Gaafa qaraa fiit'e, Waaqi lafafi gubba uume. Gaafasi lafti duwa, fuula inqabdu, aka injirtu, ammalle dukanti d'immu bisaani gubbaa jirti. Irreeni Waaqa guddooni bisaani gubbaa dedeemti. Jennaani Waaqi waan jed'e, Ifsaani ha tahu; duuba ifsaani tahe. Waaqi aka ifsaani suni dansa arge, ifsafi dukana gargari baase. Jennaani Waaqi ifsaani guyya jed'e, dukanaani halkani jed'e. Akanaani galgali tahe diiramileeni tahe; kunini guyya qara. Waaqi waan bisaani gargari baasa suniini Gubba jed'e. Akanaani galgali tahe diiramileeni tahe; kunini guyya lameeso. Jennaani Waaqi waan jed'e, Bisaani lafa gubbaa jirani ha fulla tokoti wolti deebiani, aka biyyeeni godduuni mullattu; duuba akuma suni taate. Waaqi biyye goddu suniini Lafa jed'e, ammalle bisaani wolti deebiani suniini Baariini jed'e; Waaqi wonti kunini dansa arge. Waaqi waan jed'e, Lafti latte ha mukhaafi marra gosa ch'ufa baaftu, mukha mid'aani killetiifi mich'iraani qabuufi ka inqamnele, duuba akuma suni taate. Duuba lafti latte mukhaafi marra gosa ch'ufa, ka mid'aani killetiifi ka mich'iraani qabuufi ka inqamnele baafte. Waaqi wonti kunini dansa arge. Akanaani galgali tahe diiramileeni tahe; kunini guyya sadeeso. Jennaani Waaqi waan jed'e, Ifsaani ha gubbaa mullattu, aka halkanifi guyya gargari beekhani. Ammalle ifsaani kuni ha gubbaa ifsu, aka lafti ifsa argattu jed'e. Duuba akuma suni taate. Akanaani Waaqi ifsa gugurda lama tolche, adu ta guyya mohatu, jia ka halkani mohatu; ammalle urjile mid'aase. Inni ifsa suni gubbaa kaye, aka lafati ifse halkanifi guyya mohate ifsafi dukana gargari baasu. Waaqi wonti kunini dansa arge. Akanaani galgali tahe diiramileeni tahe; kunini guyya afreeso. Jennaani Waaqi waan jed'e, Bisaani waan lubbu qaba heddu ha d'alani; simpirreleeni ha gubba qilleensa keesa bariftu. Akanaani Waaqi bineensa gugurdafi didiqa ka bisaani keesa galu, simpirre gosa ch'ufale woliini uume. Waaqi wonti kunini dansa arge. Waaqi waan kana ch'ufa eebise waan jed'e, Hora bula, baariini guuta; simpirreleeni, Hora, lafa ira dabra jed'e. Akanaani galgali tahe diiramileeni tahe; kunini guyya shaneeso. Jennaani Waaqi waan jed'e, Horifi bineensi gosa ch'ufa, guddafi diqaleeni, lafa gubbati ha d'alatu. Loonifi bineensa lafa ira lohufi bineensa gosa ch'ufa hedduleeni ha d'alatu; duuba akuma suni taate. Akanaani Waaqi bineensa gosa ch'ufa, ka lafa ira lohufi ka illoonnefi ammalle horile ch'ufa, woliini uume. Waaqi wonti kunini dansa arge. Jennaani Waaqi waan jed'e, Koota, nama mid'aasina fakeennafi akheekha keenna gula, aka inni qurt'umi baariinitifi waan gubbaa barisa ch'ufafi horifi bineensa allaatiifi waan garaani lafa ira lohu ch'ufale mohatu. Akanaani Waaqi fakeenna ufii gula nama uume. Inni nama uwafi nama d'iira uume eebiseefi waan jed'eeni, Ilmaani hora, lafa guuta fida, ammalle qurt'umi baariinitifi waan gubbaa barisatiifi waan lubbu qaba ka deemu ch'ufa mohad'a. Jennaani Waaqi waan jed'e, Anini mukha mid'aani killetiifi ka mich'iraani qabuufi ka inqamnele ch'ufa ya isanii kenne, nyaad'a quufa. Ammo bineensa miilaani lafa ira yaufi ka gubbaa barisufi ka lafa ira lohuleeni, ka lubbu qabu ch'ufti ha marraani fidamu; duuba akuma suni taate. Waaqi wonti inni mid'aase ch'ufti guddo dansa arge. Galgali tahe diiramileeni tahe; kunini guyya jaeeso. Akanaani uumami lafafi gubba ch'ufumanu qit'ae. Guyya torbeeso Waaqi huji ufii ch'ufa hobaamnaani boqote. Duuba Waaqi guyya torbeeso eebise guyya jaba tolche; wonti akanatiifi Waaqi gaafasi huji uumama ch'ufa hobaase boqote. Uumami lafafi gubba akasiini tahe. Gaafa AABBO Waaqi lafafi gubba uume, lafti marrafi gurbile inqabdu, yokhaani mid'aani tokoleeni imbaane; wonti akanatiifi AABBO Waaqi taka iti irroomne, nami lafa qotuleeni injiru. Ammo hojja ch'ufa lafti oldabante, dabaani, fulla ch'ufa gahe lafa ch'ufa jiise. Jennaani AABBO Waaqi biyye lafa iraa fuud'e nama tolche, hafuura jireennaa funaaniti afuufe, nami suni sunumaani jiraate lubbu argate. Jennaani AABBO Waaqi lafa Edeni ta ilaboru jirtu keesati oobru fach'aase, nama mid'aase suni keesa kaye. Inni mukeeni guddo ilti namaa jaalattu, ta mid'aani isii guddo sagale dansaa oobru suni keesati baase; ammalle wod'aka oobru suni keesati mukha jireennatiifi mukha waan dansaafi hamtu ch'ufa nama hubachiisu baase. Galaani toko lafa Edeni keesaa bahe oobruti yae, achi keesati d'anqu afuri gargari bahe galaana afuri tahe. Maqaani galaana qara Pishoni, inni ka lafa Habila, ta worqi qabdu, maru. (Worqiini lafa suni qulqullo, ammalle qumbifi d'akha diima ch'ulkichati lafa suni jira.) Galaani lameeso maqaani Gihoni, inni ka lafa Kushi maru. Galaani sadeeso maqaani Tigrisi, inni ka lafa Ashuru ilaboru yau; ka afreeso maqaani Frati. Jennaani AABBO Waaqi nama kaani fuud'e oobru Edeni keesa kaye, aka inni qote jabeesu. Ammalle waan jed'eeni, Mid'aani oobru tana ke jira ch'ufa nyaad'i, ammo mid'aani mukha waan dansaafi hamtu ch'ufa gargari nama hubachiisu inyaatini, yo nyaatte guyyuma suni doota. Jennaani AABBO Waaqi waan jed'e, Nami kunini ka koba tau dansaniti, wahela isaa male tolchaafi. Duuba inni biyye lafaa fuud'e bineensafi simpirre gosa ch'ufa mid'aase namichatiini d'ufe, aka maqa inni baasufi laalu; tana gula bineensi ch'ufti maqa argate. Duuba namichi horifi simpirreefi bineensa ala ch'ufa maqa baaseefi; ammo waheli isaa male keesaa d'abe. Jennaani AABBO Waaqi aka jaba isa rafise, duuba ato inni rafu, ch'inaacha isaa toko keesaa fuud'e, fulla suni akuma duriti deebise. Duuba ch'inaacha keesaa fuud'ani kaani nama uwa tolche namichatiini d'ufe. Jennaani namichi waan jed'e, Eegi ufi jibbaad'e, lafe lafe tiyya keesaa baate, yokhaani fooni fooni kiyya keesaa bahe ya argad'e; uwa isiini jed'ani, waan isiini d'iira keesaa baateefi. Tanaafi d'iirti abbaafi haad'a ufii lakifte niiti ufitiini takaa taati, worri lamaani nafa takaa taha. Namichafi niitiini qulla yaani, ammo gaafasi waan ch'eera imbeekhani. Duuba bineensa AABBO Waaqi uume ch'ufa keesa bofati ira malticha. Waan inni niitiini jed'e, Ila, d'uguma Waaqi, Mukha oobru tana keesa jiru tokole inyaatina isaniini jed'e? Niitiini taani waan jetteeni, Mid'aani mukha oobru tana keesa jiru kama feenu nyaanna, ammo Waaqi waan nuuni jed'e, Mid'aani mukha wod'aka oobru keesa eju inyaatina, yokhaani inqabatina, yo nyaattani indootani jed'e. Ammo bofi waan niitiini jed'e, Laki, akasiniti, indootani. Waaqi imbeekha, aka guyya isani nyaattani, ilti teesani banamte, aka Waaqa taatani, waan hamtufi dansa gargari beetani. Duuba niitiini aka mid'aani mukha suni nyaataa dansatiifi ilaa mid'aago agarte, ammalle aka isaani hubacha namaa kennani d'ageennaani buqifte nyaatte d'iirsale kennite innileeni nyaate. Duuba worra lachu ilti banamte, aka qulla yaani ufi argani, obeensa odaa wolti qabani qullaani d'ofatani. Galgala suni AABBO Waaqa oobru keesa deemu d'agayani jennaani d'iirsafi niitiini isaa mukha duubati d'okhatani. Ammo AABBO Waaqi namicha yaame, Atini eesa jirta? Jed'e gaafate. Inni waan jed'e, Anini ejata kanke oobru keesati d'agaye, aka qulla deemu ufi arge, duuba sodaad'e d'okhad'e. Inni waan jed'eeni, Eenuti, Qulla deemta siini jed'e? Atini mid'aani anini, Inyaatina isaniini jed'e kaani ya nyaatte? Namichi waan jed'eeni, Niituma atini wahela naa kennite taaniti natiini d'ufe na nyaachise. AABBO Waaqi waan niitiini jed'e, Wonti atini taate kunini maal? Niitiini waan jetteeni, Bofati na sobe jennaani nyaad'e. Jennaani AABBO Waaqi waan bofaani jed'e, Waan atini akana taateefi, anini la si abaare, atini horifi bineensa ala ch'ufa iraa gorte garaani lafa ira loote haga jirtu ch'ufa biyye nyaatta. Anini siifi niiti tana nyaapa wolti tolche, d'alooti keesanileeni woli jibba. D'alooti isii mata si ch'arase, atileeni hirba worraa nyaatta. Ammalle waan inni niitiini jed'e, Hojja atini garaachooftu d'iba siti guddise, hojja atini d'altule ch'ininfatte d'ukubsatta; ammo ha taatuti, d'iirsa kanke guddo jaalatte d'araateefi, innileeni si mohata. Ammalle waan namichaani jed'e, Waan atini qonqo niiti teeti ch'aqafte, mid'aani mukha anini, Inyaatini siini jed'e nyaatteefi, lafafi biyyeeni siifi abaaramti; iti gaargaltu male sagale keesa inyaattu, haga jireenna keeti ch'ufa. Isiini hogorafi qoraati siti baafti, atileeni raafu nyaatta. Hojatte damfitu male, sagale inyaattu, haga biyye keesaa baateti deebituuti; atini qara biyye, biyyuma suniti deebita. Namichi niiti maqa Hawai baase, waan isiini haad'a nama ch'ufa taateefi. AABBO Waaqi namicha Adamu jed'anifi niiti isaa goga bineensa fuud'e gaad'a mid'aaseefi uyiseefi. Jennaani AABBO Waaqi waan jed'e, Namichi kunini ya akuma keenna tahe waan hamtufi dansa gargari hubate. Tanaafi inni amma tana harka d'eerefate mid'aani mukha jireennaa buqise nyaate haga jiru jireenna jiraachuuni himmalle. Tanaafi AABBO Waaqi oobru Edeni keesaa gusse biyye isa iraa mid'aasani qotachiise. Inni namicha oobru keesaa had'e balleese jennaani, oobru Edeni keesa, gama ilaboru, waan lubbu qaba, ka aka malaikatiifi aflameedi bibillit'u ta gara ch'ufa martu kaye, aka akasiini wonti sunini kara mukha jireennati deemu nama iraa eeddu. Duuba Adamuuni Hawai niiti tolfate, isiini garaachoofte Kaini d'alte waan jette, Qarqaarsa AABBO Waaqatini ya ilma argad'e. Eegi suni ilma d'ibi d'alte maqa Habili baafteefi. Habiliini nama ree tissu, ammo Kainiini nama oobru qotu. Eegi turani, gaafa toko Kainiini waan oobru keesaa argate d'ufeeni AABBO Waaqaa baase. Habiliini ree qara d'alate qale fooni gabbo AABBO Waaqaa baase. AABBO Waaqi waan Habiliini baaseefi jaalate iraa fud'ate, ammo Kainifi waan inni baase fud'achu dide. Duuba Kainiini aka hama dallane garaa hammaate. Jennaani AABBO Waaqi waan jed'eeni, Atini maafi akana dallante garaa hammaatte fuula guurta? Yo waan dansaa tolchite sila waan atini baaftu siraa fud'atani, ammo waan atini waan hamtu tolchiteefi ch'ubbuuni balbala keesa kurfo teete si eegatti. Isiini si qabachu feeti, ammo atini dabsachu malte. Jennaani Kainiini waan oboleesa isaa Habiliini jed'e, Oobru nu yaasi. Achi geennaani Kainiini oboleesa isaa Habiliti garagale d'ae ijeese. Duuba AABBO Waaqi Kaini gaafate waan jed'eeni, Oboleesi kanke Habiliini me? Inni waan jed'eeni, Anini imbeekhu. Qara oboleesa kiyya nati tissa? AABBO Waaqi waan jed'eeni, Atini maafi waan hamtu akana tana tolchite? D'iigi oboleesa keeti qonqo lafa iraa iyyitu nati fakaata. Amma si abaarani, lafa d'iigi oboleesa keeti harka keetiini irati jige, isiini liqimsite, keesaa si gussani. Yo atini lafa qotatte, lafti deebite woma sii imbaaftu; worra d'abde seseega taate lafa marta. Duuba Kainiini waan AABBO Waaqaani jed'e, Abaarsi kunini la haga nati dabre nati guddate. Atini ya fuula kanke duraafi lafa tana iraa na gussite, worra d'abe seseege lafa mare, ammalle nami na argu ch'ufti na ijeesa. Jennaani AABBO Waaqi waan jed'eeni, Akasiniti, yo nami si ijeese maro torba haalo baasani. Duuba AABBO Waaqi beesisa Kaini ira kaye, aka nami isa arge inijeemne. Akasiini Kainiini fuula AABBO Waaqa duraa kae biraa deeme, lafa Nodi ta Edeniini ilaboru tae. Kainiini niiti fuud'e, isiini garaachoofte Henoko d'alteefi. Duuba eege inni dira jaare, dira sunile maqa ilma isaa gula Henoko baaseefi. Henokooni Iradi d'ale, Iradiini Mehuyaeli d'ale, Mehuyaeliini Methushaeli d'ale, Methushaelini Lameki d'ale. Lamekiini nad'eeni lama fuud'e, ta qara maqaani Ada, taani maqaani Sila. Adaani Yabali d'alte. Inni abba worra hori horate waaro keesa tau. Oboleesa isaa maqaani Yubali; inni abba worra sirbaa, ka kerarifi fulludo d'au. Silaleeni Tubal-Kaini d'alte; inni nama qara sibiila diimafi sibiila guraacha tume. Oboleetiini Tubal-Kaini Naama. Lamekiini waan nad'eeni isaatini jed'e, Adafi Sila, dubbi tiyya ch'aqasa; isani nad'eeni Lameki, jecha kiyya d'agaya: anini nama na madeese yokhaani kaima na d'aane la ijeese. Yo haalo Kaini maro torba baasani, ta Lameki maro torbatami torba baasani. Adamufi niitiini isaa ilma d'ibi d'alani jennaani isiini waan jette, Waaqi ya ilma naa kenne fulla Habili, ka Kainiini ijeese; tanaafi isiini maqa isaa Sethi baafteefi. Sethiini ilma d'ale maqa Enoshi baaseefi. Gaafi sunini gaafa qara nami yo Waaqa yaamatu AABBO jed'e yaamatu. Maqaani ilmaani Adamu kana. (Waaqi, gaafa qara nama uume, fakeenna ufii gula mid'aase. D'iirafi uwale uume, eebiseefi Nama jed'e maqa baase.) Adamuuni ganna d'ibbafi sodoma gahe jennaani ilma waan ch'ufaani isa fakaatu d'ale maqa Sethi baaseefi. Eegi suni Adamuuni ganna d'ibba saddeeti d'ibi tae, ijoolle d'ibi d'ale, ganna d'ibba sagalitiifi sodomati due. Sethiini ganna d'ibbafi shani tae, ilma isaa Enoshi d'ale. Eegi suni ganna d'ibba saddeetitiifi torba tae, ilmaani d'ibile d'ale, ganna d'ibba sagalitiifi kud'ani lama gahe due. Enoshiini ganna sagaltama tae ilma isaa Kenani d'ale. Eegi suni ganna d'ibba saddeetitiifi kud'ani shani tae ilmaani d'ibile d'ale. Duuba ganna d'ibba sagalitiifi shaniti due. Kenaniini ganna torbatama tae ilma isaa Mahalaleli d'ale. Eegi suni ganna d'ibba saddeetitiifi afurtama tae ilmaani d'ibile d'ale, duuba ganna d'ibba sagalitiifi kud'ani gahe due. Mahalaleliini ganna jaatami shani tae ilma isaa Yaredi d'ale. Eegi suni ganna d'ibba saddeetitiifi sodoma tae ilmaani d'ibile d'ale, ganna d'ibba saddeetitiifi sagaltami shani gahe due. Yarediini ganna d'ibba tokotifi jaatami lama tae ilma isaa Henoko d'ale. Eegi suni ganna d'ibba saddeeti d'ibi tae ilmaani d'ibile d'ale, ganna d'ibba sagalitiifi jaatami lama gahe due. Henokooni ganna jaatami shani tae ilma isaa Methusela d'ale. Eegi suni Henokooni Waaqaani wold'aqani ganna d'ibba sadi woliini taani, ijoolle d'ibi d'ale. Haga ganna d'ibba saditiifi jaatami shani Waaqaani wold'aqani woliini taani; jennaani akanumati lafaa d'abani, waan Waaqi isa fud'ateefi. Methuselaani ganna d'ibba tokofi saddeetami torba tae ilma isaa Lameki d'ale. Eegi suni ganna d'ibba torbatiifi saddeetami lama tae ilmaani d'ibile d'ale, ganna d'ibba sagalitiifi jaatami sagali gahe due. Lamekiini ganna d'ibba tokotifi saddeetami lama tae ilma d'ale, maqa Nuhu baase waan jed'e, Lafuma AABBO Waaqi abaare keesati gurbaani kunini huji teenna jajabdu nuu laafisa. Lamekiini ganna d'ibba shanitiifi sagaltami shani tae, ilmaani d'ibile d'ale. Duuba ganna d'ibba torbatiifi torbatami torba gahe due. Eegi Nuhuuni ganna d'ibba shani gahe, inni ijoolle d'iira sadi d'ale, ta Shemufi Hamufi Yafethi jed'ani. Eegi nami hore heddate dubrale d'ale, ilmaani Waaqa toko aka dubarti namaa mid'aadu agarte jennaani ta feetu fuute. Jennaani AABBO Waaqi waan jed'e, Lubbuuni tiyya ta nama jiraachiiftu haga jirtu nama keesa inteetu; wonti akanatiifi nami foonuma, armaa achi ganna d'ibbafi diddama indabru. Gaafasifi eegi sunile worra gugurda toko lafa jira, ka haga woi gagahu, ka dubarti namaatiifi ilmaani Waaqaa d'alte. Worri worra jajaba duri, ka lafa keesati gurra qabu. AABBO Waaqi aka hameenni namaa lafa ira dabre, ammalle heregi garaa worraa hojja ch'ufa hama arginaani, waan qara worra duri lafa irati mid'aaseefi gaabe. Inni guddo iraa laalefate waan jed'e, Anini nama uumefi bineensafi simpirreefi bineensa garaani lafa ira lohule ch'ufa lafa keesaa balleesa; waan waan kana ch'ufa mid'aaseefi ya gaabe. Ammo AABBO Waaqi ammalle Nuhu maache guddo iraa gammade. Tunini odu Nuhufi worra isaa. Nuhuuni nama d'ugaati, bara suni nami wollaala inqamne isa ch'alla. Inni Waaqaani wold'aqani woliini taani. Nuhuuni ilmaani d'iira sadi qaba, Shemufi Hamufi Yafethi. Duuba Waaqa durati lafti hammaatte nami wolhad'e wolsaame. Waaqi aka lafti hammaatte, hameenni suni nama seene balleese arge. Jennaani Waaqi waan Nuhuuni jed'e, Anini la buufad'e, aka nama ch'ufa balleesu; wonti akanatiifi lafti ya hammaatte, nami wolhad'e wolsaame, tanaafi worrafi lafale imballeesa. Hobolo guddo mukha jabaani jaari, garaa keesa kuta heddu iti tolchi, waan bisaani dandaani iraani inseeneeni keesafi alalleni d'oobi. Aki atini isi jaartu akana: lafa ira d'eerinni d'und'uma d'ibba sadi, ballinni d'und'uma shantama, oli d'eerinni d'und'uma sodoma. Hobolo suni gubbaa jaari duuchi, fiit'eeni hoboloo ha qota isii d'und'uma tokooni ira d'eerattu. Hobolo keesati balbala mid'aasi, ammalle fulla keesati galani sadi wolgubbaa jaari. Duuba anini bokaya guddaani d'ufa, aka lolaani lafati fach'ae waan lubbu qaba ka lafa jira ch'ufa balleesu. Wonti lafa gubbaa jira ch'ufti indooti, ammo anaafi si wolti kakhanne wold'aqisa woliini tolfanna. Niiti teeti, ilmaani teetifi nad'eeni worrale guuri, hobolo duuda. Waan lubbu qaba ch'ufa, d'alafi korma, fuud'i, hoboloti naqi, aka lubbu baaftu. Simpirre gosa ch'ufatiifi bineensa garaani lafa ira lohufi ka illoonnele, ka gosa ch'ufa lama lamaani siti gad'ufani, aka dua d'owartu. Ammalle sagale gosa ch'ufa ta nyaatani fuud'i olkayi, aka isiini liqimsa namaatiifi ta bineensale taatu. Nuhuuni waan ch'ufa, akuma Waaqi jed'eeni, tolche guute. Jennaani AABBO Waaqi waan Nuhuuni jed'e, Beena, siifi worri kanke ch'ufti hobolo seena, ani layu arge, nama lafa ke jiru ch'ufa keesa sii ch'allati nama d'ugaati. Bineensa nami nyaatu keesa, kormafi d'alale torba torba fuud'i, ammo bineensa nami inyaanne, kormafi d'ala, toko toko fuud'i. Ammalle simpirreefi allaati gosa ch'ufa keesa, kormafi d'altu torba torba fuud'i. Wonti atini akasi tolchitufi, aka bineensi kunini ch'ufti bahe taka tana d'alu. Eegi torbaani toko bokaya jabaa rooba, ka halkanifi guyya afurtama garagari inch'inne, aka waan lubbu qaba, ka anini mid'aase ch'ufa, lafa iraa balleesu. Nuhuuni, akuma Waaqi jed'eeni, waan ch'ufa tolche guute. Gaafa lolaani fach'ae lafa fud'ate ganni Nuhu d'ibba jaa. Duuba isa, niiti isaati, ilmaani worraatifi nad'eeni worraleeni aka fach'aa bisaani duraa bahani hobolo duudani. Bineensa nami nyaatufi ka nami inyaannele, simpirreefi bineensa garaani lafa ira lohule ch'ufa keesa, lama lamaani, d'alafi kormi, Nuhu woliini hobolo duudani, akuma Waaqi jed'eeni kaani. Eegi bulti torba lolaani fach'ae bisaani lafa fud'atani. Gaafa ganni Nuhu d'ibba jaa, jia lameeso, guyya kud'ani torbeeso, guyya suni, bisaani jalaa olfarqatani gubbaale gabaafatani. Guyya afurtamatiifi halkani afurtama bokai akasuma lafa gubbati roobe. Guyyuma suni Nuhufi ilmaani isaa Shemufi Hamufi Yafethiini, ammalle niiti Nuhutiifi nad'eeni ilmaani isaa ch'ufumaani hobolo duudani. Ammalle worra woliini bineensi garaani lafa ira lohufi ka illoonneleeni, horifi simpirre gosa ch'ufale woliini tokochi qubaleeni inhamne, olduudani. Bineensi gosa ch'ufa ka lafa jiru, lama lamaani kormafi d'ala, Nuhu woliini hobolo duudani. Bineensi, kormafi d'alaani, ka gosa ch'ufa, akuma Waaqi Nuhuuni jed'e, olduude jennaani AABBO Waaqi balbala iti ch'ufe. Lolaani haga bulti afurtama fach'ae, bisaani lafa ira dabrani, hobolo lafa ira olfuud'ani. Bisaani guddatani lafa iraa guddo olbahani duuba hobolooni bisaani suni gubbaa deemte. Bisaani aka taka inargini guddatani gaareeni d'ed'eertule ch'ufa fud'atani d'ossani; bisaani guddatani olbahani gaareeni d'ed'eertule d'und'uma kud'ani shanitiini oldabrani. Wonti lubbu qaba, nama taanaani, bineensa taanaani, simpirre taanaani, bineensa garaani lafa ira lohule taanaani, ch'ufti hobaate. Wonti lubbu qaba, ka lafa gubbaa jira, haguma geetuuni hobaate. AABBO Waaqi waan lubbu qaba, ka lafa gubba jira ch'ufa balleese — nama taanaani, bineensa taanaani, waan lafa ira lohule taanaani, ammalle simpirrele taanaani. Nuhufi waan isa woliini hobolo keesa jiru ch'allati hafe. Ka diqole gadi inhiqiini, bisaani bulti d'ibba tokofi shantama lafa ira taani. Waaqi Nuhufi bineensafi hori isa woliini hobolo keesa jira ch'ufa qaabate, bubbe bubbise bisaani gadeebise. Bisaani gubbaa baafatanifi jala farqatani kaani ch'ufti ch'itani, bokeenileeni ch'aame, bisaani laanuma haga bulti d'ibbafi shantama gadeebiani. Guyya kud'ani torbeeso, jia torbeeso, hobolooni d'ufte gaara Ararati ira teete. Duuba bisaani d'iqaachuma diqaatani, guyya qara ka jia kud'anneeso fiit'eeni gaareeni mumullatte. Guyyaani afurtama hobae jennaani Nuhuuni deresha hobolo inni jaare taani bane, haranqeesa toko alati gad'iise. Ammo haranqeesi suni hoboloti deebiu dide, haga bisaani fooqataniti lafa mare. Jennaani sabaliisa tokole alati gad'iise, aka inni aka bisaani fooqatani laalu; ammo sabaliisi waan bisaani lafa ira imfoqatiiniifi, fulla tau d'abe, hoboloti deebie; Nuhuuni harka alati baafate fuud'e hoboloti deebise. Nuhuuni torba bule jennaani ammalle maro lameeso sabaliisa alati gad'iise. Sabaliisi kaani ka baala ejersa doti afaani qabu galgala isati deebie. Duuba Nuhuuni akanaani aka bisaani fooqatani hubate. Ammalle torba bule, maro sadeeso sabaliisa kaani gad'iise. Ammo gaafa kana inni iti deebiu dide achumaani hafe. Ganni Nuhu d'ibba jaafi toko geennaani, guyya qara ka jia qara, bisaani fooqatani. Jennaani Nuhuuni hobolo gubbaa buqise, gama ch'ufa millate lafa goddu arge. Jia lameeso, guyya diddami torba geennaani, lafti godde kawifte. Jennaani Waaqi waan Nuhuuni jed'e, Siifi ilmaani teetifi niiti teetifi ammalle nad'eeni ilmaani teeti ch'uftinu hobolo keesaa baha. Waan lubbu qaba ka hobolo keesa jiru ch'ufa gadi baasi, simpirrele taanaani, bineensa taanaani, hori taanaani, ammalle waan lafa ira lohu taanaani ch'ufa gadi baasi, aka worri hore lafa guute deebanu. Duuba Nuhufi ilmaani isaatiifi niiti isaatiifi nad'eeni ilmaani isaa ch'ufti hobolo keesaa bahani. Wonti lubbu qaba ch'ufti, simpirre taanaani, bineensa taanaani, hori taanaani, ammalle waan lafa ira lohu taanaani ch'ufti hobolo keesa, aka woli d'alani gula, woliini gadi yaate. Jennaani Nuhuuni fulla sorio iti qalani AABBO Waaqaa jaare, bineensafi simpirre gosa ch'ufa, ka nami nyaatu toko tokooni keesa fuud'e, gube sorio fulla suniti Waaqaa baase. AABBO Waaqi ch'inch'a fooni gubani suni suufe jennaani waan ufiini jed'e, Anini deebie namaa jed'e lafa inabaaru, ato heregi garaa isaa haguma inni d'alate hamale tahe, yokhaani anini waan lubbu qaba aka qara balleese kana deebie imballeesu. Haga lafti jirtu, oobrachafi murachaani, qabanafi owi, bonaafi roobi, yokhaani halkanifi guyyaleeni deebite imbaddu. Waaqi Nuhufi ilmaani isaati eebise waan jed'eeni, Hora bula, daraara, lafa ira dabra. Bineensi ch'uftinu, simpirre taanaani, qurt'umi taanaani, bineensa garaani lafa ira lohu taanaani ch'ufti harka kanke ke jira, si sodaata. Waan lubbu qaba ch'ufa, mukhaafi bineensale, ya sii kenne, aka isiini sagale sii taatu. Ammo fooni d'iigi keesaa imbahini inyaatina, wonti akanatiifi jireenni d'iiga ke jira. Yo d'iiga keesani buusani, anini gati ira qaba. Yo nami yokhaani bineensi d'iiga suni buusele, anini gati ira qaba. Ka d'iiga namaa buuse, namati d'iiga buusa; wonti akanatiifi Waaqi fakeenna ufii gula nama mid'aase. Amma duuba isani hora deebana, dagaaga daga hora. Waaqi waan Nuhufi ilmaani isaatini jed'e, Anini amma wold'aqisa sifi ilmaani tante woliini tolfad'a, ammalle waan lubbu qaba, simpirre taanaani, looni taanaani, bineensa d'ibile taanaani, ka atini hobolo keesaa woliini baate ch'ufa wold'aqisa woliini tolfad'a. Wold'aqisi anini si woliini tolfad'u kana: armaa achi waan lubbu qaba tokole iti deebiani bisaanini lafa iraa inhobaasani; ammalle lolaani deebie fach'ae lafa imballeesu. Waaqi waan jed'e, Akheekhi wold'aqisa ka anini sifi waan lubbu qaba ka si woliini jiru ch'ufaani haga jiru jireenna tolfad'u kana: Anini ule tiyya gubbaa dumansa keesa d'aaba, isiini duuba akheekha wold'ageeti tiyyatiifi ta lafa ch'ufa taati. Hojaani anini gubba dumansaani d'osse ule tiyya keesa d'aabe, wold'ageeti anini sifi waan lubbu qaba woliini tolfad'e inqaabad'a; duuba fach'ai bisaani ituma deebie waan lubbu qaba imballeesu. Yo anini ule tiyya ta dumansa keesa mullattu argu, anini wold'aqisa jiru jireenna ka sifi waan lubbu qaba ch'ufa woliini tolfad'u qaabad'a. Sunini akheekha anini sifi waan lubbu qaba ch'ufa woliini tolfad'e. Ilmaani Nuhu ta hobolo keesaa yaate, Shemu, Hamu ammalle Yafethi. (Hamuuni abba Kanaani.) Nami ch'ufti ka lafa keesa jiru ilmaani Nuhu tana sadeeni iraa hore. Nami qara oobru qote zabibu keesati oobre Nuhu. Inni daad'i d'uge machae, woya ufiraa baase, waaro ufii keesa qulla ch'iise. Duuba Hamuuni, ka abba Kanaani, aka abbaani qulla waaro isaa keesa ch'iisu arge jennaani gabahe, d'aqe oboleyaani isaa taani lamaaniti hime. Jennaani Shemufi Yafethiini woya fuud'ani, gurmu ira keeyatani duddubaani yaani, woya iti uyisani, mata dalla qabatani, aka qulla abbaa ingarre. Nuhuuni machiini iraa galte jennaani waan gurbaani isaa maand'ichi isa tolche beekhe waan jed'e: Kanaani ha abaaramu! Ha tisse oboleyaani isaa tahu. Ammalle inni waan jed'e, AABBO Waaqi ha worra Shemu eebisu; Kanaaniini ha tisse Shemu tahuti. Waaqi ha Yafethi daraarsu! Ilmaani isaaleeni ha Shemu woliini teetu! Kanaaniini ha tisse Yafethi tahuti. Eegi fach'aa lolaa kaani, Nuhuuni ganna d'ibba saditiifi shantama tae. Ganni Nuhu, gaafa inni due, d'ibba sagalifi shantama. Tunini ilmaani ilmaani Nuhu ta Shemu, Hamu, Yafethi jed'ani. Isiini sadeenu eegi fach'aani bisaani lafa balleese ilmaani tana d'alte. Ilmaani Yafethi tana: Gomeri, Magogu, Madai, Yavani, Tubali, Mesheki, Tirasi. Ilmaani Gomeri: Ashkenazi, Rifathi, Togama. Ilmaani Yavani: Elisha, Tarshishi, Kitimu, Warodani. Tana ira worri afaani baariini tau hore. Tunini ilmaani Yafethi, ta isiini ch'ufti gosafi lafafi afaani ufile kobaa qabdu. Ilmaani Hamu tana: Kushi, Misiri, Putu, Kanaani. Ilmaani Kushi tana: Seba, Havila, Sabta, Raama, Sabteka. Ilmaani Raama: Shebafi Dedani. Kushiini Nimrodi d'ale; inni nama qara lafa ch'ufa keesa janna jaba tahe. Inni AABBO Waaqa durati nama adamo jaba tahe, tanaafi biyyiti waan jettu, Ebelluuni AABBO Waaqa durati nama aka Nimrodi adamooti jaba jetti. Gaafa qara lafti inni fide Babiloni, Ereku, Akadi, Kalne, lafa Shinari keesa. Inni lafa suni keesaa godaane lafa Ashuru d'aqe, achiti dira Ninawifi Rehoboth-Iri, Kala, Reseni, ka jiddu Ninawifi Kala jiru jaare; Kalaani dira suni ch'ufa ira gudda. Misiriini gosa Ludifi Anamifi Lehabifi Naftuhifi Pathrusifi Kasluhifi Kaftori d'ale; gochiti Filisti gosa Kaftori iraa horte. Kanaaniini ilma isaa ka angafa ka Sidoni jed'anifi Hethi d'ale, ammalle gosa Yebusifi Amorifi Girgashifi Hivifi Arkifi Sinifi Arfadifi Semarifi Hamathi d'ale. Eegi suni gochiti Kanaani miilo miilooni gargari baate, duuba lafti worraa haga Sidoni ejite qajeela Gerari haga Gaza, qajeela Sodomafi Gomora, Admafi Seboimu haga Lashaleti ejite. Tunini ilmaani Hamu, ta isiini ch'ufti gosafi lafafi afaani ufile kobaa qabdu. Shemuleeni, ka oboleesa gudda Yafethi, ka ammalle abba ijoolle Eberi, ijoolle d'ale. Ilmaani Shemu tana: Elamu, Ashuru, Arfaksadi, Ludi, Aramu. Ilmaani Aramu tana: Usi, Huli, Githeri, Mashi. Arfaksadiini Sela d'ale, Selaleeni Eberi d'ale. Eberileeni ijoolle lama ta d'iira d'ale: ka qara maqa Pelegi baasanifi, wonti akanatiifi ato inni jiru lafti gargari qoodamte; ka lameeso maqaani Yoktani. Yoktaniini ilmaani tana d'ale Almodadi, Shelefu, Hasarmawethi, Yera, Hadoramu, Uzali, Dikla, Obali, Abimaeli, Siba, Ofiri, Havila ammalle Yobabi. Tuni ch'ufti ilmaani Yoktaniiti. Lafti worri keesa tae haguma Mesha ejite qajeela Sefari, haga lafa gaareeni ta ilaboruti ejite. Tunini ilmaani Shemuti, ta isiini ch'ufti gosafi lafafi afaani ufile kobaa qabdu. Worri kunini ch'ufti worra ilmaani Nuhu iraa hore, d'alootafi gosa isaani gula. Worra kana iraa gochiti lafaa ch'ufti baate, eegi fach'ai bisaani lafa balleese. Gaafa qara nami ch'ufti afaani toko dubbata, dubbileeni toko. Ato nami gara ilaboru gogodaanu, lafa diida diriirtu Shinari keesati qubatani. Duuba waan woliini jed'ani, Koota me, biyye faara suumne aka dansaa gumne matofaara mid'aasina. Duuba matofaara suniini woi jaarani, matofaara suni laamiini wolti qabani. Jennaani waan jed'ani, Koota me, dira jaaranne, mana d'eera ka fiit'eeni isaa Waaqati ejitule jaarra, aka gurra baafanne lafa ch'ufa keesa gargari imbaane. Jennaani AABBO Waaqi gadi bue, dirafi mana d'eera nami jaare argu d'ufe waan jed'e, Me ilaala, worri kunini ch'ufti gosa toko, ammalle afaani toko dubbatani; iti keeyachaani waan worri armaa achi tahu tana. Armaa achi worri woma yaadu taha! Koota me, gadi buune, afaani worraa wolmilisine, aka worri wolind'ageenne. Duuba AABBO Waaqi lafa ch'ufa keesa worra gargari baase wolhanqise; jennaani worri ijaarsa dira suni lakise. Tanaafi dira suni maqa Babeli baasani; wonti akanatiifi achiti AABBO Waaqi afaani nama ch'ufa wolmillise, achumaani nama ch'ufa gargari baase wolhanqise. Tunini ilmaani Shemu. Eegi bisaani fach'aani lafa balleesani kaani, ganni lama dabre jennaani Shemuuni, ka ganni isaa d'ibba toko, Arfaksadi d'ale. Eegi suni inni ganna d'ibba shani tae ilmaani d'ibile d'ale. Arfaksadiini ganna sodomi shani tae ilma isaa Sela d'ale. Eegi suni inni ganna d'ibba afuritiifi sadi tae ilmaani d'ibile d'ale. Selaani ganna sodoma tae ilma isaa Eberi d'ale. Eegi suni ganna d'ibba afuritiifi sadi tae ilmaani d'ibile d'ale. Eberiini ganna sodomi afuri tae ilma isaa Pelegi d'ale. Eegi suni ganna d'ibba afuritiifi sodoma tae ammalle ilmaani d'ibile d'ale. Pelegiini ganna sodoma tae ilma isaa Reu d'ale. Eegi suni ganna d'ibba lamatiifi sagali tae ilmaani d'ibile d'ale. Reuni ganna sodomi lama tae ilma isaa Serugi d'ale. Eegi suni ganna d'ibba lamatiifi torba tae ilmaani d'ibile d'ale. Serugiini ganna sodoma tae ilma isaa Nahori d'ale. Eegi suni ganna d'ibba lama tae ilmaani d'ibile d'ale. Nahoriini ganna diddami sagali tae ilma isaa Tera d'ale. Eegi suni ganna d'ibba tokofi kud'ani sagali tae ilmaani d'ibile d'ale. Teraani ganna torbatama tae jennaani Abramufi Nahorifi Harani d'ale. Ilmaani Tera tana; inni abba Abramufi Nahorifi Harani. Haraniini abba Lutu. Duuba Haraniini dira iti d'alate, ka Uru jed'ani keesa, lafa Kaldayo keesati, ato abbaani jiru, due. Abramuuni Sarai fuud'e, Nahoriini Milka, ta dubra Harani, ta oboleeti Iska, fuud'e. Saraiini maseena, taka woma ind'alle. Teraani ilma isaa Abramufi akhaakhu isaa Lutu, ka Haraniini d'ale, ammalle Sarai niiti Abramu fuud'e, dira Uru, ka lafa Kaldayo keesaa kae, lafa Kanaaniti godaane, lafa Harani geennaani achumati qubate. Lafa Harani keesati Teraani ganna d'ibba lamatiifi shani geennaani due. AABBO Waaqi waan Abramuuni jed'e, Lafa iti d'alattefi fiit'a tanteetiifi worra abbeetile lakisi, haga lafa anini si agarsiisu deemi. Anini ilmaani guddo sii kenna, ta gosa guddo taatu. Anini si eebise maqa dansa sii kenna, aka maqa kanketiini namaa eebisani. Nama si eebisu anini eeba kennaafi, ammo nama si abaaru anileeni inabaara. Si gula anini gosa ch'ufaa eeba kennaa. Ganni isaa torbatami shani gahe jennaani Abramuuni Harani keesaa godaane, akuma Waaqi jed'eeni, Lutuuni isa woliini godaane. Abramuuni niiti isaa Sarai fud'ate, Lutu ilma oboleesa isaale fud'ate, horifi tissele Harani keesati horate ch'ufa fud'ate, lafa Kanaaniti godaanaa kae. Lafa Kanaanitiini baannaani, Abramuuni godaanuma godaane, mukha woyyu ka lafa More, fulla qulqullo Shekemutiini bahe. (Gaafasi gochiti Kanaani jed'ani lafa suni keesa jirti.) AABBO Waaqi Abramuti mullate waan jed'eeni, Lafti anini ilmaani teeti kennu kuno tana. Jennaani Abramuuni artiti fulla sorio iti qalani AABBO Waaqaa, ka qara isati mullate, jaare. Eegi suni inni achii kae, lafa gaareeni ta dira Betheli moga ilaboru jirtuti qubate; fulla inni qubate suni ira Betheliini gara ila galchuuti; diri Aileeni gara ilaboruti. Achileti fulla sorio iti qalani ijaare AABBO Waaqa yaamate. Jennaani achii kae gara bitaa dabre. Beelti lafa Kanaani suni seente guddo hammaatte, jennaani Abramuuni lafa Misiriti godaane, aka achi tau. Ato diquma seera Misiri intaakiinu, Abramuuni waan niiti isaa Saraiini jed'e, Atini niiti mid'aadu. Hojja worri Misiri si arge, tunini niiti isaa jed'ani, duuba na ijeesani si lakisani. Atini, anini oboleeti isaa jed'i; duuba worri sii jed'e na lakise waan dansa naa tolcha. Inni seera Misiri taake jennaani worri Misiri aka niitiini isaa mid'aadu arge. Worri gari ka hayyu Farao jala hojatu, gara isaa d'aqe mid'aaguma isii saade; duuba isi fuud'ani worra Faraoti galchani. Isii jed'e hayyuuni Abramu waan dansaa tolche, reefa, loonifa, harrefa, tisseleefi gaalale kenneefi. Waan hayyuuni Sarai fud'ateefi AABBO Waaqi d'ukuba hama isaafi worra isaatini d'ufe. Jennaani hayyuuni Abramu yaame wa gaafate waan jed'eeni, Atini maani na tolchite? Maafi aka isiini niiti tanteeti nati inhimini? Maafi, isiini oboleeti tiyya naani jette, aka ani isi fuud'u iti na lakifte? Niitiini tante tana, fud'ad'i, na biraa deemi! Hayyuuni nama ufii yaame waan jed'eeni, Abramufi niiti isaatiifi waan inni qabu ch'ufa lafa teenna keesaa galcha jed'e. Abramuuni lafa Misiri keesaa kae, niiti isaatiifi waan qabu ch'ufa fud'ate, Lutule woliini, lafa Kanaaniti gale. Abramuuni guddo dureesa, horifi qarsifi worqile qaba. Jennaani inni achii kae gama Betheli gula godaane. Fulla qara qubate taani, ta Bethelifi Ai jiddu, ta inni fulla sorio iti qalani jaare, gahe achiti AABBO Waaqa yaamate. Lutuleeni, ka Abramu woliini godaane, reefi loonifi worrale kama ufii qaba. Tanaafi lafti suni worra lachu wolti fuud'u dad'abde, waan worri hori guddo qabuufi. Duuba tissituuni Abramutiifi ta Lutu tikha irati woldidde. (Gaafasi worra Kanaanitiifi worri Perizi lafa suni keesa taa.) Jennaani Abramuuni waan Lutuuni jed'e, Nu fiit'a, wold'abu himmalle, yokhaani tissituuni teennaleeni woldidu himmalle. Lafa ballo si dura jirtu tana agarta? Naraa godaani. Hojja atini gara bitaa godaante, anini gara mirgaa godaana; hojja atini gara mirgaa godaante anini gara bitaa godaana. Toko filad'u. Lutuuni mirgaafi bitaa millate, gara galaana Yordani haga lafa Zoari ilaale, aka isiini bisaani dansa qabdu arge, akuma oobru AABBO Waaqa yokhaani lafa Misiri. (Gaafasi gaafa AABBO Waaqi Sodomafi Gomora imballeesini.) Duuba Lutuuni arda Yordani filate gara ilaboru godaane; akasiini worri gargari bahe. Abramuuni lafa Kanaaniti qubate, ammo Lutuuni dira bale ke jiru qubate, d'aatu Sodomati waaro d'aabate. Ammo worri Sodoma worra ch'ubbicha hama, ka Waaqa durati daba tolchu. Eegi gargari bahani, AABBO Waaqi waan Abramuuni jed'e, Fulla jirtu tana mirgaafi bitaa gama ch'ufa ilaali. Lafa ati agarte tana ch'ufa siifi ilmaani teeti kenna, haga jiru jireenna teesani taati. Anini d'aloota kanke daraarse aka biyye tolcha; yo dandaani biyye hedani d'aloota keetile hedani. Kai, lafa tana haguma geetunu ke deemi, ilaalad'u, wonti akanatiifi anini ch'ufa sii kenna. Duuba Abramuuni kae godaane, mukeeni woyyu ta Mamre, d'aatu dira Hebroniti qubate, artiti fulla sorio iti qalani AABBO Waaqaa jaare. Bara suni hayyooti afuri, Amrafeli ka lafa Shinari, Arioko ka lafa Elasari, Kedor-Laoma ka lafa Elamu, Tidali ka lafa Goimu, hayyoota shani d'ibiti duulte. Hayyooti shanani suni Bera ka lafa Sodoma, Birsha ka lafa Gomora, Shinabu ka lafa Adma, Shemeberi ka lafa Seboimu, ammalle hayyu ka lafa Bela yokhaani Zoari jed'ani. Hayyooti shanani tuni wolti d'ufte wold'ageete laga Sidimu keesati, ka amma galaana Sooda jed'ani. Qara haga ganna kud'ani lama Kedor-Laomaani worra mohate, ammo ganna kud'ani sadeeso mohanno isaa didani. Ganna kud'ani afreeso Kedor-Laomafi hayyooti golli isaa d'ufani, gosa Refai ta lafa Ashteroth-Karnaimu, gosa Zuzi ta lafa Hamu, gosa Emi ta lafa Shawe-Kiryathaimu, gosa Hori ta gaara Seiri dabsatani, haga Elparani moga lafa alooti gussani artini baasani. Jennaani dachaani lafa Kadeshi d'ufani (ta gaafasi Enmisfati jed'ani). Lafa Amalekitifi gosa Amori ta lafa Hasason-Tamari ke teetu had'ani dabsatani. Jennaani hayyooti Sodomafi Gomorafi Admafi Seboimufi Bela (yokhaani Soari) askarti ufii ta lola kurfefate, Bale Sidimu keesa hayyoota lafa Elamufi Goimufi Shinarifi Elasari wolhad'ani. Jari wolhad'e suni gami toko hayyoota shani, kaanileeni afuri. Baleeni suni boola waan aka laami qabdu heddu qabdi, duuba hayyooti Sodomafi Gomora, ato baqachu jirtu, boola laami suni keesa duudde; ammo taani sadeeni gaarati baqatte. Hayyooti afraani taani waan Sodomafi Gomora ke jira ch'ufa, horifi sagalele fud'atte itiini d'aabatte. Lutule, ilma oboleesa Abramu, ka Sodoma ke tau isaafi hori isaale boojiani. Ammo namichi toko baqate waan kana ch'ufa Abramu ka gosa Ebraniati hime; inni gaafasi fulla mukeeni woyyu, ta namicha Mamre gosa Amori jed'ani, d'aatu jira. Mamrefi oboleyaani isaa Eshkolifi Aneriini golli Abramuti. Abramuuni aka ilma oboleesa isaa qabani d'ageennaani nama olla isaa ch'ufa ka had'i dandau, nama d'ibba saditiifi kud'ani saddeeti, wolti yaame hayyoota afraani taani haga lafa Dani reebani. Achi geennaani inni jara isaa fullaa fullaa qoode, halkaniini nyaapa suni lole dabsate, haga Hoba, ka dira Damaski mirgaa, had'e waan qara fud'atani iraa buuse. Ammalle Lutu, ilma oboleesa isaa ka boojiani, isaafi hori isaa ch'ufafi nad'eenifi worra qara boojianile deebise. Abramuuni Kedor-Laomafi hayyoota taani dabsate gale, jennaani hayyuuni Sodoma Bale Shawe, ta Bale Hayyule jed'ani, keesati yoyo fuula ke deeme. Jennaani Melkizedekiini, ka hayyu Salemu, ka ammalle qaallu Waaqa Guddaa, qit'afi daad'i Abramuu geese eebiseefi waan jed'e, Waaqi Guddaani, ka lafafi gubba uume, Abramu eeba kenninna! Waaqa gudda ka nyaapa kanke ch'ufa si dabsachiise ha faarsani! Abramuuni hori nyaapa iraa deebise Melkizedeki qoode. Hayyuuni Sodoma waan Abramuuni jed'e, Hori galfatte kanaani tai, ammo nama kiyya ch'ufa naa deebisi. Abramuuni harka olfud'ate kakhate waan jed'eeni, Anini Waaqa AABBO Gudda, ka lafafi gubba uume durati kakhad'a, aka waan kanke tokoleeni inteenne, waan d'ibi lakisi liilanafi limele, aka ati dandeete, Anati Abramu duroomse deebite injenne. Anini ufi woma tokole imfud'ad'u, waan jari kiyya qara nyaate male. Ammo golliini tiyya, Anerifi Eshkolifi Mamreeni, qooda ufii ha fud'atani. Eegi suni Abramuuni qonqo AABBO Waaqa ta daayya keesa iti d'ufte d'agaye. Qonqooni suni waan jette, Abramu, insodaatini, anini wonte sii tahe waan guddo sii tolcha. Ammo Abramuuni waan jed'e, Ee AABBO Waaqa, wonti guddooni ati na tolchitu maani naa baati, ka anini ilme inqamne? Ufuftu nami na d'aalu Eliezeri ka gosa Damaski. Ati ijoolle tokole naa inkennine, amma nami na d'aaluyu tissuma tiyya. Jennaani inni qonqo AABBO Waaqa ammalle d'agaye ta, Namichi kunini si ind'aalu, ilmuma kanke ka atini d'altuti si d'aala isaani jette. AABBO Waaqi isa alati baase waan jed'eeni, Me, gubbaa ilaali, yo dandeete urji tana ch'ufa hedi; ilmaani tante hagasi geeti. Abramuuni AABBO Waaqa d'ugeefate, maro d'ugefacha isaatiifi AABBO Waaqi isa maache nama d'ugaati isa herege. Jennaani AABBO Waaqi waan jed'eeni, Anini AABBO Waaqa, ka lafa Uru ta Kaldayo keesaa si baase lafa tana sii kenne. Jennaani Abramuuni waan jed'eeni, Ee Waaqa Gudda, anini akamiini beekha, aka lafti tuni tiyya taatu? Inni waan jed'e, Goromsa tokofi reeti tokofi elemo toko, ka ch'ufti ganna sadi, sabaliisa gudda tokofi diqa toko natiini kooti. Abramuuni waan kana ch'ufa Waaqatini d'ufe qale, fooni fulla lama ta haga taka gargari qoode gama gama naqe, ammo fooni simpirre gargari inqoonne. Allaatini iti buute, ammo Abramuuni iraa gusse. Aduuni d'iu geennaani hiribi guddaani Abramu qabate, hiriba suni keesa inni guddo nahe rifate. AABBO Waaqi waan jed'eeni, Hubad'u, ilmaani tante lafa imbeenne keesati keessuma taate, tisse tolchani, haga ganna d'ibba afuri aka taka inargini gaargalchani. Ammo anini gosa worra tissele tolchite wollaala iti mure gaargalcha; ilmaani tante, gaafa achii baatu, hori guddaani baati. Atini ammo ganna heddu teete, gaafa dootu awaala dansa argatta. Eegi d'aloota ababoota tanteeti ilmaani tante lafa tanati deebiti, wonti akanatiifi anini gosa Amori lafa tana keesaa imbaasu, haga ch'ubbuuni worraa guddatte guyyaani ani worra gaargalchu gahuuti. Eegi aduuni d'iite lafti dukanoofte, eele ibidaa ta aara qabdufi ifseeni bobeetu mullatte jiddu fooni kaani baate. Hojuma sunii achumati AABBO Waaqi Abramuuni wold'aqani waan jed'eeni, Anini lafa tana ch'ufa d'aloota keeti kenna, galaana Misiriti asi haga galaana gudda ka Frati jed'ani, lafa worra Keni, ta Kenizi, ta Kadmoni, ta Hiti, ta Perizi, ta Refai, ta Amori, ta Kanaani, ta Girgashi, ta Yebusi ch'ufa kennaafi. Saraiini, niiti Abramu, ijoolle tokole isaa ind'alle, ammo isiini intala tisse toko ta gosa Misiri qabdi, ta maqaani Hajiri. Saraiini waan Abramuuni jette, AABBO Waaqi ijoolle tokole naa inkennine. Tissiti tiyya tana barad'i, aka isiini ilmaani naa d'altu. Abramuuni waan isiini jetteeni tahe. Saraiini Hajiri Abramu kennite, aka isiini niiti isaa taatu. (Wonti kunini eegi Abramuuni ganna kud'ani lafa Kanaani keesa tae taate.) Abramuuni Hajiri garaacheese; isiini aka garaachoofte ufi agarraani Sarai ch'eera d'abde. Jennaani Saraiini waan Abramuuni jette, Wollaala keetifi Hajiriini ch'eera na d'abde. Anumati isi sii kenne, ammo isiini haga garaacha ufirati garte ya ch'eera na d'abde. AABBO Waaqi anaafi si nama fulla injirre ha laalu. Abramuuni waan jed'eeni, Hayye, d'uguma isiini tisse teeti, harka kanke keesa jirti, waan feetu tolchi. Jennaani Saraiini aka hamtu Hajiri gaargalchinaani, isiini biraa baqatte. Malaikaani AABBO Waaqaa Hajiri, ta maddo lafa aloo d'aatu kara Shuri teetu, iti d'ufte waan jetteeni, Hajiri tissiti Sarai, atini eesaa d'ufte, eesa deemta? Isiini waan jetteeni, Uwiti hojad'uufi biraa baqachuu jira. Malaikaani waan jetteeni, Isiiti deebii, hojad'iifi. Ammalle waan jetteeni, Anini si horsiise ilmaani heddu sii kenna, ta nami tokoleeni hedu indandeenne. Atini ilma d'alte maqa isaa Ishmaeli baafta, wonti akanatiifi AABBO Waaqi ya d'iba kanke arge boha tante d'agaye. Ammo jireenni ilma kanketi kauma harre diidaa taha; inni nama imfed'u, nami tokoleeni isa imfed'u. Fiit'a isaaleeni wolind'agayani. Hajiriini mamte waan ufiini jette, Ani d'ugumati Waaqa arge iraa hafe waan kana inodeesa? Tanaafi isiini AABBO Waaqa ka isiini dubbate, Waaqa waan ch'ufa argu jetteeni. Waan kanafi eela jiddu Kadeshifi Beredi, Eela Waaqa jiru, ka na argu, jed'ani yaamani. Hajiriini Abramuu ilma d'alte, inni maqa Ishmaeli baaseefi. Gaafasi ganni Abramuu saddeetami jaa. Ganni Abramu sagaltami sagali geennaani AABBO Waaqi isati mullate waan jed'eeni, Anini Waaqa Gudda. Na ch'aqasi, waan hamtu intolchini. Anaafi sii wold'aqisa woliini tolfanne ilmaani heddu sii kenna. Abramuuni Waaqa dura gajed'e, Waaqi waan jed'eeni, Anini wold'aqisa si woliini tolfad'e, abba gosa heddu taata. Arraa achi maqaani kanke Abramuniti ammo Abrahamu siini jed'ani, wonti akanatiifi anini ya abba gosa heddu si tolche. Anini si daraarse ilmaani tante gosa heddu sii tolche, ta garileeni hayyu taati. Anini wold'aqisa siifi ilmaani teetifi d'aloota d'ufule woliini tolfad'u jabeese, wold'ageetiini teenna ta jiru jireenna taati. Anini Waaqa keetifi ka ilmaani tanteeti taha. Lafa amma atini iti keessuma tana anini sifi ilmaani teeti kenna. Lafti Kanaani ch'ufti ta ilmaani teeti taati haga jiru jireennale, anileeni Waaqa worraa taha. Waaqi waan Abrahamuuni jed'e, Atileeni gama kanketiini, sifi ilmaani tante ta d'aloota d'ufu, wold'ageeti tiyya tana jabeesa. Wold'ageetiini jiddu tiyyafi teesani, ta sifi ilmaani tante jabeesu maltani, tana: ilma d'iira keesani ch'ufa qabanqaba qabaafi. Nama d'alate ch'ufa qabuufi malani, akanaani wold'ageetiini teenna nafa keesani ira mullatti, haga jiru jireenna. Ilma d'iira ka qabanqaba inqabatini gosati inheregani, waan inni wold'ageeti teenna injabeesiiniifi. Waaqi waan Abrahamuuni jed'e, Arraa achi niiti tante Sarai jette iyyaamiini, Sara jed'i yaami. Ani isii eebisa, aka isiini ilma sii d'altu. Ani isii eebise, isiini haad'a gosa heddu taate, ilmaani isiileeni ta gari hayyoota taati. Abrahamuuni Waaqa dura gajed'e, mame koble waan ufiini jed'e, Isii, nami ganna d'iba toko gahe akami ilma d'ala? Saraleeni d'ugumati ganna sagaltamati ilme ind'alti? Waan inni Waaqaani jed'e, Ishmaeliini na d'aale ho? Ammo Waaqi waan jed'eeni, Hiyo, intaatu. Niitiini tante Saraani ilma sii d'alti, atini maqa Isaaqo baasiifi. Anini isaafi ilmaani isaale wold'aqisa haga jiru jireenna woliini tolfad'a. Anini kad'acha tante ta waan Ishmaeli la d'agaye, waan kanafi isaa eebise daraarse ijoolle heddu kennaafi. Inni abba jaallaba kud'ani lama tahe, anini d'aloota isaa gosa guddo tolcha. Ammo anini wold'aqisa kiyya ka ilma kanke Isaaqo woliini tolfad'u, ka Saraani mara woga tana sii d'altu, injabeesa. Waaqi dubbi tana buufate jennaani Abrahamu biraa olgale. Guyyuma suni Abrahamuuni ilma isaa Ishmaelifi nama d'iira ka worra isaa keesati d'alate, tisse mana isaa keesati d'alatte, ta horiini bitani wolumaani, qabanqaba qabeefi. Abrahamuuni gaafa qabanqaba qabate ganni isaa sagaltami sagali, ka ilmi isaa Ishmaeli kud'ani sadi. AABBO Waaqi Abrahamuti mullate fulla mukha woyyu ka Mamre, ato inni balbala waaro isaa keesa tau, guyya gudda. Inni olmillate nama sadi ka ejaanju arge jennaani kae fuula ke fiige gajed'e waan jed'eeni, D'iiro tiyya, yo na tufachu baatani, mana kiyya bira indabriina. Eega, bisaani miila d'iqattaniini isanii d'ufa; hagasi gaadisa kana jala boqod'a. Liqimsa diqo toko isanii kenna, ta woreega karaa isanii taatu. Waan guddo na tolchitani ka mana kiyya d'uftani, eega, isani gololcha. Worri waan jed'eeni, Hayye, ha taatu. Abrahamuuni waaroti arifate waan Saraani jed'e, Hurrisi, subba mid'aani daakhani qabu dansa fuud'i mid'aasi, qit'a d'aabi. Abrahamuuni gara hori isaa arifate lamacha gabba toko fuud'e, hojattu isaatini, Hurrisa qala jed'eeni. Eegi suni inni ititufi aanani miifi fooni fuud'e keessuma duraani d'ufe, Soorad'a jed'eeni. Achiti mukha jalati bira eje worra gololche. Jennaani worri waan jed'eeni, Meeti, niitiini tante Saraani? Inni waan jed'eeni, Achi waaro keesa jirti. Worra suni nami toko waan jed'eeni, Anini jia sagali tae deebia, gaafa anini gadeebiu, niitiini tante Saraani ilma qabdi. Saraani balbala waaro keesa isa duuba ejite ch'aqasu jirti. Abrahamufi Saraleeni ya jaarani fulla gahani; Saraleeni la d'alti keesa hobaate. Saraani kofalte waan ufiini jette, Bada, anini amma, nami jaare hobae kunini, d'iirsa kiyya ka jaare ufiyu dad'abe ind'araafi? AABBO Waaqi waan Abrahamuuni jed'e, Saraani maafi kofalte, Anini jaaruma tanaani ilme inargad'a? jetti? D'uguma wonti AABBO Waaqati jabaata injirti? Akuma qara anini siini jed'e, Anini jia sagali tae, yo ani deebie, Saraani ilma qabdi. Saraani sodaatte, Anini inkofalle jette mormatte. Ammo inni, Atini la kofalte jed'eeni. Jennaani jari kae fuula Sodoma deefate iti d'aabate, Abrahamuuni worra gegeese. AABBO Waaqi waan jed'e, Anini waan tolchu fed'u kana Abrahamu ind'ossu. Eegi tana ilmaani isaa gosa guddo taate, gochiti lafa tana ch'ufti worrani eeba argatti. Anini isa yayu fohad'e, aka inni ilmaani isaatiifi ababoota isaa gorse, aka worri na ch'aqase waan dansaafi ka qajeela tolchu. Yo worri waan kana tolche, anileeni waan Abrahamuu Intolcha jed'e ch'ufa intolchaafi. Jennaani AABBO Waaqi waan Abrahamuuni jed'e, Worri Sodomatifi ka Gomora ya guddo ch'ubbu tolche, waan sunifi worra guddo himatani. Anini tanaafi achi d'aqa, aka himachaani suni d'arafi d'uga ilaalu. Jennaani worri kaani lamaani kara Sodoma dabre, ammo AABBO Waaqi fulla Abrahamuti hafe. Abrahamuuni Waaqati d'iaate waan jed'eeni, Atini d'ugumati nama ch'ubbichafi ka ch'ubbu inqamnele woliini hobaafta? Yo nami shantama ka ch'ubbu inqamne dira kana keesa jiraate, atini worra shantama suni jette dira suni innaatuufi? Ch'ufa imballeesita? Atini nama ch'ubbu inqamne dandeete ka ch'ubbu qabu woliini inhobaaftu. Suni sii imfakaattu. Yo atini akasi tolchite, ka ch'ubbu qabuufi ka ch'ubbu inqamneleeni woliini hobaa. Wonti kunini diqole intaatu. Jaallabi lafa tana ch'ufaa waan d'uga intolchu? Ammo AABBO Waaqi waan jed'eeni, Hojja nama shantama ka ch'ubbu inqamne Sodoma keesati arge, anini lafa suni inaraaramaafi. Abrahamuuni ammalle waan jed'eeni, AABBO Waaqa, dubbi anini si gaafad'u tana naa araarami; wonti akasitiifi anini nama, waan tokole siini jechu himmalle. Yo ammo nama shantama ka ch'ubbu inqamne suni keesa nami shani keesaa hafe, worra shanani suni jette dira kana imballeesita? AABBO Waaqi waan jed'eeni, Yo nama afurtami shani achiti arge imballeesu. Abrahamuuni ammalle dubbate waan jed'e, Yo nama afurtama ch'alla achiti agarte maani tolchita? AABBO Waaqi waan jed'eeni, Hojja nami afurtama jiraate imballeesu. Abrahamuuni waan jed'e, AABBO Waaqa, nati indallaniini, ammalle wa si gaafad'a. Yo nami sodoma ch'allaani jiraate ho? Waaqi waan jed'eeni, Yo nama sodoma arge imballeesu. Abrahamuuni waan jed'e, Ammalle naa araarami, AABBO Waaqa, wa si gaafad'a. Yo nami diddama ch'allaani ka ch'ubbu inqamne jiraate ho? Waaqi waan jed'eeni, Hojja nama diddama arge imballeesu. Abrahamuuni ammalle waan jed'eeni, AABBO Waaqa, nati indallaniini, amma toko ch'alla si gaafad'a. Yo nami kud'ani ch'allaani ka ch'ubbu inqamne Sodoma keesa jiraate ho? AABBO Waaqi waan jed'eeni, Anini lafa suni inhobaasu, yo nami kud'ani ka d'uga qabu keesa jiraate. Dubbi tana buufatani jennaani AABBO Waaqi olgale, Abrahamuleeni worra isaa gale. Yo malaikaani lamaani taani galgala Sodoma d'ufte, Lutuuni fullo dira suni ke taa. Inni worra arge jennaani fuula keesa deeme dura gajed'e waan jed'eeni, Abbooti tiyya, mana kiyya koota, miila d'iqad'a, eddanna arma bula. Bori diirama yo feetani lafaa kaatani kara keesani iti d'aabattani. Ammo worri waan jed'eeni, Intaatu, nu eddanna garaachuma dira kana ke ramna. Inni worra lakisu dide, aka worri mana isaa rafu kad'ate jennaani worri eege dubbi isaa gula deebie, mana isaa d'aqe. Duuba Lutuuni qit'a bukho inqamne d'aabeefi, worri nyaate. Ato keessumaani irafiinu, worri lafa suni, diqafi guddaani, woli gale mana Lutu marse. Lutu alati yaamani waan jed'aniini, Worri mana kanke bulu me? Midisoomsu feena, nu gayyaami. Lutuuni alati bahe balbala ch'ufe waan jed'eeni, Jaallowaani tiyya, anini isani kad'ad'a, waan fafa ka akasi suni worra kana intolchina. Anini dubra lama qaba, ta taka d'iirti bira ingahiini, yo feetani dubra suni isanii gafuud'a, aka isani waan feetani tolchitani. Ammo worri kuni lamaani keessuma tiyya jabdu, waan tokole intolchina. Ammo worri waan jed'eeni, Nu duraa gori, ati qaraa eenu ka waan nu taanu nuti himtu? Ati qara keessuma. Nu duraa gori, atini ta worraati dubbatta, siiyu waan hagasi ira hamtu si tolchina. Lutu darbani kara keesaa gorsani, balbala ch'absaa iti kaani. Ammo worri lamaani mana ke jiru kaani Lutu gabuute manati deebise balbala ch'ufate. Jennaani worri worra ala jiru kaani ch'ufa ila d'owe, aka worri balbala argu dad'abu. Worri lamaani kaani waan Lutuuni jed'e, Hojja atini nama tokole arma keesa qabaatte, ilmaani tante taanaani, soddowaani tante taanaani yokhaani nama d'ibi ka fiit'a teeti ch'ufa ka lafa tana keesa jiru, armaa keesaa baasi; wonti akanatiifi nu lafa tana imballeesina. AABBO Waaqi himacha hamtu worra kana himatani yayu d'agaye. Tanaafi nu gadi erge, aka nu lafa Sodoma tana balleesinu. Jennaani Lutuuni fulla soddowaani isaa d'aqe waan jed'eeni, Hurrisa, arma keesaa baha; AABBO Waaqi lafa tana balleesu fed'a. Ammo worri waanuma inni tabatu sehe. Lafti bariinaani malaikaani Waaqa waan Lutuuni jette, Hurrisi, niiti teetifi dubra tante lamaani fud'ad'i, arma keesaa bahi, aka isani lubbu teesani ind'amne, yo dira kana balleesani. Lutuuni waan tahu wollaale ufumaa ejinaani AABBO Waaqi naheefi, isaafi niiti isaatiifi dubra isaa lamaani harka qabe fuud'e lafa Sodoma keesaa baase. Malaikaani Waaqa toko waan jette, Oria, lubbu teesani baasa! Ufi duuba imillatiina, ammalle bale keesati inejatina; gaarati baqad'a, aka lubbuuni baatani. Ammo Lutuuni waan jed'e, Intaatu, aabbo kiyya, akasi nuu intolchini. Atini guddo na jaalatte lubbu na baafte. Gaareeni suni guddo fago, ato achi ingeenne beelafi d'eebuuni dua. Dira diqa suni garta? Inni diqo gad'iaata, achi deeme ho? Dira suni aka inni diqa inagarta. Anini achiti waan sodaad'u inqabu. Inni waan jed'eeni, Hayye, dansa. Anini dira suni imballeesu. Arifad'i, utaali! Haga atini achi geetuuti anini waan tokole intolchu. Waan Lutuuni diqa jed'eefi, dira suni maqa Zoari baasanifi. Biiftuuni banaani Lutuuni Zoariini bahe. Jennaani AABBO Waaqi maruma toko ibidaafi dillo aka ibida bobeetu Sodomafi Gomora gubbati roobe, waan dira lamaani suni ke jirafi ka bale ke jirale ch'ufa, nama taanaani, mukha taanaani, ch'ufa balleese. Ammo niitiini Lutu ufi duuba millatte, akanumati kooba soodaa taate. Boriyya diirama Abrahamuuni kae fulla inni Waaqa iti arge taani d'aqe. Inni gara lafa Sodomafi Gomoratiifi bale lafa suni ch'ufa millate jennaani aara gudda lafa suni keesaa kau, ka aka aara boola ibida keesaa bahu fakaatu, arge. Gaafa Waaqi lafa Sodomafi Gomora balleese suni, inni Abrahamu qaabate Lutule nagayaani achi keesaa baase. Lutuuni Zoari keesa tau sodaate, isaafi dubrati isaa lamaani goda gaarati galani. Intalti isaa guddooni waan diqooni jette, Abbaani keenna ya jaare, d'iirti tokoleeni lafa keesa injirtu, ta nu fuute nu ira ilme argannu. Kooti, aabbo daad'i kennineefi macheesine bira ramna, aka ilme isaani argannu. Halkani suni worri abba daad'i obaase, inni machae jennaani intalti guddooni bira rafte. Ammo abbaani guddo machae waan suni beekachu dad'abe. Boriyya intalti guddooni waan diqooni jette, Edda ani isa bira bule, kooti, arrale imacheesina, aka atini eddanna bira bultu. Akanaani inni nu lachu ijoolle ira d'ala. Akuma kaani daad'iini macheesani, ka inni imbeenne intalti maand'aleeni bira bulte. Akanaani dubra lachu abbaani garaacheese. Intalti guddooni ilma d'alte maqa Moabu baafteefi. Inni abba gosa amma tana Moabu jed'ani. Intalti maand'aleeni ilma d'alte maqa Benami baafteefi. Inni abba gosa amma tana Amoni jed'ani. Abrahamuuni Mamree kae lafa Kanaani keesa bita godaane, jiddu Kadeshifi Shuri qubate. Eege lafa Gerari qubate achiti inni niiti isaatini, Isiini oboleeti tiyya jed'e. Waan kanafi hayyuuni Gerari, ka Abimeleki jed'ani, Sara naa kootaani jed'e. Halkani toko Waaqi oobju keesa iti mullate waan jed'eeni, Atini indoota, waan niiti tana, ta qara fuud'ani, fud'atteefi. Ammo Abimelekiini taka isi bira irafne, tanaafi inni waan jed'e, AABBO Waaqa, anini ch'ubbu inqabu; atini anaafi worra kiyya inhobaafta? Qara Abrahamuti, Isiini oboleeti tiyya naani jed'e, isiileeni anini gaafannaani akasuma naani jette. Anini waan kana woma d'uga ka jira sehe tahe. Jennaani Waaqi oobju keesa waan jed'eeni, D'uguma anini imbeekha, aka atini waan d'uga seete taate, tanaafi anini ch'ubbu si d'owe isi bira gahu si d'owe. Amma tana niiti tana abbaa deebisi. D'iirsi isii raaga, aka atini indoone Waaqa si kad'ata. Ammo hojja atini niiti tana d'iirsati indeebisiini siifi worra keetileeni ch'ufti inhobaatani, beekhi. Boriyya diirama Abimelekiini hojattu isaa ch'ufa wolti yaame waan tahe iti hime, jennaani ch'ufti naasuuni hobaate. Duuba Abimelekiini Abrahamu yaame waan jed'eeni, Atini maal nu tolchite? Wonti hamtuuni anini si tolche ka atini sila naafi lafa tiyyale balleesitufi maani? Nami waan atini na tolchite kana taka nama tolchu injiru. Atini maafi akasi taate? Abrahamuuni waan jed'eeni, Anini waan nami Waaqa sodaatu lafa tana keesa jiruyu inseene; waan na ijeesani niiti tiyya naraa fud'atani sehe. Isiini d'ugumati oboleeti tiyya. Abbuma taka nu d'ale, ammo haati teenna garagara, tanaafi anini isi fuud'e. Gaafa Waaqi lafa abba kiyya keesaa lafa d'ibiti na erge, anini waan Saraani jed'e, Aka fed'i te na garsiiftu, nama ch'ufaani, Anini oboleeti isaa jed'i jed'eeni. Duuba Abimelekiini Sara Abrahamuu deebise; ammalle ree, looni, tissele ch'ufa kenneefi. Ammalle waan inni Abrahamuuni jed'e, Lafti tuni ch'ufti tiyya, fulluma feetu qubad'i. Ammalle inni waan Saraani jed'e, Anini qarsi kuma toko oboleesa keetii kenna, aka milikeeti d'uga teeti taatu; nami ch'ufti aka atini waan daba intolchini tanaani beekha. AABBO Waaqi akuma qara jed'e Sara eebise, isiini garaachoofte jaaruma isaa keesa Abrahamuu ilma d'alte. Guyyuma Waaqi Ind'alata jed'e, ilmi suni d'alate. Jennaani Abrahamuuni maqa Isaaqo baaseefi. Isaaqooni guyya saddeeti bule jennaani Abrahamuuni, akuma Waaqi jed'eeni kaani gula, isa qabanqaba qabeefi. Gaafa Isaaqooni d'alate ganni Abrahamuu d'ibba toko. Saraani waan jette, Waaqi yayu gammachuufi koblaani naa d'ufe. Nami ch'ufti, ka waan kana d'agaye, na woliini kobla. Iti darte waan jette, Eenuti sila Abrahamuuni, Saraani ijoolle inhoosifti jed'aani? Anini jaaruma isaa keesa ilma d'aleefi. Gurbaani guddate, harma ira kutani jennaani guyyuma suni Abrahamuuni jila guddo tolche. Guyya toko Ishmaeliini, ka Hajiriini, ta gosa Misiri, Abrahamu d'alteefi, Isaaqo much'a Sara woliini tabatani. Saraani ijoolle woliini tabattu agarte jennaani waan Abrahamuuni jette, Tissiti tanaafi gurba isiile nu biraa balleesi. Much'aani isii d'aala hori keeti, ka much'aani kiyya sila d'aalu tokole inargatiini. Waan Ishmaeliini ilma isaa taateefi, wonti kuni Abrahamu garaa d'iibde. Ammo Waaqi waan Abrahamuuni jed'e, Much'afi tissiti teetile iyyaadiini, waan Saraani siini jette ch'ufa tolchi. Wonti akanatiifi atini Isaaqo ira ilmaani heddu argatta. Ammalle anini ilmaani heddu much'a intala tissiti tanati kenna; isiileeni gosa guddo taati. Wonti akanatiifi innileeni ilmuma keeti. Boriyya diirama, Abrahamuuni Hajiri sagaleefi gorjo bisaani miju kenneefi much'a dudda ira kayeefi, Beeni deemi jed'eeni. Jennaani isiini iti d'aabatte, lafa aloo ta Beersheba keesa marte. Bisaani ira hobaani jennaani much'a raasa keesati lakifte, haga ejata d'ibba toko isa hanqatte teete waan ufiini jette, Anini daima kiyya ka duu bira tae ilaani argu indandau jette boote. Waaqi boha much'aa d'agaye jennaani, malaikaani Waaqaa gubbaa Hajiriini dubbatte waan jette, Maanti akana si d'iba, Hajiri? Insodaatini, Waaqi boha much'a diqa ya d'agaye. Kai, much'a fuud'i, bohu d'owi. Anini isa abba gosa guddo tolcha. Waaqi ila isii bane, eela bisaani qabu agarte. Gorjo bisaani guutate much'a d'eebu baafte. Waaqi much'a suni guddise jabeese. Inni lafa aloo ta Parani keesa tae achiti nama adamo jabaa tahe. Ammalle haati intala halkumaa ta gosa Misiri garteefi. Gaafasi Abimelekifi guddaani askarti isaa, ka Fikoli jed'ani, woliini yaani gara Abrahamu d'aqani waan jed'aniini, Waan atini tolchitu ch'ufa keesa Waaqi si woliini jira. Waan kanafi amma Waaqa durati kakhad'i, aka atini nafi ijoolle tiyya yokhaani ilmaani isii sobde waan hamtu nu intolchine. Akuma anini sii nahe si qarqaare, atileeni naafi lafa ati ke teetu tanale nahi qarqaari. Abrahamuuni waan jed'e, Hayye, ha taatu. Abrahamuuni, Hojattuuni tante eela naraa fud'atte jed'e Abimelekiti hime jennaani inni waan jed'eeni, Anini nama waan kana tolchu imbeekhu. Takale duraani nati inhimne, d'ageetiini tiyyaleeni ammuma. Jennaani Abrahamuuni reefi loonile Abimeleki kenne, duuba worri lachu wold'aqisa woliini tolfate. Abrahamuuni elemiye torba ree keesaa fohe jennaani Abimelekiini, Maani keesaa foote? jed'eeni. Abrahamuuni waan jed'eeni, Elemiye tana torbaani fud'ad'u. Yo elemiye tana fud'atte, atini ya ee jette aka anini eela kana qotad'e. Waan worri lachu achiti wolti kakhateefi fulla suni maqa Beersheba baasanifi. Worri wold'aqisa kana Beershebati woliini tolfate jennaani, Abimelekifi Fikoliini kaani lafa Filistiti galani. Jennaani Abrahamuuni Beersheba keesati d'uurte oobre, fulla mukha suniti AABBO Waaqa, ka haga jiru jireenna jiru, yaamate. Abrahamuuni lafa Filisti keesa bulti heddu tae. Eegi suni Waaqi Abrahamu laalate waan jed'eeni, Abrahamu! Abrahamuuni owaate waan jed'e, Ani kuno. Waaqi waan jed'eeni, Gurba kanke takacha atini guddo jaalattu fuud'i, lafa Moria geesi, achi gaara ani si garsiisu irati isa sorio naa qali. Boriyyaate Abrahamuuni qoraani sorioni gubani ch'abse, harre fahe, Isaaqofi hojattu isaa nama lama fud'ate, kae fulla Waaqi iti hime taani d'aqe. Guyya sadeeso Abrahamuuni lafa iti yaani taani ufi durati arge, waan hojattu isaatini jed'e, Isani arma fulla harre tataa, naafi much'aani diqaani achi yaane, Waaqa kad'anne isaniti gadachaana. Abrahamuuni qoraani sorio Isaaqoti fahe, ufi billaafi uchumaani deeme. Ato worri woliini yau jiru, Isaaqooni waan jed'eeni, Aabbo! Abrahamuuni owaate waan jed'e, Yaa, ilma kiyya. Isaaqooni isa gaafate, Atini ka qoraanifi uchumaani deemtu, hoolani sorio qalani meeti? jed'e. Abrahamuuni waan jed'eeni, Womaniti, Waaqumati nuu kenna, kooti. Duuba worri lachu wolumaani iti d'aabate. Fulla Waaqi jed'eeni taani gahani jennaani Abrahamuuni fulla sorio irati baasani mid'aase qoraani kaani ira naqe. Much'a kaani qabe hid'e fulla sorio ira qalani taani gubba ch'iifsise. Duuba billaa fud'ate goraasu kurfefate. Ammo malaikaani AABBO Waaqa gubbaa yaamte waan jette, Abrahamu, Abrahamu! Inni owaate waan jed'e, Yaa, anini kuno kana. Isiini waan jetteeni, Woma tokole much'a intolchini, aka atini Waaqa sodaatu ya arge, waan atini much'a kanke tokocha na ind'owiiniifi. Abrahamuuni ufira millate elemo gaafi raasa keesati rakate eju, arge, deeme elemo suni fuud'e fulla sila much'a isaa qalu taani sorio baase. Maqaani Abrahamuuni fulla suni baase: AABBO Waaqi wa namaa kenna. Haga arrale maqaani lafa suni gaara Waaqi irati wa namaa kenna jed'ani. Malaikaani AABBO Waaqaa Abrahamu maro lameeso gubbaa yaamte waan jette, AABBO Waaqi waan jed'u, Anini maqa kiyyaani kakhad'a, aka guddise sii eebisu, waan atini waan kana guutte gurba kanke na ind'owatiiniifi. Anini inkakhad'a, aka ilmaani heddu ta aka biyye tana, yokhaani ta haga urji Waaqa gubbaa geetu, sii kennu. Ilmaani tanteleeni nyaapa ufii dabsatte, gochiti lafa tana ch'ufti maro ilmaani tetitiifi eeba argatti, waan atini dubbi tiyya d'ageeteefi. Abrahamuuni hojattu isaati deebie, worri woliini Beersheba godaane, Abrahamuuni achi qubate. Eegi suni Abrahamuuni aka niitiini oboleesa isaa Nahori, ta Milka jed'ani, ijoolle saddeeti d'alteefi d'agaye. Ilmaani suni tana: ka angafa Usi, ka iti aanu Buzi, ka sadeesoleeni Kemueli, abba Aramu; taani d'ibiini Kesedi, Hazo, Pildashi, Yidlafu, Bethueli, abba Rebeka. Worri kuni saddeetanu nama Milkaani, oboleesa Abrahamu, ka Nahori jed'ani, d'alte. Reumaani, ta jaalto Nahori, ijoolle afuri ta maqaani Teba, Gahamu, Tahashi, Maaka d'alteefi. Saraani ganna d'ibba tokotifi diddami torba teete jennaani Hebroni ta lafa Kanaani keesati doote; duuba Abrahamuuni guddo boheefi. Abrahamuuni fulla reefi isii ch'iisuu kae, worra gosa Hiti d'aqe waan jed'eeni, Anini keessuma lafa teesani teetu; fulla niiti tiyya iti awaalu nati gurgura. Waan worri jed'eeni, Ch'aqasi, Aabbo, nu si nama gudda nama dura deemuti si herenna; niiti tante lafa tana keesa goda goda ch'ufa ira dansa, ka atini agarteti, awaalad'u. Abrahamuuni worra dura gajed'e waan jed'eeni, Hojja isani d'uguma fulla anini niiti tiyya iti awaalu naa kennu feetani, waan Efroni gurba Soharitiini jettani, Goda qota oobru tante keesa jiru Abrahamu gurguri jed'aani. Armumati gati isaa narati gaafad'a, aka godi suni fulla anini worra kiyya iti awaalu naa tahu. Efroniini hojja suni fullo dira suni keesa, fulla kora, worra Hiti d'ibi woliini tau jira. Waan inni jed'e, Na ch'aqasi, Aabbo kiyya, anini oobru tiyya ch'ufafi goda keesa jirule sii kenna. Amma tana gosa tiyya durati anini oobru suni ya sii kenne, aka atini niiti tante keesati awaaltu. Abrahamuuni worra gosa Hiti durati gajed'e, worra durati waan Efroniini jed'e, Na ch'aqasi, Efroni, anini oobru tante siraa bita, aka niiti tiyya iti awaalad'u, waan anini sii baasu fud'ad'u. Efroniini waan jed'e, Aabbo, lafti sunini qarsi d'ibba afuri ch'alla, wonti suni jiddu tiyyafi tante maal ke jirti? Niiti tante keesati awaalad'u. Abrahamuuni, Hayye, jed'e, waan Efroniini, Naa baasi jed'e biyya durati kenneefi — qarsi d'ibba afuri, aka beese gaafasi bunat'uuni woini biimatu gula. Akasiini oobruuni Efroni, ta Makpela, ta Mamreeni ilaboru, ta Abrahamu taate — oobru, mukha ke jiru, goda wonti ke jira ch'ufti. Oobruuni suni ta Abrahamu taate fuula worra Hiti ka kora d'ufe ch'ufa durati. Jennaani Abrahamuuni niiti isaa Sara goda suni ka lafa Kanaani keesa jiruti awaale. Akanaani oobruuni suni ch'ufti, godaani wolti, ta qara hori gosa Hiti, amma hori Abrahamu taate; inni niiti isaa keesati awaale. Abrahamuuni amma ya jaare hobae, ammalle waan inni tolchu ch'ufa keesa AABBO Waaqi guddo eebiseefi. Guyya toko Abrahamuuni waan namicha hojattu isaati matatiini jed'e, Jiddu gudeeda kiyya lamaani harka keeyad'i, kakhad'u. Wonti ani fed'u, aka atini maqa AABBO Waaqa, Waaqa lafafi gubbatiini kakhattu, aka atini gurba kiyya dubra gosa Kanaani inkad'anneefi fed'a. Lafa anini iti d'alad'e d'aqi, gurba kiyya Isaaqo dubra kad'ad'u, aka inni fiit'a tiyya keesa dubra fuud'u. Ammo hojattuuni isaa waan jed'eeni, Hojja intalti anini kad'ad'uufi lafa tanati na gula galu didde ho? Gurba kanke lafa ati keesaa baateti indeebisa? Abrahamuuni waan jed'eeni, Eegad'u, lafa suni ch'allati gurba kiyya indeebisiini. AABBO Waaqi, Waaqi gubbaa, worra kiyyafi lafa fiit'a tiyya keesaa na baase, aka lafa tana anaafi d'aloota kiyyaa kennu kakhate. Inni malaika isaa si dura erga, aka atini niiti gurba kiyyaa agartu. Ammo hojja intalti atini gartu si gula deemu didde, kakhuuni tante inch'abdi, hojja suni anini dubbi siraa inqabu. Ammo ato waan feetu taate, atini gurba kiyya ch'alla achi inergini. Jennaani namichi kaani harka ufii gudeeda abba isaa Abrahamu jiddu keeyate waan inni jed'eeni kaani gula kakhate. Namichi hojattu Abrahamuu kaani gaala Abrahamuu kud'ani fud'ate, lafa Mesopotamia, dira duri Nahoriini keesa tau d'aqe. Dira suni geennaani gaala fulla eelati oromachiise. Hojaani sunii galgala, fulla nad'eeni bisaani woraabachu d'at'u. Inni Waaqa kad'ate waan jed'e, Ee AABBO Waaqa, Waaqa abba kiyya Abrahamuu, arra naa eebisi, abba kiyya Abrahamuu nahi. Anini fulla eela ta dubriti dira kana d'ufte bisaani woraabattuufi jira. Yo isiini d'ufte, anini tokooni, Butte lafa keeyad'i, bisaani naa obaasi jed'aani. Yo isiini, D'ugi, gaala keetile bisaani inkenna naani jette, isiini niiti atini hojattu tante Isaaqo fohate ha taatu. Yo wonti kuni taate, anini aka atini kakhu sifi Abrahamu jiddu jirtu jabeesitu beekha. Ato inni Waaqa yaamacha inhobaafatiinu, Rebekaani ta butte dudda ira qabdu d'ufte. Isiini dubra Bethueli, ilma oboleesa Abrahamu, ka Nahori jed'ani, ka niitiini isaa Milkaani d'alteefi. Ammalle guddo mid'aadi, taka d'iirtileeni bira ingeenne haga isiini d'alatte. Duuba eela gabuute butte isii guutatte ke deebite. Namichi hojattu Abrahamuu kaani fuula ke d'ufe waan jed'eeni, Bisaani anini d'ugu butte tante keesaa naa kenni. Isiini waan jette, Hod'i, d'ugi, jennaani arifatte butte ufiraa fuute qabdeefi, aka inni keesaa d'ugu. Inni bisaani d'uge jennaani, waan isiini jette, Eegi, gaala keetile bisaani woraabe obaasa. Arifatte bisaani naanigati nat'e, ammalle eela gabuute bisaani gaalaa woraabde, gaali ch'ufti d'uge d'eebu bahe. Namichi kaani ch'allise eje intala ilaale, aka aka Waaqi huji isaa eebisu argu. Intalti gaala bisaani obaafte jennaani namichi hojattu Abrahamu qube worqi funaaniti mat'anseefi, mirga worqi lama harkati naqeefi waan jed'eeni, D'ale, atini ta eenu? Mana keesani keesa fullaani anaafi waheli kiyya bulu jirti? Intalti waan jetteeni, Anini ta Bethueliti, inni ilma Nahori, ka Milkaani d'alte. Mana keenna keesa okhayi gaali nyaatufi fullaani isani raftanileeni injirti. Jennaani namichi jilbifate Waaqa yaamate waan jed'e, Maqa AABBO Waaqa, Waaqa abba kiyya Abrahamu, ha faarsani, ka kakhu abba kiyya guute. AABBO Waaqi yayu worra fiit'a abba kiyyati na qajeelche. Intalti taani ch'eete mana haad'a d'at'e dubbi taani ch'ufa iti himte. Oboleesi Rebeka, ka Labani jed'ani, dubbi tana d'agaye jennaani ch'ee, fulla namichi hojattu Abrahamu jiru taani d'aqe. Labaniini yayu qubefi mirga worqi ka oboleetiini isaa ufira qabdu kaani arge, ammalle waan namichi jed'eeni ch'ufa d'agaye. Inni namicha hojattu Abrahamu kaani ka fulla afaani eela ejuuni bahe waan jed'eeni, Kooti, haga mana keenna woliini nu yaasi. Atini nama AABBO Waaqi eebiseefi. Maafi ala ejita? Mani kiyya fulla atini bultu inqaba, gaali keetileeni fulla bulti inqaba. Duuba namichi mana keesa seene, ammo Labaniini alati hafe gaala hiikhe okhayafi sagale d'ibi kenneefi. Ammalle namichi bisaani worri miila d'iqatu fuud'e, hojattu Abrahamutiifi wahela isaati kenne. Sagaleeni worraa d'umnaani namichi waan jed'e, Anini sagale tana inyaad'u, haga waan jechu male jed'uuti. Labaniini waan jed'eeni, Jed'i, waan jechu feetu. Jennaani namichi dubbi taani fuud'e waan jed'e, Anini hojattu Abrahamuu. AABBO Waaqi guddo isaa eebise dureesa tolche. Waaqi yayu ree, looni, qarsi, worqi, tisselele ta d'iiratifi ta uwale, gaala, harrele ch'ufa kenneefi. Saraani, niitiini Abrahamu, jaaruma keesa ilma d'alteefi, innileeni ilma suni waan qabu ch'ufa kenneefi. Inni, aka anini dubbi isaa guutu, na kakhachiise waan naani jed'e, Ilma kiyya lafa Kanaani keesa dubra inkad'atiiniifi. Ammo fulla suni worra abba kiyya, fiit'a tiyya, d'aqi, dubra kad'ad'iifi. Duuba waan anini Abrahamuuni jed'e, Yo intalti na gula galu didde ho? Inni waan naani jed'e AABBO Waaqi, ka anini maro ch'ufa dubbi isaa ch'aqase, malaika ufii si woliini erge waan ch'ufa sii guuta, aka atini gurba kiyya intala miilo tiyya, ta fiit'a aabboo, kad'atuufi. Karaani atini kakhu tante jalaa baatuni toko ch'alla: hojja ati fulla fiit'a tiyya d'at'e worri si d'owate, kakhu tante ya jalaa baate. Anini arra fulla eela d'ufe jennaani Waaqa yaamad'e waan jed'e, AABBO Waaqa, Waaqa abba kiyya Abrahamu, atini imaltu tiyya tana naa eebisi. Anini amma kuno, fulla eela jira. Hojja intalti dubraa bisaani woraabachu d'uftu, anini bisaani d'ugu butte tante keesaa naa kenni jed'aani. Yo isiini bisaani naa kennite gaala kiyyale d'eebu baafte, intalti anini gurba aabbo Abrahamuti kad'ad'u ha tanuma taatu. Ato anini garaa kiyya keesa tae Waaqa kad'achu jiru, Rebekaani ta butte dudda ira qabdu eela d'ufte bisaani woraabatte. Waan anini jed'eeni, Bisaani na obaasi. Isiini arifatte butte na dura qabde waan jette, Hod'i d'ugi, ammalle gaala keetile inkenna. Duuba anini bisaani d'uge, gaali kiyyaleeni d'eebu bahe. Jennaani anini waan jed'eeni, Atini ta eenu? Isiini waan naani jette, Anini ta Bethueli, ilma Nahori, ka Milkaani d'altee. Duuba anini qube funaaniti mat'anseefi mirga harkati naqeefi, jilbifad'e AABBO Waaqa yaamad'e maqa AABBO Waaqa guddise, Waaqa abba kiyya Abrahamu faarse, ka kara na hare worra fiit'a isaati na qajeelche, aka anini dubra worraa ilma isaati kad'ad'u. Amma hojja isani Abrahamuu naatani waan dansa isa tolchu feetani, nati hima, yo tolchule imfeene nati hima, aka anini waan armaa achi tahu beekhu. Jennaani Labanifi Bethueliini waan jed'ani, Wonti kunini waan Waaqa iraa d'ufe, waan nu dubbanne buufachu indandeenne. Rebekaani kuno tana, fuud'i deemiini. Ha niiti much'a abba kanke Abrahamu taatu, akuma AABBO Waaqi jed'e. Namichi hojattu Abrahamu waan kana d'agaye jennaani jilbifate Waaqa yaamate. Jennaani woya, qarsi, worqi faaya ch'ufa Rebekaa kenne. Ammalle miha dadansa oboleesa isiitiifi haad'a isiile kenne. Jennaani hojattu Abrahamutiifi waheli isaa sagale nyaatani aanani d'ugani achuma bulani. Diirama lafaa kaani jennaani namichi hojattu Abrahamu waan jed'e, Anini galu fed'a, na gad'iisa, aka anini gara worra Abrahamu galu. Ammo oboleesafi haati Rebeka waan jed'aniini, Laki, intalti ha haga bulti kud'anifa nu woliini teete eegi suni deemtu. Ammo inni waan jed'e, Armati na intursina. AABBO Waaqi yayu imaltu tiyya eebise; amma ingala, nati eebisa. Worri waan jed'eeni, Eegi, intala yaamne waan isiini jettu d'ageenna. Tanaafi worri Rebeka yaame waan jed'eeni, Namicha kana gula deemu feeta? Jennaani isiini, Ee jette. Tanaafi worri Rebekafi jaarti haguma duri gaafa isiini d'alatte asi isii hojattu hojattu Abrahamutiifi wahela isaa gula gad'iise. Worri Rebeka eebise waan jed'e: Oboleeti, hori buli, daraari, ilmaani heddu muumme inqamne d'ali! Ilmaani tante ha nyaapa ufii d'absattuuti! Jennaani Rebekafi dubarti isii hojattu gaala yaabatani godaanaa kurfaani hojattu Abrahamu woliini iti d'aabatani. Gaafasi Isaaqooni gara eela Beer-Lahai-Roiti d'ufe bita lafa Kanaani qubate. Galgala toko ato ufumaa diida lafaa keesa deemu, gaala gadi yau arge. Rebekaani Isaaqo garte jennaani gaala ira buute waan hojattu Abrahamutiini jette, Nami gadeemu suni eenu? Inni waan jed'eeni, Inni abba kiyya. Jennaani Rebekaani hagogo isii fud'atte matati hagogatte fuula d'ofatte. Namichi hojattu kaani waan tahe ch'ufa Isaaqoti hime. Isaaqooni Rebeka waaro duri haati keesati galtutiini galate niiti tolfate. Isaaqooni Rebeka guddo jaalate, akanaani lubbu haad'ale iraa hafe. Abrahamuuni niiti d'ibi ta Ketura jed'ani fuud'e. Ijoolleeni isiini d'alteefi Zimrani, Yokshani, Medani, Midiani, Ishbaki ammalle Sua. Yokshaniini abba Shebafi Dedani; ijoolleeni Dedani gosa Shuriti, gosa Letushitiifi gosa Leumi. Ijoolleeni Midiani Efa, Eferi, Hanoki, Abida, ammalle Eldaa. Tuni ch'uftinu haguma geetunu ijoolle Ketura. Abrahamuuni waan qabu ch'ufa Isaaqoo lakise; ammo gaafa jiru ijoolle isaa ta nad'eeni isaa d'ibiini, Sara male, d'alteefi hand'ura naqeefi. Duuba eegi suni ijoolle isaa taani ch'ufa, Isaaqo male, ilaboruti ufiraa godaanise. Ijoolleeni isaa Isaaqofi Ishmaeliini goda Makpela ka diida Mamre ilaboru jiru, keesati awaalte. Diida suni duri ka Efroni ilma Sohari, ka gosa Hiti. Diidi suni ka Abrahamuuni duri worra gosa Hiti iraa bite; Abrahamufi Sarale achumati awaalani. Abrahamuuni due jennaani Waaqi guddo ilma isaa Isaaqo, ka gaafasi worri isaa fulla Eela Beer-Lahai-Roi jiru eebise. Ishmaeliini, ka Hajiriini tisseeni Sara ta gosa Misiri Abrahamuu d'alte, ijoolle tana d'ale. Maqaani worra, ka aka worri wolgula d'alateeni t'aafani, kana: Nebayothi, Kedari, Adbeeli, Mibsamu, Mishma, Duma, Masa, Hadadi, Tema, Yeturi, Nafishi, Kedema. Ijoolleeni tunini abbooti gosa kud'ani lama, ta ollafi arda worrale ch'ufa maqa worraa gula yaamani. Ishmaeliini, gaafa inni due, ganni isaa d'ibba tokofi sodomi torba. Ilmaani Ishmaeli lafa Havilafi Shuri jiddu, d'aatu kara Ashuru, ka Misiriini ilaboru, teete. Worri ilmaani Abrahamu taani d'ibi hanqate qofa godaane. Oduuni tuni ta Isaaqo, ilma Abrahamu. Isaaqooni, gaafa inni Rebeka fuud'e ganni isaa afurtama. Isiini dubra Bethueli, ka gosa Aramu, ka lafa Mesopotamia, maqaani oboleesa isiileeni Labani. Isiini ato ijoolle ind'aliini guddo deemte jennaani Isaaqooni guddo Waaqa kad'ateefi. Waaqi kad'a isaa d'agaye, Rebekaani garaachoofte. Isiini lakoole garaa qabdi, ammo ato isiini ind'aliinu ijoolleeni garaa keesati wolwolaante. Rebekaani waan jette, Bada, wonti akana ka nati bue kunini maani? Duuba d'iba isii suni Waaqa gaafatte. AABBO Waaqi waan jed'eeni, Gosa lamati garaa kanke keesa jira; atini ijoolle lama ta wolimfeene d'alta, toko kaani ira jaba, guddaani hojattu diqa taha. Guyyaani ala hobae jennaani Rebekaani ijoolle lakoole lama d'alte. Ka qara d'alate diima d'iiga, nafi dabassa, tanaafi maqa Esau baasanifi. Ka lameeso hirba Esauti qanch'oorfate d'alate, tanaafi maqa isaa Yakobo baasani. Gaafa ijoolleeni tuni lamaani d'alatte, ganni Isaaqo jaatama. Ijoolleeni lachu gugurdatte, Esauuni nama adamo dansa ka waan ala jaalatu tahe, ammo Yakobooni nama ch'allisa worra imbaane tahe. Isaaqooni, ka fooni bineensa ala guddo jaalatu, Esau jaalate, ammo Rebekaani Yakobo ira jaalatte. Guyya toko ato Yakobooni sagale d'aabachu jiru, Esauuni, ka beela qabu, adamo gale waan Yakobooni jed'e, Anini beelaa injiru, waan diimtu d'aabu jirtu suni naa kenni. (Suni gula Esauuni Edomu jed'ani.) Yakobooni waan jed'eeni, Hojja atini angafooma kanke naa gurgurte, sii kenna. Esauuni waan jed'eeni, Hayye dansa, anini ufuftu diquma beelaani induiini, angafoomi kiyya maani na bahaniti? Yakobooni waan jed'eeni, Qara ato anini sagale sii inkennine kakhad'i, aka angafooma naa kennitu. Esauuni aka angafooma Yakoboo kennu kakhate. Jennaani Yakobooni qit'afi fuutole kenneefi. Esauuni fuuto d'uge, qit'a ufii nyaate kae iti d'aabate. Akanaani Esauuni angafooma isaa tufi gula d'abe. Duuba oolaani d'ibiini lafaa d'ufte, ta gaafa Abrahamu taani male, jennaani Isaaqooni gara Abimeleki hayyu Filisti, ka Gerari tau, d'aqe. AABBO Waaqi qara iti mullate waan jed'eeni, Misiri ind'aqini; lafuma tana keesa fulla anini, Tai siini jed'e tai. Arma tai, ani si woliini jiraad'e si eebisa. Lafa tana ch'ufa sifi ilmaani teeti kenna. Anini kakhu Abrahamu abba kanketi kakhad'e inguuta. Anini ilmaani heddu ta haga urji garaa Waaqa geetu sii kenne lafa tanale ch'ufa ilmaani sunii kenna. Gochiti ch'ufti ilmaani tante gula eeba argatti. Wonti anini si eebiseefi waan Abrahamuuni na d'agaye seerafi aadaafi fed'i tiyya ch'ufa guuteefi. Duuba Isaaqooni Gerari tae. Jennaani worri lafa suni, Niitiini tuni maani sii taati? Jed'e gaafate. Jennaani inni, oboleeti tiyya jed'eeni. Inni, Isiini niiti tiyya jechu sodaate wonti akanatiifi waan worri isa ijeese niiti isaa mid'aadu ta Rebeka jed'ani iraa fud'atu sehe. Isaaqooni lafa suni keesa ture jennaani diirama toko Abimelekiini qaa manatini millate isaafi Rebeka ka woliini tabatani arge. Abimelekiini Isaaqo yaame waan jed'eeni, Ada isiini niiti teeti? Atini maafi, Isiini oboleeti tiyya naani jette? Isaaqooni waan jed'eeni, Anini waan na ijeesani sehe, yo anini, Isiini niiti tiyya jed'e. Jennaani Abimelekiini waan jed'e, Atini maafa akana nu tolchite? Jara kiyya keesa nami toko sila ya niiti teetiini rafe wollaala keesa nu buuse. Abimelekiini nama ufii ch'ufa gorse waan jed'eeni, Nama nama kanafi niiti isaale tuqu inijeesani. Isaaqooni mid'aani lafa suni keesati fach'aafate, maro d'ibba toko haga duri fach'aase kaani ira murate ganna suni keesa; wonti akanatiifi AABBO Waaqati akasi isaa eebise. Duuba inni guddo wo horate dureesa beekhani tahe. Waan inni ree guddofi looni karra heddutiifi ammalle hojattu heddu qabuufi, worri gosa Filisti isa d'iibifate. Tanaafi eela hojattuuni Abrahamuu, gaafa inni jiru, qotte ch'ufa biyyeeni timfani. Abimelekiini waan Isaaqooni jed'e, Lafa tana keesaa deemi, ya irre nuraa horatte. Jennaani Isaaqooni achii kae, bale Gerari keesati qubate achi tae. Inni eelaani gaafa Abrahamuuni jiru qotani, ta eege Filistiini Abrahamuuni due jennaani timfite, deebie qote, ammalle maquma duri abbaani baaseefi kaani baaseefi. Jennaani hojattuuni Isaaqoo eela toko laga keesati qonnaani madda yaatuuni baate. Tissituuni Gerari, Bisaani kunini keenna jette, tissitu Isaaqotiini irati wold'abani. Tanaafi Isaaqooni eela suni maqa Eseki baaseefi, waan irati wold'abaniifi. Hojattuuni Isaaqoo eela d'ibi qotte jennaani kanale irati wold'abani, tanaafi inni maqa Sitna baaseefi, akasi jechaani nyaapooma jechu. Achi godaane fulla d'ibiti eela qotate. Ammo kana irati nami wolind'amne. Tanaafi maqa Rehobothi baasanifi, akasi jechaani Ballinna jechu. Inni waan jed'e, AABBO Waaqi ya ballinna nuu kenne, amma guddo horanna. Jennaani inni artii kae Beershebati godaane. Halkanuma suni AABBO Waaqi iti mullate waan jed'eeni, Anini Waaqa abba kanke Abrahamuuti. Woma insodaatini, si woliini jira. Anini si eebise ilmaani heddu sii kenna, maro hojattu tiyya Abrahamutiifi. Isaaqooni fulla sorio iti qalani mid'aase achiti AABBO Waaqa yaamate. Jennaani waaro d'aabate qubate, hojattuuni isaa eela d'ibi qotte. Abimelekiini Gerari bahe, nama isaa mala d'au, ka Ahuzathi jed'anifi gudda askarti isaa, ka Fikoli jed'ani, woliini Isaaqo argu d'aqani. Isaaqooni waan jed'eeni, Isani amma maafi na argu d'uftani, ka duri na jibbitani lafa teesani keesaa na haatani? Worri waan jed'e, Nu ya agarre aka AABBO Waaqi si woliini jiru, tanaafi wonti nu feenu aka wolti kakhanne wold'annuu, aka atini waan hamtu nu intolchine, akuma nuleeni waan hamtu si intolchini. Nu sii naane nagayaani si gad'iimne. Amma ya agarre, aka AABBO Waaqi si eebise. Isaaqooni hori qaleefi, nyaatani d'ugani quufani. Boriyya diirama wolti kakhatani, nagaya wolti d'aamatani, nagayaani gargari bahani. Guyyuma suni hojattuuni Isaaqoo d'ufte waan eela qotte kaani iti himte, Ya bisaani arganne jetteeni. Inni eela suni maqa Shiba yokhaani Kakhu baaseefi. Diri Beersheba tana ira maqa argate. Esauuni ganna afurtamati dubra gosa Hiti lama fuud'e: toko Yudithi, intala Beeri, taani Basemathi, intala Eloni jed'ani. Isiini lamaani Isaaqofi Rebeka jireenna yakite. Isaaqooni jaare ila d'abe jennaani ilma isaa ka angafa Esau yaame waan jed'eeni, Gurba! Jennaani inni, Ya jed'e. Isaaqooni waan jed'eeni, Anini ya jaare, guyya kiyya imbeekhu, guubefi t'iya tante fud'ad'i, adamo d'aqi, bineensa naa ijeesi. Sagale miooftu anini fed'u d'aabi naa kootiini, aka anini nyaad'e, ato induiinu si eebisu. Rebekaani waan Isaaqooni Esauuni jed'e ch'ufa d'ageete, Esauuni adamo deemnaani Yakobo yaamte waan jetteeni, Anini reefuma tana waan abbe Esauuni jed'e d'agaye: Bineensa ijeesi, naa kootiini, sagale miooftu naa d'aabi, aka anini nyaad'e, AABBO Waaqa durati, ato induiini si eebisu. Amma, gurba kiyya, na ch'aqasi, waan anini siini jed'u ch'ufa guuti. Gara ree d'aqi, kaarata laleesa gagabba lama fuud'i, aka anini sagale miooftu abbe guddo jaalatu d'aabuufi. Duuba abbeeti geesi, aka inni nyaate, ato induiinu si eebisu. Ammo Yakobooni waan haad'aani jed'e, Atini imbeeta, nafi Esauu dabassicha, kiyya ammo qulqullicha. Hegeri aabbooni na qabate, aka anini isa sobe beekate, fulla eeba anini abaarsa ufitiini d'ufa. Haati waan jetteeni, Abaarsi suni ha na qabatuuti, waanuma anini siini jed'e guuti, beeni, kaarata suniini kooti. Duuba inni d'aqe kaarata kaani fuud'e isiitiini d'ufe, isiini sagale miooftu abbaani jaalatu d'aabdeefi. Woya Esau ta ch'ufa ira dansa mana isiiti fuute Yakobo much'a maand'ichati keete. Duuba goga kaaroota sunile fuute harkaafi fulla morma ta rifeensa inqamneti keete. Sagale miooftu d'aabdeefi qit'a Yakoboo kennite. Jennaani Yakobooni gara abba d'aqe, Aabbo jed'e. Abbaani owaate waan jed'e, Atini eenu kana, ilma kiyya? Yakobooni waan jed'eeni, Anini angafa kanke Esau; ya waan atini naani jette guute, kai, fooni bineensa anini galeeni kana nyaad'i, na eebisi. Isaaqooni waan jed'eeni, Atini akami akana yoosu agarte, ilma kiyya? Yakobooni waan jed'eeni, AABBO Waaqi kanke, na qarqaare naa baase. Jennaani Isaaqooni waan Yakobooni jed'e, Me gadi hiiqi, si qaqabad'e laala, aka atini d'uguma Esau. Duuba Yakobooni abbaati hiiqe, abbaani qaqabate waan jed'eeni, Qonqooni qonqo Yakobooti, ammo harki ka Esau. Ammo inni Yakobo hubachu dad'abe, waan harki isaa dabassa aka ka Esau qabuufi isa eebise. Ammo ammalle gaafate waan jed'e, Atini d'uguma Esau? Inni, Ee jed'eeni. Jennaani Isaaqooni waan jed'e, Fooniini na kooti, aka anini sagale harka kanketi nyaad'e si eebisu. Yakobooni foonifi daad'i inni d'ugu d'ufeeniifi. Jennaani abbaani waan jed'eeni, Nati hiiqi, na d'ungad'u, ilma kiyya. Inni ind'ungata iti gadihiiqe jennaani Isaaqooni urgaa woya isaa suufe eebiseefi waan jed'e, Fooleeni gurba kiyya aka foole oobru AABBO Waaqi eebiseefi urgoofti. Waaqi sii roobe, oobru sii eebise, mid'aanifi daad'i guddo sii kenninna. Nami gosa ch'ufa ha si hojate si durati jilbifatu. Oboleyaani tante ch'ufa mohad'i, ilmaani haateti ch'ufa ha si durati jilbifatu. Ka si abaaru ha abaaramu; ka si eebisu ha eebifamu. Akuma Yakobooni eeba argate abba biraa baheeni, oboleesi isaa Esauuni adamoo gale. Innileeni sagale miooftu abbaa d'aabe geeseefi waan jed'eeni, Aabbo, kai, fooni anini si d'ufeeni kana nyaad'u naa eebisi. Isaaqooni waan jed'eeni, Atini eenu kana? Inni waan jed'e, Anini Esau, ilma kanke ka angafa. Isaaqooni nahe hollate waan jed'eeni, Eenu re, ka reefu si durati bineensa ijeese fooniini naa d'ufe? Anini diquma si durati nyaad'e eebiseefi, eebiti sunini inhanqattu, tama isaa taati. Esauuni dubbi tana d'ageennaani aka taka inargini laalefate lalabe bohe inni waan jed'e, Aabbo kiyya, nale eebisi! Isaaqooni waan jed'eeni, oboleesi kanke d'ufe sobaani na balleese eeba anini sila sii kennu fud'ate. Esauuni waan jed'e, D'uguma maqa Yakobo iti baasani. Kuni maro lameeso ka inni na dabse. Qara angafooma naraa fud'ate, ammo arra eeba naa malte naraa fud'ate. Ila amma eeba diqole na inhambimne? Isaaqooni waan jed'eeni, Anini isa yayu moticha kanke tolche, oboleyaani isaa ch'ufa hojattu isaa tolche. Anini isaa mid'aanifi daad'ile ya kenneefi, amma woma inhamne, maani sii tolcha, ilma kiyya? Esauuni abba sobate waan jed'eeni, Eebiti tante suni ch'allaa, aabbo? Nale eebisi jed'e bohe. Jennaani Isaaqooni waan jed'eeni, Bokeeni gubbaa si roobu injiru, oobruuni woma sii imbaaftu. Atini woraana keetiini fidamta, hojattu oboleesa kanketi taata. Ammo hojja obsu dad'abde, harka isaa keesaa baata. Wonti Esauuni Yakobo jibbeefi waan abbaani isaa isa eebiseefi. Inni herege waan ufiini jed'e, Guyyaani abba kiyya ya gabaabate, anini gaafa inni due Yakobo inuma ijeesa. Rebekaani mala Esau d'ageete jennaani Yakobo yaamte waan jetteeni, Oboleesi kanke ya malate, aka si ijeese akanaani haalo baafatu. Amma, ilma kiyya, dubbi tiyya ch'aqasi, kai hurrisi worra oboleesa kiyya Labani, ka lafa Harani jiruti baqad'u, achi tai, haga oboleesa kanke dallansuuni iraa galte, inni waan atini tolchite ded'uuti. Eegi suni nama si galchu siti erga. Anini guyyuma tokooni isani lachu d'abu indandau. Jennaani waan Rebekaani Isaaqooni jette, Anini waan dubarti Hiti na tolchite ya obsu dad'abe. Yo Yakoboleeni dubra Hiti fuud'e dua male woma na inhamne. Isaaqooni Yakobo yaame eebise waan jed'eeni, Dubra gosa Kanaani imfuud'iini. Amma kai, worra akhaakhu keeti ka Mesopotamia jiru d'aqi, dubra abuyya kanke Labani toko fuud'i. Waaqi Guddaani si eebise halkuma si qajeelche, ilmaani heddu sii kenne akasiini gosa heddu si tolchinna. Inni akuma Abrahamu eebise siifi ilmaani tanteeti eebise lafa atini amma keesa jirtu tana, ta duri inni Abrahamuu kenne, tante tolchinna. Akanaani Isaaqooni Yakobo Mesopotamiati gara Labani erge. Labaniini suni ilma Bethueli, ka gosa Arami; ammalle inni oboleesa Rebeka, ta haad'a Yakobootiifi Esau. Esauuni aka Isaaqooni Yakobo eebise dubra fuud'iti Mesopotamiati erge, ammalle aka inni, ato eebisu, Dubra gosa Kanaani imfuud'iini jed'eeni d'agaye. Ammalle aka Yakobooni dubbi abbaafi haad'a ufii d'agaye Mesopotamia d'aqe d'agaye. Jennaani Esauuni aka abbaani isaa Isaaqooni dubra gosa Kanaani jibbe arge. Tanaafi inni gara Ishmaeli ilma Abrahamu d'aqe, intala isaa ta Mahalathi jed'ani, oboleeti Nebayothi, fuud'e. Yakobooni Beershebaa kae kara Harani iti d'aabate. Karaati aduuni iti d'iinnaani fulluma suni d'akha fud'ate mata jala saabate ufiraa bule. Duuba oobjate, riiqa d'eera gubbafi lafati eju, ka malaikaani gula gabuute gula oldeebitu, arge. Yo inni jed'e, kuno, AABBO Waaqi bira eja. Waaqi waan jed'eeni, Anini AABBO, Waaqa Abrahamutiifi ka Isaaqo; lafa atini amma ira ch'iiftu tana sifi ilmaani teetii kenna. Isiini aka biyye tana taate, lafa tana mirgaa bitaa fud'atte sifi ilmaani teetiini gochi ch'ufti eeba argatti. Ammalle si wahelche, fulla atini deemtu ch'ufati si qorqorad'e, lafa tanati si deebisa. Anini si illakisu, haga waan sii tolcha siini jed'e ch'ufa sii guututi. Jennaani Yakobooni damaqe waan ufiini jed'e, D'uguma, AABBO Waaqi arma fulla tana jira, ammo duraani akana inseene. Inni rifate waan jed'e, Fullaani tuni akami nama d'eechifti! Waan d'ibiniti, fullaani tunini mana Waaqaati, yokhaani karra gubbaa. Lafti bariite jennaani Yakobooni lafaa kae d'akha mata saabate kaani fuud'e, aka akheekha old'aabe d'ad'aani muude woyyoomse. Duuba fulla suni maqa Betheli baaseefi, ammo fulla suni duri dira toko ka maqaani Luzuti jira. Jennaani Yakobooni kakhate waan AABBO Waaqaani jed'e, Hojja atini na wahelchite imaltu tiyya keesati na qorqoratte beelafi daara na baafte, ammalle nagayaani worra keennati na deebifte, siumati Waaqa kiyya taha. Fullaani anini d'akha kana akheekhaa old'aabe tunini mana kanke taati; ammalle waan atini naa kennite ch'ufa kud'ani keesa toko sii kenna. Yakobooni imaltu isaa dabre, lafa worra ilaborutiini bahe. Ato deemu, eela diida keesa ka reeni karra sadi itiisa ch'iiftuuni bahe. Reeni eela suni, ka d'akha guddaani afaani ch'ufani, keesaa bisaani d'uddi. Hojja reeni ch'ufti achiti wolti d'ufte, tissituuni d'akha suni afaani iraa gangalchite ree bisaani obaafti. Eegi reeni bisaani d'udde, d'akha suni afaanti deebisani. Yakobooni waan tissitu ree taanini jed'e, D'iiro, isani worra eesaati? Nu worra Harani jed'aniini. Inni waan jed'eeni, D'iiro, isani Labani ilma Nahori fuula beetu? Ee, nu imbeenna jed'ani. Inni fayyuma? Ee, fayyuma, intalti isaa Raheliini ta ree gadi ooftu suni jed'ani. Yakobooni waan tissitu taanini jed'e, Lafti ammalle guyya gudda, galchumi ingeenne, ree maafi bisaani obaaftani marrati inkaamne? Tissituuni waan jetteeni, Reeni bisaani d'ugisa intaatu, haga ch'ufti wolgula d'ufte d'akha afaani eela iraa gangalchaniiti. Ato worri tae haasau, Raheliini ree abba isiitiini d'ufte. Yakobooni Raheli, intala abuyya isaa Labani, ta ree gadi ooftu arge jennaani kae d'akha afaani eelati gangalche ree bisaani obaaseefi. Duuba Yakobooni isi d'ungate gammachuufi bohe. Jennaani waan jed'eeni, Anini fiit'a abbeeti, haati tiyyaleeni Rebeka. Tana d'ageennaani isiini ch'eete abbaati himte. Labaniini, aka gurbaani oboleeti isaa d'ufe, d'agaye jennaani fuula keesa yoyo ch'ee iti mamarate d'ungate mana isaatini d'aqe. Yakobooni waan kana ch'ufa iti haasae jennaani Labaniini waan jed'eeni, D'uguma nu worra, ammalle fooni taka. Duuba Yakobooni haga bulti sodoma worra isaa tae. Labaniini waan Yakobooni jed'e, Ato fiit'ale taane, akanumati na injohattu ana maani sii heregu feeta? Labaniini ijoolle dubra lama qaba; ta angafa maqaani Lea, maand'itiini Raheli. Leani guma ilaa keesa hamtu, ammo Raheliini aka taka inargini mid'aadu. Yakobooni guddo Raheli jaalate waan abbaani jed'e, Yo atini Raheli naa kennite, isii jed'e ganna torba si hojad'a. Labaniini waan jed'eeni, Fulla nama d'ibii kennu hojja sii kennu ira naa jirti, na woliini tai. Yakobooni Raheli jed'e, ganna torba isaa hojate, ammo ganni suni womale iti infakaanne waan inni guddo isi jaalateefi. Yakobooni waan Labaniini jed'e, Anini waan atini feetu ya sii guute, fuud'a naa tolchi. Jennaani Labaniini nama ch'ufa wolti yaama jila guddo tolche. Ammo halkani suni Labaniini fulla Raheli Lea fuud'a Yakobootiini d'ufe, duuba Yakobooni niiti tolfate. (Labaniini intala hojattu isaa, ta Zilpa jed'ani, Leaa kenne, aka isiini isii hojattu.) Yo Yakobooni lafti bariinaani ufi bira millate, kuno, Leani d'aatu ch'iifti. Inni lafaa ch'ee gara Labani d'aqe waan jed'eeni, Wonti atini akana na tolchiteefi maani? Anini Raheli jed'e hojad'e, ati maafi akana na sobde? Labaniini waan jed'eeni, Aada teenna keesa maand'a angafa durati dandaani imfuud'ani. Haga torbaani jila kunini hobaaniti eegi, duuba intala tanale imfuuta, ammo ganna torba d'ibi naa hojatta, akasi beekad'i. Yakobooni ee jed'e, torbaani jilaa hobaanaani Labaniini Rahelile kenneefi. (Labaniini intala hojattu isaa ta Bilha jed'ani intala ufii Rahelii kenne, aka isiini hojattu isii taatu.) Yakobooni Raheli niiti tolfate Lea ira isi jaalate. Ammalle ganna torba d'ibi Labani hojate. AABBO Waaqi aka Lea jibbani arginaani naheefi ilma kenneefi, ammo Raheliini ilmaani male teete. Leani garaachoofte ilma deete waan jette. AABBO Waaqi ya gaargala kiyya arge naa nahe, amma d'iirsi kiyyaleeni na jaalata; tanaafi gurba maqa Reubeni baafteefi. Ammalle garaachoofte ilma d'ibi deete waan jette, AABBO Waaqi ya aka na jibbani arge ilmaani d'ibile naa kenne; tanaafi maqa isaa Simeoni baafte. Ammalle garaachoofte ilma d'ibile deete waan jette, Amma d'iirsi kiyya naraa imbahu, waan anini ilmaani sadi d'aleefi; tanaafi isiini maqa isaa Lawi baafte. Eegele garaachoofte ilma deete, Amma anini maqa AABBO Waaqaa faarsa jette, maqa Yuda baafte. Duuba suni d'alte jennaani jidduti deemte. Raheliini aka ijoolle tokole Yakobo ind'alle agarraani oboleeti isii d'iibifatte waan Yakobooni jette, Ijoolle naa kenni, yokhaani indua. Yakobooni Raheliti dallane waan jed'eeni, Anini Waaqa qara, ka d'alu si d'owe? Jennaani isiini waan jetteeni, Hojattu tiyya Bilha barad'i, aka anini isiini ilme argad'e haad'a ilmaanii tahu. Duuba isiini Bilha d'iirsa ufiti kennite, inni isi barate. Bilhaani garaachoofte Yakoboo ilma d'alte. Raheliini waan jette, Waaqi ya naa dubbate kad'acha tiyya d'agaye ilma naa kenne; tanaafi isiini gurba maqa Dani baafteefi. Hojattuuni Raheli ta Bilha jed'ani ammalle garaachoofte ilma lameeso d'alteefi. Jennaani Raheliini waan jette, Anini had'e dabsad'e; tanaafi maqa much'a kana Naftali baafteefi. Leani aka guddo deemte agarte jennaani hojattu isii, ta Zilpa jed'ani, Yakobooti kennite, Niiti tolfad'u jette. Jennaani Zilpaani Yakoboo ilma d'alte. Leani waan jette, Anini ayyaana qaba; tanaafi isiini Gadi jette maqa baafteefi. Zilpaani ilma lameeso Yakoboo d'alte jennaani Leani waan jette, Anini guddo gammachu qaba! Amma tana nad'eeni, Gammadu machooftu naani jetti; tanaafi isiini maqa Asheri baafteefi. Duuba gaafa toko ka dargaye murani, Reubeniini gara oobru d'aqe mukha qorsa toko guure haad'atiini gale. Raheliini waan Leani jette, Qorsa much'aani kanke galeeni suni ira naa qoodi. Leani waan jetteeni, D'iirsi kiyya ka qara atini naraa fud'atteleeni sii ingeenne, aka amma gula dabarte qorsa mukha ka much'aani kiyya naa galeenile naraa fud'achu feeta? Raheliini waan jette, Yo atini mukha qorsa ka gurbaani ke sii galeeni naa kennite, anini ya si eebise aka atini eddanna Yakobo woliini raftu. Galgala Yakobooni oobruu gale jennaani Leani fuula keesa deemte waan jetteeni, Anini ya mukha qorsa ka much'aani kiyya galeeniini si bitad'e, halkani kana atini mana kiyya bulta, beekad'u. Tanaafi Yakobooni halkani suni fulla isii bule. Waaqi kad'acha Lea d'agaye, isiini garaachoofte ilma shaneeso Yakoboo d'alte. Leani waan jette, Waaqi ya waan anini hojattu tiyya d'iirsa kiyyaa kenneefi galata naa deebise; tanaafi isiini maqa ilma isii suni Isakari baafteefi. Leani ammalle garaachoofte ilma jaeeso Yakoboo d'alte waan jette, Waaqi ya na eebise waan dansa naa kenne; amma d'iirsi kiyya na ulfeesa, waan anini ilmaani d'iira jaa d'aleefi; tanaafi isiini maqa isaa Zabuloni baafteefi. Eegi suni dubra d'alte maqa Dina baafteefi. Jennaani Waaqi Raheli qaabate kad'aa isii d'agayeefi ijoolle kenneefi. Isiini garaachoofte ilma d'alte waan jette, Waaqi ya fafa na didi ilma naa kenne. Duuba maqa isaa Yusufu baafte waan jette, AABBO Waaqii ilma d'ibi naa darinna. Eegi Raheliini Yusufu d'alte, Yakobooni waan Labaniini jed'e, Worra keennati galu fed'a, naa eebisi, na gad'iisi. Nad'eenifi ijoolle tiyya ta anini si hojad'e argad'e naa kenni, na gad'iisi. Atini imbeeta, aka anini aka dansaa sii hojad'e. Ammo Labaniini waan jed'eeni, Anileeni jecha toko qaba; anini ya faalaani arge aka AABBO Waaqi sii jed'e na eebise na horsiise. Duuba waan feetu himad'i, sii baasa. Yakobooni waan jed'eeni, Aka anini ree tante tisse jabeese, isiini harka kiyya keesati horte, atini imbeeta. Gaafa anini qara d'ufe horiini kanke diqa, amma ya horte deebante, AABBO Waaqileeni fulla anini hori keetiini bahe ch'ufati ya si eebise. Amma hojaani tiyya ta anini ufi gula bahu male. Labaniini waan jed'e, Maani sii baasa? Yakobooni waan jed'e, Woma tokole naa imbaasini. Yo atini herega kiyya kana ee jette, anini ree tante inuma tissa: arra ree tante keesa deeme ilmoole hoola guguraatiifi ta laleesa shaafa keesaa filad'a, wonti atini naa baaftu haguma suni ch'alla. Takaa tana d'arafi d'uga tiyya hureti hubatta, hojja waan naa baaftu ilaalu d'uftu. Yo atini hooliye guguraatiifi laleesa shaafa male waan d'ibi narati garte, suni hanna nati heregi. Labaniini waan jed'e, Ha taatuti, jecha kanke gula baana. Guyyuma suni Labaniini laleesa kormafi d'ala shaafafi kalaadicha keesaa fohe; ammalle hooliye guguraatile ch'ufa fohe harka ilmaani isaa ta d'iirati kenne. Jennaani Yakobo biraa kae godaana guyya sadi godaane fago qubate. Yakobooni ree Labani ta iraa hafte taani tisse. Yakobooni dame jiitu mukha sadi, ka aka qiltafi dambifi abratu jiru, iraa ch'ire, qunch'e fulla gari iraa ququnch'ise, aka fullaani ira qunch'isani sunini barru taatu. Yakobooni dame taani guure fulla naaniga naqe; wonti inni akasi tolcheefi, reeni yo bisaani d'ugu d'uftu artiti wolti goobdi. Duuba laleesi hojja dame suni birati woli rimse ilmoole shaafafi kalaaditi d'ala. Yakobooni hooliye laleesa keesaa fohe fuula gara ree Labani ta bifa guraatiifi shaafa deebise, kara kanaani ree ufi heddefate ta Labani ira kobaa baase. Yo reeni qoortiini wolti goobdu ch'ufa Yakobooni dameele taani guure fulla naaniga ree dura naqe, aka isiini artiti wolti goobdu; ammo ree ayuna dura innaqu. Kara kanaani reeni Labani ch'ufti ayuna ch'alla taate ammo ta Yakobo qoorti qofa taate. Akanaani Yakobooni dureesa jaama tahe, ree, hojattu, gaala, harrele hore. Yakobooni aka ilmaani Labani, Yakobooni ya hori abba kenna ch'ufa fud'ate horeeni jette d'agaye. Inni ammalle aka Labaniini iti hammaachu jiru arge. Jennaani AABBO Waaqi waan jed'eeni, Lafafi worra keesaa d'alatteti gali; anini si woliini jira. Duuba Yakobooni qonqo gara Rahelifi Leani jirtuti erge waan jed'e, Arjaala fulla reeni jirtuti nati koota; anini aka abbaani keesani aka duri kaani nati dansa intahiini ya arge, ammo ha taatu, Waaqi abba kiyya taka na illakimne. Isani imbeetani, aka anini danfe abba keesani hojad'e, ammo inni na sobe waan anini sila argad'u maro kud'ani garagalche na dabse. Ammo ha taatu, Waaqi aka inni na balleesu iti illakimne. Yo Labaniini, Reeni shaafi ch'ufti tante jed'e, reeni ch'ufti shaafa d'alte; ammalle yo inni, Kalaaditiini ch'ufti tante jed'ele, reeni ch'ufti kalaaditi d'alte. Waaqi akanaani ree abba keesani iraa fuud'e naa kenne. Gaafa toko ka reeni rimu jirtu, anini, oobjad'e korbeeyyi laleesa shaafa d'ad'alati goobdu arge. Malaikaani Waaqa oobjuuni na yaamte waan jette, Yakobo! Anini, Yaa jed'e. Isiini waan naani jette, Laali, korbeeyyiini goobu jirtu tunini ch'uftinu shaafafi kalaaditi. Wonti akanatiifi waan Labaniini si tolche ch'ufa ya arge. Anini Waaqa ka Betheliti siti mullate, fulla atini d'akha mudde nati kakhatte. Amma kurfefad'u, kai, lafa ati iti d'alatteti gali. Jennaani Rahelifi Leani waan jetteeni, Nu d'aalafi yokhaani woma tokole worra abba keenna keesa inqamna? Inni aka nyaapa nu inheregu? Wonti akanatiifi inni nu gurgure, hori qarat'a keenna ch'ufa hobaase. Horiini Waaqi abba keenna iraa fuud'e ch'uftinu ya keennafi ka ijoolle teenna tahe. Amma waan Waaqi siini jed'e ch'ufa tolchi. Ato Yakobooni kae ingodaaniini, gaafa toko Labaniini hooliye isaa dabassa woyaani mid'aasani iraa ch'iruu d'aqe, jennaani Raheliini mana abba seente waan harkaani mid'aasani ka aka Waaqa kad'atani duraa hatte. Yakobooni Labani mala iti d'aate, ato iti inhiminu, waan ufi qabu ch'ufa fud'ate hurrise baqate galaana Frati taake gara lafa gaareeni ta Gileaditi qajeele. Eeguma guyyaani sadi dabre, Labaniini aka Yakobooni baqate d'agaye. Jennaani jara ufii ka d'iira fud'ate haga guyya torba reebe lafa gaareeni ta Gileaditi d'aqabe. Halkanuma suni Waaqi oobju keesa Labaniti mullate waan jed'eeni, Waan taatu, waan hamtufi toltule tokole Yakobooni injed'ini. Yakobooni waaro isaa gaara irati d'aabate, Labanileeni, jara isaa woliini, waaro lafa gaareeni ta Gileadi irati d'aabate. Labaniini waan Yakobooni jed'e, Atini maafi mala nati d'aate dubra tiyya, aka nad'eeni lola keesati boojiani, fuute itiini d'aabatte? Atini maafi mala nati d'aate d'ossaani na baqatte? Ato atini sila nati himte, anini jila guddo sii tolche kiraarifi dibbeeni si sirbe, duuba nagayaani si gad'iisa. Atini maafi daalloofte dubra tiyyafi akhakhowani tiyyale d'ungo na d'owarte? Anini dandae sila wo si tolcha, ammo edda Waaqi abba keeti waan naani jed'e, Waan hamtufi toltule tokole Yakobo intolchini. Anini aka atini guddo worra keesaniti galu feetu imbeekha, ammo maafi waaqoota kiyya, ka anini manati kad'ad'u, hatte deemataani? Yakobooni waan jed'e, Anini sodaad'e waan atini dubra tante irreeni naraa fud'attu sehe. Yo nama tokole waaqoota tante ta atini baantu suni irati argani ha ijeesani. Kuno, fiit'a teenna tana durati waan ati kanke seetu barbaadi fud'ad'u jed'e. Yakobooni aka Raheliini waaqoota Labani hatte quba inqabu. Labaniini waaro Yakobo seene soqe woma d'abe; ta Leatiifi nad'eeni hojattu lamaanile seene sule keesa woma d'abe; eegee ta Raheli d'aqe. Raheliini isa durati, ato inni ind'ufini, Waaqoota Labani taani fuute subba gaalaani fahani keesa keete ira teete. Labaniini waaro ch'ufa garagalche soqe, ammo woma keesaa d'abe. Raheliini waan abbaani jette, Aabbo, anini ch'eera si ind'amne, ammo aada uwa qaba, tanaafi sii olkau dad'abe. Labaniini haga soqe soqe woma d'abe. Yakobooni miira yakate waan jed'e, Anini ch'ubbu tami hojad'e, yokhaani seera kami ch'abse, ka atini aka nyaapa na reebdu? Waan anini qabu ch'ufa ya sot'e, waan mana keeti ka bade maani agarte? Kuno, arma kayi, waan agarte fuula worra kiyyafi keeti dura, aka worri naafi sii nama d'uga qabu argu. Ganna diddama ka nu woliini teenne, reeni tante tokoleeni taka insaleesine, yokhaani anini korbeeyyi tante taka inyaanne. Yo bineensi ree tante narati nyaatu ch'ufa anini taka sitiini ind'umne, ammo tiyya fulla sii kaye. Yo guyya taanaani yokhaani halkani taanaani hori kanke hatani, atini naraa fed'atta. Guyya heddu sii jed'e, guyya aduuni due halkani d'aamochaani due hiriba d'abe. Ganna diddama ka nu woliini teenne ch'ufa anini akasuma gaargale. Ganna kud'ani afuri dubra teeti jed'e hojad'e, ammalle ganna jaa ree sii tisse. Kama anini waan kana ch'ufa si tolche, atini maro kud'ani waan anini argachuu male garagalchite. Ato Waaqi abbooti tiyya, Waaqa Abrahamuuni yaamate Isaaqooni sodaate na woliini jiraachuu baate, atini sila arra kale harka duwa na ingalchiini. Ammo Waaqi ya d'iba kiyyafi huji anini harka kiyyaani hojad'ele ch'ufa arge, duuba edda wollaala siti mure. Jennaani Labaniini waan Yakobooni jed'e, Dubarti tuni ilmaani tiyya; ijoolleeni isiileeni tiyya, reeni tulleeni ch'ufti tiyya. Wonti atini asi agartu tuni ch'ufti tiyya. Ammo amma dubra tanaafi ilmaani isiitiifi waan tahu inqabu. Kooti, dubbanne wold'ageenna: aka wold'ageetiini teenna tunini d'ugaa taatu, d'akha wolti guurre suniini garsiimna. Jennaani Yakobooni d'akha toko fuud'e, aka akheekha old'aabe. Inni worra fiit'a isaa yaame, D'akha wolti guura jed'eeni, duuba worri wolti guure wolgubbaa naqe d'aatu suniti gololfatani. Labaniini fulla suni Yegar-Sahadutha jed'e, ammo Yakobooni Galeedi jed'eeni. Jennaani Labaniini waan Yakobooni jed'e, D'akhaani wolti guurani kunini arra d'uga teenna taha, tanaafi fulla suni Galeedi jed'ani. Labaniini ammalle waan jed'e, AABBO Waaqi nu qorqorate nu tissinna, yo nu gargari baanele. Tanaafi fulla suniini Mispa jed'ani. Ammalle Labaniini waan jed'e, Yo atini dubra tiyya hiyyoomsite, yokhaani nad'eeni d'ibi fuute, hojja anini achi injiraannele Waaqi quba nu qaba beekhi. D'akha anini jiddu teenna wolgubbaa naqe kuno kana, akheekhileeni kana. D'akhafi akheekhi kunini nuu d'uga. Anini gama kiyyaani d'akha kana dabre si inhad'u, atileeni gama keetiini d'akha kanafi akheekha kana bira dabarte na inhad'ini. Waaqa Abrahamutiifi Waaqi Nahori jiddu teenna tae ha d'uga arguti. Jennaani Yakobooni maqa Waaqa abbaani isaa Isaaqooni sodaateeni kakhu kakhate, sorio gaara gubbaa qale, worra isaa ch'ufa gololaa wolti yaame. Sagale nyaannaani halkani suni achuma bulani. Lafti bariite jennaani Labaniini akhakhowanifi dubra isaa d'ungate eebise kae gale. Ato Yakobooni karaa deemu malaikooti Waaqaa fuula keesa d'ufte. Inni worra arge, Gumiini tunini gumi Waaqaa jed'e, fulla suni Mahanaimu maqa baase. Jennaani Yakobooni gara oboleesa isaa Esau, ka lafa Edomu jiru, ufi dura nama erge, d'aamate waan jed'e, Waan jettani, Aabbo kiyya, anini, hojattuuni tante, waan siini jed'u, Haga duri isani biraa deeme asi anini Labani woliini tae. Looni, harre, ree, hojattule inqaba. Qonqo d'eeta siti ergu jira, aka waan dabre ch'ufa atini biraa na deemtu. Jari ergani kaani dachae waan Yakobooni jed'e, Oboleesi kanke Esau ya garre; inninu nama d'ibba afuri fud'ate fuula keesa si d'ufu jira. Tana d'ageennaani Yakobooni nahe, lubbuuni d'ufte, nama isaa fulla lamati qoode hori isaa, ree, looni ammalle gaala karra lamati gargari baase, herege waan jed'e, Yo Esauuni d'ufe namafi karra qara taani had'e balleese, ta eege baqattefa baati. Duuba Yakobooni Waaqa yaamate waan jed'e, Ee Waaqa, Waaqa akhaakhu kiyya Abrahamutiifi abba kiyya Isaaqo, AABBO Waaqa, siti, Lafafi worra keesaniti deebii, nagaya si guuta naani jed'e; naasufi jaalala ta atini naa, hojattu tante, garsiifte anini himmalleefi. Anini duri gaafa galaana Yordani taake, ule tiyya male, woma tokole inqabu; amma gumifi hori karra lama kana qaba. Amma si kad'ad'a, harka oboleesa kiyya Esau keesaa na baasi. Anini insodaad'a, aka inni d'ufe nu ch'ufa had'e balleesu, nad'eenifi ijoollele. Ammo atini qara waan jette, Anini nagaya si guute si daraarse ijoolle heddu ta aka maansa galaana si tolcha jette. Inni halkani suni bule jennaani hori oboleesa isaa Esau kennu fed'u hori ufii keesaa fohe: laleesa d'ibba lama, d'ad'alafi elemiye diddama, gaala aanani sodomafi ogore isaa, looni d'alo afurtamatiifi koromi kud'ani, harre d'ad'altu diddamatiifi mochole kud'ani. Hori kana karra karraani gargari baase hojattu isaati kenne waan jed'eeni, Na dura yaa, hori ch'ufa diqo woli hanqisa, oofa. Namichi hojattu toko ka hori mata keesa jiruuni waan jed'e, Hojja oboleesi kiyya Esauuni siini bahe, Atini hojattu eenu? Horiini kunini ka eenu? jed'e si gaafate, atini waan jettuuni, Horiini kunini ch'ufti ka hojattu tante Yakobooti, ka inni gudda isaa Esauu ergu. Innileeni faanuma teenna d'ufu jira. Akasuma ka lameesoleti d'aame, ka sadeesoleti d'aame, ammalle worra ira hafe kaanile, ka hori keesa jiruu d'aame; Waan kana inded'ina, jabeesa Esauti hima, yo inni fuula keesa isani d'ufe; waan isani jettani, Hojattuuni tante Yakobooni eege teenna jira. Yakobooni waan ufiini jed'e, Anini hori kana ch'ufa Esauu kenne, aka yo woli arginu inni garaa naa laafe biraa na deemu. Akanaani hori Esau erge kaani ufi dura erge, ammo ufi eegeti hafe bule. Halkanuma suni Yakobooni kae nad'eeni isaa lamaanifi nad'eeni hojattu lamaanifi ijoolle isaa kud'ani toko fud'ate galaana Yaboki taake. Jari kuni taake jennaani horifi hojattu isaale ch'ufa taakisiise, ufi koba eegeti hafe. Jennaani nami inni imbeenne d'ufe isaani wolwolaane, haga biiftuuni baatuti. Nami suni aka Yakobo indabsanne arge jennaani tafa d'ae miitati buqise. Inni waan Yakobooni jed'e, Lafti ya bariite, gadi na lakisi, indeema. Yakobooni, Illakisu, haga atini na eebiftuti jed'eeni. Namichi waan jed'eeni, Maqaani ke eenu? Jennaani inni, Yakobo jed'e. Namichi waan jed'eeni, Maqaani ke armaa achi Yakoboniti. Atini ya Waaqafi namaani wolmorkitani lachu dabsatte, tanaafi maqaani kanke Israeli taha. Yakobooni waan jed'e, Amma maqa kee nati himi. Ammo namichi, Maafi maqa kiyya beekhu feeta? jed'e, eege Yakobo eebise. Yakobooni fulla suni Penieli maqa baase waan jed'e, Ya Waaqaani fuula keesa wolargine iraa hafe. Aduuni banaani Yakobooni, ka tafa hokolu, Penieli keesaa bahe. Haga arrale gochiti Israeli fooni tafa inyaattu, waan fulla suni Yakobo d'aanifi. Yakobooni Esaufi jari isaa ka d'ibba afuri kaani, ka gadi d'ufu jirani arge jennaani ilmaani ta gari Lea qoode, ta gari Rahelii qoode, ammalle ta gari nad'eeni hojattu taani lamaaniti qoode. Inni nad'eeni hojattu taanifi ilmaani isii dura aanse Leafi ilmaani isii iti aanse, Rahelifi Yusufu eegee aanse. Ufi worra dura deeme oboleesa isati d'iannaani maro torba durati gajed'e. Ammo Esauuni fuula keesa utaale iti mamarate isa d'ungate; worri lachu wolti bohe. Esauuni ufi d'aatu millate nad'eenifi ijoolle arge, Worri isani woliini jirtani kunini ka eenu jed'eeni? Yakobooni waan jed'eeni, Aabbo, ijoolleeni tunini ta Waaqi eebaani naa kenne. Jennaani nad'eeni hojattu taanifi ijoolleeni isii d'ufte durati gajette. Akuma suni Leafi ijoolleeni isiileeni d'ufte. Eegee Yusufufi Raheliini d'ufani durati gajed'ani. Esauuni waan jed'eeni, Worri anini qara baheeni suni maani? Worri kami kana? Yakobooni waan jed'eeni, Worri kiyyuma, ka anini naasu siraa fed'ad'a deemuuni. Ammo Esauuni waan jed'eeni, Gurba, anini ya quufe, waan qabdu oluma keeyad'i. Yakobooni waan jed'eeni, Akananiti. Yo atini naasu naa qabaatte, waan anini sii kennu kana fud'ad'u. Agartaani fuula keeti aka nama fuula Waaqaa arge nati fakaatti, eegi atini amma jaalala hagana geetu na garsiifte. Waan anini sii d'ufeeni kana naraa fud'ad'u; Waaqi ya naa nahe na quubse. Yakobooni ituma d'owe fud'achiise. Esauuni waan jed'e, Nu yaasa, anini ammo si dura deema. Yakobooni waan jed'eeni, Ijoolleeni tunini lalaaftu, anini hori ilmeeni hootu kanale qorqorachuu male. Yo guyya tokole arifachiisani oofani, ch'ufti inhobaati. Abbo, womaniti, atini beeni nu dura deemi, anini laanuma haga horifi ijoolleeni dandeetu tirsa, haga lafa Edomuti si d'aqabuuti. Jennaani Esauuni waan jed'eeni, Yoosi eegi, jara kiyya ka gari sii lakisa. Jennaani Yakobooni waan jed'eeni, Hiyo, lakisi, womaniti, anini qara naasu tante ch'alla barbaadad'a. Duuba guyyuma suni Esauuni kara qabate Edomuti deebie. Ammo Yakobooni lafa Sukothiti qajeele achiti mana jaarate hori ufile waaba jaare. Tanaafi fulla suni maqa Sukothi jed'ani. Yakobooni lafa Mesopotamiati gale dira Shekemu, ka lafa Kanaani keesa, nagayaani baheeni waaro diida dira suni d'aatuti d'aabate. Fulla qubate suni ilmaani Hamori, ka abba Shekemu, qarsi d'ibba tokotini iraa bite. Achiti fulla sorio iti qalani mid'aase, El-Elohe-Israeli jed'e yaame, akasi jechaani Waaqa, Waaqa Israeli jechu. Guyya toko Dina, intalti Yakobofi Lea, imaltu gara nad'eeni gosa Kanaani d'at'e. Duuba gurbaani toko, ka Shekemu jed'ani, ka ilma namicha gudda lafa suni, ka gosa Hivi, ka Hamori jed'ani, isi arge jennaani qabe buufate. Ammo intalti sunini guddo mid'aadi arge jennaani jaalate isi dubbifate, waan abbaani jed'e, Anini aka atini intala Yakobo na kad'attu fed'a. Yakobooni aka intala isaa fafeesani d'agaye, ammo maro ijoolleeni isaa ala tikha jirtuufi woma tokole tolchu dide, haga isiini galtuti. Abbaani Shekemu Hamoriini Yakobooni haasau d'aqe. Ijoolleeni Yakobo ala galte waan hammaate d'ageennaani aka hama rifatte guddo dallante, waan Shekemuuni intala worra buufate gosa Israeli miid'eefi. Hamoriini waan Yakobooni jed'e, Gurbaani kiyya Shekemuuni ya guddo intala tante jaalate, anini si kad'ad'a intala naa kenni. Koota, wold'ageenna, aka nu dubra teesani fuune, isanileeni dubra teenna fuutani. Duuba isanileeni lafa teenna keesa fulluma feetani nagayaani teetani, aka feetani dilaaltani horile horattani. Shekemuuni waan abba Dinatiifi oboleyaani isiitiini jed'e, Waan kana naa tolcha, duuba anileeni waan isani feetani isanii tolcha. Waan feetani nati himad'a, ammalle hori qarat'a ka anini isanii baasu, haguma feetani nati himad'a; anini waan isani feetani ch'ufa isanii kenna, yo isani intala teesani ch'alla nati gurgurtani. Ilmaani Yakobo, waan Shekemuuni oboleeti worra Dina fafeeseefi, Shekemufi abba isaa Hamori sobde lafaa balleesite. Waan worri jed'eeni, Oboleeti teenna nami qabanqaba inqabatini imfuud'u; sunini nuu waan ch'eeraati. Yo isani qabanqaba qabattani aka keenna taatani ch'alla intala teenna fuutani, nuleeni teesani fuuna. Nu woluma keesa qubanne nama takaa taana. Yo isani dubbi teenna diddani qabanqaba qabachu baattani, nu intala teenna fud'anne isani iraa godaanna. Hamorifi gurbaani isaa Shekemuuni dubbi tana maachani, duuba gurbaani hojuma suni gale, waan intala Yakobo jaalateefi, waan Tahi jed'aniini ch'ufa tahe. Inni worra isaani keesa guddo gurra qaba. Hamorifi ilmi isaa Shekemuuni fulla fullo dira suni d'aqani waan biyyaani jed'ani, D'iiro, worri kuni worra nagayaati, ha lafa teenna keesa taani fulla fed'ani godaanani. Lafti ballo, wolti nuu geeti. Koota, dubra worra fuune, worrileeni ha teenna fuud'u. Yoi worri kuni nu woliini tae nu worra taka taanu, yo nuleeni, aka worra, nama d'iira ch'ufa, qabanqaba qamnuufi. Hori worraatifi wonti worri qabu ch'ufti teenna intaatu? Koota, wold'ageenna, aka worri nu woliini tau. Worri lafa suni ch'ufti dubbi Hamoritiifi gurba isaa gula gale, nama worra ka d'iira ch'ufa qabanqaba qabani. Guyya sadeeso, ato madaani kolaante jiitu, ilmaani Yakobo ta oboleyaani Dina lama, Simeonifi Lawiini, goraade guuratte d'ossaani dira suni duudde, nama d'iira ch'ufa fit'e, Shekemufi abba isaale. Duuba Dina mana Shekemu keesaa fuud'ani itiini d'aabatani. Nami d'iira ch'ufti hobaanaani ilmaani Yakobo dachaate dira suni soqatte, waan ch'ufa guuratte, aka haalo oboleeti worra ta fafeesani baaftu. Ree, looni, harrefi waan dirafi oobru keesati argani ch'ufa fud'atani. Waan worri qabu ch'ufa fud'atani, nad'eenifi ijoolle boojiani, waan mana keesati argani ch'ufa itiini d'aabatani. Yakobooni waan Simeonifi Lawiini jed'e, Ya gaargala natiini d'uftani; amma tana maqa kiyya ya gosa Kanaanitiifi gosa Perizitiifi nama ch'ufa ka lafa tana keesa jiruti ajeesitani. Nami kiyya diqa; yo worri kuni ch'ufti kalchaani na had'e, worra keenna ch'ufa imballeesani. Ammo worri waan jed'eeni, Nu nama oboleeti teenna aka sharmut'a iti tabatu iti lakimna? Waaqi waan Yakobooni jed'e, Kai, Betheliti godaani, achi qubad'u. Achiti, Waaqa gaafa atini oboleesa kanke Esau baqatte siti mullate, fulla sorio iti qalani mid'aasiifi. Duuba Yakobooni waan worra isaatiifi nama isa woliini jiruuni jed'e, waaqoota harkaani boch'ani, ta lafa nyaapati kad'attani taani gata ufi qulqulleesa, woya jijirad'a. Koota, Betheli godaane, achiti anini Waaqa ka gaafa anini d'iba qabu na qarqaare fulla anini deeme ch'ufati na wahelche, fulla sorio iti qalani mid'aasaafi. Jennaani waaqoota baanani taanifi qube gurrale baafatani Yakobooti kennani, inni gadda guddo toko ta Shekemu d'aatu jirtu jalati awaale. Yakobofi ilmaani isaa godaanaa kaani jennaani nami dira d'aatu suni keesa jiru ch'ufti sodaa reebu dad'abe. Yakobofi worri isaa ch'ufti lafa Luzu, ta amma tana Betheli jed'ani, ta lafa Kanaani keesa jirtu, d'ufani. Achiti fulla sorio iti qalani mid'aase, fulla sunii Waaqa Betheli gula El-Betheli jed'e yaame, waan Waaqi achiti isati mullateefi, gaafa inni oboleesa isaa Esau duraa baqate. Jaaritini Debora jed'ani, ta duri Rebeka guddifte, doonaani gadda d'aatu Betheli ejitu jalati awaalani. Tanaafi Alon-Bakuthi maqa baasani, akasi jechaani Gadda Boha jechu. Yakobooni Mesopotamia deebie jennaani Waaqi ammalle iti mullate eebiseefi waan jed'eeni, Qara Yakobo siini jed'ani, ammo armaa achi Israeli siini jed'ani. Tanaafi inni maqa Israeli baaseefi. Waaqi waan jed'eeni, Anini Waaqa Gudda; daraari, ilmaani heddu d'ali. Gochiti hedduuni siraa uumamte, hayyooti hedduuni si keesaa baati. Anini lafa Abrahamufi Isaaqoo kenne taani siifi ilmaani teetile kenna. Duuba akasi jennaani Waaqi kae biraa deeme. Yakobooni fulla Waaqi dubbateeni suni d'aqe akheekha old'aabe daad'ifi d'ad'aani muude fulla suni maqa Betheli baase. Yakobofi worri isaa Betheli kaani, ato worri Efrathi ingahiinu, jii Raheli ala hobae, isii ilmeeni iti ejate, ammo ch'ininuuni turte. Ato ch'ininu ke jirtu, jaartini isii deesiftu waan jetteeni, Insodaatini, obsi, Raheli, ilmi d'ibileeni ya sii d'alate. Ammo isiini laafte ta duaa taate, ato lubbuuni keesaa imbahiinu gurba maqa Benoni baafteefi ch'ichite; ammo abbaani maqa Benjamini baaseefi. Akanaani Raheliini doote d'aatu kara Efrathi, ka amma Bethlehemu jed'aniti, isi awaalani. Yakobooni d'akha akheekha achi d'aabe, d'akhaani suni haga arrale awaala Raheli garsiisa. Yakobooni ammalle godaane doofi Ederiti qajeele achi qubate. Ato Israeliini lafa suni keesa jiru, Reubeniini niiti jaalto abba isaa ta Bilha jed'ani barate; duuba Israeliini waan kana d'agaye aka hama dallane. Yakobooni ilmaani d'iira kud'ani lama qaba. Ilmaani Lea Reubeni (ka angafa Yakobo), Simeoni, Lawi, Yuda, Isakari ammalle Zabuloni. Ilmaani Raheli Yusufufi Benjamini. Ilmaani hojattu Raheli, ta Bilha jed'ani, Danifi Naftali. Ilmaani hojattu Lea, ta Zilpa jed'ani, Gadifi Asheri. Ijoolleeni tunini ch'ufti Mesopotamiati d'alatte. Yakobooni gara Mamre, ta d'aatu Hebroni, lafa duri Abrahamufi Isaaqooni taani, gara abba isaa d'aqe. Kunini d'aloota Esau, ka maqaani isaa d'ibiini Edomu. Esauuni nad'eeni gosa Kanaani fuud'e: Ada, ta dubra Eloni, ka gosa Hiti; Oholibama, dubra Ana, ilma Sibeoni, ka gosa Hivi; Basemathi, dubra Ishmaeli, oboleeti Nabayothi. Adaani Elifazi Esauu d'alte; Basemathiini Reueli d'alte. Oholibamaani Yeushi, Yalamu ammalle Kora d'alte. Tuni ch'ufti ilmaani Esau, ta lafa Kanaani d'alatte. Jennaani Esauuni nad'eeni isaatiifi ijoolle isantiifi nama worra isaati galu ch'ufa fud'ate, loonifi hori lafa Kanaaniti horate ch'ufa fud'ate, oboleesa isaa biraa kae fulla d'ibiti godaane. Wonti inni godaaneefi, waan lafti isaafi Yakobooni keesa jirani iti d'ipatteefi. Horiini worraa gudda, tanaafi woliini yau dad'abani. Esauuni (akasi jechaani Edomu), lafa gaareeni ta Seiri taa. Kunini d'aloota Esau, abba gosa Edomu Niitiini Esau, ta Oholibama jed'ani, ta dubra Ana, ilma Sibeoni, ilmaani sadi d'alteefi: Yeushi, Yalamu ammalle Kora. Gochiti Esau iraa horte tana: angafi Esau, ka Elifazi jed'ani, abba gosa tana: Temani, Omari, Sefo, Kenazi, Kora, Gatamu ammalle Amaleki. Tunini ch'ufti d'aloota Esau, ta Adaani isaa d'alte. Gochiti tuni Reueli, ilma Esau, iraa horte: Nahathi, Zera, Shama ammalle Miza. Jari kunini ch'ufti nama Basemathiini niitiini Esau horte. Gochiti tunini ch'ufti niiti Esau, ta Oholibama jed'ani, ta dubra Ana, iraa baate: Yeushi, Yalamu ammalle Kora. Gochiti tunini ch'ufti Esau iraa horte. Balbalti Horifi Hemamu Lotani iraa horte. (Oboleetiini Lotani Timna.) Balbalti Alvani Manahathi, Ebali, Shefo ammalle Onamu ch'ufti Shobali iraa horte. Sibeoniini ilmaani d'iira lama qaba, Ayafi Ana. (Anaani kunini ka madda bisaani owitu yaatu arge, ato harre abba isaa tissu.) Balbalti Bilhaani, Zaawani ammalle Akani Eseri iraa horte. Balbalti Usifi Arani Dishani iraa horte. Yakobooni lafa Kanaani, ta abbaani isaa duri keesa godaane, qubate ke tae. Tunini odu worra Yakobo. Yusufuuni, ganna kud'ani torbati, oboleyaani isaa, ilmaani Zilpatiifi Bilha, nad'eeni hojattu, ta abbaani isaa duri fuud'e, woliini ree tissani. Inni waan hamtu oboleyaani isaa taate ch'ufa abbaati hime. Yakobooni ijoolle isaa taani ch'ufa ira Yusufu jaalate; wonti akanatiifi inni jaaruma keesa isa d'ale. Tanaafi inni ubaara d'eera lafati eju, ka harka d'eera qabu, isaa hod'e. Oboleyaani isaa aka abbaani isaa worra ch'ufa ira isa jaalatu arginaani isa jibbite dubbi hamtu iti dubbatte. Halkani toko Yusufuuni oobjate; waan oobju suni oboleyaani isaati himnaani worri haga qarale ira isa jibbe. Inni waan jed'eeni, Oobju anini oobjad'e ch'aqasa. Nuuni ch'ufti oobru keesa dargaye haamne mata mataani hid'u jira; jennaani ta anini hid'e taani olqajeelte ejite. Yo ani jed'e, teesani taani tiyya marsite durati gajejette. Oboleyaani isaa waan jetteeni, Atini hayyu taate waan nu mohattu seeta? Duuba maro jechaafi oobju isaa tanatiifi haga qara kaanile ira isa jibbite. Jennaani ammalle maro lameeso oobjate waan oboleyaani isaatini jed'e, Anini ammalle oobjad'e adufi jiaafi urji kud'ani toko, ta na durati gajettu, arge. Inni oobju taani abbaafi oboleyaani isaati hime jennaani abbaani loleeni waan jed'eeni, Oobjuuni akasi maani? Atini mala keeti, waan anaafi haatetiifi, oboleyaani tante si durati gajejennu seeta? Oboleyaani Yusufu isa d'iibifatte, ammo abbaani waan kana ch'ufa herege garaa keeyate. Gaafa toko ka oboleyaani Yusufu ree Shekemu foorsitu, Yakobooni Yusufu yaame waan jed'eeni, Waan taatu, beeni, Shekemu fulla oboleyaani tante ree foorsitu, d'aqi. Yusufuuni, Hayye, ind'aqa jed'eeni. Abbaani waan jed'eeni, Beeni, waan oboleyaani tanteetiifi reeni teenna ke jirtu laali, deebii, nati himi. Akanaani abbaani bale Hebroniti isa erge, Yusufuuni Shekemuuni bahe. Ato inni lafa maru, nami toko isa arge waan jed'eeni, Isii gurba, maani barbaada? Inni waan jed'eeni, Oboleyaani tiyya ta ree foora ke jirtu barbaada. Yo beete, fulla isiini jirtu nati himi. Namichi kaani waan jed'eeni, Anini worra, Dothani godaanna jed'u d'agaye. Ya godaanani, achi laali. Duuba Yusufuuni faana deeme Dothaniti worra d'aqabe. Ato inni gama gadeemu, oboleyaani isaa agarte durati ijeecha mariatte waan woliini jette, Oobjataani kaani ya d'ufe; koota, ijeemne reefa isaa boola tana toko keesa buumna; duuba, Bineensati nyaate jenna. Akanaani waan oobjuuni isaa d'ooftu ingarra. Reubeniini mari worra d'agaye isa lubbu baasu fed'e waan jed'e, Koota lubbu inijeemnu, ammo boola tana keesa buumna, aka d'iigi isaa harka keennaani imbuune. Wonti inni akana jed'eefi, aka sila isa harka worra keesaa baase abbaati ergu. Yusufuuni oboleyaani isaatini bahe jennaani worri isa qabe ubaara isaa d'eera kaani iraa baase, eela bisaani inqamne gogeesa keesa buuse. Ato sagale nyaachu jiranu, worri worra gosa Ishmaeli, ka lafa Gileadi lafa Misiriti bunaqaa yau arge. Gaali worraa qumbi, fit'o, qayya baata. Yudaani waan oboleyaani isaatini jed'e, Maani nuu baati, yo oboleesa keenna ijeemne d'iiga isaa d'ossinu? Koota, fulla akasi worra Ishmaeli kanati gurgurra. Innileeni oboleesuma keenna, d'iigumafi fooni keenna, wonti nu isa ijeemnuufi injirtu. Oboleyaani isaa, Ee jette isa gula deebite. Bunat'uuni gosa Midiani d'ufte jennaani Yusufu boola keesaa fuud'ani qarsi diddamati worra gosa Ishmaeliti gurgurani; duuba worri Yusufu fud'ate lafa Misiritiini gale. Reubeniini eela kaaniti deebie jennaani Yusufu keesaa d'abe laalefate woya ufira tatarsaase oboleyaani ufiiti deebie waan jed'eeni, Gurbaani achi injiru, anini amma maani taha? Duuba worri laleesa toko qale d'iiga qeese ubaara Yusufu ke buuse. Ubaara harka d'eera kaani abba isaaniti geesani waan jed'aniini, Ubaara kana lafaa fuune, ka much'a keeti mo? Inni hubate waan jed'e, Ee, ka gurba kiyya! Bineensa alati isa nyaate, gurba kiyya Yusufu ya bineensi gargari ch'ire. Yakobooni laalefate woya ufii tarsaase ch'arqi naqate guyya heddu ilma isati bohe. Ijoolleeni isaa, Iraa hafi jetteeni, ammo inni iraa hafu dide waan jed'e, Haga due boola seenuti anini isaa inuma boha. Duuba boha lakisu dide. Haga inni akasuma bohu, worri gosa Midiani kaani Yusufu Misiri keesati Potifati gurgurate. Potifaani suni huji Farao keesa jira, askartiini mana Farao eeddu ch'ufti isa jala jirti. Gaafasi Yudaani oboleyaani isaa biraa deeme nama toko ka Hira jed'ani, ka Adulamuti d'alate, woliini tae. Achiti Yudaani intala gosa Kanaani, ta abbaani isii Shua jed'ani, arge fuud'e. Isiini ilma Eri jed'ani d'alteefi. Ammalle garaachoofte ilma lameeso d'alteefi, maqa Onani baafteefi. Ammalle gaafa Yudaani Kesibu jiru, ilma d'alteefi maqa Shela baafteefi. Yudaani ilma isaa ka angafa, ka Eri jed'ani, intala Tamari jed'ani toko kad'ateefi fuusise. Eriini nama hama, hameenni isaa suni Waaqa dallansiise, tanaafi Waaqi isa ijeese. Jennaani Yudaani waan Onani oboleesa Eritiini jed'e, Niiti oboleesa kanketi d'aali, ilme kosi lakisiifi. Ammo Onaniini aka ijoolleeni sunini ta isaa intaane beennaani, yo niiti suni bira bule ch'ufa gudeeda d'iira lafati naqe, aka oboleesi isaa ijoolle inarganne. Wonti inni tolche suni AABBO Waaqa diqole ingammachiimne, tanaafi AABBO Waaqi isale ijeese. Jennaani Yudaani waan niiti ilma isaa, ta Tamari jed'aniini jed'e, Worra si d'aleti gali, haga gurbaani kiyya Shelaani guddatuti d'iirsa male tai. Wonti inni akasi jed'eefi, waan hegeri much'a kanale, akuma oboleyaani isaa ijeesani, isale ijeesani sehe sodaate. Eegi suni Tamariini worra isii d'aleti galte. Eegi bulti diqo niitiini Yuda doote. Hamtu baafannaani isaafi jaala isaa Hiraani, ka worra isaani Adulamu, gara Timna, fulla ree isaa dabassa iraa ch'irani d'aqani. Namichi toko waan Tamariini jed'e, Abbaani d'iirsa keeti ya gara Timna dabassa ree iraa ch'irachu d'aqe. Duuba isiini woya hamtu taani baafatte woya d'ibi keeyatte fuula hagogatte fullo Enaimu, ka karaani Timna ke bahu, ke teete. Wonti isiini akasi taateefi, aka Shelaani ato guddatele isi imfuune beeti. Yudaani isi arginaani sharmut'a sehe, waan isiini fuula hagogatteefi. Inni kara d'aatuti isii gore waan jed'eeni, Hori hagami nama iraa fud'atta? (Inni aka isiini niiti ilma isaa imbeekhu.) Isiini waan jetteeni, Hagami naa kennita? Inni waan jed'eeni, Ilme toko ree tiyya keesaa sii kenna. Jennaani isiini waan jette, Qabdo naa kenni, haga reeni d'uftuti. Inni, Maani aka qabdo sii kenna? jed'e gaafate. Isiini waan jetteeni, Beesisa morma qabdufi haada isaatiifi ule deemtuuni suni. Duuba inni iti kenne bira bule garaacheese. Tamariini galte hagogo taani ufiraa fuute woya ufii ta hamtu taani keeyatte. Eegi suni Yudaani jaala ufii Hira ilme reetini erge, aka niitiini miha qabdo kaani deebiftufi, ammo Hiraani isi barbaade d'abe. Inni waan worra lafa sunitini jed'e, Sharmut'itiini onana kara kana d'aatu teetu me? Nu takuma sharmut'a asi ingarre jed'aniini. Inni Yudati deebie waan jed'eeni, Anini ya isi barbaade, d'abe, worri lafa sunileeni, Sharmut'i taka achi ind'umne naani jed'e. Yudaani waan jed'eeni, Nu nama nu koblu imfeenu, laki, waan suni ch'ufa ha taatuuni. Anini ya ilme ree isii erge, ammo siti isi d'abe male. Eegi jii sadi dabre, nami toko waan Yudaani jed'e, Intalti tante Tamariini ya sharmut'a taate garaachoofte. Yudaani waan jed'e, Gabaasa, guba yoosi. Ato gabaasu jiranu, qonqo gara abba isii Yuda ergite waan jette, Nami na garaacheese abba miha kana, ilaali, abba miha kana mid'aafad'u, beesisa kanafi haada isaatiifi ule tanale abba himi. Yudaani waan kana hubate waan jed'e, D'ugaani tama isiiti, anati wollaale, sila ilmi kiyya Shelaani isi fuud'uu male. Duuba Yudaani iti deebie isiiti indeebine. Guyyaani ala hobae jennaani, aka isiini lakoole d'altu argani. Ato isiini ch'ininfattu, daimi toko harka gabaafate. Niitiini deesisu jirtu harka daima suni qabde liilana diima iti hite waan jette, Kuno, ka angafa kana. Ammo daimi kaani harka keesa deefate, oboleesi isaa durati d'alate. Jennaani niitiini deesiftu taani waan jette, Atini akanuma irreeni keesaa baata! Tanaafi maqa Peresi baasanifi. Duuba oboleesi isaa ka liilana diima harkaa qabu d'alate, maqa isaa Zera baasanifi. Duuba worri gosa Ishmaeli kaani Yusufu fuud'e lafa Misiriti geese, achiti hojattu hayyuu, ka gudda askarti mana isaa eeddu, ka Potifa jed'aniti gurgure. AABBO Waaqi Yusufu woliini jira, waan inni tolche ch'ufa keesa kayo kenneefi. Inni mana namicha hojatufi, ka gosa Misiri, keesati gale. Nami sunini aka AABBO Waaqi Yusufu woliini jiru, yokhaani aka waan inni tolche ch'ufa keesati kayo kenneefi, arge. Potifaani adabafi huji isaa maache, huji mana isaa harka isati lakise, waan qabu ch'ufa gudda iti tolche. Haga guyya suniti asi AABBO Waaqi Yusufu jed'e worra namicha Misiri sunifi waan inni manafi oobru keesa qabu ch'ufa eebiseefi. Duuba Potifaani waan ch'ufa harka Yusufuti lakise, sagale ufii male waan isaa kaani tokole, Maani? jed'e ira imbaane. Yusufuuni nama d'aabafi fuula qajeela. Inni diqo fulla worraa tae jennaani niitiini namicha suni Yusufu guddo jaalatte, Kooti, woliini ramna jetteeni. Ammo inni waan jed'eeni, Akasi naa imfakaattu; guddaani kiyya waan anini arma jirufi waan mana kana tokole iraa imbahu, inni waan ch'ufa ya harka kiyyati lakise. Mana kana keesa naafi inni qit'e. Sii, niiti isaa male, inni waan mana kana keesa jira tokole na ind'owine. Anini duuba akami dandae waan hamtu akana kana tolche Waaqa durati ch'ubbama? Isiini guyya ch'ufa iti gamte, ammo inni isiini rafu dide, fulla isiini teetule tau dide. Ammo guyya toko, ka inni hujifi mana olseene, ka nami mana keesa hojattu tokole achi injirre, isiini woya isaa qabde waan jetteeni, Kooti, woliini rafna. Ammo inni woya ufii harka isiiti lakise baqate alati gabahe. Aka inni woya isaa harka isiiti lakise mana keesaa alati baqate agarte jennaani hojattu mana keesa hojatu ch'ufati iyyite, D'iiro, ilaala, namichi Ebrania ka d'iirsi kiyya mana kiyyatiini gale kaani ya nu miid'e. Reefu tana nati olseene na buufachu fed'e, ammo anini haguma dandau iti iyye. Aka anini iyye d'agaye jennaani woya keesaa bahe alati baqate jette. Jennaani haga d'iirsi galuti, woya isaa ufi bira olkeete. Inni gallaani, akuma kaani iti himte waan jetteeni, Tissichi gosa Ebrania, ka atini nutiini galte kaani, nati olseene na miid'e. Ammo anini qonqo olfud'ad'e iyye, jennaani woya keesaa bahe alati baqate. Namichi Yusufuuni hojatufi kaani, niitiini isaa waan Yusufu isi tolche kaani iti himnaani guddo dallane bobae. Inni Yusufu qabsise fulla hayyuuni iti nama hid'uti isa hid'e achumati lakise. Ammo AABBO Waaqi Yusufu jaalate lakisu dide, gudda mana hid'aansale naasiseefi. Inni kaani nama hid'ani ch'ufa harka Yusufuti lakise, huji achiti tolchani ch'ufa gubbaa isaa tolche. Duuba guddaani mana hid'aansaa kaani waan Yusufuti lakise tokole ira imbaane, wonti akanatiifi AABBO Waaqi Yusufu woliini jira, waan inni tolche ch'ufa keesati kayo kenneefi. Eegi guddo turani worri hayyicha Misiri hojatu, ka toko daad'i gololchufi ka kaani qit'a d'aabu, hayyu dallansiisani. Faraoni guddo dallane worra lachu mana gudda askarti keesati hid'e, fulluma Yusufu iti hid'ani taaniti. Worri hid'aansa suni keesati ture, guddaani askartileeni Yusufu hojattu worraa tolche. Halkani toko hojattuuni hayyu taani lachu oobju ufii oobjatte, oobjuuni worraa suni waan garagara himte. Yo Yusufuuni diirama worrati d'ufe, worri gammada inqabu. Duuba inni waan jed'eeni, Fuuli keesani arra eesa gammada inqamne? Worri waan jed'eeni, Nu lachu oobjanne, nama waan oobju suni nuti himu d'amne. Jennaani Yusufuuni waan jed'eeni, Himaansi ka Waaqatiniti? Me, oobju teesani nati hima. Duuba namichi daad'i gololchu kaani waan jed'eeni, Oobju tiyya keesati mukha zabibu ufi durati arge. Mukhi suni dame sadi qaba; dameeni baala baafte, daraaraani mullate, mid'aanileeni bilchaatani. Anini muduunu Farao harkaa qaba; duuba mid'aani kaani mukha iraa buqise muduunuti miich'e bisaani keesaa yaase isaati kenne. Jennaani Yusufuuni waan jed'eeni, Wonti isiini himtu kuno tana: dameeni sadeeni guyya sadi. Guyya sadi keesati hayyuuni si fuud'e sii araarame huji te ta duriti sii deebise, akuma duri daad'iini gololchitu kaani gololchita. Ammo yo wonti ch'ufti sii mid'aade na qaabad'i, hayyuti naa haasai, aka akanaani mana kana keesaa na baasani. Qarele lafa Ebrania keesaa irreeni na fuud'ani, armalle, ka anini woma iyyakini, naani d'ufani boola tana keesa na buusani. D'aabduuni qit'a kaani, aka himaansi oobju gololchitu daad'i dansa arge, jennaani waan Yusufuuni jed'e, Anileeni akana oobjad'e; dadu sadi, ta qit'a miju, mata iraa qaba. Dadu gubbaa aantu sagale miooftu, ta gosa heddu, ta Farao d'aabaniti ke jira, ammo simpirreeni sagale suni dadu keesaa guurate nyaatte. Yusufuuni waan jed'eeni, Daduuni sadeeni suni guyya sadi. Guyya saditi Faraoni si fuud'e mata siraa kuta! Duuba mukhati si fannise, allaatini fooni kanke nyaatti. Guyya sadeeso eegi oobju taani, maro qaabacha d'aloota isaatiifi, Faraoni jila hojattu isaati tolche; gololchitu daad'itiifi d'aabdu qit'a fuud'e hojattu ufii gurgudo duraani d'ufe. Inni gololchitu daad'i huji isaa ta duriti deebise, aka inni akuma duri isa gololchu; ammo inni d'aabdu qit'aa kaani mukhati fannise, akuma Yusufuuni hime kaani. Ammo ato akasile taate, gololchituuni daad'i kaani qonqo Yusufu taani ded'e ituma deebie dubbi isaale ira imbaane. Eegi ganni lama dabre, Faraoni oobjate, oobju suni keesati aka d'aatu galaana Nile eju ufi arge. Duuba looni gagabbooni mimid'aagooni torba galaana keesaa bahani d'aatu d'eedani. Jennaani looni torba d'ibileeni haaluuni goblooli, galaana keesaa bahani looni gagabbo kaani bira afaani galaana ejaanjani. Looni haaluuni suni looni gagabbo kaani nyaatani hobaasani. Eegi suni Faraoni damaqe. Ammalle iriibati deebie maro lameeso oobjate mid'aani toko ka mata torba qaba, ka ch'ufti mid'aani ilaa bilchaato qaba arge. Jennaani mataani torba d'ibiini qaqallaani, ka bubbeeni owituuni lafa alooti d'ufte d'oofte gubde gadi bahe; mataani qaqallaani kaani, ka ila qabu, mimid'aago kaani liqimse. Hayyuuni damaqe, aka wonti sunini ch'ufti oobju arge. Lafti bariinaani waan oobjate kaani d'ind'ise, worra wa himufi worra qaqaro, ka lafa Misiri keesa jiru, ch'ufa wolti yaame waan oobju ufii iti haasae, ammo nama waan isii himu d'abani. Jennaani gololchituuni daad'i kaani waan Faraoni jed'e, Arra wollaala kiyya ya qaabad'e. Gaafa atini naafi d'aabdu qit'ati dallante mana gudda askarti keesati nu hite, halkani toko nu lachu oobjanne, oobjuuni teenna waan waan himte. Gurba kaima tokoti, ka gosa Ebrania, ka hojattu gudda askarti, gaafasi nu woliini jira; duuba oobju teenna iti himne jennaani waan isiini d'ooftu nuti hime. Akuma inni hime suni taate; na huji tiyyati na deebisani, ammo d'aabdu qit'aa kaani mukhati fannisani. Jennaani Faraoni nama erge, Yusufu hurrisa boola hid'aansa suni keesaa fuud'a, kootaani jed'e. Yusufuuni areeda haadate woya jijirate Farao dura d'ufe. Jennaani Faraoni waan jed'eeni, Anini oobju oobjad'e, ammo nama waan isiini d'ooftu nati himu d'abe; aka atini waan oobju himtu ya d'agaye, tanaafi si yaame. Yusufuuni waan jed'eeni, Aabbo kiyya, anini himu indandau, ammo Waaqumati himaansa dansa sii kenna. Duuba Faraoni waan jed'eeni, Ani oobjad'e, oobju tiyya keesa d'aatu galaana Nile eja. Yo ani jed'e, looni torba gagabbooni mimid'aagooni galaana keesaa bahani afaani galaana d'eedani. Jennaani looni torba d'ibiini haaluuni goblooli, ka ani taka lafa Misiri keesati inargini, faana kaani d'ufani. Looni haaluuni kaani looni gagabbo kaani nyaatani hobaasani; yo ani jed'e, akuma qara kaani huqo, woma iraa inhiinne, nami tokoleeni dandae, Looni kaani ya nyaatani injed'u. Jennaani damaqe. Ammalle iriibati deebie maro lameeso oobjad'e, mid'aani toko ka mata torba qaba, ka ch'ufti mid'aani ilaa bilchaato qaba arge. Jennaani mataani torba d'ibiini qaqallaani, ka bubbeeni owituuni lafa alooti d'ufte d'oofte gubde, mid'aanuma kaani iraa bahe, mataani qaqallaani kaani mid'aani ilaa bilchaato kaani liqimse. Oobju tana lachu worra wo himuti haasae, ammo tokoleeni waan isi nati himu dad'abe. Yusufuuni waan Faraoni jed'e, Oobjuuni tante lachu waan taka himti; Waaqi ya waan tolchu fed'u si beesise. Looni gagabbooni kaani torbaani ganna torba, mataani mid'aani ilaa torbaani kaanileeni ganna torba. Oobjuuni tunini woma taka. Looni haaluuni torbaani kaani, ka faana looni kaani d'ufanifi mataani qaqallaani torbaani bubbeeni owituuni lafa alooti d'ufte d'oofte gubde kaani ganna torba ka beela. Akuma anini siini jed'e kaani, Waaqi waan tolchu fed'u la si garsiise. Lafa Misiri keesa ganna torba ka quufa guddati d'ufa. Eegi suni ganna torba d'ibi ka beela, ka quufa sule ch'ufa nama deesisuti d'ufa. Beelti suni lafa balleesite ganna quufa suni nama deesifti, waan beelti faana d'uftu sunini guddo hamtutiifi. Wonti oobjuuni tante lama taateefi, Waaqi ya waan kana mure buufate, d'iotu tolcha. Amma duuba nama qaro malticha fohad'i, finna lafa Misiri ch'ufa harka isaati deebisi. Jara d'ibi ka isa jala hojatule tolchi, haga ganna torba ka lafti quufa qabdu, mid'aani argatani keesa, kintaala shani keesaa, toko olkayi jed'iini. Mid'aani ganna quufa ka gad'ufu kana dira ch'ufa keesati wolti guura, fulla tokoti jabeesa olkaya, badi d'owa jed'iini. Sagaleeni olkayani suni, gaafa ganni torbaani beela ka lafa Misiriti d'ufu, nama ch'ufa geete, akanaani biyya sila beelaani dootu duu d'owarti. Mali Yusufuuni d'aefi kunini Faraofi hojattu isaa quubse. Faraoni waan jed'eeni, D'iiro, nama Yusufu ira jiru, ka lubbuuni Waaqaa ke jirtu, inarganna? Duuba Faraoni waan Yusufuuni jed'e, Eegi Waaqi waan kana ch'ufa si garsiise, nami tokoleeni ka aka kanke malafi qaroomale qabu injiru. Anini gudda lafa tiyya ch'ufa sii tolche, nami kiyya ch'ufti si ch'aqasa. Ana male nami tokoleeni si dura injiru. Amma tana gudda lafa Misiri ch'ufa la si tolche. Duuba Faraoni qube baafate quba Yusufuti kaye, woya boofta uyiseefi, looti worqi mormati kayeefi. Gaari fardi hirkisu ka mid'aaguma ka hayyuti aanu kenneefi, nama isa dura yae lalabe, Duraa gora! Dura gora! jed'u tolcheefi. Akanaani Yusufuuni gudda lafa Misiri ch'ufa tolchani. Faraoni waan jed'eeni, Anini hayyu lafa Misiri; nami tokoleeni waan atini inquufiini intolchu. Gaafa ganna torbaani quufaa kaani, lafti aka taka inargini mid'aani baafte; duuba Yusufuuni mid'aani suni ch'ufa wolti guure dira lafa suni ch'ufa keesati olkaye. Dira suni ch'ufa keesa inni mid'aani d'aatuti bahe olkaye. Yusufuuni mid'aani haga inqamne, ka aka biyye tana, wolti guure, eegee hedule dad'abani. Ato ganni beela ingahiinu niitiini Yusufu, ta Asenathi jed'ani taani, ijoolle lama d'alteefi. Inni much'a angafa maqa Manase baase waan jed'e, Waaqi ya gaargala kiyyafi worra kiyya na deesise. Ka maand'a maqa Efraimu baaseefi waan jed'e, Waaqi ya lafa anini keesa gaargale keesati na daraarse. Lafa Misiri keesati ganni torbaani quufaa kaani dabre, akuma Yusufuuni jed'e ganni torbaani beelaa kaani d'ufe. Lafa Misiri male lafti d'aatu taani ch'ufti beelaani badde. Eegee lafa Misirile beelti seente, duuba Farao d'aqani, Sagale nuu kenna jed'ani. Faraoni waan jed'eeni. Beena, gara Yusufu d'aqa, waan inni isani tolchu taha. Beelti hammaatte lafa ch'ufa qabatte jennaani Yusufuuni mana mid'aani keesa olkayani kaani ch'ufa bane worra lafa Misiriti mid'aani gurgure. Maro beelti guddo jabaatteefi, nami lafa ch'ufa keesa lafa Misirii d'ufe, aka sagale Yusufu iraa bitatu. Yakobooni aka mid'aani Misiri jirani d'agaye jennaani waan ilmaani isaatini jed'e, Isani maani ufumaa ch'iiftani woli laaltani? Lafti Misiri mid'aani qabdi d'agaye, achi d'aqa nu bita, aka nu garaachaani inhobaane. Duuba oboleyaani Yusufu kud'ani lafa Misiri mid'aani bitachu d'at'e. Ammo Yakobooni Benjamini, ka Yusufuuni garaa, Nagayaani nati ingalu karaati wo taha jed'e, oboleyaani isaa gula ergu dide. Akanaani ilmaani Yakobo, waan lafa Kanaanile beelti seenteefi, biyya d'ibi woliini mid'aani bitachu d'ufte. Yusufuuni, ka gudda lafa Misiri nama lafa ch'ufa keesaa d'ufe mid'aani iti gurgure. Jennaani oboleyaani isaa d'ufte durati lafaa gajejette. Yusufuuni oboleyaani isaa arge beekhe, ammo nama imbeenne ufi tolche, dubbini woworaane, Isani eesaa d'uftani? jed'e. Nu lafa Kanaaniti lafa tana sagale bitachu d'umne, jed'aniini. Ato Yusufuuni oboleyaani isaa fuula beekhele, worri isa fuula imbeenne. Yusufuuni oobju waan worra oobjate taani qaabate waan jed'eeni, Isani lafa tana dooya d'uftani, aka lafti teenna woma inqamne laalu d'uftani? Aabbo, akananiti, nu hojattu tanteeti, sagale bitachu d'umne. Nuuni ch'ufti oboleyaani, nu nama d'ugaati, hameenna womaatifu ind'umne jed'aniini. Inni waan jed'eeni, Lakisa, akasiniti, isani akuma lafti woma inqamne laalu d'uftani. Worri waan jed'eeni, Nu oboleyaani kud'ani lamaati, Aabbo, ilmaani abba toko, lafa Kanaani keesati. Maand'ichi aabbo birati hafe, ammo toko injiru. Yusufuuni waan jed'eeni, Akuma ani qara jed'e, laki, isani dooya. Kara kanaani d'uga teesani laala: anini maqa Faraotiini kakhad'a, aka isani haga oboleesa keesani diqaani d'uftaniti armaa iyyaane. Isani nami toko deema, isa fuud'a, isani kaani inhid'ani, haga d'uga dubbi teesani arganiti. Yokhaani Maqa Faraotiini kakhad'a, isani dooyuma. Duuba haga guyya sadi worra hid'e. Guyya sadeeso Yusufuuni waan jed'eeni, Waan isani taatani, anini Waaqa sodaad'a. Yo isani nama d'ugaa taatani, nama toko hid'aansa keesati lakisa; isanini kaani sagale bita, worra keesani, ka garaachi fit'e, sunitini gala. Duuba oboleesa keesani ka maand'atiini nati koota, aka akanaani d'ugaani teesani mullatte dooti isanii hanqattu. Worri dubbi tana ee jed'e waan woliini jed'ani, Me laala, nu gati daba keenna argachu jirra, ta gaafa nu oboleesa keenna dabsine, inni gaafasi naasu nu kad'ate, nu ammo nahuufi dinne; tanaafi amma gaargali kunini nu qabate. Reubeniini waan jed'e, Anini gaafasi, Waan tokole isa intolchina jed'e, ammo na ch'aqasu diddani. Amma gati d'iiga isaatiifi nu gaargalchani. Yusufuuni waan worri jed'e hubate, ammo worri aka inni hubate imbeekanne, waan afaani worra isaa deebisanifi. Yusufuuni worra biraa garagale bohe. Jennaani iti deebie worrani haasae Simeoni fuud'e fuula worra durati harkaafi miila wolti hid'e. Yusufuuni hojattu ufii yaame, Subba worra mid'aaniini guuta, duuba nama ch'ufa beese isaa subba isaati deebisaafi woreegale kennaafi jed'eeni; worri akasuma tolche. Oboleyaani taani mid'aani harreleti faate gala kaate. Fulla bultiti worri nami toko harre mid'aani kenna subba ufii hiikhe jennaani beese qara mid'aaniini bitate taani keesati arge. Oboleyaani ufiiti iyye, Kuno, beese tiyya ya naa deebisani, afaanuma subbaa teeti jed'eeni. Worra lubbuuni d'ufte, holatani waan woliini jed'ani, Aard'aa, isii Waaqi maani nuti buuse? Lafa Kanaaniti gara abba galani, waan tahani argani ch'ufa iti himani waan jed'ani, Guddaani lafa Misiri dubbi jajabdu nuuni jed'e nuti kae, Isani dooya lafa tiyya d'uftani nuuni jed'e. Nu dooyaniti, nama d'ugaati jenne dinne. Nu qara oboleyaani kud'ani lamaati, abba tokotu nu d'ale, oboleesi keenna toko injiru, ammalle maand'ichi lafa Kanaani abba keenna birati hafe jenne. Ammalle namichi waan nuuni jed'e, Aki anini d'uga teesani argu akana: isani nami toko ha na woliini hafu, isaniini kaani mid'aani fud'ad'a worra keesani, ka beelti balleesite suniti geesa. Ammo oboleesa keesani natiini koota, akanaani aka isani dooya intahiini, nama d'uga, beekha. Duuba yo suni, oboleesa keesani isanii deebise, isani yo feetani lafa tana teetani bunat'ani nuuni jed'e. Jennaani yo worri subba ufii hiikhe mid'aani keesaa jisse, kuno, beeseeni worri biteeni taani tana. Beese arginaani worrafi abbaaleeni nahani bakhakhani. Abbaani waan jed'eeni, Isani aka anini ilmaani tiyya ch'ufa d'abu feetani? Yusufuuni injiru, Simeonileeni injiru, amma Benjamini harkaa na fuud'u feetani? Jireenni ya na hammaate. Jennaani Reubeniini waan jed'eeni, Yo anini Benjamini siti ingaliini, ilmaani tiyya lamaanu fit'i; isa harka kiyyati lakisi, natu sitiini gala. Ammo Yakobooni waan jed'eeni, Gurbaani kiyya isani gula indeemu, oboleesi isaa qara due, isa ch'allati hafe. Hegeri karaati wo taha, anini ya jaare hobae, lubbu isaa dandae iraa inhafu. Beelti lafa Kanaani haga qarale ira hammaatte, duuba eegi worri Yakobo mid'aani Misiri galateeni kaani nyaate fit'e, Yakobooni waan ilmaani isaatini jed'e, Beena, dachaa, mid'aani diqo toko ammalle nuu bita. Ammo Yudaani waan jed'eeni, Namichi aka jaba nuti d'aame waan nuuni jed'e, Oboleesa keesaniini d'uftani male, fuula kiyya dura imbahiina. Yo atini oboleesa keenna nu gula ergite, nu deemne sagale sii binna. Yo didde, nu iyyaanuyu, wonti akanatiifi namichi waan nuuni jed'e, Oboleesa keesaniini d'uftani male, fuula kiyya dura imbahiina. Yakobooni waan jed'eeni, Isani maafi namichaani, Oboleesa d'ibi qamna jettani na gaargalchitani? Worri waan jed'eeni, Namichi waan worra keenna gaafate lakisu dide. Abbaani keesani inuma jira? Oboleesa d'ibi qabdu? nuuni jed'e. Nu gaafi isa gula akasi jenneeni. Nu akamiini beena, aka inni, Oboleesa keesaniini koota nuuni jed'u? Yudaani waan abbaani jed'e, Gurba na gula ergi, ammuma tana yaana, aka nu nami diqafi guddaani tokoleeni beelaani indoone. Dua jireenni isaa gubbaa tiyya. Yo anini nagayaani sii galche si dura ind'aabiini, haga jiru jireennale wollaali ha kiyya tahu. Ato akana turu baanne, sila maro lamale ya yaane dachaane. Abbaani waan worrani jed'e, Yo akasi male intaatu jettani, waan lafti teenna baaftu dansa ch'ufa, ta aka hampefa, dammafa, qumbifa, waan aka ogomdifa qolaatifa guura, namicha guddaa geesa. Ammalle beese tana male, beese subba keesati isanii deebisani taanile fuud'a, hegeri wollaalafi isanii deebisani. Oboleesa keesani fud'ad'a, beena yaa. Waaqi Guddaani namicha isani naasisinna, aka inni Benjaminifi oboleesa keesani kaani gadi deebisu. Yo ilmaani tiyya d'abu male, ha d'abuti. Jennaani worri waan namichaa geesani sunifi beese mid'aaniini bitatani haga duri kaani ira maro lama fuud'ani, Benjaminile woliini kaani, lafa Misiri d'aqani, fuula Yusufu dura d'ufani. Yusufuuni Benjamini worra birati arge jennaani waan hojattu isaatini jed'e, Worra kana mana kiyya geesa, arra saa jaa sagale woliini nyaanna, tanaafi hori qala, waan ch'ufa kurfeesa. Hojattuuni taani aka iti himani kaani guute worra mana Yusufuu geesite. Ato manati geesanu, worri nahe waan jed'e, Waan armaani nu d'ufanifi maro beese subba keenna keesati deebisanifi, amma hegeri maruma toko nu had'ani harrele teenna guuratani tisse nu tolfatani. Duuba fulla balbala mana isaa gahani jennaani waan nama huji mana suniti matatiini jed'ani, Aabbo, nu qara sagale binna jenne arma d'umne. Duuba karaati bulti miha hiikhanne jennaani nu namu beese qara mid'aaniini bitanne taani afaani subba keennati argine, beeseeni suni tokochi qubaleeni inhamne, amma layu sitiini d'umne. Ammalle beese sagaleeni bitannu d'ibiini ya d'umne. Nama beese teenna nuu deebise nu imbeennu. Inni waan jed'eeni, Iyyaaliina, insodaatina, Waaqi keesani, Waaqi abba keesani, beese teesani hegeri subba keesaniti deebise. Anini ufi tiyya beese teesani ya fud'ad'e jed'e, Simeoni worratiini d'ufe. Duuba inni worra kaani mana Yusufutiini d'ufe bisaani worri miila d'iqatu kenneefi harrele worrale mid'aani kenne. Duuba worri waan Yusufu d'ufeeni kaani, aka saa jaa hojja inni d'ufu iti kennu, kurfeese. Wonti akanatiifi aka worri sagale isa woliini nyaatu ya iti himani. Yusufuuni gale jennaani waan d'ufaninifi kaani kurfeesani itiini d'ufani durati gadi jejed'ani. Inni nagaya worra fuud'e waan jed'eeni, Jaarsi abba keesani ka isani baantani kaani jira? Inni baraa fayyaa? Aabbo, abbaani keenna inuma jira, baraa fayyaa jed'ani durati gajejed'ani. Yusufuuni oboleesa isaa Benjamini, ka isaani garaa, arge jennaani waan jed'e, Ila, gurbaani isani baantani, ka oboleesa keesani kaani, kana? Waaqi si eebisinna, gurba kiyya. Akasi jed'e jennaani maro oboleesa isaatiifi onneeni laafte bohu fed'e, worra biraa deeme dinqa olseene bohe. Jennaani fuula d'iqate gabahe ufi d'owe, Sagale nuu baasa jed'e. Yusufu sagale kobaa baasani, oboleyaani isaale akasuma kobaa baasani, worra Misirile, ka achiti nyaatu kobaa baasani, wonti akanatiifi worri Misiri worra Ebraniatini woliini nyaachaani worraa falfala. Oboleyaani Yusufu isati fuula deebisani tetesisani, akuma isiini d'aloota wolti aantuuni. Akasi argani jennaani woli mimilatani mamani maadefatani. Duuba sagale mesa Yusufuuni irati nyaatu iraa fuud'ani worra ch'ufaa kennani, ammo sagale Benjamini kennani ta worra kaani ira maro shani dabarsani. Duuba nyaatani d'ugani quufani, Yusufu woliini gammadani. Jennaani Yusufuuni hojattu mana isaa qorqorattu yaame waan jed'eeni, Subba worraa, haga worri baachu dandau, guuti, beese nama ch'ufale subba keesa mid'aani gubbaa kayi. Muduunu tiyya ta qarsi, subba much'a maand'icha keesa, mid'aani gubbaa, beese isaa woliini kayi. Jennaani namichi akuma Yusufuuni iti hime kaani tolche. Lafti bariite jennaani worrafi harrele worrale gad'iisani. Worri diqo dira ira fagaate jennaani Yusufuuni namicha hojattu mana isaa kaani yaame waan jed'eeni, Worra suni hurrisi hordofi, faana d'ai, yo d'aqabde waan jettuuni, Galati keesani kana? Waan dansa argattani jennaani waan hamtu naa deebiftani? Isani muduunu qarsi ta abba kiyya maafi hattani? Inni tanaani d'uge tanaani inhimne? Guddo waan hamtu tolchitani! Namichi hojattuuni kaani worra d'aqabe jennaani dubbi taani worrani jed'e. Worri waan jed'eeni, Aabbo, atini maafi dubbi akana tana nuuni jetta? Nu inkakhanna, aka waan akana kana intolchini. Nu ufuftu beese onana subba keenna keesati garre, lafa Kanaaniti, sii deebimne, imbeeta; amma duuba akami qarsi yokhaani worqi mana abba keeti keesaa hanne? Aabbo, waan suni nu nama irati arganifu ha ijeesani, nuleeni worri hafe tissele tante taana. Inni waan jed'e, ha taatu, ammo nama muduunu irati argani ch'allati tisse naa taha, isani kaani d'ibi dubbi womatu iraa inqabu. Jennaani nami ch'ufti maro tokotu miha isaa harre iraa hiikhate subba ufii babane. Namichi hojattuuni kaani subba nama ch'ufa ka angafa iti keeyate ka maand'atii d'aabe soqe barbaade, duuba muduunu subba Benjamini keesati arge. Jennaani worri laalefate woya ufii tatarsaase, harrele faate dirati deebie. Yo Yudafi oboleyaani isaa mana Yusufutiini bahani, inni manuma jira. Isa durati gadijennaani Yusufuuni waan jed'eeni, Isani maani tolchitani? Aka nami aka kiyya wa himu imbeetani? Yudaani waan jed'eeni, Nu maani siini jenna, Aabbo? Akami jenne ufi qulqulleesina? Waaqi ya ch'ubbu teenna mullise, nuuni ch'ufti amma tana tisse teeti, nama muduunu irati argani ch'allaniti. Yusufuuni waan jed'eeni, Hiyo, ani akasi imfed'u! Nama muduunu irati argani ch'allati tisse naa taha; isani kaani nagayaani abba keesaniti gala. Yudaani Yusufuti hiiqe waan jed'eeni, Aabbo, nati indallaniini, ato sifi Faraoni wolqit'e taatanile anini wa siini jechu fed'a. Aabbo, atini waan nuuni jette, Isani abbaafi oboleyaani tokole qabdu? Nu waan siini jenne, Nu abba inqamna, inni jaarsa; oboleesa maand'ichale inqamna, ka inni jaaruma keesa d'ale. Oboleesi gurba suni ka garaa injiru, garaani haad'a suni isuma ch'allati hafe, tanaafi abbaani isa guddo jaalate jenne. Aabbo, atini, Isa argu fed'a, natiini koota nuuni jette; nu waan jenne, Gurbaani dandae abba biraa indeemu, yo inni deeme jaarsi indua jenne. Jennaani atini waan nuuni jette, Yo oboleesa keesani maand'ichaani d'uftani male, deebitani na dura inejatina. Nu gara aabbo dachaannaani waan atini nuuni jette iti himne. Jennaani inni, Dachaa, sagale diqo toko nu bita jed'e. Ammo nu waan jenneeni, Yo oboleesa keenna maand'ichaani yaani male, dandeenne namicha suni dura inejannu. Yoi nu yaanu yo oboleesi keenna maand'ichi nu woliini deemu ch'alla. Abbaani keenna waan nuuni jed'e, Niitiini tiyya Raheliini ijoolle d'iira lama ch'alla naa d'alte, imbeetani. Toko amma na bira injiru, haga inni na biraa deeme deebie ingarre; hegeri ya bineensi alaa nyaate hobaase. Anini ya jaare hobae, yo takacha kana naraa fuutani inni wo tahele, anini dandae naasuu iraa inhafu, inuma dua nuuni jed'e. Tana male, waan anini aabbooni jed'e, Duaa jireenna isaa gubbaa tiyya, yo anini gallaani isa si duraani ind'ufini, wollaali ha kiyya tahu haga jiru jireennale. Amma aabbo, nati fulla gurba tisse sii taha, inni ha oboleyaani ufii woliini galu. Anini eesa gurba male dandae abba kiyyati gala? Gaargala hama ka sila abba kiyyati d'ufu obsu indandau. Yusufuuni hojattu ufii durati ufi d'owu dad'abe jennaani waan jed'eeni, Isani ch'ufti na biraa baha. Tanaafi yo inni oboleyaani isaa ufi beesise, nami tokoleeni isa bira injiru. Inni aka taka inargini bohe jennaani worri Misiri ch'ufti d'agaye, oduuni suni mana Faraoleeni baate. Yusufuuni waan oboleyaani isaatini jed'e, Anini Yusufu. Aabbooni d'uguma ammalle injira? Waan kana d'ageennaani oboleyaani isaa mudamte waan jettule d'abde. Jennaani Yusufuuni waan jed'eeni, Me gadi hiiqa. Worri iti hiiqe jennaani inni waan jed'eeni, Anini oboleesa keesani Yusufu, ka isani bunat'u lafa Misiriti gurgurtani. Waan na gurgurtani amma ilaalefatina, yokhaani wollaali keenna injed'ina. Waaqumati isani dura na erge, aka anini lubbu biyyaa baasu. Ganni beela Kanaani wolti lama, shani d'ibiti hafa, ka nami qote imfach'aamne. Waaqumati isani dura na erge, aka anini hidda keesani badi d'owe, ilmaani teesani beela iraa haftu. Tanaafi Waaqa male, namu asi na inergine. Inni ya abba mala gudda ka Farao na tolche, hojattuuni isaa ch'ufti na jala jirti, finni lafa Misiri ch'ufti harka kiyya keesa jira. Amma hurrisa, gara aabbo dachaa waan jettaniini, Wonti ilmi kanke Yusufuuni siini jed'u tana: Waaqi ya gudda lafa Misiri ch'ufa na tolche, inturiini, nati kooti. Aka nati d'iaattu, lafa Gosheni keesa teetu — sii, ilmaani teeti, akhakhowani teeti, ree teeti, looni keeti, wonti atini qabdu ch'ufti lafa suni teeti. Yo atini lafa Gosheni keesa teete, anini dandae si qorqorad'a, ganni beela shani d'ibiti hafa, anini worra keetifi hori kanke ka beelaani hobau imfed'u. Amma tana isaniini ch'ufti, atileeni Benjamini, aka anini Yusufu ya argitani. Aka anini lafa Misiri keesa irre qabuufi waan agartani ch'ufa aabbooti hima. Duuba hurrisa, isa armaani koota. Jennaani inni oboleesa ufii Benjamini mamarate bohe, Benjaminileeni akasuma iti mamarate bohe. Duuba ato bohu jiru, oboleyaani isaa taani ch'ufa ira deeme iti mamarate d'ungate. Eegi suni oboleyaani aka dansaa haasoofteeni. Oduuni d'ufiisa oboleyaani Yusufu worra Farao geennaani Faraoni hojattuuni isaa gammadde. Faraoni waan Yusufuuni jed'e, Oboleyaani tanteetiini harrele faad'a, Kanaaniti gala jed'iini. Abba keesanifi worra keesani ch'ufa fud'ad'a gadi godaana. Duuba fulla lafa Misiri ch'ufa keesa ira dansa isanii kenna, aka isani quuftani gabbattani. Ammalle waan jettuuni, Gaari horiini hirkisani fud'ad'a, aka ijoollefi nad'eeni teesani yaabatuu; abba keesanile fuud'a, koota. Waan miha keesani iyyaaliina, biyyeeni lafa Misiri keesa ch'ufa ira dansa teesani taati jed'iini jed'e. Ilmaani Yakobo akuma jed'aniini taate. Yusufuleeni akuma Faraoni jed'eeni, gaari horiini hirkisufi woreega karale kenneefi. Inni oboleyaani isaa ch'ufa woya haraa kenneefi, ammo Benjamini qarsi d'ibba saditiifi woya haraa shani kenneefi. Abba isaale harrele kud'ani, ta waan dadansa lafa Misiri baatu, ammalle kud'ani d'ibi, ta mid'aanifi qit'afi woreega karaa baatu ergeefi. Oboleyaani isaa deema kaate jennaani d'aamate waan jed'e, Karaati woli indidina. Duuba lafa Misiriti yaani, lafa Kanaani fulla abbaani jiruuni bahani waan jed'aniini, Yusufuuni ammalle injira, amma isuma lafa Misiri ch'ufa guddaani iti isa. Dubbini suni Yakobo mamsiifte, inni d'ugefachu dide. Ammo waan Yusufuuni jed'e ch'ufa d'agaye ammalle gaari horiini hirkisu, ka isa jed'ani lafa Misiri keesaa ergani arge jennaani mama kaanile baafate waan jed'e, Ya naa geete, ilmi kiyya Yusufuuni ammalle injira, ato induiinu d'aqe isa arga jed'e. Yakobooni waan qabu ch'ufa fud'ate Beersheba d'aqe achiti sorio Waaqa abba isaa Isaaqoti baase. Waaqi halkani daayya keesa dubbateeni, Yakobo, Yakobo! jed'e yaame. Yaa, anini kuno, Aabbo jed'e owaate. Anini Waaqa, Waaqa abba keetiti; lafa Misiri d'aqu insodaatini; achiti gosa guddo si tolcha. Anini gara lafa Misiri si geese hegerile gadi si deebisa gaafa atini doote Yusufuti si awaala jed'eeni. Jennaani Yakobooni Beershebaa kae, ilmaani isaa, isaafi ijoolle worraa didiqo, ammalle nad'eeni worrale ch'ufa gaari Faraoni erge yaabachiifte. Jennaani worri horifi waan lafa Kanaani keesati horate ch'ufa fud'ate lafa Misiriti godaane. Yakobooni nama isaa ch'ufa ufi gula fud'ate: ilmaani isaatiifi akhakhowani isaati, dubra isaale. Nami worra Yakobo ka isa woliini lafa Misiriti godaane kana: angafa isaa Reubenifi ilmaani Reubeni: Hanoki, Palu, Hesroni, Karmi. Simeonifi ilmaani isaa: Yemueli, Yamini, Ohadi, Yakini, Sohari ammalle Shauli, ilma niiti gosa Kanaani. Lawifi ilmaani isaa: Gershoni, Kohathi, ammalle Merari. Yudafi ilmaani isaa: Shela, Peresi, ammalle Zera. (Ilmaani Yuda ta d'ibiini, Erifi Onani lafa Kanaaniti doote.) Ilmaani Peresi Hesronifi Hamuli. Isakarifi ilmaani isaa: Tola, Pua, Yashubu, Shimroni. Zabulonifi ilmaani isaa: Seredi, Eloni, Yaleeli. Tunini ilmaani Leani Yakoboo d'alte lafa Mesopotamia keesati, intala isii Dina wolti. Ilmaani mana Lea ch'ufti wolti nama sodomi sadi. Gadifi ilmaani isaa: Sefoni, Hagi, Shuni, Esboni, Eri, Arodi ammalle Areli. Asherifi ilmaani isaa: Imna, Ishva, Ishvi, Beria, ammalle oboleeti worraa Sera. Ilmaani Beria Heberifi Malkieli. Kud'ani jaani tunini ilmaani Zilpaani, intalti Labaniini Leaa kenne, Yakobo d'alte. Niitiini Yakobo ta Raheli jed'ani ilmaani lama d'alteefi: Yusufufi Benjamini. Lafa Misiri keesati Yusufuuni ilmaani lama d'ale, Manaseefi Efraimu; ijoolle tana Asenathi, ta dubra Potifera, ka qaallu lafa Oniti, isaa d'ale. Ilmaani Benjamini tana: Bela, Bekeri, Ashbeli, Gera, Naamani, Ehi, Roshi, Mupimu, Hupimu ammalle Ardi. Kud'ani afraani tunini ilmaani Raheliini Yakobo d'alte. Danifi ilma isaa Hushimu. Naftalifi ilmaani isaa: Yaseeli, Guni, Yaseri, Shilemu. Torbaani tunini ilmaani Bilhaani, intalti Labaniini Rahelii Kenne, Yakobo d'alte. Ilmaani Yakobo, ta lafa Misiriti godaante, nad'eeni worraa male, isiini ch'allaani jaatami jaa. Lafa Misiri keesa Yusufuuni ijoolle lama d'ale, tanaafi worri Yakobo ch'ufti wolti torbatama, ka lafa Misiriti godaane. Yakobooni Yuda ufi dura erge Yusufuuni, Lafa Gosheniti wolargina jed'e. Worri artini bahe jennaani Yusufuuni gaari ufii yaabate lafa Gosheni abba yoyifachu d'aqe. Wolarginaani Yusufuuni abbaati mamarate guddo bohe. Yakobooni waan Yusufuuni jed'e, Amma yo due womaniti, fuula ke si arge, aka atini jirtu ya beekhe. Jennaani Yusufuuni waan oboleyaani isaatiifi worra abba isaa ch'ufaani jed'e, Anini d'aqe waan Faraoni jed'u, Oboleyaani tiyyafi worri abba kiyya ch'ufti, ka duri lafa Kanaani keesa tau, ya nati d'ufe. Worri kunini tissitu; looni, ree ammalle hori waan qabu ch'ufaani ya d'ufate. Hojja Faraoni isani yaame, Hujiini teesani maani? jed'e isani gaafate, waan jettaniini, Nufi worri keennaleeni haguma d'alanne tissitu horiti. Akanaani inni lafa Gosheni isani teesisa. Wonti Yusufuuni akasi jed'eefi, tissituuni horii aada worra Misiri keesa falfala. Jennaani Yusufuuni oboleyaani isaa shani fud'ate gara Farao d'aqe waan jed'eeni, Abbaafi oboleyaani tiyya ya lafa Kanaaniti ree, looni, waan qabani ch'ufa guuratani d'ufani, ammatana lafa Gosheni jirani. Duuba inni oboleyaani isaa suni Farao agarsiise. Faraoni waan jed'e, Hujiini teesani maani? Aabbo, nu tissitu akuma abbooti teenna. Lafa Kanaani la beelti balleesite, mari horiini d'eeduleeni injiru, tanaafi lafa tanati godaanne. Aabbo si kad'anna, lafa Gosheni keesa nu qubachiisi jed'aniini. Jennaani Faraoni waan Yusufuuni jed'e, Eegi abbeetiifi oboleyaani tante armaani baate, lafti Misiri tama worraati. Arda Gosheni, ka lafa Misiri ch'ufa ira dansaa, ha qubataniti. Ammalle yo nami beekha qabu, ka wo guutu, worra ke jiraate, hori kiyyale harka worrati kenni. Jennaani Yusufuuni abba isaa Yakobole Faraotiini d'ufe, Yakobooni Farao eebise. Hayyuuni, Ganni ke amma hagami? jed'e gaafate. Yakobooni waan jed'eeni, Anini haguma d'alad'e gudduma lafa keesa godaane, waan ani sehu ganni kiyya amma d'ibba tokofi sodoma inuma gaha. Anini haga abbooti tiyya ganna d'eera inteenne, ganni kiyya gabaaba, gabaabani kunileeni ka gaargalaati. Akasi jennaani Yakobooni Farao eebise, Nagayaati jed'e biraa deeme. Jennaani Yusufuuni abbaafi oboleyaani isaa akuma hayyuuni jed'e lafa lafa Misiri keesa ch'ufa ira dansaa, ta d'aatu dira Ramesesi, qubachiise. Duuba Yusufuuni sagale abba isaatiifi oboleyaani isaatiifi ammalle worra abba isaa ch'ufa, ijoolle didiqole ch'ufa kenneefi. Duuba beelti jabaatte, sagale fulla ch'ufa d'abani; worra Misiritiifi ka Kanaanile beelti laafifte. Yusufuuni beese lafa Misiritiifi ta lafa Kanaani, ta mid'aaniini bitani ch'ufa wolti guure mana Farao geese. Eegi beeseeni worraa lafa Misiritiifi Kanaani ch'ufti hobaate, worri Misiri Yusufuti d'ufe waan jed'eeni, Sagale nuu kenni, duu nu d'owi. Beeseeni teenna la nuraa hobaate. Yusufuuni waan jed'eeni, Yo beeseeni isani iraa hobaate fulla isii horiini koota, sagale isanii kenna. Duuba hori ufii Yusufutiini d'ufani, inni farda, ree, looni, harrele ch'ufa iraa guure sagale kenneefi. Ganna suni ch'ufa akanuma hori iraa guure sagale kenneefi. Ganni suni hobae jennaani ammalle fulla isaa d'ufani waan jed'aniini, Aabbo, wonti si d'ossinu injirtu, beeseeni ya nuraa hobaate, horiini keenna ch'ufti amma keeti. Sai toko nu dura ineju, lubbufi oobru male waan d'ibi ka si baamnu inqamnu. Duu nu d'owi, lafa teennale badi d'owi, nufi oobru teenna bitad'i, sagale nuu kenni. Nu tisse Farao taane, lafti teennaleeni ta isaa taati. Mid'aani nu nyaannufi sanyi oobru keesati fach'aamnule nuu kenni, aka nu indoone. Duuba Yusufuuni waan oobru jed'ani ch'ufa Farao bite. Wonti akanatiifi nami lafa Misiri ch'ufti, maro beelti hammaatteefi, oobru ufii gurgurate, lafti haguma geetuuni ta Farao taate. Yusufuuni nama lafa Misiri muumme tana fuud'e taaniti d'aabe, ch'ufa tissele Farao tolche. Lafti inni imbitiini lakise, ta qaalole ch'alla. Wonti worri oobru ufii ingurguriinifi waan hayyuuni jiati wo hereguufi. Yusufuuni waan biyyaani jed'e, Ilaala, isanifi lafa teesanile ya hayyuuni bite. Hod'a, sanyi tana fuud'a, oobru fach'aasa. Hojja mid'aani murani kintaala shani ka isani argattani ch'ufa keesa, toko Farao kenna. Ka hafe gama toko sanyi tolfad'a, kaani isanifi ilmaani teesani nyaad'a. Worri waan jed'e, Aabbo, ya lubbu nuu baafte, waan atini jettu ch'ufa ya quumne, tisse Farao nu tolchi. Duuba Yusufuuni seera lafa Misiriti baase waan jed'e, Kintaala shani ch'ufa keesa toko ha ka hayyu tahu. Seeri kunini haga arrale inuma jira. Oobru qaalole qofati ta hayyuu intahiini. Gochiti Israeli lafa Misiri arda Gosheni keesa teete achiti horte daraarte ilmaani heddu d'alte. Yakobooni lafa Misiri keesa ganna kud'ani torba tae, duuba akanaani ganna d'ibbafi afurtami torba guute. Guyyaani gabaabate jennaani ilma ufii Yusufu yaame waan jed'eeni, Harka kanke jiddu gudeeda kiyya keeyad'i, aka lafa Misiri keesati na inawaalle kakhad'i. Fulla abbooti tiyya iti awaalaniti nale awaali; lafa Misiri tana keesaa na fuud'i, fulla worra iti awaalaniti na awaali. Yusufuuni waan jed'eeni, Ee, iti kakhad'a. Yusufuuni iti kakhate jennaani Yakobooni galata Waaqaa deebise gach'iise. Eegi suni waan Yusufuuni jed'ani, Abbe fayyaniti, beekhi. Duuba inni ilmaani isaa lachu Manaseefi Efraimu fuud'e abba argu d'aqe. Waan Yakobooni jed'ani, Gurbaani kanke Yusufuuni ya si argu d'ufe. Jennaani inni haga irreeni isaa fuutufi oljed'e sire ufii gubbaa tae. Yakobooni waan Yusufuuni jed'e, Waaqi Guddaani lafa Kanaani keesati fulla Luzuti nati mullate na eebise waan naani jed'e, Anini si daraarse ilmaani tante heddu taati; lafa tanale sifi ilmaani teetii kenna, haga jiru jireennale teesani taati. Ilmaani tante lamaani, ta lafa Misiri keesati ato anini ind'ufini si d'alate, tiyyuma; Efraimufi Manaseeni akuma ilmaani tiyya Reubenifi Simeoni tiyya. Yo atini ilmaani d'ibile horatte, sunini tiyya intaatu; d'aalti isiini d'aaltu ta Efraimufi Manase ch'alla. Wonti anini waan kana jed'eefi, gaafa anini Mesopotamia d'ufu jiru, Raheliini lafa Kanaani keesati karaati doote, ato Efrathi ingahiinu. Anini guddo iraa laalefad'e d'aatu kara Efrathi awaale. (Efrathi amma maqaani Bethlehemu.) Israeliini ilmaani Yusufu suni arge waan jed'eeni, Ijoolleeni tunini tami? Yusufuuni waan jed'eeni, Tunini ilmaani tiyya, ta Waaqi lafa Misiri tana keesati naa kenne. Inni waan jed'eeni, Natiini kooti, ineebisaafi. Israeliini jaarumafi ilti isaa waaroofte aka dansaa wo argu dad'abe. Tanaafi Yusufuuni ilmaani isaa itiini d'ufe, inni iti mamarate d'ungate. Israeliini waan Yusufuuni jed'e, Anini taka waan fuula kanke deebie argu inseene, ammo amma Waaqi la ijoolle teetile na agarsiise. Jennaani Yusufuuni Yakobo ijoolle iraa guure d'aatu isati jilbifate mataani gajed'e. Yusufuuni Efraimu harka bita ka Israeli d'aabe Manase harka mirga d'aabe. Ammo Israeliini harka wolmurfate harka isaa mirgicha mata Efraimu ira keeyate, ato inni maand'a tahele, ammalle harka bitaacha mata Manase ka angafa ira keeyate. Jennaani inni Yusufu eebise waan jed'e, Waaqi abbootini tiyya Abrahamufi Isaaqooni hojatteefi ijoolle tana eebisinna! Waaqi ka haga arra naani gahe isi eebisinna! Malaikaani ta gaargala ch'ufa keesaa na baafte isi eebisinna! Maqa kiyyafi ka abbooti tiyya Abrahamufi Isaaqoleeni ijoolle tanaani imbadiini! Isiini ha daraarte ijoolle heddu d'altuti! Yusufuuni aka abbaani isaa harka mirgicha mata Efraimu ira keeyate arginaani diqole ingammanne. Duuba harka abba isaa qabe mata Efraimu iraa fuud'e mata Manase ira kaye. Inni waan abbaani jed'e, Aabbo, akasiniti, angafi kana, harka kanke mirgicha ira keeyad'i. Ammo abbaani dide waan jed'e, Imbeekha, gurba, imbeekha. Ijoolleeni Manaseleeni gosa guddo taati. Ammo oboleesi isaa maand'ichi isa ira jabaata, ilmaani isaaleeni gosa heddu taati. Duuba guyya suni eebiseefi waan jed'e, Gochiti Israeli maqa keesaniini woleebifte waan jettu, Waaqi aka Efraimufi Manase si tolchinna. Akanaani Yakobooni Efraimu angafa Manase tolche. Jennaani Israeliini waan Yusufuuni jed'e, Ingarta, anini ya duu gahe, ammo Waaqi si woliini tae lafa abbooti teetiti si deebisa. Anini oboleyaani tanteeti inkennu, ammo sii, lafa Shekemu ta biyye dansa qabdu, ta anini gosa Amori sheeftifi guube tiyyaani iraa fud'ad'e, kenna. Jennaani Yakobooni ilmaani isaa ch'ufa wolti yaame waan jed'eeni, Me, wolti gadi hiiqa, waan hegeri taha isaniti hima: Wolti koota, d'agaya, ee ilmaani Yakobo; waan abbaani keesani Israeliini jed'u ch'aqasa. Reubeni, atini angafa kiyya, irre tiyya, uumama qara ka gudeeda kiyya, kiyyibafi irreeleeni worra kana ch'ufa ira jirta. Atini lola yau fakaatta, ka nami indandeenne, ammo atini worrati gudda intaatu, waan gulanta takarfatte sire abbeeti d'at'e waan fafa taateefi. Simeonifi Lawiini oboleyaani. Woraana ufitiini nama had'ani balleesani. Anini haasaa worraa keesa inseenu, yokhaani kora worraale ind'aqu, waan dallansu keesa nama ijeesani taba keesa sangoole mogolchaniifi. Dallansuuni worraa guddo hamtu, miri worraa diqa, naasule inqabani. Waaqi ha worra abaaru. Anini gosa Yakobo keesa worra gargari qoode, lafa Israeli keesa gargari firfirsa. Yuda, oboleyaani tante si saaddi. Atini nyaapa kanke qabde uuta. Oboleyaani tante si durati gajetti. Yudaani kuble nyeench'aa fakaata, ta bineensa nyaatte kaate biraa deemtu. Yo isiini dirirfatte ch'iiftu, eentu dandae kaasa? Ororooni inni namaani fidu harkaa imbuutu, lichooni hayyumaa worra isaa keesaa imbaatu, haga abbaani damoosa baasanifi d'ufe isa durati gajed'ani saalfatanifiiti. Inni harre ufii mukha zabibuti hid'a, bukhurale zabibu ira dansati hid'a. Inni woya ufile daad'i diimtu zabibutiini miich'ata. Ilti isaa daad'i zabibutiini diimatte, ilkaani isaaleeni aananiini addaatani. Zabuloniini afaani baariini qubata; hobolooni ch'ufti fulla isaa galti; seeri arda isaa Sidoniti muumme baha. Isakarini harrele iraa ingoomu, ta qaraqabaani gach'iiftu. Inni fulla gadi ch'iise dansa arge lafa sunile maacha. Tanaafi gadi jed'e miha duddati deefate, akuma tisse namaa hojata. Daniini gosa ufii fide, worri akuma gosa d'ibi Israeli keesa jirtu taha. Daniini bofa kara keesa ch'iisu fakaata, buuti dandi keesa ch'iiftu, ta yo fardi d'ufu kotte nyaate nama yaabatu duddaduubati buuftu. Anini baafama kanke eegachuu jira, ee AABBO Waaqa. Shiftati Gadi had'a, ammo inni iti garagale had'e d'eechisa. Lafti Asheri waan dansa baafti. Inni sagale hayyuu malte namaani gololcha. Naftaliini hiddi diida keesa fiiddu, ta ilmaani mimid'aadu d'altu. Yusufuuni harre diidaa, ta madda d'aatu ejitu fakaata, inni bukhura sokhara gaara deemu. Nyaapi isaa guddo isaa had'e, guubefi t'iyaani reebe. Ammo guubeeni isaa inchochoone, harki isaaleeni jabeenna qaba, ka Waaqi Guddaani ka Yakobo kenneefi, yokhaani ka Tissaani Jabaani Israeli tolcheefi. Ka si qarqaaru Waaqa abba keetiti, ka si eebise bisaani gubbatiifi ka maddaa sii kennu Waaqa Gudda. Eebiti tunini ta hormaatafi bultuma, ta mid'aanitifi ta daraara, ta gaareeni haguma duriti jirtutiifi Kubile haga jiru jireenna achuma jirtu iraa d'ufte. Eebiti tuni ch'ufti ha mata Yusufu gubbaa jiraattu, isa ka oboleyaani isaa keesaa fohatani. Benjaminini yai hamtu, ta halkanifi guyya ijeefte wo nyaattu. Worri kunini gosa kud'ani lama ta Israeli; ammalle wonti abbaani worrani jed'e gaafa Nagayaati jed'e eebiseefi suni. Achiti Abrahamufi niiti isaa Sara awaalani; achiti Isaaqofi niiti isaa Rebeka awaalani; ammalle artumati anileeni Lea awaale. Oobrufi goda keesa jirule gosa Hiti iraa bitani; achumati na awaali. Yakobooni d'aamsa kana ch'ufa ilmaani ufiiti d'aamannani miila sire gubbati olguurate, gadi ch'iise ch'ich'e, fulla d'uga ta worra due d'aqe. Yusufuuni abbaati jige d'ungate iti bohe. Jennaani Yusufuuni nama ch'ireeyyi yaame, Reefa abba kiyya woyaani mamara, qayyaani urgeesa jed'e. Hujiini suni guyya afurtama fud'atte, akuma aada huji suni. Duuba worri Misiri haga bulti torbatama isaa bohe. Guyyaani bohaa dabre jennaani Yusufuuni waan worra Faraotiini jed'e, Yo dubbi tiyya d'ugeefattani, d'aamsa kana Faraoti na hima: Aabbooni laafe duu gahe jennaani waan nati d'aamate, Yo anini due, awaala anini lafa Kanaani keesati qotad'eti na awaala jed'e. Duuba nati eebisi, aka anini deeme aabbo awaale gadi deebiu. Faraoni waan jed'eeni, beeni, abbe awaali, akuma atini qara iti kakhatte. Jennaani Yusufuuni abba ufii awaalu d'aqe. Duuba hojattu Faraotiifi jaarole worra isaatiifi jaaroleeni lafa Misiri ch'ufti Yusufu woliini yaate. Ammalle worrafi oboleyaani Yusufutiifi worri abba isaa ch'ufti woliini yaani. Wonti lafa Gosheniti hafe ijoollefi loonifi ree ch'alla. Gaari fardi hirkisufi worri farda yaabatuleeni woliyaani; gumiini suni gumi muumme inqamne. Oobdi dira Atadi ta Yordanini ilaboru geennaani lalabani aka taka inargini bi bohani. Yusufuleeni haga guyya torba abba isaati bohe. Gochiti Kanaani, ta lafa suni keesa teetu, boha suni oobdi Ataditi d'ageennaani waan jette, Worri Misiri kunini boha guddo bohuu jira; tanaafi fulla suni maqa Abel-Misiri baasani, akasi jechaani Boha worra Misiri jecha. Jennaani ilmaani Yakobo akuma inni d'aamate tolchite; reefa isaa lafa Kanaaniti geesite goda Makpela, ka Mamreeni ilaboru, oobru Abrahamuuni Efroni gosa Hiti iraa bitate, keesati awaalte. Yusufuuni abba ufii awaale jennaani oboleyaani isaatiifi worra awaala d'aqe ch'ufa woliini lafa Misiriti galani. Eegi abbaani isaani due, oboleyaani Yusufu waan woliini jette, Yo Yusufuuni amma nu jibbe haalo duri taani nu baafate maani taana? Qonqo Yusufuti ergani waan jed'ani, Aabbooni ato induiinu waan nuuni jed'e, Waan Yusufuuni jettani, Ch'ubbu duri nuu oboleyaani tante siti ch'ubbamne biraa nu deemi nuuni jed'e. Ammatana nu si kad'anna, ch'ubbu nuni hojattuuni Waaqaa abba keeti, siti ch'ubbamne biraa nu deemi jed'ani. Yusufuuni qonqo tana d'ageennaani bohe. Eegi suni oboleyaani isaa d'ufte miilati jidde waan jetteeni, Nu amma tisse tanteeti. Ammo Yusufuuni waan jed'eeni, Insodaatina; nati Waaqa qara? Isani waan hamtu na tolchu feetani, ammo Waaqi waan hamtu suni garagalche dansaa tolche, aka nama heddu ka sila duu lubbu baasu. Woma tokole insodaatina; isanifi ijoolle teesanile imfida. Akanaani inni worra kibe garaa jabeese. Yusufuuni lafa Misiri keesa worra abba ufii woliini tae, ganni isaa d'ibbafi kud'ani geennaani due. Ato inni induiini, ilmaani Efraimutiifi akhakhowani isaale arge. Ammalle ijoolle Makiri ilma Manase arge. Yusufuuni waan oboleyaani isaatini jed'e, Anini la duu gahe; insodaatina, ammo Waaqi inuma isani qorqorate lafa tana keesaa lafa duri inni Abrahamufi Isaaqoti kakhateti isani galcha. Jennaani Yusufuuni worra isaani kakhachiise waan jed'e, Nati kakhad'a, aka yo Waaqi lafa suniti isani geese, lafe tiyya guurtani godaantaniini. Duuba Yusufuuni, ka ganni isaa d'ibbafi kud'ani, lafa Misiriti due. Reefa isaa fuud'ani, qayya iti naqani, woya iti mamarani sanduqa keesa kayani. Ilmaani Israeli ta isaafi worra isaani woliini lafa Misiri d'ufte tana: Reubeni, Simeoni, Lawi, Yuda, Isakari, Zabuloni, Benjamini, Dani, Naftali, Gadi, Asheri. Nami Yakobooni d'ale ch'ufti wolti torbatama; ammo ilmi isaa Yusufuuni worra duratu lafa Misiri jira. Jennaani Yusufufi oboleyaani isaa ch'ufafi d'alooti sunini ch'ufti hobaani. Ammo d'alooti Israeli hore deebane lafa ira dabre lafa suni ch'ufa guute. Jennaani nami d'ibiini ka Yusufu fuula imbeenne hayyuma argate lafa Misiri fide. Inni waan gosa isaatini jed'e, Me ilaala, worri Israeli kunini ya heddate irre argate, hegeri nufa dabsata. Yo hegeri woraani d'ufe, worri nyaapa keennafa kalche nu had'e nu duraa baqata. Tanaafi koota, mala d'aane worra horu d'owarra. Tanaafi worri Misiri nama irreeni worra Israeli hojachiisu, ka worra dabse waan ulfo baachisiisu, iti tolche. Duuba worri Israeli dira Pithomufi Ramesesi Farao jaare, aka inni keesati wo olkeyatu. Ammo akuma gaargali worri Misiri worra gaargalchu worrati guddatuni, hormaati Israelileeni guddate lafa ira dabre fulla ch'ufa gahe. Tanaafi worri Misiri worra Israeli jibbe sodaate. Duuba worri guddo worra Israeli gaargalche naasu male worra hojachiise. Huji jabdu ta d'oqe supani matofaara mid'aasani iti kennani oobrule hojachiisani, akasiini jireenna worraa yakani huji tana ch'ufa keesa naasu d'abaniifi. Jennaani hayyichi Misiri nad'eeni nad'eeni Ebrania deesiftu, ta Shifrafi Pua jed'ani, dubbise waan jed'eeni, Hojja nad'eeni Ebrania deesiftani, aka daimi dubrafi d'iira gargari hubad'a; yo d'iira taate ijeesa, ammo dubra yalabaha. Ammo nad'eeni taani Waaqa sodaatte waan hayyuuni Misiri jed'e guutu didde ilmaani d'iira inijeemne lakifte. Duuba hayyuuni Misiri deesiftu nad'eeni taani wolti yaame waan jed'eeni, Isani maafi ijoolle d'iira ijeesu diddani waan akana taatani? Deesiftuuni taani waan Faraoni jette, Wonti nu akana taanefi nad'eeni Ebrania aka nad'eeni Misiri injirtu; isiini yoosu sablatti, ato deesiftuuni ind'umne. Duuba Waaqi deesiftu suni eebise, worri Israelileeni heddate jabeenna argate. Waan deesiftuuni taani Waaqa sodaattefi, inni ilmaani kenneefi. Jennaani Faraoni waan gosa isaatini jed'e, Ilma d'iira ka Ebrania ka d'alatu ch'ufa galaana Nile keesa buusa, ammo dubarti ha guddattuti, lakisa. Nami toko ka gosa Lawi intala dubra ta gosa isaa fuud'e, isiini ilma d'alteefi. Isiini aka ilmi kaani mid'aagu agarraani haga jia sadi d'ossite. Aka dandeete hagasi ira ind'ossine agarte jennaani dadu meellaani d'aani fuute waan aka hampetiini qaa ch'ufa duuchite, aka bisaani inseene, tolchite. Duuba gurba keesa keete ilaadu afaani galaanati baatu keesati d'ossite. Oboleetiini isaa isa ira hanqo ejite waan isa tolchani laalte. Jennaani intalti Farao bisaani d'iqachu galaana d'ufte, ka hojattuuni isii afaani galaana dedeemtu. Ato teete bisaani d'iqattu, dadu ilaadu keesa bisaani gubbaa teetu garte hojattu isii ergite, Fuud'i jetteeni. Bante jennaani daima bohu jiru keesati agarte naateefi waan jette, Daimi kunini, ka worra gosa Ebrania. Jennaani oboleetiini daima kaani d'ufte waan intala Faraotiini jette, Deeme qabdu daima nad'eeni Ebrania keesa sii barbaade ho? Intalti Farao waan jetteeni, Ee, beeni. Duuba isiini deemte haad'a daima kaani d'alte yaamte. Intalti Farao waan isiini jette, Daima kana fuud'i, duuba anini waan si male sii kenna. Tanaafi niitiini taani daima fuute guddifte. Eegi suni daimi guddannaani isiini intala Faraotiini d'ufte, duuba isiini ilma tolfatte waan ufiini jette, Anini bisaani keesaa isa fuud'e, tanaafi maqa isaa Musa baasa jette. Musani guddate jennaani guyya toko gara gosa isaa d'aqe, aka worra gaargalchani hubate; ammalle namicha gosa Misiri toko ka tae nama gosa isaa ka Ebrania d'aanu arge. Jennaani mirga bitaa millate, namu ufi bira d'amnaani namicha gosa Misiri kaani ijeese maansa keesati awaale. Boriyya achiti deebie worra Ebrania lama ka woli diduu jiru arge namicha fulla injirreeni waan jed'e, Maafi oboleesa kanke d'aanta? Namichi waan jed'eeni, Eentu hayyufi jaallaba keenna si tolche? Akuma kale namicha Misiri suni ijeefte nale ijeesu feeta? Jennaani Musani sodaate waan ufiini jed'e, Ada woni anini tolche ya beekhamte! Faraoni waan kana d'agaye jennaani Musa ijeesu fed'e. Ammo Musani Farao duraa baqate lafa Midiani d'ufe, fulla eela tokotini bahe arti tae. Jennaani dubarti qaallu Midiani torba eela suni d'ufte bisaani keesa toote naanigati nat'e ree obaafte. Ammo tissituuni d'ibiini d'ufte dubra taani eela iraa gussite jennaani, Musani kae dubra suni qarqaare ree bisaani obaaseefi. Isiini worrati gallaani abbaani isii Reueliini waan jed'eeni, Arra eesa akana yoosu hure galtani? Isiini waan jetteeni, Namicha Misiri tokoti harka tissitu keesa nu baase bisaani nu woraabe ree nuu obaase. Inni waan dubra ufiitini jed'e, Me namichi? Maafi namicha lakiftani? Beena, yaama, ha nu woliini gololfatu. Duuba Musani worra namicha suni gale jennaani jaarsi suni intala isaa ta Zipora jed'ani Musaa kenne, inni isi fuud'e. Isiini ilma d'alteefi, inni anini qara lafa tanati keessuma jed'e maqa Gershomu baaseefi. Eegi ganna heddu hayyuuni lafa Misiri lubbu d'abe; ammo taatule gosa Israeli gaargala tissooma kaani woma iti ingoomne. Tanaafi worri Waaqati bohe qarqaarsa kad'ate, kad'a suni Waaqi d'agaye. Duuba Waaqi boha suni d'ageennaani wold'aqisa duri Abrahamufi Isaaqofi Yakobooni woliini tolfate kaani qaabate finna worraa arge naheefi. Gaafa toko ka Musani ree sodda isaa Yethro qaallu Midiani tissu, inni ree suni lafa aloo keesa gama ila adu fach'aase, reeni suni gaara qulqullo Sinaitiini baate. Jennaani malaikaani AABBO Waaqaa wod'aka gurbi keesa aka bobaa ibidaa iti mullate. Musani mukha suni ka bobau ammo ka ingubanne arge. Musani mame waan ufiini jed'e, Mukhi kunini kuno bobaa, maalifi ingubanne? Eegi, iti d'iaad'e waan mama kana laala. AABBO Waaqi aka Musani iti d'iaatu arge jennaani, Musa! Musa! jed'e mukha kaani keesaa isa yaame. Musani waan jed'eeni, Anini kunooti. Jennaani Waaqi waan jed'eeni, Gadi ind'iaatiini, kobe baafad'u fullaani atini ejitu sunini qulqullo. Anini Waaqa abba keetiti, Waaqa Abrahamuti, ka Isaaqoti, ka Yakobooti. Jennaani Musani Waaqa laalu sodaate fuula d'ofate. Duuba AABBO Waaqi waan jed'e, Anini yayu gaargala worra kiyya ka lafa Misiri keesa tau arge, boha worri nama worra hojachiisu iraa bohu d'agaye, d'iba worra kiyya hubad'e. Tanaafi anini amma aka harka worra Misiri keesaa baasufi gadi bue, ammalle aka lafa suni keesaa baase lafa ballo dansa, ta aananifi dammi aka lolaa yau, lafa gosa Kanaani, ta Hiti, ta Amori, ta Parizi, ta Hivi, ta Yebusii geesa. Ammatana me ilaali, booti gosa Israeli ya naa geete, anini gaargala worri Misiri worra gaargalchu ya arge. Amma kooti, Farao si erga, aka atini worra kiyya, ilmaani Israeli, lafa Misiri keesaa baaftu. Musani waan Waaqaani jed'e, Anini woma keesa injiru, akami dandae gara Farao d'aqe ilmaani Israeli lafa Misiri keesaa baasa? Waaqi waan jed'eeni, Anini wahela sii taha, aka anini si ergu waan kanaani beeta: eegi atini worra kana lafa Misiri keesaa baafte, isani gaaruma kana irati Waaqa kad'attani. Jennaani Musani waan Waaqaani jed'e, Yo anini gara gosa Israeli d'aqe, Waaqi abba keesaniti isaniti na erge jed'eeni, worri na gaafate, Maqaani isaa eenu? naani jed'e, anini duuba eenu jed'aani? Waaqi waan jed'eeni, ANINI ANUMA. Wonti atini gosa Israelitini jettu tana: ka ANUMA jed'aniti gara keesani na erge. Ammalle Waaqi waan Musani jed'e, Dubbi tana worra Israeliti himi waan jettuuni, AABBO, Waaqa ababoota teesani, Waaqa Abrahamu, ka Isaaqo, ka Yakobo, ya gara keesani na erge. Haga jiru jireenna maqaani kiyya kana, maquma kanaani d'aloota ch'ufti na yaama. Beeni, jaarole Israeli ch'ufa wolti yaami waan jettuuni, AABBOONI, Waaqi ababoota teesani, Waaqi Abrahamu, ka Isaaqo, ka Yakobo, nati mullate waan naani jed'e, Anini waan lafa Misiri keesati isani tolchani ya arge. Anini ya buufad'e aka gaargala lafa Misiri keesa isani baase lafa gosa Kanaani, ta Hiti, ta Amori, ta Perizi, ta Hivi, ta Yebusi, lafa aananifi dammi aka lolaa yauti isani geesu. Duuba dubbi tante ch'aqasani sifi jaaroleeni Israeli gara hayyu Misiri deemtani waan jettaniini, AABBO Waaqa, Waaqa Ebraniatini ya wolgarre. Amma si kad'anna, aka atini guyya sadi nu gadi d'iifte lafa alooti imaltu yaana, aka sorio AABBO Waaqa keenna qallu. Anini imbeekha, hayyichi Misiri akanati isani gadi illakisu, haga irreeni tolchaniti. Duuba anini harka kiyya iti olfud'ad'e worra Misiri d'ae waan mama jabdu iti tolcha. Eegi suni inni isani galakisa. Anini worra Misiri isani saalfachiise, yo yaatanile harka duwa iyyaatani. Ammo nad'eeni Israeli ch'ufti nad'eeni olla ufii ta Misiri, yokhaani keessuma mana isii keesa jirtu, d'at'e, woya, faaya nafaa ka worqifi qarsiini mid'aasani kad'atti. Duuba worri Israeli waan kana ch'ufa ilmaani isaaniti naqe, akasiini worra Misiri iraa wo boojia. Jennaani Musani waan jed'eeni, Ammo yo worri na d'ugeefate yokhaani na ch'aqasu dide, AABBO Waaqi siti imullanne naani jed'e, ani maal taha? AABBO Waaqi waan jed'eeni, Wonti atini harka qabdu suni maani? Inni, ule jed'eeni. AABBO Waaqi waan jed'eeni, Lafa buusi, Inni lafa buuse jennaani bofa taate; jennaanini biraa baqate. Duuba AABBO Waaqi waan jed'eeni, Gadi jed'i, eege qabi, olfuud'i. Jennaani Musani gadi jed'e qabe olfuunaani deebite ule taate. Ammalle AABBO Waaqi waan jed'eeni, Yo atini waan kana tolchite, Israeliini ind'ugeefatti, aka AABBO Waaqi, Waaqi ababoota isaani, Waaqa Abrahamu, ka Isaaqofi ka Yakoboleeni siti mullate. AABBO Waaqi ammalle waan jed'eeni, Harka kanke woya keesaa qoma ira keeyad'i. Musani akuma suni tolche, yo inni gadi fuud'e, harki ya ch'itae adaate. Jennaani AABBO Waaqi, Harka kanke qomati deefad'i jed'eeni. Musani akasi tolche jennaani, yo inni gadi fud'ate, harki kaani fayye akuma nafa isaa kaaniti deebie. AABBO Waaqi waan jed'e, Yo worri si d'ugefachu dide yokhaani akheekha qara kanale ind'ugeefatiini, hegeri ka eege kana ind'ugeefata. Yo worri ammalle akheekha lamaani kana d'ugeefate dubbi tante d'agayu d'ibaate, galaana Misiri keesaa bisaani fuud'i, lafa godduti naqi. Duuba bisaani suni d'iiga tahani. Ammo Musani waan jed'eeni, AABBO Waaqa, anini haguma d'alad'e ogeesa dubbii intaane; eegi atini naani dubbatele intaane. Anini nama hure wo jed'uniti, arabati na ulfaata. Jennaani AABBO Waaqi waan jed'eeni, Eentu afaani namaa kenna? Eentu afaanifi gurra nama duucha? Eentu ila nama bane duucha? Ana, AABBO Waaqaaniti? Amma beeni deemi, anini si qarqaare si dubbachiise si jechisiisa. Ammo Musani waan jed'e, Hiyo, Aabbo, ananiti, nama d'ibi ergi. Tana gula AABBO Waaqi Musati dallane waan jed'eeni, Harunini oboleesi kanke ka gosa Lawi arma injiru? Anini imbeekha, inni aka dansaa dubbi beekha. Inni kuno ka d'ufu kana; akuma si argeeni garaa keesa gammada. Atini isati haasai, waan jechuu malani isati himi. Anini isani lachu araba isani qajeelche waan isani tolchuu maltani isani garsiisa. Inni afaani sii tahe, biyyati sii dubbate, atinileeni aka Waaqa waan inni jechuu male isa barsiifta. Ule tana fud'ad'u, akheekhaani tolchi. Jennaani Musani gara sodda isaa Yethro deebie waan jed'eeni, Aabba, amma gadi na lakisi, gara fiit'a tiyya ta Misiri jirtu taani deebie aka isiini jirtu taani laalu fed'a. Yethrooni, Ya eebise, nagayaani deemi jed'eeni. Ato Musani lafa Midiani jiru, AABBO Waaqi waan jed'eeni, Beeni, amma lafa Misiriti deebii, worri qara si ijeesu fed'u ch'ufti ya hobae. Jennaani Musani niitifi ilmaani isaa fuud'e harre yaabachiise, ka ule Waaqi kenneefi taani harkaa qabu lafa Misiriti deebie. Duuba AABBO Waaqi waan Musani jed'e, Yo atini lafa Misiritiini baate, waan atini taatu, waan mama, ka anini jabeenna aka tolchituuni sii kenne, Farao durati tolchi. Ammo anini garaa isaa jabeesa, aka inni ee jed'e worra gadi illakimne. Ammalle waan Faraoni jettu, AABBO Waaqi waan jed'u, Israeliini angafa kiyya. Ammalle waan anini siini jed'u, Ilma kiyya gad'iisi, aka inni na hojatu; ammo yo atini didde, anini ilma kanke ka angafa ijeesa. Kara keesa, fulla inni buleti, AABBO Waaqi Musani bahe ijeesu fed'e. Jennaani Ziporaani d'akha qara qabu fuute much'a isii qolofa iraa kute miila Musatiini tut'e waan jette, D'uguma, atini naa d'iirsa d'iigaati. Jennaani AABBO waaqi Musa lubbu baase. Woni isiini, Atini naa d'iirsa d'iigaa jetteefi, maro qabanqaba suni qabdeefi. AABBO Waaqi waan Harunini jed'e, Beeni, lafa alooti d'aqi, Musa argi. Inni kae deeme, Musa fulla gaara qulqullooti arge d'ungate. Duuba Musani waan ch'ufa ka AABBO Waaqi gaafa isa erge isaani jed'e iti hime, ammalle akheekha ch'ufa ka inni, Tolchi jed'eeni iti haasae. Jennaani Musafi Harunini yaani jaarole Israeli ch'ufa wolti baasani. Harunini waan AABBO Waaqi Musani jed'e ch'ufa iti haasae akheekha kaanile biyya durati tolche. Biyyiti dubbi suni ind'ugeefatte, ammalle aka AABBO Waaqi worra Israeliti d'ufe gaargala worraa arge d'ageennaani, mataani lafati gajejed'ani isa guddisani. Eegi suni Musafi Harunini gara Farao d'aqani waan jed'aniini, AABBO, Waaqi Israeli, waan jed'u, Worra kiyya galakisi, aka worri lafa aloo d'aqe jila naa tolchu. Ammo Faraoni waan jed'e, AABBO Waaqi suni eenu kana, ka anini dubbi isaa d'agaye gosa Israeli gadi lakisu? Anini AABBO Waaqa keesani imbeekhu, ammalle worra Israeli gadi illakisu. Jennaani worri waan jed'e, Waaqi gosa Ebrania ya nuti mullate. Haga guyya sadi nu gad'iisi, lafa aloo yaane, sorio AABBO Waaqa keenna baamna, aka inni d'ukubafi woraanaani nu imballeesine. Ammo hayyuuni waan Musafi Harunini jed'e, Isani maafi worra kana huji hojachu d'owitani? Huji teesaniti deebia! Isani amma yayu heddattani lafa ira dabartani, ammatana huji didu feetani re? Guyyuma suni Faraoni worra Misiri ka huji matatiifi worra Israeli ka nama hojachiisu yaame waan jed'eeni, Iti deebitani worra kana ch'idi worri matofaaraani mid'aasu inkenninaafi. Ha worri yae barbaade ufiini guuratuti. Ammo henna matofaara worri mid'aasu haga duri tokoleeni inhanqisiina. Wonti akanatiifi worri kunini lalaafa hama, woma inhojatu, tanaafi, Nu gad'iisa, Waaqa keenna sorio baamna naani jed'ani. Worra kana huji iti dara, aka worri aka dansaa hojate dubbi kiyyiba tana inch'aqamne. Duuba worra hujiti matatiifi worri nama hojachiisuleeni gadi bahani waan biyyaani jed'ani, Faraoni waan jed'e, Deebiani ch'idi isanii inkennani. Isanumaani fulla feetani ch'ufa yaa, ch'idi barbaadad'a, ammo hujiini teesani diqole haga duri inhanqattu. Jennaani worri gargari babahe gara ch'ufa lafa Misiri ke yae ch'idi barbaade. Worri hujiti mataa kaani dubbi jabeese waan jed'e, Huji teesani ta guyya ch'ufa hobaasa, akuma gaafa ch'idiini jirtu kaani. Worri Faraoni huji mataa tolche worra nama hojachiisu kaani dabse d'aane waan jed'e, Isani maafi huji teesani ta matofaara aka duri kaani inhojanne? Jennaani worri nama hojachiisu ka gosa Israeli d'ufe Faraoti bohe waan jed'eeni, Atini maafi hojattu tante akana tolchita? Ch'idi nu d'owani ammo, matofaara mid'aasa nuuni jed'ani! Ato nu d'aananile wollaali kama worra keesaniti. Ammo inni waan jed'e, Isani ufumaa raftani huji inhojattani, tanaafi amma, Nu gad'iisa, AABBO Waaqa sorio baamna jettani. Ammatana beena, hujiti dachaa, ch'idi diqole isanii inkennani, ammo henni matofaara isani iraa fed'ani haga kaani iraa gadimbuu. Worri Israeli ka biyya hojachiisu kaani aka hayyuuni, Henni matofaara isani guyyaati mid'aasitani haga kaani ira gadinhiqu jed'e d'ageennaani aka bade ufi arge. Musafi Harunini, ka worra fulla Faraoti gadi dachau eegani wolargani jennaani waan worri jed'eeni, AABBO Waaqi ha waan isani taatani laale arguti, wonti akanatiifi Faraofi hojattu isaale nu jibisiiftani, sheefti worri nuuni hobaasu harka keesa keetani. Jennaani Musani AABBO Waaqati deebie waan jed'eeni, Ee AABBO Waaqa, atini worra kanke kana maafi waan hamtu tolchita? Ati maafi asi na ergite? Haguma anini gara Farao d'aqe maqa keetiini iti dubbad'e, inni yayu haga qarale ira worra kanke dabse, atileeni waan toko, ka worraani qarqaartu, intolchine. Jennaani AABBO Waaqi waan Musani jed'e, Amma waan anini Farao tolchu ingarta; inni irrumaani gosa Israeli lafa keesaa baasa, yokhaani irree jabduuni lafa ufii keesaa worra baasa. Waaqi waan Musani jed'e, Anini AABBO Waaqa. Anini Abrahamufi Isaaqofi Yakobo aka Waaqa Gudda, waan ch'ufaa, iti mullad'e, ammo maqa kiyya qulqullo AABBO Waaqatini ufi imbeesimne. Anini ammalle wold'aqisa kiyya worra woliini tolfad'e, aka lafa Kanaani, lafa duri worri aka keessuma keesa tae, kennuufi. Ammalle anini boha worra Israeli, ka worri Misiri tisse tolche d'ageennaani wold'aqisa kiyya qaabad'e. Duuba waan worra Israelitini jettu, Anini AABBO Waaqa; anini huji hamtu gosa Misirii keesaa isani fuud'e, tissooma worrale keesaa isani baase, harka kiyya d'eerefad'e worra suni balleese isani baasa. Ammalle anini nama kiyya isani tolfad'e Waaqa keesani taha. Hojja anini tissooma lafa Misiri keesa isani baasu, aka anini AABBO Waaqa keesani beetani. Anini lafa Abrahamufi Isaaqofi Yakobo kakhad'e isani geese, lafa suni d'aaltani. Anini AABBO Waaqa. Jennaani Musani waan kana worra Israeliti haasae, ammo worri waan garaani hamaate tissooma gaargala gudda ke jiruufi isa jalaa qabu dide. AABBO Waaqi waan Musani jed'e, Beeni, gara Farao d'aqi, waan jettuuni, Worra kiyya ka Israeli lafa tante keesaa gad'iisi. Ammo Musani waan jed'eeni, Ufuuftu gochiti Israelitu na ind'ageetu, Faraoni eesaa fuud'e nama aka kiyya ka afaani laafa kana d'agaya re? Ammo AABBO Waaqi Musafi Harunini dubbate waan jed'eeni, Anini yayu isani fohad'e, aka isani yaatani gosa Israeli lafa Misiri keesaa baaftani, ammo qara waan kana gosa Israelitiifi Faraoti hima. Reubeni, ka angafa Yakobo, ilmaani d'iira afuri d'ale: Hanoki, Palu, Hesroni, Karmi; balbala worra kana maqa worratiini yaamani. Simeonileeni ilmaani d'iira jaa d'ale: Yemueli, Yamini, Ohadi, Yakini, Sohari ammalle Shauli, ka niiti gosa Kanaani d'alte; balbala worra kana maqa worratiini yaamani. Lawiini ilmaani d'iira sadi d'ale: Gershoni, Kohathi, Merari; balbala worra kana maqa worratiini yaamani. Lawiini gaafa due ganni isaa d'ibbafi sodomi torba. Gershoniini ilmaani d'iira lama d'ale: Libnifi Shimei. Worri sunileeni nama heddu d'ale. Kohathiini ilmaani d'iira afuri d'ale: Amramu, Ishari, Hebroni, Uzieli. Kohathiini gaafa due ganni isaa d'ibafi sodomi sadi. Merariini ilmaani d'iira lama d'ale: Malifi Mushi. Tunini balbala gosa Lawi, ilmaani isaa gula. Amramuuni oboleeti abba isaa Yokebedi fuud'e Harunifi Musa d'alteefi. Amramuuni gaafa due ganni isaa d'ibbafi sodomi torba. Ishariini ilmaani sadi d'ale: Kora, Nefegi, Zikri. Uzieliini ilmaani d'iira sadi d'ale: Mishaeli, Elisafani, Sithri. Harunini Elisheba, ta dubra Aminadabu, ta oboleeti Nashoni, fuud'e; isiini Nadabufi Abihufi Eleazarifi Ithamari d'alteefi. Korani ilmaani d'iira sadi d'ale: Asiri, Elkana, Abiasafu. Balbalti Kora, ta fulla saditi gargari baate, worra kana iraa baate. Eleazarini, ka ilma Haruni, dubra Putieli fuud'e, isiileeni Finehasi d'alteefi. Worri kunini nama gosa Lawi ch'ufafi balbala gosa sunile ch'ufa iti angafa. Harunifi Musani worruma AABBO Waaqi worra Israeliti erge, Beena, lafa Misiri keesaa worra Israeli baasa jed'eeni. Worri hayyu Misiritiini, Gosa Israeli galakisa jed'eenileeni worruma. AABBO Waaqi gaafa Musani lafa Misiri keesati dubbate waan jed'eeni, Anini AABBO Waaqa. Waan anini siini jed'u ch'ufa Farao hayyu Misiriti himi. Ammo Musani waan jed'eeni, Anini nama araba laafati; hayyuuni eesa fuud'e na d'agaya re? AABBO Waaqi waan Musani jed'e, Anini Farao durati aka Waaqa si tolcha, oboleesi kanke Harunileeni, aka raaga kanketi, isati dubbata. Waan anini siini jed'u ch'ufa Haruniti himi; inni duuba gara Farao d'aqe, Worra gosa Israeli gad'iisi lafa Misiri keesaa baasi jed'aani. Ammo anini garaa Farao jabeese, duuba hojja anini akheekha kiyyafi waan mama heddu lafa Misiri keesati garsiisele, Faraoni si inch'aqasu. Anini gaargala gudda worra Misiriti buuse, duuba gosa tiyya ta Israeli dura deeme lafa suni keesaa baasa. Eegi anini gaargala gudda worra Misiriti buuse gosa tiyya ta Israeli dura deeme lafa keesaa baase, worri Misiri aka anini AABBO Waaqa aka d'ugaa beekha. Musafi Harunini waan Waaqi jed'eeni ch'ufa tolchani. Gaafa worri Faraoni dubbate suni, ganni Musa saddeetama, ka Haruni saddeetami sadi. AABBO Waaqi waan Musafi Harunini jed'e, Hojja Faraoni, Waan mama tolcha, ufi garsiisa isaniini jed'u, atini waan Harunini jettu, Ule tante fuud'i, Farao durati lafa buusi, aka isiini bofa taatu. Duuba Musafi Harunini gara Farao d'aqani, akuma AABBO Waaqi jed'eeni tolchani. Harunini ule ufii Faraofi hojattu isaa durati lafa buuse, uleeni taani bofa taate. Jennaani Faraoni worra qarootafi falfaltu wolti yaame, duuba worri sunileeni tolcha isaanitiini akasuma wa tolche. Worri suni ch'ufti ule ufii lafa jisse uleeni suni bofa taate, Ammo uleeni Haruni ule worra ch'ufa liqimsite. Ammo ha taatuti, Faraoni garaa jabaate Musafi Haruni ch'aqasu dide, akuma qara AABBO Waaqi jed'eeni kaani. Jennaani AABBO Waaqi waan Musani jed'e, Faraoni ya mataa jabaate worra gadi lakisu dide. Tanaafi bori diirama, hojja Faraoni gara galaana Misiri d'aqu, atinileeni ule bofa taate taani fud'ad'i, afaani galaanati eegi. Duuba waan atini isaani jettu, AABBO, Waaqi gosa Ebrania, gara kanke na erge waan jed'e, Worra kiyya galakisi, aka lafa aloo keesati na kad'atu; ammo haga amma atini ch'aqasu didde. Duuba, Ee Hayyicha, AABBO Waaqi waan jed'u, Aka anini AABBO Waaqa akanaani beeta: Anini bisaani galaana Nile ule anini harka qabu tanaani d'ae, bisaani suni garagalani d'iiga tahani. Qurt'umileeni indodooti, galaanileeni inajaa, aka worri Misiri dandae bisaani dansa argate keesaa ind'unne. AABBO Waaqi waan Musani jed'e, Waan atini Harunini jettu, Ule tante fud'ad'u, bisaani lafa Misiri keesa jira ch'ufa ira olqabi, galaana taanaani, dambala taanaani, haro taanaani, fulla bisaani naqattu ch'ufa ira olqabi. Duuba bisaani lafa Misiri keesa jira ch'ufti d'iiga tahani. D'iigi sunini waan bisaani iti woraabani ch'ufa ka mukhaafi d'akhaani mid'aasani guuta. Jennaani Musafi Harunini akuma AABBO Waaqi jed'eeni tolchani. Faraofi hojattu isaa durati Harunini ule isaa taani olfuud'e bisaani galaana Misiri keesa jira d'ae, bisaani kaani ch'ufti d'iiga tahani. Qurt'umiini galaana Misiri keesa jirtu ch'ufti raawatte, bisaani aka hama ajaani, worri Misiri d'ugu dad'abe. Lafti Misiri ch'ufti d'iiga taate. Jennaani worri Misiri ka wo tolchu akuma suni tolcha ufii tolche, Faraoni akuma AABBO Waaqi qara jed'e kaani garaa jabaate dubbi Musafi Haruni d'agayu dide. Duuba inni kae worra ufiiti deebie waan kana garaati qabate womatu daru dide. Worri Misiri ch'ufti bisaani d'uguu barbaada d'aatu galaana qote, waan bisaani galaana Misiri d'ugu dad'abaniifi. Haga AABBO Waaqi galaana d'ae bulti torba bulani. Jennaani AABBO Waaqi waan Musani jed'e, Faraoti olseeni waan jettuuni, Worra kiyya galakisi, aka worri na kad'atu. Ammo yo atini worra gad'iisu didde, lafa tante ch'ufa raachaani balleesa. Raachi galaana ch'ufa guute ira dabre, mana kanke fulla atini bultu, sire tante, maneeni hojattu tanteetiifi fulla iti wo d'aabani, ibida ch'ufa guuta. Eege d'ufe sifi hojattu tantetile kore gubbaa yaa. Duuba AABBO Waaqi waan Musani jed'e, Waan atini Harunini jettu, Ule tante galaana, dambala, fulla bisaani naqattu ch'ufa ira qabi, aka akanaani raachi lafa Misiri ch'ufa keesa guutu. Tanaafi Harunini bisaani Misiri ch'ufa harka ira olqabate, raachi gabaafate lafa Misiri ch'ufa guute. Ammo worri wo tolchu kaani akuma suni wo tolche lafa Misiri keesa raachaani d'ufe. Jennaani Faraoni Musafi Haruni yaame waan jed'eeni, AABBO Waaqa kad'ad'a aka inni raacha kana naafi lafa tiyyale iraa balleesu. Anileeni worra keesani galakisa, aka d'aqani sorio Waaqaa baasani. Musani waan jed'eeni, Anini inuma kad'ad'a, ammo hojja anini sifi hojattu teeti, worra lafa teetiti kad'ad'u nati himi, aka raacha suni sifi worra kanke keesaa balleesani galaana Nile ch'alla keesati hambisani. Inni waan jed'eeni, Ha bori taatu, Musani waan jed'eeni, Aki atini jette ha tahu. Akanaani aka Waaqi d'ibiini, ka aka AABBO Waaqa keenna jiru, injirre beeta. Raachi sifi worra keeti, hojattu teeti, worra lafa teeti ch'ufa iraa bade galaana lafa Misiri ch'alla keesati hafa. Duuba Musafi Harunini Farao biraa yaani, Musani waan raacha suni, ka AABBO Waaqi Faraotiini d'ufe, Iraa balleesi jed'e, Waaqa kad'ate. AABBO Waaqi akuma Musani jed'e tolche, raachi manafi qayeefi ka oobru ke jiruleeni ch'ufti hobae. Raacha ch'ufa wolti guurani tuulani, lafti ajoofte. Ammo Faraoni aka raachi hobae arginaani garaa jabaate Musafa ch'aqasu dide, akuma qara AABBO Waaqi jed'e. Jennaani AABBO Waaqi waan Musani jed'e, Waan Harunini jettu, Harka d'eerefad'u, ule tante olfud'ad'u, lafaani d'ai, duuba awaarti kaatu ch'ufa biinni taati. Jennaani Harunini ule lafaani d'ae, awaarti kaate, awaarti lafa Misiri keesati kaate ch'ufti biinni taate. Worri wo tolchu kaani tolcha ufii tolche, aka biinni gabaasu, ammo indad'abani. Biinnini suni nama, bineensa, horile ch'ufati baafatte. Duuba worri wo tolchu kaani waan Faraoni jed'e, Kunini waan Waaqi tolche. Ammo Faraoni garaa jabaate, akuma AABBO Waaqi qara jed'e kaani worra ch'aqasu dide. Jennaani AABBO Waaqi waan Musani jed'e, Bori ganama lafaa kai, Farao gara galaana deemu eegi waan jettuuni, AABBO Waaqi waan jed'e, Worra kiyya gad'iisi, aka worri na kad'atu. Yo atini gad'iisu didde, anini tiite heddu sifi hojattu tanteetiifi worra lafa tanteetiifi maneeni teesaniti buusa. Maneeni gosa Misiri tiiteeni guute, biyyeeni lafaleeni ch'ufti tiite taati. Anini ammo guyya suni arda Gosheni, ka worri kiyya keesa jiru, illakisa, aka tiiteeni tokoleeni achi ind'umne. Akanaani aka anini, AABBO Waaqi, lafa tana keesa jiru beeta. Akanaani worra kiyyafi kanke gargari baasa. Akheekhi kunini bori guutama. AABBO Waaqi akuma suni tolche; duuba tuuti tiite guddooni mana Faraotiifi ka hojattu isaa iti duude. Lafa Misiri ch'ufa haguma geetuuni tiiteeni balleese. Jennaani Faraoni Musafi Haruni yaame waan jed'e, Beena, lafa tana keesati sorio qala. Ammo Musani waan jed'e, Akasi nuu intaatu, wonti akanatiifi sorioni nu AABBO Waaqa keenna baamnu worra Misiriti waan laguti. Yo nu sorio akana tana, ta worri Misiri lagatu, ila worraa dura qalle, worri d'akhaani nu had'a. Akasi intahu, nu guyya sadi imaltu lafa aloo ke yaane AABBO Waaqa keenna sorio baasu male, akuma inni nuuni jed'e. Duuba Faraoni waan jed'eeni, Inuma isani gad'iisa, aka AABBO Waaqa keesani lafa alooti sorio baaftanifi, ammo imfagaatiina. Nale Waaqa kad'ad'i. Musani, waan jed'eeni, Anini ammumatana si biraa deeme AABBO Waaqa kad'ad'a, aka inni tuuta tiite tana sifi hojattu tanteetiifi worra kankele bori iraa balleesu. Ammo atini deebite nu sobde worra keenna AABBO Waaqaa sorio baasu ind'owiini. Duuba Musani, Farao biraa deeme AABBO Waaqa kad'ate. AABBO Waaqi akuma Musani, kad'ate tolcheefi. Tuuti tiite taani ch'ufti Faraofi hojattu isaatiifi gosa Misiri ch'ufa iraa badde; tiiteeni tokochi qubaleeni inhamne. Ammo Faraoni akuma kaani garaa jabaate biyya taani yau d'owe. Duuba AABBO Waaqi waan Musani jed'e, Beeni, gara hayyu d'aqi waan jettuuni, AABBO Waaqi, Waaqa Ebrania, waan jed'u, Worra kiyya gad'iisi, aka worri na kad'atu. Yo atini worra yau d'owarte, anini gaargala guddaani isaniti d'ufe d'ukuba hama hori keesaniti buusa — farda keesani, harre, gaala, looni ammalle ree. Anini beesisa hori Israelitiifi hori Misiri gargari baasuni tolcha, aka horiini Israeli tokoleeni idoone. Anini AABBO Waaqi ya dubbi tana buufad'e, aka waan kana bori lafa tanati tolchu. Duuba boriyya AABBO Waaqi waan kana tolche; looni worra Misiri ch'ufti hobaani, ammo horiini gosa Israeli tokoleeni indoone. Faraoni waan tahe gaafate jennaani aka horiini gosa Israeli tokoleeni induiini iti himani. Ammo Faraoni ammalle garaa jabaate worra Israeli gad'iisu dide. Jennaani AABBO Waaqi waan Musafi Harunini jed'e, Fulla faara iti gubani keesaa daara harka guutad'a fuud'a, duuba ha Musani fuula hayyu durati oldarbu. Daaraani suni aka awaara lafa ch'ufa qabate, woni isiini ira baate ch'ufti, namaa sai lafa Misiri ch'ufti d'ulla fuud'e, nafi mamadaa. Duuba worri daara fulla faara iti gubani fuud'e, Musani Farao dura ejate daara oldarbate, daaraani sunini namafi horile d'ulla iti taate nafa bubuqacheesite. Worri wo tolchu kaani Musa dura eju dad'abe, wonti akanatiifi d'ullaani ya worraafi worra Misiri ch'ufa qabate. Ammo AABBO Waaqi garaa Farao jabeese, inni akuma AABBO Waaqi Musani jed'e, worra ch'aqasu dide. Jennaani AABBO Waaqi waan Musani jed'e, Ganama lafaa kai, waan ati Faraoni jettu, AABBOONI, Waaqi Ebrania, waan jed'u, Worra kiyya gad'iisi, aka worri deeme na kad'atu. Maro tana hojatu tanteetiifi worra Misiri ch'alla ingaargalchu, ammo sile ingaargalcha, aka akasiini atini aka Waaqi d'ibiini na male lafa keesa injirre beetu. Anini sila yoona harka olfud'ad'e d'ukuba sifi nama kanke ch'ufati buuse, lafa keesa isani balleese. Ammo wonti anini isani fit'u dideefi, aka isani irre tiyya agartani, gurri kiyya lafa ch'ufaa gahu. Atini ammalle guddo ufi olfuute worra kiyya gad'iisu didde. Anini bori yoona bokaya d'akhaani roobu, ka haga lafti Misiri uumamte taka imbuini rooba. Amma waan taatu, nama ergi, loonifi hori kanke ka ala jiru ch'ufa galchi, manati olnaqi. Wonti akanatiifi bokai d'akhaani roobu suni namafi hori ala jiru ch'ufa, yo ato ingalchiini, iti roobe inhobaasa. Hojattuuni Farao ta gari dubbi AABBO Waaqa d'ugeefate sodaate, tisseleefi hori ufii ch'ufa manati galfatte. Ammo worri dubbi AABBO Waaqa d'ugefachu dide kaani tisseleefi hori ufile alati lakise. Jennaani AABBO Waaqi waan Musani jed'e, Harka d'eerefad'i olqabi, aka bokai d'akhaani roobu lafa Misiri keesafi namafi horifi ammalle waan oobru ke jiru ch'ufati roobu. Jennaani Musani ule isaa taani Waaqati olqabe, AABBO Waaqi mandisufi bokaya d'akhaani roobu lafa Misiri keesati buuse. Bokeeni d'akhaani roobu bue, angaasuuni gargari inch'inne bokaya suni keesati angaate, ka taka haga lafti Misiri uumamte nami inargini. Bokeeni d'akhaani roobu suni waan lafa Misiri ka mana keesa injirre ch'ufa, namafi horile, iti roobe hobaase, mukha ch'ufa ch'ach'abse mid'aanile ch'ufa d'aane balleese. Arda Gosheni ka Israeliini teetu ch'alla bokeeni d'akhaani roobu suni hanqate. Jennaani Faraoni Musafi Haruni yaame waan jed'eeni, Arra ya ch'ubbame, AABBO Waaqi d'uga qaba, anumafi worra kiyyati wollaala qaba. AABBO Waaqa na kad'ad'a, mandisufi bokeeni d'akhaani roobu ya nati guddate; anini isani gad'iisa, aka isani deebitani arma inteenne. Musani waan jed'eeni, Akuma dira keesa baheeni, anini harka olqabad'e AABBO Waaqa yaamad'a. Duuba mandisuuni ch'itte, bokai d'akhaani roobu kulleeni ch'aama, akanaani aka lafti ta AABBO Waaqaa beeta. Ammo anini imbeekha, sifi hojattuuni tante ammalle AABBO Waaqa insodaattani. Waan garbuuni mura geeteefi ammalle jibriini daraara baasu jirtuufi, jibrifi garbuleeni ch'ufti badde. Ammo dargayeeni, waan eege bilchaatuufi imbanne. Musani Farao biraa deeme dira keesaa bahe harka olfud'ate AABBO Waaqa kad'ate jennaani mandisuuni ch'itte, bokai d'akhaani roobu kaanifi bokeeni ch'ufti ch'aame. Faraoni waan kana ch'ufa ka tahe arginaani ch'ubbu taaniti deebie, isaafi hojattuuni isaaleeni akuma kaani garaa jabeefatani. Duuba Faraoni garaa jabeefate gosa Israeli galakisu dide, akuma AABBO Waaqi Musani jed'e kaani. Jennaani AABBO Waaqi waan Musani jed'e, Gara Farao d'aqi, anini isaafi hojattu isaa garaa jabeese, aka waan mama kana jiddu worrati agarsiisu; ammalle aka atini ilmaani tanteetiifi akhakhoota tante durati aka anini worra Misiri iti tabad'e ch'eerse, ammalle akheekha anini worra keesati tolche, himtu. Akanaani aka anini AABBO Waaqa beetani. Duuba Musafi Harunini gara Farao d'aqani waan jed'aniini, AABBOONI, Waaqi Ebrania, waan siini jed'u, Haga yoomi atini naa saalfachu didda? Worra kiyya gad'iisi, aka worri deeme na kad'atu. Yo atini ammalle worra kiyya gad'iisu didde, anini bori awaanisa lafa teeti buusa. Awaanisi suni lafa ch'ufa qabate biyye ch'ufa d'osse, waan bokaya d'akhaani roobu iraa hafe kaanile ch'ufa nyaate mukha oobru tante keesati hafe ch'ufa fit'a. Maneeni teetifi ta hojattu tanteetiifi ammalle ta worra Misiri ch'ufa awaanisi inguuta. Wonti kunini waan abbaafi ababooti teesani haga d'alatte lafa tana d'ufte haga arra taka inargini taati. Duuba akana jennaani kae Farao biraa deeme. Hojattuuni Farao waan jetteeni, Namichi kuni ya guddo waan hamtu nuti malate nu balleese; inni yoomi waan kana lakisa? D'iirti ch'allaani ha yaate AABBO Waaqa worraa suni kad'attu. Atini aka lafti teenna ta Misiri tunini baddu ingartu? Duuba Musafi Haruni Faraotiini d'ufani jennaani Faraoni waan worraani jed'e, Beeni d'aqa, AABBO Waaqa keesani kad'ad'a, ammo eenufati yaa? Musani waan jed'eeni, Nu ch'ufti iyyaana, ijoolle teennafi jaarole teennafi ilmaani teennafi ree teennafi looni keennaleeni ch'ufti iyyaani; wonti akanatiifi nu jila guddo AABBO Waaqa tolchu feena. Faraoni waan jed'eeni, Waaqi na didinna, yo anini isanifi ijoolle teesani gad'iise! Anini aka isani mala hama garaa qabdani arraa kale inargini. Anini ya dide! Isani d'iirti ch'allaani yaa AABBO Waaqa yaamad'a isani qara tana barbaadani. Duuba worra fuula Farao duraa gussani. Jennaani AABBO Waaqi waan Musani jed'e, Harka kanke lafa Misiri gubbaa qabi, aka awaanisi lafa Misiri ch'ufa qabate waan baha ch'ufa ka bokaya d'akhaani roobu kaani iraa hafe nyaate fit'u. Duuba Musani ule ufii olqabe, AABBO Waaqileeni bubbe ila boruti kaase, bubbeeni suni guyya sunifi halkani suni ch'ufa lafa ira bubbifte. Yo lafti boriyyaate bariite bubbeeni sunini yayu awaanisaani d'ufte. Tuuti awaanisa d'ufte lafa Misiri ch'ufa qabate. Tuuti awaanisa sunini guddo, ta duraani taka nami inargini, ka deebiani eegi tanale nami ingarre. Awaanisi lafa Misiri ch'ufa d'osse dukaneese; waan bokaya d'akhaani roobe iraa hafefi mid'aani mukhale ch'ufa nyaate. Wonti dotaatuuni ch'ufti ta oobru keesa jirtuufi ta mukha gubbaa jirtuleeni tokoleeni inhamne, lafa suni keesaa badde. Jennaani Faraoni hurrise Musafi Haruni yaame waan jed'eeni, Anini yayu AABBO Waaqa keesanifi isanileti ch'ubbame. Arra ch'alla ch'ubbu tiyya naa araarama, AABBO Waaqa keesani na kad'ad'a, aka inni gaargala dua hama kana nuraa fuud'u. Musani Farao biraa deeme AABBO Waaqa kad'ate. Duuba AABBO Waaqi bubbe jabdu toko gara ila aduti d'ufeeni, bubbeeni suni awaanisa ch'ufa fuute galaana Diimati nat'e. Wonti awaanisa fakaatta tokoleeni lafa Misiri keesati inhamne. Ammo AABBO Waaqi garaa Farao jabeese, inni worra Israeli galakisu dide. Jennaani AABBO Waaqi waan Musani jed'e, Harka kanke Waaqati olqabi, duuba dukanti sipeeni ta nami taka inargini lafa Misiri ch'ufa sipi tolchite duuchiti. Duuba Musani harka ufii Waaqati olqabe, dukanti sipeeni haga guyya sadi lafa Misiri duuchite. Worri Misiri ilaani woma argu dad'abe guyya sadi akasumati, ka inchochoiini, ollani. Ammo lafti worri Israeli tau ifsa qabdi. Jennaani Faraoni Musa yaame waan jed'eeni, Beena yaa, AABBO Waaqa kad'ad'a, nad'eenifi ijoolle teesanile woliini yaa, ree teesanifi looni keesani ch'alla hambisa. Musani waan jed'eeni, Yo akasi, hori nu sorio qallufi ka nu gumne sorio AABBO Waaqa keennaa baamnu sila nuu kennu maltani. Akananiti, nu horiini iyyaana, qeench'i isaani tokoleeni asi inhafu. Wonti akanatiifi numati hori keenna keesa waan sorio Waaqa baamnu foha. Ammalle haga achiini baanuti hori sorio AABBO Waaqa baasu malani nu imbeennu. AABBO Waaqi garaa Farao jabeese, inni worra galakisu dide. Duuba Faraoni waan Musani jed'e, Na biraa deemi! Ilti tiyya deebite si inargini! Guyya anini si argu indoota! Musani waan jed'eeni, Ha taatu, akuma jette ani deebie si dura ineju. Jennaani AABBO Waaqi waan Musani jed'e, Anini gaargala toko d'ibi Faraofi lafa Misiritiini d'ufa. Eegi suni inni isani gad'iisa. Yo isani gad'iisele, ufira isani gussa. Amma worra Israeli ch'ufati dubbad'i waan jettuuni, Nami ch'ufti d'iirafi nad'eenileeni nama woliini jirtani faaya worqifi qarsiini mid'aasani iraa kad'ad'a. AABBO Waaqi worra Misiri worra Israeliti saalfachiise. Tana male, hojattu Faraotiifi nami Misiri ch'ufti Musa aka nama gudda heregani. Musani waan jed'eeni, AABBO Waaqi waan jed'u, Yo halkani woli qit'aani anini lafa Misiri keesa deeme, ilmaani angafa ch'ufa, ilma Farao ka hayyuma ira d'aalu iti keeyad'e ilma niiti tisse ta mid'aani daattu d'aabe, ch'ufa fit'a. Yabbiyeeni goroomuma d'alatteleeni ch'ufti iraawatti. Lafa Misiri ch'ufa keesa boha guddo ta takuma duraani inargini ta yokhaani iti deebianile ingarreti d'ufa. Ammo worra Israelitiifi hori worrale sareleeni iti induttu. Akanaani aka anini AABBO Waaqi worra Misiritiifi worra Israeli gargari baasu beetani. Duuba Musani ammalle waan jed'eeni, Hojattuuni tante ch'ufti na durati gajette waan naani jettu, Nu si kad'anna, worra kanke ch'ufa guurad'i, armaa yaa. Eegi suni duuba anini indeema. Jennaani ka dallansu injirre kae Farao biraa deeme. Jennaani AABBO Waaqi waan Musani jed'e, Faraoni haguma jiru si inch'aqasu, haga anini lafa Misiri tana keesati waan mama d'ibile tolchuti. Musafi Haruni waan mama kana ch'ufa Farao durati tolchani, ammo AABBO Waaqi garaa isaa jabeese, inni duuba worra Israeli lafa isaa keesaa bahu d'owe. AABBO