ndo sapucaichene nde Che momârâ mboyve mbojapy yeby. Ani peyepyapy reí peê. Peyeroviante Tûpâ Ñandeyára reje, ja peyerovia catu Che reje avei. Pe Che Ru rogape oime jetava rendâguâ. Upeicha ŷ rire, mo amombeu raé peême yma, oija reje upepe voí pe aja jaguâme amyatyrô jaguâ pene rendâguâ, ja aja ramo amyatyrô jaguâ pene rendâguâ, ayu yebyne poguerojory jaguâ peême Che rendape, peime jaguâ peê avei Che aime jápe voí. Peê peicuaa voi pe tapé pejo jaguâ upe Che aja jaguâme. Upei catu Tomas jei Ichupe: Ore Yára, ndo roicuaai mamópa rejota. ¿Mbaéichapa, upeicharamo, roicuaata pe tapé? Ja Jesús jei ichupe: Che catu pe Tapé, ja Che pe Añete, ja Che pe Tecovété. Ndipori ou vaerâ pe Tuva rendape, Che rupi año mante. Che rechacuaa rire Cheve peê, mo peicuaa pôrâ rae Che Rúpe avei. Anga guive voi peê pejechacuaa vaerâ Ichupe: pejecha manerae Ichupe yepe. Upei catu jei Ichupe Felipe: Ore Yára, ejechauca oreve pe Túvape, ja ipôrâmane oreve. Upei catu jei ichupe Jesús: Oyapo ramo yepe ymama Che are jague pene ndive, ¿nda che rechacuaaipa Cheve gueteri, nde Felipe? Upe Che recha vaecue Cheve, ojechama pe Túvape avei. ¿Maerâpa, aiporamo, icatu nde ere Ejechauca oreve pe Túvape? ¿Nde reroviaipa Che aimejá pe Túva pype, ja oimejá pe Túva Che pype? Umi ñeê Che jaeva peême, nañeêi Che yejegui voínte, pe Túva oicova Che pype, Jae catu oyapo umi jembiapo voínte. Che rerovia catu peê Che aimejá pe Túva pype, ja pe Túva oimejá Che pype, Upeicha ŷ ramo, Che reroviante umi Che rembiapocue reje vointe yepe. Añete Che jae peême catuetei upe oyeroviava Che reje, umi Che rembiapocue Che ayapova, jae avei oyapone peteîcha, ja oimene mbae tuvichavéva âva gui oyapo vaerâ Che ajatajá reje pe Túva rendape, ja oimerâeva mbae peyerure jaichagua Che rerape, upea catu ayapone oñembotuvichaucá jaguâ pe Túva pe Tayra rupi. Oime ramo peyerureva Che rerape, upea catu ayapone. Peê Che rayju ramo Cheve, pembuayene Che rembiapoucapy, ja Che ayerurene Che Rúpe, ja Jae omeêne peême ambuepe pene Pytyvôjarâ oico vaerâ penendive tapia guârâ, pe Espiritu marangatu jecopegua. Nda iyainte umi ybypóra cuerape oguerojory Ichupe ndo jechacuaai gui ja ndoicuaai gui Ichupe. Peê voí peicuaa Ichupe opyta járeje pende ŷképe ja oijáreje pende pyápe. Che nda pojeyai chene peême pende tyreŷ. Ayu yebyne peême. Anga guive aremi rire, umi ybypóra nda Che rechaveichene Cheve. Peê catu Che rechane Cheve, aicovéjá reje Che ja peê avei peicovene peina. Upe jaárape peê pejechacuaane Che aimejá Che Ru pype ja peê peimene Che pype ja Che aimejá pende pype. Upe oicuaava Che rembiapoucapy ja ombuayéva ichupecuera jecope, upéva catu pe Che rayjuetéva Cheve, ja upe Che rayjúva Cheve oyejayjúne Che Ru gui ja Che avei ajayjune ichupe ja ayejechaucane ichupe. Upei catu pe Judás (ndajaei pe Iscariote) jei Ichupe: Ore Yára, ¿mbaépa oime reyejechauca jaguâ oreve ja na umi ybypórapei avei? Ja Jesús jei ichupe: Oime ramo Che rayjúva, upeva catu ombuaye vaerâ Che ñeê ja Che Ru ojayju vaerâ ichupe ja royúne ichupe ore rendâguâ jendive. Upe Che rayjuŷva Cheve, nombuayei Che ñeê, ja co ñeê peê pejenduva na Che mbaei, pe Túva Che mboujaré mbaénte. Opa âmbae Che añeê peême aime aya penendive. Aguirire pe pene Pytyvôjarâ, pe Espiritu Santo voí, ombou vaerâ pe Túva Che rerape Che recoviarâ, upéva catu penemboéne peême opambae reje, ja pene momanduane opa mbae Che jae vaecue peême reje. Tajeya peême pe teco pyáguapŷjá. Co Che reco pyáguapŷjá ameê peême. Ja nameêvái Che umi ybypóra reí omeê jaicha. Ani peyepyapŷ, ja ani pende pyámîrî. Peê pejenduma raé Che jae ramo peême Che ajatajá aina ja ayu yebytajá peême. Peê Che rayju ramo Cheve mo pende rory Che ajatajá reje pe Túva rendape, tuvichavéjá reje pe Túva Chejegui. Coanga amombeupama peême âmbae oico mboyve voí yepe, icatu jaguâ oico ramo guârâ añete peroviá jaguâ. Anga rire nañeê jetai chene penendive, outajáreje umi ybypóra ruvicha guasu. Upeicha ramo yepe, ndipori mbaeve Che ja upéva royoguerecojá, ounte icatu jaguâ umi ybypóra ojechacuaa Che ajayjujá pe Túvape, ja Che ayapojá jecope pe Túva oyapoucá jagueicha Cheve. Pepuânte, yaja coágui. Che catu pe parral pe jaetéva voí, ja Che Ru, Jae catu pe iñangarecojára. Oime ramo jâcâ Che rejeguáva jiá ŷ va guive Jae oipea ichupe, ja umi jâcâ jiá pôrâva guive Jae omopôtí jiá pôrâvé jaguâ. Peê voi pene pôtíma pe Che ñeê penemboe jague rupi peême. Pepytá peê Che pype, ja tapyta Che pende pype. Pe jâcâ icatu ŷ jaicha jiá oyejegui voínte, opyta ŷ ramo oyueje pe parral reje, upeicha avei peê ndicatui, pepyta ŷ ramo oyueje Che pype. Che catu pe parral ja peê jâcâ cuera. Upe opyta jâtâva Che pype apyta guive Che ipype, upéva catu jeta jiá. Che ŷ reje voí peê ndicatui peyapo mbaeve. Oime ramo opyta ŷ va Che pype, upéva catu jâcângueicha oñemombo vaerâ ja ipirú vaerâ: umichagua oñemonoô vaerâ ja oyeity vaerâ tatape oyejapy jaguâ. Pepyta ramo peê Che pype ja Che ñeê opyta ramo pende pype opa peê peipota jaichagua peyerurente ja oyeyapone peême jecope. Coicha voi oñembo tuvicha vaerâ Che Ru, peêcuera jeta ramo pendeá, ja peico ramo Che remimboe cuera ramo. Che rayju jaicha tapia pe Tuva, Che avei pojayju peême. Pepyta jâtâ, upeicharamo, Che rembiaŷjúpe. Pembuaye ramo Che rembiapoucapy, pepyta jâtâne Che rembiaŷjúpe, Che avei ambuaye jaicha Che Rú rembiapoucapy ja apyta jaicha Che jembiaŷjúpe. Co âmbae Che jae vaecue peême yayoguerojorŷ jaguâ Che ja peê, ja tuvichaite jaguâ pebyá peê icatu jaicha. Cova catu Che rembiapoucapŷ peê peyojayju jaguâ Che pojayjú jaicha peême. Ndipori ojayju tuvichavéva upevagui omeêva oguecove jayjúpára cuera rejejápe. Peê catu che rayjupára, peyapo ramo jecope pe ayapoucáva peême. Coanga rire ndaeve mai pendejegui Che rembiguáiváicha ramo. Pe tembiguai voínte ndoicuaai mbaépa oyapo jina icarai. Che catu jae curi pendejegui Che rayjúpárajá peê aicuaaucápá járeje peême opa umimbae ajendu vaecue Che Ru gui. Ndajaei rae peê Che poravó vaecue Cheve, Che catu poiporavó vaecue peême, ja pomoingo vaecue peême pejo jaguâ ja pendeá jaguâ pendeá opyta pôrâ vaerâ, icatu jaguâ opa peê peyerure jaichagua pe Túvape Che rérape Jae omeê peême. Cóva catu Che ayapoucáva peême peyojayju jaguâ oñondive. Pene ñamotareŷ ramo peême umi ybypóra, peê peicuaa voí Che ñamotareŷ jague Cheve raê pene mboyve. Peêcuera ybypóra rei reco rejeguáva ramo, mo pende rayju umi ybypóra oyejegui guaichante, ja umi ybypóra rei reco rejeguáva ŷ járeje peê, ja Che poiporavó jague reje peême umi ybypóra apytegui, upévareje catu umi ybypóra pene ñamotareŷ. Pene mandua catu pe ñeê Che jae vaecue peême reje: Pe tembiguai nda tuvichavéijá icaraigui. Oico ramo Che rapycueri jicuai Che rereco vaívo, oicone pende rapycueri upeicha avei. Ombuaye ramo jicuai Che ñeê, ombuayene avei pene ñeê. Ja opa umimbae oyapone pendereje peê Che réra rejegua járeje peê ja ndoicuaai járeje jaecuera upe Che mboujarépe. Che ayu ŷ rire ja añeê ŷ rire ichupecuera, mo ndipori raé angaipa oya vaerâ jesecuera. Anga catu ndiporiveima oyajoi jaguâ iñangaipa. Upe Che ñamotareŷva, oñamotareŷ avei Che Rú pe. Che ayapo ŷ rire iyapytepe cuera mbaeguasu máramo avave ndoyapo jagueichaguai, mo ndipori raé angaipa oya vaerâ jesecuera. Coangama Che recha ja Che ñamotareŷ ja oñamotareŷ Che Rupe upeicha avei. Upeichante vaerâ voi oico jaguâ jecope pe ñeê Santa Escriturape guare: Mbaeve ŷ reje Che ñamotareŷ reí jaecuera. Anga ou ramo pe pene Pytyvôjarâ, ambou vaerâ Che Ru gui, pe Espiritu marangatu jecopegua, pe osê vaerâ pe Túva gui, upéva catu oicuaaucane jecope Chejegui. Peê voí avei peicuaauca vaerâ Chejegui peico jague reje Chendive iñypyrumbŷ guive. Âmbae catu Che jae peême, anichene jaguâ peñe mbopyamîrî jaguâ. Peñe mombóne tûpâo gui cuera, ja jiâguima pe ára yepe oimeraêva pende yucáva guive oimoâ jaguâ oicuameêjá jina ombueté jaguâ Tûpâ Ñandeyárape. Âmbae voí oyapone jaecuera oicuaa ŷ járeje pe Túvape ja Che cuaa ŷ járeje Cheve avei. Ja Che jae peême âmbae icatu jaguâ ôguajê ramo guârâ jiára peê pene mandua Che jaéma jague peême. Âmbae catu Che ndaei vaecue peême iñypyrumbŷpe, aime jaguereje penendive gueteri. Coanga Che aja upe Che mboujaré rendape, ja avave peêcuerava no porandui Cheve ¿Mamópa rejo? Anga jae jague reje umimbae, upeagui peê peñembo pyambyasy. Upeicharamo yepe, Che jae peême añetejá ipôrâ peême guârâ Che aja, ja aja ŷ ramo ndoui chene peême pe pene Pytyvôjarâ, ja aja ramo catuetei amboúne Ichupe peême. Ja ou ramo Jae, ogueroviáucáne umi ybypóra cuerape pe angaipa gui ja pe teco marangatu gui, ja pe oñembojecoviá jaguâ ára gui. Oicuaáucáne ichupecuera pe angaipa gui, ndo yeroviáijá reje Che reje; oicuaáucáne ichupecuera pe teco marangatu gui ajatajá reje Che pe Túva rendape, ja nda Che rechavei jaguâreje Cheve; ja oicuaaucane ichupecuera pe oñembojecoviá jaguâ ára gui, oñemojendámajá reje co ybypóra ruvicha guasu. Jeta oime ramo yepe gueteri Che jae vaerâ peême, neira gueteri ndicatui pende puaca jesecuera. Anga ouma ramo Jae, pe Espiritu marangatu jecopegua, Jae catu tapecuaajá ramo pene mojenonde vaerâ peême pe tapé jecopeguajápe. Jae noñeêichene oyejegui, pe ojendu vaecue gui nte oñeêne ja oicuaaucáne peême mbae oicótava jina. Jae Che mbotuvicha vaerâ Cheve oipyjŷta járeje Che mbaéva, oicuaaucá jaguâ peême. Opa pe Túva oguerecova, Che mbae voí, upévareje voí Che jae raé oipyjy vaerâjá Che mbae ja oicuaaucá vaerâjá peême. Coanga rireminte sapyami nda Che rechavéi chene Cheve, ja upe riremi sapyaite Che recha yebŷne. Upei catu peteîva jemimboe cuérava jei oyoupe: ¿Mbaépa co jeiva ñandeve: Coanga rireminte sapyami nda Che rechaichene; ja uperiremi sapyaite Che recha yebyne; ja co jeiva: Che ajata pe Túva rendape. Upeicha oñeê jicuai jeivo: ¿Mbaépa jeise co sapyami Jae jeiva. Ñande nda yaicuaai mbaépa jeise. Ja Jesús ojechacuaa ramo oporanduse jague Ichupe, jei ichupecuera: ¿Cóvapa pe peporandujá oñondive? Che jae jague reje Coanga rire sapyaminte na Che rechaichene, ja uperiremi sapyaite Che rechane. Upeagui Che jae peême añetejá peê peyajeone ja pene rasêne, ja umi ybypóra reí jorŷeténe. Peê pende pyámbyasŷne añeté. Upeicharamo yepe, sapyaite pende pyambyasy oyebŷne torypape. Cu cuña imembyvo ipyambyasŷ oyepyapy ipyajê ôguajêmajá reje jiára, upei catu imembŷpáma ramo, sapyaite na imanduavéima pe mbaasŷcué gui, jorŷeté gui oñemoñama járeje peteî ybypóra. Upeicha avei peêcuera añeté coanga pene pya mbyasy peina, upegui Che pojecha yebyne ja uperamo pende pya rorŷ yebŷne, ja ndiporichene omboí vaerâ pendejegui pende rorŷjá. Upe jaára peê nda peporandui chene Cheve mbaevereje. Che jae peême añetejá oimeraêva mbae peê peyerure jaguâichagua pe Túvape Che rérape Jae omeêne peême. Anga peve peê nda peyerure raéi mbaevereje gueteri Che rérape. Peyerurente, ja pejupitŷne pende rorŷpá jaguâ pende pyape. Opa âmbae añeê vaecue peême jaângánte. Oune jiára anive jaguâ añeê peême jaângánte, ja upepe aicuaaucáne peême pe Túva gui guaú ŷ jápe. Upe jaára peyeruréne Che rérape. Che ndaei voí Che aporandu jaguâ pe Túvape pende rejejápe. Pe Túva voínte pende rayjú peême, peê Che rayju járeje Cheve ja peroviajá reje Che asê jague pe Túva renda gui. Che asê vaecue pe Túva gui ja ayu vaecue co yby ári. Anga ajeya yebŷta co yby aja yeby jaguâ pe Túva rendape. Upei catu jei Ichupe jemimboe cuera: Anga catu Nde reñeê guaú ŷ jápe ja Nderei mbaeve jaângá. Anga rojechacuaama Nde reicuaapájá opambae, ja Nde ne reicôtevêijá avave oporandu jaguâ Ndeve. Upeicha rupi ore rogueroviá Nde resê jague Tûpâ Ñandeyára gui. Upei catu Jesús jei ichupecuera: ¿Angamapa peê perovia upea? Peina jiâguima ára ja ôguajêma yepe peñe muâsâi jaguâ peteî teî peêcuerava pende rapéteépe cuera, ja Che reyáne Cheve Cheñojápe. Upeicharamo yepe, na Che añoi aime yepe, pe Túva voí oi Chendive. Che jae peême âmbae icatu jagûa peê Cherejeguajá reje pende pyaguapŷ jaguâ. Co ybyari voí peê peyeyopy vaerâ, upeicharamo yepe, pende pya guasúnte, Che voí añembo puacáitevéma ybypóra reco rejegua reje yepe. Jeipáma ramo Jesús umi mbae omaê yvate yvaga reje ja jei: Che Ru, ôguajêma Che ára. Embotuvicha co Nde Raŷpe, Nde Raŷ Nembo tuvicha jaguâ Ndeve. Remeê vaecue Ichupe oguereco jaguâ ipo guype opa ybypórape icatu jaguâ Jae omeê pe tecové iyapyraŷva opa umi remeê vaecuépe guive Ichupe. Cóva voí pe Tecové iyapyraŷva Nde cuaa ramo Ndeve añó Tûpâ Ñandeyára jaetéva ramo ja oicuaa ramo Ne remimbou Jesúspe pe Cristo ramo. Che rombotuvicha Ndeve co ybyari ayapopá pype jecope pe Nerembiapoucapŷ reyapouca vaecue Cheve. Anga catu, Che Ru, Che mbotuvicha Cheve Nde ypype upe yma Che tuvicha jagueicha Nde ypype co yby oime mboyve. Che aicuaauca vaecue Nde rera umi cuimbae cuerape remeê vaecue Cheve umi ybypóra apytegui. Nembae vaecue umiva ja Nde remeê vaecue ichupecuera Cheve ja jaecuera ombuayéva Ne ñeê. Coanga jaecuera ojechacuaa opambae remeê vaecue Cheve Nde ypypegua voíntejá. Umi ñeê reje voí Nde Che mboe jague Cheve, Che amboe ichupecuera avei, ja jaecuera oguerojory umi mbae ja oicuaa voí añetejá Che asê jague Nde ypygui, ja oguerovia voí Nde Che mbou jague Cheve. Che añemboe aina jesecuera. Na ñemboei umi ybypóra reí reje, umi remeê vaecue Cheve rejente añemboe, Ne mbaejáreje umiva. Ne mbaente voí opa Che mbae avei ja opa Ne mbaeva Che mbae avei, ja Che añembo tuvichaite ipype cuera. Anga rire Che naimeveima co yby ári. Jaecuerante oime vaerâ co yby ári, ja Che ayu aina Ne rendape. Che Ru marangatu, eñongatu ichupecuera co Nde réra co Cheve remoî vaecuepe, oico jaguâ peteînte ramo Ñandeichante avei. Aime yaveve jendive cuera Che añongatu ichupecuera co Nde Rera co Cheve remoî vaecuepe, ja Che añangareco vaecue jesecuera ja na peteîmi yepei jaecuérava nocañŷri, upea añonte pe ocañŷ vaerâ rejeguáva voi, oico jaguâ jecope Santa Escriturape oyee jagueicha. Coangama ajata aina Ne rendape, ja coicha añeê, aime aya gueteri co ybyari, oguerojorŷpáite jaguâ jaecuera Che rorycue ipyapype cuera. Che ameê vaecue ichupecuera Ne ñeê. Umi ybypóra voi oñamotareŷ ichupecuera, jaecuera ndajaéijáreje ybypóra rejegua, ndajaei jaicha Che avei ybypóra rejegua. Ndayerurei Ndeve remboí jaguâ ichupecuera co yby ári gui, remboŷké jaguânte ichupecuera pe teco vaígui. Jaecuera ndajaei ybypóra reco rejegua, ndajaei jaicha Che avei ybypóra reco rejegua. Emomarangatu ichupecuera Ne ñeê jecopeguapype. Ne ñeê voí pe jecopeguaetéva. Nde Che mbou jagueicha Cheve co ybyari, upeicha avei Che amondo ichupecuera umi ybypóra cuera apytepe, ja Che añemo marangatú Cheyupe jesecuerajápe icatu jaguâ jaecuera avei oñemomarangatuite añetejápe. Ja na umiva cuera rejei añónte Che ayerure, oime ayerure umi oyerovia vaerâ reje avei Che reje iñeê cuera rupi, icatu jaguâ opavave peteînte ramo, reime jaicha Nde, Che Ru, Che pype, ja aime jaicha Che Nde pype, oime jaguâ jaecuera avei Ñandepype, oguerovia jaguâ umi ybypóra Nde Che mbou jague, ja Nde Che mbotuvicha jagueicha, upeicha avei Che ambotuvicha ichupecuera icatu jaguâ jaecuera oico peteî ramo co Ñande peteînte jaicha. Che nico ipype cuera ja Nde Che pype icatu jaguâ jaecuera oñemoingo jecópe peteînte ramo, oicuaa jaguâ umi ybypóra Nde Che mbou jague ja Nde rejayjújá ichupecuera Che rayjú jaichante Cheve voí. Nde Che Ru, aipota umi remeê vaecue Cheve oi jaguâ Chendive Che ai jaguâme, Che recha jaguâ Cheve añembo tuvichájápe Nde Che moî jague voí, Nde Che rayju jaguereje oyeyapo mboyve co yby. Upeicha avei Che Ru marangatu na Nde rechacuaai ramo yepe Ndeve umi ybypóra rei, Che voi roicuaa Ndeve, ja coâva oicuaa Nde Che mbou jague Cheve. Che aicuaauca ichupecuera Nde réra, ja aicuaaucáne gueteri icatu jaguâ co Nde Che rayjú jaicha Cheve iya ichupecuera oyojayjú jagua upeicha avei, ja Che aime jaguâ ipype cuera. Upei catu oñemboepáma ramo Jesús, osê ojo jemimboe cuera rejeve ja ojo pe ŷ Kedron mboypŷri oi jaguepe peteî ybyratŷ ja oiké pype Jae ja jemimboe cuera avei. Ja pe Judás pe oyapyjŷucátava Ichupe oicuaa avei upe tenda, jeta yeby jague reje Jesús ombyaty jemimboe cuerape upepe. Upévareje pe Judás omojenonde pe cuimbae atyra ja umi tûpâo ruvicha ja fariseo rembiyocuaipe ja ojo upepe tataendŷ ja myendyjá ja kyse pucu rejeve. Upei catu Jesús oicuaapá voí járeje pe oyejútava Ichupe, osê jenondepe cuera ja oporandu: ¿Avápepa pejeca peina? Jaecuera jei Ichupe: Jesús Nazarenope. Ja Jae jei ichupecuera: Che jae. Oime oñemboŷ upepe jendivecuera pe Judas pe oyapyjŷucáva jina Ichupe. Upei catu Jae jei vove: Che jae, jaecuera oyeby oguapycuévo, ja upévo joa ybype. Upei catu Jae oporandu yeby ichupecuera: ¿Avápepa pejeca peina? Ja jaecuera jei: Jesús Nazarenope. Ja Jesús jei ichupecuera: Che jaéma voi Che jaéjá. Che reca ramo Cheve reyúvo, upeicharamo, pejeyante tojo reí âva. Upeicha jei oico jaguâ jecope pe iñeêngue Jae jei vaecue: Umi remeê vaecue Cheve gui ndipori peteî ocañŷ vaecue Chejegui. Upei catu Simon Pedro, oguereco vaecue kyse pucu, ôguenojê ja oicutu pe pai ruvicha rembiguaipe ja oipea inambi iyacatuapegua (pe tembiguai réra voi Malco). Upei catu Jesús jei Pedrope: Emoingué yeby nde kyse pucu jyrúpe. ¿Co mbayru jouucájá Cheve pe Túva, ndaŷu vaeraipa ichugui? Upei catu pe cuimbae atyra ja pe juvicha cuera ja umi Judio rembiguai oyaty iyerecuévo ja oipyjy Jesúspe, ja oñapytî Ichupe ja oguerajá raê Ichupe pe Annas rendape. (Upéva catu pe Caiafas rembireco ru, pe pai guasu uperamoguare: pe Caiafas voí upe omboema vaecue umi Judiope tecôtevê jaguâ peteî cuimbae omano jaguâ umi ybypóra ambuecuecuera rejejápe). Upeyaveve pe Simon Pedro ja peteî jemimboe ambue avei ojo jina Jesús rapycueri, pe jemimboe ambue pe pai guasu oicuaáva voi, ja jae oiké Jesú ndive voí pe pai guasu corapype, ja Pedro opyta oñemboy pe okê gui ocápe. Upei catu pe jemimboe ambue, pe oicuaáva pe pai guasu, osê ja oñemongueta pe cuña pe okê rerecuáva ndive ja jae omoingue Pedrope. Upei catu pe cuña taí pe okê rerecuava jei Pedrope: ¿Ndépa avei co carai remimboe cuera rejegua? Ja jae jei: Che ndajaei. Ja oime oñemboŷ jicuai umi tembiguai ja tembiyocuai upepegua omboyŷpotá tatapŷi ára roy jaguere ja oyepeé jicuai upepe, ja oi oñemboŷ avei jendive cuera Pedro oyepeé avei jina. Uperamo pe pai guasu oporandu Jesúspe jemimboe cuera gui ja pe omboe vaecue gui. Ja Jesús jei ichupe: Na ñemijápei catu Che añeê vaecue umi ybypóra cuerape. Tapia voi Che aporomboe vaecue tûpâope ja tûpâo guasúpe, oñembyaty jaguepe voí opa umi Judio cuera, ja mbaevete nañeêvái ñemijápe. ¿Mbaerejépa, upeicharamo, reporandu Cheve? Eporandúnte umi ojendu vaecuepe mbaépa Che añeê rae ichupe cuera? Coina ape coâva voi oicuaapá pe Che jae vaecue. Upei catu Jae jei vove upea, peteî umi tembiguaiva oñemboŷ vaecue upepe ojovapeté Jesúspe, jeivo: ¿Upeichapa reñeê pe pai guasupe? Ja Jesús jei ichupe: Añeê vaí rire, emombeúnte pe ivaíva. Upeicha ŷ ramo, añeê pôrâ rire, ¿maerâpa Che nûpâ raé? Upegui pe Annas oguerajáucá Ichupe ipocuapŷ Caiafas pe pai guasu rendape. Upeyave pe Simon Pedro opyta nipo rae oñemboŷ oyepeé jina, ja oime oporandúva ichupe: ¿Ndajaeipa nde jemimboe cuera rejegua? Ja jae omomârâ ja jei: Che ndajaei. Ja peteî pe pai guasu rembiguaiva (pe Pedro onambió vaecue rejegua) jei: ¿Ndo rorechaipa ndeve Jendive pe ybyrátŷpe? Ja Pedro omomârâ yeby Ichupe. Ja upe yaveve osapucai pe ryguasu. Upei catu ogueru yeby Jesúspe pe Caiafas roga gui pe mburuvicha rogape. Upéva pyjaréveté ja ndoikei jaecuera pe mburuvicha rogape, anichene jaguâ oñemonguŷá ja iya jaguâ ichupecuera jecope jou pe pascuape oyeu vaerâ. Upeicharamo, Pilato osê ocape oijape jaecuera ja jei: ¿Mbaépa oime pemboyá vaerâ co cuimbae reje? Upei catu jaecuera jei ichupe: Ndajaei rire mbaevaí apojaré cóva, mo no romeêiche rae Ichupe nde pope. Upei catu Pilato jei ichupecuera: Perajante Ichupe peê voi, ja pende cuatia rupi cu peê peyepocuaa jaichante tomoñeê Ichupe pende ruvicha voí. Ja umi Judio jei ichupe: Oreve nico nda iyái royucáucávo avavépe. Upeicha oyeju voí oico jaguâ jecope Jesús ñeêngue jei vaecue oicuaáucá ramo guare mbaéicha rupipa omano vaerâ. Uperire Pilato oike yeby pe mburuvicha rogape ja ojenôi Jesúspe ja oporandu Ichupe: ¿Ndépa umi Judio ruvicha guasu? Ja Jesús jei ichupe: ¿Ndépa ere coa ndeyejegui voínte, terâpa oime rae ambue cue omombeu vaecue ndeve Chejegui? Ja jei Pilato: ¿Chépa Judio? Umi Nde rejegua voí ja umi pai ruvicha umiva catu Nemeê vaecue Ndeve che pope. Mbaépa reyapo rae? Ja Jesús jei: Che retâ voí ndajaei co ybyarigua. Che retâ co ybyarigua rire, mo Che rembiyocuai cuera oñorayrô rae anichene jaguâ añemeê umi Judio po guŷpe. Che retâ voí ndajaei coapegua. Upei catu Pilato jei Ichupe: ¿Ndepa mburuvicha guasu, upeicharamo? Ja Jesús jei: Upeicha! Che voí mburuvicha guasu ere jaicha nde. Upearâ voí añemoña vaecue, upearâ avei Che ayu vaecue co ybyari aicuaauca jaguâ pe jecopegua, ja opa umi jecopegua rejegua ojendu Che ñeê Che jaeva. Upei catu Pilato jei Ichupe: ¿Mbaépa co jecopegua? Ja upevove jeima ramo upea, jae osê yeby umi Judio rendape ja jei ichupecuera: Che ndayujui mbaeve ñamboya vaerâ Jese. Upeicharamo ayepocuaajá reje apoívo peême peteîgui co pascua arete guasupe, ¿peipotapa apoí peême co Judio ruvicha guasu gui? Upei catu osapucai jâtâ jeivo: Nda upeva guiri. Pe Barabbás guinte epoí. Pe Barabbás voi mondajá. Upei catu Pilato oipyjŷucá Jesúspe ja oinûpâucá Ichupe, ja umi tembiyocuai oñopê ñûatî rejeguarâ ja omoî iñâcâ reje ja omondé Ichupe peteî ao jobŷvape, ja oñemboyávo Jese, jei: ¿Maitéipa Nde, Judio ruvicha guasu? Ja ojovapeté Ichupe. Upei catu Pilato osê yeby ocape ja jei ichupecuera: Coina ape aru yeby ocape Ichupe peême pejechacuaa jaguâ Che ndayujuijá amboyá vaerâ Jese. Upeicha Jesús osê ocape pe ñûatî ñopêmbyre iñâcâ rejegua rejeve ja pe iyao jobŷ rejeve, ja jei ichupecuera: Pemaêke! Péva pe cuimbae! Upei catu umi pai ruvicha ja umi tembiyocuai ojechama ramo Ichupe osapucai jeivo: Pemoî curusu reje, pemoî curusu reje! Upei catu Pilato jei ichupecuera: Perajá Ichupe peêcuera, ja pemoî Ichupe curusu reje. Che voi ndayujui ipype amboyá vaerâ Jese. Upei catu umi Judio jei ichupe: Ore royepocuaa ore retâ reco, ja ore royepocuaa jaicha Jae omano vaerâ, oyeyapojá reje Tûpâ Ñandeyára Raŷ ramo. Upei catu Pilato ojendúma ramo pe jeiva okyjŷyéve gueteri, ja oiké yeby pe oga guasupe ja jei Jesúspe: ¿Mamoguápa Nde? Upegui Jesús okîrîrî. Upévareje Pilato jei Ichupe: ¿Ne reñeêséipa cheve? ¿Nde reicuaaipa iyajá cheve apoí jaguâ Ndejegui ja iyajá avei cheve romoîucá Ndeve curusu reje? Ja Jesús jei ichupe: Mo na nde puacai rae Chereje, oñemeê ŷ rire ndeve yvagui. Upévareje upe che meê vaecue Cheve nde po guype iñangaipa tuvichavéva ndejegui. Upeguive Pilato oñejaâve opoí jaguâ Ichugui. Upei catu umi Judio osapucai jâtâ jeivo: Repoí ramo Ichugui, nde na nde aei Cesar reje. Oimeraêva voi oyeyapova mburuvicha guasu ramo oñemoî Cesar reje. Upei catu Pilato ojendu vove jeiva ombou ocape Jesúspe, ja oguapy pe mburuvicha oguapyjápe pe tendape oyeéjápe Itátapé oyee vaecue hebreo ñeême Gabbata: ja pe ára pascua arete mboŷvegua ja ára mbyte yave. Ja jae jei umi Judio cuerape: Peina pende ruvicha guasu. Upei catu jaecuera osapucai: Eipeá jecove, eipeá jecove, emoîucá curusu reje! Ja Pilato jei ichupecuera: ¿Pende ruvicha guasu pico amoîucáta curusu reje? Ja umi pai ruvicha jei: Ore ndo roguerecoi ambuae ore ruvicha guasu pe Cesar rire. Upei catu jae omeê Ichupe ipo guype cuera oñemoî jagua curusu reje. Upegui jaecuera oipyjy Jesúspe, ja Jae icurusu rejeve iyatiŷ ári osê pe tenda jérava Âcâ cangue rendague pe oyee jague hebreo ñeême Golgota-Calvario. Ja upepe omoî Ichupe curusu reje. Ja oime Jendive mocoî yeby cuimbae iyŷke coty oyovai, ja Jesús oi mbytepe. Ja Pilato oyapo peteî cuatia ja omoîucá pe curusu âcâ reje co ñeê rejeve Jesús Nazareno Judio Ruvicha Guasu. Ja jeta umi Judio omoñeê pe cuatia, pe tenda oñemoî jague Jesús curusu reje jiâgui voí pe tetâ guasu gui, ja pe cuatia oyejaí hebreo ñeême ja griego ñeême ja latin ñeême. Upévareje umi Judio pai ruvicha jei Pilatope: Ne remoî vaerâ moai Judio Ruvicha Guasu. Emointe coicha jae jei jague Che jae Judio Ruvicha Guasu. Upei catu Pilato jei ichupecuera: Co ñeê ayapo vaecue ayapópáma. Uperire umi tembiyocuai omoî rire Jesús curusú reje oipyjy iyaocue, ja oñomboyaó irundŷpe, peteî aomi peteî teî ichupecuera guârâ. Oipyjy avei pe iyao teñimbocue imbobybŷpyréŷ oyepyjápyré iyayúra guive. Upeicha ramo jaecuera jei oyoupe: Cóva ani ñamboyao, ñañembosarai jese mante yajecha avambaépa vaerâ. Upeicha voí oico jecope pe Santa Escriturape oyee jagueicha: Jaecuera oñomboyao Che aocue gui ja Che ao pucu reje oñembosarai. Upeicha voí oyapo umi tembiyocuai. Ja oime oñemboŷ Jesús curusu ypype isŷ ja isŷ kypŷŷ ja Maria pe Clopas rembireco, ja Maria Magdalena. Upeicharamo, ojecha ramo Jesús osŷpe ja pe jemimboe Jae ae ojayjuve vaecue oñemboŷ ramo iyŷpype, Jae jei osŷpe: Cuña carai, coina coápe ne membŷ! Upei catu jei pe jemimboepe: Coina ape nde sŷ. Ja upeguive upe jemimboe oguerajá ichupe jogáteépe. Upeguirire Jesús oicuaama ramo opámajá oico jaguâ jecópe oyée jagueicha Santa Escriturape, jei: Che ŷujei! Sapya oime upepe petei mbayru jenŷjê ŷjáiva gui, ja ombojycue peteî esponja pe ŷjáigui ja omoî peteî tacuari apyra reje, ja omboya iyuru reje. Upei catu jouma ramo Jesus pe ŷjái gui jei: Opáma! ja oñeâcâitŷ ja oyejekyi. Upe jaára voí pe arete ára renonderâ iya ŷ jaguâ opyta umi jetecue cuera umi curusu reje pe sabado árape, upe sabado voí arete guasu ára. Upévareje umi Judio oyerure Pilatope omopêucá jaguâ reje jetyma cuera ja omboíucá jaguâ oijagui jetecue cuera. Ou, upeicharamo, umi tembiyocuai ja omopê jetyma peteîva gui, ja upeicha avei pe ambuae gui umi oñemoî vaecue curusu reje Jendive. Upei catu ôguajê ramo Jesús oijape ojecha omanómajá: upeareje nomopêi Ichugui jetŷma. Peteî tembiyocuaiva voí oicutu iyŷkepe juŷ pucú pype ja oñejê syry tuguŷ ja ŷ. Upe jechajaré voínte oicuaaucá upea ja añetete co oicuaáucáva ja jae voi oicuaa añetéjá co jeiva perovia jaguâ jecope peêcuera avei. Oyeju vaecue upeicha oicopá jaguâ jecope pe Santa Escriturape oyeé jagueicha: Na peteî mi yepei icangue noñemopê vaerâ. Upeicha avei oyeé pe Santa Escriturape: Omaê vaerâ pe jemicutú reje. Upeguirire pe José Arimateaŷgua, Jésús remimboe cuera rejegua vaecue ñemijapeguarente yepe okyjŷye gui umi Judio gui, upeva catu oyeruré Pilatope icatu jaguâ reje Jae omboí Jesús retecue, ja Pilato omboiucá. Upei catu jae ojo ja omboí jetecue, ja ojo avei pe Nicodemo upe yma ou vaecue Jesú rendape pyjare, upéva catu ogueru pôjâ jyâcuâva mirra ja aloes gui treinta kilo. Ja oipyjy Jesús retecue ja oñuâ aope umi pôja jyâcuâ pôrâva rejeve ombosacoi yepiguaicha umi Judio cuera oñotŷ jaguâ umi omano vaecue. Ja upe tenda omano jague curusu reje, upepé voi oî peteî ybyrátŷ ja pe ybyrátŷpe oî peteî itacuá ipyajúva oñeñoty ŷ jague gueteri. Upeicha ramo oija reje pe Judio arete guasu renonderâ, ja jiâguija reje pe itacuá, oñotŷ Jesú retecue ipype. Ja pe iñypyrújá árape ou Maria Magdalena pyjareve coê pôrâ mboyve voi pe itacuá oñeñotŷ jaguepe ja ojecha pe itá iyajoyá oyeimajá pe itacuá yurugui. Upévareje oñani ja ou Simon Pedro rendape ja pe temimboe ambuae rendape, upe Jesús ojayjuve vaecuepe ja jei ichupe cuera: Ogueraja nipo rae Ñandeyárape pe oñeñotŷ jague gui, ja ndo roicuaai mamópa omoine raé Ichupe. Upei catu osê ojo Pedro ja co temimboe ambue ja ojo pe itacuajápe. Ja oñani umi mocoîve oñondive, ja pe temimboe ambue oñani pyaéve Pedro gui ja jae raê ôguajê pe itacuá oñeñotŷ jaguepe, ja oyayby omaê, ja ojecha umi iyaocue ybyreje. Jae voi ndoikei jyguepŷpe. Upei catu ôguajê Simon Pedro ouvo japycueri ja oiké pe itacuá ryguepype, ja ojecha umi iyaocue ybyreje, ja pe ao iñâcârejeguare na umi ao ambuecue ndivei ybyreje, oñemboapuánte jaeñojápe ambue Jendápe. Upei catu oike avei pe temimboe ambue pe ôguajê tenonde vaecue pe itacuajápe ja jae avei ojecha ja oguerovia. Neira gueteri oicuaa mbaépa jeise pe Santa Escritura oyee ramo guare tecôtevêjá Jae oicove yeby jaguâ umi omano vaecue paûgui. Upei catu oyei upegui umi jemimboe cue cuera ja oyeby jogapecuera. Upeyave pe Maria oñemboŷ jina ocape pe itacuá ypype oyajeo jiconi. Ja oyajeo pype jina oyayby ja omaê pe itacuá ryguepype, ja ojecha mocoî yvapeguape iyao morôtîmbáva, peteî oguapy pe iñâcânguytá oi jaguepe ja ambue pe ipy oi jaguepe, pe Jesús retecue oñemoî jaguepe. Ja jaecuera jei ichupe: Cuña carai, ¿mbaeréjepa reyajeo reina? Ja jae jei ichupe cuera: Ogueraja nipo rae che Yarape, ja ndaicuaai mamópa omoîne raê Ichupe. Ja jei yave upea, oyere ja omaê japycuepe ja ojecha oñemboy upepe Jesúspe, ja ndojechacuaai Jesúsjá. Ja Jesús jei ichupe: Cuña carai, ¿mbaerejépa reyajeo reina? ¿Avápepa rejeca? Ja jae oimoâjápe Jaejá pe ybyratŷ ñangarecojá, jei Ichupe: Carai, nde renojê rire Ichupe, erente cheve mamópa remoî raé Ichupe ja Che arajane Ichupe. Upei catu Jesús jei ichupe: Maria! Ja jae oyere ja jei Ichupe hebreo ñeême Rabboni! (Che poromboejara, yaemo avañeême.) Ja Jesús jei ichupe: Ani repoco Chereje, neira gueteri ayupi pe Túva rendape. Terejónte pyae umi Che reyi cuerape, ja ere ichupecuera co jaéucáva: Che ayupi Che Rú rendape, upe pende Rú rendape voi, ja Che Tûpâ Ñandeyára rendape, upe pene Tûpa Ñandeyára rendape voí. Upeicha ojo Maria Magdalena omomaranduvo umi jemimboe cuerape: Che ajecha Ñandeyárape! ja omombeu ichupecuera pe Jae jei vaecue ichupe. Ja caaruma upe jaárape pe iñypyrújá árape oime umi jemimboe cuera okê ñembotŷ pe cotŷ oi jaguepe okyjŷye gui umi Judio cuera gui, ja sapyaite ou Jesús ja oñemoî oñemboŷ iyapytepe cuera ja jei ichupecuera: Ta pende pyaguapy! Ja jeima ramo upea ojechauca ichupecuera ipo ja iyŷké. Upei catu obya umi jemimboe cuera ojechapype Ñandeyárape. Upei catu Jae jei yeby ichupecuera: Ta pende pyaguapy! Che mbou jagueicha Cheve pe Túva, upeicha avei Che pomondo peême. Ja jeipávo upea jae oipeyu jesecuera, ja jei: Peipyjy Espiritu Santope. Oime ramo peipea jague iñangaipa oyepeapá vaerâ ichugui cuera, ja oime ramo pemombytá jague iñangaipa opyta vaerâ jesecuera. Ja sapya pe Tomas, peteî umi doceva, jérava avei Didimo, noiri jendive cuera Jesús ôguajê yave. Upeicharamo, umi jemimboe cuera ambuecue jei ichupe: Ore rojecha curi Ñandeyárape. Ja jae jei ichupecuera: Che ajecha ŷ ramo pe ipo oñembocuá jague ja amoingue ŷ ramo Che cuâ umi clavo cuarépe ja amoingue ŷ ramo Che po pe iyŷke oyecutu jaguepe mo ndaroviai. Ja upe jague ocho arajápe oi yeby umi jemimboe cuera cotype ja pe Tomas jendive cuera, ja oñemboty ramo yepe okê, sapyaite ou Jesús ja oñemboŷjápe iyapytepe cuera jei: Ta pende pyaguapy. Upei catu jei Tomaspe: Embou ape ne cuâ, ja emaê Che po reje, embou ape nde po ja emoingue Che yké ayecutu jaguepe, ja ani nde umi oguerovia ŷ varejegua, erovia catúnte. Upei catu Tomas jei: Nde, che Yára ja che Tûpâ! Ja Jesús jei ichupe: ¿Che rechámajá rejépa nde rerovia? Imarangatu vaerâ umi ojecha ŷ vaecue ja upeicharamo yepe, oguerovia vaecue yepe. Ja oime vaecue jeta mbae jechapyrâ avei ambue Jesús oyapo vaecue jemimboe cuera resápe, oñemoî ŷ vaecue co cuatiápe, âmbae catu oñemoî vaecue peê perovia jaguâ Jesús pe Cristójá, ja Tûpâ Ñandeyára Raŷjá, ja icatu jaguâ perovia jague reje pejupity jaguâ pe tecove jaetéva Jéra rupi. Uperire Jesús oyejechauca yeby jemimboe cuerape pe ŷ Tiberias ypype. Ja coicha voí oyejechauca. Sapya oi oñondive Simon Pedro ja Tomas, jérava avei Didimos, ja Natanael pe Canaŷgua Galilea pegua, ja Zebedeo raŷ cuera, ja mocoî jemimboe cuera ambue avei. Ja Simon jei ichupecuera: Che ajata aicutu pirá. Ja jaecuera jei: Torojo ore avei nendive. Upeicha oyeoi ja oyupi imbayrupe. Ja sapya upe pyjarepe nôguenojêi mbaeve pirá. Ja pe pyjaréveté sapya oime oñemboŷ Jesús pe ybype pe ŷ rembeŷpe. Ja ndo jechacuaai umi jemimboe cuera Jesúsjá. Upei catu Jesús jei ichupecuera: ¿Peê cariaŷ cuera, perecópa mbae yau vaerâ? Ja jei Ichupe: Ndipori. Ja Jae jei ichupecuera: Pemuasâi pende pyjá pene mbayru acatua coty, ja peyujúne mbae. Upei catu omuasâi ipyjá, ja upegui ndicatuvei ojupi yeby ipyjá jeta eterei gui pirá. Upei catu pe jemimboe Jesús ojaŷjúvéva jei Pedrope: Upea Ñandeyára! Upei catu Simon Pedro ojenduma ramo Ñandeyárajá oyecúacuá iyaope, (opívo oi oicovo), ja oyeity pe ŷpe. Ja umi jemimboe cuera ambuecue ou imbayru rejeve, na imombyryi gui pe ŷ rembeŷ gui icatu cien metroichante, oguerúvo ipyjá umi pirá rejeve. Ja ogueyŷma ramo ybype ojecha tatapŷi jendŷva, ja oime pirá jiari ja oime avei mbuyapé. Ja Jesús jei ichupecuera: Erúnte umi pirá penôjê ramô vaecue gui. Upei catu Simon Pedro oyupi yeby pe mbayrupe ja ogueru pe pyjá ybype jenyjê pira tuvicháva gui ciento cincuenta tres pirá, ja jeta eterei ramo yepe ndosoroi pe pyjá. Ja Jesús jei ichupecuera: Peyú ape peu. Ja uperamo voí ndipori peteî jemimboe cuérava oporanduséva Ichupe avápa Nde? Oicuaa voí Ñandeyárajá. Upei catu Jesús ou ja oipyjy pe mbuyape ja omeê ichupecuera ja upeicha avei pe pirá gui. Upea pe mbojapŷjá yebyma Jesús oyejechauca jague jemimboe cuerape oicove rire umi omano vaecue paûgui. Ja ocarúpá rire Jesús jei Simon Pedrope: Nde, Simon, Jonas ray, ¿nde aévépa Che reje coâva ambuegui? Ja jae jei: Jeê, che Yára, Nde reicuaa voí che rojayjújá Ndeve. Ja Jae jei ichupe: Eñangarecónte, upeicharamo, Che ovecha raŷ cuera reje. Ja jei yeby ichupe: Nde, Simon, Jonas ray, ¿nde aépa Che reje? Ja jae jei: Jeê, che Yára, Nde reicuaa voi che rojayújá Ndeve. Ja Jae jei ichupe: Eicónte, upeicharamo, Che ovecha rerecuá ramo. Upei catu Jae jei ichupe mbojapy yebŷjápe: Nde, Simon, Jonas ray, ¿Che rayjúpa Cheve? Upei catu Pedro ombuasy eterei Jae jei jague reje mbojapy yeby jápe: ¿Che rayjúpá Cheve? Upeareje jei Ichupe: Che Yára, Nde nico reicuaa opambae. Nde reicuaa voí che rojayjújá Ndeve. Upei catu Jesús jei ichupe: Eñangarecónte upeicharamo, che ovecha cuera reje. Añete co che jaéva ndeve. Yma nde pyajúve yave pucu cue nde reyecúacuá vaecue ndeyejegui vointe, ja rejo mamo rejose jaguepe. Arévé nde tuyávévo nde reipysóne ndepo ja oimene ambuecue nde yocúacuá vaerâ, ja nde rerajá vaerâ mamo rejose ŷ jaguâme. Upeicha jei Jae oicuaáucá jaguâ mbaéichapa omano vaerâ ombotuvicha jaguâ jecope Tûpâ Ñandeyárape. Ja jeipávo upea ichupe, jei: Eyo Che rapycueri! Upei catu oyere Pedro ja ojecha pe Jesús remimboe pe Jae ojayjúvévape ou ramo japycueri: upeva catu upe oyecó vaecue ipytia reje pe ocaru jaguepe ja jei vaecue: Ore Yára ¿mávapa pe Nde yapyjŷucájarâ? Upeicharamo ojechama ramo ichupe, Pedro jei Jesúspe: Che Yára, ¿cóvapa mbaepa? Ja Jesús jei ichupe: Che aipota ramo jae opyta Che ayu yeby ramo guârâ ¿mbaeico nde? Nde catu eyo Che rapycueri. Upeguive oñemojerâcuâ umi jemimboecuera apytepe upe jemimboe nomano vaerâijá. Jesús voí ndeiri ichupe jae nomanoi jaguâ, jeinte: Che aipota ramo jae opyta Che ayu yeby ramo guârâ, ¿mbaeico nde? Upéva catu pe jemimboe oicuaáucáva jina âmbae gui ja omoî vaecue âmbae co cuatiápe ja yaicuaa añetéjá co oicuaauca vaecue. Oime voi jeta mbae ambue Jesús oyapo vaecue, ja oñemoîmbá ramo cuatiápe peteî teî umimbae, che aimoâ nda co ybyari yepei nda iyápái moâ jaguâ umi cuatia tecôtevê vaerâ moâ oyeyapo jaguâ. Oime voi pe cuatia ambue iyŷpy vaecuepe, che carai Teofilo, amôi jague aicuaaucávo opa umimbae Jesús oyapo ja omboe vaecue iñypyrumbŷ guive, upe jaára peve Jae omboe pajá jague jembiapoucapŷrâ reje Espiritu Santo rupi umi jemimboe cuerape, umi Jae oiporavó vaecue, ja uperire Jae oyejupi yvape. Upe ojasa asy jague guive voi oyejechaucama racae oicove jeta mbae guasu yayerovia vaerâ reje. Oyejechauca voí yepi ichupecuera cuarenta ára pucu cue yave ja oñemongueta jendive cuera Tûpâ Ñandeyára reco marangatu yvapegua gui. Ja sapya oimba pype oñondive cuera Jae jei ichupecuera anichene jaguâ oyei Jerusalem gui. Tojaârônte pe Túva remicuameêngue, upe pejendu voí jague Chejegui, jei. Pe Juan añetejápe omongaraí ŷpe ja nda jiareichene peê peñemongaraí jaguâ Espiritu Santo rupi, mboby ára mínte. Upeicharamo oñembyaty ramo Jendive, oporandu Ichupe ja jei: ¿Ore Yára coángapa pe remopuâ yeby jaguâ ára mburuvicha guasu pyajú co Israel retâme? Ja Jae jei ichupecuera: Nda iyái peême peicuaá jaguâ aracaepa terâ mbaeicharupípa iya vaerâ umi mbae, umi Che Ru omoî vaecue oyejegui año voínte. Peême catu oñemeêne pende puacá jaguâ ogueyŷ pype pendereje Espiritu Santo, ja peê peicuaáucáne Chejegui Jerusalempe ja Judeape oparupi, ja Samariape ja opa co yby yerereje ipajaitépevé. Upei catu jeipávo âmbae, omaê yave voi jaecuera, Jae oyejupi ja peteî araí oyapyjy Ichupe ja omboí jeságui cuera. Ja omaê pype jicuai yvaga reje Jae ojo oyupi aya, sapyaite oime oñemoî jendive cuera mocoî cuimbae ao morotîmbáva. Ja umiva jei ichupecuera: Peê cuimbae Galileaŷgua, ¿Maerâpa peime ape peñemboŷjápe pemaêvo yvaga reje? Upe Jesús voi oyereraja vaecue yvagape pene paûgui voi, upeicha avei ou yebyne co pejecha jagueicha ojo ramo yvagape. Upemaramo oyeby jaecuera Jerusalempe, pe itáatŷra jérava Olivagui, upéva jiâgui Jerusalemgui mombyrycue yaguata jaichagua peteî sabado árape. Ja oike ogape ja oyupi pe coty yvatépeguape pe oico jápe Pedro ja Jacobo ja Juan ja Andres ja Felipe ja Tomas ja Bartolome ja Mateo ja Jacobo, Alfeo raŷ, ja Simon Zelotes, ja Judas, pe Jacobo ryby. Opavave umiva oñemboe tapiáva oñondivepá umi cuña ndive ja Maria, Jesús sŷ ndive ja itybyra cuera ndive. Uperamo umi jaárape opuâ oñemboŷ Pedro umi jeŷicuera paûme ja jei ichupecuera (iyatyra retacue ciento y viente rupi): Peêcuera, carai cuera, che reŷicuera, jei, tecôtevê raé oyeyapo jecópe pe Santa Escriturape oiva jei jagueicha Espiritu Santo pe David yuru rupi pe Judás gui pe tapecuaájá omojenonde vaecue umi Jesús yapyjŷjarépe. Upéva voi peteî vaecue ñanderejeguáva voí ja ñande rembiapocuépe ñane irûngue. (Upeva voí oyogua peteî ñû pe iñangaipa repŷcué reje, ja oyeyuby ja ocapú mbytepe ja jyecue oyejecuavopá. Âmbae voí oyecuaapá umi Jerusalem rupi oico vaecuepe, upeváreje upe ñû oñembojéra iñeêtevépe Aceldama (Ñu Tuguy yaemo ñande). Oyeé voí pe Psalmos cuatiápe: Topyta nandi tapereicha pe jeco jague ja ani oime oico vaerâ pype. Toiké ambue jecoviárâ pe jembiapó ranguépe). Upévareje icatu voi tecôtevê yaiporavó peteîme coa carai cuera oico vaecue ñanendive, oico yaveve Ñandeyára Jesús oiké ja osê ramo guare ñanepaûme, iñypyrumby guive pe Juan omongaraí jague guive Ichupe, upe jaára oyererojory jague peve ñande apytegui, tecôtevê, upeicharamo, oñemoîucá peteî ñanendive cuera omojerâcuâ vaerâ Jae oicove yeby jague catuetei. Upei catu omoñembóy mocoîme, José pe jérava Barsabas, jéra yoáva avei Justo, ja Matiaspe. Ja oñemboejápe jicuai jei: Nde Ñandeyára, rejechacuaava opavave pyapy, ejechauca mávapepa reiporavóse umi mocoîgui, oiké jaguâ co tembiapo pype Ne rembiyocuai ramo Apostolrâ pe Judas recoviárâ pe ocúi vaecue ojo jaguâ jendâguâme. Upemaramo oity ichupecuera poá, ja joa poá Matias reje, ja jae oñemboyuapŷ umi once Apostol retacue reje. Ja uperire oico yave pe arete guasu Pentecostes oime oñembyaty jicuai oñondive peteî mbaerânte. Ja sapyaite oico peteî osunúva yvagagui peteî ybytu jâtâ oipeyu vaicha ja jyapúpá pe oga ryguepŷ oguapy jaguepe jicuai. Ja oyejechauca ichupecuera icûngue vaicha iyapyra mocoîva tatá rendŷicha, ja ogueyŷ opyta peteî teî iñâcâ ári cuera. Ja opavavé jaecuera jenŷjêmba Espiritu Santo gui ja oñypyrú oñeê pytagua ñeême oñatôi jaicha ichupecuera Espiritu Santo oñeê jaguâ. Sapya uperamo voi oico Jerusalempe jeta Judio carai iñemboécatúva ou vaecue opa tetâ ára guype oiva gui. Ja oñejendu ramo pe osunújá oñembyatŷpa umiva jetave cue rejeve ja oico peteî apayuáî ojendújá gui jina jaecuera peteî teîva oñeñeê ramo iñeêtevépe. Ja oñemondyi jicuai ja ojecharâmô ja jei: ¿Mbaeté pico? ¿Ndajaeipa Galileaŷgua opa coâva oñeêva jina? ¿Mbaeichapa, upeicharamo, ñajendu oñeê ramo ñane ñeêteé ñane retâmeguape ñañemoña jague rejeguape? Oime ñandéva Partiaŷgua, ja ñandéva Mediaŷgua, ja ñandéva Elamŷgua, ja oime ñandéva Mesopotamiapegua, ja ñandéva Judeapegua, ja ñandéva Capadociapegua, ja ñandéva Pontopegua, ja ñandéva Asiapegua, oime ñandéva Phrygiapegua, ja ñandéva Pamphiliapegua, ja ñandéva Egyptopegua, ja oime ñandéva umi tenda oiva amongotŷóvé Cirenegui pe Africa retâmegua, ja oime ñandéva yayú vaecue sapyaminte Romagui, ja oime ñandéva Judiocuera, ja umi oñembo judio ramôva, ja oime ñandéva Cretaŷgua ja ñandéva Arabiaŷgua, ja upeicharamo yepe, coanga ñajendu ñaina oñeñeê ramo ñaneñeêteéme umi mbae guasu jechapyrâ Tûpâ Ñandeyára oyapo vaecue. Ja ojecharâmô jicuai iyapayuáî jicuai ja jei oyoupe: ¿Mbaépa jeise cova? Oime ambuecue oñembojorŷ vaecue jesecuera ja jei Ocaúpa jicuai. Upei catu Pedro opuâ oñemboŷ umi once ambue ndive ja oñeê osapucaijápe, ja jei: Peê carai Judiova, ja opa peê peimeva Jerusalempe, taicuaaucá pôrâ peême cova, ja pejendu pôrâkena che ñeê. Âva ndajaei ocaúva, peê peimoâ jaicha, pyjarevé asayemínte gueteri. Ndaupeichai. Cova nico pe oyeé jague cu Joel pe oñemoñeéjára ymaguare yuru rupi: Oicone umi ára pajávo, jei Tûpâ Ñandeyára, añojêne Che Espiritu gui opa umi ybypóra cuera rejegua reje ja pende raŷ ja pende rayŷ cuera oñemoñeêne ja pende cariaŷ cuera ojechane mbae jechapyrâ yvapegua, ja pende tuya ojechane ikepegua. Añetejápe Che rembiguai cuimbaéva ja cuñáva reje umi jaárape añojêne Che Espiritu gui ja oñemoñeêne, ja Che ajechaucáne mbae poromondŷi yvape ja mbae jechapyrâ ybyari, tuguŷ ja tatá ja tatatî: pe cuarajŷ iñypytûmbáne ja pe yasy oyejecha tuguŷcha ou mboyve cu Ñandeyára ára tuvicha ja pojyi jechacatupyrâ. Uperamo voí upeichavo opa umi ojenoi vaecue Ñandeyára rera oñembo jeco mârâ ŷ ne. Peê cuimbae, Israel rejegua, pejendúkena co che ñeê. Upe Jesús Nazareno, Carai Tûpa Ñandeyára ombou vaecue peême oyejechauca vaecue imbaeguasu rupi ja mbae oporomondŷiva rupi ja mbae jechapyrâ rupi umi Tûpâ Ñandeyára oyapo vaecue Jaerupi penepaûme, peê avei peicuaa pôrâ jaicha. Upéva catu oyeyapyjŷucá vaecue, Tûpâ Ñandeyára oipota voí jague reje oyeyapo ja oicuaa voí jaguereje upeichante oyeyapo vaerâ jague, ja peê peyucáucá Ichupe umi iñañáva po rupi curusu reje. Opaichavévonte Tûpâ Ñandeyára omopuâ yeby Ichupe ja omboí Ichupe pe ojasa asy ja omano jaguegui: ndaiyái voí Ichupe mbaevéicharamo oyeyoco umi omano vaecue paûme. Ja Upéva gui voí pe David jei vaecue: Ajecha tapia Ñandeyárape Che resápe voí. Oime voi Che acatua coty anichene jaguâ Che añemomyi. Upévareje Che pya rory ja obyaite Che cû ja Che roó yepe avei opytuúne ajaârôjápe. Nde voínte Nde rejeyaichene che anga umi omano vaecue oijápe, ja ne Che meêichene Cheve, Che Ne marangatúva, Che tuyú jaguâ. Reicuaaucá pôrâ raé Cheve pe tapé ojóva tecové jaetévarâme, Che mbobŷa tuvicháne ai pype Nde rovaké. Peê cuimbae cuera, che reŷi cuera, che ndakyjŷyei, iyajá reje voí cheve añeê pe David cú ñande ru ypycue gui omano ja oñeñotŷ jaguereje ja oimejá reje ñanepaûme coanga peve pe itacuá oñeñotŷ jague. Upéva catu oñemoñeê vaecue ojaûvôjára ramo, ja oicuaa voi vaecue Tûpâ Ñandeyára omeê jague iñeê ichupe oguéra teépe jetégui voí omopuâ jaguâ peteî jesecueraguáva oguapŷ vaerâ iguapŷ jaguépe mburuvicha guasu ramo, ja ojechacuaa jaguereje yma guive voí, oñeê Cristo oicové yeby vaerâ jaguâ gui, jei ramo guare ndo yejeyai jague umi omano vaecue oijápe ja jete nda ituyui jague. Co Jesús voí, Upéva catu pe Tûpâ Ñandeyára omoingove yeby vaecue ja opavavé ore roicuaáucá roina âmbae. Upeicharamo, Jae oñemopuâ rire Tûpa Ñandeyára acatuape, ja ojupityma ramo Túva gui pe Espiritu Santo, upe Jae oicuameê vaecue, anga oñojêma voi coa peê voi pejecha ja pejendu jaicha. Ndajaei upe David pe oyupi vaecue yvagape. Jae voínte jei vaecue: Jei vaecue Ñandeyára Che Yárape: Eguapy Che acatuape, amoîmbá meve umi iyaeŷva Ndereje Nde py renda ramo. Upevareje peicuaa pôrâ vaerâ añetejápe opavavé peê Israel cuérava Tûpâ Ñandeyára omoingôma jague Ñandeyara ramo ja Cristo ramo co Jesús voi peê peyucáucá vaecue curusú reje. Upei catu ojenduma ramo umimbae oyepyapy jicuai ja jei Pedrope ja umi Apostol cuera ambuepe: Peê caraicuera, ore reŷi cuera ¿mbaépa royapota? Ja jei ichupecuera Pedro: Peñembojeco pyaju mbyasŷjápe peñemongaraíucá jaguâ peteî teî peêcuérava Jesú Cristo rérape pene pôtí jaguâ pene angaipa gui ja oñemeê reí jaguâ peême pe Espiritu Santo. Peêmeguârâ voí pe jemicuameêngue ja pende raŷcuera peguârâ ja opa umi mombyry jicuáivapeguârâ avei, opa umi Tûpâ Ñandeyára ojenôi jaguâichagua oyejeguarâ. Upeicha ja jeta ñeê ambue rupi jae oicuaaucá jecópe ichupecuera omojângévo ichupecuera ja jeivo: Peñemboŷké cóvarejegua co iñâcâjâtâva reco vaígui. Upei catu opa umi ogueroviáva iñeê oñemongaraíucá ja oime oñemboyuapŷ jetacue reje upe jaárape mbojapy mil ybypóra rupi. Ja umiva oico tapiá umi Apostol cuera omboe jaguepe, ja oñomongueta jaguepe oñondive, ja oñepejaâ jaguepe mbuyape caraí ja oñemboe jaguepe. Ja oico kyjŷyé guasu ipyapecuera yoa, ja jeta mbae guasu ja jechapyrâ oyeyapo umi Apostol rupi. Ja opa umi oguerovia vaecue oi oñondive oñombaéva ramo. Ja oñemû joga cuera reje ja jymbá cuera reje ja omboyao jepycue opavavépe oicôtevê jaichaguánte. Ja oico tapia opa árape ipya pôrâ oñondive tûpâope ja oipejaâ jicuai mbuyapé caraí joga cuera rupi, ja ocaru oñondive torypápe ja ipya pôrâ oyoupecuera. Ja ombotuvicha Tûpâ Ñandeyárape ja oyererojory opa umi tapicha cuera gui. Ja Ñandeyára omboyuapy opa árape iyatŷrape umi jemimbo jeco marangatu pe. Ja peteî ára sapya ojo Pedro ja Juan tûpâope oñemboé jaguâ asaye caaru. Ja sapya oime upepe peteî cuimbae iyapá vaecue isy rygue guive voi: upéva oyererú ja oñemoî opa árape pe tûpâo rokême, upe jérava Okê Pôrâ, oyerure jaguâ tûpâmbae reje umi tûpâope oikévape jicuai. Ja ojecha ramo upéva Pedro ja Juanpe oiketa ramo tûpâope oyerure tûpâmbaereje. Upei catu Pedro ja Juan oyesareco jese ja jei: Emaênte ore reje! Ja jae ojenduma ramo ichupecuera omaê jesecuera ojaarô pype jaecuera omeê ichupe tûpâmbae. Upei catu jei Pedro: Plata ja oro ndarecoi mbaevete. Co che arecóva tameê ndeve. Jesu Cristo Nazareno rérape epuâ ja eguatá! Ja upevo oipyjy ipo iyacatuapegua gui ja omopuâ ichupe ja upevove oñemo mbaraete ipy ja jetyma yuayújá, ja opopó ja oñemboŷ ja oguata ja oiké jendivecuera tûpâope oguata ja opo oicovo ja ombotuvicha Ñandeyárape. Ja opa umi jicuaiva upepe ojecha ichupe oguata ramo jiconi ja ombotuvicha ramo Tûpâ Ñandeyárape, ja jaecuera oicuaa jaejá upe oguapy vaecue pe tûpâmbae rendape pe tûpâo rokê pôrâ rupi. Ja ojecharâmô yoa, ja oñemondyi pe oyeju vaecue reje ichupe. Ja oipyjy ramo Pedro ja Juanpe pe jetyma apá vaecue oñemo jesâi vaecue, opa umi ambuecue oñaní oñondive Jendápe cuera pe okê jérava Salomon rokê, oñemondyi yoa. Ja Pedro ojecha ramo upea jei umi iyatŷvape jicuai: Peê cuimbae Israel cuérava. ¿Mbaerejépa pejecharâmô âmbae, terâpa mbaereje peyesareco orereje ñaimoa icatu vaecue ore puacacué gui terâ ore marangatucue gui romboguata co cuimbaepe? Tûpâ Ñandeyára, pe Abraam ja Isaac ja Jacob Tûpâ Ñandeyára, ñande ru ypycue Ñandeyára, ombotuvicha raé Taŷra Jesúspe, Upe peê peyapyjŷucá vaecue, ja pemomârâ vaecue Pilato renondepe jiâma ramo yepe ichupe opoí jaguâ Ichugui rae. Peê catu pemomârâ upe Marangatúetéva ja Imbaépôrâitévape, ja peyerure opoí jaguâ reje peême peteî yucajaré gui. Ja peê peyuca pe Tecové Rapécuaájá jaetévape. Upévape Tûpâ Ñandeyára omoingove yeby umi omano vaecue apytegui, rojecha jagueicha ore ore resápe voi ja ore roicuaáucá jaicha añetejague. Ja Upe Jéra rupi oyerovia jague reje Jéra reje oñemo mbaraeté co cuimbae peê pejecha ja peicuaávape, ja pe oyeroviájague reje Jaérupi oñemeê ichupe jesâiite jaguâ opavave pende resápe. Coanga voi che reŷícuera, aicuaa pôrâ pejechacuaa ŷ jague guinte peê peyapo jague umimbae oyapo jagueicha pende ruvicha cuera avei. Upeicha voínte Ñandeyára oyapóucá jecópe pe yma omojerâcuâucá vaecue opa umi ñemoñeêjára yuru rupi ojasa asy vaerâ jague Cristo. Upévareje peñembo jecopyajú pyámbyasŷjápe ja peñemboyeré oñembogué jaguâ pene angaipa, ja upeicharamo, oune umi pene angapyjy jaguâ ára Ñandeyára renonde gui. Ja omboúne Jesúspe pe yma oñemoingo voi vaecue peême Cristorâ. Upéva añeté tecôtevê oñemojendá yvagape ôguajê meve umi opambae oñemyatyrômba jaguâ ára, oñeê jagueicha Tûpâ Ñandeyára opa umi oñemoñeêjara imarangatúva yuru rupi ymaite guive voí. Oimene ñemoñeêjára, upe Moises voínte jei vaecue, Tûpâ Ñandeyára omopuâ vaerâ peême umi pende reŷícuera apytegui cheichagua: upévape voí peê pejendune opambae oñeê vaerâ peême, ja oime ramo ojenduse ŷ vaerâ pe oñemoñeêjárape oñembyáipáne co tetâmegua paûgui. Upeicha avei opa umi ñemoñeêjára Samuel guive ja uperire opa umi ambuecue oñeê vaecue omojerâcuâ vaecue âva ára avei. Peê voi umi oñemoñeêjára rejeguava ja peê pe Tûpâ Ñandeyára ñande ru cuerape remicuameêmby yárarâ, jei ramo guare Abraampe: Umi nde rejegua cuera rupi oñemo mbaepôrâne opa ybypóra co ybyarigua guive. Peême raêve Tûpâ Ñandeyára omopuâ Taŷrape ja omboú Ichupe pene mombaepôrâ jaguâ pene mboŷkévo opavave peême pene rembiapo vaí gui. Ja oñeê aya jaecuera umi ambuecue cuerape sapya ou Jendápe cuera umi pai ja pe tûpâo ñangarecójá ja umi saduceo, ipochŷpa voí umiva omboejá reje jicuai umi tetaŷguape ja omojêrâcuâjá reje jicuai Jesúrupi yaicové yeby vaerâ jaguâ umi omano vaecue paûgui. Ja oipyjy ichupecuera ja omoingue ybyracua rogape pe ára ambuepeve, caaruetéma jina. Upeichavo jeta umi ojendu vaecue pe Ñeê oguerovia ja jetacue umi cuimbae cinco mil rupi. Ja oyejú pe ára ambuepe oñembyatŷ Jerusalempe juvicha cuera ja ituyáva ja iñaranduva, ja Annas pe pai guasu ja Caiafas ja Juan ja Alejandro ja opa pe pai guasu reŷícuérava. Ja omoñemboŷma ramo ichupe cuera mbytepe oporandu: ¿Mamoguipa pereco pendepope peyapo jaguâ âmbae terâpâ avá rérape peyapo raé? Upei catu Pedro jenyjê Espiritu Santo gui jei ichupecuera: Peê co ñane retâ ruvicha cuera ja peê carai ituyáva Israel cuérava, oñeporandu ramo oreve coanga pe mbae ipôrâva oyeyapo vaecue peteî jasyva reje mbaéichapa oñemo jesâi raé, taicuaaucá pôrâke opava peême ja opavavé co Israel retâmeguape, Jesú Cristo Nazareno rérape Upe peê peyucá vaecue curusu reje ja Tûpâ Ñandeyára omoingove yeby vaecue umi omano vaecue paûgui, Jaerupi catu co cuimbae jesâi yebymajá pene renondepe. Cova nico pe itá oñemombo vaecue peê peyogapo vaecue rupi, upéva catu oñemoîma pe oga ratî reje. Ja ndipori avave ambue ñanemo jesâijarâ. Ndipori voi jéra ambue ára guype oñemeê vaecue umi ybypóra cuera apytepe tecôtevêjá ñañe mojesâimba. Upei catu ojecha ramo ipyaguasujá Pedro ja Juan ja oicuaa pype jaecuera cuimbae iñarandú-ŷ-vajá ja itaby nungájá, ojecharâmô ja ojechacuaa oico jague Jesús ndive. Ja ojecha pype pe cuimbae oñemo jesâi vaecuepe oicóva jendive cuera jiconi ndo guerecoi mbaeve jei vaerâ jesecuera, omosêucá mante ichupecuera upe oñomonguetá jaguegui jicuai. Ja upevove jaecuera oñomongueta oñondive jeivo: ¿Mbaépa yayapone co cuimbae cuera reje? Añetejápe oyeyapo rae mbae jechapyrâ jaecuera rupi oyecuaáva voí opa umi Jerusalempe oicova gui ja ndicatui ñamomârâ. Opaichavévo anichene jaguâ oñemojêrâcuâvé co tetâ rupi ñamonguyjŷyé ichupecuera anichene jaguâ aguirire oñeêve avavépe Upéva rérape. Upei catu ojenoîucá ichupecuera ja jei ichupecuera anichene jaguâ mbaeveicharamo oñeêve terâ omboévé Jesús rérape. Upemaramo Pedro ja Juan oñeê ja jei: Yajecha ¿mbaépa peimoâ peê? ¿Royapopa jecópe Tûpâ Ñandeyára ypype ore ñeêrendú ramo peême ja na Tûpâ Ñandeyárapéi. Ore voi ndicatuiete roñomî co roe vaerâ pe rojecha ja rojendu vaecue gui. Upemaramo omonguyjŷyé yeby rire opoí ichuguicuera ndoyujui pype oinûpâ jaguâicha yepe ichupecuera, oijaguereje umi oñembyatŷva opava umiva vointe ombotuvicha Tûpâ Ñandeyárape pe oyeju vaecue reje. Pe cuimbae voi oñemo jesâi vaecue co mbaeguasu rupi oguereco jetavéma rae cuarenta añosgui. Upei catu oyepoí rire ichuguicuera ou jaecuera jesecuéragua rendape ja omombeupá pe oyee vaecue ichupecuera umi pai ruvicha ja umi ituyáva gui. Ja umiva ojenduma ramo umimbae oñemboe oñondive oyerurévo Tûpâ Ñandeyárape ja jeivo: Ore Ruvicha Guasu, Nde catu reyapo vaecue yvaga ja yby ja ŷguasu ja opambae oiva ipypecuera, ja reñeê vaecue Espiritu Santo rupi pe ñande ru ypycue Ne rembiguai David yurú rupi eréucávo: ¿Mbaerejépa ocorôrô ipochy umi pytagua itabŷva, ja umi ybypóra oimoâ mbae rei meme? Opuâ umi mburuvicha guasu ybyarigua ja umi mburuvicha oñembyaty peteîcha oñemoívo Ñandáeyra reje, ja Cristo reje. Añetejápe voí oñembyaty co tetâme voi oñemoívo co Nde Ray marangatu Jesú reje, upe rembuetéucá vaecue Cristorâ, ja nda pe Herodes ja Poncio Pilato añoi, umi pytagua avei ja umi Israelcuérava, oyapopa jaguâ opambae Nde puacácué ja Ne arandúcué rejeve Nde rembosacoí vaecue ymaguive voi oyeyapoucá jaguâ. Ja coanga, Ñandeyára, emaêmi jaecuera ore momboi jicuai, ja emeê oreve Ne rembiguai cuerape rokyjŷyé ŷ reje romojerâcuâ jaguâ Ne ñeê. Eipysó Nde po remojesâiucávo ja reyapoucávo mbaeguasu ja mbae jechapyrâ Jesús Nde Ray Marangatu réra rupi. Ja upeicha oñemboépáma ramo pe oga jaecuera oi jaguepe oryryipá ja jenyjêmba yoa jicuai Espiritu Santo gui, ja oñemoñeê Tûpâ Ñandeyára Ñeê gui okyjŷyé ŷ reje. Ja opa umi oguerovia vaecue oño pyápôrânte ja jianga peteîchante ja avavé ndeiri imbaéteéjá pe oguerecova. Opambae oñombaénte. Ja umi jemimboe cuera ipuacaite oicuaáucávo oicove yeby jague Ñandeyára Jesús ja opavave jaecuérava oñepytyvô Ñandeyára gui. Ja upeicha rupi ndipori oicôtevêva iyapytepe cuera. Ja opa umi oguerecova ñû ja oga oñemûmba jesecuera ja oguerú jepycue, ja omoî umi Apostol pŷ renondepe ja oñomboyaó oñopaûme oicôtevê jaichante. Uperamo oime José, pe oñembo jéra vaecue Bernabe umi Apostol paûme (jéra jeiséva Ipyaguapyva rejeguava, upéva Levita Ciproygua). Upéva oguereco peteî ñû ja oñemû jesé ja ogueru jepycue ja omoî umi Apostol py renondepe. Uperamo oime peteî carai jérava Ananias jembireco Safira ndive oñemû vaecue peteî iyŷby reje, ja oñomî pe jepycue gui oicuaapype jembireco avei. Ja ogueru pe imboyaopyrémi ja omoî umi Apostol py renondepe. Upei catu jei Pedro: Nde Ananias, ¿mbaerejépa omuenyjê Satanas nde pya nde yapu jaguâ pe Espiritu Santope? ja reñomî jaguâ upe nde yby repycue gui? Nde rereco aya ichupe ¿ndo pytaipa rae ndeve; ja reñemû rire jese ¿noiri pa raé nde pope gueteri? ¿Mbaéichapa oñemoî raé âmbae nde pyape? Na nde yapu cuimbaepei, Tûpâ Ñandeyárapente. Ja upevove Ananias ojenduma ramo umi ñeê joa ja oyejekyi. Ja upeicha oico peteî kyjŷyé tuvicha opa umi ojendu vaecuepe. Ja opuâ umi cariay ja ojupi pe jetecue ja oguenojê oñoty jaguâ. Ja ojasama ramo mbojapy horaicha sapya oike jembireco ndoicuaai pype pe oyeju vaecue ichupe. Upei catu Pedro jei ichupe: Ereminte cheve ¿reñemûpa raé pende yby coichagua repycue reje? Ja jei jae: Jeê, upeichagua repycue reje. Upemaramo jei ichupe Pedro: ¿Maerápa peê peñomongueta oñondive pembopochy jaguâ Ñandeyára Espiritupe. Pejendúke, ou yebyma jina umi oñotŷjaré neménape, ja ndeve avei nerenojêne. Ja upevove jae joa ipy renondepe, ja oyejekyi ja oiké umi cariay ja oyuju jeongue, ja oguenojê ja oñoty iména ypype. Ja oico kyjŷyé tuvicha eterei umi tûpâope oivape ja opa umi ojendu vaecue umimbae pe. Ja umi Apostol pó rupi oyeyapo jeta mbaeguasu ja jechapyrâ upe tetâme. Ja oñemonoô jicuai yepi opavave oñondive pe Salomon rokême. Umi ambuecue cuérava gui voí ndipori mavave ndoyejeasei vaecue jesecuera, umi mboriaju mante oiporanguereco eterei ichupecuera. Ja umi ogueroviava Ñandeyarape oñembo jetave jetaite cuimbaéva ja upeicha avei cuñáva. Upévareje oguenojê umi jasŷvape cuera umi tapé rupi ja omoî jupape ja inimbepe icatu jaguâicha, ou ramo guârâ Pedro, jiâgue yepe oyupity peteîva ichupecuérava. Ja umi tetâ iyŷpyrupiguagui yepe iyatŷ jeta ybypóra Jerusalempe oguerúvo jasŷvape cuera ja umi mbaepochy rembitarovápe. Ja opavave jaecuérava jesâimba. Upemaramo opuâ pe paiguasu ja umi oiva jendive umi saduceo rejegua ja ipochŷ eterei jicuai, ja oipyjŷucá umi Apostol cuerape ja omoinguéucá ybyracua rogape. Upei catu ou pe Ñandeyára remimbou pyjaré ja oipea pe ybyracua roga rokê ja oguenojê ichupecuera ocápe ja jei: Tapejónte ja peiméma ramo tûpâope peñemoñeê umi tetaŷguape opa co Ñeê Tecové Marangatu gua gui. Ja ojenduma ramo umimbae pyjareve yepe oiké jaecuera tûpâope ja oporomboe. Ja upe aya ou pe paiguasu ja umi jicuai vaecue jendive ja ojenoî umi ambuecuepe oñomongueta jaguâme, ja umi ituyáva Israel cuéravape, ja omondo ybyracua rógape oguerúrucávo ichupecuera. Ja oguajêma ramo umi tembiyocuai ndoyujui ichupecuera ybyracuá rogape, upévareje oyeby ja omombeu jeivo: Añetejápe royuju pe ybyracuá roga oñemboty jâtâ pôrâ ja umi okê ñangarecójá oi umi okê renondepe, upegui roipea ramo ndo royujui avavepe jyguepŷpe. Upei catu ojenduma ramo umi ñeê pe paiguasu ja pe tûpâo ñangarecojá ja umi pai ruvicha ipya tarová mamópevépa oyupity âmbae. Uperamo voí ou peteî omombeúva ichupecuera jeivo: Peina jina umi cuimbae remoinguéucá vaecue ybyracuá rogape oi tûpâope jicuai ja oporomboe jina umi ambuecue cuerape. Upemaramo ojo pe tûpâo ñangarecójá umi tembiyocuai rejeve ja ogueru ichupecuera oinûpâ ŷ reje: jaecuera voi okyjŷye umi japicha cuera oyapi jaguâ itápe ichupecuera. Upegui oguerúma ramo ichupecuera omoingué ichupecuera pe coty oñomongueta jaguâme. Ja pe paiguasu oporandu ichupecuera, jeivo: ¿Ndo roeipa rae peême ndo roipotaijá peê peporomboe Upéva rérape? ja peina jina oime pemuenyjê nerae co Jerusalem pene poromboegui, ja pemboyásé rei yeco co Cuimbae ruguycue orereje. Upei catu Pedro ja umi Apostol cuera oñeê ja jei: Tecôtevê ore ñeêrendú Tûpâ Ñandeyárape ja na umi carai cuerapei. Upe ñanderu ypycue Tûpâ Ñandeyára omopuâ Jesúspe pe peyuca vaecue peê pemosaingo pype ybyra yoasá reje. Covape Tûpâ Ñandeyára omboyupi rae iyacatuape Ñande Rapecuaajarâ ja Ñane mopôtíjarâ ramo omeê jagua Israel cuéravape oñembo jecopyaju jaguâ ja oyepea jaguâ iñangaipa gui. Ore voi jechajaré ramo roicuaauca añetéjá co roéva ja upeicha avei omoañeté pe Espiritu Santo upe omeêva Tûpâ Ñandeyára umi iñeêrendúvape Ichupe. Upei catu ojendu pype umi mbae ipochy eterei ja oñomongueta oñondive oyucaucá jaguâ ichupecuera. Uperamo oñemboŷ pe cotype peteî fariseo, jérava Gamaliel, carai iñaranduva ja icaavóva opa pe tetâmegua ndive, ja jae ôguenojêuca ocape sapyami umi cuimbaepe. Upei catu jei ichupecuera: Peê carai Israel cuérava, Chaké! peñeñangarecóke co peyapótava co cuimbae cuera reje. Na ymámai voí opuâ jague Teudas oñemo mbaeguasúsévo ja oime oñembyatŷ vaecue ichupe irundy cien cuimbae. Upéva oyeyuca, ja opa umi oyerovia vaecue jese oñemuasâimba ja ndojupityi mbaevetérâme. Uperire opuâ pe Judas pe Galileaŷgua umi ára mburuvicha oipapáucá jague ñande retácué, ja upéva ogueraja jeta cuimbae japycueri. Upéva avei omano, ja opa umi oico vaecue jendive oñemuasâimba. Ja coanga catu che jae peême pepoínte umi carai gui ja pejeya rei ichupecuera. Sapya co iñaranducue ja co jembiapocue ybypóraguiguante ramo, opytá reíne, ja sapya Tûpâ Ñandeyáraguigua ramo, peê ndicatuichene pemombá. Chake! anichene tamo peyeyujú peñorayrô Tûpâ Ñandeyára coty coty. Ja upeicha jaecuera omboayé ichupe. Ja upei catu ojenoî umi Apostol cuerape ja oinûpâucá ichupecuera ja uperire jei ichupecuera anive jaguâ mbaeveicharamo oñemoñeê pe Jesús rérape ja uperire opoí ichuguicuera. Ja jaecuera oyeói pe mburuvicha cuera renonde gui oyoguerojory oyeóivo iya jague reje ichupecuera oyeyaó jaguâ Upéva Réra reje jápe. Ja opa árape pe tûpâope ja umi oga cuera rupi oico, ja oporomboe ja omojerâcuâ Evangelio Jesu Cristo guiguare opytuú ŷ reje. Uperamo umi jaárape oñembo jetájetavé ojovo umi jemimboecuera ja sapya uperamo umi griego oñypyrú oñemombeu umi Judio reje jesarai jague reje umi cuña imena omanovaecue gui umi iyapytepe cueraguava oñemboyaoucá jápe pe tûpâmbae gui. Upévareje umi doce Apostol ojenoîmba opáva umi jemimboecuerape jetacue rejeve, ja jei ichupecuera: Nda jecopei ore rojeya Tûpâ Ñandeyára Ñeê royeyocuáiucá jaguâ tembiguaicha carujápe. Upeicharamo, ore reŷícuera, pejeca pene paûgui siete carai jêrâcuâ pôrâva Espiritu Santo rejeguáitéva ja iñarandú pôrâva romoingo vaerâ co tembiaporâme. Ore cuera voi royeyocuáiucá vaerâ meme reñemboejápe ja roñemoñeêjápe Ñandeyára Ñeê. Ja opavave oguerojory pe jeiva ja oiporavó Estebanpe peteî carai oyeroviaiteva Ñandeyára reje, ja Espiritu Santo rejeguaiteva, ja Felipepe ja Procorope ja Nicanorpe ja Timonpe ja Parmenaspe, ja Nicolaspe, Antiokiaŷgua oñembo judio vaecue, umivape omoñemboŷ umi Apostol renondepe ja jaecuera oñemboejápe omoî ipo jesecuera. Ja upeicha oñemo jêrâcuâ jetavé Ñandeyára Ñeê ja oñembo jetájetavé ojovo umi jemimboecuera Jerusalempe. Ja jetaite avei umi pai oguerojorŷ pe yarovia. Upeyave Esteban oñepytyvô ja oñembo puacá pype oyapo mbae jechapyrâ ja mbae guasu pe tetâme. Uperamo opuâ peteîva umi tûpâopegua cuérava jérava Libertino ja Cireneo ja Alejandrino cuera ja umi Ciliciaŷgua ja Asiaŷgua oyuaby jicuai Esteban gui. Upegui nda ipuacái jaecuera iñarandúcué reje ja ipyaguasu reje jae oñeê jague. Upemaramo oyocuai ñemi tecove cuerape omombeu vaerâ ojendu jague oñeêvaí ramo Moises reje ja Tûpâ Ñandeyára reje. Ja omomŷi umi japicha cuerape ja umi ituyávape ja umi iñarandúvape, ja jaecuera oyeity jese ja oyapyjy ichupe ja ogueraja ichupe pe mburuvicha rogape, ja omoingue tecove cuera omombeú vaerâ iyapújápe jeivo: Co carai oñeê vaí oicovo opytuu ŷ reje co Tenda Marangatu reje ja Moises ñeêngue reje. Ore vointe rojendu jei ramo upe Jesus Nazareno ombuai moa jaguâ co Tenda ja ombojecoviá co ñande reco ñane mboe jague ñandeve Moises. Upeyave opa umi oguapy vaecue jicuai pe mburuvicha rogape oyesareco jese ja ojecha jová peteî yvapegua rovaicha ramo. Upemaramo oporandu pe pai guasu upéichapa rae? Ja jae jei: Peê carai cuera, che reŷícuera ja ore ru cuera, pe cherendúmi cheve. Tûpa Ñandeyára yvaga Ruvicha Guasu oyejechauca vaecue ñande ru ypycue Abraampe pe oijape jae Mesopotamiape oico mboyve voi jae pe Charanpe. Ja jei ichupe: Esênte eyeí co neretâgui ja co nde reŷí cuera apytegui ja eyo evá pe yby Che ajechauca jaguâme ndeve. Upemaramo jae osê umi Caldeo retâgui ja oico Charanpe ja upegui ituva omano rire jae oguerová co tetâme peicojápe peêcuera coanga voí. Ja nomeê raei ramo yepe ichupe mbaevete upepegua imbaéteérâ nda ipy rendâgua tuvichacue yepei, oicuameê yepe ichupe omeê jaguâ pe tetâ voi imbaéteérâ ichupe ja itayracuera jaerire guarépe, nda itayrai yepe gueteri rae. Ja coicha oñeê ichupe Tûpâ Ñandeyára jeivo: Umi jesegua cuera oicone pytaguaicha peteî tetâ ambuépe ja upe tetâmegua oyocuaine ichupecuera jembiguai ramo ja oguereco asŷne ichupecuera irundy cien años peve. Ja pe tetâmegua oyocuai vaecue ichupecuera jembiguai ramo, Che ayepŷne jesecuera, jei Tûpâ Ñandeyára, ja uperire osêne pe tetâgui ja Che mbueténe oicovo cova co tendape voí. Uperire omboe ichupe pe omongarai jaguâ oñocuameêpype oñopaûme. Ja upeicha Abraam omoñemoña ramo Isaácpe, pe ocho arajápe omongarai ichupe oipireo pype itui apyra. Ja upeicha aveí Isaac oyapo Jacobpe ja Jacob oyapo umi doce ñande ru ypycuepe. Ja umi ñande ru cuera ymaguare jacateŷ gui José reje oñemû jese ja oguerajáucá ichupe Egiptope. Opaichavo oico Tûpâ Ñandeyára jendive ja omboi ichupe opa ojasa asy jague gui mârâ ŷ reje, ja omeê ichupe ipyapôrâ ja iñarandú pôrâ jaguâ pe Faraon Egipto mburuvicha guasu renondepe. Ja upéva omoî ichupe pe Egipto retâ ruvicha ramo ja opa jogapeguape omoî ipo guype. Uperamo oico ñembyajyi tuvicha oparupi pe Egipto retâme ja pe Canaan retâme ja jeta ojasa asy, ja upeicha avei ñande ru cuera ymaguare ndoyujui jou vaerâ. Upei catu Jacob ojenduma ramo oimeja avati Egiptope omondo ñande ru cuerape iñypyrúrâ. Ja pe mocoî yebŷjápe ojo ramo, José oyejechacuaáucá oyupe tykeyra cuerape ja oicuaáucá pe Faraonpe avei umiva José reŷícuerajá. Upei catu José omondo ja ojenoîucá tuva Jacobpe ja opa jesecueraguape: jetacue voí setenta cinco jaecuera. Upeicha ová Jacob Egipto retâme ja upepe omano, ja omano avei ñande ru cuera ypycue, ja oyererajá jetecué cuera pe tenda Sichemme ja oñeñotŷ pe itacuápe pe oyogua vaecue Abraam mbaerepy reje pe Hamor pe Sichemŷgua raŷcueragui. Ja jiâguíma ramo pe jiára oicopá jaguâ pe Tûpâ Ñandeyára oicuameê vaecue Abraampe, oime oñembo tuvicha ja oñembo jetá jetáve umi jesecueragua pe Egipto retâme, ja uperamo opuâ mburuvicha guasu ambue Egiptope oicuaa ŷ vaecue Josépe. Upeva ipichyguy ja iñarandú cue reje ombotabŷ umi ñande reŷícuera ja oguereco vaí umi ñande ru cuerape ojo jaguâicha jaecuera omombo rei imitâ cuerape omano jaguâme ipocâ jaguâ upeicha jesecueragua. Ja umi jaárape voi oñemoña pe Moises ja jae ipôrâite eterei ja oguerojory Ñandeyárape ja oime mbojapy yasy peve ocacuaa ituva rogape. Ja uperire omombo rei ichupe omano jaguâicha, ja sapya uperamo pe Faraon rayŷ oyuju ichupe ja ogueraja ichupe omongacuaa jaguâ imembŷteéicha. Ja upeicha pe Moises oñemboe opa umi Egipcio aranducue reje ja icatupyrŷ iñeême ja jembiapópe. Uperire ombotŷ rire cuarenta años sapya jiâ ichupe oñandu jaguâ jeŷícuerape umi Israel cuérava voí. Ja sapya ojecha peteî jaecueravape ojasa asy ramo, ja ojo oipytyvôvo ichupe ja oicutu pe Egipciope oyepŷvo pe ojasa asy vaecue reje jápe. Jae oimoâ voi jeŷícuera ojechacuaa vaerâ moâjá Tûpâ Nandeyára opoíucá jague ichuguicuera iporupi. Jaecuera voí ndojechacuaainte. Ja upe ára ambuepe oime jaecuerava oñorayrôva oñondive jicuai ja jae oyejechauca ichupecuera ja omoñyrôse oñondivecuera, ja jei: Peê cuimbae cuera oyuejegua voí peê. ¿Maerâpa peyoguereco vaí pendeyoupe? Ja upe oguereco asy vaecue jina upe japichápe omuaña ichupe ja jei: ¿Avápa nemoî ndeve mburuvicha guasu ramo ja mburuvicha ramo ore rejeve? ¿Che yucásépa cheve avei cueje reyuca jagueicha pe Egipciope? Ja ojendu vove coa ñeê Moises oñeguajê ja oico pytagua ramo pe Madian retâme ja upepe omoñemoña tayra mocoîme. Ja oñembotŷma ramo cuarenta años oime peteî yvapegua oyejechauca ichupe pe ñûme pe itáatŷra guasu Sinai guŷ reje peteî tata rendy yuapeca apytepe. Ja Moises omaê ja ojecharâmô pe ojecha vaecue, ja ôguajê iyŷpype ojecha pôrâve jaguâ, ja upepe oico ichupe pe Tûpâ Ñandeyára ñeê, jeiva: Che nde ru cuera Tûpâ Ñandeyára, Abraam Tûpâ Ñandeyára, ja Isaac Tûpâ Ñandeyára, ja Jacob Tûpâ Ñandeyára. Ja Moises okyjŷye oryryipá ja oyepoŷjú omaêve jaguâ. Upei catu Ñandeyára jei ichupe: Pemboínte nde pŷrejegua. Co tenda reimejá reñemboŷjápe yby caraí voí. Che ajechama, Che ajechama oyeyopŷetéjá co Cherejegua jicuaiva Egipto retâme ja ajenduma ipyajê ramo jaecuera ja agueyŷma apoíucá potávo ichuguicuera. Coanga eyo toromondo ndeve pe Egiptope. Upe Moises jaecuera omomârâ vaecue jei ramo guare: ¿Avápa nemoî ndeve mburuvicha guasu ramo ja mburuvicha ramo? Cóvape catuetei Tûpâ Ñandeyára ombou rae mburuvicha ramo ja oporombopoíjarâ ramo pe yvapegua po rupi pe oyejechauca vaecue ichupe pe yuapecá apytepe. Upéva ôguenojê ichupecuera oyapo pype mbae jechapyrâ ja mbaeguasu pe Egipto retâme ja pe ŷguasu Bermejope, ja pe ñû rupi umi cuarenta años peve. Cóva pe Moises jei vaecue umi Israel cuéravape: Oimene Tûpâ Ñandeyára omopua vaerâ peteî ñemoñeêjarâ pende rejegua gui cheichagua. Upévape catu peêcuera pejendu vaerâ. Cóva nico pe oi vaecue umi oñembyatŷ vaecue Ñandeyára rejeguarâ ñûme pe yvapegua ndive pe oñemongueta vaecue jendive pe itá atŷra guasu Sinai rupi ja ñande ru cuera ndive avei, ja oñemeê ichupe umi Ñeê Jecovéva omeê jaguâ ñandeve. Upévape ñanderu na iñeêrendúséi vaecue, jaecuera omomârânte ichupe ja oyepea ichugui ipyapype oyeresévo Egipto retâme jeivo Aaronpe: Eyapo oreve Ñandeyára raânga cuerarâ ojo vaerâ ore renonderâ. Co Moisesgui upe ore renojêjaré pe Egipto retâgui, ndo roicuaai mbaépa oyeju ichupe raé. Ja oyapo jaecuera vaca ray raângá ja oicuameê mbae carai co taângápe ja oguerojory co taânga oyeyapo vaecue ipo rupi cuera. Upémaramo Tûpâ Ñandeyára oyepea ichugui cuera ja omeê ichupecuera ombueté jaguâ umi mbae yvapeguape jei jagueicha ñemoñeêjara pe Santa Escriturape: ¿Chevepa raé peicuameê peê Cheve pene rymba yucapŷré ja japŷpŷré pe ñû rupi cuarenta años pucu cue yave peê Israel cuérava? Perajá voínte vaecue penendive pe Moloc tûpâo ja pe pene tûpâ ñandeyára Remphan raângá, taângánte voi umia peê peyapo vaecue peñesû jaguâ. Che catu poguerajaucane peême pe Babilonia gui amongotŷetévé. Oguereco voi vaecue ñande rucuera pe tûpaô aoguigua oyejechauca jague ichupecuera Tûpâ Ñandeyára pe ñûme oyapouca jagueicha upe oñemongueta vaecue Moisespe oyapoucá jaguâ jecópe upe taângá ojecha vaecue rupi voí. Pe tûpâo oñemeê vaecue ichupecuera ñande ru cuera avei ogueru co tetâme Josué ndive oyapyjy ramo guare umi pytagua yby umi Tûpa Ñandeyára omosê vaecue ñanderu cuera renondegui ja opyta ape pe David ára cuerapeve. Upéva voí oyejayjúucá Tûpâ Ñandeyárape ja oyerure iya jaguâ reje ichupe oyapo jaguâ tûpaô pe Jacob Tûpâ Ñandeyára peguârâ. Pe Salomon yepe upe oyapo vaecue ichupeguârâ tûpâo. Upeicharamo yepe Tûpâ Ñandeyára yvapegua ndoicoi tûpâo iyapopyre ñande po rupi pe jei jagueicha pe oñemoñeêjaré: Pe yvaga nico Che guapŷjá ja pe yby Che py renda. ¿Mbaeichagua ogapa peyapota Cheve? jei Nandeyára, terâpa mamo oimene Che apytuu jaguâ renda? ¿Ndoyapoipa racae Che po opa âmbae? Peê pende ayura jâtâma nipo, ja pende pyape na pende carai recoi, ja pende apysape upeicha avei! Peê pemomârâ tapiáva Espiritu Santope oyapo jagueicha pende ru cuera ymaguare, upeicha avei peyapo peê. ¿Mavape umi oñemoñeêjárapa ndoguereco asŷi racae pende ru cuera? Oyuca voí vaecue jicuai umi omojerâcuâ vaecuepe ou vaerâjá pe Imarangatuetéva. Upévape coanga peê iyapyjŷjaré ja iyucajaré avei. Peême nico oñemeê vaecue pe Ñandeyára rembiapoucapŷ Ñandeyára remimbou rupi, upeicharamo yepe na pembuayei peê. Upeyave ojendu yave jicuai umi mbae tuvicha oyererovu ja ombopururu jâicuera icotŷ cotŷ. Ja jae jenyjê Espiritu Santo gui omaê jâtâ yvaga reje ja ojecha Tûpâ Ñandeyárape oñembotuvichajápe ja Jesúspe avei oijape Tûpâ Ñandeyára acatuape, ja jei: Peina ajecha pe yvaga rokê oyepea ramo ja pe Caraí Raŷ oi ramo oñemboŷjape Tûpâ Ñandeyára acatuape. Upei catu osapucai jâtâ jaecuera ja omboty iyapysa icuâme ja oyeitypá opavavé oñondivépá jesé. Ja ôguenojê ichupe pe tetâgui ocape ja upepe oyapi itápe: ja oime umi jechajaré omoî iyaocuera peteî cariay jérava Saulo py renondepe. Ja oyapi itápe Estebanpe oñemboéjápe jae ja ojenoîjape Ñandeyarape jeivo: Ñandeyára Jesús, eipyjy che anga. Ja oñesu jynypyárejejápe osapucai jâtâ: Ñandeyára, ani remboyá co angaipa jesécuera: ja jeipávo coa oké. Ja pe Saulo omoîrû ichupecuera oyucajápe ichupe. Ja uperamo upe jaárape voi oico moña guasu pe Iglesiarejegua Cristo rejeguava jicuai vaecue Jerusalempe coty. Ja opavave isarambipá jicuai pe Judea retâ ja Samaria retâ rupi, umi Apostol cuera mante ndoyeóiri. Ja ogueraja Esteban retecue oñotŷ jaguâ umi carai cuera iñemboecatúva ja oyajeo yoa jese. Upeyave Saulo oguereco vaí oicovo pe Iglesia rejeguávape, oikévo ogape cuera yepe ja ôguenojêvo ombosyryryjápe cuimbae cuera ja cuña cuerape ja omoinguévo ichupecuera ybyracuá rógape. Upeyave umi isarambi vaecue voí oyeói oparupi oicuaáucávo Evangelio pe Ñandeyára Ñeê pyaju guagui. Oime upe Felipe ojo pe tetâ Samariape ja omojerâcuâ Cristo gui. Ja umi ybypóra oyapysaca pôrâ oñondivépá umi mbae jeiva Felipe, ojendúvo ja ojechávo umi mbae jechapyrâ oyapo vaecue jina. Ja jeta oime mbaepochy rembitarová osê jague umi mbaepochy osapucaijápe ja jeta iyapáva ja icarêva oñemo jesâimba. Ja upeagui oico torŷ guasu upe tetâme. Oico vaecue voí upepe peteî carai jérava Simon. Upeva racae yma ipayéva upe tetâme ja ombotabŷ umi Samariaŷguape jeivo oyejegui jae peteî carai guasújá. Ja opavave upepegua, umi mboriaju ja umi tuvichava upeicha avei, ojendu ichupe jeivo: Co carai Tûpâ Ñandeyára puacáitéva oyeéva Pe ipuaca guasúva. Ja ojendu jicuai jae jeiva: ymaite guive voi ipayépŷ rupi oguereco járeje ichupecuera oñemondyijápe. Uperire ogueroviama ramo Felipepe oicuaaucá ramo guaré pe Evangelio Tûpâ Ñandeyára reco marangatu rejeguagui ja Jesú Cristo réra gui oñemongaraíucá yoa cuimbae ja cuñacuera upeicha avei. Ja upe Simon yepe oguerovia avei ja oñemongaraíucá ja oyá pe Felipéreje ja ojechapype umi mbae guasu ja jechapyrâ oyeyapo vaecue ojecharâmô oñemondyi yepe. Uperire umi Apostol cuera jicuai vaecue Jerusalempe, ojenduma ramo umi Samariaŷgua oguerojorŷ jague Tûpâ Ñandeyára ñeê, omondo Pedrope ja Juanpe. Ja ôguajêma ramo jaecuera oñemboe jesecuera oñemeê jaguâ ichupecuera Espiritu Santo. Neira rae Jae ogueyŷ avave jaecuérava reje, oñemongaraí racae mante Jesús réra rejeguarâ. Upeareje omoî jese cuera ipo ja upeicha oñemeê ichupecuera Espiritu Santo. Ja ojechama ramo Simon oñemoî jague rupi umi Apostol po oñemeê jague Espiritu Santo, oicuameê ichupecuera mbaerepŷ jeívo: Emeê cheve avei areco jaguâ che pope upeicha avei icatu jaguâ amoî jaichaguápe che po, oñemeê jaguâ ichupecuera Espiritu Santo. Upei catu jei ichupe Pedro: Tojo nembaerepy nendive añaretâme! reimoâ járeje icatu reyogua mbaerepy reje co Tûpâ Ñandeyára meêmbŷreípyrâ. Ndaiyai ndeve reyejea orereje terâ remoîrû co Ñeê rejeguávape. Nde pyapy noipôrâi jecópe Tûpâ Ñandeyára ypype. Eñembo jeco pyajúkena yepyapŷjápe co nde recóvaícue gui ja eyeruré Ñandeyárape sapya oñemojesarai ndeve co ne remimoâ nde pyapypeguágui. Che ajecha nde pyárójá ja reñeñapytîjá nde recóvaípe. Upei catu oñeê pe Simon ja jei: Peyerurénte peê Chereje Ñandeyárape anichene jaguâ mbaeve co âmbae ere vaecue oyejú cheve. Uperire omojêrâcuâmba rire ja oñemoñeêmba rire Ñandeyára Ñeê gui, oyeby jaecuera Jerusalem cotyvo, ja oguatá aya oico umi Samaritano retâí reje omojerâcuâ pe Evangelio gui. Ja sapya oime ou peteî Ñandeyára yvapegua ja oñeê Felipepe, ja jei: Epuâ terejó yby cotŷvo pe tapépe ojova Jerusalem gui pe Gaza cotŷvo pe ñû oyeicoŷjápe. Upemaramo jae opuâ je ojo. Ja sapya oico peteî carai Etiopiaŷgua, Eunuco, carai guasu, pe Candace umi Etiopiaŷgua cuña mburuvicha guasu rembiyocuai, imbaerepy ñangarecójaré. Jae ou racae Jerusalempe oñemboe jaguâ, ja oyeby jiconi ja oguapy jápe icarrope omoñeê jina pe Isaias cuatia. Ja jei Felipépe pe Espiritu Santo: Eguajê, eñemboya co carro reje. Ja oñani pyae Felipe ja ojendu ichupe omoñeê ramo jina pe ñemoñeêjára Isaias cuatia ja jei: Yajecha, ¿reicuaápa co remoñeêva? Ja jei jae: ¿Mbaeichapa icatune oime ŷ ramo oicuaáucá vaerâ cheve? Ja oyerure Felipepe oyupi jaguâ ja oguapy jagûa jendive. Ja pe tenda omoñeê jague rae upéva: Peteî ovechaicha oyererajá Jae omano jaguâme, ja ovecha raŷcha opyta iñeêngu umi oñapîva pó apytepe, upeicha avei Jae ndoipeai iyuru. Jae oñemomîrîjápe oyepea Ichugui iñeê rângue, ja umi iñemoñajarégui ¿avápa omombeu vaerâ? Oñemboí voi jecove co ybyari gui. Ja jei Felipepe pe Eunuco: Ayerure ndeve eremínte avá guipa oñeê co âmbae pe oñemoñeêjara? ¿oyejegui voíntepa terâpa ambuegui? Upemaramo Felipe oipea iyuru ja oñypyrú coa Escritura guive ja oicuaaucá ichupe pe Evangelio Jesús rejeguagui. Ja ojo oguatávo pe tapéreje ja oguajê peteî ŷ oijape ja jei pe Eunuco: Coápe oime ŷ. ¿Ndicatuichenepa che carai? Ja jei Felipe: Rerovia ramo nde pyaite guive, icatu. Ja oñeê jae ja jei: Che arovia Jesú Cristo Tûpâ Ñandeyára Raŷjá. Ja upei catu omombytá icarro ja ogueyŷ oñondive pe ŷ oijape Felipe ja pe eunuco ja omongaraí ichupe. Ja osênguévo pe ŷ gui Ñandeyára Espiritu ojekyi sapyaite Felipepe, ja pe Eunuco ndo jechavei ichupe, ja jae ojo obyaite ojovo jápe reje. Ja pe Felipe oyeyuju Azotope. Ja ojasa ojovo ja oñemoñeê pe Evangelio gui opa umi tetâ rupi ojovo ôguajê meve Cesareape. Upeyaveve pe Saulo ipytujê jápe omomboí oicovo oporoyuca jaguâicha umi Ñandeyára remimboecuerape. Ja upearâ voí ou pe pai guasu rendape, ja oyerure ichupe cuatia ñeê reje ogueraja vaerâ Damascope umi tûpâopegua peguarâ oyuju ramo guârâ upepe cuimbae terâ cuña cuera co Tape rejeguavape ogueru jaguâ ichupecuera iñapytîjápe Jerusalempe. Ja upeicha ojovo tapereje oyeju ôguajêta yave pe Damasco ypype, sapyaite ojesapé verá iyerecuevo peteî jendy guasu yvagui. Ja jae joa ybype ja ojendú peteî osapucaiva jeiva ichupe: Nde Saulo, Saulo, ¿mbaerejépa Che moña reicovo? Ja jei jae: ¿Avápa Nde, carai? Ja jei Jae: Che jae pe Jesús remoñavape reicovo nde. Mbae ipojyi ndeve repŷvoi pe nde yopijá reje. Ja jae oryryipa ja okyjŷye jei: ¿Che Yára, mbaépa reipota ayapo? Ja jei Ñandeyára: Epuânte ja eike co tetâ ryepype ja upepe oyeéne ndeve pe ipôrâ vaerâ reyapo. Ja umi cuimbae ojo vaecue jendive opytá oñemondyi, ojendu voi añete pe osapucai vaecuepe, ja ndojechai avavepe. Upei catu opuâ Saulo yby gui, ja oipeavo jesa ndojechai avavépe. Upeareje oisambyjy ichupe ipógui ja oguerajá Damascope. Ja oi upepe mbojapy ára ojecha ŷ reje ja ndocarui ja ndoŷúi yepe. Upepe oico uperamo peteî Ñandeyára remimboe Damascopegua, jérava Ananias, ja upévape jei Ñandeyára iképe: Nde Ananias! Ja jae jei: Ape aime, Che Yára. Ja jei ichupe Ñandeyára: Epuânte, terejó pe tapé jérava Icarêŷvape ja eporandu Judas rogape peteî carai, Tarsoŷgua, jérava Sauloreje. Upepe oime oñemboe jina. Oime ojecha iképe peteî cuimbae jérava Ananias, oike ramo ja omoî ipo jese jesapysó yeby jaguâ. Upemaramo jei Ananias: Nde, Che Yara, jêrâcuâ vaí jetágui ajendu vaecue upe cuimbae jetambae vaí oyapo jague Nde rejegua cuera reje umi Jerusalempe oiva. Ja coápe yepeve omoî ipope ichupe umi paiguasu oñapytî jaguâ opa umi ojenoîvape Nde réra. Ja jei Ñandeyára: Terejónte! Cova voí peteî ayocuai vaerâ aiporavó vaecue voí ogueraja jaguâ Che Rera umi pytagua renondepe ja umi mburuvicha guasu renondepe ja umi Israel cuérava renondepe. Che nico ajechaucáne ichupe opa oicôtevê vaerâ ojasa asy jagûa Che Réra rejejápe. Upemaramo ojo Ananias ja oiké pe ogape ja omoî ipo jese ja jei ichupe: Nde, Saulo, che ryby, Ñandeyára Jesús, pe oyejechauca vaecue ndeve pe tapepe reyu jague rupi, che mbou nerendape nde resapysó yeby jaguâ ja ne renyjê jaguâ Espiritu Santo gui. Ja upevove joa jeságui ipirecueicha ja upevove jesapysó yeby ja opuâ ja oñemongarai, ja ocaru ja upeicha oñemombaraete yeby. Ja upepe oico Saulo mboby ára umi ogueroviava Cristo rejeguava Damascope jicuai vaecue ndive. Ja upepe jae oñemoñeê tûpâope cuera Cristo gui jeivo Cova Ñandeyára Raŷjá. Ja opa umi ojenduva ojecharâmô ja jei: ¿Ndajaeipa coa upe Jerusalempe ombuai vaecue umi Upéva Réra ojenoîvape, ja upeicharâ ou coápe avei oguerajá jaguâ iñapytîjápe ichupecuera umi paíruvicha renondepe? Ja Saulo oñembo puacave ojovo ja oñapytî umi Judio jicuai vaecuepe Damascope iñeême, omoañetévo cova pe Cristojá. Ja are rire umi Judio oñomongueta ñemi oñondive oyuca jaguâ ichupe: oyecuaaucánte Saulope ipichŷguŷ: jaecuera omaña jicuai okê reje ára ja pyjarepe oyuca jaguâ ichupe. Upévareje umi jemimboecuera oipyjy ichupe pyjare ja ogueroyŷ ocape pe coty yvate gui ayacá tuvichape. Ja upeicha ou Jerusalempe ja oñejaâ ramo oyejea umi Cristo remimboecuera reje, umiva opavave okyjŷye ichugui, ndo gueroviai gui jae Cristo remimboecuera rejeguaitéjá. Upemaramo upe Bernabe oipyjy ichupe ja ogueru ichupe umi Apostol rendape ja omombeúpá ichupecuera ojecha jague jae Ñandeyárape pe tapepe ja Jae omongueta jague ichupe, ja pe Damascope oñeê jague jae Jesús rerape okyjŷye ŷ reje. Ja upeguirire jae oiké ja osê oicovo jendive cuera Jerusalempe, ja oñeê jae okyjŷyé ŷ reje pe Ñandeyára rerape ja oñemonguetá ja oñejaâ yepi umi Griego ndive; umiva voi oñejaâ oyuca jaguâ ichupe. Upegui ojechacuaama ramo upea, umi jeŷícuera omoîrû ichupe Cesarea peve ja upegui omondo Tarsope. Upeicha oico pôrâ kîrîrîjápe, ja oñemoingo jâtâ pôrâ pe Iglesia Cristo rejeguava oparupi Judeape ja Galileape ja Samariape jicuaiva, ja oico pôrâ oyerovia jâtâ járeje Ñandeyára reje ja oipytyvô járeje ichupecuera Espiritu Santo. Ja upeicha oñembojetá jetavé meme ojovo. Uperamo Pedro ojasa oicovo oparupi ja sapya ôguajê umi iñemboecatuvape oico vaecue Liddape. Ja upepe oyuju peteî cuimbae jérava Aeneas oyapoma ocho años oi jague jupápe iyapáva voi. Ja Pedro jei ichupe: Nde Aeneas, Jesu Cristo nemojesâi. Epuâ ja emyatyrô nde rupá. Ja upevove opuâ jae, ja ojecha ramo ichupe opa umi jicuaiva Liddape ja Saronape oñemboyápá jaecuera Ñandeyara rejeguarâ. Uperamo oico vaecue Joppepe peteî cuña carai Cristo remimboecuera rejeguava jérava Tabita, (Dorcas yaemo ñane ñeême). Upeva