Waaqi lafa Misiri keesati Musafi Harunini dubbate waan jed'e, Jii kunini ganna keesa ha jia qara isanii tahu. Dubbi tana gumi Israeli ch'ufati hima; guyya kud'anneeso ka jia kana nami ch'ufti worra ufiiti ha kaarata ree toko fud'atu. Yo worri nama suni diqaa taate fooni ilme suni ufiiti fit'u indandeenne, ha mana isati aanuni woliini nyaatani; aki fooni hori kana nyaachu malani, haga nami gahufi haga nami nyaachu dandau gula ha tahuti. Horiini suni, hoolafi laleesa taanaani, ha hanch'afa qulqullicha aabbo womatu inqamne, ka ganna toko tahuti. Haga guyya kud'ani afreeso ka jia kana eega, duuba galgala suni gumiini Israeli ha ch'ufti mana ufiiti hori suni qalattu. Duuba nami ch'ufti ha d'iiga fuud'e siddoofi mikhikila balbala mana fooni keesati nyaatani dibani. Halkani suni fooni suni ha wot'alani qit'a bukho inqamneefi waan aka raafu ka had'aatiini woliini nyaatani. Fooni suni d'eed'ifi ka bisaanini d'aabani inyaatina, ammo mataa mannyefi miha garaale ch'ufa wot'ala nyaad'a. Fooni tokole lafti iti imbariini, hambale guba. Hojja nyaattani, woya mart'ifad'a, kobele naqad'a, arifad'a nyaad'a. Tunini jila AABBO Waaqaati, ta Pasaka jed'ani. Halkanuma suni anini lafa Misiri keesa bahe angafa namaatiifi ka horifi bineensale ch'ufa ijeesa; ammalle waan harkaani boch'ani Waaqoota jed'ani lafa Misiri keesati kad'atani ch'ufa imballeesa. Anini AABBO Waaqa. D'iigi mana dibani akheekha isanii taha. Yo anini d'iiga suni arge, isani bira dabra, duuba gaargali anini lafa Misiritiini d'ufu tokoleeni isani ingahu. Guyyaani kunini guyya qaabacha isanii taha, ammalle guyya jila, ka AABBO Waaqa jettani qaabattani; d'aloota keesani ch'ufa keesa guyya kana qaabattani, haga jiru jireennale aada tana tolfattani. Ammalle AABBO Waaqi waan jed'e, Haga bulti torba qit'a bukho inqamne nyaad'a; guyya qara waan bukho fakaata ch'ufa maneeni keesani keesaa balleesa wonti akanatiifi yo nami tokoleeni waan bukho qaba nyaate, bulti torba suni keesati, nama suni gumi Israeli keesaa kutani. Guyya qaraatiifi guyya torbeesole wolti baha, guyya sunini guyya qulqullo jed'a na kad'ad'a. Huji tokole inhojatiina guyya suni, ammo sagale ch'alla d'aabad'a. Jila Qit'a bukho inqamne tana qaabad'a, armaa achile tolfad'a; wonti akanatiifi guyyaani anini gosa teesani lafa Misiri keesaa baase guyya suni. Tanaafi guyya suni d'aloota keesani ch'ufa keesa qaabad'a, haga jiru jireennale aada tolfad'a. Galgala guyya kud'ani afreeso ka jia qara haga galgala guyya kud'ani tokeeso, qit'a bukho inqamne ch'alla nyaad'a. Bulti torba keesa bukho mana keesani keesati nami inargini; yo nami tokoleeni waan bukheesani nyaate, nama suni gumi Israeli keesaa kutani, ato keessumafi nama lafa suniti d'alatele taate. Waan bukheesani tokole inyaatina, worra keesani ch'ufa keesati waan bukho inqamne ch'alla nyaad'a. Jennaani Musani jaarole Israeli ch'ufa wolti yaame waan jed'eeni, Isaani ch'ufti yaa, kaarata ree abbu mana ufiiti fuud'a jila Pasakati qala. Dame gurbi urgoo fuud'a, d'iiga qori keesa jiru ke kaya, duuba mikhikilafi siddo balbala diba, haga lafti bariituti isani nami tokoleeni mana keesaa imbahiina. Yo Waaqi aka worra Misiri fit'u lafa Misiri suni ke bahe, siddoofi mikhikila balbalaa irati d'iiga arge, inni mana keesani baase akasiini waan sila nama fit'a suni isaniti seenu d'owa. Aada tana isanifi d'alooti keesanileeni jabeesa, haga jiru jireenna. Yo lafa AABBO Waaqi isanii kenna jed'e kakhate geetanile, aada tana illakisina, tolcha. Yo ilmaani teesani, Maafi aada tana tolfattani? Jette isani gaafatte, waan isani jettani, Tunini sorio Pasaka ta AABBO Waaqaa baasani; wonti akanatiifi inni mana worra Israeli lafa Misiri keesati bira dabre worra Misiri gogorae. Ammo worra keenna baase jettani. Duuba biyyiti mata gaqabate Waaqa kad'ate, kaate yaate, waan AABBO Waaqi Musafi Harunini tolcha jed'eeni ch'ufa tolchite. Halkani woli qit'aani jennaani AABBO Waaqi ilmaani d'iira ta angafa ta lafa Misiri keesa jirtu, gurba Farao ka angafa ka sila hayyooma isaa d'aalu iti keeyate, much'a angafa ka abbaani isa mana iti nama hid'ani keesa jiruti d'aabe ch'ufa fit'e; ammalle ilme horiini goroomuma d'ale ch'ufa hobaase. Farao, hojattu isaati, worri Misiri ch'ufti halkani lafaa kae aka hama bohani; wonti akanatiifi lafa Misiri keesa mani tokoleeni ka nami keesa induiini injiru. Halkanuma suni Faraoni Musafi Haruniti nama erge waan jed'eeni, Kaa, lafa tiyya keesaa yaa, lafa tiyya keesa intaiina, isanifi worri Israeli ch'ufti aka baantani AABBO Waaqa kad'achu d'aqa. Reefi looni keesanile fud'ad'a yaa, nale eebisa. Worri Misiri worra Israelitini, Hurrisa lafa teenna keesaa baha, yokhaani nu ch'ufti indoona jed'eeni. Duuba biyyiti qit'a bukho inqamne kaani fuute qori duri qit'a iti bukheesani taani guute woyaani hiite gurmu ira keeyatte yaate. Worri Israeli, akuma Musani jed'e, faaya worqifi qarsiini mid'aasanifi woyale worra Misiri kad'ate. Duuba AABBO Waaqi worra Misiri worra Israeliti saalfachiise, worri waan worri fed'u ch'ufa kenneefi. Akanaani worri Israeli worra Misiri saamate. Worri Israeli Ramesesi godaane lafa Sukothitini bahe. Worri nami d'iira ka miilaani yae nama kuma d'ibba jaa, ka nad'eenifi ijoolleeni keesa injirre. Nami gosa d'ibileeni, gumiini guddooni muumme inqamne, ta reefi loonile qabdu, worra woliini godaante. Worri qit'a bukho inqamne ka lafa Misiri keesaa fud'ate kaani d'aabate; wonti akanatiifi worra lafa Misiri keesaa, ato worri inkurfefatiinu, gussani, yo qit'a bukhefatanifi yo woreega fud'atanile d'abani. Worri Israeli ganna d'ibba afuritiifi sodoma lafa Misiri keesa tae. Ganni d'ibba afuritiifi sodoma hobaanaani gumiini AABBO Waaqa ch'ufti lafa Misiri keesaa godaante. Kunini halkani Waaqi worra eege lafa Misiri keesa baase; tanaafi halkani suni worra Israelitiifi d'alooti worraleeni AABBO Waaqa qaabate eegaa bule. AABBO Waaqi waan Musafi Harunini jed'e, Aadaani Pasaka tana: Nami gosa teesani intahiini tokoleeni sagale Pasaka inyaatini. Tisse isani bitattanileeni haga qabanqaba qabdanifiti inyaatini. Keessumafi hojattuuni lafa d'ibii d'ufte ta isani hojatuleeni sagale suni inyaatini. Fooni suni ha manuma iti d'aabaniti nyaataniti, alatiini imbahiina, lafele inch'ach'absiina. Gumiini Israeli ch'ufti ha jila Pasaka tana tolfattu. Yo nami gosa d'ibi ka isani woliini godaanu Pasaka AABBO Waaqaa tolfachu fed'e, d'iirti worra ch'ufti ha qabanqaba qabatu, aka nama lafa Israeliti d'alate tahu, ammo ka qabanqaba inqabatini sagale Pasaka suni inyaatini. Aadaani tunini ha ta gosa Israelitiifi ta worra iti galale taatu. Akanaani worri Israeli waan AABBO Waaqi Musafi Harunini jed'e tolche. Guyyuma suni AABBO Waaqi gumi Israeli lafa Misiri keesaa baase. AABBO Waaqi waan Musani jed'e, Ilmaani d'iira ta angafa ta nad'eeni gosa Israeli d'alteefi ilme hanch'afa ta horiini worraa goroomuma d'ale ch'ufa naa baasa, isiini tiyya. Musani waan gumiini Israelitini jed'e, Guyya kana ka isani lafa Misiri boola tissooma keesaa baatani, ka AABBO Waaqi harka ufitiini lafa suni keesaa isani baase qaabad'a; qit'a bukho qabu inyaatina. Guyyaani isani lafa tana keesaa baatani arra, jia qara ka jia Abibu jed'ani kana. Gaafa AABBO Waaqi lafa gosa kanaani, ta Hiti, ta Amori, ta Hivi ammalle lafa Yebusi ta inni duri ababoota teesanii, Inkenna jed'e kakhate, lafa aananifi dammi aka lolaa yautiini isanii d'ufe, achiti aada tana jia kana jabeesa tolfad'a. Guyya torba qit'a bukho inqamne nyaad'a guyya torbeeso jila AABBO Waaqa tolcha. Qit'a bukho inqamne suni guyya torba nyaad'a. Bukhofi qit'a bukho qabule isanifi lafa teesanile tokole keesati inargini. Guyya suni ilmaani teesani ta d'iirati hima waan jettaniini, Wonti nu waan kana tolchinufi qaabacha waan AABBO Waaqi gaafa lafa Misiri keesaa nu baase nuu tolche. Amma wonti kunini ha akheekha isanii taate, aka harkaafi adda teesani iraa mullatu, ammalle ha qaabacha jiddu teesani jirtu taatu, aka dubbini AABBO Waaqa garaa keesani keesaa imbaane; wonti akanatiifi AABBO Waaqi harka isaa jabaani lafa Misiri keesaa isani baase. Waan kanaafi duuba aada tana jabeesa, woga isii ganna ch'ufa tolfad'a. Yo AABBO Waaqi lafa Kanaani, ta inni isanifi abbooti teesani kenna jed'e kakhateeni isani d'ufe, ilme hanch'afa ta horiini goroomuma d'aleefi ilmaani d'iira ta angafa ch'ufa AABBO Waaqaa baasa. Yabbiyeeni hanch'afa ta goroomuma d'alate ch'ufti ta AABBO Waaqa taati. Bukhura korma ka harreeni qara d'alte ch'ufa, ilmaani hoolatiini jijirad'a, yo jijirachu baatani lume ch'absa. Ilmaani teesani ta d'iira ta angafa bitad'a. Eegi tana, yo ilmaani teesani, Wonti kunini maani? jette isani gaafate, waan jettaniini, AABBO Waaqi irre isaa guddooni lafa Misiri ta nu tisse keesati taane harka ufitiini keesaa nu baase jed'aani. Faraoni nu gad'iisu dinnaani AABBO Waaqi ilme hanch'afa ta horiini goroomuma d'aleefi ilmaani d'iira ta angafa ta worra Misiri fit'e. Tanaafi yabbiye hanch'afa ta goroomuma d'alatte ch'ufa sorio AABBO Waaqaa baamne, ammo ilmaani angafa ch'ufa bitanna. Wonti kunini ha akheekha isanii taate, aka beesisa harkaafi adda teesani iraa mullatu; wonti akanatiifi AABBO Waaqi lafa Misiri keesaa harka isaa jabaani nu baase. Faraoni worra Israeli gadi lakimnaani Waaqi, ato karaani lafa Filisti gabaaba taatele, achi worra inqajeelchine; wonti akanatiifi Waaqi waan jed'e, Worri kuni yo nyaapi lafa Misiriti d'aqabe, hegeri garagale booju worra kad'ate Misiriti dachaa. Ammo AABBO Waaqi worra kara marto, ka lafa aloo qajeelu, galaana Diimati qajeelche, worri ka lola kurfefate, lafa Misiri keesaa bahe. Duuba Musani lafele Yusufu fuud'e deemeeni; wonti akanatiifi Yusufuuni duri guddo worra Israeliti d'aamate waan jed'e, Waaqi isani baasu d'ufa, duuba gaafa inni d'ufe lafele tiyya lafa tana keesaa fuud'a yaani. Duuba worri Sukothii kae Etamu qota lafa aloo qubate. AABBO Waaqi guyya aka baldo dumansaa worra dura deeme, aka worri gula yae kara iraa imbanne, halkanile aka goola ibidaa bobae ifse, worri ifse argate halkanii guyya godaane. Baldooni dumansaa ta guyya worra dura deemtufi gooli ibidaa ka halkani bobae worra ifsuleeni worra duraa imbanne. Jennaani AABBO Waaqi waan Musani jed'e, Waan atini worra Israelitini jettu, ke deebia, fulla Pi-Hahirothi, jiddu Migdolifi galaana Diima, d'aatu Baal-Sefoni qubad'a. Faraoni hegeri waan worri Israeli lafti aloo bahu d'owarte, worri gara yau wollaalu seha. Duuba anini garaa Farao jabeesa, inni duuba isani reebe, anini isaafi gumi isaale dabsad'e, akasiini worri Misiri aka anini AABBO Waaqa beekha. Jennaani worri Israeli waan Musani jed'eeni ch'ufa tolche. Hayyuuni Misiri aka worri sunini baqate iti himani jennaani isaafi hojattuuni isaa herega garagalfatani waan jed'ani, Nu qara maani taane worra Israeli gad'iimne amma tissele d'amne? Jennaani Faraoni gaari lolaa ka fardi hirkisufi askarti isaale kurfefate. Duuba gaari fardi hirkisu dadansa d'ibba jaatiifi gaari fardi hirkisu ka lafa Misiri keesa jiru ch'ufa, ka kamu nami askarti gudda ke jiru, wolti guure kae iti d'aabate. AABBO Waaqi garaa Farao jabeese, inni worra Israeli ka isa dabsate kae godaane reebe. Askartiini Misiri, ta ch'ufti gaari fardi hirkisu keesa jirtu, ta kamu ooftu ufii qabdu, gumi Israeli reebde fulla worri bule ta d'aatu galaana Diima, ta Pi-Hahirothi jed'ani, d'aatu Baal-Sefoniti d'aqabde. Faraoni worrati d'iaate jennaani worri Israeli ufira millate, askarti Misiri ta iti gad'ufu jirtu arge guddo sodaate, AABBO Waaqati bohani waan Musani jed'ani, Fulla iti nu awaalaniti lafa Misiri keesa injirre mo? Atini maafi lafa aloo tanati baafte nu fit'a? Waan atini lafa Misiri keesaa baafte nu tolchite laali! Nu lafa Misiri keesati, Wonti kunini intaatu, lakisi, nu worra Misiri hojanna siini injenne? Fulla lafa aloo tanati yaane hobaanu. Musani waan jed'eeni, Insodaatina, jabaad'a, aka AABBO Waaqi isani baasu arra laala; wonti akanatiifi worri Misiri ka arra agartani kana deebitani haga jiru jireennale ingartani. AABBO Waaqi isanii kalcha, yo isani takaa taatani jabaattani. AABBO Waaqi waan Musani jed'e, Maafi nati boota? Worra Israelitini, Durati yaa jed'i. Ule tante olfuud'i, harka d'eerefad'i, galaana ira qabi, aka inni gargari ch'ite, worri Israeli lafa goddu ira taaku argatu. Anini garaa worra Misiri jabeese, aka worri worra Israeli gula yau; duuba anini Faraofi gumi isaatiifi askarti isaa ta gaari fardi hirkisuni yaatufi ta fardaani yaatule dabsad'a. Yo anini Faraofi askarti isaa ch'ufa dabsad'e, worri Misiri imbeekha, aka anini AABBO Waaqa. Duuba malaikaani Waaqaa, ta qara worra dura deemtu, eege worrati deebite. Baldooni dumansa taanileeni dudda duuba deebite worra Israelitiifi ka Misiri jiddu ejite. Dumansi kaani worra Misiri lafa iti dukaneese halkani tolche, ammo worra Israeliti ifse, tanaafi worri halkani suni wolti d'iaachu dad'abe. Duuba Musani harka galaana ira qabate jennaani AABBO Waaqi bubbe guddo ilaboruti d'ufeeni bubbeeni taani bisaani gargari gama lamati kute, lafti godduuni jiddu mullatte; bisaani gargari ch'itani, bubbeeni suni halkanii bubbisaa bulte. Duuba worri Israeli galaana suni jiddu lafa goddu ira taake, bisaani gooraani mirgaa bitaa worraa ejani. Jennaani farda Faraotiifi gaari fardi hirkisufi jari isa ka fardaani reebuleeni ch'ufti reebu Israeliti jed'ani jiddu galaana buani. Ganama ato lafti bolgoddu, AABBO Waaqi baldo dumansaa keesa aka ibida askarti Misiriti mullate naasise mudamsiise. Ammalle inni miila gaari worra Misiri lafati mat'anse, duuba gaari worraa chochou d'owe. Worri Misiri waan jed'e, Worra Israeli kana biraa nu baqachiisa. Wonti akanatiifi Waaqati worraa kalche nu had'uu jira! Jennaani AABBO Waaqi waan Musani jed'e, Harka kanke galaana ira qabi, ha bisaani worra Misiritiifi gaari worraatifi farda worrale ch'ufa ira deebianiti. Duuba Musani harka isaa galaana ira qabe, lafti bariinaani bisaani galaana irre jabduuni deebiani. Worra Misiri ka jiddu baqachuu jiru AABBO Waaqi bisaani ira deebise hobaase. Bisaani deebiani, gaari fardi hirkisufi worra fardaani yaufi worra Farao ch'ufa ira deebiani, tokole bahu d'owani. Ammo worri Israeli lafa goddu ira galaana keesa jiddu bisaani goorae ejaati kaani taake. Akanaani AABBO Waaqi guyya suni worra Israeli harka worra Misiri keesaa baase. Worri Israeli reefa worra Misiri ka afaani galaana ch'iisu arge. Worri Israeli aka Waaqi irree guddooni worra Misiri dabsate arginaani AABBO Waaqafi Musa hojattu isaale d'ugeefate. Duuba Musafi worri Israelileeni faaru tanaani AABBO Waaqa faarsani: Anini AABBO Waaqa faarsa, waan inni aka jaba nyaapa ufii dabsateefi; inni ya fardafi worra yaabatule galaanati jisse. AABBO Waaqi irre jabdu na qorqorattu; inni ya na baase. Waan inni Waaqa abba kiyyatiifi anini isa faarsa. Waan inni Waaqa abba kiyyatiifi anini isa guddisa. AABBO Waaqi abba duulaati; maqaani isaa AABBO Waaqa. Inni gaari Faraotiifi askarti isaa galaanati d'abbe; askarti isaa hojattu dadansa ch'ufa galaani Diimani liqimse. D'immuuni worra fud'ate; worri aka d'akha bisaani keesa lit'e. Harki kanke mirgichi, AABBO Waaqa, jabeenna gudda dabsatuuni qaba; inni nyaapa gargari herood'a. Jabeenna kanke guddaani ati nyaapa kanke buufte ufi dura gorsita; dallansuuni tante bobeete aka buuyo gubde worra balleesiti. Ati galaana afuufte, bisaani isaa gooraani olejani; bisaani suni qajeelani ejani; d'immuuni galaana godde d'akha taate. Nyaapi waan jed'e, Anini worra reebe qaqaba; anini hori worraa ch'ufa gargari qoode haga fed'u fud'ad'a; anini sheefti tiyya qalqala keesaa baase worra balleesa. Atini bubbe bubbifte, galaani worra liqimse worri aka sibiila bisaani guddo lit'e. Ee AABBO Waaqa, Waaqi d'ibiini aka kanke jiru eenu? Eenuti aka kanke qulqullooma gudda qaba? Eenuti waan mamatiifi huji jabdu aka kanke dandae tolcha? Atini harka kanke mirgicha dirirfannaani lafti nyaapa keenna liqimsite. Jaalala tante guddooni atini worra ati baafte dura deemte; irre teetiini worra qorqoratte lafa tante qulqullooni d'ufte. Gochiti waan suni d'ageete jennaani naate hollatte; worri Filisti aka hama mudame. Worri gugurdaani Edomuleeni imudame; worri gugurdaani Moabuleeni hollate; worri Kanaanileeni nahe waan tahu wollaale. Sodaafi mudamsuuni worra qabati. Worri jabeenna kanke arge aka d'akha ch'allise, haga gumiini tante ch'ufti dabartuti: gosa atini tissuma keesaa baafte, ee AABBO Waaqa. Atini worra armaani d'ufte gaara kanke ira qubsiifte, fulla atini, ee AABBO Waaqa, mana keeti fohatte mana kanke qulqullo atini jaaratte. AABBO Waaqa, atini haga jiru jireennale lafa mohatta. Farda Faraotiifi gaarifi yaabatuuni fardaa galaana duudani jennaani AABBO Waaqi bisaani galaana suni worra Farao ira deebise; ammo worri Israeli lafa goddu ira galaana taake. Jennaani Miriamuuni, oboleetiini Haruni, ta raaga, dibbe fuute, nad'eeni d'ibileeni gabaate dibbele guuratte isi gula yaate sirbite. Miriamuuni sirba kana worraa sirbite: AABBO Waaqa faarsa, waan inni nyaapa ufii dabsateefi; inni yayu fardafi yaabatu isaale galaanati jisse. Jennaani Musani gumi Israeli galaana Diima keesaa lafa aloo ta Shuriti geese. Guyya sadi bisaani male lafa aloo keesa godaanani. Eegi suni lafa toko ta Mara jed'ani gahani, ammo bisaani arti had'aa, d'ugu dad'abani; tanaafi lafa suniini Mara jed'ani. (Mara jechaani had'aa jecha.) Biyyiti Musati boote waan jetteeni, Maani d'unna? Musani bohe Waaqa kad'ate jennaani AABBO Waaqi mukha diqa toko isa garsiise; Musani mukha kaani bisaani keesa buuse, bisaani kaani miaani. Fulla suniti AABBO Waaqi, seera jaba worraa kenne, ammalle worra laalate waan jed'e, Yo isani AABBO Waaqa keesani d'ageetani waan inni fed'u guutani waan d'uga tolchitani seera isaa jabeesitani, anini d'ukuba worra Misiritiini d'ufe suni tokoleeni isani ingaargalchu. Wonti akanatiifi anini AABBO Waaqa, ka isani fayyisu. Eegee Elimu d'ufani, fulla dareera kud'ani lama ka bisaani qabuufi mukha qoone, torbatama; d'aatu bisaaniti qubatani. Gumiini Israeli guyya kud'ani shaneeso ka jia lameeso, eegi lafa Misiri keesaa baate, lafa Elimuti godaante lafa Sini, ta jiddu Elimutiifi Sinai jirtuuni baate. Gumiini Israeli lafa aloo keesati Musafi Haruni haalatte, waan jetteeni, Ato sila Waaqi lafa Misiri keesati nu hobaase, guddo ira nuu dansa! Gaafasi nu okote fooni bira teteenne qit'a quufati nyaanne. Ammo atini arti nu baafte lafa aloo tana keesati garaachaani nuu fit'a. AABBO Waaqi waan Musani jed'e, Anini amma sagale aka bokaya gubbaa isanii garrooba. Yo nami sagale suni guuratu, ha woma guyya toko ch'alla guuratu. Anini worra ilaalad'a, aka worri seera suni guutufi yokhaani inguunnele. Guyya jaeeso torbaani ch'ufa keesa ha waan kana maro lama guuratani galataniini. Duuba Musafi Harunini waan gumi Israelitini jed'ani, Galgala kana agartani, aka nami lafa Misiri keesaa isani baase AABBO Waaqa. Bori diirama guddinna AABBO Waaqaa inagartani; wonti akanatiifi inni yayu haalano teesani d'agaye. Nu qara eenu ka isani teetani nu haalattani? Jennaani Musani waan jed'e, Nami fooni galgala isanii kenne qit'a diirama haguma isani feetani isanii kennu AABBO Waaqa. Wonti akanatiifi inni yayu haalano teesani d'agaye. Isani yo haalattani nu inhaalanne, Waaqa haalattani. Musani waan Harunini jed'e, Waan gumi Israelitini jettu, AABBO Waaqa dura koota, inni ya haalano teesani d'agaye. Akuma Harunini worra Israelitini dubbateeni, worri ch'ufti fuula gara lafa aloo deefate guddinna AABBO Waaqa dumansa keesati arge. AABBO Waaqi waan Musani jed'e, Anini haalano gosa Israeli ya d'agaye. Duuba waan jettuuni, Galgale fooni nyaattani, bori diirama qit'a haga feetani nyaatani, akasiini aka anini AABBO Waaqa, Waaqa worraa, beekhani. Galgala suni simpirreeni didiqooni toko alaa baafatte olla suni ch'ufa guutte, diiramale lafti ch'ufti fit'eesofte. Fit'eesi bue jennaani wonti hahapitiini baballooni aka sapupa lafati hafte. Worri Israeli waan suni arge jennaani waan woliini jed'e, Isii, wonti kuni maani? Musani waan jed'eeni, Kunini qit'a AABBO Waaqi nyaattaa isanii kenne. Wonti Waaqi mure tana: nami ch'ufti ha haga ufi nyaachu dandau guuratu, nami ch'ufti aka nama qabu gula ha waan aka dadu toko fud'atu. Worri Israeli akasuma tolche, ammo hagi toko haga jed'aniini kaani dabarse, hagi tokoleeni hanqise. Ammo worri waan aka dadu suniini safare jennaani nami nama ch'ufa ira guurate woma inqabu arge, ammo ka diqo guurate guddo qaba arge. Nami ch'ufti haguma nyaachu dandau guurate. Musani waan worraani jed'e, Nami tokoleeni waan kana diiramaani ingahiini. Ammo nami hagi gari waan Musani jed'eeni d'agayu dide sagale olkeyate. Yo lafti barrite sagale taani shamte raamo ch'alla taate. Duuba wonti kunini guddo Musa dallansiifte. Diirama ch'ufa nami ch'ufti haguma fed'e wolti guurate, ammo wonti worra ira hafe kaani aduuni baanaani bat'e. Guyya jaeeso ka torbaani suni worri maro lama waan aka dadu kaani namu sagale guute fud'ate. Jaaroleeni Israeli taani gara Musa d'at'e waan tahe ch'ufa iti himte. Inni waan jed'eeni, Sunini waan qara AABBO Waaqi, Tolfad'a jed'e. Bori guyya oolma qulqullo, ka Sabato AABBO Waaqa. Arra waan feetani d'aabad'a nyaad'a, waan iraa hafe bori olkeyad'e. Akuma Musani jed'eeni worri waan hafe bori olkeyate, duuba inshamnele yokhaani raamooni inseene. Musani waan jed'e, Arra nyaad'a, wonti akanatiifi arriti guyya Sabato AABBO Waaqaati. Arra waan nyaatani suni tokole alati ingartani. Guyya jaa namu guurad'a, ammo guyyaani torbeeso Sabato, guyya suni tokole inargattani. Ammo nami gari guyya torbeeso sagale guurachu d'aqe jennaani woma d'abani. Jennaani AABBO Waaqi waan Musani jed'e, Isani worri Israeli akami yo ch'ufa jecha kiyyafi seera kiyya diddani? Waan kana beekhu maltani: waan AABBO Waaqi guyya Sabato isanii kenneefi, guyya jaeeso isani sagale guyya lama guurattani, nami guyya suni mana ufii keesaa bahu himmalle, worruma oola. Duuba biyyiti guyya torbeeso huji inhojanne boqote. Worri Israeli sagale suniini Manna jed'eeni. Sagaleeni suni adaadi aka misinga, ta aka keki dammaani d'aabani miooftu. Musani waan jed'e, Seeri AABBO Waaqi jed'e kana: dadu toko safara, jabeesa olkaya, aka ilmaani teesanileeni haga jirtu sagale anini lafa alooti isani nyaachise gartu, gaafa anini lafa Misiri keesaa isani baase. Jennaani Musani waan Harunini jed'e, Eele faara fuud'i, sagale Manna jed'ani t'aasa lama dadu tokoti naqi, fuula AABBO Waaqa dura kayi, aka ilmaani teenna taka tana argitu. Akuma AABBO Waaqi Musani jed'e Harunini fuud'e Sanduqa Wold'aqisa dura kaye, aka isiini haguma jirtu artuma teetu. Duuba worri Israeli ganna afurtama haga lafa Kanaani ta iti godaanani ingahiini sagale Manna jed'ani suni nyaatani. Worri sagale Manna jed'ani suni haga lafa Kanaaniti bahaniti nyaate. (Bara suni waan bitatani keesa henni t'aasa diddama d'ebbe toko.) Gumiini Israeli ch'ufti lafa aloo ta Siniiti kaate, akuma AABBO Waaqi jed'e gula Refidimu qubate; ammo artiti bisaani d'uganile d'abani. Jennaani worri Musati bohe waan jed'eeni, Bisaani d'ugani nuu kenni. Musani waan jed'eeni, Isani maafi gungumtani? Isani maafi Waaqa ilaalattani? Ammo worri Israeli aka hama d'eebonnaani gungumsu lakisu dide waan Musani jed'e, Atini maalifi lafa Misiri keesaa nu baafte ijoolle teennafi hori keennale d'eebuuni hobaafte? Jennaani Musani AABBO Waaqaati bohe waan jed'eeni, Anini worra kana maal tolcha? Worri ya d'akhaani na had'e na ijeesu gahe. Duuba AABBO Waaqi waan Musani jed'e, Jaarole Israeli ta gari fuud'i, biyya dura dabri. Ule galaana Niletini d'oofte taanile fuud'i deemiini. Anini achiti d'akha gaara Sinai ira tau ira eje isani eega; duuba atini d'akha suni d'ai, bisaaniti keesa baha, bisaani suni ha biyyiti d'uduti. Duuba Musani ila jaarole Israeli durati waan suni tolche. Fulla suni maqa Masafi Meriba baaseefi; wonti akanatiifi worri Israeli Musa d'ugefachu dide AABBO Waaqa ilaalate waan jed'e, Isii, AABBO Waaqi jiddu teenna jira mo injiru? Worri gosa Amaleki Refidimuti d'ufe worra Israeli had'e. Jennaani Musani waan Yoshuaani jed'e, Nama si woliini yae gosa Amaleki had'u nu fohi. Anini bori fiit'e gaaraa ira eje ule Waaqi, Fud'ad'i naani jed'e taani harkaa qabad'a. Duuba Yoshuaani akuma Musani jed'eeni kaani tahe gosa Amaleki had'e, ka Musafi Harunifi Huriini fiit'e gaara ejaanjani. Hojja Musani harka olqabatu ch'ufa, worri Israeli worra Amaleki dabsate, ammo yo inni harka gadeefatu ch'ufa worra Amalekiti ka Israeli dabsate. Ammo Musani dad'abe harki iraa bue jennaani Harunifi Huriini d'akha fuud'anifi, inni ira tae. Duuba worri lachu gama gama isaa eje harka isaa olqabe, haga aduuni d'iituti. Akanaani Yoshuaani worra Amaleki dabsate naasu male hobaase. Jennaani AABBO Waaqi waan Musani jed'e, Waan woraani kana ch'ufa aka indeenne kitaaba keesa t'aafi Yoshuati soomi: anini gosa Amaleki ch'ufa imfit'a, aka iti deebiani maqa worraa lafa tana irati inqaabanne. Musani fulla sorio iti qalani Waaqaa jaare maqa Yehova-Nisi baaseefi. Yehova-Nisi jechuuni AABBO Waaqi bandera kiyya jechu. Ammalle Musani waan jed'e, AABBO Waaqi ya kakhate, aka d'aloota Amaleki akuma inni woli gula d'alatuni ch'ufa woraana iti buusu. Yethrooni, qaalluuni Midiani, ka sodda Musaa, waan Waaqi Musafi worra Israeli tolche lafa Misirile keesaa baase d'agaye. Duuba Yethrooni, soddaani Musa, intala isaa Zipora, ta Musani eegi fuud'e ufi jala galchefi ilmaani isii lamaani ta d'iirale itiini d'ufe. Maqaani ijoolle suni Gershomufi Eliezeri. (Musani qara waan jed'e, Anini keessuma lafa biyya ke teetu; tanaafi inni gurba toko maqa Gershomu baaseefi. Inni ammalle, Waaqa abba kiyyati na qarqaare ijeecha sila hayyuuni Misiri na ijeesu jalaa na baase jed'e; tanaafi gurba lameeso maqa Eliezeri baaseefi.) Soddaani Musa Yethrooni ilmaani Musatiifi niiti isaale lafa aloo, fulla gaara Waaqaa, ta Musani iti qubateti, isatini d'ufe. Jennaani nami toko waan Musani jed'e, Laali, sodda kanke Yethrofi niiti teetifi ijoolleeni tantetileeni d'ufu jirani. Duuba Musani sodda isaa fuula keesa deeme iti jige d'ungate odu iraa fuud'e gara waaro isaa geese. Jennaani Musani waan Waaqi maro Israelitiifi worra Misiritiifi Farao tolche ammalle gaargala karaati worrati d'ufe Waaqi keesaa baasele sodda isaati haasae. Yethrooni waan dansa Waaqi worra Israeliti tolche d'ageennaani gammade, waan jed'e, AABBO Waaqa ka harka Faraotiifi worra Misiri keesaa isani baase ha faarsani. Anini amma imbeekha, aka AABBO Waaqi waaqoota ch'ufa ira gudda; wonti akanatiifi inni yayu gumi Israeli harka gosa Misiri, ta worra tufate dabsate, keesaa baase. Duuba soddaani Musa Yethrooni, hori sorio gubani baasanifi sorio d'ibile Waaqaa baase; Harunifi jaaroleeni Israeli ch'ufti d'ufte sagale sorio ta soddaani Musaa baase suni Waaqa durati nyaatani. Boriyya diirama Musani jiddu biyya tae haga diirama jala qabate haga aduuni d'iituti dubbi qore. Soddaani isaa waan inni tahe kana ch'ufa arge jennaani waan jed'eeni, Wonti atini teete biyya tolchitu kuni maani? Ati maafi waan kana ch'ufa ufumaa tolchita, ka biyyiti haga diirama siti d'ufte haga galgala si bira ch'iifte si gaargalchitu? Musani waan jed'eeni, Wonti akanatiifi biyyiti waan Waaqa naraa barachu d'ufte. Yo nami lama ka wold'abe nati d'ufe, anini ka d'araatiifi ka d'uga, aka Seeri Waaqaa jiru, gula gargari baasa. Jennaani Yethrooni waan jed'e, Wonti atini tolchuu jirtu kunini qajeelaniti. Atini ufumaani ufi dad'absiifte worra kanale dad'absiifta. Wonti atini kobaa tolchitu kunini guddo sii d'iba. Me, amma mala sii d'aa, dubbi tiyya ch'aqasi, ammalle Waaqi ha si woliini jiraatu! Ati gumi Waaqaa dura eji, d'iba worra iti himiifi. Atini aada Waaqatifi seera Waaqaa barsiisi, ammalle aka gula deemani barsiisi. Ammalle nama jajaba atini abdatu, ka Waaqa sodaatu, ka d'uga beekhu, ka ammalle gumbo imfud'anne fili, mata gumi kuma yokhaani d'ibba yokhaani shantama yokhaani kud'ani tolchi. Worri ha yo ch'ufa waan nami irati wold'abe qore dubbi dandaani hobaasani buufate, ta dad'abe sitiini d'ufu, aka akanaani hujiini sii sablatte hafuura baafattu. Yo atini akuma Waaqi jed'e waan kana tolchite, hujiini sunini si indabsattu ammalle biyya tana ch'ufa wollaala worraa qorte murte, worri gammadaani si biraa gala. Duuba Musani gorsa sodda isaa d'agaye waan inni jed'e ch'ufa tolche. Musani nama inni abdate jajaba worra Israeli keesaa file, mata nama kuma toko taanaani, nama d'ibba toko taanaani, nama shantama taanaani, nama kud'anile taanaani tolche. Duuba worri sunini maro ch'ufa biyyaa dubbi ilaale, ammo dubbi jajabdu Musati lakise, dubbi didiqo d'ibi worrumaani fit'e. Musani sodda isaa Nagayaati jed'eeni gad'iise, jennaani soddaani isa kae lafa ufiiti gale. Guyya qara ka jia sadeeso, eegi worri Israeli lafa Misiri keesaa bahe, worri lafa aloo ta Sinai qubate. Worri Refidimu kae lafa aloo ta Sinaitiini baanaani achiti gaara jalati qubate. Duuba Musani gaara kore Waaqa argu d'aqe. Achiti AABBO Waaqi isaani dubbate waan jed'eeni, Waan atini worra Yakobo ka gosa Israelitini jettu, Isani yayu waan anini worra Misiri tolche agartani; ammalle aka anini aka qore worra dura isani bute worra duraa isani fuud'e ufitiini isani d'ufe. Amma waan kanafi hojja isani qonqo tiyya d'ageetani wold'aqisa kiyya guuttani, isani nama kiyya ka nati aanu taatani, nama lafa tana keesa jiru ch'ufa ira, ato lafti ch'ufti tiyyale taate. Isani gumi qaaloleetifi gosa qulqullo naa taatani. Jennaani Musani deeme jaarole worra ch'ufa yaame dubbi AABBO Waaqi jed'eeni ch'ufa iti haasae. Worri ch'ufti woligale waan jed'e, Waan AABBO Waaqi jed'e ch'ufa intolchina. Duuba Musani qonqo worraa ch'ufa AABBO Waaqati deebise. Ammalle AABBO Waaqi waan Musani jed'e, Anini baldo dumansaa keesa siti d'ufa, aka biyyiti aka anini siini dubbad'u d'ageete haga jiru jireennale si d'ugeefattu. Musani dubbi worra suni AABBO Waaqaati hime ammalle AABBO Waaqi waan Musani jed'e, Beeni, gara biyya d'aqi waan jettuuni, Arrafi bori ufi qulqulleesa, woya miich'ad'a. Duuba iftani kurfo taha; wonti akanatiifi guyya suni, ka nami ch'ufti argu, anini gaara Sinai gubbaa d'ufa. Gaara suni woini marsi, seera kayi, waan biyyaani jettu, Ufi eegad'a, gaara iyyaabatiina, hunda gaarale iti ind'iaatiina. Nama tokole ka gaarati d'iaate inijeesani. Waan seera suni dabre gaara t'uqe, nama taanaani, hori taanaani, ka harkaani inqabanne gamati d'akhaani yokhaani t'iyaani ijeesani. Ammo yo magalata d'aani, nami ha gaarati d'iaatu. Duuba Musani gaara ira gadibue waan biyyaani jed'e, Ufi qulqulleesa; duuba biyyiti woya miich'atte. Jennaani inni waan jed'eeni, Guyya sadi kurfefad'a, nad'eeni eegad'a, iti ind'iaatiina. Diirama guyya sadeeso baldooni dumansaa gaara ira mullatte, angaasu argani, mandisule d'agayani, ammalle magalata lalabani d'aani. Nami olla suni keesa jiru ch'ufti nahe hollate. Musani nama ch'ufa worra keesaa yaame gara Waaqa geese. Duuba worri golba gaara Sinai ejaanje. Aari gaara suni duuche, wonti akanatiifi AABBO Waaqi ibida keesa gaara suniti d'ufe, aari sunini aka aara boola faara iti gubani olbahe; jennaani gaari sunini aka jaba chochoe. Ammalle akuma qonqooni magalata guddattuuni, Musani dubbate, Waaqi mandisuuni jalaa qabe. AABBO Waaqi fiit'e gaara Sinai gubbaa d'ufe Musa yaame, Musani iti olkore. Jennaani AABBO Waaqi waan Musani jed'e, Beeni, gabui, biyya gorsi, aka worri seera taake na laaliti ind'umne; yo worri seera kana ch'abse, nami hedduuni daara d'aba. Qaaloleeni ta nati d'iaachu feetu ha ufi qulqulleesitu, yokhaani anini worrale imballeesa. Musani waan AABBO Waaqaani jed'e, Biyyiti dandeete gaara Sinaiti gadind'uftu, wonti akanatiifi atini yayu seera baafte, gaara woini marsa, seera kaya, iti olinkoriina, woyyoomsa nuuni jette. AABBO Waaqi waan jed'eeni, Beeni, amma gabui, Haruni woliini koota; ammo qaaloleefi worri kaani d'ibiini fulla seera suni nati gadintaakiini; yo worri taake, inhobaasa. Duuba Musani gaara ira gabue waan AABBO Waaqi jed'eeni kaani ch'ufa worrati hime. Waaqi dubbi tana dubbate waan jed'e: Anini AABBO Waaqa kanketi, ka lafa Misiri fulla atini tisse iti tate keesaa si baase. Na male, waaqoota d'ibi inkad'atiini. Akheekha waan tokole, ka lafafi gubbafi bisaani lafa jala jirale boch'ite imid'aafatiini. Waan boch'ani mid'aasani kana tokole dura gajette inkad'atiini; wonti akanatiifi anini, AABBO Waaqi kanke, waan d'ibi na biraani kad'atani inoobsu. Anini ammalle nama jibbuufi d'aloota worraa ka sadeesotiifi ka afreesole gaargala itiini d'ufa. Ammo anini d'aloota kunki kunki ka na jaalate seera kiyya guutu jaalad'e nahaafi. Maqa kiyya ufumaa ind'aini, wonti akanatiifi anini, AABBO Waaqi kanke, nama ufumaa maqa kiyya d'au wollaala iti mura. Guyya Sabato qaabad'u, qulqullo tolfad'u. Guyya jaa huji tante ch'ufa hojad'u, ammo guyyaani torbeeso guyya Sabato ka AABBO Waaqa kanketiti. Guyya suni huji tokole inhojatiini, si taanaani, ijoolle tante taanaani, tissele tante taanaani, hori kanke taanaani, yokhaani keessuma tantele taanaani; guyya suni ooli. Wonti akanatiifi AABBO Waaqi guyya jaa keesati gubba, lafa, galaanafi waan keesa jirale ch'ufa mid'aase, guyya torbeeso hafuura baafate. Tanaafi AABBO Waaqi Sabato eebise qulqullo tolche. Abbeetiifi haateti saalfad'i, aka lafa AABBO Waaqi sii kenne keesati lubbuuni tante d'eerattu. Nama inijeesiini. D'iirafi nad'eeni wolbaratte gaarayule woli intolfatini. Woma inhatiini. Nama tokole yakite waan d'araatiini inhimatini. Waan nami d'ibiini qabu, mana isaa taanaani, niiti isaa taanaani, tisse isaa taanaani, looni isaa taanaani, yokhaani harrele, waan inni qabufu, tokole ind'arainiifi. Duuba nami ch'ufti mandisufi angaasufi qonqo magalatatiifi aara gaara keesaa kau arginaani sodaate hollate, gaara ira fago ejaanjani waan Musani jed'ani, Atini nuuni dubbad'i, nu si ch'aqamna, ammo Waaqi ch'allaani nuuni indubbatiini; yo inni nuuni dubbate nu inhobaana. Jennaani Musani waan biyyaani jed'e, Insodaatina; wonti akanatiifi Waaqi isani laalu d'ufe, aka isani isa sodaatani ch'ubbu intolchine. Duuba biyyiti fago ejaanjite, ammo Musani dukana sipe taani fulla Waaqi jiruti deeme. AABBO Waaqi waan Musani jed'e, Waan atini worra Israelitini jettu, Isani yayu gartani, aka anini gubbaa isaniini dubbad'e. Isani waaqoota d'ibi ka qarsi yokhaani worqiini mid'aasani anani wolti qabdani inkad'atiina. Fulla sorio iti qalani biyyeeni naa mid'aasa, ammalle artiti sorio hoolatiifi ta looni gubaa na baasa, aka sorio wold'ageeti taatu; fulla anini fohad'e isani iti na kad'attani ch'ufa anini d'ufe isani eebisa. Yo isani waan sorio irati baasani d'akhaani naa mid'aasitani, d'akha boch'aniini imid'asiina; wonti akanatiifi yo isani d'akha hoot'ani, ya waan naa himmalliini tolchitani. Waan sorio irati baasani suni, faano gula olkorani iti intolchina; wonti akanatiifi yo isani gula olkortani, qullati isani mullata. Seeri atini worra Israeliti himtu kana: Yo isani nama Ebrania bitattani tisse tolfattani, inni ha haga ganna jaa tisse isanii tahu; ammo ganna torbeeso gad'iisa, inni ka waan tokole imbaamne ha isani biraa deemu. Yo inni gaafa d'ufe niiti male d'ufe, gaafa deemule ha niiti male deemu, ammo yo inni niitiini d'ufe, gaafa deemu ha niiti isaa fud'ate deemuuni. Yo nami inni hojatufi nad'eeni fuusise, niitiini suni ilmaani d'alteefile, nad'eenifi ijoolleeni ta abba fuusise suni; tanaafi tissichi suni ha kobuma deemu. Ammo yo tissichi, Abba kiyyafi niiti tiyyafi ijoolle tiyya injaalad'a biraa deemu imfed'u jed'e, abbaani isaa ha fuud'e fulla Waaqa iti kad'atani geese, mikhikila balbalati hirkachiise gurra isaa toko uru, aka inni haga jiru ch'ufa tisse isaa tahu. Yo nami intala isaa aka tisse gurgure, isi aka tisse d'iira gad'iisu himmalle. Yo nami isi bite suni qara fuud'u fed'e ammo eege isi jibbe, nami suni ha abba isi d'aleti gurguru; nami suni isii dandae nama gosa d'ibiti ingurguru, wonti akanatiifi inni ya qara waan hamtu isi tolche. Yo nami tisse uwa bitate ilma ufii fuusise, ha akuma intala ufi d'ale tolfatu. Yo nami nad'eeni lameeso fuud'ele, niitiini qara ha waan ch'ufa, sagaleefi gaad'ale, akuma duri argattu. Yo inni waan kana intolchiinifi inni ka worra isii woma iraa imfud'anne gad'iisuti. Nama nama d'ae ijeese, isale ha ijeesani. Ammo yo ijeechaani danu taate, ha lafa anini fohufiti baqatu, duuba achiti imbaha. Nama dallansuuni beekhaa nama ijeese, ha isale ijeesani, ato inni fulla sorio iti na baasanile d'eete. Nama abbaafi haad'a d'aane ha ijeesani. Nama nama gurguracha yokhaani tisse tolfacha jed'e hate ha ijeesani. Nama abbaafi haad'a arabse ha ijeesani. Yo nami woldide toko d'akhaani yokhaani harkaani d'ae ka inijeesiini wa tolche, nama isa akana tolche suni woma intolchina. Ammo yo nami d'aani suni ch'iise; eege ule d'ad'aabate deeme, nami isa d'ae suni ha buula kaye haga inni fayyuti qorqoratu. Yo nami tissicha yokhaani tissiti isaa uleeni d'aane ijeese isale ha wo tolchani. Ammo yo tisseeni suni guyya toko lamati induiini, abba suni woma intolchani; wonti akanatiifi tisseeni suni hori isaati. Yo nami d'iira woldide dida suni keesa niiti garaacha qabdu d'aani garaacha iraa baasani, ka ammo isiini waan d'ibi intahiini, nami isi d'ae suni ha waan d'iirsi isii fed'u baasuti, akuma jaarsi buufatu gula. Ammo yo niitiini suni wo taate, nama suni ha seera nama nama ijeese iti murani isale ijeesani, ka ila nama basse isale ha bassani, ka ilkaani nama keesaa baase isale ha keesaa baasani, ka harka nama iraa kute isale ha iraa kutani, ka miila nama iraa kute isale ha iraa kutani, ka nama gube isale ha gubani, ka nama madeesu isale ha madeesani, ka nama dirmameesu isale ha dirmameesani, seera akasi jed'ani suni gula wo iti murani. Yo nami tissiti isaa yokhaani tissicha isaa d'ae ila basse, nami suni ila inni basse suni jed'e ha tisse suni gad'iisu. Yo inni tissiti isaa yokhaani tissicha isaa d'ae ilkaani buqise, ha ilkaani inni buqise suni jed'e tisse suni gad'iisu. Yo kormi looni gaafaani d'ae nama ijeese, isale ha d'akhaani ijeesani, fooni isale nami inyaatini, ammo abba woma iti imurani. Ammo yo kormi suni qara nama nyaate abbaaleti himatani abbaani nama iraa d'owu dide, you inni eegi suni nyaate nama ijeese, isaafi abbaale ha ijeesani. Ammo you aka lubbu ufii bitu abba suni hori iti murani, ha waan iti murani suni ch'ufa baasu. Yo kormi ijoolle d'iiratifi ta dubrale ijeese, ha akuma seera qara kaani gula wo iti murani. Yo kormi tissiti yokhaani tissicha ijeese, abbaani korma suni ha qarsi sodoma abba tisseleeti baase kormale d'akhaani ha ijeesani. Yo nami waan afaani boola ira kayani iraa fuud'e yokhaani boola qote woma afaani ira kayuu baate, ka duuba looni yokhaani harreeni ke buute, nami suni beese hori suni ha baasu. Inni ha beese abbaa kenne reefa hori suni fud'atu. Yo kormi nama toko korma nama d'ibi ijeese, worri suni lamaani ha korma korma ijeese kaani gurgure beese gargari qoodatu; ammalle fooni korma duele ha gargari qoodatu. Ammo yo qara kormi suni aka inni nama nyaatu beekhani, ka abbaani d'owe iti inch'ufatiini, abbaani suni ha namicha kaani korma d'ibi fulla kennu, ammo yo fed'e ha korma ijeesani kaani fud'atuti. Yo nami looni yokhaani hoola hate qalate yokhaani gurgurate, ha looni shani abba looni toko ira hate baasu, ammalle ka hoola toko ira hate ha hooliye afuri baasuti. Yo nami hori isaa oobru ufii ta zabibu keesati lakise, duuba yo horini suni bade oobru zabibu ta nama d'ibi ta bahu jirtu d'aqe nyaate, inni ha waan dadansa oobruuni isaa baafte, zabibule taanaani, ha waan namicha kaani baasu. Yo nami oobru isaa keesati ibida bobeese yokhaani huura gube, ka ibidi suni duuba d'aqe mid'aani nama d'ibi ka bahu jiru yokhaani ka tuulani gube, nami qaraa fiit'e ibida suni bobeese ha waan ibidi gube ch'ufa baasu. Yo nami nama d'ibi beese yokhaani hori olkaye, ka duuba waan suni harka isaati hatani, nami hate suni yo qabani hori haga inni hate suni ha maro lama baasu. Ammo yo hattu suni inqabini, nama waan suni harka isaati hatani ha fulla Waaqa iti kad'ataniini d'ufani, aka inni hori nama suni inhatiini kakhachiisani. Dubbi falama keesa, ta looni taanaani, ta harre taanaani, ta hooliye taanaani, ta woya taanaani, yokhaani ta waan d'ibile taanaani, worra lamaani wolfalme suni ha fulla Waaqa iti kad'ataniini d'ufani. Nami Waaqi wollaala iti mure ha waan falme suni maro lama nama falmeeni kaani baasu. Yo nami hori nama d'ibi, looni taanaani, hooliye taanaani, waanuma taatefu fuud'eefi, duuba horiini suni harka isaa keesati due yokhaani madae yokhaani hattuuni faani harka isaati fud'ate, ka ammo nami waan kanati d'uga injirre, nami suni ha fulla Waaqa iti kad'atani d'aqe kakhatu, aka hori nama suni inni inhatiini. Yo hori suni inni inhatiini, abbaani horiini suni iraa due ha jibbaatu, aka woma imbaamneefi. Ammo yo horiini suni ka hatani taate, nami suni ha abbaa wo baasu. Yo ammo hori suni bineensi nyaate, nami sunini ha reefaani d'ufu, aka d'uga garsiisu; inni hori bineensi nyaate jed'e gati baasu himmalle. Yo nami nama d'ibi iraa hori dabarre fud'ate, duuba horiini sunini madae yokhaani due, nami suni ha abba suni wo baasu. Ammo yo wonti suni ka abbaani arti jiru taate, nami suni waan wo baasufi inqabu. Yo horiini suni hori kirefatani taate, waan inni yake ha beese sila abbaa baasani keesaa kutani. Yo nami intala dubra ta kad'a inqamne hawadate, inni ha qarata baase fuud'uti. Ammo yo abbaani isii aka inni isi fuud'u dide, namichi ha abba intalaati beese haga qarata dubraa baasufi. Nad'eeni waan falfala tolchitu ch'ufa ha fit'ani. Nama horiiti jaalatele ijeesa. Nama ana AABBO Waaqa male, waaqa d'ibi sorio baasu, ijeesa. Nama gosa d'ibi iti ch'ubbamtani indabsina; qaabad'a, aka isanileeni lafa Misirileti keessuma taatani. Haad'a hiyeesatiifi hiyyeeyile ingaargalchina. Yo isani gaargalchitani, anini, AABBO Waaqi, yo worri qarqaarsa nati bohe ind'agayaafi; ammalle anini guddo dallane lola keesati harka kiyyaani isani balleese, nad'eeni teesanileeni haad'a hiyyeesaa taate ilmaani teesanileeni hiyyeeyi taati. Yo isani hiyyeesa kiyya beese liqeesitani, aka nama nama beese liqeesu ufi tolchitani, beese liqeesitani taani male tirfi womatu ira imfed'atiina. Yo isani woya namaa aka qabdo iraa fuutani, ato aduuni ind'iini, deebisaafi; wonti akanatiifi wonti inni nafa qabu woya suni ch'alla; maani uyifate maanini rafa? Yo inni qarqaarsa na kad'ate, anini ind'agayaafi, wonti akanatiifi anini naaso, namaa naha. Waaqa inabaariina, ammalle nama gosa teesani fidule hamtu isaa indubbatiina. Mid'aanifi daad'i teesani keesaa sorio naa baasa; ammalle ilmaani teesani ta d'iira ta angafa naa kenna. Loonifi reele waan qara d'alate eegi isiini guyya torba haad'a jala bulte, guyya saddeeteeso naa kenna. Isani nama kiyya, tanaafi hori bineensi alati ijeese inyaatina, saree kenna. Waan d'ara indubbatiina, nama d'ara dubbatule d'uga intahiinaafi. Gumi waan hamtu tolchitu gula indeemina, yokhaani gumi d'ara gula yaatu gula baatani d'uga ind'ossina. Nama hiyyeesale fulla qorsumati d'ara ind'ugesiina. Yo sanga yokhaani harre nyaapa keesani ta badi deemtu agartani deebisaafi. Yo harre nyaapa keesani ta mihaani jidde agartani, olkaasu indidina, qarqaara. Qorsuma dubbi keesati hiyyeesa indabsina. Nama dubbi d'araatiini inimatina, ammalle nama d'ugaa qajeela inijeesiina; wonti akanatiifi anini nama waan hamtu tolche imbaasu. Gumbo imfud'atiina, wonti akanatiifi gumbooni nama guddinna qabu ila duuchite nama d'ugaa qabu dubbi duraa balleesiti. Keessuma indabsina; d'iba keessumaa imbeetani, wonti akanatiifi isanileeni lafa Misiriti ya keessuma taatani. Ganna jaa keesa lafa teesani fach'aafattani ammalle waan isiini baaftu murattani. Ammo ganna torbeeso woma iti infach'aasina, ha bultuti, waan keesaa baha ch'ufa ha hiyyeesafi bineensi alaa nyaatu. Ammalle oobru zabibutiifi ta ejersa akasuma tolcha. Guyya jaa huji teesani tolfad'a, ammo guyya torbeeso boqod'a, aka loonifi harreeni teesanileeni boqotte, tisse teesanifi keessumaani teesanileeni boqottu. Waan ch'ufa ka anini, AABBO Waaqi, jed'e ch'aqasa, waaqoota d'ibi tokole inkad'atiina, maqa isaanile ind'aiina. Ganna keesa jila sadi naa tolcha. Jia Abibu, jia isani lafa Misiri keesaa baatani, jila Qit'a bukho inqamne akuma anini qara isaniini jed'e naa tolcha. Qit'a bukho qabu guyya torba ka jila tana inyaatina. Nami tokoleeni harka duwa na dura ind'ufini. Yo mid'aani qara oobrani murattani, jila tolfad'a ammalle gaafa wogaani geete, ka mid'aani tuultani galfattani jila Hoosa tolfad'a. Ganna keesa maro sadi d'iirti teesani ha AABBO Waaqa dura d'uftu. Yo sorio qaltani naa baaftani qit'a bukho qabu na imbaasina. D'ad'a hori jila naa qaltani lafti iti imbariini. Ganna ch'ufa Mana AABBO Waaqa keesani mid'aani qara murattani kootaani. Ilmoole haad'a hootu na ind'aabiina. Ilaala, anini malaika isanii erga, ta isani tissite isani geesite fulla anini isanii mid'aaseeni isani d'uftu. Aka dansaa ch'aqasa, waan isiini jette ch'ufa guuta. Isi jala indidina, wonti akanatiifi anati isi erge, isiini nama isi didu tokole inaraaramtuufi. Ammo hojja isani isi d'ageetani waan isiini jette ch'ufa tolchitani, anini nyaapa keesani ch'ufa isani iraa d'owa. Duuba malaikaani tiyya isani dura deemte lafa Amori, ta Hiti, ta Perizi, ta Kanaani, ta Hivi ammalle ta Yebusi isani geesiti, ammo anini gosa suni ch'ufa imballeesa. Waaqoota worraa durati jilbifattani inkad'atiina, ammalle aada worrale gula iyyaiina. Waaqoota worraa ka old'aabani sule ch'ach'absa balleesa. Duuba hojja isani naa, AABBO Waaqa, Waaqa keesani kad'attani, anini isani eebise sagaleefi bisaani isanii kenne fayyad'aba keesanile isani fayyisa. Lafa teesani keesa nad'eeni garaachi iraa bahu, ta yokhaani ijoolle ind'alle injirtu. Anini lubbu isani d'eeresa. Anini nama isaniini morku ufi sodaachisa; nama isani had'ule ch'ufa wowollaalchiise nyaapa keesani ch'ufa garagalche baqachiisa. Anini nyaapa keesani ch'ufa rifachiise, worra Hiviti, worra Kanaaniti, worra Hitile, ato isani d'uftanu, isani duraa baqachiisa. Anini ganna toko keesati worra arti imbaasu, wonti akanatiifi lafti danqaroofte, bineensi ira dabre, hegeri isani gaargalcha. Anini diquma diqumaani isani dura worra baasa, haga isani hortani lafa suni fud'attaniti. Anini lafa teesani haga galaana Diima qabe galaana Efrati d'aabe ammalle haga galaana Filistiti fuud'e lafa alooti d'aaba. Duuba anini worra qara lafa suni ke jiru harka keesaniti kenne, akasiini isani lafa suni keesaa baaftani. Wold'aqisa tokole woliini intolfatina, waaqoota worraale inkad'atiina. Worri sunini lafa teesani keesa intaiini; wonti akanatiifi worri ch'ubbu isani barsiise duuba hegeri nati ch'ubbamtani. Yo isani waaqoota worraa kad'attani, ya t'urura hama keesa ufi buuftani. Jennaani AABBO Waaqi waan Musani jed'e, Sifi Haruni, Nadabu, Abihu ammalle jaarole Israeli nama torbatama woliini gaara gubbati nati koota; ammalle ato nara diqo fago jirtanu, gajed'a kad'ad'a. Si male nami tokoleeni nati gadi ind'iaatiini, biyyitileeni gaara olinkoriini. Musani deebie seerafi gorsa AABBO Waaqi jed'eeni ch'ufa worrati hime. Nami ch'ufti qonqo takaani jalaa qabe waan jed'e, Waan ch'ufa ka Waaqi jed'e intolchina. Musani dubbi AABBO Waaqi jed'eeni ch'ufa t'aafe. Boriyya diirame lafaa kae gaara jalati fulla sorio Waaqa iti qalani jaare, d'akha kud'ani lama aka gosa kud'ani lama ta Israeli gula old'ad'aabe. Jennaani inni nama kaima ka gosa Israeli erge, duuba worri sorio gubani baase ammalle looni qale sorio wold'ageeti AABBO Waaqaa baase. Musani d'iiga hori suni ka gari fuud'e qoriti naqe, ammalle ka hafe kaani fuud'e fulla Waaqa sorio iti qalaniti nanaqe. Jennaani inni kitaaba wold'aqisaa ka aada AABBO Waaqaa keesati t'aafani fuud'e qonqo olfud'ate biyyaa soome. Worri waan jed'e, Nu waan AABBO Waaqi jed'e guunne tolchina. Jennaani Musani d'iiga qori keesa jiru kaani fuud'e biyya irati fifit'e waan jed'e, Kunini d'iiga wold'aqisaa isani AABBO Waaqaani woliini tolfattani jabeesu, gaafa inni aada tana ch'ufa isanii kenne. Duuba Musa, Haruni, Nadabu, Abihu ammalle jaaroleeni torbatama ta Israeli gaara olkorani, artiti Waaqa Israeli argani. Miila isaa jalati waan ballo aka d'akha bule ch'uluqa jira, bule aka garaa Waaqaa, argani. Ammo Waaqi worra gugurda Israeli kana woma intolchine; worri Waaqa arge woliini wo nyaatani d'ugani. Duuba AABBO Waaqi waan Musani jed'e, Gaara gubbati nati kooti, ammo ato atini arma jirtu, anini d'akha lama hahafalicha, ka seera anini biyyaa jed'e baase irati t'aafe siti kenna. Musafi nami isa qarqaaru, ka Yoshua jed'ani, kurfefatani, duuba Musani, gaara qulqullo olkore. Musani waan jaaroleeni jed'e, Isani armumati nu eega, haga nu gaddachaanuti. Harunifi Huriini isani woliini jirani; duuba nami wold'abu ch'ufti ha worrati yau. Duuba Musani gaara olkore jennaani dumansi gaara suni duuche. Musani dumansa keesa gaara olkore guyya afurtamatiifi halkani afurtama achi tae. AABBO Waaqi waan Musani jed'e, Waan atini worra Israelitini jettu, Wo naa baasa; duuba waan nami fed'i ufii gula baasu ch'ufa iraa fuud'i. Wonti atini worra iraa fuud'uu malte tana: worqi, qarsi, sibiila diima; woya booftatiifi dabassa bule, bule diimtu, ammalle diimtu; woya rifeensa reetini mid'aasani; goga elemiye ka hallu dibani; goga d'iisani; mukha d'adacha; d'ad'a ifsetiifi fit'o d'ad'a muudati naqanifi ta aka qayya aarsani; d'akha ch'ululuqafi d'akhaye ch'ululut'u d'ibi, ta woya toko ta qaallichi guddaani keeyatufi ukha isaa ka qomati hod'ani. Biyyiti ha Waaro Woyyuma naa mid'aasitu, aka anini arti worra keesa tau. Waaro sunifi miha isii ch'ufa aka anini isani garsiisu gula mid'aasa. Sanduqa mukha d'adachatiini mid'aasa, ka d'eerinni isaa d'und'uma lamafi taaku toko, ballinni isaa d'und'uma tokofi taaku toko, old'eerinnileeni d'und'uma tokofi taaku toko. Alaafi garaa isaa keesale ch'ufa worqi qulqullitiini ch'ubusa duucha, ammalle gubba isaale ch'ufa worqiini marsa. Qube worqi afuri ta baataniini mid'aasa, miila isaa afraaniti gama lachu qube lama naqa. Kalcho mukha d'adacha ch'ira, nafa isii ch'ufa worqiini duucha. Duuba kalcho suni qube Sanduqa gama gama jirtuti naqa, aka Sanduqa suniini baatani. Kalchooni sunini ha qube Sanduqa suni keesa teetuti, nami keesaa imbaasini. Sanduqa suni keesa d'akha hahafalicha lamaani, ka anini sii kenne, keesa kayi. Qadaada worqi ch'alla mid'aasa, ka d'eerinni isaa d'und'uma lamafi taaku toko, ballinni isaaleeni d'und'uma tokofi taaku toko. Akheekha waan lubbu qabati ka koola, ka worqi tumani, lama mid'aasi, ka qadaada gubba gama gama ejaanju. Akheekhi waan koola ka lubbu qaba suni toko ha gama toko eju, kaani d'ibileeni ha gama kaani eju, qadaadafi waan koola suni ha worqi taka iraa mid'aasaniti. Wonti kuni lachu ha koola ballifte qadaada suni gaadiseesite fuula wolti deefatte qadaada ilaaltuti. Sanduqa suni keesa d'akha hahafalicha kaani kayi, iti qadaadi. Anini artiti d'ufe si arga, ammalle qadaada suni gubbaa, jiddu waan koola kaani lamaaniti, anini seera worra Israeli ch'ufa siti hima. Mesa mukha d'adachatiini mid'aasi, ka d'eerinni isaa d'und'uma lama, ballinni isaa d'und'uma toko, old'eerinni isaaleeni d'und'uma tokofi taaku toko. Nafa isaa ch'ufa worqi qulqullitiini duuchi, ammalle worqiini marsi. Mukha hafalicha, ka ballinni isaa haga gana harkaa, ka worqiini duuchani, marsiini. Qube afuri ta worqi mid'aasiifi, gaafa afraani mesa fulla miili ejaanjuti naqi. Qubeeni suni ta kalcho mesaani baatani keesa kayani mukha hafalicha mesaani marsani kaani d'aatu kayuu malani. Kalcho mukha d'adacha ka mesaani baatani nafa isii ch'ufa mullachu d'owi, worqiini duuchi. Sahani, muduunu, okholeefi d'ameela waan kana ch'ufa worqiini mid'aasi, aka daad'i Waaqaa baasani iti naqani. Ammalle hojja ch'ufa qit'a qulqullo mesa ira na dura kayi. Waan ifseeni ira ejitu worqi qulqullitiini mid'aasi. Jalafi nafa isii worqi tumaniini mid'aasi; daraara fulla daraaraani keesa baqafatufi kalacha isaale worqi takaa iraa tumi mid'aasi. Dameeni jaa, ta gama lachu sadi sadi, ha waan ifseeni suni ira ejitu iraa baatuti. Dameeni jaani sunini ch'ufti daraara woi sadi, ka kalachafi kalacha imbaqafatiini qabu, ha qabaatuti. Nafi waan ifseeni ira ejitu suni ha daraara woi afuri, ka kalachafi kalacha imbaqafatiini qabu, ha qabaatu. Kalachi imbaqafatiini toko ha dame lamaani wolti ejitu, sadeenu jala jiraatu. Kalacha imbaqafatiinifi dameefi waan ifseeni ira ejitu ch'ufa ha worqi taka iraa tumani mid'aasani. Waan ifseeni ira ejitu ifse torba mid'aasi, duuba ifse torbaani suni old'ad'aabi, aka isiini fuula durati ifsitu. Qad'abe isiitiifi daboola isii worqi qulqullitiini mid'aasi. Waan ifseeni ira ejitufi miha isii ch'ufa kilo worqi qulqulliti ta sodomi shanitiini mid'aasi. Waan kana ch'ufa akheekha gaara gubbaa anini si garsiise iraa ingorini, gula mid'aasi. Waaro Woyyuma golla kud'ani, ka woya boofta ta liilana bulefi bule diimafi diimaleeni d'aanini, mid'aasi. Akheekha waan lubbu qabati, ka koolatiini ch'okhi. Woya golla suni ch'ufa wolqit'eesi, ka d'eerinni isi d'und'uma diddami saddeeti, ballinnileeni d'und'uma afuri. Shani wolti hod'i, shani d'ibile wolti hod'i. Tarsaa woya bubule ta fanno iti mid'aasani afaani golla lamaani suni, gama alati hod'i. Tarsaa woya bubule ta aka fanno mid'aasani suni shantama golla qarati hod'i, ammalle shantama d'ibile ta akasi golla kaani d'ibiti hod'i. Ammalle worqi hohookiti shantama mid'aasi, aka golla lamaani wolti hookisani akasiini takaa tolchani. Waaro Woyyuma (Bahisa 26.1) Golla d'ibi, ka woya kud'ani toko, ta rifeensa laleesatiini mid'aasani mid'aasi Waaro suni golli. Woya kud'ani toko suni, ta d'eerinni isii d'und'uma sodoma, ballinni isiileeni d'und'uma afuri, wolqit'eesi mid'aasi. Shani wolti hod'i, jaani taanile wolti hod'i, ka jaeeso waaro fuula durati wolti dachaasi. Fanno shantama ta mid'aasani afaani golla eege ka alati hod'i, ammalle shantama d'ibile akasuma golla kaani d'ibileti hod'i. Sibiila diima shantama hohookicha mid'aasi, fanno suni iti hohookisi, aka golli takaa tahu. Gama golla toko ka kaani ira dabre, ha akasumati Waaro gama dudda duuba rarauti. D'und'uma tokocha, ka gama lamaani d'ed'eera kaani iraa hafe, ha gama lachu rarauti, aka Waaro moga lachuti gollu. Golla lama d'ibi, toko ka goga elemiye ka hallu diimtu qabu, kaani ka d'iisisani mid'aasi, aka golla kaani alaani iti gollaani. Utuba mukha d'adacha Waaro suni mid'aasi. D'eerinni utuba suni ch'ufti d'und'uma kud'ani, ballinni d'und'uma tokofi taaku toko. Utuba suni ch'ufa gama lachu fulla woltiini d'aabani mid'aasi. Utuba Waaro tana ch'ufa akasuma mid'aasi. Utuba diddama ka gama bitaa mid'aasi, ammalle waan utuba suni ira d'ad'aabani afurtama qarsiini mid'aasi, utuba ch'ufa lama lama jala d'aabi, aka isiini fulla utubaani suni woltiini eju jabeesitu. Utuba diddama ka gama mirga, ka waan suni, mid'aasi, ammalle akuma kaani waan utubaani suni ira d'ad'aabani afurtama qarsiini mid'aasi, utuba ch'ufa lama lama jala d'aabi. Waaro dudda duuba gama ila adu utuba jaa mid'aasi, ammalle utuba jaani suni utuba toko moga moga d'ad'aabi, aka moga lamaani taani wolti d'aabani, Utubaani moga lamaani kunini ha jalafi gubbale wolti d'aabani. Akasuma gama lachu ha tolchaniti. Duuba akanaani utubaani saddeeti tahe, ka kamu waan qarsiini mid'aasani ira d'ad'aabani lama lama qabu, ta wolti kud'ani jaa. Mukha d'adacha, ka utuba ira dadagalchani kud'ani shani Waaro gama toko mid'aasi, shani utuba moga toko ira dadagalchi, shanile utuba moga taani ira dadagalchi, ammalle shani d'ibile utuba moga ila adu jiru gama duubatiini ira dadagalchi. Mukha shanani utuba ira dadagalchani suni keesa ka jiddu ha Waaro gama kana eje gama kaaniti ejuti. Nafa utuba suni ch'ufa mullachu d'owi, worqiini duuchi, ammalle qube worqi iti naqi, aka mukha dadagalchani kaani keesa naqani; ammalle mukha sunile ch'ufa nafa isaa mullachu d'owi, worqiini duuchi. Waaro suni aka akheekha anini gaara gubbati si garsiise kaani gula old'aabi. Golla woya boofta, ka liilana bulefi bule diimafi ammalle diimani d'aani mid'aasi. Golla sunile akheekha waan lubbu qaba ka koolatiini barreesi ch'okhi. Duuba utuba d'adacha afuri ka nafa isaa ch'ufa mullachu d'owani worqiini duuchani hooko iti naqani, ammalle waan afuri ka qarsiini mid'aasani ira d'ad'aabaniti fannisi. Hooko golla sunitifi ta gubbaa Waaro jirtu taani wolti hookisi, ammalle Sanduqa Wold'aqisa ka d'akhaani hahafalicha lamaani kaani keesa jiru golla suni duuba kayi. Golli suni ha fulla qulqulloofi fulla ira qulqullo gargari baasu. Qadaada Sanduqa Wold'aqisa ira kayi. Fulla ira qulqullootini ala, gama mirga, d'aatu Waaro Woyyuma, mesa kayi, ammalle waan ifseeni ira ejitule gama bitaa kayi. Balbala Waaro Woyyuma golla woya boofta, ka liilana bulefi bule diimafi ammalle diimani d'aani ch'okhani, mid'aasi. Utuba d'adacha shani ka nafa isaa ch'ufa worqiini duuchani hooko worqi iti naqani golla kanaa mid'aasi. Waan mesa fakaata ka sorio irati Waaqaa baasani mukha d'adachatiini mid'aasi. Gami isaa afraanu ch'ufti ha wolqit'e tahu, ka d'eerinnafi ballinnileeni d'und'uma shani; old'eerinnileeni d'und'uma sadi. Moga isaa afraanu gaafa iti mid'aasi. Gaafa sunifi wonti mesa fakaata suni ha wolti ejituti, ammalle nafa isaa ch'ufa sibiila diimani duuchi. Eele daaraani fiila qabdu iti jiddufi bao, qori, hookofi daboola mid'aasi, miha kana ch'ufa sibiila diima iraa mid'aasi. Sibiila diima ka aka gingilcha urani mid'aasi, ammalle gingilcha suni qube afuri ta baataniini gama ch'ufa iti mid'aasi. Gingilcha suni waan aka naanno, ka mesa suni irati jaarani, jala jiddu mesa suni kayi, aka inni wod'aka mesa suni tau. Kalcho d'adacha ta mesa suniini baatani mid'aasi, sibiila diimani duuchi. Duuba kalcho suni qube moga moga mesa suni jirtu keesa naqi, aka baataniini. Mesaani suni ha sanduqa mukhaani mid'aasani fakaatuti, akheekha anini gaara gubbati si garsiise kaani gula. Waaro Woyyuma tana naabo isii golla woya booftatiini mid'aasi. D'eerinni golla suni ka gama bitaa ha d'und'uma d'ibba toko tahuti; dongoraani golla suni sibiila diima diddama, kamu sibiila akasi diddama ira d'ad'aabani, ammalle hookofi ule qarsi ha qabaatuti. Akasuma gama mirgaa ka naabo suni ha mid'aasani. D'eerinni golla gama ila adutiini dongora kud'anifi waan inni ira ejaanju kud'anile ha qabaatuti. Gama ilaboru fulla balbala, naaboo ballinni isii ha d'und'uma shantama taatuti. Fullooni naabo ha golla d'eerinni isaa d'und'uma diddama qabaatu, golli suni ha woya boofta ta liilana bulefi bule diimafi ammalle diimani d'aani ch'okhani tahuti. Utubaani naabo suniini marsani ha ule qarsitiini dagalchani jaaraniini, ammalle hooko utuba sunile ha qarsiini mid'aasani, ammo waan dongoraani suni ira eju ha sibiila diimani mid'aasani. D'eerinni naabo suni ha d'und'uma d'ibba toko tahuti, ballinni ha d'und'uma shantama tahuti, old'eerinnileeni ha d'und'uma shani tahuti. Golla isii ha woya booftatiini mid'aasaniti. Ammalle waan dongoraani ira eju ha sibiila diimani mid'aasaniti. Miha Waaro Woyyuma sunifi d'isa isiitiifi ka naabo isiile ch'ufa ha sibiila diimani mid'aasaniti. Waan atini worra Israeli ch'ufaani jettu, D'ad'a ch'ufa ira dansa ifse kootaani, aka ifseeni suni hojja ch'ufa ifsitu. Haruninifi ilmaani isaa ha ifse suni, Waaro Woyyuma keesa, golla Sanduqa Wold'aqisa dura jiruuni gama ala old'aabani. Arti na durati haga galgalaatifi haga diirama ha bobeetuti. Aada tana worri Israelitiifi d'alooti worraaleeni ha haga jiru jireennale tolfatu. Oboleesa kanke Harunifi ilmaani isaa Nadabu, Abihu, Eleazarifi Ithamari wolti yaami, gosa worra Israeli taanini gargari baasi, aka worri qaalole naa tahe huji qaalole hojatu. Woya qulqullo oboleesa kanke Haruni hod'i, ta mid'aagumafi guddinna kennituufi. Ogeeyi ch'ufa ta anini qalbi kenneefi wolti yaami, ha woya Haruni suni mid'aasitu, aka isaa eebisani qaallu tolchani. Woyaani worri mid'aasu male tana: ukha fulla qomati hod'ani, woya toko ta aka korrbo hid'atani, ubaara d'eera miila gahu, ubaara barreesani, sure, ammalle gurda. Miha kana ch'ufa worri ha oboleesa kanke Harunifi ilmaani isati mid'aasuti, aka worri qaalole tahe naa hojatu. Ogeeyiini tunini ha liilana worqitiifi liilana bule, bule diima, diima, ammalle woya booftatiini hojatuti. Ammalle worri ha woya toko, ta aka korrbo hid'atani, liilana worqitiifi liilana bule, bule diima, diima ammalle woya boofta ta barreesanini mid'aasuti. Haada lama ka fulla gurmu lachu iraa bahu ha iti hod'aniti. Gurda mid'aaga toko, ka liilanuma kaaniini mid'aasani, woya aka korrbo suniini wolti hod'ani. D'akha ch'ululuqa lama fuud'i, maqa ilmaani Israeli irati qori. Akuma worri d'aloota wolti aanuni, jaa d'akha toko irati qori, jaalle kaani irati qori. Akuma ogeesi d'akha qube beesisa irati qoru, akasuma maqa ilmaani Israeli ha qorani. D'akha lamaani suni ha worqiini marsaniti. D'akha suni haada gurmu ira baasani kaani lamaani ka woya aka korrbo mid'aasani taaniti ha hod'ani, aka gosa kud'ani lamaani Israeli yo ch'ufa qaabatani. Akanaani Harunini hojja ch'ufa maqa worraa gurmu ufiiti baate, hojja ch'ufa AABBO Waaqileeni worra ufii qaabatu. Worqi d'akhaani Marsani lama, ammalle looti lama ta worqi qulqullo, ta aka museensa fohani mid'aasi, worqi marsani suniti kayi. Ukha qoma qaallicha guddaa mid'aasi, aka inni suniini dubbi muru. Ukha kanale liilanuma woya aka korrbo mid'aasani taanini ha mid'aasani. Qoti isaa ch'ufti ha haga takaa tahuti, ammalle ha wolti dachaasaniti. D'eerinnafi ballinnileeni ha taaku toko tahuti. D'akha ch'ululuqa ch'ororsi, dacha afuri irati hod'i. Dachaani qara ta d'akha diimatifi, barricha, ammalle diima d'iiga; ta lameeso d'akha dotifi, bule chulkicha aka dulo dooqaati, adi chulkicha; ta sadeeso d'akha bule had'icha, haama, ammalle bule diima; ta afreeso d'akha doti, diima, ammalle chulkicha. D'akhaye tana ch'ufa ha worqiini marsaniti. D'akhaye kud'ani lama tana irati ha maqa ilmaani Israeli toko tokooni qoraniti. Ukha isaa ka qomati looti worqi qulqulliti, aka museensa fohani, mid'aasi. Qube worqi lama mid'aasi, ukha suni afaani isaa ka gubbaa qota lachuti hod'i. Museensa worqi kaani lamaani qube taani lamaaniti kayi. Museensa kaani lamaani, fiit'e isaa, worqi marsani taaniti kayi, aka akanaani haada gurmu ira bahu ka woya aka korrbo taanitiini hod'ani. Eegi suni qube lama ta worqi mid'aasi, qube suni ukha kaani qota jalaa moga lamaaniti woya aka korrbo mid'aasani suni qota garaa keesa kayi. Qube worqi lama d'ibi mid'aasi, qube suni haada woya aka korrbo taani, fuula dura fulla qoma jalati, d'aatu fulla haada woya aka korrbo suniini wolti hod'ani, ta gurdaani oliiti hod'i. Qube ukhatiifi ta woya aka korrbo taani haada buleeni wolti hid'i, aka ukhi gurda gubba tau kaani inchochone. Hojja Harunini fulla qulqullo olseenu, inni ha ukha maqa ilmaani Israeli irati qorani kaani ufira qabaatuti, aka hojja olseenu ch'ufa AABBO Waaqi ilmaani Israeli qaabatu. Urimufi Thumimu ukha kaani keesa kayi, duuba Harunini ka waan suni ufira qabu ha nati olseenu. Yo akasi suni ch'ufa Harunini ukha qoma suni ufira qabaachuu male, aka dubbi worra Israeli qore muru. Ubaara d'eera woya aka korrbo taani woliini keeyatani ha dabassa buleeni mid'aasani. Fulla maatani keeyatani iti tolchi, fulla suni tirisa d'ai, aka intarsaane. Afaani jala mid'aani aka okhoku ka liilana bule, bule diima ammalle diimani hod'i, agalo worqitiini makhi iti hod'i, aka ubaara suni afaani isaa ka jala okhokufi agalooni makhani marsani. Harunini hojja Waaro Woyyuma suni keesa hojatu, miha kana keeyachuu male, aka hojja inni fulla qulqullo AABBO Waaqa durati olseene keesaa bahu, AABBO Waaqi qonqo agalo d'agaye isa inijeemne. Worqi qulqulliti fuud'i hafaleesi, kara qube beesisatiini qorani, dubbi tana irati qori: Inni AABBO Waaqaa qulqullo. Worqi suni sure durati liilana buleeni hid'i. Harunini ha addati keeyatu, aka anini AABBO Waaqi, waan worri Israeli naa baasu ch'ufa, ato worrileeni waan baasu suni keesa wollaala tolchele, ee jed'e fud'ad'u. Woya booftatiini ubaara barreesanifi surele mid'aasi, ammalle gurda ch'okhani barreesanile mid'aasi. Ubaarafi gurdafi kofiale ilmaani Haruniti mid'aasi, ta mid'aagumafi guddinna kennituufi. Woya tana Harunifi ilmaani isaati naqi, muudi, eebisi qulqulleesi, aka worri qaalole tahe naa hojatu. Hid'a gagabaabdu woya boofta, ta qullaani d'oftani woya booftatiini hod'iifi. Harunifi ilmaani isaa, yo Waaro Woyyuma olduudani yokhaani waan mesa fakaata ka sorio irati Waaqaa baasaniti d'iaatani, aka fulla qulqullooti huji qaalole hojatani ufira qabaachuu malani, aka worri wollaala argate idoone. Aada tana Harunifi d'alooti isaaleeni ha haga jiru jireenna tolfatuti. Hojja atini Harunifi ilmaani isaa eebifte qaalole naa hojattu tolchitu, aada tana gula tolchi. Jibicha korma tokofi elemiye lama ta aabbo inqamne fuud'i. Dargaye dargaye ch'ufa ira dansa ta daakhani fuud'i, ammo bukho iti innaqiini, qit'a d'ad'aani jissanifi keki d'ad'a ifsaani d'aabi. Dadu keesa kayi, natiini kooti, jibichaafi elemiye lamaani taani woliini. Ammalle Harunifi ilmaani isaa fulla balbala Waaro Woyyumatiini kooti, bisaani d'iqiifi. Duuba woya qaallu taani ch'ufa Haruni kayi — ubaara, woya aka korrbo mid'aasanifi ubaara d'eera isi woliini keeyatani, ukha qomatiifi gurdale. Sure iti mari, beesisa, Inni Waaqaa qulqullo jed'u kaani iti hid'i. Duuba d'ad'a fuud'i, mata isaa muudi. Ilmaani isaaleeni kooti, ubaara naqifi; ammalle gurda hid'aanati hid'ifi, kofiale kayifi, akanaani Harunifi ilmaani isaa eebisi. Worraafi d'alooti worraleeni ha haga jiru jireenna qaalole tahe naa hojatu. Duuba jibicha kaani Waaro Woyyuma duraani kooti, Harunifi ilmaani isaa ha arirataniti. Dubba jibicha suni fulla Waaro Woyyumati na durati qali. D'iiga jibicha suni harkaani fuud'i, waan aka mesa ka sorio irati baasani gaafa isii dibi. Duuba d'iiga hafele fuud'i, mesa suni jalati naqi. Eegi suni gabbinna miha garaa ch'ufafi tirufi kaleefi moora isiile fuud'i, mesa suni irati gubi. Foonifi gogafi miha garaa ka jibicha suni fuud'i, alati baasi fageesi gubi. Tunini sorio daba qaalole iraa balleesitu. Elemiye suni toko fuud'i, Harunifi ilmaani isaa ha arirataniti. Qali, d'iiga isaa fuud'i, gama mesa afraaniti jijissi. Duuba elemo suni fuud'i, fooni isaa gargari ch'iri, miha garaa ch'ufafi miila isaa ka lukha lamaani d'iqi, fooni ch'irani kaanifi mata woliini olkayi. Duuba elemo suni ch'ufa mesa irati gubi. Wonti sunini ch'ufti waan gubani AABBO Waaqa baasani, ta fooleeni isii isa gammachiiftu. Elemo lameeso kaani fuud'i, Harunifi ilmaani isaa ha arirataniti. Duuba qali, d'iiga isaa hagiini fuud'i, nyaaba guraatifi quba hagicho, ka harka mirgatifi ka miila mirgichale, ka Harunitifi ka ilmaani isaaleeni qabiini. D'iiga hafe kaani fulla sorio iti qalani gama ch'ufati jijissi. D'iiga waan mesa fakaata kaani gubba jiru, d'ad'a muudaa woliini fuud'i, Harunifi ilmaani isaa nafafi woya worraleeti fifit'i. Akanaani isaafi ilmaani isaatiifi woya worrale qulqulleesani. Gabbinna elemo suni dubbafi moora garaachatiifi arabicho tiruti ejitufi moora kale lamaanitiifi lukha mirgiti kuti. Ammalle dadu qit'a bukho inqamne ka AABBO Waaqaa baasani keesaa, qit'a d'ad'aani jiisani kaani tokofi ka d'ad'a inqamneefi keki toko woliini fuud'i. Sagale tana ch'ufa harka Harunitifi ilmaani isaati kenni, ha olqabani, aka AABBO Waaqaa baasani garsiisaniti. Duuba worra iraa fuud'i, waan mesa fakaata kaani irati gubi, waan qara gubani Waaqaa baasani kaani woliini. Isiini foole urgooftu ta gubani AABBO Waaqaa baasani. Handaraafa elemo eeba Haruniti qalani suni olfuud'i, aka AABBO Waaqa baasani agarsiisi. Inni ha qooda kanke tahuti. Hojja qaallu eebisani, handaraafafi lukha elemo ka aadaani guutani baasani, ta olqabani aka AABBO Waaqaa baasani garsiisani kaani, ha Harunifi ilmaani isaati olkayaniti. Waan kana worri Israeli ha haga jiru ch'ufa Harunifi ilmaani isaati baasuti. Wonti akanatiifi isiini qooda sorio ta worri Israeli AABBO Waaqaa sorio wold'ageeti keesaa baasu. Woya qulqullo Harunini keeyatu, eegi inni due, ha ilmaani isaa hojja muudani qaalole tolchani keeyatuti. Ilmi isaa, ka fulla isaa qaallu tahu, hojja Waaro Woyyuma nati olseenu, aka fulla qulqullooti naa hojatu, ha guyya torba woya suni keeyatuti. Fooni elemo jila qaalole eebisani qalani kaani fuud'i, fulla woyyoomsaniti d'aabi. Balbala Waaro Woyyuma durati Harunifi ilmaani isaa ha fooni elemotiifi qit'a dadu keesa jiru kaanile nyaataniti. Worri ha waan hojja worraa eebisani baasani kaani, ka waan suni worraafi Waaqa wolti araarsani nyaatuti. Ammo qaalole male nami d'ibiini tokoleeni inyaatini, wonti akanatiifi wonti sunini qulqullo. Hojja foonifi qit'aani aadaani guutani kaani haga bori gahe ha gubaniti, nami inyaatini, waan isiini qulqullootifi. Haga guyya torba Harunifi ilmaani isaa, aka anini siini jed'e ch'ufa gula, aada worraani eebisani tana tolchiifi. Guyya torbaani suni ch'ufa korma looni toko sorio qali, aka daba araaramani, akanaani fulla sorio iti qalani qulqulleesani, d'ad'aani muudani qulqullo tolchani. Waan kana ch'ufa guyya torba tolchi. Yo atini akasi tolchite, mesaani suni qulqullae, wonti isaa tuqaleeni ch'ufti qulqulloofti. Wonti atini guyya ch'ufa haga jiru jireenna mesa sorio irati naa baaftu tana: ilmaani hoola lama ta ganna toko. Ilmoole suni toko diirama qali, taani galgala qali. Ilme hoola ta qara suni fuud'i, ammalle dargaye kilo toko ta daakhanifi d'ad'a dulo tokotini wolti naqi, sorio baasi, ammalle daad'i dulo toko d'ibaayu Waaqaa baasi. Ilme lameeso galgala qali, duuba ilme suni woliini, akuma diirama kaani, dargayefi d'ad'afi daad'i Waaqa baasi. Wonti kunini ch'ufti sagale gubani, ta foole dansa, ta AABBO Waaqaa baasani. Haga jiru jireenna waan gubani Waaqaa baasani kana ha fulla balbala Waaro Woyyuma durati AABBO Waaqaa baasani. Artiti worra kiyyaani wolargine sileeni dubbad'a. Achiti worra Israeli wolargine humna tiyyaani ifse tiyya bibilise fulla sorio suni qulqulleesa. Anini Waaro Woyyumatiifi waan sorio irati baasani, ka mesa fakaata qulqulleese, ammalle Harunifi ilmaani isaale eebisa, aka qaalole tahani naa hojatani. Anini worra Israeli keesa tae Waaqa worraa taha. Worrileeni imbeekha aka anini AABBO, Waaqa isaani, ka lafa Misiri keesa worra baase worra keesa tau. Anini AABBO, Waaqa worraati. Waan mesa fakaata ka hit'aana irati aarsani mukha d'adachatiini mid'aasi. Gami lachu ha haga takaa tahuti. D'eerinni isaa d'und'uma toko, ballinnileeni d'und'uma toko; ammo old'eerinni d'und'uma lama. Isaafi gaafi isaa afraani ha waan taka iraa mid'aasani. Gubbaa, moga isaa afraanifi gaafa isaa afraanu worqiini duuchi, qota isaale ch'ufa worqiini marsi. Qube worqi lama ta baataniini mid'aasi, gama lachutu qota jalati mat'ansi, aka kalcho baataniini keesa kayani. Kalcho mukha d'adacha ta mesaani baatani nafa isii ch'ufa worqiini duuchi. Waan mesa fakaata kana golla Sanduqa Wold'aqisa durati hid'ani dura d'aabi. Sunini fulla anini iti d'ufe si argu. Diirama ch'ufa yo Harunini ifse mid'aasu d'ufu, ha hit'aana urgaa aarsuti. Akuma kana galgala hojja ifse bobeesule ha tolchuti. Hit'aana kana ha haga jiru jireennale AABBO Waaqa durati aarsaniiti. Waan tokole ka imfakaanne, ka aka hit'aana yokhaani sorio gubani baasani, yokhaani mid'aani baasani imbaasini, ammalle daad'i irati ind'iibafatiini. Guyya toko ganna keesa Harunini ha waan mesa fakaata kaani gaafa isaa afraanu d'iiga sorio dabaani ufi iraa baasani ibse, akasiini aada mesa suni guutu. Aada tana ha ganna ch'ufa haga jiru jireenna guutani. Mesaani kunini gara AABBO Waaqa waan guddo qulqullo. AABBO Waaqi waan Musani jed'e, Hojja atini worra Israeli heddu, nami ch'ufti ha maro lubbu ufiitiifi wo AABBO Waaqaa baasuti, aka henna suni keesati d'ukubi isaaniti bue isaani imballeesine. Nami henna suni keesa jiru ch'ufti ha waan iti murani baasuti, aka murani gula. Nami ch'ufti waan kana ha AABBO Waaqaa baasuti. Nami ch'ufti ka henna keesa jiru, ka ganni isaa diddama oli, ha qooda kana AABBO Waaqaa baasuti. Dureesileeni hagasi ira imbaasini yokhaani hiyyeesileeni hagasi ira inhanqisiini, yo nami maro lubbu ufiitiifi qooda Waaqaa baasu. Beese tana worra Israeli iraa guuri, duuba Waaro Woyyuma tanaani jabeesi, huji isiitiini tolchi. Damoosi kunini ka lubbu ufiiti jed'ani baasani, anileeni aka worra qorqorad'u inqaabad'a. AABBO Waaqi waan Musani jed'e, Qori guddo bisaani iti d'iqatanifi waan isiini ira ejitule sibiila diimani mid'aasi. Jiddu Waaro Woyyumatiifi mesa hit'aani irati aarsani kaani d'aabi, bisaani iti naqi. Harunifi ilmaani isaa bisaani kanaani harkaafi miila ha d'iqataniti, ato Waaro Woyyuma inseeniini yokhaani mesa sorio ka sagale irati baasani kaaniti ind'iaatiini, aka idoone. Worri harkaafi miila d'iqachu male aka idoone. Tunini aada ta worraafi d'alooti worraleeni haga jiru jireenna gula yau male. AABBO Waaqi waan Musani jed'e, Qayya qayya ch'ufa ira urgau, qumbi kilo jaatiifi qunch'e birreesa ta kilo sadi, ammalle kilo sadi ta qund'i, ammalle waan urgooftu d'ibile ka kilo jaa (ta ch'ufa aka qaalluuni mure gula baasani) fuud'i. Dulo afuri ta d'ad'a iti dari, duuba waan kana ch'ufa d'ad'a qulqullo muudaa, ka aka qayya wolti makhani, mid'aasi. D'ad'a suni fuud'i, Waaro Woyyumatiifi Sanduqa Wold'aqisatiifi mesafi miha isaa ch'ufafi waan ifseeni ira ejitufi miha isiitiifi waan mesa fakaata ka hit'aana irati aarsanifi waan mesa fakaata ka sorio irati gubanifi miha isaa ch'ufa woliini, ammalle qori guddo bisaani iti d'iqatanifi waan isiini ira ejitule ch'ufaani muudi. Akanaani waan kana ch'ufa eebisi qulqulleesi, aka isiini qulqullooftu; ammalle aka wonti waan suni tuqa ch'ufti qulqullo taatu. Duuba Harunifi ilmaani isaa muudi eebisi, aka worri qaalole tahe naa hojatu. Ammalle waan atini worra Israelitini jettu, D'ad'a muuda qulqullo kana huji tiyyaani hojad'a, d'aloota keesani ch'ufa keesa. Qaallu male nama d'ibiini imuudiina, ammalle kara d'ad'a kanaani mattani deebitani d'ad'a d'ibi imakhiina. Wonti akanatiifi inni qulqullo, tanaafi isanileeni aka waan qulqullo heregu maltani. Nami d'ad'a akana kana mid'aase yokhaani nama qaallu intahiini muude ha gosa keesaa baasani. Jennaani AABBO Waaqi waan Musani jed'e, Qayya urgaa kana — haanch'a dakaratiifi waan aka urgo urgooftufi qumbifi hit'aana dansa ch'ufa, ka haga taka, fuud'i. Waan kana ch'ufa fuud'i, waan urgooftu aka qayya makhani mid'aasi. Sooda iti dari, ka qulqulleese qulqullo tolchu. Riiqi bulleesi, Waaro Woyyumati geesi, Sanduqa Wold'aqisa durati firfirsi, waan urgaa kana aka isiini guddo qulqullo heregi. Kara kanaani waan urgooftu d'ibi, ka kana fakaata, imid'aafatiini. Ammalle waan kana ch'ufa aka waan qulqullo AABBO Waaqaa baasaniti heregi. Yo nami tokoleeni waan akana kana qayya mid'aafate ha gosa isa keesaa kutani. AABBO Waaqi waan Musani jed'e, Anini yayu Bezaleli, ilma Uri, akhaakhu Huri, ka gosa Yuda, fohad'e jabeenna kiyyaani guute. Ammalle anini yayu hubachafi ogumafi qalbi waan harkaani mid'aasanile kenneefi aka inni dandae waan heddu herege, worqifi qarsi sibiila diimani mid'aasu; ammalle aka inni d'akha ch'ululuqa ch'ire faaya mid'aasu, aka mukha boch'e ammalle oguma aka heddu ta woini tolchani beekhu. Ammalle anini yayu Oholiabu, ilma Ahisamaki, ka gosa Dani, fohad'e wahela tolcheefi. Ammalle anini yayu ogeeyi d'ibile qalbi oguma guddo kenneefi, aka worri dandae waan anini, Mid'aasa jed'e ch'ufa mid'aasu: Waaro Woyyuma, Sanduqa Wold'aqisatiifi qadaada isaa, miha Waaro suni ch'ufa, mesafi miha isaa woliini, waan ifseeni ira ejitu, ka worqi ch'allaani mid'aasanifi miha isiile ch'ufa, waan mesa fakaata ka hit'aana irati aarsani; waan mesa fakaata ka sorio irati gubanifi miha isaale, qori guddo bisaani iti d'iqatanifi waan isiini ira ejitule; woya mimid'aadu Harunifi ilmaani isaa hojja huji qaallu hojattu keeyatanifi d'ad'a muudatiifi waan urgooftu ta fulla qulqullo mid'aasanile. Hojja worri waan kana ch'ufa mid'aasu, ha akuma anini siti hime kaani gula mid'aasu. AABBO Waaqi waan Musani jed'e, Waan atini worra Israelitini jettu, Guyya kiyya ka Sabato jabeesa, wonti akanatiifi guyyaani kunini akheekha jiddu tiyyafi teesani jiru, haga d'aloota keesani ch'ufa, ka aka anini, AABBO Waaqi, isani nama kiyya tolfad'e agarsiisu. Guyya Sabato qaabad'a, guyya oolma tolfad'a, wonti akanatiifi guyyaani kunini guyya qulqullo. Nama aada guyya suni balleese ha ijeesani. Ammalle nama guyya suni huji hojate ha gosa keesaa baasani. Guyya jaa huji teesani ch'ufa tolfad'a, ammo guyyaani torbeeso guyya Sabato qulqullo, ka AABBO Waaqa keesaniti, oola, nama guyya Sabato suni hojate inijeesani. Tanaafi worri Israeli ha d'aloota worra ch'ufa keesa guyya Sabato qaabate guyya oolma tolfate, akasiini akheekha wold'aqisa garsiisu. Guyyaani suni akheekha haga jiru jireennati, ka jiddu tiyyafi worra Israeli jiru; wonti akanatiifi anini, AABBO Waaqi, guyya jaa keesati lafafi gubba uume, guyya torbeeso oole hafuura baafad'e. Eegi Waaqi gaara Sinai irati dubbi Musani jed'e ch'ufa buufate, inni d'akha hafalicha ka inni harka ufitiini seera irati t'aafe kaani iti kenne. Biyyiti aka Musani gaara gubbati ture argite jennaani Haruniti d'ufte waan jette, Nu waan Musa ka lafa Misiri keesaa nu baase qabate imbeennu; waaqoota nuuni deemtu nuu mid'aasi. Jennaani Harunini waan biyyaani jed'e, Waan nad'eeni teesanifi ilmaani teesani gurrati naqatu iraa yaasa natiini koota. Duuba nami ch'ufti qube worqi baafate Haruniti geese. Inni qubele suni fuud'e basse tume, korma worqi mid'aase. Biyyiti Israeli waan woliini jette, Kunini waaqa keenna ka lafa Misiri keesaa nuu baase. Duuba Harunini fulla sorio iti baasani korma worqi suni durati jaare, Jila guddo AABBO Waaqa tolchaniti jira jed'e biyya ch'ufati lalabe. Jennaani boriyyaate ganama worri Israeli kae sorio gubani baasanifi ta wold'ageetitiini d'ufe. Duuba biyyiti eegi nyaatte d'udde, kaate tabatte sirbite. Jennaani AABBO Waaqi waan Musani jed'e, Beeni gabui, wonti akanatiifi worri kanke ka atini lafa Misiri keesaa baafte ya ufi yake; worri yayu hurrise kara aada tiyya ta anini kenneefi iraa garagale worqi bassani tume jibicha mid'aase waaqa tolfate kad'ate sorio baaseefi waan woliini jed'e, Kuni waaqa keenna ka lafa Misiri keesaa nuu baase. Ammalle AABBO Waaqi waan Musani jed'e, Anini ya aka worri kunini mataa jaba arge. Duuba amma na lakisi; anini gugubad'e dallane, d'aqe worra balleesa; ammo sifi d'aloota kanke gosa guddo tolcha. Ammo Musani AABBO Waaqa isaa kad'ate waan jed'e, AABBO Waaqa atini maafi worra kanke ka atini lafa Misiri keesaa irre tante guddooni baafte akana iti dallanta? Atini maalifi aka worri Misiri, Inni maafi worra Israeli lafa Misiri keesaa baase gaareeni jalati lafa iraa balleesa jed'u iti lakifte? Dallansu galfad'u, worra kanke kana lafa iraa imballeesini. Hojattu tante Abrahamufi Isaaqofi Yakobo qaabad'i, ammalle kakhu atini worrati kakhatte, ta atini, D'aloota keesani heddeese aka urji garaa waaqaa tolcha jette, ka ammalle atini d'aloota suni ch'ufa kakhatteefi lafa haga jiru jireenna isanii kenna jette, qaabad'i. Jennaani Waaqi herega jijirate balleesa worra imballeesa jed'e taani hanqate. Duuba Musani, ka d'akha hahafalicha lama, ka seeri Waaqa gama lachuti qorisa qabu harkaa qabu, gaara iraa gabue. D'akhaye suni qara Waaqumati mid'aase seerale harkuma ufitiini irati qore. Yoshuaani gohanna biyyaa d'agaye jennaani waan Musani jed'e, Anini qonqo lolaa olla keesa d'agaya. Musani waan jed'eeni, Qonqooni suni aka qonqo nama nyaapa had'e dabsate yokhaani ka dabsatani imfakaattu; isiini qonqo sirba fakaatti. Akuma ollati gad'iaateeni, Musani biyya korma worqi ka mid'aasani kaani durati sirbitu arge jennaani aka hama dallane, gaara jalati d'akha harkaa qabu kaani lafaani d'ae lachu ch'a ch'abse. Inni korma mid'aasani kaani fuud'e gube basse riiqe bulleese bulla taani bisaaniti bulbule worra Israeli obaase. Waan inni Harunini jed'e, Worri kunini maani si tolcheefi ch'ubbu akana hamtu tana keesa buufte? Harunini waan jed'e, Nati indallaniini, atini aka worri kunini waan hamtu tolchu fed'ule imbeeta. Worri waan naani jed'e, Nu waan namicha Musa jed'ani kana, ka lafa Misiri keesaa nu baase qabate imbeennu; tanaafi waaqa nu dura deemu nu mid'aasi naani jed'e. Anini, faaya worra ka worqi ch'ufaani koota jed'eeni, nami qabu ch'ufti guure natiini d'ufe. Anini duuba faaya kaani ibidati d'abbe jennaani jibichi kormaa kunini keesaa bahe. Musani aka Harunini laafe, biyyiti harka isaa keesaa baate nyaapa worra durati ufi daallesite arge. Duuba inni fullo olla keesa eje lalabe waan jed'e, Nami ch'ufti ka gara AABBO Waaqaa jiru ha gara kiyya gad'ufu. Jennaani ilmaani Lawi ch'ufti gara isaa d'ufte, inni waan jed'eeni, AABBO Waaqi Israeli waan jed'u, Isaniini kuni ch'ufti sheefti teesani guurad'a, olla kana ch'ufa keesa haga fullo tana iti keeyattani taani d'ibi d'aaba oboleyaani teesani taanaani, jaallowaani teesani taanaani, olla keesani taanaani ch'ufumayu hobaasa. Ilmaani Lawi akuma jed'ani suni tolchite guyya suni nama kuma sadi hobaafte. Musani waan ilmaani Lawitini jed'e, Arra isani ya Waaqa keesani ufi gabaaftani, aka qaalole huji AABBO Waaqaa hojattu, maro ilmaani teesanifi oboleyaani teesani ijeeftanii. Tanaafi AABBO Waaqi ya eeba isaa isanii kenne. Boriyya diirama Musani waan biyyaani jed'e, Isani yayu ch'ubbu hamtu tolchitani. Ammo anini ammalle gaara kore gara AABBO Waaqa d'aqa; hegeri araarama dabafi ch'ubbu teesani iraa argad'afa. Musani duuba AABBO Waaqati deebie waan jed'eeni, Worri kunini yayu ch'ubbu hamtu tolche, yayu waaqa worqi mid'aafatani kad'atani. Amma ch'ubbu worraa araaramiifi; yo araaramuu baate, anini si kad'ad'a, maqa kiyya kitaaba maqa gumi tante keesati t'aafte keesaa baasi. AABBO Waaqi waan Musani jed'e, Nami maqa isaa kitaaba kiyya keesaa baasani nama ch'ubbu tolche. Amma beeni deemi, gumi tana lafa anini siini jed'e taaniti geesi. Ammo beekhi, malaikaani tiyya si tissite si woliini deemti. Ammo hojaani anini worra kana maro ch'ubbu worraatifi gaargalchu inuma d'ufti. Duuba AABBO Waaqi d'ukuba biyyati buuse, wonti akanatiifi worrati Haruni korma worqi irreeni mid'aasise. AABBO Waaqi waan Musani jed'e, Beena, armaa yaa, sifi worri kunini ka atini lafa Misiri keesaa d'ufteeni; gara lafa anini Abrahamufi Isaaqofi Yakobofi d'aloota worrati Inkenna jed'e kakhad'e d'aqa. Anini malaika tiyya ta isani tissitu isanii erge worra Kanaanitiifi ka Amoritifi ka Hititifi ka Perizitiifi ka Hivitiifi ka Yebusi ch'ufa isani duraa gussa. Isani lafa aananifi dammi aka lolaa yauti godaantani, Ammo anini isani woliini indeemu, wonti akanatiifi isani guddo mataa jajabo, hegeri anini karafati isani balleesa. Biyyiti odu hamtu tana d'ageete jennaani guddo laalefatte boote, faaya ufii ka worqile naqachu didde. AABBO Waaqi waan Musani jed'e, Worra Israelitini, Isani worra mataa jajaba jed'i. Yo anini jiddu teesani seene, maruma toko isani hobaasa. Duuba amma tana faaya keesani baafad'a, aka anini waan isani tolchu malad'u. Duuba worri Israeli, eegi gaara Sinaiti godaane, deebie faaya ufii innaqanne. Hojja worri Israeli qubate ch'ufa Musani Waaro Woyyuma fuud'e olla hanqise jaare. Waaro suni Waaro Woyyuma ta AABBO Waaqaa jed'aniini. Duuba nami AABBO Waaqa wo gaafachu fed'e ch'ufti achi d'aqe. Hojja Musani gara Waaro d'aqu ch'ufa biyyiti waaro ufii dura ejaanjite Musaa ilaalte, haga inni arti olseenuti. Yo Musani Waaro olseenu, baldooni dumansaa gabuute balbala Waaro suni d'ossite. Duuba AABBO Waaqi dumansa suni keesa Musani dubbate. Biyyiti akuma baldo dumansa ta balbala Waaro d'ossitu agarteeni, gajejette Waaqa kad'atte. AABBO Waaqafi Musani akuma jaallowaani lamaani woliini haasooftu woli dura ejaanjani woliini haasani. Duuba Musani kae ollati deebia, ka nami isa jala hojatu ka Yoshua ilma Nuni jed'ani Waaro keesati hafe. Musani waan AABBO Waaqaani jed'e, D'uguma atini yayu, Worra kana lafa suniti geesi nani jette, ammo atini nama na wahelchu naa intolchine. Atini, Anini guddo si beekha, ammalle ya si maache naani jette. Amma yo akasi taate, mari tante nati himi, aka anini si hojad'e akuma kaani si gammachiisu. Gosa atini fohatte nama kanke tolfatte tanale qaabad'u. Jennaani AABBO Waaqi waan jed'e, Anini si woliini deeme waan ch'ufa keesa si qarqaara. Musani waan jed'eeni, Yo atini nuu iwahelchine, lafa tanaa nu ingodaansisiini. Eegi atini nu woliini indeemne, nami d'ibileeni akami aka atini anaafi worra kankele iraa gammade si beekha? Waheli atini nu wahelchitu gosa taani d'ibiini gargara nuu baasa. AABBO Waaqi waan Musani jed'e, Waan atini jette kana anini intolcha, wonti akanatiifi anini guddo si beekha ammalle ya si maache. Jennaani Musani waan jed'eeni, Aabbo, anini si kad'ad'a, guddinna ke naa garsiisi. Duuba AABBO Waaqi waan jed'eeni, Anini dansuma tiyya ch'ufa si garsiise si durati maqa kiyya qulqullo d'aa. Anini AABBO Waaqa, nama anini fed'u naheefi eebisa. Anini fuula kiyya si ingarsiisu, wonti akanatiifi nami fuula kiyya arge jiraatu injiru. Ammo arma d'aatu tiyya rabsu d'akhati jira, ta atini dandeete gubaa ejitu. Ato guddinni kiyya si d'aatu dabru anini si fuud'e goda d'akha keesa si kaye harka kiyyaani siti ch'ufa, haga anini dabruti. Duuba anini harka siraa fud'ad'e, atini fuula kiyyaniti dudda kiyya garta. Jennaani AABBO Waaqi waan Musani jed'e, D'akha hahafalicha lama, ka aka d'akha qara kaani boch'i, duuba anini dubbuma d'akha qara ch'abe kaani irati qora. Bori diirama kurfefad'i, diirama gaara Sinai kori, fiit'e gubbati nati kooti. Nami tokoleeni si woliini ind'ufini; nama tokole d'aatu gaarati inargini, ammalle loonifi reeleeni tokoleeni fulla hunda gaara inooliini. Duuba Musani d'akha hahafalicha lama d'ibi boch'e, boriyya diirama gaara Sinaiti olkore, akuma AABBO Waaqi jed'eeni. Jennaani AABBO Waaqi dumansa keesa gadi bue Musa woliini dubbate, Anini AABBO Waaqa jed'e, maqa isaa qulqullicha himate. Duuba AABBO Waaqi isa dura dabre lalabe waan jed'e, Anini AABBO Waaqa Waaqa eebaafi naasu guddo qabu, ka hure indallanne, ammalle ka d'ugaafi jaalala qabu. Anini kakhu tiyya ta d'aloota kunki kunki jabeese ch'ubbufi hameenna worraa araaramafi; ammo anini d'aloota sadeesotiifi ka afreeso ka abbootini worraa daba tolchite ingaargalcha. Jennaani Musani hurrise lafati gajed'e kad'ate waan jed'e, Aabbo, yo atini d'uguma na maachite, anini si kad'ad'a, nu woliini deemi. Worri kunini mataa jajaba, ammo ha taatuti, amma atini dabafi ch'ubbu teenna hamtu ch'ufa nuu araarami, gumi tante nu tolfad'u. AABBO Waaqa waan Musani jed'e, Anini amma wold'aqisa worra Israeli woliini tolfad'a. Ammalle anini gumi tante durati waan mama ka ka durile ira jira lafa ch'ufa keesa yokhaani gosa ch'ufa durati tolcha. Ammalle gochiti d'ibiini ta d'aatu tante jirtuleeni waan nama bakhasa, ka anini AABBO Waaqi si tolchu kana inagarti. Dubbi anini arra siini jed'u tana jabeesi. Anini worra gosa Amoritifi ka Kanaanitiifi ka Hititifi ka Perizitiifi ka Hivitiifi ka Yebusile si duraa gussa. Eegad'u, worra lafa suni iti imataqiini; hegeri worri sunini t'urura hama keesa si buusa. Ammalle fulla worri sorio iti qalu balleesi, waan worri arti old'ad'aabufi akheekha waaqa worraa ka Ashera jed'ani ch'a ch'absi balleesi. Waaqa d'ibi tokole inkad'atiini, wonti akanatiifi anini, AABBO Waaqi, waan d'ibi ka naani morku dandae inoobsu. Biyya lafa suni keesa jirtuuni wolti imataqiini, wonti akanatiifi worri hegeri sagale sorio, ta waaqoota isaani ka d'araatiini kad'atani iti si yaame si nyaachisa. Ilmaani tante hegeri dubra worra suni fuute, dubriti sunini waan waaqoota worra hamtu kaani worra barsiifte, eegee duuba worri kara kiyya iraa gore waaqoota hamtu suni gula yaa. Waaqoota sibiila ka harkaani mid'aasani imid'aafatiini. Jila Qit'a bukho inqamne tolfad'i. Anini yayu siti hime, aka atini jia Abibu keesa guyya torba qit'a bukho inqamne nyaattu wonti akanatiifi jia suni keesa lafa Misiri keesaa baate. Ilma d'iira ka angafatiifi waan horiini goroomuma d'ale ka hanch'afa ch'ufti kiyya. Ammo atini bukhura harre ka qara d'alate ilmaani hoolatiini jijirad'i. Yo jijirachuu baate, lume ch'absi. Ilmaani tante ta d'iira angafale bitad'i. Nami tokoleeni harka duwa na dura ind'ufini. Guyya jaa huji hojad'u, ammo guyya torbeeso huji oobru qotisafi muransale taanaani tokole inhojatiini. Jila muransaa, ta gaafa mid'aani dargaye murani jabeesi, ammalle jila Hoosa ta gaafa ganni ch'aamu ka mid'aani tuulte galfattu jabeesi. Ganna keesa maro sadi d'iirti tante ch'ufti ha d'ufte naa, AABBO Waaqa Israeli, kad'attu. Eegi anini gosa d'ibi si duraa kaase lafa tante si ballise, nami tokoleeni gaafa atini jila sadeeni suni tolfattu si inhad'u. Yo hori sorio naa baaftu, qit'a bukho qabu naa imbaasini. Ammalle fooni hori jila Pasaka qalani suni lafti iti imbariini. Mid'aani qara murattu ka ganna ch'ufa Mana AABBO Waaqatini kooti. Ilmaani ree ta haad'a hootu ind'aabiini. AABBO Waaqi waan Musani jed'e, Dubbi tana ch'ufa t'aafi, wonti akanatiifi dubbi tana irati anini wold'aqisa keetifi ka Israeli tolfad'a. Duuba Musani AABBO Waaqa woliini halkaniifi guyya afurtama, ka woma nyaate ind'ugiini, tae. Inni d'akha hahafalicha kaani irati dubbi wold'aqisa ka Seera Kud'annaani t'aafe. Gaafa Musani gaara Sinai iraa gabue, ka d'akha lamaani Seera irati t'aafani kaani harkaa qabu, fuuli isaa imbibiliqa, waan isaafi AABBO Waaqi woliini hasaaniifi. Ammo inni aka fuuli isaa bibiliqu imbeekhu. Harunifi worri Israeli ch'ufti aka fuuli Musa bibiliqu arge sodaa iti d'iaachu dad'abe. Ammo Musani Harunifi jaarole gugurdo yaame, worri achi d'aqe duuba Musani worraani dubbate. Eegi suni worri Israeli ch'ufti Musati d'ufe, inni seera AABBO Waaqi gaara Sinai gubba kenneefi worra barsiise. Musani dubbi buufannaani fuula hagogate worra d'ofate. Ammo yo Musani AABBO Waaqaani dubbachu d'aqu ch'ufa, inni hagogo fuula iraa fud'ata, haga Waaqa biraa bahuti. Yo inni achii bahe dubbi Waaqi jed'e taani worra Israeliti hime. Worri Israeli fuula Musa ka bibiliqu arge. Duuba Musani hagogo taani ammalle fuulati deefate, haga hojaani inni AABBO Waaqaani haasau d'aqu geetuuti. Musani gumi worra Israeli ch'ufa wolti yaame waan jed'eeni, Wonti AABBO Waaqi tolcha isaniini jed'e tana. Isani guyya jaa huji teesani hojad'a, ammo guyyaani torbeeso guyya Sabato qulqullo AABBO Waaqa keesaniti; guyya suni oola, nama guyya suni hojate ha ijeesani. Guyya Sabato suni ibida ibidale mana keesa keesati imbobeesiina. Duuba Musani dubbi ch'ufa gumi Israeliti hime waan jed'eeni, Dubbi tana ch'ufa AABBO Waaqati, tolcha jed'e: wo AABBO Waaqaa baasa. Nami ch'ufti ka AABBO Waaqa jaalalaani wo baasu fed'u ha waan kanaani d'ufu: worqi, qarsi, sibiila diima; woya boofta bulefi bule diimtufi dabassa diimtu; woya rifeensa reetini mid'aasani, goga ree ka halluu dibani, goga d'iisisani; mukha d'adacha; d'ad'a ifsetiifi fit'o d'ad'ati naqanifi ammalle hit'aana urgaa; d'akha ch'ululuqafi d'akhaye ch'uch'ulut'u d'ibi ta woya Qaallichi guddaani keeyatufi ukha isaa ka qomati hod'ani. Nami harki wo tolchu beekhu, ka isani keesa jiru ch'ufti, koota waan AABBO Waaqi jed'e kana tolcha mid'aasa: Waaro Woyyuma, golla isii ka keesatifi ka alaatifi hookofi utuba isiitiifi dareerafi dongora isiitiifi hunda isiile mid'aasa; ammalle Sanduqa Wold'aqisa, kalcho isaati, qadaada isaati, golla isa durati hid'anile mid'aasa; ammalle mesa, kalcho isaani baatanifi miha isaa ch'ufafi qit'a Waaqaa baasani mid'aasa; waan ifseeni ira ejitufi miha ifsele; ifseefi d'ad'a isiile mid'aasa; waan hit'aana irati aarsanifi kalcho isaa; d'ad'a muudatiifi hit'aana urgaafi golla balbala Waaro Woyyuma mid'aasa; ammalle waan mesa fakaata ka sorio irati gubani, gingilcha isaa ka sibiila diimatifi kalcho isaatiifi miha isaa ch'ufa mid'aasa; qori bisaani iti d'iqatanifi waan isiini ira ejitule mid'aasa; golla naabotiifi dongorafi waan inni ira ejaanju; golla fullo naabole; d'iisafi haada Waarotiifi ka naabole; ammalle woya dadansa qaaloleeni hojja fulla qulqullo hojattu keeyattu, woya qulqullo qaallichi Harunifi ilmaani isaa keeyattu. Worri Israeli ch'ufti yae, nami ch'ufti fed'i ufi gula miha Waaro Woyyumatiini jaarani AABBO Waaqaa d'ufeeni. Worri miha eebaatiifi waan woya qaaloleetiini mid'aasanini d'ufe. Nami ch'ufti fed'i ufii gula d'iirafi nad'eeni taanaani, biinki barreesanifi qube gurratiifi qube qubatiifi faaya mormatiifi ammalle faaya worqile ch'ufa AABBO Waaqaa d'ufeeni. Nami ch'ufti ka woya boofta qabu, bule taanaani, bule diimtu taanaani, yokhaani dabassa diimtu taanaani, woya rifeensa ree iraa mid'aasani taanaani, ammalle goga hoola ka hallani taanaani, yokhaani ka d'iisisani taanaani d'ufeeni. Nami ch'ufti ka qarsifi sibiila diima qabu AABBO Waaqaa d'ufeeni, ammalle nami ka mukha d'adacha ka huji sunii male qabu d'ufeeni. Nad'eeni ogeeyileeni ch'ufti liilana boofta buletiifi bule diimtutiifi liilana dabassicha diima ka isiini qara mid'aasite d'ufteeni. Nad'eeni suni ammalle liilana rifeensa ree iraa mid'aasite. Jaaroleleeni d'akha ch'ululuqa diimafi d'akhaye ch'ululut'u d'ibi ta woya qaaloleeni naqatufi ukha qomati hod'anifi waan aka qumbifa, d'ad'a ifsetiifi d'ad'a muudatiifi ka hit'aana d'ufteeni. Nami Israeli ch'ufti, d'iirafi nad'eenileeni, dubbi AABBO Waaqi Musani jed'e gula fed'i ufitiini huji AABBO Waaqa suni wo baase. Jennaani Musani waan worra Israelitini jed'e, AABBO Waaqi yayu Bezaleli, ilma Uri, ka ilma Huri, ka gosa Yuda, fohate lubbu Waaqatini guute, beekhaafi qaroomale kenneefi ogeesa tolche, aka inni waan worqitiifi qarsitiifi sibiila diima ch'ululuqa barreese mid'aasu; ammalle aka inni d'akhaye ch'ululut'u boch'e mid'aase, mukhale boch'e waan harkaani tolchani ch'ufa tolchu. AABBO Waaqi yayu isaafi Oholiabu, ilma Ahisamaki, ka gosa Dani, qalbi biyya d'ibiini waan oguma suni barsiisani kenneefi. Ammalle inni yayu worra qalbi waan ch'ufa ta woini tolchanifi waan boch'anifi waan barreesanifi waan woya boofta, bule taanaani, bule diimtu taanaani, yokhaani dabassa diimtule taanaani kenneefi. Worri waan gosa ch'ufa ka harkaani tolchani oguma tolchuni qaba. Bezalelifi Oholiabufi ogeeyi taani ch'ufti, ta AABBO Waaqi ogumafi hubacha kenneefi, ta waan ijaarsa Waaro qulqulloo male ch'ufa tolchu beetu, ha waan ch'ufa akuma AABBO Waaqi, Tolcha jed'e tolchaniti. Musani Bezalelifi Oholiabufi ogeeyi taani ch'ufa, ta AABBO Waaqi qalbi kenneefi, ammalle ta huji suni ee jette fud'atte, yaame, Huji hojad'a jed'e. Worri waan worri Israeli ijaarsa Waaro Woyyumati baase Musa iraa fuud'e. Ammo worri Israeli diirama ch'ufa waan fed'i ufii gula baase Musatiini d'ufe. Jennaani ogeeyiini ta huji aka aka hojattu taani d'at'e waan Musani jette, Biyyiti ya haga AABBO Waaqi jed'e ira dabarsite woini d'ufte. Duuba Musani seera baase gumi ch'ufaani waan jed'e, D'iirafi nad'eenileeni, waan Waaro Woyyumati baasani d'ibiini ind'ufina. Duuba eegi suni biyyiti deebite womaani ind'umne. Wonti akanatiifi wonti qara d'ufaniini ya huji hobaafte ira hafte. Worri huji suni hojatu, ka ch'ufa ira ogeeyi, Waaro Woyyuma mid'aase. Waaro suni woya boofta kud'ani ta liilana bulefi bule diimafi diimaleeni d'aahani mid'aasani, akheekha waan lubbu qaba ka koolatiini ch'okhani. Woya golla suni ch'ufa wolqit'eesani, ta d'eerinni isii d'und'uma diddami saddeeti, ta ballinni d'und'uma afuri, Shani wolti hod'ani, shani d'ibile wolti hod'ani. Tarsaa woya bubule fanno iti mid'aasani afaani golla lamaani suni gama alati hod'ani. Tarsaa woya bubule ta aka fanno mid'aasani suni shantama golla qarati hod'ani, ammalle shantama d'ibile ta akasi golla kaani d'ibileti hod'ani. Ammalle worqi hohookiti shantama mid'aasani, aka golla lamaani wolti hookisani takaa tolchani. Golla d'ibi ka woya kud'ani toko ka rifeensa laleesatiini mid'aasani Waaro suniti gollaani. Woya kud'ani toko suni, ta d'eerinni isii d'und'uma sodoma, ballinni d'und'uma afuri, wolqit'eesani mid'aasani. Shani wolti hod'ani, jaani taanile wolti hod'ani. Fanno shantama ta mid'aasani afaani golla eege ka alati hod'ani, ammalle shantama d'ibile akasuma golla kaani d'ibileti hod'ani. Sibiila diima shantama hohookicha mid'aasani fannoti hookisani, aka golli takaa tahu. Golla lama d'ibi, toko ka goga elemiye ka hallu diimtu qabu, kaanile ka d'iisisani mid'aasani, golla kaani iraani iti gollaani. Utuba d'adachatiini balbala Waaro suni mid'aasani. D'eerinni utuba suni ch'ufti d'und'uma kud'ani, ballinni ammo d'und'uma tokofi taaku toko. Utuba suni ch'ufa gama lachu fulla woltiini d'aabani mid'aasani, utuba Waaro suni ch'ufa akanuma mid'aasani. Utuba diddama ka gama bitaa mid'aasani, ammalle waan utuba suni ira d'ad'aabani afurtama qarsiini mid'aasani, utuba ch'ufa lama lama jala d'aabani, aka isiini fulla utubaani suni woltiini eju jabeesitu. Utuba diddama gama mirga ka Waaro suniti mid'aasani; ammalle akuma kaani waan utuba suni iraa d'ad'aabani afurtama qarsiini mid'aasani, utuba ch'ufa lama lama jala d'aabani. Gama Waaro ka ila adu dudda duuba utuba jaa mid'aasani, ammalle utuba jaani suni utuba toko moga mogaani d'ad'aabani, aka moga lamaani taani wolti d'aabani. Utuba moga lamaani kaani jalafi gubbale wolti d'aabani. Akasuma gama lachu tolchani. Duuba akanaani utubaani saddeeti tahe, ka kamu waan qarsiini mid'aasani ka iraa d'ad'aabani lama lama qabu, ta wolti kud'ani jaa. Dareera mukha d'adacha, ka utuba ira dadagalchani kud'ani shani Waaro gama tokoti mid'aasani, shani utuba gama toko ira dadagalchani. Ammalle shani d'ibile utuba moga ila adu gama duubatiini ira dadagalchani. Dareera shanani utuba ira dadagalchani suni keesa, ka jiddu, Waaro gama kana eje gama kaaniti eja. Nafa utuba suni ch'ufa mullachu d'owani worqiini duuchani, ammalle qube worqi iti naqani, aka dareera kaani keesa naqani, dareera sunile nafa isaa mullachu d'owani worqiini duuchani. Golla woya boofta, ka liilana bulefi bule diimafi ammalle diimani d'aahani mid'aasani, golla sunile akheekha waan lubbu qaba ka koolatiini barreesani ch'okhani. Ammalle dongora d'adacha afuri ka nafa isaa ch'ufa mullachu d'owani worqiini duuchani, hooko worqi iti mid'aasani golla kaani iti fannisani. Duuba waan afuri qarsiini mid'aasani, dongora suni jala d'ad'aabani. Balbala Waaro Woyyuma golla woya boofta, ka liilana bulefi bule diimafi ammalle diimani d'aahaniini ch'okhani mid'aasani. Dongora shani, ka hooko iti mid'aasani, golla kana mid'aasani; fiit'e isaatiifi ule ira dagalchanile nafa isii ch'ufa mullachu d'owani worqiini duuchani; ammalle waan shani ka sibiila diimani mid'aasani ka dongora jala d'ad'aabani mid'aasani. Bezalelini Sanduqa Wold'aqisaa mukha d'adachatiini mid'aase, ka d'eerinni isaa d'und'uma lamafi taaku toko, ballinni isaa d'und'uma tokofi taaku toko, old'eerinnileeni d'und'uma tokofi taaku toko. Alaafi garaa isaa keesale inni worqi qulqullitiini duuche, ammalle gubbaa isaale ch'ufa worqiini marse. Qube worqi afuri ta baataniini mid'aase, miila isaa afraaniti gama lachu qube lama mat'anse. Kalcho mukha d'adacha iraa ch'irani, ta baataniini, ta nafa isii ch'ufa worqiini duuchani mullachu d'owani mid'aase. Duuba kalcho suni qube Sanduqa gama gama jirtuti naqe, aka baataniini. Qadaada worqi ch'alla mid'aase, ka d'eerinni isaa d'und'uma lamafi taaku toko, ballinni isaleeni d'und'uma tokofi taaku toko. Akheekha waan lubbu qabati ka khoola, ka worqi tumani, lama mid'aase, ka qadaada gubaa gama gama ejaanju. Waan khoola ka lubbu qaba toko gama toko d'aabe, taanile gama kaani d'ibi d'aabe, qadaadafi waan khoola suni worqi taka iraa mid'aase. Wonti lubbu qaba suni khoola ballifte qadaada suni gaadiseesite fuula wolti deefatte qadaada laalte. Inni mesa mukha d'adachatiini mid'aase, ka d'eerinni d'und'uma lama, ballinni d'und'uma toko, old'eerinnileeni d'und'uma tokofi taaku toko. Nafa isaa ch'ufa worqi ch'allaani duuche, ammalle worqiini marse. Mukha hafalicha ka ballinni isaa haga gana harkaa, ka worqiini duuchani marseeni. Qube afuri ta worqi mid'aaseefi, gaafa afraani mesa fulla miili iti ejuti naqe. Qube suni ta kalcho mesaani baatani keesa kayani mukha hafalicha mesaani marsani kaani d'aatu kaye. Kalcho mukha d'adacha ka mesaani baatani nafa isii ch'ufa worqiini mullachu d'owe duuche. Inni miha mesa ka golola worqi ch'allaani mid'aase: sahani, muduunu, d'ameela qori ta daad'i Waaqaa baasani iti naqani. Inni waan ifseeni ira ejitu worqi ch'allaani mid'aase. Jalafi nafa isii worqi tumaniini mid'aase; daraarafi fulla daraaraani keesa baqafatufi kalacha isaale worqi taka iraa tume mid'aase. Dameeni jaa, ta gama lachu sadi sadi, waan ifseeni suni ira ejitu iraa baate. Dameeni jaani suni ch'ufti daraara woi sadi ka kalachafi kalacha imbaqafatiini qabdi. Nafi waan ifseeni ira ejitu suni daraara woi afuri, ka kalachafi kalacha imbaqafatiini qabu, qaba. Kalachi imbaqafatiini toko dame lamaani wolti ejitu taani sadeenu jala jira. Kalacha imbaqafatiinifi dameefi waan ifseeni ira ejitu ch'ufa worqi takaa iraa tume mid'aase. Waan ifseeni ira ejitu ifse torba mid'aase, ammalle qad'abe isiitiifi sahani isii worqi ch'allaani mid'aase. Waan ifseeni ira ejitufi miha isii ch'ufa kilo worqi ch'alla ta sodomi shanitiini mid'aase. Inni waan mesa fakaata ka hit'aana irati aarsani mukha d'adachatiini mid'aase. D'eerinni isaa d'und'uma toko, ballinnileeni d'und'uma toko, gami lachu haga takaa; ammalle old'eerinni d'und'uma lama; isaafi gaafa isaa afraanile woma taka iraa mid'aasani. Gubba, moga isa afraanifi gaafa isaa afraanu worqi ch'allaani duuche qota isaale ch'ufa worqiini marse. Qube worqi lama ta baataniini mid'aase, gama lachutu qota jalati mat'anse, aka kalcho baataniini keesa kayani. Kalcho mukha d'adacha ta mesaani baatani nafa isii ch'ufa worqiini duuche. Inni ammalle d'ad'a muuda qulqulloofi hit'aana urgaa aarsani, ka aka qayya wolti makhani mid'aase. Inni waan mesa fakaata ka sorio irati gubani mukha d'adachatiini mid'aase. Gami isaa afraanu ch'ufti wolqit'e, d'eerinnafi ballinnileeni d'und'uma shani, old'eerinnileeni d'und'uma sadi. Moga isaa afraanu gaafa iti mid'aase, aka gaafa sunifi wonti mesa fakaata suni wolti ejitu. Ammalle nafa isaa ch'ufa sibiila diimani duuche. Ammalle miha waan mesa fakaata suni ch'ufa mid'aase; eele, bao, qori, hookofi daboola. Miha kana ch'ufa sibiila diimani mid'aasani. Ammalle gingilcha sibiila diimani mid'aase, waan aka naanno ka mesa suni irati jaarani jala kaye, aka inni wod'aka mesa suni tau. Ammalle qube baataniini afuri mid'aase qota afraaniti naqe. Kalcho d'adacha ta mesa suniini baatani mid'aase sibiila diimani nafa isii duuche, duuba kalcho suni qube moga moga mesa suni jirtu keesa naqe, aka baataniini. Mesaani suni sanduqa mukhaani mid'aasani fakaata. Inni qori guddo bisaani iti d'iqatanifi waan isiini ira ejitule sibiila diimani mid'aase. Sibiila suni dawiti nad'eeni fulla balbala Waaro Woyyuma hojattu iraa mid'aase. Golla naabo Waaro Woyyuma inni woya booftatiini mid'aase. D'eerinni golla suni ka gama bitaa d'und'uma d'ibba toko; utubaani golla suni sibiila diima diddama, ka kamu sibiila diima akasi diddama, jala d'ad'aabani; ammalle hookofi ule qarsi qaba. Naaboni akasuma gama mirgale waan suni ch'ufa qabdi. D'eerinni golla gama ila adutiini d'und'uma shantama, ammalle utuba kud'anifi hookofi ule qarsiini mid'aasani qaba. Gama ilaboru, fulla balbala naabo, ballinni isii d'und'uma shantama. Golla naabo suniini marsani ch'ufa woya booftatiini mid'aasani. Waan dongoraani suni ira ejaanju sibiila diimani mid'aasani, hookofi uleefi ammalle waan mata dongora suni ira kayanile ch'ufa qarsiini mid'aasani. Dongora naabo suniini marsani ule qarsitiini dagalchani jaarani. Golla balbala naabo woya boofta ta liilana bulefi bule diimafi ammalle diimani barreesani d'aanini ch'okhani. D'eerinni isaa d'und'uma diddamaati, ballinni d'und'uma shani, ka golla naabotiini wolfakaatu. Dongoraani isaa afuri; wonti dongoraani ira ejaanju ta sibiila diimani mid'aasanileeni afuri. Hooko isaatiifi fiit'eefi ule ira d'adagalchanile qarsiini mid'aasani. D'iisa Waarotiifi ka golla naabole sibiila diimani mid'aasani. Mihi sibiila ka Waaro Woyyuma keesaani hojatani ch'ufa fulla d'akha hahafalicha lamaani, ka Seera Kud'annaani kaani irati qorani, kayani. Miha suni ch'ufa Musati, Mid'aasa jed'e. Jennaani ogeeyiini Lawi, ta Ithamari, ilma Haruni, jala hojattu, mid'aasite. Bezalelini, ilmi Uri, ka akhaakhu Huri, ka gosa Yuda, waan AABBO Waaqi, Mid'aasa jed'e ch'ufa mid'aase. Nami isa qarqaaru Oholiabu, ilma Ahisamaki, ka gosa Dani; inni ogeesa wo ch'okhufi wo barreesufi ammalle ka woya boofta bulefi bule diimtufi diimtule d'au. Worqi ch'ufa, ta AABBO Waaqa d'ufaniini huji Waaro Woyyumati baasani, ulfinni isii kilo kuma toko, aka seera bara suni gula. Qarsiini ta gaafa gumi heddani iraa guurani, ulfinni isii kilo 3,430, aka seera bara suni gula. Ulfinni kiiini barreesani ch'okhani. Qarsi kilo kuma sadifi d'ibba afuritiini waan utubaani ira ejaanju d'ibba toko, ka Waaro Woyyumatiifi golla isiile, mid'aasani, ka ulfinni waan utubaani ira eju toko kilo sodomi afuri. Qarsi kilo sodoma ta hafteeni Bezalelini uleefi hookofi kalchoofi fiit'e isiile ch'ufa mid'aase. Sibiili diimani AABBO Waaqaa baasani kilo 2,425. Sibiila diima suniini inni waan utubaani balbala fullo Waaro Woyyuma ta AABBO Waaqaa ira ejaanjufi waan mesa fakaatatiifi gingilcha isiitiifi miha isaa ch'ufale mid'aase. Ammalle sibiiluma suniini inni waan utuba balbala naabo suni jala naqanifi d'iisa Waaro Woyyumatiifi ka naabole mid'aase. Woya liilana buletiifi bule diimafi diima mimid'aadu, ta qaaloleeni hojja huji fulla qulqullo suni hojattu keeyattu mid'aasan. Ammalle woya qaallu, akuma AABBO Waaqi Musani jed'e gula Harunii mid'aasani. Woya boofa toko ta aka korrbo hid'atani, liilana bulefi bule diimafi liilana worqitiini mid'aasani. Worri worqi baballo tume, duuba qaqallise ch'ire, aka liilana boofta bule, bule diima, diimale wolti fohe. Ammalle worri haada gurmu lamaani ira bahu, ka woya aka korrbo jirtu taaniti eju hod'e, aka haada suniini hid'atani. Gurda mid'aaga toko, ka liilanuma kaaniini mid'aasani, woya aka korrbo suniini wolti hod'ani, akuma AABBO Waaqi Musani jed'e. D'akha ch'ululuqa fuud'ani worqiini marsani; duuba maqa ilmaani Yakobo kud'ani lamaani, akuma ogeesi d'akha qube beesisa irati qoru, akasuma irati qorani. D'akha suni haada gurmu iraa baasani kaani lamaani, ka woya aka korrbo mid'aasani kaaniti hod'ani, aka gosa kud'ani lamaani Israeli yo ch'ufa qaabatani, akuma AABBO Waaqi Musani jed'e kaani. Ukha qoma liilanuma woya aka korrbotini ch'okhani mid'aasani kaaniini mid'aasani. Qoti isaa ch'ufti haga takaa, ammalle wolti dachaasani, d'eerinnafi ballinnileeni taaku toko. D'akha ch'ululuqa ch'ororsani dachaa afuri iti hod'ani; dachaani qara ta d'akha diimatifi barricha, ammalle diima d'iigaa; dachaani lameeso ta d'akha dotifi chulkicha aka dulo dooqaati, ammalle adi chulkicha; dachaani sadeeso d'akha bule had'icha, haama, ammalle bule diima; ta afreeso d'akha doti, diima, ammalle chulkicha. D'akhaye tana ch'ufa worqiini marsani. D'akhaye kud'ani lama tana irati maqa ilmaani Israeli toko tokooni qorani, aka gosa Israeli kud'ani lamaani agarsiifu. Looti worqi qulqullo aka museensa fohani ukha qomati mid'aasani. Museensa worqi lamafi qube worqi lama mid'aasani, ukha suni afaani isaa gubba qota lachutu hod'ani. Museensa worqi kaani lamaani qube taani lamaaniti kayani, ammalle museensa kaani lamaani fiit'e isaa worqiini marsani taaniti kayani, aka akanaani haada gurmu ira bahu, ka woya aka korrbo taanitiini hod'ani. Eegi suni qube suni ukha kaani qota jala, moga lamaaniti, woya aka korrbo mid'aasani suni qota garaa keesa kayani. Qube worqi lama d'ibi mid'aasani, qube suni haada woya aka korrbo taani, fuula dura, fulla qoma jalati, d'aatu fulla haada woya aka korrbo suniini wolti hod'ani, ta qurdaani oliti, hod'ani. Akuma AABBO Waaqi musani jed'e, qube ukhatiifi ta woya aka korrbo taani haada buleeni wolti hid'ani, aka ukhi gurda gubbaa tau kaani inchochoone. Ubaara d'eera, woya aka korrbo taanini woliini keeyatani, dabassa buleeni mid'aasani. Fulla mata ta keeyatanini tirisani d'aani, aka intarsaane. Hurunifi ilmaani isaale ubaara, sure, kofia, hid'a gagabaabdu, gurda woya booftatiifi ka liilana bule, bule diima ammalle diimani barreesani ch'okhani mid'aasanifi, akuma AABBO Waaqi Musani jed'e, gula. Worqi qulqulliti fuud, ani hahafaleesani irati kara qube tana irati qorani: Inni Waaqaa qulqullo. Worqi suni sure durati liilani buleeni hid'ani, akuma AABBO Waaqi Musani jed'e gula. Akanaani hujiini Waaro Woyyuma ch'ufa hobaasani. Worri Israeli akuma AABBO Waaqi Musani jed'e gula waan ch'ufa mid'aase. Waarofi miha isii ch'ufa, hooko, utubu, dongorafi waan ira d'ad'aabanile; golla, goga elemiye ka hallanifi golla d'iisisani ka gubbaani gollanile; golla Waaro gargari qoodu; Sanduqa Wold'aqisa ka d'akha hahafalichafi kalcho isaatiifi qadaada isaa; mesafi miha isaa ch'ufafi qit'a Waaqaa baasani; waan ifseeni ira ejitu, ka worqi qulqullitiini mid'aasani; ifse isaatiifi miha isaa ch'ufafi d'ad'a ifsele; waan worqiini mid'aasani, ka waan mesa fakaata ka sorio irati baasani; d'ad'a muudaa; hit'aana aarsani; golla afaani balbala Waaro; waan sibiila diimani mid'aasani, ka mesa fakaata, ka sorio irati baasanifi gingilcha isaati, kalcho isaatiifi miha isaa ch'ufa; qori guddo bisaani iti d'iqatanifi waan isiini ira ejitu; golla naabotiifi dongorafi waan inni ira ejaangu; golla fullo naabotiifi haada isaa; d'iisa Waarotiifi miha ch'ufa ka huji Waarotiini tolchani; ammalle woya mimid'aadu ta qaaloleeni fulla qulqullooti keeyattu, woya qulqullo qaallu Harunifi ilmaani isaa keeyattu. Worri Israeli akuma AABBO Waaqi Musani jed'e gulla huji tana ch'ufa hojate. Musani huji tana ch'ufa ilaale, aka worri akuma AABBO Waaqi jed'e kaani tolche arge eebiseefi. AABBO waaqi waan musani jed'e, Guyya qara ka jia qara waaro woyyuma ta AABBO Waaqaa old'aabi. Isi keesa sanduqa Wold'aqisa, ka Seeri Kud'annaani kaani keesa jiru, kayi. Sanduqa suni durati golla hid'i. Mesaani kooti, miha ch'ufa ira naqi, ammalle waan ifse ira d'aabanileeni kooti, ifse ira d'aabi. Waan mesa fakaata ka worqi, ka hit'aani irati aarsani, Sanduqa Wold'aqisa dura kayi, ammalle golla balbala Waaroti fannisi. Waaro dura waan mesa fakaata ka sorio irati baasani kayi, aka sorio irati gubani. Qori guddo bisaani iti d'iqatani Waarofi waan aka mesa ka sorio irati baasani kaani jiddu d'aabi bisaanini guuti. Naabo jaari, golla balbala iti mid'aasi. Duuba Waarofi miha isiile eebisi, d'ad'a qulqullooni muudi, aka isiini qulqullo taatu. Ammalle waan aka mesa ka sorio irati baasanifi miha isaa muudi eebisi, aka inni qulqullo tahu. Ammalle akasuma qori bisaani iti d'iqatanifi waan isiini ira ejitule kara suniini eebisi. Harunifi ilmaani isaale fulla balbala Waaro Woyyumatiini kooti bisaani d'iqi. Haruni woya qaallu iti kayi muudi, akaani isa eebisi, aka inni qaallu tahe naa hojatu. Ilmaani isaaleeni kooti, ubaara iti naqi, duuba akuma abba muudde worrale muudi, aka worri qaallu tahe naa hojatu. Muuditiini tunini worraafi d'aloota worrale ch'ufa qaalole tolchiti, haga jiru jireenna. Musani waan AABBO Waaqi jed'eeni kaani ch'ufa tolche. Duuba worri guyya qara, ka jia qara, ganna lameeso ka worri lafa Misiri keesaa bahe keesa, Waaro Woyyuma ta AABBO Waaqaa old'aabe. Musani waaro old'aabe, waan utuba ira d'ad'aabani jala naqe, utuba isii d'ad'aabe, mukha ira dadagalche dangora old'ad'aabe. Inni golla Waaro Woyyumati ballise, golla d'ibi alaani iti golle, akuma AABBO Waaqi, Tolchi jed'eeni. Duuba inni d'akha hahafalicha kaani lamaani fuud'e, sanduqa Wold'aqisa keesa kaye. Kalcho qube Sanduqa keesa kaye. Kalcho qube Sanduqa keesa naqe Sunduqa suni qadaade. Duuba Sanduqa Waaro keesa kaye, golla Waaro gargari qoodu kaani fafannisa, akuma AABBO Waaqi isaani jed'e. Inni mesa gama mirga gollaani ala Waaro keesa kaye, duuba qit'a AABBO Waaqaa baasani gubba kaye, akuma AABBO Waaqi jed'eeni. Ammalle waan ifseeni ira ejitu Waaro keesa gama bitaa, mesaani gama, kaye. Artiti AABBO Waaqa durati ifse bobeese, akuma AABBO Waaqi jed'eeni. Inni waan mesa fakaata, ka worqiini mid'aasani, Waaro keesa golla dura d'aabe, akuma AABBO Waaqi jed'eeni, hit'aana urgaale aarse. Golla balbala Waaroti fannise, artiti, golla suni dura, waan aka mesa jira, ka sorio irati baasani kaani kaye, irati sorio gubanifu ta mid'aani baase, akuma AABBO Waaqi jed'eeni kaani. Qori bisaani iti d'iqatani taani bisaani guute, jiddu Waarotiifi ta waan mesa fakaata kaani d'aabe. Musa, Haruni, ilmaani isaati, harkaafi miila artiti d'iqatani, hojja Waaro Woyyuma olseenani, yokhaani waan mesa fakaata bira d'ufani, akuma AABBO Waaqi isaani jed'eeni kaani. Musani Waarofi waan mesa fakaata kaani naaboni marse jaare, balbala naabo suni golla iti fannise. Akanaani huji isaa hobaasa. Duuba dumansi Waaro d'osse, guddinni AABBO Waaqaa isi guute. Musani Waaro seenu dad'abe; wonti akanatiifi dumansi Waaro d'osse, ammalle guddinni AABBO Waaqaa waaro guute. Worri Israeli, hojja dumansi Waaro suni iraa galu ch'alla godaana. Ammo haga dumansi Waaro suni ira tau worri ingodaanu, haga inni iraa galuti. Worri suni, bara gogodaana suni ch'ufa, guyyaate dumansa Waaro AABBO Waaqa d'ossee ira tau arge, ammo halkani ibida gubba bobau arga AABBO Waaqi Waaro Woyyuma keesaa Musa yaame waan jed'eeni, Waan atini worra Israelitini jettu: Yo nami keesani sorio AABBO Waaqaa baasu d'ufu, looni isaa taanaani, ree taanaani ha keesaa wobaasu. Hojja inni looni isaa keesa korma gubani sorio baasani baase, kormi suni ha korma aabo inqamne tahu. Korma suni ha balbala Waaro Woyyuma duraani d'ufu, aka AABBO Waaqi ee jed'e isa ira fud'atu. Inni ha harka isaa korma gubani sorio baasani suni ira keeyate hariratuti, aka akasiini ch'ubbu isaa araaramanifi, Inni ha achiti korma suni AABBO Waaqa durati gorau, duuba qaaloleeni ilmaani Haruni ha d'iiga isaa fuute, waan aka mesa ka sorio irati qalani, ka fulla balbala Waaro Woyyuma jiru gama afraanitu fifit'u. Eegi suni ha korma suni qale fooni gargari ch'iru. Duuba qaaloleeni taani ha qoraani fuute waan aka mesa suni irati ibida bobeesitu. Jennaani worri ka fooni gargari ch'irani kaani, matafi d'ad'ale woliini fuud'e ibida gubba kayuti. Duuba namichi kaani ha miha garaatifi fooni lukha d'iquuti, ammo qaallichi ha fooni kaani ch'ufa waan aka mesa kaani irati gubuti aka akasiini ch'inch'aani waan gubani suni AABBO Waaqa gammachiiftu. Yo namichi suni ree isaa sorio baasu fed'e, wonti inni baasu suni ha korma aabo inqamne tatuuti. Inni waan suni ha waan mesa fakaata kaani gama mirgati AABBO Waaqa durati gorau, duuba qaaloleeni ilmaani Haruni ha d'iiga isaa suni waan aka mesa jira kaani gama afraaniti fifit'u. Eegi inni qale fooni gargari ch'ire qaallichi ha fooni suni ch'ufa matafi d'ad'ale woliini fuud'e, waan aka mesa suni ira kayuti. Duuba namichi ka miha garaatifi fooni lukha d'iquuti, ammo qaallichi ha fooni kaani ch'ufa fuud'e mesa irati gubuti. Aka akasiini ch'inch'aani waan gubani suni AABBO Waaqa gammachiiftu. Yo wonti inni AABBO Waaqa gube sorio baasu simpirre taate, simpirreeni suni ha sabaliisa taatu, yokhaani ilmaani isaa. Duuba qaallichi ha fulla mesa sunini d'ufe, mata miich'ire iraa kute, waan aka mesa suni irati gubuti, duuba d'iiga ha d'aatu waan aka mesa suniti keesaa baasaniti. Ammalle ha garaachafi waan keesa jira fuud'e, waan mesa fakaata kaani gama ilaboru fulla daara iti jissaniti gatuti. Inni ha koola lachu fuud'e, nafa isaa gargari tarsaasu, ka koola suni iraa imbuqimne, ammalle ha fooni suni waan aka mesa kaani irati gubuti, aka akasiini ch'inch'aani waan gubani suni AABBO Waaqa gammachiiftu. Hojja nami mid'aani AABBO Waaqaa baasu, ha ato imbaamne, daakhuti. Inni ha d'ad'afi hit'aana iti naqe, qaalole ilmaani Harunitini d'ufuti. Qaallichi ha mid'aani daakhani sunifi d'ad'afi hit'aanale ch'ufa harka guutate, waan mesa fakaata irati gubuti, aka wonti kunini ch'ufti qaabacha waan AABBO Waaqaa baasani taate, ch'inch'aani isii akasiini AABBO Waaqa gammachiiftu. Ammo wonti daakhani suni ka ira hafe ha sagale qaalole ilmaani Haruni taatu; sagaleeni suni sagale AABBO Waaqaa baasani keesaa fuud'ani, tanaafi isiini guddo qulqullo. Hojja wonti baasani suni qit'a d'aabani taate, qit'aani suni ha qit'a bukho inqamne tahuti. Ammalle mid'aani daakhani suni ha d'ad'ani wolti makhani fufurdisani qit'a d'aabaniti, yokhaani waan aka buddeena didiqo toko d'ad'a ibsani d'aabani. Hojja wonti baasani suni qit'a daboola irati d'aabani taate, qit'aani suni ka qit'a bukho inqamne tahuti, ammalle mid'aani daakhani suni ha d'ad'ani wolti makhaniti. Qit'a suni ch'ach'absi, d'ad'a iti naqi, qit'aani suni mid'aani Waaqaa baasani. Hojja wonti baasani suni mid'aani eeleti d'aabani taate, ha daakhani d'ad'ani wolti naqani. Duuba mid'aani Waaqaa baasani suni AABBO Waaqa geesi, qaallichati kenni, aka inni waan mesa fakaata kaaniti geesu. Duuba qaallichi ha waan baasani suni keesaa haga toko fuud'e waan mesa fakaata suni irati gubu, aka akanaani ch'inch'aani isii AABBO Waaqa gammachiiftu. Ammo wonti daakhani suni ka iraa hafe ha sagale Harunitifi ilmaani isaa taatu; sagaleeni suni sagale AABBO Waaqa baasani keesaa fuud'ani tanaafi isiini guddo qulqullo. Mid'aani daakhani, ka bukho qaba, tokole AABBO Waaqaa imbaasini; bukho yokhaani damma tokole gubdani AABBO Waaqaa imbaasina. Mid'aani qara murattani AABBO Waaqa baasa, ammo waan mesa fakaata kaani irati ingubina. Mid'aani baaftani ch'ufa sooda ira buusa, wonti akanatiifi isani wold'aqisa keesani ka Waaqa keesa sooda d'abu himmalle. (Waan baaftani ch'ufa sooda keesa buusa.) Hojja mid'aani qara murattani AABBO Waaqaa baaftani, mid'aani akhawanifi yokhaani ka tumani baasafi. D'ad'afi hit'aana iti dara, mid'aani suni waan Waaqaa baasani. Duuba qaallichi ha mid'aani tumani suni ka haga garitifi d'ad'a haga garile, hit'aana ch'ufa woliini gubu, aka akasiini aka waan kana ch'ufa Waaqa iraa argatani garsiisu. Kunini waan gubani AABBO Waaqaa baasani. Hojja nami looni isaa keesa toko sorio wold'ageeti AABBO Waaqa durati baase, wonti inni baasu suni korma taanaani, yokhaani d'ala taanaani, ha waan aabo inqamne taatuti. Namichi ha hori d'ufeeni suni harka mata ira keeyate harirate, fulla balbala Waaro Woyyumati gorau. Duuba qaaloleeni ilmaani Haruni ha d'iiga isaa suni waan aka mesa jira kaani gama afraaniti fifit'e, fooni hori suni kaani gubde AABBO Waaqaa sorio baaftu: gabbinnafi moora miha garaa ch'ufafi, kaleefi gabbinna isiitiifi arabicho tirulle ch'ufa. Qaaloleeni ha waan kana ch'ufa waan gubani sorio Waaqaa baasani woliini gubde sorio baaftu, aka akasiini ch'inch'aani waan kana AABBO Waaqa gammachiiftu. Hojja nami ree isaa keesa toko sorio wold'ageeti baasu, wonti inni baasu suni ha kormafi yokhaani d'altu aabo inqamne taatu. Hojja nami hoola sorio AABBO Waaqaa baasu, inni ha hoola suni harka mata ira keeyate harirate, Waaro Woyyuma durati gorauti. Duuba qaaloleeni ha d'iiga isaa waan mesa fakaata kaani gama afraaniti fifit'e, fooni hori suni kaani gubde AABBO Waaqaa sorio baaftu; gabbinna duba isaa ch'ufa, gabbinnafi moora miha garaa ch'ufa kaleefi gabbinna isi arabicho tirulle ch'ufa. Duuba qaallichi ha waan kana ch'ufa waan mesa fakaata kaani irati gube, AABBO Waaqaa sorio baasu. Hojja nami laleesa sorio AABBO Waaqaa baasu, inni ha harka mata ira keeyate harirate, Waaro Woyyuma durati gorauti. Duuba qaaloleeni ha d'iiga isaa waan mesa fakaata kaani gama afraaniti fifit'e, fooni hori suni kaani gubde AABBO Waaqaa sorio baaftu: gabbinnafi moora miha garaa ch'ufafi, kaleefi gabbinna isiitiifi arabicho tirulle ch'ufa. Duuba qaallichi ha waan kana ch'ufa waan mesa fakaata kaani irati gube AABBO Waaqaa sorio baasu, aka akasiini ch'inch'aani isii AABBO Waaqa gammachiiftu. Gabbinni ch'ufti ka AABBO Waaqaati. Tunini aada isani haga jiru jireenna jabeesu maltani aka nami keesani tokoleeni gabbinnafi d'iiga insooranne. AABBO Waaqi waan Musani jed'e, Waan atini worra Israelitini jettu, hojja nami danu waan AABBO Waaqi seera ch'abse ch'ubbu tolche, inni akana tahu male. Yo nami ch'ubbu suni tolche qaallicha gudda tahe, akasiini ch'ubbuuni gumi qabatte inni ha jibicha korma ka aabo inqamneeni d'ufe, maro ch'ubbu isaatiifi AABBO Waaqa durati qale sorio baasuti. Inni ha korma suni fulla balbala Waaro Woyyumatiini d'ufe, harka mata ira keeyate harirate, artiti AABBO Waaqa durati gorauti. Duuba qaallichi guddaani ha d'iiga korma suni ka gari fuud'e, Waaro Woyyumati geese, quba isaa d'iiga suni keesa kaye, maro torba golla woyyuma durati, AABBO Waaqa durati fifit'u. Duuba inni ha d'iiga haga toko gaafa afraani waan mesa fakaata ka Waaro Woyyuma keesati hit'aana irati aarsaniiti naquuti. Ammalle d'iiga hafe kaani ha waan mesa fakaata ka sorio irati Gubani, ka fulla balbala Waaro Woyyuma eju, jalati jissu. Waan korma kana inni ha gabbinnafi moora ch'ufafi ammalle kaleefi gabbinna isiitiifi arabicho tirulle ch'ufa fuud'e, waan mesa fakaata ka sorio gubani irati baasani kaani irati gubuti akuma inni gabbinna hori sorio wold'ageetiti baasani kaani tolchu. Ammo gogafi foonifi matafi miilafi miha garaa ch'ufafi marumale ha fuud'e, alati baase, fulla qulqullo daara iti haraniti ibidaani gubuti. Hojja gumiini Israeli ch'ufti danu seera AABBO Waaqa ch'absite akasiini ka imbeekhini ch'ubbu tolchite, akuma ch'ubbuuni suni beekhamteeni, gumiini ha jibicha korma fuute, Waaro Woyyuma ta AABBO Waaqatini d'uftu. Duuba jaaroleeni gumii ha harka mata ira keeyate harirate, duuba artumati goraaniti. Qaallichi guddaleeni ha d'iiga korma suni haga toko fuud'e Waaro Woyyumati geese, quba isaa keesa kaye maro torba AABBO Waaqa durati golla durati fifit'uti. Inni ha d'iiga suni haga toko, gaafa afraani waan mesa fakaata ka Waaro Woyyuma keesati hit'aana irati aarsaniiti naquuti, Ammalle d'iiga hafe kaani ha waan mesa fakaata ka sorio irati Gubani, ka fulla balbala Waaro Woyyuma eju, jalati jissuti. Duuba inni ha gabbinna isaa suni ch'ufa fuud'e waan mesa fakaata suni irati gubuti. Inni korma kana ha akuma korma sorio dabaani ufi iraa baasani tolchani tolchuti, duuba akanaani inni sorio daba gumiitini baasani baase, gumii araaramani. Duuba inni ha korma suni alati baase gubuti akuma inni korma daba isaatini baasani tolchu. Tunini sorio daba gumiitini baasani. Hojja nami gosa dura deemu danu seera AABBO Waaqa ch'abse, akasiini ka imbeekhini ch'ubbu tolche, akuma ch'ubbuuni isaa suni mullateeni, inni ha korbeesa aabo inqamne tokooni d'ufe sorio baasuti. Inni ha harka isaa mata ira keeyate harirate, waan mesa fakaata kaani gama mirga, fulla hori gubani sorio baasani iti goraniti, ha goraauti. Duuba qaallichi ha quba ufi d'iiga hori suni keesa kaye, gaafa afraani waan mesa fakaata, ka sorio irati gubaniti naqe, ka hafe kaani d'ibi mesa suni jalati jissu. Duuba inni gabbinna isaa ch'ufa ha waan mesa fakaata suni irati gubuti, akuma inni gabbinna hori sorio wold'ageetiti baasani gubu. Akasiini qaallichi ha sorio daba nama gosa dura deemu baasani baase daba nama suni araaramanifi. Yo gumi keesa nami toko danu seera AABBO Waaqa ch'abse, akasiini ka imbeekhini ch'ubbu tolche, akuma ch'ubbuuni isaa suni mullateeni, inni ha reeti aabo inqamne tokooni d'ufe sorio baasuti. Inni ha harka isaa mata ira keeyate harirate, waan mesa fakaata kaani, gama mirga, fulla hori gubani sorio baasani iti goraaniti ha gorauti. Duuba qaallichi ha quba ufi d'iiga hori suni keesa kaye, gaafa afraani ka waan mesa fakaata, ka sorio irati gubaniti naqe, ka hafe kaani d'ibi mesa suni jalati jissuti. Ammalle inni ha gabbinna isii ch'ufa fooni iraa baase, akuma hori sorio wold'ageetiti qalani gabbinna iraa baasani; akasuma waan mesa fakaata irati ha gubu, duuba akasiini ch'inch'aani isi AABBO Waaqa gammachiifti. Kara kanaani qaallichi sorio daba nama sunitini baasani baase, daba isa isaa araaramani. Yo nami hoola sorio dabaani ufira baasani baase, hoolani suni ha hoola d'ala aabo inqamne tahuti. Inni ha harka ufi mata ira keeyate harirate, waan mesa fakaata kaani gama mirgati, fulla hori gubani sorio baasani iti goraaniti, gorauti. Duuba qaallichi ha quba ufi d'iiga hori suni keesa kaye, gaafa afraani waan mesa fakaata ka sorio irati gubaniti naqe ka hafe kaani d'ibi mesa suni jalati jissuti. Ammalle inni ha gabbinna isaa ch'ufa fooni iraa baase, akuma hoola sorio wold'ageetiti qalani gabbinna iraa baasani, akasuma gabbinna iraa baasani, akasuma waan mesa fakaata irati, sagale waan AABBO Waaqa baasani woliini gubu. Kara kanaani qaallichi sorio daba nama sunitini baasani baase, daba isaa araaramanifi. Nami waan akana kana tolchu sorio dabaani ufiraa baasani baasu male. Hojja nama dubbi yaamani, waan atini agarte yokhaani ka atini d'ageete nuti himi jed'aniini, ammo inni himu dide, nama suni wollaali ch'ufa gubba isaa taha. Hojja nami danu waan aada keesa qulqullo intahini tuqe, reefa bineensa taanaani reefa hori taanaani, reefa bineensa garaani lafa ira lohu taanaani, nami suni ya qulqullooma d'abe wollaala keesa seene. Hojja nami danu waan nami iraa bahe ka qulqullo intahini tuqe, waan tateefu hojuma inni waan tahe suni beekate wollaala seena. Hojja nami heregaani waan tateefu dansaafi hamtu taanaani, kakhate hojuma inni waan tahe suni beekate wollaala seena. Yo nami kara kana tokoleeni wollaala seene nami suni ha daba ufi himate, gati hoola d'ala yokhaani reeti toko maro wollaala isaati AABBO Waaqatini d'ufu. Qaallichi ha sorio suni maro wollaala nama suniti jed'e baasu. Yo nami ree baasu inqamne, inni ha sabaliisa gugurda lamafi yokhaani didiqa lama AABBO Waaqatini d'ufe, maro daba isaati jed'e sorio baasu, toko ka sorio dabaani ufira baasaniti. kaani ka sorio gubani baasani. Inni ha qaallutini d'ufu, duuba qaallichi suni ha simpirre qara sorio dabaani ufira baasani baasu. Inni simpirre suni, ka mata ira inkunne, morma miich'ire ijeese, duuba d'iiga isii haga toko ha d'aatu waan mesa fakaata kaaniti fifit'u. D'iiga hafe kaani ha waan mesa fakaata kaani jalati jissani. Kunini sorio dabaani ufi ira baasani. Duuba eege inni ha simpirre lameeso aada sorio gubani gula baasuti. Akanaani qaallichi sorio daba nama sunitini baasani baase, daba isaa araaramanifi. Yo nami sabaliisa gugurdafi yokhaani didiqa baasu dad'abe, nami suni ha mid'aani daakhani ka kilo toko ka aka sorio dabaani ufiraa baasani, baasuti. Inni d'ad'a yokhaani hit'aana tokole iti naqu himmalle, wonti akanatiifi sorioni suni ta dabaani ufiraa baasani. Inni ha qaalluti geese, duuba qaallichi suni ha harka guutate iraa fuud'e, waan mesa fakaata kaani irati gubuti aka akasiini aka waan kana ch'ufa Waaqa iraa argatani garsiisu. Isiini sorio dabaani ufiraa baasani. Akanaani qaallichi sorio daba nama sunitini baasani baase, daba isaa araaramanifi. Mid'aani daakhani kaani ka hafe qaalluti fud'ata, akamu sorio mid'aani ta baasani taani. AABBO Waaqi waan Musani jed'e, Yo nami danu waan qulqullo sila AABBO Waaqa baasani lakise, akasiini ch'ubbu tolche, nami suni ha gati waan suni elemo yokhaani korbeesa toko, ka kamu aabo inqamne, AABBO Waaqaa baasu. Gati hori suni ha aada Waaro Woyyuma gula laalani. Duuba inni waan sila baasu male baase, ammalle waan shani keesa toko ha iti daruti. Inni waan suni ha qaallichati kennuti duuba qaallichi hori suni sorio daba nama sunitini baasani baase, akasiini daba isaa araaramanifi. Hojja nami danu seera AABBO Waaqa ch'abse ch'ubbu seene, inni gati baasu male. Inni ha elemo yokhaani korbeesa, ka kamu aabo inqamne, gati baase qaallutini d'ufu. Gati hori suni ha aada Waaro Woyyuma gula laalaniti. Qaallichi sorio daba nama sunitini baasani baase, akasiini daba isaa araaramanifi. Inni sorio suni waan AABBO Waaqati ch'ubbamefi gati baase. AABBO Waaqi waan Musani jed'e, Ammalle inni ha elemo yokhaani korbeesa ka kamu aabo inqamne AABBO Waaqa gati baase qaallutini d'ufu. Gati hori suni ha aada Waaro Woyyuma gula laalaniti. Qaallichi ha sorio daba nama sunitini baasani baase, akasiini daba araaramanifi. AABBO Waaqi waan Musani jed'e, waan atini Harunifi ilmaani isaatini jettu, Aadaani sorio gubani baasani tana: wonti gubani sorio baasani suni ha waan irati gubani suni ira bultuti ibidi suleeni ind'aamini. Duuba qaallichi ha ubaarafi hid'a isaa ta boofta keeyate, daara fiila qabdu hare, d'aatu waan mesa fakaata kaani kayuti. Duuba eegi suni inni ha woya jijirate, daara suni ala, fulla qulqullooti, geese jissu. Ibidi fulla sorio iti qalani suni hojja ch'ufa bobau male, yo tokole ind'aamini. Diirama ch'ufa qaallichi ha qoraani iti dare waan gubani sorio baasani suni irati mimid'aase, gabbinna sorio wold'ageeti gubuti. Ibidi hojja ch'ufa bobau male, yo tokole ind'aamini. Aada mid'aani Waaqaa baasani tana: ilmaani Haruni ha sorio suni AABBO Waaqa durati baaftu, waan mesa fakaata kaani durati. Duuba inni ha mid'aani daakhanifi d'ad'afi hit'aana waan suni gubba jirale fuud'e, waan mesa fakaata irati gubuti, aka akasiini aka waan kana ch'ufa AABBO Waaqa iraa argatani garsiise, ch'inch'aani isi AABBO Waaqa gammachiiftu. Haga jiru jireenna nami d'iira ka d'aloota Haruni ha nyaatu; wonti kunini qooda worra ka guyya ch'ufa waan AABBO Waaqaa baasani keesaa worraa kennani. Nami sagale suni qabate ch'ufti nama qulqullo taha. AABBO Waaqi waan Musani jed'e, Wonti Harunifi ilmaani isaa, guyya nama worraa muudani qaallu tolchani AABBO Waaqaa baasu malani, tana: kilo toko ta mid'aani daakhani (ta haga mid'aani guyya ch'ufa Waaqaa baasani), mid'aani suni fulla lamati gargari baasani, toko diirama baasani, kaani galgala baasani. Duuba d'ad'ani wolti makhani daboola irati d'aabani, eegi suni ch'ach'absani, aka mid'aani Waaqa baasani ha baasani aka akasiini ch'inch'aani isii AABBO Waaqa gammachiiftu. Haga jiru jireenna d'alooti Haruni ch'ufti, ka qaallu gudda tolchani, ha waan kana baasu. Waan suni aka dansa gubu malani, aka isiini sorio AABBO Waaqaa taatu. Mid'aani qaallu baasani kana nami tokoleeni nyaachu himmalle; ch'ufuma ha gubaniti. AABBO Waaqi waan Musani jed'e, Waan atini Harunifi ilmaani isaatini jettu, aadaani sorio dabaani ufiraa baasani tana: fulla hori gubani AABBO Waaqa durati sorio baasani iti qaltaniti sorio dabaani ufiraa baasanile qala. Sorioni suni guddo qulqullo. Qaallichi hori suni baasu ha fulla qulqullooti nyaatu, d'aatu Waaro Woyyumati. Wonti sorio suni tuqe ch'ufti qulqullo taati, ammalle hojja waan woya fakaata tokole d'iigi hori suni iti t'iniqe woya suni fulla qulqullooti miich'u malani. Okote faara ta fooni suni keesati d'aabanile ch'absu malani, ammalle yo eele sibiila taatele eele suni rigani aka dansa d'iqu malani. Nami d'iira, ka worra qaallu keesa jiru ch'ufti, yo fed'e dandae nyaata; sagaleeni suni guddo qulqullo. Ammo hojja fulla qulqullooti aka sorio dabaani nama araaramani tolchani, hori suni nyaachu himmalle, gubu malani. Tunini aada waan gati sorio baasani; wonti kunini guddo qulqullo. Fulla sorio gubani baasani iti qalani, waan gati baasani kanale artumati qalu malani, d'iiga isiile waan mesa fakaata kaani gama afraanitu fifit'u malani. Gabbinna hori suni ha iraa baasani, waan mesa fakaata irati sorio baasani: gabbinna dubaati, moora, kaleefi gabbinna isiiti arabicho tirulle ch'ufa. Qaalluuni gabbinna kana ch'ufa ha waan mesa fakaata kaani irati AABBO Waaqa durati gubu. Tunini waan gati sorio baasani. Nami d'iira, ka worra qaallu ch'ufti, dandae nyaata, ammo fulla qulqullooti nyaachu malani, wonti akanatiifi isiini guddo qulqullo. Aadaani sorio dabaani ufiraa baasanitifi ta waan gati sorio baasani taka: Fooni ka qaallu sorio baasuti. Qaallichi sorio gubani baasu ha goga hori suni fud'atu. Mid'aani baasani ch'ufa ka okoteeni d'aabanifi ka eeleeni d'abaanifi ka daboolaani d'aabani ch'ufti ka qaallu waan suni baasuti. Ammo mid'aani baasani, ka ind'aabiini, ka d'ad'a qabatifi ka inqamnelee ilmaani Haruni ha wolqit'e qoodatuti. Aadaani sorio wold'ageeti ta nami AABBO Waaqaa baasu tana. Hojja nami Waaqa jed'e galata deebise sorio baasu, inni hori sorio baasu suni woliini qit'a bukho inqamne ha baasu: qit'a suni ha d'ad'ani wolti makhani fufurdisani d'aabaniti, yokhaani ha buddeena d'ad'a ibsani d'aabaniti, yokhaani ha qit'a d'ad'ani wolti makhani d'aabaniti. Tana malele inni ha qit'a bukho qabu baasu. Inni ha qit'a suni ch'ufa keesa gosa gosani toko toko fuud'e AABBO Waaqaa baasu; qit'aani suni ka qaallu d'iiga hori qalani fuud'e waan mesa fakaatati fifit'uti. Fooni hori suni guyya qalani ha nyaatani; tokoleeni imbulini ha fit'ani. Yo nami sorio wold'ageetitiini d'ufe waan inni kakhu gula baasu taanaani, yokhaani waan inni fed'i gula baasu taanaani, waan d'ufeeni suni ch'ufa ha guyyuma suni nyaatani, ammo yo isiini hafte ha boriyyaate nyaatani. Fooni guyya sadeeso suni iraa hafe ch'ufa ha gubani. Yo fooni guyya sadeeso nyaatani Waaqi nama suni ira waan inni baasufi infud'atu, ammalle waan inni baasu suni tokole inhereganifi. Ammo waan qulqullo intahiniti heregani, ammalle nami waan suni nyaate ya waan male tahe. Fooni waan qulqullo intahini tuqe ch'ufa nyaachu himmalle, gubu malani. Nami qulqullooni fooni dandae nyaata, ammo hojja nami qulqullo intahini fooni sorio wold'ageeti nyaate, nama suni deebiani gumi Waaqati inheregani. Ammalle hojja nami fooni sorio tana nyaate, eegi inni waan qulqullo intahini tuqe, waan nama yokhaani horile taanaani, yokhaani waan d'ibi qulqullo intahini ch'ufa, nama akasi suni deebiani gumi Waaqati inheregani. AABBO Waaqi waan Musani jed'e, Waan atini worra Israelitini jettu, gabbinnafi d'ad'a loonifi ree tokole insooratina. D'ad'a hori ufiini due yokhaani ka bineensi nyaate inyaatina, ammo yo waan d'ibiini tolfatani womaniti. Nama d'ad'a hori sila gubani AABBO Waaqaa baasani nyaatu, nama suni gumi Waaqati deebiani inheregani. Isani fulla jirtani ch'ufa d'iiga simpirre yokhaani bineensafi horile tokole insoortina. Nama seera kana ch'absu tokole gumi Waaqati inheregani. AABBO Waaqi waan Musani jed'e, Waan atini worra Israelitini jettu, Nami sorio wold'ageeti baasu ha gama toko AABBO Waaqaa kennu. Inni ha harkuma isaatini waan gubani AABBO Waaqaa baasanini d'ufu. Inni gabbinna hori suni ha handaraafa woliini olqabe aka AABBO Waaqaa baasani garsiisuti. Qaallichi ha gabbinna waan mesa fakaata irati gubuti, ammo handaraafi ka qaaloleeti. Miila mirga ka lukha ka sorio wold'ageeti ha qaallu d'iigaafi gabbinna sorio baasu kennani. Handaraafa olqabani, aka AABBO Waaqaa baasani garsiisani kaanifi miila mirga ka lukha kaani, anini yayu worra Israeli iraa fuud'e Harunifi ilmaani isaati kenne aka wonti kunini waan guyya ch'ufa worra Israeli iraa fuud'ani taatu. Wonti kunini qooda sagale sorio gubani keesaa fuud'ani gaafa Harunifi ilmaani isaa eebisani qaallu AABBO Waaqa tolchani kennaniifi. Guyya worra muudani suni, AABBO Waaqi worra Israelitini, waan suni worraa kenna jed'e. Tunini aada worri Israeli haga jiru jireenna guutu male. Aadaani sorio dabaani ufiraa baasanifi waan gati sorio baasanifi waan guyya qaalole eebisani muudani baasanifi ammalle ta sorio wold'ageetileeni tana; AABBO Waaqi aada tana Musa gaara Sinai, lafa aloo keesati, kenneefi, guyya inni worra Israelitini sorio AABBO Waaqa baasa jed'e. AABBO Waaqi waan Musani jed'e, Harunifi ilmaani isaa fulla balbala Waaro Woyyuma geesi, woya qaallutifi d'ad'a namaani muudanifi jibicha korma ka qalani dabaani nama iraa baasanifi elemiye lamafi ammalle dadu qit'a bukho inqamne kootiini. Duuba gumi ch'ufa achiti wolti yaami. Musani akuma AABBO Waaqi tolchi jed'eeni tolche, gumiini wolti d'ufte jennaani, inni waan worraani jed'e, Wonti anini amma tolchu kunini waan AABBO Waaqi, Tolchi nani jed'e. Musani Harunifi ilmaani isaa gumi durati gayaame bisaani d'iqachiise. Inni ubaara iti kaye, gurdale hid'eefi ubaara d'eerafi woya aka korbo hid'atanile iti kaye, gurda hid'aana ka aka dansa d'aani kaaniini hid'eefi. Duuba ukha qoma iti kaye, Urimufi Thumimu keesa kaye. Surele matati marefi, sure suni dura faaya worqi ka qulqullooma garsiisu iti naqe, akuma AABBO Waaqi Musani jed'e kaani. Jennaani Musani d'ad'a muuda suni fuud'e, Waaro Woyyumatiifi waan kana ch'ufa AABBO durati eebise. Duuba inni d'ad'a kaani haga toko fuud'e, waan mesa fakaata kaani miha isaa ch'ufafi, qorifi waan isiini ira ejitule ch'ufati fifit'e, aka akasiini Waaqa durati eebise qulqulleesu. Inni d'ad'a suni Harunileeni muude eebisefi. Ammalle ilmaani Harunile duraani d'ufe ubaara iti naqe, gurda hid'eefi, kofia iti naqe, akuma AABBO Waaqi jed'eeni kaani. Jennaani inni jibicha korma ka dabaani nama iraa baasani gadi fuud'e, Harunifi ilmaani isaa harka mata ira keeyate harirate. Duuba Musani korma suni qale d'iiga isaa fuud'e, qubaani gaafa afraani waan mesa fakaata kaani ibse; aka akasiini eebisu. Duuba d'iiga hafe kaani d'ibi waan mesa fakaata kaani jalati jisse, akanaani eebise qulqulleese. Inni gabbinna miha garaa ch'ufafi arabicho tirutifi kaleefi moora isiile ch'ufa fuud'e waan mesa fakaata irati gube. Ammo waan jibicha suni ka hafe ch'ufa fooni, goga, miha garaa ch'ufa fuud'e, alati baase fageese gube, akuma AABBO Waaqi jed'eeni kaani. Jennaani inni elemo sorio d'ufaniini fuud'e Harunifi ilmaani isaa harka mata ira keeyate harirate. Duuba Musani elemo suni qale, d'iiga isaa waan mesa fakaata gama afraaniti jijisse. Jennaani inni Elemo lameeso ka qaaloleeni eebisani d'ufeeni Harunifi, ilmaani isaa harka mata ira keeyate harirate. Musani gorae, d'iiga fuud'e Haruni nyaaba gurra mirgatifi quba agicho ka harka mirgatifi quba agicho ka miila mirgale qabeeni. Jennaani inni ilmaani Haruni duraani gad'ufe, d'iiga fuud'e, nyaaba gurra mirgatifi quba agicho ka harka mirgatifi quba agicho ka miila mirgale qabeeni. Duuba d'iiga hafe kaani gama afraani waan mesa fakaata kaaniti jijisse. Inni gabbinnafi dubafi, gabbinna miha garaa ch'ufafi arabicho tirutifi kaleefi moora isiitiifi ammalle miila lukha ka mirga fuud'e. Jennaani inni qit'a toko dadu qit'a bukho inqamne ka AABBO Waaqaa baasani keesaa fuud'e, ammalle qit'a toko ka d'ad'ani d'aabanifi waan aka buddeena tokole fuud'e, gabbinnafi miila lukha mirgicha kaani gubba kaye. Inni waan kana ch'ufa harka Harunitifi ilmaani isaati kenne worri AABBO Waaqa durati olqabe, aka AABBO Waaqaa baasani garsiise. Jennaani Musani waan suni worra iraa fuud'e, waan mesa fakaata irati sorio gubani gubba kaye woliini gube, akuma sorio namaani eebisani. Tunini sorio gubani ta ch'inch'aani isii AABBO Waaqa gammachiiftu. Jennaani Musani handaraafa fuud'e olqabe, aka AABBO Waaqaa baasani garsiise. Handaraafi suni waan Musani guyya qaalole eebisani suni sorio baasu. Waan kana ch'ufa Musani akuma AABBO Waaqi jed'eeni tolche. Jennaani Musani d'ad'a muudatiifi d'iiga waan mesa fakaata gubba jiru fuud'e, Harunifi ilmaani isaatiifi woya worraleeti fifit'e, kara kanaani inni worraafi woya worrale AABBO Waaqa durati eebise. Musani waan Harunifi ilmaani isaatini jed'e, Fooni fuud'a, fulla balbala Waaro Woyyumati d'aaba, artumati qit'a dadu waan Waaqaa baasani ka qaaloleeni eebisani iti naqani keesaa fud'ad'a fooniini woliini nyaad'a, akuma AABBO Waaqi jed'e. Ammalle foonifi qit'a ka isani iraa hafe guba. Waaro Woyyuma haga bulti torba keesaa imbahina, haga torbaani jila isaniini eebisani kunini dabraniti. Waan nu arra tolchine kana AABBO Waaqati tolcha nani jed'e, aka daba keesani isani iraa fuud'ani. Isani fulla balbala Waaro Woyyuma haga bulti torba teetani, waan AABBO Waaqi, Tolcha jed'e tolchu maltani. Yo akasi tolchu baatani indootani wonti AABBO Waaqi nati hime suni. Jennaani Harunifi ilmaani isaa waan AABBO Waaqi Musani worrati himi jed'e tolchani. Torbaani jila qaaloleeni eebisani dabrani jennaani, Musani Harunifi ilmaani isaatiifi jaarole Israeli wolti yaame, waan Harunini jed'e, Jibicha korma tokofi elemo toko, ka kamu aabo inqamne fuud'i, AABBO Waaqaa baasi, jibicha sorio dabaani ufi iraa baasani baasi, Elemo sorio gubani baasani baasi. Ammalle waan atini worra Israelitini jettu, Korbeesa toko fuud'a, sorio dabaani ufi iraa baasani baasa, ammalle jibicha ganna tokotifi Elemo ganna toko, ka kamu aabo inqamne, fuud'a, sorio gubani baasa; ammalle jibicha kormatifi Elemo tokole fuud'a, sorio wold'ageeti baasa waan kana ch'ufa AABBO Waaqa durati sorio baasa, ammalle waan kana woliini mid'aani d'ad'ani makhani baasa, wonti isani akasi taatanifi AABBO Waaqi arra isaniti mullata. Worri waan Musani kootani jed'eeni kaani ch'ufa Waaro Woyyuma duraani d'ufe, gumiini ch'ufti achiti wolti baate, AABBO Waaqa dura ejite. Jennaani Musani waan jed'e, wonti AABBO Waaqi, tolcha isaniini jed'e tana, aka guddinni AABBO Waaqa isaniti mullatu. Jennaani inni waan Harunini jed'e, waan mesa fakaata kaani d'aqi, sorio dabaani ufi iraa baasanifi, sorio gubani ta daba kanketifi daba gumile baaftu baasi. Sorio daba gumitini baasani tana baasi akuma AABBO Waaqi jed'e. Duuba Harunini waan mesa fakaata kaani d'aqe, jibicha korma ka daba isaatini baasani qale. Ilmaani isaa d'iigaani d'ufte, jennaani inni quba keesa kaye, gaafa afraani waan mesa fakaata kaani ibse, ka hafe kaani mesa suni jalati jisse. Jennaani inni gabbinnafi kaleefi arabicho tirulle, waan aka mesa suni gubbati, akuma AABBO Waaqi Musani jed'e kaani, gube. Ammo foonifi goga alati baase fageese gube. Ammalle inni hori gubani sorio baasanile qale. Duuba ilmaani isaa d'iigaani d'ufte, inni d'iiga suni waan mesa fakaata kaani gama afraaniti jisse. Ammalle matafi fooni hori suni iti kennite jennaani inni waan mesa fakaata suni irati gube. Duuba inni miha garaatifi miila lukha lamaani d'iqe, waan mesa fakaata kaani irati sorio gubani taani woliini gube. Eeegi suni inni waan gumiini baafte baase, korbeesa daba gumitini baasani fuud'e korbeesa daba gumitini baasani fuud'e qare sorio baase, akuma inni sorio daba isaatini baasani taani baase. Ammalle inni hori gubani sorio baasanile d'ufeeni, akuma kaani aada gula sorio baase. Duuba mid'aani Waaqaa baasanile d'ufeeni, mid'aani daakhani suni harka guutafe, fuud'e waan mesa fakaata suni irati gube. (Waan kana ch'ufa waan guyya ch'ufa gubani waaqaa baasani male baasani.) Inni kormafi Elemo sorio wold'ageeti biyyaa qale. Duuba ilmaani isaa d'iigaani d'ufte, inni d'iiga suni waan mesa fakaata kaani gama afraaniti jijisse. Harunini gabbinna kormatifi ka elemole handaraafa hori suni gubba kaye, waan mesa fakaatiti geese. Ammalle gabbinna waan mesa fakaata irati gube, handaraafafi miila lukha ka mirga lamaani olqabe, aka AABBO Waaqaa baasani garsiise, akuma Musani isaani jed'e. Eegi arunini sorio tana ch'ufa baase, inni harka isaa olud'ate, gumi eebise fulla qara iraa gadibue. Jennaani Musafi Harunini Waaro Woyeyuma olseenani eege keesaa gabahani biyya eebisani, duuba guddinni AABBO Waaqa biyya ch'ufati mullate. Jennaani AABBO Waaqi ibida gubba gadi erge, ibidi suni sorio gubanifi gabbinna waan mesa fakaata gubba jiru ch'ufa gube, Biyyiti waan suni garte jennaani lalabde lafati gajejete. Nadabufi Abihuni, ilmaani Haruni, worri lachu daboola isaa ka ibida fud'ate, ch'ile ibida keesa kaye, hit'aana keesa buuse, AABBO Waaqa durati aarse. Ammo ibidi suni qulqullooniti, wonti akanatiifi AABBO Waaqi worraani, baasa injenne. Duuba AABBO Waaqi durati worra gube hobaase. Jennaani Musani waan harunini jed'e, Wonti AABBO Waaqi gaafa inni nama na hojate anini qulqullooma garsiisa, duuba gumi tiyya ch'ufa durati na guddisani, jed'eefi tana. Ammo Harunini inch'alise. Duba Musani Mishaelifi Elisafani, ilmaani Uzieli, ta abbuyoota Harui, yaame waan jed'eeni, koota, reefa oboleyaani teesani kana fuud'a, Waaro Woyyuma biraa fageesa, alati baasa. Duuba worri d'ufe, reefa suni woya woliini fuud'e akuma Musani jed'eeni kaani alati geese. Jennaani Musani waan Harunifi ilmaani isaa Eleazarifi ithamarini jed'e mata keesani filachu illakisina, yokhaani woya teesani tarsaaftani laalala ingarsiisina. Yo isani akasi tolchitani indootani, ammalle AABBO Waaqi gumi ch'ufati dallana. Ammo obleyaani teesani ta Israeli ha worra Waaqi ibidaani fit'e kani jette bootu. Waaro Woyyuma keesaa imbahina yo keesaa baatani indootani; wonti akanatiifi isani ya d'ad'a AABBO Waaqatini muudani. Duuba worri waan Musani jed'eeni ch'ufa guute. AABBO Waaqi waan Harunini jed'e, Sifi ilmaani tante daad'ifi haraqe d'uuddani Waaro Woyyuma induudiina; yo akasi taatani indootani. Tunini seera haga jiru jireenna d'alooti kanke guutu male. Isani waan Waaqatifi waan nama yokhaani waan qulqulloofi ka qulqullo intahini gargari hubachu maltani. Ammalle seera anini Musani isani kenne gumi Israeli barsiisu maltani. Jennaani Musani waan Harunifi ilmaani isaa lamaani hafte taani, Eleazarifi Ithamarini jed'e, mid'aani gubani AABBO Waaqaa baasani, ka iraa hafe, fuud'a, qit'a bukho inqamne d'aaba d'aatu waan mesa fakaatari nyaad'a; wonti akanatiifi wonti baasani kunini quddo qulqullo. Fulla qulqullooti nyaad'a; kunini sagale AABBO Waaqa baasani keesa qooda keesanifi ka ilmaani teesaniti. Wonti AABBO Waaqi nani jed'e suni. Ammo isanifi worri keesanileeni handaraafafi miila lukha ka olqabani, aka AABBO Waaqaa baasani garsiisani, nyaachu dandeetani; fulla qulqullo ch'ufaati. Waan baasani kana ya isanifi ijoolle teesanii kennani, aka isiini sorio wold'ageeti worra Israeli baasu keesa qooda keesani taatu. Worri miila lukhatiifi handaraafa ha hojja gabbinna gubani AABBO Waaqa baasani d'ufuuni. Qoodi kunini keesanifi ka ijoolle teesaniti haga jiru jireenna, akuma AABBO Waaqi jed'e. Musafi reeti sorio dabaani ufi iraa baasani gaafate jennaani, ya gubani jed'aniini. Inni dubbi suni d'agaye jennaani Eleazarifi Ithamarati dallane waan jed'eeni, Isani maanifi sorio dabaani ufi iraa baasani fulla Woyyumati inyaatina? Sorioni suni guddo qulqullo, ammalle yayu AABBO Waaqi isanii kenne aka ch'ubbu gumi iraa fuud'ani, akasiini worraa araaramani. Waan d'iiga sorio suni achumati nyaachu maltani, akuma qara anini isaniini jed'e. Harunini waan jed'eeni, Ato sila anini sorio dabaani ufi iraa baasani arra nyaad'e, AABBO Waaqi tanaa jed'e ingammada? Biyyiti ya sorio dabaani ufi iraa baasani arra AABBO Waaqaa baafte, ammalle sorio gubanile d'ufteeni, ammo yo akasile taate, wonti hamtuni tuni na inhanqanne. Musafi waan kana d'ageennaani dubbi isaa quufe. AABBO Waaqi waan Musafi Harunini jed'e, Waan isani worra Israelitini jettani, bineensi lafa keesa jiru ka isani nyaachu maltani kana. Bineensa qeench'e kaarru qabu ka alala deefatu. Booyye inyaatina, isiile aka waan qulqullo intahiniti herega; wonti akanatiifi qeench'i isii kaarru, ammo alala indeefatu. Bineensa akana kana tokole inyaatina, yokhaani reefa isanile intuqina; wonti akanatiifi inni qulqullooniti. Qurt'umi gosa ch'ufa ta bisaani keesati galtu nyaad'a, ammo waan bisaani keesati gala, ka qurt'umi intahini, inyaatina. Bineensa akana kana aka waan qulqullo intahiniti herega, inyaatina, yokhaani reefa isaanile intuqina. Waan bisaani keesati gala ka qurt'umi intahini inyaatina. Bineensi didiqani khoola qabu ch'ufti qulqullooniti, ka kurupatu male. Awaanisa, qorra, yokhaani koropu nyaad'a. Ammo bineensa didiqa ch'ufa, ka khoola qabuufi ka miila afuri qabu, waan qulqullo intahiniti herega. Nami bineensa suni jirafi reefa isaale tuqe haga aduuni d'iituti qulqullooniti. Ammalle yo reefi bineensa suni woi gubba buele, wonti suni qulqullooniti. Seeri sunini waan mukhaafi, woya, gosafi waan aka baasileeni mid'aasani sunuma, ato huji taateni hojatanile. Waan suni ha bisaani keesa buusani ammo haga aduuni d'iituti qulqullooniti. Ammalle yo reefi suni okote faara keesa bue, wonti keesa jira qulqullooma d'abdi. Ammalle okote faara suni ha ch'absani. Sagale sila nyaatani, ta bisaani okote suni iti ch'obani qulqullooma d'abdi, ammalle wonti sila okote suni keesaa d'uganileeni qulqullooma inqabdu. Wonti reefil suni ira buu tokoleeni qulqullooniti; okote faaratifi waan woiti d'aabani d'ibile ch'ufa ch'ach'absu malani. Ammo maddofi qabaani bisaani qulqullooma ind'abdu, ato wonti d'ibiini reefi suni tuqe qulqullooma d'abdele. Yo reefi suni toko sanyi fach'aasu fed'ani ira bue, sanyini suni qulqullooma ind'abdu. Ammo yo sanyi suni bisaani iti naqani, reefi suni ira bue, sanyini suni qulqullooniti. Yo bineensi nami sila nyaatu due, nami reefa suni tuqe haga aduuni d'iituti qulqullooniti. Ammalle yo nami tokoleeni fooni bineensa suni nyaate, inni ha woya ufi miich'atu, ammo haga aduuni d'iituti inni ammalle qulqullooniti. Waan kana nyaattani ufi int'ureesina. Anini, AABBO Waaqi keesani Waaqa qulqullo, Tanaafi ufi qulqulleesa, qulqullo taha. Anini Waaqa keesani, ka lafa Misiri keesaa isani baase, aka Waaqa keesani tahu. Tanaafi akuma anini qulqullo isanileeni qulqullo tahu maltani. Kunini duuba seera bineensafi simpirreefi waan bisaani keesati galatifi waan lafa ira deema ch'ufa. Isani qorqorachu maltani, aka waan qulqulloofi waan qulqullo intahini yokhaani bineensa nami nyaatufi ka nami inyaannel gargari hubattani. AAABBO Waaqi waan Musani jed'e, Waan atini worra Israelitini jettu, yo nad'eeni garaachoofte d'iira d'alte, isiini haga bulti torba qulqullooniti, akuma gaafa aada uwa gabdu. Gyya saddeeteeso daima suni ha qabanqaba qabanifi. Duuba eegi suni isiini bulti sodomi sadi ha ulma teete d'iiga deebifatu; isiini waan qulqullo intuqini, yokhaani Waaro Woyyuma inseeniini, haga isiini ulmaa baate qulqullooftuti Hojja nad'eeni dubra deete, isiini haga bulti kud'ani afuri qulqullooniti, akuma gaafa aada uwa qabdu. Duuba eegi suni isiini haga bulti jaatami jaa ha ulma teete d'iiga deefatu. Gaafa isiini ulmaa baate qulqulloofte, ilma d'iira yokhaani ta dubra taanaanile, isiini ha fulla balbala Waaro Woyyuma elemo gunna toko, ka sorio gubani baasanifi sabaliisa guddafi diqale taanaani ka sorio dabaani ufi iraa baasani baafte qaallichatini d'uftuti. Duuba qaallichi ha waan isiini d'ufteeni suni AABBO Waaqa baase, aada isiini qulqulleesani guutufi. Duuba akanaani isiini qulqulloofti. Aadaani na d'eeni d'iirafi dubra d'altu tana. Hojja niitiini suni Elemo baaftu inqamne, isiini ha sabaliisa gugurda lamafi yokhaani didiqa lamaani d'ufturi. Toko sorio gubani baasani, kaani sorio dabaani ufi iraa baasani baasani. Duuba qaallichi ha aada isiini qulqulleesani guutufi. Akanaani duuba isiini qulqulloofti AABBO Waaqi waan Musafi Harunini jed'e, Hojja nami gogaani mamadae iitae kulkule, ka hegeri d'ukuba hama aka qomaat'a fa tahu, ha Harunifi yokhaani ilmaani isatini d'ufani. Qaallichi ha mada suni laalu, hojja rifeensi mada suni keesa jiru addaate madaani suni gadi qilate, inni d'ukuba hama aka qomaat'a; duuba qaallichi Nami kunini qulqullooniti jed'e, ha biyya beesisu. Ammo yo madaani sunini addaate, gadiqile tahu baate, rifeensilleeni adi tahu baate, qaallichi ha nama suni gumi keesa koba baasu. Qaallichi ha ammalle guyya torbeeso isa ilaale, yo madaani suni akuma qara kaani jiraate, ka hagasi ira inguddatini inni arge, inni ammalle ha bulti torba d'ibi biyya keesa isa koba baasu. Qaallichi ha ammalle guyya torbeeso isa ilaalu, yo madaani suni akuma qara kaani jiraate, ka hagasi ira inguddatini inni arge, inni ha, Nami kunini qulqullo jed'e biyya beesisuti; wonti sunini maduma male d'ukubaniti. Nami suni ha woya miich'ateufi qulqulleesu. Ammo yo madaani suni, eegi qaallichi ilaale qulqullo jed'e biyya beesise guddate inni ammalle qaallicha dura d'ufu male. Qaallichi ammalle ha isaa ilaale, yo isiini guddatte, Nami kunini qulqullooniti jed'e ha biyya beesisu; madaani sunini d'ukuba hama aka qomaat'a. Yo nami d'ukuba hama aka qomaat'a qabaate nama suni ha qaalluti geesani. Duuba qaallichi ha isa ilaale yo madaani addaate rifeensi adini keesani bahe malaani keesaa yaate, madaani sunini d'ukuba hama gogaani bahu. Qaallichi ha, Inni qulqullooniti jed'e biyya beesisu, wonti isa koba gumi keesa baasanifi injrtu, wonti akanatiifi inni qara qulqullooniti. Yo d'ukubi gogaa sunini hammaate nafa nama suni ch'ufa qabate, qaallichi ha ammalle isa ilaalu. Yo inni aka d'ukubi sunini nafa isaa ch'ufa qabate arge, inni ha, Nami suni qulqullo jed'e, biyya beesisu. Yo gogaani isaa ch'ufti addaate inni qulqullo. Ammo yo madaani sunini ammalle kulkulte, inni ya qulqullooma d'abe. Qaallichi ammalle ha isa ilaale, yo aka madaani isaa kulkultu arge, Inni qulqullooniti jed'e biyya beesisu. Madaani deebite kulkultu ch'ufti d'ukuba hama aka qomaat'aati, nami suleeni qulqullooniti. Ammo hojja madaani suni fayyite deebite addaate, namichi suni ha qaallicha d'aquti. Qaallichi isa ilaale, yo madaani ka addate taate, inni qulqullo, qaallichileeni ha, Inni qulqullo jed'e biyya beesisu. Yo nami d'ulla fayye jiraate, ka eege fullaani suni itoofte, wonti addaate diimatu keesani gabaate, inni gara qaallu deemu male. Qaallichi ha isa ilaale, yo fullaani suni gadi qile taate rifeensi isi keesa jiruleeni addaate, qaallichi ha inni qulqullooniti jed'e biyya beesisu. Woni sunini d'ukuba hama aka qomaat'a, ka d'ulla keesani bahe. Ammo yo qaallichi mada suni ilaale, aka rifeensi inadaatinifi ammalle isiini gadi inqilatini, ka ammalle isiini guddo imulane arge, qaallichi nama suni ha guyya torba gumi keesa koba baasu. Yo madaani sunini guddate, qaalichi ha, inni qulqullooniti jed'e biyya beesisu, inni ya d'ukuba fuud'e. Ammo yo madaani suni akuma qara kaani teete, ka iti inhiiqini, isiini qadaanisa d'ulla kaani, duuba qaallichi ha, Inni qulqullo jed'e biyya beesisu. Hojja nami gubate nafi folloqe addaate yokhaani diimate, qaallichi ha isa ilaalu. Yo rifeensi fulla suni addaate, madaani suni gadi qilate, gubatu suni ya d'ukubi hamani aka qomaat'a keesani bahe, qaallichi, Nami suni qulqullooniti jed'e, ha biyya beesisu. Ammo yo rifeensi addaachu baate, madaani qile tahu baate guddo imulane, qaallichi ha guyya torba gumi keesaa isa koba baasu, guyya torbeeso qaallichi ha ammalle isa ilaalu, yo isiini guddachu jiraate, isiini d'ukuba hama aka qomaat'aati, duuba qaallichi ha, Inni qulqullooniti jed'e biyya beesisuti. Ammo yo madaani suni akuma qara kaani teeti, ka inguddatini yokhaani ka guddo imulane, isiini d'ukuba hama aka qomaat'aatiniti. Qaallichi inni qulqullo jed'e ha biyya beesisu; wonti akanatiifi wonti sunini gadaanisuma gubatuti. Yo nami d'iira taanaani, yokhaani uwa taanaani mada mata yokhaani areeda qabaate, qaallichi ha ilaaluti, yo madaani suni qile taate rifeensi isi qaqalla hahad'icha taate, madaani suni d'ukuba hama aka qomaat'aati, qaallichi Nami suni qulqullooniti jed'e ha biyya beesisu. Yo eegi qaalichi laalelle madaani sunini qilachu baate, ammo ka rifeensi dansaani gadi imbahini, inni ha isa haga guyya torba gumi keesaa koba baasuti. Qaallichi ha guyya torbeeso mada suni ilaalu. Yo madaani suni inguddatinini, yokhaani ka rifeensi hahad'ichi iti imbahini, yokhaani ka isiini qile intahini, nami suni ha d'aatu mada suni haadatu, duuba qaallichi ha bulti torba d'ibi gumi keesaa koba baasu. Guyya torbeeso qaallichi ammalle ha mada suni ilaalu, yo isiini inguddatini, yokhaani yo isiini inqilatini, inni Nami sunini qulqullo jed'e ha biyya beesisu; nami sunini ha woya miich'ate ufi qulqulleesu. Ammo yo madaani suni eegi inni qulqullo jed'ani biyya beesisani hammaate, qaallichi ha ammalle isa ilaabu. Yo madaani suni hammaate, qaallichi waan rifeensa hahad'icha kaani barbaadufi inqabu; nami suni qulqullooniti. Ammo yo aka qaallichati madaani suni inhamaatini, ka rifeensi dadansaani keesaniti bau jiru madaani sunini qulqullo jed'e ha biyya, beesisu. Hojja nama d'irra taanaani, yokhaani uwa taanaani, gogaani isaa luqae addaate, qaallichi ha nama suni ilaalu hojja fullaani luqaate suni guddo addaachu baate, wonti sunini aabuma gogaani baate, nami suni qulqullo. Ammo hojja madaani wonti adiifi diimtuni keesani baatu molu suni keesani baate, isiini d'ukuba hama aka qomaat'aati. Qaallichi ha isa ilaaluti, duuba yo mada suni wonti adiifi diimtuni keesani baate, qaallichi ha inni qulqullooniti jed'e biyya beesisu; wonti akanatiifi mataani isaa d'ukuba hama aka qomaat'a qaba. Nami d'ukuba hama aka qomaat'a qabu ha woya ufi tarsaase, rifeensa isaa ginda tolfate, afaani duufate, lalabe, Anini qulqullooniti, Anini qulqullooniti jed'uuti! Inni haga d'ukuba suni qabu qulqullooniti; inni ha koba tauti biyya keesa imbahini. Hojja woyaani boofta taanaani, yokhaani dabassiti taanaani, yokhaani waan boofta ira mid'aasanifi ka dabassa ira mid'aasani taanaani, yokhaani gogafi waan gogogani mid'aasani taanaani damansoofte, ammalle damansi sunini dottaate yokhaani diimate, inni damansa guddate amma waan ch'ufa qabachu jiru, tanaafi qaallu garsiisu malani. Qaallichi ha waan suni ilaale, haga bulti torba koba kayuti. Ammalle guyya torbeeso inni ha ilaalu; yo damansi suni quddate, wonti sunini qulqullooniti. Qaallichi waan suni gubu male, wonti akanatiifi, damansi suni ya guddate waan ch'efa qabate, tanaafi ibidaani gubu malani. Ammo hojja qaallichi ilaale aka damansi suni inguddatini arge inni ha miha suni d'iqa haga bulti torba olkaya jed'u. Duuba eege qaallichi ilaale, yo damansi suni bifa jijirachu baate, ato guddachule baate, inni qulqullooniti, miha suni gubu maltani, ato damansi dura yokhaani duuba jiratele. Ammo yo eegi qaallichi laale, damansi sunini ira diqaate, inni ha woya yokhaani goga suni fulla damansoofte taani iraa kututi. Ammo yo damansi ammalle iti deebie, damansi suni guddachu jiraate abbaaleni ha miha suni gubuti. Yo inni miha suni d'iqe, damansi sunini bade, ammalle ha d'iquuti, duuba mihi sunini inqulqullaa. Aadaani waan damansae gaad'a booftatifi yokhaani dabassicha taanaani woya boofta yokhaani dabassiti taanaani, yokhaani waan gogaani mid'aasani taanaani tana. AABBO Waaqi waan Musani jed'e Aadaani nama d'ukuba goga fuud'e fayyeeni qulqulleesani tana. Guyya inni ya qulqullae jed'ani biyya beesisani, ha qaallichatini d'ufaniti; duuba qaallichi ha gumi keesaa koba baase isa ilaaluti. Hojja inni ka fanye taate, qaallichi ha simpirre qulqullo lamafi dame mukha hind'eesatifi museensa diima tokofi dame urgotiini kooti jed'uuni. Jennaani qaallichi ha, simpirre toko okote faara ta bisaani madda qabdu gubati qala biyyaani jed'u. Duuba inni ha simpirre taani fuud'e, dame hind'eesatifi museensa diimafi dame urgo taani fuud'e, d'iiga simpirre qalani taani keesa buusu. Inni d'iiga ha maro torba namicha d'ukuba goga ira qulqulleesaniti fifit'e ya qulqullae jed'e simpirre jirtu taani diidati gad'iisu. Duuba namichi sunileeni ha woya miich'ate, mata haadate, nafa d'iqate akasiini qulqullauti. Inni dandae olla seene keesa deema, ammo waaro isaa haga bulti torba inseeniini. Guyya torbeeso inni ha matafi areedafi rifeensa gaara ilaatifi rifeensa nafa isaa ch'ufa haadate, woya miich'ate, nafa d'iqate akanaani qulqullau. Guyya saddeeteeso inni ha elemiye lamafi hoola d'ala ganna toko, ka kamu aabo inqamneefi mid'aani daakhani ka kilo sadii, ka d'ad'ani wolti makhanifi d'ad'a dulo toko qaallichatini d'ufuti. Qaallichi ha namichafi waan inni baasu kana ch'ufa fulla Waaro Woyyumatiini d'ufuti. Jennaani qaallichi elemo tokofi d'ad'a dulo kaani fuud'e, waan gati sorio baasani baase, olqabe, aka AABBO Waaqa baasani garsiisuti. Inni elemo suni ha fulla qulqullo, ta hori dabaani ufi iraa baasani yokhaani sorio gubani baasani iti qalaniti, qaluti. Wonti inni waan kana tolchufi wonti gati sorio baasani, akuma sorio dabaani ufi iraa baasani taani ta qaalluti, ammalle guddo qulqullo. Qaallichi ha d'iiga elemo suni fuud'e, nyaaba gurra mirgichatifi quba agicho ka harka mirgatifi quba agicho ka miila mirga ka nama qulqulleesani sunitini qabu. Qaallichi ha ammalle d'ad'a diqa toko fuud'e, harka isaa bitaachati naqe, quba isaa toko ka harka mirga d'ad'a suni keesa kaye, maro torba d'ad'a suni AABBO Waaqa durati fift'u. Duuba d'ad'a harka isaa keesa jiru kaani haga tokofi d'iiga elemole fuud'e nyaaba gurra mirgatifi quba agicho ka miila mirga ka namicha qulqulleesani kaani ha ibsu. Ammalle d'ad'a harka isaa keesati hafe kaani ha mata namicha suni ibsu, akanaani inni aada namaani qulqulleesani guuta. Jennaani qaallichi sorio dabaani ufi iraa baasani baase, aada namaani qulqulleesani guuta. Eegi suni inni hori sorio gubani kaani qale, sorio sunifi mid'aani Waaqaa baasani waan mesa fakaata irati Waaqaa baasa. Akanaani qaallichi aada namaani qulqulleesani guute, namichi kaanileeni qulqullaa. Yo namichi suni hiyyeesa taate waan baasu d'abe inni ha elemo toko ch'alla aka isa qulqulleesani gati sorio baasu, aka sorio suni olqabani, aka Waaqaa baasani garsiisani. Ammalle inni mid'aani daakhani d'ad'ani makhani ka kilo tokotifi d'ad'a dulo toko ha Waaqaa baasu. Ammalle inni ha sabaliisa gugurda lamafi yokhaani didiqa lama, toko ka sorio dabaani ufi iraa baasani, kaani ka sorio gubani baasani, d'ufuuni. Guyya saddeeteeso ka isa qulqulleesani, inni ha waan suni ch'ufa qaallichatini d'ufu, fulla balbala Waaro Woyyumati. Duuba qaallichi ha elemofi d'ad'ale fuud'e, olqabe, aka AABBO Waaqaa baasani garsiisu. Jennaani inni elemo suni qale, d'iiga isa haga toko fuud'e, nyaaba gurra mirgichatifi quba agicho ka harka mirgatifi quba agicho ka miila mirga ka namicha sunitini qabu. Duuba qaallichi d'ad'a suni ka gari gana harka isaa bitaachati naqe; quba isa toko ka harka mirgichatini maro torba AABBO Waaqa durati fifit'a. D'ad'a garile ha fulla qara inni d'iiga ibse taani ibsuuti; nyaaba gurra mirgichatifi quba agicho ka harka mirgatifi quba agicho ka miila mirga ka nama sunile. D'ad'a harka isaa keesati hafe kaani inni ha mata namicha suni ibsuuti, aka akanaani aada qulqulleesa guutu. Jennani inni ha sabaliisa gudda yokhaani diqa toko fuud'e, sorio dabaani ufi iraa baasani baasu, ammalle sabaliisa kaani ha sorio gubanifi mid'aani Waaqaa baasani woliini baasu. Akanaani qaallichi aada qulqulleesa guuta. Tunini aada nama d'ukuba hama goga qabuuni, ka dandae waan baasu malai inqamneeni qulqulleesani. AABBO Waaqi waan Musafi Harunini jed'e, Hojja lafa kanaani ta anini isani kennuni baatani, anini mana lafa suni keesa jiru damansa iti buusa, abbaani mana suni ha d'ufe, qaallichani mani kiyya ya damansae jed'uuti. Duuba qaallichi ha namaani, waan mana suni keesa jira ch'ufa keesaa baasa jed'u, ato inni ufi qara ilaalu ind'anne; yo akasi intochini, waan mana suni keesa jira ch'ufa dandaani waan qulqullo intahiniti heregani. Eegi suni qaallichi ha mana d'aqe, damansa suni ilaalu. Hojja damansi suni dottaate yokhaani diimate aka hama mana suni qabate inni ha mana suni qulfe keesaa bahe haga bulti torba iraa tauti. Guyya torbeeso ha deebie ilaaluti. Hojja damansi sunini haga qara kaani dabre fulla d'ibi qabate, inni ha, d'akha damansai suni qabate keesaa baasa, dira alati fulla qulqullo intahiniti gata jed'u. Eegi suni mana suni ch'ufa ha hooqani, waan iraa hooqani suni ch'ufa dira alati fulla qulqullo intahiniti jissani. Duuba d'akha d'ibi ha fuud'ani fulla d'akha gatani kaani kayani, aka dansa d'oobaniti. Hojja damansi mana d'akhaa keesaa fuud'ani hooqani d'oobani suniti deebie, qaallichi ha deeme ilaaluti. Hojja damansi sunini guddate, mani sunini qulqullooniti, ha ch'absani, d'akhaafi mukhaafi waan isani d'oobani ch'ufa ha dira keesaa baasani, fulla qulqullo intahiniti geesaniti. Nami mana suni, ka qulfi qabu, seene ch'ufti, haga aduuni d'iituti, qulqullooniti. Nami mana suni keesa ch'iise yokhaani ka sagate keesati nyaatuleeni ha woya miich'atuti. Ammalle hojja eegi qaallichi d'ufe ilaale damansi imulatini eegi mana maro lameeso d'oobani, inni ha, Mani sunini qulqullo jed'e biyya beesisu, wonti akanatiifi damansa suni yayu balleesani. Duuba inni ha simpirre lamafi dame hind'eesatifi museensa diimafi dame urgoo d'ufuuni, aka mana suni qululleesani. Ammalle ha simpirre toko okote faara ta bisaani madda qabdu irati qale, dame hind'eesatifi museensa diimafi urgoofi simpirre jirtu fuud'e, d'iiga simpirre qalani taanifi bisaani okote keesa jira kaani keesa buusu. Duuba eege keesaa fuud'e, mana suniti maro torba fifit'uti. Kara kanaani inni mana suni d'iiga simpirreetifi bisaani maddootifi simpirre jirtuufi dame hind'eesatifi urgoofi museensa diimani qulqulleesu. Duunia eege simpirre jirtu taani ha gadi d'iisu, aka isiini dira suni keesaa baate alati iti d'aabatu. Akanaani inni mana suni aada suni gula qulqulleese, mani qulqullo taha! Aadaani d'ukuba hama gogaani nama bahuni qulqulleesani tana; Aadaani tunini waan qulqulloofi waan qulqullo intahini gargari baafti. AABBO Waaqi waan Musafi Harunini jed'e, Waan isani worra Israelitini jettani, Hojja nami d'iira ch'oftu qabaate, wonti isa keesaa yaa suni qulqullooniti; yo ch'oftuni sunini yaatufi, ka isiini iyyaanele nami sunini qulqullooniti. Sireeni inni ira taefi ta inni ira ch'iiseleeni qulqullooniti. Nami sire suni tuqeefi ka yokhaani waan inni ira tae ch'ufa ira tae woya miich'ate nafa d'iqachu male, ammalle haga aduuni d'iituti inni qulqullooniti. Ammalle nami nama ch'oftu qabu tuquleeni woya miich'ate nafa d'iqaachu male, ammalle haga aduuni d'iituti inni qulqullooniti. Yo nami ch'oftu qabu nama qulqullooti hanch'ufa tufe nami suni woya miich'ate nafa d'iqachu male, ammalle haga aduuni d'iituti inni qulqullooniti. Koorafi wonti inni ira tae ch'ufti qulqullooniti. Nami waan inni ira tae tuqeleeni haga aduuni d'iituti qulqullooniti ammalle nami waani inni ira tae qabate woya miich'ate nafa d'iqachu male. Innileeni haga aduuni d'iituti qulqullooniti. Hojja nami ch'oftu qabu, ka harka ind'iqatini, nama d'ibi qabate, nami inni qabate suni woya miich'ate nafa d'iqachu male, ammalle haga aduuni d'iituti inni qulqullooniti. Ookote faara ta namichi suni tuqele ch'absu malani, ammalle d'ameela mukha ka inni qabate ch'ufa d'iqu malani. Eegi namichi ch'oftu fayye, torba bule inni woya miich'ate bisaani maddo d'iqachu male, duuba inqulqullaa. Guyya saddeeteeso inni ha sabaliisa lama didiqa yokhaani gugurda fuud'e fulla balbala Waaro Woyyuma geese qaallichati kennu. Qaallichu ha sabaliisa suni toko sorio dabaani ufi iraa baasani baase, kaani sorio gubani baasani baasu. Akanaani inni aada nama sunini qulqulleesani guuta. Hojja nami d'iira halkani ufiti oobjate, inni ha nafa ch'ufa d'iqatu, duuba haga aduuni d'iituti inni qulqullooniti. Waan inni iti oobjate, itile taanaani, woya taanaani d'iqu malani, ammalle haga aduuni d'iituti wonti sunini qulqullooniti. Nami d'iiratifi ka uwa eegi woliini rafe worri lachu bisaani d'iqachu male, duuba haga aduuni d'iituti worri qulqullooniti. Yo nad'eeni aada uwa qabaate, niitiini suni haga guyya torba qulqullooniti. Nami isi qabatuleeni haga aduuni d'iituti qulqullooniti. Wonti isiini ira teetufi ka isiini ira ch'ufti qulqullooniti. Hojja nami ka isiini aada uwa qabdu bira rafe, innileeni haga guyya torba qulqullooniti, ammalle sireeni inni gubba ch'iiseleeni qulqullooniti. Hojja nad'eeni aada uwa guyya isii male ufirati garte, yokhaani hojja aadaani isii ta uwa ch'itu didde, isiini haga aadaani uwa suni iraa yaatu qulqullooniti, akuma gaafa qara isiini aada uwa qabdu. Sire isiini ira ch'iiftufi wonti isiini gaafasi ira teetuleeni qulqullooniti. Nami waan suni qabateleeni qulqullooniti, inni woya miich'ate nafa d'iqachu male; haga aduuni d'iituti inni qulqullooniti. Eegi aada uwa keesa baate, isiini ha bulti torba teetu, duuba eege qulqullo taati. Guyya saddeeteeso isiini sabaliisa lama gugurda yokhaani didiqa fuute qaallicha fulla balbala Waaro Woyyuma jiruti ha geesitu. Duuba qaallichi ha toko fuud'e sorio dabaani ufi iraa baasani baase, kaani sorio gubani baasu; duuba akanaani aada isiini qulqulleesani guutafi. AABBO Waaqi waan Musafi jed'e, waan atini worra Israelitini jettu, waan isani t'ureesa ufira d'owa, aka isani Waaro tiyya ta jiddu teesani jirtu seentani t'ureesitani, akasiini dooti isani ingeenne. Aadaani nama ch'oftu qabuufi yokhaani ka ufiti oobjatufi, nad'eeni aada uwa qabdufi yokhaani nama d'iira ka nad'eeni aada uwa qabdu bira rafu tana. Eegi ilmaani Haruni taani lamaani kara maleeni AABBO Waaqati d'iaate akasiini doote, AABBO Waaqi waan Musani jed'e, Waan atini oboleesa kanke Harunini jettu, Hojja ch'ufa golla duuba dabarte, Fulla Fulla Ch'ufa Ira Qulqullo ind'aqini; wonti akanatiifi sunini fulla anini duumansa keesa namati mullad'u qadaada Sanduqa Wold'aqisa gubati. Hojja inni waan suni dide, inni indua. Hojja inni Fulla, Fulla Ch'ufa Ira Qulqullo seenu, inni ha jibicha korma, ka sorio dabaani ufi iraa baasanifi elemo sorio gubani baasanini d'ufu. Inni ha nafa d'iqate woya qaallu keeyatu; ubaara booftatifi hid'a booftatifi gurda booftatifi sure booftale. Ammalle inni ha gumi Israeli ira korbeeyyi lama ta sorio dabaani ufi iraa baasani baasanifi elemo toko, ka sorio gubani baasani fuud'u. Inni ha jibicha korma suni sorio qaluti aka isaafi worra isaale daba iraa fuud'ani. Duuba inni korbeeyyi taani lamaani ha fulla balbala Waaro Woyyumati AABBO Waaqa duraani d'ufu. Harunini achiti ha hit'a nama lama buusuti, toko ka Azazeli, kaani ka AABBO Waaqaa. Duuba inni korbeesa hit'ani AABBO Waaqa ira bue ha qale, sorio dabaani ufi iraa baasani baasu. Ammo korbeesa hit'ani Azazeli ira bue ha jira AABBO Waaqaa baasani, lafa aloo gara Azazeli ergani, aka akasiini daba gumi iraa fuud'ani. Hojja Harunini korma kaani sorio dabaani ufi iraa baasani maro isaatiifi ka worra isaa baasu, inni ha daboola ibida, ka ch'ile miju, waan mesa fakaata kaani iraa fuud'e ammalle hit'aana tumani, ka harka miju fuud'e, Fulla Fulla Ch'ufa Ira Qulqullo taanini d'ufu. Achiti AABBO Waaqa durati inni ha hit'aana suni ibidati naquuti, duuba aari hit'aana suni qadaada Sanduqa Wold'aqisa d'ossa, aka inni arge indoone. Ammalle inni ha d'iiga korma suni haga toko fuud'e, quba ufitini qadaada suni gama durati fifit'e ammalle ka gari maro torba Sanduqa Wold'aqisa durati fifit'u. Duuba eegi inni ha korbeesa sorio daba gumitini baasani qale, d'iiga isaa Fulla Fulla Ch'ufa Ira Qulqullootini d'ufe, qadaada gubbafi Sanduqa Wold'aqisa durati fifi'uti akuma inni d'iiga korma kaani tolche. Akanaani inni aada Fulla Fulla Ch'ufa Ira Qulqullo, maro t'uriifi ch'ubbu gumu Israelitiifi qulqulleesani guuta. Ammalle akasuma inni Waaro Woyyuma maro isiini jiddu worra jirtu ka akasiini t'uroofte, ha tolchu. Haga Harunini Fulla Fulla Ch'ufa Ira Qulqullo seene aada qulqulleesa tolche gabahuti, nami tokoleeni Waaro Woyyuma keesa injiratini. Eegi inni aada suni ufiti worra isaatiifi gumi ch'ufa guute, inni waan mesa fakaata ka sorio irati gubani d'aqe, ha qulqulleesuti. Ammalle inni d'iiga kormatifi ka korbeesale ka garifuud'e, ha gaafa afraani mesa suni ibsuuti. Quba ufitini inni d'iiga suni ka gari ha maro torba waan mesa fakaata suniti fifit'u. Akanaani inni waan mesa fakaata suni ch'ubbu gumi Israeli iraa qulqulleese, qulqullo tolcha. Harunini aada Fulla Fulla Ch'ufa Ira Qulqullootifi Waaro Woyyumatiifi waan mesa fakaata sunileeni qulqulleesani guute biraa deemnaani, inni ha korbeesa jira kaani AABBO Waaqa duraani d'ufu. Duuba ha harka lachu mata korbeesa suni gubba keeyate, wollaalafi dabaafi ch'ubbu worra Israeli hime, akanaani ch'ubbu worraa mata korbeesa suniti dabarsu. Duuba eege nami huji suni baasani ha korbeesa suni lafa alooti gussu. Korbeesi suni daba worra ch'ufa fuud'e, lafa nama inqamneti geesa. Duuba Harunini ha Waaro Woyyuma seene, woya qaallu, ta inni ato Fulla Fulla Ch'ufa Ira Qulqullo inseeniini keeyate taani, ufira baase achiti lakisu. Ammalle inni ha Fulla Quilqullooti nafa d'iqate woya ufi keeyatu. Eegi suni, inni ha gabahe, sorio gubani, ta ch'ubbu isaatiifi ta biyyale balleesitu, baasu. Ammalle gabbinna hori sorio dabaani ufi iraa baasani kaani ha waan mesa fakaata irati gubuti. Namichi korbeesa kaani lafa aloo gara Azazeli gusse, ha woya miich'ate nafa d'iqatu, ato ollatu indeebiini. Kormafi korbeesa sorio dabaani ufi iraa baasani baasani, ka d'iiga isaani Fulla Fulla Ch'ufa Ira Qulqullootini d'ufani dabaani balleesani, ha olla keesaa alati baasani goga, fooni, marumale ch'ufa gubani. Nami waan suni gubuleeni ha ato ollati indeebiini woya miich'ate nafa d'iqatu. Aada tana haga jiru jireenna ha guutani: guyya kud'anneeso ka jia torbeeso worra Israelitiifi nami gosa d'ibi ka worra keesa godaanuleeni ha ufi agabse huji ch'ufa lakisu. Guyya suni aada daba nama iraa qulqulleesani ha tolchani aka worri qulqullau. Guyyaani sunini ha guyya guddo qulqullo tahuti, guyya worri ufi agabse huji male oolu. Aada tana bara ch'ufa jabeesu malani. Qaallichi guddaani ka fohatani muudani huji abba isaa ta qaallumma iraa fuud'u, ha aada qulqulleesa suni guutu. Inni ha woya qaallu keeyate, aada Fulla Ch'ufa Ira Qulqullotifi Waaro Woyyumatiifi waan mesa fakaatatiifi qaaloleefi gumi ch'ufaani qulqulleesani guutu. Aada tana haga jiru jireenna guutu malani. Ammalle aada tana ganna ch'ufa keesa guyya toko tolchu malani, aka worra Israeli daba isaani iraa qulqulleesani. Jennaani Musani akuma AABBO Waaqi isaani jed'e kaani tolche. AABBO Waaqi waan Musafi jed'e, Waan atini Harunifi ilmaani isaatiifi gumi Isreal ch'ufaani jettu: Wonti AABBO Waaqi jed'u tana. Wonti akasi jed'anifi, aka worri Israeli hori duri ballinati qalani AABBO Waaqatini d'ufu, worri amma tana qaallichatini d'ufe, fulla balbala Waaro Woyyumati qalu, aka akasiini isiini sorio wold'ageeti taatu. Qaallichi duuba ha d'iiga suni d'aatu waan mesa fakaata suniti, fulla balbala Waaro Woyyumati jisse gabbinna gubuti, aka ch'inch'aani isaa AABBO Waaqa gammachiiftu. Worri Israeli armaa achi deebie, AABBO Waaqa lakise hori ufi ballinna keesati qale laleesa jinni kad'achu himmalle. Worri Israeli haguma jiru jireenna aada tana ha jabeesu. Nami Israeli yokhaani nami gosa d'ibi ka worra keesa godaanu, ka sorio gubanifu yokhaani sorio d'ibile fulla balbala Waaro Woyyuma male fulla d'ibiti AABBO Waaqaa baasu, deebiani gumi Waaqati inheregani. Hojja nami Israeli yokhaani nami gosa d'ibi, ka worra keesa godaanu, fooni d'iiga qaba nyaate, AABBO Waaqi nama suniti qaragale deebie nama suni gumi isaati inheregu. Jireenni waan lubbu qaba ch'fti, d'iiga keesa jira, tanaafi AABBO Waaqi d'iiga ch'ufa d'aatu waan mesa fakaatati jissa, akasiini daba gumi iraa fuud'a jed'e. D'iigati, ka isa male nami dandae injiranne, daba nama iraa fuud'a. Waan kanafi AABBO Waaqi waan worra Israelitini jed'e, Isanifi yokhaani nami gosa d'ibi, ka isani keesa godaanu, fooni d'iiga qaba inyaatina. Hojja nama Israelitiifi yokhaani nami gosa d'ibi ka worra keesa godaanu, bineensa yokhaani simpirre qulqullo intahini adamse ijeese, inni ha d'iiga bineensafi simpirre suni lafati jisse biyye ira deebisu. Jireenni waan lubbu qaba ch'ufti d'iiga keesa jira, tanaafi AABBO Waaqi waan worra Israelitini jed'e, fooni d'iiga qaba inyaatina, nama nyaatule deebiani gumi tiyyati inheregani. Nami tokoleeni ka fooni bineensa ufiini duefi yokhaani ka bineensi d'ibiini ijeese nyaatu, Israeli taanaani, yokhaani nama gosa d'ibile taanaani ha woya miich'ate, nafa d'iqate, haga aduuni d'iituti tauti, duuba eege inqulqullaa. Yo akaso tolchu baate wollaali kauma isaati. AABBO Waaqi waan Musani jed'e, Waan atini worra Israelitini jettu: Anini AABBO Waaqa keesani. Waan Worri Misiri ka isani duri lafa wofa worraa keesa teetani tahe intahina, yokhaani waan worri lafa kanaani ta anini amma iti isani geesu tahule intaguuta. Aadaafi seera kiyya jabeesa guuta. Anini AABBO Waaqa keesani. Aadaafi seera anini isanii kenne gula deema: yo akasi taatani lubbu teesani baaftani. Anini AABBO Waaqa. Ammelle AABBO Waaqi waan jed'e: Nama fiit'a teesani ka uwa tokole bira irafina. Haad'a tante bira rafte, abbaa kanke inch'eersini. Atini haad'a si d'alte qulla baasu himmalle. Nad'eeni d'ibi abbe fuud'ele bira rafte abba kanke inch'eersini. Oboleyaani tante ta dubra, ta woliini d'alattani taanaani, yokhaani ta haati d'ibiini d'alte taanaani, ato mana taka keesati d'alatani yokhaani fulla fullati d'alatanilee bira irafini. Akhaakhu tante bira irafini wonti suni waan ch'eera hamtu. Oboleeti tante ta haati tante d'ibiini d'altele bira irafini; isiileeni sii oboleeti. Haad'afi ilme wolti bira irafini, ammalle akowaani isiile bira irafini ijoolleeni suni haad'a suni fiit'a, hujiini akasi huji dabaati. Oboleeti niiti tanteeti, haga niitiini tante jirtu, bira irafini. Niiti aada uwa qabdu bira irafini, wonti akanatiifi isiini qulqullooniti. Niiti nama d'ibi bira rafte ufi int'ureesini. Ijoolle tante tokole gubde waaqa Moleki jed'ani sorio imbaasini wonti akanatiifi yo akasi taate atini ya maqa AABBO Waaqa ch'eersite. Nami d'iira aka nad'eeniini rafu woli bira irafini: Waaqi huji akasi guddo jibba. Nami d'iira yokhaani ka uwa bineensati injalatini; hujiini sunini waan karaa male tolchani. Waan akana kana tokole tolchitani ufi int'ureesina; wonti akanatiifi gochiti anini isani duraa baasu, waan akana kana tolchite ufi t'ureesite. Hujiini worraa lafa t'ureesite jennaani anini lafa suni maro t'uri sunitifi balleese, laftileeni nama isi keesa tau ufiraa gussite. Duuba yo isani akasi taatani lafti ufiraa isani ingussitu, aka isiini worra duri isani dura lafa suni keesa tae tolchite. Isani imbeetani, aka nama waan hamtu akana tolche ch'ufa gumi Waaqati anini inherenne. Ammalle AABBO Waaqi waan jrd'e, Dubbi tiyya ch'aqasa, waan hamtu worri duri lafa tana keesa tau tolche gula indeemina. Ammalle waan akasi suni tokole tolchitani ufi int'ureesina. Anini AABBO Waaqa keesani. AABBO Waaqa waan Musani jed'e, waan atini gumi Israelini jettu, qulqullo taha, wonti akanatiifi anini, AABBO Waaqi keesani, Waaqa qulqullo. Isani nami ch'ufti abbaafi haad'a teesani saalfachu maltani, ammalle Sabato tiyyale jabeesu maltani. Anini AABBO, Waaqa keesani. Naraa gortani waan harkaani mid'aasani inkad'atiina. Yokhaani sibiila tumtani Waaqa jettani iyyaamatina. Anni AABBO, Waaqa keesani. Hojja isani hori qaltani sorio wold'ageeti baaftani, seera anini isanii kenne gula yaa, yo isani akasi taatani anini sorio teesani isani iraa fud'ad'a. Fooni suni guyya hori qaltanifi yokhaani boriyyaate nyaad'a ammo guyya sadeeso yo fooni hafe jiraatani inyaatina guba. Wonti akanatiifi fooni suni qulqullooniti yo nami tokoleeni nyaate nama suni waan inni naa baasu iraa infud'ad'u. Nami nyaatuleeni wollaala qaba, waan inni waan qulqullo naa baasani t'ureesefi, duuba isaale deebiani nama kiyyati inheregani. Hojja mid'aani oobru teesani murattani moga ch'ufati d'aabdai imurina, ammalle mid'aani qara lakisanile imurina. Ammalle oobru teesani ta zabibu d'at'ani, mid'aani qara ingurini ingurina, yokhaani ka lafa jigele ingurina; hiyyeesafi keessuma lakisa. Anini AABBO, Waaqa keesani. Woma inhatina, yokhaani namale insobina, d'arale wolti indubbatiina. Waan d'ara maqa kiyyaani inkakhatina; yo akasi taatani isani ya maqa kiyya ch'eersitani. Anini AABBO Waaqa keesani. Nama dabsitani insaamina. Nama isani hojatu hori d'owattani, halkani tokole iraa imbulchina. Duuda inarabsina, yokhaani ballaale ingufachisina. Na sodaad'a, anini AABBO Waaqa keesani. Hojja dubbi qortani d'uga gula qora; dureesa insodaatina hiyyeesale ira inch'isina. Biyya keesa deemtani d'ara odeesitani gurra nama imballeesina; hojja nama dubbini qoraani ira deebite lubbu iti taate, ka isani waan suni beetani inch'alisina. Anini AABBO Waaqa. Nama injibbina ammo aka maro isaatiifi ch'ubbu keesa imbuune wold'aqa, woliini taa. Nama haalo fuutani yokhaani haalo imbafatina ammo aka ufi jaalattani nama ch'ufa jaalad'a. Anni AABBO Waaqa. Seera kiyya guuta. Hori keesani finch'aani injijirina. Ammalle mid'aani gosa gosa oobru teesani keesati infach'aasina. Woya, liilana gosa lamaatini mid'aasani inkeyaatina. Hojja nami tissiti isa nama d'ibi fuusisu fed'e ka namichi suni hori imbaasini, ammo abda tisse suni intala suni barate worra lachu ijeesu himmalle ha waan d'ibi iti dubbatani. Wonti akanitiifi isiini tisse isaati. Namichi suni elemo toko fulla balbala Waaro Woyyumatiini d'ufe ha gati sorio baasu; duuba sorio suni qaallichi ha aada daba nama sunitini qulqulleesani tolche, duuba Waaqileeni araaramafi. Hojja lafa kanaanitiini baatani, baatani, mukha sagale baasu oobrattani, haga ganna sadi, mid'aani suni aka waan qulqullo inheregina. Haga ganna suni ch'ufa inyaatina. Ganna afreeso mid'aani mukha suni ch'ufa aka galata AABBO Waaqaa baasa. Ammo ganna shaneeso; haga feetani nyaad'a. Yo isani waan kana ch'ufa tolchitani mukhi keesani aka dansa mid'aani baasa. Anini AABBO Waaqa keesani. Fooni d'iiga qaba inyaatina, waan falfala fakaata tokole intolfatina. Rifeensa keesani ka maddi lamaani inhaadatina yokhaani areeda keesani imid'afatina, yokhaani nafa keesa ch'okho ch'irattani yokhaani nama duele jettani, ufi imamadeesina. Anini AABBO Waaqa. Dubra teesani fulla Waaqa d'ibi iti kad'ataniti balleesitani sharmut'a intolchina; yo isani aka kana tolchitani isani waaqa suni gula baatani laft hameennani baddi. Guyya Sabato jabeesa, fulla iti na yaamatanile ulfeesa. Anini AABBO Waaqa. Nama ekhera wogaafatu, gorsa iraa infud'atina, yo isani akasi taatani ya t'urooftani. Anini AABBO Waaqa keesani. Jaarole saalfad'a, duraa kaa. Nale sodaad'a, anini AABBO Waaqa. Nama gosa d'ibi, ka isani keesa godaanu, waan hamtu intolchina. Akuma nama keesani ka Israeli jaalattani worrale jaalad'a. Qaabad'a, aka isanileeni duri gosa d'ibi keesa lafa Misiri teetani. Anini AABBO Waaqa keesani. Waan woini biimitani keesa, d'eerinna taanaani, ulfinna taanaani, hagale taanaani nama indabsina. Waan woini biimitani miisanafi waan d'ibile taanaani, waan d'ugaatini wobiima, nama indabsina. Anini AABBO, Waaqa keesani, ka lafa Misiri keesaa isani baase. Aadaafi seera kiyya ch'ufa guuta. Anini AABBO Waaqa. AABBO Waaqi waan Musani jed'e, Waan atini worra Israelitini jettu: Isanifi worra gosa d'ibi, ka isani keesa godaanule, yo nami toko ilmaani ufi waaqa Moleki jed'ani sorio baase nama suni ha gumiini ch'ufti d'akhaachani d'aanite ijeeftu. Hojja nami tokoleeni ilmaani isaa Moleki suni kenne Waaro Woyyuma t'ureese maqa kiyyale ch'eerse, anini nama suniti garagale, deebie gumi tiyyati isa inheregu. Ammo hojja gumiini isa lakifte d'akhaani ijeesu didde, anumati nama sunifi worra isaatiifi nama isa gula bahe na lakise Moleki kad'ate ch'ufa iti garagale balleesa. Anini deebie gumi tiyyati worra inheregu. Hojja nami worra ekhera wogaafatu gorsa iraa fud'achu d'aqu, anini nama suniti garagale deebie nama suni gumi tiyyati inheregu. Tanaafi ufi qulqulleesa, qulqullo taha. Wonti akanatiifi anini AABBO Waaqa keesani. Seera kiyya guuta, gula deema; wonti akanatiifi anini AABBO Waaqa isani qulqulleesu. Nama abbaafi haad'a ufi arabsu ha ijeesani d'iiga isaa gubbuma isaati. Hojja nami niiti nama d'ibi barate, isaafi sunile ha ijeesani. Nami nad'eeni abba isaa bira rafe ya abba ufi ch'eerse, isaafi niiti sunile ha ijeesani. D'iigi worraa gubbuma worraati. Hojja nami niiti ilma isaatini rafe isaafi niiti sunile ha ijeesani, worri ya waan male tahe, d'iigi worraa gubbuma worraati. Hojja nami d'iira akuma nama uwatiin rafu woliini rafe worri ya waan hamtu tolche, worra lachu ha ijeesani. D'iigi worraa gubbuna worrati. Hojja nami haad'afi ilme wolti fuud'e, nami sunini ya waan daba tahe. Worra sadeenu ha gubanu ijeesani, aka dabi akasi sunini deebie isani keesa inteenne. Hojja nami horiti jallate, nama sunifi hori sunite ha ijeesana. Hojja nad'eenileeni horini wolti jallatani isiifi hori sule ha ijeesani. D'iigi worraa gubbuma worrati. Hojja nami oboleeti isaa ta woliini d'alate taanaani, yokhaani ta haati d'ibiini d'alte taanaani fuud'e, isaafi isiile ha gumi durati ch'eersani gumi keesaa baasani waan inni ch'eera d'abe oboleeti isaatini rafefi inni gaargala suni argachu male. Hojja nami nad'eeni aada uwa qabdu bira rafe, worra lachu gumi keesaa baasu malani, wonti akanatiifi worri yayu aada qulqulluma ch'abse. Hojja nami adada yokhaani arera ufi bira rafe, worra lachu wollaali gubba worraati, waan worri waan ch'eera woltolcheefi. Hojja nami niiti abbuya isaa yokhaani nad'eeni oboleyaani abbaa isaatini rafe inni ya nama suni ch'eerse, isaafi niitiini sunileeni gati ufi argatani, deebiani ijoolle ind'alani. Yo nami niiti oboleesa isaa fuud'e, worri ijoolle ind'alu. Inni yayu waan qulqullo intahini tolche oboleesa isaa ch'eerse. Seera kiyyafi aada tiyya ch'ufa jabeesa guuta, aka lafti Kanaani ta anini iti isani geesu, isani diddeufira isani ingussine. Aada gosa anini lafa suni keesa isani duraa gussu gula yaatani keesati infidamina. Waan worri waan hamtu akana kana ch'ufa taheefi anini worra jibbe. Ammo anini, lafa aananifi dammi aka lolaa yau tana fud'ad'a, d'aala isaniini jed'e. Anini AABBO Waaqa keesani, ka gosa ch'ufa keesaa koba isani baase. Tanaafi isani bineensafi simpirre qulqulloofi ta qulqullo intahini, aka dansa gargari baasu maltani. Bineensafi simpirre qulqullo intahini inyaatina. Anini, wonti sunini qulqullooniti ya jed'e, tanaafi yo nyaattani qulqullooma d'abdani. Isani qulqullooftani nama kiyya tahu maltani, wonti akanatiifi anini AABBO Waaqa qulqullo. Ammalle anini gosa d'ibi keesaa koba isani baase, aka isani nama kiyya taatani. Nama ekhera wogaafatu, d'iira taanaani yokhaani uwa taanaan, ha d'akhaani ijeesani. D'iigi nama waan akana kana tolehu ch'ufti gubbuma isaati. AABBO Waaqi waan Musani jed'e, Waan atini qaalole ilmaani Harunitini jettu, qaalluuni tokoleeni fulla nama due deeme ufi int'ureesini, yo haad'afi abbaafi ilma isaatiifi intala isaa taate male, yokhaani oboleesafi obeeleti isaa ta dubra ta infuud'ini ta mana isaati galtu taate male. Inni soddowaani isaa ta doote jed'e ufi int'ureesini. Qaalluuni tokoleeni mata isaa fulla tokole haadate yokhaani areedale haadate, nafale ufi ch'ich'ire aka bohu ufi ingarsiisini. Inni Waaqa isaa durati qulqullo tahu male, maqa isaa ch'eersu himmalle. Inni nama sorio gubani ta sagale AABBO Waaqa, Waaqaa baasu, tanaafi qulqullo tahu male. Qaalluuni sharmut'a yokhaani nad'eeni qara fuud'ani fuud'u himmalle; inni Waaqa isaati qulqullo. Biyyiti nama suni ha aka inni qulqullo hereddu, wonti akanatiifi inni nama sagale Waaqa keesani baasu. Anini AABBO Waaqa qulqullo, worra kiyyale inqulqulleesa. Hojja dubarti ufi t'ureesite sharmut'a taate, isiini yayu abba ufi ch'eersite balleesite; isi ha gubani ijeesani. Qaalliicha gudda yayu d'ad'ani muudani eebisani woya qaallu iti naqani, tanaafi inni rifeensa isaa gindeese, yokhaani woya ufi tatarsaase nama due bohu himmalle. Inni fulla reefa tokole d'aqe ufi t'ureesu himmalle, ato abbaafi haad'a isaale taate; ammalle inni fulla qulqullo Waaqa isaa keesa bahe int'ureesini; wonti akanatiifi isa yayu d'ad'ani muudani Waaqa durati eebisani. Anini AABBO Waaqa. Inni ha dubra take nami bira ingahiini fuud'u nad'eeni d'iirsi iraa duefi ta d'iirse lakiseefi sharmut'a inni infuud'ini. Inni dubra gosa isaa ch'alla fuud'u male. Yo inni akasi intahini, ilmaani isaa ta sila qulqullo tahu malte int'uroofti. Anini AABBO Waaqa, ka isa qulqulleese, qaallu gudda tolche. AABBO Waaqa waan Musani jed'e, Waan atini Harunini jettu: Nami d'aloota kanketi haga jiru jireenna, ka nafi isaa aabo qabu, tokoleeni fulla qulqullooti d'iaate Waaqaa sagale imbaasini. Nami d'aloota qaallu Haruni ka nafi isa aabo qabu sagale gube AABBO Waaqa baasu himmalle. Inni aabo qabo, tanaafi Waaqati d'iaate sagale baasufi himmalle. Nami akasi suni sagale Waaqa isaa dandae nyaata, sagale qulqullo taanaani yokhaani ta ira qulqullo taanaanile. Ammo waan nafi isaa aabo qabuufi inni golla qulqulloofi fulla sorio iti qalaniti ind'atini inni waan qulqullo kana t'ureesu himmalle wonti akanatiifi anini AABBO Waaqa, ka waan suni ch'ufa qulqulleesu. Duuba wonti Musani Harunifi ilmaani isaatiifi worra Israeli ch'ufaani jed'e tana. AABBO Waaqi waan Musani jed'e, Waan atini Harunifi ilmaani isaatini jettu: Isani maqa kiyya qulqullo t'ureesu himmalle, tanaafi sorio qulqullo worri Israeli naa baasu ulfeesu maltani. Anini AABBO Waaqa. Hojja nami d'aloota keesani ka qulqullo intahini, sorio qulqullo worri Israeli na baaseti d'iaate, nama suni huji Waaro Woyyuma keesaa malani. Anini AABBO Waaqa. Nami d'aloota Haruni ka d'akuba hama aka qomaat'a qabu, yokhaani ch'oftu qabu, sorio qulqullo nyaachu himmalle, haga fayye qulqullauti. Ammalle qaalluuni waan reefati d'iaate qulqulluma d'abe qabate, yokhaani ufiti oobjate, yokhaani bineensafi nama qulqullo intahini tuqe, qulqullooniti. Qaalluuni akasi tahe ch'ufti haga aduuni d'iituti qulqullooniti, ammalle ato akasile taate, haga nafa d'iqatuti inni sagale qulqullo suni inyaatini. Eegi aduuni d'iite inni qulqullo. Duuba sagale sorio qulqullo suni ha nyaatu, wonti akanatiifi sagaleeni isa suni. Inni fooni hori ufiini due, yokhaani ka bineensi ijeese inyaatini; wonti suni isa t'ureesiti. Anini AABBO Waaqa. Qaaloleeni ch'ufti seera kiyya kana jabeesu malte. Yo worri akasi intahini, worri wollaala seene dua; wonti akanatiifi worri ya seera qulqullo gula yau dide. Anini AABBO Waaqa, ka worra qulqulleesu. Nami worra qaallu intahini tokoleeni sagale sorio qulqullo inyaatini, keessumafi nami qaallu hojatuleeni dandae inyaatu. Ammo tisseeni qaallu, ta inni beese ufitini bitate taanaani, yokhaani ta worra isaa keesati d'alate taanaani, sagale qaalluuni argatu dandeete nyaati. Dubarti qaallu, ta nami qaallu intahini fuud'u, sagale sorio qulqullo nyaachu himmalle. Ammo intalti qaallu ta d'iirsi iraa due, yokhaani ta d'iirsi lakise, ta ijoolle inqamne, ta galte worra abba keesa teetu, isiini sagale qaallu qooda abbaani isii argatu dandeete nyaati. Nami worra qaallu intahini sagale suni inyaatini. Hojja nami worra qaallu intahini sagale sorio qulqullo suni beekha inyaatini, inni waan nyaate suni ha qaallicha baase ammalle waan shani keesa toko iti daruufi. Qaaloleeni sorio qulqullo worri Israeli AABBO Waaqa baasu, nama qaalole intahini kennite int'ureesini, wonti akasi suni wollaalafi gaargala nama sunitini d'ufti. Anini AABBO Waaqa, ka sorio suni qulqulleesu. AABBO Waaqi waan Musani jed'e, Waan atini Harunifi ilmaani isaatiifi worra Israeli ch'ufaani jettu: Hojja nami Israeli yokhaani nami gosa d'ibi, ka worra keesa godaanu, sorio gubani baasu, waan kakhu gula Waaqaa baasani taanaani, yokhaani waan fed'i ufi gula baasani taanaani, horini sunini aabo womati qabaachu himmalle. Horini suni ka hanch'afa aabo inqamne tahuti, aka AABBO Waaqi fud'atu. Hojja hori aabo qabu baaftani AABBO Waaqi infud'atu. Hojja nami sorio world'ageeti AABBO Waaqaa baasu, waan kakhu gula Waaqa baasani taanaani, yokhaani waan fed'i ufi gula baasani taanaani horini suni aabo womatu qabaachu himmalle, yo ka Waaqi fud'atu taate. Hori balla, yokhaani naafa, yokhaani ka mogolchani yokhaani ka nafi mamada qabu, yokhaani ka ch'itae, AABBO Waaqaa imbaasina. Hori akana kana tokole waan mesa fakaata irati guddani AABBO Waaqaa imbaasina. Yo fed'i gula wobaaftani, wonti isani baaftani suni farra yokhaani baach'a taate, waan suni dandaani isani iraa fud'atani; ammo yo isani waan akasi suni waan kakhu gula Waaqaa baasani baaftani isani ira infud'atani. Hori kolaasani, yokhaani ka tumani, yokhaani ka kolaani mamadae ch'ich'ite AABBO Waaqaa imbaasina. Waan akana kana lafa teesani keesati ee injed'ani, ya seerani. Hori gosa d'ibi iraa argatani sorio sagale Waaqaa imbaasina. Hori akasi suni hori aabo qabuti heregani, tanaafi isani iraa infud'atani. Saa d'alafi ilme isaa, yokhaani hoola d'alafi ilme isaa, yokhaani reeti d'altufi ilme isii, guyya taka sorio woliini imbaasina. Hojja sorio baaftani AABBO Waaqaa galata deebiftani, aada gula baasa, aka Waaqa isani iraa fud'atu; guyyuma suni nyaad'a, imbulchina. Anini AABBO Waaqa. Seera kiyya jabeesa guuta, anini AABBO Waaqa. Maqa kiyya qulqullo int'ureesina; gumiini Israeli ch'ufti ha aka anini qulqullo beetu, anini AABBO Waaqa, ka isani qulqulleesu. Anini lafa Misiri keesaa isani baase, Waaqa keesani tahe. Anini AABBO Waaqa. AABBO Waaqi waan Musani jed'e, Waan atini worra Israelitini jettu: Jilti AABBO Waaqa ta isani worri Israeli wolti d'ufe na kad'atu tana. Guyya jaa hojad'a, ammo guyyaani torbeeso guyya Sbato, ka huji lakisani boqatani wolti bahani Waaqa kad'atani. Sabatoni ta AABBO Waaqa fulla isani jirtani ch'ufati. Jila AABBO Waaqa tana yo isiini martu ch'ufa wolti hima tolfad'a. Pasakani jiltu AABBO Waaqa galgala guyya kud'ani afreeso ka jia qara jalaqabati. Ammalle guyya kud'ani shaneeso jila qit'a bukho inqamneti jalaqabata, duuba haga bulti torba qit'a bukho qabu inyaatina. Guyya qara wolti baha, Waaqa kad'ad'a, huji teesani ta guyya ch'ufa hojattani guyya suni lakisa. Haga guyya torba sorio Waaqaa baasa. Guyya torbeeso ammalle wolti baha, Waaqa kad'ad'a, huji teesani ta guyya ch'ufa hojattani guyya suni lakisa. AABBO Waaqi waan Musani jed'e, Waan atini worra Israelitini jettu, Hojja isani lafa anini isanii Kennuni baatani mid'aani isii murattani, mid'aani qara haamatani wolti qaba qaallu geesa. Inni mid'aani suni olqabe, aka AABBO Waaqaa baasani garsiisa, aka akasiini Waaqa waan isani baaftani isani ira fud'atu. Qaallichi ha guyya Sabato boriyya waan suni baasu. Guyya isani mid'aani suni baaftani, elemo ganna toko, ka aabo inqamne, aka sorio gubani AABBO Waaqaa baasa. Elemo suni woliini kilo lama ta mid'aani daakhani d'ad'ani makhani AABBO Waaqaa basa, aka akasiini ch'inch'aani isii isa gammachiiftu. Ammalle waan suni woliini daad'i dulo toko baasa. Mid'aani, akhawi taanaani, yokhaani ka qit'a mid'aasani taanaani, inyaatina, haga waan Waaqa keesani baaftanini d'ufaniti. Tunini aada d'alooti keesani ch'ufti haga jiru jireenna guutu male. Guyya guyya Sabatoti aanu, ka isani mid'aani qara haamatani wolti qabdani AABBO Waaqa baaftani asi, torbaani torba heda. Guyya shantameeso ka Sabato torbeesoti aanu, mid'aani d'io murattani d'ibi AABBO Waaqaa baasa. Nami ch'ufti ha mana manani qit'a lamaani d'ufe, AABBO Waaqaa baasu. Qit'a suni ha mid'aani kilo lama ira mid'aasani bukhooni d'aabani, AABBO Waaqa baasaniti, sunini mid'aani qara murani ka Waaqaa baasani. Qit'a suni woliini elemiye ganna toko torbafi korma looni tokofi elemiye gugurdo lama, ta tokoleeni aabo inqamne baasa. Hori kana ch'ufa guba, AABBO Waaqaa baasa, mid'aanifi daad'i Waaqaa baasani woliini, aka akasiini ch'inch'aani isii AABBO Waaqa gammachiiftu. Ammalle korbeesa toko dabaani ufi iraa baasani baasa, ammalle elemiye ganna toko, lama sorio wold'ageeti baasa. Qaallichi ha qit'a sunifi elemiye lamaani suni olqabe, aka AABBO Waaqaa baasani, ta qaalole kennani. Guyya suni huji teesani tokole intolchina, wolti baha, Waaqa kad'ad'a. Tunini aada d'alooti keesani ch'ufti fulla jiru ch'ufati haga jiru jireenna gula deemu male. Hojja mid'aani oobru teesani keesaa murattani, moga ch'ufati d'aabdani imurina, ammalle mid'aani qara lakisanile imurina; hiyyeesafi keessuma lakisa. Anini AABBO Waaqa keesani. AABBO Waaqa waan Musani jed'e, Waan atini worra Israelitini jettu: Guyya qara ka jia torbeeso, guyya boqota tolfad'a, hojja magalata d'aani wolti baha, Waaqa kad'ad'a. Hujji teesani ta guyya ch'ufa lakisa, sorio gubani Waaqa baasa. AABBO Waaqi waan Musani jed'e, Guyyaani kud'anneeso, ka jia torbeeso, guyya wogaa, ka daba gumi iraa fuud'ani. Guyya suni woma inyaatina, agabu oola; wolti baha Waaqa kad'ad'a sorio gubani AABBO Waaqaa baasa. Guyya suni huji tokole inhojatina; wonti akanatiifi guyyaani suni guyya AABBO Waaqa durati waan aada tolfatani, ka daba nama ch'ufa iraa fuud'ani. Nma guyya suni sagale soorate deebiani gumi Waaqati inheregani. Ammalle yo nami tokoleeni guyya suni huji hojate, AABBO Waaqati isa ijeesa. Aadaani tunini aada d'alooti keesani fulla jiru ch'ufati haga jiru jireenna guutu male. Haga galgala guyya sagaleeso ka addreesa sunitifi galgala boriyyaate ka addeesa kud'ani, guyya Sabato ka boqatani tolfad'a womale inyaatina. AABBO Waaqi waan Musani jed'e, Waan atini worra Israelitini jettu: Guyya kud'ani shaneeso ka jia torbeeso, jila Hoosa jalaqabad'a haga guyya torba tolfad'a. Guyya qarta wolti baha, Waaqa kad'ad'a, huji guyya ch'ufa hojattani lakisa. Torbaani suni keesa guyya ch'ufa sorio guba, AABBO Waaqaa baasa. Guyya saddeeteeso ammalle wolti baha, Waaqa kad'ad'a; sorio guba AABBO Waaqaa baasa. Guyyaani suni guyya kad'achati, huji inhojatina. (Tunini jila AABBO Waaqa tolchani, ka isani wolti baatani AABBO Waaqa kad'atani ammalle woi gubdani sorio baaftanifi, mid'aani, hori, daad'i, akuma guyya ch'ufa isani iraa fed'ani. Jila Sabato ta torbaani ch'ufa male, waan isani hojja ch'ufa baaftanifi waan isani kakhu gula baaftanifi waan isani fed'i gula AABBO Waaqaa baaftani malele, waan jila tanale baasu maltani.) Guyya kud'ani shaneeso ka jia torbeeso, ka isani mid'aani keesani galfatani, jila tana guyya torba AABBO Waaqaa tolcha. Guyya qaraatiifi ka saddeeteeso lachu guyya boqotati. Guyya qara mid'aani dadansa mukhi keesani baasu fuud'a, qooti meet'itifi ta dame mukha d'ibi ch'ira, guyya torba AABBO Waaqa keesani durati gammada. Ganna ch'ufa jila tana guyya torba AABBO Waaqaa tolcha. Aadaani tunini ta d'alooti keesani haga jiru jireenna guutu male; jia torbeeso tolfad'a. Guyya torba hoosa keesati gala. Nami Israeli keesaa d'alate ch'ufti ha hoosati galuti, aka akanaani d'alooti keesani aka anini worra Israeli duri hoosa keesati galche beekhu, gaafa anini lafa Misiri keesaa baase. Anini AABBO, Waaqa keesani. Duuba akanaani Musani, aka aada AABBO Waaqa tolchani biyya barsiise. AABBO Waaqi waan Musani jed'e, Waan atini worra Israelitini jettu: D'ad'a qulqullo booru inqamne, ka ifseeti naqanini koota, aka ifseeni hojja ch'ufa bobeetu. Galgala ch'ufa Harunini ha ifse suni bobeese, haga lafti bariituti d'aamu d'owuti, golla Waaro Woyyuma keesa jiruni ala, AABBO Waaqa durati. Aada tana haga jiru jireenna tolchu malani. Harunini ha ifse suni waan ifseeni ira ejitu, ka worqi ch'allaani mid'aasani, irati qorqorate, aka isiini hojja ch'ufa AABBO Waaqa durati bobeetu ilaalu. Mid'aani daakhani ka kilo kud'ani lama fuud'i, qit'a kud'ani lama d'aabi. Duuba qit'a suni jajaani ch'ororsi, AABBO Waaqa durati mesa worqi ch'allaani mid'aasani ira naqi. Qit'a ch'ororsani suni hit'aana irati aarsi, aka hit'aani suni AABBO Waaqa durati qaabacha waan gubani tahu. Guyya Sabato ch'ufa, haga jiru jireenna, qit'a suni ha AABBO Waaqa dura kayani. Tunini huji worra Israeli, haga jiru jireennati. Qit'aani suni ka Harunitifi ka ilmaani isaati, worri ha fulla qulqullooti nyaatu; wonti akanatiifi qit'aani kunini sagale qaalole keesa waan guddo qulqullo ta AABBO Waaqa durati gubani. hid'aansa keesa kayani, haga waan AABBO Waaqi jed'u d'agayaniti. AABBO Waaqi waan Musani jed'e, Namichi Waaqa arabse suni olla keesaa baasi. Duuba nami araba inni Waaqa arabse d'agaye ha harka isaani mata nama suni ira keeyatu, duuba eege gumiini ch'ufti ha d'akhaani isaa haate ijeeftu. Duuba waan atini worra Israelitini jettu: Nama Waaqa arabsu ch'ufa armaa achi ha kara kanaani ijeesani. Nami Israeli, yokhaani nami gosa d'ibi ka worra keesa godaanuleeni, hojja inni maqa AABBO Waaqa arabsu, gumiini ch'ufti ha d'akhaani isa haate ijeeftu. Nama nama ijeesu ha ijeesani, ammalle nama hori nama d'ibi ijeese ha fulla kayufi. Akasi jeechaani lubbuuni lubbu biti. Hojja nami nama woi tolche, isaale ha wotolchani. Yo inni lafe nama ch'abse lafe isaale toko ha ch'absani; yo inni nama suni ila toko basse isaale ha ila toko bassani; yo inni ilkaani toko nama keesaa buuse isaale ha toko keesaa buusani. Waan inni nama tolche ch'ufa isaale ha tolchaniti. Nami hori ijeese ha fulla kayuli, ammo nama nama ijeese isaale ha ijeesani. Seerri kunini ka nama ch'ufati, worra Israelitiifi worra gosa d'ibi ka worra keesa godaanule; wonti akanatiifi anini AABBO, Waaqa keesani. Musani waan kana worra Israeliti hime jennaani worri nama suni olla keesaa baase d'akhaani d'aane ijeese. Akanaani worri Israeli waan AABBO Waaqi Musani jed'e guute. AABBO Waaqi gaara Sinai gubbati waan Musani jed'e, Waan atini worra Israelitini jett: Hojja isani lafa anini isaanii kennuni baatani, laftileeni ha aada Sabato gula ganna torbeeso boqotuti. Ganna jaa oobru oobrad'a, mukha zabibu kolkola, mid'aani galfad'a. Ammo ganna torbeeso lafti ha hafuura baafatu, aada Sabato AABBO Waaqa gula. Ganna suni oobru teesani oobrattani mukha zabibu inkolkolatina. Mid'aani ufiini baheele inguuratina ammalle mukha zabibu ka inkolkolinile mid'aani iraa inguuratina; ganni suni ganna lafti boqotu. Wonti lafti ganna torbeeso suni isanii baaftu sagale isanii taati-sii, tissele teeti, hojattu teeti, keessuma tante ta gosa d'ibiti, hori keeti, bineensa alaa ka oobru teeti galule, waan isiini baaftu ch'ufa nyaad'a. Ganna torba maro torba heda, duuba ganni sunini wolti ganna afurtami sagali. Duuba guyya kud'anneeso, jia torbeeso, guyya daba gumi iraa fuud'ani kaani, lafa ch'ufa keesa nama ergi, ha magalata d'au. Akanaani ganna shantameeso koba baasa, qulqulleesa, nama lafa teesani jiru ch'ufa waan balchooma iti hima. Ganni suni ganna gammada isanii taha, nami ch'ufti ha d'ala ufitifi worra ufiti galuti. Ganna shantameeso suni keesa oobru teesani inoobratina, mid'aani ufiini bahe inguuratina, yokhaani mukha zabibu ka inkolkolini mid'aani iraa inguuratina. Ganni sunini ha ganna qulqullo isanii tahu; waan oobruuni ufiini baaftu ch'alla nyaad'a, Ganna suni keesa nami ch'ufti ha lafa duri d'aala kennanifti deebiu. Hojja lafa nama gosa tante ka Israeliti gurgurate, yokhaani yo iraa bitate, woli indabsina. Aki isani gati lafa suni iti wold'at'ani buufatani akana: ganna lafti sagale baaftu, ka ato ganni jabaani woi wolideebisani suni ingahiini gula buufad'a. Yo ganni suni heddu taate gatini oldeemti, ammo yo ganni suni gabaaba taate gatini gadideemti; wonti akanatiifi wonti gurgurani waan lafti suni ganna hafe suni keesa namaa baaftu. Woli indabsina, AABBO Waaqa keesani sodaad'a. Seerafi aada AABBO Waaqa ch'ufa jabeesa guuta, aka lafa tana keesa nagayani teetani. Lafti sagale baafte, isanileeni waan feetani nyaatani nagayani teetani. Yo nami ganna torbeeso, Maani nyaanna yo woma oobrane imuratini jed'e gaafate wonti anini jed'uuni tana: AABBO Waaqi ganna jaeeso guddo lafa eebise, lafti sagale ganna lama ganna suni baafti. Gaafa isani ganna saddeeteeso oobru oobrattani isani mid'aanuma ganna jaeeso murattani kaani nyaatani. Ammalle haga isani mid'aani ganna suni oobrattani murattaniti, sagale ind'abdani. Lafti isani keesa teetani tunini teesaniniti ta Waaqaati, isani lafa tanati keessuma fakaatani. Tanaafi suni halala namati ingurgurina. Hojja lafa suni gurguranile, aka abbaani isii dandae deefatu qaabad'a. Yo nami keesani hiyyoomate lafa ufi gurgure, nami miilo isaa aantini ha d'ufe lafa suni bite deebisuufi. Nami nama miilo ka isaa deebisu inqamne yo taka tana wohorate, hegeri dandae deefata. Yo akasi taate, inni nama lafa suni isa iraa bite kaani ha beese baasu. Ato ganni jabaani woi woli deebisani kaani ingahiini, beese suni ha ganna lafti sagale baaftu kaani gula buufatani. Duuba inni dandae lafa isaa taani argate iti deebia. Ammo hojja inni beese lafa sunini deefatu inqamne, lafti suni ta namicha bitate kaani taati, haga ganni jabaani woi woli deebisani kaani gahuti. Duuba ganna suni abba duri horate kaani, deebisani. Hojja nami dira d'akhaani marsani jaarani keesati mana gurgurate, inni d'uga qaba, aka haga wogaani sunini martuti deefatu. Ammo hojja inni ganna suni keesati deefachu baate, deebie indeefatu, mani sunileeni haga jiru jireenna ka nama bitetifi ka ilmaani isaa taha; ganna woi woli deebisani kaanile indeebisani. Ammo maneeni ollowani naabo d'akha inqamne, aadaani isii ha tauma oobru taatuti; nami duri horate d'uga qaba, aka deefatu, ammalle ganna jaba woi woli deebisaile indeebisanifi. Ammo taatule worri gosa Lawi d'uga qaba, aka yo fed'u ch'ufa waan ufi dira worra kennani keesati bite deefatu. Hojja nami Lawi dira akasi suni keesati mana gurgurate deefachu dide, ganna jaba woi woli deebisani kaani keesa mana suni isaa deebisu malani; wonti akanatiifi maneeni Lawi ta dira suni haga jiru jireenna ta worrati, gosa Israeli keesa. Ammalle lafti d'aatu dira suni ta horini tikhatu ch'ufti ta worra Lawiti; haga isiini jirtu nami ingurgurini, isiini ta worrati. Yo nami gosa teesani ka Israeli hiyyoomate ufi bulchu dad'abe qarqaari, aka atini keessuma qarqaartu, aka duuba inni sibiraa infagaanne. Woma ira infud'atini, ammo Waaqa sodaad'i, inni ha sibira tau. Beese atini isaa liqeesitele tirfi ira imfud'atini, sagale atini iti gurgurtele tirfi keesa imbarbaadini. Tunini dubbi AABBO Waaqa keesani, kafa Misiri keesaa isani baase, Waaqa keesani tahe lafa kanaani isanii kenne. Hojja nami gosa teesani ka Israeli kao olla keesani hiyyoomate, aka tisse siti ufi gurgure, aka tisse isa inhojachisini. Inni ha bira tae, huji hojate, haga ganni woi woli deebisani kaani gahuti si qarqaaru. Yo ganni suni gahe, isaafi ijoolleeni isaaleeni ha si bira yaani worra isaanitifi waan abbooti isaa ira d'aaleti galani. Worri Israeli tissele AABBO Waaqaati ka inni lafa Misiri keesa baase; tanaafi worra gurgurani tisse tolchu himmalle. Waaqa keesani sodaad'a, worra indabsina. Hojja tissele feetani, gosa d'aatu teesani jirtu ira bitad'a. Ammalle ijoolle worra gosa d'ibi ka isani keesa godaanu, dandeetani bitatani. Ijoolleeni akasi suni ta lafa teesani keesati d'alate dandeete teesani taate, ammalle dandeetani d'aala ilmaani teesani dabarsitani, duuba worri haga jiru ilmaani suni ha hojatu. Ammo nama gosa teesani ka Israeli tokole indabsina. Hojja nami gosa d'ibi, ka isani keesa godaamu, dureesa tahe, ammo nami Israeli hiyyoomate, aka tisse nama suni yokhaani nama worra isaati ufi gurgure, eegi gurguranile dandaani beese baasani deebisani. Oboleesi isaa yokhaani abuyyaani isaa yokhaani dubrini isaa yokhaani fiit'aani isaa d'ibiini dandeete beese baafte isa deebifti; yokhaani yo inni beese horate dandae beese baase ufi deebisa. Inni ha nama isaa biteeni woldubbatani, ganna haga inni ufi gurgureti asi haga ganna woi woli deebisani kaani hedani, gati isaa hojatu kennani gula heregani. akuma nama gannati beese hereganifi. Nami inni hojatufi isa indabsini. Hojja kara kana tokoleeni isa gadi ind'iisini, isaafi ilmaani isaale ha ganna woi woli deebisani kaani gad'iisani. Nami gosa Israeli dandate haga jiru tisse namaa intahu, wonti akanatiifi worri tissele tiyya ta anini lafa Misiri keesaa baase. Anini AABBO Waaqa keesani. Ammalle AABBO Waaqi Waan jed'e, Waan harkaani mid'aaani, d'akha boch'ani taanaani, akheekha woi taanaani, d'akha old'ad'aabani taanaani, tokole mid'aafatani inkad'atiina. Wonti akanatiifi anini AABBO Waaqa keesani. Jila tiyya ch'ufa jabeesa fulla iti na kad'atanile ulfeesa. Anini AABBO Waaqa. Yo isani seerafi aada tiyya jabeesitani guutani, anini bokaya fullumati isanii rooba, aka lafafi mukhileeni mid'aani baaftu. Mid'aani keesani lafa ira dabrani mid'aani d'aanani zabibu ch'ach'arsanini wold'aqabani, zabibuni ch'ach'arsanileeni fach'aasa mid'aanitini world'aaqabdi. Isani waan nyaachu feetani ch'ufa argatani lafa teesani keesa nagayani teetani. Anini lafa teesani nagaya tolche soda male gach'iiftani bultani bineensa hama lafa teesani keesaa baase woraanale balleesa. Isani nyaapa keesani haatani dabsatani balleesitani. Nami keesani shani nama d'ibba toko dabsata; nami d'ibba toko nama kud'ani dabsata. Anini isani eebise isani daraarse isani horsiise, wold'aqisa anini isani woliini tolfad'e gama kiyyaani jabeesa. Hojja mid'aani murattanile fulla iti galfatani d'abdani yo mid'aani qara kaani khod'o keesa baaftani male. Anini Waaro tiyya ta Woyyuma keesa jiddu teesani tae, guyya tokole isani jibbe isani bira indeemu. Anini isani woliini tae, Waaqa keesani tahe, isanileeni gumi tiyya taatani. Anini AABBO Waaqa keesani ka lafa Misiri keesaa isani baase tisse tahu isani d'owe. Anini qaampara keesani ch'abse oli isani jechisiise. AABBO Waaqi waan jed'e, Hojja isani seera kiyya guutu baatani, gaargala argatani. Hojja aadaafi seera kiyya gula yau diddani, world'aqisa anini isani woliini tolfad'e ch'absitani, gaa rgali anini isanitini d'ufu kana: d'ukuba haguma jiru infayyineefi qand'o ila isani d'owarte jireenna keesani balleesitu. Mid'aani infach'aafatani ammo inyaatani, wonti akanatiifi nyaapa keesaniti isani dabsate keesaa isani baase, ufii nyaata. Anini isaniti gargale nyaapa isaniti tahe, nyaapi keesani isani dabsata, nami isani jibbuleeni isani mohata. Isani mudamtani, ka nami isani irreemne fayyuma tana baqattani. Hojja eegi waan kana ch'ufa gartanile na ch'aqasu diddani, anini gaargala keesani maro torba iti dara. Anini kiyyiba keesani, ka mata isani d'owe, imballeesa; bokaya d'abdani, lafti teesani gogodde, aka d'akha taati. Ato aka feetani hojattanile hujiini teesani woma isanii imbaatu; wonti akanatiifi mukhaafi oobruuni teesani woma tokole isanii imbaaftu. Hojja isani akuma kaani nati hammatani na ch'aqasu diddani anini ammalle gaargala keesani maro torba haga qara kaanile ira isaniti dara. Anini bineensa hama ka ijoolle teesani fit'e, hori keesani balleese isani diqeese, kara keesani duwa tolchu isani iti erga. Hojja eegi gaargala kana argatanile na ch'aqasu diddani, akuma kaani nati hammatani, anini isaniti gargale, haga qarale ira maro torba isani gaargalcha. Anini woraana isaniti buusa waan isani wold'aqisa keenna ch'absitanifi; ammalle yo isani lubbu d'eetani dira keesaniti galtanile anini d'ukuba hama isaniti buuse, duuba isani ufumaani harka nyaapa keesaniti ufi kennitani. Anini sagale isani iraa kute, duuba nad'eeni kud'ani qit'a ibida takati d'aabate, qit'a sunile qusatti. Ammo yo qit'a suni nyaatanile, beela imbaatani. Hojja eegi waan kana ch'ufale isani nati hammatani na ch'aqasu diddani, anini dallansu tiyya keesa isaniti gargale gaargala keesani haga qarale ira guddisa. Beelti isaniti hammate, duuba akasiini isani ilmani teesani d'iirafi dubrale nyaatani. Anini fulla isani waaqa iti kad'atani, ta gaareeni gubba, balleese, waan isani hit'aana irati aarsitanile ch'ufa ch'ach'abse, reefa keesani waaqoota isani harkaani mid'aafatani irati tuula. Anini aka hama isani jibbe, dira keesani balleese ona tolche, fulla isani waaqa iti kad'atanile bulleese, sorio isani na baaftani fud'achu dida. Anini lafa teesani waan tokole hafu d'owe balleese, nyaapi keesani ka lafa suni keesa qubatuleeni badi teesani iraa afaani qabata. Anini gosa d'ibi keesa isani firfirse achileti woraana isaniti buusa. Lafti teesani badde, diri keesanileeni ona taha. Isani worri hafe aka taka inargini woi sodaatai, yo obeensi sokhorsule baqattani, ka nami isaniti ind'iaanne fayyuma tana jijiddani. Isani ka nami isani irreemne wolti gugufatani, dandeetani nyaaa keesani tokole dura ejitani ufira inhaatani. Isani lafa nyaapa keesati hobaatani, lafti nyaapa keesani isani liqimsiti. Isani nami diqaani lafa nyaapa keesani keesati hafeleeni akanumati bobose raawata. Wonti isani akasi taatanifi maro daba keesanitifi ka abbooti teesani. Ammo yo d'alooti keesani daba isaanitifi ka abbooti isaani worra na dide nati hammate, ufi na jibbisise aka anini worra lafa nyaapa worrati ergu na tolche, daba suni ch'ufa himate ira deebie; ammalle yo d'alooti keesani ufi diqeese, gati dabaafi ch'ubbu suni baase, anini wold'aqisa kiyya ka anini duri Yakobofi Isaaqofi Abrahamu woliini tolfad'e jed'e lafa sunile qaabad'a. Ammo qara worri lafa keesaa bahu male, aka lafti duwa hafte, hafuura baafate gammaddu. Ammalle worri, waan aadaafi seera kiyya jibbe dideefi, gati na baasuu male. Ammo yo akasile taate, hojja worri ammalle lafa nyaapa isaani keesa jiru anini worra lakise, lafa buuse imballeesu. Yo anini akasi tolche anini wold'aqisa kiyya balleesa, ammo anini AABBO Waaqa isaaniti. Anini world'aqisa kiyya ka anini ababoota worraa woliini tolfad'e, inqaabad'a, gaafa anini lafa Misiri keesaa worra baase gosa ch'ufa irre tiyya garsiise, (aka Waaqa worra tahu). Anini AABBO Waaqa. Tunini aadaafi seera ka AABBO Waaqi gaara Sinai irati Musani worra Israeliti kenne. AABBO Waaqi waan Musani jed'e, Waan atini worra Israelitini jettu: Hojja kakhu jabdu gula nama AABBO Waaqa kennani, nama suni dandaani beese hagana tana baasani gad'iisani, Yo nami kakhu suni kakhate hiyyeesa taate waan suni baasu dad'abe, inni ha nama suni qaallutini d'ufu, duuba qaallichi gati suni iraa buefi, irre isaa gula gati d'ibi tolchaafi. Hojja kakhuuni kakhatani suni ta hori qeench'a taate, wonti AABBO Waaqaa baasani ch'ufti qulqullo. Nami kakhu suni kakhate fulla hori suni hori d'ibi baasu himmalle. Yo inni akasi tolche horini suni lachu ka AABBO Waaqa taha. Ammo yo kakhuuni suni hori qulqullo intahini ka AABBO Waaqa baasu himmalini taate nami suni ha hori suni qaallutini d'ufu. Duuba qaallichi ha dansumafi hameenna isaa gatiiti tolchi, duuba gatini sunuma taati. Hojja nami suni hori suni deefachu fed'u, inni ha gati suni baase, ammalle shani keesa toko iti daru. Hojja nami mana ufi AABBO Waaqaa baasu, qaallichi ha dansumafi hameenna mana suni gula gati iti tolchuti, duuba gatini sunuma taati. Hojja nami suni mana suni deefachu fed'e, inni ha gati suni baase, ammalle shani keesa toko iti daru. Hojja nami oobru isaa gama toko AABBO Waaqaa baase, ha sanyi isiini fuutu fula gati iti tolchani, gatini suni tana; garbuuni kilo diddama qarsi kud'ani. Hojja inni lafa ufi, akuma ganni woi woli deebisani kaani dabreeni, Waaqaa baase, gatini isii sunuma. Ammo yo inni eegi suni baase, qaallichi, ganna woi woli deebisani kaani asi, ha ganna hafe herefe gati iraa bue himufi. Hojja nami oobru Waaqaa baase suni deefachu fed'e inni gati suni baase ammalle shani keesa toko ha iti daru. Hojja inni oobru suni ka AABBO Waaqa iraa indeefatini nama d'ibiti gurgure inni aada bitate deefatuni inqabu. Hojja ganni woi woli deebisani gahe, oobruuni suni ta AABBO Waaqa haga jiru jireenna taati; isiini ta qaalole taati. Hojja nami oobru inni bitate AABBO Waaqaa baase, qaallichi ha, ganna woi woli deebisani kaani asi, ganna hafe herege gati iti hime duuba inni ha hori suni guyyuma suni baasuti. Beeseeni suni ta AABBO Waaqaati. Gaafa ganna woi woli deebisani kaani, oobru suni ha abba duri horate deebisani yokhaani ilmaani isaa. Gati ch'ufa ha biima qarsi gaafasi gula heregani. Wonti qara horini d'ale ch'ufti ka AABBO Waaqaati, tanaafi nami tokoleeni waan suni aka sorio fed'i gula baasaniti herege imbaasini. Watiye taanaani, ilmoole hoolatifi ta laleesa taanaani ch'ufti ta AABBO Waaqaati. Ammo waan bineensi qulqullo intahini qara d'alu dandaani deefatani, gati gaafasi gula, ammalle shani keesa toko iti daru malani. Yo abbaani deefachu baate dandaani gati suni gula nama d'ibii gurgurani. Nami tokoleeni dandae waan qara AABBO Waaqaa kenne beese baase, e, ira indeefatu, yokhaani ingurguru, ato wonti sunini nama, yokhaani hori yokhaani oobrule taate. Wonti sunini haga jirtu ch'ufa ta AABBO Waaqati. Namale ka kara sunini Waaqaa kennani dandaani indeefatani, nama suni ijeesu malani. Waan lafti baaftu, mid'aani oobrutifi, ka mukhale taanaani, kud'ani keesa toko ka AABBO Waaqaati. Hojja nama tokoleeni waan suni beese baase deefachu fed'u, inni gati gaafasi lafa jirtu gula ha beese baase, shani keesa toko iti daru. Hori horatani loonifi ree taanaani kud'ani keesa, toko ka AABBO Waaqaati. Hojja hori tohatani, ka kud'anneeso ch'ufti ka AABBO Waaqati. Abbaani hori file hamamo gama taka deebisu himmalle yokhaani woljijirule himmalle, yo inni woljijire, horini suni lachu ka AABBO Waaqaati duuba dandaani indeefatani. Kunini seera AABBO Waaqi gaara Sinai irati Musani worra Israeliti kenne. Guyya qara ka jia lameeso, ganna lameeso ka eegi worri Israeli lafa Misiri keesaa bahe, lafa aloo ta gamooji ta Sinai jed'ani keesati, AABBO Waaqi Waaro Woyyuma keesati waan Musani jed'e, Sifi Harunini, worra gosa Israeli, manafi balbala worra isaani gula, heda. Nama d'iira ka ganna diddamati oli, ka duula d'aqu dandau ch'ufa, maqa t'aafa. Hojja huji suni hojattani, nama balbala toko mataa gosa ch'ufa keesa, ka isani wahelchu, fohad'a. Musafi Harunini qarqaarsa jara kud'ani lama Kanaani, gumi ch'ufa guyya qara ka jia lameeso wolti yaamini, nama ch'ufa manafi balbala gosa worra gula t'aafani. Maqa nama ganni isa diddama oli ch'ufa hedani t'aafani, akuma AABBO Waaqi Musani jed'e lafa aloo ta Sinai keesati inni maqa worra t'aafe. Gosa Lawi ammo gosa taani woliini int'aamne, wonti akanatiifi AABBO Waaqi duri waan Musani jed'e, Gaafa nama duula d'aqu dandau heddu, gosa Lawi iti indarini. Fulla suni worra Lawi huji Waaro tiyya ta Woyyumatiifi ta miha isii iti kenni. Worri ha waaro sunifi miha isii baate, keesa hojate, d'aatu isii qubatuti. Hojja godaantani ch'ufa, worri Lawi ha waaro suni hiikhe, fulla iti qubatani ch'ufati jaaruti. Nama d'ibi, ka waaroti d'iaatu, ha ijeesani. Worri Israeli kaani ha mana manani abbu waaro ufi jaaratuti, nami ch'ufti goli isaa woliini ha bandera ufi qabaatuti. Ammo worri gosa Lawi ha d'aatu Waaro Woyyuma qubate qorqoratuti, aka nami tokoleeni iti d'iaate akasiini dallansuuni tiyya gumi Israeli imballeesine. Duuba akanaani worri Israeli waan AABBO Waaqi Musani jed'e ch'ufa tolche. AABBO Waaqi waan Musafi Harunini jed'e, Hojja worri Israeli qubatu ch'ufa, nami ch'ufti ha bandera gosa isaatiifi ka balbala isaa gula qubatuti. Ollani ch'ufti ha Waaro Woyyuma marse qubatuti. Duuba jiddu gosa qara taani lamaanifi lamaani eege, worri Lawi ha Waaro Woyyuma baate godaanuti. Gochiti ch'ufti ha akuma wolgula qubatuuni wolgula godaantuti, tamu ha fulla ufi bandera ufi jala yaatuti. Henni gosa Israeli ch'ufti, ka gosa gosafi mana manani hedani, wolti 603,550 tahe. Akuma AABBO Waaqi Musani jed'e kaani, worra gosa Lawi gosa Israeli taani d'ibiini wolti inhenne. Akanaani worri Israeli waan AABBO Waaqi Musani jed'e ch'ufa tolche. Nami ch'ufti bandera ufi jala qubate, balbala gosa ufi gula godaane. Tunini ilmaani Harunitifi ta Musa, gaafa AABBO Waaqi gaara Sinai gubbati Musani dubbate. Ilmaani d'iira ta Haruni tana; ka angafa Nadabu, taani d'ibiini Abihu, Eleazari, Ithamari. Worra kana muudani qaalole tolchani, ammo Nadabufi Abihu, worri ibida qulqullo intahini lafa aloo ta Sinai keesati AABBO Waaqaa bobeese, jennaani fit'ani. Worri ilmaani ind'alle, tanaafi Eleazarifi Ithamarini ato abbaani worraa jiru, huji qaalole hojatani. AABBO Waaqi waan Musani jed'e, Gosa Lawi gayaami, biyya duraani kooti, hojattu qaallicha Haruni jed'ani worra tolchi. Worri ha huji Waaro Woyyumati malteefi ta qaaloleetifi ta gumi ch'ufa hojatuti. Ammalle worri ha miha Waaro Woyyuma jabeese huji worra Israelile hojatuti. Hujiini worri Lawi hojachu male toko ch'alla aka Harunifi ilmaani isaa hojatani. Ammalle Harunifi ilmaani isaa ka atini qaalole tolchite, ha huji suni hojatani; nama d'ibi ka huji suniti d'iaatu ha ijeesaniti. AABBO Waaqi waan Musani jed'e, Lafa aloo ta gamooji ta Sinai keesati, AABBO Waaqi waan Musani jed'e, Worra gosa Lawi manafi balbala gosa gula hedi: Ijoolle d'iira ta haga d'alate jia toko teete oli ch'ufa henna keesa t'aafi: Duuba Musani akuma AABBO Waaqi isaani jed'e kaani tolche. Balbalti Gershoni, mana Libnitifi Shimei qabdi. Nami d'iira, ka haga d'alate jia toko oli, ka henna keesa t'aafani, nama 7,500. Balbalti tunini Waaro Woyyuma duuba, gama ila adu qubati: Nami balbala suni mataa Eliasafu ilma Laeli jed'ani. Hujiini Waaro Woyyuma ta worri kuni hojatu aka, golla isii ka keesatifi ka alaatifi golla balbala isiitiifi golla naabo Waaro Woyyumatiifi waan aka mesa ka sorio irati baasani marsufi, golla balbala naabo sunile jabeesani qorqoratani. Balbalti Kohathi mana Amramutifi ka Isharitifi ka Hebronitifi ka Uzieli qabdi. Nami d'iira, ka haga d'alate jia toko oli, ka henna keesa t'aafani, nama 8,600. Balbati tunini Waaro Woyyuma gama bitaa qubati, nami balbala suni mataa Elisafani ilma Uzieli. Hujiini worri kunini hojatu aka Sanduqa Wold'aqisatiifi mesafi waan ifseeni ira ejitufi waan mesa fakaata ka sorio irati baasani lamaanifi miha qaaloleeni fulla qulqullo keesati hojatunifi golla balbala Fulla Ira Qulqullooti jiru qorqoratani. Mataani gosa Lawi ch'ufa Eleazari, ka ilma qaallicha Haruni. Inni nama Fulla Qulqullo hojatu ch'ufa iti gudda. Balbalti Merari mana Mahlitifi Mushi qabdi. Nami d'iira, ka haga d'alate jia toko oli, ka henna keesa t'aafani, 6,200. Balbati tunini Waaro Woyyuma gama mirga qubati. Nami balbala suni mataa Surieli ilma Abihaili. Hujiini worra kanaa kennani, aka utuba Waaro Woyyumatiifi waan ira dadagalchaniifi waan jala d'ad'abaniifi waan woltiini d'aabani jabeesani qorqoratani. Ammalle hujiini d'ibiini worri hojatu, aka utuba naabo alaatifi waan inni ira ejaanjufi d'isa naabotiifi haada isiile jabeesani qorqoratani. Musafi Harunifi ilmaani isaa Waaro Woyyuma dura gara ilaboru qubatani. Hujiini worra aka Fulla Qulqullooti aada worra Israeliti tolchani. Nama d'ibi waan kanati d'iaatu inijeesani. Henni nama d'iira ka gosa Lawi, ka haga d'alate jia toko oli, ka Musani dubbi AABBO Waaqa gula balbala worra gula t'aafe nama 22,000. Musani ee jed'e, ilmaani angafa ch'ufa, ta haga d'alate jia toko oli maqa t'aafe: henni sunini ch'ufti wolti nama 22,273. AABBO Waaqi waan Musani jed'e, Fulla ilma angafa ch'ufa ka Israeli, worra Lawi eebisi, kiyya tolchi ammalle fulla waan qara d'alate ka looni Israeli looni gosa Lawi eebisi kiyya tolchi. Waan ilmaani angafa ka worra Israeli nama d'ibba lamafi torbatami sadini worra Lawi ira jirtuufi, ilmaani ira hafte suni bitachu malte. Ilmaani suni ch'ufa qarsi shanini bitad'i, aka biima qarsi ta gaafasi gula. Duuba beese tana Harunifi ilmaani isaati kenni. Musani ee jed'e, qarsi 1,365 fuud'e, Harunifi ilmaani isaati kenne. AABBO Waaqi waan Musafi Harunini jed'e, Worra gosa Lawi ka balbala Kohathi, manafi balbala worra gula heda, maqa nama d'iira ch'ufa, ka ganna sodomatifi shantama jiddu jiru, ka huji Waaro Woyyuma keesa hojachu dandau, t'aafa. Wonti worri hojachu male, waan waan ch'ufa ira qulqullo qorqorachu male. AABBO Waaqi ammalle dubbi tana Musani jed'e, Hojja godaanu geetani, Harunifi ilmaani isaa ha Waaro Woyyuma seenani, golla Sanduqa Wold'aqisa durati jiru iraa baasani, Sanduqani mamaraniti. Ammalle worri ha golla d'iisisani irati mamare, woya bule gubati ballise, duuba kalcho baataniini keesa naquuti. Worri ha woya bule mesa qit'a AABBO Waaqaa baasani ira kayani irati ballisuuti: ammalle mesa suni ira saanifi waan hit'aana keesati aarsanifi d'ameelafi muduunu daad'i Waaqaa baasani iti naqani ha d'ad'abaniti; ammalle qit'aani hojja ch'ufa mesa suni gubba jiraachu male. Duuba ammalle waan kana ch'ufa ha woya diimtu irati ballisani, golla d'iisisani ira kaayani, kalcho baataniini keesa naqaniti. Ammalle worri ha woya bule fuud'e, waan ifseeni ira ejitufi ifse isiitiifi qad'abefi saanifi waan d'ad'a iti naqani ch'ufa ira ballisuuti. Worri ha waan suni ch'ufa golla d'iisisanini mamare waan aka sire ta baataniini ira kayuti. Ammalle waan aka mesa, ka worqi ha woya bule iti ballise, golla d'iisisani ira kaye, kalcho baataniini keesa naquuti. Duuba ammalle ha miha Fulla Qulqullo keesati hojatanini ch'ufa fuud'ani, woya buleeni mamarani, golla d'iisisani ira kayani waan aka sire ta baataniini ira kayani. Ammalle ha waan mesa fakaata kaani, daara d'ad'ani iti jige, keesaa baasani, woya bule diimtu irati ballisaniti. Duuba miha ch'ufa, ka huji soriotini tolchani, ha gubba kayaniti: daboola ibidati, hooko, bao, qori. Duuba ha golla d'iisisani ira kayani, kalcho baataniini iti naqaniti. Hojja godaanani, worri balbala Kohathi ha d'ufe, waan qulqullo kana ch'ufa baatuti, ammo haga Harunifi ilmaani isaa huji tana ch'ufa kurfeesani hobaasaniti worri inqabatini. Worri balbala Kohathi waan qulqullo kana tokole intuqini, yo tuqani induani. Hujiini worra balbala Kohathi ta hojja Waaro Woyyuma godaansisani worri hojatu suni. Eleazarini ilmi qaallicha Haruni, hujiini isaa aka Waarofi d'ad'a ifsetifi, hit'aanafi, mid'aani Waaqaa baasanifi d'ad'a muudatiifi waan Waaro keesa jira ka huji AABBO Waaqatini hojatani ch'ufa qorqoratini. AABBO Waaqi waan Musafi Harunini jed'e, Worra balbala Kohathi fulla miha qulqullo kanati d'iaachu d'owa, aka worri indoone. Aka waan kana tahu d'owani Harunifi ilmaani isaa ha Waaro keesa seenani, nama ch'ufa huji isaa iti himani, waan inni baatu iti kennaniti. Ammo hojja worri Kohathi Waaro seene waan qulqullo qaaloleeni godaannaa kurfeesitu arge, indua. AABBO Waaqi waan Musani jed'e, Worra gosa Lawi, ka balbala Gershoni, Manafi balbala worraa hedi, maqa nama d'iira ch'ufa, ka ganni isaa sodomafi shantama jiddu jiru, ka huji Waaro Woyyuma keesa hojachu dandau, t'aafi. Worri miha kana baachu male: Waarofi golla isii ka keesatifi ka alaatifi golla d'iisisani ka gubbati ballisanifi golla balbalatifi gollafi haada naabo ka Waarofi waan mesa fakaata ka sorio irati baasani marsufi golla fulla balbala naaboti kayani, ammalle waan waan kana ch'ufaani wolti naqanile. Worri waan waan kana male ch'ufa tolchu male. Musafi Harunini ha huji worri Gershoni, hojatufi ammalle waan Harunifi ilmaani isaa baad'a jed'aniini qorqorataniti. Hujiini worri balbala Gershoni Waaro keesa hojatu tana: Worri ha aka Ithamarini ilmi qaallicha Haruni, tolcha jed'uuni gula tolchuti. Ammalle AABBO Waaqi waan Musani jed'e, Worra gosa Lawi, ka balbala Merari, manafi balbala worra gula hedi. Maqa nama d'iira ch'ufa ka ganni isaa sodomatifi shantama jiddu jiru, ka huji, Waaro Woyyuma keesa hojachu dandau t'aafi. Worri miha kana baachu male: Utuba Waaro Woyyumatiifi waan ira dadagalchaniifi waan Waaroni ira ejitufi kalchoofi, waan utubaani naabo ira ejaanjufi d'isafi haada naabo Waaro marsufi waan woltiini d'aabani ch'ufa. Nami ch'ufti waan iti kennani ka baatu qaba. Hujiini worri balbala Merari Waaro Woyyuma keesa hojatu tana: Worri ha aka Ithamarini ilmi qaallicha Haruni, tolcha jed'eeni gula tolchuti. Akuma AABBO Waaqi Musani jed'e, nama ch'ufa t'aafani ammalle dubbi AABBO Waaqa ta Musati himani gula, nama ch'ufa huji inni hojate guutu male kennanifi ta qaalole hojatani yokhaani wa baatani. AABBO Waaqi Waan Musani jed'e, Waan atini worra Israelitini jettu. Nami d'ukuba hama aka qomaat'a qabu yokhaani ka nafi mamadae malaani keesaa yaatu, yokhaani nama ch'ufa ka reefa tuqe t'urae ha gumi keesaa bahuti. Worra qulqullo intahini kana ch'ufa gumi keesaa baasa, aka worri fulla anini gumi keesa tau int'ureesine. Worri Israeli dubbi tana ee jed'e, worra akasi ch'ufa ufi keesaa baase. AABBO Waaqi waan Musani jed'e, Waan atini gumi Israelitini jettu, Hojja nami tokoleeni Waaqa durati wollaala tolche, waan nama d'ibile kara hamani fud'ate, nami sunini ha daba ufi himate, nama waan isaa duraa fud'ate suni gati baasuti, ammalle gati suni ira ha waan d'ibile d'iba keesa diddama baasuti. Ammo hojja nami sunini nama qara due taate, ka inni nama fiit'a ka gati suni fud'atu inqamne, gati suni ha AABBO Waaqaa baasani aka qaalluuni nyaatu. Wonti baasani kunini herega elemo nama wollaala tolcheeni qulqulleesani keesa injirtu. Ammalle wonti worri Israeli AABBO Waaqaa baasu kama qaallu itiini d'ufaniti. Qaalluuni ch'ufti ha waan itiini d'ufani fud'atuti. AABBO Waaqi waan Musani jed'e, aka ch'ufafu namichi niiti suni ha qaalluti geesuti. Ammalle inni ha garbu kilo toko ta iraa fed'ani fuud'u; ammo d'ad'a yokhaani hit'aana iti inaarsini. Wonti akanatiifi woni baasani sunini waan d'iirsi maro d'ugeefata niiti ufi d'abeefi baasu, aka d'uga diidati baasani. Qaallichi ha niiti suni gayaame, fulla sorio iti baasani duraani d'ufuti. Inni ha bisaani qulqullo okote faarati naqe, biyye Waaro Woyyuma keesa lafa iraa fuud'e, bisaani suniti naqe had'esuti. Duuba inni ha rifeensa niiti suni hiikhe, garbu d'ufaniini taani harka isiiti kennuti. Harka ufi keesa qaallichi ha okote faara ta bisaani had'ao abaarsaani d'ufaa qabdu, qabaatuti. Duuba qaallichi niiti suni ha kakhu tanaani kakhachiisuti: You nami tokoleeni si imbaratini yokhaani ka atini d'iirsa kanke lakifte, inhammaatini, abaarsi bisaani kunini d'ufaniini woma si intolchu. Ammo yo nami si barate, atini d'iirsa kanke lakifte nama d'ibi gula seseega deemte, AABBO Waaqi maqa kanke ha gumi keesa abaaruti. Inni ha saaba kanke yake garaa kanke iitesuti. Bisaani kunini ha garaa kanke seenani, garaa kanke iitesani, saaba kanke yakaniiti. Isiini ha ee, AABBO Waaqi akasi na tolchina jettuti. Duuba qaallichi ha abaarsa kana t'aafe t'aafi suni bisaani had'ao okote taaniitini d'iquuti. Ato inni niiti bisaani had'aa qaba, ka isi d'ukubsa suni inobaamne, qaallichi ha garbu Waaqaa baasani taani harka niiti suni iraa fuud'e, Waaqati olqabe, waan aka mesa ka sorio irati baasani kaani ira kayuti. Duuba inni ha garbu taani harka guutate, aka waan kana Waaqa iraa argate fulla sorio irati baasani irati gubuti. Duuba eege inni ha niiti suni bisaani obaasuti. Hojja isiini hameenna suni keesa jiraate, bisaani had'aoni sunini guddo isi d'ukubsani, garaani isii iitae, saabi isii hamaata. Maqaani isiileeni gosa keesa abaarsa argata. Ammo yo isiini waan suni keesa injirre, isiini woma intaatu, ijoolle akuma aada d'alti. D'iirsi wollaala inqabu, ammo niitiini yo waan suni keesa jiraate gaargala suni argachu malte. AABBO Waaqi waan Musani jed'e, waan atini worra Israelitini jettu, Hojja nami d'iira yokhaani ka uwa kakhu kakhate, aka aada worra Naziri jed'ani gula deeme AABBO Waaqati ufi kennu, nami akasi kunini ha daad'ifi farso lagatu. Yokhaani inni waan zabibu iraa mid'aasani, ka d'uganifi ka nyaatanile ch'ufa ha lagatuti. Haga inni aada Naziri suni keesa jiru, inni waan zabibu iraa baha killefi qola mid'aani isiile taanaani tokole inyaatini. Ammalle haga aada Naziri tana keesa jiru, inni mata ch'irate yokhaani inhaadatini. Haga guyyaani inni AABBO Waaqa kakhate isaati ufi kenne, aada suni gula deemu iraa hobauti, inni ha rifeensa isaa ka matatifi ka areeda galakisuti, aka inni d'ed'eeratu. Haga aada Naziri suni keesa jiru ch'ufa inni qulqullo, ka AABBO Waaqati. Hojja nami d'aatu isaati due, ka duuba akanaani rifeensi isaa ka aada kaani t'urae, inni guyya torba bule duuba matafi areeda ha haadatuti, duuba ha akanaani ufi qulqulleesuti. Guyya saddeeteeso inni ha sabaliisa lama yokhaani ilmaani sabaliisa lama qaallichatini d'ufuti, fulla balbala Waaro Woyyumati. Qaallichi sabaliisa toko ha aka sorio dabaani ufiraa baasani baasuti, kaanile ha aka sorio gubani baasani baasuti, aka akanaani namicha reefati d'iaate t'urae kaani qulqulleesu. Guyyuma suni namichi ha ammalle rifeensafi nafa ufi AABBO Waaqaa kenne aada Naziriti deebiuti. Haga inni qara aada suni keesa jiru iti inheregani, wonti akanatiifi aada isaa ta qara taani t'ureesani. Ammalle inni elemo ganna toko maro wollaala sunitifi ha d'ufuuni. Hojja nami aada Naziri keesa jiru guyyaani inni kakhate dabre, inni aada tana tolchu male. Inni ha fulla balbala Waaro Woyyuma deeme, hori sadi ka aabo inqamne AABBO Waaqaa baasu: elemo ganna toko ka sorio gubani Waaqaa baasani, karso ganna toko ta sorio dabaani ufi iraa baasani, ammalle elemo toko ka sorio wold'ageeti baasani. Inni ammalle dadu qit'a bukho inqamne ha baasuti: qit'a fufurda dargaye ka d'ad'ani wolti makhani mid'aasanifi qit'a hahapicha didiqa d'ad'a dibani, ammalle mid'aanifi daad'i ta baasu malani. Duuba qaallichi ha waan kana ch'ufa AABBO Waaqatini d'ufe, sorio dabaani ufi iraa baasanifi ta gubanile baasuti. Inni ha elemo suni ka sorio wold'ageeti AABBO Waaqaa baasuti, dadu qit'a taani woliini; ammalle inni ha mid'aanifi daad'i ta baasuu malani baasuti. Fulla balbala Waaro Woyyuma, namichi aada Naziri keesa jiru suni, ha rifeensa haadate ibida sorio wold'ageeti gubbati gubani kaaniti jissuti. Duuba eegi balleensu elemo kaani d'aabani, qaallichi ha fuud'e, qit'a fufurda kaani tokofi qit'a hahapicha didiqa kaani toko woliini, harka namicha aada Naziri keesa jiru kaani keesa kayuti. Eegi suni qaallichi waan kana ch'ufa AABBO Waaqati ha oliqabuuti woni kunini ch'ufti qooda qulqullo qaallu kennani, handaraafafi miila elemo kaani ka seera gula qaallicha baasani male. Eegi suni namichi aada Naziri keesa jiru kaani, yo fed'e, dandae daad'i d'uga. Aadaani nama kakhu Naziri kakhatu tana; ammo yo namichi aada Naziri ke jiru kaani waan kakhachu male ira kakhate, inni kakhu inni kakhate suni ha guututi. AABBO Waaqi waan Musani jed'e, Waan atini Harunifi ilmaani isatini jettu, Akanaani gumi Israeli eebisa, waan jettaniini AABBO Waaqi ha isani eebise isani qorqoratu. AABBO Waaqi ha isaanii nahe eeba isaanii kennuti; AABBO Waaqi isani jaalate nagaya isanii kennuti. Ammalle AABBO Waaqi waan jed'e, Akanaani maqa kiyyaani gumi Israeli eebisani, aninileni worra eebisa. Guyya Musani ijaarsa Waaro Woyyuma hobaase, inni Waaro sunifi miha isii ch'ufafi waan sorio irati baasanifi miha isaale ch'ufa muude eebise. Jennaani worri gugurdaani balbala gosa Israeliti mataa, ka qara huji henna harkaa qabu, waan waaqaa baasu male AABBO Waaqatini d'ufe: gaari jaafi qotiyo kud'ani lama, nami lama gaari toko, ammo nami ch'ufti qotiyo toko tokooni d'ufe. Eegi worri waan kanani d'ufe, AABBO Waaqi waan Musani jed'e, Waan worri baasu kana iraa fuud'i, huji Waaro Woyyumatiini hojad'i; worra Lawiti kenni, huji worri hojatu gula. Duuba Musani gaarifi qotiyo worra Lawiti kenne. Inni gaari lamafi qotiyo afuri worra Gershoniti kenne, gaari afurifi qotiyo saddeeti worra Merariti kenne. Nami huji tana ch'ufati mataa Ithamari ilma qaallu Haruni. Ammo Musani gaarifi qotiyo worra Kohathiti inkennine, wonti akanatiifi mihi qulqullooni worri qorqoratu waan gurmuti baatani. Worri gugurdaani kaanileeni wabase, guyya waan sorio irati baasani muudani eebisani. Hojja worri waan baasu suni baasiti fulla suniti kurfae, AABBO Waaqi waan Musani jed'e, Waan worra gugurda kanani jettu, Isani namu guyya ch'ufa, haga bulti kud'ani lama, ha waan ufi ka baasuni d'ufuti, aka fulla sorio iti qalani suni eebisani. Musani Waaro Woyyuma olesene, aka AABBO Waaqaani dubbatu, jennaani inni AABBO Waaqa, ka qadaada Sanduqa Wold'aqisa gubba jiddu waan koola kaani lamaaniti isaani dubbatu d'agaye. AABBO Waaqi waan Musani jed'e, Waan atini Harunini jettu, Hojja atini ifse torbaani waan ifseeni ira ejaanjitu gubbaa keete, ifseeni torbaani sunini ha fuula durati ifsituti. Harunini ee jed'e, ifse suni aka isiini fuula durati ifsitu, kaye. Waan ifseeni ira ejaanjitu suni nafa isii ch'ufa worqi tumanini mid'aasani aka AABBO Waaqi Musa garsiise gula. AABBO Waaqi waan Musani jed'e, Worra Lawi, gosa Israeli keesa, koba baasi akanaani qulqulleesi: Bisaani qulqulleesanini iti fifit'i, waan jettuuni, rifeensa nafa keesani haadad'a woya teesanile miich'ad'a, aka akanaani qulqullooftani. Duuba worri ha jibicha korma tokofi dargaye daakhanifi d'ad'a wolti makhani Waaqaa baasani taani fuud'uti. Atinileeni jibicha korma d'ibi fuud'i, ka sorio dabaani ufi iraa baasani baasani. Duuba gumi Israeli ch'ufa wolti yaami, worra Lawi Waaro Woyyuma duraani kooti. Worri Israeli ha harka ufi mata worra Lawi ira naqate, duuba Harunini ha worra Lawi maqa worra Israelitini naa kennuti, aka worri Lawi huji tiyya hojatu. Duuba worri Lawi harka ufi mata koromi lamaani taani ha ira kayuti, korma toko ha sorio dabaani ufi iraa baasani baasaniiti, kaani d'ibi ha sorio gubani baasani baasaniiti, aka akasiini worra Lawi qulqulleesani aada guutanifi. Worra Lawi koba baasi, eebisi, naa kenni, Harunifi ilmaani isa gudda worraa tolchi. Akanaani worra Lawi worra Israeli kaani keesa koba baasi, aka worri kiyya tahu. Eegi atini worra Lawi qulqulleesite eebifte koba na baafte, worri ha Waaro Woyyuma seene hojatuti. Anini fulla angafa ilmaani Israeli worra fud'ad'a worri amma kiyya. Gaafa anini ilmaani angafa ch'ufa lafa Misiri keesa hobaase, gaafasi anini ilmaani d'iira ta Israeli ta angafatiifi waan horini worraa goroomuma d'ale ch'ufa fohad'e, koba olkeyad'e. Anini amatana worra gosa Lawi, fulla ilmaani angafa ta Israeli, fud'achu jira, duuba worra Lawi suni Harunifi ilmaani isaati kenni gumi Israeli keesa, aka worri Waaro Woyyuma keesa worra Israeliti hojatu, ammalle aka worra Israeli gaargala sila worrati d'ufa, yo worri fulla qulqulloti d'iaatu, iraa d'owu. Duuba Musafi Harunifi, gumiini Israeli ch'ufti worra Lawi eebifte koba baafte, akuma AABBO Waaqi Musani jed'e. Jennaani worri Lawi ufi qulqulleese, woya miich'ate, Harunini worra eebise AABBO Waaqaa kenne, worra qulqulleese aada guutefi. Duuba worri Israeli waan worra Lawi, ka AABBO Waaqi Musani jed'e, tolche. Akanaani worri Lawi Waaro Woyyuma seene, Harunifi ilmaani isaa jala hojate. AABBO Waaqi waan Musani jed'e, Worri Lawi ch'ufti hojja ganni worraa diddami shani gahe ha Waaro Woyyuma keesa huji hojatuti, yo ganni worraa shantama gahe ha huji suni lakisuti. Ammo eegi suni worri dandae worra Lawi kaani qarqaara, hojja worri Waaro Woyyuma keesa hojatu, ammo hataatu, huji tokole koba hojachu himmalle, aki atini worra Lawi hojachiiftu kana. AABBO Waaqi lafa aloo ta gamooji ta Sinai keesati, jia qara ka ganna lameeso keesa eegi worri Israeli lafa Misiri keesa bahe. Jennaani Musani biyyaani, Aada jila Pasaka tolfad'a jed'eeni. Duuba biyyiti galgala guyya kud'ani afreeso, ka jia qara, jila suni lafa aloo ta Sinai keesati tolfatte. Biyyiti akuma AABBO Waaqi Musani jed'e, waan suni ch'ufa tolchite. Ammo nama gariti jira, ka reefa tuqe aada gula qulqulluma ufi d'abe; tanaafi dandae guyya suni aada Pasaka inguutu. Worri sunini gara Musafi Haruni d'aqe, waan jed'aniini, Nu yayu reefa tund'e, akasiini ufi t'ureesine, ammo maanifi waan nu AABBO Waaqaa baasu malle, gumi Israeli woliini, baasu nu d'owani. Duuba Musani waan jed'eeni, eega, haga anini AABBO Waaqa iraa waan isani tolchani d'agayuti. AABBO Waaqi waan Musani jed'e, waan atini worra Israelitini jettu, Hojja isani keesa nami toko, yokhaani d'alooti keesani nami toko, reefa tuqe t'urae, yokhaani inni imaltu fago jiraate, ka inni aada jila Pasaka tolfachu fed'u, inni dandae eegi jia toko tae, galgala guyya kud'ani afreeso ka jia lameeso jila suni tolfata. Inni jila suni ha qit'a bukho inqamneefi waan aka raafu had'ooftutini tolfatuti. Inni sagale suni tokole hambise lafti iti imbariini, lafe hori suni tokole inch'absini. Inni jila Pasaka aada isii ch'ufa guutu male. Ammo nama tokole ka t'uri inqamne yokhaani ka imaltu ala injirre, ka aada jila Pasaka intolfanne ha gumi keesa kutaniiti, waan inni waan sila baasu malani guyya isii naa imbaasinifi. Inni gati daba ufi ha argatuti. Yo nami gosa d'ibi, ka isani keesa qubatu, aada Pasaka tolfachu fed'u, inni seerafi aada isii guute tolfachu male. Seeri jila tana nama ch'ufa ha takaa tahuti, gumi Israelitiifi nama gosa d'ibile taanaani. Guyya Waaro Woyyuma jaarani hobaasani, dumansi d'ufe d'osse; lafti galgalomnani dumansi sunini ibida fakaate haga lafti bariituti Waaro gubba tae. Hojja ch'ufa akasuma; guyya, dumansati Waaro gubba mullata, halkani, ibidati iraa mullata. Hojja dumansi suni Waaro iraa kau ch'ufa worri Israeli godaane ammalle fulla dumansi gadeebiuti worri qubata. Worri jecha AABBO Waaqa gula kae godaane, jecha isaa gula qubata. Haga dumansi Waaro Woyyuma ira tau ch'ufa worri achuma taa. Ato dumansi guyya hedu Waaro suni gubba taele, worri AABBO Waaqa saalfate inchochone, artuma tae. Maro gari dumansi haguma bulti diqo Waaro gubba taa: ammo aka ch'ufafu godaanafi teesumti worra jecha AABBO Waaqa gula. Guyya gari dumansi haga galgalaatifi diirama ch'alla taa; duuba hojja dumansi kae worri ingodaana. Yokhaani ato guyya tokofi halkani tokole dumansi tae, hojja dumansi kae worrileeni ingodaana. Ato guyya lama yokhaani jia toko yokhaani ganna toko yokhaani hagasile ira taate, haga dumansi Waaro ira tau, worri ingodaanu; ammo hojja dumansi kae, worrileeni ingodaana. Jecha AABBO Waaqi Musani jed'e gula godaanani qubatani. AABBO Waaqi waan Musani jed'e, Qarsi tumi, magalata lama mid'aasi, aka biyyaani wolti yaamte guyya, godaanani namati himtu. Hojja magalata lachu guddisani d'aani, gumiini ch'ufti ha fulla balbala Waaro Woyyumati siti d'uftuti. Ammo hojja magalata toko ch'alla d'aani, jaaroleeni balbala gosaa mataa ch'allaani ha siti d'uftuti. Hojja magalata diqo d'aani, gochiti gama ilaboru qubatu ha godaantuti. Ammalle hojja maro lameeso magalata diquma d'aani, gochiti guma bitaa jirtu ha godaantuti. Duuba hojja godaanu fed'ani magalata diqeesani d'aani, ammo hojja gumi wolti yaamu fed'ani guddisani d'aani. Magalata qaalole ilmaani Haruniti d'aa. Haga jirtani ch'ufa aada tana guutu maltani. Ato isani lafa teesani keesa jirtanu ka, nyaapi d'ufe isani had'e, nyaapa suni ufi iraa d'owu feetani, magalata kana d'aa iyya. Duuba anini, AABBO Waaqi keesani, isani qarqaare harka nyaapa keesani keesaa isani baasa. Ammalle guyya gammadale ka isani jila baatitifi jila d'ibi aada tolfatanile, isani magalata d'au maltani, hojja isani sorio gubanifi sorio wold'ageeti baaftani. Duuba anini isani qaabad'e qarqaara. Anini AABBO Waaqa keesani. Guyya diddameeso, ka jia lameeso, ganna lameeso eegi worri Israeli lafa Misiri keesaa bahe, dumansi Waaro Woyyuma gubba jiru kaani iraa kae, jennaani worri Israeli aka lafa aloo ta Sinai keesaa bahu godaana kae. Worri lafa aloo ta Paranitini bahe jennaani dumansi kaani ammalle Waaro ira tae. Worri dubbi AABBO Waaqi Musani jed'e gula godaane, ammalle hojja godaanani ch'ufa, worri akana godaana. Worri bandera gosa Yuda jala jiru dura godaane mana manani, ka Nashoni ilmi Aminadabu gudda worraa. Nethaneli ilmi Suari gudda gosa Isakari. Ammalle Eliabu ilmi Heloni gudda gosa Zabuloni. Jennaani Waaro Woyyuma, hiikhani, worri balbala Gershonitifi Merari ka godaana Waaro suni baatu; godaana. Eegi suni worri bandera gosa Reubeni jala jiruleeni mana manani kae godaana, ka Elisuri ilmi Shedeuri gudda worraa. Sheumieli ilma Surishadai gudda gosa Simeoni, ammalle Eliasafu ilma Deueli gudda gosa Gadi. Duuba eegi suni worri balbala Kohathi, ka godaana miha woyyuma baatu godaana. Hojja worri fulla qutumati worra kaani d'aqabe, Waaro ya jaarani. Eegi suni worri bandera gosa Efraimu jala jiru mana manani kae godaana, ka Elishama ilmi Amihudi gudda worraa. Gamalieli ilmi Pedasuri gudda gosa Manase, ammalle Abidani ilmi Gideoni gudda gosa Benjamini. Duuba eege worri bandera gosa Dani jala jiru ka qorqorti eege biyya godaanu, mana manani kae godaana, ka Ahiezeri ilmi Amishadai gudda worraa. Pagieli ilmi Okrani gudda gosa Asheri ammalle Ahira ilmi Enani gudda gosa Naftali. Akanaani worri Israeli, hojja godaanu ch'ufa, mana manani wolgula godaana. Musani waan Hobabu ilma Yethro, ka gosa Midiani, ka sodda isaatini jed'e, Nu yayu lafa AABBO Waaqi, isanii kenna jed'e taaniti godaanu geenne. Inni yayu kakhate, aka gumi Israeli tana horsiisu, tanaafi atinileeni nu woliini kooti, woliini horraa. Ammo Hobabuni waan jed'eeni, Hiyo anini lafa tiyyafi worra kiyyati galu fed'a. Ammo Musani waan jed'eeni, sodda kiyya, si eebimna, nu biraa indeemini, atini lafa gamooji tana ch'ufa imbeeta, fulla ch'ufa nu geesite nu qubachiifta. Hojja atini nu woliini godaante eeba AABBO Waaqi nu kennu ch'ufa woliini qoodanna. Gumiini Israeli gaara qulqullo Sinaiti kaate, godaana guyya sadi godaante. Sanduqi Wold'aqisa AABBO Waaqa hojja ch'ufa worra dura deeme, aka fulla qutuma worraa laalu. Hojja worri godaanu ch'ufa, dumansi AABBO Waaqaa worraa gadiseesa. Hojja Sanduqi Wold'aqisa godaana kae ch'ufa, Musani waan jed'u, AABBO Waaqa, kai: Nyaapa kanke gargari baasi, nama si jibbule ufi duraa gussi! Ammalle hojja Sanduqi miilad'aabate, inni waan jed'u, AABBO Waaqa, worra Israeli ka kunkiti deebii. Gumiini gaargala ufiiti AABBO Waaqati gungumte, jennaani inni d'agaye dallane, ibida gubbaa worrati erge. Ibidi suni jiddu worrati wogube moga olla toko balleese. Jennaani gumiini Musati boote, inni AABBO Waaqa kad'ate, ibidi d'aame. Duuba fulla suni maqa Tabera baasani, wonti akanatiifi ibidi AABBO Waaqaa artiti nama gube. Worra seseega yau, ka worra Israeli intahiniti ka, worra gula godaanu, jira. Duuba worri sunini guddo fooni jaalate sabdaeni, worri Israelileeni gungume waan jed'e, Ato sila fooni nyaannu qabaanne akami dansa! Gaafa Misiri keesa jirru nu qurt'umi haguma feenu nyaanne gaafi male, mee mid'aani aka bododafa, qulubi fa, sagale miooftu d'ibi ta duri nu nyaanne qaabad'a. Ammo nu amma yayu gogonne hobaane, wonti tokoleeni ka nu soorannu injirtu sagale manna jed'ani tana male! (Mannani tunini mid'aani didiqo hahad'icha adadi aka haampe jira. Musani aka gumiini wolwoldeete balbala waaro ufi durati gugungumte d'agaye laalefate, wonti akanatiifi AABBO Waaqati worraati dallane. Jennaani waan AABBO Waaqaani jed'e, Atini maanifi waan hamtu kana na tolchita? Atini maanifi na dabsite, ulfinna worra kana ch'ufa nara keete, akana na tolchita? Worra kana ch'ufa nati garaachae d'ale? Atini maanifi akko worraa na tolchita, anini worra kana aka daima hampaare, lafa atini ababoota worrati kakhateeni d'ufa? Anini eesa fooni worra kana nyaachisu arga? Worri kunini guyya ch'ufa aka saree gururie fooni nyaatu nara barbaada. Anini worra kana ufiti indandau, baani worraa ya nati ulfaate! Yo atini ka akana na tolchitu taate na nahi, na ijeesi, aka anini deebie gaargala akana siraa inarganne. AABBO Waaqi waan Musani jed'e, Jaarole torbatama, ta gurra qabdu, ta gumi keesa mataa fakaatu, wolti yaami, fulla balbala Waaro Woyyumati natiini kooti, worri ka arti sibira ejaanjuti. Duuba anini gabue, artiti siini dubbad'a, ammalle jabeenna lubbuu ka qara si kennele haga gari siraa fuud'e worraa kenna. Akanaani worri si qarqaare, baani worraa siti sablate, wahela argatta. Amma tana waan biyyaani jettu, Guyya boriti jed'a, ufi qulqulleesa, fooni nyaatani inargattani. AABBO Waaqi ya gururisu teesani, ta isani, Eentu fooni nu nyaannu nuu kenna? Gaafa nu lafa Misiri keesa jirru hagana ira jira jettani d'agaye. Amma tana AABBO Waaqi fooni isani nyaatani isanii kenna. Guyya tokofa, lamafa, shanifa, kud'anifa yokhaani diddamafa ch'alla inyaatani, ammo bulti addeesafi dukana ch'ufa nyaatani, haga fooni suni isani ira dabrani funnaaniini isani keesa dachaaniti. Wonti kunini ch'ufti, woni isiini taatufi, waan isaani, AABBO Waaqa ka jiddu teesani keesa jiru kana diddani, Maanifi lafa Misiri keesa baane? jettani gungumtanifi. Musani waan AABBO Waaqaani jed'e, Gumiini anini deemuni tunini nama kunki d'ibba jaati, atini duuba d'uguma haga jia toko fooni worraa kenna jetta? Loonifi ree worra quubsitu dandaani inqalani? Qurt'umini galaana ch'ufti yo guurani worra ingeeti? AABBO Waaqi waan Musani jed'e, Harka kiyya gababa seeta? Duuba atini amuma tana aka dubbini guutamte yokhaani inguutamne agarta! Jennaani Musani gabahe waan AABBO Waaqi isaani jed'e biyyati hime. Inni jaarole nama torbatama yaame, Waaro Woyyuma d'aatuni d'ufe. Jennaani AABBO Waaqi dumansa keesa gabue isaani dubbate, jabeenna lubbu qara isaa kenne haga toko iraa fuud'e, jaarole torbatama taani qoode. Lubbuuni ira bute jennaani worri haga gababa toko aka raaga iyye. Jaarole torbatama suni keesa, nami lama, ka Heldadifi Medadi jed'ani, fulla Waaro suni d'ufu dide worrati hafe. Achi olla keesati, worrale lubbuuni ira bute, worrileeni aka raaga iyye. Namichi kaimtichi toko utaale, waan Heldadifi Medadini tahani Musati hime. Jennaani Yoshuani, ilmi Nuni, ka haga kaimoma isaati Musa jala hojatu, waan Musani jed'e, Worra kana ch'allisisi, Aabbo! Musani waan jed'eeni, Atini waan worri kunini tahe ira hameenna agarta? Yo sila taate anini aka AABBO Waaqi lubbu isaa nama ch'ufa ira buuse aka raaga iyyisisu fed'a! Jennaani Musafi jaaroleeni Israeli torbatami taani waaro ufiti dachaate. AABBO Waaqi bubbe erge gara galaanati simpirreeni gosa toko ta lafati gad'iaate d'und'uma lama lafa hanqate bariftu, d'ufeeni. Simpirreeni sunini olla worra gama ch'ufaani marsite, lafa qabatte, fageenna lafa haga deema guyya toko ch'ufa guute. Tanaafi guyyaafi halkani sunifi boriyyaatele simpirre suni guuratani; nami tokoleeni ka kilo kuma toko inguuratini injiru. Duuba aka goffatani, d'aatu waaro ufiti lafati afaani. Ato worri fooni afaani qabu, AABBO Waaqi worrati dallane, ch'iisa d'ukuba hama worratiini d'ufe. Fulla suni Kibroth-Hataava jed'ani, akasi jechuuni Awaala worra sabdicha, wonti akanatiifi achiti worra jaalate fooniini sabdae awaalani. Gumiini achi kaate Haserothi qubate achi teete. Waan Musani niiti gosa Kushi fuud'eefi, Miriamufi Harunini waan quufa d'aba isaa dubbatani, waan jed'ani isi, AABBO Waaqi Musa ch'allaani dubbate? Inni nuleeni indubbane? Dubbi worra tana AABBO Waaqi d'agaye. (Musani nama guddo balchicha, nama balcha aka isaa lafa keesati inargani.) Jennaani hojuma suni AABBO Waaqi Musafi Harunifi Miriamuuni dubbate waan jed'eeni, Isani sadeenu fulla Waaro Woyyumati koota. Worri kae yae jennaani AABBO Waaqi baaldo dumansa keesa gabue, balbala Waaro Woyyuma keesa eje, Harunifi Miriamu yaame. Jennaani worri lachu isa dura d'ufe, duuba AABBO Waaqi waan jed'eeni, waan anini isaniini jed'u ch'aqasa! Hojja raagi isani keesa jiraate, anini daayyani worrati mullad'e oobju keesa worrati dubbad'a. Ammo hojatu tiyya Musa anini akasi indubbad'uuni: Anini isa yayu gudda gumi tiyya ta Israeli tolche. Tanaafi anini yo isaani dubbad'u mammaasaani woiti inhimu, ammo diideese afaanuma kiyyaani iti hima. Inni ya iluma ufitiini aka anini jiru arge. Isani akami re hojatu tiyya Musa hameenna isaa dubbatani? Duuba AABBO Waaqi worrati dallane, kae biraa deeme; akuma inni deemeni dumansi kaani Waaro Woyyuma iraa kae jennaani d'ukubi hamani, aka qomaat'a, nafa Miriamu qabate, nafi isii aka boofta addaate. Harunini isi millate, d'ukuba irati arge jennaani; waan Musani jed'e, Aabbo, nu ya daalloomne siti ch'ubbamne, ammo atini nu imballeesini. Aka ilmaani fulla ingaini d'alate ta fooni gama toko inqamne isi intolchini. Jennaani Musani AABBO Waaqati bohe, Ee, AABBO isi fayyisi jed'e. AABBO Waaqi waan jed'eeni, ato abbaani isi d'ale fuula isii hanch'ufa iti tufe, isiini bulti torba ch'eeru himmalle? Tanaafi isiini haga torbaani toko ha olla keesaa ala teetu, eegi suni ha deebituuti. Duuba Miriamu bulti torba olla keesaa alati baasani, biyyitileeni haga isiini fayyite olla deebituuti ingodaanne. Jennaani eege Haserothi kaani lafa aloo ta Paraniti qubatani. AABBO Waaqi waan Musani jed'e, Gosa kud'ani lama ta Israeli keesa, nama jaarsa, toko toko fohad'i, lafa Kanaani, ta anini gumi Israeliti kennuti dooya ergi. Worri dooya ka Musani lafa suniti erge suni. Inni maqa Hoshea ilma Nuni Yoshuati jijire. Musani gaafa worra erge suni waan jed'eeni, Armaa mirga yaa, lafa kanaani bitaani duuda, duuba lafa gaareeniti iti d'aabad'a. Waan lafti suni keesa jirtuufi nama haga keesa jirufi ammalle aka worri irre qabu qorqorad'a. Ammalle aka lafti hamtutiifi dansa, yokhaani aka diri worraa naabo qabuufi ka inqamne hubad'a. Ammalle aka biyyeeni lafa dansatiifi yokhaani aka lafti mukha qabdu qorqorad'a. Garaa jabaad'a, mid'aani lafti suni baaftu guura, kootani. Yoi kunini yo mid'aani zabibu ka qara bilchaatani. Duuba jari mirga yae, lafa suni haga lafa aloo ta Sini ta bitaati keessuma yae, Rehobu ta d'aatu kaarra Hamathi ta mirgatini bahe. Worri qara lafa bitaati qajeele dira Hebronitiini bahe, fulla worri d'eed'erani gosa Anaki, ka balbalati gosa Ahimanifi Shishaifi Talmai iraa baate tau. (Hebroni suni ganna torba dira lafa Misiri ka soori jed'ani durati jaarani.) Jennaani bale Eshkolitini bahani, achiti dame mukha zabibu ta mid'aani guddo qabdu, ta nami toko ufiti dandae imbaane, ammo nami lama kalchooni baatu murani. Worri ammalle mid'aani aka okhoku jiratifi mid'aani odatini gale. (Fulla sunini Bale Eshkoli jed'ani, wonti akanatiifi worra Israeliti fulla suni dame mid'aani ta zabibu ch'abse.) Worri dooyaa kaani eegi guyya afurtama lafa suni keesa yae dooyate, Musafi Harunifi gumi Israeli ch'ufati deebie, lafa Kadeshi jed'ani ta aloo ta Parani keesati. Worri waan arge biyyati hime, mid'aani d'ufaninile biyya garsiisani. Duuba waan Musani jed'ani, Nu lafa keesa, yaane, lafa aananifi dammi aka lola yau argine kuno, mid'aani isii hagi toko kana. Ammo gochiti achi teetu guddo irre qabdi, diri worraleeni gugurda, ammalle aka jaba maneenifi naabo isaale jaarani. Suni malele, nu ilmaani gosa Anaki worra gugurda d'eed'era kaani, argine. Worri Amaleki lafa Negebu ta bitaa qubata; worri Hititifi ka Yebusitifi ka Amori lafa gaareeni keesa qubata; ammalle worri Kanaani afaani Baariini Guddatifi d'aatu galaana Yordani qubata. Kalebuni Musa durati biyya ch'allisise waan jed'e, Nu amma tana kaane lafa suni fud'achu male, nu yaasa. Nu irre jabdu qamna ta dabsanuni. Ammo jari Kalebuni woliini yau kaani waan jed'e, Hiyo, nu irre jabdu worrani haanu inqamnu, worra indandeennu; gochiti sunini nura irre qabdi. Akanaani worri dubbi d'ara ta waan lafa dooyate worra Israeliti hime waan jed'e, Lafti sunini nama keesa taule woma imbaatu, sagale nama geetu imbaaftu. Nami nu achiti garre ch'ufti aka takinargini d'eed'era, ammalle worri ilmaani Anaki ka Nefili jed'anile achiti argine, nu worra durati akuma koropu ufi agarra, worrileeni hegeri akasuma nu seha. Halkani suni ch'ufa biyyiti iyyite boote Musafi Haruni gungumte waan jette, Sila guddo ira nuu dansa yo lafa Misiri keesati doone yokhaani ato lafa aloo tana keesati doonele! AABBO Waaqi maanifi lafa suniti nu geesa? Achiti hegeri lola keesati nu ijeesani, nad'eenifi ijoolle teenna boojiani. Yo lafa Misiriti deebine ira nu jirtiniti? Duuba waan woliini jed'ani. Nama toko fohanna, ka nuni deeme lafa Misiriti nu deebisu. Duuba Musafi Harunini worra Israeli durati gajejed'ani. Jennaani Yoshua ilma Nunitifi Kalebuni ilmi Yefune, ka worri lachu worra dooya d'aqe keesa jiru, laalefatani woya ufi tarsaasani, waan gumiini jed'ani, lafa nu keesa yaane dooyanne, lafti haga isii dansa lafa keesa injirtu. Hojja AABBO Waaqi nuraa gammade, inni achi nu geese, lafa aananifi dammi aka lola yau suni nuu kenna. AABBO Waaqa diddani iraa ingorina, worra lafa suni insodaatina, worri womaa keesa nu injiru, hure dabsanna. AABBO Waaqi nu woliini jira, Waaqa worra, ka worra qorqoratu, yayu dabsate irre d'owe, tanaafi insodaatina. Jennaani gumiini ch'ufti worra suni d'akhaani haate ijeesu feete, ammo maro tokotu worri guddinna Waaqa ka bibiliqa Waaro Woyyuma ira tau arge. AABBO Waaqi waan Musani jed'e, Worri kunini yoomi na tufachu lakisa? Ammalle yoomi na d'aarefachu lakisa, ato anini akheekha waan mama heddu worra durati tolchele? Anini ch'iisa d'ukuba hama worrati buuse worra balleese, ammo anini sii abba gosa guddo worra ira irre qabdu si tolcha! Ammo Musani waan AABBO Waaqaani jed'e, Atini irre teetiini worra kana lafa Misiri keesa baafte. Hojja worri Misiri waan atini gumi tante tolchite d'agaye, worri nama lafa tana keesa tauti hima. Worri kunini qara yayu d'agaye, ee AABBO, aka atini nu woliini jirtu, ammalle aka dansaa hojja dumansi kanke nura tau, ammalle aka atini baaldo dumansa keesa guyya nu dura deemte, goola ibida keesa halkani nu dura deemtu si arga. Amma hojja atini gumi tante ch'ufa hobaafte, gochiti gurra kanke jaba d'ageete waan jettu, wonti AABBO Waaqi gumi ufi lafa aloo ta gamooji keesati hobaasefi, waan inni lafa inni worra kakhate taanini d'ufu dad'abeefi. Tanaafi anini amma, AABBO Waaqa si kad'ad'a irre tante nu agarsiisi, waan atini nu kakhatte guuti. Atini duri waan jette, Anini AABBO Waaqa, hureti indallanu, jaalalti tiyyaleeni haga inqabdu, anini dabafi ch'ubbu ch'ufa namaa araarama. Ammo ha taatuti, anini maro dabafi ch'ubbu worra isaanitifi ijoolle worra gaargalchu illakisu, haga d'aloota sadeesotifi ka afreesole. Amma si kad'ad'a, ee AABBO Waaqa guddinna jaalala tante ta haga inqamne keesa, daba worraa kana araaramifi, akuma atini worra araaramte haga worri lafa Misiri keesaa bahe asi. AABBO Waaqi waan jed'eeni, Anini yayu worra araarame, kad'a tante gula. Ammo ha taatuti, d'uguma haga anini jiru yokhaani d'uguma haga lafti ch'ufti guddinna kiyyaani guutamtu, worri kunini nami tokoleeni ka iraa hafe lafa tana seenu injiru. Worri guddinna kiyya ka bibiliqufi akheekha waan mama ka anini lafa Misiritiifi lafa aloo keesati tolche ya arge. Ammo worri maro heddu na ilaalate na ch'aqasu dide. Tanaafi worri na dide kuni tokoleeni, ka lafa anini ababoota worraati kakhad'e seenu, injiru. Ammo waan hojatuni tiyya Kalebuni herega d'ibi qabaate garaa tokooni na gula deemefi, anini isa lafa inni dooyate sunitini d'ufe, ilmaani isaaleeni lafa amma bale isii keesa worri Amalekitifi worri kanaani tau fud'atti. Bori deebia, lafa qajeela galaana Diimati godaana. AABBO Waaqi waan Musafi Harunini jed'e, Gumiini dabdoleeni tunini yoomi nati gungumu lakifti? Gungumsuni worraa tunini ya naa geete! Amma waan atini worraani jettu: AABBO Waaqi waan jed'u, D'uguma, haga anini jiru waan isani kad'attani kana anini isanumaa tolcha. Isani raawattani, reefa keesani lafa aloo tana keesati firfirsani. Maro isani nati gungumtanifi isani nami ganna diddamati oli tokoleeni, ka lafa tana seenu, injiru. Anini qara yayu kakhad'e, Isani achi teetani jed'e, ammo amma tana Yoshuafi Kelebu male nami lafa suni keesa tau injiru. Isani waan jettani, ijoolle teenna boojiani, ammo anini ijoolle suni lafa isani diddanitini d'ufe, isiini duuba achi qubati. Ammo isani lafuma aloo tana keesati hobaatani. Ijoolleeni teesani lafa aloo tana keesa ganna afurtama marte, maro gaargala keesanitifi gaargalti, haga isani nami ch'ufti duuti. Maro isani bulti afurtama dooyaa d'at'ani galtanifi, ganna afurtama ka isani lafa tana teetani, gati wollaala keesani argatani, ganna toko bulti toko gula. Isani waan nami anini nyaapa iti tahe tahu inagartani! Anini inkakhad'a, aka anini isani worri ch'ubbu, ka wolti bahe na dide, waan kana tolchu. Lafa aloo tana keesati, isani ch'ufti indootani. Nami dubbi tana jed'e ana, AABBO Waaqa. Worra dooya kud'ani lamaani kaani keesa Yoshuafi, Kalebu ch'allati iraa hafe. Musani dubbi AABBO Waaqa tana worra Israeliti hima jennaani worri guddo iyye bohe. Boriyya ganama worri duula iti d'aabate, waan jed'e, Nu amma kurfo jira, aka lafa AABBO Waaqi d'aqa nuni jed'e d'annu; wollaala keenna yayu fud'anne. Ammo Musani waan worrani jed'e, Isani maanifi amma dubbi Waaqa d'agayu diddani? Worra suni indandeetani, iyyaaiina! AABBO Waaqi isani woliini injiru, nyaapi keesani isani dabsata. Worri Amalekitifi ka kanaani isani dura jira, woraana worratiini dootani; waan isani AABBO Waaqa gula deemu didanifi inni isanii wahelche isanii inkalchu. Ammo worri isa ch'aqasu dide Musafi Sanduqa Wold'aqisa AABBO Waaqa lakisani akanumati kaani lafa gaareeniti iti d'aabatani. Jennaani worri Amalekitifi ka Kanaani, ka gaareeni suni keesa tau, worra had'e dabsate haga Horma gusse. AABBO Waaqi waan Musani jed'e, Waan atini worra Israelitini jettu, Hojja lafa iti qubachu geetanini baatani, seera kana guutuu maltani. Korma loonitifi elemo, hoola yokhaani laleesale dandaani AABBO Waaqaa baasani, aka sorio gubanifi yokhaani sorio kakhuuni guutani yokhaani jila teesani ta woga tolfatani; ch'inch'aani sorio akana tunini AABBO Waaqa gammachiifti. Hojja elemo qalani, kilo lama ta dargaye daakhani, ta d'ad'a killa tokofi wod'aka iti naqani, ha aka mid'aani Waaqaa baasani d'ufaniini, ammalle daad'i dulo tokofi wod'aka woliini, ch'inch'aani sorio akana tunini AABBO Waaqi gammachiifti. Hojja korma looni aka sorio gubani yokhaani aka sorio kakhuuni guutani yokhaani sorio wold'ageeti AABBO Waaqaa baasani, mid'aani Waaqa baasani, ka kilo sadi ta dargaye daakhani, ta d'ad'a killa lamatini wolti naqani ha d'ufaniini, ammalle dulo lama ta daad'i woliini. Ch'inch'aani sorio akana tuni AABBO Waaqa gammachiifti. Wonti korma loonitifi elemofi hoolafi laleesa woliini baasu malani tana. Hojja hori toko ira baasani waan woliini baasani kaanile iti daru malani. Nami gosa Israeli keesa d'alate ch'ufti, hojja inni waan gubani Waaqaa baasani kana baasu, ka ch'inch'aani isii Waaqa gammachiiftu, akana tahu male. Ammalle hojja nami gosa teesani intahini, ka isani keesa tau, keessuma taanaani, yokhaani nama worra ufitiini godaanu taanaani, waan gubani Waaqaa baasani suni baase, ka ch'inch'aani isii Waaqa gammachiiftu, inni ha seera keesani suni gula deemuti. Bara ch'ufa seeri kunini isanifi worra gosa d'ibi ka isani keesa tau takuma; isanifi worrileeni AABBO Waaqa durati nama taka; seerafi aadaani teesanifi ta worraleeni taka. AABBO Waaqi waan Musani jed'e, Waan atini worra Israelitini jettu, Hojja isani lafa anini isanii kennu sunini baatani, sagale lafa suni yaatani sagale suni haga toko AABBO Waaqaa baasu maltani. Hojja qit'a d'aabdani, qit'a qara ka mid'aani qara ira mid'aasitani AABBO Waaqa baasu maltani. Akuma mid'aani d'aantani baaftani, akasuma qit'ale baasu maltani. Bara ch'ufa wonti isani AABBO Waaqa baaftani qit'a isani d'aabdani keesaa bahuu malte. Ammo yo hegeri nami toko wollaale, seera AABBO Waaqi Musaa kenne kana ch'abse, ammalle yo takaa tana gumiini waan AABBO Waaqi Musani jed'e guutuu dad'abde, yo wollaali suni beekha male tolchani, gumiini ch'ufti ha korma looni sorio gubani baasani, ta ch'inch'aani isii Waaqa gammachiifti baaftuti, mid'aani Waaqaa baasanifi daad'i Waaqaa baasani woliini. Tana male gumiini ha korbeesa ree sorio dabaani ufi iraa baasani baaftuti. Qaallichi ha gumi qulqulleese aada guutufi, duuba inaraaramaniifi; wonti akanatiifi worri beekha wollaala intolchine, ammalle worri sorio dabaani ufi iraa baasani, aka sorio gubani baasani, AABBO Waaqaa baase. Gumi Israeli ch'ufafi worra gosa d'ibi ka worra keesa taule inaraaramani wonti akanatiifi nami ch'ufti wolumaani wollaala tolche. Hojja nami beekha male ch'ubbu tolche, inni ilme laleesa, ta ganna toko, ha sorio dabaani ufi iraa baasani Waaqaa baasuti. Fulla sorio iti baasaniiti qaallichi ha isa daba iraa qulqulleese, aada qulqulluma suni guutufi, duuba inaraaramaniifi. Seeri kunini ka nama ch'ufa, ka beekha male daba tolchu, ato inni gumi Israeli taule yokhaani nama gosa d'ibi ka worra keesa taule taate. Ammo nami beekha daba tolchu, ato gosa Israeli yokhaani gosa d'ibile taate, inni ya AABBO Waaqa tufate, tanaafi gumi keesaa kutuu malani, wonti akanatiifi inni dubbi Waaqa tufate, seera isaa beekhaa ch'abse. Wollaali ch'ufti gubbaa isaati. Guyya toko ato worri Israeli lafa aloo keesa jiru, namicha toko ka guyya Sabato qoraani ch'absatu argani. Jennaani AABBO Waaqi waan Musani jed'e, Namicha kana ijeesu malani; gumiini ch'ufti ha olla keesaa baafte d'akhaani haate ijeeftuti. Duuba gumiini ch'ufti isa fuute, olla keesaa baafte, d'akhaani haate ijeefte, akuma AABBO Waaqi Musani jed'e. AABBO Waaqi waan Musani jed'e, Waan atini gumi Israelitini jettu: Handaara humbi woya teesaniti tolfad'a, ammalle museensa bule handaara suni ch'ufati naqa. Waan kana bara ch'ufa tolchu maltani. Handaari kunini beesisa isanii taha, aka hojja isa agartani ch'ufa seera kiyya qaabatani guutani; yo akasi tatani, nara gortani fed'ifi d'araa teesani gula imbanne. Handaari sunini seera kiyya ch'ufa isani qaabsise, isani nama kiyya qulqullo tatani. Anini AABBO Waaqa keesani, ka lafa Misiri keesaa isani baase Waaqa keesani tahe. Anini AABBO, Waaqa keesani. Worri kunini ch'ufti Musafi Haruni durati wolti d'ufe waan jed'eeni, Isani ya waan ch'ufa keesa dabartani! Gumiini tunini ch'ufti ta AABBO Waaqati, Waaqileeni nu ch'ufa wolumaani jira, Duuba atini, Musa, maanifi gumi Waaqa tana ch'ufa ira ufi olfuuta? Musani dubbi tana d'agaye jennaani, lafaani ufi d'ae Waaqa kad'ate. Jennaani waan Korafi goli isaatini jed'e, Bori diirama AABBO Waaqi nama isaa nu agarsiisa; inni nama isaa ka fohate ee jed'a aka inni isa dura d'ufu. Jennaani Musani ammalle waan Korani jed'e, Ch'aqasa, isani worri Lawi! Isani aka Waaqi Israeli gumi taani ch'ufa keesa isani fohate, aka isani isati d'uftani, huji AABBO Waaqa Waaro Woyyuma keesati hojattani, gumi dura ejitani waan diqo seetani? Waaqi siifi worra Lawi kaani ch'ufa ya ufiti d'ieese isani ulfeese isanileeni amma tana qaalole tahu feetani? Tanaafi siifi golini tante ya AABBO Waaqaani morkitani; Harunini eenu, ka isani waan isa gungumtani? Jennaani Musani Dathanifi Abiramu ilmaani Eliabu gayaame, ammo worri ind'umnu jed'e jalaa dide waan jed'e, Aka atini lafa Misiri ta aananifi dammi aka lola yayu keesa nu baafte lafa aloo tana keesati nu hobaafte waan diqo seeta? Ammalle atini hayyu nuti tahu feeta? Ammalle atini lafa aananifi dammi aka lola yauni nuu ind'ufne, yokhaani oobru mid'aanitifi ta zabibu nuu inkennine duuba atini amma tana waan nu sobdu seeta? Nu ind'umnuyu! Musani guddo dallane waan AABBO Waaqaani jed'e, Waan worri kunini sii baasu tokole ee jette imfud'atini. Anini worra kana tokole iti iwollaalle, yokhaani taka harrele iraa infud'anne. Jennaani Musani waan Korani jed'e, Waan isani tatani, siifi golini tante ta nama 250, bori Waaro Woyyumati AABBO Waaqa dura koota; Harunileeni ind'ufa. Isani nami ch'ufti ha daboola isaa ka ibida fud'ate, hit'aana gubbaa kaye, AABBO Waaqa duraani d'ufu. Duuba nami ch'ufti daboola ufi fud'ate, ch'ile ibidatifi hit'aana gubbaa kaye, fulla balbala Waaro Woyyuma Musafi Haruni woliini ejaanjani. Jennaani Korani gumi ch'ufa wolti yaame, fulla balbala Waaro Woyyuma fuula Musafi Haruniti deebiani ejaanjani. Jennaani guddinni AABBO Waaqa ka bibiliqu gumi ch'ufati mullate, AABBO Waaqi waan Musafi Harunini jed'e, Worra kana ira fagaad'a, anini amuma tana worra balleesa. Ammo Musafi Harunini lafati gajejed'ani waan jed'ani, Ee Waaqa, ka lubbu nama ch'ufa harkaa qabdu, hojja nami toko ch'ubbu tolche atini gumi ch'ufati dallanta? AABBO Waaqi waan Musani jed'e, Gumiini, waaro Koratifi ta Dathanifi ta Abiramu iraa fagaad'a jed'i. Jennaani Musani kae jaarole Israeli woliini gara Dathanifi Abiramu d'aqani. Musani waan gumiini jed'e, Waaro worra ch'ubbicha kana hanqad'a waan worra tokole inqabatina; hojja qabattani worra woliini isani balleesani maro ch'ubbu worraatifi. Jennaani worri waaro, Koratifi ta Dathanitifi ta Abiramu biraa fagaate. Dathanifi Abiramuni waaro ufi keesaa gabahani, balbala dura nad'eenifi ilmaani worra woliini ejaanjani. Duuba Musani waan gumiini jed'e, Aka AABBO Waaqi waan kana ch'ufa tolchi jed'e na erge ka ammalle anini fed'i tiyya gula intolchine, akanaani beetani. Hojja worri kunini akuma qara duri nami duu duu, ka wonti d'ibiini worrati intahini, AABBO Waaqi na inergine. Ammo hojja AABBO Waaqi waan taka argani ind'agayini tolche, lafti banamte worraafi waan worri qabu ch'ufa liqimsite, aka worri ato lubbu qabu fulla ekhera d'aqu, duuba aka worri kunini AABBO Waaqa didu imbeetani. Akuma inni dubbi hobaafateni, lafti worri ira ejaanju gadi ch'ite worraafi worra isaani ch'ufa liqimsite, goli Koratifi waan worri qabu ch'ufa woliini. Duuba worraafi wonti worri qabu ch'ufti, ka lubbu qabu, fulla ekherati gabuani. Duuba lafti wolti deebite, worra lafaa d'abani. Gumiini Israeli ta d'aatu jirtu iyyana worra d'ageennaani baqatte waan jette, Baqad'a, aka lafti nule iliqimsine. Jennaani AABBO Waaqi nama d'ibba lamafi shantama ka hit'aanaani d'ufe kaani ibidaani gube hobaase. Jennaani AABBO Waaqi waan Musani jed'e, Waan atini Eleazari ilma qaallu Harunitini jettu, Daboola ibida daara worra gubate suni keesaa guuri, ch'ile daboola ibida fulla d'ibiti fageesi jissi; wonti akanatiifi daboolani ibida sunini qulqullo. Gaafi inni qulqullo tahe gaafa isa AABBO Waaqaa baasani. Duuba daboola ibida ka worra ibidaani hobaasani suni guuri, wolti d'od'omosi, tumi, ballisi, waan mesa fakaata ka sorio irati baasani kaaniti mamat'ansi. Aka gumi ch'ufaa akheekha taatu. Jennaani qaallichi Eleazarini daboola ibida suni guure biyyaani tuma ballisa jed'e, aka waan mesa fakaata suniti mat'ansani. Tunini gorsa worra Israeli gorsani, aka nami d'aloota Haruni keesa injirre, ka qaallu intahini, d'ufe hit'aana AABBO Waaqa durati inaarsine. Yo inni akasi tolche, isa akuma korafi worra isaa balleesani. Waan kana ch'ufa akuma AABBO Waaqi Musani Eliazariti himi jed'eeni tolchani. Boriyyaate gumiini ch'ufti Musafi Haruniti gungumte waan jette, Isani gumi AABBO Waaqa ya hobaaftani. Eegi gumiini wolti baate Musafi Haruni himate, gara Waaro Woyyuma fuula deefatani, dumansa isi gubba jirufi guddinna AABBO Waaqa ka bibiliqe gubba mullatu argani. Musafi Harunini d'aqani, Waaro Woyyuma suni dura ejaanjani, duuba AABBO Waaqi waan Musani jed'e, Gumi tana hanqad'a, anini maruma tokotu worra ibidaani balleesa! Worri lachu gajejed'e, duuba Musani waan Harunini jed'e, Daboola ibida kanke fuud'i, ch'ile ibida ta fulla sorio iti gubani fuud'i, hit'aana ch'ile suni ira buusi, hurrisi fulla biyyaatini kooti, worra qulqulleesi, aada guutiifi. Hurrisi, dallansuuni AABBO Waaqa ya mullatte, ch'iisi d'ukuba hamani ya biyya d'aqabe. Harunini ee jed'e, daboola isaa ka ibida kaani fuud'e, jiddu gumi wolti baate taani keesa utaale. Aka ch'iisi d'ukuba hamani kaani biyya d'aqabe arge jennaani, hit'aana ch'ile ira buuse gumi qulqulleese aada guutefi. Akanaani inni ch'iisa d'ukuba hama kaani d'owe, nama jirufi ka due jiddu eje. Nami ch'iisa d'ukuba hama sunini due nama 14,700, worra goli Kora kaani male. Ch'iisi d'ukuba hamani kaani dabre jennaani Harunini fulla balbala Waaro Woyyumati Musati deebie. AABBO Waaqi waan Musani jed'e, Waan atini gumi Israelitini jettu, ule kud'ani lama, toko tokooni gosa kud'ani, lama ta Israeli iraa fuud'i. Duuba maqa jaarole kud'ani lama, ta abbooti ule suni, irati t'aafi, ammalle maqa Haruni ule gosa Lawi irati t'aafi. Gosa ch'ufa nami iti mata ule toko qabaachu male. Ule suni fulla Waaro Woyyuma geesi, Sanduqa Wold'aqisa fulla anini isaniti d'ufu dura naqi. Duuba uleeni nama anini fohad'e latte baati. Kara kanani anini gungumsu worra Israeli ta guyya ch'ufa sira gungumani d'owa. Jennaani Musani worra Israelitini dubbate, jaarole gosa kud'ani lama, toko tokooni ule worra iraa fuud'e. Duuba ule Haruni ulele taanini woltinaqe. Jennaani Musani ule taani ch'ufa, Sanduqa Wold'aqisa AABBO Waaqa dura, Waaro Woyyuma keesa, kaye. Boriyyaate Musani Waaro Woyyuma seene jennaani ule Haruni, ta gosa Lawi, ta latte baate daraarte mid'aani baafte arge! Musani ule ch'ufa fuud'e worra Israeli garsiise. Biyyiti waan uleeni taate agarte, jaaroleeni taani ch'ufti ule ufi fud'atte. AABBO Waaqi waan Musani jed'e, Ule Haruni deebisi, Sanduqa Wold'aqisa dura kayi. Uleeni tunini ha nama Musani morke akheekha taatufi, aka yo worri gungumsu lakisu baatu duu. Musani akuma AABBO Waaqi isani jed'e tolche. Gumiini Israeli waan Musani jette, Nu la hobaane muumme baanne. Yo nami Waaro Woyyumati d'iaatu ch'ufti duu, nu ch'ufti seeruma nama due jira! AABBO Waaqi waan Harunini jed'e, Siifi ilmaani teetifi gochiti Lawi ch'ufti gaargala, wollaala huji Waaro Woyyuma gula d'ufu ch'ufa, fud'achu maltani; ammo siifi ilmaani tante ch'allati gaargala, wollaala huji qaalluma gula d'ufu, fud'ata. Fiit'a tante ta gosa Lawi yaami, ha huji si qarqaarani si woliini hojataniti, hojja siifi ilmaani tante huji Waaro Woyyuma hojatani. Worri ka si qarqaare huji Waarole qarqaaruti, ammo worri miha woyyuma ka Fulla Qulqullo, yokhaani fulla sorio irati baasani, iti d'iaachu himmalle. Yo iti d'iaattani siifi worrileeni indootani. Worri ha si qarqaare huji Waaro Woyyuma hojatuti ammo nami d'ibiini tokoleeni siti ind'iaatini. Siifi ilmaani tante ch'allati huji Fulla Qulqullootifi ta waan sorio irati baasani hojata aka dallansuuni tiyya deebite worra Israeli ira imbune. Nami fiit'a tante ta gosa Lawi gosa Israeli keesa fohate sii kenne ana. Worra ya eebisani koba na baasani, aka worri huji Waaro Woyyuma hojatu. Ammo siifi ilmaani tante ch'allati huji qaalluma ta waan sorio irati baasanifi Fulla Fulla Ch'ufa Ira Qulqullo hojata. Wonti kunini huji teesani, waan anini huji qaalluma isani ch'allaa kenneefi. Ammo nama d'ibi tokole, ka miha woyyumati d'iaatu, ha ijeesani. Jennaani AABBO Waaqi waan Harunini jed'e, Anini waan na baasani ch'ufa, waan gubani naa baasani male, ya si kenne. Anini siifi ilmaani tanteeti kenna, aka bara ch'ufa teesanuma taatu. Wonti waan ch'ufa ira qulqullo, ka gubani sorio imbanne, teesani: mid'aani baasanifi sorio dabaani ufi iraa baasanifi waan gati baasanile wonti na kennani qulqullooni ch'ufti teetifi ta ilmaani teetiti. Waan kana isani nami d'iira ch'allaani fulla qulqullooti nyaad'a; aka waan qulqullooti herega. Tanaani wolti, wonti d'ibiini ta worri Israeli naa baasu ch'ufti teesanuma. Anini waan kana siifi ilmaani tante ta d'iiratifi ta uwale haga bara ch'ufa kenna. Nami worra keeti qulqullooni ch'ufti ha nyaatu. Anini sagale, sagale ira dansa, ta worri Israeli ganna ch'ufa naa baasu, sii kenna; d'ad'a, daad'i, mid'aani. Mid'aani qara, ka worri oobru ufi keesa AABBO Waaqaa baasu, ch'ufti keesani. Nami worra keeti qulqullooni ch'ufti ha nyaatuti. Wonti ch'ufti ka Israeli keesaa fohatani naa baasani kanketi. Wonti qara d'alate, namafi horile taanaani, ka worri Israeli na baasu, kanketi; ammo ilmaani angafa ch'ufafi yokhaani waan horini goroomuma d'ale ch'ufa, ta qulqullo intahini, beese baasa, deefad'a. Ijoolle jia toko beese gaafasi gula, qarsi shani baasani deefachu malani. Ammo waan loonifi, hooliyeefi laleesi goroomuma d'ale indeefatini. Horini sunini kiyya, sorio naa baasu maltani. D'iiga hori suni fulla sorio irati baasaniiti fifit'i, moora isaa gubi naa baasi, aka ch'inch'aani isii na gammachiiftu. Fooni isaani kanketi, akuma handaraafafi lukha mirga ta eebisani AABBO Waaqaa baasani taani. Anini siifi ilmaani tante ta d'iiratifi ta uwale, waan worri Israeli bara ch'ufa na baasu, kenna. Kunini wold'aqisa haguma jiru jireenna, tau ka anini siifi ilmaani tante woliini tolfad'u. AABBO Waaqi waan Harunini jed'e, Atini d'aala tokole inargatu, lafa tokole Israeli keesa sii inkennani, d'aalti tante ana AABBO Waaqa. AABBO Waaqi waan jed'e, Anini qooda worri Israeli naa baasu ch'ufa yayu worra Lawiti kenne, waan worri Waaro Woyyuma keesa na hojatufi. Worri Israeli kaani tokoleeni Waaro Woyyumati ind'iaatini, aka wollaala keesa seenani indoone. Armaa achi worra Lawi ch'allati Waaro Woyyuma qorqorate huji isii ch'ufa fud'ate tolcha. Kunini seera haguma jiru tau ka ilmaani teesanileeni ch'ufti gula yau malte. Worri Lawi Israeli keesa d'aala womatu inqabu. Wonti akanatiifi anini qooda worri Israeli na baasu yayu d'aala worraa tolche. Tanaafi anini, worri kunini Israeli keesa d'aala inqabu jed'e. AABBO Waaqi waan Musani jed'e, Waan atini ammalle worra Lawitini jettu, Hojja isani qooda AABBO Waaqi d'aala isanii kennu worra Israeli iraa fud'attani, qooda suni, kud'ani keesa toko keesa fuud'a, AABBO Waaqaa baasa. Waan isani baaftani akuma waan abbaani oobru mid'aanifi daad'i haraa AABBO Waaqaa baasu isanileti heregani. Akanaani isanileeni qooda isani Israeli ira argattani keesa wa AABBO Waaqa baaftani. Qooda isani AABBO Waaqa baaftani kana qaallu Haruniti kenna. Qooda kana waan waan ch'ufa ira dansa, ka isani argattani keesaa, AABBO Waaqaa baasa. Hojja isani waan ira dansa suni baaftani ka hafe olkeyad'a, akuma abbaani oobru, eegi qooda ufi Waaqaa baase, ka hafe olkeyatu. Isanifi worri keesani waan hafe suni fulla feetaniti nyaad'a wonti akanatiifi wonti suni waan isani huji teesani ta Waaro Woyyumatiifi argattani. Eegi waan ch'ufa ira dansa AABBO Waaqa baaftani, yo taani d'ibi nyaatanile wollaala inqabdani. Ammo eegad'a, aka qooda suni nyaatani, waan qulqullo worri Israeli baasu int'ureesine; yo nyaatani indootani. AABBO Waaqi waan Musafi Harunini jed'e, Tunini aadaafi seera AABBO Waaqi kenne; waan atini worra Israelitini jettu, saa diima aabo womatu inqamne ka takaa lenjisani qaampara ira inkayinini kooti, qaallicha Eleazariti kenni. Duuba ha olla keesaa baasani isa durati qalaniti. Eegi suni Eleazarini ha d'iiga isaa haga toko qubaani tuqe, fuula Waaro Woyyumati deefate, maro torba fifit'uti. Nafa saa suni goga, fooni, d'iiga, marumaani qaallu durati ha Gubani. Eegi suni inni dame mukha hind'eesatifi dame urgotiifi mat'ari liilana diimtu ha fuud'e ibida keesa buusuti. Eegi suni ha woya miich'ate, bisaani d'iqatuti, duuba eege dandae olla seene; ammo haga aduuni d'iituti inni inqulqulloomne. Nami saa suni gubeleeni ha woya miich'ate nafa d'iqatuti, ammo innileeni haga aduuni d'iituti inqulqullau. Eegi suni nami qulqullooni d'ibiini ha daara fulla saa suni iti gubani guure, olla keesaa baase fulla qulqullooti naquuti, achiti ha olkayani, aka gumiini Israeli hojja bisaani ch'ubbuuni ufi ira qulqulleesani kurfeesitu hojattuuni. Wonti aada tana tolchanifi aka ch'ubbu balleesani. Namichi daara suni guureleni ha woya miich'atuti, ammo haga aduuni d'iituti innileeni inqulqullau. Aadaani tunini ta worra Israelitiifi worri gosa d'ibii ka worra keesa tauleeni, haga jiru tolfatu. Nami reefa qabate haga bulti torba qulqullooma inqabu. Inni guyya sadeesotifi ka torbeesole ha bisaanini ufi qulqulleesuti, duuba inqulqullaa. Ammo yo inni guyya sadeesotifi ka torbeeso ufi inqulqulleesini, inni qulqullooniti. Nami reefa qabate duuba ufi inqulqulleesini qulqullooniti; wonti akanatiifi bisaani nama qulqulleesa isa ira imbumne. Inni Waaro Woyyuma AABBO Waaqa t'ureesa, tanaafi herega gumi Israeli keesa injiru. Yo nami waaro keesati due, nami hojja suni isa bira jiru yokhaani ka hojja suni iti olseenu, haga bulti torba qulqullooma inqabu. Miha waaro suni wonti qadaada inqamne ch'ufti qulqullooma d'abdi. Yo nami nama nami ijeese qabate yokhaani nama alati due, yokhaani ammalle yo nami lafe namaa yokhaani awaala nama qabate, nami suni haga bulti torba qulqullooma d'aba. Aki nama suni qulqulleesani, ha daara saa diima gubani dabaani nama iraa baasani kaani fuud'ani okote keesa kayani, bisaani guraacha iti daraniti. Duuba nami qulqullooni ha dame urgo fuud'e, bisaani suni keesa buuse, waarofi waan keesa jiru ch'ufafi nama keesa jiru ch'ufati fifit'uti. Ammalle nami qulqullooni ha namicha lafe nama yokhaani reefafi awaala nama qabate, bisaani iti fifit'uti. Guyya sadeesotifi ka torbeesole, namichi qulqullooni kaani ha nama qulqullo intahini kaani bisaani iti fifit'uti. Guyya torbeeso inni ha namicha suni qulqulleesuti, duuba namicha qulqulleesani kaani, eegi woya miich'ate bisaani d'iqate, hojja aduuni d'iitu, qulqullo taha. Nami qulqullo intahini, ka ufi inqulqulleesini, qulqullooma inqabu; wonti akanatiifi bisaani namaani qulqulleesani iti imfifinne. Inni Waaro Woyyuma ta AABBO Waaqa t'ureesa, tanaafi isa gumi Waaqa keesaa kutu malani. Aada tana bara ch'ufa jabeesa. Namichi bisaani namaani qulqulleesani fifit'uleni ha woya ufi miich'atuti; nami bisaani suni tuqu ch'ufti, haga aduuni d'iituti, qulqullooma inqabu. Wonti nami qulqullo intahini tuqu ch'ufti qulqullooniti, yokhaani nami d'ibiini waan suni qabatuleeni, haga aduuni d'iituti, qulqullooma inqabu. Gumiini Israeli ch'ufti jia qara keesa d'ufte, lafa aloo ta Sinaiti baate Kadeshiti qubate. Achiti Miriamuuni lubbu d'abde awaalani. Fulla worri qubate suni bisaani injirani, duuba biyyiti woltibate Musafi Haruniti gungumte waan jette: Sila ira nu jirti, ato Waaro Woyyuma durati oboleyaani teenna taani woliini doone. Isani maanifi lafa aloo tanaani nu d'uftani? Nufi hori keenna balleesu feetani? Isani maanifi lafa Misiri keesaa nu baaftani, lafa hamtu woma imbaamne tanaani nu d'uftani? Mid'aani injirani, odaani injiru, zabibuni injirtu, okhokuleeni injirtu, waan d'ibi lakisi bisaani afaanileeni injirani! Musafi Harunini gumi biraa yaani, balbala Waaro Woyyuma keesa ejaanjani, gajejed'ani. Jennaani guddinna AABBO Waaqa ka bibiliqu argani. AABBO Waaqi waan Musani jed'e, Ule tana fuud'i, duuba siifi oboleesi kanke Harunini gumi wolti yaama. Worra durati rabsu d'akha suniti dubbad'i, duuba bisaaniti keesaa baha. Kara kanani atini bisaani d'akha keesaa biyya baafta, aka namafi saileeni d'eebu bahu. Musani akuma AABBO Waaqi jed'eeni deeme ule taani fuud'e. Isaafi Harunini gumi ch'ufa rabsu d'akha durati wolti yaamani jennaani Musani waan jed'eeni, Isani worra wa didu kana ch'aqasa! Nu rabsu d'akhaa kana keesa bisaani isanii baasu feetani? Jennaani Musani harka olfud'ate, rabsu d'akhaa kaani maro lama ule sunini d'ae, jennaani bisaani muumme inqamne keesaa baafatani, namafi sai ch'ufti d'uge d'eebu bahe. Ammo AABBO Waaqi waan Musafi Harunini jed'e, Waan isani na d'aarefatani gumi Israeli durati na ch'eersitanifi, isaani gumi tana lafa anini worraa kakhad'eti ingeesitani. Wonti kunini Meribati taate, fulla gumiini Israeli AABBO Waaqati gungumte, innileeni qulqullooma ufi worra garsiise. Musani, ato Kadeshi jiru, nama hayyu Edomuti erge waan jed'eeni, Oboleyaani tante gochiti Israeli waan jettu, Atini gaargala nu arganne ch'ufa imbeeta, aka ababooti teenna lafa Misiriti godaante, nu ganna hedu achi teenne. Worri Misiri nufi ababoota teenna guddo dabse, duuba nu AABBO Waaqati boonne, inni boha teenna d'agaye malaika, lafa Misiri keesaa nu baaftu, nuu erge. Nu amatana Kadeshi jira, dira fulla seera lafa teesani. Nu amma si kad'anna, lafa tante keesaa dabru feena, nu dabarsi. Nu kara iraa gorre oobru teesani ta mid'aanitifi ta zabibule inseenu, ammalle eellani teesanile bisaani keesaa ind'unnu. Haga lafa tante keesaa baanuti kara kanke gudda iraa ingorru. Ammo worri Edomu waan jed'eeni, Nu ee injennu, aka isani lafa teenna keesa dabartani! Hojja isani akasi iti gamtani, nu haane isani balleesina. Worri Israeli waan jed'eeni, Nu kara kanke gudda iraa ingorru, yo namafi saileeni bisaani keesani d'uge nu gati baamna, wonti nu feenu dabriti ch'alla. Ammo worri Edomu waan jed'e, Nu akasi ee injennu. Duuba hojuma suni duula baasani worra Israeli had'iisa kurfahani. Waan worri Edomu worra Israeli lafa isaani keesa dabru d'owefi, worri Israeli garagale kara d'ibi godaane. Gumiini Israeli ch'ufti Kadeshi kaate gaara Hori qubate, Fulla seera lafa Edomu. Achiti waan AABBO Waaqi Musafi Harunini jed'e, Harunini lafa anini worra Israeliti kakhad'e inseenu; waan isani lachu dubbi tiyya Meribati diddanifi inni amma indua. Harunifi ilma isaa Eleazari gaara Hori korsisi, achiti woya qaallu iraa baasi, Eleazari kayi, duuba Harunini artumati dua. Musani waan AABBO Waaqi isaani jed'e tolche; worri ila gumi ch'ufa durati gaara Hori kore achiti Musani woya qaallu Haruni iraa baase Eleazariti kaye. Achi fit'e gaara irati Harunini due, jennaani Musafi Eleazarini gaara iraa gabuani. Gumiini ch'ufti aka Harunini due beete bulti sodoma booteefi. Hayyuuni Aradi ka lafa Kanaani bitaa jiru, aka worri Israeli kara Atharimutini d'ufu d'ageennaani worra had'e ka gari boojie. Jennaani worri Israeli AABBO Waaqati kakhate waan jed'e, Hojja atini worra kana harka keennati kennite, nu dira worraa haane balleesine daara baamna. AABBO Waaqi dubbi worraa d'agayeefi, worra Kanaani harka worrati kenne. Jennaani worri Israeli worraafi dira worraa had'e balleese, lafa suni Horma maqa baaseefi. Worri Israeli gaara Hori biraa, kara galaana Diimati deemu, gula godaane aka lafa Edomu maru. Ammo karaati biyyiti obsa d'abde Waaqafi Musati gungumte waan jette, Atini maanifi lafa Misiri keesaa nu baafte, lafa aloo tana ta liqimsafi bisaani inqamne keesati nu fit'a? Nu sagale hamtu tana ya dad'amne! Jennaani AABBO Waaqi bofa had'aa hamtu qabu lafati buuse, bofi suni worra Israeli hedu nyaate, hobaase. Duuba biyyiti Musati d'ufte waan jette, gaafa nu siifi AABBO Waaqati gungumne guddo ch'ubbu tolchine. Amma AABBO Waaqa nu kad'ad'u, aka inni bofa kana nuraa balleesu. Duuba Musani Waaqa biyya kad'ate. AABBO Waaqi waan jed'eeni, Bofa sibiila diima iraa mid'aasi, mukhati fannisi aka nami bofi nyaate, yo bofa sibiila suni millate, fayyu. Jennaani Musani bofa sibiila diima iraa mid'aase mukhati fannise aka sila, nami bofi nyaate ch'ufti bofa sibiila suni millate fayyu. Worri Israeli godaane, Obothi qubate. Eegi Obothi godaanani Iye-Abarimu qubatani, lafa aloo ta gamooji ta lafa Moabutini ilaboru. Ammalle achi godaanani bale Zeredi qubatani. Artile kaani, galaana Arnoni gama suni qubatani, lafa aloo ta lafa Amori ira baatu. (Galaani Arnoni sunini seera lafa Moabutifi Amori gargari baasa.) Maro waan sunitifi kitaabi had'iisa AABBO Waaqa waan akana dubbata: dira Wahebu arda Sufatifi baleele keesa; galaana Arnonini, goodo bale haga dira Aritifi seera Moabuti ejitu. Arti kaani lafa Eellani jed'aniti godaanani, duuba AABBO Waaqi waan Musani jed'e, Biyya wolti yaami, bisaani obaasi. Gaafasi worri Israeli faaru tana d'aate: Ee madoole, bisaani nu kenna. Nuleeni imfaarsina. Eela hayyuuni qote ka jaaroleeni mid'aasite, ka ororo hayyutifi konfi jaaroletini qotani. Duuba lafa aloo suni kaani Matana qubatani, Matanale kaani Nahalieli qubatani, Nahalieli kaani Bamothi qubatani, Bamothi kaani bale lafa Moabu keesa fiit'e gaara Pisga jala, ta lafa alooti qajeeltuti qubatani. Jennaani worri Israeli gara hayyu Sioni, ka gosa Amori, nama erge waan jed'e, Nu lafa tante keesa dabru feena, nu dabarsi. Nu kara iraa gore, oobru teesani ta mid'aanitifi ta zabibule, inseenu, ammalle eellani teesanile bisaani keesaa ind'unnu, haga lafa tante keesaa baanuti kara kanke gudda iraa ingorru. Ammo Sihonini aka worri Israeli lafa isaa keesa dabru ee jechu dide. Inni duula baase lafa Yahasa ta aloo d'aqe worra Israeli had'e. Ammo worri Israeli worra suni had'e fit'e, lafa worra haga galaana Arnoniti fud'ate galaana Yabokiti d'aabe, akasi jechaani haga lafa gosa Amoni: wonti akanatiifi seera gosa Amoni guddo jabeesani eegani. Duuba worri Israeli dira worra Amori ch'ufa had'e dabsate, Heshbonifi dira d'aatu suni ch'ufa woliini fud'ate keesa qubate. Heshbonini sunini dira gudda ka hayyuuni Amori, ka Sioni jed'ani keesa tau hayyuuni sunini hayyu Moabu ka duri lafa suni fide had'e, lafa isaa ch'ufa haga galaana Arnoni iraa fud'ate. Tanaafi nami sirba sirbu waan jed'u: Heshboni koota, dira hayyu Sioni! Nu isa deebisani jaarani argu feena. Duri dira Heshboni kana keesa; duuli Sioni aka ibida gabahe dira Ari ka Moabu balleese, gaareeni galaani Arnoni iraa d'ufu hobaase. Gaargala keesani, worra Moabu! Isani worra Kemoshi kad'atani ya badiini iti d'ufte! Waaqi keesani nama isaa, ka d'iira nyaapati lakise, ka uwale aka Sihonini hayyuuni Amori boojiu iti lakise. Ammo amatana ilmaani worra la balleesani, haga Heshboni fudd'ani Diboriti d'aabani, ammalle haga Nashimu fuud'ani Nofati ta d'aatu Medebati d'aabani. Duuba worri Israeli lafa Amori keesa qubate, Musani dooya erge, ta dira Yazeri dooyate oduuni galtu. Ammalle worri Israeli dira sunifi dira d'aatu jirule had'e worra Amori ka keesa taule baase, dira suni fud'ate. Duuba eege worri Israeli garagale, kara Bashani deemu gula yae; jennaani hayyu Oguni ka lafa Bashani gabahe, duula ufi fud'ate, aka Edreti worra had'u kurfefate. Ammo AABBO Waaqi waan Musani jed'e, Isa insodaatini, anini isaafi worra isaatiifi lafa isaale harka keesaniti kenna. Waan atini Sioni, hayyu Amori, ka Heshboni tau, tolchite isale tolchi. Duuba worri Israeli Ogufi ilmaani isaatiifi worra isaa ch'ufa, ka nama tokole inhambisini, fit'e. Duuba eege lafa isaani fud'ate. Worri Israeli godaane diida Moabu ka Yordanini ilaboru, Yeriko gama qubate. Hayyuuni Moabu ka Balaki ilma Sipori jed'ani, waan worri Israeli worra Amori, tolcheefi ammalle aka worri nama hedu d'ageennaani, isaafi worri isaa mumudame, lubbuuni d'ufte. Worri Moabu waan jaarole Midianitini jed'e, Tuuti nama ta muumme inqamne tunini amumatana waan d'aatu teenna jira ch'ufa araabdi, akuma qotiyoni marra araabde fit'u. Tanaafi Balakini gara Balamu ilma Beori, ka Pethori jiru, d'aatu galaana Efrati lafa Amawi, nama iti erge yaame. Worri ergani suni waan jed'eeni, Balakini waan sini jed'u gochiti toko, ta muumme inqamne, ya lafa Misiriti d'ufte, nu mudamsiifte lafa teenna fud'achu feeti. Worri heddu, nura jira, tanaafi kooti, worra kana falfali, abaari. Yo atini hegeri abaarte nu worra dabsanne lafa teenna keesaa baamna. Anini imbeekha, nami atini eebiftufi eeba argata, ammo ka atini abaartu abaarsa argata. Duuba jaaroleeni Moabutifi ta Midiani beese worra Israelitini abaarani fud'atte, Balamu d'at'e d'aamsa Balaki iti himte. Balamuni waan jaaroleeni jed'e, Arra arma bulla, bori waan AABBO Waaqi nani jed'u isaniti hima. Duuba jaaroleeni Moabu fulla Balamu bulte. Jennaani Waaqi Balamuti d'ufe waan jed'eeni, Jari atini bulchite kunini eenu? Inni waan jed'eeni, Balaki hayyu Moabuti jaarole tana nati erge waan nani jed'e, gochiti toko ta lafa Misiriti d'ufte ya lafa ch'ufa qabate; kooti, nuraa falfali, abaari yo atini abaarte anini hegeri dandae worra had'e lafa keesa balleesa naani jed'e. Waaqi waan Balamuni jed'e, Worra kana gula indeemini, ammalle worra Israelile falfalte inabaarini, wonti akanatiifi worri eeba tiyya qaba. Lafti bariite jennaani Balamuni lafaa kae jaarole suni d'aqe waan jed'eeni, kaa gala; AABBO Waaqi yayu isani gula deemu na d'owe. Jennaani worri Balakiti d'ufe waan jed'eeni, Balamuni ya nu gula d'ufu dide. Jennaani Balakini jaarole heddu d'ibi ta jaarole taani ira gurra qabdu erge. Worri Balamuti d'ufe waan jed'eeni, Balakini waan siini jed'u, Wonti tokoleeni d'ufiisa atini gara kiyya d'uftu inhanqisiini! Anini waan atini feetu ch'ufa sii tolche yokhaani sii kenna: Inolini, kooti, worra kana falfali, naraa abaari. Ammo Balamuni waan jed'e, Ato Balakini mana isaa ka qarsifi worqiini guute sunile naa kenne, anini dandae dubbi AABBO Waaqa kiyya diqole indabru. Ammo hataatuti, isanileeni akuma jaarole taani halkani kana bula, aka anini dubbi AABBO Waaqa iraa eegad'u. Halkani suni Waaqi Balamuti d'ufe waan jed'eeni, Yo jari kunini sii yaamu d'ufe, kai, gula deemi, ammo waan anini tolchi siini jed'u ch'alla tolchi. Duuba boriyyaate Balamuni harre ufi kora iti faate yaabate jaarole Moabu taani gula deeme. Ammo Waaqi waan Balamuni deemefi iti dallane; duuba ato Balamuni harre ufi yaabate hojatu isaa lamaani woliini deemu, malaikaani AABBO Waaqa isa dura ejite dabru d'owarte. Harreeni taani, malaika goraade harkaa qabdu, ta kara keesa ejitu arginaani kara iraa gorte oobru seente. Ammo Balamuni harre suni d'aane karaati deebise. Jennaani malaikaani fulla karaani iti qalatu, ta jiddu oobru zabibu lamaani, ta d'akhaani marsani aka dalaa jaarani, ejite. Harreeni taani malaika arginaani d'akha aka dalaa kaaniti riiqate, miila Balamu ch'arasite. Jennaani Balamuni ammalle isi d'aane. Ammalle malaikaani dura deemte fulla karaani aka male qalatu, ka nami dandae wold'aatu imbaane, ejiti. Maro tana harreeni malaika arginaani gach'iifte. Balamuni aka hama dallane, harre uleeni d'aane. Jennaani AABBO Waaqi harre dubbachiise, isiini waan Balamuni jette, Anini maani si tolcheefi, atini maro sadi uleeni na d'aanta? Balamuni waan jed'eeni, Waan atini nati tabattefi si d'aane, ule lakisi, ato sila goraade qabaad'e si ijeesa, Harreeni taani waan jetteeni, Anini harre tante, ta atini haguma d'alate yaabateniti? Anini arra male, taka ya akana sitolche? Inni, Hiyo jed'eeni. Jennaani AABBO Waaqi ila Balamu bane, inni malaika goraade harkaa qabdu, ta kara keesa ejitu arge, duuba Balamuni gajed'e isa durati jige. Jennaani malaikaani AABBO waan jetteeni, Atini maanifi harre tante maro sadi akana d'aanta? Anini kara sii d'owu d'ufe, wonti akanatiifi atini sila imaltu tana deemu himmalle. Ammo harreeni tante na agarte jennaani maro sadi kara iraa gorte; ato isiini sila goru baate anini sii ijeese, isi baasa. Jennaani Balamuni waan malaika AABBO Waaqatini jed'e, Anini ya ch'ubbu tolche; aka atini, kara keesa ejite na d'owarte anini imbenne; ammo amma tana hojja atini deema tiyya tana ira hameenna agarte keesa deebia. Ammo malaikaani waan jetteeni, Indeebiini, jara kana woliini yaa, ammo waan anini siini jed'u male waan d'ibi injed'ini. Duuba worri kae woliini yae. Balakini aka Balamuni d'ufu jiru d'agaye jennaani, dira Ari, ka seera Moabu galaana Arnoni d'aatu jiruti, argu d'ufe. Balakini waan isaani jed'e, Atini maanifi gaafa anini qara si yaame ind'ufini? Waan anini waan guddo sii kennu qabu inseetu? Jennaani Balamuni waan jed'eeni, Anini ya d'ufeeniti? Ammo qara irreeni anini qabaad'e wojed'uuni tami, ta Waaqa male? Duuba Balamuni haga dira Kiriath-Husothi Balaki woliini yaani. Achiti Balakini loonifi ree sorio qaqale, fooni gari Balamufi jaarole isa woliini jirtuu kenne. Boriyyaate Balakini Balamu fuud'e, Bamoth-Baali woliini korani; achiti Balamuni worra Israeli ufi durati arge. Inni waan Balakini jed'e, Fulla sorio iti qalani torba d'akhaani na mid'aasi, ammalle koromi looni torbafi elemiye torba natiini kooti. Balakini waan Balamuni tolchi jed'eeni tolche, isaafi Balamuni; fulla sorio irati qalani taani torbaani irati koromi loonitifi elemiye taani, toko tokooni, sorio baasani. Jennaani Balamuni waan Balakini jed'e, Atini arma fulla sorio gubani tana eji, duuba anini deeme, aka AABBO Waaqi nati d'ufu laale, deebie waan inni na garsiise siti hima. Duuba inni koba ufi iti d'aabate fiit'e gaara kore, Waaqi achiti iti d'ufe. Jennaani Balamuni waan Waaqaani jed'e, Anini yayu fulla sorio irati qalani torba mid'aase, ch'ufa kormafi elemiye, toko tokooni irati baase. AABBO Waaqi waan Balamuni Balakini jechu male iti hime, Beeni deebii, iti himi jed'eeni. Duuba inni deebie Balaki, ka fulla sorio gubani taani jaarole Moabu woliini eju arge. Balamuni fage waan jed'e: Balakini, hayyuuni Moabu, lafa Aramu gara gareeni ilaboruti na yaame kooti, naa dubbad'u, Yakobo falfali, worra Israeli naraa abaari, nani jed'e. Anini waan Waaqi infalfalini eesa dandae falfala, yokhaani waan AABBO Waaqi inabaarini eesa dandae abaara? Fiit'e gaara gubba anini worra arge; kubilele iraa worra doofad'e. Worri gosa koba godaantu, ta herega gosa d'ibi keesa injirre. Ilmaani Israeli awaara fakaatti — eentu dandae worra heda? Muummeeni jireenna kiyya ha aka gumi Waaqa tana taatuti: Anini ha aka worra d'uga nagayaani duuti. Jennaani Balakini waan Balamuni jed'e, Atini maani na tolchite? Anini aka atini nyaapa kiyya abaartufi si yaame, ammo atini eeba male waan abaarsa tokole woma injenne. Balamuni waan jed'eeni, Anini waan AABBO Waaqi na jechisiisu male dandae waan d'ibi indubbad'u. Jennaani Balakini waan Balamuni jed'e, Kooti, nu yaasi fulla d'ibi ta atini worra Israeli haga toko argitu si geesa. Duuba artiti worra falfali, naraa abaari. Inni ballinna Sofimu ka fiit'e gaara Pisga geesa, artileeti fulla sorio irati qalani torba d'akhaani mid'aase, koromi loonitifi elemiye, toko tokooni, irati sorio baase. Balamuni waan Balakini jed'e, Sorio gubani tana bira eji, anini achi deeme Waaqa arga. Duuba AABBO Waaqi Balamuti d'ufe waan inni jechu mala iti hime waan jed'eeni, Gara Balaki d'aqi, dubbi tana iti himi. Duuba inni deebie, Balaki ka jaarole Moabu woliini sorio gubani taani bira eju arge. Balakini waan AABBO Waaqi isaani jed'e gaafate, jennaani Balamu dubbi tana fage waan jed'e: Kooti, Balaki ilma Sipori, waan anini siti himu fed'u ch'aqasi. Waaqi namaaniti, ka kiyyibu; inni namaaniti ka qalbi jijiratu inni waan jed'e inguutu? Waan dubbate intolchu? Anini yayu Eebisi naani jed'ani, eegi Waaqi eebise anini dandae garaingalchu. Woni anini arge worri Yakobo d'ipu inqabu, worri Israeli gaargala inargatu. AABBO Waaqi worraa worra woliini jira, worri hayyu keenna isaani jed'a. AABBO Waaqi ya worra lafa Misiri keesaa baase, inni aka gafarsa worraa kalcha. Qud'aami falfala yokhaani tolchi aka d'ibi ka worra Israeliti tolchani injiru. Amma tana biyyiti waan Israeli dubbate waan jettu, waan Waaqi worraa tolche, me ilaala! Gochiti Israeli aka janna nyeench'a jirti: Isiini haga gargari tatarsaafte nyaate hobaafte waan ijeefte ch'ufa d'iiga d'uduti gadi inch'iiftu. Jennaani Balakini waan Balamuni jed'e, Atini ya worra Israeli abaaru didde, ammo yo sule dad'abde ini eebisinifi! Ammo Balamuni waan jed'eeni, Anini qara siti inhimne aka waan AABBO Waaqi nani jed'e ch'alla tolchu! Balakini waan jed'eeni, Na woliini kooti, fulla d'ibi si geesa. Hegeri Waaqi achiti ee jed'afa, aka atini worra falfalte naraa abaartu. Jennaani inni Balamu fiit'e gaara Piori guba, ka lafti aloo jalaa mullatu, geese. Balamuni waan jed'eeni, Fulla sorio irati qalani torba d'akhaani na mid'aasi, koromi looni torbafi elemiye torba natiini kooti. Balakini akuma tolchi jed'aniini tolche, koromi loonitifi elemiye suni, toko tokooni irati sorio baase. Amma Balamuni aka AABBO Waaqi isaa, gumi Israeli eebisu fed'u ya beekhe, tanaafi inni deeme, akheekha woini himani ka aka qara kaani barbaadu dide. Inni gara lafa aloo millate; gosa Israeli ta gosa gosani qubattu arge. Lubbuuni Waaqaa isa fuute, Inni dubbi tana fage waan jed'e: Tunini dubbuma Balamu, ilma Beori, dubbi nama waan ch'ufa aka dansaa arge, waan Waaqi jed'e d'agayuti. Anini millu tokooni daayya Waaqa iraa d'ufte arge. Waaroni Israeli, ta worri iti galu, akami dadansa aka meet'ii woli gula d'ad'abani yokhaani oobru d'aatu galaana, aka mukha qumbi, ka AABBO Waaqi oobre, yokhaani aka hind'eesa bisaani d'aatuti bahe fakaatti. Worri bokaya haga inqamne argate, lafa bisaani quufte keesati mid'aani oobrata. Hayyuuni worraa Agagi ira gudda, lafti inni fidu guddo taati. Waaqi lafa Misiri keesaa worra baase; inni aka kotte gafarsa worraa kalche, worri nyaapa ufi fit'e hobaase, lafe isaani ch'ach'abse, t'iya worra bulleesa. Worri janna nyeench'a ka wa gaadu fakaata; hojja inni rafu eentu dandae kaasa? Nama Israeli eebisu ineebisanifi, ka abaaru inabaarani. Balakini guddo dallane, harka kontofate, Balamu d'aanu fed'e waan jed'eeni, Anini nyaapa kiyya naraa abaarifi si yaame, ammo atini garagalte maro sadi worra eebifte. Amma armaa deemi, worra keetiti gali! Anini qara waan guddo sii kennu fed'e, ammo AABBO Waaqi ya si d'owe. Balamuni waan jed'eeni, Anini qara ergattu teeti inhimee? Aka ato atini qarsifi worqi mana kanke keesa jirtule ch'ufa naa kennitele anini dandae dubbi Waaqa dabre, mata kiyyaani woma intolchine. Anini woma AABBO Waaqi jed'i nani jed'u ch'alla jed'a. Ammalle Balamuni waan Balakini jed'e, Anini amma worra kiyyati deebia, ammo ato indeemne waan worri Israeli worra kanke taka tana tolchu siti hima. Jennaani inni dubbi tana fage waan jed'e: Tunini dubbuma Balamu ilma Beori, dubbi nama waan ch'ufa aka dansaa argu; ka waan Waaqi jed'u d'agaye. Beekhuma Waaqa gudda iraa bahe argate. Anini millu tokooni daayya Waaqa gudda iraa d'ufte arge. Anini waan taka tana laale gosa Israeli arga. Hayyu bakalcha fakaatuti gosa Yakobo keesa bahe, aka urji deemtu Israeli keesaa d'ufa. Inni worra Moabu gugurda d'ae, worra Sethi ch'ufa d'aana. Inni nyaapa isaa ka Edomu dabsate, lafa worraa fud'ata ka Israeliini dabsachuma dabsatu, Yakobooni worra d'id'ite worra eegeti hafele hobaasa. Jennaani daayya ufi keesa Balamuni worra Amaleki arge waan jed'e: Amalekini qara gosa ch'ufa ira jabdu, ammo amma muummeeni worraa baddi taati. Inni daayya ufi keesa worra Keni arge waan jed'e: Fullaani isani teetani aka dansaa qorqorti qabdi, akuma mana simpire ka rarraa bale irati jaarani, ammo isani worra Keni imballeesani, hojja worri Ashuru isani boojie. Ammalle Balamuni dubbi tana fage waan jed'e, Worri mirgati wolti bahe kunini kami? Nyaapi hobolooni Kitimu d'ufe, worra Ashurutifi ka Eberi dabsata, ammo worrileeni eege inhobaa. Jennaani Balamuni kae gale, Balakileni kara ufi iti d'aabate. Gaafa worri Israeli bale Shitimu keesa qubate, nami worra ka d'iira nad'eeni Moabu barate. Nad'eeni tunini jila worraa ta sorioti worra yaamte, fulla waaqa worra Moabu iti yaamatani. Worri Israeli sagale worra ta sorio suni nyaate, waaqa worra ka Baali Peori jed'ani yaamate. Jennaani AABBO Waaqi worrati dallane, waan Musani jed'e, Jaarole Israeli ch'ufa fuud'i, na durati guyya guddaani fafannisi. Duuba anini deebie gumi tanati indallanu. Jennaani Musani waan worra jaallaba Israelitini jed'e, Isani nami ch'ufti nama d'iira ka gosa teesani ka Baali Peori yaamatu ha ijeesuti. Duuba namichi Israeli toko niiti gosa Midiani toko Musafi gumi Israeli ch'ufa durati waaroti galfate, ka worri balbala Waaro Woyyuma durati bou jiru. Finehasini ilmi Eleazari, ka akhaakhu qaallu Haruni, waan suni arginaani kae gumi keesaa bahe, woraana fud'ate, namichafi niiti suni, ka waaro ke jirani, iti olseene wolirati woworaane worra lachu ijeese. Akanaani ch'iisi hamani sila worra Israeli balleese ejate. Ammo hataatuti, nami qara ch'iisa sunini due kuma diddami afuri. AABBO Waaqi waan Musani jed'e, Finehasini dallansu anini qara worra Israeliti dallane yayu naraa balleese: Wonti akanatiifi inni yayu aka na lakisani waaqa d'ibi yaamatani obsu dide, sunifi anini dallansu tiyya keesa worra balleesu dide. Tanaafi atini waan jettuuni, Anini wold'aqisa nagaya si woliini tolfad'a, ka haga jiru jireenna tau. Siifi ilmaani tante haguma jirtani ch'ufa qaalole tiyya taatani, waan atini nama waaqa d'ibi na biraani kad'atu obsu dad'abde, akasiini araarsa worra Israeliti d'ufteeni. Maqaani namicha Israeli ka niiti Midianitini woli irati fit'ani Zimri, ilma Salu. Inni balbala gosa worra Simeoniti mataa. Maqaani niiti sunileeni Kozbi. Abbaani isii sunileeni gosa Midianiti mata. AABBO Waaqi waan Musani jed'e, Worra Midiani had'i balleesi; wonti akanatiifi worri Peoriti isani sobe isani balleese ammalle maro Kozbi ta gaafa ch'iisa Peori ijeesani jed'i had'i balleesi. Eegi ch'iisa hama kaani, AABBO Waaqi waan Musafi Eleazari ilma qaallu Harunitini jed'e, Worra Israeli, mana worra isaani gula heda, nama d'iira ka ganna diddamati oli, ka duula d'aqu dandau ch'ufa maqa t'aafa. Gosa Reubeni (Reubeniini ilma Yakobo ka angafa): Balbalti worraa, Hanoki, Palu, Hesroni, Karmi. Balbalti tunini ch'ufti wolti nama 43,730 qabdi. Ilmaani Palu, Eliabufi ilmaani isaa. Nemueli, Dathani, Abiramu. (Dathanifi Abiramuni kunini worra gumiini fohate. Worri Musafi Harunini morke, worra goli kora, ka AABBO Waaqa dide kaani, gula bahe. Gaafasi lafti ch'ite worra liqimsite, worri Korafi worra goli isaa, gaafa ibidi nama 250 hobaase kaani woliini hobaani; worri gorsa gumii tahe. Ammo ilmaani kora inhobaamne.) Gosa Simeoni: Balbalti worraa, Yemueli, Yamini, Yakini, Sohari, Shauli. Balbalti tunini ch'ufti wolti nama 22,200 qabdi. Gosa gadi: Balbalti worraa, Sifoni, Hagi, Shuni, Ezboni, Eri, Arodi, Areli. Balbalti tunini ch'ufti wolti nama 40,500 qabdi. Balbalti tunini ch'ufti wolti nama 76,500 qabdi. Gosa Isakari: Balbalti worraa Tolla, Puva, Yasubu, Shimironi. Balbalti tunini ch'ufti wolti nama 64,300 qabdi. Gosa Zabuloni: Balbalti worraa, Seredi, Eloni, Yaleele. Balbalti tunini ch'ufti wolti nama 60,500 qabdi. Gosa Yusufu ka ilmaani lama qabu, Manaseefi Efraimu. Gosa Manase: Makiri ilmi Manase abba Gileadi, duuba balbalti gosa tana ch'ufti Gileadi iraa baate: Balbalti worra Abiezeri, Heleki, Asrieli, Shekemu, Shemida, Heferi. Selofahadini ilmi Efari ilmaani d'iira ind'alle, ta dubra male: maqaani dubra suni kana, Mala, Noa, Hogla, Milka, Tirsa. Balbalti tunini ch'ufi wolti nama 52,700 qabdi. Gosa Efraimu. Balbalti worraa, Shuthela, Beredi, Tahathi. Balbalti Erani Shuthela iraa baate. Balbalti tunini ch'ufti wolti nama 32,500 qabdi. Tunini balbala Yusufu iraa baate. Gosa Benjamini: Balbalti worraa Bela, Ash-Beeli, Ahiramu, Shufamu, Hufamu. Balbalti Ardifi Naamani Bela iraa baate. Balbalti tunini ch'ufti wolti nama 45,600 qabdi. Gosa Dani: Balbalti worraa Shuhamu, ta nama 64,400 qabdu. Gosa Asheri: Balbalti worraa Imna, Ishui, Beria. Balbalti Heberitifi Malkieli Beeria iraa baate. Asherini intala Seera jed'ani qaba. Balbalti tunini ch'ufti wolti nama 53,400 qabdi. Gosa Naftali: Balbalti worraa Yaseeli, Guni, Yeseri, Shilemu. Balbalti tunini ch'ufti wolti nama 45,400 qabdi. Henni nama gosa Israeli ka d'iira ch'ufti 601,730. AABBO Waaqi waan Musani jed'e, Lafa tana guddinna gosaa gula gosaa qoodi. Gochiti Lawi balbala Gershoni, Kohathifi Merari qabdi. Ilmaani worraa mana Libnitifi, Hebroni, Mala, Mushi, Kora qabdi. Kohathini abba Amramu, ka intala, Lawi ta Yokebedi jed'ani ta Misiriti d'alate, fuud'e. Isiini ilmaani lama ta Harunifi Musa jed'ani, ammalle intala toko ta Miriamu jed'ani, Amramu d'alte. Harunini ilmaani d'iira afuri d'ale, Nadabu, Abihu, Eleazari, Ithamari. Nadabufi Abihuni, gaafa ibida qulqullo intahini AABBO Waaqa baasani duani. Nami Lawi ka d'iira, ka haga d'alate jia toko jirufi ka artini oli nama 23,000. Worra kana Israeli keesa koba t'aafani, maro worri qooda lafa gosa Israeli keesa inqamneefi. Gaafa Musafi Eleazarini gosa Israeli ch'ufa diida Moabu ka yo arti ejani Yerikoni galaana Yordani gamaa nama duraa mullatuti hedani, balbala worraa tana ch'ufa maqa t'aafani. Nami Israeli tokoleeni ka Musafi Harunini gaafa henna qara lafa aloo ta Sinai keesati hedani, inhamne. AABBO Waaqi qara waan jed'e, Worri kuni ch'ufti lafa aloo tana keesati duani jed'e. Duuba Kalebu ilma Yefunetifi Yoshua ilma Nuni male tokoleeni inhamne. Ilmaani dubra ta Selofahadini, ilmi Heferi, ka ilma Gileadi, ka ilma Makiri ka ilma Manase ka ilma Yusufu d'ale tana; Mala, Noa, Hogla, Milka, Tirsa. Worri yae Musafi qaallu Eleazarifi jaarole taanifi gumi ch'ufa dura fulla balbala Waaro Woyyuma ejaanjani waan jed'ani. Abbaani kenna ilma male lafa aloo keesati due. Inni worra goli Kora ka AABBO Waaqaani morke keesa injiru, ammo maruma daba ufitifi due. Waan inni ilma inqamneefi maqa isaa Israeli keesa balleesani? Oboleyaani aabboo woliini qooda lafa ka nu d'aalu nu kenna! Musani dubbi isaani AABBO Waaqa beesise, duuba AABBO Waaqi waan jed'eeni, Wonti dubriti Selofahadi kad'attu d'uga, Fiit'a abba isaani woliini qooda lafa kennifi aka worri waan isaa d'aalu. Ammalle waan atini worra Israeli ch'ufaani jettu, Hojja nami ilma male due, ha dubarti isaa d'aaltuti. Hojja inni dubrale inqamne oboleyaani isaa ha d'aaltuti. Hojja inni oboleyaani Inqamne, oboleyaani abbaa isaa ha d'aaltuti. Hojja inni oboleyaani yokhaani abbaani isaaleeni oboleyaani inqamne, ha miilooni isaa aantiini d'aaltuti. Tunini ha worra Israeliti aadaafi seera taatuti, akuma anini AABBO Waaqi siti hime. AABBO Waaqi waan Musani jed'e, Beeni, gaara Abarimu kori, lafa anini worra Israeliti kennu dawaad'i. Eegi agarte, atinileeni, akuma oboleesi kanke Harunini due, doota. Wonti akanatiifi isani lachu nani morkitani lafa aloo ta Sini keesati, gaafa gumiini ch'ufti Meribati nati gungumte, isani na d'aarefatani gumi ch'ufa durati na ch'eersitani (Meribani maddo Kadeshi lafa aloo ta Sini keesa.) Jennaani Musani waan AABBO Waaqaani jed'e, Ee AABBO Waaqa, ka lubbu nama ch'ufa harkaa qabdu, anini si kad'ad'a, nama gumi tanaani deeme abbaa duula iti tahu tolchiifi, aka gumiini tante hooliya tissitu inqamne intaane. AABBO Waaqi waan Musani jed'e, Yoshua ilma Nuni, nama jaba lubbu qabu, fuud'i, harka kanke mata isaa ira kayi. Qaallicha Eleazarifi gumi ch'ufa dura d'aabi, worra ch'ufa durati isa eebisi, nama huji siraa fuud'u tolchi. Jabeenna kanke haga toko kennifi, aka gumiini Israeli ch'ufti isaa d'ageetu. Inni ha qaallicha Eleazari gula deeme gorsa iraa fud'atu, qaallichileeni fed'i tiyya Urimu ira ha baratu. Kara kanani Eleazarini Yoshuafi gumi Israeli ch'ufa waan worri tahuu male garsiisa. Musani akuma AABBO Waaqi isani jed'e tahe. Inni Yoshua qaallicha Eleazarifi guni ch'ufa dura d'aabe. Akuma AABBO Waaqi isani jed'e, Musani harka ufi mata Yoshua ira kaye eebise, nama huji isa iraa fuud'u isa tolche. AABBO Waaqi waan Musani jed'e, Waan atini gumi Israelitini jettu, sagale gubani na baasu maltani ta ch'inch'aani isii na gammachiiftu, guyya isi baasu malani naa baasa. Sagaleni gubani AABBO Waaqaa baasani tana: sorio guyya ch'ufa gubani Waaqaa baasani ha elemiye ilmoole hoola lama, ta aabo womatu inqamne, ta ganna toko qalaniti. Elemiye suni toko diirama sorio baasa, kaani galgala baasa, elemiye suni tamu dargaye kilo toko ta daakhanifi, ta d'ad'a killa tokotini wolti makhani, woliini baasa. Tunini waan guyya ch'ufa gubani baasani, ta gaafa qara gaara Sinai irati gubani baasani, ta ch'inch'aani isii AABBO Waaqa gammachiiftu. Daad'i elemo qara woliini AABBO Waaqaa baasani, fulla sorio irati baasaniiti daad'i dulo toko naqa. Galgalale elemo lameeso akuma elemo diirama kaani, daad'i woliini sorio baasa. Tunileeni sorio gubani ta ch'inch'aani isii AABBO Waaqa gammachiiftu. Guyya Sabato, elemiye lama, ta ganna toko, ta aabo womatu inqamneefi kilo lama ta dargaye daakhani, ta d'ad'ani wolti makhani, aka sorio gubani daad'i woliini baasa. Sorio gubani tana guyya Sabato ch'ufa ha baasaniiti, waan guyya ch'ufa daad'i woliini baasani male. Guyya baatini d'alattu ch'ufa sorio akana tana guba, Waaqaa baasa: jiboota kormaa lama, elemo toko, elemiye ilmoole hoola torba ta ganna toko, ka horini kuni ch'ufti aabo womatu inqamne. Mid'aani Waaqaa baasani, dargaye daakhani d'ad'ani wolti makhani baasa: jiboota koromi suni ch'ufa woliini dargaye daakhaani ta kilo sadi; elemo woliini kilo lama; elemiye ilmoole hoola ch'ufa woliini kilo toko. Wonti gubani baasani kunini sagale Waaqaa baasani, ta ch'inch'aani isii isa gammachiiftu. Daad'iini koromi ch'ufa woliini baasu malani dulo lama; ta elemo, dulo tokofi wod'aka; ta elemiye ilmoole hoola, dulo toko. Tunini aada waan sorio gubani, ta hojja baatini d'alattu ch'ufa, baasani. Waan guyya ch'ufa gubani daad'i woliini Waaqaa baasani male, korbeesa toko sorio dabaani ufi iraa baasani, Waaqaa baasa. Guyyaani kud'ani afreeso ka jia qara guyya Pasaka AABBO Waaqati. Guyyaani kud'ani shaneeso ka jia suni guyya jilati; jilti sunini jila guyya torba tolfatani, ammalle qit'a bukho inqamne ch'alla nyaatani. Guyyaani jila suni ka qara guyya woldeenna qulqullooti, woli woldaa, woldeenna tolfad'a, huji tokole intolfatina. Waan kana sorio gubani baasani, AABBO Waaqaa baasa: jiboota koromi lama, elemo toko, elemiye ilmoole hoola torba, ta ganna toko, ta tamu tokole aabo womatu inqamne. Dargaye daakhani ta d'ad'ani wolti makhanile baasa: kilo sadi jiboota koromi suni woliini kilo lama elemo woliini, ammalle kilo toko elemiye taani ch'ufa woliini baasa. Ammalle korbeesa toko sorio dabaani ufi iraa baasani baasa, akanaani biyya qulqulleesa aada guutafi. Waan guyya ch'ufa gubani Waaqaa baasani male waan kanale baasa. Karuma kanaani haga guyya torba sagale gubani AABBO Waaqaa baasani ta ch'inch'aani isii isa gammachiiftu baasafi waan guyya ch'ufa gubani daad'i woliini baasani male, waan kana baasa. Guyyaani torbeeso guyya woldeenna qulqullooti, woliwoldaa, woldeenna tolfad'a, huji tokole intolfatina. Guyya qaraa ka gaafa jila mid'aani murani, hojja isani mid'aani keesani ka qaraa murattani AABBO Waaqa baaftani, guyya suni woliwoldaa, huji inhojatina. Waan gubani Waaqaa baasani, ka ch'inch'aani isii AABBO Waaqa gammachiiftu baasa: jiboota koromi lama, elemo toko, elemiye ilmoole hoola torba, ta ganna tokoti, ta kamu aabo womatu inqamne. Dargaye daakhani ta d'ad'ani wolti makhanile, baasa: kilo sadi jiboota koromi suni woliini, kilo lama elemo kaani woliini, ammalle kilo toko elemiye taani ch'ufa woliini baasa. Ammalle korbeesa toko sorio dabaani ufi ira baasani baasa, akanaani biyya qulqulleesa, aada guutafi. Waan guyya ch'ufa gubani Waaqaa baasanifi mid'aani Waaqaa baasani male, sorio tanaafi daad'ile Waaqaa baasa. Guyya qaraa ka jia torbeeso guyya qulqullo, magalata d'aa, woliwoldaa, huji inhojatina. Sorio gubani ta ch'inch'aani isii isa gammachiiftu AABBO Waaqa baasa: jibicha korma toko, elemo toko, elemiye ilmoole hoola torba, ta ganna toko, ta kamu aabo womatu inqamne. Dargaye daakhani, ta d'ad'ani wolti makhanile, baasa: Kilo sadi jibicha korma suni woliini, kilo lama elemo kaani woliini, ammalle kilo toko elemiye taani ch'ufa woliini baasa. Ammalle korbeesa toko sorio dabaani ufi iraa baasani baasa, akanaani biyya qulqulleesa, aada guutafi. Waan kana baasa, ammalle waan kana woliini sagale guyya baatini d'alattu ch'ufa gubani baasanifi sagale guyya ch'ufa gubani Waaqaa baasanifi daad'i baasanile baasa. Wonti gubani baasani kunini ch'inch'a AABBO Waaqaa gammachiiftu. Guyyaani kud'anneeso ka jia torbeeso guyya qulqullo, woliwoldaa; sagale inyaatina, hujile inhojatina. Sorio gubani AABBO Waaqaa baasa, ta ch'inch'aani isii isa gammachiiftu: jibicha korma toko, elemo toko, elemiye ilmoole hoola torba, ta ganna toko, ta kamu aabo womatu inqamne. Dargaye daakhani, ta d'ad'ani wolti makhanile, baasa: kilo sadi jibicha korma suni woliini, kilo lama elemo kaani woliini, ammalle kilo toko elemiye taani ch'ufa woliini baasa. Ammalle korbeesa toko sorio dabaani ufi iraa baasani baasa, korbeesa aada namaani qulqulleesani qalani woliini, sagale guyya ch'ufa gubani Waaqaa baasanifi daad'i baasanile baasa. Guyyaani kud'ani shaneeso ka jia torbeeso guyya qulqullo woliwoldaa. Jila tana guyya torba AABBO Waaqaa tolcha, huji tokole inhojatina. Guyya qaraa sagale gubani Waaqaa baasani, ta ch'inch'aani isii isa gammachiiftu, AABBO Waaqaa baasa: jiboota koromi kud'ani sadi, elemiye lama, ammalle elemiye ilmoole hoola kud'ani afuri, ta ganna toko, ta tamu aabo womatu inqamne baasa. Dargaye daakhani, ta d'ad'ani wolti makhanile, baasa: kilo sadi jiboota koromi taani ch'ufa woliini, kilo lama elemiye ch'ufa woliini, ammalle kilo toko elemiye ganna toko taani ch'ufa woliini baasa, daad'i baasanile woliini. Ammalle korbeesa toko sorio dabaani ufi iraa baasani baasa. Waan kana waan guyya ch'ufa gubani Waaqaa baasanifi mid'aani Waaqaa baasanifi daad'i Waaqaa baasanile woliini baasa. Guyya lameeso jiboota koromi kud'ani lamafi elemiye lama, ammalle elemiye ilmoole hoola kud'ani afuri, ta ganna toko, ta kamu aabo womatu inqamne, baasa. Guyya sadeeso, jiboota koromi kud'ani tokofi, elemiye lama, ammalle elemiye ilmoole hoola kud'ani afuri, ta ganna toko, ta kamu aabo womatu inqamne, baasa. Guyya afreeso jiboota koromi kud'anifi elemiye lama, ammalle elemiye ilmoole hoola kud'ani afuri ta ganna toko, ta kamu aabo womatu inqamne, baasa. Guyya shaneeso, jiboota koromi sagalifi elemiye lama, ammalle elemiye ilmoole hoola kud'ani afuri, ta ganna toko, ta kamu aabo womatu inqamne, baasa. Guyya jaeeso jiboota koromi saddeetifi, elemiye lama, ammalle elemiye ilmoole hoola kud'ani afuri ta ganna toko, ta kamu aabo womatu inqamne, baasa. Guyya torbeeso jiboota koromi torbafi elemiye lama, ammalle elemiye ilmoole hoola kud'ani afuri, ta ganna toko, ta kamu aabo womatu inqamne, baasa. Guyyaani saddeeteeso guyya qulqullo, wolwoldaa, huji inhojatina. Sorio gubani AABBO Waaqaa baasa, ta ch'inch'aani isii isa gammachiiftu: jibicha korma toko, elemo toko, elemiye ilmoole hoola torba, ta ganna torba, ta kamu aabo womatu inqamne baasa. Tunini aada waan gubani Waaqaa baasanifi mid'aani Waaqaa baasanitifi, daad'i baasanifi, sorio wold'ageeti ta AABBO Waaqaa baasani guyya isani jila tolfatani. Duuba Musani waan AABBO Waaqi isaani tolchi jed'e ch'ufa gumi Israeliti hime. Musani jaarole gosa Israeliti matatiini waan jed'e, Wonti AABBO Waaqi jed'e tana. Hojja nami AABBO Waaqaa wa sii kenna jed'e kakhate, ammalle waan suni guute male intau jed'e kakhate, inni kakhu suni hanqisu himmalle, ammo waan inguuta jed'e ch'ufa guutuu male. Hojja intalti infuud'ini, ta mana abba keesa jirtu, Anini AABBO Waaqa wa kenna jette kakhate, ammalle waan suni guutu male intau jette kakhate, isiini waan intaha jette kakhate suni ch'ufa guutuu malte, yo abbaani isi d'agaye isi d'owe male. Ammo yo abbaani isii waan isiini kakhate suni d'agaye isi d'owe isiini lakisu malte. AABBO Waaqi isii inaraarama waan abbaani isii isi d'owefi. Yo intalti infuud'ini wa kakhate, beekhaa yokhaani beekha male wa kakhate, yokhaani waan suni guutu male intau jette kakhate, duuba ammo eegi suni isii fuud'ani, isiini waan kakhate ch'ufa guutuu malte, yo d'iirsi isii d'agaye isi d'owe male. Ammo yo d'iirsi isi d'agaye d'owe, isiini lakisu malte, AABBO Waaqi isii inaraarama. Haati hiyyeesa yokhaani niitiini gursumetini, kakhu kakhateefi ammalle waan isiini waan suni guutu male intau jette ch'ufa guutu malte. Yo niitiini fuud'ani kakhu kakhate, ammalle waan suni guutu male intau jette, isiini waan kakhate kaani ch'ufa guutuu malte, yo d'iirsi isii d'agaye isi d'owe male. Ammo yo d'iirsi isii d'agaye d'owe isiini, lakisu malte AABBO Waaqi isii inaraarama, waan d'iirsi isii kakhu suni guutuu d'owefi. D'iirsi isii d'uga qaba, aka kakhu isiini kakhate suni iti lakise yokhaani d'owu. Ammo yo guyya sunifi boriyyaatele woma injed'ini, isiini waan kakhate ch'ufa guutu malte. Inni yayu kakhu suni ee jed'e waan inni d'agaye iti lakiseefi. Ammo yo eegi suni inni kakhu d'owe, inni wollaala isii fud'achuu male. Aadaani kakhu dubra infuud'ini, ta mana abba ufi keesa jirtuufi yokhaani ta nad'eeni fuud'anile, ta AABBO Waaqi Musaa kenne tana. AABBO Waaqi waan Musani jed'e, Worra Midiani waan worri gumi Israeli tolcheefi haalo baasiifi. Eegi halo suni baafte indoota. Duuba Musani waan biyyaani jed'e, Had'iisa kurfefad'a, aka Midiani haatani waan worri AABBO Waaqa tolche haalo baaftani. Gosa Israeli ch'ufa keesa nama kunki toko duula erga. Duuba nama kunki toko gosa ch'ufa keesa fohatani, nami kunki kud'ani lama, lola kurfae. Musani worra kana ch'ufa had'iisa erge, ka Finehasini, ilmi qaallicha Eleazari, abba duula suni, ammalle ka inni miha Fulla Qulqullootifi magalata lola harkaa qabu. Jennaani worri worra Midiani had'e, akuma AABBO Waaqi Musani jed'e, nama d'iira ch'ufa hobaasani, hayyoota Midiani shananile woliini: maqaani hayyoota shanani suni tana: Evi, Rekemu Suri, Huri, Reba. Ammalle Balamu ilma Beorile ijeesani. Worri Israeli nad'eenifi ijoolle Midiani ch'ufa boojie, loonifi ree worrale ch'ufa fud'atini, waan worri qabu ch'ufa saamani, dirafi ollowaani worra ch'ufa gubani. Worri waan saamanifi ka boojiani suni ch'ufa, namafi saale, Musafi Eleazarifi gumi Israeli, ta diida Moabu, ka hojja arti ejani Yerikoni galaana Yordani gamaa, nama dura mullatuti worra duraani d'ufani. Musafi Eleazarifi jaaroleeni gosa Israeliti mataa ch'ufti worraa baate duula yoyo fulla keesa yaate. Musani abbooti duula ta nama kunki tokotifi nama d'ibba tokofati mata ta duula galteti dallane, waan jed'eeni, Isani maanifi nad'eeni taana hambiftani? Isani imbeetani, aka nami dubbi Balamu gula bahe lafa Peoriti AABBO Waaqa iraa biyya gorse balleese nad'eeni? Wonti ch'iisa d'ukuba hama kaani gumi AABBO Waaqatini d'ufe suniniti? Tanaafi amma ijoolle d'iira ch'ufafi nad'eeni ch'ufa fit'a. Ammo ijoolle dubra ch'ufa lakifad'a. Isani nami nama ijeese yokhaani reefa qabate, haga bulti torba worra keesa alati gala. Guyya sadeesotifi ka torbeesole nama isani boojitanifi ufile qulqulleesa. Ammalle gaad'a nafa keesani ch'ufafi waan goga ira mid'aasanifi, waan rifeensa reetifi mukhaani mid'aasani ch'ufa qulqulleesa. Qaallichi Eleazari waan jara duula galeeni jed'e, Kunini seera AABBO Waaqi Musaa kenne. Guyya torbeeso woya teesani miich'ad'a; duuba isani qulqulluma teesaniti deebitani ollati dachaatani. AABBO Waaqi waan Musani jed'e, Siifi Eleazarini jaarole gumi taani woliini, waan boojiani ch'ufa, namafi saale ch'ufa, hedu maltani. Waan boojiani ch'ufa fulla lamati gargari qooda, qooda toko jara duula d'aqe qooda, kaani gumi lakisa. Qooda duula suni keesa, d'iba shani keesa toko, nama taanaani, looni taanaani, harre taanaani, hoolafi laleesa taanaani, damoosa AABBO Waaqaa baasa. Damoosa suni ch'ufa qaallicha Eleazariti Kenna, ha inni AABBO Waaqa baasuti. Qooda gumi kaanile, shantama keesa toko, nama taanaani, looni taanaani, harre taanaani, hoolafi laleesa taanaani, fuud'a, worra Lawi ka huji Waaro Woyyuma harkaa qabu, kenna. Musafi Eleazarini waan AABBO Waaqi jed'e tolchani. Duuba Musani damoosa kana, ka AABBO Waaqaa baasani, qaallicha Eleazari kenne, akuma AABBO Waaqi Musani jed'e. Qooda kana ch'ufa keesa Musani, shantama ch'ufa keesaa, namafi saale toko fuud'e, akuma AABBO Waaqi isaani jed'e, worra Lawi, ka huji Waaro Woyyuma harkaa qabu, kenne. Jennaani worri abbooti duula kaani gara Musa d'aqe waan jed'eeni, Nu worra keenna ka duula ch'ufa ya tohanne nami tokoleeni ka nu keesa d'abani injiru. Tanaafi nu amma faaya worqitiifi, waan irreefi harkati keeyatanifi, qube qabatifi, gurrale, yokhaani imule d'ufuniti jirra. Nu waan kana ch'ufa Lubbu teenna jenne AABBO Waaqaa baafna, aka inni nu qorqoratu. Musafi qaallichi Eleazarini faaya worqi fud'atani. Henni worqi ka abbootini duula baafte, ulfinni isii diquma kilo d'iba lama hanqata. Nami abbaa duula intahini waan boojie fud'ate. Duuba Musafi qaallichi Eleazarini worqi suni abbooti duula iraa fuud'ani Waaro Woyyumatiini d'ufani, aka AABBO Waaqi gumi Israeli qaabate qorqoratu. Gochiti Reubenitifi ta Gadi looni guddo qabdi. Worri aka lafti Yazeritifi Gileadi looni dansa, arge jennaani Musafi Eleazarifi jaarole gumi taaniti d'ufani waan jed'aniini, Nu amma isani kad'anna, lafa tana nuu kenna, galaana Yordani takisiftani gama nu inqubsisina. Musani waan jed'eeni, Ka oboleyaani teesani taani duula yaatu asi hafu feetani? Isani akami gumi Israeli garaa laafiftani, galaana Yordani taku sodaachiftani, lafa AABBO Waaqi worraa kenne iti dabru d'owartani? Wonti isani taatani kunini woma qara abbootini teesani taate, gaafa anini, lafa Kadesh-Barnea keesa, lafa dooyad'a jed'e erge. Gaafasi worri haga bale Eshkoli d'aqe lafa arge, ammo galani jennaani biyya garaa laafisani lafa AABBO Waaqi worraa kenne seenu sodaachisani. Guyya suni AABBO Waaqi dallane, kakhate waan jed'e: Anini inkakhad'a aka worri kuni, waan garaa tokooni na gula yau dideefi, nami worra ka ganna diddamati oli, ka lafa Misiri keesaa bahe, lafa anini Abrahamufi Isaaqofi Yakobo kakhad'e, tokoleeni inseenne. Nami waan suni keesa injirre Kalebu ilma Yefune ka gosa Kenisitifi, Yoshua ilma Nuni ch'alla; jara kana lamaani ch'allati garaa tokooni AABBO Waaqa gula yae. AABBO Waaqi gumi Israeli suniti dallane, lafa aloo ta gamooji keesa, haga ganna afurtama lafa marse, haga d'alooti isa dallansiise kaani ch'ufti hobauti. Amma isanileeni yayu abbooti teesani suni gula baatani, d'aloota d'ibi ka daba taatani, dallansu hamtu AABBO Waaqaa worra Israelitini d'uftani. Yo isani, gochiti Reubenitifi ta Gadi, amma tana isa gula yau didani, inni ammalle deebie gumi tana ch'ufa lafa alooti lakisa, duuba nami badii suni worratiini d'ufu isani. Worri Musati gad'ufe waan jed'eeni, Qara aka nu moona d'akhaa ree teennaa jaarre, ilmaani teennale maneeni jajabdu diraa jaarufi nu lakisi. Duuba nu kurfo jirra, aka gumi Israeli dura deemne nyaapa haanu, haga nu worra lafa worratiini geenuti. Hagasi ilmaani teenna dandeete dira kana keesa teete, worra lafa tana duraa baati. Nu worra keennati indeebinu, haga worri Israeli ch'ufti lafa kennanifi taaniti qubatuti. Nu lafa galaana Yordani gama tokole worra duraa infud'annu; wonti akanatiifi nu qooda keenna ya arma galaana Yordani ila boruti fud'anne. Jennaani Musani waan jed'eeni, Yo isani d'uguma baantani, ammatana arma, AABBO Waaqa durati, had'iisaa kurfaa. Worri keesani ka woraana ch'ufti ha galaana Yordani, taakuti ammalle jabeenna AABBO Waaqatini ha nyaapa kenna had'aniti, haga AABBO Waaqi worra dabsate lafa iraa fuud'uti. Eegi suni dandeetani deebitani; wonti akanatiifi isani yo suni ya fed'i AABBO Waaqatifi ta worra Israeli guutani. Duuba hojja suni AABBO Waaqi aka lafti galaana Yordani ilaboru teesani beekha. Ammo yo kakhu teesani suni guutu baatani, beekha, ya AABBO Waaqati dabdani, imamina, gati ch'ubbu teesani ind'abdani. Duuba dira ilmaani teesanifi moona ree teesani jaarad'a, ammo waan kakhatani kana guuta. Worri gosa Gaditifi ta Reubeni waan Musani jed'e, AABBO nu jecha kanke inguunna. Nad'eeni teennafi ilmaani teennafi loonifi reeni teennaleeni armuma dira lafa Gileadi kana ch'ufa keesati hafti. Amma nu ch'ufti jecha AABBO Waaqa gula had'iisaa kurfo jira. Nu galaana Yordani taakine, akuma atini jette nyaapa haana. Duuba Musani dubbi tana Eleazarifi Yoshuafi jaarole Israeli taanini jed'e: Yo worri Gaditifi ka Reubeni, dubbi AABBO Waaqa gula, had'iisa kurfae galaana Yordani taake, duuba yo qarqaarsa worratiini lafa suni dabsatani fud'atani, lafa Gileadi ha worri fud'atuti, d'aala kennaafi. Ammo yo worri galaana Yordani taake had'iisa isani woliini yau baate, worri ha akuma keesani lafa Kanaani keesati qooda lafa argatuti. Worri Gaditifi ka Reubeni waan jed'eeni, Aabbo, nu akuma AABBO Waaqi jed'e tolchina. Nu jecha isaa gula lafa Kanaaniti taakine duula d'anna, aka nu d'aala lafa galaana Yordani ilaboru ind'amne. Duuba Musani gosa Gaditifi ta Reubeni gosa Manase ta haga gari, lafa hayyu Sioni, ka gosa Amoritifi, lafa hayyu Ogu ka gosa Bashani, dirafi lafa d'aatu jirtule, kenneefi. Gochiti Gadi dira maneeni jajabdu qabu jaarte: diri suni Diboni, Atarothi, Aroeri, Atroth-Shofani, Yazeri, Yogbeha, Beth-Nimra, Beth-Harani. Gochiti Reubeni dira kana jaarte, Heshboni, Eleale, Kiriathaimu, Nebo, Baal-Meoni (maqa dira kana ya jijirani), Sibima. Worri dira kana eege jabeese jaare maqa d'ibi baaseefi. Balbalti gosa Makiri, ta ilma Manase iraa baate, lafa Gileadi haate, fud'ate, worra gosa Amori ka keesa jiru keesaa kaafte. Duuba Musani lafa Gileadi balbala Makiriti kenne, worrileeni iti qubate. Yeirini, ka gosa Manase, ollowaani gari had'e dabsate fud'ate, ollowaani Yeiri maqa baaseefi. Nobani Kenathifi ollowaani isaa had'e dabsate fud'ate, maqa ufi gula Noba maqa baaseefi. Tunini maqa fulla worri Israeli ququbate, eegi gochiti worraa ch'ufti lafa Misiriti, Musafi Haruni gula, godaante. Dubbi Waaqa gula Musani maqa fulla worri qubate ch'ufa t'aafe. Worri Israeli guyya kud'ani shaneeso, ka jia tokeeso, eegi Pasaka qara nyaate, lafa Misiri keesaa godaane, worri, ka worri Misiri ch'ufti argu, qarqaarsa AABBO Waaqatini dira Ramesesi keesaa godaane; ka worri Misiri gaafasi ilmaani worraa ta angafa ta AABBO Waaqi fit'e awaalachu jiru. Akanaani AABBO Waaqi aka waaqa lafa Misiri ch'ufa ira irre qabu agarsiise. Worri Israeli Ramesesi keesaa godaane, Sukothi qubate. Sukothi godaane Ethama afaani lafa aloo qubate. Achi kaani Pi-Hahirothi, ta Baal-Sefonini ilaboruti gorani d'aatu Migdoli qubatani. Jennaani Pi-Hahirothi kaani, galaana Diima keesa dabrani, lafa aloo ta Shuri d'ufani; godaana guyya sadi godaanani Mara qubatani. Maraa kaani Elimu qubatani; wonti akanatiifi artiti maddo kud'ani lamatiifi mukha qoonne torbatama qabdi. Elimu godaanani, galaana Diima d'aatu qubatani. Arti godaanani, lafa aloo ta Sini qubatani. Eegi suni artile kaani, Dofka qubatani, artile kaani Alushi qubatani. Ammalle arti kaani Refidimu qubatani, fulla worri bisaani afaanti d'ugule d'abe. Hayyuuni Aradi, ka lafti isaa lafa Kanaanitini bitaa aka worri Israeli d'ufu d'agaye. Gaafa worri diida Moabu, ka yo arti ejani Yerikoni galaana Yordani gamaa nama dura mullatu jiru, AABBO Waaqi waan Musani jed'e, Waan atini worra Israelitini jettu, Hojja isani galaana Yordani taakitani lafa Kanaani seentani, nama lafa suni keesa jiru ch'ufa keesaa gussuu maltani. Waan worri kad'atu ka d'akhaafi Sibiilani mid'aasanifi fulla worri iti kad'atu ch'ufale balleesa. Lafa fud'ad'a, keesa qubad'a, wonti akanatiifi anini ya isanii kenne. Lafa suni hit'aani qoodad'a, gosafi balbala teesani gula: qooda gudda balbala guddo kenna, qooda diqa balbala diqo kenna. Ammo yo worra lafa suni tau keesaa gussuu baatani, worri nami hafe akuma filida ila keesatifi qiltipe nafa keesa isani gaargalche isani had'a. Yo isani worra keesaa gussuu baatani, anini akuma sila worra tolchu isani tolche lafa keesaa isani balleesa. AABBO Waaqi waan Musani jed'e, Waan atini worra Israelitini jettu: Hojja lafa Kanaani ta anini isanii kennu seentani, seeri lafa teesani akana taha. Seeri gama bitaa, lafa aloo ta Siniti bahe seera lafa Edomuti Eja. Gara ilaboru seeri muumme galaana Sooda ta bitaati bahe, bitaa qajeela kaarra Akrabimu keesa dabre, Sinile keesa dabre, haga Kadesh-Barneaati eja. Jennaani seeri mirga ila adu Hasar-Adariti qajeele, Azmoniti dabre, achiti bale afaani seera Misiri deebie, Baariini Guddati muumme baha. Seeri ila adu Baariini Gudda. Seeri Mirga Baariini Gudda iraa bahe, gaara Horiti qajeele, arti bahe, kaarra Hamathiti qajeela. Ammalle dura deeme, Sedaditi qajeele, Zifroniti iti d'aabate, duuba Hasarrenati muumme baha. Seeri ilaboru Hasarrenani ira bahe, Shefamuti qajeela. Duuba arti bahe, bita qajeele, Ribila ta Ainini ilaboru dabre, duuba kubile afaani galaana Galilaya gama ilaboruti qajeele, duuba bita iti d'aabate, galaana Yordani gula deeme, galaana Soodatini baha. Tunini seera moga afraani ka lafa teesani. Jennaani Musani waan worra Israelitini jed'e, Tunini lafa isani hit'aani argattani, ta AABBO Waaqi gosa sagalifi gosa Manase ta haga gariti kenne. Gochiti Reubenitifi ta Gaditifi worra gosa Manase ka ila boru jiruleeni yayu lafa ufi argatte worra ufi gula qoodate, galaana Yordani ilaboru Yeriko gama. AABBO Waaqi Waan Musani jed'e, Qaallicha Eleazarifi Yoshua ilma Nuniti, lafa biyyaa qooda. Ammalle jaarsa gosaa, mataa gosa ch'ufa keesa fuud'i, worra woliini hojachiisi. Tunini jaarole AABBO Waaqi fohate, lafa Kanaani qooda, worra Israeliti kenna jed'eeni. Diida Moabu ka yo arti ejani Yerikoni galaana Yordani gamaa nama duraa mullatu keesati, AABBO Waaqi waan Musani jed'e, Worra Israeliti himi, aka worri qooda ufi keesaa worra Lawiti dira worri keesa taufi lafa dira d'aatu ta horini d'eedule kennuufi. Diri kunini ka worra Lawi taha, duuba worrileeni keesa qubata. Lafti looni worraatifi horini worraa d'ibiini d'eeduleeni ta worraa taati. Lafti horini oolu sunini haga ejata d'iba shani gama ch'ufaani dira hanqatti, aka akanaani lafti ejata kuma toko dira suni gama ch'ufa marsite, diri suni jiddu keesati hafu. Ammalle isani dira jaa, ka hojja nami d'annu nama ijeese iti baqatu worra Lawiti kennuu maltani. Kana male, dira afurtami lama d'ibi, ka kamu lafa horini d'eedu qabu, ka ch'ufti wolti afurtami saddeeti, kennaafi. Hojja dira kana lafa worra Israeli keesa koba baaftani, gosa ira guddoti dira gudda kenna, gosa diqo diqa kenna. Gochiti ch'ufti ha ballinna lafa argatte gula worra Lawiti dira qooduuti. AABBO Waaqi waan Musani jed'e, Waan atini worra Israelitini jettu, Hojja isani galaana Yordani taakitani lafa Kanaanitini baatani, dira nami danu nama ijeesu iti baqatu fohad'a. Achiti inni dandae fiit'a nama inni ijeese kaani, ka isa ijeesu fed'u, duraa baha. Nama danu nama ijeese, ka dubbi inqorini inijeesiini. Dira jaa fohad'a, sadi galaana Yordani ilaboru, kaani sadeenileani lafa Kanaani keesa. Diri kunini dira iti baqatani ha tahuti, aka worra Israelitiifi nami gosa d'ibi ka imaltu d'ufeefi ka worra keesa qubatuleeni iti baqatu. Nami ch'ufti ka d'annu nama ijeese dandae dira suni tokoti baqata. nama ijeesani suni nama harka d'iiga suni ijeesuu male. Yo isa arge ch'ufa ijeesuu male. Yo nami nama jibbe, harkani iti game yokhaani woini had'e, yokhaani tontomooni d'ae ijeese, nami sunini nama harka d'iigati, tanaafi isale ijeesuu malani. Nami miilo aanti nama ijeesani suni, nama harka d'iiga suni ijeesuu male. Yo isa arge ch'ufa ijeesuu male. Ammo hojja nami d'annu nama ijeese, ka qara jibba isaa inqamne, ato harkani iti game yokhaani woini had'e ijeese, yokhaani, d'akhaa darbate, ka isa inargini d'ae ijeese, ammo ka inni isa ijeesu infed'ini, yokhaani ka inni nyaapa isaa intahini. Yo akasi, gumiini ha nama nama ijeese suni d'uga murtufi; nama miilo isati aanu suni, ka halo barbaadu d'uga imurinifi. Gumiini ha nama nama ijeese suni harka miilo aanti nama ijeesani suni keesaa baafte dira iti baqatani, ka inni iti baqate suniti deebiftuti. Inni haga namichi gaafasi qaallicha gudda sunini duuti, ha achuma tauti. Yo nami nama ijeese kaani, dira inni iti baqate keesaa deeme ammalle yo fiit'aani namicha inni ijeese kaani isa arge isa ijeese, nama suni aka nama harka d'iiga inheregani. Nami nama ijeese kaani ha dira iti baqate keesa tauti, haga qaallichi guddaani duuti, ammo eegi suni ha worrati deebiuti. Seerafi aadaani tunini ha teesanifi ta ilmaani teesani taatuti, fulla isani jirtani ch'ufati. Yoi nama nama ijeese ijeesani, yo nami lamafi sadi, inni ya nama ijeese jed'e hime ch'alla; himaansi nami toko, nami kunini ya nama ijeese jed'e ingahu. Nama harka d'iiga ijeesuu malani. Inni beese baase dua jalaa bahu indandau. Yo nami dira iti baqataniti baqate, aka inni beese baase, ato qaallichi guddaani induini worra ufiti deebiu, ee injed'ina. Yo isani akasi taatani, lafa keesa teetani t'ureesitani. D'iigi lafa t'ureesa, nama harka d'iiga fit'ani male, karaani lafa nami keesati dueni qulqulleesani injiru. Lafa isani keesa teetani int'ureesina: wonti akanatiifi anini AABBO Waaqa, ka gumi Israeli jiddu keesa tau. Worri balbala Gileaditi mataa, ilma Makiri ka ilma Manase, ka ilma Yusufu, gara Musatiifi jaarole taani d'aqe, waan jed'e, AABBO Waaqi ya lafa biyya hit'aani qoodi siini jed'e. Ammalle inni yayu lafa Selofahadi, ka fiit'a teenna ijoolle isaa ta dubrati d'aala kennifi siini jed'e. Ammo yo nami gosa d'ibi dubra suni fuud'e, d'aalti isii ta gosa suni taate, duuba akasiini qoodi lafa teenna diqaata. Duuba gaafa ganni wodeebisani gahe, ka lafa qara gurgurani ch'ufa abbaa deebisani, lafti dubrati Selofahadi d'aalte, ta gosa worra isi fuud'e taate, akasiini gochiti teenna lafa suni d'abdi. Jennaani Musani, dubbi AABBO Waaqa gula, wa wa waan gumi Israelitini jed'e, Wonti gochiti Manase jette d'uga, duuba AABBO Waaqi waan jed'u, Dubarti Selofahadi ha nama feetu fuututi, ammo nami isiini feetu ha gosuma isaani keesaa bahuti. D'aala worra Israeli gosa toko iraa fuud'ani, gosa d'ibiti inkennani. Dubarti gosa Israeli keesa abba ufi d'aaltu, nama gosa isii suni fuud'uu malte. Aka karaa kanani nami Israeli ch'ufti waan abbooti ufi d'aalu, akanaani d'aalti sunini gosa toko iraa baate gosa d'ibiti indabartu. Duuba akasiini gochiti Israeli ch'ufti d'aala ufi jabeesiti. Nami isi fuud'e worra balbala gosa Manase, ka ilma Yusufu, d'aalti worraleeni gosa abba isaani keesati hafti. Tunini seerafi aada AABBO Waaqi worra Israeliti afaani Musatiini kenneefi, diida Moabu, ka yo arti ejani Yerikoni galaana Yordani gamaa nama dura mullatu keesati. Tunini dubbi Musani worra Israeli ch'ufa gaafa worri lafa aloo, ta galaana Yordanitini ilaboru jiru jed'eeni. Worri gaafasi bale Yordani keesa d'aatu sufu, ta dira Paranitifi, Tofelitifi, Labanitifi, Hazerothitifi, Dizahabu jiddu jirtu jira. Godaanti gaara Sinaitifi ta Kadesh-Barnea jiddu guyya kud'ani toko fud'atti, yo kara gaareeni ka lafa Edomutiini godaanani. Ammalle ganna afurtameeso guyya qara ka jia kud'ani tokeeso keesa, Musani eegi lafa Misiri keesa bahani waan AABBO Waaqi biyyati himi jed'eeni kaani ch'ufa worra Israeliti haasae. Tunini eegi AABBO Waaqi hayyu Sioni, ka gosa Amori, ka dira Heshbonitifi ammalle hayyu Ogu ka lafa Bashani, ka dira Ashtarothitifi Edrei dabsate. Gaafi Musani dubbi seera Waaqatifi barsiisa isaa biyyati hime gaafa biyyiti Yordanini ilaboru, lafa Moabu keesa, jirtu. Inni waan jed'e, Gaafa nu gaara Sinai jiru AABBO Waaqi keenna waan nuuni jed'e, Isani ya fulla gaara kana guddo teetani. Tanaafi amma faad'a durati godaana lafa gaareeni ta Amoritifi lafa d'aatu d'ibii: bale Yordani faa, lafa gaareeni ammalle lafa golbo, ta bitaa faa, ammalle lafa afaani baariini lafa Kanaanitiifi lafa gaara Lebanoni. Haga galaana gudda Efrati d'aqa. Lafti tunini ch'ufti lafa anini AABBO Waaqi ababoota teesani Abrahamufi Isaaqofi Yakobofi ilmaani worrale ch'ufa inkenna jed'e kakhad'e; d'aqaa iti qubad'a. Musani waan gumi Israelitini jed'e, Gaafa nu gaara Sinai jiru, Anini waan isaniini jed'e, Hujiini nama dura deemani tunini ya nati guddatte, anini dandae ufiti intolchu. AABBO Waaqi keesani yayu isaani daraarse, aka urji gubaa isani heddeese. AABBO Waaqi, Waaqi ababoota teesani, hagasile ira maro kuma isani daraarse isani deebansinna, akuma inni intolcha jed'e kakhate! Ammo anini ch'allaani akami dandae huji jabdu dubbi qorani tana ufumati tolcha? Gosa ch'ufa keesa nama qaro, ka hubachafi beekha qabu filad'a, duuba anini jara suni gudda keesani tolcha. Isanileeni aka wonti kunini waan dansa, ka tolchuu malani ya ee jettani. Duuba anini worra qaro, beekhafi hubacha qabu, ka isani gosa teesani keesa filatani, mataa isani tolche worri hagi toko mataa nama kuma tahe hagiini ka nama shantama tahe, hagi tokoleeni ka nama kud'ani tahe. Ammalle anini nama gugurda d'ibi gosa keesaa fohad'e. Gaafasi anini iti hime waan jed'eeni, Dubbi wold'abisa ta nama keesani iraa d'uftu laala. Dubbi wold'abaa tana ch'ufa aka dansaa qoraa, ato isiini nama keesanifi keessuma isani keesa teetu iraa d'uftele. Nama tokole ira inch'iisina dubbi murtani keesa ato inni nama fed'e taatele, waan inni tahe gula wollaala iti mura. Nama tokole insodaatini, wonti akanatiifi wonti isani murtani Waaqa iraa d'ufti. Yo dubbini isani d'ibde natiini koota, nati mura. Ammalle artumati hojuma suni waan isani tolchuu maltanile isaniti hima. Nu waan AABBO Waaqi keenna tolcha nuuni jed'e, tolchine. Duuba gaafa gaareeni Amoriti godaane, gaara Sinaiti kaane lafa aloo ballo nama sodaachiftu keesa dabarre. Ammo isani nati d'uftani waan jettani, Nama ufi dura ergina ka lafa suni dooyatu, aka worri kara dansa nu gula godaanuufi dira dadansa achi jiru nuti himu. Wonti kunini dansa arge jennaani nama kud'ani lama gosa ch'ufa keesaa toko toko, fohad'e. Worri lafa gaareeniti iti d'aabate, haga bale Eshkoli ch'ufa dooyatani laalatani. Worri mid'aani achi argateeni nuu gale waan jed'e, Lafti AABBO Waaqi nuu kennu lafa gabbo waan ch'ufa qabdu. Ammo isani dubbi AABBO Waaqa keesani diddani, tanaafi lafa suni inseeniini. Isani gungumtani waan jettani AABBO Waaqi nu jibba, tanaafi inni lafa Misiri keesaa nuu baase harka worra Amoriti nu kenne aka worri nu hobaasu. Nu achi iyyaanu, insodaanna worri nu ergine waan nuni jed'e, worri lafa suni worra jajaba d'ed'eera, haga arba gagahu, ka dira worrale naabo isaa d'akhaani marsani waaqati d'aabani jaarani. Ammo anini waan jed'e, Worra suni ind'eetina. AABBO Waaqi keesani isani dura deeme, nyaapa isani dura had'a, akuma isani lafa Misiritiifi ta alooleti agartani kaani. Isani aka inni aka abbaani ilma baatu isani baate nagayumani armaani isaani baase ya argitani. Ammo ato anini waan kana ch'ufa isaniini jed'ele isani AABBO Waaqa d'ugefachu diddani, ato inni guyya ch'ufa isani dura deeme fulla isani iti qubatani isani garsiisele. Inni guyya aka baaldo dumansa isani dura deeme, halkani aka goola ibidaa isani dura deeme, kara isani garsiise. AABBO Waaqi dubbi teesani d'agaye dallane, kakhate. Waan jed'e, Isaniini tokoleeni, nami d'aloota ch'ubbu kana keesa jiru lafa gabbo dansa anini abbooti teesani kakhad'e inargattani. Kalebu ilma Yefune male, isa ch'allati naa saalfate nama d'uga naa tahe, tanaafi anini isaafi ilmaani isaati lafa worri dooyate taani kennaafi. Maro teesanifi AABBO Waaqi nati dallane, atinileeni, Musa lafa suni inseentu naani jed'e. Ammo Yoshuani, ilmi Nuni ka amma isani dura deemu, lafa suni inseena. Isa garaa jabeesa; wonti akanatiifi isumati Israeli lafa suni d'aalchisa. Duuba AABBO Waaqi waan nu ch'ufaani jed'e. Ilmaani didiqo waan hamtufi waan dansa gargari imbeenneti lafa suni seena, ilmaani isani Nyaapati qaqabe jettani taani. Anini lafa suni worraa kenne, worrileeni duuba ind'aala. Ammo isani dachaa, lafa aloo ta qajeela galaana Diimati iti d'aabad'a. Jennaani isani waan naani jettani, Nu yayu AABBO Waaqa durati ch'ubbu tolchine, ammo amma iyyaana, akuma AABBO Waaqi keenna nuni jed'e. Ammalle isaani nami ch'ufti lafa gaareeni suni koritini laaftu jettani mart'ifatani miha keesani ka lola fud'attani iti d'aabattani. Ammo Waaqi waan naani jed'e, Waan atini worraani jettu, nyaapa keesani inhad'ina, anini isani inqarqaaru, tanaafi nyaapi worraa worra dabsata. Anini waan AABBO Waaqi jed'e isaniti hime, ammo isani inch'aqamne. Isani isa jalaa diddani, mata guddifattani, lafa gaareeniti iti d'aabatani. Jennaani worri Amori, ka lafa gaaraa suni keesa tau, aka tuuta kinniisa isaniti baafate, haga lafa Horma isani reebe, ammalle lafa gaareeni taa Edomuti isani dabsate. Duuba isani qarqaarsa AABBO Waaqati bootani, ammo inni isani ind'ageenne yokhaani inch'aqamne. Duuba eegi nu guyya heddu Kadeshi keesa teenne. Nu kaane lafa aloo keesa qajeele galaana Diimati iti d'aabanne, akuma AABBO Waaqi nuuni jed'e, haga guyya heddu nu lafa gaareeni ta Edomu keesa godaanne. Jennaani AABBO Waaqi waan jed'e, Isani ya lafa gaareeni tana keesati turtani, tanaafi amma mirga godaanu maltani. Duuba gaafasi dubbi tana worrati himi naani jed'e: Isani amma ya lafa gaareeni Edomu ta fago ta fiit'aani teesani ilmaani Esau keesa teetuti godaanu geetani. Worri isani sodaata, ammo isani worrani woli had'u himmalle, wonti akanatiifi anini lafa worra fulla tokole isani inkennu. Anini lafa Edomu yayu d'aloota Esauti kenne. Sagale nyaatanifi bisaani d'uddanile iraa bitad'a. Qaabad'a aka AABBO Waaqi keesani waan isani tolchitani ch'ufa keesa isani eebise. Inni yayu godaana isani lafa aloo ballo tana keesa godaantanile isani qorqorate. Inni ya ganna afurtama kana isani woliini tae, isanileeni ya waan feetani ch'ufa argatani. Jennaani nu oboleyaani teenna ilmaani Esau, ta lafa Seiru teetu, biraa godaanne kara Araba ka Elathifi Esion-Geberi bahu gula qajeele, duuba eege lafa aloo ta Moabuti gorre. Ammalle AABBO Waaqi waan naani jed'e, worra Moabu ka d'aloota Lutu ingaargalchina yokhaani woli inhad'ina, wonti akanatiifi anini dira Ari yayu d'aala worraati kenne lafa worraa fulla tokole isanii inkennu. Worri Emi suni ka duri achi tau worra jajaba, gugurda d'ed'eera aka worra gosa Anaki. Akuma worra Anaki suni worraleeni Refemu jed'ani; ammo worri Moabu worrani Emi jed'e. Worri Hori duri lafa Edomu keesa taa ammo eege d'alooti Esau worra achi achi keesaa gusse balleese, ufi achi qubate, akuma worri Israeli nyaapa worra lafa AABBO Waaqi kenneefi keesaa gusse. Duuba akuma AABBO Waaqi nuuni jed'e, nu kaane galaana Zeredi taakine. Gaafi kunini ganna sodomi saddeeteesoti, haga nu Kadesh-Barnea baane, akuma AABBO Waaqi jed'e kaani, nami duula d'aqu dandau ka d'aloota suni ch'ufti hobae. AABBO Waaqi nyaapa worraati tahe worra ch'ufa hobaase Eegi worri ch'ufti due AABBO Waaqi waan nuuni jed'e, Isani arra kara dira Aritiini lafa Moabu keesa dabartani, lafa Amori ta d'aloota Lututi d'iaatani. Yo achiini baatani worra haatani yokhaani ingaargalchina, wonti akanatiifi anini lafa worra kenna suni tokole isani inkennu. (Lafa tanale Refoimu jed'ani, maqa worra duri achi keesa tau gula; worri Amori worrani Zamzuni jed'a. Worrileeni akuma worra Anaki d'ed'eera. Worri heddu, ammalle d'aloota jajaba. Ammo AABBO Waaqi worra balleese, worri Amori lafa worra fud'ate keesa tae. AABBO Waaqi worra Edomu, ka d'aloota Esaule, ka lafa gaareeni ta Edomu keesa taau, ya akasuma tolcheefi. Inni worra Hori balleese jennaani worri Edomu lafa worraa fud'ate, keesa tae, fulla worri arrale jiru. Lafa afaani Baariini Gudda, worra lafa bisaani jiddu jirtu, ta Kreti jed'ani keesaa d'ufeti qubate. Worri worra Avimu, ka qara lafa suni keesa tau, balleese, lafa worraa haga bitaa dira Gazaa fud'ate.) Eegi nu Moabu keesa dabarre, AABBO Waaqi waan nuuni jed'e Amma kaa, galaana Arnoni taaka. Anini Sioni, hayyu Amori, ka Heshboni jed'anifi lafa isale harka keesaniti kenna. Isaa had'a, lafa isaa fud'ad'a, iti qubad'a. Arraa achi anini nama ch'ufa isani sodaachisa. Nami ch'ufti yo maqa keesani ka d'ahani d'agaye, mudame holata. Jennaani anini ergattu lafa aloo ta Kedemothi keesa hayyu Heshboni ka Sioni jed'ani d'aamsa nagaya kanaani erge waan jed'e: Lafa tante tana keesa, ka kara iraa ingore, qajeele dabarraa nu gad'iisi. Nu sagale nyaanufi bisaani d'unnule sii baamna. Wonti nu feenu lafa tante ta keesa dabarru ch'alla, haga nu galaana Yordani taakine lafa AABBO Waaqi nu kennuni baanuti. D'alooti Esau ka Edomu taufi worri Moabu ka Ari tauleeni ya lafa worraa keesa nu dabarse. Ammo hayyuuni Sioni jed'ani aka lafa isaa keesa dabarru nu gadi ind'iimne. Wonti akanatiifi AABBO Waaqi, keesani ya garaa isa jabeese, nama woi didu isa tolche, aka akasiini isa dabsanne lafa isaa fud'anne iti qubannu. Jennaani AABBO Waaqi waan naani jed'e, Ilaali, anini yayu hayyu Sioni jed'anifi lafa isale isani durati irre d'owe, lafa isaa fud'ad'a, iti qubad'a. Sihonini nama isaa ka lola ch'ufa fud'ate, d'aatu dira Yahesa nu had'u d'ufe. Ammo AABBO Waaqi keenna isaa harka keenna keesa kaye, nu isaafi ilmaani isaatiifi nama isaa ch'ufa hobaamne. Hojuma suni dira ch'ufa qamne balleesine, ammalle nama ch'ufa, d'iira, nad'eeni, ijoollele ch'ufa hobaamne, nama tokole inhambimne. Nu looni fud'anne dira saamne bombeesine. Dira worra ch'ufa AABBO Waaqi, keenna haga Aroeri ka afaani bale Arnoniti fuud'e, dira wod'aka, bale jirtu d'aabe, haga Gileadi ch'ufa nu dabsachiise. Diri tokoleeni ka naaboni isaa jabaatte nu ch'absu dad'amne injiru. Ammo nu lafa Amoriti yokhaani afaani galaana Yaboki yokhaani dira lafa gaareeni yokhaani lafa d'ibi ta AABBO Waaqi ind'aqina nuni jed'e tokole iti ind'iaanne. Duuba eege nu gaara lafa Bashani mirgaa godaanne jennaani, hayyu Oguni nama isaa ka lola fud'ate, fulla dira Edrei nu had'u d'ufe. Ammo AABBO Waaqi waan naani jed'e, Isa insodaatini anini isaafi nama isaa ka lolaatifi lafa isaa ch'ufa sii kenna. Akuma Sioni, hayyu Amori, ka lafa Heshboni mohate kaani tolchite, isaale tolchi. Akanaani AABBO Waaqi hayyu Ogufi worra isaale ch'ufa harka keennati kenne nu worra hobaamne. Ammalle nu yomsuni dira ch'ufa qamne, diri tokoleeni ka nu infud'atini injiru. Nu ch'ufa woltuma dira jaatama qamne — lafa Argobu, ta hayyu Oguni, ka Bashani, mohate. Dira kana ch'ufa aka jaba olfageesani d'akhaani jaarani, balbala fullotifi waan isiini ch'ufanile, ammalle olla hedduti jira, ka ijaara jaba akasi suni inqamne. Nu dira ch'ufa balleesine, d'iira, nad'eeni ijoolle ch'ufa akuma worra dira hayyu Sioni jed'ani ka Heshboni kaani, hobaamne. Looni ch'ufa fud'anne, ammo dira sigisine daaraa tolchine biraa yaane. Hojuma suni nu hayyoota Amori lamaani ira lafa galaana Yordanitini ilaboru ta galaana Arnoni haga gaara Hermoni ch'ufa fud'anne. (Worri Sidoni gaara Hermonitiini Sirioni jed'a ammo worri Amori Seniri jed'a.) Nu lafa hayyu Ogu ka Bashani ch'ufa fud'anne: dira gooro guba jiru lafa Gileaditifi ta Bashaniti, haga ilaboru dira Salekafi Edrei. (Gosa Refai keesa nami hafe hayyu Ogu. Sire isaa ta sibiilani mid'aasani, d'eerinni d'und'uma sagali, balinni d'und'uma afuri aka biima gaafasi gula. Sire suni haga arrale lafa gosa Amoni dira Raba keesaati dandaani argani.) Gaafa nu lafa suni fud'anne, anini lafa mirga dira Aroeri, ta d'aatu galaana Arnoni, ammalle lafa gaareeni ta Gileadi haga dira isii ch'ufa woliini, gosa Reubenitifi ta gaditi kenne. Gosa Manase ta haga gariti lafa Gileadi ta hafte taanifi lafa Bashani ch'ufa, ta hayyu Oguni fide kenneefi. Akasi jechaani arda Argobu ch'ufa kenneefi jechu. (Lafa Bashanitini Refai jed'ani. Yairini, ka gosa Manase, lafa Argobu, ta maqaani d'ibiini Bashani, haga seera Gershonitifi haga Maaka fud'ate. Inni ollowaani ch'ufa maqa ufi iti baase, haga arrale ollowaani suni ollowaani Yairi jed'ani.) Anini balbala Makiri ta gosa Manase lafa Gileadi kenneefi. Ammalle gosa Reubenitifi ta Gadi lafa Gileadi, haga bale Anoni, ta baleeni aka seera jiddu baatu, haga galaana Yaboki, ka seera Amoni, kenneefi. Lafti worraa gama ila adutiini galaana Yordaniti ejite, galaana Galilaya ka mirga jiru iraa baate, galaana sooda ka bita gabuute, gaara Pisga ka ilaboru jalati ejite. Anini hojja suni waan isaniini jed'e, AABBO Waaqi, waaqi keesani, ya lafa tana isanii kenne, aka isani d'aaltani: Worri keesani ka lola ha miha lolaa fud'ate, oboleyaani teesani ta Israeli dura yauti. Ammo nad'eeni, ijoolle teesani, ammalle looni keesani (anini aka isaani looni heddu qabdani imbeekha) ha dira anini isanii kenne kaani keesati hafaniti, haga AABBO Waaqi oboleyaani teesani teeso, aka isanii kenne kennuufiti, worrileeni lafa suni, ta Yordanini gama, ta AABBO Waaqi kennuufi suni fud'atuti. Duuba isani nami ch'ufti, d'aala anini isaanii kenne taaniti deebitani. Wonti anini gaafasi Yoshuani jed'e tana: Atini yayu waan, AABBO Waaqi kanke hayyoota tana lamaani tolche agarte; duuba akuma kana AABBO Waaqi lafa isani haatani fud'attani ch'ufa tolcha. Worra ind'eetina, wonti akanatiifi AABBO Waaqi keesani isanii kalcha. Anini gaafasi guddise Waaqa kad'ad'e waan jed'e, AABBO Waaqa, gudda, anini imbeekha aka wonti atini na garsiiftu kunini iti keeyacha waan gugurdo nama mamsiisa, ka atini takaa tana tolchitu. Waaqi tokoleeni, ka waan guddo mama aka atini tolchite kana tolchu, gubbaafi lafale injiru! AABBO Waaqa, galaana Yordani na taakisiisi, aka anini lafa gaareeni ta wo baaftu, ta gama suni jirtu taanifi gaareeni Lebanonile, argu. Ammo maro teesanifi AABBO Waaqi nati dallanne, nale ch'aqasu dide, waan naani jed'e, Laki ya geete, waan suni deebite maqa ind'aini! Beeni, fit'e gaara Pisga d'aqi, mirga, bita, ilaborutifi ila adule laali. Waan atinu gartu ch'ufa aka dansaa laali, wonti akanatiifi ato wonti feetu d'uftele atini galaana Yordani intaakitu. Yoshua, dubbi inni gula deemu male taani iti himi, garaafi herega isaa jabeesi; wonti akanatiifi inni lafa atini agarte taani biyya geese iti qubachiisa. Duuba nu bale dira Beth-Peori gamaa keesati hamne. Jennaani Musani waan biyyaani jed'e, seerafi waan anini isaani barsiise ch'ufa jabeesa guuta, aka lafa AABBO Waaqi, ababoota teesaniini, isanii kennu fud'attani. Waan anini isani barsiise waan d'ibi iti indarina, ammalle womale keesaa imbaasina. Seera AABBO Waaqaa keesani, ka anini isaanii kenne, jabeesa guuta. Isani waan AABBO Waaqi gaara Baal-Peoriti tolche yayu gartani. Inni nama artiti Baal-Peori kad'ate ch'ufa imballeese, ammo isaani ka AABBO Waaqa keesani d'ugeefattani gula yaatani arrale inuma jirtani. Anini akuma AABBO Waaqi kiyya naani jed'e ya seera ch'ufa isani barsiise. Lafa amma isani diquma fud'attani iti inqubatini suni keesaleti, seera kana jabeesa guuta. Garaa tokooni jabeesa guuta, gula deema, aka akanaani gochiti d'ibileeni aka isani qaroo beetu. Hojja seera kana ch'ufa d'ageetani, gochiti tunini, akami qaroomafi hubacha akana tana qabdi? jette wolgaafati. Gochiti tokoleeni ta, ato haga feetu jabdu taatele, waaqa aka AABBO Waaqa keenna jiru, ka hojja isiini gaargala qabdu worrati gadi d'iaate qarqaaru qabdu injirtu. Inni hojja nu qarqaarsa isa kad'annu ch'ufa, nu d'agaya. Gochiti tokoleeni ta ato aka feetu jabaatele, seera d'uga aka anini arra isani barsiise kana qabdu injirtu. Kurfefad'a, eega! Aka dansaa mid'aafad'a, aka waan ilaani gartani kana haga jirtani indeene. Ilmaani teesaniifi ilmaani ilmaani teesanile, waan guyya isani AABBO Waaqa keesani gaara Sinaiti dura ejitani iti hima. Inni gaafasi waan naani jed'e, Biyya wolti baasi, anini worra waan anini jed'uuni d'agayu fed'a, aka worri waan anini jed'uuni kana barate, jabeese, ilmaani worrale aka isiini na sodaatu barsiisu. Ilmaani teesani iti hima, aka isani duri d'at'ani hunda gaara aarii dumansa d'osse bobai ibida waaqati eje jala ejaanjitani. Ammalle aka AABBO Waaqi ibida keesa isaaniini dubbate, ammo ka isani, dubbi isaa male waan isa fakaata tokole inarginile ch'ufa iti hima. Inni aka isani wold'aqisa inni isani woliini tolfate kaani jabeesitani ya isaniti hime — isani Seera kud'annaani inni d'akha lamaani hahafalicha kaani irati t'aafe jabeesitani guutuu maltani. AABBO Waaqati seera ch'ufa ka isani lafa isani amma fud'atani iti qubachu geetani tana keesati guutu maltani worra barsiisi naani jed'e. Gaafa AABBO Waaqi ibida keesa gaara Sinai irati isaniini dubbate, isani waan isa fakaata tokole ingarre. Tanaafi ira jirti teesaniifi aka dansaa mid'aafad'aa hubad'a, aka isani waan boch'ani kad'attani d'iira yokhaani nad'eeni yokhaani bineensafi, simpirre, waan garaani lafa ira loatifi qurt'umi, mid'aafatani ch'ubbu intolchine. Ufi eegad'a aka ilaalacha keesa seentani waan gubbati gartani adu jia, yokhaani Urjiifa guddiftani kad'atani inhojanneefi. AABBO Waaqi keesani yayu waan kana biyya taani d'ibii kenne, aka worri kad'atu. Ammo isani worra inni lafa Misiri ta aka boola ibida keesaa baase, haga arrale nama ufi isani tolfate. Maro teesanifi AABBO Waaqi keesani naati dallane kakhate atini galaana Yordani taakite lafa anini worra Israeliti kennu inseentu naani jed'e, Anini galaana gama intaaku, lafuma tana keesati dua, ammo isaani taakitani lafa gabbo suniti ya qubachu geettani. Jabaad'a, aka wold'aqisa AABBO Waaqaani woliini tolfatani kaani indeene. Jecha isaa jabeesa, aka waan boch'ani kad'atani tokole ufii imid'aafanne. Wonti akanatiifi AABBO Waaqi keesani aka bobaa ibida jira; inni nama isaani morku inoobsu. Ato lafa suni keesati turtani ilmaanifi akhakhotale d'altani waan boch'ani kad'atani mid'aafattani inch'ubbamiina. wonti akanatiifi fuula AABBO Waaqa durati wonti kunini waan hamtu, ammalle isa dallansiifti. Lafafi gubbaleeni arra d'uga tiyya aka, hojja isani na d'ugefachu diddani, lafa ira hobaatani. Lafa Yordanini gama, ta isani diquma iti inqubatini taanile guddo keesa inteetani keesa isani balleesani. AABBO Waaqi gosa ch'ufa keesa gargari isani firfirse, aka fiigi keesani nama tatake tahu. Achiti isani waaqoota heddu harki namaa mid'aase, waaqa mukhatifi ka d'akha, ka wo arge yokhaani ind'ageenne ka wo nyaate yokhaani insuumne kad'attani hojattani. Achiti isani AABBO Waaqa keesani barbaaddani duuba yo isani garaa tokooni barbaaddani, inuma gartani. Yo wonti hedduuni isaniti buute, gaargali isani qabate, isani eege AABBO Waaqa keesaniti deebitani d'ugeefatani. Inni Waaqa naasuti, isani lakise imballeesu, ammalle wold'aqisa inni abbooti teesani woliini tolfate kaani inded'u. Waan dabre, ka gaafa isani ind'alatini, ka haga gaafa Waaqi nama lafati uume asi, lafa ch'ufa ke yaa, barbaada, laala. Wonti guddooni akana taka yayu taate? Nami tokoleeni taka waan akana kana yayu d'agaye? Nami tokoleeni, ka Waaqa ibida keesa dubbate, aka isani d'ageetani kana d'agaye lubbu bulle injira? Waaqi tokoleeni, ka taka deeme nama lafa d'ibi keesaa fuud'e nama ufii tolfate, aka AABBO Waaqi keesani isani lafa Misiri keesaa fuud'e injira? Ila teesani durati inni irre isaatiifi jabeenna isaatini gaargala lolaatiini d'ufe, waan taka nami arge ind'agayinifi waan mama tolche, waan nama sodaachisa heddu tolche. Wonti AABBO Waaqi waan kana ch'ufa isani garsiisefi, aka, isa male, waaqi d'ibiini injirre, isani garsiisa. Inni qonqo isaa gubbaa isani d'ageesise, aka akasiini woi isaniti himu, lafa tana iraleti ibida isaa qulqullo isani garsiise ammalle ibida suni keesaa isaniini dubbate. Waan ababoota teesani jaalateefi inni isani fohate jabeenna isa guddaani lafa Misiri keesaa isani baase. Ato isani ga d'uftanu inni gosa jabdu irre qabdu taani jabeenna isaatini lafa tana keesaa isani duraa gusse, lafa isaani arrale teetani tana. Tanaafi arra inded'ina qaabad'a AABBO Waaqi Waaqa gubbatiifi lafale, isa male kad'ibini injiru. Aadaafi seera isaa, ka anini arra isanii kenne kana ch'ufa d'ugeefad'a, duuba isanifi ilmaani teesanileeni nagayaani teetani. Ammalle isani lafa AABBO Waaqi keesani isani kennu tana haga jiru jireenna keesa teetani. Jennaani Musani dira sadi ka Yordanini ilaboru kobaa baase, aka nami nama nyaapa isaa intahini danu ijeese iti baqate nagayaani achi tau. Nami sunini dandae dira kana tokoti baaqata, aka inijeemne. Gosa Reubeni, dira Bizeri ka gooro lafa aloo gubba jiru, kennaniifi; gosa Gadi, dira Ramothi, ka lafa Gileadi keesa jiru, kennaniifi gosa Manasele, dira Golani, ka lafa Bashani keesa jiru, kennaniifi. Musani Seera Waaqatifi barsiisa isaa gumi Israeliti kenne. Worri lafa isatifi lafa Ogu, hayyu Bashani, ka gosa Amori ta Yordanini ilaboru jirtu fud'ate. Lafti tunini haga dira Aroeri, ka afaani galaana Arnoni iraa baate, mirga, gaara Sirioni ka maqaani d'ibiini Amoriti ejite. Ammalle lafti galaana Yordanitini ilaboru haga bitaa galaana sooda, ammalle ilaboru gula, haga hunda gaara Pisga ch'ufti, lafa sunini takaa. Musani gosa Israeli ch'ufa wolti yaame waan jed'eeni, gosa Israeli, Seera anini arra isani kennu ch'ufa d'agaya, barad'a, aka dansaa jabeesa, guuta. Gaara Sinai irati AABBO Waaqi kenna wold'aqisa, ababoota teenna ch'allaniti, nuu ch'ufa ka haga arrale jiru woliini tolfate. Achi gaara irati AABBO Waaqi akuma isani isa agartani ibida keesaa isaniini dubbate. Anini gaafasi jiddu teesanifi ta AABBO Waaqa eje, aka waan inni jed'u isaniti himu, waan isani ibida sodaatani gaara olkoru diddanifi. AABBO Waaqi waan jed'e, Anini AABBO Waaqa kanke ka lafa Misiri fulla atini tisse iti taate keesaa si baase. Na male waan d'ibi inkad'atiini. Akheekha waan tokole, ka lafafi gubbaafi, bisaani lafa jala jirale boch'ite imid'afatiini. Waan boch'ani mid'aasani kana tokole dura gajette inkad'atiini: wonti akanatiifi Anini, AABBO Waaqi kanke, waan d'ibi na biraani kad'attani inoobsu. Anini ammalle nama na jibbufi d'aloota worra ka sadeesotifi ka afreesole gaargala itiini d'ufa. Ammo anini d'aloota kunki kunki ka na jaalate seera kiyya guutu jaalad'e nahaafi. Maqa kiyya ufuma waan d'araatiini ind'aini, wonti akanatiifi anini, AABBO Waaqi kanke, nama ufuma waan d'araatifi maqa kiyya d'au wollaala, iti mura. Guyya Sabato qaabad'u, qulqullo tolfad'u. Akuma anini AABBO Waaqi kanke siini jed'e, Guyya jaa huji tante ch'ufa tolfad'u, ammo guyyaani torbeeso guyya Sabato, ka AABBO Waaqa kanketiti, guyya kana huji inhojatiini, si taanaani, ijoolle tante taanaani, tissele tante taanaani hori kanke taanaani yokhaani keessuma tantele taanaani, guyya suni ha oolaani, tisseeni teetileeni akuma atini ooltu ha ooltuti. Qaabad'i, aka atini duri lafa Misiri keesati tisse taate ammalle anini AABBO Waaqi kanke jabeenna kiyyafi humna tiyyaani si baase. Tanaafi anini guyya Sabato jabeesi siini jed'a. Abbeetifi haateti saalfad'u, aka anini AABBO Waaqi, kanke sini jed'u, aka atini lafa AABBO Waaqi sii kenne tana keesa nagayaani teete, lubbuuni tetileeni d'eerattu. Nama inijeesiini. D'iirafi nad'eeni wolbaratte gaarayule wolintolfatiini. Woma inhatiini. Nama tokole yakite, waan d'araatiini inhimatini. Waan nami d'ibiini qabu niiti isaa taanaani mana isaa taanaani oobru isaa taanaani tisse isaa taanaani looni isaa taanaani yokhaani harreleefi waan inni qabu tokole ind'arainiifi. Tunini seera AABBO Waaqi gaafa isani fulla gaarati wolti baatani isanii kenne. Gaafa inni qonqo jabduuni ibidaafi, dumansa guddafi dukana guddo keesa isaniini dubbate, inni seera kana isanii kenne kad'ibiniti. Duuba inni seera kana d'akha hahafalicha lamaani irati t'aafe nati kenne. Ammalle gaafa isani qonqo dukana keesa d'ageetani, ka gaara suni ibidi ira bobau, isani nami gugurdaani mata gosa teesani d'uftani nati d'iaattani waan jettani, me ilaala, AABBO Waaqi keenna ya guddinnaafi jabeenna ufi nu agarsiise, qonqo isale ya ibida keesaa d'ageenne: Nu arra Waaqa namaani dubbate nami ira hafe jiraate la agarre. Duuba amma nu maafi doona? Ibida jabaani kunini nu balleesa. Yo nu qonqo AABBO Waaqa keenna maro d'ibi d'ageenne, nu indoona. Nami lubbu qabu tokoleeni ka eegi Waaqa jireenna ka ibida keesaa dubbate d'agaye jiraate injira? Musa, atini beeni deebii waan AABBO Waaqi keenna siini jed'u ch'ufa ch'aqasi. Duuba waan inni siini jed'e deebii nuti himi. Nu duuba ch'aqamne guunna. AABBO Waaqi dubbi taana d'agaye, jennaani waan naani jed'e, Anini waan worri kunini jed'e ya d'agaye, wonti worri jed'e ch'ufti d'uga. Ato sila worri yo ch'ufa akana arge! Ato sila worri naa saalfate, seera kiyya ch'ufa jabeese guute, wonti ch'ufti worraafi ilmaani isaanile haga jiru jireenna nagaya taati. Beeni, waaro teesaniti dachaa jed'iini. Ammo atini, Musa, arma na woliini tai, duuba anini aadaafi seera kiyya ch'ufa sii kenna. Biyya barsiisi, aka worri lafa amma anini kennuufi tana keesati jabeese guutu. Worra Israeli eegad'a, aka waan ch'ufa ka AABBO Waaqi keesani isaniini jed'e kana tolchitani. Aada isaa tokole indidina ch'ufa guuta, aka wonti ch'ufa nagaya isanii taate, isani lafa amma iti qubachu geetani tana keesa teetani. Tunini aadaafi seera AABBO Waaqi keesani worra kana barsiisi, gorsi naani jed'e. Lafa isani amma tana fud'atani iti qubachuu geettani tana keesati jabeesa guuta. Haga jirtani isanifi ilmaani teesanifi d'alooti keesanileeni ch'ufti. AABBO Waaqa keesani guddiftani aadaafi, seera isaa, ka anini isanii kennu kana, guutuu maltani, aka lubbuuni teesani lafa suni irati d'eerattu. Tanaafi isani worri Israeli seera kana d'agaya, guuta! Yo akasi taatani, wonti ch'ufti isaanii tolte nagaya isanii taati, duuba isani lafa aananifi dammi, aka lola yau keesati hortani daraartani, akuma AABBO Waaqi, Waaqi abbooti teesani isaniti kakhate kaani. Ee Israeli, d'agaya! AABBO Waaqa keenna male waaqi d'ibiini injiru. AABBO Waaqa keesani garaafi onne teesani ch'ufaani aka jaba jaalad'a. Dubbini anini arra isaniini jed'e tunini garaa keesani keesaa imbahini. Ilmaani teesani aka dansaa dubbi tana barsiisa. Worra keesa taanaani, ala taanaani, yo raftanifi yo kaatanile qaabsisa. Aka beesisa harkaafi addaleti hid'ad'a. Mikhikha balbalaa manatifi ka fullole irati t'aafa. Akuma AABBO Waaqi keesani ababoota teesani Abrahamufi Isaaqofi Yakobooti kakhate, akuma suni inni lafa dira gugurda dadansa, ka isani iniijaariini, isanii kenna. Maneeni dira suni waan dadansa isani keesa inaqiiniini guutamte, ammalle arti, eellani isaani inqotiinifi mukha zabibutifi ka ejersa ka isaani inoobriniti jira. Hojja AABBO Waaqi lafa taanatiini isaani d'ufe waan feetani ch'ufa nyaattani quuftani, eegad'a aka AABBO Waaqa, ka lafa Misiri fulla isani tisse iti tatani, keesa isaani baase, indeene. AABBO Waaqa keesani sodaad'a isa ch'alla hojad'a, maqa isaa ch'allaani kakhad'a. Waaqoota d'ibi, worra d'aatu teesani jiru, gula iyyaaiina. Yo gula yaatani AABBO Waaqi aka jaba isaniti dallane, d'ufe isani gube lafa ira isani balleesa; wonti akanatiifi AABBO Waaqa keesani, ka isani woliini jiru kunini, nama isa biraani Waaqa d'ibi kad'atu inoobsu. Akuma gaafa lafa Massati kaani taatani, AABBO Waaqa keesani inilaalatina. Aadaafi seerafi dubbi inni isani barsiisele jabeesa guuta. Waan dansaafi qajeeltu AABBO Waaqi tolcha jed'u, tolcha, duuba wonti ch'ufti isanii tolti. Ammalle lafa gabbo AABBO Waaqi ababoota teesani kakhate dandeetani fud'atani iti qubattani, nyaapa keesanile akuma inni khakhate ufi duraa baaftani. Yo taka tana ijoolleeni teesani isani gaafate, maanifi AABBO Waaqi keenna seera kana ch'ufa guuta nuni jed'e? jette. Waan isani jettaniini, Nu duri lafa Misiri keesati tisse Faraoti, jennaani AABBO Waaqi jabeenna isaa guddaani lafa suni keesaa nu baase. Nu iluma teennaani waan mamatiifi waan nama sodaachisa ka inni worra Misiritiifi Faraofi worra isaa ch'ufati tolche, argine. Inni lafa suni keesaa nu baase, armaani nu d'ufe, lafa tana nuu kenne, akuma inni ababoota teennati khakhate. Jennaani AABBO Waaqi keenna seera kana ch'ufa guuta na sodaad'a jed'e nu barsiise. Yo akasi taane, inni nu tisse, nu qorqorate, badi nu d'owe nu duroomsa. Guddo ira nuu jirti, yo nu waan Waaqi jed'e kana aka dansaa garaa tokooni jabeesine guunne; innileeni nuraa gammada. Hojja AABBO Waaqi keesani lafa isani fud'attani iti qubachu geetani tanaani isani d'ufe, inni gosa lafa suni keesa jirtu isani duraa baasa. Inni gosa torba gugurdo ta gosa teesani ira jirtuufi ta ammalle irre isani ira qabdu isani duraa baasa: gosa Hiti ta Girgashi ta Amori, ta Kanaani ta Perizi, ta Hivi ammalle ta Yebusi. Ammalle hojja AABBO Waaqi keesani worra kana harka keesaniti kenne isani worra dabsattani. Worra ch'ufa haguma worri gahunu balleesuu maltani. Wold'at'ani golli woli intahina, diqole worraa innahina. Woli infuud'ina, ilmaani teesani dubra worraa infuud'iini, ilmaani worraleeni dubra teesani infuud'iini; wonti akanatiifi yo akasi taatani worri ilmaani teesani AABBO Waaqa iraa gorse waaqa d'ibi kad'achiisa. Yo wonti sunini taate, AABBO Waaqi isaniti dallane maro tokotu isaani balleesa. Duuba waan isani taatani, fulla worra ta woyyu ch'ufa balleesa, d'akha woyyu ka worri old'ad'aabe ch'ufa ch'ach'absa, akheekha waaqa worra ka Asheri jed'ani ch'iraa balleesa, waan worri boch'e aka waaqa yaamatu ch'ufa gubba balleesa. Wonti isani akasi tahu maltanifi waan isani worra qulqullo AABBO Waaqa keesaniitifi. Gosa lafa ch'ufa keesa jirtu keesaa AABBO Waaqi isani fohate, gumi ufi isani tolfate. Waan isani heddatani gosa d'ibi ira jiraattanifi AABBO Waaqi isani jaalate isani infohanne; isani qarale gosa ch'ufa ira diqo. Ammo AABBO Waaqi isani jaalate kakhu inni ababoota teesani kakhate guute. Tanaafi inni jabeenna isaa guddaani isani baase, harka Farao, hayyu Misiri, ka isani tisse isaa taatani keesaa isani baase. Beekha, AABBO Waaqa keesani ch'allati Waaqa, ka dubbi ufi guutu. Inni wold'aqisa ufi guute, jaalala ufile d'aloota kunki ka nama isaa jaalate seera isaa guutu agarsiisa; ammo nama isaa jibbu maruma tokotu balleesa. Duuba tanaafi waan isani barsiisani kana guuta, gula yaa: aadaafi seera anini arra, isanii kenne kana jabeesa guuta. Yo isani dubbi tana ch'aqaftani garaa tokooni gula deemtani, AABBO Waaqi keesani wold'aqisa isani wold'at'ani kana guute jaalala ufii isani garsiisa, akuma inni ababoota teesaniti kakhate. Inni isani jaalate isani eebisa, aka isani daraartani ilmaani heddu d'alttani; inni oobru teesani eebise, duuba isani mid'aani, daad'i, d'ad'ale keesa argattani ammalle inni isani eebise loonifi reele horattani. inni waan kana ch'ufa lafa inni ababoota teesani kakhate keesati isanii kenna. Gochiti tokoleeni ta aka keesani eeba akana tana argatu injirtu. Isani keesa nami namafi horiini isa maseenu injiru. AABBO Waaqi fayyad'aba ch'ufa isani iraa d'owa. D'ukubi hamaani isani lafa Misiri keesati argattani kaani deebie isanitini ind'ufu, ammo nyaapa keesani ch'ufa itiini d'ufa. Gosa ch'ufa ka AABBO Waaqi keesani harka keesaniti kennu balleesa diqole inahiinaafi. Waaqa worraa inkad'atiina, yo kad'attani ya t'urura keesa buutani. Isani hegeri, gochiti tunini nura guddo, nu akami dandeenne lafa tana keesa baamna? injed'ina. Insodaatina; waan AABBO Waaqi keesani Faraofi worra Misiri ch'ufa tolche qaabad'a. Gaargala hama isani ila teesaniini gartanifi waan jabdu ka mamatiifi irreefi harka jaba AABBO Waaqi isaaniini baase qaabad'a. Akuma inni worra Misiri gaafasi balleese, akasuma worra isani sodaattani kana ch'ufale balleesa. Inni worra mudamsiise, worra baqate d'okhatule balleesa. Tanaafi worra kana insodaatina. AABBO Waaqi keesani isani woliini jira; inninu Waaqa gudda ka sodaatani. Tokuma tokooni gosa tana ch'ufa, ato isani d'uftanu, isani duraa balleesa. Dandeetani maruma tokooni imballeesitani, wonti akanatiifi, yo isani akana tolchitani, bineensi ala lafa ira dabre isani dabsatafa. AABBO Waaqi keesani worra harka keesaniti kenne, haga worri badduti, worra mudamsiisa. Inni hayyoota worra harka keesaniti kenne, isaani worra ijeeftani, maqa worra lafa keesaa balleesitani. Nami tokoleeni dandae isani ind'owu, haga isani worra ch'ufa balleesitaniti. Waan worri boch'e aka waaqa kad'atu ch'ufa guba balleesa. Qarsifi worqi waan suniti jirtu d'araatani infud'atina. Yo akasi taatani ya t'urura keesa ufi buuftani wonti akanatiifi wonti suni waan AABBO Waaqi guddo jibbu. Waan Waaqi jibbu kana tokole mana keesani keesa inkayina: hegeri abaarsi waan suni isaniti deebia. Waan aka waaqa kad'attani kana ch'ufa jibba, tufad'a, wonti akanatiifi AABBO Waaqi ya waan suni ch'ufa abaare. Seera anini arra isani kenne kana jabeesa guuta, aka isani jiraattani, hortani lafa AABBO Waaqi ababoota teesani kakhate fud'attani. Aka AABBO Waaqi keesani ganna afurtama kana, lafa aloo ta gamooji tana keesa isaaniini deeme, qaabad'a; inni aka isani ilaalatu gaargala isaniti erge, aka waan garaa keesani keesa jirafi aka isani seera isaa guuttani beekhu. Inni sagale isani d'owe isani agabse, eege sagale manna jed'ani ta taka isanifi abbootini teesani inyaatini isanii kenne. Wonti inni akasi tolcheefi aka nami qit'a ch'allaani injiranne ammo dubbi afaani AABBO Waaqa keesa baatuni jiraatu isani barsiisu fed'a. Ganna afurtama suni keesa woyaani teesani taka jaarte inch'ich'inne, yokhaani miili keesanileeni taka inuranne. Garaa keesani keesa beekha, akuma abbaani ilma ufi ka jallatu d'aane qajeelchu AABBO Waaqileeni akasuma d'aane isani qajeelcha. Tanaafi akuma AABBO Waaqi isaniini jed'e tolcha: aada isaa gula fidama, isa sodaad'a. AABBO Waaqi keesani lafa gabbotini isani d'ufa — lafa galaanafi maddaafi bisaani lafa jala oliyaani, baleefi gaareeniti baafatani, qabdu; lafa dargaye, garbu, zabibu, oda, okhoku, ejersafi damma qabdu. Achiti isani imbeeloftani, yokhaani womafu ingaabitani. Lafa suni d'akhayeeni isii sibiila baafte, gaareeni isiile keesa sibiila diima qotani. Isani nyaattani quuftani, maro lafa gabbo inni isanii kenneefi AABBO Waaqa keesani galata deebiftani. Eegad'a, aka AABBO Waaqa keesani indeene; seerafi aada isaa ta anini ara isanii kenne tana guutu illakisina. Hojja nyaatani quuftani maneeni dadansa jaarratani keesa teetani, ka loonifi reeni teesanifi qarsifi worqi teesanifi wonti isani qabdani ch'ufti lafa ira dabarte. Eegad'a aka kiyyibdani ufi saaddani, AABBO Waaqa keesani ka lafa Misiri, ta tisse iti taatani, keesa isani baase indeene. Inni lafa aloo ta gamooji ballo hamtu, fulla bofi had'aa qabuufi qaanjibbuni jirtu keesa isaniini deeme. Lafa goddu d'eebicha ta bisaani inqamne suni keesa inni ch'alalaqa d'akha keesaa bisaani isanii yaase. Lafa gamooji ta aloo suni keesati sagale manna jed'ani, ta ababooti teesani taka inyaatini, isanii kenne. Inni aka isani ilaalatu gaargala isaniti buuse, aka eegi tana isani eebise, waan dansa isaanii kennu. Eegad'a, aka garaa keesa, Nu irre teennafi jabeenna keennaani duuroomne injenne. Qaabad'a, nami irre duroomtanini isanii kennu AABBO Waaqa keesani. Wonti inni akasi tolchufi, waan inni wold'aqisa inni ababoota teesani woliini tolfate, haga arrale gula deemuufi. Deebitani AABBO Waaqa keesani inded'ina, yokhaani Waaqa d'ibiti garagaltani kad'attani inhojatina. Yo isani akasi taatani, anini arra Inuma dootani jed'e isani gorsa. Yo isani AABBO Waaqa d'agayu diddani, akuma gosa taani ta inni isani dura balleese isanile balleesa. Worra Israeli d'agaya! Isani arra galaana Yordani taakitani lafa gosa isani ira guddotifi isani ira jajabdu fud'achu d'at'ani. Diri worraa gudda, old'eeresani, d'akhaani marsani jaarani. Nami worraleeni jajaba d'ed'eera, ilmaani Anaki, ka, aka isani d'ageetani, nami tokoleeni dandae worra dura inejine. Ammo amma tana beekha, nami isani dura deeme aka ibida woi gubu AABBO Waaqa keesani. Inni isani dura deeme, worra dabsate balleesa, duuba isani worra gussitani, akuma inni kakhate, yoosu balleesitani. Eegi AABBO Waaqi keesani worra isani duraa gusse, garaa keesani keesati maruma dansuma teennatifi AABBO Waaqi lafa tanaani nu d'ufe, fud'ad'a nuni jed'e injed'ina. Wonti akanatiifi AABBO Waaqi maro hameenna worra kanatifi worra isani duraa gussa. Maro dansumafi qajeeluma teesanitifi AABBO Waaqi lafa suni isanii inkennu, ammo maro hameenna worraatifi maro inni kakhu duri ababoota teesani Abrahamufi. Isaaqofi Yakobooti kakhate guutu fed'uufi, inni worra lafa keesaa isaani duraa gussa. Tanaafi beekha, AABBO Waaqi lafa gabbo tana maro dansuma teesanitifi isani kennuti injiru. Isani worra mata jajabaati. Deebitani inded'ina, aka isani AABBO Waaqa keesani lafa aloo ta gamooji keesati dallansiiftani. Haguma gaafa duri lafa Misiriti kaatani armaani baatani isani dubbi isaa diddani. Gaafa fulla gaara Sinai jirtanile isani AABBO Waaqa dallansiiftani, inni isani hobaasu gahe. Anini gaara kore d'akha hahafalicha ka wold'aqisa AABBO Waaqi isani woliini tolfate fuud'uu d'aqe, gaafasi anini guyya afurtamatiifi halkani afurtama achi tae, ka woma tokole nyaad'e ind'ugini. Jennaani AABBO Waaqi d'akha hahafalicha lamaani inni harka ufiitini dubbi inni ibida keesa, guyya isani fulla gaarati woli woldeetani jed'e, irati t'aafe. Ammalle eegi guyya afurtamatiifi bulti afurtama suni AABBO waaqi d'akha hahafalicha lamaani kaani, ka wold'aqisa irati t'aafani, naa kenne. Jennaani AABBO Waaqi waan naani jed'e, Beeni, hurrisi gadibui; wonti akanatiifi worri kanke, ka atini lafa Misiri keesaa d'ufteeni, ya hammate waan daba tolche. Worri arra kale dubbi anini jed'eeni taani iraa deebie, sibiila basse mid'aase, aka waaqa inkad'atiini. AABBO Waaqi ammalle waan nani jed'e, Anini worra kana yayu arge aka mataani worraa jajaba. Na lakisi, aka anini maqa worra balleese, nami deebie inqaabanne. Duuba anini si fuud'e, abba gosa guddo worra ira jabduu si tolcha. Jennaani anini ka d'akha hahafalicha lamaani kaani ka wold'aqisa irati t'aafani harkaa qabu gargale, gaara iraa gabue. Hojja suni gaari sunini gubachu jira. Anini aka isani seera AABBO Waaqi keesani isanii kenne ch'absitani, Waaqa sibiila ka aka korma looni mid'aafattani akasiini Waaqa keesaniti daba tolchitani, arge. Duuba anini d'akha hahafalicha kaani lamaani fuud'e, isani durati lafaani d'ae ch'ach'abse. Jennaani anini lafa d'ae guyya afurtamatiifi halkani afurtama, AABBO Waaqa dura, ka woma nyaad'e ind'ugini ch'iise. Wonti anini akasi taheefi, waan isani AABBO Waaqati daba tolchitani isaa dallansiiftanifi. Anini dallansu hamtu AABBO Waaqaa, ka inni diquma isani imballeesini guddo sodaad'e, ammo AABBO Waaqi ammalle na d'agaye. AABBO Waaqi Harunileti dallane, diquma isa imballeesini, tanaafi anini yoomi suni Harunilee kad'ad'e. Anini waan daba suni ka isani mid'aasitani — korma sibiila kaani — fuud'e, ibida keesa buuse, ch'ach'abse, bulleese d'uke tolche, d'uke suni bisaani gaara ira yaati jisse. Ammalle isani Taberafi Masafi Kibroth-Hataavaleti AABBO Waaqa dallansiiftani. Gaafa inni Kadesh-Barnea isani godaansise, Beena, lafa anini isani kenne fud'ad'a isaniini jed'e, isani isa ch'aqasu diddani d'ugefachule diddani ammalle saalfachuufi diddani. Haguma anini isani arge isani dubbi AABBO Waaqa diddani. Tanaafi anini lafa d'ae, AABBO Waaqa dura guyya afurtamatiifi halkani afurtama ch'iise; wonti akanatiifi anini yayu aka inni isani balleesu fed'u arge. Duuba anini waan jed'e, Ee AABBO Waaqa gudda, gumi taante tana, ta atini jabeenna harka keetitiini fuute, lafa Misiri keesaa baafte, imballeesini. Hojattu tante Abrahamufi, Isaaqofi Yakobo qaabad'u: mata jabeennaafi hameennaafi ch'ubbu worra kana ilaalte gula indeemini. Yo hegeri atini akasi taate, worri Misiri waan jed'u me ilaala, AABBO Waaqi lafa inni worra kakhate geesu dad'abe worra jibbe amatana lafa aloo tanatini d'ufe hobaasu fed'a. Ammo taatule worri kunini worra atini fohate gumi tante tolfate lafa Misiri jabeennaafi irre tanteetiini keesa baafte. Jennaani AABBO Waaqi waan naani jed'e, D'akha hahafalicha lamaani aka ka qara kaani boch'i sanduqa keesa nat'ule mukhaani mid'aasiifi, gaara gubbati natiini kooti, anini dubbuma d'akha hahafalicha atini ch'absite ka qara kaani irati t'aafe kanale irati t'aafa; duuba atini maro tana sanduqa keesa kayu malte. Jennaani anini sanduqa mukha d'adachatiini mid'aase, d'akha hahafalicha lama, ka akuma d'akha qara kaani jiru boch'e, gaarani kore. Jennaani AABBO Waaqi d'akha hahafalicha kaani irati dubbuma duri inni d'akha qara kaani irati t'aafe, Seera kud'annaani ka inni gaafa ibida keesa isaniini dubbate, guyya isani fulla gaarati woltibaatani isani kenne, irati t'aafe. AABBO Waaqi d'akha hahafalicha suni naa kenne, anini gargale gaara iraa gabue. Jennaani akuma AABBO Waaqi naani jed'e, sanduqa anini mid'aase kaani keesa kaye arti asile artuma keesa jira. Worri Israeli eellani worra Yakaniiti godaane Moserani bahe, artiti Harunini due, awaalani, jennaani ilmi isaa Eleazarini huji qaalluma iraa fuud'e. Artilee kaani Gudgoda qubatani achii kaani Yorbatha lafa madda guddo qabdu qubatani. Gaafasi AABBO Waaqi worra gosa Lawi fohate, aka worri Sanduqa Wold'aqisa baate, huji qaallu isaa hojatte maqa isaatini namaa eebisu. Arrale hujiini worraa sunuma. Wonti gochiti Lawi qooda lafa aka gosa taani, inargatiinifi waan kana: Akuma AABBO Waaqi worraa kakhate, qoodi worraa huji qaallu. Anini akuma gaafa qara kaani guyyaafi halkani afurtama gaara ira tae. AABBO Waaqi ammalle na ch'aqase, badi qara isani balleesu fed'e lakise. Jennaani AABBO Waaqi waan nami jed'e, Beeni, worra kana dura deemi, aka worri lafa anini ababoota worraati kenne fud'atu. Amma worra Israeli AABBO Waaqi maani isani iraa fed'a? Wonti inni isani iraa fed'u, aka isani AABBO Waaqa keesani sodaatani, kara isaa ch'ufa gula yaatani, isa jaalatani, AABBO Waaqa keesani garaafi onne teesani ch'ufaani hojattani, ammalle aadaafi seera, ka anini AABBO Waaqi ara isanii kenne, guutani akanaani eeba argattani. Gubbaleeni haguma geetunu ta AABBO Waaqa keesaniti: lafafi wonti isii keesa jiraleeni ch'ufti ka isaati, Ammo jaalalti AABBO Waaqa, ta inni ababoota teesani jaalate, guddo jabdu, tanaafi inni gosa d'ibi keesaa isani fohate haga arrale gumi ufi isani tolfate. Tanaafi deebitani mata injabaatiina armaa achi AABBO Waaqa d'agaya. AABBO Waaqi keesani Waaqa Waaqa ch'ufa ira jirufi jabeenna, jabeenna ch'ufa ira jiru. Inni gudda jaba ka nami sodaatu: ka nama gargari infillee yokhaani ka gumbo inyaanne. Inni haad'a hiyyeesatifi hiyyeeyile qorqorate dubbataafi: Inni keessuma teennale jaalate beelafi daara baasa. Tanaafi keessuma jaalad'a, isanileeni duri lafa Misiriti keessuma. AABBO Waaqa keesani sodaad'a, isuma ch'alla kad'ad'a. Isa biraa indeemina, maqa isaa ch'allaani kakhad'a. Isaa faarsa, inni Waaqa keesani, isanileeni waan mama jabdu inni isani tolche ya iluma teesaniini agartani. Gaafa ababooti teesani lafa Misiriti godaante, worri nama torbatama ch'alla, ammo amma AABBO Waaqi keesaani ya isani daraarse, aka urji garaa waaqa isani tolche. AABBO Waaqa keesani jaalad'a, guyya ch'ufa dubbifi gorsaafi aadaafi seera isaa guuta. Guyya kana waan AABBO Waaqa ka isani barattani qaabad'a nami waan suni barate ilmaani teesaniniti, isanuma isani guddinnaafi jabeennaafi irreefi waan mama ka inni tolche ya agartani waan inni hayyu Misiritiifi lafa isaa ch'ufa tolche ya agartani. Ammalle aka AABBO Waaqi askarti Misiri ch'ufa, fardooleefi gaari fardi hirkisule Galaana Diima keesati hobaase gaafa worri isani reebe, la agartani. Ammalle waan inni lafa aloo ta gamooji taaniti ka isani arma ind'ufini, isanii tolche imbeetani. Ammalle waan inni Dathanifi Abiramu, ilmaani Eliabu, ka gosa Reubeni tolche, inqaabattani. Nama ch'ufa durati aka lafti ch'iiteeni worraafi waarofi waan lubbu qaba, ka worri qabu ch'ufa, liqimsite. Nami gaafasi waan jabdu AABBO Waaqi tolche suni arge isanumaaniti? Seera anini, ara isanii kenne kana ch'ufa guuta. Yo akasi taatani, dandeetani galaana taakitani lafa, amma iti qubachu geetani tana fud'atani. Duuba ganna heddu lafa aananifi dammi aka lola yau keesa teetani lafa AABBO Waaqi ababoota teesanifi ilmaani isaaniti kakhate. Lafti isani amma iti qubachu geetani suni, lafa Misiri ta qara isani keesa teetanini woliinfakaatu. Lafa suniti duri hojja mid'aani oobrattani isani huji jabdu lafa fafalansani bisaani oobrutini naqani hojattani; ammo lafti isani amma iti qubachu geetani tunini lafa gaareenifi bale isi Waaqi bokaya iti buuse. AABBO Waaqi keesani lafa tana qorqorate, gannaafi hagayya ch'ufa tissa. Hojja isaani seera anini arra isani kennu kana guutani, AABBO Waaqa keesaani jaalattani, garaafi onne teesani ch'ufaani isaa hojattani; inni hojja wogaani bokaya geetu, hagayyafi gannale isani roobe isani mid'aanifi daad'ifi d'ad'ale argattani, horiini keesaanileeni marra argate, isanileeni nyaattani quuftani. Eegad'a, sobamtani, AABBO Waaqa keesani ira gortani, waaqa d'ibi inkad'atiina. Yo isani akasi taatani, AABBO Waaqi isaniti dallane bokaya roobu dide lafti teesani aka male godde woma baasu dad'abdi! Duuba isani achiti hurre dootani, ato lafti inni isanii kenne sunini dansa taatele. Tanaafi dubbi tiyya tana garaafi onne teesani keesa keeyad'a aka beesisa harkaafi addaleti hid'ad'a. Ilmaani teesanile barsiisa worra keesa taanaani ala taanaani, hojja raftanifi hojja kaatanile taanaani, qaabsisa. Mikhikila balbala manatifi ka fullole irati t'aafa. Duuba isanifi ilmaani teesanileeni lafa AABBO Waaqi ababoota teesani kakhate keesati lubbuuni bultani. Haga lafafi gubbaani, jirtu isani achi teetani. Garaa tokooni seera anini isanii kenne ch'ufa guuta: AABBO Waaqa keesani jaalad'a, waan inni taha jed'e ch'ufa tolcha, isa biraa indeemina. Duuba inni gosa taani ch'ufa isani dura gusse; isani lafa gosa isani ira guddo ta ammalle isani ira jabdu, fud'attani iti qubattani. Fullaani miili keesani bahu ch'ufti teesani taati. Lafti teesani haguma lafa aloo ta gamooji bitaa ejite haga gaareeni Lebanoniti ejiti, ammalle galaana Frati ilaboruti ejite Baariini Gudda ila adu jiruti ejiti. Lafa suni keesa fulla isani baatani ch'ufa AABBO Waaqi keesani biyya ch'ufa isani sodaachisa, akuma inni kakhate, nami tokoleeni dandae isani dura ineju. Arraa anini eebaafi abaarsa isani dura kaya, toko gula baha: Yo isani seera AABBO Waaqa keesani ka anini arra isanii keennu guutani, eeba argattani; ammo yo seera kana guutu diddani iraa gortani, waaqa d'ibi ka taka inkad'atiini kad'attani, abaarsa argattani. Hojja AABBO Waaqi lafa isani fud'attani iti qubachu geetanini isani gahe, gaara Gerizimu irati wo eebiftani ammalle gaara Ebali irati wo abaartani. Gaareeni lamaani sunini galaana Yordani, gama suni, kara lafa gosa Kanaani ka lafa Araba keesa tau, d'aatu dira Gilgali, fulla mukha gudda woyyu ka more, gama ila adu injirtu? Isani amma yayu galaana Yordani taaku geetani, aka lafa AABBO Waaqi keesani isanii kennu fud'attani iti qubattani. Hojja fud'attani iti qubattani, seera anini ara isanii kennu kana ch'ufa jabeesa guuta. Tunini aadaafi seera, ta isani haga lafa AABBO Waaqi ababoota teesaniini isanii kennu keesa teetani, guutu maltani. Seera kana ch'aqasa! Lafa isani fud'attani suni keesati, fulla worri lafa suni waaqa worraa iti kad'atu ch'ufa, gaara d'ed'eerafi kubile gubba taanaani, mukeeni dodoti jala taanaani, balleesa. Fulla worra ta woyyu ch'ufa balleesa, d'akha woyyu, aka worri old'ad'aabe ch'ufa, ch'ach'absa. Akheekha waaqa worra ka Ashera jed'ani gubaa waan worri boch'e aka waaqa kad'atu gargari ch'ira, aka deebiani fulla suniti inkad'anne. Kara worri waaqa ufiitini kad'atu, isani AABBO Waaqa keesani inkad'atiina. Lafa gosa teesani ch'ufa keesaa, AABBO Waaqi fulla toko, ta gumiini isa dura d'ufte isa kad'atu, fohata. Achiti isani sorio teesani ta gubanifi sorio d'ibile ammalle qooda Waaqaa baaftanifi waan d'ibi isaa baaftanile, waan isani kakhatani Waaqa baaftanifi waan fed'i gula waaqa baaftanile waan loonifi reeni teesani goroomuma d'altu Waaqaa baasa. Achiti, AABBO Waaqa keesani ka isani eebise durati, isanifi worri keesani sagale nyaattani waan dansa isani hojattani iraa gammaddani. Hojja guyyaani suni gahe, aka amma tolchitani kana tolchu himmalle. Haga ara isaniini ch'ufti waan feetani tolchitani; wonti akanatiifi isani qara lafa AABBO Waaqi keesani isanii kennu ta isani nagayaani keesa teetani, ingeenne. Hojja galaana Yordani taakitani AABBO Waaqi lafa suni isani kenne isani keesa teetani. Inni nyaapa keesani ch'ufa isani iraa d'owe, isani nagayaani teetani. AABBO Waaqa fulla toko ch'alla ta iti kad'atani fohata, achiti waan anini kootani isaaniini jed'e, d'ufuuni maltani: sorio gubanifi sorio d'ibile, qooda Waaqa baasanifi waan d'ibi ka baasanile, ammalle waan isani Waaqa kennina jettani kakhatanile. Achiti isa durati, isanifi ilmaani teesanifi hojattu teesanifi worri Lawi ka dira keesani keesa tauleeni gammada; qaabad'a aka worri Lawi qooda lafa inqamne. Fulla feetaniti sorio teesani imbaasina. Fulla AABBO Waaqi, lafa gosa teesani toko keesaa fohatu, ch'allati baasa. Arti ch'allati sorio teesani ta gubani baaftani waan d'ibi ch'ufa ka anini isaniini jed'e tolchitani. Ammo fulla isani qubattani ch'ufati dandeetani hori keesani qalatani nyaattani. Hori haga AABBO Waaqi isanii kenne nyaad'a. Isaniini ch'ufti yo qulqullo taatanifi yo qulqullo intahinile dandeetani nyaatani akuma isani fooni hidditifi ka saala nyaattani. Ammo d'iiga isaani insooratina aka bisaani lafati jissa. Waan Waaqaa baaftani tokole fulla iti galtaniti inyaatina: qooda mid'aani taanaani, ka daad'i taanaani, ka d'ad'a taanaani, waan loonifi reeni teesani goroomuma d'alte taanaani, waan isani Waaqaa baamna jettani ka katanile taanaani, waan fed'iini baaftanile taanaani, yokhaani waan d'ibile, ka isani Waaqaa baaftani tokole insooratina. Isanifi ilmaani teesanifi hojattu teesanifi worri Lawi ka dira keesani keesa tauleeni waan Waaqaa baasani kana AABBO Waaqa keesani ch'alla durati soorad'a fulla kad'acha ta AABBO Waaqi keesani fohate suni ch'alla keesati soorad'a. Ammalle waan tolchitani ch'ufa ira gammadu maltani. Ammalle eegad'a aka haga lafa teesani keesa teetani worra Lawi indeene. Hojja AABBO Waaqi keesani akuma inni kakhate lafa teesani iti isanii dare ballise, fooni hojja feetani ch'ufa inyaattani. Yo fullaani AABBO Waaqi keesani fohate iti na kad'ad'a jed'e isani iraa guddo fago taate, hojja feetani dandeetani loonifi ree, ka AABBO Waaqi isanii kenne, qalattani worrati nyaatani, akuma anini isaniini jed'e kaani. Nami ch'ufti, qulqulloofi ka qulqullo intahinile dandae fooni suni nyaata, akuma inni fooni hidditifi ka saala nyaatu. Eegad'a, d'iiga ch'alla insooratina; wonti akanatiifi jireenni d'iiga keesa jira, tanaafi jireenna sunifi fooni ka woliini jira insooratina. D'iiga insooratina, ammo aka bisaani lafati jissa. Yo isani seera kana guutani, AABBO Waaqi gammade, wonti ch'ufti isanifi ilmaani teesani tolti. Ammo waan qulqullo ka baasu maltanifi waan isani, Imbaamna jettani kakhatani fuud'a, fulla AABBO Waaqi fohate geesa, fulla sorio AABBO Waaqaa irati baasaniti sorio gubani baasa. Ammalle d'iiga sorio fulla sorio irati baasani suniti jissa, ammo fooni isii nyaad'a. Dubbi anini isaniti hime tana ch'ufa jabeesa, aka wonti ch'ufti isanifi ilmaani teesani toltu haga jiru jireenna, yo akasi taatani isani waan dansa, ka d'uga fuula AABBO Waaqa keesani durati tolchitani. Akasiini isa gammachiiftani. Hojja AABBO Waaqi keesani gosa isani lafa iraa fud'attani, isaani duraa balleese isanileeni lafa ira fud'attani keesa teetani, ufi eegad'a aka finna worra gula yaatani t'urura keesa inseenne. Ammalle gochiti tunini akami waaqa worraa kad'ati? — nuleeni sila akasi kad'achu feena injed'ina. Aka worri waaqa worraa kad'atu AABBO Waaqa keesani inkad'atiina: Wonti akanatiifi worri hojja waaqa worra kad'atu, waan hamtu ch'ufa ka AABBO Waaqi jibbu tolcha. Worri hojja sorio waaqa worrati baasu ilmaani isaanile gube baasa. Waan anini isaniini tolcha jed'e ch'ufa tolcha: Waan tokole iti indarina, yokhaani inhanqisiina. Yo raagafi yokhaani nami waan oobju himu d'ufe akheekhafi waan mama tolche, ammalle akheekhafi wonti mama ka inni himu yo guutamte, ammalle yo inni, waaqa d'ibi ka isani imbeenne gula nu yaasa inhojanna jed'e, isani dubbi raaga sunitifi, ka nama waan oobju himu suni, inch'aqasina. AABBO Waaqi keesani nama akasi suniini isani laalata, aka isani AABBO Waaqa garaa tokofi onne tokooni jaalattani argu fed'a. AABBO Waaqa sodaad'a, gula deema, dubbi isaa ch'aqasa, seera isaa guuta; isa hojad'a, biraa indeemina. Ammo raagafi nama waan oobju himu ka akasi suni ijeesa; wonti akanatiifi inni AABBO Waaqa, ka lafa Misiri fulla isani tisse iti taatani keesaa isani baase, iraa gora jed'e isani barsiisa. Nami akasi suni hama, kara AABBO Waaqi keesani keesati bulla isaniini jed'e iraa isani gorsu fed'a. Tanaafi isaa ijeesuu maltani, aka waan hamtu akasi ufi keesaa baaftani. Hegeri oboleesafi ilmaafi intalafi niiti atini jaalatufi jaali kanke jabaani si sobe, koota waaqa d'ibi kad'anna (ka isanifi ababooti teesani imbeenne) sini jed'a. Worra suni keesa nami toko waaqa worra d'aatu teesani jiru, yokhaani ka sira fago jiru, sosobe sii kad'achiisa. Ammo insobamini, yokhaani inch'aqasinile, isaa naate d'ossite illakisini. Ijeesi firfirsi d'akhaani d'ai, duuba nami d'ibileeni ha d'akhaani d'auti. D'akhaani d'ai, ijeesi! Wonti akanatiifi inni AABBO Waaqa kanke, ka lafa Misiri, fulla isani tisse iti taatani, keesaa isaani baase, iraa si gorsu fed'a. Duuba worri Israeli ch'ufti waan tahe d'agaye sodaate, nami tokoleeni deebie waan hamtu akana kana intolchu. Hojja dira AABBO Waaqi keesani isani kennu keesa teetani, aka nami keesani ka gari, seseegi woma keesa injirre, worra dira suni sobe waaqa isani taka inkad'atiini kad'achiisu hegeri d'ageetani. Yo waan akasi fa d'ageetani, aka dansaa dubbi suni jabeesa qorqorad'a; yo d'uguma wonti hamtuni akasi sunini taate, nama dira suni keesa jirufi looni worrale hobaasa, woma illakisina. Dira worrale ch'ufa balleesa. Waan nami dira suni qabu ch'ufa woltiguura, jiddu dira, fulla nami iti wolwoldauti, tuula. Duuba dirafi waan keesa jira ch'ufa guba, akuma sorio gubani AABBO Waaqa keesani baaftani. Diri sunini ha haguma jiru akasuma tahuti, deebitani injaarina. Waan balleesu malani oli inkeyaatina, aka AABBO Waaqi dallansu ufii hamtu taani galfate isanii nahu. Inni isanii nahe isani daraarsa, akuma inni ababoota teesaniti kakhate, hojja isani qonqo isaa d'ageetani, seera anini arra isanii kenne guutani, waan isaa durati qajeeltu tolchitani. Isani ilmaani AABBO Waaqa keesaniti; tanaafi hojja nama due bootani, ufi imurina, yokhaani mata dura inhaadatina. Isani worra qulqullo ka AABBO Waaqa keesani; inni ya gosa ch'ufa ta lafa gubba jirtu keesaa isani fohate, gumi ufii isani tolfate. Waan AABBO Waaqi infeene tokole inyaatina. Bineensi isani nyaachu maltani kana: looni hoolafi laleesa, hiddi, saala, gadamsa, gugufto, bushaa ch'ufa — bineensa qeench'i kaarru qabuufi ka alala deefatu. Ammo bineensa tokole inyaatina, ka qeench'i kaarru qabuufi ka alala deefatu male. Gaala, hillensafi bineensa d'ibi aka isaale inyaatina. Bineensa akasi suni aka waan qulqullo intahiniti herega; wonti akanatiifi bineensi kunini alala deefata, ammo qeench'i isaani kaarru inqabu. Booyye inyaatina, isiile aka waan qulqullo intahiniti herega; wonti akanatiifi qeench'i isii kaarru qaba, ammo alala indeefatu. Bineensa akana kana tokole inyaatina, yokhaani reefa isaanile intuqina. Qurt'umi gosa ch'ufa ta bisaani keesa galtu nyaad'a. Ammo waan bisaani keesa gala, ka qurt'umi intahini, inyaatina. Aka waan qulqullo intahiniti herega. Simpirre qulqullo ch'ufa nyaad'a. Bineensi didiqani koola qabu ch'ufti qulqullooniti inyaatina. Ammo bineensi didiqani d'ibiini qulqullo, nyaad'a. Bineensa tokole ka ufiini due inyaatina, nama gosa d'ibi ka isani keesa godaanu kenna, ha nyaatuti, yokhaani nama d'ibi alalle iti gurgura. Ammo isani ka AABBO Waaqa keesaniti; gumi isaati. Ilmoole haad'a hootu na ind'aabiina. Ganna ch'ufa waan oobruuni teesani baaftu kud'ani keesa toko naa baasa. Duuba fulla AABBO Waaqi keesani fohate isa iti kad'attani d'aqa, achiti isa duraa mid'aani, daad'i, d'ad'a, waan horiini goroomuma d'ale, ka loonitifi ka reele, kud'ani keesa toko nyaad'a. Waan kana tolcha, aka hojja ch'ufa AABBO Waaqa keesani sodaatani. Hojja karaani d'eerate, fullaani sunini isaani ira fago taate, qooda waan AABBO Waaqi isanii kenne sunini d'ufu dad'abdani, waan kana tolcha: Qooda suni gurgura, beeseti deebisa, beese suni fud'ad'a, fulla AABBO Waaqi keesani fohate taani d'aqa, waan feetanini bitad'a — looni taanaani, ree taanaani, daad'ifi farsole taanaani — achiti AABBO Waaqa keesani dura, worra keesani woliini, nyaad'a quufa gammada. Worra gosa Lawi ka dira keesani keesa tau inded'ina; wonti akanatiifi worri qooda lafa tokole inqabu. Yo ganni sadi hobae ch'ufa qooda mid'aani keesani ch'ufa gabaasa, dira keesani keesati olnaqa. Sagaleeni tunini ta worra gosa Lawiti wonti akanatiifi worri qooda lafa inqabu: ammalle sagaleeni suni ta keessumatifi ta hiyyeeyitifi ta nad'eeni d'iirsi ira due ta dira keesaani keesa teetuti. Worri ha d'ufe nyaate quufuti. Waan kana tolcha, duuba AABBO Waaqi keesani waan isani tolchitani ch'ufa keesa isani eebisa. Yo ganni torbeeso hobau ch'ufa, nama gati teesani qabu gati suni lakisaafi. Aki isani lakiftani akana: Nami gosa ufi gati kenneefi ha gati suni lakisufi inni beese suni ira infud'atini; AABBO Waaqati gati suni lakisise. Nama gosa teesani intahini iraa fud'ad'a, gosa teesani iraa infud'atina. AABBO Waaqi keesani lafa inni isani kennu keesati isani eebisa. Yo isani dubbi isaa gula deemtani, waan anini arra isaniini jed'u kana ch'ufa aka dansa guuttani, worra keesani keesa deegi injiru. AABBO Waaqi akuma inni isaniti kakhate isanii eebisa. Isani gosa heddu gati kennitani ammo gosa tokole gati iraa infud'atani; isani gosa heddu mohatani, ammo isani gochiti tokoleeni isani imohatu. Yo dira lafa taatefu, ka AABBO Waaqi keesani isanii kennu tana keesa, gosa teesani keesaa deegi jiraate, garaa jabaatani, ufo taatani, qarqaaru indidina. Ammo arja taha, haga inni fed'u gati kennaafi. Ganni gati nama lakisani ya d'aate jettani, waan hamtu hereddani, gati ind'owatiina. Heregi akasi hamaani suni qalbi teesani inseeniini. Yo isani gati d'owattani, inni AABBO Waaqati bohe, isani ch'ubbu keesa seentani. Dubbi male garaa tokooni isaa kenna, duuba AABBO Waaqi waan isani tolchitani ch'ufa keesa isani eebisa. Deega haguma jirani lafa teesani keesa ind'abani; tanaafi anini amma qarqaara wo kennaafi isaniini jed'a. Hojja nami gosa teesani ka Israeli, d'iira taanaani, uwale taanaani aka tisse isaniti ufi gurgure eegi inni ganna jaa isanii hojatte galakisa. Yo ganni torbeeso gahe galakisu maltani. Hojja isa galakiftani suni harka duwa gadi ind'iisiina, waan AABBO Waaqi eebani isanii kenne keesa, ree taanaani, mid'aani taanaani, daad'i taanaani guddisa kennaafi. Qaabad'a, isanileeni duri, lafa Misiri keesati, tisse, ka AABBO Waaqi keesani keesaa isani baase: Tanaafi anini arra seera kana isanii keenna. Ammo yo tisseeni teesani isanifi worra keesani ch'ufale jaalatte, anini isani biraa indeemu jette. Gurra isaa qabaa, fulla balbala geesa, uraafi; duuba inni haga jiru jireenna tisse teesani taha. Akasuma tissele teesani ta uwale tolcha. Hojja tisse galakiftani hamtu iraa inargina; wonti akanatiifi isiini ganna jaa hori male isanii hojatte. Wonti isani kennitaniifi liqimsa ch'alla. Waan kana tolcha duuba AABBO Waaqi keesani waan isani tolchitani ch'ufa keesa isani eebisa. Waan hanch'afa ka loonifi reeni goroomuma d'alte Waaqa keesani olkaya. Looni Waaqa olkeetani suni hujiini inhojatina. Reele dabassa ira inhaadiina. Ganna ch'ufa, isanifi worri keesani, fulla AABBO Waaqi fohate, isa durati nyaad'a. Ammo yo horiini sunini aabo qabaate, yo naafafi balla taate, yokhaani aabo hamtu d'ibi inni qabaate, AABBO Waaqa keesani sorio imbaasina. Hori akana kana worrumati nyaad'a. Nami qulqulloofi ka qulqullo intahininleeni, akuma hiddifi saala nyaattani ha nyaatuti. Ammo d'iiga hori suni insooratina. Fulla sooratani, aka bisaani lafati jissa. Jia Abibu qaabad'a, jila Pasaka jed'ani AABBO Waaqa keesani tolcha; wonti akanatiifi halkani toko, jia suni keesa, inni lafa Misiri keesaa isani baase. Fulla AABBO Waaqi aka isa iti kad'attani fohate d'aqa, loonifi ree teesani toko jila Pasakati qala, aka akasiini AABBO Waaqa guddiftani. Hojja sagale jila suni nyaattani, qit'a bukho qabu inyaatina. Haga guyya torba qit'a bukho inqamne nyaad'a akuma gaafa lafa Misiri keesaa baqatani tolchitani. Qit'a kana, ka qit'a gaargala jed'ani, nyaad'a, aka isani haga jirtani guyya lafa Misiri, ta isani keesati gaargaltani, keesaa baatani qaabattani. Haga guyya torba, mana keesani keesa, nama tokole bukho irati inargini, ammalle fooni hori halkani qara suni qalani imbulchina, halkanuma suni fit'a. Fooni suni d'aaba, fulla AABBO Waaqi keesani fohatuti nyaad'a: boriyyaate worrati dachaa. Haga guyya jaa qit'a bukho inqamne nyaad'a; ammalle guyya torbeeso wolwoldaa, AABBO Waaqa keesani kad'ad'a; guyya suni huji tokole inhojatina. Haga gaafa mid'aani haamtaaniiti asi torbaani torba heda; duuba jila gaafa mid'aani murani tolfad'a AABBO Waaqa keesani guddisa; aka inni isani eebise gula waan fed'i teesaniini isaa baaftani baasaafi. AABBO Waaqa keesani durati gammada, isani, ilmaani teesani, hojattu teesani, worra gosa Lawiti, keessuma teesani, hiyyeeyifi nad'eeni hiyyeeyi ta dira keesani keesa teetu. Jila suni fulla AABBO Waaqi fohateeti tolfad'a. Isani aka gaafa duri lafa Misiriti tisse taatani qaabattani, seera kana guutu maltani. Eegi isani mid'aani keesani ch'ufa d'aanatani mid'aani keesani ka zabibu ch'ufa miich'itani, jila Hoosa haga bulti torba tolfad'a. Jila suni keesa isanifi ilmaani teesani, hojattu teesani, worra gosa Lawiti, keessuma teesani, hiyyeeyefi nad'eeni hiyyeeyi ta dira keesani suni keesa jirtu woliini gammada. Haga guyya torba fulla AABBO Waaqi keesani fohateeti jila tana tolfad'a AABBO Waaqa keesani guddisa. Gammada, waan AABBO Waaqi keesani huji teesanifi mid'aani keesanile eebiseefi. Ganna keesa maro sadi nami keesani ka d'iira ha AABBO Waaqa fulla inni fohateeti dura d'ufuti: Jila Pasaka taanaani, jila gaafa mid'aani murani taanaani, ammalle jila Hoosa taanaani, worri d'iira suni tokoleeni harka duwa ind'ufini; ammo nami ch'ufti, haga dandau, waan AABBO Waaqi isaa kenne gula, ha wo baasuti. Dira AABBO Waaqi keesani isani kenne ch'ufa keesati, jaallabafi jaarole dubbi qortu tolfad'a. Worri kunini ha d'uga gula dubbi qore muruti. Worri d'ara gula dubbi qore, yokhaani nama ira inch'iisini. Ammalle gumbole inyaatini, wonti akanatiifi, gumbooni ila nama qalbi qabule duuchite, nama d'ugale kiyyibsifti. Waan d'ibi lakisa, d'uga ch'alla gula deema, aka lafa AABBO Waaqi keesani isanii kennu fud'attani iti qubattani. Hojja fulla AABBO Waaqa iti kad'attani mid'aafattani, akheekha mukha ka waaqa Ashera jed'ani bira ind'aabiina. D'akha woyyuma olind'aad'abiina, AABBO Waaqii waan suni guddo jibba. AABBO Waaqa keesani loonifi ree ka aabo qabu qaltani sorio imbaasinafi AABBO Waaqi hori akasi suni guddo jibba. Yo dubbi akasi suni d'ageetani, aka dansaa qorad'a. Yo dubbini hamtuni akasi sunini, ka Israeli keesati taate, mirkama taate, duuba nama waan hamtu suniini d'ufe dira keesaa baasa, d'akhaani d'aana ijeesa. Ammo hojja nami lamafi sadi aka inni hameenna suni keesa jiru hime yo suni ch'alla isaa ijeesu malani; ammo dubbi nama toko gula isaa ijeesu himmalle. Worri qara isa hime sunini ha qara d'akhaani d'aanuti. Duuba akanaani hameenna akasi suni ufi keesaa baatfani. Yo hegeri dubbini gari jajabaatte jaarole dabsatte, dubbini aka hori irati woli mormanifa, yokhaani ta nafa woli madeesanifa, yokhaani danufi beekha woli ijeesanifa yo dubbini sunini dubbi akasi suni taate, fulla AABBO Waaqi fohate, ta isa iti kad'atani, d'aqa, dubbi suni qaalole gosa Lawitifi jaallaba hojja suni dubbi muruti himad'a, ha worri laale muruti. Yo worri artiti dubbi laale mure, Waan worri isaniini jed'e tolcha. Dubbi worra fud'ad'a, gula deema, diqole mirgaafi bita iraa ingorina. Nama dubbi iti murani fud'achu didi mata ufiti deeme, qaallu huji AABBO Waaqa harka qabuufi jaallabale ch'aqasu didu ha ijeesani; duuba akanaani hameenna akasi suni worra Israeli keesaa baaftani. Duuba nami ch'ufti akasi d'agaye sodaate, deebie mataa ufiti indeemne. Eegi isani lafa AABBO Waaqi keesani isani kennu fud'attani iti qubattani, nu hayyu aka gosa d'ibi feena jettani, Nama AABBO Waaqi keesani fohate fohattani hayyu tolfattani, nami sunini ha nama gosa teesani tahuti: keessuma hayyu intolfatina. Inni farda heddu inqabaatiini, yokhaani namale lafa Misiriti erge farda imbitatiini; wonti akanatiifi AABBO Waaqi qara, deebitani, achi ind'aqina ya isaniini jed'e. Ammalle hayyuuni nad'eeni heddu infuud'iini, wonti akanatiifi yo inni akasi tahe ya AABBO Waaqa iraa gore: ammalle inni qarsifi worqiini ufi induroomsiini. Hojja inni hayyu tahe, inni ha seera AABBO Waaqa, ka kitaaba qaaloleeni Lawi harkaa qabdu, keesa jiru, kitaaba d'ibiti t'aafuti. Inni ha kitaaba suni ufi bira kaye haga jiru ch'ufa soomuti, aka akasiini inni aka AABBO Waaqa sodaatu barate, waan keesati t'aafani ch'ufa garaa tokooni guutu. Tunini herega hegeri inni waan nama d'ibi iraani jiru ufi sehu keesati ijeefte ammalle seera Waaqale ch'absu d'owarti. Duuba inni ganna heddu huji suni keesa tae, ilmaani isaaleeni haga d'aloota hedduu worra Israeli fiddi. Gochiti Lawi, ta qaalole, qooda lafa tokole worra Israeli keesa inargaatiini, ammo sorio gubani AABBO Waaqa baasanifi sorioni d'ibileeni ha jiraatuuti. Worri d'aala d'ibi oboleyaani Isaani keesa inargatiini. D'aalti worra AABBO Waaqa, akuma inni kakhate. Hojja loonifi ree sorio qalani, qaaloleeni balleensufi d'amnafi garaachale ha fud'aatuti. Ammalle qooda qara ka mid'aanifiti ka daad'itiifi ka dabassa hooliye ha fud'ataniti. AABBO Waaqi keesani gosa teesani ch'ufa keesa gosa Lawi fohate, aka haga jiru jireenna qaallu tahani isaa hojattani. Nami gosa Lawi ka fed'u, ha dira Israeli ka taatefu keesaa bahe, fulla AABBO Waaqi fohateeti d'ufe, achiti qaallu tahe AABBO Waaqa ufiti hojattu, akuma worra gosa Lawi ka qara achiti AABBO Waaqa hojattu kaani. Inni sagale haga qaaloleeni taani fud'attu ha fud'atuti sagale worri isaa isaa ergu male. Hojja isani lafa AABBO Waaqi keesani isanii kennuti d'uftani, aada hamtu, gochiti qara achi jirtu sunini tolfatu, barattani gula indeemina. Ijoolle teesani waan sorio irati baasani irati gubdani sorio imbaasina, ammalle worra keesani yuuba, nama daayyani wohimu, nama wofagu, nama murma baafatu, falfaltu, nama ayyaana kad'atu, nama ekhera kad'atu tahu d'owa. Wonti akanatiifi AABBO Waaqi keesani nama waan hamtu akana kana tolchu ch'ufa injibba; maro waan sunitifi gosa suni ch'ufa lafa isaani keesa isani duraa gussa. AABBO Waaqa keesani dura wollaala male yaa. Jennaani Musani waan jed'e, Lafa isani amma tana fud'attani iti qubachu geetani tana keesa worri duri achi tau worra waan yuubatifi nama daayyani wohimu gula yau, ammo AABBO Waaqi ya waan akana kana ch'ufa ira isani seere. Fulla suni, inni raaga aka kiyya kana isanuma keesaa isanii, baasa; isaa ch'aqasu maltani. Gaafa isani fulla gaara Sinaiti wolti baatani Waaqa kad'attani, waan jettani, Nu qonqo AABBO Waaqa keenna deebine ind'agayiini, yokhaani ibida gudda akana kana deebine inargini; wonti isani akasi jettanifi, duu sodaattani. Duuba AABBO Waaqi waan naani jed'e, wonti worri jed'e d'uga. Tanaafi anini raaga aka kanketi worruma keesaa worraa baasa: anini waan inni jed'u ch'ufa iti hime, duuba inni waan anini isani jed'e biyyati hima. Inni maqa kiyyaani dubbata, aninileeni nama isa ch'aqasu didu dubbi iraa qaba. Ammo hojja raagi tokoleeni waan anini himi injed'ini, Waaqati jed'e jed'e, maqa kiyyaani hime, ha duuti; ammalle raagi maqa waaqa d'ibiini wohimuleeni ha duuti. Yo isani garaa keesani keesa dubbi AABBO Waaqi injed'ini, Nu akamiini beenna jettani, aki isani beettanini kana: Yo raagi maqa AABBO Waaqatini dubbate, dubbini isaa d'ugaa intahini, dubbini sunini ta AABBO Waaqatiiniti raagi sunini matuma ufiitini dubbate, tanaafi isa insodaatina. Eegi AABBO Waaqi keesani worra isaani lafa isani iraa fud'attani balleese, ka isani dirafi mana worraa ira fud'attani keesa teetani, Yo nami nama nyaapa isaa intahini, danu ijeese, inni dandae dira kana tokoti baqate lubbu ufii baasa. Fakeenna, yo nami lama woliini badda seene mukha mure ato nami toko mukha muru d'agaraani isaa sukka keesaa bahe, nama wahela isaa kaani ijeese, inni dandae dira suni sadeeni tokoti baaqate lubbu ufii baasa. Yo diri suni toko ch'alla taate, takachi suni nama ira fagaata duuba fiit'aani nama ijeesani suni ka haalo baasufi, nama kaani ka woma keesa injirre hegeri d'aqabe ijeesa. Ka ufuftu nami sunini namuma nyaapa isaa intahini danu ijeese. Tanaafi anini Dira sadi huji tana koba baasa isaniini jed'a. Hojja Waaqi keesani, akuma inni ababoota teesaniti kakhate, lafa teesani ballise, lafa inni isanii kakhate ch'ufa isanii keenne, dira kana saadeeniti dira d'ibi saadi dara. (Yo isani waan anini arra isaniini jed'e ch'ufa guutani AABBO Waaqa keesani jaalattani kara isaa gula yaatani inni lafa tana isanii kenna.) Waan kana tolcha, aka nami woma keesa injirre indoone, isanileeni lafa AABBO Waaqi isanii kennu keesati worra suni ijeeftani wollaala inarganne. Ammo yo nami nyaapa ufii gaade beekha ijeese dira suni tokoti baqate, duuba jaaroleeni dira inni keesati d'alate suni ha nama ergite, isa qabani, harka fiit'a namicha inni ijeese suniti kennani; akanaani nami suni isa ijeese haalo baafatu. Nama akasi suni diqole inahina nama nama ijeese kana Israeli keesaa balleesa, aka wonti ch'ufti isanii toltu. Daari lafa nama d'ibi, ta qara duri jaaroleeni mid'aasite, lafa AABBO Waaqi keesani isanii kennu keesati, imballeesina. Nami toko ka nama woyake himu ingahu: yo nami lamafi; sadi himu male, wollaala nama suniti imurina. Yo nami d'araani nama himate, Nami sunini ya woyake jed'e, Worri sunini lachu ha AABBO Waaqa dura d'ufuti, aka qaaloleefi jaallabi, ka gaafasi huji harkaa qabu, dubbi worra ilaaltu. Jaallabooti dubbi ha aka dansaa qorqoratte ilaaltuti, hojja nami nama himu kaani nama waan d'araatiini hime dubbini suni isa ira deebite, Waan sila inni nama kaani tolchu fed'e ha isa tolchaniti. Akanaani waan hamtu akana kana ufi keesaa baaftani. Duuba nami ch'ufti d'agaye sodaate deebie waan hamtu akana kana intolchu. Nama akasi sunii inahina: ka lubbu ijeese, ijeesa, ka ila basse ila bassa, ka ilkaani buqise, ilkaani buqisa, ka harka kute, harka kuta, ka miila kute, miila kuta. Hojja isani nyaapa keesanini wolhad'u d'at'ani, gaari fardi hirkisufi fardoole askarti heddu ta teesani ira jirtu argitani, worra insodaatina. AABBO Waaqi keesani, ka lafa Misiri keesaa isani baase, isani woliini jira. Hojja isani fulla had'iisati d'iaattani, qaallichi toko ha gabahe askartiini waan jed'u, Worra Israeli ch'aqasa! Arra isani nyaapa keesanini woli haatani, garaa ilaafiina, worra sodaatani imudamiina. AABBO Waaqi keesani isani wolindeeme, isani nyaapa keesani dabsattani. Duuba worri gugurdaani askarti ha askartiti dubbate waan jed'uuni, Nami mana jaarate qara ineebisini isani keesa jira? Yo jiraate, ha worra ufiti deebiuti. Yo ka inni indeebiini isa lola keesati ijeesani, nama d'ibiti mana isaa eebisa. Ammalle nami zabibu oobrate mid'aani qara inyaatini isani keesa jira? Yo jiraate, ha worra ufiti deebiuti. Yo ka inni indeebiini isa lola keesati ijeesani nama d'ibiti mid'aani isaa suni nyaata. Nami dubra kad'ate fuud'u gahe isani keesa jira? Yo jiraate, ha worra ufiti deebiuti. Yo ka inni indeebiini isa lola keesati ijeesani, nama d'ibiti intala inni kad'ate suni fuud'a. Ammalle worri gugurdaani askarti ha dubbate waan jed'uuni, Nami daafanaani wosodaatu isani keesa jira? Yo jiraate ha worra ufiti deebiuti. Yo inni deebiu baate, inni worra d'ibile garaa laafisa sodaachisa. Eegi worri gugurdaani askarti dubbi suni buufate, nama gugurda askarti dura deemu ha tolfataniti. Hojja dira had'u d'at'ani, qaraa fit'e worra suni iti lakisa, haga worri harka keennatuti. Yo worri fullo banate harka kennate, worri ch'ufti ha tisse isanii tahuti, irreeni hojachifad'a. Ammo yo worri dira suni harka kennachu dide isani had'e, dira suni marsa, had'a. Duuba hojja AABBO Waaqi keesani dira suni harka keesaniti keenne, nama d'iira ka dira suni ch'ufa ijeesa. Ammo nad'eeni, ijoolle, hori waan dira suni keesa jira ch'ufa boojia. Waan nyaapa keesani ira boojitani suni ch'ufa fud'ad'a, horad'a, AABBO Waaqi ya isanii kenne. Aki isani dira lafa isani iti qubattani iraa fago tolchitani akana. Ammo yo dira lafa AABBO Waaqi isanii kenne, haatani qabdani waan maqa nama fakaata tokole inhambisina ch'ufa fit'a. Worra Hititi, ka Amoriti, ka Kanaaniti, ka Periziti, ka Hiviti, ka Yebusile, akuma AABBO Waaqi tolcha isaniini jed'e kaani, worra suni ch'ufa fit'a, aka worri waan hamtu, hojja worri waaqa ufi kad'atu tolfatu, isani barsiise ch'ubbu hamtu keesa isani imbumne. Hojja isani dira haga guyya heddu had'iisa marsitanile, mukha mid'aani tokole imurina. Mid'aani suni nyaad'a, ammo mukha imurina; mukhi isanii nyaapaniti. Ammo mukha nami mid'aani isa inyaanne, yo feetani mura, aka boota tolfad'a, dira suni had'a, haga dabsattani qabdaniti. Yo lafa AABBO Waaqi isanii kennu keesati reefa namaa ka diiduma keesa ch'iisu, ka nama isa ijeese imbeenne argitani, jaaroleefi jaallabooti teesani ha d'ufte, fulla reefa iti argani sunifi haga dira d'aatu suni jira ch'ufa fageenna isaa ha biimituti. Duuba jaaroleeni diri isaani dira kaani ch'ufa ira reefa suniti d'iaatu ha goromsa looni, ka taka ileenjisini, fuute, bale bisaani keesaa yaani, ta taka nami qote infach'aasinitini d'ufte, achiti ha lume ch'absituti. Qaaloleeni gosa Lawileeni ha achi d'at'uti; wonti akanatiifi nami dubbi hamtu, hojja nami harkaani wolgahu, qoru worra. AABBO Waaqi keesani worra fohate aka worri isaa hojatte, maqa isaatini namaa eebisu. Duuba jaaroleeni diri isaani dira kaani ch'ufa ira fulla reefa suni iti arganiti d'iaatu ha goromsa looni suni irati harka d'iqatte, waan jettu, Harki kenna d'iiga isaa imbumne yokhaani ilti teennaleeni nama d'iiga isaa buusa ingarre. Ee AABBO Waaqa, worra kanke ka Israeli ka atini lafa Misiri keesaa baafte, araarami. Nu araarami, d'iiga nama woma intahini, ka due kana, nura inkayini. Duuba akanaani waan isani waan AABBO Waaqi isani iraa fed'u guutanifi, inni d'iiga nama suni isani ira inkayu. Hojja isani nyaapa keesani had'u d'at'ani AABBO Waaqi keesani harka keesaniti worra kenne isani worra qabdani, ka isani nad'eeni mimid'aadu worra boojitani keesati agartani fuud'u feetani, worra keesanitini galla, mata ira haada, qeench'a qoraafi. Nad'eeni sunini ha woya ufi baafate ta d'ibi keeyate mana keesani keesati galte, jia toko worra isaaniiti bootuti; eegi suni dandeetani fuutani. Yo eegi suni jibbitani yalabaatani ha fulla feetu yaatuti. Maro isani worra irreeni fuutanifi, isani worra tisse tolfatani yokhaani namaleti ingurgurina. Yo nami nad'eeni lama qabu, ka ta inni jaalatufi taaleeni ilma d'aalteefi, ammo ka ilmi angafa sunini ka niiti inni ira jaalatu intahini, guyya inni ilmaani isaati d'aala qoodu, inni ilma niiti inni ira jaalatu taani ira ch'iise, qooda angafa kennuufi himmalle. Inni ilma angafa waan inni sila argatu ira ha maro lama kennuu, ato inni ilma niiti inni ira jaalatu taani tahu baatele. Nami ilma angafa angaftiti isaa jabeese d'aala isaa ch'ufa kennuufi male, waan inni qara d'alateefi. Yo nami ilma mataa jaba, ka dubbi nama ind'ageenne yokhaani ka haad'afi abba ufi ato d'aananile insaalfaneefi qaabate, abbaafi haati isaa ha fuute, jaarole dira isaani duraani d'ufte himatuti. Duuba waan jaarole dira sunitini jed'ani, ilma keenna kana mataani isaa jaba, nama ind'agayu, nule insaalfatu. Inni saabdi, ammalle aka hama farso d'uge machaa. Duuba nami d'iira ka dira suni ch'ufti, ha woltibahe d'akhaani isa d'aane ijeesuti; akanaani hameenni akasi duraa baatani. Nami gosa Israeli ch'ufti, yo waan akana kana d'agaye, insodaata. Yo nami waan guddo hamtu ka isaa ijeesa tolche isa fannisani ijeesani, reefi isaa mukha suni gubba bullu himmalle. Guyyuma suni ha awaalaniti, wonti akanatiifi reefi mukha irati fannisani abaarsa Waaqa lafatini d'ufa. Reefa suni awaala, aka lafa AABBO Waaqi keesani isanii kennu int'ureesine. Yo loonifi yokhaani ree gosa teesani ta badi deemutu agartani, illakisina, galchaafi. Ammo hojja abbaani isii fago jiraate yokhaani isani abba isii beekhu baatani, worra keesanitini galla jabeesa hojja abbaani fed'achu d'ufe, kennaafi. Waan d'ibile harre taanaani, woya taanaani, ka gochiti teesani ta Israeli balleesite, yo agartani, akasuma tolcha, illakisina. Yo hori oboleesa keesani harre taanaani looni taanaani ka jige kara d'aatu ch'iisu agartani bira indabriina qarqaara kaasafi. Nad'eeni woya d'iiraa inkeyaatini, d'iirtileeni woya nad'eeni inkeyaatini; wonti akanatiifi AABBO Waaqi keesani nama waan akana kana tolchu injibba. Yo isani ato yaatanu mana simpirre mukha ira yokhaani lafati agartani, ka haati okhokaani ira teetu, yokhaani ilmaani bira teetu, had'aafi ilmaani woliini infud'atina. Ilmaani fud'ad'a ammo haad'a gad'iisa, aka wonti ch'ufti isanii tolte guyyaani keesani d'eeratu. Hojja isani mana hareesa jaarratani gubba isaa woini marsa. Duuba yo nami iraa d'aqate duele isani inhaalatu. Oobru teesani ta zabibu mid'aani d'ibi iti inoobrina yo oobritani, mid'aani zabibutifi mid'aani kaani d'ibile nyaachu himmalle. Harreefi looni, hojja lafa qotani, wolti inhid'ina. Woya dabassafi booftani wolkeesa mid'aasani inkeyaatina. Woya isani uyifattani handaara moga afraaniti hod'a. Yo nami dubra fuud'e niiti tolfate, eegi suni isi jibbe, ammalle d'araani himate maqa isii yake, Intalti tuni gaafa anini fuud'ele dubraaniti jed'e, duuba abbaafi haati intalaa ha woya worri ira rafe, ta d'iiga qabdu, fuute jaarole dira garsiiftu. Duuba abbaani intala waan jaaroleeni jed'u, Anini qara intala tiyya tana fuud'aa nama kanaa kenne, ammo inni amma ya isi jibbe. Ammalle inni ya waan d'araatiini himate, gaafa anini fuud'ele isiini dubraaniti jed'e. Ammo wonti aka intalti tiyya dubra garsiiftu d'ugaani woya tana, me d'iiga isi laala! Duuba jaaroleeni dira suni ha nama intala fuud'e suni fuute d'aantuti. Ammalle ha gati qarsi d'ibba toko ira fuud'ani abba intalati kennaniti. Waan inni intala gosa Israeli gurra balleesefi. Ammalle isiini niituma isaa taati, dandae haguma jiru illakisu. Ammo yo wonti inni himateeni sunini d'uga taate, ka wonti aka intalti dubra garsiiftu tokoleeni injirre, duuba worri ha intala ch'icha abbaa durati gabaase, achiti d'iirti dira suni d'akhaani d'aante ijeeftuti. Isiini, ta ato infuud'iini, ka mana abba d'ale keesa jirtu, d'iiraani woliini rafte ya waan taka inargini gosa teenna ta Israeli keesati taate. Akanaani hameenna akasi duraa baatani. Yo nami niiti nama d'ibitini rafe, isaafi isiile ha ijeesaniti. Akanaani hameenna akasi duraa baatani. Yo nami intala qaraa nama d'ibi fuud'aa kennani dira keesati arge buufate, worra lachu ha dira keesaa alati baasani, d'akhaani d'aanani ijeesaniti. Wonti intala ijeesaniifi, waan isiini, ato dira keesa jirtu, ka nami d'aatu miju, iyyu diddefi. Ammalle wonti namicha ijeesaniifi, waan inni intala qaraa nami d'ibi fuud'aa kennani buufatefi. Akanaani hameenna akasi duraa baatani. Ammo yo ballinna lafati nami intala fuud'a nama d'ibi kennani arge qabe buufate, namicha buufate ch'alla ijeesani. Ammo intala woma intolchani, wonti akanatiifi isiini wollaala isii ijeesu intolchine. Dubbini tunini dubbi nama gosa ufi had'e ijeeseni wolfakaati. Inni ballinnuma lafati intala fuud'a namaa kennani arge qabe buufate ato isiini iyyitele qarqaarsa inarganne. Yo nami intala dubra ta nami inkad'atiini arge qabe buufate worra lachu wolirati qabani, duuba inni ha abba intala suniti qarsi shantama baasuti isiileeni ha niiti isaa taatuti, waan inni isi buufatefi. Haga jiru inni isi illakisini. Nami tokoleeni nad'eeni abbaa isaa barate abba isaa inch'eersini. Nami kolaasaniifi ka nafa saala muratani ch'ufa ha gumi AABBO Waaqa keesaa kutaniiti. Ch'abanafi ilmaani inni d'alu, haga d'aloota kud'anneeso, ha gumi AABBO Waaqa keesaa kutaniiti. Nama gosa Amonitifi ka Moabu yokhaani ilmaani worra haga d'aloota kud'anneeso gumi AABBO Waaqa ha seenu d'owaniiti. Wonti akanatiifi gaafa isani lafa Misiri keesaa baatani, worri sagaleefi bisaani isani d'owate, Baalamu ilma Boeri, ka dira Pethori, lafa Mesopotamia keesa, sobani beese kennaniifi, aka inni isani abaaru. Ammo AABBO Waaqi keesani Baalamu ch'aqasu dide, abaarsa isaa suni garagalche eeba isanii tolche, waan inni isani jaalateefi. Haga isani jirtani nagayafi hormaata worra imbarbaadina. Worra gosa Edomu injibbina, worri fiit'a teesani. Worra Misirile injibbina duri isani lafa isaani teetani. D'aloota sadeesoti asi ha gumi AABBO Waaqati daraniti. Hojja isani nyaapa keesaniti duultani, ka isani fulla iti qubattani jirtani, t'uri ch'ufa ufi ira d'owa. Hojja nami halkani ufiti oobjate ufi t'ureese, inni ha fulla iti qubatani suni bahe, alati hafuti. Yo lafti galgaloofte, ha bisaani d'iqate, ammalle yo lafti dukanoofte ha deebiuti. Fulla iti gadi baatani mid'aafad'a. Miha keesani ka lolaale keesa waan lafaani qotani qabaachu maltani, aka hojja gadi teetani lafa qotaani udaani keesani biyye ira deebiftani. Waan AABBO Waaqi keesani fulla isani bultani suni isani woliini jiraate, isani qorqorate, nyaapa keesani harka keesaniti kenneefi. Fullaani isani bultani suni ha qulqullo taatuti. Waan hamtu ka infakaanne, ka AABBO Waaqa isaniti garagalcha tokole intolfatina. Yo tisseeni abba ufii ira baqate isaniti d'eete, abbaati indeebisiina. Inni ha dira keesani ka fed'u ke tauti, isa indabsina. Nami gosa Israeli, d'iirafi nad'eeni taanaani fulla waaqa iti kad'ataniti sharmut'a intahini. Ammalle beese kara sharmut'oma kanaani argatani Mana AABBO Waaqa keesani d'uftani, waan kakhatani Waaqaa baaftani tolchitani imbaasina. AABBO Waaqi sharmut'oma akana kana guddo jibba. Hojja nama gosa teesani, beese taanaani, sagale taanaani waan d'ibile taanaani liqeesitanifi, haga liqeesitanifi suni male waan d'ibi iraa infud'atina. Nama gosa teesani intahini, yo iraa fud'attani womaaniti, ammo gosa teesani ta Israeli woma iraa infud'atina. Yo isani aada tana jabeesitani, AABBO Waaqi keesani, lafa isani fud'atani iti qubachu geetani keesati, waan isani tolchitani ch'ufa keesa isani eebisa. Hojja AABBO Waaqa keesaniti kakhattani, hurrisa waan iti kakhatani suni baasa; wonti akanatiifi AABBO Waaqi keesani waan suni isani ira fed'a, yo isani guutu baattani wollaala isanii taati. Ammo yo AABBO Waaqati kakhachu baattani wollaala inqabdani. Ammo yo fed'i teesani gula kakhattani, jabeesa guuta. Hojja oobru zabibu, ta nama d'iibi, keesa yaatani, mid'aani haguma feetani nyaad'a, quufa, ammo tokoleeni ingalatina. Ammalle hojja oobru biilaa ta nama d'ibii, keesa yaatani, mid'aani haga feetani harkaani t'ururad'a nyaad'a ammo tokole hamtuni inhaamiina. Yo nami niiti fuud'e, waan infaakanne irati arge isi jibbe tatabe lakisuni iti kenne ufi jalaa baase isiini deemte; ammalle yo isiini deemte niiti nama d'ibi taate, ka ammalle nami sunileeni isi jibbe, tatabe lakisuni iti keenne, ufi jala baase, yokhaani yo nami isii fuud'e sunini due, duuba d'iirsi isii ka qara kaani, ka isi ufi jalaa baase isiini akasi taate, deebie maro lameeso niiti intolfatini. Wonti akanatiifi, yo inni maro lameeso deebie fuud'e ya AABBO Waaqa durati waan hamtu tolche. Isani waan hamtu akana kana lafa AABBO Waaqi isanii kennu keesati tolchu himmalle. Hojja nami d'io nad'eeni fuud'e, huji askarti yokhaani huji ala d'ibi, ta worra ira isa fageesitu, intolchini; isa ganna toko huji iti inkennina, ha worra keesa tae niiti isaa woliini gammadani. Nama woergiftani, d'akha daakhu qabdo ira infud'atina. Yo iraa fuutani ya worra suni waan worri sagaleeni