imbaepôrâiteva ja jeta tûpâmbae omeêva meme. Ja sapya umi jaárape jasy jae ja omano. Ja oyojeima rae jetecue ja omoî peteî coty yvatépe. Ja pe Lidda jiâgui Joppe gui, ja umi Cristo remimboe cuera rejeguava, ojendu ramo Pedro oijá upepe, omondo mocoî cuimbaepe oyerure vaerâ ichupe ani opytá pytá oguajê jaguâ Jendápe cuera. Upevove Pedro opuâ ja ojo jendive cuera ja oguajê vove, ogueraja ichupe pe coty yvatévape ja oñembyaty oyerecuevo umi imena omano vaecue oyajeóvo ja ojechaucavo ichupe umi iyao cuera ja iyajóyá oyapo vaecue pe Dorcas jae oicove aya jendive cuera. Upei catu Pedro omosêmba ocape ichupecuera, ja oñesû ja oñemboe ja oyere pe jetecue cotŷvo ja jei: Tabita, epuânte! Ja jae oipea jesa ja ojecha vove Pedrope oguapŷ. Ja jae ombojasa ichupe ipo ja omopuâ ichupe. Upei catu ojenoî umi iñemboecatúvape ja umi imena omano vaecuepe ja ojechauca ichupe oicové. Ja jêrâcuâmba oparupi upe Joppepe ja jeta oyerovia Ñandeyára reje. Ja uperire jae opyta mboby ára Joppepe peteî carai Simon rogape, mbaepi myatyrôjá jae. Ja oico Cesareape peteî carai jérava Cornelio, mburuvicha oguerecova ipoguype cien cuimbae pe atyra jérava Italianape, upéva carai iñemboecatúva ja ombuetéva Ñandeyárape opa jogapegua rejeve avei, ja omeêva jeta tûpâmbae umi mboriajúpe upepegua ja oñemboéva Ñandeyárape tapia. Upeva ojecha iképe ipaŷpeguaicha asaye caaru rupi peteî yvapegua Ñandeyára remimboupe oiké ramo Jendápe ja jei ichupe: Nde Cornelio. Ja jae omaê guau jesé, ja oñemondŷi ja jei: ¿Mbaépa, che carai? Ja jae jei ichupe: Oime ne ñemboe ja netûpâmbae oyupima Ñandeyara ypype oñemo manduáucá jaguâ ndereje. Upevareje emondo coanga cuimbae cuerape Joppepe ja ejenoîucá Simonpe jéra yoava Pedro. Upéva oico peteî carai Simon mbaepi myatyrôja mbojupá ramo, oime joga pe yguasu ypype. Ja ojo vove pe yvapegua oñemongueta vaecue jendive, jae ojenoî mocoî jembiguaipe ja peteî jembiyocuai iñemboecatúva umi iyeroviájárejeguávape, ja omombeupá ichupecuera umimbae, ja omondo ichupecuera Joppepe. Ja pe ára ambuepe oguata yave ojovo jicuai ja jiâguima ramo jaecuera pe tetâgui, oime Pedro oyupi nipo rae pe oga ári oñemboévo ára mbyte yave. Ja sapya ivareáite ja ocaruse. Ja ombosacoi aya jembiurâ ou ichupe peteî mbae omoñeñandu ŷ jaguâicha, ja ojecha guaú pe yvaga rokê oyepea ramo ja ogueyŷ ramo peteî mbayrú ao tuvichaicha isâ irundy jiŷva gui ja ou oñembo gueyŷ ybyari peve, ja upeva ryepype oi guaú opaichagua mymba ybyarigua ipy irundŷva ja mbói rejegua ja guyra arapegua. Ja ojendu guaú jeiva ichupe: Nde, Pedro, epuâ, eyuca, ja jeu. Upevove jei Pedro: Mbaevéicharamo, che Yára, marove ndaúvái tembiu ivaiva ja iya ŷ va yau. Ja oñeê yeby ichupe pe osapucaiva je jei: Upe Tûpâ Ñandeyára omopoti vaecue ani ere nde ivaíjá. Ja upeicha oyeyapo mbojapy yeby ja upevove oyejupi yeby pe mbayru yvagape. Ja Pedro oimoâ moâ reí mbaépa nerae pe ojecha vaecue guaujápe. Upeyave ôguajê pe okê renondepe umi cuimbae Cornelio remimbou cuera ja oporandu ouvo pe Simon roga reje. Ja ojenoî ja oporandu peteî carai Simon jéra yoáva Pedropa oico upepe? Ja imanduá yave jina Pedro pe mbae ojecha vaecue guaujapereje, jei ichupe pe Espiritu: Peina oime mbojapy cuimbae nde recava. Epuâ catu ja egueyŷ ja ani rekyjŷyé rejo jaguâ jendivecuera. Che nico ambou vaecue ichupecuera. Upemaramo ogueyŷ Pedro umi cuimbae Cornelio remimbou oijápe ja jei: Coina ape che jae pe pejecáva. ¿Mbaépa oime peyú jaguâ raé? Ja jei jaecuera: Upe Cornelio pe mburuvicha, carai imbaepôrâva ja okyjŷyéva Tûpâ Ñandeyáragui ja jerâcuâ pôrâva opa umi Judio retâ rupi, upévape voi oñemo marandu peteî imarangatuva yvagapegua rupi ndererúrucá jaguâ jogape ojendu jaguâ ndejegui pe reñeê vaerâ ichupe. Upei catu jae omoingue ichupecuera ja oguerojorŷ ichupecuera. Ja pe ára ambuepe opuâ ja ojo jendive cuera, ja omoîrû ichupe avei ambuecue jeŷícuérava Joppe pegua. Ja pe ára ambuepe oiké Cesareape ja pe Cornelio ojaârô rae jina ichupecuera ja ojenoî rae jesecueraguape ja jaŷjupára cuerape. Ja oiké vove Pedro, Cornelio osê ojuvâitivo ichupe ja oyeity ipy renondepe ja oñesû ichupe: Upei catu Pedro omopuâ ichupe ja jei: Epuânte. Che avei cuimbae ndeichagua. Ja oñemongueta jendive ja oiké cotype ja oyuju jeta oñembyatŷ vaecuepe. Ja jei ichupecuera: Peê voí peicuaa ivaíjá peteî carai Judiovape oñemboyá jaguâ terâ oyejea jaguâ pytagua reje. Anga Tûpâ Ñandeyára ojechaucáma cheve mbaevéichagua cuimbae anichene jaguâ ajenoi itabŷ terâ ivaíva. Upevareje añejenoi jaguereje, ayu akyjŷyé ŷ reje ja anga taporandumi mbaerejépa che renoîucá raé? Upemaramo jei Cornelio: Oyapoma irundy ára aijá che acaruŷreje, ja pe asaye caaru añemboépype che rogape, ja sapya ou oñemboŷ che renondepe peteî cuimbae iyao overápáva, ja jae jei: Nde Cornelio oñejenduma ne ñemboe ja ne tûpâmbae oñemomanduá Ñandeyára ypype, upéva reje, yeco, emondo Joppepe ja ejenoîucá pe Simon jéra yoáva Pedrope, upeva oico pe Simon mbaepi myatyrôjá rogape pe ŷguasu ypype. Upeicha amondo voi nerendape ja nde reyapo pôrâ reyúvo. Upeicharamo coanga opavave roime Tûpâ Ñandeyára ypype rojendu jaguâ opa umi mbae Ñandeyára omombeúucá vaecue ndepype oreve. Upei catu Pedro oipea iyuru ja jei: Añetejápe ajechacuaáma Ñandeyára ndo poroporavóijá, ja opa tetâme oime ramo okyjŷyéva Ichugui ja jembiapóva jecópe, upéva oguerojorŷva já Ichupe. Ñandeyára voí ombou iñeê umi Israel cuéravape omojerâcuâucávo Jesú Cristo rupi pe Ñeê pyajú pe Teco kîrîrî rejegua Evangeliopeguare. Upe Jesú Cristo opava ybypóra Yara voí. Peê cuera voí peicuaa pe oñemo jerâcuâ vaecue opa Judea rupi pe oico ypy vaecue voí Galilea guive upe Juan oñemoñeê ja oporomongaraí jague guive. Peicuaa voi pe oñemojerâcuâ vaecue Jesús Nazareno gui, Tûpâ Ñandeyára omoingo jague Ichupe Cristorâ Espiritu Santo pype ja ombopuacá jague Ichupe ja Jae oyapo jague oicovo tembiapo ipôrâva ja omojesâimba jague umi oyeyopŷ asŷ vaecuepe mbaepochy rupi, Tûpâ Ñandeyára voi oico jague reje Jendive. Ja orecuera voí jechajaré rojecha vaecue opa umimbae Jae oyapo vaecue pe Judea retâme ja Jerusalempe ja umiva oyuca Ichupe omosaingovo Ichupe ybyra yoasá reje. Upeicharamo yepe, Tûpâ Ñandeyára omopuâ Ichupe mbojapy arajápe ja omeê Ichupe oyejechauca jaguâ, nda opa pe tetâmeguapei, umi Tûpâ Ñandeyára oiporavó vaecue jechajarâ ramo pente, orévente catu ojechaucá Ichupe, ore voí rocaru ja roŷú vaecue Jendive umi ára Jae oicove yeby rireguare umi omano vaecue paûgui. Ja Jae ore mondo romojerâcuâ jaguâ co tetaŷguape ja roicuaáucá jaguâ Jaejá upe Tûpâ Ñandeyára omoingo vaecue umi oicovéva ja umi omanovaecue ruvicha ramo. Upéva catu upe oicuaaucá jague opa umi oñemoñeêjára ymaguare opa oyeroviava Jese ojupity jaguâ oñemopôtí jaguâ iñangaipa gui Jéra rupi. Upe ramo oñeê aya Pedro umi mbae, joa pe Espiritu Santo opa umi ojenduva reje jina pe Ñeê. Ja ojecharâmô umi ogueroviávarejégua, Judio vaecue voi, ou vaecue Pedro ndive, oñejê jague reje umi pytagua reje avei pe Espiritu Santo Ñandeyára meêmbŷreípŷre ramo. Ja ojendu ichupecuera oñeê ramo ñeê ambuepe, ja ombotuvicha ramo Ñandeyárape. Upei catu jei Pedro: Ndicatuichene oime oyocó vaerâ co ŷ carai gui anichene jaguâ icarai coâva oguercómava avei Espiritu Santo oreicha. Ja upeicha omongaraíucá ichupecuera Jesús rérape. Uperire oyerure ichupe opyta jaguâ upepe mboby ára. Ja umi Apostol cuera ja umi jeŷícuera jicuaiva Judeape ojendu umi pytagua avei oguerovia jague Ñandeyára Ñeê. Upeicharamo ôguajêma ramo Pedro Jerusalempe oñemoî jese umi Judio vaecue jeivo: ¿Mbaerejépa reiké rae umi ybypóra ñandereco ŷ meguape ja recaru jendivecuera? Upei catu Pedro oñypyrú oñeê ja oicuaáucá ichupecuera jecope pe oyeju vaecue, jeivo: Che ai vaecue pe tetâ Joppepe añemboe aina ja ajecha peteî mbae añeñandu ŷ jaguâicha: ou guaú peteî mbayru peteî ao tuvichavaicha umi irundyve jiŷva rupi oñembo gueyŷ yvagui, ja ôguajê che rendapeve. Ja che ayesareco jese ja ajecharâmô ja oime ajecha pype mymbá ybyarigua ipy irundŷva ja mbae ivaíva ja mbói rejegua ja guyra arapegua, ja ajendú guaú peteî oñeêva jeiva cheve: Epuânte, Pedro, eyuca ja jeú. Ja che jae: Mbaevéichavévo, che Yára, mbaeve itabŷva rejeguáva mbae terâ itayasúva rejeguáva máramo ndoikéi che yurupe. Upemaramo pe oñeê vaecue cheve yvagui jei yeby mocoî jápe: Upe Tûpâ Ñandeyára omopôtí vaecue, ani nde rejenoî itabŷva rejeguávajá. Ja upeicha oyeyapo mbojapŷ yebŷ. Ja uperire oyejupipa yeby yvagape. Ja upevove ou sapyaite pe oga che aijape mbojapy cuimbae oñemboú vaecue che rendape pe Cesarea guive. Ja pe Espiritu jei cheve aja jaguâ jendive cuera akyjŷye ŷ reje. Ja ou chendive avei umi seis che reŷícuérava. Ja roiké peteî cuimbae rogape, ja upéva omombeú oreve ojecha jague pe yvapegua oñemboŷ ramo jogape ja jei ramo ichupe: Emondo Joppepe ja ejenoîucá peteî carai Simon jéra yoáva Pedrope; upéva omombeu vaerâ ndeve ñeê pôrâ reñembo jecómarangatú jaguâ nde ja opáva nde rogapegua avei. Upei catu añypyrú vove añemoñeê joa voí jesecuera pe Espiritu Santo, upe joa jagueicha ñanderéje iñypyrumbŷpe. Upemaramo che che mandua Ñandeyára ñeêngue reje jei ramo guare: Añetejápe upe Juan omongarai ŷ pe, peê peñe mongaraíne Espiritu Santope. Upeareje omeê rire Tûpâ Ñandeyára oyoya ichupecuera imeêmbŷreípyre omeê jagueicha ñandeve avei yayerovia ramo guare Ñandeyára Jesú Cristo reje, ¿avápa che rae upeicharamo icatu vaerâ añemoî ayoco jaguâ Tûpâ Ñandeyárape? Upei catu ojenduma ramo umi mbae okîrîrî yoa, ja ombotuvichante Tûpâ Ñandeyárape jeivo: Upeicharamo, umi pytaguape yepe Tûpâ Ñandeyára omeênerae oñembo jecópyajú jaguâ ipyambyasyjápe ojupity jaguâ pe Tecové jaetéva. Uperamo umi oñemo sarambi vaecue umi ára pojyi upe Esteban ojasa asy jague rire guare, oyeí ojupity peve Fenecia ja Cipro ja Antioquia peve, omombeuvo pe Ñandeyára Ñeê umi Judiope año mante. Ja oime jesecueragua voí cuimbaecuera Cipropegua ja Cireneŷgua ja ôguajê ramo Antioquia peve umiva oñeê umi Griegope avei omojerâcuâvo pe Ñeê Pyajú Ñandeyára Jesúsguigua. Ja Ñandeyára po oi jendive cuera, ja jeta oguerovia ja oñemboyá Ñandeyára rejeguarâ. Ja oguajê jerâcuâ âmbae guiguare pe Iglesia Cristo rejeguava Jerusalem pe oiva apysápe ja jaecuera omondo Bernabepe ojo jaguâ Antioquia peve. Ja upeva oguajê ramo ja ojecha ramo pe Tûpâ Ñandeyára rembiapo pôrângue tuvichaite jory, ja ombopya guasú opávape opyta jâtâ jagua oyeroviajápe ipyaite guive Ñandeyára reje. Upéva voi cuimbae imbaepôrâva ja jenyjê Espiritu Santo gui ja oyerovia tuvichaite Ñandeyára reje ja jetaite oime oñemboyá Ñandeyára rejeguarâ. Upegui ojo Bernabe Tarsope ojecávo Saulope, ja oyuju rire ichupe, ogueru ichupe Antioquiape. Ja upeicha oico peteî año pucu cue yave, ja oyejea pe Iglesia Cristo rejeguava reje ja jaecuera oporomboe jetaite cuimbaepe ja upepe pe Antioquiape voí raê Cristo remimboecuera oñembojéra raê Cristiano. Ja umi jaárape ou Jerusalem gui oñemoñeêjára cuera Antioquiape. Ja oime peteî jaecuérava jérava Agavo, ja upéva opuâ ja oicuaáucá Espiritu rupi oico vaerâjá peteî varea tuvicháva opa ybyari oime jápe ybypóra, ja upeicha voí oico upe Claudio oico ramo jiconi mburuvicha guasu ramo. Upévareje umi Cristo remimboe cuera opavavé oguerecojaichante, oñejaâ oguerajáucá mbaerepy oipytyvô jaguâ jeŷícuera oiva Judeape. Ja upeicha oyapo ja oguerajáucá umi carai ituyávape, Bernabe ja Saulo po rupi. Upeyave pe mburuvicha guasu Herodes oyapyjy peteîva pe Iglesia Cristo rejeguávape oguereco vaívo ichupecuera. Ja oyucáucá kyse pucúpe pe Santiago pe Juan rybype. Ja ojechápypé oguerojorŷ jague umi Judio cuerape, oñejaâve jesecuera ja oipyjŷucá Pedrope avei. (Umi jaára voi upe areté guasu pascua mboyvégua.) Ja oyapyjy ichupe ja omoingué ybyracua rogape ja omeê ichupe irundy atyra umi mburuvicha rembiyocuaipe oñangareco jaguâ jese; jiâ voi ichupe ôguenojê ichupe pe tetaŷgua resápe pe arete pascua rirénte. Upeicha Pedro oñeñongatu ybyrácuá rogape. Ja upeyave umi pe Iglesia Cristo rejeguava oñemboe tapia jese Tûpâ Ñandeyárape. Ja Herodes oguenojetama ramo, upeja pyjare oime Pedro oké jina mocoî cuimbae paûme oñeñapytî ipo yovaivé, ja oime mañajára cuera avei pe okê renondepe oñangarecóva pe oga reje. Ja sapyaite ou peteî Ñandeyára remimbou yvapegua ja peteî jendŷva ojesapépa pe coty ryepŷpe. Ja jae opoco Pedro reje iyŷkepe ja omombaŷ ichupe ja jei: Epuâ pyae. Ja upévo joa rei umi cadena ipo ñapytîjague. Ja jei ichupe pe Ñandeyára remimbou yvapegua: Eyecúacuá ja eñapytî nde pŷrejegua. Ja oyapo upeicha, ja jae jei ichupe: Eyeyajoi pe nde aópe ja eyo che rapycueri. Ja osê ojo japycueri ja ndoicuaai añetejá pe oyejúva ichupe pe Ñandeyára remimbou yvapegua rupi, oimoânte ojechajá jina peteî mbae ikepegua. Ja ojasama ramo pe mañajára iyŷpŷva oijápe, ja pe ambue mocoîjá oijápe, ôguajê pe okê tuvichávape ojova pe tetâ ryepŷpe, ja upea oyepea jaeaente ichupecuera ja jaecuera osê. Ja ojasa peteî tape pucu cue ja upepe sapyaite oyepea ichugui pe Ñandeyára remimbou yvapegua. Upemaramo Pedro oyeby oyeje ja jei oyupe: Añetéjápe ajechacuaa râmô Ñandeyára ombou jague jemimbou yvapeguape ja cherenojêmajá Herodes po guŷgui ja pe umi Judio cuera ojaârô vaecue oyapo jaguâ chereje gui. Upei catu imanduama ramo umimbaereje ôguajê pe Maria, Juan sy pe jéra yoava Marcos, rogape, jeta jague iyaty oñemboe jápe jicuai. Ja Pedro ombota pe okê corapyvogua, ja osê oyapysaca jaguâ peteî cuña taí, jérava Rhode. Ja jae ojechacuaa Pedro ñeêjá, ja jory gui voínte ndoipeai ichupe okê, oñaní mante cotype ja omombeu ichupecuera Pedro oijá okêgui ocape. Ja jaecuera jei ichupe: Nde taby raínte. Ja omoañete ramo jaejá, jaecuera jei: Icatu jerecua yvapegua nerae! Upeyave Pedro ombota bota gueteri ja oipea ramo ja ojecha ramo ichupe oñemondyi jicuai. Ja jae ombovavá icuâ ichupecuera okîrîrî jaguâ ja omombeúpá ichupecuera Ñandeyára ôguenojê jague ichupé pe ybyracuá rogagui. Ja jei: Pemomarandúnte Jacobope ja ñandereŷícuera ambuépe. Ja upei catu osê jae ja ojo ambue Jendápe. Upegui coêrire oyavooipa jicuai umi mañajaré mbaépa oyeyapo rae Pedrogui. Ja Herodes ojecáucá ichupe ja ndoyujui ramo ichupe oporandu umi iñangarecojárépe, ja upegui oguerajaucá ichupecuera oñeñâcâó jaguâ. Uperire jae ojo Judea gui Cesareápeve, ja opyta upepe aremi meve. Uperamo Herodes ipochy jina umi Tiropegua ja umi Sidonpeguape ja jaecuera ombou oñondive Jendápe ja oyocuai rire pichyguy jápe pe Blasto pe mburuvicha guasu roga rerecuápe oyerure oñyrô jaguâ oñondive cuera. Oime iyŷby cuera voí oñepytyvô tapiá pe mburuvicha guasu yby rupi. Ja peteî arete ára pe pe Herodes oñemonde mburuvicha aope ja oguapy pe mburuvicha guasu cotype, ja oñemoñeê ichupecuera. Ja umi cuimbae osapucai yoa ja jei: Cova Tûpâ Ñandeyára ñeê, nda ybypóra rei ñeêi. Ja upevo Tûpâ Ñandeyára remimbou oinûpâ ichupe ombotuvicha ŷ jague reje Tûpâ Ñandeyárape ja jasópá ja upeagui oyejekyi. Upeyave Ñandeyára ñeê jerâcuâva ja oyeávé oñemuasâivé ojovo. Ja Bernabe ja Saulo oyeby Jerusalem gui oyapopá rire jecope pe oyeyapóucá vaecue ichupecuera. Ja oguerú jendivecuera Juan pe jéra yoáva Marcospe. Uperamo oime pe Iglesia Cristo rejeguava Antioquiape jicuai vaecue paûme oñemóñeêjára ja oporomboejára, Bernabe ja Simon jérava Cambá, ja Lucio pe Cireneŷgua, ja Manaen pe ocacuaa vaecue pe mburuvicha Herodes ndive, ja Saulo. Ja jaecuera oñemboe aya Ñandeyárape ocaruŷreje, jei ichupecuera Espiritu Santo: Eipeá cheve Bernabe ja Saulope jembiapórâ Che ajenoî jaguerâ ichupecuera. Uperamo oñemboéma ramo ocaruŷreje omcî ipo jesecuera ja omondo ichupecuera. Ja jaecuera oñemondo vaecue upeicha Espiritu Santo rupi oyeói Saleuciapeve, ja upegui ojo ŷ rupi Ciprope, ja ôguajêma ramo Salaminape, omojerâcuâ pe Tûpâ Ñandeyára Ñeê gui umi Judio tûpâope cuera. Ja oguereco avei pe Juanpe jendivecuera ipytyvôjára ramo. Ja ojasapáma ramo upe tetâ ôguajê meve Pafope, upepe oyuju peteî cuimbae ipayévape oñemoñeêjára yapújápe, Judiova voi, jérava avei Barjesus. Upéva oico pe mburuvicha Sergio Pablo ndive. Upe caraí guasu voí caraí imbaepôrâva ja ojenoîucá Bernabe ja Saulope, ja jei ojendúséjá Tûpâ Ñandeyára Ñeê. Upegui pe ipayéva Elymas (upeicha oyee avei jéra) oñemoî jesecuera oñejaâvo omombia jaguâ pe mburuvichape iyeroviajágui. Upei catu Saulo, jérava abei Pablo, jenyjê Espiritu Santo gui oyatycá jesa jesé, ja jei ichupe: Nde nde reco yapuete, ja nde reco porombotabŷjá, aña raŷ nde, reñemoîva opambae ipôrâva reje, ¿na nde repoíripa remocarêvo Ñandeyára rapé icareŷva? Coanga catu coina ape Ñandeyára po oime nde coty ja na nde resápysóvei chene ja nde rejechai chene cuarajy aré peve. Upevove joa jesé pytû ja jesápysó iñypytûmba, ja oico oyerecuévo ojecávo oisambyjŷjarâ ichupe. Upemaramo pe mburuvicha ojecha ramo pe oyeyapo vaecue, oguerovia ja oguerojory Ñandeyára oporomboéucá vaecue. Upemaramo Pablo ja umi iñirûnguera oyeói Pafogui, ja oguajê Pergepe Pamfilia peguape. Upepe pe Juan oyepea ichugui cuera ja oyeby Jerusalempe. Ja jaecuera ojasa Perga gui ôguajê meve Antioquia pe Siriapeguape ja oiké tûpâope peteî sabado árape ja oguapŷ. Ja omoñeêmba ma ramo pe Moises cuatiacue ja umi oñemoñeêjára cuatia cue, pe tûpâo ruvicha omondo Jendápe cuera ja jeiúcá ichupecuera: Peê carai cuera, ore reŷicuera, pereco ramo peteî ñeêmi pemboe jaguâ umi jicuáivape coápe, peñeênte. Upei catu Pablo opuâ oñemboŷ ja ojechauca ipo okîrîrî jaguâ ja jei: Peê cuimbae cuera, Israel cuérava, ja peêcuera pemboetéva Tûpâ Ñandeyárape, peyapysacánte! Ñandeyára co ñaneretâ Tûpâ Ñandeyára oiporavó vaecue ñande rú cuerape ja ombotuvicha vaecue co tetâmegua oico ramo guare jaecuera pytaguaicha pe Egipto retâme, ja omopuâ iyŷva ja ôguenojê ichupecuera upegui. Ja cuarenta años pucu cue yave oguero kîrîrî ichupecuera pe ñû oico ramo guare. Ja ombuaipa rire siete tetâ pytagua rejegua pe Canaan ybypegua, omboyao iyŷbycue ichupe cuera imbaerâ ja upepe oico irundy cien años peve. Uperire omeê ichupecuera mburuvicha cuerape upe Samuel pe oñemoñeêjara peve. Ja uperamo oyerure mburuvicha guasu reje ja Tûpâ Ñandeyára omeê ichupecuera Saulo pe Cis raŷpe, cuimbae Benjamin rejeguava cuarenta años peve. Ja omboí rire upévape ombojecovia ichupecuera mburuvicha guasu ramo Davidpe ja omojerâcuâ pôrâ jeivo: Ayuju cu David Jesse raŷ cuimbae che pya ipôrâichagua. Cóva oyapopáne Che rembipota. Ja coâva rejegua gui voí Tûpâ Ñandeyára, oicuameê jagueicha, omopuâ Israel rejegua repŷjarâ, co Jesúspe. Upe Juan voí oñemoñeê vaecue ou mboyve upéva, toñembyasŷnte opa umi Israel cuérava oñemongarai jaguâ. Ja omombátama ramo upe Juan jembiapo, jei: ¿Avápa peimoâ peê chejá? Che ndajaei upéva. Coina ape ou che rire peteî ipŷrejegua yepe nda iyái cheve che ayorávo. Peê cuimbae cuera, che reŷícuerava, Abraam rejeguava, ja opa peêcuera pemboetéva Tûpâ Ñandeyárape, ñandeve nico oñembou vaecue co ñeê ñanembo jecomarangatújarâ. Ja umi oico vaecue Jerusalempe ja juvicha cuera ndojechacuaai Ichupe, ja upeicha oyapo oñeê jagueicha umi oñemoñeêjara umi cuatiápe omoñeêva opa sabado árape, ja omoí vaí Ichupe. Ja oyuju ŷ ramo yepe icatu jaguâ oyucáucá Ichupe, oyerure Pilatope jese oyuca jaguâ Ichupe. Ja oyeyapopá ma ramo opa umimbae pe Santa Escriturape oyee vaecue Ichugui, ombogueyŷ Ichupe pe ybyrágui ja omoî Ichupé pe itacuápe. Upegui Tûpâ Ñandeyára omoingove yeby Ichupe umi omano vaecue paûgui. Ja Jae oyejechaucá jeta ára pucu cue umi ojo vaecue Jendive Galileagui Jerusalempepe, ja umiva catu umi omojerâcuâva jina Ichugui umi tetaŷguape. Ja ore avei romojerâcuâ peême co Ñeê Pyajú Evangeliopeguare pe Ñandeyára oicuameê jague umi ñande ru cuera ymaguarepe. Upéva voí Tûpâ Ñandeyára oyapopá jecópe ñande raŷ cuerape voínte omoingové yeby pype Jesúspe. Upeicha voí oyee pe Salmo mocoîjápe: Che Raŷ nico Nde, coanga voí reñemoña Chejegui. Ja omopuâ jague reje Ichupe umi omano vaecue paûgui ituyú ŷ jaguâ jeté máramo, upeicha jeima racae: Che ameêne peême umi mbae imarangatúva pe Che aicuameê vaecue Che pyapôrâ gui Davidpe. Upevareje jei ambue Jendápe: Na nderejeyai chene co Nde Ray imarangatúvape jetecue ituyú jaguâ. Añetejápe pe David oyeyocuáiucá ombuaye jaguâ jecópe Tûpâ Ñandeyára rembipota oicové pucu cue yave, ja jae omano ja oñeñotŷ itúva cuera ypycue ndive ja ituyú jetécué. Upe ambue catu pe Tûpâ Ñandeyára omoingové yeby vaecue, upéva retécué nda ituyúi. Peicuaa pôrâkena, upeicharamo, peê carai, che reŷicuera, oñemojerâcuâucájá peême Cova rupi oyepea jaguâ pendejegui cuera pene angaipa, ja Jaerupi opa oyeroviáva Jese oñemopôtí vaerâjá opa umimbae Moises ñeêngue rupi ndicatui jague gui peñemopôtí. Chake! Peñeñangarecó, anichene jaguâ oyeju peême pe oyee jagueicha umi oñemoñeêjára ymaguare cuatiápe: Pemaêke peê pepororoŷrôva, pejecharâmônte ja peñemocañŷ! Che voi ayapota peteî Che rembiapo pende árape peteî Che rembiapo peê perovia ŷ vaerâ oime ramo yepe omombeúpá vaerâ peême ichugui. Upei catu osênguévo jaecuera pe tûpâogui oyeyerure ichupecuera oporomboe yeby jaguâ umi ñeê reje pe sabado ambuepe. Ja oyeói rire umi iyaty vaecue upepe, jeta umi Judio cuera ja umi pytagua iñemboecatúva ojo Pablo ja Bernabe rapycueri ja jaecuera omongueta ichupecuera ja omomandua ichupecuera opyta jâtâ jaguâ tapia oyeroviávo Tûpâ Ñandeyára pyapôrâ reje. Upeicha ramo pe sabado ambuepe oñembyatŷ jaimete opava pe tetâmegua ojendu jaguâ Tûpâ Ñandeyára Ñeê. Umi Judio voí ojecha ramo iyaty jeta jague umi japicha cuera, ipochŷpa ja oñemoî Pablo jeiva reje oipyjy vaívo ja oyaóvo ichupecuera. Upei catu Pablo ja Bernabe okyjŷyé-ŷ-reje oñeê ja jei: Peême añetejápe tecôtevê oyee raê Tûpâ Ñandeyára Ñeê. Anga catu pemombójáreje co Ñeê ja peyeyapo iya ŷ jaguâicha peême co Tecové iyapyraŷva, coanga ore royere vaerâ umi pytaguape. Upeicha voi oyapouca oreve Ñandeyára jeivo: Che romoî ndeve rejesapé jaguâ umi pytaguape remoingo jaguâ co Teco Marangatu co yby pajápeve. Ja ojendúma ramo umimbae umi pytagua oguerojory ja ombotuvicha Tûpâ Ñandeyára Ñeê ja oguerovia voí opa umi oñembo sacoí voí vaecue pe Tecove iyapyraŷva rejeguarâ. Ja upeicha oyererajá pe Ñandeyára Ñeê oparupi pe tetâ yerécuévo. Umi Judio cuerante omomŷi umi cuña cuera oñemboécatúva ja imbaepôrâva ja umi carai guasu upe tetâmeguape ja omopuâ omoña vaerâ Pablo ja Bernabepe ja omosê ichupecuera jetâgui. Uperamo jaecuera oitybyró jesecuera ipygui pe iyŷbŷcui ja upegui ou Iconiope. Ja umi jemimboecuera jorŷete yoa ja jenyjê Espiritu Santogui. Ja oyeju upeicha avei Iconiope jaecuera oiké oñondive pe Judio tûpâope ja oñeê ogueroviáucá jaguâicha jetaite umi Judio ja umi Griego cuerape avei. Upei catu umi Judio ogueroviase ŷ va omopuâ ombo pyávaí umi pytaguape umi jeŷícuera coty coty. Opaichavévonte jiare jicuai upepe oñeêvo oyeroviajápe Ñandeyára reje ja okyjŷyé ŷ reje, ja Ñandeyára omoañete iñeê ipyapôrâ rejeguare oyapoucá pype mbae guasu ja jechapyrâ ipo rupi cuera. Uperamo pe tetâmegua oñemboyao jicuai oyuejegui, oime peteîva oyava umi Judio reje ja oime ambuecue oyava umi Apostol cuera reje. Ja oime opuâ Judio cuera ja umi pytagua juvicha cuera rejeve oyao jaguâicha ja oyapi jaguâicha itápe ichupecuera. Upegui jaecuera ojechacuaa upea ja oyeói oñeguajêvo Listra ja Derbe ja umi tetâ Licaonia rejegua reje ja opa pe tetâ yere cue reje. Ja upepe omojerâcuâ oicovo pe Ñeê Pyaju Evangeliopeguare. Ja oime vaecue pe Listrape peteî cuimbae ipy apáva oguapŷ vaecue tapé yképe icarê vaecue isŷ rygue guive voí ja máramové ndoguata vaecuei. Upeva ojendu oñeê ramo Pablo ja upéva omaê jese ja ojecha ramo jae oyeroviájá jese jesâi jaguâ, jae jei jâtâ: Epuânte, eñemboŷ pôrâ nde py reje! Ja jae opo voí ja oguata jiconi. Upei catu umi jicuaiva upepe ojecha ramo pe Pablo oyapo vaecue osapucai jeivo Licaonia ñeême: Umi Tûpâ cuera oyeyapo carai ramo ja ogueyŷ ñane rendape. Ja ombojéra Bernabépe Jupiter ja Pablope Mercurio, jae pe oñemoneêva voí. Ja pe paí pe Jupiter tûpâopegua pe oiva pe tetâ rovai, ogueru jymbá cuera ja yboty iñopêmbyré umi okê renondepe umi iyaty jicuaiva ndive ombuetévo ichupecuera mbae cuameêmbyré pype. Ja ojenduma ramo umimbae, umi Apostol cuera Bernabe ja Pablo omondoro iyao cuera ja osê pyae umi oñembyatŷva apytepe cuera ja osapucai jeivo: Peê cuimbae cuera ¿mbaerejépa peyapo cova? Ore nico cuimbae cuera peêichaguánte royú vaecue romojerâcuâvo peême co Ñeê Pyajú peyere jaguâ âmbae reí reí tabŷ gui pe Tûpâ Ñandeyára oicovéva rejeguarâ, Upe pe yvaga ja co yby ja ŷguasu ja opa ipype cuera oiva Apojare. Umi ymaguarépe voi Jae ojechaguí opa tetâme oico jaguâ oguapé oicosé jagueichante. Opaichavévonte Jae ndoyejeyai voínte oyecuaáucá ŷ reje iyupe oyapo pôrâ pype ja omonguŷ pype yvagui ja ombojiá pôrâ pype yvá pene mojyvâtâ jaguâicha peême tembiúpe ja pene mbobyá jaguâicha pende pyape. Ja upeicha oñeê ramo yepe jasŷpe yepe oyoco umi iyatŷvape jicuai anichene jaguâ ombuete ichupecuera imbae cuâmeêmbŷre pype. Upeguirire sapya ou upepe Judio cuera Antioquia ja Iconio gui ja omoâcâyere pe tetâmegua ja umíva oyapi itápe Pablope ja ôguenojê ichupe pe tetâgui ocape oimoâjápe omanómajá. Ja umi jemimboe cuera oyerépá jese jicuai ja sapyaite jae opuâ ja oiké yeby pe tetâme. Ja pe ára ambuepe oyei Bernabe ndive Derbepe, ja omojerâcuâ pe Ñeê Pyaju Evangeliopeguare pe tetâme ja ogueroviáucá jetápe jemimboe cuerarâ ja uperire oyeby Listrape ja Iconiope ja Antioquia pe, ja uperupi ombopyaguasu oicovo umi jemimboecuerape omomanduávo ichupecuera oyerovia jâtâ jaguâ ja oicuaáucávo ichupecuera tecôtevéjá yajasa asy jeta yaiké jaguâ pe Tûpâ Ñandeyára reco marangatu yvapeguape. Ja omoingo peteî teî Iglesiape jerecuárâ umi carai ituyá cuérava gui ja oñemboe rire ocaruŷreje oñangarecóucá Ñandeyárape jesecuera upe iyerovia jague yma guive guare voí. Uperire ojasa Pisidia rupi ja ôguajê Pamfiliapeve, ja pe Perga retâme ja oñemoñeê Ñandeyára Ñeê gui; ja upegui ojo Ataliape. Ja upegui ojo ŷ rupi Antioquiape upe oñerero mandua jaguépe Tûpâ Ñandeyára oipytyvô jaguâ ichupecuera jembiaporâ upe coanga omomba ramôva. Ja ôguajêma ramo ombyatŷ umi jeŷícuerape ja omombeu jeta mbaeguasu oyapo vaecue Tûpâ Ñandeyára jaerupi cuera ja Jae oipea jague okê iya jaguâ umi pytaguape avei oyerovia jaguâ Ñandeyárareje. Ja upepe jaecuera opyta aré umi Cristo remimboe cuera ndive. Upeyave oime ou peteîva Judeagui ja omboe vaecue jicuai umi jeŷícuerape jeivo: Peê peñemongarai ŷ ramo Moises oyapouca jagueicha, ndicatui peñembo jecomarangatu jecópe. Upeicha oyuaby asŷ ramo ja oñojaâ ramo oñondive cuera Pablo ja Bernabe ja umi ambue cue, jiâ ichupecuera oñondive omondo jaguâ Pablo ja Bernabe ja peteiva umi ambuecue jeŷícueraguape Jerusalempe, ojo jaguâ umi Apostol ja umi carai ituyáva rendape cuera co âmbae oyuaby jague rejejápe. Ja pe Iglesia Cristo rejegua cuérava omoîrû ichupecuera osênguévo, ja ojasávo Fenicia rupi ja Samaria rupi oicuaáucá oñemboyeré jagua umi pytagua ja upeicha tuvicha ombojorŷ umi jeŷícuerape. Ja ôguajê vove Jerusalempe oguerojory ichupecuera umi pe Iglesia Cristo rejeguava ja umi Apostol ja umi carai ituyáva ja jaecuera omombeúpá opambae Tûpâ Ñandeyára oyapo vaecue jaerupi cuera. Ja oime peteîva umi Fariseo rejeguáva Cristo rejeguáva opuâ ja jei tecôtevêjá oñemongaraíucá ichupecuera pe Moises ñeêngue rupi ja ombuayéucápá ichupecuera pe Moises ñeêngue jecópe. Ja uperire oñembyatŷpá umi Apostol cuera ja umi carai ituyáva oicuaami jaguâ âmbae rejegua. Ja oñejaâ aré rire oñondive cuera opuâ Pedro ja jei ichupecuera: Peê carai cuera, che reŷícuera, peêcuera peicuaa pôrâ aréma jague Tûpâ Ñandeyára Che poravó jague pende apytegui cuera ojendu jaguâ umi pytagua che yuru rupi co Ñeê Pyajú Evangelio peguare oguerovia jaguâ. Ja Tûpâ Ñandeyára pe ojechacuaava ñande pyapy, oyejechacuaáucá ichupecuera omeê pype ichupecuera Espiritu Santo ñandeve guaréicha avei. Ja Jae ndoiporoporavói ñande ja umiva apytepe omopôtí pype ipya cuera oyerovia jague rupi. Coanga, upeicharamo, ¿maerâpa pembopochyse Tûpâ Ñandeyárape pemoî pype umi Cristo remimboe cuera atiŷ reje pe mbae ipojŷiva ñanderú ja ñande avei yepe nda yaropuacá jaguei. Nda upeicha vaerâi voí. Ñande voí yarovia ñañembo jecómarangatu jaguâ Ñandeyára Jesús pya pôrâ ja pytyvô rupi jaecueraicha avei. Uperire okîrîrîmba ja oyapysacá sacá Bernabe ja Pablo reje omombeu ramo umiva mbae guasu ja jechapyrâ Tûpâ Ñandeyára oyapo vaecue jaerupi cuera umi pytagua paûme. Ja oñeêmbáma ramo okîrîrî, ja Jacobo oñeê ja jei: Carai cuera, che reŷícuera, pe cherendumi catu cheve. Co Simon omombeupá ramô mbaeichapa Tûpâ Ñandeyára iñypyrumbŷpe oñandu rae umi pytaguápe oipea jaguâ ipaûgui cuera peteî atyra Jéra rejeguarâ. Oyoyá voí umi ñemoñeêjara ymaguare ñeêngue pe Santa Escriturape oiva: Coambae rire ayebyne ja amopuâ yeby pe David rogacue pe oñemboyaparó vaecue ja amyatyrône umi oñembyai jague ja amopuâ yebyne, icatu jaguâ umi vbypóra rembyré ojeca Ñandeyárape ja opa umi pytagua oñembo jéra vaecue Che Rérape. Upeicha jei Ñandeyára pe oyapóva opa mbae Jae oicuaá vaecue voi iñypyrumbŷ guive voí. Upevareje che aimoâ naipôrâijá ñamuanguecói reí umi pytaguape umi oñemboyere râmô vaecuepe Tûpâ Ñandeyárape. Tayaéucá mante ichupecuera anive jaguâ oyejea umi taângá rejeguava reje ja toyepea mbae tieŷ gui, ja ani jaguâ jou mbae yubŷpyré terâ tuguycue. Oime voí ymaite guive yepe opa tetâme um oñemoñeêva Moises ñeêngue gui ja omoñeêva Moises cuatia itûpâope cuera opa sabado árape. Uperamo oyuju pôrâ upeicha umi Apostol cuera ja umi carai ituyáva opa pe Iglesia Cristorejeguava ndive oiporavó jaguâ iyapytegui cuera cuimbae cuera omondo vaerâ Antioquiape Pablo ja Bernabe ndive, upe Judas jéra yoáva avei Barsabbas, ja Siláspe, carai cuera tuvichaitévéva jeŷícuera rejegua guive. Ja jiâ ichupecuera oyapo cuatia ñeê omondo vaerâ ipo rupi jeíucájá: Umi Apostol cuera ja umi carai ituyáva ja umi ñande reŷícuera ore pomomaitéiucá peême, peê ore reŷícuera pytagua rejeguava Antioquia pegua ja Siria pegua ja Cilicia pegua. Ore rojenduma rae oimejá peteîva ore rejeguacuérava, ndo ore remimondovái voí, pene muanguecóiva jicuai jemimboe rupi ja ombo tarovajá jina pende pya: upévareje coanga jiâ oreve roñembyatyjápe roiporavó carai cuerape romondo vaerâ pene rendape ore rayjupára Bernabe ja Pablo ndive: umiva voi carai cuera omoî vaecue jecové cuera Ñandeyára Jesu Cristo réra rejejápe. Aiporamo romondo Judaspe ja Silaspe, ja jaecuera avei oicuaaucáne peême iyurueté rupi peteîcha. Jiâ voi Espiritu Santope ja oreve avei ani jaguâ mbaeve ipojyiva oñemoî peême, umimbae tecôtevêvévante, ani jaguâ peu soo oñecuameê vaecue ombuetéjápe taângá, ja ani jaguâ peu tuguy ja soo yubŷpyré guigua, ja ani jaguâ pende reco tieŷ. Upeicharamo peñeñangareco ramo umimbae gui peyapo pôrânerae jecópe. Ta peico pôrâ tamo. Upei catu umi jemimondo cuera ojo Antioquiape ja ombyatypá umi jeŷícuerape ja omeê ichupecuera pe cuatia ñeê. Ja umiva omoñeê ichupe ja oguerojorŷeté ja pe oyeéucá vaecue ipypeguare ombopyaguapŷ ichupecuera. Ja Judas ja Silas avei, jaecuera avei oñemoñeêjara rejegua voi, oñemoñeê pucu avei ja upeicha ombopyáguapŷ jeŷícuerape, ja omombaraeté ichupecuera. Ja oico aremi upepe, ja upei umi jeŷícuera omondo yeby ichupecuera ipya kîrîrîjápe umi imboújaré rendape. Silaspe voí ipôrâ rae opyta upepe. Ja Pablo ja Bernabe opyta aremive, ja jeta ambue cue cuera ndive oporomboe oicovo ja omojerâcuâ Ñandeyára Ñeê Pyaju Evangeliopeguare. Upea jague mboby ára jápe Pablo jei Bernabépe: Yayebŷnte ñañandú ñande reŷícuerape opa umi tetâ ñamojerâcuâ jague rupi Ñandeyára Ñeê ja yajecha mbaéichapa jicuai. Ja Bernabe oipota omoîrû ichupe cuera upe Juan jéra yoáva Marcospe. Pablo voí oimoâ nda iyaí jaguâ omoîrû ichupecuera upe oyepea rei vaecue ichugui cuera Pamfilia gui ja ojose ŷ vaecue jendive cuera jembiapo jaguâme. Ja upeicha oyuaby jicuai oyuejegui ja upeagui oyepea oyuejegui ja Bernabe ogueraja Marcospe jendive, ja ojo ŷguasu rupi Ciprope. Ja Pablo oiporavó Silaspe ja jeŷícuera oñemboé Ñandeyárape oipytyvô jaguâ reje ichupecuera, ja upeicha jaecuera oyeói. Ja ojasa oicovo Siria rupi ja Cilicia rupi ja omombaraetévo umi Iglesia Cristo rejegua cuéravape. Uperire ôguajê Derbepe ja Listrape ja oi upepe peteî Cristo remimboe rejeguava, jérava Timoteo, peteî cuña caraí memby, co cuña carai Judia oyeroviava Cristo reje, itúva voí Griego. Co cariay jerâcuâ pôrâite umi jeŷícuera Listra ja Iconiope jicuaiva ndive. Upevape voi Pablo oipota omoîrû ichupe ja oipyjy ichupe ja omongaraíucá ichupe umi Judio reco rupi, oime járeje Judio cuera upepe: opava oicuaa voi ituva Griegojá. Ja ojasavo umi tetâ rupi omboe ichupecuera ombuaye jaguâ reje umi tembiapoucapŷ omboe jague umi Apostol cuera ja umi carai ituyáva jicuaiva Jerusalempe. Upeichavo umi Iglesia Cristo rejeguáva oñemo mbaraeté ojovo oyerovia jâtâvo ja opa árape oñembo jetá jetávé. Ja upegui ojasa Phrygiape ja pe Galicia retâ rupi, pe Espiritu Santo oyoconte ichupe cuera ani jaguâ oñemoñeê pe Ñeê gui Asiape. Ja ôguajêma ramo Misiape oñejaâ ojo Bitiniape, ja oyoco yeby ichupecuera Jesús Espiritu. Upévareje ojasa Misia ypy rupi ja ôguajê Troaspe. Ja peteî pyjarepe Pablo ojecha iképegua peteî cuimbae Macedoniaŷguaicha oñemoî guaú jenondepe oyerurévo ichupe guaú ja jeivo ichupe: Eyo coa cotŷó co Macedonia peve ore pytyvô jaguâ. Upei catu ojechama ramo pe iképegua upevove roñejaâ rojo Macedoniape rogueroviávo añetejá Tûpâ Ñandeyára ore renoîucá jague remojerâcuâ jaguâ pe Evangelio ichupecuera. Upei catu rosê Troas gui ja roipyjy tapé careŷva rojo jaguâ Samotraciape. Ja pe ára ambuepe roguajê Neapolispe, ja upegui rojo Filipospe, pe tetâ tuvichavéva Macedoniapegua, ja pytagua renda voí. Ja ropyta upepe pe tetâme mboby ára. Ja peteî sabado árape rosê pe tetâ rokê gui ocape pe ŷ cotŷvo roimôa jague oiméjá ñemboejá renda. Ja roguapy upepe ja romongueta umi cuña carai oñembyaty vaecuepe upepe. Ja oime peteî cuña carai jérava Lidia ao joby ñemûjára pe Tiatira retâŷgua, cuña iñemboecatúva ombuetéva Tûpâ Ñandeyárape, ojendú jiconi. Ja Ñandeyára oipea ichupe ipya oyapysacá pôrâ jaguâ Pablo ñemoñeê reje. Ja oñemongaraima ramo ja umi jogaŷgua, jae oyerure oreve jeivo: Perovia ramo añetéjá che ayeroviajá jecópe Ñandeyára reje peiké che rogape pepyta jaguâ che mbojupá ramo. Ja upeicha omojêjê catuetei roiké jaguâ. Ja peteî ára sapya ore rojo ramo roina roñemboe jaguâ osê ore ruvâiti peteî cuña taí payécuaáva. Upeva ôguenojê jeta mbaerepy iyára cuera peguârâ ojaûvô pype. Uperamo ojo Pablo rapycueri ja ore rapycueri osapucai jeivo: Coâva co carai Tûpâ Ñandeyára yvapegua rembiguai co omojerâcuâva peême pe Tapé peñembo jecomarangatu jaguâ. Upeicha oyapo jeta ára, ja uperire oñembo cuerái Pablo, ja sapyaite opyta oyere ja jei pe mbaepochy ipype oivape: Che royocuai ndeve Jesu Cristo rerape resê jaguâ ichugui. Ja sapyaite osê uperamo voí. Ja ojecha ramo iyára cuera ndiporivéimajá ôguenojêucá ichupe mbaerepy, oipyjy Pablo ja Silaspe ja ogueraja ichupecuera pe tetâ mbytepe umi juvicha cuera rogape. Ja omoingue ichupecuera umi mburubicha renondepe, ja jei: Coa cuimbae Judiova omboaybu ñaneretâme, ja omboe oicovo ogueco cuera reje, naipôrâi ñande yaicuaa ja ñambuaye, ñande cuera Romano voi. Upei catu iyatypa pe tetaŷgua jiari cuera ja umi mburuvicha omondoro iyao cuera ja oinûpâucá ichupecuera ybyrape, ja jeta ombuepotíucá ichupecuera ja omoinguéucá ichupecuera ybyracuá rogape, ja jeíucá pe ybyracua rerecuápe oñangareco jâtâ jaguâ jesecuera. Ja jae ojendu ramo pe jeiuca vaecue ichupe omoingue ichupecuera pe ybyracua roga cotypy peve ja oyopy jâtâ ipy pe ybyracuape. Ja pe pyjare pyte Pablo ja Silas oñemboe jina ja opurajei Tûpâ Ñandeyárape ja umi jicuaiva avei ybyracua rogape ojendu jicuai. Upegui sapyaite oico peteî yby ryryi tuvichava omomyi jaguâicha pe oga rapó ja sapyaite umi okê oyepeapá rei ja umi ybyracuápe jicuai vaecue oyepoípa iñapytî jaguegui. Ja pe iñangarecójára opaŷ ja ojechama ramo umi okê nandi, ôguenojê ikyse pucu oyeyucápotávo oyupe, oimoâjape umi ybyracua rogape jicuai vaecue oyeóipá jague. Upei catu Pablo osapucaijape jei: Ani reyapo mbaeve ndeyeje! Ore nico roimemba coápe. Upei catu jae ojenoî oyerurévo tataendy reje ja oiké pyae pe cotypype ja oryryijápe oyeity Pablo ja Silas renondepe. Upegui ôguenojê voí ichupecuera pe coty gui ocape, ja jei: ¿Carai cuera, mbaépa tecôtevê ayapo anichene jaguâ che mârâ? Upevove jei jaecuera: Eyerovia Ñandeyára Jesú Cristo reje ja na ne mârâi chene nde ja nde rogapegua. Ja upévo oicuaáucá ichupe Tûpâ Ñandeyára Ñeê ja opa umi jogapeguape. Uperire oipyjy ichupecuera upe pyjarepe yepe ja oyojei ichupecuera pe oñenûpâ jague. Ja upei jae oñemongarai ja opa jesegua cuera. Ja jae ogueraja ichupecuera jogáteépe ja omoî ocaru jaguâme, ja oguerojory eterei oyeroviama jaguereje Tûpâ Ñandeyára reje opa umi jogapegua rejeve. Ja coêma ramo umi mburuvicha omondo umi jembiyocuáipe jeiucávo opoí jagûa umi carai gui. Ja pe ybyracua roga rerecúa oicuaaucá umi ñeê Pablope ja jei: Umi mburuvicha ombou curi jeiucávo oyepoi jaguâ pendejegui. Upeicharamo ipôrâ coanga pesê ja peyeói kîrîrîjápe. Upei catu jei Pablo: Ore nûpâ rae oreve opava resape ore moñeê ŷ rire ja Romano ramo yepe ore ore moingue ybyrácuápe. ¿Ja coángapa oremosêse oreve ñemijápe. Mbaeveicharamo. Tou jaecuera ja tore renôjê. Ja umi tembiyocuai oyeby ja jei umi mburuvichape umi ñeê gui, ja jaecuera okyjŷyé ojenduma ramo Romanojá. Upevareje ou ja oñyrôse ichupecuera, ja ôguenojê voi ichupecuera ocape ja oyerure osê jaguâ upe tetâgui. Upei catu osê upe ybyracua jágui, ja oiké pe Lidia rogape, ja ojecha ramo umi jeŷicuerape ombo pyaguapy ichupecuera ja upegui osê ojo. Upegui ojasa ojovo Amfipolis ja Apolonia rupi ja ôguajê Tesalonicape. Upepe oime Judio tûpaô. Ja Pablo oyepocuaavajáre oiké Jendápe cuera tûpâope, ja mbojapy sabado ára oñemongueta jendivecuera pe Santa Escritura gui, oicuaaucá pôrâvo ja omoañetévo tecôtevê jague voi ojasa asy Cristo ja oicové yeby umi omano vaecue paûgui, ja co Jesús che amojerâcuâva peême (jei jae) jae Cristojá. Ja oime jaecuerava ogueroviáva ja oyejeáva Pablo ja Silas reje, ja jetaite umi Griego iñemboecatúva avei ja umi cuña carai imbae pôrâva avei jeta. Upevareje umi Judio jaecuerasénte gui oyocuai tecové reco rei reivape ja jecoŷvape ombyatypá jaguâ umi tecové reco reiva ambuecuepe omboaŷbu vaerâ pe tetâme, ja umiva oyapipa Jason roga ogueraja potávo ichupecuera pe tetaŷgua ñemonoôjápe. Ja ndoyujui ramo ichupecuera ombosyryry Jasonpe ja peteîva jeŷicueravape umi mburuvicha rendape. Ja oguero sapucai jeivo: Coa cuimbae ombovapŷ vaecue co yby, anga ou coápe avei, ja co Jason oguerojory ichupecuera. Opa coâva ombuai Cesar rembiapoucapy ja jei oimejá mburuvicha guasu ambue jérava Jesús. Ja ojenduma ramo upea, pe tetâmegua ja umi mburuvicha ipya tarová. Upeicharamo yepe, omeêma ramo iñeê pe Jason ja umi ambuecuecuera jeco pôrârâme, oyepoí ichuguicuera. Ja upe pyjare vointe umi jeŷicuera omondo Pablo ja Silaspe Berea peve. Ja jaecuera ôguajê vove upepe oiké pe Judio tûpâope. Umiva catu jeco pôrâiteveva umi Tesalónicape jicuai vaecue gui. Jaecuera voí oguerojory upe Ñeê kyreŷjápe ja oipea oyepobyby pe Santa Escritura pe opa árape ojecha jaguâ upeichapa umimbae? Upevareje jeta jaecuerava oguerovia, jeta cuña cuera Griega mbae rerecojá ja jeta carai cuera. Upegui oicuaama ramo umi Judio Tesalonicaŷgua oñemo jerâcuâ jague Ñandeyára Ñeê Pablo yuru rupi Bereape avei, umiva catu ojo upepe avei, ja omomyi ja omboaybu pe tetâŷguape. Upemaramo umi jeŷícuera omondo Pablope ojo jaguâ ŷguasu cotŷvo. Silas ja Timoteo añónte opyta upepe. Ja umi omoîrû vaecue Pablope ogueraja ichupe Atenas peve ja upegui ojenduma ramo pe jeiucáva Silas ja Timoteope ou jaguâ Jendápe pyae icatu jagueicha voi, jaecuera oyeby. Uperire Pablo ojaarô aya jiconi Atenaspe oyepyapy ojecha ramo upe tetâ jenyjêmba taângá gui. Upeichavo oñemongueta tûpâope umi Judio ja umi iñemboecatúva ndive ja pe oñeñemûjápe opa árape avei oñemongueta umi ôguajêva Jendápe ndive. Ja oime iñarandúva umi Epicureo cuérava ja umi Estoico cuérava oñemonguetáva jendive. Ja oime jeiva: ¿Mbaépa jeise co iñeêngatúva? Ja oime ambuecue jeiva: Ñaimoa oñemoñeêjara umi pytagua tûpâ cuera gui (Upeicha jei omojerâcuâ jague reje pe Ñeê pyaju Evangeliopeguare pe Jesúsgui guare ja pe yaicove yeby jaguâ guare omano vaecue paûgui). Ja oipyjy ichupe ja ogueraja ichupe pe Areopagope jeivo: ¿Ndicatuipa reicuaaucapa oreve co temimboe ipyajúva reñemonguetajá jina? Ipyaju voi co roicuaaŷva co rerúva ore apysápe. Roicuaase mbaépa jeise coambae. (Opa umi Atenasŷgua voí ja umi pytagua upepe jicuaiva ndoyapoi mbaeve ambue omombeúvo ja ojendúvo mbae ipyajúva mante.) Upei catu Pablo oñemoí oñemboŷ pe Areopago mbytepe ja jei: Carai cuera, peê Atenasŷgua, che ajecha peêcuera peneñemboecatujá añete. Coanga voi aguata aicovo ja amaê pene raânga roga cuera reje ayuju avei peteî taângá renda coa ñeê rejeve: Pe Tûpâ oyecuaaŷvape. Upe peêcuera pembuetéva peicuaaŷme, upévape che aicuaauca peême. Pe Tûpâ voí oyapo vaecue co yby ja opambae ipype oimeva, Cova pe yvaga ja co yby Yara iñypyrumbŷ guive voi, Upeva ndoicoi tûpâo oyeyapo vaecue ñande po rupipe, ja noñembuetéucái carai cuera po rupi, Jae oicôtevêvaicha mbae gui. Jae omeêva opavape tecove ja pytujê ja opa mbae. Jae voi oyapo vaecue peteî tuguy gui peteîchante opavave ybypóra rejegua reŷicuera oico jaguâ oparupi ybyari ja yma guive voi omoingo ichupecuera jecové pucucue ja jetâ oico jaguâ tuvichacue, icatu jaguâ ojeca Tûpâ Ñandeyárape icatu jaicha oyepobybyjápe oyuju Ichupe. Añete Jae vointe na imombyryi avave ñandejegui cuera. Ipype voi ñande yaicove ja ñamyi ja ñane ñaime, jei jagueicha peteî umi pene arandu vaecue: Jeseguánte avei ñandecuera. Upévareje Tûpâ Ñandeyára rejegua ramo ñande, anichene ñamboyoya Tûpâ Ñandeyára rejeguava peteî taângá oro terâ plata terâ itá guigua iyapopyré ybypóra catupyrŷcue ja aranducue rupi reje. Añeté voí Tûpâ Ñandeyára ojechaguí oguero kîrîrî ramo yepe umi ymaguare itaby ramo guare, coanga catu omombeúucá opa umi ybypóra opa tetâmeguape toñembo jecópyajú jaguâ pyámbyasŷjápe, omoîma járeje peteî ára omoñeê jaguâ jecópe umi ybypóra cuerape peteî caraí rupi Jae omoingo vaecue mburuvicha ramo, oyeroviáucávo opavape omoingove yeby jague reje pe Caraipe umi omano vaecue paûgui. Upei catu jaecuera ojendú ramo oyee ramo oyeicové yeby jaguâ umi omano vaecue paûgui, oime peteîva oñembojoryva ja oime ambuecue jeiva: Torojendu yeby coambae gui ára ambuepe. Upeicha osê Pablo iyapytegui cuera. Oime voi cuimbae cuera oyejeava jese ja oyeroviava Cristo reje, umiva apytepe oime avei pe Dionisio pe Areopagoŷgua, ja peteî cuña caraí jérava Damaris ja oime ambuecue jendivecuera. Uperire osê ojo Pablo pe Atenas gui, ja ou Corintope. Ja upepe oyuju peteî Judiope jérava Aquila Pontoygua ja jembireco Priscilla, ôguajê ramôva Italia gui, pe mburuvicha guasu Claudio omosêmba jaguéreje umi Judio cuerape Roma gui. Ja Pablo oñandu ichupecuera. Ja peteînte tembiapopegua járeje jae opyta jendivecuera ja ombaapo: iyejecájá voi oga aoguigua apojaré ramo. Ja opa sabado árape jae oñemongueta pe tûpâope ja ogueroviáucá umi Judio ja umi Griego cuerape. Ja ôguajê rire Silas ja Timoteo Macedonia gui uperamo Pablo oyeyocuáiucá pe Ñemoñeê añóntepe, oicuaáucávo umi Judiope Jesus Cristojá. Upei catu oñemoî ramo umiva jese ja oyao ramo ichupe, jae oitybyro iyao ja jei ichupecuera: Penderuguŷ topytá pene âcâ reje. Che che po pôtí coanga guive. Ajasata umi pytagua rendape. Ja ojovo upegui oiké peteî carai jérava Titio Justo rogape, carai ombueteva Tûpâ Ñandeyárape, joga tûpâo ypype. Ja Crispo pe tûpâó ruvicha oyerovia Ñandeyára reje opava umi jogapegua rejeve, ja jeta umi Corintoygua ojendu ja oguerovia ja oñemongaraíucá. Ja peteî pyjare Ñandeyára oñeê iképe Pablope jeivo: Ani rekyjŷyé! Eñemoñeê mante, ja ani rekîrîrî. Che voi aime nendive. Ja ndipori avave oñemoî vaí vaerâ ndereje oyapo vaí jaguâ ndereje. Jeta voi oime ybypóra Cherejeguarâ co tetâme voi. Ja upeicha opyta upepe peteî año ja seis yasy peve oporomboévo iyapytepe cuera Ñandeyára Ñeêreje. Ja pe Galion oi ramo jiconi mburuvicha ramo Acayape, umi Judio opuâmba oñondive Pablo reje ja ogueraja ichupe mburuvicha rogape, jeivo: Cova ogueroviáucá umi carai cuerape ombuete jaguâ Tûpâ Ñandeyárape jecoŷme. Ja oipea ramo Pablo iyuru oñeê jaguâ, pe Galion jei raê umi Judio cuerape: Peê Judio cuera, jembiapo vaí tuvicha rire terâ iñaña itieŷvaicha rire co carai, mo che pojendu rae peême jecópe. Anga peñejaâ járeje oñondive ñeêngue rejente ja téra reje ja pene retâ reco reje, peê vointe pejecha vaerâ umimbae reje. Che nico ndaicosei mburuvicha ramo umichagua mbaepe. Ja upeicha omosê ichupecuera pe mburuvicha coty gui. Upemaramo oyapi Sostenespe pe tûpâo ruvichape ja oinûpâ ichupe pe mburuvicha roga renondepe. Ja Galion voí na iñanguecoíri mbaeve umimbae reje. Ja uperire Pablo opyta jeta ára gueteri upepe ja uperire oyepea umi jeŷícuera gui ja ojo ŷguasu rupi Siriape ja oime jendive Priscilla ja Aquila. Jae voi oñeñapîucá rae jiáva Cencreape oicuameê jagueicha upearâ. Ja ôguajê Efesope ja upepe ojeya umi ambuecuepe, ja jae oiké pe tûpâope ja oñemonguetá umi Judio cuera ndive. Ja oyerure ramo yepe jaecuera opyta are mive jaguâ, jae ndopytasei. Jeinte ichupecuera oyeivo: Ayu yebyne pene rendape Tûpâ Ñandeyára oipota ramo. Ja upegui osê Efeso gui, ja ôguajê rire Cesareape ou Jerusalempe. Ja oñandu rire pe Iglesia Cristo rejeguávape ojo Antioquiape. Ja jiaremi rire upepe oyei upegui ja oñandu oicovo opavave pe Galicia retâ rupi ja Phrygia rupiguape ombo pyaguasúvo opa umi Cristo remimboecuerape. Upeyave ôguajê rae Efesope peteî Judio, jérava Apolos, Alejandriaŷgua, carai oñemoñeêcuaáva ja oiporúcuaá pôrâva pe Santa Escritura, ja oicuaa pôrâva Ñandeyára Rapé ja oñemoñeê ikyreŷetéva ja oñemoñeê ja oporomboéva jecópe umi mbae Jesú rejegua oicuaa ramo yepe pe Juan omongarai jague mante. Upéva oñypyrú oñeê okyjŷyé ŷ reje tûpâope ja Priscilla ja Aquila ojendu ramo ichupe omojaeño ichupe ja omboe pôrâve jecópe ichupe Ñandeyára rapé. Ja ojasase ramo Acayape, umi jeŷícuera oipytyvô ichupe ja oguerajáucá cuatia ñeê iporupi umi Cristo remimboecuerape oguerojory jaguâ ichupe. Ja ôguajê ramo jeta oipytyvô jae umi ogueroviá vaecuepe Ñandeyára pyapôrâ rupi. Ja jae oñejaâ tuvicha umi Judio ndive ja oñapytî ichupecuera iñeême opava resape ojechacuaaucá pype Santa Escritura rupi Cristojá pe Jesús. Upeyave Apolos oi aya Corintope, Pablo oicopá umi tetâ yvatevogua rupi ôguajê meve Efesope, ja upepe oyuju peteîva Cristo remimboecuerape, ja jei ichupecuera: ¿Peipyjŷpa rae peê Espiritu Santope perovia rire? Ja jaecuera jei ichupe: ¿Mbaéicha nipo? Ore no rojendui yepe oimejá Espiritu Santo. Ja jae jei: ¿Avá rérapépa, upeicharamo, peñemongarai racae? Ja jaecuera jei: Pe Juan Bautista rérape. Ja jei Pablo: Pe Juan imongarai jaguepe oñemoñeê toñembo jecopyajú pyambyasyjápe oñemongarai jaguâ ja jei pe tetaŷguape oyeroviá jaguâ upe jaerire ou vaerâ reje, yaicuaa Jesús reje. Ja ojenduma ramo upea, oñemongaraípa Ñandeyára Jesús rérape. Ja omoîma ramo Pablo ipo jesecuera ogueyŷ pe Espiritu Santo ichupecuera. Ja oñeê ambue ñeême ja oñemoñeê. Jetacue voi umi jicuaiva upepe doce cuimbae. Ja upepe oiké pe tûpâope ja oñemoñeê oicovo okyjŷyé ŷ reje mbojapy yasy pucu cue oñemonguetáva ja ogueroviáucávo Tûpâ Ñandeyára reco marangatu rejegua gui. Opaichavévonte oime oñembopyájâtâ vaecue ja ndogueroviasevái ja oñeê vaíva pe Tapé gui opava resape. Upeareje jae oyepea ichugui cuera ja oipea avei umi jemimboecuerape ja opa árape oñemoñeê pe oporomboejára Tiranno rogape. Ja upeicha oyapo mocoî año peve ja upeicharupi opa umi oicova pe Asia retâme umi Judio ja Griego ojendu Ñandeyára Ñeê, ja Tûpâ Ñandeyára oyapóucá mbaeguasu jechapyrâ imombeupyrâ Pablo po rupi. Ja jetégui yepe oyererajá umi jasyvape cuera iñuâjá ja iyao pejengue ja upeicharupi oyei ichugui cuera imbaasy ja osê umi mbaepochy ichugui cuera. Ja oime Judio ipayéva oico reí reíva oñejaâva ojenoî umi mbaepochy rerecojá ári pe Ñandeyára Jesús réra jeivo: Pojenoî Jesú rupi pe Pablo omojerâcuâva. Ja oime siete cuimbae pe Judio pai ruvicha Sciva raŷcuera oyapo vaecue upeicha jicuai. Ja oñeê pe mbaepochy ja jei ichupecuera: Jesúspe añete aicuaa ja ajechacuaa avei Pablope: ¿Peêcuerapa? ¿Avápa peêcuera? Ja pe mbaepochy rerecojá oyapi jesecuera ja ipuaca jesecuera ja oyapyjy ichupecuera, ja upeagui jaecuera oñeguajê pe oga gui opívo ja oyecutúpá. Ja oñemojerâcuâ upea umi Judio ja Griego jicuai vaecuepe Efesope, ja okyjŷyépá jicuai ja oñembotuvicha Ñandeyára Jesús réra. Ja jeta umi ogueroviava ou oñemombeuvo ja oicuaáucávo jembiapo vaí cue. Upeicha avei jeta umi oyapo vaecue payé ogueru icuatia ja ojapŷpá opava resape, (Ja oipapa ramo jepycue oyuju ojupity jague cincuenta mil mbaerepy). Upeicha ocacuaa ipuaca rejeve Ñandeyára Ñeê ja oñembo tuvichave ojovo. Uperire oyejupá rire umimbae oñemoî Pablo ipyápe ojasa jaguâ Macedonia ja Acaya rupi ojo jaguâicha Jerusalempe ja jei ipyápe: Aico rire upepe tecôtevêne ajecha Roma avei. Upei catu omondo Macedoniape mocoî umi ipytyvôjarépe Timoteo ja Erasto: jae ae voi oico aremi gueteri Asiape. Ja uperamo oico aybu guasu pe Ñandeyára Rapé reje. Oime oico vaecue upepe peteî taângá apojaré yára jérava Demetrio, oyapoucá vaecue Diana tûpâo raânga, ja oyocuai jeta umi taângá apojarepe jeta jembiapo repycuerâ. Upeva ombyaty ichupecuera ja umi ambuecue ombaapóva upeichagua tembiapopeguape ja jei ichupecuera: Cuimbae cuera, peê peicuaa voi co ñane rembiapo gui jeta ñanojê mbaerepy, ja pejecha ja pejendumanerae na co Efesoŷguapeñoi, jaimete opa Asia yererejeguape avei co Pablo ogueroviáucá, ja omombia jague jetaitepe jei pype ndajaéijá tûpâ cuera umi oyeyapova ñande po rupi, ja na ñane rembiápói añó yarokyjŷyé vaerâ opánte jaguâ ñandejegui, icatu co ñane tûpâsŷ guasu Diana tûpâo oyeyapo jaguâ mbaeve ramo ja upeicha icatu oñembyaipá jaguâ tuvichacue, upe ombueteva voí opáva umi Asiapegua guive ja opáva ybypóra avei. Ja ojenduma ramo âmbae ipochŷpa jaecuera ja osapucai jeivo: Tuvicha co Diana Efesopegua! Ja iyaŷbúpá pe tetâ ja oñembyatŷpá oñondive peteî oga guasupe ja ogueraja upepe Gayo ja Aristarco Macedoniaŷguape Pablo îrûnguera. Ja oikése ramo Pablo umi oñembyatŷva paûme, umi jemimboe cuera ndoipotai. Ja oime avei carai, mburuvicha Asia pegua, jayjupára cuérava voí, ja umiva omondo Jendápe oyerurévo ichupe ani jaguâ oyejechauca pe oga guasupe. Ja oime osapucaiva yopará umi iyatŷva upepe oyavooipá jicuai ja jaimete opavave ndoicuaai mbaerejepa oñembyaty raé upepe. Ja umi jeta apytegui ôguenojê Alejandrope ja oñatôi ichupe umi Judio. Uperamo Alejandro ojechauca ipo okîrîrî jaguâ oñeêse járeje oyeje umi oñembyatŷvape. Upegui ojechacuaama ramo jae Judiojá, oico peteî aybu guasu osapucai yoava jaimete mocoî hora rupi: Tuvicha co Diana Efesopegua! Upei catu pe mburuvicha, ombopyáguapŷma ramo umi oñembyatŷvape, jei ichupecuera: Peê cuera carai Efesopegua, ¿mávapa oime cu cuimbaecuera gui oicuaaŷva co ñane retâ Efeso co tûpâsŷ guasu Diana tûpâo rerecuájá ja cu jaângá rerecuájá co joa vaecue yvaga gui Jupiter gui. Upeicharamo ndicatuima guive oyee añeteŷjá, tecôtevê pende pyaguapy ja ani mbaeve peyapo peñeñandu ŷ reje. Peêcuera peru raé coápe coa carai cuerape omonda ŷ va tûpâope mbaeve ja noñeêvaívái ñane tûpâsŷ reje. Upeicharamo, co Demetrio ja umi ombaapova oiva jendive oyuaby ramo ambue ndive, oime voí oñemoñeê jaguâ ára ja oime mburuvicha cuera; toñeê oyueje jecope. Ja oime ramo mbae ambue peyerure jaguâ, upeva oyecuaáucá vaerâ jecópe mburuvicha ñemonoójape. Icatu vaerâ gueteri ñañe jenoîucá co aybu co ára pegua rupi oime ŷ reje mbaeve ñamombeu pôrâ jagua mbaerejepa oñembyaty raé jicuai. Ja jeipávo upeva omuasâi umi iyatŷ vaecuepe. Uperire opama ramo pe aybu Pablo ojenoîucá umi jemimboe cuerape, ja ombo pyaguasúma ramo jae oñañuâ ichupecuera ja upeicha oyepea ichuguicuera ja oyei ojo jaguâ Macedonia cotŷvo. Ja oico rire umi tetâ rupi ja jeta oñemoñeê rire ombo pyaguapŷvo ichupecuera ôguajê Greciape. Ja oico rire jae upepe mbojapy yasy, umi Judio oñemoî omoñujá jese ojo ramo guârâ jae Siriape. Upevareje oyuju pôrâ oyerévo Macedonia rupi. Ja omoîrû ichupe Siriapeve Sopater, pe Pirro raŷ, Bereaŷgua, ja umi Tesalonicaŷgua, Aristarco ja Segundo ja Gayo pe Derbeŷgua, ja pe Timoteo ja umi Asiaŷgua, Tiquico ja Trofimo. Ja umiva ojo tenonde ja ore raârô Troaspe. Ja upe arete mbuyape caraipegua rire rosê rojovo ŷ rupi Filipos gui ja rôguajê Jendápe cuera Troaspe cinco arajápe, ja upepe ore ropyta siete ára. Ja pe iñypyrumbŷ árape roñembyaty roipejaâvo mbuyape carai ja Pablo oñemoñeê ichupecuera ojotama jina pe ára ambuepe, ja upeicha ombopucu iñeê pyjare pyte peve. Ja oi jeta tataendŷ pe coty yvatevape pe oñembyaty jaguepe jicuai. Ja oime peteî cariay jérava Euticho oguapy vaecue jina pe ovetâme ja jopejyi jina Pablo oñemoñeê pucu eterei ramo jina. Ja upeicha oyopy eterei gui jopejyi joa pe mbojapy cotŷjá gui ybype ja oyejupi jeôngue. Upei catu Pablo ogueyŷ ja oyayby jiari ja oñañuâ ichupe jeivo: Ani pene anguecoi, jiánga oi ipype gueteri. Ja upegui oyupi yeby ja oipejaâ ja jou pe mbuyape carai ja oñemoñeê pucu gueteri coêmeve, ja upeicha ojo. Ja jaecuera ogueraja upe cariaŷpe jecove rejeve ja jeta ipya joryva. Ja ore royupi pe mbayrupe ja rojo ŷrupi Assonpe rojuvaîti jaguâ upepe Pablope. Upeicha voi oimoa racae jae ojo jaguâ yby rupi, ja jae ore ruvaîti oreve Assonpe, ja upepe romboyupi ichupe mbayru ári ja royu ŷrupi Mitilenepe. Ja upegui rojo ŷrupi ja pe ára ambuepe rôguajê pe Chios rovai ja pe ára ambuepe royu Samospe ja ropytuúmi rire Trogiliope pe ára ambuepe rôguajê Miletope. Jiâ voí rae Pablope ojasa jaguâ Efeso rovai rupi ani jaguâ ropyta rei Asiape, jae voí jangé ombuaye jaguâ pe arete guasu Pentecostes icatu ramo Jerusalempe. Ja pe Mileto gui omondo Efesope ja ojenoîucá umi carai ituyávape tûpâopegua. Ja ou ramo Jendápe jae jei ichupecuera: Peê cuera peicuaa pe ára iyŷpy vaecue guive apyrû jague Asiareje mbaeichapa aico racae penendive opa árape tapia, oyeyocuáiucávo Ñandeyarape pya pôrâ apytepe ja jeta tesáŷ rejeve ja pyambyasy che yopŷva, umi Judio omoñujá jague reje chereje, ja ndiporija mbaeve ipôrâ vaerâ peême añejaâ vaecue amoâ pendejegui, upea rangue aicuaauca peême ja pomboejá jecópe opava resape ja pende roga cuera rupi avei, aicuaaucávo umi Judiope ja umi Griegope oñembo jecopyaju jaguâ Tûpâ Ñandeyára rejeguarâ ja oyerovia jaguâ Ñandeyára Jesú reje. Ja coanga voi che pya yeyopy nunga aja jaguâ Jerusalempe aicuaa ŷ reje mbaépa upepe oyeju vaerâ cheve. Cova mante oicuaáucá cheve pe Espiritu Santo opa tetâ rupi jeivo upepe oime jaguâ cheve ybyrácuá ja ajasa asy jaguâ. Opaichavévo mbaeve umimbae na che monguyjŷyéi ja na che râcâteŷi che recové reje, iya mante guive cheve amombá che rembiapo torŷpápe ja ayapopá jecópe Ñandeyára Jesús rembiapóucápŷ cheve aicuaauca jaguâ pe Evangelio gui ja Tûpâ Ñandeyára pya pôrâ gui. Ja coanga voi che aicuaa máramo pejechave ŷ jaguâ che rová peê añemoñeê jague Tûpâ Ñandeyára pyápôrâ gui. Upévareje aicuaauca peême cova coa árape che che pôtíjá opavave ruguŷ gui. Che namoâi vaecue avavegui co Tûpâ Ñandeyára oicuaáucá vaecue peême. Upevareje peñeñangarecó pendeyeje, ja peñangareco opa umi iyatŷvareje pe Espiritu Santo penemoî jague peême iñangarecojárarâ, peico co Tûpâ Ñandeyára Iglesia rerecuárâ co oyogua vaecue Jae juguŷteé reje. Che aicuaa voí che aja rire oiké vaerâ jaguâ pende apytepe aguará guasu ipochŷva ipojyiva ojeya rei ŷ vaerâ pende reŷi cuerape, ja pene paûgui voi opuâne cuimbae oñeê vaerâ mbae penembotaby vaerâ ogueraja jaguâ umi Cristo remimboe cuerape japycueri voí. Upevareje peñeñangareco penemanduajápe mbojapy año pucu cue ára ja pyjare Che ndapoiri jague pomboévo peême che resaŷ rejeve yepe. Ja coanga, che reŷi cuera, pojeya peême Ñandeyárape ja pe iñeê ipya pôrâ rejeguávape, upéva ipuaca voí penemboe pôrâ jaguâ ja omeê jaguâ peême peico jaguâ oyoerecua ramo umi imarangatuva ndive. Che ndaipotai vaecue mbaeve avavegui, mbaeve plata, mbaeve oro, mbaeve ao avavegui. Peê cuera voi peicuaa pôrâ co che po vointe omoî jague cheve che remicôtevê guârâ ja umi chepytyvôjare remicôtevêguarâ avei. Che voí pomboe peême catuetei ñambaapo jaguâ ja upeicha tecôtevê yayapo jaguâ ñaipytyvô jaguâ umi jasŷvape cuera ja ñane manduá jaguâ pe Ñandeyára Jesús ñeêngue reje Jae jei jagueicha: Ipôrâve ñameê jaguâ yaipyjy jaguâ gui. Ja jeipáma ramo umimbae oñesû ja oñemboe opavave jendivecuera. Uperamo oyajeópá jicuai ja oñañuâ Pablo ayuri ja oyurúpyté ichupe, ombuasy tuvichaite upe ñeê jei vaecue reje ojecha ŷ ve jaguâ jová. Ja jaecuera omoîrû ichupe ojovo mbayrupe. Uperire oyepeama ramo ichuguicuera rojo ŷrupi rôguajê jaguâicha Coospe ja pe ambue árape royú Rodaspe ja upegui Patará peve. Ja upepe royuju peteî mbayru ojotava jina Feniciape. Ja royupi jiari ja rojo. Ja upegui rojecha mombyry guive pe Cipro ja rojeya ore asupe ja rojo ŷrupi Siriapeve ja roñemboyá Tirope. Upepe voi pe mbayru ogueroyŷ vaerâ mbae oguerú vaecue ipype. Ja royuju upepe Cristo remimboecuerape ja ropytá siete ára. Upeyave umiva jei Pablope Espiritu rupi ani jaguâ ojo Jerusalempe. Ja ojasa rire umi jaára rosê rojo ja oremoîrû opavave cuña imemby cuera rejeve pe tetâ gui ocapeve. Ja roñesû pe ŷ rembeype ja roñemboe. Ja roñañuápá oñondive, ja upegui royupí pe mbayru ári ja jaecuera ojo yeby jogape cuera. Ja ore cuera roicopama ramo ŷrupi Tirogui rogueyŷ Tolemaidape, ja upepe roñandu umi ore reŷícuerape ja ropyta jendive cuera peteî ára. Ja pe ára ambuepe rosê yeby ja royú Cesareapeve ja roiké pe Felipe pe Evangelista rogape. Upeva voi peteîva umi siete rejeguava ja ropyta jendive. Jae oguereco irundy tayŷra omendaŷva ja umiva oñemoñeêjára avei. Ja ore ropyta upepe jeta ára. Ja upeyave ou Judea gui peteî ñemoñeêjára jérava Agabo. Ja ou jae oreandúvo ja oipyjy Pablo cúa yopŷjá ja oñeñapytí opy ja opo ipype, ja jei: Coicha jei cheve Espiritu Santo: Pe cuimbae co cúayocuájá yarape umi Judio oñapytîne coicha Jerusalempe, ja omeêne ichupe umi pytagua pope. Ja ojenduma ramo âmbae royerure ichupe ore ja umi upepegua avei ani jaguâ ojo Jerusalempe. Upei catu jei Pablo: ¿Mbaepa peyapo peyajeóvo ja che pyapŷvo upeicha? Coina che aicopama na añeñapytî jaguâ añói, amanoite jaguâ avei catuetei Jerusalempe pe Ñandeyára Jesús réra rejejápe. Ja ndicatuveima ramo royoco ichupe ore rokîrîrî ja roe mante: Toyeyaponte, upeicharamo, Ñandeyára rembipota. Ja umi ára rire roñembosacoi rojo jaguâ Jerusalempe. Ja oime oremoîrû vaecue Cristo remimboecuera Cesareaguigua ja ore reraja Mnason rendape, pe Ciproŷgua, Cristo remimboe rejeguava yma guive voi, upéva voí pe ore rerojory vaerâ ombojupá cueraramo. Ja roguajê vove Jerusalempe, umi ore reŷi cuera ore rerojory torypápe. Ja upe ára ambuepe Pablo ojo orendive roñandúvo Jacobope ja oñembyatŷpá umi carai ituyáva, ja omomaiteima ramo ichupecuera jae omombeúpáite ichupecuera opambae Tûpâ Ñandeyára oyapo vaecue umi pytagua apytepe jembiapo rupi. Ja jaecuera ojenduma ramo umimbae ombotuvicha Tûpâ Ñandeyárape ja jei Pablope: Nde rejechamanerae, ore reŷi, jeta etereímajá umi Judiocuera apytegui oguerovia vaecue ja opavave umiva jacateŷjá pe Moises ñeêngue reje. Ja oime oñemojerâcuâ ndereje nde remboejá oyepea jaguâ Moises ñeêngue gui opa umi Judio umi pytagua retâme oivape, ja eréjá ani jaguâ omongarai jaguâ taŷracuerape ñande Judio reco rupi, ja ani jaguâ oico jecope co ñane retâ reco rupi. ¿Mbaépa, upeicharamo? Añetejápe umi ambuecue cuera ojenduvoíne nde reyúmajá. Upeicharamo eyaponte co ore roéva ndeve. Oime voí coápe orendive irundy cuimbae oicuameê vaecue mbae Ñandeyárape. Emoîrûnte nde umivape ja emboareté jendive cuera, ja emeê mbaerepy pe ombojecovia vaerâ reje, ja upeicharamo icatumane oñeñapî jiáva cuera, icatu jaguâ opava oicuaa na añeteijá umimbae oñemojerâcuâ vaecue ndereje, ja oicuaa jaguâ nde avei rembuayevajá jecópe reicovo Moises ñeêngue. Upeicha avei umi pytagua oguerovia vaecuepe ore roéucáma vaecue ichupecuera roimoâjá ombuaye vaerâjá âmbae, toyeyoconte ani jaguâ jou mbae oñecuameê vaecue taângápe ja ani jaguâ jou tuguŷcue ja mbae yubypŷré ja ani oporoporenó. Upeicharamo Pablo omoîrû umi cuimbaepe ja pe ára ambuepe omboareté ja oiké tûpâope oicuaáucávo oñembotŷ jaguâ umi ára omboareté jaguâ, oñembo jecoviáma ramo pe oñecuameê vaerâ tûpâmbaerâ peteî teî jesecuera jápe. Ja opata ramo jina umi siete ára, oime Judio cuera Asiaŷgua ojecha vaecue ichupe pe tûpâope ja omopuâ umi oñembyaty vaecue jese, ja oipyjy ichupe, ja osapucai jeivo: Carai cuera, Israel cuérava ore pytyvôna. Coina ape cova co cuimbae omboéva oparupi opavape co tetâ coty ja co ñande Moises ñeêngue coty, ja co Tenda marangatu coty. Ja opa upea rejeve avei omoingue vaecue tûpâope Griego cuerape ja upeicha oñemoñañá co Tenda Marangatúva reje. (Umiva ojecha nipo racae pe Trofimo Efesoŷguape oguata ramo jendive pe tetâme ja oimoâ Pablo omoingue jague ichupe pe tûpâope.) Ja upeagui opa pe tetâmegua oñemomyi ja oñaní oyoapá umi tapicha cuera ja oipyjy Pablope ja ombotyryry ichupe pe tûpâo gui ocape ja upevove ombotŷucá pe okê. Ja oñejaâ pype jaecuera oyuca jaguâ ichupe, oñemomarandú sapyaite pe mburuvichape opa pe tetâ Jersualempegua oñemomyimbájá jicuai. Upei catu jae oipyjy jembiyocuai cuerape ja mburuvicha cuerape ja oñaní Jendápe cuera, ja ojechama ramo jaecuera pe mburuvichape ja umi jembiyocuai cuerape opoí Pablo gui ja noinûpâvei ichupe. Upei catu ôguajê pe mburuvicha Jendápe cuera ja oipyjy ichupe ja oñapytî jâtâ ucá ichupe ipo yovaive. Ja upei catu oporandu ¿avápa jae ja mbaépa oyapo rae? Ja umi iyatyva jicuai osapucai yopará. Ja ndicatui gui oicuaa pôrâ mbaeve añetéjápe pe aybu gui, oguerajáucá ichupe pe mburuvicha rogape. Ja ôguajêvo pe oyupi jaguâme, tecôtevêma yepe oyereraja jae umi tembiyocuai yŷvá ári omyaña eterei jague reje umi oñembyatyva. Jeta voí umi tetaŷgua ouva japycueri osapucaiva ja jeiva: Peyucá ichupe. Ja omoinguetama ramo ichupe pe cotype Pablo jei pe mburuvichape ¿Icatúpane añemonguetami ndeve? Ja jae jei: ¿Reñeêcuaápa Griego ñeême? ¿Ndajaeipa nde pe Egipcio omopuâ vaecue juvicha cuerareje cocueje, upe ôguenojê vaecue ñûme rei umi cuatro mil cuimbae monda járape? Ja jei ichupe Pablo: Ndajaei. Che añeté carai Judio Tarsoŷgua pe Ciliciapegua, tetâ jerâcuâ guasúva voí upeva. Anga tayerure ndeve tañeêmi co tetaŷguape. Ja jae ombuaye ichupe. Ja upeicha Pablo oñemoî oñemboŷ pe yayupi jápe ja ojechauca ipo umi tetâŷguape ja okîrîrîmbama ramo opytavo, jae oñeê ichupecuera pe Judio Hebreo ñeême ja jei: Peê caraicuera, che rejegua cuera, ja peê ore ru cuera, pe cherendumikena cheve che añejaâ ramo añeê peême cheyeje voí. Ja ojenduma ramo jaecuera jae oñeêjá Hebreo Judio ñeêmé okîrîrîvé ja jae oñeê jeivo: Che añetejápe Judio, añemoña vaecue voínte Tarso pe Ciliciapeguape, ja acacuaa vaecue co tetâme pe Gamaliel che mboejara py renondepe, ja che mboepyre jecópe co ñande ru ypycue co ñane retâmegua reco rupi. Che nico che râcâteŷcatúva co Tûpâ Ñandeyára reje co peêcueraicha yoa coanga peimeva. Che voi areco vaí vaecue co Tapé rejegua cuerape amoñávo ichupecuera ayuca peve yepe. Che añapytî aicovo ja amoingue ybyrácuájápe ichupecuera cuimbae ja cuñáva, oicuaa pôrâ jaicha pe pai guasu ja opa umi carai ituyáva: umiva gui voi arajá vaecue cuatia ñeê jeŷi cuerape ja aja Damascope aru jaguâ umi jicuaiva upepe guive iñapytîjápe Jerusalempe oyeyopy jaguâ. Ja oyeju ajávo che âguajêvo Damasco ypype ára mbyte rupi sapyaite ojesapé yvaga gui peteî jendy verá cheyerecuévo. Ja jaá ybype ja ajendu peteî oñeêva jeiva cheve: Saulo, Saulo, ¿mbaerejépa Che moña reicovo. Upei catu che jae Ichupe: ¿Avápa nde, carai? Ja jae jei: Che co Jesús Nazareno, nde Che moñava reicovo. Ja umi jicuai vaecue chendive ojecha añetejápe pe jendŷva, nojenduinte osapucai ramo pe oñeêva chendive. Ja che jae: ¿Mbaépa ayapota, che Yara? Ja jei cheve Ñandeyára: Epuânte ja terejo Damascope ja upepe oyeépáne ndeve pe oñemoî vaecue reyapo jaguâ. Ja che ndicatuvei amaê pe jendy verá ojesapé vaecue gui, chereraja nte chesambyjyjápe umi jicuai vaecue chendive ja upeichape âguajê Damascope. Uperamo peteî caraí, Ananias, carai iñemboecatúva, ombuayepáva jecópe Moises ñeêngue, ja jerâcuâ pôrâva opa umi Judio cuera oico vaecue upepe ndive. Upéva ou che rendape ja oñemboyávo jei cheve: Che ryby, Saulo, toyeby ndeve nde resapysó. Ja upepe voi che resapysó pôrâ yeby ja amaê jese. Ja jae jei cheve: Tûpâ Ñandeyára pe ñande ru cuera ypycue Ñandeyára, yma guive voi nde poravó vaecue reicuaa jaguâ jembipota ja rejecha jaguâ upe Marangatuetévape ja rejendu jaguâ iñeê iyuruete rupi voí, icatu jaguâ nde voi reicuaáucá Ichupeguârâ opa ybypóra cuerape opambae nde rejecha ja rejendu vaecue. Ja coanga ¿maerâpa repyta rei? Epuânte ja eñemongaraíucá ja eñemopôtí ne angaipagui rejenoî pype Jéra. Ja uperire ayeby rire Jerusalempe sapya oñemboe aya tûpâope apyta che añeñandu ŷ reje, ja ajecha guau Ichupe jei ramo cheve: Nde pyae, esê voi Jerusalem gui, umiva na nde rerojorŷichene reicuaauca pype Chejegui. Ja che jae Ichupe: Che Yara, umiva oicuaa voi che amoingué jague ybyrácuápe ja aicutu jague umi tûpâope yepe umi oyerovia vaecue Ndereje pe. Ja oñejê ramo pe nemojerâcuâjaré Esteban ruguŷ, che avei aime upepe ja aime jendive cuera ichupe oyuca jaguepe ja añongatu umi iyucajaré ao. Ja Jae jei cheve: Terejonte! Che voi romondo vaerâ ndeve mombyry umi pytagua rendape. Ja ojenduma ramo jaecuera upe ñeê meve upei catu osapucai jeivo: Emboínte cuimbae coichaguape co ybyarigui. Naipôrâi oicové. Ja jaecuera osapucai jâtâ ja omombo iyao ja oity ybycui ybytu reje. Upévareje pe mburuvicha oguerajáucá ichupe pe mburuvicha roga ryepype ja jeiuca omoñeê jaguâ ichupe tucumbópe oyecuaáucá jaguâ mbaépa omboyá rae jese osapucai jaguâicha upeicha. Ja oñapytî ramo jina ichupe oinûpâ jaguâ ichupe, Pablo jei pe mburuvicha upepe oivape: Oime ramo carai jaéva Romano oñemoî vaí ŷ vaecue, ¿iyápa peême peinûpâ ichupe? Ja ojendu ramo upea pe mburuvicha ojo ja omomarandu pe mburuvicha ambuepe jeivo: ¿Mbaépa reyapota? Co cuimbae Romano voi. Upei catu ou pe mburuvicha ja jei ichupe: Eremi cheve ¿ndepa Romano? Ja jae jei: Che jae. Ja jei yeby pe mburuvicha: Jepyetereje che ayogua che cuatia añembo Romano jaguâ. Ja Pablo jei ichupe: Che voi jae che sy rygue guive vointe. Upei catu opoí voí ichugui umi oinûpâ moáva jina ja pe mburuvicha yepe avei okyjŷyé ojechacuaama ramo Romanojá, ja oñapytîucá jague reje ichupe. Ja pe ára ambuepe oicuaa pôrâse gui mbaépa, omboyase raé jese umi Judio, opoíucá oñeñapytî jague gui ja ojenoîucápá umi pai ruvichape ja umi juvicha cuerape yoa ja ôguenojê Pablope ja omoî ichupe jenondepe cuera. Upei catu Pablo oyesareco umi pe oñemonoôjápe oiva reje ja jei: Peê carai cuera, che reŷí cuera, che aico vaecue jecope che pya pôrâ rejeve Tûpâ Ñandeyára ypypeguaicha cova co ára peve. Ja upei catu pe pai guasu Ananias jeíucá umi jicuai vaecuepe jenondepe oinûpâ jaguâ ichupe iyuru reje. Upei catu jei Pablo ichupe: Tûpâ Ñandeyára to nenûpâ ndeve, nde oyeyapete morôtîva! ¿Ndepa reguapyva reina che moñeê jaguâ jecópe ja jecope ŷ che nûpâucá cheve? Ja umi jicuaiva upepe jei: Co Tûpâ Ñandeyára pai guasúpépa reñeê vaí? Ja jei Pablo: Che nda jechacuaai ichupe, che reŷí cuera, jae paiguasujá. Oyeé Santa Escriturape voi: Pene retâ ruvichape ani reñeê vaí. Upei catu Pablo ojechacuaama ramo peteî atyra Saduceojá ja pe atyra ambue Fariseojá, osapucai pe oñemonoôjápe: Carai cuera che reŷí cuera, che Fariseo, ja Fariseo raŷré, coanga upe ñajaarô vaerâ reje umi omano vaecue rejejápe yajecha oicove yebynepa oñeñotŷ jaguegui? upevareje chemoñeêsejá coápe. Ja jeima ramo coambae oyuaby jicuai oñondive umi fariseo ja umi saduceo ja upeicha oyepea oyuejegui umi oñembyatŷva jicuai. Umi Saduceo voi jei ndipórijá oicove yeby jaguâ umi omano vaecue paûgui, ndipórijá yvapegua, ja ndipórijá anga, umi Fariseo voí jei oimejá â mocoîve mbae. Ja oico aybu guasu ja oñemboŷ umi iñaranduva umi Fariseo renda cotŷgua ja oyuaby jendive cuera jeivo: Ore ndo royujui mbaeve ivaíva co cuimbaepe. Sapya oime nerae angue terâ yvapegua oñeê vaecue ichupe. Ja upepe oyuaby etegui jicuai pe mburuvicha okyjŷyévo icatu jaguâ Pablo oñemongui jaecuera rupi oguerúrucá jembiyocuáipe ôguenojê jaguâ ichupe iyapytegui cuera ja ogueraja jaguâ pe mburuvicha rogape. Ja pe pyjare ambue oyejechauca Ñandeyára ichupe ja jei: Nde pya guasúna, Pablo, remojerâcuâ jagueicha Chejegui co Jerusalempe, upeicha avei tecôtevê reicuaáucá Chejegui Romape avei. Ja coê vove, oime umi Judio cuérava oñembyaty vaecue ja omeê iñeê Tûpâ rerape oicuameêvo ndocarui jaguâ ja ndoŷui jaguâ oyuca peve Pablope. Ja oi jetave cuarenta cuimbaegui upe iñeê omeê vaecue. Umiva oyéoi umi pai ruvicha ja umi ituyáva rendape ja jei: Ore romeêma ore ñeê Tûpâ rerape rou ŷ jaguâ mbaeve royuca peve Pablope. Coanga, upeicharamo, peêcuera ja umi ambue ore ruvicha cuera ta peyerure pe mburuvichape tôguenojê ichupe peême coêramo peicuaa pôrâvese jaguâicha mbae añetévegua ichugui, ja ore jae ôguajê mboyve roimembane royuca jaguâ ichupe. Uperamo voi peteî Pablo reindy memby ojendu omoñujá jaguâ umiva ja upegui ojo ja oiké pe mburuvicha cotype ja oicuaáucá Pablope. Upei catu Pablo ojenoî peteî umi mburuvichávape ja jei ichupe: Eraja coa cariaŷpe pe mburuvicha guasu rendape, oguereco voi mbae oicuaáucá vaerâ ichupe. Ja upeicha oipyjy ichupe ja oguerajá pe mburuvicha ambue rogape ja jei: Pablo, pe oiva ybyracua rogape, che renoî râmô, ja oyerure cheve aru jaguâ coápe co cariaŷpe oguerecova mbae nemongueta jaguâ ndeve. Upemaramo pe mburuvicha oipyjy ichupe ipogui ja ogueraja ichupe jaeñojapecuera ja oporandu: ¿Mbaépa rereco ere vaerâ cheve? Ja jae jei: Oime umi Judio oñemongueta oyerure jaguâ ndeve renojê jaguâ coê ramo pe Pablope pe iñemoñoôjápe oporandu pôrâse jaguâicha ichupe mbae añetevégua. Ja ani nde rerovia ichupecuera. Oime jetave cuimbae cuarenta gui omañava jese jicuai, omeê vaecue iñeê Tûpâ rérape ani jaguâ ocaru terâ joŷú oyuca peve ichupe. Ja coanga oñembosacoíma jicuai ojaâróvo ne ñeênte. Upemaramo pe mburuvicha omondo pe cariaŷpe jeivo ichupe ani jaguâ jei avavepe omombeu jague ichupe upea. Upei catu ojenoî mocoî mburuvichaípe ja ombuesacoíucá upe pyjare ryguasu sapucai peteî rô guârâ doscientos tembiyocuaipe oyeói jaguâ Cesareape ja setenta cabayu arigua ja doscientos lanceros, ja ombosacoí jaguâ cabayu omoî jaguâ Pablope jiari ja ogueraja jaguâ ichupe imârâŷreje Felix pe mburuvicha guasu rendape. Ja oyapo peteî cuatia ñeê coicha: Che Claudio Lisias, romomaiteiuca ndeve, che Felix, che carai mbaepôrâiteva, ore ruvicha guasu. Co cuimbae oñeñapytî vaecue umi Judio rupi ja jaecuera oyuca moâ ichupe, ja che anojê ichupe ichugui cuera aja pype che rembiyocuai rejeve oñemomarandú jague reje cheve jae Romanojá. Ja aicuaa pôrâse gui jecópe mbaépa omboyase rae jese arajauca pe iñemonoôjápe jaecuera. Ja upepe ayuju omboyasejá jese oyuaby jague reje jendive mbae jetâ reco rejeguape, ja ndiporijá mbaeve omboya vaerâ jese icatu jaguâicha yayucauca jaguâ ichupe terâ ñamoî jaguâ ichupe ybyrácuápe yepe. Upegui oñemombeu rupi cheve umi Judio oñembosacoi jaguâ jicuai moñujájápe, upevove arajauca ichupe nerendape ja amombeu avei umi omombeujarépe ichupe toñemonguetá nerenondepe co mbae oguerecova icoty coty. Upei catu umi temboyocuai cuera oyeyapóucá jagueicha ichupecuera, oipyjy Pablope ja ogueraja ichupe pyjarepe Antipatrispeve. Ja pe ára ambuepe ojeya pype jendive umi cabayúariguápe ojo jaguâ jendive, umi ambue cuera oyeby yeby pe mburuvicha rogape. Ja ôguajêma ramo Cesareape, omeê pe cuatia ñeê pe mburuvicha guasúpe ja omoingue avei Pablope jenondepe, ja pe mburuvicha omoñeêmbáma ramo pe cuatiañeê oporandu ichupe ¿mbae tetâmeguapa? Ja oicuaama ramo jae Ciliciápeguajá jei ichupe: Che rojendune ndeve ouma ramo umi nemombeujárâ. Ja upei catu oñangarecóucá jese pe Herodes rogape. Ja pe cinco arajápe ou ôguajê upepe pe pai guasu Ananias, peteîva carai ituyáva rejeve, ja peteî oñemoñeêjára iñeêngatúva, jérava Tertullo rejeve. Ja umiva oyejechauca pe mburuvicha renondepe oñemoivo Pablo reje. Ja oñejenoîucáma ramo jae, pe Tertullo oñypyrú omboya jese jeivo: Ore reco orŷ eterei nde rupi roicove járeje kîrîrîjape, ja oime jetambae co tetâmegua oñemyatyrô vaecue nearanducue rupi, ja rorerojory ndeve tapia ja opa Jendápe, nde Felix, ore ruvicha nembaepôrâitéva. Anga catu ani jaguâ romuanguecoi pucu ete, ayerure ndeve ore rendu jaguâ mbykymi jecópe reyepocuaa jaicha ore rerokîrîrî. Co caraipe voi ore royuju oporomoî vaíva ja aŷbúapóva umi Judio apytepe oparupi co yby yerereje, ja jaejá avei umi Nazareno oyepeavarejegua ruvicha. Oñejaâ yepe oñemoñañá ore tûpâoreje. Ore mante royoco ichupe ja roipyjy ichupe ja roinûpâsemoa royepocuaajaicha, ja upevove oiké ore apytepe pe mburuvichaí Lisias ja sapyaite omombóivo omboí ichupe ore po apytegui, jeivo umi imombeújarépe ou jaguâ nerendape. Coanga iya ndeve voínte remoñeê jaguâ ichupe opa âmbae reje reicuaa pôrâ jaguâ co romboyá vaerâ jese. Ja umi Judio avei omombeu peteîcha omoañetévo umimbae upeicha jague. Upei catu pe mburuvicha oñâcâity Pablope oñeê jaguâ, ja jae jei: Che aicuaájáreje jeta roŷ nde reico jague mburuvicha ramo co tetâme abyá pyaguasujápe añeêvo che yeje voi nerenondepe. Icatu nde rejechacuaane ndoyapoijá doce ára aja jague Jerusalempe añemboe jaguâ. Ja umiva ndo che yujui tûpâope ayuabŷjápe avave ndive ja nambyatŷi ybypóra cuerape pe itûpâope terâ pe tetâme. Ja umiva ndicatui chembojovai omoañetévo jecópe umi mbae omboyáséva chereje jicuai coanga. Oime voí âmbae che amombeu vaerâ ndeve. Upe Tape rupi umiva ojenoîva Oyepeávarejegua, upearupi voi che añemboe ore rú ypycue Tûpâ Ñandeyárape. Che voi arovia opambae oñemoî vaecue pe Santa Escriturape pe Moises ja umi oñemoñeêjára ymaguare ñeêngue, ja ajaârô avei Tûpâ Ñandeyára gui, ojaârô jaichante avei umia, oime jaguâ yaicove yeby jaguâ umi omano vaecue paûgui, umi jecopegua ja upeicha avei umi jecopeguaŷ. Upevareje che añejaâ che pya pôtí tapia jaguâ, anichene pya vaí Ñandeyára ndive terâ umi cuimbae cuera ndive opambae guivo. Upeicha che are racae aicovo ocape jeta roy, ja sapya ayu yeby ameêvo tûpâmbae che retâmeguape, ja aicuameêvo mbae tûpâope, ja upeyave che yuju umiva che pôti pôrâme pe tûpâope, ndipori iyaty vaecue chendive ja nda che aŷbúi. Oime voi Judio cuera Asiaŷgua, ja umiva mo ipôrâ rae ou coápe nerendape che mombeu jaguâ che coty coty, oguereco rire mbae omboya vaerâ vaecue chereje. Upeichaŷramo teínte coa ambuecue mbaépa oyuju rae che ayapo jecoŷme jague che aime ramo guare pe iñemoñoôjápe, ndajaei ramo cova peteî ñeêmi añeê jâtâ vaecue che aime ramo guare iyapytepecuera: ¿Pe oicove yeby vaerâpa umi omano vaecue chemoñeê peêcuera coanga? Uperire pe Felix oicuaa porâjareje co ñande Rape rejegua ombojiaré ichupecuera, jeivo: Ou rirente pe mburuvichaí Lisias amombeúne che aimoâva co penembaegui. Ja omondo pe mburuvichape oñangarecóucá pôrâ Pablo reje ja tombovevui ichupe iñapytîjá, ja ani oyoco avave jaŷjúpárape oñandu jaguâ ichupe. Ja mboby ára rire ou Felix pe Drusilla jembireco ndive, (upeva cuña carai Judiova), ja ojenoî Pablope ja ojendu ichugui pe ñande yarovia Cristo Jesúspe guare. Ja jae oñeê pucu yave pe teco yaico jecope jaguâ je pe teco yayererecocuaa jaguâ ja pe ñandeve oñembojecovia jaguâ ára gui, sapyaite pe Felix okyjŷye oryryipá, ja jei: Coangante terejo. Sapya iya ramo cheve rojenoîuca yebyne ndeve. Upea aya voi ojaârô jina avei Pablo omeêvo ichupe mbaerepy opoíucá jaguâ ichugui. Upevareje ojenoîucá ichupe jeta yeby ja oñemongueta jendive, ja ipajávo mocoî roy rire ou Felix recoviárâ pe Porcio Festo. Ja Felix opyta pôrâse gui umi Judio ndive ojeya Pablope iñapytîjápe. Upeicharamo pe Festo oñemoingo pe tetâ ruvicha ramo ja upea jague mbojapy ára jápe oyei ojo Cesareagui ojo jaguâ Jerusalempe, ja ou Jendápe umi pai guasu ja umi Judio ruvicha cuera oñemoîvo Pablo reje. Ja oyerure ichupe oñejaâvo icatu jaguâ ojupity ichugui ipya pôrâgui oguerúrucá jaguâ Pablope Jerusalempe. Jaecuera voi omoñujáucá marae jese oyuca jaguâ ichupe pe taperupi voí. Upegui Festo jei ichupecuera Pablo oñeñangarecopôrâjá Cesareape ja jae ae ojo voí vaerâjá upepe curiminte. Upeicharamo peêcuera rejegua icatuva, jei, peyu orendive voí ja sapya oime ramo mbae jecopeguaŷ co caraipe pemboyánte jese upepe. Ja upeicha opyta ipaûme cuera ocho terâ diez ára rupi gueteri ja upegui ojo Cesareape. Ja pe ára ambuepe oguapy pe mburuvicha cotype ja oguerúrucá Pablope, ja ouma ramo jae, oyerépa jese umi Judio ou vaecue Jerusalem gui ja omboya Pablo reje jeta mbae ipojyiva ndicatuiva yepe jaecuera omoañete. Pablo voí oñeê oyeje jeivo: Umi Judio retâ reco coty coty, terâ pe tûpâo terâ Cesar coty che ndayapoi angaipa mbaeveichagua. Upei catu pe Festo oguerojoryse gui umi Judio cuerape oñeê Pablope, jeivo: ¿Rejosépa nde Jerusalempe reñemoñeê jaguâ coambae reje che renondepe upepe? Upemaramo jei Pablo: Ajaniri. Coapente ñande ruvicha guasu Cesar rejegua renondepe aime, tecôtevêjápe chemoñeê: umi Judio cuera reje che ndayapoi mbaeve ivaiva, rejechacuaa pôrâjaicha nde avei. Che ayapo rire mbae ivaiva terâ che rembiapo vaí rire ayeyucáucá jaguâicha nda kyjŷyéichene amano jaguâ. Ja ndipori ramo mbaeve omboyá vaerâ jecópe chereje umiva, ndipori icatuva chemeê ipoguype cuera. Cesarpe voi che ajenoî cheyejejape. Upei catu Festo oñemongueta rire umi mburuvicha ambuecue ndive, jei ichupe: ¿Cesarpepa rejenoî ndeyejejape. Rejo vaerâ Cesar rendape, aiporamo. Ja ojasa rire mboby ára ôguajê Cesareape pe Agrippa pe mburuvicha guasu ja Bernice, oguerojory jaguâ Festope. Ja opyta ramo upepe jeta ára, Festo oicuaáucá pe mburuvicha guasupe pe Pablo mbae, ja jei: Coápe oime petei cuimbae Felix ojeya vaecue iñapytîjápe. Ja che aja ramo Jerusalempe ou che rendape umi pai ruvicha ja umi carai ituyáva Judiova omboyásévo jese omoî vaívo ichupe. Ja che jae vaecue ichupecuera ndajaéijá ñane Romano reco rupi oñemeê jaguâ peteî cuimbae oyeyopy jaguâ, oguereco ŷ reje pe oñemombeu vaecue ombojovai jaguâ umi imombeujare cuera reje ja iya ŷ reje ichupe oñeê jaguâ oyeje, omboŷké jaguâ pe omboyáva jese. Upévareje oñembyatŷma ramo jaecuera coápe che che aré ŷ reje pe ára ambuepe aguapy pe mburuvicha cotype ja arúrucá pe cuimbaepe. Ja jicuai pype upepe umi imombeujá cuera ndoguerui mbae ivaiva omboya vaerâ jese che ajaârô jagueichagua. Oime mante omboya vaecue jese oime járeje oyuabymijá oyuejegui cuera umi jemimbuetégui ja peteî jérava Jesús omano vaecue gui Pablo omoañeteva oicovéjá. Ja che aporandúcuaá ŷ járeje coaichagua mbae reje, jae ichupe yajecha ndojoséipa Jerusalempe oñemoñeê jaguâ upepe umi mbae reje. Co Pablo voi oyerure pype oñeñongatu jaguâ icatu ramo guârâ pe mburuvicha guasu omoñeê ichupe, amondo oñeñangarecóucá jaguâ jese arajauca peve Cesarpe. Upei catu jei Agrippa Festope: Che avei ajenduse moa co caraipe. Ja jei Festo: Coêramo upeicharamo rejendune ichupe. Ja pe ára ambuepe ou Agrippa ja Bernice oyegua pôrâitevo ja oiké pe mburuvicha cotype umi mburuvicha ndive ja umi carai mbaererecojá pe tetâmegua ndive. Ja Festo omondo ja oguerúrucá Pablope. Upei catu jei ichupe Festo: Ore ruvicha guasu Agrippa, ja opa peê carai cuera jicuaiva coápe orendive, coina ape peêcuera pejecha co caraipe omombeu jague cheve umi Judio cuera yoa Jerusalempe ja coápe avei osapucaivo nda yajeya vaerâijá ichupe oicové. Che vointe ndayujui mbaeve ivaíva jae oyapo vaecue oyeyucáucá jaguâicha, ja jae voí ojenoî jaguereje Augustope oyejejápe, ambosacoi arajáucávo ichupe. Ja che ndarecoi járeje mbaeve añetegua aicuaauca vaerâ cuatia ñeême ore carai guasupe, upévareje anojê ichupe peême ja nerenondepe catuetei, che mburuvicha guasu Agrippa, icatu jaguâ aporandu pôrâ rire, che areco amoî vaerâ cuatia ñeême. Jiâ co cheve voí mbae itabyvarejeguajá ñamondo ramo peteî iñapytîjápe yaicuaauca pôrâŷreje mbaépa omboya rae jese. Upei catu Agrippa jei Pablope: Icatuma reñeê ndeyeje voínte. Upemaramo Pablo omopuâ ipo ja oñypyrú oñeê oyeje jeivo: Che arojory che poaite gui coanga nerenondepe voí, che mburuvicha guasu Agrippa, añeê jaguâ cheyeje opa âmbae umi Judio chereje omboyávagui. Ja abŷávé nde reipocuaápá járeje ore Judio reco ja mbae yuabŷ. Upevareje ayerure ndeve cherendumi jaguâ reyajéi ŷ reje che reje. Che recocue voí che cariaŷ guive iñypyrumbŷ guive voí aico ramo guare che retâ Jerusalempe opa umi Judio oicuaápá. Ja jaecuera oicuaa pôrâ voi avei--sapya oicuaáucáse ramo jecópe--che recocue iñypyrumby guive voí umi ipojyivéva ja jacateŷvéva iñemboecatuva orereje cueraguá jaicha guante jague ja yaico jague Fariseoite voí. Ja coanga che ajáârôjáreje pe oicuameê vaecue Tûpâ Ñandeyára ore ru ypycuepe, upévareje voi añejenoî mburuvicha renondepe. Upe Tûpâ Ñandeyára remicuameêmbŷ voí umi doce ore reŷí cuera oñejaâ catuetei oñemboe pype tapiaite ára ja pyjare ojaârôjápe ojupity jaguâ. Ja che avei ajaârô járeje peteîcha, che mburuvicha Agrippa, añemombeu umi Judio rupi voí. ¿Mbaerejépa peimoâ vaerâ mbae oyerovia ŷ vaerâjá Tûpâ Ñandeyára omoingove yeby jaguâ umi omano vaecuepe? Che voí añetejápe aimoâ vaecue ayapo vaerâ jaguâ jetambae Jesus Nazareno Rera coty coty. Umimbae avei ayapo voi vaecue Jerusalempe ja amoingue ybyracuape jeta umi imarangatúvape oñemeê jagueicha cheve upearâ voi chepope umi pai ruvicha rupi, ja oñemoî ramo oyuca jaguâ ichupecuera che ameê vaecue che ñeê avei, ja umi tûpâorupi jeta yeby ayopy aicovo jesecuera ja amoñeê vaí ichupecuera. Ja che pochy tarová eterei gui icoty coty cuera aico japycueri cuera amoñávo umi pytagua retâmeve yepe. Upearâ voí aipyjy tapé aja jaguâ Damascope che pope omoî jaguereje cheyocuaivo umi pai ruvicha, ja sapyaite ára mbyte ramo, che carai guasu, ajecha pe tapépe peteî jendyva yvaguivo overávéva cuarajŷ gui ja ojesapépa cheyerecuevo ja umi ojo vaecue chendive yerecuevo avei. Ja roapá ore ybype ja ajendu peteî osapucaiva cheve chemonguetavo Judio Hebreo ñeême: Saulo, Saulo, ¿maerâpa chemoña? Mbae ipojyiva ndeve repyvoi pe nde yopijá reje! Upei catu che jae: ¿Avápa nde, che carai? Ja jei Ñandeyara: Che nico Jesús co chemoñava reicovo. Epuâ ja eñemboy nde pŷreje. Upearâ voi ayejechaucá ndeve royocuai jaguâ che rembiguai ramo ja reicuaáucá jaguâ umi mbae rejecha ramôva ja umimbae avei ayejechaucá jaguâ ndeve. Che romboíne aicovo umi tetaŷgua gui ja umi pytagua po guŷ gui, umiva rendape voí coanga romondo, reipea jaguâ jesa cuera oñemboyere jaguâ pe pytûguŷgui pe jesâcâjápe ja pe mbae pochŷ poguŷ gui Tûpâ Ñandeyárape ojupity jaguâ oyerovia gui Che reje oyeí jaguâ iñangaipa cuera ja oyoerecua jaguâ umi imarangatuva ndive yvagape. Upegui, che mburuvicha guasu, Agrippa, che na cheâcâ jâtâi oyejecháucá ramo guare cheve pe mbae yvapegua. Upegui umi Damascopeguape raê ja uperire umi Jerusalemŷguape ja oparupi Judea retâ rejeguape, ja umi pytaguape avei añemoñeê aicovo oñembo jecopyajú jaguâ pyambyasyjápe oñemboyére jaguâ Tûpâ Ñandeyárape ja oyapo jaguâ tembiapo pôrâ oyapojaichagua pe oñemboyeréva jecópe. Upevareje umi Judio che pyjy vaecue tûpâope ja oñejaâ che yucá. Upegui Ñandeyára che pytyvô ipya pôrâgui voí. Ja che aico upeicha jecópe co arapeve aicuaaucávo mîchîvape ja tuvichávape mbaeve, umi mbae mante umi oñemoñeêjára ymaguare ja Moises jei vaecue ou vaerâ jaguâ, pe Cristo ojasa asy vaerâ jaguâ ja jae iyŷpy vaerâ jaguâ opuâ yeby jaguâ umi omano vaecue paûgui omojerâcuâucá jaguâ pe ojesapéjarâ co tetâmeguape ja umi pytaguape. Ja oñeêma ramo iyeje umimbae jae, Festo jei ichupe osapucaijape: Nde tarová, Pablo. Ne aranduete guima reñembotarova. Ja jei Pablo: Nda che tarovái che, che carai guasu Festo. Añetegua co jaeva, ja che âcâ pôrâ guínte añeê: oicuaa pôrâ nico co mburuvicha guasu umimbae gui ja upévareje voi añeê akyjŷye ŷ reje jenondepe. Ja aimoâ añetejá ndiporijá mbaeve âmbaegui ojechacuaa ŷ vaecue jae. Co âmbae ndajaei oyeyapo vaecue tenda ruguá iñypytûjápe guape. Che carai guasu Agrippa, ¿reroviápa nde umi oñemoñeêjaré ñeêngue? Che aicuaa pôrâ voi nde reroviájá. Upei catu jei Agrippa Pablope: Vocoi che reroviáucá añemongarai jaguâ Cristo rejeguarâ. Ja jei Pablo: Ta vocoi terâ ta curive che añemboe Tûpâ Ñandeyárape mbaeicha tamo na ne añoi yepe, peê ambuecue che rendúva guive cheve coanga peyeyapópá cheicha, co che ñapytîjá ŷ reje mante. Ja jei vove umimbae opuâ pe mburuvicha guasu ja pe mburuvicha ambuecue ja Bernice ja umi oguapŷva jendive cuera, ja oyepeapá maramo jaecuera oñomongueta oñondive jeivo: Mbaeve ivaíva ndoyapoi co carai oyeyucáucá jaguâicha terâ oñeñapytîucâ jaguâicha yepe. Ja jei Agrippa Festope: Icatu vaerâ moa oyepoí co carai gui ojenoi ŷ rire Caesarpe iyejejápe. Upeicharamo oñembosacoíma ramo rojo jaguâ Italiape ŷ rupi, oñemeê Pablo ja umi oñeñapytî vaecue ambue cuera peteî mburuvicha jérava Julio pópe, upéva voí pe Augusto rembiyocuai cuérava. Ja upeicha royupi peteî mbayru Adramittioguiguape, osêtava jina umi tenda Asia rejegua rupi, ja rosê ja oime orendive pe Aristarco pe Macedonio Tesalónicaŷgua. Ja pe ára ambuepe rôguajê Sidonpe ja pe Julio oguereco pôrâ Pablope ja opoí ichugui oñandu jaguâ jayjúpára cuera rendape ja oico jaguâ imbojupá ramo. Ja upe guive rojo yeby ŷ rupi ja roguata Cipro yby coty rupi, oipeyu vaí jague reje ybytu. Ja rojasama ramo pe yguasu pe Cilicia ja pe Pamfilia renondepegua rôguajê Mira peteî tetâ Licia peguape. Ja upepe pe mburuvicha oyuju peteî mbayru Alejandriaguigua, ojotava jina Italiape ja ore mboyupi ipype. Ja mboby ára roguata mbegue catu ja jasŷpe rôguajê Gnido ypype ja pe ybytu ore yoco jague reje gueteri, rôguajê vove pe Salmone ypype, rojasa Creta yby coty rupi. Ja jasype roico pypente jembeŷ reje rôguajê peteî Jendápe jérava Puerto Pôrâ, upea ypype oi pe tetâ Lasea. Ja roñemboaréma járeje ja ndicatuveima járeje roguata jaguâ ŷ rupi mârâ ŷ reje, ojasama jague reje pe arete guasu, upévareje Pablo omombeu ichupe cuera jeivo: Caraicuera, che ajecha jasype jaguâ yaico ŷ rupi ja ipojyi jaguâ mârâ tuvicha rejeve ocañŷmba meve yepe na co mbayru pypegua añoi, pe mbayru yepe avei ja icatu ñande recové avei. Upe mburuvicha ogueroviávénte pe mbayru ñangarecojápe ja pe mbayru yára pe Pablo jei vaecue gui. Ja ndipori ramo oñemboyá jaguâme jicuai opyta jaguâ upepe pe roŷ pucu cue yave, umi jetave oñomongueta oñondive ojasa jaguâ upegui, yajecha ndicatuipa ôguajê Fenicia peve ropytá jaguâ upepe pe roŷ pucu cue. Upeva voí peteî mbayru opytajá Cretapegua omaêva nordeste ja sudeste reje. Ja sapya oipeyu pe ybytu sud ja upeagui oimoâ jaecuera ojupityma jague pe oipota vaecue, ja upeicha ojupi pe mbayru yocojá ja oyeói oguatavo angui pe Creta rembeŷ gui. Ja uperiremi sapyaite oipeyu peteî ybytu jâtâva jérava Euroclidion. Ja pe mbayru oyeyapyjy reí ja ndicatuvei ombojovai pe ybytu reje, ropoí ja royererajá reí rojovo. Ja upeicha rogueroguata peteî ybymi ŷpaûmegua cupé rupi, upe jérava Clauda, ja upepe jasype icatu royoco pe mbayru mîchîva. Upeicha ramo yepe oyapyjy yebynte jaecuera, ja oiporu mbae oyocua jâtâ jaguâ pe mbayru. Upei catu okyjŷyé oike ramo guârâ pe ŷ pochy jápe Sirtepe, ombogueyŷ pe mbayru ao ja upeicha nandi oyereraja rei. Ja oñembocachá eterei gui pe ybytu ipochŷva gui, pe ára ambuepe ombovevui pe mbayru. Ja pe mbojapy arajápe ore voi orepope avei romombo ype pe mbayru sâ. Ja ndoyecuaai gui cuarajy ja ára mimbi jeta ára, ja ipojyi gui pe ybytu oipeyu jâtâ etereiva, ndiporiveima rojaâro jaguâ rosê mârâŷreje. Uperamo jiaré rire ocaru ŷ ve jague, Pablo oñemoî oñemboŷ iyapytepe cuera, ja jei ichupecuera: Añete mo rae ipôrâve pe cherendu cheve ja ani ñasê Creta gui ja upeicharamo, mo anichene oyeju ñandeve rae co sarambi ja co ñanemârâ. Opaichavévonte coanga taemi peême pende pyaguasu jaguâ, ndiporichene ocañŷ jaguâ jecove avave peêcueravagui, co mbayru añonte ocañŷne. Angue pyjare voí ou oñemboŷ che ŷkepe peteî yvapegua Tûpâ Ñandeyára remimbou upe che Yára ja che ambuetéjá, ja upéva jei cheve: Ani rekyjŷyé, Pablo, tecôtevê reime reñemboŷ Cesar rovaké ja peina ape Tûpâ Ñandeyára omeêma nembaerâ opava umi co mbayru pe jicuaivape nendive. Upevareje, carai cuera, pende pya guasu pôrâ kena. Che ayeroviá Tûpâ Ñandeyára reje oico jaguâ jecope upe Jae jei jagueicha cheve. Opaichavo icatu tecôtevêne yayeity jaguâ petei ybymi reje. Ja pe catorce pyjarejápe royererajá rei pype pe ŷguasu Adriáticope, pyjare pyte rupi umi mbayru ombaapóva oimoâ icatu jaguâ roñemboya peteî yby renda reje. Ja upeicha oity ramo ype pe ojaâjá oyuju jypycue cuarenta metros ja ojoma ramo mîchîmive tenondepe oity yeby ojaâjá ja oyuju treinta metros. Ja okyjŷyé gui oyeyoso ramo guârâ tenda ivaíjápe oity japycuepe irundy mbayru yocojá ja ipya yerure jicuai icoê ramo guârâ. Uperamo umi mbayru ombaapóva oñejaâ ogueyŷ reí pe mbayru gui, ja ombogueyŷtama jina pe mbâyrumi ŷpe, oyeyapovo guaujápe oitŷséváicha mbayru yocojá pe mbayrútîmegua. Upei catu jei Pablo pe mburuvichape ja umi jembiyocuáipe: Opyta ŷ ramo umiva co mbayrupe, peêcuera ndicatuichene pesê mârâ ŷ jaguâ. Upemaramo umi tembiyocuai oikytî pe mbayrumi sâ joa rei jaguâicha ŷpe. Uperire coêmba rire yepe Pablo ombo pyaguasúvo opavavepe, jei ocaru jaguâ: Coanga oyapoma catorce ára pejaârô ja pepyta jague, jei, pya nandi peu ŷ reje mbaeve. Upevareje, jei, ayerure peême peu jaguâ tembiu peneresâi pôrâ jaguâ. Avave gui peêcuerava na imârâi chene peteî pende áva yepe. Ja jeima ramo upeicha ichupecuera, oipyjy mbuyape ja oñemboe Tûpâ Ñandeyárape ojovasávo opava resápe, ja omboyao ichupecuera ja upeicha oñypyrú jou. Upevove opava ipyaguasu yeby ja ocaru jaecuera avei. Ore retacue pe mbayrupe roime vaecue doscientos ja setenta seis cuimbae. Ja jyvâtâmbama ramo ocaruvo ombovevui pe mbayru omombóvo ŷpe pe avati raŷî. Ja coêma ramo ndo jechacuaai pe yby, ojecha voí peteî ŷ mîchî jembeŷva ja oimoâ omoingue jaguâ pe mbayru upepe icatu ramo. Opoí pe mbayru yocojá gui aiporamo, ja ojeya ŷguasupe ja opoí avei umi japycuepegua sâ gui ja omopuâ pe ao tuvichava pe ybytupe ja upeicha oyeói pe ŷrembey cotŷvo. Upegui oyeity peteî ŷ osyryva mocoî Jendápe ja upepe omopaâ imbayru ja pe itî oyecutu icatu ŷreje omŷî, ja pe japycue oñembovó pe ŷguasu mbaraetecue gui. Upei catu jiâ umi tembiyocuaipe oyuca jaguâ umi iñapytîmbyre ani jaguâ ocañŷ avave ichuguicueragua joŷtajápe. Upegui pe mburuvicha jacateŷgui Pablo recové reje omboyeyaby pe oyaposevape, ja omondo umi joŷtacuaávape toyeity tenonde ŷpe ja tôguajê ybyjápe. Ja tosênte umi ambue cuera peteîva ybyrapé ári ja ambue cue pe mbayru pejengue reje ja upeicha oyeju opavave ojupity yby mârâve oico ŷ reje. Upegui rosêmbama ramo mârâŷreje, uperamo roicuaa pe yby jéraja Melita. Ja umi pytagua upepegua ore rerojory ore rayjuvaicha ja omojendŷ voi tata ja ore rerojory opavave oreve imbojupá ramo pe okŷeté ja pe roŷ gui. Upeyave Pablo omonoô rae yepeami ja omoî tatape ja oime peteî mbói osê pe tata racú gui ja oisuú ipópe. Upei catu umi pytagua ojecha ramo pe mbói oñemosaingó ramo ipóreje, jei jicuai oyoupe: Añete co cuimbae oporoyucá vaecue ja mârâve oico ŷ ramo yepe pe ŷguasupe, oimene oyepy vaerâ jese oicove ŷ jaguâ. Upegui jae oitybyro pe mbói pe tatape ja mârâve ndo guerecoi. Jaecuera voí ojaârô jina iruru ramo guârâ terâ omano sapyaite ramo guârâ. Ja ojaârô aremima ramo ja ojechama ramo mbaeve ivaiva ôguajêjá ichupe omoambue iñeê ja jei peteî Tûpâ Ñandeyárajá jae. Uperupi voi upe yby ruvicha, jérava Publio, oguereco iñú cuera, ja jae ore rerojory ja orerereco jecope jaŷjupára ramo ja imbojupá ramo mbojapy ára peve. Ja sapya pe Publio rú oi jupápe, jasy âcânundu ja tygue uguŷ gui, ja oiké Pablo Jendápe ja oñemboe rire, omoî ipo jese, ja omojesâi ichupe. Ja upea rire umi jasyva ambuecue jicuaiva upepe ôguajê Jendápe ja upeicha avei oñemojesâi. Jaecuera avei ore rerojory jeta mbaepe ja rojo ramo guârâ ojupi oreve mbayrupe opambae roicôtevê vaerâ. Upegui mbojapy yasy rire roico ŷ rupi peteî mbayru Alejandriaguiguape pe ojasa vaecue pe roŷ pe yby ypype, oguerecova itîme mocoî taângá Castor ja Pollux. Upegui rôguajê Siracusape ja upepe ropyta mbojapy ára, ja upegui rojovo pe ŷ rembeŷ reje ja peteî ára rire oipeyu pe ybytu sud ja pe ára mocoîjápe rôguajê Puteolipe. Ja upepe royuju ore reŷícueravape ja umiva oyerure oreve ropytami jaguâ jendive cuera siete ára peve. Ja upegui royu Romapeve, ja umi ore reŷicuera upepegua ojenduma rae rôguajêma jague ja ou ore ruvaîtivo tapepe pe Apio Foropeve ja pe Mbojapy Tavernajápeve. Ja ojecha ramo ichupe cuera Pablo ombotuvichaite Tûpâ Ñandeyárape, ja oñembo pyaguasu. Ja rôguajêma ramo Romape, pe mburuvicha omeê umi iñapytîmby ogueraja vaecue pe Guardia Pretoriana ruvicha pope. Pablo gui voi oyepoí oico jaguâ jaeño peteî mburuvicha rembiyocuai año oñangarecójárâ jese. Upei catu mbojapy ára rire jae ojenoîucá umi Judio ruvichape ja oñembyatŷma ramo, jae jei ichupecuera: Peê carai cuera, che reŷicuera, ayapo ŷ rire yepe mbaeve ñane retâ coty coty terâ ñande rú ypycue reco coty, chemeê yepe che ñapytîjápe Jerusalem guive umi Romano pope. Umiva voí che moñeêma ramo, opoíse moa chejegui, ndipori jaguereje che pype mbaerejepa cheyucáucá jaguâ. Upegui umi Judio oñemoî chereje ja tecôtevê catuete ajenoî Cesarpe cheyejejape. Ndaei catu arecojá amboyá vaerâ che retâmegua reje. Upearâ voi porenoîucá peême pojecha jaguâ ja pomongueta jaguâ: pe ñande Israel cuérava ñajaârôva rejejápe voi aime añeñapytîjápe coicha. Upei catu jei ichupe jaecuera: Ore voí ndo roguerecoi cuatia ñeê nderejegua Judeagui ja ndoui avave ñande reŷicuérava omojerâcuâ vaecue terâ oñeê vaí vaecue ndejegui. Opaichavo rojendusemi ndejegui pe erese vaerâ. Coâva rejegua ipyajuva reje voínte oyecuaáucá oreve opa tendape oñeñeê vaíjá. Upei catu omombeu ichupe petei ára ja uperamo jeta ou Jendápe pe oicojápe. Ja jae omuesâcâ ichupe cuera ja oicuaaucá pe Tûpâ Ñandeyára reco marangatu yvapegua rejegua gui ogueroviáucávo ichupecuera Jesús guivo pe Moises ñeêngue ja umi ñemoñeêjára ymaguare ñeêngue gui pyjareve guive caaru pytû meve. Ja oime oguerovia vaecue pe oyeéva ja oime ambuecue oguerovia ŷ vaecue. Ja upeicha oyuaby oyuejegui ja oyeói, ja oyeóicuévo Pablo jei co ñeê avei: Oñeê pôrâ vaecue pe Espiritu Santo pe oñemoñeêjára Isaias yuru rupi pende ru ypycue cuerape, jeivo: Terejo co tetâme ja ere ichupecuera: Pendeapysa rupi pejendune ja ndapeicuaaichene ja pemaê pype pejechane ja nda pejechacuaai chene. Co tetâmegua cova nico oñembo pojyiete ja iyapysa rupi ojendu pojyiete ja jesacuera oyajoi oyupecuera ani jaguâ ojecha jesápe ja ani ojendu oyapysape ja ani ojechacuaa ipyápe ja ani oñembo yere Chendive ja ani Che amojesâi ichupecuera. Taicuaáucá peême, upeicharamo, umi pytaguape voi oñemboúmajá co Tûpâ Ñandeyára mbojeco marangatujarâ. Umiva voi ojendune. Ja jei vove upeva, osê umi Judio oyuaby tuvicha pype oyuejegui voí. Ja jae opyta upepe mocoî roŷ pe joga oiporu vaecuepe ja oguerojorypa umi ouvape Jendápe, ja jae omojerâcuâ oicovo Tûpâ Ñandeyára reco marangatu yvapegua rejegua gui ja oporomboe mbae pôrâ Jesu Cristoguigua okyjŷyé ŷ reje avavegui ja oyoco ŷ reje ichupe avave. Che Pablo, Jesu Cristo rembiguai, añejenoî vaecue Apostolrâ, ayepea vaecue Tûpâ Ñandeyára Evangelio rejeguarâ, upe oicuameê vaecue yma guive voi umi oñemoñeêjára cuera yuru rupi umi Santa Escriturape pe Itayra gui guaré, upéva David rejegua ñemoñaré voi oñembojeté ramo guare. Upéva oyejechauca vaecue Tûpâ Ñandeyára Raŷjá añetejápe pe Espiritu Marangatu rupi ipuaca rejeve oñemoingove yeby jague reje umi omano vaecue apytegui, Jesú Cristo Ñandeyára upeva, ja Jaerupi rojupity ore pya pôrâ jaguâ ja ore rendâguâ Apostol recóperâ, orepá opa tetâmegua oreñeêrendú ja roguerovia jaguâ Jéra rejejápe. Umichagua paûgui voi peê peñejenoî vaecue avei Jesu Cristo rejegua jaguâ. Opa peê peiva Romape Tûpâ Ñandeyára penderaŷjúva peñejenoî vaecue pene marangatuvarâ, tápene mbopyapôrâ ja ta pene mbopyáguapŷ peême Tûpâ Ñandeyára ñande Rú ja Ñandeyára Jesu Cristo. Tenonde opambaegui arojory raê Tûpâ Ñandeyárape Jesu Cristo rupi opavave pende rejecuera oñemojerâcuâ járeje peyeroviájá jecópe oparupi yby yere reje. Oicuaa voí Tûpâ Ñandeyára, pe che yocuaijára, che pyaite guive aicovo pe Taŷra Evangelio rejejápe, che apytuu ŷ reje che manduajá pendereje tapia che ñemboepe, ayerurévo sapya iya jaguâ cheve icatu ipajápe yepe, Tûpâ Ñandeyára oipota ramo, ajávo che mârâŷreje pene rendape. Che pya yerureté voí pojecha jaguâ peême amboyao jaguâ peême pe Espiritu cheve omeêvaecue penemo mbaraete jaguâ, yaicuaa, che pyaguapy jaguâ penendive yayerovia járeje peteîcha peêcuera ja che avei. Che aipota, che reŷicuera, peêcuera peicuaa pôrâ jeta yeby añemoî jague aja jaguâ pene rendape (coanga pevente ndaiyai cheve gueteri) icatu jaguâ oime pende apytepe avei ajupity vaerâ umi ambuecue pytagua apytepe guaicha. Oime umi Griegope ja umi pytaguape, umi iñarandúvape ja umi itabyvape che ambojecovia vaerâ. Upeareje icatu jagueicha che aicopama voi che kyreŷjápe añemoñeê jaguâ co Evangelio gui peême avei peimeva Romape. Che na ñemotîri co Evangelio rupi. Tûpâ Ñandeyára puacájá voí upéva ombojeco marangatu jaguâ opa ogueroviávape guive, umi Judiope añete raê tenonde, ja upeicha avei umi Griegope. Oime ipype voí oyecuaáucá pe teco imarangatúva Tûpâ Ñandeyára guivó yaroviávo yoájápe, oyee jagueicha Santa Escriturape: Upe marangatu jecopegua oicove vaerâ upe oyeroviájá reje. Oyecuaáucáma voi yvagagui Tûpâ Ñandeyára ipochyjá opa umi ybypóra iñemboécatúŷvape ja umi jecope oicoŷvape, oñemoîva jembiapo vai rejeve pe jecopegua reje. Pe Tûpâ Ñandeyára gui oyecuaa vaerâ ichupecuera voi, oñemo jesâcâ voí ichupecuera. Tûpâ Ñandeyára voi ojechauca ichupecuera. Umimbae oyejechaŷva, oyejechacuaa voínte co yby oyeyapo yby guive yepe umimbae oyapo vaecue reje: oyejechacuaa voi ipuacacue opa ŷ vaerâjá ja Tûpâ Ñandeyáraité rejeguajá. Upeicharamo ndipori mbaeve oñeê vaerâ umia iyejecuera. Umiva oicuaa pôrâ ramo yepe Tûpâ Ñandeyárape, nombo tuvichai yepe Ichupe Tûpâ Ñandeyára ramo, ja ndo guerojoryi Ichupe jecópe. Upea rangue oyeyaby oyoyuabyjápe oñondive, ja iñâcâ tabŷjápe iñypytûmba ipya. Jei pype iñarandujá oyeyapo itabŷraíva ramo. Ja ombuecoviá pe Tûpâ Ñandeyára tuvichaite imarangatuva ja omano ŷ vaerâ reje pe ybypóra omano vaerâ raângá reje ja guyra raânga reje ja maŷmba ipy irundŷva raângá reje, ja mbói rejegua raângá reje. Upeareje voí Tûpâ Ñandeyára opoí ichuguicuera oyapo jaguâ jaecuera oipota jaichaguánte ipyapype, oñemotieŷvo, ja upeicha omomârâ oguete cuera oyeje voínte. Jaecuera oguerová Tûpâ Ñandeyára ñeê añetegua iyapúva reje ombotuvichavévo ja ombuetévévo umi iyapopyrépe pe ñande apojarépe gui. Upéva voí pe imombeu guasu catu pyrâ tapia guârâ. Amen. Upévareje Tûpâ Ñandeyára opoí ichuguicuera iya jaguâ ichupecuera oñembotieŷ jaguâ, ja umi cuña cuera yepe oyeporúrucá rangue jecope oico jecoŷjápe. Upeicha avei umi cuimbae cuera oiporú rangue jecópe umi cuñáme, jacu oyueje oyouvo, oyapovo mbae itieŷva oñondive umi cuimbae cuera. Upeicha oyeju ichupecuera voi jetepe cuera pe oyeyaby jague repycuerâ. Ja na jiâi ramo ichupecuera imanduá jaguâ Tûpâ Ñandeyára reje, Tûpâ Ñandeyára voí opoí ichuguicuera iñâcângusu jaguâ ja oñembo pochŷ jaguâ ja oyapo jaguâ pe iporaŷva. Umiva jenyjêmba jicuai opambae jecopeguaŷ gui, jeco vaíetéjá, ipo yeyopŷjá, ipya vaíjá, jâcâteŷetéjá, oporoyucájá, oyuaby tapiájá, oporombotabŷ catújá, oyepŷséjá oñeê ñemíséjá, oporomoî vaí reíjá, oñamotareŷjá Tûpâ Ñandeyárape, oporojecájá jaecuerantéséjá, oñembotuvichajá, omoingova angaipa ipyajújá, ombueteŷjá ituvape cuera, iñâcâ tabŷjá, yeroviaŷjá, oporojayju ŷ já jecópe, oñyrôcuaaseŷjá, oporo poriajuvereco cuaaŷjá. Upeicharamo oicuaa ramo yepe Tûpâ Ñandeyára jei jague umi oyapova umichagua mbae omano vaerâjá, oyapo meme umimbae jaecuera ae, ja oguerojory avei umi ambuecue cuerape oyapova upeicha avei. Upévareje ndipori mbaeve reñeê vaerâ ndeyeje, nde cuimbae, remoî vaíjava reje nde rapichape. Remoî vaí ramo ambuepe, reñemoî vaí ndeyupe voí, peteîchante voí reyapo manerae nde pe remoî vaíva ambuepe. Ja ore roicuaa Tûpâ Ñandeyára oyapojá jecópe omoî vaí jápe umi oyapova umichagua mbaepe. ¿Ja reimoâpa, nde cuimbae remoîvaíva umi oyapóvape umichagua mbae, ja upeyaveve reyapo reina umimbae avei, resê reí jaguâ Tûpâ Ñandeyára nemoî vaí ŷ jaguâ ndeve? ¿Terâpa reroŷrô Ichupe ipya pôrâ tuvichaitéva rejeve ja ipya guapy rejeve ja ipochŷcuaasé ŷ rejeve, nde reicuaa ŷ reje ipya pôrâ voí neatôijá reñembo jeco marangatu jaguâ. Nde voi neâcâ jâtâ gui ja nde pya oñemboyereseŷva gui remboyoá yoáucá ndeyupe voí oyeyopŷucá jaguâ ndeve upe oyeyopy jaguâ ára guârâ, upe oyecuaáucá jaguâ árape, Tûpâ Ñandeyára ombojecoviá jaguâ jecópe opavavepe. Jae voi ombojecoviáne peteî teîme jembiapocue repy upe oico jagueichante. Umi oguerokîrîrîjápe oñejaâ tapiáva jecópe jembiapo porâme, ojecava pe teco oñembo tuvicha jaguâ ja pe teco oyeyerovia jaguâ, ja pe teco imârâneŷ jaguâ, umivape oñemeêne pe tecove apyraŷ vaerâ. Ja umi oyuaby tapiávape ja iñeêrendúseŷva jecopeguápe, ja upea rangue iñeêrendúcuaáva jecopeguaŷme, umivape oñemeêne ñemyrô ja pochŷ, ipojyi ja tecôtevê asy. Upeicha vaerâ opa ybypóra cuera jembiapo vaivape, umi Judio catuete ja upeicha avei umi Griego pytaguape. Ja oñembo tuvicha vaerâ ja oñembueté vaerâ ja oñembo pyaguapy vaerâ opa umi jembiapo pôrâva, pe Judio catuete ja upeicha avei umi Griego pytagua. Tûpâ Ñandeyára voi ndoi poroporavóvái, omboyoyánte peteîcha opavavépe. Oime ramo oñemo angaipa vaecue oicuaaŷreje pe jecopegua, omanone avei pe neê jecopegua ŷ reje. Ja opa umi ñeê jecopegua rejeguava oñemo angaipa vaecue, oñemo jenda vaerâ pe ñeê jecopegua rupi. Ndajaei umi ojendú reíva pe ñeê jecopegua, umiva ndajaei jecopôtí rejeguáva Tûpâ Ñandeyára ypype. Umi oyapóva pe ñeê jecopegua, umiva oñembojecopôtí vaerâ. Umi pytagua oicuaaŷvaecue pe ñeê jecopegua, oyapo ramo jecópe oyejegui voi pe ñeê jecopegua rejeguavaicha, umiva oicuaa ŷ ramo yepe pe ñeê jecopegua, oguereco ipype cuera voínte oico jaguâ jecópe. Umiva ojechauca oguerecojá jaípŷrévaicha ipyapype vointe pe tembiapoucapŷ pe ñeê jecopegua rejeguava, upeyaveve ipyapy oicuaáucá ichupecuera, ja umi ipyapypegua upeyave omoî vaí terâ omoî pôrâ ichupecuera. Umiva oñemopôtíne upe ára Tûpâ Ñandeyára ojechacuaa jaguâ umi cuimbae pyapypegua Jesu Cristo rupi, che aicuaauca jaicha co che Evangeliogui. Anga sapya oñembojéra ramo ndeve Judio, ja nde nde pyaguapy ramo Moises ñeêngue rupi, ja reñemombeu guasu ramo Tûpâ Ñandeyára rejegua járeje, ja reicuaa ramo jembipota, ja reiporavócuaá ramo mbae ipôrâvéva, nde reñemboe jague reje Moises ñeê reje, ja reyerovia ramo ndeyeje voínte nde tapecuaájá umi jesápysóŷvape guârâ, ja nde rejesapéjá umi pytûnguŷpe oivape, ja remboaracuaájá umi itabŷvape, ja reporomboévajá mitâme avei, nde rerecóva oñemoî jague pe Moises ñeênguepe voí pe arandurejegua ja pe mbaecuaa jecopegua rejegua, upeicharamo, nde remboeva ambuecuepe, ¿ne reñemboeipa ndeyupe voínte? ¿Nde reñemoñeêva oyabyky ŷ jaguâ? ¿ndépa reyabykŷva? Ja nde eréva ombuai ŷ jaguâ mendarépe ¿ndepa rembuai? Ja nde reyeguarúva taângágui, ¿ndepa reñemoñaña mbae caraí reje? Nde reñemombeú guasúucáva Moises ñeêngue rupi, ¿ndepa repiáva pe Ñeêgui remomârâva Tûpâ Ñandeyárape? Oñemomârâucá voí Tûpâ Ñandeyára réra penderupi umi pytagua apytepe oyeé jagueicha Santa Escriturape. Añetejápe ipôrâ reñemongaraí Judiocha, rembuaye ma guive jecópe pe Moises ñeêngue. Anga repiá ramo pe Moises ñeêngue gui, nde reñemongaraí ramo yepe, repyta icaraíŷvaicha. Upeicha avei pe icarai-ŷ-va ombuaye ramo jecópe pe Moises ñeêngue ¿ndoyererecoi chépane icaraíva ramo oñemongarai ŷ vaecue ramo yepe? Upeicha pe oyejegui voí icaraiŷva, ombuaye ramo jecópe Moises ñeê, upéva nemoî vaíne ndeve, nde rereco rire yepe cuatia ja reñemongarai rire avei, ja opaichavévonte repiáva Moises ñeêngue gui. Jae ndajaei Judioeté pe iyapé guivónte jaéva. Ja ndajaei pe icaraí etéva upe jete apé guivónte jaéva. Upéva Judioete pe ipyapype jaéva, ja pe icaraíetéva pe ipyapype ja jiángape, icarai jaéva, na taângámente añoi. Umiva catu noñemombeu guasui ybypóra guivo, Tûpâ Ñandeyára guivónte. ¿Upeicharamo mbaépa oguerecové pe Judio umi ambuecue gui? ja ¿mbaépa ôguenojê oñemongarai jague gui Judioicha? Jetambae voi catuetei ichupe guârâ. Ipôrâ catuetei ichupecuera Tûpâ Ñandeyára Neê oñemeê jague reje ichupecuera. ¿Mbae nipo? ¿Mârâve ndoicoi oime ramo ichugui cueraguá yeroviajaŷ? ¿Pe iyeroviajaŷpa omoingonerae Tûpâ Ñandeyára yeroviajá ŷ vaicha ramo? Mbaeveicha ramo! Iporave toico Tûpâ Ñandeyára yeroviajá ramo oico ramo yepe opavave cuimbae iyapuva ramo, oyeejaicha Santa Escriturape Toyejechakena Nde remojendajá jecópe Nde reñeê ramo ja ta Nde puaca oime ramo oyuabyva Nendive. Ja ñande recocue vaí ojechauca ramo Tûpâ Ñandeyára jeco marangatúetéjá ¿mbaépa yaéta? ¿Jeco vaípa Tûpâ Ñandeyára oyopŷjá reje ipochŷjápe? (Che añeê caraichante.) Mbaeveichavo! Upeicha ŷ ramo ¿mbaéichapane icatu Tûpâ Ñandeyára omojenda umi ybypóra cuerape? Ja icatu ramo che che yapu járeje Tûpâ Ñandeyára Ñeê oyeyeroviáucávé oñembo tuvicha yoa yoa jaguâ Jae, ¿mbaerejepa upeicha ramo yepe añemo jenda che angaipavora raicha? Ja mbaerejepa ndayaei (oyee rei jaicha ñandereje ja jei jaicha ambuecue ñande yaejá) Yayapo mbae ivaiva ou jaguâ ipôrâva. Oñemojendáne jecópe catuetei umichagua. ¿Mbaépa upeicharamo? ¿ñandepa ñane mbaepôrâvé ichugui cuera? Mbaeveichavo. Ñamombeuma voí umi Judio ja Griego cuera gui opavave peteîcha oijá angaipa guype, oyee jaicha Santa Escriturape: Ndipori jeco marangatuva na peteîmi yepei. Ndipori ojechacuaava jecópe. Ndipori ojecava Tûpâ Ñandeyárape. Opavave oñemboŷkéma: opavave oñembo jeco rei rei. Ndipori oyapo pôrâva, ndipori peteîmi yepe. Iyajŷó omano vaecue oñeñoty jague oyepea yeby vaecueicha. Icûrupi oñeêva jicuai oporombotaby jápe. Pe mbói pyasŷcuéicha oi jembe guype. Iyuru voi jenyjê ñeê ivaí ja iróvagui, ja jangé ipy oñojê jaguâ tuguy. Oime yepyapyva ja ipoaŷva pe japecuera opyrû jague rupi. Pe tapé jeco kîrîrî jaguâ umiva ndoicuaai, ja ndipori jesa renondepe okyjŷyé jaguâicha Tûpâ Ñandeyára gui. Ñande voi yaicuaa opa Moises ñeême oyee vaecue oyeente jague umi Moises ñeêngue rejeguape, oñembotŷpá jaguâ iyurucuera, ja opavavé ybypóra oñemojendá jaguâ Tûpâ Ñandeyára rupi. Upeicha voi vaerâ umi Ñandeyára rembiapoucapy Moises ñeêngue rejegua rupi. Ndipori ybypora oñemopôtí vaerâ iyŷpype. Pe Moises ñeê rupi yajechacuaa mante ñaneangaipa. Coanga catu oime Tûpâ Ñandeyára reco pôrâ jecopegua oyejechauca vaecue Moises ñeê ŷ reje, oyecuaáucá vaecue yma voí pe Moises cuatia rupi ja umi oñemoñeêjare ymaguare cuatia rupi avei. Co Tûpâ Ñandeyára reco pôrâ jecopegua oico yayeroviajá reje Jesu Cristo reje, ja oico opa ogueroviava peguârâ. Ndipori voi iñambuéva: opavave voí iñangaipa ja ndojupityi Tûpâ Ñandeyára imarangatu renda. Oñemo pôtí reínte Tûpâ Ñandeyára pya pôrâ rupi Cristo Jesús ñande repŷ jague rupi. Upévape voi Tûpâ Ñandeyára omoingo oporomoñyrôjarâ ramo umi oyeroviávape juguy reje, ojechauca jaguâ jeco marangatújá ja oguero kîrîrîjape ojeya rei pype ñane angaipa ymaguare ojechaguívo. Upeicha jague coanga voi ojechaucasema jeco marangatujá ja jecopeguajá ja jae jaguâ pe ombo jecomarangatújarâ pe oyeroviáva Jesú rejepe. ¿Mamopa, upeicharamo, iya peême peñe mombeuguasu jaguâ? Ndaiyai voí. ¿Mbaeichagua reco rupipa? ¿Pe tembiapoucapy reco rupipa? Ajaniri! Iyánte catuete yayerovia reco rupi. Upeicharamo, yaicuaama ja yae voí yayerovia rejentejá ñañembo jecomarangatujá ñande, ja na Moises ñeêngue rembiapoucapy rupiri. ¿Tûpâ Ñandeyárapa umi Judio año Tûpâ Ñandeyára mante? ¿Ndajaéipa avei umi pytagua Tûpâ Ñandeyára? Añete umi pytagua Tûpâ Ñandeyára avei, jaejáreje Tûpâ Ñandeyára peteî jaeñónte ombo jecomarangatu vaerâ umi Judiope oyerovia jaguegui ja umi Judioŷvape upeicha avei oyerovia jaguerupi. ¿Upeichapa ñamonandi pe Moises ñeêngue co ñande yarovia rupi? Mbaeveicharamo! Upea rangue ñambopojyi catu etei pe Moises ñeêngue. Upeicharamo ¿mbaépa yaeta ojupity vaecue pe Abraam ñande ru ypycue? Oñembo jecomarangatu rire Abraam jembiapocue reje, jae mo oguereco rae oñemombeu guasu jaguâ, na Tûpâ Ñandeyára guivoi yepe. ¿Mbaépa oyee pe Santa Escriturape? Oyee voi: Abraam oyerovia Tûpâ Ñandeyára reje ja upea opyta ichupe pe jecomarangatu voí ramo. Oime ramo yepe ombaapóva, ndayaei pe jembiapo repycue opytajá ichupe oñemeê reívaicha, oñembojecoviá voí vaerâjá ichupe jecópe. Upeicha avei oime ramo ombaapo-ŷ-va ogueroviávánte pe ombo jecomarangatúva umi jecoñañávape, pe iyeroviajá opyta ichupe jeco marangatu ramo váicha. Upeicha avei pe David jei jeco oryetéjá pe cuimbae upe Tûpâ Ñandeyára omoî jague jeco marangatu ramo vaicha jembiapo pôrâ ŷ reje yepe. Upeva jei voi: Jeco orŷete umi jecovaícue oyepea jague ja iñangaipa oyeyajoí jague. Jeco oryete pe cuimbae omboya ŷ jaguâ iñangaipa Tûpâ Ñandeyára. ¿Co teco ory umi Judiova peguarâ añontepa? ¿terâpa umi Judioŷvapeguarâ avei? Yae voí Abraampe opyta jague iyerovia jague jeco marangatu ramo vaicha. ¿Mbaeichapa, upeicharamo, opyta ichupe? ¿Icaraípepa terâpa icaraíŷme? Ndopytai ichupe icaraijápe, icaraiŷme guarénte gueteri. Uperirente oñemboe ichupe ojaângámoî jaguâ taŷrape oapyra pireó rupi, oyecuaauca jaguâ oñembo jeco marangatu jague oyerovia jague rupi pe icaraiŷme gueteri yepe, icatu jaguâ oico jae opa umi oyeroviava ru ramo, icaraiŷva ramo yepe jaecuera, icatu jaguâ opyta ichupecuera upeicha avei co teco marangatu, ja oico jaguâ umi icarai vaecue ru, nda icarai jague rejei, oicojague rejente pe ñande ru Abraam pe pŷpóre reje oico jague jae oyeroviajápe jae oñemongarai mboyve gueteri yepe. Ja nda pe Moises ñeê jecopegua rupiri oñecuameê vaecue Abraampe ja jeŷícuerape oyapyjy jaguâ co yby iyárarâ jaguâ, oñecuameênte ichupe oñembo jeco marangatu jague rejente oyeroviáreje. Jaecuera ramo iyapyjŷjarâ iyárarâ umi oñembo jecomarangatu vaecue pe Moises ñeêngue rupi, upeicharamo oñemonandí pe yerovia ja pe Ñandeyára remicuameêngue opyta reí. Pe ñeê jecopegua oyepŷucá añete, ja mamo oime ŷ jápe ñeê jecopegua ndipori avei yayeyaby jaguâ. Upévareje yayerovia jague rejente, yajupity icatu jaguâ Tûpâ Ñandeyára pya pôrâ guinte yajupity pe imeêmbyre reí, icatu jaguâ pe oñecuameê vaecue ichupe opyta tápiaguârâ opa umi jeŷícuerape ja na pe ñeê jecopegua rejeguape añoi, upe oyeroviavape avei oyerovia jagueicha Abraam. Upeva voí opavave ñande ru ypycue. (Oyee jaicha Santa Escriturape: Jeta tetaŷgua ru ramo Che romoingo ndeve.) Upeicha voí jae ñande ru ypycue Tûpâ Ñandeyára ypype pe iyeroviajá, upe omoingovéva umi omano vaecuepe ja ojenoîva umi mbae oimeŷva umi mbae oimevaicha. Ja oime ŷ ramo yepe ojaârô jaguâ, jae oyerovia jâtâ oico jaguâ jeta ybypóra rú ramo, upe oyee jagueicha ichupe: Upeicha jeta vaerâ nde reŷícuera. Ja nda ipyamîrîri oyeroviajápe ja na imanduai omanovaichajá jete, ogueroguata jina voi cien años, ja ndoyepyapyi Sara ryguepy iyŷpímajá reje. Ja Tûpâ Ñandeyára remicuameêngue gui noñemondyi oyeroviaŷjá gui, jâtâvente meme oyerovia ombuetevo Tûpâ Ñandeyárape. Ja oguerovia jaguereje ipya apyte guive opa mbae, Jae oicuameê vaecue ipuacajá avei oyapo jaguâ jecópe, upeagui avei pe iyerovia opyta ichupe jeco marangatu ramo vaicha. Ja nda jesejápe añoi oñemoî Santa Escriturape pe opyta jague ichupe upeicha, oyeénte ñande rejejápe avei opyta voi vaerâja ñandeveguarâ avei yayeroviáva pe omopuajaré Jesu Cristope umi omano vaecue paûgui reje. Upéva oñemeê omano jaguâ ñane rembiapo vaí cue reje ja oñemoingove yeby ñañembo jecomarangatu jaguâ rejejápe. Upeicharamo ñañembo jeco marangatu jague reje yayerovia jague rupi, oime oñyrôma Tûpâ Ñandeyára ñandeve Ñandeyára Jesu Cristo rupi. Jaerupi avei iya rae ñandeve yaike jaguâ yayerovia rupi co teco ory Ñandeyára pyapôrâ guiguape co ñaimejápe voí ja ñañe mombeu guasu ñajaârô járeje yajecha jaguâ Tûpâ Ñandeyára oñembotuvichajápe. Ja uperire oime upeicha avei ñañe mombeu guasu jaguâ yajasa vaípe yepe yaicuaajá reje co yajasa vaí oñatoijá ñandeve ñane pya rôsârâme yaropuacajápe, ja co ñane pya rôsângue oñatôi ñande pocuaáucá jaguâ ja pe yayepocuaa jague oñatôi ñajaârôcuaa jaguâ, ja co ñajaârôcuaájá na ñanemotîvái oñoña járeje pe Tûpâ Ñandeyára mborayju ñane ángame pe Espiritu Santo pe Jae omeê vaecue ñandeve rupi. Cristo voínte pe ñande puacaŷme gueteri yepe, jiárape omano umi jecoñaña rejejápe. Añetejápe jasype oimene omano vaerâ peteî cuimbae jecoitépeguava rejejápe, opaichavévonte icatu oiméne oicuameêséva omano jaguâ peteî cuimbae imbae pôrâva rejejâpe. Tûpâ Ñandeyára voi ojechacuaaucá ñanderaŷjújá angaipavóra ramo yepe ñande, omano pype Cristo ñande rejejápe. Upeicharamo ñañembo jecomarangatuma ramo juguŷ reje icatuve vaerâ ñañerenojê jaguâ Jaerupi Tûpâ Ñandeyára ñemyrô gui. Upeicha ñañemyrô rire yepe, Tûpâ Ñandeyára oñyrô ñandéve Itayra omano jague rupi, icatúetévé vaerâ ñañyrô rire yajupity jaguâ ñane mârâŷ jaguâ Jae oicovejá reje. Ja uperire oime upeicha avei ñañe mombeu guasu jaguâ Tûpâ Ñandeyára ndive, Ñandeyára Jesú Cristo rupi pe yajupityma jague Tûpâ Ñandeyára oñyrô jaguâ ñandeve. Upeicharamo, peteî rupi oico ypy jagueicha co yby ári pe angaipa, ja pe ñemanojá oico ypy jagueicha angaipa rupi, upeicha avei pe ñemanojá ôguajê opavave ybypóra cuerape, opavave iñangaipa jague reje. Pe Moises ñeêngue oico mboyve voí, pe angaipa oicoma voi co yby ári. Pe angaipa ndo yejechacuaai mante oime ŷ jápe ñeê jecopegua. Opaichavévo oñembo puacá pe ñemanojá Adan guive Moises peve, umi iñangaipa ŷ vaecue yepe pe Adan oyeyaby jagueichagua reje. Upéva voí pe ou vaerâ vaecue yoguajá. Ja na ñane rembiapo vaí vaichai catu pe Tûpâ Ñandeyára remimeêmbyre. Umi ybypóra jeta omano ramo yepe peteî rembiapo vaícue rupi, upeicha ramo yepe ipya pôrâ catuetei Tûpâ Ñandeyára jetáva ndive, ja oyoa yoavé umi ybypórape jemimeêmbyre ipya pôrâ guigua peteî caraí Jesú Cristo rupi oñemeê vaecue umi ybypora cuera peguârâ. Ja pe angaipa oico ramo yepe peteî rupi, nda upeichai pe Tûpâ Ñandeyára remimeêmbyre. Pe Tûpâ Ñandeyára ñemyrô añete oico ñandeve peteî angaipa rupi ñañemoî vaíucá jaguâ. Upeicharamo yepe pe Tûpâ Ñandeyára remimeêmbyre oico ñandeve ñane angaipa jeta rejeve yepe ñañe mopôtiucá jaguâ opambaegui. Upeicha peteî cuimbae rembiapocue vaí gui oico rire pe ñemano pe peteî cuimbae rupi, icatuvé vaerâ umi ojupitŷva Tûpâ Ñandeyára pya pôrâ jembŷ jaguâ ja pe jemimeêmbyre oñembo jeco marangatu jaguâ oñembo tuvicha jaguâ pe jecové iyapyraŷvape pe peteî carai Jesu Cristo rupi. Upeicha rupi peteî tembiapo vaí reje iya jagueicha opavave ybypórape opyta vaí jaguâ jicuai, upeicha avei peteî tembiapo jecopegua reje iya opavave ybypóra cuerape oñembo jeco marangatu jaguâ oicove tapia jaguâ. Ja peteî ybypóra iñeêrenduse ŷ jague reje opavave ybypóra oñemoingo jagueicha angaipavóra ramo, upeicha avei pe peteî iñeêrendusé járeje jecópe iya opavave ybypórape oñemoingo jaguâ jeco marangatúva ramo. Uperire Moises ñeêngue oñemoingo pe angaipa ocacuaa jaguâ, ja ocacuaajápe pe angaipa oyoáve pe Tûpâ Ñandeyára pya pôrâ, icatu jaguâ pe angaipa ipuaca jaicha omomano jaguâ, upeicha avei pe Tûpâ Ñandeyára pya pôrâ ipuaca tuvicha ombo jecomarangatu jaguâ yaicove jaguâ tapiaguârâ Jesu Cristo Ñandeyára rupi. Upeicha ramo mbaépa yaeta? ¿Ñañemo angaipa tapiápa Tûpâ Ñandeyára pya pôrâ oñemboyoá jaguâ ñandeve? Mbaevéicharamo! Ñande ñañemo manova pe angaipa gui, ¿maichapa icatune yaicove ipype yepe gueteri? ¿Terâpa ndapeicuaai opa ñañemongarai vaecue Cristo Jesus rejeguarâ ñañe mongarai imano jaguepe? Upeicharamo ñande voi ñañeñoty Jendive voí imano jaguepe ñañe mongarai jague rupi, icatu jaguâ Cristo oicove yeby jagueicha umi omano vaecue apytegui pe Tûvâ Ñandeyára puaca tuvicha rupi, upeicha ñande avei yaico co ñande reco ipyajúvape. Ja ñañe moingo jague reje peteîcha Jendive yaico jague reje Jaeicha imano jaguepe, upeicha avei yaicone peteîcha Jendive oicove yeby jaguepe. Cova yaicuaa voi pe ñande reco ituyáva oñemoî jague curusu reje Jendive voí, icatu jaguâ co ñande reco ybypóra angaipavóra rejeguáva oñembyaipa yayeyocuáiucá-vé-ŷ-jaguâ co angaipápe. Upe omano vaecue voi ipôtíma pe angaipa gui. Ja ñande ñamano jague reje Cristo ndive, yarovia yaicove vaerâ jaguâ avei Jendive. Yaicuaa voi oicove yeby jague Cristo umi omano vaecue paûgui, ja ndicatuveijá omano. Pe ñemano voi ndicatuveichene ipuaca Jeseve. Pe omano pype, omano peteî yeby nte ipajá pe angaipa gui, ja oicove yeby pype oicove Tûpâ Ñandeyára peguârâ. Upeicha avei peê peyerereco añete pemano vaecueicha angaipa gui ja peyerereco peicovéva ramo Tûpâ Ñandeyárape, Cristo Jesúrejegua járeje peê. Ani ipuaca pende reje, upeicharamo, pe angaipa pende ruvicha ramo pende rete omano vaerâme, ani jaguâ pembuaye oyerure jaichante pende rete. Upeicha avei ani peiporucá pende rete pe angaipápe pe tecovaí rembiporu ramo, upea rangue peyeporucá Tûpâ Ñandeyárape peicove yeby vaicha omano vaecue apytegui, ja peiporucá pende rete Tûpâ Ñandeyárape pe teco pôrâ rembiporu ramo. Pe angaipa noñembo tuvichaichene ipuaca jaguâ pendereje. Ndajaei peê Moises ñeêngue rejeguáva, pe Tûpâ Ñandeyára pya pôrâ rejeguavante peê. ¿Mbaepa, upeicharamo? Ñañemo angaipánepa ndajaei járeje Moises ñeêngue rejeguava, ja Tûpâ Ñandeyára pya pôrâ rejeguavante? Mbaeveichavo! ¿Nda peicuaaipa oime ramo peteîva peyeporucajá jembiguai ramo, peê pene ñeê rendu jaguâ ichupe, upéva pene ñeêrendújá, upeva rembiguai peê, pe angaipa rembiguai peê pemano jaguâ, terâ pe neê jecopegua rembiguai peê peico jaguâ jecópe. Anga yarojorŷna Tûpâ Ñandeyárape! angaipa rembiguai rire yepe peê, peê pene ñeêrendúnerae pende pyaite guive pe temimboe jecopegua peñemboe jaguepe. Ja coanga peñerenôjêma ramo pe angaipa guŷ gui, peyeyapomanerae pe teco marangatu rembiguai ramo. (Cuimbaeichante añeê, peêcuera pendeyejegui voi pende pituájá reje.) Ja peiporuca jagueicha pende rete pe teco tieŷ ja pe teco ñaña rembiguai ramo, upeicha coanga peê peiporuca vaerâ pende rete pe teco pôtí rembiguai ramo pene marangatuite jaguâ. Pe angaipa rembiguai ramo guare peê peico rei rei vaecue pe teco marangatuva gui. ¿Mbaépa, upeicharamo, penojê vaecue umimbae gui umi coanga peême penemotîva. Umimbae pajá voi oñemano jaguâ. Coanga peñerenojêma ramo pe angaipa guŷgui ja peyeyapoma ramo Tûpâ Ñandeyára rembiguai ramo, coanga penojê umimbae gui peñemomarangatu jaguâ ja umimbae pajá ramo oimene pejupity pe tecove iyapyraŷva. Pe angaipa repycue voí upéva ñemano ja pe Tûpâ Ñandeyára remimeêmbyre rei voí, upeva pe tecové iyapyraŷva Jesu Cristo Ñandeyára rupigua. ¿Ndapeicuaaipa, che reŷicuera, (añeê vointe umi Moises ñeêngue oicuaava ndive) ñande yapytajá pe Moises ñeêngue guype, yaicove aya pucucuénte? Pe cuña omendava, imena oicove aya, oñeñapytî ichupe pe Moises ñeêngue rupi. Upegui omano ramo imena, pe Moises rembiapoucapy oñapytî vaecue ichupe imenape opyta reíma. Upeicha ramo, oicove aya imena, oico rire jae ambue cuimbae ndive oñembo jerane mendaré mbuaijare. Upegui imena omano ramo, osêma pe Moises rembipoucapy oñeñapytî jaguegui. Upeicharamo, ndajaeichene mendare mbuaijá, omenda yeby ramo cuimbae ambue reje. Upeicha avei peêcuera, peê che reŷícuera, peico omano vaicha pe Moises ñeênguégui pe Cristo oñembojete jague rupi, peico jaguâ ambue mbae ramo, yaévo, upe oicove yeby vaecue omano vaecue paûgui mbae, icatu jaguâ ñambotuvicha Tûpâ Ñandeyárape ñandereco pôrângue reje. Yaico aya ñandeyejegui voi, pe angaipa ñane atôiva pe Moises ñeêngue rupi guare oñatôi ñande retepe ñane rembiapo vai jaguâ ñande reraja jaguâ ñamano meve yepe. Coanga ñasêma pe Moises ñeêngue gui ñande yaicojá reje ñamanovaicha upe ñandeyocójaré gui, icatu jaguâ yayeyocuáiucá jecope co ñande reco pyajúvape ñande pyaite guive ja yaicoveŷ pe ñeêngue ymaguare rupi. ¿Mbaépa yaeta, upeicharamo? ¿Pe Moises ñeêngue angaipa? Mbaevéichavo! Che voi mo ndaicuaai rae mbaépa pe angaipa, aicuaa ŷ rire pe Moises ñeêngue, upeicha avei, che mo ndaicuaaiche rae pe pyayerure vaí oyee ŷ rire Moises ñeême Ani reipota potave. Uperamo pe angaipa, iya vove ichupe pe Tûpâ Ñandeyára rembiapoucapy rupi, oñatôi chepype aipota potave jaguâ opaichagua mbae ivaíva. Pe Moises ñeêngue oi ŷ ramo, pe angaipa mo opyta omano vaicha. Yma che aicove vaecue sapyami Moises ñeêngue ŷ reje, upei catu ouma ramo pe Tûpâ Ñandeyára rembipoucapy sapyaite pe angaipa oicove yeby ja che amano voi. Ja oyeju pe Tûpâ Ñandeyára rembiapoucapy che moingove vaerâ vaecue oico cheve amano jaguâ. Pe angaipa voi, iya vove ichupe pe Tûpâ Ñandeyára rembipoucapy rupi, che mbotaby cheve, ja jaerupi avei che yuca. Upeicharamo, pe Moises ñeêngue añetejápe imarangatúva ja pe Tûpâ Ñandeyára rembiapoucapŷ imarangatu ja jecopegua ja imbaepôrâva. ¿Upeicharamo pe ipôrâva oyeyapopa cheve amano jaguâ rae? Mbaeveicharamo. Pe angaipa mante jae icatu jaguâ oyejechauca jae angaipajá upe ombaapo vaecue ipôrâva rupi, che yuca jaguâ, icatu jaguâ oyecuaáucá pe Tûpâ Ñandeyára rembipoucapy rupi mbae ipojŷiteetevévajá pe angaipa. Yaicuaa voi pe Moises ñeêngue yvapegua rejeguajá, ja che ybypórantejá che añeñemu jague angaipa rembiguai ramo. Pe ayapova che nda jechacuaai che rembiapojá, ja pe aipotáva, ndajaei pe ayapova, pe chembŷayúva voí upéva pe ayapóva. Ja ayapo ramo pe aipotaŷva che aicuaauca ipôrâjá pe Moises ñeêngue. Ja upeicharamo, coanga ndajaeveima che ayapova co tembiapo, pe angaipa mante oicova chepyape, upeva pe oyapova. Che aicuaa che pype, yaicuaa che yejegui vointe, ndopytaijá mbaeve ipôrâva ja iya ramo yepe cheve aipota pôrâ jaguâ, ndaiyai cheve ayapo jaguâ jecope pe ipôrâva. Che ndayapoi pe mbae ipôrâva che aipotáva, ja pe ivaíva che aipotaŷva, upeva pe ayapo tapiáva. Ja ayapo ramo pe aipotaŷva nda che vémái pe oyapova upeva, pe angaipa oicova chepyape, upévante oyapo. Upeicharamo ayuju coichajá chereco, che ayapose ramo mbae pôrâ, oime pe ivaiva che moñujá oicovo tapiá. Che pyapype voi che abyá tuvicha pe Tûpâ Ñandeyára rembiapoucapype, upegui ajechacuaa oimejá teco ambue che retepype oñorayrô pe teco pôrâ che mbaecuaa rejegua ndive, ja che rerajáva añeñapytîjápe pe teco angaipa rejegua oiva che retépe rupi. Che angai nico ybypóra poriaju. ¿Avápa che renôjêne co che rete teôngueichagua gui? Arojorŷ Tûpâ Ñandeyárape icatujá reje Ñandeyára Jesú Cristo rupi. Upeichape che voi cheyejegui vointe ajechacuaa rupi che ae pe teco Tûpâ Ñandeyára Ñeê rejegua rembiguai, che ybypóra reco guivo che pe teco angaipa rejegua rembiguai che. Coanga, upeicharamo, ndiporivéima oñemoî vaíucá jaguâicha umi Cristo Jesus rejeguava, umi oicoŷva ybypóra reco rupi oicojá reje pe Espiritu reco rupi. Pe Espiritu reco rupi ñañe moingovéjá Jesú Cristo rupi ñañerenojê pe angaipa reco ñamano jágui. Pe icatu ŷ vaecue umi oico vaecue pe Moises ñeêngue rupi ipuaca ŷ jague reje iyejegui reinte umi ybypóra ipituajá gui, upeva voi oyapo Tûpâ Ñandeyára ombou pype Tayrape ybypóra angaipavóra rejeguaicha ja ñane angaipa reje, ja upeicha omoî vaí pe ybypóra reco angaipavóra rejeguava, icatu jaguâ oyeyapo jecope pe Moises ñeêngue jecopegua oyeé jague ñandejegui ñande yaico-ŷ-va ybypora reco rupi, pe yvapegua reco Espiritu rejegua rupinte. Umi oicova ybypora reco rupi imanduá meme mbae ybypóra reco rupi gua reje, umi oicova yvapegua reco Espiritu rejegua rupi, imanduá umi mbae yvapegua reco Espiritu rejegua reje. Ybypóra reco rupigua ramo ñande pyapypegua yaico ñamanovaicha, ja yvapegua reco Espiritu rejegua rupigua ramo ñande pyapypegua yaicovéeté ja ñande pyaguapy. Upeicha ramo ybypóra reco rupi gua ramo ñande pyapypegua, yaico Tûpâ Ñandeyára ñamo tareŷjára ramo, ñañemoîse ŷ járeje Tûpá Ñandeyára ñeê jecopegua guype, ja ndicatuiete járeje ñandeyejegui voi. Upeicha voi umi jicuaiva ybypóra reco rupigua ndicatui oguerojory Tûpâ Ñandeyárape. Peêcuera catu nda jaevéima ybypóra reco rejeguava, yvapegua reco Espiritu rejeguante peê, oico ma guive añete pe Tûpâ Ñandeyára Espiritu pende pype. Ja oime ramo oguerecoŷva Cristo Espiritu upeva ndajaei Jesegua cuérava. Ja Cristo oime ramo pende pype, omano vaerâ ramo yepe pende rete pe angaipa rupi, pene ânga catu oicove eté vaerâ pe teco marangatuva rupi. Ja oico ramo pende pype pe Espiritu, pe Jesús omopuâ jare omano vaecue apytegui rejegua, upe omopuâ vaecue Cristo Jesúspe umi omano vaecue paûgui, omoingovéne avei pende rete omano vaecue pe Iyespiritu pendepype oicova rupi. Upeicharamo, che reŷícuera, ndajaei co ybypóra reco tecôtevê jaguâ yaico yaicove jaguâ pe ybypora recorupi: peicove ramo voi pe ybypora reco rupi nda jiarei chene pemano jaguâ. Upeicha ŷ ramo peicove ramo pe Espiritu reco rupi ja pemomba ramo peicovo pe ybypóra reco peico jague, peicovéeténe. Opa umi oicóva Tûpâ Ñandeyára Espiritu po guype umíva Tûpâ Ñandeyára raŷ cuera. Peê nda peipyjyi yeby pyaju pe pyamîrî tembiguai iyoguapyre pya ryryicha peñemonguyjŷyéucá yeby jaguâicha. Peipyjy vaecue voi pe pyaguasu peyejecha cuaa ramo vaicha tayra raânga ramo pe ñanembo sapucai vaerâ: Taita, Ore Ru. Pe Espiritu voi oicuaaucá avei pe ñande pyape yaicuaava voi Tûpâ Ñandeyára raŷjá ñande. Ja ñande itayra ramo, ñande avei imbae rerecojarâ, Tûpâ Ñandeyára mbae rerecojarâ ñande voi, ja Cristo ndive ña nombae rerecojarâ, ñande yajasa asy ma guive Cristo ndive ñañembo tuvicha jaguâ Jendive avei ñande. Ja ñande coanga rupi yajasa asyjá, che aimoâ ndajaéijá ñamboyoya jaguâicha pe yarojory vaerâ outava ja oyejechauca vaerâ ñandevepe. Tapiá voi iñajô jicuai umi mymba yepe, ojaârôvo oyejechauca jaguâ umi Tûpâ Ñandeyára raŷcuera. Umi mymba voi oñemoî jicuai opyta reijápe, nda jaecuera oipotaguiri, pe oyoco vaecue rupinte. Upeicharamo yepe oime ojaârô vaerâ umi mymba voi oñemboi jaguâ pe iyeyopyjá oñembuai jaguâ gui oico jaguâ pe teco orype cuimbaéteéicha, oñembo tuvicha jaguâ Tûpâ Ñandeyára raŷteé. Yaicuaa voi opavave umi mymba yepe ipyajêjá oñondive ja iñajôjá jicuai peteî imemby rasy vaicha coanga peve yepe. Ja nda jaecuera añoi, oime ñande avei yarecoma ramo yepe pe Espiritu meêmbyre ñepyrumbŷ, ñande yepe ñane pyajê ñande pype voi ñane ñajaârôvo ñande yayejechacuaa jaguâ itayra ramo, ñañe renôjê pype ñande rete rejeve opambae vaí gui. Ñajaârô pype voi ñañe mbo jecomarangatu, upeicha ramo yepe, ñajaârô ramo mbae jechapyre, upeva ndajaeveima pe mbae jaârômbyrâ, ja oimema ramo pe oyejechapyrâ vaecue ¿maerâpa ñajaarôvéta gueteri. Ja ñajaârô ramo pe yajechaŷva, ñajaâro ñaro kîrîrîjápe ñamañávo. Upeicha avei pe Espiritu ñanepytyvô ñande pituájápe. Upe yayerure vaerâ jecópe ñañemboe jápe nda yaicuaai, upe Espiritu voí oyerure ñande recoviá ipyajê asyvéjápe ñande icatuŷva yae gui. Ja pe ojechacuaava ñandepyapŷ, upéva oicuaa pe Espiritu rembipota, jae oyeruré járejente umi imarangatúvareje pe Tûpâ Ñandeyára reco rupi. Ja yaicuaa opambae oipytyvôjá ipôrâ jaguâme umi Tûpâ Ñandeyárape ojayjúvape, umi oñejenôi vaecuepe voi, Jae oiporavó jagueicha. Umi yma oicuaa vaecuepe oiporavó vaecue avei oyoyogua jaguâ Itayrape, Jae oico jaguâ iñypyrumbŷ ramo jeŷícuéraetá paûme. Ja umi Jae oiporavó vaecuepe, umivape avei ojenoî ja umi Jae ojenoî vaecuepe, umivape avei omopótí ja umi omopôtí vaecuepe, umivape avei ombo tuvicha yvagapegua rejeguarâ. ¿Mbaépa yaeta, upeicharamo? Tûpâ Ñandeyára oi ramo ñanendive ¿avápa oine ñane moî vaí vaerâ? Upe Itaŷrateé reje yepe nda jâcâteŷi vaecue omeêvo yepe Ichupe opavave ñande rejejápe, ¿mbaeichapa nune nomeêichene ñandeve Jendive opambae avei jâcâteŷŷjápe? ¿Avápa oñeê vaíne umi Tûpâ Ñandeyára oiporavó vaecuepe? Tûpâ Ñandeyára voi ombo jecomarangatu ichupecuera. ¿Avápa omoî vaíne ichupecuera, upeicharamo? Cristo Jesús omano vaecue, ja upeicha avei oicove yeby vaecue, ja oiva avei Tûpâ Ñandeyára acatuape yvagape oñeêva avei ñandereje. ¿Avápa, upeicharamo, ñandepeáne Cristo ñanderayjújágui? ¿Icatúpa yajasa asy terâpa ñaicôtevê terâpa ñande rapycuerigua terâpa ñembyajyi, terâpa opivo, terâpa ñane mombóiva, terâpa kyse pucu? oyee jaicha Santa Escriturape: Nde rayjupápe roicojáreje oñejaâ oreyuca jaguâ opa árape tapia. Orerereco ovecha iyucapyrâicha. Opaichavevo opambae pype ore roguero puacáitevé catuetei upe ñande rayjujára rupi. Aicuaa pôrâite voi ndiporijá mbaeve ñandepeájarâ, pe ñemano yepe terâ ñande recové terâ yvapegua mbae, terâ mburuvicha cuera, terâ ipuacáva terâ pe coangagua terâ pe ou vaera, terâ pe yvategua terâ pe ybypegua terâ mbaeve iyapopyre, ndipori mbaeve umichagua mbae ñandepeá jarâ Tûpâ Ñandeyára ñande rayju jágui Ñandeyára Jesu Cristo rupi guagui. Che jae añeté Cristo rejegua vaicha, nde cherereiri, che pyapy avei omoañete pe Espiritu Santo rupi, ja oicuaaucá peteîcha avei, che jae tuvichaite ambuasyjá ja jasŷjá tapia cheve chepyape. Ayerure moa yepe ayepea jaguâ Cristo gui che reŷicuera rejejape, umiva che rejegua voínte, umi Israelita cuérava voi. Jaecuera voi oyejechacuaa vaerâ Tûpâ Ñandeyára raŷ raânga ramo ja ichupecuera voi oyejechauca vaecue Jae iyeguaitejápe ja ichupecuera oñecuameê vaecue iñypyrumbŷ, ichupecuera oñemeê vaecue Moises ñeêngue ja oñemboe jaguâ jecopete, ja umi ambuecue oñecuameê avei vaecue ichupecuera. Umiacuera rejegua ñande ru cuera ypycue ja jesecueragua ou Cristo carai ramo, upéva tuvichaitevé voi opambaeguive, Tûpâ Ñandeyára imombeu guasu catu pyrâ tapiâguârâ. Amen. Ndajaei voi pe opyta rei ramo vaicha pe Tûpâ Ñandeyára Ñeê. Ndajaei voi Israel rejeguaite opava umi Israel cuérava, ja oime járeje Abraamrejeguava, nda upea rejei opava itayra, oyeé jagueicha Isaac rejegua guive oñejenôi vaerâ umi ne ñemoñaré nderejeguava. Upeicharamo ndajaei Tûpâ Ñandeyára raŷteé umi ñeminguéva, umi pe oñecuameê rupi guare itayra, umiva añonte oyepapa iñemoñaré jeseguava ramo. Pe ñeê oñecuameê ramo guare co cova: Coanga guârâicha che ayune ja oimene mitâ cuimbae Sara imembŷvaerâ. Ja nda upeva añoi, pe Rebecca voi avei jygueguasu opytávo peteîva ñanderu ypycue Isaac gui, ja oñemoña mboyve voi yepe ja oyapo mboyve yepe mbaeve ipôrâva terâ ivaíva, opyta jaguânte jecópe pe jiâ vaecue Tûpâ Ñandeyárape, jiâ jagueicha Ichupe na jembiapo pôrângue rei rejei, Jae oyejegui vointe ojenoî jague reje ichupecuera, aiporamo oyee ichupe: Pe ituyavéva oyeyocuaiuca vaerâ pe imitâvevape. Upeicha avei oyee pe Santa Escriturape: Jacobpe ajayju, Esaupe añamotareŷ. ¿Anga mbaépa yaeta? ¿Yaépa jeco yoyáŷjá Tûpâ Ñandeyára? Mbaeveicharamo! Jae voi jei vaecue Moisespe: Oimerâevape Che aiporiajuverecóva aiporiajuverecoite vaerâ jecópe, ja oimerâeva ambuasŷjá ambuasŷeté vaerâ. Upeicharamo ndaiyai pe oipotávape yepe ja ndaiyai pe oñejaâvape, iyánte Tûpâ Ñandeyárape pe oiporo poriajuverecóvape. Oyee vaecue voi Santa Escriturape pe Faraonpe: Coarâ voi romopuâ ndeve ajechauca jaguâ nderupi che puacájá ja che rera oñemo jerâcuâucá jaguâ opa yby yeréreje. Upeagui yajecha jae oiporo poriajuverecojá pe oiporiajuverecosévape, ja upe omopyajâtâsévape, upévape jae omopyajâtâjá. Anga catu icatu ereta cheve: ¿Mbaerejépa Tûpâ Ñandeyára ipochy gueteri? ¿Avápa oime oñemoîva jembipota reje? ¿Mbae nipo? ¿Avápa nde cuimbae rei rembojovaiséva Tûpâ Ñandeyárape? ¿Jeipane pe mbayru tuyuguigua pe iyapojarépe: ¿Mbaerepa che apo coaicha? ¿Ndicatuipa pe tembiporu yby apojaré oyapo pe tuyu gui voi peteî mbayru iporúpŷrârâ yeguajápe, ja ambue mbayru iporúpŷrârâ ñemijápente? Ja icatu Tûpâ Ñandeyára ojechaucase guive ipochŷjá ja oicuaáucáse guive ipuacajá, ojeya rei kîrîrîjápe mbayruicha iyapopyré Jaerupi umi oñemyrôjápe oimbamava voi imbuaipyrâma jicuai, icatu jaguâ upeicha rupi oicuaáucá pôrâ tuvichaite imbae pôrâiteja umi jembiporiajuverecópe imbayru ipôrâvaicha umi Jae omboesacoi vaecue voi ojo jaguâ yvagape. Ñandeve voi Jae ñane renoî vaecue na umi Judio añoi apytegui, umi pytagua apytegui avei. Upeicha avei oyee vaecue pe Osea cuatiápe: Umi che rejeguaŷ vaecuepe ajenoîne cherejegua ramo, ja pe ajayju ŷ vaecuepe ajenoîne che rayjupára. Ja upe tenda oyee jaguepe ichupecuera Peê ndajaei cherejegua, upepe voí oñejenoîne Tûpâ Ñandeyára oicovéva raŷcuera. Upeicha avei Isaias oñemoneê Israelgui: Pe Israel raŷcuera retacue pe ŷguasu rembey pegua ybycui retacueicha ramo yepe, jembyremi mante opytane mârâŷreje. Ñandeyára voí ombuayepa jecope iñeê oyapóucávo ipajápeve ja omombykŷvo jiara co ybyari. Upeicha avei yma jei vaecue Isaias: Pe Ñandeyára tuvichava ojeya ŷ rire ñandeve ñañemoña jaguâ yaico mo rae Sodomaicha ja yayoya mo rae Gomorra reje. ¿Mbaépa yaeta upeicharamo? Yae umi pytagua yma ojeca ŷ vaecue jeco marangatu jaguâ ojupitymaja oico jaguâ jecópe, yaicuaa voi pe jeco marangatu oyerovia jague reje guare voi vaerâ. Ja umi Israel cuérava voi ojeca vaecue pe teco oñembo jecomarangatúucá jaguâ, ndojupityi yepe pe teco. ¿Mbaerejépane upeva? Ndojupityi voi oico ŷ jague reje yeroviajápe ja ojeca jague reje pe teco marangatu umi jembiapo oyejegui voi guare reje. Upeichape jaecuera oñepysangá pe itá ñepysangájá reje, oyee jaicha Santa Escriturape: Coina ape amoî Sionpe itá ñepysangájarâ ja itá guasu oyeájá; upeicharamo yepe, upe oyeroviava yepe noñemotîchene. Che reŷícuera che pyayerure ja che ñemboe Tûpâ Ñandeyárape umi che rejegua cuera reje guare oñembo jeco marangatu jaguâ jecópe. Che aicuaauca ichugui cuera jacateŷ nungájá Tûpâ Ñandeyárareje, ndajaei ramo yepe umi oicuaa pôrâ jecopevaichagua. Ndoicuaai pype pe teco marangatu Tûpâ Ñandeyára guigua, ja oñejaâ pype oyejegui voi oñemoî pôrâ jaguâ jecocue voi reje, noñemoîri Tûpâ Ñandeyára po guype, oñembo jecomarangatu jaguâ Jaerupi. Cristo oñemoingo pype ombo jecomarangatu jarâ opavave ogueroviavape, omboŷké pe Moises ñeêngue. Moises voí oicuaaucá icuatiape pe oñembo jeco pôrâva pe Moises ñeêngue rupi ja oyapopáva jecópe umimbae, pe cuimbae oicové jaguâ pe teco rupi. Upe teco ipôrâva oyerovia rejegua gui oyee ambueicha: oyee voi: Ani ere nde pyape ¿Avápa oyupine yvagape? yae ogueru vaerâ Cristo upegui, ja ani ere ¿Avápa ogueyŷne ybycua jugua-ŷ-vape? yaevo ogueru yeby vaerâ Cristope, umi omano vaecue paûgui. ¿Mbaépa oyee? Oyeente: Jiâgui voi pe ñeê, oi voí nde yurupe yepe ja nde pyape. Cova voi pe ñeê yayeroviaja rejegua roñemoñeêjá roina. Remombeu ramo opavavepe co ñeê, nde yurupe oiva voí, Jesús Ñandeyárajá, ja rerovia ramo jecópe nde pyaite guive Tûpâ Ñandeyára omopuâ jague Ichupe umi omano vaecue apytegui, reñemoî pôrâne Tûpâ Ñandeyára ndive. Ñande pyape voí yarovia vaerâ ñañembo jecomarangatu jaguâ ja ñande yuru rupi ñañemombeu yajupity ñañemoî pôrâ jaguâ. Pe Santa Escriturape oyee voí: Avave umi ogueroviava noñemotîchene. Ndoicoêi voi Judio ja Griego paûme. Upe Ñandeyára opava Ñandeyára voi ja ipya pôrâiteva opa umi ojenoîva Ichupepe. Opavave ojenoîva voi Ñandeyára rera opyta pôrâ vaerâ. ¿Mbaeichapa ojenoîne pe jaecuera oguerovia ŷ vaecuepe? ¿Ja maeichapa ogueroviane pe ojendu ŷ vaecuepe? ¿Ja mbaeichapa ojendune oime ŷ me oñemoñeê jarâ? ¿Ja mbaeichapa oñemoñeêne oñembou ŷ rire? Oyee voi vaecue Santa Escriturape. Ipôrâite ipy cuera umi omojerâcuâva ouvo mbae ipyaju ipôrâva. Ja nda opavai ombuaye pe mbae ipyajuva ipôrâva Evangeliopeguare. Pe Isaias voi jei: Ñandeyára, ¿avápa oguerovia rae ore romojerâcuâva. Ñande yarovia voí ñajendu jague reje ja pe ñajendujá oico Cristo jei vaecue gui. Ja che jae ¿Nojenduipa? Jeê! Ojendu catu, opa rupi voi co yby yere reje osê oicovo umi ñemoñeêjara ja pe yby pajapeve oñejendu iñeê. Ja che jae yeby: ¿Israelpa ndo jechacuaai rae cova? Iñypyrumby voí Moises jei: Che pomo jâcâteŷne peême Che reje umi tetaŷgua rei gui, ja ybypóra itabŷva coty pombo pochyne peême. Isaias voí catuetejápe oyepoyju-ŷ-me jei: Che ayeyuju vaecue umi Che recaŷva rupi, ja Che ayecuaaucá umi oporandu-ŷ-vaecuepe Che reje. Ja pe Israel reje jei: Ára pucu cue yave aipyso Che yŷvá co ybypóra cuera iñâcâjâtâva ja Che mbojováiva che ñeêmepe. Taporandu, upeicharamo: ¿Tûpâ Ñandeyárapa omombo Jesegua cuerape? Mbaeveicharamo! Che avei Israelcuerava, Abraam rejeguava, Benjamin rejegua cuérava. Tûpâ Ñandeyára nomomboi jesegua cuerape yma guive oicuaa vaecue. ¿Terâpa nda peicuaai pe Santa Escriturape oyee vaecue Elias gui pe omombeu ramo guare jina Tûpâ Ñandeyárape Israel coty coty, jeivo: Ñandeyára, Neñemoñeêjarape oyuca, ja Ne tûpâo cuera ombuai, ja che apyta che añó ja cheve avei yepe chereca oipeavo che recové? ¿Upegui mbaépa jei ichupe pe yvapegua? Ajeya añongatu, jei, che yupe guârâ siete mil cuimbae oñesû-ŷ-vaecue Baal raângá renondepe. Upeicha avei coanga voí oime opyta jembyre Ñandeyára ipya pôrâ rupi oiporavópyré. Upeicha ramo ipya pôrâ rupi oiporavó ramo ichupecuera Ñandeyára nda jaeveima jembiapo cue reje voi. Upeicha ŷ ramo pe pya pôrâ nda jaeveima pya pôrâ. Ja jembiapo cue re ramo nda jaeveima pya pôrâ gui. Upeicha ŷ ramo pe jembiapocue nda jaeveima tembiapocue. ¿Ja rire? Pe ojeca vaecue Israel, upéva ndojupityi, umi Ñandeyára oiporavópyrénte ojupity, ja umi ambuecue oñembo pyajâtâ. Upeicha oyee pe Santa Escriturape: Tûpâ Ñandeyára omeê ichupecuera iñâcâ tabyrai jaguâ jopejyivaicha ja omeê ichupecuera tesá ojecha-ŷ-jaguâ mbaeve, ja apysá ojendu-ŷ-jaguâ mbaeve coangaite peve yepe. Upeicha avei David jei vaecue: Toico icarujá ñujâ ramo ja pyjá ramo ja ñepysangájá ramo ja jembiapocue recoviájá ramo. Ta iñypytû jesa anichene jaguâ ojecha ja toñemboyaybŷ icârâpá jaguâ tapia guârâ. Che voi jae: ¿Oñepysangápa joá páite jaguâ? Mbaeveichavo! Jaecuera joa vai jague reje oyabŷjápe, joa pôrâ umi pytaguape oñemoî pôrâ jaguâ, oñemo jâcâteŷucá yeby jaguâ umi Israel cuéravape. Ja joa vaí jague gui umiva oyabŷjápe, oñemo mbaererecoja ramo umi ybypóra ambuecue, ja oñemo mîchî jague gui umiva, oñemo mbaererecoja ramo umi pytagua, ¿noñembo tuvichaveichepane umi ambuecue, oñemyatyrô yeby ramo jecópe jaecuera. Peême voi che jae, peê pytagua, che Apostol Ñandeyára remimbou járeje umi pytaguape, che añemombeu guasu aico járeje co tembiapope, añejaâvo icatu jaguâ amojâcâteŷ che rejegua cuerape ja icatu jaguâ ajupity amoî porâ jaguâ Ñandeyára ndive peteîva jaecuéravape yepe. Ja oyepea jague reje jaecuera oñyrô ramo Ñandeyára umi ybypóra ambuecuepe, ¿mbaépa oicone oyererojory yeby jápe jaecuera? Oicone peteî oicové yeby vaicha umi omano vaecue paûgui. Ipôrâ ramo jecópe pejenguemi pe oñembobúvagui ñajaâva tenonderâ, ipôrâ vaerâ avei opa pe iñakŷmbyré, ja pe ybyrá rapó jesâi pôrâ ramo, upeichane avei jâcâ. Ja oime ramo yepe jâcâ peteîva oñekytî vaecue, ja nde caaguŷgua ramo yepe reñembo yuapy ramo iyapytepe cuera, ja oyupitŷucá rire ndeve japógui pe jâcâ rycuere oñombaéva ramo, ani reñemombeu guasu umi jâcâ jaetévagui. Ja sapya reñemombeu guasu ramo, ani nde resarai ndajaeijá nde reyocojá pe japo, pe japo catu voi nde yocojá ndeve. Sapya nde erene: Oime vaecue jâcâ oñemombê vaecue che añembo yuapy jaguâ rejejápe. Añeté catú. Umiva oyerovia-ŷ-jague rejente oñemombê, ja nde reyeroviajá rejente repyta jâtâ reina. Ani reñembo mbaeguasúeté jecoŷme, upeicharamo. Iyave ndeve rekyjŷyé. Jacateŷ-ŷ-ramo Tûpâ Ñandeyára umi jâcâ jesegua reje, ¿na jâcâteŷichepane ndereje avei? Ejechana pe Tûpâ Ñandeyára imbaepôrâjá ja ipya pojyijá avei. Añetejápe Jae ipojyi umi joa vaecuepe ja imbae pôrâite ndeve repyta jâtâ ma guive iya jaguâ ndeve imbaepôrâ. Upeicha ŷ ramo nde avei reñekytîne jâcâicha. Ja jaecuera yepe opyta jâtâ ŷ ramo pe oyerovia-ŷ-jápe, umiva oñembo yuapy yebyne avei. Ipuaca voí Tûpâ Ñandeyára omboyuapy yeby jaguâ ichupecuera. Ja nde reñekytî ramo pe caaguŷeté gui voi, ja jecoŷme reñemboyuapy ramo ybyra râcâ ipôrâva reje, iyávé umi jâcâ pôrâme oñembo yuapy yeby jaguâ jecópe pe iyŷbyrâ râcâ reje voí. Che ndaipotai, che reyi cuera, peê peicuaaŷ co mbae ñemí, anichene jaguâ peêcuera voi peêsénte, pe Israel oñembo jesájavê nungájá jina oicopa peve jecópe pe umi pytaguape ojupity vaerâ. Ja upevove opava Israel cuérava yoa oñemoî pôrâne, oyee voi Santa Escriturape: Oune Zion gui pe opoíjarâ oipea vaerâ umi Jacob rejegua cuera apytegui umi ombuete-ŷ-vape Ñandeyárape. Coicha voi che aicuameê vaerâ ichupecuera amboí ramo guârâ iñangaipa cuera. Pe Evangelio guivo voi Tûpâ Ñandeyára oñamotareŷ ichupecuera pende rejejápe, upegui umi oyeporavó vaecue guivo, jaecuera oyejayjúetê ituva ypycue rejejápe. Máramo ndoguerovái Tûpâ Ñandeyára iñeêgui umi omeêmbyré ja ojenoîmbyregui. Peêcuera voi yma perovia-ŷ-jagueicha Tûpâ Ñandeyárape, ja coanga peê pejupity jagueicha peye poriajuvereco jaguâ oguerovia-ŷ-me jaecuera, upeicha avei jaecuera coanga ndogueroviai co peyeporiajuverecope peê, icatu jaguâ jaecuera avei coanga ojupity oyeporiajuvereco jaguâ. Tûpâ Ñandeyára voi ombyatŷpá oñondive oguerovia ŷ vaicha Jae oiporiajuvereco jaguâ opavavépe. Jypy catu pe Tûpâ Ñandeyára aranducue ja pe imbaecuaajá tuvichaitéva, imboyecuaapyre-ŷ-catu pe jiâva Ichupe ja ipyporé cañŷeté! ¿Avápa voi oicuaa rae Tûpâ Ñandeyára pyapy terâpa avá rae oñomboe Jendive? ¿Terâpa avá rae omeê raê Ichupe ombojecovia yeby jaguâ ichupe Jae. Ichugui voi oñypyrú opambae, Jaerupi voi oyeyapo opambae, ja Ichupe guârânte voi oico opambae. Toñembuetéucá Jae tapiaguârâ. Amen. Upevareje, che reyi cuera, ayerure peême, Tûpâ Ñandeyára ñande poriajuverecojá reje, peicuameê jaguâ Ichupe pende rete mbae icuameêmbyré oicovéva ja imarangatúva, pembojory jaguâ Tûpâ Ñandeyárape. Upeichavo peê peñemboecatúva jecópe. Ani peyejeá co ybypóra coangagua reco reje. Peñemoambue catu peñembo pyaju pype pene âcângatu jaguâ, pejupity jaguâ pejechacuaavo pe Tûpâ Ñandeyára rembipota ipôrâjá ja yarojorŷjá ja jecopeguajá. Upeicharamo iyajá reje cheve Ñandeyára pya pôrâgui tae pôrâ catuetei opavave peêcuéravape anichene jaguâ oñemoâ oyeje voi oñemombae guasuvé pe jecópe oñemoâ vaerâgui, toñemoânte jecópe, toyerereco iñâcâ pôrâ jápe, pe Tûpâ Ñandeyára omeê jagueicha opavavépe oyerovia jaguâ. Co ñande reté peteî voi yareco jaicha jeta ñande rayŷgue ja opa ñande rayŷgue nombaapoi peteîcha. Upeicha avei ñande ñande retá ramo yepe yaico ñandeve peteî teténte ramo, Cristo rejegua ramo ñande opavave oyuejerejeguante yepe. Upeicharamo yareco jaicha pe peteî teîme oñemeê vaecue, iyávé pôrâ jaguâicha peteî teîme, icatu jaguâicha ñande puaca, ja opavave iñambue oñondive, oime ramo iyájape oñemoñeê jaguâ toñemoñeênte iya jaichante ichupe iyeroviajágui, terâ oime ramo iyájape oico jaguâ mbae rerecuá ramo toiconte jecópe pe imbae rerecuájápe, ja oime ramo iyájape oporomboe jaguâ, toico jecópe imboejápe, ja oime ramo iyájape omo angapyjy jaguâ ambuecuepe, toico jecope pe imboangapyjyjápe, ja oime ramo omeêva tûpâmbae, tomeê jacateŷŷme, ja oime ramo oicova mburuvicha ramo, toiconte jecópe imbokyreŷjápe, ja oime ramo oiporo poriajuverecova toiconte torypape oporo pytyvôvo. Pende porayju anichene guaujápe tovamocoî vaicha. Peñemboyeguarú mbae iñañavagui, peyejea mbae pôrâva reje. Peyojayjú oñondive peê oyuejeguaicha ja peñombotuvicha oyupe. Ani peneateî penerembiapope, peê pende pya kyreŷ reyeyocuáiucávo Ñandeyárape. Pende rory pejaârôjápe perokîrîrî pene rôsâme pe pejasa asy jápe. Pene kyreŷ tapiá peñemboe jápe. Pemeê tûpâmbae umi oñemboecatúva oicôtevêvape: perojory tapia pende rogape ouva penembojupa ramo. Pejovasa umi oicóvape pende rapycueri, pejovasa ja ani peporoity pochŷjápe. Pebya umi obyava ndive, ja peyajeo umi oyajeova ndive. Peñomandua oñondive peteîcha. Ani peñemo mbae guasu rei, iyave peême peyejea umi mboriaju reje. Ani peñemo arandu peimoâ jaichante pende yejegui. Ani pembojecovia avavépe ivaíva ivaíva reje. Enejaâ mbae ipôrâva opava cuimbae resápe. Icatuta ramo iyájaicha peême, peico pôrâ opavave ybypóra ndive peyuavy-ŷ-jápe. Ani peyepy peê voínte, che rayjupara cuera, peñemboykénte pe ipochŷva gui. Oyeé voi Santa Escriturape: Cheve añó iya ayepŷ jaguâ. Che ambojecoviáne jecópe, jei Ñandeyára. Upea rangue, upeicharamo, oime ramo oñemyrô vaecue ndeve, ivarea ramo emongaru ichupe, ja reyapo pype upeicha rembyaty tatapyi jendŷva iñâcâreje. Ani puaca nderejeve pe ivaíva, upea rangue nde puacánte mbae pôrâ rupi pe mbae vaí rejeve. Opa ybypóra cuera toñemoî umi mburuvicha cuera poguype. Ndipori voi mburuvicha Tûpâ Ñandeyára gui oñemoingo-ŷ-vaecue ja umi mburuvicha oicova oñemoingo Tûpâ Ñandeyára rupi. Upeicharamo pe oñemoîva pe mburuvicha reje, oñemoî pe Tûpâ Ñandeyára remimoingo vointe reje, ja umi oñemoîva upeicha oñemoîucá vaí oyupecuera vointe. Umi mburuvicha voi ndajaei omonguyjŷyé vaerâ umi mbae pôrâ apojarepe, umi mbae vai apojarépente. Yajecha reipotapa nde iya jaguâ ndeve anichene jaguâ rekyjŷyé pe mburuvichagui? Aiporamo eyapo ipôrâva ja imanduá pôrâne ndereje jaecuera. Jae voí Tûpâ Ñandeyára rembiyocuai ipôrâ jaguâ ndeve. Upegui reyapo ramo ivaíva upeicha ramo ekyjŷyénte, nda reiri ogueraja jae ikyse pucu. Tûpâ Ñandeyára rembiyocuai jae oyepyjarârâ oinûpâ jaguâ umi jembiapóvaívápe. Upeareje tecôtevê yayeyoco na pe mburuvicha pochŷ gui añoi, ñande pya pôrâ rejente avei yepe. Upearâ voi pemeê mbaerepŷ mburuvichape, jaecuera voi Tûpâ Ñandeyára rembiyocuai oyeporuva upearâ voi. Pembojecoviápá voi opavape pe peiporu vaecue. Ja pe pemeê vaerâ mburuvichape pemeê voí, pe mburuvicha peguârâ mburuvichape, upe ñambuete vaerâme pembuete jecópe, upe ñambotuvicha vaerâme pembotuvichá jecópe. Ani rereco rembojecovia vaerâ avavepe, peyojayju jaguâ mante. Pe ojayjuva japichápe oyapopama jecópe pe Ñandeyára rembiapoucapy. Oyee voi: Ani rembuai mendare, Ani reporoyuca, Ani rembaeabyky, Ani reipota potave, ja oime ramo ambue tembiapoucapy oñembyatŷ mbykyjápe co ñeême: Rejayju vaerâ nde rapichape nde yupeguaicha. Pe porojayjú ndoyapo vaíri japichápe. Upeicharamo yaporojayjupe yayapópá Ñandeyára rembipoucápŷ jecópe. Yaicona upeicha yaicuaa pype co ára ipojyijá ja oguajêmajá ñapuâ jaguâ pe yakejá gui. Coanga jiâguivéma ñañembojeco marangatueté jaguâ ñande yarovia ypy ramo guaré gui. Pe pyjaré pyaete ja jiâguima pe coê. Aiporamo yajeya tembiapo pytûnguŷpegua ja ñañemondé ñande puacá jaguâ jesâcâjápe. Yaico arapeguaicha teco pôrâme anichene jaguâ yacaru guasu ja yacau yaicovo, ani yaico tieŷjápe âcâ vaí gui, ani yayoaby yaicovo, ani ñane râcâteŷ oyueje, upea rangue peñemondénte Ñandeyára Jesú Cristope ja ani pembosacoi mbaeve pembuayévo umi jiâva peême pende reco voínte gui. Perojory ramo pe ipuacaŷvape oyeroviacatu ŷ vape, ani peico jendive peyuaby jaguânte ñeême. Oime pe ogueroviava iyajá opambaegui jou jaguâ. Oime ambue ipuacaŷvape jouva caavó mante. Upeicharamo pe jouva opambae, ani ogueroŷrô pe jouŷvape, ja pe jouŷva ani omoî vaí pe jouvape. Tûpâ Ñandeyára voi oguerojorŷ ichupe. Nde, ¿avápa nde remoî vaíva pe ambuecue rembiguaipe? Pe icaraípente oñemboŷ jecópe terâ joa jecoŷme. Ja jae oñemboŷne catuetei, Ñandeyára voí ombopuacá járeje ichupe oñemboŷ ja opyta jâtâ jaguâ. Peteî oime omboyuabŷva aracuera oyuejegui. Oime ambuecue oyapova peteîcha opa ára. Opavave, upeicharamo, toico oñeñandu jaichante ipyapype voí. Pe omboaretéva pe ára oyapo Ñandeyára rejejápe. Upe ocaruva ocaru Ñandeyára rejejápe ombuetéjáreje Tûpâ Ñandeyárape ocaru mboyve, ja pe ocaruŷva ndocaruvai Ñandeyára rejejápe ja jae avei ombueté Tûpâ Ñandeyárape. Mavave ñande cuérava ndoicovei oyejejápe vointe, ja avave nomanoi oyejejápe voi. Upeicharamo, yaicové ramo, yaicové Ñandeyára rejejape ja ñamano ramo ñamano Ñandeyára rejejápe. Upeicharamo yaicové ramo terâ ñamano ramo, Ñandeyára rejeguante ñande. Upearâ voi omano Cristo ja oicové yeby, oico jaguâ Jae umi omano vaecue ja umi oicovéva Yara ramo. Ja ndepa ¿mbaereje remoî vaí pe nde reŷivape ja nde aveipa mbaereje reroŷrô nde reŷipe? Opavave ñañemoñemboŷ vaerâ Tûpâ Ñandeyára ypype mburuvicha renondepeguaicha. Oime voi Santa Escriturape oyeé vaecue: Che aicove, jei Ñandeyára, ja Che renondepe voi oñesû vaerâ opava renypya, ja opavave yuru rupi voi oñemombeupa vaerâ Tûpâ Ñandeyárape. Upeicharamo, opavave ñande peteî teîva oñemombeu vaerâ oyejegui Tûpâ Ñandeyárape. Upeicharamo, anive ñañomoâ oyoejecuera, upea rangue ñañejaâ ani ñamoî oñepysangá jaguâ terâ joa vaí jaguâ ñande reŷicuera. Che aicuaa ja aroviaite, Ñandeyára Jesus rejeguajá reje che, ndiporijá mbaeve tembiu ikyáva oyejeguinte; oime ramo oimoâva tembiu ikyájá, ichupe guârânte ikyá vaerâ. Sapya ombuasy ramo nde reŷi pe tembiu nde reuva reje, nde nde reicoveima oporojayju pôrâ vaicha. Ani rembuai ne rembiu pype upe omano jague reje Cristo. Ani oyeyapyjy vaí pe ipôrâva iyáva ndeve. Pe Tûpâ Ñandeyára reco marangatu ndajaei yacaru terâ yacau jaguâ, ñande reco pôrâ jaguânte ñandepya guapy jaguâ ja ñande pya rory jaguâ pe Espiritu Santo rupi. Ja oimeraêva coicha oyeyocuaiucáva Cristope oguerojory Tûpâ Ñandeyárape ja umi carai cuera omombeu guasu ichupe. Upeicharamo ñañejaâ tapiá pe teco kîrîrî rejeguarâ ja ñañopytyvô jaguâ avei oñondive ñande reco pôrâ jaguâ. Ani rembuai Tûpâ Ñandeyára rembiapocue tembiu rei rejejápe. Opaichagua tembiu añetejápe ipôtí voí, ivaínte oime ramo cuimbae joúva tembiu oporomboyaby vaerâ ambuecuepe. Ipôrâ voi nda peui soo ja ndapeui vino ja ndapeyapoi mbaeve, pende reŷi oñemboyaby jaguâ. Ja co iyáva ndeve reyerovia jaguâ, Eyeroviánte ndeyejegui voí Tûpâ Ñandeyára ypype. Jeco orŷeté vaerâ upe oñemoî vaí-ŷ-va oyupe voi pe oyujuva ipôrâjá ichupe guivo. Ja pe oyuabyva ipyapype voi ja, upeicharamo yepe, ocaru pe iya-ŷ-vaerâ ichupe, ocaru ramo, opyta vaí ocaru jague reje oyeroviaŷme. Opa mbae voi yayapova ndajaeiva yeroviajápe, umiva catu angaipa rejegua nte. Upeicharamo ñande ñande puacáva tecôtevê ñaipytyvô umi ipuacaŷvape ja yarokîrîrî icatuŷjápe jaecuera, ja ani yayerojory ñandeyupénte. Peteî teîva ñandejegui toguerojory japichápe mbae ichupe ipôrâ vaerâme oñemombaraete jaguâ. Cristo voi ndoyererojoryi iyupe voi. Upeicha voi oyee Santa Escriturape: Umi nde yao moâ vaecue jicuai nde rerecomêguâjápe, Cheve Che yao nderecoviá. Opa umi mbae yma oñemoî vaecue Santa Escriturape, oñemoî vaecue cuatiápe ñanemboe jaguâ ñandeve icatu jaguâ ñande pya rôsâ ja ñañe angapyjy pe Santa Escritura rupi guagui ñajaârô yaicovo. Upeicharamo, Tûpâ Ñandeyára ñanembo pyarôsâjára ja ñane angapyjyjára, Jae voi tomeê peême peñemomandua peteîcha oñondive Cristo Jesus oyapo jagueicha, icatu jaguâ pende yoya oñondive peteî pya ja peteî yurúpeichante pembo tuvicha jaguâ Tûpâ Ñandeyárape, Ñandeyára Jesu Cristo Rúpe. Upeareje peyoguerojory oñondive Cristo ñande rerojory jagueicha avei, oñembo tuvicha jaguâ Tûpâ Ñandeyára. Coanga che jae Cristo oyeyapo jague tembiguaicha umi Judiope Tûpâ Ñandeyára ñeê añetegua rejejápe omoañeté jaguâ umi mbae oñecuameê vaecue ore rú ypycuepe, ja umi pytagua avei ombotuvichama jague Tûpâ Ñandeyárape oyeporiajuvereco jague reje. Upeicha voí oyee Santa Escriturape: Upéva reje che amombeune Ndejegui umi pytagua paûme ja apurajeine arojoryvo Nde réra. Upeicha avei oyee: Pende rory peê pytagua Jesecueragua ndive. Upeicha avei oyee: Pembuete Ñandeyárape peê pytagua cuera, ja pembo tuvicha Ichupe, opa tetaŷgua cuera. Ja upeicha avei jei Isaias: Oimene Jessé rapó rejegua ja oimene pe opuâ vaerâ umi pytagua ruvicha guasurâ, ja umi pytagua oyeroviane Jese. Upeicharamo, Tûpâ Ñandeyára, ñande yeroviajá, ta pene mbojoryeté ja tapene mbopya guapŷeté, peê peyerovia járeje Jesé, pereco jaguâ catuetei pejaârô vaerâ pe Espiritu Santo penembo puacajára rupi. Anga che aroviaite, che reŷicuera, che vointe aicuaa pôrâ pendejegui, jetaitema penembae pôrâvajá ja peê voi pejechacuaapámajá icatu jaguâicha yepe peñomboe oyupe. Ja che vointe añeê peême co cuatiápe, che reŷicuera, poro poŷjúŷme pomomandua jaguâichante peême pe Tûpâ Ñandeyára ipya pôrâ gui che mbopuacájárupi, aico jaguâ Jesu Cristo rembiyocuai ramo umi pytagua paûme añemoñeêvo co tembiapo caraí Tûpâ Ñandeyára Evangeliopeguare icatu jaguâ umi pytagua mbae caraícha oyererojorŷ avei imomarangatúpyré Espiritu Santo rupi. Areco, upeicharamo, che añemombeu guasu jaguâ Cristo Jesús rupi, umi mbae Tûpâ Ñandeyára rejegua guivope. Che aipoŷjú voí añeê jaguâ mbae Cristo oyapouca vaecue cherejeŷ. Oime voi umi ogueroviauca vaecue umi pytaguape, oico jaguâ jecope iñeême ja jembiapópe, mbaeguasu ja jechapyrâ rupi pe Espiritu puacá rupi. Che voínte Jerusalem guive iyerecuevo Ilirico peve yepe añemoñeê jecópe opavavépe oparupi co Cristo Evangelio gui. Upevareje añejaâ aico yojeipyre, añemoneê-ŷ-vo co Evangelio gui pe yma voí Cristo oñemojerâcuâ jaguepe, anichene jaguâ amboyoa ambuecue rembiapó ári. Che añejaâ voi, oyee jagueicha pe Santa Escriturape: Umiva ojechane umi oñemo jerâcuâ-ŷ-jague, ja umi ojendu-ŷ-vaecue ojechacuaane. Upeareje voi jeta yeby ayeyoco ayu jaguâ pene rendape. Coanga catu ndiporivéima ramo che rendâguâ coa tetâ rupi, ja ymaite guive voi ajase jague reje pene rendape, anga ajávo Españape ajaârô ajasávo pojecha jaguâ peême ja peê che moîrû jaguâ upepeve, icatu rire penendive rae abyá sapyami. Coangaite rupi aja aina Jerusalempe aipytyvô jaguâ umi oñemboecatúvape. Umi Macedoniaŷgua ja Acayaŷgua ipya pôrâ gui omonoô tûpâmbae umi iporiajuva iñemboecatúva jicuaiva Jerusalempe guârâ. Obya voi oyapovo upeicha ipya pôrâ gui, ja oime voi iyáva umivape ombojecovia jaguâ ichupecuera, oñemeê jague reje umi pytaguape oico jaguâ oyorerecua ramo umi mbae Espiritu rejegua yvapeguagui; tecôtevê, upeicharamo, jaecuera ombojecovia umi Judiope mbae ybypegua jecôtevê râme. Upeicharamo, ayapopama ramo cova ja aicuaama ramo oñemeêjá jecópe ichupecuera co tûpâmbae, uperamo ajasane peê peîjá rupi Españape ajávo. Ja che aicuaa ajávo pene rendape âguajê jaguâ peême pe Cristo che mbopyapôrâva jina torypáitépe voi. Anga ayerure peême, che reŷicuera, Ñandeyára Jesu Cristo rérape ja pe Espiritu oyojaŷjúucáva ñandeve rupi che pytyvô jaguâ peyerurévo peñemboe jaguâ catuetei chereje Tûpâ Ñandeyárape, che mârâ-ŷ-jaguâ umi tecove tieŷ itabyva Judeape jicuaiva pogui, ja co tûpâmbae che amonoôucá vaecue umi iñemboecatúva Jerusalempegua peguârâ oyererojory pôrâ jaguâ, icatu jaguâ che che roryjápe âguajê penerendape Tûpâ Ñandeyára oipota ramo, ja apytuu jaguâ penendive cuera abyajápe. Tûpâ Ñandeyára penembo pyaguapŷva toico opavave penendive. Amen. Coina ape aicuaauca peême co Febepe, co cuña carai ñande rejeguava, oyeyocuaiucáva avei oipytyvôvo umi Iglesia Cristo rejeguavape jicuaiva Cencreaspe, perojory jaguâ ichupe Ñandeyára rejeguajá reje, iyájaicha voi umi imarangatúvape, ja peipytyvô jaguâ ichupe, oimeraêva mbae oicôtevê jaichaguápe pendereje. Jae jetape oipytyvô vaecue, ja cheve voi avei. Amomaitéiucá Priscilla ja Aquilape umi che pytyvô jarépe Cristo Jesus rembiapóucápŷpe, omoî moa vaecue iyayura yepe cherecove reje, umivape nda che añói arojory ichupecuera, opa umi Iglesia Cristo rejeguava avei umi pytagua apytepegua avei oguerojorŷ. Upeicha avei umi jogapegua umi Iglesia Cristo rejeguavape amomaitéiucá. Amomaitéiucá Epainetope, che rayjupára, pe Cristo rejeguava iyŷpy vaecue Asiapegua paûgui. Amomaitéiucá Mariape pe jeta ombaapo vaecue penepaûme. Amomaitéiucá Andronicope, ja Juniape, umiva che rejegua cuérava voi, ja che îrûngue cuera pe ybyracuápe aime ramo guare, umiva jerâcuâ pôrâ vaecue umi Apostol apytepe, umiva avei oico Cristo rejegua ramo che mboyve. Amomaitéiucá Ampliaspe, che rayjupára, Ñandeyára rejeguajá reje. Amomaitéiucá Urbanope, ore pytyvô vaecue Cristo rembiapoucapŷpe ja Stachispe avei che rayjupára. Amomaitéiucá Apelespe, oyecuaa pôrâva Cristo rejeguajá. Amomaitéiucá avei umi Aristobulo rogaŷguape. Amomaitéiucá Herodion pe cherejeguape. Amomaitéiucá avei umi Narcisso rogaŷguape Ñandeyára rejeguáva voi. Amomaitéiucá Trifenape ja Trifosape, umi ombaapova Ñandeyára rejegua ramo. Amomaitéiucá Persida pe cherayjupárape, upéva jeta ombaapova Ñandeyára rejegua ramo. Amomaitéiucá pe Rufope Ñandeyára rembiporavó, ja isŷpe, upeva che sŷvaicha avei. Amomaitéiucá Asincritope ja Flegonpe, ja Hermespe ja Patrobaspe ja Hermaspe, ja umi ñande reŷicuera jicuaiva jendivecuera. Amomaitéiucá Filologope ja Juliape ja Nereope ja teindŷrape ja Olimpaspe ja opa umi imarangatuva jicuaiva jendive cuera. Peñomo maitéi peyoyurupyte imarangatúvaicha. Opa umi Iglesia Cristo rejeguava pene momaitéiucá peême. Anga ayerure peême che reŷicuera, pemaña jaguâ umi oyuabyva ja itieŷva reje, oicoŷva pe teco ipôrâvape ore pomboe jague peême, peyepeante catuete ichuguicuera. Umichagua voi ndajaei Ñandeyára Cristo rembiguai, oyeyocuaiucante jyguéteé rejeguârâ, oñeê jeêmbochŷ ja ojovasa guaujápe ombotabyvo umi itabŷvape ipyapecuera. Oicuaapáma opavave pembuayéjá peê jecópe, upévareje che rory penendive, upeicharamo yepe, aipota pene arandu mbae pôrârâme ja pende tabyvaicha mbae ivai râme. Ja co Tûpâ Ñandeyára ñane mbopyaguapŷva vocoi omopêucá pe mbaepochy Satanaspe pende py guype. Ñandeyára Jesu Cristo ta ipya pôrâ peême. Oime pene momaitéiucá peême pe Timoteo che pytyvôjare ja Lucio ja Jason ja Sosipater che rejegua cuérava. Che, Tercio, co cuatia ñeê apojaré voi pomomaitéiucá peême Ñandeyára rerape. Oime pene momaitéiucá peême Cayo pe che mbojupá. Upeva voi opa umi Iglesia Cristo rejeguava mbojupá avei. Pe Erasto penemomaitéiucâ peême pe mbaerepy rerecuá co tetâmegua, ja pe ñande rejegua Cuarto. Toñembuetéucá upe icatúva penembo puacá co Evangeliope che añemoñeêja oyeejaicha, ja oñemo jerâcuâ jagueicha pe Jesu Cristo gui ja pe oyecuaauca jagueicha pe mbae ñongatupŷ kîrîrîjáme ymaite voi mbaeve voi oime mboyve, ja coanga oñemo jesâcâva umi oñemoñeêjára cuatia ñeê rupi, pe Tûpâ Ñandeyára tapiagua omomanduáucá jagueicha, ja oyecuaáucáva opa ybypóra cuerape oguerovia, ja oyapo jaguâ jecópe pe ojendúva. Tûpâ Ñandeyára Jaeño iñarandúva jaetéva, toñembuetéucá Jesu Cristo rupi tapiaguârâ. Amen. Pablo, oñejenoí vaecue Jesu Cristo rembiyocuairâ, Apostol, Tûpâ Ñandeyára oipota jague reje, ja Sostenes, ñande reŷi, ore romomaiteiucá umi Tûpâ Ñandeyára Iglesia rejeguáva jicuaivape Corintope, oñemomarangatúva Cristo Jesú rupi, oñejenoípyré imarangatu jaguâ, ja opa umi opa jendapeguape ojenoíva Ñandeyára Jesú Cristo réra. Jae voi iyára cuera ja ñande yara avei. Pe Tûpâ Ñandeyára ñande Rú ja Ñandeyára Jesú Cristo ta penembo pyapôrâ ja ta penembo pyaguapŷ. Arojory Tûpâ Ñandeyárape tapia pendereje cuera Tûpâ Ñandeyára penembo pyapôrâ jague reje peême Cristo Jesús rupi, ja peñemombaémbá jague reje Jaerupi opaichagua ñeême ja opaichagua aranducue rejeve. Upeicha oñemoañeté penderupi pe ñeê Cristo guiguare che añemoñeê jague, ja upeicha avei ndipori mbaeve Ñandeyára meêmbyre peê peyaby jague. Peêcuera pejaârôva peina oyejechauca yeby jaguâ Ñandeyára Jesú Cristo, upeva avei peñemombaraeténe ipajaite peve peico jaguâ catuete mârâ ŷ reje Ñandeyára Jesu Cristo ára ramo guârâ. Tûpâ Ñandeyára iyeroviajánte voi, Jaerupi peñejenoî vaecue peico jaguâ oyorerecua ramo Itayra Jesu Cristo, Ñandeyára ndive. Ayerure peême, upeicharamo, che reŷicuera, Ñandeyára Jesu Cristo rérape ta peñeê opavave peteíchante ja ani oico penepaûme yuaby, ta peiconte jecoitepe oñondive peteí pyape ja peteî ñeême. Oñemombeu vaecue voi cheve pendejegui, che reŷicuera, umi Chloe rejegua rupi oimejá penepaûme ipya vaíva. Cova co jaeséva peême, peteî teîva peêcuérava peyéjá peina: Che voí Pablo rejegua ja Che voí Apollos rejegua ja Che voí Cefas rejegua, ja Che voí Cristo rejegua. ¿Cristopa mbae imboyaopyré? ¿Pablopa omano racae curusu reje pendereje jápe? ¿terâpa peñemongaraí rae Pablo rérape? Che che rory Tûpâ Ñandeyára ndive che na pomongaraíri avave pende cuéravape, Crispope ja Gayope añónte, anichene jaguâ avave jei peñemongaraí jague che rérape. Añete amongaraí avei pe Estefanas rejegua cuerape, ja uperire na che manduai oimepa ambuecue amongaraí vaecue. Cristo voi na che mboui aporo mongaraívo, añemoñeê jaguâ pe Evangelionte. Ja upearâ na iñarandú reivarejegua ñeê rupiri vaerâ anichene jaguâ oñererecomêguâ Cristo curusu gui. Pe ñeê curusuguigua itabyvaichaguá umi oyabŷvape jicuai, ñande ñañemo marangatúvape catu, Tûpâ Ñandeyára puacacue upéva. Oime voi oyee jague Santa Escriturape: Amboyeyabyne imbaecuaacue umi iñarandúva gui, ja arecomêguâucá umi ojechacuaava ñeêngue. ¿Mamópa oime pe iñarandúva? ¿Mamópa oime pe imbaecuaáva? ¿Mamópa oime pe oyererecócuaáitéva co ybyarigua? ¿Ndojecháucáipa racae Tûpâ Ñandeyára pe aranducue ybypóra rei rejegua itabyvaichaguajá. Ja oicuaa-ŷ-rire yepe Tûpâ Ñandeyárape umi ybypóra aranducue rupi, oyejúucá jagueicha Tûpâ Ñandeyára voi iñarandúcue rupi, upepe oyuju pôrâ Tûpâ Ñandeyára omomarangatu jaguâ umi ogueroviavape co ñemoñeêmbyré itabyvaichaguá rupi. Umi Judio oyerure mbae jechapyrâ, umi Griego ojeca arandú, ja ore catu ore roñemoñeê pe Cristo Curusu reje guagui, umi Judiope añetejápe oñepysangájá ramo upéa, ja umi pytaguape itarová vaichagua. Umi oñejenoîpyre pente Judio cuéravape ja upeicha avei umi Griego cuéravape, upéva Cristo Tûpâ Ñandeyára puacajá, ja Tûpâ Ñandeyára arandujá. Upe tarovávaichagua pe Tûpâ Ñandeyára rejeguava voí, upéva iñaranduvé