mid'aafatu d'owaitani ijeeftani. Yo nami nama gosa isaa ka Israeli hatte tisse tolfate gurgurate hatticha suni ha ijeesani, akanaani hameenna akasi duraa baatani. D'ukuba hama aka qomaat'a yo fuutani, waan qaaloleeni gosa Lawi tolcha isaniini jette tolcha, jabeesa; akuma anini worrani jed'e, jabaad'a tolcha waan AABBO Waaqi keesani, gaafa isani lafa Misiri keesaa baatani, karaati Miriamu tolche qaabad'a. Hojja isani nama d'ibi woergiftani, mana isaa seentani woya inni qabdo isanii kennu infud'atina; alati eega, ha inuumani isaanii d'ufuuni. Yo inni hiyyeesa tahe, woya suni imbulchina halkanuma suni deebisaafi; galgala ch'ufa akasuma tolcha, aka inni woya sunini rafu duuba inni sii eebise, AABBO Waaqileeni sii eebisa. Nama hiyyeesa isani hojattu ka gosa teesani yokhaani nama gosa d'ibi ka dira keesani keesa tau taanaani, waan inni sila isani ira argachu male d'owartani indabsina. Guyya ch'ufa, ato aduuni ind'iine, beese guyya suni inni hojatteefi kennaafi; wonti akanatiifi inni hiyyeesa, beese suni male woma inqabu, guddo heregata. Hojja isani kennuufi baatani, inni maro teesaniifi AABBO Waaqati bohe, isanileeni wollaala argattani. Wollaala ijoolleeti jettani abba inijeesiina, ka abbaale jettani ijoolle inijeesiina. Nama, wollaaluma inni tolche ch'allaani, ijeesani. Nama gosa d'ibitifi ilmaani hiyyeeyi indabsina, ammalle woya niiti hiyyeeti qabdo infud'atina. Qaabad'a, aka isani duri lafa Misiriti tisse taatani, ammalle aka AABBO Waaqi achii isani baase: Tanaafi anini arra seera kana isanii kenna. Hojja mid'aani galfatani, ammo ka gari oobruti isani ira hafani ka hafe suni iti deebitani infud'atina, keessumafi, ilmaani hiyyeeyitifi nad'eeni hiyyeeyiti lakisa, aka AABBO Waaqi keesani, waan isani tolchitani ch'ufa keesa, isani eebisu. Hojja oobru teesani ta ejersa mid'aani isii guurattani, mid'aani isani iraa hafe iti dachaatani inguuratina: ka hafe sunini sagale keessumatifi, ilmaani hiyyeeyitifi nad'eeni hiyyeeyiti. Hojja mid'aani zabibu guurattani, ka hafe iti dachaatani inguuratina; sagale keessumatifi ilmaani hiyyeeyitifi, nad'eeni hiyyeeyiti. Haguma jirtani aka isani duri lafa Misiriti tisse taatani inded'ina; tanaafi anini arra seera kana isanii kenna. Hojja nami lama jaaroleti woli himate jaaroleeni dubbi qorte, toko d'ugaa murte, kaani wollaala iti murte, duuba namicha wollaala iti murani, yo inni ule male, jaarsi dubbi mure kaani ufi durati gadi ch'ibsise garaa lafati gombise nama d'iibiini, D'aana jed'a. Haguma wollaala isaa gula isa d'aanu malani. Dandaani maro afurtama d'aanani, ammo hagasi iraa indabarsina; yo hagasi ira d'aantani, nama keesani ya nama ch'ufa durati ch'eersitani. Qotiyo hojja mid'aaniini d'aantani afaani inhid'ina. Yo oboleyaani lama, ta woliini teetu, toko ilma male due, niiti isaa nami ala d'ibiini infuud'iini; ha oboleesumani isaa sunini fuud'e niiti tolfate ilmaani iraa d'aluti. Ilmi qara isiini d'altu ka d'iirsa isii ka due taha, aka gosa Israeli keesa maqa isaa badu d'owani. Ammo yo oboleesi nama due sunini niiti suni fuud'u infeene, isiini ha gaara jaarole d'at'e, oboleesi d'iirsa kiyya ya na fuud'e maqa d'iirsa kiyya gosa Israeli keesa badu d'owu didde jette himattu. Duuba jaaroleeni dira suni ha isa yaamte gaafatu. Yo inni jaarolele irati anini isi infuud'u jed'e dide, niitiini oboleesi isaa ira due sunini ha jaarole dura d'ufte, kobe isaa toko faana baafte, hanch'ufa fuulati tufte waan jettuuni, Wonti namicha niiti oboleesa isaa d'aalu dide tolchani tana. Duuba gosa Israeli keesa, worra isaa worra namicha kobe ira baasani kaani jed'ani yaamani. Yo ato nami lama ka d'iira woldidu, niitiini toko d'iirsa kalchaa d'ufte namicha kaani nafa saala qabde, inahiinaafi harka iraa kuta. Subba keesani keesa, d'akha haga haga ka toko ulfa toko sabla, ka woini biimani, innaqina. Mana keesani keesale d'akha woini biimani, ka haga haga, ka toko gudda, ka kaani diqa, inqabaatiina. Waan biimitani ch'ufa d'uga gula biima aka lafa AABBO Waaqi keesani isanii kennu keesati guyyaani keesani d'eeratu. AABBO Waaqi nama waan hamtu tolche nama dabsu ch'ufa injibba. Qaabad'a, waan worri gosa Amaleki gaafa isani lafa Misiri keesaa baatani isani tolche. Worri sunini Waaqa insodaanne, tanaafi worri dudda duubani, ka isani dad'abi injirre, isani had'e, nama yau dad'abe isani jalaa hafe fit'e. Tanaafi duuba eegi AABBO Waaqi keesani lafa ch'ufa isanii kenne, nyaapa isaani d'aatu jiru ch'ufa isani dura baase, lafa nagaya tolche, jabaad'a, worra gosa Amaleki ch'ufa hobaasa, aka deebiani maqa worra nami lafa irati inqaabanne. Dubbi tana inded'ina. Eegi lafa AABBO Waaqi keesani isanii kennu fud'attani iti qubattani, nami keesani ch'ufti mid'aani qara inni muratu dadu keesa kaye, fulla AABBO Waaqi keesani fohate, ta iti kad'atani taani, ha geesuti. Duuba qaallicha guyya suni huji harkaa qabu gara isaa d'aqa waan jettani, Nu arra AABBO Waaqa keennati himna, aka lafa inni ababoota teennati kakhate fud'anne iti qubanne. Duuba qaallichi kaani dadu isani iraa fuud'e fulla sorio AABBO Waaqa iti baasani taani dura kaya. Duuba AABBO Waaqa durati isani dubbi tana jettani: Ababooni keenna nama gogodaanu, ka gosa Arami, ka worra ufii fud'ate lafa Misiri keesa qubate tae. Worri gaafa achii d'aqe nama diqa, ammo eege gosa guddo irre qabdu tahe. Worri Misiri waan hamtu nu tolche nu dabse tisse nu tolche. Duuba nu AABBO Waaqa ababoota teennati bone, inni boha teenna d'agaye gaargalafi d'ibafi d'ipu teenna arge. Inni harka isaa jabaani lafa Misiri keesaa nuu baase, waan mamatiifi ka mamisa tolche, nama sodaachise mudamsiise. Inni arma lafa aananifi dammi aka lola yauni nu d'ufe nuu keenne. Tanaafi amma nu AABBO Waaqa mid'aani qara muranne bamanaafi. Duuba dadu suni AABBO Waaqa dura kaya, isa kad'ad'a. Waan dansa AABBO Waaqi keesani isanifi worra keesaniti kenne jed'a galata deebisaafi: ammalle isanifi worra Lawitifi keessuma isaani keesa jirtuleeni woliini gammada. Ganna sadeeso ch'ufa, mid'aani argattani ch'ufa kud'ani keesa toko worra gosa Lawi fa, worra gosa teesani intahinifa, ilmaani hiyyeeyifa, nad'eeni hiyyeeyifa keenna, aka fulla nami jiru ch'ufati nyaatani quufani. Eegi waan kana tolchitani, waan AABBO Waaqaani jettani, Qoodi qulqullooni Waaqaa baasani mana keenna keesati inhamne, nu yayu worra gosa Lawifa, worra gosa teenna intahini fa, ilmaani hiyyeeyifa, ammalle nad'eeni hiyyeeyile akuma atini nuuni jette kennine. Nu seera kanke tokole inch'absine, yokhaani indeene. Nu gaafa bone taka qooda suni inyaanne yokhaani mana keenna keesaale taka infuune, gaafa qulqullo intahini; ammalle nu taka nama due jenne qooda suni keesa fuune d'ibaayu imbaamne. Nu ya dubbi AABBO Waaqa keenna ch'aqamne. Nu waan atini tolchi nuuni jette ch'ufa ya tolchine. Fulla tante qulqullo ta gubbati gadi laali, worra kanke ka Israeliti eebisi; ammalle lafa atini ababoota teenna kakhate nuu kennite, ta aananifi dammi aka lola yau jed'ani eebisi. Arra AABBO Waaqi keesani seerafi aada tana ch'ufa guuta isaaniini jed'a: tanaafi garaa keesani ch'ufaani jabeesa guuta. Arra ya AABBO Waaqa keenna jettani himattani; ammalle nu ya AABBO Waaqa gula yaane, seerafi aada isaa guunne, dubbi isa gula yaane jettani. Arra AABBO Waaqi ya gumi ufii isani tolfate, akuma inni duri kakhate; ammalle inni, seera kiyya ch'ufa guuta isaniini jed'a. Inni gosa d'ibi ch'ufa, ta inni uume ira isani guddisa, isanileeni isa faarsitani maqa isaa guddiftani. Ammalle, akuma inni kakhate, isani gumi qulqullo AABBO Waaqa keesani taatani. Jennaani Musafi jaaroleeni Israeli waan biyyaani jette, Dubbi nu arra isaniti himnu tana ch'ufa ch'aqasa. Guyya galaana Yordani taakitani lafa AABBO Waaqi keesani isanii kennu seentani, d'akhaye gugurdo old'ad'aaba, d'ooba, lumut'a, duuba dubbi seera kana ch'ufa irati t'aafa. Hojja isani lafa AABBO Waaqi keesani ababoota teesani kakhate ta aananifi dammi aka lola yau seentani, ammalle ka isani galaana Yordani taakitani gama jirtani, d'akhaye taani gaara Ebali ira old'ad'aaba, akuma anini arra isaniini jed'e gula, ammalle d'ooba, lumut'a. Artiti waan sorio AABBO Waaqa keesani irati baasani d'akha taka nami sibiilani imboch'iniini jaara. Wonti akanatiifi waan sorio irati AABBO Waaqa keesani baaftani d'akha boch'aniini mid'aasu himmalle. Achiti sorio gubani baasa, ammalle sorio wold'ageeti qala nyaad'a, AABBO Waaqa keesani durati gammada. D'akhaye lumut'ani suni irati aka dansaa dubbi seera AABBO Waaqa ch'ufa t'aafa. Jennaani Musafi qaaloleeni gosa Lawi waan gumi Israeli ch'ufaani jette, gumi Israeli, ch'allisa, ch'aqasa. Arra isani ya gumi AABBO Waaqa keesani taatani. Tanaafi dubbi isaa ch'aqasa, seerafi aada isaa, ta anini arra isanii kennu, guuta. Jennaani Musani waan worra Israelitini jed'e, Eegi isani galaana Yordani taakitani, gochiti tunini ha gaara Gerizimu gubba ejajiti, hojja guma Israeliti eebisani: Simeoni, Lawi, Yuda, Isakari, Yusufu, Benjamini, ammalle gochiti tunini d'ibiini ha gaara Ebali ira ejajitu. Hojja gumi Israeli abaarani, Reubeni, Gadi, Asheri, Zabuloni, Dani, Naftali, worri gosa Lawi ha qonqo olfud'ate dubbi tana gumiti lalabu. Waaqi nama waan boch'ani waaqa jed'e kad'atu ka d'akha taanaani, mukha taanaani, sibiila taanaani mid'aase d'ossani kad'atu ha abaaruti, AABBO Waaqi waan akana kana guddo jibba. Duuba gumiini ch'ufti ha Amini! jettu. Waaqi nama abbaafi haad'a isaati saalfachu didu ha abaaruti. Duuba gumiini ch'ufti ha Amini! jettu. Waaqi nama daari lafa biyya balleesu ha abaaruti. Duuba gumiini ch'ufti ha Amini! jettu. Waaqi nama nama balla kara iraa gorsu ha abaaruti. Duuba gumiini ch'ufti ha Amini! jettu. Waaqi nama keessumafi ilmaani hiyyeeyifi nad'eeni hiyyeeyi waan isii d'owe dabse ha abaaruti. Duuba gumiini ch'ufti ha Amini! jettu. Waaqi nama nad'eeni abbaa isaa barate isa ch'eerse ha abaaruti. Duuba gumiini ch'ufti ha Amini! jettu. Waaqi nama horiti jallatu ha abaaruti. Duuba gumiini ch'ufti ha Amini! jettu. Waaqi nama oboleeti isaa ta woliini d'alatanifi ta haati d'ibiini d'altele barate ha abaaruti. Duuba gumiini ch'ufti ha Amini! jettu. Waaqi nama jaarti sodda isaa barate ha abaaruti. Duuba gumiini ch'ufti ha Amini! jettu. Waaqi nama d'ossani nama ijeese ha abaaruti. Duuba gumiini ch'ufti ha Amini! jettu. Waaqi nama gumbo fud'ate, nama woma keesa injirre ijeese, ha abaaruti. Duuba gumiini ch'ufti ha Amini! jettu. Waaqi nama dubbi seera tana ch'ufa jabeese inguunne ha abaaruti. Duuba gumiini ch'ufti ha Amini! jettu. Yo isani AABBO Waaqa keesani saalfattani seera isaa ka anini arra isanii kennu kana garaa tokooni jabeesitani, inni gosa d'ibi lafa keesa jirtu ch'ufa ira isani guddisa. Yo isani AABBO Waaqa keesani saalfattani, eebiti tunini ch'ufti isani d'aqabde teesanii taati. AABBO Waaqi dirafi oobru teesani eebisa. AABBO Waaqi isani eebise, nama taanaani mid'aani oobru taanaani, loonifi ree taanaani isanii horsiisa. AABBO Waaqi mid'aani isani muratanifi sagale isani mid'aani suniini d'aabdani isanii eebisa. AABBO Waaqi fulla isani baatanifi ta isani seentanile isanii eebisa. AABBO Waaqi nyaapa keesani, yo inni isani had'u, isani qarqaare isani dabsachiisa. Worri gama toko d'ufe isani had'e, ammo gamuma ch'ufa fulla deefate isani baqata. AABBO Waaqi keesani huji teesani eebise kod'o teesani mid'aaniini guuta. Lafa inni isanii kennule keesati isani eebisa. Yo isani AABBO Waaqa keesani saalfattani seera isaa guuttani, akuma inni kakhate inni gumi isaa qulqullo isani tolcha. Duuba gochiti lafaa ch'ufti aka AABBO Waaqi, worri kunini kiyya jed'e isani fohate argite isani sodaatti. AABBO Waaqi isani horsiise, isani daraarse, ilmaani heddu, isanii kenne, loonifi mid'aani heddu lafa inni ababoota teesaniti kakhateti isanii kenna. Inni bokaya gannaafi hagayya gubbaa isani bane, isani bad'aase, huji teesani ch'ufa eebisa. Duuba isani gosa heddu woi liqeesitani ammo namu iraa iliqefattani. AABBO Waaqi gosa ch'ufa keesa eege isani intolchu ammo mata isani tolcha. Isani guyya tokole oldeemtani male gadi indeemtani, yo isani seera anini arra isani kennu kana jabeesitani guuttani, ammalle dubbi tana tokole mirgaafi bita iraa goru diddani yokhaani waaqa d'ibi inkad'anne. Ammo yo isani AABBO Waaqa keesani saalfachu diddani, seerafi aada isaa, ta anini arra isanii kennule jabeesitani guutuu diddani, abaarsi kunini ch'ufti isani d'aqabe isani qabata. AABBO Waaqi dirafi oobru teesani abaara. AABBO Waaqi mid'aani isani muratanifi sagale isani mid'aani suniini d'aabdani inabaara. AABBO Waaqi isani abaare hormaata isani d'owa, nama taanaani, mid'aani oobru taanaani, loonifi ree taanaani waan ch'ufa isaniti diqeesa. AABBO Waaqi fulla isani seetaniifi ta isani baatanile inabaara. Yo isani waan hamtu tolchitani AABBO Waaqa diddani inni abaarsafi d'ibafi, d'ipu isanitini d'ufa, haga isani balleesani Yoosu fit'aniti. Inni d'ukuba isaniti buuse, d'ukubi sunini isani ira bahuu dide, lafa amma isani fud'attani iti qubachu geetani tana nama tokole hafu d'owe, ira isani balleesa. AABBO Waaqi d'ukuba akana kana isaniti buusa: d'ukuba aka hiiqafa, nafa nama iitaufi qand'o fa, ammalle d'ulla; inni oolafi bubbe hamtu, ta mid'aani keesani gubde balleesitule, isaaniiti buusa, gaargali kunini isani iraa imbahu, haga isani hobaataniti. Bokaya isanii irroobu, biyyeeni teesanileeni godde aka d'akha taati. Fulla bokaya AABBO Waaqi awaarafi hobombolati isaniti buusa, haga isani hobaataniti. AABBO Waaqi harka nyaapa keesaniti isani kenne, nyaapi keesani isani dabsata. Isani qajeela toko d'uftani worra haatani, qajeela torba duraa baqattani, ammalle gochiti lafa ch'ufti, yo waan isani tolchani kana agarte, mudamte isani ira naati. Yo isani dootani, reefa keesani allaatifi bineensa alati nyaata, nami isani ira d'owu injiru. AABBO Waaqi d'ulla isaniti buusa, akuma inni worra Misiri tolche, isani ch'itoftani, gillindooftani mimiyo guurtani fayyu dad'abdani. AABBO Waaqi maraache, ila isani d'owe, woi isani wollaalchisa. Guyya gudda aka balla jaanjurtani, duuba kara gula yaatanile wollaaltani, wonti keesani tokoleeni eeba inqabdu. Yo ch'ufa isani gaargalchani, isani saamani, ammo nami isani qarqaaru injiru. Isani dubra kad'attani, ammo nama d'ibiiti isani dura buta. Isani mana jaarratani, ammo keesa inteetani, isani zabibu oobritani ammo mid'aani isii inyaatani. Looni keesani isani durati qalani, ammo fooni isaani inyaatani. Harre teesani, ato isani agartanu, isani duraa fud'atani, ammalle isanii indeebisani. Hooliye teesani nyaapa keesanii kennani nami isanii deebisu injiru. Ato isani gartanu ilmaani teesani d'iirafi dubrale nyaapati gurgurani. Isani guyya ch'ufa ila baaftani aka ilmaani teesani isanii galtu eeddani, ammo inagartani. Gosa isani imbeenneti mid'aani isanii iti gaargaltani qotattani isani iraa saame nyaata, ka nami hojja ch'ufa isani dabse aka hama isani gaargalchu. Gaargali kunini qalbi isani d'owe isani maraacha. AABBO Waaqi d'ullaa isani haguma jirtani infayyine jilbaafi miila keesaniti buusa, d'ullaani sunini miilaafi gubbee matale isani qabata. AABBO Waaqi isanifi hayyu keesani lafa nyaapa, ta isanifi ababooti teesani taka inargini, isani geesa; achiti isani waaqa mukhaafi d'akha iraa mid'aasani kad'attani. Lafa AABBO Waaqi iti isani geesuti, biyyiti isani ira rifate, isani goyeesite, isani tufati. Isani mid'aani guddo lafati fach'aaftani ammo diqo murattani, wonti akanatiifi mid'aani keesani ch'ufa awaanisati balleesa. Isani zabibu oobritani aka dansaa qorqorattani, ammo mid'aani ira inguuratani yokhaani daad'i ira ind'uddani, wonti akanatiifi raamoti balleesa. Ejersi lafa teesani ch'ufati baha, ammo d'ad'a ejersa tokole ira inargani, wonti akanatiifi mid'aani ch'ufti iraa jigani. Isani ilmaani dubrafi d'iira d'altani, ammo teesani intaatu, wonti akanatiifi imboojiani. Mukhaafi mid'aani keesani ch'ufa awaanisati balleesa. Keessumani lafa teesani keesa teetu hormaata gula oldeemti, ammo isani gadi deemtani. Worri waan isani liqeesu qaba, ammo isaani waan liqeesitani inqabdani. Worri mata keesani tahe, isani eege worra taatani. Abaarsi kunini ch'ufti isani d'aqabe isani qabate isani balleesa, waan isani AABBO Waaqa keesani saalfachu diddani, seerafi aada isaa, ta inni isanii kenne guutu diddaniifi. Abaarsi kunini akheekhafi qaabacha isanifi d'aloota keesani haga jiru jireenna taha. Waan isani AABBO Waaqa keesani gammadafi qilit'amani hojachu diddaniifi, ka inni waan ch'ufa keesa isanii eebise. Isani nyaapa keesani ka AABBO Waaqi isaniti ergu, qullafi beelafi d'eebuuni hojattani, waan ch'ufa d'abdani. Ammalle qaampara sibiila isaniti kayani, isani balleesani. AABBO Waaqi gosa isani afaani isii ind'ageenne muumme lafati isaniti erge, worri aka risa isani ira bua. Worri sunini worra fuula hamama, ka naasu inqamne, ka, nami kunini diqa yokhaani gudda injenne. Worri kunini loonifi mid'aani keesani nyaate, hormaata isaani d'owe isani hobaasa. Worri mid'aani, daad'i, d'ad'a, loonifi reele tokole isanii inhambisu, haga isani hobaataniti. Worri dira lafa AABBO Waaqi isanii kennu kana marse had'e, d'akha jaba dira sunini marsani jaarani, ka isani abdattani, jissa. Hojja nyaapi keesani dira keesani marse had'e isani beeloftani waan nyaatani d'abdani gaargaltani, ilmaani AABBO Waaqi keesani isanii kennele nyaatani. Yo isani dubbi seera, ta kitaaba kana keesati t'aafani, jabeesitani guutu diddani, ammalle maqa jaba ka AABBO Waaqa keesani ka guddisani ulfeesani sodaachu diddani, inni isanifi d'aloota keesani d'ukuba nami haguma jiru infayyinefi gaargala nami haguma jiru keesaa imbaane, isaniti buusa. Inni ammalle d'ukuba hama isani lafa Misiriti agartani, ka isani sodaatani, isaniti buuse fayyu dad'abdani. Ammalle d'ukubafi gaargala, ka kitaaba seera kana keesati int'aafinile, isaniti buusa, haga isani balleesaniti. Ato isani lafa ira dabartani urji gubba fakaatanile isani namuma diqaati hafa, waan isani dubbi AABBO Waaqa keesani ch'aqasu diddaniifi. Akuma AABBO Waaqi qara isani jaalate isani horsiise daraarse, akasuma inni isani jibbe, isani balleese daara isani baasa. Lafa isani fud'attani iti qubachu geetanile ira isani godaansisani. AABBO Waaqi lafa ch'ufa keesa haga muumme lafaa gargari isani firfirse, achiti waaqa d'ibi, ka mukhafa d'akha iraa mid'aasani kad'attani, ka isanifi ababooti teesani taka inkad'atiini. Fulla isani baatani tokoleti nagaya ingargattani, fullaani tunini tiyya dandeetani injettani. Ammo Waaqi achiti onne wosodaatufi ila woma ingarrefi garra sagale infeene isanii kenna. Guyya keesani imbeetani; halkani guyya wosodaatani, haguma jirtani bulti inargattani. Waan isani agartani ch'ufa sodaattani, onneeni isani hargufamti. Diirama ch'ufa, galgali yoomi gaha jettani, galgalale, diirami yomi gaha jettani. AABBO Waaqi hobolooni lafa Misiriti isani deebisa, ato qara inni, Deebie achiti isani indeebisu jed'ele. Achiti isani tissooma ufi gurgurtani, ammo nami tokoleeni ka isani bitatu injiru. Tunini dubbi wold'aqisa ta AABBO Waaqi Musani, lafa Moabu keesati, worra Israeliti himi jed'e; dubbini wold'aqisa tunini dubbi AABBO Waaqi gaara Sinaiti dubbateniti ta d'ibi. Musani worra Israeli ch'ufa wolti yaame waan jed'eeni, Isani ila teesaniini waan AABBO Waaqi hayyu Misiritiifi hojattu isaatiifi lafa isaa ch'ufu tolche ya agartani. Ammalle gaargala hamafi akheekhafi waan mama jabdu AABBO Waaqi tolche, ya agartani. Ammo haga arrale AABBO Waaqi qalbi wo hubattufi, ila waagartuufi, gurra wo d'agauule isanii inkennine. Haga ganna afurtama AABBO Waaqi lafa aloo ta gamooji keesa isani dura deeme, woya teesanifi kobeeni teesanileeni taka inch'ich'inne. Isani taka qit'a nyaatani daad'ifi yokhaani farso ind'unne, ammo AABBO Waaqi liqimsa isanii kenne, aka inni Waaqa keesani ufi isani beesise. Ammalle gaafa nu armaani baane, hayyu Sioni ka lafa Heshbonitifi hayyu Ogu ka lafa Bashani d'ufani nu had'ani. Ammo nu worra dabsanne, lafa worraa fud'anne, gosa Reubenitifi Gaditiifi ta Manase ta haga garitini gargari qoodanne. Tanaafi dubbi wold'aqisa tana jabeesa guuta, aka wonti isani tolchitani ch'ufti isanii toltu. Isaniini ch'ufti arra AABBO Waaqa keesani dura ejitani — worra gugurda mata gosatifi jaarole, d'iira, nad'eeni, ijoolle, worra gosa d'ibi, ka isani keesa tae qoraani isani ch'abse bisaani isanii d'aqu. Wonti arra asi d'uftaniifi, aka wold'aqisa AABBO Waaqi keesani isanii woliini tolfatu fud'attani, aka AABBO Waaqi amma tana gumi ufii isani tolche, Waaqa keesani isani tahu, akuma inni isanifi ababoota teesani, Abrahamu, Isaaqofi Yakobooti kakhate. Nami AABBO Waaqi wold'aqisa kana woliini tolfate isani ch'allaniti. Inni nu ka arra arma fuula isaa dura d'umneefi, ilmaani teenna ta qara ind'alatini wold'aqisa woliini tolfata. Finna keenna ka lafa Misiritiifi ka lafa biyya, ta nu keesa godaanne d'umne, inqaabatani. Isani waan hamtu, ka worri mukhaafi d'akhaafi qarsiini boch'e mid'aase aka waaqa kad'atu, ya agartani. Eegad'a, aka nami arra arma eju tokoleeni uwa taanaani, d'iira taanaani, worra taanaani, gosa taanaani AABBO Waaqa keenna iraa gore, waaqa gosa d'ibii inkad'anne, yo akasi inni mukha olguddate, had'aafi mid'aani had'ao qabu fakaata. Eegad'a, aka nami arra arma jiru tokoleeni, ka dubbi wold'aqisa tana d'agaye garaa ufii keesa ufi sobe, Anini woma intahu, wonti kiyya ch'ufti naa tolti, ato anini mata jabaad'e hereguma kiyya gula deemele jed'u injirre. Heregi sunini isani ch'ufa dadaansafi hamamole akuma taka balleesa. AABBO Waaqi nama akana kana inaraaramu ammo dallane aka ibida iti bobae, abaarsi kitaaba kana keesati t'aafani ch'ufti isa ira deebie, AABBO Waaqi maqa isaa lafa gubba balleesa. AABBO Waaqi, worra Israeli ch'ufa keesaa, koba isa baase, akheekha isa tolcha; ammalle gaargalafi abaarsa ch'ufa ka kitaaba seera Waaqa keesati t'aafani, itiini d'ufa. Eegi tana ilmaani teesanifi nami gosa d'ibii ka lafa fagooti d'ufe, gaargalafi d'ipu ta AABBO Waaqi lafa teesanitiini d'ufe argani. Oobruuni teesani adaala, ta d'akha daalachafi soodi ch'allaani gubba jiru. Woma tokole imbaaftu ya bade. Lafti teesani aka dira Sodomafi Gomorafi Admafi Seboimu taati, ka AABBO Waaqi, gaafa aka male dallane kaani balleese. Duuba nami lafaa ch'ufti waan jed'u, Isi AABBO Waaqi maanifi lafa worra akana tolche? Inni maanifi akana aka hama suni dallana? Duuba nami d'ibiini waan jed'u, wonti inni akasi taheefi, gumi AABBO Waaqati wold'aqisa qara Waaqa ababoota worra gaafa inni worra lafa Misiri keesa baase woliini tolfatani ch'abse. Worri waaqa d'ibi, ka taka duri inkad'atiini durati gajed'e kad'ate, waaqa AABBO Waaqi inkad'atiina worrani jed'e. Tanaafi AABBO Waaqi gumi isati dallane abaarsa kitaaba kana keesati t'aafani lafa isaanitiini d'ufe. AABBO Waaqi aka taka inargini gugubate dallane, dallansuuni worra lafa isaani keesa baase lafa nyaapati balleese, fulla worri arrale jiru. AABBO Waaqi waan isaa ka gari beekha d'osse; ammo wonti inni mullise teennafi ta ijoolle teennati, haga jiru jireenna. Tanaafi nu dubbi Seera kana guutuu male. Anini arra eebaafi abaarsa wolbira isanii qaba, toko gula baha. Hojja wonti kunini ch'ufti isani taate, ka isani gosa d'ibi keesa fulla AABBO Waaqi isani iti firfirse teetani isani waan anini jed'e kana inqaabatani. Yo isanifi ilmaani teesani AABBO Waaqati deebitani garaa keesani ch'ufaani seera isaa, ka anini arra isanii kennu guutani, AABBO Waaqi keesani isani naha. Inni gosa d'ibi ta inni keesa isani firfirse keesaa isani deebise, ammalle isani horsiisa. Ato muumme lafati isani firfirsanile, AABBO Waaqi keesani wolti isani deebisa aka isani lafa ababooti teesani duri keesa teete deebitani, fud'attani iti qubatani. Duuba ammalle inni ababoota teesanile ira isani daraarse isani horsiisa. AABBO Waaqi keesani garaa keesanifi ka ilmaani teesani laafise, ufii isani saalfachiisa aka isani garaa keesani ch'ufaani isa jaalattani, lafa suni keesati bultani. Inni abaarsa qara isani abaare ch'ufa nyaapa keesani ka isani jibbe isaani dabseti deebise, isanileeni isaa saalfattani, seera isaa, ka anini arra isanii kennu kana, guuttani. AABBO Waaqi waan ch'ufa keesa isani horsiisa; isani ilmaani heddu d'altani, looni guddo horattani, mid'aani guddole oobru teesani ira argattani. Inni akuma gammaddani ababoota teesani horsiise isanile horsiisa, ammo isani isaa saalfattani seera isaa, ka kitaaba kana keesati t'aafani, ch'ufa guutu maltani. Ammalle garaa keesani ch'ufaani isati deebiu maltani. Seeri anini arra isanii kennu kunini jabaate isani ind'ibu, yokhaani isani ira infagaatu. Seeri suni achi isani ira fago gubba injiru. Isani waan, Eentu guba deeme nu gadifuud'a, aka nu ch'aqamne guunnu? jettanifi inqabdani. Yokhaani seeri suni baariini gama injiru. Isani waan, Eentu baariini taake nutiini d'ufa aka nu ch'aqamne guunnu? jettanifi inqabdani. Ammo akasiiniti, dubbini d'aatuma teesani jirti, afaani keesanifi garaa keesani keesa jirti. Arra anini waan lama wolbira isanii qaba toko fohad'a waan dansaafi waan haamtu, duafi jireenna, toko gula baha. Yo isani seera AABBO Waaqa keesani, ka anini arra isanii kennu guuttani isa jaalatani, isaa saalfattani, seerafi aada isaa ch'ufa gula yaatani, isani hortani daraartani, AABBO Waaqi keesani, lafa isani fud'attani iti qubachu geetani tanati, isani eebisa. Ammo yo isani isa iraa deebitani ch'aqasu diddani nami d'ibiini isani sobe waaqa d'ibi isani kad'achiise, anini arra isaniti hima, isani imbaddani. Ammalle isani lafa galaana Yordanitini gama, ta isaani fud'attani iti qubachu geettani, keesati inturtani. Tanaafi anini amma waan kana lamaani wolbira isani qaba, duafi jireenna, eebaafi abaarsa, aka lafafi gubbaleeni d'uga isanii taatu. Tanaafi jireenna fohad'a, aka jiraattani. AABBO Waaqa keesani jaalad'a, isaa saalfad'a, iraa ingorina: duuba, yo akasi taatani, isanifi ilmaani teesani, lafa AABBO Waaqi ababoota teesani Abrahamufi Isaaqofi Yakobo inkenna jed'e kakhate, keesati lubbuuni teesani d'eeratti. Musani ammalle dubbi tana worra Israeliti dubbate waan jed'eeni, Anini amma ya jaare hobae, ganni kiyya d'ibbafi diddama, dandae aka duri kaani isaniini indeemu. Tana malele, AABBO Waaqi ya galaana Yordani intaakitu naani jed'e. AABBO Waaqa keesaniti isani dura deeme, gosa achi jirtu suni isani duraa balleese, lafa worra fud'attani. Ammalle akuma Waaqi jed'e, Yoshuati gudda keesani tahe, isaniini deema. AABBO Waaqi akuma Sihonifi Ogu, hayyoota Amori balleese, worra sunifi lafa worrale balleesa. AABBO Waaqi worra harka keesaniti kenne, isani, akuma anini tolcha isaniini jed'e, worra tolchitani. Ilaafiina garaa jabaad'a, worra insodaatina, AABBO Waaqi keesani isani woliini jira isani ilakisu, yokhaani isani biraa indeemu. Jennaani Musani Yoshua yaame, gumi Israeli durati waan jed'eeni ilaafiini, garaa jabaad'u. Nami gumi taanaani deeme lafa AABBO Waaqi ababoota worrati kakhateti geesu, sii. Nami si wahelche siini deemu AABBO Waaqa; inni si lakise si biraa indeemu, tanaafi insodaatini, garaa jabaad'u. Jennaani Musani Seera Waaqa kana t'aafe, qaalole gosa Lawi ta Sanduqa Wold'aqisa AABBO Waaqatini yaatufi jaarole Israeliti kenne. Inni waan worrani jed'e, yo ganni torba hobau ch'ufa, gaafa ganni gati namaa lakisani maru, dubbi tana jila Hoosati laalaba, biyyaa sooma. Hojja gumiini Israeli wolti d'ufte, fulla AABBO Waaqi keesani fohatuti kad'acha wolti baatu, dubbi tana sooma. Nama ch'ufa d'iirafi nad'eeni, ijoolle, worra gosa d'ibii ka dira keesani keesa taule wolti yaama, aka nami ch'ufti d'agaye AABBO Waaqa keesani sodaate, dubbi seera tana guutu. Akanaani ilmaani teesani ta taka Seera AABBO Waaqaa keesani ind'agayini d'ageeti. Ammalle akanaani haga worri lafa isani fud'attani iti qubachu geettani, ta Yordanini gama, keesa tau, isaa saalfatu. Jennaani AABBO Waaqi waan Musani jed'e, Musa, guyyaani kanke ya gabaabate. Yoshua yaami, fulla Waaro Woyyumati woliini koota, aka anini waan inni tahu male iti himu. Duuba Musafi Yoshuani Waaro suni d'aqani, Artiti AABBO Waaqi baldo duumansaa, ta balbala Waaro dura ejitu, keesa worrati mullate. Jennaani AABBO Waaqi waan Musani jed'e, Atini amma ya fulla ababooti tante jirtu d'aqu geete, ammalle eegi atini doote, gumiini naraa gorte wold'aqisa anini worra woliini tolfad'e ch'absiti. Ammalle na lakisani, waaqa worra na imbeenne, ka lafa worri iti qubachu gahe suni keesa jiru, kad'atani. Gaafasi anini worrati dallane, fuula ira deefad'e worra biraa deema, duuba worra imballeesani. Gaargali hamaani hedduuni worrati d'ufa, duuba worri, aka wonti kunini ch'ufti, maro anini worra lakiseefi, worrati d'ufte hubata. Duuba gaafasi anini worra duraa gore qarqaaru dida, wonti akanatiifi worri hamate waaqa d'ibi kad'ate. Tanaafi amma sirba kana t'aafi worra Israeli barsiisi, aka worri barate duuba sirbi suni d'uga naa tahu. Eegi anini lafa aananifi dammi aka lola yaautini worra d'ufe, ta anini ababoota worrati kakhad'e, achiti sagale fed'ani ch'ufa argatani gabbatani. Ammo naraa gorani waaqa d'ibi kad'atani, na didani, wold'aqisa kiyya ch'absani, duuba gaargali hamaani hedduuni worrati d'ufa. Taatule sirba akana ilmaani isaani inuma sirbiti, duuba sirbi kunini d'uga naa taha. Hojja tanale, ato lafa anini worraa kakhad'e worraa ingeesini, anini herega worraa ch'ufa ya beekhe. Duuba guyyuma suni Musani sirba suni t'aafe, gumi Israeli barsiise. Jennaani AABBO Waaqi waan Yoshua ilma Nunitini jed'e, Garaa jabaad'i, ilaafiini. Siti gosa Israeli lafa anini worra kakhad'eti geesa, aninileeni suma woliini jira. Musani dubbi Seera kana kitaabati t'aafe, ka tokole inhambisiini. Hobaase, jennaani waan qaalole gosa Lawi, ta Sanduqa Wold'aqisa AABBO Waaqa baatuni jed'e, Kitaaba Seera AABBO Waaqa kana fuud'a, Sanduqa Wold'aqisa AABBO Waaqaa d'aatu kaya, aka kitaabi suni arti tae d'uga worra tahu. Anini aka isani mata jabaatatani na diddani imbeekha isani nami gaafa anini jiru AABBO Waaqa dide, eegi anini duefa hagasi ira diddani. Worra gugurda gosatifi jaarole teesanile wolti yaama, natiini koota, aka anini dubbi tana iti hime lafafi gubbaleeni d'uga naa tatu. Anini imbeekha, eegi anini due isani garagaltani, waan hamtu tolchitani, kara anini isani barsiisele iraa gortani. Ammalle eegi tana gaargali isaniti d'ufa, waan isani waan hamtu AABBO Waaqi jibbu tolchitani, isa dallansiiftanifi. Jennaani Musani sirba kana ch'ufa haguma inni gahunu sirbe, ka worri Israeli ch'ufti ch'aqasu. Ee gubba, dubbi tiyya d'agayi, ee lafa, aka dansa naa ch'aqasi. Barsiisani tiyya aka bokaya roobde, dubbini tiyyaleeni aka fit'eesa woi jiifte; akuma ebele buuyo irati harrifte, aka shaesa marra irati roobdi. Anini maqa AABBO Waaqa faarse, gumiini isaaleeni guddinna isaa odeesiti. AABBO Waaqi jaba aka d'akha, ka wonti inni tolchu ch'ufti d'uga. Inni Waaqa d'uga, ka d'ugeefatani, ka qajeelafi d'ugaa tolchu. Isani worra dugeefataniiniti, ka gumi isaa tau himmaliini, gosa nama sobdu, ch'ubbiti. Aki isani AABBO Waaqa tolchitani akana; daawe woma imbeenne tana? Inni AABBO keesani ka isaani uumeeniti? Inni isani daraarse gosa isani intolchine? Waan duri, ka dabre, qaabad'a, abbooti teesani waan tahe gaafad'a, jaarole odu duri odeefad'a. Gaafa ka waan ch'ufa ira jiru lafa gosaa qoode, gaafa inni ilmaani namaa gargari baase, inni gosa ch'ufa lafa kenneefi, gumi Waaqa gula. Ammo qoodi AABBO Waaqaa gumi isaati, Yakobooni d'aala isaati. Inni lafa alooti isa arge, lafa bubbiftu gamoojiti fuud'e qorqorate, akuma ufi jabeesu jabeese. Akuma risaani ilmaani ufi barisu barsiise, koola ballise jala ch'ee qabu, AABBO Waaqi Israeli qaba. AABBO Waaqa ch'allati gumi ufiitini deeme, ka qarqaarsa waaqa d'ibi inqamne. Inni lafa dirre quubsise, mid'aani oobru nyaachise. Inni d'akha keesaa damma worra quubse qarsa keesaa d'ad'a kenneefi. Looni keesaa ititu kenneefi, ree keesaa aanani kenneefi, ammalle hooliyefi laleesafi looni keesaa gabbinna kenneefi, dargaye dansaafi daad'i qullo zabibu obaase. Gumiini Waaqa horte gabbatte, ammo AABBO Waaqa didde; worri lafa ira dabre ch'ufti gabbate, moora baase. Duuba Waaqa worra uume wollaalani. D'akha worra baase didani. Worri Waaqa d'ibi kad'ate, AABBO Waaqa obsa d'owe, wonti hamtuni worri tolche isa dallansiifte. Waan waaqa intahini, jinni, sorio baasanifi waaqa worri duri imbeenne, hareesa kale d'ufe, ka ababooti worraa taka insodaatini. Isani Waaqa keesani ka isani uume wollaaltani Waaqa isani d'ale ch'aqasu diddani. AABBO Waaqi akasi arge jennaani dallane, ilmaani isaa ta d'iiratifi dubrale dide. Waan jed'e, Anini deebie worra kana inqarqaaru, ammalle muumme waan worri iti deemu laala; wonti akanatiifi worri kunini worra mata jajaba, ka dubbi nama ind'ageenne. Worri kunini ya waan waaqa intahini kad'ate obsa na d'owe, waan boch'ani kad'ataniini na dallansiise, tanaafi anini gosa gosa intahini fuud'e, akasiini isani obsa d'owe, gosa daalle fuud'e isani dallansiisa. Dallansuuni tiyya aka ibida bobeete, boola fulla Ekherani jirtuleti woi gubdi: Dallansuuni suni lafafi waan isiini baaftule ch'ufa balleesite, gaarale ch'ufa ibidaani gubdi. Anini waan hamtu ch'ufa worra irati tuule, t'iya tiyya ch'ufaani worra had'a. Worri beelafi qand'ooni hobae, d'ukuba hamaani raawata. Anini bineensa ala, ka worra nyaatu, iti erge bofi had'aa qabu worra idda. Woraani kara keesati nama balleese, gaargali taka inargini worra keesati nama qabata; kaimi ka d'iiratifi ka uwaleeni raawate, daimafi jaaroleleeni hafto d'abdi. Anini sila worra hobaase aka nami tokoleeni worra inqaabanne. Ammo anini kiyyiba nyaapa worra sodaad'a, worri hegeri ufi d'aade, AABBO Waaqaniti, nuti worra harka keennaani hobaase jed'a. Israeliini gosa woma imbeenne, ta qalbi womatu inqamne. Worri waan worra dabsatanifi inhubatu, ammalle waan tahe inargu. Nami toko akami nama kuma toko dabsata? Yokhaani nami lama akami nama kuma kud'ani dabsata? Yo AABBO Waaqi worraa worra lakise, Waaqi guddaani worra yalabahe male. Nyaapi worraa imbeekha aka waaqi worraa laafa, ammalle waaqi worraa, haga Waaqa Israeli irre inqamne. Daad'iini nyaapa worraa Sodoma keesa d'ufte, oobru Gomora keesaa baate: zabibuni worraa had'ooftu, ta mid'aani had'aa qaba baaftu, akuma daad'i had'aa bofaa ira mid'aasani. AABBO Waaqi waan nyaapa worra tolche qaabate, guyya worra gaargalchani eegata. Inni haalo baafate worra gaargalcha; guyyaani worri baddu ya d'iaate; guyyaani worri d'umatu ya ala hobae. AABBO Waaqi hojja aka irreeni gumi isaa laafte argu worra baasa; ammalle hojja laafinna worra isaa hojattu argu innahaafi. Duuba AABBO Waaqi gumi isaatini waan jed'u, me, waaqi hedduuni irre qabu, ka isani d'aabbatani? Ka gabbinna sorio teesanitiini quubsitani, daad'i sorio teesani obaaftani? Waaqi sunini ch'ufti ha amma tana d'ufe isani qarqaaruti! Ha orie d'ufe isani jabeesuti! Me amma ilaala, Waaqi d'uga ana, ka d'ibiini injiru. Anini ijeese jireesa, madeese fayyisa, nami tokoleeni na indabsatu. Anini harka kiyya olfuud'e kakhad'a, aka anini Waaqa jiru, ka woraana kiyya qare, d'ugaani tissu. Anini nyaapa haalo baafad'e, nama na jibbule balleesa. Anini t'iya tiyya d'iiga worra quubse, goraadeeni tiyya fooni worraa nyaattee hobaafti. anini nama na had'u tokole illakisu, ka madeesanifi ka qabanile infit'a. Isani gochiti ch'ufti, gumi AABBO Waaqa faarsa; wonti akanatiifi inni nama worra ijeesu gaargalcha. Inni nyaapa ufi haalo baafate, daba gumi isaa ch'ufa araaramaafi. Musafi Yoshuani, ilmi Nuni, sirba kana, ka nami ch'ufti d'agayu, biyyaa sirbani. Musani dubbi gosa Israeli barsiisu ch'ufa buufate jennaani waan jed'e, Dubbi anini isani arra barsiisu tana jabeesa, garaati qabad'a, ilmaani teesanile ch'ufa barsiisa, aka isiini dubbi seera kana ch'ufa jabeesite guutu. Dubbini tunini dubbi tabaatiiniti, waan jireenna keesaniti. Yo jabeesitani guuttani, lafa galaana Yordanitini gama ta isaani amma iti qubachu geetani tana keesati, guyyaani keesani d'eerata. Guyyuma suni AABBO Waaqi waan Musani jed'e, Gaara Nebo, ka fulla gareeni Abarimu, lafa Moabu keesa, dira Yeriko gama ilaboru; jiru d'aqi kori, lafa Kanaani, ta anini worra Israeliti kennu, aka dansaa daawad'i. Atini akuma oboleesi kanke Harunini gaara Hori irati due gaara suni irati doota; wonti akanatiifi isaani lachu gumi Israeli durati na ch'eersitani. Gaafa isani fulla bisaani Meriba jirtani, d'aatu dira Kadeshi, lafa aloo ta Sini keesati, gumi Israeli durati na saalfachu diddani. Atini lafa anini worra Israeli kennu suni fago daawata, male, inseentu. Tunini eeba Musani, nami Waaqa, ato induiinu, gumi Israeliti eebise. AABBO Waaqi gad'ufe; aka adu lafa Edomuti bahe, gumi isaa gaara Parani iraa iti ifse. Malaikaani qulqullooni kuma kud'ani isa woliini jirti, harka isaa ka mirga bobaa ibidati jira. AABBO Waaqi gumi ufii jaalate, nama ufii qorqorata. Tanaafi nu isaa jala teenne seera isa baranna. Seera Musani nu worra Yakobooti keenne, aka seeri sunini keenna tahu, ch'aqamne guunna. Akanaani AABBO Waaqi hayyu gumi isaa Israeli tahe, gaafa jaaroleefi gochiti worra ch'ufti wolti baate. Musani waan gosa Reubeni akana jed'e: Gochiti Reubeni haguma jirtu inhobaiini, ha jiraatu, ato worri gosa diqo taatele. Waan gosa Yuda inni akana jed'e: Ee AABBO Waaqa qonqo gosa worra Yuda ch'aqasi, gosa taanini wolti deebisi. Worraa kalchi, AABBO Waaqa nyaapa worra iraa d'owi. Waan gosa Lawi inni akana jed'e: Ee AABBO Waaqa atini fed'i tante kara Urimutifi Thumimutiini nama agarsiifte, gosa Lawi, hojattu tante ta d'ugaatini dubbatta; atini Massati worra laalate, fulla bisaani Meribati d'uga worraa agarte. Worri abbaafi, haad'afi, oboleyaanifi ilmaani isaani ira si jaalate, sii saalfate, dubbi tante ch'aqase wold'aqisa kanke jabeese. Worri ijoolle ufii ta Yakobo aada tante barsiise, Seera kanke ilmaani Israeli barsiisa; worri sorio fulla sorio iti qalaniti sii baasa. Tanaafi, AABBO Waaqa, gosa worra eebisi jabeesi, huji worrale ee jed'i fud'ad'u. Nyaapa worrale ch'ufa ququrt'i, hobaasi, aka worri deebie inkaane. Waan gosa Benjamini inni akana jed'e: Tunini gosa AABBO Waaqi jaalate qorqoratu: inni guyya ch'ufa worra tisse keesa qubata. Waan gosa Yusufu inni akana jed'e: AABBO Waaqi lafa worraa bokaya iti buuse madda worrale burqisisinna. Ammalle adu baase mid'aani worraa dansa, ka woga ch'ufale, bilcheesina. Gaari worra, ka haguma duriti jiru, ha mid'aani dansaani guutamu. Lafti worraa ha waan dansa ch'ufaani guutamtu. Waan dansa AABBO Waaqi, ka gurbi bobeetu keesa dubbate, dansuma ufiitini eebisu. Eebiti tunini ch'ufti ha gosa Yusufu d'aqabduti waan inni oboleyaani isaa ch'ufati gudda taheefi. Yusufuuni haga korma looni jabaata, gaafa aka gafarsa qaba. Gaafi sunini toko ilmaani kunki heddu ta Manase, kaani ilmaani kunki kud'ani heddu ta Efraimu. Gaafa sunini inni gosa ch'ufa tumate haga muumme lafaa d'iiba. Waan gosa Zabulonifi Isakari inni akana jed'e: Gochiti Zabuloni ha bunaqa worra ka bisaani keesatini duromtuti. Gochiti Isakari ha worrati horate deebantu. Worri gaara worraati nama gosa d'ibi yaame, sorio adaa achiti baasa. Worri galaana keesafi maansa afaani galaana keesa woi guurate woi horata. Waan gosa Gadi inni akana jed'e: Nami gosa Gadi lafa guddo kenneefi ha eebifamu. Gochiti Gadi aka nyeench'aa gaade kurfefate, aka harkaafi gube mataa tarsaaftu. Worri lafa lafa ch'ufa ira dansa ufi fud'ate, qooda nama gosaa mataa kennaniifi. Worri seerafi aada AABBO Waaqa guute, gaafa jaaroleeni Israeli wolti baate. Waan gosa Dani inni akani jed'e: Gochiti Dani kuble nyeench'ati, ta Bashani keesaa ch'eetu. Waan gosa Naftali inni akana jed'e: Gochiti Naftali eeba AABBO Waaqa guddo argatte; lafti worra galaana Galilaya ia iraa baate bita qajeelti. Waan gosa Asheri inni akana jed'e: Gochiti Asheri gosa taani ch'ufa ira eeba argatte. Oboleyaani isaa ch'ufti ha nama ch'ufa ira isa jaalatu lafti isaleeni ha guddo d'ad'a qabaatuti. Balbala fullo dira isaa ha sibiilani ch'ufani, isa ha guyya ch'ufa aka dansaa qorqorataniti. Isani worra gosa Israeli, Waaqi aka waaqa keesani jiru tokoleeni injiru, ka woi yaabate guddinnaani gubbaa deeme dumansa keesa deeme qarqaarsaani isanii d'ufu. Haguma jiru jireenna AABBO Waaqi ya isani qorqorate, harki isaa haga duriti ya isani olqabe. Inni nyaapa keesani isani dura gusse, ch'ufa hobaasa isaniini jed'e. Tanaafi ilmaani Yakobo nagayaani teeti, lafa mid'aanifi daad'iini miju keesa, ta fit'eesi gubba lafa jiisu. Ee Israeli, isani gammachu akami qabdani! Gochiti aka teesani tokoleeni injirtu ta AABBO Waaqi baase. Wonteefi goraadeeni teesani, ta nyaapa isani ira d'owarte isani dabsachiiftu AABBO Waaqa. Nyaapi keesani, lubbu nu baasa jed'e isani kad'ata, ammo isani ira ejaanjaattani. Musani diida Moabuti deeme, gaara Nebo, haga fiit'e gaaraa Pisga, ka dira Yerikotini ilaboru kore. Achiti AABBO Waaqi lafa ch'ufa isa agarsiise: lafa Gileadi haga dira Dani gama mirga; lafa Naftali ch'ufa; lafa Efraimutifi ta Manase; lafa Yuda haga Baariini Gudda ila adu; lafa Yuda gama bita; ammalle diida Zoarifi Yeriko dira meet'iti eju. Jennaani AABBO Waaqi waan Musani jed'e, Tunini lafa anini Abrahamufi Isaaqofi Yakobooti kakhad'e, ilmaani teesaniti kenna jed'e. Anini ya sii agarsiise ammo atini achi ingeetu. Duuba Musani, hojatuni AABBO Waaqa achi lafa Moabu keesati due, akuma AABBO Waaqi indoota jed'eeni. Jennaani AABBO Waaqi bale lafa Moabu toko, ta dira Beth-Peoritini gamaati awaale, ammo haga arra awaala isaa nami fulla beekhu injiru. Musani gaafa inni due suni, ganni isaa d'ibbafi diddama; inni gaafasi akuma ufi jaba, iltileeni akuma qara woi agarti. Gochiti Israeli, diida Moabu keesati, haga bulti sodoma booteefi. Yoshua ilmi Nuni waan Musani harka ira kaye eebiseefi qarooma gudda argate. Raagi aka Musa taka gosa Israeli keesati ind'alanne ka AABBO Waaqaani woli argani woldubbatani: raagi tokoleeni ka akheekhafi waan mama tolche, ka aka AABBO Waaqi Musani hayyu Misiritiifi hojattu isaatiifi lafa isale ch'ufa durati Tolchi jed'eeni injiru. Raagi tokoleeni ka waan mama jabdu Musani gosa Israeli ch'ufa durati tolche tolchu injiru. Hojattuuni AABBO Waaqa Musani donaani, AABBO Waaqi waan Yoshua, ilma Nuni, ka qara Musa jala hojatuni jed'e, Hojattuuni tiyya Musani ya due: Waan taatu, kai, amma kurfefad'i, siifi gumiini Israeli ch'ufti galaana Yordani taakaa, lafa anini isanii kennuti dabra. Akuma anini Musani jed'e, fulla miili keesani bahu ch'ufa anini ya isanii kenna. Seeri lafa teesani haga lafa aloo gara bitaati eje, lafa gareeni ta Lebanoni mirgati eja; haga galaana Frati, gara ila boru, lafa gosa Hiti, haga Baariini Gudda gara ilaaduti eja. Haga atini jirtu nami tokoleeni dandae si dura ineju. Akuma Musa wahelche sillee wahelcha; anini waan sii tolcha jed'e inuma tolcha, ammalle si illakisu. Ilaafini garaa jabaad'i wonti akanatiifi siti worra kana dura deeme, lafa duri anini ababoota isaani inkennaafi jed'e kennaafi. Amma ilaafini, aka dansa garaa jabaad'i, Seera hojattuuni tiyya Musani sii kenne ch'ufa guuti. Seera suni diqole iraa ingorini, aka wonti atini tolchu feetu ch'ufti sii guutamtu. Dubbini kitaaba Seera tunini afaani si imbuini. Halkani guyya soomi, qalbi keesa keeyad'i, waan keesati t'aafani ch'ufa guuti, jabeesi, akanaani karaani kanke qajeele, wonti atini tolchitu ch'uftu sii guutamti. Anini qara ilaafini, garaa jabaad'i siini injenne? Sodaate garaa ilaafini, wonti akanatiifi anini, AABBO Waaqi kanke, fulla atini deemtu ch'ufa sii wahelcha. Jennaani Yoshuani jaarole mataa wolti yaame waan jed'eeni, Olla keesa yaa, biyyaani, woreega tolfad'a jed'aani; wonti akanatiifi eegi guyya sadi galaana Yordani taakitani lafa AABBO Waaqi isanii kennu fud'attani. Yoshuani waan gosa Reubenitifi ta Gaditifi ta Manase ta haga garitini jed'e, Dubbi hojattuuni AABBO Waaqa Musani isaniini jed'e qaabad'a: woni inni jed'e, AABBO Waaqi keesani teeso isanii tolche, lafa tana isanii kenna. Nad'eeni teesanifi ijoolle teesanifi horiini keesani ch'ufti ha lafa Musani galaana Yordani gama kanati isanii kenneti hafaniti. Ammo d'iirti lolaa ch'ufti kurfefate woraana guurate, ha gosa isanii dura galaana Yordani taakite qarqaartuti, haga worri lafa AABBO Waaqi gama suniti keenneefi fud'atuti. Eegi Waaqi gosa Israeli ch'ufa teeso kenneefi, duuba dandeetani lafa teesani tana, ta hojattuuni AABBO Waaqa Musani gama kanati isanii kenne keesa qubatani. Worri waan Yoshuani jed'e, Waan atini taha jette ch'ufa intaana, fulla atini d'aqa jette ch'ufa ind'anna. Akuma Musa ch'aqamne sille ch'aqamna: AABBO Waaqi, akuma Musa wahelche sillee wahelchina! Nama dubbi tante dide, waan atini tolchi jette tokole tolchu dide inijeesani. Ilaafini garaa jabaad'i. Jennaani Yoshuani, ilmi Nuni, nama lama lafa Shitimuti d'ossaani dooya erge waan jed'eeni, Beena, lafa Kanaani dooyaad'a, keessuma dira Yeriko qorqorad'a. Duuba worri yae, mana sharmut'iti toko ta maqaani Rahabu, bule. Jennaani waan hayyu Yerikotini jed'ani, jari Israeli toko ya halkani kana armaani bahe aka lafa dooyaatu. Duuba hayyuuni Yeriko qonqo Rahabuti erge waan jed'eeni, worri mana kanke keesa jiru sunini lafa teenna dooyaachu d'ufe hurrisi gayaasi. Jennaani Niitiini taani worra lamaani kaani fuute d'ossite waan jette, D'uguma worri ya mana kiyya d'ufe, ammo anini gara worri d'ufeefi imbeekhu. Aduuni d'iinaani, ato fullo inch'ufinu baqatani; ammo anini gara worri yae imbeekhu: Hurrisa reeba, ind'aqabdani jette. Ammo isiini qara worra kaani guurte, mana guba geesite, aala mana gubbati afteeni d'ossite. Duuba jari hayyuuni erge kaani haga malka galaana Yordani worra reebe. Akuma reebuni worra suni dabarteeni fullo ch'ufani. Ato worri dooya kaani gadinch'iisini Rahabuni mana iti korte. Waan jetteeni, Anini imbeekha aka AABBO Waaqi lafa tana isanii kenne. Nami lafa tana keesa jiru ch'ufti ya isani sodaate mudame bisaani naqate waan tahu d'abe. Nu ya d'ageenne aka AABBO Waaqi galaana Diima isani durati gosse, gaafa isani lafa Misiri keesa baatani kaani. Ammalle aka isani hayyoota Amori lamaani, Sihonifi Ogu, galaana Yordani gama suniti fit'ani balleesitani ya d'ageenne. Nu waan suni d'ageenne jennaani mudamne bisaani naqanne waan taanu wollaale maro teesanifi. AABBO Waaqi keesani Waaqa gubbafi lafale jiru. Duuba amma isani maqa AABBOOTINI nati kakhad'a aka isani worra kiyyaa naatani waan dansa tolchitani, akuma anini waan dansa isanii tolche; ammalle akheekha woi ka anini isaniini d'ugeefad'u naa kenna. Aka aabboofi aayyoofi oboleyaani tiyyafi fiit'a teenna ch'ufa lubbu baaftani nati kakhad'a, duu nu d'owa. Jennaani worri waan jed'eeni, Waaqi nu ijeesinna, yo nu waan atini feetu sii inguutini! Yo atini waan nu yaanufi kana namati inhimini, gaafa AABBO Waaqi lafa tana nuu kenne, sii naane waan dansa si tolchina. Rahabuni mana naabo dirati mat'anu keesa teeti, tanaafi isiini haadani worra suni dereshani lafati gabuufte. Waan jetteeni, lafa gaareeni d'aqa aka worri reebu teesani yau suni isani ingarre. Haga guyya sadii d'okhad'a, haga reebuni sunini galtuti. Duuba eegi suni kara keesani iti d'aabatani. Worri waan jed'eeni, kakhu atini nu kakhachiifte inguunna. Waan taatu, hojja nu lafa teesani haanu, haada diima kana deresha nuuni ga buufte kanati hid'i. Abbeeti, hateeti, oboleyaani teeti, worra abba keeti ch'ufa mana kanati wolti guuri. Yo nami tokoleeni mana keesaa alati bahe, isumati duani ufi gahe dooti isaa gubba teennaniti. Ammo yo nama mana kanke keesa jiru tokole wotolchani dooti isaa gubba teenna. Ammo yo waan nu yaanufi kana nama tokoleti himte, kakhu atini nu kakhachiifte taani nu sii inguunnu. Isiini ee, aki isani jettani hataatuti jette, worra gad'iifte. Worri yaanaani isiini haada diima kaani dereshati hiite. Worri dooya kaani gara gaareeni yae d'okhate, worri hayyu kaani haga guyya sadi lafa suni ch'ufa keesa worra barbaade woma d'abe, Yerikoti dachae. Jari kaani lamaani gaara iraa gabue, galaana Yordani taake gara Yoshua ilma Nuni, deebia waan tahe ch'ufa iti himani. Waan jed'aniini, D'uguma, AABBO Waaqi lafa tana ch'ufa ya harka keennati kenne. Maro teennafi worri achi jiru ch'ufti yaa mudame, waan tahu wollaale. Boriyya Yoshuafi worri Israeli ch'ufti ganama Shitimu godaanani galaana Yordani ka intaakini d'aatu qubatani. Bulti sadi bulani jennaani jaaroleeni olla keesa yaate. Waan biyyaani jette, Hojja isani qaalole gosa Lawi, ta Sanduqa Wold'aqisa AABBO Waaqa keesani baatu argitani kaa gula yaa. Isani lafa tana fuula imbeetani tanaafi worri ha isani dura yae kara isani garsiisu, ammo Sanduqa Wold'aqisati ind'iaatina, ejata kuma toko hanqad'a. Duuba Yoshuani waan biyyaani jed'e, Ufi qulqulleesa, wonti akanatiifi AABBO Waaqi bori waan mama jiddu teesaniti tolcha. Ammalle Yoshuani waan qaaloleeni jed'e, Sanduqa Wold'aqisa fuud'a, biyya dura yaa. Duuba worri Sanduqa Wold'aqisa fuud'e biyya dura yae. AABBO Waaqi waan Yoshuani jed'e, Anini arra gumi Israeli ch'ufa durati si guddisa, akanaani nami ch'ufti aka anini akuma Musa wahelche sillee wahelchu beekhu. Ammalle qaalole ta Sanduqa Wold'aqisa baatuni waan jettu, Hojja isani afaani galaanatini baatani, qotuma bisaani ejaanja. Jennaani Yoshuani waan gumi Israelitini jed'e, Koota dubbi AABBO Waaqa keesani ch'aqasa. Inni ato isani gad'uftanu gosa Kanaanitiifi ta Hititifi ta Hivitifi ta Perezitifi ta Gergeshitifi ta Amoritifi ta Yebusile isani duraa gussa. Duba isani akasiini aka Waaqi jiru isani woliini jiru beetani. Sanduqi Wold'aqisa AABBO Waaqa lafa ch'ufaa isani dura galaana Yordani taaka. Amma waan isani taatani, gosa Israeli kud'ani lamaani keesa nama d'iira toko fuud'a. Hojja qaaloleeni ta Sanduqa Wold'aqisa AABBO Waaqa lafa ch'ufa, baatu, miila bisaani galaana Yordani keesa d'aabatu, galaani sunini yau lakise ammalle bisaani gubbaa gabuani fulla tokoti wolti deebiani. Galaani yau lakise, bisaani fulla dira Adamu, ka d'aatu Sarethaniti wolti deebiani. Bisaani qara gara galaana Sooda yaanileeni ch'itani, biyyiti d'aatu dira Yerikotini taakite. Haga worri Israeli lafa goddu ira yae dabru ch'ufa, qaaloleeni Sanduqa Wold'aqisa AABBO Waaqatini yaatu taani wod'aka galaana Yordani lafa goddu ira ejaanjiti. Akanaani worri Israeli ch'ufti galaana taake. Eegi gochiti ch'ufti galaana Yordani taakite, AABBO Waaqi waan Yoshuani jed'e, Gosa kud'ani lamaani keesa nama d'iira kud'ani lama, gosa ch'ufa keesa toko tokooni fuud'i; duuba waan jettuuni, d'akhaye kud'ani lama wod'aka Yordani, fulluma qaaloleeni qara ejaanjite guura, yaani, fulla eddantana bultani naqa. Jennaani Yoshuani worra kud'ani lama ka inni fohate kaani yaame. Waan jed'eeni, Beena Sanduqa Wold'aqisa AABBO Waaqa keesani dura galaana seena. Isani namu d'akha toko gurmuti baad'a, aka henna gosa Israeli kud'ani lamaani gula. D'akhayeeni tunini waan AABBO Waaqi tolche worra qabsiifti. Hojja taka tana ijoolleeni teesani d'akhayeeni tunini maani? jette isani gaafate. Isani waan jettanini, Bisaani Yordani yau lakisani hojja Sanduqi Wold'aqisa AABBO Waaqa galaana Yordani taake. Tanaafi d'akhayeeni tunini waan suni worra Israeli qaabsifti haga jiru jireenna. Jari kaani waan Yoshuani jed'eeni guute. Akuma AABBO Waaqi Yoshuani jed'e worri d'akhaye kud'ani lama taani wod'aka Yordaniti guure, aka henna gosa Israeli kud'ani lamaani gula, ammalle fulla qubatani geese achi naqe. Duuba Yoshuani d'akhaye kud'ani lama wod'aka Yordani keesa, fulla qaaloleeni Sanduqa Wold'aqisa baatu taani ejaanjite, old'ad'aabe. (D'akhayeeni suni haga arrale achuma jirti.) Haga wonti ch'ufti ka AABBO Waaqi Yoshuani biyyati himi jed'e taatu, qaaloleeni Sanduqa Wold'aqisa baatu wod'aka Yordani keesa ejaanjite, akuma Musani Yoshuani jed'e kaani. Biyyiti arifate galaana taakite. Eegi biyyiti ch'ufti taakite, qaaloleeni ta Sanduqa Wold'aqisa baatu biyya gula taakite. D'iirti gosa Reubenitifi ta Gaditifi ammalle gochiti Manase ta gari akuma Musani jed'eeni, lolaa kurfefate biyya taani ch'ufa dura galaana taakite. AABBO Waaqa durati d'iirti haga kunki afurtama lolaa kurfefatte diida Yerikoti dabarte. Guyya suni AABBO Waaqi worra Israeli ch'ufa durati Yoshua guddise; akuma duri Musa d'eetani saalfatanifi Yoshuale haga inni jiru ch'ufa d'eetani saalfatanifi. AABBO Waaqi waan Yoshuani jed'e, qaalole Sanduqa Wold'aqisa baatuni galaana keesaa baha jed'i. Tanaafi Yoshuani qaaloleeni, galaana Yordani keesaa baha jed'e. Duuba akuma qaaloleeni Sanduqa Wold'aqisa AABBO Waaqa baatu galaana Yordani keesaa baate miili worraa lafa goddu ira ejatteeni, bisaani Yordani, akuma qara kaani, fulla ufi ta duriti deebiani fach'aani. Guyya kud'anneeso ka jia tokeeso, biyyiti galaana taakite lafa Gilgali ta seera Yerikotini ila boruti qubatte. Achiti Yoshuani d'akhaye kud'ani lamaani taani ta Yordani keesa guurani old'ad'aabe. Duuba inni waan worra Israelitini jed'e, Hegeri yo taka tana ijoolleeni teesani isani gaafate, D'akhayeeni tunini maanifi d'ad'abani jette? Isani waan jettanini, Gochiti Israeli lafa goddu ira yaate, Yordani taakite; wonti akanatiifi AABBO Waaqi haga isani dabartaniti bisaani isani dura gorse lafale gossa, jed'e akuma inni duri galaana Diima gosse, nu taakine. Akanaani nami lafa gubba jiru ch'ufti, aka AABBO Waaqi jabaa beekha; duuba haga jiru jireenna AABBO Waaqa d'eetani. Hayyooti Amori ch'ufti ta lafa Yordani ila adu jirtu, ammalle hayyooti Kanaani ta galaana d'aatu teetu, aka AABBO Waaqi galaana Yordani gosse, worri Israeli taake d'ageete jennaani maro gosa Israelitiifi aka taka inargini naate lubbuuni d'ufte. Gaafasi AABBO Waaqi waan Yoshuani jed'e, D'akha guraacha jajaba haadu mid'aasi worra Israeli ka qabanqaba inqabatini qabiifi. Duuba Yoshuani akuma AABBO Waaqi jed'eeni tolche worra Israeli qabanqaba qabeefi fulla gaara qabanqaba jed'aniti. Wonti Yoshuani worra qabanqaba qabeefi tana: Nami d'iira ka lola guutu, ka lafa Misiri keesa bahe yayu karaati lafa aloo keesati hobae. Ato nama lafa Misiriti bahe qabanqaba qabanifile nama lafa aloo eegi lafa Misiri keesaa bahani karaati d'alate taka qabanqaba inqabneefi. Wonti akanatiifi worri Israeli ganna afurtama lafa aloo keesa godaane, duuba nami ch'ufti, yokhaani nami lola guutu ch'ufti, ka lafa Misiri keesa bahe, waan qonqo AABBO Waaqa inch'aqasinifi raawate. Akuma Waaqi jed'e worri suni lafa aananifi dammi aka lolaa yau ta Waaqi ababoota worraati kakhate inagarre. Ilmaani d'iira ta worra suni taka qabanqaba inqabanne, tanaafi Yoshuani worra kana qabanqaba qabeefi. Haga worri qabanqaba qabanifi kaani madaani infayyini worri Israeli ch'ufti fulluma qara qubate tae. Duuba AABBO Waaqi waan Yoshuani jed'e, Anini arra waan worri Misiri isaniini miid'u ya isani iraa balleese. Tanaafi fulla suni maqa Gilgali baasani, fulla suni arrale Gilgaluma jed'aniini. Ato worri Israeli Gilgali jiru, aada Pasaka jed'ani, galgala guyya kud'ani afreeso ka jia suni, diida Yerikoti tolfatani. Eegi Pasakani dabarte, boriyyaate worri sagale lafa Kanaani keesati baatu soorate: mid'aani akhaanifi qit'a bukho inqamne. Akuma worri sagale lafa Kanaaniti baate nyaateeni sagaleeni manna jed'ani taani d'umatte. Duuba worri Israeli iti deebie manna inyaanne ammo sagale lafa Kanaaniti baate ganna suni nyaatani. Ato Yoshuani d'aatu Yeriko jiru, inni olmillate, nama toko ka goraade harka qabu arge, kae gara isaa d'aqe waan jed'eeni, Atini nama keenna mo nyaapa keenna? Namichi waan jed'eeni, Anini jara suni tokoleeniti, ammo anini gudda duula AABBO Waaqa. Jennaani Yoshuani durati jige kad'ate waan jed'eeni, Aabbo anini hojattu teeti, maani naani jechu feeta! Duuba guddaani duula AABBO Waaqa waan Yoshuani jed'e, Kobe baafad'u fullaani atini ejitu tunini fulla qulqullo. Yoshuani akuma jed'aniini tolche. Fullo Yeriko keesafi alallee ch'ufa hid'ani jabeesani eegani aka worri Israeli inseene. Nami tokoleeni ka seene yokhaani bahu injiru. AABBO Waaqi waan Yoshuani jed'e, Anini dira Yerikotifi hayyufi askarti isaa jajannale harka kanketiti kenna. Siifi askartini tante guyya ch'ufa maro toko, haga guyya jaa, dira kana ira mara. Qaaloleeni torba ta magalataani yaatu ha Sanduqa Wold'aqisa dura yaatu. Guyya torbeeso, ato qaaloleeni magalata suni d'ooftu, siifi askartini tante maro torba dira ira mara. Duuba hojja magalata suni ka guddisani d'aani d'ageetani, nami ch'ufti ha lalabe iyyuuti. Duuba naaboni dira suni ch'ach'abde qaqarite, askartini ch'ufti hojuma suni dira seenti. Jennaani Yoshuani ilmi Nuni, qaalole wolti yaame waan jed'eeni, Sanduqa Wold'aqisa fuud'a, isani nami torba magalata fuud'a dura yaa. Duuba waan inni biyyaani jed'e, Beena yaa, dira ira mara, worri lola ha Sanduqa Wold'aqisa AABBO Waaqa dura dabruti. Duuba akuma Yoshuani biyyaani jed'e qaaloleeni torba ta magalataani yaatu Sanduqa Wold'aqisa AABBO Waaqa dura magalata d'aa yaate. Ammalle worri lola yau qaalole magalata d'ooftu dura yae, askartini d'ibileeni Sanduqa suni eege yaate; haga kana ch'ufa magalati d'au illakimne. Ammo Yoshuani qara waan biyyaani jed'e, Iniyyina dubbini tokoleeni afaani keesani keesaa imbahini, haga guyyaani anini iyya isaniini jed'u gahuti. Inni biyya Sanduqa Wold'aqisa baatuni, maro toko dira mara jed'eeni worri mare dachae bule. Jennaani Yoshuani ganama lafa kae, qaaloleleeni Sanduqa Wold'aqisa AABBO Waaqa olfuute. Qaaloleeni torbaani taani, ta magalataani Sanduqa Wold'aqisa AABBO Waaqa dura yaatu magalata ufi d'aa dabarte. Ammalle askartini lola worra dura yaate, askartini d'ibileeni Sanduqa Wold'aqisa AABBO Waaqa eege yaate. Haga kana ch'ufa magalata inuma d'aani. Guyya lameesole maro torba dira ira marani bulti dachaani. Guyya jaa akanuma tolchani. Guyya torbeeso baraaqa lafaa kaani, akuma kaani dira ira marani, ammo guyya suni maro torba marani. Ka maro torbeeso maru jirani qaaloleeni magalata d'oofte jennaani Yoshuani waan biyyaani jed'e, Iyya, AABBO Waaqi ya dira kana isanii kenne! Dirafi waan keesa jira ch'ufa maro Waaqi jibbeefi balleesa. Sharmut'iti Rahabu jed'anifi nama mana isii keesa jiru ch'alla lakisa, waan isiini jara nu dooya ergine d'ossiteefi. Ammo waan balleesu malani tokole infud'atina. Yo fud'attani gaargalafi badi worra Israelitini d'uftani. Ammo waan qarsiifi worqifi sibiila diimafi guraachani mid'aasani ya AABBO Waaqa olkayani, ha fulla miha AABBO Waaqa olkayaniti olkayani. Jennaani qaaloleeni magalata d'oofte, biyyiti akuma qonqo magalata suni d'ageeteni lalabde iyyite, naaboni dira suni ch'ach'abde qaqarite. Duuba askartini ch'ufti gaara korte, dira fud'atte. Goraade ufiitini worri nama dira suni keesa jiru ch'ufa fit'e diqaafi guddafi d'iiraafi nad'eenile. Ammalle worri looni, ree, harrele ch'ufa fit'e. Yoshuani waan worra lamaani dooyaa yae kaaniini jed'e, Beena mana sharmut'iti isani d'ossite taani d'aqa, isiifi fiit'a isiile ch'ufa gafuud'a, akuma qara jettanini. Duuba worri yae, Rahabufi abbaafi haad'afi oboleyaani isiitiifi fiit'a isii ch'ufaani d'ufe. Worri nama isii ch'ufafi tissele worrale ch'ufa fuud'e d'aatu olla Israeliti qubsise. Worri dira kaani ibida iti kae, waan keesa jira ch'ufa ka worqifi qarsiifi sibiila diimafi guraachani mid'aasani male ch'ufa gube. Ammo worqifi qarsiifi sibiila diimafi guraachale fulla miha AABBO Waaqa iti olkayaniti olkayani. Ammo Yoshuani niiti sharmut'iti Rahabu jed'anifi fiit'a isiile ch'ufa lubbu baase, waan isiini worra dooyaa lamaani Yerikoti ergani kaani d'ossiteefi. (D'alooti isii haga arrale ch'ufa Israeli keesa taa.) Gaafasi Yoshuani seera gudda baase waan jed'e, Nama iti deebie dira Yeriko kana ammalle injaara jed'e, abaarsa Waaqati qabata. Nami yayaba dira kana jaare ilma ufi ka angafa d'abe, ka fullo jaarelleeni ilma ufi maand'icha d'aba. Duuba AABBO Waaqi Yoshua waan ch'ufa keesa qarqaare, gurri isaa lafa ch'ufa gahe. Nami gari seera AABBO Waaqa ka inni, dira Yeriko keesa waan balleesu malani infud'atina jed'e inguunne. Nami toko ka maqaani Akani seera suni guutu dide AABBO Waaqa gosa Israeliti dallansiise. (Akaniini ilma Karmi, ka ilma Zabdi, ka balbala Zera ta gosa Yuda.) Yoshuani nama d'iira ka gari dira Yerikoti dira Ai, ka dira Bethelitiini ilaboru ka d'aatu Beth-Areniti erge, lafa ch'ufa dooyaad'a jed'eeni. Worri waan taha jed'aniini suni tahe, jennaani Yoshuati dachae waan jed'eeni, Wonti nami ch'ufti Ai had'uufi injirtu, d'iirti kuma lama yokhaani ta kuma sadi ingeeti, askarti ch'ufa inerginu diri sunini waan diqa. Duuba askartini Israeli, nami kuma sadi, dira suni had'e, ammo worri dira suni worra ufiraa deebise. Worri d'iira, ka dira Ai, worra Israeli suni haguma fulla fulloti reebe fulla ch'irracha qotanifi tokooni baase kara gaara iraa buu keesati nama sodomi jaa keesaa fit'e. Jennaani worri Israeli mudame bisaani naqate. Yoshuafi jaaroleeni Israeli bohani, woya ufii tataarsasani, Sanduqa Wold'aqisa AABBO Waaqa durati lafaani ufi d'aani aka hama laaleefatani. Biyye matati ufi guurani haga galgala arti ch'iisani. Jennaani Yoshuani waan jed'e, Ee AABBO Waaqa, atini maafi Yordani nu taakisiifte armaani nu d'ufta? Atini harka gosa Amoriti nu kennu feeta? Atini nu balleesu feeta? Ato sila galaana Yordani gama suniti hamne ira nuu injirtu? Ee AABBO Waaqa anini amma maani? Jed'a, nyaapi kenna nu dabsate? Gochiti kanaanitiifi nami lafa tana keesa jiru ch'ufti waan kana d'agaye, amma tana nu marse nu ch'ufa fit'a! Atini duuba maani tolchita aka gurra kanke badi d'owartu? AABBO Waaqi waan Yoshuani jed'e, Kai, atini maanifi akana ch'iifta? Worri Israeli ya ch'ubbame! Worri wold'ageeti nu wold'ageenne ch'abse waan balleesu malani ka gari fud'ate. Worri ya kiyyibe waan suni hate, miha worraatini woliini olnaqate. Tanaafi Israeliini nyaapa ufi dura eju indandeenne: Ammalle waan badi iti muranifi worri nyaapa ufi duraa baqata. Anini amma deebie isani woliini intau, haga isani waan infuud'ina jed'ani balleesitaniti. Kai, biyya qulqulleesi, waan jettuuni, Bori kurfaa ufi qulqulleesa, anini AABBO Waaqi Israeli, waan kana isaniini jed'a, Worra Israeli, isani waan gari ka anini balleesa isaniini jed'e, ya guuratani. Haga waan kana balleesitaniti isani dandeetani nyaapa keesani dura inejitani. Duuba amma waan atini worra ch'ufaani jettu, Bori diirama gosa gosani isani ch'ufa armaani d'ufani. Gochiti anini keesa filad'e ha balbala balbalaani d'uftuti; balbalti anini keesa filad'eleeni ha worra worraani d'uftuti; worri anini keesa filad'eleeni ha nama d'iira nama namaani d'ufuuti. Nami anini keesa filad'e, ka miha balleesu malani sunini argani, isaafi worra isaatiifi waan inni qabule ch'ufa woliini ha gubbaniti, waan worri waan ch'eera hamtu Israelitini d'ufe wold'ageeti teenna ch'abseefi. Boriyyaate ganama Yoshuani worra Israeli ch'ufa gosa gosani d'ufeeni, gosa Yuda keesaa fuud'ani. Duuba inni gosa Yuda balbala balbalaani d'ufeeni, balbala Zera keesaa fuud'ani, balbala Zera suni worra worraani fuud'ani, duuba worra Zabdi keesaa baasani, inni duuba worra Zabdi nama namaani jara d'iira gadi guure, duuba Akani, ilma Karmi, ka akhaakhu Zabdi, biyya keesa alati baasani. Jennaani Yoshuani waan jed'eeni, ilma kiyya AABBO Waaqa Israeli durati d'uga nati himi, waan, taate ch'ufa himi. Amma waan taate tokole na ind'ossini, nati himi. Akaniini waan jed'eeni, D'uguma, anini yayu AABBO Waaqa Israeli durati ch'ubbame, wonti anini taheleeni tana. Waan nu fud'anne kana keesa, woya mid'aadu Babiloni d'ufte jira, ammalle qarsi kilo lamatiifi worqi ulfinni isii diquma kilo hanqatu arge, aka jaba jaalad'e, fud'ad'e. Amma atini yo laalte waaro tiyya keesati ingarta. Nati qarsi jala aanse waaro keesati awaale. Duuba Yoshuani nama erge, worri suni gara waaro orie, waan Akaniini hate kaani, ka waaro keesati qarsi jala aansani d'ossani, argani. Waan suni ch'ufa waaro keesaa guurani, Yoshuafi worra Israeliti geesani, AABBO Waaqa duraani d'ufani. Yoshuafi worri Israeli ch'ufti Akani ilma Zeratifi waan inni hate kaani, qarsi woya, worqi, ammalle nad'eenifi ijoolle isaa ta d'iiratifi ta dubrale, loonifi harreefi reefi waaro isaatiifi waan inni qabu ch'ufa bale Akori geesani. Yoshuani waan jed'eeni, Atini maanifi gaargala kana ch'ufaani nuti d'ufte! Duuba worri Israeli ch'ufti isa d'akhaani had'e ijeese worra isaatiifi waan inni qabu ch'ufa ibidaani gube. Worri d'akha irati tuule d'akhaani sunini haga arrale achuma jira. Tanaafi fulla sunini laga gaargala jed'ani, Duuba AABBO Waaqi worrati indallanne. AABBO Waaqi waan Yoshuani jed'e, askarti ch'ufa fud'ad'i, dira Ai d'aqi. Sodaatte garaa ilaafini; anati jabeenna sii kenna, aka atini hayyu Aitifi nama isaatiifi dira isaale dabsate, lafti sunini tante taatu si tolcha. Akuma atini Yerikofi hayyu isaa tolchite dira Aitifi hayyu isaale tolchi, ammo maro tana loonifi waan worri qabu ch'ufa boojia. Dira duddaduubani gaadi had'i. Duuba Yoshuani askarti isaa ch'ufa woliini dira Ai d'aqisa kurfefate. Inni askarti isaa nama kuma sodoma dadansa halkaniini erge waan jed'eeni, Dira gama kaaniti d'okhad'a, ammo iraa infagaatina; had'iisa kurfefad'a. Anaafi jari kiyya dirati gad'umna. Duuba yo worri Ai nuti gad'ufe, nu gargalle orina, akuma qara taane kaani. Worri haga nu dira keesaa baanuti nu reeba, waan nu aka gaafa qara kaani nu worra baqannu seha. Duuba isani fulla iti d'okhatani gabaattani dira worra qabdani. AABBO Waaqi keesani dira isanii kenna. Eegi dira suni fud'attani, Akuma AABBO Waaqi jed'e kaani, guba, wonti isani tolchu maltani sunuma. Jennaani Yoshuani fulla iti d'okhataniti, ta Ai ila adu, ta jiddu Aitifi Betheli, worra erge achiti eega jed'eeni. Ammo Yoshuani halkani suni olla keesa bule. Boriyyaate ganama Yoshuani lafaa kae, askarti isaa ch'ufa wolti yaame, isaafi jaaroleeni Israeli haga Ai worra gussite. Isaafi askartini isaa yaate fullo guddo diraani seenani mirgati qubate, duuba fulla worri jiru sunifi Ai baleeti jiddu jira. Inni askarti kuma shani fuud'e, fulla iti d'okhatani, ta diraani ila adu, jiddu Aifi Betheli geese. Duuba askarti fulla bulto guddo ta diraani mirga had'iisa kurfeesani, askarti haga gari diraani ila aduu lakisani. Yoshuani halkani suni balee keesa bule. Hayyuuni Ai askarti tana arginaani, isaafi nami isaa ch'ufti hurrisani ganama gabahani, gara bale Yordani d'aqani, aka askarti Israelitini wolhad'ani. Ammo inni aka askarti d'ibiini dudda duubani d'okhate worra isaa eegachuti jirtu quba inqabu. Yoshuafi askartini isaa aka waan baqatani ufi tolchani lafa gamoojiti oriani. Duuba nama dira Ai keesa jiru ch'ufa wolti yaamani aka worra Yoshua reebani, ammalle reebu suni keesa dira iraa guddo fagaatani. Nami dira keesa jiru tokoleeni inhamne dira adiyyo lakisani worra Israeli reebani. Jennaani AABBO Waaqi waan Yoshuani jed'e, Woraana kanke gara dira Ai qabi, anini dira suni sii kenna. Duuba Yoshuani woraana ufi gara dira Ai suni qabe, akuma inni harka olfud'ateeni worri qara d'okhate eegu jiru kaani orie, dira seene dabsate maro tokotu gube. Duuba yo worri Ai kaani ufi duuba millate aara dira isaani keesa olbahu argani, ammalle worri Israeli ka gara gamooji baqate kaaleeni fuula worraa keesa deebie, worri Ai kaani gara baqatu d'abe. Yoshuafi askartini isaa aka askartini worra ta gari dira Ai fud'ate gubde arginaani, worrileeni deebie askarti Ai ch'ufa hobaase. Askartini Israeli taani, ta dira dabsateleeni, iti ga d'ufte, worra Ai kaani gama ch'ufaani marsani bahu d'owani, ch'ufa fit'ani fiiga d'owani, hayyu worra ch'alla jira qabani Yoshuatini d'ufani. Worri Israeli nyaapa ufi ka haga lafa gamoojiti reebe kaani goraadeeni fit'e. Jennaani dira Aiti deebiani, nama dira suni keesati hafele ch'ufa goraadeeni hobaasani. Nami dira Ai ka guyya suni hobae, d'iiraafi nad'eenileeni wolti nama kunki kud'ani lama. Wonti akanatiifi Yoshuani haga nama dira suni keesa jiru ch'ufa balleesani fit'aniti, woraani inni gara dira suni qabe kaani gadi indeefanne. Worri Israeli loonifi waan d'ibile ka dira suni keesaa boojie, akuma AABBO Waaqi Yoshuani jed'e, fud'ate. Akanaani Yoshuani Ai gube daara tolche haga arrale oni sunini akasuma jira. Inni hayyu Aile mukhati fannise, reefa isaa haga aduuni d'ituti achumati lakise. Aduuni d'iinaani Yoshuani, Reefa arti fuud'a jed'e, duuba arti fuud'ani fullo keesa buusani d'akha irati tuulani d'akhaani sunini haga arrale achuma jira. Jennaani Yoshuani fulla sorio AABBO Waaqa Israeliti qalani gaara Ebali irati mid'aase, akuma hojattuuni AABBO Waaqa Musani worra Israelitini jed'e, aka kitaaba Seera Musa keesati t'aafani: fulla suni d'akha sibiilani imboch'iniini mid'aasani, irati hori gubani. Sorio AABBO Waaqa baasanifi, sorio d'ibi ta wold'ageetile irati baasani. Arti ka worri Israeli ch'ufti argu, Yoshuani Seera Musani t'aafe kaani iraa d'akha d'ibiti deebise. Worri Israeli, jaarole, gugurda worraati, jaallaboota worraati, keessuma, ch'ufti Sanduqa Wold'aqisa AABBO Waaqa gama gama ejaanjani fuula qaalole Lawi ta Sanduqani yaatuti deefatani. Worri hagi gari dudda gaara Gerezimuti deefate, ka garileeni gaara Ebaliti deefate ejaanje. Jennaani akuma hojattuuni AABBO Waaqa Musani tolcha jed'eeni worri worra Israeli eebise. Yoshuani duuba Seera kana ch'ufa, eebaafi abaarsale woliini, akuma kitaaba Seera keesati t'aafani, soome. Dubbi Musani jed'e ch'ufa Yoshuani gumi artiti wolti baate soome. Gumi suni keesa nad'eenifi ijoolleefi worra gosa d'ibi ka worra Israeli keesa godaanuti jira. Hayyooti galaana Yordanitini ila adu, ta lafa golbo ta gaareeni: teetufi ta afaani baariini gudda haga lafa Lebanoni teetuleeni. Hayyooti Hititifi ta Amoritifi ta Perezitifi ta Hivitifi ta Yebusileeni waan kana d'ageete, jennaani wolti baate, aka Yoshuafi worra isaa ka Israeli had'ani woli galte. Ammo worri Gibeoni waan Yoshuani worra Yerikotifi worra Ai tolche d'ageennaani, iti malate d'aqani sagale woreega tolfatani. Kintaala dullachaafi gorjo daad'i dullati ta ch'ich'ite erbani, harre ira naqani. Woya ch'ich'iteefi kobe hobaate ta erbani naqatani sagale gogodde damansoofte fud'atani, fulla Yoshuani tau, ta Gilgali jed'ani, d'aqani waan Yoshuafi worra Israelitini jed'ani, nu lafa fagooti d'ufne, wold'ageeti isaniini woltolfachu feena, nuu tolcha. Ammo worri Israeli waan worra Hivitini jed'e, Ka isani hegeri lafa teenna keesa teetani, nu akami wold'ageeti isani woliini tolfanna? Worri waan Yoshuani jed'e, Nu hojattu teeti. Yoshuani waan jed'eeni, Isani eenu kana? Eesaa d'uftani? Tana gula worri odu tana isati odeese: Aabbo, nu AABBO Waaqa kanke waan isaa d'ageenne lafa fagooti d'ufne. Nu ya waan inni lafa Misiri keesati tolche ch'ufa d'ageenne. Ammalle waan inni hayyoota lamaani Amori, ta Yordanini ila boru, tolche; hayyicha Sioni jed'ani ka Heshbonitifi hayyicha Ogu jed'ani ka Bashani, ta lafa Ashtarothi teetu ya d'ageenne. Jaaroleeni teennafi nami lafa teenna ch'ufti woreega fud'ad'a worra Israeli fuula keesa yaa nuuni jed'e. Duuba waan jettanini, Nu hojattu teesani koota, nagaya dubbanne wold'anna. Me qit'a keenna kana laala; gaafa woreega tolfanne mana keenna baaneeni owa, amma ya goge damansae. Gaafa nu gorjo tana daad'i iti nand'e guunne isiini hareeti, ammo amma laala ya ch'ich'ite. Woyaafi kobeeni ya deemma d'eertu tanaani hobaate. Duuba worri Israeli, ka AABBO Waaqaani ingahatini, sagale worra iraa fud'ate nyaate. Duuba Yoshuani nagaya worraani wolti buufate, ammalle wold'aqisa tolfatani worra boojie. Jaaroleeni aka wold'aqisa worra suni jabeesitu iti kakhate. Eeguma wold'aqisa nagaya kaani buufatani guyya sadi bulani, worri Israeli aka worri suni d'aatu worra tau hubate. Jennaani worri Israeli kae guyya sadeeso dira worra sunitini bahe: diri sunini Gibeoni, Kefira, Beerothifi ammalle Kiriath-Yearimu. Ammo worri Israeli worra suni imfinne, waan jaaroleeni worraa maqa AABBO Waaqa Israelitini worra kaaniti kakhateefi. Jennaani gumiini Israeli ch'ufti jecha jaarole suni quufa d'abde iti gungumte. Ammo jaaroleeni waan gumiini jette, Nu yayu maqa AABBO, Waaqa Israelitini kakhanne amma dandeenne worra woma intolchinu. Amma waan taanu, maro kakhu teennatifi worra imboojina, aka nu abaarsa inarganne. Duuba jaaroleeni waan jette worra boojine worri qoraani nuu ch'abse bisaani nuu d'aqa. Yoshuani worra wolti yaame waan jed'eeni, Isani maafi ka d'io d'uftani fagoo d'ufne jettani nu sobdani? Waan isani akasi taatanifi Waaqi ya isani abaare, worri keesani haguma jiru tisse nuu tahe qoraani nuu ch'abse, bisaani Mana Waaqa kiyyati woraaba. Worri waan Yoshuani jed'e, Aabbo, woni nu akasi taanefi, waan nu d'ageenne AABBO Waaqi keesani d'uguma waan hojattu isaa Musani jed'e, Anini lafa tana ch'ufa isaanii kenna yo iti d'uftanile nama keesa jiru ch'ufa fit'a. Duuba woni nu akasi taanefi, guddo isani sodaanne, waan lubbu teennale d'amnu seene. Nu amma harka kanke keesa jirra, ya ufi jibbaanne waan feetu nu tolchi. Duuba Yoshuani worra duu d'owe, harka Israeli keesaa baase. Ammo hataatu, inni tisse worra tolche, qoraani ch'absise, bisaani worra Israelitiifi huji sorioti woraabsise. Haga arrale worri hujuma fulla AABBO Waaqi fohate hojata. Hayyuuni Yerusalemu, ka Adon-Zedeki jed'ani, aka Yoshuani dira Ai dabsate, akuma inni Yerikofi hayyu isaa tolche, hayyu Ai ijeese dira sunile balleese d'agaye. Ammalle aka worri Gibeoni nagaya worra Israeli woliini tolfatani woliini taani d'agaye. Worri Yerusalemu akasi d'ageennaani guddo sodaate; wonti akanatiifi diri Gibeoni haga dira hayyu qabu ka taatefu gudda. Inni dira Ai ira jira, ammalle worri isaaleeni worra jajaba, waan lola guddo beekhu. Jennaani Adon-Zedekini hayyuuni Yerusalemu d'aamsa kana Hohamu hayyu Hebronitifi Piramu, hayyu Yarmuthifiti Yafia, hayyu Lakishitifi Debiri, hayyu Egloniti erge waan jed'e, Koota na qarqaara, Gibeoni haana, waan worri Gibeoni Yoshuafi worra Israeli nagaya woliini tolfatanifi. Hayyooti shanani Amori tunini — hayyooti ta Yerusalemu, Hebroni, Yarmuthi, Laishifi Egloni — askarti worraa woltini d'ufte goli woli taate, Gibeoni marsite haate. Worri Gibeoni qonqo Yoshua, ka Gilgali jiruti erge waan jed'eeni, Aabbo nu illakisini, kooti hurrisi nu qarqaari, nu baasi! Hayyooti Amori ch'ufti ta lafa gaareeni, yayu goli wolii baate nu haate. Jennaani Yoshuafi askartini isaa ch'ufti, ta jajannilleeni ch'ufti sunuma Gilgali kaate. AABBO Waaqi waan Yoshuani jed'e, Worra diqole insodaatiina. Anini worra yayu harka keetiti kenne worri tokoleeni ka si dura eju injiru. Halkani suni Yoshuafi askartini isaa Gilgali kaate, yaa bulte, worra Amori d'ufte tassa haate. AABBO Waaqi worra Amori worra Israeli durati mudamsiise lubbu naqe. Duuba worri Israeli lafa Gibeoniti worra hobaase, haga kaarra gaara, worra gusse haga Azekafi Makedatini baase. Ato worri Amori kaarra gaara suni askarti Israeli baqatu, AABBO Waaqi bokaya d'akhaa gugurdaani roobu iti roobe. Ato bokeeni sunini inch'aamini worri Azekani bahe. Bokai d'akhaa suni nama worri Israeli ijeese ira ijeese. Guyya AABBO Waaqi worra Israeli worra Amori dabsachise, Yoshuani AABBO Waaqaani dubbate, worra Israeli ch'ufa durati waan jed'eeni, Adu Gibeoniti ejad'u: Jia atileeni bale Iyaloniti ejad'u. Aduuni ejate, jiileeni chochou dide haga gochiti Israeli nyaapa ufi dabsatu, Dubbi tana kitaaba Yashari keesati int'aamne? Aduuni haga guyya toko ka ind'iini qajeelte gubba ejite. Taka guyyaani akasi artini duubaafi artini duraleeti intaane, ka AABBO Waaqi jecha nama ch'aqase. Gaafasi AABBO Waaqi worra Israeliti kalche! Eegi waan suni Yoshuafi askartini isaa Gilgaliti dachaate. Ammo hayyooti Amori shanani taani baqatte, goda toko ka makeda jed'ani d'okhachuti jirti. Duuba waan Yoshuani jed'ani, Hayyooti shanani taani ya mullate goda toko ka makeda keesati d'okhachuti jirti. Jennaani Yoshuani waan jed'e, D'akhaye gugurdo afaani goda suniti gangalcha. Nama eegule iti tolcha; ammo isani artiti inhafina, nyaapa keesani dudda duubani reeba had'a; dira isaani seenu d'owa. AABBO Waaqi keesani yayu worra harka keesaniti kenne. Duuba Yoshuafi worri Israeli nyaapa suni ituma kaani hobaasani daara baasani ammo hataatuti, worri ka gari baqate dira seene achiti lubbu bahe. Jennaani askartini ch'ufti nagayaani Makedati Yoshuati deebite. Nami lafa suni keesa jiru ka waan worra Israeli dubbatu tokoleeni injiru. Jennaani Yoshuani waan jed'e goda suni d'akha afaani iraa gangalcha, hayyoota shanani suni natiini koota. Duuba goda suni banani, hayyoota Yerusalemu, Hebroni, Yarmuthi, Lakishifi Egloni. Yoshuatini gad'ufani. Jennaani Yoshuani askarti Israeli ch'ufa wolti yaame, waan worra gugurda askarti ka lola isa woliini yaeni jed'e, Koota miila keesanini qaach'era hayyoota tana ira ejaanjad'a. Jennaani worri d'ufe hayyoota suni qaach'era ira ejaanjate. Duuba waan jara isaatini jed'e, Insodaatiina, garaa ilaafina: ammo garaa jabaad'a, wonti akanatiifi AABBO Waaqi akanuma nyaapa keesani ch'ufa tolcha. Duuba Yoshuani hayyoota taani fit'e, mukha shani irati fafannise reefi worra haga galgala achi tae. Aduuni d'iinaani Yoshuani biyyaani reefa worra guura jed'e, duuba reefa suni gadi buusani, goda worri qara keesati d'okhate kaani keesa jissani d'akhaye gugurdo afaani goda suniti gagalchani; d'akhayeeni sunini haga arrale achuma jirti. Guyya suni Yoshuani dira Makedatifi hayyu isaale had'e, qabe, nama dira suni keesa jiru ch'ufa, haguma inni gahuni, fit'e hobaase. Ammalle akuma qara hayyu Yeriko tolche, hayyu Makedale tolche. Eegi suni Yoshuafi askartini Israeli ch'ufti Makeda kaani Libna had'u d'aqani. AABBO Waaqi dira kanafi hayyu isaale akuma kaani harka worra Israeliti kenne, worri nama tokole illakimne, ch'ufa fit'e. Akuma hayyu Yeriko tolchani kanale tolchani. Eegi suni Yoshuafi askartini isaa ch'ufti Libna kaate Lakishi d'at'e, marsite haate, AABBO Waaqi Lakishi guyya lameeso harka worra Israeliti kenne. Akuma Libna tolche nama tokole illakimne, nama dira keesa jiru ch'ufa fit'ani. Jennaani hayyuuni Gezeri, ka Haramu jed'ani dira Lakishi qarqaaru d'ufe, ammo Yoshuani isaafi worra isaa tokole inhambimne, ch'ufa fit'e. Duuba Yoshuafi askartini isaa ch'ufti Lakishi kaate, Egloni d'at'e, marsite haate. Worri guyyuma suni worra dabsate, nama ch'ufa fit'e, akuma qara worra Lakishi tolchani. Eegi suni Yoshuafi askartini isaa ch'ufti Egloni kaate, dira Hebroni, ka kubile ira jiru iti korte haate dabsate. Hayyufi nama dira suni keesa jiruufi ka d'aatu jirule ch'ufa fit'ani. Yoshuani dira suni, akuma qara dira Egloni tolche nama tokole bau d'owe fit'e, dirale balleese. Jennaani Yoshuafi askartini isaa ch'ufti dira Debriti deebite haate. Inni dira sunifi hayyu isaatiifi dira d'aatu suni jiru ch'ufa qabe, nama keesa jiru ch'ufa fit'e. Akuma inni Hebronifi Libnafi hayyu isaa tolche, akasuma Debrifi hayyu isaale tolche. Akanaani Yoshuani lafa suni ch'ufa dabsate. Inni lafa gaareenitifi ta Negebutifi ta lafa golbootifi ta lafa gamoojile dabsate; inni tokole illakimne, ch'ufa fit'e, akuma AABBO Waaqi Israeli isaani jed'e kaani. Lafti Yoshuani dabsate haga lafa Kadesh-Barnea ejite Gazafi lafa Gosheni ch'ufa haga Gibeonileeti ejite. Yoshuani hayyoota tana ch'ufafi lafa isaanile baruma toko dabsate, waan AABBO Waaqi Israeli, worra Israeliti kalcheefi. Eegi suni Yoshuafi askartini isaa ch'ufti Gilgaliti dachaate. Yabini, hayyu Hazori, dubbi tana d'ageennaani qonqo gara hayyoota Shimronitifi Akashafu, gara hayyoota lafa mirga ta gaareeni teetu, gara bale Yordani ta galaana Galilayaatini bitaa, ammalle gara lafa golbootifi lafa afaani galaana ta Dori jed'aniti erge. Inni qonqo gara worra Kanaanile, ka galaana Yordani gama lachu tau, gara worra Amori, worra Hiti, worra Perezi, worra Yebusi, ka lafa gaareeni taule, ammalle worra Hivi, ka gaara Hermoni jala, lafa Mispa keesa taule, erge. Worri suni askarti ufi ch'ufa woliini lola gabahe, askarti heddu muumme inqamne, ta aka maansa afaani baariini jirtu ta fardooleefi gaarille qabdu. Hayyooti tunini ch'ufti askarti isii woltuni d'ufte, fulla bisaani Meromuti wolti baate qubatte, aka worra Israeli haatu. AABBO Waaqi waan Yoshuani jed'e, Worra kana insodaatini, bori hojja tana anini ya worra harka Israelitini hobaase. Fardoole worra mogolcha gaari worrale guba. Duuba Yoshuafi askartini isaa ch'ufti bisaani Meromuti tassa worrati d'ufte haate. AABBO Waaqi harka worra Israeliti worra kenne; worri Israeli worra reebe haga mirga Mersefoth-Maimufi Sidoni had'e, ammalle haga bale Mispa ilaboru, gusse ch'ufa hobaase, Yoshuani akuma AABBO Waaqi isaani jed'e tolche: Fardoole worra mogolche gaari worrale gube. Jennaani Yoshuani keesa deebie, dira Haziri qabe hayyu isaale ijeese. (Gaafasi hayyuuni dira Hazori hayyoota ch'ufa ira jira.) Worri nama arti keesa jiru tokole illakimne, ch'ufa fit'e dirale gube. Yoshuani dira kana ch'ufafi hayyoota isaanile qaqabe fit'e, akuma hojattuuni AABBO Waaqa Musani isaani jed'e kaani. Ammo hataatu, worri Israeli dira kubile irati jaarani tokole ingumne, Hazori ka Yoshuani gube male. Duuba worri Israeli miha dadansafi hori dira suni keesa jiru ch'ufa boojie. Ammo nama tokole inhambimne, ch'ufa hobaasani. Akuma AABBO Waaqi hojattu isaa Musani jed'e, akasuma Musani Yoshuani jed'e, Yoshualeeni tolche guute. Inni woma inhambimne, waan AABBO Waaqi Musani jed'e ch'ufa guute. Yoshuani lafa tana ch'ufa fud'ate — lafa gaareenitifi lafa golbo mirgaafi bitale, lafa Goshenile lafa gamooji ta bitaatifi bale Yordani ch'ufa woliini fud'ate. Diri nagaya worra Israelitini woliini tolfate tokoleeni injiru, dira Gibeoni, ka worra Hivi, male. Ka iraa hafe kaani ch'ufa Yoshuani had'e dabsate. Woni kunini ch'ufti waan AABBO Waaqi tolche, ka inni garaa worraa jabeese, aka worri worra Israeli had'e, akanaani worri Israeli worra ch'ufa naasu male fit'e hobaase. Akuma AABBO Waaqi Musani jed'e kaani. Duuba gaafasi Yoshuani kae worra gugurda d'ed'eera gosa Anaki, ka lafa gaareeni keesa tau fit'e: Worri suni dira Hebroni, ka Deberifi Anabu, ammalle lafa gaareeni ta Yudatifi ta Israeli keesa taa. Yoshuani worraafi dira isaani ch'ufa balleese. Nami gosa Anaki ka lafa Israeli keesati hafe injiru. Ammo hataatuti, nami diqaani toko dira Gazafi Gathifi Ashdoditi hafe. Akanaani Yoshuani lafa ch'ufa fud'ate. Akuma AABBO Waaqi Musani jed'e. Duuba Yoshuani lafa suni d'aala worra Israeliti kenne, gosa gosani gargari qoodeefi. Akanaani lafti nagaya argatte. Worri Israeli yayu qara lafa Yordanini ilaboru, ta haga bale Arnoniti ejite bale Yordanitifi haga gaara Hermoni gara mirgati ejitu dabsate fud'ate keesa qubate. Worri hayyoota lama dabsate, toko Sihoni, hayyu Amori, ka dira Heshboni tau. Lafti inni fide Gilgali gama toko: Haga Aroeri (afaani bale Arnoni) ammalle dira bale suni wod'aka jiru ejite, haga galaana Yaboki seera Amoniti ejiti: Ammalle baleeni Yordani haga galaana Galilaya bita, haga Beth-Yeshimoni (galaana sooda ilaboru) haga golba gaara Pisgati ejite. Worri hayyu Ogulle, ka dira Bashani, ka worra Refeni ka hafe keesaa d'alatele, dabsate: inni dira Ashtarothifi Edari keesa tae. Lafti inni fide gaara Hermonifi Saleka, lafa Bashani, haga seera Geshurifi Maaka, ammalle lafa Gileadi gama toko, haga lafa Heshboni, ta hayyu Sioni fiduti ejiti. Hayyoota lamaani tana Musafi worra Israeliti dabsate. Hojattuuni AABBO Waaqa Musani lafa hayyoota suni gosa Reubenitifi ta Gaditifi ta Manase ta haga gariti kenne, aka worri lafa suni d'aalu. Yoshuafi worri Israeli hayyoota ch'ufa ta lafa Yordani ila aduu, haga Baal-Gadi Lebanoni keesaa fuud'e gaara Halaki ka bita d'aatu lafa Edomuti, d'aabe ch'ufa dabsate. Inni lafa tana worra Israeliti gosa gosani gargari qoodeefi akanaani lafti sunini ta worraa taate. Qoodi suni lafa gaareeni, lafa ila aduu ta golba gaara, bale Yordanitifi golba isii, gooro ilaboru ammalle lafa gamooji ta bita. Duri lafa tana ch'ufa worra Hitifa, Amorifa Kanaanifa, Perizifa, Hivifa ammalle Yebusifaati taa. Worri Israeli hayyoota dira kana dabsate: Yeriko, Ai (d'aatu Betheli), Yerusalemu, Hebroni, Yarmuthi, Lakishi, Egloni, Gezeri, Debiri, Gederi, Horma, Aradi Libna, Adulamu, Makeda, Betheli, Tapua, Heferi, Afeka, Lasharoni, Madoni, Hazori, Shimron-Meroni, Akshafu, Taanaki, Megido, Kedeshi, Yokneamu (Kameli keesa), Dori (afaani Baariini Galilaya keesa) ammalle Tirsa — hayyooti tunini ch'ufti sodomi toko. Yoshuani jaare hobae jennaani AABBO Waaqi waan jed'eeni, Atini ya jaarte hobaate, amma lafti fud'achu malani guddooti hafe, lafti hafte tana: Lafa Filistitifi lafa Geshori ammalle lafa Avi gara bita. (Lafti haga galaana Shihori, ta seera lafa Misiriti aantu haga seera Ekroni gara bita, lafa Kanaani jed'ani, hayyooti worra Filisti dira Gaza, Ashdodi, Ashkeloni, Githifi Ekroni keesa teeti.) Ammalle lafti d'ibiini ta hafte, lafa — Kanaanifi Meara (lafa worra Sidoni), haga Afeka, ta fulla seera lafa Amori; lafa worra Gebali; lafa Lebanoni ch'ufa gara ilaboru haga Baal-Gadi ta bita gaara Hermoni haga kaarra Hamathi. Lafti worra Sidoni ka lafa gaareeni, jiddu gaareeni Lebanonifi Misrefoth-Maimu keesa tauleeni lafa suni keesa jirti. Anini gosa tana ch'ufa worra Israeli duraa baasa. Lafa tana ch'ufa worra Israeliti gargari qoodi, akuma anini siini jed'e kaani. Amma duuba lafa tana, gosa Israeli sagallani taanifi gosa Manase ta haga garille gargari qoodifi, aka worrileeni lafa suni d'aalu. Gochiti Reubenifi Gadi ammalle gochiti Manase ta gari taani yayu lafa hojattuuni AABBO Waaqa Musani worraa kenne taani fud'atte: Lafti sunini galaana Yordanitini ilaboruti. Lafti worra dira Aroeri (ka afaani bale Arnoni) ammalle dira wod'aka bale suni keesa jiru ejite, dirra haga Medeba eje Diboniti ejuti ejiti. Ammalle lafti worra haga seera worra Amonile ejite ammalle dira Sihonini, hayyu Amori, ka Heshboni fideeti ejiti. Ammalle lafti tunini ch'ufti lafa Gileaditifi, arda Geshuritifi lafa Maakatifi gaara Hermoni ch'ufafi lafa Bashanile ch'ufa, haga Seleka lafa worraa keesa jirti. Lafti tunilleeni lafa Oguni ka worra Refai keesaa inni ch'allaani hafe, ka duri Ashtarothifi Edrai keesa lafa fide, lafa worra keesa jirti. Musani duri worra lafa tana keesa tau dabsate keesaa baase. Ammo taatule, worri Israeli worra Geshurifi Maaka keesaa imbaamne, arrale worri lafa Israeli keesa taa. Gochiti Musani qooda lafa inkeniniifi ta Lawi ch'alla. Akuma AABBO Waaqi Musani jed'e waan gubani AABBO Waaqa Israeliti baasaniti d'aala worraati. Musani yayu d'aala gosa Reubeniti kenne, aka worra isaani gula. Lafti worra dira Aroeri (ka afaani bale Arnonitifi) dira wod'aka bale suni keesa jiru ejite ammalle dira d'aatu Medebati ejiti. Ammalle lafti worraa Heshbonifi dira ch'ufa ka dirra lafa gubba jiru: Diboni, Bamoth-Baali, Beth-Baali-Meoni, Yahasi, Kedemothi, Mefaathi, Kiriathaimu, Sibma, Sereth-Shahari ta kubi bale keesa jirtu gubba jiru, Beth-Peori lape gaara Pisgatifi Beth-Yesh-Mothi. Ammalle lafti worra dira ch'ufa ka dirra lafa gubba jiru ammalle lafa Sihonini, hayyuuni Amori, ka Heshboni tau, fide ch'ufa. Musani isaafi worra lafa Midiani fidule dabsate: worri suni Evi, Rekemu, Suri, Hurifi Reba. Worri kunini ch'ufti hayyu Sioni jala hojatte. Worra worri Israeli ijeese keesa nama toko ka wo fagu, ka maqaani isaa Balamu ilma Beoriti jira. Seera lafa Reubeni gara ila adu galaana Yordaniti. D'aalti gosa Reubeni dirafi ollowaani tana. Musani yayu qooda lafa gosa Gaditi kenne, worra isaani gula aka worri d'aalu. Lafti worra dira Yazerifi dira ch'ufa ka lafa Gileadi, ammalle lafa Amoni gama toko, haga Aroeri, ta Rabani ilaboru. Ammalle haga dira Heshboniti ejite, Ramath-Mizpefi Betonimuti ejite. Ammalle Mahanaimu baate seera Deberiti ejiti. Bale Yordani keesale lafti worraa Beth-Haramufa Beth-Nimirafa, Sukothifa, Safonifa. Lafti tunini ch'ufti lafa haga toko ta hayyuuni Heshboni mohate. Seeri worra ka ila adu galaana Yordaniti eje haga galaana Galilaya mirgati eja. Lafti worri Gadi d'aale, worraafi dirafi ollowaani gula tana. Musani yayu qooda lafa gosa Manase ta ilaboruti keenne, worra isaani gula, aka worri d'aalu. Lafti worra haga Mahanaimu ejite, Bashanile ch'ufati ejite lafa hayyuuni Oguni ka Bashani fideefi ammalle ollowaani Yairi jaatama ta Bashani keesa jirtuleti. Ammalle lafa Gileadi ta haga garitifi dira Ashtarothifi Edrei, dira gudda hayyu Ogu ka Bashani ejite. Dira kana ch'ufa yayu worra gosa Manase ta gari ta Makiri ilma Manase iraa baate kennani. Aki Musani lafa Yerikofi Yordani ilaboru gargari qoode, gaafa inni diida Moabu keesa jiru, akana. Musani gosa Lawiti lafa tokole d'aala inkennineefi, ammo waan jed'eeni, D'aalti teesani ha waan AABBO Waaqa Israeliti baasani taatuti. Tunini d'aala lafa ta qaallicha Eleazari jed'anifi Yoshua ilma Nunitifi jaaroleeni worra Israeliti mataa, lafa Kanaani keesati worra Israeliti qoode. Akuma AABBO Waaqi Musani jed'e, lafa gosa sagalitifi gosa Manase ta haga gari ta Yordanini ila adu hit'aani argatani. Musani qara d'aala gosa lamaani taanifi gosa Manase ta gari ta Yordani gama jirtu, kenne; ammo gosa Lawiti d'aala tokole inkennineefi. Worri Yusufu gosa lama, Manaseefi Efraimu. Musani gosa Lawiti lafa tokole d'aala inkennineefi ammo dirafi lafa horiini worraa, loonifi reeni ooltu, kenneefi. Worri Israeli, akuma AABBO Waaqi Musani jed'e, lafa qoodate. Guyya toko jari toko, ka gosa Yuda, Gilgaliti Yoshuati d'ufe. Worri sunini nami toko, ka Kalebu ilma Yefune jed'ani, ka gosa Kenizi waan isaani jed'e, Atini waan AABBO Waaqi Kadesh-Barneati, namicha Waaqa ka Musa jed'ani kaani waan kiyyafi kanke jed'eeni imbeeta. Gaafa hojattuuni AABBO Waaqa Musani Kadesh-Barnea keesa dooya lafa tanati na erge, ganni kiyya afurtama. Anini dubbi d'uga isatini deebie. Worri gaafasi na woliini yae worra kenna sodaachise, ammo anini garaa tokooni AABBO Waaqa kiyyaa saalfad'e. Waan anini akasi tolcheefi, Musani naa kakhate aka anaafi ilmaani tiyya lafa anini gubba deeme ch'ufa d'aala argannu. Ammo amma laali, haga AABBO Waaqi dubbi tana Musani jed'e asi ganna afurtami shaniiti. Gaafasi gaafa gochiti Israeli lafa aloo keesa godaantu, ammalle AABBO Waaqi akuma kakhate ya haga gaafasiiti lubbu na bulche. Amma laali ganni kiyya saddeetami shani, anini arrale akuma gaafa Musani na erge kaani jaba. Anini ammalle lolaafi waan ch'ufaleeti, akuma duri kaani jaba. Duuba amma lafa gaareeni ta gaafa anaafi jari wahela kiyya waan isii Musati himne, ta AABBO Waaqi naa kakhate naa kenni. Nu gaafasi ya siti himne, aka worri gugurdaani d'ed'eerani, gosa Anaki, dira gugurda naaboni jaarate keesa tau. Hegeri AABBO Waaqi na woliini jiraate akuma inni jed'e kaani, anini worra arti keesaa baasa. Jennaani Yoshuani Kalebu ilma Yefune eebise, dira Hebroni d'aala kenneefi. Diri Hebroni haga arrale ka d'aloota Kalebu ilma Yefune ka gosa Keniziti, waan inni garaa tokooni AABBO Waaqa Israeliti saalfateefi. Tana durati dira Hebroni sunini Arba jed'ani. (Arbaani kunini namicha gudda toko ka gosa Anaki.) Duuba eegi suni lafti sunini nagaya argatte. Gochiti Yuda lafa waan isii arma jalati t'aafani tana hit'aani argatte, worra isaani gula: Lafti gama bita, muumme lafa gamooji ta Sini jed'ani, fulla seera lafa Edomuti ejiti. Seeri bita kunini haga muumme galaana Soodati eje, kaarra Akrabimuti bita bahe lafa suniti eje. Ammalle, Kadesh-Barnea, bita bahe, Heshroni bira dabre haga Adariti eje, arti garagale Karkati eje, arti ammalle Azmoniti dabre, laga seera Misiri gula deeme, baariini guddaani bahe, fulla seeri iti d'umatuti eje. Seeri Yuda ka bitaa suni. Seeri ilaboru galaana Soodati, haga fulla galaani Yordani galaana sunitini naqu. Seeri mirga arti eje, haga Beth-Hogla eje, arti mirga bahe gooro bale Yordani iraani mullatuti eje. Jennaani seeri haga d'akha Bohani (inni ilma Reubeni) dabre, haga bale Akoriti eje, arti bahe Debriti eje, arti mirga Gilgali, ta kaarra Adumimu, laaltuti, deebie. Gilgalini suni baleeni gama bitaa. Duuba arti bahe bisaani Enshemeshi gahe Enrogeleti eje, ammalle bale Hinomule, olkore, gaara diri Yerusalemu, ka worra Yebusi gubba jiru bitaa bahe, duuba seeri fiit'e gaara olkore, bale Hinomu gama ila adu, ta bale Refaimuti mirga bahe. Arti bahe, fulla madda bisaani Neftoa, dira d'aatu gaara Efronitini bahe. Artile bahe, Baala (yokhaani Kiriath-Yearimuti) deebie, duuba Baala gama ila adu mare, lafa gaareeni ta Siriti qajeele, duuba gaara Yearimu (yokhaani Kisaloni) gama mirga bahe, Beth-Shemeshi gabue, Timna bira dabre. Eegi suni seeri gaara Ekroni mirga iraa bahe Shikroniti deebie, gaara Baala bira dabre, Yabneleti eje. Duuba seeri afaani baariini guddati muumme bahe. Seeri sunini seera ila aduti. Seeri lafa gosa Yuda marse kana. Akuma AABBO Waaqi Yoshuani jed'e, qooda lafa Yuda gama toko Kalebu ilma Yefune ka gosa Yudati kennani, lafti isaa qoodani Kiriath-Arba, yokhaani Hebroni (Arbaani abba Anaki) Kalebuni ilmaani sadeeni Anaki, ta Sheshaifi Ahimanifi Talmai jed'ani, lafa suni keesaa gusse. Jennaani arti bahe worra dira Dibiri had'e. (Dira kana duri Kiriath-Seferi jed'ani.) Kalebuni waan jed'e, Anini nama dira Kiriath-Seferi dabsate qabe, intala tiyya Aksa kennaafi aka inni fuud'u. Othinielini, ilmi Kenazi, ka oboleesa Kalebu, dira suni dabsate qabe, tanaafi Kalebuni intala isaa Aksa kenneefi. Guyya fuud'a geennaani Othinielini waan isiini jed'e, Me abbeetini, oobru naa kenni jed'i. Isiini harre iraa buute jennaani Kalebuni, Maani feeta? jed'eeni. Isiini waan jetteeni, anini madda bisaani fed'a. Lafti atini naa kennite lafa aloo, ta gamooji. Duuba Kalebuni madda gubbatiifi ta jala kenneefi. Tunini qooda lafa ta gosa Yuda worra isaani gula d'aala kennani. Diri isaani bitaa ka ira fagoo, ka seera lafa Edomuti aanu kana: Kabseeli, Ederi, Yaguri, Kina, Dimona, Adada, Kedeshi, Hazori, Ithinani, Zifu, Telemu, Bealothi, Hazor-Hadatha, Keroth-Hezironi (yokhaani Hazori), Amamu, Shema, Molada, Hasar-Gadi, Heshmoni, Beth-Peleti, Hasarshuali, Beersheba, Biziothia, Baala, Iyuma, Esemu, Eltoladi, Kesili, Horma, Ziklagi, Madmana, Sansana, Leboathi, Shilhimu, Aini, Rimoni: diri kunini ch'ufti diddami sagali ka kamu ollowaani ufi d'aatu qabu. Diri lafa golboleeni: Eshtaoli, Sora, Ashna, Zanoa, Enganimu, Tapua, Enamu, Yarmuthi, Adulamu, Soko, Azeka, Sharamu, Adithaimu, Gedera, Gederothaimu: diri kunini ch'ufti kud'ani afuri ka kamu ollowaani ufi d'aatu qabu. Ammalle Senani, Hadasha, Migdal-Gadi, Dilani, Mispa, Yoktheli, Lakishi, Boskathi, Egloni, Kaboni, Lamasi, Kithilishi, Gederothi, Beth-Dagoni, Naama, Makeda: diri kunini ch'ufti kud'ani jaa ka kamu ollowaani ufi d'aatu qabu. Ammalle Libna, Etheri, Ashani, Yifta, Ashna, Nesibu, Keili, Akizibu, Maresha: Diri kunini ch'ufti sagali ka kamu ollowaani ufi d'aatu qabu. Ammalle Ekronifi dirafi ollowaani isaa; ammalle dirafi ollowaani d'aatu Ashdodo, ta Ekroni ejite Baariini Guddati ejitu. Ammalle Ashdodifi Gaza, dirafi ollowaani isanille, laga seera Misiritifi afaani Baariini Guddati ejitu. Ammalle lafa Gaareeni keesa Shamiri, Yatiri, Soko, Dana Kiriath-Sana (yokhaani Deberi), Anabu, Eshtemoa, Animu, Gosheni, Holoni, Gilo: diri kunini ch'ufti kud'ani toko ka kamu ollowaani ufi d'aatu qabu. Ammalle Arabu, Duma, Eshani, Yonumu, Beth-Tapua, Afeka, Humfa, Kiriath-Arba (yokhaani Hebroni), Siori: diri kunini ch'ufti sagali ka kamu ollowaani ufi d'aatu qabu. Ammalle Moani, Karmeli, Zifu, Yuta, Yezreeli, Yokdeamu, Zanoa, Kaini, Gibea, Timna: diri kunini ch'ufti kud'ani ka kamu ollowaani ufi d'aatu qabu. Ammalle Halhuli, Beth-Suri, Gedori, Maarathi, Beth-Nothi, Eltekoni: diri kunini ch'ufti jaa, ka kamu ollowaani ufi d'aatu qabu. Ammalle Kiriath-Baali (yokhaani Kiriath-Yearimu), Raba: diri kunini lama ka kamu ollowaani ufi d'aatu qabu. Ammalle, lafa gamooji keesa Beth-Araba, Midini, Sekaka, Nibshani dira sooda, ammalle Engedi: diri kunini ch'ufti jaa ka kamu ollowaani ufi d'aatu qabu. Ammo worri gosa Yuda worra Yebusi, ka Yerusalemu keesa tae, keesaa gussu dad'abe. Haga arrale, worri Yebusi worra Yuda woliini achi taani. Seera bitaa ka lafa ilmaani Yusufuti kennani galaani Yordani, ka d'aatu Yeriko fulla maddo Yeriko ilaboru bahe, lafa gamoojiti eje. Seeri sunini Yeriko bahe, lafa gaareeni haga Betheli olkore. Duuba Betheli bahe Luzuti dabre, ammalle arti Ataroth-Adari, fulla worri Arki tauti dabre. Eegi suni ila adu lafa worra Yafleti qajeele, haga arda Beth-Horoni ka jalati eje. Artile dabre, Gezereti eje, Baariini Guddati muumme bahe. Ilmaani Yusufu Efraimufi Manaseni lafa suni d'aalte. Lafti gosa Efraimu, gosa isaani gula, tana: Seeri worra Ataroth-Adari iraa ilaboru bahe Beth-Horoni ka gubbati eje, arti bahe Baariini Guddati eje. Mikmetani worraani gama mirga. Gama ilaboruti seeri deebie Taanith-Shiloti qajeele ilaborutini bira dabre, Yanoati qajeele. Duuba arti bahe Atarothifi Naarati qajeele, Yerikoni bahe, galaana Yordaniti eje. Seeri Taapua ira bahe, ila adu qajeele, laga Kanati qajeele, Baariini Guddati eje. Tunini lafa gosa Efraimuti d'aala kennani, worra isani gula, dirafi ollowaanile ta seera gosa Manase keesa jirtu woliini kennani. Ammo hataatuti, worri worra Kanaani ka Gezeri keesa tau keesaa ingussine, tanaafi worri Kanaani haga arrale gosa Efraimu keesa taa, ammo yayu tisse ireeni hojachiisani worra tolchani. Lafa gari ta galaana Yordani ila aduu worra Manase ka angafa Yusufuti kennani. Makirini abbaani Gileadi, angafa Manaseti, ammalle inni nama guddo waan lola beekhu, tanaafi Gileadifi Bashani, lafa galaana Yordani gama ilaboru kennanifi. Lafa galaana Yordani ila adu worra Manase ka d'ibi kennani: Worri sunini kana: Abiezeri, Helki, Asirili, Shekemu, Heferifi Shemida. Worri kunini ch'ufti ilmaani d'iira ta Manaseni, ilmi Yusufu d'ale, ammalle worri abbooti worraati. Duuba Selofehadini, ilmi Heferi, ka ilma Gileadi, ka ilma Makiri ka ilma Manase, ilmaani d'iira tokole ind'alle, dubra male. Maqaani dubra suni mala, Noa, Hogla, Milka, Tirsa. Dubarti sunini gara qaallicha Eleazarifi Yoshua ilma Nunitifi jaarole d'at'e waan jetteeni, AABBO Waaqi waan Musani jed'e, Dubra tana, oboleyaani isii ta d'iira woliini, d'aala kennaafi jed'e. Jennaani akuma AABBO Waaqi jed'e gula oboleyaani isii ta d'iira woliini lafa kennanifi. Sunifi qooda kud'ani Gileadifi Bashani ka galaana Yordani ila boru male, Manase kennani. Wonti akanatiifi ilmaani isaa ta dubra ilmaani d'iira woliini lafa kennanifi. Lafa Gileadi ilmaani Manase taani d'ibi kennani. Lafti Manase Asheri ira baate Mikmeta, ka Shekemu ila ila boruti ejiti. Duuba seeri bita qajeele, worra Entapuale gahe. Lafti d'aatu Tapua ta Manaseti, ammo diri Tapua ka seerati aanu, ka ilmaani Efraimuti. Jennaani seeri laga Kanati gabue. Diri ch'ufti ka laga suni bitaa ka Efraimuti tahe, ato lafa Manase keesa jiraatele. Seeri Manase laga keesa bita deeme Baariini Guddati eje. Lafti Efraimu bitaati hafte ta Manase mirgati hafte, Baariinini Guddaani ila aduti hafe. Ta Asherileeni mirgati hafte, ta Isakarileeni ilaboruti hafte. Lafa Isakaritifi ta Asheri keesa Manaseni dira Beth-Shanifi Ibleamufi ollowaani isani d'aatu jirule qaba: ammalle Dori (ka afaani galaana), Endori, Taanaki, Megidofi ollowaani isaani d'aatule qaba. Ammo hataatuti, worra gosa Manase worra dira suni keesa tau keesaa gussu dad'abe, tanaafi worri gosa Kanaani lafa suni keesati hafe. Ammo ato worri Israeli eegi suni ira jabaatele, worra Kanaani ch'ufa keesaa ingussine, ammo ireeni worra hojachiisani. Ilmaani Yusufu waan Yoshuani jette AABBO Waaqi ya guddo nu eebise, nu amma gosa guddo. Atini maanifi lafa gama toko ch'alla d'aala nuu kennita? Yoshuani waan jed'eeni, Yo isani gosa guddo akasi taatani lafti gaareeni ta Efraimu d'uguma isanii diqaate, badda seena lafa Perezitifi ta Refai keesa lafa ch'iraa, mid'aafad'a. Worri waan jed'eeni, Lafti gaareeni nu ingeetu, ammo worri Kanaani, ka diida keesa tau gaari sibiila qaba, worri Beth-Shanifi ollowaani d'aatu isaa jirufi worra bale Yezreeli keesa tauleeni gaari sibiila qaba. Jennaani Yoshuani waan gosa Efraimutifi ta Manase ta ila adutini jed'e, Isani d'uguma nama heddu ammalle guddo irree qabdani. D'uguma qooda toko ira argachu maltani. Lafti gaareeni ha teesani taatu, yo isiini baddale taate isani ch'ira, haga seeri isii gahu ch'ufa fud'ad'a. Worra Kanaani ato worri gosa jajabdu gaari sibiila qabdu taatele inuma keesaa gussitani. Eegi lafa ch'ufa dabsate gumiini Israeli haguma geetuni Shiloti wolti baate Waaro Woyyuma d'aabani. Ammalle worra Israeli keesa gosa torbati ta, qooda lafa inargatiniti jira. Duuba Yoshuani waan worra Israelitini jed'e, Isani maanini eeddani ufuma ch'iiftani, lafa AABBO Waaqi ababoota teesani, isanii kenne fud'achu diddani? Nama sadi, gosa teesani ch'ufa keesaa naa kenna, anini duuba worra suni lafa ch'ufa keesa erge, aka lafa ch'ufa keesa deemani fulla fud'achu fed'ani qutuma d'aatani. Duuba eegi suni ha nati deebianiti. Lafa ha fulla torbati gargari qoodataniti; worri Yuda fulla qara jiru ta bitaa ha ke tauti, worri Yusufuleeni fulla qara jiru ta mirgaa ha keesa tauti. Aka qoodi torbaani sunini jiru t'aafa, natiini koota, Duuba anini hit'a AABBO Waaqa keenna durati isanii buusa. Gochiti Lawi isani keesaa qooda inqabdu; wonti akanatiifi qoodi worraa huji qaalluma ta AABBO Waaqa. Ammalle d'uguma gochiti Gaditifi ta Reubenitifi ta Manase ta ilaboru yayu lafa hojattuuni AABBO Waaqa Musani worraa kenne qara fud'atte. Jennaani Yoshuani worra qutuma d'au kaani, ato worri inkaini, wolti yaame, waan jed'eeni, Lafa ch'ufa keesa yaa, qutuma d'aahad'a, nati dachaa. Duuba anini lafa Shilo tana keesati, AABBO Waaqa durati, hit'a isanii buusa. Duuba worri kae lafa ch'ufa keesa yae, aka lafa gargari fulla torbati qoodanifi maqa dira ch'ufale t'aafani. Eege Yoshua ka Shilo jiruti dachaani. Duuba Yoshuani AABBO Waaqa durati hit'a worraa buuse, gosa Israeli ta qara lafa inargatini lafa qoodeefi. Lafti gosa Benjamini, worra isaani gula, lafa qaraa ta namaa qoodani. Lafti worraa jiddu lafa gosa Yudatifi Yusufuti. Seeri worraa ka mirga galaana Yordaniti eja, ammalle gooro Yerikoni mirga olkore, lafa gaareeni haga lafa gamooji ta Beth-Aveni ila adu keesa dabre. Duuba seeri gooro Luzi (ka Betheli jed'anile) bitaa dabre, ammalle Ataroth-Adari, d'aatu gaara Beth-Horoni ka jala bitaa jiruti gabue. Duuba seeri gara d'ibi qajeele gaara Kana ila adutini bita deebie, Kiriath-Baali (yokhaani Kiriath-Yearimu) ka qooda gosa Yuda keesa jiruni bahe, kunini seera gama ila aduti. Seeri bitaa moga dira Kiriath-Yearimu iraa bahe, bisaani Naftoa ira bahe. Golba gaara bale Hinomu iraani mullatu fulla bale Refai mirgaani gabue, eegi suni bale Hinomu ta gooro Yebusitini bitaa, gara Enrogeli bitaa bahe. Eegi suni Enshemeshi mirga bahe Gelilothi, ta d'aatu kaarra Adumimu, dabre, ammalle arti bahe D'akha Bohani (Bohanini ilma Reubeni) qajeele, gooro bale Yordani iraani mullatuuni mirgati dabre. Eegi suni bale gabue, Gooro Beth-Hogla mirgaani ke bahe, fulla mirga ta galaani Yordani galaana Soodatini naqu artiti eje. Kunini seera bitaa. Galaani Yordani seera ilaboruti, kunini seera qooda lafa ta gochiti Benjamini, worra isaani gula, argatte. Diri gosa Benjamini, worra isaani gula, kana: Yeriko, Beth-Hogla, Emek-Keisisi, Beth-Araba, Semaraaimu, Betheli, Arimu, Paara, Ofra, Kefra-Amoni, Ofri, Geba: diri kunini ch'ufti kud'ani lama, ka kamu ollowaani ufi d'aatu qabu. Ammalle Gibeoni, Rama, Beerothi, Mispa, Refira, Moza, Rekemu, Irpeeli, Tara, Zela, Helefu, Yebusi (yokhaani Yerusalemu), Gibeathi, Kiriath-Yearimu: diri kunini ch'ufti kud'ani afuri ka kamu ollowaani ufi d'aatu qabu. Tunini qooda lafa gochiti Benjamini, worra isaani gula, d'aala argatte. Lafti lameeso ta namaa qoodani ta gosa Simeoni, worra isaani gula. Lafti worra lafa gosa Yudati kennani keesa jirti. Lafti suni tana: Beersheba, Sheba, Molada, Hasar Shuali, Baala, Esemu, Eltoladi, Bethuli, Horma, Ziklagi, Beth-Markabothi, Hasarsusa, Beth-Lebaothi, Sharuheni: diri kunini ch'ufti kud'ani sadi ka kamu ollowaani ufi d'aatu qabu. Ammalle Aini, Rimoni, Etheri, Ashani: diri kunini ch'ufti afuri ka kamu ollowaani ufi d'aatu qabu. Ammalle ollowaani ta dira kana d'aatu jirtu, haga Baalath-Beeri (yokhaani Rama), ta bitaa ch'ufti herega dira suni keesa jirti. Tunini qooda lafa gochiti Simeoni worra isaani gula d'aalaa argatte. Waan lafti gosa Yudati kennani haga fed'ani ira guddo taateefi gama toko gosa Simeoniti kennani. Lafti sadeeso ta namaa qoodani ta gosa Zabuloni, worra isaani gula, seeri lafa worraa haga Sariditi eja. Arti bahe marala ila aduti qajeele. Dabeshethifi laga Yokneamu iti mat'ane bahe. Ammalle Saridi ilaboru bahe seera Kisiloth-Taburiti eje, duuba Dabarathifi yafia gahe. Artilee ilaboru bahe Gath-Heferifi Ethkaseiniti qajeele, duuba Meati deebie Rimoniti qajeele. Gara Mirgatini, seeri Hanathoniti qajeele, bale Iftaeliti eje. Ammalle diri kunileeni ka worraati: Nahalali, Shimroni, Idalafi Bethlehemu; diri kunini ch'ufti kud'ani lama, ka kamu ollowaani ufi d'aatu qabu. Dira kanafi ollowaani isaani lafa gochiti Zabuloni worra isaani gula d'aala argatte keesa jirani. Lafti afreeso ta namaa qoodani ta gosa Isakari, worra isaani gula: Lafa worra keesa dira Kanati jira: Yezreeli, Kesulothi, Shunemu, Hafarimu, Shioni, Anaharathi, Rabithu, Kishoni, Ebesi, Remethi, Enganimu, Enhada, Beth-Pasesi. Seeri worra ammalle Tabori, Shahasumafi Beth-Shemeshiti mat'ane, galaana Yordaniti eje. Dira kud'ani jaatiifi ollowaani d'aatu jirtuleeni ch'ufti, herega lafa suni keesa jirani. Dira kanaafi ollowaani isaani lafa gochiti Isakari d'aala argatte keesa jirani. Lafti shaneeso ta namaa qoodani ta gosa Asheriti, worra isaani gula. Lafa worra keesa dira kanati jira: Helkathi, Hali, Beteni, Akshafu, Alameleki, Amadi, Misheli. Gara ila adu seeri worraa Karmelifi Shihor-Libinathiti mat'ana. Seeri arti bahe ilaboru deebie Beth-Dagoniti eje, Zabulonifi bale Iftaeliti mat'ane, Bethemekifi Neili mirgati qajeele. Ammalle mirga iti d'aabate Kabuli, Ebroni, Rehobu, Hamoni, Kana, haga Sidoniti eje. Duuba seeri mare Ramati deebie, dira Tiro ka jabeesani d'akhaani jaaranile gahe; duuba mare Hosati deebie, Baariini Guddati eje. Lafti worraa ammalle Mahalabu, Akizibu, Uma, Atheka, Rehobu: diri kunini ch'ufti diddami lama, ka kamu ollowaani ufi d'aatu qabu. Dira kanaafi ollowaani isaani lafa gochiti Asheri, worra isaani gula d'aala argatte keesa jirani. Lafti jaeeso ta namaa qoodani ta gosa Naftali, worra isaani gula. Seeri worraa Helefu bahe mukha gudda toko ka Saananimu jiruti eje, arti bahe Adan-Nekebufi yamnia, haga Lakumu bahe, galaana Yordaniti eje. Achiti seeri ila aduti deebie, Aznoth-Tabori qajeele, arti dabre, Hukokiti qajeele, Zabuloni bitaati mat'ane, Asherile ila aduti mat'ane, galaana Yordanile ilaboruti mat'ane. Diri jabeesani d'akhaani jaarani kana: Sidimu, Seri, Hamathi, Rakathi, Kinerethi, Adama, Rama, Hazori, Kedeshi, Edrai, Enhasori, Ironi, Migdaeli, Horemu, Bethanathi, Beth-Shemeshi. Diri kunini ch'ufti kud'ani sagali, ka kamu ollowaani ufi d'aatu qabu. Dira kanaafi ollowaani isaani, lafa gochiti Naftali d'aala argatte keesa jirani. Lafti torbeeso ta namaa qoodani ta gosa Daniti, worra isaani gula. Lafa worraa keesa dira kanati jira: Sora, Eshtaoli, Erishemeshi, Shaalabini, Aiualoni, Ithla, Eloni, Timna, Ekroni, Elteka, Gibethoni, Baalathi, Yehudi, Bene-Beraki, Gath-Rimoni, Meyarkoni, Rakoni, lafa dira Yafa d'aatule. Worri gosa Dani lafa ufi d'amnaani Laishi d'aqani had'ani, dira suni qabani, worra isaa fit'ani dira worraa boojiani iti qubatani. Maqa isaa ka qara Laishi jijirani, maqa ababo isani Dani gula Dani jed'ani. Dira kanafi ollowaani isaani lafa gosa Dani worra isani gula, d'aala kennani ke jirani. Worri Israeli lafa ch'ufa gargari qoode jennaani Yoshua ilma Nuni qooda toko Koba kennanifi. Akuma AABBO Waaqi jed'e, dira inni kad'ate, Timnathi Sera, ka lafa gaareeni Efraimu keesa jiru isaa kennani. Inni dira suni ka qara hammate — jaare keesa qubate. Qaallichi Eleazarifi Yoshua ilma Nunitifi jaaroleeni mataa worra gosa Israelileeni, AABBO Waaqa durati, hit'a buufatani, Shiloti, fulla balbala Waaro Woyyumati lafa gargari qoodatani huji suni hobaasani. Jennaani AABBO Waaqi waan Yoshuani jed'e, Worra Israelitini waan jettu, Dira jaa ka iti baqatani, ka anini Musani isaniti hime fohad'a. Nami danu nama ijeese dandae arti d'aqa, aka nama sila isa ijeese haalo baafatu baqatu. Inni dandae dira kana tokoti baqate fulla fullo, ta jaaroleeni iti koratu d'aqe, waan tahe jaaroleeti hima. Duuba worri aka inni dira seenu ee jed'e, fulla inni tau kennaafi. Yo namichi isa ijeese haalo baafachu fed'u kaani barbaada isaa d'ufe, worri dira suni harka isaati isa kennu himalle. Wonti akanatiifi inni danu nama suni ijeese, worri taka wolind'amne. Duuba inni dira suni keesa taa haga dubbi isaa jaaroleeni qortuti, ammalle haga qaallichi guddaani gaafasi huji harkaa qabu duuti. Eegi suni namichi dandae dirafi worra isaa ka qara keesa baqateti gala. Jennaani galaana Yordani ilaboruti, dira Kadeshi, ka Galilaya, lafa gaareeni ta Naftali keesa, ammalle Shekemu, lafa gaareeni ta Efraimu keesa, Hebronile, lafa gaareeni ta Yuda keesa fohatani. Ammalle galaana Yordani ilaboru dirra lafa gamooji, ka Yerikoni ilaboru keesa, Beezeri ka lafa Reubeni keesa jiruufi Ramothi ka Gileadi lafa Gadi keesa jiruufi Golani ka Bashanile, ka lafa Manase keesa jiru fohatani. Diri jaani kuni dira Israeliini fohate, aka worraafi keessumani worraleeni iti baqatu. Nami nama danu ijeese dandae achiti nama ijeechaa isa barbaadu duraa baha; haga dubbi isa jaaroleeni qortuti isa inijeesani. Jaaroleeni worra Lawiti mataa qaallicha Eleazarifi Yoshua ilma Nunitifi jaaroleeni gosa Israeliti mata ch'ufa d'at'e. Artiti Shilo lafa Kanaani keesati waan jetteeni, AABBO Waaqi Musani waan jed'e worra kana dirafi lafa d'aatu ta horiini worra tikhatule kennifi jed'e, jette. Duuba jecha AABBO Waaqa gula worri Israeli gosa Lawiti, lafa worri d'aalaa argatte keesa dirafi lafa horiini worraa tikhatu kenneefi. Worra balbala Kohathi, ka gosa Lawi dira kana kennanifi. Ilmaani qaallicha Haruni dira kud'ani sadi lafa Yudatifi Simeonifi Benjamini keesa kennanifi. Duuba worra Kohathi kaani d'ibii dira kud'ani lafa Efraimutifi Danifi lafa gosa Manase ka ila adu keesa, kennanifi. Balbala Gershoni dira kud'ani sadi, lafa Isakaritifi Asheritifi Naftalitifi lafa gosa Manase ka ilaboru keesa kennanifi. Ammalle worra balbala Merari dira kud'ani lama lafa Reubenitifi Gaditifi Zabuloni keesa, kennanifi. Worri Israeli gosa Lawiti, akuma AABBO Waaqi qara Musani jed'e, dira kanaafi lafa horiini tikhatule, hit'a buuse kenneefi. Diri lafa Yudatifi Simeoni keesa, ka ilmaani Haruni, ta balbala Kohathi, ta Lawiini d'ale kennanifi kana, qoodi dira ka qara hit'aani qoodani ka worraati. Lafa Yuda ta gaareeni keesa, dira Arba (Arbaani abba Anaki), ka amma Hebroni jed'anifi lafa d'aatu ta hori iti tissani kennanifi. Ammo oobru dira sunitifi ollowaani isaa yayu qara Kalebu, ilma Yefuneti d'aala kennani. Dira iti baqatani toko ka Hebroni jed'ani male, ilmaani qaallicha Haruniti dira kana kennani: Libna, Yatiri, Eshtemoa, Holoni, Debiri, Aini, Yuta, Beth-Shemeshifi lafa d'aatu ta hori iti tissanille. Dira sagallani kana gosa Yudatifi Simeoniti worraa kenne. Lafa Benjamini keesa dira afraani kana kennanifi: Gibeoni, Geba, Anathothi, Almonifi lafa d'aatu ta hori iti tissanille. Dirafi lafti hori iti tissani, ta qaalole ilmaani Haruniti kennani kud'ani sadi. Worra kaani ka gosa Lawi, ka balbala Kohathi, lafa Efraimu keesa dira kennanifi. Worraa dira afraani kana kennani: Shekemu, dira iti baqatanifi lafa hori iti tissani ta gaareeni Efraimu keesafi Gezerifi, Kibisaimufi Beth-Horonifi lafa d'aatu dira suni ta hori iti tissanille. Lafa Dani keesa dira afuri kennanifi: Elteke, Gibethoni, Ayaloni, Gath-Rimonifi lafa d'aatu ta hori iti tissanille. Lafa gosa Manase ta ila odu keesa dira lama kennanifi: Tannakifi Gath-Rimonifi lafa d'aatu ta hori iti tissanille. Worri kunini ka balbala Kohathi, dira kud'anifi lafa d'aatu ta hori iti tissani wolti argatte. Ammalle worri balbala Gershoni, ka gosa Lawi, lafa gosa Manase, ta ilaboru keesa, dira lama argatte: Golani dira iti baqatani ka Bashani keesa jiruufi Beeshterafi lafa d'aatu ta hori iti tissanille. Ammalle lafa gosa Isakari keesa dira afuri kennani: Kishoni, Daberathi, Yarmuthi, Eganimufi lafa d'aatu ta hori iti tissanille. Ammalle lafa gosa Asheri keesa dira afuri kennani: Helkathifi Rehobufi lafa d'aatu ta hori iti tissanille. Ammalle, lafa gosa Naftali keesa dira sadi kennani: Kedeshi, dira iti baqatani, ka lafa Galilaya keesa jiruufi lafa d'aatu ta hori iti tissanille. Worri ch'ufti ka balbala Gershoni dira kud'ani saditifi lafa hori iti tissanille argatte. Worra gosa Lawi d'ibi, ka balbala Merari, lafa gosa Zabuloni keesa dira afuri kennani: Yokneamu, Karta, Dimna, Nahalifi lafa d'aatu ta hori iti tissanille. Ammalle lafa gosa Reubeni keesa dira afuri kennani: Beezeri, Yahasa, Kedemothi, Mefaathifi lafa d'aatu ta hori iti tissanille. Ammalle lafa gosa Gadi keesa dira afuri kennani: Ramothi, dira iti baqatani ka Gileadi keesa jirufi lafa d'aatu ta hori iti tissanille, Mahanaimufi Heshbonifi Yazerifi lafa d'aatu ta hori iti tissanille. Duuba balbala Merari dira kud'ani lama kennanifi. Akanaani AABBO Waaqi lafa ababoota Israeliti inkenna jed'e kakhate worra Israeliti kenne. Worri lafa suni fud'ate jennaani qubate keesa tae. AABBO Waaqi akuma ababoota worrati kakhate, lafa suni ch'ufa keesa nagaya kenne. Nyaapi worra tokoleeni taka worra dura inejine; wonti akanatiifi AABBO Waaqati nyaapa worra ch'ufa harka worrati kenne. AABBO Waaqi kakhu inni worra Israeliti kakhate ch'ufa tokole inhambimne ch'ufa guuteefi. Jennaani Yoshuani worra gosa Reubenitifi ta Gaditifi ta Manase ta ilaboru wolti yaame. Waan jed'eeni, isani waan hojattuuni AABBO Waaqa Musani tolcha jed'e ya tolchitani, ammalle dubbi tiyya ch'ufale ya guutani. Haga arra isani oboleyaani teesani ta Israeli biraa indeemne, ammalle isani dubbi AABBO Waaqa keesani ya aka dansa guutani. Ammo akuma inni iti kakhate, AABBO Waaqi keesani yayu oboleyaani teesani ta Israeli nagaya kenneefi. Tanaafi beena lafa isani teenna jettani, ta galaana Yordani ilaboru jirtu ta hojattuuni AABBO Waaqa Musani isanii kenneti gala. Seera hojattuuni AABBO Waaqa Musani isanii kenne jabeesa guuta: AABBO Waaqa keesani jaalad'a, fed'i isaa tolcha, seera isaa guuta iraa ingorina, garaafi qalbi teesani ch'ufaani isaa hojad'a. Akanaani worri gosa Reubenitifi Gaditifi ka Manase ka ila boru kae gale. Worri gumi Israeli taani Shilo lafa Kanaani keesati biraa yae, lafa isaani ta Gileadi ta, akuma AABBO Waaqi Musani jed'e worri argateti dachae. Worri gosa Reubenitifi ka Gaditifi ka Manase ka ilaboru Gelilothi, ka Yordanini ila adu jiru gahe, arti d'aatu galaanati fulla ballo toko ta sorio irati Waaqaa baasani jaarani. Duuba qonqoni gara d'ibii worra Israeliti d'ufte waan jette, Me d'agaya! Worri Reubenitifi ka Gaditifi ka Manase ka ilaboru yayu Gelilothi Yordani gama kaaniti fulla Waaqaa sorio iti baasani jaare. Worri Israeli waan kana d'ageennaani, gumiini ch'ufti Shiloti wolti baate, aka worra suni haatu. Jennaani worri Israeli Finehasi, ilma qaallicha Eleazari, gara worra gosa Reubenitifi ka Gaditifi ka Manase ka ilaboru, lafa Gileadi keesa erge. Jaaroleeni gugurdooni, nami kud'ani, gosa ila adu keesaa toko tokooni, ammalle ta isiini ch'ufti namu balbalafi worraleti mataa, Finehasi woliini yaani. Lafa Gileadi, fulla worri Reubenitifi ka Gaditifi ka Manase ka ilaboru jiruni d'ufani waan jed'aniini, gumiini AABBO Waaqa waan jettu, isani maafi waan hamtu kana Waaqa Israeliti tolchitani? Waan isani fulla sorio Waaqaa baasani jaartanifi ya AABBO Waaqa diddani, isani ya gargaltani AABBO Waaqa gula yau diddani! Daba keenna ka nu lafa Peoriti tolchine, gaafa AABBO Waaqi d'ukubaani nu balleese inqaabatani? Nu ammalle ufiftu waan sunifi gaargalu jira, dabi sunini nuu ingeenne? Ammalle isa gula yau diddani? Yo isani arra AABBO Waaqa diddani, inni borifa worra Israeli ch'ufati dallana. Amma duuba yo lafti teesani qulqullo intahini lafa Kanaaniti fulla Waaroni isaa ejituti taaka, nuti koota, gama keennati lafa fud'ad'a. Ammo AABBO Waaqa indidina, yokhaani fulla sorio Waaqa iti baasani teenna tana male ta d'ibi jaaratani, nama Waaqa didu nu intolchina. Aka Akaniini ilmi Zera seera waan balleesu malani ch'abse ammalle gumi Israeli ch'ufa waan suni jed'ani gaargalchani inqaabatani? Nami gaafasi maro daba isaatiifi due isa ch'allaniti. Worri Reubenitifi ka Gaditifi ka Manase ka ilaboru waan jaarole mataa worraa ta gosa ila adutini jed'e, Jabaani Waaqa! Inni AABBO! Inni waan nu akana taanefi imbeekha nuleeni aka isani beetani feena! Yo nu AABBO Waaqa d'ugefachu lakimne isa gula yau dinne, arruma nu hobaasa! Yo nu AABBO Waaqa dinne, fulla sorio gubani yokhaani ta mid'aanifi ta wold'ageeti ta Waaqa baasani jaarre, ha innumani nu balleesuti. Hiyo akananiti! Wonti nu akasi tolchineefi aka taka tana ilmaani teesani, isani AABBO Waaqa Israeli maani iraa qabdani ilmaani teennaani injenne. Inni galaana Yordani seera jiddu teennafi isani worra Reubenitifi worra Gadi tolche. Ammalle isani AABBO Waaqa qooda womatu iraa inqabdani. Akasiini hegeri ilmaani teesani ilmaani teenna AABBO Waaqa kad'achu d'owarti. Tanaafi nu fulla sorio Waaqaa baasani jaarre, aka sorio gubani yokhaani Waaqa wo baasaniniti, ammo aka fullaani suni akheekha worra keennafi keesanifi yokhaani d'aloota taka tanale taatu, aka nu d'uguma AABBO Waaqa durati sorio teenna gumne waan Waaqa baasu malani ta wold'ageetile baamnu. Woni nu akasi taanefi aka taka tana ilmaani teesani, ilmaani teennaani isani, qooda womatu AABBO Waaqa iraa inqabdani injenne. Waan nu herenne, yo taka tana woni kunini taate, ilmaani teenna sila dubbi akana tanafa jetti: Me ilaala! Abbootini teenna fulla sorio Waaqa baasani ta aka teesani ijaarte. Fullaani sunini aka sorio gubani yokhaani waan Waaqa baasaniniti, ammo aka akheekha worra keennafi keesanile taatu. AABBO Waaqi nu ijeesinna, yo nu isa dinne, yokhaani isa lakimne, fulla sorio gubanifi yokhaani ta mid'aanitifi yokhaani waan d'ibi Waaqa baasani ijaare. Nu fulla d'ibi sorio AABBO Waaqa irati baasani iniijaarru, ta Waaro Woyyuma dura ejitu male. Qaallicha Finehasifi jaaroleeni gumi Israeliti, mata ta isa woliini jirtu, ta isiini ch'ufti namu mata gosa ila adu teetu, waan worra gosa Reubenitifi ka Gaditifi ka Manase ka ilaboru jed'e d'ageennaani, dubbi worra quufani. Finehasini, ilmi qaallicha Eleazari, waan worraani jed'e, Nu arra ya argine aka AABBO Waaqi nu woliini jiru, isani isa diqole indinne tanaafi isani worra Israeli harka Waaqaa jala baaftani. Jennaani Finehasifi jaaroleeni taani worra gosa Reubenitifi ka Gadile, lafa Gileaditi lakisani biraa deemani, lafa kanaaniti gara worra Israeli galani, dubbi suni ch'ufa iti himani. Worri Israeli dubbi suni quufe Waaqa faarse, deebie aka lafa worri Reubenitifi ka Gadi keesa qubate had'e balleesu maqa ind'oomne. Worri Reubenitifi ka Gadileeni waan jed'e, fullaani sorio Waaqaa baasani tunini ha d'uga nu taatu, aka AABBOONI d'uguma Waaqa d'ugaa. Duuba fulla suni maqa iti baasani d'uga jed'aniini. Eegi guyya heddu AABBO Waaqi gosa Israeli nyaapa worra ka d'aatu jiru ch'ufa jala baase hafuura baaseefi gaafa suni Yoshuani ya jaare fulla gahe. Duuba inni worra Israeli ch'ufa, jaarolee worra gugurda, Makalootafi jaallaboota worraa wolti yaame waan jed'eeni, Anini amma ya jaare fulla gahe: Isani waan AABBO Waaqi keesani gosa tana ch'ufa maro teesanifi tolche ya agartani, aka inni isanii jed'e worra had'e balleese. Ammalle lafa gosa d'ibi ta hafteefi lafa gosa anini qara dabsad'e, ta haga galaana Yordani ka ilaboru, haga Baariini Gudda ka ila aduu anini yayu gosa teesanii kenne aka worri d'aalu. AABBO Waaqi keesani worra isani duraa d'iibe fuula keesani dura gussa. Akuma AABBO Waaqi keesani isanii kakhate, lafa worra d'aaltani. Tanaafi waan kitaaba Seera Musa keesati t'aafani ch'ufa jabeesa, tolcha, guuta: Diqole mirgaafi bitaa iraa ingorina, aka isani gosa isani keesati hafte taani wolti imakhamne, yokhaani, maqa waaqa worra ind'oomne yokhaani inkakhanneni yokhaani durati jilbifattani inkad'anne. Ammo fulla suni AABBO Waaqaani taka taha, akuma isani haga arrale tolchitani kaani. Wonti akanatiifi AABBO Waaqi ya gosa guddo jabdu, irre qabdu, isani duraa gusse; nami tokoleeni haga arrale ya isani dura ejachu dad'abe. Waan AABBO Waaqi keesani, akuma inni kakhate gama keesani jiruufi, nama keesani toko dandae nama kuma toko dabsata. Tanaafi jabaad'a, AABBO Waaqa keesani aka dansa jaalad'a. Yo isani garagaltani gosa isani keesati hafte tanaani wold'at'ani wolfuutani, beekha AABBO Waaqi keesani itumani deebie gosa tana isani duraa ingussu. Ammo worri hegeri, aka t'urura isani qabe, aka licho dirra isani gube, yokhaani aka qoraati ila isani woraana, haga isani lafa dansa AABBO Waaqa isanii kenne tana iraa d'umattaniti. Amma guyyaani kiyya ya gabaabate. Isani ch'ufti garaafi qalbi teesani imbeetani, waan dansa AABBO Waaqi keesani isanii kakhate isanii kenne wonti inni isani kakhate ch'ufti ya guutamte, tokole ta intahini injirtu. Ammo akuma inni waan dansa ch'ufa ka isanii kakhate guute akasuma AABBO Waaqi waan hamtu isanitini d'ufa, haga lafa dansa inni isanii kenne tana keesaa isani balleesuti. Yo isani wold'aqisa AABBO Waaqi keesani guuta jed'e d'aamate guutu diddani, waaqa d'ibi durati jilbifatani kad'atani AABBO Waaqi isaniti dallana. Duuba isani yoosu lafa dansa tana, ta inni isanii kenne iraa hobaatani. Jennaani Yoshuani gosa Israeli ch'ufa Shekemuti wolti yaame, jaarole, worra gugurda, makalootafi jaallaboota ch'ufa; duuba worri Waaqa durati artiti wolti bahe. Yoshuani waan biyyaani jed'e wonti AABBO Waaqi Israeli jed'u tana: Duri ababooti teesani galaana Frati gama suni teete waaqa d'ibi kad'atte. Ababoota teesani suni toko abba Abrahamutifi Nahori ka Tera jed'ani. Jennaani anini Abrahamu ababo keesani lafa galaana Frati gamaati fuud'e, dura deeme lafa Kanaanitini d'ufe ilmaani heddu kenneefi. Anini Isaaqo isaa kenne, Isaaqolee Yakoboofi Esau kenne. Esau, lafa Edomu ta gaareeni d'aala kenneefi, ammo ababooni keesani Yakobooni, ilmaani isaa woliini lafa Misiri d'aqe. Eegi suni anini Musafi Haruni erge, lafa Misiri gaargala gudda iti buuse keesaa isani baase. Anini ababoota teesani lafa Misiri keesaa baamnaani worri Misiri gaari fardi hirkisufi worra farda yaabatuuni reebe galaana Diimani bahe. Jennaani ababooti teesani AABBO Waaqati boonnani inni jiddu worraatifi worra Misiri dukana kaye, bisaani galaana worra Misiri ira deebise. Isanileeni waan suni ya argitani. Isani lafa aloo ta gamooji ganna heddu teetani. Jennaani anini lafa Amori worra galaana Yordani gama ilaboru tautiini isani d'ufe. Worri isani had'e ammo anini worra harka keesaniti kenne; duuba anini isani durati worra, balleese, lafa worraa fud'attani. Jennaani hayyuuni Moabu Balakini, ilmi Sipori, kae isani had'e. Inni qonqo gara Balamu ilma Beori erge, kooti worra kana abaari jed'e. Ammo anini Balamu ch'aqasu dide, tanaafi inni isani eebise akanaani harka Balaki keesaa isani baase. Duuba isani galaana Yordani taakinaani, dira Yeriko d'uftani, worri Yerikoleeni isani had'e akasuma worri gosa Amori, ka Perezi ka Kanaani, ka Hiti ka Girgashi, ka Hivi, ka Yebusileeni isani had'e. Ammo anini worra ch'ufa harka keesaniti kenne, isani worra dabsatani. Aka soonsi nama rifachiisu anini worra isani dura rifachiise, hayyoota Amori lamaani isani duraa gusse ka isani t'iyaafi guube teesaniini woma intolchine. Anini lafa isani inqotatini yokhaani dira isani injaaratini isanii kenne, amma tana isani lafafi dira suni keesa teetani, mid'aani zabibutifi mid'aani ejersa, ka isani taka inoobrini nyaattani. Duuba Yoshuani ammalle waan jed'eeni, AABBO Waaqa sodaad'a d'ugaafi garaa tokooni isa hojad'a. Waaqoota d'ara ka ababooti teesani duri galaana Frati gammafi lafa Misiri keesati kad'atte d'id'imati d'aa, AABBO Waaqa ch'alla hojad'a. Yo isani AABBO Waaqa hojachu diddani arra ka hojattani fohad'a, yokhaani waaqoota d'ara ka ababooti teesani duri lafa galaani Frati gama kad'atte, yokhaani waaqoota d'ara ka worra Amori, ka amma isani lafa worra keesa teetani: Ammo anaafi worri kiyya gama keennani AABBO Waaqa hojanna. Biyyitileeni waan jetteeni, Waaqi nuu didinna aka nu AABBO Waaqa lakimne waaqa d'ibi hojannu. AABBO Waaqi keenna nuufi ababoota teenna tissooma lafa Misiri keesaa nu baase, nuleeni waan mama ka inni tolche ila teennaani argine. Ammalle gaafa nu lafa gosa heddu tana keesa godaanele inni godanna keesa aka heddu nu qorqorate. Ammalle worra Amori ch'ufa, ka lafa suni keesa taele, AABBO Waaqi nu duraa gusse, tanaafi nuleeni AABBO Waaqa hojanna, inni Waaqa keenna. Ammo Yoshuani waan biyyaani jed'e, Isani dandeetani AABBO Waaqa inhojattani; inni Waaqa qulqullo, daba keesanile isani inaraaramu. Hojja waaqa d'ibi isa biraani kad'attani, inni dandae inoobsu. Yo isani isa lakiftani waaqoota gosa d'ibiti hojattani, inni isaniti gaargale wo isani tolche isani balleesa, ato duri isaniti dansa sa tahelee. Biyyiti waan Yoshuani jette, Hiyo, akananiti, nu AABBO Waaqa inuma hojanna. Jennaani Yoshuani waan worraani jed'e, D'ugaani teesanileeni isanuma, aka isani AABBO Waaqa fohattani isa hojattani worri waan jed'eeni, hataatuti, d'ugaani teennalleeni ha nuuma taatu. Inni waan jed'eeni, Yoosi Waaqoota gosa d'ibi ka isani qabdani kaani d'id'imati d'aa garaa tokooni AABBO Waaqa Israeliti ufi kenna. Duuba biyyiti waan Yoshuani jette, Nu AABBO Waaqa keenna hojanne dubbi isaa gula yaana. Duuba Yoshuani wold'aqisa worri Waaqaani wold'aqu worraa tolche, arti fulla Shekemuti aadaafi Seera worraa kenne. Yoshuani dubbi tana kitaaba Seera Waaqa keesati t'aafe d'akha gudda toko fuud'e, fulla woyyuma ta AABBO Waaqa iti kad'attani mukha gudda toko jala old'aabe, waan biyya ch'ufaani jed'e, D'akhaani kunini d'uga nuu taha. Inni dubbi AABBO Waaqi nuni jed'e ch'ufa ya d'agaye. Tanaafi inni d'uga isani taha aka isani AABBO Waaqa keesani iti gargaltani imormanne. Jennaani Yoshuani biyyaani gala jed'e, nami ch'ufti lafa ufiti gale. Eegi suni hojattuuni AABBO Waaqa Yoshuani, ilmi Nuni, ganna d'ibbafi kud'aniti due. Jennaani lafa inni d'aale Timnath-Sera, lafa gaareeni Efraimu ta gaara Gaashitini mirgati isa awaalani. Worri Israeli haga Yoshuani jiru AABBO Waaqa hojatte, ammalle haga jaaroleeni ta waan AABBO Waaqi Israeli tolche ila ufiitini argite lafa jirtu, AABBO Waaqa hojatte. Lafele Yusufu, ta worri Israeli lafa Misiri keesa d'ufeeni, Shekemuti awaalani, fulla Yakobooni ilmaani Amori abba Shekemu, qarsi d'ibba tokotini iraa bite taani. Fullaani sunini qooda lafa ilmaani Yusufuti kennani keesa jirti. Eleazarini ilmi qaallicha Haruni due, Gibea, dira lafa gaareeni ta Efraimu, ka ilma isaa Finehasi kennaniti awaalani. Eegi Yoshuani due worri Israeli waan AABBO Waaqaani jed'e, Gosa teenna keesa gochiti qara ta d'at'e worra Kanaani haatu tami? AABBO Waaqi waan jed'eeni, Gochiti Yuda ha qara d'at'uti, anini yayu harka worrati lafa suni kenne. Worri gosa Yuda waan worra gosa Simeonitini jed'e, Lafa nuu kennaniti woliini nu yaasa, nu worra gosa Kanaani wolumaani haana. Duuba eege nu lafa isanii kennani woliini d'anna. Jennaani gochiti Simeonitifi ta Yuda duula woliini iti d'aabate. AABBO Waaqi worra gosa Kanaanitiifi ka Perizi harka worrati kenne worri nama kuma kud'ani Bezekiti dabsate. Achiti worri hayyicha Adon-Bezeki jed'ani arge had'e. Ammo inni baqate jennaani worri isa reebe, qabe quba hagicho ka harkatifi ka miilale ch'ufa iraa ch'ire. Adon-Bezekini waan jed'e, Hayyooti torbatama ta quba hagicho ka harkatifi ka miila ira ch'irani d'ieenna hamba mesa kiyya jalaa guurati. Waaqi amma yayu waan anini duri worra tolche na tolche. Yerusalemu isa geesani inni achiti due. Worri Yuda Yerusalemu had'e dabsate, nama isaa fit'e dira ch'ufa gube. Eegi suni gabuani worra Kanaani ka lafa gaareeni jirufi ka golba gaara jirufi ka lafa gamooji ta bita jirule had'ani. Worra Kanaani, ka dira Hebroni, ka duri Kiriath-Arba jed'ani jiruti had'iisa dabrani. Achiti worra balbala Sheshaitifi Ahimanitifi Talmai dabsatani. Worri Yuda achii kae, dira Debiri ka duri Kiriath-Seferi jed'ani, dabsate. Namichi Yuda toko ka Kalebu jed'ani waan jed'e, Anini intala tiyya Aksa nama dira Kiriath-Seferi had'e qabe inkennafi, ha fuud'uti. Jennaani Othnielini, ilmi Kenazi, ka maand'a Kalebu, dira suni had'e qabe. Duuba Kalebuni intala ufi Aksa kenneefi. Guyya fuud'a, Othnielini isi sobate abba isi oobru na kad'ad'i jed'eeni, isiini harre ufi iraa buute, jennaani Kalebuni waan isiini feetu gaafate. Isiini waan jetteeni, Anini madda bisaani fed'a. Lafti atini naa kennite lafa gamooji ta bisaani inqamne. Jennaani Kalebuni madda bisaani ta jalatifi ta gubbale kenneefi. Worri gosa Keni, ka sodda Musa, Yeriko dira meet'iti worra gosa Yuda woliini yae, lafa aloo ta Aradini bita lafa Yuda keesa d'aqe achi gosa Amaleki keesa qubate. Worri Yuda worra Simeoni woliini yae, worra gosa Kanaani, ka dira Sefathi keesa tau, dabsate abaare balleese dira suni maqa Horma baaseefi. Akuma Musani jed'e dira Hebroni Kalebuti kennani. Duuba Kalebuni balbala gosa Anaki sadeeni taani dira suni keesaa gusse. Ammo worri gosa Benjamini worra gosa Yebusi, ka Yerusalemu keesa jiru, keesaa ingussine. Ammalle worri Yebusi haga arrale worra Benjamini woliini taani. dooyaani suni nama dira suni keesaa bahu argite waan jetteeni, Fulla dira Kanaanitini seenani nuti himi, woma si intolchinu. Jennaani inni worra garsiise, duuba worri Efraimutifi ka Manase nama dira suni keesa jiru ch'ufa fit'e, namicha sunifi worra isaa male. Eegi suni inni lafa worra Hiti d'aqe achiti dira jaarate maqa Luzu iti baase, diri suni haga arrale maquma suni qaba. Gochiti Manase worra dira Beth-Shani, Taanaki, Dori, Ibleamu, Megidofi dira d'aatu suni jiru ch'ufa keesa tau keesaa ingussine; worri Kanaani achuma taa. Worri Israeli jabaate irre argate jennaani, worra Kanaani irreeni hojachiifate, ammo tatule worra ch'ufa dira suni keesaa ingussine. Gochiti Efraimu worra Kanaani ka dira Gezeri keesa tau keesaa ingussine, duuba worri Kanaani suni achuma worra woliini tae. Gochiti Zabuloni worra dira Kitronifi Nahalali keesa tau keesaa ingussine, duuba worri Kanaani achuma worra woliini tae, worra irreeni hojachiifataani. Gochiti Asheri worra dira Aka, Sidoni, Alabu, Akzibu, Helba, Afekafi Rehobu keesa tau keesaa ingussine. Worri Asheri worra Kanaani ka qara achi jiru lafa keesaa ingussine wolumaani taani. Gochiti Naftali worra dira Beth-Shemeshifi Beth-Nathi keesa tau keesaa ingussine. Worri Naftali worra Kanaani ka qara achi jiru woliini taani ammo irreeni worra hojachiifate. Gochiti Amori gosa Dani lafa gaareeniti irreeni deebifte, diidati gabuu d'owarte. Worri Amori Ayalonifi Shaalbimufi gaara Heresi qubate, tae, ammo gochiti Efraimufi Manase worra mohatte, irreeni hojachiifate. Sela gama mirgaa seeri gosa Edomu kaarra Akrabimu keesa bahe. Malaikaani AABBO Waaqa Gilgali kaate, Bokimu d'at'e waan worra Israelitini jette, Anini lafa anini ababoota teesaniti kakhad'e isaniini d'ufe, waan jed'e, Anini deebie wold'aqisa isani woliini tolfad'e inch'absu. Isani wold'aqisa tokole nama lafa tana keesa tau woliini tolfachu himmalle, ammalle fulla worri sorio iti baasu chachabsu maltani. Ammo isani waan anini isaniini jed'e intolchine, garagaltani waan d'ibi tolchitani. Duuba anini amma waan jed'u, Anini worra kana isani duraa imbaasu, worri nyaapa keesani tahe waaqooti worra ch'ufti t'urura isaniti taati. Malaikaani dubbi tana jennaani gumiini Israeli ch'ufti lalabde boote, tanaafi fulla suni Bokimu maqa baasani, achiti AABBO Waaqaa sorio baasani. Yoshuani worra Israeli abbu kara ufi gad'iise, duuba nami ch'ufti yae qooda lafa ufi fud'achu d'aqe. Haga Yoshuani jiru, worri Israeli AABBO Waaqa hojate, ammalle eegi inni duele haga jaaroleeni waan guddo AABBO Waaqi worra Israeliti tolche argite jirtule akasuma isaa hojatani. Hojattuuni AABBO Waaqa Yoshuani, ilmi Nuni, ganna d'ibaafi kud'aniti due. Duuba lafuma isaa ta qooda kennanifi keesati isaa awaalani, ta maqaani isii Timnathi Heresi jed'ani, lafa gaareeni Efraimu, ta gaara Gaashitini mirgaa. D'alooti sunini ch'ufa hobae jennaani, d'alooti d'ibiini, ka worra gula d'ufe, AABBO Waaqafi waan inni gumi Israeliti tolche wollaalani. Jennaani worri Israeli waan hamtu Waaqa durati tolche Waaqoota Baali jed'ani kad'atani. Worri AABBO Waaqa ababoota isani ka lafa Misiri keesaa worra baase lakise Waaqa d'ibi ka worra worri woliini qubatu, gula yaani, durati jilbifatani, AABBO Waaqa dallansiisani. AABBO Waaqa lakisani Baalifi Ashtorethi kad'atani. Jennaani AABBO Waaqi worra guddo iti dallane, nyaapa worra saamu iti gad'iise. Nyaapi suni worra dabsate, duuba worri Israeli ufi iraa d'owu dad'abe. Hojja worri nyaapa had'u d'aqu ch'ufa AABBO Waaqi worra qarqaaru dide akuma inni qara jed'e kaani; duuba akanaani worri guddo gaargale. Jennaani AABBO Waaqi jaallaboota worraa kenne ka harka worra worra saamu keesaa baaftu. Ammo worri jaallaboota suni ch'aqasu dide AABBO Waaqa lakisani waaqoota d'ibi gula badani, waaqoota suni kad'atani. Abbootini worraa duri dubbi AABBO Waaqa gula yaati, ammo d'alooti haarai kunini, yoosu kara suni iraa gore. Hojja AABBO Waaqi jaallaba worraa kenne ch'ufa, inni jaallaba suni qarqaare, worra, haga jaallabi sunini jiru, harka nyaapaa keesaa baase. AABBO Waaqi worraa nahe, waan worra guddo dabsani worri gaargale boheefi. Ammo yo jaallabi sunini duu ch'ufa worri kara duri kaaniti deebie d'aloota qara kaanile iraa hammate, Waaqa d'ibi hojatani kad'atani, aada ufi hamtu lakisu didani. Duuba AABBO Waaqi Israeli dallane waan jed'e, worri kunini ya wold'aqisa anini ababoota worra woliini tolfad'e ch'abse. Waan worri na ch'aqasu dideefi, anini deebie gosa duri, gaafa Yoshuani jiru, lafa suni keesa jirtu keesaa gusse imballeesu. Anini worra Israeli kana inilaalad'a aka worri kara kiyya aka ababoota worra gula deemufi yokhaani gula deemu didu arga. Duuba akanaani AABBO Waaqi gosa suni lafa keesati lakise, ka harka Yoshuati inkennini, yokhaani eegi Yoshuani duele keesaa ingussini. Tanaafi duuba AABBO Waaqi gosa gari lafa Kanaani keesati lakise, aka worra Israeli ka waan had'iisa imbeenne ilaalattu. Wonti inni akasi tolcheefi, aka d'alooti Israeli ka qara had'iisa imbeenne had'iisa baratu. Gochiti lafa suni keesati hafte tana: dira Filisti shanani, gosa Kanaani ch'ufa, gosa Sidoni, gosa Hiti ta gaareeni Lebanoni, haga gaara Baal-Hermoni haga kaarra Hamathi teetule. Wonti worra kana achiti lakisanifi aka Israeli ilaalatani, aka worri Seera AABBO Waaqi afaani Musatiini ababoota isaniti kenne guutu yokhaani inguunne argani. Tanaafi worri Israeli worra Kanaanitiifi ka Hititi, ka Amoriti, ka Periziti, ka Hiviti ka Yebusile woliini qubate. Worri worra sunini wolfuud'e waaqoota worrale kad'ate. Worri Israeli AABBO Waaqa isaani ded'e, waan hamtu isa durati tolche waaqoota harkani mid'aasani, Baalifi Ashteroti, kad'atani. Duuba AABBO Waaqi worra Israeliti dallane, harka nyaapa worraa hayyu Kushan-Rishathamu, ka Mesopotamiati lakise, inni haga ganna saddeeti worra mohate. Jennaani worri Israeli AABBO Waaqati bohe, inni nama worra baasu iti erge. Nami sunini Othnieli, ilma Kenazi, ka oboleesa Kalebu maand'icha. Inni lubbu Waaqaa argatte jaallaba Israelii tahe. Inni duula d'aqe, AABBO Waaqi hayyu Mesopotamia kaani harka isaati kenne inni isa dabsate. Duuba haga ganna afurtama lafti nagaya argate, eegi suni Othnielini lubbu d'abe. Worri Israeli ammalle Waaqa durati waan hamtu tolche. Sunifi AABBO Waaqi hayyu Egloni, ka gosa Moabu, worra Israeli ch'ufa ira jaba tolche. Inni worra Amonitifi ka Amaleki wolti yaame, duuba wold'aqani Israeli had'ani dabsatani, dira meet'i ka Yeriko jed'ani fud'atani. Duuba worri Israeli ganna kud'ani saddeeti hayyu Moabu jala tae. Jennaani worri Israeli AABBO Waaqati bohe inni nama worra baasu ergeefi. Nami sunini Ehudi, ilma Gera, ka gosa Benjamini ammalle inni bitaacha. Worri Israeli Ehudi gara hayyicha Egloni damoosani erge. Ehudini bilaa aflameedi ka d'eerinni isa d'und'uma toko mid'aafate, woya jala gama mirgati hid'ate. Jennaani waan d'ufeeni kaani Egloni nama aka male gabbati kenne. Eegi Ehudini waan suni kenneefi, inni worra damoosani d'ufeeni, gala jed'e. Ammo Ehudini fulla d'akha boch'ani ka Gilgali d'aatu garagale, Egloniti deebie waan jed'eeni, Ee hayyicha, anini d'aamsa kobati siti himu qaba. Duuba hayyuuni waan hojatu ufiitini jed'e, Mana keesa gayaa! Duuba worri ch'ufti gayaae. Jennaani ato hayyichi mana isaa gubba fulla qabanooftu koba tau, Ehudini iti olkore waan jed'eeni, D'aamsa Waaqa ka siti himu qaba. Hayyichi olkae. Jennaani Ehudini harka isa bitaachani bilaa gama mirgati fud'ate, hayyicha garaa isa gudda kaani keesa woraane, bilai ch'ufti keesa bade, moori isaa bilaa suni duuche. Ehudini bilaa kaani garaa hayyu keesati lakise, bilai kaani dudda duubani fullae. Jennaani Ehudini gabahe, balbala ufi duubati ch'ufe qulfe, kae iti d'aabate. Hojattuuni d'ufte, balbala qulfi qabdu agarte waan woliini jette, Hayyuuni hegeri finch'au jirafa, worri haga nami nama eegu ch'ufa eege dad'abe, inni balbala imbanu argani jennaani, fura fud'atani balbala banani. Yo worri jed'e inni ufumaa due ch'iisa. Ehudini, ato worri tae eegu, kae d'akhaa boch'ani kaani bira bahe Serati baqate. Achi gaareeni Efraimutini bahe jennaani magalata d'ae, worra Israeli duulaa wolti yaame. Jennaani gaareeni suni iraa woliini gabuani, waan worrani jed'e, Na gula koota, AABBO Waaqi yayu nyaapa keesani ka Moabu harka keesaniti kenne. Duuba worri Ehudi gula yae, fulla worri Moabu galaana Yordanitini taaku qabe, nama tokole dabru d'owe. Guyya suni worri Askarti Moabu jajabdu ch'ufa nama kunki kud'ani fit'e, tokoleeni ta fiidde baate injirtu. Guyya suni worri Israeli worra Moabu dabsate, duuba lafti haga ganna saddeetama nagaya argate. Nami eegi Ehudi jaallaba tahe Shamgari, ilma Anathi. Innileeni nama d'ibba jaa, ka Filisti, t'illoni hobaase worra Israeli baase. Eegi Ehudini due, worri Israeli ammalle AABBO Waaqa durati waan hamtu tahe. Tanaafi AABBO Waaqi Yabini, hayyu Kanaani, ka dira Hazori keesa tau, worrati lakise. Guddaani Askarti isaa gaafasi Sisera, ka Harosheth-Hagoimu tau. Yabinini gaari sibiila d'ibba sagali qaba, duuba inni worra Israeli ganna diddama dabse, naasu male mohate. Jennaani worri Israeli AABBO Waaqati bohe qarqaarsa kad'ate. Duuba Deborani, niitiini Lapidothi, raaga, ammalle gaafasi isiini jaallaba worra Israeliti. Isiini meet'i toko jala teete jiddu Ramafi Betheli, lafa gareeni ta Efraimu keesa, worri Israeli achiti dubbii iti yaa. Guyya toko isiini Baraka, ilma Abinoamu, dira Kadeshi ka lafa Naftali keesa yaamte waan jetteeni, AABBO Waaqi Israeli waan sini jed'u, Beeni, nama kunki kud'ani gosa Naftalitifi ta Zabuloni keesaa fuud'i, gaara Taboriti wolti baasi. Anini Sisera, gudda askarti Yabini, d'ufeeni, fulla galaana Kishoniti si haasisa. Inni gaarifi askarti ufiitini d'ufa, ammo sumati dabsata. Jennaani Barakani waan jed'eeni, Anini yo atini na woliini deemte male indeemu. Isiini waan jetteeni, Haye, woliini yaana, ammo huji tana keesa atini diqole ulfinna inargattu, wonti akanatiifi AABBO Waaqi harka niiti d'altititi Sisera keenna. Jennaani Deborafi Baraka kaani Kadeshi woliini yaani. Barakani gosa Zabulonitifi ta Naftali Kadeshiti wolti yaame, nami kunki kud'ani isa gula yae, Deboraleni isa woliini deemte. Duuba hojuma suni Heberini, ka gosa Keni, waaro ufi, d'aatu Kadeshi mukha gudda toko birati, fulla Saananimu d'aabate, inni qara worra gosa Keni kaani, ka ilmaani Hobabu, ka sodda Musa, biraa godaane. Siserani aka Barakani gaara Tabori kore d'agaye jennaani gaari isaa ka d'ibba sagali ka sibiila kaanifi askarti isaa ch'ufa ta Harosheth-Hagoimu jirtu wolti yaame, galaana Kishoniti erge. Jennaani Deborani waan Barakani jette, Beeni, AABBO Waaqati sini deema! Arra Sisera harka kanketi kennani. Duuba Barakani gaara Tabori ira nama kunki kud'ani ka duula woliini bue. Hojja Barakani duula ufiitini worra had'e, AABBO Waaqi Siserafi gaari isaatifi duula isaa ch'ufa worerse baqachise. Siserani gaari ufi iraa bue, miilaani baqate. Barakani gaarifi duula worra haga Harosheth-Hagoimu reebe duula Sisera ch'ufa hobaasani; nami tokoleeni ka hafe injiru. Siserani baqate waaro Yaeli, niiti Heberi ta gosa Kennitini bahe; wonti akanatiifi hayyichi Yabini, ka Hazori, worra Heberitiini wolijaala. Yaelini gabaate, Sisera yoyifate waan jetteeni, Aabbo waaro tiyya olseeni, insodaatini. Duuba inni olseene, isiini isa golla duubati d'ossite. Inni waan isiini jed'e, Bisaani d'ugu naa kenni, d'eebu qaba. Isiini okhole qadaada buqifte aanani kenniteefi, duuba ammalle isa golla duubati d'ossite. Jennaani inni waan jed'eeni, Balbala waaro dura eji, hojja nami d'ufe, Nami arma jira? jed'e sigaafate injiru jed'iini. Siserani guddo dad'abe aka male rafe. Jennaani Yaelini burrisafi d'isa waaroo fuute, laanuma gara isaa d'at'e, d'isa suni madditi d'oofte fulansite lafati hod'ite isa ijeefte. Barakani Sisera barbaadu d'ufe jennaani, Yaelini fuula keesa deemte, yoyifate waan jetteeni, kooti, nama atini barbaadu si garsiisa. Duuba inni isi gula olseene Sisera ka due ch'iisu, ka d'isani mata isaa keesa eju arge. Duuba guyya suni AABBO Waaqi Yabini hayyicha Kanaani harka worra Israeliti kenne, worri isa had'uma had'e balleese. Guyya suni Deborafi Barakani, ilmi Abinoamu, faaru tana d'ahatani: AABBO Waaqa faarsa! Worri Israeli garaa jabaate had'e; biyyiti garaa tokooni ufi gabaafte. Ee hayyoota, ch'aqasa! Ee jaallaboota, d'agaya! Anini sirbe, AABBO Waaqa Israeli faarsa. AABBO Waaqa, gaafa atini gaareeni Seiriti kaate, gaafa lafa Edomu keesaa d'ufte, lafti chochoote, bokai gubbaa baafate. Ee, bisaani dumansa keesaa bafatani. Gareeni AABBO Waaqa Sinai durati chochoote, AABBO Waaqa Israeli durati: Gaafa Shamgari, ilma Anathi, gaafa Yaeli, godaanti ch'ite, nami imaltu deemuleeni kara d'aatu yae. Diri Israeli ona tahe, Ee Debora; haga atini d'ufte, aka haad'a Israeliti d'ufte, diri nama d'abe. Gaafasi Israeliini waaqoota d'ibi gula yaate, had'iisi lafati bue. Askarti Israeli ta kuma afurtama keesa nami woraanafi wonte qabu injira? Garaani kiyya worra gugurda askarti Israeli bira jira, worra garaa tokooni ufi gabaase. AABBO Waaqa faarsa! Isani worri harre adadi yaabatu, ka koora ira tau, ammalle isani worri miilaani yau, dubbi tana odeesa. Me ch'aqasa! Gumi eelati baafattu, ta yaamu yaamsitu, dabsacha AABBO Waaqa odeesite, dabsacha worra Israeli himtu! Duuba gumiini AABBO fullo worrati yaate. Kai, Debora kai! Kai, faaru daad'i! Garaa jabaad'i, Baraka, ilma Abinoamu, nami atini boojite dura deemi! Jennaani askartini jajabduni worra gugurda ufiiti d'ufte; gumiini AABBO Waaqa duulaa kurfefatte iti d'ufte. Worri Efraimu d'ufe bale duude, worra gula nami gosa Benjaminitifi ch'ufti d'ufe. Worri gugurdaani askarti Makira gad'ufe, jaallabooti Zabuloni ira gad'ufte. Worri gugurdaani Isakari Debora woliini d'ufe; ee, Isakarini d'ufe, Barakileeni d'ufe bale keesa isa gula yaani. Ammo gochiti Reubeni gargari qoodamte; garaani worraa lama tahe. Worri maanifi moona hoola ree keesati hafe? Tissitu maqa hooliye yaamatu d'agayu fed'a? Ee, gochiti Reubeni gargari qoodamte garaani worraa lama tahe. Gochiti Gadi Yordani ilaboruti hafte, gochiti Danileeni hobolo birati hafte. Gochiti Asheri afaani galaanati hafte, d'aatu bisaaniti. Ammo gochiti Zabulonitifi ta Naftali had'iisa keesati lubbu ufi jibbaate. Tanaaki, fulla maddo Megidoti, hayyoota d'ufte nama haate; hayyooti Kanaani nama haate, ammo qarsi imboojine. Urjini gubba nama haate; ato gubba martu Sisera haate. Bisaani guddooni worra fud'atani bisaani galaana Kishoni, anini irre tiyyaani dura deema, nami na ind'owu! Jennaani fardooleeni gugulufte, lafa miila ufiitini d'id'ite. Malaikaani AABBO Waaqa waan jettu, Merozi abaara, nama achi taule abaara. Worri AABBO Waaqa qarqaaru dide, aka askarti isaa ind'umne. Niitiini nad'eeni ch'ufa ira eeba qabdu Yaeli, niiti Heberi ka gosa Keni, nad'eeni waaroti galtu ch'ufa ira eeba qabdi. Siserani bisaani kad'annaani, isiini aanani kenniteefi; isiini ititu gorfa mid'aagaani d'ufteenifi. Isiini d'iisa waaro harka tokoti qabate harka kaanini burisa tumtuu qabate; duuba Sisera d'oofte mata borosite, mata woraante urte, Inni jilba irati jige, miila isii durati lafa d'ae, inni miila isiiti jige lafa d'ae due. Haati Sisera qaa manatini laalte, mana keesani millatte. Gaarini isaa maanifi akana tura? Fardooleeni isaa maanifi akana laana d'ufti? jette gaafate. Nad'eeni isii qaqaroleni wo jetteeni, isiileeni maro heddu waan ufiini jette, worri waan boojiani qoodachu jiraniti? Dubra tokofi lama ta d'iira ch'ufa, woya dansa ta d'iira ch'ufa, woya dansa ta Sisera, woya ch'okhani ta hayyitiini mormati keeyattu. Ee AABBO Waaqa, nyaapi kanke ha akasuma hobauti, ammo jallaani tante ha akuma biiftu baatu ibsituti! Duuba haga ganna afurtama lafti nagaya argatte. Ammalle worri Israeli Waaqa durati waan hamtu tahe, duuba Waaqi ganna torba worra harka worra Midianiti kenne. Worri Midiani sunini worra guddo irre worra Israeli ira qabu, tanaafi worri Israeli godaafi boola gaareeni keesati, fulla nyaapi nama ingareeti duraa d'okhate. Hojja worri Israeli mid'aani fach'aasu, worri Midianitifi ka Amalekitifi, ka ilaboru d'ufani worra had'ani. Worri lafa worra Israeli keesa qubate, mid'aani worra duraa balleese, haga dira Gazaa. Ammalle loonifi reefi harrele fud'atani, waan worri Israeli jiraatuni ch'ufa duraa fud'atani. Worri aka awaanisa loonifi waaro worraatini lafati baafate, gaali worraleeni lafa ira dabre toachu dad'abani. Duuba d'ufani lafa barbadesani, ammalle worri Israeli waan tahu d'abe. Jennaani worri Israeli waan worri Midiani worra tolcheefi AABBO Waaqati bohe, duuba inni raaga worraa erge, ka d'aamsa AABBO Waaqa Israeli hime waan jed'e. Anini lafa Misiri ta isani tisse iti taatani keesaa isani baase. Anini harka worra Misiritiifi nama isani dabse ch'ufa keesaa isani baase, worra isani duraa gusse, lafa isaani isanii kenne. Ammalle anini waan isaniini jed'e, Anini AABBO Waaqa keesani; waaqoota worra Amori ka amma isani lafa isaani keesa teetani inkad'atiina. Ammo isani dubbi tiyya d'agayu diddani. Jennaani malaikaani AABBO Waaqaa olla Ofrati d'ufte, mukha gudda toko ka Yoashi gosa Abiezeri, jala teete. Hojja suni ilma isaa Gideoni dargaye, fulla daad'i, iti mid'aasaniti d'ossaani d'aanuti jira, aka worri Midiani isaa inagarre. Malaikaani AABBO Waaqa fulla suniti isati d'ufte waan jetteeni, Atini namicha janna jaba, AABBO Waaqi si woliini jira. Gideonini waan jed'eeni, Aabbo Sila wo si gaafachu fed'a, yo d'uguma AABBO Waaqi nu woliini jiraate, wonti kunini ch'ufti maanifi nu d'aqabdi? Wonti mama ka duri inni abbooti teenna tolche, ka nu worra ira d'ageenne — aka inni worra lafa Misiri keesa baase meeti? AABBO Waaqi ya lafa nu buuse harka worra Midianiti nu lakise. Jennaani AABBO Waaqi waan jed'eeni, Jabeenna kanke Kanaani deemi, worra Israeli harka worra Midiani keesaa baasi, nami si ergu anuma. Gideonini waan jed'eeni, Aabbo, anini akami dandae worra Israeli baasa? Balbalti tiyya gosa Manase keesa laaftu, aninileeni worra keenna keesa nama maqa qabuniti. AABBO Waaqi waan jed'eeni, Insodaatini, indandeeta, anumati si woliini jira. Atini worra Midiani yoosu balleesita, aka nama toko balleesani. Gideonini waan jed'eeni, Yo atini d'uguma na jaalatte, akheekha anini siini d'ugeefad'u na agarsiisi. Aabbo, armaa indeemini haga anini woini sii d'ufuti malaikaani taani waan jetteeni, Haga atini gadeebituti anini armuma taa. Jennaani Gideonini mana ufi d'aqe, korbeesa diqa toko qale, dargaye kilo kud'ani ta daakhani bukho male qit'a d'aabe, fooni kaani dadu keesa kaye fuuto qoriti naqe, mukha gudda kaani jalati malaika AABBO Waaqati d'ufeeni. Malaikaani waan jetteeni, Foonifi qit'a d'akha kana ira kayi, fuuto gubbati buusi. Gideonini akasuma tolche. Jennaani malaikaani AABBO Waaqa harka d'eerefate fiit'e ule harka qabdutini foonifi qit'a kaani tut'e. Ibidi d'akha suni keesaa bahe foonifi qit'a kaani gube. Jennaani malaikaani ila isaa duraa badde. Duuba Gideonini aka malaika AABBO Waaqa arge hubate, sodaate waan jed'e, Ee AABBO Waaqa gudda, anini malaika AABBO Waaqa ya iluma tiyyaani ufi birati arge! Ammo AABBO Waaqi waan jed'eeni, Naguma, insodaatini, aka d'ibi indootu. Gideonini waan sorio AABBO Waaqa irati baasani artiti jaare, Nageenni AABBO Waaqa jed'e maqa baaseefi (wonti sunini arrale olla Ofra, ka balbala Abiezeri, jirti). Halkani suni AABBO Waaqi waan Gideonini jed'e, Korma abbeetitifi korma d'ibi, ka ganna torba, fuud'i, waan abbaani kanke waaqa Baali jed'ani sorio irati baasu ch'ach'absi. Akheekha waaqa Ashera jed'ani, ka d'aatu eju, ch'iri balleesi. Waan sorio irati baasani, ka aka dansa mid'aasani, quqa kana irati Waaqaa jaari. Duuba korma lameeso fuud'i, ch'ufa gubi, Waaqaa baasi, akheekha Ashera ka atini ch'irte kaani qoraani tolchi. Jennaani Gideonini hojattu ufi kud'ani fuud'e, waan AABBO Waaqi isani jed'e kaani tolche, ammo maro inni worra ufitifi nama dira suni sodaateefi, waan suni guyya tolchu dide halkani tolche. Worri dira suni boriyyaa ganama lafaa kae jennaani waan sorio Baali irati baasanifi akheekha Asherale ch'ufa ka ch'ach'absani balleesani argani, ammalle korma lameeso ka waan sorio irati baasani, ka artiti jaarani suni, irati gubani argani. Duuba wolgaafatani, Eenuti akana tolche? woliini jed'ani. Worri dubbi suni barbaade, aka Gideonini akasi tolche arge. Jennaani waan Yoashini jed'ani, Ilma kanke gabaasi, inijeemna! Nami waan sorio Baali irati baasani ch'ach'abse, akheekha Ashera ka d'aatu jiru ch'ire isuma. Ammo Yoashini waan worra isati baafate sunini jed'e, Isani Baali kalchitani isa qarqaaru feetani? Nama isaa kalchu ch'ufa, ato lafti imbariine, fit'ani. Hojja Baalini Waaqa taate ha ufi qarqaaruti, wonti ch'ach'absani suni ch'ufti kama isaati. Guyya suni asi Gideoni maqa Yerubaali baasani; wonti akanatiifi Yoashini waan jed'e, Baalini ha ufi qarqaartu, wonti ch'ach'absani suni ch'ufti tama isaati. Jennaani worri Midianitifi ka Amalekitifi worri ilaboru ch'ufti wolti bahe, galaana Yordani taake, bale Yesereli keesa qubate. Lubbuuni AABBO Waaqa Gideoni ira bute, inni magalata d'ae, worra balbala Abiezeri ufiti yaame. Ammalle lafa gosa Manase ch'ufa keesa nama erge, worra ch'ufa ufiti yaame. Nama gara gosa Asheritifi ka Zabulonitifi ka Naftalile erge, duuba worrileeni iti d'ufe. Jennaani Gideonini waan Waaqaani jed'e, Hojja atini Israeli harka kiyyaani baasu feetu, akuma atini jettu, Me ilaali, anini qoola dabbasa qabu fulla dargaye iti daanani kayu jira. Yo bori diirama fit'eesi qola suni gubbaa jiraate, ka ammo lafa injirre, anini aka atini worra Israeli harka kiyyaani baaftu sunini beekha. Wonti ch'ufti akasuma taate. Hojja Gideonini boriyya ganama lafaa kae. Inni qoola suni wolti kuuch'e, fit'eesa qori guddo guutu iraa woraabe. Jennaani Gideonini waan Waaqaani jed'e, Nati indallanini, ammalle tokotu wojed'a; ammalle maro lameeso qoola kanani wo laala. Maro tana qoli ha gogoge, lafti jiituti. Halkani suni Waaqi akasuma tolche. Yo lafti bariite, qooli sunini gogoga, ammo lafti injiiti. Guyya toko Yerubaalini, yokhaani Gideonini isaafi nami isa woliini jiru ch'ufti, ganama lafaa kaani d'aatu maddo Harodi qubatani. Ollani Midiani bale keesa, worrani mirgaa, d'aatu gaara More jira. AABBO Waaqi waan Gideoni jed'e, Nami si woliini jiru muumme inqabu, anini dandae worra Midiani harka worrati inkennu. Hegeri worri kiyyibe waan jed'u, Numati harka keennani ufi baase jed'a. Waan atini biyyaani jettu, Nami sodaatu ch'ufti ha galuti, nu arma gaara Gileaditi hamna. Jennaani nami kunki diddami lama gale, nami kunki kud'ani hafe. Jennaani AABBO Waaqi waan Gideonini jed'e, Nami kanke ammalle muumme inqabu. Fulla bisaani worra geesi, anini achiti gargari sii baasa. Hojja anini, Nami kunini ha si woliini deemu jed'e, ha deemuti hojja anini, Nami kuni indeemini jed'e, inni ha tauti. Gideonini gara bisaani worra geesa, AABBO Waaqi waan jed'eeni, Nama aka sare arabaani bisaani d'ugufi ka jilbifate bisaani d'uga gargari naa baasi. Jennaani nami d'ibba sadi bisaani harkaani fuud'e aka sare arabaani d'uge; ammo worri kaani ch'ufti jilbifate d'uge. AABBO Waaqi waan Gideonini jed'e, Nama d'ibba sadi ka aka sare bisaani d'ugeni isani baase worra Midiani harka keesaniti kenna. Nama kaani ch'ufaani gala jed'e. Jennaani Gideonini worra Israeli ch'ufa galche nama d'ibba sadi ka woreegaafi magalata baatu male. Ollani Midiani bale keesa worra jala jira. Halkani suni AABBO Waaqi waan Gideonini jed'e, Kai, olla suni had'i; anini yayu worra harka kanketiti kenne. Ammo yo atini worra had'u sodaate, hojattu tante Pura fud'ad'u, ollati gadibua, duuba waan worri jed'u d'ageetani, garaa jabaatani worra haatani. Jennaani Gideonifi hojattuuni isaa Purani moga olla nyaapati dabrani. Worri Midianitifi ka Amalekitifi ka ilaboruleeni aka tuuta awaanisaa bale suni keesa ch'iisa; gaali worraleeni muumme inqabu, aka maansa afaani galaana jira. Hojja Gideonini achini bahe, inni nama toko ka tae waan oobjate wahela isaati himu d'agaye. Wonti inni jechu jiru, Anini oobjuuni qit'a garbu toko, ka olla keennati gadi gangalate waaro toko d'ae, arge. Yo anini jed'e waaroni sunini qaarite lafati gombifamte. Jennaani waheli isaa kaani waan jed'eeni, Oobjuuni tunini waan d'ibi ind'ooftu, goraade Gideoni ilma Yoashi ka gosa Israeli male! Waaqi yayu harka isaati worra Midianitifi duula keenna ch'ufa kenne. Gideonini oobju namichi oobjateefi waan isiini d'ooftu d'agaye jennaani, jilbifate Waaqa kad'ate. Duuba duula Israeliti deebie waan jed'e, Kakaa! AABBO Waaqi yayu duula Midiani harka keesaniti kenne! Inni duula isaa ka nama d'ibba sadi fulla saditi gargari qoode, nama ch'ufa magalatafi waan aka okhole, ifse keesa kaye, kenneefi waan jed'eeni, Hojja anini moga ollatini bahe, aka dansa na laala, waan anini jed'u tolcha. Hojja anaafi waheli kiyya magalata keenna d'oofnu, isanileeni keesani olla gama ch'ufa d'aa, dubbi tana lalaba, Nu ka AABBO Waaqatifi ka Gideoniti jed'a. Gideonifi gumiini isaa nami d'ibba toko, ka halkani diquma wolqit'aini, eegi nami eeddo woljijire, moga olla d'ufani, duuba magalata d'aani waan aka okhole ka harka qabani ch'ach'absani, gumiini taani ta fulla lama jirtu akasuma tolchite. Nami ch'ufti ifse harka bitaachani qabate, magalata harka mirgichani qabate dubbi tana lalabe: Goraadeeni ta AABBO Waaqatifi ta Gideoniti jed'e! Nami ch'ufti d'aatu olla suni fulluma ufi eje, jennaani duuli nyaapa ch'ufti wold'ae iyye baqate. Ato jari Gideoni magalata ufi d'au, AABBO Waaqi duula nyaapa kaani wolti kaase, worri had'e woli balleese. Duuba worri gara Zarethani Serera baqate Beth-Shitani bahe, haga dira Beth-Mehola, ka d'aatu Tabathi. Jennaani gosa Naftalitifi ta Asheritifi ta Manase ch'ufa nama keesaa yaamani, worra Midiani suni reebani. Gideoni lafa gaareeni Efraimu ch'ufa keesa nama erge ka, koota worra Midiani had'a, galaana Yordanitifi laga haga dira Beth-Bara gahu taaku d'owa jed'u. Duuba jara Efraimu ch'ufa wolti yaamani galaana Yordanitifi laga haga Beth-Bara gahu achi geesani, aka worri nama taaku d'owu. Worri waaro hayyoota Midiani lamaani, Orebufi Zeebu qaqabe; Orebu fulla d'akha Orebuti ijeesani, Zeebu fulla daad'i iti mid'aasani ta Zeebuti ijeesani. Ammalle worra Midiani reebani mata Orebufi Zeebu, Gideonitini d'ufani, ka yo suni galaana Yordani gama ilaboru jiru. Jennaani jaari Efraimu waan Gideonini jed'e, Atini maanifi gaafa worra Midiani had'u deemte nu d'ossite? Atini maanifi nu iyyaamini? Worri guddo dallane hameenna arge. Ammo inni waan jed'e, Waan anini tolchu dandau, waan isani tolchitanini wolbira inqabani. Wonti diqooni isani worri Efraimu tolche, waan balbalti gosa tiyya tolchite ch'ufa ira jirti. Qarale Waaqi hayyoota Midiani Orebufi Zeebu harka keesaniti kenne. Wonti anini tolche, ka sunini wolbira qabani, maani? Inni akasi jed'e jennaani worra dallansuuni iraa galte. Gideonifi worri isaa, ka d'ibba sadi kaani, galaana d'ufani taakani. Worri ya dad'abe ammo nyaapa reebu illakimne. Worri dira Sukothitini bahe jennaani, inni waan worra dira sunitini jed'e, D'iiro, nama kiyyaa qit'a keenna, worri ya dad'abe ammalle nu Zebafi Salmuna hayyoota Midiani reebu jira. Ammo jaaroleeni Sukothi waan jetteeni, Nu maanifi sagale duula kanketi kennina, ka isani Zebafi Salmuna ammalle inqabini? Duuba Gideonini waan jed'eeni, Haye, eegi AABBO Waaqi Zebafi Salmuna harka? kiyyati kenne anini qoraatifi gora lafa alootini isani d'aana. Gideonini dura deeme Penieli d'ufe, akasuma qarqaarsa kad'ate, ammo worri Penieli akuma worra Sukothi isani jed'e. Duuba inni waan jed'e, Hojja anini nagayaani deebie mana keesani d'eera kana ch'abse balleesa! Zebafi Salmunani Karkori jirani, duula ufi woliini. Nami duula, ka worra ilaboru ka hafe, nama kunki kud'ani shani ch'alla; nama kunki d'ibba tokofi diddama ch'ufa yayu ijeesani. Gideonini kara d'aatu afaani lafa aloo deemu gula deeme. Nobafi Yogbeha ilaboru, ka worri quba inqamne, nyaapa suni had'e. Hayyooti Midiani lamaani taani, Zebafi Salmunaleeni, baqatte, ammo inni reebe worra qabe, duula worra ch'ufa mudamsiise. Ato Gideonini kara kaarra Heresi had'iisaa galu jiru, Inni namicha kaima toko ka Sukothi qabe, odu iraa fuud'e. Namichi sunini maqa jaarole torbatami torba Gideoni t'aafe. Jennaani Gideonini gara worra Sukothi deeme waan jed'eeni, gaafa na qarqaaru didani inqabataniyu isani waan jettani, Haga atini Zebafi Salmuna qabduti sagale nama kanke ka dad'abini ijeefte inkenninu jettani. Amma worri sunini kunooti! Jennaani inni qoraatifi gora inni lafa alooti d'ufeenini jaarole Sukothi d'aane. Ammalle mana d'eera Penieli kaani ch'ach'abse worra d'iira ka dira suni fit'e. Jennaani Gideonini Zebafi Salmuna gaafate waan jed'eeni, Nami isani Taboriti fit'ani me, Eesa jira? Worri waan jed'eeni, worri sunini si fakaata — worri ch'ufti ilma hayyu fakaata. Gideonini waan jed'eeni, Worri sunini oboleyaani tiyya, nu garaa taka. Anini maqa AABBO Waaqatini kakhad'a, ato, isani worra suni fit'u baatani, sila isani inijeesu. Jennaani inni ilma isaa ka angafa Yeterini waan jed'e, Kai, worra kana ijeesi. Ammo gurbaani goraade qalqala keesaa imbafanne, ufuma eje, wonti akanatiifi inni ijoolle, insodaate. Jennaani Zebafi Salmunani waan Gideonini jed'ani, Atumaani kai, nu ijeesi, atini d'iira, d'iirti woma insodaatu. Duuba Gideonini worra hobaase faaya worri morma gaala worrati hid'u ch'ufa iraa ch'irate. Eegi suni worri Israeli waan Gideonini jed'e, Hayyu keenna tahi — Sifi d'alooti kankeleeni ch'ufti. Atini ya harka worra Midiani keesaa nu baafte. Gideonini waan jed'eeni, Anini hayyu keesani intahu, yokhaani ilmi kiyyaleeni hayyu keesani intahu; AABBO Waaqati hayyu keesani tahe. Ammalle inni waan jed'e, Waan toko isani kad'ad'a, qube gurra ta boojitani ch'ufa naa keenna. (Worri Ishimaeli aka worra lafa aloo d'ibi qube worqi gurati naqata.) Worri waan jed'eeni, Hataatuti, inuma sii kennina. Duuba woya lafati afani, nami ch'ufti qube inni boojie irati jisse. Qubeeni worqi ta Gideonini argate biimani jennaani diquma kilo diddama hanqate, faaya mormatiifi faaya d'ibifi woya bule diimtu ta hayyooti Midiani keeyattu, yokhaani koke worri gaala worrati hid'u male. Gideonini worqi suni fuud'e, waan aka waaqa kad'atani mid'aase, dira isaa ka Ofra keesa kaye. Worri Israeli ch'ufti waaqa lakise, achi yae woni suni kad'ate. Wonini sunini t'urura Gideoniifi worra isaati taate. Akanaani worri Israeli worra Midiani dabsate, worri Midiani deebie worra Israeli ingargalchine. Lafti ganna afurtama, haga Gideonini jiru, nagaya argate. Gideonini worra ufiti gale achi tae. Inni nad'eeni heddu fuud'e ilmaani d'iira torbatama d'ale. Ammalle lafa Shekemu keesa jaalto qaba; isiini ilma d'alteefi inni ilma suni maqa Abimeleki baaseefi. Gideonini, ilmi Yoashi, jaare fulla gahe due, awaala abba isaa Yoashi keesati awaalani, fulla dira Ofra ka balbala Abiezeri. Eegi Gideonini due, worri Israeli Waaqa wollaale, garagale Baali kad'ate. Ammalle Baal-Berithi Waaqa tolfatani, AABBO Waaqa isaani, ka harka nyaapa isaani ch'ufa keesaa worra baase, hojja ch'ufa didani. Worri waan dansa Gideonini worra Israeliti tolche ded'e worra isaa galata d'owe. Ilmi Gideoni, ka Abimeleki jed'ani gara dira Shekemu d'aqe, fulla fiit'aani haad'a isaa teetu, waan jed'eeni, Waan isani worra Shekemutiini jettani, Akamiti ira isanii jira yo, ilmaani Gideoni torbatamanu isani mohatte mo, yoyu nami toko ch'allaani isani mohate? Qaabad'a, anini foonuma keesani. Fiit'aani haad'a isaa dubbi tana worra Shekemuti haasoofte jennaani. Worri Shekemu waan worri wolfit'atifi ee jed'e Abimeleki gula bahe. Duuba worri qarsi torbatama ta mana waaqa worra ka Baal-Berithi jed'ani keesa jirtu kenneefi. Duuba qarsi tanaani inni worra seseega toko bitate, ka isaa woliini yae. Inni dira Ofra fulla mana abba isaa d'aqe, achiti d'akhuma toko gubbati oboleyaani isaa torbatama taani, ta ilmaani Gideoni, fit'e. Ammo Yothamuni, ilmi maand'ichi Gideoni, d'okhate bahe. Jennaani worri Shekemutifi ka Bethmilo wolti bahe mukha gudda woyyu ka Shekemu jiru d'aqani, achiti Abimeleki hayyu tolfatani. Yothamuni dubbi tana d'ageennaani gaara Gerizimu fiit'eeni bahe lalabe waan worrani jed'e, worri Shekemu, na ch'aqasa, aka Waaqileeni isani ch'aqasu! Duri, mukhi wolti bahe hayyu muude fohate. Waan ejersaani jed'ani, Hayyu keenna tahi. Ejersi waan jed'e, Yoyu hayyu keesaani tahe, anini d'ad'a mid'aani kiyya keesaa bahu, ka Waaqafi naamani ulfeesani deebie namaa inkennu. Jennaani mukeeni taani waan odaani jette yoosi, atini kooti, hayyu keenna tahi. Ammo odaani waan jed'eeni, Yoyu hayyu keesani tahe, anini mid'aani kiyya miyao deebie imbaasu. Jennaani mukeeni waan zabibuni jette, yoosi atini kooti, hayyu keenna tahi. Ammo zabibuni waan jette, yoyu hayyu keesani tahe, anini daad'i, tiyya ta namaafi Waaqale gammachiiftu, deebie namaa inkennu. Jennaani mukeeni ch'ufti sabansaani waan jette, yoosi, atini kooti, hayyu keenna tahi. Sabansi waan jed'eeni, Yo d'uguma hayyu keesaani na tolchu feetani, koota, gaadisa kiyya jala boqod'a. Yo isani diddani, ibidi qoraati dame tiyya keesaa bahe hind'eesa Lebanoni gube balleesa. Amma duuba, isaani gaafa Abimeleki hayyu tolchitani, waan d'uga gula tolchitani seetani? Isani d'uguma ya Gideoni saalfatani, waan inni isaani tolche gula worra isaa qaabatani ulfeesitani? Qaabad'a, aka abbaani kiyya isanii kalche, isaani jed'e lubbu ufi jibbaate, harka worra Midiani keesaa isaani baase. Ammo arra worra abba kiyyati garagaltani, ilmaani isaa nama torbatama d'akha toko irati fit'ani — ammalle waan Abimelekini ka abbaani kiyya tissiti ira d'ale fiit'a teesani taheefi, isani hayyu Shekemu tolchitani. Amma tana, yo d'uguma wonti isaani Gideonifi worra isaa tolchitani d'ugaa taate, wald'aqa nagayaani woliini taa. Ammo yo d'uga intahini ibidi Abimeleki iraa bobau ha worra Shekemutifi Bethmilo gubu. Ibidi worra Shekemutifi worra Bethmilo ira bobau ha Abimeleki gubuti. Jennaani waan oboleesa ufi Abimeleki sodaatufi, Jothamuni baqate Beerite gale. Abimelekini ganna sadi Israeli mohate. Eegi suni Waaqi Abimelekifi worra Shekemu wold'absiise, worri garagale nyaapa isaati tahe. Wonti woni kuni ch'ufti taateefi aka Abimelekifi worri Shekemu, ka gaafa inni ilmaani torbatama ta Gideoni fit'e wahelchefi gati ch'ubbu ufii argatu. Worri Shekemu, worra Abimeleki gaadu, fiit'e gaara gubba kaye, duuba worri nama kara suni bahu ch'ufa saame. Dubbi tana Abimelekiti himani. Jennaani Gaalini, ilmi Ebedi, Oboleyaani isaa woliini Shekemu d'ufe, duuba worri Shekemuleni isaa d'ugeefate gula bahe. Worri ch'ufti oobru zabibu yae mid'aani guure, daad'i ira mid'aase jila tolfate. Jennaani mana waaqa isaani d'aqani, achiti nyaatani d'ugani Abimeleki hamatani. Gaalini waan worraani jed'e, Isii nu d'iira akamititi Shekemu keesaa d'alate? Nu maafi Abimeleki hojanna? Inni qara eenu? Ilma Gideoni! Zebulini dubbi isaa gula deema, ammo nu maafi isa hojanna? Ababo keesani Hamori, ka gochiti teesani iraa baate gula baatani ho? D'iiro ato anini sila isaani dura deeme, Abimeleki isaani duraa boola kaya! Sila waan jed'uuni, duula kanke nama iti darad'u, kooti woli haana! Zebulini, guddaani dira suni, jecha Gaali d'ageennaani guddo dallane. Nama Abimeleki ka Aruma jiruti erge waan jed'eeni Gaali ilmi Ebalitifi oboleyaani isaa yayu Shekemu d'ufani, duuba worri dira seenu si d'owa. Duuba siifi worri kanke waan taatani, halkaniini yaa, oobru keesati d'okhad'a. Bori yo biiftuuni baatu kaa, ato worri isani imbeekanne dira marsa had'a. Duuba hojja Gaalifi d'iirti isaa d'owa d'ufte, haga dandeetani ch'ufa had'a! Jennaani Abimelekifi nami isaa ch'ufti halkaniini kaani, fulla afuriti gargari bahani, dira Shekemu d'okhatani jala bulani. Abimelekifi nami isaa Gaali ka fullo dira suni keesa eju argani jennaani fulla iti d'okhatani taani diidati gabahani. Gaalini worra arge jennaani waan Zebulini jed'e, Laali! Nama d'iira ka fiit'e gaara ira gadi oriu! Zebulini waan jed'eeni, Laki, sunini namaaniti, gaandiduma gaara iraati. Ammalle Gaalini waan jed'eeni me, kuno laali! Nama fiit'e gaara ira gubuu! Hagi tokoleeni kara mukha gudda worra wohimu kaanini d'ufuti jira. Jennaani Zebulini waan jed'eeni, Kiyyibi kanke kaana me amma? Nami waan nu Abimeleki hojannufi gaafate siiniti? Worri atini reefu tufate kananiti? Amma beeni deemi, worra had'i! Jennaani Gaalini nama isaa fud'ate Abimeleki had'u d'aqe. Gaalini dabsatani jennaani kae baqate, Abimelekileeni isaa reebe. Nami hedduni balbala dira keesati madae. Abimelekini Aruma qubate, Zebulileeni Gaalifi oboleyaani, isaa Shekemu keesaa had'e balleese worri deebie achi inteenne. Boriyyaate Abimelekini worra Shekemu ka alati kurfefate yau d'agaye, duuba nama isaa fud'ate ch'ibra fulla saditi gargari qoode, alati d'okhate worra eege. Inni worra dira keesa ga yau arginaani, aka worra fit'u fulla iti d'okhate gabahe. Ato Abimelekifi duuli isaa fullo dira suni keesati sime worra deebiu d'owu, ch'ibrani, lamaani taani biyya Shekemu ta ala jirtu taani haate hobaafte. Guyya suni ch'ufa woli had'ani, wolballeesani. Abimelekini nama dira suni ch'ufa fit'e dira qabate, maneeni ch'ufa ch'ach'abse gargari jisse, biyye lafale ch'ufa sooda iti fach'aase. Worri gugurdaani ka mana jaba nyaapa iti d'okhatani ka Shekemu keesa jiru, waan kana d'agaye, mana jaba ka waaqa worraa ka Baal-Berithi jed'aniti baqate. Aka worri suni ch'ufti achiti wolti bahe Abimelekiti himnaani, Inni gaara Salmoni worra isaa woliini kore, d'agaraani dame mukha kute, gurmu irati baate. Ammalle waan worra isaatini jed'e, Hurrisa, waan anini tolche kana tolcha. Jennaani nami ch'ufti dame mukha kutate, Abimeleki gula deemani, dame mukha taani ch'ufa mana jaba kaaniti tuulani, ibada iti kayani worra mana jaba suni keesa jiru, d'iirafi nad'eeni ka haga kuma toko, gubani hobaasani. Jennaani Abimelekini Thebezi d'aqe, dira suni marse qabe. Achile mana jaba d'eera nyaapa iti d'okhatani jira nami dira suni keesa jiru, d'iirafi nad'eeleni, mana suniti baqatani ufiti ch'ufaani, gubba olkorani. Abimelekini mana d'eera suni had'u fed'e duuba aka mana gubu balbalati d'iaate. Ammo niitiini toko, ta mana suni gubba jirtu, d'akha daakhu gubbaa mata isaa ira buufte borosite. Jennaani inni hurrise, gurba miha isaa ka lola baatu yaame waan jed'eeni, Goraade tante qalqala keesaa luqisi, na ijeesi. Aka nami, nad'eeniti ijeese injenne. Jennaani gurbaani suni tumaata tokooni ijeese. Worri Israeli, aka Abimelekini due arginaani, kaani galani. Kara kanaani Waaqi Abimeleki gati daba isaa, ka inni abba ufuti dabe, gaafa oboleyaani isaa ta torbatama fit'e baaseefi. Ammalle Waaqi worra Shekemu ch'ufa ch'ubbu ira deebise, akuma Yothamuni, ilmi Gideoni qara jed'e, gaafa worra abaare kaani. Eegi Abimelekini due, Tolaani, ilmi Pua, akhaakhu Dodo worra Israeli baasu d'ufe. Inni nama gosa Isakari ka Shamiri lafa gareeni Efraimu keesa tau. Inni haga ganna diddami sadi jaallaba Israeli tahe. Inni donaani Shamiriti awaalani. Eegi Tolaani due, Yairini ka worra Gileadi, d'ufe ganna diddami lama jaallaba worra Israeliti tahe. Inni ilmaani sodoma ta harre sodoma yaabattu d'ale. Ijoolleeni suni dira sodoma lafa Gileadi keesaa qabdi, ka arrale ollowaani Yairi jed'ani Yairini donaani Kamoniti awaalani. Ammalle worri Israeli AABBO Waaqaa durati waan hamtu tahe waaqa Baalifi Ashtorethi jed'ani Kad'atani, ammalle waaqa worra Shamutifi ka Sidonitifi ka Moabutifi ka, Amonitifi ka Filistile kad'atani. AABBO Waaqati wollaalani isa kad'achu lakisani. Duuba AABBO Waaqi worra Israeliti dallane, harka worra Filistitifi ka, Amoniti lakise. Haga ganna kud'ani saddeeti worri suni worra Israeli, ka lafa worra Amori keesa tau, ka galaana Yordani ilaborutiini jiru, lafa Gileadi keesati dabse gaargalche. Worri gosa Amoni, galaana Yordanile taake, gosa Yudatifi ta Benjaminitifi ta Efraimule had'ani. Kara kanaani worri Israeli guddo gargala argate. Jennaani worri Israeli AABBO Waaqati bohe waan jed'eeni, Nu yayu ch'ubbu si durati hojanne, waan nu sii Waaqa keenna, lakimne waaqoota Baali jed'ani kad'anneefi. AABBO Waaqi waan worraani jed'e worra Misiritiifi ka Amoritifi ka Amonitifi ka Filistitifi. Ka Sidonitifi ka Amalekitifi ka Maonileeni ch'ufti duri isani dabse jennaani naati bootani. Anini gaafasi worra suni jalaa isani imbaamne? Taatule na lakiftani waaqoota d'ibi kad'atani, tanaafi anini deebie isani imbaasu. Beena, waaqoota isani fohataniti boha; yo isani d'iba argattani ha worri isani baasuti. Ammo worri Israeli waan AABBO Waaqaani jed'e, Nu ya ch'ubbamne, waan feetu ch'ufa nu tolchi, ammo arra nu baasi. Duuba worri waaqoota worra gosa d'ibi kaani gadi gate, AABBO Waaqa ch'alla kad'atani. Inni duuba gaargala worra Israeli arginaani obsu dad'abe. Jennaani duuli worra Amoni had'iisaa kurfae Gileaditi naanae. Worri Israelileeni wolti d'ufe Mispa ta Gileadi keesati naanae. Achiti biyyafi worri gugurdaani ka gosa Israeli walgaafatani waan jed'ani yo nu worra Amoni haanu eenuti abba duula nu taha? Ka had'iisa kana keesaa abba duula tahu, gudda nama Gileadi keesa jiru ch'ufa taha. Yefthani nami janni Gileadi ilma sharmut'aati. Abbaani isaa Gileadini ilmaani d'ibile ka niitiini isaa d'alte, qaba; ilmaani tunini gugurdannaani Yeftha worra isaani keesaa baafte waan jetteeni waan tokole aabbo ira ind'aaltu, atini ilma haad'a d'ibiiti. Yefthani baqate lafa Tobuti gale. Achiti jara algala tokooni wolargatani woliini yaani. Eege bulti heddu worri Amoni worra Israeliti duule. Jennaani jaaroleeni Gileadi d'at'e Yeftha lafa Tobu keesaa fuute, waan jetteeni, kooti, abba duula nu tahi, aka nu worra Amoni haanu. Ammo Yefthani waan jed'eeni, Isani qara na jibbitani, worra abba kiyya keesaa na imbaamne? Amma ka gaargala qabdani, maafi nati d'uftani? Jaaroleeni waan isaani jette — wonti nu siti dachaanufi aka atini nu woliini deemte worra Amoni haane, atileeni worra Gileadi gudda iti taatu. Yefthani waan worrani jed'e, yoyu isani worrati na galchitani, nu worra Amoni suni haane, AABBO Waaqi nu dabsachiise, duuba anini gudda keesaani taha. Worri waan jed'eeni, Hataatuti, nu ya ee jenne, AABBO Waaqi d'uga teenna. Duuba Yefthani jaarole Gileadi gula gale, biyyiti isa ulfeesiti gudda tolfate. Yefthani dubbi qara Mispati jed'e taani ch'ufa ira deebie AABBO Waaqa durati jed'e. Jennaani Yefthani nama gara hayyu Amoni erge waan jed'e, Wonti atini nu quufa d'abde mani? Atini maanifi lafa teenna haate? Hayyuuni Amoni waan worra Yefthani erge sunini jed'e, Gaafa worri Israeli lafa Misiri keesaa bahe, worri lafa tiyya haga galaana Arnoniti fuud'e galaana Yabokitifi ka Yordaniti d'aabe fud'ate. Amma lafa suni nagayaani nuu deebisa. Yefthani ammalle worra inni erge kaani gara hayyu Amoni deebise waan jed'eeni, Yefthani waan jed'u, Aki worri Israeli lafa Moabutifi yokhaani lafa Amoni fud'ate d'uganiti. Aki isii akana; gaafa worri Israeli lafa Misiri keesaa bahe, worri lafa aloo ta gamooji keesa godaane, galaana Diima taake Kadeshini bahe. Duuba nama gara hayyu Edomu ergani, si kad'anna, lafa tante keesa nu dabarsi jed'ani. Ammo hayyuuni Edomu sunini worra jala dide. Worri hayyu Moabule kad'annaani innileeni dide. Tanaafi worri Israeli Kadeshumati hafe. Jennaani worri lafa aloo ta gamooji keesa godaane, lafa Edomutifi lafa Moabu ira mare. Moabu moga ilaborutiini bahani gama galaana Arnoniti qubatani, ammo galaana Arnoni intaakine, waan inni seera lafa Moabu ira bahufi. Jennaani worri Israeli nama Sihoni hayyu Amori ka Heshboni tauti erge waan jed'aniini, Nu si kad'anna, lafa tante keesa lafa teennati nu dabarsi. Ammo Sihonini dide nama isaa ch'ufa duula wolti baase, Yahasiti naannaani, worra Israeli had'ani. Ammo AABBO Waaqi Israeli worra Sihonitifi duula isaa ch'ufa harka worra Israeliti kenne. Jennaani worri Israeli lafa worra Amori, ka gaafasi arda suni jiru, ch'ufa fud'ate. Lafti worri fud'ate tana: haga galaana Arnoniti bitaati fuud'ani Yaboki mirgati d'aabani, ammalle haga lafa gamooji ta ilaboruti fuud'ani, galaana Yordani ila aduti d'aabani. Duuba nami worra Israeliti jed'e, worra Amori lafa worra keesaa baase, AABBO Waaqa Israeli. Atini amma lafa suni deefachu feeta? Atini waan waaqi kanke Kemoshini si kenne ch'ufa fud'adi woliini tae nuleeni waan ch'ufa ka AABBO Waaqi keenna nu keennu fud'anne woliini teenna. Atini waan Balaki, ilma Sipori, ka hayyu Moabu, ira jirtu ufi seeta? Inni taka Israeliini ya morke? Inni taka ya nu had'e? Haga ganna d'ibba sadi ka worri Israeli Heshbonifi Areorifi dira d'aatu jirufi dira galaana Arnoni d'aatu jiru ch'ufa keesa qubate isani maafi haga suni ch'ufa lafa suni indeefatina? Lakisi, anini taka waan tokole si duraa iyyakine; siti nu yaku jira, ka na haatu. Nami wolti nu laalu AABBO Waaqa, isumati ara nufi worra Amoni gargari baasa. Ammo hayyuuni Amoni dubbi Yeftha iraa d'ufte tana womatu indarre. Jennaani lubbuuni AABBO Waaqa Yeftha ira buute inni Gileadifi Manase keesa dabre, Mispa ta lafa Gileadi deebie Amoniti dabre. Yefthaani AABBO Waaqa durati kakhate waan jed'eeni, Hojja atini worra Amoni harka kiyyati kennite, anini nama qara mana kiyya keesaa bahe yoyo tiyya d'ufe, hojja anini Amoni dabsad'e gale, gube sorio sii baasa. Jennaani Yefthani galaana taake worra Amoni had'e, AABBO Waaqileeni isa dabsachiise. Inni haga Aroeriti worra had'e arda Minithi dira diddama ka keesa jirufi haga Abel-Keramimu ch'ufa balleese hobaase hafu d'owe; akanaani worri Israeli worra Amoni dabsate. Yefthani worra isaa ka Mispa jiru gallaani, intalti isaa takatiini ta inni isi male waan d'ibi ind'alini dibbe fud'ate sirbite yoyifachu fuula ke d'ufte. Inni isi arginaani aka male laalefate, woya ufi tarsaase waan jed'e, Arra badi intala tiyya, atini maanifi onne na kuta! Maanifi nami na gaargalchu kunini si taha? Anini yayu kakhu jabdu Waaqa durati kakhad'e, dandae inch'absu! Isiini waan jetteeni, Aabbo, waan AABBO Waaqati kakhate intolcha jette na tolchi, eegi AABBO Waaqi haalo nyaapa kanketi worra Amoni si bafachise. Ammalle isiini waan abbaani jette, waan kana ch'alla naa tolchi, haga jia lama na lakisi, aka anini jaallowaani tiyya woliini lafa gaareeni keesa dedeeme, aka waan ato dubratu duufi bohu. Inni eebisefi haga jia lama gad'iise. Isiini jaallowaani isi fud'atte, gaareeni korte, waan ato fuud'ani ilmaani ind'alini dootufi laalefatte bote. Eegi jia lama abbaati deebite, inni waan kakhate guute isiini ato dubratu doote. Tunini worra Israeliti aada taate. Aka dubriti ch'ufti ganna keesa bulti afuri intala Yeftha Gileaditi bootu. Worri Efraimu lola kurfefate galaana Yordani gama Zafoniti taake waan Yefthani jed'ani, Atini maanifi, ka nu iyyaamini, seera taakite worra Amoni haate? Mana, ato atini keesa jirtu sirati gumna! Ammo Yefthani waan jed'eeni, Anaafi gochiti tiyya guddo worra Amonitini wold'amne; anini ya isani yaame ammo isani na qarqaaru diddani. Aka isani na qarqaaru diddani arginaani anini lubbu tiyya jibbaad'e seera taake worra had'e, AABBO Waaqi na dabsachiise. Maanifi amma na had'u d'uftani re? Jennaani Yefthani worra Gileadi ch'ufa wolti baase, worra Efraimu had'e dabsate. (Worri Efraimu qara waan jed'e, isani worri Gileadi, ka Efraimufi Manase keesa jirtani daafantani gosa teesani keesaa baqatani!) Aka worra Efraimu bahu d'owani, worri Gileadi malka galaana Yordani ch'ufa qabate. Hojja worri Efraimu tokoleeni aka galaana taaku kad'atu, worri Gileadi waan jed'uuni, Atini worra Efraimuti? Yoyu inni hiyo jed'e, worri waan jed'uuni, Shibolethi jed'i me, Ammo inni waan jed'u, Sibolethi, waan jecha inqajeelfanefi. Duuba artiti qabani malka keesati ijeesani achiti nama kuma afurtami lama ka Efraimu fit'ani. Yefthani worra Israeli ganna jaa jaallaba iti tahe due, donaani duuba dira isaa ka Gileaditi awaalani. Eegi Yefthani due, Ibzanini, ka Bethlehemu bahe, Israeli jaallaba iti tahe. Inni ilma d'iira sodomafi dubra sodoma d'ale. Dubra isaa suni nama balbala gosa d'ibiiti gurgure, dubra sodoma d'ibi balbala gosa d'ibi keesa ilmaani isaa ta d'iira fuusise. Inni ganna torba jaallaba Israeli tahe, eegi suni due Bethlehemuti awaalani. Eegi Ibzanini due, Elonini, ka gosa Zabuloni, Israeli ganna kud'ani jaallaba iti tahe. Inni due jennaani isaa Ayaloni lafa Zabuloni keesati awaalani. Eegi Elonini due, Abdoni, ilmi Hileli, ka lafa Pirathoni Israeli jaallaba iti tahe. Inni ilmaani d'iira afurtamatiifi akhakhowani d'iira sodoma ta harre torbatama yaabatu qaba. Inni ganna saddeeti jaallaba Israeli tahe. Jennaani due dira Pirathoni keesati awaalani. Diri suni lafa Efraimu gaareeni Amaleki keesa jira. Worri Israeli ammalle waan hamtu AABBO Waaqa durati tahe duuba inni ganna afurtama worra Filisti worra mohachise. Gaafasi nama tokoti jira ka Manoa jed'ani, ka dira Zora, ka gosa Dani. Niitiini isaa maseena, taka ind'alle. Malaikaani AABBO Waaqa isiiti mullatte waan jetteeni, Atini qara maseena, taka ind'alle ammo d'iotu garaachoofte ilma d'alta. Ufi eegad'i, daad'ifi farso ind'ugini, yokhaani sagale lagu tokole insooratini, eegi gurbaani sii d'alate rifeensa mata isaa inhaadini, wonti akanatiifi isa haguma inni d'alate asi eebisani, aada worra Naziri gula Waaqaa kennani. Nami qara worra Israeli harka Filisti keesaa baasu isuma. Jennaani niitiini d'iirsa d'at'e waan jetteeni, Nami Waaqa toko, ka fuuli isaa aka malaika jiru, nati d'ufe na sodaachise. Anini, Eesa baate? Jed'e isa ingaafanne, innileeni maqa isaa nati inhimne. Ammo wonti inni nani jed'e, Atini garaachoofte ilma d'alta: tanaafi daad'ifi farso ind'ugini, yokhaani sagale lagu tokole insooratini; wonti akanatiifi gurbaani sunini yo d'alate haga jiru ch'ufa eebisanifi aada Naziri gula Waaqaa kennani. Jennaani Manoani AABBO Waaqa kad'ate waan jed'e, Ee, AABBO Waaqa, namichi Waaqa kaani, ka atini nuti ergite, ha gadeebie, waan nu gurba d'alatu suni tolchinu nuti himuti. Waaqi kad'a Manoa d'agayeefi, malaika isaa, ato niitiini oobru keesa teetu, iti erge. Hojja suni d'iirsi isii Manoani arti injiru, jennaani isiini hojuma suni utaalte, d'iirsaani waan jette, kooti namichi kaani ka onana yayu d'ufe, laali. Manoani kae, niiti isaa gula deeme, namichati d'ufe waan jed'eeni, Nami niiti tanaani dubbate si? Inni, Ee, anuma jed'e. Jennaani Manoani waan jed'eeni, Hojja dubbini tante tunini d'ugoofte gurbaani kunini nama akami tahu male? Yokhaani jireenna akami fidamu male? Malaikaani waan jetteeni, Niitiini tante waan anini jed'eeni ch'ufa guutu malte. Isiini mid'aani zabibutifi daad'ifi farsofi yokhaani sagale lagu tokole soorachu himmalle; waan anini jed'eeni ch'ufa guutu malte. Manoani waan jed'eeni, Maqa kanke nuti himi aka yo dubbini tante d'ugoofte, nu maqa kanke ulfeesine guddimnu. Malaikaani waan jetteeni, Maanifi maqa kiyya beekhu feeta? Maqaani kiyya maqa mamaati. Jennaani Manoani kaarata laleesatifi mid'aani fuud'e, d'akha irati AABBO Waaqa ka waan mama tolchu, sorio baase. Manoani waan niiti isatini jed'e, Nu arra ira inhamnu, eegi Waaqa argine! Ammo niitiini isaa waan jetteeni, Ato AABBO Waaqi sila nu ijeesu fed'e, inni sorio teenna tana infud'atu yokhaani waan akana kana ch'ufa nu garsiise yokhaani nuti inhimu. Niitiini ilma deete, maqa isaa Samsoni baafte. Inni olgudate, AABBO Waaqi isa eebise, lubbuuni AABBO Waaqa irre isaa kennite, gaafa inni jiddu Sorafi Estaoli olla Dani jiru. Guyya toko Samsonini Timna d'aqe, achiti intala Filisti toko arge. Jennaani inni gale, waan abbaafi haad'a ufiitini jed'e, Intala Filisti toko gara Timna suniti arge, kaa, na kad'ad'a. Ammo abbaafi haati isaa waan jetteeni, Isi gurba, atini maani hekatefi, dubra nyaapa ta Filisti, worra aada inqamne, d'araataafi? Atini intala miilo teti gosa teenna tana ch'ufa keesa ind'abde? Ammo Samsonini waan abbaani jed'e, Anini isuma ch'alla fed'a, kai na barbaadi. Abbaafi haati isaa aka heregi isaa kunini AABBO Waaqa iraa bahe diqole imbeekhani; wonti akanatiifi AABBO Waaqi kara worra Filistitini had'u barbaaduu jira. Gaafasi worri Filisti worra Israeli mohata. Jennaani Samsonini abbaafi haad'a isaa woliini Timna d'aqani. Ato worri oobru zabibu keesa yau, inni kuble nyeench'a ta d'anga d'ooftu d'agaye. Jennaani hojuma suni irreeni AABBO Waaqa Samsoni jabeesite, inni harka ufiitini nyeench'a qabe, aka kaarata ree gargari Tarsaase. Ammo inni waan tolche suni Abbaafi haad'aleti inhimne. Jennaani inni deeme intalaani haasae maache. Eegi bulti diqo Samsonini intala fuud'aa deebie, Ato deemu, kara iraa gore, nyeench'a ijeese kaani laalu d'aqe, tuuta kinnisatifi damma goblola kaani keesati arge guddo mame. Kinnisa bafate, kara gula nyaachaa deeme, abbaafi haad'aleeni gahe, worrileeni nyaate; ammo Samsonini aka kinnisa kana goblola nyeench'a keesaa bafate worrati inhimne. Abbaani isaa mana worra intalafa d'aqe, achiti Samsonini jila fuud'a ta aada kaima worra lafa suniti tolche. Worri Filisti isa arge jennaani nama kaima sodoma, ka isa woliini tau, ergani. Samsonini waan jed'eeni, Hiimpo toko isani hiimpifad'a, yo isani hiimpo tana torbaani jila kana keesati nati himtani; anini woya boofta sodoma, ammalle woya jila sodoma isanii ch'ufa toko toko keenna. Ammo yo himu dad'abdani, isaniti woya boofta sodomatifi woya jila sodoma naa keenna worri waan jed'eeni, Hiimpo tante hiimpifad'i, ind'ageenna. Hiimpifate waan inni jed'e, Ka wonyaatu keesa wonti nyaatani baate; jaba keesa wonti miooftuni baate. Guyya sadi hiimpo suni himu, dad'abani. Guyya afreeso waan niiti isaatini jed'ani, D'iirsa kanke sobi, aka inni hiimpo suni nuti himu, yoyu akasi tolchu baate, sifi mana abbeetile woliini gumna. Ada, isani nu sobdani nu saamu feetani? Jennaani niitiini isaa d'at'e iti boote waan jetteeni, Atini na injaalatu, na jibbita! Atini gosa tiyya iti hiimpifate, nati himu didde. Jennaani inni waan jed'eeni, Abbaafi haad'a tiyyaleti inhimne, maanifi siti hima? Bulti torbaani jila suni ch'ufa iti boote jennaani guyya torbeeso waan hiimpo suni, waan isiini isa gargalchitefi iti hime. Duuba isiini kaate worra gosa isii ka Filistiti himte. Duuba guyya torbeeso ato Samsonini mana bulti olinseeni worri dira suni waan jed'eeni, Maanti kinnisa ira miyaa? Maanti nyeench'a ira jabaata? Samsonini waan jed'eeni, Ato isani saa kiyyaani lafa qotu baatani hiimpo tiyya inhimattani. Yoosu irreeni AABBO Waaqa isaa jabeesite, inni kae Ashkeloni d'aqe, nama sodoma gate, woya iraa yaase, woya suni worra hiimpo himate kaani kenne. Eegi suni inni dallansuuni kae worra abba ufiti gale, niiti isaale nama isa gula fuud'a d'aqe kennani. Eegi suni, gaafa dargaye haamatani, Samsonini kaarata laleesa fuud'e, gara niiti isaa d'aqe. Inni abba isiitiini waan jed'e, Anini d'iibu niiti tiyya d'aqu fed'a ammo inni dide, waan Samsonini jed'e, Anini waan atini isi jibbite sehe jaala kanketi kenne. Ammo oboleeti isiiti ta maand'a ta isi ira mid'aadu, jira, suni fud'ad'u. Samsonini waan worrani jed'e, Amma waan anini worra Filisti tolchu inagartani, nami na ingaafatini! Jennaani kae geedala d'ibba sadi qabe, lama lamaani eege wolti hid'e, buyo iti mare ibida gudunfa taani keesa kaye. Jennaani buyo suni ibidaani qabsise geedala taani oobru Filisti ta mid'aani qabdu keesati gadi d'iise. Kara kanani inni mid'aani murani tuulani ch'alla ingubne, ammo ka ejaanifi oobru ejersa ch'ufale gube. Jennaani worri Filisti waan jed'e, Eentu waan kana tolche? Duuba waan jed'aniini, Samsoni, soda namicha Timnati, akana tolche, waan sodaani isaa niiti Samsoni jalaa fud'ate jaala isaati kenneefi. Jennaani worri Filisti d'ufe, niiti sunifi mana abba isi woliini gube. Samsonini waan worra sunini jed'e, Yoyu woni isani tolchitani tana tate, anini inkakhad'a aka haga haalo, bafad'u male inteenne! Inni aka hama worra had'e nama heddu fit'e. Eegi suni d'aqe goda d'akha ka Etamu keesa tae. Worri Filisti d'ufe Yuda keesa qubate, dira Lehi had'e. Worri Yuda worra Filisti gaafate waan jed'e, Isaani maafi nu haatani? Worri waan jed'eeni, Nu Samsoni qabu d'umne, aka waan inni nu tolche isa tolchinu. Jennaani worri Yuda ka kuma sadi gara goda d'akha ka Etamu kaani d'aqe waan Samsonini jed'e, Atini imbeetu, aka worri Filisti nu mohatu? Atini maani nu tolchite? Inni waan jed'eeni, Anini woma worri na tolche worra tolche. Worri waan jed'eeni, Nu aka hiine worrati sigeesinufi d'umne. Samsonini waan jed'eeni, Kakhad'a, aka ufi isani harka keesanini na inijeemne. Haye, hataatu nu harka keennani si inijeemnu ammo haaduma ch'allaani si hiine worrati sigeesina jed'aniini jennaani worri haada hareesa lamaani isa hid'e goda keesaa isa fuud'e. Inni Lehiini bahe jennaani, worri Filisti isati iyye iti orie. Jennaani Yoma suni irreeni AABBO Waaqa isa jabeesite, inni haada harka isaatini hid'ani kaani ch'ire, akuma liilana qaqalla ch'irani. Jennaani boqo harre d'io doote arge, gajed'e fuud'e, nama kuma tokotini gate. Jennaani Samsonini sirbe waan jed'e, Boqo harretini nama kuma toko gate; boqo harretini wolti tuule. Eegi suni lafe boqo harre taani gadigate. Fulla had'iisi kunini iti tahe Ramath-Lehi, yokhaani kubi boqo jed'aniini. Jennaani inni guddo d'eebote, AABBO Waaqa yaamate waan jed'eeni, Siumati worra kana na dabsachiise; anini ara d'eebuuni due nyaapa Filisti kunini ka aada inqamne na qaba? Jennaani Waaqi lafa Lehi fulla toko borrose, bisaani burqa keesaa bafatani. Samsonini d'uge, lubbuuni iti deebite. Duuba maddo suni Enhakore jed'aniini, haga arrale Lehi jirti. Samsonini haga ganna diddama, ka worra Filisti lafa mohate jaallaba worra Israeliti tahe. Guyya toko Samsonini dira Gaza d'aqe, niiti sharmut'a toko iti gore bira bule. Worri Gaza aka Samsonini arti d'ufe d'ageennaani mana; suni marsani, halkani suni ch'ufa fullo dira keesati eegaa bulani. Halkani suni ch'ufa ch'allisani heregani waan jed'ani, Bari lafaa eenne isa ijeemna. Ammo Samsonini haga halkani wolqit'aani ch'alla rafe, jennaani kae, d'aqe balbala fullo dira qabe buqise — balbala, mikhikila, danqarro, waan fullo suni haguma getunu ch'ufa gurmu ira keyate gara fiit'e gaara Hebronini iraani mullatuti geese. Eegi suni Samsonini niiti Delila jed'ani toko, ta bale Soreki keesa teetu jaalate barate. Hayyooti Filisti shanani gara isi d'at'e waan jetteeni, waan atini taatu, Samsonini sosobi, waan akana isa jabeesefi aka nu isa dandeenne qabne hiine dabsannu gaafad'i, nuti himi. Duuba Nuuni ch'ufti qarsi kuma tokotifi d'ibba toko sii kennina. Jennaani Delilani waan Samsonini jette, Aabbo, bad'aaso kiyya, waan akana si jabeesa kana nati himi. Yo nami sila si hid'e si dabsachu fed'e akami tau male? Samsonini waan jed'eeni, Yoyu haada ribbu ka guube t'iya, ka ingogogini, torbaani na hid'ani anini irre d'abe akuma biyya d'ibi taha. Jennaani hayyooti Filisti taani haada ribbu ka guube t'iya torba ka ingogogini Delilatini d'ufte, isiini Samsonini hiite. Yo kana worri Filisti d'iibiini d'iibu mana suni keesati d'okhachu jira. Duuba isiini iyyite waan jette, Samsoni worri Filisti ya d'ufe! Ammo inni haada ribbu kaani akuma liilana gubani ch'ich'ire. Tanaafi worri fulla jabeenni isaa bahufi beekhu dad'abe. Jennaani Delilani waan Samsonini jette, Isii atini qara na sobde d'uga nati inhimne. Me, bad'aaso kiyya, aka nami dandae si hid'u nati himi. Inni waan jed'eeni, Yoyu haada haareesa ka taka womanu inhid'ini na hid'ani, anini irre d'abe akuma biyya d'ibi taha. Jennaani Delilani haada haraani isa hite iyyite waan jette, Samsoni! Worri Filisti ya d'ufe! Ammalle worri Filisti d'iibu mana suni keesati d'okhachu jira; ammo inni haada suni akuma liilana ch'ire. Delilani waan jetteeni, Isi atini ammalle na sobde d'uga nati inhimne. Abbo d'uga baasi, aka nami si hid'u nati himi. Inni waan jed'eeni, Hojja atini guduru mata kiyya torba wolti d'oofte, d'isati jabeesite hiite, anini irre d'abe akuma biyya d'ibi taha. Ado inni rafu isiini guduru mata isaa torbaani fuute, wolti d'oofte, d'isati hiite. Iyyite waan jette, Samsoni, worri Filisti yayu d'ufe! Ammo inni guduru isaa d'isa iraa baase. Duuba isiini waan jetteeni, Atini ka ufira inqamne akami si jaalad'a nani jette? Atini maro sadi na sobde, waan si jabeesani nati himu didde. Isiini guyya ch'ufa gaafini gaargalchite lakisu didde dad'absiifte, jennaani inni hiifate obsu dad'abani d'uga iti hime waan jed'e, Rifeensa kiyya taka nami inhaane, Haguma d'alanaani na eebisani aada Naziri gula Waaqaa na kennani. Ammo yo rifeensa kiyya naraa haadani, anini irre d'abe akuma biyya d'ibi taha. Delilani aka inni d'uga iti hime hubannaani qonqo hayyoota Filisti taaniti ergite waan jette, Tokotu deebia, inni yayu d'uga nati hime. Worri beese fud'ate dachae isiiti gad'ufe. Delilani miila ufi ira isa rafifte, nama guduru torbaani iraa haadu yaamte. Jennaani isa miite goyeesite waan inni irre d'abeefi. Jennaani isiini iyyite waan jette, Samsoni! Worri Filisti ya d'ufe! Inni kae, herege waan jed'e, Anini akuma qara kaani baafad'e worra duraa ufi baasa. Inni aka AABBO Waaqi isa lakise imbeenne. Worri Filisti isa qabe ila keesaa yaase, Gazati geese, sansalata sibiila diimatini hid'ani, mana hid'aansa kaani keesati d'akha daakhu guddaani mid'aani daasisani. Ammo rifeensi haadani kaani ammalle bahe. Hayyooti Filisti taani wolti baate jila tolfate, sorio waaqa worra ka Dagoni jed'ani qalte, sirbite waan jette, Waaqi keenna yayu nyaapa keenna Samsoni harka keennati kenne. Jennaani Samsonini gurba isaa harka qabe deemuni waan jed'e, me utuba mani kuni ejuuni na qabachisi aka anini iti hirkad'u. Mana suni gumi hedduti ta d'iirafi nad'eeni guute. Hayyoota worra Filisti shananu taaleeni achuma jirti, ammalle mana suni gubbaa nama kuma sadi gahu, ka d'iirafi nad'eeniti, ka Samsoni daawate isati tabatu, jira. Jennaani Samsonini AABBO Waaqa kad'ate waan jed'e, AABBO gudda si kad'ad'a na qaabad'u, Ee, Waaqa irre tiyya maro toko ch'alla naa deebisi, aka anini worra Filisti haalo ila tiyya lamaani baafad'u. Jennaani Samsonini utuba lamaani jiddu mana jiru harka harkaani qabate, gargari d'iibe. Iyye waan jed'e, Aninileeni ha worra Filisti woliini duuti! Humna isa ch'ufaani d'iibe, mani suni hayyoota taani shananifi nama achi jiru ch'ufa irati jige. Akanaani Samsonini guyya due suni haga gaafa jiru iraa nama muumme inqamne ijeese. Oboleyaani isaatifi worri isaa ch'ufti reefa isaa fuud'u d'ufe. Duuba reefa isaa suni fuud'ani, jiddu Zoratifi ta Eshtaoli awaala abba isaa Manoa keesati awaalani. Inni ganna diddama jaallaba Israeliti tahe. Duri namicha tokoti jira, ka Mika jed'ani, ka lafa gareeni ta Efraimu keesa tau. Inni waan haad'aani jed'e, Gaafa nami qarsi kuma tokofi d'ibba toko si duraa hate, atini hattu suni abaarte. Anini sii abaartu d'agaye, laali, beese suni nami hateleni anuma. Haati waan jetteeni, AABBO Waaqi si eebisina! Duuba inni beese suni haad'a deebise jennaani isiini waan jette, Aka abaarsi kunini gurba kiyya inqabanne, anumati qarsi tana fuud'e garaa tokooni AABBO Waaqaa keenna. Duuba qarsi suni ha fuud'ani, mukha boch'ani aka waaqa kad'ataniini mat'ansani. Duuba amma qarsi suni haad'aa deebise, isiini qarsi d'ibba lama keesaa fuute, tumtuti geesite, jennaani tumtichi mukha fuud'e boch'e, qarsi suni iti mat'anse, akheekha woi waaqa jed'e mid'aase, duuba mana Mika keesa kayani. Namichi kunini ka Mika jed'ani fulla itikad'atu qaba. Inni akheekha woi heddufi waan efodi jed'ani toko Waaqa jed'e mid'aase, ilma isaa tokole qaallu tolfate. Bara suni hayyuuni lafa Israeli keesa injiru, tanaafi nami ch'ufti waan fed'u tahe. Ammalle gaafasi gurba toko, ka gosa Lawi, ka dira Bethlehemu lafa Yuda keesa tau, jira. Inni fulla iti qubatu barbaada Bethlehemu kae, ato deemu mana Mika ka lafa gareeni Efraimu keesa jiruni bahe. Mikaani isa gaafate waan jed'e, Eesaa d'ufte? Inni waan jed'eeni, Anini nama gosa Lawi, ka Bethlehemu lafa Yuda. Anini fulla qutuma barbaadu jiru. Mikaani waan jed'eeni, Na woliini tai, qaallufi abba mala naa tahi, anileeni qarsi kud'ani gannati sii kenne, woyaafi sagalele sii keenna. Namichi Lawi sunini ee jed'e, Mika woliini tae, aka ilma taheefi. Mikaani isa qaallu tolfate, innileeni mana Mikati gale. Jennaani Mikaani waan jed'e, Amma anini ya nama gosa Lawi qaallu tolfad'e, armaa achi AABBO Waaqi na eebise na horsiisa. Gaafasi hayyuuni Israeli keesa injiru. Gaafasi gochiti Dani lafa qutuma barbaaduu jirti; wonti akanatiifi worri gosa Israeli keesaa d'aala lafaa inarganne. Jennaani gochiti Dani nama shani jajanna gosa ufi keesaa fohate, dira Zorafi Eshtaoliti keesa dooya ergani. Lafa gareeni ta Efraimutini baanaani mana Mika keesa taani. Ato achi jiranu, worri qonqo kaimticha Lawi kaani beekhe itigorani Maaniti armaani si d'ufe? Huji maani arma qabda? jed'ani gaafatani. Inni waan jed'eeni, Nu yayu Mikaani woli d'anne, aka inni hori naa baase, anileeni qaallu isaa tahu. Worri waan jed'eeni, Me abbo, Waaqa nuu kad'ad'u, aka imaltuni nu yaanu tumini milkooftu. Qaallichi waan jed'eeni, Woma insodaatina, nagumaani yaa, imaltuni teesani harka AABBO Waaqa keesa jirti. Jennaani jari kaani shananu kae yae, dira Laishatini bahe, worri aka biyyiti sunini akuma worra Sidoni ufuma dagu ch'iiftu arge. Worri worra nagaya qabu ka nama tokoleeni woliind'amne ka waan fed'ani ch'ufa qabu. Worri worra Sidonile iraa fago jira, nama tokole woma iraa inqabu. Worra shanani kaani Zorafi Eshtaoliti gallaani, biyyiti, maani gartani? jette gaafatte. Worri waan jed'eeni, Dubbi d'ibi lakisa, koota nu yaasa, worra Laishi inhaana. Lafa ya argine maachine, arma chiiftani, ka woma intolchine afaani ind'aanina, kaa hurrisa lafa suni fud'ad'a! Yo isani achini baatani biyya dagu jirtu agartani laftileeni ballo wonti nami fed'u ch'ufti keesa jirti, ammalle Waaqi ya harka keesaniti kenne. Jennaani nami d'ibba jaa ka gosa Dani lolaa kurfefate, Zorafi Eshtaoli keesaa kae. Kiriath-Yearimu ta lafa Yuda keesati, bulani. Tanaafi fulla suni arrale bulto Dani jed'ani. Worri Achi kae, mana Mika, ka gaareeni Efraimu keesa jiru, d'ufe. Jennaani worri shanani kaani ka lafa d'aatu Laishi dooyate, waan wahela worratiini jed'e, Isani aka maneeni tana toko keesa, akheekhi mukha ka boch'aani qarsiini mat'ansani kad'atani jiru beetu? Ammalle akheekha kad'atani d'ibifi waan efodi jed'aniti jira, akasi beetu? Nu maani tahu male re? Duuba mana Mika, fulla kaimtichi Lawi kaani tauti gorani, aka inni fidamu gaafatani. Haga worri tana harkaa qabu, duuli Dani, nami d'ibba jaa, ka lolaa kurfae, fullo keesa ch'iisa. Worri dooyaa kaani shanani mana olduude, akheekha mukha ka boch'ani qarsiini mat'ansani kaanifi akheekha d'ibifi woni efodi jed'ani kaani fuud'ani itiini d'aabatani, ka qaallichi nama d'ibba jaa sunini fulla fulloo woliini jiru. Hojja jari mana Mika olseene miha woyyuma kaani fuud'e, qaallichi waan jed'eeni, Isani maani tolchitani? Worri waan jed'eeni, Afaani qabad'i, indubbatiini, nu gula kooti qaallufi abba mala nu tahi. Fulla atini qaallu worra nama tokoti taatu, qaallu gosa Israeliti tahu infeetu? Dubbini tunini qaallicha gammachiifte, inni miha woyyuma suni fud'ate, worra woliini iti d'aabate. Jennaani worri garagale, ijoolleefi loonifi waan worri qabu ch'ufa ufi dura aanse, kae iti d'aabate. Eegi worri mana iraa fagaate, Mikaani olla isaa lola wolti baase worra Dani kaani hordofe d'aqabe iti iyye. Worri Dani Mikati garagale waan jed'eeni, Maaniti lafa jira ka atini duula kana ch'ufa baaftufi? Mikaani waan jed'eeni, maanti lafa jira akami? Qaallu kiyyafi waaqa anini mid'aafad'e ch'ufa ya fud'atani itiini d'aabatani, maanti na hafe? Worri Dani waan jed'eeni, Atini woma dubbachu himmalle, hegeri worra kana dallansiifte ufi haasiifta, duuba hegeri siifi worri kankeleeni inhobaa. Akasi jennaani kaani iti d'aabatani. Mikaani aka worri isa ira irre qabu arginaani garagale worra ufiti deebie. Worri Dani waan Mikaani mid'aafatefi qaallu isale fuud'e dira Laishi, ka dagu jiru, d'ufe, nama keesa jiru fit'e dirale gube. Waan diri sunini Sidoni iraa fago jirufi, ammalle waan worri nama d'ibiini woma wolira inqamneefi nama buale d'abani. (Diri sunini bale, Bethnehobu keesa jira.) Worri Dani dira kaani deebie jaare ke qubate. Maqa isaa Laishi iraa Daniti jijirani, maqa ababo worraa Dani, ilma Yakobo gula. Worri Dani akheekha boch'ani kaani old'aabe kad'ate, ammalle Yonathani, ilmi Gershomu, akhaakhuni Musa, gosa Daniti qaallu tahe, d'alooti isaaleeni qaallu tahe, haga worra Israeli qabani boojianiti. Akheekhi Mikaani boch'e mid'aase kaani haga Waaroni Woyyuma Shilo jirtu achiti hafe. Bara suni ka worri Israeli hayyu inqamne, namichi Lawi toko lafa moga, ta gaareeni Efraimu, keesati gala. Inni intala toko ta dira Bethlehemu lafa Yuda keesaa gaarayu tolfate manati galfate. Ammo isiini isati, dallante, kaate mana abba ka Bethlehemu jirtu baate, haga jia afuri achi teete. Jennaani namichi kaani hojattu isaatifi harre lama fud'atte faana isii deeme, sosobate galfachu d'aqe. Namichi Lawi d'ufe, jennaani intalti olseeni jetteeni, abbaaleni isa arginaani gammade, Tai jed'e haga guyya sadi bulche, worri nyaate d'uge achuma bule. Guyya afreeso ganama lafaa kaani ilmaltu kurfefatani, ammo abbaani intalaa waan namicha Lawitini jed'e, Qara bud'o bafad'a aka jajabaatani, duuba kaa, yaa. Duuba jari lachu woliini nyaate d'unnaani, abbaani intalaa waan jed'eeni, Aabba halkani kanale sagale quufte nagayumani ufira bulte ho? Namichi Lawi deemaa kaanaani, soddaani isaa sobate buli jed'eeni, jennaani ufi iraa bule. Guyya shaneeso ganamaani lafaa kae, deemaa kurfefate, ammo abbaani intalaa waan jed'eeni, Bud'o baafad'i, aka jajabaatu, gulantana deemta. Duuba tatani woliini gololfatani. Namichafi gaarayu isaatifi hojattuuni isaa deemaa kaani jennaani abbaani intalaa waan jed'eeni, Lafa, aduuni ladite, yo ufi ira bultani woya, lafti amuma tana la dukanofte, worri keesanuma, ufi ira bulaa, bori ganama kaatani yaatani galtani. jennaani worri Yebusi biraa dabre yauma yae, d'iaadutini Gibea ta lafa gosa Benjaminitini bahe. Kara ira gorani aka achi bulani. Dira d'umnaani wod'aka dira keesa, fulla nami iti wolwoldau, tatani, ammo nama worra bulchu d'abani. Ato worri achi ch'iisu, jaarsi toko ka oobru oole keesaa galu d'ufe. Inni nama lafa gaareeni ta Efraimuti, ammo amma Gibea taa (worri d'ibiini ka dira suni worra gosa Benjamini). Jaarsi kaani namicha keessuma ka achi tau arge jennaani, Atini eesaa d'ufte? Amma eesati deemta? jed'e gaafate. Namichi Lawi kaani waan jed'eeni, Nu Bethlehemu ta Yuda keesa jirtu d'umne amma lafa teenna ta gaareeni Efraimu ta mogati yaana. Nami tokoleeni ka nu bulchu injiru, ammo. Okhayafi buyo harreni teenna nyaatufi qit'afi daad'i, ta anaafi gaarayu tiyyafi, hojattuuni tiyya soorannu inqamna, nu waan inqamne inqamnu. Jaarsi waan jed'eeni, Yoosi koota, worra kiyya nagayaani bulla, anati isani qorqorata, waan diida kana bultanifi inqabdani. Duuba inni worra mana ufiti galche, harre worraa nyaachise, bisaani worri miila diqatule kenneefi, sagalele woliini sooratani. Jennaani ato worri gammadani nyaate d'uge woliini tabatu, worri algali hamani toko, ka dira suni, mana marse, balbala worrati d'aane waan jaarsani jed'e, Namicha keessuma ka mana kanke keesa jiru suni gabaasi imidisomsina! Ammo jaarsi abba mana iti gabahe, waan jed'eeni, Akananiti, oboleyaani tiyya, waan hamtu akana keessumicha kiyya intolchina. Kuno laala gaarayu isaatifi intalti tiyya ta taka nami infuud'inu kunooti isanii gayaasa, fud'ad'a, waan mataani keesani maddu tolfad'a. Ammo waan hamtu akana namicha kanati intolchina! Ammo worri algali kaani isa ch'aqasu dinnaani, namichi Lawi kaani gaarayu isaa worraa alati baase. Jennaani worri isii buufate, halkani suni ch'ufa haga lafti bariituti bira rafe. Lafti bariite jennaani niitiini taani d'ufte, balbala mana jaarsa fulla d'iirsi jiruti jidde, haga lafti guyyatuti achuma ch'iifte. Diirama d'iirsi isi deemaa lafaa kae jennaani gaarayu isaa ta mana dura harka balbalati d'eerefate ch'iiftu arge. Inni waan jed'eeni, Kai, nu yaasi, ammo isiini ch'allifte aka reefa ufumaa ch'iifte. Jennaani inni reefa isii fuud'e, harre gubbaa kaye galisaa deeme. Worra ufiti galaani mana olseene, bilaa fud'ate, reefa gaarayu isaa fulla kud'ani lamati gargari ch'ire, gosa kud'ani lama ta Israeli toko tokooni iti erge. Nami ch'ufti ka waan kana arge maadefate waan jed'e, Nu haguma d'alanne taka waan akana ind'ageenne! Eegi worri Israeli lafa Misiri keesaa bahe, wonti akana taka ya taate d'iiro! Wonti kunini waan wolgaafatani wotolchu malani, me dubbad'a! Worri Israeli, haguma Dani mirgaa bahe Beersheba bitaati d'aabe, lafa Gileadi, ta ilaboru woliini, yaamicha kana d'agaye, haguma gahuni, Mispati AABBO Waaqa durati wolti bahe. Worri gugurdaani gosa Israeli ch'ufti woltibahisa gumiini Waaqa wolti baate keesa jira, ammalle askarti nama kuma d'ibba afuri ka miilaani yauti gumi tana keesa jira. Ammalle worri Benjamini, aka worri Israeli ch'ufti Mispati wolti bahe d'agaye, duuba worri Israeli namicha Lawi kaani gaafate waan jed'eeni, Aka hameenni kunini gula d'ufe nuti himi. Namichi Lawi, ka gaarayu isaa ijeesani kaani, waan jed'e, Anaafi gaarayuni tiyya dira Gibea, ka lafa Benjamini, bulle jennaani, worri Gibea d'ufe na had'e, mana keesati na marse na ijeesu fed'e, ammo eege gaarayu tiyya buufate ijeese. Anini reefa isii fuud'e gargari ch'ire, gosa kud'ani lama ta Israeli toko tokooni iti erge. Wonti anini akasi tolcheefi, worra kanati hameennaafi daba takuma inargini nu keesati tolche. Amma isani worri Israeli, dubbi tana dubbad'a. Jennaani nami ch'ufti olkae, woligale waan jed'e, Nu nami tokoleeni ka waarofi manati galuleeni worrati indeebiini. Wonti nu taanu tana: hit'a buufanne, nama Gibea had'u fohanna. D'ibba ch'ufa keesa nami kud'ani ka Israeli woreega worra duulatini d'ufe, kaaleni Gibea d'aqe haalo bafata, maro daba taka inargini ka Israeli keesati tolchani kaanifi. Jennaani worri Israeli ch'ufti garaa tokooni wolti bahe, aka dira suni had'u. Gochiti Israeli ch'ufti nama ergaa lafa gosa Benjamini keesa ergite waan jette, Dabi hamani kunini maani, ka isani tolchitani? Hurrisa, worra algala hama daba kana hojatte nuti kenna, aka nu worra find'e hameenna kana gosa Israeli keesaa baamnu. Ammo worri Benjamini dubbi worra odula kaasu dide. Ammo dira lafa Benjamini ch'ufa keesaa bahani Gibea d'ufani, aka worra Israeli kaani d'ibi had'ani. Gochiti Israeli taani nama duula, ka kuma d'ibba afuri, wolti baafte. Worri Israeli ch'ufti Betheli d'aqe, Waaqa gaafate waan jed'ani gochiti qara Benjamini haatu tami? AABBO Waaqi waan jed'eeni, Gosa Yuda. Jennaani worri Israeli boriyya lafa d'aatu Gibeati nanae. Duuba worra Benjamini had'u d'aqani, askarti d'aatu dirati kurfeesani. Duuli worra Benjamini diraa gabahe, ato guyyaani inhobaini askarti Israeli kuma diddami lama hobaase. Duula worra Benjamini maro lameeso had'ani. Ammalle akuma suni worri Benjamini Gibea keesaa bahe, askarti Israeli ta guddo had'iisa barate, nama kuma kud'ani saddeeti, gate. Jennaani worri Israeli Betheli d'aqe bohe, achiti worri AABBO Waaqa dura tae haga galgala ufi agabse, sorio gubanifi ta wold'ageeti AABBO Waaqaa baasani. Jennaani worri Israeli askarti gari Gibea dira d'aatuti d'osse, duuba maro sadeeso duula Benjamini had'ani, akuma qara kaani askarti worra Gibea d'aatuti kurfeesani. Worri Benjamini akuma qara had'iisa gabahe jennaani sobani dira iraa fageesani. Duuba akuma qara kaani worri askarti Israeli had'e, ballinna lafa, kara Betheliti deemufi ka Gibeati deemu keesaleti, nama sodoma fit'ani. Worri Benjamini waan jed'e, Akuma qara kaani yayu worra dabsanne. Ammo worri Israeli qara waan jed'e, Koota, duraa baqanne, dira worra ira fageesine, karaati d'ieesina. Duuba duuli Israeli dudda duuba deebie. Baal-Tamariti ch'ibra tolfatani, jari Gibea marse kaani fulla iti d'okhate ta d'akhaye, ta d'aatu dira taani, gadi bafate. Nami kuma kud'ani ka Israeli keesaa filani kaani aka jaba Gibeati woli had'ani. Worri Benjamini, aka badiini worra geete, kana inhubanne. AABBO Waaqi askarti Israeli worra Benjamini dabsachiise. Worri Israeli nama kuma diddami shanitiifi d'ibba toko ijeese, jennaani worri Benjamini aka dabsatani hubate. Wonti worri Israeli worra Benjamini duraa baqatefi, worri worra d'aatu Gibea d'okhate kaani abdate. Jari d'okhate suni Gibea duude, dirati gargari bahe, nama ch'ufa hobaase. Duuba duula Israeli kaanifi jari Israeli ka d'okhate kaani qara akheekha woli kenne, akheekhi sunini kana: hojja aara ibida ka aka dumansa olbahu argani. Worri Israeli ka qara nyaapa duraa baqate kaani iti garagala. Yo suni worri Benjamini ya worra Israeli nama sodoma ijeese waan woliini jed'e, Akuma qara kaani ya worra dabsanne. Jennaani akheekhi kaani mullate, aari guddaani aka dumansa dira keesa olbahe. Worri Benjamini kaani ufi duuba millannaani dira ch'ufa ka gubate bobau arge mame. Worri Israeli garagale jennaani worri Benjamini baddi ufi arge mudame, worra Israeli duraa lafa diidati baqate, ammo worra duraa bahu dad'abe. Wonti akanatiifi worra yayu gama lachuyu marsani, worri dira keesa jiru kaani gabahe worra balleese. Worri Israeli worra marse, duuba ato miila ind'aabatini, haga Gibeani ilaboru worra reebe karaati hobaase. Nama kuma saddeeti ka Benjamini jajanna ch'alla fit'ani. Jari kaani d'ibiini garagale, lafa diida ta d'akhaye Rimoniti baqate. Ammalle nama kuma shani karaati fit'ani. Ka hafele gara Gidomu gussani nama kuma lama keesaa fit'ani. Nami Benjamini ka gaafasi fit'ani ch'ufti wolti nama kuma diddami shani, ka ch'ufti jajanna. Ammo nami d'ibba jaa lafa aloo ta d'akha Rimoniti baqate bahe, haga jia afuri achi tae. Worri Israeli garagale d'iirafi nad'eenifi ijoolle ammalle horile ch'ufa fit'e, dira arda suni ch'ufa gube. Gaafa worri Israeli Mispati wolti bahe, worri AABBO Waaqa durati kakhate, waan jed'e, Nu nami keenna tokoleeni dubra teenna worra Benjaminiti ingurguru. Duuba amatana worri Israeli suni Betheli d'aqe Waaqa dura haga galgala tae, lalabe laalalaani bohe waan jed'e, Ee AABBO Waaqa Israeli, wonti kunini maafi taate? Gochiti Benjamini maanifi gossa Israeli keesaa badu geeti? Boriyya ganama biyyiti lafaa kaate, waan sorio irati baasani jaarate, sorio gubanifi sorio wold'ageeti irati Waaqaa baasani. Worri waan wolgaafate, Gochiti Israeli ta AABBO Waaqa dura woldeenna Mispa ind'ufini jirti? (Worri yayu kakhate aka nama Mispati ind'ufini ijeesani.) Worri Israeli oboleyaani isaani ta gosa Benjaminiti nahe waan jed'ani, Arra Israeliini gosa isii toko yayu d'abde. Nu maani taana, aka worra Benjamini suni ka hafe dubra fuusimnu? Nu qara AABBO Waaqa durati kakhanne, aka dubra teenna worra infuusimne. Duuba wolgaafatani waan jed'ani, Eenuti gosa Israeli keesa woldeenna Mispa ind'ufini? Jennaani nama tokole ka Yabesh-Gileadi d'ufe d'abani. Jara duula tohatani jennaani worra Yabeshi keesaa d'abani. Jennaani gumiini nama kuma kud'ani lama ergite waan jette, Bena, worra Yabeshi ch'ufa nad'eenifi ijoollele woliini fit'a. Waan isani taatani, d'iirafi nad'eeni ch'ufa fit'a ammo ijoolle dubra lakisa. Worra Yabeshi suni keesa dubra d'ibba afuri argani, fuud'ani Shilo ta lafa Kanaani keesatini d'ufani. Jennaani gumiini taani ch'ufti worra Benjamini, ka d'akha Rimoni jiru, qonqo iti ergite, koota ga gala, nagaya dubbanna jetteeni. Worri Benjamini gale jennaani dubra Yabeshi — ta boojiani taani qoodanifi, ammo dubarti sunini worraani inqit'omne. Biyyiti worra Benjaminiti naate, waan AABBO Waaqi gosa Israeli, gosa toko keesaa balleese, akasiini seleseefi. Jannaani jaaroleeni gumi waan jette, Nad'eeni tokoleeni gosa Benjamini keesati inhamne. Nu amma worra hafe kana eesaa dubra iti agarra? Israeliini gosa ufi toko qulqullo d'abu himmalle tanaafi mala gosa Benjamini daara badi d'owarru d'au malle. Ammo dandeenne dubra teenna infuusimnu wonti akanatiifi, nu qara kakhanne, aka nama keenna ka worra Benjaminiti dubra kennu abaaru. Jennaani heregani waan jed'ani jilti AABBO Waaqa ta ganna, ta Shiloti tolchani, ya d'iaate. (Shiloni suni Bethliini mirgaa, Lebonani bitaa, ammalle kara Bethelifi Sheimu jiddu bahuni ila boru.) Duuba waan worra Benjaminitini jed'aani, Beena, oobru zabibu keesati d'okhad'a eega. Hojja dubarti Shilo guyya jila suni sirbaa d'ufte zabibu keesaa gadi baha isani namu ijoolle dubra suni irreeni buta, lafa teesani ta Benjaminiti galad'aani. Yo abbootifi oboleyaani worra barbaadu d'ufte isani gaafate, waan jettaniini, D'iiro, nu eebisa, nu lola keesa isani ira infud'anne. Ammalle waan isani ufiini nu inkeniinifi isani kakhu teesani inch'absine. Worri Benjamini akuma worri jed'e tolche; worri ch'uftinu dubra Shiloti sirbitu keesaa fuud'ani itiini d'aabatani. Jennaani lafa ufiti galani, dira ufi