umi ybypóra rejeguagui, ja pe pituávaichagua Tûpâ Ñandeyára rejeguáva imbaraetévé umi ybypóra rejegua gui. Pene manduami, che reŷicuera, pe peñejenoi jagueichagua reje, ndajetai voi iñarandúva jei jaicha ybypóra cuera, ndajetai ipuacáva ja ndajetai caraíetéva umi oñejenoîpyré vaecue, umi itabŷva co ybyariguápénte, Tûpâ Ñandeyára oiporavó vaecue, oporomotî jaguâ umi iñarandúvape. Ja umi ipituáva ybyariguape Tûpâ Ñandeyára oiporavó, oporomotî jaguâ umi ipuacávape, ja umi iporiajúva ybyariguápe ja umi oñeroŷrôvape ambuecuegui Tûpâ Ñandeyára oiporavó ja umi mbaeŷva oiporavó ombuai jaguâ umi jaévape, anichene jaguâ mbaeveichagua ybypóra oñemombeu guasu oyupe Tûpâ Ñandeyára ypype. Ichuguigua voí peêcuera Cristo Jesús rejeguava, upéva oyeyapo Tûpâ Ñandeyára rupi ñanemo arandú jarâ ja ñanembo jecopôrâ jarâ, ja ñanemo mârângatújárâ ja ñande repŷjarâ, icatu jaguâ oijaicha Santa Escriturape: Oime ramo oñemombeu guasúséva, toñemombeú guasúnte Ñandeyára ndive. Che nico, che, reŷicuera, che aja ramo pene rendape, ndajai vaecue añembo tuvichavévo pendejegui che ñeême terâ che aranducuépe, amojerâcuâvo pe aicuaauca vaerâ vaecue Tûpâ Ñandeyára gui Che voi na che manduaséi vaecue mbaeve reje pende apytepe, aicuaauca jaguânte Jesú Cristogui, ja pe icurusu reje oi ramo guare gui. Ja che aico vaecue pende apytepe che pituaitéva ja jeta ayepoŷjú cheyejegui voí, ja pe che ñeê ja che ñemoñeê ndajaei vaecue yurú jeêmegua caraí iñaranduetevaichagua, oyejechaucánte pe Espiritu rupi ipuaca rejeve, icatu jaguâ pe yeroviajá anichene oico ybypóra aranducue rupi, Tûpâ Ñandeyára puacácué rejente. Upeicharamo yepe roñeê mbae arandu gui umi jecoitéva apytepe. Cova co aranducue, ndajaei co ybyarigua, ndajaei yepe umi mburuvicha co ybyarigua arandu opa vaerâ rejeguava. Roñeê voi Tûpâ Ñandeyára arandu gui, mbae ñemîmbyre ja co arandu iñongatúpyre voí, pe Tûpâ Ñandeyára ymaite guive voí ombosacoi vaecue, oñypyrú mboyve mbaeve, ñande yayererojory jaguâ. Upevape voí mavave umi mburuvicha co ybyarigua ndo jechacuaai vaecue; ojechacuaa rire nico máramo mo ndojupi che raei curusu reje pe yvaga Yarape. Upeicha voi oime oyee jagueicha Santa Escriturape: Oime mbae, yeco, tesa ojecha-ŷ-vaecue, ja apysá ojendu-ŷ-vaecue ja ybypóra pyapŷpe opua-ŷ-vaecue, umi mbae guasu Tûpâ Ñandeyára ombosacoi vaecue umi ojayjuva Ichupe peguarâ. Tûpâ Ñandeyára voi oicuaauca umi mbae oréve Espiriturupi. Pe Espiritu voi oipaûndŷ opambae, ja Tûpâ Ñandeyára mbae jypy iñypytûvéva yepe. ¿Máva ybypórapa oicuaapá umi ybypóra mbae? Pe ybypóra pyapŷ mante oiva pype! Upeicha avei avave ndoicuaai Tûpâ Ñandeyára mbae gui, Tûpâ Ñandeyára Espiritu mante. Ñandeve voí noñemeêi ybypóra reí reco, pe Espiritu Tûpâ Ñandeyára guiguante, yaicuaa jaguâ umi mbae Tûpâ Ñandeyára ñande rerojorŷjá, umimbae ñañeê na ñeê ñañemboe jaguépei carai aranducue gui, ñeê Espiritu ñañemboe jaguépente, ñamboyoyájá oyueje mbae Espiritu rejegua. Pe ybypóra rei jiánga nandíva ndoipyjyi umi mbae, Tûpâ Ñandeyára Espiritu rejeguava itabyvaichante ichupe, jae voi ndicatui oicuaa umi mbae oyejechacuaa vaerânte Espiritu reco rejeguajápe. Pe Espiritu rejeguáva ojechacuaa opambae: jae ae ndoyejechacuaai avave rupi. ¿Avápa voi ojechacuaa Ñandeyára pyapy ja omboese Ichupe? Ore voi roguereco Cristo pyapy. Che voi, che reŷicuera, che ndaicatui vaecue añeê peême umi Espiritu reco rejegua vaichape, ybypóra recorejegua vaichape mante, mitâicha pente Cristo rejegua cuérava. Che jaúucá vaecue peême camby, ja mbaeve tembiúva: umiva reje voi na pende puacai vaecue, ja coanga yepe na pende puacai gueteri. Coanga peve voi peêcuera ybypóra recóva gueteri, oico yave pucu cue pende apytepe jacateŷ, ja yuaby. ¿Ndajaeipa peê ybypóra recóva ja nda peicoipa ybypóra raicha? Oime ramo peteî jeiva: Che añetejápe Pablo rejegua ja pe ambue Apollos rejegua che, upeicharamo, ¿ndajaeipa peê ybypóra recóva? ¿Mbaépa co Apollos? ¿Mbaépa co Pablo aiporamo? Umiva tembiyocuainte pendereroviáucá vaecue peême, oñemeê jagueichante ichupe cuera Ñandeyára gui. Che voi añotŷ, Apollos omojeó, Tûpâ Ñandeyára catu pe omongacuaáva. Upeicharamo, ndajaei mbaeve pe oñotŷva, ndajaei mbaeve pe omojeôva, jaénte Tûpâ Ñandeyára pe imongacuaajaré. Ja pe oñotŷva, ja pe omojeôva peteîchante, ja peteî teîvape oñemeêne icatu jaguâicha jembiapo repŷcue. Ore catu Tûpâ Ñandeyára îrû voi jembiapope. Peêcuera Tûpâ Ñandeyára cocue vointe. Ja peê Tûpâ Ñandeyára roga. Upeicharamo, Tûpâ Ñandeyára che pytyvô jagueicha ipya pôrâ rupi, che ogáapojá catupyry vaicha amoî vaecue oga rapórâ ja ambuecue omopuâ jiari. Peteî teî tojecha mbaéichapa omopuâ jiari. Ndipori voi avave icatúva omoî ambue japórâ. Oime pe oñemoî vaecue mante Jesú Cristova. Oime ramo omopuâva co oga rapó reje oro terâ plata terâ itá jepŷva ybyrá, capií terâ capií rapócue, peteî teîva rembiapocue oyecuaáucá vaerâ, pe ára omojesâcâne voi, ja pe tatárupi oyecuaáucáne ja peteî teîva rembiapocue pe tatá ojaâne mbaeichaguápa. Oime ramo jembiapocue omopuâ vaecue jiari opyta pôrâva, upéva ojupityne jembiapo repŷcue, ja oime ramo jembiapocue ocai vaerâ, jae oñembo soguéne, jae voínte na imârâi chene, tatá rupi ojasa vaecueicha nte osêne. ¿Nda peicuaaipa peêcuera Tûpâo jaetévajá, ja pe Tûpâ Ñandeyára Espiritu oicojá pendepype? Oime ramo ombuaiva co Tûpâo, Tûpâ Ñandeyára ombuaine upévape. Co Tûpâo imarangatúva peêcuérava voi jae. Ani avave oñembotabŷ iyupe. Oime ramo penepaûme jiâva iñarandúvajá co ybyari, toyeyapo itabŷva ramo iñarandu pôrâ jaguâ añetejápe. Pe aranducue co ybyarigua itarovávaichagua Tûpâ Ñandeyára ypype. Oyee voi Santa Escriturape: Jae oñapytî umi iñarandúvape iñaranducuepe voi, ja oyee upeicha avei: Tûpâ Ñandeyára oicuaa voi umi iñarandúva pyapŷpegua reíjá. Upeicharamo ani avave omombeu guasu umi ybypóra cuerape. Opambae penembae voínte, co Pablo terâ Apollos terâ Cefas terâ co yby terâ pende recove terâ pene mano tera coangagua mbae terâ pe ou vaerâ, opambae voi penembae ja peê cuera Cristo mbae voínte ja Cristo Tûpâ Ñandeyára mbae. Ipôrâ umi cuimbae ore rereco oreve Cristo rembiyocuai ramo, ja Tûpâ Ñandeyára mbae ñongatúpyré rerecua ramo. Upearâ avei tecôtevê umi mbae rerecua oyeyuju oyeyeroviájá ramo. Cheve voi maravé ndoicoi peêcuera peñemoâ ramo che reje, terâ oñemoâ ramo chereje ybypóra reco rupi. Che yepeve na ñemoai cheyeje vointe. Ndipori ramo yepe mbaeve añandúva cheyejegui voi, nda upearejei che pôtí: pe che rejechacuaava cheve upéva Ñandeyára voí. Upeicharamo ani peñemoa avavéreje jiara guâjêŷme ou peve Ñandeyára. Upea voi omojesâcâne pe oñemîva pytûnguŷpe, ja upeicha avei Jae oicuaáucáne ñande pyapype ñaimoáva, ja uperamo pe imanduá pôrâ vaerâ peteî teî reje, upéva Tûpâ Ñandeyára. Coambae, che reŷicuera, ajechaucase voí peême che ja Apollos recocue rupi pende rayjupápe icatu jaguâ ore reco cue rupi peicuaa mbaépa jeise co ñeê: Nda iyái mbaeve pe Santa Escritura rejegua-ŷ-va, anichene jaguâ peteî rejejápente peñembobú peñemoîvo pe ambuecue reje. ¿Avápa nemoingoe ndeve ambuecuegui terâpa mbae rereco oñemeê-ŷ-vaecue ndeve? ja oñemeê rire ndeve, ¿mbae rejevepa reñemombeu guasu oñemeê ŷ vaecueicha ramo ndeve? Coanga peê pene ryvâtâmbama. Coanga peê pene mbaererecojáma. Peico mburuvicha guasuicha ore rejeŷ. Añete peico tamo rae mburuvichaite ramo, ore avei roico jaguâ mburuvicha ramo penendive. Che aimoâ voi Tûpâ Ñandeyára ore rechauca jaguâ oreve jembiyocuaiva Iyapostol cuera iyucapyrâ vaicha. Oime royeyapo voi jechapyrâ umi ybyariguape, ja umi yvapeguape ja umi ybypórape. Ore ore tabŷvaicha Cristo rayjupápe; peêcuera pene arandúvaicha Cristo rejegua járeje. Ore ore pitua ja peê pene mbaraete; peêcuera pene mombeu guasu catu pyrâ, ore voi roñeroyrômbyrâ. Coangaite peve ore vareá ja ore roŷujéi roicovo, ja ore opivo ja ore piréyecá roñenûpâ jague, ja ndipori ore rendâguâ. Ja royejeca ja rombaapo ore pope; ore royeyao ramo yepe ore rojovasa, oime ramo yepe oicóva ore rapycueri, roguero kîrîrî; ja ore roñemoî vaí ramo yepe, ore roñyrôse; ore voí royeyapo yty ramo co yby arigua, ja opambae kyacue ramo coanga peve. Che namoîri âmbae co cuatia ñeême pomotî jaguâ peême, pomomarandúvonte peême, che raŷcuera porayjúetéva járeje. Peê pereco ramo yepe diez mil pende rerecuá Cristo rejejapegua, ndicatui penderu jeta, ja che catu añónte pe Evangelio rupi pomoñemoñájaré peême Cristo Jesus rejeguarâ. Upévareje ayerure peême peico jaguâ che reco rupi voi. Upearâ voi amondo pene rendape pe Timoteope, upéva che raŷ ajayjúva, ja yeroviajá, Ñandeyára rejegua voi, upéva pene momanduáne che recocue reje Cristo Jesús mbae guivo, co che aporomboeja oparupi ja opa tûpâo rupi. Oime peêva obúba jicuai oimoâjape che ndajamoa véi jaguâ pene rendape. Che voí ajane pene rendape, Ñandeyára oipota ramo, ja anichene umi obúba jicuai ñeêngue pe che aicuaase vaerâ, ipuacácuénte. Ndajaei voi ñeê reí rejeguánte co Tûpâ Ñandeyára reco marangatu, ipuaca rejegua vaerâ. ¿Mbaépa peipota peê? ¿Ajatapa peême tucumbo rejeve terâpa tayjupápe ja pya guapŷjápe? Oime oñemojerâcuâ oparupi oicojá pende apytepe mbae tieŷ, ja coaichagua tieŷ reje ndipóri imanduava pytagua reí apytepe yepe, oimeicha ramogua oguerecova ituva rembireco. Ja upeicharamo yepe, peêcuera pebu peicovo, pembuasy rangue oñemboíucá jaguâ pende apytegui co tembiapo vaí apojaré. Che voi cheyejegui che rete iporeŷ ramo yepe, che anga oi penendive, ja aime ramo vaicha amoî vaíma upe tembiapo vaí jarépe, icatu jaguâ Ñandeyara Jesú rérape ñañembyaty pype peê ja che anga, ja Ñandeyára Jesús ipuaca rejeve, ñameê upeichagua itieŷvape mbaepochy pope jete oñembyai jaguâ imârâ ŷ jaguâ jianga Ñandeyára Jesús árape. Naipôrâi peñe mombeu guasu coicha. ¿Nda peicuaaipa mîchîmi pe mbuyape mbobúva ombobupájá opa pe oyepokyty jague? Pembojecovia, upeicharamo, pe mbuyape mbobújá ituyáva reje, peêcuera pepyta jaguâ peteî oyepokyty pyajú vaicha. Ndipori voí pende pype penembobujarâ. Pe ñande Pascua Cristo voi oyeyucáucáma vaecue ñande rejejápe. Upévareje ñamboareté na mbuyape mbobújá ituyávaichapéi, ja na mbuyape mbobújá ivaíva ja iñañavaichapéi. Ñamboareténte mbuyape oñembobú-ŷ-vaecueichape ñande pyaite guive yopará-ŷ-reje ja jecoitépe. Yma voi jaeuca vaecue cuatia ñeê rupi anichene jaguâ peyejea umi itieŷva ndive. Ndajaei peyepeapáite jaguâicha umi ybypóra cuera itieŷva gui terâ umi oipota potavéva gui, terâ umi mondajá gui terâ umi ombuetéva taângá gui, upearâ voi tecôtevêta peyeí co ybyárigui. Coanga jaeuca peême co cuatia ñeêrupi anichene jaguâ peyejea oimeraêva oñejenoîva ñande reŷiva ramo reje itieŷva ramo jae, terâ oipota potavéva terâ ombueteva taângápe terâ oporaóva terâ icauva terâ imondáva, umichagua ndive nde recaru vaerâi yepe. ¿Mbaépa cheve iya amojenda umi ñande rejeguaŷme? ¿Ndajaeipa umi ñanderejeguápe iyáva peême pemojenda jaguâ. Umi ñanderejeguaŷme Tûpâ Ñandeyárante omojendane. Pemboína, upeicharamo, pe jecovaívape pende apytegui. Oime ramo peêcuerava oyuabŷva ambue ndive, ¿ndoyepoŷjuipa oñemoñyrôucá jaguâ umi ybypóra jecoŷmegua rupi, oico rangue umi imarangatúva renondepe. ¿Terâpa ndapeicuaaipa umi imarangatúva omojenda vaerâjá umi ybypóra cuerape, ja umi ybypóra cuerape pemojenda jarâramo peêcuera, ¿ndaiyáipa peême pemoñyrô umi oyuabŷva oñondive mbae mîchîetévape? ¿Ndapeicuaáipa ñamojenda vaerâjá umi yvapeguape yepeve, ¿japá anichene co ybyariguape? Upeicharamo, oime ramo oyuabŷva oñondive mbae co ybyarigua reje, ¿pemboguapypa mburuvicha ramo umi iya catuŷvape umi Iglesia rejegua apytepe? Upéva voi che jae peême pomotî jaguâ peême. ¿Mbaeichapa ndipori pende apytepe peteî iñarandúva iyajá omoñyrô jaguâ umi pende rejegua cuéravape? Peêcuera voi oyuejegua cuérava peñomojê oñondive pe mburuvicha renondepe umi oguerovia-ŷ-va renondepe yepe. Upepe añete peê peyaby voínte peñomojêvo oñondive mburuvicha renondepe. ¿Na ipôrâvei vaerâ moapa peñemoñemyrô? ¿Naipôrâve moaipa rekîrîrî reñemonda ramo yepe? Upea rangue peêcuera voi peporomo ñemyrôva ja peporo mbaeabykŷva umi pende rejeguape avei yepe. ¿Nda peicuaaipa umi jecoŷme oicova ndo jupityi jaguâ imbaeyara ramo pe Tûpâ Ñandeyára renda marangatu? Ani peñembotaby! Mavave umi itieŷva, umi taângá ombuetéva, umi mendare mbuaija, ja umi icuña recóva ja umi oyopyjŷucáva cuimbaepe, mavavé umi mondajá, umi oipotápotavéva terâ umi icaúva terâ umi oporoaóva, terâ umi mbaeabykŷvá, ojupityne Tûpâ Ñandeyára renda marangatu. Oime vaecue pendeva pende apytepe upeichaguare. Coanga voi peê peñemopôtíma, peê peñemomarangatúma, ja peyepoíma Ñandeyára Jesu Cristo rerape ja ñane Tûpâ Ñandeyára Espiritu rupi. Opambae iya cheve ayapo jaguâ, na opambaei ipôrâ ayapo: opambae iya cheve ayapo jaguâ, upeicharamo yepe, ndipori chene mbaeve ipuaca vaerâ chereje. Oime pe tembiu ñande rygue peguârânte ja pe ñande rygue tembiu peguârânte. Cova ja amova mocoîve Tûpâ Ñandeyára ombuaine oñondive. Ñande rete catu nda iporupyrâi tieŷrâ, Ñandeyára oiporu jaguânte ja Ñandeyára ñande reté pôrârâ, ja Tûpâ Ñandeyára omopuâ jagueicha Ñandeyárape ñandeve avei ñane moingové yebyne ipuacajá reje. ¿Nda peicuaáipa pende rete Cristo rete rejeguajá? ¿Amboípane catu umi Cristo rete rejegua, ayapo jaguâ cuña reco vaí rete rejegua ramo? Mbaeveicharamo! ¿Terâpa nda peicuaai pe oyejeáva peteî cuña reco vaí reje oyeyapojá jendive peteî ramo? Upeicharamo jei mocoîvegui peteî tetente vaerâ. Pe oyejeáva Ñandeyára reje, upéva oico peteî angante ramo Jendive. Peñeguajênte umi mbae tieŷgui. Umi angaipa ambue oyapova cuimbae jete gui ocápente oyapo. Pe oporenôva oyapo angaipa ogueténte voí reje. ¿Terâpa nda peicuaai penderete tûpâojá oijape Espiritu Santo pe oiva pende pype, upe perecóva voi Tûpâ Ñandeyára gui. Ja peê na penembaei peê. Peê peyejepŷ vaecue iyoguapyre vaicha jepŷeté reje. Pembotuvicha, upeicharamo, Tûpâ Ñandeyárape pende retépe ja pende pyapŷpe Tûpâ Ñandeyára mbaéva vointe. Coanga ñañemonguetá umi mbae pende cuatia ñeême peporandúucá jague cheve gui. Ipôrâ cuimbaepe anichene jaguâ opoco cuña reje. Opaichavévo umi tieŷ oicova gui, peteî teîva toguerecónte oguembireco ja peteî teîva cuña toguerecónte omena. Upeichape pe imena ta ipyapôrâ jecope jembireco ndive, ja upeicha avei pe jembireco imena ndive. Pe cuña ndoguerecoi oguete ipoguype, imenante oguereco, upeicha avei pe imena ndo guerecoi oguete ipoguype jembireco mante. Ani peyojeyá rei oyuejegui, icatu mboby ára pevente ja peipota yoya jaichante oñondive, iya jaguâ peême peñemboe jaguâ ja uperire peyejea yebyne oyueje, anichene jaguâ pe mbaepochy pene reroña pende pituá rupi. Covante che jae peême iyajá reje peême voi, cóva ndajaei che rembiapoucapy pende recorâ. Che voí jaénte icatu tamo opa cuimbae cuera chéicha. Peteî teîva ñandeva yareco Tûpâ Ñandeyára gui ñande recorâ, peteî añetejápe coicha, ja pe ambue amóicha. Upeicharamo yepe che jaéucá umi omendaŷvape ja umi imena omano vaecuepe ipôrâ vaerâjá ichupecuera opyta ramo chéicha, ja icatu-ŷ-ramo oyeyoco, tomendante. Ipôrâve voi ñamendá ramo ja ani ñande jacúpá. Ja umi omenda vaecuepe oyueje che aicuaauca, nda chei voí Ñandeyárante oicuaauca, pe cuña anichene oyepea jaguâ imena gui. Ja sapya oyepea ramo topyta menda-ŷ-reje, terâ toñyrô imenape ja pe imena anichene jaguâ opoí jembirecógui. Ja umi ambuecuepe jaéucá, chénte voí na Ñandeyárai, oime ramo ñande rejegua oguerecova jembireco ogueroviaŷva ja pe cuña oyuju pôrâ ramo oicove jaguâ jendive, anichene opoí ichugui. Ja oime ramo cuña oguerecova imena ogueroviaŷvape ja upéva obya ramo oico jaguâ jendive, anichene opoi pe cuimbaegui. Ja pe imena ogueroviaŷva oñemo marangatu jembireco rupi ja pe jembireco ogueroviaŷva oñemo marangatu pe carai ñande reŷiva rupi. Upeicha ŷ ramo, pende raycuera oico vaerâ ñemingue ramo. Coanga upeichape oico imarangatúva ramo. Ja pe ogueroviaŷva oyepea ramo, toyepeante. Upeichape pe cuimbae ñandéva terâ pe cuña ñandéva, ndajaei iyocuaipyrâ catuetei coambaeicha ramo. Tûpâ Ñandeyára voí ñanerenoî ñandeve yaico jaguâ pyaguapŷpénte. ¿Mbaéichapa icatune reicuaa, nde cuña carai, icatútapa reñemo marangatúucá ne menape, terâpa mbaeichapa icatune reicuaa, nde carai omendava, icatutapa reñemo marangatúucá ne rembirecope. Upeicharamo yepe, peteî teîme jeco râicha omeê jagueicha ichupecuera Ñandeyára, ja Tûpâ Ñandeyára ojenoî jagueicha peteî teîme, upeicha toico ja upeicha che amoingo ja ayapoucá opa tûpâope. ¿Oimépa petei icarai vaecue Judiorâ oñejenoi ramo guare? Ani opoí pe jeco cue gui. ¿Oimépa peteî Judio ñemongarai-ŷ-vaecue oñejenoî ramo guare? ani oñemongaraí Judiorâ. Pe Judio ñemongaraíjá ndajaei mbaeve, ja pe Judio ñemongaraiŷjá ndajaei mbaeve, pe ñambuayéjá Tûpâ Ñandeyára rembiapoucapy, upéva jae. Upe jeco oico jaguepe oñejenoî ramo guare, upe jecópe voí topytánte. ¿Tembiguaipa racae reñejenoi ramo guare? Upeicharamo, ani ne anguecoi ndeyupe voi upeacue gui. Opaichavévo oime ramo nde reyejepy jaguâ, eñejaânte catuetei upevarâ. Upe tembiguai vaecue oñejenoi ramo guare Ñandeyára rejeguarâ, upéva Ñandeyára rembijepŷma. Upeicha avei pe caraíete vaecue oñejenoi ramo guare, upéva Cristo rembiguaima. Peê voi peyejepŷpa vaecue jepyeté reje. Upeicharamo ani peñemoî tembiguai ramo ybypóra cuera poguŷpe, ja upe jeco oico jaguepe peteî teîva peê, che reyicuerava, pe peñejenoî ramo guare, upeichape peico tapia Tûpâ Ñandeyára ypype. Umi cuña taí imârâŷva gui che ndarecoi mbaeve Ñandeyára jeiuca vaecue cheve. Chente jae, aimoâ jaichante, Ñandeyára che poriajuvereco jague reje cheve aico jaguâ yeroviajá ramo. Jiânte cheve mbae ipôrâ vaicha, oicojá reje co tecôtevê coangagua, ipôrâjá pe cuimbaepe oico jaguâ oguecópe oico jápe jina. ¿Reyuayúpa cuña reje? Upeicharamo, ani reñejaâ reyepoí. ¿Reyepoimapa cuña gui? Upeicharamo, ani rejeca yeby cuñáme. Upeicharamo yepe, remenda ramo cuña reje upepype na ne angaipái. Ja upe cuña taí imârâŷva omenda ramo, upepype ndoyapoi angaipa. Jeta ojasa asynte vaerâ jetepe cuera umichagua. Che voi che râcâteŷ pende reje. Cova che jae, che reyicuera, jiára guâjêmajá, upevareje coanga guive umi oguerecova jembirecope toiconte jembireco-ŷ-vaicha, ja umi oyajeóva toico umi oyajeo-ŷ-vaicha, ja umi oyererojorŷva toico umi oyererojory-ŷ-vaicha, ja umi oñemûva toico, umi isoguévaicha, ja umi oiporúva mbae ybyarigua, toico umi oiporuvaicha jecoitépente. Co yby reco voí ojasa jina ojóvo. Icatu ngau, upeicharamo, aipota peêcuera peime peyepyapy-ŷ-reje. Pe omenda-ŷ-va oyepyapy Ñandeyára mbae reje, ja oñejaâ icatu jaguâ ombojory Ñandeyárape. Pe omendava oyepyapy mbae co ybyarigua reje, ja oñejaâ icatu jaguâ ombojory jembirecope. Ja oime avei oicoejá pe cuña omendava ja pe cuña omenda-ŷ-va: pe cuña omendaŷva ja pe cuña taí oyepyapy Ñandeyára mbae reje imarangatu jaguâ jetépe ja jiángape. Pe cuña omendáva oyepyapy mbae yvyarigua reje ja oñejaâ icatu jaguâ ombojory imenape. Cova jae mante ipôrâ jaguâ peême, ndajaei che amoîse gui peême ñujá, icatu jaguânte peico meme jeco pôrâitepe Ñandeyára rembiguai ramo iñanguecoi-ŷ-me. Oime ramo peteî jiâjape ogueroŷrôja jina cuña taí itayŷrape inguáinguireitama jina, ja tecôtevê ramo oyeyapo mbae, toyapo oipotajaicha tayŷra. Upeicharamo, ndoyapoi angaipa, tomendante oyueje. Ja oime ramo tuva opyta jâtâva ipyápe, ja na tecôtevêi ramo, ja iya ramo oyapo jaguâ ipyapype oipotáva, ja opytama ramo upeicharaicha ipyápe. ja upeicharamo oñangarecose ramo itayŷra reje imara-ŷ-jápe, jae oyapo pôrâ avei. Upeicharamo, pe omeêva itayŷra cuña taíme omenda jaguâ, oyapo pôrâ, ja pe omeêŷva omenda jaguâ, oyapo pôrâiteve. Pe cuña oyuayu jina imena oicové yave pucu cue, ja imena omano ramo ndiporiveima oyoco vaerâ omenda jaguâ jae oipotavareje, Ñandeyára rejeguandi guive. Opaichavevo, jeco pôrâiteve vaerâ jae opyta ramo upeicha, aimoâjaichante che, ja che aimoâ arecojá Tûpâ Ñandeyára Espiritu avei. Coanga ñañeê pype umimbae imeêmbyre taânga rérape reje, yaicuaa voí opavavé yarecojá yajechacuaa jaguâ umimbae gui. Pe yajechacuaájá reí ñane mboavevó, pe mborayjú ñanemopuâ mbaraete. Oime ramo peteîva oimoâva oicuaápájá opambae jecópe, upéva ndoicuaai mbaeve oicuaapá jaguâicha jecópe. Ja oime ramo ojayjúva Tûpâ Ñandeyárape, upéva oyecuaa Tûpâ Ñandeyára guivo. Ja umi tembiu oñemeê vaecue umi taângá rerape guare, yaicuaa pe taânga ndajaeija mbaeve co ybyari ja ndiporijá ambue Tûpâ Ñandeyára peteî añonte. Sapya oime ramo peteîva oyeéva Tûpâ cuera ramo yvagape terâ ybyári (añetejápe jeta oime voí tûpâ cuera ja yára cuera avei). Upeicharamo yepe, ñandeve voí oime peteî añónte pe Tûpâ Ñandeyáraetéva pe Túva, ja Upévaguarénte opambae ja ñande Ichupeguârâ, ja oime peteî añónte ñande Yára, upéva Jesú Cristo voi, Jaerupi guarente opambae ja ñande avei Jaerupi guare. Opaichavévonte nda opavavéipe oime co ojechacuaajá, oime ambue cue, oicuaa ramo yepe ipyapype taângántejá umiva coangapeve, upeicharamo yepe, ocaru jicuai pe oyeyuca vaecue pe taângá peguará gui, ja ipituajá reje ipyapype upeicha oñemonguŷá. Ndajaei voi pe tembiu ñañemoî pôrâjá Tûpâ Ñandeyára ypype guârâ. Ja yacaru-ŷ-ramo yepe ndajaei upeicha ñañemo mîchîve jaguâ umi ambuecue gui, ja yacaru ramo yepe, ndajaei upeicha ñañembo tuvichavé jaguâ umi ambuecue gui. Peñeñangareco co pende puacajá pende aénteva, ani oico oñepysangájá ramo umi ipituávape. Oime ramo peteîva nde recháva, nde rerecóva rejechacuaa jaguâ, reguapŷ ramo carujápe umi taângá rendape, upe ipyapype ipituáva voínte, ¿anichépane oñeatôi jou jaguâ avei umi mbae oyeyuca vaecue taângá peguárágui? Ja pe ne mbaecuaa reje oñembyaipáne pe ipituáva ñande rejegua yepe pe Cristo omano jague. Coicha ramo peyapo ramo angaipa ñande rejegua cuera reje, ja pejumbiri pe ipya ipituávape, upeicha peyapo angaipa Cristo reje avei. Upévareje oimeta ramo peteî cherejeguáva oñemo angaipáucá vaerâ tembiu rupi, maramo ndauvei chene soo tapiaguârâ anichene jaguâ añemo angaipáucá che pe cherejeguape. ¿Chépa nda che aéte? ¿Ndajaéipa che Apostol? ¿Ndajechaipa racae che Ñandeyára Jesúspe? ¿Ndajaéipa peê che rembiapocue Ñandeyára rejeguárâ? Icatu ramo yepe ambuecue peguârâ che ndajaei Apostol, peême cuera añetejápe che Apostol. Peêcuera voi Ñandeyára rejeguajá reje oyecuaa che Apostoletévajá. Ja coicha voínte che añeê cheyeje umi oporandúvape cheve. ¿Nda iyáipa oreve rocaru ja roŷú jaguâ ore yejegui voínte? ¿Nda iyáipa oreve avei rogueraja jaguâ orendive peteî ore rembirecórâ umi cuña ñande reŷicuérava apytegui, umi ambuecue Apostol oyapo jaicha ja Ñandeyára ryby cuera ja Pedro? ¿Terâpa ore año che ja Bernabe? ¿nda iyái oreve ropoí ore rembiapo gui? ¿Avápa ojo oñorayrôvo oyejegui voínte jecôtevêrâ rejeve? ¿Terâpa avá oñotŷ peteî cocuepe ja ndoui jiacue, terâpa avá oñangareco jymbá reje ja ndoui jymbá cambycuegui? ¿Jaépa âmbae cuimbae jei jaichante? ¿Ndo yeéipa coicha avei pe Moises ñeênguepe? Pe Santa Escriturape Moises ñeêngue oijápe oyee: Anichene reitînguajá pe ne rymba oyereva oicova oyekyi jaguâ pende coga rembyaty vaecue. ¿Tûpâ Ñandeyárapa oñangarecóucápa umi ne rymba rejente yepe? ¿Terâpa oyee upeicha catuete ore rejejápente avei? Orerejejápe voi oyee Santa Escriturape co ñeê: Oime ojaârôjápe ja oyeroviajápe voi pe omyatyrôjára omyatyrô iyŷby, ja pe oyekyi jára ojaârôjápe ja oyeroviajápe upeicha avei oyekyi, ja umi mocoîvé ojaârô oñomboyao jaguâ pe jiacue reje. Ore voi roñotŷ rire pende pyape mbae raŷî Espiritu rejeguarâ, ¿mbae guasu vaerâpa rojaârô ramo rombyaty jaguâ pendejegui mbae ybypóra reco rejeguarâ? Oime ramo ambuecue iyájape upeicha ojupitŷvo pendejegui, ¿nda iyávéipa oreve rojupitŷvé jaguâ? Ja iya ramo yepe oreve ore no pomojêjêsei peême. Upea rangue roguero kîrîrî opa âmbae rejeve anichene jaguâ romoî iyocojarâ pe Cristo Evangeliope. ¿Nda peicuaaipa umi ombaapova pe tûpâópe ocarújá pe tûpâorejegua gui, ja umi oico tapiava upe iyucapyrâ renda tupaopegua pe oñomboyao pe iyucapyré roo reje? Upeicha avei jeiuca vaecue Ñandeyára umi omojerâcuâva pe Evangelio oicové vaerâ jaguâ pe Evangeliogui. Che voí ndaiporui mbaeve âmbae ja ndaeucái vaecue mbaeve âmbae oyeyapouca jaguâ cheve coicha. Ipôrâvente cheve amano, anichene jaguâ avave oyapo mbaeve ramo co che añemombeu guasújá. Ja añemoñeê ramo yepe co Evangelio gui, cova rupi ndipori añemombeu guasu jaguâ cheyupe, añeatôi voi tecôtevê reje añemoñeê. Angai che añemoñeê ŷ ramo co Evangeliogui! Upévareje añemoñeê ramo kyreŷgui, ajupitŷne oyejechacuaa jaguâ cheve jepycue, ja ndajaei ramo yepe cheyejegui voínte, oime yepe oyeyerovia vaecue chereje mbae rerecuá ramo. ¿Mbaépa upeicharamo che ajupity vaerâ? Covante ajupity vaerâ añemoñeê pype co Evangelio gui, amoî jaguâ reínte che co Evangelio, ani jaguâ añemombeu guasú cheyupe iyajá gui cheve pe Evangelio guivo. Upeicharamo che che aéte voi avave poguype aico-ŷ-ramo yepe, che voi ayeyapo opavave rembiguai ramo, amboyeju jeta jaguâ icatuve jagueicha. Ayeyapo Judio ramo umi Judiope amboyeju jaguâ umi Judio cuerape, ja umi jicuaiva Moises ñeêngue reco rejeguape, che vointe aime-ŷ-ramo yepe upe Moisés ñeêngue reco rejeguáva, che ayeyapo ichupecuera aimeva ramo Moises ñeêngue rejeguáva avei, amboyeju jaguâ umi Moises ñeêngue reco rejeguávape. Ja umi itabŷvape Moises ñeêngue reco rejeguaŷvape, che ayeyapo che tabŷva ramo avei, (ndajaei ramo yepe che Tûpâ Ñandeyára ñeê jecopegua rejegua-ŷ-va, che voi jae Cristo ñeê reco rejeguava,) amboyeju jaguâ umi itabŷvape Moises ñeêngue reco rejeguaŷvape. Che ayeyapo umi ipituávape ipituáva ramo, amboyeju jaguâ umi ipituávape, opavavépe ayeyapo opáva ramo oime jaichaguánte, icatu jaguâ ambo jecomarangatu mbobymi yepe. Opa âmbae voi ayapo pe Evangelio rejejápe che aico jaguâ jesegua ramo avei. ¿Nda peicuaaipa umi oñaníva gui oñondive tapépe opavavé añete oñaníjá, upeicharamo yepe, oime peteînte año oñemeêjá pe mbae repy? Peñaní peê pejupity jaguâ oimejaichante. Pe oñuaâva, oñeñangareco opambae gui. Umiva añetejápe oyapo ojupity jaguâ caavó iñopê mbyré iñâcâ rejeguarâ oñyñyi vaerâ, ore catu rojupity jaguâ pe imârâ-ŷ-vaerâ. Upeicharamo, pe che añani ramo nañaníri mbaeverâicha ramo. Che na ñorayrôi peteî oinûpâvaicha ybytúnte, ainûpâ che rete voínte, ja che puaca che rete reje, anichene jaguâ oyeju cheve añemoñeê rire yepe ambuecuepe, che vointe añemombó. Ndaipotai, che reŷicuera, peêcuera peicuaaŷ opa ore ru cuera ypycue oico jague pe arai guype, ja opava ojasa jague pe ŷguasu, ja opavave oñemongaraí jague Moises rerape, pe arai ja ŷguasu rupi, ja opavave jou jague pe tembiu yvapegua, ja opavave joŷu jague pe ŷ yvapegua gui. Jaecuera voi joŷu vaecue pe itá yvapegua gui omoîrû vaecue ichupecuera, upe itá racae Cristo voínte. Oime jeta jesecueragua ndoguerojorŷi rae Tûpâ Ñandeyárape, upévareje oyeity jeôngue cuera ñûme. Umimbae voi, taângáichaguánte ñandeve guârâ, anichene jaguâ ñaiporanguereco mbae ivaíva, umi ambuecue oiporanguereco jagueicha. Anichene avei peñemboe tâangápe, oyapo jagueicha peteîva jaecuerava, oijaicha Santa Escriturape: Umi ybypóra jeseguáva oguapy, ocaru, ja ocaú: ja opuâ oyerokŷvo. Anichene ñane tieŷ, oñemotieŷ jagueicha peteîva jaecuerava, ja joa omano peteî árape voínte veintitres mil. Anichene yayurureca Ñandeyárape, oyururecá jagueicha umi ambuecue cuera ja jaecuera omano mbói oisuu rupi. Anichene pemojêjê peicovo, omojêjê jagueicha jicuai umi ambuecue cuera, ja oñembyai pe ombyaijára rupi. Âmbae voi oyeju vaecue ichupecuera ojechacuaa jaguâ rejejápe, ja oi voi Santa Escriturape ñanemboe jaguânte ñandeve, ñande yajupitŷva co ára pajávo peve. Upeicha ramo pe oimoâva oñemboŷ jâtâjá jina, chaké, anike joá! Ndipori pende pyjŷva pende pyaraâ jaguâ, pe cuimbaeichaguante. Tûpâ Ñandeyára pende yeroviajá voi, anichene jaguâ pende reyá pende pyareca eterei peropuaca-ŷ-jaguâicha, upeyaveve pe pende pya recajá ndive oyapone pesê jaguâ icatu jaguâ pende puacá. Upévareje, che rayjupára cuera, peñeguajê taánga gui. Che añeê iñaranduvapeicha. Peñemoânte peêcuera voínte co che jaeva reje. Pe mbayru yejovasaja yajovasava, ¿ndajaeipa ñande ñañomboyaójá Cristo ruguy reje? Ja pe mbuyape ñaipejaâva, ¿ndajaeipa ñande ñañomboyaójá pe Cristo rete reje? Oimejaicha peteî mbuyape añonte, ñande ñande retá ramo yepe peteî teténte avei, ja opava ñande voi ñañomboyaó pe mbuyape peteî reje año. Pemaêmi umi pe Israel cuérava reco cuereje. Umi jouva umi mbae yucapyré Tûpâ Ñandeyára peguârâ gui, ¿ndajaeipa oñomboyaóva pe iyucapyre roo rendape oiva reje? ¿Mbaepa che jae, upeicha ramo, terâpa jaé aina pe iyucapyre pe taângá rérape guare mbaejá, terâpa pe taângá vointe mbaéjá? Mbaevéicharamo! Che jae umi pytagua oicuameêva iñemboejápe oicuameêjá ichupecuera pe mbaepochŷpe, ja na Tûpâ Ñandeyárapei, ja che ndaipotai peêcuera peñomboyaó mbaepochy ndive. Ndicatui peu jaguâ pe Ñandeyára mbayru gui ja pe mbaepochy mbayru gui avei. Ndicatui oñemeê peême Ñandeyára carújá gui ja pe mbaepochy carújá gui avei. ¿Terâpa amojâcâteŷ Ñandeyárape? ¿Ñande puacavépa Ichugui? Opambae iya cheve, na opambaei yepe ipôrâ cheve. Opambae iya cheve, na opambaei yepe ñane mbojeco mbaraetejárâ. Avave ani ojeca iyupeguârâ nte. Tojeca japichapeguârâ avei. Opa oñemûjá guivo pe soo oñeñemûjápe peúnte peporandu-ŷ-reje mbaeve pende pyapy rejejápe. Co yby voi Ñandeyára mbae ja opa co yby ári oiva. Oime ramo peteîva umi ogueroviaŷva penerenoîva pecaru jaguâ, ja peêcuera peicose ramo, opambae oñemoîva pene renondepe peúnte peporandu-ŷ-reje mbaeve pende pyapy rejejápe. Oime ramo peteîva jeiva peême: Cova oyeyuca vaecue taângá peguârâ, ani peú pe imombeujare rejejápe ja pende pyapy rejejápe. Che ndaei jaejá nde pyapy rejejápe, pe ambue pyapy rejejápente. ¿Mbaéichapa oyejechacuaáne pe iya vaerâ che recope ambue pyapy rupi? Ja iya ramo cheve jau jaguâ abyajápe, ¿mbaeichapa añemoî vaíta pe che ajovasa jague rupi? Upeicharamo pecaru ramo terâ peŷú ramo terâ peyapo ramo oimeraêva mbae, peyaponte opa mbae Tûpâ Ñandeyárape pembuete potávo Ichupe. Ani pembo yeyabŷucá umi Judiope terâ umi Griegope terâ umi Iglesia rejeguape. Upeicha voi che añejaâ ambobyá opávape opambaépe ja nda yejecai che rejejapente, umi jetava rejejape voi avei jaecuera oñembo jeco marangatu jaguâ. Peêcuera peico che reco rupi, che aico jaicha Cristo recorupi. Che poiporanguereco peême, che reŷicuera, pene manduajá reje chereje opambaepe, ja peê pembuayéjá reje umi che ñeêngue che pomboe jagueicha. Aipota peicuaa Cristo opa cuimbae âcâjá ja pe cuimbae pe cuña âcâjá, ja Tûpâ Ñandeyára Cristo âcâjá. Oime ramo cuimbae oñemboéva terâ oñemoñeêva oñâcâjoijápe omotî iñâcâme, ja oime ramo cuña oñemboéva terâ oñemoñeêva oñâcâjoiŷme omotî iñâcâme, upeicharamo, iñâcâ peróvaicha jae. Upe cuña oñâcâjoi-ŷ-ramo, toñapî mandi; ja ñemotîrâ ramo peteî cuñáme oñeñapî ramo, terâ oicârâi ramo iñâcâ, toñâcâjoi, upeicharamo. Ja pe cuimbae noñâcâjoi vaerâi Tûpâ Ñandeyára yoguajájá reje jae ja Tûpâ Ñandeyára mbuetejájá reje, ja pe cuñáme upeicha avei cuimbae mbuetejárâ. Pe cuimbae ndajaei pe cuñaguíguaré, pe cuña voi pe cuimbaguíguare. Noñemoñai vaecue voi pe cuimbae pe cuña peguârâ, pe cuña pe cuimbae peguârâ. Covareje vointe pe cuña oguereco vaerâ opópe voi pe oñâcâ rejegua mbae umi yvapegua guivo. Opaichavévonte pe cuimbae ndicatui oico cuña-ŷ-reje, terâ pe cuña pe cuimbae-ŷ-reje, mocoîvé jaecuera Ñandeyára rejeguajá reje, ja pe cuña pe cuimbaeguíguaréjá reje upeicha avei. Pe cuimbae pe cuña rupíguaré, ja opa mbae Tûpâ Ñandeyára guiguare. Peñemoâ peê vointe coambae reje. ¿Iporâpa peteî cuña oñemboe Tûpâ Ñandeyárape oñâcâjoi-ŷ-reje? Pende yejegui voíntepa ndapeicuaai peteî cuimbae jiáva pucu ramo iñemotîrâjánte, ja pe cuña jiáva pucu ramo yeguarâjá ichupe upeá, iñâcâjoyá rendaguepe, oñemeê ichupe pe jiáva. Opaichavévo oime ramo peteîva oyuabyséva âmbae reje, ñande nda yayepocuaai upeicha, ja nda upeichai umi Iglesia rejeguava ambuecue. Coanga oime co ambue mbae che aicuaauca vaerâ peême nda poiporanguerecoijá peême, peê peñembyatyjá reje na mbae pôrârâi, mbaevaírânte. Iñypyrûmbŷva ajendúva pendejegui, peñembyatŷ ramo peê tûpâope, oicojá pende apytepe oyuabŷva, ja jaimetéma arovia upeichajá. Oimene catuete pende apytepe ñande yaroviáva gui opiáva, icatu jaguâ umi yeroviajá peecueráva oyecuaáucá. Peêcuera peñembyaty ramo oñondive, ndaupeichai oyeu vaerâ pe Ñandeyára mbae carai jembiueteicha. Peteî teîva peêcuerava ipyaéva jina jou jaguâ pene rembiu râicha, ja upeicha peteîva jou ja peteîva opyta ivareávaicha ja oime ambue ocaúvaicha. ¿Mbaeichapa upéva? ¿Nda perecoipa oga pecaru ja pecaú jaguâme, terâpa peroŷrôse co tûpâo ja pemotîse umi oga-ŷ-vape? ¿Mbaépa che jaéta peême poiporanguerecojá? Covape che na poiporanguerecoi peême mbaevéicharamo. Cheve voi omeê Ñandeyára upe che pomboe jague peême pe Ñandeyára Jesús upe pyjare oyeyapyjŷucá jaguepe oipyjy jague pe mbuyape, ja ojovasa rire oipejaâ ja jei: Coina peú, cova cherete pende rejejápe oñepejaâ vaerâ. Peyapo coicha perero mandua jaguâ Chereje. Upeicha avei oipyjy pe mbayru ocarupa rire jeivo: Co mbayruicha voi co icuameêmby ipyajúva che ruguy rejeguare, ja peújá árape covagui peyapo coicha perero manduávo Che reje. Pe peújá ára co mbuyape, ja peu co mbayru gui peê pemojerâcuâ Ñandeyára omano jague oujá ára peve Jae. Upeicha ramo oimeraêva jouva jecoŷme co mbuyape gui, ja joŷúva jecoŷme co Ñandeyára mbayru gui, upéva omomárâ Ñandeyára rete voi, ja juguŷ. Upevareje ñamomojê ñande recocue ja upeicha yau pe mbuyape ja yau pe mbayrugui. Upe jouva ja joŷúva jecoŷme, upeva jou ja joŷu pype oñemoî vaí iyupe voínte, ojechacuaa-ŷ-jágui jecópe Ñandeyára rete. Upeareje voi oime jeta pendeapytepegua icangŷva, ja ipituáva, ja jeta ikeránava avei. Upegui roñejaâ ramo ore yupe vointe añetejápe mo no roñemoî vaí che raéi. Anga roñemoî vaí ramo Ñandeyára rupi ore royeyopŷ, anichene jaguâ ñañemoî vaí umi ybypóra ambuecue yaveve. Upeicharamo, che reŷicuera, peñembyatŷ ramo pe mbae caraí peu jaguâme, peñojaârô. Ja oime ramo ivareáva tocarunte jogape, anichene jaguâ peñembyatŷjápe peñomoî vaí oñondive. Umi mbae ambuecue amoîne jecópe âguajê rirente che. Che ndaipotai, che reŷícuera, peê peico umi oicuaa-ŷ-vaichagua umi mbae Espiritu rejegua gui. Peicuaa voi peê pytagua icarai-ŷ-jaguepe peico jague umi taângá iñeêngúva recórupi peyeyaby jagueichante. Upévareje che aicuaauca peême avave oñeêva Ñandeyára Espiriturupi jeija: Tojo Jesús añaretâme! ja avavé ndicatuijá jei Jesús Ñandeyârajá, pe Espiritu Santo rupi mante icatu. Añeté iñambue voi ramo yepe imbaecuaa cuera oyuejegui pe Espiritu peteînte, ja iñambue ramo yepe umi yayeyocuaijápe, pe Ñandeyára peteînte; ja iñambue ramo yepe tembiapo, Tupâ Ñandeyára peteînte oñatoîva opambae reje opavavépe. Peteî teîme ñandéve oñemeê icatu jaguâ pe Espiritu oyecuaa ipôrâ jaguâ ñandeve. Peteîme voi oñemeê pe Espiritu rupi iñarandu vaicha oñeê jaguâ. Ambuepe oñemeê oñeê jaguâ imbaecuaa vaicha pe Espiritu reco vaicha rupi. Ambuepe oñemeê yeroviajaete vaerâ pe Espiritu rupi voínte. Ambuepe oñemeê ipuaca jaguâ omojesâi járarâ upe Espiritu rupi voínte. Ambuepe oñemeê oyapo jaguâ mbae guasu, ja ambuepe oñemeê oñemoñeêjárârâ ja ambuepe oñemeê ojechacuaajárârâ mbaepochype, ja ambuepe oñemeê oñeêcuaajárârâ opaichagua pytagua ñeême, ja ambuepe oñemeê icûyeréjárârâ opaichagua pytagua ñeême avei. Opa âmbae pe peteî Espiritu oñatôi, omeêvo peteî teîme Jae oipotajaichaguante. Co ñande rete peteînteva, ja jeta ipejenguéva ja opa ñande reté rejegua jeta ramo yepe ipejengue, peteî teténte, ja upeicha avei Cristo. Peteî Espiritu rupinte opavave ñande caraí, ñaime jaguâ peteî teté ramonte, Judio terâ Griego, tembiguai yoguapyre, terâ jaeaénteva, ja opavavé ñandeve oyeúucá upe Espiritu peteî rejegua gui. Pe ñande reté voi ndajaei peteî pejenguénte, jetá voi. Sapya jei ramo ñande pŷ: Che ndajaei po, upeareje che ndajaei pe teté rejegua. ¿Upearéjepa ndajaeichene pe teté rejegua? Sapya jei ramo ñane nambi: Che ndajaei tesá, upeareje che ndajaei pe teté rejegua. ¿Upearejépa ndajaeichene pe teté rejegua? Opa ñande reté tesa ramo ¿mamópa oita ñande apysá? Ja opa ñande reté apysá ramo ¿mamópa oimene ñane tî? Coanga Tûpâ Ñandeyára omojenda jecópe opa ñane pejengue pe ñande retépe pe jae oipota jagueicha. Ja umi ñane pejengue peteînte ramo, moopa oita ñande reté? Coanga jeta pejengue añetejápe ja peteî teténte. Pe ñande resa ndicatui jei ñande pope: Che naicôtevêi ndereje. Ja ñane âcâ ndicatui jei ñande pŷ pe: Che naicôtevêi pende reje. Upeicha voi oime ramo yepe ñandereté pejengue oyejechacuaáva ichuivéjá, umiva catu umi ñaicôtevêvéjá. Ja umi ñande reté pejengue jiâjá ñandéve oñeporanguereco-ŷ-vé-já, umivape yareco oñeporanguerecóvé jaguâicha. Ja umi ñande retégua ipôrâvé-ŷ-já, ñañejaâ ñamopôrâvé. Umi ipôrâvé vaicha natecôtevêi. Tûpâ Ñandeyára voí omyatyro jecópe ñande reté oiporanguerecóucávé jaguâ pe inandí jaguepe, anichene jaguâ oime oyuabŷjá ñande retépe, opa ñane pejengue oñopytyvô jaguâ. Upeicharamo peteî pejengue jasy ramo, opa ñane pejengue peteî añoichante jasy avei, ja peteî ñane pejengue oyererojory ramo, opa ñane pejengue yoa peteî añoichante oyererojorŷ avei. Peêcuera yoa Cristo reté ja ipejengue rejegua peteî teî peêcuerava. Oime Tûpâ Ñandeyára omoingo vaecue pe Iglesiape iñypyrumby umi Apostol cuera ramo, ja oñemoñeêjárarâ, ja oporomboejárarâ. Oime ambuecue mbaeguasu apojárarâ, oime ambuecue oporomojesâijárarâ, ja tûpâmbae meêjárarâ, ja mbae rerecua ramo, ja opaichagua tetâ ñeêcuaa járarâ. ¿Opávapa umiva Apostolva? ¿opavave umivapa oñemoñeêjára? ¿terâpa opavave umiva oporomboejára? ¿Opavavépa mbaeguasu apojára? ¿Opavavépa oguereco oporo mojesâi jaguâ? ¿Oñeêcuaápa opavave opaichagua ñeême? ¿Opavavépa icûyerecuaa? Peê vointe peñejaâ vaerâ pejupity penderecorâ ipôrâvéva. Opaichavévonte tajechauca peême peteî tapé ipôrâitevéva pende recorâ. Añeê ramo yepe che opaichagua pytagua ñeême, ja yvapegua ñeême, che nda porojayjui ramo, ayeyapoma yepe pe ipu otârârâva ramo terâ pe ipu itînînîva ramo. Areco ramo yepe icatu jaguâicha añemoñeê, ja ajechacuaa ramo yepe opa mbae oyeyajoíva, ja opa mbaecuaa, ja areco ramo yepe icatu jaguâicha ayeroviaite arová jaguâicha umi itá atyra guasu, opaichavévonte nda porojayjui ramo che ndajaei mbaeve yepe. Ja amboyao ramo yepe che mbae rerecojáva amongaru jaguâ umi mboriaju cuerape ja ameê ramo yepe cherete ayejapy jaguâ, opaichavévonte nda poro jayjui ramo, mbaeve yepe cheveguârâ. Pe mboraŷju okîrîrîva, ja imbae pôrâva vointe. Pe mboraŷju najâcâteŷvai, ja noñembo tuvichai jecoŷme, ja noñembobúvai, ja noñemotieŷvai, ja ndojecai imbaénteva, ja nda ipochysévai, ja noimoâvái ivaí vaerâ reje, ndobyavái mbae jecoŷme guape, obyávante pe jecopeguápente. Opambae oguero kîrîrî, ja opambae oguerovia ja opambae ojaârô, ja opambae oguero puacá. Co mboraŷju máramo ndopávai. Umi oporo ñemoñeêjara opáne, ja umi ñeê opíne, ja pe mbaecuaa oñemombá vaerâ avei. Oimente yaicuaa nungámijá ja oimente ñañemoñeê nungámijánte. Anga ouma ramo pe jaéetéva, pe oico nungá vaecue opytá reíne. Che che mitâ ramo, añeê vaecue mitâicha. Che aimoâ vaecue mitâicha, che añemongueta vaecue mitâicha. Uperire che acacuaápáma ramo, ajeya pe mitâ reco. Coanga ñande yajecha pe ñane raângá yajechajápeicha umi ñeê iñypytûvaicha, uperamo yayojechane oyojobárupi. Coanga che aicuaa nungáminte, uperamo che ajechacuaane che rechacuaa jaicha cheve. Coanga oico tapia yayeroviajá, ñajaârôjá, ja mboraŷju. Oime umi mbojapy mbae, pe tuvichavéva nte pe mboraŷju. Peicónte peê, upeicharamo, pe mboraŷju recó rupi. Ja peñejaâ pejupity jaguâ mbae Espiritu rejegua. Opaichavévo peñejaâvé catuetei pe poroñemoñeê jaguâ. Oime ramo oñeêva umi pytagua ñeême, upéva noñeêi cuimbaepe, Tûpâ Ñandeyárapente, ndoicuaaijá reje umi ambuecue pe jeiséva umi ambuecue cuera. Pe Espiritu guivo voi icatu oñeê ñemijáme mbae añetegua. Upe oñemoñeêjára oñeê umi cuimbae cuerape omboe jaguâ rejejápe omokyreŷ ja ombopya guapy jaguâ rejejápe. Oime ramo oñeêva pytagua ñeême, upéva oñemboe iyupe vointe, upe oñemoñeêjara omboe umi Iglesia rejeguape. Upeicharamo, aipota ramo yepe opavave peê peñeêcuaa ñeê pytaguape, aipotave peñemoñeêcuaá. Tuvichavé voi pe oñemoñeêjára pe oñeêva gui ñeê pytaguape, oime-ŷ-ramo omboyecuaa vaerâ iñeêngue, oñemboe pôrâ jaguâ umi Iglesia rejegua. Coanga, che reŷicuera, che aja ramo pene rendape ja añeê ramo pytagua neême, ¿mbae pôrâpane ayapo peême añeê-ŷ-ramo peême amboyecuaavo terâ pomo mbaecuaávo, terâ añemoñeêvo terâ pomboevo? Umi mbae jecové-ŷ-vaicha voí jŷapúva, pe mimby cuera terâ mbaracaicha oñemo ambue-ŷ-ramo ipúpe, ¿mbaeichapa yaicuaata mimby terâpa mbaraca pe ipújá jina? Ja sapya pe turu jŷapú ramo yajechacuaa-ŷ-jaguâicha, ¿avápa oñembosacoine pe oñorayrô rôguârâ? Upeicha avei peêcuera peñeê-ŷ-ramo pene cûyeré pôrâ gui oyejechacuaa jaguâicha, ¿mbaeichapa yaicuaane pe peyéva? Upeicharamo, reñeê reí reina ybytúpeicha. Opaichagua ajŷo oime co ybyari yaéva ramo guaicha, ja ndipori mbaeve iñeêngúpáva. Upeicharamo yepe, che najenducuaai ramo pe iyajŷo rŷapúcue, che aicota peteî pytaguaicha pe che monguetajarépe, ja pe chemonguetajaré oico vaerâ pytaguaicha cheve avei. Upeicha avei peê pejupityse ramo umi mbae Espiritu rejegua, peñejaâ pene mbaepôrâite opambaepe pemombaraete jaguâ jecópe umi Iglesia rejeguape. Upeareje oime ramo oñeêva pytagua ñeême, toyerure Ñandeyárape icatu jaguâ oicuaáucá icûyeré rejeve. Che añemboe ramo pytagua ñeême, añete che pyaite guive icatu añemboe jecópe, aico nandínte che mbaecuaa guivo. ¿Mbaepa, upeicharamo? Añemboeta che pyaite guive, añemboeta avei che mbaecuaa rejeve: apurajeita avei che pyaite guive ja apurajeita avei che mbaecuaa rejeve. Sapya nde rejovasa ramo yepe nde pyaite guive voínte, upe itabŷva oguapy reiva jina ¿mbaeichapa jeita: Amen! reñemboepa rire, oicuaa-ŷ-rire jae nde ere vaecue? Ja nde reñemboe ramo yepe jecópe, pe ambue ndojupityi mbaeve. Che che rory Tûpâ Ñandeyára ndive añeêcuaavéjá reje pytagua ñeême opa pendejegui. Upeicharamo yepe, pe Tûpâope añeêseve cinco ñeê che mbaecuaa rejeve amboe jaguâ avei umi ambuecuepe ja ani diez mil ñeê oñejendúcuaá-ŷ-vaerâ. Anga, che reŷícuera, ani peñemomitâ pene apytuû rejeguape, pe teco vaí guivónte peico mitâ kyreŷicha; pene apytuû rejegua guivo upeicharamo yepe, peñemo cuimbae cacuaá. Oyee voi pe Santa Escriturape: Pytagua ñeême ja pytagua yuru rupi, añeêucáne co tetâmeguape, ja upeicharamo yepe, na cherenduichene, jei Ñandeyára. Upeicharamo, pe jechapyrâ ñañeêjá pytagua ñeême, upéva ndajaei umi ogueroviava rejejápe, umi oguerovia-ŷ-va rejejápente. Co ñañemoñeêjá ndajaei umi ogueroviaŷva rejejápe, umi ogueroviava rejejápente. Upeicha ramo, umi Iglesia rejeguava oñembyatypá ramo oñondive peteî Jendápe, ja opavave oñeê yopará ramo jicuai, ja uperamo sapya oiké ramo itabŷva terâ ogueroviaŷva ¿ndeichépane umiva pende tarovápájá, peê? Upeareje oñemoñeê ramo opavave, ja oiké ramo peteî ogueroviaŷva terâ itabŷva, opava ogueroviáucáne ichupe, ja jae oñemoî vaí opava rupi ja pe ipyapype oguero kîrîrîva oyejechacuaane ja upeicha jae oñesûne ovapŷvo ombuetévo Tûpâ Ñandeyárape ja omojêrâcuâne Tûpâ Ñandeyára añetéjápe oijá pende apytepe. ¿Mbaépa, aiporamo, che reŷi cuera? Peñembyaty ramo oñondive, oime ramo peteîva opurajeiseva, terâ oporomboeseva, terâ oguerecova mbae imombeupyrâ, terâ oñeêseva pytagua ñeême, terâ oicuaáucáséva pe ñeê pytaguava, toyeyapopá umimbae peñombo jecombaraete pôrâ jaguâ oñondive. Oime ramo oñeêseva pytagua ñeême, taiyánte mocoîme, terâ icatuvé ramo mbojapŷpe avei, ja oñoendá guépe ja toicónte peteî omboyeby vaerâ iñeê. Ja oime-ŷ-ramo omboyeby vaerâ iñeê, tokîrîrî tûpâope pe ambue, toñeê ipyapypente voi ja Tûpâ Ñandeyárape. Upeicha avei oime ramo oñemoñeêjára, toñeê mocoînte terâ mbojapy, ja umi ambuecue toyapysaca jicuai icatu jaguâ oñomongueta umi mbae reje. Ja oime ramo mbae oñemboyejúva ambuepe oguapyva jina upepe, tokîrîrî pe ambue. Opava icatu peñemoñeê jaguâ oyuapycueri, opavave peicuaa jaguâ ja opavave pene kyreŷ jaguâ. Umi oñemoñeêjára pyapy oyeyocova umi oñemoñeêjaraitépe. Tûpâ Ñandeyára voi ndajaei omboyuabyjára, Jae voi mbae jecopegua apojaré kîrîrîjáme. Uperire oicojaicha jecópe umi Iglesia rejegua imarangatúva, upeicha avei pene tûpâópe tokîrîrî pene cuña cuera. Nda iyái ichupecuera oñeê jagûa, toyeyoconte jicuai oyeéjaichante pe Moises ñeême, ja oicuaase ramo peteî mbae, toporandunte jogapecuera imena cuerape. Mbae ñane motîva voínte petei cuña oñeê ramo tûpâope. ¿Mbae pico? ¿Pendejeguipa osê raê Tûpâ Ñandeyára ñeê terâpa peême añó ôguajê raé? Oime ramo oimoâva jae oñemoñeêjárajá terâ jae Espiritu rejeguaitejá, tojechacuaa co cuatia rupi che jaéucáva peême, Ñandeyara remimboéucá voíntejá. Oime ramo peteîva oicuaaseŷva, toicuaaŷnte! Upeichape, che reŷicuera, peñejaâ peñemoñeêcuaa jaguâ, ja oime ramo oñeêséva pytagua ñeême, ani peyoco ichupe. Toyeyapópánte opambae ipôrâite jaguâicha ja jecópe. Upeicha avei taicuaáucá peême, che reŷicuera, co Evangeliogui, che amojerâcuâ vaecue peême, pe perovia vaecue avei, pe pepyta jâtâ jápe avei, co peñembojeco marangatujá avei peina, penemanduáma guive tapia pe ñeê añemoñeê jague peême reje, perovia guaú-ŷ-rire iñypyrumbŷ guive voí. Yma che ambojasama vaecue peême pe iñypyrumbŷ guare cheve voínte oñemeê vaecue, Cristo omano jague ñane angaipa reje, umi Santa Escriturape oyee jaicha, ja oñeñotŷ jague ja oicové yeby jague mbojapy arajápe pe Santa Escriturape oyee jaicha, ja Jae oyejechauca jague Pedrope, ja upegui umi doceve pe, upegui oyejechauca jague jetavé quinientosgui ñande rejecueraguape oñembyaty vaecue jicuai oñondive, (umia rejegua voi jeta oicovéva gueteri ja ambuecue omano vaecuema), upegui oyejechauca jague Jacobope, ja opa umi Apostol cuerape, ja ipajápe opavavegui oyejechauca jague cheve peteî mitâ jiára-ŷ-me joavaicha. Che catu che resaívé umi Apostolcuera ambuecuegui, nda iyái voí cheve añejenôi jaguâ Apostol, che amoñá jaguereje umi pe Iglesia rejeguape. Coanga voí Tûpâ Ñandeyára pya pôrâ rupi aico co che aijaicha, ja pe ipya pôrâ ndareíri chendive guârâ. Ambaapo jetavé voínte opavave ichuguicuera, nda chei yepe, Tûpâ Ñandeyára pya pôrâ rupinte, oico vaecue chendive. Upeicharamo yepe, ta chépa rae terâpa jaecuera yepe, coicha voí roñemoñeê ore, ja coicha rupi perovia peê. Anga oñemojerâcuâ ramo Cristo oicove yeby jague umi omano vaecue apytegui, ¿mbaeichapa oime ambuecue jeiva pende apytepe ndipórijá yaicove yeby jaguâ umi omano vaecue apytegui? Ndipóri ramo oicove yeby jaguâ umi omano vaecue apytegui, Cristo avei yepe ndoicove yebŷi chene rae. Ja Cristo oicove yeby-ŷ-rire ore roñemoñeêjá mo reínerae, ja mo reínerae avei peyeroviájá, ja mo royeyuju nerae roe reíjágue Tûpâ Ñandeyára gui, ore roicuaauca jaguereje Tûpâ Ñandeyára jei jague oreve Jae omoingové yeby jague Cristope, ja icatu nomoingové yebyi chene rae Ichupe, añeté ramo umi omano vaecue ndoicove yebyi. Ja umi omano vaecue oicove yeby-ŷ-ramo, Cristo avei mo ndoicove yebyi chene rae, ja Cristo oicove yeby-ŷ-rire, peê mo peyerovia reíne rae ja upeicha rejeve peime pene angaipa mbytepe gueteri. Upeicharamo avei, umi oké vaecue Cristo pype, umia ocañŷmbaité manerae. Ja co yaicove pucu cue ayante icatu ramo yayerovia Cristo reje, upeicha ramo, oime icatuvé jaguâ ore poriajuverecopyrâ umi ambuecue cuimbae gui. Coanga yaicuaa añetejá Cristo oicove yeby jague umi omano vaecue apytegui, ja Jaejá pe oñemonoômbyré iñypyrumbŷ umi oké vaecue apytegui. Ja peteî cuimbae rupi oico jagueicha co ñamano jaguâ, upeicha avei peteî cuimbae rupi avei yaicove yeby vaerâ ñamano jaguegui. Ja oico jagueicha Adan rupi opáva omano jaguâ upeicha avei oico Cristo rupi opava oñemoingové yeby jagûa. Peteî teîvape ta iya jae jámajá, Cristo iñypyrújá, uperire umi Cristo rejegua iyújápe. Ja uperire ipajáne, upe Jae omeê jaguâ imburuvicha jague Tûpâ Ñandeyára Túvape, omombá rire opa umi mburuvicha guasupe ja opa mburuvicha jesaívévape, ja opa ipuacajá. Tecôtevê voínte Jae mburuvicha guasu ramo oico, omoîmba meve iñamotareŷjaré ipŷguŷpe. Ja pe iñamotareŷjaré ipajávogua oñemombá vaerâ, upéva pe ñamanojá. Omoîmbámanerae opambae oyeyoco jaguâ ipŷguŷpe, upeicharamo yepe, jei ramo: Opambae oyeyocóucámajá Ichupe, yaicuaa voi Upéva ajanirijá pe oyocóucá vaecue Ichupe opambae. Ja oyocóucápama ramo opambae Ichupe, uperamo avei upe Tayra voí oyeyocóne Upe oyocoucajaré Ichupe opambaepe, icatu jaguâ Tûpâ Ñandeyára jae opambae opavavépe. Upeicha-ŷ-ramo ¿mbaépa oyapone umi oñemongaraí vaecue umi omano vaecue recoviá. Umi omano vaecue oicové-vé-ŷ-ete ramo, ¿mbaerejépa oñemongarai umiva recovia? ¿Ja maerâpa ore roico roñemoî pŷŷî pŷŷî ore mârâ jaguâicha romano jaguâicha. Opa ára voi amano vaicha pende rejejápe, añete peê, che reŷicuera, peê añemombeu guasujá Cristo Jesús Ñandeyára rejegua járeje peê. Cuimbaeicha voi añorayrô rire maymbá ipochŷva ndive Efesope, ¿mbaépa cheveguârâ upea? Oicové-vé-ŷ-ramo umi omano vaecue, yacarúnte, ja yacaúnte ja coêramoite ñamanota. Ani peñemboyabŷ. Yayajea ramo tecové tieŷva reje oñembo jecovaí vaera umi jeco mbaepôrâva yepe. Pepaŷnte co kéra caúgui, pende reco pôrâ jaguâ, ja ani peyapo angaipa. Oime voi oicuaaŷva Tûpâ Ñandeyárape. Che añeê aina coicha pomotî jaguâ peême. Icatu oimene ambuecue jei vaerâ: ¿Mbaeichapa oicové yebyne umi omano vaecue, ja mbaeichagua tete rejevepa oune? Nde tabŷ, upe reñoty vaecue, ndicatui jeñoi omano raê-ŷ-ramo, ja upe reñoty vaecue, upéva ndajaei pe jâcâ jeñoi vaerâ, pe jaŷî opívonte, avati raŷî terâ ambue oime jaichaguánte. Ñandeyára vointe omeê ichupe jâcârâ Jae oipota jaicha, ja peteî teî umi mbae raŷî rejeguavape omeê jâcâ jesegua voí. Opa soo nda peteîchai. Oime peteî too añetejápe pe cuimbae rejeguáva ja ambue umi maŷmbá roo ja ambue umi pirá roo, ja ambue umi guyra roo. Oime teté yvapegua, ja oime avei teté ybyarigua, peteî oyeguajá añetejápe umi yvapegua rejegua, ja ambue oyeguajá umi ybyarigua rejegua. Oime peteî ojesapé cuarajy, oime ambue yasŷ, ja ambue ojesapé umi ára mimbíjá, ja umi ára mimbíjá avei iñambue ojesapépe. Upeicha avei oico vaerâ umi omano vaecue oicové yeby jaguâme. Umiva oñeñotŷ ituyúma, opuâne ituyuve-ŷ-jaguâ, oñeñoty imârâme, opuâne imârâve-ŷ-jaguâ, oñeñotŷ omŷiŷva, opuâne ipuacajá rejeve, oñeñotŷ jeté joóva, opuâne jeté jiángava, ja oime ramo jeté joóva, oimene avei teté jiángava. Oyee jaicha Santa Escriturape, pe iñypyrumbŷ cuimbae Adan oyeyapo vaecue jeté oicovévarâ, pe mocoîjá Adan oyeyapo vaecue jianga ñane moingové vaerâ. Pe ñane anga rejegua ndajaei pe iñypyrumbŷguare, ñande rete joóva rejeguante, ja uperirente pe ñane anga rejegua. Pe iñypyrumbyguaré cuimbae ybŷguíguare, ja ybŷrejeguánte, pe ambue mocoîjá cuimbae upéva Ñandeyára yvágaguígua voí. Upe ybŷguiguaicha umi ambuecue ybyrejegua avei, ja pe yvagaguiguaicha umi yvaga rejegua avei. Ja yarecojaicha pe ybyguigua yoguajá, upeicha avei yareco vaerâ upe yvaguigua yoguajá. Cova voí che jae, che reŷicuera, co ñande roo rei ja ñande ruguy reí ndicatui iya jaguâ pe Tûpâ Ñandeyára renda yvagapeguape, ja pe ituyúva ndicatui iya pe ituyû-ŷ-vaerâ rendape. Coanga che jae peême ñeê ñemingue nda opavai yaké vaerâjá. Añete opava ñañemoambue vaerâ. Sapyaité tesa pînîcha ipújápe pe turu ipajapegua, oñembopúne voí upe turú, ja upepŷpe opuâne umi omano vaecue ituyú-ŷ-reje, ja ñande ñañemo ambuéne. Tecôtevê voi co ñande rete ituyú vaerâ oñemonde vaerâ pe ituyu-ŷ-vaerâme, ja coa ñanderete omano vaerâ oñemonde vaerâ omano-ŷ-vaerâme. Ja co ituyúva oñemondéma ramo pe ituyu-ŷ-vaerâme, ja co omano vaerâ oñemondéma ramo pe omano-ŷ-vaerâme, uperamo oyeyapopáne jecópe pe nêê oiva Santa Escriturape: Pe ñamanojá oñemocañŷmba oñemocôvaicha pe ñañembo tuvichaitéjápe. ¿Mamópa oime, nde ñamanojá, pe reñembotuvichájague? ¿Mamópa, nde ñamanojá, oime nde popiá? Pe ñamanojá popiá ramo yepe pe angaipa, ja pe angaipa oñembo puacá ramo yepe pe Ñeê jecopegua rupi, ñande voí ñande rorŷ Tûpâ Ñandeyára ndive Jae imeêjaréjáreje ñandeve ñañembo tuvichaite jaguâ Ñandeyára Jesu Cristo rupi. Upeicharamo, che reŷicuera, che ajayjuva, pepyta jâtâ pemŷi-ŷ-reje peñemo embiapó apové Ñandeyára rembiapópe tapia, peicuaápype co pene rembiapó Ñandeyára peguârâ nda reírijá. Anga yajecha tûpâmbae imonoôpyré reje umi iñemboe catúva peguârâ, upe che ayapoucá jagueicha umi Galacia Iglesia rejeguape, upeicha avei peyapónte peê. Pe ára domingo pe ára iñypyrumbŷpe tapia peteî teîva peêcuerava pemboŷké pene mbaerepy penôjê jagueichagua gui iñongatúpyrâ, anichene jaguâ tecôtevê oñemonoôucá tûpâmbae che âguajê rire. Ja upeicha che âguajê rire pene rendape, umi peê peyerovia jagueichagua pende cuatia rupi, umivape che amondone ogueraja jaguâ pene tûpâmbae Jerusalempe. Ja tecôtevêeté ramo che avei aja jaguâicha, umiva oyeóinte chendive. Che voi ajane penerendape ajasávo Macedonia rupi. Ajasa vaerâ voí Macedonia rupi, ja icatu ete apyta penendive terâ icatu ajasa pe roy upepe, peêcuera chemoîrû jaguâ mamo aja jaguâmeve. Coanga voi nda pojechasei gueteri ajasávo. Ajaârô voi aimévo pene ndive aremi meve Ñandeyára oipota ramo. Apytane avei Efesope pe arete guasu Espiritu Santo ára pegua peve. Upepe voi oyepeámajá reje cheve peteî oké tuvichávaicha icatu jaguâicha ambaapo tuvicha, ja jeta oime avei umi oñemoîva chereje. Ja ôguajê ramo Timoteo, peñangareco jese, oico jaguâ penendive okyjŷye-ŷ-reje. Pe Ñandeyára rembiapoucapŷ oyapo jae avei cheicha voínte. Upea reje avave ani ogueroŷrô ichupe, upegui pemoîrû ichupe pyaguapŷ rejeve ou pôrâ jaguâ cherendape che ajaârôjápe aina ichupe ñande reŷicuera ndive. Peñeñangarecoke! Pepyta jâtâ peyeroviajápe. Peico cuimbaéitéicha! ja peñembo puacá. Ja opa umi penembaeapó toyeyapo taŷjupápe. Coanga ayerure peême, che reyicuera, peê peicuaa voi pe Estefanas rogaŷgua iñypyrumby jague umi Acayaŷgua gui, ja jaecuera oñejaâite jague oipytyvôvo tapia umi iñemboecatúvape, upevareje che ayerure peême, che reŷi cuera, peêcuera peñemoi jaguâ umivarejegua poguŷpe, ja opa umi ipytyvôjára ja umi ombaapova cuera poguŷpe avei. Che roryete iyú reje Estefanas ja Fortunato ja Achaico; jaecuera voi oyapopama jecópe pe iya-ŷ-jague peême, ñanembo pya guapy pype cheve ja peême. Pejechacuaa pôrâ umichaguape, aiporamo. Umi Iglesia rejegua Asiapegua penemo maitéiucá peême. Penemo maitéiucá jetaite Ñandeyára rérape pe Aquila ja Priscilla umi Iglesia rejegua jogapeguava ndive. Penemo maitéiucá opa ñande rejegua cuera. Peñomomaitéi oñondive peyo yurupytépe imarangatúvaicha. Che Pablo, pomo maitéiucá peême co cuatia ñeême che pórupi voí. Oime ramo ojayju-ŷ-va Ñandeyárape toiconte umi imondopyrâ rejegua aña retâme ndive. Oime outama jina Ñandeyára. Ñandeyára Jesús ta penembopya pôrâ peême. Toico co che pojaŷjújá peême Jesú Cristo rupi. Amen. Che Pablo, Jesú Cristo rembiyocuai, Apostol, Tûpâ Ñandeyára rembipota rupiguare, ja Timoteo ñande reŷi, roéucá peême co cuatia ñeê rupi peême, Tûpâ Ñandeyára Iglesia rejegua Corintoŷguape, ja opa umi imarangatúva oparupigua Acayapegua jicuaivape. Tûpâ Ñandeyára, ñande Ru, ja Ñandeyára Jesú Cristo, ta penembo pya pôrâ, ja ta penembo pyaguapŷ peême. Ta imombeupyrâ tuvichaite Tûpâ Ñandeyára, Jesu Cristo Ñandeyára ja Rú, ñande Rú pe ñande poriajuverecojára ja pe Ñandeyára ñanemo anga pyjŷjára. Upéva ñane moangapyjŷjára voí opa yajasa asy jápe, icatu jaguâ avei ñane ñamoangapyjŷ avei umi ambuecuepe opa ojasa asy jápe, ñamoangapyjŷvo ichupecuera pe Tûpâ Ñandeyára ñanemo angapyjy jague gui ñandeve. Ja pe ore rojasa asŷetejaicha Cristo rayjupápe, upeicha avei Cristo rupi jetaite avei roñemo angapyjŷ ore. Ja ore royeyopŷete ramo, upéva voi icatu jaguâicha peê peneangapyjŷ ja pene mârâŷ avei. Ja ore roñemoangapyjy ramo, upéva voi pene angapyjy jaguâ avei, ja cova pejupity peropuacajape pejasa asy jaguepe, rojasa asy jagueicha ore avei. Ja ore rojaârô pôrâ pendejegui royerovia jâtâvo pendereje tapiaguârâ voínte, roicuaa pôrâ járeje peê oremoîrû jague gui rojasa asyjá rupi ore, upeicha avei peê oremoîrû jagua ore angapyjyjá rupi. Ndo roipotai voi, ore reŷicuera, peê peicuaa ŷ jaguâ ore rojasa asy jague Asiape ja royeyopŷ pojyi eteve jague ore puaca jágui, ñajaârô moa yepe yaicové-ŷ-vé jaguâicha. Oime voi roñejaûvô romanovo, anichene jaguâ royerovia oreyeje voínte, Tûpâ Ñandeyára rejente, pe omopuâva umi omano vaecuepe. Upeva avei ore renôjê vaecue jeta yeby romanota jágui, ja coanga peve ore renôjêva, ja rojaârô Ichugui ore renôjê jaguâ tapia, ja peê voi ore pytyvô peñemboévo orereje, icatu jaguâ oyejechacuaa jetarupi ore rejejápe umi mbae pôrâ oyeyapo vaecue oreve jetarupi reje. Pe ore roñemombeu guasújá, upéva ore pyapype voínte roñandúcuaá ore marangatújá ja orepôtíjá Ñandeyára ypype guârâicha, ja na cuimbae aranducue rupiri, upegui Tûpâ Ñandeyára pyapôrâ rupínte, roico jague jecópe ybyari ja jetaiteve upeicha roico jague penendive guârâ. Co cuatia ñeême voi ore ndo roéucái peême mbae oyuabŷjá umi mbae pemoñeê vaecuegui voí, terâ peicuaava voínte gui terâ umimbae gui ajaârôjá pejechacuaa jaguâ jecópejá ipajápéve, pejechacuaa nunga jagueicha voí ore peñemombeu guasújájá, peê avei peico jaguâicha ore roñemombeú guasu jaguâ pe Ñandeyára Jesús ára ramo guârâ. Upevareje voi che ayeroviá jague reje upeicha pendereje, jiâ rae moa cheve âguajê jaguâ pene rendape, icatu jaguâ oñemboyoa yoa peême pende rory co mocoî yeby jápe, ja icatu jaguâ peê chemoîrû jaguâ Macedoniapeve, ja Macedonia gui ayu yeby jaguâ pene rendape je upei catu peê che moîrû yeby jaguâ ayebŷvo che Judeape. Upeicharamo che ayapose ramo guare âmbae, ¿reíntepane rae jae terâpa guaunte añeê? ¿Terâpa pe jiâva cheve ayapo, aimoapa ybypóra reíchante jae ramovaicha amóme Neí, neí, amóme Tové, tové? Pe Tûpâ Ñandeyára ore yeroviajá oicuaa voi ore ñeê roéjá peême ndajaeijá amóme Neí amóme Tové. Pe Tûpâ Ñandeyára Raŷ Jesú Cristo voi oñemo jerâcuâ vaecue ore rupi pende apytepe, che rupi ja Silvano rupi ja Timoteo rupi, upéva reco voí ndajaei pe jei ramovaicha amóme Neí, amóme Tové. Upe Neí voí opyta jâtâ Ichupe. Opa umi Tûpâ Ñandeyára remicuameê Neínte voí Jaérupi. Upeicha avei Jaerupi pe Amen omoañetéucá oñembo tuvicha jaguâ Tûpâ Ñandeyára ore rupi. Ja pe ore moingojaré penendive Cristo rejegua ramo ja pe ore mongaraíucájaré, upéva Tûpâ Ñandeyára. Upéva avei ojaângámoî oreve omeê pype oreve mbaerepŷicha tenonderâ pe Espiritu ore pyape. Che ajenôi jaicha Tûpâ Ñandeyárape oicuaáucájárarâ che pyapŷpegua, taémi peême añyrôse guinte peême ndajai jague gueteri Corintope. Che ndaei pomoî jaguâ peême ore poguŷpe poyopŷeté jaguâicha peême pende yeroviájá guivo, roicosénte pene îrû ramo pene pytyvôvo pende pya rorŷjápe: peyeroviájáreje voí peñemboŷ jâtâ peina. Upeicharamo añembosacoi cheyejegui voínte anichene jaguâ aja yeby penerendape pyambyasy rejeve. Ja che pombo pyambyasŷ ramo peême, ¿avápa oimene che mbojory vaerâ cheve, oiménte umi oñembo pyambyasŷ vaecue che rupi. Ja cova voí jaéucá peême co cuatia ñeêrupi âguajê ramo guârâ che areco-ŷ-jaguâ pyambyasy yoa umi che mbojory vaerâ gui, ayeroviá pype opáva pendereje che rorŷ jaguâ peêcuera yaveve. Jeta jague gui ajasa asy ja che pya yeyopŷ gui ayapo co cuatia ñeê che resaŷ apyte rupi, ndajaei pene pyambyasy jaguâ peê, peicuaa jaguânte mbaeichapa tuvichajá pojayju peême. Oime rire peteîva ombopya mbyasy vaecue, na chembo pyambyasy tuvichairi, che pya mbyasy nungá reínte, anichene jaguâicha pomoanguecoi peême. Ipôrâmane ichupeguârâ co ñeê pojŷiva oyeéucáva ichupe jeta yurú rupi. Upeicharamo, tové aguei, ipôrâvene peê pejeya rei ichupe ja pembo pyaguapy ichupe anichene jaguâ oyepyapyete ipyambyasŷeté rupi. Upévareje che ayeruré peême pejaŷjú yoa yoa jaguâ ichupe. Upearâ voi che arajauca peême cuatia ñeê, ajechacuaa jaguâ pende recocué gui pene kyreŷmba rae opambaerâ. Oime ramo peê peñyrô jague che avei añyrô ichupe. Ja oime ramo peteîva añyrô jague añyrô rae ichupe pende rejejápe Cristo ypype, anichene jaguâ pe mbaepochy ipuaca ñandereje. Ñande voí ndajaei umi oicuaaŷva rejegua iñujâ. Che ayu ramo Troaspe añemoñeê jaguâ Cristo Evangelio gui peteî oké oyepea vaicha ramo yepe cheve Ñandeyára rejeguava, ndapytuúi che ángape ayuju-ŷ-jague reje upepe che reŷi Titope. Upeichape ayepea ichugui cuera ja aja Macedonia cotŷvo. Ja arojory voí Tûpâ Ñandeyárape pe ñane mbopuacájára opa mbae rejeve Cristo rupi tapia, Jae voí omojerâcuâucáva ñande rupi oparupi jyâcuâ pôrâvaicha pe mbaecuaa Jaerupiguare. Tûpâ Ñandeyára ypype voi ñande ñane ryacuâ Cristo umi oñemo marangatupyrâme, ja umi icañŷmbyrâme upeicha avei. Cova peguârâ ñane ryâcuâ teôngue omano jaguâ, umi ambuecuepe ñane ryacuâ recove oicove jaguâ. Ja coambaerâ ¿avápa ipuacáne? Ore vointe! Ore ndajaei umi ambuecue oñemûvaichaguava Tûpâ Ñandeyára Ñeê reje. Ore voi jecoitepegua Tûpâ Ñandeyára gui guaichagua, ja Tûpâ Ñandeyára ypypeguaichagua voínte ore roñeê Cristo rejegua ramo. ¿Roñypyrû yebŷpa roñemombeú guasúvo? ¿Terâpa roicôtevê cuatia ñeê peêmeguârâ orerejegua ambuégui, terâpa pendejegui voi, ore mombeú guasu vaerâ oreve. Pe ore mombeu guasú jára oreve peê voínte. Peê voí cuatia ñeêicha ijaípyré ore pyape vointe, peê peyecuaáva ja peñemoñeêva opa cuimbae rupi. Peê voi peyecuaapyré Cristo cuatia ñeêjá, oñemeêucá vaerâ orerupi, oyejaípyré na jûvapéi, pe Tûpâ Ñandeyára oicovéva Espiritu rupinte, nda itápé rejei, pende pya roó rejeguaichante. Tuvichaitéma yayerovia Tûpâ Ñandeyára reje Cristo rupi, ndaei ore catupyrŷjá ore oreyejegui voí, roe jaguâ roimoâjá recope oreyejegui voi, ore catupyrŷjá Tûpâ Ñandeyára guinte. Upéva voi upeicha avei ore mbocatupyrŷ jembiyocuairâ jemicuameê pyaju rerecuá ramo. Ndajaei voí ñeê umi oyejaíva rejeguava cuatiápe, pe Espiritu rejeguávante. Pe ñeê oyejaípyré oporoyucáva voí, pe Espiritu rejeguava oporomoingoveva yepe. Ja pe ñeê oporoyucáucáva oyejaípyré itá reje, oñemoingo ramo guare, jesâcâ verájápe ndicatui jaguâicha umi Israelŷgua cuera omaê Moises rova reje, overáitégui jová overájá voí opa vaerâ voí ichugui. ¿Upeicharamo mbaéichapa anichene aguei oñembotuvicha vichavé torypape co Espiritu rejegua rerecuájá: Upe oñemeê ramo guare pe ñeê oporomoî vaíva imbaemombeupyrâ rire, tuvichave ñamombeu vaerâ imombeupyrâ jaicha oñemeê ramo guare pe ñeê teco marangatu rejegua. Upe tuvichaite vaecue ja imombeupyrâ yepe, nda tuvichai ja na imombeupyrâi ñamboyoya ramo co mbae tuvichavéva opambae gui reje. Oñembotuvicha rire imombeupyrâicha pe opa vaerâ vaecue, tuvichaitévé vaerâ imombeupyrâicha pe opa ŷ vaerâ. Upeicharamo, rojaârô járeje upeicha vaerâjá umimbae, roñeê pyaguasujápe, ndajaei Moisescha pe omoî vaerâ vaecue jovajoyárâ, umi Israelŷgua anichene jaguâ oyesareco pe opyta rei vaerâ ja opaite vaerâ reje. Iñapytuû voi opyta pytûnguype ja coanga peve yepe avei oico co iyajoŷa voínte opytáva oyajoyáó-ŷ-vaicha oñemoñeêjá ára pe Ñandeyára ñeêngue ymaguare, ja Cristo rupínte voi opyta rei vaerâ upéva. Opaichavevonte coangaite peve oñemoñeêjá ára Moises ñeêngue oi oñemoî vaicha ipya cuera reje co iyajoyá. Opaichavévonte avei jaecuera oñemboyere rire Ñandeyára ndive, co iyajoyá oñemboíne. Ñandeyára voínte pe Espiritu, ja pe Ñandeyára Espiritu oijápe ndipori iyocojarâ. Upévareje opavave ore rová oyeyajói-ŷ-reje overá opytávo Ñandeyára tuvicha ojesape jague, ja iyoguajárarâ roñemoambué pe ore resapéva gui ore resapé sapévévape pe Ñandeyára Espiritu rupi ramo guaicha. Upeareje oñemeê pype oreve co ore rembiaporâ ore royeporiajuvereco jagueicha, ndore pyamîrîri. Nda upeichai voí, ore rojeyaite voí jague reje umi mbaeñemíjápegua ñanemotî jague ja ndo roicoijá reje oporombotabŷva ramo ja no rombo yoparáijá reje Tûpâ Ñandeyára ñeê, rojechaucávonte opambae ipôtijá jechajápe, royejechauca oreyupe voínte opa cuimbae ipya pôrâvape Tûpâ Ñandeyára ypype. Co ore Evangelio oyeyajói ramo jina, oyeyajóinte umi ocañymbyrâ guinte. Umivape voi co ybypóra ruvicha omoypytû iñapytuû cuera ogueroviaŷvapeicha, anichene jaguâ ojesapé ichupecuera pe Evangelio rendŷjá pe Cristo mbuetépyrâ rejegua. Upéva voi Tûpâ Ñandeyára yoguajáeté. Ore catu nda orerejeguai gui no rombojerâcuâi, romo jerâcuânte Cristo Jesus Ñandeyárajá ja ore pene rembiguaijá. Jesús rejejápe. Pe Tûpâ Ñandeyára voi jei ypy vaecue: Co iñypytû jágui tojesapé jendŷ jaguâ. Upéa voínte jendŷ vaecue ñandepyápe ñande resapé jaguâ, yajechacuaa jaguâ Cristo rová reje Tûpâ Ñandeyáraeté voí tuvichaitévéjá. Anga yareco co ñane râcâteŷjá mbayru tuyúguiguápeicha, oyejecháucá jaguâ Tûpâ Ñandeyára guijá pe ipuacajá ipôrâiteva ja na ñandejeguirijá. Rojasa asŷ ramo yepe ndo royeyopŷi eterei yepe; roicôtevê ramo yepe roicovo, ndoai ore pya ybyrupi yepe; ja oime ramo yepe oicóva ore rapycueri, upeicha ramo yepe noreañói; ore royeity ramo yepe ndo ropái gueteri yepe. Rogueraja roicovo tapiá oparupi ore retépe voi Jesús omano ramo guareichagua, icatu jaguâ avei oyejechauca ore retépe Jesús oicovejá, ja ore roicovéva roñemeê tapia royeyucá jaguâicha Jesús rejejápe icatu jaguâ co ore rete omano vaerâme oyejechaucá jaguâ Jesús oicovéjá. Upeicharamo, oico ore pype pe yeyucárâ, ja pende pype oico yeicovérâ. Ja roguerecojá reje ore pyape pe Espiritu pe ogueroviáucáva oreve, oyeé jaicha pe Santa Escriturape: Che arovia, ja upévareje voi añeê, upeicha avei ore roguerovia ja upévareje voi ore roñeê avei. Roicuaa pôrâ voi pe omopuâjaré Ñandeyára Jesúspe, oréve avei ore mopuâ jaguâ Jesú ndive, ja ore mojendá jaguâ pene ndive Jenondepe. Opa âmbae rojasa asy pende rejejápe voi, icatu jaguâ oñemboyoá yoá járeje Ñandeyára pyapôrâ, oimejá gui jetaite oguerojorŷva, ja upeágui oñembo tuvicha vichaitévé jaguâ Tûpâ Ñandeyára. Upévareje ndore pyamîrîri, upegui oyepiro ramo yepe ore apé, upeicharamo yepe, ore pyapy oñembopyajú pyajúvé coê coêvonte. Sapyaminte ja ivevui voi co coangagua rojasa asyjá ja upéa voínte ombyatŷucá oreve mbae pôrâite pojyieté ja tuvicha eterei tapiaguârâ yvape. Ore voi no romaei mbae oyejecháva reje, mbae oyejechaŷva rejente. Mbae oyejecháva sapyaguante voi, mbae oyejechaŷva, umíva tapiaguârâ. Ñande yaicuaa voi co oga ybyarigua oga aoguiguaicha ñane anga ryrú oñembyai ramo, yarecojá Tûpâ Ñandeyára gui ñane rendâgua, nda oga iyapopyrei avavé porupi voí, yaico tapia jaguâ yvagape. Cova co yaicojápe ñane ajô ñaina ja ñande pya yerure ñañemondé yoa jaguâ pe yaico jaguâme yvápe, icatu jaguâ ñañemondé pype, upeicha ani yayeyujú opívo. Ñande voi ñaiméva co ñande roga aoguiguaicha ñane anga ryrupe, ñane ajô asy pojyi eterei, ndajaei ñañemboíségui, ñañemondé yoáse guinte, icatu jaguâ pe ñande roga omano vaerâ moa vaecue oyejea pe tecové iyapyraŷva reje. Pe ñande apojaré co vaerâ voínte, upéva Tûpâ Ñandeyára, upéva voi omeê vaecue ñandeve iyEspiritupe omotenonde ñypyrumbŷrâicha. Upeichape yaicove tapia pya guasu ja kyreŷ rejeve yaicuaavo voi co ñaime aya ñande retepe ñane rendâgua ñane ambuejá yaicovo Ñandeyára renda gui. Yarovia reje voi yaico, nañande resapyso rupiri. Upevareje yayerovia ñande pyaguasu, ja jiâite ñandeve ipôrâve yayerová ñande retégui yaja jaguâ ñane rendâgua Ñandeyára ypype. Upévareje ñañejaâ avei ñane râcâteŷvo ñaiméme ja ñaimeŷme ñambojorŷ jaguâ Ichupe. Tecôtevê voí opavave ñande cuera yayejechácuaávo Cristo imburuvichajápe oñembojecovia jaguâ peteî teîvape jembiapocue oyapo jagueichagua jetépe oicové yave jicuai, ta ipôrâpa rae terâ ta ivaí rae. Upévareje yaicuaa pype Ñandeyára gui oyekyjŷyé vaerája ore rogueroviáucá umi ybypórape. Ore oreyejegui roime Tûpâ Ñandeyára resápe, ja aipota peê avei pende pyapype ore rechacuaa jecópe. Coanga no roñeporanguerecóucáséi yeby oreyupe peême, romeênte peême iya jaguâ peême peñemombeu guasu jaguâ ore rejejápe pereco jaguâ peye vaerâ umi oñemombeu guasuva oyupe voi guaujápe ja nda ipyapŷpei. Sapya ore roñembotarová ramo, Tûpâ Ñandeyára rejejápente racae, ja ore âcâ guapy pôrâ ramo pende rejejápente racae. Cristo rayju voi ore ñatôi, ja roimoâ upeicha peteî omano rire opavavé rejejápe, upeicha ramo opavave omanomba jague, ja Jae omano jague opavave rejejápe umi oicoveva anichene jaguâ oicovévé iyejejápente, oicové jaguânte pe omano ja oicove yeby vaecue jesejápecuera rejejápe. Upeicharamo, ore coanga guive jenondévo ndo roicuaai avavépe ore reco cue guivó cuimbaeicha, ja Cristope yepe roicuaa rire yepe ore recocue guivo, coanga ndo roicuaavéima Ichupe upeicha. Upeicharamo, oime ramo Cristo rejeguava, upéva oñemoña pyajuma vaecue rejegua, umimbae ymaguare coanga opáma, coanga opambae oñembo pyajúpá. Opa âmbae Ñandeyára guiguante. Upéva ore moñyrô iyupe voi Cristo rupi ja omeê oreve jembiyocuaiguaicha pe roporo moñyrô jaguâ. Aiporamo Tûpâ Ñandeyára oi jagueicha Cristo pype omoñyrôvo umi ybypóra cuera iyupe voi imanduave ŷ jaguâ iñangaipa reje, upeicha avei, Jae omeê ore pype iñeê roporo moñyrôjárâ. Upeicharamo, ore jembiyocuai, roñemongueta vaerâ Cristo recoviá Tûpâ Ñandeyára oyerurevaicha ore rupi, upeicha ore royerure peême Cristo rérape Peñyrôkéna Ñandeyárape. Upe iñangaipacuaa-ŷ-vaecuepe Jae oyapo Ichupe angaipavóra ramo ñande rejejápe icatu jaguâ ñande Jesecuera gua ramo yayejecha imarangatuvaicha Tûpâ Ñandeyára ypype. Upeicharamo ore ipytyvôjára Ichupe, royerure peême avei anichene jaguâ reí oñemeê peême Tûpâ Ñandeyára pya pôrâjá. Jae voi jei: Pe oyererojory jaguâ árape rorendu vaecue ndeve, ja pe oñembo jecomarangatu jaguâ árape roipytyvô vaecue ndeve. Coanga voi co ára oyererojory jaguâ, coápe coanga co ára oñembo jecomarangatu jaguâ. Ore voi noromoîri mbaeve oñepysangá jaguâ avave, anichene jaguâ ore rembiapocue reje oñeñeê vaí. Upeicha avei roñejaâite royejaŷjúucá jaguâ Tûpâ Ñandeyára rembiyocuai ramo, roico kîrîrîjâme rojasa asŷjápe, roicôtêvêjápe, royeyopŷjápe, roico tucumbope, ybyracua rogape roico, aybu apyterupi, ore rembiapó pojŷipe, kereŷ rejeve, vareá rejeve, roico ore pya pôtí rejeve, ore mbaecuaa rejeve, ore pyaguapy jápe, ore mbaepôrâ rejeve Espiritu Santo rupi, tayjupape nda guaújápei, roico ñeê añetéguape, Tûpâ Ñandeyára puacajápe, roñemoâ pôrâ pype ore acatuape ja ore asupe ore recoitepe járeje, roico oremombeu pôrâ rejeve ja ore mombeu vaí rejeve, ore rerâcuâ vaí rejeve ja ore rerâcuâ pôrâ rejeve, ja ore rereco ramo yepe oporo mbotabyjára vaicha, ore voí cuimbaéete roñeêva añeteguápe, ja ore rereco ramo yepe oyecuaa-ŷ-vaicha, ore royecuaa pôrâ yepe, roico ramo yepe omano vaicha roicove roicovo yepe, ja roico ramo yepe oñenûpâ vaicha ndo royeyucai yepe, roico ramo yepe ipyambyasy vaicha ore pyarory tapia yepe, ja roico ramo yepe mboriaju vaicha jetape romo mbaererecoja yepe, ja roico ramo yepe ore sogué vaicha roguereco opambae yepe. Ore yuru oyepea jina peême, peê Corintoŷgua, ore roñembo pyá pŷguasú pende rejejápe. Peê nda peyeyopŷi orepyape ipychiîjápeicha, pende pyapype voínte peyeyopŷete pene râcâteŷeté gui. Upeicharamo pembojecovia jaguâ oreve jecopeite (añeê peême che raŷchape) peñembo pyá pŷguasúnte upeicha avei. Ani peyuayu yopará jecoŷme umi ogueroviaŷva ndive. ¿Mbaeichapa oñomboyaone oñondive umi jecopegua ja umi jecopeŷgua, terâ mbaeichapa oñomombae oñondive pe jesâcâva ja pe iñypytûva? ¿Mbaeichapa icatu ombopu pôrâ oñondive Cristo ja pe mbaepochŷ? ¿Terâpa mbaépa oguerecone oñondive pe ogueroviáva ja pe oguerovia-ŷ-va? ¿Ja mbaeichapa oñemoîne oñondive pe Tûpâ Ñandeyára tûpâó ja umi taângá reígua? Ñandecuera voi Tûpâ Ñandeyára oicovéva Tûpâo Tûpâ Ñandeyára jei jagueicha: Arecone che rendâguâ ipypecuera, ja ipypecuera Che aicone aguataja rupi iyerecuevo ja che iÑandeyára cuerane, ja jaecuera Che rejeguane. Upévareje pesê catu iyapytepegui cuera ja peyepea, jei Ñandeyára, ja ani pepoco mbae kyá reje, ja che porerojoryne. Che aicone peême pende Rú ramo ja peêcuera peicone Cheve Che raŷcuera ja Che rayŷ cuera ramo, jei Ñandeyára pe Ipuacaitevéva. Upeicharamo, che rayjupára cuera yarecojá reje coa mbae icuameêmbyré, ñañemopôtí opambae kya ñande roorejegua ja ñande pyarejegua gui, ja ñañe momarangatu icatu jagueicha yakyjŷyéjápe Tûpâ Ñandeyáragui. Ore rerojorŷnte peê. Ndipori avave peêva romoñemyrô vaecue ja avave peêva romomârâ vaecue, ja avave peêva rombotabŷ vaecue. Cova ndaei pomoî vaí jaguâ peême, jaema voi vaecue yma peêcuera pene rendajá ore pyape voi ñamano jaguâicha ja yaicove jaguâicha oñondive. Ayeroviá tuvichaite pende reje ja pomombeu guasu eterei peême, che pya guapyete ja tuvicha tuvichave cherory opa yajasa asyjá rupi yepe. Upe royú ramo guare Macedoniape ndipori ropytuu jaguâ ore caneôgui, opambaepe voi rojasa asŷ vaecue, ocára rupi oime yuabŷ ja ore pyape oime kyjŷyé memeté. Ja Tûpâ Ñandeyára pe ombopyaguapŷva umi ipyacangŷvape, ore mbopyaguapŷ oreve pe Tito yú reje, ja nda iyu reje añointe, ore pyaguapy vaecue avei jei jaguereje oreve jae oñembopyaguapŷ jague pende rejejápe ja jae oicuaauca jague reje oreve pene kyreŷjá ja pende pyambyasy ja pene râcâteŷjá che rejejápe, upeichape cherorŷetevé jaguâ. Pombopya mbyasy rire yepe peême che cuatia ñeê rupi, che nambuasyi coanga, icatu rire yepe ambuasy rae uperamo (ajecha voi pe cuatia ñeê penembo pyambyasy jague peême sapyamiminte). Coanga che rory na pende pyambyasy rei jaguerejei, pende pyambyasŷ jaguerejente peñemóambué mevé: pende pyambyasŷne rae Tûpâ Ñandeyára recopeguaicha, anichene jaguâ pene mârâ mbaeveicharamo ore rupi. Pe pyambyasy Tûpâ Ñandeyára recopeguaichagua omoambuéucá ñandeve ñandereco pe teco imarangatúvarâme, iñambuévé-ŷ-jaguâme, pe pyambyasŷ ybypóra recopeguaichagua ñane reroña ñamano jaguâme. Pejechana covagui voíntejá peêcuera pende pya mbyasy ramoguare Tûpâ Ñandeyára recopeguaicha pene kyreŷete jaguâ ja peñeêcuaá jaguâ pendeyeje, ja peê pende pochŷ jaguâ jecope, ja peê pekyjŷyé jaguâ, ja pende pyayerurete jaguâ ja pene râcâteŷ jaguâ ja peyepy jaguâ. Âmbaepe voi peê peyejechaucápáma pene pôtimbámajá. Upeicharamo pe che jaeuca rire yepe cuatia ñeê rupi ndajaei pe mbaevaí apojaré coty coty, ja ndajaei pe ambue oñemomârâ vaecue rejejápe, oyejechauca jaguâ rejejápente peême vointe pendekyreŷjá ore rejejápeguarâ Tûpâ Ñandeyára ypype. Upévareje ore pyaguapy. Ore pyaguapŷeté ja ore rorŷetevé joryjá reje pe Tito, peêcuera pembopyaguapŷ yoa jaguereje ichupe. Ja pe che pomombeu guasu rire guare ichupe, ndipori añemotî jaguâ upeagui. Opa ore roe vaecue pendejegui añetéjápe voi, upeicha avei pe pomombeu guasu jague peême Titope oyeju añeteguajá. Ja oime iyaé tuvichaitévé pendereje imanduajá reje opava peê iñeêrendu jague ichupe ja perojory jague ichupe kyjŷyé ja pya ryryi rejeve. Che rory ayeroviapaite pendereje. Upeicha avei, che reŷicuera, to roicuaauca peême Tûpâ Ñandeyára ipya pôrâite jague umi Iglesiaŷgua Macedoniapeguape, ja ojasa asŷete ramo yepe pe oñejaâ jaguepe, jetaite jory jicuai, ja iporiajú eterei ramo yepe, na jâcâteŷi eterei jicuai omeêve meme jaguâ ipo yeyopy-ŷ-reje. Che voi amojerâcuâ jaecuera omeê jague icatu jagueicha ja icatuve jagueicha yepe omeê, ja ikyreŷetéve oyerure oreve yepe iya jaguâ ichupecuera pe ipya pôrâ cueragui oipytyvô jaguâ co ore rembiapópe umi imarangatúva rejeguarâ. Jaecuera ndo yapoi pe ore rojaârô jagueicha, upeicharamo yepe iñypyrumbŷ oñemeê raê oyupecuera voi Tûpâ Ñandeyárape ja oreve avei, Tûpâ Ñandeyára oipota járeje upeicha. Upeicharamo romomarandúucá Titope upe jae oñypyrú jagueicha yma, upeicha avei co tembiapo pôrâ oyapopá jaguâ jecope peêmeguarâ avei. Upeareje peêcuera pene mbaepôrâjá reje opambaepe peyeroviajápe, peneñeême, pene mbaecuaape, ja pene kyreŷjápe, ja pe ore rembiaŷjúucápy peême, upeicha avei ta pene mbaepôrâ co tembiapoapó pype avei. Nañeêi che rembiapoucapy vaicha peême, ajechaucasénte pende poraŷjú ndajaeijá guaúnte romboyoyá pype ambuecue kyreŷcue reje. Peê peicuaama voí imbae pôrâja Ñandeyára Jesú Cristo, pende raŷjupápe voi Jae oñembo poriaju jague mbae rerecojá ramo yepe Jae, icatu jaguâ peêcuera upe Jae iporiaju jague reje peyeyapo mbae rerecojá ramo. Coina ape oime peteî mbae che jae vaerâ peême cova catu ipôrâ peêmeguarâ peñypyrú vaecue ymama voí peyapovo upeva, ja upeicha avei pebya eterei peyapojápe pe roŷ ambue guive voí yepe. Ipôrâ coanga avei peyapo jecoitépeve co tembiapóapopŷ ja voíeté pebya jagueicha peyaposévo, upeicha avei peî voíeté peyapo jaguâ jecópe icatu jaicha peême. Upeicha voi ñande kyreŷma guive yayapose voívo co ñane rembiapo, oyererojorŷne iya jaichaminte ñandeve ja anichene iya-ŷ-jaicha ñandeve. Che voí ndaei cova ambuepe ivevui jaguâ, ja peême ipojyi jaguâ, icatu jaguânte coanga guârâ opava peteîcha pene mbae rerecojágui peipytyvô ichupecuera iporiajújápe ja jaecuera imbae rerecojáguima penepytyvô peême pende poriajújápe ja upeichape peico jaguâ peteîcha, oyee jaicha Santa Escriturape: Pe omonoô jeta vaecue ndoguerecoi jembyrâ, ja pe omonoô mboby vaecue ndoguerecoi oicôtevê jaguâicha. Tûpâ Ñandeyárape arojory Jae ombo pyakyreŷjá upeicha avei Titope pende rejejápe. Jae voi avei añetejápe oguerojory pe che rembiapoucapy ja ikyreŷetégui yepe oyejegui vointe ojo pene rendape. Ja romondo jendive upe ñande reŷivape pe imombeuguasu pyré pe Evangelio rejejápe umi Iglesia rejegua oparupiguape, ja nda upevareje añoi, jae voi oñembosacoi vaecue umi Iglesiarejegua gui ore îrûrâ tapérâme rogueraja jaguâ co mbae pôrâ romboyao vaerâ opavape oñembotuvicha jaguâ Tûpâ Ñandeyára voi ja oyejechaucá jaguâ voi pene kyreŷjá. Ore roñejaâ voí anichene jaguâ oremoî vaí reí co romboyaójápe co tûpâmbae, roñejaâvo ore reco pôtí pôrâ jaguâ na Ñandeyára resápe añói umi cuimbae cuera resápe yepe upeicha avei. Romondo avei jendivecuera co ñande reŷivape jeta yeby royuju vaecue ikyreŷjá jéta mbaepe, ja coanga jae ikyreŷetevé yepe, oyerovia tuvichaite gui pende reje. Ja co Tito voi jae che îrûva, ja che pytyvôjára pomboejápe peême, ja umi ore reŷicuera ambuecue avei, jaecuera opava umi Iglesia rejegua rembiyocuai (Apostoles), ja jaecuera Cristo mbotuvichajára. Upeicharamo pejechaucana umi Iglesiarejegua resápe añetejá peporojaŷjujá ja jecopejá co ore pomombeu guasu jague peême ichupecuera. Upe tûpâmbae ñameê vaerâ reje umi imarangatuva peguarâ na tecôtevêi jaéucá mbaeve peême cuatia ñeê rupi. Ajechacuaa voi pene kyreŷjá, co pomombeu guasujá peême umi Macedoniaŷguape, jaevo ichupecuera umi Acayaŷgua oñembosacoi jague voí pe roy ambue guive, ja pene kyreŷngue voi pe oñatôi vaecue jeta ichupecuéravape. Upeicharamo yepe amondo ñande reŷicuerape, anichene jaguâ pe pomombeu guasu jague peême oico guaú ramo co âmbaepe, icatu jaguâ peñembosacoi, jaéucá jagueicha peême, ja anichene jaguâ sapya ou ramo guârâ umi Macedoniaŷgua cuérava chendive ja pende yuju peñembosacoi-ŷ-reje ore roñemotî (ndo roéséi peêcuera upeichajá avei) roñemombeu guasu jague reje. Upévareje jiâ co cheve tecôtevêja amokyreŷvo umi chereŷi cuerape ojo raê jaguâ pene rendape ombosacoíucávo peême pe tûpâmbae peicuameê vaecue, oimbama jaguâ pene remicuameé ramo pende pyaite guive, anichene jaguâ jacateŷjápe guaicha. Cova jae avei pe oñotŷ mbobŷeté vaecue tâcâteŷjápe, mbobŷeté omonoône avei, ja pe oñotŷ vaecue oyuapŷpŷeté omonoône oyuapŷpŷeté upeicha avei. Peênte peteî teîva tomeê jiâ jaicha ichupe ipyápe, ani pyambyasype terâ oyeyopy vaicha. Tûpâ Ñandeyára voí ojaŷjú pe omeêvape torŷjápe. Tûpâ Ñandeyára ipuaca voí ombojeta jaguâ peême opaichagua ipôrâva, icatu jaguâ, pereco pype opambae tapia pene ryvâtâ jaguâicha, pene kyreŷ jaguâ opa tembiapo pôrâme, oyee jaicha Santa Escriturape: Jae omuasâimba, omeê umi mboriajúpe, upeichape jeco pôrângue oico tapiâguârâ. Ja pe omeêva pe iñotŷmbyrâ upe ñotŷjárape ja omeêva avei mbuyape ñane rembiúrâ, upéva omeêne peême pe ñotŷmbyrâ ja ombojeta jetavéne ja omongacuaáne pende reco pôrâ rejeguarâ yva jia pôrâ vaicha, peime jaguâ mbaererecoja ramo opambaepe, pende pyapôrâ jaguâ icatu jaguâ oyejupity orerupi oñembo tuvicha Tûpâ Ñandeyára pyapôrâjá. Royapo pype jecópe co tembiapóapopŷ na añoi ore romoî umi imarangatuva remicôtevêrâ, upeicha avei rojupity Ñandeyára oñemombeu guasu jaguâ jetá rupi. Ja peêcuera pejechauca pype peyapo jague jecópe co tembiapo pe, pemombeu guasúucá Tûpâ Ñandeyárape peêcuera peneñeêrendú jague reje, ja peicuaáucá jague reje peyeroviájá co Cristo Evangelio reje, ja pende pyapôrâite jague reje, peê pembyaty pype oñondive ichupecuera guârâ ja opava peguarâ. Upeicha avei jaecuera oñemboe pype pende reje, ojechauca pende raŷjúete voi, tuvichajá reje Tûpâ Ñandeyára pya pôrângue pende pype. Ñambotuvichá catúké Tûpâ Ñandeyárape pe imeêmbyré imombeu guasucatu pyrâ. Che Pablo ayerure peême Cristo imbaepôrâ jagueicha ja ipya poriajuvereco jagueicha, che avei añete aime ramo pene paûme pende resape, che reco kîrîrî, ja aime ramo mombyrŷnte ndayepoŷjui