jaaratani keesa taani. Bara suni worri Israelileeni kae, nami ch'ufti gosafi worraafi hori ufiti gale. Gaafasi Israeli keesa hayyuuni injiru, nami ch'ufti woma fed'i ufi taha. Gaafa duri bara jaallabooti lafa fidde, oolaani jabduuni toko lafa d'ufte. Jennaani namichi toko, ka dira Bethlehemu lafa Yuda keesa, niiti isaatiifi ijoolle isaa ta d'iira lamaani woliini lafa Moabuti godaane. Maqaani namicha suni Elimeleki, niiti isaa maqaani Naomi, ilmaani isaa lamaani maqaani Malonifi Kilioni. Balbalti worraa Efrati, worri worra Bethlehemu lafa Yuda keesa. Jennaani lafa Moabu d'aqani achi qubatani. Ato achi jiranu, Elimelekiini d'iirsi Naomi due, duuba isiini ilmaani ufii ta d'iira lamaani woliini hafte. Worri lachu dubra gosa Moabu fuud'e; maqaani toko Orpa, taani maqaani Ruthi. Ganna kud'ani lafa suni keesa teennaani Malonifi Kilioniini lubbu d'abani, haati koba hafte, d'iirsafi ilmaani male. Ato lafa Moabu jirtu, Naomiini aka AABBO Waaqi worra isaa qaabate sagale kenneefi d'ageete jennaani, nad'eeni ilmaani isii taani woliini kurfefatte, aka lafa ufiti deebitu. Duuba isiini, dubra suni lamaani woliini, lafa Yudati galissa kaate. Ammo Naomiini waan dubra lamaani suniini jette, Beena, worra keesaa d'allattaniti dachaa. AABBO Waaqi isanii nahinna, aka isani naafi worra duele naatani. Isiini worra d'ungannaani, worri iti bohe dubbi isii dide waan jed'e, Nu suma woliini gosa teetiti galla. Ammo Naomiini waan jette, Dubra tiyya, na gula iyyaaiina, dachaa; d'iirti d'ibiini garaati na inhamne ta isani fuutu. Dachaa, dubra tiyya, anini amma ya jaare hobae, nami na fuud'uleeni injiru. Yo sila dubbi jenne, herega d'iirsa argad'uuni qabaad'e halkanuma kana na fuud'ani ilmaani d'iira d'alelle, haga isiini gugurdattuuti eegu indandeetani? Tanaa jettani fuud'a diddani? Akasiniti, dubra tiyya, anini maro teesani guddo laalefad'a ka AABBO Waaqi naasu naa d'abe. Ammalle guddo wolti bohani jennaani Orpaani haad'a isii d'ungatte nagayaati jetteeni, ammo Ruthiini iti mamaratte. Duuba Naomiini waan jetteeni, Intala, aaddaani tante ya worra ufitifi aada iti d'aletteti galte, aadda tante gula deebii. Ammo Ruthiini waan jette, Ufi gula deemu na ind'owiini, nu wolumaani Yaana; gara ati deemtu ch'ufa anini indeema, fulla ati teetu anileeni taa; gochi tante gosa naa taati; Waaqi kanke Waaqa naa taha; fulla ati dootuti anileeni indua; artumati na awaalani. Waaqi na ijeesinna, yo dua male wonti d'ibiini gargari nu baafte! Naomiini aka isiini guddo isi gula deemu feetu agarte jennaani woma tokole gula indeebimne ch'alifte. Jennaani worri lachu yae dira Bethlehemu d'umnaani, worri dira sunii dibbise iti baafate; nad'eeni waan jette, Tunini d'uguma Naomi? Isiini waan jetteeni, Naomi naani injed'ina, Mara jed'a na yaama. Woni akanatiifi Waaqi guddaani ya jireenna nati had'eese. Gaafa duri armaa deeme waan ch'ufa qaba, ammo AABBO Waaqi ya duwa na galche. Maafi Naomi naani jettani, eegi AABBO Waaqi guddaani lafa na buuse gaargala natiini d'ufe? Akasiini Naomifi Ruthiini, intalti ilma isii, ta gosa Moabu, lafa Moabu keesaa galani. Ka garbu haamu jirani dira Bethlehemutiini bahani. Duuba namicha gudda dureesa toko jira, ka Boazi jed'ani; inni fiit'a Elimeleki, d'iirsa Naomi. Jennaani intalti Moabu, ta Ruthi jed'ani, waan Naomiini jette, Eegi, oobru biyyaa kae deema, yo nami naa nahe isa gula deeme bua mid'aani guurad'a. Isiini waan jetteeni, Dansa, beeni deemi, intala tiyya. Jennaani isiini kaate worra mid'aani haamu gula deemte bua guuratte. Duuba ato imbeekhini oobra Boazi, ka fiit'a Elimelekitiini baate. Eegi sunii Boaziini Bethlehemu gad'ufe, worra mid'aani haamu nagaya fuud'e, AABBO Waaqi isani woliini jiraatinna jed'e, worrileeni, AABBO Waaqi ha si eebisu jed'eeni. Jennaani Boaziini namicha worra hujiti mataa gaafate waan jed'e, Intalti tunini ta eenu? Namichi waan jed'e, Isiini intala Naomi woliini lafa Moabuti d'ufte taani. Isiini haguma diirama hojachumaa jirti, ammatana diqo hafuura baafatte male. Jennaani Boaziini waan Ruthiini jed'e, Intala, waan taatu, oobra d'ibi keesaa bua inguuratini, dubruma tiyya tana woliini hojad'a; aka worri hojatu ilaali, biraa indeemini, woliini hojad'a. Anini worra kiyya ka hujitiini, intala tana ingaargalchina ya jed'e. Yo d'eebotele, butte worraa keesa bisaani d'ugi. Isiini isaa saalfatte guddo gajette, Atini keessuma aka tiyya tana maafi naataafi? jette. Jennaani Boaziini waan jed'eeni, Haguma d'iirsi kanke due, waan atini jaarti haad'a d'iirsa keetiti tolchite ch'ufa la nati himani. Ammalle la d'agaye aka atini abbaafi haad'a tanteetiifi lafa iti d'alatte lakifte gosa qara imbeenneti galte. Waan atini waan kana taateefi AABBO Waaqi si eebisinna. AABBOONI, Waaqi Israeli, ka atini moona isaa d'eete, waan ch'ufa sii kenninna. Duuba isiini waan jette, Abeera, atini guddo naa naate, afaani dansa nati dubbatte garaa na jabeesite, ato anini haga hojattu tanteeti gahu d'ibaad'ele. Fulla gololati Boaziini waan isiini jed'e, Kooti, qit'a nyaad'u, daad'iini tuqad'i. Isiini worra huji bira teennaani, inni garbu akhaani kenneefi. Isiini nyaatte quufte hambifte. Eegi isiini kaate bua guurachu d'at'e, Boaziini worra hujitiini waan jed'e, Garbu haamani lafa ch'iiftule ha iraa guurattuuti, ind'owiina. Tuulale keesa luqisaafi, ha guurattuuti. Tana gula haga d'ia aduti asi oobru keesa mid'aani guuratte d'aante jennaani garbu haga subba tokofa argatte. Duuba fud'ate baate, gara dirati deebite, waan argatte haad'a garsiifte, hamba sagalele kenniteefi. Naomiini waan jetteeni, Eesaa waan kana ch'ufa guuratte? Atini fulla tami hojatte? Waaqi nama sii nahe sunii eebisinna! Jennaani Ruthiini waan had'aani jette, Anini arra oobru namicha toko, ka Boazi jed'ani, keesa hojad'e. Naomiini waan Ruthiini jette, AABBO Waaqi naasu isaatini nama nama ka jirufi ka due qaabate sunii eebisinna. Ammalle Naomiini waan jette, Namichi sunii fiit'a teenna, inni nuu miilo aanti, nama sila nu d'aalu. Jennaani Ruthiini, Ta gosa Moabu, waan jette, Suni male inni waan naani jed'e, Hojattu tiyya biraa imfagaatiini, haga mid'aani ch'ufa galaniti. Duuba Naomiini waan Ruthiini jette, Ee, intala tiyya, aki hojattu isaa ta uwa woliini hojattani sii fulla, aka oobru d'ibi keesati nami si ingaargalchine. Tanaafi isiini ato haad'a d'iirsa isii woliini teetu, d'aatu hojattu Boazi hojatte, garbufi dargaye filatte guurte, haga mid'aani ch'ufa galchaniti. Eegi sunii Naomiini, haati d'iirsa isii, waan Ruthiini jette, Intala tiyya, halkuma sii barbaada, aka atini nagayaani teetu. Boaziini, ka atini hojattu isaa ta uwa woliini hojatte, fiit'a teennaniti? Ilaali, inni galgala kana garbu d'aane hafarfata. Kai, nafa d'iqad'u, d'ad'a ifsad'u, woya tante ta ch'ufa ira dansa hid'ad'i, gara oobdi d'aqi, ammo namicha ufi imbeesisiini, haga inni golola iraa deebiuti. Ammo yo inni hiribaa deebie, fulla inni rafu mid'aafad'u, woya iraa fuud'i, fulla miila isaa ch'iisi; inni waan atini taatu siti hima. Isiini waan jetteeni, Waan atini jettu ch'ufa anini intolcha. Tanaafi isiini gara oobdi d'at'e, waan haati d'iirsa isii jetteeni tolchite. Boaziini golola iraa deebinaani, ka gammachu qabu, d'aqe fulla mid'aani iti guurani hiribaa gach'iise. Isiini laanuma d'ufte woya miila iraa fuute ch'iifte. Halkani guddo namichi rifate garagale, nama uwa ka fulla miila isaa ch'iisu arge, mame waan jed'eeni, Atini eenu? Isiini waan jette, Anini Ruthi, hojattu tante; nu qara miilo aanti, na d'aalu malte. Inni waan jed'eeni, AABBO Waaqi si eebisinna, intala tiyya; jaalalti tunini ta qarale ira guddo, waan atini kaima, dureesafi hiyyeesale, gula indeeminiifi. Amma intala tiyya, insodaatini. Anini waan atini feetu ch'ufa sii tolcha; nami dira kana ch'ufti aka atini niiti dansa, ta adaba qabdu, imbeekha. D'uguma anini miilo te aanti, ammo ka nara siti aanuti jira. Halkani kana buli, bori diirama, yo inni si d'aalu fed'e, ha si d'aalu; ammo yo inni dide, anini maqa AABBO Waaqatini kakhad'a, nati si d'aala. Amma haga lafti bariituti rafi. Duuba fulla miila isaa bulte, ammo diirama, ato lafti bolgoddu, hiribaa kaate; wonti akanatiifi Boaziini aka nami tokoleeni isi oobdi d'ufte bulte beekhu imfed'u. Inni waan jed'eeni, Woya uyifattu suni kootiini, asi ballisi. Isiini ballimnaani mid'aani t'aasa diddama iti naqeefi, isi ira kaye, isiini kaate dirati galte. Gara haad'a d'iirsa isii deebinaani, jaartiini, Intala, dubbini akami taate? jette gaafatte. Isiini waan namichi tolcheefi ch'ufa iti odeesite waan jetteeni, inni garbu tana t'aasa diddama naa kenne, hood'i, harka duwa haad'a d'iirsa keetiti ingaliini naani jed'e. Naomiini waan jetteeni, Eegi, intala tiyya, haga waan dubbini tuni taatu arginuuti; hegeri namichi intau, haga dubbi tana hobaasuuti. Boaziini gara fullo dira suni d'aqe achi tae. Duuba namichi miilo aanti, ka Boaziini waan isaa dubbate kaani, gad'ufe. Jennaani Boaziini isa yaame waan jed'eeni, Jaali, kooti me, arma tai; inni gore tae. Ammalle Boaziini jaarole kud'ani ta dira suni yaame waan jed'eeni, Koota me, arma tataa. Tatani jennaani namicha isaa miilo aanti kaaniini waan jed'e, Naomiini, ta lafa Moabuti galte, oobru namicha gosa teenna, ka Elimeleki jed'ani, gurguru feeti. Tanaafi anini si beesisu fed'e, aka fuula jaarole teteetu tana durati, ati yo feete bitattu; yo bitu feete, biti, ammo yo imfeene, nati himi. Wonti akanatiifi nami d'ibiini, ka dandae bitu, injiru, si male, anati siti aana. Namichi waan jed'eeni, Anini imbitad'a. Jennaani Boaziini waan jed'e, Ha taatu, ammo guyya atini oobru suni Naomi iraa bittu, atini Ruthile, ta gosa Moabu, ta d'iirsa inqamne, imbitatta, beekhi, aka maqa isaa badi d'owartu. Namichi miilo isaa kaani waan jed'e, Anini dandae imbitu, yo isiini akana taate, ta ilmaani tiyya hegeri ind'aalle. Fulla tiyya atumaani bitad'u, ya sii eebise. Aadaani gosa Israeli ta duri, hojja wa gurguratani yokhaani wa jijiratani tana — aka nami gurguru kobe ufiraa baase, ka bitatuu kennu. Akanaani dubbi buufatani. Tanaafi namichi miilo kaani Boaziini, Atumaani bitad'u jed'e, kobe baafate Boaziti kenne. Jennaani Boaziini waan jaaroleefi nama ch'ufa ka arti jiruuni jed'e, Isani arra d'uga tiyya, aka anini Naomi iraa waan Elimelekitiifi ammalle waan Kilionitiifi ka Maloni, ka harka Naomi jiru, ch'ufa bitad'e. Suni male, Ruthi ta gosa Moabu, ta Maloniini iraa due, anini ya bitad'e, aka niiti naa taatu. Akanaani worri isaa hori argate, ammalle maqaani isaa dira kankankanafi worra inni keesati d'alate keesaa imbadu. Isani arra d'uga tiyya. Nama ch'ufafi jaaroleeni fullo dura teteetu waan jette, Nuuni ch'ufti d'uga teeti. AABBO Waaqi niiti ati fuutu tana aka Rahelitiifi Lea, ta ijoolle heddu Yakoboo d'alte, sii tolche sii daraarsinna. Balbala Efrati keesati hori buli, Bethlehemu keesaleti ha si beekhaniti. Ilmaani tante, ta AABBO Waaqi intala tanaa kenne, isiini si d'altu, worra kanke aka worra Perezi, ilma Yudafi Tamari, ha tolchitu. Duuba Boaziini Ruthi fuud'e worra ufitiini galate. AABBO Waaqi isi eebise, isiini garachoofte ilma deette. Nad'eeni waan Naomiini jette, Maqaani AABBO Waaqa ha guddatu, ka inni si qaabate akko sii kenne. Inni Israeli keesa jabaate ha gurra baafatu. Intalti ilma keeti, ta si jaalatte ilmaani tante ta d'iira torbaani ira wa si baate, ya akko si d'alte, ka jireenna sii deebise lubbu si d'eeresu. Jennaani Naomiini daima fuute qomati qabatte qabdu isaa taate. Nad'eeni reera suni, Ilmi ya Naomi d'alate jette, maqa isaa Obedi baafteefi. Inni Yese d'ale, Yeseni Daudi d'ale. Duri Nama tokoti jira, ka Elkana jed'ani ka gosa Efraimu, ka dira Rama lafa gareeni Efraimu keesa tau. Inni ilma Yerohamu ammalle akhaakhu Elihu; worri isaleeni worra Tohu, ka balbala Sufu. Elkanani nad'eeni lama qaba, Hanafi Penina. Peninani ilmaani qabdi, ammo Hanani inqabdu. Ganna ch'ufa Elkanani Ramaa bahe aka AABBO Waaqa gudda kad'ate Shiloti sorio baasufi; qaaloleeni AABBO Waaqa ta achi hojattu, Hofnifi Finehasi ilmaani Eli. Hojja Elkanani sorio qalu ch'ufa inni fooni suni garagari qoode haga toko Penina kenne kaani d'ibilee ilmaani isiiti garagari qooda. Ato Hana guddo jaalatele qooduma toko ch'alla kennaafi, maro AABBO Waaqi garaa isii hid'e ilmaani argachu isi d'owefi. Peninani Masanuni isii isiiti gamte qot'ifti, waan AABBO Waaqi ilme isii d'owefi. Wonti kunini ganna heddu ch'ufa akasuma tate; hojja Mana AABBO Waaqa d'aqani ch'ufa Peninani Hanati gamte, gaargalchite boochite, woma nyaachu d'owarte. D'iirsi isii Elkanani, Hana, maanifi teete boota? Maanifi sagale nyaachu dida? Garaani kanke maanifi hojja ch'ufa akana hama? Anini ilma kud'ani ira sii injiru? jed'eeni. Jennaani Hanani kakhate waan Waaqaani jette, AABBO Waaqa gudda, anini Hana hojattu teeti! Na ilaali, gaargala kiyya argi, na inded'ini, na qaabad'i! Hojja atini ilma naa kennite haga inni jiru ch'ufa anini isa sii keenna; rifeensa isaale haadu itiind'aabani. Haga Hanani guddifte AABBO Waaqa kad'atu kana ch'ufa Elini afaanuma isi keesa laala. Isiini laanuma garaa isi keesati Waaqa kad'achu jirti; hid'i isi ta chochootu male waan isiini jettu woma ind'agaani. Tanaafi Elini waan isiini farso d'udde machofte sehe. Waan jed'eeni, Atini haguma jirtu machini farso tunini siraa ingaltu? Waan d'uddu kana lakifte aka dansaa teete ho! Isiini waan jetteeni, Aabbo akasiniti, anini machi inqabu, womale ind'unne, anini niiti guddo gaargala qabdu, tanaafi anini AABBO Waaqa kad'ad'e gaargala kiyya ch'ufa iti himad'e. Niiti seseega woma keesa injirre na insehini wonti anini haga kana ch'ufa Waaqa akasi kad'ad'eefi maro gaargala gudda qabuufi. Jennaani Elini waan jed'eeni, Beni nagayaani gali Waaqi Israeli waan atini kad'atu kana sii kennina. Isiini waan jetteeni, Hojja ch'ufa akanuma na eebisi. Akasi jette jennaani kaate biraa deemte, sagale nyaate, laalalti taani ch'ufti iraa galte. Boriyyaate Elkanafi worri isaa ganama lafaa kae duuba, Eegi Aabbo Waaqa kad'atani worra isani ka Ramati dachaani. Elkanani, niiti isatini woliini bulani, AABBO Waaqi kad'a isi d'agayeefi. Akanaani isiini garaachoofte ilma d'alte maqa isaa Samueli baafteefi waan jette, Anini isaa jed'e AABBO Waaqa kad'ad'e. Hojani Elkanafi worri isaa Shilo d'aqe sorio ganna ch'ufa AABBO Waaqa baasanifi sorio d'ibi kakhu isaatini guutani geete. Ammo maro tana Hanani worra gula indeemne. Isiini waan d'iirsa isiitiini jette, Hojja hegeri anini daima kana harma iraa kute, anini isa Mana AABBO Waaqati geesa, aka inni haguma jiru ch'ufa achi tau. Elkanani waan jed'eeni, Hayye hataatuti, waan atini dansa seetu tolchi; haga atini harma iraa kututi worrumati hafi. AABBO Waaqi waan sii kakhate guutinna! Tanaafi Hanani worrati hafte daima isii hosifate. Eegi harma iraa kutte isiini isa Shiloti geesite, ammalle isa woliini jibicha korma ka ganna saditifi kilo kud'ani ta dargaye daakhanitifi gorjo daad'i miju geesite. Gaafa suni ka isiini Samueli Mana AABBO Waaqatini d'ufte inni waan diqa. Eegi jibicha suni qalani worri daima suni Eliti geese. Jennaani Hanani waan jetteeni, Aabbo kiyya atini na qaabata? Anini niiti baranna atini agarte ta arma ejite AABBO Waaqa kad'ate taani. Anini aka ilma argad'u AABBO Waaqa kad'ad'e jennaani inni gurba kana naa kenne. Tanaafi anini isa amma tana AABBO Waaqaa keenna. Inni haga jiru ch'ufa ka AABBO Waaqati. Jennaani worri achiti AABBO Waaqa kad'ate. Jennaani Hanani Waaqa kad'ate waan jette: AABBO Waaqi yayu gammachuuni garaa kiyya guute; maro inni waan kana naa tolchefi amma garaani yayu na jabaate! Anini amma nyaapa kiyya kobla; anini akami gammachu qaba maro Waaqi na qarqaarefi! Nami tokoleeni ka aka AABBO Waaqa qulqullo injiru; isa male tokoleeni ka nama jabeese qorqoratu injiru. Kiyyiba ufi tolchitani lalaba yaatani kana lakisa, dubbi ufi saadu yalabaha. Wonti akanatiifi AABBOONI Waaqa inni wo beekha, waan nami tolchu ch'ufa inqora. Guube worra duula jajanna ch'ach'absani, worri lalaafani jajabaata, nami duri sagale ufi quufu amma tana beelaa jed'e huji barbaada, ammo ka qara beela qabu deebie imbeelau. Niitiini qara maseente amma ya ilmaani torba d'alte, ammo haati qara ilmaani heddu qabdu amma tokole inqabdu. AABBO Waaqi ijeese jireesa; inni nama fulla ekhera geese ammalle gadeebisa. Inni nama gari hiyyoomse ka gari duroomsa; ka gari diqeese ammo ka gari guddisa. Inni hiyyeeyi awara keesaa fuud'e, nama laafa woma inqamne fulla daara iti harani keesaa baasa. Inni worra suni worra gugurda woliini teesise barch'uma guddinna kennaafi, yayabi lafaa ka AABBO Waaqati, inni isii irati waan ch'ufa jaare. Inni nama isaa qulqullo qorqorate ammo nama ch'ubbu qabu dukana keesa balleesa; nami irre ufitini woma indabsatu. Nyaapa AABBO Waaqa imballeesani; inni gubba iti mandia, AABBO Waaqi lafa ch'ufa qore hayyu ufi jabeese hayyu inni fohate dabsachiisa. Jennaani Elkanani kae Ramati gale, ammo gurbaani Samueli jed'ani, Shiloti hafe qaallu Eli jaala AABBO Waaqaa hojate. Ilmaani Eli nama hamama woma keesa injirre. Worri AABBO Waaqa insodaanne yokhaani waan seera ka qaaloleeni nama iraa feetu inguunne. Ammo fulla sila waan suni guutani hojja nami toko sorio Waaqaa baasu, hojattuuni qaallu suni ule hohookiti mata sadi fuute d'ufteeni. Ato fooni suni d'aabanuu, inni ule suni okote keesa kaye waan uleeni suni woraanteefu fud'ate qaallichati keenna. Naama Israeli ka Shilo d'ufe sorio baasu ch'ufa akasuma tolchani. Tana male, ato gabbinna iraa kutani ingubinu hojattuuni qaallicha nama sorio baasu suniti d'ufte waan jettuuni, fooni qaallichi wodu nati kenni; inni fooni d'aabani sira imfud'atu, d'eed'i male. Yo namichi sunini, Hiyo! Laki aada gula deemne gabbinna qara gubna, eegi suni waan feetu fud'ata jed'e, hojattuuni qaallu waan jettuuni, Hiyo! Ammuma tana naa kenni, yokhaani anini irreeni fud'ad'a! Dabi ilmaani Eli tolchite suni AABBO Waaqa durati daba taka inargini; wonti akanatiifi worri sorio AABBO Waaqaa baasani suni womatu indarre; guddo tufate. Bara suni ch'ufa gurbaani Samueli jed'ani woya qomati keeyate AABBO Waaqa hojate. Ganna ch'ufa haati isaa ubaara diqa toko hod'itee hojja d'iirsa woliini sorio ganna baasu d'at'u geesitifi. Duuba Elini Elkanafi niiti isaa eebisefi waan Elkanani jed'u, AABBO Waaqi ijoolle d'ibi niiti tana ira sii kennina fulla gurba atini isaa kennite kana. Eegi suni kaani galani. AABBO Waaqi akasuma Hana eebise, eegi suni isiini ilmaani d'iira sadiifi dubra lama d'alte. Gurbaani Samueli jed'ani huji AABBO Waaqa suni keesati guddate. Duuba Elini, ka jaare hobae, waan heddu ilmaani isaa worra Israeli tolchitefi ammalle aka isiini nad'eeni balbala Waaro Woyyuma hojatu woliini raftele d'agaye. Duuba inni waan jed'eeni, Isani maanifi waan akana kana tolchitani? Nami ch'ufti hameenna isani tolchitani kana nati hima. Ilmaani tiyya, waan hamtu akana kana lakisa? Wonti akana kunini waan ch'eerati, ka nami AABBO Waaqa waan keesani dubbatu! Yo nami toko nama d'ibiti ch'ubbame Waaqati kalchafi; ammo eenuti nama AABBO Waaqati ch'ubbame kalcha. Ammo worri abba ufi ch'aqasu dide; wonti akanatiifi AABBO Waaqi aka ilmaani suni fit'u ya kutate. Much'aani Samueli jed'ani kaani guddachuma guddate eeba namafi AABBO Waaqale iraa kutate. Raagi toko Eliti d'ufe waan jed'eeni, AABBO Waaqi waan siini jed'u: Gaafa ababooni kanke Harunifi worri isaa lafa Misiri keesati tisse Farao tahani anini worrati imulane? Anini gosa Israeli ch'ufa keesa worra isaa fohad'e, aka fulla sorio iti naa qalani keesa worri hojate, hit'aana aarse na durati woya qaallu qomati keeyate qaalole naa tahe naa hojatu. Ammalle anini sorio gubani naa baasani keesa jifu worraa kenne. Atini maanifi soriofi waan na baasani ch'ufa ka anini worra kiyya iraa fed'u, d'araatafi? Ammalle atini maanifi ilmaani tante nara ulfeesite fooni dandansa sorio ka gochiti tiyya ta Israeli na baaftu iti lakifte, akanaani ilmaani tante ufi gagabbifte? Tanaafi anini, AABBO Waaqi Israeli, waan jed'u: Anini duri aka worraafi gochiti tante haga jiru jireenna qaallu naa tatu kakhad'e. Ammo anini amma aka suni ya dide! Anini amma nama na guddisu guddise ammo nama ch'eera naa d'abu tufad'a. Duuba guyyaani ind'ufa, ka anini kaima worra keesanitifi gosa teesani fit'u, aka nami worra keesani tokoleeni guddate injaare. Atini gaargalte eeba anini worra Israeli kaanii kennu d'araatafi; ammo worra kanke keesa nami tokoleeni deebie guddate injaaru. Yo akasile taate, anini isani keesa nama toko hambisa, ka qaallu naa tahu. Ammo inni ilad'abe ufi jibbaata, ammalle d'alooti keesani ch'ufti woraanani hobaa. Gaafa ilmaani tante Hofnifi Finehasini lachu guyya taka hobaatu, guyyaani sunini akheekha isanii taha, aka wonti anini jed'u ch'ufti d'ugaa tatu. Anini nama d'uga ka waan anini jed'u ch'ufa guutu qaallu fohad'e, ilmaanile ta hojja ch'ufa hayyu anini fohad'e durati na hojatu kennaafi. Nami worra keesani ka hafu qaallu suni d'aqe beesefi sagale kad'ate waan jed'uuni, Huji qaallu ta tateefu naa kenni, aka anini waan nyaad'e d'uga argad'e garaachaa bulu. Bara suni gaafa gurbaani Samueli jed'ani Eli jala AABBO Waaqaa hojatu, dubbifi daayyani ta gara Waaqati d'uftu take. Jennaani halkani toko Elini ka jaare ilti waaroofte mana ufi keesa rafu jira; ammalle Samuelileni Waaro Woyyuma fulla Sanduqa Wold'aqisa AABBO Waaqa, rafu jira. Ganama, ato lafti bolgodu, ka ifseeni bobau jirtu, AABBO Waaqi Samueli yaame. Inni owaate, anini kuno jed'e, Gara Eli utaale waan jed'eeni, Aabbo, anini kunooti, siti na yaame? Ammo Elini waan jed'eeni, Anini si iyyaamne, beeni, deebii rafi. Jennaani Samuelini sireti deebie gach'iise. Jennaani ammalle maro sadeeso AABBO Waaqi Samueli yaame; inni kae gara Eli d'aqe waan jed'eeni, Anini kunooti, siti na yaame? Jennaani Elini aka AABBO Waaqi gurba yaamu jiru hubate. Waan jed'eeni, Beeni, sireti deebii, gach'iisi, yo inni deebie si yaame waan jettuuni, AABBO dubbad'i, anini hojattuuni tante si d'agayuu jira. Jennaani gurbaani deebie ufiraa ch'iise. Duuba AABBO Waaqi d'ufe arti eje, Samueli, Samueli jed'e akuma qara kaani yaame Samuelini waan jed'eeni, Dubbad'i, anini hojattuuni tante si ch'aqasu jira. AABBO Waaqi waan jed'eeni, Guyya toko anini worra Israeli kana waan guddo hamtu tolcha, aka nami d'agayu ch'ufti rifate gurra qaabatu. Guyya suni anini waan worra Eli intolcha jed'e kaani ch'ufa intolcha, haga qara iti keeyad'e haga muumme isi gahuti. Anini qara iti hime, aka anini worra isaa haga jiru jireenna gaargalchu, maro ilmaani isaa waan hamtu taate na ch'eersiteefi, Elini waan worri tau jiru ch'ufa imbeekha, ammo ind'owarre. Tanaafi anini inkakhad'a, aka worri Eli ato sorio yokhaani waan d'ibi na baasele wonti sunini tokoleeni gati ch'ubbu worraa imbaafne. Samuelini haga lafti bariituti rafe, lafti bariinaani kae balbala Mana AABBO Waaqaa bane. Inni waan daayya keesa arge suni Eliti himu sodaate. Ammo Elini isa yaame waan jed'eeni, Samueli gurba kiyya, jennaani Samuelini owaate. Elini waan jed'eeni, AABBO Waaqi maani sini jed'e? Woma tokole na ind'ossini. Yo atini d'ossite nati himu dide, Waaqi aka taka inargini si gaargalcha. Jennaani Samuelini waan ch'ufa tokole inhambimne iti hime. Elini waan jed'e, Inni AABBO Waaqa, waan fed'u ch'ufa ha tolchu. Akuma Samuelini guddatuni, AABBO Waaqi isa woliini jiraate, dubbi isa ch'ufa lafa buu d'owe guutefi. Duuba worri Israeli ch'ufti, ka haga Dani eje Beershebati eju ch'ufti, aka AABBO Waaqi Samueli raaga d'uga tolche, beekhe. AABBO Waaqi fulla Shilo jed'ani, ta qara Samueliti mullate dubbateeni, bara ch'ufa namati mullate. Duuba hojja Samuelini dubbate ch'ufa gochiti Israeli ch'ufti inch'aqafte. Bara suni worri Filisti wolti bahe worra Israeli had'e jennaani worri Israelileeni duulaa kae fulla Eben-Zeriti qubate, worri Filistileeni Afekiti qubate. Worri Filisti worra had'e, eegi guddo wolhad'ani worra dabsate nama kunki afuri artiti keesaa ijeese. Worri duula ka fiige gale jennaani, jaaroleeni Israeli waan woliini jette, AABBO Waaqi maanifi aka worri Filisti nu dabsatu nuti lakisa? Nu yaasa, Sanduqa Wold'aqisa AABBO Waaqa Shilo fuuna, aka isa achi geesine, duuba AABBO Waaqi harka nyaapa keenna keesaa nu baasu. Jennaani nama Shiloti ergani Sanduqa Wold'aqisa AABBO Waaqaa, ka akheekha fulla guddinna AABBO Waaqi tau garsiisu, fuud'ani. Duuba ilmaani Eli lamaani ta Hofnifi Finehasi jed'ani Sanduqa suni gula d'ufte. Sanduqi Wold'aqisa AABBO Waaqa suni artini bahe jennaani worri Israeli gammade lalabe lafa chochoose. Worri Filisti iyyani suni d'agaye jennaani waan jed'e, Iyyanti gara olla Ebraniati d'uftu tunini maani? Worri aka Sanduqi AABBO Waaqaa olla Israelitini bahe d'agaye jennaani, sodaatani waan jed'ani, Amma ya banne, wonti akana kunini taka nuti ind'umne, arra male. Eentu dandae harka Waaqa jaba ka irre qabu jalaa nu baasa? Waaqi kunini Waaqa worra Misiri lafa alooti hobaase! Garaa jabaad'a, aka d'iira had'a, worra Filisti! Yo akasi intahini, nu tisse worra Ebrania kana taana, aka duri worri tisse nuu tahe. Tanaafi aka d'iira had'a! Worri Filisti haga dandau ch'ufa had'e worra Israeli dabsate worrati baqachise. Nami guddo hobae nama Israelile ka kuma sodoma achiti hobaasani. Sanduqa Waaqale boojiani, ilmaani Eli Hofnifi Finehasile lachu fit'ani. Nami toko, ka gosa Benjamini, fulla woli had'eni taani baqate guyyuma suni Shiloni bahe. Inni aka laalala garsiisu woya ufi tatarsaase biyye matati ufi naqe. Elini ka waan Sanduqa Wold'aqisa guddo garaani isaa ira sodaachu jiru d'aatu kara barch'uma ufi ira tae laala. Namichi kaani diraani bahe, oduuni dira ch'ufa qabate jennaani, nami ch'ufti nahe, iyye lalabe bohe. Elini iyyaana d'agaye waan jed'e, Iyyanti tunini ch'ufti mani? Namichi kaani gara Eli utaale odu iti himu d'aqe. (Gaafasi ganni Eli 98, ilale diquma ind'abini.) Namichi waan jed'eeni, Anini arra fulla iti woli had'ani suni fiige armaani bahe. Elini waan jed'e, Eehayi odu qabda, odeesi, gurba kiyya. Namichi oduuni d'ufe kaani waan jed'eeni, Worri Israeli ya Filisti baqate, aka hama nu balleesani nu dabsatani. Suni malele ilmaani tante lamaani, Hofnifi Finehasile, yayu fit'ani ammalle Sanduqa Wold'aqisa Waaqale yayu boojiani. Inni maqa Sanduqa Wold'aqisa Waaqa d'ae jennaani Elini dudda duubati barch'uma isaa, ka d'aatu fulloo eju, iraa d'aqate. Inni guddo jaarsa, ammalle gabba, tanaafi qaarinaani lumeeni ch'abt'e achumati due. Inni ganna afurtama jaallaba Israeli tahe. Niitiini Finehasi, ka ilma Eli, garaacha qabdi, waan halkani d'ala seente. Isiini aka Sanduqa Wold'aqisa Waaqa boojianifi ammalle aka d'iirsafi abbaani duani d'ageennaani hojuma suni ilmeeni iti ejate d'alte. Ato isiini duu jirtu nad'eeni isi deesiftu waan jetteeni, Obsi yayu ilma d'alte. Ammo isiini waan jed'aniini sunini odule kaafte womale gula injenne. Jennaani isiini much'a maqa Ikabodi baafteefi waan jette, Guddinni Waaqa yayu Israeli keesaa kae — wonti isiini akasi jetteefi, maro Sanduqa Wold'aqisa Waaqa boojiani ammalle Abbaani d'iirsa isiitiifi d'iirsi isiileeni duanifi. Isiini waan jette, Guddinni Waaqa yayu Israeli keesaa kae, maro Sanduqa Wold'aqisa Waaqa qabani boojianifi. Eegi worri Filisti Sanduqa Wold'aqisa qabe, worri sanduqa suni Eben-Zeri fuud'e dira isaani ka Ashdodi jed'aniini d'ufe, Mana Waaqa isaani ka Dagoni jed'aniti geese d'aatu akheekha waaqa suni d'aabani. Boriyyaate worri Ashdodi lafaa kae jennaani akheekha Dagoni ka qaarie fuula lafati deefate Sanduqa Wold'aqisa dura ch'iisu argani; duuba olfuud'ani aka isa ka qara kaaniti deebisani. Boriyyaatele Dagoni ka akuma kaani Sanduqa Wold'aqisa durati qaarie argani, maro tana matafi harki isaa lamaani ira ch'ach'abeti balbala keesa ch'iisa; nafa ch'allati hafe. (Wonti qaaloleeni Dagonitifi nami Ashdodi keesati isa kad'atu ch'ufti fulla suni ira ejachu dide takarfatufi suni.) AABBO Waaqi worra Ashdodi guddo gaargalche sodaachise worraafi nama d'aatu lafa worra jirule ch'ufa d'ulla iti buuse gaargalche. Worri waan tahe suni arge jennaani waan jed'ani, Waaqi Israeli nufi waaqa keenna Dagoni gaargalchu jira, tanaafi deebine ee injennu aka Sanduqi Wold'aqisa kunini arma tau. Jennaani nama ergani hayyoota shanani ta worra Filisti wolti gadi yaamani, Sanduqa Wold'aqisa ka Waaqa Israeli maani tolchina? jed'ani gaafatani. Worri waan jed'eeni Gathiti geesa. Jennaani worri Gathiti geesa. Ammo eegi isa achini d'ufani AABBO Waaqi dira suni gaargalche biyya guddo mudamsiisee d'ulla hama kaani nama dira suni diqafi guddaleti buuse. Jennaani worri Sanduqa Wold'aqisa ufira dira Filisti d'ibi, ka Ekroni jed'aniti geese, ammo inni achini bahe jennaani biyyiti boote iyyite waan jette, Worri kunini ya Sanduqa Wold'aqisa Waaqa Israeli armaani d'ufe, aka nuufi nama keennale ch'ufa hobaasu. Duuba ammalle hayyoota worra lafa Filisti ch'ufa wolti yaamani waan jed'ani, Sanduqa Wold'aqisa ka Israeli kana fulla isati nuraa deebisa, aka nufi worri keenna inhobaane. Dira suni keesa biyyiti guddo mudamte maro Waaqi aka hama nama gaargalchuti jirufi. Nami ch'ufti d'ulla guure bohe Waaqa qarqaarsa kad'ate. Eegi Sanduqi Wold'aqisa ka Waaqa jia torba lafa Filisti keesa tae, biyyiti qaaloleefi worra wo himule yaamte waan jetteeni, Sanduqa Wold'aqisa AABBO Waaqa kana maani tolchina? Hojja nu fulla inni baheefiti galchine maanini woliini galchu malle? Worri waan jed'eeni, Hojja isani Sanduqa Wold'aqisa Waaqa Israeli galchitani duwa ingalchina, woini woliini galcha, aka akasiini gati daba keesani baaftani. Akanaani isani fayyitani, ammalle waan inni akana isani gaargalchefi barattani. Biyyiti waan jette, Nu maanini isa ergu malle? Worri waan jed'eeni, Hayyooti Filisti shani, tanaafi akheekha d'ulla ka worqi shanifi ammalle akheekha hantuta shani ka worqi erga. Wonti akanatiifi d'ukuba takati isanifi hayyoota teesani shanani qabate. Akheekha d'ullatifi ka hantuta, ka lafa teesani balleese, mid'aasa, ammalle Waaqa Israeli guddisa. Inni hegerii isanifi waaqa keesanifi lafa teesanile gaargalchu lakisa. Isani maanifi aka hayyu Misiritiifi worri isaa duri tahe mata jabaattani? Inded'ina, aka Waaqi duri worra haga worri worra Israelile guddisuti qach'o iti d'at'e. Tanaafi gaari hareesafi hawicha looni lama, ka taka qaampara ira inkayini kurfeesa; gaariti hid'a, yabbiye d'oqobati jalaa galcha. Sanduqa Wold'aqisa AABBO Waaqa fuud'a gaari suniti faha, ammalle Sanduqa toko d'ibi keesaa akheekha worqi ka isani maro gati daba keesaniti isaa baaftani keesa kaya. Duuba Sanduqa kana d'aatu Sanduqa Wold'aqisa kaya. Gaari suni karaati qajeelcha, galakisa, ha ufumaani deemu. Duuba akanumati ilaani tissaa; yo inni dira Beth-Shemeshiti qajeele, nami gaargala kana nutiini d'ufe Waaqa Israeli. Ammo yo inni iti inqajeelini, aka nami gaargalani nuti d'ufe isa intahini imbeenna. Sunini muduma. Worri waan jed'aniini ch'ufa tolche; hawicha lama fuud'ani gaariti hid'ani, yabbiye jalaa d'oqobati rarani. Duuba Sanduqa Wold'aqisatiifi sanduqa akheekha d'ullatifi ka hantuta ka worqiini mid'aasani qabu kaanile woliini gaari gubba kayani. Hawachi kaani kara Beth-Shemeshiti qajeele, ka ira ingore iti d'aabate. Mamaracha kara gula iti d'aabate duuba hayyooti Filisti shanani taani gula yaate, haga seera dira Beth-Shemeshitini baatuti. Worri Beth-Shemeshi ka dargaye bale keesa haamu jiru olmilate jennaani Sanduqa Wold'aqisa arge, aka male gammade. Gaarini sunini oobru namicha toko, ka Joshua jed'ani, ka dira Beth-Shemeshi, d'ufe d'akha gudda toko birati ejate. Jennaani biyyiti gaari suni fafalansite hawicha suni qaqalte, sorio gubde AABBO Waaqaa baafte. Worri Lawi Sanduqa Wold'aqisa ka AABBO Waaqatifi sanduqa akheekhi worqi kaani keesa jiru gaari iraa fuud'e d'akha gudda kaani gubba kaye, jennaani worri Beth-Shemeshi sorio gubanifi sorio d'ibi AABBO Waaqaa baase. Hayyooti shanani Filisti taani aka worri waan suni tolche ch'ufa laalte duuba Ekroniti guyyuma suni dachaate. Worri Filisti d'ulla worqi shanani kaani AABBO Waaqa erge, aka akasiini gati daba worraa baasani; d'ulla suni shanani dira kana shaniti erge — Ashdodi, Gaza, Ashkeloni, Gathi, Ekroni. Ammalle hantuta worqi shananile dira hayyoota shanani Filisti ka maneeni jajabdu qabuufi ka ollowaani isaani naabo inqamneti erge. D'akhaani guddaani oobru Yoshua, ka worra Beth-Shemeshi, keesa jiru, ka worri Sanduqa Wold'aqisa ira kaye kaani arrale achuma jira aka waan gaafasi tahe kana d'ugeesu. Waan worri Beth-Shemeshi nami torbatama Sanduqa Wold'aqisa keesa laaleefi AABBO Waaqi worra suni fit'e. Duuba biyyiti guddo boote waan AABBO Waaqi nama hagana gahu hobaaseefi. Jennaani worri Beth-Shemeshi waan jed'e, Eenuti dandae AABBO Waaqa qulqullo akana dura eja? Nu esa isa ergina, aka inni nu biraa deemu? Duuba nama worra Kiriath-Yearimuti ergani waan jed'ani, Worri Filisti yayu Sanduqa Wold'aqisa AABBO deebise. Koota, fud'ad'a. Jennaani worri Kiriath-Yearimu Sanduqa Wold'aqisa AABBO Waaqa fuud'e mana namicha Abinadabu jed'ani, ka gaara gubati galu, geese ilma isaa Eleazari fohate, aka inni Sanduqa suni qorqoratu harka, isati kenne. Sanduqi Wold'aqisa AABBO Waaqa guddo lafa Kiriath-Yearimu suni keesa ture haga ganna diddama tae. Haga ganna kana ch'ufa worri Israeli guddo AABBO Waaqati bohe qarqaarsa kad'ate. Samueli waan worra Israelitini jed'e, Hojja isani AABBO Waaqati garaa keesani ch'ufaani ka deebitani tatani, isani waaqa worra gosa d'ibitifi akheekha waaqa Ashtorethi ufiraa balleesu maltani. AABBO Waaqati ufi kenna, isuma ch'alla kad'ad'a, duuba inni harka worra Filisti keesaa isani baasa. Jennaani worri Israeli akheekha Baalitifi ka Ashtorethi ka kad'atu ufira balleese AABBO Waaqa ch'alla kad'ate. Duuba Samuelini waan jed'e worra Israeli ch'ufa Mispati wolti naa yaama, Duuba anini achiti AABBO Waaqa isani kad'ad'a. Mispati wolwoldaani jennaani bisaani woraabani ammalle aka d'ibaayu AABBO Waaqa lafati naqani, guyya suni ch'ufa agabuuni oolaani waan jed'ani, Nu yayu AABBO Waaqati ch'ubbamne. (Fulla Mispa suniti Samuelini dubbi worra Israeli qore.) Worri Filisti aka worri Israeli Mispati wolwoldae d'agaye jennaani, hayyooti Filisti worra had'u d'ufte. Worri Israeli dubbi suni d'agaye sodaate, waan Samuelini jed'ani, AABBO Waaqa keenna nuu kad'ad'i, illakisini, aka inni harka worra Filisti duraa nu baasu. Samuelini elemo diqaaya toko fuud'e, gube, sorio AABBO Waaqa baase. Jennaani worra Israeliti jed'e, AABBO Waaqa kad'ate, AABBO Waaqi kad'acha isa suni d'agayeefi. Ato Samuelini sorio suni qalu jiru worri Filisti ka worra had'uu yau worrati d'iaate; ammo hojuma suni AABBO Waaqi gubbaa worrati mandie, worra mudamsiise baqachise. Worri Israeli dira Mispa keesaa bahe worra Filisti reebe, karaati hobase haga Beth-Karitini gahe. Jennaani Samuelini d'akha toko fuud'e, jiddu Mispatifi Sheni old'abe waan jed'e, Haga kana ch'ufa, AABBO Waaqi yayu nu qarqaare — duuba inni d'akha suni Eben-Zeri maqa baase, akasi jechaani d'akha qarqaarsa jecha. Duuba akanaani worra Filisti dabsatani haga Samuelini jiru ch'ufa. AABBO Waaqi worra lafa Israeli had'u d'owe. Dira worri Filisti qabate ka Ekronifi Gathi jiddu jiru ch'ufa gosa Israeliti deebisani, duuba akanaani worri Israeli lafa ufi ch'ufa argate. Ammalle jiddu worra Israelitiifi worra Kanaanile lafti nagaya taate. Samuelini haga lafa gubba jiru ch'ufa jaallaba Israeliti tahe, worra mohate. Ganna ch'ufa inni imaltu lafa mare, Betheli, Gilgali, Mispa d'aqe, lafa suni ch'ufa keesa dubbi qore, nama wolti nagaya tolche, duuba eege worra ufi ka Rama jiruti gale achileti dubbi qore, Rama keesati inni fulla sorio iti qalani AABBO Waaqaa jaare. Samuelini jaare jennaani ilmaani isaa jaallaboota Israeli tolche. Ilmi isaa ka angafa maqaani Yoeli, maand'icha maqaani Abiya; ilmaani tunini lamaani jaallaba Beersheba taate. Ammo ilmaani tunini kara abba isii gula iyyaane, guddo beese jaalate gula yaate, gumbo nama iraa fud'ate d'uga gula dubbi qoru didde. Jennaani jaaroleeni Israeli ch'ufti wolti baate gara Samueli ka Rama jiru d'at'e, waan jetteeni, Atini amma ya jaarte, ilmaani tante kara kanke gula yauti injirtu. Tanaafi hayyu nu dura deemu nu tolchi, aka nuleeni aka gosa d'ibi hayyu qabaanu. Qonqooni worri hayyu nuu kenni jed'e isa kad'ate sunini Samueli ingammachimne; tanaafi inni AABBO Waaqa kad'ate, AABBO Waaqi waan jed'eeni, Waan biyyiti siini jettu ch'ufa jalaa qabi, guuti worri si indinne ammo ana, ka hayyu worraa, dide. Haguma lafa Misiri keesaa bahe worri na lakise waaqa d'ibi kad'ate; worri amma woma qara na tolche si tolchu jira. Tanaafi duuba amma atini worra ch'aqasi, ammo worra gorsi, waan hayyooti sunini worra tolchitu hubachisi. Samuelini waan AABBO Waaqi jed'eeni ch'ufa biyya hayyu isa kad'ate suni ch'ufati hime, waan jed'eeni, Wonti hayyuuni keesani isani tolchu tana. Inni ilmaani teesani guure askarti tolcha; ta gari gaari fardi hirkisuni hojatti, ta gari yaabatu fardati, ta gari farda dura oriti. Inni ta gari fuud'e gudda nama kumtoko tolcha, ta gari gudda nama shantama tolcha. Ilmaani teesani oobru isaa qote fach'aafte haamti ammo ta gari miha lolaatifi ka gaari suni mid'aasiti. Dubriti teesani qayya isaa mid'aasite qit'afi sagalele d'aabdifi. Inni oobru teesani dadansa ta mid'aanitifi ta zabibutifi ta ejersa fuud'e hojatu ufiti qooda. Inni mid'aani keesanifi zabibu teesani qooda kud'ani keesa toko guure hojatu isaa gugurdofi didiqole qooda. Inni hojatu teesani ta d'iiratifi ta dubraatifi looni keesani dandansafi harreele teesanile fuud'e hojachifata. Ammalle ree teesani kurnya ch'ufa toko keesaa fud'ate isanile tisse tolfata. Hojja guyyaani suni gahe isani hayyu isani ufumaani fohatani guddo iraa bootani, ammo AABBO Waaqi boha teesani suni inch'aqasu. Biyyiti waan Samuelini iti hime suni ch'aqasu didde waan jetteeni, Dubbi suni lakisi, nu hayyu keenna ka nu fide, duula nu geese nyaapa keenna nura d'owu feena, aka akasiini gosa d'ibiini wolfakaanu. Samuelini waan worri jed'e ch'ufa ch'aqase, AABBO Waaqati hime. AABBO Waaqi waan jed'eeni, Dubbi worraa ch'aqasi, waan worri fed'u tolchifi, hayyu kennifi. Jennaani Samuelini worra Israeli ch'ufaani, beena worra keesaniti gala jed'e. Namicha dureesa tokoti jira, ka Kishi jed'ani, ka gosa Benjamini, ka guddo gurra qabu; inni ilma Abieli, ka ilma Zerori, ka ilma Bekorathi, ka ilma Afia. Inni ilma toko ka kaima, ka maqaani isaa Saulo, ka ammalle guddo mid'aaga qaba, Sauloni nama guddo d'eeratu nami Israeli keesa jiru ch'ufti ka gurmu isaa dabru injiru. Ammalle nama lafa suni keesa jiru ch'ufa inni ira mid'aaga. Duuba gaafa toko harreeleni toko ta Kishi badde jennaani inni waan Sauloni jed'e, Worra hojatu kana toko fud'ad'i, harreele tana barbaaduu d'aqi. Worri lafa gaareeni Efraimutifi ta d'aatu Shalisha ch'ufa barabaade woma d'abe; jennaani arda Shalimule d'aqe, ammo achile d'abe duuba lafa Benjaminile barbaada d'aqani achile d'abani. Arda Sufu geennaani Sauloni waan hojattu isaatini jed'e, Nu galchi, hegeri aabbooni harre ded'e yoona waan keenna yaadu jirafa. Namichi hojattu kaani waan jed'eeni, Eegi, dira kana keesa nama Waaqa tokoti, ka nami guddo d'ugeefatu ka dubbini isaa ch'ufti d'ugooftu jira gara isaa nu yaasi, hegeri inni dandae fulla harreeni tunini jirtu nuti hima. Sauloni waan jed'eeni, Yo gara isaa yaane maani dandeenne kenninafi? Sagaleeni tokoleeni subba keenna keesati inhamne waan isaa kenninu woqamna? Namichi hojatu kaani waan jed'eeni, Qarsi diqo toko qaba, sunuma namicha Waaqa suni kenna, duuba inni gara harreeni jirtu nuti hima. Duuba Saulofi namichi hojatu isaa kaani dirati iti d'aabatani; ato dira seenu jiranu Samueli ka fulla eebati deemu fuula keesa wold'ufani. Aka kaleeti qara AABBO Waaqi waan Samuelini jed'e, Bori hojja tana anini nama gosa Benjamini siti erga; Duuba atini isaa muudi, hayyu worra kiyya ka Israeli tolchi, isati worra kiyya harka worra Filisti keesaa baasa. Anini yayu gaargala worra kiyya arge boha worrale d'agaye. Samuelini Saulo arginaani AABBO Waaqi waan jed'eeni, Nami anini baanu kaani kuno kana, isati worra kiyya fida. Jennaani Sauloni gara Samueli ka fulla fullo eju, d'aqe waan jed'eeni, Jaarsi wo himu kaani eesati gala? Samuelini waan jed'eeni, Inninu anuma, beeni fulla eeba d'aqi anini faana si d'ufa. Isani lachu arra sagale na woliini nyaachu maltani. Bori diirama anini waan isani nagafatani ch'ufa isaniti hime gadi isani d'iisa. Waan harre haga bade sadi bulte iyyaadina, isiini yayu mullate. Ammo nami worri Israeli guddo barbaadu eenu? Siiniti? Siifi worra abba keeti. Sauloni waan jed'eeni, Anini gosa Benjaminiti, gosa Israeli ch'ufa ira diqo; ammalle gosa teenna suni keesale balbalti teenna balbala ch'ufa ira diqo. Atini maanifi dubbi aka tana nani jette re? Jennaani Samuelini Saulofi hojatu isatini d'ufe, mana gudda olnaqe, mesa fulla keessumaani nami sodoma tatu tetesise fulla ulfinna. Samuelini waan nama fooni d'aabuuni jed'e, Fooni anini, koba kayi sini jed'e kaaniini kooti. Jennaani namichi fooni d'aabu kaani fooni miila dansaani d'ufe Saulo dura kaye. Samuelini waan jed'eeni, Fooni olsikayani kana nyaad'i. Anini fooni kana sifi olkaye, aka atini hojja tana nama anini yaame kana woliini nyaatu. Duuba guyya suni Saulofi Samuelini sagale woliini nyaatani. Worri fulla eeba suni kae dirati gabue jennaani, Saulo sire mana gubbati mid'aasanifi, inni achi rafe. Lafti bariite jennaani Samuelini Saulo ka mana gubba jiru yaame waan jed'eeni, Kai, si galcha. Sauloni kae, isaafi Samuelini dirati gabuani. Worri moga dira gahe jennaani Samuelini waan Sauloni jed'e, Namicha hojattu keeti kanaani, Nu dura dabri jed'i. Namichi dabre jennaani Samuelini waan Sauloni jed'e, Diqo miila d'aabad'u, waan Waaqi jed'e siti hima. Jennaani Samuelini dulo d'ad'a fuud'e, mata Sauloti naqe muude, d'ungate waan jed'eeni, AABBO Waaqati sii muude hayyu Israeli si tolche. Atini gosa isaa fidde harka nyaapa worraa keesaa baafta. Aka AABBO Waaqi si fohate hayyu worra isaa si tolche akanaani beeta. Hojja arra na biraa deemte atini nama lama d'aatu irreesa Raeli, ka Selsa jiru lafa Benjamini keesati, argita worri waan siini jed'u, Harreeni atini barbaada d'at'e ya galte; abbe amma waan isii iyyaadu, ammo guddo si yaaduu jira. Inni hojja ch'ufa tae, ilmi kiyya ingalle, anini amma maal taha jed'e dubbata. Duuba ammalle yo arti deemte fulla mukha woyyu ka Taboritini baate nama sadi ka sorio Waaqaa baasa Betheliti yau agarta. Worri sunini toko ree sadiini deema, tokoleeni qit'a sadiini deema, ka sadeesoleeni gorjo daad'i miju harkaa qaba. Worri sunini nagaya si fuud'e qit'a lama sii keenna; indidini, iraa fud'ad'i. Jennaani atini gaara Waaqa ka Gibea d'ata, fulla askartini Filisti teetu. Afaani balbala fullo dira suniti raagoota heddu, ta fulla sorio iti qalani gaara ira gad'ufte, kiraari, dibbe, fulludo, ammalle dumbulo d'ooftuni wolwoldeetani. Worri sunini lalabe sirbaa yaa. Duuba hojuma suni lubbuuni AABBO Waaqa sira buute, atini sirbafi lalaba worraa keesa seente garagalte nama haraa taata. Hojja wonti kunini taate, waan Waaqi tolchi sini jed'e ch'ufa tolchi, insodatini. Na durati Gilgali d'aqi, anini achiti siti d'ufe sorio gubanifi ta wold'ageeti qala. Torbaani toko achiti na eegi, haga anini d'ufe waan atini tolchu malte siti himuti. Sauloni Samueli biraa deeme galisaa kae iti d'aabannaani Waaqi onne Saulo garagalche wonti Samuelini isati hime kaani ch'ufti guyya suni taate. Saulofi hojatuni isaa Gibeani bahani jennaani raagoota hedduuni wolwoldaani. Hojuma suni lubbuuni Waaqa isa ira buute, inni sirbafi lalaba worra keesa seene. Biyyiti duri isa beetu waan inni tau jiru argite jennaani waan woliini jette, gurbaani Kishi maani tahe? Sauloni ya raaga tahe? Namichi toko ka achi tau waan jed'e, Raagooti taani d'ibiini ho? Yo mala keesani abbootini worra eenu? Akanaani jechi kunini gabahe; Sauloleeni ya raaga tahe? Sauloni sirbafi lalaba iraa deebie jennaani inni fulla sorio iti qalani ta gaara gubba d'aqe. Abbaani guddaani Saulo isaafi hojatu isaa gaafate haga kana ch'ufa isani eesa jirtani? jed'e. Sauloni waan jed'eeni, Nu barbaada harree jira; d'amne jennaani Samueli argu d'anne. Abbaani Saulo guddaani kaani waan jed'eeni, Inni maani isaniini jed'e re? Sauloni, inni waan nuni jed'e, Harreeni yayu mullate jed'e, ammo Sauloni dubbi Atini hayyu tata jed'aniini, ta Samueli jed'eeni taani iti inhimne. Samuelini worra Israeli woldeenna AABBO Waaqati Mispati wolti yaame. Waan jed'eeni, AABBO Waaqi Israeli waan jed'u. Anini lafa Misiri keesaa isani baase, harka worra Misiritiifi harka gosa d'ibi isani dabsate ch'ufa jalaa isani baase. Anini Waaqa keesani ka gaargalafi d'ipu teesani ch'ufa keesaa isani baase; ammo isani arra na diddani, hayyu nuu kenni nani jettani. Hayye, amma tana gosafi balbala teesani gula AABBO Waaqa dura koota. Jennaani Samuelini gosa ch'ufa toko tokooni gayaame, AABBO Waaqi gosa Benjamini keesaa fohate. Duuba Samuelini worra gosa Benjamini toko tokooni ga yaame worra Matri keesaa fohatani. Jennaani worri d'iira ka worra Matri gabahe isa dura d'ufe, jennaani worra keesale Saulo ilma Kishi fohatani, ammo isa barbaadani d'abani, AABBO Waaqa, Nami d'ibiini jira? jed'ani gaafatani. AABBO Waaqi waan jed'eeni, Sauloni kuuno, achi miha duubati d'okhachu jira. Jennaani worri orie Saulo biyyaatini gad'ufe. Inni biyya keesa eje jennaani nama tokole ka gurmu isa bira dabru d'abani. Samuelini waan biyyaani jed'e, Isani nama AABBO Waaqi fohate gartu? Nami isa fakaatu tokoleeni gumi tana keesa injiru. Jennaani nami ch'ufti lalabe waan jed'e, Hayyuuni ha lubbu buluuti! Samuelini aadaafi huji hayyu biyyati hime eege kitaaba keesati t'aafe, fulla woyyuma AABBO Waaqa dura kaye. Jennaani Samuelini nama ch'ufaani worra keesaniti gala jed'e gad'iise. Sauloleeni kae, worra isa ka Gibeati gale, ammalle isa woliini nami garaa jajaba, ka Waaqi herega suni kenneefi yae, ammo nami waan yaku male waan d'ibi imbeenne waan jed'e, Nami kunini maani nu baha? Worri Saulo tufate woma kennuufi dide. Eegi jii toko dabre hayyu Nahashini ka lafa Amoni, askarti fud'ate dira Yabeshi, ka lafa Gileadi, marse had'e. Worri Yabeshi waan Nahashini jed'e, Wold'aqisa dubbanne, yo wold'anne nu mohatta. Nahashini waan jed'eeni, Anini yo toko ch'alla wold'aqisa isaniini woliini dubbad'a: Anini ila mirgiti teesani ch'ufa isani keesa yaase, akanaani worra Israeli ch'ufa ch'eersa. Jaaroleeni Yabeshi waan jetteeni, Bulti torba nuu kenni, aka nu lafa Israeli ch'ufa keesa nama erginu. Yo nami nu baasu keesa injirre, hojja suni harka isaniti kennanna. Jari ergani kaani Gibea fulla Sauloni tau d'ufe, odu tana biyyati hime jennaani biyyiti aka hama iraa laalefate boote. Hojja suni Sauloni ka qotiyo oofu, gara oobruti d'ufuu jira. Inni waan jed'e, Maanti jira? Nami ch'ufti maafi akana boha? Jennaani worri odu ergattuni Yabeshi d'ufteeni iti hime. Sauloni dubbi suni d'agaye jennaani lubbuuni Waaqa isa ira buute inni guddo dallane. Jennaani inni qotiyo lama fuud'e, qale garagari ch'ire, fooni suni nama lafa Israeli ch'ufa keesa erge waan jed'e: Nama Saulofi Samueli had'iisa gula indeemne ch'ufa qotiyo isaa akana tolchani! Worri Israeli waan hegeri AABBO Waaqi tolchu sodaate, nami ch'ufti haguma gahuni wolti bahe. Sauloni Bezekiti worra wolti baase; nami Israeli keesaa kuma d'ibba sadi, ka Yudaleeni nama kuma sodoma. Duuba waan ergattu Yabeshitini jed'ani, Waan isani worra keesanini jettani, Bori, ato aduuni gubba ind'ufinu nyaapa keesani duraa isani baasani. Worri Yabeshi d'aamsa suni d'agaye jennaani aka male gammadani waan Nahashini jed'ani, Bori harka isaniti kennanna waan feetani nu tolcha. Boriyyaate Sauloni askarti isaa fulla saditi garagari qoode, ganama hojja biiftuuni baate olla nyaapa worraa ka Amoniti ch'absani had'ani yo guyyaani wolqit'ae ya hobaasani, ka figeleeni gargari bahe abbu karuma ufi baqate. Jennaani worri Israeli waan Samuelini jed'e, Me, worri Sauloni hayyu keenna intau jed'e kaani? Harkati nuu keenna, worra suni inhobaafna! Ammo Sauloni waan jed'e, Nama tokole ara inijeesani wonti akanatiifi guyyaani kunini guyya AABBO Waaqi Israeli baase. Duuba Samuelini waan biyyaani jed'e, Koota, nu yaasa, Gilgali d'aanne ammalle aka Sauloni hayyu keenna jabeesine aka dansaa nama ch'ufati himna. Tanaafi worri ch'ufti Gilgali d'aqe, fulla woyyumati AABBO Waaqa durati, Sauloni hayyu keenna jed'ani lalabani. Sorio wold'ageeti baasani Saulofi worri Israeli ch'ufti jila tolfatani. Jennaani Samuelini waan worra Israelitini jed'e, Anini yayu waan isani kad'atani ch'ufa isanii guute, hayyu isanii kenne, isati amma tana isani fide isaniini deema. Anini gama kiyyaani yayu jaare arrae, ilmaani tiyaaleeni tanuma, haguma kaimoma kiyyati asi isanuma dura deema. Anini amma kunooti hojja anini wo yake, amma tana na himad'a, AABBO Waaqafi hayyu inni muude kana durati, anini taka loonifi harre yayu nama ira fud'ad'e? Anini taka nama sobe yokhaani ya dabse? Anini taka yayu gumbo nama ira fud'ad'e? Yo anini waan kana tokole tolche ani amuma tana baasa. Biyyiti waan jette, Laki, atini taka nu sobde nu indabsine; atini taka nama tokole ira waan tokole infud'anne. Samuelini waan jed'eeni, AABBO Waaqafi hayyuuni inni fohate kunini ara d'ugaa na tahani, aka isani wollaala naraa d'abdani. Biyyiti waan jetteeni, Ee, d'uguma, AABBO Waaqati d'ugaa teenna. Samuelini ammalle waan jed'e, Nami Musafi Haruni fohate ababoota teesani lafa Misiri keesaa baase AABBO Waaqa. Amma fulluma jirtani tana ejaanja, duuba anini AABBO Waaqa durati isani qaabsisa waan jabdu AABBO Waaqi isanifi ababoota teesani aka isani baase tolche, isani garsiisa. Gaafa Yakobofi worri isaa Misiriti godaane, ka worri Misiri worra dabse, ababooti teesani qarqaarsa AABBO Waaqati boote, duuba inni Musafi Haruni erge, akasiini worra lafa Misiri keesaa baase, armaani d'ufe qubsise. Ammo biyyiti AABBO Waaqa isaani deete, tanaafi inni worra Filistitifi, hayyu Moabutifi Sisera, gudda askarti dira Hasori, iti erge, aka ababoota teesani had'ani dabsatani. Jennaani worri qarqaarsa AABBO Waaqati bohe waan jed'e, Nu yayu siti ch'ubbamne, Ee AABBO Waaqa waan siraa gore akheekha Baalitifi ka Ashtorethi kad'anneefi. Amma nyaapa keenna duraa nu baasi, nu duuba si gula yaana. Jennaani AABBO Waaqi Gideoni, Baraki, Yefta erge, anale erge. Nu namu harka nyaapa keesaa isaani baafne, isani nagayaani teetani. Ammo isani aka hayyu Nahashini, ka Amoni isani had'u d'ufe d'ageennaani AABBO Waaqa aka hayyu keesani tolfachu diddani iti garagaltani waan naani jettani, Nu hayyu nu mohatu feena. Amma hayyuuni isani fohatani kunooti ka isani nuu kenna jettani kad'atani, amma Waaqi ya isa isanii kenne. Yo isani AABBO Waaqa keesani guddiftani isa hojattani, isa ch'aqaftani seera isaa ch'ufa guuttani isanifi hayyuuni keesani ka isa gula yaatani taatani, wonti ch'ufti isanii qajeelti. Ammo hojja isani ka AABBO Waaqa ch'aqasu diddani seera isaa ch'absitani taatani inni isanifi hayyu keesanile iti dallana. Tanaafi fulluma amma jirtani tana eja. Duuba waan jabdu AABBO Waaqi isanii tolchu inagartani. Amma lafti bona, akasiyu? Ammo anini inkad'ad'a duuba AABBO Waaqi amuma tana mandie bokaya nuu rooba, hojja wonti kunini taatu, isani aka ch'ubbu hamtu AABBO Waaqati tolchitani gaafa hayyu kad'atani, beetani. Jennaani Samuelini kad'ate, guyyuma suni AABBO Waaqi mandie bokaya roobe, jennaani suni gula worri AABBO Waaqafi Samuelile sodaate waan Samuelini jed'ani, Aabba AABBO Waaqa kanke nu kad'ad'i, aka nu indoone. Amma nu ya argine, ch'ubbu qara taani malele aka nu waan hayyu kad'anneefi ch'ubbu d'ibi keesa bune. Samuelini waan jed'ani, Ato waan hamtu akana kana tatanile sodaattani AABBO Waaqa ira ingorina, ammo garaa keesani ch'ufaani isa hojad'a. Waaqoota d'ara gula iyyaina; waaqooti akasi sunini dandeete isani qarqaarte yokhaani isani imbaaftu, wonti akanatiifi isiini waaqoota d'ugatiniti. AABBO Waaqi yayu kakhu jabdu kakhate, tanaafi inni isani illakisu. Wonti akanatiifi inni ya isani fohate nama ufii isani tolche. Anini ufii gama kiyyani AABBO Waaqi na didinna aka anini isanii kad'achu lakise isati inch'ubbamne. Ammo fulla suni, anini kara dansaafi ka d'uga isani garsiise isani barsiisa. AABBO Waaqaa saalfad'a, garaa tokochani isa hojad'a, illakisina, waan jabdu inni isanii tolchele qaabad'a. Ammo yo isani ammalle ka ch'ubbu illakimne taatani, isanifi hayyu keesani imballeesani. Ganni Saulo sodoma gaafa inni hayyu tahe, ammalle inni lafa Israeli ganna afurtama mohate. Sauloni nama kuma sadi fohate nama kuma lama lafa Mikimashitifi lafa gaareeni ta Betheli keesati ufi birati lakise ammo nama kuma toko ilma isaa Yonathani woliini dira Gibea ka lafa gosa Benjamini keesati, erge. Duuba inni askarti taani ch'ufa worra isaniti galche. Yonathanini gudda askarti Filisti ka Geba tau ijeese, duuba worri Filisti ch'ufti qonqo suni d'agaye. Jennaani Sauloni nama erge Magalata d'ae, worra Ebrania ka lafa ch'ufa keesa jiru yaame. Worri Israeli ch'ufti, aka Sauloni gudda askarti Filisti ijeese, worri Filisti worra jibbe d'agaye. Tanaafi biyyiti yaamicha Sauloni worra yaame kaani d'ageennaani Gilgaliti wolti d'ufte. Worri Filisti wolti bahe aka worra Israeli had'u; worri gaari lola ka kuma sodomatifi farda kuma jaa ka nami yaabatufi askarti heddu muumme inqamne ta aka maansa afaani galaana qaba. Duuba Mikimashi ta Bethaveni ilaboru d'aqani achiti qubatani. Jennaani worra Israeli aka male had'ani lubbu keesaa baasani. Akasi arginaani worri Israeli goda d'akhafa boolafa d'akhayeefa ellaanifa bolbolafa ch'ufa keesati d'okhatani; nami garileeni galaana Yordani taake lafa Gaditifi ta Gileadi seene. Sauloni Gilgaliti hafe, nami isa birati hafeleeni ch'ufti nahe hollate. Inni guyya torba akuma Samuelini isaani jed'e kaani isa eege ammo hataatu Samuelini ammalle Gilgalini imbahane. Biyyiti Saulo biraa yau feete, jennaani inni waan worraani jed'e, Sorio gubani baasanifi sorio wold'ageeti natiini koota, inni sorio gubani baase. Jennaani akuma inni harka iraa fud'ateeni Samuelini d'ufe. Sauloni fuula keesa deeme nagaya fuud'e, jennaani Samuelini waan jed'eeni, Atini maani tolchite? Sauloni waan jed'eeni, Biyyiti na bira yau feete, atinileeni hojja baantu taani ind'ufne, suni malele worri Filisti Mikimashiti wolti bau jira. Jennaani anini herege waan jed'e worri Filisti arma Gilgaliti na had'u fed'a anileeni Waaqa kad'ad'e, AABBO na eebisi injenneeni. Tanaafi anini herege sorio baasitini ya malte ufiini jed'e. Samuelini waan jed'eeni, Atini yayu daalloofte; atini seera AABBO Waaqi kanke sii kenne gula indeemne, ato sila gula deemte inni aka siifi d'aloota kanke worra Israeli haga jiru ch'ufa dura deeme fidu isani tolcha. Ammo amma tana atini dura deemte worra infiddu. Waan atini AABBO Waaqa seera isa gula deemu diddeefi, inni nama garaani isaa jaalatu barbaade, hayyu worra isaa tolcha. Jennaani Samuelini Gilgali kae kara ufi iti d'aabate. Biyyiti taani d'ibiini kaate, Saulo ka gara askarti isaa deemu woli yaani. Worri Gilgalini bahe, Gibea ta lafa Benjaminiti iti d'aabate. Sauloni askarti isaa ch'ufa wolti baase hede, isiini nama d'ibba jaa taate. Saulofi ilma isaa Yonathanifi askartini worraa Geba lafa Benjamini keesati qubate; ammo worri Filisti Mikimashiti qubate. Askartini Filisti olla isaaniti had'iisa yaate fulla saditi garagari baate; hagi toko Ofrati fulla deefate lafa Shualiti iti d'aabate; hagi toko Beth-Horaniti fuula deefate, taani d'ibiini seera bale Seboimutifi lafa aloo irani mullatuti qajeelte. Wonti tumtuni tokoleeni lafa Israeli keesa injirreefi maro worri Filisti gosa Ebrania woraanafi goraadee tumu d'owefi. (Worri Israeli Filisti d'aqe maarasha, jembe, d'agaraafi haamtu qarachu male; horini huji suni baasani kana; hojja d'agaraafi sururu qarani yokhaani mid'aasani beesuma diqo baasani. Ammo hojja maarashafi jembe qarani hagasi lama baasani.) Tanaafi guyya lola suni askartini Israeli, Saulofi ilma isa Yonathani male, tokoleeni ta goraadeefi woraana qabdu injirtu. Worri Filisti askarti gari kaarra Mikimashiti erge, aka achiti nyaapa dabru d'owani. Guyya toko Yonathani waan namicha kaima ka miha isa ka lola isa jala baatuni jed'e, Me gara olla Filisti suni nu yaasi. Ammo Yonathanini abba isaa Saulo iti inhimne. Sauloni gaafasi mukha okhoku ka Migroni ka d'aatu Gibea, jala qubate. Inni askarti d'ibba jaa geetu qaba. Qaallichi woya qaallu ta aka korba hid'atanini deemu Ahiya, ilma oboleesa Ekabodi ka Ahitubu jed'ani, innileeni ilma Finehasi ka ilma Eli qaallu AABBO Waaqa, lafa Shilo keesa. Biyyitileeni aka Yonathani deeme quba inqabdu. Kaarra Mikimashi ta Yonathanini hojja olla Filistiti deemu, keesa dabru male, d'akha gugurda qara qaqabuti moga lachu ejaanja; toko Bosesi, kaanileni Sene jed'ani. Toko gama Mirga gara Mikimashi fuula deefate taa, kaani gama bita Gebati fuula deefate taa. Yonathanini waan kaimticha kaaniini jed'e, Olla worra aada inqamne, ka gura inuranne, suniti nu yaasa. Hegeri AABBO Waaqi nu qarqaara; yo inni nu qarqaare wonti worra dabsachu nu d'owa injirtu, ato nu nama diqa taanele. Kaimtichi kaani waan jed'eeni, waan feetu tolchi, anileeni si duuba jira. Jennaani Yonathani waan jed'eeni, Nu taakine worra Filisti ufi agarsiifna. Yo worri, Haga nu d'umnuti nu eega jed'e, ineenna fulla tana inchochonu. Ammo yo worri Nuti koota jed'e, iti oli korra; sunini akheekha nuu taati aka AABBO Waaqi worra harka keennati kennu. Duuba worri lachu worra Filisti ufi agarsiimnaani worri Filisti waan jed'e, Ilaala? Worri Ebrania, ka qara boola keesati d'okhate, tokooni gadi bauti jira! Jennaani Yonathanifi wahela isaa iti iyyani yaamani waan jed'ani, koota arma gadi, wo isani garisiimna. Yonathanini waan wahela isatini jed'e, Na gulla kooti, AABBO Waaqi ya worra harka Israeliti kenne. Yonathanini kaarra taani harkaafi jilbaani olkore, kaimtichi kaaleni isa gula olkore. Yonathanini Filisti had'e lafa d'abbe namichi kaima kaaleni faana d'ufe fit'e. Baraqeti qara suni keesa Yonathanifi kaimtichi kaani nama diddama lafa haga olmaa sanga toko keesati, fit'ani. Worri Filisti ka lafa suni keesa jiru ch'ufti aka taka inargini nahe shifta worraatifi askartini olla suni keesa jirtu ch'ufti hollate; laftileeni chochote nami ch'ufti aka hama mudame. Worri eeddo Saulo ka Gibea lafa Benjamini keesa jiru worra Filisti ka gara qajeele baqatu wollaale akanumati lafa maru arge. Jennaani Sauloni waan nama isaa ka isa woliini jiruni jed'e, askarti wolti yaama tohad'a, nama keesa injirre laala. Worri tohanani Yonathanifi kaimticha miha isaa ka lola kaani isa jala baatu d'abani. Sauloni waan qaallicha Ahiyaani jed'e woya woyyu ta qaalluuni aka korbo hid'atuuni kooti. (Guyya suni Ahiyaani woya suni baate worra Israeli duraani deema.) Ato Sauloni qaallicha sunini dubbatu, gohaanti olla Filisti keesaa d'uftu haga qarale ira dabarte; duuba Sauloni waan isaani jed'e, Ufira yaala bahi, yoi nu AABBO Waaqa gaafannu injiru. Jennaani Saulofi jari isaa wolti bahani worra Filisti, ka lafti iti dudud'e ufuma tae wolballeesu had'u d'aqani. Worri Ebrania ka gari ka qara goli worra Filisti tahe, olla worrati gale iti garagale goli Saulotifi Yonathani tahe. Ka d'ibiini ka qara gaareeni Efraimu keesati d'okhatu, aka worri Filisti baqate d'agaye jennaani worrileeni garagale, lola keesa seene worra Filisti had'e. Lola guyya suni ka Bethaveni dabrani gamale wolhad'ani keesa, AABBO Waaqi worra Israeli baase. Guyya suni worra Israeli guddo beelti laafifte, maro Sauloni worra kakhachise seera kana worrati baaseefi: Nami haga anini nyaapa kiyya haalo baafad'uti guyya kana sagale nyaate ha abaaramuti. Tanaafi nami tokoleeni sagale inyaanne guyya suni. Jennaani askartini ch'ufti lafa mukha qabdu ta badda duudde kinniisa fulla ch'ufati garte fulla ch'ufa dammati jira, ammo nami tokoleeni inyaanne maro abaarsa Saulo sodaatanifi. Ammo Yonathanini aka abbaani isaa nama abaare ind'ageenne; tanaafi ule harkaa qabu damma keesa kaye nyaate jajabaate. Jennaani namichi toko waan isaani jed'e, Nu ch'ufa ya beelti laafifte ammo abbe nu seere waan jed'e, Nami arra sagale nyaate ha abaaramu nuni jed'e. Yonathanini waan jed'e, Wonti hamtuni aabbooni worra keenna tolche kunini maani? Aka anini eegi damma kana nyaad'e jajabaad'e laali. Sila worri keenna kunileeni akami jajabaata ato sagale nyaapa ira boojie suni nyaate. Sila ato worri sagale suni nyaate worra Filisti hagasi ira ijeesaniniti? Guyya suni worri Israeli worra Filisti dabsate haga Mikimashi had'e Ayaloniti d'aabe. Duuba worra guddo beelti laafifte, tanaafi waan nyaapa ira boojiani kaaniti oriani, hooliyeefi looni fuud'ani achumati qaqalani, fooni d'eed'i ka d'iiga qaba nyaatani. Jennaani waan Sauloni jed'ani, Laali, biyyiti ya fooni d'iiga qaba nyaate, AABBO Waaqati ch'ubbamte. Sauloni waan worraani jed'e, Isani yayu kakhu ch'absitani na balleesitani, d'akha gudda toko assi gangalcha. Jennaani inni waan jed'e, Beena biyya keesa yaa waan jettaniini, loonifi hooliye teesani armaani koota, qaqala nyaad'a; fooni d'iiga qaba nyaattani AABBO Waaqati inch'ubbamiina. Duuba halkani suni nami ch'ufti looni ufitini d'ufe achiti qaqale. Jennaani Sauloni fulla sorio iti qalani AABBO Waaqaa jaare; marooni qara ta inni waan akasi jaare tana. Sauloni waan jara isaatini jed'e, Koota, gadi buune, halkaniini worra Filisti haane hobaamne, haga lafti bariituti ira woi saamna. Jennaani worri, waan atini feetu tolchi jed'eeni. Ammo qaallichi waan jed'e, Eegi, qara Waaqa gaafanna. Duuba Sauloni Waaqa gaafate waan jed'e, Worra Filisti inhaana? Atini worra harka keennati inkennita? Ammo Waaqi guyya suni worraa qonqo womatu indeebifneefi. Duuba Sauloni worra gugurda biyya dura yauni waan jed'e, Arma koota, ch'ubbu ara tolchani laala. Anini AABBO Waaqa tokocha jiru, ka Israeli dabsacha kenneeni kakhad'a aka nama wollaala qabu ch'ufa ijeesani, ato inni gurba kiyya Yonathani tahele. Ammo nami tokoleeni woma injenne. Duuba Sauloni waan worraani jed'e, Isaniini ch'uftinu achi akana ejaanja, anaafi Yonathanini arma ejaanjina. Jennaani worri, waan atini feetu tolchi jed'eeni. Sauloni waan AABBO Waaqa Israelitini jed'e, AABBO atini arra maafi dubbi na jala qabu didda? AABBO, Waaqa Israeli, d'akha woyyumatiini naani dubbad'i. Yo ch'ubbuuni ta Yonathani yokhaani tiyya taate, Urimuni naani dubbad'i; ammo yo isiini ta gosa tante ta Israeli taate, Thumimuni naani dubbad'i. Jennaani dubbini Yonathanifi Saulo qabatte, biyyiti taani qulqullo jalaa bate. Duuba Sauloni waan jed'e, Naafi ilma kiyya Yonathani garagara baasa, duuba Yonathani wollaala irati argani. Jennaani Sauloni Yonathanini, maani tate? jed'e gaafate. Jennaani Yonathanini waan jed'eeni, Anini damma diqa toko nyaad'e. Anini kunooti yo feete na ijeesi. Jennaani Sauloni waan isani jed'e, Waaqi na ijeesinna, hojja ani sii ijeesu baad'e! Ammo biyyiti waan Sauloni jette, Yonathani, nama nyaapa keenna dabsate Israeli baase ijeesu malani? Hiyo! Nu maqa Waaqa jirutini kakhanna dua lakisi, aka rifeensi Yonathani tokoleeni lafa imbune. Inni waan arra tolche kana qarqaarsa Waaqatini tolche. Akanaani biyyiti Yonathani lubbu baafte. Eegi suni Sauloni worra Filisti reebu lakise, worri lafa ufiti dachae. Eegi Sauloni hayyu Israeli tahe, inni nyaapa isaa ka fulla ch'ufa jiruni woli had'e worra Moabuti, ka Amoniti, ka Edomuti, hayyoota Sobati, ammalle worra Filisti. Fulla had'efu ch'ufa inni indabsate. Inni aka d'iira had'e worra Amalekile dabsate. Ammalle inni worra Israeli had'iisa nyaapa ch'ufa jalaa baase. Ilmaani Saulo ta d'iira tana sadeeni Yonathani, Ishri ammalle Malkishua. Intalti isaa ta angafa maqaani Merabu, maand'itile maqaani Mikali. Niiti isaa maqaani Ahinoamu, ta dubra Ahimaasi; guddaani askarti isaa oboleesa isaa Abineri, ka abbaani isaa Neri, oboleesa abba Saulo. Abbaani Saulo Kishifi abbaani Abineri, Nerini ilmaani Abieli. Sauloni haga jiru ch'ufa worra Filistitini wolhad'ani. Tanaafi hojja inni nama jaba yokhaani janna argu ch'ufa askarti ufiiti dara. Samuelini waan Sauloni jed'e, Nami AABBO Waaqi si muuditi erge ana, aka atini hayyu worra isaa ka Israeli tatu. Amma tana waan AABBO Waaqi guddaani jed'u ch'aqasi. Wonti AABBO Waaqi guddaani jed'e tana, anini worra Amaleki ingaargalcha, waan worri gaafa gochiti Israeli duri lafa Misiriti gad'ufte qarqaaru dideefi. Beeni, d'aqi gosa Amaleki had'i, hobaasi, waan worri qabu ch'ufa balleesi, woma tokole imhambisini; d'iira, nad'eeni, ijoolle didiqole ch'ufa hobaasi; looni, ree gaala, harreele ch'ufa hobaasi. Sauloni askarti isaa ch'ufa Telemuti wolti baase tohate; askartini Israeli kuma d'ibba lamati, ta Yudaleeni kuma kud'ani. Jennaani isaafi askartini isaa kaani, dira Amaleki d'aqaani, laga keesati d'okhatani worra eegani. Duuba inni qonqo gara worra Keni, ka duri ababooti worraa worra, Israeli qarqaarte gaafa worri lafa Misiri keesaa bahe, erge waan jed'e, Worra Amaleki biraa godaana, aka anini worra suni woliini isaani imballeesine. Tanaafi worri Keni kae biraa godaane. Jennaani Sauloni worra Amaleki had'e dabsate haga Havilaa fuud'e haga Shuri, ta lafa Misiritiini ilaboru jirtuti d'aabe; inni hayyu Amaleki ka Agagi jed'ani qabe worra isa ch'ufa hobaase. Ammo Saulofi askartini isaa Agagi lubbu baafte, hooliyeefi looni gagabbo dadansa, yabbiyefi ilmoole gagabbo dadansa yokhaani waan dadansa ch'ufa hobaasu didani. Worri waan hamamtu tufatani ka woma keesa injirre ch'alla hobaase. AABBO Waaqi waan Samuelini jed'e, Anini waan Saulo hayyu tolcheefi guddo gaabe. Inni naraa gore naa saalfachu dide. Samuelini dubbi suni ira guddo laalefate halkani suni ch'ufa AABBO Waaqati boha bule. Boriyyaate lafaa kae Saulo barbaadu d'annaani waan jed'aniini yayu dira Karmeli d'aqe, achiti akheekha woi, ka isaani qaabattani, jaarate duuba Gilgaliti dabre. Samuelini Sauloti d'ufe jennaani Sauloni isa nagaya fuud'e waan jed'eeni, AABBO Waaqi si eebisinna! Anini dubbi AABBO Waaqa ya gula deeme guute. Ammo Samuelini waan jed'eeni, Marriti loonitifi ta ree ta anini d'agayu tunini maani re? Sauloni waan jed'eeni, Askarti tiyyati worra Amaleki iraa boojie. Worri loonifi hooliye ira gagabbo hambise, aka AABBO Waaqa kanketi sorio baasu. Ammo nu hori kaani ch'ufa yayu hobaamne. Samuelini waan Sauloni jed'e, Lakisi afaani qabad'i, waan AABBO Waaqi edda nani jed'e siti hima. Sauloni waan jed'eeni, Hayye, nati himi. Duuba Samuelini waan jed'eeni, Ato atini nama diqa woma keesa injirre ufi seetele, atini hayyu gosa Israeli ch'ufaani deemu. AABBO Waaqi si fohate, si muude hayyu Israeli si tolche. Ammalle inni si erge, Beeni, worra hamama Amaleki suni ch'ufa balleesi haga maqa worraa lafa d'abaniti ch'ufa had'i siini jed'e. Atini maanifi dubbi AABBO Waaqa gula indeemini re? Atini maafi worra saamte, waan worra guurate, waan AABBO Waaqi infeene taate? Sauloni waan jed'eeni, Anini dubbi AABBO Waaqa ya gula deeme. Anini erga isaa guute, hayyu Agagi boojie worra Amaleki ch'ufa fit'e. Ammo askartini tiyya hooliyeefi looni gagabbo ijeesu dide boojite, aka Gilgalini d'ufte sorio AABBO Waaqa kanketi baaftu. Samuelini waan jed'eeni. AABBO Waaqi saala fed'a mo waan gubani isaa baasanifi sorio fed'a? Saalfachaani isaa saalfatani gabbinna ilmoole hoola ta isaa sorio baasani kennanifi ira jirti. Diditini isa didani akuma falfala hamtu. Kiyyibi isa durati kiyyibanileeni akuma nama waaqa harkani mid'aasani kad'ate hama. Waan atini dubbi AABBO Waaqa diddeefi, innileeni aka atini hayyu tate worra Israeli dura deemtu ya dide. Sauloni waan jed'eeni, Anini yayu ch'ubbu tolche, dubbi AABBO Waaqatifi jecha kanketile guutu dide. Anini askarti tiyya sodaad'e dubbi worraa gula bahe. Ammo amma anini si kad'ad'a ch'ubbu tiyya naa araarami, ammalle Gilgaliti na woliini deebii, aka anini AABBO Waaqale kad'ad'u. Ammo Samuelini waan jed'eeni, Anini si woliini indeebiu, atini yayu dubbi AABBO Waaqa didde, innileeni yayu aka atini hayyu Israeli taatu si dide. Duuba Samuelini deema garagallaani Sauloni fit'e woya isaa qabe duuba woyaani tarsaate. Samuelini waan isani jed'e, Arra AABBO Waaqi yayu hayyuma atini Israeliini fiddu siraa fuud'e, nama sira jiru d'ibii kenne. Waaqi guddaani Israeli d'ara indubbatu yokhaani heregi isaa garaingalu. Inni namaaniti, ka herega garagalfatu. Sauloni waan jed'eeni, Anini yayu ch'ubbu tolche, ammo hataatuti atini jaarole gosa tiyyatifi worra Israeli ch'ufa durati na inch'eersini na woliini deemi, aka anini AABBO Waaqa kad'ad'u. Duuba Samuelini Saulo woliini deeme, Sauloni AABBO Waaqa kad'ate. Jennaani Samuelini waan jed'e, Agagi hayyu Amaleki natiini koota. Jennaani Agagini ka nahe hollate lubbuuni d'ufte garaa ufi keesati bada, dooti akami nama d'ibdi? jed'u isa dura d'ufe. Samuelini waan jed'eeni, Akuma goraadeeni tante hawani heddu ilme d'owarte akasuma amma tana haati tante ilme d'abdi. Jennaani Samuelini Agagi Gilgaliti AABBO Waaqa durati garagari ch'ire ijeese. Jennaani Samuelini Ramati iti d'aabate, ammo Sauloni worra isaa ka Gibeati gale. Eegi suni Samuelini taka jireenna ufi keesa Saulo inagarre, ammo guddo boheefi. AABBO Waaqileeni waan Saulo hayyu Israeli tolcheefi guddo gaabe. AABBO Waaqi waan Samuelini jed'e, Atini haga yoomi Saulo boota? Eegi anini aka inni hayyu Israeli tahu dide. Amma tana buuda kanke d'ad'a iti naqi, Bethlehemu mana namicha Yese jed'ani d'aqi. Anini ilma isaa toko yayu fohad'e, aka inni hayyu tahu. Ammo Samuelini waan jed'eeni, Anini akami dandae akasi tolcha? Sauloni, yo d'agaye, na ijeesa! AABBO Waaqi waan jed'eeni, Goromsa toko fuud'i, duuba anini sorio AABBO Waaqa baasu d'ufe jed'i. Sorio suni Yese iti yaami, duuba waan atini tolchuu malte anati si garsiisa. Duuba nama anini si garsiisu muudi. Samuelini waan AABBO Waaqi jed'eeni guute, Bethlehemu d'aqe inni achini bahe jennaani jaaroleeni ta naate hoholatu iti d'ufte waan jetteeni, Aabbo, atini naguma d'ufte? Ee, naguma d'ufe; anini sorio AABBO Waaqa baasu d'ufe, isani ufi qulqulleesa, na woliini koota jed'eeni. Jennaani inni Yesefi ilmaani isaatini, ufi qulqulleesa jed'e, sorioti yaame. Worri d'ufe jennaani Samuelini Eliabu arge, waan garaa keesati ufiini jed'e, Nami arma AABBO Waaqa dura eju kunini d'uguma nama inni fohate. Ammo AABBO Waaqi waan isaani jed'e, D'eerinnaafi mid'aaguma isaa iniilalini, anini yayu isa dide. AABBO Waaqi waan nami laalu iniilaalu. Nami nama nafuma ala laala, ammo AABBO Waaqi garaa keesa ilaala. Jennaani Yeseni Abinadabu yaame Samueli duraa d'ufe. Ammo Samuelini waan jed'e, AABBO Waaqi kanale infohanne. Jennaani Yeseni Shamani d'ufe Samuelini ammalle waan jed'e, Kanale AABBO Waaqi infohanne. Kara kanaani Yeseni ilmaani isaa torba Samueli duraani d'ufe. Ammo Samuelini waan jed'eeni, AABBO Waaqi tana, tokole infohanne. Jennaani inni waan jed'eeni, Ilmaani d'ibi qabda, tana male? Yeseni waan jed'eeni, Maand'icha tokoti hafe ka tikha hooliye jiru. Samuelini waan jed'eeni, Isa gayyaami, haga inni d'ufuti nu sorio imbaafnu. Duuba Yeseni nama erge isa yaame. Inni diima gabba mid'aaga, ilti qanqurti qabdi. Jennaani AABBO Waaqi waan Samuelini jed'e, Ka fed'ani, kana kai, muudi! Samuelini d'ad'a fuud'e, oboleyaani isaa durati Daudi muude. Hojuma suni lubbuuni AABBO Waaqa jabeennaani isa ira buute deebite isa biraa indeemne. Jennaani Samuelini Ramati deebie. Lubbuuni AABBO Waaqa Saulo biraa deemte, AABBO Waaqi jinni iti erge. Hojattuuni isaa waan isaani jette, Nu ya garre aka jinnini AABBO Waaqi siti erge si gaargalchuu jirtu. Tanaafi, aabbo, yo atini feete nu gad'iisi, nama kiraari d'au sii barbaanna. Duuba hojja jinnini siti d'uftu inni kiraari ufi tabate akasiini fayyita. Duuba Sauloni waan worraani jed'e, Nama kiraari aka dansaa tabachu beekhu barbaada, natiini koota. Namichi hojattu isaa toko waan jed'eeni, Anini gurba toko, ka Yese ka worra Bethlehemu, ka aka dansaa kiraari d'au beekhu, imbeekha. Inni ammalle janna mid'aaga, askarti dansa, ammalle guddo dubbi beekha. AABBO Waaqileeni isa woliini jira. Jennaani Sauloni nama Yeseti erge waan jed'eeni, Ilma kanke Daudi, ka hooliye tissu, naa ergi. Jennaani Yeseni qit'afi daad'i gorjo miju harreti fahe, ilme ree woliini gara Saulo Daudini erge. Daudini Sauloti d'ufe huji isaa qabate. Sauloni guddo isa maache, nama miha isaa ka lola baatu tolfate. Jennaani Sauloni qonqo Yeseti erge waan jed'e, Anini Daudi yayu maache, inni ha huji tiyya keesa tauti. Guyya suni asi, hojja jinnini AABBO Waaqi erge Sauloti d'uftu ch'ufa, Daudini kiraari isaa fud'ate tabataafi. Duuba jinnini sunini Saulo iraa deebiite, isa miiri iti deebie gooma. Worri Filisti aka worra Israeli had'u dira Yuda ka Soko jed'aniti wolti bahe; lafa toko ta Efes-Damimu jed'ani ta jiddu Sokofi Azeka, qubate. Saulofi worri Israelileeni bale Eela qubatani, aka worra Filistitini wolhad'ani kurfefatani. Worri Filisti gaara toko irati wolti bahe, worri Israelileeni gaara d'ibi irati wolti bahe ka baleeni jiddu worraa jirtu. Namichi janni guddaani toko, ka Goliathi jed'ani, ka worri isa dira Gathi jiru, olla Filistiti gad'ufe. D'eerinni isaa d'und'uma jaafi taaku toko; inni kofia sibiila diimani mid'aasani matati keeyate koti sibiila diimani mid'aasani, ka ulfinni isaa kilo shantami torba, keeyate, miila isaleti inni sibiila diima keeyate woraana sibiila diimani mid'aasani gurmu ira keeyate. Soometi woraana isaa haguma utuba geeti, ulfinni mata woraana isaa kilo torba askarticha tokoti isa dura deema, ka wonte jala baatu. Goliathini achi eje lalabe waan worra Israelitini jed'e, Isani maanifi ka had'iisa kurfoftani achi ejaanjitani? Anini worra Filistiti, beekha; tissele Saulo tana, nama keesani toko gabaasa, woli haana. Yo inni na dabsate na ijeese, nu tissele teesani taana; ammo yo anini isa dabsad'e isa ijeese isani tissele teenna tatani. Anini amma tana askarti Israeli ch'ompifad'a. Nama toko na baasa, wolhaana. Dubbi suni d'ageennaani Saulofi askartini isa guddo sodaatani mudamani. Daudini ilma Yeseti, ka gosa Efrathi, ka worri isaani dira Bethlehemu, ka lafa Yuda. Yeseni ilmaani saddeeti qaba, bara Sauloni nama fide suni inni waan jaare hobae. Ilmaani isaa gugurdoni nami sadi yayu Saulo woliini duula d'at'e. Angafi Eliabu, ka iti aanu Abinadabu, ka sadeesoleeni Shama. Daudini ilma maand'a, duuba haga oboleyaani isaa gugurdoni sadeeni taani Saulo gula yaatu, Daudini worra biraa deeme Bethlehemuti deebie ree abba isaa tisse ammalle keesa deebia. Goliathini guyya afurtama diiramafi galgala gabahe, askarti Israeli ch'ompifata. Guyya toko Yeseni waan Daudini jed'e, Akhaawi mid'aani tana ta subba tokotifi qit'a kud'ani fuud'i, arifad'i oboleyaani tante ta duula jirtu geesi. Ammalle ititu qooda kud'ani tana gudda askartiti geesi. Waan oboleyaani tante keesa jirtu hubad'u ammalle waan aka atini worra garte na garsiisa natiini kooti. Saulofi oboleyaani tanteetifi worra Israeli kaani ch'ufti bale Eela jed'ani keesa jirani, aka worra Filisti had'ani. Boriyyaate Daudini diirama lafaa kae, hooliye nama d'ibiti lakise, miha kaani fae, akuma Yeseni jed'e kaani kae iti d'aabate. Hojja inni artini bahe, askartini Israeli ufuma fokorte lola yau jirti. Askartini Filistitifi ta Israeli lola kurfefatte fuula wolti deefate. Daudini miha kaani namicha miha askarti qorqoratu kaani kenne, utaale, fulla askartini lola kurfo ejitu taani d'aqe oboleyaani ufi nagaya fuud'e. Ato inni tae worraani woliini haasau, Goliathini namichi jabaani Filisti kaani, askarti isaani keesa gad'ufe, akuma qara kaani worra Israeli kaani ch'ompifate, ka Daudini d'agayu. Worri Israeli isa arge jennaani nami ch'ufti isaa sodaate duraa baqate. Jennaani waan woliini jed'ani, Nama kana laala aka inni nu ch'ompifatu; hayyichi keenna Sauloni nama isa ijeese waan guddo kennaafi intala ufile fuusise worra isaani damoosa ira imfud'ani jed'e. Daudini waan nama isa bira ejaanjuni jed'e, Nama namicha Filisti kana ijeese ch'eera hama kana gosa Israeli dura baase maani kennanifi? Qarale namichi Filisti kunini ka qabanqaba inqabatini hojja tae askarti Waaqa jiru ch'ompifatu eenu ufi seha? Worri waan qara woliini jed'e kaani iti hime waan jed'eeni, wonti nama Goliathi ijeesu tolchani kana. Eliabuni, oboleesi Daudi guddaani, isa worra sunini haasau d'ageennaani aka hama dallane waan jed'eeni, Atini maani arma barbaada? Ree diqo taani atini eenuti lakifte lafa aloo keesati? Anini sii beekha, atini ch'ubbicha kiyyiba! qarale atini had'iisuma dawaachuu d'ufte. Daudini waan jed'eeni, Anini maani yakeefi atini teete, dubbile na d'owarta? Eege inni nama d'ibileti garagale dubbi suni gaafate, nami sunileeni ch'ufti akuma qara kaani iti hime. Nami gari dubbi Daudini jed'e taani, d'ageennaani Sauloti hime, duuba Sauloni isa yaame. Daudini waan Sauloni jed'e, Aabbo, nami tokoleeni namicha Filisti kana sodaachu himmalle. Nati deeme had'e balleesa. Sauloni waan jed'eeni, Laki, atini isa had'u indandeetu, atini ammalle ijoolle inni haga kaimoma isaati asi askartuma. Daudini waan jed'eeni, Aabbo, anini tissitu ree abba kiyyati, hojja nyeench'i yokhaani gorjami d'ufe ilmoole ree fud'atu ch'ufa, anini reebe had'e iraa buusa. Hojja nyeench'i yokhaani gorjami suni nati garagalu, lubbu qabe d'ae ijeesa. Anini nyeench'afi gorjamale ya ijeese, namicha aada inqamne, ka Filisti kana, ka askarti Waaqa jiru tae ch'ompifatu kanale inuma ijeesa. AABBO Waaqi ka qeench'a nyeench'atiifi ka gorjama jala na baasu harka namicha Filisti kanale jaaluma na baasa. Jennaani Sauloni waan jed'eeni, Beeni, AABBO Waaqi si qarqarina. Duuba Sauloni miha ufi ka lola Dauditi naqe; kofia sibiilatifi koti sibiila. Daudini goraade Saulo hid'ate, aka deemu iti game ammo indad'abe maro inni miha akasi sunini deemu imbeeneefi. Duuba inni waan Sauloni jed'e, Anini dandae miha kanaani indeemu, imbaranne, jennaani ch'ufa ufira yaase. Jennaani inni ule reeni tissu fud'ate d'akha qulqullicha shani bisaani yaa keesaa fuud'e, ukha keesa naqate, gulluba ufi fud'ate, Goliathi, fuula keesa deeme. Jennaani namichi Filisti kaani ka nami wonte isaa isa jala baatu dura deemu, Dauditi ga d'ufe; iti d'iaate jennaani aka Daudini gurba mid'aaga diqa arge tufate. Waan jed'eeni, Uleeni atini harka qabdu tunini maani? Atini sare na seeta? Duuba maqa waaqa isaatini Daudi abaare, waan jed'eeni, Anini fooni kanke allaatiifi bineensa nyaachisa. Daudini waan jed'eeni, Atini goraadeefi woraanani nati d'ufta, ammo anini maqa AABBO Waaqa gudda, Waaqa askarti Israeli ka atini teete isa ch'ompifatuuni siti d'ufa. AABBO Waaqi guyyuma kana harka kiyyati si kenne anini sii d'ae mata sira kuta. Ammalle reefa askarti Filisti allaatiifi bineensa ala nyaachisa. Duuba akasiini nami lafa keesa jiru ch'ufti, aka Israeli keesa Waaqi jiru, beekha. Ammalle nami arma jiru, ka wolti bahe kunini ch'ufti aka AABBO Waaqi goraade yokhaani woraana male gumi ufi baasu arga. Lola isati dabsata, isani ch'ufale amuma harka keennati kenna. Goliathini Daudi fuula keesa gadeeme jennaani Daudileni fuula keesa had'iisa utaale. Inni harka ukha keesa keeyate d'akha toko gafuud'e gulluba keesa kaye Goliathini had'e adda d'ae boroose. Jennaani Goliathini lafa d'ae, fuulani lafati gombifame. Duuba akanaani, ka goraade inqamne Daudini Goliathi gullubafi d'akhaani dabsate ijeese. Jennaani iti ch'ee ira eje, goraade Goliathi qalqala keesaa fuud'e, mata iraa kute ijeese. Worri Filisti aka jabaani worraa due arge jennaani kae baqate. Worri Israelitiifi ka Yuda iyye kara Gathitifi ka fullo Ekroni worra reebe. Reefi worra kara Shaarimuti deemu fulla ch'ufa keesa ch'iisa, haga Gathifi Ekroni. Worri Israeli reebu worra Filistiti dachae jennaani fulla worri keesaa baqate suni saamani. Daudini mata Goliathi fuud'e Yerusalemuti geese, ammo miha isa ka lola waaro ufitini galate. Sauloni hojja Daudini Goliathi had'u deemu arge jennaani waan Abineri gudda askarti isatini jed'e, Abineri, gurbaani kunini ilma eenu? Abinerini waan jed'eeni, Anini imbeekhu, aabbo. Jennaani hayyichi waan jed'eeni, Yoosi beeni, odeefad'i. Duuba Daudini Goliathi ijeese gale jennaani Abinerini isa gara Saulo geese, Daudini hojja sunile mata Goliathi harkumaa qaba. Sauloni waan jed'eeni, Gurba, atini ilma eenu? Daudini, anini ilma hojattu kanke Yese ka Bethlehemu jed'eeni. Eegi Daudifi Sauloni haasaa buufatani, Yonathanini adaba Daudi arge maache akuma ufi jaalatu isa jaalate. Guyya suni asi Sauloni Daudi ufi bira teesise worrati galu d'owe. Yonathanini maro Daudi guddo jaalatefi wold'aqani ubaara d'eera inni keeyatu baafate, miha lolaatifi goraadeefi guubefi gurdale Daudii kenne. Hojja Sauloni Daudi huji ergu ch'ufa Daudini erga suni aka dansaa guute, tanaafi Sauloni gudda askarti isa tolche dubbini tunini gumifi worra gugurda askartile gammachiifte. Daudini Goliathi ijeese gale jennaani, ka askartini ch'ufti gadi galuu jirtu, nad'eeni dira Israeli ch'ufti wolti baate, hayyu Saulo yoyo fuula keesa yaate, dibbefi kiraari d'oofte faarsite, sirbaa iti yaate. Sirba keesa worri waan jed'e, Sauloni nama kunki ijeese, ammo Daudini nama kunkikunki kud'ani ijeese. Sauloni sirba kana d'ageennaani guddo dallane waan jed'e, Daudini nama kunki kud'ani ijeese jed'ani, ammo Sauloni nama kunki ch'alla ijeese jed'ani! amma hayyu tolchiti male maanti hafefi! Tanaafi guyya suni asi inni Daudi quufu dide ila d'iibitini laale. Boriyyaate Waaqi jinni Sauloti erge, jinnini sunini isa qaabatte mana isa keesati marachite. Daudini akuma guyya ch'ufa tolche kaani kiraari d'au jira, ammo Sauloni woraana harkaa qaba. Jennaani inni woraana suni maro lama darbe waan jed'e, Anini Daudi akana woraane manati mat'ansa; ammo Daudini maro lachu miliqe duraa bahe. Waan AABBO Waaqi isa lakise Daudi gula baheefi Sauloni Daudi sodaate. Tanaafi Sauloni Daudi ufi biraa baase gudda askarti kuma toko tolche. Daudini askarti isa duulani d'aqe, waan AABBO Waaqi isa woliini jirufi waan ch'ufa dabsate. Sauloni aka inni waan ch'ufa dabsatu arge jennaani haga qarale ira isa sodaate. Ammo nami Israelifi Yuda keesa jiru ch'ufti Daudi jaalate, waan inni nama dansa nama dura deemu tahe waan ch'ufa dabsateefi. Jennaani Sauloni waan Daudini jed'e intala tiyya guddo ta Merabu jed'ani tana sii keenna, hod'i, fuud'i. Ammo hojja fuute askarti janna tate AABBO Waaqa hojachu malte. (Sauloni waan ufiini jed'e, Anini harka kiyyaani isa intuqu, ha worri Filisti isa ijeesuti.) Daudini waan jed'eeni, Anini eenu qara? Worri kenaleeni Israeli keesa eenu ka anini intala hayyu fuud'u? Ammo hojjani Daudini Merabu fuud'u geennaani isa lakisani namicha toko ka Adirieli jed'ani, ka worra Meholathiti kennani. Duuba intalti Saulo ta Mikali jed'ani guddo Daudi jaalate; Sauloni akasi d'agaye jennaani guddo gammade waan ufiini jed'e, Anini Mikali Daudii keenna, aka isiini t'urura iti taate duuba worri Filisti isa ijeesu. Duuba maro lameeso Sauloni waan Daudini jed'e intala tiyya fuud'i. Jennaani Sauloni hojattu ufi yaame waan jed'eeni, Daudi yaama, kobati, haasaani, waan jettaniini, Hayyuuni ya si maache, hojattuuni isaleeni ya si jaalate. Tanaafi amma intala isaa fuud'i. Duuba dubbi tana Dauditi himani jennaani inni waan jed'e, Isani sodda hayyu tahiti waan diqo seetani? Anini hiyyeesa, namileeni na imbeekhu. Worri hojattu kaani dubbi Daudini jed'e taani Sauloti hime. Sauloni waan jed'eeni, Waan isani Daudini jettani, Wonti qarat'a intala ka hayyuuni sira fed'u missa d'ibba lama ka atini worra Filisti ijeefte murate duuba akasiini haalo na baaftu jed'e. (Akanaani Sauloni aka worri Filisti Daudi ijeesu malate.) Hojattuuni Saulo dubbi tana Dauditi himte jennaani inni aka sodda hayyu tahu iraa gammade. Ato guyyaani fuud'a ingainu, Daudifi worri isaa yae nama d'ibba lama ka gosa Filisti fit'e missa worra ka murate kaani ch'ufa fuud'e hayyu duraani d'ufe aka akasiini sodda hayyu tahu, jennaani Sauloni intala isaa Mikali Daudii kenne. Sauloni aka AABBO Waaqi Daudi woliini jiru arge, ammalle aka intalti isaa Mikalini isa jaalatule arginaani, haga qara ira Daudi sodaate, haga jiru ch'ufa nyaapa iti tahe. Askartini worra Filisti akuma qara kaani worra Israelitini wolhaati, ammo hojja woli had'ani suni ch'ufa Daudini askarti Saulo taani ch'ufa ira worra balleese. Akanaani guddo beekhame gurra baafate. Sauloni ilma isa Yonathanifi hojattu isa ch'ufa wolti yaame waan jed'e, Anini Daudi ijeesu fed'a. Ammo Yonathanini guddo Daudi jaalata, tanaafi waan Daudini jed'e, Aabbooni si ijeesu fed'a bori diirama ufi eegad'i, fulla tokoti d'okhad'i, achuma tai. Anini deeme fulla atini iti d'okhatu suni aabbo bira eje waan kanke iti haasaa. Yo anini wo d'agaye siti hima. Yonathanini dansuma Daudi Sauloti haasae waan jed'eeni, AABBO, hojattu tante Daudi waan hamtu intolchini, wonti inni tolche ch'ufti guddo si qarqaarte. Inni lubbu ufi ded'e Goliathi ijeese, akasiini duuba AABBO Waaqi worra Israeli harka nyaapa keesaa baase dabsachiise. Atinileeni waan suni agarte jennaani gammadde. Atini maanifi amma nama woma iyyakini iti ch'ubbamte fayyuma tana Daudi ijeesu feeta? Sauloni dubbi Yonathani ch'aqase, maqa AABBO Waaqatini kakhate, Daudi inijeesu jed'e. Jennaani Yonathanini Daudi yaame dubbi suni ch'ufa iti hime; duuba isa Saulo duraani d'ufe. Daudileni akuma duri kaani Saulo hojate. Ammalle woraani worra Israelitiifi ka Filisti kaani kae. Daudini worra had'e aka d'uga dabsate baqachise. Guyya toko ato Sauloni mana isa keesa tau, ka inni woraana harkaa qabu, ato Daudini tae kiraari d'au jinnini AABBO Waaqi erge taani isa ira buute, Sauloni Daudi woraanani had'e manati mat'ansu fed'e, ammo Daudini duraa miliqe woraani sunini mana woraane keesati hafe. Duuba Daudini halkanuma suni kae baqate. Jennaani Sauloni nama mana Daudi eegu erge, aka boriyyaate isa ijeesu, ammo niitiini isaa Mikalini waan jetteeni yo atini halkani kana imbaqatini bori indoota. Duuba isiini deresha manatini gabuufte, inni kae baqate. Jennaani isiini waan harkani mid'aasani ka kad'atani fuute, sire gubba keete, boraati rifeensa reetini mid'aasani mata jala keete woya iti uyifte. Worri Sauloni erge kaani Daudi qabu d'ufe jennaani Mikalini, inni fayyaniti jetteeni. Ammo Sauloni worra keesa deebise waan jed'eeni, Isani iluma teesaniini isa arga, sire isaa woliini baad'a, kootaani inijeesa. Worri d'ufe mana olseene waan boch'ani kad'atani kaani ka boraati rifeensa reetini mid'aasani mata saabate ch'iisu sire irati arge. Sauloni waan Mikalini jed'e, Atini maanifi akana na sobde nyaapa kiyya baqachifte. Isiini waan jetteeni, isati, yo atini na gad'iisu baate si ijeesa nani jed'e, jette. Daudini baqate Samueli ka Rama jiruni bahe, waan Sauloni isa tolche ch'ufa iti haasae. Jennaani isaafi Samuelini Nayothi d'aqani achi taani. Sauloni aka Daudini Nayothi ka arda Rama keesa jiru iti himani jennaani inni nama isa qabu iti erge. Worri raagoota ta lalabde sirbuti jirtu ka Samuelini gudda worra arge. Jennaani lubbuuni AABBO Waaqa jara Saulo ira buute worrileeni lalabe sirbe. Sauloni akasi d'agaye jennaani nama d'ibile erge, worri sunileeni akasuma lalabe sirbe. Inni maro sadeesole nama erge worri suleeni akasuma tahe. Duuba eege innileeni kae deeme, Ramati iti d'aabate. Eela gudda toko ka Deku jed'ani geennaani Samuelifi Daudi odeefate, jennaani Nayothi jira jed'aniini, Ato inni achi deemu lubbuuni Waaqa isale ira buute, inni kara Nayothi lalabe sirbaa iti d'aabate. Inni woya ch'ufa ufi ira yaase, Samueli durati sirbe, guyya sunifi halkani suni qulla qunquma ch'iise. (Akanaani jechi, Sauloleeni ya raaga tahe jed'ani ga bahe.) Jennaani Daudini dira Nayothi ka arda Rama keesa jiru kaye, baqate Yonathanini bahe, waan jed'eeni, Anini maani yake? Wollaali kiyya maani? Wonti hamtuni anini abba kanke tolche, ka inni na ijeesu fed'ufi, maani? Yonathanini waan jed'eeni, Waaqi duu si didinna! Abbaani kiyya waan tokole ato isiini diqo taate guddo taate ka nati inhimini intolchu. Tanaafi tante tanale na ind'ossu, dubbini sunini injirtu, d'ara! Ammo Daudini waan jed'eeni, Abbe imbeekha aka atini na jaalatu, tanaafi inni waan na tolchu fed'u kana siti himu dide, aka atini hameenna iraa ingarre. Anini maqa AABBO Waaqa jirutini kakhad'a, aka dooti diqole fago nara injirre! Yonathanini waan jed'eeni, Waan atini feetu ch'ufa anini sii tolcha. Daudini waan jed'eeni, Bori guyya jila baatiti, anini hayyu woliini sagale soorachu male. Naa eebisi, anini deeme oobru keesati d'okhad'a, haga galgali iftaani gahuti. Yo abbe na d'abe aka anini worra keenna ka Bethlehemu d'aqe sorio woga d'aqabad'u, jennaani atini na gad'ifte, iti himi. Yo inni haye ha deemuti jed'e, anini ya bahe; ammo yo inni dallane, aka inni na balleesu fed'u sunini beeta. Ammo atini gama kanketini naa nahi kakhu jabdu nu AABBO Waaqa durati wolti kakhanne jabeesi guuti. Ammo yo anini wollaala qabaad'e atumaani na ijeesi; maanifi abbeetiti na geesita? Yonathanini waan jed'eeni, Laki, abbo akasi injed'ini! Yo d'uguma anini aka aabbooni siballeese beekhe ani siti inhimu? Jennaani Daudini waan jed'eeni, Yo abbe dallansuuni si jalaa dubbate eenuti nati hima? Jennaani Yonathanini waan jed'eeni, Kooti, gara oobru nu yaasi. Jennaani worri woliini yae, Yonathanini waan Daudini jed'e, AABBO Waaqi Israeli d'uga nu tahinna! Borifi iftaani hojja tana anini abba kiyya dubbi taani iti hima. Yo anini aka garaani isaa siti dansa arge, qonqo si erga. Yo ammo garaani isaa siti hamaa arge, AABBO Waaqi na ijeesinna yo anini si d'osse lubbu tante imbaasini. AABBO Waaqi si woliini jiraatinna, akuma inni abba kiyya woliini jiraate! Haga anini jiru kakhu atini kakhate jabeesi naa nahi; ammo yo anini due; naasu na agarsiifte worra kiyyale garsiisi. Ammalle eegi AABBO Waaqi nyaapa keenna ch'ufa balleese, kakhuuni nu wolti kakhanne ha akuma ufi jiraatu. Hojja kakhuuni sunini ch'abde AABBO Waaqi gaargalani siti d'ufa. Ammalle Yonathanini aka haguma jiru ch'ufa Daudini isa jaalatu isa kakhachise, wonti akanatiifi Yonathanini akuma ufi jaalatu Daudi jaalata. Jennaani Yonathanini waan Daudini jed'e, Jilti baati bori yo fulla sagaleti si d'abani imbeekhani aka atini arti injirre. Iftaani d'abisi kanke haga kalele ira mullata; tanaafi fulla atini qara iti d'okhate taani d'aqi, d'akhaye wolti tuulani duubati d'okhad'i. Anini duuba t'iya sadiini had'a, aka waan abbiru. Duuba anini gurba toko erge, beeni, t'iya suni gaguuri jed'aani, Hojja anini ilaali, t'iyiti moga tante tana jirti, guuri, isaani jed'e, lafti nagaya, gabahi jechu. Anini maqa AABBO Waaqa jirutini kakhad'a, wonti atini sodaatu injirtu. Ammo yo anini t'iyiti moga tante suni jirti jed'eeni, Kai deemi, AABBO Waaqi ya si deemsise. Ammalle kakhu nu wolti kakhanne taani qabad'i, AABBO Waaqi d'uga teenna, naafi si jiddu. Duuba Daudini oobru keesati d'okhate, jilti baati geennaani hayyichi Sauloni mana sagale iti nyaatani d'ufe, fulluma isaa ta duri taani manati aane tae. Abinerini d'aatu isaa tae Yonathanileeni isa dura tae. Fullaani sila Daudini tau duwa, ammo Sauloni guyya suni woma injenne; Wonti akanatiifi inni waan Daudini wo tahe akasiini qulqullooma d'abe jila hanqate sehe. Boriyyaatele, guyya addeesa lama, fullaani Daudini tau akuma kaani duwa. Duuba Sauloni Yonathanini, Daudini arafi kalele maanifi sagale jila nyaachu ind'ufini? jed'e gaafate. Yonathanini waan jed'eeni, Inni, anini Bethlehemu deemu fed'a na gad'iisi jed'e na kad'ate. Ammalle waan naani jed'e, Wonti anini deemu maleefi, worri keenna arra sorio woga qalata, oboleesi kiyyaleni yayu si ind'abini jed'e qonqo nati erge, tanaafi yo atini jaala kiyya taate na gad'iisi aka anini fit'a tiyya argu d'aqu nani jed'e. Wonti inni fulla sagale ind'ufinifi tana. Sauloni aka hama Yonathaniti dallane waan jed'eeni, Ilma ch'abana! Anini imbeekha aka atini Daudi gula baate ufifi, haad'a si d'altele ch'eersitu! Atini ingartu, aka atini hayyu lafa tanati intaane, haga Daudini jiru? Amma beeni deemi, isa gafuud'i inni duu male! Yonathani waan jed'eeni, Inni maanifi duu male? Maani yake? Inni akasi jed'e jennaani Sauloni isa ijeesu fed'e woraanani had'e. Duuba Yonathanini aka abbaani isaa d'uguma Daudi ijeesu fed'u hubate. Yonathanini aka hama dallane, sagale biraa kae guyya addeesa lama suni agabu ole, inni waan Sauloni akana Daudi ch'eerseefi guddo iraa laalefate. Boriyyaate Yonathanini kae oobru d'aqe, aka Daudi argu, dubbi qara wolti qabatani taani gula. Gurba diqa toko ufi gulaani deeme waan jed'eeni, Utali, t'iya anini darbu gadi na fuud'i. Gurbaani utaale, Yonathanini t'iya darbate isa bira dabarse buuse. Gurbaani fulla t'iyiti iti lafa d'oofte gahe jennaani Yonathanini iti lalabe waan jed'eeni, T'iyiti artini dura injirtu? Arti ini ejini, durati utali barbaadi! Gurbaani t'iya fuud'e gara abba ufi deebie, ka dubbi suni tokole inhubatini; dubbi suni Yonathanifi Daudi ch'allati beekha. Yonathanini miha isa gurbati kenne, dirati naa geesi jed'eeni. Eegi gurbaani deeme, Daudini d'akhaye duubati d'okhate taani duubaa gabahe jilbifafate maro sadi mataani lafati gajed'e. Isaafi Yonathanini wold'ungatani bobohani, ammo Daudini isa ira bohe. Jennaani Yonathanini waan Daudini jed'e. Nagayaani deemi, nu yayu maqa AABBO Waaqatini wolti kakhanne aka woljaalanu. Kakhu suni AABBO Waaqi jiddu tiyyafi tanteetifi ta d'aloota kiyyatiifi ka kanketile nuu d'uga. Jennaani Daudini kae deeme, Yonathanileeni gara dira deebie. Daudini Nobu fulla qaallicha Ahimeleki d'aqe. Jennaani Ahimelekini ka hollatu iti gabahe waan jed'eeni, Atini maanifi ka wahela inqamne koba arma d'ufta? Daudini waan jed'eeni, Hayyichati huji na erge, ammo inni huji suni namuti inhimini nani jed'e. Ammo anini nama na jala hojatu yayu fulla tokoti wolti d'ufna jed'eeni. Amma atini sagale woreega maani harkaa qabda? Qit'a shani yokhaani waan qabdufu naa kenni. Qaallichi waan Daudini jed'e, Anini qit'a woyyuma male qit'a d'ibi inqabu, qit'a suni hojja hojattuuni tante nad'eeni d'io tana bira ingahiini sii keenna. Daudini waan jed'eeni, Laki, jari kiyya qarale nad'eeniti ind'iaatu hojja imaltu yau, ammo keessuma hojja imaltu akana tana yau diqole iti ind'iaatu. Duuba qaallichi qit'a woyyuma kenneefi; wonti akanatiifi qit'aani inni qabu ka Waaqa baasani ch'alla, ka AABBO Waaqa duraa fuud'ani qit'a owani jijirani. (Namichi hojatu Saulo toko ka Doegi jed'ani, ka gosa Edomu guyya suni arti jira maro inni aada AABBO Waaqa guutu maleefi.) Daudini waan Ahimelikini jed'e, Woraanafi goraade toko ka naa kennitu qabda? Anini maro hujiini hayyuuni na erge tunini huji hurre tolchu malani tateefi woraanafi goraade tiyya arifad'e biraa deeme. Ahimelekini waan jed'eeni, Anini goraade Goliathi namicha Filisti ka atini bale Eela keesati ijeefte ch'alla qaba; isiini kuuno, achi miha woyyuma suni duuba mamarani teeti, yo feete fud'ad'i isi male goraadeeni d'ibiini injirtu. Daudini waan jed'eeni, Qarale goraadeeni isi ira jirtu injirtu, naa kenni. Duuba guyya suni Daudini kae, Saulo duraa baqate, hayyu Akishi ka dira Gathitini bahe. Hojattuuni hayyicha suni waan hayyichani jette, Kunini Daudiniti ka hayyu lafa isaa, kunini namicha nad'eeni sirba keesa faarsite akana jettuniti? Sauloni nama kunkikunki ijeese, ammo Daudini nama kunkikunki kud'ani ijeese. Dubbini tunini guddo garaa Daudi tut'e, inni guddo hayyu Akishi sodaate. Tanaafi hojja worra suni bira jiru inni maraata ufi tolche hojja worri isa d'owele ufi maraache; inni balbala fullo dira irati wot'at'afe, gorora areda ira ufi gayaase. Jennaani Akishini waan hojattu ufitini jed'e, Namicha kana laala wonini maraata, isani maanifi natiini d'uftani? Anini qara maraata arge inquumne? isani maanifi maraata d'ibiini nati d'uftani? Ka mana keesaleeti maraatu isaatini na gargalchu? Daudini dira Gathiti baqate goda d'akha ka d'aatu dira Adulamutini bahe. Oboleyaani isaatiifi worri isaa ch'ufti aka inni arti jiru d'ageennaani iti d'ufani. Nami dabsanifi ka gati baasu dad'abeefi ka nama quufa d'abeleeni isati d'ufe; worri suni nama haga d'ibba afuri, duuba inni gudda iti tahe. Daudini achii kae, dira Mispa ka lafa Moabu d'aqe, waan hayyicha Moabutini jed'e, Aabbo, na qarqaari, abbaafi haati tiyya ha fulla tante teetuti, haga anini waan Waaqi naa tolchu hubad'uti. Duuba Daudini fulla hayyu Moabuti worra lakise, worri haga Daudini goda d'akha keesa jiru ch'ufa achuma tae. Jennaani raagi Gadi jed'ani fulla Daudi d'ufe waan jed'eeni, Arma intaini, kai, lafa Yuda d'aqi. Duuba Daudini kae badda Harrethi d'aqe achi tae. Guyya toko Sauloni, ka Gibea jiru, gaara kore, ka woraana harkaa qabu mukha toko jala tae; worri gugurdaani askarti isaa ch'ufti isa marse ejaanje. Jennaani qonqooni d'ufte waan jed'aniini, Daudifi jari isaa yayu mullate. Duuba inni waan worra gurgurda askarti isaa sunini jed'e, Isani worra gosa Benjamini, na ch'aqasa! Isani waan Daudini oobru mid'aanitifi ta zabibu isani ch'ufaa kenne, ammalle worra gugurda askarti isaa isani tolchu seetani? Wonti isani nati malatani na balleesu feetanifi tana? Isani nami tokoleeni aka ilmi anini d'ale Daudini wold'aqani nati inhimne isani nami tokoleeni na iyyaalu, yokhaani nami tokoleeni aka Daudini hojattuuni tiyya gaade na ijeesu fed'u, yokhaani aka ilmi kiyya isaa wahelche nati inhimu! Gaafasi Doegini, ka worra Edomu, worra gugurda askarti suni woliini achi eja. Jennaani inni waan jed'e, Anini gaafa Daudini gara Ahimeleki, ka ilma Ahitubu, lafa Nobu keesa jiru d'aqe ya arge. Duuba Ahimelekini waan Daudini tahuu male AABBO Waaqa gaafatefi, woreegaafi goraade Goliathi, ka gosa Filisti, kenneefi. Jennaani hayyichi Sauloni qaallicha Ahimelekifi fiit'a isaa ch'ufa ta qaalole Nobu yaame worri d'ufe jennaani. Sauloni waan Ahimelekini jed'e, Ilma Ahitubu, na ch'aqasi. Jennaani inni waan jed'eeni, Aabbo si ch'aqasuu jira. Sauloni waan jed'eeni, Sifi Daudini maanifi aka na balleesitani nati malattani? Atini maanifi woreegaafi goraade iti kennite Waaqale waan inni tahuu male gaafatefi? Inni amma nati garagale qoomni nani ijeesu barbaaduu jira. Ahimelekini waan jed'eeni, Askarti tante ch'ufa keesa nami aka Daudi waan d'uga tolchu injiru. Inni sodda keeti, ammalle nama gudda askarti ka si tissu, ka nami si hojatu ch'ufti guddo saalfatufi. Guyyaani anini waan inni tahu male Waaqa gaafad'eefi suni ch'allaniti. Waan mala sini balleesani, ee hayyicha, naafi worra kiyyale tokole ingaafatini, nu keesa injiru. Ammo hayyichi waan jed'eeni, Ahimeleki, siifi worri kankeleeni ch'ufti hobau maltani. Jennaani inni worra isa eegu kaani, ka isa d'aatu ejuuni waan jed'e, Qaalole AABBO Waaqa fit'a! Worri Daudini wolmalatani ammalle aka inni baqate, ato beekhu, na d'osse. Ammo worri sunini harka ufitini qaalole AABBO Waaqa suni fit'u dide. Jennaani hayyichi waan Doegini jed'e, Atumaani worra hobaasi, jennaani Doegini ch'ufa hobaase, akasiini inni guyya suni qaalole nama saddetami shani ta ch'ufti woya boofta ta aka korbo hid'atani taani ufira qabdu hobaase. Sauloni ammalle, nama dira qaalole ka Nobu keesa tau ch'ufa fit'a jed'e: d'iirafi nad'eeni, ijoolleefi daimale, loonifi harree, reele ch'ufa hobaasani. Ammo Abiatharini, ilmi Ahimeleki toko, fiige Daudini bahe wolinitaani. Inni aka Sauloni qaalole AABBO Waaqa hobaase Dauditi hime. Daudini waan isani jed'e, Anini qara gaafuma Doegi achiti arge suni beekhe aka inni Sauloti himu. Duuba tanaafi duisa worra keesani suni ch'ufa anati d'ufeeni. Atini insodatini, na woliini tai, Sauloni, nami sii ijeesu fed'u nale ijeesu fed'a, ammo yo atini na woliini teete woma intaatu. Daudini aka worri Filisti dira Keila had'e mid'aani d'io murani saame d'agaye. Jennaani inni waan Waaqaani jed'e, AABBO worra Filisti kana deeme had'a? AABBO Waaqi waan jed'eeni, Ee beeni, worra had'i, dira Keila suni harka worra keesaa baasi. Ammo jari Daudi waan isani jed'e, Nu lafa tana keesale waan guddo sodaannu qamna; yo Keila d'anne worra Filisti haane haganale ira nuti hammaatti! Duuba Daudini AABBO Waaqa gaafannaani AABBO Waaqi waan jed'eeni, Beeni, dira Keila had'i, anini worra Filisti harka keetiti keenna. Duuba Daudifi jari isa Keila d'aqani, worra Filisti had'ani, nama heddu fit'ani, hori worrale fuud'ani. Aki Daudini dira suni baase akasi. Gaafa Abiatharini, ilmi Ahimeleki fiige Keilati Daudini bahe, inni gaafasi Woya aka korbo hid'atani taani d'ufeeni. Saulo aka Daudini Keila d'aqe iti himani jennaani inni waan jed'eeni, Waaqi yayu harka kiyya keesa isa buuse. Daudini yayu dira d'akhaani marsani aka naabo jaarani d'aqe t'urura keesa ufi buuse. Jennaani Sauloni askarti isaa ch'ufa wolti yaame, aka worri Keila d'aqe Daudifi worra isaa marse had'u. Daudini aka Sauloni had'iisa iti malatu d'agaye jennaani waan qaallicha Abiatharini jed'e, Woya aka korbo hid'atani taanini kooti. Jennaani Daudini waan jed'e, AABBO Waaqa Israeli, anini aka Sauloni ana hojattu tantetiti jed'e Keila d'ufe aka had'e balleesu malate ya d'agaye. Worri Keila harka Sauloti naa inkenna? Sauloni ka ind'ufa jed'ani d'uguma ind'ufa? Ee AABBO, Waaqa Israeli, nati himi. AABBO Waaqi waan jed'eeni, Ee, inuma d'ufa. Ammalle Daudini waan jed'e, Worri Keila d'uguma anaafi jara kiyya harka Sauloti kenna? AABBO Waaqi waan jed'eeni, Inuma kenna. Duuba Daudifi jari isaa, ka nama d'ibba jaa gahu, hojuma suni Keila kaani ka fulla tokole qubatani iti inture durumati godaanani. Sauloni aka Daudini Keila keesaa baqate d'agaye jennaani mala iti d'aate kaani lakise. Daudini lafa gaareeni ta lafa aloo ta d'aatu Zifu keesa keesati d'okhate achuma tae. Sauloni guyya ch'ufa isa barbaade, ammo Waaqi Daudi harka isaati kennu dide. Daudini ka Horeshi lafa aloo ta d'aatu Zifu keesa jiru aka Sauloni isa ijeesu fed'u hubate. Jennaani Yonathanini artiti iti d'ufe aka Waaqi dandae isa qarqaaru iti hime garaa jabeese waan jed'eeni, Insodatini, abbaani kiyya Sauloni dandae woma si intolchu. Inni imbeekha, aka atini hayyu Israeli taate, anini siti aanu. Worri lachu Waaqa durati wold'aqe wolti kakhate jennaani Daudini Horeshi d'aqe, ammo Yonathanini worra ufiti gale. Worri toko Zifu bahe gara Saulo, ka Gibea jiru, d'aqe waan jed'eeni, Daudini lafa teenna ta Horeshi gaara Hakila gubaa lafa aloo ta Yudea gama bitaa keesati d'okhatu jira. Nu imbeenna, ee hayyicha, aka atini guddo isa qabu feetu; tanaafi lafa teenna kooti, nu aka inni imbaanne, isa qamne harka keetiti kennina. Sauloni waan jed'eeni, AABBO Waaqi isani eebisinna, waan isani akana na qaabattanifi. Beena, aka dansaa qorqorad'a; fulla inni jirufi nama isa achiti argele aka dansaa hubad'a. Waan anini d'agaye inni guddo mala qaba. Fulla inni iti d'okhatu aka dansaa hubad'a, maro tokotu koota, na beesisa. Duuba anini isani woliini deeme, yo inni lafa suni keesa jiraate, ato lafa Yuda ch'ufa keesa barbaadele, qabu male intau. Duuba worri Saulo biraa yae Zifu dachae. Daudifi jari isaa gaafasi lafa gamooji ta Maoni jirani, bale aloo ta lafa gamooji ta Yudea gama bitaa keesa. Saulofi jari isaa Daudi barbaadu d'aqani, ammo Daudini mala worra d'agaye kubi d'akhaye lafa aloo ta Maoni d'aqe achi tae. Sauloni aka inni achi d'aqe d'akhaye jennaani faana reebe. Saulofi jari isaa kubi taani gama suni jirani, Daudifi jari isaleeni gama kaani jirani worri Saulofi jara isaa dura baqachu jirani ammo Saulofi jari isaa diquma worra d'aqabe inqabini. Hojuma suni nami toko qonqooni Sauloti d'ufe waan jed'eeni, Hurrisi, keesa deebii, worri Filisti ya d'ufe, lafa had'u jira. Duuba Sauloni Daudi jalaa deebie, worra Filisti d'aqe, had'e. Tanaafi kubi sunini kubi wo garagari baaftu jed'ani. Daudini achi kae, lafa Engedi d'aqe achi tae. Sauloni reebu worra Filistiti deebie jennaani, Daudini lafa aloo ta d'aatu Engedi jira jed'aniini. Jennaani Sauloni askarti kuma sadi askarti Israeli keesa filate fulla toko ta, D'akhaye Ree Ala jed'ani gama ilaboru barbaadu d'aqe. Inni goda toko ka d'aatu moona hooliye jiru, ka d'aatu karaati gore finch'aye. Godi sunini ka Daudifi jari isaa keesa lit'e keesati d'okhachu jiru. Jari suni waan Daudini jed'e, Guyyaani AABBO Waaqi, nyaapa kanke harka keetiti kenne waan feetu tolchi sini jed'e kana Daudini laanuma gaade, ka Sauloni woma quba inqamne, dudda duubani bahe woya isaa qota isii toko iraa kute. Ammo eege Daudini waan akasi tolcheefi gaabe, waan jara ufitini jed'e, AABBO Waaqi na didinna waan hayyu inni fohate anini wo tolchufi! Anini diqo haganale woma tolchu himmalle, inni hayyu, ka AABBO Waaqi muude! Dubbi taanaani Daudini jara isaa Saulo had'u d'owe. Sauloni kae goda keesaa bahe kara gula iti d'aabate. Jennaani Daudini gula gabahe, Sauloti lalabe, Ee hayyicha jed'e yaame. Sauloni ufi duuba millate jennaani Daudini durati gajed'e waan jed'eeni, Atini maanifi dubbi nama Daudini si ijeesu fed'a jed'u ch'aqafta? Kuno, reefuma tana yayu garte, aka AABBO Waaqi goda keesati harka kiyya keesa si buuse. Jari kiyya ka gari, ijeesi nani jed'e, Ammo anini sii nahe, lubbu si baase waan jed'e, Anini dandae hayyu kiyya, ka AABBO Waaqi muude, woma intolchu. Me, waan anini harka qabu kana laali, aabbo kiyya, tunini woya tantetiniti? Sila yo fed'e ya si ijeese ammo woyyuma tana ch'alla siraa kute. Aka anini herega si jala didunifi waan hamtu siti tolchu inqamne tanani beeta, na d'ugeefad'i. Atini ijeecha tiyyafi lafa ch'ufa keesa na gula marte na barbaadda, ato anini waan hamtu tokole si tolchu baad'ele. AABBO Waaqi ha anaafi sii nama wollaala qabu arguti! Inni waan atini akana na gaargalchiteefi sile gaargalchina anini gama kiyyaani woma si intolchu. Atini mammaasa, ch'ubbuuni ch'ubbicha ira baati jed'u beeta? Anini woma si intolchu. Hayyuuni Israeli eenu ijeechaa barbaada? Atini eenu reebda? Sare doote? Taffii? AABBO Waaqi ha dubbi tana laale, d'ugaafi d'ara arguti. Inni ha dubbi tana laale. Naa dubbate, harka kanke keesa na baasuti. Daudini dubbi buufate jennaani Sauloni waan jed'eeni, Nami kunini d'uguma si, ilma kiyya Daudi? Dubbi tana jennaani Sauloni lalabe bohe, waan Daudini jed'e, D'uga teeti, anumati wollaale. Atini guddo waan dansa na tolchite ammo anumati waan hamtu si tolchu jira! Atini reefu waan dansa na tolchite ka na ijeesu didde, ato AABBO Waaqi harka kanke keesa na kayele. Nami hojja nyaapa isaa arge ka woma intolchine akuma kanati gad'iisa? AABBO Waaqi waan dansa sii kennina, waan atini arra waan dansa na tolchiteefi! Anini imbeekha, aka atini hayyu taate, lafti Israeli si jalati finna dansa argattu. Amma maqa AABBO Waaqatini nati kakhad'i, aka atini d'aloota kiyya imballeesine, aka maqa kiyyafi ka worra kiyyaleni imbanne. Duuba Daudini ee jed'e iti kakhate. Jennaani Sauloni kae gale, Daudifi jari isaleeni fulluma iti d'okhatani taaniti deebiani. Samuelini doonaani worri Israeli ch'ufti wolti bahe boheefi, Ramati awaalani fulla worra isaa jiru. Eegi suni Daudini lafa aloo ta Paraniti godaane. Daudini ka lafa aloo keesa jiru waan suni d'agaye. Duuba inni kaima kud'ani erge waan jed'eeni, Nabali, ka Karmeli jiru, d'aqa nagaya iti na hima, waan jettaniini, Daudini sifi worra kanketifi waan kanke ch'ufa nagaya d'aamafi inni aka atini hooliye tante rifeensa iraa ch'irtu d'agaye, waan jed'u. Nu tissitu ree teeti gaafa isiini fulla teenna jirtu woma intolchine. Ammalle gaafa worri Karmeli jiru taka woma iraa inhanne. Worruma gaafad'i, worri siti hima. Guyyaani kunini guyya jilati, kaima kiyya kana qarqaari, waan d'aqabdu ilma kanke Daudifi hojatu isaa tana kenni. Jari Daudi d'aamsa kana maqa Dauditini Nabaliti hime. Duuba worri diqo miila d'aabate. Jennaani Nabalini waan jed'eeni, Daudini kunini eenu kana? Anini taka maqa isaa ind'ageenne. Bara kana tisseleeni hedduuni abbooti duraa baqatu waan lafa guute! Anini maanifi qit'afi bisaanifi hori anini worra ree naa tissu qale, fuud'e, nama anini gara inni baheefi imbeenne keenna? Jari Daudii gara isaa dachae dubbi Nabatini jed'e taani ch'ufa iti hime. Daudini waan worraani jed'e, Goraade teesani hid'ad'a; jennaani worri hid'ate, Daudileni ta ufi hid'ate, nama haga d'ibba afuri fud'ate, nama d'ibba lama miha birati lakise kae iti d'aabate. Hojattuuni Nabali toko waan niiti Nabali ta Abigaili jed'aniini jette Daudini lafa aloo keesa d'aamsa gara abba keenna erge, ammo inni worra arabse. Ammo tatule worri kunini guddo nu qarqaare; taka waan keenna inhanne. Gaafa nu worra woliini jiru, ka nu hori tissinu, worri halkani guyya nu qoqorate. Amma dubbi tana laali, waan tolchu malani heregi; wonti akanatiifi gaargali fago injiru, amuma tana nufi abba keennale qabata. Inni nama hama, dubbi nama tokole ind'agau. Abigailini maro tokotu qit'a d'ibba lamaatifi daad'i gorjo lamaatifi fooni hooliye shani ka wot'alanifi ammalle kilo kud'ani torba ta mid'aani akhawanitifi dame d'unkurura ta mid'aani zabibu ta d'ibba tokotifi qit'a d'ibba lama ka mid'aani odatini mid'aasani, waan kana ch'ufa wolti guurte harreti faate. Jennaani isiini waan worra hojattutini jette, Isani beena, na dura yaa anini faana teesani d'ufa. Ammo isiini d'iirsa isii woma iti inhimne. Ato isiini harre yaabate gaara toko ira maru jirtu, ka imbeekatini, Daudifi jara isaatini woli ira buani. Daudini qara waan jed'e, Anini maanifi hori namicha kana lafa aloo tana keesati qorqorti isaati ufi gaargalcha? Wonti isaa tokoleeni ka ira hatani injirtu, galati inni namaa galchu kana? Yo anini worra nama kana ka d'iira ato lafti imbariini infit'ini, Waaqi na ijeesinna! Abigailini Daudi argite jennaani maro tokotu harre iraa buute, Daudi durati lafaani ufi d'ofte waan jetteeni, AABBO, na d'agayi, wollaala ch'ufa yayu fud'ad'e. Dubbi woni raaticha Nabali jed'ani kana gula indeemini, inni maquma isaa fakaata, maqaani isaa Nabali daalle jecha, innileeni akasuma daalle! Aabbo, gaafa hojattuuni tante d'ufte anini achi injiru. Nami haalo bafachu si d'owe, nyaapa kankele ijeesu si d'owe AABBO Waaqa. Amma anini maqa AABBO Waaqa jirutini nyaapa kanketifi nama si balleesu fed'u ch'ufa abaara, aka worri aka Nabali tahe daallau. Aabbo kiyya, waan anini d'ufeeni kana nara fud'ad'i, jara kanke kana qoodi. Ammalle aabbo kiyya, wollaala anini tolche ch'ufa biraa naa deemi. AABBO Waaqi siifi d'aloota kanke hayyu tolcha, waan atini maqa isaatini nyaapa isaa ch'ufa dabsatteefi, atini haga jirtu waan hamtule intolchitu. Yo nami si had'e si ijeesu fed'u AABBO Waaqi kanke si qorqorata, akuma nami waan ufi jabeese qorqoratu. Inni akuma nami d'akha gullubaani darbu nyaapa kanke siraa darbe lafa buusa. Ammalle hojja AABBO Waaqi waan dansa ch'ufa ka inni sii kakhate guute hayyu Israeli si tolche, atini gaafasi diqole gaabite ilaalefatu waan atini fayyuma tana d'iiga nama jissite haalo baafateefi. Ammalle gaafa AABBO Waaqi sii eebise, na inded'ini, aabbo kiyya. Daudini waan isiini jed'e, AABBO Waaqa Israeli, ka arra gara kiyya si erge, ha guddisani! Waaqi si eebisinna, maro atini waan dansa heredde, d'iiga nama jissitifi haalo anini harka kiyyaani bafad'u na d'owarteefi. AABBO Waaqi yayu si wotolchu na d'owe ammo maqa Waaqa jiru ka Israelitini kakhad'a ato atini sila arifate fuula keesa na d'ufu baate, nami d'iira ka Nabali ch'ufa bori diirama lafti iti imbariitu. Jennaani Daudini waan isiini d'ufteeni iraa fuud'e waan jed'eeni, Beeni, nagayaani gali, dubbi tante yayu d'agaye, waan atini nani jette kana ch'ufa sii guuta. Abigailini gara Nabali, ka worrati ufuma tae jila, jila hayyu fakaatu tolfatu, galte. Inni farso d'uge machae guddo gammachu qaba, tanaafi isiini haga lafti bariituti woma iti inhimne. Duuba boriyyaate isa machini ira gallaani isiini waan ch'ufa iti haasofte. Jennaani maruma tokotu onneeni isaa hammate, akanumati kokotae. Eegi inni kud'ani bule AABBO Waaqi d'ukuba iti buuse ijeese. Daudini aka Nabalini due d'agaye jennaani maqaani AABBO Waaqa ha guddatu jed'e, Inni yayu Nabali nama na arabse ijeese, haalo na baase, waan hamtu anini sila tolchu ch'ufa na d'owe. AABBO Waaqi yayu Nabali maro ch'ubbu isaatiifi waan isaa male itiini d'ufe. Jennaani Daudini qonqo Abigailiti erge, si fuud'u fed'a jed'eeni. Hojattuuni isaa Karmeliti isiiti d'ufte waan jetteeni, Dauditi siti nu erge aka nu si fuune gara isaa si geesine atini niiti isaa tatu. Abigailini worra durati jilbifatte waan jette, Anini hojattu isaati, ammalle kurfo jira aka miila hojattu isaale d'iqu. Jennaani isiini maro tokotu kaate harre yaabate, dubra shani ta isii hojattu fud'atte, hojattu Daudi woliini iti d'aabate, duuba Daudii niiti taate. Ammalle Daudini Ahimaamu ta Yezreeli d'ufte qara fuud'e qaba, duuba amma tana Abigailileni niiti isaa taate. Ammo Sauloni intala isaa Mikali, ta qara Daudini fuud'e, jalaa fud'ate namicha Palti jed'ani, ka ilma Laishi, ka dira Galimuti bahe, kenneefi. Worri toko ka Zifu, Saulo ka Gibea jiruti d'ufe waan jed'eeni, Daudini gaara Hakila ka Yesbimoni ilaboruti d'okhachu jiraniti? Sauloni hojuma suni kae, askarti Israeli nama kuma sadi dadansa ch'alla wolti filate lafa aloo ta Zifu Daudi barbaadaa iti d'aabate, kara keesa gaara Hakila gubbaa bule. Daudini lafuma aloo suni keesa jira, inni aka Sauloni isa barbaadu d'agaye jennaani, nama dooyaa erge, aka Sauloni d'uguma achi jiru mid'aafate. Inni hojuma suni kae, fulla Saulofi Abinerini, ilmi Neri ka gudda askarti Saulo bulani, arge. Sauloni jiddu duula bule, ka nami ch'ufti isa marsu. Jennaani Daudini Ahimeleki ka gosa Hititifi Abishai ka oboleesa Yoabu (haati worraa Sheruya jed'ani) gaafate waan jed'eeni, Isani lamaani kana keesa eentu fulla Sauloni jiru suni na woliini deema? Jennaani Abishaini Anati deema jed'eeni. Duuba Daudifi Abishaini fulla Saulo d'ufani, Saulo ka askarti isa jed'u, woraana d'aatu mata isa d'aabate rafu, argani. Abinerifi askartini isaa taani ch'ufti isa marsite rafu jirti. Abishaini waan Daudini jed'e, Arra AABBO Waaqi yayu nyaapa kanke harka kanketiti kenne. Amma eegi, woraanuma isatini isa tumad'e lafati hod'a, maruma toko iti indeefad'u! Ammo Daudini waan isani jed'e, Isa woma intolchini. AABBO Waaqi nama hayyu inni muude wo tolchu illakisu, ingaargalcha. Ammalle AABBO Waaqi ya na garsiise aka inni Saulo ijeesu, hojja guyyaani isa gahe duu taanaani, yokhaani hojja inni had'iisa keesati duu taanaani. AABBO Waaqi na didinna waan anini nama inni hayyu tolche wo tolchuufi! Kooti, woraana isaatiifi sorora isaa fuune biraa yaana. Jennaani Daudini woraanafi sorora bisaani, ka d'aatu mata Saulo jiru, fuud'e isaafi Abishaini kaani iti d'aabatani. Nami tokoleeni ka worra arge yokhaani ka waan worri tolche beekhu injiru, nami tokoleeni ka damaqe injiru. Worri ch'ufti aka male rafu jira, waan AABBO Waaqi hiriba gudda worra ch'ufati buusefi. Jennaani Daudini bale gama suniti olqabate diqo fagaate, gaara kore lalabe waan askarti Saulotifi Abinerini jed'e, Abineri, na d'ageeta? Jennaani Abinerini waan jed'e, Nami lalabe hayyu kaasu kuni eenu? Daudini waan jed'eeni, Abineri, atini d'iiraniti, Israeli keesa nami sira jiru injira? Atini maanifi hayyicha abba kanke intissini? Amuma tana reefu namichi toko hayyicha abba kanke ijeesu d'ufe. Wonti atini taate sunini dansaaniti anini maqa Waaqa jirutini kakhad'a, isani ch'ufti duu maltani waan isani abba keesani ka AABBO Waaqi muude inqorqoratinifi. Me, ufi d'aatu laala, woraani hayyicha me? Sorori bisaani ka fulla mata isaa jiru me? Sauloni qonqo Daudi hubate, Daudi, ilma kiyya, sunini sii? jed'e gaafate. Daudini waan jed'eeni, Ee hayyicha, anuma aabbo, atini maanifi ammalle na reebda? Anini maani yaake? Wollaali kiyya maani? Ee hayyicha, dubbi tiyya d'agayi yo nami beeni, Daudi had'i sini jed'e AABBO Waaqa taate, anini sorio baaseefi herega isaa garagalcha: ammo yo nama taate, AABBO Waaqi nama suni balleesinna. Wonti akanatiifi worri sunini lafa AABBO Waaqa keesaa na baase, lafa d'ibi anini waaqa d'ibi kad'ad'uni na d'ufe. D'iiga kiyya, lafa nyaapa keesati, fulla AABBO Waaqi injirreti, injissini. Hayyuuni Israeli maanifi taffi aka kiyya kana ijeesu d'ufa? Inni maanifi aka gororii na had'achu d'ufa? Jennaani Sauloni waan jed'eeni, Anini yayu ch'ubbame, gadeebii, ilma kiyya Daudi. Waan atini halkani kana lubbu tiyya baafteefi anini ituma deebie woma si intolchu. Anini yayu aka male daallae waan hamtu tolche! Daudini waan jed'eeni, Woraani kanke kana, nami kanke toko ha d'ufe fuud'uti. AABBO Waaqi nama d'ugaafi qajeeluma gula deemu ineebisaafi. AABBO Waaqi arra ya harka kiyyati si kenne, ammo anini nama inni muude hayyu tolche tuqu dide. Akuma arra anini lubbu si baase kana AABBO Waaqi akasuma lubbu na baase gaargala ch'ufa keesaa na baasina! Jennaani Sauloni waan Daudini jed'e, Ilma kiyya, Waaqi sii eebisinna! Atini waan tolchitu ch'ufa inuma dabsatta. Jennaani Daudini kara ufi iti d'aabate, Sauloleeni worra ufiti gale. Daudini waan ufiini jed'e, Guyya toko anini harkuma Saulotini dua, wonti dansaani anini tahu male aka lafa Filistiti baqad'u. Yo akasi tahe, Sauloni barbaada lafa Israeli keesa na barbaadu kana lakise, anini harka isaa nagayaani jalaa baha. Jennaani Daudifi jari isaa ka d'ibba jaa hojuma suni kaani, Akishi ilma Maoki, ka hayyu Gathiti dabrani. Achi Daudifi jari isaa kaani worra ufi woliini qubatani. Daudini nad'eeni isaa lachu woliini jira, Ahimaamu ta Yezreeli d'ufteefi Abigaili ta Nabalini iraa due, ta Karmelii baate. Sauloni aka Daudini Gathiti baqate d'agaye jennaani barbaadu lakise. Daudini waan Akishini jed'e, Hojja atini jaala kiyya taate, dira diqa toko naa kenni aka anini keesa tau; wonti dira gudda kana keesa anini si woliini taufi injirtu, aabbo. Jennaani Akishini dira Ziklagi isaa kenne, tanaafi Ziklagini arti asi dira hayyoota Yudaa taate. Daudini addeesafi dukana kud'ani jaa lafa Filisti keesa tae. Bara suni Daudifi jari isaa worra Gesharitifi ka Girisitifi ka Amaleki, ka haguma duriti lafa suni keesa tau, d'aqani had'ani. Innii lafa worraa haga Shuri fuud'e Misiriti d'aabe had'e, d'iirafi nad'eeni worrale fit'e, ree, looni, harree, gaalafi woyale ch'ufa boojie. Duuba inni gara Akishi deebinaani Akishini Atini lafa tami baate galte? jed'e gaafate. Duuba Daudini waan jed'uuni, Anini bita lafa Yuda d'aqe yokhaani lafa worra Yerameeli yokhaani lafa worra Keni d'aqe jed'aani. Daudini nama ch'ufa fit'e, d'iirafi nad'eenile, aka nami tokoleeni dira Gathi d'aqe waan isaafi jari isaa tolche namuti inhimne. Daudini haga lafa Filisti keesa tae ch'ufa akasuma tolche. Ammo Akishini guddo Daudi d'ugeefate waan ufiini jed'e, Gochiti isaa yayu isa jibbite, tanaafi inni haga jiru ch'ufa naa hojata. Bara suni worri Filisti nama wolti baase worra Israeliti duule. Jennaani Akishini waan Daudini jed'e, Atini imbeetaniti aka sifi jari kankeleeni duula kiyyati daramtani woliini duultani. Daudini waan jed'eeni, Ee hataatuti, anini qarale hojatuma tante, waan anini tolchu dandau inuma agarta. Akishini waan jed'eeni, Hataatuti, guddo dansa anini haga jiru, si male nami d'ibiini na intissu. Bara Samuelini due kaani worri Israeli ch'ufti boheefi, dira isaa ka Rama keesati isa awaale. Jennaani baruma suni Sauloni nama wohimufi falfaltu ch'ufa irreeni lafa Israeli keesaa baase. Worri duula Filisti wolti bahe d'aatu dira Shunemu qubate; Sauloleeni worra Israeli wolti baase, worrileeni fulla gaara Gilboa qubate. Sauloni duula Filisti arginaani guddo sodaate, waan tahuu male AABBO Waaqa gaafate. Ammo AABBO Waaqi qara kara sadeeniini isaani dubbi dide: oobju, Urimufi Thumimuni yokhaani raagoota. Jennaani Sauloni waan hojattu isaatini jed'e, Niiti falfala beetu naa barbaadi, anini woi gaafachu fed'a. Worri waan jed'eeni, Lafa Endori keesa niiti waan akasi beetu jira. Jennaani Sauloni nama d'ibi ufi fakeese, woya jijirate, halkani nama lama fud'ate, niiti suni argu d'aqe, waan jed'eeni, Ekhera woi na gaafad'i, nama anini maqa d'ae na gadi yaami. Niitiini waan isani jette, Atini waan Sauloni tolche imbeetu, ka inni nama wohimufi falfaltu ch'ufa irreeni lafa Israeli keesa baase? Atini maanifi t'urura keesa na buufte na ijeesu feeta? Jennaani Sauloni isiiti kakhate waan jed'e, Anini maqa AABBO Waaqatini kakhad'a aka hojja atini waan kana naa himtele woma si intolchini. Jennaani niitiini waan jette, Eenu si yaama re? Jennaani inni, Samueli na yaami jed'e. Niitiini Samueli agarte jennaani iyyite lafa garagalchite, waan Sauloni jette, Atini maanifi akana na sobda, atini Sauloniti? Hayyichi waan jed'eeni, Insodatini, maani agarte? Isiini waan jetteeni, Anini ekhera lafa keesaa bau jirtu arge. Inni isiini maani fakaati? jed'e gaafate. Isiini waan jetteeni, Jaarsa ubaara d'eera ufira qabu toko arge. Jennaani Sauloni aka inni Samueli beekhe, durati jilbifate guddise. Samuelini waan Sauloni jed'e, Atini maanifi na gaargalchite ch'iisu na d'owarte na yaamta? Sauloni waan jed'eeni, Gaargala guddati harkaa na qaba, worri Filisti na had'u jira Waaqi ya na lakise. Inni amma yayu raagafi oobjuleeni nani dubbachu dide. Tanaafi si yaame aka atini waan anini tahuu male nati himtu. Samueli waan jed'eeni, Atini eegi AABBO Waaqi si lakise nyaapa siti tahe maanifi na yaamta? AABBO Waaqi yayu waan kanke ka inni duri nani jed'e, Aninileeni siti hime guute: inni yayu huji hayyuma siraa fuud'e Daudii kenne. Waan atini dubbi AABBO Waaqa dide worra Amalekitifi waan worri qabu ch'ufa balleesu diddeefi AABBO Waaqi ammatana akana si tolchu jira. Inni sifi worra Israeli ch'ufa harka worra Filistiti kenne, duuba bori siifi ilmaani tanteeleni ch'ufti fulla tiyya d'uftani. Ammalle AABBO Waaqi askarti Israeli ch'ufa harka worra Filistiti kenna. Hojuma suni Sauloni dubbi Samuelini isani jed'e suni d'ageennaani aka hama rifate lafa d'ae. Inni waan laafe, wonti akanatiifi halkanifi guyya suni woma insooranne. Niitiini taani fulla Saulo d'ufte aka inni aka male mudame arginaani waan jetteeni, Aabbo, anini lubbu tiyya jibbaad'e waan atini tolchi nani jette sii tolche. Amma waan anini siraa fed'u na tolchi anini sagale si d'aaba, ta atini nyaate jajabaate karaani kutu; sagale suni naraa fud'ad'i. Ammo inni dide waan jed'e, Anini woma tokole inyaad'u. Ammo jari isaleeni iti d'owe nyaad'i jed'eeni, Duuba eege inni ee jed'e lafaa kae sire ira tae, jennaani niitiini hurifte lafaa kaate raada gabbo toko qalte, dargaye daakhani fuute, qit'a bukho inqamne d'aabdeefi. Duuba sagale suni fuute Saulofi jara isati kennite, worri nyaate halkanuma suni kae iti d'aabate. Worri Filisti askarti ufi ch'ufa Afekiti wolti baase, ammo worri Israeli maddo bale Yezreeli keesa jirtu d'aatu qubate. Hayyooti Filisti shanani, ka namu qooda askarti d'ibba d'ibbafi kuma kumaani qabu gad'ufte; Daudifi jari isaa hayyu Akishi woliini dudda duuba yaani. Worri gugurda askarti Filisti worra Daudi arge waan hayyuuni jed'e, Worri Ebrania kunini maani armaa tolcha? Akishini waan jed'eeni, Kunini Daudi nama duri hayyicha Israeli ka Saulo jed'ani hojate. Ammo amma naafi inni guddo woliini teenne. Haga inni fulla tiyya d'ufe anini taka waan hamtu inni tolche ingarre. Ammo jari gugurdaani askarti Filisti isaati dallane waan jed'eeni, Namicha kana dira atini kenniteefi kaaniti deebisi. Inni had'iisa nu woliini deemu himmalle, hegeri inni nuti garagale nu balleesa fa. Karaani inni dandae abbaani gammachiisuni, ka ijeecha inni nama keenna ijeesu ira jiru, injira? Kunini Daudiniti? Ka nad'eeni sirba keesa faarsite waan isaa akana jettu? Sauloni nama kunkikunki ijeese, ammo Daudini nama kunkikunki kud'ani ijeese. Jennaani Akishini Daudi yaame waan jed'eeni, AABBO Waaqi imbeekha, aka atini naa saalfate, anini gama kiyyaani guddo gammada yo atini na woliini duultu. Anini haga atini fulla tiyya d'ufte taka wollaala womatu sirati ingarre, ammo jari hayyoota kunini d'ibiini si inquufu. Tanaafi amma nagayaani keesa deebii; waan worri infeene tokole intolchini. Daudini waan jed'eeni, AABBO anini maani yake? Haga anini fulla tante d'ufe asi atini haga arra wollaala maani narati garte aabbo kiyya? Tanaafi maanti na d'owa, ee hayyicha, aka anini si woliini deeme nyaapa kanke had'u? Akishini waan jed'eeni, Sunini d'uga atini aka malaika Waaqa nati fakaata. Ammo hataatu, hayyooti taani ya didde, aka atini nu woliini duultu. Tanaafi bori diirama, yo lafti bariite siifi nami ch'ufti ka Saulo biraa d'ufe kaa, keesa deebia. Duuba boriyyaate Daudifi jari isaa diirama lafa kaani, lafa Filistiti deebiani ammo worri Filisti kae gara Yezreeli durati iti d'aabate. Guyya sadeeso Daudifi jari isaa Ziklagini bahe. Worri Amaleki qara lafa Yuda gama bitaatifi Ziklagile had'e, ammalle worri qara dira suni gube balleese nad'eenile ch'ufa boojie; worri nama tokole inijeefne, ammo gaafa galani, nama ch'ufa, diqafi guddale, boojiani itiini dabatani. Daudifi jari isaa achini bahe jennaani, aka dira gubani, nad'eenifi ilmaani worra, ta d'iiratifi ta dubrale, boojiani argani. Daudifi jari isaa aka male bohani haga dad'abani ufi jibbaataniti lakisu didani. Nad'eeni Daudi lachu Ahinoamufi Abigailile ya boojiani. Daudi amma ya gaargali hamaani qabate, wonti akanatiifi jari isaa ch'ufti maro ilmaani d'abeefi yayu garaani hammate ijeecha isaati malate; ammo AABBO Waaqi garaa isaa jabeese. Jennaani Daudini waan qaallicha Abiathari ka ilma Ahimelekitini jed'e, Woya aka korba hid'atani taani natiini kooti, duuba Abiatharini itiini d'ufe. Daudini AABBO Waaqa gaafate waan jed'e, Nyaapa kana reebe ind'aqaba? Inni waan jed'eeni, Reebi, atini d'aqabde worra boojianile ch'ufa iraa buufta. Jennaani Daudifi worri isaa nami d'ibba jaa kaani reebu iti d'aabatani laga Besoritini bahani jennaani nami gari achiti jalaa hafe. Nami artiti hafe suni nama d'ibba lama ka dad'abii laga suni taaku dad'abe. Ammo Daudini worra nama d'ibba afuri woliini reebu iti d'aabate. Duuba worri ato yau gurba Misiri toko arge Dauditini d'ufe. Bisaanifi sagaleefi mid'aani ejersatifi dame d'unkururtu mid'aani zabibule kennanifi inni waan suni nyaate jennaani jajabaate; inni haga guyya sadi taka bisaanifi sagalele inarganne. Daudini waan jed'eeni, Atini eenu hojata? Eesaa baate? Inni waan jed'eeni, Anini nama Misiriti, ammo tisse namicha Amaleki toko, anini fayya d'abe jennaani abbaani kiyya guyya sadi ka dabre kae na biraa deeme. Nu lafa worra Kerethi ta lafa Yuda bitaatifi lafa worra Kalebu haane dira Ziklagile gumne. Daudini waan jed'eeni, Atini dandeete fulla worra nama had'e suni na geesita? Inni waan jed'eeni, Maqa Waaqatini kakhad'i, aka atini na iniijeemne yokhaani aka atini harka abba kiyya suniti na indeebimne, duuba si geesa. Jennaani inni Daudi fulla worraa geese, ato worri fulla ch'ufati garagari bahe sagale soorate wod'uge gammadu, maro waan heddu lafa Filistitifi ta Yuda keesa boojianifi. Boriyyaate ganama Daudini iti ch'abse haga aduuni d'iituti worra had'e. Nama kaima ka d'ibba afuri ka gaala yaabate baqate male nami kaani tokoleeni infiinne. Daudini namafi waan worri Amaleki boojie ch'ufa nad'eeni isaa lamaani woliini, tokole inhambimne ch'ufa iraa buuse, inni ilmaani d'iiratifi ta dubra ta jari isaa, ta worri Amaleki boojie ch'ufafi waan worri boojie d'ibile ch'ufuma iraa buuse. Ammalle inni loonifi reele ch'ufa iraa buuse; duuba jari isaa hori suni ufi dura oofe waan jed'e, Horini kunini ka Dauditi. Jennaani Daudini fulla nami isaa, ka d'ibba lama yau dad'abe iti hafe ta laga Besoritini bahe. Jennaani worri Daudifi jara isaa fuula keesaa d'ufe, Daudileni worrati gad'ufe nagaya fuud'e. Ammo nami gari ka qot'e male woma inqamne, ka Daudini woliini jiru, waan jed'e, Worri kunini nu woliini iyyaane, tanaafi worri namu ha nad'eenifi ijoolle worraa ch'alla fud'ate yauti, waan nu iraa buufne kana worri tokole woma inargatu. Ammo Daudini waan jed'eeni, Isani waan AABBO Waaqi nuu kenne kana akana tolchu himmalle. Isati nu qorqorate nyaapa keenna kana nu dabsachiise. Nami dubbi teesani ch'aqasu injiru. Nami ch'ufti qooda taka argachu male: nami miha birati hafeleeni haguma nama nyaapa had'e argachu male. Daudini seera kana baase arti asi Israeli keesa seera sunini aada namaa tahtahe. Daudini Ziklagiti gale jennaani inni waan boojie suni haga toko jaarole Yuda ta jaalani isaati erge waan jed'e, Tunini waan nu nyaapa AABBO Waaqaa iraa boojine, fud'ad'a. Inni waan suni worra Bethelitifi ka Raama ka bitaa lafa Yuda taufi worra dira Yatiritifi ka Aroeritifi ka Sifmothitifi ka Eshtemoatifi ka Rakatifi ka Yerameelitifi ka Kennitifi ka Hebronile, waan kana ch'ufa lafa isaafi jari isaa qara keesaa godaane erge. Worri Filisti worra Israeli gaara Dilboa irati had'e, worra Israeli heddu artiti fit'ani, ka hafeleeni Saulofi ilmaani isaa woliini baqatani. Ammo worri Filisti worra baqate kaani reebe d'aqabe ammalle Yonathanifi Abinadabufi Malkishuaa ilmaani Saulo sadeeni fit'e. Had'iisi fulla Sauloni jiruleeti jabaate isale t'iyaani worranani aka hama madeesani. Inni waan nama miha isaa ka lola isa jala baatuni jed'e goraade tante qalqala keesaa fud'ad'i, lubbu na kuti, aka worri waaqa imbeenne kunini na qabe nati tabate na inijeemne. Ammo namichi sunini mudame isa ijeesu dide. Jennaani Sauloni gorade ufii fud'ate ufi jala d'aabe iti dirme. Namichi kaani aka Sauloni due arge jennaani innileeni akuma suni ufi ijeese, akasiini isaafi Sauloni woliini duani. Aki Saulofi ilmaani isaa sadeenifi namichi miha isaa baatuleeni duani akasi; worri Saulo ch'ufti guyya suni hobae. Worri Israeli, ka bale Yezreelitini gama jirufi ka galaana Yordani ilaboru jiru aka askartini Israeli baqate Saulofi ilmaani isaa fit'ani d'ageennaani, dira ufi lakise baqate. Jennaani worri Filisti d'ufe dira suni ch'ufa fud'ate. Boriyyaate worri Filisti reefa worra Israeli miha ira hikhachu d'ufe jennaani reefa Saulotifi ka ilmaani isaa sadeeni, ka gaara Gilboa ira ch'iisu argani. Saulo mata ira kutani miha isa ka lola ch'ufa iraa hikhatani miha suni lafa worra Filisti ch'ufa keesa namaani ergani, aka odu dansa suni mana waaqa worraa keesafi nama worraa ch'ufati himani. Miha isaa ka lola mana waaqa worraa ka Ashtorethi jed'ani keesa kayani, nafa isaa dira Beth-Sani keesati fannisani. Worri Yabeshi ka dira Gileadi waan worri Filisti Saulo tolche d'agaye jennaani, Nami janni ch'ufti halkani suni ch'ufa Beth-Saniti yaa bulani. Achini bahani jennaani reefa Saulotifi ka ilmaani isaa dira suni keesaa guurani, Yabeshi geesani achiti gubani. Jennaani ammalle lafele worraa wolti guurani mukha toko ka dira keesaa jiru jalati awaalani, duuba guyya torba ufi agabsani. Eegi Sauloni due Daudini ka worra Amaleki dabsate gale, dira Ziklagi guyya lama keesa bule. Boriyyaate namichi toko fulla askartini Saulo teetu d'ufe, ka woya ufi tatarsaase mata ufile biyye iti naqate. Inni Dauditi d'ufe isa durati gajed'e isa guddise. Daudini waan jed'eeni, Atini eesaa d'ufte? Inni waan jed'eeni, Anini fulla askartini Israeli jirtuu baqad'e. Daudini waan jed'eeni me, Waan tahe nati odeesi. Namichi waan jed'eeni, Askartini teenna nyaapa baqatte, nama keenna hedu fit'ani, Saulofi ilma isaa Yonathanile ijeesani. Daudini waan jed'eeni, Atini aka Saulofi Yonathani ijeesani maanini beeta? Inni waan jed'eeni, Anini ka gaara Gilboa ira jiru, Saulo ka woraana isati hirkatufi gaarifi worri farda yaabatu ka nyaapa ka diquma isa hanqatu arge. Inni garagale na arge, na yaame, jennaani anini jala owaad'e. Inni, Atini eenu? Jed'e na gaafate; jennaani, Anini nama gosa Amaleki jed'eeni. Jennaani inni waan nani jed'e, Kooti, na ijeesi, anini guddo madae dandami inqabu diquma inch'ichini. Jennaani anini d'ufe isa ijeese wonti akanatiifi anini imbeekha aka inni yo lafa d'ae ira inhamne. Jennaani anini sure isaa ta hayyu mata iraa fuud'e, harbora harka iraa yaase, amma sitiini d'ufe, aabbo. Jennaani Daudifi jari isaa ch'ufti aka hama laalefatani woya ufi tatarsaasani. Worri laalefate bohe guyya suni ch'ufa agabu oole, maro lubbu Saulotifi ta ilma isaa Yonathanitifi, ammalle worra AABBO Waaqa ka Israeli, ka had'iisa suni keesa duetifi. Daudini namicha kaimiticha qonqooni d'ufe kaani, Atini eesaa d'ufte? jed'e gaafate. Inni waan jed'eeni, Anini nama Amalekiti ammo amma tana namuma lafa teesaniti. Daudini waan jed'eeni, Atini akami hayyu AABBO Waaqi muude ijeesu insodatini? Jennaani Daudini jara isaa keesa nama toko yaame, kooti isaa ijeesi! jed'eeni. Jennaani namichi namicha Amaleki kaani woraane ijeese, Daudini waan jed'eeni, Sumati dua tana ufitini d'ufe. Afaanuma keetiini atini, hayyu AABBO Waaqi muude anumati ijeese jette. Daudini Saulofi ilma isa Yonathani faaru taanaani faarse bohe, faaru tana worra Yuda ch'ufa ha barsiisani jed'e. (Faaru suni kitaaba Yashari keesati t'aafani.) Gareeni Israeli irati worri keenna gugurdaani rawaate! Jannooti teenna ya qaqarite! Gathi keesati inodeesina, dira Askaloni keesati namati inhimina. Nad'eeni Filisti ingammachisina, dubra worra Waaqa imbeenne gammadu d'owa. Bokayafi yokhaani ebeleeni gaara Gilboa irati iroobini; oobruni isaaleeni ch'ufti ha adaala taatuti! Wonte jannoota ch'ufa ya ch'eersani, wonte Saulole deebiani d'ad'a inibsani. Guubeeni Yonathani nama ijeefte, goraadeeni Sauloleni nama inhanqanne, nama gugurda woworaante nyaapa ijeefte. Saulofi Jonathanini nama dadansa jaalatani; duafi jireennale wolumaani jirani; worri rissa ira qolchaa, nyeench'a ira jaba. Nad'eeni Israeli, Saulo boha! Inni woya didiimtu shooba isaniti uyise, waan ch'uch'ulut'ufi worqi isaanii naqe. Askarti jajanna ya qaqaarisani, had'iisa keesati fit'ani, Yonathanini due gaara ira ch'iisa. Oboleesa kiyya Yonathani, anini sii boha; anini guddo si jaalad'e, jaalalti atini na jaalate waan nami aka imbeenne, jaalala nad'eeni nama jaalatule inch'aalti. Askartini jajanni ya qaqarite, miha worra ka lola ya lafati lakisani, inni amma woma imbahu. Eegi suni Daudini waan Waaqaani jed'e, AABBO Waaqa d'aqe dira Yuda toko iti qubad'a? AABBO Waaqi waan jed'eeni, Beeni, d'aqi qubad'i. Daudini, Dira kami d'aqa jed'e gaafate. AABBO Waaqi waan jed'eeni, Hebroni d'aqi. Duuba Daudini nad'eeni isaa lamaani Ahinoamu ta Yezreeliti d'alateefi Abigaili, ta Nabalini ira due, ta Karmelii d'ufte, fud'ate Hebroni d'aqe. Inni ammalle jara isaa kaanifi worra isaani ch'ufa fuud'e, worri Hebronifi dira d'aatu ch'ufati qubate. Jennaani worri Yuda Hebroni d'ufe Daudi muude, hayyu Yuda tolche. Daudini aka worri Yabesh-Gileadi Saulo awaale d'agaye jennaani, nama worri suniti erge waan jed'eeni, AABBO Waaqi isani eebisinna, waan isani hayyu keesani Saulo naattani awaaltanifi. Ammo AABBO Waaqi isanile nahe isani eebisinna; aninileeni maro huji teesani sunifi isani eebisa. Amma jabaad'a, woma insodaatina! Hayyuuni keesani Sauloni doonaani, worri Yuda yayu na muude hayyu na tolfate. Guddaani askarti Saulo, Abinerini, ilmi Neri, qara ilma Saulo Ishboshethi fuud'e baqateeni, galaana Yordani taake Mahanaimuni d'ufe. Achiti Abinerini isa hayyu lafa Gileaditifi Asheri, Yezreeli, Efraimu ammalle Benjamini yokhaani lafa Israeli ch'ufa tolche. Gaafa hayyu Israeli isa tolchani suni ganni isaa afurtama. Inni ganna lama ch'alla lafa mohate. Ammo gochiti Yuda Daudi gula yaate, innileeni Hebroni keesa ganna torbafi jia jaa gosa Yuda mohate. Abinerifi jari Ishboshethi ilma Saulo Mahanaimu kaani dira Gibioni d'aqani. Yoabu ilma Seruyatifi jari Daudi fulla harooti worra suniti d'ufe. Duuba worri ch'ufti achi tae; worri Abineri gama taka tae, worri Yoabuleeni gama kaani tae. Abinerini waan Yoabuni jed'e, Nami kiyyafi kankeleeni haga toko ha d'ufe nu durati wolhad'uti. Yoabuni waan jed'eeni, Hayye ha tatuuti. Jennaani nama kud'ani lama worra Ishboshethi ka gosa Benjamini keesaa filani nama kud'ani lama d'ibi ka worra Dauditini wolti naqani. Nami ch'ufti wahela ufi mata qabe, goraade ufi ch'inaachati d'ae, akanaani worri suni ch'ufti woliini hobae. Duuba fulla suni, Gibioni keesa, ballinna goraade jed'ani maqa iti baasani. Jennaani aka hama wolhad'ani, jari Daudi Abinerifi worra Israeli dabsate. Ilmaani Seruya sadeenu achi jirti, Yoabu, Abishai, Asaheli. Asahelini ka haga hiddi utaalu, Abineri reebe jalaa deebiu dide. Abinerini dudda duuba millate, Asaheli, nama kunini sii, jed'e gaafate. Jennaani inni, Ee, anuma jed'e. Jennaani Abinerini waan jed'eeni, Na jalaa deebii nama askarti toko reebi, waan inni qabu iraa fud'ad'i. Ammo Asahelini isa jalaa deebiu dide. Ammalle Abinerini waan jed'eeni, Na jalaa deebii! Anini maanifi si ijeesa? Hegeri akami dandae fuula oboleesa kanke Yoabu keesa laala, yo si ijeese? Ammo Asahelini ammalle isa jalaa deebiu dide, jennaani Abinerini jinfu woraanatiini ufi duubati garaa tumate fulaanse inni artumati lafa d'ae due, nami arti d'ufe ch'ufti artuma naanae. Ammo Yoabufi Abishaini Abineri reebani, adu d'iite gaara Amma, ka Giani ilaboru, ka kara lafa aloo ta Gibioni deemu ira bahuti bahanini. Nami gosa Benjamini fulla Abinerini jiru gaara toko gubbati wolti bahani garaa jabaatani kurfotaani. Abinerini Yoabuti lalabe waan jed'eeni, Nu haguma jiru ch'ufa woluma haana? Atini ingartu, aka wonti kunini hameennani buufatu? Nu namu gosuma, atini yoomi worra kana ka nu reebu nuraa deebifta? Yoabuni waan jed'eeni, Waaqi imbeekha, aka yo sila atini dubbi tana jechu baate, jari kiyya si jalaa indeebine haga bori diiramati asi. Jennaani Yoabuni magalata d'ae, nami ch'ufti reebu lakise. Worra Israeli jalaa deebie, had'iisi akasiini hobae. Abinerifi jari isaa halkani suni ch'ufa bale Yordani keesa yaa bule; duuba galaana Yordani taakani boriyyaatele ch'ufa yaani Mahanaimuti galani. Yoabuni reebu worraa lakise, nama isaa ch'ufa wolti yaame, tohate, Asaheli male, nama kud'ani sagali d'ibi d'abani. Ammo hataatu, jari Daudi nama d'ibba sadifi jaatama jara Abineri ka gosa Benjamini hobaase. Yoabufi jari isaa reefa Asaheli fuud'e awaala worra isaani ka Bethlehemu jiruti awaalani. Jennaani halkani suni ch'ufa yaa bulani ganama Hebronini bahani. Had'iisi goli Saulotifi ka goli Daudi guyya heddu fud'ate. Akuma golini Daudi jabaatuni golini Saulo lalaafti. Ilmaani d'iira tunini jaani ilmaani d'iira ta Daudi d'alate gaafa inni Hebroni jiru: Angafi Amnoni, haati isaa Ahinoamu, ta lafa Yezreeliti baate; ka iti aanu Kilebu haati isaa Abigaili, ta Nabalini lafa Karmeli iraa due. Ka iti aanu Absalomu, haati isaa Maaka, dubra hayyu Talmai lafa Geshuriti; ka iti aanu Adoniya, haati isaa Hagithi; ka iti aanu Shefathia, haati isaa Abitali ka iti aanu Ithreamu, haati isaa Egla. Ilmaani tunini ch'ufti Daudii Hebroniti d'alate. Akuma had'iisi jiddu goli Saulotifi goli Daudi dura deemuni, Abinerini goli Saulo keesa jabaate gurra baafate. Jennaani guyya toko Ishboshethini, ilmi Saulo, Abinerini ya jaalto Saulo ta Rispa jed'ani ta dubra Aya barate jed'e himate. Dubbini tunini guddo Abineri dallansiifte, duuba inni waan jed'eeni, Atini sare na seeta, ka anini Saulo lakise Yuda gula deemu? Anini haguma duriti goli abba kanke Saulotifi oboleyaani isaatiifi jaalani isaati. Ammalle anini harka Daudi keesa si imbaafne? Ka duuba atini arra maro niiti tanaatiifi na himatu! Ishboshethini maro Abineri sodaatufi woma jechu dad'abe. Jennaani Abinerini qonqo gara Daudi, ka gaafasi Hebroni jiruti, erge waan jed'eeni, Lafti tunini ta eenu? Eenuti mohata? Wold'aqisa na woliini tolfad'i, duuba anini worra Israeli ch'ufa gama kanke deebisa. Daudini waan jed'eeni, Dansa hataatuti, yo atini waan toko naa guute anini wold'aqisa si woliini tolfad'a. Yo atini na argu d'ufte intala Saulo ta Mikali jed'ani naa kootiini. Ammalle Daudini nama gara Ishboshethi erge waan jed'eeni, Niiti tiyya Mikali na galchi, anini misa d'ibba toko ka worra Filistitini baase isi fuud'e. Jennaani Ishboshethini d'iirsa isii Paltieli ilma Laishi iraa fuud'e Daudi galche. Jennaani Paltielini boha faana deeme haga dira Bahurimu, ammo Abinerini beeni gali jennaani kae gale. Abinerini jaarole Israeli wolti yaame waan jed'eeni, Isani qara guddo Daudi hayyu keesani tahu feetani. Amma tolfad'a! Qaabad'a, waan AABBO Waaqi jed'e: Anini harka hojattu kiyya Dauditini worra kiyya ka Israeli harka nyaapa worra ka Filisti keesaa baasa. Ammalle Abinerini worra gosa Benjaminile akasuma jed'eeni, duuba Hebroni d'aqe, waan worri Benjaminitifi ka Israeli jed'e Dauditi hime. Abinerini nama diddama woliini Hebroni d'ufe jennaani Daudini hori qaleefi aka dansaa worra bulche. Jennaani Abinerini waan Daudini jed'e, Ee hayyichaa anini amma deeme worra Israeli ch'ufa gama kanke deebisa. Worri aka atini hayyu worra ya ee jed'e, Atinileeni waan qara barbaddu argate, lafa tana ch'ufa mohata, jennaani Daudini Abineri eebise nagayaani gad'iise. Hojuma suni Yoabufi jari Daudi, ka waan heddu boojie, had'iisa nyaapati gale ammo Abinerini yoosuni, Hebroni fulla Daudini jiru ya deeme, wonti akanatiifi Daudini yayu eebisefi nagayaani ga d'ise. Yoabufi jari Daudi artini baanani, waan jed'aniini, Abinerini ya fulla Daudi d'ufe nagayaani gale. Jennaani Yoabuni gara hayyu d'aqe waan jed'eeni, Atini maani taati, ka Abineri siti gad'ufe nagayaani gad'iiftu? Atini aka inni soba arma d'ufe waan atini keesa jirtu ch'ufa hubate odu sunini galu imbeetu? Yoabuni Daudi biraa bahe nama Abineri yaamu iti erge duuba eegi inni eela Sirale dabre keesa deebisani; ammo dubbi suni Daudini quba inqabu. Abinerini Hebronini bahe jennaani Yoabuni kobati isa fuud'e, fulla fullo geese aka waan d'ossaa iti himu fed'u, artumati garaa keesa woraane ijeese, waan inni duri oboleesa isaa Asaheli ijeesefi. Daudini odu tana d'agaye jennaani waan jed'e, AABBO Waaqi imbeekha aka anaafi nami kiyya ch'ufti ijeecha Abineri keesa injirre. Ch'ubbuuni tunini ha Yoabufi worra isaa ch'ufa qabatuuti! D'alooti isaa ch'ufti nama ch'oftu qabuufi yokhaani nama qomaat'a qabuufi yokhaani nama huji d'iira lakise huji nad'eeni ch'alla hojatufi yokhaani nama woraanani duu yokhaani nama liqimsa inqamne ha qabaatuti! Akanaani Yoabufi oboleesi isaa Abishaini Abineri ijeesani haalo oboleesa isaani Asaheli ka Gibioniti ijeesani baasani. Jennaani Daudini waan Yoabufi jara isaa ch'ufaani jed'e, Woya teesani tatarsaasa ch'arqi naqad'a, Abineri boha. Guyya isaa awaalani hayyichi Daudileni jara reefa isaa baatu duuba deeme. Abineri Hebroniti awaalani, guyya isa awaalani suni hayyichileeni lalabe bohe, biyyiteleeni akasuma boote. Daudini faaru taanaani isaa bohe. Abinerini maanifi aka daalle due? Harka isaa inhiine, miila isaale wolti inhiine; inni aka nama algali ijeese due! Ammalle biyyiti isaa boote. Guyya suni ch'ufa biyyiti Dauditi d'ufte, sagale soorad'i jetteeni, ammo inni kakhate waan jed'e, Waaqi na ijeesinna, hojja anini sagale nyaad'e haga aduuni d'ituti! Biyyiti aka inni sagale didde arginaani gammadde; wonti hayyuuni tolche ch'ufti guddo biyya gammachiifte. Duuba akasiini nami achi jirufi gumiini Israeli ch'ufte aka hayyuuni ijeecha Abineri keesa injirre hubatte. Hayyichi waan jara ufitini jed'e, Isani aka guyya kana nami guddaani lafa Israeli keesaa due imbeetani? Ato anini hayyu Waaqi fohate tahele, anini arra lalaafa; ilmaani Seruya tunini hamamtu, waan nami dandauniti. AABBO Waaqi worra algala kana gaargalche, gati worraa ta ch'ubbu tana kenninnafi! Ishboshethini, ilmi Saulo, ijeecha Abineri ka Hebroniti ijeesani d'agaye jennaani sodaate, lubbuuni d'ufte worri Israeli ch'ufti guddo rifate. Ishboshethini nama lama qaba, ka Askarti isaa iti mata. Toko maqaani isaa Baana, kaani Rekabu worri lachu ilmaani Rimoni, ka worri isaa Birothi lafa worra gosa Benjamini keesa (Birothini sunileeni lafuma Benjamini. Nami duri lafa Birothi tau lafa Githaimuti baqate haga arrale achuma taa.) Yonathanini ilmi Saulo, ilma toko qaba ka maqaani isaa Mefiboshethi, gaafa qonqooni duuisa Saulofi Yonathani Yezreelini baate, ganni isaa shani. Intalti isa qabdu isa fuute baqateeni; ammo maro isiini arifate ch'eteenifi inni iraa lafa d'ae ch'ach'abe miila lachuyu naafate. Rekabuufi Baanani, ilmaani Rimoni, worra Ishboshethi kaani imaltu yaani guyya gudda achini bahani, ka inni ufumaa tae boqotu. Niitiini balbala eeddu, ato dargaye hafarsu jirtu, mudde rafte, duuba Rekabuufi Baanani, ka isiini quba inqamne mana olseenani, oldabrani fulla Ishboshethini rafu d'ufani isa ijeesani, ato inni ufumaa sire gubba rafu. Mata ira kutani, kaani itiini d'aabatani, halkani suni ch'ufa bale Yordani keesa yaa bulani. Mata isaa suni hayyu Daudi ka Hebroni jirutini d'ufani, waan jed'aniini, Mataani Ishboshethi, ilmi nyaapa kanke Saulo, ka si ijeesu fed'e, kuno kana. Arra AABBO Waaqi yayu nyaapa kanke Saulofi d'aloota isaa haalo si baafachise, ee hayyicha. Daudini waan worraani jed'e, Maqa AABBO Waaqa gaargala ch'ufa keesa na baaseni kakhad'a, namichi qonqo duisa Saulotini Ziklagiti nati d'ufe, waan odu dansaani d'ufe ufi sehe, ammo anini isa qabe ijeese. Galati anini odu isaa suni isaa kenne suni! Ammo keessuma nama, nama woma iyyakini ka mana ufi keesa ufumaa rafu ijeese, hagasi ira wo tolchani! Amma anini haalo isaa, isani ijeese lafa ira isani balleesa! Daudini jara isatini, worra ijeesa jed'e, jennaani ijeesani, harkaafi miila iraa ch'irani, d'aatu haro Hebroniti fannisani, mata Ishboshethile fuud'ani awaala Abineri keesati Hebroniti awaalani. Jennaani gochiti Israeli ch'ufti Hebroniti Dauditi d'ufte waan jetteeni, Nu foonifi d'iiga taka. Duri gaafa Sauloni hayyu keennale atini worra Israelitini duulte, AABBO Waaqileeni atini gumi tiyya dura deemte hayyu iti tata sini jed'e. Jennaani jaaroleeni Israeli ch'ufti Daudi, ka Hebroni jiruti d'ufte. Inni AABBO Waaqa durati wold'aqisa worra woliini tolfate, duuba worri isa muude hayyu Israelile isa tolche. Daudini gaafa hayyu tahe ganni isaa sodoma, duuba inni ganna afurtama worra mohate. Inni Hebroni keesa worra Yuda ganna torbafi jia jaa mohate, ammalle Yerusalemu keesale worra Israelitiifi ka Yuda ch'ufa ganna sodomi sadi mohate. Hayyu Daudifi jari isaa kurfefatini, worra Yebusi ka Yerusalemu keesa jiru, had'u d'aqani. Ammo worri Yebusi waan Daudini dandae worra had'e dira worraa fud'atu insehu, tanaafi worri waan jed'eeni, Atini dandeete ato waan feete taate arma inseentu. Ballaafi naafilleni alumati si d'owa. (Ammo Daudini dira jaba Sioni suni dabsate qabe, duuba diri suni ka isaa tahe Dira Daudi jed'aniini.) Guyya suni Daudini waan worra isaatini jed'e, Isaani nami tokoleeni ka aka kiyya kana worra Yebusi jibbe hobaasu fed'u jira? Yoosi beena, boola bisaani ta lafa jalati baqasani suni gula yaa worra naafafi balla suni had'a balleesa. (Wonti ballaafi naafi dandae Mana AABBO Waaqa iseenu jed'anifi tana.) Eegi Daudini dira jaba suni qabe, inni keesa tae, dira Daudi jed'e maqa iti baase. Inni dira suni fulla d'ooqa ta gaarani ilaborutiini jala qabate ballise marse jaare. Waan AABBO Waaqi Guddaani isa woliini jirufi inni jabaate gurri isaa fulla ch'ufa gahe. Hiramuni hayyichi Tiro, nama gara Daudi erge, worra suni woliini mukha hind'eesatifi hogeeyi mukhafi d'akhaani mana jaartu ergeefi. Duuba akanaani Daudini aka AABBO Waaqi hayyu Israeli isa tolche lafa inni fidule maro gumi isaatiifi eebise hubate. Eegi inni Hebroni kae Yerusalemuti godaane, Daudini gaarayootafi nad'eeni d'ibi guure ilmaani d'iiratifi ta dubrale heddu d'ale. Ilmaani Yerusalemu keesati isaa d'alate tana: Shamua, Shobabu, Nathani, Solomoni, Ibhari, Elishaau, Nefegi, Tefia, Elishama, Eliadafi Elifeleti. Worri Filisti aka Daudi muudani hayyu Israeli tolchani d'ageennaani duula baase isa qabu d'aqe. Daudini dubbi suni jaalani d'ageennaani fulla jabdu ta nyaapa dura iti baqatini d'aqe. Worri Filisti bale Refaimutini bahe keesati qubate. Daudini AABBO Waaqa gaafate waan jed'eeni, Worra Filisti kana inhad'a? Dandae indabsad'a? AABBO Waaqi waan jed'eeni, Ee, had'i, anini dabsacha sii keenna! Jennaani Daudini Baal-Perasimu d'aqe, achiti worra Filisti dabsate waan jed'e, AABBO Waaqi ya aka bisaani fach'aani nyaapa kiyya keesati fach'ae. Tanaafi fulla sunini Baal-Perasimu jed'ani. Worri Filisti baqannaani waan harkani boch'ani ka worri kad'atu lafati lakise jennaani Daudifi jari isaa d'ufe, guure itiini d'aabate. Worri Filisti ammalle bale Refaimuti deebie keesa qubate. Daudini ammalle maani tahu male? jed'e AABBO Waaqa gaafate. Inni waan jed'eeni, Arma inhad'ina, gama suni mara, fulla mukha gugurda suni dudda duubaani had'a. Hojja isani shawesa dame mukeeni suni d'ageetani, nyaapa hobaati iti labsa had'a anati isani dura deeme worra Filisti suni isani dabsachiisa. Daudini waan AABBO Waaqi isaani jed'e guute worra Filisti Gebaa had'e Gezerini baase. Ammalle Daudini askarti Israeli nama kuma sodoma jaba file yaame Baala, ta lafa Yuda keesa jirtu geese, aka Sanduqa Wold'aqisa Waaqa, ka maqa AABBO Waaqa gudda, ka barch'umani isaa akheekha waan lubbu qaba ka khoola gubba jiru achi fuud'ani. Worri Sanduqa suni mana Abinadabu ka gaara gubba jiru fuud'e, gaari hareesa ka karaabdi hirkiftu gubbaa kae. Uzafi Ahiyoni, ilmaani Abinadabu, gaari suni oofte, ka Ahiyoni dura deemu. Daudifi worri Israeli ch'ufti aka jaba sirbe AABBO Waaqa faarse guddise kiraarifi dibbefi buqe mich'iraani ch'ach'akiftufi bilbila d'aani sirbani. Worri fulla oobdi ta Nakonitini bahe jennaani karaabdi gugufate, Uzani saame, Sanduqa Wold'aqisa gaari irati qabe. AABBO Waaqi Uzati dallane hojuma suni isa ijeese, waan inni wollaala tolcheefi Uzani achumati d'aatu Sanduqa Wold'aqisati due, Tanaafi fulla suni arti asi Perez-Uza jed'aniini. Daudileni waan AABBO Waaqi Uza dallansu keesa ijeesefi guddo dallane. Jennaani Daudini AABBO Waaqa sodaate waan jed'e, Anini akami amma Sanduqa Wold'aqisa fuud'a? Duuba inni Yerusalemu ingeesu jed'e, Kara ira goreni mana namicha toko ka Obed-Edomu jed'ani, ka lafa Gethati lakise. Sanduqi suni jia sadi achi tae, duuba AABBO Waaqi Obed-Edomufi worra isa ch'ufa eebise. Daudini aka AABBO Waaqi worra Obed-Edomutifi waan inni qabu ch'ufa maro Sanduqa Wold'aqisatiifi eebise d'ageennaani, Sanduqa Wold'aqisa mana Obed-Edomu suni keesa fuud'e, gammada guddaani Yerusalemuni d'ufe. Worri Sanduqa baatu ejata jaa durati yae jennaani Daudini worra ejachise, korma loonitifi raada gabbo qale sorio AABBO Waaqaa baase. Daudini ka woya boofta ch'alla mart'ifatu aka male sirbe AABBO Waaqa guddise. Duuba akanaani isaafi worri Israeli ch'ufti Sanduqa Wold'aqisa fuud'ani, magalata d'aani, lalabani sirbani, Yerusalemu geesani. Ato Sanduqa suni diratini yaanu, intalti Saulo, Mikalini, qaa manatini milatte, aka Daudini AABBO Waaqa durati sirbe ch'ech'eu agarte jennaani isa tufate. Duuba worri Sanduqani d'ufe waaro Daudini jaarefi keesa fulla isaa mid'aasani kae. Daudileni waan gubani sorio baasanifi sorio wold'ageeti AABBO Waaqaa baase. Eegi inni sorio suni ch'ufa baase inni maqa AABBO Waaqa guddatini biyya eebise, Sagale tana nama ch'ufa d'iirafi nad'eeni Israeliti qoode: Sagaleni sunini qit'a, fooni wat'alatifi zabibu gogoddu. Duuba nami ch'ufti kae worra ufiti gale. Eegi suni Daudini worra ufi eebisu d'umnaani Mikalini fuula keesa d'ufte isa miiti waan jette, Hayyuuni Israeli yayu ara gurra baafate! Inni akuma daalle ijoolle dubra ta tisse isa durati qulla deeme. Daudini waan jed'eeni, Anini AABBO Waaqa ka abbeetifi worra keesani lakise na fohate gudda worra Israeli na tolche durati sirbu jira. Ammalle akuma kana deebie isa durati sirbe, haga qarale ira ufi ch'eersa. Atini woma na inseetu, ammo dubarti sunini nama gudda na seeti, Mikalini, intalti Saulo, deebite ind'alle. Eegi hayyichi Daudini mana ufiti gale AABBO Waaqi nyaapa isaa ch'ufa isa iraa d'owe hafuura baaseefi. Duuba inni waan raaga Nathani jed'aniini jed'e, Anini mana hind'eesani jaraniti gala, ammo Sanduqi Wold'aqisa Waaqa waaro keesati gala! Nathanini waan jed'eeni, Waan atini hereddu ch'ufa tolchi wonti akanatiifi Waaqi si woliini jira. Ammo halkani suni AABBO Waaqi waan Nathanini jed'e, Beni, hojattu tiyya Daudini waan jettu, Nami mana anini keesa tau naa jaaru siiniti. Anini haguma gaafa worra Israeli lafa worra Misiri keesa baase haga arrale taka manati ingale ammo waaromani godaana. Anini haga worra Israeli woliini godaanu taka nama worra Israelitini deemu tokole, maafi mana hind'eesani jarani na injaarini? jed'e ingaafanne. Duuba waan hojatu tiyya Daudini jettu, Anini, AABBO Waaqi guddaani, akana sini jed'a, Anini hooliye atini tissitu keesa si fuud'e hayyu worra Israeli si tolche. Anini fulla atini deemte ch'ufa si woliini deeme, nyaapa kanke ch'ufa si duraa balleese, anini gurra gudda aka hayyooti lafa keesa jirtu ch'ufa qabdu sii kenne. Gaafa atini doote fulla duri ababoota tante iti awaalaniti si awaalani anini ilma kanke toko hayyu tolche lafa isaale jabeesa. Nami mana naa jaaruleeni isuma anini ammalle hayyuma isaa haga jiru jireenna iraa infuud'u. Anini abba isaa tahe innileeni ilma naa taha. Yoyu inni wo yake anini akuma abbaani ilma d'aanu isa d'aana. Ammo anini isa qarqaaru illakisu, aka duri Saulo lakise, fulla isaa hayyu si tolche. Atini haga jirtu d'aloota ind'abdu. Hayyumti teetileeni muumme inqabdu ta haga jiru jireenna. Nathanini waan Waaqi daayya keesa isati hime kaani ch'ufa Dauditi hime. Jennaani hayyu Daudini Waaro Woyyuma ta AABBO Waaqa d'aqe, gatae kad'ate waan jed'e, Anaafi worri kiyyaleni qara eenu, ee AABBO Waaqa, ka atini armaani geete waan kana ch'ufa tolchiteefi? Aka wonti kunini ingahiini atini ammalle waan hagasi ira jirani nu tolchuu jirta, ee AABBO Waaqa; atini yayu waan d'aloota kiyya ka d'ufu kakhate, ee AABBO Waaqa karaani atini nama wo tolchitu kanuma? Wonti d'ibiini anini sini jed'u mani? Atini ana hojatu tante imbeeta. Atini fed'umafi hereguma keetiini waan kana tolchite; waan mama jabdu kana ch'ufa wonti atini tolchiteefi aka wo na barsiiftu. Atini akami gudda, ee AABBO Waaqa! Nami tokoleeni ka aka keeti injiru; nu yo ch'ufa imbeenna, aka atini ch'allaani Waaqa. Gochiti lafa gubbaa jirtu, ta aka gosa Israeli, ta atini tissooma jalaa baafte nama kanke tolfate injirtu. Wonti mama guddooni ta atini worraa tolchite yayu gurra kanke lafa ch'ufaani qit'eesite. Atini gosa d'ibifi waaqa worrale, ato worri atini lafa Misiriti baafte kanke tolfate d'ufu jiru, duraa gussite. Atini yayu worra Israeli haga jiru jireenna nama kanke tolfatte ammalle atini ee AABBO Waaqa, yayu Waaqa worraa taate. Duuba amma AABBO Waaqa, waan atini naafi d'aloota kiyyaa kakhate, intolcha jette guuti. Aka maqaani kanke haga jiru jireenna guddate, duuba, namileeni, AABBO Waaqi guddaani Waaqa Israeli jed'u! Duuba worri hojattu kanke Daudileni si durati hore bulu. Ee AABBO Waaqa gudda, Waaqa Israeli, atini yayu waan kana hojattu tanteeti mullifte waan jette, Anini nama d'aloota kanketi hayyu tolcha. Tanaafi hojattuuni kanke garaa jabaate waan kana si kad'ate, Ee AABBO Waaqa atini Waaquma! Dubbini tante ch'ufti d'uga, atini yayu kakhu dansaa tana hojatu teetiti kakhate, amma anini si kad'ad'a, d'aloota kiyya eebisi, aka worri naasu tante hojja ch'ufa argatu. Atini AABBO Waaqa, yayu waan kana kakhate, ammalle eebiiti tante haga jiru jireenna d'aloota kiyya iraa imbaatu. Eegi suni Daudini worra Filisti had'e dabsate, lafa Israeli ta worri harkaa qabule keesaa baase. Jennaani inni worra Moabu dabsate, nama qaqabe lafa ch'ich'ifsise nama sadi ch'ufa keesaa nama lama fit'e. Duuba akanaani worri Moabu isa jalati bule gibira baaseefi. Ammalle inni hayyu lafa soba ka Hadadezeri ilma Rehobu jed'ani, dabsate, ato inni lafa isaa ta d'aatu galaana Efraiti had'e deefachu deemu. Daudini askarti isaa nama kuma tokofi d'ibba torba ta fardatifi ammalle nama kuma diddama ta miilaani yaatu qaba. Inni farda gaari hirkisu ka d'ibba toko gahu lakise ka ira hafe ch'ufa nanaafise. Gaafa worri gosa Shamu, ka lafa Damaski jiru, duula baase hayyu Hadadezeri qarqaaru d'aqe, Daudini nama kuma diddami lama keesaa hobaase. Jennaani Daudini lafa isaani keesati fulla askartini isaa teetu jaare worri isa jalati bule gibira baaseefi. AABBO Waaqi Daudi fulla inni bahe ch'ufati qarqaare, waan ch'ufa isa dabsachiise Daudini wonte worqiini mid'aasani, ta jari gugurdaani Hadadezeri yauni, guure Yerusalemuti geese. Ammalle sibiila diima heddu dira Bethifi Berothai jed'ani ka Hadadezerini mohatu, keesa boojie. Hayyu Toini, ka lafa Hamathi aka Daudini askarti lafa Hadadezeri ch'ufa dabsate d'agae. Jennaani, ilma isaa Yoramu Dauditi erge, nagaya iti himi, atini aka d'iira tate, ka Hadadezeri, nama nu maro heddu woli haane dabsatte balleesite jed'iini jed'e, Yoramuni waan worqifi qarsifi sibiila diimani mid'aasani Daudii geese. Daudini miha inni d'ufeeni sunifi qarsifi worqi inni lafa had'e taani ch'ufa iraa boojie woliini eebise, mihi kunini ka AABBO Waaqa jed'e olkaye. Lafti inni had'e dabsate tana: Edomu, Moabu, Amoni, Filistifi Amaleki. Inni ammalle waan Hadadezeri iraa boojie akasuma eebise Waaqaa olkaye. Daudini nama kuma kud'ani saddeeti ka Edomu bale sooda keesati fit'e gallaani haga qarale ira gurri d'ufe. Inni Edomu keesa fulla ch'ufati fulla askartini teetu jaare, biyyiti lafa sunileeni ch'ufti isa jalati bulte. AABBO Waaqi Daudi fulla inni bahe ch'ufa eebise nyaapa isaale ch'ufa isa dabsachiise. Daudini worra Israeli ch'ufa aka dansaa d'ugaafi qajeelumani fide. Yoabuni ilmi Seruya, gudda askarti isati; Yehoshefathini, ilmi Ahiludi, nama waan t'aafani ch'ufa harkaa qabu; Sadoki ilmi Ahitubutifi Ahimelekini ilmi Abiathari qaalole; Seruyaani nama hayyu tatabe t'aafu; Benaiyani ilmi Yehoyada, gudda askarti Daudi eeddu; ilmaani Daudileni qaalole. Gaafa toko Daudini waan jed'e, Nami worra Saulo ka hafe injira? Yo jiraate anini, maro Yonathanitifi qarqaaru fed'a. Namicha hojattu tokoti jira, ka worra Saulo, ka siba jed'ani. Isa yaamani gara Daudi d'aqe jed'aniini jennaani Daudini, Atini Siba? Jed'e gaafate inni AABBO anuma jed'e. Hayyichi waan jed'eeni, Nami tokoleeni ka worra Saulo ka hafe, ka anini maro Waaqatifi nahuufi injira? Sibaani waan jed'eeni, Ee, gurba Yonathani tokoti ka naafa jira. Hayyichi waan jed'eeni, Eesa jira? Sibani waan jed'eeni, Mana Makiri, ilma Anieli, lafa Lodebari keesa jira. Duuba Daudini, Beena yaama jed'e, nama iti arge. Mefiboshethini ilmi Yonathani, ka akhaakhu Saulo, d'ufe Daudi durati gajed'e guddise. Daudini Mefiboshethini sii? jed'e gaafate, Inni anuma Aabbo, jed'eeni. Daudini waan jed'eeni, Insodatini, anini maro abba kanke Yonathanitifi sii naha. Anini lafa akhaakhuni kanke Sauloni duri qabu ch'ufa si deebise, atileeni guyya ch'ufa sagale na woliini nyaata. Mefiboshethini durati gadi jed'e waan jed'eeni, Aabbo, atini maanifi naa naata, nama ufuftu sare dootele ingeenne. Jennaani hayyichi Siba hojattu Saulo yaame, waan jed'eeni, Anini yayu Mefiboshethi akhaakhu Saulo ka gudda kanke, waan duri Saulofi worri isa qabu ch'ufa kenneefi. Sifi ilmaani tanteetifi hojattuuni tanteeleni oobru worra isaati qottani mid'aani galchitanifi, aka worri liqimsa argatu. Ammo Mefiboshethini hojja ch'ufa ammaa achi na woliini sagale nyaata. (Sibani ilma d'iira kud'ani shanifi hojatu diddama qaba.) Sibani waan jed'eeni, Anini waan atini jette ch'ufa intolcha, ee hayyicha. Duuba Mefiboshethini, akuma ilma hayyu hayyu woliini nyaate. Mefiboshethini gurba toko ka Mika jed'ani qaba. Nami worri Siba ch'uftinu hojatu Mefiboshethi tahe. Akanaani Mefiboshethini, ka miila lachu naafa, Yerusalemu tae guyya ch'ufa mana hayyuti gololfate. Eegi suni Nahashonini hayyuuni Amoni due jennaani ilmi isaa Hanunini fulla isaa hayyu tahe. Duuba hayyu Daudini waan jed'e, Anini Hanunini akuma abbaani isaa duri naa nahe na qarqaare anileeni akasuma isa qarqaara. Duuba Daudini nama erge, iraa hafi Hanuniniini jed'e. Worri sunini Amonini bahe, jennaani jaaroleeni Amoni waan hayyuuni jette, Atini waan d'uguma Daudini ulfinna abba kanketitifi lubbu isaa iraa hafi jed'a jara kana siti erge seta? Akasiniti, insobamini! Inni aka dooyate hegeri dira kana balleesuufi worra kana gadi erge! Jennaani Hanunini worra Daudini erge suni qaqabe, areeda worraa gama toko iraa haade, woya worraa hid'aanati iraa ch'ire worraa, ufira galche. Daudini qonqo suni d'ageennaani nama fuula keesa worra erge maro worri ch'eeraa galu dad'abeefi inni iti d'aame waan jed'eeni Yerikoti hafa, haga areedi isaani bahuti achi taa, duuba eegi suni koota. Worri gosa Amoni aka Daudi nyaapa ufifi tolchani hubate, jennaani askarti Shamu ta kuma diddama ta Bethiresbufi Soba d'ufteefi askarti kuma kud'ani lama ta Tobu d'ufte ammalle hayyu Maaka nama kuma toko woliini hori baaseefi goli ufi tolfate. Daudini dubbi suni d'ageennaani Yoabufi askarti Israeli ch'ufa woliini, had'a jed'e worra fuula keesa erge. Worri Amoni diraa gabahe fullo dira Raba durati wolti bahe had'iisa kurfefate, ka worri Seriatifi Tobatifi Maaka ballinna lafa keesati gama ufitini had'iisa kurfefate. Yoabuni aka nyaapi durafi duubaani isaa marse arge jennaani askarti Israeli nama jajaba file, duula worra Shamu kaani duraani d'ufe. Inni askarti isaa ta hafte taani oboleesa isaa Abishai gudda iti tolche, duuba Abishaini askarti suni duula worra Shamu kaani duraani d'ufe. Yoabuni waan Abishaini jed'e, Yo worri Shamu na dabsata garte, kooti naa kalchi, ammo yo worri Amoni si dabsate aninileeni d'ufe sii kalcha. Garaa jabaad'i nama keennafi dira Waaqi keenna nuu kenne nyaapa hanne iraa d'owarra. Fed'iini AABBO Waaqa ha taatuti! Jennaani Yoabufi jari isaa had'iisa oriani, worri Shamu duraa baqate. Worri Amoni worra Shamu ka baqatu agarraani worrileeni Abishai duraa baqate dira duude. Jennaani Yoabuni had'iisa Amoni iraa deebinaani Yerusalemuti gale. Worri Shamu aka Israeliini worra dabsate agarraani askarti isaani ch'ufa wolti baase. Hadadezerini askarti Shamu ta galaana Efraititini ila boru jirtu ta Shobakini nami gudda askarti isaa ch'ufa iti mata, gayaame worri Helamuti isati d'ufe. Daudini waan kana d'ageennaani, askarti Israeli ch'ufa wolti baase, galaana Yordani taake, had'iisaa Helemu d'ufe, fulla askartini Shamu ch'ibra teetu. Jennaani worri lachu had'iisaa hirba wolti kaachise. Worri Israeli worra dabsate baase, Daudifi worri Israeli askarti Shamu nama d'ibba torba, ka gaari fardi hirkisuni yaatufi askarti farda nama kuma afurtama hobaasani, ammalle shobaki nama gudda askarti Shamule woraanani, artumati ijeesani. Hayyooti Hadadezeri jalati bultu taani, aka Israeliini worra dabsate agarraani booju kad'atte finna worraa jalati bulte. Duuba Akanaani worri Shamu worra Israeli sodaate worra Amoniti eegi suni kalchu dide. Wogaani ganna ta hayyooti duula d'at'u geennaani Daudini, Yoabufi worra gugurda askarti Israelitiifi askarti ch'ufa duula erge; worri worra Amoni dabsate, dira Raba marse ammo Daudini gaafasi ufi Yerusalemumati hafe. Galgala toko Daudini hiribaa kae mana isa gubbaa kore. Ato inni mana gubba dedeemu inni niiti mid'aadu toko, ta bisaani diqachu jirtu, arge. Duuba inni nama erge waan jed'eeni, Beni, niiti suni odeefad'u. Namichi deebie waan jed'eeni, Bita, isiini Bathsheba niiti Uria ta namicha gosa Hiti kaani, ta abbaani isi Eliamu jed'e. Daudini nama iti erge yaame, worri suni isiini d'ufe, jennaani inni isi bira rafe. (Isiini d'io aada uwa d'iqate qulqulloofte.) Duuba isiini kaate galte. Eegi suni isiini aka garaachoofte arginaani, anini ya garaachae jette qonqo Dauditi ergite. Jennaani Daudini qonqo Yoabuti erge. Waan jed'eeni, Uria, namicha gosa Hiti kaani na gadi ergi. Duuba Yoabuni isa Dauditi erge. Uriani achini bahe jennaani Daudini waan Yoabufi askartini keesa jirtuufi odu woraanale odeefate. Jennaani inni waan Uriani jed'e, Beni gali, diqo hafuura baafad'u. Uriani isa biraa deeme jennaani, Daudini mana isaati wo ergeefi. Ammo Uriani galu dide fullo hayyu keesa askarti hayyu tissituuni woliini bule. Daudini aka Uriani ingaliini d'agae jennaani waan jed'eeni, Atini guddo worra kanke iraa turte, malifi ingaliini? Uriani waan jed'eeni, Askartini Israelitiifi ta Yudaleni duula ala jirti, ammalle Sanduqi Wold'aqisaleni fulla worraa jira, guddaani kiyya Yoabufi jari gugurdaleni ala bulu jirani; duuba anini akami worra kiyyati gale nyaad'e, d'uge ammalle niiti tiyya woliini rafa? Anini maqa AABBO Waaqatini kakhad'a, aka anini waan akasi intolchine? Jennaani Daudini waan jed'eeni, Yoosi ara armuma ooli, bori keesa si deebisa. Guyya sunifi boriyyale Uriani Yerusalemu keesa oole. Daudini golola isa yaame, farso iti guure macheese; ammo Uriani halkani sule galu dide fulluma askarti achi eeddu woya afate rafe! Boriyyaate Daudini tatabe t'aafe, Uriati kenne, Yoabuti geesi jed'eeni. Tatabe suni keesati waan inni jed'e: Uria, lola owa keesa askarti dura aansi, duuba bira baqad'a, aka isa ijeesani. Tanaafi Yoabuni ato dira Marsani had'anu Uria fulla nyaapi guddo nama muduuni erge. Nyaapi kaani dira keesaa gadi baafate askarti Yoabutini wolihad'e, askarti Daudi nama garitifi Uriale wolumaani fit'ani. Jennaani Yoabuni odu woraanaa ch'ufa Dauditi erge, waan nama odu, suni geesuni jed'e, Eegi atini waan had'iisa ch'ufa hayyuti odeesite, inni hegeri dallane, Isani maanifi akasi dirati d'iaatani worra haatani? jed'e si gaafata? Yokhaani isani aka worri dallaa ira ch'iise t'iyaani isaani had'u imbeetani? sini jed'a. Isani aka Abimeleki ilma Gideoni ijeesani inqabattani? Ka Thebesiti niitiini d'akha daakhu dallaa ira iti gadi d'iifte ijeefte. Isani maafi akasi dallaa d'iaatani yoosi? Yoyu hayyuuni dubbi akana si gaafate waan jettuuni, askarticha kanke Uriale yayu ijeesani jed'i. Jennaani namichi ergani kaani gara Daudi d'aqe, waan Yoabuni jed'e ch'ufa iti hime. Waan jed'e, Nyaapi guddo nura irre qaba, dira keesa gadi baafate diidati nu had'e, ammo nuleeni haane fulla dirati worra deebimne. Jennaani worri dallaa irani t'iyaani nu had'e, akanaani nama askarti tante haga gari ijeese, Uriale ijeesani. Daudini waan namicha erga d'ufeeni jed'e waan atini Yoabuni jettu wonti kunini garaa siiyakini, woraani nama keesaa infilatu, kama iti gabahe ijeesa. Dira suni aka jaba had'i balleesi garaa jabaad'u. Bathshebani duisa d'iirsa d'ageennaani guddo booteefi. Guyyaani boha kaani hobanaani Daudini isi yaame manati galfate; akanaani isiini niiti isaa taate, ilma deetefi. Ammo wonti Daudini tahe suni AABBO Waaqa diqole ingammachiimne. AABBO Waaqi raaga Nathani jed'ani Dauditi erge. Inni gara isaa d'ufe waan jed'eeni, Duri nama lamati jira, ka dira taka galu; toko dureesa, kaani hiyyeesa. Namichi dureesi sunini loonifi ree guddo qaba, ammo hiyyeesi sunini ilme hoola toko bitate qaba; ta inni guddo qorqorate ilmaani ufi woliini guddise. Inni sagaluma ufi ta sooratu fa isii kenna, ammalle woma ufi keesa wo d'uguni isi gololche hampaare ufira teesise. Ilmeeni suni akuma intala inni d'ale isati jirti. Guyya toko keessumichi toko worra namicha dureesa kaani d'ufe. Namichi dureesi kaani hori ufi qalu dide, d'aqe ilme namicha hiyyeesa kaani fuud'e qale keessumicha nyaachise jed'e akana mammaakhe. Daudini aka male namicha dureesa kaaniti dallane waan jed'e, Anini maqa AABBO Waaqatini kakhad'a, aka nami waan akana tahe duu male! Worri inni naasu male waan akana tolcheefi ree afuri d'ibi fulla kaufi male. Jennaani Nathanini waan Daudini jed'e, Nami suni siuma. Tuleeni waan AABBOONI Waaqi Israeli jed'e, Anini si muude, hayyu Israeli si tolche, harka Saulo keesaa si baase. Anini worra Isaatiifi nad'eeni isaale ch'ufa sii kenne, hayyu Israelitiifi ka Yuda si tolche. Ato wonti kunini si gahu baate anini sila hagasi lama sii kenna. Atini maani duuba dubbi tiyya lakifte, waan hamtu anini infeene kana tata? Atini Uria woraanati geesite worra Amoni isa ijeesifte, niiti isaale fud'ate! Duuba tanaafi amma armaa achi woraani worraa keesani keesa imbahu, waan atini na tufate dubbi tiyya lakifte niiti Uria fud'ateefi. Anini worruma kanke keesa nama si balleesu sitiini d'ufa. Gaafa anini nad'eeni tante siraa fuud'e namaa kennu waan suni agarta; duuba nami suni akuma atini agartu guyya gudda nad'eeni teetiini rafa. Atini waan kana d'ossaani tolchite, ammo anini guyyuma guddaani, ka worri. Israeli ch'ufti argu, tolcha. Jennaani Daudini waan Nathanini jed'e, Anini yayu AABBO Waaqa ch'ubbame. Nathanini waan jed'eeni, AABBO Waaqi yayu si araarame, amma indootu. Ammo maro atini kara kanaani AABBO Waaqa akana tufateefi, ilmeeni atini d'alte indooti. Dubbi suni bufanani Nathanini kae worra ufiti gale. AABBO Waaqi daima niitiini Uria Daudi d'alte kaani fayya d'owe. Daudini Waaqa kad'ate, aka daima suni fayyu. Inni sagale nyaachu dide, halkani ch'ufa mana ufi keesa sire lakise lafa rafe. Jaaroleeni worra isaani gara isa d'at'e kai jennaani, inkau jed'e, sagalele worra woliini nyaachu dide. Guyya torbeeso daimi sunini due jennaani hojattuuni Daudi sodaa isati himu dad'abde waan jed'ani, Daudini gaafa gurbaani jiru nu jala indubbatu, duuba nu akami amma dandeenne, ilmi kanke ya due jenne iti himna? Inni hegeri ufi fa ijeesa! Daudini aka worri wolti hasasu arginaani aka gurbaani due hubate, Gurbaani ya due? jed'e gaafate. Ee, yayu due jed'aniini. Daudini kae bisaani nafa d'iqate, mata filate woya d'ibi keeyate Mana Waaqa d'aqe, AABBO Waaqa kad'ate. Jennaani mana ufiti deebie, sagale nati kenna jed'e, akuma iti kennaniini nyaate hobaase. Hojattuuni isaa waan jetteeni, Gaafa gurbaani jiru boote sagale nyaachu didde, ammo akuma inni dueni lafaa kaate sagale nyaate; nu waan kanke yayu hubachu dad'amne. Daudini waan jed'e, Wonti gaafa gurbaani jiru anini bohe sagale nyaachu dideefi, waan AABBO Waaqi hegeri naa nahe gurba suni duu d'owu sehe. Ammo amma inni yayu due anini maanifi ufi agabsa? Anini amma dandae gurba kaani inkaasa? Yo guyyaani kiyya gahe anati gara isaa d'aqa male, inni dandae nati indeebiu. Jennaani Daudini niiti ufi Bathsheba garaa jabeese bira rafe. Eegi suni ilma deete, ilma suni Daudini Solomoni jed'e mogaase. AABBO Waaqileeni gurba suni jaalate. Raaga Nathani jed'ani kaani erge, maqa gurba suni Yededia baasi jed'eeni, waan AABBO Waaqi isa jaalateefi. Gaafasi Yoabuni dira gudda Amoni ka Raba jed'ani had'e dabsachu gahe jennaani. Inni qonqo Dauditi erge waan jed'eeni, Anini yayu Raba had'e dabsad'e madda worrale fud'ad'e. Amma waan taatu, askarti tante ch'ufa wolti baasi, dira suni had'i fud'ad'i. Anini ufi gurrani argachu infed'u. Jennaani Daudini askarti isaa wolti baase Raba d'aqe had'e dabsate. Achiti waaqa worra suni ka Milkomo jed'ani sure worqi ta ulfiini isi kilo sodomi shani, ta d'akha ch'ululuqaani ch'okhani iraa fuud'e. Daudini d'akha suni fuud'e mata ufi ira keeyate. Ammalle waan heddu dira suni keesaa boojie. Worra dira sule sibiila woini ch'iranifi, jembeefi d'agara iti kenne irreeni hojachise d'oqe supa matofaara mid'aasa jed'eeni inni worra Amoni ka dira d'ibi keesa jirule akasuma tolche. Duuba isaafi askartini isaa taani ch'ufti Yerusalemuti dachaani. Absalomuni, ilmi Daudi, oboleeti mid'aadu toko, ta Tamari jed'ani qaba, jennaani ilmi Daudi d'ibiini, ka Amnoni jed'ani, intala suni jaalate. Intala suni aka hamtu jaalate iti bahu dad'abe jaalala suni iraa fayyad'abe; isiini dubra, tanaafi d'iira iti d'iaachu d'owani. Duuba namicha tokoti ka jaala Amnoni jira. Maqaani isaa Yonadabu, ilma Shama oboleesa Daudi. Nami sunini guddo Malticha, inni d'ufe waan Amnoni jed'e, Atini, ilmi hayyu maanifi guyya ch'ufa gammada d'abde golgolofte deemta? Nati himi, waan akana si d'ibe kana. Amnonini waan jed'eeni, Anini Tamari ta oboleesa kiyya Absalomu woliini d'alate jaalad'a. Yonadabuni waan jed'eeni, Nama fayya inqamne ufi tolchi beeni ch'iisi hojja Abbe si argu d'ufe waan jettuuni, AABBO oboleeti tiyya Tamari gadi ergi, ha d'ufte na golochituti, anini isi arma d'ufte sagale asuma d'aabde harka ufitini na golochitu fed'a. Jennaani Amnonini nama fayya inqamne ufi tolche d'aqe gach'iisse. Hayyichi isaa argu d'ufe jennaani Amnonini waan jed'eeni, Aabbo, oboleeti tiyya Tamari gadi ergi, ha d'ufte qit'a asuma naa d'aabde, harka ufitini na golochituti. Jennaani Daudini qonqo Tamari, ta mana hayyu keesa jirtuti, erge waan jed'eeni, Mana oboleesa kanke Amnoni d'aqi, sagale d'aabifi. Duuba Tamarinini achi d'at'e, oboleesa isii ka sire keesa ch'iisu agarte, dargaye d'akhaani fuute mid'aasite, isa durati qit'a d'aabdeefi. Jennaani isiini eele fuute, isa durati qit'a keesaa guurte isati kennite, ammo inni nyaachu dide waan jed'e, Nama ch'ufa armaa yaasa jennaani nami ch'ufti yae. Duuba inni waan isiini jed'e, Qit'a gara sire natiini kooti, atumaani nani golochi. Jennaani isiini qit'a d'aabde kaani fuute, oboleesa isii sireti itiini d'ufte. Isiini d'ufteeni jennaani inni olch'ee isi ufiti gadi bute waan jed'eeni, Kooti, woliini rafna, oboleeti tiyya. Isiini waan jetteeni, Aadda, gadi na lakisi, waan hamtu akana kana irreeni na intolchini! Wonti akana kunini nuu aadaniti, Israeli keesati tahu himmalle. Anini akami ch'eeraa biyya keesa deema? Atinileeni Israeli keesa daalle ch'ubbiti tata. Anini imbeekha hayyuuni si ind'owu; isa kad'ad'i, aka na fuutu. Ammo inni isi ch'aqasu dide maro irre isi ira qabuufi qabe buufate. Jennaani Amnoni aka hama isi jibbe, haga duri isi jaalate kaanile ira isi jibbe waan jed'eeni, Kai, armaa deemi. Isiini Aadda, lakisi anini indeemu gussitini atini akana na gussitu tunini waan qara atini na tolchite kaanile ira hamtu! jette. Ammo inni isi ch'aqasu dide, hojattu isa gayaame waan jed'eeni, Niiti tana na biraa fuud'i, balbala naa ch'ufi! Jennaani namichi hojattu kaani isii isa biraa baase balbala ch'ufe. Isiini yo suni ubaara d'eera lafati eju, ka harka d'eera, ufira qabdi dubarti hayyu gaafasi ubaara akasiitini yaati. Isiini daara matati ufi nat'e, ubaara isii tarsaafte, mata qabate boote, kaate iti d'aabate. Oboleesi isii Absalomuni isi arge jennaani waan jed'eeni, Oboleesa kanke Amnoniti akana si fafeese? Oboleeti tiyya ch'alli, inni oboleesuma keeti, akana garaa inhamatini. Akanaani Tamarini mana Absalomu keesa teete, ka garaani hammaate gammada d'abde. Hayyu Daudini waan kana ch'ufa d'agaye jennaani guddo dallane. Absalomunileeni waan Amnonini oboleeti isaa buufatefi, jibba isaa jabeenna, afaanileeni isaani dubbachu dide. Eegi ganni lama dabre, ka hojattuuni Absalomu ree Baal-Hasori, d'aatu dira Efraimuti, rifeensa iraa ch'iru jirtu, Absalomuni ilmaani hayyu ch'ufa artiti wolti yaame. Inni gara hayyu d'aqe waan jed'eeni, Ee, hayyicha, ree tiyya rifeensa iraa ch'iru jirani, siifi hojattuuni tante ch'ufti jilaa koota. Hayyichi waan jed'eeni, Hiyo, laki ilma kiyya nu ch'ufti d'ufu himmalle, hegeri si gaargalchina. Ato Absalomuni guddo kad'atele hayyichi isa gula deebiu dide eebisefi. Ammo Absalomuni waan jed'eeni, Yo atini d'ufule baate oboleesa kiyya Amnoni na gula gad'iisi. Hayyichi waan jed'eeni, Inni maanifi si gula deema? Ammo Absalomuni ammalle guddo kad'ate jennaani hayyichi Amnonifi ilmaani isaa taani ch'ufa Absalomu gula gad'iise. Absalomuni jila guddo hayyu malte tolche. Waan jara isatini jed'e: Hojja Amnonini farso d'uge machae ufi wollaale, yo anini ijeesa isaniini jed'e, nama tokole insodaatina, ijeesa, wollaali gubba tiyya garaa jaabad'a, irinch'ich'ina! Duuba jari Absalomu kaani dubbi isaa gula yae Amnoni ijeese. Jennaani ilmaani hayyu taani ch'ufti gaangele ufii yaabate baqate. Ato worri karaa jiru Daudi qonqooni iti d'ufte waan jed'aniini: Absalomuni yayu ilmaani tante ch'ufa fit'e tokoleeni nami hafe injiru! Hayyichi olkae aka hama laalefate, woya ufii tarsaase, lafaani ufi d'ae. Hojattuuni isaa ta isa woliini jirtu ch'ufti akasuma laalefate woya ufi tarsaafte. Ammo Yonadabuni, ilmi Shama, ka oboleesa Daudi, waan jed'e, Ee hayyicha, worri Amnoni male ilmaani tante taani nama tokole inijeemne. Haguma gaafa Amnoni oboleeti isaa Tamari buufateti wonti kunini Absalomu iraa mullati. Tanaafi jecha ilmaani tante ch'ufa ya ijeesani jed'ani suni ind'ugeefatini; Amnoni ch'alla ijeesani. Duuba Absalomuni gaafasuma kae baqate. Jennaani namichi eeddo eju gumi guddo gaara iraa kara Horoneumu gula buu jirtu arge. Jennaani gara hayyu d'aqe waan arge suni iti hime. Yonadabuni waan hayyuuni jed'e worri sunini ilmaani tante, akuma anini qara sini jed'e kaani yatate. Akuma inni dubbi buufateeni ilmaani hayyuu, ta aka hama bobootu, olduude; Daudifi hojattuuni isaaleeni akasuma aka taka inargini bohani. ammo inni eegi lubbu gurba isaa Amnoni bira dabre, ilma isaa Absalomu guddo garaani iti eje qaabate. Yoabuni, ilmi Seruya, aka garaani hayyicha Absalomuti eju arge, jennaani nama gara dira Tekoa erge, niiti qaro toko gayaame. Isiini d'ufte jennaani waan jed'eeni, Nama bohu ufi tolchi; woya hamtu keeyad'u d'ad'ale indibatini, niiti guyya heddu boote ufi tolchi. Duuba hayyicha d'aqi, waan anini sini jed'e kana iti himi. Jennaani Yoabuni waan isiini jechu malte iti hime. Niitiini suni gara hayyu d'at'e saalfateefi durati gadi jette waan jetteeni, Ee hayyicha, na qarqaari! Hayyichi waan jed'eeni, D'ibi kanke maani? Isiini waan jetteeni Aabbo, anini hiyyeeti, d'iirsa inqabu. Aabbo, anini qara ilmaani lama qaba; duuba worri gaafa toko ka nami worra gargari baasu injirre woldide, toko kaani d'ae ijeese. Amma tana, Aabbo, gochiti tiyya ch'ufti nati kaate waan nani jettu, gurba oboleesa isaa d'ae ijeesa kaani nuu kenni, aka waan inni oboleesa isaa ijeesefi nuleeni isa ijeemnu. Duuba hojja worri kara sunini gurba kana ka na d'aalule ijeese, worri daara na d'owe d'iirsa kiyya ka injirrele maqa balleesa. Hayyichi waan niitiini jed'e, Dubbi tana nati lakisi, beeni gali anumati qorqorata. Ammo niitiini waan isaani jette, Wonti atini tolchitu ch'ufti ha gubba tiyyafi ka worra keenna taatuti — siifi worri kanke keesa injiru. Hayyichi waan jed'eeni, Yo nami tokoleeni siti game natiini kooti, inni deebie si ingaargalchu. Isiini waan jetteeni, Ee hayyicha AABBO Waaqa kanke na kad'ad'u, aka namichi fiit'a tiyya ka d'iiga gurba kiyya kaani barbaadu, gurba kiyya tokocha hafe injeemne. Daudini waan jed'eeni maqa AABBO Waaqa jirutini siti kakhad'a, aka gurba kanke nami qeench'aleeni intunne. Niitiini ammalle waan jetteeni, Dubbi toko ch'allati na hafe, na jechisiisi, jennaani inni, jed'i jed'eeni. Isiini waan jetteeni, Atini maanifi waan hamtu akana gumi Waaqati hojatta? Atileeni ka gurba kanke ka lafa d'ibiti baqate galchu didde, jechuma reefu kaaniini wollaala ufiti murte. Nu ch'ufti indoona, akuma bisaani lafati jissani ka dandaani wolti indeebine jirra. Waaqileeni nama due inkaasu, ammo hayyichi kara nama lafa d'ibiti baqateeni galchu ind'abu. Duuba, ee hayyicha, wonti anini si argu d'ufeefi, biyyiti woi na sodaachimnani anini waan jed'e, Eegi, hayyuti himad'a hegeri inni waan anini fed'u fa naa tolcha. Anini waan heregad'e aka atini na ch'aqafte namicha anaafi ilma kiyya ijeese lafa Waaqi gumi ufiti kenne keesaa nu baasu fed'u jalaa nu baafte. Duuba anini waan jed'e, Dubbini hayyicha na baafti, wonti akanatiifi hayyichi aka malaika Waaqa jira, ka waan hamtufi dansa gargari beekhu. AABBO Waaqi kanke si woliini jiratinna! Jennaani hayyichi waan jed'eeni, Anini waan toko si gaafad'a d'uga ch'allaa nati himi. Isiini waan jetteeni waan feetu na gaafad'i, ee hayyicha. Jennaani hayyichi waan jed'eeni, Dubbi tana Yoabuti afaaniti si guure mo? Isiini waan jetteeni anini maqa keetiini kakhad'a, ee hayyicha, karaani tokoleeni ka anini gaafi tante ira goruni injiru. D'uguma, nami waan akana ch'ufa akana tahi, akana jed'i nani jed'e hojattu kanke Yoabu. Ammo inni akuma dubbi taanaani qajeelchufi akana tolchi nani jed'e, Ee aabbo, atini akuma malaika Waaqa qaro, waan lafa tana gubbati tahe ch'ufa imbeeta. Eegi suni hayyichi waan Yoabuni jed'e, Waan atini feetu ya quufe, beeni gurba Absalomu jed'ani suni ga yaami, armaani kooti. Yoabuni Daudi durati jige, eebisefi waan jed'e, Amma anini aka atini dubbi tiyya quufte ya beekhe, waan atini waan anini fed'u naa tolchiteefi. Jennaani inni kae Geshuri d'aqe Absalomuni fuud'e Yerusalemuni d'ufe. Ammo hayyichi waan jed'e, inni mana kiyya ind'ufini, anini isa argu infed'u, ha mana ufiti galuti. Tanaafi Absalomuni mana ufiti gale, deebie hayyu durati imulane, achuma tae. Lafa Israeli ch'ufa keesa nami mid'aagumani gurra baafate ka aka Absalomuni jiru injiru; nafi isaa waan toko ka ira millatani inqabu. Rifeensi isaa gudda muumme inqamne, inni ganna ch'ufa keesa yoyu inni d'eerate ulfaatu ch'ira, rifeensi suni ka ch'irani, ulfiini isaa haga kilo lama biima hayyu ta gaafasi gula. Absalomuni ilmaani d'iira sadifi intala toko mid'aadu Tamari jed'ani qaba. Absalomuni ka hayyu inargini, ganna lama Yerusalemu keesa tae. Jennaani Yoabu yaame aka hayyuti ergu; ammo Yoabuni d'ufu dide. Ammalle inni maro lameeso yaamnaani d'ufu dide. Duuba Absalomuni waan hojattu isaatini jed'e, Oobruni Yoabu ta garbu d'aatu oobru tiyya jirti; beena, ibida iti kaya. Jennaani worri kae oobru suni ibida iti kaye. Jennaani Yoabuni mana Absalomuni d'aqe waan jed'eeni, Hojattuuni tante maafi oobru tiyya gubdi? Absalomuni waan jed'eeni, Waan anini si yaame jennaani atini d'ufu dideefi; wonti anini si yaamefi aka atini gara hayyu d'at'e, dubbi tana naa gaafate waan jettu: Anini maanifi Geshuri bahe arma d'ufe? Sila hojja anini achiti hafe ira naa jirti. Absalomuni waan jed'e, Anini hayyu argu fed'a, yo anini wollaala qabaad'e, ha na ijeesuti. Jennaani Yoabuni gara hayyu d'aqe dubbi suni iti hime. Hayyichi Absalomuni yaamnaani, inni d'ufe iti olseene durati jige, jennaani hayyichileeni isa d'ungate. Eegi suni Absalomuni gaari fardi hirkisufi askarti shantama ta gula yaatu tolfate. Inni ganama ch'ufa fullo dira d'aqe, kara keesa eja. Hojja nami hayyuti wo himatu kara suni gula d'ufu ch'ufa Absalomuni nama suni yaame, atini eesaa d'ufta? Jed'aani, Eegi nami suni gosa ufi himate, Absalomuni waan jed'u, Atini karuma jirta, ammo hayyuuni nama daba sii laalu intolchine. Ammalle iti dare waan jed'e, Ato sila jaallaba na tolchani nama wold'abe ch'ufa yokhaani ka wodeefatu ch'ufa dandae nati d'ufe anini d'uga gula qoraafi. Ammalle hojja nami Absalomu durati gajed'e saalfatufi innileeni ufii gaqabe d'ungata. Absalomuni nama Israeli ka sila d'ufe d'iba hayyuuni ilaalufi ch'ufa akanaani sobe, ufi gula deebise. Eegi ganna afuri Absalomuni waan hayyichaani jed'e, Aabbo, Hebroni d'aqe kakhu anini AABBO Waaqati kakhad'e guuta, na gad'iisi. Gaafa anini Geshuri lafa Shamu keesa tau, anini AABBO Waaqati kakhad'e, aka hojja inni Yerusalemuti na deebise anini Hebroni keesati isa kad'ad'u. Hayyichi, beeni, nagayaani deemi jed'e gad'iise, jennaani inni kae Hebroniti iti d'aabate. Ammo inni d'ossaani gosa Israeli ch'ufa keesa nama erge waan jed'e, Yoyu qonqo magalata d'ageetani, lalaba, Absalomuni yayu hayyu Hebroni tahe jed'a hima! Duuba nami d'ibba lama jira ka Absalomuni yaame. Worri sunini ka waan suni tokole quba inqamne qulqullooni isa woliini Yerusalemu keesaa bahani, Woliini yaani. Ammalle ato sorio qaluu jiru, Absalomuni nama dira Giloti erge, Ahithofeli, nama Daudi mala d'au, yaame. Mali hayyuuni gaargalchani suni guddo irre horate, golini Absalomunileeni heddatte. Jennaani nami erga d'ufe waan Daudini jed'e, Garaani nama Israeli ch'ufti yayu Absalomu gula deebie. Jennaani Daudini nama hojattu isa ka Yerusalemu keesa jiru ch'ufa yaame koota, imbaqanna, yo akasi intahiini aka Absalomu duraa baanu inqamnu! Hurrisa! Yokhaani inni yoosu arma d'ufe, nu dabsate nama dira kana keesa jiru ch'ufa hobaasa! Worri waan jed'eeni, Ee hayyicha nu kurfo jirra, aka waan atini feetu ch'ufa tolchinu. Jennaani hayyichi worra isaatiifi hojattu isaa woliini kae, ammo nad'eeni isaa kud'ani ta mana isaa qorqorattu achiti lakise. Hayyufi jari isaa ch'ufti dira keesaa bahani mana moga geennaani ejaanjani. Ato hojattuuni isaa ch'ufti isaa d'aatu ejaanjitu askartini isaa ta isa eeddu worra d'aatu yaate isa dura dabarte. Ammalle askartini nami d'ibba jaa ka Gathi isa gula d'ufteleeni akasuma worra bira dabarte. Jennaani hayyichi waan namicha Itai jed'ani ka gudda worraatini jed'e, Atini maanifi nu gula d'ufta? Beeni deebii, hayyu hareesa suni woliini taa. Atini qarale keessuma, namuma lafa iti d'alate keesaa baqate. Atini kale d'ufte — anini maanifi si gaargalche ufi gulaani si mara ka anini ufiftu gara deemule imbeenne? Nama gosa tanteeti woliini deebia AABBO Waaqi si nahe si jabeesina. Ammo Itaini waan jed'eeni, Ee hayyicha, anini maqa AABBO Waaqatini kakhad'a aka fulla atini baatu ch'ufa si gula deemu, duafi jireennale taanaani. Daudini waan jed'eeni, Hataatu, dansa beena yaa! Duuba Itaini askarti isatifi worra isaanile woliini kae isa dura iti d'aabate. Biyyiti haguma geettuni lalabde boote, yo worri Daudi bira dabru ch'ufa hayyichi ka worri isa gula yau, bale Kidroni taake wolumaani lafa alooti qajeelani. Qaallichi Sadoki jed'anileeni gumi suni keesa jira, ammalle isa woliini worra Lawi ka Sanduqa Wold'aqisa Waaqa baatuti jira. Worri Sanduqa suni lafa kae haga nami ch'ufti dira keesa bahuti oliinfuune. Qaallichi Abiathari jed'anileeni achi jira. Jennaani hayyichi waan Sadokini jed'e, Sanduqa Wold'aqisa fuud'i, dirati deebisi. Yo AABBO Waaqi fed'e, taka tana asi na deebise, fulla Sanduqi tau na agarisa. Ammo yo inni infeene womaniti, ha waan fed'u na tolchu. Ammalle inni waan Sadokini jed'e, Waan tatu ilma kanke Ahimaasifi Abiathari, ilma Yonathani, fud'ad'i, nagayaani dirati deebii. Anini ammo hagasi malka galaana ta lafa alooti isaani eega, haga qonqo teesani argad'uti. Duuba Sadokifi Abiatharini Sanduqa Wold'aqisa fuud'ani, Yerusalemuti deebiani achi taani. Ammo Daudini bohaa gaara ejersa olkore; inni aka laalala agarsiisu, kobe baafate mata hagogate. Nama isa gula yau ch'ufti mata hagogate akasuma bohe. Daudini aka Ahithofelini goli Absalomu tahe d'ageennaani Waaqa kad'ate waan jed'e, Ee AABBO Waaqa, mala Ahithofelini Absalomu d'au balleesi! Daudini fiit'e gaara, fulla Waaqa iti kad'ataniini bahe jennaani Hushaini ka gosa Arki, jaala isaa, woli argani, ka woyaani isaa tatarsaate Mataani isaa biyye qabu. Daudini waan jed'eeni, Ato woliini yaanele womale na imbaatu, ammo yo atini dirati deebite, Absalomuni, akuma abba kanketi hojad'e si hojad'a jetteeni na qarqaarte mala Ahithofelini isaa d'au balleesita. Qaaloleeni, Sadokifi Abiatharini achi jirti — waan atini mana hayyu keesati d'ageete ch'ufa worrati himi. Worri suni ilmaani worra Ahimaasifi Yonathani woliini jirani, duuba dandeete waan d'ageete ch'ufa worraani naa ergita. Akanaani Hushaini jaali Daudi, Yerusalemuti deebie, ka Absalomunileeni dira suni seenu jiru. Daudini diqo fiit'e gaara ira gabuunaani Sibani, hojattuuni Mefiboshethi, ka harrele lama ta qit'a d'iba lamatiifi d'unkurura mid'aani zabibu ka d'ibba tokotifi d'unkurura akasi ka mid'aani d'ibitifi daad'i gorjo toko iti fahe deemu worra d'aqabe. Jennaani hayyichi waan jed'eeni, Atini waan kana ch'ufa maani tolchita? Sibani waan jed'eeni, Harreleeni waan worri kanke yaabatu ee, hayyicha; qit'afi mid'aani waan askartini tante nyaatu, ammalle daad'ileeni waan worri hojja lafa alooti d'eebote d'ugu. Hayyichi waan jed'eeni, Mefiboshethini, akhaakhuni Saulo, meeti? Sibani waan jed'eeni, Inni Yerusalemuti hafe, wonti akanatiifi inni waan worri Israeli arra guddinna akhaakhu isaa Saulo isaa deebisu seha. Jennaani hayyichi waan Sibani jed'e, Wonti qara Mefiboshethini qabu ch'ufti kanketi. Sibani waan jed'e, Anini hojattu tanteeti ee, hayyichi hojja ch'ufa akanuma naa nahi! Hayyu Daudini Bahurimu d'umnaani, namichi fiit'a Saulo toko, ka Shimei ilma Geera jed'ani dira suni keesaa bahe fuula keesa d'ufe arabse. Inni Daudifi worra isaa gugurda, ka askarti isaatiifi jaari isaa eegu marse mirga bita yau, d'akhachani had'e Shimeini lalabe isa abaare iti murate waan jed'e, Arma keesaa bahi! Armaa d'id'imi, algala harka d'iiga! Atini hayyuma Saulo iraa fud'ate jennaani AABBO Waaqi waan atini worra Saulo fit'eefi amma haalo si baafachu jira. AABBO Waaqi ya hayyuma ilma kanke Absalomuti kenne, ammo atini ya badde, bada harka d'iiga. Jennaani Abashaini, ilmi Seruya waan hayyuuni jed'e, Atini maani woni saricha tae si abaaru kana ufiti lakifte? Na gad'iisi, d'aqe mata iraa kuta! Ammo hayyichi waan Abishaifi oboleesa isaa Yoabuni jed'e, Isani maani naraa qabdani? Hojja inni waan Waaqi abaari jed'eefi na abaare eenuti dandae, inni maanifi akasi tolche jed'e gaafata? Ammalle Daudini waan Abishaifi worra isa gugurdaani jed'e, Ilmi kiyya ufiftu na ijeesu fed'a, namichi gosa Benjamini kunini maanifi isani mamsiisa? AABBO Waaqati abaari jed'eeni, iti lakisa ha abaaruti. Hegeri AABBO Waaqi gaargale kiyya arge fulla abaarsa isaa kana na eebisa. Ato Daudifi jari isaa kara gula yau, Shemeini worra d'aatu, gaara gubba deeme abaare d'akhafi biyyeeni worra had'e. Hayyichafi jari isa woliini jiru ch'ufti, ka dad'abini hobaafte, galaana Yordanitini bahe, achiti boqote. Duuba Absalomufi worri Israeli ch'ufti, ka Ahithofelileeni keesa jiru, Yerusalemuni bahe. Hushaini jaali Daudi, Absalomuti d'ufe waan jed'eeni, Ee hayyicha, hori buli! Lubbu buli! Absalomuni, jaalalti atini jaala kanke jaalatu tana? Atini maanifi jaala kanke gula indeemini? jed'e gaafate. Hushaini waan jed'eeni, Anini akami dandae gula deema? Anini gama namicha AABBO Waaqafi gumi tanaafi gochiti Israeli fohate jira, anini gamuma kanke jira. Sila eenu hojad'a, yo ilma gudda kiyya intahiini? Akuma abbeeti hojad'e amma sile hojad'a. Jennaani Absalomuni waan Ahithofelini jed'e, Mala nu d'ai, waan tolchu malani nuti himi. Jennaani Ahithofelini waan jed'eeni, Beeni, gaarayoota abbeeti ta mana isaa keesati hafte taani ch'ufa bira rafi. Duuba nami Israeli ch'ufti aka akanaani atini abbeeti had'oofte nyaapa tateefi beekhe ammalle golini tanteeleni garaa jabaatu. Jennaani mana hayyu gubbati waaro Absalomu jaarani, inni fuula nama ch'ufa durati gaarayoota abbaa suni bira rafe. Bara suni mali Ahithofelini namaa d'au dubbi gara Waaqati d'ufte namati fakaata; Daudifi Absalomuni akasi d'ugeefatte gula yaate. Eegi suni Ahithofelini waan Absalomuni jed'e, Eegi nama kaima kud'ani lama fohad'e, halkanuma kana Daudi reebe, isaa ka dad'abe ufi jibbaate had'e balleesa. Akanaani inni bahe, worri isaa woliini jiruleeni ch'ufti biraa baqate. Anini hayyu ch'alla ijeesa, ammo jara isaa kaani ch'ufa, akuma niiti badde ta d'iirsati galchani, sitiini gala. Atini nama toko ch'alla ijeesu feeta, gumiini taani nagumaani baati. Absalomunifi jaaroleeni Israeli ch'ufti mala kana maachite. Absalomuni waan jed'e, Hushai gayaama, waan inni jed'u d'ageenna. Hushaini d'ufe jennaani, Absalomuni waan jed'eeni, Mali Ahithofelini nu d'ae kana; gula yaana? Yo gula yau baane atumaani kanke nuu d'ai. Husaini waan jed'eeni, Mali Ahithofelini arra si d'ae kunini dansaniti. Atini imbeeta, abbeetifi jari isaa worra woraana jaba ka goorjama ilme jala qabani ka tae dutu fakaatu. Abbe nama waan woraana guddo beekhu inni halkani askarti woliini imbulu, hegeri yona goda d'akha yokhaani fulluma d'ibiti d'okhachuu jira. Yo Daudini askarti tante had'e, nami waan suni d'agayu ch'ufti, askarti Absalomu ya balleesani jed'a. Duuba nami janni aka nyeench'aleeni insodaata wonti akanatiifi nami Israeli keesa jiru ch'ufti aka abbe nama duula jabaatifi ammalle askartini isaaleeni worra woraana jajaba beekha. Duuba mali kiyya kana! Worra Israeli haguma gahuuni ka haga Dani eje Beershebati eju ka haga maansa afaani galaana gahu, wolti yaami atumaani duulini. Daudi fulla inni jiru barbaanne ato inni imbekane haana, duuba isaafi nami isaa tokoleeni inhafu yo inni dirati baqate nami keenna ch'ufti haadani d'ufe dira suni baleeti hirkisa, d'akhaani dira sunini jaarani ka gaara suni irati hafu injiru. Absalomufi worri Israeli ch'ufti waan jed'e, Mali Hushai ka Ahithofeli ira jira. Wonti AABBO Waaqi mala Ahithofeli dansa suni gula deemu nama d'owefi, aka badiini Absalomu d'aqabdu. Jennaani Hushaini jara qaalole Sadokifi Abiathari mala inni Absalomufi jaarole Israeliti d'aefi ka Ahithofelini d'ale, iti hime. Inni waan jed'e, Amma waan isani tatani, hurrisa, qonqo Dauditi erga, aka inni arra afaani malka lafa aloo suni imbulle, ammo galaana Yordani yoosu taaku, aka isaafi worra isaa ch'ufa qabani infind'e. Ilmi Abiathari ka Yonathani jed'anifi ilmi Sadoki ka Ahimaasi jed'ani maddo Enrogeliti gorani aka worra dira seenu nami ingarre. Duuba intalti hojatu toko hojja ch'ufa d'ufte odu lafaa worrati himte, worrileeni deeme hayyu Dauditi hima. Ammo gaafa toko gurbaani toko worra arge, d'ufe Absalomuti hime; jennaani worri baqate mana namicha toko ka Bahurimu jiruti d'okhate. Namichi suni eela d'aatu mana isaati qaba, duuba worri eela suni duude. Jennaani niitiini namicha suni afaani eela suni wo gubbaa afte duuchite mid'aani gubbati firfirsite, aka nami tokoleeni artiti woma insehanne. Jari Absalomu mana niiti suni d'ufe waan jed'eeni, Ahimaasifi Yonathanini meeti? Jennaani isiini, worri ya galaana taake jetteeni. Duuba barbaadani, d'abani kaani ufira Yerusalemuti dachaani. Worri kae yae jennaani Ahimaasifi Yonathanini eela kaani keesaa yaani, d'aqani Dauditi himani waan jed'aniini, Hurrisi kai galaana taaki, Ahithofelini ya siti malate. Duuba Daudifi jari isaa ch'ufti galaana Yordani taaku d'aqe; Yo lafti bariite nami tokoleeni ka intaakini injiru. Ahithofelini aka mala isaa didani arge jennaani harre ufi rara ira keeyate, kae worra isati gale waan ufi ch'ufa kurfefate, ufi fannise ufi ijeese. Akanaani due, awaala worra isaani keesati awaalani. Daudini Mahanaimu d'aqe, ammo Absalomuni worra Israeli ch'ufa woliini galaana taake. (Absalomuni fulla Yoabu namicha Amasa jed'ani gudda askarti isaa ch'ufa tolche. Amasaani suni ilma Yethero ka gosa Ishmaeli, haati isaa Abigaili, dubra Nahashi, ammalle isiini oboleeti Seruya ta haad'a Yoabu.) Jennaani Absalomufi jari isaa ka Israeli lafa Gileadi keesa qubatani. Daudini Mahanaimuni bahe jennaani, Shobi, ilmi Nahasi, ka dira Raba, ka lafa Amoni keesatifi Makiri ilma Amieli ka dira Lodebaritifi ammalle Barilai ka Rogolemu lafa Gileadi keesaa d'ufeeni wolwoldaani. Daudini nama isaa ch'ufa wolti yaame kumkumafi d'ibba d'ibbati ch'ibra gargari qoode, ch'ibra ch'ufa abba duula iti tolche. Jennaani inni askarti tana ch'ufa fulla saditi gargari qoode, toko Yoabu abba duula iti tolche, tokole oboleesa Yoabu Abishai abba iti tolche kaanile Itai ka dira Gathiti bahe abba iti tolche. Ammalle hayyichi waan jara isaatini jed'e, Aninileeni isani jalaa inhafu, wolumaani yaana. Ammo askartini waan jetteeni, Nu gula indeemtu; nyaapa keennaa womaniti hojja nu garagale baqanne, yokhaani yo nu nama gari fit'anile, ammo atini nuu seera qit'e nama kuma kud'aniti, si d'abu indandeennu. Ira nu jirti yo atini dira keesati hafte armaa qarqaarsa nu ergitu. Hayyichi waan jed'eeni, Aka isani ira jirti seetani ch'ufa intolcha. Jennaani inni fullo balbala dirati gore askarti isaa ta ch'ibra nama kumatifi nama d'ibbati gargari qoodamte yaatu laale. Inni Yoabufi Abishaifi Itai yaame waan jed'eeni, Naa jed'a, gurba Absalomuni jed'ani kana intuqina. Askartini ch'ufti jecha Daudini worra abbooti duula kanaani jed'e d'ageete. Askartini Daudi lafa ch'ufa keesa yaate, worra Israeli badda Efraimu keesati haate. Had'iisa suni keesa worrii Daudi aka hama worra Israeli dabsate, nama kuma diddama guyyuma suni iraa gate. Had'iisi lafa suni ch'ufa gahe, nami badda keesati hobae nama had'iisa keesati fit'ani kaanile ira jira. Absalomuni ka gaange gubba tau ato deemu worra Daudi ira bue, gaangeeni mukha gudda toko jaalani baate jennaani Absalomuni mataani dame mukha keesati rakate, gaangeeni kaate iti d'aabate, Absalomuni achumati rakate hafe. Askartichi Daudi toko isaa mukhati rarau arge jennaani gara Yoabu d'aqe waan jed'eeni, Anini Absalomu ka mukha gudda tokoti rakate rarau arge! Yoabuni waan jed'eeni, Yo argite, maanifi artumati d'oofte lubbu keesa imbaasini? Ato sila ijeefte anu sila qarsi ked'anifi gurda sii kenna. Ammo namichi waan jed'eeni, Ato atini sila qarsi kuma toko naa kennitele anini ilma hayyu qubale iti inqabu. Nuni ch'ufti aka hayyichi sifi Abishaifi Itaini, Na jed'a, gurba Absalomuni jed'ani suni intuqina jed'e d'ageenne. Ammo ato anini hayyu ch'aqasu dide Absalomuni ijeese, hayyuuni inuma d'agaya — inni waan ind'ageenne inqabu — atinileeni naa indubbattu. Yoabuni waan jed'e, Anini si bira tae hagana ch'ufa si ineegu, jennaani woraana sadi fud'ate Absalomu qoma keesa woraane ato lubbuuni keesa jirtu akasumati mukhuma suni irati lakise. Jennaani askartini Yoabu nami kud'ani d'ufe, Absalomu marse woworaane lubbu keesaa baase. Jennaani Yoabunu aka had'iisa ejachisu magalata d'ae, askartini isaaleeni ta worra Israeli reebdu jala dachaate. Duuba reefa Absalomuni fuud'ani, boola qile toko ta badda keesa jirtu keesa buusani, d'akha iti tuulani. Worri Israeli ch'uftinu abbu worra ufiti baqate. Absalomuni gaafa jiru d'akha guure Bale Hayyu keesati woli irati jaare, waan jed'e, Anini ilma maqa kiyya badi d'owu inqabu, tanaafi d'akha suni maqa isaa iti baase akanaani haga arrale d'akha Absalomuni jed'ani yaamani. Jennaani Ahimaasini, ilmi Sadoki, waan Yoabuni jed'e, Eegi, anini utaale, odu dansa tana, ta AABBO Waaqi hayyicha harka nyaapa isaa keesaa baase iti hima. Yoabuni waan jed'eeni, Nami arra odu dansa tana geesu siiniti guyya d'ibi inuma geesita, ammo arraniti, waan ilmi hayyuu duefi. Jennaani inni waan tisse isaa ta lafa Kushiti d'ufteeni jed'e, Beeni, waan garte kana hayyuti himi. Jennaani tissichi durati gajed'e kae iti d'aabate. Ahimaasini Yoabu gaargalche waan jed'eeni, Ato inni deemele, nale gadi na d'isi; Yoabuni waan jed'eeni, Ilma kiyya, atini maanifi deemu feeta? Ato deemtele woma keesa inargatu. Inni waan jed'eeni, Ato waan feetu tateele, anini inuma deema. Jennaani Yoabuni waan jed'eeni, Yoosi beeni, iti d'aabad'i. Duuba Ahimaasini kae, kara bale Yordani kaani gula utaale, namicha Kushi kaani qolche. Ato Daudini fullo alaatifi ta garaa keesaa jiddu tau, namichi lafa eegu eeddo fulla gubba kore, nama toko ka koba utaalu arge. Jennaani inni lalabe hayyuti himnaani hayyuuni waan jed'e, yo inni nama toko ch'alla tate, inni odu dansaani d'ufa. Namichi kaani gaduma d'ufe worrati gadi d'iaate. Jennaani namichi wo eegu kaani ammalle millate nama d'ibi ka gadi utaalule arge. Namicha fullo eegu kaaniti lalabe waan jed'ani, Ilaali, namicha toko d'ibi ka koba utaalule! Hayyuuni ammalle waan jed'e, Kulleeni oduma dansaani d'ufuu jira. Namichi wo eegu kaani waan jed'e, Namichi dura utaalu kunini aka Ahimaasi utaala. Hayyuuni waan jed'e, Inni nama dansa, oduma dansaani d'ufa. Ahimaasini hayyu nagaya fuud'e, durati lafaani ufi d'ae waan jed'e, Ee hayyicha AABBO Waaqa kanke ha faarsani ka worra siti garagale nyaapa siti tahe si dabsachiise! Hayyuuni waan jed'eeni, Gurbaani Absalomuni jed'ani kaani bahe? Ahimaasini waan jed'eeni, Aabbo hojja hojatuni kanke Yoabuni na erge anini nama wolti bahe, wold'au arge, ammo anini waan suni keesa imbeekhu. Hayyichi waan jed'eeni, Yoosi atini achuma eji, jennaani inni kae achi eje. Jennaani tissichi lafa Kushi kaanileeni d'ufe waan hayyuuni jed'e, Anini arra odu dansaani si d'ufuu jira, ee hayyicha, AABBO Waaqi arra worra siti gargagale nyaapa siti tahe kaani ya si dabsachiise. Hayyichi waan jed'eeni, Gurbaani Absalomuni jed'ani kaani bahe? Tissichi waan jed'eeni, Ee hayyichi, nyaapa kanketifi nami siti gamu ch'ufti ha aka inni tahe tahu. Hayyuuni aka male laalefate mana fullo gubba jiruti olkore, ato deemu jiru faarse bohe waan jed'e, Ee Absalomu, ilma kiyya! Ee ilma kiyya! Ee Absalomu ilma kiyya! ato sila fulla tante due ho! Waan Yoabuni jed'ani, Hayyichi ilma isaa Absalomu jed'e aka hama laalefate bohu jira. Tanaafi dabsachaani worri nyaapa dabsate guyya suni garagalte boha askarti Daudi ch'ufati tate; wonti akanatiifi askartini guyya suni hayyichi ilma ufiti bohu jira, d'ageete. Worri ch'allise dirati dachae, aka askarti nyaapa baqate ch'eeraani galte. Hayyichi mata hagogate faarse bohe waan jed'e, Ee ilma kiyya! Absalomuni ilma kiyya! Ilma kiyya Absalomuni! Yoabuni mana hayyicha d'aqe waan jed'eeni, Atini arra askarti tante yayu ch'eersite, nama lubbu tanteetifi ta ilmaani teeti ta d'iiratifi ta dubraatifi, nad'eeni tanteetifi gaarayoota tantele baase. Atini nama si jibbu jaalate nama si jaalatu jibbita! Wonti atini arra taate kunini aka atini askartifi worra gugurda isiile womatu indarre garsiifti. Wonti anini arge kana — aka sila nuni ch'ufti hobaane Absalomuni jiraatu feeta. Amma beeni, worra kanke garaa jabeesi, anini maqa AABBO Waaqatini kakhad'a yo atini akasi intolchini bori askartini tunini nami tokoleeni si bira ineju. Tunini badi guddo toko, ta siti d'uftu, ta atini haguma d'alatte taka inargini. Jennaani hayyichi kae d'aqe fullo dira d'aatu tae. Jennaani askartini isaa aka inni achi jiru d'ageennaani ch'ufti fulla isaa d'ufte. Ato wonti kunini ch'ufti tau jirtu worri Israeli baqate worra ufiti dachae. Gochiti Israeli fulla ch'ufati aka hama wold'abde, duuba worri waan woliini jed'e, Hayyu Daudini nyaapa keenna duraa nu baase, harka worra Filistile jalaa nu baase, ammo amma inni yayu Absalomu duraa baqate lafa keesaa bahe. Nu Absalomu qara aka hayyu keenna muunne, ammo amma ya woraana keesati isa ijeesani. Isani maanifi nami tokoleeni aka Daudi deebisu indubbanne? Dubbini worri Israeli jed'e suni Daudi geennaani inni jara qaalole kaani, Sadokifi Abiathari, gara jaarole Yuda erge, Isani aka hayyu mana isati galchani maanifi eege aantani? Jed'e gaafate. Nu woli fiit'a, foonumafi d'iiga, isani maanifi deebisa tiyya eege aantani? Ammalle Daudini waan worraani jed'e, Waan isani Amasaani jettani, Atini fiit'a tiyya, armaa achi anini gudda askarti tiyya si tolcha fulla Yoabu. Yo anini iraa oole, Waaqi na ijeesinna. Dubbini isaa tunini worra Yuda ch'ufa garaa seente, worri qonqo isati erge waan jed'e, siifi jari kanke ch'ufti gala. Ato deebiu jiru, hayyuuni worra Yuda ka Gilgali, isa taakisiisu d'ufe galaana Yordaniti wolwoldaani. Ammalle Shimeini ilmi Gera, ka gosa Benjamini, ka Bahurimu bahe, utaale hayyu Daudi argu d'ufe. Inni nama kuma toko ka gosa Benjaminitini woliini yaani, Sibaleni, ka hojattu worra Saulo, ilmaani isaa kud'ani shanifi hojatu isaa nama diddamatini d'ufe hayyu durati galaana Yordanitini bahani. Worri galaana taake aka jara hayyu gegeese waan hayyuuni fed'u ch'ufa tolchufi. Ato hayyuuni kurfefate galaana taaku jiru, Shimeini isa durati lafa d'ae, waan jed'eeni, Hayyicha, waan hamtu anini gaafa atini Yerusalemu baate si tolche ch'ufa biraa naa deemi, waan ch'ufa ded'i, deebite qalbi keesa naa inkeyaatini. Aabbo anini imbeekha ya siti dabe, tanaafi anini gosa gara mirga jirtu keesa nama ch'ufa durati si arga d'ufe, ee hayyicha. Jennaani Abashaini, ilmi Seruya waan jed'e, Shimeini duu male waan inni nama AABBO Waaqi fohate muude abaareefi. Ammo Daudini Abashaifi oboleesa isaa Yoabuni waan jed'e, Eenuti dubbi tana isaniini gahe, ilmaani Seruya? Isani na d'ibu feetani, hayyuuni Israeli amma anuma, nama Israeli tokole arra inijeesani. Duuba inni Shimeiti kakhate waan jed'eeni, Atini indootu. Jennaani Mefiboshethini, akhaakhuni Saulo, hayyu argu d'ufe. Inni haguma hayyuuni Yerusalemuu deeme, taka miila d'iqate areeda haadate woyale imich'anne, haga hayyuuni nagayaani galuti. Mefiboshethini Yerusalemu bahe, hayyu fuula keesa d'umnaani hayyuuni waan jed'eeni, Mefiboshethi, atini maanifi na gula indeemini? Inni waan jed'eeni, Ee hayyicha, atini imbeeta, anini miila inqabu. Ee hayyicha, Anini hojattu tiyyaani, hare na fahi, hayyu gula deema jennaani inni na balleese, gara kanke d'aqe hamtu tiyya siti haasae, ammo atini malaika Waaqa fakaatta, waan atini feetu tolchi. Worra abba kiyya ch'ufa sila hobaasu malani, ammo atini mesuma kanke irati na gololchite. Karaani anini waan tokole si kad'ad'uni injiru. Hayyuuni waan jed'eeni, Dubbi d'ibi lakisi, anini yayu mure aka siifi Sibani hori Saulo qoodattani. Mefiboshethini, Sibani ha ch'ufa fud'atuti ee hayyicha, anini yayu quufe, eegi atini nagayaani galte jed'eeni. Barzilaini namichi Gileadi Rogolemu bahe hayyicha galaana Yordani taakisiisu d'ufe. Barzilaini nama jaare hobae, ka ganni isaa saddeetama gahe. Inni dureesa, hori gudda qaba ammalle gaafa hayyuuni Mahanaimu jiru guddo isa gololche. Hayyichi waan isani jed'e, Yerusalemuti nu galchi, si qorqorad'a. Ammo Barzilaini waan jed'eeni, Guyyaani kiyya ya ala hobae anini maanifi Yerusalemu si woliini deema? Anini nami ganna saddeetama waan dansaafi hamtu gargari imbeekha? Wonti nyaatani d'ugani nati imiofti? qonqo sirbale dandae ind'agaya? Laki ufumaa ulfinna siti tahe si gaargalcha, na eebisi, ee hayyicha. Wonti guddooni akanaleeni naa imale, tatule diqo Yordani gama suni si gegeesa. Duuba anini deebie d'aatu awaala abbooti tiyyaati dua, ammo ilmi kiyya kana kimhamu fud'ad'i ha sii hojatuti atileeni waan feetu ch'ufa tolchifi ee, hayyicha. Hayyichi waan jed'eeni, Anini kimhamuni deeme waan atini feetu tolchaafi. Sile waan atini himatu ch'ufa sii guuta. Jennaani Daudifi jari isaa ch'ufti galaana Yordani taake. Inni Barzilai d'ungate eebisefi Barzilaini kae gale. Worri Yudatifi worri Israeli hagi gari, ka hayyuu gegeesu d'ufe isa woliini galaana takaani Gilgali d'aqani kimhamuleeni isa gula deeme. Jennaani worri Israeli ch'ufti gara hayyu d'aqe waan jed'eeni, Ee hayyicha, oboleyaani teenna worri Yuda maanifi nu dabse, armaa siifi worra keetifi worra si woliini yaule ch'ufa fuud'e, galaana Yordani isani takisise? Jennaani worri Yuda waan jed'eeni, Hayyuuni gosa teennaniti? Isani maanifi dallantani, nu taka waan isa toko inyaanne yokhaani woma iraa infud'anne. Worri Israeli waan worra Yudatini jed'e, Ato inni gosa teesanile taate, isani gosa toko ch'alla, nu gosa kud'ani; tanaafi Daudileni isani ira nuti aana. Isani maanifi nu tufattani? Nami qara waan galisa hayyu dubbate nuuniti? Ammo worri Yuda haga worra Israeli ira miira hamate, oowe, dubbi jajabdu dubbate. Lafa Gilgali keesa gaafasi namicha seseega woma keesa injirre ka Sheba jed'ani ka ilma Bikri, ka gosa Benjaminiti jira. Inni magalata d'ae iyye waan jed'e, Daudini ha baduti! Nu nami tokoleeni isa gula iyyaanu, worra Israeli biraa nu galcha! Jennaani worri Israeli ch'ufti Daudi lakise Sheba gula iti d'aabate. Ammo worri Yuda, ka Yordani bahe isa woliini Yerusalemuti yauti jiru, garaa tokooni isa birati hafe. Daudini mana isaa ka Yerusalemutini bahe jennaani nad'eeni gaarayoota isaa kud'annaani taani, ta inni mana isa qorqorti lakise, guure mana tokoti galche sagale kenneefi, ammo bulti bira gahu dide. Nad'eeni suni haga isiini jirtu rifaane isi lagate akuma haad'a hiyyeesa lakise. Jennaani hayyichi waan Amasaani jed'e, Worra Yuda nama d'iira wolti yaami, atileeni iftaani worra woliini koota. Amasaani worra yaamu d'aqe, ammo guyya hayyuuni qabeefi kaani ind'umne, oole. Duuba hayyichi waan Abishaini jed'e, Shebani Absalomu ira nu gaargalcha, jara kiyya kana fuud'i, faana isa iti d'aabad'a yokhaani dira jajabaafa gale nu duraa baha. Akanaani jari Yoabutifi askartini hayyu eeddufi ammalle askartini Israeli ch'ufti, Abishai woliini barbaada Sheba iti d'aabate. Worri d'akha gudda toko ka Gideonitini bahe jennaani, Amasaani worra fuula keesa d'ufe. Yoabuni miha lola hid'ate, goraade qalqala keesa keeyate, gurdati hid'ate. Ato inni gadi d'ufu jiru goraadeeni isa qalqala keesaa baate iraa lafa buute. Yoabuni waan Amasaani jed'e, Jaali, nageenni bad'aad'a? Jennaani harka mirgichani areeda isa ufiti gadi hirkise aka waan d'ungatu. Amasaani goraade Yoabuni harka kaanii qabu ufira eeguti injiru, duuba Yoabuni goraade sunini garaa keesa tumate, marumaani isa ch'ufa lafa buani, waan inni hojuma suni duefi, Yoabuni woraansa lameeso itindeefanne. Jennaani Yoabufi oboleesi isaa Abishaini Sheba reebu itid'abatani. Jari Yoabu nami toko reefa Amasa bira eje, lalabe waan jed'e, Nami goli Yoabutifi Daudi, Yoabu gula yaa! Reefi Amasa, ka d'iigi balleese, kara kute keesa ch'iisa. Namichi kaani aka nami ch'ufti achi ejaanju arge jennaani reefa suni kara keesa alati hirkise woya iti uyise. Eegi reefa kara keesaa gorsani, nami ch'ufti faana Yoabu yae Sheba reebe. Shebani lafa gosa Israeli ch'ufa keesa dabre, dira Abeli Bethmaaka jed'aniini bahe, jennaani worri gosa Bikri wolti bahe, isa gula yae dira duude. Jari Yoabu aka Shebani achi jiru d'ageennaani dira suni marse had'e. Biyye qotani dallaa alatiini marsani, ammalle dallaale jala qotani, aka inni jigu. Niiti qaro tokoti dira suni keesa jira; isiini dallaa iraani lalabde waan jette, Ch'aqasa! Ch'aqasa! Yoabu naa gayaama. Anini isaani dubbachu fed'a. Yoabuni d'ufe jennaani isiini waan jetteeni, atini Yoabu? Jennaani inni waan jed'e, Ee anuma, Isiini waan jetteeni Aabbo, na ch'aqasi, innileeni, siuma ch'aqasu jira jed'eeni. Isiini waan jette, duri waan jed'ani, Dira Abeli d'aqi, waan feetu gaafad'u, siti himani, tanumani dubbini buufati. Diri keenna kunini dira Israeli keesa nagayafi balchuma qaba. Atini maanifi dira kana balleesu feeta? Atini waan AABBO Waaqa balleesu feeta? Yoabuni waan jed'eeni, Anini diqole dira kana balleesu infed'u! Nu herega suni inqamnu. Namicha Sheba jed'ani ka ilma Bikri, ka lafa gareeni ta Efraimu keesaa bahe, hayyu Daudini morku fed'a. Namicha suni ch'alla nuti keenna dira keesaani biraa yaana. Isiini waan jetteeni mata isa dallaa irani isaniti darbanna. Duuba isiini mala isii kanaani worra dira suniti d'ufte, worri mata Sheba iraa kute, dallaa iraani Yoabuti darbate Jennaani inni magalata d'ae, worri isaa dira suni biraa yae, worra ufiti deebie. Yoabuleeni Yerusalemu fulla hayyuti deebie. Yoabuni gudda askarti Israeli ch'ufa; Benaiya, ilmi Yehoyada, gudda askarti Daudi eeddu; Adoniramuni gudda nama irreeni nama hojachiisu; Yehoshefathini, ilmi Ahiludi, gudda worra wo t'aafe wo olkayu; Sheranini nama tatabe hayyu t'aafu; Sadokifi Abiatharini qaalole isaati; Iraaleeni ka dira Yairiti bahe, qaallu Dauditi. Bara Daudini lafa fidu suni oola jabdu gana sadi fud'atu tokoti lafa d'ufe. Jennaani Daudini waan oola suni AABBO Waaqa gaafate, AABBO Waaqi waan jed'eeni, Saulofi worri isaa worra harka d'iiga, ka nama fit'u. Inni worra Gibioni fit'e. (Worri Gibioni gosa Israelitiniti, worri gosa diqo Amoni toko, ta worri Israeli inqorqoranna jed'e kakhate, ammo Sauloni waan guddo worra Yudatifi Israeli jabeesu fed'eefi gosa suni balleesu fed'e.) Tanaafi Daudini worra Gibioni wolti yaame waan jed'eeni, Anini maani isani tolcha? Anini akami gati ch'ubbu suni baasa, aka isani gumi AABBO Waaqati eebiftani? Worri waan jed'eeni, Nu qarsifi worqile worra Saulo ira infeenu yokhaani worra Israelile nama tokole ijeesu infeenu. Daudini waan jed'eeni, Anini maani isaani tolchu male re? Worri waan jed'eeni, Sauloni nu balleese Israeli keesa fiiga nu d'owu fed'e. Yoosi nama d'iira torba, ka worra isaa, nuti kenna duuba nu AABBO Waaqa durati Gibea keesati dira Saulo hayyu AABBO Waaqi fohateeti worra fafannimna. Duuba hayyichi waan jed'eeni, Hayye, hataatuti worra harkuma keesaniti kenna. Ammo maro kakhu jabdu Yonathanifi Daudini wolti kakhateefi Daudini ilma Yonathani, ka Mefiboshethi, jed'ani ka akhaakhu Saulo, lubbu baase. Ammo tatule, inni Armonifi Mefiboshethi ilmaani lamaani intalti Aya ta Rispa jed'ani Saulo d'alteefi, ammalle ilmaani shani ta Marabuni, intalti Saulo, Adrieli ilma Barzilai ka worra Meholathi d'alte, fuud'e harka Gibioniti worra kenne. Duuba worri suni jara torbani suni fuud'e, gaara gubbati AABBO Waaqa durati fafannisani. Worri torbani artumati woliini d'ume. Gaafi worri d'ume suni adolesa, ka garbu hama jirani. Jennaani Rispani, intalti Aya, woya ch'arqi guurte hoosa d'akha gubbati fulla goblooli worra kaani jiruti jaaratte, haguma gaafa mid'aani hamaani suniti haga hageeti buututi achuma teete. Guyyate isiini allaati goblola iraa gussite, halkani bineensa ala ira d'owarte. Daudini waan niitiini gaarayu Saulo ta Rispa jed'ani taani tolchite d'agae jennaani, Kae lafele Saulotifi ta ilma isa Yonathani worra Yabeshi ka lafa Gileadi keesa jiru iraa guure. (Worri suni qara lafele suni fulla dida koraa ta Beth-Shaniti hate, fulla worri Filisti gaafa Saulo gaara Gilboa gubbati ijeese reefa iti fannise.) Daudini lafele Saulotifi ta Yonathani guure, ammalle lafele worra torbani kaani ka fafannisanile wolti guure. Jennaani worri lafele Saulotifi ta Yonathani awaala Kishi abba Saulo ka Zela lafa Benjamini keesa jiru keesaati awaale. Akanaani waan hayyuuni tolcha jed'e ch'ufa guutani. Eegi suni Waaqi kad'acha worri lafa suni jed'e, kad'ate, d'agaefi. Woraani d'ibiini ammalle worra Israelitiifi ka Filisti jidduti kae jennaani, Daudifi worri isaa kae worra Filisti had'e. Had'iisa toko keesa Daudini guddo dad'abe. Duuba namichi d'eerani furdaani toko, ka Ishibbeenobu jed'ani, ka woraana isaa sibiila diimani mid'aasani, ka ulfiini mata woraana isaa ch'allaani haga kilo sadifi woi gahu, baate, goraade hareetile hid'ate, Daudi ijeesa jed'e kae. Ammo Abishaini, ilmi Zeruya, Daudi qarqaaru d'ufe namicha d'eera furda kaani had'e ijeese. Jennaani jari Daudi isa kakhachiise, aka inni armaa achi deebie worra woliini indulle. Ammalle waan jed'aniini, Atini ifsa Israeliti, d'aamu imale. Eegi sunile worra Filistitini dira Gobuti wolhad'ani ammalle had'iisa suni keesa Sibekaini ka lafa Husati bahe, namicha d'eera furda Safu jed'ani ijeese. Ammalle Eegi sunile worra Filistitini akasuma Gobuti woli had'ani duuba Elhanani, ilmi Yairi, ka Bethlehemu bahe, Goliathi, ka worra Gathi, ka Someeti woraana isaa haga utuba geetu had'e ijeese. Ammalle Gathiti wolhad'ani, achiti namicha d'eera furda toko, ka aka male had'iisa fed'u, argani. Inni harkaafi miilale quba jaa qaba. Inni Israeli miid'e ch'eerse, jennaani Yonathanini ka oboleesi Daudi Shamani d'ale, isa ijeese. Jari afraani fit'ani kunini worra d'ed'eera fufurda gosa Gathi keesaa d'alate; worra suni Daudifi jara isaati fit'e. AABBO Waaqi Daudi harka Saulotifi ka nyaapa isaa jala baamnaani, inni faaru taanaani AABBO Waaqa faarse waan jed'e: AABBO Waaqi d'akha kiyya, siida jaba ka anini jalati d'okhad'u. Waaqi kiyya siida kiyya ka anini jalati d'eed'u. Inni wonte tiyya, na qorqorate na baasa, inni baafama kiyya, na qorqorate harka nama hama jala na baasa. Anini AABBO Waaqa yaamad'e, inni harka nyaapa kiyya keesaa na baasa. AABBO Waaqa ha faarsani! D'awani dua na marsite, bisaani nati fach'aani na balleesani. Haadi dua lubbuti na marate, irreesileeni ya t'urura isaa naa hid'e. Gaargala kiyya keesa anini AABBO Waaqa yaamad'e, na qarqaari jed'eeni. Mana isaa keesa inni qonqo tiyya d'agaye. Iyyanti tiyya isani baate. Jennaani lafti hollate chochote, yayabi gubbaa rorae chochoe, waan Waaqi dallaneefi! Aari funani keesaa yae, ibida wogube balleesuufi ch'ileeni bobeetu afaani keesaa yaate. Inni gubba gargari tarsaase, dumansa guraacha miila ufi jala kaye gadi bue. Inni waan koola ka gubba d'ufeeni barise, koola bubbe gubbaa deeme. Inni dukana uyifate, dumansa bokayatini ufi mare. Ifse angaatu ta isa dura deemtu keesa ch'ileeni bobeetu baate. Jennaani AABBO Waaqi gubbaa mandie, qonqo Waaqa gudda d'agayani. Inni t'iya ufii darbate nyaapa isaa gargari baase, angaasu isaaleeni worra suni ufi duraa gusse. Bisaani baariini fooqatani, biyyeeni godduuni mullate, yayabi lafaleeni diidati bahe, gaafa AABBO Waaqi nyaapa ufi dallansuuni loleeni iti mandie. AABBO Waaqi gajed'e, harkaa na qabe, d'immu bisaani keesaa na fuud'e. Inni harka nyaapa kiyya jajaba keesaa na baase, nama na jibbufi ka nara irre qabule. Gaafa anini d'iba keesa jiru nyaapi na had'e, ammo AABBO Waaqi naraa d'owe. Inni gaargala keesa na qarqaare, na jaalate, lubbu na baase. AABBO Waaqi waan anini d'uga tolchufi na qarqaare, waan anini ch'ubbu inqamneefi na eebisa. Anini Seera AABBO Waaqa ya guute takaa kara isaa iraa ingore. Anini seera isaa ch'ufa ya jabeese, aada isaa tokole illakimne. Anini isa durati qulqullo, waan hamtu ch'ufa ya ufi hanqise. Duuba waan anini waan d'uga tolchufi inni na eebisa, waan anini isa durati ch'ubbu inqamneefi. Ee, AABBO Waaqa, atini nama si heregatu heregatta, ammalle nama siti inch'ubbanne atini iti inch'ubbamtu. Nama qulqullo atini iti qulqullo, ammo nama hama nyaapa iti taata. Nama ufi insaane baafte nama ufi saadu lafa buufta. AABBO Waaqa, atini ifse tiyya ta dukana naraa balleesitu. Atini humna anini nyaapa kiyyaani had'ufi irre anini dallaa nyaapa kiyyatiini kurupad'ule naa kennita. Waaqa kana karaani isaa akami qajeela, dubbi isaa akami d'ugefachu malani, inni nama isati d'iaatu wonte tahafi! AABBO male Waaqi d'ibiini injira? Isa male siida jalati d'okhannu d'ibi inqamna? Nami irre na tahu Waaquma kana, isumati kara naa hara. Inni aka abroble miila na sablise, gaara gubbati na tissa. Inni harka kiyya huji woraana barsiise, aka anini guube t'iya jabduuni wohad'u. Ee, AABBO Waaqa, atini wonte naa taate na baafte, qarqaarsi kankeleeni ya guddinna naa kenne. Atini kara naa ballifte, miila kiyya gufachu d'owarte. Anini nyaapa kiyya reebe dabsad'e, haga balleesuti yaala imbahu. Anini worra d'ae buuse lafaa kau d'owe, worri miila kiyyati jige jala ch'iisa. Atini humna woraana naa kennite, nyaapa kiyya na dabsachiifta. Atini nyaapa kiyya na dura baqachifte, aninileeni nama na jibbu balleesa. Worri qarqaarsa barbaade, ammo nama worra baasu d'abe. Worri AABBO Waaqa yaamate, ammo inni worra jalaa dida. Anini worra daakhe aka biyye d'ukeese, aka d'oqe kara keesati ira sirba. Atini worra kiyya ka nati gamu, dura na baafte, finna anini nama fidu jabeesite. Worri duri anini imbeneleeni amma na jalati bulla. Sidiini d'ibileeni na durati jilbifate, qonqo tiyya d'ageennaani na ch'aqafte. Worri nahe hollate fulla keesati d'okhate gayae. AABBOONI Waaqa jiru! Siida kiyya ha faarsani! Waaqa jaba ka na baasu guddinna isaa odeesa. Inni nyaapa kiyya na dabsachiise, sidi d'ibi na jalati bulche, nyaapa kiyya jala na baase. Ee AABBO Waaqa, atini nyaapa kiyya na dabsachiifte worra hamama jala na baafta. Tanaafi anini sidi ch'ufa keesa sii faarse maqa kanke guddisa. Waaqi dabsacha guddo hayyu isaati kenna, ammalle nama fohate muude haga jiru ch'ufa jaalata, Daudifi d'aloota isaa ch'ufa, haga jiru jireenna. Daudini, ilmi Yese, nama Waaqi guddo guddise toko, ka Waaqi Yakobo hayyu fohate. Ammalle inni nama faaru heddu Israelii baase. Dubbini isaa ta eege tana: Lubbuuni AABBO Waaqa afaani kiyyaani dubbate, inni arraba kiyyaani wod'aamate. Waaqi Israeli dubbate, siidani Israeli waan nani jed'e: Hayyuuni d'ugani lafa fidde seera Waaqa gula deemu, adu ganama duumansa male baatu, ta fit'eesa ganama bibilisitu, fakaata. AABBO Waaqi d'aloota kiyya akasuma eebisa. Waan anaafi inni wold'aqisa hegeri woliini tolfanne, wold'ageeti haguma jirtu imbannefi kakhu injijiramne wolti kakhanneefi. Woni anini fed'u tanuma, tanumati dabsacha na taha, Waaqileeni tana inuma guuta. Nami Waaqa imbeenne akuma qorati alati gadigargatani jira, nami torkoleeni dandae harkani inqabatu. Nami qorati suni qabachu fed'u sibiilafi yokhaani woraana male dandae inqabatu. Qorati suni fulluma isiini jirtuti gubani balleesani. Kunini maqa askarti Daudi ta gurra qabdu; nami qara Yasheb-Bashebethi ka lafa Hakemoniti bahe, inni worra sadeeni gugurda kaaniti mata; inni woraana isatini nama d'ibba saddeeti had'iisa guyya toko keesati hobaase. Worra sadeeni suni keesa nami nama matati aanu Eleazari ilma Dodai, ka balbala Ahohi. Guyya toko isaafi Daudini duula worra Filisti ka had'iisa wolti baheeti, qoma d'aatani fokorani iti ga d'ufani. Worri Israeli iraa d'eete. Ammo inni chochou dide worra Filisti suni had'uma had'e ato ituma jiru, harki isaa goraadeti gogoge gad'iisu dad'abe. Guyya suni AABBO Waaqi worra Israeli dabsacha guddo kenneefi, duuba eegi had'iisi hobae, worri fulla Eleazarini jiruti dachae, worra fit'ani kaani miha lola iraa hikhate. Worra sadeeni kaani keesa nami sadeeso shama, ilma Age, ka lafa Harariti d'ufe, gaafasi worri Filisti oobru d'engo guddo keesa Lahiti wolti bahe. Worri Israeli worra Filisti baqate, ammo Shamani oobru suni keesa chochou dide worra Filisti had'e fit'e. AABBO Waaqi guyya sunile worra dabsacha guddo kenneefi. Gaafa mid'aani murani, askarti sodoma keesa jari sadeeni jajanni kaani goda adulamu, fulla Daudini jiru, ka gaafasi worri Filisti bale Refaimu keesa jiru, d'ufe. Gaafasi Daudini gaara jabeesani jarani kaani gubba jira duuba askartini Filisti d'ufte, dira Bethlehemu keesa qubatte. Daudi oodooni worraa qabate jennaani waan jed'e, Ato nami bisaani anini d'ugu eela fullo Bethlehemu d'aatu jiru keesaa na fuud'e akami dansa! Worri askarti ka gurra qabu kaani sadeeni olla Filisti duude eela kaani keesaa bisaani woraabe Dauditini gale. Ammo inni d'ugu dide fulla d'ugu AABBO Waaqaa d'ibaayu baase. Waan jed'e, AABBO Waaqa, anini bisaani kana dandae ind'ugu! Yo d'uge nama d'iiga worra lubbu ufi jibbaate kana d'uga fakaad'a jed'e, d'ugu dide. Wonti jabduuni worri askarti sadeeni gurra qabdu suni tolchite tana. Abishaini, oboleesi Yoabu, ka ilma Seruya, gudda askarti nama sodoma suni. Inni woraana ufitini nama d'ibba sadii had'e fit'e akanaani worra sodoma kaani keesa gurra baafate. Inni worra sodoma kaani ch'ufa iraa jabaate, gudda worraa tahe, ammo hataatuti gurri isaa haga worra kaani sadeeni ind'umne. Benaiyani, ilmi Yehoyada ka lafa Kabseeliti d'ufeleeni, nama askarti toko ka guddo gurra qabu; inni waan jannooma heddu tolche, askarti Moabu jajannale nama lama ijeese guyya toko, ka lafti aka hama d'aamotu, inni boola toko seene keesati nyeench'a ijeese. Ammalle inni namicha Misiri gudda toko ka woraana bode gudda qabu, bokuuni d'ae qabe, woraana iraa fud'ate, woraanuma isaa sunini ijeese. Sunini ch'ufti waan Benaiyani, ka askarti nama sodoma taani keesa jiru, jannoomaani tolche. Inni askarti suni keesa guddo maqa qaba, ammo haga jara kaani sadeeni ingahu. Daudini isa fuud'e, gudda jara isa eegu tolche. AABBO Waaqi ammalle worra Israeliti dallane duuba Daudi worrati kaase waan jed'eeni, Beeni, worra Israelitiifi ka Yuda hedi, jennaani Daudini Yoabu gudda askarti isaa yaame waan jed'eeni, Beeni askarti tante fud'ad'i, gosa Israeli ch'ufa haga Dani iti keeyate Beershebati d'aabi, hedi, anini henna worraa haga beekhu fed'a. Yoabuni waan hayyichaani jed'e, Ee hayyicha, AABBO Waaqi kanke gosa Israeli harka d'ibba haga amma ira dabarse sile lubbu d'eerese si argisisina. Ammo Ee hayyicha atini maanifi aka henna akana tolchani feeta? Ammo hayyichi Yoabufi askarti isaa dubbi guuchisiise worri kae isa biraa yae worra Israeli heddu d'aqe. Duuba worri galaana Yordani taake Aroeri, dira bale Gadi keesa jiru, qubate. Arti mirga kaani Yaseriti qajeelani. Gileadi ira bahani, Kadeshi ta lafa Hititi iti d'aabatani. Ammalle arti kaani Daniti iti d'aabatani, artiti kaani Sidoni lafa Danini ila adu qajeelani. Achile bitaa iti d'aabatani, dira Tiro ka aka jajaba jaajaaraniti qajeelani, achile dira heddu worra Hivitifi ka Kanaaniti dabrani, duuba eege qit'isu Beersheba, ta lafa Yudatini bitaa, d'ufani. Akanaani eegi jia sagalifi bulti diddama lafa ch'ufa keesa marani Yerusalemuni bahani. Worri henna nama woraana guutu hayyichatini d'ufe waan jed'eeni, Nami Israeli 800,000, nami Yuda 500,000. Ammo Daudini Eegi henna namaa hobaase, heregi hamaani isa qatabe jennaani inni waan AABBO Waaqaani jed'e, Anini ka waan akana kana tolche ya guddo daallae waan hamtu tahe, biraa naa deemi. Gadini isati gad'ufe waan jed'eeni, Waan AABBO Waaqi siini jed'u kana kami fohata? Oola ganna sadi ta lafa tanteeti d'uftu mo? Jia sadi ka nyaapa kanke baqatu mo? Guyya sadi ka ch'iisi d'ukuba lafa teeti d'ufu? Duuba amma heregi, toko gula bahi qonqo anini AABBO Waaqatini deebiu nati himi. Daudini waan Gadini jed'e, Anini ya ufi jibbaadd'e, lubbuuni na d'ufte harka namaatiini duu imfed'u tanaafi AABBO Waaqumani, ka naasu qabu, ha waan fed'u nu tolchu. Jennaani AABBO Waaqi ch'iisa d'ukuba hama, ka haga diirama suni worra qabate guyya inni fohate kaaniti muumme bahe, worra Israeliti buuse, Danifi Beersheba jiddu nami kuma torbatama hobae. Malaikaani Waaqaa Yerusalemu balleesiti kurfefate, jennaani, AABBO Waaqa herega badi ka namaani balleesu suni jijirate, waan malaika worra hobaasu jirtuuni jed'e, Laki! ta qaraatu ya geete, yaalabai! Yo suni malaikaani oobdi Arauna, ka gosa Yebusi, d'aatu ejiti. Daudini malaika biyya fit'u jirtu arginaani waan AABBO Waaqaani jed'e, Nami wollaala qabu, ka wo balleese anuma, worri woma keesa injirre kunini maani yake? Atini sila anaafi worra kiyya balleesu malte. Guyyuma suni Gadini gara Daudi d'aqe waan jed'eeni, Beeni, oobdi Arauna d'aqi, achiti fulla sorio iti qalani AABBO Waaqa jaari Daudini jecha AABBO Waaqaa guute, akuma Gadini jed'eeni kaani kae tolche. Araunani millate, hayyichafi jara isaa gugurda, ka gara isaa gad'ufu arge, jennaani Daudi durati gajed'e. Waan jed'eeni, Ee hayyicha, naguma arma d'ufte? Daudini waan jed'eeni, Naguma d'umne, oobdi tante tana bite, fulla sorio AABBO Waaqa iti qalani jaaru fed'a, aka ch'iisa d'ukuba hama kana balleesani. Araunani waan jed'eeni, Fud'ad'u, AABBO Waaqa waan feetu ch'ufa irati baasiifi, ee hayyicha sangoleeni qotiyo ta atini gubde sorio baaftuleeni tana; qaamparafi mukhi mid'aani irati d'aanani ka atini aka qoraani bobosituleeni kanuma. Waan akana ch'ufa Araunani hayyuti kenne waan jed'eeni, AABBO Waaqi waan atini baaftu kana ch'ufa ha sira fud'atu. Ammo hayyichi waan jed'eeni, Laki, anini hori sii baasa; anini sorio woma iti imbaasini AABBO Waaqa kiyya baasu infed'u, duuba hayyichi oobdifi sangoota taani qarsi shantamatini iraa bite. Jennaani fulla sorio iti qalani AABBO Waaqaa jaare, sorio gubanifi sorio wold'ageeti Waaqaa baase. Akanaani AABBO Waaqi kad'acha isaa d'agae ch'iisa d'ukuba hama suni worra iraa balleese. Hayyu Daudini jaare hobae jennaani jari isaa woya iti uyise, ammo woyaani sunileeni d'aamocha isa ind'owarre. Duuba jari isaa waan isaani jed'e, Ee hayyicha, eegi, dubra si barbaanna, ta sii wahelchite si qorqorattu. Isiini ha si d'aatu ch'iifte nafa si owiftu. Jennaani Israeli ch'ufa keesa nama ergani, dubra mimid'aadu barbaadani, lafa Shunami keesati intala toko ta Abishagi jed'ani argani hayyuutini d'ufani. Isiini guddo mid'aadu, hayyichaa hojatte guddo isaa qorqorate, ammo inni taka bira imbulle. Duuba Adoniani, ilmi Hagi, ufi guddise waan ufiini jed'e, Anini hayyu taha; jennaani gaari fardi hirkisufi nama farda yaabatule tolfate, nama shantama ka isa dura yaule tolche. (Abbaani isaa taka, atini maanifi akana tata jed'e isaa indalansimne. Inni guddo fuula mid'aaga, d'alootale Absalomuti aana.) Inni Yoabu ilma Seruyatifi qaallicha Abiatharini wolhaasaani, worrileeni dubbi isaa gula gale qarqaare. Ammo qaallichi Sadoki jed'anifi, Benaiya ilma Yehoiaditifi raaga Nathani jed'anifi Shimeifi, Reifi askartini Daudi eedduleeni, goli Adonia tau didde. Guyya toko Adoniani holafi loonifi yabbiye gagabbo qale, fulla d'akha Bofa jed'ani, ta d'aatu maddo Enrogeliti, sorio baase. Inni ilmaani hayyu Dauditifi hojattu hayyu ta gosa Yuda jila suniti yaame, ammo oboleesa isaa Solomonifi raaga Nathani jed'anifi Benaiyafi askarti Daudi eeddu taani tokole iyyaamne. Jennaani Nathanini Bathsheba haad'a Solomoni d'aqe, waan jed'eeni, Atini aka Adoniani ilmi Hagithi ka Daudini quba inqamne hayyu ufi tolche ind'ageenne? Hojja atini lubbu tanteetifi ta gurba kanke Solomoni baasu feete, gorsa kiyya kana d'agayi, hayyu Daudi d'aqi, waan jettuuni, ee hayyichi, atini duri nati kakhatte, ilmi kanke Solomonini fulla tiyya hayyu taha nani injenne? Adoniani akami amma hayyu tahe re? Duuba ato atini teete dubbi suni isati himtu anileeni d'ufe dubbi tante d'ugeesa. Jennaani Bathshebani gara hayyu d'at'e, fulla inni ch'iisuti iti d'ufte. Inni waan jaare hobae, Abishagi intala lafa Shunamiti d'ufte taaniti isa qorqorachu jira. Bathshebani d'ufte isa durati gadi jette jennaani inni waan jed'eeni, Atini maani feeta? Isiini waan jetteeni, Atini duri maqa AABBO Waaqa kanketini nati kakhate, ilmi kanke Solomonini eegi tiyya hayyu taha nani jette, ee hayyicha. Ammo Adoniani yayu hayyu tahe, ka atini quba inqamne. Inni ya loonifi yabbiye gagabboofi hooliye heddu qale, qaallicha Abiathari jed'anifi, Yoabu gudda askarti teeti jila sorio suniti yaame, ammo ilma kanke Solomoni iyyaamne. Amma tana, ee hayyicha gurri nama Israeli ch'ufti sii ch'aqasa, aka atini nama hayyuma siraa fuud'u lalabdu. Yo atini akasi tolchu didde, guyyuma atini dootu naafi ilma kiyya Solomonile aka nama hamama woi balleeseti nu heregani. Ato isiini teete dubbatu, raagi Nathani jed'ani kaani iti olseene. Jennaani aka Nathanini arti jiru hayyuti himani, Nathanini d'ufe isa durati gadi jed'e, Waan jed'eeni, Ee hayyicha, atini aka Adoniani hayyuma siraa fuud'u ya lalabde. Inni arra yayu d'aqe loonifi hooliyeefi yabbiye gagabbo heddu qale, ilmaani tanteetifi Yoabu gudda askarti tanteetifi qaallicha Abiatharile jila suniti yaame, amuma worri tae hayyu Adonia lubbuuni tante ha d'eeratu! jed'e eebisufi jira. Ammo inni anaafi qaallicha Sadoki jed'anifi Benaiyafi yokhaani Solomoni tokole iyyaamne. Ee hayyichi, waan kana ch'ufa d'uguma siti tolche, ka nama hayyuma siraa fuud'u hojattu tante tokoleti inhimini? Jennaani hayyu Daudini waan jed'eeni, Beeni, Bathsheba gayyaami, duuba isiini d'ufte isa dura ejite. Jennaani inni waan isiini jed'e, Anini maqa AABBO Waaqa, ka gaargala ch'ufa keesaa na baaseni kakhad'a, aka arra kakhu anini duri maqa AABBO Waaqa Israelitini si kakhad'e, ta anini ilmi kanke Solomonini hayyuma nara fuud'a sini jed'e guutu. Jennaani Bathshebani durati jilbifate waan jetteeni, Gudda kiyya, hayyu Daudi, lubbuuni tante ha d'eeratu! Jennaani hayyu Daudini Sadokifi Nathanifi Benaiya nama iti erge yaame. Worri d'ufe, jennaani waan jed'eeni, Jara na hojatu; yaama woliini yaa, ilma kiyya Solomoni gaange tiyya yaabachisaa, maddo Gohini geesa, achiti Sadokifi Nathanini ha isa muudani, hayyu Israeli tolchani. Duuba magalata d'aa, hayyu Solomoni lubbuuni isaa ha d'eeratu jed'a lalaba! Ammalle hojja inni barch'uma kiyya ka hayyuma ira teesuma gadeebule gula yaa. Inni fulla tiyya hayyu taha, wonti akanatiifi inni nama anini fohad'e ka Yudafi Israeli fidu. Benaiyani waan jed'eeni, Hayye ha tatuuti, AABBO Waaqi kanke guutinna. Akuma AABBO Waaqi si eebise, ee hayyicha, inni ha Solomonile eebise hayyuma isaa tantele ira jabeesu. Duuba Sadokifi Nathanifi Benaiyafi askartini hayyu eeddu Solomoni gaange hayyu Daudi yaabachisani maddo Gihoniti geesani. Achiti Sadokini d'ad'a buuda keesa jiru, ka inni Waaro Woyyuma keesa d'ufeenini muude. Jennaani magalata d'aani, nami ch'ufti, lubbuuni hayyu Solomoni ha d'eeratu jed'e lalabe, duuba isa gula yaani fulludo d'aani, lalabani gammadani, lafa chochoosani. Adoniafi worri inni yaame kaani, ato gololfachu jiranu lalaba kaani d'agayani Yoabuni lalaba suni d'agaye jennaani waan jed'e, Iyyanti dira keesa d'ufti tunini maani? Ato inni dubbachu jiru, Yonathanini, ilmi qaallicha Abiathari, gad'ufe jennaani Adoniani waan jed'eeni, Kooti olseeni, nami dansaani aka keeti kunini silaaftu odu dansa ind'abu. Yonathanini waan jed'eeni, Hiyo akasiiniti, hayyichi Daudini yayu Solomoni hayyu tolche. Inni yayu Sadokifi Nathanifi Benaiyafi askarti hayyu eeddu isa gula erge worri gaange hayyuu isa yaabachiise, duuba qaallichi Sadoki jed'anifi Nathanini fulla maddo Gihoniti isa muudani. Jennaani worri gammade, iyye lalabe dira duude, tanaafi amma diri ch'ufti ya chochoe. Lalabi isani reefu d'ageetani suni, hayyuuni amma Solomoni. Tana malele jari hayyu hojatu, hayyicha Dauditi olduude, nagaya fuud'e eebiseefi waan jed'e, Waaqi kanke ha Solomoni sira gurra baafachise hayyuma isaale tante iraa guddisuti. Jennaani hayyu Daudini sire isaa irati gajed'e, Waaqa kad'ate waan jed'e, Koota, AABBO Waaqa keenna ka Israeli faarsina, ka arra ilmaani tiyya keesa nama toko fulla tiyya hayyu tolche, nale lubbu bulche, waan kana na garsiise. Jennaani nami Adoniani yaame kaani ch'ufti aka hama mudame, kae gargari namu kara ufi baqate. Adoniani, ka guddo Solomoni sodaate, kae gara Waaro Woyyuma d'aqe, gaafa waan mesa fakaata kaani qabate. Jennaani waan Solomonini jed'ani, Adoniani si sodaate gaafa waan mesa fakaata kaani qabate waan jed'e, Hayyu Solomonini ha qara nati kakhatu aka goraadeeni na inijeemne. Solomonini waan jed'e, Yo inni d'eete wollaala ufi iraa deebie, wonti tokoleeni ta isa tolchani injirtu; ammo yo wollaala irati argani inni kauma duu. Jennaani hayyu Solomonini nama erge Adonia yaame, gaafa inni qabatu kaani biraa fuud'ani. Adoniani gara hayyu d'aqe durati gajed'e jennaani hayyuuni, Beeni gali jed'eeni. Daudini guyyaani isa alaa hobae jennaani ilma isa Solomoni yaame dubbi tana iti d'aamate: Guyyaani kiyya ya alaa hobae, jabaad'u aka d'iira tahi, waan AABBO Waaqi tolchi sinjed'e tolchi kara isaa gula deemi, aadaafi seera isa, ta Seera Musa keesati t'aafani guuti, aka waan tolchitufi fulla atini deemtu ch'ufa keesa, eeba argattu. Yo atini Seera isaa guute, AABBO Waaqi kakhu inni naa kakhate, ta gaafa inni, d'alooti kanke worra Israeli mohate haga worri Seera kiyya garaa tokooni jabeese guutu, nani jed'e, sii guuta. Ammalle waan tokoti jira — waan Yoabuni gaafa inni worra gugurda lamaani askarti Israeli, Abineri ilma Neritifi Amasa ilma Yetheri ijeese na tolche, imbeeta. Ammalle aka inni bara lafti nagaya worra fit'e, akasiini haalo worra duri woraana keesati fit'ani baafate imbeeta. Inni nama woma iyyakini fit'e, wollaali suni amma gubba tiyya tahe na t'ureese. Amma waan isa tolchu malani qalbi tante gula tolchi, ammo ato inni jaarsale taate inni ufiini induiini ijeesi. Ammo ilmaani Barsileo ka worra Gileadi nahiifi jabeesi qorqorad'u, wonti akanatiifi worri gaafa anini oboleesa kanke Absalomu duraa baqad'e naa nahe. Ammalle namicha toko ka Shemei ilma Gera, ka gosa Benjamini, ka worri isaa Bahurimuti jira. Gaafa anini Mahanaimu d'aqe inni aka hama na abaare, ammo galaana Yordaniti woliargine jennaani, anini maqa AABBO Waaqatini iti kakhad'e aka anini isa inijeemne. Ammo atini isa ka woi intolchini illakisini. Waan tolchu malani atu imbeeta, illakisini ijeesi. Daudini due jennaani isa diruma isaa keesati awaalani. Inni ganna afurtama gosa Israeli mohate, ganna torba Hebroni keesa tae, ganna sodomi sadi Yerusalemu keesa tae. Solomoni hayyuma abbaa isaa iraa fuud'e, aka dansaa jabeese lafa fide. Jennaani Adoniani, ilmi Hagithi, gara Bathsheba haad'a Solomoni d'aqe. Isiini waan jetteeni, Naguma d'ufte? Inni waan jed'eeni, Ee, naguma d'ufe, ammo waan siini jed'u qaba. Isiini waan jetteeni waan jechu feetu jed'i. Inni waan jed'eeni, Atini imbeeta aka hayyumti sila tiyya ammalle nami Israeli ch'ufti ya aka hayyu na heregate. Ammo dubbini suni akasi intaane, oboleesa kiyyati, fed'i Waaqa gula, hayyu tahe. Anini amma waan toko si kad'ad'a, na ind'owatini naa kenni. Bathshebani waan jetteeni, Hayye kad'ad'i. Inni waan jed'eeni hayyicha Solomoni na kad'ad'i ani imbeekha inni si jala indidu — aka inni intala Abishagi jed'ani, ta lafa Shunamiti d'ufte, naa kennu. Isiini waan jetteeni hayye dansa, ya d'agaye, hayyuti sii hima. Jennaani Bathshebani kaate gara hayyu d'at'e aka dubbi Adonia taani iti haasaftu. Hayyichi olkae, haad'a isaa durati gajed'e, nagaya fuud'e barch'uma ufi ira gadi tae, ammalle barch'uma d'ibi isii fuud'e isiini d'aatu isaa moga mirgaa teete. Isiini waan jetteeni, waan diqo toko si kad'ad'a, na ind'owatini, naa kenni. Ayyo, waan feetu kad'ad'i, sii kenna jed'eeni. Isiini, Abishagi oboleesa kanke, Adoniaa kenni, ha fuud'uti jetteeni. Hayyichi waan jed'eeni, Maanifi Abishagi isaa kenni nani jetta, Hayyumale kad'ateefi ho? Qarale inni oboleesuma kiyya gudda ammalle qaallicha Abiatharifi Yoabuleeni gama isaa jirani! Jennaani Solomonini maqa AABBO Waaqatini kakhate waan jed'e, Waaqi na ijeesinna, hojja anini Adonia inijeesiini, waan inni akasi kad'ateefi. AABBO Waaqi yayu barch'uma hayyuma ka abba kiyya Daudi naa kenne aka dansaa narati jabeese; inni yayu kakhu ufi guute anaafi d'aloota kiyyaa kenne. Anini maqa AABBO Waaqatini kakhad'a, aka Adoniani arruma duu. Duuba hayyu Solomonini Benaiya erge, inni d'aqe Adonia ijeese. Jennaani hayyuuni waan qaallicha Abiatharini jed'e, Beeni, Anathothi lafa tanteeti gali, atini sila duu malte, ammo anini amma si inijeesu, wonti akanatiifi siti duri gaafa abba kiyyaani woliini jirtani, Sanduqa Wold'aqisa AABBO Waaqa qorqoratte, ammalle gaargala ch'ufa keesa abba kiyyaani woliini teetani. Jennaani Solomonini Abiathari huji qaallu AABBO Waaqa keesaa baase, akanaani dubbi AABBO Waaqi duri Shiloti dubbate waan qaallu Eliifi d'alooti isaa tahu hime guute. Jennaani Yoabuni dubbi suni d'agaye; inni duri goli Absalomu tau dide, ammo eege goli Adonia tahe. Tanaafi inni Waaro Woyyumati d'eete gaafa waan mesa fakaata kaani qabate. Solomonini aka Yoabuni Waaro Woyyumati d'eete d'aatu waan mesa fakaata kaani eju d'agaye jennaani, Benaiya ilma Yohaida iti erge waan jed'eeni Beeni Yoabu ijeesi. Inni gara Waaro Woyyuma d'aqe waan Yoabuni jed'e, Hayyichi, gadi bahi siini jed'a. Ammo Yoabuni waan jed'eeni, Anini ind'ufu, armumati dua. Jennaani Benaiyani hayyuuti deebie waan Yoabuni isaani jed'e iti hime. Solomonini waan jed'eeni, Waan inni fed'u tolchi, artumati ijeesi awaali. Aka akanaani anaafi worri keenna nama tokole d'iiga nama woma iyyakini ka Yoabuni fit'e ingaafanne. AABBO Waaqi Yoabu ingaargalcha, waan inni, ka abbaani kiyya Daudini quba inqamne, worra suni fit'eefi. Inni nama lama ka woma iyyakini, ka isa ira jiru, ijeese: Abineri gudda askarti Israelitiifi Amasa gudda askarti Yuda. D'iigi worraa gubba Yoabutifi d'aloota isaa haga jiru jireenna taha. Ammo AABBO Waaqi ha hojja ch'ufa Daudifi d'aloota barch'uma isaa ka hayyuma ira tau eebise nagaya kennufi. Jennaani Benaiyani kae Waaro Woyyuma d'aqe Yoabu ijeese, worra isaa ka diida jiruti isaa awaalani. Hayyichi fulla Yoabu Benaiya gudda askarti tolche, fulla Abiathari Sadoki qaallu tolche. Jennaani hayyichi Shimei yaame waan jed'eeni, Yerusalemu keesati mana jaarad'i, dira suni keesaa imbahini keesuma tai. Yo atini guyya tokole armaa baate galaana Kidroni taakite, atini inuma doota. D'iigi kanketileeni gubbuma teeti. Shemeini waan jed'eeni, Hayye, ha taatu, Ee hayyichi, waan atini jettu inuma guuta. Duuba akanaani inni bara heddu Yerusalemu keesa tae. Duuba eege, eegi inni ganna Sadi tae, tisseleeni Shemei lama baqate hayyu Gathi, ka Akishi ilma Maaka jed'aniini baate. Shemeini aka tisseleeni isaa lafa Gathi jirtu d'agaye jennaani, harre ufi faate, gara Akishi hayyu Gathi d'aqe, tissele suni barbaade. Inni worra arge jennaani fuud'e galeeni. Solomonini waan Shemeini tahe d'agaye jennaani, isa yaame waan jed'eeni, Anini maqa AABBO Waaqatini si kakhachiise aka atini dira kana keesa garu ind'anne. Ammalle anini si gorse yo atini armaa baate indoota jed'e siti hime atinileeni, Hayye, dansa inguuta nani jette. Atini maanifi duuba kakhu suni ch'absite dubbi tiyya gula deemu didde? Ammalle hayyichi waan Shemeini jed'e, Waan hamtu atini abba kiyya Daudi tolchite aka dansaa beeta maro ch'ubbu sunitifi AABBO Waaqi si gaargalcha. Ammo inni na eebise hayyuma Daudi haga jiru jireenna jabeesa. Jennaani hayyichi Benaiya yaame, Beeni, Shemei ijeesi jed'eeni; jennaani inni kae ijeese. Akanaani Solomonini aka jaba lafa suni ch'ufa fide. Solomonini dubra hayyicha Misiri fuud'e akasiini isaani wold'aqani. Inni isii dira Dauditini d'ufe achi teesise, haga inni mana ufitifi Mana AABBO Waaqatifi Yerusalemule d'akhaani marse jaaruuti. Gaafasi Mana AABBO Waaqa taka injaare, tanaafi nami fulla heduti sorio Waaqaa baasa. Solomonini AABBO Waaqa jaalate, dubbi abba isaa Daudi gula deeme, ammo innileeni fulla heduti sorio Waaqaa baase hit'aanale aarsefi. Gaafa toko inni Gibeoni d'aqe sorio baase, wonti akanatiifi fullaani suni fulla fulla ch'ufa ira jabdu ta sorio iti baasani. Inni qara sorio kuma gube fulla suniti baase. Halkani suni AABBO Waaqi oobju keesa isati d'ufe waan jed'eeni, Ana maani sii kennu feeta? Solomonini waan jed'eeni, Atini duri hojattu tante abba kiyya Daudi guddo jaalate, innileeni guddo sii saalfate d'ugaafi qajeelumani si jala deeme. Atinileeni akasuma isaa naate, ilma arra fulla isaa lafa mohatu isaa kennite. Ee AABBO Waaqa, atini yayu fulla abba kiyya hayyu na tolchite, ato anini daima aka nama fidu imbeenne taatele. Anini amma jiddu gumi atini fohate jira, gumi heddu muumme inqamne. Tanaafi amma qalbi anini gumi tante tanaani d'uga gula fidu naa kenni, aka anini waan dansaafi hamtu gargari beekhu. Yo atini qalbi naa inkennini, anini akami dandae gumi tana fida? AABBO Waaqi waan Solomonini kad'ate suni iraa gammade. Waan jed'eeni, Waan atini jireenna kanke d'eera, yokhaani hormaata, yokhaani badi nyaapa keeti kad'achu didde, qalbi kara d'uga gula namaani fiddu na kad'ateefi, anini waan atini kad'ate suni amma sii tolcha. Anini qalbiifi hubacha ta nami haguma d'alate inargatini, yokhaani ta nami tokoleeni haguma jiru inarganne sii kenna. Ammalle waan atini inkad'atinile sii kenna: Atini hormaatafi, guddinna, ka hayyuuni d'ibiini taka inargatini, jireenna kanke keesa argata. Ammalle yo atini dubbi tiyya ch'aqafte aadaafi seera kiyya guute, akuma Abba kanke Daudi anini lubbu sii d'eereesa. Jennaani Solomonini damaqe oljed'e tae, aka dubbini suni oobju hubate. Inni Yerusalemu d'aqe, Sanduqa Wold'aqisa AABBO Waaqa dura eje, sorio gubanifi sorio wold'ageeti AABBO Waaqaa baase. Eegi suni hojattu isaa ch'ufa wolti yaame jila tolcheefi. Guyya toko sharmut'i lama wolhimacha hayyu dura d'ufe. Toko waan jetteeni, Ee hayyicha, anaafi niitiini tunini mana tokoti woliini galla; ato isiini artuma jirtu anini ilma d'iira d'ale. Anini haga d'ale lama bule jennaani isiileeni ilma d'iira d'alte. Anaafi isii male nami tokoleeni mana suni keesa injiru. Jennaani halkani toko isiini danu daima isii ira ch'iifte ijeefte. Duuba lafaa kaate gama kiyya dabarte na duuba daima kiyya fud'atte, ka isii ka due kaani na jala keete. Boriyyaate anini lafaa kae daima hosifad'a jennaani reefuma ch'alla arge. Anini aka dansaa ilale aka daimi sunini kiyya intahini hubad'e. Ammo niitiini taani waan jette, Hiyo akasiiniti, daimi jiru kunini kiyyuma ka dueti kanketi! Niitiini qara taani waan jette, Akasiiniti, daimi due keeti ka jiru kiyya, duuba worri akasi hayyu durati wolmorme. Jennaani hayyichi waan jed'e, isani lachu daimi jiru kunini kiyya, ka dueti kanke jettani irati wolmormitani. Duuba hayyichi, goraadeeni na koota jed'e, jennaani d'ufaninifi. Duuba inni waan jed'e, Daima jiru kana wod'akati gargari kuta, nad'eeni tana lachu gama gama kennaafi. Jennaani niitiini haad'a daima suni aka male daima sunii naate, waan hayyuuni jette, Ee hayyicha, daima kana inijeesiini, isii kenni. Ammo niitiini taani waan jetteeni, Nuu tokole inkennini, gargari kuti. Jennaani hayyichi waan jed'e, Daima inijeesiina, niiti qaraa sunii kenna, haati isaa suni. Worri Israeli aka hayyuuni dubbi suni mure d'agaye jennaani, guddo isaa sodaatani saalfatanifi, wonti akanatiifi worri yayu aka Waaqi qalbi d'uga gula woini murani suni isaa kenne hubate. Solomonini hayyu worra Israeli ch'ufa tahe, worri gugurdaani gaafasi isa jala hojatuleeni kana: Azariani, ilmi Zadoki, qaallu isaati; Elihorefufi Ahiyaani ilmaani Shisha jara isaa wo t'aafu; Yehoshefathini, ilmi Ahiludi, gudda worra wo t'aafe olkayuti. Benaiyani, ilmi Yehoiada, gudda askarti isaati; Sadokifi Abiatharini qaalole isaati; Asariani, ilmi Nathani, nama arda ka nama fidu ch'ufa isati iti mata; qaallichi Zabudini, ilmi Nathani nama hayyu mala d'au; Ahisharini nama mana hayyu hojattu isati iti mata; Adoramuni ilmi Abda jara irreeni nama hojachiisu isati iti mata. Solomonini nama kud'ani lama ka arda lafa Israeli fidu, tolche. Worri suni namu arda ufi keesa ganna ch'ufa keesa jia toko sagale barbaade hayyufi worra isaati geesa. Maqaani worra kud'ani lamaani sunitifi ardaani worri fiduleeni kana: Benhuri: Lafa gareeni Efraimu. Bendakari: dira makasi, Shaalbimu, Beth-Shemeshi Eloni, Beth-Haanania, Benhesedi: Dira Arubothifi Sokofi ammalle lafa Hejeri ch'ufa. Benabinadabu, ka intala Solomoni ta Tafathi jed'ani fuud'e: lafa Dori ch'ufa. Baana ilma Ahiludi: dira Taanaki, Megido, ammalle lafa d'aatu Bethsheani ch'ufa ta d'aatu dira Sarethani, ka Yezreelini bita, haga dira Abel-Meholatifi dira Yokmeamu. Bengiberi: dira Ramothi ka Gileadi keesatifi, ollowaani balbala Yaeri ka gosa Manase ta Gileadi keesatifi Arda Argobu ka Bashani keesa; ardaani kunini ch'ufti dira jaatama qaba. Ka kamu d'akhaani Marsani jaarani, ka balbala iti mid'aasani danqarro sibiila diimaatini ch'ufaani. Ahinadabu ilma Ido: lafa Mahanaimu; Ahimaasi ka intala Solomoni ta Baemathi jed'ani fuud'e lafa Naftali; Baana ilma Hushai: arda Asheritifi dira Bealothi; Yehoshefathi ilma Parua: lafa Isakari; Shemei ilma Ela: lafa Benjamini. Geberi ilma Uri: arda Gileadi, ka duri Sioni hayyu Amoritifi Ogu hayyu Bashani fidani, worra kud'ani lama kana male nama d'ibi toko jira ka arda suni ch'ufati mata. Worri Yudatifi ka Israeli heddate, lafa ira dabre Maansa afaani galaana fakaate, quufafi gammada, bad'aad'a keesa taani. Solomonini nama lafa suni ta haga galaana Efratiti ejite lafa Filistitifi seera lafa Misiriti ejitu fide. Worri damoosa isaa baase haga inni jiru ch'ufa isa jalati bule. Wonti worri Solomoni guyyaati sooratu tana: dargaye daakhaani ta kintaala shantamatifi boshe kintaala d'ibba toko; looni kud'ani ka manati okhayani gagabbisanifi looni diddama ka ala oolaatifi ree d'ibba tokole; hori kana malele bineensa aka hiddifa gadamsafa saalafa ammalle lukufa. Solomonini lafa galaana Efratini ila adu ch'ufa fide, haga Tipsa fuud'e Gazati d'aabe. Hayyooti galaana Efratini ila adu ch'ufti isa jalati bulte, ammalle inni lafa d'aatu isale ch'ufa nagayaani woliini tae. Haga inni jiru ch'ufa worri Israelitiifi ka Yudaleeni, ka haga Dani eje Beershebati eju, nagayaani tae, nami ch'ufti oobru ufi ta zabibutifi ta oda keesa nagayaani tae. Solomonini maneeni kuma afurtama ta fardi gaari hirkisu iti galu qaba, ammalle fardoole kuma kud'ani lama qaba ka nami yaabatu. Worri kud'ani lama ka arda lafa Israeliti mata, ka worri namu jia iti heregani gula Solomonifi nama worra isaa keesati golofatu ch'ufa sagale kennufi, waan sooratani ch'ufa worrumati hojja ch'ufa d'ufani. Ammalle worri kunini garbuufi okhayale farda gaari hirkisefi fardoole d'ibile d'ufaani, hojja fed'ani ch'ufa. Ammalle Waaqi qalbiifi heregafi hubacha guddo muumme inqamne Solomonini kenne. Solomonini worra qaroota ilaborutifi worra Misiri ch'ufa qarooma ira qaba. Inni nama ch'ufa ira qalbi qaba Ethani ka gosa Esrahi, Hemani, Kalkoli, Darda, ilmaani Maholi, inni worra kana ch'ufa ira qalbi qaba, gurri isaa lafa d'aatu jirtu ch'ufa gahe. Inni mammaasa kumsadi baase, faaru kumtokofi shanile baase. Inni mukha haguma hind'eesa Lebanoniti iti keeyate mukeeni didiqo mana ira baatu ch'ufa muumme baase ch'ufa waan isaa dubbate: Ammalle bineensafi simpireefi waan lafa ira loatifi qurt'umile ch'ufa waan isii dubbate. Hayyooti lafa ch'ufa aka inni qalbi qabu d'ageete, nama iti ergite aka worri suni dubbi isaa ch'aqasu. Hayyu Hiramuni, ka lafa Tiro, haguma duriti jaala Daudi; inni aka Solomonini fulla abba isaa hayyu tahe d'agaye jennaani nama iti erge Solomonileeni d'aamsa kana Hiramuti erge: Atini imbeeta, aka maro woraana nyaapa isaatiifi abbaani kiyya Daudini Mana AABBO Waaqa isaa keesati kad'atani jaaru dad'abe, haga AABBO Waaqi nyaapa isaa ch'ufa isa dabsachiisuti. Ammo amma tana AABBO Waaqi kiyya lafa tiyya ya gama ch'ufa nagaya tolche. Anini nyaapa yokhaani waan hamtu tokole woma inqabu. AABBO Waaqi waan abba kiyyaani jed'e, Ilma kanke ka anini fulla tante hayyu tolchuti Mana naa jaara. Duuba anini amma Mana suni, ka AABBO Waaqa kiyya iti kad'atani, jaaru fed'a. Duuba amma hojattu tante Lebanoniti naa ergi, ha hind'eesa na gadi ch'irtuti hojattuni tiyyaleeni hojattu tante woliini hojati, ammalle hori waan atini baasi jettu ch'ufa anini imbaasafi. Atini imbeeta, nami keenna tokoleeni aka worra keesani ka Sidoni mukha ch'iru imbeekhu. Hiramuni d'aamsa Solomoni d'ageennaani aka male gammade waan jed'e, Arra maqa AABBO Waaqa ha faarsani, waan inni ilma qaro akana kana Daudii kenne, ka hayyuma isa iraa fuud'e gosa guddo akana tana fidu! Jennaani Hiramuni dubbi tana Solomoniti erge waan jed'e, Anini qoonqo tante ya d'agaye, waan atini feetu sii tolcha, hind'eesafi mukha jajaba d'ibi ch'ufa sii ch'ira. Jari kiyya mukha Lebanoni ch'ire baariiniti gajisse, achiti wolti hid'ani aka bisaani galaana suni fuud'ani fulla atini feetuni d'ufani. Duuba achiti jari kiyya gargari hiikhe, jari kanke guurata. Atini gama kanketini sagale jara kiyya kennu malte. Duuba Hiramuni hind'eesafi mukha jajaba d'ibi ka Solomonini fed'u kenneefi, Solomonileeni dargaye kintaala kuma diddamatifi d'ad'a d'ebbe kuma diddama ganna ch'ufa kenneefi, aka inni jara isaatini gololchu. AABBO Waaqi Solomoni qalbi kenne kakhu ufi guute. Hiramufi Solomonini wold'aqani nagayaani woliini taani. Hayyu Solomonini nama kuma sodoma irreeni Israeli keesaa wolti guure hojachiise, Adoramu gudda worraa tolche. Inni worra suni fulla saditi gargari qoode, nama kuma kud'ani jia ch'ufa Lebanoniti erge, ka ira hafe worrati lakisa. Ammalle Solomonini nama kuma saddeetama ka d'akha boch'u gareeniti erge, ammalle nama kuma torbatama ka d'akha baatule faana worra erge. Ammalle nama kuma sadiifi d'ibba sadii mata worra suni tolche. Jecha hayyu gula worri d'akha gugurda dadansa boch'eni yayaba Mana Waaqaa tolchani. Worri hogeyi ka Solomonitifi ka Hiramutifi ka dira Bibilosi d'akhaafi mukha Mana Waaqa sunini jaarani kurfeese. Ganna d'ibba afurifi saddeetama eegi worri Israeli lafa Misiri keesaa bahe, ganna afreeso ka Solomonini worra Israeli fide, jia lameeso ka Zifu jed'ani Solomonini huji ijaarsa Mana Waaqa suni iti keeyate. Mani Solomonini AABBO Waaqa jaare d'eerinni isaa d'und'uma jaatama, ballinni d'und'uma sodoma, old'eerinnileeni d'und'uma sodoma. Ammalle mana suni fuula isaa dura mana d'ibi iraa jaarani, ka d'eerinni isaa d'und'uma kud'ani ka ballinni d'und'uma diddama, ka ballinni isa haguma ballinna mana kaani. Dereshani mana suni garaa keesani ballate alaani d'ipata. Ammalle Mana suni gama ala fuula dura male moga ch'ufa marsani, waan aka manatini jaarani, fulla heduti gargari kukutani. Kutaani ch'ufti ta mana jala aanu ballinni isii d'und'uma shani, ka mana jiddu keesa d'und'uma jaa, ka mana gubba aanu d'und'uma torba. Girgidaani mana suni fulla maneeni wolgubbati jaarani taanini akuma wolti aanuni qaqalata aka kutaani maneeni suni girgida mana guddati ejaanjite, utuba taateefi, duuba mani suni utuba d'ibi imbarbaanne. D'akhaaye Mana sunini jaarani qara fulla keesaa qotaniti boch'ani mid'aasani, aka hojja mana suni jaaru jirani nami kokeesa burisa yokhaani d'agara yokhaani sibiila taatefu tokole ind'ageenne. Balbalti kuta mana jala aanutini seenani mana gudda sunini gama bitaa jirti, nami yo gubba koru fed'u faano gula olkore mana jiddutifi ka gubba aanu seena. Duuba akanaani Solomonini Mana Waaqa jaare hobaase gubba isaale mukha hind'eesatini kabe duuche. Maneeni sadeeni wolgubbati jaarani taani, ka mani, ch'ufti d'und'uma shani old'eeratule ch'ufa isumati jaare. Maneeni sunile mukha hind'eesatini Mana guddaani woltid'aabani. Jennaani AABBO Waaqi waan Solomonini jed'e waan mana kanale ch'aqasi, hojja atini dubbifi seera kiyya ch'ufa guute, anini waan duri abba kanke Daudii kakhad'e sii guuta. Anini mana atini jaartu kana keesa worra kiyya ka Israeli woliini tae, deebie worra illakisu. Akanaani Solomonini Mana suni jaare hobaase. Girgida garaa keesa mukha hind'eesatini mid'aasani haguma jala fuud'ani gubbati d'aabani garaa Mana keesa lafale mukha jajaba d'ibiini mid'aasani. Kuta garaa keesa, ta Fulla Fulla Ch'ufa Ira Qulqullo jed'ani gama dinqa mana suniti jaarani. Kuta suni d'eerinni isii d'und'uma diddama, ammalle isi mukha hind'eesatini bada mana kaani iraa kutani haguma jala fuud'ani gubbati d'aabani. Badaani suni, ta Fulla Fulla Ch'ufa Ira Qulqullooti aantu, d'eerinni isii d'und'uma afurtamati. Mana suni, garaa isaa ch'ufa keesa hind'eesani mid'aasani d'akha mullachu d'owani ammalle hind'eesa suni gubbati buqefi daraara fakeesani boch'ani ch'okhani. Inni dinqa Mana suni mid'aase, aka Sanduqa Wold'aqisa AABBO Waaqa achi kayani. Dinqi suni d'eerinnafi ballinafi old'eerinni isaaleeni d'und'uma diddama, ammalle ch'ufa worqi ch'allaani ch'okhani mid'aasani. Waan sorio irati baasanile mukha hind'eesatini mid'aasani. Mana suni garaa isaa ch'ufa worqiini mid'aasani ch'okhani, ammalle sansalata worqi balbala dinqa ka worqiini mid'aasaniti kayani. Mana suni, keesa isaa ch'ufafi waan sorio irati baasani, ka Fulla Fulla Ch'ufa Ira Qulqullo keesa jirule worqiini mid'aasani. Akheekha waan lubbu qaba ka koola lama mukha ejersatini mid'aasani Fulla Fulla Ch'ufa Ira Qulqullo naqani, ka kamu d'eerinni isaa d'und'uma kud'ani. Akheekha suni lamaani wold'aatu Fulla Fulla Ch'ufa Ira Qulqullo naqani, aka kooli isaani lamaani jiddu dinqa suniti woltuqe, kooli lamaani kaani girgida mana tuqu. Ammalle akheekha waan koola suni lachu worqiini mid'aasani ch'okhani. Girgida badatifi ka dinqale ch'ufa akheekha waan koola qaba ka boch'anifi meet'ifi daraaraani ch'okhani. Lafale ch'ufa worqiini ch'okhani mid'aasani. Fulla Fulla Ch'ufa Ira Qulqullooni olseenani balbala lama ta mukha ejersatini mid'aasani iti mid'aasani, fiit'eeni balbala suni jiddu keesani gaafa fakaati. Balbala sunile akheekha waan koola qabaati ka boch'anifi meet'ifi daraaraani ch'okhani mid'aasani, ammalle balbalafi waan koola qabaafi meet'ile worqiini mid'aasani. Ammalle balbala bada mikhikila mukha ejersatini gama afraaniti mid'aasani. Ammalle balbala wolti ch'abdu mukha jajabaani mid'aasani. Akheekha waan koola qabati ka boch'anifi meet'ifi daraaraani ch'okhani mid'aasani, ka ch'ufa worqiini mid'aasani. Ammalle Mana suni dura naabo jaarani, ta mukha ejersatifi d'akhaani woli ke makhani jaarani, d'akha sadi ka wolgubbaa naqani ch'ufa gula mukha toko dagalchani kayani. Mana suni jia lameeso ka Zifu jed'ani, ganna afreeso ka haga Solomonini hayyu tahe, yayabani. Jia saddeeteeso ka Buli jed'ani, ka haga Solomonini, hayyu tahe ganna kud'ani tokeeso, Mani suni akuma qara heregani jaarame hobae. Ijaarsi mana suni ganna torba fud'ate. Solomonini mana ufile jaarate; ijaarsi mana sunileeni ganna kud'ani sadi fud'ate. Ammalle mana suni gama lachu deresha fulla sadi ch'ororsani wolgubbati jaarani. Balbalafi dereshani mikhikila qabdi, ammalle dereshani fulla sadi ch'ororsani wolgubbaa jaarani gama lachuunu woli ilaala. Ammalle Solomonini galma d'eera ka utuba heddu qabu jaare, d'eerinni isaa d'und'uma shantama, ballinni d'und'uma sodoma. Ammalle galma suni ch'icha isaa gaadisa iti jaarani, ka gubba duuchani utuba jala d'ad'abani. Ammalle mana d'ibi jaarani, ka barch'uma Solomoni ka hayyuma keesa kayani, inni artiti dubbi mura. Mana sunini, mana dubbi iti qorani jed'ani, ammalle jalafi gubbale mukha hind'eesatini keesa mid'aasani. Ammalle mana inni iti galu, ka mana dubbi iti qorani duuba jiru, akuma kaani jaarani. Ammalle inni mana akasi suni niiti isaa, ta dubra hayyu Misiriti, jaare. Maneeni tana ch'ufafi naabo guddole d'akhaaye dadansaani jaarani, haga jala fuud'ani gubbati d'aabani. D'akhaaye suni ch'ufa lafa keesa qotani, biima taka gula boch'ani, keesafi ala isii sibiilani qajeelchani. Yayaba waan suni ch'ufa d'akhaaye gugurdo lafa keesaa qotani achumati mid'aasanini jaarani; d'akhaayeeni suni hagi toko d'und'uma saddeeti hagi tokoleeni d'und'uma kud'ani. D'akhaaye yayaba suni guba d'akhaaye d'ibi naqani, ka biima gula boch'ani, ammalle dareera hind'eesale gubba naqani. Naaboni mana hayyuutifi naaboni Mana Waaqa ta garaa keesatifi mani mana gudda iraa jaarani ka qara olseenanileeni girgida mukha hind'eesatifi d'akhaani wolkemakhani jaarani qaba — d'akha sadi ka wolgubbaa naqani ch'ufa gula mukha toko dagalchani kayani. Hayyu Solomonini namicha hogeesa toko, ka guddo sibiila diima tumu beekhu, ka maqaani isaa Huramu, ka worri isaa Tiro, yaame. Abbaani isaleeni gaafa jiru, nama Tiro, innileeni duri hogeesa sibiila diima tumu; haati isaleeni gosa Naftaliti. Huramuni nama qalbi qabu, ka guddo hogeesati. Inni yaamicha Solomoni d'ageennaani d'ufe huji isaa kennani suni ch'ufa guute. Huramuni sibiila didiima lama, ka aka utuba old'ad'aabani tume mid'aase, ka kamu d'und'uma kud'ani saddeeti, ballinni mata isaaleeni d'und'uma kud'ani lama. Duuba fuud'e balbala Mana Waaqa dura d'ad'abe. Inni ammalle waan aka sure lama sibiila diima iraa mid'aase, ka kamu d'eerinni isi d'und'uma shani, duuba mata waan aka utuba kaani guba kaye. Mata utuba suni lachu waan aka lootitifi waan aka okhoku, ka sibiila diima iraa mid'aasani fulla lama ch'ororsani barreesani ch'okhani. Waan aka sure kaani, ka d'eerinni isii d'und'uma afuri, aka daraara hooma mid'aasani; duuba waan aka looti ka barreesanini kaani keesaa olbahu, mata qunquma gubba kayani. Ammalle okhoku d'ibba lama, ta fulla lama ch'ororsani, waan sure fakaata lamaani sunini marsani. Huramuni utuba sibiila diima suni lamaani balbala Mana Waaqa dura d'ad'abe: ka bita aanuni Yakini jed'ani, ka mirga aanuni Boazi jed'ani. Wonti hooma fakaata, ka aka sure, ka sibiila diimani mid'aasani, utuba kaani gubba jirti. Duuba akanaani huji utuba suni hobaasani. Huramuni haro gingiti ta sibiila diimani mid'aasani jaare, ta ballinni afaani isii d'und'uma sodoma ta qilumani isii d'und'uma shani, ta d'eerinni jiddu isii d'und'uma kud'ani. Afaani haro suni ka ala waan aka buqe, ka sibiila diimani mid'aasani, fulla lama ch'ororsani naqani. Buqefi haro suni sibiiluma taka iraa tumani mid'aasani, ka wolti eju. Haro suni koromi kud'ani lama, ta sibiila diimani mid'aasani, gubba kayani, ka koromini suni sadi sadiini gama afraanu fuula gama gama deefate ejaanjitu. Furdinni sibiila haro sunini mid'aasani, haguma ballinna gana harka namaa, afaani isiileeni aka daraara hooma qoqonyatani. Harooni suni bisaani d'ebbe haga kuma lamafa fuuti. Huramuni ammalle waan aka gaari kud'ani, ka sibiila diimani mid'aasani mid'aase, ka kamu d'eerinni isaa d'und'uma afuri, ballinnileeni d'und'uma afuri, old'eerinni d'und'uma sadi. Aki waan suni mid'aasani akana: Mikhikila sibiila mimid'aasani sibiila balla d'ibi dirirsani jiddu kayani, Ammalle sibiila suni irati akheekha nyeench'atifi korma loonitifi ammalle waan koola qaba mid'aasani; ammalle mikhikila ch'ufa ira nyeench'afi korma looni, gubbafi jalale, waan mimich'irani raraasani naqaniti jira. Wonti aka gaari suni ch'ufti miila afuri, qabdi; miila suni jiddu sibiila dadagalchani naqaniti jira ka sibiila diimani mid'aasani gama gaari suni afraanu waan qorini ira ejituti jira; wonti isiini ira ejitu suni ch'ufti waan mimich'irani raraasani iti naqanini ch'okhani. Gaari suni gubba marsani mid'aasani jaarani waan aka qori suni gubba d'aabani. Wonti marsani jaaranini suni gaari suni ira d'und'uma toko olbaati. Ammalle d'und'uma tokofi taaku toko gaari suni ira gadi buuti. Ammalle d'aatu isaa tana ch'ufa boch'ani barreesani mid'aasani. Miili gaari suni, d'eerinni isaa d'und'uma tokofi taaku toko; miili suni sibiila balla dirirsani kaani jala jira, ammalle sibiili dadagalchani ka miila suni jiddu jiruleeni gaarini wolti taka. Miili isaa aka miila gaari fardi hirkisu jira. Wonti isaani mid'aasani suni ch'ufti haguma geetuuni sibiila diima. Ammalle gaari suni ch'ufa jala sibiila isa jabeesu ka isuma iraa mid'aasaniti jira. Gaari suni ch'ufa gubbaa sibiila furdinni isaa taaku tokotini marsani mid'aasani; waan gaari suni jabeesatifi sibiila balla diriira ka garaa keesale, sibiila taka iraa mid'aasani. Waan gaari suni jabeesafi sibiila balla diriira kaanile yo fullaani fuutu jirate; akheekha waan koola qabatifi nyeench'afi, meet'ini barreesani, ammalle fulla ch'ufa marsani waan mimich'irani raraasani iti naqani. Duuba aki waan aka gaari suni mid'aasani akasi; gaarini sunini ch'ufti akuma taka jira, waan ch'ufaani wolfakaata. Huramuni ammalle qori kud'ani mid'aase, aka gaarini ch'ufti toko toko argatu. Qori suni ch'ufa, ballinni isii d'und'uma afuri, ammalle ch'ufti bisaani d'ebbe afurtama fuuti. Inni gaari shani gama bitaa ka Mana Waaqa naqe, shanile gama mirga naqe; ammalle. Haro taanile moga Mana, ta bitafi ila boru jiddu lamaani jirtu, kaye. Hayyichi waan akana ch'ufa bale Yordani keesa, jiddu Sukothifi Sarethani, ta biyye faara qabduti, mid'aasa jed'e. Waan sibiila suni guddo hedutifi Solomonini ulfinna isa inilaale, tanaafi ulfinna isaa nami haga beekhu injiru. Solomonini ammalle miha Mana Waaqa, ka worqiini mid'aasani, mid'aase: Waan sorio irati baasani, mesa qit'a Waaqaa baasani ira kayani, waan ifseeni ira ejaanjitu kud'ani, ta Fulla Fulla Ch'ufa Ira Qulqullo dura ejaanjitu, ta shani gama mirga ejite shanileeni gama bitaa ejitu: Daraara, ifse, qad'abe; muduunu, waan ifseeni d'aanfani, qori, waan hit'aana keesati aarsani, daboola ch'ile ibidatini fuud'ani; ammalle sibiila mikhikila balbala Fulla Fulla Ch'ufa Ira Qulqullootifi balbala alalle. Miha kana ch'ufa worqiini mid'aasani. Hayyu Solomonini huji ijaarsa Mana Waaqa ch'ufa hobaase jennaani kuta Mana Waaqa ta keesati woi olnaqani, waan abbaani isaa Daudini duri AABBO Waaqa olkaye ch'ufa achiti olkaye — qarsifi worqifi miha kaani ch'ufale. Jennaani Solomonini jaarole Israeli, ta mata gosa ch'ufa, Yerusalemuti ufiti yaame, aka Sanduqa Wold'aqisa AABBO Waaqa, dira Daudi, ka Sioni jed'ani, fuud'ani, Mana Waaqatini d'ufani. Worri ch'ufti guyya jila Hoosa, jia torbeeso ka Ethanimu jed'ani keesa, wolti d'ufe. Jaaroleeni sunini ch'ufti wolgeete jennaani, qaaloleeni Sanduqa kaani olfuute, Mana Waaqati geesite. Jennaani worri Lawitifi qaaloleeni Waaro Woyyumatiifi miha isii guurte Mana Waaqati geesite. Jennaani hayyu Solomonifi worri Israeli ch'ufti Sanduqa Wold'aqisa durati wolti bahani, loonifi ree heddu muumme inqamne sorio baasani. Duuba qaaloleeni Sanduqa Wold'aqisa AABBO Waaqa Mana Waaqa olnat'e, Fulla Fulla Ch'ufa Ira Qulqullo akheekha waan koola ka lubbu qaba kaani jala keete. Kooli isaa ka ballisani gubba Sanduqafi kalcho baataniini d'osse. Nama Fulla Fulla Ch'ufa Ira Qulqullo dura eju male, nami d'ibiini dandae fiit'e kalcho inargu. (Kalchooni suni arrale achuma jirti.) Sanduqa Wold'aqisa suni keesa, d'akha hahafalicha lamaani ka Musani gaara Sinaiti keesa kaye, gaafa AABBO Waaqi worra Israeli lafa Misiriti baase wold'aqisa woliini tolfate male, wonti d'ibiini keesa injirtu. Ato qaaloleeni Mana Waaqa keesa gabahuti jirtu, dumansi guddinni AABBO Waaqa keesaa bibiliqu d'ufe, Mana suni duuche, duuba qaaloleeni waan sunifi deebite huji ufi hojachu dad'abde. Jennaani Solomonini Waaqa kad'ate waan jed'e, Ee AABBO Waaqa, atini adu guba keete, ammo dumansaafi dukana fohate keesati galta. Amma tana anini yayu mana gudda dansa sii jaare, ka atini haga jiru jireenna keesati galtu. Ato biyyiti achi ejaanjitu Solomonini fuula worrati deefate worra eebise waan jed'e, AABBO Waaqa Israeli ha guddisani! Inni yayu kakhu duri abba kiyya Dauditi kakhate guute, ta inni. Haguma anini gumi tiyya lafa Misiri keesaa baase anini dira tokole lafa Israeli keesati fulla mana kiyya iti jaarani na kad'atani infohanne. Ammo Daudi, anini ya si fohad'e, aka atini gumi tiyya fidu jed'e. Ammalle Solomonini waan worraani jed'e, Abbaani kiyya Daudini duri herege, aka Mana AABBO Waaqa Israeli iti kad'atani jaaru. Ammo AABBO Waaqa waan isaani jed'e, Heregi kanke suni dansa, ammo atini Mana suni na inijaartu, nami Mana suni naa jaaru ilmuma kanke. Amma tana AABBO Waaqi yayu kakhu ufi guute. Anini huji hayyuma abba kiyya iraa fuud'e, Mana AABBO Waaqa Israeli iti kad'atani yayu jaare. Ammalle Mana suni keesa anini yayu fulla mid'aase, ta Sanduqa Wold'aqisa kayani Sanduqi, suni d'akha hahafalicha wold'aqisa AABBO Waaqi duri ababoota teennaani woliini tolfate, gaafa inni worra lafa Misiri keesaa baase, qaba. Jennaani Solomonini gumi ch'ufa dura d'ufe fulla sorio iti qalani eje, harka olfud'ate, Waaqa kad'ate waan jed'e, Ee AABBO Waaqa Israeli, Waaqi aka kanketi tokoleeni lafafi gubbale injiru! Atini wold'aqisa gumi tanteetiini woliini tolfatani jabeesite, jaalala tante worra garsiifta, hojja worri garaa tokooni si gula yau. Atini kakhu abba kiyya Dauditi kakhate yayu jabeesite, dubbini sunini ch'ufti arra yayu guutamte. Amma tana, Ee AABBO Waaqa Israeli, anini si kad'ad'a, aka atini kakhu d'ibi atini abba kiyyati kakhate guutu ta atini, Haguma jiru jireenna d'alooti kanke nami toko Israeli mohata jette, hojja gumiini tante, aka inni si gula deeme si gula yaatu. Tanaafi amma tana, Ee Waaqa Israeli, waan atini abba kiyya Daudi hojattu tanteeti kakhate ch'ufa guuti. AABBO Waaqa, d'uguma atini lafa irati ingalta? Gubbaleeni ato ballo akami tateele si infuutu, duuba Mani anini jaare kunini akami dandae si fuud'a? Ee AABBO Waaqa kiyya, anini hojattu tanteeti, kad'acha tiyya na d'agayi, waan anini arra si kad'ad'ule naa kenni. Halkani guyya Mana kana ka atini fohatte, iti na kad'ad'a jette tissi. Hojja anini fuula Mana kanati deefad'e si kad'ad'u na ch'aqasi. Kad'acha tiyyafi ta gumi tetile, hojja nu fuula armati deefanne si kad'annu, nuu d'agayi, nuu araarami. Hojja namaani, wo yakite jed'ani himatani, fulla sorio iti qalani ta Mana kanke kana keesa jirtuuni d'ufani kakhachiisani, Ee AABBO Waaqa gubbati ch'aqasi, hojattu tante dubbi worraa d'uga gula muri. Nama wollaala qabu wollaala iti muri, ka inqamne galakisi. Hojja worra kanke ka Israeli maro worri siti dabeefi nyaapi dabsate, ammo duuba eege worri siti deebie, Mana kanati d'ufe, garaa laafe araarsa si kad'ate, gubba worra ch'aqasi. Daba gumi tanteeti araaramifi, lafa atini ababoota worraati kennite worraa deebisi. Hojja atini maro worri kanke si durati wollaalefi bokaya worra roobu didde, ammo duuba hojja worri wollaala suni iraa deebie, Mana kanati fuula deefate, garaa laafeni si kad'atu, gubbati worra ch'aqasi. Daba hayyuutifi ka worra Israelile ch'ufa biraa deemifi waan d'uga worra barsiisi. Duuba, Ee AABBO Waaqa, lafa tante tana, ta atini d'aala worra kanketi kennite, bokaya roobifi. Hojja oolaani jabduuni yokhaani ch'iisi hamani lafati bue, yokhaani qilleensa hamafi raamofi awaanisafi buqatani mid'aanti buute balleesite, yokhaani hojja nyaapi gumi tante had'e, yokhaani hojja d'ukubafi fayyad'abi worrati bue, kad'acha worraa d'agayifi. Hojja worri kanke ka Israeli nami tokoleeni gaargala ufi arge, harka ufi gara Mana Waaqa kana qabe Waaqa kad'ate, kad'acha isaa d'agayifi. Mana kanke ka gubbati worra ch'aqasi, araaramifi, qarqaari. Si ch'allaati herega nama ch'ufa beekha, tanaafi nama ch'ufa waan isaa male tolchiifi, aka worri kanke, hojja lafa atini ababoota worraati kennite keesa tau, si ch'aqasu. kad'acha isaa d'agayifi. Gubba fulla worra keetiti isaa ch'aqasi, waan inni fed'u guutiifi aka gochiti lafa keesa jirtu ch'ufti si beete sii saalfatu, akuma worra kanke ka Israeli. Duuba akanaani worrileeni imbeekha, aka Mani anini jaare kunini fulla iti si kad'atani. Hojja atini worra kanke, nyaapa had'a jette ergite, worrileeni fulla jiruti dira atini fohate kanaafi Mana anini si jaare kanaleti fuula deefate si kad'ate, kad'acha worraa d'agayifi, gubbati worra ch'aqasi, dabsacha kennifi. Hojja worri kanke siti ch'ubbame — qarale nami ch'ubbu intolchine injiru — duuba atini dallansu keesa harka nyaapati worra kennite, nyaapi suni worra boojie lafa d'ibiti geese, ato lafti suni fagole taate, kad'acha worra kanketi d'agayifi. Yo lafa suni keesati worri ch'ubbu iraa deebie si kad'ate, dabafi ch'ubbu ufi siti himate, Ee AABBO Waaqa, kad'acha worraa d'agayifi. Yo lafa suni keesati worri d'uguma daba ufi iraa deebie, lafa atini ababoota teenna kenniteefi dira atini fohate kanaafi Mana anini si jaare kanati fuula deefate si kad'ate, kad'acha worraa d'agayifi. Mana kanke ka gubbati worra ch'aqasi, nahiifi. Dabafi ch'ubbu worri siti tolche araaramifi, nyaapa worrale naasisifi. Worri worruma keeti, ka atini fulla boola ibida ta lafa Misiri keesaa baafte. Ee AABBO Waaqa gudda, hojja ch'ufa worra kanke ka Israelitiifi hayyu worrale nahiifi eebisi, hojja worri qarqaarsa si kad'ate ch'ufa d'agayifi. Atini worra suni gosa ch'ufa keesaa fohate, gumi tante tolfate, aka atini gaafa ababoota teenna lafa Misiri keesa baafte Musati d'aamate, worrati himi jetteeni kaani. Solomonini kad'acha AABBO Waaqa kad'ate ira deebie jennaani, fulla sorio irati baasani, ta qara inni durati jilbifate, harka olqabate taani dura oleje qoonqo olfud'ate, gumi achiti wolti baate ch'ufa, dubbi taanaani eebise: AABBO Waaqa, ka akuma inni kakhate gumi ufiti nagaya kenne maqa isaa ha faarsani. Inni waan Musati kakhate ch'ufa yayu guute AABBO Waaqi keenna nu woliini jiraatinna, akuma inni duri ababoota teenna woliini jiraate: Inni haguma jiru nu lakise nu bira indeemini: Inni saala nu kenne, aka nu hojja ch'ufa waan inni fed'u taane aadaafi seera isaa ka inni ababoota teennaa kenne guunnu nu tolchinna. AABBO Waaqi keenna halkani guyya kad'acha anini isa kad'ad'e tana qaabatinna. Inni hojja ch'ufa worra Israelitiifi hayyu worrati waan worri hojja ch'ufa fed'atu kennina. Duuba akanaani gochiti lafa keesa jirtu ch'ufti, aka waaqi d'ibiini, AABBO male injirre, beeti. Isanileeni, worri isaa, garaa tokooni AABBO Waaqa keenna d'ugeefada, aadaafi seera isaa akuma arra tolchitani kana gula deema. Jennaanini hayyufi worri ch'ufti sorio AABBO Waaqaa baase. Solomonini looni kuma diddami lamatiifi hooliye kuma d'ibbafi diddama sorio wold'ageeti qale. Duuba akanaani hayyufi gumileeni Mana Waaqa suni eebifte. Guyyuma suni inni ballinna ch'icha Mana Waaqa wod'aka isaa eebise qulqulleese, achiti sorio gubanifi mid'aani Waaqaa baasanifi gabbinna hori sorio wold'ageetiti qalani Waaqaa baase, wonti mesa fakaata ka sibiila diimani mid'aasani sorio irati baasani kaani sorio tana ch'ufa infuud'u tanaafi inni fulla suni eebise sorio irati baase. Duuba achiti, fulla Mana Waaqa suniti, Solomonifi worri Israeli ch'ufti guyya torba jila hoosa tolfatani. Nami kaarra Hamathi ta mirgale ch'ufa d'ufe, ammalle bitaa gara seera lafa Misirile ch'ufa d'ufe, artiti nami ch'ufti wolti d'ufe lafa ira dabre. Guyya saddeeteeso Solomonini nama ch'ufa galche, waan AABBO Waaqi hojattu isaa Daudifi gumi Israeli ch'ufa eebiseefi, nami ch'ufti Solomoni eebise kae gammadani gale. Solomonini Mana AABBO Waaqatifi mana hayyuutifi maneeni inni jaaru fed'u ch'ufa hobaase jennaani AABBO Waaqi ammalle isati mullate, akuma inni duri Gibeoniti isati millate kaani. AABBO Waaqi waan isaani jed'e, Anini kad'acha atini na kad'ate ya d'agaye. Anini Mana atini naa jaarte kana la eebise, aka inni fulla keesati na kad'atani tahu haga jiru jireenna. Anini isa haga jiru jireenna jabeesa eega. Yo atini akuma abba kanke Daudi d'ugaafi qajeelumani naa hojatte aadaafi seera kiyya jabeesite dubbi tiyya ch'ufa guute, anini kakhu duri abba kanke Dauditi kakhad'e ta d'alooti kanke nami toko haga jiru jireenna worra Israeli fida jed'e, inguuta. Ammo yo sifi d'alooti kanke na lakiftani aadaafi seera anini isanii keenne diddani Waaqa d'ibi kad'atani, anini gumi tiyya ta Israeli lafa duri worraa kenne keesaa balleese, Mana iti na kad'atani ka anini eebise kana lakise biraa deema. Ammalle fulla ch'ufati Israeli goyeesani tufatani. Mani kunileeni ch'ach'abe ona tahe, nami d'aatu bahu ch'ufti iraa rifate maadefate waan jed'u, AABBO Waaqi maanifi lafa tanaafi Mana kana akana tolche? Duuba biyyiti waan jettu, Wonti Waaqi akana tolcheefi, waan worri AABBO Waaqa isaani, ka lafa Misiri keesaa ababoota isaani baase, lakiseefi. Worri Waaqa d'ibi gula bahe Waaqa suni yaamate hojateefi. Duuba tanaafi AABBO Waaqi gaargala kana ch'ufa worratiini d'ufe. Hujiini Mana Waaqatifi ka Solomoni, woltuma ganna diddama fud'atte. Hayyichi Tiro, ka Hiramu jed'aniti mukha hind'eesatifi mukha jajaba d'ibifi worqi inni huji sunini tolche ch'ufa kenneefi: Mana suni jaarani hobaasani jennaani, hayyu Solomonini dira diddama, ka lafa Galilaya, Hiramuu kenne. Hiramuni dira suni ch'ufa laalachu d'ufe arge jennaani diqole iraa ingammanne. Jennaani waan Solomonini jed'e, Oboleesa kiyya, diri atini na kennite kana? Taanafi arda suni ch'ufaani arrale Kabuli jed'ani, akasi jechaani waan woma keesa injirre jecha. Hiramuni qara worqi kilo kuma afuri Solomoni erge. Hayyu Solomonini irreeni nama Mana Waaqatifi mana hayyu jaarsise, ammalle boola duuchisise naabo dira sunile d'akhaani jaarsise. Inni ammalle dira Hazoritifi Megido irreeni worra jaarsise. (Hayyuuni Misiri qara dira Gezeri had'e gube balleese, nama isaa ch'ufa fit'e. Duuba eege, inni dira suni intala isaati kenne, gaafa Solomonini isii fuud'e. Jennaani Solomoni eege jaare.) Ammalle Solomonini irreeni dira Beth-Horoni ka golbaatifi, Baalathi, Tamari, ka lafa gamooji ta Yuda keesati, dira inni sagale keesati olkeyatu, dira fardaafi, gaarini fardi hirkisu ka isaa iti galu, ammalle waan d'ibi ka inni Yerusalemu keesafi, Lebanoni keesafi waan d'ibi ch'ufa ka lafa inni mohatu keesati jaarani, jaarsise. Solomonini worra Israeli tisse intolchine: Worri Israeli huji d'ibi isaa hojate — huji askartifa worra gugurda askartifa, ta gaari fardi hirkisu ooftufa ammalle worra huji askartiti mata. Nami worra irreeni hojachiisani, ka maneeni Solomoni suni ch'ufa jaareti mata, nama d'ibba shanifi shantama. Niitiini Solomoni, ta dubra hayyu Misiri, dira Daudi keesaa baate mana Solomonini jaareefi kaaniti qubate jennaani Solomonini boola diraani ilaboru namaani duucha jed'e. Ganna ch'ufa keesa maro sadi Solomonini sorio gubanifi sorio wold'ageeti, waan mesa fakaata ka inni AABBO Waaqa jaare, irati baase. Ammalle inni hit'aana AABBO Waaqaa aarse. Duuba akanaani Mana Waaqa jaare hobaase. Hayyu Solomonini ammalle hobolo heddu Ezion-Geberi, ta d'aatu dira Eliothi, afaani galaana Diima, lafa Edomu keesa, jaare. Hiramuni nama gari, ka huji hobolo beekhu, Solomonii, erge aka worri hojattu isaa woliini hojatu. Worri suni gara lafa Ofiri hojattu Solomoni woliini hobolooni d'aqe, worqi kilo kuma kud'ani afuri Solomonii geese. Hayyitiini lafa Sheba gura Solomoni d'ageete jennaani imaltu gara Yerusalemu d'ufte, dubbi jajabdu isa gaafatte. Isiini namafi geejiba gaala hedu, ka qumbifi d'akhaaye ch'uch'ulut'ufi worqi muumme inqamne baatu woliini d'ufte. Isiini Solomonini woli arginaani waan garaa qabdu ch'ufa gaafate. Inni waan isiini gaafate ch'ufa himeefi; wonti tokoleeni ka jajabaatte inni himu d'ad'abe injirtu. Hayyitiini Sheba qarooma Solomonitifi mana inni jaarelle ch'ufa agarte. Isiini ammalle sagale isaani gololchanifi. Fulla hojattuuni isaa iti galtufi aka hojattuuni isaa hojattufi woya worri naqatufi hojattu guyya jila isa gololchitufi sorio inni Mana Waaqa keesati baasule ch'ufa agarte jennaani aka male mamte afaani qabate. Jennaani isiini waan hayyuuni jette, wonti kanke ka anini lafa tiyyati d'agaye, ka nafa keetitifi qaroomileeni ch'ufti waan jiraati! Amma tana d'ufe arge jennaani d'ugeefad'e male qara ind'ugeefanne. Ammalle wonti anini d'agaye diqo, qaroomafi duroomi kanke haga anini d'agaye ch'ufa guddo ira jira. Nad'eeni tante akami milki qabdi, ta guyya ch'ufa sibira ejite qarooma kanke ch'aqaftu! AABBO Waaqa kanke ha faarsani! Inni si maache hayyu Israeli si tolche. Waan inni haga jiru jireenna Israeli jaalateefi inni hayyu worraa si tolche, aka atini d'ugaani worra fide seerale jabeesitu. Isiini waan d'ufteeni ch'ufa Solomonii kennite: Worqi haga kilo kuma afurifa, ammalle qumbifi d'akhaaye ch'uch'ulut'u muumme inqamne. Taka nami haga qumbi isiini kenniteefi suni inkennineefi. Hobolooni Hiramu, ta lafa Ofiriti worqiini d'ufte, mukha woddeesa fakaatu tokofi d'akhaaye ch'ulut'uleeni d'ufte. Solomonini mukha suni dongora mana isaatiifi ka Waaqa tolche, ammalle kiraarifi waan sirbanini d'ibile tolche. Mukhi sunini guddo mimid'aaga, taka lafa sunini ind'umne yokhaani eegi sunile taka ingarre. Hayyu Solomonini waan hayyitiini Sheba isa kad'ate ch'ufa kenneefi, waan inni fed'i ufitiini kenneefi male. Jennaani isiifi hojattuuni isii lafa isaaniti galani. Ganna ch'ufa Solomonini worqi kilo kuma diddami sadi argate. Tana malele inni damoosa worri bunat'u isaa baasufi Tirfi bunaqatifi gibira hayyooti lafa Araftitifi worri gugurdaani lafa Israeli arda arda mohatu isa baasele argate. Solomonini wonte gugurdo d'ibba lama mid'aase, nafa isii ch'ufa worqi kilo torbatini duuche. Ammalle inni wonte didiqo d'ibi d'ibba sadi mid'aase, nafa isii ch'ufa worqi kilo lamatini duuche. Duuba wonte tana ch'ufa mana inni jaare, ka Mana Badda Lebanoni jed'ani kaani, keesa naqe. Inni ammalle barch'uma hayyu gudda toko mid'aase. Nafa isaa haga toko ilka arbaatini mid'aasani, kaani worqi dansaani mid'aasani. Muduununi Solomoni ch'ufti ta worqiti, ammalle mihi woini sooratani ka Mana Badda Lebanoni jed'ani kaani ke jiru ch'ufa worqi ch'allaani mid'aasani. Mihi suni tokole qarsiini imid'aasine, wonti akanatiifi bara Solomoni suni qarsi womatu indarani. Inni hobolo heddu, ta lafa fago hobolo Hiramu woliini yaatu, qaba. Duuba hobolooni suni, hojja ganni sadi dabru, dachaate, worqifi qarsifi ilka arbaatifi jaldeesa gaaratifi qamaleeni d'ufti. Hayyu Solomoni hayyu ch'ufa ira qalbiifi hori qaba, duuba nami lafa keesa jiru ch'ufti guddo d'ufe qarooma Waaqi isaa kenne suni argu fed'a. Nami fulla ch'ufa d'ufe ch'ufti woini d'ufeefi — waan qarsifi worqiini mid'aasanifa, woya fa, miha lola fa, qumbifa fardaafi gaangele. Waan kana ganna ch'ufa akasuma d'ufaniini. Solomonini gaari fardi hirkisu ka kuma tokofi d'ibba afuritiifi fardoole askartini yaabatu, ta kuma kud'ani lama, wolti guure. Haga toko Yerusalemuti galche, kaani dira d'ibiti gargari qoode. Gaafasi Yerusalemu keesa qarsiini lafa ira dabarte akuma d'akhati heregani, hind'eesale akuma mukha dambiti heregani, ka fulla ch'ufa jiru. Gati bunaqa farda, ka Misirifi Kilikia d'ufu ch'ufa, hojattu hayyuuti harka qaba. Ammalle gati gaari fardi hirkisu ka Misiri d'ufule worrati harka qaba. Ammalle worri hayyoota Hitifi Shamu gaari fardi hirkisu iti gurgure; gaari fardi hirkisu toko qarsi d'ibba jaatiini gurgurani, farda toko qarsi d'ibbafi shantama. Solomonini nad'eeni heddu gosa d'ibi jaalate. Niiti dubra hayyu Misiri male inni nad'eeni gosa Hitifa ta Moabufa ta Amonifa ta Edomufa ta Sidoni fa fuud'e. Inni ato AABBO Waaqi worra Israelitini, nad'eeni gosa d'ibi infuud'ina, isiini hegeri qalbi teesani garagalchite Waaqa d'ibi gula isani deebifti jed'u, nad'eeni suni fuud'e. Solomonini dubra d'ibba torba fuud'e ammalle nad'eeni d'ibba sadi d'ibi barate worraati galfate. Duuba nad'eeni suni Waaqa iraa isa gorsite. Inni jaare jennaani waaqa d'ibi isa kad'achiifte inni, aka abba isaa Daudi, AABBO Waaqa isaa jaalate garaa tokooni gula indeemne. Inni Ashtorethi waaqa worra Sidonitifi waaqa hama Milkomu jed'ani ka worra Amoni kad'ate. Inni aka abba isaa Daudi garaa tokooni AABBO Waaqa gula deemu dide, isa durati ch'ubbu tolche. Gaara Yerusalemuni ilaboru irati inni fulla Kemoshi waaqa hama Moabutifi Moleki waaqa hama Amoni iti kad'atani jaare. Ammalle inni fulla waaqa iti kad'atani, ta nad'eeni isaa ta gosa d'ibi ch'ufti hit'aana iti aarsite waaqa ufiti sorio baaftu, jaare. waan jed'eeni, Waan atini beekha wold'aqisa nu woliini tolfanne ch'absite seera kiyya guutu dideefi anini hayyuma siraa fuud'e hojattu tante nama toko kenna. Ammo taatule anini haga atini jirtu woma si intolchu, maro abba kanke Dauditifi; ammo gaafa ilmi kanke hayyu tahu wo si tolcha. Ammalle anini finna lafa ch'ufa isa iraa infuud'u; ammo gosa toko illakisafi, maro hojattu tiyya Dauditifi maro Yerusalemu ka anini dira kiyya tolfad'eefi. Jennaani AABBO Waaqi Hadadi ka gosa Edomu, ka worri isaani hayyu, nyaapa Solomoniti tolche. Hadadifi hojattu abba isaa, ta gosa worra ta gari, ta lafa Misiriti baqate male, ch'ufa fit'e. (Gaafasi Hadadini ijoolle.) Worri baqate sunini Midiani bahe, Parani d'ufe, achiti nami d'ibiini worrati d'ufe woliini taani. Jennaani lafa Misiri d'aqani, fulla hayyu d'ufani, hayyuuni suni lafafi manafi sagalele Hadadii kenne. Faraoni Hadadi maache, intala isaa soddaa, ta oboleeti niiti isaa hayyiti Tapenesi, fuusise. Intalti suni ilma toko isaa d'alte, ka Genubathi jed'ani; ilma suni hayyititi mana ufi keesati ilma hayyuutini woliini guddise. Hadadini aka Daudifi, namichi gudda askarti ka Yoabu jed'ani kaani duani d'agaye jennaani, waan hayyuuni jed'e, lafa tiyyati galu fed'a, na gad'iisi. Hayyichi waan jed'eeni, Maanifi galu feeta? Waan atini arma d'abde jira? Hadadini waan jed'eeni, Woma ind'amne, na gad'iisi jed'e, kae iti d'aabate. Ammalle Waaqi Rezoni ilma Eliada nyaapa Solomoniti tolche. Rezonini sunini duri abba Hadadezeri hayyu Soba duraa baqate, gudda goli shifta tahe. (Wonti kunini gaafa Daudini Hadadezeri dabsate goli isaa ta lafa Shamu ch'ufa fit'e taate.) Rezonifi jari isaa yaani dira Damaski qubatani, achiti jari isaa suni hayyu shamu isa tolche. Inni bara Solomonini lafa fide suni nyaapa Israeliti. Nami d'ibiini ka garagale Solomoniti nyaapa tahe Yeroboamu ilma Nebati, ka qara isaa hojatu; inni nama dira Sereda lafa Efraimu keesa. Haati isaa hiyyeeti d'iirsa inqamne, ta Serua jed'ani. Wonti inni garagale hayyuti nyaapa taheefi tana: Solomonini boola dira Yerusalemu ilaboru duuche naabo dira sunile mid'aasu jira. Yeroboamuni nama jajaba toko, ka guddo huji mid'aasu; Solomonini akasi arge jennaani, huji irreeni nama hojachiisani ta Manasetifi ta Efraimu ch'ufa gudda iti tolche. Guyya toko, ka Yeroboamuni Yerusalemu deemu, raagi Ahiya jed'ani ka worra Shilo, lafa aloo keesati, ka inni koba deemu, iti d'ufe. Ahiyaani woya haareeti ufi iraa qabu fulla kud'ani lama tatarsaase, waan jed'e, Tatarsaa woya tana kud'ani fud'ad'i, wonti akanatiifi AABBO Waaqi Israeli waan siini jed'u, Anini hayyuma Solomoni iraa fuud'e, gosa kud'ani sii kenna, Solomoni gosa toko ch'alla fud'ata, maro hojatu kiyya Dauditifi Yerusalemu dira anini lafa Israeli ch'ufa keesaa fohad'e kiyya tolfad'eefi. Wonti anini waan kana tolchufi Solomoniti na dide waaqa gosa d'ibi kad'ate: Ashtorethi waaqa Sidoni, Kemoshi waaqa Moabu, Milkomu waaqa Amoni. Solomonini ya waan hamtu tahe na dide, aadaafi seera kiyya ka abbaani isaa Daudini guute, iraa gore. Ammo anini hayyuma ch'ufa Solomoni iraa infuud'u, haga inni jirule woma intolchu, wonti anini akasi tolchufi maro hojattu tiyya Daudi ka anini fohad'e innileeni aadaafi seera kiyya guutefi. Anini hayyuma ilma Solomoni iraa fuud'e, gosa kud'ani sii keenna. Ammo gosa toko ilma Solomoniti lakisa, aka anini hojja ch'ufa nama d'aloota Daudi ka dira Yerusalemu, ka anini fohad'e, iti na kad'atani mohatu, keesa ind'amne, ammo anini si fuud'e hayyu Israeli si tolche, lafa atini feetu ch'ufa fidda. Yo atini dubbi tiyya ch'aqafte seera kiyya guute waan anini fed'u ch'ufa akuma hojattu tiyya Daudi tolchite na gammachiifte anini hojja ch'ufa si woliini jiraad'e, hayyu Israeli si tolche, akuma Daudi tolche d'aloota kankele hayyu lafa tana tolcha. Maro ch'ubbu Solomonitifi anini d'aloota Daudi ingaargalcha, ammo guyya ch'ufaniti. Tanaafi Solomonini Yeroboamu ijeesu fed'e, ammo inni hayyu Misiri ka Shishaki jed'aniti baqate, haga Solomonini duuti achuma tae. Waan Solomonini tolche ch'ufa, waan inni taheefi qarooma isaa ch'ufa, kitaaba huji Solomoni jed'ani keesati t'aafani. Inni ganna afurtama Yerusalemu keesa worra Israeli ch'ufa mohate. Duuba eege inni due jennaani dira Daudi keesati isa awaalani, ilmi isaa Rehoboamuuni fulla isaa hayyu tahe. Rehoboamuuni Shekemu fulla worri Israeli ch'ufti aka isa hayyu tolchu wolti bahe d'aqe. Yeroboamuni, ilmi Nebati, ka qara lafa Misiriti hayyu Solomoni baqate, dubbi tana d'agaye jennaani Misiri ga deebie. Jennaani worri Israeli sunini isa yaame, gara Rehoboamu woliini d'aqani waan jed'aniini, Abbaani kanke nu dabse ulfinna jaba nura kaye. Hojja atini ulfinna suni nuraa Sablifte finna dansaani nuu d'ufte, nu aka dansaa si gula yaana. Inni waan jed'eeni, Sadi bula, gadi dachaa. Jennaani worri kae yae. Jennaani hayyu Rehoboamuuni jaarole abba isaati mala d'ooftu dubbi suni gaafate waan jed'eeni, Mala d'aa, dubbi anini worra kanaani jechu male nati hima. Worri waan jed'eeni, Yo atini arra aka dansaa worra kana hojachu feete, worra dubbi dansa iti dubbad'i, duuba worri haga jiru jireenna aka dansaa sii hojata. Ammo inni mala jaarole suni dide, dubbi suni hariya isaatini gahe, mala na d'aa waan anini worra, ulfinna nuraa fuud'i nani jed'u kana jed'uuni nati hima jed'e. Worri hariya isaa sunini waan jed'eeni, Wonti atini worraani jechu malte tana: qubi kiyya diqani hid'aana abba kiyya ira furda! Waan atini worraani jettu, Abbaani kiyya ulfinna gudda isani ira kaye, ammo anini hagasi irale isaniti guddisa. Inni lichooni isani d'aane ammo anini ogoraani isani d'aana! Bultiini sadeeni taani hobaate jennaani Yeroboamufi gumiini taani ch'ufti akuma Rehoboamuuni jed'eeni kaani isati d'ufte. Hayyichi mala jaarole taani dide, mala hariya isaa kaani gula bahe, dubbi jajabdu worrati dubbate waan jed'eeni, Abbaani kiyya ulfinna gudda isani ira kaye, ammo anini hagasi irale isaniti guddisa. Inni lichooni isani d'aane, ammo anini ogoraani isani d'aana! AABBUMA Waaqati hayyicha biyya ch'aqasu d'owe, aka akasiini dubbini inni raaga Ahiya jed'aniini Yeroboamu ilma Nebatiti himi jed'e guutamtu. (Raagi suni nama Shiloti.) Biyyiti aka hayyuuni worra ch'aqasu didde argite jennaani waan jette, Nu Daudi maani iraa qamne? Ilmi Yese maani nu baha? Worra Israeli, kaa nu galcha! Rehoboamuuni ha qofa hafuuti! Duuba akanaani worri Israeli Rehoboamuti garagale. Isa worra Yudati lakise kae biraa yae. Jennaani hayyu Rehoboamuni Adoniramu ka worra huji irreeni hojachiisaniti mataa, worra Israeliti erge, ammo worri d'akhaani d'aane ijeese. Jennaani Rehoboamuuni hurrise gaari ufi yaabate Yerusalemuti baqate. Tanaafi arti asi worri Israeli nama d'aloota Daudi ch'ufa iti garagale dida. Worri Israeli aka Yeroboamuni Misirii d'ufe d'agaye jennaani, kora gumi Israeliti isa yaame hayyu tolfate. Gosa Yuda male nami tokoleeni d'aloota Daudi gula imbaane. Rehoboamuuni Yerusalemu gahe jennaani askarti jajanna nama filani ch'alla, ta gosa Yudatifi ka gosa Benjamini nama kuma d'ibba tokofi saddeetama wolti yaame, aka worra Israeli had'e mootuma ufi deefatu. Ammo Waaqi raaga Shemaya yaame waan jed'eeni, waan atini worra Yudatifi ka Benjaminitini jettu: Oboleyaani teesani worra Israeli inhad'ina, isani ch'ufti kaa, gala waan tahe suni ch'ufa anumati tolche. Duuba worri dubbi AABBO Waaqa ch'aqase, kae worra ufiti gale. Jennaani Yeroboamuni dira Shekemu, ka lafa gaareeni Efraimu keesa jiru, jabeese jaare diqo achi tae. Jennaani achi kae, dira Panueli jabeese jaare. Jennaani hayyichi dubbi suni herege, korma looni lama worqiini mid'aase, waan biyyaani jed'e, Imaltuni guyya ch'ufa Yerusalemu yaatani ya isanii geete, worra Israeli, Waaqi keesani ka lafa Misiri keesa isani baase kuno kana! Duuba korma suni toko Betheli kaye, kaani Dani kaye. Akanaani biyyiti ch'ubbu seente Bethelifi Dani d'at'e kad'ate. Ammalle Yeroboamuni fulla waaqa iti kad'atani gaareeni gubbati jaare nama gosa Lawi intahini qaalole tolfate. Yeroboamuni guyya kud'ani shaneeso ka jia saddeeteeso, jila aka Yuda keesati tolfatani taani tolfate. Fulla sorio iti qalani ta Betheliti, inni sorio korma worqi kaanii baase, ammalle achiti qaalole fulla inni jaare suni hojattu tolche. Ammalle guyya kud'ani shaneeso ka jia saddeeteeso, guyya inumaani fohate kaani, inni Betheli d'aqe, fulla sorio irati baasani taaniti sorio baase jila inni worra Israeliti jed'e tolche taani tolfate. Dubbi AABBO Waaqa gula raagi toko Yudaa bahe, Betheli d'aqe, ka Yeroboamuni fulla sorio iti qalaniti sorio baasu jiru baheeni. Dubbi AABBO Waaqa suni gula raagi kaani waan aka mesa ka sorio irati baasani kaani waan isaa dubbate, waan jed'e, Ee mesa, mesa, AABBO Waaqi waan jed'u; ilma maqaani Yosiati worra Daudi keesaa d'alata, ilma suniti qaalole fulla infakaanneti d'ufte, sirati wo baaftu qaqale, lafele namaa sirati guba, raagi ammalle waan jed'e, Wonti aka mesa jirtu kunini gargari ch'ach'abt'e, daaraani isa gubba lafati firfirfamti duuba isani akanaani, aka AABBO Waaqi naani dubbate, beetani. Hayyichi Yeroboamu jed'ani kaani dubbi tana d'agaye jennaani raaga kaaniti quba qabe waan jed'e, Namicha kana qaba! Jennaani hojuma suni hayyicha harki kokotae gach'absachu dad'abe. Jennaani hojuma suni wonti aka mesa kaani gargari ch'ach'abt'e daaraani lafati jidde, akuma raagi kaani maqa AABBO Waaqatini fage. Duuba hayyichi waan raaga sunini jed'e, AABBO Waaqa kanke yaamad'u, aka inni harka kiyya na fayyisu na kad'ad'u! Duuba raagi AABBO Waaqa kad'ateefi, inni harka hayyu fayyise. Jennaani hayyichi waan raagani jed'e gara worraa na gula kooti, waan atini sooratu sii keenne ammalle maro waan atini naa tolchite kanatifi waan d'ibile sii keenna. Ammo raagi waan jed'eeni, Ato atini waan qabdu ch'ufu qoodde wod'akati naa kennitele, anini si woliini deeme nyaad'e woma si woliini ind'ugu. Wonti akanatiifi AABBO Waaqi waan nani jed'e, Woma nyaate ind'ugini, ammalle kara d'ufte kaaniini worrati indeebiini. Duuba inni karaa d'ufe kaani lakise karaa d'ibi gula gale. Gaafasi jaarsa toko ka raagati Betheli jira. Ilmaani isaa d'ufte waan raagi Yuda bahe kaani d'ufe guyya suni Betheliti tolche iti himte, ammalle waan raagi suni hayyu Yeroboamuni jed'e iti himte. Jaarsi, raagi suni kara kami deebie? jed'e, Ilmaani isaa gaafate. Worri karaa inni deebie iti hime jennaani, inni waan worraani jed'e, Harree koora ira naa kaya. Worri koora ira kaye jennaani, inni yaabate faana raaga Yuda kaani iti d'aabate, ato inni mukha gudda toko jala tau baheeni, waan jed'eeni, raagi Yudaa d'ufe sii? Jennaani inni Ee, anuma jed'eeni. Jennaani jaarsi waan jed'eeni, Worra kiyya nu yaasi, sagale sii keenna. Ammo raagi kaani waan jed'eeni, Anini dandae si gula deeme mana kanke inseenu. Yokhaani armaleeti dandae nyaad'e si woliini ind'ugu, wonti akanatiifi AABBO Waaqi waan nani jed'e, waan tokole nyaate ind'ugini, yokhaani kara atini d'uftele indeebiini. Jennaani jaarsi kaani waan jed'eeni, anileeni raaguma aka keetiti malaikaani AABBO Waaqaleeni waan nani jette, Beeni, raaga suni yaami, mana kanke geesi, sagale kennifi, bisaani obaasi. Ammo jaarsi suni dubbi suni inkiyyibe. Jennaani raagi Yuda kaani jaarsa kaani gula gale sagale woliini soorate. Ato worri sagale nyaachuti jiru dubbini AABBO Waaqa jaarsa raaga kaaniti d'ufte, jennaani inni raaga Yudaa d'ufe kaaniti iyye waan jed'e, AABBO Waaqi waan jed'u, waan atini dubbi AABBO Waaqa lakifte waan inni tolchi sini jed'e dideefi, d'ufte sagale AABBO Waaqi inyaatini sini jed'e nyaateefi, amma si ijeesani, awaala worra keesani d'abda. Eegi worri gololfate, jaarsi kaani harre raaga Yuda kaani koora ira kayeefi, inni yaabate iti d'aabate. Ato deemu nyeench'aani bahe, nyeench'i sunini nyaate isa ijeese. Reefa isaa ka harreefi nyeench'i bira ejaanjani karaa ke ch'iisa. Jennaani nami karaa yau reefa nama ka karaa keesa ch'iisu, ka nyeench'i bira eju arge, dira Betheli d'aqani waan argani suni himani. Jaarsi raaga kaani dubbi suni d'agaye jennaani waan jed'e, Sunini raaga dubbi AABBO Waaqa dide! Tanaafi AABBO Waaqi akuma jed'e kaani nyeench'a iti erge, nyeench'i isa nyaate ijeese. Jennaani inni waan ilmaani isaatini jed'e, harree tiyya koora ira na kaya worri koora ira kayeefi jennaani yaabate, kae iti d'aabate, reefa raaga kaani ka karaa keesa ch'iisu, ka harreefi nyeench'i kaani ufuma bira ejaanjani arge, nyeench'i reefa suni inyaanne harreele woma intolchine. Jaarsi raaga kaani reefa suni fuud'e, harree gubba kaye, Betheli geese, aka achiti iti bohani awaalani. Inni isa awaala worra isaanii keesati awaale, isaafi ilmaani isaaleeni bohani waan jed'ani, Oboleesa kiyya, oboleesa kiyya, nu ya gargari baane! Eegi isa irreesani raagi waan ilmaani isaatini jed'e, Gaafa anini duu irreesuma kana keesati na awaala, d'aatu isaa na ch'iifsisa. Dubbini AABBO Waaqi isaani jed'e, ta inni waan sorio irati baasani, ta Betheli keesatifi fulla Waaqa iti kad'atani ta dira Samaria ch'ufa keesale dubbate ch'ufti inuma guutamti. Eegi dubbi taanile Yeroboamuni kara hama kaani iraa indeebine, inni qaalole fulla infakaanne ta sorio irati baasani ta inni jaare hojattu ta namuma arge inni filate taani, filachu illakimne. Inni nama qaallu taha jed'e ufi gabaase ch'ufa qaallu tolche. Dabi Yeroboamuni tolche sunini worra isaatiifi d'aloota isaa ch'ufa balleese hobaase. Gaafasi ilmi Yeroboamu, ka Abiya jed'ani, fayyad'abe, Jennaani Yeroboamuni waan niiti isaatini jed'e, Kai, ufi jijiri, nama d'ibi ufi tolchi, aka nami fuula si wollaalu, duuba Shilo fulla raagi Ahiyaani, ka siti hayyu Israeli taha nani jed'e jiru, d'aqi. Qit'a kud'anifi daabofi dammale fuud'i geesifi; duuba inni waan gurbaani keenna kunini tahu siti hima. Jennaani isiini Shailoti iti d'aabate, mana Ahiyatini baate. Ahiyaani waan jaare ila d'abe. AABBO Waaqi aka niitiini Yeroboamu waan gurba isii ka faaya d'abe isa gaafacha gad'uftufi ammalle waan inni isiini jechu malele ch'ufa qara iti hime. Niitiini sunini artini baate jennaani nama d'ibi ufi tolchite. Ammo Ahiyaani isi mana olseentu d'agaye jennaani waan jed'eeni, Olseeni, niiti Yeroboamu, nama d'ibi ufi intolchini, anini odu hamtu siti himu qaba. Beeni, waan atini Yeroboamuni jettu, AABBO Waaqi Israeli waan siini jed'u; Anini nama ch'ufa keesa si fohad'e gudda worra kiyya ka Israeli si tolche. Ammalle anini mootuma worra Daudi iraa fuud'e sii kenna. Ammo atini aka hojatu kiyya Daudi intaane, ka seera kiyya guute garaa tokooni na gula deeme waan anini fed'u ch'alla tolche. Atini worra si durati lafa mohatele ch'ufa ira ya hameenna tolchite, atini na didde, waaqoota d'ibifi akheekha isaani mid'aafate, waaqoota suni kad'atte, akasiini na dallansiifte. Tanaafi amma anini worra kanke badi itiini d'ufe, ilmaani tante ta d'iira gugurdofi didiqole ch'ufa balleesa. Ammalle worra kanke ch'ufa qabe aka kosi gube balleesa. Nama worra keeti ka dira keesati duu ch'ufa sareeti nyaata, ka alati duule ch'ufa allaatiti nyaata. Nami dubbi tana jed'e ana, AABBO Waaqa. Duuba Ahiyaani waan niiti Yeroboamutini jed'e, Atini amma kai gali. Akuma atini dira olseentuni ilmi kanke dua, worri Israeli ch'ufti wolti bahe isaa bohe isa awaala, nami worra Yeroboamu ka aka dansaa awaala argatu isuma ch'alla, wonti akanatiifi nami AABBO Waaqi Israeli iraa gammade isuma ch'alla. AABBO Waaqi hayyu d'ibi worra Israeliti tolcha, ka mootuma worra Yeroboamu ch'ufa balleesu. AABBO Waaqi worra Israeli d'ae worri aka ilaadu galaana keesati baatu daaqa. Inni worra lafa dansa ababoota isaaniti kenne tana keesaa fuud'e galaana Efrati gama suniti firfirsa, waan worri akheekha waaqa d'ara ka Ashera jed'ani mid'aafate isa dallansiisefi. Waan Yeroboamuni daba tolche worra Israeli daba keesa buusefi, AABBO Waaqi worra Israeli lakise biraa deema. Jennaani niitiini Yeroboamu kaate gara dira Tirsa deebite, akuma isiini mana olseenteni gurbaani isii due. Worri Israeli isaa bohe isa awaale akuma AABBO Waaqi hojattu isaa raaga Ahiyaani jed'e. Waan Yeroboamuni tolcheefi had'iisa inni nama had'eefi aka inni lafa mohatele ch'ufa kitaaba Odu Hayyoota Israeli ch'ufa keesati t'aafaniti t'aafani. Yeroboamuni ganna diddami lama lafa mohannaani due awaalani, duuba ilmi isaa Nadabuni fulla isaa hayyu tahe. Ilmi Solomoni, ka Rehoboamu jed'ani, gaafa hayyu Yuda tahe ganni isaa afurtami toko, duuba ganna kud'ani torba dira Yerusalemu, ka AABBO Waaqi lafa Israeli ch'ufa keesa fohate, Armati na kad'ad'a jed'e keesa, lafa mohate. Haati Rehoboamu Naama, ta gosa Amoni. Worri Yuda AABBO Waaqa durati waan hamtu tolche, ababoota isaanile ch'ufa ira isa dallansiise. Worri fulla Waaqa iti kad'atani waaqoota d'araati jaare. Ammalle d'akha old'ad'aabe akheekha waaqa Ashera jed'ani mid'aafatani, gaareeni ch'ufafi mukeeni gaadisa ch'ufa jalati kad'atani. Waan suni ch'ufa ira hamtu nami d'iiratifi ka uwaleeni fulla waaqoota d'ara iti kad'atani suni huji sharmut'a hojatani, worri Yuda waan fafa hamtu, ka worri AABBO Waaqi duri worra Israeli duraa gusse tolfatu ch'ufa tolfate. Ganna shaneeso ka Rehoboamuuni lafa mohate hayyuuni Misiri ka Shishaki jed'ani d'ufe Yerusalemu had'e, faaya Mana Waaqatifi waan inni mana isaa keesa olkeyate ch'ufa, wonte worqi ta Solomonile, fud'ate. Jennaani hayyu Rehoboamuuni wonte d'ibi fulla wonte taani sibiila diimani mid'aase, jara askarti ka balbala hayyu eeguti kenne. Hojja hayyuuni Mana AABBO Waaqa d'aqu ch'ufa, askartini wonte suni baate yaatini, duuba eege mana keesati woi eeganiti deebifti. Waan hayyu Rehoboamuuni tolche ch'ufa kitaaba Odu Hayyoota Yuda ch'ufa keesati t'aafaniti t'aafani. Bara suni ch'ufa Rehoboamufi Yeroboamu woraanati jiddu jira. Rehoboamuuni due jennaani fulla hayyoota iti awaalani dira Daudi keesati isa awaalani, jennaani ilmi isaa Abiyaani fulla isaa hayyu tahe. Ganna kud'ani saddeeteeso ka hayyu Rehoboamuuni, ilmi Yebati, worra Israeli mohate, Abiyaani hayyu Yuda tahe, ganna sadi Yerusalemu keesa lafa mohate, haad'a isaa maqaani Maaka, isiini dubra Absalomu. Inni akuma abba isaa daba tolche, AABBO Waaqa isaa garaa tokooni aka ababo isaa Daudi gula indeemne. Ammo maro Dauditifi AABBO Waaqi ilma isaa kenne, ka Yerusalemu keesa tae qorqorate lafa mohatu. Wonti AABBO Waaqi akana tolcheefi waan Daudini waan isa gammachiisa tolche seera isaa taka inch'absinifi waan inni Uriaa ka gosa Hiti kaani tolche male. Haguma Abiyaani lafa mohate isaafi Yeroboamu bara suni ch'ufa woraanati jiddu jira. Waan Abiyaani tolche ch'ufa kitaaba Odu Hayyoota Yuda keesati t'aafaniti, t'aafani. Duuba Abiyaani doonaani, dira Daudi keesati awaalani, ilmi isaa Asani fulla isaa hayyu tahe. Ganna diddameeso ka hayyu Yeroboamuni Israeli mohate, Asani hayyu Yuda tahe, ganna afurtami toko Yerusalemu keesa lafa mohate. Akko isaa maqaani Maaka, isiini dubra Absalomu. Asani akuma ababo isa Daudi waan Waaqa gammachiisa tolche. Inni sharmut'a d'iiratifi ka uwa, ka fulla waaqa d'ara iti kad'atani hojattu, lafa keesaa balleese, ammalle akheekha waaqoota d'ara, ka hayyooti isa dura jirtu mid'aasite, ch'ufa balleese. Inni akko isaa Maaka, guddinni isiini qabdu ka hayyuma, iraa fuud'e, wonti akanatiifi isiini akheekha waaqa hama ka Ashera jed'ani mid'aasite. Inni akheekha suni ch'ach'abse, laga Kidroni keesati gube. Ato inni fulla waaqoota d'ara iti kad'atani ch'ufa balleesu baatele, inni haga jiru ch'ufa garaa tokooni AABBO Waaqa hojate. Inni waan abbaani isaa Waaqa baase ch'ufa, waan worqifi qarsiini mid'aasani, ka inni ufi baasele woliini, Mana Waaqa keesa kaye. Asafi Baashani, hayyuuni Israeli, ganna worri lafa mohate ch'ufa woluma had'ani. Baashani lafa Yuda had'e, dira Raama jabeese jaare, aka nami tokoleeni dira suni keesaa bahe yokhaani inseene. Duuba hayyu Asani qarsifi worqi ta Mana waaqatifi mana hayyu keesati hafte guure, jara isaatini Damaskiti erge, ammalle Benhadadi hayyu Shamu, ilma Tabrimoni, ka ilma Hezioni, d'aamsa kana iti erge waan jed'eeni: Kooti, aka abbooti teenna, goli woltaana. Ammalle qarsifi worqi ani si ergu tana naraa fud'ad'i. Amma tana wold'aqisa siifi Baashani hayyuuni Israeli woliini qabdani ch'absi, aka inni askarti isaa lafa tiyya keesaa baasu. Hayyu Benhadadini dubbi Asa d'agaye, askarti isaatiifi worra gugurda askarti, dira Israeliti had'iisa erge. jennaani askartini suni dira Iyonitifi Danitifi Abel-Beth-Maakatifi arda Kinerothi ch'ufafi lafa Naftali ch'ufa dabsatte fud'atte. Hayyu Baashani waan tahe suni ch'ufa d'agaye jennaani, dira Raama, ka jaaru jiru kaani, lakise, Tirsati godaane. Jennaani hayyichi Asani qoonqo lafa Yuda ch'ufati erge, aka nami ch'ufti haguma gahunu, ka tokoleeni inhamne d'ufe, d'akhaafi mukha Baashani dira Ramatini jaare, guure gara d'ibi geesu. Miha sunini Asani Mispafi Geba, ka diri kuni lachu lafa Benjamini keesa jiru jabeese jaare. Waan kana male waan hayyu Asani jannoomaani tolcheefi dira jajaba inni jaarelle ch'ufa, kitaaba Odu Hayyoota Yuda keesati t'aafaniti t'aafani. Ammo inni jaare jennaani, d'ukuba fuud'e naafate. Duuba eege Asani due, irreesa hayyoota ka dira Daudi keesati awaalani, ilmi isaa Yehoshefathini fulla isaa hayyu tahe. Ganna lameeso ka Asani hayyu Yuda tahe, ilmi Yeroboamu, ka Nadabu jed'ani, hayyu Israeli tahe ganna lama lafa mohate. Inni akuma abba isaa AABBO Waaqa durati ch'ubbu tolche worra Israeli ch'ubbu keesa buuse. Jennaani Baashani, ilmi Ahiyaa, ka gosa Isakari, Nadabuti malate, ato isaafi askartini isa dira Gibethoni ka lafa Filisti had'u jiranu, d'ufe ijeese. Wonti kunini ganna sadeeso ka hayyu Asani lafa Yuda mohate taate, duuba akanaani Baashani fulla Nadabu hayyu Israeli tahe. Inni akuma hayyu taheeni worra Yeroboamu ch'ufa hobaase. Akuma AABBO Waaqi hojattu isaa raaga Ahiya jed'ani, ka Shilo, kaaniini jed'e, Worra Yeroboamu ch'ufa fit'ani, tokoleeni ka bahe injiru. Wonti woni kunini taateefi waan Yeroboamuni ch'ubbu hamtu tolche, worra Israeli ch'ufa ch'ubbu keesa buuse, akanaani AABBO Waaqa dallansiise. Waan Nadabuni tolche ch'ufa kitaaba Odu Hayyoota Israeli keesati t'aafaniti t'aafani. Hayyu Yuda ka Asa jed'anifi hayyu Baasha jed'ani, ka Israeli, haguma worri hayyu tahe bara suni ch'ufa worra lachu woraanumati jiddu jira. Ganna sadeeso ka Asani lafa Yuda mohate keesa, Baashani, ilmi Ahiya, hayyu Israeli tahe, ganna diddami afuri Tirsa keesa lafa mohate. Inni akuma hayyu Yeroboamu AABBO Waaqa durati ch'ubbu tolche worra Israeli ch'ufa ch'ubbu keesa buuse. Jennaani AABBO Waaqi raaga Yehu ilma Hanani dubbateeni, d'aamsa kana Baashati himi jed'eeni: Anini si, nama woma keesa injirre fuud'e, gudda worra kiyya ka Israeli si tolche. Ammo atileeni amma ya akuma Yeroboamu ch'ubbu tolchite gumi tiyya ch'ubbu keesa buufte. Ch'ubbuuni gumi tiyya suni amma la na dallansiifte, tanaafi anini amma siifi worra kanke lafa iraa balleesa, akuma anini duri Yeroboamu balleese. Nama worra keeti ka dira keesati due ch'ufa sareeti nyaata, ammo ka alati duu ch'ufa allaatiti nyaata. Waan Baashani tolcheefi jannooma isaa ch'ufa kitaaba Odu Hayyoota Israeli keesati t'aafaniti t'aafani. Eegi suni Baashani due dira Tirsa keesati awaalani, jennaani ilmi isaa Elani fulla isaa hayyu tahe. D'aamsa AABBO Waaqi Baashafi worra isaati d'aame raaga Yehu jed'aniniti d'ufeeni, wonti inni dubbi suni d'aamefi maro ch'ubbu Baashani isa durati tolcheefi. Inni ch'ubbu tolche, ammo worra Yeroboamule ch'ufa fit'e akasiini Waaqa dallansiise. Ganna diddami jaeeso ka Asani hayyu Yuda tahe, Elani, ilmi Baasha, hayyu Israeli tahe, ganna lama Tirsa keesa lafa mohate. Jennaani hojattuuni isaa toko, ka Zimiri jed'ani, ka gaarilee fardi hirkisu haga toko inni iti mata, isati malate. Guyya toko ka Elani Tirsa keesa mana Arsa, ka hojattu mana hayyuti mata, seene farso d'uge machae. Zimirini mana suni seene isa d'ae ijeese fulla isaa hayyu tahe. Wonti kunini ch'ufti ganna diddami torbeeso, ka Asani lafa Yuda mohate, taate. Zimirini akuma hayyu taheeni worra Baasha ch'ufa fit'e, fiit'afi jaalani isaa tokole inhambimne ch'ufa hobaase, duuba dubbi AABBO Waaqi raaga Yehuni Baashati hime taani gula, Zimirini worra Baasha ch'ufa fit'e. Maro waan worri boch'e kad'atuufi ammalle maro worri worra Israeli ch'ubbu keesa buusefi, Baashafi ilma isaa Elani AABBO Waaqa Israeli dallansiisani. Waan Elani tolche ch'ufa kitaaba Odu Hayyoota Israeli keesati t'aafaniti t'aafani. Ganna diddami torbeeso ka Asani lafa Yuda mohate, Zimirini bulti torba Tirsa keesa gosa Israeli mohate. Askartini Israeli dira Gibethoni, ka lafa Filisti, had'u jirti; jennaani askartini suni aka Zimirini hayyuuti malate ijeese d'ageennaani artumati worri ch'ufti namicha gudda worra ka Omri jed'ani hayyu tolfate. Omrifi askartini isaa Gibethoni kaate, d'at'e Tirsa haate. Zimirini aka dira suni qabani arge jennaani, mana hayyu keesa fulla jabdu seene, mana suni ch'ufa ibida iti kaye, ibida suni keesati ufi ijeese. Wonti woni kunini taateefi waan inni AABBO Waaqa durati ch'ubbu tolcheefi. Akuma Yeroboamu, inni ch'ubbu tolche AABBO Waaqa dallansiise worra Israelile ch'ubbu keesa buuse. Waan Zimirini tolche ch'ufafi ammalle aka inni hayyuuti malate ch'ufa, kitaaba Odu Hayyoota Israeli keesati t'aafaniti, t'aafani. Worri Israeli gargari bahe hagi toko Tibni, ilma Genathi hayyu tolchu fed'e, hagi tokoleeni Omri gula bahe. Ammo eege worri Omri gula bahe dabsate, Tibnini due, Omrini hayyu tahe. Duuba ganna sodomi tokeeso ka Asani hayyu Yuda tahe, Omrini hayyu Israeli tahe, ganna kud'ani lama lafa mohate. Ganna jaani qara inni dira Tirsa keesa mohate, duuba eege gaara Samaria, namicha Shemeri jed'ani toko ira qarsi kuma jaatiini bite. Omrini gaara suni irati dira jaare, maqa isaa Samaria baase, maqa abba gaara suni ka Shemeri jed'ani gula. Omrini nama isa durati hayyu tahe ch'ufa ira AABBO Waaqa durati ch'ubbu tolche. Akuma Yeroboamuni qara tahe, innileeni ch'ubbu tolche, biyyale ch'ubbu keesa buuse, waan harkaani boch'ani kad'achiise, akanaani AABBO Waaqa Israeli dallansiise. Waan Omrini tolche ch'ufafi waan inni guutele ch'ufa kitaaba Odu Hayyoota Israeli keesati t'aafaniti, t'aafani. Eege Omrini due, Samaria keesati awaalani, jennaani ilmi isaa Ahabuni fulla isaa hayyu tahe. Ganna sodomi saddeeteeso ka Asani lafa Yuda mohate, Ahabuni, ilmi Omri, hayyu Israeli tahe, ganna diddami lama dira Samaria keesa lafa mohate. Inni nama isa durati hayyu tahe ch'ufa ira AABBO Waaqa durati ch'ubbu tolche. Inni daba Yeroboamuni tolche womatu indarre, tanaafi Yezebeli ta dubra Ethbaali hayyu Sidoni fuud'e waaqa Baali jed'ani kad'ate hojateefi. Duuba Samaria keesa mana Baali iti kad'atani jaare, waan sorio irati qalani mid'aase, mana suni keesa kaye. Ammalle akheekha waaqa Ashera jed'ani mid'aase, hayyooti Israeli ta isa duraa ch'ufa ira AABBO Waaqa Israeli dallansiise. Bara inni lafa fide suni Hielini, ka worra Betheli, dira Yeriko maro lameeso jaare. Akuma AABBO Waaqi Yoshua ilma Nuniti hime kaani Hieli ilma isaa ka angafa ka Abiramu jed'ani, gaafa inni dira Yeriko suni yayabe iraa due, ammalle inni gaafuma fullo dira suni jaare ilma isaa maand'icha ka Segebu jed'ani d'abe. Raagi Eliya jed'ani toko, ka worri isaa Tishi lafa Gileadi keesa, waan hayyu Ahabuni jed'e, Anini maqa AABBO Waaqa Israeli, ka anini hojad'uni siti kakhad'a, aka bokaya lakisi, eebeleleni haga ganna lamafi sadi deebite inch'och'oomne, haga anini ha roobu jed'uuti. Jennaani AABBO Waaqi waan Eliyaani jed'e, Fulla jirtu tana kai, ilaboru deemi d'aatu dareera bisaani Kerithi jed'ani, ka galaana Yordanitini ilaboruti, d'okhad'i. Dareera suni bisaani keesaa d'udde, duuba anileeni sagale haranqeesani sii erga. Eliyaani dubbi AABBO Waaqa ch'aqase, kae, dareera Kerithi jed'ani kaani, d'aatu tae. Inni dareera suni keesaa bisaani d'uge, haranqeesileeni galgalaafi diirama ch'ufa qit'afi foonile d'ufanifi. Duuba eege waan lafti oola taateefi bisaani dareera Kaanileeni ch'itani. Jennaani AABBO Waaqi waan Eliyaani jed'e, Kai, dira Sarepta, ka d'aatu Sidoni, d'aqi, achi tai. Anini la niiti hiyyeeti tokoti hime aka isiini si fiddu. Duuba Eliyaani Sareptati iti d'aabate, fullo dira suniitini bahe jennaani niiti hiyyeeti toko, ta qoraani ch'absatuni bahe, waan jed'eeni, Bisaani anini d'ugu naa kenni. Isiini bisaani fuuti deemnani faana lalabe waan jed'eeni qit'a diqa toko ka anini nyaad'uni naa kooti. Isiini waan jetteeni, Anini maqa AABBO Waaqa kanketitini kakhad'a, anini qit'a tokole inqabu. Wonti anini qabu dargaye diqo toko ta qori ke jirtufi d'ad'a diqa toko ka killa ke jiru. Anini qoraani ch'absachu arma d'ufe, aka duuba deebie waan diqo qabu suni d'aabad'e ilma kiyya woliini nyaanne, wolumaani doonu. Eliyaani waan isiini jed'e, insodatini, beeni, sagale tante d'aabad'u, ammo qara qit'a diqa toko naa d'aabi, natiini kooti. Duuba waan hafe siifi ilmi kanke d'aabad'a. Wonti akanatiifi AABBO Waaqi Israeli waan jed'e, Qorini tante dargaye daakhaani ind'abdu, killa kankele d'ad'ani keesaa inhobau, haga anini bokaya isanii roobuti. Niitiini hiyyeetini taani deemte, waan Eliyaani jed'eeni ch'ufa guute, isaafi worri isii ch'ufti haga guyya hedu, sagale nyaate. Akuma AABBO Waaqi Eliyaani jed'e kaani, qorini isii dargaye daakhaani ind'amne, ammalle killa isii d'ad'ani keesaa inhobaane. Duuba eegi suni ilmi niiti hiyyeeti suni fayya d'abe duud'ame, lubbu d'abe. Isiini waan Eliyaani jette, Namicha Waaqa kana, anini maani yake ka atini akana na tolchitu! Atini ch'ubbu tiyya Waaqa qaabsifte akanaani ilma kiyya ijeesu d'ufte? Eliyaani waan jed'eeni, Gurba nati ga kenni. Inni gurba kaani harka isiiti fuud'e, mana gubbaa ka inni iti galu geese, sire ufi ira ch'iifsise. Jennaani AABBO Waaqa kad'ate waan jed'e, Ee AABBO Waaqa kiyya, atini maanifi niiti hiyyeeti tana waan hamtu akana kana tolchita? Isiini guddo na qorqorate, atini ammo ilma isii ijeefta? Jennaani Eliyaani maro sadi gurba gubati dirirfate Waaqa kad'ate waan jed'e, Ee AABBO Waaqa kiyya, gurba kana lubbu iti deebisi! Duuba AABBO Waaqi kad'acha Eliyaa d'agaye, lubbu gurba suniti deebise, gurbaani jireennati deebie. Jennaani Eliyaani gurba fuud'e, gadini bue, had'ati kenne waan jed'eeni me ilaali, gurbaani ke injira! Isiini waan jetteeni, Anini amma ya d'ugeefad'e, aka atini d'uguma nama Waaqa, ammalle aka AABBO Waaqi d'uguma sini dubbatu ya arge! Eegi bulti heddu, ganna sadeeso ka oola hamtu suni keesa, AABBO Waaqi waan Eliyaani jed'e, Beeni, Ahabu argu d'aqi, duuba anini bokayaani isanii d'ufa. Jennaani Eliyaani Ahabu argu d'aqe. Oolani lafa Samaria keesati guddo jabaate, jennaani Ahabuni Obadia, namicha huji mana hayyuti gudda, yaame. (Obadiani nama guddo AABBO Waaqa sodaatu; gaafa Yezebelini raagoota AABBO Waaqa fit'e Obadiani raagoota d'ibba toko fuud'e goda d'akhaa keesati shantama shantamani d'osse, sagaleefi bisaani kenneefi.) Ahabuni waan Obadiani jed'e, Me, maddaafi laga ch'ufa keesa nu yaasi, marra fardooleefi gaangele duu d'owu barbaanna, akasiini hegeri hori keenna lubbu baamna. Worri lachu ee jed'e, lafa abuuru d'aqu wolgaafate, abbu kara ufi iti d'aabate. Ato Obadiani kara deemu Eliyaani bahe, isa hubate durati gajed'e, waan jed'eeni, Aabbo Eliya kunini d'uguma sii? Inni waan jed'eeni, Ee anuma, beeni, hayyichaani, Eliyaani ya d'ufe jed'i. Obadiani waan jed'eeni, Anini maani yake ka atini harka Ahabu keesa na buufte? inni na ijeesa. Maqa AABBO Waaqa kanketitini siti kakhad'a, aka hayyichi lafa ch'ufa keesa si barbaade si d'abe. Hojja hayyuuni lafa tateefu Eliyaani lafa tiyya keesa injiru jed'u Ahabuni hayyu sunini, kakhad'i jed'a, aka inni si inargini. Atini amma, beeni, deemi Eliyaani arma jira jed'iini jetta? Hojja akuma anini deemeni lubbuuni AABBO Waaqa arma si fuute fulla nami imbeenne si geesite, anini maani taha? Duuba hojja anini Ahabuti hime arti si d'abani, Inni na ijeesa. Atini imbeeta anini haguma d'alad'e AABBO Waaqa sodaad'a. Atini aka anini gaafa Yezebelini raagoota AABBO Waaqa hobaafte, raagoota d'ibba toko goda d'akha keesati shantama shantamani d'osse, sagaleefi bisaani kenneefi ind'ageenne, jed'iini nani jetta, inni na ijeesa! Duuba amma tana atini akami beeni hayyuti himi, anini arma jira, jed'iini nani jetta, inni na ijeesa! Eliyaani waan jed'eeni, Anini maqa AABBO Waaqa gudda anini hojad'uni kakhad'a aka anini arra hayyu arge male inteenne. Duuba Obadiani kae gara Ahabu d'aqe, dubbi suni iti hime, Ahabuni kae Eliya argu d'aqe. Ahabuni Eliya arge jennaani waan jed'eeni, Kunini d'aguma sii, ka lafa Israeli balleese? Eliyaani waan jed'eeni, Nami Israeli balleese, ananiti siifi worra keesani, waan isani seera AABBO Waaqa ch'absitani, Waaqa Baali jed'ani gula baatanifi. Amma waan taatu, worra Israeli ch'ufa gaara Karmeliti wolti naa yaani. Ammalle raagoota d'ibba afuritiifi shantama ta Baalitifi raagoota d'ibba afuri ta Ashera, ta hayyiti Yezreelini fiddu natiini kooti. Jennaani Ahabuni worra Israelitiifi raagoota Baali ch'ufa gaara Karmeliti wolti yaame. Eliyaani biyyati d'ufe waan jed'eeni, Isani haga jirtani waan lama jiddu yau illakiftani? Hojja AABBO Waaqi Waaqa taate isa gula baha; ammo yo Baalini Waaqa taate isa gula yaa! Ammo biyyiti woma isa gula indubbanne. Jennaani Eliyaani waan jed'e, Raagi AABBO Waaqa ka hafe anuma ch'alla, ammo raagooti Baali nama d'ibba afuritiifi shantama. Koromi lama gadi nuu kenna; raagooti Baali ha toko fuute qalte gargari ch'irte qoraani guba keetuti — ammo ibida imbobeesiini. Anileeni korma kaani akasuma tolcha. Duuba raagooti Baali ha Waaqa ufi kad'atu, anileeni AABBO Waaqa kad'ad'a; duuba abba ibida gabuuse akanaani kad'a namaa d'agayeti Waaqa d'ugaati. Jennaani biyyiti ch'ufti dubbi suni quufte, hataatu jette. Jennaani Eliyaani waan raagoota Baalitini jed'e, Isanitu nama heddu, korma toko fuud'a na durati qala. Qoraani kana ibidaani intuqina, Waaquma keesani ch'alla kad'ad'a. Jennaani worri korma kennanifi kaani fuud'e qale, haga aduuni guyya gudda geetuti asi Baali iti kad'ate, waan jed'e, Ee Baali, nu ch'aqasi, ammalle worri d'aatu waan sorio irati baasani ka worri jaare suni, mare, olch'ech'eani sirbani, ammo nami owaate dubbi worra jala qabe tokoleeni injiru. Lafti guyya gudda geennaani, Eliyaani worra goyeese waan jed'e, Lalabdani yaamtani ho? Inni Waaqa keesaniniti, inni hegeri muguu jira yokhaani gabaefa, yokhaani imaltu fa jira! Yokhaani hegeri raafu jira kaasu maltani! Jennaani raagooti taani lalabde kad'ate, aada ufi gula bilaafi woraanani ufi mumurte d'iiga ufi keesaa yaaafte. Worri akuma kaani haga lafti galgalooftuti iyyee maraate; ammo taatule nami qonqo worra d'agaye yokhaani worra jala owaate tokoleeni injiru. Duuba Eliyaani waan biyyaani jed'e, Me nati gad'iaad'a jennaani biyyiti iti gad'iaate. Inni fulla sorio AABBO Waaqa iti baasani ta qara balleesani mid'aase, d'akhaa kud'ani lama, gosa kud'ani lama ta ilmaani Yakobo namicha AABBO Waaqi Israeli maqa baase kaani gula fuud'e, d'akhaaye sunini fulla AABBO Waaqa sorio irati baasani jaare. Jennaani fulla suni d'aatu, boola bisaani haga butte toko fuutu qote. Duuba qoraani fulla sorio iti baasani suniti tuule, korma suni qale, fooni isaa qoraani suni gubba naqe waan jed'e, Butte afuri bisaani guuta foonifi qoraani kana gubbati naqa. Worri bisaani keesaa naqe jennaani. Ammalle iti deebia jed'eeni, Worri ammalle iti deebie, jennaani ammalle akasuma iti deebia jed'e worri iti deebie. Bisaani suni fulla sorio irati qalani taani ira jigani, boola inni d'aatuti qote taani guutani. Galgala yoi sorio baasani gahe jennaani Eliyaani fulla sorio irati qalani suniti d'iaate Waaqa kad'ate waan jed'e, Ee AABBO, Waaqa Abrahamutifi ka Isaaqotifi ka Yakobo, arra ha beekhani aka atini d'uguma Waaqa Israeli, ammalle aka anini hojattuuni tante waan kana ch'ufa jecha kanke gula tolche. Ee AABBO, na d'agayi! Na dagayi AABBO! Aka gumiini tunini ch'ufti, aka atini AABBO Waaqa beete, ammalle aka atini worra gara kanke deefatu, hubatu. Jennaani AABBO Waaqi ibida gubbaa gabuuse, ibidi sunini foonifi qoraanifi d'akhaaye taanile ch'ufa gube lafa gogose, bisaani kaanileeni ch'ufti fooqatani. Biyyiti waan kana ch'ufa garte jennaani lafati jijidde, lalabde waan jette, AABBOONI Waaqa, isa male Waaqi d'ibiini injiru! Eliyaani waan worraani jed'e, Raagoota Baali ch'ufa qaqaba, tokoleeni imbahini! Biyyiti raagoota suni ch'ufa qabde, jennaani Eliyaani galaana Kishoniti geese worra ch'ufa fit'e. Jennaani Eliyaani waan hayyu Ahabuni jed'e, Beeni, amma sagale nyaad'i; anini huuru bokaya d'agaya. Jennaani Ahabuni sagale nyaachu d'aqe, Eliyaaleeni gaara Karmeli fiit'e kore lafati gadi jed'e, mata isaa kaarra jilba isaa lamaani keeyate. Duuba waan hojattu isaatini jed'e, Beeni, gara baariini fuula deefad'i, achi laali. Hojattuuni taani deemte, deebite waan jetteeni, Anini woma inagarre. Maro torba Eliyaani akasuma isa erge, innileeni ka woma inargini akasuma maro jaa deebie. Ammo maro torbeeso deebinaani waan jed'e, Anini dumansa diqa toko, ka haga harka namaa, ka Baariini keesaa gadibahu arge. Eliyaani waan hojattu isaatini jed'e, Gara Ahabu d'aqi waan jettuuni, Gaari kanke ka fardi hirkisu yaabad'i, ato bokeeni si ind'aqamne kai gali. Jennaani maro tokotu jaldooni dumansa gubba ch'ufa qabate, bubbeeni bubbifte, bokeeni gubbaa baafate. Ahabuni gaari isaa yaabate, kae gara Yezreeli iti d'aabate. Eliyaani woya mart'ifate, jabeenna irree AABBO Waaqatini Ahabu dura haga Yezreeli utaale. Hayyu Ahabuni waan Eliyaani tolche ch'ufa ammalle aka inni raagoota Baali ch'ufa hobaase niiti isaa Yezebeliti hime. Jennaani isiini qoonqo Eliyaati ergite waan jette: Waaqi na ijeesinna, hojja anini bori aka atini raagoota suni ijeefte si inijeesiini. Duuba Eliyaani qoonqo suni d'ageennaani sodaate, aka lubbu ufi baasu hojattu isaa fud'ate kae, dira Beersheba ka lafa Yuda keesa jiru, baqate. Achiti hojattu isaa lakise, ufi guyya suni ch'ufa lafa aloo keesa deema oole. Jennaani ato deemu ejate gaadisa mukha jala tae, Waaqaani, lubbu na keesa fuud'i, hojja anini due ira na jirti jed'e. Duuba inni mukha kaani jala gach'iise rafe. Jennaani malaikaani d'ufte isa kaafte waan jetteeni, kai waan kana soorad'i. Inni kae ufi bira millate qit'afi sorora bisaani d'aatu mata ufiti arge, nyaate, d'uge deebie gach'iise. Malaikaani AABBO Waaqa ammalle iti deebite isa kaafte waan jetteeni, Kai, sagale soorad'i, imaltuni siti guddo. Eliyaani kae nyaate d'uge, akanaani jajabaate, bulti afurtama gara gaara qulqullo Sinai jed'ani miilaani deeme. Artini bahe jennaani goda d'akha toko seene bule. Jennaani AABBO Waaqa isaani dubbate waan jed'eeni, Eliya, maani armaa tolfata? Inni waan jed'eeni, Ee AABBO Waaqa gudda, anini haguma duriti siuma ch'alla hojad'e, ammo worri Israeli wold'aqisa sii woliini tolfate ch'abse fulla sorio irati si baasani balleese raagoota tante ch'ufa fit'e. Nami hafe naa ch'alla, anale amma ijeesu fed'ani! Jennaani AABBO Waaqi waan jed'eeni, Gadibai me, gaara gubba na dura eji. Jennaani AABBO Waaqi d'aatu isaa dabre, bubbe jabdu gaara ch'ach'absite d'akha fafalansitu gadi buuse — ammo AABBO Waaqi bubbe suni keesa injiru. Bubbeeni taani dabarte jennaani lafti chochote — ammo AABBO Waaqi chochoiti lafa suni keesale injiru. Eegi lafti chochote ibidi d'ufe — ammo AABBO Waaqi ibida sunile keesa injiru, duuba eegi ibida suni, qoonqooni toko laato d'ufte. Eliyaani qoonqo suni d'agaye jennaani woya ufitiini fuula hagogate gabahe afaani goda eje. Jennaani qoonqooni d'ufte waan jetteeni, Eliyaa, maani armaa tolfata? Inni waan jed'eeni, AABBO Waaqa gudda, anini haguma duriti siuma ch'alla hojad'a, ammo worri Israeli wold'aqisa duri sii woliini tolfate ch'abse, fulla sorio irati si baasani balleese, raagoota tante ch'ufa fit'e. Nami hafe naa ch'alla, anale amma ijeesu fed'ani. AABBO Waaqi waan jed'eeni, Beeni, lafa aloo ta d'aatu Damaskiti deebii, duuba dira suni — seeni, Hazaeli muudi, hayyu Shamu tolchi; Yehu ilma Nimshile muudi, hayyu Israeli tolchi. Ammalle Elisha, ilma Shafathi, ka worra Abel-Mehola, muudi, fulla tante raaga tolchi. Nama baqate Hazaeli duraa bahe Yehuti hobaasa, ammalle ka Yehu duraa bae Elishati hobaasa, ammo taatule anini nama kuma torba, ka Israeli, ka Baali gula bahe d'ungate durati jilbifate inkad'atiini, imbaasa. Eliyaani kae iti d'aabate, Elisha ilma Shafathi, ka tae qotiyoni lafa qotu jiruni bahe; karaaba t'indi kud'ani tokoti isa dura yaa, ammo inni ka eegeetini qotu jira. Eliyaani woya ufi ufira fuud'e Elishati uyise. Jennaani Elishani qotiyo lakise, Eliyaa gula utaale waan jed'eeni, Eegi, abbaafi haad'a tiyyaani nagayati jed'e, Duuba si gula d'ufa. Eliyaani waan jed'eeni, Hayye, beeni deemi, anini si ind'owu! Jennaani Elishani karaaba isaa ta qotiyo taani qaqale, qaampara isii ch'ufa qoraani tolche, bobeese, fooni sunini d'aabe biyyaani gololche. Duuba kae, Eliya gula deeme qarqaare. Benhadadini hayyu Shamu, askarti ufi ch'ufa wolti yaame, hayyoota sodomi lama ta fardaafi gaari fardi hirkisu qabdu woliini yaani Samaria marsani had'u d'aqani. Inni qoonqo dira Samaria suniti erge waan Ahabu hayyu Israelitini jed'e, Hayyu Benhadadini waan sini jed'u; qarsifi worqifi nad'eenifi ijoolleeni tante dadansaleeni ch'ufti tiyyuma, jibbaad'i, naa lakisi. Ahabuni waan jed'eeni, Ee hayyicha, la d'agaye, hataatuti anaafi wonti anini qabu ch'ufti teetuma. Jennaani ammalle qoonqooni d'ibiini gara Benhadaditi d'ufte waan jette: Anini qoonqo siti erge, qarsifi worqifi nad'eenifi ijoolle tante jibbaad'i naa lakisi sinjed'e. Ammo amma tana anini askarti tiyya siti erge mana kanketifi ka hojattu tanteeti ch'ufa soqad'a, waan feetani ch'ufa keesa guurad'a jed'ani. Worri bori hojja akana tana achi d'ufa. Jennaani Ahabuni jaarole lafa isaa ch'ufa wolti yaame waan jed'eeni, Inagartaniyu, nami kunini nu balleesu fed'a. Inni qara qoonqo nati erge, nad'eenifi ijoolleefi qarsifi worqi tante jibbaad'i na lakisi nani jed'e anileeni hayye hataatu jed'eeni. Jennaani jaaroleefi gumiini ch'ufti waan isaani jette, Dubbi suni ee jette jala inqabini. Duuba inni worra qoonqo Benhadaditini d'ufeeni waan jed'e, waan hayyichaani jettani, Dubbi qara taani la ee jed'e, ammo ta eege tana indandau. Jennaani worri kaani kae yae, ammalle qonqo Benhadadi d'ibiini gadi dachae waan Ahabuni jed'e, Benhadadini waan jed'u, Hojja anini nama dira keesani kana balleese d'ukeese, d'uke isaa fuud'e natiini galu isaniti inergini, waaqi na balleesina! Ammo Ahabuni waan jed'eeni, waan isani Benhadadini jettani, Abbaani duula haga nyaapa had'e dabsate ufi arguti fayyuma tana durati ufi d'aadaa indeemu. Benhadadini ka hayyoota goli isaa taani woliini farso waaro keesati d'ugu jiru d'aamsa Ahabu kaani d'agaye jennaani askarti ufi wolti baase aka worri dira suni had'u kurfeese, worrileeni hojuma suni kurfae. Jennaani hojuma suni raagi toko gara hayyu Ahabu d'aqe waan jed'eeni, AABBO Waaqi waan siini jed'u, Duula gudda muumme inqamne suni ind'eetini! Anini arra worra ch'ufa harkuma kanketi kenna, duuba atini aka anini d'uguma AABBO Waaqa akasiini beeta. Ahabuni, nami qara durati had'u eenu? jed'e gaafate jennaani raagi, si jed'eeni. Duuba hayyichi askarti kakaima ta jara arda lafa suniti mataa jala jirtu gayyaame, askartini suni ch'ufti wolti nama d'ibba lamafi sodomi lama. Duuba eege inni askarti Israeli ta haga kuma torba geetu gayyaame. Worri guyyuma guddaani, ka Benhadadifi hayyooti — sodomi lama ta goli isaa taani ufuma teteete waaro ufi keesati farso d'uuddu, d'ufe had'e. Askartini kakaimi taani dura yaati. Askartini Benhadadini dooyaa erge dachaate waan jetteeni, Duulati gara Samariati d'ufu jira. Inni waan jed'e, Ato worri nagaya barbaada yokhaani woraana yaele innijeesina, ch'ufa akanumati boojia kootaani. Askartini kakaimi taani ta askartini Israeli eege yaatu, d'ufte, worri ch'ufti worra kaani namu nama toko toko ijeese. Worri Israeli worra reebe, ammo Benhadadini askarti fardaa fud'ate kara d'ibiini baqate bahe. Hayyu Ahabuni worra suni reebe, fardaafi gaari fardi hirkisu iraa qabe, akanaani worra suni aka hama dabsate balleese. Jennaani raagi gara hayyu Ahabu d'ufe waan jed'eeni, Beeni, askarti tante jabeesi, aka dansaa irre iti tolchi, mala d'aifi, wonti akanatiifi ganna gad'ufi hayyuuni Shamu ammalle d'ufeti isani had'a. Hojatuni hayyu Shamu waan isaani jette, Waaqi Israeli Waaqa gareeniti, tanaafi worri Israeli nu dabsate, ammo hojja nu diida keesati wolhaanu inuma dabsanna. Amma waan taatu, hayyoota sodomi lama taani huji worraa taani keesaa baasi fulla worra suni nama d'ibi gugurda askarti tolchi. Duuba duula gudda aka duula qara ka dabsatani kaani baasi, ka fardaafi gaarini fardi hirkisuleeni haguma qara kaani gahu. Yo diida keesati worra Israeli haane maro tana inuma dabsanna. Hayyu Benhadadini ee jed'e mala worra gula bahe. Ganni gahe jennaani askarti ufi wolti yaame dira Afekiti worra Israeli had'u iti d'aabate. Worra Israelile akasuma wolti yaamani lolaa kurfeesani; duuli worraa dira keesaa bahe, fuula worra Shamuti deefate fulla lama ch'ibra tae. Worri Israeli hojja worra shamu ka lafa ira dabre sunini wolti laalani, ree murnya lama fakaata. Raagi gara Ahabu d'aqe waan jed'eeni, AABBO Waaqi waan jed'u, Waan worri Shamu kunini, inni waaqa diidatiniti waaqa gaareeni male jed'eefi, anini duula worra ka muumme inqamne kana harka keetiti kenne, duuba siifi worri kanke aka anini d'uguma AABBO Waaqa hubattani. Bulti torba worri Shamutifi ka Israeli akanumati ka woli inhad'ini gamuma woldaawate. Guyya torbeeso wolhad'ani, worri Israeli worra Shamu nama kuma d'ibba toko hobaase. Ka hafeleeni baqate, dira Afeki duude, d'akhaani marsani dira sunini jaarani worrati jige nama kuma diddami torba hobaase. Benhadadileeni baqate, dira seene, mana toko keesati d'okhate. Hojattuuni isaa gara isaa d'at'e waan jetteeni, Me ilaali, hayyooti Israeli naasu qabdi d'ageenne, tanaafi nu woya ch'arqi naqanne, haada mormati mamaranne gara isaa d'anna, gaafiini inni lubbu si baasafa. Duuba worri ch'arqi naqate, haada mormati maraate, gara Ahabu d'aqe waan jed'eeni, hojattuuni tante Benhadadini, lubbu na baasi sini jed'a. Ahabuni waan jed'eeni, Inni ammalle injira? Dansa, inni oboleesa kiyya! Hojattuuni Benhadadi ta qara dubbi dansa isa iraa eeguti jirtu aka inni oboleesa kiyya jed'u d'ageete jennaani, dubbi suni maachite, waan jette, Ee d'uguma, inni oboleesa keeti! Ahabuni waan jed'eeni, Beena, natiini koota. Benhadadini d'ufe jennaani Ahabuni gaari ufi yaabachiise. Benhadadini waan jed'eeni, Dira duri abbaani kiyya abba kanke iraa fuud'e ch'ufa si deebise, atileeni akuma abbaani kiyya dira Samaria keesa Gabaya tolfate, atileeni Damaski keesa gabaya tolfad'i. Ahabuni waan jed'eeni, Maro atini akana jetteefi, anini si gad'iisa. Duuba worri akanaani wold'aqe, inni isa gad'iise. Jecha AABBO Waaqa gula gumi raagoota keesa raagi toko waan raagoota wahela isaa nama tokooni jed'e, Na d'ai. Ammo inni d'au dide jennaani, inni waan jed'eeni, Waan atini dubbi AABBO Waaqa dideefi, akuma atini na bira deemtuuni nyeench'i nyaate si ijeesa. Jennaani akuma inni kae deemeni nyeench'i d'ufe isa ijeese. Jennaani raagumani kaani gara raaga d'ibi d'aqe, Na d'ai jed'eeni. Jennaani raagi kaani akuma inni jed'eeni isa d'ae madeese. Jennaani raagi kaani aka nama ufi wollalchisu woya fuulati hagogate, d'aqe kara d'aatu eje hayyu eege. Jennaani ato hayyuuni arti dabru jiru, inni iti lalabe waan jed'eeni, Ee hayyicha, ato anini nyaapani woli had'uti jiru, askartichi toko nama nyaapa ka inni boojie toko nati kenne, jabeesi nani jed'e, Yo inni siraa baqate si ijeesani yokhaani qarsi kuma sadi baafta nani jed'e. Ammo ato anini tae waan d'ibi hojad'u namichi kaani kae baqate. Hayyichi waan jed'eeni, Atini ya ufumaani wollaala ufiti murte, tanaafi akasuma sii tolchu malani. Jennaani raagi kaani woya taani fuula ira fud'ate, duuba hayyichi aka inni raaga hubate. Duuba raagi kaani waan hayyuuni jed'e, AABBO Waaqi waan jed'u: Waan atini nama anini, Ijeesi jed'e, lubbu baafteefi, fulla isaa atini doote, askarti tantele ch'ufa balleesani, waan worri askarti suni gad'iiseefi. Jennaani hayyichi, ka nahe mudame aka hama laalefatu, worra ufi ka Samariati gale. D'aatu mana hayyu Ahabu Yezreeli keesa oobru zabibu ta namicha Nabothi jed'ani tokoti jira. Jennaani guyya toko Ahabuni waan Nabothini jed'e, oobru tante ta zabibu naa kenni, isiini Mana kiyyati aanti anini sagale keesati oobrachu fed'a. Anini fulla isii oobru zabibu dansa d'ibi sii kenna, yokhaani yo atini feete, beese sii baasa. Nabothini waan jed'eeni, Anini oobru tana ababo kiyya iraa d'aale; Waaqi na didinna, yo anini sii kenne! Ahabuni dubbi Nabothini jed'eeni taani iraa laalefate, dallane kae worra ufiti gale, sire gubba ch'iise, fuula manati deefate sagale nyaachu dide. Niitiini isaa Yezebelini gara isaa d'ufte waan jetteeni, Atini maafi akana laalefate sagale nyaachu didda? Inni waan jed'eeni, maro dubbi Nabothini nani jed'eefi, akana tahe. Anini oobru tante ta zabibu siraa bitaa, yokhaani ta d'ibi sii kenna, jennaani inni dide! Yezebelini waan jetteeni, Atini hayyu mo maani? Kai, garaa jabaad'i, sagale nyaad'i, oobru Nabothi ta zabibu anumati sii kenna! Jennaani isiini maqa Ahabutini tatabe t'aafte, beesisa isaa ira keete, jaaroleefi worra gugurda Yezreeliti kennite. Tatabe suni keesati isiini waan jette, guyya toko tolcha, ka nami ch'ufti agabu oolu, biyya ch'ufa wolti yaama, barch'uma guddinna Nabothi kenna. Duuba nama hamama lama isa d'aatu tetesisa, worri suni ha, Nabothini Waaqafi hayyule arabse jed'e biyyati himuti. Duuba dira keesaa baasa, d'akhaani d'aana ijeesa. Jennaani jaaroleefi worri mata dira Yezreeli waan Yezebelini jetteeni tolche. Guyya nami ch'ufti agabu oolu tolfatani biyya wolti yaamani, barch'uma guddinna Nabothi kennani. Worri hamani kaani d'aatu isaa tatae, waan biyyaani jed'e, Nami kunini Waaqafi hayyu arabse, jennaani dira keesa allaati baasani, d'akhaani d'aanani ijeesani, qoonqo gara Yezebeli ergani waan jed'ani Nabothi ya ijeesani. Yezebelini akuma qoonqo suni d'ageeteni, waan Ahabuni jette, Nabothini ya due, kai, oobru isaa ta zabibu ta inni siti gurguru dide fud'ad'i. Hojuma suni Ahabuni kae, oobru taani fud'achu d'aqe. Jennaani AABBO Waaqi waan Eliya, raaga Tibshe d'ufeeni jed'e, gara hayyu Ahabu, ka Samaria jiru d'aqi; inni oobru Nabothi fud'achu d'aqe, achi jira. Waan jettuuni, AABBO Waaqi waan siini jed'u, atini namicha ijeefte ammalle oobru isaa fud'atta? Waan jettuuni, AABBO Waaqi waan sinjed'u. Fulluma saareni d'iiga Nabothi iti arraabde suniti keetile arraabdi! Ahabuni Eliya arge jennaani waan jed'eeni, Atini, nyaapa kiyya, ammalle ya na d'aqabde? Eliyaani waan jed'eeni, Ee, ya si d'aqabe. Atini ya ufi baafte, aka waan hamtu ch'alla AABBO Waaqa durati tolchitu, tanaafi AABBO Waaqi waan siini jed'u, anini badi sitiini d'ufe sifi nama d'iira kaimafi jaarsale ch'ufa ka worra keesani lafa iraa balleesa. Worri keesani aka worra Yeroboamu ilma Nebatetifi worra Baasha ilma Ahiya taha; wonti akanatiifi atini aka taka inargini na dallansiifte, worra Israelile ch'ubbu keesa buufte. Ammalle AABBO Waaqi waan Yezebeli waan jed'u, Sareeni d'ufte nafa isii dira Yezreeli keesati nyaati. Nama fiit'a tanteeti ka dira keesati duu sareeti nyaata, ammo ka alati duu allaatiti nyaata. (Nami tokoleeni ka aka Ahabu ufi baase waan hamtu AABBO Waaqa durati tolche injiru waan suni ch'ufa niiti isaa Yezebaliti isa tolchisise. Inni ch'ubbu hamtu ch'eera tolche, waan harkaani boch'ani kad'ate, akuma worri Amori, ka AABBO Waaqi worra Israeli duraa gusse, tahe.) Eliyaani dubbi tana buufate jennaani, Ahabuni woya ufi tarsaase, baafate, ch'arqi naqate. Inni sagalele nyaachu dide, woya ch'arqi sunini bule, fuula yakate, miira hamaate, ufuma dedeeme. AABBO Waaqi waan raaga Eliyaani jed'e, Atini aka Ahabuni na durati ufi diqeese agarte? Waan inni akana taheefi, haga inni jiru amma gaargala itiini ind'ufu; ammo gaafa ilmi isaa hayyu tahu gaargala worra isaatini d'ufa. Haga ganna lama worri Israelitiifi ka Shamu nagayaani woliini tae, ammo ganna sadeeso hayyuuni Yuda ka Yehoshefathi jed'ani hayyu Israeli argu d'aqe. Ahabuni waan jara isaatini jed'e, Nu maafi ch'allimne ufuma teteenna, ka diri Ramothi ka Gileadi harka hayyu Shamu keesa jiru; d'anne fud'anne ho? Duuba inni waan Yehoshefathini jed'e, Dira Ramothi deemne woliini haane ho? Yehoshefathini waan jed'eeni, Hayye, anaafi askarti tiyyafi fardooleeni tiyyaaleeni ch'ufti kurfo jirra. Ammo qara eegi, ato iyyaane Waaqa kad'anne gorsa iraa fud'anna. Jennaani Ahabuni raagoota nama d'ibba afuri wolti yaame waan jed'eeni, Dira Ramothi inhad'a mo inhad'u? Worri waan jed'eeni, Ee beeni had'i, AABBO Waaqi harka kanketiti worra kenna. Ammo Yehoshefathini waan jed'eeni, raagi d'ibiini injiru, ka nu gorsa AABBO Waaqa iraa fud'annu? Ahabuni waan jed'eeni, Ee, toko d'ibiti jira, ka Mikaya ilma Imla jed'ani. Ammo anini isa injibba; wonti akanatiifi inni waan hamtu male waan dansa na infagu. Yehoshefathini waan jed'eeni Akasi, injed'ini. Jennaani Ahabuni namicha hojatu toko Mikayati erge, Hurrisi, kooti jed'eeni. Hayyooti lamaani taani miha hayyu naqatte, barch'uma ufi ka hayyuma, fulla oobdi, ta fulla fullo dira Samaria jirtu, d'ad'aabatte ira teteete. Duuba raagooti ch'ufti worra dura ejaanjite faddi. Raagi toko, ka Zedekia ilma Kenaana jed'ani, Sibiila aka gaafa mid'aase waan Ahabuni jed'e, AABBO Waaqi waan jed'u. Gaafa kanaani worra gosa Shamu haatani dabsattani. Raagooti taani ch'ufti afaani takaa dubbatte waan jette, Ramothi d'aqi, AABBO Waaqi worra dira suni harka kanketi keenna. Namichi Mikaya yaamu d'aqe kaani waan jed'eeni raagooti taani ch'ufti yayu afaani takaa dubbate waan dansa hayyu fadde, atinileeni akasuma waan dansa dubbatte hayyu fagu malte. Ammo Mikayaani waan jed'eeni, Anini maqa AABBO Waaqatini kakhad'a, aka waan inni, Jed'i, nani jed'u ch'alla jed'u! Inni fulla hayyu Ahabu d'ufe jennaani hayyuuni waan jed'eeni, Mikaya, nu Ramothi haana mo inhaanu? Mikayaani waan jed'eeni, Beena, had'a, AABBO Waaqi inuma isani dabsachiisi. Ammo hayyichi waan jed'eeni, Hojja maqa AABBO Waaqatini nani dubbatu, d'uga dubbad'i! Maro hagami siti himu male? Mikayaani waan jed'eeni, Anini worra Israeli ch'ufa ka gaareeni gubba firfirsani, hooliye tissitu inqamne fakaatu arga. Ammalle AABBO Waaqi waan jed'u, Worri kunini abba inqabu; ha namu nagayaani galuti. Ahabuni waan Yehoshafathini jed'e, Anini, inni waan hamtu male dansa na infagu sini injinne? Me ilaali! Ammalle Mikayaani waan jed'e, Amma waan AABBO Waaqi jed'u ch'aqasi! Anini AABBO Waaqa ka barch'uma ufi ira tau gubbati arge, ka malaikaani isa mirgaafi bita isaa enjaanjitu. AABBO Waaqi waan jed'e, Eentu Ahabu soba, aka inni deeme Ramothiti duu? Malaikaani gari waan taka jette, ammo ta gari waan d'ibi jette. Jennaani jinnini toko AABBO Waaqa duraa d'ufte waan jetteeni, Anati isa soba. AABBO Waaqi, akami sobda? jed'e gaafate. Jinnini waan jetteeni, Anini deeme raagoota Ahabu ch'ufa kiyyibsiisa. AABBO Waaqi waan jed'eeni, Beeni, isa sobi, inni inuma sobama. Duuba Mikayaani waan jed'e, AABBO Waaqi yayu raagoota tante tana ch'ufa kiyyibsiise. Ammo isumati si balleesu fed'a! Jennaani raagi Zedekiani Mikaya d'abanaase waan jed'eeni, Lubbuuni Waaqa yoomi na bira deemte sini dubbate? Mikayaani waan jed'eeni, Gaafa atini mana kanke seente keesati d'okhate waan suni garta. Jennaani hayyuuni Israeli waan jed'e, Mikaya qaba, gudda dira kana ka Amoni jed'anifi Yoashi ilma kiyyati geesa. Waan jettaniini, Hayyichi waan jed'u, Nama kana mana hid'aansa keesa buusa, qit'a gogafi bisaani ch'allaani gololcha, hagu anini nagayaani galuti. Mikayaani waan jed'eeni, Yo atini d'uguma nagayaani galte, isani nami ch'ufti d'uga na taha! Jennaani hayyuuni Israelitiifi hayyuuni Yuda ka Yehoshefathi jed'ani, dira Ramothi ka Gileadi woliini had'u d'aqani. Ahabuni waan Yehoshefathini jed'e, Anini woya tiyya jijirad'e, nama d'ibi ufi tolche had'u d'aqa, ammo atini woyyuma tante ta hayyuutini had'u d'aqi. Duuba hayyichi Israeli woya jijirate, nama d'ibi ufi tolche had'iisa d'aqe. Hayyichi Shamu qara waan nama sodomi lama ka askarti isaa ta gaari fardi hirkisuti matatiini jed'e, Hayyu Israeli male, nama d'ibi tokole inhad'ina. Duuba worri Yehoshefathathi arge jennaani hayyu Israeli sehani iti gorani isa had'ani. Ammo inni iyye jennaani, worri aka inni hayyu Israeli intahini hubate, isa had'u lakise. Ammo askartichi Shamu toko danu t'iya darbe, hayyu Israeli fulla mihi isaa ka lola woltiini eju worraani. Jennaani hayyichi waan nama gaari isaa oofuni jed'e, Anini ya madae, had'iisa iraa nu deebisi! Ka had'iisa aka male jabaachu jiru, hayyu Ahabu gaari isaa keesati fuula worra Shamuti deebisani jabeesani qabani. D'iigi isa keesa yau gaari isaa jala guute, lafti galgalomnani ch'iche. Ka aduuni d'ia raraate askarti Israeliti lalabani, waan jed'ani, Nami ch'ufti lafafi dira keesa baataniti gala. Akanaani hayyu Ahabuni due, reefa isaa Samaria geesani achiti awaalani. Gaari isaa fulla haro Samaria fulla sareeni d'iiga isaa arraabde sharmut'i nafa iti d'iqatuti d'iqani, akuma AABBO Waaqi jed'e kaani. Waan hayyu Ahabuni tolche, mana ilka arbaatini ch'okhani ka inni jaareefi dira inni jaare ch'ufa kitaaba Odu Hayyoota Israeli keesati t'aafaniti t'aafani. Inni due jennaani ilmi isaa Ahaziani fulla isaa hayyu tahe. Ganna afreeso ka Ahabuni hayyu Israeli tahe, Yehoshefathini, ilmi Asa, hayyu Yuda tahe. Ganni isaa gaafasi sodomi shani, duuba eege inni ganna diddami shani Yerusalemu keesa lafa mohate. Haad'a isaa maqaani Azuba, isiini dubra Shilhi. Akuma abba isaa Asa inni waan AABBO Waaqi fed'u ch'alla tolche, ka diqole iraa ingorini; ammo fulla waaqa d'ara iti kad'atani, ta gaareeni gubba, imballeesine, biyyiti achiti sorio baafte hit'aana aarsu illakimne. Yehoshefathifi hayyuuni Israeli nagaya wolti buufatani woliini taani. Waan Yehoshefathini tolche ch'ufafi jannooma isaatiifi woraana inni lole ch'ufa kitaaba Odu Hayyoota Yuda keesati t'aafaniti t'aafani. Inni sharmut'a d'iiratifi ka uwa, ka duri abbaani isaa Asani lakise ch'ufa lafa keesaa balleese. Lafti Edomu hayyu inqabdu, tanaafi hayyuuni Yuda nama hayyu jala hojattu hayyu isii tolche. Yehoshfathini hobolo gugurdo bunaqa mid'aafate, lafa Ofiriti erge, achi worqi guurate; ammo hobolo suni Esioni — Geberiti ch'ach'abde achumati hafte. Jennaani Ahaziani, ilmi Ahabu, waan Yehoshefathini jed'e, Jari kiyya ha jara kanke woliini hobolo yaabate yauti, ammo Yehoshefathini dubbi suni isa jalaa dide: Yehoshefathini due jennaani irreesa hayyoota, ka dira Daudi, keesati awaalani, duuba ilmi isaa Yehoramuni fulla isaa hayyu tahe. Ganna kud'ani torbeeso ka Yehoshefathini hayyu Yuda tahe, Ahaziani, ilmi Ahabu, hayyu Israeli tahe, ganna lama Samaria keesa lafa mohate. Inni faanuma abba isaa Ahabutifi haad'a isaa Yezebelitifi hayyu Yeroboamu ka Israeli ch'ubbu keesa buuse gula bahe AABBO Waaqa durati ch'ubbu tolche. Inni Baali kad'ate hojateefi, ammalle akuma abbaani isaa AABBO Waaqa Israeli dallansiise. Eegi hayyu Ahabuni due, worri Moabu finna worra Israeli dide. Hayyu Ahaziani mana isaa ka Samaria, jiru iraa d'aqate aka hama wotahe. Tanaafi inni nama gara Baal-Zebubu, waaqa dira Ekroni, erge waan jed'eeni, Anini infayya mo infayyu? jed'aa na gaafad'a. Ammo malaikaani AABBO Waaqa waan Eliya worra Tishbitini jette, Kai, gara jara hayyu Ahazini erge d'aqi, waan jettuuni, Atini maanifi Baal-Zebubu waaqa Ekroni wogaafata? Atini waan waaqi Israeli keesa jiru inseetu? Waan atini hayyuuni jettu, AABBO Waaqi waan jed'u sire ira ch'iiftu suni fayyite iraa inkaatu, inuma doota! Eliyaani dubbi AABBO Waaqi isani jed'e guute, jari ergani kaani kae, hayyuuti deebie. Inni, maafi gadi dachaatani? jed'e worra gaafate! Worri waan jed'eeni, Nami toko nuni bahe waan nuni jed'e, Beena, hayyu isani ergeti dachaa waan jettaniini, AABBO Waaqi waan jed'u, Atini maanifi nama gara Baal-Zebubu waaqa Ekroniti ergita? Atini waan Waaqi Israeli keesa jiru inseetu? Sire ira ch'iiftu suni fayyite iraa inkaatu, inuma doota! Hayyichi waan jed'eeni, Nami sunini nama akami jiru? Worri waan jed'eeni, Inni woya goga hori ira mid'aasani gurda gogatini ufiti hid'e deemani. Hayyichi waan jed'e, Yabeekhe, laki sunini Eliya. Jennaani inni namicha askarti shantamati mata toko gara Eliya ka gaara gubba jiruti erge waan jed'eeni, Ee, nama Waaqaa, hayyuuni gabui sini jed'a. Eliyaani waan jed'eeni, Yo anini nama Waaqa taate, ibidi ha gubba gad'ufe siifi jara kankele balleesu! Hojuma suni ibidi gadi bue namichafi jara isaa hobaase. Hayyichi nama askarti shantamati mata toko d'ibi jara isaa woliini erge, worri d'ufe waan Eliyaani jed'e, Ee nama Waaqaa hayyuuni, hurrisi, gabui sini jed'a! Eliyaani waan jed'eeni, Yo anini nama Waaqa taate, ibidi ha gubba gad'ufe siifi jara kankele balleesu! Hojuma suni ibidi gara Waaqati gabue, namichafi jara isale balleese. Ammalle hayyichi nama askarti shantamati mata toko d'ibi jara isaa woliini erge. Inni gaara kore Eliya durati jilbifate kad'ate waan jed'eeni, Ee nama Waaqaa, anaafi jara kiyya nahi, lubbu nu baasi! Worra askarti mata kaani lamaanifi askarti worrale ibidi gubba d'ufe, balleese, ammo atini na nahi, lubbu na baasi! Malaikaani AABBO Waaqa waan Eliyaani jette, Insodaatini, beeni gabui, isa woliini yaa. Jennaani Eliyaani kae, namicha kaani woliini gara hayyu d'aqe waan jed'eeni, wonti AABBO Waaqi sini jed'u tana: Waan atini Baal-Zebubu Waaqa Ekroniti nama ergiteefi — aka waan Israeli keesa Waaqi nami kad'atu injirre — atini amma infayyitu, indoota. Ahaziani akuma AABBO Waaqi Eliyaani jed'e kaani due. Ahaziani ilma inqabu, tanaafi oboleesi isaa Yoramuni fulla isaa hayyu tahe, ganna lameeso ka Yehoramuni, ilmi Yehoshafathi, hayyu Yuda tahe. Waan hayyu Ahaziani tolche ch'ufa kitaaba Odu Hayyoota Israeli keesati t'aafaniti, t'aafani. Guyyaani AABBO Waaqi Eliya bubbeeni gubbati olfuud'u geennaani Eliyaafi Elishani Gilgali kaani yaani. Ato worri yau Eliyaani waan Elishani jed'e, Abbo, atini asuma hafi, AABBO Waaqi ya Betheliti na erge. Ammo Elishani waan jed'eeni, Anini maqa kanketifi ka AABBO Waaqatini kakhad'a, aka si jala inhamne. Jennaani worri Betheliti woliini iti d'aabate. Gumiini raagoota ta achi teetu, gara Elisha d'at'e waan jetteeni, Atini aka AABBO Waaqi arra abba kanke si bira fuud'u beeta? Elishani waan jed'eeni, Ee, imbeekha, ammo waan suni ira imbahiina. Jennaani Eliyaani waan Elishani jed'e, Abbo, atini asuma hafi, AABBO Waaqi ya Yerikoti na erge. Ammo Elishani waan jed'eeni, Anini maqa kanketifi ka AABBO Waaqatini kakhad'a, aka si jala inhamne. Tanaafi worri kae Yerikoti woliini iti d'aabate. Gumiini raagoota ta achi teetu, gara Elisha d'at'e waan jetteeni, Atini aka AABBO Waaqi arra abba kanke si biraa fuud'u beeta? Ee, anini imbeekha, ammo waan suni ira imbahiina jed'e. Jennaani Eliyaani waan Elishani jed'e, Aabbo, atini asuma hafi, AABBO Waaqi yayu galaana Yordaniti na erge. Ammo Elishani waan jed'eeni, Anini maqa kanketifi ka AABBO Waaqatini kakhad'a, aka si jala inhamne. Tanaafi worri kae woliini yae, ammalle raagooti nami shantama worra gula yaate. Eliyaafi Elishani afaani galaana ejaanjani, raagooti shantama taanileeni worra hanqate ejaanjite. Jennaani Eliyaani woya ufi ufira fuud'e, wolti dachaase bisaanini d'ae. Bisaani kaani gargari bahani, isaafi Elishani lafa goddu ira gama kaaniti taakani. Worri achini bahe jennaani Eliyaani waan Elishani jed'e, Ato na si biraa infuune, waan anini sii tolchu nati himi. Elishani waan jed'eeni, Irre atini woini tolchitu haga toko na kenni. Eliyaani waan jed'eeni, Atini waan jabdu kad'atte, ammo yo aka si biraa na fuud'ani agarte, inargata; yo na inargini, inargatu. Worri haasaa iti d'aabate, ato worri yau gaarini nafi isaa ch'ufti ibida, ka fardi isaa hirkisuleeni ch'ufti ibida, jiddu worra lamaani bahe, Eliyaa bubbeeni gubbati olfuute. Elishani waan suni ch'ufa arge jennaani lalabe waan jed'e, Aabbo kiyya, aabbo kiyya, qarqaarsa jaba Israeli! Duuba hagi inni Eliya arge hagasuma. Laalalaani Elishani woya ufi fulla lamati gargari tarsaase, woya Eliya iraa buute fuud'e, kae deebie afaani galaana Yordani eje. Woya Eliya sunini bisaani d'ae waan jed'e, AABBO Waaqi Eliya me? Jennaani maro lameeso bisaani suni d'ae, bisaani gargari ch'itani jennaani inni kae gama kaaniti taake. Raagooti shantama ta Yeriko taani isa agarte jennaani waan jette irreeni Eliyaa ya Elishati hafte! Worri fuula keesa yae durati gajed'e, Waan jed'eeni, Nu nami shantama kunini ch'ufti kaima jajaba, eegi, abbe sii barbaanna. Egeri lubbuuni Waaqa isaa fuute, gaarafa yokhaani balefa keesa isa buufte. Elishani waan jed'eeni, Hiyo indeemina. Ammo worri guddo dubbi suni lakisu dide, jennaani inni waan jed'eeni, Beena barbaada. Worri shantama kae yae, fulla ch'ufa haga guyya sadi barbaade lafaa d'abe. Jennaani Elisha ka Yerikoti worra eegu jiruti dachaani, jennaani inni waan jed'eeni, Anini indeemina isaniini injenne? Nami gari, ka dira Yeriko, gara Elisha d'aqe waan jed'eeni, Aabbo akuma atini gartu, diri kunini fulla dansaa jira, ammo bisaani isaa hamo, nad'eenile garaacha iraa baasani. Inni waan jed'e, Sooda qori hareetiti naqa, natiini koota, worri itiini d'ufe jennaani inni gara maddo suni d'aqe, sooda suni bisaaniti naqe waan jed'e, wonti AABBO Waaqi jed'u tana: Anini bisaani kana inqulqulleesa, aka isaani deebiani nama inijeemne yokhaani nad'eenile, garaacha iraa imbaamne. Duuba bisaani suni arti asi haga arrale qulqullo, akuma Elishani jed'e kaani. Elishani Yeriko bahe Betheli d'aqe, ato inni karaa deemu ijoolleeni d'iira toko dira keesaa d'ufte isa goyeesite. Waan jetteeni, Armaa deemi, seseega molticha! Arma deemi! Elishani iti garagale, maqa AABBO Waaqatini abaare. Jennaani gorjami d'ad'alani lama danqara keesaa gadi bahe, ijoolle suni keesa nama afurtami lama artumati gargari ch'ire hobaase. Elishani kae, gaara Karmeli d'aqe, duuba eege artile bahe Samariati deebie. Ganna kud'ani saddeeti ka Yehoshefathini hayyu Yuda tahe, Yoramuni, ilmi Ahabu, hayyu Israeli tahe, inni dira Samaria keesa ganna kud'ani lama lafa mohate. Inni AABBO Waaqa durati ch'ubbu tolche, ammo haad'afi abba isaa ira gooma; ammalle akheekha abbaani isaa Baali mid'aase kaanile ch'abse balleese. Ammo akuma Yeroboamu ilma Yebati, ka isa durati hayyu tahe inni, worra Israeli ch'ubbu keesa buuse lakisu dide. Meshani hayyuuni Moabu, nama guddo hooliye qabu, duuba ganna ch'ufa inni ilmoole hooliye isaa kuma d'ibba tokotifi hooliye kuma d'ibba toko dabbasa iraa ch'ire, waan kana hayyu Israeliti damoosa baasa. Ahabuni hayyuuni Israeli due jennaani, Meshani waan duri baasu kaani garagale baasu dide. Maro tokotu hayyu Yehoramuni dira Samaria keesa bahe duula isaa ch'ufa wolti yaame. Duuba qonqo Yehoshefathi hayyu Yudati erge waan jed'eeni: Hayyuuni Moabu ya nati gargale; atini wahela na intaatu, aka Moabu had'u d'annu? Inni waan jed'eeni, Hayye dansa, ha tatu, anini kurfo jira aka si qarqaaru, fardooleeni tiyyaafi nami kiyyaleeni ch'ufti kurfo jirani. Kara kami yaana? Yehoramuni waan jed'eeni, Kara d'eera lafa aloo ta Edomu keesa bahu kaani gula yaana. Duuba hayyooti Israelitiifi ta Yudatifi ta Edomu kaate duula woliini yaate; torba karaa bulte jennaani bisaani iraa d'umatani, namaafi hori worri yaunile d'eebuuni balleesite. Hayyuuni Israeli waan jed'e, D'iiro, ya banne! AABBO Waaqi yayu nuu sadeenu harka Moabu keesa nu buuse! Yehoshefathini waan jed'eeni, Raagi arma jira, ka nu AABBO Waaqa wo nuu gaafad'u jennuuni? Namichi hayyu Israeliti hojatu toko waan jed'eeni, Elisha, ilma Shafati ka duri Eliya jala hojatuti arma jira. Yehoshefathini waan jed'e, Inni raaga d'uga, ka dubbi AABBO Waaqa qabu. Jennaani hayyooti sadeeni taani gara Elisha d'at'e. Elishani waan hayyu Israelitini jed'e, Anini maanifi si qarqaara, beeni, raagoota abbeetifi haate gula yaani d'aqi. Ammo hayyuuni Israeli waan jed'eeni, Hiyo, laki, achi ind'aqu, nami hayyoota sadeeni tana harka Moabuti kenne AABBO Waaqa. Elishani waan jed'eeni, Maqa AABBO Waaqa gudda anini hojad'uni kakhad'a, anini sila woma sira inqabu, ammo amma Yehoshefathi, hayyu Yuda, ka goli teeti kana iraa ch'eera. Amma nama sirba beekhu toko naa ga yaami. Ato inni kiraari d'ae sirbuti jiru, irreeni AABBO Waaqa Elisha ira buute. Jennaani inni waan jed'e, Wonti AABBO Waaqi jed'u tana: Laga kana ch'ufa haro keesati qoqota. Ato bokayafi bubbele argu baatani amuma tana laga kana bisaani guutani, isanifi looni keesanifi horiini, keesani ka geejiba ch'ufti d'uddani d'eebu baatani. Elishani ammalle waan jed'e, Wonti kunini Waaqaa woma keesa injirtu, inni worra Moabule harkuma keesaniti kenna. Isani dira worraa jajaba mimid'aaga haatani balleesitani; mukeeni worraa dandansale ch'ufa ch'irtani balleesitani, madda worrale ch'ufa duuchitani, oobru worraa dadansa ch'ufa d'akha iti guurtani balleesitani. Boriyyaate, hojja sorio diirama baasani taani bisaani qajeela Edomuti ga d'ufani lafa ch'ufa fud'atani. Worri Moabu aka hayyooti sadeeni suni worra had'u d'ufte d'agaye jennaani, nama miha lolaatiini yau dandau ch'ufa, diqaafi guddale ch'ufa, wolti yaame, fulla seera lafa suniti wolti baase. Hojja worri bori diirama lafaa kae, aduuni bisaaniti ibsite kayyoni isii suni d'iiga fakeesite. Worri waan jed'e, Woni kunini d'iiga! Hayyooti sadeeni taani ya woli haate wolballeesite! Nu yaasa, d'anneti bulto worraa saamana. Ammo worri fulla sunini bahe jennaani worri Israeli kae, worra had'e ufira deebise, reebuma reebe, worra hobaase, dira worrale balleese. Worri Israeli, ato oobru worraa taani keesa dabru, d'akha iti guure oobru ch'ufa d'akhaani duuche; ammalle madda ch'ufa duuchani, mukeeni worraa dadansa ch'ufa ch'irani. Eege, dira Kea-Haresethi ch'allaati hafe, isaale worri gullubaa marse d'akhaani had'e. Hayyuuni Moabu aka dabsatani arginaani, nama d'ibba torba, ka goraade qabu, fuud'e, irreeni nyaapa isaa kaani keesa dabru fed'e, aka sila gara hayyu Shamuti baqatu, ammo indad'abe. Jennaani ilma isaa ka angafa ka isa gula sila hayyu tahu, fuud'e dallaa d'akhaa ka dira sunini jaarani gubbati qale, waaqa Moabuti sorio baase. Worri Israeli aka taka inargini sodaate, dudda duubati deebie, kae lafa ufiti ufira gale. Niitiini hiyyeetini toko, ta d'iirsi isi qara gumi raagoota keesa jiru, gara Elisha d'at'e waan jetteeni, Aabbo, d'iirsi kiyya ya due! Atini imbeeta, inni nama AABBO Waaqa sodaatu, ammo amma nami inni duri gati isa qabu d'ufe, ilmaani tiyya lamaani fud'ate tisse tolfachu fed'a, aka akanaani gati duri d'iirsi kiyya iraa fuud'e deefatu. Elishani waan jed'eeni, atini ana maani sii tolchu feeta? Mana kanke keesa maani qabda? Isiini waan jetteeni, woma tokole inqabu, dulo d'ad'a toko male. Elisha waan jed'eeni, Ola keesa deemi, dulo duwa haga dandeetu guurad'i. Duuba siifi ilmaani tante mana seena, balbala ch'ufad'a, dulo suni ch'ufa d'ad'a iti naqa, akuma guutanini, ta guutani ch'ufa fulla takaa d'ad'aaba. Duuba niitiini ilmaani isii woliini mana olduudani balbala ch'ufatani; isiini dulo d'ad'a diqo taani fuute, akuma ilmaani isii dulo d'ibiini d'uftuni d'ad'a iti buufte. Duloni ch'ufti guutamte jennaani isiini ilma isiitiini, ta d'ibi na kenni jette. Gurbaani isi toko waan jed'eeni, Duloni eege suni. Jennaani d'ad'ani kaani ch'ite. Isiini d'at'e, waan tahe raaga Elishati himte, inni waan jed'eeni, D'ad'a suni gurguri, gati taani ufi iraa baasi waan iraa hafe siifi ilmaani tante nyaad'a. Guyya toko Elishani Shunemu d'aqe, fulla niitiini dureetiini toko teetu. Jennaani isiini sagale kenniteefi, duuba inni haga guyya suniti asi yo Shunemu d'aqu ch'ufa mana isiiti gore sagale, iraa nyaata. Isiini waan d'iirsa ufitini jette, Anini ya arge, namichi guyya ch'ufa arma bahu kunini nama Waaqati. Kooti, mana diqa toko mana keenna gubbati jaareefi sireefi mesafi barch'umafi ifse iti mid'aasinafi. Duuba hojja inni fulla teenna d'ufu ch'ufa ha achi keesa tauti. Guyya toko Elishani Shunemu d'ufe, mana isaa kaani seene ufiraa gach'iise, waan hojattu isaa Gehazini jed'e, Beeni jaarti suni gayaami. Isiini d'ufte jennaani inni waan Gehazini jed'e waan atini jettuuni, Atini guddo nu jette gaargalte; maani sii tolchu male? Atini ana hayyuuti sii dubbatu feeta mo, ana gudda askartiti sii dubbatu feeta mo, maani feeta? Isiini waan jetteeni, Anini gaargala inqabu, worruma kiyya keesa jira. Elishani waan Gehazini jed'e, Anini maani tolchufi male re? Inni waan jed'eeni, Isiini ilma inqabdu, d'iirsi isiileeni ya jaare. Elishani waan jed'eeni, Me isi gayaami. Isiini d'ufte balbala keesa ejinaani Elishani waan jed'eeni, Mara woga tana atini ilma kanke qomaa qabda. Isiini waan jetteeni, Aabbo, atini nama Waaqati, d'ara nati indubbatini! Akuma Elishani jed'e kaani wogaani sunini marraani isiini ilma deete. Gurbaani jabeefate jennaani, gaafa toko kae, gara abba isa, ka oobru keesa mid'aani biyyaani woliini muru jiru, d'aqe. Jennaani maruma toko iyye waan abbaani jed'e, Mataani na d'ukuba! Mataani na d'ukuba! Abbaani waan hojattu isatini jed'e, Gurba gara haad'a geesi. Namichi hojattu kaani gurba gara haad'a geese, isiini iraa fuute qomati qabate teetteeni. Lafti guyya gudda geennaani, ato isiini harkumaa qabdu, ch'iche. Isiini mana Elishati geesite, sire ira ch'iibsite, balbala ch'ufte, kaate bira iti d'aabate. Jennaani isiini d'iirsa yaamte waan jetteeni, Hojattu kanke tokofi harre na gadi ergi, anini raaga Elisha jed'ani argu fed'a, inturu. D'iirsi waan jed'eeni, Atini maafi arra gara isa d'at'a lafti arra Sabatoniti yokhaani guyya jila baatitiniti. Isiini waan jetteeni, Womaniti, isuma argu fed'a. Jennaani isiini harre kora ira keete, yaabate waan hojattuuni jette, Harre tana aka dansaa gussi, illakisini haga anini lakisi sini jed'uuti. Duuba isiini iti d'aabate, gaara Karmeli fulla Elishani jiru d'at'e. Ato isiini fago jirtu, Elishani aka isiini gadi d'uftu arge, waan hojattu isa Gehazini jed'e, Me ilaali, niitiini worra Shunemu taani gadi d'ufu jirti! Kai, fuula keesa utaali, nagaya fuud'i, Atini fayya, d'iirsi ke fayya, daimi keesani urgaa? jed'i gaafad'i. Isiini, Nu ch'ufti fayya, daimi keennaleeni urgaa jetteeni. Isiini gaara gubbati Elishati d'ufte, miila isaa jalati jidde sarba qabate. Gehazini isi arti kaasu fed'e, ammo Elishani, lakisi, atini aka isiini aka hama laalefatu ingartu? AABBO Waaqi dubbi tana na d'osse woma nati inhimne jed'eeni. Isiini waan jetteeni, Aabbo, anini, ilma naa kenni sini injenne? Anini, na insobini sini injenne? Jennaani Elishani waan Gehazini jed'e, Mart'ifad'i, hurrisi, ule tiyya fud'ad'i, deemi. Nama fuula keesa si d'ufele nagaya infuud'ini, yokhaani yo nagaya si fud'anile jalaa didi. Beeni, mana olseeni, ule tiya tana mata gurba suni ira kayi. Jennaani niitiini waan Elishani jette, Anini maqa kanketifi ka AABBO Waaqatini kakhad'a, aka si biraa indeemne. Duuba worri lachu kae, woliini ke dachae. Gehazini worra dura iti d'aabate, ule Elisha taani mata gurba ira kaye ammo gurbaani suni diqole chochoe ila kaisale ingarsiimne. Jennaani inni gara Elisha deebie waan jed'eeni, Gurbaani inkaane. Elishani artini bahe jennaani, gurba due ufuma sire isaa ira ch'iisu arge. Duuba inni iti olseene, balbala ch'ufate AABBO Waaqa kad'ate. Jennaani inni gurba ira gach'iise afaanifi ilaafi harka ufi ka gurba ira keeyate. Ato inni dirirfate gurba ira ch'iisu, nafi gurba oowe. Jennaani Elishani kae, mana keesa deedeme, ammalle deebie akuma qara kaani gurba ira ch'iise. Jennaani gurbaani maro torba hat'ifate ila banate. Jennaani Elishani Gehazi yaame, beeni had'a gurba yaami jed'eeni, Isiini d'ufte jennaani waan jed'eeni, Gurbaani kanke kuno kana, fud'ad'i. Isiini miila Elishati jidde, galata deebifteefi gurba ufi fud'atte, kaate iti d'aabate. Bara toko, ka lafti ch'ufti beela, Elishani Gilgaliti deebie. Ato inni gumi raagoota barsiisu jiru, inni waan hojattu isatini jed'e, okote guddo ibida ira d'aabi, worra kanaa sagale d'aabi. Gumi raaga suni keesa nami toko aka urgo guuru oobru d'aqe, jennaani buqe ufumaani baatu arge, mid'aani waan suni heddu guure galeeni ka waan isi imbeenne ch'ach'abse okote sagale taaniti naqe. Sagale taani raagootaa baasani, ammo akuma worri afaani keeyateeni worri iyye, waan Elishani jed'e, Ee nama Waaqa, sagaleeni tunini had'aa qabdi, dandeenna inyaannu. Elishani, mid'aani d'akhaani nati kenna jed'e, okote keesa buuse waan jed'e, Amma biyya gololcha. Jennaani sagaleeni sunini mid'aade. Guyya toko namichi toko Baal-Shalisha d'ufe, qit'a diddama ka mid'aani garbu ka qara murani iraa mid'aasanifi mid'aani ashedale Elisha d'ufeeni. Elishani waan hojattu isatini jed'e, sagale tana gumi raagoota tanaa kenni. Ammo namichi waan jed'eeni, Atini waan sagaleeni tunini nama d'ibba toko geetu seeta? Elishani waan jed'eeni, Worraa kenni, ha nyaataniti wonti akanatiifi AABBO Waaqi waan jed'u, sagale nyaatani quufani hambisani. Duuba namichi hojattuuni kaani sagale worraa kenne, worri nyaate quufe hambise, akuma AABBO Waaqi jed'e kaani. Namicha gudda askarti Shamu, ka Naamani jed'ani, toko jira, ka hayyuuni Shamu guddo d'ugeefate ulfeese, wonti akanatiifi AABBO Waaqi maro Naamanitifi askarti Shamu nyaapa dabsachiise. Inni nama jaba janna toko, ammo d'ukuba hama aka qomaat'a qaba. Askartini Shamu, gaafa Israeli haate toko, intala diqo toko boojite; intalti sunini eege hojattu niiti Naamani taate. Guyya toko isiini waan niiti Naamanitini jette, Sila, ato tiyya, abbaani kiyya raaga Samaria tau d'aqa aka inni isa fayyisu. Naamanini dubbi tana d'agaye jennaani, gara hayyu d'aqe waan jed'eeni, Intalti worra Israeliti d'ufte taani akana nani jette. Hayyuuni Shamu waan jed'eeni, Tatabe tana fuud'i, gara hayyu Israeli geesi. Jennaani Naamanini kae, qarsi kuma sodomatifi worqi kuma jaatiifi woya kud'ani, ta jilaani tolfatani, fuud'e, iti d'aabate. Tatabe inni deemuni taani waan kana keesati t'aafani. Nami tatabe tanani deemu Naamani, gudda askarti tiyya. Anini sii isa d'ukuba fayyiftu fed'a. Hayyichi Israeli tatabe suni soome jennaani laalefate, woya tatarsaase waan jed'e, Hayyichi Shamu akami nama kana fayyisi nani jed'a? Inni Waaqa na seha, ka nama ijeese yokhaani jireesu? Wonti kunini aka inni dubbi naraa barbaadu diiduma keesa garsiifti. Elishani waan hayyuuni tahe d'agaye jennaani, qonqo gara isaa erge waan jed'eeni, Atini maanifi akana laalefate woya tante tarsaafta? Namicha gara kiyya ergi, ha aka raagi Israeli keesa jiru, naraa baratu. Jennaani Naamanini fardooleefi gaari isatini d'ufe balbala mana Elisha dura ejate. Elishani nama iti erge waan jed'eeni, Beeni, galaana Yordani keesati maro torba nafa d'iqad'i. Ammo Naamanini dallane, kae biraa deeme, waan jed'e, Anini waan inni qara gabahe AABBO Waaqa isaa naa yaamate, harka isa mada tiyya ira qabe na fayyisu sehe! Galaani Abanatifi Faparini, ka lafa Damaski, galaana Israeli ch'ufa ira injiru? Anini suni d'aqe qulqullo intahu? Ammo hojattuuni isaa gara isa d'at'e waan jetteeni, Aabbo, ato sila raagi waan jabdu tolchi sini jed'e inuma tolchita. Atini amma maafi dubbi isaa didde, nafa diqate infayyine? Duuba Naamanini galaana Yordani d'aqe akuma Elishani jed'eeni kaani maro torba diqate fayye. Nafi isa qulqullae, mid'aage, nafa daima tahe. Inni jara isaa ch'ufa woliini gara Elisha deebie waan jed'eeni, Amma anini ya beekhe, aka Israeli keesa male Waaqi fulla d'ibi injirre; tanaafi amma, aabbo, waan anini sii d'ufeeni kana nara fud'ad'i. Elishani waan jed'eeni, Maqa AABBO Waaqa anini hojad'uni kakhad'a, aka anini woma sira infud'anne. Naamanini guddo iti d'owe ammo inni fud'achu dide. Jennaani Naamanini waan jed'eeni, Yo atini fud'achu didde, biyye gaangeleni lama dandeete baatu, ta anini galad'uni naa kenni; wonti akanatiifi anini armaa achi deebie, waan Waaqa baasanifi sorio gubanile AABBO Waaqa male nama d'ibi imbaasu. Ammo yo anini hayyu kiyya gula deeme mana Rimoni waaqa lafa Shamu kad'ad'u AABBO Waaqi ha naa araaramu, Waaqi naa araaramina. Elishani waan jed'eeni, Beeni, nagayaani gali, jennaani Naamanini kae iti d'aabate. Inni diqo deeme Jennaani Gehazini, hojattuuni Elisha, waan ufiini jed'e, Badi Abbaani kiyya yayu namicha Naamani jed'ani kana ka woma iraa infud'atini gad'iise! Inni sila waan namichi Shamu suni isaa kenne iraa fud'achu male. Waaqi na ijeesinna, yo anini hordofe waan suni ira inguuratini. Duuba inni kae Naamani hordofe. Naamani nama isa gula utaalu arge jennaani, gaari iraa bue, fuula keesa deebie waan jed'eeni, Isi abbo, maani? Lafti naguma? Ee naguma, ammo abbaani kiyya na erge waan nani jed'e, Keessumaani lama ta gumi raagoota ta gaareeni Efraimu teetu amuma tana nati d'ufte; tanaafi qarsi kuma saditifi woya jilaani tolfatani taani lama keesa naa kenni. Naamani waan jed'eeni, Hagasiniti, qarsi kuma jaa fud'ad'i, inni iti d'owe, qarsi suni subba lamati naqeefi, subba suni woya jilaani tolfatani taani lamaani woliini hojattu isaa nama lamati kenne, Gehazi dura erge. Worri gaara Elishani gubaati galu kaani gahe, jennaani Gehazini subba lamaani suni worra iraa fuud'e manati galfate, hojattu Naamani taani ufiraa galche. Duuba inni manati deebie jennaani Elishani, atini eesaa d'ufte? jed'e gaafate. Inni waan jed'eeni, Aabbo, anini garuyu ingalle. Ammo Elishani waan jed'eeni, Hojja namichi gaari isaa iraa bue fuula keesa si d'ufe, anini herega garaa kiyyatini si inagarre? Hojaani tunini hojja nami beesefi woyaafi, d'ad'afi zabibufi reefi loonifi hojattu nama iraa fud'atuniti. Amma tana d'ukubi Naamani kaani si qabate, haguma jiru siifi d'aloota keetile iraa imbahu. Akuma Gehazini isa biraa deemeni d'ukubu sunini isa qabate nafi isaa aka daara addaate. Guyya toko gumiini raagoota ta Elishani iti gudda, waan isaani jette, Fullaani nu teenna tunini ya nuti d'ipate, ga nu d'iisi galaana Yordani d'anne mukha manani jaarani, ch'irre achiti jaarranna. Elishani, Hayye, beena jed'eeni. Jennaani worri nami toko waan isaani jed'e, kooti, atileeni woliini nu yaasi. Duuba inni, Ee jed'e, kaani woliini yaani, worri galaana Yordanitini bahe jennaani mukha ch'ire. Ato nami toko mukha muru jiru, d'agaraani isaa sukka keesaa bahe bisaani keesa bue. Inni waan Elishani jed'e, Aabbo, anini amma maani taha? D'agaraani kunini ka biyyaati. Elishani waan jed'eeni, D'agaraani eesa bue? Namichi fulla garsiise jennaani, Elishani ule murate bisaani keesa buuse d'agara kaani olbaase bisaani gubbaa deemsise. Inni Fuud'i jennaani namichi gajed'e, bisaani iraa fuud'e. Gaafa toko ka worri Shamutifi ka Israeli woli had'u hayyuuni Shamu worra askarti isaati mata wolti yaame, eegi mala woliini d'aatani, inni fulla worri qubatu fohate. Ammo Elishani qonqo gara hayyu Israeli erge waan jed'eeni, Fulla suni iti ind'iaatini, wonti akanatiifi worri Shamu artiti sii eegachu jira. Akanaani hayyuuni Israeli worra isaa ka fulla suni tau qonqo iti erge, worri beekate, nyaapa ufiraa eege. Wonti kunini maro heddu taate. Jennaani hayyuuni Shamu guddo iraa laalefate garaa hammate; inni worra gugurda askarti isa wolti yaame waan jed'eeni, Isani keesa eenuti gama hayyu Israeli jira? Jennaani nami toko waan jed'eeni, nu nami waan kana isati himu injiru, ee hayyicha, raaga Elishati waan atini dinqa keesati dubbatu hayyu Israeliti hima. Duuba hayyichi waan jed'e, Beena, fulla inni jiru hubad'a, duuba anini nama isa qabu iti erga. Duuba worri d'ufe waan jed'eeni, Elishani dira Dothani jira. Jennaani inni askarti heddu ta fardaafi gaari qabdu, fulla suniti erge. Askartini suni d'ufte halkani dira suni marsite. Boriyya ganama hojattuuni Elisha lafaa kae manaa bahe jennaani askarti Shamu ta fardaafi gaari worraatini dira marsitu arge, inni Elishati deebie, Aabbo, ya banne, maani taana? jed'eeni. Elishani waan jed'eeni, Insodaatini, nama gama keennati ka worraa ira jira. Jennaani inni Waaqa kad'ate waan jed'e, Ee AABBO Waaqa, ila isaa bani ha arguuti! AABBO Waaqi kad'acha isaa d'agaye, jennaani hojattuuni Elisha olmillate fardaafi gaari ibida ka gaareeni gubba Elisha marse ch'iisu arge. Worri Shamu kaani dira suni had'e jennaani Elishani Waaqa kad'ate waan jed'e, Ee AABBO ila worra kana duduchi, AABBO Waaqi kad'acha isaa d'agaye, ila worra duduche. Jennaani Elishani gara worra d'aqe waan jed'eeni, Isani ya karaa baddani, dira isani barbaaddani kananiti. Na gula yaa, nama isani barbaaddaniti isani geesa, duuba kae worra lafa Samariati geese. Akuma worri dira Samaria seeneeni Elishani waan jed'e, Ee AABBO Waaqa, ila worraa bani, ha wo arganiti. AABBO Waaqi kad'acha isaa d'agaye, ila worraa bane, worri aka Samaria keesa jiru ufi arge. Hayyuuni Israeli nyaapa suni arge jennaani waan Elishani jed'e, Aabbo, worra kana infit'a? Inni waan jed'eeni, Hiyo infit'ini nyaapa boojianile infit'ani. Golochi, gara hayyu isaani galchi. Jennaani hayyuuni Israeli sagale guddo worraa kenne, eegi worri nyaate d'uge hayyu Shamuti galche. Haguma gaafasiti asi worri Shamu lafa Israeli had'u lakise. Eegi suni Benhadadini hayyuuni Shamu, askarti isaa ch'ufa wolti yaame, d'aqe dira Samaria had'e. Maro dira suni marsani had'anifi sagale lafaa d'abani, lafti guddo beelofte, mata harreele qarsi saddeetamatini bitani, kille mid'aani diqo tokole qarsi shanini gurgurani. Jennaani ato hayyuuni Israeli naabo d'akha ta diraani jaarani, gubbaa deemu, niitiini toko iti iyyite waan jetteeni, Ee hayyicha, na qarqaari! Inni waan jed'eeni, Yo AABBO Waaqi si qarqaaru dide, anini eesa dandae si qarqaara? Anini dargaye yokhaani zabibu inqabu. Gaargali kanke maani? Isiini waan jetteeni, Onana niitiini tunini, daima kanke arra nyaanne kiyyale bori nyaanna nani jette. Jennaani nu gurba kiyya d'aabanne nyaanne. Boriyyaate anini kenni, gurba kanke nyaanna jennaani isiini na d'ossite! Hayyichi dubbi niiti suni d'agaye jennaani woya ufi tarsaase nami d'aatu isaa jiru ch'ufti aka inni ch'arqi woya isaa jalati keeyatu arge. Duuba inni waan jed'e, Waaqi na ijeesinna, yo anini arra mata Elisha iraa kutu baad'e! Duuba inni nama erge Elisha yaame. Hojja suni Elishani jaarole keessuma tokooni woliini worra ufi jira. Ato namichi hayyuuni erge ind'ufini Elishani waan jaaroleeni jed'e me ilaala, hayyichi harka d'iiga kaani nama na ijeesu nati erguti jira! Amma yo nami suni armaani bahe, balbala iti ch'ufa, seenu d'owa. Hayyichileeni faanuma isaa jira. Ato inni dubbi suni afaani qabu, Hayyichi d'ufe waan jed'e, Nami gaargala kana nutiini d'ufe AABBO Waaqa, anini maafi amma tana isa eega? Elishani waan jed'eeni, Waan AABBO Waaqi jed'u d'agaya! Bori hojja tana Samaria keesa dargaye kilo sadi yokhaani garbu kilo jaa qarsi tokooni gurgurani. Namichi hayyuuni deemu waan Elishani jed'e, Dubbini sunini intaatu, ato AABBO Waaqi amuma tana bokaya buusele! Elishani waan jed'eeni, Atini waan suni iluma teetiini garta, ammo woma insooratu. Duuba nami afuri ka d'ukuba hama aka qomaat'a qabu, balbala dira Samaria alaani tataa. Worri waan woliini jed'e, Nu maanifi haga doonuti arma teteenna? Ato dira duunele beelumaani doona; yo armati hamnele inuma doona. D'iiro, gara duula Shamu nu yaasa; yo worri lubbu nu baase injiraanna, ammo yo worri nu ijeesele silaaftu inuma doona. Lafti galgaloofte jennaani worri fulla duuli Shamu jiru d'aqe, artini bahani jennaani namu achi d'abani. AABBO Waaqi dibbeesa orisaa askarti heddu ta fardaafi gaarini yaatu d'ageesise, duuba worri Shamu waan hayyuuni Israeli hayyoota Hititifi ta Misiri, askarti isaani woliini worrati bite worra haasise sehani. Duuba galgala suni worri Shamu kae baqate, waarofi fardooleefi harreelele ch'ufa akanumati lafati lakisani kaani biraa baqatani. Worri afraani kaani fulla askartini baqatefi taanini bahe jennaani waaro toko seenani waan keesati argani ch'ufa nyaatani d'ugani, qarsifi worqifi woya ch'ufa guuratani, itiini d'aabatani, d'ofatani; jennaani ammalle keesa deebiani, waaro d'ibi duudani, akuma kaani tolchani. Ammo eege waan woliini jed'ani, Nu waan dansa tahuti injiru, nu odu dansa tana d'ofachu himmalle. Yo nu haga diirama ch'almineni gaargali nu inhanqatu. Amuma tana nu yaasa, worra hayyuuti himna! Duuba worri achi kae, dira Samariati dachae, askarti balbala dira suni eeduuni waan jed'e, Nu fulla duuli Shamu jiru d'anne, nama tokole achi d'amne; fardooleefi harreelele mukha ira inhiinne, waaroleeni akuma worri biraa yae jirti. Worri balbala eegu kaani dubbi suni labse, labsaani sunini mana hayyule geete. Hayyuuni halkani kae waan hojattu isaatini jed'e, Anini waan worri Shamu malatu ya arge, worri aka nu beela qamnu imbeekha, tanaafi fulla qara jirani kaani raasa keesati d'okhachu d'aqani, waan jed'ani, Hojja worri dira keesaa bahu, worra qaqamne dira worra fud'anna. Hojattuuni isaa toko waan jed'e, Nami dira kana keesa jiru ufuftu ya bade, akuma nama dueti. Duuba namafi fardoole shani ta hafte ergine, waan nyaapi sunini keesa jiru hubanna. Duuba nama fohatani, hayyuuni worra fohatani suni gaari lamaani erge, waan jed'eeni, Beena waan worri Shamu keesa jiru laala. Worri haga galaana Yordani yae, kara suni ch'ufa keesati woyaafi miha worra Shamu ka ato worri baqatu iraa jige argani. Duuba deebiani waan ch'ufa hayyuuti himani. Jennaani worri Samaria ch'ufti bahe, bulto worri Shamu keesaa baqate taani saame. Duuba akuma AABBO Waaqi jed'e kaani dargaye kilo sadi yokhaani garbu kilo jaa qarsi tokooni gurgurani. Duuba hayyuuni Israeli namicha isani deemu kaani gudda worra balbala dira eegu tolche. Biyyiti namicha suni ira ejaanjatte ijeefte, akuma Elishani gaafa hayyuuni isa argu d'ufe kaani fage. Elishani qara waan hayyuuni jed'e, Bori hojja tana dargaye kilo sadi yokhaani garbu kilo jaa balbala Samariati qarsi tokooni gurgurani, ammo namichi hayyuuni deemu kaani waan jed'e, Dubbini sunini intaatu, ato AABBO Waaqi amuma tana bokaya buusele! Jed'e morme Elishani waan jed'eeni, Atini waan suni iluma teetiini garta, ammo woma insooratu. Duuba wonti inni tahe tana, fullo dirati biyyiti ira ejaanjatte ijeefte. Duuba Elishani niiti worra Shunemu, ta inni ilma isii duisa keesaa kaase taanini qaraa waan jed'e kai, siifi worri keetileeni fulla d'ibiti godaana; AABBO Waaqi haga ganna torba lafa tana beela iti buusa. Duuba isiini dubbi Elisha ch'aqafte, worra isii fud'atte, kaate godaante, ganna torba lafa Filisti keesa teete. Ganni torbeeso hobae jennaani lafa Israeliti deebite, gara hayyu d'at'e, mana kiyyafi lafa tiyya na deebisi jetteeni. Gaafa isiini fulla hayyu d'ufte, hayyuuni Gehazi, hojattu Elisha, woliini haasau jira. Hayyichi waan mama ka Elishani tolche isa iraa odeefachu jira. Ato Gehazini tae aka Elishani nama due kaase hayyuuti himu jiru, niitiini taani olseente, mana kiyyafi lafa tiyya na deebisi hayyuuni jette. Gehazini waan isaani jed'e, Ee hayyicha, niitiini tana, ammalle gurbaani isii ka Elishani kaaseleeni kuno kana. Hayyuuni, Dubbini sunini jirti? jed'e isi gaafate jennaani, Ee injirti, jetteeni. Jennaani hayyichi nama toko yaame, waan niiti tana ch'ufa deebisaafi, ammalle waan lafti isii ganna torbaani isiini ala teete suni baaftele ch'ufa deebisaafi jed'e. Gaafa toko ka hayyuuni Shamu Benhadadini fayya intahiini, Elishani Damaski d'aqe. Hayyichi aka Elishani d'ufe d'agaye jennaani, waan Hazaelini jed'e, Raaga suni waan kana geesifi, waan jettuuni, Aka anini fayyu AABBO Waaqa naa gaafad'i. Jennaani Hazaelini gaala afurtama waan dadansa dira Damaski keesaa argatani ch'ufa iti fayye, gara Elisha d'aqe. Hazaelini isaani bahe jennaani inni waan jed'eeni. Ilmi kanke hayyu Benhadadini na erge, beeni, Elisha aka anini d'ukuba fayyu AABBO Waaqa naa gaafad'i nani jed'e. Elishani waan jed'eeni, Beeni, AABBO Waaqi yayu aka atini fayya d'aba kana fayyite, ammo eege dootu na garsiise jed'iini. Jennaani Elishani aka male fuula yakate, ila iti qabe, Hazaeli laale ch'eerse bohe. Hazaelini waan jed'eeni, Aabbo, atini maanifi boota? Elishani waan jed'eeni, Waan hamtu atini worra Israeli tolchitu anini imbeekha, atini dira worra jajaba gubde, nama worraa kaima ch'ufa qaqalte, ijoolle worraa ch'ufa ch'ach'arasite, nad'eeni worraa ta garaacha qabdu ch'ufa garaa baqasita. Hazaelini waan jed'eeni, Anini ufiftu, nami sareele ingeenne, akami dandae irre waan akasi sunini tolchu qaba? Elishani waan jed'eeni, AABBO Waaqi yayu na garsiise, aka atini hayyu Shamu taatu. Hazaelini Benhadaditi deebie, jennaani Benhadadini, Elishani maani sini jed'e? jed'e gaafate Hazaelini waan jed'eeni, Inni waan sini jed'e, Inuma fayyita. Ammo boriyyaate Hazaelini baddo fuud'e, bisaani keesa kaye, fuula isaa iraa kaye, ukaamse ijeese, fulla isaa hayyu tahe. Ganna shaneeso ka Yoramuni, ilmi Ahabu, hayyu Israeli tahe, Yehoramuni, ilmi Yehoshefathi, hayyu Yuda tahe. Gaafasi ganni isaa sodomi lama, ammalle inni ganna saddeeti Yerusalemu keesa worra Yuda mohate. Niitiini isaa dubra Ahabu, ammalle inni worra Ahabu gula bahe, akuma hayyoota Israeli taani waan hamtu tolche. Inni AABBO Waaqa durati ch'ubbu tolche, ammo AABBO Waaqi worra Yuda balleesu dide; wonti akanatiifi inni duru hojattu isaa Dauditi kakhate, aka d'alooti isaa haguma jiru jireenna lafa Yuda mohatu. Bara Yehoramuni lafa fide suni, worri Edomu finna worra Yuda dide hayyu ufi fohate. Jennaani Yehoramuni gaari isaa ka fardi hirkisu ch'ufa guurate, Sairi d'aqe, achiti askartini Edomu worra Marsite. Halkani suni isaafi worri isaa ka gugurda askarti gaarini yaatu, nyaapa suni iti ch'abse, askartini ch'uftileeni worra ufiti baqatte. Worri Edomu haga arrale finna worra Yuda jala injiru. Baruma suni worri Libnaleeni finna worra Yuda jalaa bahe. Waan Yehoramuni tolche ch'ufa kitaaba Odu Hayyoota Yuda keesati t'aafaniti, t'aafani. Yehoramuni due irreesa hayyoota ka dira Daudi keesati awaalani, jennaani ilmi isaa Ahaziani fulla isaa hayyu tahe. Ganna kud'ani lameeso ka Yehoramuni, ilmi Ahabu, hayyu Israeli tahe, Ahaziani, ilmi Yehoramu, hayyu Yuda tahe. Gaafasi ganni isaa diddami lama, duuba inni ganna toko Yerusalemu keesa worra Yuda mohate. Haati isaa Athalia, isiini dubra Ahabu, ka hayyu Israeli ammalle akhaakhuni isii, Omri, ka innileeni duri hayyu Israeli. Waan Ahaziani soda Ahabu taheefi, inni worra Ahabu gula bahe AABBO Waaqa durati ch'ubbu tolche. Ahaziani Yehoramu hayyu Israeliti goli tahe, worri woliini Yae, hayyu Shamu ka Hazaeli jed'ani had'e. Ramothi ka Gileaditi woli had'ani, Yehoramu had'iisa suni keesati madeesani. Inni aka fayyu dira Yezreeli d'aqe achi tae; ato inni achi jiru Ahaziani isa argu d'aqe. Jennaani raagi Elisha jed'ani kaani raaga kaimticha toko yaame waan jed'eeni, Kurfefad'i, Ramothi ka Gileadi d'aqi. Dulo d'ad'a tana fuud'i, yo achini baate Yehu, ilma Yehoshafathi, ka akhaakhu Nimshi, barbaadi. Koba manati isa yaami, d'ad'a kanaani muudi waan jettuuni, AABBO Waaqi waan jed'u, Anini yayu si muude hayyu Israeli si tolche. Duuba achumati lakisi, hurrisi biraa deemi. Jennaani raagi kaimtichi sunini Ramothi d'aqe worra gugurda askarti, ka kora keesa jiru, iti d'ufe waan jed'eeni Aabbo, anini d'aamsa ke qaba. Yehuni waan jed'eeni, Atini nu kana keesa eenuni dubbachu jirta? Inni waan jed'eeni, Sini dubbachu jira, aabbo. Jennaani worri lachu mana olduude raagi kaimtichi kaani Yehu muude waan jed'eeni, AABBO Waaqi Israeli waan jed'u. Anini si muude hayyu worra kiyya ka Israeli si tolcha. Gudda kanke hayyicha ilma Ahabu ijeesi, aka anini Yezebeli, waan isiini raagoota tiyyafi hojattu tiyyale ijeefteefi, gaargalche haalo baafad'u. Worri Ahabutifi d'alooti isaleeni ch'ufti duu male, anini nama worra isaa ka d'iira, diqaafi guddale ch'ufa, akuma taka hobaasa. Anini worra isaa akuma worra Yeroboamutifi worra Baasha tolcha. Yezebelini awaala inargattu, reefa isii sareeti nyaata lafa Yezreeli keesati. Raagi kaimtichi kaani dubbi tana jed'e, jennaani, balbala bane mana keesaa bahe baqate. Yehuni gara worra wahela isaa kaani deebie jennaani worri waan isaani jed'e, Lafti naguma? Maraatani sunini maani sira qaba? Yehuni waan jed'eeni, Isani waan inni barbaadu imbeetani. Worri waan jed'eeni, Hiyo nu imbeennu, waan inni jed'u nuti himi. Yehuni waan jed'eeni, Inni waan nani jed'e, AABBO Waaqi waan jed'u, Anini yayu hayyu Israeli si tolche nani jed'e. Maro tokotu waheli Yehu kaani ch'ufti woya ufi faano mana sunini korani ira afaani, Yehuni ira eje, jennaani magalata d'aani lalabani waan jed'ani, Yehuni ya hayyu tahe! Jennaani inni gaari ufi yaabate, kae Yoramu ka Yezreeli jiru argu d'aqe. Yo inni artini bahe Yoramuni ammalle infayyine, ammalle hayyu Ahazialeeni ka isa argu d'ufe, arti jira. Jennaani namichi toko ka eeddo yaabate fullo balbala suni eegu jiru, Yehufi askarti isaa ta gad'uftu arge, lalabe waan jed'e, Anini duula gad'ufu jiru arga. Yoramuni waan jed'e, Nama fardaani deemu fuula keesa ergi, aka worri nama nagaya yau gaafad'i. Namichi kaani kae, Yehu fuula keesa deeme waan jed'eeni, Hayyuuni waan jed'u, Atini naguma d'ufuu jirta. Yehuni waan jed'eeni, Dubbi suni lakisi, na gula kooti. Namichi fullo eegu kaani waan kana arge jennaani, qonqo biyyati deebise waan jed'e, Namichi ya artini bahe ammo gadi deebiuti injiru. Ammalle nama d'ibi akasuma Yehu fuula keesa ergani, innileeni akuma namicha kaani, Naguma deemta? jed'e odeefate. Yehuni waan jed'eeni, Dubbi suni lakisi, na gula kooti. Ammalle namichi lafa eegu kaani qonqo biyyati deebise waan jed'e, Namichi ya artini bahe, ammo gadi deebiuti injiru. Ammalle inni waan jed'e, Guddaani gumi suni Yehu fakaata, akuma isaa, aka maraata gaari oofu jira! Jennaani Yoramuni waan jed'e, Gaari kiyya na kurfeesa, jennaani kurfeesanifi. Duuba isaafi Ahaziani, hayyuuni Yuda, namu gaari ufi yaabate, Yehu fuula keesa yaani, fulla oobru Nabothiti fuula keesa d'ufani. Yoramuni waan jed'eeni, Atini naguma d'ufu jirta? Yehuni waan jed'eeni, nageenni ka maani ka haati tante Yezebelini falfalaafi, kad'acha waaqa d'ara lakisu diddu. Yoramuni dubbi suni d'agaye jennaani, baqaa gaari ufi keesa deebise, lalabe waan Ahaziani jed'e, Namichi kunini yayu mala ijeecha nati d'aate. Jennaani Yehuni guubefi t'iya fud'ate, irree jabduuni Yoramu t'iyaani had'e; t'iyiti sunini dudda duubani isa woraante, onne d'oofte, gaari isa keesati isa ijeefte. Yehuni waan namicha isa hojatu, ka Birkari jed'aniini jed'e, Reefa isa fuud'i, oobru Nabothi taani keesa buusi. Qaabad'i, dubbi AABBO Waaqi Ahabuni jed'e, gaafa anaafi sii abba Yoramu ka Ahabu jed'ani gula yaanu gaari keesa: Anini kale d'iiga Nabothitifi ka ilmaani isaa arge. Sile artumati ijeese haalo baafad'a. Tanaafi waan tatu, reefa Yoramu fuud'i oobru Nabothi keesa buusi, akasiini kakhu AABBO Waaqa guuti. Hayyu Ahaziani waan tahe arge jennaani gaari ufi keesa gara dira Beth-Hagani baqate. Yehuni isa reebe, jara isaatini, isale ijeesa jed'e. Duuba ato inni gaari ufi kara Guuri d'aatu Ibleamu oofu, worri isa d'aqabe madeese. Ammo inni baqate Megidoni bahe achumati due. Hojattuuni isaa reefa isaa Yerusalemuti gaarini geesite, irreesa hayyoota ka dira Daudi keesati isa awaalani. Ganna kud'ani tokeeso ka Yoramuni, ilmi Ahabu, hayyu Israeli tahe Ahaziani hayyu Yuda tahe. Yezebelini aka Yehuni Yezreelini bahe d'ageete jennaani, ila kuulate, mata mid'aafate, deresha mana hayyu keesa ejite, lafa laalte. Yehuni fullooni olseene jennaani isiini lalabde waan jetteeni, Zimri, atini ka abba kanke ijeefte naguma d'ufte? Yehuni fulla isiini ejitu taani millate waan jed'e, Nami gara kiyya jiru mee? Nami lamafi sadi ka mana hayyu keesa hojattu, dereshani isa lalaani, Yehuni waan jed'eeni, Isi gadi darba, jennaani isi gadi darbani, d'iigi isii fardooleefi mana hayyule ch'ufati t'iniqe. Yehuni gaari reefa isii ira gusse, mana hayyu seene, achiti sagale nyaate, eegi iraa deebie waan jed'e, Niiti abaarsa tana reefa isii fuud'a awaala; ato akasile taate, isiini dubra hayyuuti. Ammo worri isi awaalu d'aqe sunini woma artiti ingarre, buqe matatifi lafe harkaafi miila male. Worri d'ufe dubbi tana Yehuti hime jennaani, inni waan jed'eeni, Tunini dubbi AABBO Waaqi hojattu isaa Eliyaani jed'e: Dira Yezreeli keesati sareeni reefa Yezebeli nyaati, goblola isii akuma kosi lafati firfirsani, aka nami tokoleeni beekhe, tunini Yezebeli injenne. Nama torbatamati, ka d'aloota Ahabu, dira Samaria keesa taa. Jennaani Yehuni tatabe t'aafe, nama gugurda dira sunitifi jaaroleefi nama ijoolle d'aloota Ahabu suni gugurdiseeti erge. Tatabeeni suni waan jettu: Ilmaani hayyu tana isaniti harkaa qaba; ammalle gaariifi fardaafi miha lolaatifi diri jajabaaleeni harka keesani keesa jira. Tanaafi hojja tatabe tana argattani, ilmaani suni keesa nama jaba fakaatu, ka worra ch'ufa ira jiru, fohad'a, hayyu tolfad'a, jabeesa kalchaafi. Ammo worri guddo sodaate waan jed'e, Eegi hayyooti lama isa dad'abde, nu eesa isa dandeenna? Jennaani namichi gudda diratifi jaaroleefi nami ilmaani hayyu gugurdise qonqo tana Yehuti ergani, Nu hojattuuni tante waan atini tolcha jette ch'ufa inuma tolchina. Ammo nu nama tokole hayyu intolchinu, atumaani waan dansaa seetu tolchi. Yehuni tatabe d'ibi worrati t'aafe waan jed'e, Hojja isaani gara kiyya jiraatani dubbi tiyya ch'aqaftani, mata ilmaani Ahabu bori hojja tana Yezreeliti natiini koota. Ilmaani torbatama ta Ahabu harka worra gugurda dira suni ka worra gugurdise jirti. Tatabeeni Yehu artini baate jennaani, jari Samaria kaani ilmaani torbatama ta Ahabu taani, fit'e, mata worraa daduti guure, Yehu ka Yezreeli jiruti geesani. Yehuni aka mata ilmaani Ahabu achini d'ufani d'agaye jennaani waan jed'e, Fullo keesati fulla lamati woli irati tuula, haga bori diirama achiti lakisa. Lafti bariite jennaani inni gara fullo suni d'aqe waan biyyaani jed'e, Nami Yoramu mala iti d'aate ijeese anuma, isani keesa injirtani. Ammo eenuti worra kama ch'ufa fit'e? Duuba akanaani beekha aka wonti AABBO Waaqi waan ilmaani Ahabu dubbate tokoleeni inhanqanne. AABBO Waaqi yayu waan raaga isaa Eliyaati kakhate guute. Jennaani Yehuni fiit'a Ahabu ta Yezreeli jirtu ch'ufafi jara isaa gugurda ch'ufafi jaalani isaa ch'ufafi qaalole isale ch'ufa hobaase; inni nama tokole inhambimne. Jennaani Yehuni Yezreeli kae Samaria d'aqe. Karaati fulla toko ta Bulto Tissitu jed'aniti, jara fiit'a Ahazia, hayyu Yuda, arge waan jed'eeni, Isani eenu? Worri waan jed'eeni, Nu fiit'a Ahazia, nu worra hayyutifi worra Yezebeli nagaya fuud'a yaana. Yehuni waan jara isaatini jed'e, Worra kana inijeesina qaqaba! Worri worra qaqabe, inni artumati fulla boola tokoti hobaase. Worri sunini ch'ufti nama afurtami lamaati, tokoleeni imbaane. Yehuni arti bahe jennaani Yehonadabu, ilma Rekabutini, fuula keesa wold'ufani, Yehuni nagaya fuud'e waan jed'eeni, Anaafi sii dandeenne wold'anne, woliini inhojanna? Yehonadabuni waan jed'eeni, Dansa, indandeenna. Yehuni waan jed'eeni, Harka kanke kenni yoosi, worri harka wolfuud'e, Yehuni gaari ufi isa yaabachiise. Waan jed'eeni, Na gula kooti, aka anini guddo AABBO Waaqa jaalad'u argi. Duuba worri kae, Samaria woliini d'aqe. Worri artini bahe jennaani Yehuni fiit'a Ahabu ch'ufa hobaase, tokole inhambimne. Wonti AABBO Waaqi Eliyaani, Intaati jed'e sunuma. Yehuni worra Samaria wolti yaame waan jed'eeni, Ahabuni duri Baali haguma diqa hojate, ammo anini hagasi ira hojad'a raagoota Baalitifi nama isaa kad'atuufi qaalole ch'ufa wolti yaama, tokole inhambisina; inni anini sorio guddo Baali baasa nama achi injirre ch'ufa inijeesani jed'e. (Wonti Yehuni akasi taheefi aka worra Baali kad'atu ch'ufa malani hobaasu.) Jennaani Yehuni waan jed'e, Guyya Baali kad'atani tolcha, biyya ch'ufati hima, qonqooni biyya ch'ufa geete jennaani Yehuni lafa Israelile ch'ufa qonqo suni iti erge. Duuba nami Baali kad'atu ch'ufti, tokoleeni inhamne, d'ufe. Worri ch'ufti mana Baaliti wolti bahe mana suni guute. Jennaani inni qaallu woya Baalini kad'atani olnaqu yaame, jara Baali kana ch'ufa woya kennaafi jed'e. Jennaani eegi suni Yehuni mana Baali suni Yehonadabu, ilma Rekabu, woliini seene waan biyyaani jed'e, Qorqorad'a, aka nami arma jiru kunini nama Baali kad'atu ch'allaa, ammalle aka nami AABBO Waaqa kad'atu tokoleeni keesa injirre qorqorad'a. Jennaani isaafi Yehonadabuni olseenani soriofi waan gubani baasani Baalii baasani. Duuba inni qara nama saddeetama d'aatu mana suni d'osse waan jed'eeni, Worra kana ch'ufa hobaasa nama worra kana, nama tokole lakise inijeesani! Yehuni akuma sorio baaseni jara isaa kaani yaame waan jed'eeni, Olduuda, nama ch'ufa hobaasa, tokoleeni infiigini. Worri goraadeeni olduude, ch'ufa hobaase reefa alati guure. Jennaani worri fulla qulqullo mana suni olduude, utuba mana Baali ch'ufa guure alati gube. Duuba akanaani utuba qulqulloofi mana Baali suni balleesani, fulla iti udaanifi ta iti finch'aani tolchani, haga arrale akasuma. Aki Yehuni Baali lafa Israeli keesa balleese akasi. Ammo inni faana Yeroboamu bahe ch'ubbu inni worra Israeli keesa buuse, gaafa korma worqi mid'aase Bethelifi Dani keesa kaye tolche, ufile tolche. AABBO Waaqi waan Yehuni jed'e, Atini waan anini tolchi sini jed'e ch'ufa yayu d'aloota Ahabu tolchite, tanaafi anini siti kakhad'a, aka d'alooti kanke haga d'aloota afreeso hayyu Israeli, tahu. Ammo Yehuni Seera AABBO Waaqa Israeli guddo jabeese gula indeemne, fulla suni inni faana Yeroboamu, ka worra Israeli ch'ubbu keesa buuse, gula bahe. Gaafasi AABBO Waaqi aka lafa Israeli iraa kute diqeesu iti kae. Hazaelini, hayyuuni Shamu, lafa Israeli ch'ufa ta galaana Yordanitini ilaboru, haga dira Aroeni ka d'aatu galaana Arnoni bitaa dabsate. Lafti sunini lafa Gileaditifi ta Bashani, fulla gochiti Gaditifi Reubenitifi ta Manase ta ilaboru teetu. Waan Yehuni tolche ch'ufafi jannooma isaale kitaaba Odu Hayyoota Israeli keesati t'aafaniti t'aafani. Inni due jennaani Samaria keesati awaalani, ilmi isaa Yehoazini fulla isaa hayyu tahe. Yehuni ganna diddami saddeeti Samaria keesa worra Israeli mohate. Haati Ahazia akuma lubbu ilma isii d'ageeteni, kaate nama fiit'a hayyu ch'ufa, fit'a jette. Nama ch'ufa fit'ani, Yoashi ilmi Ahazia ch'allaani bahe. Isale sila worruma kaani woliini fit'ani, ammo adaada isaa Yehosheba, ta dubra hayyu Yehoramu, oboleeti Ahaziati, isa baase. Isiini isaafi qabdu isaa fuute Mana Waaqa, fulla keesa bulaniti Athalia duraa d'ossite, akasiini lubbu baafte. Ganna jaa Yehoshebani gurba suni qorqorate Mana Waaqa keesati d'ossite, ka Athaliani lafa mohattu. Ammo ganna torbeeso qaallichi Yehoyadani, worra gugurda askarti hayyu eeddu matatifi worra mana isaa tissuleeti mataa yaame Mana Waaqati koota jed'eeni, kakhachiise, waan inni tolchu fed'u iti hime. Duuba inni Yoashi ilma Ahazia worra garsiise. Waan jed'eeni, Hojja guyya Sabato huji d'uftani, isani nami hagi toko mana hayyu eega; hagi tokoleeni balbala suni eega, ammalle hagi tokoleeni askarti taani duuba ejaanja, balbala eega. Jari sila guyya Sabato oolu ha fulla lamati gargari bahe Mana Waaqa eegu, aka hayyu qorqoratu. Isani nami ch'ufti, ka namu goraade ufi harkaa qabu, hayyu bira indeemina, fulla inni deemu ch'ufa gula yaa, tissa. Nama isaniti d'iaatu ch'ufa ijeesa. Jari gugurdaani kaani jecha Yehoyada guute, jara ufi ch'ufa isatini d'ufe, jara guyya Sabato oolufi ka hojatule. Inni worra gugurda suni woraanafi wonte duri hayyu Daudini qabu, ta Mana Waaqa keesati olnaqani kenneefi, ammalle jara suni ch'ufa ka goraade ufi harka qabu Mana Waaqa duraani d'ufe, Hayyu eega jed'eeni. Jennaani Yehoyadani Yoashi gabaase, sure hayyuma mata isaa ira kaaye, kitaaba seera hayyuuni lafaani fidu keesati t'aafani iti kenne. Duuba Yoashi, muudani akasiini hayyu tolchani biyyiti harka d'oofte, lalabde waan jette, Lubbuuni hayyu ha d'eeratuti! Hayyiti Athaliani aka askartifi biyyiti lalabdu d'ageete jennaani, utaalte, Mana Waaqa fulla biyyiti wolti baatu d'ufte, hayyu ka utuba balbala Mana Waaqa fulla aada gula hayyuuni eju, eju agarte. Isa jara gugurdafi worra magalata d'auti marse bira ejaanja, biyyitileeni gammadde lalabde magalata d'oofti. Jennaani Athaliani woya ufi tatarsaafte, iyyite waan jette, ya mala nati d'aatani na balleesani! Ya na balleesani! Yehoyadani aka Athalia Mana Waaqa keesati ijeesani infed'u, tanaafi waan worra gugurda askartitini jed'e, Jiddu askarti tana keesa alati baasa, nama lubbu isii baasu fed'u ijeesa. Duuba isii qabani, mana hayyu, geesani, fulla Fullo Fardati isii ijeesani. Yehoyadani hayyufi biyyale ch'ufa wolti yaame, aka worri nama AABBO Waaqa tahe, isaani wold'aqani woliini taani tolche; inni ammalle akasuma hayyuufi biyyale wold'ageesise. Jennaani biyyiti ch'ufti mana Baali d'at'e ch'ach'absite; worri fulla sorio irati baasanifi waan boch'ani kad'atanile ch'ufa ch'ach'absani balleesani qaallicha Baali ka Maatani jed'anile waan sorio irati baasani durati ijeesani. Jennaani Yehoyadani nama Mana Waaqa eegu tolche, isaafi worri gugurda askartitifi jara hayyu eegufi jari mana hayyu eeguleeni, hayyu fulla Mana Waaqati fuud'e, mana hayyuuti geese, ka biyyiti ch'ufti gula yaatu. Yoashini balbala eedotini olseene, barch'uma hayyu ira tae. Jennaani nami ch'ufti gammade, dirileeni nagaya argate, haguma Athalia mana hayyu keesati ijeesani. Yoashini, gaafa hayyu Yuda tahe, ganni isaa torba. Ganna torbeeso ka Yehuni hayyu Israeli tahe, Yoashini hayyu Yuda tahe, ganna afurtama Yerusalemu keesa lafa mohate. Haad'a isaa maqaani Sibia isiini dira Beersheba keesati d'alate. Jireenna isaa ch'ufa keesa inni waan AABBO Waaqa gammachiisa tolche, waan qaallichi Yehoyadani isa barsiisefi. Ammo tatule fulla gaareeni gubaa ta waaqa d'ara iti yaamatani tokole imballeesine; biyyiti achiti sorio baafte, hit'aana aarsu illakimne. Yoashini qaalole yaame waan jed'eeni, Beese Mana Waaqatini d'ufani ch'ufa, waan aada gula guyya ch'ufa baasani taanaani, waan fed'i gula baasani taanaani, olkaya. Qaalluuni ch'ufti ha nama inni fuula beekhu beese iraa fuud'e olkayu, duuba beese sunini ha Mana Waaqa fulla inni ch'abeni ch'ufa mid'aasaniti. Ammo ganna diddami sadii ka Yoashini hayyu tahe suni ch'ufa qaaloleeni sunini Mana Waaqa taka imid'aasine. Duuba inni Yehoyadafi qaalole taani yaame waan jed'eeni, Isani maanifi Mana Waaqa mid'aasu diddani? Armaa achi beese guurtani suni oliinkayina, nama Mana Waaqa mid'aasuti kenna ha worri manani mid'aasuti. Qaaloleeni aka deebite beese nama iraa guurte, Mana Waaqa ufiini imid'aasine ee jette. Jennaani Yehoyadani sanduqa fuud'e qadaada isaa ure, sanduqa suni waan sorio irati baasani gama mirga fulla Mana Waaqa oliini seenani d'aatu kaaye qaaloleeni balbala eeddu beese Mana Waaqatini d'ufani ch'ufa sanduqa suni keesa buufte. Hojja beeseeni suni sanduqa keesati guddatu ch'ufa, nami hayyu wot'aafufi qaallichi guddaani d'ufani, qarsi suni hedani, subba keesati naqani hod'ani olkayani. Eegi beese suni hedani t'aafani, fuud'aniti harka worra Mana Waaqa ijaaruti kennani, duuba worra suniti hogeeyi mukhaatifi, ijaartufi ka d'akhaani wojaarufi ka boch'ule beese baasafi. Ammalle worri mukhaafi d'akha manani mid'aasani bite, waan fed'ani d'ibile ch'ufa baasa. Ammo beeseeni sunini huji muduunu qarsifa ta qorifa magalata fa yokhaani miha ifse fa yokhaani miha d'ibi qarsiini mid'aasani tokole inhojanne. Beese suni damoosa. Worra hujitifi miha manani jaarani ch'allaa baasani. Worri huji suni hojatu ch'ufti nama d'ugaati, tanaafi wonti worra waan beese suni gaafatanifi injirtu. Beese sorio gati baasanitifi ta sorio dabaani ufi iraa baasani Mana AABBO Waaqatini ind'umne, beeseeni sunini ta qaaloleeti. Gaafasi Hazaelini hayyuuni Shamu, d'aqe dira Gathi had'e dabsate; eegi sunile Yerusalemu had'u fed'e. Yoashini, hayyuuni Yuda, waan jari duri isa durati hayyu tahe, Yehoshefathifi Yehoramufi Ahaziani AABBO Waaqa baase, fuud'e, waan inni baaseefi worqi Mana AABBO Waaqatifi ka hayyu keesa jirtu ch'ufa iti dare Ahazeli hayyu Shamuti erge, jennaani Ahazelini askarti isaa Yerusalemu biraa galche. Waan Yoashini tolche ch'ufa kitaaba Odu Hayyoota Yuda keesati t'aafaniti t'aafani. Ganna diddami sadeeso ka Yoashini, ilma Ahazia, hayyu Yuda tahe, Yehoahazini, ilmi Yehu, hayyu Israeli tahe, ganna kud'ani torba Samaria keesa lafa mohate. Akuma Yeroboamu, ka isa durati hayyu tahe, inni AABBO Waaqa durati ch'ubbu tolche, worra Israelile ch'ubbu keesa buuse. Inni haga jiru kara isaa hama suni lakisu dide. Duuba sunifi AABBO Waaqi worra Israeliti dallane, aka Hazaelini hayyu Shamutifi ilmi isaa Benhadadi worra Israeli dabsatu, maro heddu iti lakise. Jennaani Yehoahazini AABBO Waaqa kad'ate, AABBO Waaqileeni aka hayyuuni Shamu guddo worra Israeli dabsate arginaani kad'a isaa d'agaye, AABBO Waaqi qarqaarsa worra Israelitini harka worra Shamu keesaa baasu ergeefi, duuba akasiini worri Israeli akuma duri kaani nagaya horate. Ammo worri Israeli ammalle ch'ubbu Yeroboamuni worraatini d'ufe iraa deebiu dide, guyya ch'ufa tolchuma tolche; akheekhi waaqa Ashera jed'anileeni Samariuma keesati hafe. Yehoahazini askarti shantama ta fardatifi gaari kud'anifi askarti miilaani yaatu ta kuma kud'ani male askarti d'ibi inqabu; wonti akanatiifi askarti taani ch'ufa worra Shamuti hobaase d'ukeese ira ejaanjate. Waan Yehoahazini tolche ch'ufafi jannooma isale kitaaba Odu Hayyoota Israeli keesati t'aafaniti t'aafani. Inni due jennaani Samaria keesati isa awaalani, ilmi isa Yehoashini fulla isaa hayyu tahe. Ganna sodomi torba ka Yoashini hayyu Yuda tahe, Yehoashini, ilmi Yehoahazi, hayyu Israeli tahe, ganna kud'ani jaa Samaria keesa lafa mohate. Innileeni faanuma Yeroboamu ka worra Israeli ch'ubbu keesa buuse bahe AABBO Waaqa durati ch'ubbu tolche. Waan Yehoashini tolche ch'ufa, jannooma inni hayyu Yuda Amazia lola keesati dabsatenile kitaaba Odu Hayyoota Israeli keesati t'aafaniti t'aafani. Yehoashini due jennaani irreesa hayyoota Samaria keesati isa awaalani, jennaani ilmi isaa, ka Yeroboamu jed'ani fulla isaa hayyu tahe. Raagi Elisha jed'ani kaani aka hama faaya d'abe, duud'ame; jennaani ato inni inch'ichini Yehoashini isa argu d'ufe, iti bohe waan jed'e, Aabbo kiyya! Atini duri guddo Israeli nyaapa ira d'owarte! Elishani waan jed'eeni, Guubefi t'iya fud'adi. Inni fud'ate jennaani Elishani harka ufi harka hayyu ira keeyate. Elishani, aka darbattu kurfefad'i jed'eeni. Jennaani dubbi raaga gula hayyichi deresha gara lafa Shamuti aanu bane. Elishani waan jed'eeni, T'iya darbad'u. Akuma hayyichi t'iya darbateeni raagi waan jed'eeni, T'iyiti AABBO Waaqa ta inni Shamuni dabsatu sii, atini worra Shamu haga dabsatuuti Afeki keesati haata. Jennaani Elishani waan hayyuuni jed'e, T'iya hafte fuud'i, lafaani woraani. Hayyichi maro sadi lafaani woworaane eege yaala bahe. Jennaani Elishani iti dallane waan jed'eeni, Atini sila maro shani jaa lafaani woraanu malte, duuba ato sila akasi tolchite worra Shamu ch'ufa inhobaafta; ammo amma tana maro sadi ch'alla worra dabsatta. Duuba eege Elishani due awaalani. Ganna ch'ufa duuli Moabu lafa Israeli had'u d'ufe. Gaafa toko ka nama toko awaalu jirani duula worra suni argani jennaani, biyyiti reefa suni awaala Elisha keesa buufte, kaate biraa baqate. Reefi sunini akuma lafe Elisha tuqeeni jiraate, namichi kaani kae oli eje. Hayyuuni Shamu Hazaelini haga Yehoahazini lafa mohate ch'ufa worra Israeli aka hama dabse, ammo AABBO Waaqi worra jaalate naheefi, worra balleesu dide qarqaare, maro inni duri wold'aqisa Abrahamufi Isaaqofi Yakobo woliini tolfateefi. Inni takuma haga arrale worra isaa indeene. Hazaelini, hayyuuni Shamu, due jennaani ilmi isaa Benhadadini fulla isa hayyu tahe. Jennaani Yehoashini, hayyuuni Israeli, maro sadi Benhadadi dabsate, dira duri Benhadadini, gaafa Yehoahazini abbaani Yehoashi, lafa mohate iraa fud'ate kaani, iraa deefate. Ganna lameeso ka Yehoashini, ilmi Yehoahazi, hayyu Israeli tahe Amaziani ilmi Yoashi, hayyu Yuda tahe. Gaafasi ganni isaa diddami shani, duuba inni ganna diddami sagali Yerusalemu keesa lafa mohate. Haad'a isa maqaani Yehoadani, ta worra Yerusalemu. Inni waan dansaa tolche, AABBO Waaqa gammachiise, ammo tatule haga ababo isa Daudi ingeenne; waan ch'ufa inni akuma abba isa Yoashi tolche. Inni fulla Waaqa d'ara iti kad'atani, ta gaareeni gubbaa tokole inch'absine; ammalle biyyiti artiti sorio baafte hit'aana aarsu illakimne. Amaziani akuma hayyu tahe irre horateeni, jara abba isaa ijeese kaani fit'e. Ammo tatule inni ijoolle worraa inhobaamne, akuma AABBO Waaqi Seera Musa keesati biyyati hime: Wollaala ijoolleeti jed'ani abba inijeesani ka abbaale jed'ani ijoolle inijeesani; nama wollaaluma inni tolche ch'allaani ijeesani. Amaziani askarti Edomu, ta kuma kud'ani, Bale Sooda keesati fit'e. Ammalle dira Sela had'e dabsate, maqa Yoktheli baaseefi, diri sunini arrale maqa suni inuma qaba. Jennaani Amaziani nama gara Yehoashi, hayyu Israeli, erge, kooti, woli haana jed'eeni. Ammo Yehoashini qonqo iti deebise waan jed'e, Gaafa toko mukhi qoraati toko, ka gaara Lebanoni, qonqo mukha hind'eesa tokoti erge waan jed'e: Intala tante gurba kiyya kenni, ha fuud'uti. Jennaani bineensi toko mukha qoraati suni d'aatu bahe iti riiqate ch'ach'abse ira ejaanjate. Amma tana Amazia, atini waan worra Edomu dabsateefi akana kiyyibda. Gurri sunini ya sii gahe, ufiraa tai; atini maanifi gaargala barbaadda, ka sifi worra kanke balleesu? Ammo Amaziani isa ch'aqasu dide, tanaafi Yehoashi, hayyuuni Israeli, askarti ufi fud'ate, Beth-Shemasi lafa Yuda keesati isa had'e. Askarti worra Yuda ch'ufa dabsatani, worri ch'ufti worra ufiti baqate. Yehohashini Amazia boojie, Yerusalemu d'ufe, d'akhaa marsani dira sunini jaarani haga, fullo Efraimuti fuud'e fullo mogati d'aabe, haga d'eerinna d'und'uma d'ibba afuri ch'ach'abse. Inni worqifi qarsi ch'ufa guurate, ammalle miha Mana Waaqatifi ka mana hayyule ch'ufa guurate, Samariatini galate. Inni ammalle namale boojie galateeni. Waan Yehoashini tolche, jannooma inni Amazia hayyu Yudatini dabsatele ch'ufa kitaaba Odu Hayyoota Yuda keesati t'aafaniti t'aafani. Yehoashini due jennaani irreesa hayyoota Samaria keesati isa awaalani, duuba ilmi isa Yeroboamuni fulla isaa hayyu tahe. Amaziani, hayyuuni Yuda, eegi Yehoashini hayyuuni Israeli due, ganna kud'ani shani tae. Waan Amaziani tolche ch'ufa kitaaba Odu Hayyoota Yuda keesati t'aafaniti t'aafani. Biyyiti Yerusalemu keesati mala ijeecha iti d'aate jennaani inni kae Lakishiti baqate, ammo nyaapi isaa kaani faana d'ae achiti isa ijeese. Jennaani reefa isa fardaani Yerusalemuti geesani, irreesa hayyoota, ka dira Daudi keesati, isa awaalani. Jennaani worri Yuda ilma isa Uzia, ka ganni isaa kud'ani jaa, hayyu tolche. Duuba eegi abbaani due inni dira Elathi had'e, deefate jaare. Ganna kud'ani shaneeso ka Amaziani, ilmi Yoashi, hayyu Yuda tahe, Yeroboamuni, ilmi Yehoashi, hayyu Israeli tahe, ganna afurtami toko Samaria keesa lafa mohate, inni AABBO Waaqa durati ch'ubbu tolche, akuma Yeroboamuni, ilmi Nabathi, ka isa durati hayyu tahe worra Israeli ch'ubbu keesa, buuse innileeni akasuma tahe. Inni lafa worra Israeli ta duri nyaapi fud'ate ch'ufa nyaapa suni dabsate iraa deebise, kaarra Hamathi ta mirgati fuud'e galaana Sooda ka bitaati d'aabe lafa ch'ufa deefate. Tunini waan AABBO Waaqi Israeli duri raaga Yona, ilma Amitai, ka worra Gath-Heferitini biyyati hime. AABBO Waaqi aka worri Israeli gaargala gudda qabu, ka nami worra qarqaaru tokoleeni injirre arge. Ammo AABBO Waaqi worra suni ch'ufa haga jiru jireenna balleesu infeene, tanaafi harka hayyu Yeroboamutini worra baase. Waan Yeroboamuni tolche ch'ufa, jannooma inni nyaapani had'eefi aka inni dira Damaskitifi Hamathi worra Israeliti deebise, kitaaba Odu Hayyoota Israeli keesati t'aafaniti t'aafani. Yeroboamuni due jennaani irreesa hayyoota keesati isa awaalani, ilma isaa Zekariani fulla isaa hayyu tahe. Ganna diddami torbeeso ka Yeroboamuni hayyu Israeli tahe, Uziani ilma Amazia hayyu Yuda tahe. Gaafasi ganni isa kud'ani jaa, duuba inni ganna shantami lama Yerusalemu keesa lafa mohate. Haad'a isaa maqaani Yekolia, isiini worra Yerusalemuti. Inni akuma abba isaa Amazia waan AABBO Waaqa gammachiisa tolche. Ammo fulla waaqa d'ara iti kad'atani, ta gaareeni gubbaa, imballeesine, biyyiti achiti sorio baafte hit'aana aarsu illakimne. AABBO Waaqi d'ukuba hama aka qomaat'a Uziati buuse, d'ukubi sunini haga inni jiru ch'ufa isa lakisu dide. Inni ka huji inhojanne manumati gale ufi iraa tae, ilmi isa Yothamu lafa mohate. Waan Uziani tolche ch'ufa kitaaba Odu Hayyoota Yuda keesati t'aafaniti t'aafani. Uziani due jennaani irreesa hayyoota ka, dira Daudi keesati, isa awaalani. Jennaani ilmi isa Yothamuni fulla isa hayyu tahe. Ganna sodomi saddeeteeso ka Uziani hayyu Yuda tahe Zekariani, ilmi Yeroboamu, hayyu Israeli tahe, jia jaa Samaria keesa lafa mohate. Inni akuma nama isa durati hayyu tahe kaani ch'ubbu AABBO Waaqa durati tolche. Inni faani Yeroboamu, ilma Nabathi, ka worra Israeli ch'ubbu keesa buuse, bahe. Shalumuni, ilmi Yabeshi, hayyu Zekariati malate, dira Ibleamuti isa ijeese, fulla isa hayyu tahe! Waan Zekariani tolche ch'ufa kitaaba Odu Hayyoota Israeli keesati t'aafaniti t'aafani. Duuba akasiini wonti AABBO Waaqi duri hayyu Yehuti kakhate guutamte: d'alooti kanke haga d'aloota afreeso hayyu Israeli taha. Ganna sodomi sagaleeso ka Uziani lafa Yuda mohate, Shalumuni, ilmi Yabeshi, hayyu Israeli tahe, duuba jia toko Samaria keesa lafa mohate. Menahemuni, ilmi Gadi, Tirsa bahe, Samaria d'aqe, Shalumu ijeese, fulla isaa hayyu tahe. Waan Shalumuni tolche ch'ufafi mala inni hayyu kaaniini ijeesele ch'ufa kitaaba Odu Hayyoota Israeli keesati t'aafaniti t'aafani. Ato Menahemuni Tirsa d'ufu jiru, inni dira Tapuatifi nama keesa jirufi lafa d'aatu isaa ch'ufa had'e balleese waan nami dira suni isati harka kennachu dideefi. Inni nad'eeni garaachale ch'ufa garaa babaqase. Ganna sodomi sagaleeso ka Uziani hayyu Yuda tahe, Menahemuni, ilmi Gadi, hayyu Israeli tahe, ganna kud'ani Samaria keesa lafa mohate. Inni faana Yeroboamu, ilma Nabathi, ka haga ufi jiru ch'ufa worra Israeli ch'ubbu keesa buuse, gula bahe, AABBO Waaqa durati ch'ubbu tolche. Tiglath-Pilesari, hayyuuni Ashuru, lafa Israeli had'e, duuba Menahemuni, qarsi kilo kuma sodomi afuri isaa kenne, aka akasiini qarqaarsa isaa argate irre ufi, ta lafaani mohatu, jabeesu. Menahemuni beese suni ch'ufa worra dureeyyi irreeni iraa fud'ate, nama ch'ufa qarsi shantama. Jennaani hayyuuni Ashuru kae lafa isati gale. Waan Menahemuni tolche ch'ufa kitaaba Odu Hayyoota Israeli keesati t'aafaniti t'aafani. Inni due awaalani, ilmi isa Pekahiani fulla isa hayyu tahe. Ganna shantameeso ka Uziani hayyu Yuda tahe, Pekahiani, ilmi Menahemuni hayyu Israeli tahe, ganna lama Samaria keesa lafa mohate. Inni faana Yeroboamu, ilma Nabathi, ka worra Israeli ch'ubbu keesa buuse, gula bahe, AABBO Waaqa durati ch'ubbu tolche. Namichi gudda askarti Pekahia toko, ka maqaani isa Peka, ilma Remalia, nama shantama ka Gileaditini wolti malatani, fulla jajabdu mana hayyu ka Samaria keesati Pekahia ijeese, fulla isa Hayyu tahe. Waan Pekahiani tolche ch'ufa Kitaaba Odu Hayyoota Israeli keesati t'aafaniti t'aafani. Ganna shantami lameeso ka Uziani hayyu Yuda tahe, Pekani, ilmi Remalia, hayyu Israeli tahe, ganna diddama Samaria keesa lafa mohate. Inni faana Yeroboamu, ilma Nabathi, ka worra Israeli ch'ubbu keesa buuse gula bahe AABBO Waaqa durati ch'ubbu tolche. Gaafa Pekani lafa Israeli mohate, Tiglath-Pilesarini, hayyuuni Ashuru, dira Iyoni fa, ka Abel-Bethi Maakafa, Yanoafa, Kedeshifa, Hazurifa ammalle lafa Gileaditifi ta Galilayatifi ta Naftalile had'e dabsate, worra lafa suni ch'ufa boojie, lafa Ashuruti galche. Ganna diddameeso ka Yothamuni, ilmi Uzia hayyu Yuda tahe, Hosheani, ilmi Ela, hayyu Pekati malate ijeese, fulla isa hayyu tahe. Waan Pekani tolche ch'ufa Kitaaba Odu Hayyoota Israeli keesati t'aafaniti t'aafani. Ganna lameeso ka Pekani, ilmi Remalia hayyu Israeli tahe, Yothamuni, ilmi Uzia, hayyu Yuda tahe. Gaafasi ganni isaa diddami shani, inni ganna kud'ani jaa Yerusalemu keesa lafa mohate. Haad'a isa maqaani Yerusha, isiini dubra Sadoki. Inni akuma abba isa Uzia waan AABBO Waaqa gammachiisa tolche. Ammo tatule fulla waaqa d'ara iti kad'atani, ta gaareeni gubba, tokole imballeesine, biyyitileeni sorio baafte hit'aana aarsu illakimne. Nami balbala fullo Mana Waaqa ta mirga jaare Yothamu. Waan Yothamuni tolche ch'ufa, kitaaba Odu Hayyoota Yuda keesati t'aafaniti t'aafani. Gaafi Yothamuni lafa Yuda mohate suni, gaafa AABBO Waaqi qara hayyu Resini ka Shamutifi hayyu Peka ka Israeli, lafa Yuda had'iisaa erge. Yothamuni due jennaani irreesa hayyoota, ka dira Daudi keesati, awaalani, ilmi isa Ahaziani fulla isaa hayyu tahe. Ganna kud'ani torbeeso ka Pekani, ilmi Remalia, hayyu Israeli tahe, Ahazini, ilmi Yothamu, hayyu Yuda tahe. Gaafasi ganni isaa diddama, inni ganna kud'ani jaa Yerusalemu keesa lafa mohate. Inni faana ababo isaa Daudi gula bahu dide, waan AABBO Waaqa isaa ingammachiimne tolche. Ammalle faana hayyoota Israeli gula bahe, aada hamtu worra AABBO Waaqi worra Israeli dura lafa keesa baase gula ilma ufile gube Waaqa d'araati sorio baase. Fulla waaqa d'ara iti kad'atanifi gaareeni gubbafi mukeeni gaadisa gugurdo jalaleeti, Ahazini sorio baase hit'aana aarse. Jennaani Resini, hayyu Shamutifi Pekani hayyu Israeli, Yerusalemu marsani had'ani, ammo Ahazi dabsachu dad'abani. (Gaafasi hayyuuni Edomu dira Elathi had'e dabsate, worra Yudea ka keesa tau keesaa baase. Duuba worri Edomu Elathi qubate, haga arrale achuma taa.) Ahazini gara Tiglath-Pilesari, hayyu Ashuru nama erge waan jed'eeni: Anini hojatu tante ta guddo sii saalfatu. Kooti, hayyooti Shamutifi ka Israeli, ta na had'u jirtu, duraa na baasi. Ahazini qarsifi worqi Mana Waaqatifi ka hayyu keesaa fuud'e, hayyu Ashuruti erge. Tiglath-Pilesarini waan inni kad'ate suni ee jed'e fud'ate, askarti isa fud'ate Damaski had'u d'aqe, dabsate, hayyu Resini ijeese, worra dira suni boojie, Kiriti geese. Gaafa hayyu Ahazini hayyu Tiglath-Pilesari dira Damaskiti argu d'aqe, inni waan sorio irati baasani achiti arge, akheekha isi ka fulla tokole illakisini ch'ufa t'aafe qaallicha Uriati erge. Jennaani Uriani waan sorio irati baasani kama akasi suni jaare, ato Ahazini ingaliini, hobaase. Damaski gale jennaani, Ahazini aka wonti sorio irati baasani suni jaaramte hobaate arge, duuba inni horifi mid'aani sorio baase irati gube, daad'ifi d'iiga sorio wold'ageeti gubbati jisse. Wonti mesa fakaata, ka sibiila diimani mid'aasani maqa AABBO Waaqatini eebisani waan sorio irati baasani hareeti taanifi Mana Waaqa jiddu jirti. Tanaafi Ahazini arti fuud'e waan inni jaare sorio irati baasani kaani mirga kaye. Jennaani inni waan qaallicha Uriani jed'e: fulla harreeti tana irati sorio diirama ta gubanifi sorio galgala ta mid'aani gubi baasi, ammalle sorio gubanifi mid'aani Waaqaa baasani, ka hayyuufi biyyiti baaftu, ammalle daad'i biyyiti baaftule, fulla suni irati baasi. D'iiga hori sorio qalani ch'ufa arti irati jissi. Ammo waan sorio irati baasani, ka sibiila diimani mid'aasani kiyyuma anumati tolchaani waan suni irati Waaqa wo gaafata. Qaallichi Uriani, waan ch'ufa akuma hayyuuni jed'eeni tolche. Hayyu Ahazini waan aka gaari, ka sibiila diimani mid'aasani, gargari baase, qori gubba jirtu taani iraa fuud'e; ammalle inni haro sibiila diimani mid'aasani koromi sibiila diima kud'ani lamaani taani iraa fuud'e, d'akha gubba kaye. Ammalle aka hayyu Ashuru gammachiisu Ahazini waan barch'umani hayyu ira eju Mana Waaqaa keesaa baase, balbala Mana Waaqa ta hayyuuni ch'allaani olseenuni ch'ufe. Waan hayyu Ahazini tolche ch'ufa kitaaba Odu Hayyoota Yuda keesati t'aafaniti t'aafani. Ahazini due jennaani irreesa hayyoota, ka dira Daudi keesati, awaalani, ilmi isaa Hezekiani fulla isa hayyu tahe. Ganna kud'ani lameeso ka Ahazini hayyu Yuda tahe, Hosheani ilmi Eela hayyu Israeli tahe, ganna sagali Samaria keesa lafa mohate. Inni AABBO Waaqa durati ch'ubbu tolche, ammo tatule haga hayyoota isa durati Israeli mohate intolchine. Hayyuuni Ashuru, ka Shalmanesa jed'ani d'ufe isa had'e; jennaani Hosheani isati harka kennate, ganna ch'ufa damoosa baaseefi. Ammo ganna toko Hosheani qonqo gara hayyu Misiri, ka So jed'ani, erge, qarqaarsa kad'ate, damoosa duri gannati Ashuru baasu kaani baasu dide. Shalmanesani waan suni d'agaye jennaani Hoshea qabe, mana hid'aansa keesa buuse. Jennaani Shalmanesani lafa Israeli d'ufe had'e, dira Samaria marse. Ganna sadeeso ka dira suni marsani, ka ammalle haga Hosheani lafa mohate ganna sagali, hayyuuni Ashuru dira Samaria dabsate, worra Israeli boojie, lafa Ashuru geese, ka gari dira Hala geese, ka gari d'aatu galaana Habori, ka lafa Gozani, geese, ka gari dira worra Medi geese achiti qubsise. Wonti dira Samaria akasi taheefi waan worri Israeli AABBO Waaqa isaani, ka worra harka hayyu Misiritiifi lafa Misiri keesa baase durati, ch'ubbu tolcheefi. Worri waaqoota d'ibi kad'ate, aada gosa AABBO Waaqi gumi ufi duraa gusse gula yae, aada hayyooti Israeli d'uftenile tolfate. Worri Israeli waan hamtu AABBO Waaqi infane tolfate, fulla Waaqa d'ara iti kad'atu dira ch'ufa keesati jaarate, dira didiqafi gugurda ch'ufa keesale. Gaareeni gubbafi mukeeni gaadisa gugurdo jalale ch'ufa, d'akhaa old'ad'aabani, akheekha Ashera mid'aafatani. Ammalle fulla waaqa d'ara iti kad'atani ch'ufati hit'aana aarsani, aada gosa AABBO Waaqi lafa keesaa gusse, gula yaani. Worri waan hamtu tolfate, waan sunini AABBO Waaqa dallansiise, seera AABBO Waaqa ka Waaqa harkaani boch'ani inkad'atiina jed'u, ch'abse. AABBO Waaqi raaga erge, worra Israelitiifi ka Yuda gorse waan jed'e, Kara keesani hama kana iraa deebia, aada tiyya ta seera anini duri ababoota teesani kenne, eegi sunile raagoota tiyyaani isani barsiise, jabeesa guuta. Ammo worri guutu dide, akuma ababooti worra ta duri mata jabaate AABBO Waaqa d'ugefachu didde taani. Worri aada isaa gula yau dide, wold'aqisa inni ababoota worra woliini tolfate guutu dide, gorsa isale ch'aqasu dide. Worri waan woma imbaane, ka harkaani boch'ani, kad'ate ufile woma bahu dad'abe. Ammalle worri aada gosa d'aatu worra jirtu gula yae, dubbi AABBO Waaqi worra seere, aada suni gula iyyaaiina jed'eeni ch'abse. Worri seera AABBO Waaqa isaani ch'ufa ch'abse, sibiila tume akheekha koromi lama mid'aafate; ammalle akheekha waaqa Ashera jed'ani mid'aafatani, urji kad'atani, waaqa Baali jed'ani hojatani. Worri ilmaani ufi, ta d'iirafi dubra waaqa d'araati gube sorio baase falfatuufi nama wo himu wo gaafate, kara ch'ufaani waan hamtu Waaqi infeene tolfatani, duuba akasiini isa dallansiisani. AABBO Waaqi aka hama worra Israeliti dallane, fuula ufi dura worra gusse, gosa Yuda ch'alla hambise. Ammo worri Yudaleeni seera AABBO Waaqa isaani inguunne, ammo aada worri Israeli d'ufeeni gula yaani. AABBO Waaqi worra Israeli ch'ufa dide, worra gaargalche, harka nyaapa worraati worra kenne duuba eege akasiini fuula ufi dura worra balleese. Eegi AABBO Waaqi worra Israelitiifi ka Yuda gargari baase, worri Israeli Yeroboamu ilma Nabathi hayyu tolfate. Yeroboamuni worra kara Waaqa iraa gorse ch'ubbu hamtu keesa buuse. Worri faana Yeroboamu bahe, ch'ubbu inni tolche ch'ufa tolche. Duuba eege AABBO Waaqi fuula ufi duraa worra balleese akuma inni duri raagoota isatini jed'e. Duuba akanaani worra Israeli boojiani lafa Ashuru geesani haga arrale worri achuma jira. Hayyuuni Ashuru worra dira Babilonitifi Kuthatifi Avatifi Hamathifiti Sefarvaimu fuud'e, dira Samaria keesati qubsise, fulla qara worri Israeli ka boojiani jiru. Worri dira suni ch'ufa fud'ate keesa tae. Worri gaafa qara achi qubatani AABBO Waaqa insodaanne; tanaafi inni nyeench'a worra hobaasu iti erge. Jennaani waan hayyu Ashurutini jed'ani, Biyyiti dira Samaria keesa qubatu seera waaqa lafa suni imbeetu, tanaafi waaqi suni nyeench'a worra balleesa iti erge. Jennaani hayyuuni Ashuru waan jed'e, Qaalole nu boojine taani nama toko gadi deebisa; inni ha gale, achi tae, seera waaqa lafa suni biyya barsiisuti. Duuba akasiini qaallichi Israeli toko, ka qara Samaria keesaa boojiani, kae, Betheliti deebie, achi tae, aka AABBO Waaqa kad'atani biyya barsiise. Ammo worri dira Samaria sunini akuma kaani waan boch'ani waaqa tolfatani maneeni worri Israeli duri jaare keesa kayani, kad'atani. Gochiti ch'ufti, dira keesa teetu keesati, waan harkaani boch'ani waaqa tolfatte kad'atte: Worri Babiloni akheekha waaqa Sukoth-Benothi mid'aafate; worri Kutha ka Nergali mid'aafate; worri Hamathi ka Ashima mid'aafate; worri Ari ka Nebhazitifi Tartaki mid'aafate; ammalle worri Safarvaimu ijoolle ufi waaqa Adrameleki jed'anifi Anameleki sorio gube baase. Worri kunini ch'ufti AABBO Waaqale inuma kad'ata. Ammalle gosa ufi keesa namuma argani fohatani qaalole tolfatani, worri sunini fulla Waaqa d'araa suni iti kad'atani hojate, gumi ch'ufa jed'e sorio baase. Duuba worri AABBO Waaqale kad'ate, ammalle waaqa ufile kad'ate, aada lafa worri keesaa bahe gula. Haga arrale worri sunini aada suni guluma yaa. Worri AABBO Waaqa kad'ate, aadaafi seera inni duri d'aloota Yakobooti kenne (ka inni maqa duri Israeli baaseefi) gula iyyau. AABBO Waaqi duri wold'aqisa worra woliini tolfate waan jed'eeni; ana male waaqoota d'ibi inkad'atiina. Waaqoota suni durati gajettani inguddisina, yokhaani sorio imbaasinafi. Isani ana, AABBO Waaqa ka jabeennaafi irre ufitini lafa Misiri keesaa isani baase ch'aqasu maltani. Isani na durati gajettani, sorio naa baasu maltani. Isani hojja ch'ufa aadaafi seera anini isanii kenne guutu maltani. Isani waaqa d'ibi kad'achu himmalle, ammalle wold'aqisa anini isani woliini tolfad'e inded'ina. Isani ana, AABBO Waaqa keesani, ch'aqasu maltani, duuba anini harka nyaapa keesani keesaa isani baasa. Ammo tatule worri dubbi suni ch'aqasu dide, aada ufi ta duri taana iraa ingore, guluma yae. Duuba akasiini worri sunini AABBO Waaqa kad'ate, ammalle waan harkaani boch'anile waaqa jed'e kad'ate; haga arrale d'alooti worraa akasuma tolcha. Ganna sadeeso ka Hosheani, ilmi Eela, hayyu Israeli tahe, Hezekiani, ilmi Ahazi hayyu Yuda tahe. Gaafasi ganni isaa diddami shani, duuba inni ganna diddami sagali Yerusalemu keesa lafa mohate. Had'a isaa maqaani Abiya, isiini dubra Zekaria. Inni faana ababo isaa Daudi gula bahe, waan AABBO Waaqa gammachiisa tolche. Inni fulla Waaqa d'ara iti kad'atani ta gaareeni balleese, d'akhaye old'ad'aabani ch'ach'abse, akheekha waaqa Asherale ch'ach'abse. Inni ammalle bofa Musani sibiila diimani mid'aase, ka Nehushtani jed'ani, ch'ach'abse. Worri Israeli duri bofa suni hit'aana aarsefi guddise, haga guyya ch'ach'absani suni. Hezekiani AABBO Waaqa Israeli d'ugeefate; worri Yuda, haguma d'alate, taka isa duraafi eegi isaale hayyu akasi inhoranne. Inni taka AABBO Waaqa lakise seera isaa inch'absine. Ammo seera AABBO Waaqi Musaa kenne ch'ufa akuma dansaa guute. Tanaafi AABBO Waaqi isa woliini jiraate, waan inni tolche ch'ufa keesati isa qarqaare, huji isaa eebiseefi. Inni hayyu Ashuruti garagale, hojachuufi dide. Inni worra Filisti dabsate, qutuma worrale balleese, dira didiqafi gugurdale, dira Gazatifi lafa d'aatu jirtule. Ganna afreeso ka Hezekiani lafa mohate, ka ammalle ganna ganna torbeeso Hosheani lafa Israeli mohate, hayyuuni Shalmanesani lafa Ashuru d'ufe, lafa Israeli had'e, dira Samaria marse. Ganna sadi Samaria marsani, eege dabsatani; gaafasi ganna jaeeso ka Hezekiani lafa mohate, ammalle ganna sagaleeso ka Hosheani lafa mohate. Hayyuuni Ashuru worra Israeli boojie, ka gari Hala geese, ka gari galaana Habori, ka lafa Gozani, geese, ka gaari dira worra Medi geese achi qubsise. Wonti dira Samaria nyaapi dabsateefi waan worri Israeli AABBO Waaqa isaani lakise, wold'aqisa duri woliini tolfatani ch'abse, seera Musani hojattuuni AABBO Waaqa worraa kenne guutu dideefi. Worri waan suni inch'aqamne yokhaani diqole inguunne. Ganna kud'ani ka Hezekiani lafa mohate, Senakeribuni, hayyuuni Ashuru, dira Yuda ka jabeesani jaarani had'e dabsate. Jennaani Hezekiani qonqo gara Senakeribu, ka Lakishi jiru, erge waan jed'eeni, Anini ya woyake, na inhad'ini, naraa deebii, duuba waan atini feetu ch'ufa sii baasa. Hayyuuni Ashuru qonqo gara Hezekia deebise waan jed'eeni, Qarsi kilo kud'anitifi worqi kilo kuma toko naa baasi. Hezekiani qarsi Mana Waaqatifi mana hayyu keesa jirtu ch'ufa iti erge. Ammalle inni worqi balbala mana Waaqati dad'abaniifi ta inni mikhikila balbalati naqele ch'ufa guure ergeefi. Jennaani hayyuuni Ashuru duula muumme inqamne dira Lakishiti kaase, Yerusalemuti erge, aka Hezekia had'u abbotiini duula suni worra gugurda sadi, ka qara askarti isaa ch'ufa harkaa qabu. Worri Yerusalemuni bahe, kara worri woya mid'aasu keesa tau, ka d'aatu fulla bisaani haro keesa diratini yaaniti naanae. Jennaani worri hayyu Hezekia yaame, hojattuuni isaa, nami sadi, worrati gadi bahe: Worri sunini, Eliakimu, ilma Hilkia, ka mana hayyuuti gudda; Shebna, ka tatabe hayyu t'aafufi; Yoa, ilma Asafu, ka waan t'aafani olkayani ch'ufa harkaa qabu. Namichi jara Ashuru guddaani toko waan jed'eeni, Waan isani Hezekiani jettani, Hayyuuni Ashuru waan jed'e, Maaniti akana garaa si jabeese ufi si d'ugefachise? Atini waan dubbi tanteetiini oguma woraana dabsatu seeta? Amma eentu si qarqaara, mala keeti ka atini hayyu Ashuru didde iti gargalte? Atini mala keeti waan worri Misiri si qarqaaru seeta, ammo mali sunini nama ilaadu ule sehe, ta yo inni lafati d'aabu ch'abt'e harka woraantu fakaata. Aki hayyuuni Misiri nama isa d'abatu tolchu akasi. Ammo yo atini, AABBO Waaqa keenna d'aabanna nani jette nami fulla waaqa iti kad'atani sorio irati baasani balleese Hezekianiti? Ka ammalle garagale worra Yerusalemutifi ka Yudatini, Fulla sorio irati baasani ta Yerusalemu ch'allaati Waaqa kad'ad'a jed'e. Amma kooti hayyu kenna ka Ashurutini waan takaa woliini taha: Anini fardoole kuma lama sii kenna, yo atini dandeete nama hagasi ka yaabatu naa kennite! Atini akami dandeete hojattu abba kiyya ta guddinna womaatu inqamne d'owarta, ka ufiftu waan worri Misiri gaariifi askarti farda sii kennu seeta? Atini waan anini qarqaarsa AABBO Waaqa male lafa teesani had'e balleese seeta? AABBO Waaqati, Beeni, lafa suni had'i balleesi nani jed'e. Jennaani Eliakimufi Shebnafi Yoani waan namicha gudda kaaniini jed'ani, AABBO, afaani Aramutini nuti dubbad'i, ind'ageenna, afaani Ebrania nuti indubbatini nami d'aatu teenna ch'iisu kunini ch'ufti nu d'agaya. Inni waan jed'eeni, Isani waan hayyichi Ashuru isanifi hayyu keesani ch'alla qonqo tana iti erge seetani? Hiyo akasiniti, anini gumi arma teteetu tana, ta eegi tana finch'aanifi udaani ufi akuma keesani sooratuti dubbachuni jira. Jennaani namichi guddaani sunini afaani Ebraniatini lalabe waan jed'e, Dubbi hayyuuni Ashuru isaniini jed'u ch'aqasa! Inni waan jed'u, Hezekiani isani insobini. Inni dandae harka kiyya keesaa isani imbaasu. Inni AABBO Waaqa abdad'a jed'e isani insobini. Waan AABBO Waaqa isani baase askarti Ashuru dira keesani iraa deebisu insehina. Dubbi Hezekia inch'aqasina. Hayyuuni Ashuru waan isaniini jed'u, Nati koota, booju kad'ad'a. Duuba yo booju kad'attani isaniini ch'ufti daad'i zabibu teesani d'uddani, mid'aani keesani ka oda nyaattani, madda teesani keesaa bisaani d'uddani, haga anini lafa, lafa teesani fakaatu, ta mid'aanifi daad'i qabdu, ta qit'afi zabibu qabdu, ta d'ad'afi damma qabdu keesati isani qubsisuti. Yo waan inni fed'u tolchitani, isani indootani, injiratani. Dubbi Hezekia, ta inni, AABBO Waaqati nu baasa jed'e isani sobe suni ind'ugeefatina. Gochiti d'ibiini ta, waaqa keennati harka hayyu Ashuru jalaa nu baase jette injirti? Waaqi Hamathitifi ka Arpadi me re? Waaqi Sefarvaimutifi ka Henatifi ka Iva me? Waaqi suni tokoleeni ya Samaria harka kiyya jalaa baase? Waaqi lafa suni tokoleeni yoomi lafa ufi harka kiyya keesaa baase? Isani akami, ka waan suni ch'ufa quba qabdani, Waaqi Yerusalemu nu baasa jettani re? Ammo biyyiti akuma hayyuuni Hezekiani worraani jed'e ch'ach'alifte, akanumati teteete. Jennaani Eliakimufi Shebnafi Yoani lalefatani, woya ufi tatarsaasani, deemani waan namichi Ashuru kaani jed'e hayyu Hezekiati himani. Hayyu Hezekiani, akuma qonqo worra kaani d'agayeeni laalefate woya ufi tatarsaase, ch'arqi naqate, Mana AABBO Waaqa d'aqe. Inni Eliakimu, ka mana hayyuuti guddatifi Shebna ka tatabe hayyu t'aafufi qaalole gugurdole gara raaga Isaya, ilma Amozi, erge. Worrileeni ch'ufti woya ch'arqi naqate. D'aamsi inni, Isayati hima jed'e kana: Arriti guyya gaargalati, ka nu gaargalchani nu ch'eersani, nu niiti d'au jirtu, ta ilme irre d'iibatuni d'abde fakaanna. Hayyuuni Ashuru yayu namicha gudda hojattu isaa, Waaqa gudda arabsi jed'e erge. AABBO Waaqi kanke ha araba kana d'agaye worra isa arabsu kana gaargalchuti. Tanaafi