pendejegui. Upeicharamo ayerure peême anichene jaguâ aime ramo guârâ penendive, aico ayepoŷjú-ŷ-vaicha ayeroviá ramo guaicha ja jiâ ramo guaicha cheve añembo pochy ambuecue reje, umi ore rerecóva roicova ramo ybypóra recopeguaicha. Roico ramo yepe ybypóra voínte, no roñejaâi ybypóra recopeguaicha. Ore rembiporu cuera ore rembiapóapopŷpe nda ybypóra recope guaichai, ipuacávante Tûpâ Ñandeyára rejejápe, rombuai jaguâ mbae imbaraetéva, ja romocañy jaguâ voi umi oyuabyvape oñondive, ja roitŷ jaguâ opa oñembotuvichávape, ja opa opuâvape Tûpâ Ñandeyára remimbaecuaaucá reje, ja royapyjy jaguâ opa jiâva oreve ore pyapype, ore ñeêrendú jaguâ Cristope, ja roñembosacoi jaguâ voi romoî vaí jaguâ opa iñeêrendúŷvape, pene ñeêrendú cue oicoma ramo jecópe. Peê pemaê mbae apé rejente oyejechauca jaicha peêmente. Oime ramo peteîva oyeroviava oyeje voi Cristo rejeguajá, upéva taimandua yeby cova reje avei, oyejegui voínte Cristo rejegua jaicha jae, upeicha avei ore Cristo rejeguajá. Ja añemombeu guasu jeta rire yepe ore puacájá reje, (upea voi Ñandeyára omeê oreve penemboe jaguâ peême ja anichene jaguâ penembuai jaguâ), mo ndiporiche atî jagua, anichene ayejecha peteî oporo monguyjŷyéséva ramo peême che cuatia ñeê rupi. Añetejápe, jei, icuatia ñeê cuera ipojyi ja ipuaca, ja jeté ñande resápe ipitua ja iñeê nda iya catui. Upeva ta imanduá coa mbae reje avei ore puaca jaicha cuatia ñeê rupi ore poreŷ ramo, upeicha avei ore puaca jaguâ ore rembiapo rupi roime ramo roina. Royepoŷjú voi royejeá jaguâ terâ roñemboyoyá jaguâ umi oñemombeu guasúva oyejegui voi reje. Jaecuera voí oñejaâ pype iyupe cuera jaerupi cuera vointe, ja oñembo yoyá pype oyeje vointe na iñâcâ resâiri. Ore voi no roñemombeu guasuvéi chene pe iyámijá gui oreve, pe iya jaichante jecópe, Tûpâ Ñandeyára omeê jagueicha oreve iya jaguâ oreve rojupity jaguâ, iya jaguâ peême avei. Ore ndo royepysóvéi pe iya vaerâ gui oreve, rojupitŷ-ŷ-vaicha pe iyajá peve peême. Pe iyajá peve peême rojupityma voi pe Cristo Evangelio rupi. No roñemombeu guasu-véi pe iya vaerâ gui oreve ambue rembiapocue reje, rojaârôite voi peyerovia roviave járeje peicovo ore roñembotuvichaite jaguâ pende apytepe iyájaicha orevente, romojerâcuâ jaguâ co Evangeliogui umi tenda peimejá gui peê amongotyvé rupi, anichene jaguâ roñemombeu guasu pe ambuepe iya vaerâme pe ombosacoi vaecuegui. Upe oñemombeu guasúva toñemombeu guasú Ñandeyára rupi. Ndajaei upe oñemoî pôrâva oyejegui voínte oyererojorŷ vaerâ, pe Ñandeyára omombeu guasúvante. Mbaeicha tamo? Perokîrîrîmi co che tabycue: oime jaichante perokîrîrî cheve. Che che râcâteŷ pendereje Tûpâ Ñandeyára jacateŷ jaicha ja ameêucá pene ñeê peteîvape pene menarâ, che pomomenda jaguâ petei cuñatâí imârâŷvaicha Cristoreje. Ja akyjŷyé pe mbói ombotaby jagueicha Evape iyaguara recópe, upeicha avei oñemombia jaguâ pende pyapypegua pe pende reco marangatugui ja pe yeroviajá gui Cristo reje. Ou ramo peteîva oñemoñeêva Jesús ambue ndajaeiva pe ore roñemoñeê jague, ja peyopyjy ramo ambue Espiritu ndajaeiva pe oñemeê vaecue peême, terâ pejendu ramo ambue Evangelio ndajaeiva pe oñemeê vaecue peême, peyapo pôrâ perokîrîrîvo ichupe. Añete jiâ cheve mbaevepe na che ambuei jague umi Apostol cuera tuvichaveva gui. Che coŷgua ramo yepe che ñeême, nda upeichai che che mbaecuaa guivo, upéva voi ore roicuaauca porambama peême opambaepe. ¿Ayapopá rae angaipa añemo mîchîme peêcuera peñembo tuvicha jaguâ, rei añemoñeê jague reje peême Tûpâ Ñandeyára Evangeliogui? Che amoñemboi vaecue voi umi ambue Iglesia rejeguape ayapyjy pype ichuguicuera imbaerepy ameê jaguâ peême pene remicôtevêrâ. Ja aime ramo guare penendive ja aicôtevê ramo yepe, namojei avavepe, pe che remicôtevê voi omoî vaecue cheve che reŷicuera ou vaecue Macedoniagui, ja opambaepe añeñangareco anichene jaguâ pomoje peême, ja upeicha añeñangarecone tapiâ guârâ. Cristo ñeê añetegua co che jaéva, che yuru oñemboty-ŷ-vaerâjá añemombeu guasúvo upeicha pe tetâ Acayape opá rupi. ¿Mbaerépa upéva? ¿Nda pojayjújáreipa che? Tûpâ Ñandeyára oicuaa nda upearejéijâ. Co ayapóva voi aina ja ayapo vaerâ tapia ayoco jaguâ umi oyejechacuaaucáséva iya vaicha ramo ichupecuera oñemboyoya orereje añemombeu guasu jápe. Umiva voi tembiyocuai guaúnte ombaapóva oporombotabŷva oñemo ambuévo oico jaguâ Cristo rembiyocuaicha. Ja cova nda jechapyrâi, pe mbaepochy Satanas voínte oñemo ambuecuaá peteî yvapegua ojesapévaicha. Upeicha ndajaei mbae guasu upeva rembiyocuai cuera oñemo ambue ramo avei jecopegua rejegua rembiyocuaicha. Oime voí jendaguâ umiva jembiapocue ojupitúucá jaicha. Che jae yeby ani avave cheapó itabyva ramo: upeicha-ŷ-ramo che rerojorŷnte itabŷva ramo, icatu jaguâ che avei añemombeú guasu jaguâ mîchîmi. Co añeêva nañeêi Ñandeyára recope, itabyvaichante ayeroviaitejá reje, añemombeu guasúvo upeicha. Jetajá reje oñemombeu guasúva ybypóra reco rupi, che avei tañemombeú guasu. Peê pende pya pôrâ gui perokîrîrî umi itabŷraívape, peê pene arandújá reje. Peêcuera voi perokîrîrî, oime ramo ambuecue pende yopŷva jembiyocuai ramo, oime ramo joupa reíva opa perecova, ja oime ramo ambuecue ôguenojêva pendejegui, ja oime ramo oñembo tuvichava pende coty coty, ja oime ramo pende rova oikytîva, peê perokîrîrînte. Coa jae che añemomârâvaicha ramo che yupe ore pitua vaicha ramo. Upeicharamo yepe, oime ramo ipya guasúva (añeê itabyvaicha) covapy vointe che pya guasu avei meme. ¿Hebréopa jaecuera? Che meme! ¿Israelcueravapa jaecuera? Che meme! ¿Abraam rejeguapa jaecuera? Che meme! ¿Cristo rembiyocuaipa jaecuera? (itaby nunga vaicha añeê). Che che tuvichavé ichugui cuera! Che rembiapo jetaitevépe che ayeyocuaiucá Ichupe, ybyrácuá rogape pŷŷîvé che, tucumbo iyapyraŷvape che, oñemanojá rupi jeta yeby. Umi Judio voi cinco yeby chenûpâ vaecue cuarenta nûpâ peteî-ŷ-rejepe. Mbojapy yeby añenûpâ ybyrape, peteî yeby ayeyapí itápe, mbojapy yeby ajasa asy yguasupe, peteî pyjare ja peteî ára avevui gui rei yguasupe aime. Che ayeyocuaiucá Ichupe, tapé ipojyivape jeta yeby aicovo, jeta yeby che mârâ jaguâicha aico yrupi, che mârâ jaguâicha mondajágui avei, che mârâ jaguâicha cherejeguagui voi, che mârâ jaguâicha pytagua gui, che mârâ jaguâicha tetâme, che mârâ jaguâicha umi ñû rupi, che mârâ jaguâicha yguasu rupi, che mârâ jaguâicha che reŷicuera yeroviajá-ŷ-gui. Ayeyocuaiucá Ichupe aicovo tembiapo ja caneô rejeve, jeta keréŷ rejeve, che varea ja cheŷujéi rejeve, jeta caruŷ rejeve, roŷ ja opívo rejeve. Ja opa umimbae rire avei oime vaecue pe che rembiapórâ opa árape añangareco jápe opa umi Iglesiarejeguareje. ¿Avápa ipitua ja che nda che pituáipa avei? ¿Avápa oñemotieŷ ja che nañembo pochŷipa? Tecôtevê ramo añemombeu guasu, tañemombeu guasu che che pituacue guivónte. Upe Ñandeyára Jesu Cristo Tûpâ ja Rú, imombeucatupyrâ tapia guârâ, oicuaa che nda che rereírijá. Oyeju peteî yeby Damascope pe mburuvicha, (pe mburuvicha guasu Aretas recoviá voi), omomañáucá umi Damascoŷgua retâ yere reje che yapyjŷucá jaguâ, ja che añemosaingóucá peteî oga cuára rupi yvategui peteî ayacá guasúpe, ja upeicha añeguajê ipogui cuera che mârâŷreje. Che añemombeu guasu vaerâ ramo yepe, ndaiyai cheve. Upéva reje iyáma cheve añeê jaguâ yajechavagui ñande képeguaré ja umi Ñandeyára oicuaaucá vaecue gui ñandeve. Che aicuaa peteî cuimbae Cristo rejeguape oyapoma catorce años oyereraja jague yvape mbojapy jendapeve (ndaicuaai jeté rejevepa rae terâpa jetéŷ rejeve rae ndaicuaai avei, Tûpâ Ñandeyára mante oicuaa upéva). Aicuaa upe cuimbaepe (jeté rejeveparae terâpa jetéŷ rejeve che ndaicuaai, Tûpâ Ñandeyára mante oicuaa upéva), oyereraja jague pe Paraísope ja ojendu jague ñeê imombeupyrâŷ iyaŷva ñande cuimbaepe yae jaguâ. Covagui voi añemombeu guasuta. Cheyejegui voí mbaevepe nañemombeu guasu moai, che pituágui añonte tañemombeu guasu. Upévareje sapya añemombeu guasuse ramo yepe, nda che tabyi chene upeicharamo, jaene voi añetegua. Coápe tapoí, anichene jaguâ avave che mbotuvichavé pe ojechávagui chepype, terâ ojendúvagui chejegui, ja anichene jaguâ añembo tuvicha eterei umi mbaéetá oyecuaaucá vaecue cheve reje. Oñemeê cheve ñûatîcha che roópype, peteî Satanás mbaepochy remimbou ramo, che pichâi jaguâ, anichene jaguâ añembo tuvicha jecoŷme. Upevareje mbojapy yebŷ che ayerure Ñandeyárape toyeíte reje chejegui âmbae, ja Jae jei cheve: Ipôrâma ndeve che pya pôrâjá. Pe puacajá oñembo puacaitévé voi ipituájápe. Upevareje che pya apyte guive añemombeu guasu che pituájá rejeve icatu jaguâ Cristo puacajá che moâmba. Upevareje che abyá che pituá rejeve, che aó jápe, che remicôtevême, añeguajêpá rupi, ayeyopŷetéjá rupi Cristo rejejápe. Che pituá ramo che, upeicha ramo, che puaca upepe. Ayeyapo itabŷva ramo añemombeu guasúvo upeicha. Peêcuera voí pe che chemuañá muañánte. Che añemombeú guasuucá vaerâ moa pende rupi. Mbaeveicharamo voí che na che mîchîvé umi tuvicha vichavéva Apostol cueragui. Che yejegui voínte che mbaeve. Opaichavévo añetejápe umi jechapyrâ ojechaucáva Apostoljá oyeyapo vaecue pende apytepe che pya rôsâme, mbae jechapyrâ ja mbae jecharâmômbyrâ ja mbae guasu rejeve. ¿Mbaepépa oime ore poreroyrôvé jague umi ambue Iglesiaŷguagui, che pomoje-ŷ-jague peêmente. Peñyrô cheve pomomârâ rire peême upea guivo. Coina ape añembosacoi aina aja jaguâ mbojapy yeby jápe pene rendape; upeicharamo yepe napomoje moai peême. Che nda jecai chene pene mbaerepy, peêmente pojeca che. Nda iyái umi taŷra cuerape oñongatu jaguâ mbaerepy ituvacuera peguârâ, umi túva cuera itaŷra cuera peguârânte. Che cheyejegui che pyá apyteguive mo ayarópá, ja ayeyarópá pene anga cuera rejejápe. Ja che pojaŷju tuvichaite ramo upeicha, ¿che jayjúpyrâ mîchîve vaerâpa? Upeicharamo yepe, che nda poyopŷ etei peême. Che cheñeêcuaá rupinte, yeco, aico catu penendive mbotabŷjápe. ¿Añemombaépa rae che yupe voi pendejegui peteîva rupi umi che remimbou pene rendape? Che ayerure Titope pene andu jaguâ ja ambou jendive pe ñande reŷiva ambuepe. ¿Terâpa oñemombaé rae oyupe pe Tito pendejegui? ¿Ndo roicoipa rae oñondive oyopyape ja oyopŷpore ári? Yma guive voi peê peimoâ roñemoi pôrâsejá penendive Tûpâ Ñandeyára ypype voi, ja Cristo rejegua ramo roñeê roina ja royapo opa âmbae, ore rayjúpára cuera, pende puacávé jaguâ reje jápente. Che akyjŷyé voi âguajê ramo guârâ nda poyujúiche jaguâ che aipota jaicha, ja peêcuera cheyujú jaguâ cheve peipota-ŷ-jaicha peê. Akyjŷyé oime ramo guârâ pende apytepe oyuabŷjá, jaeséntejá, ipochŷjá, oyuaójá, oporomoî vaíjá, ja iñeêséjá, ja oñembobújá, ja iyaŷbújá, ja akyjŷyé ayeby ramo guârâ Tûpâ Ñandeyára che reroyrôucá jaguâ pende apytepe, ja oime jaguâ aroyajeojá jeta jecocue angaipavóra rejeguape oicoséva reje ja oñembo jeco ambue-ŷ-vaecue jecópe mbae kya ja jembiapo tieŷva ja otîŷva oico jague gui. Co mbojapy yebyjápe ajase pene rendape. Oyee voi: Mocoî ja mbojapy jechajaré yurúrupi oñemoañete vaerâ opa ñeê. Jaéma vaecue peême ymá ja coanga voi jae yeby jae jagueicha peême, aime ramo guare penerendape pe mocoî yebyjápe guare, ja coanga aime-ŷ-me pomomarandu yeby peême jaéucávo umi jecocue angaipavóra rejeguape oicosévape, ja opa umi ambuecuepe avei che aja yeby ramo ndaporeyá reiri jaguâ peême, peê pejeca voi járeje oyecuaáucá jaguâ Cristo oñeêjá che yuru rupi. Upéva voí nda ipituái pende rejejápe, ja ipuacaite pendepype. Jae oñemoî rire yepe curusu reje oñembo pituá reje, upeicharamo yepe Jae oicové Tûpâ Ñandeyára puacá rupi, ja ore avei roñembo pituá Jesegua ramo, opaicha ramo roicovéne Jendive Tûpâ Ñandeyára puaca rupi penendive guârâ. Peñejaâ pende yupe voínte yajecha peimepa yeroviajápe jecopeguápe. Peyejechacuaa pendeyupe voínte. ¿Nda peicuaaipa pende yejegui voínte Jesú Cristo oijá pende pype, pende reco-ŷ-va-ma guive peê. Che ajaârô peêcuera pejechacuaa jaguâ, ore ndajaeija jecoŷva rejeguáva. Ja roñemboe Tûpâ Ñandeyárape anichene jaguâ peê peyapo mbaeve ivaíva, ndajaei ore royejecha jaguâ ore reco pôrâjá, peyapo jaguânte peê ipórâvarânte voi, ore roico ramo yepe jeco-ŷ-rejegua vaicha. Mbaeve voi ndicatui royapo pe Ñeê añetegua coty, pe Ñeê añetegua rejejápente. Upevareje ore rorŷ ore ore pituajá ja peêcuera pende puacájá. Upearejeve roñemboe pendereje peñembo jecomarangatu jaguâ. Upevareje arajauca peême co cuatia ñeê rupi che poreŷme, anichene jaguâ pomongueta pojyi peême che aimeme penendive, Ñandeyára che mombaeguasu gui aporo mombaraete jaguâ ja anichene jaguâ aporombuai. Coanga jembŷma cheve jae jaguâ peême, che reŷicuera, pende rory jaguâ peñembo jeco pôrâ jaguâ pene kyreŷ jaguâ ja pende pya yoyá jaguâ peteîcha ja peico pôrâ jaguâ oñondive kîrîrîjáme. Ja Tûpâ Ñandeyára ñane mboayjújára ja ñane mbopyaguapŷjára oicone penendive. Peñomomaitéi oyupe peyoyurúpytévo imarangatúvaicha. Umi imarangatúva cuera coapegua pene momaitéiucá peême. Ñandeyára Jesú Cristo pya pôrângue ja Tûpâ Ñandeyára poraŷjú ja pe Espiritu Santope oyorerecuajá toico opavave penendive. Amen. Che Pablo Apostol, na tembiyocuai cuimbae guivo guarei, ja na cuimbae rupi guarei, Jesu Cristo rupinte guare, ja Tûpâ Ñandeyára pe Túva rupinte guare, upe omoingove yeby vaecue Jesúspe umi omano vaecue paûgui, ja opa umi che reŷicuera oiva che ndive romomaiteiuca umi Iglesia rejegua Galaciapeguape. Ta pene mbopyapôrâ ja ta pene mbopyaguapyete peême Tûpâ Ñandeyára, pe Túva, ja Ñandeyára Jesu Cristo avei, upe oñemeê vaecue oyupe vointe ñane angaipa reje ñande repy jaguâ ñandeve coa coangagua ybypóra reco vaí apytegui, co Tûpâ Ñandeyára ñande Ru rembipota rupi. Imbuete guasu pyrâ Jae. Amen. Ajecharâmôite aina peêcuera voíete coicha pevámajá pe Cristo ipyapôrâjárupi penerenôijarégui, peico jagûa peteî Evangelio iñambueva rupi. Ndaei oimejá ambue, oimente peteîva penemuanguecoiva ja omoambueséva Cristo Evangelio. Sapya ore yepe terâ peteî yvapegua yepe romojerâcuâ ramo ambue Evangelio pe ore remimojerâcuâ gui peême, toroico mbaepochy retâme guârâ. Co roe jaicha, tae yebynte, oime ramo omojerâcuâva ambue Evangelio pe pomboe jague gui, toico mbaepochy retâmeguârâ. ¿Coángapa ayeyeroviaucá aina cuimbaepe, terâpa Tûpâ Ñandeyárape? ¿terâpa añejaâ ayapichyvo umi cuimbaepente? Sapya ayapichy ramo gueteri umi cuimbaepe, mo ndajaei che Cristo rembiyocuai. Taicuaauca pôrâ peême, che reŷicuera, pe Evangelio, che amojerâcuâ jague che yuru rupi voi, ndajaeijá cuimbae recopeguaichagua, ndajaei voi cuimbae gui oñemeê vaecue cheve ja na cuimbaei chemboe vaecue jese, Jesu Cristo vointe oicuaauca cheve jecópe. Peêcuera pejenduma neracae che recocuegui che Judio reŷi ramo guare gueteri, che amuanguecói jague amoñávo icatu jagueicha umi Tûpâ Ñandeyára Iglesia rejeguape, ja añemoñañá jague jesecuera. Ja che che tenonde vaecue voi jeta che îrû cuera che rejegua cuérava gui che râcâteŷ jague Judio reco reje, che che râcâteŷvé voí umi ambuecuegui ore rú ymaguare remimboeucácué reje. Ja jiâ ramo Tûpâ Ñandeyárape, Upe che poravó vaecue cheve che sŷ rygue guive voi, ja che renoi vaecue ipyapôrâ rupi, jiâ ramo Ichupe omboyeju pe Táyrape cheve che pyapype, amojerâcuâ jaguâ Ichugui umi pytagua apytepe, upevove che namonguetai joo ja juguŷvape, ja ndajai yepe Jerusalempe umi Apostol vaecue che mboŷve guare rendape, ajante vaecue Arabiape, ja upegui ayeby pyaju yeby Damascope. Ja uperire mbojapy roŷ jápe aja Jerusalempe añemongueta jaguâ Pedrope, ja aime jendive quince ára peve ja mavave umi ambuecuera Apostolpe ndajechai, pe Jacobope añonte Ñandeyára rybype. Ja co cuatia ñeême co che aicuaaucáva peême Tûpâ Ñandeyára ypypeguaicha añeê, nda che rereiri. Upegui aja Siria pe Cilicia retâ rupi. Ja nda che cuaai jesa rupi umi Iglesia rejegua Judeapegua. Jaecuera ojendu mante racae oyee jague: Upe ñane moñajaré, coanga omojerâcuâ pe yaroviajá upe jae oñemo ñañá jague yma. Ja jaecuera ombuete Tûpâ Ñandeyárape che rejejápe. Uperire catorce años pajape aja yeby Jerusalempe Bernabe ndive ja arajá Titope avei che ndive. Che aja voi oyecuaauca jaguereje cheve Tûpâ Ñandeyára gui co vaerâ vointe, ja amombeu ichupecuera co Evangelio che añemoneêjá umi pytagua apytepe. Umi jerâcuâvévape amombeu jaeñojápe anichene jaguâ añejaâ rei, ja anichene jaguâ mbaeveterâ ja reí añejaâ jague ŷma. Ja pe Tito oi vaecue chendive Griegova voi ramo yepe, jaecuera noicôtevêi catuetei jae oñemongaraíucá jaguâ jaecuera oyepocuaa jaicha. Oime voi oñejaâ vaecue upearâ umi jeŷicuera guau rupi oñemoingue vaecue ñemîjame omaña jaguâ orereje pe ore reco pyaju reje ore Cristo Jesus rejeguava guivo, ja ore yocoucá jaguâ oreve tembiguai ramo vaicha. Umivape voi nore neíri sapyami yepe, ore roñemoî jaguâ ipoguŷpe, pe Evangelio jaeeteva opyta jaguâ jecópete peêmeguarâ. Ja umi jiâ vaecue oreve icatuvéva ramo, umivagui voi namboyejui mbaeve. Mbaepa rae jaecuera yma mbaevete cheve. Tûpâ Ñandeyára voi nomaêi cuimbae apé reje. Cheve voi umi jerâcuâvévaicha na chemboei mbaeve ipyajúva reje. Upea rangue ojecha ramo oyeyeroviáucá jague cheve che pope amojerâcuâ jaguâ pe Evangelio umi Judio eté-ŷ-vape, Pedrope iya jagueicha oñemoneê jaguâ umi Judioetépe, ja Upe Pedro atôijaré oyocuai jaguâ ichupe Apostolrâ umi Judioeté rejejápe, che atóijá avei cheve umi pytagua rejejápe, ja ojechacuaa ramo ipya pôrâ jague cheve Ñandeyára upearâ voí, uperamo Jacobo ja Pedro ja Juan, umi oyerereco vaecue tuvichaiteva, omeê ipo iyacatuapegua cheve ja Bernabepe oyoerecuarâ jendivecuera ore rojo jaguâ umi pytagua rendape, ja jaecuera oyeói jaguâ umi Judio etévape. Jaecuera oyerure añónte oreve ore mandua jaguâ umi iporiajuva reje ja upeva voínte pe che kyreŷ meme ayapo jaguâ. Uperire ou ramo Pedro Antioquiape, che añemoî jese ambojovaivo jese, jae voí oyaby jaguereje. Sapya ou mboyve peteîva Jacobo rendagui, jae ocaru vaecue umi pytagua ndive, ja jaecuera ou rire jae oyepea, ja omojaeño okyjŷyé jague reje umi Judioeté rejegua gui. Ja umi Judio ambuecue avei oguerokîrîrî jendive pe jovamocoîjápe. Ja pe Bernabe yepe oñembo jecovaí avei pe tová mocoîme. Ja che ajecha ramo ndoicoi jague jecópe pe Evangelio reco rupi, che jae Pedrope opavave renondepe: Nde Judiova reico ramo pytagua recópe Judio reco rendaguepe, ¿mbaeichapa icatune rembo judio umi pytaguape? Ñande Judioetéva, ja na angaipavóra pytagua rejeguavai, yaicuaa pôrâ umi cuimbae noñemopôtírijá oyapo-já-reje jecópe Moises ñeêngue, Jesu Cristo reje oyeroviajá rejente. Upeicharamo ñande avei yayerovia Jesu Cristo reje ñañemopôtí jaguâ yayeroviajá reje Cristo reje, ja na Moises ñeêngue yayapo jague rejei. Pe Moises ñeêngue oyapo jague rupi jecópe avave ybypóra naipôtíchene voi, ja ñande ñañejaâ pype ñañemopôtívo Cristo rupi, yayeju ramo angaipavóra recova gueteri, ¿upevarejépa Cristo ñanemo angaipa jára? Mbaeveicharamo! Umi mbae che ambuai vaecue yma, amopuâ yeby ramo umiva yebynte, che voínte añemoingo jembiapo vaíva ramo. Che voi Moises ñeêngue rupi aico omano vaecueicha Moises ñeênguegui anga aicove jaguâ Tûpâ Ñandeyára rejejápe. Cristo ndive voi añemoî curusu reje, ja aicove ramo yepe nda che vémai, Cristo pe oicovéva che pypente, ja co che recove coanga che retérejegua aicové ayeroviajápe Tûpâ Ñandeyára Raŷ reje, pe che rayju vaecue, ja oñemeê vaecue iyupe che rejejápe. Che voi namboykei Tûpâ Ñandeyára pya pôrângue chendive guare. Icatu ramo yajupity ñane marangatu jaguâme Moises ñeêngue rupi, upeicharamo Cristo mo omano rei rae. Peê Galaciaŷgua pendetaby peê! ¿Avápa oñembopayé raene penembo tabŷvo. Pende resápe voi oyecuaauca pôrâite Jesu Cristo oñemoî jague curusu reje. Cova año aicuaase pendejegui. ¿Pejupitypa rae pe Espiritupe pe Moises ñeêngue peyapo jague reje jecópe terâpa perovia jague reje pe pejendu vaecue? ¿Mbaeichapa pende taby peê? Peñepyru pype rae Espiritu rupi, ¿coángapa peñemo marangatuse ybypóra reco rupi? ¿Jeta pejasa asy rei racaepa? (icatu nda reiri chene rae yepe). Upe omeêjaré peême pe Espiritu ja oyapojare jechapyrâ pende apytepe ¿oyapopa rae, Moises ñeêngue pembuaye jague reje, terâpa perovia jague reje pe pejendu vaecue? Pe Abraam oyerovia jagueicha Tûpâ Ñandeyára reje, ja pe iyerovia jague opytá ichupe imarangatu reco ramo, upevareje peicuaana umi oyeroviava umiva Abraam raŷetejá, ja pe Santa Escritura gui icatu voi oyecuaa yma guive voi Tûpâ Ñandeyára omopôtí jaguâ umi pytaguape yerovia rupi. Iñypyrumby voi omojerâcuâ Abraampe jeivo: Nderupi oñemo mbae pôrâ vaerâ opa tetaŷgua. Upeicharamo yajecha umi oyeroviava oñemombae pôrâ vaerâjá pe Abraam oyerovia vaecue ndive. Opa umi Moises ñeêngue rei rejegua opyta ñeê moîvaíjaré guype. Santa Escriturape voí oyee: Imombeuvaípyrâ opa ombuaye ŷ vaerâ jecope tapia ja oyapopa ŷ vaerâ opambae pe Moises ñeêngue cuatiapeguare. Yaicuaa voi pe Moises ñeéngue rei rupi avave noñemópôtiri jaguâ Tûpâ Ñandeyára ypypeguârâicha, oyeéjá reje voi catuetei pe imarangatuva jecopegua oicove vaerâja oyerovia reje. Pe Moises ñeêngue voi nda yeroviava rejeguai, oyeénte pe oyapova umimbae oicové vaerâjá avei umimbae rupi. Cristo voi ñande repŷ vaecue pe Moises ñeêngue ñane moîvaí vaerâ guy gui, oñemoî vaí pype oyeje ñande rejejápe. Oyee voí Santa Escriturape: Imombeuvaípyrâ oimeraêva oñemosaingo vaecue ybyrá reje. Ja cova oyapo ojupity jaguâ umi pytagua Jesu Cristo rupi upe Abraam oñemo mbae pôrâ jague, icatu jaguâ yayeroviajá reje oñemeê ñandeve pe Espiritu pe icuameêmbyré. Che reŷicuera, che añeê cuimbaeicha. Oime ramo yapyta jâtâjá oñeñeême cuimbae guio gua ramo yepe, ñameêma guive ñaneñeê jecópe, avave ndicatui omboyke rei terâ omboyuapy mbae ambue. Ja Abraampe oyee vaecue umi mbae oñecuameê vaecue ja pe jeŷipe. Jae ndeiri: Umi jeŷi cuerape, jetava ramo vaicha, peteî rejente jei: Ja nde reŷipe; upéva voí Cristo. Cova che jae, upeicharamo, upe ñeê omeê jâtâ vaecue Tûpâ Ñandeyára ndo pyta reíri pe Moises ñeêngue rupi oyee vaecue cuatro ciento treinta años jápe omboyke jaguâicha pe oicuameêmbyre. Ñande yajupity ramo iyaraicha pe ñañemo mbae pôrâ jaguâ Moises ñeêngue rupi, upeicha ramo ndajaevemai pe oicuameê jaguegui. Ja oicuameê jague reje vointe, Tûpâ Ñandeyára oñembopyapya Abraam ndive. ¿Mbaerejepa upeicharamo, oñemoingo racae Moises ñeêngue? Upéva oñemoingo vaecue imboyoapyrâ umi opiaseva peguârâ, ou peve pe Jeŷi oñecuameê jaguepe, ja umi tembiapoucapy oñemoingo jecope yvapegua rupi peteî omopaûjara pope. Ndicatui oico imopaûjara oijape peteî añonte, ja Tûpâ Ñandeyára peteînte voi. ¿Oñemoîpa, upeicharamo, Moises ñeêngue Tûpâ Ñandeyára oicuameêmbyre reje? Mbaeveicharamo. Pe Moises ñeêngue oñemeê rire mbae icatu vaerâicha ñanemoingove, upeicharamo, añete mo rae pe teco marangatú oico Moises ñeêngue rupi. Pe Santa Escritura ombotŷpa opavavepe angaipa guype, icatu jaguâ pe icuameêmbyré oñemeê jaguâ umi ogueroviávape oyeroviajá reje Jesu Cristo reje. Oico mboyve co yerovia reco ñañe nongatu vaecue iñapytîjápeicha Moises ñeêngue guype, ja ñañembotŷ oyejechauca ramo guârâ pe yerovia reco oico vaerâ vaecue. Upeicharamo pe Moises ñeêngue oico ñande rerecua vaecue, ñande reraja jaguâ Cristopeve ñañemopôtí jaguâ yayeroviajague reje. Ja oumaja reje pe yerovia reco na ñaimevémai ñande rerecua poguype. Opavave voínte Tûpâ Ñandeyára raycuera peyerovia jague reje Cristo Jesu reje. Opa pende carai vaecue Cristo rejeguarâ, oñembo Cristo recoma vaecue, ndiporijá Judiova, ja ndiporijá Griegova, ja ndiporijá tembiguaiva, ja ndiporijá tembiguaiŷva, ja ndiporijá cuimbaeva, ja ndiporijá cuñáva, opavave peteîchante Cristo Jesús rejegua cuerama guive. Ja peêcuera Cristo rejegua cuérava ramo, añetete peê Abraam reŷi cuérava, ja oñecuameê jagueicha, peê peñemombaéma mbae yáraramo. Cova che jae avei, pe ituva mbae yara imitâ aya mbaeve ndoicoêi pe tembiguai gui, jae ramo yepe opa mbae yárarâite. Jae oi jerecua ja iñangarecojára poguype ôguajê meve jiára ituva jei jaguepe. Upeicha ñande avei ñane mitâ aya yaico vaecue tembiguaicha ybypóra cuera rei reco tabŷ rupi. Uperire ôguajêma ramo jiára, Tûpâ Ñandeyára ombou Tayrape, peteî cuña oñemoña jague, ja oñemoî vaecue Moises ñeêngue guype, Jae ojepy jaguâ umi oivape Moises ñeêngue guype, yayejechacuaa jaguâ itayra raicha voi. Ja itaŷrajá reje voí peê Tûpâ Ñandeyára ombou pe Tayra Espiritupe oike jaguâ pende pyape, ojenoîvo: Abba! Taita! Ore Ru! Upeicharamo ndajaevéima peê tembiguai, itaŷrantema; ja itaŷra ramo, upeicharamo avei, mbae rerecojá yárarâ Tûpâ Ñandeyára rupi voi. Ymaguare nda peicuaai jague reje Tûpâ Ñandeyára jaetévape, peyeyocuáiucá umi Tûpâ Ñandeyára jecopeguaŷme. Coanga peicuaama ramo Tûpâ Ñandeyárape (yaemo pôrâve jaguâ pendecuaama ramo Tûpâ Ñandeyára peême), ¿mbaeichapa peyere pyajú yeby umi itabŷraíva ja iñatêîva recópe, peyerese jaguâme peyeyocuáiucá yebyvo tembiguai ramo. Peê pemboarete umi ára, ja umi yasy, ja umi ára ñemanduajá, ja umi roŷjá ára. Che akyjŷyé voi penderejejápe ambaapo reí jague. Ayerure peême, che reŷicuera, cheicha jaguâ, che peêichaguante avei járeje. Mbaevepe na che momârâi rae peê. Peêcuera voi peicuaa che rete resâi catu ŷ me che añemoñeê pe Evangeliogui peême iñypyrumby. Ja peê nda pe cheapoi mbaeve-ŷ-va ramo, ja na che reroyrôi rae pe che pichâiva reje che retépe, peteî Ñandeyára remimboúcha peê che rerojory voí raé ja Cristo Jesúspe guaicha yepe. ¿Moopa oime, upeicharamo, pende reco ory jague yma? Che aicuaauca voi pendejegui icatuete rire peyapo peê, mo penôjê rae pende resa voi pemeê jaguâ cheve. ¿Añemoingopa rae pene ñamotareŷjára, upeicharamo, añeê jague reje añetegua? Oime voi pende yapichŷva peême ja na ipôrârâi yepe. Upea rangue umiva pene mombose ocápe, peêcuera peyapichy jaguâ ichupecuera. Iporâ catu etei yayapichy ipôrâ vaerâ rejejápe tapia, naichene, che aime ramo pene ndive añó voínte. Che raŷcuera mimi, añejaâ yeby aina pende rejejápe cuña imembyrávaicha oñemoña meve pendepype pe Cristo recoite. Aime tamo coanga penendive arová jaguâ che ñeê. Acañŷ apytávo pende rejejápe. Anga peyente cheve peê peicoséva Moises ñeêngue rejegua ramo ¿napejenduipa rae Moises ñeêngue voi? Oyee voi Santa Escriturape Abraam oguereco jague mocoî taŷra, peteî pe jembiguai cuñáva gui ja pe ambue pe cuña jaéaéva tembiguai rejeguaŷva gui. Pe tembiguai memby oñemoña vaecue ybypóra rei reco rupi, pe jaéaéva tembiguai rejeguaŷva memby oñemoña vaecue pe Ñandeyára remicuameê rupi. Âmbae che jae guaujapente. Coa mocoî cuña umi mocoî oñoñeê oñomeê jagueicha. Pe peteî añete pe Sinai itá atyra guasupeguare oñemoña ichugui tembiguairâ, upéva Agar. Pe Agar voi jae Sinai, pe itá atyra guasu Arabia pegua, ñamboyoya vaerâ co Jerusalem coangagua reje, co oicóva tembiguai ramo ambue po guype imemby cuera rejeve. Pe Jerusalem yvapegua jaéaénte na tembiguai rejeguai, upéva opavave ñande sŷ. Oyee voi Santa Escriturape: Nde rory, nde cuña, ne membyŷva na nemembyrávái: Esapucai torypape, nde reñaaŷva ne membyrájápe. Jetavé voi vaerâ imemby pe ityreŷva pe imenáva gui. Peê voi, che reŷicuera, pe Isaaccha taŷra cuera icuameêmbyre. Ja uperamoguareicha pe oñemoña ocára vaecue omoña omomboi oicóvo pe Espiritu rupi oñemoña vaecuepe, upeicha avei coanga. ¿Anga mbaépa oyee Santa Escriturape: Emombo ocápe pe tembiguai imembŷ rejeve. Mbaeveicha ramo ndoicoichene oyoerecua ramo pe tembiguai memby pe jaéaéva tembiguai rejeguaŷva memby ndive. Upevareje, che reŷicuera, ndajaeijá reje ñande pe tembiguai memby, pe jaéaéva tembiguai rejeguaŷva membŷnte, yayepoi jague reje Cristo rupi voi ñande ae jaguâ co ñande reco tembiguai rejeguaŷvape, upeicharamo, peime jâtâkena peê, anichene jaguâ peyeyopy yeby tembiguaicha. Che Pablo voi jae peême peñemongaraí ramo Judio recope, Cristo ndicatui, upeicharamo, pene mombae mbaeveterâ. Ja coanga yeby aicuaauca opa cuimbae umi Judio reco rupi oñemongaraipyrépe, umiva voi iyocuaipyrâmajá oyapopá jaguâ jecoitepe catuete pe Moises ñeêngue. Peê pepoimanerae Cristogui, peê pe Moises ñeêrupi pene mopôtíseva, peê pecúima nerae Ñandeyára pyapôrâjágui. Ore voi nda upeichai. Ore voi rojaârô pe Espiritu rupi rojupity roñemopôtí jaguâ royeroviajá reje. Cristo rejeguama guive ñande, ndeisei mbaeve ñande caraí jague Judio recope, ja ñande carai ŷ jague avei Judio reco rupi, pe iyajá catu yayeroviajá ñaneatôiva ñande yajayjújá rupi. Peê peñaní pôrâ vaecue peina. ¿Avápa pende yoco rae, anichene jaguâ perovia jâtâ co Ñandeyára ñeê añetegua? Co peyereroviáucá jague ndajaei upe penerenôijaré gui guare. Mîchîmi pe mbuyape mbobújára ombobúpá pe iñakŷmbyré. Che voi ayeroviá pende reje Ñandeyára rupi peê nda peyuabyi jaguâ chejegui coambaepe. Upe pene muanguecóiva mante, upéva voi oyeyopy jâtâ vaerâ, ta jae jaeva. Ja che, che reŷicuera, añemoñeê ramo gueteri coa Judio ñemongarai recoguare gui, ¿mbaerepa ajasa asy gueteri che mombóijára gui? Upeicharamo oñemboŷkéma nerae pe ñepysangájarâ pe curusu rejeguare. Mbaeichatamo oñemboípá rae umi pene muanguecoijaré. Peêcuera, che reyicuera, peñejenoîne rae pende ae jaguâ co tembiguai rejeguaŷva recope. Upeicharamo yepe, anichene peico co pende ae reco rupi peñemoñañá jaguâ ybypora rei reco rupi, peyeyocuáiucá oñoembiguai ramo peyojayjújápente. Opa Moises ñeêngue oñembyaty co ñeê peteîmente: Pejayju vaerâ nde rapichape ndeyupe guaicha. Upeichaŷramo peyosuu ramo ja peyoú ramo oñondive, chake peñeñangarecoke, ani peñomombáite. Cova che jaeva, aiporamo, peiconte pe Espiritu reco rupi, ja, upeicharamo, na pembuayei chene pende reté rei reco rejeguape. Pe ñande rete reco rembipota oyuaby pe Espiritu reco rembipota gui, ja pe Espiritu reco rembipota oyuaby pe ñande reté reco rembipota gui, umiva oñomoî oyueje voi, ja upeagui oime ramo yepe peyaposéva, ndicatui voi peyapo. Peñeñatôi ramo pe Espiritu rupi na peimei Moises ñeêngue guype. Pe Espiritu gui yajupitŷva mboraŷjújá, pe torŷjá, pe pyaguapŷjá, pe ñarokîrîrîja, pe pyapôrâjá, pe mbaepôrâjá, pe yeroviájá, pe pochycuaaŷjá, pe oyererecocuaájá. Coambae pôrâ reje ndipori pe Moises ñeêngue gui omboya vaerâ. Umi Cristo Jesus rejegua jicuai omoî vaecueicha curusu reje pe jeco ybypóra rejegua jembipota rejeve ja ipya yerure rejeve. Upeicharamo, yaicove ramo Espiritu rupi, ta yaico avei Espiritu rupi. Ani ñandesénte ñañe mombeú guasúvo ñande yupe vointe, ani ñañombopochy oñondive, ani ñaño râcâteŷ rei oyoeje. Che reŷicuera, oime rire cuimbae oyeyapyjy vaecue jembiapo vai yave, peêcuera Espiritu rejeguava pembo jecopôrâ yeby ichupe pende pya oñyrôvape voi, ja pene mandua pende yeje voínte, anichene jaguâ peê avei peñembo jecovaí. Peñopytyvô umi mbae ipojŷivape, ja peyapo jecópe upeicharamo, Cristo ñeê. Oimeramo peteîva oimoâva jae mbaejá jae mbaeveŷjápe, jae vointe oñembo tabŷ oyupe. Upeicharamo, peteî teî tojecha pôrâ jembiapoapy, yajecha oípa jecópe, ja upeicharamo, oguerecone oñemombeu guasu jaguâ jecópe iyejegui añonte voi, ja na ambue guiri. Peteî teîva oguero puaca jaeño vaerâ pe mbae ipojŷiva iyáva ichupe voí. Pe iñemboépyré Ñandeyára Ñeê rejeve, toguerojory opambae pôrârâme pe imboejarépe. Anichene peñembo taby. Tûpâ Ñandeyára na imboyarúpyrâi. Oimeraêva mbae ñañotŷva, upéva voi ñamonoô vaerâ avei. Upe oñotŷva jeco ybypóra rejeguarâ, upe jecocue gui voí omonoô vaerâ oñembuai jaguâ. Upe oñotŷva Espiritu reco rejeguarâ, pe Espiritu reco rejegua gui omonoô vaerâ pe Tecové iyapyraŷva guârâ. Ani ñañateî yayapo pôrâvo, jiára guajême ñamonoô pôrâ vaerâ ñane pyamano-ŷ-maguive. Upeicharamo iya yaveve ñandeve ta yayapo pôrâ opavape ja umi oyeroviava rejeguape catueteieté. ¿Pejechapa jesa guasújá co cuatia ñeê iyapopyre che po rupi voi? Oime ramo oyejechaucaséva co ybypóra reco rejegua ramo, umiva pene mocôtevê peñemongaraí jaguâ Judio reco rupi. Oyaponte upeicha, anichene jaguâ ojasa asy Cristo curusu rejejápe. Umi oñemongaraíva yepe Judio reco rupi nombuayei jecope pe Moises ñeêngue, oipotante peêcuera peñe mongarai Judio recópe, oñemombeu guasu jaguânte jaecuera pende reté rupi voi. Mbaeveicharamo ndaiyai cheve añemombeu guasu jaguâ cheyejegui vointe, pe Ñandeyára Jesú Cristo curusu guinte, upe oñemoî jague chejegui co ybypóra recocue, ja che añemoî jague co ybypóra recocue gui. Cristo Jesús rejeguama guive, pe caraíjá Judio reco rupi guare ndajaei mbaeve, ja upeicha avei pe icaraiŷva Judio reco rupi guare ndajaei mbaeve, pe teco oñemoña pyaju vaecuente, upéva jae. Ja opa umi oñembo jecopôrâ vaecue coaichagua reco rupi, taipyaguapy, ja toyeporiajuvereco, ja upeicha avei opa umi Tûpâ Ñandeyára Israel cuérava. Coaguirire avave ani che muanguecói: che areco che retépe voi Ñandeyára Jesus porapŷ cuéreicha. Che reŷi cuera, Ñandeyára Jesú Cristo pyapôrâ toico pende pyapype. Amen. Che Pablo, Cristo Jesús rembiyocuai, Apostol, Tûpâ Ñandeyára rembipota rupi guare, jaéucá umi imarangatúva, ja umi oyeroviáva Cristo Jesús rejeguava voi Efesope jicuaivape. Tûpâ Ñandeyára ñande Ru ja Ñandeyára Jesu Cristo tapenembo pyapôrâ, ja tapenembo pyaguapy. Ta imombeuguasu catu pyrâ Tûpâ Ñandeyára, pe Ñandeyára Jesu Cristo Rú, Upéva ñane ñanemombaéjaré opambae imombeupyrâ Espiritu rejeguape yvagapegua guivo Cristo rejegua járeje ñande, Jae ñande poravó jague reje Jeseguarâ co yby oyeyapo mboyve, yaico jaguâ ñane marangatúva ramo, ja ñane mârâŷva ramo iyŷpype, ñande rayjúeté jague reje. Jae voi ñanembosacoi vaecue yma guive voi ñanderereco jaguâ itaŷra raicha iyupe guârâ voí Jesu Cristo rupi, jiâ jague reje Ichupe upearâ ja oipota jaguereje upeicharâ. Ja coicha oyapo catuete oñemombeú guasu jaguâ Jae, tuvichaitejá reje pe ipyapôrâ, upearupi voi Jae ñande rerojorŷucá itaŷra ojayjúva rejeguáramo. Ñande Jeseguáva guive yareco ñande repŷjara juguŷ reje, ja ñandepeá jára ñane angaipa gui tuvichaite gui ipyapôrâ. Jae omboyoá voí ñandeve ipyapôrâ jágui opaichagua arandu ja mbaecuaa, oicuaáucavo ñandeve pe ñeê ñemi jembipota rejeguáva, jiâ jagueicha Ichupe ipôrâ oguereco pôrâmba jaguâ opambae jecópe ipoguype, iya ramo guârâ, ja ombosacoi jagueicha ipyapype voi ombyatypa jaguâ opambae Cristo rejeguârâ jaguâ, umimbae yvagape oiva, ja umimbae ybyarigua upeicha avei, oico jaguâ Cristo opambae âcâ ramo. Ore Jeseguava vointe roñemombaéma rae avei, Jeseguajá reje ore, Jae ore poravó jague reje ombosacoí jagueicha upe oyapóva opambae pe jiâ jaicha Ichupe ja oyapose jaicha. Ore poravó vointe roico jaguâ romombeu guasúucáva ramo Ichupe, tuvichajá reje ore yma guive voi royerovia vaecue Cristo reje. Ja peê perovia vaecue avei Ichupe pejendu pype rae pe ñeê añetegua pe Evangeliope pe penembo jecomarangatu jára, ja peyerovia rire avei Jese peñemoi jâtâ pe Espiritu Santo oñecuameêmbyré rupi. Upéva catu pe oñemo tenondéva ñandeve upe ñanemombae jaguâ gui, Jae ñande repy peve jecoitepe pe oyogua voi vaecue Jae imbaéteérâ, oñemombeu guasúucá jaguâ. Upévareje ajendu pype rae peyeroviajá jâtâ Ñandeyára Jesú reje, ja pejaŷjújá opava umi imarangatuvape, che apytuu-ŷ-reje amombeu guasu Ñandeyárape pende rejejápe ja che che mandua pendereje che ñemboepe, ayerurévo Jesu Cristo Tûpâ Ñandeyárape, pe Túva imbotuvichaitepyrâ, omeê jaguâ peême pe Espiritu penemo arandu vaerâ, ja penderesapea vaerâ peême, peicuaa pôrâ meve jecópe Ichupe, omuesâcâ jaguâ peême pende pyapy, icatu jaguâ pejecha ja peicuaa pôrâ mbaepa pejaârô vaerâ pejupity jaguâ upe pene renôijare gui, ja mbaepa jeta ja tuvichava mbae pejupity vaerâ umi imarangatuva apytepe, ja peicuaa jaguâ mbae tuvichava ipuacajá ñande yaroviava peguârâ pe ñane atôi jára ipuaca ja imbaraete rejeve. Upéva voi oñatôi Cristo pype avei omoingove yebŷvo Ichupe umi omano vaecue paûgui, ja omboguapyvo iyacatua coty pe yvagape, ja ombotuvichave Ichupe opa mburuvicha guasúva gui, ja opa mburuvichaíva gui, ja opa umi ipuacáva gui, ja opa carai guasúva gui, ja opa téra oñemojerâcuâva gui na co ybyari coanga rupigua añoi, upe yvagape avei pe teco oico vaerâ rupi gua avei, ja omoî opambae ipyguype, ja omoingo Ichupe pe Iglesia âcâ ramo tuvichavé opambae gui. Upéva voí jeté, pe oimbajá Jae, ja Jae voi omotenijêmba opambaepe iyejegui voi. Ja peême avei Jae pene moingové vaecue, peê pemano vaecue peina pe pene rembiapo vaí jague ja pene angaipa rupi. Yma peêcuera peico umimbaepe coa ybypora recope, ja pene ñeêrendu umi mbaepochy arapegua ruvicha guasupe, umi mbaepochy cuera voi oñatoiva jicuai umi iñeêrendu-ŷ-va rejegua pyapype. Umichagua apytepe opavave ñande avei yaico vaecue yma, ñambuayevo ñande rete mbae yerure, ja yayapovo ñande rete ja ñande pyapy rembipota, ja ñande ñandeyejegui voi iñyrômbyrâ-ŷ-rejegua umi ambuecueicha. Upeicha ramo yepe Tûpâ Ñandeyára tuvichaite oporoporiajuverecova iporayjúete rupi ñande raŷjú jague, ja ñamano pype yepe ñaina angaipápe, omeê ñandeve ñande recove Cristo ndive, ja ipya pôrâ rupi voí peñembo jecomarangatu. Upeicha avei Jae ñane moingove yeby Jendive, ja upeicha avei ñanembo guapy Jendive avei yvape Cristo Jesus rejegua járeje ñande, ojechauca jaguâ umi ára ou vaerâme tuvicháitéjá ipya pôrâ ñandeve co imbae pôrâite pype ñandeve Cristo Jesu rejeguájá reje ñande. Ipya pôrâ gui oñemeê rei peñembo jecomarangatu jaguâ peyeroviajá reje, ja cova nda pendejegui voíri, Tûpâ Ñandeyára omeê mbyre rei mante, ja na pene rembiapocue rejei, anichene jaguâ avave oñemombeu guasu iyejegui voi. Tûpâ Ñandeyára rembiapo cuénte voi ñande, ja iñemoñaré Cristo Jesus rejeguaramo ñane rembiapo pôrârâ, ñanembosacoi jague voi ñande recorâ ñande yaico jaguâ. Upévareje pene mandua yma peê pytagua recopegua rejegua jague, ja peñe jenoi jague peê icarai-ŷ-va umi Judio rupi umi oñejenoi vaecue oyupe icaraijá, pe caraijá oyeyapo vaecue iporupi jetepeguare. Uperamo peê peime vaecue Cristo-ŷ-reje, peñemo mombyry vaecue umi Israel cuera rejeguagui, ja peicuaa-ŷ-vaecue pe Ñandeyára Ñeê omeê vaecue oicuameê ramo guare ore ru ypycuepe, ja nda perecoi vaecue mbaeve pejaârô vaerâ, ja peico vaecue Tûpâ Ñandeyára ŷ reje co ybyari. Coanga ma peê Cristo Jesus rejeguava, peê yma peime vaecue mombyry Ichugui, coanga peñemo anguima nerae Cristo ruguŷ rupi. Jae voi ñane moñŷrôjaré, ja ñane mocoîvé gui oyapo peteînte, ja oñembojeté jague gui oity pe ñane mboyaó jague oyuejegui, pe ñaño ñamotareŷ jague, omboyke pype Moises ñeêngue tembiapoucapy ja jemimboecue ymaguare rejeve. Ja upeicha oyapo ñanemboyejeá potávo oyueje ñane mocoîve, omoingo jaguâ upeicha peteî cuimbae pyaju, ñanemoî pôrâvo oñondive, ja ñane moñyrôucá potavo ñane mocoîvepe Tûpâ Ñandeyárape peteî tete ramo voi pe icurusu reje, ja upearupi avei omombávo pe ñañoñamotareŷ jague. Upeicha Jae ou ja omojerâcuâucá peême co Evangelio co teco pyáyoyárâ peême mombyry vaecuepe, ja co teco pyáyoyá umi jiângui vaecuepe. Jaerupi voí ñande yareco yaike jaguâ oñondive pe Túva rendape pe peteî Espiritu rupinte. Upeicharamo peê ndajaeveima ambue tetaŷguaicha terâ ôguajê râmôvaicha, coanga voi peê umi imarangatúva retâ rejegua voí avei, ja Ñandeyára rogapegua rejegua avei. Ja peê peñemopuâ peteî oga rapórâ ári raicha umi Tûpâ Ñandeyára rembiyocuai Apostol ja umi oñemoñeêjara ymaguare rejeve pende rapórâ, ja Cristo Jesus jaéetéva pe itá oyocopájá pe jacuájápe gua. Jaerupi oyoyuapŷpá pe oga tuvichacue yaveve ja ocacuaa ojovo oico jaguâ peteî tûpâó imarangatu vaicha Ñandeyára rejeguarâ. Ja Jesegua ramo peêcuera avei peñemopuâ oñondive peico jaguâ Tûpâ Ñandeyára rendâgua Espiritu rupi. Upévareje, che Pablo, Cristo Jesus remiñapytî peê pytagua rejejápe, yajecha pejendupa rae peê Tûpâ Ñandeyára ipyapôrâ gui omeê jague cheve pende rerecuájárâ, ja oyajoyaó jague ja oyecuaáucá jague cheve pe mbae ñemingue, yma voi che cuatia ñeême jaéucá jagueicha mbykymi pe cuatia ñeê ymaguarepe. Ja pemoñeê pype upéva icatu pejechacuaane che aicuaajá jecópe pôrâ co mbae ñemingue Cristo rupi guare, co iñongatupy voi oyecuaauca-ŷ-vaecue umi cuimbae rejegua cuera ymaguarepe, coanga oyajoyao jaicha umi jembiyocuai Apostol cuera imarangatúvape ja oñemoñeêjarape Espiritu rupi. Cova voi pe mbae ñemingue yaico vaerâjá peê pytagua ja ore Judio ñañe ñombae ja ñañombojeté ja yayopoî umi mbae oñecuameê vaecuepe umi Cristo Jesus rejeguape co Evangelio rupi. Covaerâ che añemoingo jembiyocuairâ Tûpâ Ñandeyára pyapôrâ rupi pe imeêmbyré reí omeê vaecue cheve jembiapoucapŷrâ pe ipuacacue che atôiva cheve rupi. Che che yá catu-ŷ-véva pe umi imarangatuva michivéva yepe gui, cheve catu Ñandeyára che mbopuaca ipyapôrâ gui amojerâcuâ jaguâ umi pytaguape co Evangelio, pe Cristo oñemombae guasújá rugua yajupitycuaa-ŷ-va gui, ja ajechauca jaguâ jesâcâjápe opavavépe co mbae ñemingue rerecuájá, co mbae ñongatupyré oñemi vaecue iñypyrumby guive Tûpâ Ñandeyára pyape pe omoñemoñajaré opambae. Upeicha rupi Tûpâ Ñandeyára arandu opaichagua mbaegui gua oyecuaauca vaerâ umi Iglesiaŷgua rupi umi tuvichava ja ipuacáva yvapeguape, Jae ombosacoi jagueicha ymaite guive voi omeê pype iñeê Cristo Jesus Ñandeyára rupi. Jaerupi voi, Jesegua guive ñande, iya ñandeve yepoyju-ŷ-me, ja yeroviajápe ñaguajê Jendápe ñande yayeroviajá reje Jese. Upevareje ayerure peême anichene jaguâ pende pyamano co ajasa asyjá reje che pende rejejápe, upéva voi vaerâ peñemombeu guasu jaguâ. Upévareje che amboyaŷbŷ che renypya añesûvo pe Túvape, upe ombojérava oguérateépe opa umi Jesegua cuera yvapegua ja ybypeguape avei, ja ayerure Ichupe Jae tomeê peême, iya jaicha Ichupe pe imbaerareco tuvichaitéva gui, pene mbaraetété jaguâ pende pyapy peve Espiritu rupi, ja Cristo oico jaguâ pende pyapype peyeroviajá reje, icatu jaguâ peê, ybyra japó pôrâ vaicha, ja oga japó pôrâ vaicha, pepyta jâtâ pe mboraŷjúpe, icatu jaguâ pejechacuaa pôrâ, opa umi imarangatúva ndive, mbaeichapa ipŷcue, ja ipuacacue ja ipŷpucucue, ja iyŷvatecue Cristo mborayju, ja peicuaa jaguâ peê Cristo mborayju icatu-ŷ-já voi yajupity yaicuaapá jaguâ, ja pejupitŷpá jaguâ peê opa Tûpâ Ñandeyára pype oiva. Pe ipuacaveva oyapo jaguâ opambae jetaitevé ja jecopevé ñande yayeruréva gui, terâ jiâva gui ñandeve pe ipuaca cue ñane atôiva ñande pyape reje toñemombeu guasúeté. Jae umi Iglesiaŷgua rejegua rupi ja Jesu Cristo rupi opa tetâŷgua apytepe tapia guârâ. Amen. Upeicharamo, che aimeva añeñapytîjápe Ñandeyára rejejápe, ayerure peême tapeico peê iya jaicha pe peyeyocuai jápe peê peñe jenôi jaguepe, ja tapeico peñemomîrî jápe, ja ta pende pochycuaa-ŷ-jápe, ja pero puacájápe, ja perokîrîrî oñondive taŷjújápe. Peñejaâ pende pya apyte guive peyerereco jaguâ peteîchante peê Espiritu rejegua voi oyopype, peimeme oñondive peyuaby-ŷ-reje. Oime peteî teté año, ja peteî Espiritu añó, oime jaicha pe peteî mbae jaârômbyrâ pejupity vaerâ vaecue pe peñejenôi jague avei. Peteî Ñandeyára año oime, peteî yeroviajá, peteî caraíjá, oime peteî Tûpâ Ñandeyára año, Jae opavave Rú. Jae opambae ári, Jae oñatôi opambae rupi, ja oico opambae pype. Peteî teîme ñandeve oñemeê Ñandeyára pya pôrâ gui ñane pytyvôjarâ, iyájaicha ñandeve pe Cristo omeê rei mbyre guivo. Upevareje oyee voi Jae oyupi jague yvape, ja ogueroyupi iñapytîjápe ñapytîmbyre atŷra, ja omeê imeêmbyre cuimbae cuerape. ¿Ja mbaépa co jeise co ñeê Jae oyupi? Ogueyŷ raê nerae avei umi yby ipypucuvéjápe. Upe ogueyŷ vaecue, upéva vointe upe oyupi yeby vaecue avei yvatevé opa umi yvagapegua gui omuenyjêmba jaguâ opambae iyejegui. Oime voi vaecue peteîva Jae voi omoingo vaecue jembiyocuai Apostolrâ, ja ambuecue mojerâcuâjárarâ, ja ambuecue ñemoñeêjárarâ, ja ambue ânga rerecuárâ, ja poromboejárarâ. Coâvape voi omoingo vaecue ombosacói pôrâ jaguâ umi imarangatúvape, oyeyocuaiuca jaguâ jecópe jembiapoucapŷpe ipytyvôjárarâ, ja omopuâ jâtâ jaguâ Cristo reté rejeguape, yajupity peve opavave ñande pya peteîchante yayeroviajápe ja yaicuaajápe Ñandeyára Raŷpe yajupitŷvo yaico peve cuimbae cacuaájápeicha, ja Cristo rejegua jaeteva reco jápeicha. Upeicharamo nda yaicovei chene mitâicha terâ umi oico rei reivaicha, ja oyererajávaicha oimejá coty ybytú rupícha oimeraêva oporo mboéva rupi, ja umi carai ñujâ rupi oyapóva pichyguy oporombotabŷjápe ñane mombia jaguâichagua. Coanga voi ñande yaicóne jecópe taŷjúpápe, ja yacacuaane opambaepe Jeseguarâ Jae voi ñane âcâva Cristo. Upévagui voi pe jetépá oñemyatyrômba, ja oyuayú pôrâ oñondive, ja opa oyuapŷjá oñopytyvôva pe oyupe, ja pe imbaraete cue icatu jaicha iya peteî teî ñande rayŷguepe ocacuaa jaguâ jecópe ñande reté, upeicha avei iya jetepe oñemopuâ jaguâ pe teco porayjupe. Upeicharamo che jae peême, ja aicuaauca Tûpâ Ñandeyára rérape anichene jaguâ peicove umi ambue pytaguáicha oico rei reiva iñâcâtabyrai vaicha: umiva oico pytûnguype voí iñarandu rejeve yepe, oñemo mombyry vaecue Tûpâ Ñandeyára recove gui itabŷ gui voi jaecuera ja ipya jâtâ gui. Jaecuera oñembo pyajâtâ rire oñemeê otîŷme oyapo jaguâ ipya yerurete gui opaichagua tieŷ tuvicha vichavéva. Nda upeichai racae peê peñemboe rae Cristo reco reje, pejenduma guive iñeê, ja peñemboéma guive Jesegua ramo pe añetegua reje iya jaichagua umi Jesus rejeguape, pejeya jaguâ pende recocue ymaguare, ja pe pende reco tuya ybypóra rei rejegua, iñembuaipyrâ ipyapypegua mombiajára gui, ja peñembo pyaju jaguâ co pe pende pyapype pene atôi járape, ja peñemonde jaguâ pendeyupe voi pe teco marangatu pyajupe, pe Tûpâ Ñandeyára remi moñemoña voi, pe teco ipôrâva ja marangatuva jecopegua Ñandeyára Ñeê rejeguava. Upeareje pepoípá opaichagua yapú gui, ja peñeê añetegua peteî teîva pende rapicha ndive, ñande voi oñopejengue oyuejegui guare voi. Sapya peñembo pochy ramo, ani peñemo angaipa. Ani oiké cuarajy pende pochy aré yaveve. Ani remoî jendaguâ mbaepochype. Upe omonda vaecue, anive omonda, upea rangue, tombaapo toyejeca iporupi ipôrâ vaerâme, oguereco jaguâ omeê vaerâ pe ojasa asyva tecôtêvêguipe. Mbaeve ñeê tieŷ ani osê pende yuru gui, ta peñeênte pe ipôrâ vaerâ tecôtevêjápe, pembo jecopôrâ jaguâ, ja pembojory jaguâ umi jendujarépe. Ja ani pembopyambyasy Tûpâ Ñandeyára Espiritu Santo pe ñane jaângámoî jague upe ñande yayejepypá jaguâ ára ramo guârâ. Opa pŷáró, ja pochŷ, ja ñemyrô, ja yuao, ja ñeêvaí, toñemboípákena pendejegui, ja opa pŷávaí. Upea rangue pende pŷápôrânte oñondive, peiporo poriajuvereco ja peñyrô oyupe avei Tûpâ Ñandeyára avei oñyrô jagueicha peême Cristo rupi. Upeicharamo peico peê Tûpâ Ñandeyára reco yoguajápe itaŷra cuera oyejaŷjúvaicha, ja peico taŷjúpápe Cristo pende rayju jagueicha, ja oñemeê jagueicha Iyupe voi ñande rejejápe peteî oñecuameêmbyre oyejapŷ vaicha jyâcuâ pôrâiteva Tûpâ Ñandeyárape. Pe itieŷ ja mbae kyá ja pe mbaepotavai, ani penemandua umi ñeêngue reje yepe pende apytepe, nda iyái járeje umi imarangatúvape. Ani peñeê tieŷ, ani peñeê taby, ja ani peñeê ñomboyarújápe, mbae iya-ŷ-va umiva. Upea rangue peyerorojory oñondive. Peicuaa vaerâ voí avave itieŷva, terâ tecové otîŷva, terâ jaesénteva, terâ taângá ombuetéva, ndojupityi jaguâ oñemombae jaguâ Cristo ja Tûpâ Ñandeyára mbae yvagapeguape. Ani avave penembotaby ñeê guaujápeguape. Coambae reje voi ou Tûpâ Ñandeyára pochyja umi iñeêrenduŷva cuera rejegua reje. Upeareje ani pemoîrû ichupecuera umimbaepe. Yma peêcuera voi pytûnguypeguare, coanga peyejesapéma Ñandeyára rejeguama ramo. Peicona, upeicharamo, umi ojesapéva rejegua ramo: pe ojesapéva gui voi oico opa mbae pôrâ ja mbae jecopegua ja ñeê añetegua. Ja peiporanguereco oimeraêva mbae oguerojorŷva Ñandeyárape. Anichene peyejea umi jembiapo vaí reíva pytûnguypegua ndive, upea rangue peyao ichupecuera. Mbae tieŷ yepe ñandeve ñañeê ramo umi jembiapo vaí ñemijamegua. Ja opambae oyepyjy vai vaerâ ja oyejecháucápá vaerâ pe ojesapéva rupi. Pe ojechaucápáva opambae iyejegui voi pe ojesapevante. Upevareje oyee: Epaŷ, nde rekéva reina! Ja epuâ umi omano vaecue apytegui ja Cristo nderesapéne. Pemaêna, upeicharamo, mbaeichapa peico pene mârâ-ŷ-jaguâicha, ani itabŷvaicha iñarandúvaichante. Peê pene râcâteŷ pende ára reje iya yave peême, ipojyi voi járeje coa ára. Upevareje ani pene âcâ tabyrai: peñejaânte peicuaa pôrâ pe Ñandeyára rembipota: ani peu vino pecaú jaguâicha pe ñane sarambípájá voí: ta jendápá pendepyape pe Espiritu, peñomonguetávo oñondive Tûpâme purajéi rupi, ja ñemboe purajéipe, ja ñeêngá ñane ânga rejeguápe, pepurajéivo ja pembopúvo Ñandeyárape pende pyapype, perojorŷvo Tûpâ Ñandeyára ñande Rúpe tapia opambae reje Ñandeyára Jesu Cristo rérape. Peyoyoco oyupe pe pekyjŷyéjápe Cristogui. Peê cuña pemendava ta peyeyoco pene ménape cuera Ñandeyárape guaicha avei. Pe iména pe cuña âcânte voi, Cristo pe Iglesia Jesecueraguava âcâ jaicha, ja Jae voi co jete omojesâijára. Upeicharamo, pe Cristo rejegua Iglesia voi oyeyoco jaicha Cristope, upeicha avei umi cuña omendava toyeyoco iménape cuera opambaepe. Peê cuimbae pemendáva pejaŷju pene rembirecope Cristo ojayju jagueicha pe Iglesia Jesecueraguavape, ja oñemeê jagueicha Iyupe voi Jesecuera rejejápe, omomarangatúpá jaguâ ichupecuera ja omopôti jaguâ jemimboecue rupi ŷ caraipeicha, ojechauca jaguâ oyeguajá iyupeguârâ pe Iglesia Jesecueraguavape ikŷa-ŷ-reje mamove ja ichaî-ŷ-reje, ja mbaeve vaí-ŷ-reje upeichaguava, imarangatuva ramonte ja ikya-ŷ-va ramonte. Upeicha avei umi iména cuera tecôtevê ojayju jembirecope cuera oguetéichante avei. Upe ojayjuva jembirecope, iyupe avei oyejayju. Avave no ñamotareyvái máramo oguete voi. Upea rangue omojyvâtâ, ja oñangareco pôrâ jese, Cristo oñangarecojaicha avei Iglesia Jesegua cuérava reje avei. Ñande voi jete pejengue nungá. Upeareje pe cuimbae ojeya vaerâ itúvape ja isŷpe, ja oñemboyá vaerâ jembireco reje, ja oico vaerâ co mocoîve oñondive peteî teté ramo. Tuvichaite co mbae ñemingue ñongatupyré cova co Cristo ja Iglesia Jeseguacuerava rupigua. Peteî teî pende cuérava avei pende yejegui voi pejayju pene rembirecope pende yupe guaicha, ja pe cuña tombuete iménape. Che raŷcuera, pene ñeêrendú penderúpe Ñandeyara ypype teco pôrâme gua voi. Embuete nde rúpe, ja nde sŷpe: cova voi pe tembiapoucapŷ iñypyrumbŷva oñemboyuapy jague mbae cuameêmbyré, joa pôrâ jaguâ ndeve, ja reicove pucu jaguâ ybyari. Ja peêcuera, ituva cuera, ani pembopochy rei pende raŷpe: pemongacuaante ichupecuera, pemboaracuaávo ja pembojecopôrâvo ichupecuera Ñandeyára reco pôrâ râ. Peê tembiguai cuera, pene ñeêrendú umi carai pende yara voívape kyjŷyé ja yepyapy rejeve, ja ta pende reco pende pyapôtíme Cristo rembiyocuaicha ramo avei. Ani peyeyapo jesápente, umi ombojorysévaicha umi caraipe, umi Cristo rembiyocuaichante voi peyapovo kyreŷeté rejeve Tûpâ Ñandeyára rembipota, peyeyocuaiucávo kyreŷme torypápe Ñandeyára peguârâicha ramo, ja anichene caraipe guârâichante. Peê peicuaa voi, oime ramo oyapo pôrâva, oñembo jecovia vaerâjá ichupe Ñandeyára guivo, ta jaépa pe tembiguai rejegua terâpa carai jaéaénteva rejegua. Ja peêcuera, icarai cuera, peyapo ichupecuera upeicha avei, anichene pemombói ichupecuera, peicuaa pype icaraicuera, pende carai avei, oijá yvagape ja iyŷpype ndiporijá oyeporavóucá jaguâ. Jarire, che reŷicuera, peñembo puaca Ñandeyára rupi, ja peñemo mbaraete ipuaca rupi. Peñemonde opa Tûpâ Ñandeyára ñemondéucájápe, icatu jaguâ pepyta jâtâ pemŷi-ŷ-reje pe mbaepochy penemoñujá ramo guârâ. Ñande ñañoraŷrôjá ndajaei too ja tuguy rejegua reje, umi yára cuera ja umi carai guasu ja mburuvicha guasu pytûnguŷpegua reje, ja umi mbaepochy oñemoñañáva umi yvapegua rejegua ndive yepe reje. Upeareje peipyjŷpá pe Tûpâ Ñandeyára ñemondéucájá icatu jaguâ peropuaca pe ára vaípe, ja pemombá jaguâ opambae jecope, icatu jaguâ ipajápeve yepe pepyta jâtâ. Peime jâtâkena, upeicharamo, peyeyocua pype pendecúape pe Ñeê añeteguápe, ja peñemonde pende pytia rejegua penembo pireyŷ jarâ pende reco pôrâ guiguape: tajyrú pendepy peñembosacoíváicha pe Evangelio pyaguapy rejegua rejeve: peipyjy catuetei pende pireyŷ jarâ peyeroviajá, icatu jaguâ pemboguépá umi mbaepochy juŷ rendŷ, ja pemoî pene âcâ ryrurâ pe pene mbojecomarangatu jague, ja peipyjy pe Espiritu kyse pucu Tûpâ Ñandeyára Ñeêva. Ja peñemboe ja peyerure meme catuetei peñemboevo opambae reje Espiritu pene atôijápe, ja upearâ avei pemaña iya ramo guârâ peême pemojêjêvo yepe peñemboéjápe opa umi imarangatuva reje, ja peñemboe che reje avei oñemeê jaguâ cheve aipea jaguâ che yuru añeê jaguâ ja aicuaauca jaguâ aipoyju-ŷ-reje pe ñeê ñemingue Evangelioguiguare. Upéva rejejápe voi che aico Ñandeyára rembiyocuai che ñapytîjápe yepe icatu jaguâ añeê ayeroviajápe aipoyju-ŷ-reje ichugui cuera tecôtevê jaguâicha. Ja peêcuera avei peicuaa jaguâ che mbaerâ gui mbaépa ayapo aina, opa âmbae oicuaáucáne peême pe Tichico ñande reŷi yajayjúva, tembiyocuai yeroviajá jae Ñandeyára rejeguava. Covaerâ voi amondo ichupe pene rendape peicuaa jaguâ ore mbae gui, ja jae pene mbopyaguapy jaguâ. Tûpâ Ñandeyára Túva ja Ñandeyára Jesu Cristo, tombopya guapy ñande reŷicuerape oyojaŷjú jaguâ oyoapytepe, ja oyerovia jaguâ jecope. Toyererojory pôrâ opa ojaŷjúva Ñandeyára Jesu Cristope guaujapeŷ ipyaite guivente. Amen. Pablo ja Timoteo, Jesu Cristo rembiguai cuera, ore romomaitéiucá opa umi imarangatuva Cristo Jesu rejeguápe Filipospe jicuaiva, ja umi Iglesia rejegua rerecuápe ja umi ipytyvôjárape avei. Ta pende rerojory ja penembo pyaguapy peême Tûpâ ñande Rú ja Ñandeyára Jesu Cristo. Che che rory Tûpâ Ñandeyára ndive che che mandua vove pende reje, ja tapia añemboejápe meme ayerure aina pende reje añemboe torypape, peêcuera voi che moîrû vaecue co Evangeliope iñypyrujá ára guive coangaite peve. Che arovia yeroviajápe upe omoñypyrújaré pende pyape co tembiapo pôrâ omombá jaguâ jecope Jesu Cristo ára guârâ. Jecope voi che mandua che coicha opa pendereje poguereco járeje che pyape tapia che ñapytîjárupi voi, ja upeicha avei añejaâ pype aina añeê pe Evangelio reje amoañetévo peê che moîrûva co tembiapo pôrâme. Tûpâ Ñandeyára voi oicuaa pôrâ che pojayjújá opavavépe peême Jesu Cristo pya rupi voicha. Upeicha avei añemboe pende reje pende poraŷjueté etevé jaguâ ja penembaecuaa yoa yoa jaguâ ja pene mbaerechacuaa yoa yoa jaguâ jecope, pejechacuaa pôrâ jaguâ jecópe mbae oicoeva, pende reco yopará-ŷ-jaguâ ja pemoñepysanga ŷ jaguâ avavepe, Cristo ára ramo guârâicha, ja pende reco pôrâite jaguâ peico jaguâ yvá jiá jetavaicha Jesu Cristo rupi oyererojory ja oñemombeu guasu jaguâ Tûpâ Ñandeyára. Ja che aipota, che reŷicuera, peicuaa umi mbae oyeju vaecue cheve osê jaguâ jetave meme oñemo mbaeguasu pe Evangelio. Upeicha vaecue oyecuaapá umi pe mburuvicha guasu roga rupi guape, ja opa umi ambuecuepe avei co che ñapytîjá Cristo rejejápe voi. Ja upegui jeta umi ñande reŷicuera Ñandeyára rejeguava oñembo pyaguasúvo añeñapytîjá reje che ojaâvé oñeê kyjŷyé ŷ reje pe Tûpâ Ñandeyára Ñeê. Oime yepe peteîva oñemoñeêva Cristo gui jacateŷgui umi ambuecue reje, ja oyuabyse guinte, oime ambuecue oñemoñeêva jecope ikyreŷ pôrâ gui avei. Umiva voi oñemoñeê che raŷjujáreje oicuaa pype che añemoî jague coápe añeê jaguâ rejejápe co Evangelio rejejápe. Umi ambuecue oñemoñeê Cristo gui oyuabyse járeje, ja nda ipya apyte guivei, oimoavo omboyuapy jaguâ che pyapy vaerâ añeñapytîjápe. ¿Mbaepa upeicharamo? Marave ndoicoi! Ipôrâite opaichavevo guaujápe terâ añetejápe Cristo oñemojerâcuâ ramo, ja cova reje voi che abyá ja abyáne yepe. Aicuaa voi cova joa vaerâjá cheve che mârâ ŷ jaguâ pene ñemboe rupi, ja Jesu Cristo Espiritu che pytyvôjá reje, che pya oyerure jaicha, ja ajaârôjaicha anichene jaguâ mbaevepe añemotî, icatu jaguânte ayeroviaitegui tapia guaicha, coanga upeicha avei Cristo oñembo tuvicha jaguâ che recope che retepe aicove terâ amano ramo yepe. Cheve voi che aicovéjá Cristo, ja che amanojá che mombaererecojarâ. Upeicharamo yepe che aicovevé ramo che retepe ajupityvé jaguâ jetave che rembiapo rupi ndaicuaai aiporamo pe aiporavó vaerâ. Co mbae mocoîve gui che reco ñapitŷ: che pya yerurete ayepoí jaguâ aja jaguâ aime jaguâ Cristo ndive, upéva ipôrâitevé: upe yaveve apyta che retepe tecôtevêvé pende rejejápe. Ja ayeroviá upeareje, ja aicuaa apytatajá, ja che are vaerâjá yepe penendive cuera pene mombae guasuvé jaguâ ja pembo jorŷvé jaguâ meme peyeroviajáve, pereco jaguâ peñe mombeu guasu jaguâ Cristo Jesu rejegua ramo chereje che ayu yeby jague reje pene rendape. Tapeico pôrânte jecópe iya jaicha umi Cristo Evangelio rejeguape, icatu jaguâ che aja ramo pojecha jaguâ terâ che poreŷ ramo ajendu pendejegui pepyta jâtâjá peteî pyapente ja peteî ñeêmente, peñejaâvo oñondive co Evangelio yaroviajá rejejápe. Mbaeveicharamo ani peñemonguyjŷye umi pende reje oñemoîva gui: upeagui oyejechacuaáne voi jaecuera imbuaipyrâmajá ja peêcuera teco mârâŷmbyrâmajá; cova voi oyejechaucamanerae Tûpâ Ñandeyára gui, oñemeê voi vaecue peême Cristo rejejápe na peyerovia jaguâ añoi Jese, pejasa asy jaguâ Jesejape avei, pereco pype mbae peñejaâ jaguâ pejecha jagueicha che añejaâ jague ja coanga pejendu jaicha añejaâjá gueteri. Upevareje oime ramo peñemo kyreŷjá Cristo rupi, oime ramo peñe moangapyjyjá poraŷjúpe, ja oime ramo Espiritupe ñañembo yejea jaguâ peteî ramo, ja oime ramo pende pya pôrâ jaguâ ja peiporiajuvereco jaguâ, upeicharamo, che mbojory jecoitepe pene ñeê peteîcha pype, ja peyojaŷjú pype, ja peico pype peteî pyapente peimoa pype petei mbaerânte. Anichene mbaeve peyapo peyuaby jaguâ rejejape, terâ peñemombeu guasu reí jaguâ rejejápe, upea rangue peñemomîrînte, ja peteî teî peêcuerava toñombotuvichave iyeje gui cuera. Ani pejechacuaa pene mbaéva reje voi, umi ambuecue mbaéva reje avei pejechacuaana. Ta pende reco upe Cristo Jesu reco cueicha voi. Upéva voi Tûpâ Ñandeyára yoguajá ramo yepe, noimoai co jeco yoyajá Tûpâ Ñandeyára ndive mbae jacateŷ vaerâ ramo: upea rangue oñemo nandi oñemo tembiguai reté, ja oyeyapo cuimbae yoguajá ramo, ja oyeju ramo cuimbae recope oñemomîrî oyupe voínte ja oñemo ñeêrendú omano meve curusu reje oyeyuca ramo guare. Upeareje avei Tûpâ Ñandeyára ombo tuvichaite Ichupe yvatejá peve ja oguerojory Ichupe ombojéra tuvichavévo opa umi ambuecue réra gui, icatu jaguâ Jesu rerape oñesûmba jenypya opava jicuaiva yvape, opava jicuaiva ybyari, ja opava yby guype jicuaiva, ja opa yuru rupi oñemombeu jaguâ Jesu Cristo Ñandeyárajá oñembuete jaguâ Tûpâ Ñandeyára Túva. Upévareje, che rayjupára cuera, pene ñeêrendu jague reje tapia, na che aimeme añoi, icatúetévé coanga che poreŷme, peñe mojembiapo jecópe kyjŷyé, ja pyapy rejeve, pejupity jaguâ pene ángape ipôrâ vaerâ. Tûpâ Ñandeyára voi pe pende pyape oñatôiva peyaposé jaguâ jembipota, ja oyapoucavo peême jecoitepe pe jembipota. Peyapopá opambae pemojêjê ŷ reje, ja peyuaby ŷ reje, pepyta jaguâ pende reco kya-ŷ-reje, ja yopará-ŷ-reje Tûpâ Ñandeyára rejegua yojeipyre co tetaŷgua iñañáva, ja opiaséva paûme, umiva apytepe peêcuera pejesapé tataendyicha co ybyari, pejupivo ichupecuera co ñeê moingovéjarâ. Upeicharamo iyáne cheve añemombeu guasu jaguâ Cristo ára ramo guârâ añani rei ŷ jague reje, terâ ambaapo rei ŷ jague reje. Ja uperire che recové oñeñojê ramo yepe pe peê peicuameêva, ja peiporúcáva reje peyeroviágui, upeicharamo yepe, che che rory, ja abyá opavave pende pyri. Upévareje pende rory peêcuera avei, ja pebya che pyri. Ajaârô avei Ñandeyára Jesú rupi amondo voívo pene rendape Timoteope, icatu jaguâ aicuaa ramo mbaeichapa peico che pya guapy apytávo. Ndarecoi voi ambue ipya pôrâva jaeicha imanduá vaerâ jecópe pende reje: opava umi ambuecue ojecáva imbaénte voi, ja nda Cristo Jesus mbaéi. Peêcuera peicuaa voi jeco pôrângue itaŷra itúvapéicha, jae che moîrû jague añemoñeê jaguepe co Evangelio gui. Upeicha ramo ajaârô amondo jaguâ ichupe pene rendape ajecha vove mbaeichapa ojo che rembiapo. Ayeroviá avei Nandeyára reje che avei aja voi jaguâ pene rendape, jiâ cheve yma tecôtevê jague amondovo pene rendape pe Epafroditope pe che reŷi che moîrû vaecue che rembiapocue ja che añorayrô jague rupi, pene remimbou vaecue voi, che pytyvôjara che recôtevême. Jae ipya yerurete vaecue pende rechapá jaguâ peême, ja tuvichaite ombuasy peêcuera pejendu jague reje jae jasy jague jiconi. Añetejápe jasy ete vaecue ja jaimete omano jaguâicha vaecue, Tûpâ Ñandeyára nte oiporiajuvereco ichupe ja nda ichupeñói, cheve avei, anichene jaguâ che pya mbyasy oyoari. Upeareje voive amondo ichupe icatu jaguâ pejecha vove ichupe pebya yeby jaguâ ja che anichene jaguâ che che pya mbyasŷetévé. Perojorŷnte ichupe, upeicharamo, Ñandeyára rerape torypape, ja pembotuvicha cuimbae ambuecue jaeichaguape. Cristo rembiapoucapy reje jápe voi jae jaimete omano, na jâcâteŷŷvo oguecove reje yepe, pene mbojecoviávo pe iya ŷ jague peême che pytyvôvo. Coanga catu, che reŷi cuera, pende rory Ñandeyára rejeve: cheve añetejápe na che mongueráiri ayapojá co cuatia ñeê peême, ja peême mbae ipôrâ vaerâ voi. Peñeñangareco yaguá gui, peñeñangareco jembiapóvaíva gui, peñeñangareco umi icaraíeté-ŷ-vagui. Ñande voi ñande caraíetéva añete ñande ñambuetéva Tûpâ Ñandeyárape Espiritu rupi ja ñañe mombeu guasu Cristo Jesu rupi, yayerovia-ŷ-va mbaeveicharamo ñande reco ybypora rejegua reje, che voi añete areco ramo yepe ayeroviá jaguâ che reco ybypóra rejegua reje avei. Oime ramo oimoâva iyajá ichupe oyerovia jeco ybypóra rejegua reje cheve voi iyávé. Che voi añemongaraí vaecue pe ocho arajápe, Israel rejeguáva, pe Benjamin reŷi rejeguava, peteî Hebreóetéva che, Hebreo rejegua voi, ja pe Moises ñeêngue guivo che Fariseóva, che râcâteŷ ymaguarepe che amoñá vaecue umi Iglesia rejeguape, ja pe teco pe Moises ñeêngue rupi guarepe che yojeipyre. Opa umimbae che añemombae guasu jague, coanga ayapo Cristo rayjupápe imombopyré ramo, ja añetejápe ayapo opambae imombopyre ramo co âmbae ipôrâiteva rejejápe, che aicuaa jaguâ Cristo Jesus che Yárape. Upéva rejejâpe amombopá opambae ja ayapo ytyicha, che icatu jaguâ amboyeju Cristope ja ayeju jaguâ Jesegua ramo, nda che reco pôrângue voi pe Moises ñeêngue rupi guare rejei, ajupityma guivénte pe teco pôrâ Cristo reje yayerovia jague rejegua, pe teco pôrâ Tûpâ Ñandeyára guiogua yarovia jague rupigua, icatu jaguâ aicuaa Ichupe jecópe, ja aicuaa jaguâ pe ipuacajá oicove yeby Jae jague rejegua, ja che aico imoîrûjára raicha ojasa asy jaguepeguaicha añemoî pype Jaeicha omano ramo guare, yajecha mbaeicha ro pa ajupityne aicove yeby jaguâ umi omano vaecue apytegui. Ndajaei ajupity vaecueichama, terâ che añemo marangatúité vaichama ramo, che añejaâ mante yajecha ajupity aipyjy jaguâ avei upe che yapyjy jague avei Cristo. Che reŷi cuera, che naimoai cheyejegui voínte aipyjŷma jague: peteî mbae año ayapo: pe tapycuepeguava gui che resaraima, ja ayepyso pe che renonde oiva reje, ja añani pe oñejaângájápeicha, ajupity jaguâicha pe oñecuameê rei vaecue umi Tûpâ Ñandeyára ojenôi vaecuepe yvaga recorâ Cristo Jesus rejeguava. Upeicha ramo, opa ñande jecoitepeguáva guive coarâ vointe ta ñande reco, ja oime ramo peyuabyjá, upepe voí avei Tûpâ Ñandeyára pene muasâcâne peême, ja mamo yajupity jague upeárupi yaja yaicovo oyoykereje pôrânte gueteri. Che reŷi cuera, peico oñondive che recope, ja pemaê umi oicova reje pe teco ore recocue rejegua rupi. Jeta oime oicóva che amombeu jague peême jeta yeby, ja coanga amombeu yeby peême ayajeojápe, jaecuera Cristo curusu ñamotareyjárajá: umiva apyra mbaepochy retâ vaerâ, itûpâ ñandeyara voi jygue mante, ja oñemombeu guasúva oñembotieŷ jague gui ja ybyarigua rejente imanduava. Ñande reco voi ñane retâ yvapegua rejegua, ja upegui ñajaârô ñaina ñamañávo ou jaguâ Ñandeyára Jesu Cristo ñanderepŷrâ avei. Upéva omoambue vaerâ co ñande rete poriajú oyogua jaguâ pe jeté teé oyeguaitévape pe ipuaca rupi oñatoîjá opa mbaepe omoîmbávo ipoguype. Upeicharamo, che reŷi cuera, che pojayjuva, ja che pya yerureva, peê che abyájá, ja che âcâ yeguajá, peime jâtâ upeicha Ñandeyára rejegua ramo, che raŷjupára cuera. Ayerure Euodiaspe, ja ayerure avei Syntychepe avei, tapende pya peteînte Ñandeyára rejeguajá reje. Upeicha avei ayerure ndeve, nde che reŷi, che moîrûjára, eipytyvô umi cuña cuerape ombaapo vaecue chendive añemoñeê jaguepe pe Evangelio gui, ja eipytyvô Clementepe avei, ja umi ambuecue ombaapo vaecue chendivepe, joracuera oívoíva pe cuatia ñeê tecove jaeteva rejegua yvapeguape. Pende rorŷ Ñandeyára pŷri tapia. Jae yeby peême pende rory jaguâ. Pene mbaepôrâjá voi toyecuaa opa cuimbae rupi, jiânguima járeje Ñandeyára. Ani peyepyapy mbaevérâ. Opambaepe peñemboejápe, ja peyerurejápe toyecuaauca Tûpâ Ñandeyára ypype penembae yerure perojorŷvo Ichupe. Upeicharamo pe Tûpâ Ñandeyára pyaguapycue tuvichavéva opa ñane mbaecuaávagui oyapyjyne pende pyapy ja pene âcâ Cristo Jesus rejeguajá reje peê. Coanga icatúvé, che reŷi cuera, opambae añetegua, opambae imbuetépyrâ, opambae jecopegua, opambae oyopará-ŷ-va, opambae jaŷjúpyrâ, ja opambae jerâcuâ pôrâva, ja oime ramo voi mbae ipôrâitéva jecopegua añete, ja oime ramo ñañe mombeu guasu jaguâme, umimbae reje voi pene manduákena. Pe temimboe ja pe teco peñemboe jague ja pejendu vaecue ja pejecha vaecue chejegui, umimbae peyapo jecópe ja Tûpâ Ñandeyára ñane mbopyaguapŷva, oicone penendive. Tuvicha vichave che rory Ñandeyára pŷri jokŷ yeby jague reje ipajápe penemanduajá chereje: upearâ voi peêcuera peyepyapy tapia, ndaiyainte peême icatu jaguâ. Nda che soguéjá rejei che jae cóva, cheyejeguima aicuaa che pyaguapy jaguâ arecómíva rejévente mamó aicojápe. Che aico cuaa pôrâ ajasa asŷjápe, ja aicocuaa pôrâ avei jeta ja jembŷ reíjápe, oparupi ja opambaepe che imboepyre tyvâtâ ramo guârâ ja upeicha avei vareá ramo guârâ, areco jeta ja jembŷ ramo guârâ, ja upeicha avei ajasa asy ramo guârâ tecôtevême. Opambae reje che icatu che puaca Cristo rupi pe che mombaraetejára. Upeicharamo yepe, peê peyapo pôrâ chemoîrûvo ajasa asy jápe. Peêcuera avei peicuaa, peê Filiposŷgua, che añemoñeê ñypyrúme pe Evangelio gui che aja ramo guare Macedoniagui, ndipori jague mavave umi Iglesia rejegua oñopytyvôse vaecue chendive imeêjápe ja iyapyjyjápe pe tûpâmbae, peêcuera añónte. Pe Tesalónica peve yepe voi peêcuera perajáucá cheve che remicôtevêrâ peteî terâ mocoî yeby. Che voi namojêjêi aicovo oñemeê jaguâ reje cheve, che ajônte pendereje pene rembiapo pôrâ vaerâ ŷvá jiá pôrâvaicha pende rerâcuâ pôrâ jaguâ. Oime arecopáma jeta ja jembŷ vaerâ cheve, Che renyjêmbáma. Arecoma Epafrodito porupi pe perúrucá vaecue cheve, peteî mbae jyâcuâ pôrâitevaicha peteî icuameêmbyréichagua joá pôrâva cheve oguerojorŷeté vaerâ Tûpâ Ñandeyárape avei. Che Tûpâ Ñandeyára yepe omoîmbane pene remicôtevêrâ, iyájaicha ichupe imbae rereco tuvichaite yvapegua gui Cristo Jesu rupi. Upévareje toñembotuvichaité Tûpâ Ñandeyára ñande Rú tapia guârâ. Amen. Amomaitéiucá opa umi imarangatúva Cristo Jesu rejeguávape. Umi ñande reŷicuera jicuaiva chendive pene momaitéiucá peême. Opa umi imarangatúva coapegua pene momaitéiucá, ja jetave umi ambuecue gui yepe pene momaitéiucá umi Cesar rogapegua. Ñandeyára Jesu Cristo tapenembopyapôrâ ipyapôrângue rupi voi. Amen. Che Pablo, Cristo Jesu rembiyocuai, Apostol Tûpâ Ñandeyára rembipota rupi guare, ja ñande reŷi Timoteo, romo maitéiucá umi imarangatúvape, ja ñande reŷicuerape yeroviajá Cristo rejeguáva Colossepe jicuáivape. Tûpâ Ñandeyára, ñande Rú ta pene mbopyapôrâ, ja ta penembopyaguapy peême. Ore roguerojory Tûpâ Ñandeyárape, Ñandeyára Jesu Cristo Rúpe, roñemboévo tapia pendereje, rojendujague reje peyeroviajá Cristo Jesu reje, ja peêcuera pejayjújá opa imarangatúvape, pe pejaârôva rejejápe iñongatupyré peême guârâ yvape pe pejendu jague yma voi pe Ñeê añetegua Evangeliogui. Cova voi ojupityma vaecue peême, oñemuasâi jaicha oparupi co yby yere reje avei oñembojeta jetavéva, ja ocacuaáva ojovo oparupi pene paûme guaicha avei, pe pejendú ja peicuaa jague ára guive co Tûpâ Ñandeyára pya pôrângue añetejápe. Upeicha voi peicuaane rae avei Epafras ñaneîrû yajaŷjúva gui Cristo rembiyocuai yeroviajá peême ore recovia. Jae voi omombeu avei oreve pende poraŷjú pe Espiritu recopegua gui. Upévareje avei ore pe rojendu jague ára guive, ndo ropytuui roñemboévo pendereje, ja royerurévo peicuaapá jaguâ jecoitépe Ñandeyára rembipota, ja pene arandu pôrâ jaguâ, ja pejechacuaapá jaguâ mbae yvapegua, peico jaguâ jecope iya jaicha Ñandeyára rejeguape, pembojory jaguâ jecopete Ichupe opa tembiapó pôrâme, peñe mombae pôrâ, ja pecacuaa jaguâ peicuaa pôrâ meve jecope Tûpâ Ñandeyárape. Ja pe ipuacacue tuvichaite guive ta peñembopuaca opaichagua mbaraete rejeve peropuaca jaguâ meme peê cuera, ja perokîrîrî jaguâ torypápe. Pembuete pe Túvape ñane mombae guasúva, iya jaguâ ñandeve yajupity jaguâ pe iñongatupyré umi imarangatuva peguârâ pe oyejesapé yvagapegua gui. Jae voi ñanemboí pe pytûnguy puaca gui, ja ñande rerová pe Taŷra ojaŷjúetéva reco marangatujápe. Jae pype voi yareco ñanderepŷrâ oyepeápá jaguâ ñane angaipa. Upéva voi Tûpâ Ñandeyára yajechaŷva yoguajá pe iñypyrumbŷ ñemoñare oñemoña mboyve avave. Jaerupi voi oñemoña opa yvape oiva, ja opa ybyari oiva, mbae yajechava ja mbae yajechaŷva, mburuvicha guasu renda yepe, ja carai guasu renda yepe, ja umi mburuvicha yepe, ja umi ipuacaitéva yepe, opava oñemoña Jaerupi ja Ichupe guârâ. Jae oico oyejegui voi, ja Jae opambae mboŷvéguare, ja Jaerupi opambae opyta jecorâme. Jae iñâcâ jetépe voi, pe Iglesia Jeseguávape. Jae voi pe iñypyrumbŷ, ja Jae pe oicove ypy yeby vaecue umi omano vaecue apytegui, itenondeve jaguâ Jae meme opambaegui. Jiâ pôrâ Túvape voi opambae pôrâ oimba jaguâ Ipype. Ja jiâ pôrâ Ichupe omoñyrômba opambae Iyupe voi Jae rupi, omokîrîrî pype juguy pe curusu rejeguare reje, Jae rupi omoñyrô jaguâ Iyupe opambae umi ybyari gua ja upeicha avei mbae yvapegua. Peê avei yma pende pya resaité vaecue, ja pende pyáró vaecue pene rembiapo vaí rupi, coanga Jae pene moñyrôma peême, oñembojeté jague rupi cuimbae ramo, ja omano jague rupi penemoingo jaguâ peême pene marangatujápe, ja pene mârâŷjápe, ja pende recopôtí jápe iyŷpype. Upeicha vaerâ voi, peê pepyta jâtâ guive pende rapo jâtâ pôrâ reje, pende yeroviajápe, pende rerová ŷ reje pe pejaârôjá gui pe Evangelio rupi, pe pejendu vaecue, pe oñemo jerâcuâ vaecue opa ybypóra cuera jicuaivape araguype. Upevarâ voi che añemoingo vaecue jerecua ramo. Coanga catu che rory ajasa asyjá reje pende rejejápe, ja che che rete rejeve aime Cristo recovia Jae ojasa asy ranguepe pe jete Iglesia Jesegua cuérava rejejápe. Jeseguacuera rerecuá ramo ayeyapo che, Tûpâ Ñandeyára omoî jagueicha che pope che yocuaivo pende rejejápe, peñemboe jaguâ jecoitepe pe Tûpâ Ñandeyára Ñeê reje, aicuaauca jaguâ pe mbae ñemingue, iñongatupyre ñemijáme, iñypyrumby mboyve, ja oime mboyve oñemoñava, ja coangama icuaaucápyré imarangatúva cuerape. Umivape voi jiâ Tûpâ Ñandeyárape oicuaáucá co mbae tuvichaité, ja ipôrâite imombeu pyrârâ, co ñeê ñemingue iñongatupyré umi ybypóra umi pytaguava peguârâ, co ñeê: Cristo oi pende pype pejaârôjá pejupity jaguâ yvagape. Upévape voi ore romojerâcuâ romomarandúvo opavave ybypórape, ja romboévo opavave ybypórape opa arandu rejeve, romoingo jaguâ opavave cu ybypórape jecoitepe Cristo rejegua ramo. Covaerâ voi che ambaapo avei ja ayepyapy añejaâvo Upe che pytyvôjára ja che pya atôijára puacacue tuvichaite rupi. Che aipota voi peê peicuaa tuvichajá ayepyapy pende rejejápe, ja umi jicuaiva Laodiceape rejejápe, ja opa umi che recha-ŷ-vaecue yepe che rova che aimeme rejejápe, oñembo pya kyreŷ jaguâ, ja oyojaŷjú pôrâ jaguâ peteîchante, ja oñemo mbaeguasu cacuaá jaguâ imbaecuaape, oicuaa pôrâ jecope jaguâ pe Tûpâ Ñandeyára mbae ñemingue, upéva Cristo voi. Ja upe Cristo pype oime oñeñongatu opa mbae arandu rejegua, ja mbaecuaava rejegua tacateŷjá iñongatupyré ñemijameguaicha. Cova voi che jae peême anichene jaguâ avave pene mombia peême iyuru jeême. Che poreŷ ramo yepe che rete rejeve, upeicha ramo yepe, che ángape aime pene ndive, ja abyá aina amaêvo pende reco pôrâ reje, ja peyepytasó jâtâ reje peyeroviajápe Cristo reje. Upeareje perojory jagueicha Cristo Jesus Ñandeyárape, upeicha avei peico vaerâ Jesegua ramo, peñembojapóvaicha ja peñemopuâvaicha Jese, ja peñemojâtâvaicha pende yeroviajáreje peñemboe jagueicha, peyerovia cacuaá cuaavévo ja pende pya rorŷ. Chake! Anikena avave peneñapytî iñaranducue rupi, ja jemimoa guau rei rupi cuimbae cuera rei remimboéucá rupiguare, ja umi ybypóra reí itabyraicue rupi guare, ja nda Cristo reco rupi guarei. Cristope voi iyapá Tûpâ Ñandeyáraite reco carai oguecope yepe, ja Jesegua ramo peê peñe mombaémbáma jecope, Upéva voi iñâcâ opa mburuvicha ja ipuacávape. Ja Jesegua ramo peñemongarai ñemongarai ipo rupi iyapopyréŷme, peñemboí rire pende rete angaipavóra recó gui pe Cristo ñemongaraí jecopegua rupi. Peñeñoty vaecue Jendive peñe mongarai jaguepe, ja upeagui peicove yeby avei Jendive peyerovia jaguereje, pene atôi jague gui Tûpâ Ñandeyára pe omoingove yeby vaecue Ichupe umi omano vaecue paûgui. Ja peê pemano vaicha vaecue peyeyaby jague rupi, ja pende reco ybypóra rejegua icaraíŷme gueteri, upeicha ramo yepe, penemoingove peême Jendive, pende rerojorŷvo ojeyapá reívo opa peyeyaby jague. Jae voi omboguépá pe cuatia iñeê imoîmbyre ñane mombeujaré ja ñanemoî vaíjaré rejeve, ja omboípaité, ja oyatyca icurusu reje. Ja Jae voí oyetybyró umi mburuvicha ja umi ipuacáva gui, ja ojechauca ichupecuera opavave resape, oñembo puacavé pype ichuguicuera icurusu reje voínte. Upévareje avave anichene oñemoâ pendereje pe yacarúva guivo, terâ pe yaŷúva guivo, terâ arete guivo, terâ yasy pyajú guivo, terâ yapytuújá ára guivo, umiva jaângánte umi mbae ou vaerâ vaecue gui: pe jete jaéetéva, upéva Cristo voi. Anichene avave penemoîvaí jecoŷme, umi oyeyapóva rejegua oñemo kîrîrîetévaicha, ja oñemboevaicha yvapeguape, umi oñemombae guasuva umi ikepe ojecha vaecue gui, ja oñembobu reíva jemimoa ybypóra rei reco rejeguáva gui. Umichagua ndo guereco jâtâi pe ñane âcâ Cristope, upévagui vointe pe jete oñembojyvâtâmba, ja oñemombaraete oyuayúpá oyopype jayŷgue, ja oyuayújá rupi, ja ocacuaa Tûpâ Ñandeyára omongacuaa jaichante. Peêcuera pemano rire añete Cristo ndive, ja peñerenojê rire, umi jeco tabŷ raí reíva co ybyarigua gui, ¿mbaerépa pende reco co ybyari guaicha gueteriva ramo, mbaerépa peñemoí umi ñeênga reí guype: Ani reñatôi cova? Ani rejaâ ne cûme upéva, Ani repoco pe amóva reje -- umimbae voi mbae iñyñyimbyrâ, ja cañŷmbyrâ -- pembuayévo umi cuimbae rei rembiapoucapy ja remimboe reiguava. Umi ñeênga añetejápe ñaimoa iñaranduva rejegua umi oñemboévape oñemo jembiapovo reínte, ja oñemboapebŷpegua reívape, ja oyerereco asy reívape, Opaichavévonte mavavé umivagui ndaiya pôrâi oyoapí jaguâ umi jiâva ñandepyape ivaí vaerâ ndive. Upeicharamo, repuâ rire avei Cristo ndive, pejecá umi mbae jeco yvapegua rejeguáva, Cristo oijápegua pe iguapŷjápe mburuvicha guasu ramo Tûpâ Ñandeyára acatuape. Pene manduá meme umi mbae yvapegua rejegua reje, ja anichene umi mbae ybyarigua reje. Peê pemanovaicha voí, ja pende recovéeté oñemí jina Cristo ndive Tûpâ Ñandeyára pype. Ja Cristo oyejecha yeby ramo -- Jae voi ñande recove ete -- uperamo peê peyecuaane avei Jendive iyeguaitejápe. Upeareje pemomano pe pende reco ivaí vaerâ ybypóra rejeguavaicha teco tieŷ, pe teco kya, ja pe teco jacu, ja pe pya yerure vaíva, ja pendeséntejá, cova voi mbae raângá mbuetéjá váicha. Umimbae rupi voi oñembo pochy vaerâ Tûpâ Ñandeyára, ja upeicha voi avei peêcuera yma pende reco vaí vaecue, peico ramo guare umi angaipápe. Coanga catu tecôtevê peyepea opaichagua angaipa gui, pe pochŷ gui, ja pe ñecoóî tabŷ gui, ja pe aguará reco gui, ja pe poromomârâ reí gui, ja pe yuru tieŷ reígui, anive jaguâ oñejendu umichagua mbae pende yuru rupi. Ani peñombotaby oñondive yapujápe. Peêcuera voi peñemboíma vaecue pe ybypóra reco ymaguare pembaapo vaí jague gui, ja upeicha avei peñemondéma vaecue pe teco ipyajúvape, oñembopyajúva jina pe mbaecuaa jecopegua ramo oyeyapo jaguâ pe omoñemoñajaré recoicha. Co oñemoña ñypyru pyajúvape ndipori iñambuéva Griego ja Judio paûme, terâ caraíva rejegua ja icaraiŷva rejegua paûme, terâ pytagua ja Scutiaŷgua paûme, terâ tembiguai ja cuimbae jaéaénteva paûme, Cristo aénte voi opavave ramo, ja Jae opavave ñande pype. Tecôtevê, upeicharamo, peñe mondénte peê, Tûpâ Ñandeyára pende poravó vaecue peê pene marangatuva voi, ja peyejaŷjúva, peñemondente pe teco pôrâ poriajuverecope, ja pe teco pya pôrâme, ja pe teco pendesénteŷjápe, ja pe teco pochycuaaŷme, ja pe teco rokîrîrîme, ja perokîrîrî oyupe, ja peñoñyrô oyupe torypápe oime rire oñomoñemyrôva oyoupe. Pe Ñandeyára avei oñyrô jagueicha peême, upeicha peê avei peñoñyrô oñondive. Ja opa âmbae ári pemonde poraŷju, upéva pe omboyuayúva jecoitepe. Ja pe Cristo ñane mbopyaguapyjára tomokîrîrî pende pyapy: covaerâ voínte peñejenôi vaecue avei pe jete peteî rejeguajaré voínte; ja ta perojory Ichupe. Pe Cristo ñeêngue topyta pene râcâteŷ vaicha pende pyape; opa arandu rejeve peñomboe, ja peñomomarandu oyoupe pene ñemboe purajei rejeve, ja peropurajéi pembuetejápe, ja peropurajei mbae yvapeguape, ja pepurajei pende pyapôrâ rejeve Tûpâ Ñandeyára ndive. Ja opambae peyapóva pene ñeême terâ pene rembiapope, peyapópá Ñandeyára Jesu rérape, ja Jaerupi avei perojory Tûpâ Ñandeyára pe Túvape. Ja peê, cuña pemendáva, peyeyoco pene ménape, iya jaicha umi Ñandeyára rejeguape. Ja peê, cuimbae pemendáva, pejaŷjú pene rembirecope, ja ani pende pyáró peicovo ichupecuera. Che raŷcuera, pene ñeêrendú pende rúpe opambaepe; cova voi ipôrâva umi Ñandeyára rejeguape. Ja peê, túva cuera, anichene pembopochŷ reí pende raŷcuerape, anichene jaguâ ipyámîrî osêvo. Peê, tembiguai, pene ñeêrendú opambaepe pende carai co ybyariguape, nda peyapoi pype tembiapo tesárupiguape, umi ombojoryvaicha sapyaite iyárape: pembaapo catu pende pya peteînte guive pekyjŷyejá reje Ñandeyáragui. Ja oimeraêva mbae peyapójaichagua, pembaapo pendepya apytete guive Ñandeyárape guârâicha, ja na cuimbae peguârâichai. Peê peicuaa voi pejupity vaerâjá Ñandeyáragui pe oñembo jecovia vaerâ peême pene rembiapocue repŷrâ. Peê voi peyeyocuaiucá Ñandeyára Cristope. Pe jembiapo vaívape oñembojecoviane pe jembiapocue vaí, ja Tûpâ Ñandeyára ndo poroporavói ñande apé pôrâ gui. Peê yaracuera, pereco jecope pene rembiguaipe, ja pemboyoyá oñondive, peicuaa pype peê avei perecojá pende yáraité yvape. Peñemboe yeroviajápe pende cuerái ŷ rejeve, ja pende reteae yepe pene ñemboejápe, ja perojoryjápe Ñandeyárape. Upeyaveve peñemboe orereje avei Tûpâ Ñandeyára oipea jaguâ oreve peteî okê ore rapérâ roñemoñeê jaguâ iñeê gui, icatu jaguâ roñeê roicuaáucávo pe ñeê ñemingue Cristogui guare gui; coambae rejejápe voi che aime añeñapytîjápe avei coápe. Upeicharamo che amojerâcuâne jecoitepe tecôtevê jaicha cheve añemoñeê. Peico arandu rejeve umi ñande rejegua-ŷ-va ndive pene râcâteŷvo pende ára reje iya yaveve peême. Pene ñemongueta toico tapia pyapôrâme oñemojeê vaicha yukŷpe, icatu jaguâ peicuaa mbaeichapa pembojovái vaerâ, iyájaicha peteî teîme. Pe Tichico, ñande reŷiva oyejaŷjúetéva, ore pytyvôjára yeroviajá, ore îrû Ñandeyára rembiapoucapŷ reje, penemomarandúne peême opa cheve oyejúva gui. Upearâ voi che amondo ichupe pene rendape, peicuaa jaguâ peêcuera mbaeichapa roico ore, ja penembo pya jory jaguâ peême, ja jendive avei ojo Onesimo ñande reŷiva yeroviajá, ja oyejaŷjujá, upéva pende rejegua voínte, ja jaecuera pene momarandúne peême opa oyejuva reje coápe. Pe Aristarco, che îrû añeñapytîjápe, penemo maitéiucá, ja upeicha avei Marcos pe Bernabe ru ryby raŷ, (oyecuaaucama vaecue peême jese voi, ja upeareje sapya ou ramo pene rendape, perojory ichupe,) ja pe Jesús jérava avei Justo, penemo maitéiucá peême. Coa mbojapy, Judio reco vaecue rire yepe, jaecuera año che moîrû vaecue añejaâ jaguepe amoingo Tûpâ Ñandeyára recorâ, ja jaecuera che mbopyaguapy jára. Epafras pende rejeguava avei, Cristo Jesus rembiyocuaiva pene momaitéiucá avei, ipya yeyopy tapiáva jiconi pendereje iñemboépe pepyta jâtâ jaguâ, ja pende reco ete jaguâ, ja peyeroviajápe pejechacuaa pôramba jaguâ Tûpâ Ñandeyára rembipota. Che amombeúcuaá pôrâ jae jâcâteŷetéjá pendereje, ja umi ñande reŷicuera Laodiceape ja Hierapolispe jicuaiva reje. Lucas pe poropôjânôjára, che ajayjúetéva, pene momaitéiucá peême, ja upeicha avei Demas. Pemomaitéi ore rérape ñande reŷicuera Laodiceape jicuaivape, ja pemomaitéi catuetei pe Nimfaspe, ja umi Iglesia ñanderejegua cuera oñembyatŷva jogape cuerape. Ja co cuatia oñemoñeê rire peême opavave apysápe, pemoñeêucá pe Iglesia rejeguava Laodiceaŷguape avei, ja peêcuera avei pemoñeê pe cuatiañeê umi Laodiceaŷgua peguârâva. Ja peye pe Archippope tomaê pôrâ oyapo pôrâ jagua jecoitepe pe oyapóucá vaecue Ñandeyára jembiyocuaijá reje. Che Pablo, che porupi voi pomo maitéiucá peême co cuatia ñeême. Pene manduákena chereje añeñapytîjápe aina. Ñandeyára taipyapôrâ peême. Che Pablo, ja Silvano, ja Timoteo, pomo maitéiucá peême Tesalónicaŷgua Tûpâ Ñandeyára Iglesia Ñandeyára Jesu Cristo rejeguava. Ñandeyára ta penembopyapôrâ ja tapenembopyaguapŷ. Roguerojorŷ tapia Tûpâ Ñandeyárape penderejejápe, ore manduavo pende reje ore ñemboepe. Máramo ndore resarairi pembaapo pôrâ jague peyeroviajápe ja peñejaâ jague peporojayjujápe ja peropuaca pôrâjá peyeroviajápe Ñandeyára Jesu Cristo reje Tûpâ Ñandeyára ñande Ru ypype. Roicuaa voi, ore reŷicuera, Tûpâ Ñandeyára pende rayjújá ja Jae pende poravó jague peême. Pe ñeê ipyajuva ipôrâva Evangelio peguare ore pomboe jague peême na ñeê guaujápeguai, ñeê pojyi añetégua Espiritu Santoete guivo voi guare. Ja peêcuera avei peicuaa voi mbaeichaguapa ore recocue pende apytepe penderejejápe. Ja peêcuera peiconerae ore recocue ja Ñandeyára recocue rupi avei perovia rire Ñandeyára ñeê pejasa asŷete jaguepe; upeicha ramo yepe pe Espiritu Santo penembojory tuvichaite, ja upeicha pende rupi oñembo jecopôrâ opa umi oyeroviava Macedoniaŷgua ja Achaiaŷgua. Ja nda Macedoniape ja Achaiape nte añoi, Ñandeyára ñeê oñembo jyapúucá vaecue pende yururupi, oparupi opa tendape voi avei oñemo jerâcuâ peyeroviajá Tûpâ Ñandeyára reje. Upeicharamo na tecôtevêi ore roe mbaeve co âmbaegui. Umi ambuecue voi oñeê ramo orejegui, omombeu mbaeichapa ore rerojory peê oreve, ja mbaeichapa peê peyere rae Tûpâ Ñandeyárape umi taângá reí gui, peyeyocuáiucá jaguâ Tûpâ Ñandeyáraetéva oicovévape, ja pejaârô jaguâ oyeby yeby jaguâ yvaguí pe Taŷrape, Jae omoingove yeby vaecue umi omano vaecue paûgui, Jesúete pe ñanderepŷjarârâ pe ipochy oyepŷjarâgui. Peê voi, che reŷicuera, peicuaa ore royejea jague pendereje nda reiri jague. Ja jeta rire yepe rojasa asŷ ja royeyao vaí Filipospe, peê voi peicuaa jaicha, ore kyreŷ yeby Tûpâ Ñandeyára ore pytyvô rupi, roñemoñeê jaguâ pe Tûpâ Ñandeyára ñeê ipyajuva ipôrâva Evangelio gui, jeta roñejaâjápe voi. Ore roñemoñeê vaecue voi ndajaei umi opiáva rejeguava, terâ teco yopará rejeguava, terâ guaujápe ombotabŷva rejeguáva. Tûpâ Ñandeyára ore poranguereco jague guinte ore reco reje oyerovia jaguâ orereje pe iñeê pyajuva rejeve, upeacue gui voi ore roñemoñeê, na umi oñeporanguerecóucáse vaicha cuimbaepei, roñeporanguerecoucá jaguânte Tûpâ Ñandeyárape pe oipecajára ñande pyapy. Ore voi máramo noroñeêi roicovo yapichy pichy rejeve, peê voi peicuaa pôrâ jaicha, ja no roñejaâi guaujápe yepe roñemombae guasúucá jaguâ -- Tûpâ Ñandeyára oicuaa pôrâ, -- ja ndo royejecai roñembo tuvicháucá jaguâ cuimbae rupi, pendejegui yepe, terâ ambuecue gui, icatu rire yepe roñembopojyi Cristo rembiyocuai Apostol-já-reje. Upea rangue yepe ore roñembo vevuieté peême mitâ kyryîmeguaicha, peteî isy imemby omocambu ramo guaicha. Upeicharamo, ore pya yerurete gui pendereje, ore rory mo rae romeê pype peême Tûpâ Ñandeyára Ñeê ipyajúva Evangelio, ja ore recove avei catuetei yepe upeicha avei peê cuera voi peyejayjúetéucá jague reje oreve. Ja peêcuera peñemanduane, che reŷicuera, roñejaâite, ja rojasa asy jague reje ore rombaapo voi ára ja pyjarepe, anichene jaguâ ore pojyi avave peêcueravape, ja upeicha roñemoñeê vaecue peême Tûpâ Ñandeyára neê pyajúgui. Peêcuera voi peicuaa pôrâ coambaegui, ja Tûpâ Ñandeyára avei oicuaa ore roico jague peê peyeroviáva ndive teco marangatupe jecoitepe iyojeipyrepe. Peê voi peicuaa ore roico jague opavave penendive cuera peteî tuva itayra ndiveicha, ore pomo kyreŷvo ja pombojorŷvo peême, ja roicuaaucávo peême, peico vaerâjá jecoitepe iya jaicha umi Tûpâ Ñandeyára rejeguávape, upe pene renoîjaré peême iyŷpŷpeguarâ pe teco marangatu imbuetepyrâ yvagapeguápe. Cova reje ore avei roguerojory Tûpâ Ñandeyárape pŷŷ pŷŷî peêcuera pejendu ramo guare pe Tûpâ Ñandeyára Ñeê ore yuru rupi, peê perojory pe ñeê na cuimbae ñeêichai, Tûpâ Ñandeyára Ñeê añetétéguante jaéetéva voi upe pene atôijára peê peroviavape. Peêcuera voi, che reŷicuera, peico vaecue jecópe umi Tûpâ Ñandeyára Iglesia rejegua Judeape jicuaiva, Cristo Jesu rejeguava, reco rupi. Ja peêcuera voi pejasa asy vaecue pene retâŷguaete gui voi, ojasa asy jagueicha umi ambuecue avei umi Judio gui. Umi Judio voi oyuca vaecue Ñandeyára Jesúspe ja umi oñemoñeêjárape ja ore moñá oreve iyapytegui. Jaecuera umiva voi ndoguerojorŷvai Tûpâ Ñandeyárape, ja iyae-ŷ-va opa ybypóra cuera reje. Jaecuera voi ore yoco yepe gueteri roñemoñeêvo umi pytaguape oñemo marangatu jaguâ. Upeicha voi jaecuera omboyoa yoave jicuai tapia iñangaipa ja pe oyepyjára oipyjyma ichupecuera ivaive jaichama. Ja ore, ore reŷicuera, sapyami ore poreŷ ramo yepe pendejegui, upeicharamo yepe, ore pyape poguereco peême ja roñejaâite icatu jagueicha ore pya yerurete rejeve pojecha jaguâ oyova reje. Covareje voi rojose pene rendape: che catu Pablo yeby yeby ajase vaecue ja pe mbaepochy Satanas ore yoco. ¿Mbaépane ore rojaârôjá, ja ore rorŷjá ja ore âcâ yeguajarâ ore roñemombeu guasújá? ¿Ndajaeichépane peê Ñandeyára Jesús ypype iyú yebŷpe? Jae añeté peê ore roñembotuvichajá ja roñembojorŷjá. Upeicharamo, icatuve ŷ maramo ore pyaguapy, jiâ oreve ropyta oreño Atenaspe, romondo yaveve Timoteo, ore reŷivape Tûpâ Ñandeyára rembiyocuaiva, Cristo Evangelio rerecuáva voi, pene mombaraete jaguâ peême ja pene mokyreŷ peyeroviajápe, anichene jaguâ avave peêcuerava peñemopyamîrî coa peyeyopŷjá rupi. Peêcuera voi peicuaa covaerâ voi yaicojá ñande. Upe roimeme pene ndive ore pomomarandu peême roevo: Voi yajasa asyne, ja upeichaite oyeju avei peê voi peicuaa jaicha. Cova reje che avei icatuve ŷ maramo che pyaguapy, amondo aporandúucá mbaeichapa peico peyeroviajápe, yajecha sapya pe mbaepochy penderecáva peneatôimapa nerae, ja upeicharamo, ore rembiapo penderejejápe guare opyta reimanerae. Peina anga ou ramoite yebyma Timoteo pene rendagui ore rendape ja oremo maranduma peyerovia pôrâja, ja peyojayjujá oñondive, ja jeima oreve peê pene manduajá orereje tapia tayjupápe, ja pende pya yeruretejá ore rechapotávo, ore pojechase jaicha peême. Upeva rupi, ore reŷicuera, opa roicôtevê ja rojasa asy jápe yepe ore pyaguapy pende rejejápe peyeroviajáreje. Coanga catu roicovéetéma, peê pepyta jâtâitéma járeje Ñandeyára ndive. ¿Ja mbaeichapa icatu vaerâ rojechacuaa Tûpâ Ñandeyára pendereje oñembojorŷeté járeje pende rupi Tûpâ Ñandeyára ypype? ára ja pyjare voi royerure jetaite ore ñemboépe rojecha jaguâ pende rová ja sapya peyerovia ŷ ramo jecópe pombo jecopôrâite jaguâ. Tûpâ ñande Ru, ja Ñandeyára Jesús tombosacoi ore rapérâ rojo jaguâ pene rendape. Ja Ñandeyára ta penemboyoaŷju jaŷjúve yoa yoa icatu jagueicha oyoyupe ja opa cuimbape avei, ore avei pojaŷjú jaicha peême. Upeicha voi Jae penembo jecopôrâne pende pyape peico jaguâ pene marangatu pene mârâ ŷ reje Tûpâ ñande Ru ypype iyu yebŷjápe Ñandeyára Jesús opa imarangatuva Jesegua cuérava rejeve. Upeicha avei, che reŷicuera, pejendu jagueicha ore yuru rupi voi mbaeichapa peico vaerâ pembojory jaguâ Tûpâ Ñandeyárape, upe peico jaicha vointe, royerure peême, ja pomokyreŷ Ñandeyára Jesús rérape peico peicové jaguâ jecoitepe icatu jagueicha. Peê voi peicuaa umi tembiapo apopŷ romeê vaecue peême Ñandeyára Jesús rerape. Cova voi Tûpâ Ñandeyára rembipota iyojeipyre jaguâ pendereco, peyeyoco jaguâ teco tieŷ gui, peicuaa jaguâ opavave peê cuérava peñejaâ vaerâjá pereco jaguâ pene rembirecóetévé jecoitepe ja yeroviaitéjápe, anichene jaguâ ipuaca pendereje pene remimoâ pene mbotieŷucájarâ, umi ybypóra reícha avei oicuaa-ŷ-va Tûpâ Ñandeyárape. Coambae guivo avei avave anichene omomârâ ja oyabyky japichápe. Ñandeyára voi iyepŷjarâ opa âmbaepe, ore pomboe jagueicha voi peême, ja roicuaauca jagueicha peême. Tûpâ Ñandeyára na ñanerenôiri teco tayasúrâ teco imarangatu vaerânte. Upevareje pe tecove iyeróva ndajaei cuimbaepe año omomârâva, omomârâva catuetei Tûpâ Ñandeyárape omoingue vaecue pende pyape Espiritu Santope. Coanga icatu nda tecôtevêi jaeuca mbaeve co cuatia ñeême peyojayju vaerâjá oñondive, Tûpâ Ñandeyára voi penemboema vaecue peyojayju jaguâ oñondive. Peê voi peico upeicha añete opa umi ñande reŷi ndive jicuaiva Macedoniayere reje. Ja upeicha ta pomo kyreŷ peême peico peicové pôrâ jaguâ upeicha jecópe, peñejaâvo icatu jagueicha oñondive peico pôrâ jaguâ oyoapytepe kîrîrîjáme, opavave peêcuerava peyapo jecope iyáva peteî teî peêvape voí ja pembaapo pende pope ore royerure jagueicha peême peyapo jaguâ, upeicha peico jaguâ jecoitepe umi ambuecue ñande ŷ va resape, anichene jaguâ peicôtevê avave reje. Coanga ndo roipotai, ore reŷicuera, peê peicuaaŷ umi ñande reyá vaecue gui, sapya peê pende pyambyasy ramo umi ambuecueicha avei oguereco-y-va ojaârô vaerâ. Ñande yarovia ramo añete Jesús omano jague ja oicove yeby jague, yarovia avei Jesús rupi Tûpâ Ñandeyára oguerajáucá jaguâ Jendive umi ñande reyá vaecue. Cova voi roicuaáucá peême Ñandeyára ñeê jeíucá vaecue rupi ñande yaicovéva ja yapytava Ñandeyára ou yeby ramo guârâ na ñañemotenondeichene umi yma ñande reyá vaecue gui. Ñandeyára voí ogueyŷne yvagui mburuvicha guasu ñeêicha rejeve ja pe yvapegua tuvichavéva ñeê jyapu yave, ja Tûpâ Ñandeyára turu ipú yave avei, ja umi omano vaecue Cristo rejeguava opuâ tenondene, uperire ñande yaicovéva ja yapytava gueteri ñañe rerôguajêne jendivecuera voí arai guype Ñandeyára ruvaitîjapeve yvate. Ja upeicha ñaimene Ñandeyára ndive tapia guârâ. Upeareje peñomokyreŷ vaerâ coa ñeê rejeve. Opaichavevo na tecôtevêi oyeeuca co cuatia ñeême aracaepane cova ja mbaeichapa iyáne. Peê voi peicuaa pôrâ jecope Ñandeyára ára ôguajê vaerâ jaguâ peteî imondáva pyjarépeicha. Jei yaveve jicuai jaecuera: Ñaime pôrâ: na ñane mârâichene, sapyaite joane jiari cuera imbuaijarâ, imembyrá rasy vaicha sapya ja ndiporichene oñeguajê jaguâicha. Peêcuera, che reŷicuera, na peimei pytûguype, pe coê pende yopyjy jaguâicha mondajapeicha. Opavave peêcuera voi pe ojesapeva rejegua ja pe ára sâcâ rejegua. Ñande ndajaei pyjaregua terâ pytûnguŷpegua. Upeicha ramo, anichene yaké umi ambuecueicha. Yapytánte yapaŷ pyre ja yacaú ŷ vaicha. Umi okéva voi oké pyjarépe, ja umi ocaúva ocaú pyjarepe. Ñande coê riréguáva voi ta ñaime umi ocaú ŷ vaicha: ta ñamonde vaicha ñande pytia mbopiréyoajá yayeroviajápe ja ñande poraŷjupápe ja ñane âcâ mboajoyá vaicha, ta yareco ñane remiaârôrâ ñane marangatu jaguâ. Tûpâ Ñandeyára na ñane moingoi ñandeve iyepŷpyrârâ, yajupity jaguânte ñañe momarangatu jaguâ Ñandeyára Jesú Cristo rupi. Upéva omano vaecue ñanderejejápe icatu jaguâ ñamaña ramo ñaina, terâ yaké ramo ñaina iyu yave yaicové Jendive Jae yaveve. Upeicharamo peñomokyreŷ oyupe ja opavave peñombojecopôrâ, peyapo jaicha voí peina. Anga che ayerure peême, ore reŷicuera, pejechacuaa pôrâ jaguâ umi ombaapovape pende apytepe, umi oicova voi pende ruvichaicha peê Ñandeyára rejegua apytepe, ja pene momanduáva pende reco pôrâ jaguâ. Ta pembo tuvichaite ichupecuera taŷjupápe jembiapo cuera reje, ja peico pya guapype oñondive, ja ore pomokyreŷ avei peême, ore reŷicuera, peêcuera pemomandua jaguâ umi oico rei reívape pe jeco pôrâ jaguâ ja pembo pyaguapy jaguâ umi ipyamîrîetévape ja peipytyvô jaguâ umi ipituávape ja perokîrîrî opavave ndive. Pejechákéna, anichene jaguâ pembojecovia ivaíva pe ivaívape: tapia pejeca vaerâ iya jaguâ peyapo pôrâvo oyoupe ja opavavépe avei. Pende rory tapia. Peñemboe pepytuuŷreje. Opambaepe pende pyapôrâ Ñandeyára ndive. Cova voí Tûpâ Ñandeyára rembipota Cristo Jesús rupi pende rejejápe. Ani pembogue pe Espiritupe. Ani peroŷrô umi oñemoñeêjára mbae tenonderâgui. Opa umivape pejaânte, ja peipyjy jâtâ mbae ipôrâvante. Peye rereco pene añojape opaichagua mbae vaigui. Ja pe Tûpâ Ñandeyára ñane mbopyaguapyjára Jaéeté voí ta penemo marangatú jecoitépe ja toñeñongatú tacateŷjá vaicha pende pya ja pene anga ja pende rete, peico jaguâ pene mârâ ŷ etéva ramo Ñandeyára Jesú Cristo iyúpe guârâ. Yeroviajá catu upe pene renoîva peême, ja Jae oyapone avei jecoitépe pe oyapo vaerâ. Ore reŷicuera, peñemboe ore reje. Pemomaitei opavave ñande reŷicuerape peteî yurupyté imarangatúvape. Ayerure peême Ñandeyára rérape pemoñeêucá jaguâ co cuatia opavavé ñande reŷicuerape. Ta ipyapôrâ peême Ñandeyára Jesú Cristo. Che Pablo, ja Silvano, ja Timoteo, romomaitéiucá peême Iglesia rejegua Tesalónicaŷguape Tûpâ Ñande Rú ja Ñandeyára Jesu Cristo rejeguavape. Ta ipyapôrâ peême ja ta penembopyaguapy Tûpâ ñande Rú ja Ñandeyára Jesu Cristo. Rojechacuaa vaerâ catu ete Tûpâ Ñandeyárape tapia pendereje, ore reŷicuera, iya jaicha voi oreve pende yerovia oyoa yoave járeje ojovo ja pende poraŷju opavave oñondive oyoa yoave járeje ojovo avei. Upevareje voi ore pomombeu guasu peême umi Iglesia Tûpâ Ñandeyára rejeguape perokîrîrî reje, ja pende yerovia reje opa pene moñájá rupi ja pejasa asy járupi. Cova voi ojechacuaáucá oreve Tûpâ Ñandeyára oyepŷjá jina jecope penembosacoiva voi iya jaguâ peême pejupity jaguâ pe Tûpâ Ñandeyára reco yvapeguape co pejasa asŷva voi rejejápe. Upeicha vaerâ voi, iyáma guive jecópe Tûpâ Ñandeyára umi penembojasa asy jague recoviarâ omeê jaguâ ichupecuera ojasa asy jaguâ avei, ja omeê jaguâ peême pejasa asŷvape peina pepytuú jaguâ penembopytuúvo orendive Ñandeyára Jesús oyejechauca yebyja árape ouvo umi yvapegua rejegua ja oñembotuvichájá rejeve. Jae oune tata rendŷ apytepe oyepŷ jaguâ umi oicuaa-ŷ-va reje Tûpâ Ñandeyárape ja umi iñeêrendu-ŷ-vaecuepe reje Ñandeyára Jesús ñeê ipyajúva ipôrâva Evangeliopeguare. Oico vaerâ jesecuera pe oyepŷva omosarambivo ichupecuera tapiaguarâ ja omombovo ichupecuera Ñandeyára resagui ja pe oyeguaitejá ja oñembotuvichajagui, upe ára Jae iyú yebŷjápe, oñembo tuvicha jaguâ umi imarangatu cuera rupi, ja oyejecharâmô jaguâ opavave umi oguerovia vaecue apytepe, ja pende apytepe avei perovia jague reje pe roicuaauca vaecue peême. Coicharâ voi ore tapia roñemboe avei pende reje royerurevo Tûpâ Ñandeyára omboiya jaguâ peême peico jaguâ jecope iporavópyré ojenoî jagueicha, ja ipuaca rupi ombuayepá jaguâ pene rembipota pende pya yerurejá mbae ipôrâva guive, ja ôguenojêucá pôrâ jaguâ pene rembiapo peyerovia jague. Toiconte upeicha Ñandeyára Jesús réra oñembotuvicha jaguâ pende pype, ja peê peñembotuvicháucá jaguâ Ipype ipyapôrâite rupi ñane Tûpâ Ñandeyára ja Ñandeyára Jesu Cristo. Anga royerure peême, ore reŷicuera, ñane manduajápe Ñandeyára Jesu Cristo yu yeby reje, ja pe ñañembyatŷ jaguâ reje oñondive juvaîtívo, anichene jaguâ peê peyetybyró voíeté pende pyape coa mbaegui, ja anichene jaguâ pene âcâtarová reí mbae guaujapegua reje, terâ ñeê reí reje, terâ cuatia ñeê rupi orejeguiguaicha ramo peimoâjápe jecoŷme Ñandeyára ára ôguajêmbotámajá. Avave mbaevéicharamo anichene peñembotaby. Upe jaára ndicatui ou jaguâ oico rae ŷ reje pe oyepia guasújá, ja oyecuaa rae ŷ reje avei pe cuimbae oporomboepochyjára, pe oporombuaijára rejegua, pe oñemopuâ vaerâ ja oñembotuvicha vaerâ opa mbae oñembo jérava Tûpâ Ñandeyára coty coty terâ mbae imbuetepyrâ coty coty ja oike vaerâ oguapy jaguâ yepe pe tenda carai tûpâopeguape oyejechaucávo oyupe jae voi Tûpâ Ñandeyára ramo guaicha. Na pene manduaipa che aime ramo guare penendive jae jague peême opa âmbae. Ja coanga peê peicuaa pe iyocojára oguajê meve pe jecóeté oyecuaáucápá jaguâ ára. Oicoma voi pe oporomboepochŷjára ñemijáme. Cova añónte upe iyocojára oyei peve iyapytegui cuera, ja uperamo pe oporomboepochyjára oyecuaáucápáne, ja Jesu Cristo ogueroveve vaerâ ichupe iñeê ybytu pochŷicha rupi, ja omboapayerei vaerâ iyúpe iyeguaitépe. Upe oyecuaaucajá árape, upéva oyapouca jaicha pe Satanás mbaepochy, oicone opaichagua mbae guasu ja jechapyrâ ja mbae poromondyi yapujápegua, oporombotaby jaguâicha ñañajápe umi icañymbyrâme, ndo yopyjyi jague reje ipyápe taŷjúpápe pe Tûpâ Ñandeyára Ñeê oñembo jeco marangatúucá jaguâ. Upearâ voi Tûpâ Ñandeyára ombou ipyaatôijára oyeyabŷucá vaerâ, ja ogueroviáucá vaerâ pe guaújápegua, oyepŷ jaguâ opa umi ogueroviase-ŷ-vaecue Tûpâ Ñandeyára Ñeê ja obya eterei vaecuereje jicuai jembiapo vaija rupi. Ore tapia rojechacuaa vaerâ Tûpâ Ñandeyára pende rejejápe peê ore reŷicuera, Ñandeyára raŷjupara cuera Tûpâ Ñandeyára iñypyrumbŷ guive voi pende poravó jague reje pene mârâ-ŷ-jaguâ pene mbojeco marangatu rupi pe Espiritu, ja peê perovia jague reje iñeê. Covaerâ voi Tûpâ Ñandeyára pene renôi vaecue peême ore ñemoñeê rupi pe Evangeliogui, iya jaguâ peême peyererojorŷ jaguâ Ñandeyára Jesu Cristo oñembo tuvichajápe. Upeicharamo, ore reŷicuera, pepyta jâtâ ja pene mandua tapia umi mbae ore pomboe jague peême ore yuru rupi voi, terâ ore cuatia ñeê rupi. Ja Ñandeyára Jesu Cristo voi, ja Tûpâ Ñandeyára ñande Ru ñande rayjújára omeê vaecue ñandeve ipyapôrâjápe ñande pyaguapy tapia jaguâ, ja ñane remiaârôrâ mbae ipôrârâ meme, ta pene mbopyaguapy ja ta pene moingo pôrâ opa tembiapo ja ñeê pôrâme. Coanga, ore reŷicuera, peñemboe orereje, peyerurévo Tûpâ Ñandeyára Ñeê reje, oico pyaéeté jaguâ oparupi ja oñembo tuvicha jaguâ pende apytepe guareicha voi, ja anichene jaguâ ore mârâ umi cuimbae iñâcâ vaí ja iñañáva rupi -- nda opavavei voi oyerovia -- Ñandeyára ñande yeroviajá voi penemoingo vaerâ jecopete ja pene ñangareco vaerâ mbaepochy gui. Ja yayerovia Ñandeyára reje penderejejápe, peyapójá peina ja peyapo vaerâjá pe ore royapóucáva peême. Ja Ñandeyára tombosacoi pende pya pende reco poraŷjú jaguâme Tûpâ Ñandeyáraicha, ja pende reco kîrîrî jaguâme Cristoicha. Ja coanga, ore reŷicuera, Ñandeyára Jesu Cristo rérape roéucá peême peyepea jaguâ opavave ñande reŷi jecopegua-ŷ gui, ja oico-ŷ-va jecope ore romboe jagueicha. Peê voi peicuaa tecôtevêjá peê peico ore reco rupi: ore ndo roicoi vaecue jecoŷme pende apytepe. Ja ndo rou reíri avave mbuyape, ja roñejaâ icatu jagueicha tembiapo pojyi rejeve ára ja pyjare rombaapo roicovo anichene jaguâ ore pojyi avave peê cuéravape. Upeicha royapo nda iya-ŷ-jague rejei oreve, rojechaucásénte peême ore reco gui, peêcuera peico jaguâ oréichante avei, ja ore roi pype penendive yepe roéucá vaecue coicha: Oime ramo ombaapósé-ŷ-va tocaru-ŷ avei. Rojendu roina coanga oiméjá peteîva peêva peicova jecoŷme na pembaapoijá mbaevepe, ja pene ñeêngatu reíjá peicovo. Coaichagua tecovépe roéucá, ja royapóucá Ñandeyára Jesús rérape tombaapó kîrîrîjáme jou jaguâ imbuyape jembiapo repycueguiguante. Peêcuera, ore reŷi cuera, ani peneateî pende reco pôrâ vaerâme, ja oime ramo ojenduse-ŷ-va ore ñeê co cuatia ñeêmegua pemaê pôrâ upe cuimbae reje, ja ani peyejea jese, jae oñemotî jaguâ opytavo. Upeicharamo yepe ani peyapo pende ae-ŷ-va ramo jese. Pemomanduante ichupe peteî ñande reŷicha. Ja pe Ñandeyára ñane mbopya guapyjára tapiaite ta pene mbopyaguapy peême avei opaichavevo. Ñandeyára toico opa pene ndive cuera. Che Pablo che po rupi voi pomo maitéiucá oyejechacuaajá voi opa che cuatia: coicha voí che ajai che cuatiañeê reje che po rupi voí. Ñandeyára Jesú Cristo pyapôrâ toico opavave penendive cuera. Che Pablo, Jesu Cristo rembiyocuai, Apostol, che moingo vaecue upearâ Tûpâ Ñandeyára ñane mbojeco marangatu jára, ja Cristo Jesús ñande yeroviajá, romo maitéiucá ndeve, Timoteo, che raŷ ete co yayeroviáva rejeguáva. Tûpâ ñande Rú ja Cristo Jesús Ñandeyára ta nembopyapôrâ ja nde poriajuvereco ja ta nembopya guapŷ. Che aime ramo guare aja jaguâicha Macedoniape, che ayerure ndeve repyta jaguâ Efesope, icatu jaguâ remomandua umi ambuecuepe ani jaguâ omombia iporomboepe, ja ani oyapysaca mbae rei rei reje ja umi ñemonaré iyapyra-ŷ-va reje. Umimbae voi ñande poromboyuabŷva ñane mboyepocuaa rendaguepe Tûpâ Ñandeyára rembiapo rerecua ramo icatujápe yaico ñande yayeroviajá rupinte. Upevareje coanga ayerure yeby ndeve. Co vaerâ voi ore romomandua oico vaerâjá mborayju ipya pôtí rejeve ja ipyapy pôrâ rejeve ja oyoyerovia oyueje guauŷjápe. Co âmbae pôrâ gui oime oyaby vaecue ja opia vaecue ñeê tabŷ apytepe. Umiva oyeyapose poromboejára, ndojechacuaai ramo yepe iñeêngue jaecuera voi jei vaecue, terâ umi mbae jaecuera voi omoañetéva. Ñande yaicuaa voi pe ñeê ñande reco rejeguarâ ipôrâjá, ñande yaico ramo ipype jecópe yaico jaguâicha. Yaicuaa pôrâ voi pe ñeê jecopegua ndoicoijá pe jeco pôrâva reje, umi jecoŷmegua rejente, ja umi iyuru âtâva reje, ja umi oñemboeseŷva reje, ja umi angaipavóra reje, ja umi iñañáva reje, ja umi itayasúva reje, umi isŷ ja itúva nûpâjaré reje, ja umi oporo yucajaré reje, ja umi oñembotieŷva reje, ja umi oyopyjŷva cuimbaepe reje, ja umi omondava cuimbaepe reje, ja umi iyapúva reje, ja umi oporomoî vaíva reje, ja oime ramo mbae na ore remimboecue imarangatu jecopegua rejeguaichaguai, pe ñeê jecopegua oico umi mbae reje, ja oime ramo mbae na Tûpâ Ñandeyára pe imbuetepyrâ ja imarangatúetéva Evangelio rejeguaichaguai co Evangelio oyeyeroviáucá vaecue cheve. Arojory upe che mombaraetéjára, Cristo Jesús voî Ñandeyárape, Jae che rereco jague reje yeroviajá ramo, ja Jae che moingo jague reje co tembiapo rerecuá ramo, aico rire yepe yma voi aporomoî vaívo ja aporo moñávo ja aporoaóvo. Opaichavévonte Tûpâ Ñandeyára che poriajuvereco vaecue che ayapo jague reje umi mbae aicuaa-ŷ-reje ja ayeroviá-ŷ-me, ja Ñandeyára pya pôrângue che atôi yoa yoa cheve ogueroviáucávo ja ojayjúucávo cheve Cristo Jesús rejeguájarâ. Cova ñeê yeroviapyrâ ja iyáva opavave oyopyjy jaguâ Cristo Jesús ou jague yby ári ombojeco marangatu jaguâ umi angaipavórape. Umiva cuérava che voi pe tenondéva, che voí che pojyieté vaecue. Ja coa reje voí che poriajuverecó cheve Tûpâ Ñandeyára icatu jaguâ che pype raê ojechaucá Cristo Jesús tuvicha jague oguerokîrîrî cheve ojechacuaáucá jaguâ umi ambuecue oyerovia vaerâme Jesé pe Tecove iyapyra-ŷ-va rejeguarâ. Coanga toñembueté ja toñembotuvichaité tapia guârâ pe Mburuvicha Guasu, Tapiagua, Omano-ŷ-vaerâ, ja Yajecha-ŷ-va, Jaeñónteva Tûpâ Ñandeyáraite. Amen. Coambae voi che romomandua vaerâ ndeve, che raŷ Timoteo, oñemombeu jagueicha cheve ndejegui yma icatu jaguâ coicha rerayrô pe ñorayrô pôrâjáme, reicopype nde yerovia jápe ja pya pôtíme. Oime ambuecue ogueroyrô vaecue umimbae ja upeicha ocañŷ iyerovia jague gui. Umiva rejegua voi oime pe Himeneo ja Alejandro, che ameê vaecue Satanas mbaepochŷpope jaecuera oñembo aracuaa jaguâ na ipôrâijá oporoaó. Upeicharamo, che romomanduáucá iñypyrúrâite, toyeyerure, ja toñeñemboe ja toñemonyrôucá ja toyejechacuaa jecópe opavave cuimbae rejejápe. Toñeñemboe umi mburuvicha guasu reje, ja opa jicuaiva tuvichajá rupi reje, icatu jaguâ yaicove pyaguapŷ ja ñane anguecói ŷ me, ñambuetévo ja ñambuayévo jecoitépe imarangatu vaicha. Cova ipôrâ ja oguerojorŷ Tûpâ Ñandeyára pe ñane mbo jecomarangatújára ypype. Upéva voí oipota opa cuimbae cuera oñembo jecomarangatu, ja opavave ojupitŷ jaguâ oicuaa jaguâ jecópe pe Ñeê añetegua. Oime voí peteî Tûpâ Ñandeyára añónte ja peteî oipaûndŷva Tûpâ Ñandeyára ja umi cuimbaecuera paûme Cristo Jesús Upeva. Jae voí cuimbaéva oñemeê vaecue oyupe voí opavave repŷrâ; ja upe mbae oyecuaáucápyré voí upeyave. Co vaerâ avei cheve che moingo vaecue mojerâcuâjarâ ja Apostol ramo -- Che añeê añetetéva, nda che yapui, -- ja che apó poromboejárâ ramo umi pytaguape aroviáucá jaguâ ichupecuera jeco porâ jaguâ. Upeicharamo, che aipota umi cuimbae oñemboe oparupi ojupívo ipo imarangatúvaicha pyavaí ja yuaby-ŷ-reje. Upeicha avei, che aipota umi cuña oñemonde jecópe oyeguávo kîrîrîjáme ja tâcâteŷme, anichene oico jiáva ñeñopê rejeve óro rejeve terâ perla rejeve terâ ao jepŷ etéva rejeve: toñemyatyrônte tembiapo porâme iya jaicha umi cuña oyecuaáucáséva pe Tûpâ Ñandeyára ombuetévajá. Pe cuña toyapysacá kîrîrîjáme pe temimboe oyeyocópáitépe. Na jiâi cheve iyajá pe cuñáme oporomboe, terâ oguereco jaguâ cuimbaepe ipo guype, topytante kîrîrîjáme. Pe Adan oñemoña ypy vaecue, ja uperire pe Eva. Adan voi noñembotabyi, pe jembireconte oñembotabyete vaecue opia oyeyabyjápe. Upeicharamo yepe pe cuña na imârâi chene imemby cuévo, jaecuera oico tapia ramo oyoyeroviajápe, ja oyojayjujape, ja imarangatujápe ja âcâ pôrâ rejeve. Cova ñeê jaeteva yayerovia jaguâ: oime ramo oñemoingóucáséva obispo, Iglesia rejegua rerecua ramo, tembiapo pôrâite upéva oicoséjápe jae. Upearâ tecôtevê pe Iglesia rejegua rerecua jae carai yojeipyré, peteî jembirecóvante año, ja jeco kîrîrîva ja jeco pôrâva, ja oporo mbopujáva ja oporomboecuaáva, ja nda icaúva rejeguávai, ja nda poronûpâsévai ja nda jaeséntevai, ja no oñorayrô catuvai ja na mbaerepŷrecájárai: oicocuaa vaerâ jogapegua ruvicha ramo, toguereco tayra cuerape ipo guype oñembuetéucávo ichupe cuera. (Oime ramo oñembo tuvicha cuaa ŷ va jogateépe, ¿mbaeichapa icatune oñangareco Tûpâ Ñandeyára Iglesia rejegua reje?) Ndaiyai jae ipyaju etereiva yeroviajápe, anichene jaguâ joa pytûnguype, ja joa vaí pe mbaepochy joa jagueicha. Tecôtevê voi jerâcuâ pôrâ umi ñande rejegua-ŷ-vape avei, anichene jaguâ jae oñemoî vaí, ja ani jaguâ joa mbaepochy ñûjâme. Umi diacono avei, tûpâo rembiyocuai, tecôtevê upeicha avei imbuetepyrâichagua, ani jova mocoîva, ani oyepocuaava ocaúvo, ja ani itayasú mbaerepy rei reje: toñangareco tacateŷjaicha co ñeê ñemingue yaroviáva pyapy yojeipyre rejeve. Coâva tecôtevê oñejaâ raê, ja oyejuma ramo iyojeipyre, toyeyapo tûpâo rembiyocuai, diacono. Jembireco cuera tecôtevê avei, imbuetépyrâichagua, ani poromoî vaíjaré, toñembovevui, ja ta yeroviajá opambaepe. Umi tûpâo rembiyocuai peteî jembirecóvante año vaerâ, ja toico jecópe tayra ja jogapeguacuera ruvicha ramo. Umi oico vaecue jecope co tûpaô rembiyocuaijápe, ojupity jicuai iyupecueraguarâ voi jenda pôrâve jaguâme, ja oñembo catupyrŷma jicuai oñemoñeêjápe ñande yeroviajá Cristo Jesu reje gui. Opa âmbae jaeuca ndeve co cuatia ñeême, ja ajaârô yepe avei aja jaguâ voi nerendape. Sapya che are eterei ramo aja jaguâ, taeucánte ndeve co cuatia ñeême reicuaa jaguâ nde mbaeichapa reyerereco vaerâ Tûpâ Ñandeyára rogaygua apytepe. Cova voi jae Tûpâ Ñandeyára oicovéva Iglesia, Tûpâ Ñandeyára añetegua iyocojarâ ja japo upéva avei. Ndipori oyuaby vaerâ yae ramo mbae ñemingue ñongatúpyréetévajá co ñambuetéjá Ñandeyárape: Jae oyejechauca jague cuimbaeicha, ja iñeê oñemoañetété pe Espiritu rupi, Jae oyejecha umi yvapegua rupi, ja jerâcuângue oñemombeu umi tetâ ambue rupiguape, oyererovia co ybyari ja uperire oyererojory oñembo tuvichajápe yvape. Coanga pe Espiritu oicuaaucá pôrâite voi umi ára pajape, oime jaguâ opiava iyeroviajá gui, oyepysacávo umi mbaepochy oporo mbotabŷvareje ja umi mbaepochy remimboéreje. Cova voi oyapo jóva mocoîjá reje umi oporomboéva mbotabyjápe, ipyapy oyejapy âtâvaicha. Umiva voi oyoco omenda jaguâ gui, ja oyoco anichene jaguâ jou pe tembiu cuera Tûpâ Ñandeyára oyapo vaecue voi jiupyrâ torypape umi ogueroviávape guârâ ja umi oicuaa pôrâva Tûpâ Ñandeyára Ñeê añeteguápe guârâ. Opambae Tûpâ Ñandeyára omoñemoña vaecue ipôrâ, ja ndipori mbae iroyrômbyrâ, yaipyjyma guive yarojoryjápe Ñandeyárape jese. Oñemo marangatu voi pe tembiu Tûpâ Ñandeyára ñeê rupi ja ñane ñemboe rupi. Ja nde, remomandua pôrâ ramo ñande reŷicuerape âmbae reje, nde peteî Cristo Jesus rembiyocuai jecopetegua ja yeroviajá, recacuaa rejovo pe ñeê ñande yaroviava rupi, ja pe ore remimboe ipôrâva co nde reico pôrâjápe voi. Umi mbae guaujapegua itabŷva rupi gua ja nguaimiguigua, emombo. Eñejaâ eyepocuaa nembaraete jaguâ teco marangatujápe guârâ. Pe teco ñañejaâjá ñamombaraetevo ñande rete ipôrâ michi nungá ñandéve. Pe teco marangatu voi ipôrâ ñandeve opaichavevo meme, pe oñecuameêjá voi ñandeve Tecové jaeteva coanga guârâ ja pe Tecove oyeico voi vaerâ guârâ avei. Co ñeê yarovia vaerâ voi, ja iya oyererojory jaguâ opava rupi. Co vaerâ voi ore rombaapo ja roñejaâ rojaârôjá reje opambae pôrâ Tûpâ Ñandeyára oicovéva ñande yeroviajá gui, upeva opa cuimbae cuera repŷjára, ja umi ogueroviava repŷjára catuetei. Cova emomanduá ja emboe. Ani avave nereroyrô nde cariaŷjá reje pe ne ñemongueta pôrâ rupi, ja nde reco pôrâ rupi, ja nde porayjú rupi ja nde yerovia rupi ja nde yojeipyré rupi nemarangatujápe, tecôtevê rejecomboe umi ambue oyeroviavape oico jaguâ ndeicha. Che aja ramo guârâ nerendape, tecôtevê remoñeê meme Santa Escritura umi ambuecue cuerape remokyreŷvo, ja reporo mboevo ichupecuera. Ani reroyrô pe mbae ipôrâva nde pyapypegua oñemeêmbyre ndeve Tûpâ Ñandeyára ñeê rupi umi carai ituyáva omoî yave ipo nde reje. Emandua meme coambae reje, ja epyta jâtâ upe teco rupi oyecuaapa jaguâ opavavépe nde reñembojeco pôrâ pôrâvéja rejovo. Eñeñangareco ndeyejegui voi, ja eñangareco pe neremimboecue reje. Eico memete upeicha jecope, nde reyapo pype coicha reñembo jeco marangatúne nde yupe voi ja umi nerendujarape avei rembo jecomarangatúne. Umi ituyavévape ani reñeê pojyi, eyerurente ichupecuera nde rúpe guaicha. Eñeê umi cariaŷvape nde ryby cuerape guaicha, ja umi inguaimívape nde sŷpe guaicha, ja umi cuña taíme ne reindy pe guaicha pya pôtí rejeve. Embuete umi cuña imena omano vaecuepe, cuña ityreŷmbaetéva guive. Oime ramo cuña imena omano vaecue oguerecova imemby terâ jemiarirô, tecôtevê umiva oicuaa rae ombuete jaguâ umi jogaŷguape ja ojechauca jaguâ ombuetejá umi imongacuaajarépe. Cova voi oyererojory Tûpâ Ñandeyára ypype. Pe cuña imena omano vaecue jaeñóva ja ityreŷva ojaârô mbae ipôrâva Tûpâ Ñandeyára iyeroviajágui ja oico tapia ára ja pyjare oñemboévo ja oyerurevo Ñandeyárape. Pe cuña imena omano vaecue jecovaíva oyeyoco cuaa-ŷ-va oicové ramo yepe omano vaicha oico. Emomanduá ichupecuera umimbae reje jeco pôtí jaguâ. Oime ramo oñangareco cuaa-ŷ-va jesecueragua reje, ja umi jogaiteŷgua reje catuetei jae omomârâma rae iyerovia jague ymaguare ja jeco vaíve pe oguerovia-ŷ-va mbaevepe gui. Umi cuña yma imena omano vaecue ombotŷ vaerâ rae sesenta años oñemoî jaguâ jéra pe cuatiápe, ja tecôtevê jae peteî cuimbae añónte rembireco racae, ja jerâcuâ pôrâ jembiapo pôrâvajá ja omongacuaa pôrâ jague imemby cuera ja oporombojupájá, ja oyojei vaecue jague ipy umi imarangatuvape, ja oipytyvô vaecue jague umi oyeyopŷvape ja oico jague jecope opa tembiapo ipôrâvape. Umi cuña taí imena omano vaecuepe ejeyá reinte, umiva voi jiâ vove ichupecuera ipojyijá co Cristo reco, omendasema jicuai, ja upeicha oñemoî vaí oyupecuera opoí jague gui iyeroviajá ñepyrumbyrégui. Upeichavo oyepocuaa jeco rei reivo omojembŷ-ŷ-vo oga, ja nda jeco reívante añoi, iñeêngatúva ja imbae porandu eterei avei oñeêvo mbae oñeê ŷ vaerâ gui. Aipota upeicharamo umichagua cuña taí omenda yeby, taimembŷ, ja toñangarecócuaa jogaŷgua reje voi, ani jaguâ omboiyá pe omañávape jesecuera omoî vaí jaguâ ichupecuera. Oimema voi ambuecue cuña oñemboyeré yeby vaecue oico jaguâ mbaepochy Satanás rapycueri. Oime ramo peteî cuña caraí oyeroviava, oguerecova ipoguŷpe cuña iména omano vaecuepe toipytyvô jemicôtevême, anichene jaguâ ipojyi umi Iglesia rejegua reje, icatu jaguâ umi Iglesia rejegua oipytyvô jaguâ umi cuña imena omano vaecue oicôtevêvape añete. Umi carai ituyáva oporo guerecova jecope pôrâ, toñemombeu guasu yoa yoa, ja toñemombeu guasu guasuve catuetei umi jaecuerava oñejaâiteva oñemoñeêvo ja oporomboevo. Pe Santa Escriturape voi oyee: Pe mymba ombaapóva oyekyijape na ña tînguajá vaerâi, upeichaite avei iya pe cuimbae ombaapóvape ojupity jembiapo repycue. Ani reyapysaca, oime ramo ouva omoî vaívo peteî carai ituyávape, oime ŷ ramo jendive mocoî terâ mbojapy jechajare. Umi oñemo angaipavape meme eyao opavave renondepe umi ambuecue okyjŷyé jaguâ avei. Ayerure ndeve Tûpâ Ñandeyára ypype guaicha, ja Jesu Cristo ypype guaicha, ja umi iyeporavopyré yvapegua ypype guaicha, ta nemandua reyapo jaguâ jecopete âmbae nde pya remboyoa ŷ reje, ja ani reyapo mbaeve rereco ŷ reje peteîcha opavavepe. Ani ne jange remoîvo nde po cuera avave reje, ja ani reyejea angaipavora rembiapo reje. Eñangarecó ndeyeje voi co nde reco pôtí jaguâ avei. Coanga rire anive reŷu ŷ rei: ipôrâvéne reu mîchîmi vinonte nde pya rejejápe ja nembaasy tapia rejejápe. Oime cuimbae iñangaipa cuera oyejechava opavave rupi, ja upéva rupi voi nune ñamoî vaí rae jecópe: oime ambuecue iñangaipa rapycuere avei opytava. Upeicha avei oime peteîva jembiapo ipôrâ oyecuaava voi ja oime ramo oyecuaa ŷ va ndicatui oñemi jaguâ tapia guârâ. Opa tembiguai jicuaiva ambue poguŷpe toguereco iyára ete umi oñembuete vaerâicha jecoitépe, anichene jaguâ oyeyao Tûpâ Ñandeyára réra, ja pe ore remimboe. Ja umi oguerecova iyára ogueroviávape, ani ogueroŷrô ichupecuera ñande rejeguajá reje, toyeyocuáiucánte jecopévé yepe ichupecuera ogueroviaja reje, ja oyejaŷjúva já reje umi ojupitŷva jembiapocue jecopegua. Coicha eporomboé ja emomanduá. Oime ramo oporomboe ambuétéva, ja ndoyoyáiva umi ñeê jecopegua reje Ñandeyára Jesu Cristo ñeê reje voi, ja ndo yoyáiva pe ore remimboe ñanemombuete vaerá jecope reje, upeva oñembobúva reí, ja ndoicuaai mbaeve jecoitepe, ja oico itabŷvaicha oyuaby ja oñoraŷrôvo ñeê rei reje. Umimbae voi ñañomaêvaíucá, ja ñañembo yuabŷucá, ja ñañembo yoyaóucá, ja ñañembo pyapy ñañáucá, ja omboyererovia tapia umi tecove iñâcâ taby raívape oicova pe pytûnguype pe Tûpâ Ñandeyára Ñeê añetegua gui, ja oimoâva Tûpâ Ñandeyárape ñambuetejá ñane mombaeguasuucajaraja. Anetejape pe ñambuete Tûpâ Ñandeyárape upéva ñanemo mbaeguasúcá jarâ ñandéve yabŷájápe ramo. Ñande nda yarui vaecue voi mbaeve voi co ybype, ja ndicatui yaraja jaguâ mbaeve co ybyari gui yajávo. Ja yareco ramo icatu jaguâ yacaru ja ña ñemonde, ta yabyá coa rejeve. Umi oñemo mbae rerecójaséva, icatu joa mbaepochŷ oñatôijápe ja ñujâme, ja jetambae itaby raívape, ja itieŷvape imârâ jaguâme. Umimbae omondo umi ybypóra cuerape pe oñemo cañŷ ja oñembuaipájápe. Pe imbae repy rerecosejá voí, upéva opaichagua mbae vaí rapóicha, ja oime voí peteîva oyepyso etereiva pe mbaerepŷ reje opia vaecue pe iyeroviajá gui, ja upeichape oyecutu vaecue jetaite pya mbyasype. Nde, cuimbae, Tûpâ Ñandeyára rejegua, eñeguajê umi mbae gui, ja eñejaâ reñembo jecopôrâ pôrâve jaguâ, rembuete jaguâ jecoitepe Tûpâ Nandeyárape, ja reyeroviápá pôrâ jaguâ, rejaŷjú jaguâ jecope, ja nde reco kîrîrî jaguâ, ja nde reco pochy cuaa ŷ jaguâ. Eñejaâ icatu jagueicha co ñoraŷrô pôrâme yayeroviaja rejejápe, eyapocói pe tecove iyapyra-ŷ-vareje pe reñejenôi jaguepe reñemombeu pôrâ yave guare co teco marangatu rejeguajá jeta nde rechajaré renondepe. Che romomandua Tûpâ Ñandeyára ypype guaicha pe omoingovéva opambaepe, ja Cristo Jesús ypype guaicha upe oñemombeú pôrâ vaecue Poncio Pilato ypype Jae co teco marangatu rejeguajá. Ayerure ndeve, upeicharamo, rembuaye jaguâ jecope pe Tûpâ Ñandeyára rembiapoucapy nde reco mârâ ŷ reje oime ŷ reje nemoî vaíjárâ Ñandeyára Jesu Cristo oyejechauca yeby jaguâ ára peve. Upe jiarape voi oyejúucáne upéva pe imarangatúetéetévéva pe jaeñova tuvichá vichavéva, pe mburuvicha guasu Ruvicha guasu yebŷva, pe carai guasu Carai guasu yebŷva. Upéva voi jaeño oico omano-ŷ-vaerâ, oicova jendyva apytepe icatu-ŷ-jápe yaya, pe avave cuimbae ndojecha vaecuei, ja icatu ŷ vaerâ ojecha, toñembuete Jae ja toñembotuvicha icatu jagueicha tapia guârâ. Amen. Emomanduá umi mbae rerecojá angaguápe, ani oñembotuvicha reí, ja ani oyerovia pe imbae rerecojá reje, icatu jaguâ ojaârô -- mbae opyta-ŷ-va upeva -- toyeroviánte pe Tûpâ Ñandeyára oicoveva reje omeêva ñandeve opambae jemby jaguâicha yabya jaguâ: ta imbaepôrâ, ta jembiapo pôrâ jeta meme, ta oporo ñomboyaóva, ta oporo ñombaéva, ombyatyvo iyupe guârâ cuera ombojapó pôrâ jaguâ pe omopuâ vaerâme, icatu jaguâ ojupity pe tecove jaeteva peve. Nde Timoteo eñangareco pôrâ umimbae oyeyerovia jague ndereje. Eyere catu umi oñeê reí reíva guaujápe gui, ani jaguâ reñejaâ umi imbaecuaáva ndive umi guaujápe guarénteva. Oime vaecue voi peteîva umiva rejeguava oñemombeu guasu ramo yepe co ñande yayeroviajá reje, upeicha rejeve oyaby. Ñandeyára ta pene mbopyapôrâ peême. Amen. Che Pablo, Cristo Jesús rembiyocuai Apostol, Tûpâ Ñandeyára rembipota rupi guare, pe Tecové jaetéva icuameêmbyré Cristo Jesu rupi guare mojerâcuâjarâ. Amondo co cuatia ñeê ndeve Timoteo, che ray rojaŷjúva. Tûpâ Ñandeyára pe Túva, ja Jesu Cristo Ñandeyára ta nembopyapôrâ, ta nde poriajuverecó, ja ta nembopya guapy ndeve. Che pya rorŷ Tûpâ Ñandeyára ndive, che ambuetéva che pya pôtí rejeve, oyapo jagueicha che ru ypycue, che manduajá reje aina apytuu ŷ reje nde reje ára ja pyjare ndereje añemboe jápe, ja che manduajá reje aina nde resaŷcue reje, che pya yerurete rojecha jaguâ che abyaite jaguâ pende pyri. Ou che âcâme che manduávo reyeroviáetéjá nda guaujapei. Co yerovia voi oico vaecue nde yaryi Loida pyape, ja upeicha avei nde sy Eunice pyape, ja che aroviaite voi oicojá avei nde pyapype. Upévareje ta romomandua reñejaâ jaguâ reñatôi pe Tûpâ Ñandeyára remimeêngue amoî yave guare che po ndereje. Pe Espiritu Tûpâ Ñandeyára omeê vaecue ñandeve ndajaei ipya mîrîva rejegua umi ipuacáva rejeguánte, umi oporo jaŷjúetéva rejegua, ja umi iñâcâ pôrâva rejegua. Upevareje ani retî moa reicuaáucá jaguâ Ñandeyára guivo, ja chejegui avei ñapytîmbyré Jesejápe. Chemoîrûnte cheve co ajasa asyjá rupi co Evangelio rejejape gua icatu jaicha Tûpâ Ñandeyára nembo puaca ndeve. Jae voi ñande repŷma vaecue ja ñane renôi co teco marangatu rejeguarâ, nda iya guiri ñandeve ñane rembiapocue gui, upe jembisacoí voí, ja ipya pôrâ rupinte, upe Jae omeê rei voi vaecue ñandeve Cristo Jesus pypegua voí oñypyrú mboyve voi pe iñypyrumby, ja coanga oyecuaauca pôrâma vaecue Cristo Jesus ñande repŷjára oyejechauca jague rupi. Jae voí omombáma vaecue pe ñemanojá, ja ogueru jesâcâjáme pe tecovéeté, ja pe tôsâeté co Evangelio rupi. Covaerâ voi cheve che moingo vaecue ñemoñeêjára ramo ja tembiyocuai Apostol ramo, ja poromboejára ramo umi pytagua peguârâ. Coâva reje voi ajasa asy aicovo. Upeicharamo yepe na ñemotîri, aicuaajá reje pe che yeroviajápe, ja che aroviaite voi Jae icatujá oñongatu upe che râcâteŷjá upe jaára pajápevé. Ereco jâtâ jecoitépe umi ñeê ipôrâva jecoitepegua ore remimboecue guare, rejendu vaecue che yuru rupi, reicovo yeroviajápe ja taŷjupápe Cristo Jesus recope guaicha. Co ne râcâteŷjá nde rerecuajá eñongatu pe Espiritu Santo oicova pende pyape rupi. Nde reicuaa pôrâ opa umi ñande rejegua jicuaiva Asiape oñemboyere jague chejegui, umi Figelo ja Hermogenes umivarejegua. Tûpâ Ñandeyára toiporiajuvereco pe Onesiforo roga-ŷ-guape, jeta yeby jae chemoangapyjy ja jae notîri che añeñapytî járeje. Oime yepe Romape, ja che reca vaecue icatu catuve jagueicha che yuju peve. Ñandeyára tomeê ichupe oyeporiajuvereco jaguâ Ñandeyára guivo upe jaárape. Nde voi reicuaa pôrâve opavagui jeta jague che pytyvô Efesope. Nde, che ray, upeicharamo, ta reñemo mbaraete pe Cristo Jesus pyapôrâ nepytyvôjá rupi. Ja opa rejendu vaecue chejegui jeta jendujaré apytepe, umimbae embojasá carai yeroviajápe icatupyrŷvape oporo mboe jaguâicha umi ambuecuepe. Nde eropuaca ñande yajasá asyjá rupi Cristo Jesus rembiyocuai pôrâvaicha. Ndipori mburuvicha rembiyocuai oyejea vaerâ mbae ybyarigua reje, ombojorŷsénte pe juvicha oyocuaijare ichupepe. Oime ramo oñuââva avei ndo yejechacuaai pe oñejaâvape pichyguy rejeve ja jecoŷme. Pe ombaapova cocuepe, tecôtevê jae raê ojaâ jiácué. Eyapysaca pôrâ co che jaévareje. Ñandeyára voí omeêne ndeve rejechacuaa jaguâ opambae. Nemanduákena Jesu Cristo oicove yeby jague umi omano vaecue apytegui, Jae David reŷi cuera rejegua jague, che añemoñeê jaicha Evangelio gui. Co Evangelio rejejápe che ajasa asy añeñapytî pype yepe peteî mbaevaí apojaréicha. Tûpâ Ñandeyára ñeê nico noñeñapytîri. Co vaerâ voi che arokîrîrî opambae umi Ñandeyára oiporavópyré rejejápe icatu jaguâ jaecuera avei ojupity oñembo jecomarangatu jaguâ Cristo Jesu rupi, ja oyererojory jaguâ yvape tapiaguârâ. Co ñeê voi yeroviapyrâ: Ñande ñamano rire Jendive, Jendive yaicove yebyne avei. Ñande ñarokîrîrî ramo yajasa asy jápe ñañembo tuvicháne avei Jendive Jae mburuvicha guasu jápe. Ñande ñamomârâ ramo Ichupe, Jae avei ñane momârâne ñandeve. Ja sapya yayeju ramo yepe ñande yeroviaja-ŷ-me, Jae yeroviajánte gueteri opyta, Jae ndicatui oñemomârâ oyupe voi. Opa âmbae emomanduá umi ambuecuepe, reicuaaucá ja reyerurévo ichupecuera Tûpâ Ñandeyára ypype, anichene jaguâ oyuaby oñondive ñeê rei reje ipôrâŷva mbaevérâ, ja omoypytû jague mante umi ojendu jarépe. Eñejaâ pôrâ icatu jagueicha reñeporanguerecóucá jaguâ Tûpâ Ñandeyára peteî tembiyocuaicha reiporúcuaáva jecoitepe co Ñandeyára Ñeê ipôrâ jaguâicha, ja rereco-ŷ-va mbaerejepa reñemotî jaguâ. Umi ñeê reí ja guaujapegua tecove ñeêngatuguiguaichagui eyepea: umichagua voi oñembo jecovaí vaívéne iyuru tieŷ rejeve, ja iporomboe cuera oguatáne aí caruicha. Himeneo ja Fileto umivarejeguava voi. Jaecuera oyabyma pe Tûpâ Ñandeyára Ñeê jeco peguagui, jeivo, umi omano vaecue oicove yebŷjá ára ojasama jague, ja upeicha omboyaparo iyeroviajá ambuecuegui. Upeicharamo yepe pe Tûpâ Ñandeyára ombojapo vaecue opyta jâtâ omyi ŷ reje oi pype pe japo reje coa ñeê: Ñandeyára oicuaa voi umi añetejápe jesegua cuéravape, ja co ñeê avei: Toyepea opaichagua teco vaí gui opa ojenôiva Ñandeyára rera. Peteî oga guasupe oime na mbayru oro ja platavante añoi, oime avei ambue ybyráva ja tuyuva avei, oime iporupyrâ iyegua pôrâ jaguâme, ja ambuecue iporupyrâ reí reíjápe. Upeicharamo oime ramo iyojeipyre oyererecova umi mbae vaígui, upéva oicone pe tembiporu iporupyrâicha iyegua pôrâ jaguâme, oñembo jecomarangatúmava, ja jendamava iyára peguârâ, ja oñembosacoímava opa tembiapo pôrârâ. Eñeguajê umi ne remimoâ cariay racu rejegua gui, ja eñejaâ eñembojecopôrâ, ja eico yeroviajápe, ja eporojaŷju, ja eico pôrâ pyaguapy rejeve opa umi ojenôiva ndive Ñandeyára réra ipya pôtí guive. Eroyrô umi oporandúva taby raíjápe, anichene jaguâ reyuaby tecove taby ndive. Nde reicuaa voi umimbae osêjá ñoraŷrôme. Tecôtevê voi pe Ñandeyára rembiyocuai anichene oñoraŷrô: tecôtevê ipya pôrâ opava ndive, ja icatupyry omboe jaguâ, ja ipochy cuaa ŷ va. Tecôtevê ñeê yajéi ŷ me oicârêó umi oñembojováiva pe Ñeê, sapya Ñandeyára omeê ichupecuera oñemboyére jaguâ oicuaa pôrâmba meve pe Tûpâ Ñandeyára Ñeê, ja oñembo pyaju peve oyejekyi pype pe mbaepochy oyura jague gui oñeñapytî jague jaecuera oyapovo jembiapoucapŷ. Ipôrâ nde reicuaa avei umi ára pajápe oico jaguâ ára pojyi. Umi cuimbae uperamogua oyejaŷjúne oyupe voi, ojaŷjúne mbaerepy, oñemombeu guasúne oyeyupe voínte, oñemo mbaeguasúne, iyuru kyane, na iñeêrenduichene iñemoñajarépe, ndo jechacuaai chene, oimene oñemboêse ŷ va, ipya pôrâ cuaa-ŷ-va, iñyrôcuaaŷva, oporomoîvaí járarâ, ipuacaŷva oyeje voi, oiporiajuvereco cuaa-ŷ-va, iyae-ŷ-va umi mbae pôrâva reje, ja oicova pichyguyjápe oyapova tyâi, iñâcâ jâtâva, tecove oñembobúva, obyave torŷjá rupi Tûpâ Ñandeyárape ojaŷjujá gui, oñembo jeco guau ñande ñambuete jaicha Ñandeyárape, ja upeicharamo yepe jaecuera ogueroŷrô âmbae ipuaca ŷ vaicha. Coaichagua gui reyere vaerâ. Coaichagua voi umiva oikeva umi oga reje, ja ombotabŷva umi cuña rei rei oguereco jaguâ ichupecuera ipo guype, umi cuña voi oyoa yoa iñangaipa gui oicóva opaichagua tory járupi iñâcâ oguerajajápe, ja ojendu tapia ramo yepe jicuai oicuaa jaguâ, máramo ndicatui ojupity oicuaapá jaguâ jecope pe Tûpâ Ñandeyára Ñeê añetegua. Ja pe Jannes ja Jambres ombojovái jagueicha Moisespe, upeicha avei coa oporombotabŷva oyoco pe Tûpâ Ñeê, umiva cuimbae iñâcâ vaíva imombombyrâ voi co ñande yaroviajá guivo. Jaecuera ndoyejupity jetaveichene: itabycue oyecuaáucáne opavape umi ambuecue ramo guareicha. Nde voi reicuaa pôrâmba che remimboecue, ja che recocue, ja che remimoangue, ja pe che yeroviajague, ja che arokîrîrî jague, ja che porayju, ja che aropuaca jague, ja che moña jague jicuai, ja ajasa asy jague, reicuaa opambae oyeju vaecue cheve Antioquiape ja Iconiape ja Listrape che mbojasa asy jague umi che moñájaré, ja Ñandeyára che renojê jague opa umimbae gui che mârâ-ŷ-reje. Añete voi opa oñembo jeco pôrâséva Cristo Jesús rejegua cuérava ramo, ojasa asyne imoñajágui. Umi cuimbae iñañáva, ja umi porombotabŷjára, oñembo jecovaí yoa yoavéne, ombotabyvo umi ambuecuepe, ja jaecuera voi oñembotaby oyupe. Nde epyta jâtânte umi mbae reicuaa vaecuepe, ja ogueroviáucá vaecuepe ndeve, nde reicuaájá reje voi avápa nemboejaré vaecue, ja reicuaájá reje voí ne michîmî guive pe Santa Escriturape icatújá nemoarandu rejupity jaguâ reñembo jecomarangatú jaguâ reyeroviajá reje Cristo Jesú reje. Opa Escritura voi oico Tûpâ Ñandeyára remiatôi rupi, ja ipôrâ yaiporú yaiporomboe jaguâ, ja yaroviáucá jaguâ, ja ñaicârêó jaguâ umi oyabŷvape, ja ñambo jecopôrâ jaguâ umi ambuepe, icatu jaguâ pe cuimbae Tûpâ Ñandeyára rejeguava icatupyry jecoitepe, ja oñembosacoí pôrâmava opaichagua tembiapo pôrârâme. Che ayerure ndeve tecôtevê gui catuetei nguârâ Tûpâ Ñandeyára ja Jesu Cristo ypype, Upe omojendájárâ umi oicovévape ja umi omano vaecuepe, ayerure ndeve Jae oyejecha yeby vaerâjá reje, ja Jae oñembo tuvicha vaerâjá reje mburuvicha guasu ramo, ayerure ndeve remojerâcuâ jaguâ jecope pe Tûpâ Ñandeyára ñeê, eñejaâ icatu jagueicha iyájape ndeve ja iya-ŷ-me ndeve yepe, eroviáucá umi ambuecuepe, eicârêô umi oyabŷvape, ja emokyreŷ yajei-ŷ-reje oporomboe vaicha. Oguajêne jiara icatu-ŷ-jagua oguero puaca temimboe pôrâ jecopeguarâ, upea rangue iyapysa kyryisévajá reje jaecuera omboyoáne imboejârârâ iyupe cuera jiâ jaichante ichupecuera, oñemboyerénte ojendu ŷ jaguâ Tûpâ Ñandeyára Ñeê añetegua gui, ja oyebyne oyeroviavo mbae guaujapegua reje. Nde catu voi eñemo âcâpôrâ opambaepe, eropuaca rejasa asy jápe, eyapo pôrâ nerembiapo pe Evangelio ñemoñeêjara ramó, ja eyapopa jecope co nerembiapo. Che aimema mbae oñejê mbyrâicha, ja jiâguima pe ayepoí jaguâ ára co che rete gui. Che araŷrô vaecue meme co ñoraŷrô pôrâ jápe, che añanímbáma che rapé, ambuayépáma jecope co ñande yayeroviájá. Coágui rire oime oñeñongatú cheveguârâ che âcâ ajoyarâ che reco marangatu recovia Ñandeyára pe mburuvicha ojechacuaava jecope omeê vaerâ cheve upe jaárape, ja nda cheve añoi, umi ojaŷjúvape jina avei Ichupe oyejechá yeby ramo guârâ. Eñejaâ eyo voi che rendape. Pe Demas che reyá reíma, ojayju jague reje co teco ybypóra rei coangagua rejeguava, ja jae ojoma Tesalónicape: pe Crescente ojoma Galaciape, ja pe Tito ojoma Dalmaciape. Lucas añoite oi chendive. Ejenôi pe Marcospe, ja eru ichupe nendive: upéva voi che pytyvô jâtâ cheve co che rembiapópe. Pe Tichicope amondoma Efesope. Nde reyu ramo, eru cheve pe che ajoyá ajeya vaecue Troaspe pe Carpo rogape, ja che cuatia cuera avei ja icatu jagueicha umi cuatia ñeê che po rupi guare. Pe Alejandro pe tembiporúapojá jetaite oñembo pyávaí cheve: Ñandeyára ombojecoviáne ichupe jembiapo cue reje. Nde avei eñeñangareco ichugui jae oñemoi pojyi eterei ñane ñemoñeê reje. Añeê ñepyrúme cheyeje, ndipori avave che pytyvô vaecue, opavave voi che reyáma rae, ani tamo oñemboya jesecuera âmbae. Upeicharamo yepe Ñandeyára voi oi oñemboŷ che ŷké reje, ja che mbopya mbaraeté icatu jaguâicha che yuru rupi oñemo jerâcuâ jecópe pe ñane ñemoñeê, ojendúpá jaguâ umi pytagua, ja upeicha che añerenojê vaecue pe maymbá iñaróva yuru gui. Ñandeyára voi che renojêne avei opa iñaña che mombóiva gui, ja che rerecone mârâ-ŷ-reje ajupity peve upe tetâ yvapeguape Jae oñembo tuvichajápe. Toñembuete cacuaá Jae tapia guârâ. Amen. Amomaitéiucá pe Prisca ja Aquilape, ja pe Onesiforo rogaŷguape. Pe Erasto opyta Corintope. Ajeya pe Trofimope Miletope jasy jague reje jina. Eñejaâ eyo roy mboyve. Eubulo nemomaitéiucá avei, ja Pudente ja Lino ja Claudia ja opa ñande reŷicuera upeicha avei. Ñandeyára Jesus toico ne anga ndive ja ipya pôrângue toico pene ndive. Che Pablo, Tûpâ Ñandeyára rembiguai, ja Jesu Cristo Apostol, jemimbou aroviáucá jâtâve jaguâ umi Tûpâ Ñandeyára oiporavópyrévape ja aicuaauca jaguâ jecópe pe Ñeê ipôrâva teco marangatúrâ. Ajaârô voi aicovo ajupity jaguâ pe tecové iyapyraŷ-va pe Tûpâ Ñandeyára icatu-ŷ-va jei reí oicuameê vaecue voí oñypyrú mboyve pe iñypyrúmbŷ, ja oicuaaucá vaecue jiáraitépe pe Iñeê oñemo jerâcuâ vaecue che yurú rupi oyeyerovia jagueicha che reje, omoingo jagueicha pe Tûpâ Ñandeyára ñane mbojeco marangatujára. Coanga arajauca co cuatia ñeê ndeve Tito che raŷeteva iya jaicha co ñande yaroviajá gui oñondive. Tûpâ Ñandeyára Túva, ja Ñandeyára Jesú Cristo ñande repyjára, ta nembopya pôrâ ndeve, ja ta nembopya guapŷ. Co vaerâ voi che roreya Cretape reicareo jaguâ oimba-ŷ-va ja remoingo jaguâ presbitero cuera umi carai ituyáva gui opa tetâme, ayapoucá jagueicha voi ndeve. Oime ramo caraí jeco pôtíva ja jembireco peteînteva, ja tayra cuérava iyeroviajá, ja jerâcuâ vaí-ŷ-va itieŷvaicha, terâ iñâcâ jâtâ-ŷ-va, upea ipôrâ. Tecôtevê voí pe Iglesia rejegua rerecuá jeco pôrâva oico jaguâ Tûpâ Ñandeyára mbae rerecua ramo, ani iñâcâ jâtâite, ani ipochyseetéva, ani umi ocaúva rejeguáva, ja ani oporonûpâséva, ja ani itayasu mbae repŷ reje, ja to poro guerojorŷ mbojupápe, toporojaŷjú umi mbae pôrâvape, ta iñâcâ guapŷva, ta jeco yojeipyre, ja ta imarangatúete, ja toyererecócuaáva, toguereco jecópe pe ñeê ñande yaroviajá, ñane ñamboe jaguéichaguá, icatu jaguâicha jae avei icatupyry omokyreŷ jaguâ umi ambuecuepe oporomboe rupi jecoitépe ja icatu jaguâ ogueroviáucá umi ombojovaiva ichupe pe. Jeta voi oime iñâcâ jâtâva ja ojenduse-ŷ-va iñeêñgatu reíva, ja ombotabyséva, ja umi ivaivéva voí umi Judio reŷicuérava rejegua. Umivape tecôtevê ñambotyuca iyuru: oime oga ombo yeyaby yoápá jápe, omboévo mbae ipôrâ-ŷ-vaerâ reje, ôguenojê jaguâ rejejápe mbaerepŷ tayasúva. Oime peteî jesecuerava voí oñemoñeêjárava jei vaecue: Umi Creta-ŷ-gua tapia iyapúva, mymba iñarôvaicha icarú ja jeco reíva. Co oyeéva añetétegua voi. Upévareje eyao poguasu ichupecuera jesâi jaguâ iyeroviajápe, ja anichene jaguâ oyapysaca umi mbae rei rei umi Judio omombeúva reje, ja ojendu ŷ jaguâ ybypóra rei remimboe, umi cuimbae oñembo yeréva Tûpâ Ñandeyára Ñeê añetegua gui. Opambae voi ipôtí umi jeco pôtívape voi: umi jeco tayasúvape ja ogueroviaŷvape ndipori mbaeve ipôtíva: jiánga ja ipyapy itayasú voí. Oyeyapo Tûpâ Ñandeyárape oicuaáva ramo, ja jembiapocue rupi omomârâ Ichupe, tecové imboyeguarúpyrâ voí ja ñeêrendú-ŷ-va, ja opaichagua tembiapo pôrâ gui imombopyrâ. Nde catu eñeê iya jaicha ndeve pe ñane poromboe jecopegua gui. Ere umi ituyávape iñâcâ pôrâ jaguâ jicuai, ja ta jovasy, ja ta jecokîrîrî, ja ta imbaraete pôrâ oyerovia jaguâ jecópe, ja oporojaŷjú jaguâ jecópe, ja ogueropuaca jaguâ jecope. Upeicha avei ere umi nguaimime ta jeco umi imarangatu rejeguavaicha, ani oporomoîvaí, ani ipuaca jesecuera mbae mongaúva, to poromboe mbae jecopegua reje. Tomboe umi cuña omenda ramovape jeco kîrîrî jaguâ, tojaŷjú imena cuerape ja tojayju imemby cuerape, ja ta iñâcâ pôrâ, ja ta ipya pôtí, ja ta imbaapo catu jogateépe cuera, ja ta imbae pôrâva, ja ta iñeêrendú iménape. Tûpâ Ñandeyára Ñeê anichene jaguâ oyeyaó. Emomanduá umi cariaŷpe imbae rechacuaa jaguâ. Ja nde catuetei, eñembojecopôrâ rejechaucá jaguâ jecope tembiapo porârâ, anichene jaguâ oime neporomboepe mbaeve pichyguŷ guivo, nde rovasy rejevente, ja ta ne resâi ja yojeipyré ñeême imombeúvaí pyrâ-ŷ, ja upeicharamo, umi iyaé-ŷ-va ñandereje otîne oguereco-ŷ-me ivaíva jei vaerâ ñande coty coty. Emomanduá umi tembiguaipe, ta iñeêrendu iyárape cuera ja toñejaâ tombojory ichupecuera opambaepe ani ombojovái iyárape, ja ani imbae abyky, toyejechaucá catuetei jaecuera yeroviáitéjá, ja oporojaŷjúetéjá icatu jaguâ jaecuera rupi oñemboyegua pôrâ ucá pe Tûpâ Ñandeyára ñane mbo jeco marangatujára remimboecue. Pe Tûpâ Ñandeyára pya pôrângue oyejechaucáma vaecue oporombo jesâivaicha opa ybypórape, ñanembo jecopôrâvo, yapoí jaguâ mbae Ñandeyára rejegua-ŷ gui, ja opa ypypóra reco yabya jague gui, yaicove jaguâ ñane âcâ pôrâjápe, ja ñande yojeipyre jápe, ja ñane ñemboecatujápe, co ára coangaguape, ñamañavo oico ramo guârâ pe imombeu guasu pyrâ ñajaârôva oyejecháucá yeby jaguâ imarangatujápe, ja oñembo tuvichajápe ñane Tûpâ Ñandeyára tuvichaitéva ja ñande repŷjara Cristo Jesus, Upe oñemeê vaecue oyupe voi ñanderejejápe ñande repŷ jaguâ opa mbae pochy gui, ja omopôtí jaguâ Jesegua vaerâ imbaetee râ jacateŷ vaerâ tembiapo porâ reje. Coicha eñeê reñemoñeêjápe ja eyaó pojyi mandi opaichavevo. Ani avave ne reroŷrô ndeve. Emomanduá umi ambuecuepe oyeyoco jaguâ umi carai guasupe oicova mburuvicha ramo, ja oyapo jaguâ jecópe umi mburuvicha ñeê oi jaguâ voi oyapo jaguâicha tembiapo ipôrâva, ani jaguâ omoî vaí avavepe, anichene jaguâ oyuabyse, ja ta ipyapôrâ oyejechaucavo ipochy cuaa-ŷ-vajá opa cuimbaepe. Yma ñande voi ñande taby vaecue ñane âcâ jâtâ vaecue, ñañembotaby vaecue yaicovo yayeyocuáiucávo opaichagua tieŷ ja teco toryjá rupi, yaico rei reivo ñane rembiapo vaíjá rupi, ja ñande pyavaívo, ñande voí iñamotareŷ mbyrâ, ja ñande voi ñañoñamotareŷ oyupe. Upegui oyejechacuaáucáma ramo Tûpâ Ñandeyára ñanembo jecomarangatu jára imbae pôrâja, ja oporojaŷjújá cuimbae cuerape, Jae ñanembojeco marangatu na tembiapo jecopegua ñande yayapo vaecue rejei, ñande poro poriajuverecojá rupinte Jae ñanemopôtí yayajú jaguepe upe ñañemoña ambue jaguepe upe Espiritu Santo ñanembo jeco pyaju yeby jague reje. Co Espiritu Jae oñojê vaecue ñandereje jemby jaguâicha Jesu Cristo ñande repŷjára rupi, icatu jaguâ ñanembo jeco marangatu rire ipyapôrâ rupi yajupity mbae rerecojá ramo pe tecove iyapyra-ŷ-vape ñande ñajaarô jaicha ñaina. Co ñeê ipôrâ yarovia jaguâ, ja che aipota nde remomandua meme catuetei coambae reje umi oyeroviavape Tûpâ Ñandeyára reje oñejaâite jaguâ oico tapécuaájá ramo opa tembiapo pôrârâme. Coambae ipôrâ voi ja ojupityuca mbae pôrâ umi cuimbaepe. Eñemboŷké catu umi itaby oñecoôiva gui jicuai iñemoñare reje, ja umi oyuabyva ja oñoraŷrôva gui pe Moises ñeêngue reje. Umimbae voi nda iyái mbaeverâ, itaby rei umimbae voi. Oime ramo cuimbae Tûpâ Ñandeyárape ogueroviase-ŷ-va jecópe, remomarandu rire ichupe peteî terâ mocoî yeby, uperire epoí ichugui, reicuaa pype upeichagua cuimbae opiama jague ja angaipavórajá jiconi, ja oñemoî vaímajá oyejegui vointe. Che amondo ramo nerendape pe Artemaspe terâ Tichicope, nde pyae reyu jaguâ che rendape Nicopolispe, jiânte cheve ajasa roy upepe. Embosacoíucá pôrâ catuetei rembou ramo guârâ Zenas pe caraí iñarandúva, ja pe Apollospe anichene jaguâicha mbaeve oicôtevê. Ja ñande rejegua cuera toicuaa avei oñembo jeco pôrâ pôrâve meme jaguâ opaichagua tembiapo oyejecájápe, oguereco jaguâ jemicôtevêrâ, anichene jaguâ rejejápe jaecuera umi jeco reivaicha. Ne momaitéiucá ndeve opa jicuaiva chendive. Amomaitéiucá avei umi ogueroviávape ñande rayjúvape. Ñandeyára pya pôrâ toico opa pene ndive. Che Pablo, añeñapytîva Cristo Jesu rejejápe, ja Timoteo ñande reŷi romo maitéiucá ndeve, Filemon, ore raŷjúpára ja ore îrûngue, ja pe cuña carai ore reŷiva Apfiape, ja Arquipo, ore îrûngue, ja umi Iglesia rejegua nde rogape oicóvape. Tûpâ Ñande Rú ja Ñandeyára Jesu Cristo ta penembo pyapôrâ ja tapenembo pyaguapŷ. Arojorŷ tapia Tûpâ Ñandeyára ayerurevo Ñandeyárape che ñemboejápe imanduá jaguâ ndereje, ajendujá reje jei ramo nde reico pôrâjá rejaŷjú ja reyeroviajápe Ñandeyára Jesús, ja opa umi imarangatúva ndive. Ayerure voi aina che ñemboepe co mbae pôrâ jaecuera ojupity vaecue pende yerovia rupi oñatôi jaguâ ipype cuera ojechacuaáucápávo ichupecuera ñande pyapôrâjá, ja ñande yayae pôrâ Cristo reje. Che pya rory voi ja che pya guapy eterei nde che raŷjú rupi ja oñembopya guapŷjá reje umi imarangatúva nde rupi, che ryby. Upeareje iya ramo yepe cheve Cristo rupi añeê pojŷi jaguâ ndeve royocuaivo ndeve reyapo jaguâ pe ipôrâ vaerâ, upea rangue rojaŷjújá reje che cheyejegui voínte Pablo, che tuyavama, ja coanga añeñapytîva avei Cristo Jesu rejejápe, ayerure ndeve pe che raŷ Onesimo reje pe amoñemoña vaecue añeñapytijá rupi. Yma jae na ipôrâi vaecue mârâve ndeve, coanga ipôrâ ndeve guârâ ja cheve avei, ja coanga amondo yeby pype ichupe ne rendape amondo vaicha che anga voi. Che mo arecose rae ichupe che ndive ne rendaguepe oñangareco jaguâ chereje co añeñapytîjápe co Evangelio rejejápe. Upeicharamo yepe, nde reicuaa-y-me nda yaposei mbaeve, icatu jaguâ co nerembiapo pôrâ vaerâ na tecôtevêi gui, nde reipotajárente voí ndeyejegui. Icatu co vaerâ voí rae jae oyepea ndejegui sapyami, nde rereco yeby jaguâ ichupe tapia guârâ, anive jaguâ rereco ichupe tembiguaicha, te rereco ichupe tuvichavé tembiguai gui, peteî ñanderejeguaicha catu yepe, che ajaŷjuetéva catuetei ja nde rejaŷjúetévéva yepe ichupe cuimbaeicha nde rejeguajá reje ja Ñandeyára rejeguaja reje avei. Upeicharamo che rerecoma guive che recua ramo ndeve erojory ichupe cheve che rerojory jaguâicha. Oime ramo jae ombae abyky jague, terâ oime ramo ombojecovia vaerâ ndeve mbaerepy, emointe che rerape cuatiápe. Che Pablo amoî co cuatiápe che póete rupi, che ambojecoviáne ndeve nembaerepŷ. (Icatu ndaei che ndeve nde voí rembojecoviá vaerâjá nde yupe cheve.) Upeicha voi vaerâ, che ryby, ta che rory nendive Ñandeyára rejejápe. Chembo pyaguapŷna Cristo rejejápe. Che jaeuca ndeve coicha co cuatia ñeême ayeroviajá reje ndereje nde rembuaye vaerâjá che ñeê ja aicuaa voi reyapové jaguâ yepe che jaeva gui. Upeicha avei embosacoíucá che rerojorŷucá jaguâ cheve mbojupáicha. Ajaârô voí pene ñemboe rupi iya jaguâ cheve abyá jaguâ aíme penendive. Nemo maitéiucá ndeve pe Epafras che îrû co ore roñeñapytîjápe Cristo Jesus rejejápe. Upeicha avei Marcos, ja Aristarco ja Demas ja Lucas, che pytyvôjaré jaecuera co tembiapope. Ñandeyára Jesu Cristo pya pôrângue toico pene anga ndive. Amen. Jeta yebyma ja opaichavévo yma guive voi Tûpâ Ñandeyára oñeê vaecue ñande ypycuepe umi oñemoñeêjare yuru rupi, ja ipajávo coâva árape Jae oñeê ñandeve Tayra yuruete rupi. Upevape omoîngo vaecue opambae Yárarâ ja Jaérupi voi Jae oyapo vaecue opa oimeva. Upeva ojesapé voi Ñandeyára reco pôrâ tuvichacue yaveve ja iyoguajá jaeteva opa jecópe. Jae oyoco opa mbae iñeê ipuaca rupi, ja Jae ojupityma ramo ñane mopôtí jaguâ ñane angaipa gui, oguapy pe Tuvichaiteveva acatuape yvagape. Jae ojupity voi rae tuvichave jaguâ umi yvapegua cuera gui, ipôrâvé jaicha pe Jéra oñemoî vaecue Ichupe mbae yára ramo jéra gui cuera. ¿Mava umi yvapeguapepa voi jei rae Tûpâ Ñandeyára: Nde Che Raŷ, Che romoñemoña Ndeve angue. Upeicha avei jei ramo guare: Che ituvarâ Ichupe, ja Jae Che Raŷrâ Cheve. Ja omoingue pype pe Taŷra ypycuepe ybyari jei yeby: Opa Tûpâ Ñandeyára rejegua yvapegua tombuetepa Ichupe. Ja umi yvapegua reje oyee: Jae omoingo umi yvapeguape ybytú ramo ja omoingo umi jembiguaipe tatá rendŷ ramo. Upegui oñeêvo Tayra gui Jae jei: Nerendá mburuvicha guasu ramo, Nde Tûpâ Ñandeyára tapia ja tapia guârâ, ja pe ybyra ndepope gua nerenda ne rembotuvichajape, upéva ybyra icareŷva oporombojeco yoyaite vaerâ. Nde rejayju vaecue pe teco pôrâ ja reñamotareŷ pe teco vaí. Cova reje voi pe Tûpâ Ñandeyára, ne Tûpâ Ñandeyára voi nemona vaicha ñandŷpe nembojory jaguâ nembo tuvicha vichavévo ne îrûnguera gui. Ja jei avei: Nde Ñandeyára iñypyrúmby voi rembojapo co yby râ, ja pe yvaga nde po rembiapocue. Umimbae opa vaerâ. Nde catu reico vaerâ tapia guârâ, peteî aoicha oñembotuyáne oyeyaróne, ja peteî âcâ joyaicha reyapacuane umiva, ja peteî aoicha oñembojecoviáne. Nde voi tapia peteînte, ja nde ára máramo ndopáichene. ¿Upeicha máva yvapeguapepa jei rae: Eguapy che acatuape amoî meve che ne ñamotareŷjárape nde py renda ramo? ¿Ndajaeipa jaecuera opava jembiyocuai cuera jeteŷva, imbuetejárâ, jemimbou cuera voíva oipytyvô jaguâ umi ojupity voi vaerâme mbae yara ramo imârâ-ŷ-jaguâ yvagape. Upévareje ñañejaâvé vaerâ ñane mandua meme umi mbae ñajendu vaecue reje, anichene jaguâ yasyryry umi mbae pôrâ gui. Pe ñeê oyee vaecue, umi yvapegua yuru rupi oyeyuju ramo rae añetejá, ja, upeicharamo, opa umi opiávape ja ojendúséŷvape oñembo jecovia ramo rae jecoitépe, ¿mbaeichapa ñañeguajêne ñande ñaroŷrô ramo co mbae tuvichaitévé ñane mopôtíjárâ. Coambae voi iñypyrumby oñemojerâcuâ raê vaecue Ñandeyára yuru ete rupi, ja uperire oñemoañete ja oyereroviáucá ñandeve umi ojendújaré rupi Ichupe, ja Tûpâ Ñandeyára voi avei omoañete upe jaecuera oicuaáucá vaecue jicuai jechapyrâ rupi, ja mbae ñemondŷijá rupi, ja opaichagua mbae guasu rupi, ja mbae pôrâ Espiritu Santo rejegua rupi, Jae omeê vaecue jembipota voi rupi. Na umi yvapegua poguypei Tûpâ Ñandeyára omoî vaecue pe tetâ oico vaerâ pe ñañeêjá ñaina. Oime voi peteî oicuaáucá vaecue jei vaecue: Iporiajúeté ramo yepe umi cuimbae, upeicharamo yepe, nemandua jese cuera, ja iporiajúeté co cuimbae raŷ, ja upeicha ramo yepe, Ne reñandu ichupe! Nde remomîchîve ichupe sapyami umi yvapeguagui, rembotuvichaucá ja rembuetéucá ichupe mburuvicha guasu ramo, ja remoî ichupe Nerembiapo Nde po rupiguare ári, ja opambae reyocóucá ipyguype. Ja co oyocóucápá jague ichupe opambae jeise ndoyejeyai jague mbaevete oyeyocouca ŷ vaecue ichupe. Upeicharamo yepe, neira yajecha opambae oyeyocóucápáma ichupe. Pe Jesús voi oñemomîchîvé vaecue umi yvapegua gui, icatu jaguâ Tûpâ Ñandeyára ipya pôrâ rupi ojaâ pe ñamanóvajá opavave rejejápe, upevape voi yajechama oñembo tuvichájá oñembuetéjápe mburuvicha guasu ramo ojasa asy jague reje omano meve. Iya pôrâ voi Ichupe, pe oguerecova opambae iyupe guârâ voi, ja omoingova oyejegui voi opambae, ogueraja jeta rire oyejeguape cuera yvagape, iya Ichupe omo marangatúeté ojasa asy rupi upe Juvicha guasu imbojeco marangatújára pe. Upe omomarangatúva, ja umi oñemo marangatúva jina peteî rejeguante: cova reje voi Jae notîri jei jaguâ jeŷicuérajá, jei ramo guare: Amojerâcuâne Nde Rera Che reŷicuerape, umi tûpâoŷgua apytepe apurajeine romombeu guasúvo, ja Jae jei ramo guaicha: Che vaerâ umi oyeroviáva rejegua Jese, ja Jae jei yeby ramo guaicha: Coina ape Che aime ja coápe Che raŷcuera Tûpâ Ñandeyára omeê vaecue cheve. Upeicharamo, umi oyeéva Che raŷcuerajá opavave ñande ruguŷ, ja ñande roó peteîvajáreje, Jae voi upeicha avei oñembo jeté peteîcha ñande ruguŷ ja ñande roóva, icatu jaguâ imano rupi oipuacáó upe ipuacávape omomano jaguâ, yaévo pe mbaepochy voi, ja icatu jaguâ ombopoí opa umi oicove pucu cue yave oyeyopŷ vaecuepe tembiguai yoguapyreicha okyjŷyé gui omano jaguâ. Añetejápe na umi yvapeguapei oñemboyŷvá pucu tapiáva jina, umi Abraam ñemoñare rejeguape nte. Co vaerâ voi tecôtevê opaichavévo Jae oñembo yoyá jeŷicuera reje, icatu jaguâ oñemoingo pai guasu jaeteva ramo oiporiajuverecova, ja yeroviájá, iya jaguâ opa mbae Tûpâ Ñandeyára rejegua guivo ombojecovia jaguâ umi jesegua cuera angaipa reje. Jae voi ojasa asy vaecue oñepyajaâ jaguepe, upevareje iya pôrâ Ichupe oipytyvô jaguâ umi ojasa asyvape iñepyajaâjá rupi. Upevareje, che reŷicuera, pene marangatuva, peñejenôi vaecue yoa oñondive, pene manduákena pe Jesús reje, pe Ñandeyára remimbou ja paí guasúeté ñañemombeújá ñande jeseguajá. Jae yeroviajáite upe omoingójaré peguârâ, Moises avei yeroviajá jagueicha opa mbae Ñandeyára rogapegua rejeve. Upéva voi oyerereco vaecue iyajá oñembo tuvicháitevé jaguâ Moises gui, oñembuetévé jaicha pe ogáapojaré pe oga gui voi. Oime ramo oga, oime vaerâ vaecue oga apojaré, ja pe omopuâjaré opambae upéva Tûpâ Ñandeyára voi. Pe Moises avei yeroviajá vaecue voi Ñandeyára roga rejeve jembiyocuai ramo, oicuaáucávo umi mbae oñemojerâcuâucá jague ichupe; pe Cristo catu yeroviajá voínte Taŷra ramo mburuvichaicha Ñandeyára roga rejeve, ñande voí upe joga Jeseguáva, ñande yapyta jâtâ ramo ipajápeve, co ñande pyaguasujá ja ñajaârôjá co ñañemombeú guasújápe voí. Upevareje jei jaicha pe Espiritu Santo: Mbaeicha tamo pejendu coanga voi iñeê! Ani peñembo pyajâtâ, oñembopya jâtâ jagueicha pende rú ypycue, jaecuera omoñecoóî ramo guare Ichupe upe oñemoñañaucá jague árape pe ñûme, upe Che monguerái jague pende rú ypycue arokîrîrî pype ichupecuera, ojecha ramo yepe Che rembiapo cue cuarenta años pucu cue yave. Upévareje añemyrô vaecue umi uperamo rejegua ndive, ja Che jae: Jaecuera tapia oyeyaby ipyápe, ja ndoicuaai gueteri Che rapé. Upévareje Che pochype ameê Che ñeê, jaecuera ojupity ŷ jaguâ upe Che ambopytuu moa jaguepe. Anikena, che reŷicuera, upeicharamo, oime pende apytepe peteî pya iñañáva oporo gueroviase-ŷ-va pene mombiajárâ pe Tûpâ Ñandeyára oicovéva gui. Upea rangue peñomokyreŷ oyupe opa ára oyuapycueri, oñeñeê aya coangagui anichene jaguâ avave peêva pende pya jâtâ pe angaipa oporo mbotabyva reje. Opavave ñande voí yoa Cristo rejegua oñondive yapyta jâtâma guive ipajaite peve pe iñypyrumby yae yayerovia jaguepe. Upearâ oyee vaecue: Coanga sapya pejendu ramo iñeê añete, ani peñembo pyajâtâ upe oñemoñecoóî ramo guareicha. ¿Avápa ne rae umi ojendu vaecue omoñecoóî vaecue Ichupe? ¿Ndajaeipa rae opavave umi osê vaecue Egiptogui pe Moises po rupi? ¿Ja avápepa oñemyrô racae cuarenta años pucu cue? ¿Ndajaeipa rae umi angaipa apojaré joa vaecue jeungue ñûme? ¿Ja avápepa omeê racae iñeê ojupity-ŷ-jaguâ pe ombopytuuse jaguepe? ¿Ndajaeipa rae umiva iñeêrenduse-ŷ-vaecue Ichupe? Upeicha ñande yajecha oyerovia-ŷ-jague rejejá ndicatui jague oiké. Upeareje Jae omeê jague reje iñeê yma guive voi, oicuameê pype ñandeve yaike jaguâ Jae ñanembopytuuséjápe, tecôtevê yakyjŷye yepe sapya oime ramo guârâ peteî peêva oyejecha vaerâ oyejeyájá tapycuepe. Ñañe momarandu añete vaecue co âmbae pôrâ gui, jaecuera guareicha avei. Upeicharamo yepe, upe ñeê ojendu vaecue ndoyapoi mbaeve ichupecuera, jaecuera oyejea ŷ jague reje iyeroviajápe umi ambue cue iñeêrendú pôrâ vaecue reje. Ñande yarovia vaecue yajupityma pe yapytuu jaguâme, Jae jei jagueicha: Che ameê jagueicha Che ñeê Che pochyjápe, jaecuera ndoikeichene che ambopytuu jaguâme, umi Tûpâ Ñandeyára rembiapocue oico ramo yepe yby iñypyrumby guive. Añete peteî Jendápe Jae jei voi pe ára sietejá reje coicha: Ja Tûpâ Ñandeyára opytuu pe siete arajápe opoípá pype jembiapo gui. Ja upeicha avei jei yeby: Jaecuera ndoikeichene Che ambopytuu jaguâme. Upeicharamo, añete járeje gueteri oimene peteîva ichuguicuerava oiké vaerâ upe tecópe, ja ndoikei vaecue iñeêrendu ŷ jague reje umi oñemo marandu ypy jague ipyajúva gui, upevareje Jae ombojéra yeby peteî ára jeivo Anga! Jae jei yeby ramo guareicha arété rire David yuru rupi, umi iñeê oyee râmô vaecue Anga sapya rejendu ramo iñeê añete, ani peñembo pyajâtâ. Ja pe Josué omeê rire ichupecuera opytuúpá jaguâ jecope, Jae mo noñeê raei ambue ára ou vaerâ gui cova rire. Upeicha ramo, oime opyta gueteri Tûpâ Ñandeyára rejegua cuerape jeco opytuu jaguâ jecope. Pe oike vaecuema ipytuújápe, opytuúma ne rae opoívo jembiapo gui, Tûpâ Ñandeyára opytuu jagueicha jembiapo gui avei. Ñañejaâ jâtâna, upeicharamo, yaike jaguâ pe yapytuu jaguâme, anichene jaguâ avave joa oico jague reje avei umi oyerovia-ŷ-vaecue rejegua reco cue rupi. Pe Tûpâ Ñandeyára ñeê oicovéva ja ipuacáva, ja jaimbévé vaicha jiconi oimeraêva kyse pucu jâi yovaiva gui, ja oicutu vaerâ oipeápá peve oyuejegui ñande pyapy ja ñane ânga, omboyao vaerâ ñande rayŷgué omboyuayújára oyuejegui oipeavo yepe pe caracú, ja oporomboyejújára ñande pyapy ñemi ja ñane remimoâ ñande pyapegua. Ndipori iyapopyré oyecuaauca ŷ vaerâ iyŷpype: opambae voi opyta opivo vaicha, ja oyepeapáite upe iñeê ñaneñapytîva resápe. Upeicharamo ñande yarecojá reje pe paíguasu tuvicha jaetévape ojasa vaecue yvaga árieté peve, pe Jesús voí Tûpâ Ñandeyára Raŷ, yareco jâtâ jâtâ ñane râcâteŷjápe pe ñañe mombeújá yayeroviajape gua. Ñande voi nda yarecoi peteî pai guasu umi icatu-ŷ-va rejeguaicha ombuasy ñanendive ñande pituajá rupi, upe jaéetéva voi oñepyaraâ vaecue opaichavévo ñandeicha avei, ja upeicha rejeve noñemo angaipávái. Ñañe moângui, upeicha ramo, Ichugui oguapŷjápe jina oñembo tuvichajápe ja ipya pôrâjápe, ñañemoângui ñande yayepoyju-ŷ-reje, yajupity jaguâ Jae ñande poriajuvereco jaguâ, ja yayuju jaguâ Jae ipya pôrâ jaguâ ñandeve ñane pytyvô jaguâ ñaicôtevêjá árape. Opa paí guasu voi oyeporavó cuimbae apytegui oñemoingo jaguâ cuimbae rejejápe mbae Tûpâ Ñandeyára rejegua rejeguârâ oicuameê jaguâ tûpâope mbae moñyrôjarâ ja mbae angaipa repyrâ. Jae ipuaca vaerâ oguerokîrîrîvo umi itaby ja umi oyeyabyvape iyajá reje ichupe voi sapya ipitua jaguâ avei. Coareje voi tecôtevê jae oicuameê tûpâope mbae moñyrôjarâ angaipa repyrâ na umi ambuecue itabyva reje añoi, oyejente voi avei. Avave ndoipyjyi co tembiapo tuvichava oyejegui voi, oñejenoî rirente upearâ Tûpâ Ñandeyára rupi, oñejenoî jagueicha pe Aaron voí avei. Upeicha avei Cristo voi noñemombeu guasui oñemoingóucá jaguâicha oyupe paí guasu ete ramo oñejenoî vaecue voi upearâ upe jeijare Ichupe rupi: Nde, Che Ray, coanga Che romoñemoña Ndeve. Upeicha avei jei vaecue ambue Jendápe: Nde pai tapiaguârâ pe Melchisedec reco rejegua. Co Jesus oico ramo guare carai ramo oñemboe ja oyerure vaecue ipyajê jâtâvo ja oyajeóvo oyerure yaveve pe ipuacávape omboí jaguâ Ichupe imârâ ŷ jaguâ omanojá gui, ja iñemboe oñejendu oyeyococuaa jague reje imbuetéjápe. Ja Tûpâ Ñandeyára Ray ramo yepe Jae upeicharamo yepe pe Jae ojasa asy jague gui oñemoaracuaa iñeêrenducuaa jaguâ. Ja upeicha Jae oñembo jecomarangatúitéma ramo Jae oñemoingo jerecua ramo umi iñeêrendúvape Ichupe imârâŷjaguâ tapia. Ja Tûpâ Ñandeyára voi omomaitei Ichupe paí guasuete ramo Melchisedec reco rejegua. Jeta icatu vaerâ ñañemongueta jese ja jetambae icatu ŷ vaerâ ñamuesâcâ peême ñeême peê pene âcâ jâtâeteva gui pejechacuaa jaguâ. Peê voi iñemboepyre arema, ja covareje peê pemboe vaerâ moa ambuecuepe, ja coanga peicôtevê yeby máva penemboe vaerâ reje peême umi mbae jasyveŷva Tûpâ Ñandeyára Ñeê ñypyrumby guareicha reje, ja coanga peico oicôtevêvaicha camby reje tembiu tyra rangue. Umi oicuaa catu ŷ va pe Tûpâ Ñandeyára Ñeê ñane mbo jeco marangatu jára gui, umiva umi camby reje guaicha, mitâ cambuicha umiva. Pe tembiu ratycue umi cacuaá peguârâ umi oyepocuaava voi oñandu járeje tapia oicovo icatu jaguâ ojechacuaa oipea jaguâ oyuejegui pe ipôrâva ja pe ivaiva. Upevareje yajeyante umi mbae iñypyrumby guare Cristo Ñeê gui guare ja coágui rire yaguata tenonde pe teco cacuaavaicha rejegua peve, ja ani yaico umi ombojapo yeby yeby vaicha ñane mandua yeby yebyvo pe yayepyapy jague reje umi tembiapo reongue gui, ja pe yayerovia ypy jague reje Tûpâ Ñandeyára reje, ja pe temimboe ñemongaraíjá rejegua reje, ja pe ñe po moîjá rejegua reje, ja pe omano vaecue oicove yebyjá rejegua reje, ja pe oñembo jecovia jaguâ ára upe ipajaiteva rejegua reje. Ja upeicha voi yayapone omboiya ramo ñandeve Tûpâ Ñandeyára. Oime ramo umi jecopete oyejesapé vaecue, ja ojaâ vaecue pe mbae pôrâ meêmbyré yvaguigua, ja oñemoingo vaecue Espiritu Santo rejegua ramo, ja ojechacuaa vaecue ipôrâjá Tûpâ Ñandeyára jeíva, ja tuvicha vichajá umi mbae guasu ipuacaiteva pe teco yvapegua oico vaerâ rejegua, sapya umiva oyeyaby rire, ndaiyai ichupecuera oñembopyaju tapia jaguâ jina oyepyapy yeby jaguâ: jaecuera oyejegui voi nte omoî pyaju yeby jicuai curusu reje Tûpâ Ñandeyára Raŷpe, ja omomârâucá Ichupe jicuai. Oime ramo voi yby oipytéva pe ama tapia ouva jiari, ja omojeñoiva pojâ caavó pôrâ, ipôrâ vaerâ umi yby myatyrôucájaré peguârâ avei, upeva catu oñemo mbaepôrâ avei Tûpâ Ñandeyára pyapôrâ gui. Ja oime ramo yby omongacuaava ñûatî ja capii atînte, naipôrâi marave ja mbae iroyrômbyrâ nunga vaicha ja ipajápe oyejapypáne. Coanga, che rayjúpára cuera, añeê ramo yepe coicha rojaârô yeroviajápe, ipôrâve vaerâjá pendereco, ja pejupity vaerâjá peñembo jecomarangatuite jaguâ. Tûpâ Ñandeyára voi ndoyapoi jecoŷme jesarai jaguâicha pene rembiapo gui, ja peê pejechaucájá pejayjújá jéra peêcuera peipytyvô ramo guare umi imarangatúvape, ja peipytyvôpe gueteri ichupecuera. Ore pya yerure opavave peêva pene kyreŷ jaguâ tapia guaicha, icatu jaguâ pebya jecoitepe pejaârôjápe ipajápeve. Ani peneateî! Peñembo jecónte umi ojupity vaecueicha iyerovia reje ja jeco kîrîrî reje Tûpâ Ñandeyára mbae pôrâ oicuameê vaecue. Tupa Ñandeyára omeê ramo guare iñeê Abraampe, ndipori jague reje ambue téra tuvichavéva omeê jaguâ iñeê, omeê iñeê oyejegui voi oguérateé reje, ja jei: Añetejápe romombae pôrâ yoa yoane ndeve, ja Che romoñemoña moñavene yoa yoa. Ja upeicha ojaârô jague reje kîrîrîjame Abraam ojupity pe Tûpâ Ñandeyára oicuameê vaecue ichupe. Umi cuimbae voi omeêva iñeê peteî jéra guasúvévape ichuguicuera voi, ja omeêma ramo iñeê omoañetéjârâ jeiva, upepe opa voi pe oyuabyjague. Upeicha avei Tûpâ Ñandeyára ojechaucase ramo guare omoañetévo catuetei umi ojupity vaerâ vaecuepe pe icuameêmbyré iñeê icatu-ŷ-já oguerová, omoî mbytepe iñeê oguérateépe, icatu jaguâ co mocoî mbae icatuŷva oyererová reje icatu ŷ jápe avei Tûpâ Ñandeyára ñane mbotaby jaguâ, icatu jaguâ yareco ñanembo pyaguapy tuvichaite vaerâ ñande ñañeguajê vaecue yayapocoi jaguâ umi mbae oñemoî vaecue ñane renondepe ñajaârô jaguâ. Co ñane ñajaârôjá yareco ñane anga yocojára ramo mbayrú sâ jâtâva oso ŷ vaerâ, ja osyryry ŷ vaerâicha, ja ojupity vaerâ pe yvaga ajoyá cotypyvo, oikema jaguepe voi Jesús tenonderâ ñande rejejápe pe oñemoingo vaecue voi paí guasuete ramo tapiaguârâ Melchisedec reco rejegua voí. Co carai Melchisedec, Salem ruvicha guasu, ja pe Tûpâ Ñandeyára yvatévévégua paiguasu, ojuvaîti Abraampe oyeby yeby jaguepe omoñeguajê jague gui umi ambuecue mburuvicha guasupe, ja ojovasá ichupe, ja upegui Abraam omeê ichupe opambae ipyjypyré gui tûpâmbaerâ avei. Iñypyrumby jéra jeise teco marangatu rejegua ruvicha guasu, ja uperire jeise Salem ruvicha guasu avei, yaemo ñande mburuvicha guasu porombojeco kîrîrîjára, tuva ja isy ŷ vaecue upéva, ja oyecuaa ŷ vaecue iñemoñaré ypycue, ja oguereco ŷ vaicha jecove ñepyru jague, ja jecove opa jague. Upevareje oñemoingo vaecue jae iyoguajajârâ Tûpâ Ñandeyára Raŷ, ja opyta paí guasuete ramo tapia guârâ. ¿Anga pejechapa tuvicha jague rae co carai Abraam ñande ypycue omeê jague umimbae ipyjypyre tupambaerâ? Umi Levi rejegua cuérava voi oñemoingo vaecue paí ramo, añete iyáva ichupe cuera Moises ñeêngue guivo ombyatyvo tûpâmbae jeŷicuerava gui yae pôrâvo jesegua cuérava gui voi, Abraam ñemoñare rejegua voi ramo yepe umi ambuecue. Ja coápe oime pe carai ndajaeiva jesegua cuera omonoôva jina tûpâmbae Abraam gui, ja ojovasáva pe oicuameê jague Tûpâ Ñandeyára mbae ipôrâva yepe. Ja ndipori yayuaby jaguâ yaevo pe mîchîvéva oyejovasája tapia pe tuvicha vichavéva po rupi. Coanga voi umi cuimbae omano vaerâ umi omonoôva tûpâmbae, uperamo pe omonoôjaré upéva oyecuaáucájá oicovéjá gueteri. Ja Levi avei, icatu ramo yae avei upeicha, omeê tûpâmbae Abraam rupi, oico ramo yepe gueteri ituva guasu ru yeby Abraam pîtîkîrîî rupi ojuvaitî ramo guare Abraampe pe Melchisedec. Upeicharamo ojupity rire jecorâme umi pai Levi rejegua rupi, upeicharupi voi umi tetaŷgua oñemoingo Moises ñeê guype ¿mbae tecôtevêpa rae oime gueteri oñemoingo jaguâ pai ambue rejegua Melchisedec reco rejegua yeby, oyee rangue Aaron rejeguávajá? Covareje voi pe teco paí rejeguava oñembo jecovia ramo, tecôtevê oñembo jecovia jesecueragua ñeê avei pe teco pyajúrâ. Upe oyee jague coambae oñemboyejeá ambuecue jaecuera-ŷ-va ndive, avave umiva rejegua ndoyeporui vaecue mbae tûpâópegua rejeve. Oyecuaa pôrâ voi Ñandeyára pe Juda ñemoñare jague, umiva rejeguava reje Moises oñemongueta ramo guare, máramo ndeiri mbaeve paí reje. Ja upe yae vaecue oyecuaa pôrâiteve yepe ñane mandua ramo Melchisedec chagua vaerâjá pe opuâ vaerâ ambueichagua paí, ja oñemoingo vaerâjá na cuimbae yapoucapyréi, ipuaca vaerâ rejente jecove icatuŷvaerâ oyepoívéjá gui. Oyecuaauca voi jese coicha: Nde pai guasúete tapia guârâ Melchisedec rejeguava. Coina ape voi yajecha umi tembiapoucapyre iñypyrumbyguare oñemboyke ivevuiete jague reje, ja naipôrâi jague reje mbaevétérâ, pe Moises ñeêngue voi nombojupitŷucá vaecuei jecoitepeve, ja upea rangue yajecha oñemoingo jague mbae ipôrâiteveva ñajaârô jaguâ ja yayeroviajápe ñañemo angui jaguâ Tûpâ Ñandeyára gui. Jae noñemoingoi Cristorâ Tûpâ Ñandeyára omeê ŷ reje iñeê jéraitétépe voi. Umi ambuecue añetejápe oñemoingo vaecue paí ramo oñemeê ŷ reje iñeê Tûpâ Ñandeyára rérapegua. Cristo oñemoingo Tûpâ Ñandeyára ñeê jérapegua reje, upe jeíjaré ñeê voi Ichugui Ñandeyára omeê iñeê jéraitépe, ja Jae nosêichene iñeê gui, Jae jei ramo guare: Nde paí guasúeté tapia guârâ. Upeicha rupi voi cova pe ipôrâitevéva co teco oñemoingojápe Jesús ñande repymeê jarâ ñande recovia ramo. Umi ambuecue voi añete jeta jesecueragua oñemoingo vaecue paí ramo, nda iyái jague reje jiaré tapia guârâ omano vaerâjá reje. Upéva catu, jae jiaréjá reje tapia guârâ, oico paí guasuete ramo jecovia ŷ vaerâ. Upeareje iya Ichupe oporomopôtí avei jecoitépe ja ipajaitépeve umi oñemoanguívape Tûpâ Ñandeyára gui Jaerupi, Jae oicovéjá reje tapia guârâ oñeê jaguâ jesecuera. Coaichagua voi paí guasúeté iya pôrâ etereiva ñandéve imarangatúva, ipyavaí cuaaŷva, jecocuevaí ŷ va, oyejeacuaa ŷ va iñangaipáva ndive, oñembo tuvicha vichaitévéva yvatétéguagui. Cova voi natecôtevêi opa árape umi ambuecue paícha oicuameê mbae oporo moñyrô jaguâ iñangaipáeté reje, ja uperire umi ambuecue reje. Coambae Jae oyapo voi peteîeté yebynte, Jaente oñecuameê ramo guare oyupe vointe. Moises ñeê rupi oñemoingo vaecue cuimbae pai guasu ramo, opa ipitua rejeve yepe, upe Ñeê, oyee vaecue Tûpâ Ñandeyára rérape Moises ñeêngue rire guare, omoingo paí guasúeté ramo upe Taŷrape oñembojecoitépegua vaecue voí tapia guârâ. Pe tecôtevêvéva umi ñañemongueta jague gui ñaina yareco voi peteî paíguasúetéva oguapŷva jina Tûpâ Ñandeyára renda iyacatuape oñembo tuvichájápe jina yvape. Jae oyeyocuáiucáva jina pe tenda imarangatúetévéjápe pe oga ao ymaguareichagua coty jaeñóitévape añetejápe oñemuasâi vaecue Tûpâ Ñandeyára rupi, na cuimbae rupiri. Opa pai guasu voi oñemoingo oicuameê jaguâ mbae moñyrôjarâ angaipa repyrâ, mbae juguy ŷ va, ja ambue juguy vaerâ oyejapŷ jaguâ. Upeicharamo, co paí guasúeté avei tecôtevê oguereco mbae oicuameê vaerâ. Ja Jae oi rire gueteri yby ári, ndajaei che mo paí mbaeveichagua, oijá reje coápe voi umi paí oicuameêva angaipa repyrâ pe Moises ñeêngue reco rupi, ja coâva jembiapope ojechaucajârâ yvapegua raângánte, Tûpâ Ñandeyára oñemongueta jagueicha Moises ndive oyapóucá jaguâicha ichupe pe tûpâo ao gui gua. Jae jei: Maê! tereyapo opambae pe jaângárâ oyejechauca jagueicha ndeve pe itá atyra ári. Coanga voi iyáma Jesúspe jembiapórâ ipôrâ pôrâitevéva opambaegui, Jae oicojá reje oipaûndyjára ramo pe teco ipôrâvévape yepe oñemoingo vaecue rupi. Pe teco ñepyrumbŷpe guare oico rire imârâ ŷ reje, noñejaâi che mo rae iya jaguâme ambue. Jae voi oñemyrô jendive cuera ja jei: Pemaêkena! oune ára cuera, jei Ñandeyára, che amboty jaguâ che ñeê umi Israel rejegua ja Juda rejegua cuérava ndive co ñocuameêmbyre ipyajúvape. Cova ndajaei chene pe roñocuameê jagueicha Che ja pe ituva ypycue, upe aisambyjy jague árape ipogui cuera, anojê jaguâ ichupecuera Egipto yby gui: uperamo jaecuera osê iñeê gui pe roñocuameê vaecuegui, ja Che aroyrô ichupecuera, jei Ñandeyára. Coanga cova Che añocuameêucá jaguâ Israel rejegua ndive umi ára rire, jei Ñandeyára: Che amoinguene Che ñeê jecorâ iñâcâme cuera ja ipyápe cuera ajaíne cuatia ñeême guaicha, ja Che Tûpâ Ñandeyárarâ ichupecuera, ja jaecuera Che rejegua cuerarâ Cheve, ja ndiporiveichene mbaerepa peteî omboe jaguâ japichápe, ja peteî omboe jaguâ tybyrape jeivo ichupe: Eicuaa Ñandeyárape: opavave voi Che cuaa voíne Cheve pe michivéva guive pe tuvichaitévéva peve. Che aiporiajuverecone ichupecuera jembiapo vai rire yepe, ja iñangaipa cuera reje na Che manduavei chene. Ja Jae jei pype co ipyajúva, Jae omboyke pe ituyávaicha pe iyŷpyguare ñocuameêmbyre, ja pe oñembotuyáva jina, ja oñemo cangy cangyvéva jina jianguíma voí oyecuaávé ŷ jaguâ. Añetejápe pe iñypyrumby guarepe yepe iya jeco ombuetejá Tûpâ Ñandeyárape, ja oime vaecue ipype jenda imarangatúva co yby ári guare voi. Oime peteî tûpâo ao guigua oñembosacoí vaecue, pe coty itenondéva oi jague pe tataendy renda ja tûpâmbae renda avei ja umi mbuyape icarai vaecue, co tenda oyee vaecue Tenda imarangatúva. Ja pe ao mocoîjá rapycuevo oi pe coty aoguigua oyee vaecue pe Tenda imarangatúetéetêvéva, ja ipype oi pe mbae ryâcuâ ryru oroguigua, ja pe caramegua pe ñeê pe teco ñypyrumby guare ryru, oyeguapáva orope: ipype oi pe mbayru oroguigua pe manna ryru: ipype avei oi pe Aaron ybyrai ipopegua ipoty vaecue ja upeicha avei oi ipype umi itá ipépyre oi jague umi ñeê pe teco ñypyrumbŷ guare rejegua. Ja upe caramegua ári oime umi yvapegua cuera raângá ojesapéjápe omoâva pe tenda Ñandeyára oñemoñyrôucá jápe. Coanga ndicatuveima añeê pucu coambae gui. Oimba vove coicha âmbae, umi pai oyapo jaguâ jecope pe tecôtevê vaerâ oñemboe jaguâ, oikéva opa árape pe tûpâo aoguigua coty tenondévape: pe mocoî cotŷjápe pe pai guasúetéva oiké jaeño peteî yeby peteî roŷpe, ja máramo ndoikei tuguy ŷ reje oicuameê vaerâ oyeje vointe, ja umi ambuecue reje avei, oyeyaby jague reje oicuaa ŷ reje. Coâva rupi pe Espiritu Santo oicuaáucá pe tape ñaguajê jaguâ pe Tenda imarangatúetévéva jaetévape, neira jague oyecuaáucá, opyta aya gueteri pe tûpâo aoguigua coty tenondéva. Upéva peteî jaângánte iyáva ñande ára peguârâ, oñecuameêjá tûpâmbae ja mbae iyucapyrâ icatu ŷ va ombojeco marangatupá pe oñemboévape jina, umi oñecuameêva tembiu guivo guarente, ja mbae yaŷújá guivo guare, ja opaichagua yeyojéi guivo guare, ñande rete oyepocuaajá guivo voi, oico oñemyatyrômba meve opambae jecorâme. Upegui Cristo oñemoingo pai guasúeté ramo omeê jaguâ umi mbae ipôrâva ou vaerâ pe tuvichaveva oñemboe jaguâ renda jaetévéva pe oga aoguigua gui nda iyapópyréi po rupi, ja nda co yby ñemoñare rejeguávái. Ja co Cristo oiké peteî yebynte ipajá pe imarangatújá rendape nda cabará terâ vaca raŷ ruguycue rupiri, juguŷeté rupinte ojupity pype rae upeicha rupi ñande repyrâ tapia guârâ. Pe cabará, ja toro ruguycue, ja pe vaca ray cáigue tanimbu oyejypyi vaecue umi oñemonguŷa vaecue ári, umimbae omomarangatu ramo ichupecuera omopôtí jeco pôrâ jaguâ, upeicharamo ¿na ipôrâ vei chepane Cristo ruguy pe oñecuameê vaecue oyupe voi imârâ ŷ reje Tûpâ Ñandeyárape pe Espiritu iyapyra-ŷ-va rupi, naipôrâvei chepane omopôtí jaguâ pende pyapy tembiapo reongue gui, icatu jaguâ peñemboe jecópe Tûpâ Ñandeyára oicovevape. Ja coâva rupi Jae pe oipaûndyjára co teco pyajúvape, icatu jaguâ oime pype rae peteî omano vaecue jepyrâ umi opia vaecuepe oico yaveve pe teco ñepyrumbype guare, umi oñejenoîmbyre ojupity jaguâ mbae yárarâ tapiaguârâ pe oñecuameê mbyre ichupecuera. Oimejape peteî cuatia ñeê mbae yárarâmeguarâ tecôtevê rae oyecuaáucá omano jague añete pe cuatia ñeê apojaré: pe cuatia ñeê mbae yárarâme guârâ iya omano rire mante pe mbaeyára cue, naipôrâi marave voí oicové aya pe iyapójaré. Upeicharamo yajecha pe ñeê pe teco ñepyrumbŷpe guare rejegua yepe noñemongaraíri jague tuguy ŷ reje. Ja Moises oicuaáucá jaguepe opavave ojendu jaguâ opa Tûpâ Ñandeyára rembiapoucapŷ pe ñeê Moisespe oñemeê vaecue pegua, oipyjy pe vaca ray ja cabará ruguycue ja oipyjy avei ŷ ja ovecha rague pytâva ja caavó, ja ojypyi pe itá ñeê reje ja opa umi jeŷicuerareje, jeivo: Cova co tuguy ombojaetéva co teco oñocuameêjá oñoñeême omoingo vaecue Tûpâ Ñandeyára penendive. Upeicha avei jae ojypyi tuguy pe tûpâo aoguigua reje, ja opa umi mbayru tembiporu pe tûpâopeguava reje. Añete jaime icatu yae oyeyapóucá jaicha pe Moises ñeê rupi opambae oñemopôtíjá tuguype, ja oñeñojê ŷ rire tuguy ndicatui oime oñemboí jaguâ angaipa. Upeicharamo tecôtevê ramo umi yvapegua raângá oñemopôtí jaguâ coicha oñemongarai pype, tecôtevêvé umi yvapétégua voi oñemopôtí jaguâ iyucapyrâ angaipa repŷrâ ipôrâitéetévéva ja jaeteveva umiva gui. Ndajaei pe tûpâo imarangatújápe oñemopuâmbyre ybypóra po rupi, pe jaetéva yoguajánte vaecue, oike vaecue Cristo, Jae oike vaecue yvaetépe vointe, oyejecha jaguâ coaguirire Tûpâ Ñandeyára ypype ñande rejejápe. Ja Jae ndoikei yeby yeby oñecuameê jaguâ oyupe voi, pe pai guasu oike jaicha pe tûpâo imarangatúetéjá rendape opa roŷ ruguy ambue rejeve jesegua ŷ va. Upeicharamo, Cristo ojasa asy yeby yeby vaerâ moa co yby oyeyapo ypy jague guivo coangapeve, ja yaicuaa voi coanga Jae oyejecha jague peteî yebynte ipajaite ôguajêjápe jiara oipea jaguâ angaipa oyeyucá pype Jae voi angaipa repyrâ. Ja iya jaicha opa ybypórape omano peteî yebynte, ja uperire oico pe oñembojecovia jaguâ ára, upeicha avei Cristo oñecuameê vaecue oyupe peteî yebynte ogueropuaca jaguâ angaipa repy umi ambue jeta rendaguepe, ja oyejecha yebyne mocoîjápe angaipa ŷ rejema umi omañavape Jese ojaârôjápe jecoitepe oñemomarangatúeté jaguâ. Pe Moises ñeême voi oime umi mbae ipôrâva ou vaerâ raângá nungánte, ja ndipori umi mbae voi iyoguajá jaetéva. Upeicharamo nda iyái mbae moñyrôjarâ oñecuameê yeby yebyva rupi opa roype, nda iyaima ramo omomarangatu jecope umi oúvape jeseve cuera. Upeicha rire mo ndoyejeyaiche rae jaecuera oicuameêvo umi mbae moñyrôjarâ, ja umi oñemboéva mo ndoguerecoiche rae oyepyapy jaguâ iñangaipacue rupi, catuetei oñemopôtímba jague reje jecópe. Upea rangue oñecuameêjápe umi mbae yepe opa roype, oime oñemomanduapa jaguâ umi angaipa. Ndaicatui voi pe toro ja cabará ruguy rupi oyepea angaipa. Upea reje voi ou jaguepe ybyari Jae jei: Iyucapyrâ ja tûpâmbae moñyrôjarâ Nde nde reipotai, peteî teténte Nde rembosacoíucá Cheveguârâ. Umi iyucapyrâ oyejapŷpyré moñyrôjarâ, ja mbae cuameêmbyré angaipa repyrâme Nde nde rerojoryiri. Uperamo Che jae: Coanga ayu (pe cuatia ñeê yapacuapyrépe oyee Chejegui voi) ayu ayapo potávo, Nde Tûpâ Ñandeyára, Ne rembipota. Jeipa rire umi ñeê: -- Iyucapyrâ ja tûpâmbae moñyrôjarâ ja iyucapy oyejapŷpyré, ja oñecuameêmbyré angaipa repyrâ Nde nde reipotai ja Nde nde rerojoryiri umimbaepe (mbae voi umia oñecuameêmbyre pe Moises ñeême oyee jaicha), upevove jei: Ayu ayapo potavo Ne rembipota, ja upeichape jae omboyke pe iñypyrumbyré, omoingo jâtâ jaguâ pe mocoijápegua. Upéva rembipota rupi voi ñañembo jeco marangatuma vaecue Jesu Cristo oicuameê jague reje jetété voi peteî yebynte iya jaguâ ñane angaipa repŷ ramo. Opa pai guasu oñemboe oicovo opa árape tûpâope, ja oicuameê tapia jicuai umi mbae moñyrôjarâ yeby yebynte maramové icatu ŷ vaerâ oipea ñane angaipa. Co pai guasu jaeteva oicuameê rire Jae voi peteî mbae moñyrôjarâ año jecoitepegua ñane angaipa repyrâ oguapy Tûpâ Ñandeyára acatuape, ojaârô jaguâ upeguive oñemoî jaguâ iñamotareŷjára pe ipy guype ipy rendâgua, oñecuameê pype oyupe peteî yeby Jae omombae pôrâmba jaguâ jecope tapia guârâ umi jemimomarangatu. Pe Espiritu Santo avei oicuaauca añetejá, Jae voi jei rire coicha: Cova co oñocuameêmbyre oñoñeême amoingo vaerâ jendivecuera umi ára rire, jei Ñandeyára, Che ameêne Che rembiapoucapy oî jaguâ ipyápe cuera ja ajaíne cuatia ñeêmeguaicha iñâcâme cuera. Jei rire âmbae, Jae jei avei: Iñangaipa reje ja jembiapo vaí reje na Che manduaveichene. Ja mamo oñembo jesarai jápe umi mbae, ndiporiveima mbaerejepa oñecuameê jaguâ angaipa repŷrâ. Yareco pype, upeicharamo, che reŷicuera, yaike reinte jaguâ yaipoŷju ŷ reje pe Tenda imarangatujápe Jesu ruguŷ rupi, pe tapé oicoveva ipyajúva rupi omongarai vaecue Jae ñandeve pe jete osoro jague rupi, osoro jagueicha pe tûpâo ao yepysójá, ja oimeja reje pe pai guasúetéva oguerecova ipoguype umi Tûpâ Ñandeyára rogayguape, ñañemboya Jendápe ñande pya apyteguive, ja yayeroviaitéjápe catuetei ñande pya ipôtímbyre ñande pyapy vaí gui ja ñande reté iyojeipyre ŷ etépe. Yapyta jâtâ pe ñande ñameê jague ñane ñeê reje ñaicuameê jague ñande ñajaârôva guivo ñamyi ŷ reje: Jae yeroviajá voi upe omeê vaecue iñeê ñandeve oicuameê jague. Ja ñañomandua oyueje ñañoatôi jaguâ yayojaŷju jaguâ, ja ñañombo jecopôrâ jaguâ. Ani ñande yapoí ñañe mbyaty jaguâ oñondive gui oyapo jaicha ambuecue: ñañomokyreŷvo oyupe, yayapovo upeicha catuetei pejecha járeje jiâguimajá jiara. Ñande ñañemo angaipa ramo yaicovo ñande yejegui voi, yajupity rire jecópe pe yaicuaápá jaguâ pe ñeê añetegua gui, ndopytavei ñandeve ambue mbae moñyrôjarâ ñane angaipa repyrâ. Opytante ñandeve ñajaârô jaguâ yakyjŷyejápe pe ñandeve oñembojecovia jaguâ ára, oico jaguâ pe tata ipochŷva ojapypá vaerâ opa umi oñemoîjarépe Tûpâ Ñandeyára ñeê reje. Oimeraêva ogueroŷrô vaecue pe Moises ñeêngue oyeyuca mocoî terá mbojapy jechajaré ñeê rupi iya ŷ reje oyeporiajuvereco jaguâicha. ¿Na jiâipa peême ipojyive vaerâjá pe iya vaerâ oyepy jaguâ pe opyrû vaecue pe Tûpâ Ñandeyára Rayete reje voi, ja oguereco vaecue mbae tayasu ramo pe tuguy pe teco pyaju omeê jague iñeê rejegua, pe oñemo marangatu jague, ja ogueroŷrô vaecue pe Espiritupe pe ñanembo pyapôrâjarâme. Yaicuaa voi Upe jei vaecue: Cheve año iya ayepy jaguâ. Che ambojecoviáne. Ja oyee yeby: Ñandeyára voi omojenda vaerâ mburuvichaicha jesegua cuerape voi. Mbae yakyjŷyetéjá yaá Tûpâ Ñandeyára oicovéva pope. Penemandua meme umi ára ymaguare reje peyejesapé ypy jague peropuaca jaguejá árape pejasa asy ramo guare peñejaâetépe. Pejasa asy vaecue upeicha peñemboapua jague reje umi penemo ñecoóîjára ja penemoñajára rupi, ja pejasa asy avei peyejea jague reje umi jicuai asyva ndive avei. Peêcuera pembuasy umi oñeñapytî vaecue ndive jicuai ybyracua rogape ja pende pyaguapy yepe torypape oñemonda ramo guare penembae rereco, peicuaa pype peêcuera perecojá penembaerâ ipôrâitéveva jiaré vaerâ tapiaguârâ. Upévareje ani pemboŷke pende pya guasújá co oyejechacuaa tuvicha jaguâ peême. Peê peicôtevê pende puaca jaguâ perokîrîrî, icatu jaguâ peyapo rire jecópe Tûpâ Ñandeyára rembipota pejupity pe Jae oicuameê vaecue peême. Oime gueteri jiaré michimi jaguâ, ja uperamo oune upe ou vaerâ ja nda jiarévéichene. Oyeroviajá reje voi oicove vaerâ pe cherejegua imarangatuva, ja jae oguevi ramo che che ángape che ndarojoryi chene ichupe. Ñande voi ndajaei umi ogueviva rejegua oñembyaipa peve, ñande umi ogueroviáva rejegua oñemo angapyjy pôrâmbámeve. Pe yayeroviajá voi pe jiâva ñandeve catuetei guârâ umi mbae ñajaâróva reje; ja pe ñajaâva umi mbae yajechaŷva jaetévajá. Upearupi voi ñande ypycue ojupity jerâcuâ pôrâ jaguâ. Yayeroviajá reje ñande yajechacuaa coa yby oyeyapo jague ja oicojá gueteri Tûpâ Ñandeyára Ñeê rupi. Upeicharamo umi mbae yajechava noñemoingoi vaecue umi mbae oyecuaava gui. Oyerovia jague reje Abel oicuameê Tûpâ Ñandeyárape peteî mbae moñyrôjarâ jecopevégua pe Cain mbae gui, ja upearupi oñemojerâcuâ jeco marangatujá. Tûpâ Ñandeyára voí omojerâcuâ pôrâ ichupe oguerojorŷvo upe jae oicuameê vaecue, ja uperupi avei jae omano ramo yepe oñeê yepe gueteri. Oyeroviá jague reje avei pe Enoc oyererová co yby arigui oyejecha ŷ reje jeongue, ja ndicatuvei oyeyuju, Tûpâ Ñandeyára oguerová jague reje ichupe, ja jae oyererova mboyve jerâcuâ pôrâ vaecue oyererojory jague Tûpâ Ñandeyárape. Oime ŷ jápe voi yerovia, ndicatui oyererojory Tûpâ Ñandeyárape. Upeicharamo oime ramo oñemboyaséva Tûpâ Ñandeyára reje, upea tecôtevê oguerovia Tûpâ Ñandeyára oimejá, ja Jae ojechacuaájá umi ojecávape Ichupe jecope. Oyerovia jague reje avei pe Noe oñemomarandu rire mbae oyejecha ŷ va reje gueteri, ombuete pype ombuaye ja ombosacoi pe mbayru guasu imârâ ŷ jaguâ jogapeguacuera, ja upeicha rupi jae omoi vaí umi ambuecue ybypóra cuerape, ja ojupity oñemombaéucá jaguâ jeco marangatu jaguâ umi oyerovia rejeguaicha. Oyerovia jague reje avei pe Abraam, oñejenoî vove osê jaguâ jetâ gui ojo jaguâ pe tenda oñemeê vaerâ imbaéteé ramo, iñeêrendú, ja upevove osê, oicuaa ŷ ramo yepe mamopa ojo vaerâ. Oyerovia jague reje avei jae ou ja oñembojoga upe yby oñecuameê jague ichupe, oico ramo yepe upepe peteî tetâ ambuepe guaicha oicovo oga aoguiguape Isaac ja Jacob ndive, umi ojupity vaerâ avei jendive pe oñecuameê vaecue. Jae voi oñemomandua tapia jina ojecha ramo guârâ pe tetâ pe oyeéva japo yeby yebyjá, jaângá apó vaecue, ja omopuâ vaecue Tûpâ Ñandeyára jaéeté voi. Oyerovia jague reje avei pe Sara voí yepe oñemómbaraeté jygue guasu jaguâ iyávé ŷ maramo yepe ichupe upe mbaerâ, jae oguereco jague reje yeroviajá ramo upe oicuameê jarépe. Upeareje oñemoña pe peteî cuimbae omanovaichama gui peteî tetâ umi ára resaicha jetacuépe, ja jetacue ybycui ŷguasu rembey rejeguaicha yaipapa cuaa ŷ va. Opavave umiva omano vaecue umi oyeroviava rejegua recope. Añete ndojupityi ramo yepe umi mbae ipôrâva umi icuameêmbyre, omaña jesecuera mombyryguinte, ja obya nunga imanduajápe, ja oñemombeu jaecuera mbojupáichajánte ja jenda ŷ vaichaja co ybyari. Oime ramo jeiva upeicha oicuaauca jaecuera ojecájá jicuai jetâete cuera voi. Ja jaecuera imanduá meme rire pe jetâ cuera osê jague gui, catuetei mo iya rae oyeby jaguâ. Coanga voi yajecha ipya yerurete jague pe tetâ ipôrâvéva reje, yaevo pe tetâ yvapegua reje. Upeicha ramo Tûpâ Ñandeyára notîri oñejenoî jaguâ iTûpâ Ñandeyára cuera ramo, Jae ombosacoímajá reje ichupecuera jetârâ cuera. Oyerovia jague reje Abraam oipyaraâ ramo guare ichupe Tûpâ Ñandeyára oicuameê Isaácpe iyucapyrâicha mbae omoñyrôjarârâ, añete catu pe oguerojory vaecue pe cuameêmbyre oicuameêta jina pe itayra peteî mime, oyee jague ichupe Isaac rupi oñejenoî vaerâ ne ñemoñare. Jae voi oimoâ Tûpâ Ñandeyára ipuacajá omoingove yeby jaguâ yepe umi omano vaecue apytegui, ja umiva apyteguivo voi guaujápe oguerojory yeby tayrape. Oyerovia jague reje avei Isaac ojovasá Jacobpe ja Esaupe oñeêvo umi mbae ou vaerâ gui. Oyerovia jague reje avei Jacob omanota ramo jina ojovasá umi mocoîve José raŷpe, ja oyeyocójápe iyŷbyrâ reje oñemboe Ñandeyárape. Oyerovia jague reje José opape jina jecove, omomarandu isê ramo guârâ umi Israel cuérava upe tetâ gui, ja omboe ichupecuera icangue cue reje. Upeicha avei oñemoña rire pe Moises, itúva ja isy oyerovia jague reje oñomî ichupe mbojapy yasyjápeve, ojecha jague reje mitâ ipôrâitejá, ja noñemonguyjŷyéi pe mburuvicha guasu rembiapoucapy gui. Oyerovia jague reje Moises ocacuaama ramo oñereroŷrô oñejenoîvé jaguâ Faraon rayŷ memby ramo, jae oiporavó mbae ipôrâvévaicha ojasa asy vaí jaguâ Tûpâ Ñandeyára rejegua cuera ndive, noñembojorysévéi gui pe teco angaipa sapyaminteguápe. Jae voi oguereco oñembojorŷ jaguâ, ja oñemoñecoóî jaguâ Cristo rayjupápe mbae oyererojorŷvé jaguâ opa mbae iñongatupy tâcâteŷjá pe Egipto retâmegua gui, jae voi oyesareco meme jague reje jina pe mbae jechacuaapyre ou vaerâ ichupe reje. Oyerovia jague reje avei jae ojeya pe Egipto retâ, nda okyjŷye guiri pe mburuvicha guasu pochy reje: jae ogueropuacá voi ojechaváicha pype pe yajecha ŷ vape. Oyerovia jague reje avei jae omoingo ypy arete guasu Pascua yaejá, ja omonáucá ypy pe tuguy gui, icatu ŷ jaguâ pe oyucajára jiconi umi mitâ ypycue oyabyky avave jesecueravape. Oyerovia jague reje jaecuera ojasa pe ŷ guasu pytâva yby âtâ rupicha, ja umi Egyptoŷgua oñejaâ pype oyapovo upeicha avei joŷguŷpá. Oyerovia jague reje avei jaecuera omboyaparópá ybype pe Jerico tapia oñemongorájá jaecuera omboyere rire jicuai siete arajá peve. Oyerovia jague reje avei pe Racab pe cuña recóvaí vaecue nomanoi umi ambuecue iñeêrendú ŷ vaecue ndive, oguerojory ja ombo pyaguapy jague reje umi ou vaecue ñemijape omañajarârâme. ¿Maerapa añeêvéta? Nda iyaichene cheve ára amombeu jaguâ Gedeon gui ja Barac gui ja Samson gui ja Jefta gui ja David gui ja Samuel gui ja umi oñemoñeêjaré gui. Umiva oyerovia jague reje ipuaca vaecue umi mburuvicha guasu retâ rejeve, ja ojupity oyeico jaguâ jecope, ja ojupity umi Tûpâ Ñandeyára oicuameê vaecue: omboty umi iñarôva yuru, oipuaca rerajá pe tata tuvicháva gui ocái ŷ jaguâ, oyei umi oporoyucáva jicuai kyse pucupegui, ipitua jague gui oñemombarete, oñembopuaca oñoraŷrôjápe, ja omoñeguajê umi pytagua oñembo puaca vaecue ouvope. Oime vaecue cuña oguerojory yeby vaecue jesegua cuerape oicove yeby vaecue omano vaecue apytegui, ja oime ambuecue oñenûpâ oyeyuca peve, ja ogueroyrô umi opoíucáse vaecuepe ichugui cuera ojupity jaguâ oicove yeby jaguâ peteî tenda ipôrâvéjápe. Oime ambuecue ogueropuaca vaecue iñecoóî ja tucumbo, ja upeicha avei yepe oñeñapytîjápe ja ybyracuape ojasa asy vaecue. Oyeyapi vaecue itápe, oñembovó ybyra kytîjáme, oñeñatôi pichyguype, oyeyuca vaecue kyse pucupe. Jaecuera oico vaecue ape ja pe coty oñemonde ovecha ja cabará pirepe, tuvicha tecôtevême ojasa asy vaecue ja oyerereco vaí. Ipôrâiterei umiva cuimbae oico jaguâicha ybypóra rei apytepe: jaecuera oico rei rei vaecue umi ñû rei rupi, ja umi itá atŷra rupi, ja oñemî vaecue umi itacuá rupi ja ybycuá rupi. Ja oyerovia jague reje ramo yepe jerâcuâ pôrâ vaecue opa umiva, avave jaecuerava ndojupityi Tûpâ Ñandeyára cuameêmbyre. Tûpâ Ñandeyára voi ombosacoi rae voi ichupecuera guârâ ja ñandeve guârâ ipôrâveva, icatu ŷ jaguâ ñandereje ŷ ojupity pe tenda imarangatúetévévape. Upeicharamo yareco pype ñande yerecuévopa peteî araícha co ñande rechajáraeta ñamombo ñande yejegui opambae ipojyiva, ja pe angaipa ñandepŷcuáséva, ja ta ñañaní puaca ja kîrîrîjáme co tape opytava ñane renondepe ñañejaâ jaguâme gueteri, ñamaña pype Jesu rejente co ñande ruvicha ñande yeroviajá rejegua ñanemo marangatu vaerâ jecope ipajápeve. Upeva pe jory ou vaerâ gui Ichupe, oguerokîrîrî pe curusu ogueroŷrô umi mbae motijarâ, ja uperire oguapy Tûpâ Ñandeyára renda acatuape. Upeicharamo peêcuera anichene jaguâ pende pya cangy ja pende pyupá, pemboyoyami pe pejasa asyjá umi Jae ojasa asy jague reje, Jae ogueropuaca ramo guare umi angaipavora omoî vaí vaecue Ichupe. Pene ñorayrôme angaipa coty coty peê nda peropuacai gueteri tuguy oñojê meve. Sapya peêcuera penderesaraine rae umi ñeê ñanembo pyaguapyjarâ gui oñemeê vaecue peême tayra peguaicha: Che raŷ ani rereco mbaeve ramo co Tûpâ Ñandeyára nde yopy ramo, ja ani nde pyupá reñemotî ramo Jaerupi. Oime ramo Ñandeyára ojayjúva, upévape Jae oyopy, ja oime ramo Jae ojechacuaava, upévape Jae oinûpâ. Peropuaca voi peina co peyeyopŷjápe pende reco pôrâ jaguâ. Tûpâ Ñandeyára voi pende rereco voi itayra raicha. ¿Ja mbae tayrapa oime ituva oyopy ŷ va jecopôrâ jaguâ? Ja peêcuera peico ramo peyeyopy ŷ reje, iyájaicha opa tayra jaetévape, aiporamo tayra ocara peê, nda tayraetei peê. Upeva reje ñande ru ybyarigua ñande rereco yeyopŷ, ja upeicharamo ñande ñambuaye ichupecuera. ¿Upeicha avei naipôrâichepane yayeyocove ñane anga Ru pe icatu jaguâ yaicovété? Jaecuera añetejápe ñande rereco iyopyjápe mbykymínte jiâ jaichante ichupecuera. Jae voi oyapo ipôrâ jaguâ ñandevente, ñande yajupity jaguâ jeco marangatujápe. Añete ñande yopy yave ñañandu na mbae ñanembojoryjarâchai, jasy ja ñanemombuasyjarântejá. Uperire oico upeacue guinte voi umi oñembo aracuaáucá vaecue co oyeyopŷjápe oñembopya guapypa jaguâ, ja oñembo jecopôrâ jaguâ. Upeareje pemombaraete pende yŷva oñesaingóva ja penerenypya ipyupáva; ja peicârêó umi tape pepyru jaguâ, icatu ŷ jaguâ pe icarêva oyabypáite oñemyatyrô jaguânte pe ipârîjá. Peñejaâ peico pôrâ opava ndive peyuaby ŷ reje, ja peñejaâ peñemomarangatu. Upeicha ŷ ramo ndicatu moai yajecha Ñandeyárape. Pemaña pôrâke anichene jaguâ avave joa osyryryvo Tûpâ Ñandeyára pyapôrâ gui ja anichene jaguâ oyeju pende apytepe caavó iróva rapóicha pene muanguecoijarâ, ja omonguŷá jarâ avei ñande reŷi cuera ambuecue jetavape. Pemaña anichene jaguâ oico pende apytepe itieŷva terâ itabŷva pe Esauicha pe oñemu vaecue peteî ñaembe tembiu reje icuatia iyŷpycue rejegua. Peê voi peicuaa uperire avei jae, oyejovasásé ramo mbae yárarâ, oñereroŷrô jague, ja ndicatui jague oyuju osê jaguâ iñeêngue gui, ojeca jeca ramo yepe pyambyasype yepe oyajeovo oyejovasa jaguâ. Peê ndapeyui peteî itá atyrape icatúva jaguâ yapoco ja jendŷva jina tatape pe jatatîna jápe ja pytûjápe, ja pe ára pochyjápe, ja pe ipújápe turu, ja pe ñeê jyapújápe, umi jendujare oyerure ramo guareicha anichene jaguâ oñemboyuapyve peteî ñeê. Umiva voi ndicatui ogueropuaca pe oyeéucá vaecue reje: Peteî iñarôva yepe sapya opoco ramo co itá atŷra reje oyeyapíne itápe omano meve. Ja pe jechapyré omonguyjŷyépá jaguâichagua voi ja Moises yepe jei: Che aryryi kyjŷye gui. Peêcuera voi ndapeyui chenerae coaichagua mbaepe. Upea rangue peêcuera peyuma nerae pe itá atŷra Zionpeguape pe Tûpâ Ñandeyára oicovéva retâme, pe Jerusalem yvapeguape, ja umi yvapegua yaipapapácuaa ŷ va rendape, pe oñembyatŷpájápe jicuai umi oñejenoî vaecue umi oñemoña ypy vaecueicha voi pe Iglesia rejeguarâ, jéra cuera oimémbámava yvape, peyúma voi pe mburuvicha opavave Tûpâ Ñandeyárape, ja umi jeco pôrâ vaecue jiánga oñemo marangatúpáite vaecuepe, ja peyúma voi Jesu rendape pe oipaûndyjára pe teco pyaju oñomoñyrôjápepe, ja pe tuguy oñejê vaecuepe, oñeêva mbae ipôrâvéva gui Abel ruguy gui. Chake ani peroŷrô pe oñeêvape jina peême! Umi ymaguarepe ndicatui rire oñeguajê jaguâ ogueroŷrô ramo guare pe oicuaauca vaecuepe ybyari, ¿mbaeichapa icatune ñañeguajê ñande ñañemboyeré ramo ñajendu ŷ jaguâ upe coanga oñeêva yvaguive? Uperamo iñeê oitybyro vaecue co yby, coanga yarecoma pe iñeê omeê vaecue jei ramo guare: Peteîvénte ipajarâ aitybyro yebŷne nda co yby añói, yvaga avei. Co ñeê Peteîvénte ipajarâ oicuaáucá oñemboí vaerâjá umi mbae tybyropyrâichagua, mbae iyapopyré nte voi umiva, opyta jâtâ jaguâ tapia guârâ umi mbae icatu ŷ va oyetybyro. Upévareje ñande yajupityma jague reje co yvapegua reco icatu ŷ va oyetybyro, ta yaico pya pôrâme, icatu jaguâ ñambuete Tûpâ Ñandeyárape jecope ñambojoryvo Ichupe ñesûjápe ja poŷjú rejeve. Co Tûpâ Ñandeyára voi avei tataicha oporomombájarâ. Ta peico tapia peyojayjújápe oñondive. Ani pende resarai perojory jaguâ ojasávape ojovo. Coicha ramo voi oime vaecue oicuaa ŷ reje oguerojory vaecue yvapegua cuerape imbojupaicha. Pene mandua avei umi ybyracua rogape oiva reje, peêcuera pei vaicha ramo jendive cuera pe ybyracua rogape. Pene mandua avei umi oyeyopy ja ojasa vaíva reje jicuai, peêcuera voi peico gueteri pende retéva co ybyari. Pe omendava reco toñembuete ete opava rupi, ja pe omendava rupá ani máramo oñemomârâ. Umi jeco tieŷvape, ja umi oporombuaiva mendarepe, umivape Tûpâ Ñandeyára ombojecoviane jecope. Ani pende reco umi jâcâteŷvaicha mbaerepy reje. Pene angapyjy pe perecomíva rejeve. Ñandeyára voi jei vaecue: Che máramo ndapoíchene nde pógui, ja máramo ndo roreyaichene tyreŷ ramo ndeve. Upeicha icatu ñande yae yeroviajápe ja kyjŷyé ŷ reje: Ñandeyára che pytyvôjára, ja upeicha che nda kyjŷyeichene. ¿Mbaepa icatu oyapo chereje umi ybypora rei? Pene mandua umi yma penemotenonde vaecue reje: umia voi penemboe vaecue peême Tûpâ Ñandeyára Ñeê reje: ja pene mandua pype mbaeichapa jaecuera osê rae jecove gui ja peico jecocue cuera rupi peê. Jesu Cristo Jaente voi cueje, coanga, ja tapia guârâ. Ani pene mombia yeyabŷjápe opaichagua oporomboéva oyecuaa ŷ va rupi. Ipôrâ voi ñañembo pya mbaraete Ñandeyára ñanembo pyapôrâ rupi ja anichene tembiu rei rejeve. Umi oico vaecue umichagua mbae rupi mbaeve noñemombaei. Ñande avei yareco peteî iyucapyre renda, nda iyaijá jou jaguâ umi Judio tûpâo aoguigua rejegua. Umi mymba juguycue oyererajá vaecue pe pai guasu po rupi pe tenda imarangaruetevejape angaipa repŷrâ, umia retecue oyejapy pe oyeicojá gui ocáravo. Upeareje avei Jesús omomarangatu jaguâ jesecueraguarâme juguŷete reje voi ojasa asy pe tetâ rokê gui ocáravo. Ñasêna, upeicharamo, Jendápe pe oyeicoja gui ocáravo yaro kîrîrîvo Jendive voi umi oyaojá Ichupe. Coápe ñande nda yarecoi peteî tetâ jiare vaerâ tapia guârâ: yajeca ñaina ñande ajôvo pe tetâ yaico jaguâ reje. Jaerupi, upeicharamo, ñaicuameê tapia mbae iyucapyre oñecuameê vaecueichagua ñamombeu guasúvo Tûpâ Ñandeyárape ñaicuameêvo co ñande yuru rupigua ñamombeújápe jéra. Ani pende resarai penembaepôrâ jaguâ, ja peñombae jaguâ oñondive: coichagua icuameêmbyre cova oguerojory vaerâ Tûpâ Ñandeyára. Pene ñeêrendu umi pende rerecuápe ja peico iñeême: jaecuera voi oñangareco pene âga reje omombeu vaerâicha Ñandeyárape icatu jaguâ oguereco jaguâ omombeu pôrâ jaguâ toryjape ja nda yepyapyjapei upea voi peñemo mârâ jarânte. Peñemboe orereje, roguerovia añetété ore pya pôtí pôrâ, ja roicose opambae jecoitepe ja iyojeipyre ramo. Ayerure rure peême catuetei eteve peyapo jaguâ upeicha icatu jaguâ voíetéve iya cheve aime yeby jaguâ penendive. Pe Tûpâ Ñandeyára ñanembo pya guapŷjára, Upe omoingove yeby vaecue umi omano vaecue apytegui Ñandeyára Jesús pe, pe oñemoingo vaecue Ovecha Rerecua jaeteva ramo pe juguy pe teco ipyajúva iyapyra-ŷ-va rejegua rupi, Upeva ta penembosacoi peême opambae ipôrârâ, icatu jaguâ pembuaye jecoitepe jembipota ñane atôivo ñandeve yayererojorŷ jaguâ iyŷpype Jesu Cristo rupi. Toñembuete Jae tapiaguârâ. Amen. Che ayerure peême, che reŷicuera, pejendu ja perokîrîrî jaguâ co ñeê che ayerurejá peême. Cova ñeê cuatia mbykyminte arajaucáva peême. Icatu peicuaáma ñande reŷi Timoteo oyepoíma jague. Jae ou voi ramo, che pojechane peême jendive. Pemomaiteí opa pende rerecua cuerape che rerape, ja opa umi imarangatuvape. Ñande reŷicuera Italiape jicuaiva penemomaiteiuca peême. Ñandeyára ta ipya pôrâ penendive. Amen. Che Santiago, Tûpâ Ñandeyára ja Ñandeyára Jesu Cristo rembiguai, pomomaiteiuca opa peême doce oyojeŷiva Israel rejegua pe peñemuasai vaecue oparupi. Peyapo tory guasuichante, che reŷi cuera, peyeyopy ramo pende yerecue reje opaichagua mbae pene pyaraâjarâ. Peicuaana oime ramo ojaâva pende yeroviajá, upea voi peneatôi peropuaca jaguâ kîrîrîjáme. Taperopuaca pôrânte pejupity peve pe jecoitepegua, peê peñembo jeco pôrâite jaguâ ja peñemombaemba jaguâ anichene jaguâ pepyta tapycuepe mbaeveicha ramo. Ja oime ramo peêcuera oicôtevêva arandu reje toyerure Tûpâ Ñandeyára pe omeêva po yepeape opa cuimbaepe ja nogueroŷrôvái avavepe, ja oñemeêne ichupe. Toyerurénte oyeroviajápe oipoŷju-ŷ-etereje. Pe oipoŷjúva oyeroviajápe, upéva pe ŷ guasu ocue ramo guaicha oñemonguéva ybytu rupi, ja oñembocacháva ápe ja pe coty. Pe cuimbae upeichagua ndicatui ojaârô ojupity jaguâ mbaeve Ñandeyára guivo, cuimbae ipya yoava voi upéva, ja jeco jenda-ŷ-va mamove oicojape. Oime ramo ñande reŷi cuérava iporiajúva jina, ta jory oñemombae rereco jague reje. Ja pe carai guasu mbae rerecojá, ta jory oñemboporiajujá reje. Umiva voi yboty capii apytepeicha ocuine jendágui. Osê vove pe cuarajy ja oipeyu ybytu jacu ipiru pe caavo râcâ ja iyŷboty ocui ja ocañŷmba ipôrângue ja oyeroapá. Upeicha avei pe carai guasu voi opa imbae rerecojá rejeve oyaropá vaerâ. Jeco ory vaerâ pe cuimbae ogueropuacava oñepyaatôijápe: osêma ramo ipuaca ojupitŷne pe ipuacavéva âcâ ajoyá pe tecove iyapyra-ŷ-va rejeguava Ñandeyára oicuameê vaecue opa umi jaŷjujárape. Ani avave jei iñepyaatôijápe oime Tûpâ Ñandeyára guivojá co oñepyaatôi jague jina. Tûpâ Ñandeyára voi oñeatôicuaa-ŷ-va umi mbae vaí rupi, ja Jae noatôiri ivaírâ avavépe. Oime ramo oñepyáatôiva, upéva oñembotyryry jiâva vaí reje ichupente ja oyeyapichy upearâ. Upei catu pe jiâ vaíva ichupe ipuruá ja imembyra pe angaipa gui ja pe angaipa gui ocacuaama ramo osê ñamano jaguâ. Ani peñembotaby, che reŷicuera. Opa mbae oñemeê reíva ñandeve ipôrârâ ja opambae jecopegua iyáva ñandeve yvaguiguánte ja ogueyŷva pe Ñande Rú oporojesapéva gui. Jae voi nomboyuabŷvái ja mbaeveicharamo guaujápe yepe ndoguerovávái. Jaete oipota guinte jae ñanemoñemoña pe iñeê añetegua rupi, icatu jagua yaico yváá ypycueicha opa umi iñemoñare cuera apytepe. Peê peicuaa voi cova, che reŷicuera pojaŷjúva. Penekyreŷna pejendu jaguâ opavave peñemoateŷnte peñeê jaguâ ja peñemoateî pende pochy jaguâ. Pe cuimbae pochycue gui voi ndoyejupityi pe tembiapo ipôrâva Tûpâ Ñandeyára reco rupigua. Upeicharamo pemboŷke opaichagua kyá, ja peyepea umi itieŷetavagui ja perojory pyáguapŷete rejeve pe ñeê oñeñoty vaecue pende pyape, pe ipuacáva omomarangatu jaguâ pene anga. Peico peê pe ñeê mbuayejára ramo jecope, ja na jendujara ramontei, peñembotabŷvo pendeyupe vointe. Ñande pe ñeê jendujárante ramo ja ñande ndajaei ramo iyapojára, yayogua peteî cuimbae oñemaê pôrâva jováete voi reje peteî yayejechajápe. Ja jae oñemaê pôrâ ramo yepe oyeje, ojo ja upevove jesarai mbaeichapa raé. Pe omaña pôrâva ojecavaicha pe Ñandeyára Ñeê jecopeguápe pe ñeê voí ñanembo jaéaéva, ja opyta jâtâva ipype, ja ndajaeiva pe ojenduvaicha ja upevove jesaraivaicha, oyapóvante jecópe pe oyapo vaera, upeva jeco orŷete vaerâ oyapo jague reje jecópe. Oime ramo oimoâva iñemboecatúvajá ja ndicatuiva oyoco iyuru oñembotabŷva ipya apytepe voi, upe cuimbae ñemboe catujá reíeté voí. Pe jeco ñemboecatúva jaetéva ipôtimbŷréva ja imârâŷva Tûpâ Ñandeyára ñande Rú ypype, upéva coicha: ñañandu umi ityreŷvape cuera, ja umi cuña poriaju imena omano vaecuepe ojasa asyjá rupi, ja ñañe ñangareco mârâŷreje co yby recovaí gui. Che reŷicuera, ani peiporoporavóvé peteî cuimbae ambue gui co teco co peyeroviajápe Ñandeyára Jesu Cristo reje ñande ñambuete vaerâ. Sapya oike ramo peñemonoôjápe peteî carai icuâirû orova ja iyao pôrâva, ja oike ramo peteî mboriaju avei iyao ituyá ja osoróva rejeve, ja nde reyapichy ramo pe iyao pôrâvape, ja ere ramo ichupe: Eguapy nde co tenda ipôrâvape, ja nde ere ramo pe mboriajúvape: Epytante nde upepe, eñemboŷnte, terâ eguapy upepe ybype che py renda ykepe, peyapo ramo upeicha, ndajaeipa reyerovia ŷ jague gui ndeyeje vointe, ja peyeyapo jague gui mburuvicha ipya iñañáva ramo? Peyapysaca, che reŷicuera pojayjuva, na añeteipa oiporavó jague Tûpâ Ñandeyára umi oyererecovape mboriaju ramo co ybyari mbaererecojárarâ yeroviajápe, ja mbaeyárarâ pe tenda imarangatuva yvapegua rejeve Jae oicuameê vaecue umi jaŷjujárape. Peê voi pemomârâ pe cuimbae poriajupe. ¿Ja ndajaeipa umi carai guasu mbaererecojá pende yopŷva ja pene mbotyryryva peême pe mburuvicha renondepe? ¿Ndajaeipa jaecuera avei omomârâva pe téra ipôrâiteva peñejenôijague? Upeicharamo yepe, pembuaye ramo jecope pe ñeê ipôrâva mburuvicha guasuete ñeêicha oyee jaicha Santa Escriturape: Rejayju vaerâ nde rapichape nde yupe guaicha. Reyapo ramo upeicha reico pôrâite reicovo. Upeicha ŷ ramo peiporoporavóve ramo peteî cuimbae ambuegui, peyapo peina angaipa ja peñemoî vaí pe Ñandeyára Ñeê ipôrâvagui umi opiavaicha ichugui. Oime ramo ombuayepáva jecoitepe opa Ñandeyára rembiapoucapy ja oyeyaby michimiva yepe peteî ñeêguinte, upéva pe omomârâmba váicha Ñandeyára Ñeê jecopegua. Upe jei vaecue: Ani reporombuai mendare, jei avei: Ani reporoyuca. Upeicharamo nde reporombuai ŷ ramo yepe mendarepe, ja upeicha ramo yepe nde reyuca ramo, nde reñemoingo repiajára ramo pe Ñandeyára Ñeê jecopegua gui. Upeicharamo peñeênte, ja peyapo umi oñemojendá vaerâicha upe ñeê ñane mbojaéaéva rupi. Pe oiporoporiajuvereco ŷ vaecue ndoyeporiajuverecoi chene upe oñembo jecovia jaguâ árape. Pe oiporo poriajuverecova oñembo tuvichave pe oporomojendáva gui. ¿Mbaepa omboyeju, che reyicuera, pe jeiva oyeroviajá jembiapo pôrâ ŷ ramo? ¿Aiporamopa upe yeroviajá iya omoî pôrâ jaguâ ichupe? Oime ramo ñande reŷiva cuimbae terâ cuña iyopívova jina, terâ oicôtevêva tembiúreje opa ára rejeguârâ, ja oime ramo peteî peêva jeiva ichupecuera: Ta peyereraja ne angapyjy jaguâ meve, eñembojacuucá ja eñemojyvataucá, ja pemeê ŷ ramo ichupecuera jemicôtevê jete rejeguârâ, ¿mbaepepa ipôrâ upéva? Upeicha avei ñande yeroviajá yaveve ñane rembiapo pôrâ-ŷ-reje oyejegui añonte peteî teongueichante. Icatu oime jeiva: Nde yeroviajá rejegua ja che tembiapoapópŷ rejegua. Ejechauca cheve nde reyeroviajá nerembiapo ŷ reje, ja che ajechaucáne ndeve che yeroviajá che rembiapo rupi. ¿Nde pipo rerovia oimejá Tûpâ Ñandeyára peteînte? Upeicharamo, reyapo pôrâ. Umi mbaepochy yepeve oguerovia avei. Ja upeagui oryryi kyjyye gui. Nde cuimbae ateî ja taby! ¿Reipotapa oyecuaauca pe yerovia tembiapo ŷ reje nandíjá? ¿Sapya pe Abraam ñande rú ypycue noñemo marangatui rae jembiapocue rupi oicuameê ramo guare itayra Isaácpe pe iyucapyrâ renda ári? Nde icatu rejecha pe iyeroviajá oico jague jembiapo ndive voi ja jembiapo rupi iyeroviajá jecoitepe oico jague. Upeicha avei oico jecope pe Santa Escriturape oyeéva: Abraam oyerovia Tûpâ Ñandeyára reje, ja pe iyeroviajá oñemoî ichupe jembiapo jecopegua rendaguepe. Upevareje jae oñejenôi Tûpâ Ñandeyára rayjupára ramo. Upeicharamo icatuete pejechacuaa jembiapo cue reje pe cuimbae oñemo marangatuvajá ja nda iyeroviajá rejei año. Upeicha avei pe Rahab cuña reco vaí vaecue yepe ¿noñemo marangatúipa rae jembiapo cue rupi jae oguerojory ramo guare umi temimboupe cuera ja omondo ichupe cuera ambue tapé rupi? Pe tete jianga ŷ reje teôngue jaicha, upeicha avei peyeroviajá tembiapo ŷ reje jeônguénte voi. Ani jeta peêcuerava, che reŷicuera, peicose poromboejára ramo. Peê peicuaa voi ore poromboejáravape ipojyive jaguâ pe ñandeve oñembojecovia jaguâ árape. Opavave ñande cuera voi jeta yeby ñañe pysangá yaá jaguâicha. Oime ramo oñepysangá ŷ va oñeêjápe, upeva cuimbae jecoitepeguávama, ja ipuacáva oyocopá jaguâ jete. Ñamoî ramo iyurupegua umi cabayu yuru reje pe ñañe ñanducá jaguâ ichupecuera, upeicha icatu ñamboyerepá jete. Upeicha avei umi mbayru tuvicha vicha ramo yepe ja oñembotyryry ramo yepe ybytu jâtâ gui yepi, upeicharamo yepe, peteî michimi jopytapegua gui oñemboyeré oipotajá coty pe jopyta rerecuá. Upeicha avei ñanecû voi mîchîete ramo yepe, upeicharamo yepe, icatu iñeêngatu tuvichaite. ¿Rejechapa pe tata piriricue icatu ojapy peteî caaguy tuvichava yepe. Ja ñanecû peteî tata voi: mbaevaí renda ñanecû voi oñemoîpyre ñande rete mbytepe, upéva opa ñande rete monguŷájá, ja omojendŷva ñande recove yerecuevo, ja jae voi oñemojendy mbaepochy retâ guive. Opaichagua mbae vaí ja guyra ja mbói ja pirá icatu oñemboaracuaá, ja ymaguive voi oñemboaracuaá vaecue umi cuimbae reco rejeguava rupi. Co ñanecûme ndipori-cuimbae rejeguava icatúva omboaracuaa, jae voi mbae ivaíva jenda-ŷ-va, ja peteî ipopia vaicha oporoyucáva. Ipype voi ñande ñamombeu guasu Ñandeyára, ñande Rúpe, ja ipype ñamoi vaí umi cuimbaepe iyapopyre Tûpâ Ñandeyára yoguajá ramo. Peteî yuru guinte osê ñeê ñamombeu guasujá ja ñamoî vaíjá. Che reŷicuera, coambae nda upeicha vaerâi. ¿Aiporamopa peteî ŷcua nomboui peteî icuára guínte ŷ jeêva ja ŷ jeêmbochŷ? ¿Icatúpane, che reŷicuera, pe higo râcâ jiá aceitúnas, terâpa upe parral jiá higoá? Upeicha avei ndicatui pe jeê yukŷva gui osê pe ŷ jeêva. ¿Avápa iñarandu ja mbaecuaa pende apytepe? Oime ramo cuimbae upeichaguáva, tojechauca jembiapocue iyajá peteî imbaepôrâ, ja iñarandúvape jeco pôrâ rupi. Peê voi pende pyaró pene râcâteŷ gui, ja peyuaby peñemo tenondesé gui. Ani peñeê guasu pende yapúvo co ñeê jecopegua reje. Ndajaei cova pe arandu ogueyŷva yvaga gui, cova ybyariguante, maymba rejeguáichante, ja mbaepochy rejeguaicha. Oimejápe tâcâteŷ ja yuaby, upepe oime anguecói ja opaichagua mbae itieŷva. Pe arandu yvapegua, upéva opaichavevo iyojeipyré voí ja upeicha avei oporombopyá guapŷva ja ipochŷcuaaŷva ja iñeêrendúcuaáva ja oiporo poriajúverecoitéva ja imbaepôrâva ja omboyuaby-ŷ-va avavepe, ja jovamocôi-ŷ-va. Ja umi oñejaâvape oico pôrâ jaguâ oñondive, co pyaguapy ja pyapôrâ oñeñotŷmbyre oguereco jiáicha pe jeco pôrâ jaguâ. ¿Mamoguipa oico umi ñorayrô ja mamoguipa umi yuaby pende apytepe? ¿Ndajaeipa umi pene remimoâ mbae pebya rei reijarâ gui oñorayrôva oñondive pende rete apytepe? Peê peipota pota mbae ja nda pemboyejui, peê peyuca, ja penerâcâteŷ, ja upeicha rejeve ndicatui pejupity. Peñorayrô ja peyuabŷ oñondive. Peê ndaperecoi peyerure-ŷ-járeje peñemboejápe. Icatu peyerure, ja nda pejupityiri, peyerurejá reje jecoŷme, ja peyaroséjá reje pebya reí jarupinte. Peê cuña reco vaicha ¿nda peicuaaipa, aiporamo, ñande yajayju ramo ybypóra reco rejeguape ñande ñañamotareŷmajá Tûpâ Ñandeyárape. Upeicharamo pe ojayjúséva co ybypóra reco rejeguape oñemoîngo oñamotareŷvaicha Tûpâ Ñandeyárape. ¿Terâpa peimoâ peê, aiporamo, pe Santa Escriturape oyee reíjá: Pe Espiritu Jae omoingóva ñande pype iñajô ñandereje jâcâteŷvo ñandereje. Jae voi omeêvé yoa yoa ipya pôrâ gui ñane pytyvô. Upeareje oyee Santa Escriturape: Tûpâ Ñandeyára oñemoî umi oyupecuera oñembueteséva reje, ja ipya pôrâgui oipytyvô umi oñemomîrîvape. Peñemoîna, upeicharamo, Tûpâ Ñandeyára poguype. Peñemoâtâ pe mbaepochype, ja jae oñeguajêne pendejegui. Peñemoangui Tûpâ Ñandeyára gui, ja Jae oñemoanguíne pendejegui. Pemopôtí pendepó peê angaipavóra, ja pemo marangatu pendepyá, peê pende pyá yoáva. Peyepyapy ja penepyajê ja peyajeo, toyeby pende pucájá yajeópe, ja pende rorŷjá toyeby pyá mbyasŷpe. Peñemomîrî Ñandeyára ypype ja Jae pene mbotuvicháne. Ani peñoñeê vaí oyuejegui, che reŷicuera. Pe oñeê vaíva jeŷi reje, terâ omoîvaíva jeŷipe oñeê vaí Ñandeyára Ñeê reje, ja omoî vaí Ñandeyára Ñeê. Ja nde remoî vaí ramo Ñandeyára Ñeê nde ndajaeveima pe Ñandeyára Ñeê mbuayejá, pe Ñandeyára Ñeê moîvaíjántema. Pe ñeê jecopegua moingojaré jaetéva, ja pe mburuvicha jaetéva, upéva voi pe ipuacáva ñanemoî pôrâ jaguâ terâ ñane mbuai jaguâ. Ja nde, ¿mávapa nde remoî vaíséva nde rapichape? Maêke peê peyéva: Anga terâ coêramo yajane péva terâ amóva tetâme, ja ñande aréne upepe roŷ ambuépeve ñañemû jaguâme, ja ñañemo mbaerereco jaguâme. Upea aya voí ndapeicuaai mbaepa oyejune coêramo ára. ¿Mbaeichaguapa voi penderecove? Tatatinaichante oyecuaa sapyamíva, ja upegui ndoyecuaavéi. Upea ranguente peye vaerâ: Ñandeyára oipota ramo yaicovéne ja yayapone cóva terâ amóva. Coanga pendeyejegui vointe peñemombeu guasu pene ñeême: ja opa ñemombeu guasu coaichagua ivaí. Upeicharamo, oime ramo oicuaava oyapo jaguâ jecope ja ndoyapoi, upéva oñemoangaipáma. Maêke! peê carai guasu mbaererecojá, peyajeó ja peguajú, pe pende pyambyasy vaerâjá reje pejasa asy jaguâme. Umi penerâcâteŷjá ituyúpá jina ja pende ao itînguaámbá jina: pende oro ja pende plata javêmbá jina ja upe javêngue oicone imombeujára ramo pendejegui, ja ocarúne pende roo reje tatáicha. Peê pembyatŷne rae penerâcâteŷjárâ iñongatupyrâicha co âva ára pajápe. Che jae peême umi ombaapojára rembiapo repŷ rângue ombyaty vaecue peême pende coga ácue peñemojâcâteŷjá peina peê, coa oguerosapucai pende coty coty ja umi ombaapo jaré sapucai ojupityma Ñandeyára apysápe upe yvapegua ruvicha guasúva. Co ybyari peê peicove rae tecoita rejeve, ja peñembotieŷ peicovo, peñemoateî pendepyape caruete gui: pe oyeyuca jeta jaguâ ára jiâguima. Pemoî vaí nerae ja peyuca yepe pe cuimbae jecoitepeguape: jae voi na nembojováiri yepe ndeve. Peêcuera, che reŷicuera, peropuaca perokîrîrî oi yeby peve ñanendive Ñandeyára. Nde rejechaipa pe oñemitŷjara ojaârôjá ipôrâ jaguâ icóga. Jae ojaârô kîrîrîjáme icoga rejejápe pe oky tenonde ramo guârâ oñemitŷ rire, ja are rire oky ramo guârâ yeby. Peê upeicha avei peropuaca kîrîrîjáme peñembopya guasu jâtâ pe ára Ñandeyára oi yeby jaguâ ñanedive: jiâguima voi. Ani peñomoî vaí oyupecuera, anichene jaguâ peê peñemoî vaí. ¿Ndapejechaipa ñande ruvicha jaetéva oñemboŷ jina pe okême voi. Oyejechaucá jaguâ, che reyicuera, mbaeichapa yaropuaca vaerâ kîrîrîjame yayeyopyjá rupi, pene manduana umi oñemoñeêjara reje oñeê vaecue Ñandeyára rérape. ¿Nda pejechaipa ñande yaejá jeco oryete jague umi oguerokîrîrî vaecue oyeyopy jague rupi? Pejendune rae oñeê ramo ogueropuaca ja oguerokîrîrî jague pe Job, ja pejechane rae mbaeichapa Ñandeyára ipajápe oguereco pôrâ ichupe. Ñandeyára voi ipya kŷrŷieté voi ja oiporo poriajuverecova. Opaichavevo, che reyicuera, ani pemoañete pende peyeva Ñandeyára rérape pejenôivo yvaga rérape terâ yby rérape, terâ oimeraêva térape yepe. Pene Neí ta Neí nte ja pende Tové ta Tovénte, anichene jaguâ peñemoî vaí. Oimeramo pende apytepe peteî ojasa asŷva, toñemboe nte jae. Oimeramo joryva jeteaeva jina, aiporamo, topurajei Ñandeyárape. Oimeramô pende apytepe jasŷva jina, tojenôiucá umi ituyáva tûpâopeguape, ja toñemboe jaecuera jiari omoná rire jese ñandy Ñandeyára rérape. Ja pe yeroviajá ñemboe rupi jesâi yebyne pe jasŷva ja Ñandeyára omopuâ yebyne ichupe, ja sapya jae oyapo rire angaipa oyepeáne ichugui iñangaipa. Upeicharamo, peñomombeu pene angaipagui oyupe ja peñomboe oyueje pene resâi jaguâ. Ipuaca voí pe cuimbae jecopegua ñemboe oñeñatôima guive ipya apyte guive. Elias voí cuimbae ñandeichaguante avei, ja jae oyerure rure yeby yeby oñemboejápe oky ŷ jaguâ, ja upeicha ndokyi yby ári mbojapy roŷ ja seis yasŷ peve. Uperire oñemboe yeby ja yvaga omonguŷ, ja pe yby ombojiá yvá ja coga. Che reyicuera, oime ramo peteî peêva opiáva Ñandeyára Ñeê jecopeguágui ja oime ramo ambue omboyeby yebŷva ichupe, toicuaa upeva upe omboyereva peteî angaipavórape pe tape oyeyaby jague gui oipeajá jina upe anga omano jaguâ gui ja oyajoíucájá angaipa atŷra voi. Che Pedro, Jesu Cristo rembiyocuai, Apostol, arajauca co cuatia ñeê umi Tûpâ Ñandeyára iporavópyrépe oñemuasâi vaecue jicuai opa rupi ja jicuaiva jetâ-ŷ-me guaicha Pontope ja Galaciape ja Capadociape ja Asiape ja Bitiniape, umi oyeporavo voi vaecue oicuaa jague reje ichupecuera yma voi Tûpâ Ñandeyára pe Tuva ja pe Espiritu omomarangatu jague reje ichupecuera ojenducuaaucá jaguâ iñeê oyejŷpŷi jaguâ Jesu Cristo ruguŷpe. Ta pende pyapôrâ ja ta pende pyaguapy yoa yoa. Ta imombeu guasupyrâ ete Tûpâ Ñandeyára Jesu Cristo Ñandeyára Ru tuvichajá reje ñande poriajuvereco ñanemoñemoña pyajú yeby vaecue, icatu jaguâ ñajaarô catuetei guârâ oicove yeby jague rupi Jesu Cristo umi omano vaecue apytegui. Jae ñanemoingo mbae yára ramo yajupity jaguâ pe mbae pôrâ ituyu-ŷ-vaerâ ja omârâ-ŷ-vaerâ ja ocúi-ŷ-vaerâ oñeñongatu voi vaecue yvape peême guârâ. Tûpâ Ñandeyára ipuaca rupi peneñongatúva jina pende yeroviájá reje pe teco marangaturâme oñembosacoipyré voi jina oyecuaauca jaguâ pe ára pajavo. Upea reje pende rory vaerâ mboby ára ramo yepe tecôtevê pende pya mbyasy peyeyopy sapya pya rupi. Co pende pyambyasyjá oicone rae pende yeroviajá oñejaâ jaguâ: pende yeroviajá voi ipôrâve pe oro oñejaâ ramo guagui, pe oro jŷcúva ja oñejaâva tata rupi yepe, oyeju jaguâ peñemombeu guasu jaguâ ja peñembuete jaguâ ja peñembotuvicha jaguâ pe Jesu Cristo oyejechaucá jaguâ ára ramo guârâ. Upeape peê voi pejayju pejecha-ŷ-va ramo yepe Ichupe, ja nda pejechai ramo yepe Ichupe peina coanga peê peyerovia Jese ja pende rory ja pebyá byáeté etevé pemombeucuaaŷjá ja peñe mombeuguasújá, pejupityvo pe pejupity vaerâ pende yeroviaja rupi pene anga mârâ ŷ jaguâ. Oime yma ñemoñeêjára ojeca jeca vaecue ja oporandu randu co ñande reco imarangatu jaguâ reje, ja ymaguive voi oñemonguetá vaecue co Ñandeyára pyapôrâ peême guârâ reje. Umiva voi ojechacuaase vaecue aracaépane jiára pe Cristo Espiritu ojechaucava ichupecuera jina ipyapype ja mbaeichagua árapane, jaecuera oicuaauca ramo guare upeguive voi ojasa asy jaguâ Cristo ja upe rire oñembotuvichaite jaguâ. Ichupecuera voi oyecuaauca vaecue noñejaâi jague oyejejápe vointe pende rejejápente jaecuera omojerâcuâ ramo guare umimbae gui, umimbae voi coanga oyecuaaucapama vaecue peême umi oñemoñeê vaecue pe Evangelio gui pe Espiritu Santo rupi co oñembou vaecue yvagui. Umi yvapegua cuérava yepe jiâite oyaŷby omaña jaguâ umimbae reje. Upevareje peteî oyecúayopŷ vaicha peñembosacoi pene âcâ pôrâ jaguâ pende pyaguapy jecope ja pemaña pejaârôjápe pe Ñandeyára pyapôrângue oyererú vaerâ peême reje oyejechauca yeby jápe Jesu Cristo. Mitâ iñeêrendu vaicha ani peê peñembojeco jiâ vaí jagueicha peême yma voi pende tabyete ramo guare. Anga pe imarangatuva pe penerenôijaré jeco pôrâ jagueicha, peê upeicha avei peñembojeco marangatú opa pende recópe. Upeicha avei oyee Santa Escriturape: Ta pende reco marangatu peê che che reco marangatujá reje. Ja peêcuera pejenôi ramo pende Ru ramo upe omboyuaby-ŷ-va avavepe, ja ombojecoviava jecópe peteî teî cuimbaepe jembiapocue reje, upeicharamo peico kyjŷyejápe peicove yaveve pucu cue co yby ári, peicuaa voi járeje peêcuera pe pende repy jague ndajaeijá mbae oyaró vaerâ, plata terâ oro raicha peê peñe renojê jague pende reco taby rei jague pende ru ypycue remimboéucácue guiguagui, pe pende repycue voi pe Cristo ruguyetejá jepŷetéetevéva peteî ovecha raŷ oimbáva ja imârâŷvaicha. Covaerâ voi Jae oñemoingo vaecue co yby oyeyapo mboŷve voi, ja coanga oyecuaauca pôrâmarae co âva ára pajápe pende rejejápe, peê Jaerupi Tûpâ Ñandeyára yeroviajáva upe omopuâjaré Ichupe umi omano vaecue apytegui, ja ombotuvicha vaecue Ichupe, ja upeicharamo peê peyerovia Tûpâ Ñandeyára reje ja pemaña Jese peina. Coanga pene ñeêrendu jague reje pe ñeê aneteguápe, ja pemopôtíucá jague reje pene anga peyojaŷjú jaguâ oñondive tova mocoîŷreje, peê peyojaŷju vaerâ pende pya apyte guive icatu jagueicha peñejaâ. Peê peñemoña pyaju yeby rae nda jaŷi ituyú vaerâ raicha guíri, pe jaŷi ituyú ŷ vaerâ gui máramonte, pe Tûpâ Ñandeyára Ñeê oicovéva ja jiaré vaerâ tapiaguarâ reje. Opava ybypóra capiíchante, ja opa ipôrângue jaecuera pe capii potŷichagua. Pe capii ipirú ja ipotŷ ocui, pe Ñandeyára Ñeê oico tapia guârâ ja cova co Ñeê roñemoñeê jague co Evangelio gui pende apytepe. Upevareje pemboŷke pende yejegui opa pya vaí ja pichyguy ja tovamocoîja, ja opaichagua tâcâteŷ ja opaichagua oporomoî vaíjá. Peê mitâ cambuicha ocambŷjéi jaicha camby oyopará-ŷ-va reje, peê upeicha avei pecambŷjéi pe Ñandeyára Ñeê oyopará-ŷ-va reje, icatu jaguâ ipype pecacuaa peñembojeco marangatu jaguâ, peê cuera pejaâma rire Ñandeyára mbae pôrângue. Peñemboya Jendápe, pe itá oicovéva upéva, oñemombopyré cuimbae rupi jenda-ŷ-vaicha, Tûpâ Ñandeyára rupi voi oyeporavópyre vaecue ja imombeu guasu catu pyrâ. Ja peê avei ta peico itá oicovévaicha peñemojendava peina peteî oga yvapegua rejeguaicha peñemoingo jaguâ pai imarangatuva ramo, peicuameê jaguâ pene remicuameêmbyrâ umi yvapegua rejeguaicha oguerojory vaerâ Tûpâ Ñandeyárape Jesu Cristo rupi. Oyee voi pe Santa Escriturape: Pemaêke! Che amoî Zionpe pe itá yeporavópyré imombeu guasu catupyrâ pe oga racuajá rejeguarâ, ja pe oyeroviáva Jese máramo noñemotîchene. Peê peroviávape iya peñe mombeu guasu jaguâ, ja umi ogueroviaŷvape, pe itá ogueroŷrô vaecue umi omopuâjaré cuera oñemoingóma pe oga racuajá ramo, ja oico avei itá ñepysangajárâ ja itá guasu yayapichajárâ. Jaecuera voi oñepysangá Jese iñeêrendu ŷ gui Ñandeyára ñeême, upevarâ voi oñemojenda vaecue. Peêcuera voi ñemoñaré yeporavópyré, peê pai cuera mburuvicha guasu rejeguava, peê tetâ marangatu rejeguava, peê cuera imbaéteétérâ, peêcuera pemojerâcuâ jaguâ iyetéetévéjá upe penerenoîjaré pytûnguŷjá gui co ojesapé poraitejápe. Yma peêcuera nda avave rejeguai ja coanga Tûpâ Ñandeyára rejegua cuerama. Yma nda peyeporiajuverecoi, ja coanga peye poriajuverecoma. Che raŷjupára cuera, ayerure peême umi jogaŷva ja jetâyvapeicha peyeyoco jaguâ umi jiâ vaíva pende pyape gui oraŷrôjá reje umia pene anga coty coty. Peicove teco pôtíme iyojeipyreicha umi Gentile pytagua tabŷ apytepe icatu jaguâ penemoî vai rei ramo yepe peême mbae vaí apojaré vaicha ramo, omaña pype pene rembiapo pôrângue reje upeicha omombeu guasu Tûpâ Ñandeyárape upe oyejechacuaa jaguâ árape. Peyeyoco Ñandeyára raŷjupápe opa mburuvicha ybypóravape pe mburuvicha guasu pe yepe tuvichave járeje, terâ umi mburuvicha ocara rupigua rejeguape, jembiyocuaiva voi umiva oyopy jaguâ jembiapo vaíjarépe, ja omombeu guasu jaguâ umi jeco pôrâvape. Upeva voi Tûpâ Ñandeyára rembipota peê cuera peyapo rupi jecopegua pemoñeêngú umi itaby oicuaaŷvape mbaeve. Peico cuimbaeeté ramo ja jaéaéva ramo, upeicharamo yepe, ani peyapo co pende jaéaéjá pene rembiapo tieŷ ajoyá ramo. Peiconte Tûpâ Ñandeyára rembiguai ramo: pembuete opavavepe, pejayju ñande reŷicuerape, pekyjŷye Tûpâ Ñandeyára gui, pembuete pe mburuvicha guasu pe. Peê tembiguai peyeyoco kyjŷyejápe pende carai cuerape, na umi carai imbae pôrâva ja ojechacuaávape nte añói, umi ipŷá jâtâetévape avei yepe. Cova mbae pya pôrâguigua, oime ramo peteî oguerecoporase gui ipya Ñandeyára ndive, oguero kîrîrîva oyeyao ramo, oyerereco ramo yepe jecoŷme. Peêcuera peyapo ramo angaipa ja peyeyurunûpâ upeareje, ¿mbae terâcuâ pôrâpa oimene peêcuera peropuaca ramo kîrîrîjáme? Ja peyapo pôrâ ramo peina, ja upeyave pejasa asy upeareje, ja peropuaca kîrîrîjáme, cova mbae oguerojory vaerâ Tûpâ Ñandeyárape. Upearâ voi peñejenoi vaecue. Cristo avei ojasa asy pende rejejápe, ojeyavo peême guârâ jecocue peêcuera peico jaguâ ípŷporé reje. Jae marove ndoyapoi angaipa ja maramo ndoyejui Jae oporombotaby jápe iñeê iyururupi guape. Jae oyeyao ramo guare ndoyaoi ombojovaivo: Jae ojasa asy ramo guare, Jae nomombóiri avavepe, Jae ojeya umia pe oyepŷvape jecope. Jae jetepe voi ojupi curusu reje ñane angaipa icatu jaguâ ñande yayepea pype angaipavora reco gui ñamano vaecueicha ramo, yaicove teco marangatupe. Umi jeté yeyocá jague rupi peêcuera pene rasâimba marae. Yma voi peêcuera ovecha cañŷmbyréicha, coanga peñemboyerema pene anga rerecuá rendape pe pene anga pytyvôjárape avei. Peêcuera cuña pemendáva, upeicha avei, peyeyoco peneménateépe, icatu jaguâ oime ramo yepe jaecuerava oguerovia-ŷ-va Ñandeyára Ñeê oñemboyere jembireco cuera reco pôrâ rupi oyee-ŷ-reje ichupe cuera mbaeve upe Ñeê guivo, omaña jague rejente jicuai jaecuera pende reco yojeipyre reje pembuetejápe. Pende yeguaca ndajae vaerâi pende apé rejeguarâichante, pende ava ñeñopevo, peyeguavo orope ja peñemondevo ao jepyetévape. Upea rangue pende pyapy oyejechaŷva toyegua pe teco kîrîrî ja ipochycuaa-ŷ pe oyaro-ŷ-vaerâme. Upeva mbae jepŷetéetévéva Tûpâ Ñandeyára ypype. Yma voi oñembosacoi vaecue upeicha umi cuña imarangatuva oyerovia vaecue Tûpâ Ñandeyára reje, ja oyeyoco vaecue imena cuerape. Upeicha voi pe Sara iñeêrendú Abraampe, ojenôivo ichupe carai. Ja peê cuera peñemoingo itayŷra ramo pende reco pôrâ ramo ja na peñe monguyjŷyei ramo avavégui. Upeicha avei peê imena cuera peico jecópe pene rembireco ndive, pejechacuaávo pe cuña tembiporúvaichaja ipuacavé-ŷ cuimbae gui. Pereconte ichupecuera pembuetejápe oyoerecua mbaeyarajá reje penendive pe tecove iyapyra-ŷ-va gui Ñandeyára pyapôrâ rupi guare, pene ñemboe anichene jaguâ oyeyaby. Ja ipajápe opa peêcuera ta pendepya peteîchante, ja ta pende yuky, peyojayju oñondive, pende pyapôrâ ja pene âcâguapy. Ani pembojecovia ivaipe ivaivapŷ. Ani reporoao pe nde aóvape. Upea rangue pejovasá. Upearâ voi peê peñejenôi vaecue pejupity jaguâ mbae yara ramo Ñandeyára pende rovasa jaguâ. Upe obyaséva ojayjujápe oicove yaveve, ja ojechaseva aracuera ipôrâva obya jaguâ, toyoco icu ñeê vaí gui, ja toyoco jembe, anichene jaguâ umia rupi oñeñeê yapu: toyepea mbae vaí gui: toyapo ipôrâva, tojeca oyeico pôrâjá renda, ja toñejaâ upearâ. Ñandeyára voi oyesareco umi jecopegua reje, ja oyapysaca jina imbae yerure cuerareje. Ñandeyára voi oñembojováâtâ umi jembiapo vaíva coty coty. ¿Ja mávapa penemomârâne peême, peêcuera pene râcâteŷ ramo mbae ipôrâva reje. Sapya peêcuera pejasá asŷ ramo pende reco pôrâjá reje, pende reco ory vaerâ. Ani pekyjŷye umi pene monguyjŷyéséva gui, ja ani peyepyapy. Pembueténte Cristope Ñandeyára ramo pende pyape, ja peñembosacoí tapia pembojovai jaguâicha oimerâeva oporandúvape peême penemoñeêsévo pe pejaârô vaerâ gui pende pyape pende yeroviajá guivo, mbegue catunte peñeê ja yepoŷjujápe. Ta pende pyapy pôrânte, ja iyojeipyre, peñemoi vaí rei ramo guârâ icatu jaguâ umi penemombóiva jicuai oñemotî jaguâ pende reco pôrângue Cristo rejegua jáguigua rupi. Ipôrâve voi, oipotama guive Tûpâ Ñandeyára, yajasa asy yayapo pôrâjá reje yayapo vaíjá reje gui. Cristo avei yepe peteî yeby omano ñane angaipa reje, Jae pe jecoitepeguáva umi jecopegua-ŷ-rejejape, icatu jaguâ ñande reraja jaguâ Tûpâ Ñandeyárape. Jae omano vaecue jete guivo ja oñemoingové yeby pe Espiritu guivo. Upe Espiritu rupi voi avei Jae ojo ja oñemoñeê umi anga yepe jicuai vaecue iñapytîjápe pytûnguŷpe, umi yma voi iñeêrendú-ŷ-vaecue, ojaârô aya Tûpâ Ñandeyára oguerokîrîrîjáme umi ára Noe omopuâ ramo guare jina pe mbayru guasu upe oyupi jague mbobymi ocho ybypóra cuerante oyeyeraja vaecue mârâŷreje upe ŷ tŷguasúva gui. Upéva voi pe ñande caraíjá yoguajá upe ñañe momarangatúucájá coanga, na oñemboíjá rejéi ñande rete kyacue, ñande pyapy pôtí apyte pôrâ guinte ñande ajôjá reje Tûpâ Ñandeyára reje. Upeicha co ñande caraíjá ñane momarangatúucá Jesu Cristo oicove yeby jague reje, upe voi ojo vaecue yvape ja oiva jina Tûpâ Ñandeyára acatuape ja umi yvapegua cuérava yoa ja mburuvicha guasu ja ipuacaiteva oyeyocóucá ipo guype. Upeicharamo Cristo ojasa asy jague reje jetepe voi, peêcuera avei peñembosacoi vaerâ pendepyape upearâ avei. (Pe ojasa asy vaecue jetepe opytuuma nerae angaipa gui voi.) Peñembosacoínte peê icatu jaguâ coágui rire, peicove yaveve pende retepe, peico jaguâ na ybypóra reco vaí rupiri, peico jaguânte jecópe Tûpâ Ñandeyára rembipota rupi. Ipôrâmante arema peyapo jague pene rembiapo umi pytagua obya jagueichagua, pende reco vaí vaecue voi, ja pende tayasu ja pende caúeté vaecue, ja pende caru caruete, ja pende aybu pecaujape ja pembuete vaecue mbae reí reí raângápe ivaírâ. Upevareje umi ambuecue ojecharamó icatuve-ŷ-járeje peême penereroña pe itieŷ vaívé jápeve jaecueraicha, ja upeareje jaecuera oñeê vaí pendejegui. Umiva voi oñemombeu vaerâ upe oñembosacoívape jina omojenda jaguâ umi oicovévape ja umi omano vaecuepe. Covaerâ voi oime omano vaecue avei oñeñemoñeê jague pe Evangelio gui, jaecuera oñemojenda jaguâ jecocue reje iyájaicha umi cuimbae cuera reco rejeguape, ja oicove jaguâ Tûpâ Ñandeyára reco rupi iyájaicha umi Espiritu reco rejeguape. Opambae pajá voi jiâguima. Upévareje ta pene âcâpôrâ ja ta peñeñangareco jâtâ, icatu jaguâ peñemboe jaguâ jecope. Opaichavevo peico peyojaŷju mbaraete. Pe poraŷjú voi oyajoi angaipa atŷra yepe. Peyorojory mbojupaicha oñondive peñecooî-ŷ-reje. Opavave pejupitŷ jagueicha Ñandeyára pya pôrâ guivo, peñopytyvô oñondive Tûpâ Ñandeyára pyapôrâ rerecua ramo peñomboyaova umi jetambae ipôrâva gui. Oime ramo oñemoñeêva, toico Tûpâ Ñandeyára Ñeê gui oicuaáucávaicha. Oime ramo oipytyvôva umi ambuecuepe, toico pe ipuacacue Tûpâ Ñandeyára omombaraetéjá gui icatu jaguâ Tûpâ Ñandeyára oñembuete opambaepe Jesu Cristo rupi. Toñembuete Jae ja toñembotuvicha tapia guârâ. Amen. Che rayjupára cuera, ani pejecharamó peicojá peina co tata guasupeicha oñemoingóva pende pyaraâ jaguâ peême mbae ojecharamôpyrâicha oyeju reívaicha ramo peême. Upea rangue pebya pemoîrû yaveve peêcuera Cristope ojasa asyjá rupi, icatu jaguâ oñembuete jápe oyecuaaucá jaguâ árape avei Jae peêcuera pende rory jaguâ icatu jagueicha pebyá jaguâme. Pende reco orŷeté vaerâ, peyeyao ramo Cristo rera rejejápe. Upeicharamo pe Tûpâ Ñandeyára Espiritu omombuetéjára opyta pendereje. Ani pejasa asŷ peê umi oporoyucá vaicha, terâ umi omondavaicha, terâ jembiapo vaí vaicha, tera umi oyejea reívaicha. Oime ramo ojasa asŷva Cristo rejegua járeje ani otî, tombueténte Tûpâ Ñandeyárape iyajá reje ichupe upearâ Jera rejejápe. Oguajêma voi jiára oñypyrú jaguâ pe opavavepe oñembojecoviájá ára, ja oñypyrú raê vaerâ Tûpâ Ñandeyára roga guive yepe. ¿Ja oñypyrú ramo ñandejegui, mbaeichapa oñemojendane ipajápe umi iñeêrendú-ŷ-vaecue pe Tûpâ Ñandeyára Evangeliope? Ja pe jecopegua jasŷpe yepe ojupity ramo jenda pôrâ jaguâme, ¿mamópa oñemojendane umi ombuete-ŷ-vaecue Ñandeyárape ja umi angaipavóra? Upevareje umi ojasa asyva avei Tûpâ Ñandeyára rembipota rupi, tomoî jiánga cuera jembiapo pôrângue rejeve pe ñane moñemoñájaré yeroviaitéjá pope. Upeicha avei amomarandu umi carai ituyávape oiva pende apytepe, che voi che tuyama jaecueraicha avei, ja che aicuaaucáva jechajaré ramo avei Cristo ojasa asŷ jague, ja che avei ajupitŷ vaerâ iñîrû ramo pe oñembuetejá oyecuaauca vaerá gueteri. Peico peê umi Tûpâ Ñandeyára rejegua rerecua ramo umi jicuaiva pende apytepepe. Peñangareco jesecuera na tecôtevêguiguaichai, peipota pôrâ guinte pendeyejegui voínte Tûpâ Ñandeyára oipota jaicha, na mbaerepy tayasu rejei, penekyreŷ guinte, na peñembocarai guasujapei, umi iyáva rejeve peême, peñemoingóvonte iyoguajávo umi pende reŷi cuerape. Ja uperire oyejechauca yeby jaguâ árape pe Ñande Rerecua Jaeteva, peêcuera peyeyeguane pe yvapegua âcâ ajoyá oyaro vaerâme. Upeicha avei peê cariaŷ, peyeyoco umi ituyávape ja opavave peê pe oñemondevaicha jenondeguápe tapeñomomîrî oñondive: Tûpâ Ñandeyára voí oñemoî umi oyupecuera oñembotuvichava reje ja ipya pôrâ umi oñemomîrîva ndive. Upévareje peñemomîrî Tûpâ Ñandeyára po puaca guype Jae penembotuvicha jaguâ peême pe oipotajá árape. Ja pemoî Jiari opa pende yepyapŷ: Jae voi oyepyapy pende rejejápe. Ta pene âcâpôrâ ja peñeñangareco. Pe penemoî vaí jára, pe mbaepochy, oico iyerecuévo mymba ocôrôrô vaicha ojecavo jou vaerâ. Peñemoîna jesé peñembo puacajápe peyerovia járeje, peicuaa pype pende reŷicuera jicuaiva avei ybyari ojasa asyjá jicuai upeicha avei. Ja Tûpâ Ñandeyára pe ipyapôrâ tuvichaitéva penerenoijaré obya tapiajápe, Cristo rejeguajá reje peê, peêcuera pejasa asy rire sapyami, Jae voí penembojeco pôrâitene ja pene mbopuacane ja pene mombaraetene. Toñembotuvicha vichave Jae tapiaguarâ. Amen. Oime pe Silvano rupi voi, ñande reŷi yeroviaitejá, che yepeve aimoâ jaicha, jaéucá peême mbykymínte co cuatia ñeême penemokyreŷvo peême ja oicuaáucávo peême cóvajá Tûpâ Ñandeyára pyapôrâ jaeteva. Covape pepyta jâtâ peêcuera. Umi Iglesia rejegua jicuaiva Babiloniape Tûpâ Ñandeyára poravópyré peêicha avei, ja che raŷ Marcos avei penemo maitéiucá peême. Peñomo maitei peteî yurupyté yejaŷjúpe. Ta pende pyaguapŷpa peê Cristo rejeguava. Che, Simon Pedro, Jesu Cristo rembiguai ja rembiyocuai, Apostol, jaéucá opa umi ojupity vaecue oreicha voi avei co mbae ipôrâiteva yayeroviajá ñane Tûpâ Ñandeyára ja Ñane mopôtíjára Jesu Cristo reco pôrâ yoyaite rupi. Ta pende pyapôrâ ja pende pyaguapy yoa yoa peicuaa pôrâvo jecope Tûpâ Ñandeyárape ja Jesu Ñandeyárape. Jae ipuaca rupi Ñandeyárajá reje, omeê ñandeve opambae iyáva yaicove pôrâ jaguâ ja ñambuete jaguâ jecópe Ñandeyárape ñande yaicuaama guive upe ñane renôijarépe ituvichacue ja jeco pôrângue rupi. Umimbae rupi voi Jae omeê ñandeve jemi cuameêmbyre ipôrâitéva ja tuvichaitéva, icatu jaguâ umimbae rupi peñemoingo jaguâ Ñandeyára reco pegua rejegua ramo, peêcuera peñeguajê jague reje pe teco tayasu gui umi ybypóra jecovaísejápe. Co vaerâ vointe peñejaâ, icatu jagueicha, ja peyerovia yaveve ta pende reco pôrâite, ja pende reco pôrâite yaveve tapende reco arandu, ja pene arandu yaveve ta pene âcâguapy, ja pene âcâguapy yaveve ta peropuaca kîrîrîjáme, ja perokîrîrî yaveve ta pembuete jecope Ñandeyárape, ja pembuete yaveve jecope Ñandeyárape ta peyojayju oyoupe, ja peyojayju yaveve oyoupe ta pejayju upeicha avei opavave pe. Upeicharamo pende reco pôrâ ramo upeicha, ja ipôrâ oyoa yoave ramo peêcuera peicone na iñateîvaichai, ja nda tecove rei rei vaichai ja pejupityne peicuaa pôrâ meve jecope Ñandeyára Jesu Cristope. Oime ramo voi cuimbae upeichagua reco-ŷ-va, upeva jesapysoŷva, ja ojecha anguiva, jesaraima jague reje oñemopôtíma jague iñangaipa ymaguaregui. Upevareje, che reŷicuera, peñejaâ icatu jagueicha pemoañetetévo Ñandeyára penerenôi ja pende poravó jague peême, ja peyapo aya yaveve âmbae na peñepysangaichene marove. Upeicharamo oyejupitŷucáne catuetei peême peike jaguâ pe Ñandeyára ja Jesu Cristo Ñanemopôtíjára renda yvapegua tapia guarâme. Upevareje añejaâne tapia pomomandua jaguâ peême umi mbae gui, peicuaa pôrâ voi ramo yepe, ja peêcuera pepyta jâtâ ramo yepe pe Ñandeyára Ñeê añetegua perecóvape voi. Cheve voi jiâite jecopeguajá aico aya che co aicojápe pomokyreŷ jaguâ pomomandua pype umichagua mbae reje. Che aicuaa voi mbykymajá ára cheve ayepea jaguâ co che aicojá gui, ojechauca jagueicha voi cheve Ñandeyára Jesu Cristo. Upeicharamo che añejaâne iya ramo cheve pomomanduáucá peême umimbae gui che aja rire yepe ramo guârâ. Ore ndajaei umi iñarandu guaúva rapycueri ojo vaecueicha roicuaauca ramo guare peême pe Ñandeyára Jesu Cristo ipuaca vaerâjá pe ou yeby jaguâ árape. Ore voi rojecha vaecue ore resá rupi voi ituvichaitecue. Jae ojupity voi oñembueté ja oñembotuvicha jaguâ Tûpâ Ñandeyára Túva gui, ja pe oñembotuvichajá yvapegua ojesapéva apytegui ojupity Ichupe upe ñeê: Cova Che Raŷ ajayjúetéva, Che arojoryja. Ore voi rojendu coa ñeê ouva yvaguive ore roime ramo guare Jendive pe itá atŷra imarangatúva ári; ja oime upe ñeê gui voi jâtâve opyta pe ñeê yarecóva umi ñemoñeêjaré ymaguare cuatiapegua, ja peêcuera mo peyapo pôrâ pemaê pype upe ñeê reje tataendŷ ojesapévaicha pytûjápe coê meve ára ja osê meve pe coê rerujá pende pyape. Peêcuera peicuaa raê vaerâ mbaeveichagua ñeê oñemoñeê jague pe Santa Escriturape guare oico jague mbaeveichagua oñemoñeejáragui oyora vaecue oyejegui vointe: mbaaeveichagua ñemoñeê ymaguare noñemoingoi cuimbae rei rembipota gui, cuimbae cuera Tûpâ Ñandeyára rembiyocuai cuera voi oñeê vaecue oñeñatôi jague gui Espiritu Santo rupi. Ja oico jagueicha oñemoñeê rei vaecue avei ombotaby vaecue umi ybypora cuerape, oimene pende apytepe avei oporomboeva yapújápe icatu vaerâ oñejaâ pichyguyjápe omboe omombia jaguâ umi ambuecue oñembuaipá jaguâ meve, omomârâvo upe Iyára pe ojepymeêjarépe yepe, ja upeicha omboyejúvo iyupe cuera voi oñembuai voi jaguâ. Ja jeta oimene umi oico vaerâ jeco cuera rupi itieŷjápe, ja jaecuera rupi avei pe teco marangatu jaetéva oñereroŷrône, ja jâcâteŷetégui oñemûne pende reje iñemocunûûme. Ymaguive voi oñembosacoi jina oñemojenda jaguâ ja imbuaijára cuera ndokeguŷi jina yepe. Tûpâ Ñandeyára voi ndojeya rei vaecuei yma umi yvapegua cuerape oyapo vaecue angaipa ja omombo ichupe cuera mbaepochy retâme, ja omeê ichupecuera oñeñongatu jaguâ iñapytijápe pytûnguŷpe pe oñemojenda jaguâ jaára ramo guârâ. Jae ndo jeya reiri umi yvypóra ymaguarepe, oñongatu ramo yepe pe Noe siete ambuecue rejeve, pe oñemoñeêjaré pe teco marangatu gui guare, ombou ramo guare pe ŷ tŷguasu umi ybypóra cuera ogueroŷrôjaré Ñandeyárape reje. Jae voi ojapŷucá Sodoma ja Gomorra opyta peve tanimbu ramonte, ja omojenda oñembuaijape omoingovo oyejecha jaguâ umi oico vaerâme ogueroŷrôjápe Ñandeyárape. Ja pe Lotpe jecoitepeguáva oyepyapy eterei ramo guare umi iñañáva reco tieŷ rupi, Ñandeyára ôguenojê ichupe iyapytegui cuera. Co carai jecopegua voi oico vaecue iyapytepe cuera ja ojecha ja ojendu vaecue opambae opa árape oyepyapy jembiapo tieŷngue reje ipya jecoitepegua jague reje. Upeicharamo Ñandeyára oipeacuaa voi umi ombuetejarape Ichupe opa omombóijáragui ja oñongatucuaa avei umi jeco ŷ meguape oyopŷvo ichupecuera pe oñemojenda jaguâ ára peve, ja catuetei umi oicóvape cuña reco vai rapŷcueri oicosejá reje umi itayasuva recope ja ogueroŷrôva umi tuvicha vichavevape. Itieŷ voi ja iñâcâ jâtâ ja ndoryryiri oñeê vai rei ramo jicuai umi mbae oñembuete vaerâ gui. Umi yvapegua cuera yepe tuvichave ramo yepe ja imbaraeteve ja ipuacave umiva gui, nomoñecoôi omombeu ramo jina Ñandeyára ypype. Umi cuimbae, mymba oimoâ cuaa ŷ vaichagua, oñemoña vaecue voi ipyjypyrâ ja iyucapyrâ ramo, oñeê oporomombóivo mbae ojechacuaa ŷ vape ja jaecuera voi oñembuaine itieŷjápe, ja oñembo vaíne jembiapo vai cue recovia. Jaecuera oyapo ibŷajá ramo oico pype itieŷjápe ára sâcâme yepe. Jaecuera oporomonguŷá vaichagua ja oporombovaí vaichagua oñembotieŷvo oyerokyjápe yepe ja icaru guasu jápe penendive. Jesa cuera oico umi cuña reco vaí vaicha, ja ndopytuúiva angaipa gui jaecuera omoñûjáva oyopyjy jaguâ umi anga jenda ŷ vape, ipya cuera voi oyepocuaava jacateŷ jaguâ. Jaecuera voi umi imombeuvaí catupyrâ rejegua. Jaecuera ojeya pe tape icareŷva, ja upeichape opia oipyjy pype pe Balaam pe Beor raŷ rapycuere upe ojupityse iterei vaecue pe mbae vaíapó repŷ. Oñeêcareô ichupe opia jague reje peteî mburica iñeêngúva yepe oñeê ybypóra raicha, ja oyoco pe oñemoñeêjára pe itabyjá gui. Umi cuimbae ycua jiŷ ŷ vaicha tataninaichagua oyererajava ybytu jâtâ rupi, ja ichupecuera guârâ voi oime oñembosacoi iñypytûetéetevé renda. Ichugui cuera voi oñejê ñeê oñembobújá ja itabŷva, ja ombyaty itieŷ reco rupi ja itayasu rupi ñûjáme guaicha umi osê ramóva jicuai pe umi oicóva jicuai oyeyabyjápe poguŷ gui. Oicuameê ichupecuera omombae jagua ichupecuera, jaecuera voi oico ramo yepe tembiguai iyogua pyreicha itieŷjá rupi. Oime ramo peteî ipuaca vaecue ambuereje coba opyta tembiguai iyoguapyreicha avei ichupe. Ja oime ramo osêma vaecue umi ybypóra reco tayasúva gui oicuaa jague rupi Ñandeyára ñane mopôtíjára Jesu Cristope, jaecuera oyepymama yeby ramo ymaguareicha ja nda ipuacavei ramo, jeco coangagua ipojŷive ymaguare gui. Ipôrâve vaerâ moa ndoicuaai rire pe teco marangatu rapé, ja anichene oicuaa rire oyeby oguapycuévo pe tembiapoucapy ipôrâiteva gui oñemboe jague yma voi. Oyeju ichupecuera oyee jaicha pe ñeêngá jaeetévape: Pe yagua oyebŷ yebŷ pe ipya vaí jague jembiu oity vaecue rendape, ja pe cure oñemboyaju vaecue ojo yeby voi oyapayerei pe tuyupe. Co cuatia ñeê ayapova aina peême, che rayjupára, mocoîjáme. Co mocoîve cuatia ñeêrupi voi añejaâ pomokyreŷ jaguâ pende pya yojei pyrepe, pomomanduávo peême opambae gui penemandua jaguâ umi ñeê oyee jague umi oñemoñeêjaré imarangatu yuru rupi ja Ñandeyára pe Ñanemopôtíjára rembiapoucapy reje oñemboe jague peême umi Apostol cuera yuru rupi. Peê peicuaa vaerâ catuetei umi ára pajape ou vaerâjá tecové oñererecômegua vaerâ opa mbae reje oñembojoryjápe, tecové jecoŷva oicovo jiâ jaichante ichupe cuera, ja jei vaerâ: ¿Mamópa oime pe iyú yeby oñecuameê vaecue? Yma ñande ru ypycue omano guive opa mbae oico meme jecópente oi jagueicha oñemoña ñepyrumbŷ guive. Jaecuera jesaráisénte voi pe yvaga oico jague yma voi ja oico jague co yby oñemboŷva pe ŷ rová ári peve, ja oñemuasâi mombyrŷ peve umi ŷ rupi, ja oico ypy jague Tûpâ Ñandeyára ñeê rupi, ja umiva rupi voí opa ybypóra upe ramo guare omanomba ŷ guype. Pe yvaga ja co yby coangagua oñeñongatu mbae tâcâteŷjá vaicha Tûpâ Ñandeyára Ñeê rupi voi oñeñongatu tata rejeguarâ pe ára oñemojenda ramoguarâ, ja oñembyaipá ramoguarâ umi cuimbae ombuete ŷ vaecue Ñandeyárape. Oime peteî mbae, che rayjupára cuera, peê pende resarai ŷ jaguâ Ñandeyára ndive peteî aracue mil año chaguajá, ja mil años peteî árachantejá. Ñandeyára nda jiarévái oyapo jaguâ jecópe iñeê omeê vaecue oimoâjaicha umi ybypóra cuera ñande arévajá. Jae oguerokîrîrînte peême Jae ndoipotaija reje avave ocañŷ, oipotánte opavave ojupity oyepyapy jaguâ oñembo jecoambue jaguâ. Ñandeyára ára ou vaerâ peteî mondajaicha, ja uperamo yvaga ocañŷne sunu guasúpe, ja opambae oiva ybyari jycupáne upe jacueté gui, ja co yby ja opa ybypóra rembiapocue oiva ocáipáiténe. Upeicharamo opa âmbae jycupá vaerâ ramo, upeicha ¿mbaeichagua recopépa peico vaerâ peêcuera? Pende reco marangatu vaerâ pemboetejápe Ñandeyárape, pene angataiterei pemañavo ou ramo guârâ pe Ñandeyára ára oyejapŷ ja oñemocanŷ jaguâ yvaga ja opambae oiva ybyari jycupá jaguâ pe jacúetéeté rasávape. Jae oicuameê jagueicha, ñande ñajaârô ñaina oico jaguâ yvaga ipyajuva ja yby pyaju avei oico jaguâme tapia teco marangatu. Upévareje, che rayjupára cuera, pejaârôjá reje umimbae peñejaâ peyeyuju jaguâ pende pya guapy ja pene mârâ-ŷ-reje ja pene ñeêcarêó-ŷ-reje jaguâme iyŷpype. Peê pejechacuaa vaerâ tapia Ñandeyára oguerokîrîrîja upeicha ñane mârâ-ŷ-jaguâ, jeiuca jagueicha avei peême icuatia ñeême ñande reŷicuera yajaŷjúva Pablo, pe iñarandu omeê vaecue ichupe rupi. Upeicha voi jae jei opa icuatia ñeê cuerape avei jae oñemongueta jague umi mbae reje, umi cuatia ñeême oime mbae jasŷpe oyejechacuaa vaerâ, mbae umi itaby ja iñâcâ guapŷ-ŷ-va oipocá, oipoca jaicha voi umi ambue ñeê pe Santa Escriturape guare avei oñembuaipá jaguâicha iyupe cuera voi. Upévareje, che rayjupára cuera, peñemo marandu voímajá reje, peñeñangareco tapia anichene jaguâ peñemombia pemoîrû jaguâicha umi iñâcâjâtâvape oyeyabyjá rupi, ja anichene jaguâ peá pende voi pepyta jâtâjá gui. Peñembo pyapôrânte yoa yoa Ñandeyára ñane mopôtijára Jesu Cristo ndive, peicuaa cuaave yoa yoa jaguâ Ichupe. Toñembotuvicha vichavé Jae coanga ja upe ára iyapyra-ŷ-va peve guârâ. Amen. Pe iñypyrumby guive guare, pe ore voi rojendu vaecue, pe rojecha vaecue ore resáeté rupi voi, pe romaê jague, ja pe ore ropoco jague ore pópe voi, pe Ñeê ñane moingoveva rejegua, pe tecové voí ñane moingovéva oyecuaáucá vaecue, ja ore rojecha vaecue Ichupe, ja coanga romombeu jecópe ja romojerâcuâ peême, pe tecové ñane moingovéva iyapyra-ŷ-va, yma voi oi vaecue pe Túva ndive, ja oyecuaauca vaecue oreve, upe rojecha ja rojendu vaecue, upéva pe ore romojerâcuâva roina peême, icatu jaguâ peyejeá peê avei orereje ñandepa oyoyuejegua jaguâ. Ja co ñande cuera yayejeájá oyoyuejeguaramo, ja upeicharamo avei, yayejeá pe Túva reje ja Tayra Jesu Cristo reje ñande oyoyuejegua jendive cuera. Coambae roéucá co cuatia ñeê rupi pende rorŷ jaguâ icatu catuve jagueicha. Cova upe jerâcuâva ore rojendu vaecue Ichugui voí, ja coanga romojerâcuâ roina peême Tûpâ Ñandeyára ñande resapéjá, ja ndipóri mbaeveicharamo iñypytûva ipype. Yae ramo yayejeájá Jese oyoyuejegua ramo yaico aya pytûnguype, ñande yapú ñaina, ja nda yaicoi jecopeguaicha. Ñande yaico ramo yaicovo ojesapéjápe, Jae oi jaicha ojesapéjápe, ñande yayejeá ñaina oyueje, ja Tayra Jesu Ruguy ñane mopôtí opaichagua angaipa gui. Yae ramo ñande ñane angaipa-ŷ-já ñandeyupe voí ñañe mbotabŷ, ja pe Ñeê añetegua nda iyái ñande pype. Ñandecuera ñañemombeu ñane angaipa gui Jaé yeroviajá ja jecopegua omboí jaguâ ñandejegui ñane angaipa, ja ñane mopôtímba jaguâ opambae jecopegua-ŷ gui. Yae ramo na ñañemo angaipái jague máramo, ñane ñamboyapú Ichupe ja iñeê nda iyái ñande pype. Che raŷcuera, che jaéucá peême co cuatia ñeê me coambae reje, anichene jaguâ peêcuera peñemo angaipa. Oime ramo peteî ñandéva oñemo angaipa vaecue, oime yareco oñeêjarâ ñandereje Túvape, pe Jesu Cristo pe jecoitepegua. Jae voi pe omoñyrôjára ñane angaipa reje, ja na ñane angaipa reje añoi, opavave ybypóra angaipa reje avei. Ja coicha ñande yaicuaa yaicuaajá Ichupe ñambuete ramo jecope jembiapoucapŷ. Oime ramo jeiva oicuaajá Ichupe ja nombuetevái jembiapoucapŷ, upéva iyapúva voí, ja na jendai ipype pe ñeê añetegua. Oime ramo ombuetéva iñeê, añete iya ichupe ojaŷjuvo jecoitépe Tûpâ Ñandeyárape, ja upeicha icatu yaicuaa Jeseguajá ñande. Oime ramo jeíva oicojá Jesegua ramo, upéva oico vaerâ jecópe, Jae oico jagueicha jecoitépe. Che rayjupára cuera, nda ipyajúvái co tembiapoucapŷ jaéucáva peême co cuatia ñeê rupi, pe tembiapoucapŷ ymaguarénte voí peêcuera voi pejendú vaecue iñypyrumbŷ guive. Pe tembiapoucapŷ ymaguare upéa voi upe ñeê pejendu voi vaecue. Upeicha rejeve jaéucá aina cuatia ñeême tembiapoucapŷ ambue ipyajúva jecoitepeguáva voí Jae guivo, ja peê guivo avei, upe iñypytûva ojasámajá reje ojovo ja pe ojesapé jaetéva ojesapémajá reje jina. Oime ramo jeiva oijá ojesapéjápe ja oñamotareŷva japichápe, upéva oi pytûnguype coanga peve. Oime ramo ojayjúva japichápe, upéva opyta ojesapéjápe, ja ndaiyai ichupe omoñepysangá jaguâ ambuepe. Oime ramo oñamotareŷva japichápe upéva oi iñypytûjápe, ja oico pytûnguype, ja ndoicuaai mamo rupipa ojo jina, omoñypytûjá reje jesa pe pytû. Che arajauca peême co cuatia ñeê, che raŷcuera, pene angaipa oñemboí jague reje Jéra rupi. Arajauca co cuatia ñeê peême peêcuera túvape, peê peicuaajá reje Upe oimévape iñypyrumbŷ guive. Arajauca co cuatia ñeê peême, peêcuera cariaŷ cuerape, pende puaca jague reje pe mbaepochy reje. Arajauca vaecue peême cuatia ñeê peême, peêcuera che raŷcuera, peicuaajá reje pe Túvape. Arajauca vaecue peême cuatia ñeê, peêcuera tuvacuera, peê peicuaajá reje Upe oicóvape iñypyrumbŷ guive. Arajauca vaecue peême cuatia ñeê, peêcuera cariaŷ, pene mbaraete retejá reje, ja pe Tûpâ Ñandeyára Ñeê iyajá reje pende pyape, ja peêcuera pende puaca jague reje pe mbaepochy reje. Ani pejayju umi ybypóra cuera recope, ja mbaeve ybyarigua. Oime ramo peteîva ojayjúva ybypóracuera reco, ndaiyai ipyápe ojayjú jaguâicha pe Túvape. Opambae oimeva ybyari, umi jeco vaírâ ñande rete rupigua, umi jeco vaírâ ñande ñande resá rupigua cuera, ja umi jeco byá rei ja oyeicove pôrâjá gui, opa umi mbae nda pe Túva guivóguái ybypóra guivó guante. Ja co yby ja jeco vaírâ ojasá ojovo. Upe ombuaye Tûpâ Ñandeyára rembipota, upévante opyta aré tapia guârâ. Che raŷcueramimi, jiára pajáma ja pejendu jagueicha ou jaguâ iyaé-ŷ-va rejegua Cristo reje, coanga yepeve oñemoingoma jeta umi Cristo reje iyaé-ŷ-va, ja upea gui ore roicuaa jiára pajámajá, Jaecuera osê ramo yepe ore apytegui, ndajaei orerejegua yepe. Jaecuera ore rejegua rire mo jiaré rae orendive. Umiva osê vaecue oyecuaáucá jaguâ nda opavavei umichagua ore rejeguajá. Peêcuera peñemongaraí oñemona pyréicha ñandŷpe pe imarangatúva rupi ja opavave peicuaa jecópe opambae. Arajauca ramo yepe peême co cuatia ñeê, ndajaei peicuaa-ŷ-járeje co ñeê añetegua gui, peicuaajá rejente voí, ja peicuaajá reje ndipórijá mbaeveichagua yapú añetegua rejeguava. ¿Mavapa upe iyapúva? Pe omomârâvante Jesúspe ja jeiva Jae ndajaeijá Cristo. Cova pe Cristo reje iyaé-ŷ-va, pe omomârâva pe Túva ja pe Taŷrape. Oime ramo omomârâva pe Taŷrape, upéva nda pe Túva rejeguávai; upe omombeúva pe Taŷra rejeguajá, upéva pe Túva rejeguánte avei. Ja pe peêcuera pejendú vaecue iñypyrumbŷ guive topyta umimbae pendepyape. Jiaré ramo pendepype co pejendu vaecue iñypyrumbŷ guive, peêcuera avei pende aréne pe Taŷra ja pe Túva rejeguava ramo avei. Cova voi pe oñecuameê mbyré Jae oicuameê vaecue ñandeve pe tecové iyapyra-ŷ-va yaicove tapia jaguâ. Coambae jaéucá peême co cuatia ñeê rupi umi penemboyabyséva reje. Peême voi iya gueteri upe puaca pe peñemongaraí jague Jaérupi, ja upeareje na peicôtevêi avave pene mboe vaerâ reje. Upea rangue co peñembo puacajá rupi, Jaé pene mboe opa mbae reje. Cova añete nda yapuiri, ja upéva penemboe jagueicha peê pepyta Jesegua ramo. Ja coanga, che raŷcuera mimi, pepytaite Jesegua ramo, icatu jaguâ sapya oyejechauca yeby ramo guârâ Jae, ñande yayerovia ñande poyjuŷjape, ja anichene jaguâ ñañemotî iyŷpype ou yeby rire. Peê peicuaa jaicha voí Jae jecoitepeguajá, peicuaa vaerâ avei pe cuimbae jeco pôrâiteva upéva iñemoñaré Jesegua voi-já. Pemaêna mbaeichagua poraŷju tuvichaité pe Túva ñande rayjú jague, icatu jaguâ ñañejenôi jaguâ Tûpâ Ñandeyára raŷ ramo. Upeicha voi ñande cuera. Upévareje umi ybypóra cuera na ñande rechacuaai ñandeve, ojechacuaa ŷ jague reje Ichupe. Che raŷjupára cuera, co coanga ñande Tûpâ Ñandeyára raŷcuera, ja neira gueteri oyecuaauca mbae vaerâpa ñande, ñande yaicuaánte Cristo oyejecha yeby yave ñande iyoguajá jaguâ, ñande yajecha vaerâjáreje mbaeichaguaetepa Jae jeco. Ja opa upe omañáva jina Jese ojaârôjápe oñemopôti iyupe, oico jaguâ jecoitépe Jae jecoitepegua jaicha. Oime ramo oñemo angaipáva, upéva oyapo avei pe jecoŷme gua. Pe angaipa voi jecoŷmegua, ja peêcuera peicuaa Jae oyecuaauca jague oipea jaguâ angaipa, ja ipype voi ndipóri angaipa. Oime ramo opyta jâtâva Jesegua ramo, upéva no ñemo angaipávái. Oime ramo oñemo angaipáva, upéva ndojechai ja ndoicuaairi Ichupe. Che raŷ cueramimi, ani avave penemombia. Upe oyapóva jecópe, upéva jecopegua upe Jae jecopeguaite jaicha. Pe oñemo angaipáva, upéva mbaepochy rejegua. Pe mbaepochy iñypyrumbŷ guive voi oñemo angaipa vaecue. Coarâ voi oyecuaaucá Tûpâ Ñandeyára Raŷ ombuaipa jaguâ mbaepochy rembiapo. Oime ramo Tûpâ Ñandeyára ñemoñaré rejegua upéva noñemo angaipávái. Pe Ñandeyára ñemoñemoñajára raŷî opytá ipype ja upea rupi jae ndicatui oñemo angaipa oicovo Tûpâ Ñandeyára ñemoñaréjá reje. Coicha oyecuaa Tûpâ Ñandeyára rejegua cuera, ja pe mbaepochy rejegua cuera. Oime ramo oyapo-ŷ-va jecopegua, upéva ndajaei Tûpâ Ñandeyára rejegua. Ja upeicha avei upe ojayju-ŷ-va japichápe. Coa voi co mbae jerâcuâva peê pejendu vaecue iñypyrúmby guive voi, ñande yayojayjú jaguâ oñondive. Ñande nda yaicoi chene pe Caincha, pe mbaepochy rejegua vaecue oyuca vaecue pe itybyra teépe. ¿Ja mbaerejépa oyuca rae ichupe? Jembiapóeté voi ivaí jague reje, ja itybyra rembiapo jecopegua jague reje. Ani pejecharâmô, che reŷicuera, pene ñamotareŷ ramo peême umi ybypóra cuera. Ñande yaicuaa yajasáma jague pe ñemano reco gui, pe oyeicove reco peve yajayjújá reje ñande reŷi cuerape. Pe ojayju-ŷ-va voi, opyta omano vaecueicha. Oime ramo oñamotareŷva japichápe, upéva cuimbae yucajá voi, ja peê peicuaa voi mavave oporo yucáva oguereco jâtâjá pe tecové iyapyra-ŷ-va ipype oicovo. Coichavo yaicuaa mbaépa porayju Cristo omoî jague reje oguecove ñandereje jápe, ja upeicha avei ñande cuera ñamoi vaerâ ñande recové ñande reŷicuera rejejápe. Oime ramo oguerecova mbaerepy co ybyarigua ja ojechava peteî japicha oicôtevê eterei ramo, ja oñembopya jâtâva ichugui ¿mbaeichapa opytáne ipyápe Tûpâ Ñandeyára rayjújárâ? Che raŷcueramimi, ñande ani yajayju ñane ñeêmente, ja ñanecûmente, yajayúnte añetéetéjápe ñane rembiapo rupi. Coichavo yaicuaane ñande añetegua rejeguajá, ja upeicharamo yayereroviaucáne ñande pyapype iyŷpype. Oime ramo yepe mbae ñande pya ñane moîvaíva, Tûpâ Ñandeyára tuvichavé voí ñande pyapy gui, ja Jae oicuaapá voi opambae. Che rayjupára, ñande pya ñane moîvaí-ŷ-ramo, yareco yayeroviaite jaguâ Tûpâ Ñandeyára reje yayepoyju-ŷ-reje, ja upeicharamo, oimeraêva mbae yayerure jaichaguánte, yajupity Ichugui ñambuaye járeje jembiapoucapy, ja yayapojá reje mbae jecopegua oguerojorŷva iyŷpype. Cova voi pe tembiapoucapy yayerovia jaguâ Taŷra Jesu Cristo réra reje, ja ñande yayojayjú jaguâ oñondive Jae oyapóucá jagueicha ñandeve. Upe ombuayéva jembiapoucapy, upéva oyejeava Ñandeyára reje, ja Ñandeyára oyejeava jese ja pe Espiritu Jesegua rupi voi Jae omeê vaecue ñandeve ñande yaicuaa voí Jae oyejeavajá ñandereje. Che raŷjupára cuera, ani perovia opaichagua ânga rejeguape. Tecôtevê pejaâ pôrâ umi ânga rejeguape, yajecha Tûpâ Ñandeyára rejeguapa? Jeta oñemoñeê guau reíva oñemuasâi co ybyari. Coicha ñande yajechacuaa Tûpâ Ñandeyára Espiritu: oime ramo ânga rejegua omombeúva Jesu Cristo ou jague cuimbae ramo jete rejeve, upéva Tûpâ Ñandeyára rejegua, ja oime ramo ânga rejegua omomârâva Jesuspe, upéva na Tûpâ Ñandeyára rejeguavái, ja cóva voi pe Cristo reje iyaé-ŷ-va rejegua, pejendu jague ou vaerâjá, ja coanga voi oime yby ári. Peêcuera Tûpâ Ñandeyára rejegua voi, che raŷcueramimi, ja pende puacama umiva rejeve. Tuvichavé voi pe oiva pende pype umi ybypóra recopegua pype oiva gui. Jaecuera ybypóra recopegua, ja upeareje voi jaecuera oñeê ybypóra reco rupi, ja umi ybypóra cuera oyapysaca jesecuera. Ñande voí Tûpâ Ñandeyára rejegua voi, ja pe oicuaava Tûpâ Ñandeyára oyapysaca ñandereje: upe Tûpâ Ñandeyára rejegua-ŷ ndo yapysacai ñandereje. Upeicha icatu yajechacuaa pe ángarejegua jecopegua rejeguava, ja pe ânga rejegua oyabŷva rejeguavape. Che rayjupára cuera, yayojayju oñondive. Pe mboraŷju Tûpâ Ñandeyára rejegua voi, ja oime ramo jayjujára, upéva Tûpâ Ñandeyára ñemoñaré ja oicuaa Tûpâ Ñandeyárape. Pe ojayju-ŷ-va ndoicuaai Tûpâ Ñandeyárape. Tûpâ Ñandeyára voi pe poraŷju. Coicha oyecuaauca ñandeve Tûpâ Ñandeyára ñande rayjujá ñandeve ombou jaguepype Tûpâ Ñandeyára Taŷra peteîme ybyari ñande yaicove jaguâ Jaerupi. Cova pe poraŷju jaetéva ñande yajaŷjú-ŷ-ramo yepe Tûpâ Ñandeyárape, upeicharamo yepe, Jae ñande rayju ñandeve ja ombou Tayrape omoñyrôjarârâ ñane angaipa reje. Upeicharamo, che rayjupára, ñande rayju rire Tûpâ Ñandeyára coicha, upeicha ñande avei yayojayju vaerâ oñondive. Avave máramo ndojechai Tûpâ Ñandeyárape. Ñande yayojaŷju ramo oñondive, Tûpâ Ñandeyára opyta ñande pype, ja iporaŷju oimbaité jecope ñandepype. Coicha ñande yaicuaa ñande yapytajá jecope ipype, ja Jae opytajá ñandepype Jae omeê jaguereje ñandeve Espiritu gui, ja ore rojecha vaecue ja roicuaauca roina pe Túva ombou jague Taŷrape umi ybypóra cuera mopôtíjarârâ. Oimeraêva omombeúva Jesus Tûpâ Ñandeyára Raŷjá, Tûpâ Ñandeyára opyta ipype, ja Jae opyta Tûpâ Ñandeyára pype. Ñande voi yaicuaama ñande rayju jâtâjá Tûpâ Ñandeyára, ja yayerovia upeareje. Tûpâ Ñandeyára jae poraŷjú. Ja pe opytáva porayjúpe opytá Tûpâ Ñandeyára pype, ja Tûpâ Ñandeyára opyta ipype. Coichavo oimbáne jecope ñande poraŷjú yareco jaguâ yayerovia jaguâ jecope pe ára pajávo oporomojendajápe: pe jeco Jae oi jaicha jina, upeicha avei ñande co ybyari. Pe poraŷjujápe ndaiyai yakyjŷyé jaguâ. Pe poraŷjú jaeteva omombo ocape pe kyjŷyejá. Pe kyjŷye oicojápe oico pyá tyai. Ja oime ramo okyjŷyéva nda jecopeguai iporaŷjú. Ñande yajaŷjú Jae ñande raŷjú jague reje. Oime ramo jeiva ojaŷjújá Tûpâ Ñandeyárape, ja upeyaveve oñamotareŷva jina japichápe, iyapúva upéva. Pe ojayju-ŷ-vape japichápe ojecha vaecue ndicatui ojayju Tûpâ Ñandeyára ndojechai vaecuepe. Ja cova co jembiapoucapŷ yareco Ichugui voi, upe ojayjúva Tûpâ Ñandeyárape tojayju avei japichápe. Oime ramo ogueroviava Jesus Cristojá, upéva Tûpâ Ñandeyára ñemoñaré rejegua, ja oime ramo ojayjúva pe Túva oporomo ñemoñávape ojayju avei pe oñemoñarépe Ichugui. Coichavo yaicuaa yajayjújá Tûpâ Ñandeyára rejegua cuerape, yajayju ramo Tûpâ Ñandeyárape, ja yayapo ramo jembiapoucapŷ. Cova ñande rayjújá Tûpâ Ñandeyárape ñambuayépe jembiapoucapŷ, ja jembiapoucapŷ voí nda ipojŷietévái. Oime ramo Tûpâ Ñandeyára ñemoñaréva, upéva ipuaca co yby reco rejeve, ja co mbae ipuacaetéva ñande puaca jaguâ co yby reco rejeve, upéva ñande yeroviajá. Upeicharamo ¿mávapa pe ipuacáva co yby reco rejeve? Upe ogueroviáva Jesu Cristo Tûpâ Ñandeyára Raŷetéjá. Jesu Cristo voi jae pe ou vaecue ŷ ja tuguŷ rejeve, nda ŷ rejeve añói, pe ŷ ja tuguŷ rejeve avei: ja pe Espiritu pe oicuaáucájá umimbae gui pe Espiritu añetegua rerecuájá reje. Mbojapy voi oime umi oicuaáucájára, pe Espiritu, ja pe ŷ, ja pe tuguŷ, ja coa mbojapy peteîchante. Yarovia ramo umi cuimbae rembicuaáucápŷ, Tûpâ Ñandeyára rembicuaáucápŷ tuvicháve umiagui. Ja cova voi Tûpâ Ñandeyára rembicuaáucápŷ, umi mbae Jae omojerâcuâuca vaecue Taŷra gui guare. Upe oyeroviáva Tûpâ Ñandeyára