atini amma worra keenna ka hafu Waaqa kad'ad'i. Isayaani d'aamsa hayyu Hezekia d'agaye jennaani, qonqo deebiseefi waan jed'e, AABBO Waaqi waan jed'u, maro dubbi hojattu hayyu Ashuru, ta worri na arabse, tana jettani insodaatina. Anini hayyicha odu lafa isaati isa deebiftu d'ageesise, duuba achiti isa ijeesa. Namichi Ashuru guddaani kaani, aka hayyichi isaani Lakishi bahe dira Libna, ka d'aatu suni jiru, had'u jiru d'agaye, tanaafi inni achiti isa argu d'aqe. Jennaani qonqooni worra Ashuruti d'ufte waan jette, Duuli lafa Misiri ka hayyu Tirhakani ka worra Kushi iti abba, had'iisa keesani d'ufu jira. Hayyuuni Ashuru dubbi suni d'agaye jennaani qonqo gara hayyu Yuda, ka Hezekia jed'ani, erge waan jed'eeni, Waaqi isani d'ugeefattani, diri Yerusalemu harka hayyu Ashuru keesa inseenu jed'e isani insobini. Waan hayyuuni Ashuru lafa inni balleesu fed'u ch'ufa tolchu ya d'ageetani. Isani mala keesani waan jalaa baatani seetani? Ababooti tiyya dira Gozanifa, ka Haranifa, ammalle ka Resefufa balleesite, worra Beth-Edeni ka lafa Telasari keesa keesa jiru hobaafte, waaqi worra tokoleeni worra baasu dad'abe. Hayyooti Hamathi, ta Arpadi, ta Sefarvaimu, ta Henatifi ta Ivaleeni ama me? Hezekiani tatabe worra suni iraa fuud'e soome, Mana AABBO Waaqa d'aqe tatabe suni AABBO Waaqa dura kaye, Waaqa kad'ate waan jed'e, Ee AABBO Waaqa, Waaqa Israeli, ka barch'uma kanke akheekha waan lubbu qaba ka koola gubbaa teetu, siuma ch'allaati lafafi gubba uume, ammalle lafafi nama ch'ufa fidda. Ama, Ee AABBO Waaqa, waan harkaa na qaba kana argi, araba Senakeribuni si Waaqa gudda arabsu kana ch'ufa d'agayi. D'uguma AABBO, hayyooti Ashuru yayu gosa heddu hobaafte lafa worrale balleesite waaqoota worrale ch'ufa gubde — waaqoota woma keesa injirre, ka nami mukhaafi d'akha boch'e harkaani mid'aafatu. Amma tana ee AABBO Waaqa keenna, harka worra Ashuru kana keesaa nu baasi, duuba akasiini gochiti lafa keesa jirtu ch'ufti, aka atini ch'allaani AABBO Waaqa beetu. Jennaani Isayaani, ilmi Amozi, qonqo gara Hezekia erge waan jed'e, AABBO Waaqi Israeli waan jed'u. Anini kad'acha atini waan Senakeribu hayyu Ashuru na kad'ate ya d'aagae. Wonti isaa ka AABBO Waaqi dubbate tana: Ee Senakeribu, diri Yerusalemu si koble si goyeese si tufata. Nama atini arabsite goyeesite kana eenu seeta? Nami atini tufate sunini anuma, Waaqa Israeli qulqullo. Atini qonqo namaani ergite d'aadde waan nani jette, Anini gaari kiyyaani fit'e gaareeni Lebanoni ch'ufa kore dabsad'e. Ammalle anini yayu hind'eesa d'ed'eerafi mukeeni jajabdu ch'ufa ch'irad'e badda keesa lit'e fulla ch'ufa gahe. Ammalle anini yayu lafa nyaapa ch'ufa d'aqe eela qotad'e, bisaani keesaa d'uge, miili askarti tiyya yayu galaana Misiri gosse. Atini aka anini waan suni ch'ufa herege si tolchisise ind'ageenne? Anini amma waan suni ch'ufa ya tolche guute. Nami irre atini dira jajabaani ch'ach'absite bulleesite sii kenne anuma. Worri dira suni keesa tauleeni mudame sodaate. Worri suni buuyo diida yokhaani raafu mana gubbati baatu, ta qilleensi oowani ilaboru d'ufe balleesu fakaata. Ammo anini waan kanke ch'ufa imbeekha, waan atini tolchitufi fulla atini deemtule. Ammalle aka atini dallante naati roqomtule anini imbeekha. Anini yayu dallansufi kiyyiba kanke suni d'agaye, tanaafi amma tana kiyyoofi lugama Siti kaye kara atini d'ufte kaani si deebisa. Jennaani Isayaani waan hayyuuni jed'e, Waan kanati akheekha sii taha. Ganna kanafi ganna d'ufu, mid'aanuma ufumaani baha nyaata, ammo ganna sadeeso atini mid'aani fach'aafate murate, zabibu oobrate mid'aani isii nyaatta. Worri Yuda ka hafu akuma mukha hiddi isaa aka dansaa lafa keesa seene late mid'aani baasu taha. Yerusalemufi gaara Sioni gubbati nami inuma hafa, wonti akanatiifi AABBO Waaqi waan suni tolchu male intau. Wonti hayyu Ashuru, ka AABBO Waaqi jed'e, tana: Inni dira kana seene t'iya tokole indarbatu. Askartini wonte qabdu tokoleeni dira suniti ind'iaatu, ammalle booliti qotani dira sunini marsani injirtu. Inni, ka dira inseenne, karuma d'ufe deebia. Nami dubbi tana jed'e ana AABBO Waaqa. Anini dira kana nyaapa iraa d'owe baasa, maro guddinna kiyyatifi ammalle maro kakhu ta anini hojattu tiyya Dauditi kakhad'eefi. Halkani suni malaikaani AABBO Waaqa fulla duuli Ashuru jiru d'at'e, askarti nama kuma d'ibbafi saddeetami shani hobaafte. Boriyyaate lafti bariinaani reefa ufuma ch'iisu argani! Jennaani hayyuuni Ashuru ka Senakeribu jed'ani kaani, kae Ninawiti gale. Guyya toko, ato inni mana waaqa isaa, ka Nisroki jed'ani keesa tae waaqa kad'atu, ilmaani isaa lama, Adramelekifi Sharezani goraade ufitini isaa ijeefte, lafa Araratiti baqatte. Duuba ilmi isaa, ka Esar-Hadoni jed'ani, fulla isa hayyu tahe. Bara suni Hezekiani faaya d'abe duud'ame. Raagi Isayaani, ilmi Amozi, isa argu d'aqe waan jed'eeni, AABBO Waaqi waan siini jed'u, Waan kanke ch'ufa mid'aafad'u, d'aamad'u, atini d'ukuba kana iraa inhaftu, inuma doota. Jennaani Hezekiani fuula manati deefate, Waaqa kad'ate waan jed'e: Ee AABBO, aka anini garaa tokooni si hojad'e sii saalfad'e woma atini feetu ch'alla tolche qaabad'i; akasi jed'e aka hama bohe. Isayaani kae biraa deeme, Jennaani ato inni olla hayyu keesaa imbahinu AABBO Waaqi waan jed'eeni, Deebii, waan Hezekia gudda gumi tiyyaatini jettu, Anini, AABBO Waaqi, Waaqi ababo kanke Daudi, yayu kad'acha tante d'agaye imimaani kanke arge. Anini si fayyise guyya sadeeso atini Mana Waaqa d'at'a. Anini amma ganna kud'ani shani guyya kanke ira sii dara. Anini ammalle siifi dira Yerusalemu kana harka hayyu Ashuru keesaa baase, dira sunile jabeese nyaapa iraa d'owa, maro guddinna kiyyatifi maro kakhu anini hojattu kiyya Dauditi kakhad'eefi. Jennaani Isayaani haanch'a oda d'ulla isati mat'anse, duuba akanaani fayye. Hezekiani waan Isayaani jed'e, Akheekhi aka AABBO Waaqi na fayyise guyya sadeeso Mana Waaqa d'aqu inni na garsiisu kami? Isayaani waan jed'eeni, AABBO Waaqi akheekha kana sii kenne akanaani kakhu isaa guuta. Gaandiduni faano gubbaa ta ejata kud'ani dura deemtu mo ta duuba deebitu feeta? Hezekiani waan jed'eeni, Aki gaandidu ejata kud'ani dura deemsisani laafa! gaandiduni ha dudda duuba deebituuti. Isayaani AABBO Waaqa kad'ate jennaani AABBO Waaqi gaandidu taani faano hayyu Ahazini jaare ira ejata kud'ani dudda duuba deebise. Bara suni hayyuuni Babiloni, ka Merodaka Baladani, ilma Baladani, jed'ani, aka Hezekiani fayya d'abe d'agaye tatabeefi waan d'ibi ergeefi. Hezekiani worra ergaani d'ufe suni olseena jed'e durooma qabu ch'ufa worra garsiise — qarsi, worqi, qumbiifi qayya, ammalle miha isaa ka lola ch'ufa. Wonti inni olkaye, ka mana isaa keesa jiraatiifi ka fulla d'ibi jiraaleni ka inni worra ingarsiisini tokoleeni injirtu. Jennaani raagi Isayaani gara hayyu Hezekia d'aqe waan jed'eeni, Worri kunini eesaa d'ufe? Worri maani sini jed'e? Hezekiani waan jed'eeni, Worri lafa tanaa ind'umne, Babilonii d'ufe, lafa ind'iaanne Isayaani waan jed'eeni, Worri maani mana kanke keesati arge? Inni waan jed'e, Worri waan ch'ufa arge, wonti anini worra ingarsiisini injirtu. Jennaani Isayaani waan hayyuuni jed'e, AABBO Waaqi guddaani waan jed'u, Guyyaani ind'ufa, ka waan mana kanke keesa jira ch'ufafi waan ababooti tante olkeetele ch'ufa fuud'ani lafa Babiloni geesani; wonti tokoleeni inhaftu. Ilmaani atini d'altele haga toko boojiani sasangisiisani mana hayyu Babiloni keesa hojachiisani. Jennaani Hezekiani waan Isayaani jed'e, Dubbini AABBO Waaqa, atini nati himte tunini, waan dansa. Wonti Hezekiani akasi jed'eefi, inni waan sehe, waan haga inni lafa fidu lafti nagaya taatu seha. Waan Hezekiani tolche ch'ufa, jannoomafi aka inni haro qote jaare, fulla bisaani haro suni keesaa diratini yaani mid'aasele ch'ufa Kitaaba Odu Hayyoota Yuda keesati t'aafaniti t'aafani. Hezekiani due jennaani ilmi isaa Manaseeni fulla isaa hayyu tahe. Ganni Manase kud'ani lama gaafa inni hayyu Yuda tahe ammalle Yerusalemu keesa haga ganna shantami shani lafa mohate. Maqaani had'a isaa Hefziba. Akuma gosa AABBO Waaqi duri worra duraa gusse ta waan hamtu taate isa durati ch'ubbu hamtu tolchite taani Manaseleeni AABBO Waaqa durati ch'ubbu tolche. Fulla waaqa d'ara iti kad'atani ta gaara ira, ta qara abbaani isaa Hezekiani ch'ach'abse, jaare ammalle fulla Baali iti kad'atani sorio baasanifi mid'aase, fakeenna waaqa Ashera jed'anile boch'e, akuma hayyuuni Israeli ka Ahabu jed'ani kaani tolche. Ammalle inni urjile ch'ufa gajed'e kad'ate. Inni Mana AABBO Waaqa ka Waaqi, na ch'alla keesati yaamad'a jed'e, keesati, fulla sorio waaqa d'ara irati baasani, jaare. Inni naabo lamaani ch'icha Mana Waaqa garaa keesati waan sorio irati baasani urji kad'atani jaare. Inni ilma isaa sorio gubani baase ammalle nama wohime, murma baafate, worra ayyaanatifi falfaltu d'ugeefate gula deeme. Inni ch'ubbu guddo hamtu tolche akasiini AABBO Waaqa dallansiise. Inni akheekha waaqa Ashera jed'ani mid'aase fuud'e Mana AABBO Waaqa ke kaye, Mana Waaqi duri Daudifi ilma isaa Solomonini; Yerusalemu keesa mana kana keesati fulla anini lafa gosa Israeli kud'ani lamaani taani keesaa fohad'e iti na kad'ad'a jed'e. Yo gumiini Israeli Seera kiyya guute Seera hojattuuni tiyya Musani kenneefi ch'ufa gula yaate, anini aka worra lafa anini ababoota worrati kenne taani keesaa baasani ee injed'u. Ammo gumiini Yuda AABBO Waaqa ch'aqasu didde, ammalle Manaseeni ch'ubbu guddo hamtu, ta ch'ubbu gosa worra AABBO Waaqi gumi isa ta Israeli duraa gusse taale iraa jirtu, tolchisise. AABBO Waaqi hojattu isaa raagootaani dubbate waan jed'e, Hayyu Manaseeni yayu waan hamtu, ka waan worri Kanaani tolche kaanile ira hamtu tolche akasiini gosa Yuda ch'ubbu keesa buuse. Tanaafi, Anini AABBO Waaqi Israeli, gaargala guddaani Yerusalemufi Yudatini d'ufa, aka nami ch'ufti ka waan kana d'agau rifate bakhakhu. Akuma anini Samaria gaargalche kaani Yerusalemule tolcha, akuma duri hayyu Ahabu Israelitiifi d'aloota isale tolche. Gumi Yerusalemu ch'ufa lafa iraa hare balleese, akuma qori d'iqani lafati gombisani tolcha. Nama fiige bahe balleese harka nyaapa isati kenna, aka worra dabsatani lafa isaani ch'ufa keesaa boojiani. Wonti anini waan suni tolchufi waan worri nati ch'ubbame, haguma duri ababooti worraa lafa Misiriti baate haga arra na dallansiisefi. Manaseeni nama heddu ka wollaala womaatu inqamne hobaase, d'iigi aka galaana dibbise Yerusalemu keesa yae; tana malele inni worra Yuda waan boch'ani kad'atani kaani gula deebise AABBO Waaqa durati akanaani ch'ubbu keesa buuse. Waan Manaseeni tolche ch'ubbu inni tolche ch'ufale kitaaba Odu Hayyoota Yuda keesati t'aafaniti t'aafani. Manaseeni due jennaani oobru mana hayyu d'aatu, ta Uza jed'ani, keesati awaalani, ilmi isa, ka Amoni jed'ani, fulla isaa hayyu tahe. Ganni Amoni diddami lama gaafa inni hayyu Yuda tahe, ammalle inni ganna lama Yerusalemu keesa lafa Yuda mohate. Haati isaa Meshulemethi, ta dubra Haruzi, ta worra dira Yotba. Akuma abba isaa Manase, innileeni AABBO Waaqa durati ch'ubbu tolche; wanuma abbaani isaa tolche kaani gula deeme waaqoota d'ara, ka abbaani kad'ate kaani, innileeni kad'ate. Inni AABBO Waaqa ababooti isaa dide Seera AABBO Waaqa iraa gore. Hojattuuni Amoni, isati malate mana hayyu keesati isa ijeefte. Jennaani worri Yuda jara isaa ijeese kaani hobaase, ilma isaa ka Yosia jed'ani hayyu tolche. Waan Amonini tolche ch'ufa kitaaba Odu Hayyoota Yuda keesati t'aafaniti t'aafani. Amoni oobru Uza keesati awaalani, duuba ilma isa Yosiani fulla isaa hayyu tahe. Ganni Yosia saddeeti gaafa inni hayyu Yuda tahe, ammalle inni Yerusalemu keesa ganna sodomi toko lafa mohate. Had'a isa maqaani Yedida, isiini dubra Adaya, ka dira Bokathi. Yosiani waan AABBO Waaqi fed'u tolche, faanuma ababo isaa Daudi, ka diqole iraa ingorini bahe, Seera Waaqa ch'ufa jabeese guute. Yosiani ganna kud'ani saddeeteeso ka lafa mohate keesa nama isaa tatabe t'aafu ka maqaani Shefani, ilma Azalia ka akhaakhu Meshulamu, Mana Waaqati erge waan jed'eeni, Beeni, gara Hilkia Qaallu gudda d'aqi, haga beeseeni qaaloleeni fullo Mana Waaqa keesati nama iraa guurte geetu hubad'i. Waan atini jettuuni, Beese suni worra Mana Waaqa mid'aasuu kenni. Duuba worri ha ogeeyifi ijaartufi worra d'akha boch'u baase ammalle mukhaafi d'akha manani mid'aasanile bituti. Worri hujiti mata ch'ufti nama d'uga, ka hori ch'ubbu inyaanne, tanaafi wonti isani beese suni maanini hojattani jettani gaafatanifi injirtu. Shafanini d'aamsa hayyu Hilkiati hime jennaani, Hilkiani waan jed'eeni, Anini yayu kitaaba Seera Mana Waaqa keesati arge. Duuba Hilkiani kitaaba fuud'e iti kenne jennaani Shefanini fuud'e soome. Duuba hayyuuti deebie waan jed'eeni, Hojattuuni tante yayu beese Mana Waaqa keesa jirtu taani fuute worra Mana Waaqa mid'aasuu kennite. Ammalle wonti inni jed'e, Anini kuno kitaaba Hilkiani nati kenne harka qaba, jed'e, duuba hayyu soome. Hayyuuni kitaaba soomu jirani d'agaye jennaani laalefate woya ufiraa qabu tatarsaase, duuba seera baase, waan qaallicha Hilkiafi, Ahikamu ilma Shafanitifi Akbori ilma Mikatifi Shafani ka tatabe hayyu t'aafufi Asaya ka hayyu hojattuuni jed'e, Bena, anaafi gumi Yuda ch'ufaa waan kitaaba kana keesati t'aafani AABBO Waaqa nuu gaafad'a. AABBO Waaqi yayu nuti dallane, maro ababooti teenna waan kitaaba kanati t'aafani gula yau dideefi. Jennaani Hilkia, Ahikamu, Akbori, Shafani ammalle Asayani yaani niiti Hulda jed'ani ta raaga ta dira yerusalemu moga hareetiti galtu d'aqani wogaafatani. (D'iirsi isii shalumuni ka ilma Tikra, ka akhaakhu Harhasi, inni nama woya Mana Waaqa qorqoratu.) Worri waan tahe kana ch'ufa iti hime, jennaani isiini waan jetteeni, AABBO Waaqi Israeli waan jed'u: waan isani nama nati isani ergeeni jettani, AABBO Waaqi Israeli waan jed'u, Anini Yerusalemu nama isa ch'ufa ingaargalcha, akuma kitaaba hayyu soomani keesati t'aafani. Worri ya na dide sorio waaqa d'ibi baase, akanaani worri huji sunini na dallansiise, tanaafi dallansuuni sunini ta anini Yerusalemuti dallane deebite amma nara ingaltu. Ammo gama hayyu. Anini AABBO Waaqi Israeli waan jed'u: Atini waan kitaaba keesati t'aafani ch'aqafte, aka anini Yerusalemufi nama isi ch'ufa, imballeesa jed'e sodaachise d'ageete, ch'ubbu iraa deebite, na durati ufi diqeesite, woya tante tatarsaafte boote. Anini dira suni waan nama rifachiisa tolcha, aka nami maqa isaatini nama abaaru. Ammo anini kad'acha tante yayu d'agaye. Tanaafi haga atini dootuti anini Yerusalemu gaargalche woma intolchu. Atini ato nagayi jiru doota. Jari deebie d'aamsa kana hayyu Yosiati hime. Hayyu Yosiani jaarole gugurdo Yudatifi ta Yerusalemutifi qaaloleefi raaga, ammalle nama d'ibi dureesafi hiyyeesale ch'ufa wolti yaame, worri ch'ufti woliini gara Mana Waaqa d'aqe, duuba hayyuuni gumi ch'ufa dura eje, lalabe, kitaaba wold'aqisa ka Mana Waaqa keesati argani soomeefi. Inni d'aatu utuba hayyu eje, wold'aqisa AABBO Waaqa woliini tolfate, aka Waaqa gula deeme, seerafi aadaafi waan inni fed'u ch'ufa garaafi qalbi isaatini tolchu, aka taka tana dubbi kitaaba wold'aqisa keesati t'aafani guutu. Duuba nami ch'ufti aka wold'aqisa kana jabeese guutu kakhate. Jennaani hayyu Yosiani qaallichu gudda Hilkia jed'anifi qaalole isa jala hojattufi ammalle nama fullo Mana Waaqa eegu erge, aka worri miha Baalifi waaqa Ashera jed'anifi urjileeni kad'atani ch'ufa Mana Waaqa keesaa alati baasani. Hayyuuni waan kana ch'ufa dira keesa baase, d'aatu laga Kidroniti gube, duuba daara isiile Betheliti geese. Inni qaalole duri hayyuuni Yuda muude huji sorio waaqa d'araati hojattani dira Yudatifi lafa d'aatu Yerusalemule iti kenne ch'ufa huji suni keesaa yaase — qaalole ta Baalifi aduufi jiaafi urjiifi Bakalchale sorio baafte. Inni akheekha waaqa Ashera jed'anile Mana Waaqa keesa fuud'e, dira keesa alati baase, laga Kidroni keesati gube, d'ukeese d'uke sunile lafa nama iti awaalaniti firfirse. Ammalle mana nad'eeni sharmut'i iti galtu ka d'aatu Mana Waaqa balleese. (Artiti nad'eeni woya waaqa Ashera jed'aniini kad'atani hod'ite mid'aasiti.) Inni qaalole dira Yuda keesa jirtu ch'ufa Yerusalemutini d'ufe, duuba fulla sorio Waaqa d'ara iti baasani ta lafa suni ch'ufa keesa jirtu yake t'ureese, ammalle fulla waaqa d'ara iti kad'atani ta harka bita, d'aatu fullo Yoshuani guddaani dira suni jaarellee ch'ach'abse. Qaalole suni Mana Waaqa keesa hojachu d'owani, ammo akuma qaalole taani d'ibi qit'a bukho inqamne nyaati. Hayyu Yosiani ammalle fulla waaqa d'ara iti kad'atani ta Tofethi jed'ani, ta bale Hinomu keesa, ch'ach'abse, aka, nami tokoleeni ilma isaa yokhaani intala isaa aka sorio gubani waaqa Moleki jed'ani imbaamne. Ammalle fardoole hayyooti Yuda huji kad'acha aduti jette baafte achi balleese, gaari huji suni baasanile ch'ufa gube. (Wonti kuni Manuma Waaqa d'aatu fulla fullo ta d'aatu mana Nathan-Meleki jaallabi guddaani iti galu, jirti.) Fulla waaqa d'araati sorio irati baasani, ta gubbaa mana Ahazi, ta hayyooti Yuda mid'aasiteefi ammalle fulla waaqa d'araati sorio irati baasani ta Manaseeni ballinna Mana Waaqa gama lachutu jaare ch'ufa, gadi hirkise ch'ach'abse bulleese, bulla haftele bale Kidroni keesati jisse. Hayyu Yosiani fulla sorio irati baasani, ta hayyu Solomonini gaara ejersaatini bitaa Yerusalemu ilaboruti jaare aka waaqa d'ara ka Ashtorethifi waaqa Sidonitifi Kemoshi waaqa Moabutifi Milkomu waaqa Amoni iti kad'attani t'ureese balleese. Hayyu Yosiani d'akha aka utuba old'ad'aabani kaani ch'ach'abse bulleese, akheekha waaqa Ashtorethi jed'ani kaani ch'ire duuba fulla akheekhi kunini qara jiru kaani lafele namaatiini guute. Yosiani ammalle fulla waaqa d'ara iti kad'atani, ta hayyu Yeroboamu, ilmi Nabathi, Betheliti jaare akasiini worra Israeli ch'ubbu keesa buuse kaani ch'ach'abse. Yosiani ammalle fulla suni buqise, d'akha jaaranini ch'ach'abse bulleese, tume d'ukeese; ammalle akheekha Asherale fuud'e gube. Eege Yosiani ufi d'aatu laale, awaala kubi gubaati arge. Jennaani nama yaame, lafe keesaa guura jed'eeni, lafele suni fulla sorio irati baasani gubbati gube. Akanaani fulla suni yake t'ureese. Duuba inni fulla suni t'ureese, akasiini dubbi raagi duri, gaafa jila, ka hayyu Yeroboamuni fulla suni d'aatu eju jed'e taani guute. Jennaani hayyuuni Irreesa sunini ka eenu jed'e gaafate? Worri Betheli waan jed'eeni Irreesi sunini ka raaga Yudea d'ufe, waan atini fulla sorio irati baasani tana tolchite kana fage. Hayyu Yosiani waan jed'e, Akasumati lakisa lafe isaa tokole intuqina. Tanaafi lafe isaatiifi ta raaga Samaria d'ufele tokole awaala keesaa infuud'ini. Dira Israeli ch'ufa keesa hayyu Yosiani fulla sorio iti baasani waaqa dara iti kad'atani ch'ufa, ta hayyooti Israeli jaarte akanaani AABBO Waaqa dallansiifte, ch'ach'abse. Fulla sorio iti baasani tana ch'ufa, akuma Betheliti tolche kaani, tolche. Inni qaalole waaqa d'ara taani ch'ufa fulla sorio iti baasani, ta isiini hojattu irati fit'e, duuba lafele nama fulla sorio irati baasani suni ch'ufa gubbati gube; eege Yerusalemuti deebie. Hayyu Yosiani seera baase aka nami ch'ufti jila Pasaka tana jabeese, AABBO Waaqa guddisu, akuma kitaaba wold'aqisa keesati t'aafani kaani. Takuma hayyuuni tokoleeni ka Israeli yokhaani ka Yudaleeni jila Pasaka ta akasi intolchine haga jaallabooti lafa mohate asi. Ammo amma eege ganna kud'ani saddeeteeso ka hayyu Yosiani lafa mohate keesa, biyyiti jila Pasaka Yerusalemu keesa gammadaani tolfate. Ammalle Yosiani falfaltuufi worra ayyaanatifi ammalle akheekha waan aka Mana Waaqa keesati kad'attani ch'ufa Yudafi Yerusalemu keesa balleese, aka akanaani t'aafi kitaaba qaallicha Hilkia jed'ani, Mana Waaqa keesati arge kaani keesa jirtu guutufi tolche. Isa durati yokhaani eegi isaale hayyuuni aka Yosia AABBO Waaqa garaafi qalbiifi irreeni hojate Seera Musa ch'ufa guute, tokoleeni injiru. Ammo AABBO Waaqa dallansuuni inni waan Manaseeni tolche gula worra Yudati dallane taani diqole iraa ingalle. Jennaani AABBO Waaqi waan jed'e, Akuma qara Israeli gusse Yudale fuula kiyya duraa gussa. Ammalle Yerusalemu dira anini fohad'eefi mana kiyya ka anini maqaani kiyya ha keesa jiraatu jed'elle imballeesa. Waan eege Yosiani tolche ch'ufa kitaaba Odu Hayyoota Yuda keesati t'aafaniti t'aafani. Gaafa Yosiani hayyuma harkaa qabu suni, hayyuuni Neko jed'ani, ka lafa Misiri, askarti isaa fud'ate galaana Frati taake hayyu Ashuru qarqaaru d'aqe. Jennaani hayyu Yosiani askarti Misiri fuula keesa deeme Megidoti had'e, had'iisa suni keesati due. Hojattuuni isaa reefa isaa gaari keesa keete Yerusalemu geesite, awaala qara isaa qotani keesati awaalte. Duuba worri Yuda Yoahazi, ilma Yosia, fohate muude fulla abba isaa hayyu tolfate. Ganni Yoahazi diddami sadi gaafa inni hayyu Yuda tahe ammalle inni Yerusalemu keesa jia sadi lafa mohate. Maqaani haad'a isaa Hamutali, ta dubra Yeremia, ka dira Libna. Inni faani ababoota isaa gula bahe AABBO Waaqa durati ch'ubbame. Jennaani hayyuuni Misiri ka Neko jed'ani kaani isa qabe hid'e Ribla ta lafa Hamathiti geese akasiini inni hayyuma ufi d'abe. Ammalle inni worra Yuda qarsi kilo kuma saditifi d'ibba afuritiifi worqi kilo sodomi afuri baasisise. Hayyu Nekoni ilma Yosia, ka Eliakimu jed'ani fulla abba isaa hayyu Yuda tolche, maqa isaa Yehoiakimuti jijire. Hayyu Nekoni Yoahazi lafa Misiri geese, inni achiti due. Hayyu Yehoiakimuni qabeenna nama gula damoosa nama iraa guure, aka hori hayyuuni Misiri fed'u kaani qit'eesu. Ganna Yehoiakimu diddami shani gaafi inni hayyu Yuda tahe, ammalle inni Yerusalemu keesa ganna kud'ani toko lafa mohate. Maqaani haad'a isaa Zebida isiini dubra Pedaya ka dira Ruma. Yehoiakimuni faana ababoota isa gula bahe, AABBO Waaqa durati ch'ubbu tolche. Gaafa Yehoiakimuni hayyu, Nebukadrezani hayyuuni Babiloni, Yuda had'e dabsate, Yehoiakimulle haga ganna sadii hojatu tolfate; ammo eege inni iti gargale. AABBO Waaqi duula heddu worra Babilonifa ka Shamufa ka Moabufa ka Amonifa lafa Yuda balleesiti iti erge, akuma AABBO Waaqa hojattu isaa ta raagatini jed'e kaani. Wonti jecha Waaqa gula wonti kunini ch'ufti taateefi, aka AABBO Waaqi worra Yuda ufi dura balleesu, maro ch'ubbu heddu Manaseeni duri tolcheefi; ammo keessuma waan inni nama woma iyyakini fit'eefi. Waan kanaafi AABBO Waaqi Manasee araaramu dide. Waan Yehoiakimuni tolche ch'ufa kitaaba Odu Hayyoota Yuda keesati t'aafaniti t'aafani. Yehoiakimunu donaani ilmi isaa Yekoniani fulla isaa hayyu tahe. Hayyu Misiritiifi askartini isaa ituma deebite lafa isaani keesaa imbaane, wonti akanatiifi hayyu Babiloniti lafa duri Misiriini mohatu ch'ufa mohate; lafti sunini galaana Fratiti ejite haga muumme seera lafa Misiri moga mirgati ejiti. Yekonia ganni isaa kud'ani saddeeti gaafa inni hayyu Yuda tahe ammalle inni Yerusalemu keesa jia sadi lafa mohate. Maqaani haad'a isaa Nehushta, ta dubra Elnathani, ka dira Yerusalemu. Inni akuma abba isaa AABBO Waaqa durati ch'ubbu tolche. Gaafasi duuli Nebukadreza ka hayyu Babiloni d'ufe Yerusalemu marse had'e. Gaafa lola suni hayyu Nebukadrezani Yerusalemu d'ufe jennaani, hayyu Yekoniafi haad'a isaatiifi ilmaani isaatiifi askarti isaale, ammalle worri mana hayyu keesa hojattuleeni ch'ufti woligalani, booju worra Babiloni kad'attani. Ganna saddeeteeso ka inni lafa mohate keesa, Nebukadrezani hayyu Yekonia qabe, isaafi hori mana hayyu keesa jiru ch'ufa Babiloni geese. Akuma qara AABBO Waaqi duraani hime kaani, hayyu Nebukadrezani miha worqi ka hayyu Solomoni Mana Waaqa keesati mid'aase, ch'ufa ch'ach'abse. Hayyu Nebukadrezani worra Yerusalemu ch'ufa qabe. Ammalle worra woliini ilmaani hayyuutifi worra gugurda lafa suni, ka wolti nama kuma kud'ani, boojie. Inni hogeeyiifi tumtu ch'ufa boojie, hiyyeeyi ch'alla lafa suniti lakise. Nebukadrezani Yekoniafi haad'a isaatiifi nad'eeni isaatiifi jaallaboota isaatiifi ammalle jaarole lafa Yuda ch'ufa qaqabe boojie lafa Babiloni geese. Nebukadrezani nama d'iira ch'alla jajaba kuma torba, ammalle hogeeyiifi tumtu nama kuma toko, ka kamu nama jajaba huji askarti guutu Babiloniti godaansise. Nebukadrezani abuyya Yekonia, ka Mattania jed'ani, hayyu tolche, maqa jijire Sedekia baaseefi. Ganni Sedekia diddami toko gaafa inni hayyu Yuda tahe, ammalle inni ganna kud'ani toko Yerusalemu keesa lafa mohate. Haad'a isaa maqaani Hamutali, isiini dubra Yeremia, ka dira Libna. Hayyu Sedekiani akuma hayyu Yekoniani tahe kaani AABBO Waaqa durati ch'ubbu tolche. AABBO Waaqi guddo worra Yerusalemutifi ka Yudaleti dallane, fuula ufi duraa balleese. Sedekiani hayyu Nebukadreza ka Babiloniti gargale jennaani, hayyu Nebukadrezani askarti isaa ch'ufaani d'ufe, guyya kud'anneeso ka jia kud'anneeso, ganna sagaleeso, ka Sedekiani lafa mohate keesa Yerusalemu had'u d'aqe, d'aatu isiiti qubate boola qote marseeni, haga ganna kud'ani tokeeso ka Sedekiani lafa mohate artuma tae had'e. Guyya sagaleeso, ka jia afreeso ka ganna suni, beelti dira suni keesati guddatte, nami sagale nyaatule d'abe, naabo dira sunile ch'absani. Ato worri Babiloni dira suni marsele askartini ch'ufti halkaniini fullo naabo lamaani jiddu jirtu, ta d'aatu oobru hayyuutini baqatte gara bale Yordani iti d'aabatte. Ammo askartini Babiloni hayyu Sedekia reebde diida Yerikoti d'aqabde jennaani askartini isaa ch'ufti biraa baqatte. Duuba isa qabani hayyu Babiloni ka Ribla jiruti geesani, achiti hayyu Nebukadrezani ijeecha iti mure. Ilmaani isaa ila isaa durati fit'ani isale ila keesa guurani sansalatani hid'ani Babiloni geesani. Guyya torbeeso ka jia shaneeso, ganna kud'ani sagaleeso ka Nebukadrezani hayyu Babiloni lafa mohate Nebuzaradanini ka makala hayyu, ka ammalle inni gudda askarti isaa, Yerusalemu d'ufe. Inni Mana Waaqatifi mana hayyuutifi maneeni nama gugurda ka Yerusalemu ch'ufa gube, askartini isaleeni naabo diraani marsani jaarani ch'ufa ch'ach'absite. Duuba Nebuzaradani worra dira Yerusalemu keesati hafefi hogeeyiifi nama worra isaani lakise hayyu Babiloniti baqate fuud'e Babilonitini gale. Ammo inni hiyyeeyi woma inqamne lafa Yudati lakise, aka worri zabibu tisse oobrule qotu. Worri Babiloni utuba sibiila diimani mid'aasanifi waan gaari fakaata ka Mana Waaqa keesa jiru ch'ufafi haro gingiti sibiila diimani mid'aasanile ch'ufa ch'abse, sibiila diima ch'ufa lafa Babiloniti geese. Ammalle worri daboolafi eele daara iti haranifi miha ifseeni qorqoratanifi qori d'iiga sorio iti naqanifi qori hit'aana iti aarsanifi miha Mana Waaqatini hojattani, ka sibiila diimani mid'aasani ch'ufa, itiini d'aabatani. Ammalle worri waan worqifi qarsiini mid'aasanifi qori didiqofi daboolaa ch'ile ibidatini fuud'anile, ch'ufa fuud'ani itiini d'aabatani. Miha Solomonini sibiila diimani Mana Waaqaati mid'aase utuba lamaanifi waan aka gaari kaanifi haro gingitini taanile dandaani ulfinna isii imbiimani. Utubaani lamaani haguma taka: old'eerinni isaa d'und'uma kud'ani saddeeti, ka kamu waan aka sure ta d'und'uma sadii sibiila diimani mid'aasani mata gubba kayani. Waan aka sure suni ch'ufa looti sibiila diimani mid'aasani marsani, waan aka okhoku ka sibiila diimani mid'aasanini ch'okhaani. Tana male Nebuzaradanini ka gudda askarti, qaallicha gudda Seraya jed'anifi, Sefania ka isati aanufi ammalle jara gugurda Mana Waaqa keesa hojattu, nama sadi qaqabe Babiloni geese. Dira keesa, inni nama askarti ch'ufaa matatifi, nama shani ka makala hayyu, ka dira keesati hafefi namicha nama askartii matati aanu, ka waan askarti lafa suni ch'ufa t'aafufi ammalle nama jaatama d'ibi ka gurra qabu ch'ufa woliini qabe geese. Nebuzaradanini, ka gudda askarti, worra kana ch'ufa guure, hayyu Babiloni, ka Ribla jiruti, geese. Achiti lafa Hamathiti hayyicha worra d'aane lubbule fit'e. Duuba akanaani worra Yuda lafa worra keesaa boojiani lafa d'ibi geesani. Hayyuuni Babiloni, ka Nebukadreza jed'ani, Gedalia, ilma Ahikamu, ka akhaakhu Shafani, gudda lafa Yuda tolche, ammalle worra Yudati hafe, ka Babiloni ingeesini, kaani mata iti tolche. Worri askarti Yudati matatifi askartini worra, ta harka inkennatini, waan kana d'ageete jennaani, Mispati goli Gedaliati daramani. Maqaani worra gugurda suni kana: Ishmaeli ilma Nethania, Yohana ilma Karea, Seraya ilma Tanhumethi, ka dira Netafa, ammalle Yezania ilma Maaka. Gedaliani worrati kakhate waan jed'e, Wonti isani worra Babiloni iraa d'eetani injirtu, lafa tanati qubad'a, hayyu Babiloniti hojad'a, akanaani bulti argattani. Ammo jia torbeeso, ganna suni keesa, Ishmaeli ilmi Nethania, ka akhaakhu Elishana, ka fiit'a hayyu nama kud'ani fud'ate Mispa d'aqe, Gedaliafi worra Israelitiifi ka Babiloni ka isa woliini jirule had'e ijeese. Jennaani worri Israeli, dureeyyiifi, hiyyeeyifi worri askartiti mataa woliini kaani; maro worra Babiloni sodaatanifi lafa Misiri d'aqani. Ganna sodomi torbeeso ka Yekoniani hayyu Yuda boojiani, guyya diddami torbeeso ka jia kud'ani lameeso, Evil-Merodakini hayyu Babiloni tahe, Yekonia hayyu Yudati nahe hid'aansa keesa baase. Inni Yekonia dubbi dansa iti dubbate, hayyoota isa woliini boojiani taani ch'ufa iraa ulfeese. Tanaafi Yekoniani woya gaafa isa hid'ani keeyachiisani taani jijirate haga jiru ch'ufa mana hayyu keesa hayyu woliini sagale nyaate. Haga inni jiru guyya ch'ufa beese waan isaa male kennaniifi. Adamuuni abba Sethi, Sethini abba Enoshi, Enoshiini abba Kenani, Kenani abba Mahalaleli, Mahalaleliini, abba Yaredi. Yaredeni abba Henoko, Henokoni abba Methuselahi, Methuselahini abba Lameki, Lamekini abba Nuhu, Nuhuuni ilmaani sadi qaba: Shemu, Hamu, Yafethi. Ilmaani Yafethi: Gomeri, Magogu, Madai, Yarani, Tubali, Mesheki, Tirasi, ilmaani tana tamu gosa maqa worraa qabduti iraa bahe. Gochiti Gomeri iraa baate, Askanazi, Rifathi ammalle Togama. Gochiti Yovani iraa baate, Elisha, Tarshishi, Kitimu, Rodani. Ilmaani Hamu: Kushi, Misiri, Putu, Kanaani. Ilmaani tana tamu gosa maqa worraa qabduti iraa bahe. Gochiti Kushi ira baate Seba, Havila, Sabta, Raama, Sabteka, gochiti Raama ira baate, Shebafi Dedani. (Ilmi Kushi toko ka Nimrodi jed'ani lafa ch'ufa keesa waan woraana iti jabaate abba iti tahe.) Gochiti Misiri iraa baate, Ludi, Anami, Lehabi, Naftuli, Pathrusi, Kasluhi ammalle Kaftori (ka gochiti Filisti iraa baate). Ilmaani Kanaani, angafi Sidoni, kaani Hethi. Ilmaani tana tamu gosa maqa worraa qabduti iraa bahe. Gochiti Yebusi, ta Amori, ta Girgashi, ta Hivi ta Arki, ta Sini, ta Arvadi, ta Semari, ta Hamathi, gochiti tunini ch'ufti kanaani iraa baate. Ilmaani Shemu: Ilamu, Ashuru, Arfaksadi, Ludi, Aramu, Usi, Huli, Getheri, Mashi. Ilmaani tana tamu gosa maqa worraa qabduti iraa bahe. Arfaksadiini abba Sala, Salani, abba Eberi. Eberini ilmaani d'iira lama d'ale; toko maqaani Pelegi, wonti maqa suni baasanifi bara suni nami ch'ufti gargari bahe; gurba kaani d'ibi maqaani Yoktani. Worri Yoktani iraa hore kana: Almodadi, Shelefi, Hazarmavethi, Yera, Hadoramu, Uzali, Dikla, Obali, Abimaeli, Sheba, Ofiri, Havila, Yobabu. Kunini maqa worra Shemufi Abramu jiddu jiru: Shemu, Arfaksadi, Sala, Eberi, Pelegi, Rehu, Serugi, Nahori, Tera, Abramu (ka eege Abrahamu jed'ani). Abrahamuuni ilmaani d'iira lama qaba Isaaqofi Ishmaeli. Ilmaani Ishmaeli gosa kud'ani lamati iraa bahe: Nebayothi (maqa ilma isaa ka angafa), Kedari, Adbeli, Mibsamu, Mishma, Duma, Masa, Hadadi, Tema, Yeturi, Nafishi, Kedema. Niitiini gaarayu Abrahamu toko ta Ketura jed'ani ilmaani d'iira jaa d'alteefi: Zimrani, Yokshani, Medani, Midiani, Ishbaki, Shua. Yokshanini ilmaani lama qaba; Shebafi Dedani. Midianini ilmaani shani qaba: Efa, Eferi, Hanoki, Abida, Eldaa. Ilmi Abrahamu Isaaqooni ilmaani d'iira lama qaba, Esaufi Yakobo. Ilmaani Esau tana: Elifazi, Reueli, Yeushi, Yalamu, Kora, gochiti Elifazi iraa baate tana: Teemani, Omari, Sefo, Tatamu, Kenazi, Timna, Amaleki. Gochiti Reueli iraa baateleeni tana: Nahathi, Zera, Shama, Miza. Worri Edomu gosa tanati gargari bahe: Timna, Alva, Yehtethi, Oholibama, Ela, Pinoni, Kenazi, Temani, Mibsari, Magdieli, Iramu. Yakobooni ilmaani d'iira kud'ani lama qaba: Reubeni, Simeoni, Lawi, Yuda, Isakari, Zabuloni, Dani, Yusufu, Benjamini, Naftali, Gadi, Asheri. Yudaani ilmaani d'iira shani qaba. Niitiini isaa ta gosa Kanaani, ta Bathshua jed'ani, ilmaani sadi d'alteefi: Eri Onani, Shela. Ilmi isaa angafa ka Eri jed'ani, waan hamtu tahe jennaani AABBO Waaqi ijeese. Niiti ilma isaa ta Tamari jed'ani, Yudaani ilmaani lama iraa d'ale Peresifi Zera. Peresini ilmaani lama qaba, Hesronifi Hamuli. Oboleesi isaa Seerani ilmaani shani qaba: Zimri, Ethani, Hemani, Kalkoli, Darda. Aanini, ilmi Karmi, ka d'aloota Zera waan boojiani Waaqa olkayani fud'ate akasiini baddi worra Israelitini d'ufe. Ethanini ilma toko qaba, ka Asaria jed'ani. Hesronini ilmaani d'iira sadi qaba: Yerameeli, Ramu, Kalebu. Kunini maqa worra Ramufi Yese jiddu jiru: Ramu, Aminadabu, Naashoni (inni nama gudda gosa Yuda keesa), Salmoni, Boazi, Obedi, Yese. Yeseni ilmaani d'iira torba qaba. Maqaani worra aka worri wolti aane d'alateeni kana: Eliabu, Abinadabu, Shama, Nethaneli, Raadai, Ozemu, Daudi. Ammalle inni ilmaani dubra lama qaba, Seruyafi, Abigaili. Intalti Yese ta Seruya jed'ani ilmaani d'iira sadi qabdi: Abishai, Yoabufi Asaheli. Intalti isaa ta Abigaili jed'ani, ta Yetherini nami d'aloota Ishmaeli fuud'e, gurba toko ka Amasa jed'ani d'alte. Ilmi Kalebu, ka Hesroni jed'ani, Azubu fuud'e, intala Yeriothi jed'ani iraa d'ale. Isiini ilma sadi d'alte: Yesheri, Shobabu, Ardooni. Azubuni doonaani Kalebuni Efrathi fuud'e, gurba Huri jed'ani iraa d'ale. Huriini Uri d'ale, Urileeni Besaleli d'ale. Hesronini ganna jaatama gahe jennaani dubra Makiri, oboleeti Gileadi fuud'e, isiini Segubu d'alteefi, Segubuleeni Yaeri d'ale. Yaerini dira diddami sadi lafa Gileadi keesaa qaba. Ammo worri Geshuritifi Aramu dira jaatama ka lafa sunitifi olla Yaeritifi ka Kenathitiifi dira d'aatu jirule ch'ufa woliini had'e dabsate nami achi tau ch'ufti d'aloota Makiri, ka abba Gileadi. Hesronini doonaani ilmi isa ka Kalebu jed'ani, Efrathi, niiti abbaani isaa iraa due, fuud'e. Isiini gurba Ashuru jed'ani ka dira Takoa jaare, d'alteefi. Yerameelini, ka angafa Hesroni ilmaani d'iira shani qaba: Angafi isaa Ramla, taani d'ibiini, Buna, Oreni, Ozemu, Ahiya. Onamuni ilmaani d'iira lama qaba, Shamaifi Yaada; Shamaileeni ilmaani d'iira lama qaba, Nadabufi Abishuri. Abishurini niiti Abihaili jed'ani fuud'e, ilmaani d'iira tana lamaani iraa d'ale; Abanifi Molidi. Oboleesi Abishuri Nadabuni, ilmaani d'iira lama qaba, Seledifi Apaimu, ammo Seledini ato woma ind'aliini due. Apaimuni Ishi d'ale, Ishini Sheshani d'ale Sheshanini Alai d'ale. Yadaani, oboleesi Shamai, ilmaani d'iira lama qaba, Yetherifi Yonathani, ammo Yetherini ka woma ind'aliini due. Yonathanini ilmaani d'iira lama qaba, Pelethifi Zaza. Worri kunini ch'ufti nama Yerameelini d'ale. Sheshanini ilma tokole ind'alle, dubra male hojattuuni isaa namicha Misiri toko ka Yavha jed'ani; inni intala isaa toko isa fuusise isiini Atai d'alteefi. Kunini maqa worra Ataifi Elishama jiddu jiru: Atai, Nathani, Zabadi, Eflali, Obedi, Yehu, Azari, Helesi, Eleasa, Sismai, Shaluma, Yekamia, Elishama. Kalebu oboleesa Yerameeli, ilma isaa ka angafa maqaani Mesha. Meshani abba Zifu, ka abba Maresha, ka abba Hebroni; Hebroni ilmaani d'iira afuri qaba: kora Tapua, Rekemu, Shema. Shemani abba Rahamu, Rahamuni abba Yorkeamu. Rekemuni, ka oboleesa Shema, abba Shamai; Shamaini abba Maoni Maonini abba Beth-Suri. Kelebuni gaarayu qaba ta Efa jed'ani, inni ilmaani d'iira sadi iraa d'ale: Harani, Mosa, Gazeezi. Haraninileeni ilma Gazeezi jed'ani qaba. (Namichi Yadai jed'ani toko ilmaani d'iira jaa qaba: Regemu, Yothamu, Geshani, Peleto, Efa, Shaafu.) Kalebuni gaarayu d'ibi qaba, ta Maaka jed'ani, isiini ilmaani d'iira lama d'alteefi: Sheberifi Terhana. Eegi suni isiini ijoolle d'iira lama d'alteefi: Shaafu, ka dira Madmana jaareefi Sheva ka dira Makbenaafi Gibea jaare. Ilmaani tana male Kalebuni intala Aksa jed'ani toko qaba. Jari kunileeni nama Kalebuni d'ale, Huriini ilma Angafa, ka Kalebuni Efrathi iraa d'ale. Ilmi Huri, ka Shobali jed'ani, dira Kiriath-Yearimu jaare; ilmi isaa ka lameeso, ka Salma jed'ani, Bethlehemu jaare; ammalle ilmi isaa ka sadeeso, ka Harefu jed'ani, Beth-Gaderi jaare. Shobalini, ka Kiriath-Yearimu jaare, abba gosa Haroe, ammalle nami dira Menuhothi ke tau gami toko d'aloota isaati. Ammalle inni abba balbala gosa Kiriath-Yearimu keesa teetu; gochiti sunini tana: Ethri, Puthi, Shumathi, Mishrai. (Worri dira Surathitifi Eshtaoli worra balbala suniti.) Salmani, ka Bethlehemu jaare, abba worra Netofathi ammalle abba Atroth-Beth-Yoabu, ammalle abba worra Sori gochiti lamaani dira Manahattu keesa teetu toko gosa Sori. (Balbalti gosa worra woi t'aafu dira Yabeesi keesa teeti: gochiti sunini tana: Tirathi, Shimeathi, Sukathi. Worri kunini worra gosa Kenniti, ka worra Rekabutini wolfuud'e.) Ilmaani jaani tunini ch'ufti, gaafa Daudini Hebroni keesa ganna torbafi jia jaa lafa mohate, d'alateefi. Yerusalemu keesa inni ganna sodomi sadi lafa mohate, achiti ilmaani heduni d'alateefi. Niitiini isaa Bathsheba, ta dubra Amieli, ilmaani d'iira afuri d'alteefi. Shamua, Shobabu, Nathani, Solomoni. Ammalle inni ilmaani d'iira sagali d'ibi qaba, Ibahari, Elishua, Elipeleti, Noga, Nefegi, Yafia, Elishama, Eliada, Elifeleti, ilmaani tana male, Daudini ilmaani d'ibi gaarayoota isaa iraa d'ale. Inni ammalle intala Tamari jed'ani toko qaba. Kunini nama Solomonifi ilmaani isaa iraa hore: Solomoni, Rehoboamu, Abiya, Asa, Yehoshefathi, Yehoramu, Ahazi, Yoashi, Amazia, Uzia, Yothamu, Ahazi, Hezekia, Manase, Amoni, Yosia. Yosiani ilmaani d'iira afuri qaba: Yohana, Yehoiakimu, Sedekia, Yoahazi, Yehoiakimuni ilmaani d'iira lama qaba Yekobiafi Sedekia. Kunini nama Yekoniani nami boojiani Babiloni geesani, d'ale. Yekoniani ilmaani d'iira torba qaba: Shealtieli, Malkiramu, Pedaya, Shenazari, Yekamia, Hoshama, Nedabia. Pedayaani ilmaani d'iira lama qaba, Zerubabelifi Shimei. Zerubabelini ilmaani d'iira lama qaba, Meshulamufi Hanania, ammalle inni intala dubra toko qaba, ta Shelomithi jed'ani. Inni ilmaani d'iira shani d'ibi qaba: Hashuba, Oheli, Berekia, Hasadia, Yushab-Hesedi. Hananiani ilmaani d'iira lama qaba, Pelatiafi Yeshaya. Yeshayaani abba Refaya, Refayaani abba Arnani, Arnanini abba Obadia, Obadiani abba Shekania. Shekaniani ilma d'iira toko qaba, ka Shemaya jed'ani, ammalle akhakhowani shani qaba: Hatushi, Igali, Bariam, Beara, Shafathi: Nearini ilmaani d'iira sadi qaba: Elioenai, Hezekia, Asirikamu. Elioenaini ilmaani d'iira torba qaba: Hodavia, Eliashibu, Pelaya, Akubu, Yohana, Delaya, Anani. Kunini nama haga gari ka Yudaani d'ale: Peresi, Hesroni, Karni, Huri, Shobali, Shobalini abba Reaya, Reayaani abba Yahathi, Yahathini abba Ahumaitifi Lahadi, Ahumaitifi Lahadiini abbooti gosa lafa Sorathi keesa teetu. Ashuruni, ka dira Tekoani jaare nad'eeni lama qaba, ta Helafi Naara jed'ani. Naarani ilmaani d'iira afuri isaa dalte: Ahusamu, Heferi, Temeni, Ashitari. Helani ilmaani d'iira sadi isaa d'alte: Sethi, Ishari, Ithnani. Hakosini abba Anubutifi Sobeba, inni ammalle abba balbala gosa ta Ahareli ilma Harumu iraa baate. Namicha toko, ka Yabeesi jed'ani, oboleyaani isaa ch'ufa ira guddo ulfeesani. Wonti haati maqa Yabeesi baafteefi, waan inni guyya d'alate guddo isi gaargalcheefi. Ammo Yabeesini Waaqa Israeli yaamate waan jed'e, Ee Waaqa, na eebisi, lafa guddo ballo naa kenni, waan hamtu na gaargalcha ch'ufa naraa d'owi. Waaqileeni akasuma waan inni kad'ate suni ch'ufa guutefi. Kalebuni, oboleesi Shua, ilma Mehiri jed'ani d'ale Mehirini abba Eshtoni, Eshtonini ilmaani d'iira sadi qaba: Beth-Rafa, Pasea, Tehina. Tehinani nama dira Nahashi jaare. D'alooti worra kana dira Reka keesa taa. Kenazini ilmaani d'iira lama qaba, Othnielifi Seraya. Othnielileni ilmaani d'iira lama qaba, Hathathifi Meonothai. Meonothaini abba Ofra. Serayaani abba Yoabu, ka abba bale hogeeyi, ka nami achi tau ch'ufti hogeesa. Kalebuni ilmi Yefuni ilmaani d'iira sadi qaba. Iru, Ela, Naamu. Elaleeni abba Kenazi. Yehalelini ilmaani d'iira afuri qaba Zifu, Zifa, Tiria, Asareli Hodiani oboleeti Nahamu fuud'e, ilmaani worraa abbooti balbala gosa Garmi ta dira Keila teetu; ammalle balbalti Maaka, ta dira Eshtemoa keesa teetu, worra iraa baate. Shimoni ilmaani d'iira afuri qaba: Amnoni, Rina, Ben-Hanani, Tiloni, Ishini ilmaani d'iira lama qaba: Zohethifi Ben-Zohethi. Shelani ilma Yuda, nami inni d'ale Eri, ka dira Lekea jaare; Laada, ka dira Maresha jaare; ammalle balbala worra woya boofta mid'aasu, dira Asbea keesa tau; Yokimufi worra dira Kozeba ke tau; ammalle Yoashifi Sarafi, ka nad'eeni gosa Moabu fuud'ani, duuba dira Bethlehemu qubatani. (Oduuni tunini waan duri duriti.) Worri kunini worra duri miha faara hayyuu mid'aasu. Worri dira Netaimutifi Gederati gala. Simeonini ilmaani d'iira shani qaba, Nemueli, Yamini, Yakini, Sohari, Shauli. Shaulini Shalamu d'ale, Shalamuni Mibishamu d'ale, Mibishamuni Mishma d'ale. Mishamani Hamueli d'ale, Hamuelini Zakuri d'ale, Zakurini Shimei d'ale, Shimeini ilmaani d'iira kud'ani jaafi dubra jaa qaba, ammo oboleyaani isaa nami ilmaani heddu qabu injiru, tanaafi gochiti Simeoni haga gosa Yuda heddu intahini. Haguma bara Simeonitifi haga bara hayyu Daudini lafa fide, worri d'aloota Simeoni kunini dira kana keesa taa: Beersheba, Molada, Hasar-Shuali, Bilha, Ezemu, Toladi, Pethueli, Horma, Ziklagi, Beth-Markabothi, Hasar-Susimu, Beth-Biri, Shaar-Aimu. Ammalle worri dira shani d'ibi keesa tae: Etamu, Aini, Rimoni, Tokeeni, Ashani; ammalle ollowaani d'aatu jirtule ch'ufa keesafi haga dira Baalathi. Tunini lafa duri worri taufi odu worra isaani ta t'aafani jabeesani olkayani. lafa ila adu gahe, diquma Gerari hanqate. Ammalle worri ree isaani bale diri Gerari ke jirtu gama ilaboru tifate. Worri lafa diida dansa, maraafi nagaya qabdu, ta nami d'ibiini keesa injirre, achiti arge, worri duri lafa suni keesa tau worra Hamu. Bara hayyuuni Hezekiani lafa Yuda fide, worri maqa isaani arma keesati t'aafani kunini Gerari d'aqe, waarofi mana worra achi jiru balleese. Worri worra suni keesaa gusse achi qubate, wonti akanatiifi lafti suni marra gudda ree worra quubsu qabdi. Nami d'ibiini d'ibba shani, ka gosa Simeoni ilaboru godaane Edomuni bahe. Nami gaafasi worraani godaane ilmaani Ishi: Peletia, Nearia, Refaya, Uzili. Achiti worri worra gosa Amaleki ka woraana iraa hafe fit'e, haga arrale achuma taa. Kunini nama Reubeniini, angafi Yakobo d'ale. (Waan Reubeni duri gaarayu abba isa barateefi, angaftiti isaa iraa fud'aani Yusufu kennani. Ammo hataatuti, gochiti Yuda gosa taani ch'ufa iraa jabaate hayyu iti taate.) Angafi Yakobo Reubeniini, ilmaani d'iira afuri qaba: Hanoki, Palu, Hesroni, Karmi. Kunini maqa worra gugurda balbala gosa Reubeni, ka t'aafani: Yeieli, Zekaria, Bela, ilma Azazi, ilma Shemaya, ka balbala Yoeli worri balbala tana kunini Aroerifi lafa artini mirga, ta qajeela Nebotifi Beala Meoni, keesa taa. Worri hori gudda qaba, lafa Gileadi keesa, tanaafi lafa haga lafa gamooji ta ilaboruti ejite haga galaana Efratiti Ejitu ch'ufa fud'ate. Bara Sauloni lafa fide, gochiti Reubeni gosa Hajiri haate, dabsate hobaafte, lafa worra gama Gileadini ilaboru fud'ate keesa qubate. Gochiti Gadi, gosa Reubenitini mirgaa, lafa Bashani ta haga Salekati ejite keesa teeti. Yoelini gudda gosa worraa, isale Shafamuti iti aana, Yanafi Shafathiti, lafa Baashani keesa, worrati aana. Gochiti Gadi balbala torba d'ibi qabdi: Mikaeli, Meshulamu, Sheba, Yorai, Yakani, Zia, Eberi, worri kunini d'aloota Abiali, ka ilma Huri, ka ababooti isaa tana: Abiaheli, Huri, Yaroa, Gileadi, Mikaeli, Yehishai, Yado, Buzi. Ahini, ilmi Abdieli, ka ilma Guni, gudda balbala gosa tanaati. Worri kunini lafa Bashanitifi Gileaditifi dira d'aatu jirutifi lafa horini oolu ta Sharoni jed'ani keesa taa. (Dubbi tana bara Yothamuni Yuda fideefi Yeruboamuni Israeli fide t'aafani.) Gosa Reubenitifi ta Gaditifi ta Manase ta ilaboru keesa, askarti kuma afurtami afuritiifi d'ibba torbafi jaatamati jira, ta ch'ufti nama wonteefi sheeftifi t'iyaani wohad'u beekhu. Askartini sunini ch'ufti gosa Hajiri, ta Yeturifi Nafishifi Nodabu jed'ani, had'u dat'e. Worri Waaqa abbadate qarqaarsa kad'ate, Waaqileeni kad'acha suni d'agaye gosa Hajiritifi goli worrale worra dabsachiise. Worri nyaapa suni ira, gaala kuma shantamatifi hooliye kuma d'ibba lamafi shantamatifi harrelee kuma lamatiifi nama kuma d'ibba tokole boojie. Waan Waaqi worra qarqaareefi worri nyaapa heddu fit'e, lafa sunile fud'ate keesa tae; duuba eege nyaapa d'ibiini d'ufe worrale boojie. Worri gosa Manase, ka ilaboru lafa Baashani, haga Baal-Hermoni qubate Senirifi gaara Hermoniti eje, achiti worri hore lafa ira dabre. Worri kunini abbooti balbala gosa worra: Eferi, Ishi, Elieli, Azrieli, Yeremia, Hodavia, Yadieli. Worri kunini ch'ufti nama woraana jajaba gurra qabu, ka ammalle mata balbala gosa worra. Ammo worri Waaqa ababoota isaaniti ch'ubbame, isa iraa gorre waaqa worra gosa d'ibi, ka Waaqi duri worra duraa gusse, kad'ate. Tanaafi Waaqi hayyu Ashuru, ka Pulu jed'ani (ka ammalle maqaani d'ibiini Tiglath-Pileseri) worra haasise. Inni gosa Reubenitifi, ta Gaditifi ta Manase ta ilaboru, boojie Halafi Aburifi Harafi d'aatu galaana Gosanitile qubsise haga arrale worri achuma taa. Lawiini ilmaani d'iira sadi qaba: Gershoni, Kohathi, Merari. Kohathini ilmaani d'iira afuri qaba: Amramu, Ishari, Hebroni, Uzieli. Amramuuni ilmaani d'iira lamafi intala toko qaba: Haruni, Musa, Miriamu. Harunini ilmaani d'iira afuri qaba: Nadabu, Abihu, Eleazari, Ithamari. Nami Eleazari iraa bahe, ka d'aloota d'alootani woli gula d'alate kana: Finehasi, Abishua, Buki, Uzi, Zerahiya, Merayothi, Amaria, Ahitubu, Sadoki, Ahimaasi, Azaria, Yohana, Azaria (ka Mana Waaqa ka Solomonini Yerusalemuti jaare keesa hojate). Amaria, Ahitubu, Sadoki, Shulamu, Hilkia, Azaria, Seraya, Yehosadaki. Gaafa AABBO Waaqi worra Yudatifi ka Yerusalemu harka Nebukadreza kenne, Nebukadrezani Yehozadakile boojie. Lawiini ilmaani d'iira sadi qaba: Gershoni, Kohathi, Merari. Ilmaani tunini sadeenu ilmaani qabdi. Gershoni abba Libnitifi, Shimei; Kohathini abba Amramutifi Isharitifi Hebronitifi Uzieli: Merarileeni abba Malitifi Mushi. Nami Gershoni iraa bahe, ka d'aloota d'alootani wolgula d'alate, kana: Libni, Yahathi, Zima, Yoa, Ido, Zera, Yeatherai, nami Kohathi iraa bahe, ka d'aloota d'alootani wolgula d'alate, kana: Aminadabu, Kora, Asiri, Elkana, Ebiasafu, Asiri, Tahathi, Urieli, Uzia, Shauli. Elkanani ilmaani d'iira lama qaba: Amasaifi, Ahiothi. Nami Ahimothi iraa bahe, ka d'aloota d'alootani wolqula d'alate, kana: Elkana, Sufu, Nahathi, Eliabu, Yerohamu, Elkana. Samuelini ilmaani lama qaba, angafi Yoeli, maand'ichi Abiya. Nami Merari iraa bahe, ka d'aloota d'alootani wolgula d'alate, kana: Mali, Libna, Shimei, Uza, Shimeya, Hagia, Asaya. Kunini worra hayyu Daudini fohate, huji sirbati mata tolche, Mana Waaqa ka Yerusalemu keesati, eegi Sanduqa Wold'aqisa achi geesani. Worri kunini faro farooni Waaro Woyyuma keesa hojate, gaafa qara Solomonini Mana Waaqa injaarini. Kunini worra huji suni gaafasi fohatanifi d'aloota worra: Worri balbala Kohathi kana: Hemani, ilmi Yoeli abba siribdu qara. Worri inni keesaa d'alate. Haga Yakobooti assi, kana: Yoeli, Samueli, Elkana, Yerohamu, Elieli, Tohu, Sufu, Elkana, Mahathi, Amasai, Elkana, Yoeli, Asaria, Sefania, Tahathi, Asiri, Ebiasafu, Kora, Ishari, Kohathi, Lawi, Yakobo. Asafuni abba sirbitu lameeso. Worri inni keesaa d'alate, haga Lawiti asi, kana: Asafu, Berekia, Shimea, Mikaeli, Baaseya, Malkia, Ethini, Zera, Ido, Ethani, Zima, Shimei, Yahathi, Gershoni, Lawi. Ethanini, ka balbala Merari, abba sirbitu sadeeso. Worri inni keesaa d'alate, haga Lawiti asi, kana: Kishi, Abdi, Maluki, Hashabia, Amazia, Hilkia, Amzi, Bani, Shemeri, Mali, Mushi, Lawi. Worra gosa Lawi kaani d'ibi huji d'ibi Waaro Woyyuma kennanifi. Harunifi nami inni d'ale ch'ufti hit'aana aarse, sorio waan mesa fakaata irati guyya ch'ufa gube baase. Wonti Fulla Fulla Ch'ufu Ira Qulqullooti tolchanifi hujiini sorio Waaqi daba Israelitini baasu ch'ufti ta worrati. Worri huji tana ch'ufa dubbi hojatuni Waaqa Musani worrati hime gula hojate. Nami Harunini d'ale kana: Eleazari, Finehasi, Abishua, Buki, Uzi, Seraya, Merayothi, Amaria, Ahitubu, Sadoki, Ahimaasi. Tunini lafa ilmaani Haruni, ta balbala Kohathiti, kennani. Worri kunini qooda lafa ka qara, ka worra Lawiti kenani, argate. Hebroni lafa Yudatifi lafa Horini oolu ta d'aatu dira sunileeni ch'ufti tami worraati. Ammo oobrufi ollowaani d'aatu dira suni Kalebu ilma Yefuneti kennani. Lafa Benjamini keesa dira kanafi lafa horini oolule kennanifi: Geba, Alemethi, Anathothi, akanaani worri, worra ufi woliini, dira kana, ka ch'ufti wolti kud'ani saditi, gale. Dira kud'ani, ka lafa worra gosa Manase ta ila adu, worra balbala gosa Kohathi, ka hafe, hit'aani qoodanifi. Balbala gosa Gershoni, worra worraani dira kud'ani sadi lafa Isakaritifi ta Asheritifi ta Naftalitifi ta Manase ta lafa Baashani, jirtu, kennanifi. Akasuma dira kud'ani lama, ka lafa Reubenitifi ta Gaditifi ta Zabuloni keesa jiru, balbala gosa Merariti, worra worraani kennani. Akanaani worri Israeli dira gochiti Lawi keesa teetu kenneefi, lafa horini oolu, ta d'aatu dira suni jirtu woliini. (Dira lafa Yudatifi ta Simeonitifi ta Benjaminile, ta qara waan qara isii t'aafani, hit'aani qoodani.) Worra gari, ka balbala gosa Kohathi, dirafi lafa horini oolu, ta lafa Efraimu, kennanifi: Shekemu, dira iti baqatani ka gaareeni Efraimu. Gezeri, Yokmeamu, Beth-Horoni, Ayaloni, Gath-Rimoni. Lafa gosa Manase, ta ila adu keesa dira Aneritifi Bileamufi lafa horini oolu ta d'aatule woliini worraa kennani. Worri balbala gosa Gershoni dira kanafi lafa horini oolu, ta d'aatule kennanifi: Lafa Manase ta ilaboru keesa: Golani lafa Baashani keesatifi Ashtarothi. Lafa Isakari keesa: Kedeshi, Dabarathi, Ramothi, Anemu. Lafa Asheri keesa: Mishali, Abdoni, Hukoki, Rehobu. Lafa Naftali keesa: Kedeshi lafa Galilaya keesatifi, Hamonifi Kiriathiamu. Worra balbala gosa Merari ka hafe, dira kanafi lafa horini oolu, ta d'aatu, kennanifi. Lafa Zabuloni keesa Rimonafi Tabori. Lafa Reubeni, galaana Yordanitini ilaboru, ta Yerikoni duuba, keesa: Bezeri ka dira lafa gubbaa jiru Yahasa, Kedemothi, Mefaathi. Lafa Gadi keesa: Ramothi lafa Gileaditifi, Mahanaimufi, Heshbonifi Yazeri. Isakarini ilmaani d'iira afuri qaba: Tola, Pura, Yashubu, Shimroni. Tolani ilmaani d'iira jaa qaba: Uzi, Refaya, Yerieli, Yaamae, Ibsamu, Shemeli, worri kunini abbooti worra balbala gosa Tola; ammalle worri worra woraana jajaba, ka gura qabu. Bara Daudini lafa fide, nami worri kuni hore, nama kuma diddami lamatiifi d'ibba jaa. Uzini ilma d'iira toko qaba, ka Israiya jed'ani. Israiyaafi ilmaani isaa afraani, Mikaelifi Obadiafi Yoelifi Ishiaani gosa isani keesa worra matati. Worri nad'eeni heddu fuud'e, ijoolle aka biyye tana d'ale, tanaafi nami kuma sodomi jaa, ka huji woraana barsiisani, gosa suni keesaa bahe. Nami gosa Isakari, ka huji woraana guutu, ka heregani t'aafani, nama kuma saddeetami torbati. Benjamini ilmaani d'iira sadi qaba: Bela, Bekeri, Yediaeli. Belaani ilmaani d'iira shani qaba: Esboni, Uzi, Uzieli, Yerimothi, Iri. Worri kunini abbooti balbala gosa worraa, ammalle worri ch'ufti nama woraana jajaba, ka gurra qabu, nami worri kunini d'ale nama kuma diddami lamatiifi sodomi afuri, ka kamu huji woraana guutu. Bekerini ilmaani d'iira sagali qaba: Zemira, Yerimothi, Abiya, Anathothi, Alemethi. Nami worri kunini d'ale, ka huji woraana guutu, ka heregani t'aafani, nama kuma diddamatifi d'ibba lama. Yediaelini ilma d'iira toko, ka Bilhaani jed'ani, qaba: Bilhanileeni ilmaani d'iira torba qaba: Yeushi, Benjamini, Ehudi, Kenani, Zethani, Tarshishi, Aishahari. Worri kunini abbooti balbala worraa, ammalle worri ch'ufti nama woraana jajaba ka gurra qabu. Nami worri d'ale, ka huji woraana guutu, nama kuma kud'ani torbatifi d'ibba lama. Shupimufi Hupimuleni gosuma tana. Danini ilma toko qaba, ka maqaani Hushimu. Nafataliini ilmaani d'iira afuri qaba: Yaseeli, Guni, Yeseri, Shelemu. (Worri kunini ilmaani Bilahani d'alte.) Niiti gaarayu isa ta gosa Arami iraa Manaseeni ilmaani d'iira lama d'ale Asrielifi Makiri. Makirini abba Gileadi. Makirini Hupimufi Shupimu dubra fuusise. Oboleeti isaale maqaani Maaka. Ilma isaa ka lameeso maqaani Selofahadi, inni dubruma ch'alla d'ale. Niitiini Makiri, ta Maaka jed'ani ilmaani d'iira lama d'alte, Pereshifi Shereshi. Pereshini ilmaani d'iira lama d'ale Ulamufi Rakemu, Hulamuleni Bedani d'ale, worri kunini ch'ufti nama Gileadi ilmi Makiri, ka akhaakhu Manase d'ale. Oboleetini Gileadi, Hamilekethini, ilmaani d'iira sadi d'alte: Ishodu, Abiezeri, Mala. (Shemidaani ilmaani d'iira afuri qaba: Ahiani, Shekemu, Leki, Aniamu.) Nami Efraimuni d'ale, ka d'aloota d'alootani wolgula d'alate kana: Shuthela, Beredi, Tahathi, Eleada, Tahathi, Zabadi, Shuthela, Efraimuni ilmaani tana male ilmaani d'iira d'ibi lama qaba: Ezerifi Eleadi; worra kana lamaani, gaafa worri looni gosa Gathi hatu d'aqe, fit'ani. Abbaani worraa, Efraimuni, guyya heddu worraa bohe ammo oboleyaani isa d'ufte iraa hambifte. Jennaani inni ammalle ilma d'ibi niiti isaa iraa d'ale, maqa Beria baaseefi, maro worri isaani guddo gaargala argateefi. Efraimuni intala Sheera jed'ani toko qaba, isiini nama dira Beth-Horoni ka gubbatiifi ka golbatiifi Uzan-Sheeraale jaare. Ammalle Efraimuni ilma toko ka Reefa jed'ani qaba, ilmi sunileeni worra kana d'ale: Reeshefu, Tela, Tahani, Ladani, Amihudi, Elishama, Nuni, Yoshua. Lafti worri kunini fud'ate iti qubate, dira Bethelitifi ka d'aatu jiru ch'ufa haga Naara ilaborutifi Gezerifi dira d'aatu jiru ch'ufa, ka iladu. Ammalle lafti worraa dira Shekemutifi Ayatifi dira d'aatu jiru ch'ufale. Ammo ilmaani Manase dira Beth-Shanifa ka Taanakifa Megidofa Dorifi dira d'aatu jiru ch'ufa mohatti. Amma ilmaani Yusufu, ka ilma Yakobo, lafa tana ch'ufa keesa teeti. Kunini nama Asherini d'ale. Inni ilmaani d'iira afuri qaba, Imna, Ishua, Ishvi, Beria; ammalle intala toko ta Sera jed'ani qaba. Berini ilmaani d'iira lama qaba, Heberifi Malkieli. (Malkielini nama dira Birzathi jaare.) Heberini ilmaani d'iira sadi qaba. Yafleti, Shomeri, Hothamu; ammalle intala Shua jed'ani toko qaba. Yafletinileeni ilmaani d'iira sadi qaba: Pasaki, Bimhali, Ashvathi. Oboleesi isaa Shomerini ilmaani d'iira sadi qaba: Roga, Yehuba, Aramu. Oboleesi isaa Hothamuni ilmaani d'iira afuri qaba: Soofa, Imna, Sheleshi, Amali. Ilmaani Soofa tana: Sua, Harneferi, Shuali, Beri, Imra, Bezeri, Hodu, Shama, Shilsha, Ithrani, Beera. Ilmaani Yetheri tana: Yefune, Rispa, Ara, ilmaani Ulaleeni tana: Ara, Hanieli, Risia. Worri kunini ch'ufti nama Asherini d'ale, worri ammalle abbooti balbala gosa worraati, ammalle ch'ufti nama woraana jajaba ka gurra qabu, ka gosani, deemu ilmaani Asheri, nami huji woraana guutu, nama kuma diddami jaati. Benjaminini ilmaani d'iira shani qaba. Maqaani worraa, aka worri woli gula d'alate gula, kana: Bela, Ashbeli, Ahiramu, Noha, Rafa. Ilmaani Bela tana: Adari, Geera, Abihudi, Abishua, Naamani, Ahowa, Geera, Shufamu, Huramu. Yeusi, Shakia, Mirma. Ilmaani isaa ch'ufti gosa worraa keesa mataa taate. Ammalle inni ilmaani lama Hushimu iraa d'ale: Abitubufi Elpaali. Elpaalini ilmaani d'iira sadi qaba: Eberi, Mishamu, Shemedi, nami dira Onofi Lodifi ollowaani d'aatu jirtu jaare Shemedi. Beriafi Shemani gosa worraa keesa mata tahani, dira Ayaloni keesa qubatani, worra dira Gathi keesa tau keesaa gusani. Ilmaani Beria tana: Ahiyo, Shashaki, Yeromothi, Zebadia, Aradi, Ederi, Mikaeli, Ishpa, Yoha. Worri kunini worra ilmaani Elpaali d'alte Zabadia, Meshulamu, Hizki, Heberi, Ishmerai, Izilia, Yobabu. Ilmaani Shimei tana: Yakomu, Zikri, Zabdi, Elienai, Silethai, Elieli, Adaya, Beraya, Shimrathi. Ilmaani Shashaki tana: Ishpani, Eberi, Elieli, Abdoni, Zikri, Hanani, Hanania. Elamu, Anthothiya, Ifdeya, Penueli. Ilmaani Yerohamu tana: Shamsherai, Sheharia, Athalia, Yaareshia, Eliya, Zikri. Worri kunini worra gosa isaanitifi d'aloota worra isaani ka Yerusalemu keesa taule matati. Yeielini dira Gibeoni jaarate keesa qubate. Niiti isaa maqaani Maaka, ilma isaa ka angafa maqaani Abdoni. Ilmaani isaa taani tana: Suri, Kishi, Baali, Neri, Nadabu, Gedori, Ahiyo, Zekaria, ammalle Miklothi abba Shimeya. D'alooti worraa Yerusalemu keesa tae, d'aatu worra d'ibi ka balbala worraa. Nerini abba Kishi, Kishini abba Saulo Sauloni ilmaani d'iira afuri qaba: Yonathani, Malkishua, Abinadabu, Eshbaali. Yonathanini abba Meribaali, ka abba Mika. Mikaani ilmaani d'iira afuri qaba: Pithoni, Meleki, Tarae, Ahazi. Ahazini abba Yehoada, ka ilmaani d'iira sadi qabu: Alemethi, Asmawethi, Zimri. Zimrini abba Mosa, Mosani abba Binea, Bineani abba Refaya. Refayaani abba Elehasa, Elehasani abba Aseli. Aselini ilmaani d'iira jaa qaba: Azirikamu, Bokeru, Ishmaeli, Shearia, Obadia, Hanani. Oboleesi Aseli, Eshekini, ilmaani d'iira sadi qaba, Ulamu, Yeushi, Elifeleti. Ilmaani Ulamu worra woraana jajaba guddo t'iyaani wohad'u beekhu. Inni ilmaanifi akhakhowani d'ibbafi shantama qaba. Nami armati t'aafani kunini ch'ufti nama gosa Benjaminiti. Gosa Israeli ch'ufa namu worra isaani gula t'aafani odu sunile ch'ufa kitaaba Odu Hayyoota Israeli keesati t'aafaniti t'aafani. Worra Yuda, maro wollaala isaanitifi qara boojiani lafa Babiloni geesani. Nami qara worraafi arda keesaa baheeti gale, worra Israeli ka qaalole intahinifi qaaloleefi worra Lawitifi, worra Mana Waaqa keesa hojatu. Nami Yerusalemu keesa qubate, worra gosa Yudatifi, ka Benjaminitifi ka Efraimutifi, ka Manase. Nami gosa suni ka achi tau mana d'iba sagalitiifi shantami jaa. Worri maqa d'aani kunini ch'ufti abbooti worraa. Qaaloleeni worra isaani mata, ta aka jaba huji Mana Waaqa guutu, nama kuma tokotifi d'ibba torbafi jaatama. Worri Yerusalemu keesati Mana Waaqa eegu kana: Shalumu, Akubu, Talmoni, Ahimani. Guddaani worra suni Shalumu. Haguma duriti haga bara suni, worri balbala gosa worraa fullo ilaboru, ta fullo hayyu jed'ani eega. Duri worri suni fullo ollowaani Lawi eega. Shalumuni, ilmi Kore, ka ilma Ebiasafu, nama fiit'a isaa, ka balbala gosa Kora, woliini fullo balbala Waaro Woyyuma eegani, akuma duri ababooti isaa Waaro Woyyuma eedde. Finehasini ilmi Eleazari — Waaqi isaa eebisinna! Duri bara toko yayu worra suni gudda iti tahe. Zekariani, ilmi Meshelemialeeni, nama fullo Waaro Woyyuma eegu. Nami fohatani fullofi balbala eegu ch'ufti wolti nama d'ibba lamatiifi kud'ani lama, ammalle worra namu, ollowaani isaani gula t'aafani. Nami worra kana huji jabdu suni kenne Daudifi Samueli. Worraafi ilmaani worraa fullo Mana Waaqa eegani. Mana Waaqa gama ch'ufa fulloti jira, ta eegani, gama mirgaatifi ka bitatifi, ka ilaborutifi ka ilaadule, fullooni tuni ch'ufti nama iti mata ka eegu qabdi. Nama fullo eegu kana ch'ufa fiit'a isaani ta ollowaaniti galtuti qarqaara, ammalle worri kunini bulti torba faro farooni lafa eega. Nami afraani worra kanati mata gosa Lawi. Ammalle d'iibu Mana Waaqatifi waan keesati oli kayanile worrati harkaa qaba. Hujiini worra aka Mana Waaqa eegani diirama ch'ufa balbala banani, tanaafi worri d'aatu Mana Waaqati gala. Worri Lawi kaani d'ibiini miha Mana Waaqa keesani hojatani qorqorata. Worri hojja miha suni hujii gadi baasanifi deebisanile tohata. Worri d'ibiini miha woyyumatiifi dargaye qit'aani d'aabanifi daad'iifi d'ad'afi hit'aanafi waan sagale mieesa ka iti darani qorqorata. Ammo nami waan sagaleeni mieesani suni wolti daru qaalole ch'alla. Namichi Lawi toko, ka Matithia jed'ani, ka angafa Shaluma, ka balbala gosa Kora, huji qit'a d'aabani iti mata. Worri balbala gosa Kohathi, guyya Sabato ch'ufa, Mana Waaqaa keesa hojate qit'a Waaqaa baasani Waaqa dura kaya. Ammalle worri Lawi, ka d'ibiini, Mana Waaqa keesa sirba. Nami worra kanaa mataa maneeni d'aatu Mana Waaqa jirtuti gale, huji d'ibi lakise halkanifi guyya huji suni ch'alla hojate. Nami maqa d'aani kunini ch'ufti nama gugurda gosa Lawi keesa aka wolgula d'alatani gula. Worri kunini worra balbala isaniti nama gugurda ka Yerusalemu ke tae. Yeielini dira Gibeoni jaare keesa qubate niiti isa maqaani Maaka. Ilma isa ka angafa maqaani Abdoni, ammalle ilmaani isaa ta d'iira taani maqaani Suri, Kishi, Baali, Neri, Nadabu, Gedori, Ahiyo, Zekaria, Miklothi, Abashimeya. Ilmaani worraleeni Yerusalemu keesa d'aatu worra balbala gosa isaani teeti. Nerini abba Kishi Kishini abba Saulo. Sauloni ilmaani d'iira afuri qaba. Yonathani, Malkishua, Abinadabu, Eshbaali. Yonathanini abba Meribaali, ka abba Mika. Mikaani ilmaani d'iira afuri qaba; Pithoni, Meleki, Tarea, Ahazi. Ahazini abba Yara, ka ilmaani d'iira sadi qabu; Alemethi, Azmawethi, Zimri. Zimrini abba Mosa. Mosani abba Binea, Bineani abba Refaya. Refayaani abba Eleasa, Eleasani abba Aseli. Aselini ilmaani d'iira jaa qaba: Azirikamu, Bokeru, Ishmaeli, Shearia, Obadia, Hanani. Worri Filistitifi ka Israeli gaara Gilboa irati woli had'e. Lola suni keesati worra Israeli heddu fit'ani, worri nami hafefi Saulofi ilmaani isaaleeni baqatani. Ammo worri Filisti worra baqate kaani reebe d'aqabe ilmaani Saulo nama sadi — Yonathanifi, Abinadabufi, Malkishua — fit'e. Had'iisi fulla Sauloni jiruleeti jabaate, isale t'iyaani woraanani, aka hama madeesani. Inni waan nama miha isaa ka lola isa jala baatuni jed'e, Goraade tante qalqala keesaa fud'ad'i, lubbu na kuti, aka worri Waaqa imbeenne kunini na qabe, nati tabate na inijeemne. Ammo namichi sunini mudame isa ijeesu dide. Jennaani Sauloni goraade ufi fud'ate ufi jala d'aabe iti dirme. Namichi kaani aka Sauloni due arge jennaani, innileeni akuma suni ufi ijeese, akasiini isaafi Sauloni woliini duani. Aki Saulofi ilmaani isaa sadeeni woliini raawate akasi, duuba akasiini mootumti isaa muumme baate. Worri Israeli ka bale Yezreeli keesa tau, aka askartini Israeli baqate Saulofi ilmaani isa fit'ani d'ageennaani, dira ufi ch'ufa lakise baqate. Jennaani worri Filisti d'ufe dira suni ch'ufa fud'ate. Boriyyaate worri Filisti reefa worra Israeli miha ira hiikhachu d'ufe jennaani, Reefa Saulotifi ka ilmaani isaa, ka gaara Gilboa ira ch'iisu, argani. Saulo mata iraa kutani, miha isaa ka lola ch'ufa iraa hikhatani, miha suni lafa worra Filisti ch'ufa keesa namaani ergani, aka odu dansa suni mana waaqa worra keesafi nama worraa ch'ufati himani. Miha isaa ka lola mana waaqa worraa toko keesa kayani, mata isaale mana waaqa worraa ka Dagoni jed'ani keesati fannisani. Worri dira Yabeshi ka lafa Gileadi keesa waan worri Filisti Saulo tolche d'agaye jennaani. Worri nami janni ch'ufti kae yae, reefa Saulotifi ka ilmaani isaa fuud'e, Yabeshiti geese. Achiti mukha, gudda toko jalati awaale, haga bulti torba ufi agabse. Wonti Sauloni duefi waan inni AABBO Waaqa durati wollaala tolcheefi. Inni dubbi AABBO Waaqa dide, gara nama ekheraani dubbatu d'aqe wogaafate, fulla inni sila AABBO Waaqa gaafatu. Tanaafi AABBO Waaqi isa ijeese, finna lafa suni Daudi ilma Yeseti kenne. Nami gosa Israeli ch'ufti Hebroniti gara Daudi d'ufe waan jed'eeni, Nu foonifi d'iiga taka. Duri gaafa Sauloni hayyu keennale, atini worra Israelitini duulte; AABBO Waaqi kankeleeni atini gumi tiyya dura deemte, hayyu iti taata sini jed'e. Jennaani jaaroleeni Israeli ch'ufti Daudi ka Hebroni jiruti d'ufte. Inni AABBO Waaqa durati wold'aqisa worra woliini tolfate, duuba worri isa muude, hayyu Israelile isa tolche, akuma AABBO Waaqi duri Samuelini biyyaati hime. Hayyu Daudifi worri Israeli ch'ufti d'aqani dira Yerusalemu had'ani. Dira suni gaafasi maqaani isaa Yebusi, ammalle worri gosa Yebusi ka lafa suniti d'alate gaafasi achuma jira. Worri Yebusi waan Daudini jed'e, Atini dandeete dira keenna inseentu, ammo Daudini dira jaba Sioni suni dabsate, qabe duuba diri sunini ka isaa tahe, dira Daudi jed'aniini. Daudini waan biyyaani jed'e, Nama nama ch'ufa durati nama Yebusi ijeese, gudda askarti tolchani! Jennaani Yoabuni, ilmi Seruya, nama ch'ufa durati nama Yebusi toko ijeese gudda askarti tahe. Waan Daudini dira jajaba suni qubateefi dira sunini dira Daudi jed'ani. Inni dira suni fulla d'ooqa ta gaarani ilaborutini jala qabate baallise marse jaare, Yoabuleeni dira suni moga isaa d'ibi mid'aase jaare. Waan AABBO Waaqi guddaani isaa woliini jirufi, Daudini jabaate, gurri isaa fulla ch'ufa gahe. Kunini maqa askarti Daudi ta gurra qabdu. Jari kunini worra gosa Israeli kaani d'ibi woliini isaa qarqaare, akasiini inni hayyu tahe, dubbi AABBO Waaqi qara jed'e gula, ammalle worri finna lafa isaale guddo jabeese. Nami qara Yashobeamu, ka balbala Hakmoni, inni worra sadeeni gugurda kaaniti mata. Inni woraana isatini nama d'ibba sadi had'iisa guyya toko keesati hobaase. Nami worra sadeeni suni keesa nama matati aanu Eleazari ilma Dodai, ka balbala Ahohoi. Inni gaafa Daudini worra Filisti Pasdamimuti had'e goli isati. Hojja worri Israeli baqate, inni oobru garbu keesa eja. Jennaani isaafi jari isaa jiddu oobru suni keesati baqachu, dide d'owatte worra Filisti had'e hobaase, AABBO Waaqi worra qarqaare, akasiini worri worra dabsate. Guyya toko worra sodoma kaani keesa nami sadi gara rabsu d'akha ka Daudini jalati d'okhatu ka d'aatu goda Adulamu, d'aqani, ka duuli Filisti bale Refaimu keesa jiru. Gaafasi Daudini gaara jabeesani jaarani gubba jira, duuba askartini Filisti d'ufte dira Bethlehemu keesa qubate. Daudi hoodooni worraa qabate, jennaani waan jed'e, Ato nami bisaani anini d'ugu eela fullo Bethlehemu d'aatu jiru keesa naa fuud'e, akami dansa! Worri askarti ka gurra qabu kaani sadeeni olla Filisti duude, eela kaani keesaa bisaani woraabe, Dauditini gale. Ammo inni d'ugu dide, fulla d'ugu AABBO Waaqa d'ibaayu baase waan jed'e, Anini bisaani kana dandae ind'ugu! Yo d'uge, nama d'iiga worra lubbu ufi jibbaate kana d'uge fakaad'a jed'e, d'ugu dide. Wonti jabduuni worri askarti sadeeni gura qabdu taani tolchite tana. Abishaini, oboleesi Yoabu, gudda askarti nama sodoma suni. Inni woraana ufiitini nama d'ibba sadi had'e fit'e, akanaani worra sodoma kaani keesa gurra baafate. Inni worra sodoma kaani ch'ufa ira jabaate, gudda worraa tahe, ammo ha taatuti, gurri isa haga worra kaani sadeeni ind'umne. Benaiyani ilmi Yehoyada, ka lafa Kabseeli d'ufeleeni nama askarti toko ka guddo gurra qabu; inni waan jannooma heddu tolche, askarti Moabu jajannale nama lama ijeese. Guyya toko, ka lafti aka hama d'aamotu, inni boola toko seene keesati nyeench'a ijeese. Ammalle inni namicha Misiri gudda toko, ka d'eerinni d'und'uma shani, ka woraana bode gudda qabu, bokuuni d'ae qabe, woraana iraa fud'ate, woraanuma isa sunini ijeese. Sunini ch'ufti waan Benaiyani, ka askarti nama sodoma taani keesa jiru, jannoomaani tolche. Inni askarti sodoma suni keesa guddo maqa qaba, ammo haga jara kaani sadeeni ingahu. Daudini isa fuud'e, gudda jara isa eegu tolche. Gaafa Daudini hayyu Saulo duraa baqate Ziklagiti gale, jari askarti, ka guddo huji beekhu kunini, ka fiit'a Saulo, ka gosa Benjamini, gara isaa d'ufe. Worri harka mirgichaafi bitaachaleeni t'iyaafi gullubale darbu beekha. Kunini maqa askarti gurra qabdu, ta guddo huji beetu, ta gosa Gadi, ta d'ufte goli Daudi taate, gaafa inni lafa gamooji fulla jabeesani jaarani, keesa tau. Worri kunini ch'ufti guddo wonteefi woraanani woi had'u beekha, fuuli worra aka fuula nyeench'a nama sodaachisa ammalle akuma gadamsa gaara ira oria. Jari gosa Gadi kunini hagi toko askarti kuma tokoti mata, hagi tokoleeni askarti d'ibba tokoti mata. Gaafa toko jia qara ka ganna toko, bara galaani Yordani fach'ae worri galaana taake, worra bale keesa ilaborutifi ila adu tau gargari baqachise. Gaafa toko nami gosa Benjaminitifi ka Yuda hagi toko yae fulla jabeesani jaarani, ta Daudini keesa tau, artiti isati d'ufani. Daudini fuula keesa d'ufe waan jed'eeni, Yo isani aka jaala na qarqaaru d'uftani, anini kurfo jira aka isaniini wold'annu. Ammo yo isani na sobdani harka nyaapa kiyyati na kennu feetani ka anini woma isani ira iyyakini, Waaqi ababoota teenna ha arge isani balleesuti! Jennaani lubbuuni Waaqa jara keesa, namicha Amasai jed'ani toko, ka eege jara sodoma kaani mata iti tahe, ira buute, jennaani inni waan jed'e, Daudi ilma Yese, nu goli tanteeti! Waaqi siifi goli tante ch'ufa qarqaare eebisinna, inni gamuma kanke jira, Daudini worra fud'ate goli ufiiti dare askarti isa keesa guddinna kenneefi. Jari gosa Manase hagi toko d'ufe, goli Dauditi darame gaafa inni worra Filisti woliini Saulo had'u d'aqe. Ammo taatule inni worra Filisti inqarqaare, wonti akanatiifi hayyooti worraa waan Daudini harka Sauloti worra kenne seete sodaate; tanaafi isa Ziklagiti keesa deebisani. Askartini gosa Manase, ta gaafa Daudini Ziklagiti deebie goli isaa taate, tana: Adina, Yozabadi, Yediaeli, Mikaeli, Yozabadi, Elihu, Silethai. Worri kuni qara gosa Manase keesa askarti kuma tokoti mataa. Worri kunini ch'ufti askarti Daudileeti mataa tahe, wonti akanatiifi worri ch'ufti nama jajaba, waan woraana beekhu duuba eege worri askarti Israeli keesa guddinna argate. Guyya ch'ufa nami askarti Dauditi darame, akanaani askartini isaa guddate lafa ira dabarte. Askartini tunini ch'ufti ta lola kurfoofte, Hebroni d'at'e aka garaa tokooni Daudi hayyu Israeli tolchitu. Worri Israeli kaani ch'uftile akasuma woligale Daudi hayyu tolchu fed'e. Worri bulti sadi Daudi woliini bule achiti sagale gochiti isaani worraa kurfeesite nyaatani woliini d'ugaani. Ammalle gochiti Isakaritifi Zabulonitifi ta Naftalileeni ch'ufti, ta fago mirga teetu, harreefi gaalafi gaangefi loonile sagale iti faate d'ufteeni — dargaye daakhani mid'aani odati, mid'aani zabibuti, daad'iifi d'ad'ale. Ammalle worri loonifi ree qaqalaanile ch'ufa d'ufeeni. Waan kana ch'ufa maro Israeli keesati gammadanifi tolchani. Daudini worra askarti kuma tokoti matatifi, ka d'ibba tokoleti, mata, wolti yaame kore. Duuba eege waan worra Israeli ch'ufaani jed'e, Yo isani ee jettani, ammalle yo fed'i AABBO Waaqa keenna taate koota, nama lafa teennati hafefi, qaaloleefi worra Lawi, ka dira ufi keesa jiru qonqo iti ergina, aka worri ch'ufti woliini armati nuti d'ufu. Duuba yaane, Sanduqa Wold'aqisa Waaqa, ka duri bara Saulo yaalu didani fuuna. Dubbi suni nami ch'ufti maache, ee jed'e fud'ate. Duuba Daudini worra Israeli, ka haguma seera lafa Misiri ta bitati eje haga kaarra Himathi ta mirgati eje ch'ufa wolti yaame, aka Sanduqa Wold'aqisa Waaqa Kiriath-Yearimu fuud'ani Yerusalemuni d'ufani. Daudifi worri Israeli dira Baala d'aqani (Baala jechaani Kiriath-Yearimu jechu) aka Sanduqa Wold'aqisa Waaqaa, ka maqa AABBO Waaqa, ka barch'umani isa akheekha waan lubbu qaba ka koola gubbaa jiru, achi fuud'ani. Worri mana Abinadabu d'ufe Sanduqa Wold'aqisa keesaa fuud'e gaari hareesa ka looni hirkisani gubbaa kayani. Uzafi Ahiyooni gaari suni oofani, ka Daudifi worri Israeli ch'ufti aka jaba sirbe Waaqa faarse guddisa, kiraarifi dibbeefi bilbilafi magalata d'aani sirbani. Worri fulla oobdi ta Shidoni jed'aniini bahe jennaani karaabdi gugufate, Uzani saame Sanduqa Wold'aqisa gaari irati qabe. AABBO Waaqi Uzati dallane, hojuma suni isa ijeese, waan inni Sanduqa Wold'aqisa qabateefi. Inni achumati AABBO Waaqa durati due, tanaafi arti asi fulla sunini Perez-Uza jed'aniini. Daudileni waan AABBO Waaqi Uza dallansu keesa ijeesefi guddo dallane. Jennaani Daudini Waaqa sodaate waan jed'e, Anini akami dandae Sanduqa Wold'aqisa fuud'a. Duuba inni Yerusalemuti ingeesine ammo mana namicha toko ka Obed-Edomu jed'ani, ka lafa Gathiti, lakise. Sanduqi sunini jia sadi achi tae, jennaani AABBO Waaqi worra Obed-Edomutifi waan inni qabu ch'ufa eebise. Hiramuni, hayyichi Tiro, nama gara Daudi erge, worra suni woliini mukha hind'eesatifi hogeeyi mukhaafi d'akhaani mana jaartu ergeefi. Duuba akanaani Daudini aka AABBO Waaqi hayyu Israeli isa tolche, lafa inni fidule, maro gumi isaatiifi eebise, hubate. Achi Yerusalemu keesa Daudini nad'eeni d'ibi fuud'e, ilmaani d'iiratifi ta dubrale heddu d'ale. Ilmaani Yerusalemu keesati isaa d'alate tana: Shamu, Shobabu, Nathani, Solomoni, Ibahari, Elishua, Elipeleti, Noga, Nefegi, Yafia, Elishama, Beeliadafi, Elifeleti. Worri Filisti aka Daudi muudani hayyu lafa Israeli ch'ufa tolchani d'ageennaani duula baase isa qabu d'aqe. Tanaafi Daudini worra fuula keesa deeme. Worri Filisti bale Refaimutini bahe jennaani worra lafa suni had'e, waan worrale ch'ufa saame. Daudini Waaqa gaafate waan jed'e, Worra Filisti kana inhad'a? Dandae indabsad'a? AABBO Waaqi waan jed'eeni, Ee had'i, anini dabsacha sii keenna! Jennaani Daudini Baali Parasimuti worra had'e, dabsate waan jed'e, Waaqi yayu aka bisaani fach'aani nyaapa kiyya keesa na fach'aase. Tanaafi fulla sunini Baal-Perazimu jed'ani. Jennaani worri Filisti baqate waan harkaani boch'ani ka worri kad'atu lafati lakise. Duuba Daudini jara isatini, Waan suni ch'ufa guba jed'e. Ammalle worri Filisti bale suniti deebie, wosaame. Daudini ammalle, Ani maani tahu male? Jed'e Waaqa gaafate. Waaqi waan jed'eeni, Armaa inhad'ina, gama suni mara, fulla mukha gugurda sunini dudda duubani had'a. Hojja isani shawesa dame mukeeni suni d'ageetani, nyaapa hobaati iti labsa, had'a, anati isani dura deeme worra Filisti suni isani dabsachiisa. Daudini waan Waaqi isaani jed'e guute, worra Filisti Gibea had'e Gezerini baase. Gurri Daudi fulla ch'ufa gahe, AABBO Waaqi gosa ch'ufa isa sodaachiise. Daudini mana iti galu dira isaa keesati jaarate. Ammalle fulla Sanduqa Wold'aqisa Waaqa kayanile mid'aase, waaro iti jaare. Jennaani inni waan jed'e, Worra Lawi male nami tokoleeni Sanduqa Wold'aqisa imbaatini. Wonti akanatiifi nami duri AABBO Waaqi fohate huji suni kenneefi, ammalle, haga jiru jireenna na hojad'a jed'e, worra. Duuba Daudini worra Israeli ch'ufa Yerusalemuti wolti yaame, aka Sanduqa Wold'aqisa fulla inni kurfeesefiti geesani. Ammalle inni ilmaani Harunitifi worra Lawi wolti yaame. Gosa Lawi keesa nami balbala Kohathi ka inni yaame, Yurieli, ka nama d'ibba tokofi diddama ka balbala isaa inni iti mataa: Nami balbala Merari ka inni yaame, Asaya, ka nama d'ibba lamafi diddama ka balbala isaa inni iti mataa; nami balbala Gershoni ka inni yaame, Yoeli, ka nama d'ibbafi sodoma ka balbala isaa inni iti mataa; nami balbala Elisafani ka inni yaame, Shemaya, ka nama d'ibba lama ka balbala isaa inni iti mataa; nami balbala Hebroni ka inni yaame Elieli, ka nama saddeetama ka gosa isaa inni iti mataa; nami balbala Uzieli ka inni yaame, Aminadabu, ka nama d'ibbafi kud'ani lama inni iti mataa. Jennaani Daudini qaalole Sadokifi Abiatharifi ammalle worra gosa Lawi: Urieli, Asaya, Yoeli, Shemaya, Elielifi Aminadabu yaame waan jed'eeni, Isani worra mata balbala gosa Lawiti; tanaafi isanifi oboleyaani teesani ch'ufti ufi qulqulleesa, aka Sanduqa Wold'aqisa AABBO Waaqa Israeli fulla anini mid'aasefitini d'uftani. Waan gaafa qara isa fuud'ani isani huji suni keesa injirreefi AABBO Waaqi aka hama nuti dallane, waan nu aada isaa gula Sanduqa suni baachu dinneefi. Jennaani qaaloleefi worri Lawi ufi qulqulleese, aka Sanduqa Wold'aqisa AABBO Waaqa Israeli baatani. Akuma Musani dubbi AABBO Waaqa gula worra barsiise kaani, worri Lawi Sanduqa Wold'aqisa Waaqa kalchooni gurmu irati baate. Ammalle Daudini worra mata gosa Lawi wolti yaame waan jed'eeni, Nama kiraarifi bilbila d'ae sirbu fohad'a. Waan inni sirba gudo beekhufi Kenani fohatani mata siribdu gosa Lawi suni tolchani. Jennaani Daudifi jaarole Israelitiifi jari gugurda askarti mana Obed-Edomu d'aqani, Sanduqa Wold'aqisa arti fuud'ani, guddo gammadani. Waan Waaqi worra Lawi ka Sanduqa Wold'aqisa AABBO Waaqa baatu qarqaareefi, worri koromi looni torbafi hooliye torba sorio qale. Daudini ubaara boofta dansa keeyate, ammalle worri sirbituleni, Kenania ka worraa matatifi worri Lawi ka Sanduqa baatuleeni woyuma akasi keeyate. Daudini ammalle woya aka korbo hid'atani taani keeyate. Duuba akanaani worri Israeli ch'ufti gammade, magalatafi bilbilafi kirari d'ae sirbe, Sanduqa Wold'aqisa Yerusalemu geese. Ato Sanduqa suni diratini yaanu, intalti Saulo Mikalini qaa manatini millate aka Daudini AABBO Waaqa durati sirbe ch'ech'eu agarte, jennaani isa tufate. Duuba worri Sanduqa Wold'aqisa d'ufeeni waaro Daudini jaareefi keesa kaye. Jennaani worri waan gubani sorio baasanifi sorio wold'ageeti AABBO Waaqaa baase. Daudini eegi sorio suni ch'ufa baase, maqa AABBO Waaqatiini biyya eebise, sagale tana nama ch'ufa d'iirafi nad'eeni Israeliti qoode: Sagaleeni sunini qit'a, fooni wot'alaati, zabibu gogoddu. Daudini worra gosa Lawi haga toko fohate, aka worri huji kad'acha AABBO Waaqa Israeli, Sanduqa Wold'aqisa durati, tolche galata deebiseefi isaa faarsu. Nami huji suniti mata Assafu, ka iti aanu Zekaria. Worri kirari d'auleeni kana; Yeieli. Nami bilbila d'au Asafu; ammo nami hojja ch'ufa Sanduqa Wold'aqisa durati magalata d'au, qaalole lama ta Benaiyafi Yahazieli jed'ani. Guyyaani sunini guyya qara ka Daudini Asafufi oboleyaani isaa, faaru AABBO Waaqa tana d'ad'a jed'aniini. Koota AABBO Waaqa galata deebisa, isaa yaamad'a; waan inni tolche gosa ch'ufati hima. Sirba, isaa faarsa, waan jabdu inni tolche odeesa. Waan nu nama isaa taanefi gammada, nami isa yaamatu ch'ufti ha gammaduti. AABBO Waaqa d'aqa, qarqaarsa kad'ad'a, hojja ch'ufa isa yaamad'a. AABBOONI Waaqa keenna, jechi isaa ka gosa lafa ch'ufaati. Wold'aqisa Waaqaa, ka inni haga jiru jireenna tolche, indidina, wold'aqisa inni Abrahamuuni tolfateefi kakhu inni Isaaqo kakhate. Inni wold'aqisa haga jiru jireenna jiru Yakobo woliini tolfate. Waan jed'eeni, Anini lafa Kanaani sii kenne, isiini hand'ura ke taati. Gumiini Waaqa diqo, lafa Kanaani keesaleti keessuma. Worri fulla tau d'abe, lafafi gosa d'ibi ch'ufa keesa mare. Ammo Waaqi gosa d'ibi worra dabsu d'owe, maro worraatifi hayyoota gorse waan jed'eeni: gumi anini fohad'e woma intolchina, raagoota tiyyale intuqina. Lafti ch'ufti ha AABBO Waaqa faarsitu! Ha guyya ch'ufa, aka inni nu baase, odeesitu. Guddinna isaa gosa ch'ufati odeesa, huji isaa ta mama gosa ch'ufati hima. AABBO Waaqi gudda, isa guddisani faarsu malani; Waaqa ch'ufa ira isa sodaachu malani. Waaqi gosa d'ibi kaani ch'ufti waan harkaani mid'aasani, ammo AABBOONI ka gubba uume. Guddinnaafi ulfinni kama isaati, jabeennaafi gammadi fulla inni tau jira. Isani nami lafaa ch'ufti, guddinnaafi jabeenni ka AABBO Waaqa jed'a. Guddinni waan maqa AABBO Waaqati male jed'a; waan baasu maltani baasafi, mana isaa keesa isa duraani koota. Hojja inni qulqullooma isatini d'ufu AABBO Waaqa durati gajed'a; lafti ch'ufti ha isa durati hollatu! Lafa fulluma iti uumani jirti, dandaani inchochoosani. Lafafi gubbaleeni ha gammaddu! Gosa ch'ufati AABBO Waaqi hayyu jed'a hima. Bisaani baariinitifi wonti iti gala ch'ufti ha dibbiftu; oobrufi wonti keesa jira ch'ufti ha gammadu! Duuba mukeeni badda ch'ufti gammade AABBO Waaqa durati sirbiti, gaafa inni lafa fidu d'ufu. AABBO Waaqi dansa, galata deebisaafi; jaalalti isaa haga jiru jireenna jirti. Waan isani jettaniini, Ee Waaqa, baafama keenna, nu baasi; wolti nu yaami, gosa d'ibi jalaa nu baasi, aka nu galata si deebifne maqa kanke qulqullo faarsinu. AABBO, Waaqa Israeli, faarsa! Haga jiru jireenna ch'ufa isa faarsa! Jennaani gumiini ch'ufti Amini jette, AABBO Waaqa faarsite. Duuba Daudini Asafufi oboleyaani isa huji kad'acha ta fulla Sanduqa Wold'aqisa kayaniti kad'atani worra iti mataa tolche, waan jed'eeni, Huji tana guyya ch'ufa tolcha. Ammalle Obed-Edomu ilma Yeduthunitifi nami jaatami saddeeti, ka balbala gosa isaa, ha worra suni qarqaare, Hosafi Obed-Edomuni ha fullo eegani jed'e. Ammo qaallichi Sadoki jed'anifi qaaloleeni oboleyaani isaa taani, huji kad'acha ta AABBO Waaqa Gibeoniti kad'atani, ha gubbaa worraa taatu. Worri diiramafi galgala ch'ufa ha hori gube waan aka mesa kaani irati sorio baasu, aada Seera AABBO Waaqi t'aafe worra Israeliti kenne gula. Worra woliini Hemanifi Yeduthunifi worra maqesani fohataniti jira, aka worri maro jaalala AABBO Waaqa ta haga jiru jireennatiifi isa faarsu. Hemanifi Yeduthunini, magalatafi bilbilafi miha sirba d'ibi, ka hojja Waaqa faarsani d'aani, olkaya. Ammalle nami balbala gosa Yeduthuni ch'ufti fullo eega. Jennaani nami ch'ufti kae worra ufiti gale, Daudileni gale worra ufi woliini tae. Gaafa toko Daudini, ka mana isaa keesa jiru, raaga Nathani jed'ani yaame waan jed'eeni, Anini mana hind'eesani jaraniti gala, ammo Sanduqi Wold'aqisa AABBO Waaqa waaro keesati gala! Nathanini waan jed'eeni, Waan atini hereddu ch'ufa tolchi, wonti akanatiifi Waaqi si woliini jira. Ammo halkani suni Waaqi waan Nathanini jed'e, Beeni, hojatu tiyya Daudini waan jettu, nami mana anini keesa tau na jaaru siiniti. Anini haguma gaafa worra Israeli lafa Misiri keesaa baase, haga arrale, taka manati ingalle, anini fulluma qubatani ch'ufati waarumati gale. Anini, haga worra Israeli woliini godaanu, taka nama anini fohad'e worra Israelitini deemu tokoleeni, maanifi mana hind'eesani jaarani na injaarini? Jed'e ingaafanne. Duuba waan hojatu tiyya Daudini jettu, Anini, AABBO Waaqi guddaani, akana sini jed'a, Anini hooliye atini tissitu keesaa si fuud'e, hayyu worra Israeli si tolche. Anini fulla atini deemte ch'ufa si woliini deeme, nyaapa kanke ch'ufa si duraa balleese. Anini gurra gudda hayyooti lafa keesa jirtu ch'ufti qabdu sii keenna. Gaafa atini doote ababooti tante si awaaltu, anini ilma kanke toko hayyu tolche lafa isale jabeesa. Nami mana naa jaaruleeni isuma, anini ammalle hayyuma isaa haga jiru jireenna iraa infuud'u. Anini abba isaa tahe, innileeni ilma naa taha. Anini isa qarqaaru illakisu aka duri Saulo lakise fulla isaa hayyu si tolche. Anini haga jiru jireenna isa gudda gumi tiyyaatiifi lafa tiyya tolche, hayyumti isaleeni muumme inqabdu. Nathanini waan Waaqi daayya keesa isati hime kaani ch'ufa Dauditi hime. Jennaani hayyu Daudini Waaro Woyyuma ta AABBO Waaqa d'aqe, gatae kad'ate waan jed'e, Anaafi worri kiyyaleeni qara eenu, ee AABBO Waaqa, ka atini armaani nu geete waan kana ch'ufa nuu tolchite? Aka wonti kunini ingahiini, atini ammalle waan hagasi ira jira nuu tolchuu jirta; atini yayu waan d'aloota kiyya ka d'ufu kakhate. Ammalle, ee AABBO Waaqa, atini aka nama gudda na heredda. Wonti d'ibiini anini sini jed'u maani? Atini ana hojatu tante guddo beeta, ammo hatatuti na ulfeesita. Atini fed'umafi hereguma keetiini waan kana na tolchite, guddinna kiyya ka gad'ufu na garsiifte. AABBO, nami tokoleeni ka aka keeti injiru; nu yo ch'ufa imbeenna, aka atini ch'allaani Waaqa. Gochiti lafa gubba jirtu, ta aka gosa Israeli, ta atini tissooma jalaa baafte nama kanke tolfate injirtu. Wonti mama guddooni ta atini worraa tolchite yayu gurra kanke lafa ch'ufaani qit'eesite. Atini worra kanke lafa Misiri keesaa baafte, ammalle ato worri d'ufu, gosa d'ibi worra kanke duraa gussite. Atini yayu worra Israeli haga jiru jireenna nama kanke tolfate, ammalle, atini AABBO Waaqa, yayu Waaqa worraa taate. Duuba amma, AABBO Waaqa, waan atini anaafi d'aloota kiyya kakhatte, Intolcha jette guuti, aka maqaani kanke haga jiru jireenna guddate, duuba namileeni, AABBO Waaqi guddaani Waaqa Israeli jed'u! Akanaani worri hojattu tante Daudileni si durati hore bulu. Atini yayu waan kana hojattu tanteeti mullifte waan jette, Anini mana sii jaara. Tanaafi, ee Waaqa kiyya, anini hojattuuni tante garaa jabaad'e waan kana si kad'ad'a. Atini, Ee, AABBO Waaquma, dubbini tante ch'ufti d'uga, atini yayu kakhu dansa tana hojattu tanteeti kakhatte. Anini amma si kad'ad'a, d'aloota kiyya eebise, aka worri naasu tante hojja ch'ufa argatu. Atini, ee AABBO Waaqa, yayu worra eebifte, ammalle eebiti tante haga jiru jireenna d'aaloota suni iraa imbaatu. Eegi suni Daudini ammalle worra Filisti had'e dabsate, dira Gathitifi ollowaani isa iraa boojie. Inni ammalle worra Moabu dabsate, worri isa jalati bule gibira baaseefi. Duuba eege, Daudini Hadadezeri hayyu lafa Soba, d'aatu lafa Hamathiti, had'e, wonti akanatiifi Hadadezerini lafa isaa ta fulla galaana Frati deefachu fed'a! Daudini gaari isaa ka kuma tokotifi askarti isaa ta farda nama kuma torbatifi askarti miilaani yaatu nama kuma diddama qabe, farda gaari hirkisu, ka d'ibba toko gahu, lakise, ka iraa hafe ch'ufa nanaafachise. Gaafa worri gosa shamu, ka Damaski jiru, duula baase hayyu Hadadezeri qarqaaru d'aqe, Daudini worra had'e, nama kuma diddami lama fit'e. Jennaani Daudini lafa worra keesati fulla askartini isaa teetu jaare, worri isa jalati bule gibira baaseefi. AABBO Waaqi Daudi fulla inni bahe ch'ufa qarqaare, waan ch'ufa isa dabsachiise. Daudini wonte worqiini mid'aasani, ta jari gugurdaani Hadadezeri yauni, guure Yerusalemuti geese. Ammalle sibiila diima heddu dira Tibhathitifi Kuni jed'ani, ka Hadadezerini mohatu, keesaa boojie. (Sibiila kana eege Solomonini fuud'e, haro gingitifi, utubafi, miha Mana Waaqatini mid'aase.) Hayyu Toini, ka lafa Hamathi, aka Daudini askarti lafa Hadadezeri ch'ufa dabsate d'agaye, jennaani ilma isaa Yoramu Dauditi erge, nagaya iti naa himi, atini aka d'iira taate, ka Hadadezeri, nama nu maro heddu woli haane dabsate balleesite jed'iini jed'e. Yoramuni waan worqifi qarsifi sibiila diima mid'aasani Daudi geese. Daudini miha inni d'ufeeni suni eebise, qarsifi worqi inni lafa had'e taani ch'ufa iraa boojie woliini, Ka AABBO Waaqaa jed'e olkaye. Lafti inni had'e dabsate suni tana: Edomu, Moabu, Amoni, Filistifi Amaleki. Abishaini, ilmi Seruya, gosa Edomu bale sooda keesati dabsate, nama kuma kud'ani saddeeti fit'e. Inni Edomu keesa fulla ch'ufati, fulla askartini teetu jaare, biyyiti lafa sunileeni ch'ufti hayyu Daudi jalati bulte. AABBO Waaqi Daudi fulla inni bahe ch'ufa eebise, nyaapa isale ch'ufa isa dabsachiise. Daudini worra Israeli ch'ufa aka dansa d'ugaafi qajeelumani fide. Yoabuni, ilmi Seruya, gudda askarti isati; Yehoshefathini, ilmi Ahiludi, nama waan t'aafani ch'ufa harkaa qabu; Sadoki, ilmi Ahitubutifi Ahimelekini, ilmi Abiathari, qaalole; Serayaani nama hayyu tatabe t'aafu; Benaiyani, ilmi Yehoyada, gudda askarti Daudi eeddu; ammalle ilmaani isaaleeni huji isaa keesa nama gugurda. Eegi suni Nahashonini, hayyuuni Amoni, due. Jennaani, ilmi isaa Hanuni, fulla isaa hayyu tahe. Duuba hayyu Daudini waan jed'e, Anini Hanuni, akuma abbaani isaa duri na nahe na qarqaare, akasuma isa qarqaara. Duuba Daudini nama erge, lubbu abbeeti iraa hafi Hanunini jed'e. Worri sunini Amonini bahe fulla hayyu Hanuni d'ufe jennaani, jaaroleeni Amoni waan hayyuuni jette, Atini waan d'uguma Daudini ulfinna abba kanketitifi lubbu isaa iraa hafe jed'e jara kana siti erge seeta? Akasiniti, insobamini, inni aka dooyate, hegeri lafa tana balleesuufi worra kana gadi erge! Jennaani Hanuni worra Daudini erge suni qaqabe, areeda iraa haade, woya worraa hid'aanati ch'ire, worra ufira galche. Daudini qonqo suni d'ageennaani nama fuula keesa worra erge, maro worri ch'eeraa galu dad'abeefi. Inni iti d'aame waan jed'eeni, Yerikoti hafa, haga areedi keesani bahuti achi taa, duuba eegi suni koota. Hanunifi worri gosa Amoni, aka Daudi nyaapa ufiti tolchani hubannaani, qarsi kilo kuma sodomi afuri baasani, gaarifi nama gaari oofule lafa Mesopotamiatifi Aram-Maakatifi Soba ch'ufa keesaa bitate. Gaari kuma sodomi lama ka worri bitatefi askartini hayyu Maaka d'ufte, d'aatu Medebaati qubate. Worri Amonileeni dira ufi keesaa bahe had'iisaa kurfae. Daudini dubbi suni d'ageennaani Yoabufi askarti Israeli ch'ufa woliini had'iisaa fuula worraa keesa erge. Worri Amoni dira gabahe fullo dira Raba durati wolti bahe, had'iisaa kurfefate, hayyooti worra qarqaaru d'ufteleeni ballinna lafa keesati had'iisaa kurfefate. Yoabuni aka nyaapi duraafi duubani isa marse arge jennaani, askarti Israeli nama jajaba filani fuud'e, duula worra Shamu kaani duraani d'ufe. Inni askarti isa ta hafte taani oboleesa isaa Abishai gudda iti tolche, Abishaini askarti suni duula worra Amoni duraani d'ufe. Yoabuni waan Abishaini jed'e, yo worri Shamu naa dabsata garte, kooti naa kalchi, ammo yo worri Amoni sii dabsate anileeni d'ufeti sii kalcha. Garaa jabaad'i, nama keennafi dira Waaqi keenna nuu kenne nyaapa haane iraa d'owarra. Fed'iini AABBO Waaqa ha taatuti! Jennaani Yoabufi jari isaa had'iisaa orinaani, worri Shamu duraa baqate. Worri Amoni worra Shamu ka baqatu agarraani, Abishai duraa baqate dira duude. Jennaani Yoabuni Yerusalemuti gale. Worri Shamu aka Israeliini worra dabsate agarraani, askarti isaani ta galaana Efrati gama ilaboru jirtu, ta Shobakini, nami gudda askarti Hadadezeri hayyu Soba iti mata, gayaamani. Daudini waan kana d'ageennaani askarti Israeli ch'ufa wolti baase, galaana Yordani taake, ch'ibra fuula duula Shamuti deebise kae. Jennaani worri lachu had'iisaa hirba wolti kaachise, worri Israeli worra dabsate baase. Daudifi worri Israeli askarti Shamu nama kuma torba, ka gaari fardi hirkisuni yaatufi askarti farda nama kuma afurtama hobaasani. Ammalle Shobaki, namicha gudda askarti Shamule, ijeesani. Hayyooti Hadadezeri jalati bultu taani, aka Israeliini worra dabsate agarraani booju Daudi kad'ate finna isaa jalati bulte. Duuba akanaani worri Shamu worra Israeli sodaate, worra Amoniti eegi suni kalchuufi dide. Gaafa bokaya ganna, ka hayyooti duula d'at'u, Yoabuni askarti isaatini duule lafa Amoni had'e; ammo hayyuuni Yerusalemumati hafe. Worri dira Raba marse had'e balleese. Waaqi worra Amoni, ka Milkomu jed'ani, sure worqi, ta ulfinni isii kilo sodomi afuri, qaba. Sure suni keesa d'akha ch'ululuqati jira; Daudini d'akha suni fuud'e, sure isaati keeyate. Ammalle inni waan hedu dira suni keesaa boojie. Inni worra dira suni ch'ufa boojie, sibiila woini ch'iranifi jembeefi d'agara iti kenne irreeni hojachiise. Inni worra Amoni ka dira d'ibi keesa jirule akasuma tolche. Duuba isaafi askartini isaa ch'ufti kaani Yerusalemuti dachaani. Duuba eegele worri Israelitiifi ka Filisti Gezeriti woli had'e, gaafasi gaafa Shebekaini, ka lafa Hushati bahe, namicha d'eera furda Shafu jed'ani ijeese, akasiini worra Filisti dabsatani. Ammalle eegi sunile worri worra Filistini akasuma wolhad'ani, Elhanani ilma Yeiri, Lahuni oboleesa Goliathi, ka worra Gathi, ka someeti woraana isaa haga utuba geetu d'ae ijeese. Ammalle Gathiti woli had'ani, fulla namichi d'eerani furdaani harkaafi miilale quba jaa qabu jiru. Inni d'aloota worra d'ed'eera fufurda duri kaani. Inni Israeli miid'e ch'eerse, jennaani Yonathanini, ka oboleesi Daudi Shamani d'ale, isa ijeese. Jari sadeeni Daudifi jari isaa fit'e kunini worra d'ed'eera fufurda gosa Gathi keesaa d'alate. Sheet'ani kae worra Israeli gaargalchu fed'e jennaani, d'ufe Daudi sobe worra Israeli hedi jed'eeni. Jennaani Daudini Yoabufi worra gugurda askarti isaa kaani yaame waan jed'eeni, Beena, askarti teesani fud'ad'a, gosa Israeli ch'ufa haga Dani iti keeyattani Beershebati d'aaba, heda. Anini henna worraa haga beekhu fed'a. Jennaani Yoabuni waan hayyichaani jed'e, AABBO Waaqi gosa Israeli harka d'ibba haga amma ira dabarsinna! Ee hayyicha, worri kunini ch'ufti hojatu tante, atini maanifi waan kana tolchite gosa Israeli ch'ufa ch'ubbu keesa buufta? Ammo hayyichi Yoabu dubbi suni guuchisise, duuba Yoabuni kae lafa Israeli ch'ufa keesa deeme, eege Yerusalemuti deebie. Inni henna nama woraana guutu hayyichatini d'ufe waan jed'eeni, Nami Israeli keesa jiru nama muumme inqamne — kuma maro kumatifi ammalle kuma d'ibba toko, ka Yuda nama kuma d'ibba afuritiifi torbatama. Waan Yoabuni jecha hayyu suni inquufiniifi, inni worra gosa Lawitifi ka Benjamini inhenne, lakise. Waaqi waan tolchani suni jibbe worra Israeli gaargalani iti d'ufe. Jennaani Daudini waan Waaqaani jed'e, Anini ya ch'ubbu hamtu tolche ka waan kana tahe! Aabbo, biraa naa deemi, anumati daalae. Jennaani AABBO Waaqi waan raaga Daudi ka Gadi jed'aniini jed'e, Beeni, d'aqi, Daudini waan jettu, AABBO Waaqi waan jed'u, waan sadi woli bira qabad'i, ka feetu gula bahi, ka taatefu siuma tolcha. Gadini isati gad'ufe waan jed'eeni, waan AABBO Waaqi sini jed'u, Kana kama fohata? Oola ganna sadi ta lafa teti d'uftu mo? Jia sadi ka nyaapa kanke baqatu mo? Guyya sadi ka AABBO Waaqi woraana ufiitini si had'e, d'ukuba ch'iisa hama lafa teeti buuse, malaika isaatini duisa lafa Israeli ch'ufatini d'ufu mo? Kama feeta? Anini qonqo tami Waaqati deebisa? Daudini waan Gadini jed'e, Anini ya ufi jibbaad'e lubbuuni na d'ufte, harka namaatiini duu imfed'u; tanaafi AABBO Waaqumani, ka naasu, ha waan fed'u na tolchu. Jennaani AABBO Waaqi ch'iisa d'ukuba hama worra Israeliti buuse, nami kuma torbatama hobae. Jennaani inni malaika ufi, ta dira Yerusalemu balleesitu, erge, ammo eege herega jijirate waan malaikaani jed'e, Laki, ta qaraatu ya geete, yaala bahi! Yo suni malaikaani oobdi Arauna, ka gosa Yebusi, d'aatu ejiti. Daudini malaika goraade qabdu, ta kurfo jirtu aka Yerusalemu balleesitu, gubba qilleensa keesati arge. Jennaani Daudifi jaaroleeni Israeli, ta worri ch'ufti ch'arqi naqatu, lafati gajejed'ani addaani lafa tuqani. Daudini Waaqa kad'ate waan jed'e, Ee Waaqa nami woi balleese anuma, anumati, biyya heda jed'e, worri woma keesa injirre kunini maani yake? Ee AABBO Waaqa kiyya, anaafi worra kiyya balleese, gumi tante tana baasi. Malaikaani AABBO Waaqa waan Gadini jette, Beeni, Daudini, fulla AABBO Waaqa sorio iti qalani oobdi Arauna keesati jaari jed'i. Daudini jecha AABBO Waaqa guute, akuma Gadini jed'eeni kaani kae tolche. Fulla oobdi suni Araunafi ilmaani isaa afraani, ka taani mid'aani d'aanani malaika argani jennaani, ilmaani isaa orite d'okhate. Akuma hayyu Daudi ka iti gadi deemu argeeni Araunani oobdi biraa deeme isa durati gadi jed'e, fuulani lafa tuqe. Daudini waan isani jed'e, oobdi tante naa gurguri, fulla Waaqa sorio iti qalani keesati jaara, aka inni d'ukuba ch'iisa hama kana lafa keesaa balleesu. Anini waan isiini bitamtuni ch'ufa sii keenna. Araunani waan jed'eeni, Ee hayyicha, fud'ad'i, waan feetu ch'ufa tolfad'i sangoleeni qotiyo ta atini gubde sorio baaftuleeni tana, mukhi mid'aani irati d'aanani, ka atini aka qoraani bobeesituleeni kanuma, ammalle dargayeeni atini Waaqaa baaftuleeni tanuma, ch'ufa ya sii kenne, fud'ad'i. Ammo hayyichi waan jed'eeni, Laki, anini Hori sii baasa; anini waan kanke ka woma iti imbaasini AABBO Waaqa sorio baasu imfed'u. Duuba inni oobdi Arauna suni worqi d'ibba jaatiini iraa bitte, artiti fulla sorio iti qalani AABBO Waaqaa jaare, sorio gubanifi sorio wold'ageeti Waaqaa baase. Jennaani Waaqa kad'ate, AABBO Waaqi kad'a isaa d'agayeefi, ibida gubba gadi buuse sorio sunini gube. Jennaani AABBO Waaqi waan malaikaani jed'e, Goraade tante deefad'u, jennaani isiini deefate. Akanaani Daudini aka AABBO Waaqi kad'acha isaa d'agayeefi arge jennaani, oobdi Araunati sorio qale. Gaafasi Waaro Woyyuma, ta Musani lafa gamooji ta aloo keesati mid'aaseefi wonti mesa fakaata, ka sorio irati baasani, fulla Waaqa iti kad'atani ta Gibea jirti; ammo Daudini, maro goraade malaika AABBO Waaqa sodaateefi, achi d'aqe Waaqa kad'achu dad'abe. Jennaani Daudini waan jed'e, Tunini fulla Mani AABBO Waaqa jiraachu male. Fullaani worri Israeli sorio gubani irati baasu tana. Daudini nama gosa Israeli intahini, ka lafa worraa keesa jiru, wolti yaame huji hojachiise. Worri hagi toko d'akha Mana Waaqatini jaarani boch'e mid'aase. Inni sibiila heddu ka musubaara iraa mid'aasanifi miha balbalatifi sibiila diima heddu, ka nami dandae ulfinna isaa haga imbeenne, worrati kenne. Ammalle inni worra Tirotifi ka Sidoni, mukha hind'eesa heddu muumme inqamne naa kootani jed'e, iraa fud'ate. Wonti akanatiifi Daudini waan jed'e, Mani Waaqa, ka ilmi kiyya Solomonini jaaru, mana mid'aaga lafa ch'ufa keesa beekhani, tahu male. Ammo inni ijoolle, ammalle arga d'ageeti inqabu, tanaafi anini waan ch'ufa isaa kurfeesu male, duuba sunifi Daudini ato induiini miha heddu muumme inqamne kurfeesefi. Jennaani inni ilma isaa Solomoni yaame waan jed'eeni, Waan atini taatu, Mana AABBO Waaqa Israeliti jaari. Ilma kiyya, Anini sila qara Mana AABBO Waaqa kiyya jaaru fed'e, aka akasiini maqa isaa guddisu. Ammo AABBO Waaqi qonqo nati erge waan nani jed'e, Atini guddo duulte nama hedu haate fit'e, tanaafi waan atini d'iiga nama heddu buufteefi mana naa jaaru himmalle. Amma ilmati sii d'alata, ka nagayaani lafa fiddu, wonti akanatiifi anini nagaya isaa kenne, nyaapa isaa ch'ufa duraa balleesa. Maqa isaa Solomoni baasiifi, wonti akanatiifi bara inni lafa fidu anini lafa Israeli nagayafi bad'aad'a tolcha. Nami mana naa jaaru isuma; inni ilma na tahe anini abba isaa taha. D'alooti isaaleeni haga jiru Israeli mohata. Amma, ilma kiyya, AABBO Waaqi kanke si woliini jiraatinna, ammalle inni ha kakhu ufi guutu, aka atini mana isaa jaartu. Ammalle AABBO Waaqi kanke qalbiifi beekha sii kennina, aka atini gosa Israeli Seera isaa gula fiddu. Yo atini aadaafi seera AABBO Waaqi Musani gosa Israeliti kenne guute, atini waan ch'ufa dabsate gurra baafata. Insodaatini, garaa jabaad'i, waan tokole ind'eetini. Mana atini jaaru malte kana anini yayu irruma tiyyaani worqi ulfinni isii kilo kuma maro kuma saditifi kuma d'ibba afuritiifi qarsi ulfinni isii kilo kuma maro kuma d'ibba saditifi afurtama olkaye. Suni male sibiila diimafi sibiila d'ibi hedu ka nami dandae haga isaa imbeenne ya kurfeese olkaye. Ammalle mukhaafi d'akhale ch'ufa ya kurfeese, ammo atini iti daru malte. Atini nama hogeeyi si hojattu heddu qabda: nama d'akha boch'u, nama d'akhaani mana jaaru, nama mukhaani woi jaaru, ammalle hogeeyi aka ch'ufa, ta henna inqamne, ta worqifi qarsifi sibiila diimafi sibiila d'ibileeni woi mid'aasitu. Amma kai, huji hojad'i, AABBO Waaqi si woliini jira. Daudini jaarole Israeli ch'ufa wolti yaame, Solomoni qarqaara jed'eeni. Inni ammalle waan worraani jed'e, AABBO Waaqi keesani isani woliini jiraate, mirgaafi bitaani teesani ch'ufti nagaya taate. Inni nama duri lafa tana keesa tau ch'ufa harka kiyyati kenne, worri sunini amma isaanifi AABBO Waaqa jalati bula. Amma qalbiifi garaa keesanini AABBO Waaqa keesani hojad'a. Kaa, Mana AABBO Waaqa jaara, aka Sanduqa Wold'aqisa AABBO Waaqatifi miha woyyuma keesa olkeetani. Daudini jaare hobae jennaani ilma isa Solomoni fulla isa hayyu tolche. Daudini jaarole Israelitiifi qaaloleefi worra Lawi ch'ufa wolti yaame. Inni nama worra Lawi, ka d'iira, ka ganna sodomati oli ch'ufa hede, henni sunini nama kuma sodomi saddeeti tahe. Jennaani hayyuuni worra nama kuma diddami afuri huji Mana AABBO Waaqati qoode, nama kuma jaa huji woi t'aafanifi ta dubbi laalaniti qoode, nama kuma afuri ka fullo eegu tolche, ammalle nama kuma afuri, ka miha sirba ka hayyuuni mid'aaseeni sirbe maqa AABBO Waaqa faarsu, tolche. Daudini worra Lawi, balbala worra gula, fulla saditi qoode: Gershoni, Kohathi, Merari. Gershonini ilmaani lama qaba: Ladanifi Shimeyai. Ladanini ilmaani sadi qaba: Yehieli, Zethamu, Yoeli. Balbala Ladani iraa baate worra kanati iti mata. (Shemei ilmaani sadi qaba: Shelomothi, Hazieli, Harani.) Kohathini ilmaani afuri qaba: Amramu, Ishari, Hebroni, Uzieli. Ilmi isaa ka angafa Amramuuni abba Harunitifi Musa. (Harunifi ilmaani isaa eebisani, huji miha woyyuma ch'ufa haga jiru jireenna worrati kenani, aka worri hojja AABBO Waaqa kad'atani hit'aana aarse isa hojate maqa isaatini gumi eebisu. Ammo namicha Waaqa ka Musa jed'ani kaani ilmaani isaa gosuma Lawi taaniti heregani.) Musani ilmaani lama qaba, Gershomufi Eleazari. Guddaani ilmaani Gershomu Shebueli. Eleazarini ilma toko ch'alla qaba, ka Rehabia jed'ani, ammo Rehabiani ilmaani hedu d'ale. Ilmi lameeso ka Kohathi, ka Ishari jed'ani, gurba toko qaba ka Shelomithi jed'ani, ka inni balbala worraati mataa. Ilmi sadeesoleeni, ka Hebroni jed'ani ilmaani afuri qaba: Yeria, Amaria, Yahazieli, Yekameamu. Ilmi afreeso, ka Uzieli jed'ani, ilmaani lama qaba, Mikafi Ishia. Merariini ilmaani lama qaba, Malifi Mishi. Malileeni ilmaani lama qaba, Eleazarifi Kishi, ammo Eleazarini, ato dubra male ilma ind'alfatini, due. Duuba dubra isaa suni ch'ufa oboleyaani worraa, ta ilmaani Kishiti, fuud'e. Ilmi Merari ka lameeso, Mushini, ilmaani sadi qaba: Mali, Ederi, Yeremothi. Kunini ch'ufti nama d'aloota Lawiti, balbalafi worra isaani gula, ka worra ch'ufa maqa t'aafani. Nami d'aloota isaa kunini ch'ufti, ka ganni isaa diddama yokhaani hagasi dabre, huji Mana AABBO Waaqa keesa qaba. Daudini waan jed'e, AABBO Waaqi Israeli yayu gumi isaati nagaya kenne, innileeni haga jiru jireenna Yerusalemu keesa taa. Tanaafi amma tana wonti worri Lawi, Waaro Woyyumatiifi miha woyyuma baatufi injirtu. D'aamsa Daudi ka eege gula, nama worra Lawi, hojja ganni isaani diddama gahu ch'ufa, maqa t'aafani huji kennanifi. Hujiini kennanifi sunini tana: Aka qaalole ilmaani Haruni woliini huji Mana Waaqa keesa hojatani, aka ammalle Mana Waaqa qayeefi keesale qorqoratani, aka waan qulqullo ch'ufa qulqulleesani olkayani, aka qit'a Waaqa baasanifi dargaye d'akhaani baasanifi qit'a didiqa bukho inqamneefi, qit'a d'aabaanifi dargaye dakhaani d'ad'aani wolti makhani qorqoratani, waan Mana Waaqa keesati sorio baasanile biimani. Ammalle aka diiramafi galgalaafi guyya sorio AABBO Waaqaa gubani baasani ka Sabatotifi, ka baatitifi ka jila ch'ufa AABBO Waaqa faarsani guddisani. Ammalle seera baasani, worra Lawi ka huji tana hojachu male, haga himani, aka worri hojja ch'ufa AABBO Waaqa faarse isa guddisu. Hujiini worraa kennani tana: aka Waaro Woyyumatiifi Mana Waaqa qorqoratani, ammalle worra fiit'a isaani, ka qaalole ilmaani Haruni, huji Mana Waaqa qarqaarani. Kunini nama d'aloota Harunitifi gosa worraa iraa bahe. Harunini ilmaani afuri qaba: Nadaba, Abihu, Eleazari, Ithamari. Nadabufi Abihuni, ato abbaani isani jiru, duani, ka woma ind'aliini. Tanaafi oboleyaani isaani Eleazarifi Ithamarini qaalole tahani. Hayyu Daudini nama d'aloota Haruni kana ch'ufa fulla fullaati qoode huji iti kenne: Huji suni keesa, Sadoki ka d'aloota Eleazaritifi Ahimeleki ka d'aloota Ithamariti isa qarqaare. D'aloota Eleazari fulla kud'ani jaati gargari qoodani. Ammalle d'aloota Ithamarile fulla saddeetiti qoodani; wonti akasi qoodanifi, waan nami d'aloota Eleazari ka nad'eeni fuud'e, worra kaani d'ibi ch'ufa ira heddateefi. Waan hujiini worra d'aloota Eleazaritifi Ithamari ta Mana Waaqatifi, ta Waaqa hojjatanileeni taka taateefi, huji suni hit'aani worraa qoodani. Worri d'aloota Eleazaritifi ka Ithamari maro marooni hit'a suni fud'ate duuba nama fohatani, Shemaya ilma Nethaneli, ka worra Lawiti tatabe t'aafuti maqa worra t'aafa. Nami huji suni d'uga iti tahe: Hayyicha, worra huji isaati matati, qaallicha Sadoki jed'ani, Ahimeleki, ilma Abiahariti, ammalle worra worra qaaloleetifi ka Lawileeti mataa. Jara kana ch'ufa, huji worraa gula, maqa t'aafani, aka worri Mana Waaqa d'aqe huji ababooni worraa Harunini jecha AABBO Waaqa Israeli gula duri worraa kenne hojatu. Kunini worra d'ibi Lawiini d'ale, ka worrileeni mata worra isaani: Yedaya, ka Shebueli, ka Amramu; Ishiya ka Rehabia; Yahathi, ka Shelomothi, ka Ishari; ilmaani Hebroni, ta aka isiini wolgula d'alateeni maqa t'aafani tana: Yeria, Amaria, Yahazieli, Yekameamu; Shamiri, ka Mika, ka Uzieli; Zekaria, ka Ishia, ka oboleesa Mika, ka Uzieli; Mali, Mushi, Yaasi, worri kunini ilmaani Merari. Yaasini ilmaani sadi qaba: Shohamu, Zakuri, Ibri. Mushini ilmaani sadi qaba: Mali, Ederi, Yeremothi. Worri kunini nama d'aloota Lawiti. Nami hit'a suni fud'atu ch'ufti abbooti worraatifi oboleesa isaa ka maand'a ka taatefu, akuma fiit'aani worraa ta qaalole duri Harunini d'ale tolchite tolche. Nami huji suni iti d'uga tahe, hayyu Daudi, Sadoki, Ahimaleki, ammalle nama worra qaaloleetifi worra Lawiti mataa. Daudifi jaaroleeni gosa Lawi worra gosa Lawi kana huji eebati fohate: Asafu, Hemani, Yeduthuni. Hujiini worraa aka dubbi Waaqa odeesani, kiraarifi bilbila d'aani Sirbani. Maqaani worra fohatani eeba tolchu kana, hujiini worraleeni tana: Ilmaani Asafu afraani: Zakuri, Yusufu, Nethania, Asharela. Worri ch'ufti Asafu jala hojata, innileeni dubbi hayyu gula dubbi Waaqa odeesa. Ilmaani Yeduthuni jaani tana: Gedalia, Seri, Yeshaya, Shimei, Hashabia, Natithia. Worri ch'ufti abba ufi jala hojate dubbi Waaqa odeese, kirari d'ae sirbe, AABBO Waaqa faarse galata deebiseefi. Ilmaani Hemani kud'ani afraani tana: Bukia, Matania, Uzieli, Shebueli, Yeremothi, Hanania, Hanani, Eliatha, Gidalti, Romamt-Ezeri, Yoshbekasha, Malothi, Hothiri, Mahaziothi. Waaqi raaga hayyu, ka Hemani jed'ani, ilmaani d'iira kud'ani afurifi dubra sadi kenne, akuma inni iti kakhate kaani, aka akasiini inni jabaatu. Ilmaani isaa tunini ch'ufti, abba worra jala, hojatte, aka eebiti Mana Waaqa keesa toltu bilbilafi kirari d'oofte sirbite. Ammalle Asafufi Yeduthunifi Hemanini hayyu jala hojatani. Jari diddami afuri kunini ch'ufti hogeeyi sirbati; worri Lawi kaanileeni ch'ufti nama sirba beekhu. Worri ch'ufti nama d'ibba lamafi saddeetami saddeeti. Ato worri kaima yokhaani jaarsa, yokhaani hogeeyi yokhaani baratu taatele, huji suni hit'aani qoodatani. Aki worra Lawi ka Mana Waaqa eege huji iti qoodani akana. Balbala gosa Kora keesa namicha tokoti jira, ka Meshelemia jed'ani ka ilma Kore, ka worra Asafu. Inni ilmaani d'iira torba qaba, ta aka isiini wolgula d'alateeni maqa isii wolti aansani t'aafani: Zekaria, Yediaeli, Zebadia, Yathnieli, Elemu, Yohana, Elioenai. Ammalle namicha tokoti jira, ka Obed-Edomu jed'ani, ka Waaqi eebise ilmaani saddeeti kenneefi, ta aka worri wolti aane d'alateeni maqa worraa asi t'aafani: Shemaya, Yehosabadi, Yoa, Sakari, Nethaneli, Amieli, Isakari, Deuletha. Worri Obed-Edomu nama jaatami lama, ka aka male waan huji tana beekhu, qaba. Worri Meshelemia nama kud'ani saddeeti, ka waan huji tana beekhu, qaba. Balbala gosa Merari keesa namicha tokoti jira, ka Hosa jed'ani, ka ilmaani afuri qabu: Shimri (abbaani isaa gudda isa tolche, ato inni angafa taule baate), Hilkia, Tebalia, Zekaria. Nami gosa Hosa ka Mana Waaqa eegu nama kud'ani sadi. Worra Mana Waaqa eegu, worra isaani gula, fulla fullaati qoodani, akuma worra Lawi kaani, huji Mana Waaqa kennanifi. Worri ch'ufti mana manani haguma gahunu, hit'a buufate balbala hit'aani buutufi laala. Hit'aani fullo ilaboru Shelemia bue, ka fullo mirga, ilma isaa Zekaria, nama hojja ch'ufa qaroomani nama gorsu, bue. Obed-Edomu hit'aani fullo bitaati bue, ilmaani isale hit'a fullo mana keesati woi olkayaniti buefi. Shupimufi Hosa hit'aani fullo ila adutifi fullo Shalekethi, ta kara gubbati, buefi. Huji fullo eegani tana maro marooni namu woligala eega. Gama ilaboru guyya ch'ufa nama jaati fullo eega, gama mirga nama afuri, gama bitale nama afuri. Nama afuriti guyya ch'ufa mana keesati woi olkayani kaani eega, mana keesati woi olkayani suni lachu nama lama lamati eega. D'aatu mana ila adu nama afuriti kara d'aatu lafa eega, ammalle fulla manale nama lamati eega. Worra balbala gosa Koratifi ta Merari huji fullo eegani akana iti qoodani. Nami gosa Lawi d'ibileeni fulla beese Mana Waaqa iti olkayanifi fulla waan Waaqaa baasani olkayani hojata. Ladanini, ilmi Gershoni, nama hedu hore, worra ilma isa Yehieli woliini. Ilmaani Ladani lama d'ibiini, Zethamufi Yoelini, fulla beese Mana Waaqa iti olkayanifi fulla waan Waaqa baasani olkayani hojatani. Ammalle ilmaani Amramutifi, ta Isharitifi ta Hebronitifi ta Uzieli huji iti kennani. Shebuelini, ka balbala Gershomu, ilma Musa, nama gudda beese Mana Waaqa olkaayu. Inni gara Eliezeri oboleesa Gershomu gula fiit'a Shelomothi. Eliezerini abba Rehabia, ka abba Ishia, ka abba Yoramu, ka abba Zikri, ka abba Shelomothi. Shelomothifi worri isaa, waan Daudifi nami worra ufiti matatifi nami mata balbala gosatifi nami gugurdaani askarti Waaqaa baasani olkaya. Worri waan had'iisa keesati boojiani ka gari fuud'e eebise, huji Mana Waaqaati baase. Shelomothifi worri isa waan raagi Samueli jed'anifi hayyicha Saulofi Abineri, ilma Neritifi, Yoabu, ilmi Seruya, baasani ch'ufa, ka eebisani Mana Waaqatini hojatani, worrati harka qaba. D'aloota Ishari keesa, Kennanifi ilmaani isaa, huji waan laalani qorqoratani, iti kennani: waan t'aafanifi dubbi worra Israeli ilaalani qoraani. D'aloota Hebroni keesa Hashabiafi fiit'a isaa, nama kuma tokotifi d'ibba torba, ka ch'ufti nama jajaba, fohatani, huji AABBO Waaqatifi huji hayyule, ta galaana Yordani gama ila adu lafa Israeli keesa, harka worraati kennani. Yeriani gudda d'aloota Hebroniti. Ganna afurtameeso ka Daudini lafa mohate, nama ergani nama d'aloota Hebroni barbaadani, worra suni keesa nama jajaba argani, ka lafa Gileadi keesa Yezeri tau. Hayyu Daudini nama kuma lamatiifi d'ibba torba jajaba, nama abbooti worra ka fiit'a Yeria fohate, huji Waaqatifi huji hayyule, ta galaana Yordani ilaboru lafa Reubenitifi ta Gaditifi ta gosa Manase ta ilaboru, lafa Israeli keesa harka worrati kenne. Kunini maqa abbooti worraatifi jaarole gosatifi ammalle worra gugurda, askartile ka lafa Israeli keesa huji hayyu hojatu. Ganna keesa jia ch'ufa worri suni, nami kuma diddami, afuri, namicha gudda worraa jala, jia jiaani huji suni hojata. Daudini nama Israeli ka ganni isaa diddama jala inhenne, wonti akanatiifi AABBO Waaqi qara kakhate waan jed'e, Anini gosa Israeli hedese, aka urji gubbaa lafa ira dabarsa. Yoabuni, ilmi Seruya, henna jala qabate ammo inhobaamne lakise. Maro henna sunitifi Waaqi Israeliti dallane, tanaafi henna suni kitaaba Daudi keesati int'aafini. Yonathanini, ka oboleesa abba Daudi, malticha qaro, woi t'aafu beekhu. Isaafi Yehielini, ilmi Hakmoni, worra ilmaani hayyu barsiisu. Ahithofelini nama mala hayyu d'au; Hushani, ka gosa Arki, jaala hayyu, ka isa gorsu. Eegi Ahithofelini due, Abiatharifi Yehoyadani, ilmi Benaiya, worra hayyu mala d'au tahani. Yoabuleeni gudda askarti hayyu ch'ufaati. Daudini worra gugurda Israeli ch'ufa Yerusalemuti wolti yaame. Jennaani jara gugurda gosatifi jara gugurda hayyu hojatufi jaarole gosatifi jari mihaafi hori hayyuutifi ilmaani isaa qorqoratu — akasi jechaani nama mana hayyu keesa hojatu ch'ufafi worra gugurda askartitifi nami jajabaani ch'ufti — Yerusalemuti wolti bahe. Daudini olkae waan jed'eeni: Jaarole, gosa tiyya, na ch'aqasa. Anini mana jaba, Sanduqa Wold'aqisa keesa kayani, ka AABBO Waaqi miila keesa d'aabatu, jaaru fed'e. Anini miha mana isaatini jaaru kurfeese, ammo inni waan nani jed'e, mana keesati na kad'atani naa injaarini, wonti akanatiifi atini nama woraana, ka d'iiga nama heddu buuse. AABBO Waaqi Israeli anaafi d'aloota kiyya fohate, aka nu haga jiru jireenna Israeli mohanu. Inni gosa Yuda fohate, aka hayyuuni keesaa d'alatu, ammalle gosa Yudale keesa worra abba kiyya fohate, worra keennale keesa inni na jaalate, na fohate, hayyu gosa Israeli ch'ufa na tolche. Inni ilmaani heddu naa kenne, ilmaani suni keesale Solomoni fohate, aka inni barch'uma hayyuma ka Israeli gubbaa tae lafa AABBO Waaqa mohatu. Inni waan nani jed'e, Nami Mana na jaaru ilma kanke Solomoni. Anini ya isa fohad'e, aka inni ilma naa tahe, anileeni abba isaa tahu. Yo inni akuma amma na d'agayu kana aadaafi seera kiyya guute jabeese, anini hayyuma isaa haga jiru jireenna jabeesa. Tanaafi amma, gosa tiyya, Waaqa keennafi gumi worra AABBO Waaqa tana ch'ufa durati, seera AABBO Waaqa keenna kana ch'ufa jabeesa guuta, aka akasiini isani lafa dansa tana keesa teettani, ilmaani teesanileeni isani iraa d'aalte, haga jiru jireenna keesa teetu. Amma atinileeni, ilma kiyya Solomoni, Waaqa abba kanketi beekhi, garaa tokofi qalbi tokooni isaa hojad'i. Inni heregaafi fed'i teenna ch'ufa imbeekha, yo barbaadde isa inuma agarta; yo atini isa iraa gorte, inni haga jiru jireenna si abaare si lakisa. Amma beekhu malte, aka AABBO Waaqi si fohate, atini Mana isaa qulqullo jaartu. Jabaad'i, huji suni guuti. Daudini aka maneeni sunifi fulla miha keesati olkayanifi d'iibu isaa ch'ufafi Fulla Fulla Ch'ufa Ira Qulqullo ta artiti ch'ubbu nama araaramanifile jaaru malani, Solomoni garsiise t'aafe iti kenne. Ammalle inni aka qayeefi maneeni d'aatu jirtuufi mana mihaafi waan AABBO Waaqa baasani keesati olkayani jaaru malanile, isa garsiise t'aafe iti kenne. Ammalle Daudini aka qaaloleefi worri Lawi huji hojachu male isa garsiise, aka worri huji Mana Waaqa hojate, miha Mana Waaqale qorqoratu. Inni ammalle haga worqiini moqa filfilichafi qorifi muduunu mid'aasani gahu malte iti hime. Ammalle haga worqiini waan mesa fakaata, ka hit'aana irati aarsanifi gaari waan akheekha lubbu qaba, ka koola, ka Sanduqa Wold'aqisa AABBO Waaqa irati koola ballifte ejitule gohu malte, iti hime. Daudini waan jed'eeni, Wonti kunini ch'ufti waan mani sunini qabaachu male, ka AABBO Waaqi nati hime. Daudini ammalle waan ilma isaa Solomonini jed'e, Ilaafini, garaa jabaad'i. Wonti tokoleeni si ind'owiini, huji suni hojad'i: wonti akanatiifi AABBO Waaqi kiyya si woliini jira. Inni si illakisu, yokhaani si biraa indeemu, haga atini huji Mana Waaqa suni ch'ufa hobaaftuti. Qaaloleefi worra Lawi yayu huji Mana Waaqa iti kenani. Nami hujitifi hogeeyini waan ch'ufa mid'aasitu kurfo jirti, aka si qarqaartu, ammalle gumifi jaaroleeni worraleeni ch'ufti dubbi tante d'ageete gula yaati. Hayyu Daudini waan gumi ch'ufaani jed'e, Ilmi kiyya Solomoni ka Waaqi fohate diqa, ammalle arga d'ageeti womatu inqabu. Hujiini hojachu malani muumme inqabdu, wonti akanatiifi mani sunini ka hayyutiniti, ammo ka AABBO Waaqati. Anini haga dandau yayu miha Mana Waaqatini jaarani kurfeese — worqi, qarsi, sibiila diima, sibiila, guraacha, mukha, d'akhaaye ch'uch'ulut'ufi, d'akhaaye mimid'aadu d'ibi, d'akhaaye daakhaani barreesanifi ch'abbi ch'uch'ulut'u hedule. Waan anini kurfeese kana malele, anini yayu qarsifi worqi tiyya, ta anini olkeyad'e keesa, maro anini Mana Waaqa jaalad'eefi, baase. Worqi anini baase suni ulfinni isii kilo kuma d'ibba tokoti, ta lafa ofiriti d'ufte; ammalle anini yayu qarsi dansa, ulfinni isii kilo kuma d'iba lamatiifi afurtama, aka naabo Mana sunitini barreesanifi. Miha hogeeyini mid'aasitu ch'ufaleeni mid'aasani, baase. Amma isani keesa eenuti garaa tokooni, fed'i ufiitini, AABBO Waaqa jed'e woi baasaa? Jennaani worri balbala gosaati matatifi jaaroleeni gosatifi worri gugurda askartitifi worri hori hayyu qorqoratuleeni, garaa tokooni, fed'i ufi gula, waan kana baase: worqi kilo kuma d'ibbafi torbatama, qarsi kilo kuma d'ibba saadiifi afurtama, sibiila diima kilo kuma d'ibba jaatiifi diddama, ammalle sibiila guraacha kilo kuma maro kuma saditifi kuma d'ibba afuri. Nami d'akhaaye ch'uch'ulut'u qabuleeni Mana Waaqatii baase, duuba nami waan suni olkaye, Yehieli, ka gosa Lawi, balbala Gershoni. Biyyiti waan heddu garaa tokooni AABBO Waaqa baafte kana ch'ufa guddo iraa gammade, hayyu Daudileni waan suni ch'ufa guddo iraa gammade. Jennaani hayyu Daudini gumi suni ch'ufa durati AABBO Waaqa akana jed'e faarse: Ee AABBO, Waaqa ababo keenna Yakobo, haga jiru jireenna ha si faarsani! Irreefi humnaafi, guddinnaafi mid'aagumafi jabeenni keetuma. Wonti gubbafi lafa keesa jiraleeni ch'ufti keetuma, atini hayyu hayyu ch'ufa mohatu. Duroomafi qabeeni ch'ufti gara kanketi d'ufa; atini jabeennaafi irreeni waan ch'ufa mohata; atini dandeete nama feetu guddifte, jabeenna kennitaafi. Amma, Waaqa keenna, nu galata si deebifne maqa kanke gudda faarsina. Ammo anaafi worri lafa tiyya eenu qara, ka nu dandeenne waan kana ch'ufa akana si baamnu? Wonti ch'ufti garuma keeti baati, nuleeni woma qara atini nu kennite sii kennina. Atini imbeeta, ee AABBO Waaqa, aka nu si durati akuma abbooti teenna keessumafi nama lafa inqamne fakaannu. Guyyaani keenna lafa tana irati gabaaba, dandeenne lubbu duraa imbaanu. Ee AABBO Waaqa keenna, wonti nu hori kana ch'ufa baamneefi, aka mana maqa kanke keesati guddisani jaarru, ammo wonti kunini ch'ufti siuma iraa d'ufte, keetuma. Anini imbeekha, aka atini onne nama ch'ufa ilaalte nama d'uga iraa gammaddu. Fed'ifi garaa tokooni anini waan kana ch'ufa sii baase, ammalle anini aka gumiini tante tunini gammadani waan kana ch'ufa sii baaftu ya arge. Ee AABBO Waaqa ababoota teenna Abrahamutifi Isaaqotifi ka Israeli, herega akana kana qalbi gumi teeti keesa kayi, guyya ch'ufa qalbilbi sii saalfatu worraa kenni. Ilma kiyya Solomoni qarqaari, aka inni hojja ch'ufa aadaafi seera kanke guute, Mana anini waan isaa kurfeese kana jaaru. Jennaani Daudini waan gumi ch'ufaani jed'e, AABBO Waaqa keesani faarsa! Jennaani gumiini ch'ufti AABBO, Waaqa ababoota isaani faarsite, AABBO Waaqafi hayyu durati gajejete guddifte. Boriyyaate hori qalani, gubani sorio AABBO Waaqaa baasani, duuba eege biyyaa kennani nyaachisani. Suni malele koromi kuma tokotifi elemiye kuma tokotifi imoole holla ta kuma tokole gubani sorio baasani. Ammalle worri daad'ile Waaqaa baase. Akanaani guyya suni, AABBO Waaqa durati, nyaatani d'ugaani gammadani. Jennaani maro lameeso Solomoni ilma Daudi hayyu Lalabani, maqa AABBO Waaqatini isa muudani, hayyu tolchani, Sadokile qaallu tolchani. Duuba akasiini Solomonini fulla abba isaa Daudi hayyu tahe, barch'uma isaa ka hayyuma ira tae. Inni hayyu gurra qabu tahe, gumiini Israelileni ch'ufti isaa saalfate. Hojatufi askartifi ilmaani Daudi d'ibileeni aka isaa saalfatu kakhate. AABBO Waaqi gosa Israeli ch'ufa durati Solomoni guddise maqa jaba kenneefi, ammalle hayyu duraani Israeli mohate ch'ufa ira guddinna kenneefi. Ilmi Yese, Daudini, worra Israeli ganna afurtama mohate. Inni Hebroni keesa ganna torba mohate, Yerusalemu keesa ganna sodomi sadi mohate. Inni jaare fulla gahe, ka duroomafi ulfinna gudda qabu due, ilmi isaa Solomonini fulla isaa hayyu tahe. Waan Daudini tolche ch'ufa, haguma geetunu, kitaaba raagoota tana sadeeni keesati t'aafani: Samueli, Nathani, Gadi. Woniti isaa ka t'aafani suni aka inni lafa mohatefi jabeenna isaatiifi ammalle waan isaafi worra Israelitiifi gochiti d'aatu worraa jirtuleeni taate garsiifti. Solomonini, ilmi Daudi, hayyu Israeli tahe jabaate biyya fide, AABBO Waaqi isaaleeni isaa eebise jabeese. Solomonini gumi Israeli ch'ufa — worra askarti nama kuma tokotifi ammalle nama d'ibba tokoleti matatifi worra gugurda dubbi qoru ch'ufafi ammalle nama worra ufiti abba — worra ch'ufati dubbate waan jed'eeni, Koota, nu yaasa, fulla Waaqa iti kad'atini ta Gibeoni d'anna. Wonti worri achi d'aqeefi, waan Waaroni Woyyuma ta hojatuni AABBO Waaqa Musani duri lafa gamooji keesati jaare achi jirtuufi. (Ammo Sanduqi Wold'aqisa Waaqa Yerusalemu jira, waaro hayyu Daudini gaafa Sanduqa suni Kiriath-Yearimu fuud'ani, mid'aaseefi taani keesa.) Wonti mesa fakaata, ka sibiila diimani mid'aasani, ka Bezelelini, ilmi Uri, ka ilma Huri, mid'aaseleeni Gibeoni keesa ch'icha Waaro Woyyuma jirti. Achiti Solomonifi gumiini ch'ufti AABBO Waaqa kad'ate. Waaro suni durati hayyichi AABBO Waaqa kad'ate, waan mesa fakaata, ka sibiila diimani mid'aasani, irati sorio baase; inni hori kuma toko qale, gube, waan suni irati sorio baase. Halkani suni Waaqi Solomoniti mullate waan jed'eeni, Ana maani sii kennu feeta? Solomonini waan jed'eeni, Atini duri hojattu kanke, abba kiyya Daudi, guddo jaalate, atini amma yayu fulla isaa hayyu naa tolchite. Ee AABBO Waaqa, waan atini abba kiyya kakhate guuti. Atini yayu hayyu, gumi hedu muumme inqamne tana, na tolchite, tanaafi amma qalbiifi beekha anini gumi tante tanaani fidu naa kenni. Yo atini qalbi naa inkenini anini akami dandae gumi tana fida? Waaqi waan Solomonini jed'e, Atini yayu waan dansa fohate. Fulla atini hormaata yokhaani beese. Yokhaani gurra dansa yokhaani badi nyaapa keeti yokhaani bultuma keetile kad'atu, atini beekhaafi qalbi gumi tiyyaa ta anini hayyu iti si tolcheeni fidu kad'atte. Anini beekhaafi qalbi sii kenna. Tana malele, hormaatafi beesefi gurra dansa hayyooti d'ibiini taka inargatini, ka yokhaani nami d'ibileeni deebie inarganne, sii kenna. Jennaani Solomonini fulla Waaqa iti kad'atani ta Gibeoni, ta Waaroni Woyyuma jirtu, deeme Yerusalemuti gale achiti worra Israeli mohate. Inni gaari fardi hirkisu, ka kuma tokofi d'ibba afuritiifi fardoole askartini yaabatu, ta kuma kud'ani lama, wolti guure, haga toko Yerusalemuti galche, kaani dira d'ibiti gargari qoode. Gaafasi Yerusalemu keesa qarsifi worqiini lafa ira dabarte, akuma d'akhaati heregani, hind'eesale akuma mukha dambiti heregani, ka fulla ch'ufa jiru. Gati bunaqa farda ka Musirifi Kilikia d'ufu ch'ufa hojattu hayyuti harkaa qaba. Ammalle gati gaari fardi hirkisu, ka Misiri d'ufule, worrati harkaa qaba. Ammalle worri hayyoota Hititifi ta Shamule gaari fardi hirkisu iti gurgure; gaari fardi hirkisu toko qarsi d'ibba jaatini gurgurani, farda toko qarsi d'ibbafi shantamatini gurgurani. Solomonini aka Mana AABBO Waaqa keesati kad'atanifi mana ufi iti galu jaaru herege buufate. Inni nama kuma torbatama, ka wobaatu, baase, ammalle nama kuma saddeetama ka d'akha boch'ule baase. Ammalle nama kuma sadiifi d'ibba jaa, ka huji suniti mataa, fohate. Solomonini qonqo gara hayyu Tiro, ka Hiramu jed'ani, erge waan jed'eeni, Akuma duri abba kiyya hind'eesa inni manani jaaratu gurgurte, nale gurguri. Anini Mana AABBO Waaqa kiyya keesati kad'atani jaara. Mana qulqullo suni keesa anaafi gochiti tiyya isa kad'anne, hit'aana urgaa aarsine, qit'a qulqullo guyya ch'ufa baamneefi, ammalle diiramafi galgala ch'ufafi guyya Sabatotifi guyya baatitifi guyya jila ch'ufa hori gumne sorio baamna. Duuba akasiini AABBO Waaqa keenna guddimna. Waan kana inni ya, haga jiru jireenna tolfad'a Israeliini jed'e. Mani anini jaaru fed'u kunini maneeni ch'ufa ira gudda taha, wonti akanatiifi Waaqi keenna Waaqa d'ibi ch'ufa ira jira. Ammo qarale eenuti dandae Mana Waaqaa jaara, ka ufiftu gubbaleeni, ta akasi ballo, dandeete isa imfuune? Anini eenu re, ka fulla hit'aana iti aarsani male dandae mana isaa jaaru? Amma nama hogeesa, ka worqifi qarsifi sibiila diimafi sibiila guraachaani wo mid'aasu beekhu, ka ammalle woya bulefi bule diimtufi diimtuleeni wo mid'aasu beekhu na ergi. Inni hogeeyi Yudatifi ta Yerusalemu, ta duri abbaani kiyya fohate, woliini hojata. Anini aka jari kanke, ka huji mukha hojattu, hogeeyi imbeekha, tanaafi mukha hind'eesatifi mukeeni ejersa jajabdu Lebanoni na gadi ergi. Anini kurfo jira, aka nama kiyya erge, worri jara kanke qarqaaru, aka akasiini worri mukha heddu woliini ch'iru; wonti akanatiifi mana anini jaaru fed'u kunini mana gudda, mid'aaga. Sagaleeni woreega ta anini hojattu tanteeti ergu, dargaye kintaala kuma diddamatifi garbu kintaala kuma diddamatifi, daad'i d'ebbe kuma diddamatifi d'ad'a d'ebbe kuma diddama. Jennaani Hiramuni, hayyuuni Tiro, tatabe gara Solomoni t'aafe waan jed'eeni, AABBO Waaqi waan gumi ufi jaalatufi ya hayyu si tolche. AABBO Waaqa Israeli, ka lafafi gubba uume, maqa isaa ha faarsani! Inni yayu hayyu Daudi ilma qaro kenne, ka qaroomafi hubacha guddo qabu, ka amma Mana AABBO Waaqatifi ka ufile jaaru fed'u. Anini amma namicha qaro hogeesa Huramu jed'ani sii erga. Haati isaa gosa Daniti, ammo abbaani isaa nama Tiroti. Inni worqifi qarsifi sibiila diimafi sibiila guraachafi d'akhaafi mukha iraa wo mid'aasu beekha. Ammalle inni woya bulefi bule diimtufi diimtufi booftaleeni wo mid'aasu beekha. Inni waan heddu barreesu beekha, ammalle yo, waan akana kana na barreesi jed'ani iti kennani, guddo mid'aasu beekha. Inni ka hogeeyi tanteetifi hogeeyi duri abba kanke Daudi hojatte woliini hojattu. Tanaafi amma tana dargayefi garbufi daad'ifi d'ad'a atini inerga jette nuu ergi. Nu gaareeni Lebanoni ira hind'eesa atini feetu ch'ufa ch'irre wolti hiine, baariiniti jissina, aka bisaani baariini suni fuud'ani, dira Yafatini d'ufani. Duuba arti atini dandeete Yerusalemuti geefata. Jennaani Solomonini nama gosa Israeli intahini, ka lafa Israeli keesa jiru, hede, akuma duri abbaani isaa Daudini nama hede kaani. Henni worra suni nama kuma d'iba tokotifi shantami saditifi d'ibba jaa tahe. Inni nama kuma torbatama ka wo baatu baase, ammalle nama kuma saddeetama ka gaareeni irati d'akha boch'ule baase, ammalle nama kuma sadiifi d'ibba jaa, ka huji suniti mataa, fohate. Abbaani Solomoni, hayyu Daudini, duru qara fulla Mana Waaqa iti jaarani kurfeese. Fullaani sunini dira Yerusalemu gaara Moria gubba, jirti. Isiini duri oobdi, Arauna, ka gosa Yebusi. Solomonini huji ijaarsa suni jia lameeso ganna afreeso ka hayyuma isaa iti keeyate. Mana Solomonini AABBO Waaqaa jaaru d'eerinni isaa d'und'uma jaatama, ballinni d'und'uma sodoma. Ammalle Mana suni fuula isa dura mana d'ibi iraa jaarani, ka ballinni isaa d'und'uma diddama, old'eerinni isaa d'und'uma d'ibbafi diddama. Mana suni keesa fulla ch'ufa worqiini ch'okhani. Mana gudda kaani bada isaa garaa keesa mukha hind'eesa naqani worqiini ch'okhani, worqi sunile waan aka meet'itifi lootitini barreesani ch'okhani. Hayyichi Mana suni ch'ufa d'akhaaye mimid'aadu ch'uch'ulut'ufi worqi lafa Parvaimu d'ufaniini ch'okhe. Inni girgida mana suni ch'ufa worqiini ch'okhe, dareerafi Mikhikilafi balbalale ch'ufa akasuma worqiini ch'okhe, girgidale gubbati hogeeyini akheekha waan lubbu qaba ka koola mid'aasite. Dinqa ka Fulla Fulla Ch'ufa Ira Qulqullo jed'ani, d'eerinni isaa d'und'uma diddama, ballinnileeni diddama, ballinni isaa haguma ballinna Mana gudda kaani. Worqiini girgida dinqa sunitini ch'okhani, ulfinni isii kilo kuma diddamati; ammalle musubaara worqiini mid'aasanile ulfinni isaa diqo nusa kilo ira jira. Girgida mana gubbale worqiini ch'okhani. Fulla Fulla Ch'ufa Ira Qulqullo keesa hayyichi akheekha waan lubbu qaba ka koola lama sibiilani mid'aase, worqiini ch'okhe, Golla woya booftatifi woya d'ibiini mid'aasani, waan bulefi bule diimtufi diimtuni barreesani, ammalle akheekha waan lubbu qaba ka koolatiini ch'okhani. Hayyichi sibiila didiima lama, ka aka utuba old'ad'aabani tume mid'aase, ka kamu d'und'uma sodomi shani. Duuba fuud'e, balbala Mana Waaqa dura d'ad'abe. Mata utuba suni lachu, waan aka lootitifi waan aka okhoku, ka sibiila diima iraa mid'aasani ka d'ibba tokotini barreesani ch'okhani. Utuba suni balbala Mana Waaqa dura moga moga d'ad'aabani: ka bita aanuni Yakini jed'ani, ka mirga aanuni Boazi jed'ani. Hayyichi waan mesa fakaata, ka sibiila diimani mid'aasani, ka d'eerinnafi ballinni d'und'uma diddama, ka old'eerinni d'und'uma kud'ani mid'aase. Inni ammalle haro gingiti sibiila diimani mid'aasani jaare, ta ballinni afaani isii d'und'uma sodoma, ta qilumani isii d'und'uma shani ta d'eerinni jiddu isii d'und'uma kud'ani. Afaani haro suni, ka ala woini wolgubbati ch'ororsani barreesani. Woni barreesanini sunini waan aka akheekha koromi jira, ta isiifi haro suni sibiila taka iraa tumani mid'aasani. Haro suni koromi kud'ani lama, ta sibiila diimani mid'aasani gubba kayani; koromini sunini sadi sadiini moga moga gama gama fuula deefate ejaanjiti. Furdinni sibiila haro sunini mid'aasani haguma ballinna gana harka namaati, afaani isiileeni aka daraara hooma qoqonyatani. Harooni suni bisaani d'ebbe haga kuma sadii fa fuuti. Inni ammalle qori kud'ani mid'aase, shani moga bitaa ta Mana Waaqa kaye, shanile moga mirga kaye. Hujiini qori suni aka fooni hori gubani sorio baasani iti d'iqani. Ammo bisaani haro gingiti keesa jirani ka qaaloleeni d'iqattu. Ammalle naabo qaaloleeni keesa ooltu jaarani, naabo alaale d'ibi jaarani. Balbala naabo suni ch'ufa sibiila diimani ch'okhani. Haro gingiti taani gama ilaborutiini bitaa kayani. Hayyichi waan kana ch'ufa bale Yordani keesa, jiddu Sukothifi Sarethani, ta biyye faara qabduti mid'aasa jed'e. Mihi mid'aasani gudda, muumme inqamne, tanaafi nami ulfinna sibiila diima isaani mid'aasani haga beekhu injiru. Solomonini ammalle miha Mana Waaqa ka worqiini mid'aasani mid'aase: Waan sorio irati baasani, mesa qit'a Waaqaa baasani ira kayani; waan ifseeni ira ejaanjitufi ifse worqi qulqullooni mid'aasani ta Fulla Fulla Ch'ufa Ira Qulqullo durati bobeetu, akuma mid'aasa jed'ani gula; daraarafi ifseefi qad'abe; waan ifseeni d'aamfani, qori, waan hit'aana keesati aarsani, daboola ch'ile ibidatini fuud'ani. Miha kana ch'ufa worqi qulqullooni mid'aasani. Balbala Mana Waaqa ta alaatifi balbala Fulla Fulla Ch'ufa Ira Qulqulloole worqiini ch'okhani. Hayyu Solomonini huji ijaarsa Mana Waaqa ch'ufa hobaase jennaani Mana Waaqa keesa fulla woiti olkayani, waan abbaani isaa Daudini duri AABBO Waaqaa olkaye ch'ufa, achiti olkaye — qarsifi worqifi miha kaani ch'ufale. Jennaani Solomonini jaarole Israeli ta balbala gosa isaani ch'ufaa mataa Yerusalemuti ufiti yaame, aka Sanduqa Wold'aqisa AABBO Waaqa dira Daudi, ka Sioni jed'ani fuud'ani, Mana Waaqatini d'ufani. Worri ch'ufti guyya jila Hoosa wolti d'ufe. Jaaroleeni sunini ch'ufti wolgeete jennaani worri Lawi Sanduqa kaani olfuud'e Mana Waaqati geese. Jennaani qaaloleefi worri Lawileeni Waaro Woyyumatiifi miha isii guure, Mana Waaqati geese. Duuba hayyu Solomonifi worri Israeli ch'ufti Sanduqa Wold'aqisa durati wolti bahani, loonifi ree hedu muumme inqamne sorio baasani. Duuba qaaloleeni Sanduqa Wold'aqisa AABBO Waaqa Mana Waaqa olnat'e, Fulla Fulla Ch'ufa Ira Qulqullootiini d'ufte, akheekha waan koola ka lubbu qaba kaani jala keete. Kooli isii ka ballisani gubba Sanduqafi kalcho baataniini d'osse. Nama Fulla Fulla Ch'ufa Ira Qulqullo dura eju male, nami d'ibiini dandae fiit'e kalcho inargu. (Kalchooni sunini arrale achuma jirti.) Sanduqa Wold'aqisa suni keesa d'akha hahafalicha lamaani Musani gaara Sinaiti keesa kaye, gaafa AABBO Waaqi worra Israeli lafa Misiriti baase, wold'aqisa woliini tolfate male wonti d'ibiini keesa injirtu. Jennaani Solomonini Waaqa kad'ate waan jed'e, Ee AABBO Waaqa, atini dumansaafi dukana fohate keesati galta. Amma tana anini yayu mana gudda dansa sii jaare, ka atini haga jiru jireenna keesati galtu. Ato biyyiti achi ejaanjitu Solomonini fuula worrati deefate, worra eebise. Duuba inni waan jed'e, AABBO Waaqa Israeli ha guddisani. Inni yayu kakhu duri abba kiyya Dauditi kakhate guute. Gaafasi inni waan jed'e, Haguma gumi tiyya lafa Misiri keesaa baase, anini dira tokole lafa Israeli keesati fulla mana kiyya iti jaarani na kad'atani infohanne; ammalle anini nama worra kiyya ka Israelitini deemu infohanne. Ammo amma tana yayu dira Yerusalemu fohad'e, aka isa keesati na kad'atani, ammalle anini ya si fohad'e, Daudi, aka atini gumi tiyya fiddu jed'e. Ammalle Solomonini waan worraani jed'e, Abbaani kiyya, Daudini, duri herege, aka Mana AABBO, Waaqa Israeli, iti kad'atani jaaru; ammo AABBO Waaqi waan isaani jed'e, Heregi kanke sunini dansa, ammo atini mana suni na injaartu, nami mana suni na jaaru ilmuma kanke. Amma tana AABBO Waaqi yayu kakhu ufi guute anini huji hayyuma abba kiyya iraa fuud'e, Mana AABBO Waaqa Israeli iti kad'atani yayu jaare. Ammalle Mana suni keesa anini yayu Sanduqa Wold'aqisa, ka d'akha hahafalicha wold'aqisa AABBO Waaqi duri ababoota teennaani woliini tolfate, qabu, kaye. Jennaani Solomonini gumi ch'ufa dura d'ufe, fulla sorio iti qalani eje, harka olfud'ate, Waaqa kad'ate. (Solomonini qara fulla ira ejani gumiti haasani sibiila diimani mid'aase, ballinna d'aatu Mana Waaqa kaye. Woni suni d'eerinni isii d'und'uma shani, ballinnileeni d'und'uma shani, old'eerinni d'und'uma sadi. Inni woni suni kore. Fulla nami ch'ufti dandae isa argu jilbifate, harka ufi olqabate.) Inni Waaqa kad'ate waan jed'e, Ee AABBO, Waaqa Israeli, Waaqi aka kanketi tokoleeni lafafi gubba injiru! Atini wold'aqisa gumi tante woliini tolfatte jabeesite. Jaalala tante worra garsiifta, hojja worri garaa tokooni si gula yau. Atini kakhu abba kiyya Dauditi kakhate yayu jabeesite; dubbini sunini ch'ufti arra yayu guutamte. Amma tana, Ee AABBO Waaqa Israeli, kakhu d'ibi atini abba kiyyati kakhate guuti, ta atini, haguma jiru jireenna, d'aloota kanke keesa, nami toko Israeli mohata, jette hojja gumiini tante aka inni Seera kanke guute, guutu. Tanaafi amma tana, ee Waaqa Israeli, waan atini abba kiyya Daudi hojattu tanteeti kakhatte ch'ufa guuti. AABBO Waaqa, d'uguma atini lafa ira nama woliini inteeta? Gubbaleeni ato ballo akami tateele si ingeetu, duuba Mani anini jaare kunini akami si gaha? Ee AABBO Waaqa kiyya, anini hojattu tanteeti, kad'acha tiyya na d'agayi, waan anini arra si kad'ad'ule naa kenni. Halkani guyya Mana kana tissi. Atini ya kakhate aka armati si kad'atani, tanaafi hojja anini Mana kanati fuula deefad'e sii kad'ad'u na ch'aqasi. Kad'acha tiyyaafi ta gumi tante ta Israeli, hojja nu fuula armati deefanne si kad'annu nuu d'agayi, worra kanke ka gubbati nu d'agayi nuu araarami. Hojja namaani, ya wo yakite jed'ani himatani, fulla sorio iti qalani, ta Mana kanke kana keesa jirtuuni d'ufani kakhachiisani, Ee AABBO Waaqa, gubbati ch'aqasi, hojattu tante dubbi worraa d'uga gula muri. Nama wollaala qabu wollaala iti muri, ka inqamne galakisi. Hojja worri kanke ka Israeli maro worri siti dabeefi nyaapi dabsate, ammo duuba eege worri siti deebie, Mana kanati d'ufe garaa laafe araarsa si kad'ate, gubbaa worra ch'aqasi. Daba gumi tanteeti araaramifi, lafa atini ababoota worraati kennite worraa deebisi. Hojja atini maro worri kanke si durati wollaaleefi bokaya worra roobu didde, ammo duuba hojja worri wollaala suni iraa deebie, Mana kanati fuula deefate, garaa laafe si kad'atu, Ee AABBO Waaqa, gubbati worra ch'aqasi, daba hojattu tante worra Israeli biraa deemifi, waan d'uga worra barsiisi. Duuba, Ee AABBO Waaqa, lafa tante tana, ta atini d'aala worra kanketi kennite, bokaya roobifi. Hojja oolaani jabduuni yokhaani ch'iisi hamani lafati bue, yokhaani qilleensa hamafi raamofi, awaanisafi buqatani mid'aanti buute balleesitu, yokhaani hojja nyaapi worra kanke had'e, yokhaani hojja d'ukubafi fayyad'abi worrati bue, kad'acha worraa d'agayifi. Hojja worri kanke ka Israeli nami toko gargala ufi arge, harka ufi gara Mana Waaqa kana qabe Waaqa kad'ate, kad'acha isaa d'agayifi. Mana kanke ka gubbati worra ch'aqasi, araaramifi. Si ch'allati herega nama ch'ufa beekha, tanaafi nama ch'ufa waan isaa male tolchita, aka worri kanke, hojja lafa atini ababoota worraati kennite keesa tau, si sodaate si ch'aqasu. Hojja nami gosa d'ibi, ka lafa fago tau, guddinnaafi jabeenna kanke d'agaye, waan atini namaa tolchitu hubate, aka si kad'atu Mana kanati gadi d'ufe, kad'acha isa d'agayifi. Gubbaa, fulla worra keetiti, isa ch'aqasi, waan inni fed'u guutiifi, aka gochiti lafa keesa jirtu ch'ufti si beete sii saalfatu, akuma worra kanke ka Israeli. Duuba akanaani worrileeni imbeekha, aka Mani anini jaare kunini fulla iti si kad'atani. Hojja atini worra kanke, nyaapa haad'a jette ergite, worrileeni fulla jiruti dira atini fohate kanafi Mana anini si jaare kanaleti fuula deefate si kad'ate, kad'acha worraa d'agayifi, gubbati worra ch'aqasi, dabsacha kennifi. Hojja worri kanke siti ch'ubbame — qarale nami ch'ubbu intolchine injiru — duuba atini dallansu keesa harka nyaapa worraati kennite, nyaapi sunini worra boojie lafa d'ibiti geese, ato lafti sunini fagole taate, kad'acha worra kanketi d'agayifi. Yo lafa suni keesati worri ch'ubbu iraa deebie, si kad'ate, dabaafi ch'ubbu ufi siti himate, Ee AABBO Waaqa, kad'acha worraa d'agayifi. Yo lafa suni keesati worri d'uguma daba ufi iraa deebie, fuula lafa atini ababoota teenna kenniteefi dira atini fohate kanafi Mana anini si jaare kanati daefate si kad'ate, kad'acha worraa d'agayifi. Mana kanke ka gubbati ch'aqasi, worraa nahi, ch'ubbu worraa ch'ufa araaramifi. Amma, Ee Waaqa kiyya, nu ilaali, kad'acha fulla tanati kad'atani nuu ch'aqasi. Ee AABBO Waaqa, amma kai, Sanduqa Wold'aqisa ka akheekha irre teeti garsiisu woliini Mana Waaqa seeni, haga jiru jireenna achi tai. Qaalole tante huji worra ch'ufa keesati eebisi, gumiini tante ch'uftileeni maro dansuma tanteetifi ha gammadu. Ee AABBO Waaqa, hayyu atini fohate muude indidini, jaalala atini hojattu tante Daudi jaalate qaabad'i. Solomonini kad'acha ufi hobaase. Jennaani ibidi gubba gadi bue, sorio baasani taani ch'ufa gube, guddinni AABBO Waaqa ka bibiliqu mana isaa guute. Waan Mana Waaqa suni guddinni bibiliqu sunini guuteefi, qaaloleleeni seenu dad'abde. Worri Israeli aka ibidi gubbaa gadi buefi guddinna AABBO Waaqa ka bibiliqe Mana guute arginaani, ballinna ch'icha Mana Waaqati gadi jejed'ani, Waaqa kad'atani, galata deebisanifi waan jed'ani, AABBO Waaqi dansa, jaalalti isaaleeni haga jiru jireenna jirti. Jennaani hayyufi worri ch'ufti sorio AABBO Waaqaa baase. Inni looni kuma diddami lamatiifi hooliye kuma d'ibbafi diddama sorio wold'ageeti qale, duuba akanaani hayyuufi gumiini Mana Waaqa suni eebifte. Qaaloleeni fulluma isii mid'aasani ejaanjite, worri Lawileeni fuula worrati deefate, miha sirba ka, Daudini worraa kenne d'ae AABBO Waaqa faarse, jaalalti isaa haga jiru jireenna jirti jed'ani sirbani, akuma Daudini worrati hime kaani. Qaaloleeni magalata d'oofte, ka biyyiti oli ejaanjitu. Solomonini ballinna ch'icha Mana Waaqa wod'aka isaa eebise qulqulleese, achiti sorio gubanifi mid'aani Waaqaa baasanifi gabbinna hori sorio wold'ageetiti qalani Waaqaa baase. Wonti mesa fakaata, ka sibiila diimani mid'aasani sorio irati baasani kaani, sorio tana ch'ufa infuutu, tanaafi inni ch'icha suni eebise sorio irati baase. Solomonifi worri Israeli ch'ufti guyya torba jila Hoosa tolfatani. Nami kaarra Hamathi ta mirgale ch'ufa d'ufe, ammalle bitaa gara seera lafa Misirile ch'ufaa d'ufe, artiti nami ch'ufti wolti d'ufe lafa ira dabre. Worri bulti torba huji waan mesa fakaata kaanini eebisani keesa oole, bulti torba d'ibile jila tolfate. Guyya eege worri woldeenna guddo toko tolche, duuba boriyyaate, guyya diddami sadeeso ka jia torbeeso, Solomonini biyya galche. Waan AABBO Waaqi gumi Israelitiifi Daudifi Solomonile eebiseefi biyyiti guddo gammadde. Solomonini Mana AABBO Waaqatifi mana, hayyu jaare, waan qara herege ch'ufa aka dansaa hobaase jennaani, AABBO Waaqi halkani isati d'ufe waan jed'eeni, Anini kad'acha atini na kad'atte ya d'agaye, ammalle Mana kana ya fohad'e, aka sorio keesati na qalani. Hojja anini bokaya oolche, awaanisa mid'aani keesani nyaatufi ch'iisa d'ukuba hama gumi tiyyati buuse, ammo yo worri ufi diqeese na kad'ate waan hamtu qara tolche iraa deebie, anini gubbati worra ch'aqase ch'ubbu worraa araaramefi lafa worrale daraarsa. Anini ilaafi gurra kiyya banad'e, kad'acha fulla tanati na kad'atani d'agaya; wonti akanatiifi anini ya Mana kana fohad'e eebise fulla haga jiru jireenna keesati na kad'atani tolche. Tanaafi anini guyya ch'ufa Mana kana tisse qorqorad'a. Yo atini akuma abba kanke Daudi garaa tokooni na hojatte aadaafi seera kiyya jabeesite dubbi tiyya ch'ufa guute, anini kakhu duri abba kanke Dauditi kakhad'e, ta d'alooti kanke nami toko haga jiru jireenna, worra Israeli imfida jed'e, inguuta. Ammo yo siifi gumiini tante aadaafi seera anini isanii kenne didani Waaqa d'ibi kad'atani, anini lafa duri isanii kenne keesaa isani balleese, Mana iti na kad'atani, ka anini eebise kana, lakise biraa deema. Ammalle fulla ch'ufati mana kana goyeesani tufatani. Mani kunini amma tana guddo gurra qaba, ammo gaafasi nami d'aatu bahu iraa rifate maadefate waan jed'u, AABBO Waaqi maanifi lafa teennafi Mana kana akana tolche? Duuba biyyiti waan jettu, Wonti Waaqi akana tolcheefi waan worri AABBO Waaqa isaani, ka lafa Misiri keesaa ababoota isaani baase, lakiseefi. Worri Waaqa d'ibi gula bahe, Waaqa suni yaamate hojateefi. Duuba tanaafi AABBO Waaqi gaargala kana ch'ufa worraatini d'ufe jetti. Hujiini, Mana Waaqatifi ka hayyu, ka Solomonini jaare, woltuma ganna diddama fud'ate. Ammalle inni dira ch'ufa ka hayyu Hiramuni isaa kenne mid'aase jaare, worra Israeli keesa qubsise. Inni lafa Hamathitifi ta Soba dabsate fud'ate, dira Tadmori, ka lafa gamooji, jabeese jaare. Ammalle inni dira lafa Hamathi keesa jiru ch'ufa, ka keesati woi olkeyatani, deebie jaare. Solomonini ammalle dira kana mid'aase jaare: Beth-Horoni gubbatiifi Beth-Horoni golba (dira jabeesani jaarani ka fullo isaa naqatooni ch'ufani), Baalathi, dira inni sagale keesati olkeyatu, dira fardaafi gaarini fardi hirkisu ka isaa, iti galu. Ammalle inni waan ijaarsa ka Yerusalemu keesafi Lebanoni keesafi lafa d'ibi inni mohatu ch'ufa keesati jaarani, ka qara inni herege ch'ufa, jaare hobaase. Inni worra Israeli tisse intolchine, ammo hujiini worri tolche tana: Askarti, worra gugurda askartiti, worra askarti gaari fardi hirkisuti mata, yaabatu farda. Nami worra irreeni hojachiisani, ka maneeni Solomoni suni ch'ufa jaareti mataa, nama d'ibba laamatifi shantama. Solomonini niiti isaa, ta dubra hayyu Misiri, dira Daudi keesaa godaansise, mana inni jaarefiti qubsise. Inni waan jed'e, Isiini mana Daudi hayyu Israeliti galu himmalle, wonti akanatiifi fullaani Sanduqi Wold'aqisa duri tae ch'ufti qulqullo. Solomonini sorio waan mesa fakaata ka inni Mana Waaqa durati jaare irati AABBO Waaqaa baase. Inni ammalle sorio gubani, ta aada Seera Musa gula guyya jila ch'ufa baasu malani, baase. Guyya Sabatotifi guyya jila baatitifi guyya jila sadeeni woga ganna tanale — jila Qit'a bukho inqamne, jila gaafa mid'aani murani, ammalle jila Hoosa. Seera abbaani isaa Daudini kaye gula, inni qaaloleefi worra Lawi, ka qaalole sirbaafi huji keesa qarqaaru, huji worra ta guyya ch'ufa iti qoode. Inni ammalle worra Mana Waaqa eegu huji gargari qoodeefi, huji guyya ch'ufa ta balbala eegani iti kenne, seera Daudi namicha Waaqa kaani gula. Worri seera Daudini qaaloleefi worra Lawiti kenne, ka waan maneeni keesati wolkayanitifi waan d'ibilee tokole iraa ingorre aka dansaa jabeese guute. Akanaani hujiini Solomoni ch'ufti haguma gaafa guyya inni Mana Waaqa yayabeti asi, haga gaafa Mani suni jaarame, guutamte eebifamte. Jennaani Solomonini Esion-Geberifi Eliothi, ka afaani galaana Shamu lafa Edomu keesa, d'aqe. Hayyu Hiramuni hobolofi nama isaa gugurda waan baariini beekhule woliini ergeefi. Worri sunini gara lafa Ofiri, hojattu Solomoni woliini, hobolooni d'aqe, worqi kilo kuma kud'ani shani Solomoni d'ufeeni. Hayyitiini Sheba gurra Solomoni d'ageete jennaani, imaltu gara Yerusalemu d'at'e, dubbi jajabdu isa gaafate. Isiini namaafi geejiba gaala heddu, ka qumbifi d'akhaaye ch'uch'ulut'ufi worqi muumme inqamne baatu, woliini d'ufte. Isiini Solomonini woli arginaani waan garaa qabdu ch'ufa gaafate. Inni waan isiini gaafatu himeefi, wonti tokoleeni ta jajabatte inni himu dad'abe injirtu. Hayyitiini Sheba qarooma Solomonitifi mana inni jaarelle agarte, sagale isaani gololchanifi fulla hojattuuni isaa iti galtufi ammalle kara hojattuuni isaa hujiini hojatufi, woya worri naqatufi, hojattu guyya jila isa gololchitufi sorio inni Mana Waaqa keesati baasule ch'ufa agarte jennaani aka male mamte, afaani qabatte. Jannaani isiini waan hayyu Solomonini jette, wonti kanke ka anini lafa tiyyati d'agaye, ka nafa keetitifi qaroomileeni ch'ufti waan jirati! Anini waan kanke ka d'agaye taka ind'ugeefanne, haga d'ufe ila tiyyaani argeti. Wonti anini d'agaye diqo, atini haga nami sini jed'ule ira qaro. Hojattuuni tante akami milki qabdi, ta guyya ch'ufa si bira ejite qarooma kanke ch'aqaftu! AABBO Waaqa kanke ha faarsaniti! Inni si maache, hayyu si tolche, aka atini maqa isaatini worra Israeli mohatu. Waan inni haga jiru jireenna worra isaa ka Israeli jaalate jabeesu fed'uufi, inni hayyu worra si tolche, aka atini d'ugaani worra fidde seerale jabeesitu. Isiini waan d'ufteeni ch'ufa Solomonii kennite: Worqi haga kilo kuma afurifa, ammalle qumbifi d'akhaaye ch'uch'ulut'u muumme inqamne. Qumbiini haga qumbi hayyitiini Sheba hayyu Solomoni d'ufteeni dansa taka nami lafa keesati inagarre. (Jari Hiramutifi ka Solomoni, ka lafa Ofiriti worqiini d'ufe kaani, mukha ejersa fakaatu tokofi d'akhaaye ch'uch'ulut'uleeni d'ufe. Solomonini mukha suni faano Mana isaatiifi ka Waaqa tolche. Waan akasi suni taka lafa Yuda keesati inagarre.) Hayyu Solomonini waan hayyitiini Sheba isa kad'atte ch'ufa kenneefi, ammalle waan isiini kenniteefi kaanile ira waan d'ibi kenneefi. Jennaani isiifii hojattuuni isii lafa isaniti galani. Ganna ch'ufa Solomonini worqi kilo kuma diddami sadi argata; tana malele inni damosa bunat'ufi daldaltuni isaa baaftu argata. Hayyooti Araftitifi worri gugurdaani lafa Israeli arda arda mohatuleeni qarsifi worqi d'ufeeni. Solomonini wonte gugurdo d'ibba lama mid'aase, nafa isii ch'ufa worqi kilo torbatini duuche. Ammalle inni wonte didiqo d'ibi d'ibba sadi mid'aase, nafa isii ch'ufa worqi kilo saditini duuche. Duuba wonte tana ch'ufa mana inni jaare, ka Badda Lebanoni jed'ani kaani, keesa naqe. Hayyichi ammalle barch'uma hayyu gudda toko mid'aase. Nafa isaa haga toko ilka arbaatini mid'aasani ch'okhani, kaani worqi dansaani ch'okhani. Barch'umani suni faano jaa ta yaabatanini qaba, ammalle fulla miila ira d'aabatani ta worqiini ch'okhani iti tolchani. Ammalle barch'uma suni fulla harka ira keyataniti gama lachu jira. Akheekha nyeench'ale gama lachuti mid'aasani. Faano suni guba akheekha nyeench'a ka kud'ani lamati jira, ka faanoni ch'ufti gama lamaani qabdu. Barch'uma hayyu ka akasi suni taka lafa d'ibi keesati imid'aasine. Muduunini Solomoni ch'ufti ta worqiti, ammalle mihi woini sooratani, ka Mana Badda Lebanoni jed'ani kaani ch'ufa, worqi ch'allaani mid'aasani. Bara Solomoni suni qarsi womatu indarani. Inni hobolo heddu, ta lafa fago hobolo Hiramu woliini yaatu, qaba. Duuba hobolooni suni, hojja ganni sadi dabru ch'ufa dachaate worqifi qarsifi — ilka arbaatifi jaldeesa gaaratifi qamaleeni d'ufti. Hayyu Solomonini hayyu lafa keesa jiru ch'ufa ira qalbiifi hori qaba. Hayyooti ch'ufti d'ufte isa wo gaafate qarooma Waaqi kenneefi suni iraa wobarate. Hayyooti sunini ch'ufti woini isaa d'ufti — waan qarsifi worqiini mid'aasani fa, woya fa, miha lola fa, qumbifa, fardaafi gaangele. Waan kana ganna ch'ufa akasuma d'ufaniini. Ammalle Solomonini maneeni fardooleeni isaatiifi gaarini isaa iti galu kuma afuri qaba. Ammalle fardoole askartini yaabatu kuma kud'ani lama qaba. Haga toko Yerusalemuti galche, kaani dira d'ibiti gargari qoode. Inni hayyoota lafa haga galaana Efrati ejite lafa Filistitifi seera lafa Misiriti ejitu ch'ufa mohata. Gaafasi Yerusalemu keesa qarsiini lafa ira dabarte akuma d'akhaati heregani, hind'eesale akuma mukha dambiti heregani, ka fulla ch'ufa jiru. Solomonini fardoole lafa Musiritifi lafa d'ibile ch'ufa iraa bitate. Waan Solomoni tolche ch'ufa, haguma geetunu, kitaaba huji raaga Nathani jed'anifi, fagisa Ahiya lafa Shilotifi daayya raaga Ido ka waan hayyu Rehoboamule keesati t'aafaniti t'aafani. Solomonini ganna afurtama Yerusalemu keesa worra Israeli ch'ufa mohate. Duuba eege due, dira Daudi keesati isa awaalani, ilmi isaa Rehoboamuni fulla isaa hayyu tahe. Rehoboamuni Shekemu, fulla worri Israeli ch'ufti aka isa hayyu tolchu wolti bahe, d'aqe. Yeroboamuni, ilmi Nebati, ka qara lafa Misiriti hayyu Solomoni baqate, dubbi tana d'agaye jennaani worra ufiti deebie. Jennaani worri Israeli sunini isa yaame, gara Rehoboamu woliini d'aqani waan jed'aniini. Abbaani kanke nu dabse, ulfinna jaba nura kaye. Hojja atini nuraa sablifte, finna dansaani nu d'ufte, nu aka dansaa si gula yaana. Inni waan jed'eeni, Dubbi teesani ya d'agaye, inherega, sadi bula, gadi dachaa. Jennaani worri kae yae. Duuba hayyu Rehoboamuni jaarole abba isaati mala d'ooftu dubbi suni gaafate waan jed'eeni, Mala naa d'aa, dubbi anini worra kanani jechu male nati hima. Worri waan jed'eeni, Yo atini worra kana naate dubbi dansa worra gammachiiftu jetteeni, worri haga jiru jireenna aka dansaa si hojata. Ammo inni mala jaarole suni dide, dubbi suni hariya isaatini gahe, mala na d'aa, waan anini worra ulfinna nura fuud'i naani jed'u kana jed'uuni nati hima jed'e. Worri hariya isaa sunini waan jed'eeni, Wonti atini worraani jechu malte tana: qubi kiyya diqaani hid'aana abba kiyya ira furda! Waan atini worraani jettu, Abbaani kiyya ulfinna gudda isani ira kaye, ammo anini hagasi irale isaniti guddisa. Inni lichooni isani d'aane ammo anini goraani isani d'aana. Bultiini sadeeni taani hobaate jennaani, Yeroboamufi gumiini taani ch'ufti Rehoboamuti d'ufte, akuma inni jed'eeni kaani. Hayyichi mala jaarole taani dide, mala hariya isaa kaani gula bahe, dubbi jajabdu worrati dubbate waan jed'eeni, Abbaani kiyya ulfinna gudda isani ira kaye, ammo anini hagasi irale isaniti guddisa. Inni lichooni isani d'aane, ammo anini goraani isani d'aana! AABBUMA Waaqati hayyicha biyya ch'aqasu d'owe, aka akasiini dubbini inni raaga Ahiya jed'ani, ka Shilo bahe, Yeroboamu ilma Nebatiti himi jed'e, guutamtu. Biyyiti aka hayyuuni worra ch'aqasu dide argite jennaani waan jette, Nu Daudi maani ira qamna? Ilmi Yese maani nuu baha? Worra Israeli, kaa, nu galcha! Rehoboamuni ha qofa hafuti. Duuba akanaani worri Israeli Rehoboamuti garagale, worra Yudati isa lakise, kae bira yae. Jennaani hayyu Rehoboamuni Adoniramu ka worra huji irreeni hojachiisaniti mataa, worra Israeliti erge, ammo worri d'akhaani d'aane ijeese. Jennaani Rehoboamuni arifate gaari ufi yaabate Yerusalemuti baqate. Tanaafi arti asi worri Israeli nama d'aloota Daudi ch'ufa iti garagale dide. Rehoboamuni Yerusalemu gahe jennaani, askarti jajanna nama filani ch'alla, ta gosa Yudatifi ta gosa Benjamini, nama kuma d'ibba tokotifi saddeetama, wolti yaame worra Israeli had'e, aka sila mootuma ufi deefatu. Ammo AABBO Waaqi raaga Shemaya yaame waan jed'eeni, waan atini worra Yudatifi ka Benjaminitini jettu; oboleyaani teesani ta Israeli inhad'ina, isani ch'ufti kaa gala, waan tahe suni ch'ufa anumati tolche. Duuba worri dubbi AABBO Waaqa ch'aqase kae worra ufiti gale. Rehoboamuni Yerusalemuti hafe, dira kana ch'ufa jabeese jaare, lafa Yudatifi ta Benjamini keesa: Bethlehemu, Etamu, Tekoa, Beth-Suri, Soko, Adulamu, Gathi, Manesha, Zifu, Adaraimu, Lakishi, Azeka, Sora, Ayaloni, Hebroni. Inni dira suni ch'ufa jabeese jaare, dira ch'ufa nama gudda askarti iti tolche, ammalle dira ch'ufa keesa sagale, d'ad'a, daad'i, wonteefi woraanale olkaye. Akanaani worra Yudatifi ka Benjamini harka ufi keesaa bahu d'owe. Qaaloleefi worri Lawi, ka lafa Israeli keesa jiru ch'ufti, lafa Yudati d'ufani. Wonti worri Lawi lafafi arda horini worraa oolu ch'ufa lakise Yudafi Yerusalemuti godaneefi, hayyu Yeroboamufi ilmaani isati waan jed'eeni, isani qaalole AABBO Waaqa intaatani. Yeroboamuni qaalole ufi ta fulla Waaqa d'ara iti kad'atanifi jinnifi akheekha looni ka inni mid'aase hojattu, fohate. Gosa Israeli ch'ufa keesa nami garaa tokooni AABBO Waaqa Israeli kad'achu fed'e, worra Lawi haga Yerusalemu gula yae, achiti sorio AABBO Waaqa ababoota isaniti baase. Akanaani worri hayyuma Yuda jabeese, ganna sadi Rehoboamu, ilma Solomoni, jalati bule, akuma duri Daudifi Solomoni jalati bulani, akasuma tahani. Rehoboamuni intala toko, ta Mahalattu jed'ani fuud'e. Isiini intala Yeromoti, ilma Daudi. Haati isii Abihaili, isiini dubra Eliabu, ka ilma Yese. Worri ilmaani sadi qaba: Yeushi, Shamaria, Zahamu, inni intala Basalomu, ta Maaka jed'ani, fuud'e. Worri ilmaani afuri d'ale: Abiya, Atai, Ziza, Shelomithi. Nad'eeni inni fuud'e kud'ani saddeeti, ammo ta inni barate ilmaani iraa d'ale jaatama. Nad'eeni tunini ch'ufti ilmaani d'iira diddami saddeetifi dubra jaatama d'alteefi. Nad'eeni tana ch'ufa ira inni Maaka jaalate, ilma isii Abiyale ijoolle taani ch'ufa ira jaalate nama fulla isaa hayyu tahu isa fohate. Rehoboamuni mala dansa d'aate, ilmaani isaa dira jajaba lafa Yudatifi ta Benjaminiti qubsise waan guddo kenneefi nad'eenile heddu fuusise. Rehoboamuni akuma hayyu tahe irre horateeni isaafi worri isaa ch'ufti Seera AABBO Waaqaa lakisani. Ganna shaneeso ka inni lafa mohate, waan worri AABBO Waaqa lakiseefi, hayyuuni Misiri, ka Shishaki jed'ani, d'ufe Yerusalemu had'e. Inni askarti gaarini yaatu, nama kuma tokotifi d'ibba lama qaba, ammalle ta fardaani yaatule nama kuma jaatama qaba, ammalle askarti heddu, muumme inqamne d'ibi, ta gosa Lubitifi Sukiitifi Kushi qaba. Inni dira jabeesani jaarani ka lafa Yuda dabsate Yerusalemuni bahe. Raagi Shemaini gara Rehoboamutifi jaarole Yuda ta Shishaki baqate Yerusalemuti wolti baate, d'aqe waan jed'eeni, AABBO Waaqi waan jed'u, Waan isani qara na lakiftanifi, anini amma harka Shishakiti isani lakisa. Hayyufi jaaroleeni taani wollaala ufi agarte waan jette, AABBO Waaqi d'uga qaba, ka waan kana nu tolchu. AABBO Waaqi herega worra suni arge jennaani ammalle Shemaini dubbate waan jed'eeni, Maro worri wollaala ufi fud'ateefi anini amma worra imballeesu. Hojja Shishakini worra had'ele, anini isa worra hobaasu d'owe, dallansu tiyya ch'ufa Yerusalemu hanqisa. Ammo hataatuti, inni inuma worra dabsata, aka akasiini worri finna kiyyafi ka nama lafa gargari hubatu. Hayyu Shishakini Yerusalemu d'ufe, faaya Mana Waaqatifi ka mana hayyutifi wonte worqi ta Solomonini mid'aasele ch'ufa fud'ate. Jennaani hayyu Rehoboamuni wonte d'ibi, fulla wonte taani, sibiila diimani mid'aase jara askarti ka balbala hayyu eeguti kenne. Hojja hayyuuni Mana AABBO Waaqa d'aqu ch'ufa, askartini wonte suni baate yaatini, duuba eege mana keesati lafa eeganiti deebifti. Waan inni wollaala ufi fud'ateefi AABBO Waaqi dallansu qara iti dallane taani lakise isa balleesu dide; lafti Yuda nagaya taate bulti argatani. Akanaani Rehoboamuni Yerusalemu keesa jabaate lafa mohate. Gaafa inni hayyu tahe, ganni isaa afurtami toko. Ammalle inni ganna kud'ani torba dira Yerusalemu, ka AABBO Waaqi lafa Israeli ch'ufa keesaa fohate fulla isa iti kad'atani tolche, keesa lafa mohate. Haad'a isaa maqaani Naama, isiini gosa Amoniti. Inni waan fed'i Waaqa barbaadu dideefi wollaala tolche. Waan Rehoboamuni tolche haguma geetunu ch'ufa kitaaba odu raaga Shemaitifi raaga Ido keesati t'aafaniti t'aafani. Rehoboamufi Yeroboamuni bara ch'ufa woluma had'ani Rehoboamuni due jennaani fulla hayyoota iti awaalani, dira Daudi keesati, awaalani; jennaani ilmi isaa Abiyaani fulla isaa hayyu tahe. Ganna kud'ani saddeeteeso ka hayyu Rehoboamuni worra Israeli mohate, Abiyaani hayyu Yuda tahe, ganna sadi Yerusalemu keesa lafa mohate. Haad'a isaa maqaani Maaka, isiini dubra Urieli, ka dira Gibea bahe. Jennaani woraani jiddu Rehoboamufi Abiya bahe, worri wolhad'e. Abiyaani duula nama kuma d'ibba afuri baase, jennaani Yeroboamuleni nama kuma d'ibba saddeeti baase fuula keesaani d'ufe. Duuli suni lafa gaareeni ta Efraimuti fuula keesa wold'ufe. Abiyaani gaara Seemaraimu jed'ani kore, Yeroboamufi worra Israeliti lalabe waan jed'eeni, Me, na ch'aqasa. Isani aka AABBO Waaqi Israeli wold'aqisa haguma jiru inch'amne Daudini tolfate, haga jiru jireenna isaafi d'aloota isaa hayyuma kenneefi imbeetani? Ka amma atini Yeroboamuni, ilmi Nebati, hayyu kanke Solomoni didu. Duuba eege worri seseegi woma keesa injirre toko isati mataqe goli isaa tahe. Worri sunini Rehoboamu, ilma Solomoni, kaima arga d'ageeti womatu inqamne, dabse mala ufi hama gula deebise. Amma tana isani irree AABBO Waaqi ilmaani Dauditi kenneeni morku feetani. Isani duula muumme inqamneefi koromi worqi, Waaqa Yeroboamuni isanii mid'aase, qabdani. Isani qaalole AABBO Waaqa, ta d'aloota Harunitifi worra Lawi, gussitani, fulla worra qaalole d'ibi, akuma gochiti d'ibiini fohatte, fohattani. Isani nama kormafi yokhaani hooliye torba baasu eebiftani muudani, qaallu waan isani Waaqa seetani suni tolchitani. Ammo nu AABBO Waaqa keenna hojanne taka isa illakimne. Qaaloleeni teennaleeni ch'ufti nama d'aloota Haruniti, ta qarqaarsa worra Lawi woliini huji ufi hojattu. Diiramafi galgala ch'ufa worri hit'aana aarse, hori gube, sorio baasa. Worri qit'a Waaqaa baasani mesa qulqullo irati baase, galgala ch'ufale ifse waan ifseeni ira ejitu, ta worqiini mid'aasani, irati bobeesa. Nu fed'i isaa gula yaane, ammo isani ya isa lakiftani. Waaqumati nuni deema, qaaloleeni isaleeni ta magalata d'ooftu nu woliini jirti, aka hojja worri magalata d'au nu isani haanu. Isani worra Israeli, AABBO, Waaqa ababoota teesani inhad'ina! Dandeetani indabsatani! Jennaani ato inni tae akasi dubbatu, Yeroboamuni askarti isaa nama haga toko dudda duubani duula Yudati had'iisa erge, ka askartini isaa taani fuula duraani worrati fuula deefatu. Worri Yuda ufi d'aatu millate jennaani, aka marsani ufi arge. Duuba qarqaarsa AABBO Waaqati bohani, qaaloleeni worraleeni magalata d'oofte. Jennaani worri Yuda lola hirba iti kaachise worra Israeli had'e, Waaqi Yeroboamufi askarti isale harka Abiyaatifi, worra Yudati kenne. Worri Israeli worra Yuda duraa baqate, Waaqi worra Yuda worra dabsachiise. Abiyaafi duuli isaa guddo worra Israeli dabsate, askarti Israeli nama kuma d'ibba shani fit'e. Duuba akanaani worri Yuda maro AABBO, Waaqa ababoota isani gula baheefi, worra Israeli dabsate. Abiyaani duula Yeroboamu reebe, dira isaa haga tokole iraa boojie: Betheli, Yeshana, Efronifi ollowaani d'aatu dira kana jirtu ch'ufa. Yeroboamu ituma deebie, haga Abiyaani hayyu, taka irre inhoranne. Duuba eege AABBO Waaqi isa ijeese. Ammo Abiyaani guddo irre horate, nad'eeni kud'ani afuri fuud'e, ilmaani d'iira diddami lamafi dubra kud'ani jaa d'ale. Waan Abiyaani tahe, jecha, isaatiifi waan inni tolche ch'ufa, kitaaba odu raaga Ido keesati t'aafaniti t'aafani. Abiyaani due jennaani fulla hayyoota iti awaalani dira Daudi keesati isa awaalani. Ilmi isaa Asani fulla isaa hayyu tahe, bara suni lafti haga ganna kud'ani nagaya horate. Asani waan d'uga dansa tolche AABBO Waaqa gammachiise. Inni waan Waaqa d'araati irati sorio baasani guure, d'akhaaye aka utuba d'ad'aabani ch'ach'abse, akheekha Waaqa Ashera jed'ani ch'ire balleese. Worra Yudatini, fed'i AABBO Waaqa ababoota teesani gula yaa, seerafi aada isaa gula yaa jed'eeni. Waan inni fulla Waaqa d'ara iti kad'atanifi fulla hit'aani iti aarsani, dira Yuda ch'ufa keesa, balleesefi isaa jalati lafti nagaya horate. Inni bara suni dira Yuda ch'ufa jabeese jaare, ammalle waan AABBO Waaqi lafa nagaya tolcheefi bara heddu woraani lafa keesaa bade. Inni waan worra Yudatini jed'e, Koota, dira keenna jabeesine naabofi doofifi balbala naqatooni ch'ufani jaara. Waan nu fed'i AABBO Waaqa gula yaanefi lafti teennuma, Waaqi yayu gama ch'ufa nu tisse nu qorqorate. Akanaani worri dira suni jaare, keesati hore deebane. Asani askarti kuma d'ibba sadi, ta gosa Yuda, ta woraanafi wonte qabdufi askarti kuma d'ibba lamafi saddeetama gosa Benjamini, ta wonteefi t'iya qabdu, qaba. Worri kunini ch'ufti nama jajanna, waan woraana beekhu. Namichi gosa Kushi toko, ka Zera jed'ani, duula nama kuma maro kuma tokotifi gaari d'ibba saditini lafa Yuda had'e dira Maneshatini bahe. Asaleni isaa had'u d'ufe, duuli lachu bale Sefatha keesa d'aatu Maneshati ch'ibra keeyate. Asani AABBO, Waaqa isa kad'ate waan jed'e, Ee AABBO Waaqa, atini dandeete jabaafi laafale qarqaarta, amma nu qarqari, ee AABBO Waaqa keenna, nu si abdanne, maqa kanketini duula muumme inqamne kana had'u d'ufne. Ee AABBO, atini Waaqa keenna; nami si dabsatu tokoleeni injiru jed'e. Jennaani AABBO Waaqi duula worra Kushi suni dabsate, gaafa Asafi askartini Yuda worra haate. Worri baqate, jennaani, Asafi askartini isaa haga Gerari worra Reebde. Akasiini duula gosa Kushi suni nama heddu, fit'ani, tanaafi worri garagale nyaapa ufira d'owu dad'abe. AABBO Waaqafi askartini isaa worra dabsate askartini sunileeni waan heddu boojite. Jennaani dira d'aatu Gerari ch'ufa had'ani balleesani, wonti akanatiifi nami achi tau aka male AABBO Waaqa d'eete. Askartini sunini dira suni ch'ufa saamte waan heddu boojite. Ammalle worri arjaala ree toko had'e, ree muumme inqamneefi gaala boojie, duuba eege Yerusalemuti dachae. Lubbuuni Waaqaa Asaria, ilma odedi, ira buute, duuba inni kae gara Asa d'aqe waan jed'eeni, Asafi worra Yudatifi ka Benjamini, na ch'aqasa. AABBO Waaqi isani woliini jira, yo isani isa woliini jiraattani. Yo isani isa barbaaddani, isa ind'abdani, ammo yo isani isa lakiftani innileeni isani lakisa. Bara heddu worri Israeli d'uga iraa gore Waaqafi, qaalole worra barsiiftufi seerale lakise akasumati tae. Ammo gaargali d'umnaani AABBO Waaqa Israeliti deebiani isa barbaadani argani. Bara suni nami imaltu d'aqufi ka galuleeni nagayaani indeemu, wonti akanatiifi lafa suni ch'ufa keesa gaargala woraana hammaati jira. Gochiti gosani woli dabsite, dirileeni diraani woldabse, wonti akanatiifi Waaqati gaargalafi d'iba hama worrati buuse. Ammo isani ilaafina, garaa jabaad'a, hujiini isani hojatani lafati hafte imbaddu. Asani waan Azariani, ilmi odedi, fage d'agaye jennaani garaa jabaate. Inni Waaqa d'ara, ka harkaani mid'aasani, lafa Yudatifi ta Benjamini keesati kad'atanifi Waaqa d'ibi, dira inni boojie, ka lafa Efraimu ta gaareenile ch'ufa, balleese. Ammalle inni waan sorio irati baasani, ka d'aatu Mana Waaqa, ka qara ch'ach'abe, mid'aase. Nami hedduuni qara lafa Efraimutifi ta Manasetifi ta Simeoni keesaa bahe, lafa hayyu Asani fiduti d'ufe. Worri aka AABBO Waaqi isa woliini jiru arginaani iti d'ufe. Asani worra kanafi worra Yudatifi ka Benjaminile ch'ufa wolti yaame. Worri jia sadeeso ka ganna kud'ani shaneeso ka Asani lafa mohate dira Yerusalemu keesati wolti bahe. Guyya suni worri hori boojie keesa looni d'ibba torbatiifi hooliye kuma torba sorio AABBO Waaqaa baase. Ammalle wold'aqisa woliini tolfatani, aka AABBO, Waaqa ababoota isaani ch'alla garaa tokofi qalbi tokooni kad'atani. Ammalle aka nama ch'ufa, diqaafi gudda yokhaani d'iirafi uwa, ka isa inkad'anne, fit'ani, lalabani, Waaqa durati kakhatani, iyyaani, magalata d'aani waan jed'ani, Nu wold'aqisa kana inguunna. Worri Yuda ch'ufti, maro wold'aqisa kana garaa tokooni tolfateefi, gammade. Duuba aka dansaa jabatani, AABBO Waaqa kad'atani, innileeni kad'acha worraa d'agayeefi, lafa worra ganna ch'ufa nagaya tolche. Hayyu Asani akko isaa, Maaka, waan isiini akheekha Waaqa hama Ashera jed'ani mid'aafatefi, guddinna hayyuma, ka isiini qabdu, iraa fuud'e. Inni akheekha suni ch'ach'abse, gargari ch'ire, laga Kidroni keesati gube. Ato inni fulla Waaqa iti kad'atani ch'ufa ta lafa keesa jirtu, balleesu baatele, inni haga jiru ch'ufa garaa tokooni AABBO Waaqa hojate. Inni waan abbaani isaa Abiyaani Waaqaa baase ch'ufafi waan worqifi qarsiini mid'aasani ka inni baase woliini, Mana Waaqa keesa kaye. Haga inni waan kana ch'ufa tolche asi haga ganna sodomi shaneeso ka inni lafa mohate, lafa suni woraani keesaa bade. Ganna sodomi jaeeso ka Asani lafa mohate, Baashani, hayyuuni Israeli, lafa Yuda had'e, dira Rama jabeese jaare, aka nami tokoleeni dira suni keesaa bahe yokhaani inseene. Duuba hayyu Asani qarsifi worqi Mana Waaqatifi ka mana hayyu keesaa guure, Damaskiti gara Benhadadi hayyu Shamuti erge waan jed'eeni; kooti, aka abbooti teenna goli woli taana qarsifi worqiini tunini waan anini sii ergu. Amma tana wold'aqisa siifi Baashani hayyuuni Israeli woliini qabdani ch'absi, aka inni askarti isaa lafa tiyya keesaa baasu. Benhadadini dubbi Asa d'agaye, askarti isaatiifi worra gugurda askarti isaa dira Israeliti had'iisaa erge. Jennaani worri dira Iyonitifi Danitifi Abel-Beth-Maakatifi dira Naftali ka sagale keesati olkayani ch'ufa dabsate fud'ate. Hayyu Baashani waan tahe suni ch'ufa d'agaye jennaani dira Rama, ka jabeesani jaaru jirani kaani, lakise biraa deeme. Jennaani hayyichi Asani qonqo lafa Yuda ch'ufati erge nama ch'ufa wolti yaame, aka nami ch'ufti haguma gaunu d'ufe, d'akhaafi mukha Baashani dira Ramatini jaare guure, dira Gebaatifi ka Mispa sunumaani jabeesani jaarani. Gaafasi raagi Hanani jed'ani toko gara Asa d'aqe waan jed'eeni, Waan atini AABBO Waaqa kanke lakifte hayyu Shamu qarqaarsa heregateefi, duuli hayyu Israeli ya baqate si duraa bahe. Worri gosa Kushitifi ka Lubi, askarti heddufi gaari heddufi yaabatu fardale heddu inqabu? Ammo maro atini AABBO Waaqa qarqaarsa heregateefi inni si dabsachiise. AABBO Waaqi lafa ch'ufa ilaale tisse nama isa d'ugeefatu jabeesa. Waan atini aka daale tateefi, armaa achi worraani lafa tante keesaa imbahu. Dubbini tunini aka male Asa dallansifte jennaani inni raaga suni fuud'e sansalatani hid'e. Duuba bara suni Asa garaani hammate, nama gari, naasu male, aka hama gaargalche. Waan hayyu Asani tolche ch'ufa, haguma geetunu, kitaaba Odu Hayyoota Yudatifi ta Israeli keesati t'aafaniti t'aafani. Ganna sodomi sagaleeso ka Asani lafa mohate inni, d'ukuba hama fuud'e miilaa naafate; ammo tatule inni qarqaarsa AABBO Waaqa ira infed'anne, ch'ireeyyi iraa fed'ate. Inni ganna lama teennaani due awaala goda d'akha ka inni mid'aafate, dira Daudi keesati, isa awaalani. Inni doonaani qumbifi d'ad'a urgaa nafa isaa ibsani, ibida gudda goolani isaa bohani. Yehoshefathini fulla abba isaa Asa hayyu tahe jabaate worra Israeli ufira d'owe. Inni dira Yuda jajaba kaanifi lafa Yudatifi dira Asani lafa Efraimu keesaa boojiele askarti keesa kaye. Waan Yehoshefathini faana abba isaa ta qara gula bahe Waaqa Baali jed'ani kad'achu dideefi, Waaqi isaa eebise. Inni Waaqa abba isaa gula bahe, Seera Waaqale guute, hayyoota Israeli taani gula deemu dide. AABBO Waaqi mootuma Yehoshefathi jabeese, nami ch'ufti gibira baaseefi, duuba akanaani inni dureesa tahe gurra baafate. Garaani isaa guddo gara AABBO Waaqa jira, tanaafi inni fulla Waaqa d'ara iti kad'atanifi akheekha Waaqa Ashera jed'ani ka Yuda keesa jirule lafa keesaa balleese. Ganna sadeeso ka inni lafa mohate inni worra gugurda kana aka lafa dira Yuda keesati wobarsiisani erge: Benhaili, Obadia, Zekaria, Nethaneli, Mikaya. Worra woliini nama worra Lawile sagalifi qaalole lama erge. Worri Lawi ka ergani kana: Shemaya, Nethania, Zabadia, Asaheli, Semiramothi, Yehonathani, Adoniya, Tobia, Tobadonia: qaaloleeni, Elishanefi Yehoramu. Worri sunini kitaaba Seera AABBO Waaqa fuud'e, lafa Yuda keesa yae biyya barsiise. AABBO Waaqi hayyoota d'aatu Yehoshefathi jirtu ch'ufa isa sodaachise, duuba akanaani worri lafa Yuda had'u sodaate. Worri gosa Filisti ka gari qarsifi waan d'ibileeni d'ufeeniifi, ammalle worri Arafti hagi toko Elemiye kuma torbatiifi d'ibba torbatiifi korbeeyyi kuma torbatiifi d'ibba torba d'ufteeni. Duuba Yehoshefathini haga qara ira jabaate, maneeni jajabduufi dirale ch'ufa lafa Yuda keesati jaare, achiti waan heddu olkaye. Ammalle askarti jajanna, balbala balbalaani Yerusalemu kaye. Guddaani askarti balbala gosa Yuda Adna, askartini isaa nama kuma d'ibba sadii. Nami isati aanu Yehohanani, innileeni askarti kuma d'ibba lamafi saddeetama qaba; nami isati aanu Amasia, ilma Zikri, innileeni askarti kuma d'ibba lama qaba. (Amasiani nama ufi baase AABBO Waaqa hojate.) Guddaani askarti balbala gosa Benjamini namicha janna Eliada jed'ani toko, askartini isaaleeni nama kuma d'ibba lama ka wonteefi t'iya qabdu. Nami isati aanu Yehosabadi, askarti isaaleeni nama kuma d'ibba tokotifi saddeetama ta miha woraana ka aka ch'ufaa qabdu. Jari kuni ch'ufti Yerusalemu keesa hayyu hojate. Jara kana malele inni askarti d'ibi dira Yuda ka jabeesani jaarani kaani keesa kaye. Yehoshefathini, hayyuuni Yuda, dureesa tahe gurra baafate jennaani, nama worra isaatiifi ka Ahabu, hayyu Israeli, woli fuusise. Eegi ganni hedduuni dabre Yehoshefathini Ahabu, ka Samaria jiru, argu d'aqe. Inni artini bahe jennaani Ahabuni hooliyeefi looni heddu qale, isaafi jara isaa woliini d'ufe jila tolche. Duuba inni Yehoshefathi sosobe, aka inni goli isaa tahe dira Ramothi ka Gileadi woliini had'ani. Tanaafi inni waan jed'eeni, Dira Ramothi deemne woliini haane ho? Yehoshefathini waan jed'eeni, Haye, anaafi askartini tiyyaleeni ch'ufti kurfo jira, woliini iyyaana. Ammo qara eegi ato, iyaane, Waaqa kad'anne gorsa iraa fud'anna. Jennaani Ahabuni raagoota nama d'ibba afuri wolti yaame waan jed'eeni, Dira Ramothi inhad'a mo, inhad'u? Worri waan jed'eeni, Ee, beeni had'i, Waaqi harka kanketiti worra keenna. Ammo Yehoshefathini waan jed'eeni, Raagi d'ibiini injiru, ka nu gorsa AABBO Waaqa iraa fud'anuuni? Ahabuni waan jed'eeni, Ee, toko d'ibiti jira, ka Mikaya ilma, Imla jed'ani, ammo anini isa injiba; wonti akanatiifi inni waan hamtu male waan dansa naa infagu. Yehoshefathini waan jed'e, akasi injed'ini. Jennaani Ahabuni namicha hojattu toko Mikayati erge, Hurrisi, kooti jed'eeni. Hayyooti lamaani taani miha hayyu naqatte, barch'uma ufi ka hayyuma ira, fulla oobdi ta fulla fullo dira Samaria, teteete, raagooti ch'ufti worra dura ejaanjite wo fadde. Raagi toko ka Zedekia, ilma Kenaana jed'ani, sibiila aka gaafa mid'aase waan Ahabuni jed'e, AABBO Waaqi waan jed'u; gaafa kanani worra gosa Shamu haatani dabsattani. Raagooti taani ch'ufti afaani taka dubbate waan jette, Ramothi d'aqi, AABBO Waaqi worra dira suni harka kanketiti keenna. Namichi Mikaya yaamu d'aqe kaani waan jed'eeni, Raagooti taani ch'ufti yayu afaani taka dubbate waan dansa hayyu fadde, atinileeni akasuma waan dansa dubbate hayyu fagu malte. Ammo Mikayaani waan jed'eeni, Anini maqa AABBO Waaqatini kakhad'a, aka waan Waaqi kiyya, jed'i naani jed'u ch'alla jed'u! Inni fulla hayyu Ahabu d'ufe jennaani hayyuuni waan jed'eeni, Mikaya, nu Ramothi haana mo inhaanu? Mikayaani waan jed'eeni, Beena, had'a, AABBO Waaqi inuma isani dabsachiisa. Ammo hayyichi waan jed'eeni, Hojja maqa AABBO Waaqatini naani dubbatu d'uga dubbad'u! Maro hagami siti himu male? Mikayaani waan jed'eeni, Anini worra Israeli ch'ufa ka gaareeni gubba firfirsani, hooliye tissitu inqamne fakaatu arga. Ammalle AABBO Waaqi waan jed'u, Worri kunini abba inqabu, ha namu nagayaani galuti. Ahabuni waan Yehoshefathini jed'e, Anini, inni waan hamtu male, dansa naa infagu sini injenne? Me, ilaali! Ammalle Mikayaani waan jed'e, Amma waan AABBO Waaqi jed'e ch'aqasi! Anini AABBO Waaqa, ka barch'uma ufi ira tau, gubbati arge, ka malaikaani isaa mirgaafi bita isaa ejaanjitu. AABBO Waaqi waan jed'u, Eenuti Ahabu soba, aka inni deeme Ramothiti duu? Malaikaani gari waan toko jette, ammo ta gari waan d'ibi jette. Jennaani jinnini toko AABBO Waaqa dura d'ufte waan jetteeni, Anati isaa soba. AABBO Waaqi, Akami sobda? jed'e gaafate. Jinnini waan jetteeni, Anini deeme raagoota Ahabu ch'ufa kiyyibsiisa. AABBO Waaqi waan jed'eeni, Beeni, isa sobi, inni inuma sobama. Duuba Mikayaani waan jed'e, AABBO Waaqi yayu raagoota tante tana ch'ufa kiyyibsiise, ammo isumati si balleesu fed'a. Jennaani raagi Sedekiani Mikaya d'abanaase waan jed'eeni, Lubbuuni Waaqa yoomi na biraa deemte sini dubbate? Mikayaani waan jed'eeni, Gaafa atini mana kanke seente keesati d'okhatu waan suni garta. Jennaani Ahabuni waan jed'e, Mikaya qaba, gudda dira kana ka Amoni jed'anifi Yoashi ilma kiyyati geesa, waan jettaniini, Hayyichi waan jed'u, Nama kana mana hid'aansa keesa buusa, qit'aa gogafi bisaani ch'allaani gololcha, haga anini nagayaani galuti. Mikayaani waan jed'eeni, Yo atini d'uguma nagayaani galte, AABBO Waaqi naani indubbanne. Ammalle inni waan jed'e, D'iiro, isani nami ch'ufti d'uga naa taha. Jennaani hayyuuni Israelitiifi Yehoshefathini hayyu Yuda dira Ramothi ka Gileadi woliini had'u d'aqani. Ahabuni waan Yehoshefathini jed'e, Anini woya tiyya jijirad'e nama d'ibi ufi tolche had'u d'aqa, ammo atini woya tante ta hayyutini had'u d'aqi. Duuba hayyichi Israeli woya jijirate nama d'ibi ufi tolche had'iisa d'aqe. Hayyichi Shamu qara waan askarti isaa ta gaari fardi hirkisuti matatiini jed'e, Hayyu Israeli male, nama d'ibi tokole inhad'ina. Duuba worri Yehoshefathi arge jennaani hayyu Israeli sehani iti gorani isa had'ani. Ammo inni iyye jennaani AABBO Waaqi isa baase worra isa had'u jiru kaani iraa deebise. Worri kaani aka inni hayyu Israeli intahini arge jennaani iraa deebie. Ammo askartichi Shamu toko akanumati t'iya darbe, hayyu Israeli fulla miha isaa ka lola woltiini ejuuni woraane. Jennaani hayyichi waan nama gaari isaa oofuni jed'e, Anini ya madae, had'iisa ira nu deebisi! Ka had'iisi aka male jabaachu jiru, hayyu Ahabu gaari isaa keesati, fuula worra Shamuti deebisani jabeesani qabani. Aduuni d'iinaani ch'iche. Hayyuuni Yuda, ka Yehoshefathi jed'ani, nagayaani mana ufi ka Yerusalemuti gale. Jennaani raagi toko, ka Yehu ilma Hanani jed'ani, gara hayyu d'aqe waan jed'eeni, Atini nama, nama ch'ubbicha qarqaare, nama AABBO Waaqi jibbe jaalatu waan inni waan dansa tolche seeta? Waan atini akasi tateefi, dallansuuni AABBO Waaqa ya si qabate. Ammo ato atini akasile taate, dansumti diqooni toko siuma keesa jirti. Atini Waaqa d'ara, ka Ashera jed'ani, ya lafa keesaa balleesite haga dandeetu Waaqa d'ugaa barbaadde. Yehoshefathini, ato worri isaa Yerusalemu tateele, hojja ch'ufa lafa keesa guddo imaltu deema, haguma Beersheba ta bita jirtu iti keeyate lafa Efraimu ta mirga ta gaareenitini bahe, biyya kara AABBO Waaqa ababoota isaani gula deebise. Inni dira Yuda ka jabeesani jaarani ch'ufa jaallaboota iti tolche waan jed'eeni, Hojja dubbi qortani, d'uga gula qora, wonti akanatiifi jabeenni isani woini qortani keesaniniti, ka AABBO Waaqati; ammalle hojja isani dubbi murtani, inni isani woliini jira. AABBO Waaqa sodaad'a, yo wo tolchi taanile ufi qorqorad'a; wonti akanatiifi AABBO Waaqi keenna nama d'uga gula indeemne, ka nama gargari file yokhaani gumbo nyaatu inoobsu. Yerusalemu keesale Yehoshefathini worra Lawitifi qaaloleefi jaarole Israeli jaallaboota tolche; aka worri nama Seera Waaqa ch'absu laale nama wold'abele dubbi qoruufi. Inni waan worra sunini jed'e: Isani AABBO Waaqa sodaatani, huji teesani aka dansaa hojja ch'ufa garaa tokooni hojachu maltani. Hojja nami dira keesani toko dubbi nama woli ijeesefa isanitini d'ufe yokhaani dubbi seerafi aada ch'absiitifa isanitini d'ufe, nama suni aka dansaa gorsa, aka hojja dubbi isaa qorani inni wollaale AABBO Waaqa durati ch'ubbu inseene. Yo akasi tahu baatani dallansuuni AABBO Waaqaa isanifi gosa teesani inqabatti. Ammo yo huji teesani guutani, wollaala inseentani. Nami dubbi aada AABBO Waaqa muru qaallicha gudda Amaria jed'ani. Ammalle Zebadiani, ilmi Ishmaeli, ka gudda Yuda, dubbi gara hayyu ch'ufa isati mura. Worri Lawi isani jala hojate isanii ergata. Garaa jabaad'a, dubbi tana guuta, AABBO Waaqi nama d'uga gula deemu ha qajeelchu. Eegi suni worri Moabutifi ka Amonitifi, ammalle worra Meuni ka gari woliini, lafa Yuda had'ani. Qonqo Yehoshefathiti ergani waan jed'aniini: Duula muumme inqamne, ka worra Edomuti, galaana Sooda gama suni had'iisa keeti d'ufu jira. Worri suni dira Hasason-Tamari ya had'e dabsate. (Dira suni maqaani isaa d'ibiini Engedi.) Yehoshefathini guddo sodaate qarqaarsa AABBO Waaqa kad'ate nama Yuda ch'ufaani, sagale inyaatina, ufi agabsa jed'e. Dira Yuda ch'ufa keesaa biyyiti orite Yerusalemu d'ufte AABBO Waaqa qarqaarsa kad'ate, worra sunifi ka Yerusalemuleeni naabo Mana Waaqa hareeti keesati wolti bahe. Yehoshefathini d'ufe worra dura eje, Waaqa kad'ate waan jed'e, Ee AABBO, Waaqa ababoota teenna, atini gubbaa lafa ch'ufa imohatu? Atini irreefi jabeenna qabda, eenu dandae si dabsata? Atini Waaqa keenna, ka gaafa worri kanke ka Israeli lafa tanati qubate, gosa qara lafa tana keesa jirtu gussite lafa tana ilmaani jaala kanke Abrahamuti, haga jiru jireenna kennite. Worri sunini lafa tana keesa qubbate, mana keesati si kad'atani sii jaare waan jed'e, Hojja wonti hamtuni nuti d'uftu — woraana, yokhaani ch'iisa d'ukuba, yokhaani oolafi beela — nu d'ufne, Mana keesati si kad'atani kana, si dura, ejina. Duuba hojja gaargali nuti d'ufe nu d'ufne si kad'annu atini nu baafta. Amma worri Amonitifi ka Moabutifi ka Edomu ya nu had'u d'ufe. Gaafa ababooti teenna lafa Misiri keesaa baate, atini worra lafa suni seenu d'owarte, tanaafi ababooti teenna lafa suni gama d'ibi marte, worra suni balleesu didde. Galati worri amma nu kennu kana — d'ufani, lafa atini nu kennite tana keesaa nu gussani. Atini Waaqa keenna, worra kana balleesi, nu irree duula muumme inqamne kanani haanu inqamnu. Nu waan taanu imbeennu, yo atini nu qarqaarte male. Worri Yuda ch'ufti, nad'eenifi ijoolle worraa woliini, Mana Waaqa dura ejaanjani. Lubbuuni AABBO Waaqa namicha gosa Lawi toko, ka gumi keesa eju, ira buute. Maqaani isaa Yahazieli, ilma Zekaria, ka ilma Benaiya, ka ilma Yeieli, ka ilma Matania; inni nama balbala gosa Asafu. Inni waan jed'e, Ee hayyichaafi gumi Yudatifi ta Yerusalemu, AABBO Waaqi waan jed'u, insodatina, duuli guddaani kunini isani imudamsisini, nami duula kana had'u isaaniniti, Waaquma. Bori, hojja worri kaarra Sisitini olbahu, had'a. Isani fulla muumme bale ta lafa aloo ta d'aatu Yerueliti aantuti worraani baatani. Isani worra inhad'ina, ammo kurfo eegad'a, aka Waaqi isani dabsachiisu inagartani. Isani worra Yudatifi ka Yerusalemu, sodaatani imudamina. Kaa, nyaapa fuula keesa yaa, AABBO Waaqi isani woliini jira. Jennaani Yehoshefathini biyya durati gajed'e addaani lafa tuqe, gumileeni akasuma gajette, AABBO Waaqa guddifte. Nami gosa Lawi ka balbala Kohathitifi ka Koraleeni olejanje lalabe AABBO Waaqa Israeli faarse. Boriyyaate ganama biyyiti kaate gara lafa aloo, ta d'aatu Tekoa, d'at'e. Ato worri yau, Yehoshefathini waan worraani jed'e, Gumi Yudatifi ta Yerusalemu, na ch'aqasa! AABBO Waaqa keesani abdad'a, duuba nami isani chochoosu injiru. Waan raagooti isaa isaniti himtu d'ugeefad'a, indabsattani. Eegi isaafi biyyiti mala woliini d'awate, hayyichi sirbitu wolti yaame, woya jila keyad'a, duula dura yaa sirba, AABBO Waaqa faarsa, Jaalalti isaa ta haga jiru jireenna jed'a, jed'eeni. Worri sirba iti keeyate jennaani, AABBO Waaqi duula nyaapa kaani mudamsiise. Worri Amonitifi ka Moabu worra gosa Edomu had'e hobaase, duuba wolti garagalani wolhobaasani. Worri Yuda doofi lafa gamooji geennaani gara nyaapa isaani kaani laalani, worra ufuma hobae ch'iisu, ka tokoleeni inhafiini argani. Yehoshefathifi jari isaa reefa kaani iraa wosaamu d'ufani jennaani looni heddu, woreega, woya, miha dadansa d'ibile ch'ufa argani. Guyya sadi waan suni ch'ufa saamani, hobaasu dad'abani. Guyya afreeso bale Baraka keesati wolti bahani, waan AABBO Waaqi worraa tolche kana ch'ufafi isa guddisani. Wonti bale sunini Baraka jed'anifi suni. Jennaani Yehoshefathini duula ufi kaani dura, waan AABBO Waaqi worra nyaapa dabsachiisefi, gammadaani kae Yerusalemuti gale. Worri diraani bahe jennaani magalatafi kiraari d'aani, sirbaa gara Mana Waaqa d'aqani. Gochiti ch'ufti ta aka AABBO Waaqi nyaapa Israeli dabsate d'ageete aka hama mudamte. Duuba akanaani Yehoshefathini nagayaani lafa mohate, Waaqileeni nyaapa isaa ch'ufa ira d'owe. Yehoshefathini ganna sodomi shaniti hayyu Yuda tahe, ganna diddami shani Yerusalemu keesa lafa mohate. Had'a isaa maqaani Azuba, isiini dubra Shilhi. Akuma abba isaa Asa, inni waan AABBO Waaqi fed'u ch'alla, ka diqole iraa ingorini, tolche; ammo fulla Waaqa d'ara iti kad'atani, ta gaareeni gubba, imballeesine. Biyyiti ammalle garaa tokooni Waaqa ababoota isaani inkad'anne. Waan Yehoshefathini tolche ch'ufa, haguma geetunu, kitaaba Odu Yehu, ilma Hanani, ka Odu Hayyoota Israelile haga toko keesati t'aafaniti t'aafani. Gaafa toko hayyuuni Yuda Yehoshefathini, hayyu Israeli ka Ahazia jed'ani, Ka waan hamtu heddu duri tolche, goli woli tahani, hobolo gugurdo bunaqa Esion-Geberiti mid'aafatani. Ammo Eliezerini, ilmi Dodarahu, ka dira Morisha, waan Yehoshefathini jed'e, Waan atini goli Ahazia tateefi, waan atini jaarte kana AABBO Waaqi imballeesa. Duuba hobolooni sunini ch'ach'abt'e deemu dad'abdi. Yehoshefathini due jennaani irreesa hayyoota ka dira Daudi keesati awaalani, duuba ilmi isaa Yehoramuni fulla isaa hayyu tahe. Yehoramuni, ilmi Yehoshefathi, ka hayyu Yuda, oboleyaani d'iira jaa qaba: Azaria, Yehieli, Zekaria, Azariahu, Mikaili, Shefatia. Abbaani worra worqifi qarsifi waan dadansa d'ibile guddise worraa kenne. Ammalle inni ilmaani suni tamu dira jabeesani jaarani ka lafa Yuda suniti galche mata iti tolche. Maro Yehoramuni angafa taheefi, Yehoshefathini fulla ufi hayyu isa tolche. Yehoramuni hayyu tahe jennaani oboleyaani isaa taani ch'ufafi jaarole Israeli ta garile ch'ufa fit'e. Yehoramuni ganna sodomi lamati hayyu tahe, ganna saddeeti Yerusalemu keesa lafa mohate. Inni dubra Ahabu fuud'e akasiini hayyu Ahabufi hayyoota Israeli gula bahe, AABBO Waaqa durati ch'ubbu tolche. Ammo AABBO Waaqi Yuda balleesu dide, wonti akanatiifi inni duri hojattu isaa Dauditi kakhate, aka d'alooti isaa haguma jiru jireenna lafa Yuda mohatu. Bara Yehoramuni lafa fide suni, worri Edomu finna worra Yuda dide hayyu ufi fohate. Jennaani Yehoramufi jari isaa ka lola gugurdaani gaari fardi hirkisu ch'ufa guuratani, lafa Edomu had'u d'aqani. Achiti askartini Edomu worra marsite, ammo halkani suni worri nyaapa suni ch'abse iraani baqate. Worri Edomu haga arra finna worra Yuda jala injiru. Baruma suni worri Libnaleeni finna worra Yuda jalaa bahe, wonti akanatiifi Yehoramuni AABBO, Waaqa ababoota isaa, lakise. Suni malele, inni fulla Waaqa d'ara iti kad'atani ta lafa Yuda gaareeni irati jaare, worra Yudatifi ka Yerusalemu ch'ubbu keesa buuse kara iraa gorse. Raagi Eliya jed'ani tatabe Yehoramu t'aafe waan jed'eeni: AABBO, Waaqi abba kanke Daudi, waan sini jed'u, waan atini faana abba kanke Yehoshefathi yokhaani ta akhaakhu kanke Asa gula indeeminifi, anini wollaala siti mura. Ammo atini faana hayyoota Israeli gula deemte, worra Yudatifi ka Yerusalemu Waaqa iraa gorsite ch'ubbu keesa buufte, akuma duri Ahabufi d'alooti isaa worra Israeli ch'ubbu keesa buuse. Suni malele, atini oboleyaani tante ta sira dadansa hobaafte. Maro waan sunitifi AABBO Waaqi aka hama worra kanke, nad'eenifi ilmaani tante ch'ufa, gaargalche waan atini qabdu ch'ufa balleesa. Atinileeni d'ukuba marumaani fuuta, ka guyya ch'ufa siti hammate eege marumaani si buani. Duuba worri Filistitifi ka Arafti afaani baariini, fulla worri Kushi jiru, qubate. AABBO Waaqi worra suni Yehoramuti kaase, worri d'aqe isa had'e, lafa Yuda seene had'e, mana hayyu saame, nad'eenifi ilmaani hayyu ch'ufa, ilma maand'a ka Ahazia jed'ani male, boojie. Duuba eegi waan suni ch'ufa d'ukuba marumaani hama, ka infaayine, hayyutini d'ufe. Ganna lama ch'ufa d'ukubi sunini iti hammate fayyu dide, eege marumaani buani due. Jari isaa ibida goole imbooneefi aka duri hayyoota worraati bohani. Yehoramuni ganna sodomi lamati hayyu tahe ganna saddeeti lafa mohate. Inni due jennaani nami tokoleeni nahe imbooneefi. Isa diruma Daudi keesati awaalani, ammo awaala hayyoota keesati inawaalle. Worri Arafti toko d'ufe, ilmaani Yehoramu, gurba maand'icha Ahazia jed'ani male, ch'ufa fit'e. Tanaafi worri Yerusalemu fulla abba isaa hayyu tolche. Inni AABBO Waaqa durati ch'ubbu tolche, wonti akanatiifi abbaani isaa doonaani, worri Ahabu ka gari mala hama isaa d'ae, isa balleese. Ammalle inni mala worraa gula bahe, Yoramu, ilma Ahabu, ka hayyu Israelitini goli tahe. Duuba d'aqani, Hazaeli hayyu Shamu Ramothi ka Gileaditi had'ani, had'iisa suni keesati Yoramu madeesani. Jennaani inni aka wollaanate fayyu dira Yezreeli d'aqe achi tae; ato inni achi jiru, Ahaziani isa argu d'aqe. Imaltu Ahazini gara Yoramu d'aqe suni gula, Waaqi badi isatini d'ufe. Ato Ahaziani arti jiru, isaafi Yoramuni, namicha Yehu ilma Nimshi jed'ani toko, ka AABBO Waaqi aka inni worra Ahabu balleesu fohate, argu d'aqani. Ato Yehuni jecha AABBO Waaqa gula worra Ahabu balleesu deemu, inni gumi jaarole Yudatifi ilmaani oboleesa Ahazia, ta Ahazia woliini yaatu, fuula keesa d'ufe ch'ufa hobaase. Nama Ahazia barbaadule ergani, ato inni dira Samaria keesati d'okhachu jiru, isa argani, fuud'ani, Yehutini d'ufani ijeesani. Maro akhaakhu isaa Yehoshefathi ka garaa tokooni AABBO Waaqa hojateefi, isaa awaalani. Nami worra Ahazia, ka dandae lafa mohatu, inhamne. Haati Ahazia akuma lubbu ilma isii d'ageeteni kaate, nama fiit'a hayyu Yuda ch'ufa fit'a jette. Ahaziani oboleeti toko qaba, ta Yehosheba jed'ani, ta qaallichi Yehoyada jed'ani fuud'e. Isiini d'ossani Yoashi, ilma Ahazia, oboleyaani isaa ta fit'u fed'ani taani keesaa fuute, isaafi intala qabdu isaa d'iibu keesati d'ossite. Akanaani isiini isa harka Atalia jalaa baafte. Duuba ganna jaa ch'ufa, Mana Waaqa keesati ka Ataliani lafa mohate isa d'ossani. Ganna torbeeso, qaallichi Yehoiyadani garaa jabaate, jara shanani gugurda askarti kanaani woliini malatani; Azaria ilma Yehoramu, Ishmaeli ilma Yehohanani, Azaria ilma Obedi, Masseya ilma Adaya, Elishafathi ilma Zikri. Worri sunini dira Yuda ch'ufa d'aqe, worra Lawitifi worra mata balbala gosa Israeli ch'ufa Yerusalemutini d'ufe. Worri ch'ufti Mana Waaqa keesati wolti bahe, achiti Yoashi ilma hayyu woliini, wold'aqisa tolfatani. Yehoiyadani waan worraani jed'e, Ilmi hayyu kuno kana, laala! Inni amma ha hayyu tahuti, akuma AABBO Waaqi duri hayyuma ilmaani Dauditi d'aamate. Wonti isani taatani tana: hojja qaaloleefi worri Lawi guyya Sabato hujii d'ufe, worri hagi toko ha balbala fullo Mana Waaqa eege, hagi toko mana hayyu eege, hagi tokoleeni ha balbala Yayaba jed'ani eegu. Nami ch'ufti ha naabo Mana Waaqa keesati wolti bahuti. Nami tokoleeni Mana Waaqa inseenini, qaaloleefi worra Lawi ka huji hojattu male. Worri sunini qulqullo, ha seenuti, ammo gumiini taani ha aada AABBO Waaqa gula alati haftuti. Worri Lawi ha goraade harkati qabate hayyu marse eege fulla inni deemu ch'ufa gula yauti. Nama Mana Waaqa seenu fed'u ch'ufa ha ijeesani. Worri Lawitifi ka Yuda ch'ufti dubbi qaallicha Yehoiyada gula yae. Nama sila guyya Sabato huji ufi hojate galu ingalchine; akanaani, worri hujiti mata, nama huji d'ufufi ka huji keesaa bahule ch'ufa harkaa qaba. Yehoiyadani worra gugurda suni, woraanafi wonte duri hayyu Daudini qabu, ta Mana Waaqa keesati olkayani, kenneefi. Ammalle jara suni ch'ufa, ka goraade ufi harkaa qabu, Mana Waaqa duraani d'ufe, hayyu eega jed'eeni. Jennaani Yehoiyadani Yoashi gabaase, sure hayyuma mata isaa ira kaye, kitaaba seera hayyuuni lafaani fidu keesati t'aafani iti kenne. Akanaani Yoashini hayyu tahe. Qaallichi Yehoiyadafi ilmaani isaaleeni Yoashi muudani, duuba nami ch'ufti lalabe waan jed'e, Lubbuuni hayyu ha d'eeratuti. Hayyiti Ataliani aka biyyiti lalabdu d'ageenani utaalte, Mana Waaqa fulla biyyiti wolti baatu d'ufte. Jennaani isiini ka balbala mana keesa fulla utaba hayyu mid'aasani eju, ka jara gugurdafi worri magalata d'au marse bira ejaanju, agarte. Biyyiti ch'ufti gammadde, lalabde, magalata d'oofte, worri sirbitu Mana Waaqa kaani miha ufi ka sirba d'ae jila owise. Isiini woya ufi tatarsaafte iyyite waan jette, ya mala nati d'aatani na balleesani! Ya na balleesani! Yehoiyadani aka Atalia Mana Waaqa keesati ijeesani infed'u, tanaafi inni worra gugurda askarti yaame waan jed'eeni, Jiddu askarti tana keesaa alati baasa, nama lubbu isi baasu fed'u ch'ufa ijeese. Duuba isi qabani, mana hayyu geesani, fulla fullo Fardaa jed'aniti isii ijeesani. Yehoiyadani hayyufi biyyale ch'ufa wolti yaame, aka worri nama AABBO Waaqaa tahe isaani woli d'aqani woliini taani tolche. Jennaani biyyiti ch'ufti mana Baali d'at'e ch'ach'absite. Worri fulla sorio irati baasanifi waan boch'ani kad'atanile ch'ufa ch'ach'abse balleese. Qaallicha Baali, ka Mataani jed'anile, fulla sorio irati baasani durati ijeesani. Jennaani Yehoiyadani qaaloleefi worra Lawi huji Mana Waaqa harka worraa kenne. Hujiini worraa, aka huji Daudini duri worraa kenne guutani, Seera Musa gula sorio gubani AABBO Waaqaa baasani, ammalle huji sirbatifi ta jila mata iti tahani. Ammalle Yehoiyadani nama balbala Mana Waaqa eegu tolche, aka worri nama qulqullo intahini Mana Waaqa seenu d'owu. Worri askartiti matatifi worri gugurda diratifi jaaroleefi nami ch'ufti Yehoiyada woliini yaani, hayyu Mana Waaqati fuud'ani, mana hayyu geesani. Fullo guddooni olduudani hayyule barch'uma isaa ka hayyu ira teesisani. Jennaani nami ch'ufti gammade, haguma Atalia ijeesani dirileeni nagaya argate. Yoashini gaafa hayyu Yuda tahe ganni isaa torba; duuba ganna afurtama Yerusalemu keesa lafa mohate. Haad'a isaa maqaani Sibia, isiini dira Beersheba keesati d'alate. Inni waan AABBO Waaqa gammachiisa, haga qaallichi Yehoiyadani jiru, tolche. Yehoiyadani dubra lama fuusise, isiini ilmaani d'iiratifi ta dubrale d'alteefi. Yoashini haga hayyu tahe diqo ture jennaani, Mana Waaqa, fulla ch'abt'e, aka mid'aase jaaru malate. Duuba inni qaaloleefi worra Lawi wolti yaame waan jed'eeni, dira Yuda keesa yaa, biyya ch'ufa iraa beese guura, aka ganna ch'ufa Mana Waaqa fulla hammateni mid'aasani. Huji tana hurrisa tolcha. Ammo worri Lawi huji suniti injabaanne, tanaafi inni Yehoiyada, gudda worraa, yaame waan jed'eeni, Atini maanifi worra Lawi kana, ka gibira hojattuuni Waaqa Musani biyya iraa guura, huji Waaro Woyyumatiini hojad'a, jed'e, Worra Yudatifi ka Yerusalemu iraa ingursisini? (Jari niiti hamtu Atalia jed'ani gula yau kaani duri Mana Waaqa ch'ach'abse miha woyyuma heddu fuud'e huji waaqa Baali jed'anitini hojate.) Hayyichi seera baase worra Lawitini, sanduqa beese keesa buusani mid'aasa, fulla balbala Mana Waaqa kaya jed'e, Worri duuba qonqo lafa Yerusalemutifi ta Yudati erge, nama ch'ufaani, gibira AABBO Waaqa ka hojatuni Waaqa Musani duri lafa gamoojiti nama iraa guure, amma baasa jed'e. Qonqooni tunini biyyaafi jaarole worrale gammachiifte, duuba gibira suni baasani sanduqa suni guutani. Duuba guyya ch'ufa worri Lawi sanduqa suni fuud'e nama hayyuuni fohate, ka huji suni harkaa qabuti, kennani. Hojja sanduqa suni guutani ch'ufa, namicha tatabe hayyu t'aafufi namichi qaallichi guddaani fohateleni beese suni sanduqa keesaa fuud'ani, sanduqale fulla qarati deebisani. Duuba akanaani beese guddo wolti guurani. Jennaani hayyichaafi Yehoiyadani beese suni nama jara Mana Waaqa mid'aasuti matati kennani, worri sunini hogeeyi d'akhatifi ta baotifi tumtule beese kenneefi hojachiise. Nami achi hojattu ch'ufti aka dansaa hojate, Mana Waaqa mid'aasani, akuma qara kaaniti deebisani jabeesani. Huji suni hobaasani jennaani beese ira hafte hayyufi Yehoiyadati deebisani, worri worqifi qarsi sunini qorifi miha mana Waaqa keesani hojatani ch'ufa mid'aase. Haga Yehoiyadani jiru ch'ufa sorio akuma dansa guyya ch'ufa Mana AABBO Waaqa keesati baasani. Inni jaare hobae ganna d'ibbafi sodoma geennaani dulloome. Waan inni waan dansa worra Israelitiifi Waaqafi Mana Waaqale tolcheefi, irreesa hayyoota ka Dira Daudi keesati isaa awaalani. Ammo Yehoiyadani due jennaani jaaroleeni gosa Yuda hayyuti d'ufte sosobde gama ufi gula isaa deebifte. Duuba biyyiti Mana AABBO, Waaqa ababoota isaani, lakifte, Waaqa harkaani mid'aasanifi akheekha Ashera jed'ani kad'atte. Maro wollaala worra kanatifi dallansuuni AABBO Waaqa worra Yudatifi ka Yerusalemu ira buute. AABBO Waaqi raagoota sila worra gorsite gara isaa deebiftu iti erge, ammo biyyiti raaga suni ch'aqasu didde. Jennaani lubbuuni Waaqa Zekaria ilma qaallicha Yehoiyada ira buute, inni fulla biyyiti isa agartu eje waan worraani jed'e, Waaqi waan jed'u, Isani maanifi seera AABBO Waaqa ch'absitani ufi balleesitani? Waan isani isa lakiftanifi innileeni ya isani lakise! Worri qonqo suni d'agaye kaani Zekariati malate, jecha hayyu gula, naabo Mana Waaqa keesati, d'akhaani d'aanaani isa ijeesani. Akanaani hayyichi huji dansa Yehoiyadani abbaani Zekaria tolcheefi ded'e, ilma isaa ijeese. Zekariani ato lubbuuni keesaa imbahini, waan jed'e, AABBO Waaqi waan kana arge ha haalo na baasuti! Eegi ganni ch'aame, duuli worra Shamu d'ufe Yudafi Yerusalemu had'e jaarole worrale ch'ufa fit'e waan heddu boojie Damaskitini gale. Duuli worra Shamu nama diqa, ammo hataatuti, AABBO Waaqati duula gudda worra, Yuda, maro worri AABBO, Waaqa ababoota isaani, lakiseefi, harka worra Shamuti kenne worri worra dabsate. Akanaani hayyu Yoashini gati ch'ubbu ufi argate. Had'iisa suni keesati isa aka hama madeesani; nyaapi kae gale jennaani jari hojattu isaa, nami lama, isati malate, ato inni sire ufi ira ch'iisu, ijeese, akasiini haalo gurba qaallicha Yehoiyada baase. Isa Dira Daudi keesati awaalani, ammo irreesa hayyoota keesati inawaalle. (Jari isa ijeese sunini Zabadi, ilma niiti gosa Amoni, ta maqaani Shimeathi, ammalle kaani d'ibileeni Yehoizabadi, ilma niiti gosa Moabu ta Shimrithi jed'ani.) Kitaaba Odu Hayyoota namaa diigu keesa, odu ilmaani Yoashitifi waan isaa ka faganifi, aka inni Mana Waaqa ka ch'ach'abe mid'aase jaareti jira. Ilmi isaa Amaziani fulla isaa hayyu tahe. Gaafa Amaziani hayyu tahe ganni isaa diddami shani, duuba inni ganna diddami sagali Yerusalemu keesa lafa mohate. Haad'a isaa, maqaani Yehoadani, ta worra Yerusalemu. Inni waan dansa tolche AABBO Waaqa gammachiise, ammo waan suni guddo garaa tokooni intolchine. Inni akuma hayyu tahe jabeenna argateeni, jara abba isaa ijeese kaani fit'e. Ammo tatule ijoolle worraa inhobaamne, akuma AABBO Waaqi, Seera Musa keesati, biyyati hime: Wollaala ijoolleeti jed'ani abba inijeesani, ka abbaale jed'ani ijoolle inijeesani; nama wollaaluma inni tolche ch'allaani ijeesani. Jennaani Amaziani worra d'iira ka Yudatifi ka Benjamini wolti baase, balbala balbalaani, nama kuma kumafi d'ibba d'ibbaani qoode, askarti sunile jara gugurda mataa iti tolche. Jari huji tana fohatani nama ganna diddamati oli, ka ch'ufti wolti nama kuma d'ibba sadi. Jari kunini ch'ufti nama filani, ka huji woraana guutu ka ammalle wonteefi woraanani wo had'u beekhu. Worra kana malele, inni askarti kuma d'ibba toko, worra Israeli ira qarsi kilo kuma saditifi d'ibba afuri baase kirefate. Ammo raagi toko gara hayyu d'aqe waan jed'eeni, Ee hayyicha, askarti Israeli tana woliini iyyaaina, wonti akanatiifi AABBO Waaqi worra Efraimu, ka mirga d'ufe kana, woliini injiru. Atini mala keeti, waan worri kunini qarqaarsa sii tahu seeta? Ammo nami nyaapa nama dabsachiise yokhaani dabsachu d'owu Waaquma, inni amma duuba harkuma nyaapa keetiti si kenna. Jennaani Amaziani waan raaga sunini jed'e, Qarsi anini worra suniti baase suni maani tolcha? Jennaani Amaziani askarti inni qarsiini kirefate taani ufira galche. Akanaani worri suni, ka aka hama worra Yudati dallane, kae gale. Duuba Amaziani garaa jabaate, duula isaa bale soodati geese, achiti worra Edomutiini wolhad'ani, askarti worra suni nama kuma kud'ani keesa fit'ani, kuma kud'ani d'ibile qaqabe boojie. Duuba worra boojiani suni fiit'e gaara geesani, arti iraa dadarbani d'akhaaye golba jirtu irati hobaasani. Ammo askartini Amaziani galche taani, ta inni duula ufi gula yau d'owe taani, dira Yuda haga Samaria iti keeyate Beth-Horoniti d'aabde haate. Nama kuma sadi fitt'e waan heddu saamte. Amaziani worra Edomu dabsate gale jennaani, Waaqa d'ara ka worri Seri kad'atu galeeni, Waaqa tolfate, kad'ate guddise hit'aana aarsefi. Wonti kunini aka male AABBO Waaqa dallansiifte, inni raaga Amaziati erge waan jed'eeni, Atini maanifi Waaqa gosa d'ibi, ka ufiftu worra isaale harka kanke duraa imbaamne, kad'ate gula deemta? Ato raagi tae dubbi suni dubbatu, hayyichi waan jed'eeni, Nu nama hayyu mala d'au yoomi si fohanne? Afaani qabad'i, yo duu infeene! Jennaani raagi kaani diqo afaani qabate, ammo duuba eege waan jed'e, Anini imbeekha, aka Waaqi si ijeesu fed'u, waan atini waan kana ch'ufa tate gorsa kiyyale ch'aqasu diddeefi. Jennaani hayyuuni Yuda ka Amazia, jed'anifi jari isaa mala d'au wolti d'ufani, mala worra Israeliti d'aatani, qonqo gara hayyu Israeli, ka Yoashi ilma Yehoazi, ka ilma Yehuti, erge waan jed'eeni, kooti, woli haana. Jennaani Yoashini, hayyuuni Israeli, qonqo gara hayyu Yuda, ka Amazia jed'ani, erge waan jed'eeni; gaafa toko mukhi qoraati toko; ka gaara Lebanoni, qonqo mukha hind'eesa tokoti erge waan jed'e: Intala tante gurba kiyyaa kenni, ka fuud'uti. Jennaanini bineensi toko mukha qorati kaani d'aatu bahe iti riiqate ch'abse, ira ejaanjate. Amma tana Amazia, atini waan worra Edomu dabsateefi, akana kiyyibda. Amma waan atini taatu, garu indeemini, worruma kanke tai. Atini maanifi gaargala barbaadda, ka siifi worra kanke balleesu? Ammo Amaziani ch'aqasu dide, wonti akanatiifi Waaqati isaa ch'aqasu d'owe, aka akasiini harka nyaapa isati isa kennu, waan inni Waaqa Edomu kad'ateefi. Duuba hayyuuni Israeli, ka Yehoashi jed'ani, hayyu Yuda, ka Amazia jed'ani, had'u d'aqe, Beth-Shemeshi, ta lafa Yuda keesati, fuula keesa wold'ufani woli had'ani. Duula Yuda dabsatani, nami ch'ufti worra ufiti baqate. Yehoashini, hayyuuni Israeli, Amazia hayyu Yuda Beth-Shemeshiti dabsate, qabe, Yerusalemuti geese. Achiti, d'akha marsani dira sunini jaarani, haguma fullo Efraimutii fuud'e fullo Mogati d'aabe ch'ach'abse — d'akha suni d'eerinni d'und'uma d'ibba afuri. Inni worqifi qarsi ch'ufa guurate, ammalle miha Mana Waaqa ka worri d'aloota Obed-Edomu qorqoratufi ka mana hayyule ch'ufa guurate, namale boojie, dira Samariatini galate. Amaziani, hayyuuni Yuda, eegi Yoashini, hayyuuni Israeli, ka Yehoazini d'ale, due ganna kud'ani shani tae. Waan Amaziani tolche ch'ufa haguma geetunu kitaaba Odu Hayyoota Yudatifi ta Israeli keesati t'aafaniti t'aafani. Haguma inni AABBO Waaqa iraa gorre, Yerusalemu keesati guddo mala ijeecha iti d'aatani. Duuba eege inni dira Lakishiti baqate, ammo isa hordofani achiti ijeesani. Reefa isaa farda ira kayani Yerusalemuti geesani dira Daudi keesati fulla hayyoota iti awaalaniti awaalani. Worri Yuda ch'ufti ilma Amazia, ka Uzia jed'ani, ka ganni isaa kud'ani jaa, fohate, fulla abba isaa hayyu tolche. (Eegi Amaziani due inni dira Elathi qabe, fulla hammate mid'aase jaare.) Uzia, gaafa inni hayyu tahe, ganni isaa kud'ani jaa, duuba inni ganna shantami lama Yerusalemu keesa lafa mohate. Haad'a isaa maqaani Yekolia, isiini worra Yerusalemuti. Inni akuma abba isaa Amazia waan AABBO Waaqa gammachiisa tolche. Inni, haguma Zekariani namichi kara Waaqa isaa barsiise kaani, jiru ch'alla, AABBO Waaqa hojate, Waaqileeni isa eebise. Uziani kae duula d'aqe worra Filisti had'e, naabo d'akha ta dira Gathitifi Yamniatifi Ashdodi ch'abse, dira jajaba d'ibi d'aatu Ashdoditifi lafa Filisti keesa fulla d'ibileti jaare. Waaqi isa qarqaare, duuba inni worra Filistitifi ka Arafti ka Gorbaali taufi, worra gosa Mennile dabsate. Worri Amoni gibira Uzia baase, inni guddo jabaate, gurri isaa lafa Misirileni bahe. Uziani doofi dira Yerusalemu keesati, fulla fullo Mogatifi fullo Baleetifi, fulla naaboni mokatuni jaare, akanaani dira suni jabeese. Ammalle inni doofi lafa aloo keesati jaare, haroole heddule qote; wonti akanatiifi inni looni ule heddu qaba, golbaafi gaareeni ila adutifi lafa diida keesale. Waan inni oobru jaalatufi, inni biyya zabibu oobrisise, lafa gaareeni keesati; ammalle lafa dansale qotachiise. Ammalle Uziani askarti heddu, ta yo ch'ufa lolaa kurfo jirtu, qaba. Kitaaba waan askarti suni keesati t'aafani worra tatabe isaa t'aafu, Yeielifi Maaseyati, harkaa qaba; worra suni Hananiati iti mata; inni hojattu hayyuu. Askarti suni ch'ufa nama kuma lamafi d'ibba jaati iti mata. Worra jala askarti nama kuma d'ibba sadiifi torbatiifi d'ibba shaniti jira, ka aka dansaa hayyu qarqaare, irreeni nyaapa had'u. Uziani askarti ch'ufa wonte, woraana, koofia sibiilatifi kooti sibiilatifi t'iyaafi guube, d'akha gullubale qoodeefi. Yerusalemu keesa hogeeyini isaa miha t'iyaafi d'akha gugurdaani darbani mid'aasite doofifi naabo ira nat'e, aka achi iraa darbani. Gurri isaa fagaate fulla ch'ufa gahe, maro qarqaarsa Waaqatifi inni guddo jabaate. Ammo Uziani jabaate jennaani kiyyibe, akasiini baddi ufitini d'ufe. Inni fed'i AABBO Waaqa isaa dide, Mana Waaqa seene aka, fulla hit'aana irati aarsani irati hit'aana aarsu. Ammo qaallichi Azariani, qaalole jajanna nama saddeetama woliini, faana yaani, isa d'owani waan jed'aniini, Uzia, aki atini AABBO Waaqaa hit'aana aarsitu diqole fullaniti. Nami hit'aana aarsu ilmaani Haruni ch'alla, ta eebisani huji tana iti kennani. Fulla qulqullo tana keesaa bahi. Atini ya AABBO Waaqati wollaalte, amma deebite eeba isaa inargattu. Uziani hojja suni Mana Waaqa keesa, fulla hit'aani iti aarsani, waan hit'aanaani aarsani harkati qabate eja. Inni qaaloleeti dallane jennaani hojuma suni d'ukubi hamani aka qomaat'a addaani bahe. Qaallicha gudda Azaria jed'anifi qaaloleeni taani ch'ufti hayyu millate, d'ukuba hama aka qomaat'a adda isaa irati garte Mana Waaqa keesaa irreeni isa baafte. Innileeni akasuma hurrise bahu fed'a, wonti akanatiifi AABBO Waaqi ya d'ukuba hama isati buuse. Duuba hayyu Uziani haga jiru ch'ufa d'ukubuma hama aka qomaat'a sunini tae. Maro inni dandae deebie Mana Waaqa inseenefi, inni koba manati gale, jennaani ilmi isaa Yothamuni worra isaa fide lafale mohate. Waan Uziani tolche ch'ufa, haguma geetunu, raaga Isaya ilma Amoziti t'aafe. Uziani doonaani irreesa hayyoota d'aatuti awaalani, wonti akanatiifi inni nama d'ukuba hama aka qomaat'a qabu. Ilmi isaa Yothamuni fulla isaa hayyu tahe. Yothamuni, gaafa gaani isaa diddami shani, hayyu tahe, Yerusalemu keesa ganna kud'ani jaa lafa mohate. Haad'a isaa, maqaani Yerusha, isiini dubra Sadoki. Akuma abbaani isaa Uziani tolche, inni waan AABBO Waaqa gammachiisa tolche. Ammo inni aka abba isaa Mana Waaqa seene hit'aana aarse ch'ubbu inseene. Ato akasile tate, biyyiti ch'ubbu illakimne. Nami balbala Mana Waaqa ta mirga jaare naabo moga Yerusalemu ta Ofeli jed'anile mid'aase jaare Yothamu. Gaareeni Yuda keesati inni dira jaare, badda keesati maneeni jajabduufi doofi jaare, ta nyaapa keesati ufiraa eegani. Ammalle inni hayyu Amonitifi duula isaa had'e dabsate, ganna sadi ch'ufa gibira iraa guurate: qarsi kilo kuma saditifi d'ibba afuri, dargaye kilo kuma maro kuma toko; garbule ta kilo kuma maro kuma toko. Wonti Yothamuni akasi jabaateefi waan inni kara AABBO Waaqa isaa gula baheefi. Waan Yothamuni tolche ch'ufa, woraana inni loleefi finna inni nama fide, kitaaba Odu Hayyoota Yudafi ta Israeli keesati t'aafaniti t'aafani. Gaafa Yothamuni hayyu tahe, ganni isaa diddami shani, ammalle inni ganna kud'ani jaa Yerusalemu keesa lafa mohate. Inni due jennaani dira Daudi keesati isa awaalani, ilmi isaa Ahazini fulla isaa hayyu tahe. bale Hinomu keesati hit'aana aarse, ilma ufile gube, waaqa d'araati sorio baase, akasiini aada hamtu worri duri AABBO Waaqi worra Israeli duraa gusse tolfate gula bahe. Fulla waaqa d'ara iti kad'atanifi gaareeni gubbafi mukeeni gaadisaa gugurdo jalaleeti, Ahazini sorio baase hit'aana aarse. Namichi Zikiri jed'ani, janni toko, ka gosa Efraimu, Maaseya ilma Ahazitifi Azrikamu ka gudda huji mana hayyutifi Elkana ka hayyuuti aanu fit'e. Worri Israeli nad'eenifi ijoolle worra Yuda, ka oboleyaani isaani, nama kuma d'ibba lama boojie, ammalle waan heddu d'ibile ch'ufa boojie Samariatini galate. Duuba raaga AABBO Waaqa tokoti jira, ka Odedi jed'ani, ka worri isaa Samaria. Inni duula Israeli ka Samariati galu jiru fuula keesa d'ufe waan jed'eeni, AABBO, Waaqi ababoota teesani, ya worra Yudati dallane worra harka keesaniti kenne, ammo amma tana inni aka isani worra qaqaltani suni layu d'agaye. Amma isani nama Yerusalemutifi ka Yuda, d'iirafi nad'eenile, tisse tolfachu feetani. Isanileeni aka AABBO Waaqa keesani durati ch'ubbu tolchitani ufi ingartani? Amma dubbi tiyya tana ch'aqasa! Worri isani boojitani kunini oboleyaani teesani. Worra galakisa, yokhaani AABBO Waaqi isaniti dallane isani balleesa. Jaaroleeni Efraimu nami afuri, Azaria ilma Yehohananitifi Berekia ilma Meshilemothitifi Yehizkia ilma Shalumutifi Amasa ilmi Hadlaileni waan askartini suni tate didani, waan jed'ani, Worra boojitani kana dira kanani ind'ufina! Nu qara AABBO Waaqati ch'ubbamne isa dallansiifne. Isani amma haga qarale ch'ubbu nuti dartani baddi nutiini d'ufu feetani. Duuba askartini taani nama boojiteefi waan worraa ka guurate kaani ch'ufa, jaaroleefi gumi gosa isaaniti kennite, jaaroleeni taani afraani worra boojiani suni ch'ufa, ka qulla yau, miha boojiani kaani keesa woya iti qoode, kobe iti nat'e, waan worri nyaate d'ugu kenniteefi, mada worrale d'ad'a ibsiiteefi. Worra yau indandeennele ch'ufa harre ira naqani, akasiini worra boojiani suni ch'ufa Yeriko, dira meet'i, ka lafa Yudati, galchani. Duuba worri Israeli kaani kae, Samariati deebie. Gaafasi worri gosa Filisti dira golba gaareeni ilaadu jirufi ammalle dira Yuda bita jiru had'u jira. Worri dira Beth-Shemeshifa, Ayaloni fa, Gerothifa, Soko fa, Timna fa, Gimzo fa, ollowaani dira suni woliini, dabsate qabe, dira suni keesa qubate. Waan Ahazini hayyuuni Yuda waan hamtu lafa keesati tahe AABBO Waaqa dideefi, AABBO Waaqi worra Yuda gaargala itiini d'ufe. Hayyuuni Ashuru fulla sila Ahazi qarqaaru, qarqaarsa lakise gaargala itiini d'ufe. Jennaani Ahazini worqi Mana Waaqatifi mana hayyutifi mana jaarole lafa suni keesaa guure, hayyicha Ashuruti kenne, ammo tunileeni isa inqarqaare. Gaargali iti guddannaani hayyichi Ahazi jed'ani kaani haga qarale ira AABBO Waaqa durati ch'ubbu tolche. Inni sorio Waaqa Damaskiti baase, ka ufiftu isa dabsate. Duuba waan jed'e, Waaqi Ashuru hayyoota Ashuru qarqaare, tanaafi yo anini sorio baasufi waaqi suni hegeri na qarqaara. Wonti kunini isaafi gosa isaa badi itiini d'ufte. Ammalle inni miha Mana Waaqa ch'ufa guure ch'ach'abse, Mana Waaqa ch'ufe, Yerusalemu keesa moga ch'ufa waan sorio irati qalani mid'aafate. Dira Yuda ch'ufa keesati inni fulla waaqa d'ara iti kad'atani hit'aana aarsanifi jaare. Duuba akanaani AABBO Waaqa ababoota isaa, dallansiise. Waan inni tolche ch'ufa, haguma geetunu, kitaaba Odu Hayyoota Yudatifi ta Israeli keesati t'aafaniti t'aafani. Hayyu Ahazini due, Yerusalemuti awaalani, ammo irreesa hayyoota keesati inawaalle. Duuba ilmi isaa Hezekiani fulla isaa hayyu tahe. Gaafa Hezekiani hayyu tahe, ganni isaa diddami shani duuba inni ganna diddami sagali Yerusalemu keesa lafa mohate. Haad'a isaa, maqaani Abiya, isiini dubra Zekaria. Inni faana ababo isaa Daudi bahe, waan AABBO Waaqa gammachiisa tolche. Jia qara ganna Hezekiani hayyu tahe, inni balbala Mana Waaqa ta qara ch'ufani bane fulla hammatele ch'ufa mid'aase. Duuba qaaloleefi worra Lawi wolti yaame, naabo Mana Waaqa garaa keesa moga ilaboruti iti dubbate waan jed'e, Isani worri Lawi ufi qulqulleesa, Mana AABBO Waaqa ababoota teesanile, qulqulleesa, waan mana suni t'ureesa ch'ufa keesaa baasa. Ababooti teenna AABBO Waaqa keenna iraa gorte, waan hamtu inni infeene tolchite. Worri isa lakise, fulla inni iti galu fuula iraa deefate dudda iti gale. Worri balbala Mana Waaqa ch'ufe, ifse d'aamfe, hit'aani aarsu dide, sorio gubani baasani, Mana Waaqa Israeli keesati, baasu dide. Maro waan sunitifi AABBO Waaqi Yudafi Yerusalemuti dallane; wonti inni worra tolche suni nama ch'ufa aka male rifachiifte mudamsiifte akuma isani gartani kana. Abbooti teenna woraanani fit'ani nad'eenifi ijoolle teenna boojiani. Anini amma wold'aqisa AABBO Waaqa Israelitini tolfachu fed'a, aka inni deebie nuti indalanne. Ilmaani tiyya, indidina, nami AABBO Waaqi fohate, ka hit'aana isaa aarse Mana isaa keesa isaa hojattu isani; hurrisa hojad'aafi. Jari kunini nama gosa isaani ka Lawi ch'ufa wolti baase, worri ch'ufti ufi qulqulleese. Duuba akuma hayyu Hezekiani worraani jed'e, Seera AABBO Waaqa gula Mana Waaqa qulqulleesani. Qaaloleeni Mana Waaqa seente qulqulleesite, waan qulqullo intahini ch'ufa keesaa baafte, gara naabo geesite. Duuba worri Lawi d'ufe dira keesaa baase bale Kidroni keesati jisse. Huji suni guyya qara ka jia qara iti keyatani, guyya saddeeteeso geennaani ch'ufa hobaasani, mana balbala guddoti aanule woliini. Jennaani guyya saddeeti d'ibile hojatani, guyya kud'ani jaeeso, ka jia suni, huji qulqulleesa Mana Waaqa suni hobaasani. Jennaani worri Lawi fulla hayyu Hezekia d'ufe waan jed'eeni, Nu yayu Mana Waaqatifi waan sorio irati gubani baasanifi mesa qit'a qulqullootifi miha isaa ch'ufa qulqulleesine iraa deebine. Ammalle miha duri hayyu Ahazini gaafa kara Waaqa iraa gore kaani gate, guure deebimne qulqulleesine. Mihi suni ch'ufti mesa AABBO Waaqa dura jira. Boriyyaate hayyu Hezekiani ganama lafaa kae, jaarole Yerusalemu wolti yaame, Mana AABBO Waaqa woliini d'aqani. Worri koromi looni torbaafi elemiye torbaafi ilmoole hoola torbaafi korbeeyyi torba d'ufeeni, maro daba worra hayyutifi worra Yudatifi, ammalle aka Mana Waaqa qulqulleesani sorio baasani. Jennaani hayyichi waan qaalole d'aloota Harunitini jed'e, Hori kana qala, mesa irati sorio baasa. Jennaani qaaloleeni qara koromi suni qaqalte, elemiye iti aansite, eege ilmoole hoola qaqalte, d'iiga hori sorio suni waan mesa fakaata, ka sorio irati baasani kaaniti fifit'e. Jennaani worri korbeeyyi suni hayyufi gumi taani duraani d'ufe, worri suni harirate. Duuba eege qaaloleeni korbeeyyi suni qalte d'iiga isi sorio daba gumi ch'ufaatini baasani baafte, waan sorio irati baasani irati jissite. Wonti akanatiifi hayyichi qara waan jed'e, sorio gubanifi sorio dabaani ufi iraa baasani maro gumi Israeli ch'ufa ha baasani. Hayyichi dubbi AABBO Waaqi duri raaga hayyu Daudi ka Gadi jed'anifi raaga Nathani jed'aniini Dauditi hime gula deeme; inni worra Lawi ka kiraarifi bilbila qabu, miha duri miha hayyu Daudini qabu fakaatu huji Mana Waaqatii jed'e iti kenne. Qaaloleeni ta magalata qabduleeni achi jirti. Jennaani Hezekiani, sorio gubani baasa, worraani jed'e, sorio suni baamnaani biyyiti AABBO Waaqa faarsite, siribduleeni magalatafi miha sirba kaanile ch'ufa d'oofte. Nami achi jiru ch'ufti Waaqa faarse, faaruufi sirba suni haga sorio ch'ufa baasaniti illakimne. Jennaani hayyu Hezekiafi gumiini ch'ufti gajette, AABBO Waaqa kad'atte. Hayyufi jaaroleeni Yuda waan worra Lawitini jette, Faaru Daudifi raagi Asafuni t'aafani AABBO Waaqaani faarsa. Akanaani nami ch'ufti gammada guddaani sirbe jilbifate, Waaqa kad'ate. Jennaani Hezekiani waan biyyaani jed'e, Isani amma tana ya ufi qulqulleesitani, koota, gad'iaad'a, sorio baasa, galata AABBO Waaqaa deebisa. Worri dubbi suni ee jed'e, hori gubani sorio AABBO Waaqaa baasanini d'ufe. Horini worri d'ufeeni, koromi looni torbatama, elemiye d'ibba tokoti, ilmoole hoola ta d'ibba lama; worri ammalle koromi looni d'ibba jaafi hooliye kuma sadi sorio qaqale biyya nyaachise. Maro qaaloleeni hori kana ch'ufa ufiti qaallu indandeennefi, worri