Raŷ reje, upéva oguerecoma voi ipyápe Ñandeyára rembicuaaucapŷ. Oime ramo ou oguerovia-ŷ-va Tûpâ Ñandeyárape upéva oyapo Ichupe iyapúva ramo, ndo gueroviai jague reje pe Tûpâ Ñandeyára rembicuaáucápŷ Jae omojerâcuâuca vaecue Taŷra gui guare. Cova pe Ñandeyára rembicuaáucápŷ Tûpâ Ñandeyára omeê jague ñandeve tecove iyapyra-ŷ-va ja co tecové oico pe Taŷra pype. Upeicharamo upe oguerecova pe Taŷrape oguereco pe tecové, ja pe oguerecó-ŷ-va Tûpâ Ñandeyára Raŷpe ndoguerecoi pe tecove. Coambae che jaéucá peême co cuatia ñeê rupi peicuaa jaguâ perecomajá pe tecové iyapyra-ŷ-va peêcuera peyeroviáva Tûpâ Ñandeyára Ray réra reje. Upeagui yayerovia tuvichaite Jese yayepoyjú-ŷ-reje. Oime ramo mbae yayerurejá Ichupe jembipota rupi voi Jae ñane rendu, ja yaicuaa guive Jae ñane rendujá jina, aiporamo, oimeraêva mbae yayerure jaichagua Ichupe yaicuaa yajupitŷmajá ñane mbaeyeruré yayerure jague. Oime ramo peteî ojecháva japichápe oyapo ramo angaipa ndajaeiva omano jaguâicha, oyerure vaerâ Ichupe, ja Jae omeêne ichupe jecove umi oyapo-ŷ-vaecue angaipa omano jaguâicha. Oime voi angaipa oñemano jaguâva ndaei toyerure upeichagua angaipa reje. Opambae jecopegua-ŷ angaipa voi. Oime angaipa ndajaeiva ñamano jaguâ. Yaicuaa pôrâ oime ramo Tûpâ Ñandeyára ñemoñaré rejeguava, upéva ndoicováijá angaipápe. Upe Tûpâ Ñandeyára ñemoñaré oñangareco jese, ja pe mbaepochy ndicatui opoco jese. Yaicuaa voi ñande Tûpâ Ñandeyára rejeguajá ñande, ja opa co ybyrejegua opytajá pe mbaepochy poguŷpe. Yaicuaa voi Tûpâ Ñandeyára Raŷ ou jague ja omeéjá ñandeve ñane âcâ pôrâ jaguâ yaicuaá jaguâ pe Jaetévape, ja ñande pe Jaetéva rejegua pe Ñandeyára Taŷra Jesu Cristo rejegua voi. Jae voi pe Tûpâ Ñandeyára Jaetéva ja pe Tecove iyapyra-ŷ-va. Che raŷcueramimi, peñeñangareco umi mbae rei raângá gui. Che che presbitero che tuyáva ayapo aina co cuatia ñeê ndeve, cuña carai iporavópyréva, ja nememby cuerape che pojaŷjúva añeteté, ja na che añói, opavave umi oicuaava Ñandeyára Ñeê añetegua pende raŷju avei. Upe Ñeê añetegua rejejápe opytáva voi ñande pype ja oi vaerâ ñanendive tapia guârâ. Pe Tûpâ Ñandeyára pe Túva, ja Jesu Cristo pe Túva Raŷ ta ñane mbopyapôrâ ja ta ñande poriajuvereco ja ta ñane mbopyaguapy ñanembojeco pôrâ jaguâ ja yayojaŷju jaguâ jecópe. Che rorŷeté ayuju jague reje oimejá nemembyva oicova jecópe jicuai pe Ñeê añetegua rupi ombuayévo pe Túva rembiapoucapŷ ñañemboe jague. Ja coanga, cuña carai, ayerure ndeve nda jaéucávaichai co cuatia ñeê rupi peteî tembiapoucapŷ ipyajúva, upe iñypyrumbŷ guive voínte ñañemboe jague, yayojaŷjú jaguâ oñondive. Coichagua poraŷju voí ñande yaicojá jecope jembiapoucapŷ rupi. Cova voi pe jembiapoucapŷ peêcuera peico jaguâ pembuayéva pe pejendu vaecue iñypyrumbŷ guive. Oime jeta voi oporo mbotabŷjara oñemuasâima vaecue co ybyari omombeu-ŷ-va Jesu Cristo ou jague carai ramo. Coichagua voi pe oporombotabŷjára ja Cristo reje iyae-ŷ-va rejegua. Peñeñangareco pende yeje voi, anichene jaguâ opyta rei pene rembiapocue, icatu jaguânte pejupity jecoitepe jepycue. Oime ramo oñemo tenondéva, ja opyta jâtâ-ŷ-va pe Cristo remimboecue recópe, upéva ndoguerecoi Tûpâ Ñandeyárape. Oime ramo opyta jâtâva pe jemimboe recope, upéva oguereco pe Túva ja pe Taŷrape avei. Oime ramo oúva pene rendape ogueru-ŷ-va co temimboecue nda perojoryi vaerâi ichupe pende rogape, ja anichene pemomaitei vaerâi yepe ichupe. Upe omomaiteiva ichupe omoîrû ichupe jembiapo vaípe. Jetambae voi areco jae vaerâ peême jaéucáse-ŷ-va peême cuatia ñeême. Ajaârô aina aja jaguâ pene rendape pomongueta jaguâ oyoyurupe pende rorŷetéeté jaguâ. Umi nereindy poravópyre memby nemomaitéiucá ndeve. Che presbitero che tuyáva, arajauca co cuatia ñeê ndeve, che rayjúpára Gaio, pe che rojayjúva jecoitepe. Che rayjupára, ayerure Ñandeyárape nde opaichavevo rejasa pôrâ jaguâ ja neresâi pôrâ jaguâ ojasa pôrâ voi jaicha ne ânga. Che rorŷ tuvichaite vaecue ñande reŷicuera ou ramo guare ja omojerâcuâ ramo guare ndejegui pe ñeê añetegua guivo nde yeroviájávajá reicojape pe ñeê jecopeguápe. Ndarecoi che roryvéjá ajendu ramo guare gui che raycuera oicojá jecope pe ñeê jecopeguápe. Che rayjupára nde yeroviájáva voi opa reyapóvape ñande reŷicuera, ja umi ñande-ŷ-va ndive avei. Umiva omojerâcuâ umi Iglesia rejegua ypype nde poro jayjúvajá ja nde reyapo pôrâne nde reipytyvô ramo ijójápe umi Tûpâ Ñandeyára rejegua recópe. Pe Jéra rejejápe voi jaecuera oyeói, ja ndoipyjyséi mbaeve umi pytagua gui. Tecôtevê, upeicharamo, yarojory umichagua caraípe icatu jaguâ ñambaapo ñande yuayú yaicovo jendive cuera Ñandeyára ñeê rejejápe. Arajaucama voi cuatia ñeê umi Iglesia rejeguape. Pe Diotrefes mante pe oñemo tenondeséva opavave gui na ñande rerojorŷi. Upévareje che ayu ramo pene rendape nda che resaraichene jembiapocuegui ñane moî vaí reíva ñeê ñemoñecoôime, ja nda jaevemai ichupe umi mbae, oime ndo guerojorysei avei umi ñande reŷicuera ambuepe, ja oyoco yepe umi oguerojorysévape ichupecuera, ja omosê ichupecuera tûpâó gui. Che rayjúpára, ani nde reco mbae vaírâ, ipôrâvarânte: upe mbae pôrâ apójára Tûpâ Ñandeyára rejegua, pe mbae vaí apojára ndojechai Tûpâ Ñandeyárape. Oime pe Demetrio oñemojerâcuâ pôrâva opavave rupi ja upeicha avei pe ñeê jecopegua guivo, ja ñande avei ñamo jerâcuâ pôrâ ichupe ja nde reicuaa ñande ñamojerâcuâ pôrâjá upe jeco peguapente. Jeta mbae areco jaéucá vaerâ moâ ndeve ndajaíséiva jûme co cuatia ñeême. Ajaârô rojecha voi ndeve ñañe mongueta jaguâ oyoyurupe. Ta nde pyaguapy yoa. Ñande rayjupára cuera nemomaitéi ucá ndeve. Emomaitéi cheve ore rayjupára cuerape peteî teîme jéra rupi. Che, Judas, Jesu Cristo rembiguai, Santiago ryby, pomomaitéiucá peême, peê peyejayjúva Tûpâ Ñandeyára Túva rejegua járeje, ja peñeñongatúva Jesu Cristo peguârâ, peê peñejenôipyré. Ta peyeporiajuvereco peê, ja ta pende pya guapŷ, ja ta peyejayjú yoa yoa yeby yeby. Che rayjupára cuera añejaâ pype icatu jaguâicha aina ayapo jaguâ jecópe co cuatia ñeê peême ñañemongueta jaguâ co ñande reco ñañemomarangatu jaguâ opavave ñande, tecôtevê cheve jaéucá peême co cuatia ñeême pomomanduávo peñejaâ jâtâ jaguâ co ñande yaroviajá rejejápe pe oñemboéucá vaecue yma voi umi imarangatúva cuerape. Oime voi cuimbae cuera oiké vaecue kîrîrîjáme pene paûme, umia voi yma guive oyeporavó vaecue oñemojendá jaguâ coicha, cuimbae oñemboe-ŷ-va ombuete-ŷ-va Ñandeyárape, umiva oguerová Tûpâ Ñandeyára pyapôrâ oguereco jaguâ oñemotieŷ jaguâ ja omomârâ Ñandeyára Jesu Cristope ñande Ruvicha peteînteva. Jiâ cheve pomomandua peême, peicuaa pôrâmba ramo yepe voi umimbae, Ñandeyára omboi jague Jesegua cuerape pe Egipto retá gui, ja uperire ombuaipa jague umi ichupecuerava oyerovia-ŷ-vaecuepe. Ja umi yvapegua cuerape avei oico-ŷ-vaecue jeco ypycuepe, ja ojeya vaecue jendateé voi, umivape Jae oñongatu pytûnguype oñeñapytîjápe tapiaguârâ upe ára tuvichaitéva oñemojenda jaguâ meve. Upeicha avei Sodoma ja Gomorra ja umi tetâ iyerecue rejegua, upeicha avei oñemotieŷ jague umi ambuecue reco vaípe, ja opia vaecue pe teco vaí cuimbae reco ŷ-rejegua rupi, umiva voi oyejechauca ñandeve ñane mboe jaguâ pe tata guasu iyapyra-ŷ vaerâ reje pe oñemo jenda jague tapia guârâ. Upeicha avei umi ikepegua ojechavaicha oñemonguŷa oguetéetépe voí ogueroyrô ipuacávape ja oñeêvaí mburuvicha cotŷ cotŷ. Pe Miguel pe yvapegua tuvicháitévéva yepe oyuaby ramo jina pe mbae pochy ndive oñomongueta ramo guare Moises retecue reje nda ipochyséi omoî vaí jaguâicha ichupe oyaojápe: jeínte vaecue: Ñandeyára ta nde aó! Umi cuimbae voi oñeêtieŷ mbae ojechacuaa-ŷ-va reje, ja umi mbae jaecuera umi maymbaicha ojechacuaávape oyejegui voínte, umimbaepe yepe oñembojeco vaí. Angai jaecuera oguatáva jicuai Cain rapécué rupi ja ojupity jaguâ mbaerepŷ oñemombóva oimoa-ŷ-me pe Balaam reco oyaby jague rupi, ja oñembuaipa oñemoî jague reje juvicha reje cuera oyapo jagueicha pe Córa. Coa cuimbae itá ŷ guypeguaicha, obyava penendive pende caru guasujápe pende rayjúpára cuera ndive oicova kyjŷye-ŷ-me jacateŷva oyeje cuera vointe. Umiva arai jiŷ-ŷ-vaicha oyereraja reíva ybytu rupi ja ybyra jiá cuí vaicha, terâ jiá-ŷ-vaicha, ybyra ipiruete vaicha, terâ oyejapoo vaecueicha. Umiva ŷ guasu ipochy gui ocué vaicha, ja jŷyui vaicha pe jeco tieŷme ja ára resa jenda-ŷ-vaicha. Oime oyerereco ichupecuera voí pe iñypytû pytûvéva jenda jaguâ tapia guârâ. Umivape avei oñemoñeê pe Enoc, pe cuimbae sietejá Adan guiveguare, jae jei ramo guare: Pemaê Ñandeyára ouma jina umi imarangatúva cueraetaite apytepe, omojenda jaguâ opavavepe ja ojechacuaaucá jaguâ opa umi oñemboé-ŷ-vape opa jembiapo oñemboéva rejegua-ŷ oyapo vaecue jaecuera oñemboe-ŷ-me, ja opa umi ñeê tieŷ jaecuera angaipavóra oñemboe ŷ-va oñeê vaecue jese. Umiva omojejéva ja iñangata-ŷ-va. Jaecuera oico jiâ jaicha ichupecuerante, ja oñeê guasu guasu iyuru rupi cuera voí oiporanguerecovo ja oyapichŷvo umi carai cuerape oñemo mbae guasúucá potávo. Peêcuera, che rayjúpára penemandua umi ñeê oyee vaecue reje yma voi Ñandeyára Jesu Cristo rembiyocuai Apostol yuru rupi cuera. Jaecuera voi jei vaecue peême: Umi ára pajavo oimene cuimbae oñembo jorŷ vaerâ, ja oporo guerecomêgua vaerâ, oico vaerâ oñemboe-ŷ-jape voi jeco vaí rupi jiâ jaicha ichupecuerante. Umi cuimbae voi oporo mboyuaby oyuejegui umi ambuecuepe, ja maymbaichagua Ñandeyára Espiritu rejegua-ŷ voi. Peê, che raŷjúpára cuera, peñemopuâ puâvé pene marangatu ngatúvé jaguâ pende yeroviajápe peñemboévo pe Espiritu Santo rupi. Peñeñongatu Tûpâ Ñandeyára rayjujárarâ pemañávo pejaârôjápe pende poriajuvereco porâ jaguâ Ñandeyára Jesu Cristo pejupity peve pe Tecové iyapyra-ŷ-vaerâ. Oimene peteîva oyuaby meméva ja peñejaâ vaerâ peroviáucá umivape. Oimene ambuecuepe peñejaâ vaerâ imârâ-ŷ-jaguâ pejekŷi vaicha ichupecuera pe tatagui. Oimene ambuecuepe peiporiajuverecó vaerâ kyjŷyéjápe yepe peyeguaru vaerâ iyao jeco vaí jague gui gua yepe. Upe ipuacávape peneñongatu jaguâ anichene jaguâ peñepysangá, ja ipuacáva penemoî jaguâ iyŷpype voi pe Jae oñembo tuvichajápe pene mârâ-ŷ-jaguâme ja pende rorŷete etevé jaguâme, pe Tûpâ Ñandeyára Jaentéva ñane mopôtíjárava Jesu Cristo Ñandeyára rupi, upéva toñembuete toñembotuvicha vichave, toñemombaraeté etévé, ja toñembopuacáeté etevé, upe oico jagueicha mbaeveté mboyve voi, ja oico jaicha coanga voi ja oico jaguâicha tapia guârâ. Amen. Coâva pe Jesu Cristo rembiajoyaopyre, pe Tûpâ Ñandeyára omboiya vaecue Ichupe, Jae oicuaauca jaguâ umi jembiguai cuerape umi mbae curimivente oyejú vaerâ gui. Jae voi ombou pe jembiyocuai yvapeguape ojechauca vaerâ umi mbae pe jembiguai Juanpe. Cova pe Juan pe omojerâcuâ vaecue Tûpâ Ñandeyára Ñeê gui ja Jesu Cristo remimboecue gui ja omombeupa opambae jae voi ojecha vaecue. Jeco oryete vaerâ umi omoñeêva ja upeicha avei umi iñeêrendúva coa ñeê co che ñemoñeê rejegua, ja jeco oryete umi ombuayeva jecope pe oyeéva co cuatiapegua. Jiára voi jiânguíma jina oico jaguâ jecope umimbae. Che Juan amomaitéiucá umi sieteve Iglesia rejegua jicuaiva Asia retâmepe. Ta pene mbopyapôrâ ja ta penembo pyaguapy upe jaeva jina pe ymaguare voi guive voí guare, ja pe oico vaerâ tapia guârâ ja umi sieteve Espiritu jicuaiva pe iguapyjá tuvicha renondepe, ja Jesu Cristo pe yeroviajá pe añetegua oicuaáucájára upeva omano vaecue apytegui oicove yeby ypy vaecue. Jae voi umi mburuvicha guasu ybyarigua Ruvicha guasueteeteveva. Upe ñande rayjúva ñande repy vaecue ñane angaipa gui juguŷteépe voi, Jae ñane moingo vaecue mburuvicha guasu rejegua ramo ja pai râ ñambuete vaerâ Tûpâ Ñandeyára pe Túvape, toñembuete Ichupe ja toñembotuvicha tapia guârâ. Amen. Pemaê oúmaja arai apytepe ja opavave ojechane Ichupe jesa rupi voi, ja upeicha avei umi oicutu vaecue Ichupe ja opa tetâ-ŷ-gua co ybyarigua omaêne Jese, ja ipyambyasŷne Jaerupi. Ta upeicha aiporamo. Amen. Che pe Alfa ja pe Omega avei, jei Ñandeyára, Tûpâ Ñandeyára, pe jaeva, pe jae vaecue avei, ja ou vaerâ avei pe ipuacaitéetévéva opambae rejeve voi. Che Juan pende reŷicuérava, ja pene îrû co yajasa asyjá rupi, ja co ñañembo tuvichajá rupi ja co yaropuaca yarokîrîrîjáme Jesu rejejápe, Che aime vaecue pe tetâ jérava Patmos pe ŷ guasu mbytepe oivape aime iñapityjápe Tûpâ Ñandeyára Ñeê rejejápe ja Jesu remimboecue rejejápe. Pe Espiritu rupi añemoingo guau pe Ñandeyára árape ja ajendú guau che rapycuepe peteî osapucai jâtâva turugui guaicha, jeiva cheve: Upe nde rejecha vaerâ emoî jecope cuatiápe ja erajauca umi siete Iglesia rejeguape, pe Efeso peguape, pe Smirna peguape, ja pe Pergamo peguape, ja pe Tiatira peguape, ja pe Sardis peguape, ja pe Filadelfia peguape ja pe Laodicea peguape. Ja che añemboyere guau ajecha jaguâ avápa che monguetajára. Ja ayere pype ajecha guau che siete tataendy renda oroguigua; ja umi tataendy renda apytepe ajecha guau peteî pe Carai Ray yoguajápe oñemondéva peteî ao ipucúvape, ja oyepytia yocuáva peteî chumbe oroguiguape, ja iñâcâ ja jiáva morôtí ovecha rague morôtívaicha, ja amandauicha ja jesa tatarendyicha, ja ipy oyogua bronce oñemboverápyrépe, jendy vaicha tatacuape, ja iñeê ŷ etá ryapuicha. Ja ipo iyacatuapeguape oguereco siete ára resa ja peteî kyse pucu jaimbéva jâi yovaíva oyejecha osêvo iyurugui ja imaê cuarajyicha overápá ramo jina ojesapejápe, ja ajecha ramo Ichupe jaá ipy renondepe amano vaicha ja Jae omoî ipo iyacatuapegua che reje ja jei cheve: Ani rekyjŷye, Che pe Iñypyrumbŷ, ja Che pe Ipajá. Che pe Oicoveva, Che amano vaecue, coanga aicove aina tapia guârâ ja areco pe ñemano ja pe mbaepochy retâ mbotyjá. Emoînte jecope cuatia ñeême, upeicharamo, âmbae rejecha ramóva reina, umi mbae coanga oicova jina ja umi mbae oyeju vaerâ cova rire, reicuaaucavo mbaépa jeise umi siete ára resa rejecha vaecue Che po acatuapeguape ja umi siete tataendy renda oroguiguava. Umi siete ára resa umi siete Iglesia rejegua rerecua, ja umi siete tataendy renda umi siete Iglesia voi. Umi Iglesia rejegua Efesopegua rerecuápe eréucá cuatia ñeême coicha: Cova upe jeiucáva pe oguerecova ipo iyacatua peguape umi siete ára resa, upe oicova umi sieteve tataendy renda oroguiguava paû rupi: Che aicuaa ye pene rembiapocue ja reñejaâ pojyijá ja reropuacajá kîrîrîjáme, ja aicuaa icatu-ŷ-já rerokîrîrî umi iñañávape, ja nde rejaâ jague umi jeivape oyejegui rei Apostoljá ndajaeiva voi, ja reyuju jague iyapúvajá. Nde rereco nde puaca jaguâ ja reropuaca kîrîrîjáme che rera rejejápe, ja opa upea rejeve na nde cueráiri. Upeicha ramo yepe areco peteî mbae nde coty coty remombí nungá jague reje nde poraŷjú yma guare. Upea reje nde ne mandua mamoguipa reá raé. Eyepyapŷna ja eyapo yeby iñypyrumbŷ rembaapo jagueicha. Upeicha-ŷ-ramo che ayune nerendape ja amboíne ne rataendy renda jenda gui reyepyapy-ŷ-ramo. Oime peteî mbae ipôrâva rerecova, nde reyeguaru umi Nicolaita rembiapogui, upe che avei ayeguarujá. Pe iyapysáva tojendúke pe Espiritu jeiucáva umi Iglesia rejegua cuerape. Pe oñembo puacávape ameêne jou jaguâ jiacue pe ybyra râcâ pene moingovéva gui oiva pe Tûpâ Ñandeyára Paraiso apytepe. Umi Iglesia rejegua Smirnapegua rerecuápe eréucá cuatia ñeême coicha: Cova upe jeiucáva pe Iyŷpycue ja pe Ipajá, Upe omano vaecue ja oicove yeby vaecue avei: Che aicuaa pôrâ ye nde rejasa asy jague ja nde poriajúvajá (upeicharamo yepe catuetei nde mbaererecojá) ja aicuaa avei peêcuera peñembo jerâcuâ vaíjá umi jeiva oyejegui rei Judiojá ndajaeiva voi, Satanás mbaepochy atyra rendá voi umiva. Ani rekyjŷyé umi mbae rejasa asy jaguâ. Añetejápe oime peêva penemoîucátajá ybyracuape pe mbaepochy, peñejaâ jaguâ ja diez ára peve rupi pejasa asyne. Eico yeroviaja ramo ipajápeve remano jaguâ meve yepe, ja uperamo ameêne ndeve pe iñopêmbyréicha neâcâ rejeguarâ, pe Tecove iyapyra-ŷ-va. Pe iyapysáva tojendu pe Espiritu jeiucáva umi Iglesia rejeguape cuera. Pe ogueropuacáva opambae na imârâichene pe oñemano mocoîjá gui. Umi Iglesia rejegua Pergamospegua rerecuápe eréucá cuatia ñeême coicha: Cova upe jeiucáva pe oguerecova pe kyse pucu jaimbé ja jaî yováiva. Che aicuaa ye mamópa nde reico oijape voi pe mburuvicha guasu guapyjá pe mbaepochŷ rendá voi, upeicharamo yepe, nerâcâteŷeté Che rera reje ja nereroŷrôi reyeroviajápe Chereje umi ára pe che mojerâcuâjaré yeroviajáva Antipas oyeyuca jague pende apytepe oicojápe pe mbaepochy. Upeicharamo yepe oime mbae mbobymi amboyá vaerâ ndereje, nde rerecojá reje upepe nendive umi jacateŷva pe Balaam ñemoñeêngué reje upe omboe vaecue Balacpe omoî jaguâ oñepysangáucá jaguâ umi Israel cuéravape, omboe vaecue jou jaguâ soo umi iyucapyre umi mbae rei raângá rerape guare, ja oñemotieŷ jaguâ umi jeco vaíva ndive. Upeicha avei nde rereco nendive umi jacateŷva rejegua umi Nicolaita ñeê reje umi ambuecueicha. Eyepyapyna! Upeicha-ŷ-ramo ayune pyae ndeve ja añoraŷróne jendivecuera pe che yuru kyse pucupe. Pe iyapysáva tojendu pe Espiritu jeiucáva umi Iglesia reje gua cuerape. Pe oguero puacavape opambae ameêne ichupe jou jaguâ pe maná ñemijáme oiva gui, ja ameêne ichupe peteî itá morôtíva, ja oimene oyejaíjá pe itá reje peteî jéra ipyajúvarâ avave oicuaa vaerâ, upe jaéeté mante iyopyjŷjare. Umi Iglesia rejegua Tiatira pegua rerecuape ereuca coicha: Cova upe jeiucáva upe Tûpâ Ñandeyára Ray pe jesa tata rendŷicháva, ipy bronce oñembo veráichava. Che aicuaa ye nerembiapocue ja nde poraŷjú, ja nde yeroviajá ja reipytyvôvajá opavavépe, ja nde puacajá kîrîrîjáme, ja nerembiapocue pajávo guare tuvichavéjá iñypyrumbŷ guare gui yepe. Upeicharamo yepe oime peteî mbae amboyá vaerâ ndereje nde rerokîrîrîjá reje pe cuña Jezebelpe pe jeiva oyejegui oñemoñeêjáravajá, pe oporomboéva ja omombiáva Che rembiguaipe itieŷ jaguâ jeco vaíjápe, ja jou jaguâ soo iyucapyre rejegua mbae rei raângá rerape guare. Ajeya vaecue iya jaguâ ichupe oyepyapy jaguâ ja jae mbaeveicharamo ndoyepyapysei jeco vaí gui. Añeté aitŷta ichupe jupápe jasŷeté jaguâ, ja amombóta umi oyapóvape mbae tieŷ jendive ojasa asŷeté jaguâ, oyepyapy-ŷ-ramo jaecuera pe cuña rembiapo vaí gui. Ja imemby cuerape ayucáne omano jaguâ, ja opa umi Iglesia rejegua cuera oicuaáne Chejá pe oipaûndŷva cuimbae pya apyte ipyapype gua reje, ja Che ameêne peteî teîva peême pejupity vaerâ pene rembiapocue recovia ramo. Ja Che jae peême peê ambuévape peiméva Tiatirape opa peê peñemboe-ŷ-jague âmbae reje, ja peê jaeŷva umi ambuerejegua oicuaava umi mbae iñipŷtûva Satanás mbaepochy rejegua jei jaicha jaecuera, Che jae peême pende ári amoîve-ŷ-jagua mbaeve ipojyiva. Upeicharamo yepe pene râcâteŷ pe perecova reje voi Che ayu yeby peve. Ja pe ogueropuacavape ja ombuayeva jecope Che rembiapoucapy ipajápeve, amoingóne ichupe mburuvicha guasu ramo umi tetâŷgua ybyarigua rejeve. Upéva jerecuárâ ja oñembo pojyine ichupecuera oñemonguí jaicha mbayru tuyuguigua: jae ipuacáne jesecuera iya jaichante Cheve avei Che Rú gui. Ja Che ameêne ichupe pe Ára resa pe oguerocoêva. Pe iyapysáva tojendu pe Espiritu jeiucáva umi Iglesia rejegua cuerape. Ja umi Iglesia rejegua Sardispegua rerecuápe ereuca cuatia ñeême coicha: Cova upe jeiucáva pe Tûpâ Ñandeyára siete Espiritu ja siete ára resa rerecuá: Che aicuaa ye nerembiapocue ja ne rerâcuâjá reicovéjá remano ramo yepe. Epaŷkéna, ja emañá ja emombaraete umimbae opytáva gueteri ndeve ocañŷtavama jina, ndayujuijáreje nerembiapo jecopeguarejá Che Tûpâ Ñandeyára ypype. Nemanduákéna, upeicharamo, mbaeichapa rejupity ja rejendu rae ja eñongatu umimbae neâcâme ja eyepyapy. Upeichaŷramo repaŷ-ŷ-ramo Che ayune mondajaicha ja nde reicuaaichene mbae horapa sapyaite ayúne nerendape. Upeicharamo yepe rereco gueteri Sardispe mbobymi téra omonguŷá-ŷ-vaecue iyao: umiva oicone Chendive iyao morôtí vaerâ: iya voi ichupecuera upeicharâ. Pe oguero puacava coicha oñemondéne ao morôtíme, ja Che nambogueichene mbaeveicharamo jéra pe cuatia umi jecove iyapyra-ŷ-va rejegua gui, ja Che amombeune jéra Che Ru renondepe ja umi yvapegua renondepe. Pe iyapysáva tojendu pe jeiucáva pe Espiritu umi Iglesia rejegua cuerape. Ja umi Iglesia rejegua Filadelfiapegua rerecuápe eréucá cuatia ñeême: Cova pe jeiucáva pe Imarangatúva, pe Jaeteva, pe David rokê mbotyjá rerecuá, Upe oipeava ja ndipori imbotŷjárâ, ja Upe ombotŷva ja ndipori ipeájárâ. Che aicuaa pôrâ ye nerembiapo cue. Coina ape amoî nerenondepe peteî okê yepeapyre ndipóriva imbotyjárâ, ja nde nembaraeteminte ramo yepe rembuaye pôrâ yepe Che ñeê ja ne remomârâi Che réra. Coanga che arune umi Satanás mbaepochy atyra renda rejeguavape jeiva Judiojá ja jaeŷva, iyapúnte, Che amboune umivape cuera ja amoñesúucáne nde pŷ renondepe ja aicuaaucáne ichupecuera añetejá Che rojayjúvajá. Nde rembuaye jague reje Che ñeê reropuacavo kîrîrîjáme Cheicha yma, Che avei añangarecone ndereje umi ára pojyi yavé oico vaerâ yvy ári oñejaa jaguâme opa ybypóra. Che ayu voi aina. Nerâcâteŷna upe rerecova reje, anichene jaguâ avave ambue oipyjy pe ne mburuvicha âcâ ajoyá nembaerâ. Upe ogueropuacávape amoingóne iyocojarâ ramo Che Tûpâ Ñandeyára tûpâópeguarâ ja jae nosêvéi chene upegui máramo. Ja Che amoîne jese pe Che Tûpâ Ñandeyára réra ja pe Che Tûpâ Ñandeyára retâ réra, co Jerusalem ipyajúva ogueyŷtava oúva yva guive Che Tûpâ Ñandeyára guivo, ja amoîne avei jese Che réra pyajú. Pe iyapysáva tojendu pe Espiritu jeiucáva umi Iglesia rejeguapecuera. Ja umi Iglesia rejegua Laodiceapegua rerecuápe eréucá cuatiañeeme coicha: Cova pe jeiuca ja pe Amen, pe Jechajaré yeroviajá ja jecopegua, pe Iñypyrujára Tûpâ Ñandeyára moñemoñare rejegua. Che aicuaa ye nerembiapocue na nerôŷsâijá ja na nde racu pôrâijá avei. Mbaeicha tamo ne rôŷsâ terâ nde racu pôrâ mandi! Upeareje nde racu vaí vaíjá reje ja na ne rôŷsâi ja na nde racu pôrâi járeje, jaimetema roindybú ndeve Che yurugui. Nde voi ere: Che mbaererecojá ja añemombae rereco ja ñaicôtevê mbaeve reje, ja upeicha nde reicuaai ndipórijá ipoa-ŷ-va ndeicha, nde reicuaai reyeporiajuvereco rendajá, ja nde poriajujá, ja na nde resapysóijá, ja nde opívojá. Upévareje Che to romongueta ndeve reyogua jaguâ Chejegui oro ipotîmbyré tatape nde ne mbaerereco jaguâ, ja ao morôtíva reñemonde jaguâ, anichene jaguâ oyejecha nde opívojá, ja anichene jaguâ reñemotî, ja reyogua jaguâ tesá rasŷ pojâ remoná jaguâ nde resá reje icatu jaguâ rejecha. Oime ramo Che ajayjuva, upévape voi che ayao ja ainûpâ. Upévareje ne râcâteŷna Chereje ja eyepyapy. Coina ape Che aime añemboy aina okême ja ambota aina. Oime ramo ojendúva Che ñeê ja oipeáva Cheve pe okê Che aikene ichupe ja ayererojoryne jendive ja jae oyererojoryne Che ndive. Upe ogueropuacavape ameêne oguapy jaguâ Chendive añembo tuvicha jápe che aropuaca jagueicha avei ja aguapy jagueicha Che Ru ndive oñembotuvichajápe Jae. Pe iyapysáva tojendu pe jeiva pe Espiritu umi Iglesia rejeguape. Umimbae rire che amaê guaú ja ajecha pe yvagape peteî okê oyepeava ja upe osapucaiva iñypyrumbŷ ajendu vaecue turupúicha vaecue oñeê yeby chendive ja jei: Eyupi coápe ja Che ajechaucáne ndeve pe oyeju vaerâ coaguirire. Upeyave añemoingo Espiritu pype, ja ajecha peteî mburuvicha guasu guapŷjá oñemojendáva yvagape, ja oi peteî oguapŷva pe mburuvicha guasu guapŷjá ári. Ja upe oguapŷ vaecue jina upepe oyogua peteî jaspe itá pŷtâvape ja sardio itápe avei, ja pe mburuvicha guasu guapyjá yere reje oi peteî arco iris oyoguava itá esmeraldape. Ja upe mburuvicha guasu guapyjá yerereje oî avei veinti cuatro ambue guapŷjá, ja umi guapŷjá ári ajecha oguapy ramo jina veinti cuatro tuya oñemondéva ao morôtíme, ja iñâcâ yocuajá orova. Ja sapyaite pe mburuvicha guasu guapyjá gui osê araverá, ja sapucai, ja osunu ja oime siete tataendy jendŷva upe mburuvicha guasu guapyjá renondepe, Tûpâ Ñandeyára sieteve Espiritu umiva. Ja pe mburuvicha guasu renondepe oi peteî ŷ guasu overava itá cristalcha. Ja mbytepe pe mburuvicha guasu guapyjá, ja umi ambue paûme pe mburuvicha guasú guapyjá yerecuevo oi irundy oicovéva jesápáva jenonde ja japycuévo. Ja pe iñypyrumbŷ oicovéva oyogua leonpe, ja pe mocoijá oicovéva oyogua vaca raŷpe, ja pe mbojapyjá jova cuimbae rovaicha, ja pe irundyjá oicoveva oyogua taguató ovevévape. Ja umi irundŷve oicovéva oguereco peteî teî seis ipepo ja jesápá iyapérejepá ja jyguepype, ja ára ja pyjare ndopytuui jeivo: Imarangatúva, imarangatuva, imarangatúva, pe Ñandeyára ipuacaitéetevéva opambae rejeve, jae vaecue, ja coanga jaeva, ja jae vaerâ tapia guârâ. Ja umi oicovéva ombotuvichá vove ja ombueté vove ja oguerojory vove pe oguapŷvape pe mburuvicha guasu guapyjápe pe oicovéva tapia guârâ, uperamo umi veinti cuatro tuya oñesû pe mburuvícha guasu guapyjápe oiva renondepe, ja ombuete pe oicovévape tapia guârâ, ja oity iñâcâ rejegua pe mburuvicha guasu guapyjá renondepe, jeivo: Iya Ndeve, ore Yara, ja ore Tûpâ Ñandeyára, reñembo tuvicha jaguâ ja reñembuete jaguâ, ja reñembopuaca etéetéve jaguâ. Nde voi remoñemoña vaecue opambae, ja Ne rembipota rupi voi jaecuera oico ypy ja oñemoña vaecue. Ja ajecha guaú pe oguapŷva pe mburuvicha guasu guapyjápe po iyacatuapeguape peteî cuatia ñeê apacuapy ñeê rejeve jygue pype ja iyapéreje, oñembotŷva iyopyjápe oñeñapytîmbyré siete Jendápe. Ja ajecha guau peteî yvapegua ipuacaitévape osapucaiva jiconi jâtâ: ¿Avápepa iya oipea jaguâ co cuatia ñeê apacuapy ja oyora iyocuajá? Ja ndipori yvape terâ ybype terâ yby guype icatúva oipea pe cuatia ñeê apacuapy terâ omaê jese yepe. Ja che ayajeo jetaite ndipori jague reje iya jague oipea jaguâ pe cuatia ñeê apacuapyre terâ omaê jese yepe. Ja oime jei cheve peteî umi ituyáva: Ani reyajeo! Oime voi pe Leon pe Juda reŷi cuera rejeguava, pe David rapocue roky, upeva voi oñembo puacaite oipea jaguâicha pe cuatia ñeê apacuapyre, ja omondojo jaguâ isietevé iñapytîjá. Upei catu ajecha guaú iyapytepe cuera pe mburuvicha guasu guapyjá, ja umi irundy oicovéva paûme, ajecha peteî Ovecha Raŷ oñemboŷva jina umi ituyáva paûme oyeyuca vaecueicha siete jatîva ja siete jesáva Tûpâ Ñandeyára Espiritu sieteve umiva oñemondopyré oparupi co ybyari. Upeyave ou Jae ja ôguenojê pe cuatia ñeê apacuapyré pe oguapyva jina pe mburuvicha guasu guapyjápe po iyacatuapeguava gui. Ja oipyjyma ramo Jae pe cuatia ñeê apacuapyré, umi irundy oicovéva, ja umi veinti cuatrove tuya oyeity pe Ovecha Raŷ renondepe, oguerecóva peteî teî jaecuérava peteî arpa ja mbayru oroguigua jenyjêva mbae jyâcuâ gui umi imarangatúva ñemboe yoguajáva. Ja opurajei peteî purajeimi ipyajúva jeivo: Iya Ndeve reipyjŷvo pe cuatia ñeê apacuapyré, ja reipeávo iñapytîjá nde reyeyucá jague reje, ja reyogua jague reje Tûpâ Ñandeyára peguârâ Nde ruguŷetéetépe opaichagua jeŷicuerava, ja opaichagua ñeê rejeveguape, ja opa ybypóra cuérava ja opa tetâ-ŷ-gua rejeguape, ja remoingo jague reje ichupecuera mburuvicha guasu rejegua ramo, ja paí râmo ombuete vaerâ Tûpâ Ñandeyárape, ja jaecuera oicone mburuvicha guasu ramo co ybyari yepe. Ja che amaê guaú, ja ajendu jetávaicha yvapegua opurajéiva pe mburuvicha guasu guapŷjá yerecuévo, ja umi oicovéva ja umi ituyáva opurajéi avei. Ja jetacue millon yoá yoá ja millar yoá yoá. Ja jaecuera opurajéi osapucaijápe jeivo: Iya pe Ovecha Raŷ oyucapyrépe ojupity jaguâ oñembopuaca jaguâ ja oñemombae rereco jaguâ ja oñemo arandúetévé jaguâ, ja oñemo mbaraetéetévé jaguâ ja oyererojorŷeté jaguâ, ja oñembotuvicha jaguâ, ja oñemombeu guasúeté jaguâ. Ja opambae iñemoñambyré oiva yvape, ja oiva ybyári ja oiva yby guype ja oiva ŷ guasupe ja opaichagua mbae oiva ipype cuera, ajendu opavave ichupecuera jei ramo: Pe oguapŷva jina pe mburuvicha guasu guapŷjápe ja pe Ovecha Raŷ toñemombeú guasú ja toñembueté ja toñembotuvichá, ja toñembopuacá tapia guârâ. Amen. Ja umi irundy oicovéva jei: Amen! ja umi ituyáva oñesû ja oñemboé. Ja ajecha guaú pe Ovecha Raŷ oipea ramo peteî umi siete iñapytîjáva, ja ajendu guau peteî umi irundy oicovévagui jei ramo oñeêva ára sunúicha: Peyó! Ja amaê ja ou sapyaite peteî cabayu morôtíva, ja pe oi vaecue jina jiari oguereco ybyrapá juŷ mondojá, ja oñemoî iñâcâreje mbae iñopêmbyre, ja Jae osê ojóvo oñembopuaca oicovo opava reje ipuacaiteve jaguâ opavave reje. Ja Jae oipea ramo pe iñapytîjá mocoîjá ajendu guaú pe mocoîjá oicovévape jei ramo: Peyo! Ja upevove osê peteî cabayu pytâva, ja oime oi vaecue jina jiari, ja oñemeê ipuaca jaguâ omomba jaguâ umi ybypóra cuera reco ipochycuaa-ŷ-já, ja oyoyucauca jaguâ oyoupe cuera, ja oñemeê ichupe peteî kyse pucu pucuetévéva. Ja oipea ramo pe mbojapŷjá iñapytîjá, ajendu guaú pe mbojapŷjá oicovéva jei ramo Peyo! Ja che amaê guau, ja upevove osê peteî cabayú jûva, ja pe oi vaecue jina jiari oguereco ipope peteî pesú. Ja ajendú oñeê vaicha umi irundy oicovéva apytepe jeíva: Peteî kilo typyratŷ reje oñemeêne diez mbaerepy, ja mbojapy kilo avatícurécué reje oñemeêne avei diez mbaerepŷ, ja anichene reyabyky pe ñandŷ terâ pe vino icaraíva. Ja Jae oipea ramo pe irundy oñeñapytî ja ajendu guaú pe irundŷjá oicovévape oñeê ramo ja jei: Peyo! Ja amaê guaú, ja sapya ou peteî cabayu saŷyú, ja pe oi vaecue jina jiari jérava Ñemanó, ja umi omano vaecue atyra ou japycueri, ja oñemeêne ichupecuera ipópe irundŷjápe co ybyari oyuca jaguâ ybypora cuerape kyse pucúpe ja ñembyajŷi gui ja mbaasy gui ja umi mymba iñaróva co yby arigua rupi. Ja oipea ramo pe cincojá iñapytîjá, ajecha guaú pe oñemboejá renda guype umi omano vaecue ânga umi oyeyuca vaecue rejegua Tûpâ Ñandeyára Ñeê rejejápe ja umi ñeê jaecuera oicuaauca vaecue rejejápe. Ja jaecuera oyerure osapucaijápe jeivo: ¿Aracaé pevépa Nde aréta, ore Ruvicha Guasu Ne marangatu jaetéva, rejo jaguâ remojenda jaguâ ja reyepy jaguâ umi oicova yby ári reje ore ruguy reje? Ja oñemeê peteî teî ichupe cuéravape ao pucu morôtîva, ja oyee ichupecuera opytuu jaguâ kîrîrîjáme sapyamivénte oimba meve iñîrûnguecuera ja jeŷicuera oyeyuca vaerâ gueteri, oyeyuca jagueicha jaecuera voi. Ja ajecha guau oipea ramo pe seisja iñapytîjá, ja oico peteî yby ryryi guasu ja pe cuarajy oñemojû ao jûvaicha ja pe yasy oyeju pŷtâmbaite tuguŷcha. Ja umi ára resa joa ybype peteî higo râcâ gui ocui jaicha jia kyva oyetybyró ramo guaicha ybytu jâtâ rupi. Ja pe ára yepeve ojasa oñembuaipa ichaimbá vaicha peteî cuatia iyapacuapyréicha ja umi itá atyra ja umi yby atyra pe ŷ mbytepegua oyererovápá jendágui. Ja umi mburuvicha guasuete ybyarigua ja umi carai guasuete ja umi mburuvichami ja umi mbaererecojá ja umi ipuacáva opavave tembiguai ja jaeaeva yepeve oñemí yoa itacuápe ja umi itá atyra paûme, ja jei umi itá atyrape ja umi itápe: Peánte ore ári, ore moâmba jaguâ amo oguapŷva jina mburuvicha guasu guapyjá ári resá gui ja pe Ovecha Raŷ pochŷ gui, oumaja reje pe ára guasu Jae ipochy jaguâ ára. ¿Ja avápa oimene ogueropuaca vaerâ? Coâva rire ajecha guau irundy yvapegua oñemboŷva jina pe yby racuájá irundŷvépe oyocova jina umi irundyvé yvytú co ybyarigua anichene jaguâ oipeyu mbaeve ybytu yby ári terâ ŷ guasu rupi terâ mbaeveichagua ybyra râcâ reje yepe. Ja ajecha guau ambue yvapegua oyupiva jina cuarajy resê guivo, oguerecova ipope pe mbae umi Tûpâ Ñandeyára oicovéva rejegua cuérava cuaaucájára. Ja jae oyerure osapucaijápe umi irundyvé yvapeguape oñemeê jague ipope cuera ombuai jaguâ yby ja ŷ guasu, ja jei: Ani rembuai pe yby terâ ybyra râcâ ñamoîmba meve isyvá reje cuera oyecuaaucá jaguâ umi Tûpâ Ñandeyára rembiguaiva. Ja ajendu guau jei mbobypajá umi oñemoî jague oyecuaauca jaguâ ciento ja cuarenta ja cuatro mil jetacue, oguerecova oyejechacuaáucá jaguâ opa umi Israel cuera reŷicuera rejeguava paû gui. Umi Juda reŷicuera paûgui oñemoî doce mil reje oyejechacuaaucá jaguâ, ja umi Ruben reŷicuera paûgui doce mil reje avei, ja umi Gad reŷicuera paûgui doce mil reje avei, ja umi Aser reŷicuera paûgui doce mil reje avei, ja umi Neftali reŷicuera paûgui doce mil reje avei, ja umi Manases reŷicuera paûgui doce mil reje avei, ja umi Simeon reŷicuera paûgui doce mil reje avei, ja umi Levi reŷicuera paûgui doce mil reje avei, ja umi Isacar reŷicuera paûgui doce mil reje avei, ja umi Zabulon reŷicuera paûgui doce mil reje avei, ja umi José reŷicuera paûgui doce mil reje avei, ja umi Benjamin reŷicuera paûgui doce mil reje avei. Ja coâva rire che amaê guau ja ajecha peteî atyra jetaitéva ybypóra cuera, avave icatu ŷ vaerâ oipapapá ou vaecue opa tetâ gui opava reŷi rejeguáva ja opa ybypóra cuérava, ja opaichagua ñeê rejevegua, umivape ajecha oñemboŷ ramo jina pe mburuvicha guasu guapyjá renondepe ja pe Ovecha Ray renondepe oñemondéva ao morôtîme oguerecova pindo rogue ipópe. Ja opurajei yoa osapucaijápe jeivo: Pe Tûpâ Ñandeyára pe oguapŷva jina pe mburuvicha guasu guapyjápe ja pe Ovecha Raŷ guivo voi iya oreve roime coanga mârâŷ-reje. Upei catu opa umi yvapegua oñemboŷva jina iyerecuévo pe mburuvicha guasu guapyjá reje ja umi tuya yerecuévo avei, ja umi irundy oicovéva yerecuévo avei, oyeity ova pŷvo pe mburuvicha guasu guapyjá renondepe ja ombuete Tûpâ Ñandeyárape, jeivo: Upeicha vaerânte voi! Ñane Tûpâ Ñandeyára toñemombeu guasu, ja toñembotuvichá, ja toñemoarandú guasu guasuve opavave gui, ja toyererojorŷeté, ja toñembueté ja toñembopuacá puacavé ja toñemombaraetéetevé tapia ja tapiaguârâ. Amen. Upei catu oñeê peteî umi ituyáva ja jei cheve: ¿Mávapa âva oñemondéva ao pucu morôtívape? ¿ja mamoguípa ou rae? Ja che jae ichupe: Che carai, nde reicuaa pôrâ. Ja jae jei cheve: Coâva umi osê ramôva pe oyejasa asy eté jague gui, ja oyojei vaecue iyaocuera ja omomorôtî vaecue pe Ovecha Raŷ ruguŷpe. Covareje voi jaecuera oi Tûpâ Ñandeyára guapyjá renondepe ja ombuete Ichupe ára ja pyjare itûpâópe, ja pe oguapŷva jina upe mburuvicha guasu guapyjá ári oipysóne omoâ jaguâ ichupecuera. Ja upeicha jaecuera maramové na iñembyajŷiveichéne ja ndiyŷujéiveichene, ja pe cuarajy terâ jacúva mbaeveicharamo nomuanguecoi veichene ichupecuera. Pe Ovecha Raŷ voi oiva mbytepe cuera pe mburuvicha guasu guapyjá renondepe, upéva jerecuarâcuera ja oguerajane ichupe cuera osêjape pe ŷ ñane moingovéva jina, ja Tûpâ Ñandeyára omocâmbane tesaŷ jesa gui cuera. Ja Jae oipea ramo pe iñapytîjá sieteja opyta kîrîrîjámeeté yvagape sapyami. Ja ajecha guau umi sieteve yvapeguape oñemboŷva jicuai Tûpâ Ñandeyára renondepe ja oñemeê ichupecuera siete turu. Ja ou ambue yvapegua ja oñemboŷ pe ñemboejá renondepe, oguerecova ipope peteî mbae jyâcuâ ryrú oroguiguáva ja oñemeê ichupe jeta mbae jyâcuâ omboyopará jaguâ umi Tûpâ Ñandeyára marangatu cuera ñemboe reje pe oñemboejá oroguiguava ári oiva Tûpâ Ñandeyára guapyjá renondepe. Ja pe mbae jyâcuâ rata tîngue oyoparáva umi Tûpâ Ñandeyára marangatúva ñemboe reje oyupi pe yvagapegua pogui Tûpâ Ñandeyára ypype peve. Upei catu pe yvapegua oipyjy pe mbae jyâcuâ ryrú ja omuenyjê tatapyi gui pe oñemboejá arigui ja omombo ybypeve. Upevo oico sunu ja sapucai ja araverá ja yby ryryi. Upei catu umi sieteve yvapegua oguereco vaecue umi siete turu oñembosacoi ombopu jaguâ. Ja pe iñypyrûmbŷgua ombopu ituru ja upe vove oico amandau ja tata oyoparáva tuguy rejeve joa vaecue ouvo yby ári ja mbojapyjá jenda guive pe yby ocaipá, ja pe mbojapy jápeve umi ybyra râcâ oyejapy, ja opa mbae caavó iyŷbyráva ocaipá. Ja pe ambue yvapegua ombopu ituru ja peteî itá atyra tuvicha vaicha jendyva tatape oñemombo ŷ guasupe, ja mbojapyjá jendapeve pe ŷ guasu oico tuguy ramo. Ja omano umi mbae oicovéva mbojapyjá jenda guive pe ŷ guasupegua, ja mbojapyjá jenda peve jetacuegui oñembuai umi mbayrú. Ja pe mbojapyjá yvapegua ombopu ituru, ja joa yvagui peteî ára resa tuvichaitéva jendŷva tataicha juguaiva, ja joa mbojapyjá pevegua ŷ ári ja umi ŷ cua ári. Ja upe ára resa jérava ajenjo irocue gui, ja mbojapyjá jendapeve umi ŷ oñembo róete ja jeta vaí ybypóra omano joŷu jague reje upe ŷ gui oñembo róete jague reje. Upei catu pe irundyjá yvapegua ombopu ituru, ja oyeyapicha mbojapyjá renda guive cuarajŷ, ja mbojapyjá renda guive pe yasŷ, ja mbojapyjá renda guive umi ára resa, mbojapyjá jenda guive oñemoŷpŷtû jaguâ ja mbojapyjá renda guive árape ja upeicha avei pyjare najesâcâi jaguâ. Ja amaê guau ja ajendu peteî taguato oveveva jiconi ára mbyte reje jeiva osapucaijápe: Angai! angai! angai! umi oicova ybyari umi ambue turupú umi mbojapyve yvapegua ombopu vaerâ gueteri reje. Upei catu pe cincojá yvapegua ombopu ituru ja ajecha guau peteî ára resa joa vaecue yvaga gui yby peve ja oñemeê ichupe pe ybycua jugua-ŷ-va rokê mbotŷjá. Ja jae oipea pe ybycua jugua-ŷ-va rokê. Ja opuâ tatatî pe ybycua gui peteî tatacuá tuvichaitévagui guaicha oñemo ypytû meve pe cuarajy pe ybycuá rata tî gui ja jatatîmbá oparupi. Ja upe tatatî gui osê tucu ybyari ja oñemeê ichupecuera ipuaca jaguâ umi yapeusa ipuacavévaicha. Ja oyee ichupecuera anichene jaguâ ombuai caavó ybyarigua, ja mbaeveichagua jia kyva, ja mbaeveichagua ybyra râcâ, tombuainte umi ybypóra oguerecoŷva isyvá reje Tûpâ Ñandeyára rejeguajá. Ja omboiya ichupecuera nda oyucapaite jaguâi umi ybypórape, ombojasa asy jaguânte yepyapy rejeve cinco yasy peve, ja pe yepyapy uperamoguare oyepyapy jaicha peteî cuimbae oyesuupyre petei yapeusa gui. Ja umi jaárape umi ybypóra ojecane omano jaguâ ja ndoyujuichene maichapa, ja jiâitene ichupecuera omano, ja pe ñemanojá oñeguajêne ichuguicuera. Ja umi tucu oyogua cabayu oñembosacoivape pe oñeñorayrô jaguâ, iñâcâ reje cuera oime iñopêmbyreicha oroichagua, ja jova cuera cuimbae rovaicha. Ja jiava cuera cuña ávaicha, ja jâi cuera leon râicha. Ja oguereco ipytia reje pireyoaicha fierroguigua, ja pe ipepo sunungue jŷapú carro ja cabayúetéitéicha oñani ramo ojovo oñeñorayrô jaguâme. Ja juguai cuera umi yapeusa rejeguaicha ipopia rejeve, ja juguai gui voi iya ichupecuera oipyapy jaguâ umi cuimbaepe cinco yasy peve. Umi tucu oguereco imburuvicha guasu ramo pe ybycua jugua-ŷ-va rerecuape, jérava Hebreo ñeême Abaddon, ja Griego ñeême jérava Apollon. Upeicha ojasa pe ñepyrumbŷgua angai. Oime mocôi angai ou vaerâ gueteri cova rire. Upei catu pe seisjá yvapegua ombopu ituru, ja ajendu guau peteî oñeêva pe oñemboejá renda órova ratî paû gui oiva Tûpâ Ñandeyára renondepe, jeiva pe yvapegua seisjape upe oguerecovape pe turu: Epoínte umi irundy yvapegua gui, oiva iñapytîjápe pe ŷ guasu Eufrates ypype. Ja umi irundy yvapegua oñembosacoi vaecue uperamoguara, ja upe jaára guârâ, upe yasŷ ja upe roŷ ramo guârâ, oyepoíma ojo jaguâ oyucavo mbojapy yeby pevejá ybypóra pe. Ja jetacue umi cabayu arigua ojupity doscientos millones. Che voi ajendu oyee ramo jetacue jaecuera. Coaicha ajecha guaú che umi cabayu che kepeguaicha guaujápe, ja umi jicuai vaecue jiari cuera. Jaecuera oguereco ipireyoaja pŷtâva, ja jobŷva, ja saŷyúva, ja umi cabayu âcâ leon âcâicha, ja iyuru cuera gui osê tata ja tatatî ja itáycú. Coa mbojapy mbae vaí rupi oñembuaipá vaecue mbojapy yebyjá peve umi cuimbae cuera pe tata ja pe tatatî ja pe itáycú osêva iyuru cuera gui rupi. Umi cabayu puacacue oi iyuru ja juguaipe, juguai mbói iñâcâvaicha ja ipŷpe oporo mbuaiva. Umi cuimbae rembyré oyeyuca-ŷ-vaecue umi mbae vaí rupi, upeicharamo yepe ndoyepyapyiri oyere jaguâ jembiapo ipo rupi guare gui, ja oyejeya jaguâ ombuete jaguâ umi mbaepochŷpe ja umi taângá oro ja plata ja bronce ja itá ja ybyráguiguáva, umiva ndicatuiva ojecha terâ ojendu terâ oguata. Ja ndoyepyapyi avei iporoyucacue gui, ja upeicha avei ipayé cuera gui ja mbae tieŷ gui, ja upeicha avei imondacue gui ndoyepyapyi. Uperamo ajecha guaú ambue yvapegua ipuacáva ogueyŷ ramo ouvo yvagui oñemondevaicha peteî araipe ja oi peteî arco iris iñâcâ ári rupi, ja jová cuarajŷicha ja ipŷ tata rendŷ opuâ vaicha. Ja ipope oguereco peteî cuatia iyapacuapyré michimíva oyeyapacua járavama, ja omoî ipy iyacatuapegua pe ŷ guasu ári ja iyasupegua pe ybyari, ja jei osapucaijápe ocôrôrôjaicha peteî leon. Ja jae osapucaimaramo, umi siete sunu oñeê peteî teî sunujápe. Ja oñeê rire umi siete osunúva, che aimema voi amoî jaguâicha umimbae co cuatiápe, ajendu ramo peteî osapucaiva ŷva guive jeivo: Ereconte ye iñongatujápente âmbae oñeê vaecue umi siete osunúva ja ani remoî cuatiápe. Upei catu pe yvapegua, ajecha vaecue oñemboŷ ramo jina pe ŷ guasu rová ári ja yby ári avei, omopuâ ipo iyacatuapegua yvaga coty, ja omeê iñeê Ñandeyára rerape upe oicovéva tapiaguarâ, upe oyapo vaecue pe yvaga ja opa mbae ipype oiva, ja yby, ja opambae ipype oiva ja ŷ guasu, ja opambae ipype oiva, ja jei: Nda jiarevéi chene umi ára pe sietejá yvapegua ombopu jaguâ ituru, omboputa ramo jina, uperamo oñemboyejumane rae jecope Tûpâ Ñandeyára mbae ñemingue jae voi omojerâcuâ jagueicha voi umi jembiguai cuera umi oñemoñeêjarépe. Upei catu pe osapucaiva che ajendu vaecue oñeê vaecue yvaguive che mongueta yeby ja jei: Terejo, ja eipyjy pe cuatia apacuapy oyepeava jina pe yvapegua pope ja pe oñemboŷva jina pe ŷ guasu rová ári ja yby ári. Ja che aja pe yvapegua rendape, ja jae ichupe omeê jaguâ cheve upe cuatia apacuapŷ. Ja jae jei cheve: Coina eipyjŷnte ja jeupá. Iró vaerâ nde rygue pype, ja nde yurupe jeê vaerâ eíraicha. Ja che aipyjy guaú pe cuatia apacuapŷ pe yvapegua pogui ja jaupá ja che yurupe jeê eíraicha ja amocóma ramo iró cheve che ryguépe. Ja oyee cheve: Tecôtevê nde reñemoñeê yeby umi ybypóra gui ja tetâ gui ja ñeê opaichagua gui ja jeta mburuvicha guasu gui. Upei catu oñemeê cheve peteî tacuarí oyogua peteî ybyra oñejaâjápe ja oyee cheve: Epuâ ja ejaâ Ñandeyára tûpâó ja pe ñemboejá ja eipapa umi oñesûva upepe. Pe icorapŷ ocape oiva tûpâo gui Ejeyánte, ani rejaâ. Upéva oñemeêmbyre umi pytagua cuerape, ja jaecuera opyrûmbáne upe tetâ imarangatuva reje cuarenta dos yasy peve, ja ayocuaine umi mocoî che mojerâcuâjaré ou oñemoñeê jaguâ ao jû rejeve mil doscientos ja sesenta ára peve. Coa mocoîve che mojerâcuâjára umi mocoî olivo râcâ voi ja umi mocoî tataendy renda avei oñemboyva jicuai co yby Yaraetéva renondepe. Ja oime ramo omomârâséva ichupe cuera, oime tata osê vaerâ iyurugui cuera joupá vaerâ iñamotareŷjára cuerape, ja oime ramo omomârâséva ichupecuera, upeicha voi omano vaerâ catuetei jaecuera. Coâva oguereco puaca omboty jaguâ yvaga anichene jaguâ okŷ umi ára jaecuera oñemoñeê yaveve jicuai, ja oguereco puaca ŷ rejeve omboyeby jaguâ tuguŷ ramo, ja omomârâ jaguâ co yby opaichagua mbaasy vaí rejeve oipota vovénte. Ja oñemoñeêmbáma ramo pe omojerâcuâ vaerâ gui, pe mymba, oyupi vaerâ pe ybycua jugua-ŷ-va gui, oñoraŷrône jendivecuera ja ipuacáne jeseve cuera ja oyucane ichupecuera. Ja jete cueracue opytane upe tetâ ryguepype pe oyee guauva Sodoma ja Egipto, pe oñemoî jague curusu reje Iyáracuera avei. Ja oime ybypóra cuérava ja jeŷicuera opaichaguava ja opaichagua ñeê rejeguava ja opaichagua tetâ-ŷ-guava omaêva jina jete cueracue reje mbojapy ára ambue mbyte peve, ndoipotai jete cuera cue oñeñoty. Ja umi oicova ybyari jory yoa jesecuera ja obya avei ja oguerajauca oyupe oyoguerojorŷvo oipyapyete jague reje umi ybyariguape umi mocoîve oñemoñeêjára. Upei catu umi mbojapy ára ambue mbytepeve oike yeby ichupecuera ipytújá Tûpâ Ñandeyára guivo omoingovévo ichupecuera ja jaecuera opuâ ja oñemboŷ ja okyjŷyépa opa umi jechajaré cuera. Ja ojendu jaecuera peteî osapucai jâtâva yvagui jeiva ichupecuera: Peyupi ape! ja oyupi jaecuera yvape peteî arai ári ja umi iñamotareŷjára cuera ojecha ojo ramo. Ja upeyave oico peteî yby ryryi guasu ja joa diez jápeve upe tetâ, ja upe yby ryryipe omano siete mil ybypóra ja umi ambue cuera okyjŷyépa ja omombeu guasu Tûpâ Ñandeyára yvapeguape. Ja upeicha ojasama pe mocoîjá angai ja coanga pe mbojapŷjá angai oico voi ma. Co vaerâ voi ombopu ituru pe sietejá yvapegua ja oico osapucai yoava yvape jeiva: Oñemoingóma mburuvicha guasuete ramo Ñandeyára ja Cristo umi mburuvicha guasu yby arigua rendague, ja Jae oicone mburuvicha guasu ramo tapia ja tapia guârâ. Ja umi veinti cuatro ituyáva oguapyva jicuai iguapyjá ári Tûpâ Ñandeyára ypypegua, oyeity ova pŷvo ja ombuete Tûpâ Ñandeyárape, jeivo: Ore pya rorŷ nendike, ore Yára, Tûpâ Ñandeyára, Nde puacáetéetevéva, Nde jaéva, ja jae vaecue, Nde reñembopuaca tuvicha vichave jague reje ja reñembo mburuvicha guasúeté jague reje. Umi tetâ-ŷ-gua cuera ipochŷpa vaecue ja oguajêma pe reñemyro jaguâ ára, ja oguajê avei pe remojenda jaguâja ára umi omano vaecuepe, ja rejechacuaa jaguâja ára avei umi nerembiguai oñemoñeêjárape ja umi imarangatuvape avei ja umi okyjŷyéva Nde rera gui umi michíva ja tuvichávape avei ja oguajêma pe rembuai jaguâ ára umi yby mbuaijarépe. Upei catu oyepea pe tûpâo yvapegua rokê ja pe tûpâo ryguepype oyejecha pe icarameguá pe cuatia ñeê rejeve gua Ñandeyára remicuameê vaecue ryrú, ja oico ára verá ja sapucaiva ja osunuva ja yby ryryi ja jeta amandau ipojyieteva. Uperamo oyejecha yvape peteî mbae jechapyrâ: oi peteî cuña oñemondéva cuarajype oguerecova yasy ipy guype ja oguereco peteî corá doce araresa gui iñâcâ rejeguarâ. Ja jae jygue guasu jiconi ja osapucai jina jasy gui ichupe oñejaâ gui imemby jaguâ. Upepe oyejecha ambue jechapyrâ yvape: oi peteî mbae vaí tuvichaitéva pŷtâetéva siete iñâcâva, ja diez jatîva, ja isieteve iñâcâ cuera reje oi mburuvicha guasu âcâ rejeguaicha. Ja juguai ombotyryry japycueri mbojapy yebyjá peve araresa, ja omombo ybyari, ja pe mbae vaí oñemoî oñemboŷ pe cuña imembŷtava jina renondepe jou potavo pe mitâ joa vove. Ja jae imembyrá petei cuimbaeva, opa tetâŷgua rerecuárâ oyopyeté vaerá ichupecuera. Ja imemby oñereroguajê Tûpâ Ñandeyára rendape iguapŷjá renda peve yepe. Upe cuña voi oñeguajê ñû meve pe oñembosacoi jaguepe voi ichupe jendaguâ Tûpâ Ñandeyára guivo oñeñangarecó jaguâ upepe mil doscientos ja sesenta ára peve. Upei catu oico ñorayrô guasu yvagape, upe Miguel ja jembiyocuai cuera yvapegua oñorayrô pe mbae vaí ndive. Pe mbae vai voi ja jembiyocuai cuera oñorayro jendive cuera ja jaecuera nda ipuacái, ja ndiporivei jendaguâ cuera yvape, ja oñemombó pe mbae vaí tuvichaitéva pe mbói ymaguare, jérava mbaepochy, ja Satanas, pe omombiáva opa ybypóra cuerape, upéva oñemombo ybyari peve ja jembiguai cuera oñemombo jendive avei. Upeicha ajendu peteî osapucai tuvichava yvape jeiva: Coanga oicoma ñane mârâ-ŷ-já iyáma oñembo puaca acavé jaguâ ja oñemo mburuvicha guasúeté eteve jaguâ Tûpâ Ñandeyárape, ja iyáma Cristope oguerecopá jaguâ opambae ipo guype, oyeitŷmajá reje pe ñande reŷicuera moîvaísejára, pe oporomoîvaíjaré ichupecuera Tûpâ Ñandeyára ypype ára ja pyjare. Jaecuera ipuacama jese pe Ovecha Ray ruguy reje ja pe ñeê ichuguigua omojerâcuâ vaecue reje avei, ja jaecuera jâcâteŷ-ŷ-jague reje oguecove cuera reje omano meve yepe. Upéva reje nde rory, yvagaite yepeve, ja opa oiva ipype. Angai pe yby ja ŷ guasu ogueyŷjá reje peême pe mbaepochy ipochyetepe ouvo oicuaajá reje mbykŷmajá ichupe jiára. Ja pe mbae vaí ojecha ramo oñemombómajá ybype, oico pe cuña rapycueri pe imembŷjaré pe mitâ cuimbae. Upei catu pe cuñáme oñemeê mocoî pepo taguato tuvicháva rejeguaicha oveve jaguâ pe ñû reje pe jendâguâme oñeñangareco jaguâme jese mbojapy roŷ ambue mbyte meve ojupity-ŷ-jaguâme pe mbói. Ja pe mbói oñojê iyuru rupi ŷ guasu osyry jâtâ vaicha upe cuña rapycueri jae oyereraja jaguâ upe ŷ syry rupi. Ja pe yby oipytyvô pe cuñáme, oipeavo iyuru pe yby oyecájápe, ja omocô upe ŷ pe mbói ombosyry vaecue iyuru rupi. Upeape pe mbae vaí ipochŷeté tarova upe cuña coty coty, ja ojo oñorayrô jaguâ pe cuña reŷicuera ambuecue ndive yaévo umi ombuayéva Tûpâ Ñandeyára rembiapoucapy ja umi Jesús mojerâcuâjára ndive. Ja ojo pe mbae vaí ja opyta oñemboŷ pe ŷ guasu rembeŷ ybycuí reje. Upeyave ajecha guaú peteî mymbá oyupiva ŷ guasu gui diez jatîva ja siete iñâcâva ja jatî ári oime diez mburuvicha guasu âcârejegua, ja peteî teî iñâcâ reje oî peteî téra itieŷva. Ja pe maymba ajecha vaecue oyogua peteî yaguaretépe, ja ipy yurumi pŷcha, ja iyuru leon yurucha, ja pe mbae vaí ombopuacajaré ichupe, ja omboguapyva ichupe mburuvicha guasu ramo, ja ombotuvicha vicháetéva ichupe. Ja ajecha guaú peteî iñâcâ cuérava oñekytî vaecueicha omano jaguâicha, ja coanga pe oñekytî vaíete jague oñembotŷ yeby, ja umi ybypóra cuera ojecharâmô yoa japycueri ojóva. Ja ombuete pe mbae vaípe jae ombopuaca jague reje pe maymbápe, ja ombuete pe maymbápe jeivo: ¿Avápa oime co maymbáichagua? ¿Ja avápa icatu oñorayrô jendive? Ja oñemeê ichupe peteî yuru oñeêva mbae guasu guasu ja mbae tieŷ, ja oñemeê ichupe ipope jae oipotá jaicha oyapo jaguâ cuarenta ja dos yasy jápeve. Ja oipea iyuru jei jaguâ mbae itieŷ Tûpâ Ñandeyára coty coty ja omomârâ jaguâ Jéra, ja Jenda yvapegua, ja umi yvape jicuaivape avei. Ja oñemeê ichupe oñorayrô jaguâ umi imarangatúva coty coty ja ipuaca jaguâ jese cuera ja oñemeêmbá ichupe ipoguype opa ñemoñaré, ja opa jeŷicuerava, ja opaichagua ñeê rejegua, ja opa tetaŷgua, ja opa jicuaiva ybyari oicone ombuetéjápe ichupe, yaévo opa umi jéracuera oi-ŷ-va pe cuatia Tecové iyapyra-ŷ-va peguape, pe Ovecha Raŷ cuatia ñeême pe oyeyucapyre oñypyrú mboyve voi co yby. Oimeraêva iyapysáva tojendu! Oime ramo oguerajaséva ambuecuepe iñapytîjápe, jae voi ojone iñapytîjápe: oime ramo oporoyucava kyse pucupe tecôtevê avei jae voi omano kyse pucupe. Coicha iya umi imarangatúvape ogueropuaca jaguâ jecópe. Uperire ajecha ambue maymba oyupíva ouvo ybyguŷgui mocoî jatîva oyoguava ovecha raŷ ratîme ja oñeêva mbae vaícha. Ja pe maymbá iñypyrumbŷ puacacue iya pe maymba ambuépe ja oñembopuacá iyŷpype voi yepe. Ja opa co yby ja opa ybypóra cuerape jae ombuetéucá pe mbae maymbá iñypyrumbŷguape pe iñikytî jague omano jaguâichagua jesâi yeby vaecue. Jae avei oyapo tuvicha mbae jechapyrâ ombogueyŷucávo tata yepeve yvagaguive ybyari peve umi ybypóra resápe. Ja omombia avei umi ybyariguape umi jechapyrâ rupi iyáva ichupe oyapo jaguâ upe maymba renondepe. Ja jei umi ybyari cuera jicuaivape omopuâ jaguâ peteî taângá pe maymba yoguajarâ upe oñekytîmbyre pe kyse pucupe, ja upeicha rejeve yepe oicove vaecue. Ja iya ichupe omoingové jaguâ pe maymba raângápe, pe maymba raângâ oñeê jaguâ ja oyucáucá jaguâ avei opa umi ombuete-ŷ-vape pe maymba raângáme. Ja jae omoîucá ipo iyacatuapegua reje terâ isyvá reje cuera oyejechacuaaucá jaguâ opavavepe mîchî ja tuvicháva, mbae rerecojá ja mboriajúpe, jaéaéva ja tembiguai iyoguapyrévape upeicha avei, iya ŷ jagua oyogua jaguâ terâ oñemû jaguâ mavave oguereco-ŷ-vape pe oñemoî jague oyejechacuaaucá jaguâ pe maymba réra terâ jéra retacué. Cova mbae iñaranduvape guârâ: pe iñâcâpôrâva toipapá pe maymba réra retacué peteî cuimbae retacue voínte, ja jetacue seiscientos sesenta ja seis. Uperamo amaê ja ajecha guaú pe Ovecha Raŷ oñemboŷ pe itá atyra Zion jérava ári, ja oi Jendive ciento y cuarenta mil ybypóra oguerecóva Jéra ja pe Túva réra isyvá reje. Ja ajendu guaú jeta ombopúva yva guive oyoguáva ŷ etá ryapúcuépe jyapu ára sunu guasúicha, ja pe mbaepú che ajendu vaecue umi arpa mbopú jaicha voí. Ja opurajei jina peteî ipurajei ipyajúvaicha ja pe mburuvicha guasu guapyjá renondepe, ja umi irundyvé oicovéva ja umi ituyáva ypype, ja avave ndicatui oicuaa upe purajéi umi ciento cuarenta cuatro mil mante umi oñereroguajêmbyré ybyári gui, umiante oicuaa. Coâva voi umi oyejea-ŷ-vaecue cuña reje ja jaecuera umi imârâ ŷ vaicha voi. Coâva umi oicóva pe Ovecha Raŷ rapycueri mamo ojojá cotynte. Coâva umi oñereroguajê mbyre umi cuimbae apytegui umiva oyeporavó iñypyrumbychagua Tûpâ Ñandeyára ja pe Ovecha Raŷ peguârâ. Mbaeveichagua yapú voi nosêi máramo iyuru gui, imârâ-ŷ-va voi. Ja ajecha guau ambue yvapegua oveve ramo yvaga reje oguerecova pe mbae jerâcuâ pôrâ tapia guâráva, pe Evangelio, omojerâcuâ vaerâ umi ybyariguape ja opa tetaŷguape ja opa jeŷicuerape, ja opaichagua ñeê rejeveguápe ja opa ybypórape voí. Ja jae jei osapucaijápe jâtâitejápe: Pekykŷjé Tûpâ Ñandeyára gui, ja pembotuvicha Ichupe! Oguajêma jiára jae oporomo jenda jaguâ. Pembuete pe oyapojarépe yvaga ja yby ja pe ŷ guasu ja umi ŷbú. Ja oime ambue yvapegua mocoîjá ouva japycueri jeivo: Pe Babilonia tuvichaitéva joáma joapaitéma, pe ojupitŷucá vaecue opa tetaŷguape Tûpâ Ñandeyára pochycue jae jeco tieŷngue rupi guare. Ja oime ambue yvapegua mbojapyjá oúva japycueri, jeívo osapucaijápe: Oimeraêva ombuetéva pe maymbape ja jaângápe ja oñemoî jague isyvá terâ ipo reje jesegua ramo, upeva avei omocô vaerâ pe Tûpâ Ñandeyára pochycue oñembosacoívama voi oyopará-ŷ-reje mbaevepe pe ipochŷjá ryrúpe ja oñembojasa asŷne tata ja itá ycúpe umi yvapegua imarangatuva renondepe ja pe Ovecha Raŷ renondepe. Ja pe ojasa asyjá renda rata tîngue opuâne ojovo tapiaguârâ, ja umi ombuetejara pe maymba ja jaângá, ja oimerâeva oguereco vaecue jéra isyvá reje ndopytuui ára ja pyjare avei. Coicha iya umi imarangatúvape umi ombuayéva jecope Tûpâ Ñandeyára rembipoucapŷ ja oyerovia jâtâva opytávo Jesu reje coicha iya ogueropuaca jaguâ kîrîrîjáme. Ja ajendu peteî osapucaiva yvagui jeiva: Emoî cuatiápe. Jeco oryete ja imarangatu vaerâ umi omano vaecue Ñandeyára rejeguava coaguirire. Upeicha vaerâ, jei pe Espiritu, topytuu ipya mbyasy gui: jembiapo cuera cue voi ojo japycueri cuera. Uperamo amaê guau ja ajecha peteî arai morôtí ja upe arai ári ajecha peteî oguapyva jina oyoguava pe Carai Raŷpe, oguerecova jina iñâcâ yocuaja orova ja ipope peteî kyse carapâ jaimbéva. Ja ambue yvapegua osê tûpâógui oyerureva sapucaijápe pe oguapy vaecue jina pe arai aripe, ja jeiva: Emoingue nde kyse carapâ, ja eikytînte, oguajêma oñekytî jaguâ ára, jiayu etereima pe ybyá. Uperamo upe oguapy vaecue jina pe arai ári omoingue ikyse carapâ, ja pe ybyá oñekytîmba. Ja ambue yvapegua osê avei pe tûpâo yvape oiva gui, ja jae avei oguereco peteî kyse carapâ. Ja ambue yvapegua osê pe ñemboeja rendagui, upéva ipuaca tata rejeve, ja jae jei osapucaijápe pe oguereco vaecuepe pe kyse carapâ jaimbéva: Emoingue nde kyse carapâ jaimbéva, ja eikytî pe paralá apesâ ybyarigua, jia jiayúpáma voi jina. Ja pe yvapegua omoîngue ikyse carapâ yby reje, ja oikytî pe paralá apesâ ybyarigua, ja oity jiacue pe oyejŷcue renojê jaguâme, Tûpâ Ñandeyára pochŷjá ryrúva voi. Ja oñepyru pe jycue renojê upe tetâ gui ocape ja upe oyejŷcue renojêja gui osê tuguy ojupity vaecue umi cabayu yurusâ meve setenta leguajá peve. Uperamo ajecha guau ambue jechapyrâ yvape mbae tuvicha jecharâmômbyrâ, siete yvapegua cuérava oguerúva jina umi siete mbaasy ivaiva ipajarâ voi: upéva rupi oyepŷpáma jecoitepe Tûpâ Ñandeyára ipochy jaguâ. Uperamo ajecha guaú peteî ŷ guasu mbae overá vaichagua oyoparáva tata rejeve, ja umi ipuacagui oyei vaecue pe maymba gui ja jaângá gui ja jéra retacue gui oñemboŷ vaecue jicuai pe ŷ guasu mbae overáva ári oguerecova Tûpâ Ñandeyára arpava voi, ja opurajei jicuai Moises opurajei vaecue pe Tûpâ Ñandeyára rembiguaiva, ja pe Ovecha Raŷ purajei avei jeivo: Tuvicha vicha ja jechapyrâ Ne rembiapo, Nde ore Yára, Tûpâ Ñandeyára, pe ipuaca acavéva jecoitepegua ja iyojeipyré Nde reco Nde mburuvicha guasu tapiaguârâva. ¿Avápa ndo kyjŷyei chene Ndejegui, ore Yára, ja nombotuvichai chepane Nde rera? Nde año Ne marangatuetéva; opa tetâ-ŷ-gua oune oñesûvo Ne renondepe, oyecuaaucápá voi opa reyapo vaecue jecopete jague. Coambae rire amaê ja ajecha oyepea ramo pe tûpâo yvapegua rokê oñeñongatujápe pe Tûpâ Ñandeyára Ñeê. Ja osê pe tûpâo gui umi siete yvapegua oguerúvo umi siete mbaasy vaí. Umi yvapegua cuera oñemonde ao sâcâ overaitévape ja oyecúacuá ipytia rupi chumbé orova guiguape. Ja peteî umi irundy oicovéva gui omeê umi sieteve yvapeguape siete mbayru guasu orova jenŷjêva Tûpâ Ñandeyára pochŷcue gui pe oicovéva tapia ja tapia guârâ. Ja pe tûpâo jenyjêmba pe tata tî gue opuâ vaecue Tûpâ Ñandeyára oñembo tuvichava ja ipuacajá renda gui ja avave ndicatui oike pe tûpâope umi siete mbaasy vaí oyereru pyre umi siete yvapegua rupi oñemomba rire peve. Uperamo ajendu peteî osapucai tuvichava upe tûpâogui jeiva umi siete yvapeguape: Tapejó ja penojê umi siete mbayru guasu Tûpâ Ñandeyára pochycue rejeve oiva ybyari. Ja osê pe iñypyrúmbŷ yvapegua ja oñojê imbayru guasu gui yby ári ja oico ichugui aí ivaiva ja ipochŷva umi cuimbae cuera reje oguereco vaecue oyejechacuaaucá jaguâ pe maymba rejeguaja ja ombueteva je jaângápe. Uperamo pe mocoîja yvapegua oñojê pe imbayru guasu gui pe ŷ guasupe ja oico ichugui tuguy peteî omanova ruguŷcha ja opambae oicové vaecue upe ŷ guasupegua omano. Upegui pe mbojapyjá yvapegua oñojê imbayru guasu gui umi ŷ ja umi ŷbú reje ja oico ichugui tuguŷ avei. Ja ajendu pe yvapegua ŷ rerecuáva jei ramo: Nde jecoitépegua Nde Ne marangatúva, jaéva ja jaé vaecue, Nde reyepy jague reje coicha. Umiva voi oñojê vaecue umi Ndereje cueraguá ruguy ja umi oñemoñeêjára ruguy avei ja coanga Nde remboŷúma ichupe cuera tuguŷ reje. Cova voi iya jesecuera. Upegui ajendu ambuepe jei ramo pe oñemboéjá renda guive: Upeicha vaerâ Nde ore Yára Tûpâ Ñandeyára Nde puacaiteva opambae rejeve, Añetétegua ja jecoite pegua Ne rembiapoucapŷre. Uperamo pe irundyjá yvapegua oñojê pe imbayru guasu cuarajy reje ja upeagui iya ichupe ojapy jaguâ cuimbae cuerape tatápe, ja jendŷpa umi cuimbae tata guasu gui. Upeicharamo yepe oyaó Tûpâ Ñandeyára Réra, Upe oguerecova ipope umi mbaasy ivaí, ja ndoyepyapyi ombotuvicha jagua Ichupe. Uperamo pe cincojá yvapegua oñojê imbayru guasu pegua pe maymba guapyjá reje ja jeta opyta pytûnguŷpe ja umi ybypóra oisuú icû jasy gui ichupecuera, ja oyaó Tûpâ Ñandeyára yvapeguape imbaasy ja iyái vaí rupi ja ndoyepyapyi jembiapo cueracue gui. Ja pe seisjá yvapegua oñojê imbayru guasu gui pe ŷ guasu Eufrates jérava reje ja jŷpá jiŷ oñembosacoí jaguâ japérâ umi mburuvicha guasu ou vaerâme cuarajy osêja guivo. Uperamo ajecha guaú mbojapŷ mbaepochŷ itieŷva yuichagua osê ramo pe mbae vai yurúgui ja pe maymba yuru gui ja pe oñemoñeêjára guaujapegua yuru gui avei. Coâva mbae pochy anga voi oyapova jechapyrâ osêva umi mburuvicha guasu opa ybyariguape ombyaty jaguâ ichupecuera pe oñoraŷrô jaguâme pe Tûpâ Ñandeyára ipuacaitéva ára guasupe. Che voi ayu mondajaicha. Jeco oryete vaerâ pe oñangarecóva omañajápe ja jacateŷva iyao reje anichene jaguâ oico opívo ja anichene jaguâ otî umi omañáva jese gui. Ja ombyatypa ichupecuera pe tenda Hebreo ñeême jérava Armageddon. Ja pe sietejá yvapegua oñojê imbayru ybytu reje ja osê peteî osapucai guasuva pe tûpâo gui pe mburuvicha guasu rendaite gui jeivo: Oimbama! Upevove oico ára vera ja sapucai ja arasunu ja yby ryryi guasu máramo ndoicoi jagueichagua cuimbae cuera oi guive yby ári, yby ryryi tuvichiteva ja jâtâiteva. Upe tetâ tuvichaitéva oyepea mbojapy Jendápe ja oyaparó avei umi pytagua retâ cuera ja coanga oñemo mandua pe Babilonia guasuete reje Tûpâ Ñandeyára ypype oñeñojê jaguâ jese Ñandeyára pochŷjá ryru gui. Ja oñeguajêmba opa yby atŷra ŷ mbytepegua ja ndo yeyujuvei umi itá atyra. Ja joa yva gui cuimbae cuera reje amandau tuvicha vichaiteva ipojyiva peteî quintalcha. Ja umi ybypóra oyao Tûpâ Ñandeyárape pe amandau rupi ipojyiete jague reje ichupecuera co mbae vaí. Uperamo peteî umi siete yvapeguava ogueraja vaecue umi siete mbayru ou ja che mongueta: Eyo chendive, jei, tajechauca ndeve pe cuña recó vaí rendâgua pe oguapŷva jina umi ŷetá ári, umi mburuvicha guasu ybyarigua oyapo rae tieŷ jendive ja jeco tieŷngue omongaúpa umi ybypóra cuerape. Upei catu jae che reraja guaú Espiritu rupi ñûjapeve ja upepe ajecha peteî cuña oguapŷva peteî maymba pŷtâva ári jenyjêmbava jete téra itieŷva gui, ja siete iñâcâva ja diez jatîva. Ja upe cuña oñemondé jina ao joby ja pŷtâvape ja oñemyatyrô oro ja itá iporaitévape ja perlape avei ja oguereco ipype peteî mbayru oroguiguava jenyjêva mbae tayasú gui, jeco tieŷngue kyácué vointe, ja isŷva reje oî peteî tera: Che guau Babilonia pe tuvichava umi cuña reco vaí sŷ, ja cherejegua voínte umi tieŷ co ybyarigua. Ja ajecha guau upe cuña ocaúete ramo umi imarangatuva ruguŷpe ja umi Jesús mojerâcuâjaré ruguŷcuepe avei, ja ajecha ramo ichupe ajecharâmô tuvichaite apytávo. Upei catu jei cheve pe yvapegua: ¿Mbaerépa rejecharâmô? Tamombeumi ndeve co mbae guau co cuña ja co maymba oguerajava ichupé guivo upe siete iñâcâva ja diez jatîva: pe maymba rejecha vaecue, jae vaecue ja anga ndipori veima, upeicharamo yepe, oyupíta jina osê jaguâ pe ybycua jugua-ŷ-va gui ojo jaguâ oñembuai jaguâme, ja umi oicova yby ári jeracuera ndipóriva pe cuatia ñeê umi oicovéva tapiá guârâ rera rendape oñemoîjápe jeracuera yby ñypyrúmbŷ guive voi, umiva voi ojecharamóne ojecha ramo pe maymba jae jae vaecue jague reje ja coanga ndiporivéima járeje ja ou vaerâjá reje gueteri. Umi iñarandúvape cuerante iyáne ojechacuaa jaguâ jecopete coambae: umi siete iñâcâ siete itá atŷra oguapŷja renda pe cuña, ja siete mburuvicha guasu avei umiva: cinco ichugui cuérava joama, ja peteî jaecuerava oime gueteri ja pe ambue ndoui gueteri, ja jae ou ramo tecôtevê jiare mbykymi, ja pe maymba yma oico vaecue, ja coanga ndoicovemavai, jae avei pe ochojá mburuvicha guasu ja peteî umi siete rejeguava avei, ja ojo oñembyaipá jaguâme. Ja umi diez jatî rejecha vaecue, umia diez mburuvicha guasu neirava gueteri oñemojenda mburuvicha guasu ramo, sapya minte iyáne ichupecuera oñemoingo mburuvicha guasu ramo pe maymba ndive voi. Coâvape jiâ peteî mbaente ja omeêta jina ipuacacue ja imburuvichajá pe maymbápe. Jaecuera oñorayrône pe Ovecha Ray coty coty, ja pe Ovecha Ray ipuacáne jesecuera. Jae voi umi carai cuera Carai guasu voi ja umi mburuvicha guasu Ruvicha guasuete, ja umi omoîrûva Ichupe umi oñejenoî vaecue oyeporavo pyre ja yeroviajá, umiva ipuacáne avei. Jei avei cheve: Umi ŷ rejecha vaecue pe cuña reco vaí oguapyjá jina, umiva ybypóra cuera ja atyra jetaite ja tetâ-y-gua cuera, ja opaichagua ñeê rejevegua. Ja umi diez jatî rejecha vaecue ja pe maymba vaí oñamotareŷne pe cuña reco vaípe, ja omotyreŷucáne ichupe, ja ojeyaucáne ichupe opivoete. Joune joo ja ojapypáne tatape. Tûpâ Ñandeyára voí omoî vaecue ichupecuera ipyápe oyapo jaguâ pe jiâva Ichupe, ja oyapo jaguâ jiâ jaicha ichupecuera oñondivepá, ja jaecuera omoi jaguâ pe maymba vaípe mburuvicha guasu ramo jendaguepe cuera oicopá rire peve jecope Tûpâ Ñandeyára ñeêngue. Pe cuña rejecha vaecue, upéva guau pe tetâ guasuete pe oico vaerâ umi ambuecue mburuvicha ybyariguape ruvicha guasueté ramo. Coâva rire ajecha guau ambue yvapegua ogueyŷ yvagui ipuaca guasuetéva ja pe yby oyejesapépá iyeguacape, ja jae oñeê sapucai jâtâitépe: Joáma, joáma, pe Babilonia guasuete, ja oyeyapóma umi mbaepochy oñemombojupá renda ramo, ja opaichagua mbaepochy itieŷva cuára ramo, ja opaichagua guyra tayasujá ñamotareŷpyrâ. Opa tetâ-ŷ-gua reje voi oñeñojê Ñandeyára pochycue upéva itieŷ jague rupigua, ja umi mburuvicha guasu ybyarigua oyapo tieŷ jendive, ja umi oñemûjaré co ybyarigua oñemombaerereco jae oyeguaiteeteve rupi. Uperamo ajendu ambue osapucaiva yva gui jeiva: Pesê ichugui peêcuera Cherejeguáva, anichene jaguâ peê pemoîrû iñangaipápe, ja anichene jaguâ pejupity avei iyepŷjá gui. Iñangaipa voi oñembyatŷ yoa yoa yvaga peve ja Tûpâ Ñandeyára imanduama jina opa jembiapo vaí cue reje. Pembojecovia ichupe jae omeê jagueicha avei peême, ja pemboyoa yoave ichupe iyájaicha ichupe jembiapo cue reje. Pe mbayru jae omboyopara jaguepe, pemboyopara yoa yoave ichupeguârâ. Jae oñembo tuvicha jagueichaite iyeguacaeteeteve reje, upeicha avei pemeê ichupe yepyapy ja pya mbyasy jaguâ. Jae voí jei ipyápe: Che aguapy aina cuña mburuvicha guasuva che, che ndajaei tyreŷ ja pya mbyasy máramo nda jechaichene. Upeareje voí peteî árape voi oupáitene imbojasa asy jára jae omano jaguâ, ja ipya mbyasy jaguâ ja iñembyajyi jaguâ ja ocaipáiténe tatape. Ipuacaite voi pe carai guasu Tûpâ Ñandeyára omojenda jára ichupe. Umi mburuvicha guasu ybyarigua oyapo vaecue tieŷ jendive, ja oico vaecue byajápe jendive, oyajeóne ja oñembyasyne ojecha ramo pe icai jague ratatî, opyta aya jaecuera mombyryjápe oñemboŷ jina omañávo jaecuera okyjŷyéjáreje pe jae ojasa asy jágui jina jeivo: Angai! Angai! Nde tetâ guasuete, Babilonia, tetâ ipuacaitéva sapyaite oune oyepŷvo ndereje. Ja umi oñemûjára avei co ybyarigua ombyasy ja ogueroyajeone ichupe ndiporiveimaja reje oyogua vaerâ ichuguicuera umimbae ogueruva oñemûséjá orova, ja platava ja itá ipôrâiteva ja perlava, ja ao ipôrâiteva morôtíva, ja ao jobŷva ja sédava, ja ao pytâva, avei, ja opaichagua ybyra ambue tetaguiguáva, ja opaichagua yeguaca marfilguigua, ja opaichagua yeguaca ybyra jepyetéva ja bronceva ja hierrova ja marmólva, canela avei, ja opaichagua mbae jyâcuâva, ja ybyra jyâcuâva cuí, ja ysy ja ybyra jyâcuâva, ja vino, ja ñandy, ja avati cuí, ja trigo, ja mburica ja ovecha ja cabayu ja coche ja cuimbae rete ja jianga yepeve reje oñemûséjá. Umi yvaá ipôrâiteva nde pya yerureva jague oyepeapáma ndejegui, ja opa mbae nerâcâteŷ jague umi ipôrâveva gui ocañŷmba ndejegui ja marove ndoyeyujuvéichene. Umi oñemûjaré âmbae reje oñemombaererecojára vaecue jaérupi opyta avei oñemboŷjápe mombyry okyjŷyejá reje ojasa asyjá gui, ja ipya mbyasy, ja oyajeovo, jeivo: Angai! Angai! pe tetâ guasu pe oñemonde vaecue ao morôtí ipôrâitévape joby ja pytâvape ja oñemyatyrô vaecue oro ja itá ipôrâitévape ja perlape. Angai! jae peteî sapyaitepe voi opyta ñû rei ramo co oyeguaite jague gui. Upeicha avei opa umi mbayru rerecua ja opa umi ojova ŷ rupi oimeraêjápe ja jembiyocuai cuera yepeve, ja opa umi ombaapóva guive upe ŷ guasupe, umiva avei oñemboŷ mombyry omañavo, ja osapucai ojecha ramo pe tatatî ocai jágui gua jeivo: ¿Mbae tetâpa rae co tetâ guasúetéicha? ja omondo ybycui iñâcâ reje, ja osapucai ombyasy ja jasêjápe: Angai! Angai! jei, pe tetâ guasúeté oñemo mbaerereco jaguepe pe tetâ mbae ñongatu etá gui opa umi oguereco vaecue mbayru pe ŷ guasupe, pe tetâ voi oñembuaipa ñû rei ramo peteî sapyaitepe. Nde rorŷna joa jague reje, nde yvaga, ja peê imarangatúva, ja Apostol, ja oñemoñeêjaré Tûpâ Ñandeyára oyepŷma já reje jese pende rejejápe. Upei catu peteî yvapegua ipuacáva ojupi peteî itá itá apua tuvicha vaicha, ja omombo pe ŷ guasupe jeivo: Upeicha avei pe Babilonia pe tetâ guasúeté oñemombone jâtâ ja pyaéetéjápe ja marové ndoyeyujuvéichene jendague yepe. Ja marove noñejenduvéichene nde pype umi ombopúva arpa terâ opurajéiva terâ umi mimby mbopújá terâ umi turu mbopújá ja mbaevéichagua tembiapóapójára ndoyeyujuvéichene nde pype, ja noñejenduvéichene avei umi cuña oñembiso ramo, ja marove ndojesapévéichene peteî tataendy rendycue ndepype ja marove noñejenduvéichene ndepype iñeê pe imenarâ terâ jembirecorâ gui. Umi ne ñemûjára cuera voi umi caraíetá tuvichava co ybyarigua, ja nde paye cuera rupi oñembotabŷpá vaecue opa tetâ-ŷ-gua. Ja oyeyuju vaecue ipype umi imarangatúva, ja umi oñemoñeêjára ruguy, ja opa umi oyeyuca vaecue co ybyari ruguy avei. Cova rire ajendu guau jyapú jetaite ybypóra vaicha yvape jeiva jicuai: Aleluya! Toñemombeú guasu Tûpâ Ñandeyára, ñane mârâ ŷ já Tûpâ Ñandeyára guioguante, iya voi Ichupe tuvichaite ja ipuacaitéetéve jaguâ. Añetegua ja jecopetegua omojendajá Jae omojenda vaecue pe cuña jeco vaíetévape pe ombojeco vaípá vaecue jina opa ybypórape itieŷme, ja Jae oyepy vaecue jese jembiguai cuera ruguy reje oñejê vaecue pe cuña reco vai po rupi. Ja mocoîjá jei yeby: Aleluya! toñemombeu guasu Ñandeyárape, pe tatatî ichuguiguare oyupi tapia ja tapiaguârâ. Upei catu umi veinti cuatro ituyáva, ja umi irundy oicovéva oñesû ja ombuete Tûpâ Ñandeyárape pe oguapyva jina iguapyjá ári jeivo: Amen! Upeichana! Aleluya! Toñemombeu guasu Tûpâ Ñandeyárape. Ja oime avei petei oñeêva ajendúva pe iguapŷjá renda guivo jeiva: Pemombeu guasu Tûpâ Ñandeyárape opa peê jembiguai cuérava peê pekyjŷyéva Ichugui mîchî ja tuvicháva. Uperamo ajendu jeta ybypóra cuera ñeê vaicha ja jetaite ŷ ryapúicha ja ára sunu jâtâite ocapúvaicha jeíva: Aleluya toñemombeu guasu Tûpâ Ñandeyárape. Upéva voi Ñane Tûpâ Ñandeyára ipuacáva opambae rejeve oñemoingóma mburuvicha guasúeté ramo. Ñande rorŷna ja yapurajéi ja ñambotuvicha Ichupe, oguajêmajá reje jiara omenda jaguâ pe Ovecha Raŷ, ja jembirecorâ oñembosacoíma, ja oñemeê ichupe oñemonde jaguâ ao ipôrâite ja morôtívape overáitéva ja oyopará-ŷ-va, pe ao pôrâ morôtívaicha voi umi imarangatuva recocue. Ja Jae jei cheve: Emoî cuatiápe: Jeco oryete vaerâ umi oñejenôi vaecue pe caruguasu pe Ovecha Raŷ mendaja peguârâpe. Ja jei avei cheve: Cova añetetegua Tûpâ Ñandeyára Ñeê. Upei catu che añesû ipy renondepe ambuete jaguâ ichupe, ja jae jei cheve: Anikena! Che tembiguainte neîrû voi nde reŷicuera rejegua umi omojerâcuâjaré rejegua Jesúspe. Pembueténte Tûpâ Ñandeyárape: umi oporomojerâcuâjára Jesúspe umi oñemoñeêjára jeco rejeguante. Uperamo ajecha peteî okê oyepea ramo yvape ja oyecuaa peteî cabayu morôtí ja pe jiarigua jéra Yeroviajá ja Jaetéva, upéva pe jecoitépe voi oporomojendáva ja jeco rupiete oñorayróva. Ja jesa tata rendŷicha ja iñâcâ reje jeta umi mburuvicha guasu âcâ rejegua, ja oguereco peteî téra oyeje avave oicuaa ŷ vaecue jae añoite mante. Ja pe iyao oñemonde jague oñemoingue rae tuguype ja jéra Tûpâ Ñandeyára Ñeê. Ja umi jembiyocuai atyra yvapegua ou japycueri cabayu morôtí ári meme oñemondéva ao ipôrâiteva morôtíva oyopará-ŷ-vape, ja iyuru gui osê peteî kyse pucu jaimbéva oikytî jaguâ umi tetaŷguape ja jae jerecua cuerane oyopy jâtâitévo ja jae opyrûjára pe parala ryrú pe Tûpâ Ñandeyára ipuacaitéetévéva pochŷ vaíetéjá ryru voíva, ja iyao reje ja jetyma reje oguereco avei co téra: Mburuvicha guasu Ruvichá guasueté ja carai guasu Carai guasúeté. Ja ajecha guaú peteî yvapeguape oñemboŷ ramo jina cuarajŷpe osapucai jâtâitéva jeivo opa guyra ovevéva yva rupi pe: Peyu peñembyatŷ co Tûpâ Ñandeyára caruguasújápe, peu jaguâ mburuvicha guasu roo, ja mburuvichamimi roo, ja umi ipuacáva roo, ja cabayu roo, ja umi jiaricuera oiva roo avei, ja opaichagua ybypóra roo avei, ja umi jaeaéva roo, ja umi tembiguai yoguapyre roo upeicha avei, umi mîchîva roo, ja umi tuvichava roo avei. Uperire ajecha guau pe maymba vaípe ja umi mburuvicha guasu co ybyariguape, ja jembiyocuai atyrape oñembyatypáite oñorayrô jaguâ ipajaitépe pe cabayu ári oiva ndive, ja jembiyocuai atyra ndive. Ja oyeyopyjy pe maymba ja jendive pe oñemoñeêva guaujápe avei, upe oyapo vaecue jechapyrâ jenondepe omombia jague umi oguereco vaecue isyvápe oyejechacuaaucá jaguâ pe maymba rejeguajá, ja ombuete vaecuepe jaângápe.  mocoive oyeity jecove rejeve pe tata guasu rendape jendŷva itáycú rejeve. Ja umi ambuecue omanómba pe cabayu ári oiva kyse pucu rupi pe kyse pucu osêva iyuru gui ja opa guyra jyvâtâmba joocueracue gui. Uperire ajecha guaú peteî yvapegua ogueyŷ ramo yvagui oguerecova pe ybycua jugua-ŷ-va rokê mbotŷjá, ja peteî mbae ipojyiva oguereco ipope oñapytî jaguâ. Ja jae oipyjy pe mbae vaípe pe mbói ymaguareva, pe mbaepochy, pe Satanás, pe ñane ñamotareŷjára, ja oñapytî ichupe mil años peve guârâ. Ja omombo ichupe pe ybycua jugua-ŷ-vape. Upevove omboty jokê, ja omojâtâ oyeyabyky ŷ jaguâ icatuve-ŷ-jaguâ jae omombia umi tetaŷguape ojupitypeve upe mil años. Uperire tecôtevêne oyepoí ichugui sapyaminte. Ja ajecha guaú mburuvicha guapyjá ja umi oguapŷva jiari cuera ja oñemeê ichupecuera iya jaguâ ichupecuera oporomojenda jaguâ. Upei catu ajecha guaú umi anga umi oñeñâcâó vaecue rejeguare oporomojerâcuâ jague reje Jesú gui ja Tûpâ Ñandeyára Ñeê rejejápe, ja ajecha avei umi anga umi ombuete-ŷ-vaecue pe maymba vaípe rejegua ja ombuete-ŷ-vaecue jaângápe avei ja oguereco-ŷ-vaecue isyvá reje, ja ipo reje oyejechacuaauca jaguâ jeseguajá. Umiva oicove yeby ja oico mburuvicha ramo Cristo ndive mil años peve. Umi ambuecue omano vaecue ndoicovévéi opa peve umi mil años. Cova pe iñypyrumbŷ oñemoingové yebyjá. Jeco orŷeté ja imarangatu vaerâ umi ojupity vaerâ oico jaguâ co iñypyrumbŷ oñemoingové yeby jápe. Ndaipuacaichene jesecuera pe oñemano mocoîjá, ja jaecuera oicone paí guasu vaicha Tûpâ Ñandeyárape ja Cristope ja oicone mburuvicha ramo Cristo ndive mil años peve. Uperire opama ramo umi mil años pe mbaepochy oyeyoráne pe oñeñapytîjá gui, ja osêne omombia jaguâ opa umi tetaŷguape opa irundŷve yby yke rupiguape pe Gog ja Magog pe, ja ombyatypá jaguâ pe oñorayrô jaguâme ja jaecuera ŷ guasu ybycuicha jetacue. Ja oyupi opaguivo upe yby yerereje ja omongorá umi imarangatúva ñembyatyjá, ja pe tetâ oyejaŷjúva. Upei catu ogueyŷ tata yva guive ja omocômba. Ja pe mbaepochy pe omombia jaré oñemombo avei pe tata guasú ja itáycú rendape, oi jaguepe voima pe maymba vaí ja pe oñemoñeê guau vaecue, ja oyepyapy ja oyejasa asyne ára ja pyjare tapia ja tapiaguârâ. Uperire ajecha peteî mburuvicha guapyjá tuvichava ja morôtíva ja ajecha pe oguapyva jina jiari, jovake gui oñeguajêmba jague pe yby ja pe yvaga avei ja ndo yeyujuvéi jendaguâ ichupecuera. Upegui ajecha guau umi omano vaecuepe mîchî ja tuvichava, oñemboy ramo jina pe mburuvicha guasu guapyjá renondepe. Upei catu oyepea umi cuatia ñeê: oi avei ambue cuatia ñeê oyepea vaecue avei, pe cuatia ñeê oicovéva rejegua voi upéva. Ja umi omano vaecue oñemojenda, oijaicha umi ambue cuatia ñeême jembiapocueracue gui. Pe ŷ guasu avei opoí umi omano vaecue gui oiva ipype: pe oñemanojá ja pe omano vaecue renda opoí umi omano vaecue gui oiva ipype cuera. Ja peteî tei ybypóra oñemojenda iya jaicha jembiapocue. Upei catu pe oñemanojá ja pe omanovaecue rendague oñemombo pe tata guasu rendape. Cova pe mocoîjá oñemano yeby, ja oimerâeva jéra oyeyuju-ŷ-vaecue pe cuatia ñeê oicoveva rejeguape, upéva oñemombo pe tata guasu rendape. Uperire ajecha peteî yvaga pyaju ja peteî yby pyaju: pe yvaga ja pe yby iñypyrumbŷ guare ocañymbá rae ja pe ŷ guasu ndiporivéima avei. Ja ajecha pe tetâ imarangatuva pe Jerusalem ipyajuva, ajecha ogueyŷ ramo ŷva guive Tûpâ Ñandeyára renda gui oñembosacoiva peteî omendatavaicha oñemyatyrôva imena peguârâ. Ja ajendu peteî osapucai jâtâva pe mburuvicha guasu guapyjá renda guive jei ramo: Anga Tûpâ Ñandeyára oicojá oi cuimbae cuera apytepe ja Jae oicone jendive cuera ja jaecuera Jeseguane, ja Tûpâ Ñandeyára voi oine jendive cuera íÑandeyára ramo. Jae omocâmbáne jesaŷ cuera jeságui, ja ndipori véichene omano jaguâ, ja ndipori veichene ipya mbyasŷva terâ ipyajêva terâ jasŷva: umimbae ymaguare opaitéma. Uperamo pe oguapy vaecue jina pe mburuvicha guasu guapyjápe jei: Coina ape ambopyajupáma aina opa mbae. Ja jei avei: Emoî cuatia ñeême mbae oyererovia vaerâ añeteguajá reje voi umi ñeê. Jei avei: Oicopáma jecope. Che pe Alfa ja pe Omega, Che pe iñypyrumby ja Che pe ipajá. Oime ramo iyŷujéiva ameêne jepy-ŷ-reje joŷu jaguâ pe ŷ cuaguigua ŷ oporo moingovéva. Oime ramo ipuacaiteva opambae reje, upeva oicone mbae yara ramo ja Che iÑandeyárane ja jae Che raŷne. Oime ramo ipyamimiva ja oyerovia-ŷ-já ja itayasúva, ja oporoyucava, ja itieŷva, ja ipayéva ja mbae rei raângâ rerecua, ja umi iyapúva, umiape iyáne oñemojenda jaguâ pe tata ja itáycú jendyjápe. Cova upe mocoîjá oñemano. Uperamo ou peteî umi siete yvapegua rejegua oguerecova jina umi siete mbayru guasu jenyjêva umi sieteve mbae vaígui, ja jae oñeê chendive ja jei: Eyo, tajechauca ndeve pe omendatava jina pe Ovecha Raŷ rembirecorâva. Aiporamo chereraja guau Espiritu rupi peteî itá atyra tuvicha ja iyŷvatétéva pe ja ojechauca cheve pe tetâ imarangatúva Jerusalem jérava, ogueyŷ vaecue ouvo yvaguive Tûpâ Ñandeyára renda gui, overá vaecue jina gueteri Tûpâ Ñandeyára verájá gui, ja overá peteî itá ipôrâitevaicha pe itá jaspeicha jesâcâva: oguereco peteî itá corá iñambusueteva ja iyŷvatetéva ja oguereco doce okê ja oime doce yvapegua umi okê rerecuá ja oime téra umi okê reje umi doce Israel reŷicuerava réra. Pe cuarajy resê guivo oi mbojapy okê ja pe norte renda coty guivo oi mbojapy okê, ja pe sud renda coty guivo oi mbojapy okê ja pe cuarajy reikejá guivo oi mbojapy okê. Ja pe itacorá pe tetâ rejegua doce japo ja oi jesecuera pe Ovecha Ray rembiyocuai Apostol réra. Ja pe oñeê vaecue chendive oguereco peteî oñejaâjá oroguiguava ojaâ jaguâ upe tetâ ja jokê ja iyitacorá. Pe tetâ iyŷke irundy ipucucue peteîcha ipycue ndive, ja jae ojaâ jecope upe tetâ upe imbaejaâjáme, ja ojupity cuatro cientas leguas ja ipucucue ja ipycue ja iyŷvatecue peteîcha. Ja ojaâ pe iyitacorá ja ojupity setenta dos metros ojaâ jaicha umi ybypóra ja umi yvagapegua avei: Ja pe itacorá oyejegui jaspe voi pe itá jaspe guigua voi ja upe tetâ oro memeté, ja mbae jesâcâ ja overaitévaicha. Ja pe tetâ itacorá rapo cuera oyeguava opaichagua itá ipôrâitévape, pe japo ypycue jaspe guigua voi, pe mocoîjá safiro guigua, ja pe mbojapŷjá calcedonia guigua ja pe irundyjá esmeralda guigua, pe cincojá sardonice guigua, ja pe seisjá sardio guigua, ja pe sietejá crisolito guigua, ja pe ochojá berilo guigua, ja pe nuevejá topacio guigua, ja pe diezjá crisoprasio guigua, ja pe oncejá jacinto guigua, ja pe docejá ametista guigua. Ja umi doce okê doce perla voí, peteî teî okê peteî itá añó guintegua, ja upe tetâ ogapaû oro memeté overá mbae sâcâicha. Ja ndajechai tûpâo ipype: pe Ñandeyára Tûpâ Ñandeyára pe ipuacaitéva opambae rejeve, ja pe Ovecha Ray, umiva voi itûpâo. Pe tetâ voi noicôtevêi cuarajy ja yasy reje ojesape jaguâ ipype, Tûpâ Ñandeyára sâcângue voi ojesapé, ja pe ojesapéva ipypegua voi pe Ovecha Raŷnte. Ja umi tetâŷgua oicone Jae ojesapéjápe, ja umi mburuvicha guasu ybyarigua oguerúne Ichupe iñembotuvichajá. Ja jokê noñembotŷvéi chene máramo árape: ndiporichene voi upepe pytû. Ja opa umi tetâŷgua ituvichacue rejeve ja iyeguaca rejeve oikéne upepe, ja mbaeveichagua mbae kya máramo ndoikeichene upepe terâ itayasúva terâ iyapúva. Umi jeracuera oiva pe Ovecha Ray cuatia ñeê umi oicovéva rejeguape umia añonte oikene. Uperire ojechauca cheve pe ŷ omoingovéva renda overáva pe jesâcâitevaicha osêvo pe Tûpâ Ñandeyára ja pe Ovecha Ray guapŷjá renda guŷgui. Oime mocoîve Jendápe pe ŷ rembey reje oyovai, ja pe ŷ ja pe tetâ mbytete paûme oi pe ybyra râcâ omoingovéva. Upéva jiá doceve oyopará jiáva yepi yasy jenyjê yave catuetei, ja pe ybyra rogue oporomojesaîva umi tetaŷguape. Upeguive ndiporivéichene iya jaguâ oporao jaguâ pe Tûpâ Ñandeyára, ja pe Ovecha Raŷ guapyjá renda oine upe tetâme, ja jembiguai cuera ombueténe Ichupe, ja jaecuera ojechane jová, ja jéra oine isyvá reje, ja ndiporivéichene pyjare, ja noicôtevêichene tataendy rendy reje, terâ cuarajy resapé reje, pe Ñandeyára Tûpâ Ñandeyára voi ojesapéne ichupecuera, ja jaecuera oicone mburuvicha ramo tapia ja tapia guârâ. Upei catu jae jei cheve: Coa ñeê oyererovia vaerâ añeteguáva, ja pe Ñandeyára umi ñemoñeêjára ânga Tûpâ Ñandeyára ombou jembiyocuai yvapeguape oicuaaucá jaguâ umi jembiguaipe coambae oyeju voiete vaerâjá, ja Jae jeijá: Pyaéeté, pyaéeté ayu yebyne pene rendape: jeco oryne pe ombuayeva coa ñeê oñemoñeê jague tenondérâ reje voi oiva co cuatiápe. Che Juan ajendú ja ajecha vaecue âmbae ja ajendú ja ajechávo añesû pe yvapegua ojechauca vaecue jina cheve renondepe ambuete jaguâ ichupe. Upegui jae jei cheve: Anikena! Che tembiguai neîrû voi, ja che umi nde reŷicuera oñemoñeêva rejegua, ja che coa ñeê co cuatiápe oiva mbuayejára rejegua. Tûpâ Ñandeyárapénte rembuetéetévé vaerâ. Ja jei avei cheve: Anichene remoypytû umi ñeê tenonde râ guârâ oiva co cuatiápe: jiara anguima voi. Pe jecopegua-ŷ toiconte jecopegua-ŷ-me, pe itayasúva toiconte itayasújápe, ja pe jeco pôrâva toicónte jeco porâme, ja pe imarangatúva toiconte imarangatújápe. Maê! pyaeeté Che ayune pene rendape ja pe ajupityucatava peême aruta Che ndive voi, ambojecovia jaguâ peteî teîme pene rembiapo cue. Che pe Alfa ja pe Omega, Che pe Iyŷpycue ja Che pe Ipajá, Che pe Iñypyrujára ja Che pe Imombajára. Jeco oryete vaerâ umi iyao oyojei potî vaecue iya jaguâ ichupecuera oguajêvo oijápe pe ybyra râcâ omoingovéva, ja oikévo okêrupi upe tetâme. Oime opyta vaerâ ocápe umi yagua tayasu, ja upeicha avei opa umi ipayéva, ja opa itieŷva, ja oporoyucáva, ja umi mbae rei raângá rerecuá, ja opa umi jeco yapúva, oñeê reíva, opavave umiva oyejeyáne ocápe. Che Jesus amondoma che rembiyocuai yvapeguape amojerâcuâucá jaguâ peême Iglesia rejeguape: Che pe David rapó voí, ja Che jokycue, Che pe araresa ojesapé sapévéva oguerocoêva. Pe Espiritu ja pe jembirecorâ jei: Eyóna! Ja oimeraêva jendujaré teí avei: Eyóna! Ja oimeraêva iyŷujéiva toúnte; ja oimeraêva oipotava toŷúnte jepy-ŷ-reje pe ŷ oporomoingovéva gui. Coanga Che amojerâcuâ opavavépe ojendúva jicuai coa ñeê tenonderâ nguârâ oiva co cuatiápe, umivape Che jae: Oime ramo omboyoáva mbae coa ñeê reje, Tûpâ Ñandeyára omboyoáne jese â mbae vaíva oyeéjá co cuatia ñeême. Ja oime ramo omboíva mbae coa ñeê tenonderâ nguârâ co cuatiápe oiva gui Tûpâ Ñandeyára omboíne ichugui pe iya vaerâ ichupe pe ybyra râcâ oporo moingovéva gui, ja pe jenda rângue pe teta imarangatuva peguape, coa voi umimbae oyeéva co cuatia ñeême. Upe omojerâcuâva coambae gui jei: Añeteté Che ayú pyaéténe. Upeichana! Eyo, Ñandeyára Jesús! Jesu Cristo toporo mbopyapôrâ opa umi imarangatúvape. Amen.