Lawi haga huji hobaasaniti worra qarqaare. Yo worri huji suni hobaase, qaaloleeni d'ibileeni ya ufi qulqulleesite. (Worri Lawi gara qulqulluma gula qaalole ira jira.) Sorio gubani baasani male, qaaloleeni gabbinna hori fooni isaa nyaatani gubde, daad'i sorio gubani woliini baasani d'ibaayu baafte. Akanaani huji eeba ta Mana Waaqa ta duri lakisani amma deebiani tolfatani. Hezekiafi gumiini ch'ufti guddo gammadde, waan qarqaarsa Waaqatini hujiini tunini ch'ufti yoosu hobaateefi. Hayyufi gumileeni qonqo suni maachani, gosa Israeli, haguma Dani iti keyatani Beershebati d'aabani, nama ch'ufa Yerusalemuti wolti yaamani, haga duri kaanile ch'ufa iraa, aka aada gula jila Pasaka tolfatani. Duuba jecha hayyutifi ka jaarole gula, nama lafa Yudatifi ta Israeli keesa qonqo tanani ergani: Worra Israeli, isani ka lafa tana keesati harka worra Ashuru jalaa baatani, amma AABBO Waaqa Abrahamutifi ka Isaaqotifi ka Yakobooti deebia, innileeni isanumati deebia. Aka ababoota teesanitifi oboleyaani teesani ta Israeli, ta AABBO Waaqa isaani durati ch'ubbu tolchite, intahina. Inni aka hama worra gaargalche, akuma isani gartani kana. Aka worraa mata injabatina, ammo AABBO Waaqaa saalfad'a. Mana AABBO Waaqa keesani, ka inni haga jiru jireenna eebise ka Yerusalemu keesa jiruti koota, isa kad'ad'a, aka inni deebie isaniti indalanne. Yo isani AABBO Waaqati deebitani, worri duri oboleyaanifi ilmaani teesani boojieleeni worraa nahe lafa tanati worra galcha. AABBO Waaqi keesani eebaafi naasu qaba, hojja isani isati deebitani inni isani indidu. Jari ergani kaani dira ch'ufa ka lafa Efraimutifi ka Manase keesa jirufi haga lafa Zabulonile d'aqe, ammo biyyiti worra kofalte goyeesite. Ammo hataatu, nami gari ka Asheritifi ka Manasetifi ka Zabulonileeni qonqo suni fud'ate, Yerusalemu d'ufe. Waaqileeni worra Yudale qarqaare, worra ch'ufa garaa takaa tolche, aka worri fed'i isaa gula yae jecha jaaroleetifi ka hayyu guutu. Nami hedduuni muumme inqamne jia lameeso d'ufe, Yerusalemuti wolti bahe, jila Qit'a bukho inqamne tolfate. Waan mesa fakaata ka Yerusalemu keesati sorio irati baasanifi ka hit'aana irati aarsani ch'ufa fuud'ani, bale Kidroniti jissani. Guyya kud'ani afreeso ka jia suni, ilmoole hoola ta jila Pasakati qalani, qaqalani. Qaaloleefi worri Lawi ka qara ufi inqulqulleesini, aka hama ch'eere, hojuma suni ufi qulqulleese sorio isaani ta gubani baasani Mana AABBO Waaqatini d'ufe. Worri huji isaani ta Mana Waaqa, ta guyya ch'ufaa, ta Seera namicha Waaqa ka Musa jed'ani kaani gula worraa kennani, iti deebie hojate. Worri Lawi d'iiga sorio qaaloleeti kenne, qaaloleeni d'iiga suni waan sorio irati baasani kaaniti fifit'e. Waan nami hedduuni gumi keesa qulqullo intahinifi, hooliye jila Pasaka qalu dad'abani, tanaafi worri Lawi worraa qale hooliye suni AABBO Waaqaa baase. Tana malele, nami hedduuni ka gosa Efraimutifi Manasetifi Isakaritifi Zabuloni, ka ufi inqulqulleesini, aada male fooni sorio suni nyaate. Hayyichi Hezekiani Waaqa worraa kad'ate waan jed'e: Ee AABBO, Waaqa ababoota teenna, dansuma teetiini nama garaa tokooni si kad'atu araaramifi, ato worri aada gula ufi qulqulleesu baatele. AABBO Waaqi kad'acha Hezekia d'agaye, worraa araaramefi woma intolchine lakise. Worri Yerusalemuti wolti bahe suni bulti torba jila qit'a bukho inqamne gammadaani tolfate, guyya ch'ufa worri Lawitifi qaaloleleeni aka jaba AABBO Waaqa faarsani. Hezekiani worra Lawi huji worri aka dansa AABBO Waaqa hojate suni iraa gammade aka male owise. Eegi worri guyya torba sorio qale AABBO, Waaqa ababoota isaani faarse, worri ch'ufti woligale bulti torba d'ibi jila tolfate gammade. Hayyu Hezekiani koromi kuma tokotifi hooliye kuma torba gumii baase, jaaroleleeni akasuma koromi kuma tokotifi hooliye kuma kud'ani baafteefi. Ammalle qaaloleeni hedduuni ufi qulqulleesite. Duuba akanaani nami ch'ufti gammade — worra Yudati, qaalole, worra Lawiti, worra mirgaa d'ufe, ammalle worra gosa d'ibi ka Israelifi Yuda keesa qubatu. Akanaani nami dira Yerusalemu keesa jiru ch'ufti gammade; wonti akanatiifi, haguma ilmi Daudi Solomonini lafa mohate asi, wonti akana taka intaane. Jennaani qaaloleefi worri Lawi oli ejaanje gumi eebise; Waaqileeni gubbati kad'acha worraa d'agayeefi. Eegi jilti sunini ch'ufti dabarte, worri Israeli ch'ufti dira Yuda ch'ufa d'aqe d'akhaaye old'ad'aabani ch'ach'abse, akheekha waaqa d'ara ka Ashera jed'ani ch'ire, fulla sorio iti qalanifi ta waaqa d'ara iti kad'atanile balleese. Akasuma lafa Yuda ch'ufafi ta Benjaminitifi ta Efraimutifi ta Manase keesati tolchani, kaani worra ufiti galani. Hezekiani ammalle qaaloleefi worra Lawi huji worra ta qara bade deebise worra ch'ufa toko tokooni huji iti qoode. Hujiini suni tana: aka sorio gubanifi ta wold'ageeti Waaqaa baasani huji eeba ta Mana Waaqa tolchani, Mana suni keesati Waaqa faarsani, galata deebisani. Hayyichi ree isaa keesa, hori galgalaafi diirama gubani Waaqaa baasanifi ka guyya Sabatotifi guyya jila baatitifi ka jila d'ibile, aada AABBO Waaqa gula baasani, baase. Tana malele, inni waan worra Yerusalemutini jed'e, Qooda qaaloleefi worra Lawiti duri muranini koota, aka worri Seera AABBO Waaqa ch'alla gula deeme aada isaa guutu. Akuma qonqooni sunini worra geeteni, worri Israeli waan kana ch'ufa d'ufeeni: Mid'aani, daad'i, d'ad'a, damma, waan oobruuni baaftu d'ibi ch'ufa, ammalle worri qooda waan qabu ch'ufa guddise baase. Worri Yudatifi ka Israeli ch'ufti, ka dira Yuda keesa jiru, qooda loonitifi ka ree Waaqaa baase ammalle waan heddu olkayani AABBO Waaqa isaaniti baasani d'ufaniini wolti tuulani. Jia sadeeso waan kana woltiini d'ufani tuulani, haga jia torbeeso huji suni hojatani. Hayyu Hezekiafi jaaroleeni waan baasani kana ch'ufa agarte jennaani AABBO Waaqa faarsite gumi isaa ta Israeli eebifte. Hayyichi, waan waan wolti tuulani suni qaaloleefi worra Lawi gaafate jennaani, qaallichi guddaani Azaria jed'ani, ka d'aloota Sadoki, waan jed'eeni, Hojuma biyyiti waan baafte kanani Mana Waaqa d'ufte, nu nyaanne quumne hambimne. Waan AABBO Waaqi nu eebiseefi wonti kunini ch'ufti nuraa hafte. Jennaani Hezekiani waan biyyaani jed'e, Fulla miha iti olkayani, Mana Waaqa keesati, mid'aasa, waan Waaqaa baasanifi qooda isaa baasani kana ch'ufa keesati olkaya; jennaani akasuma tolchani. Huji suni nami iti mata namicha Lawi toko, ka Konania jed'ani, nami isati aanuleeni oboleesa isaa, ka Shemei jed'ani. Ammalle worra Lawi nama kud'aniti worra suni jala hojata: Yehieli, Azazia, Nahathi, Asaheli, Yerimothi, Yozabadi, Elieli, Ismakia, Mohathi, Benaiya. Waan kana ch'ufa mura hayyicha Hezekiatifi, qaallicha gudda Azaria jed'anitini tolchani. Namichi worra Lawi toko, ka Kore ilma Imna jed'ani, ka fullo ilaboru eegu, waan AABBO Waaqa baasani nama iraa fuud'e biyyaa qooda. Dira d'ibi qaaloleeni iti galtu keesa, worra Lawi kanati garaa tokooni huji isa qarqaare: Edeni, Minyamini, Yeshua, Shemaya, Amaria, Shekania. Worri sagale tana wolqit'e qoodeefi, balbala worraa gulaniti, ammo huji worraa gula. Qooda suni nama d'iira, ka ganni isaa sodoma oli ch'ufa, ka aada gula Mana Waaqa keesa guyya ch'ufa huji hojattu akuma inni guddinna woli ira qabuuni kennaniifi. Huji suni qaalole balbala gosa worraa gula qoodani, ammo worra Lawi ka ganna diddama oli qooda huji worraa gula huji iti qoodani. Worra kana ch'ufa nad'eenifi ijoolleefi nama worra d'ibile ch'ufa woliini t'aafani, wonti akanatiifi worri hojja ch'ufa kurfo jiraachu male, aka hojja ch'ufa huji ufi ta woyyuma hojattu. Qaalole dira d'aloota Haruniti kennani keesa teetu, yokhaani ta arda horini oolu ka dira suni keesa teetu keesaa nama fohatani. Nami fohatani kunini sagale suni nama d'iira ka qaalole ch'ufafi nama worra Lawi ka t'aafani ch'ufaa qooda. Lafa Yuda ch'ufa keesa Hezekiani waan d'uga, ka AABBO Waaqa isaa gammachiisa, tolche. Wonti hujiini isaa ch'ufti tolteefi waan inni garaa tokooni Waaqa isati hojate huji Mana Waaqatifi huji Seerale jabeese guuteefi. Eegi bara hayyu Hezekiani garaa tokooni AABBO Waaqa hojate kaani, Senakeribuni, hayyuuni Ashuru, lafa Yuda had'e. Inni dira jabeesani, jaarani ch'ufa marse, askarti isatini, naabo isaa ch'ach'absa had'a jed'e. Hezekiani aka Senakeribuni dira Yerusalemule had'u fed'e arginaani Hayyichi dira jabeese naabo jaare, doofile ch'ufa gubbati jaare, naabo sunini alalleti naabo d'ibi jaare. Ammalle inni dira Yerusalemu, gama dullachaani ilaboru, fulla jabeesani lafa duuchani taani irati jaarani, mid'aase jaare. Inni ammalle woraanafi wonte heddu mid'aase. Nama d'iira ka dira suni ch'ufa nama mataa iti tolche, ballinna fulla fullo dira suniti wolti baase waan jed'eeni, Ilaafina, garaa jabaad'a, hayyu Ashurutifi duula isaa gudda muumme inqamne suni insodatina. Irreeni teennafi ta isaa takaniti. Irreeni isaa ta namaati, ammo teenna ta AABBO Waaqa keennati, ka nu qarqaare nyaapa keenna nuraa d'owu. Biyyiti dubbi hayyu tana d'ageete jennaani garaa jabaate. Eegi suni ato Senakeribufi askartini isaa dira Lakishi haatu, inni qonqo tana gara Hezekiatifi worra Yuda, ka isa woliini Yerusalemu jiru, erge waan jed'eeni, Senakeribuni, hayyuuni Ashuru, waan jed'u, Isani maani abdatani, ka dira Yerusalemu ka marsani had'ani, keesa ch'iiftani? Hezekiani, AABBO Waaqa keesaniti harka keenna keesaa isani baasa isaniini jed'a, ammo inni ufuma isani sobe, beelafi d'eebuni isani hobaasa. Nami fulla AABBO Waaqa iti kad'atani sorio baasanifi balleese, ka worra Yudatifi ka Yerusalemu waan sorio irati baasani toko ch'alla irati sorio baasisise isaniti? Isani waan anaafi ababooti tiyya worra gosa d'ibi tolchine imbeetani? Waaqi hedduuni gosa d'ibi taka worra isaani ya harka hayyu Ashuru keesaa baase? Waaqi lafa suni tokoleeni yoomi taka harka keenna keesaa worra baase? Duuba maaniti, aka Waaqi keesani isani baasu, isani heresisa? Amma soba Hezekiani tae isaniini balleesu kana ee injed'ina. Isa ind'ugeefatina! Waaqi gosa d'ibi taka worra ufi harka hayyu Ashuru jalaa imbaamne. Tanaafi Waaqi keesani kuninileeni dandae isani imbaasu! Hojattuuni Ashuru waan hagasi ira hamtule, waan AABBO Waaqatifi hojattu isaa Hezekia, dubbate. Tatabeeni hayyichi t'aafe taani AABBO Waaqa Israeli aka hama gurra balleesite waan jette, Waaqi gochiti d'ibiini yaamatuleeni, taka gosa isa harka kiyya keesaa imbaamne, Waaqi Hezekialeeni akasuma dandae worra ufi harka kiyya keesaa imbaasu. Jennaani hojatuni taani afaani Ebraniatini dubbi tana lalabde, aka worra Yerusalemu, ka naabo ira ch'iisu, sodaachise mudamsiisu aka akanaani dira suni yoosu dabsatani qabani. Ammalle worri Waaqa Yerusalemu, akuma Waaqa gosa d'ibi, ka harkaani mid'aasani kaani, sehe miid'e. Jennaani hayyu Hezekiafi raagi Isaya jed'ani, ka ilma Amozi, AABBO Waaqati bohani qarqaarsa kad'atani. Jennaani AABBO Waaqi malaika ufi erge malaikaani suni askarti Ashurutifi jara gugurda worrale hobaafte. Akanaani hayyichi Ashuru, ka ch'eeraani injirre, kae, lafa ufiti gale. Guyya toko, ato inni Mana Waaqa isaa keesa tau, ilmaani isaa hagi toko d'ufte goraadeeni isa ijeefte. Akanaani AABBO Waaqi hayyu Hezekiafi worra Yerusalemu harka Senakeribu hayyu Ashurutifi nyaapa d'ibile jalaa baase lafa worraa, mirgaa bitaa ch'ufa, nagaya tolche. Nami hedduuni Yerusalemu d'ufe, AABBO Waaqaa waan heddu baase Hezekiale wo kenne, duuba akanaani gochiti ch'ufti Hezekia ulfinna kenniteefi. Bara suni Hezekiani fayyad'abe duud'ame, jennaani AABBO Waaqa kad'ate, AABBO Waaqi akheekha inni fayyuni isaa kenne. Ammo Hezekiani aka hama kiyyibe, galata wollaale, waan AABBO Waaqi tolche ded'e, jennaani wollaali isaa suni Yudafi Yerusalemu badi itiini d'ufe. Ammo eege Hezekiafi worri Yerusalemu kiyyiba suni lakise ufi diqeese, tanaafi AABBO Waaqi worra suni haga Hezekiani jiru imballeesine. Hayyu Hezekiani aka male woi horate gurra baafate. Inni mana worqifi qarsifi d'akhaaye ch'uch'ulut'ufi qumbifi wonteefi miha gati qabu d'ibile keesati olkayu jaarate. Ammalle mana d'ibile ka mid'aanifi daad'ifi d'ad'a keesati olkeyatu jaarate, mana looni iti galanifi ka reeni iti galtule jaarate. Tana malele, Waaqi loonifi reefi waan heddu d'ibile kenneefi. Tanaafi inni dira heddu d'ibile jaare. Nami maddo Gihoni duuche bisaani isii lafa iti fallanse gara dira Yerusalemu qajeelche, Hezekia. Wonti inni tolche ch'ufti eebifamte, ammalle gaafa jari jaaroleeni Babiloni isati ergite d'ufe waan akheekha waaqi tolche isa odeefate, Waaqi Hezekia yalabahe, aka akasiini isaa ilaalate, waan garaa isaa keesa jira hubatu. Waan Hezekiani tolche ch'ufafi aka inni AABBO Waaqa hojatele ch'ufa, kitaaba Daayya Raaga Isaya, ilma Amozitifi Odu Hayyoota Yudatifi ta Israeli keesati t'aafaniti t'aafani. Hezekiani due jennaani awaala hayyoota, gaara gubba, fulla ilmaani Daudi iti awaalaniti awaalani. Worri Yudatifi ka Yerusalemuleeni gaafa inni due guddo boheefi awaala mid'aase. Ilmi isaa Manaseeni fulla isaa hayyu tahe. Ganni Manase kud'ani lama gaafa inni hayyu Yuda tahe, ammalle inni Yerusalemu keesa haga ganna shantami shani lafa mohate. Akuma gosa AABBO Waaqi duri worra duraa gusse, ta waan hamtu tate isa durati ch'ubbu hamtu tolchite taani, Manaseleeni AABBO Waaqa durati ch'ubbu tolche. Fulla waaqa d'ara iti kad'atani, ta gaara gubba, ta qara abbaani isaa Hezekiani ch'ach'abse, jaare, ammalle fulla Baali iti kad'atani sorio baasanifi mid'aase, fakeenna waaqa Ashera jed'anile boch'e, urjile ch'ufa gajed'e kad'ate. Inni Mana AABBO Waaqa, ka Waaqi, na ch'alla keesati haga jiru jireenna yaamad'a jed'e, keesati waan sorio waaqa d'ara irati baasani jaare. Ammalle naabo lamaani, Mana Waaqa garaa keesati, waan sorio irati baasani urji kad'atani, jaare. Inni ilmaani isaa ta d'iira bale Henomu keesati gube sorio baase, ammalle nama wohimufi ka murma baafatufi worra ayyaanatifi falfatule d'ugeefate gula deeme. Inni ch'ubbu guddo hamtu tolche, akasiini AABBO Waaqa dallansiise. Ammalle akheekha mid'aase, Mana Waaqa keesa kaye. Mani suni ka duri Waaqi waan isaa dubbate waan Daudifi Solomonini jed'e, Yerusalemu keesa, Mana kana keesati, fulla anini lafa gosa Israeli kud'ani lamaani taani keesaa fohad'e, iti na kad'ad'a. Ammalle yo gumiini Israeli Seera kiyya guute, seera hojatuni tiyya Musani kenneefi ch'ufa gula yaate, anini aka lafa anini ababoota worraati kenne taani keesaa worra baasani ee injed'u jed'e, Manaseeni worra Yuda ch'ubbu hamtu taka gochiti d'ibiini AABBO Waaqi duri gumi ufi dura gusseleeni intolchini tolchisise. AABBO Waaqi Manaseefi gosa isaa gorse, ammo worri gorsa isaa ch'aqasu dide. Tanaafi AABBO Waaqi worra gugurda askarti Ashuru worra Yudati had'iisa erge. Worri Manase qabe, sibiila hokichaani woraane, sansalatani hid'e, lafa Babiloni geese. Gaargali sunini isa qabate jennaani kiyyiba qara kaani lakise, AABBO Waaqati deebie naasu kad'ate. Waaqi kad'acha Manase d'agayeefi, Yerusalemuti galche, hayyuma isaati deebise. Suni gula, Manaseeni aka AABBOONI d'uguma Waaqa hubate. Eegi suni Manaseeni naabo ala ta dira Daudi moga ilaboru haga qara kaani ira iti dare old'eerese jaare, inni gama mirga haguma bale d'aatu maddo Gihoniti iti keeyate fullo Qurt'umi ira qabe moga dira ta Ofeli jed'aniti d'aabe jaare. Inni ammalle jara gugurda askarti, dira Yuda ka jabeesani jaarani ch'ufa keesa, toko toko kaye. Inni Waaqa d'ara ka gochiti d'ibiini kad'atuufi akheekha inni duri achi kaye Mana Waaqa keesaa baase, waan sorio irati baasani, ka gaara Mani Waaqa gubba jiru ira jirtuufi ammalle ta Yerusalemu keesa fulla d'ibi jirtule ch'ufa balleese; waan kana ch'ufa dira keesaa baase alati balleese. Inni ammalle waan AABBO Waaqa sorio irati baasani, ta qara hammate, mid'aase jaare, sorio wold'ageetitifi ta galata irati baase; ammalle worra Yuda ch'ufaani, AABBO Waaqa Israeli kad'ad'a jed'e. Biyyiti sorio fulla d'ibileti baafte, ammo hataatuti, AABBO Waaqa isaani ch'alla guddifte. Waan Manaseeni tolche ch'ufa, kad'acha inni Waaqa isaa kad'ateefi dubbi raagooti maqa AABBO Waaqa Israelitini isaani dubbatele ch'ufa, kitaaba Odu Hayyoota Israeli keesati t'aafaniti t'aafani. Kad'acha isaatiifi aka Waaqi kad'acha suni d'agayeefi ch'ubbu inni ato qara iraa indeebiini tolcheefi — waan hamtu inni tahe, ka inni fulla waaqa d'ara iti kad'atani jaare, akheekha Ashera mid'aase Waaqa d'ara ka inni kad'atele — waan kana ch'ufa kitaaba odu raagoota keesati t'aafaniti t'aafani. Manase doonaani mana isaa keesati awaalani, ilmi isaa Amonini fulla isaa hayyu tahe. Ganni Amoni diddami lama gaafa inni hayyu Yuda tahe, ammalle inni ganna lama Yerusalemu keesa lafa Yuda Mohate. Akuma abba isaa Manase, innileeni AABBO Waaqa durati ch'ubbu tolche waaqa d'ara ka abbaani isaa kad'atele kad'ate. Ammo inni, aka abba isaa, kiyyiba lakise, garaa laafe AABBO Waaqati indeebine; inni abba isale ira ch'ubbu tolche. Hojattuuni Amoni isati malate, mana hayyu keesati isa ijeefte. Jennaani worri Yuda jara isa ijeese kaani hobaase, ilma isa ka Yosia jed'ani hayyu tolche. Ganni Yosia saddeeti gaafa inni hayyu Yuda tahe, ammalle inni Yerusalemu keesa ganna sodomi toko lafa mohate. Inni waan AABBO Waaqi fed'u tolche, faanuma akhaakhu isaa Daudi, ka diqole iraa ingorini, bahe seera Waaqa ch'ufa jabeese guute. Ganna saddeeteeso ka hayyuma Yosia, ka inni gaafasile ijoolluma qabu, inni Waaqa ababo isaa Daudi kad'ate arti asi gula deeme. Ganna kud'ani lameeso ka hayyuma isaa, inni fulla waaqa d'ara iti kad'atanifi akheekha waaqa Ashera jed'anitifi akheekha waaqa d'ara d'ibile ch'ufa lafa keesaa balleesiti iti kaye. Jecha isaa gula, jari isaa waan Baali sorio irati baasani ch'ach'abse, waan hit'aana irati aarsani, ka d'aatu jirale ch'ufa, balleesani akheekha Asheratifi ka waaqa d'ara d'ibile ch'ufa balleesani, bulla isaa awaala worra Waaqa suni sorio baaseti firfirsani. Inni ammalle lafele qaalole waaqa d'ara, fulla worri sorio irati baasu, irati gube, akanaani Yudafi Yerusalemu qulqulleese. Ammalle dira Manasetifi ka Efraimutifi ka Simeonitifi ka Naftalitifi lafa dira suni d'aatu jirtu ta baddele akasuma tolche. Lafa Israeli ch'ufa keesa inni waan sorio irati baasanifi akheekha waaqa Ashera jed'ani ch'ach'abse, akheekha ch'ufa bulleese, waan hit'aana irati aarsanile gargari ch'ach'abse balleese. Duuba kae Yerusalemuti deebie. Ganna kud'ani saddeeteeso ka inni lafa mohate, eegi inni lafafi Mana Waaqale qulqulleese, inni Shafani, ilma Azaliatifi namicha gudda dira Yerusalemu ka Masseya jed'anifi, Yoa, ilma Yohaazi, ka hayyu wo t'aafu, erge, Beena, Mana AABBO Waaqa fulla ch'ach'abt'e mid'aasa jed'eeni. Beese worri Lawi ka balbala eegu Mana Waaqa keesati guure, harka qaallicha gudda Hilkia jed'aniti kennani. (Beeseeni sunini beese worra Efraimutifi ka Manasetifi worra Israeli d'ibifi worra Yudatifi, ka Benjaminitifi ka Yerusalemule iraa guurani.) Beese tana eege jara sadeeni huji mid'aasa Mana Waaqati mataa kaaniti kennani, worri worra hogeeyi mukhaani wo jaartufi ta d'akhaani wojaartuuti kenne, aka d'akhaafi mukha maneeni hayyooti Yuda qorqorachu dide balleesiteni jaarani, bitu. Worri huji suni hojate ch'ufti nama d'ugaati. Nami worra suni hojachiisu. Nama worra Lawi afuri: Yahathifi Obadia, ka balbala gosa Meraritifi Zekariafi Meshulamu, ka balbala gosa Kohathi. (Worri Lawi kaani ch'ufti hogeeyi sirbaati.) Worri Lawi hagi toko worra wo baatufi worra huji d'ibi hojatule hojachiise; ammalle hagi toko wot'aafe yokhaani balbalfa eega. Ato beese fulla iti olkayani keesa guuru jiranu, Hilkiani kitaaba Seera AABBO Waaqa, ka inni Musaa kenne, arge waan shefanini jed'e, Anini yayu kitaaba Seera Mana Waaqa kana keesati arge. Duuba kitaaba suni Shefaniti kenne, inni hayyuti geese waan jed'eeni, Nu waan atini tolcha nuni jette ch'ufa ya tolchine. Ammalle beese Mana Waaqa keesati olkayani fuune, harka worra huji hojatufi worra worra hojachiisuleti kennine. Ammalle inni, anini kuno kitaaba Hilkiani nati kenne harkaa qaba jed'e, hayyuu soome. Hayyuuni kitaaba soomufiti jirani d'agaye jennaani woya ufira qabu tatarsaase, duuba waan qaallicha Hilkiafi Ahikamu ilma Shafanitifi, Abdoni ilma Mikatifi Shafani ka tatabe hayyu t'aafufi Asaya ka hayyu hojatuni jed'e: Beena, naafi gumi lafa Israelitiifi ta Yuda keesati haftule AABBO Waaqa wo, nu gaafad'a, waan kitaaba kana keesati t'aafani hubad'a. AABBO Waaqi yayu nuti dallane, maro ababooti teenna dubbi AABBO Waaqa ch'aqasu didde, waan kitaaba kana keesati t'aafani gula yau lakifteefi. Jecha hayyu gula Hilkiafi jari kaani yae, niiti Hulda jed'ani, ta raaga, ta dira Yerusalemu moga hareeti galtu, d'aqe wogaafate. (D'iirsi isii Shalumuni, ilma Tikua, ka akhakhu Harhasi, ka woya Mana Waaqa qorqoratu.) Worri waan tahe kana ch'ufa iti hime jennaani isiini waan jetteeni, AABBO Waaqi Israeli waan jed'u, Waan isani nama nati isani ergeeni jettani, AABBO Waaqi waan jed'u, Anini Yerusalemufi nama isii ch'ufa, abaarsa kitaaba hayyuu soomani keesati t'aafanini gaargalcha. Worri ya na dide, sorio Waaqa d'ibii baase, akanaani huji sunini na dallansiise, tanaafi dallansuuni sunini ta anini Yerusalemuti dallane deebite naraa ingaltu. Ammo gama hayyu, anini, AABBO Waaqi Israeli, waan jed'u: Atini waan kitaaba keesati t'aafani ch'aqafte. Ch'ubbu iraa deebite, na durati ufi diqeesite, woya tante tatarsaafte boote, gaafa atini aka anini Yerusalemufi nama isii ch'ufa imballeesa jed'e sodaachise d'ageete. Anini kad'acha tante yayu d'agaye, tanaafi haga atini dootuti anini Yerusalemu gaargalche woma intolchu. Atini ato nagayi jiru doota. Duuba jari deebie d'aamsa kana hayyu Yosiati hime. Hayyu Yosiani jaarole gugurdo Yudatifi ta Yerusalemutifi qaaloleefi worra Lawitifi ammalle nama d'ibi dureesafi hiyyeesale wolti yaame, jennaani worri ch'ufti kae woliini yae gara Mana Waaqa d'aqe. Duuba hayyuuni gumi ch'ufa dura eje, lalabe, kitaaba wold'aqisa, ka Mana Waaqa keesati argani kaani, soomeefi. Hayyuuni d'aatu utuba hayyuu eje wold'aqisa AABBO Waaqa woliini tolfate, aka Waaqa gula deeme seerafi aadaafi waan inni fed'u ch'ufa gaarafi qalbi isatini tolche, amaa achii dubbi kitaaba wold'aqisa guutu. Inni nama gosa Benjaminitifi nama Yerusalemu keesa jiru ch'ufa, aka worri wold'aqisa suni guutu, kakhachiise. Duuba akanaani worri Yerusalemu wold'aqisa Waaqa ababoota isaani woliini tolfatani suni guute. Yosiani akheekha waaqa d'ara, ka lafa worra Israeli ch'ufa keesa jiru, balleese haga inni jiru gochiti isaa taka kara AABBO, Waaqa ababoota isaani, iraa ingorre. Hayyu Yosiani jila Pasaka Yerusalemuti tolche AABBO Waaqa guddise; guyya kud'ani afreeso, ka jia qara, worri hori jila suni qalani qaqale. Inni huji qaaloleeni Mana Waaqa keesati hojattu iti kenne, huji tana aka dansaa guuta jed'eeni. Ammalle inni worra Lawi, ka worra Israeli barsiisu, ka eebisani AABBO Waaqa hojatuni waan jed'e. Sanduqa Wold'aqisa qulqullo, mana hayyu Solomonini, ilmi Daudi jaare, keesa kaya. Isani deebitani Sanduqa kanani deemu himmalle, ammo AABBO Waaqa keesanifi gumi isaa ta Israeliti hojachu maltani. Mana Waaqa keesa balbala balbalaani woli qooda, huji duri hayyu Daudifi ilmi isaa Solomonini isanii kenne gula hojad'a. Ammalle Mana Waaqa keesa hojja ch'ufa kurfo taa, aka dandeetani worra gosa Israeli ch'ufa ka achi d'ufu qarqaartani. Ilmoole hoola ta jila Pasaka qaqala, ufi qulqulleesa, waan sorio kurfeesa, aka oboleyaani teesani ta Israeli dubbi AABBO Waaqi Musani jed'e gula yaatu. Jennaani hayyu Yosiani hori isaa keesa ree kuma sodomatifi koromi looni ta kuma sadi biyyaa baase, Jila Pasakatini tolfad'a jed'e. Jaaroleeni isaleeni, fed'i worra gula, hori ufi gumifi qaaloleefi worra Lawiti kennite. Ammalle worri gugurdaani Mana Waaqa keesa hojatuleeni — qaallicha gudda Hilkia jed'anifi, Zekariafi Yehielileeni — ree kuma lamatiifi d'ibba jaatiifi koromi d'iba sadi qaalolee kennite, jila Pasakatini tolfad'a jette. Worri Lawi gugurdaani — Konania, Shemayafi oboleesa isaa Nethaneli, Hashabia, Yeieli, Yozabadi — ree kuma Shanitifi koromi looni d'ibba shani worra isaani ka Lawiti kenne, jila Pasakatini tolfad'a jed'e. Waan jila Pasaka ch'ufa kurfeesani jennaani qaaloleefi worri Lawi, akuma hayyuuni jed'e, fulluma ufi ejaanjani. Eegi ree Pasaka suni gogoraani, worri Lawi qaqale, qaaloleeni d'iiga isii fuute, waan sorio irati baasani kaaniti fifit'e. Jennaani hori gubani sorio baasani, worra-worraani gumi qoodani, aka worri, aada kitaaba Musa keesati t'aafani gula, hori suni AABBO Waaqaa baasu. Worri Lawi hori sorio Pasaka suni aada gula wot'ale, fooni qulqullo Waaqaa baasani okoteefi, eele didiqofi gugurdole keesati d'aabani, fooni suni fuud'ani hurrisani biyyaa qoodani. Eegi waan kana ch'ufa hobaasani, worri Lawi qooda ufitifi qooda qaalole ilmaani Haruni d'aabe, wonti akanatiifi qaaloleeni, haga halkaniti asi hori gubani sorio baasanifi gabbinna gubani sorio baasani gubde hafuura baafaachu dad'abe. Sirbituni gosa Lawi, ta balbala Asafu, fulla Daudini duri, Ejaanja jed'e taani enjaanjitu tana: Asafufi Hemanifi Yeduthuni ka raaga hayyu. Worri balbala Mana Waaqa eegu arti inchochoone, wonti akanatiifi worra Lawi kaaniti jila Pasaka worraa kurfeese. Duuba, akuma hayyuuni Yosiani jed'e, waan kana ch'ufa maro kad'acha AABBO Waaqatifi huji jila Pasakatiifi hori gubani sorio waan mesa fakaata irati baasanifi guyya suni tolchani. Haga bulti torba worri Israeli ch'ufti ka achi jiru, jila Pasakatiifi jila Qit'a bukho inqamne tolfate. Haguma gaafa bara raaga Samueliti asi jila Pasaka takaa akasi intolfanne. Hayyooti duri lafa jirtu taka jila akasi suni, ta hayyu Yosiafi qaaloleefi worra Lawitifi worra Yudatifi ka Israelitiifi ka Yerusalemuleeni tolfate, intolfanne. Jila suni ganna kud'ani saddeeteeso, ka Yosiani lafa mohate, tolfatani. Eegi Yosiani waan kana ch'ufa Mana Waaqati tolche, hayyuuni Misiri, ka Neko jed'ani, duula d'ufe dira d'aatu galaana Efrati, ka Karkemeshi jed'aniini bahe. Yosiani fuula keesa deeme had'u fed'e, ammo Nekoni qonqo tana Yosiati erge waan jed'e: Hayyu Yuda, nu maani woli ira qamna? Anini si had'u ind'umne, ammo nyaapa kiyya had'u deema, Waaqileeni Hurrisi naani jed'e. Inni gama kiyya jira, tanaafi had'iisa nati ingamini, hegeri inni si balleesa. Ammo Yosiani iraa deebiu dide, waan Waaqi afaani hayyu Nekotini isani jed'e ch'aqasu dide, woya jijirate, diida Megido keesati isaa had'u d'aqe. Ato woli had'anu, t'iyiti worra Misiri hayyu Yosia woraante. Jennaani inni waan hojattu isatini jed'e, Armaa na fuud'a, ya aka hama na madeesani! Hojatuni isa gaari keesaa isa fuute, gaari d'ibi keesa keete, Yerusalemuti geesite. Inni achi due awaala hayyoota keesati awaalani, jennaani worri Yudatifi ka Yerusalemu ch'ufti aka male isaa bohe. Raagi Yeremiaa jed'ani faarse isaa bohe arti asi sirbituni Israeli, d'iirafi nad'eenileeni, hojja isaa bootu faaru tanani bootifi. Faaruni sunini kitaaba Boha keesa jirti. Waan Yosiani tolche ch'ufa — waan dansa inni AABBO Waaqa tolcheefi seera inni guuteefi odu isaa haguma geetunu — kitaaba Odu Hayyoota Israelitiifi ta Yuda keesati t'aafaniti t'aafani. Worri Yuda Yoahazi, ilma Yosia, fohate muude, Yerusalemu keesa hayyu tolfate. Ganni isaa, gaafa inni hayyu Yuda tahe, diddami sadi, ammalle inni Yerusalemu keesa jia sadi lafa mohate. Hayyuuni Misiri ka Neko jed'ani, isa qabe qarsi kilo kuma saditifi d'ibba afuritiifi worqi kilo sodomi afuri worra Yuda baasisise. Nekoni oboleesa Yoahazi, ka Eliakimu jed'ani, hayyu Yuda tolche maqa isale Yehoiakimuti jijire, Yoahazi boojie lafa Misiri geese. Ganni Yehoiakimu diddami shani gaafa inni hayyu Yuda tahe, ammalle inni Yerusalemu keesa ganna kud'ani toko lafa mohate, AABBO Waaqa isaa, durati ch'ubbu tolche. Hayyuuni Babiloni, ka Nebukadreza jed'ani, lafa Yuda had'e, Yehoiakimu qabe, sansalatani hid'e, lafa Babiloni geese. Nebukadrezani miha Mana Waaqa ka gari boojie, mana isaa ka Babilonitini galate. Waan Yehoiakimuni tolche ch'ufa, waan hamtu inni taheefi ch'ubbu inni tolchele, kitaaba Odu Hayyoota Israelitiifi Yuda keesati t'aafaniti t'aafani. Ilmi isaa Yekoniani fulla isaa hayyu tahe. Yekonia, ganni isaa kud'ani saddeeti gaafa inni hayyu Yuda tahe, ammalle inni Yerusalemu keesa jia sadiifi bulti kud'ani lafa mohate. Innileeni AABBO Waaqa durati ch'ubbu tolche. Ganni roobe jennaani hayyu Nebukadrezani Yekonia boojie, Babilonitini gale, miha Mana Waaqale ch'ufa boojie, abbuya Yekonia, ka Zedekia jed'ani, hayyu Yudatifi ka Yerusalemu tolche. Ganni Zedekia diddami toko gaafa inni hayyu Yuda tahe, ammalle inni ganna kud'ani toko Yerusalemu keesa lafa mohate. Inni AABBO Waaqa durati ch'ubbu tolche, dubbi AABBO Waaqa, ta raagi Yeremiani isaani jed'e, ch'aqasu dide. Zedekiani hayyu Nebukadreza, ka irreeni maqa Waaqatini aka inni isa jalati bulu isa kakhachiiseti garagale dubbi isaa dide. Ammalle inni mata jabaate, ch'ubbu iraa deebiu dide, AABBO Waaqa Israelileti deebiu dide. Ammalle jaarole Yudatifi qaaloleefi gumiini ch'ufti faana gosa d'aatu jirtu gula yaate, akheekha waaqa d'ara kad'ate, akanaani Mana Waaqa, ka AABBO Waaqi qulqulleese, t'ureesani. AABBO, Waaqi ababoota worra, maro heddu raagoota gumi isaa gorsitu, iti erge, wonti akanatiifi inni gumi sunifi Mana Waaqale baddi isaanii imfed'u. Ammo gumiini sunini ergattu Waaqa goyeesite, dubbi isaa tufate, raagoota isaleti tabate, duuba eege AABBO Waaqi gumi suniti dallane, namu dallansu suni jalaa bahu dad'abe. Tanaafi AABBO Waaqi hayyu Babiloni had'iisa worraati erge. Hayyuuni suni, Mana Waaqa keesaleti, kaima Yuda heddu, hobaase. Inni nama tokole, diqaafi gudda, d'iirafi nad'eeni, jaarsafi jaarti tokole naasu d'abeefi bahu d'owe. Inni Mana Waaqatifi miha isaatiifi waan dansa keesa jira ch'ufafi miha mana hayyutifi hojattu isaale ch'ufa boojie, lafa Babiloniti geese. Ammalle Mana Waaqatifi dira maneeni isaatiifi waan maneeni suni keesa jira gube, naabo Yerusalemule ch'ach'abse. Inni nama woraana jalaa bahe ch'ufa qaqabe, boojie Babiloni geese, duuba achiti worri suni isaafi d'aloota isaati tisse tahe, haga bara hayyuuni Ajemi finna lafa fud'ate. Akanaani wonti AABBO Waaqi duri raaga Yeremiani jed'e ta: Lafti ganna torbatama duwa tate, maro aada Sabato guutu didanifi jettu, guutamte. Ganna Koreshini hayyu Ajemi tahe, AABBO Waaqi dubbi duri Yeremiani jed'e guute. Inni herega kana Koreshitini d'ufe jennaani inni qonqo tana t'aafe, qonqo suni lafa inni mohatu ch'ufa lalabani keesati soomani. Wonti hayyuuni Ajemi ka Koreshi jed'ani jed'u tana: AABBO, Waaqi gubba, yayu gudda lafa ch'ufa naa tolche, ammalle waan naani jed'e, Lafa Yuda keesa, dira Yerusalemuti, Mana naa jaari. Duuba amma isani gumiini isaa ch'ufti achi yaa, AABBOONI Waaqi keesani isani woliini jiraatinna. Ganna Koreshini hayyu Ajemi tahe, AABBO Waaqi dubbi duri raaga Yeremiani jed'e guute. Inni herega kana Koreshitini d'ufe jennaani inni qonqo tana t'aafe, qonqo suni lafa inni Mohatu ch'ufati lalabani keesati soomani. Wonti hayyuuni Ajemi ka Koreshi jed'ani jed'u tana: AABBO Waaqi gubbaa, yayu gudda lafa ch'ufa na tolche, ammalle waan nani jed'e, lafa Yuda keesa, dira Yerusalemu; mana naa jaari: Waaqi isani nama gumi isaa ch'ufa woliini jiraatinna kaa, Yerusalemu d'aqa, Mana AABBO Waaqa Israeli ka qara ch'ach'abe jaara — Waaqi dira suni isuma. Yo nami gumi isaa tokoleeni, ka duri boojiani, waan galuni d'abe, nami olla isaa ha isa qarqaare, qarsifi worqifi woreegaafi geejibaafi ammalle waan Mana Waaqaa ka Yerusalemu keesati Waaqaa baasani kennuufi. Jennaani jari balbala gosa Yudatifi ta Benjamini mata qaaloleefi worra Lawitifi nama ch'ufa ka Waaqi herega isaa qajeelcha woliini kaani, Mana Waaqa ka Yerusalemu jiru mid'aasani jaaru d'aqani. Nami olla worraa ch'ufti worra qarqaare, miha qarsiti, worqi, woreega, geejiba, waan dadansa d'ibifi waan Mana Waaqa keesati Waaqa baasanile kennanifi. Koreshini miha Mana Waaqa, ka duri Nebukadrezani Yerusalemu boojie Mana Waaqa isaati galche, deebise. Inni miha kana Mithredathi, ka miha hayyu qorqoratuti kenne; innileeni hede, t'aafe, namicha gudda Yuda ka Sheshbaza jed'ani kenne. Mihi kuni ch'ufti wolti, qorifi mihi d'ibiini ka Sheshbazani, gaafa isaafi worri boojiani kaani lafa Babiloniti bahani Yerusalemu d'aqani, fuud'e deemeni 5,400. Nami boojiani hedduuni lafa Babiloniti kae, Yerusalemufi Yuda d'aqe, namu dira ufiti gale. Worri isaani haguma duri Nebukadrezani worra boojieti lafuma Babiloni jira. Jaaroleeni worraa gugurdoni tana: Zerubabeli, Yoshua, Nehemia, Seraya, Reelaya, Mordekai, Bilshani, Mispar-Bigwai, Rehumu, Baana. Kunini maqa balbala gosa Israelitiifi henna nama boojiani, ka eege lafa ufiti gale: Nami balbala worra Mana Waaqa eegutifi ka hojattu Solomoni, ka achii gale, wolti nama 392. Namichi guddaani Yahudi waan worraani jed'e, sagale Waaqaa baasani haga qaalluuni Urimufi Thumimuni wo himu d'ufuti inyaatina. Hojja worri boojiani kaani Mana AABBO Waaqa ka Yerusalemutini bahe, jaaroleeni balbala gosa ta gari, fed'i ufi gula wo baafte, aka Mana Waaqa fulluma inni duri eju taani irati mid'aasani jaarani. Worri haga d'aqabu baase, wonti baasani suni ch'ufti wolti hagana taate: Worqiini kilo d'ibba shani, qarsiini kilo kuma lamatiifi d'ibba saddeeti, ammalle ubaara d'ibba toko ka qaaloleeni naqatu. Qaaloleefi worra Lawitifi worri Israeli hagi toko Yerusalemu keesafi yokhaani d'aatu qubate: Sirbitufi jara Mana Waaqa eegufi jari Mana Waaqa keesa hojatuleeni dira d'aatu Yerusalemuti qubate; ammo worri Israeli kaani ch'ufti dira worri isaani duri iti d'alateti qubate. Jia torbeeso eegi nami Israeli ch'ufti dira ufiti qubate, Yerusalemuti wolti bahani. Jennaani Yoshua ilmi Yosadakitifi qaalole wahela isaatiifi Zerubabeli ilma Shealtieltifi, fiit'a isaa woliini, waan Waaqa Israeliti sorio irati baasani mid'aasani jaarani, aka waan suni irati sorio gubani baasani, aada namichi Waaqa ka Musa jed'ani t'aafe gula. Ato worri boojiani ka gale kaani nama lafa suni keesa tau sodaatele, worri waan sorio irati baasani suni fulluma isii ta duri taaniti jaare. Duuba akuma duri kaani galgalaafi diirama sorio irati gubani. Ammalle jila Hoosale aaduma isii gula tolfatani; guyya ch'ufa sorio guyya suni baasuu malani baasani; tana malele, sorio gubani guyya ch'ufa baasani taanifi ta guyya baati baasanifi ta guyya jila d'ibile AABBO Waaqa baasanifi waan fed'i gula AABBO Waaqa baasanile ch'ufa baasani. Ato biyyiti qara mana Waaqa injaarini, guyya qara ka jia torbeeso, huji sorio gubani baasani iti keeyatani. Biyyiti beese ogeeyi d'akhaatifi ta mukhati baafte, ammalle waan nyaatanifi ka d'uganifi d'ad'ale baafte, dira Tirotifi ka Sidoniti ergite, hind'eesa Lebanoni, ka bisaani Baariini gula dira Yafatini d'ufani, iraa bitate. Waan kana ch'ufa jecha hayyu Ajemi ka Koreshi jed'ani, gula tolchani. Duuba akanaani worri huji ijaarsa Mana Waaqa jia lameeso, ka ganna lameeso, ka worri Yerusalemuti gale, jala qabate. Zerubabeli, Yoshua, nami gosa worraa ch'ufti, qaalole taanaani, worra gosa Lawi taanaani, nami boojiani gale ch'ufti haguma gaunu, wolti bahe huji suni hojatte. Nama gosa Lawi, ka ganna diddamaati oli ch'ufa, huji ijaarsa Mana AABBO Waaqa suni mataa iti tolchani. Namicha gosa Lawi ka Yeshua jed'anifi ilmaanifi fiit'a isaatiifi Kedmielifi ilmaani isaaleeni (ta balbala Hodafia) takaa tahani huji ijaarsa Mana Waaqa iti mataa tahani woliini hojatani. (Worri Lawi, ka balbala gosa Henadadileni, worra qarqaare.) Jari Mana AABBO Waaqa yayabe jennaani qaaloleeni ubaara ufi d'ed'eera kaani naqate, magalata guurate d'ufte. Worri Lawi ka balbala Asafuleeni bilbila guurate d'ufe. Aada Daudini duri baase gula worri ch'ufti ejaanje, AABBO Waaqa faarse, galata isaa deebise waan jed'e, AABBO Waaqi waan dansa, jaalalti inni worra Israeli jaalatu waan d'umatatiniti. Waan Mana AABBO Waaqa yayabanifi nami ch'ufti, haga dandau, lalabe AABBO Waaqa faarse. Jaaroleeni qaaloleetifi ta Lawitifi ta mata balbala gosa, ta Mana Waaqa ka duri kaani garte, Mana Waaqa ka yayabani arginaani mata qabate boote. Ammo worri achi jiru kaani ch'ufti aka male gammade qilit'ame. Nami dandae iyyaana bohatifi ta gammada gargari beekhu injiru, wonti akanatiifi iyyanti worraa sunini aka male guddate, fagole ch'ufa d'agayani. Nyaapi worra Yudatifi ka Benjamini, aka worri eegi boojiani gale kaani Mana AABBO Waaqa Israeli jaaru jiru, d'agaye jennaani. Gara Zerubabelifi jara balbala gosati mataa d'aqani waan jed'aniini, koota, takaa taane, mana kana woliini jaara. Nu Waaqa takaa kad'anna, ammalle haguma duri Esar-Hadonini, hayyuuni Ashuru, armaani nu d'ufe, nu sorio Waaqa suni baasu jira. Jennaani Zerubabelifi Yoshuafi jaaroleeni balbala gosati mataa waan jetteeni. Nu qarqaarsa keesani infeenu, aka Mana AABBO Waaqa keenna woliini jaaru. Nu mata keennati jaara, akuma koreshini, hayyuuni Ajemi nuni jed'e. Jennaani worri gosa d'ibi ka lafa Yuda keesa tau, worra Yuda gayaa laafise, sodaachise ijaarsa Mana Waaqa lakisise. Ammalle nama gugurda finna harkaa qabule gumbeesani, aka huji worraa balleesani waan kana bara koreshini lafa Mohate tolchani. Bara qara hayyu Ahasueroni hayyu tahe, nyaapi suni worra Yudatifi ka Yuresalemu himate suni t'aafate. Ammalle bara Artashastani, hayyuuni Ajemi lafa Mohate, Bislamuti Mithredathifi Tabeelifi waheli worraa tatabe hayyichati t'aafani, ammo hojja soomani afaani d'ibiti garagalchani. Ammalle namicha gudda Rehumu jed'anifi Shimshai ka tatabe t'aafu tatabe tana waan finna lafa Yerusalemu iti t'aafani hayyu Artashastati ergani: Worri tatabe tana t'aafe kana: Namicha gudda Rehumu jed'ani, namicha tatabe t'aafu ka Shimshai jed'ani, Wahela worraati, jaallaboota ammalle jaarole iraa hafte taani ch'ufa, ta duri lafa Erikiti, Babiloniti, Susa lafa Elami keessa d'ufte, ammalle worra gosa d'ibi ka Asurbanipalini, namichi guddaani irre qabu godaansise dira Samariatifi fulla d'ibi lafa Efrati ta ila adubi qubsise. Dubbin tatabe suni keesati t'aafani tana: Gara hayyu Artashasta: hojattuuni tante worri lafa Efrati ta ila adu nagaya sifuuti. Ee hayyicha wonti nu si beesisu feenu, worri Yahudi ka gara keesani fulla teenna d'ufe, yayu Yerusalemu qubate, dira hama, dubbi hayyu didu suni, jaaru jirani. Worri naabo yayabe jaaru jira, d'iotu hobaasa. Ee hayyicha, yo dira kana akuma duri kaani jaarani naabo oosa imbaaftu duuba akasiini horini hayyuuni lafa suni iraa argatu indiqaata. Amma waan nu finna kanke jala jiruufi, ee hayyicha, nu waan akana kana argu infeenu; tanaafi wonti nu amma siraa feenu, aka atini waan duri ababooti tante t'aafte olkeete ch'ufa laaltu. Yo laalte, atini aka diri kunini haguma duriti hayyufi worra gugurda lafa mohatu ch'ufa dide gaargalchu inagarta. Nami isaaleeni haguma duriti waan nami dandauniti, durile qara tanaafi dira kana balleesani. Ee hayyicha, wonti amma nu si beesimnu, yo dira kana jaarani naabo isale ch'ufa hobaasani, atini deebite lafa Efrati ta ila adu imohatu. Hayyichi qonqo tana worraa deebise waan jed'e. Namicha tatabe t'aafu ka Shimshai j ed'ani wahela worra, ka dira Samariatifi ka lafa Efraimu ila adu tau, nagaya isani fuud'a. Tatabe isani nati ergitani tana yayu dubbi isii garagalchani naa soomani. Aninileeni yayu seera baase waan duri t'aafani ch'ufa barbaada jed'e, duuba yayu argani aka diri Yerusalemu haguma duriti nama finna harkaa qabu ch'ufa dide, nami isaaleeni hayyoota ch'aqasu dide morkuni. Hayyota guddo irre qabduti duri achi mohate lafa Efrati ta ila adu ch'ufa fide damoosafi gibira iraa guurate. Tanaafi amma isani seera baasa, aka jari suni deebie dira injaare, haga anini qonqo d'ibi erguti. Waan kana jabaad'a guuta, aka hameenni worra suri hiji tiyya iyyakine. Akuma tatabe Artashastani t'aafe tana Rehumufi Shimshaifi wahela worraati soomanini, worri hurrise Yerusalemu d'ebe, irreeni worra Yahudi dira suni jaaru d'owe. Hujini ijaarsa Mana Waaqa taani ejate akanumati hafte haga ganna lameeso ka mootuma Dario, hayyu Ajemi. Gaafasi raagooti lama, Hagaifi Zekaria, ilma Ido, maqa Waaqa Israelitini Yahudi Yudatifi ta Yerusalemuti wo fadde. Jennaani Zerubabeli, ilmi Shealtielitifi Yoshua ilmi Yosadaki kaani, Mana Waaqa ka Yerusasalemu keesa jiru ijaarsa jala qabatani, raagooti lamaani taanileeni worra qarqaarte. Jennaani namichi guddaani lafa Efrati, ta ilaadu, ka Talenai jed'anifi Sherthar-Bozenaifi waheli worraleeni Yerusalemu d'ufani waan jed'ani, Eenuti, Mana kana mid'aasa jaara isanini jed'e? Ammalle worri, Nami Mana kana jaaru eenufa? Jed'e gaafate. Ammo Waaqi jaarole Yahudi suni qorqorate, worri kaani, ka woma worra intolchini kae biraa yae, tatabe gara hayyu Dario t'aafe, qonqo isaa eegate. Qonqooni worri hayyuti erge tana: Ee hayyicha, Dario, nu nagaya si fuuna. Ee hayyicha, atini beekhu malte, aka nu lafa Yuda d'anne, Mana Waaqa gudda ka d'akhaa gugurdafi mukhaani jabeesani jaaru jirani argine. Huji suni guddo jabeesani dura deemsisu jirani. Duuba nu jaarole suni, Eenuti Mana kana mid'aasa jaara isaniini jed'e? jenne gaafanne. Nu ammalle maqa worra Mana suni jaara gaafanne, aka maqa huji suniti mataa t'aamne si beesimnu. Worri waan nuni jed'e, Nu hojatu Waaqa lafafi gubba uumeti, nu Mana duri hayyuni jabaani Israeli toko jaare mid'aasine jaaru jira. Ammo maro ababooti teenna Waaqa gubbaa dallansiifteefi, inni harka Nebukadreza hayyu Babiloni ka gosa kaldayoti, Mana kana balleese gosa teenna boojie lafa Babiloni geese. Duuba eege, ganna qara ka Koreshini, hayyuuni Babiloni, lafa Mohate, inni seera baase, Mana Waaqa jaara jed'e. Inni miha worqitiifi ka qarsi, ka duri Nebukadrezani mana Waaqa isaa ka Babiloni jiruti geese, deebise, miha suni gudda lafa Yuda tolcheti kenne. Waaq jed'eeni, miha kana fuud'i, Mana Waaqa ka Yerusalemu jiruti geese, Mana Waaqa fulluma qara inni eju taaniti mid'aasi jaari. Jennaani Sheshbazani d'ufe, Mana suni yayabe, Mana suni arti asi haga arra jarumati jirani ammo inhobaane. Tanaafi amma tana, Ee hayyicha, fulla dubbi hayyoota t'aafani iti olkayani, ha keesa barbaadani, aka d'uguma dubbini ijaarsa Mana Waaqa ka Yerusalemu, ta hayyu Koreshini jed'e, jirtu laalani. Yo hubatani, qonqo nu ergi, waan nu tolchu malle nuti himi. Jennaani hayyu Dario seera basse, Fulla dubbi hayyoota duri t'aafani lafa Babiloni keesati olkayani ch'ufa barbaada, sooma jed'e. Jennaani dira Ekbatana, ka arda Media ke jiru waan wo irati t'aafani, ka dubbi tana irati t'aafani, argani: Ganna qara ka Koreshini hayyu tahe, inni seera baase waan jed'e, Mana Waaqa ka Yerusalemu ha mid'aasani jaarani keesati Waaqa wo baasani, soriole gubaniti. Mana suni, d'eerinni isaa ha d'und'uma jaatama tahuti ballinnileeni ha hagasuma tahuti. Girgida isaa ha d'akhaa sadi ch'ororsani wolgubba naqani, mukha gubba kayani, akasiini wolgubbati jaarani. Horini Mana sunini jaarani ch'ufti ha gubba hayyu tahuti. Ammalle miha worqitiifi ka qarsi, ka Nebukadrezani duri boojie Babiloni geese, ha Mana Waaqa ka Yerusalemu jiru geesani, fulluma isaa ta duri taaniti deebisani. Jennaani Darioni tatabe tana worrati erge waan jed'e: Gara Tatenai ka gudda lafa Efrati ta ila adutifi Shethar-Bozenaifi. Wahela keesani ka lafa Efrati ka ila adu: jiru, waan isani taatani: Mana Waaqa suni hanqad'a! Huji ijaarsa isaa suni keesa imbuina, namicha gudda lafa Yudatifi jaaroleeni Yahudi ha Mana Waaqa fulla qara inni eju kaaniti jaartuti. Anini amma seera baasa, aka isani jaarole Yahudi tana ijaarsa Mana Waaqa qarqaartani gibira hayyuuni lafa Efrati suni argatule ha hurrisani baasani Mana sunini jaaraniti, aka hujini suni dura deemtu. Guyya ch'ufa waan qaaloleeni Yerusalemu feetu inhanqatina kennaafi: Jiboota looni taanaani, elemiye taanaani, ilmoole hoola ta gubani Waaqa gubbati sorio baasani taanaani, dargaye taanaani, sooda taanaani, daad'i taanaani, d'ad'ale taanaani, ch'ufa kennaafi. Wonti isani waan suni tolchu maltanifi, aka worri sorio Waaqa gubbati malte isaa baase, anaafi ilmaani tiyya eeba Waaqa kad'atu. Yo nami seera kana ch'abse, dareera mana isaa ha keesaa fuud'ani, gama toko qarani duuba isaani tumataniti; mana isale ha jissani huura tolchaniti. Waaqi duri Yerusalemu fohate, Isi keesati na kad'ad'a jed'e, ha hayyufi yokhaani gosa dubbi tana didde mana isaa suni balleesu feetu ch'ufa balleesuti. Nami seera kana baase ana; Dario taanaafi guutu malani. Jennaani namicha gudda Tatenai jed'ani kaanifi Shethar-Bozenaifi waheli worraa jecha hayyu kaani ch'ufa guutani akasuma tolchani. Jaaroleeni Yahudi huji Mana Waaqa suni aka dansaa jabeesite dura deemsifte, gorsa raaga Hagaifi Zekaria gula. Worri jecha Waaqa Israelitiifi Koreshifi Dariofi Artashasta hayyoota Ajemi gula Mana Waaqa jaare hobaase. Worri guyya sadeeso, ka jia Adari jed'ani, ganna jaeeso ka hayyu Darioni lafa mohate, Mana suni jaare hobaase. Jennaani worri Israeli — qaalole, worra Lawiti, worri ka eegi boojiani gale kaani ch'ufti — gammade jila tolfate Mana suni eebise. Gaafa Mana suni eebisani suni worri koromi d'ibba tokotifi elemiye d'ibba lamatiifi. Ilmoole hoola ta d'ibba afurile sorio baase ammalle korbeeyyi kud'ani lama henna gosa Israeli kud'ani lamaani taani gula, sorio dabaani ufi iraa baasani basse. Ammalle aada kitaaba Musa keesati t'aafani gula, worri qaaloleefi worra Lawile huji Mana Waaqati gargari qoode. Worri eegi boojiani gale kaani guyya kud'ani afreeso, ka jia qara, jila Pasaka tolfate. Qaaloleefi worri Lawi ch'ufti qulqullo, wonti akanatiifi worri qara durati ufi qulqulleese. Worri Lawi hori sorio Pasaka ufifi qaaloleefi worra eegi boojiani gale kaani jed'e qale. Nami sorio suni nyaate worra Israeli ka eegi boojiani gale kaanifi, nama aada hamtu gosa lafa suni keesa teetu lakise AABBO Waaqa Israeli kad'achu d'ufe. Guyya torba ch'ufa worri jila Qit'a bukho inqamne gammadani tolfate. Wonti worri gammadeefi, waan AABBO Waaqi hayyu Ashuru worraa naasise, innileeni ijaarsa Mana Waaqa Israeli keesa worra qarqaareefi. Eegi gamna heddu Artashastani hayyu Ajemi tahe. Gaafasi namicha tokoti jira, ka Ezra jed'ani inni, ilma Seraya, ka ilma Azaria, ka ilma Hilkia, ka ilma Shalumu, ka ilma Sadoki, ka ilma Ahitubu, ka ilma Amaria, ka ilma Asaria, ka ilma Merayothi, ka ilma Zerahiya, ka ilma Uzi, ka ilma Buki, ka ilma Abishua, ka ilma Finehasi, ka ilma Eleazari, ka ilma Haruni qaallicha gudda. Ezrani haga jiru ch'ufa Seera AABBO Waaqa soome barate guute, aadaafi waan keesati t'aafani ch'ufa gumi Israeli barsiise. Artashastani tatabe tana t'aafe, qaallicha Ezra, ka waan seera nama barsiisu, ka aadaafi seera AABBO Waaqi worra Israeliti kenne aka dansaa barate iti, kenne. Dubbini tatabeeni sunini jettu tana: Hayyichi Artashastani tatabe tana qaallicha Ezra ka waan Seera Waaqa gubba jiru nama barsiisuti t'aafe waan jed'e: Woni anini jed'u tana: Nama Israeli ch'ufti, ka lafa tiyya keesa jiru, ka Yerusalemu d'aqu fed'u qaaloleefi worri Lawi taanaani ha siini woliini yauti. Anaafi jari mala na d'au, nami torba, si ergina, aka atini Yerusalemu d'at'e, finna lafa Yuda hubatte, ammalle aka Seera AABBO Waaqa keeti jabeesani guutani laaltu. Atini Worqifi qarsi, ta anaafi jari mala na d'au Waaqa Israeli, ka mani isaa Yerusalemu jiru, baasu feenu, fuute deemuuni malte. Ammalle atini qarsifi worqi, lafa Babiloni ch'ufa keesaa guurtefi waan worri Israelitiifi qaaloleeni Mana Waaqa isaani, ka Yerusalemu keesati baaftule, fuute deemuuni malte. Beese tana aka dansaa jabeesi, koromi loonitifi Elemiyeefi ilmoole hoolatifi mid'aanifi daad'iini biti, waan sorio irati baasani ka Mana Waaqa ka Yerusalemu keesa jiru irati sorio baasi. Qarsifi worqi ta huji suni ira hafte siifi gochiti tante waan feetani tolfad'a, fed'i Waaqa keesani gula. Miha Mana Waaqa keesani hojattani ka siti kennani, hojja Yerusalemuni baate Waaqa kenni. Ammalle waan Mana suni d'ibi atini feetu ch'ufa, fulla beese hayyu iti olkayani keesaa sii kennani. Anini nama hori hayyu olkayu ch'ufa, ka lafa Efrati ta ila adu jiru, waan jed'uuni: Waan qaallichi Ezrani, ka waan Seera Waaqa gubbaa ch'ufa beekhu, isani gaafatu ch'ufa hurrisa, iti keenna, ammo haga kana indabarsina: qarsi kilo kuma saditifi d'ibba afuri, dargaye kilo kuma kud'ani, daad'iini d'ebbe d'ibba toko, d'ad'aleni d'ebbe d'ibba toko, sooda haguma worri fed'u. Waan Mana Waaqa gubbaa ka inni fed'u ch'ufa jabaad'a baasa aka inni anaafi ilmaani tiyyati indallanne. Ammalle qaalole worra Lawiti, sirbitu, worra balbala eegufi hojattu Mana Waaqa, yokhaani nama taatefu ka huji mana suni hojattu, gibira iraa infuud'ina. Ezra, atileeni, qarooma Waaqi kanke sii keenne kanaani, jaarole lafa fidduufi jaallaboota, worra lafa Efrati ka Seera Waaqa kanketi keesati fidamu fiddu, fohad'i. Nama waan Seera suni imbeennele ch'ufa barsiisi. Yo nami tokoleeni Seera Waaqa kanketi yokhaani seera hayyu ch'abse, hurrisi, hojuma suni waan kana iti muri: duisa yokhaani lafa keesaa baasiti yokhaani hori iraa saamiti, yokhaani hid'aansa. Ezrani waan jed'e, AABBO, Waaqa ababoota teenna, ha faarsani inni yayu hayyicha waan dansa qaabachise, aka inni akanaani Mana Waaqa ka Yerusalemu mid'aasu. Eeba Waaqatini anini yayu hayyichaafi jara isaa mala d'aufi jara isaa gugurdale naasu iraa argad'e; AABBO Waaqi kiyya yayu garaa na jabeese, anileeni worra balbala gosa Israeliti mataa heddu sobad'e ufi gula deebise woliini galle. Kunini maqa worra balbala gosa worrati mata ka eegi boojiani Babiloni geesani Ezra woliini Yerusalemuti gale, bara Artashastani hayyu: Anini worra kana ch'ufa afaani galaana dira Ahavati yauti wolti baase duuba halkani sadi achi bulle. Anini worra suni keesa, qaalole male, worra Lawi d'abe. Jennaani jaarole nama sagali yaame: Eliezeri, Arieli, Shemaya, Elnathani, Yaribu, Elnathani, Nathani, Zekaria, Nteshulamu ammalle jara wobarsiisu nama lama yaame: Yoyaribufi Elnathani. Anini jara kana ch'ufa gara namicha gudda gumi Kasifia, ka maqaani isaa Ido, erge, aka isaafi wahela isaa, jara Mana Waaqa keesa hojatu, d'aqani nama Mana Waaqa keesa hojatu barbaadani. Qarqaarsa Waaqatini worri sunini Sherebiya, nama gosa Lawi, ka balbala mali, ka guddo wo guutu nuu erge; ammalle ilmaani isaatiifi oboleyaani isaa nami kud'ani saddeeti isani woliini d'ufe. Worri ammalle Hashabiafi Yeshaya, ka balbala gosa Merari, fiit'a worraa nama didaamatiini woliini nuu erge. Worra kana malele, nama d'ibba lamafi diddama ka Mana Waaqa hojatuti jira, ka duri Daudifi jari isaa file, worra Lawi qarqaara jed'eeni. Jara kana ch'ufa maqa t'aafani. Jennaani fulluma galaana Ahavati anini seera baase, aka nu ch'ufti ufi agabsine Waaqa kenna durati ufi diqeesine, inni nuufi ilmaani teennafi hori keenna kara nagaya qajeelchu. Anini sila ch'eeraafu dandae hayyichaani, askartiti farda, ta karaati nu qorqorate, nyaapa nura d'owartu nuu kenni, injed'uuni; wonti akanatiifi anini qara hayyuuni, Waaqi nama isa barbaadu ch'ufa ineebisa, ammo nama isa iraa gore, inni jibbeti gaargalcha jed'eeni. Tanaafi nu ufi agabsine, Ee Waaqa keenna, nuu qorqorad'i jenne, innileeni kad'acha nu d'agaye. Jennaani anini qaalole gugurddo keesa jara kana fohad'e: Sherebiafi Hashabiafi jara kud'ani d'ibi. Ammalle anini qarsifi worqifi miha ka, hayyichaafi jara mala isaa d'aufi hojattufi worri Israeli huji Mana Waaqati baase, ch'ufa biime, harka qaaloleeti kenne. Anini waan worraani jed'e, Isani AABBO, Waaqa ababoota teesaniti qulqullo, ammalle mihi qarsitiifi ka worqi, ka nami fed'i ufi gula isaa baaseleeni qulqullo. Haga Mana Waaqatini baataniti aka dansaa jabeesa qorqorad'a. Duuba miha baasani kana ch'ufa mana qaalole keesati biima, qaalole gugurdofi worra Lawitifi jaarole gosa Israeli, ta Yerusalemutileti, kenna. Tanaafi qaaloleefi worri Lawi qarsifi worqifi miha kaani fuud'ani, aka mana Waaqa ka Yerusalemuu geesani. Guyya kud'ani lameeso ka jia qara, nu galaana Ahavatii kaane Yerusalemuti iti d'aabanne Waaqi keenna nu qarqaare, nyaapa keenna ka d'okhate kara keesati nu eegatu duraa nu baase, Yerusalemuni baane jennaani guyya sadi hafuura baafanne, jennaani guyya afreeso nu Mana Waaqa d'anne, qarsifi worqifi miha kaani biimine harka qaallicha Merimothi, ilma Uriati, kennine. Nami isa woliini jiru Eleazari ilma Finehasitifi jara lama ka gosa Lawi, ka Yozabadi ilma Yeshuatifi, Noadia ilma Binui, jed'ani. Waan kana ch'ufa hedani biimani, hojuma suni kitaaba keesati t'aafani. Jennaani worri eegi boojiani gale kaani ch'ufti waan gubani Waaqa Israeliti sorio baasanini d'ufe. Horini worri baase — koromi looni kud'ani lama ta maro gosa Israeliti baasanifi elemiye sagaltami jaatiifi ilmoole hoola ta torbatami torba; worri ammalle korbeeyyi kud'ani lama sorio dabaani ufi iraa baasani baase. Hori kana ch'ufa gubani sorio AABBO Waaqaa baasani. Ammalle worri tatabe hayyichi iti kenne taani fuud'e jara gugurdafi jaarole lafa Efrati ta ila aduti kenne, akanaani worri sunini biyyaafi Mana Waaqale qarqaare. Eegi waan suni ch'ufa tolchani, jaaroleeni hagi toko d'ufte waan nani jette, worra Israelitiifi qaaloleefi worri Lawi worra gosa Amonitifi Moabutifi Misiritiifi Kanaanitiifi Hititifi Perezitifi Yebusitifi Amori, ka d'aatu worraa jiru woli ilaganne. Waan hamtu worri sunini tolche ch'ufa worrileeni tolchu jira. D'iirti Yahudi nad'eeni gosa d'ibi fuute, akanaani gumiini Waaqa qulqullooni gosa d'ibiini wolseente qulqullooma d'abde. Waan hamtu kana nami mataa iti tahe nama ch'ufa ira tolche, jaaroleefi worra gugurda. Anini waan kana d'ageennaani aka hama laalefad'e woya tiyya tarsaase rifeensafi areeda ufiraa bubuqise gatae, aka hama mata qabad'e bohe. Haga sorio galgala baasaniti anini achuma tae bohe. Duuba nami hedduuni nati bahe, worri sunini nama waan ch'ubbu worra eegi boojiani gale kaani ka AABBO Waaqi waan isaa dubbate d'agaye sodaate. Hojaani sorio galgala baasani geennaani anini fulla qara tae bohu taani kae, kauma woya tatarsaate taani ufira qabu, jilbifad'e Waaqa kad'ad'e, harka AABBO Waaqa kiyyati olqabe waan jed'e, Ee Waaqa, anini ch'eeraa dandae mata oliinqabad'u. Dabi keenna ya guddate lafa ira dabre fulla ch'ufa gae. Haguma gaafa duri bara ababoota teennati asi, nu gumiini tante guddo ch'ubbamne. Maro ch'ubbu teennatifi, nuufi hayyoota teennafi qaaloleeni teennaleeni yayu harka hayyoota gosa d'ibi keesa seenne; nu hobaasani, nu saamani, nu boojiani, akuma arrale jirru kana aka hama nu ch'eersani. Ammo amma tana, haga gabaaba toko, Ee AABBO Waaqa keenna, atini ya nuu naate, nu nama gari harka nyaapa nu boojie suni keesaa nu baafte, fulla qulqullo tana nuu teesifte. Ato nu duri tisse taanele atini yayu amma nuu jireesite. Ato nu tisselele taane, atini tissooma suni keesati nu ilakimne. Atini hayyoota lafa Ajemi nuu naasifte, nu jireesite, aka nu mana kanke ka qara bade sii jaare, Yudafi Yerusalemu keesa bulti argannu. Amma, Ee Waaqa, waan tahe kana maani dubbanna? Nu seera kanke, ka atini afaani hojatu tante raagootaani nuu kennite, yayu ch'absine. Worri waan nuni jed'e, Lafti isani amma iti qubachuti jirtani tunini lafa t'uroofte badde, wonti akanatiifi worri keesa tau kunini yayu ch'ubbu ufitini t'ureese balleese. Tanaafi dubra teesani ilmaani worraa infuud'ini, ilmaani teesanileeni dubra worraa infuud'ini - nagayaafi hormaata worraa imbarbadiina, yo isani lafa tana maachitani takaa tana ilmaani teesani - eti dabarsu feetani. Eegi wonti kunini ch'ufti maro dabaafi ch'ubbu keennatifi nu d'aqabdele, nu imbeenna, Ee Waaqa, aka atini gaargala gudda nu sila argannu nuti diqeesite akanaani nu hambifte. Duuba nu akami ammalle seera kanke ch'absine worra t'uricha kanaani wolfuuna? Yo akasi taane, atini nuti dallante lafa iraa nu ch'ufa imballeesitu? Ee AABBO Waaqa Israeli, atini ka d'ugaati, gumi diqo toko ya hambifte. Nu wollaala keenna siti himanna; nu d'uga dandeenne fuula kanke duraani ejinu inqamnu. Ato Ezrani mana Waaqa dura jilbifate bohe Waaqa kad'ate daba kana ch'fa himachu jiru, gumiini gosa Israeli ta muume inqamne d'iirafi nad'eenifi ijoolleeleni - aka hamtu boote fulla isaati wolti baate. Jennaani Shekaniani, ilmi Yehieli, ka balbala gosa Elamu, waan Ezrani jed'e, Nu yayu dubra gosa d'ibi fuune akasiini Waaqa keennati wollaale: ammo hataatu worra Isrealiti wollaale: ammo hataatu worra Isrealiti abdiini diqo to inuma jirti. Amma nu Waaqa keennati kakhanna, aka nu nad'eeni tanaafi ilmaani isii tanale galchinu. Nu waan siifi jari Seera Waaqa jabeese gula yau kaani nuni jed'u intolchina. Nu waan Seeri Waaqa jed'u intolchina. Amma kai, nu gama kanke jirra, jabaad'i, waan suni guuti. Duuba Ezrani kae, worra Lawitifi ka gumile kakhachise, aka worri waan Shekaniani jed'e suni guutu. Jennaani Ezrani Mana Waaqa duraa kae, mana Yehohanani, ilma Eliashibu, seene, achi bule, sagaleefi bisaanile dide, ch'ubbu worra eegi boojiani gale kaani iraa laalefate. Qonqo Yerusalemufi Yuda ch'ufa keesa ergani, worra eegi boojiani gale kaani ch'ufa yaamani, Yerusalemuti wolti baasani waan jed'ani nama guyya saditi ind'ufini, seera jaarole gumi gula, waan inni qabu ch'ufa iraa saamani, duuba gosa keesaa kutani. Guyya sadeeni suni keesati, guyya diddameeso ka jia sagaleeso, nami d'iira ch'ufti, ka Yudatifi ka Benjamini, Yerusalemu d'ufe diida Mana Waaqa durati wolti bahe. Maro dubbi jajabdu taatifi, ammalle maro guyya suni bokeeni tamni roobeefi, biyyiti guddo holate. Qaallichi Ezra jed'ani kaani oleje waan worraani jed'e, Isani yayu seera Waaqa ch'absitani, dubra gosa d'ibi fuutani, akanaani ch'ubbu worra Israelitini d'uftani. Amma tana daba keesani AABBO, Waaqa ababoota teesaniti himad'a, fed'i isaale tolcha.Nama gosa d'ibi, ka lafa teenna keesa tau, lagad'a nad'eeni gosa d'ibi ta qara fuutani ufi jalaa yaasa. Jennaani biyyiti ch'ufti afaani takaa dubbate waan jette, Dubbini sunini d'uga, waan atini jette ya ee jenne, intolchina. Ammo amma tana bokeenileeni guddo roobu jira, gumiini tunileeni muumme inqabdu tanaafi nu dandeenne diida kana keesa inejanjinu.Hujini tunini huji guyya tokofi lamati hojatani keesaa bahaniniti; wonti akanatiifi nu nami daba suni tolche nama heddu muumme inqamne. Jaaroleeni teenna ha Yerusalemu keesati dubbi suni qorqoratu. Duuba nami nad'eeni gosa d'ibi fuud'e, yo yaamani, ha guyya qabatanifiti jaaroleeti jaallaboota dira isaa woliini d'ufuti. Akanaani Waaqi ka qara maro waan kanatifi nuti dallane dallansu ufi taani galfata. Nami dubbi tana dide Yonathani, ilma Asahelifi, Yazeya ilma Tikwa, challa; ammalle Meshulamufi Shabethi ka gosa Lawileeni goli worraa tahani. Worri eegi boojiani gale kaani dubbi tana ee jed'e fud'ate. Jennaani qaalichi Ezrani balbala gosa ch'ufa keesaa nama mataa fohate maqa t'aafe. Guyya qara, ka jia kud'anneeso, huji suni iti keeyatani, jia sadi keesati nama nad'eeni gosa d'ibi qabu ch'ufa dubbi isaa ilaalani bufatani. Kunini maqa jara nad'eeni gosa d'ibi qabuuti: Qaalole, balbala gosa isaani gula: Balbala Yoshuatifi oboleyaani isaa ta ilmaani Yehozadaki: Naseiya, Eliezeri, Yoribu, Gedalia. Jari Kunini ch'ufti ee jed'e, nad'eeni worraa ufi jalaa yaase, ammalle maro daba worraa ka qara tolche elemiye qaqale sorio baase. Balbala Imeri: Hananifi Zebadia. Balbala Harimu: Maaseya, Eliya, Shemaya Yehieli, Uzia. Balbala Pashuri: Elioenai, Maaseya, Ishamaeli, Nethaneli, Yozabadi, Elasa. Worra Lawi: Yozabadi Shimei, Kelaya (ka maqaani d'ibiini Kelita), Pethaiya, Yuda, Eliezeri. Sirbitu: Eliashibu. Jara Mana Waaqa Eegu: Shalumu, Telemu, Uri. Jara d'ibi: Balbala Paroshi: Ramia, Izia, Malkia, Miyamini, Eleazari, Malkia, Benaiya. Balbala Elamu: Matania, Zekaria, Yehieli, Abdi, Yeremothi, Eliya. Balbala Zatu: Elioenaiani, Eliashibu, Matania, Yeremothi, Zabadi, Aziza. Balbala Bebai: Yehohanani, Hanania, Zabai, Athlai. Balbala Bani: Meshulamu, Maluki, Adaya, Yashubu, sheali, Yeremothi. Balbala Pahath - Moabu: Adna, Kelali, Benaiya, Maaseya, Matania, Besaleli, Binui, Manase. Balbala Hashumu: Matenai, Matata, Zabadi, Elifeleti, Yeremai, Manase, Shimei. Balbala Nebo: Yeieli, Matithia, Zabadi, Zebina, Yadai, Yoeli, Beneiya. Jari kunini ch'ufti nad'eeni gosa d'ibi qaba. Duuba eege worri nad'eeni taani lakise, ilmaani isiile wolumaani galche. Tunini odu Nehemia ilmi Hakalia t'aafe. Jia Kisleu jed'ani, ganna diddameeso ka Artashartani hayyuuni Ajemi lafa mohate, anini Nehemiani gaafasi dira gudda Shushani jed'ani keesa jira. Oboleesi kiyya toko ka Hanani jed'ani, jara d'ibi woliini Yudaa d'ufe, duuba anini waan Yerusalemutifi waan gosa Yahudi ta eegi boojiani lafa Babiloni geesani gagalte odeefad'e. Jennaani worri waan nani jed'e, Jara eegi boojiani gale kaani guddo gochiti lafa worra keesa teetu taani gaargalchite ch'eersite. Ammalle naabo Yerusalemu ta ch'absanifi balbala Fullo isii ta gubani ammalle imid'aasine akuma duri jirti. Anini qonqo tana d'agaye jennaani gatae bohe, haga guyya heddu laalefad'e sagale dide ufi agabse, Waaqa gubba kad'ad'e waan jed'eeni, Ee AABBO Waaqa gubbaa, Waaqa gudda, ka dandae nami sodaa si dura inejine ka nama jaalate seera kanke guutu wold'aqisa woliini tolfatani jabeesitu; AABBO, na ilaali, kad'acha tiyya, ta anini halkani guyya maro hojattu tante worra Israeliiti kad'ad'u, naa d'agayi. Anini ch'ubbu tiyyaafi ta worra Israeli siti hima; anaafi ababooti tiyya siti ch'ubbamne. Nu si durati waan hamtu taane, aadaafi Seera atini Musa hojattu kanketini nuu kennite, guutu dinne. Waan atini duri Musani jette qaabad'i: Yo isani worri Israeli naraa gore, anini gosa d'ibi keesa gargari isani firfirsa. Ammo yo eege isani nati deebitani seera kiyya guutani, anini wolti isani deebise fulla anini fohad'e iti na kad'atanitini isani d'ufa, ato haga muumme lafa isani firfirsanile. AABBO, worri sunini hojattufi gumi tanteeti, ta atini jabeennafi irre tante guddooni baafte. Amma kad'acha tiyyaafi ta hojattu tanteeti, ta si sodaatu, ch'aqasi, arra naa eebisi, hayyicha naa naasisi. Anini gaafasi nama hayyicha daad'iini gololchu. Guyya toko, jia Nisani jed'ani keesa, gannuma diddameeso ka hayyu Artashartani lafa mohate, anini daad'iini isa gololche. Inni taka ana gammada inqamne ingarre, tanaafi waan nani jed'e, Atini maanifi diqole gammada inqamne? Atini gulana kuno fayya qabda, maanti fuula si yake? Jennaani anini ifad'e waan jed'eeni, Ee hayyicha, Waaqi lubbu si d'eeresina, fuuli kiyya akami dandae mid'aaga, ka diri ababoota tiyya keesati awaalani jige bade, balbala Fullo isale ch'ufa ibidaani gubani? Hayyichi waan nani jed'e, Maani feeta re? Jennaani anini Waaqa gubbaa kad'ad'e. Waan hayyuuni jed'e, Ee hayyicha, yo atini na jaalatte waan anini si kad'ad'e ee jette, na gad'iisi, d'aqeti lafa Yuda, ta ababoota tiyya keesati awaalani, dira isi mid'aase jaara. Hayyichi, ka hayyitiini d'aatu teetu, waan nani jed'e. Atini yo amma deemte, hagami bulte deebita? Akanaani hayyichi nati eebise na gad'iise, anileeni bulti haga iti hime. Jennaani anini waan hayyichaani jed'e, Yo sii tate tatabe anini worra gugurda lafa Efrati ta ila aduti geesu, naa kenni, aka worri aka anini lafa worra keesaa bahe lafa Yudati taaku na gad'iisu. Ammalle tatabe gara Asafu, namicha gudda badda hayyu eegule, naa kenni, aka inni mukha anini balbala mana jaba keesati Mana Waaqa eeganini mid'aasu naa kenne, ammalle mukha anini balbala Fullo naabo diraatifi mana keesati galanini jaarule. Waan Waaqi na woliini jirufi hayyichi waan anini fed'e ch'ufa naa kenne, hayyichi worra gugurda askartitifi askarti fardani yaatu naa kenne, gara lafa Efrati ta ila adu iti d'aabanne. Achini baannaani tatabe hayyicha taani jara gugurda lafa suniti kenne. Ammo Sanbalatini ka dira Beth-Horonitifi Tobiani ka lafa Amoni keesati guddinna qabu nama waan dansa worra Israeliiti tolchu d'ufe d'ageennaani aka hama dalanani. Jennaani anini Yerusalemu d'aqe, guyya sadi ka namutu waan Waaqi tolche nani jed'e suni inhimini ufi iraa tae. Duuba halkani guddo anini kae wahela kiyya haga gari fud'ad'e, kae iti d'aabad'e. Horini nu yaaneni gaange anini yaabad'u ch'alla. Hojja anini balbala Baleetini dira keesaa bahe Eela gorjama biraa dabre balbala Huuratini baheele, lafti halkani. Anini ato deemu naabo dira ta ch'ach'abt'efi Fullo balbala ta ibidaani balleesani ilaale. Jennaani anini gara balbala Eelatifi Haro Hayyuu deeme. Gaangeeni anini yaabad'u taani fulla baatu d'abde, tanaafi anini bale Kidroni gabue, gula deeme naabo ilaale. Eegi suni keesa deebie balbala Baleetini gale. Jaaroleeni dira suni nami tokoleeni, ka fulla anini deemefi waan anini tolche beekhu, injiru. Anini haga ammalle takaa nama gosa Yahudi tokole waan kana iti inhimne — qaalole taanaani, jaarole taanaani worra gugurdale taanaani, nama tokole ka sila huji suni hojatu. Jennaani anini waan worraani jed'e, Gaargala nu amma keesa jiru kana laala, ka Yerusalemu balleesani, balbala isiile gubani! Koota, naabo dira kana jaare ch'eera keenna d'ofanna. Anini aka Waaqi na eebise na qarqaareefi waan hayyuuni nani jed'ele iti hime. Worri waan jed'e, hayye, koota, injaara! Duuba hojuma suni kurfahani, huji jala qabatani. Sanbalatifi Tobayafi Araftichi Geshemu jed'ani waan nu tolchu feenu d'ageennaani, nu goyeesani waan nuni jed'ani, isani ya marattani? Maani tau feetani? Isani hayyuuni morku feetani? Jennaani anini waan jed'eeni, Waaqa gubbati nu eebise nu qarqaara, duuba nu hojattuuni isaaleeni kaane jaara. Ammo isani waan tokole Yerusalemu keesaa inqabdani, aada isiile tokole keesa injirtani. Aki naabo Yerusalemu mid'aasani jaarani kana. Qaallicha gudda Eliashibu jed'anifi qaaloleeni oboleyaani isaa fullo Hooliye jaarte eebifte balbala iti mid'aasite. Worri naabo suni haga doofi d'ibba toko jed'anifi doofi Hananeli ch'ufa eebise. Jari Yerikoleeni worrati aane qooda ufi jaare. Zakuri ilmi Imrileeni, akasuma worrati aane, qooda ufi jaare. Worri Balbala senaa Fullo qurt'umi jaare mikhikilafi balbalafi siddoofi naqatole ch'ufa iti mid'aase. Meremothi, ilmi Uria, ka ilma Hakosi, worrati aane qooda ufi jaare. Meshulamu, ilmi Berekia, ka ilma Meshezabeli, isati aane qooda ufi jaare. Saloki, ilmi Baana, isati aane qooda ufi jaare. Jari Tekoa isati aane qooda ufi jaare, ammo jaaroleeni dubbi jara worra hojachiisu ch'aqasu didde, huji jabdu suni harkaleeni qabachu didde. Yoyada, ilmi Paseatifi Meshulamuni ilmi Pesodeya, balbala Dullati jaarani, mikhikilafi balbalafi siddoofi naqato iti mid'aasani. Melatia, ka Gibeoni bahefi Yadoni ka Meronothi bahefi jari Gibeonitifi ka Mispa worrati aane qooda ufi jaare, mana namicha gudda lafa Efrati ta ila aduti d'aabe. Uzieli, ilmi Harhaya, ka tumtu worqi, worrati aane qooda ufi jaare. Hananani ka qayya mid'aasu, isati aane qooda ufi Naabo Balloti d'aabe jaare. Refaya, ilmi Huri, ka arda Yerusalemu gama toko inni mohatu, isati aane qooda ufi jaare. Yedaya, ilmi Harumafu, isati aane qooda ufi, ka d'aatu mana isaa, jaare. Malkiani, ilmi Harunitifi Hashubu ilmi Pahatha Moabu, qooda isaani ka isati aanufi Doofi Ibida jaare. Shalumu, ilmi Haloheshi, ka arda Yerusalemu gama kaani mohatu, worrati aane qooda ufi jaare. (Dubarti isaleeni isa huji qarqaarete.) Harunifi worri dira Zanoa Fullo Bale jaare, balbala fulluma qarati rare, siddoofi naqato balbalaani ch'ufaani mid'aase, naabole d'eerinna d'und'uma kuma toko jaare, balbala Huurati d'aabe. Malkia, ilmi Rekabu, ka arda Beth-Jakeremu mohatu, Fullo Huura jaare, Balabalafi siddoofi naqato iti mid'aase. Shalumu, ilmi kohoze, ka arda Mispa mohatu, Fullo maddo jaare, gubba duuche, balbalafi siddoofi naqato iti mid'aase. Haguma Haro Shiloa, ta oobru hayyuti aantu fuud'e, faano dira Dauditini gabuaniti d'aabe naabole jaare. Nehemiani, ilmi Azbuki, ka arda Beth-Suri gama toko Mohatu, isati aane, qooda ufi haga irreesa Dauditifi haroofi maneeni askartiti d'aabe jaare. Kunini maqa worra Lawi ka qooda ufi, ka naabo, mid'aase jaare: Rehumu, ilma Bani, Nehemiati aane qooda ufi jaare; Hashabiani, ka arda keila gama toko mohate, isati aane qooda arda ufi ch'ufa jaare. Barai, ilmi Henadadi, ka arda Keila gama kaani mohatu, isati aane qooda ufi jaare. Ezeri, ilmi Yeshua, ka Mispa mohatu, isati aane, mana woraana ch'ufa keesati olkayani duraa iti keeyate fulla naaboni gortuuniti d'aabe jaare. Baruki, ilma Zabai, isati aane, haga balbala mana qaallicha gudda Eliashibu jed'aniti d'aabe jaare. Meremothi, ilmi Uria, ka ilma Hakosi, isati aane, haga muumme mana Eliashabiti d'aabe jaare. Kunini maqa qaalole ta qooda ufi ka naabo mid'aasite jaarte: qaaloleeni arda Yerusalemu teetu Meremothiti aante qooda ufi jaarte; Benjaminifi Hashubuni worra suniti aanani, qooda maneeni worra dura jiru jaarani; Azaria, ilmi Maseya, ka ilma Anania, worrati aane, qooda isaa ka mana isaa dura jaare. Binuini ilmi Henadadi, isati aane mana Azariati fuud'e, Moga naaboti d'aabe qooda ufi jaare; Jari Tekoa Pedayati aane, fulla doofi mana Waaqatini eegani taani duuba iti keeyate, naabo d'aatu Ofeliti d'aabe, qooda ufi ka lameeso jaare. Jari qaalole toko jara suniti aane, Fullo Farda gama Mirgati iti keeyate, namu mana ufi dura qoodu ufi jaare. Sadoki, ilmi Imeri, worrati aane mana isa dura qooda ufi jaare; Shemaya, ilmi Shekania, ka Fullo ilaboru eegu, isati aane qooda ufi jaare. Hanania, ilmi Shelemiatifi Hanunini ilmi Shalufu ka jaeeso, isati aanani qooda ufi ka lameeso jaarani. Meshulamuni ilmi Berekia, worra suniti aane, mana ufi durati qooda isaa jaare. Malkiani, tumtichi worqi, isati aane, haga mana hojattu Mana Waaqatifi daldatuni iti galtu, ka Fullo Mifkaditi aanu, d'aatu mana naabo gubba moga mirga gama ilaboru jiru d'aabe, qooda ufi jaare. Tumtumi worqitiifi daldaltuni isati aanani, qooda hafe kaani ch'ufa, haguma mana moga eju fuud'ani Fullo Hooliyeti d'aabani jaarani. Sanbalatini aka nu Yahudiini dira jaaru jiru d'agaye jennaani aka male dallane d'ufe nu goyeese. Inni jara isaatiifi askarti Samaria durati waan jed'e, Worri mumuyooni Yahudi kunini maani tahu jira? Worri dira kana ammalle jaaru fed'a? Worri waan sorio baasufi waan aruma huji tana hobaasu seha? Worri dandae huura gubani kana keesaa d'akhaa manaani jaarani inargata? Tobialeeni ka hojja suni d'aatu eju waan jed'e, Naaboni worri jaaru tana? Ta geedaltileeni dandeete ch'ach'absitu! Jennaani anini Waaqa kad'ad'e waan jed'e, Ee Waaqa, aka worri kunini nu goyeesu d'agayi! Goyeesa tana mata worrati deebisi worra boojii, lafa d'ibi geesi. Ch'ubbu worra inaraaraminifi, daba worrale ind'ossini, waan worri nu ka naabo jaaru arrabseefi. Duuba akanaani nu naabo jaare, maro tokotu wod'akaani geenne, waan biyyiti garaa tokooni hojatteefi. Sanbalatifi Tobiafi jara lafa Araftitifi ka Amonitifi ka Ashdodileeni, aka nu jabaanne naabo Yerusalemu jaare, fulla d'akhaani wolhanqatuni ch'ufa duuchine d'agaye jennaani, aka hama dallane. Duuba worri ch'ufti aka d'ufe Yerusalemu had'e waan ch'ufa balleese garagalchu malate. Ammo nu Waaqa keenna kad'anne, halkani guyya nama worra suni nuraa eegu tolchine. Worri Yuda sirba kana baase sirbe: Ulfinna baane ufi laafimne, huuri ya guddate nu dabsate, akami dandeenne naabo jaara? Nyaapi keenna waan jed'e, Haga nu jiddu worra buune worra balleesine huji ejachimnuti, worri woma arge inhubatu. Hojja ch'ufa Yahudiini nyaapa keennani woliini teetu d'ufte, mala worri nuti d'aatu nuti himti. Tanaafi anini goraadeefi woraanafi t'iya biyyaa kenne, worra worraani naabo duuba d'aabe, Fulla inhobaini ch'ufa duuba ejaanja, nama eega, jed'eeni. Anini aka biyyiti mudamte arge jennaani, waan worraafi jaaroleefi gugurda worratiini jed'e, Nyaapa keenna ind'eetina. Qaabad'a, aka AABBO Waaqi ireefi jabeenna qabu; gosa teesanifi ilmaani teesanifi nad'eeni teesanifi olla keesanii jed'a, nyaapa had'a. Nyaapi keenna aka nu mala worraa beekanne d'agaye, akanaani aka Waaqi mala worra balleese arge. Duuba nuni ch'ufti deebine naabo jaarre. Guyya suni asi jari kiyya hagi toko hojate, kaani d'ibiini miha lola naqate woraanafi wonteefi t'iyale qabate worra eege. Ammalle jaaroleeni teennaleeni worra naabo ijaaru bira ejaanjite garaa jabeesite. Nami waan manaani jaarani baatuleeni ch'ufti, harka tokooni wobaate, kaanini woraana baata; ammalle nami wo jaaruleeni ch'ufti goraade hid'aanati hid'ate. Namichi hojja lola magalata d'auleeni naa bira eja. Anini waan biyyaafi worra gugurdafi jaaroleeni jed'e, Hujiini tunini guddo, yayu woli nu hanqifte fulla fullati gargari nu baafte. Yo magalata d'ageetani, fulla magalata suni d'aani koota, Waaqa keennati nyaapa nuraa had'a. Duuba akanaani guyya ch'ufa, haguma ganama lafti barite haga galgala urjini baatu, nami keenna hagi toko naabo jaare, kaani woraana guurate lafa eege. Bara suni waan anini biyyaani jed'e, Jari gugurdafi hojattuuni worraleeni ha dira Yerusalemu keesa bulaniti, aka nu halkani dira eenne guyyale hojannu. Anaafi wahela kiyyafi hojattu tiyyaafi nami na eeguleeni takaa fulla bultileti woya imbaafanne, nu ch'ufti woraana keenna qabanne bullaani. Eegi suni nami hedduni, d'iirafi nad'eenileni, gosa isani ta Yahuditi gungumani, waan jed'ani, Nu ilmaani heddu qamna, mid'aani nu gaha nuu keenna, duu nu d'owa. Ammo nami garileeni waan jed'e, Nu oobru teenna ta mid'aanitifi ta zabibutifi maneeni teennale qabdo keenna, aka mid'aani arganne sunini duu ufi d'owarru. Ammalle jari d'ibileeni waan jed'e, Nu gati fuune, gibira oobru teenna ta mid'aanitifi ta zabibu hayyu baamna. Nu ch'ufti gosa taka, ijoolleeni teennaleeni oboleyaani, ka nu amma ijoolle teenna tisse tolchinu. Ammalle dubra teenna haga toko yayu gurgurani tisse tolchani. Oobru teenna ch'ufa yayu nami d'ibiini nuraa fud'ate, tanaafi amma nu waan taanu inqamnu. Anini gungumsu suni d'agaye jennaani guddo dallane, mala d'ae, jaaroleefi worra gugurdale, wolti yaame, Isani ya oboleyaani teesani dabsitani jed'eeni. Jennaani kora iti baase, waan jed'e, Qara haga dandeennu oboleyaani teenna ta Yahudi, ta nyaapati ufi gurgurte, hori baamne deebimne, ammo isani amma tana, oboleyaani teesani dabsitani yo, worra isaniti ufi gurguru bitattani! Jaaroleeni taani waan jettu d'abde, akanumati afaani qabate teteete. Jennaani anini waan jed'eeni, wonti isani tolchitani sunini diqole dansaniti! Sila Waaqa sodaatani waan dansa tahu maltani. Yo akasi taatani nyaapi keenna, ka gosa d'ibi, waan nu goyeesuuni inqabu. Anini yayu mid'aanifi beesele biyya gati kenne, waheli kiyyafi hojattuuni tiyyaleeni akasuma tolchite. Amma waan taanu, nu gati suni imbarbaannu. Isanileeni gati worra iraa qabdani imbaarbadina lakisa, beese taanaani mid'aani taanaani, daad'ifi d'ad'ale taanaani. Amuma tana oobru mid'aanitifi ta zabibutifi ta ejersatifi maneenile deebisa! Jennaani jaaroleeni waan nani jette, Nu dubbi tante la ee jenne, waan suni ch'ufa deebimne gatile worraa lakimna. Duuba anini qaalole yaame, jaarole suni qaalole durati kakhachiise, aka worri dubbi suni hegeri imormanne. Jennaani anini woya hid'aanati marad'u taani hikhad'e, hargufe waan jed'e, Waaqi isani nama kakhu tana inguunne ch'ufa ha akanuma hargufuti. Waaqi maneeni teesanifi waan isani qabdani ch'ufa ha isani iraa fuud'e, duwa isani teesisuti. Nami achi jiru ch'ufti Amini jed'e AABBO Waaqa faarse. Duuba jaaroleleeni kakhu suni guute. Ganna kud'ani lamaani anini gudda lafa Yuda tahe kana ch'ufa, haguma ganna diddameeso ka Artashartani lafa mohate, haga ganna Sodomi lameeso ka mootuma isa, anaafi nami fiit'a tiyyaleeni taka waan sila anini argachu male insooranne. Jari duri na durati gudda lafa suni tahe ch'ufti biyya dabse, guyya ch'ufa qarsi afurtamatiifi daad'ifi sagale ira guurata. Hojattuuni worraleeni biyya dabsite, ammo anini maro Waaqa sodaad'eefi akasi intolchine. Anini iti jabaad'e, naabo suni jaare, waan nafa kiyya ka sila horad'u yaalabahe, hojattuuni tiyyaleeni ch'ufti hujuma suni hojatte. Anini guyya ch'ufa nama Yahuditiifi jaarole worrale ch'ufa nama gosa d'ibi ka lafa d'aatuti d'ufe malele nama d'ibbaafi shantama gololcha. Guyya ch'ufa anini sanga tokofi hooliye gagabbo jaafi luku heddu qale biyya nyaachise, guyya kud'ani ch'ufa keesa daad'i gorjo muumme inqamne biyyaani gololche. Ammo anini gaargala biyyiti qabdu imbeekha, tanaafi anini sagale sila namichi guddaani argachu male imbarbaanne. Ee Waaqa kiyya, anini si kad'ad'a, waan dansa anini worra kana tolche kana, jed'i na qaabad'i. Sanbalatifi Tobiafi Geshemufi jari nyaapa keenna kaani ch'ufti aka nu naabo jaare fulla ch'ufa duuchine huji isi ch'ufa hobaamne d'agaye. Ammo taatule balbala Fullo keesa innanne. Jennaani Sanbalatifi Geshemuni qonqo nati ergani waan nani jed'ani, kooti, olla toko ka diida Ono keesati woli argina. Ammo worri sobe na balleesu fed'e. Anileeni qonqo worrati erge waan jed'eeni, Anini huji jabdu harkaa qaba, aka achi d'ufu inqabu. Anini agarta teesani jed'e huji tiyya illakisu. Worri maro afuri qonquma suni nati erge, aninileeni qonquma suni worraa deebise. Jennaani Sanbalatini hojattu isa maro shaneeso tatabe inch'ufinini nati erge. Tatabe suni keesati akana t'aafani: Geshemuni waan nani jed'e, gochiti d'ibiini waan jettu, Nehemiafi gochiti Yahudi aka finna hayyu kana diddu mala d'aachu jirti, tanaafi worri tae naabo jaara. Ammalle waan jed'ani, Nehemiani hayyu ufi tolchu fed'e, tanaafi inni raagoota Yerusalemu keesati isa lalabde hayyu Yuda tolchitu fohate. Jecha kana hayyuuni inuma d'agaya, tanaafi kooti, mala woliini d'oomna. Anini qonqo iti erge waan jed'eeni. Wonti atini jette suni ch'ufti d'ara, woma atini herega keetiini baafte ch'alla. Worri nu sodaachise, huji ejachisu fed'afi akasi taha. Ammo anini Waaqa kad'ad'e waan jed'e, Ee Waaqa, na jabeesi! Gaafasi anini kae mana Shemaya, ilma Delaya, ka ilma Mehetabeli, ka dandae mana ufi keesaa imbaane d'aqe. Jennaani inni waan nani jed'e, Anaafi sii yaane, Mana Waaqa keesati d'okhanne balbala ch'umna, wonti akanatiifi worri halkaniini d'ufe si ijeesa. Anini waan jed'eeni, Anini nama wo baqate d'okhatuniti d'iira aka kiyya tana Mana Waaqati baqachaani infakati? Anini Mana Waaqati imbaqad'u, akasi naa infakatu. Anini waan kana herege jennaani, aka Waaqi Shemayani indubbatini, ammo Tobiafi Sanbalatini isa gumbo nyaachisani akasi dubbisani arge. Woni worri gumbo isa nyaachisefi, aka na sodaachisani, ch'ubbu keesa na buusani akanaani na ch'eersani gurra na balleesani. Anini Waaqa kad'ad'e waan jed'e, Ee Waaqa, waan Tobiafi Sanbalatini tolchani qaabad'i — worra balleesi. Ammalle niiti Nodia jed'anifi raagoota na naasisu feete taanile akasuma tolchi. Guyya shantami lama hojattani, guyya diddami shaneeso ka jia Eluli jed'ani huji ijaarsa naabo hobaasani. Nyaapi keenna, ka d'aatu teenna jiru kaani, dubbi suni d'ageennaani aka hama ch'eere; wonti akanatiifi nami ch'ufti, aka hujiini suni qarqaarsa Waaqatini hobaate, ya beekhe. Bara suni ch'ufa jaaroleeni Yahuditiifi Tobiani tatabe wolti ergani. Nami Yuda hedduni gama Tobia jira, waan inni dubra Shekani, ka ilma Ara, ka gosa Yahudi, fuud'eefi. Tana malele, ilmi isaa Yehohanani dubra Meshulamu, ilma Berekia, fuud'e. Biyyiti dansuma Tobia nati haasofte, waan ani jed'e ch'ufa isati haasofte. Duuba inni tatabe naani sodaachisu nati t'aafe. Amma eegi naabo jaarani hobaasani balbalale ch'ufa iti mid'aasani worra Mana Waaqa eegufi Sirbitufi worra Lawile huji worra iti kennani, anini jara kana lamaani fohad'e gudda dira Yerusalemu tolche — oboleesa kiyya Hananifi Hanania ka askarti mana jajaba keesa teetu iti mataa. Hananiani jara kaani ira nama d'uga, ka Waaqa sodaatu. Anini waan worraani jed'e Balbala Yerusalemu tokole imbanina, haga aduuni gubba d'uftuti. Ammalle haga nami dira eegu ch'ufti achi jiru balbala naqatooni ch'ufa. Ammalle worra Yerusalemu keesaa nama fohad'a, nama ch'ufa huji inni hojatu iti qooda, d'aatu mana isaani taanaani, yokhaani fulla d'ibile taanaani. Yerusalemuni dira gudda, ammo nami keesa tau diqa, ammalle maneeni hedduleeni ta haga isiini ch'ach'abt'e jaaranileeni injirtu. Waaqi herega kana garaa keesa na kaye, anini biyyaafi jaaroleefi worra gugurda wolti yaame, d'aloota worra gula maqa worraa t'aafe. Anini kitaaba keesa barbaade, maqa worra qara eegi boojiani gale, arge: Worri boojiani hedduni lafa Babiloniti bahe Yerusalemufi Yuda d'ufe namu dira ufiti gale. Worri isaani haguma Nebukadrezani duri boojie lafuma Babiloni keesa taa. Jaaroleeni worraa tana: Zerubabeli, Yoshua, Nehemia, Azaria, Raamia, Nahamani, Mordekai, Bilshani, Misperethi, Bigwai, Nehumu, Baana. Nami balbala worra Mana Waaqa eegufi ka hojattu Solomoni, ka achi gale, wolti nama 392. Namichi guddaani Yahudi waan worraani jed'e, sagale Waaqa baasani inyaatina, haga qaalluuni Urimufi Thumimuni wohimu d'ufuti. Qaaloleefi worra Lawitifi worra Mana Waaqa eegufi sirbitufi hojattu Mana Waaqatifi gumiini Israeli ta iraa hafte taani hedduni dira ufiti qubate. Ato jii torbeeso ingahiini nami Israeli ch'ufti dira ufiitini bahe iti qubate. Guyya qara ka jia torbeeso worri ch'ufti Yerusalemu keesa fulla Fullo Bisaaniti wolti bahe. Duuba qaallicha Ezra jed'ani, ka waan Seera Waaqa, ka AABBO Waaqi Musani worra Israeliiti kenne, beekhu yaamani, Kitaaba Seera nuu fuud'i jed'aniini. Jennaani inni kitaaba suni fulla gumiini iti baatu sunitini d'ufe — d'iira, nad'eeni, ijoolle gugurdo wohubatu. Duuba achiti Fulla Fullo Bisaani, ta biyyiti woltibaateti, inni Seera haguma ganama iti keeyate guyya guddati d'aabe worraa soome, nami ch'ufti aka dansa qalbi tokooni ch'aqase. Ezrani waan mukhaani mid'aasani, ka guyya suni jed'ani jaarani, gubba eja. Jari kuninileeni mirga isa ejaanja: Matithia, Shema, Anaya, Uria, Hilkia, Maaseya; jari kunileeni bita isaa ejaanja: Pedaya, Misaeli, Malkia, Hashumu, Hashbadani, Zekaria, Meshulamu. Ato Ezrani waan jaarani kaani gubba biyya dura eju, biyyiti ch'ufti ila iti qabde isa ilaalte, inni kitaaba bane jennaani nami ch'ufti olkakae. Ezrani waan jed'e, AABBO Waaqa gudda ha faarsani! Jennaani gumiini ch'ufti harka olfud'ate waan jette, Amini! Amini! Duuba jilbifatani gajed'ani addaani lafa tuqani Waaqa kad'atani. Jennaani olkakaani, fulla ufi ejaanjani, worri Lawi kunini waan Seera worra barsiise: Yeshua, Bani, Sherebia, Yamini, Akubu, Shabethai, Hodai, Maaseya, Kelita, Azaria, Yozabadi, Hanani, Pelaya. Kitaaba Seera Waaqa soomani, dubbi isaa biyyaa garagalchani barsiisani hubachiisani. Biyyiti waan Seeri jed'u d'ageennaani laalefate boote. Duuba namicha gudda Nehemia jed'anifi, qaallicha Ezra jed'ani, ka waan Seera beekhufi, worri Lawi ka dubbi Seera Waaqa nama barsiisu waan biyyaani jed'ani, guyyaani kunini AABBO Waaqa keesani guyya qulqullo, tanaafi lalefattani imbohina. Amma beena gala jila tolfad'a, daad'ifi sagale d'ad'a qabdu soorad'a, nama inqamnelee keenna. Guyyaani kunini Aabbo Waaqa keenna qulqullo, tanaafi ilaalefatina. Gammadi AABBO Waaqi isanii kennu isani jabeesa. Worri Lawi biyya keesa yae waan jed'eeni, ch'allisa laalefatani imbohina guyyaani kunini qulqullo. Duuba biyyiti ch'ufti kaate, worra ufiti galte, nyaate d'udde, waan qabdu woliini geete, waan worri dubbi soomanifi taani ch'ufa hubateefi. Boriyyaate jari balbala gosati mataa qaaloleefi worra Lawi woliini, gara Ezra dubbi Seera barachu d'aqani. Jennaani Seera AABBO Waaqi Musani namaa kenne keesati, aka jia torbeeso keesa worri Israeli hoosati gale jila tolfatu, argani. Tanaafi worri qonqo tana Yerusalemufi dira d'ibi ch'ufa keesa erge: Gaareeni d'aqa, dameele ejersa fa, ta dambi fa, ta meet'i fa, yokhaani mukha d'ibi obeensa qabu ch'ira, akuma Seera keesa t'aafani gula hoosani jaara. Jennaani biyyiti dameele ch'irte, mana worra gubbafi d'aatu mana worraatifi d'aatu Mana Waaqatifi ballinna d'aatu fulla Fullo Bisaanitiifi ka fulla Fullo Efraimuti hoosa jaarte. Worri Eegi boojiani gale kaani ch'ufti hoosa jaare keesa qubate. Jila suni taka haga bara Yoshua ilma Nuniti asi akasi intolfanne, duuba guyya suni guddo gammadani. Haguma jila qarati iti keeyatani guyya hobaati jilati d'aabani, Seera suni ch'ufa biyyaa soomani. Guyya torba jila tolfatani, guyya saddeeteeso, akuma Seeri jed'u wolti bahani jila suni hobaasani. Haga saatti Sadii Seera Aabbo Waaqa isaani worraa soomani, ammalle saatti sadi d'ibile daba isaani himatani AABBO Waaqa isaani kad'atani. Waan jaarani, ka worri Lawi ira ejaanjuti jira, waan suni ira Yeshuafi Kadrielifi Banifi Shebaniafi Sherebiafi Bunifi Banifi Kenaaniti ejaanje lalabe AABBO Waaqa isaani kad'ata. Jari Lawi kunini Yeshua, Kadmieli, Bani, Hashabneya, Sherebia, Hodia, Shebaniafi Pethahiyaleeni waan biyyaani jed'ani: Olkakaa, AABBO Waaqa keesani haga jiru jireenna faarsa! Nami ch'ufti ha maqa isa gudda faarsu, ato faaruni isa geetu jiraachu baatele. Jennaani worri Israeli kad'acha tana kad'ate: Ee AABBO si ch'allati AABBO Waaqa; nami gubbafi urjile uume siuma. Atini lafafi baariinifi waan keesaa jira ch'ufa uumte jireesite wonti gubba jira ch'ufti gajette si kad'ati. Siumati, AABBO Waaqa, Abramu fohate, dira Uri, ka lafa Kaldayo, keesaa baafte. Maqa isa jijirte, Abrahamu baafte. Atini aka inni si sodaatu agarte wold'aqisa isa woliini tolfate. Atini isati kakhate, lafa Kanaanitiifi ta Hititifi ta Amoritifi ta Perizitiifi ta Yebusitifi ta Gergishile, siifi d'aloota keeti keenna jetteeni. Waan atini abba d'ugaatifi, kakhu tante guute. Atini gaargala ababoota teenna lafa Misiriti agarte boha worra galaana Diimati d'ageete. Atini waan mama Faraofi hojattu isaatiifi nama lafa isaa ch'ufa durati tolchite, wonti akanatiifi atini, aka worri gumi tante dabse, beeta. Gurri atini gaafasi baafate arrale inuma jira. Atini bisaani galaana gargari qoode, kara gumi teeti tolchite lafa goddu ira taakisiifte; jari gumi suni reebe d'immu bisaani lit'e, d'akhaa galaana diima keesa buu fakaate. Atini guyya baaldo duumansa fakaate worra dura deemte, ammalle halkani goola ibidatini kara worraa ifsite. Gaara Sinaiti atini gubbaa gabuute, gumi tanteeti dubbate Seerafi barsiisafi aada dansaafi ta d'uga kenniteefi. Atini aada Sabato qulqullo worra barsiifte, hojattu tante Musani aadaafi Seera worraa kennite. Worri beelae jennaani qit'a gubbaa buufteefi, worri d'eebonnaani; bisaani d'akha keesaa baafteefi. Atini beena, lafa duri anini isanii kakhad'e fud'ad'a worraani jette. Ammo ababooti teenna kiyyibde, mata guddifate Seera kanke guutu didde. Worri waan atini tolchiteefi ch'ufa ded'e, Seera kanke guutu dide, waan mama ka atini tolchite ch'ufa wollaale. Ammalle, kiyyibe nama gudda ka tissooma lafa Misiriti worra deebisu tolfate; ammo atini Waaqa namaa araaramu, ka eebaafi naasu qabu, ka hure indallanne. Jaalalti tante guddo, tanaafi atini worra illakisini. Worri akheekha korma looni mid'aafate kunini Waaqa lafa Misiri keesaa nu baase jed'e kad'ate! Akanaani guddo si arabse! Ammo atini maro naasuuni tante guddotifi, lafa aloole keesati worra illakime, baaldoni duumansa guyya worra biraa indeemne ammalle gooli ibida ka halkani kara worraa ifsuleeni worra duraa ingore. Atini lubbu tante dansa nama barsiiftu worraa kennite, sagale Manna jed'ani worra nyaachifte bisaani obaafte d'eebu d'owarte. Ganna afurtama, ka worri lafa aloo keesa tae, atini worra qorqorate jabeesite, woyaani worraleeni taka inch'ich'inne, miili worraleeni taka inuranne. Atini lafafi gosa d'aatu worra jirtule harka worrati kennite, keesa qubsiifte. Atini ilmaani heddu aka urji gubba jirtu worraa kennite, lafa ababoota worrati kakhate harka worrati kennite, keesa qubsiifte. Worri lafa Kanaani dabsate, atinileeni gosa lafa suni keesa teetu harka worrati kennite. Atini gumi tante irre worri gosafi hayyoota Kanaani waan fed'uni tolchu kenniteefi. Worri kanke dira jajabaafi lafa dadansaafi maneeni miha dansa qabdufi haroole qara qotanifi mukeeni ejersatifi mukeeni mid'aanitifi, zabibule boojie. Waan fed'ani ch'ufa sooratani gabbatanini, waan dansa atini kenniteefi ch'ufa iraa gammadani. Ammo gumiini tante si lakifte si ch'aqasu didde, Seera kanke dudda iti galte. Worri raagoota worra gorsite, Waaqati deebia worraani jette fit'e. Ammalle worri maro heddu si arabse, tanaafi atini harka nyaapati worra kennite, akasiini nyaapi suni worra mohate. Gaargala ufi keesati worri qarqaarsa si kad'ate, atileeni gubbati worra ch'aqafte. Naasu tante guddooni atini nama harka nyaapa keesa worra baasu ergite. Lafti nagaya taate jennaani worri deebie ch'ubbu tolche, duuba atini ammalle harka nyaapa worrati worra deebifte. Ammo ha taatu, worri ch'ubbu iraa deebie, Nu baasi jed'e si kad'ate jennaani, atini gubbati worra ch'aqafte, naasu tante guddooni worra baafte. Atini, barsiisa tiyya ch'aqasa jette worra gorsite, ammo worri kiyyibe Seera kanke, ka nami jiraatuni, guutu dide. Worri kiyyibe mata d'aabe si jalaa dide. Ganna ch'ufa atini obsite, lubbu teetiini raagooti tante worra gorsite. Ammo taatule worri ch'aqasu dide, tanaafi atini harka gosa d'ibiti worra kennite. Ammo hatuti, atini maro naasuuni tante guddotifi, worra lakifte balleesu dide. Atini Waaqa eebaafi naasu qabu! Ee Waaqa, Waaqa keenna, guddinni kanke waan akami! Jabeenni kanke akami nama naasise nama mudamsiisa! Atini kara d'ugaatini kakhu duri nu kakhate ch'ufa guuta. Haguma duri bara hayyooti Ashuru nu dabsite haga arrale, nu akasuma gaargala qamna! Hayyootafi jaaroleefi qaaloleefi raagootafi ababootafi gumiini teennaleeni ch'ufti la guddo gaargalte; gaargala keenna gudda suni qaabad'i! Atini d'uga qabda, ka gaargala nutiini d'ufte; ato nu ch'ubbu tolchinele, atini d'uga ch'alla gula deemte. Ababootafi hayyootafi jaaroleefi qaaloleeni teenna Seera kanke guute jechaafi gorsa kanke inch'aqamne. Eeba tanteetiini hayyooti gumi tante fidde, gaafa worri lafa ballo dansa atini worraa kennite keesa tau; ammo worri ch'ubbu iraa deebie si hojachu dide. Amma lafuma dansa sagale nu baaftu, ta atini nuu kennite tana keesati, tisse taane. Wonti lafti tuni sila nuu baaftu ch'ufti hayyoota atini maro ch'ubbu teennatifi nu mohachifte baati. Worri nuufi hori keennale ch'ufa womfed'u tolcha, tanaafi nu amma gaargala hama keesa jira! Maro waan tahe kana ch'ufaatifi nu worri Israeli amma kakhanne kakhu suni t'aafna, jaaroleefi worra Lawitifi qaaloleeni teennaleeni beesisa ufii ira keeyatte. Nami qara beesisa suni ira keeyate namicha gudda Nehemia ilma Hekalia jed'ani, isa gula Zedekiyati keeyate. Duuba eege jari kuni d'ibileeni keeyate: Nu, worri Israeli, qaaloleefi worra Lawitifi worra Mana Waaqa eegufi sirbitufi, hojattu Mana Waaqatifi nami kaani d'ibiini ch'ufti, ka Seera Waaqa gula gosa d'ibi ta lafa teenna keesa teetu keesaa ufi baamne, nuufi nad'eeni teennafi ilmaani teenna gugurdoleni, jaarole teenna woliini, inkakhanna aka, hojja nu kakhu suni ch'absine abaarsa argannu. Kakhuuni suni tana: aka nu Seera Waaqi Musani nuu kenne jalati bullu. Ammalle aka nu waan AABBO Waaqi guddaani keenna nu barsiisu guunnu; ammalle aka nu seerafi waan inni fed'u ch'ufa jabeesinu. Nu nama gosa d'ibi, ka lafa teenna keesa tauni, woli infuunu. Hojja worri gosa d'ibi mid'aanifi waan d'ibile guyya Sabatotifi guyya jila deebie nu gurgure, nu iraa imbinnu. Ganna torbeeso ch'ufa lafa qotu lakimne, nama gati teenna qabule ch'ufa yaala baanafi. Ganna ch'ufa nuuni ch'ufti qarsi huji Mana Waaqati baasu malani baamna. Wonti nu huji Mana Waaqati baamnu tana: Qit'a Waaqaa baasani, mid'aani guyya ch'ufa Waaqaa baasani, hori gubani Waaqaa baasani, waan guyya Sabatotifi guyya jila baatitifi jila d'ibile baasanifi ammalle waan qulqullo d'ibi baasanifi, sorio daba Israelitini baasanifi waan d'ibi Mana Waaqati baasani ch'ufa. Nu, gumifi qaaloleefi worri Lawileeni, ganna ch'ufa hit'aa buufanne balbala gosa ta qoraani sorio AABBO Waaqa keennatiini gubani ch'absitu akasiini fohanna, akuma Seera keesati t'aafani gula. Nu ganna ch'ufa mid'aani qara muranifi mid'aani mukeeni teenna baaftu ka qara bilchaatu, Mana Waaqa geesina. Ilma angafa ka nuu d'alatu ch'ufa Mana Waaqa geesine qaaloleetini d'umna, aada seera keesati t'aafani gula. Ammalle nu watiyefi ilmoole ree, ta qara d'alatu ch'ufa, Waaqaa baamna. Nu mid'aani daakhani bukheesani, ka mid'aani qara muranitifi waan d'ibi baasani, daad'i taanaani, d'ad'a tanaani, mid'aani gosa heddu ka mukha taanaanile, ganna ch'ufa Mana Waaqati geesine qaaloleeti kennina. Ammalle qooda mid'aani oobruuni teenna baaftu, ka nu baasu male, worra Lawi ka qooda mid'aani olla keenna guuruti kennina. Qaaloleeni d'aloota Haruni worra Lawi, hojja qooda mid'aani guurani woliini jiraachu malte. Ammalle worri Lawi qooda guuru suni kud'ani keesa qooda toko ha mana keesa fulla woi olkayaniti geesu, aka Mana Waaqatini hojattani. Worra Israelitiifi worri Lawi mid'aanifi daad'ifi d'ad'a baasani ch'ufa ha mana keesati woi olkayaniti geesuti, fulla miha Mana Waaqa iti olkayanifi fulla qaaloleefi jara Mana Waaqa eegufi sirbituleni iti galtu. Nu Mana Waaqa keenna haga jiru illakimnuu. Jaarole Yerusalemu qubateefi gumiini taani, hit'aa buufate mana kud'ani keesa mana toko ka godaane dira qulqullo Yerusalemu qubatu fohate, ka maneeni hafte taani dira d'ibi keesa qubattu. Biyyiti nama ufi baase Yerusalemuti godaane ch'ufa eebifte. Dira kaani ch'ufa keesa, worra Israelitiifi qaaloleefi worra Lawitifi worra huji Mana Waaqa hojattufi worri d'aloota hojattu Solomonileeni dira ufi keesa woma ufiitini bula. Kunini maqa jaarole gugurdo, ta worra Yuda, ta Yerusalemu keesa teetu: Jara gosa Yuda: Athaya, ilma Uzia Uziani ka Zekaria, Zekariani ka Amaria, Amariani ka Shefatia, Shefatiani ka Mahalaleli, Mahalaleliini ka Peresi, Peresini ka Yuda. Maaseya, ilma Baaruki, Baarukini ka Kolohoze, Kolohozeni ka Hazaya, Hazayani ka Adaya, Adayani ka Yoyaribu, Yoyaribuni ka Zekaria, Zekariani ka Shela, Shelani ka Yuda. Worri d'aloota Perezi, nami Yerusalemu keesa tau, nama 468 ka ch'ufti nama jajaba. Jara gosa Benjamini: Salu, ilma Meshulamu, Meshulamuni ka Yoedi, Yoedini ka Pedaya, Pedayaani ka Kolaya, Kolayani ka Maaseya, Maaseyani ka Ithieli, Ithielini ka Yeshaya. Gabaifi Salaini fiit'a Saluti. Nami gosa Benjamini, ka Yerusalemu keesa tau ch'ufti wolti nama 928. Yoelini, ilmi Zikri, gudda worrati, ammalle Yudaani, ilmi Hassenua, nama gudda dira suniti aanu. Qaalole: Yedaya, ilma Yoyaributifi Yakini. Serayaani ilma Helkia, Hilkiani ka Meshulamu, Meshulamuni ka Sadoki, Sadokini ka Merayothi, Merayothini ka Ahitubu, Ahitubuni suni qaallicha gudda. Nami balbala tana, ka Mana Waaqa keesa hojatte, nama 822. Adayani, ilma Yorohamu, Yorohamuni ka Pelalia, Pelaliani ka Amzi, Amzini ka Zekaria, Zekariani ka Pashuri, Pashurini ka Malkia. Nami balbala worra kanati mataa ch'ufti wolti 242. Maasaini ilma Azareli, Azarelini ka Azai, Azaini ka Meshilemothi, Meshilemothini ka Imeri. Nami balbala tana jajabaani nama d'ibbaafi diddami saddeeti. Guddaani worra Zabdieli, ka ilma Hagedolimu. Worra Lawi: Shemaya ilma Hashubu; Hashubuni ka Azrikamu, Azrikamuni ka Hashabia, Hashabiani ka Buni. Shabethaifi Yozabadini worra Lawi gugurda ka huji Mana Waaqa ta ala, harkaa qabu. Mataniani ilma Mika, Mikaani ka Zabdi, Zabdini ka Asafu. Inni nama sirbitu Mana Waaqa, ta sirba galata Waaqa deebisanini sirbituti mataa. Bakbukia, ka Matania qarqaaru. Ammalle Abda ilma Shamua, Shamuani ka Galali, Galalini ka Yeduthuni. Nami gosa Lawi, ka dira qulqullo Yerusalemu keesa tau, nama 284. Jara Mana Waaqa eegu: Akubu, Talmoni, worraafi fiit'aani worraa wolti nama 172. Worra Israeli kaani ch'ufafi qaaloleefi worri Lawi ka hafe dira Yuda keesa mana ufiti gale. Jari Mana Waaqa hojattu Yerusalemu keesa moga ofeli qubata, nami gudda worraleeni Sihaafi Gishpa. Guddaani, worra Lawi ka Yerusalemu keesa tau, Uzi ilma Baani, ka ilma Hashatia, ka ilma Matania, ka ilma Mika. Inni balbala gosa, Asafu, ta huji sirba Mana Waaqa harkaa qabdu. Ammalle seera sirba ka hayyuuni baaseti jira ka balbalti worra faro farooni Mana Waaqa keesati sirbitu. Pethahiyani, ilmi Meshezabeli, ka balbala Zeraka, gosa Yuda, gumi worra Israeli hayyu durati dubbi dubbataafi. Biyyiti hedduni dira ufi keesa d'aatu oobru ufi teete. Worri gosa Yuda Kiriathi Arbaafi Debonifi. Yekabzeelifi ollowaani d'aatu jirtu keesa taa. Ammalle worri dira Yeshua, Molada, Beth-Peleti, Hazar-Shali, Bethshebafi ollowaani d'aatu jirtu keesa taa. Ammalle worri dira Ziklagifi Mekonafi ollowaani isaatiifi Enrimonifi Sorafi Yarmuthifi. Zanoafi Adulamufi ollowaani d'aatu dira kana jirtule keesa taa. Ammalle worri Lakishifi oobru d'aatu dira suni jirtuufi Azekafi ollowaani isaa keesa taa. Akasi jechaani worri Yuda lafa Beersheba ta bitatifi bale Hinomu ta mirga jiddu tae. Worri gosa Benjamini dira kana keesa taa: Geba, Mikimashi, Aya, Bethelifi ollowaani d'aatu jirtu, Anathothi Nobu, Anania, Hazuri, Rama, Gitaimu, Hagidi, Seboimu, Nebalati, Lodi, Onofi Bale Ogeeyi. Worra Lawi ka gari, ka qara lafa Yuda keesa tau, Godaansisani, lafa Benjamini qubsisani. Kunini maqa qaaloleetifi ka worra Lawi, ka Zerubabeli, ilma Shealthielitifi qaallicha gudda Yoshua jed'ani woliini, lafa iti boojiani keesaa gale: Worra Lawi: Jari sirba galatani deebisani iti mataa kana: Yeshua, Binui, Kadmieli, Sherebia, Yuda, Matania. Nami worrati fuula deefate sirbu worra kana: Bakbukia, Unofi worra Lawi d'ibi. Yoshuani abba Yoyakimu; Yoyakimuni abba Eliashibu, Eliashibuni abba Yoiyada, Yoiyadani abba Yonathani, Yonathani abba Yadua. Waan nama worra Lawitifi ka qaaloleeti mata ka t'aafani, olkayani. Nami gaafasi qaalole gugurdo worraa kana: Eliashibu, Yoyada, Yonathani, Yadua. Waan kana, gaafa Darioni hayyu Ajemi t'aafani hobaasani. Ammo jara worra Lawiti mataa kitaaba waan qaalole keesati t'aafaniti t'aafani; wonti t'aafani suni bara Yonathani akhaakhu Eliashibu muumme baate bara d'ibiti intaakimne. Worra Lawi huji iti qoodani Hashabiafi Shenebiafi Yeshuafi Benufi, Kamieli gudda iti tolchani, Aada duri namichi Waaqa Daudini biyyaa kenne gula. Jara fulla fullati qoodani suni qoodi lamaani maro maroti Waaqa faarse galata deebisaafi. Jari Mana Waaqa eegu, ka worra mana wo iti olkayani, ka d'aatu Fullo Mana Waaqa jiru eeguti mataa, kana: Matania, Bakabukia, Obadia, Meshulamu, Talmoni, Akubu. Jari kunini bara Yoyakimu ilma Yoshua, ka ilma Yosadakitifi bara Nehemia namicha guddatifi bara qaallicha Ezra jed'ani, ka waan Seera guddo beekhu, lafa jira. Gaafa naabo dira Yerusalemu eebisani, worra Lawi ch'ufa fulla worri jiru d'ufaniini, aka worri guyya jila suni sirba galatani deebisani bilbilafi kiraari d'ae sirbu. Sirbituni worra Lawi fulla worri jiru, ta d'aatu Yerusalemutifi d'aatu dira Netofathifi. Beth-Gilgalifi Gebaafi Asmarethi, keesaa wolti d'ufte. Qaaloleefi worri Lawi ufi qulqulleesani, gumifi Fulofi naabo dirale qulqulleesani. Jennaani anini jaarole Yuda naabo suni gubbati wolti yaame, gumi guddo muumme inqamne, ta fulla lama yaate dira sunini marte sirbite galata Waaqaa deebiftu mataa tolche. Gumiini qara mirga qajeelte, naabo gubba gara Fullo Huura yaate. Hoshayani worra duuba deeme, jaaroleeni Yuda hagi toko isa gula yaate. Isale worra balbala isaati iti aana — Shemaya, Azareli, Milalai, Gilalai, Maai, Nethaneli, Yuda, Hanani worri kunini ch'ufti miha sirba ka miha duri hayyu Daudini namichi Waaqa kaani fakaatuni sirba. Namicha Ezra jed'ani ka waan seera beekhu kaaniti gumi tana dura deema. Worri Fullo Maddo gahe jennaani Faano dira Dauditini seenani olkore, mana Daudi bira dabre, gama dira ka ilaborutiini. Naabo fulla Fullo Bisaanitini deebie. Gumiini taani d'ibiini ta sirba galata sirbuti, bita qajeelte naabo guba yaate, anileeni, biyya haga gari woliini faana worraa d'ufe. Nuu Doofi Ibida dabarre Naabo Ballooni baane, artile iti d'aabanne, Fullo Efraimutifi Fullo Yeshanatifi ta Qurt'umitifi Doofi Hananelitifi Doofi d'ibba toko jed'anifi Fullo Hooliyele dabarre, d'aatu Fullo Mana Waaqa geennaani yaasuma keenna lakimne. Akanaani gumiini galata Waaqaa deebiftu taani lamaani fulla Mana Waaqatini baate. Jaarole na woliini jirtu malele, qaaloleeni magalata d'ooftu tunileni na woliini jirti. Eliakimu, Maaseya, Miyamini, Mikaya, Elioenai, Zekaria, Hanania. Ammalle Maaseya, Shemaya, Eleazari, Uzi, Yehihanani, Malkia, Elemu, Ezeri. Sirbituni, ta Yezrahiyani iti mataa, lalabde sirbite. Guyya suni sorio heddu qalani, biyyitileeni guddo gammadde, waan Waaqi worra gammachiisefi. Nad'eenifi ijoolleleeni gammadde, lalabde, sirbite, qonqo worraa fagole d'agayani. Gaafasi fulla waan Mana Waaqati baasani iti olkayani qooda Waaqa baasani taanaani, mid'aani oobrutifi mid'aani mukha ka qara bilchaata ka ganna ch'ufa Waaqaa baasani taanaani, nama eegu ka mataa iti tolchani. Worri suni qooda mid'aani, ka Seera, gula qaaloleefi worra Lawiti baasani, oobru d'aatu diraa jirtu keesaa guure olkayuu male. Worri Yuda ch'ufti waan qaaloleefi worri Lawi tahe ch'ufa iraa gammade, waan worri aada woi qulqulleesanifi aada d'ibi Waaqi worraa kenne ch'ufa guutefi. Sirbituni Mana Waaqatifi jari Mana Waaqa eeguleeni huji ufi, aada duri Daudifi ilmi isaa Solomonini lafaani d'ufe, gula hojate. Haguma bara Dauditifi bara Asafu ka duri kaani asi, aadaani sirbani galata Waaqa deebisani tunini inuma jirti. Bara Zerubabelitifi ka Nehemia, worri Israeli ch'ufti guyya ch'ufa wo baase, waan worri baase sunini sirbitu Mana Waaqatifi jara Mana Waaqa eeguni gololchani. Biyyiti worra Lawiti qooda worraa kennite, worrileeni qooda qaalole qaalolee kenne. Seera Musa lalabani biyyaa soomnaani fulla worri Amonitifi ka Moabu gumi Waaqa seenu himmalle jed'aniini bahani. Wonti akasi jed'anifi worra Amonitifi ka Moabuti duri, gaafa worri Israeli lafa Misiri keesaa bahe, sagaleefi bisaani d'owate, Baalamu beese kenne, kooti, worra Israeli abaari jed'eeni; ammo Waaqi keenna abaarsa suni garagalche eeba tolche. Worri Israeli seera kana d'agaye jennaani nama gosa isaani intahini ch'ufa ufi keesaa baase. Qaallichi Eliashabu jed'ani, ka mana miha Waaqa keesati olkayaniti mataa, Tobiani bara heddu woli jaala. Inni Tobia qarqaare, mana gudda sila waan Waaqaa baasani keesati olkayani kenneefi, wonti baasani qara duri mana suni keesati olkayani tana: mid'aani, hit'aana, miha Mana Waaqa keesani hojattani, waan qaalolee baasani, qooda mid'aanitifi daad'i, d'ad'a ka worra Lawitifi sirbitufi worra Mana Waaqa eeguu baasani. Gaafa mana suni isaa kennani, anini Yerusalemu keesa injiru, wonti akanatiifi ganna sodomi lameeso ka Artashartani lafa Babiloni fide keesa anini gara isa d'aqe. Diqo wo bule jennaani, Yerusalemuti deebiu fed'a, na gadid'iisi jed'eeni. Artini baannaani aka Eliashabuni Mana Waaqa keesa Tobia fulla inni bulu kenneefi arge aka male iraa rifad'e. Guddo dallane miha Tobia ch'ufa mana suni keesaa d'id'imati d'ae. Duuba biyya yaame, Mana kana qulqulleesa, miha Mana Waaqatifi mid'aani Waaqaa baasanifi hit'aanale iti deebisa jed'eeni. Ammalle wonti anini d'agaye, worri Lawitifi sirbituni Mana Waaqa qooda, sila baasanifi kaani d'abde jennaani, namu kae oobru ufiti gale. Anini jaaroleti kae waan jed'eeni, Isani maanifi Mana Waaqa balleesitani akana tolchitani? Duuba worra Lawitifi sirbitu suni Mana Waaqati deebise hojachiise. Jennaani worri Yuda ch'ufti qooda mid'aanitifi daad'ifi d'ad'ale Mana Waaqatini d'ufe. Duuba anini jara kana fohad'e, huji maneeni keesati woi olkayani suni harka isaaniti kenne: Qaallicha Shelemia; Sadoki, ka Seera beekhu; Pedaya, ka gosa Lawi. Nami worra qarqaaruleeni, Hanani, ilma Zakuri, ka ilma Matania. Anini imbeekha, jari kunini nama d'uga, ka qooda kana d'uga gula biyyaa qoodu. Ee Waaqa kiyya, waan anini Mana keeti tolcheefi huji isaa ta anini tolche tana qaabad'i. Bara suni anini worra Yuda ka guyya Sabato zabibu ch'ach'arase mid'aanifi daad'ifi zabibufi odafi waan d'ibile harreleti fae Yerusalemu geesu arge; duuba anini worra gorse waan jed'eeni, guyya Sabato woma ingurgurina. Nami gari ka duri dira Tiroti d'ufe Yerusalemu keesa tau qurt'umifi miha aka heddu diraani d'ufe guyya Sabato worra keennati gurgure. Jennaani anini jaarole Yudati kae waan jed'eeni, woni hamtuni isani tatani guyya Sabato t'ureesitani kunini maani? Ababooti teesani duri akana taate, maro waan sunitifi — Waaqi keenna nu imballeesine? Ammo isani guyya Sabato t'ureesitani dallansu Waaqa hagasile ira nutiini d'uftani. Tanaafi anini seera baase, galgala, hojja ayyaani Sabato, maru ch'ufa balbala diraa ch'ufad'a, haga Sabatoni dabartuti imbanina, biyyaani jed'e. Ammalle anini jara kiyya haga toko fulla fullo ch'ufa kaye, guyya Sabato waan tokole nami armaani oliinseeniini, jabeesa eega jed'eeni. Maro lamafi sadi daldaltuni ta waan aka heddu gurgurtu, halkani gumata naabo dira gama ala bulte. Anini waan worraani jed'e, Isaani maanifi naabo gama bultani? Yo isani iti deebitani, anini isani qaba. Guyya suni asi worri taka iti deebie guyya Sabato ind'umne. Anini waan worra Lawitini jed'e ufi qulqulleesa, beena, balbala eega, aka nami guyya Sabato int'ureesine. Ee Waaqa kiyya, maro waan kanatifi na qaabad'i jaalala tante guddooni badi na d'owi. Bara suni anini, aka nami Yahudi hedduni dubra gosa Ashdoditifi Amonitifi ta Moabu fuud'e d'agaye. Ijoolleeni worraa hedduni afaani Ashdodi yokhaani afaani d'ibi barate afaani keenna wollaalte. Jennaani anini jara suniti kae abaare d'aane, rifeensale ira bubuqise. Duuba anini aka worraafi ijoolleeni worraleeni iti deebite nama gosa dibitini woli infuune, maqa Waaqatini kakhachiise, waan jed'eeni, Nami Solomoni duri ch'ubbu keesa buuse nad'eeni gosa d'ibitiniti? Gosa d'ibi keesa hayyuuni aka isaa tokoleeni injiru, ka Waaqi isa jaalate hayyu worra Israeli ch'ufa isa tolche; ammo inni garagale ch'ubbu akasi suni tolche. Nu amma tana isani gula baane, waan hamtu Waaqa keenna durati tolchine, nad'eeni nyaapaa fuuna re? Yoiyadani ilma qaallicha gudda, Eliashabu, ammo ilmi yoiyada toko dubra Sanbalati, ka worra Beth-Horoni, fuud'e; tanaafi anini isa Yerusalemu keesaa gusse. Ee Waaqa kiyya, aka worri kunini huji qaalomatifi wold'aqisa atini qaaloleefi worra Lawi woliini tolfate t'ureese qaabad'i. Akanaani anini waan gosa teenna aada intahini ch'ufa balleese akasiini gosa teenna qulqulleese qaaloleefi worra Lawi aada worri gula hojachu male garsiise. Anini, qoraani sorioni gubani guyya fed'ani ch'ufa kootani jed'e, ammalle, mid'aani qara bilchaatale biyyaani kootani jed'e. Ee Waaqa, waan anini tolche kana ch'ufa fa fa qabad'i, naa eebisi. Dubbini arma keesati t'aafani bara hayyuuni Ahasuero lafa fide taate. Gaafasi inni lafa d'ibba tokotifi diddami torba, ta lafa Hinditi ejite haga lafa Kushi geetu, mohate. Gaafa suni inni barch'uma ufi ka hayyu ira tae, dira Shushani, ka dira ch'ufa ira gudda keesa. Ganna sadeeso ka hayyuma isaa keesa inni jila guddo tolche, jaallabafi makala ufi ch'ufa wolti yaame. Askartiini ta lafa Ajemitiifi ta lafa Medileeni alati inhamne, ammalle worri gugurdaani ka isa jala hojatuleeni ch'ufti d'ufe. Duuba inni haga jia jaa ch'ufa durooma hayyooma isaatiifi ulfinna guddinna isaa biyya garsiise. Eegi suni hayyuuni jila d'ibi tolche, nama dira Shushani ch'ufa, dureesafi hiyyeesale wolti yaame. Jila suni haga guyya torba, ballinna oobru keesa, d'aatu mana hayyichati tolchani. Ballinna oobru suni utuba d'akha ch'abitiini marsani jaarani, d'akha suni qube qarsi iti naqani, qube suni keesa haada bule luluqisani woliini gahani. Duuba woya adi booftatiifi woya bule woliini makhani irati afani. Arti keesa ch'abifi d'akha diimafi d'akha ch'ululuqafi bule aricha lafati afani, sire worqifi qarsi ira d'ad'aabani. Daad'i muduunu worqi, ta aka akati naqani namaa qoodani, hayyichileeni woma inhambimne, akuma dansaa daad'iini nama quufse. Ammalle inni seera baase waan hojattu isaatini jed'e, Irreeni injirtu, ammo nami ch'ufti haga fed'u ha d'uge quufuuti. Mana hayyu keesaleti hayyitiini Vashti jed'ani akuma suni jila akasi nad'eenii tolchite. Guyya torbeeso ka jila isaa suni, hayyichi daad'i d'uge quufe gammade jennaani d'iira sasangisiisani nama torba ta isaa hojattu, ta Mehumani, Biztha, Harbona, Biftha, Abaftha, Zetharifi Karkasi jed'ani yaame, hayyiti Vashti, ta ruufa hayyooma ufira qabdu na duraani koota jed'e. Hayyitiini suni guddo mid'aadu, duuba hayyichi mid'aaguma isii suni worra gugurdafi keessuma isaa ch'ufa garsiisu fed'e. Ammo hojattuuni, hayyititi akasi himte jennaani isiini gara hayyu d'aqu didde. Wonti suni duuba guddo hayyu dallansiifte. Duuba hayyuuni aada toko qaba; yo waan seeratiifi ka finna hubachu fed'u, worra aada tana beekhu ch'ufa wolti yaame malaani d'aate, gorsa iraa fud'ata. Worri inni d'ugeefate guyya ch'ufa yaame gorsa iraa fud'atu kana: Karshena, Admatha, Shethari, Tarshishi, Meresi, Marsena ammalle Memukani. Worri kunini torbaani lafa Ajemitiifi ta Mediti mataa. Inni waan worra kanaani jed'e, Anini, hayyu Ahasueroni, hojattu tiyya gara hayyiti Vashti erge isi yaame, ammo isiini d'ufu didde! Seeri waan isi tolchu malani maal dubbata? Jennaani Memukaniini waan hayyichafi jaallaboota isaatini jed'e, Hayyiti Vashtiini hayyicha ch'allati iwollaalle, ammo worra gugurda ch'ufafi nama lafa atini fiddu tana keesa jiru ch'ufati wollaalte! Nad'eeni haguma geetunu amma, yo waan hayyitiini si tolchite kana d'ageete ch'ufti d'iirsoole ufii tufate waan jettu, Hayyichi Ahasueroni hayyiti Vashti yaame ammo isiini d'ufu didde. Duuba guyyuma kana nad'eeni worra gugurda ta lafa Ajemitiifi ta Medi keesa jirtu, yo waan hayyitiini taate d'ageetu, d'iirsoole ufiiti haasofti. Nad'eeni fulla ch'ufa d'iirsoota ch'eera foko d'abdeefi d'iirsootileeni iti dallanti. Ee hayyicha, yo sii taate, aka Vashtiini deebite si dura inejinne seera kanke baasi. Ammalle seera kana ha aada lafa Ajemitiifi ta Medi keesati t'aafani, aka deebiani garingalchine. Duuba fulla isii niiti d'ibi ta isi ira ch'eeraafi foko qabdu hayyiti tolchi. Yo seera kanke kana lafa atini fiddu ch'ufa keesati d'agayani, nad'eeni d'iirsoota isiiti saalfatteefi fokifattiifi, ato d'iirsooti dureesa yokhaani hiyyeesa taatele. Hayyichafi worri gugurdaani dubbi tana maache, duuba hayyuuni mala Memukaniini d'aefi gula deebie. Inni lafa inni fidu ch'ufati qonqo erge, ta t'aafifi afaani lafa sunitini qorani, waan jed'e, D'iirti ch'ufti ha nad'eeni ufii mohatte worra ufii fiddu. Eegi wonti ch'ufti dabarte hayyichileeni dallansu galfate, inni waan Vashtiini isa tolchiteefi, seera inni isii jed'e baase qaabate. Duuba hojattuuni isaa ta gari, ta mala isaa d'ooftu, waan jette, Atini, dubra mimid'aadu na barbaada jette ho? Duuba hojattu lafa tante, ta lafa atini fiddu ch'ufa keesa jirtu, qonqo iti ergi, aka worri dubra mimid'aadu barbaade mana kanke ka dubra taka imfuud'iini iti galchani dira gudda Shushani ke jiruuni d'ufu. Duuba dubra suni harka Hegai, namicha sangicha nad'eeni qorqoratuti kenni, aka qumbifi d'ad'ale kennaniifi. Duuba dubra suni keesa intala dansa feetu fuud'i, fulla Vashti hayyiti tolchi. Jennaani hayyichi mala suni quufe gula deebie. Namichi toko, ka Mordekai jed'ani, ka gosa Yahuditi, dira Shushani jira. Balbalti gosa isaa Benjamini, inni ilma Shimei, ka ilma Kishi. Gaafa Nebukadrezani, ka hayyu Babiloni, hayyu Yuda ka Yekonia jed'anifi nama garile woliini Yerusalemu keesaa boojie, Mordekaiini worra boojiani suni keesa jira. Intala dubri isaa toko, ta afaani Ebraniatini Hadasa jed'ani, ta ammo maqaani isii d'ibiini Estati fulla isaa jira. Intalti sunini guddo d'aabafi fuulale mid'aadi. Abbaafi haati doonaani inni isi fuud'e, akuma ilme ufi guddise. Duuba gaafa seera hayyuuni baase kaani lalabani dubra heddu dira Shushaniti guurani, Estaleeni guuriti suni keesa jirti. Isiile harka Hegai, ka dubra suni mana hayyu keesati qorqoratuti kennani. Inni guddo adaba isii jaalate maache, hurrise maro tokotu qumbifi d'ad'afi sagale isii malteefi mana mana ch'ufa ira dansatiifi dubra torba ta isi hojattu file kenneefi. Duuba isiini gorsa Mordekai gula gosafi worra isiile d'ofate. Mordekaiini guyya ch'ufa d'aatu mana dubartii taani keesa jirtu kaaniini mara, aka waan Estani keesa jirtu hubatu. Qayyafi d'ad'a haga ganna toko dubra sunii kennani — haga jia jaa qayya naqanifi ammalle jia jaa d'ibi d'ad'a dibaniifi. Eegi suni dubra suni toko tokooni fuud'ani hayyu Ahasuerotiini d'ufani. Yo isiini toko tokooni mana iti galtu kaani baate gara mana hayyu deemtu, woma feetu keeyatte deemtiini. Isiini galgala gara hayyu deemte, boriyya diirama mana nad'eeni d'ibi, ka Shaashgazi sangichi qorqoratuti galchani. Duuba isiini iti deebite fulla hayyuti indeebitu, yo inni isi jaalate maqa isii d'ae yaame male. Jennaani yoi Estani gara hayyu d'at'u gahe. Estani tunini dubra Abihaili, ka abuyya Mordekai, ka aka ilmaani ufii isi guddise; ammalle nami isi arge ch'ufti isi jaalate. Marooni isii geennaani isiini waan Hegai, sangichi nad'eeni qorqoratu, Keeyad'u jed'eeni ch'alla keeyatte. Duuba jia kud'anneeso ka Tebethi jed'ani, ganna torbeeso ka Ahasueroni lafa fide keesa, isi fuud'ani mana hayyichatini d'ufani. Hayyuuni dubra taani ch'ufa ira isi jaalate. Isiileeni dubra taani ira isa gammachiifte. Inni ruufa hayyuma mata isii ira kaye, fulla Vashti isi hayyiti tolche. Jennaani hayyichi jaallabafi makala isaa ch'ufa yaame, Estaa jed'e, Jila guddo tolche. Inni maro jila sunitifi jed'e, oolma biyyaa kenne, ammalle waan guddo baase wo namaa qoode. Baruma suni hayyichi Mordekai huji qorate. Gorsa Mordekai gula Estani gosafi worra keesaa d'alattele namati himu didde; wonti akanatiifi Estani, akuma gaafa ijoolluma dubbi Mordekai saalfatte gula deemte taani, dubbi isaa gula deemte. Duuba bara Mordekaiini huji hayyuu hojate suni, Bigthanafi Tereshiini, jari balbala hayyuu eegu, hayyicha jibbe ijeecha iti malate. Mordekaiini mala worra d'agaye hayyititi hime, isiini waan Mordekaiini jed'eeni hayyichati himte. Dubbi tana aka dansaa ilaalani, aka isiini d'uga argani, jennaani jara kaani lamaani t'urrisa iti kayani mukhati fannisani. Duuba jecha hayyuu gula dubbi tana ch'ufa kitaaba odu waan duri lafa keesati tahe keesati t'aafaniti t'aafani. Eegi wo bulani hayyichi Ahasueroni nama toko ka Hamani jed'ani guddinna kenneefi nama isaati aanu tolche. Hamaniini suni ilma Hamedatha, ka gosa Agagi. Seera hayyuu gula, nami ch'ufti ka huji isaa keesa jiru jilbifate gadi jed'e Hamani ulfeesa. Nami ch'ufti seera suni guute, ammo Mordekaiini dide. Jennaani hojattuuni hayyuu taani isa gaafatte waan jette, Atini akami seera hayyuu guutu didda? Guyyuma ch'ufa isa gorsani, ammo inni worra d'agayu dide waan jed'e, Anini Yahudi, akasi intolchu. Duuba dubbi tana Hamaniti himani, aka inni waan Mordekaiini tahe kana dandae obsu laalani. Hamaniini aka Mordekaiini jilbifate gadi jed'e isa ulfeesu dide arge, ammalle aka inni gosa Yahudi hubannaani, aka Mordekai ch'alla wo tolchuniti, ammo aka Yahudi, ta lafa hayyuuni fide suni keesa jirtu ch'ufa, qunqume fit'u malate. Ganna kud'ani lameeso ka hayyu Ahasueroni lafa fide, jia qara ka Nisani jed'ani keesa, Hamaniini, Hit'a buufad'a jed'e, aka akasiini guyyaafi jia fakaatu, aka jed'a isaa guutatu beekhu. (Afani Ebraniatini hit'a jechaani Puri jechu.) Duuba hit'aani sunini jia kud'ani lameeso, ka Adari jed'ani, guyya kud'ani sadeeso garsiise. Jennaani Hamaniini waan hayyichaani jed'e, Gosa tokoti jira, lafa atini fiddu keesa, ta arda ch'ufa keesa jirtu. Gosa suni aadaani worraa aada gosa taani ch'ufa iraa gorti. Ammalle worri seera hayyu inguutu, tanaafi atini waan worra suni obsu himmalle. Ee hayyicha, yo sii taate, seera baasi, aka gosa suni ch'ufa fit'ani. Yo atini akasi tolchite anini gama kiyyaani qarsi kilo 340,000 harka worra beese hayyu olkayuti keenna, aka huji hayyu durati deemsisani. Duuba hayyuuni qube isaa ta beesisa baafate, harka Hamani ilma Hamedatha, ka gosa Agagi, ka gosa Yahuditi nyaapati kenne, aka akasiini dubbi t'aafani ergani suni ch'ufa beesisa ira kayani. Hayyichi waan isaani jed'e, Gosafi beese worraale ya sii kennani, waan feetu tolfad'i. Jennaani guyya kud'ani sadeeso, ka jia qara, Hamaniini hojattu hayyuu ta wo t'aaftu wolti yaame, dubbi sila nama ch'ufati himani iti haasae. Dubbi tana t'aafifi afaani gosa gosaa, ta gochiti lafa hayyuuni fidu keesa jirtu dubbatuuni t'aafani, worra gugurda ch'ufa ka hayyu jala hojattuti ergani. Ammalle maqa hayyu Ahasuerotiini ergani, beesisa qube isaa ira kayani. Duuba taatabe harka worra miila sasablati kennani, lafa hayyuuni fidu ch'ufati ergani. Tataabe suni waan jette, Guyya tokoti, guyya kud'ani sadeeso ka jia kud'ani lameeso ka Adari jed'ani, Yahudi ch'ufa, haguma isiini geetuuni, diqafi gudda, nad'eenifi ijoolle ch'ufa, naasu male fit'a, miha worraa ch'ufa saama guurad'a. Dubbi t'aafani tana arda ch'ufa keesati odeesa, aka nami ch'ufti guyya suni durati kurfefatu. Jecha hayyuu gula dubbi tana dira Shushani keesati odeesani, worri miila sasabla orie, arda ch'ufaani gahe. Duuba hayyufi Haminiini tatani farso woliini d'ugani, ammo nami dira Shushani ch'ufti nahe waan tahu wollaale. Mordekaiini waan tolchani kaani ch'ufa hubate jennaani laalefate, woya ufi tarsaase ch'arqi naqate, daara mata dibate, dira keesa deeme iyye bohe. Haga fulla fullo hayyu deeme, ammo waan ch'arqi naqateefi keesa seenu dad'abe. Arda ch'ufa fulla dubbini hayyuu suni geete, Yahudiini ch'ufti wolti baate, guddo laalefatte agabuuni oolte iyyite boote, nami hedduuni ch'arqi naqate daara keesa ch'iifte. Dubra hojattu Estatiifi jari sasangisiisani kaani d'ufe, waan Mordekaiini tahe Estati hime, jennaani isiini guddo laalefatte. Duuba woya Mordekaiti ergite, Ch'arqi baafad'i, woya suni keeyad'i jette, ammo inni dide. Jennaani isiini sangicha isii hojatu toko, ka Hathaki jed'ani, yaamte waan jetteeni, Beeni, gara Mordekai d'aqi waan taheefi waan wonti suni taateefi hubad'i. Hathakiini alati bahe, ballinna dirati, fulla mana hayyuu durati, Mordekaiti d'ufe. Mordekaiini waan ufi tahe ch'ufa iti hime waan jed'e, Hamaniini waan jed'e, Anini beese hagana harka worra beese hayyuu olkeyatu baasa, yo Yahudi ch'ufa fit'ani. Inni ammalle tatabe jecha hayyu irati t'aafani dira Shushani keesati odeesani taani, ta Yahudi ch'ufa fit'a jettu, Hathaki kenne. Ammalle waan jed'eeni, Tataabe tana hayyiti Estati geesi, fulla dubbini suni ejitu iti himi, Gara hayyu d'aqi, naasu gosa teeti kad'ad'i siini jed'ani jed'i iti himi jed'e. Duuba Hathakiini deebie, waan Mordekaiini jed'e ch'ufa Esati hime. Jennaani Estani Hathaki ergite, Beeni, qonqo tana Mordekaiti himi jette. Qonqooni suni tana: Yo nami tokoleeni, d'iirafi uwa taanaani, yaamicha male d'ufe, balbala hayyuu dura eje iti olseene, nama suni ijeesu malani. Seera suni nami imbeenne injiru; worra gugurda isa jala hojatufi ka iraa hafeleeni ch'ufti imbeekha. Karaani nami seera kana jalaa bahuuni toko ch'alla: yo hayyuuni ule isaa ta worqi olqabe, akasiini nama lubbu baasa. Ammo haga bulti sodoma inni taka na iyyaamne. Mordekaiini qonqo Esta d'agaye jennaani qonqo tana iti deebise waan jed'e: Ato mana hayyuu keesa jiraate, waan Yahudi ch'ufa ira jirtu ufi seetele, waan duraa baatu ufi insehiini. Yo atini hojja akana tana ch'alifte afaani qabatte, Yahudiini qarqaarsafi baafamale gara d'ibi argatti; ammo siifi worri keesanileeni imbada. Aka guyya akana kana jed'ani hayyiti si tolchani ennuti beekha? Estani qonqo Mordekai d'ageennaani qonqo deebifte waan jette, Beeni, Yahudi dira Shushani keesa jirtu ch'ufa wolti yaami, maro tiyya jed'a, guyya sadi, halkani guyyale, nyaata d'ugaati lakisa ufi agabsa, Waaqa naa kad'ad'a. Anaafi hojattuuni tiyyaleeni akasuma taana. Eegi suni, ato seeri na d'owele, gara hayyu d'aqa, yo tana jed'e due ha taatuti. Duuba Mordekaiini kae deeme, waan Estani jetteeni ch'ufa tolche. Guyya sadeeso Estani woya hayyiti keeyatte, deemte balbala hayyu keesa fuula barch'uma hayyuti deefatte ejite. Hayyichi fuula isaa balbalati deefate, barch'uma ufii ira mana suni keesa taa. Hayyichi Esta ala ejitu arge jennaani gammade, ule isaa ta worqi isii olqabe. Isiini d'ufte ule taani fiit'e qubaani tut'e. Hayyichi waan jed'eeni, Maani, hayyiti Esta? Maani feeta? Ato lafa anini fidu gama toko feetele anini sii keenna. Estani waan jetteeni, Wonti ani fed'u, yo sii taate, siifi Hamani galgala kana mana kiyya woliini koota sagale nyaad'a. Duuba hayyuuni waan jed'e, Hamani hurrisa gadi yaama, aka waan Estani feetu tolchinu. Jennaani hayyufi Hamaniini sagale Estani mid'aasite nyaachuu d'aqani. Ato daad'i d'ugu jiranu, hayyuuni waan Estani jed'e, Atini maani fed'atta? Maani sii tolcha? Ato lafa anini fidu gama toko taatele sii keenna. Estani waan jette, Wonti ani fed'u ta ani kad'ad'u tana: yo atini na d'ugeefatte, ee hayyicha, ammalle yo sii taate, borile Hamani woliini mana kiyya koota, sagale nyaad'a, hojja suni waan fed'u siti himad'a. Hamaniini, ka gammachu injirre, kae worra biraa deeme; ammo aka Mordekaiini, ka fullo worra hayyutini seenani ke tau, olkae isaa saalfachu dide arge jennaani aka jaba isati dallane. Ammo ufi d'owe gale, jaallowaani isaatiifi niiti isaa ta Zereshi jed'ani yaame. Ufi d'aade waan jed'e, Dureesa aka kiyya lafa tana keesati ingartani. Ilmaani tiyya heddu, hayyuuni ya guddinna naa dare, hojattu isaa taana ch'ufa ira na dabarse. Ammalle inni waan jed'e, Suni malele, hayyiti Estani, nama d'ibi lakifte naafi hayyu ch'alla sagalee yaamte, borile ya nu yaamte. Ammo wonti kunini maal na baati, haga anini Yahudichi Mordekai jed'ani kaani, ka fullo hayyu keesa tau argu? Jennaani niiti isaa Zereshifi jaallowaani isaa waan jetteeni, Mukha d'ed'eera lama, ka d'eerinni d'und'uma shantama, old'aabi, mukha d'ibi ira dagalchi, bori diirama hayyuuni, Mordekai t'urura kayi, irati fannisi jed'iini; duuba hayyu woliini sagale suni gammadaani nyaachu d'aqi. Dubbini tunini Hamani quufsite, akuma jari suni jed'eeni tolche mukha suni old'aabani. Halkani suni hayyuuni rafu dad'abe, duuba nama yaame waan jed'e, Kitaaba lafa tiyya, ta odu waan duri lafa keesati tahe iti t'aafani kootaani, na sooma. Duuba d'ufaniini soomaniifi. Fulla soomani suni keesati aka Mordekaiini duri jara sangoota lamaani kaani, ka fullo hayyicha eegu, hayyu Ahasuero ijeechaa malate jennaani inni hime argani. Jari lamaani suni Bigthanafi Tereshi. Hayyichi, Nu guddinnaafi yokhaani ulfinna akami Mordekai maro waan kanati jenne kennine? jed'e gaafate. Jennaani hojattuuni hayyuu, ta hojja suni achi jirtu, Woma tokole inkennineefi jette. Jennaani hayyuuni waan jed'e, Jari hojattu tiyya gugurdaani nami tokoleeni eentu arma jira? Duuba Hamaniini yo suni ch'ichaani bahe; wonti inni d'ufeefi aka Mordekai mukha mid'aasanifi kaani irati fannisani kad'atu. Jennaani hojattuuni waan hayyuuni jette, Hamaniini ch'ichaa eje si argu fed'a. Hayyuuni waan jed'e, Ha olseenu. Duuba Hamaniini olseennaani hayyichi waan jed'eeni, Nama tokoti jira, ka aka anini ulfeese guddinna kennuufi fed'u. Nama kana maani tolchufi male? Hamaniini garaa ufii keesati herege waan jed'e, Eenu nami hayyichi ulfinna kennuufi fed'u, yo na taate male? Duuba inni waan hayyichaani jed'e, Woya hayyuuni keeyatuuni koota, nama kana uyisa, ammalle farda hayyuuni yaabatuuni koota, ruufale matati mara. Duuba hojattu tante keesa, nama ch'ufa ira jiru toko barbaadi, aka inni woya fuud'e, nama suni uyise, farda yaabachiise dira keesaani deeme lalabe waan jed'u, laala, waan hayyuuni nama ulfinna kennuufi fed'u tolchu! Jennaani hayyichi waan Hamaniini jed'e, Kai, hurrisi, woyaafi farda fuud'i, Mordekai ka gosa Yahudi kaani, akuma jettu kana tolchiifi. Waan atini maqa d'oofte tokole illakisiini, tolchi guutiifi. Inni afaani fullo tana taa, achiti isa agarta. Jennaani Hamaniini woyaafi farda fuud'e, woya taani Mordekai uyiseefi, isa farda ira kae dira keesani deeme lalabe waan jed'e, Laala waan hayyuuni nama ulfinna kennuufi fed'u tolchu! Mordekaiini fulla fullo mana hayyuti deebie, ammo Hamaniini, ka ch'eeri ijeese, woya matati hagogate arifate gale. Inni niiti isaa Zereshifi jaallowaani isaa taani waan tahe ch'ufa iti hime. Jennaani niitifi jaallowaani isaa qaqarooni taani waan jetteeni, Mordekaiini ya guddinna sira argate; inni gosa Yahudi, dandeete isaani imorkitu, inni siuma dabsata. Ato worri tae waan kana haasau, worri sangooti kaani arifate d'ufe, Hamani fuud'ani mana Esta sagale iti yaamani taaniti geesani. Akanaani hayyichafi Hamaniini maro lameeso sagale Esta woliini nyaachu d'aqani. Ato daad'i d'uganu, hayyichi waan hayyitiini jed'e, Atini maani feeta? Maani sii tolcha? Ato lafa anini fidu gama toko feetele siuma keenna. Jennaani hayyitiini Estani waan jette, Yo na d'ugeefatte, ee hayyicha, ammalle yo sii taate, lubbu na baasi, gosa tiyyale jireesi. Anaafi gosa tiyyale ya qalmaa gurgurani. Ato sila aka tisse ch'alla nu tolchani anini afaani qabad'a. Ammo waan nu qaqalani nu hobaasaniifi amma dubbad'a. Jennaani hayyuuni Ahasueroni waan hayyitiini jed'e, Eenu nami waan akana kana tolchu fed'u? Inni meeti? Estani waan jette, Namichi nu gaargalche nyaapa nuti tahe woni dabdicha Hamani jed'ani kana. Jennaani Hamaniini mudame, lubbuuni d'ufte waan tahu d'abe, worra mimilate. Hayyichi dallane, mana keesaa gabahe, oobru isaa seene. Ammo Hamaniini mana keesati hafe, aka lubbu baasani hayyiti Esta kad'atu; wonti akanatiifi aka hayyuuni iti dallane waan hamtu isa tolchu fed'u ya arge. Inni sire Estani ira teetu irati jige, aka bahisa isii kad'atu; ammo hayyichi ato inni siruma ira ch'iisu, oobru keesaa gadeebie, arge iyye waan jed'e, Nami kunini, ato anini bira eju, mana kiyya keesati, niiti tiyya irreeni buufata? Ato hayyuuni dubbuma tana afaani qabu, worri sasangaani kaani d'ufe Hamani woya fuulati hagoge. Worra suni keesa, nami toko ka Harbona jed'ani, waan hayyuuni jed'e, Suni lakisi, beeta, Hamaniini yayu mukha d'und'uma shantama, ka Mordekai, ka lubbu te baase, irati fannisani mid'aase. Mukhi suni amma d'aatu mana isaa eja. Hayyichi waan jed'e, isuma mukha suni irati fannisa! Duuba Hamani mukha inni ufiftu qara Mordekai jed'e mid'aase kaani irati fannisani. jennaani hayyichi dallansu galfate. Guyya suni hayyichi Ahasueroni waan Hamaniini, nyaapa Yahudi, qabu ch'ufa hayyiti Estaa kenne. Estani aka Mordekaiini fiit'a isii hayyichati himte; tana gula Mordekaiini fulla hayyicha d'ufe, hayyichi qube isaa ta beesisa, ta inni Hamani iraa fuud'e, ufiraa baase Mordekaiti kenne, Estaleeni manafi waan Hamaniini qabu ch'ufa harka isaati kennite. Jennaani Estani ammalle hayyu sarbaati jidde boote kad'atte waan jette, Mala hama ka Hamaniini, ka gosa Agagi, Yahuditi malate balleesi hanqisi. Hayyichi ule worqi Estaa olqabe, duuba Estani kaate hayyu dura ejite waan jetteeni, yo sii taate, yo na d'ugeefatte, ammalle yo wonti kunini d'uga sii fakaatte, seera gabaasi, aka dubbi Hamaniini qara jed'e taani tahu d'owartu — dubbini suni tatabe ilmi Hamedatha, ka gosa Agagi, t'aafe, ta Yahudi lafa hayyuuni fidu ch'ufa keesa jirtu fit'a jettu. Anini akami dandae badi gosa tiyya balleesani obsa? Yokhaani anini akami dandae aka fiit'a tiyya balleesani hobaasani obsa? Jennaani hayyuuni Ahasueroni hayyiti Estafi Mordekai, ka gosa Yahudi, waan jed'eeni, Ilaala, anini yayu waan Hamaniini gosa Yahuditi malateefi isa fannise, ammalle waan inni qabu ch'ufa Estaa kenne. Amma waan feetani ch'ufa maqa kiyyaani gosa Yahuditi t'aafa, beesisa qube tiyya ira kaya; wonti akanatiifi seera qara maqa hayyutini t'aafani, ka beesisi qube isaa ira jiru, dandaani imballeesani. Wonti kunini guyya diddami sadeeso, ka jia sadeeso, ka Siwani jed'ani, taate. Guyya suni Mordekaiini worra tatabe hayyu t'aafu wolti yaame, tatabe t'aafsise gara Yahuditiifi hojattu ch'ufa, ta hayyu jala hojattu, ta lafa hayyuuni fidu d'ibbafi diddami torba, ta haga lafa Hinditi ejite lafa Kushiti geetuti erge. Tatabe suni t'aafi aka akatiifi afaani gosa gosatiini t'aafani, arda ch'ufati ergani, ammalle afaanifi t'aafi Yahuditileeni t'aafani ergani. Tatabe suni maqa hayyu Ahasuerotiini t'aafani, beesisa qube isaa ira kayani, duuba teteetuuni fardaa, farda qolcha, gola hayyuu keesati d'alateeni fuute geesite. Woni tatabeeni tunini jettu, Hayyuuni la ee jed'e, aka Yahudiini dira ch'ufa keesa jirtu, woli galte nyaapa ufira d'owartu. Yo gochiti lafa taatefu iti duulte, Yahudiini, yo dandeete, ha nyaapa suni haate nad'eenifi ijoolle isaani woliini, ammalle worra suni, haguma gahu, ha fitt'e hori isaani boojituti. Guyyaani seeri kuni tahu, lafa hayyuuni Ahasueroni fidu ch'ufa keesa, guyya kud'ani sadi, jia kud'ani lama, ka Adari jed'ani, ka qara aka Yahudi fit'ani buufatani. Seera gabaasani suni ha lafa ch'ufa keesa nama beesisani, aka gochiti Yahudi guyya suni durati kurfefatte nyaapa ufii haalo baafattu. Jecha hayyu kana gula, teetuuni fardaa taani fardoole hayyu taani faanoti ejatte, haguma fardi dandau ch'ufa gussite. Seera kana dira gudda, ka Shushani jed'ani, keesale lalabani. Jennaani Mordekaiini, ka woya adiifi bule ta hayyuma ufira qabu, ammalle kooti boofta bule diima keeyate ruufa aka worqi jirtu maratu, hayyu biraa kae iti d'aabate. Worri dira Shushanileeni ch'ufti gammadde iyye lalabe. Yahudiini duuba gaargala keesaa baate gammadde qilit'amte, nama ch'ufa ira ulfinna argatte. Dirafi lafa ch'ufa keesa, fulla seera hayyu lalabani, Yahudiini jila tolfatte nyaate quufte gammadde. Nami lafa suni hedduleeni Yahudi sodaate aada Yahuditi gale. Guyyaani kud'ani sadeeso ka jia Adari jed'ani, ka seeri hayyu guutame nyaapi Yahudi sila worra dabsate mohatu geennaani, Yahudiini dubbi suni hanqifte, garagalte nyaapa ufii kaani dabsatte. Dira lafa hayyichi Ahasueroni fidu ch'ufa keesa Yahudiini moga ufiti wolti baate, nama gosa worraa balleesu fed'u ch'ufa iti kaate haate. Fulla ch'ufa biyyiti worra sodaate, nami tokoleeni dura eju dad'abe. Worri gugurdaani ch'ufti, ka hayyu hojatu, jaallaba taanaani, makala taanaani, soda Mordekaiti jed'ani Yahudi qarqaarani. Wonti akanatiifi lafa hayyuuni fidu ch'ufa keesa, aka Mordekaiini jabaate gurra baafate nama ch'ufa ira guddinna argate, aka dansaa beekhani. Duuba Yahudiini waan feete ch'ufa nyaapa ufii tolchite sheeftiini haate balleesite fitt'e. Dira gudda Shushani ch'alla keesati Yahudiini nama d'ibba shani fitt'e. Gayyuma suni nama dira Susa keesati fit'ani haga isaa hayyuti himani. Jennaani inni Waan hayyiti Estani jed'e Yahudiini dira Susa ch'alla kesaati nami d'ibba shani fitt'e ilmaani d'iira kud'annani Hamanitini wolti. Yo atini seetu wori arda kaani d'ibi keesati waan tolche! Amma maan feeta? Waan feetu inargata. Waan d'ibi feetu nati himi, inargata. Estani waan jetteeni, Ee hayyicha, yo sii taate, Yahudiini dira Susa keesa jirtu ha borile waan arra tilchite kana tolchitu. Ammalle reefa ilmaani Hamani kud'annanille mukha irati fannisa jed'e. Jennani hayyichi waan kana ch'ufa tolcha jed'e, dubbi suni dira Susa keesati lalabani. Reefa ilmaani Hamani kud'annani nama ch'ufa durati fafannisani. Guyya kud'ani afreeso ka jia Adari jed'ani Yahudiini dira Susa wolti baate ammalle nama d'ibba sadi ka dira suni fitt'e. Ammo ha taatu waan tokole insaamne. Yahudiini lafa d'ibi hayyuuni fidu keesa jirtu wolti baate, nyaapa ufiraa d'owarte dabsatte, nama kuma torbatami shani, ka worra jibbe, fitt'e; ammo ha taatuti, miha worraa tokole insaamne. Guyyaani suni guyya kud'ani sadeeso ka jia Adari. Boriyya guyya kud'ani afreeso hafuura baafatani, wolti bahani gammadaani jila tolfatani. Ammo Yahudiini dira Shushani keesa jirtu guyya kud'ani sadeesotiifi kud'ani afreeso had'iisa nyaapati wolti baate, guyya kud'ani shaneeso hafuura baafatte gammadaani jila tolfatte. Tanaafi Yahudiini dira didiqa keesa teetu guyya kud'ani afreeso, ka jia Adari jed'ani, qaabate jila tolfatte, guyya wo nyaatani sagale woli kennani tolfatti. Mordekaiini dubbi tana ch'ufa t'aafsise, tatabe gara Yahudi lafa hayyuuni fidu ch'ufa keesa, ta fagofi d'io jirtuleti erge, waan jed'e, Jia Adardari, guyya kud'ani afreesotiifi ka kud'ani shaneesole qaabad'a, ganna ch'ufa keesa ooluma tolfad'a. Guyyaani lamaani suni guyya Yahudiini nyaapa ufi dabsatte hobaafte; jii sunini qara jia laalalatiifi ufi jibbaata, ammo eege garagale jia gammadatiifi ka bad'aad'a tahe. Duuba waan jed'aniini, Guyya kana qaabad'a, wolti baha, sagale woli keenna, nyaad'a, gammada, hiyyeesale wo keenna. Duuba Yahudiini ch'ufti jecha Mordekai gula yaate, jilti suni aada ganna ch'ufa tolfatani worraa taate. Hamaniini, ilma Hamedatha, ka gosa Agagi, nyaapa Yahudi, yayu hit'a buufate (ka Puri jed'ani), aka akasiini guyya Yahudi had'ani balleesani beekhu; inni sila aka worra ch'ufa fit'u malate, ammo Estani gara hayyu d'at'e, hayyichileeni dubbi baase, dubbi suni t'aafani, akanaani Hamaniini duisa inni Yahudi malate ufi due — isaafi ilmaani isaale mukha irati fannisani. Tanaafi guyya oolmaa lamaani suni Puri jed'ani, maqa Puri suni gula. Maro waan tatabe Mordekai keesa t'aafanifi ammalle maro waan worri tahe ch'ufatiifi, Yahudiini aada baafte ta ijoolle isiitiifi nami isiiti galuleeni gula deemu, aka yo ayyaani suni mare ganna ch'ufa, guyya lamaani kaani qaabatani, jecha Mordekai gula. Wonti worri wolti buufate, aka worri Yahudi ch'ufti, d'alooti worraa ka d'ufuleeni, lafa ch'ufafi dira ch'ufa keesati, guyya Puri jed'ani suni qaabate, guyya jaba haga jiru jireenna tolfatu. Jennaani hayyiti Estani, ta dubra Abihaili, Mordekai woliini tatabe t'aafte, aka akasiini tatabe waan Puri ta Mordekaiini qara t'aafe taani maqa isiitiini jabeesani. Tatabe suni gara Yahudi ta lafa d'ibba tokotifi diddami torba, ta hayyichi fidu keesa jirtuti ergani. Tatabeeni suni ta d'aamsa nagayatiifi bultuma Yahudi qabdu, ammalle isiini waan jettu, Isanifi ijoolleeni teesani guyya mara ayyaana Puri suni qaabad'a, akuma isani guyya ufi agabsani yokhaani guyya boha qaabatani. Dubbi tana Mordekaifi hayyiti Estati, Tolcha jed'e. Dubbi Estani baafte, ta waan guyya Puri jed'ani suni, t'aafani olkayani. Jennaani hayyu Ahasueroni worra afaani baariini taufi ka garaa lafa tauni, Damoosa baasa jed'e. Waan jabdu nama mamsiiftu ta inni tolcheefi aka inni Mordekai guddinna kennele, layu kitaaba hayyoota Medifi Ajemi keesati t'aafani. Mordekaiini ka gosa Yahudi, guddinnaani hayyu Ahasueroti aana. Inni Yahudi keesa gurra guddo qaba, ammalle gochiti isaa ch'ufti guddo isa feeti. Inni nagayafi bultuma gosa isaatiifi ilmaani worraa ta takaa tanale barbaade. Duri namicha tokoti jira, ka Ayubu jed'ani, ka arda Uzi keesa godaanu, inni nama d'uga qajeela, ka Waaqa sodaate waan hamtu lagatu. Inni ilmaani d'iira torbafi dubra sadi qaba; ammalle ree kuma torbatiifi gaala kuma saditiifi karaaba qotiyo ta kuma tokotifi harre d'ibba shanitiifi hojattu heddu muumme inqamne qaba. Akanaani inni worra ilaboru ch'ufa ira dureesa tahe. Ilmaani isaa maro maroti mana isaaniti jila baafte, oboleyaani isaani ta dubra sadeeni yaamte, woliini golofatani. Yo jilti suni hobaatu ch'ufa Ayubuni ganama lafaa akae, aka ilmaani isaa ch'ufa qulqulleesu sorio qala. Wonti inni akasi tolchufi, waan ilmaani isaa hegeri garaa keesati Waaqa abaartu fa sehe sodaata. Guyyaani malaikaani AABBO Waaqaa durati mullattu geennaani, Sheet'anileeni worra woliini d'ufe. AABBO Waaqi waan Sheet'anani jed'e, Isii, abbo, atini eesaa d'ufte? Sheet'ani waan jed'eeni, Anini lafuma tana keesa oli gadi mara, ato maru armaani bahe. AABBO Waaqi waan jed'eeni, Atini aka hojattuuni tiyya Ayubuni nama d'uga qajeela Waaqa sodaate waan hamtu lagatu agarte? Lafa keesa nami aka isa injiru. Sheet'ani waan jed'eeni, Mala keeti Ayubuni fayyuma si jaalata? Atini isaafi worra isaatiifi waan inni qabu ch'ufa jabeesite intissine? Atini huji harka isaa ch'ufa eebifte, hori isaa lafa ira indabarsine? Ammo yo atini waan inni qabu ch'ufa harka keetiini iraa fuute, mala keeti inni si inabaaru? Duuba AABBO Waaqi waan Sheet'anani jed'e, yoosi anini amma isa siti lakisa, waan isaa ch'ufa waan feetu tolchi, ammo nafa isaa hanqad'i. Jennaani Sheet'ani kae, AABBO Waaqa biraa deeme. Guyya toko, ka ilmaani Ayubu jila tolfate, mana oboleesa isaani guddaa keesati teete, sagale sooratte daad'i d'uddu, nami toko qonqooni Ayubuti d'ufe waan jed'e, Ato nu teenne oobru qonnu, ka harreleeni teenna nu d'aatu d'eedu. Worri gosa Seeba d'ufe, tassa nu had'e, hori nuraa fud'ate, ana male hojattu tante ch'ufa fit'e. Nami fiige ka oduuni si d'ufe anuma ch'alla. Ato inni tae dubbatu, nami d'ibiini qonqooni d'ufe waan jed'e, Qaweeni Waaqa ya reefi nama isi tissule ch'ufa ira buute hobaafte nami fiige, ka odu sunini si d'ufe, anuma ch'alla. Ato inni tae dubbatu, nami d'ibiini qonqooni d'ufe waan jed'e, worri gosa Kaldayo, ka duuli worraa fulla sadi yau, d'ufe nu had'e, gaala ch'ufa fud'ate, ana male hojattu tante ch'ufa fit'e. Nami fiige ka oduuni si d'ufe anuma ch'alla. Ato inni tae dubbatu, nami d'ibiini qonqooni d'ufe waan jed'e, Ato ilmaani tante teete mana oboleesa isaani gudda keesati jila tolfate, sagale sooratte daad'i d'uddu, bubbeeni jabduuni toko lafa alooti d'ufte mana suni gama ch'ufa d'oofte, ilmaani suni irati qaarifte hobaafte. Nami fiige, ka oduuni si d'ufe, anuma ch'alla. Jennaani Ayubuni aka male laalefate woya ufii tarsaase, mata haadate, lafaani ufi d'ae waan jed'e, Anini qulluma d'alad'e gaafa duulle qulluma dua. Waan kanale Abbuma Waaqati naa kenne, ammalle isumati fud'ate, maqa isaa ha faarsani! Ato wonti kunini ch'ufti isaati d'uftele, Ayubuni Waaqa haalate isaati inch'ubbamne. Guyyaani malaikaani AABBO Waaqa durati mullattu ammalle geennaani Sheet'anileeni worra woliini d'ufe. AABBO Waaqi waan Sheet'anani jed'e, Isi, abbo, atini eesaa d'ufte? Sheet'ani waan jed'eeni, Anini lafuma tana keesa olgadi mara, ato maru armaani bahe. AABBO Waaqi waan jed'eeni, Atini aka hojattuuni tiyya Ayubuni nama d'uga qajeela Waaqa sodaate waan hamtu lagatu agarte? Lafa keesa nami aka isa injiru. Ato atini na sobatte, ka inni woma intahiini akanumati iti na kaaftele, inni akuma kaani na jaalate naa saalfata. Jennaani Sheet'ani waan jed'eeni, Nami waan qabu ch'ufa lubbuuni bitata, atini akasi beeta? Ammo yo atini amma nafa isaa tut'e, inni fuuluma ke dura eje si abaara! Duuba AABBO Waaqi waan Sheet'anani jed'e, Yoosi, anini amma isa siti lakisa, ammo labbu ch'alla keesaa imbaasiini. Jennaani Sheet'ani kae, AABBO Waaqa biraa deeme nafa Ayubu mamadaani qabate haguma gana faanati fuud'e gubbe matati d'aabe. Ayubuni ch'ach'aba okote faara fuud'e, fulla daara iti harani tae, madaani hoqateeni. Jennaani niitiini isaa waan jetteeni Atini akuma kaani Waaqa jaalatte isaa saalfata? Isaa abaarte doote ho? Ayubuni waan jed'eeni, Atini aka nad'eeni woma imbeenne dubbata. Nu dansuma ch'alla Waaqa iraa eeganna? Hameennale ineegannu? Gaargala kana ch'ufa keesa Ayubuni taka woma dubbate Waaqa inhaalanne. Jaalani Ayubuu sadeeni, Elifazi, ka worra Temanitiifi Bildadi, ka lafa Shuhitiifi Sofariini ka lafa Naamathi, aka inni gaargale d'ageennaani woligalani, waan inni keesa jiru gaafachu d'aqani. Ato fulla isaa ingahiini fagootu argani, fuula wollaalani. Duuba eege, isa hubannaani, laalefatani aka male bohani woya tatarsaasani biyye matati ufi naqani. Jennaani halkani torbafi guyya torba isaa woliini lafa tatani, gaargala isa gudda kana argani, iraa laalefatani, afaani qabatani ufuma ch'iisani. Duuba eege Ayubuni dubbate guyya d'alate abaare, waan jed'e, Guyyaani anini d'alad'e ha baduti, halkani gurbaani ya d'alate jed'anileeni ha badaniti! Guyyaani suni ha dukana tahuti! Waaqi gubba guyya suni deebie inqaabatiini; ifsaani deebie iti inifsiini! Guyyaani sunini ha gaandidae dukanauti; dumansi ha ira tahe, adu d'osse dukaneesuti. Halkani suni ha dukanti liqimsituti, ha bulti wogaatiifi ta jiale ch'ufa keesa kutaniiti! Halkani suni ha duwa taaniti, qonqo gammada keesati ind'agayini. Worri guyya abaaru, ka gorjama kaasu, ha guyya suni abaaruti. Bakalchi isaa ka ganama ha dukanauti; guyya suni biiftuuni baate lafti inguyyaini, waan guyyaani suni d'aloota kiyya oolche, ila tiyya gaargala argu ind'owiiniifi. Anini maafi akuma d'alad'eeni induiini, yokhaani maafi garaa haad'a tiyya keesa bahu indidiini? Haati tiyya maafi ufira na teesifte? Isiini maafi harma na hoosifte? Ato gaafasi due, amma sila ya hafuura baafad'e. Anini sila yayu aka hayyootafi jaarole duri ta mana hayyu ka amma bade ona tahe kana jaarte, rafe. Anini sila qaalole mana ufii worqifi qarsiini guute ufira rafte faakad'a. Yokhaani daima garaati due, ka woma tokole quba inqamne, fakaad'a. Awaala keesati nami hamaani gaargala dura bahe, nami dad'abi qabu hafuura baafata. Achi keesati worri hid'aansa keesa jiruleeni gammade, iyyana nama worra hojachiisu jalaa baha. Achi keesa nami diqaafi guddaleeni fulluma taka taa, tisseleeni achiti balchuma argatti. Nama ufiftu gaargala keesa jiru maafi deemanini? Nama d'ipu deesa jiru maafi ifsa iti kennani? Worri duu fed'a, ammo dooti iti ind'uftu, beese biyye keesa olkeyatani ira awaala qotani barbaadani. Worri haga due awaalaniti ingammadu; Waaqi maafi nama karaani iti hid'ame lafti iti duufate jireenna kennaafi? Fulla sila wo nyaad'u tae boha, hojja ch'ufa waad'e imimaani na keesaa yaani. Wonti anini sodaad'u na d'aqabde, ta anini ded'uleeni nati d'ufte. Anini nagaya inqabu, hafuura imbaafad'u, gaargali kiyya ind'umatu. Jennaani Elifazini, ka worra Teemani, waan jed'e: Abbo, yo nami sini dubbate indallanta? Anini amma dandae inch'allisu. Me ilaali, atini nama heddu barsiifte, nama laalaafale jabeesite. Dubbini tante nama gufate kibde nama laafe jabeesite. Amma gaargali si qabannaani obsu dad'abde inni siti d'ufnaani ira hafu dad'abde. Atini qara Waaqa sodaate, ch'ubbu lagatte; tanaafi sila akana teete garaa hamachu himmalle. Nami d'uga taka gaargala ya argate? Me heregi, nama qajeela taka ya ijeesani? Nami ch'ubbu qote hameenna fach'aasu woma suni murata. Worra hafuura Waaqatini balleesani, dallansu isaatini worra fit'ani. Ch'ubbichi aka nyeench'a itane d'anga d'aa, ammo Waaqi ch'allisise ilkaani ch'ach'absa. Akuma nyeench'a waan ijeese nyaatu inqamne hobaani, ilmaani isaani firfirfamti. Duri qonqooni laato d'ufte, gurri kiyya hasasa d'agaye. Qonqooni suni aka oobju nati d'ufte, hiriba na d'owarte. Anini aka male mudame holad'e, lafeleeni na chochoote. Qilleensi fuula ira na bahe, rifeensi mata kiyya shilkae olkakae. Anini waan achi eja arge, millad'e hubachu dad'abe lafti ch'aqali jette, jennaani qonqo d'agaye. Qonqooni sunini waan jette: Nami dandae Waaqa durati nama d'uga taha? Yokhaani dandae nama isa uume durati qulqullo taha? Waaqi hojattu isaa ind'ugeefatu, malaika isaale wollaala iti mura. Mala keeti, waan inni nama d'oqe iraa mid'aasani ka dandaani aka billaacha ch'arasani d'ugeefatu seeta? Namuma diirama lubbu qabuti, ka nami quba inqamne, saafa ch'icha. Waan inni qabu ch'ufa isa iraa fuud'ani, ato inni qalbi inarganne ch'icha. Yo feetu yaami, ammo eenuti sijala owaata? Malaikaani atini qarqaarsa iraa argattu jirti? Laalefachaani daalle ijeefti, d'iibiini sirgo balleesiti. Anini daalle qutuma dansa qabdu arginaani, maro tokotu isa abaare. Ilmaani isaa maro tokotu qarqaarsa d'abde, gaadisa dubbiti nama worra dubbatu d'abani. Nami beela qabu mid'aani daalle nyaata mid'aani qoraati keesati baheele nami d'eebu qabuleeni horifi isa d'iibifata. Hameenni biyye keesaa ind'ufu, gaargalileeni lafa keesaa imbahu. Akuma qaanqeeni ch'ech'eetu, namileeni gaargalati d'alata. Yo sila anini si taate, anini Waaqa yaamad'e, gaargala kiyya iti himad'a. Inni waan jabdu mama ka nami dandae inhubanne, tolcha. Inni bokaya namaa roobe, oobru namaa jiisa. Ka nama irre inqamne olfuud'e nama bohu gammachiisu Waaquma. Inni mala malticha balleesa aka harki isaa woma inarganne. Inni jaarole mala dura balleese, herega worrale d'aanfa. Worra suni guyyaani dukanti ira buute, guyya guddaani aka nama halkani deemu jonjani. Ammo Waaqi hiyyeesa dua keesaa baase, harka nama worra dabsule keesaa baasa. Akanaani hiyyeesi abdi argate ch'ubbichale afaani qabachisani. Nami Waaqi gorsu ayyaana qaba! Yo Waaqi guddaani sii qajeelchu, intufatini. Waaqi si madeese ammalle qorsa sii mat'ansa inni wo si tolche harkuma ufiitini si fayyisa. Inni maro heddu gaargala keesaa si baase, duuba deebie gaargali si inqabatu. Yo oolaani buute, inni duu si d'owe guyya woraanale lubbu si baasa. Inni nama si arabsu sira d'owe, hojja badiini d'uftu duraa si baasa. Atini yo woraanafi beelti d'uftu inkofaltta, bineensa alaale insodaatu. Oobruuni atini qotatuleeni d'akha inqabdu, bineensi alalleni deebie si inhad'u. Gaafasi atini nagayumani mana keetiti galta; yo ree tante toatule tokole keesa ind'abdu. Haguma buuyooni geetu, ilmaani teetileeni lafa ira dabarte, hagasi geeti. Akuma dargayeeni baate fulla geete billachaatu, atinileeni jaarte fulla geete doota. Nu jaarole waan kana ganna heddu teeneti baranne, dubbini teenna d'uga, fud'ad'i. Jennaani Ayubuni waan jed'e: Hojja sila d'ipufi gaargala kiyya biimani, isiini maansa galaanale ch'ufa ira ulfaati. Tanaafi dubbini akanumati na keesaa yaatu tunini isani imamsisiini. Waaqi guddaani ya t'iya ufiitini na woraane, had'ani isii ya nafa ch'ufa na qabatte. Waaqi ya waan nama mudamsiisa fuula nati deebise. Harreeni diida, yo buuyo quuftu, imbaroodi? Qotiyooni yo okhaya qabdu imarrati? Ammo eenuti dandae sagale soodda inqamne soorata? Eenuti dandae oota okhokaani mieefate nyaata? Anini sagale akasi dandae insorad'u, fayya na d'owarti. Waaqi maanifi waan anini fed'u naa kennu dida? Inni maafi kad'acha tiyya ind'ageenne? Ato inni na ch'arase gargari na ch'ire, guddo dansa! Ato sila aka inni akasi tolchu beekhe olch'ech'e gammada, ato guddo d'ukubsachu jiraad'ele. Anini imbeekha Waaqi qulqullo, anileeni taka dubbi isatini imorkine. Anini irree maani qaba ta jiraad'uuni? Ka d'aabu womatu inqamne akami tae obsa? Anini d'akhaa? Nafa kiyya sibiilani mid'aasani? Irreeni anini ufiini baasu na keesati inhamne; fullaani anini qarqaarsa iraa argad'u injirtu. Nami gaargala akana kana keesa jiru jaalani dansa fed'a, ato inni Waaqa gudda sodaachu batele. Ammo jaalani tiyya, isani laga fakaatani, ka hojja bokaya inqamne gogogu. Lagi suni qara bisaani qabanao qaba, ammo yo boni d'ufu bisaani sunini fooqatani lagi suni duwa tahe gogoga. Nami karaa yau, ka bisaani barbaadu, karaa iraa gore bada; worri lafa mare lafa aloo ta gamooji keesati hobaha. Nami karaa yau, ka Shebafi Tema yau, bisaani d'ugu abdata, ammo abdiini sunini d'aatuma laga bisaani inqamneeti, worra ira baddi. Isani laga suni nati fakaatani, isani baddi tiyya agartani naraa rifattani. Anini qara ya wo isani kad'ad'e? Yokhaani nama naa gumbeesa ya isaniini jed'e? Yokhaani harka nyaapatifi ka worra na dabsu ya, keesaa na baasa isaniini jed'e? Hayye, me na barsiisa, wollaala kiyya na garsiisa. Anini ch'alliseti isani ch'aqasa. Dubbini d'ugaa nama tut'i, ammo dubbini teesani maani namaa baati? Isani yo woma qilleensi na keesaa yau seetani, maafi dubbi tiyya ta ufi jibbaata na jalaa qabdani? Isani hit'a buufatani hiyyeeyi bitatani. Jaala keesani ka isaniti aanule dabsitani waan isaa nyaatani! Me aka dansa fuula keesa na laala; anini nama d'ara dubbatuuniti. Dubbini teesani ya naa geete, deebitani na indabsina, lakisa. Anini d'uga qaba, wollaala nati imurina. Araaba kiyyati ch'ubbu qaba? Afaani kiyya d'araafi d'uga gargari imbeekhani? Jireenni namaa lafa irati gaargaluma hamaaniti? Bultiini isaa bulti tisse infakaatu? Inni aka tisse boqota gaadisa boqotati d'arae, garbicha beese ufii eegatu fakaata. Anini jia ch'ufa abdi woma tokole inqabu, halkani ch'ufa gaargalumati nati d'ufa. Anini yo gadi ch'iisu lafti nati imbariitu, halkani ch'ufa gaargalaa bule, barii lafaa eega. Nafi kiyya raammae ch'ich'ite, malani mada keesa na yaa. Guyyaani kiyya yoosu aka bubbe dabre, abdi male hobaa. Ee Waaqa, na qaabad'u, jireenni kiyya hafuuruma, ilti tiyya deebite gammada ingartu. Amma tana male, deebite na ingartu. Ato atini teete ilaaltu anini kae iti d'aabad'a. Akuma dumansi gargari filfilae laanuma baddu, akasuma nami due deebie inkau; inni worra ufiiti ingalu, nami isa beekhuleeni ch'ufti deebie isa inqaabatu. Anini dandae inch'allisu, laalala lubbu tiyyaatiifi dubbad'e gaargala kiyyaafi gunguma. Anini baariini yokhaani goorjama baariiniti, ka atini nama na eegu nati tolchitu? Hojja anini sire ira gach'iise, laalala tiyya ira hafuura baafad'e d'ukuba kiyya ira miira argad'a jed'u, atini oobju na mudamsiiftu nati buufte, daayya na sodaachiftu nati ergita; tanaafi fulla nafa kanaani gaargalu, hojja sila hud'ani na ijeesani ira naa jirti. Anini ya ufi jibbaad'e, yo duu ira naa jirti. Jireenni na keesati inhamne, na lakifte ho? Nami maani, ka atini waan isaa akana owiftu? Atini waan inni tahu maani ira qabda? Atini diirama ch'ufa isa qorqoratte hojja ch'ufa isa ilaalata. Atini haga anini hanch'ufa liqimsule, ila nara indeefattu? Atini ka na eeddu ch'ubbuuni tiyya wo si tolchiti? Atini maanifi t'iya tante nati abirta? Anini d'uguma guddo si d'iba, atini maanifi ch'ubbu tiyya na inaraaramne, yokhaani wolaalla kiyya biraa naa indeemne? D'iotu na awaalani, atini na barbaada, ammo na ingartu. Jennaani Bildadiini, ka gosa Shuhi, waan jed'e: Dubbini tante ta aka qilleensa si keesaa yaatu tunini yoomi buufatti! Waaqi guddaani d'uga imballeesa? Yokhaani qajeeluma iyyaka? Hegeri waan ilmaani tante Waaqa durati ch'ubbu tolchiteefi inni gati daba worra kenneefi. Amma garagali, Waaqa gudda kad'ad'i; yo atini d'uguma nama d'uga qajeela taate Waaqi si qarqaaru indidu, worra kanke ch'ufa sii deebisa. Hormaata takaa tana atini horattu, yo agarte, ka qara kaani intufatta. Me, qarooma worra duri laali, waan abbootini teenna baratte heregi. Guyyaani keenna gabaaba, nu woma tokole imbeennu; nu lafa tana irati akuma gaadisa marraa. Jaaroleeni duri qaqarooni ha si barsiiftu, waan worri si barsiisu kana ch'aqasi. Ilaaduuni dandeete fulla bisaani injirreeti imbaatu, ch'affa male fulla d'ibiiti inargani. Hojja bisaani fooqatani, wonti qara gogoga isi, isiini ato ch'araqaatu, ka woma imbaamne gogode baddi, nami Waaqa imbeenne illaadu suni fakaata; hojja Waaqa ded'ani abdiini worraa ya badde. Worri liilana, abdata — sapupa orbobiisaa, yo worri sapupaati hirkate, inni dandae worra intind'isa? Yo worri liilana qabate, dandae liilana sunini olineja? Worri hamaani aka marra adu keesaa bahe, oobru ch'ufa qabata. Ammalle hiddi isaa d'akhaati mamarate, siida d'akha ch'ufa qaba. Ammo yo buqisani, aka inni duri achi jiru nami dandae imbeekhu, Ee, gammadi worri ch'ubbuu argatu sunuma — duuba worri d'ibiini d'ufe, fulla isaani fud'ata. Ammo Waaqi nama wollaala inqamne lafa imbuusu, nama ch'ubbu qabule inqarqaaru. Inni si gammachiise, duuba atini iyyite kofalta; ammo inni nyaapa kanke ch'eerse, mana worra ch'ubbuu balleesa. Jennaani Ayubuni waan jed'eeni: Ee, anini waan kana ch'ufa qara d'agaye, ammo nami akami dandae Waaqa durati d'uga qaba? Nami akami dandae Waaqaani woi morma? Inni dandae waan heddu muumme inqamne nama gaafata, ammo nami dandae waan isii inhimu. Waaqi guddo qaroomafi jabeenna qaba, Eenuti dandae isa dura eje, isaani wo morma? Akanumati, ka gaari woma quba inqamne, buqise, dallansu ufiitini balleesa. Waaqi lafa chochoose, utuba isii olqabu roraasa. Inni dandae adu bahu d'owe, urjile halkani ifsuu d'owa. Isumati gubba ballise goorjama baariinile ira ejaanjata. Waaqi urji gubba torbaanifi arba gaadufi buusaanifi lamile mid'aase. Nu waan mama jabdu inni tolchu dandeenne inhubannu waan mama heddu ka henna inqamne. Waaqa, ato inni na bira baheele anini dandae inargu, ato inni na d'aatu deemele anini dandae inhubad'u. Inni woma fed'u fud'ata, nami dandae ind'owu; nami tokoleeni ka, Atini maani tolchita? jed'uuni injiru. Waaqi dallansu isaa ingalfatu; inni nyaapa ufii ka Rahabu, gorjama baariini ka Waaqaani morku qarqaaru, inch'arasa. Tanaafi anini akami dandae Waaqaani wo morma? Ato anini woma yakule baad'e anini woma tokole afaani isaa keesaa indeebisu, yo jaallaba dubbi tiyya qoru wo kad'ad'u male. Ammo ato akasile taate, yo inni Dubbad'i naani jed'ele waan inni na jalaa qabu insehu. Inni bubbe akanumati na d'oofte na dirmameesitu nati erga. Inni hafuura na imbaafachisu, ammo jireenna nati yaka. Yo waan irree taate, irreeni tama isaati! Yo waan qorsuma taate, eenuti qorsumati isa yaama? Ato anini nama ch'ubbu inqamne taatele, afaani kiyyati na balleesa; yo anini wollaala qabaachu bad'ele dubbuma tiyyati wollaala keesa na buusa. Ato anini wollaala qabaachule baad'e, anini amma woma iyyaalu, ya ufi jibbaad'e. Wonti ch'ufti woma takaa; tanaafi anini, inni ch'ubbichafi ka ch'ubbu inqamnele imballeesa jed'a. Yo nami d'uga maro tokotu duu Waaqi nama suni goyeese kobla. Waaqi lafa harka worra ch'ubbuti kenne nama wo qoru ch'ufa balla tolche. Yo isa intahiini eenuti tolche re? Guyyaani kiyya yoosu dabra ka sunileeni dansa intahiini, akanumati barise iti d'aabata. Inni aka hobolo illaaduuni mid'aasani utaale dabre akuma risa wo butu barisa. Yo anini, gaargala kiyya ded'e koble tabad'a jed'u, gaargali kiyya deebie na mudamsiisa; wonti akanatiifi siti ch'ubbu nati herega. Eegi ch'ubbu nati murani, anini maanifi tae ufi gaargalcha. Ato anini saabunaleeni ufi d'iqe harka kiyyale qulqulleese, atini boola huura keesa na buufta tanaafi woyaani tiyyaleeni na t'ureefatti. Yo Waaqi nama taate, anini sila dandae wo jed'aani; nu sila gaadisa kora woliini d'anne jaaroleeti woli himanna. Ammo nami jiddu teenna eje gargari nu d'owu injiru, yokhaani nami anaafi Waaqa wolti qoru injiru. Ee Waaqa, ule naani d'aantu tana naraa fuud'i! Mudamsu tante tana naraa balleesi. Anini amma woma insodaad'u, indubbad'a, wonti akanatiifi onne tiyya haga beekha. Anini ya amma ufi jibbaad'e, tanaafi gungumsu tiyya ta laalala, ch'aqasi, gaargala kiyya keesa inuma dubbad'a. Ee Waaqa, wollaala nati imuriini; ammo waan naani himatu nati himi. Gaargali atini na gaargalchitu kunini fulluma? Aki atini waan uumte tufatu kunini dansaa? Aki atini herega worra ch'ubbicha jaalatu fulluma? Ilti tante aka ila namaa jirti? Atini aka nama wo garta? Guyyaani kanketifi ganni kankeleeni, akuma ka nama, gabaaba? Maanifi ch'ubbu tiyya gula deemte wollaala kiyya barbaada re? Aka anini ch'ubbu inqamne, ka nami d'ibileeni dandae sii dura na imbaamne, atini imbeeta. Harkuma keetiti supe na mid'aase, duuba amma harkuma sunini garagalte na balleesita? Qaabad'i, atini duri d'oqeeni na mid'aasite, amma gargalte, bulleesite biyye na tolchita? Atini aka aanani na jissite, aka ititu na inirbine? Atini nafa kiyya lafeefi maach'eraani mid'aasite, lafe suni foonifi gogaani duuchite. Atini jaalala na garsiifte jireenna naa kennite lubbu tiyyale qorqoratte. Ammo amma tana ya hubad'e aka atini mala nati d'aate, d'ossaani na balleesu feetu. Atini na gaade daba nara barbaada, aka duuba akasiini naa araaramu diddu. Yo anini ch'ubbu hojad'e, gaargala badi tiyya, ammo ato waan dansa tolchele, d'uga inargad'u. Anini ya ch'eeri na ijeese ufi jibbaad'e. Yo anini diquma mata olfud'ad'ele, atini aka nyeench'a na gaade, waan mama tolchite na balleesita. Atini hojja ch'ufa nama na himatu gadiini d'ufte, dallansuuni tanteeleni nati guddati; ammalle atini hojja ch'ufa nati malatte kara d'ibiini na haata. Atini maanifi garaa haad'a tiyya keesaa na baafte? Ato sila ka nami na inargini due, guddo naa woyya. Ato sila akuma anini garaa haad'a tiyya keesaa bueeni na awaalani guddo ira naa jirti. Guyyaani kiyya gabaabani dabru ingeenne? Na lakifte ho? Guyya naa hafe gammadu fed'a. Anini d'iotu deema, deebie gadi indeebiu. Lafti anini deemu sunini bolgodu dukanooftu, ta dukanti isii sipeeni gaandidoofte nama wo gassitu, ta ifsaani isiileeni ch'ufti dukana fakaatu. Jennaani Sofariini, ka gosa Naamathi, waan jed'eeni: Nami tokoleeni ka dubbi hagana geetu tana si jalaa qabu injiru? Nami akana dubbi d'eeresu kunini d'uga inargata? Mala keeti, waan dubbini tante, ta woma keesa injirre sunini, nu ch'allisiftu seeta? Yo atini nama goyeesite waan si ch'eersani inseetu? Atini waan Waaqaani jettu, D'ugefachaani tiyya aabo inqabdu, ammalle anini si durati qulqullo. Ato Waaqi siini dubbate anini akami gammada! Inni aka qaroomi aka heddu jiru si barsiisa; waan nami dandae inhubanne ka d'ossaati jira. Hubad'u, gaargali kanke kunini haga sila sii male ingahu. Waan Waaqa ka d'ossani, dandeete keesa imbeeta? Atini dandeete guddinnaafi jabeenna Waaqaa muumme inhubata? Wonti sunini muumme inqabdu, gubbale ira olfago. Atini maani dandeete taata re? Ammo Waaqi fulla ekheraa imbeekha, ammo atini imbeetu. Guddinni Waaqaa lafa ira ballaa baariile ira d'eera. Yo Waaqi si qabe si hid'e gaadisa koraati si geese eenuti jalaa si baasa? Inni nama seseega woma keesa injirre imbeekha; inni huji worraa hamtu ch'ufa inarga. Yo harreeni diidaa matat'e worrati galtu, daalleeni wo hubati. Garaa toli, harka kanke Waaqati olqabad'i. Ch'ubbu keesa jirtu ufi ira fageesi, waan hamtu mana kanke keesaa baasi. Duuba ch'eera male biyya dura ejite, soda male garaa jabaate biyya keesa deemta. Duuba gaargala kanke ch'ufa, yo suni deete, aka lola fooqateti heredda. Jireenni kanke adu guyya gudda ira ifse, dukantileeni barii siti fakaati. Waan atini abdi guddo qabdufi, soda male nagayaani teeta. Waaqi si qorqorate hafuura sii baasa. Bultiini tante soda womatu inqabdu, nami hedduleeni qarqaarsa si kad'ata. Ammo worri ch'ubbu qabu ufi jibbaate, ufi d'aatu mimilate, kara bahuuni d'aba, wonti worri abdatu duuma. Jennaani Ayubuni waan jed'eeni: Ee, qonqooni nama si; hojja dootule qarooma wolumaani doota! Ammo anini qalbi akuma kanke qaba, waan tokoleeni si inhanqad'u; nami waan kana imbeenne injira? Jaalani tiyyaaleeni amma na kofalti, ato anini nama d'uga, ka wollaala inqamne tahele jaalani tiyya, na kofalti, duri Waaqi kad'acha tiyya naa d'agaya. Atini ufii gaargala womatu inqabdu ammo teete na goyeesita: Nama ufiftu diquma inqaariini d'oofta. Ammo shiftaafi nami Waaqa imbeenne nagayaani taa, ato Waaqi worraa irre worraa taatele. Bineensafi simpirrele gaafad'i, worrati si barsiisa; waan garaani lafa ira loatifi simpirrele gaafad'i, worrati siti hima. Wonti kunini ch'ufti aka AABBO Waaqi harka ufiitini worra uume imbeetu? Jireenni waan lubbu qabati ch'ufti harka isaa keesa jira, hafuuri namaaleeni isa iraa baha. Akuma arabi kanke sagale mieefatu, gurri kankeleeni dubbi mieefata. Qaroomi ka jaaroleetiiniti? Hubachaani ta nama lafa buleetiiniti? Qaroomafi jabeenni ka Waaqati, inni hubachaafi irre woini tolchu qaba. Eenuti waan inni ch'abse dandae jaara? Ammalle eenuti dandae nama Waaqi hid'e hiikha? Oolaani, hojja Waaqi roobu didu, d'ufti; bisaani hojja inni bokaya roobu, lafati fach'aani. Waaqi jaba, waan ch'ufa indabsata; ka wo sobuufi ka sobanileeni ch'ufti harkuma isaa keesa jira. Inni qarooma worra lafa fidu iraa fuud'e worra nama dura deemule daallesa. Inni hayyootale hayyuma iraa fuud'e hid'aansa geesa; inni qaalole huji qaalluma iraa fuud'e worra jajabaale balleesa. Inni nama d'ugeefatani ch'allisise, qarooma jaarole iraa fuud'a. Inni worra lafa fidu ch'eerse, worra irre qabu irre isaani balleesa. Inni dukana sipe balleese, ifsaani d'ufa. Inni gosa jabeese irre kennaafi, ammo eege gosa suni firfirse balleesa. Inni worra nama dura deemu qalbi d'owe, lafa kara inqamne keesa marsa. Worri dukana keesa jinjimate, aka nama machae dadaaqa. Anini waan kana ch'ufa ya ila tiyyaani arge, gurra kiyyaani d'agaye hubad'e. Waan isaani beetani anini imbeekha, waan tokoleeni anini isani inhanqad'u. Ammo anini Waaqa guddaani dubbachu fed'a, aka dubbi tiyya woliini qorru. Isani daallumma teesani kiyyibaani d'ossitani, isani ch'ufti ch'ireeyyi woma imbeenne fakaatani. Afaani qabad'a, hegeri worra qaro isani sehani! Dubbi anini himad'u ch'aqasa! Isani maafi d'ara dubbattani? Waan d'arti teesani Waaqa wobaatu seetani? Isani isaa dubbachu feetani? Dubbi keesa isaa kalchu feetani? Yo Waaqi isani ilaale, inni waan dansa isani irati inarga? Isani aka nama sobdani, waan Waaqa sobu dandeetani seetani? Ato isani d'ossaani nama gargari filtanile inni wollaala isani garsiise, irreefi guddinni isaa isani mudamsiisa. Mammaasi keesani akuma daara woma keesa injirre, moromani teesanileeni akuma d'oqe bulloofti. Anati dubbata, me afaani qabad'a, wonti taha ha taatuti. Anini ya ufi jibbaad'e, duale kurfo jira. Anini abdi waan tokole inqabu, tanaafi ato Waaqi na ijeese ho? Anini insodaad'u amma ufi dubbad'a. Hegeri garaa jabeenni kunini na baasa wonti akanatiifi ch'ubbichi dandae Waaqa dura ineju. Amma dubbini tiyya ha gurra isani seentu, aka dansa ch'aqasa. Anini kurfo jira aka ufii dubbad'u, wonti akanatiifi aka kara d'ugaa keesa jiru imbeekha. Ee Waaqa atini d'ufte na himatta? Yo na himatte anini ch'allise dua. Waan lama naa tolchi duuba anini si ind'okhad'u; na ingaargalchini na lakisi, teete na imudamsiini. Ee Waaqa, naani dubbad'i; si jalaa qaba; yokhaani na dubbachiisi, na jalaa qabi. Dabi kiyya maani? Wollaali anini tolche maani? Wonti naani himatani maani? Atini maanifi na didde nyaapati na heredda? Atini na sodaachisuu feeta? Atini na mudamsiisu feeta? Anini obeensa mukhati, atini buuyo gogode qilleensi fuud'e ch'alla reebu jirta. Atini waan jabduuni na himatta waan duri gaafa kaima anini tahele illakiftu. Atini sansalatani miila kiyya hiite, ejata kiyya ch'ufa ilaalte faana tiyya d'oofta. Tanaafi anini shame ch'ich'ite, woya billaachi nyaate fakaad'a. Nami d'alatu ch'ufa guyyaani isaa gabaaba, sunileeni gaargaluma ch'alla. Inni akuma daraara bahe, qanch'oorate bada; akuma gaandidu yoosu dabra. Atini nama aka kiyya kana ilaalte inqorta? Nami waan qulqullo, waan t'uri keesaa baasu, injira? Injiru. Guyya namaatiifi bulti inni bulu qaraa mid'aasani. Atini qaraa hereddeefi, dandaani gara ingalchani. Tanaafi amma ila ira deefad'i, ufi iraa yalabahi; aka inni, aka tisse, bulti ufi iraa gammadu. Mukhi murani abdi qaba, aka deebie late bahu. Ato hiidi isaa lafa keesati gogoge hundileeni goge, yo bisaani argate mukhi suni late baha. Ammo nami yo due ya hobae; yo hafuuri keesaa bahe maanti hafa? Akuma bisaani yaani laga keesa dabrani galaanileeni gogu, namileeni akasuma due dabra. Inni haga lafafi gubbaani jirtu deebie inkau, yokhaani nami isa kaasuleeni injiru. Ato atini fulla ekherati na d'ossite, guddo naa woyya; haga dallansuuni tante siraa galuti na d'ossi. Duuba guyya tolfad'i, ka na qaabatu. Nami yo due dandae inkaa? Ammo anini guyya gomitani nati d'ufte eegad'a, haga gaargali kunini naraa hobauti. Duuba atini gaafasi na yaamte, anini si jala owaad'a. Atinileeni ana, ka atini uumte, iraa gammadda. Gaafasi ejata kiyya ch'ufa ilaalte, ch'ubbu tiyya faana d'au lakifta. ch'ubbu tiyya naa araaramte balleesita. Wollaala kiyyale ch'ufa naraa d'it'a. Guyyaani ind'ufa, ka gaareeni qaqaarite, qarsa d'akha ch'ufa fulla isaati chochoosani. Bisaanileeni d'akha luqisani, bokai guddaleeni biyye lafa iraa diqa. Akasuma atini abdi namaa balleesita. Atini nama dabsate haga jiru jireenna balleesite, fuula isale yakite ufi biraa gussita. Ilmaani isaa ulfinna argatti, ammo inni quba inqabu; yo worra ch'eersanile nami isati himu injiru. Inni d'ukubsacha nafa isaatiifi laalala qalbi isaa ch'alla beekha. Inni akami dubbi woma intahiini dubbate, dubbi akasiitini womorma? Atini ufiftu Waaqa sodaachu dide kad'acha isaale yala baate. Ch'ubbuuni tante afaanuma kanke iraa baati, atini malafi malteeni wo dubbata. Dubbuma atini jettuti si ijeesa, jechi atini jettu ch'ufti wollaala keesa si buusa. Atini namaa qara d'alate ufuma seeta? Atini, gaafa Waaqi gaareeni mid'aase, d'alate lafa jirta? Atini mala Waaqaa d'ageete quba qabda? Atini nama qarooyu ch'ufa ufuma seeta? Wonti atini beetu, ka nu imbeenne, maani? Wonti atini hubattu, ka nu inhubanne, injirti? Nu qarooma keenna jaarole mata arri iraa baranne, ta abba kankele dura jirtu. Waaqi sila kibe garaa si jabeesu fed'a. Atini maafi teete didda? Nu dubbi laana dansaani siti dubbanne. Atini maafi garaa hammaate, ila dallansutini nu ilaalta? Atini ammalle maafi Waaqati dallante, dubbini akana tunini afaani kanke keesa baati? Nami qara kami, ka d'uguma dandae qulqullo tahu? Nami uwii d'alu, ka dandae nama d'uga tahu, injiru? Waaqi ka ufiftu malaika ufitu ind'ugeefanne, ka isiini isa durati qulqullooma inqamne, eesa dandae nama ch'ubbicha hama, ch'ubbu aka bisaani d'ugu, d'ugeefata? Amma na ch'aqasi, waan arge siti hima. Worri qarooni ya waan abbooti ufi iraa barate na barsiise, worri woma tokole na ind'ossine. Lafti worraa nyaapa inqabdu, yokhaani nami, worra Waaqa iraa gorsu, injiru. Nami daba, ka nama dabsu, haga jiru aka hama gaargala. Qonqooni nama mudamsiiftu gurra isaa duuchite, hojja inni lafa nagaya sehu shiftani isa haati. Inni aka dukana duraa bahu inheregatu, wonti akanatiifi goraadeti isa eegata. Allaatileni aka reefa isaa nyaatu teete eegatti. Inni imbeekha, aka guyyaani dukana isati d'ufu. Gaargalafi laalalati isa mudamsise, aka hayyu lola kurfefate isa dabsata. Waan inni Waaqaani morke sodaachu dide tufateefi. Nama akasi suniti dira had'e dabsate, mana abbaani keesaa baqate fud'ata, ammo woraani kae dirafi maneeni balleesa. Inni durooma ufiitini inturu, wonti inni horate, ka inhobaane, injirtu, gaandiduuni isaaleeni badde, innileeni dukana duraa imbahu. Inni mukha gubate, ka ibidi dameele gube qilleensi obeensa isaa fuud'e fakaata. Yo inni daallae hameenna d'ugeefate, wonti inni argatuleeni hameennuma taati. Ato guyyaani isaa ingahiini, inni aka dame mukha goge ka dottachu lakise taha. Inni mukha zabibu, ka mid'aani imbilchaatiini buufatu, fakaata. Nami Waaqa imbeenne woma ind'alu, mana gumbooni jaaranile ibidati guba. Nami ch'ubbu malate waan hamtu tolchu worruma kana; garaani worra woma d'araati guuta. Jennaani Ayubuni waan jed'eeni; Anini dubbi akana tana qara d'agaye; isani fulla na qarqaaru d'uftani, gaargalaani nati d'uftani. Dubbini aka qilleensa isani keesaa yaatu tunini haguma jirtu isani keesaa ind'umatu? Isani haguma jirtani wo moroma illakiftani? Yo sila anini aka keesani jiraad'e, isanileeni aka kiyya kana jiraattani, anini waan isani jettani kana inuma jed'a. Anini sila mata isaniti irbe waan heddu isaniti haasaa. Anini sila gorsaani isaani jabeese dubbi dansaani isani kiba. Ato anini dubbad'ele, woma naa ingoomani yo anini afaani qabad'ele gaargali kiyya naraa imbahu. Waaqa, atini yayu na dad'absiifte, atini yayu worra kiyya ch'ufa hobaafte. Atini ya nyaapa nati taate na qabde. Anini yayu d'umad'e gogafi lafe ch'alla tahe. Tanaafi biyyiti, inni wollaala qaba naani jetti. Waaqi ya dallansuuni gargari na tatarsaase, ila jibbaatiini na laale. Biyyiti na goyeesite, na marsite, fuula keesa na d'oofti. Waaqi ya na lakise, harka worra hamaati naa kenne. Anini qara nagayumani taa, ammo eege Waaqi lubbu na qabe, na d'ae na ch'ach'abse. Waaqi t'iya ufi nati abire, gama ch'ufaa na had'a — t'iyiti sunini na woraante na madeesiti; ato akasile taate, inni diqole na innahu. Inni ammalle maro heddu na mamadeese, aka nama duula na had'a. Anini bohe, ch'arqi naqad'e, ufi jibbaad'e daara keesa ch'iisa. Anini bohe, ilti na diidimate, iiti ila tiyya ch'ufa na marsite, ammo taatule anini harka kiyyaani waan hamtu intolchine, kad'achaani tiyya ta d'ugaati. Ee lafa, ch'ubbu nati tolchani ind'ossini, iyyana anini d'ugaani barbaadu ha d'agayaniti. Nama gara Waaqa gubbaati d'uga na tahe na dubbatutii jira. Jaalani tiyya na tufate, ilti tiyya imimaani Waaqati booti. Anini nama Waaqati naa dubbatu fed'a akuma nami jaala ufiiti dubbatu. Ganni kiyya ya gabaabate, anini yayu fulla d'uga d'aqu gahe. Bultiini tiyya ya ala hobaate, hafuurale bafachu dad'abe, awaala male woma na inhaamne. Nami na goyeesu na marse, ilti tiyya jibba worri na jibbu agarti. Ee Waaqa, anini d'uga dubbachuu jira, dubbi tiyya d'ugeefad'i, si male nami waan anini jed'u d'ugeefatu injiru. Atini qalbi worraa ya hubachu d'owarte, ammo aka worri na dabsatu iti illakisiini. Nami hori jed'e jaalani ufii wo tolchu, ilmaani ufii balleesa. Amma biyyiti dubbi akana tana naani jette d'ufte hanch'ufa fuulati na tufti. Laalalti tiyya diquma ila na induuchini, nafi kiyya ya hobae, gaandidu fakaata. Nami d'ugaa akasi na arge, jennaani naraa rifata, duuba nami ch'ufti aka waan anini Waaqa imbeenne wollaala nati mura. Nami waan d'uga qabu ufi sehu, haga qara ira waan d'uga qabu ufi seha. Ammo yo sila worri ch'ufti d'ufe na dura ejaanjele, nama qaro keesati inargu. Guyyaani kiyya ya dabre, mali kiyya ya hammaate, abdiini tiyyaleeni ya badde. Ammo jaalani tiyya halkaniini guyya jette, ifsaleni ya d'iaate jetti, ammo anini dukanuma keesati hafa. Abdiini tiyya fulluma ekhera ch'alla, fulla anini gach'iise dukana keesa rafu. Anini awaalani, Aabbo jed'e, raamo na nyaatuni, ayyo, yokhaani, oboleeti tiyya jed'aani. Abdiini tiyya tokoleeni me re? Nami tokoleeni ka argu injira? Hojja anini due, na awaalani, abdi woliini na awaalani? Jennaani Bildadiini, ka gosa Shuhi, waan jed'eeni: Nami aka keeti kunini yoomi afaani qabata? Yo atini ch'allifte nu ch'aqafte, nu wo siti himna. Atini maanifi daalle aka looni nu seeta? Atini maafi ufuma teete dallansuuni ufi d'ukubsita? Lafti dallansu teeti jette duwa taati? Waaqi sii jed'e gaara chochoosa? Ifse nama ch'ubbuu inuma d'aanfani, ibidi isii deebie imbobau. Ifsaani waaro isaa gaandidae, ifseeni isaa bira ejitu d'aamti. Ejati isaa qara jajaba, ammo amma ingugufata; maluma isaati isa balleese buusa. Inni t'urura keesa seene, t'ururaani miila isaa qaba; qaampari hirba isaa qabe isa chochou d'owa. Lafa irati t'urura d'ossani, qaampara kara keesa kayaniifi. Gama ch'ufa waan isa mudamsiisuti isa eegate, fulla inni deemu ch'ufa gula deema. Inni duri dureesa, ammo amma ya wo d'abe; gaargali d'aatu tae isa eegata. D'ukubi hamaani nafa isaa qabate, harkaafi miila isaa shamse ajeesa. Waaro inni nagayaani keesa tahu keesaa hirkisani, boola Duati geesani. Amma tana abbaani fed'u ha waaro isaati galuti eegi dillo iti naqani qulqulleesanini. Hiidi isaa jalati gogoge, dameeni isaa gubbaati qanch'oorati. Gurri isaa lafa keesaa badde, maqa isaa lafa keesaa d'abani. Isa lafa keesaa baasani, ifsa keesa dukanati geesani. Inni gosa isaa keesa ilmaani inqabu, nami isaa ka hafe injiru. Nami ilaborutiifi ka ila aduu ch'ufti baddi isaa d'ageennaani mudame holata. Sunini baddi worra ch'ubbichati worri Waaqa imbeenne fulla suni yaa. Jennaani Ayubuni waan jed'eeni, Isani yoomi dubbi teesani d'eertu tanaani na gaargalchu lakiftani? Maro heddu na arabsitani, araba na arabsitani iraa ch'eeru diddani. Ato anini d'uguma wollaala tolchele maanini isani gaargalcha? Isani waan nara jirtani seetani, maro anini gaargala argad'eefi ch'ubbicha naa seetani. Isani aka nami waan kana naa tolche Waaqa ingartani? Inni ya t'urura na hid'e, aka na qabu. Yo anini, ya na dabsani jed'e iyyele, nami na jalaa qabu injiru; ato anini qarqaarsa kad'ad'ele, d'uga inargad'u. Waaqi yayu kara nati hid'e, anini dandae indabru; inni ya kara kiyya dukana keesati d'osse. Inni hori kiyya ch'ufa naraa fuud'e, gurra kiyyale balleese. Inni gama ch'ufa na d'ae na ch'ach'abse; inni abdi tiyya aka mukha buqise, lafati na lakise. Waaqi aka hamtu gugubate nati dallane, nyaapa ufiiti na herege. Inni duula ufii had'iisa nati erge, worri boola qotate waaro tiyya marsa. Inni yayu oboleyaani tiyya naraa fageese; worri duri na beekhu ya nyaapa nati tahe; fiit'ani tiyya ya na lakifte, jaalani tiyya ya na biraa yaate, keessumaani tiyya ya na deete; dubriti na hojattu aka keessumaafi nyaapa na hereddi. Hojattuuni tiyya ato anini yaamele, na jalaa inowaatu, ato anini sobad'ele na jalaa inqabdu. Niitiini tiyyaleeni aja tiyyaafu nati ind'iaatu, oboleyaani tiyyaleeni, ta nu woliini d'allanne, na jibbite naraa fagaati. Ijoolleleeni na goyeesite, yo na gartu na tufati. Jaalani tiyyaleeni ta anini guddo jaalad'u, na jibbiti, nami anini nama ch'ufa ira jaalad'u ya nati gaargale, anini yayu gogafi lafe ch'alla tahe; ammo hataatu lubbuuni ya arma gahe. Jaalani tiyya, naa naha, harki Waaqa ya na d'ae. Isani maafi akuma Waaqi nyaate na fit'e nyaatani na fit'ani? Isani fooni kiyya inquuftani? Ato nami sila dubbi tiyya tana qaabate, kitaaba keesati t'aafe, anini akami fed'a! Yokhaani ato inni dubbi tiyya, aka isiini, haga jiru jireenna teetu, d'akha irati sibiilani qore akami jaalad'a! Anini imbeekha, aka nami naa kalchu gubbaa jiru, ammalle aka inni guyya muumme d'ufe naa dubbatu. Ato d'ukubi nafa kiyya balleesele, anini nafuma kanaani Waaqa arga. Ammo ammatana goraade sodaad'a; wonti akanatiifi Waaqi gaafa dallane goraadeeni nama balleesa, duuba akasiini aka nama wollaala namati muruu jiru beetani. Jennaani Sofariini, ka gosa Naamathi waan jed'eeni: Abbo, atini ya na dallansiifte, tanaafi anini amma hurrise wo siini jechuu fed'a. Wonti atini naani jette araba, ammo qalbiini tiyya waan sini jechuu malani ya na garsiifte. D'uguma atini imbeeta, haguma duri nama lafa irati uumani, gammadi nama ch'ubbicha gabaaba, gammachuuni nama Waaqa imbeenneleeni haguniti: Ato inni d'eerate mataani waaqa tuqele, akuma awaara bada. Nami duri isa beekhu, Inni me? jed'e gaafata. Inni akuma oobju dabre, akuma daayya halkani bada, deebiani inargani. Nami duri isaa arge deebie inargu. Fulla duri inni iti galule ind'abani. Ilmaani isaa waan inni hiyyeesa iraa hate deebisuu malte. Nafi isaa gaafa inni duri kaima jabeenna qaba, ammo amma d'iotu biyye taha. Ato hameenni guddo afaani isaati miae, inni afaani keesaa fud'achu dad'abele, sagaleeni garaa isaa keesati had'oofte, had'a bofaa iti taati. Inni hori kara dabaatiini soorate diddifate, Waaqumati waan suni isa diddisise. Wonti ch'ubbichi liqimse had'a, had'ani suni akuma had'a bofaa isa ijeefti. Inni d'ad'a lafa ira dabre aka galaana yaufi; laga aananifi dammi kee yaule inargu. Inni waan hojate argate insooratu: Yokhaani tirfi daldala ufi ira argate inyaatu; wonti akanatiifi inni hiyyeesa dabse hiyyoomse, ammalle mana nami d'ibiini jaaratele saame. Inni sabdi, woma inquufu, ammalle woma oli inkeeyatu. Inni yo wo nyaatu woma inhambisu, tanaafi horiini isaa hobaa. Ato inni quufu, gaargali isa qabate, badiini isa d'aqabdi. Yo inni haga fed'u nyaate quufele, Waaqi aka male isaati dallane, tontomooni d'ae lafa buusa. Hojja inni woraana dura baqachuni fed'u t'iya sibiilaati isa woraana. T'iyiti nafa isa keesa lit'e, fiit'eeni isii d'iiga isaa d'udde, inni aka hama mudama. Waan inni olkeyate ch'ufa balleesani; ibidi nami harkaani imbobesiini isaafi worra isaale ch'ufa gubba. Gubbaani ch'ubbu isaa mulifte laafteeni isa himati. Hojja Waaqi iti dallanu, mana isaatiifi waan inni qabu ch'ufa lolaani balleesani. Aki Waaqi ch'ubbicha balleesu akasi, sunini baddi Waaqi ch'ubbicha herege. Jennaani Ayubuni waan jed'eeni: Dubbi tiyya aka dansa ch'aqasa, aki isaani garaa na jabeesitani ha hagasuma tahuti. Qoomni anini dubbad'uuni naa kenna, duuba eegi anini dubbad'e haga feetani na goyeesa. Anini nama dubbi maani iraa qaba? Yo anini obsuu baad'e maani nara qabdani? Na dawaad'a mama, afaani qabad'a. Hojja anini waan na tolchani heregu, anini aka male nahe holad'a. Ch'ubbichi maanifi lubbu bule jaare hori horata? Worri ijoolleefi akhakhowani d'ale, ilmaani suni ta olguddatu arga. Waaqi mana worraa imballeesu, worri soda womatu inqabu. Koromini worraa bara ch'ufa goobde, looni worraleeni, ka insaleesine, aka dansa d'alani. Ilmaani worraa buraat'e aka ilmoole hoola tabati, kiraariifi fulludo d'oofte sirbiti. Worri nagayaani tae, gaargala male due, fulla ekheraa d'aqa. Worri waan Waaqa guddaani jed'u, Nu lakisi nu kara kanke beekhu imfeennu. Atini qara maani, ka nu sii hojannu? Yo nu si kad'annu, maani nu baata? Worri waan jed'u, Nu irruma teennaani arganna, ammo anini dandae herega worraa suni ee injed'u. Ifse ch'ubbicha taka ya d'aamfani? Worri akasi sunini tokoleeni taka gaargala ya argate? Waaqi taka worra ch'ubbuti dallane, aka buuyo qilleensi fuud'u fuud'e, yokhaani aka awaara bubbeeni fuutu ya fuud'e? Isani waan jettani, Waaqi maro wollaala abbaatifi ilmaani d'aana, ammo dubbini sunini akasiniti. Waaqi ha nama wollaala tolche wotolchuti; nami wollaala tolchu ha aka maro wollaala ufiiti gaargala argatu beekhuti. Nami wollaala tolchu ha gaargala ufii argate, dallansu Waaqaa gudda arguuti. Nami hojja guyyaani isaa gahe, waan ilmaani isaa iyyaala? Nami dandae Waaqa, ka hayyootale qoru, imbarsiisa? Ammo hagi toko gammada inqabu, gaargalaani tae, gaargala keesa dua. Ammo nami ch'ufti akuma taka due awaalani raamooni nyaati. Anini herega keesani, ka isani mala hama natiini d'aatani, imbeekha. Isani waan jettani, mani namicha gudda kaani meeti, ka duri hameenna tolche? Isani ideemtuni woli inhaasoftani? Isani odu worri d'ufuuni ind'ageenne? Guyya Waaqi namati dallane nama d'aanu, nami lubbu baasani ch'ubbicha ch'alla. Nami ch'ubbicha himate, waan inni tolche gula gati kennuufi injiru. Hojja awaalati isa geesani, awaala isaale aka dansa eegani, nami hedduuni isa duraafi duubale yaa, biyyeeni lafaleeni isati mioofti. Ammo isani maafi dubbi woma keesa injirreeni garaa na jabeesu feetani? Dubbi isani naani jettani tana, d'ara male d'ugaani keesa injirtu. Jennaani Elifazini, ka gosa Temani, waan jed'eeni: Nami tokoleeni ato qaroole taate, ka Waaqaa wo bahu, injiru? Atini ato d'ugale gula deemte, d'ugaani sunini Waaqa guddaa wobaati? Yokhaani ato atini nama dansale taate, dansumti sunini isaa qarqaarsa taati? Waaqi waan atini isa sodaatufi si gorse qorsumma si geesa? Akasiniti inni waan atini ch'ubbu guddo tolchite, hameenni kanke muumme d'abeefi akana si tolcha. Siti duri oboleyaani tante iraa woya qabdo fud'atte qulla lakise. Atini nama dad'abi qabu bisaani d'owatte, ka beela qabule sagale d'owatte. Ato atini nama dureesa oobru guddo qabu ka gurra qabule taate, atini haad'a hiyyeesa qarqaaru didde, ammalle ilmaani hiyyeeyile dabsite, waan isii saamte. Tanaafi amma tana t'ururaani moga ch'ufa si marse, maro tokotu mudamsuuni si qabati. Lafti siti dukanoofte, woma argu dad'abde, fach'ai bisaani sira deebie si liqimsa. Waaqi achi olfago injiru? Urjile, ato isiini olfago jiraatte, ufi jalati ilaalu? Ka atini teete, Waaqi maani beekha? Isa dumansinu ind'ossa, akami dandae nama qora? jettu. Jaldooni dumansa lafa argu isa d'owarti, ka inni jiddu lafafi gubba deemu. Atini kara dullacha worri ch'ubbuu gula yau illakiftu? Ato guyyaani worraa ingeenne bisaani fach'aani worra liqimsani. Worri waan Waaqaani jed'e, Nu biraa deemi, Waaqi guddaani, maani dandae nu tolcha? Ammo nami worra horsiise Waaquma. Anini herega worra ch'ubbuu dandae inhubad'u. Nami dadansaani gammada qaba, nami d'uga hojja nama ch'ubbicha ka d'aanani argu inkobla. Waan ch'ubbichi qabu ch'ufa imballeesani, waan hafele ch'ufa ibidati guba. Amma tana Waaqaani wold'aqa, nagayaani woliini taa; yo atini akasi taate inni si eebisa. Barsiisa inni si barsiisu fud'ad'i, dubbi isaa garaa keesa keeyad'i. Yo atini ufi diqeesite Waaqati deebite, hameenna worra kanke keesa jiru ch'ufa keesaa baafte, worqi tante lafati jissite, worqi tante dandansa lagati gatte, ammalle yo Waaqi guddaani worqifi qarsi sii tahe, duuba atini hojja ch'ufa Waaqa gudda jaalate, aka inni gammada sii kennu agarta. Hojja atini isaa kad'attu, inni si d'agaye, atinileeni kakhu tante guuta. Waan tolchu feetu ch'ufa dabsate, karaani kankeleeni ifsa sii taha. Waaqi nama ufi guddisu diqeese, nama ufi diqeesu baasa. Yo atini ch'ubbu inqamne waan d'uga tolchite, inni si baasa. Jennaani Ayubuni waan jed'eeni: Anini ammalle gungumsuufi morkiti Waaqaani morku yala imbahu, yokhaani waachule illakisu. Ato anini sila fulla inni jiru beekhe fulla inni tahu d'aqe, akami dansa! Anini waan kiyya ch'ufa iti himad'e, aka dansa afaani kiyyaani ufii dubbad'a. Anini waan inni naani jed'ufi aka inni na jalaa qabu beekhuu fed'a. Waaqi irre ufii ch'ufaani na dida? Akasiniti, inni dubbi tiyya inch'aqasa. Anini nama d'ugaati; dandae waan kiyya Waaqati himad'a; inni dubbi tiyya qore, d'uga naa mura. Yo anini barbaada isaa ilaboru deeme inni achi injiru yo ila adu deemele achiti inargu. Hojja inni mirgaafi bitaleti wo tolche anini isa dandae inargu. Ammo Waaqi ejata kiyya ch'ufa imbeekha. Hojja inni na ilaalu anini aka worqi qulqulleesani iti fakaad'a. Faanti tiyya ejata isa gula deemti, anini kara isa taka ira ingorre. Anini hojja ch'ufa seera isaa guute, fed'i tiyya lakise ta isaa tolcha. Inni injijiramu, nami tokoleeni dandae waan inni fed'u imorkuuni. Inni waan naa herege inguuta; herega suni malele inni herega heddu d'ibi qaba. Tanaafi anini hojja waan kana qaabad'u isa durati mudama. Waaqi guddaani ya garaa na laafise na mudamsise. Nami na sodaachise sunini dukanaaniti, Waaqa — ato dukanti ila na d'owartele. Waaqi guddaani maafi guyya qorsumma intolchini? Nami isa beekhu maafi guyya suni barbaade d'aba? Nami aka lafa ufi ballifatu d'akha seera guura; ree biyyaa hatani ta ufiiti naqatani. Harrele ilmaani hiyyeeyi iraa fud'atani, sanga haad'a hiyyeesale qabdo fud'atani. Hiyyeesa d'uga d'owani, nama woma inqamnele baqachisani. Tanaafi hiyyeeyiini akuma harre diidaa lafa aloo keesa sagale barbaadati; achi male dandaani fulla d'ibi ilmaani worraati sagale inargani. Hiyyeeyiini oobru biyyaa murte oobru ch'ubbicha keesa mid'aani zabibu guurti. Halkanile woya male qulla bulani, waan d'aamocha iraa d'owa d'abani. Bokeeni gareeniti roobu worra jisse, worri d'akha jalati baqate aka qobatu. Ch'ubbichi daima abba inqamne tisse tolfate, ilmaani hiyyeesaa qabdo fud'ata. Ammo hiyyeeyiini woya d'abde qulla yaate, ka woma garaa inqamne mid'aani biyya galchiti. Worri mid'aani ejersa d'ad'a keesaa baase, mid'aani zabibule daad'i keesa baasa, ka ufiftu d'eebu injirre. Dira keesati nami mada qabuufi ka duu jiru iyye qarqaarsa kad'ata, ammo Waaqi kad'acha suni ind'agayu. Nama gariti jira ka ifsa didu; worri ifsa inhubatu yokhaani gara inni deemu gula indeemu. Ganama nami wo ijeesu lafaa kae hiyyeesa ijeesu d'aqa; halkani d'aqe wo hata. Nami nad'eeni biyyaa d'aqu, d'ia adu eege, namu na inargu jed'e d'okhate iti d'aabata. Halkani hattuuni mana ch'absiti, ammo guyya d'okhate, ifsa diddi. Worri ifsa guyya sodaate, dukana halkani jaalata. Ati waan jettu, Nama ch'ubbicha bisaaniti fach'ae fud'ata, lafa isaale ya Waaqi abaare; inni deebie oobru isa ta zabibu keesa inhojatu. Akuma wonti qabanooftuuni hojja aduuni owite bat'u akasuma ch'ubbichi due lafa iraa bada. Haati isaaleeni deebite isa inqaabatu; raamooni isa nyaate, inni akuma mukhaa qaarie bada. Wonti isa akasi tolchanifi waan inni nad'eeni hiyyeeyi dabse, nad'eeni woma ind'aliinile nahu dideefi. Waaqi irre isaatini worra jajaba balleese, ch'ubbichale wo tolche hobaasa. Waaqi yo fed'e, nagayaani isa teesise ammo hojja ch'ufa ilaani isaa qorqorata. Bulti diqo toko ch'ubbichi wo horata, ammo eege aka raafu qanch'oorate akuma guma badala ka buqisani, bada. Nami waan kana mormu injira? Nami dubbi tiyya tanaani d'ara jed'u injira? Jennaani Bildadiini, ka gosa Shuhi, waan jed'eeni: Waaqi jabeenna qaba; nami ch'ufti isa sodaachu male; inni gubba nagaya tolche, aka dansa fida. Nami malaika isaa hojattu haga beekhu injira? Fullaani ifsaani Waaqaa iti inifsiine injirti? Nami akami dandae Waaqa durati d'uga qaba? Nami uwii d'alu akami dandae qulqullo taha? Isa durati jii kayyo inqabu, urjileeni qulqullooniti. Nami maani re, ka ufiftu raamofi buqata fakaatu? Waaqa durati nami maani keesa jira? Jennaani Ayubuni waan jed'eeni: Qarqaarsi atini nama hiyyeesa laafa aka kiyya kana kennitu kana? Atini daalle aka kiyya kana akana gorsite, qarooma kanke garsiifta? Atini mala keeti, waan nami dubbi tante tana ch'ufa d'agayu jiru seeta? Eenuti dubbi tana si dubbisise? (Bildadi) Ekheraani bisaani lafa jala keesa jirtu holate, fullaani Ekheraani teetu Waaqa durati imbanamti; wonti tokoleeni ka fulla ekheraa suni Waaqa d'ossa injirtu. Inni gubba gama mirga ballise, lafa akanumati ka womati infannisiini raraase. Nami dumansa bisaanini d'ud'ufeesu Waaqa, inni dumansa ulfinna bisaanitini tarsauu d'owa. Inni goobana dumansaani d'osse, naanno baariini gubbaati mid'aase akasiini ifsafi dukana gargari qoode. Utubaani gubba chochoe holata, hojja inni mudamsiisu. Irreeni isaa baariini dabsate, qalbiini isaa goorjama Rahabu jed'ani gargari ch'irte. Hafuura isaati goorjama baariini ka baqatu ijeese. Ammo tunini jabeenna isaa haguma diqa toko nu garsiifti; wonti isaa ka nu ind'agiyiini, guddoti hafe! Eenuti dandae d'uguma jabeenna Waaqa haga beekha? Jennaani Ayubuni ammalle dubbi fuud'e waan jed'e: Anini maqa Waaqa guddaa jirutiini kakhad'a, ka d'uga na d'owe, jireenna nati had'eese — haga Waaqi hafuura na keesaa infuud'ini, afaani kiyya waan hamtu indubbatani, arabi kiyyaleeni haga jiru d'ara indubaatu. Anini haga jiru isani d'uga keesa jirtani injed'u. Anini haga duuti wollaala qaba ufiini injed'u. Anini dandae d'uga inqabu ufiini injed'u. Garaani kiyya aka anini wollaala qabu inargu. Nami had'e naani morku ch'ufti ha aka nama ch'ubbicha d'uga inqamne hobauti. Nami Waaqa imbeenne, yo Waaqi lubbu iraa baase, abdiini isaa maani? Yo gaargali iti d'ufe Waaqi boha isaa ind'agaya? Inni Waaqa guddati ingammada? Inni hojja ch'ufa Waaqa iyyaamata? Anini waan jabeenna Waaqaa si barsiise, waan Waaqi guddaani malate si garsiisa. Amma isani eegi waan kana ch'ufa ila teesaniini agartani, maafi teetani dubbi woma seesa injirre tana dubbatani? (Sofari) Aki Waaqi guddaani nama nama dabsu tolchu akana. Inni ato ilmaani heddu d'alelle ch'ufti woraanani hobaati; ilmaani isaaleeni haga jirtu waan nyaatu inqabdu. Nami isaa ka hafeleeni d'ukubaani hobaa. Nad'eeni worraaleeni d'iirsoole isiiti imbootu. Ato inni qarsi muumme inqamne oli keeyate, woya aka biyye tana qabatele, nami dadansaani d'ufe woya isaa suni naqate, nami ch'ubbu inqamneleeni qarsi isaa suni qoodata. Mani ch'ubbichi jaaru sapupa fakaata yokhaani hoosa tisseeni oobru keesati eeddu fakaata. Guyya toko inni ato hori qabu gach'iise, yo lafaa kau hori suni d'aba. Mudamsuuni d'ufte aka lola isa fud'ate, bubbeeni halkani isaani baddi; bubbeeni ilaboruuti d'uftu isa olfuute mana isaa keesaa fuute isaani baddi; Bubbeeni sunini, ato isa lubbuuni d'ufte inni baqachuu fed'u, naasu male isa d'oofti. Bubbeeni ato inni baqatu bubbifte, shawesa isiitiini isa mudamsiifte. Fulla qarsi qotanifi boolati jira; fullaani worqi iti qulqulleesanileeni injirti. Sibiila guraacha, lafa keesaa qotani, sibiila diimale d'akha iraa baasani. Nami fulla guddo dukanootule keesa wobarbaade qile boolale keesa d'akha qota. Nami aka male fagaate, fulla miili namaa taka ingahiini ch'ufa d'aqe, lafa qote, sibiila keesa barbaade, achiti fulla namu injirre haada gula gadibue boola keesaa wo qota. Sagaleeni lafa irati baate, ammo lafuma suni, jala isii qotani garagalchani. D'akhayeeni lafa dooqa qabdi, awaarti isiileeni worqi qabdi. Allaatiini kara d'ossa suni inagartu, qoreleeni arti gubba imbariftu. Nyeench'i, yokhaani bineensi janni aka isaaleeni, kara ch'eekhicha suni maro tokole gula indeemu. Nami d'akhaye jajabdu ch'ach'abse gaareeni jala qote buqisa. Inni ato d'akha qotu d'akhaye ch'uch'ulut'u arge. Fulla galaani iraa bau qotani, waan d'ossani ch'ufa mullisani. Ammo qarooma Eesa argani? Hubachaani eesati galti? Qarooma dandaani nama keesati inargani? Nami waan qaroomi namaa bahu beekhu injira? D'immuuni bisaani qaroomi na keesa injiru jetti baariinileeni inni na keesa injiru jed'a. Dandaani qarsifi worqileeni imbitani. Ammalle worqi dansaafi d'akhayeeni ch'ulut'uleeni haga isa woma imbaatu. Inni worqi ira jira, dooqafi wonti worqiini mid'aasanileeni haga isa ingeetu. Qaroomi d'akha adiifi d'akha ch'uluqafi, d'akhaa diima ch'ulkichale ira jira. D'akha had'ichafi worqi qulqulloole dandaani qaroomani wolbira inqabani. Qaroomi eesaa baha re? Hubachaani eesati galti? Wonti lubbu qaba ka dandae qarooma arga injirtu, wonti gubba barisaleeni dandeete inargitu. Badifi dootileeni, Odu isaa ch'alla d'ageenne jetti. Waaqa ch'allati kara isaa hubate, fulla inni bahufi beekha, wonti akanatiifi inni muumme lafatifi waan lafa gubba jira ch'ufa inarga. Gaafa Waaqi bubbee irre kenne, baariinile biime mid'aase, gaafa inni seera bokaya kaye, kara mandisuuni gula deemtule mid'aase, gaafasi inni qarooma arge ilaalate, dansuma isaa arge quufe. Waaqi waan namaani jed'e, sodaani Waaqaa qarooma, ch'ubbu lakisitini hubacha. Jennaani Ayubuni ammalle dubbi fuud'e waan jed'e: Ato sila finni kiyya aka duri gaafa Waaqi na qorqoratu kaani jiraate, akami dansa! Gaafasi Waaqi na woliini jira, inni ato anini dukana keesa deemu ifsa naa kenne. Gaafasi gaafa anini jabeenna qabu, ka Waaqi jaala naa tahe worra kiyya eebise. Waaqi guddaani gaafasi na woliini jira, ilmaani tiyyale ch'ufa gaafasi wolumaani teenna. Gaafasi anini aanani quufe, qoda worra kiyya ch'ufa itituni guute; mukeeni tiyya ta ejersaleeni d'akhale ch'ufa gubbaati baati; yo anini kora jaarolee dira d'aqe keesa tae, nami diqaani ch'ufti olkae na dura gora, jaaroleleeni na ulfeesite oli naa kaati. Nami nama dura yauleni ch'allise afaani qabata; nami gurra qabuleeni ch'ufti akanumati ch'allise ufuma ch'iisa. Nami na d'agaye dansuma tiyya dubbate, nami na argeleni quufa kiyya dubbate. Yo hiyyeesi nati bohe anini inqarqaare, ilmaani hiyyeeyile gaargala keesaa baase. Nami duu jiruleeni na eebise, anileeni haad'a hiyyeesale gammachiise. Anini d'uga aka woya uyifad'e, aka sure matati marad'e. Anini ballaa ila tahe, naafa miila tahe. Anini hiyyeesa abba tahe, nama fuula imbeennele ch'ufa qarqaare. Anini irre nama nama dabsu balleese, nama inni dabsule baase. Anini waan guyyaani kiyya d'eerate nagayaani worruma kiyya keesati duu sehe. Anini aka mukha hiddi isaa bisaani quufe jira, ka dameeni fit'eesoftu. Nami ch'ufti hojja ch'ufa dansuma tiyya dubbate, guyyaani toko ka anini jabeenna d'abe injiru. Hojja anini biyya gorse, biyyiti ch'allifte aka dansa dubbi tiyya ch'aqafte; yo anini dubbi buufad'e, nami deebie dubbatu injiru. Dubbini tiyya akuma bokai lafa seenu qalbi namaa seente; nami ch'ufti dubbi tiyya jaalate eege, akuma nami oobru bokaya ganna eegatu. Gaafa worri garaa laafe, anini worrati qumaade garaa jabeese. Anini gudda worraa tahe, kara worri deemu fohad'e; akuma hayyuuni duula ufitini deemu, worraani deeme, hojja worri ufi jibbaate, garaa worraa jabeese. Ammo amma tana nama diqa hariya tiyya intahiiniti na goyeesa. Anini worra suni duri abbooti worra tufad'e, sare ree tiyya tissituleti indaru. Worri sunini ufiftu ya hobae, maani na baha? Worri hiyyoomate belae, hidda gogeesa halkani lafa alooti nyaachu fed'a. Worri mukha lafa aloo bubuqise nyaate, hidda gurbi ka imiomnele! Nami ch'ufti worrati iye gusse, akuma hattu iti iyyaani gussani. Worri goda d'akhayetifi boola d'akhaye keesaa qotanile keesati gala. Lafa aloo keesati aka harre baroodani, gurbi jaalati wolti mamat'ane ch'iisa. Worra woma imbeenne, ka maqa inqamne, lafa keesaa gussani! Duuba amma ilmaani worra suni d'ufte na kofalti; worri woma na insehu, tanaafi na goyeesa. Worri na tufate, nati d'iaachu dide hanch'ufa fuulati na tufa. Waan Waaqi na laafise irre na d'owefi, worri aka male nati dallane. Worri seseegi akana kunini na lakisu dide, na gusse, lafa ira na balleesu fed'a. Worri fiigu na d'owe na balleesu fed'a, nami nara d'owu injiru. Worri fulla ch'ufaani nati baafate, nara bue na balleesa. Anini aka male mudame, gurri kiyya aka qilleensa bade, duroomi aka dumansa ya naraa dabre. Anini amma la duu gahe, gaargali kiyya ya nati guddate na lakisu dide. Halkani ch'ufa lafeeni na d'ukubde, d'ukubi hojja ch'ufa tae na nyaatu, naraa badu dide. Waaqi fiit'e woya na qabe, woya tiyya mich'iire aka iraa gorse. Darbe, d'oqe keesa na buuse, anini awaarafi daara tahe. Ee Waaqa, anini si yaamad'a, ammo atini na jalaa didda; yo anini si kad'ad'ule, atini na jalaa inqabdu. Atini aka hama naasu male na dabsita, atini irree tante jabduuni na gaargalchita. Atini bubbe nati ergite, isiini na butte, bubbeeni sunini na d'oofte lafa na marsiti. Anini imbeekha, atini duuisati na geesu jirta, fulla nami ch'ufti d'aqu. Atini nama bade, ufiftu tae naasu ch'alla kad'atu, maafi teete haata? Anini duri nama gaargala qabu woliini bohe, hiyyeesaa innaane? Hojja anini waan dansa barbaade, waan hamtu argad'e; hojja anini ifsa eegad'e dukanati nati d'ufe. D'ipufi heregi ya lafaa na hobaase; guyya ch'ufa gaargalumati nati d'ufa. Lafti nati dukanoofte, adu argu dad'abe; anini gumi dura eje qarqaarsa kad'ad'a. Waheli kiyya geedalaafi guchi. Gogaani kiyya guraatae naraa luqae, nafileeni ch'ufti na qand'ate. Fulla duri sirba gammada iti d'agau, amma tana oannafi boha d'agaya. Anini yayu kakhad'e, aka ato dubra argele ind'araanefi. Waaqi guddaani maani nu tolcha? Huji namati jed'e maani namaa kenna? Inni nama waan hamtu tolche gaargalaani iti d'ufe imballeesu? Inni kara kiyya arge ejata kiyya ch'ufa haga imbeekhu? Yo anini ch'ubbu hojad'e, kiyyibaani deeme nama sobe — Waaqi ha d'ugaani qore, aka anini ch'ubbu inqamne arguuti. Yo anini kara iraa gore ilti tiyya ch'ubbu keesa na buufte, yokhaani harki kiyya t'urae, oobru tiyya ha balleesani, yokhaani nami d'ibiini waan anini oobrad'e ha nyaatu. Yo anini taka nad'eeni biyyaati d'arae, balbala jalati d'okhad'e eege, niitiini tiyya ha nama d'ibi sagale d'aabde sire isaa ira woliini rafaniti. Hameenni akasi sunini waan duati nama geesa. Woni suni sila ibida wo balleesu, ka fulla duati wo geesu, ka hori kiyya ch'ufa gubu fakaati. Yo anini hojattu tiyya ta uwatifi ta d'iirale gaafa worri na himate dabse, hojja Waaqi na gaafate anini maani taha? Hojja Waaqi dubbi suni barbaade anini maani jed'aani? Namuma na uumeeti worrale uumeniti? Namuma takati nu d'aleeniti? Anini taka hiyyeesa qarqaaru indinne, yokhaani nad'eeni hiyyeeyile nahu indinne yokhaani taka sagale tiyya koba nyaad'e ilmaani haad'afi abba inqamne ind'owanne. Haguma kaimoma kiyyati anini akuma abba ilmaani suni guddise nad'eeni hiyyeeyile qorqorad'e. Hojja nama hiyyoomate woya bitachu dad'abe arge anini woya liilani dabasa hooliye tiyya iraa mid'aasani kenneefi. Duuba inni garaa isaa ch'ufaani na eebise. Yo waan anini jaarole dubbi qortu beekhufi anini ilmaani haad'afi abba inqamne dabse, harka kiyya ha ch'absani, gurmu tiyya ira ha buqisani, waan Waaqa sodaad'ufi anini waan akana dandae intahu. Anini taka worqi dugeefad'e abdi intolfanne, yokhaani, hori gudda qaba jed'e taka inkiyyimne. Anini taka ifsa adutifi mid'aaguma jia jaalad'e inkad'anne. Anini taka soba nami na sobe aduufi jia harka iti qabi d'ungad'i guddisi naani jed'e, gula imbaane. Ch'ubbuuni akasi sunini waan nama ijeesaati, ta Waaqa gudda mormatani. Hojja nyaapi kiyya gaargala argate d'ipate bade, anini taka ira ingammanne; anini taka, Waaqi isani ijeesinna jed'e worra inabaare. Nami na hojatu ch'ufti imbeekha, aka anini keessuma gololchu. Anini nama imaltu deemu taka ka mana kiyya imbulchini alaati illakimne. Biyyiti daba ufi d'ossiti, anini ammo taka kiyya ind'ossine. Anini taka dubbi biyya sodaad'e ch'allise manati inhamne maro goyeesa worra sodaad'ufi. Nami tokoleeni dubbi tiyya inch'aqasu? Anini inkakhad'a, aka dubbini tiyya d'ugaa. Waaqi guddaani ha naa himuuti. Ato sila waan nyaapi kiyya naani himate t'aafani na garsiisani, anini sila gurmu tiyya irati baad'e, aka sure matati marad'e kiyyibaani. Anini sila waan tolchu ch'ufa Waaqati hime, aka nama guddaa isa dura eja. Yo anini lafa qotad'u hate, irreeni abba isii iraa fuud'e, yokhaani yo anini sagale oobru suni keesaa baatu nyaad'e, abba oobru suni beelaani ijeese, fulla sila dargayefi garbu, buuyofi qoraatini ha oobru suni keesati baatu. Dubbini Ayubu asi buufatti. Waan Ayubuni d'uga iraa bahu dide anini wollaala inqabu ufiini jed'eefi, jari sadeeni kaani iraa ch'allise. Ammo namichi toko, ka Elihu jed'ani, ka d'aatu eju, aka Ayubuni ufi d'ugeese Waaqa himate d'ageennaani, dallansu d'owachu dad'abe. (Elihuni ilma Barakeli, ka worra Buzi, balbalti isaa Ramu.) Inni jaalani Ayubu taani sadeenileeti dallane, waan worri dubbi isaa d'aareesu dad'abe, akasiini waan Waaqi wollaala qabu fakeesefi. Inni waan worra kaani ch'ufa ira maand'atifi haga worri kaani dubbatu ch'ufa afaani qabate. Inni aka jari kaani sadeeni dubbi Ayubu dad'abe arginaani dallane waan jed'e: Anini Kaima, ammo isani jaarole, tanaafi herega kiyya isani garsiisu sodaad'e. Anini eegi jaaroleeni tunini nama wobule ha qarooma ufi garsiiftu jed'e. Ammo lubbu Waaqa guddati d'ufe qarooma namaa kenna. Nami wobeekhu jaarole ch'allaniti, nami wohubatu nama wobule ch'allaniti. Tanaafi amma na ch'aqasa, waan anini herege isaniti hima. Anini haga isani dubbatani dubbi qajeeltu barbaadani ch'ufa, ufuma obse isani ch'aqasa. Anini aka dansa isani ch'aqase, ammo isani waan jettani ya d'abdani; isani dubbi Ayubu ya d'aareesu dad'abdani. Nu qarooma qamna injed'ina; dubbi isaa Waaqa male nami ind'aaresu. Ayubuni naani indubbanne, isaniini dubbate male, ammo anini aka isani jettaniini injed'uuni. Ayubu, worri ya ufi jibbaate, waan jed'u d'abe. Waan worri waan jed'u wollaale ufuma ejaanjufi anileeni afaani qabachu male? Akasiniti, anini amma wojed'e, herega kiyya isani garsiisa. Anini dandae afaani qabad'e inoobsu, anini dandae inch'allisu, woiti na dubbisa. Yo anini qoomni dubbad'uuni d'abe, anini aka gorjo d'aadiini hareetini miju tarsaa. Anini dandae inoobsu, afaani guutad'e dubbachu male, anini dubbi tana keesa nama tokole ira inchiisu, yokhaani nama ind'ugeesu. Anini dubbi namaa kuru imbeekhu, yo anini akasi tae Waaqi yoosu na balleesa. Ayubu amma waan anini jed'u ch'ufa, aka dansa ch'aqasi, anini diquma wo indubbanne dubbini araba ira na teteeti. Anini garaa tokooni dubbad'a, dubbini tiyya ch'ufti ta d'ugaati. Lubbuuni Waaqa na uumte, hafuuri Waaqa gudda jireenna naa kenne. Yo dandeete dubbi naa deebisi, waan jechu feetu kurfefad'i. Anaafi sii Waaqa durati haguma taka, nuu lachu biyye ira mid'aasani, tanaafi wonti atini na sodaatufi injirtu; anini si indabsad'u. Dubbini atini jette ta anini d'agaye tana: Anini qulqullo, woma iyyakine, ch'ubbule inqabu. Ammo Waaqi nyaapa nati tahe, kara naani had'u nati barbaada. Inni miila kiyya sansalatani hid'e, ejata kiyya ch'ufa keesa na eega, jetta. Ammo anini waan sini jed'u, Atini ya wollaalte, Waaqi nama ch'ufa ira jira. Atini maanifi teete Waaqaani, Dubbi nama ind'ageetu jetta? Ato Waaqi kara hedduuni dubbatele, nami waan inni jed'u inch'aqasu. Halkani hojja nami rafu Waaqi oobjufi daayya keesa namaani dubbata. Inni gurra nama bane gorsaani nama mudamsiisa. Wonti inni worraani dubbatufi, aka worri daba iraa gore kiyyiba lakisu. Inni worra badi d'owe, duisa hanqisa. Waaqi nama d'ukuba iti erge nafa d'ukubse, akasiini qajeelcha. Duuba nami suni sagale jibba, sagaleeni dansaleeni iti imioftu. Nafa isaa ch'ufa fooni ira d'umatani, lafeeni isaa diidati gayaati; inni ya fulla ekhera deemu gahe. Hegeri malaikaani d'ufte isa qarqaarti — malaikaani toko ta gumi malaika Waaqa, ta kara dansaati nama qajeelchitu. Maro naasutifi malaikaani waan jettu, Isa gad'iisi, isa fulla ekherati gabu d'owi. Anini ya waan isaani baasu arge, kuno tana. Nafi isaa deebie fooni baase jabaate kaima taha; hojja inni Waaqa kad'atu inni isaa d'agaya; inni Waaqa arge gammade, Waaqileeni kara d'ugaati isa deebisa. Duuba inni biyya dura d'ufe waan jed'u, Anini ya daba tolche, waan hamtu tahe, ammo Waaqi na baase. Inni fulla ekhera d'aqu na d'owe, tanaafi anini amma jira. Waaqi waan kana maro lamafi sadi fa tolcha; inni lubbu nama duu baase, ifsa jireenna kennaafi. Amma, Ayubu, dubbi tiyya ch'aqasi; ch'allisi, waan anini jed'u d'agayi. Ammo yo waan jettu qabaate jed'i; yo atini d'uga dubbate sii d'ugeesa. Ammo yo waan jettu qabaachu baate, ch'allisi, na ch'aqasi, anati qarooma si barsiisa. Ammalle Elihuni waan jed'e, Isani worri qarooni, ka guddo wo beekhu, waan anini jed'u ch'aqasa. Isani yo sagale dansa nyaatani imbeetani, ammo yo dubbi qaro d'ageetani waan isii inhubatani. Waan d'uga fohanna, waan dansa woliini baranna. Ayubuni waan jed'u, Anini ch'ubbu inqabu, ufuma Waaqi d'uga na d'owe male. Ato d'uga qabad'ele kiyyiba naani jed'ani; ato ch'ubbu inqamnele, madaani tiyya haguma jirtu infayyitu. Isani nama aka Ayubu kana, ka diqole Waaqaa inch'eere, taka gartani? Inni goli worra ch'ubbu tahe, nama dabaatiini woliini deema. Inni waan jed'u, Ato nami d'uga Waaqa gula deemele woma imbaatufi. Me, isani worri hubacha, qabu na ch'aqasa! Waaqi guddaani dandae ch'ubbu tolcha? Inni huji nama gula wo kenneefi, ammalle isi gula wo bahafi. Waaqi guddaani ch'ubbu intolchu, yokhaani nama indabsu, Ee hayi, Waaqi jabeenna ufi nama ira argate? Namati hayyu lafaa isa tolche? Yo Waaqi hafuura jireenna nama keesa fuud'e, nami ch'ufti hobae biyyeeti deebia. Amma tana yo qalbi qabate, na ch'aqasi. Atini Waaqa d'ugaa wollaala iti murta? Atini waan inni d'uga jibbu seeta? Waaqi, hayyuuni atini woma keesa injirtu jed'e worra lafa fiduleeni, Isani worra ch'ubbu jed'a. Inni worra lafa fidu ira ch'iise, dureesa jaalate hiyyeesa injibu, wonti akanatiifi nama ch'ufa isumati uume. Nami halkani tassa dua. Waaqumati d'ae isa ijeese, nama irre qabule dubbi male hobaasa. Inni ejata nama ch'ufa jabeese eega. Dukanti sipeeni, ta ch'ubbicha Waaqa dura d'ossitu, injirtu. Waaqi guyya nama wollaala iti muru waan tolfatufi inqabu. Inni, ka nama d'ibi ingaafanne, worra lafa fidu fuud'e, nama d'ibi fulla isaani kaa. Maro huji worra beekhufi, inni halkani worra gaargalche balleesa. Inni, ato nami ch'ufti argu, worra ch'ubbu gaargalcha, waan worri isa iraa gore kara isaa yaalu dideefi. Worri hiyyeeyi dabse, maro sunifi isiini Waaqati boonnani inni qarqaarsa worri kad'atu d'agayeefi. Yo Waaqi ch'allise, eenuti dandae waan isa dubbata? Yo inni fuula d'ofate, eenuti dandae isa arga? Woni nami dandae tolchu injirtu, aka nama Waaqa imbeenne ka nama dabse lafa fidu, ufi ira d'owu. Ayubu, atini daba kanke Waaqati himate, ch'ubbu iti indeebiu ya jetteeni? Atini Waaqaani, wollaala kiyya na garsiisi ya jette? Atini aka waan hamtu lakiftu ya ee jette? Waan atini waan Waaqi tolche quufu diddeefi, waan inni waan atini feetu tolchu seeta? Dubbini gara kiyya injirtu, gara kanke jirti, waan atini heredde nati himi. Nami wo beekhu naa d'ugeesa; nami qalbi qabu, ka na d'agayu, waan jed'u: Ayubuni waan imbeenne dubbata, dubbini isa woma keesa injirtu. Waan Ayubuni jed'e ch'ufa herega; aka inni aka nama ch'ubbu dubbatu inagartani. Ch'ubbu inni qara hojate lakisi, amma inni Waaqaani morku jira; ila teenna ch'ufa durati tae, harka d'aane, Waaqa goyeesa. Jennaani Elihuni waan Ayubuni jed'e, Jechi atini, Anini nama d'uga ufiini jettu kunini, Waaqa durati dansa seeta? Yokhaani yo atini Waaqaani, ch'ubbuuni tiyya maani si tolchiti, yokhaani yo anini ch'ubbu lakise maani argad'a jette, akasi dansa? Anini ammatana siifi jaalani tante waan jed'uuni qaba. Gubba millad'i, aka dumansi olfago ilaali! Yo atini ch'ubbu tolchite ch'ubbuuni Waaqa wo tolchiti? Yo atini maro heddu ch'ubbu tolchitele maani dandeete Waaqa tolchita? Yo atini nama d'uga taate maanini Waaqa qarqaarta? Wonti Waaqi sira fed'u injirti? Nami maro ch'ubbu tanteetifi gaargala argatu nama aka kanketi, yo waan dansa tolchitele nami qarqaarsa argatu isuma. Nami Hojja dabsani iniyya; worri iyye nyaapa dura nu baasa namaani jed'a. Ammo worri Waaqa worra uume, ka gaargala keesale worra qarqaaru, qarqaarsa inkad'atu. Worri Waaqa bineensafi simpirre ch'ufa ira qalbi nuu kenne inkad'atu. Worri iyye Nu qarqaari jed'a, ammo Waaqi jalaa inqabu, wonti akanatiifi worri ch'ubbicha, ammalle kiyyiba qaba. Wonti worri bohufi injirtu, wonti akanatiifi Waaqi guddaani worra ind'agayu, yokhaani worra inargu. Ayubu, atini anini Waaqa dandae inargu jette; obsi, waan inni sii tolchu eegi. Atini waan Waaqi nama ingaargalchine seeta? Yokhaani waan inni ch'ubbicha odu inkaamne seeta? Atini waan jettu imbeetu, tanaafi wonti atini teete dubbatufi injirtu. Ammalle Elihuni waan jed'e, Me, diqo obsi, anini Waaqaa dubbad'a, na ch'aqasi. Anini guddo wo beekha; anini beekhuma kiyyaani aka Waaqi na uume, Waaqa d'ugaa si garsiisa. Wonti anini jed'u tokoleeni d'ara inqabdu; anini nami si dura eju kunini, aka male wobeekha. Waaqi guddo jabeenna qaba! Inni nama tokole intufatu, wonti inni imbeenne injirtu. Inni worra ch'ubbu lubbu imbaasu, ammo hiyyeesa waan maleefi kenna. Inni nama d'uga qabu qorqorate, fulla hayyooti teetu teesise, haga jiru jireenna ulfinna kennaafi. Ammo hojja maro hameenna isanitifi worra sansalatani hid'ani, Waaqi ch'ubbufi kiyyiba worraa garsiisa. Inni gurra worra bane, worra gorse, Hameenna ira deebia jed'aani. Yo worri Waaqa saalfate hojateefi, worri hormatafi nagayaani taa. Ammo yo worri saalfachufi dide, worri beekha male woraanani dua. Nami Waaqa imbeenne dallansu illakisu, yo inni worra gaargalchule qarqaarsa inkad'atani. Ato kaimaatu duani, ch'eeraani hobaani. Ammo Waaqi gaargalaani wo nama barsiise, d'ipuni ila namaa bana. Waaqi gaargala keesaa si baase, nagaya sii kenne si gammachiise; ammalle sagale guddo si kenne si quubsa. Ammo amma tana waan sii male, gaargala ya argate. Ufi eegad'i gumbooni si sobde, beeseeni kara d'uga iraa si imballeesini. Ato atini qarqaarsa bootele woma inargattu, irreeni tante ta duri amma si inqarqaartu. Halkani ind'araini hojja gochiti hobaatu. Eegad'i, aka garagalte ch'ubbu keesa inseene; aka ch'ubbu ira si d'owanifi gaargala kana siti ergani. Qabad'i aka irreeni Waaqa guddo. Eenuti aka isaa dandae wo barsiisa? Eenuti, Akana tahi isani jed'a? Yokhaani eenuti ya woyakite jed'aani? Maro huji isatifi guyya ch'ufa isa faarsani atinileeni isa faarsu malte. Nami ch'ufti waan inni tolchu ya arge, ammo nami tokoleeni ka waan suni ch'ufa hubatu injiru. Nu dandeenne guddinna Waaqa ch'ufa inhubannu, yokhaani ganna isaa haga imbeennu. Waaqati bisaani lafaa fuud'e bokaya tolcha. Ammalle bokaya suni dumansa keesa roobe, nama ch'ufa bisaanini bad'aasa. Nami tokoleeni, ka aka dumansi deemufi aka mandisuuni gubba gara Waaqati manditu, beekhu injiru. Inni angaasu gubba ch'ufati angae, ammo d'immuuni bisaani dukana keesati hafti. Aki inni nama gololche, sagaleeni nama quubsu akana. Inni harka ufitini, angaasu qabate, qaweeni wo tarsaasa. Mandisuuni bokaya d'ufu himti, loonileeni aka inni roobu imbeekhani. Bokeeni sunini onne tiyya chochoosa. Isani ch'ufti qonqo Waaqa ch'aqasa, mandisu afaani isaa keesa baatu. Inni angaasu muumme lafa tana fuud'e, taaniti d'aabe, gubbaati angaa. Duuba eege, qonqo isaa ta manditu, d'agayani, qonqo mandisu guddo, ta yo ch'ufa angaasuuni woliini jirtu. Jecha Waaqaa gula wonti mama taati, wonti taka inargini, ta nami dandae inhubanne. Inni hagayyaani, roobi jed'e, gannaani, gabad'i jed'a. Inni huji nama ch'ufaa ejachise, aka huji hojatu nama garsiisa. Bineensileeni goda ufiti baqata. Bubbeeni jabduuni bitaa d'ufte, d'aamochi hamani mirgaa d'ufa, hafuuri Waaqa bisaani qabaneese d'akha tolcha. Angaasuuni dumansa keesa angaati, ato dumansi fed'i Waaqa gula gubba deemu. Dumansi suni fed'i Waaqa gula fulla ch'ufa yaa. Waaqi bokaya lafati rooba; bokeeni sunini gaargala namaatiini d'ufa, yokhaani eeba namatini d'ufa. Ayubu me miila d'abad'i, waan mama ka Waaqi tolchu heregi. Atini aka Waaqi dubbate angaasu dumansa keesa angau imbeeta? Atini aka dumansi gubba deeme, qalbi Waaqaa guddo garsiisu beeta? Atini gaafa qilleensi bitaa lafa balleesu, ufuma teete owani doota. Atini dandeete Waaqa qarqaarte, gubba ballifte jabdu aka sibiila diima tolchita? Waan nu Waaqaani jechu male nu barsiisi: nu dukanuma keesa jira waan jennu imbeennu. Aka anini Waaqaani dubbachu fed'u iti himani? Nami tokoleeni Waaqaani na balleesi injed'a? Amma tana nami tokoleeni dandae adu ilaalu. Isiini bibilit'eti ilati nama ejiti; bubbeeleeni yayu gubba harte qulqulleesite. Waan aka worqi bibiliqa mirgati argani, guddinni Waaqa nu mamsiisa. Nu dandeenne Waaqa gudda ind'aqamnu, jabeenna isaa dandeenne iti ind'iaannu; inni nama indabsu, d'uga gula nama qajeelcha. Tanaafi aki nami ch'ufti isa sodaatu mama inqabdu, wonti akanatiifi inni nama qaro ufi sehu woma ira inqabu. Jennaani AABBO Waaqi bubbe keesa Ayubuni dubbate waan jed'e, Atini Eenu, ka qarooma kiyya dubbi tante daalliti woma keesa injirreeni moromtu? Amma aka d'iira kai, oli eji, wo si gaafachu fed'a, waan anini si gaafad'u naa deebisi. Gaafa anini duri yayaba lafa jaare atini arti jirta? Yo atini guddo wo beete, me naati himi. Eenuti haga isiini gahu malte herege? Eenuti ballinna isi haadani biime? Atini waan kana ch'ufa imbeeta? Maaniti utuba lafa tind'isu jabeesa? Eenuti d'akha lafa ka yayaba kae? Guyya suni bakalchi ganama woliini sirbe malaikaleni gammadani iyyite. Eenuti balbala fullo, ta bisaani baariini d'owartu, ch'ufe, gaafa bisaani suni garaa lafa keesaa buani? Nami baariini dumansaani d'osse dukanaani duuche anuma. Anini baariini seera tolche, balbala iti mid'aase qulfe. Anini armaa tai, armaa garu indabriini, d'awani tante jabduleeni ha armumati ejattu jed'eeni. Ee Ayubu, atini taka lafaani, Barii ya jette? Atini taka biiftuuni, lafa qabi, ch'ubbicha fulla inni iti d'okhate gabaasi ya jette? Guyyaani gaarafi baleele akuma dachaa woya mullisa, akuma beesisa d'oqe faara irati mullatu. Ifsaani guyyaa ch'ubbicha adaate waan d'iba hamtu ka inni sila tolchu d'owa. Atini taka madda d'immu bisaani keesa jirtu ya d'at'e? Atini taka bisaani baariini keesa lit'e, lafa ira ya deemte? Nami taka balbala fulla ekheratini d'aqani ya si garsiise? Yokhaani balbala dukana sipe taka agarte? Atini haga lafti geetu diqole hubata? Yo waan kana ch'ufa beete, nati himi. Atini fulla ifsaani bahufi beeta? Atini dandeete haga fageenna worri deemu male ingarsiifta? Yokhaani dandeete keesa indeebifta? Anini imbeekha, inuma dandeeta, wonti akanatiifi gaafa lafa uumanile achuma jirta! Atini taka fulla anini iti wo olkeyad'u d'at'e, qabanaafi bokaya ya agarte? Anini guyya gaargala, ka woraanafi had'iisatifi, waan suni olkaye. Atini fulla aduuni baatufi fulla bubbeeni ilaboru d'uftufi ya d'at'e? Eenuti kara bokaya qote, kara mandisuuni d'uftu hare? Eenuti lafa aloo, fulla nami injirre, bokaya iti rooba? Eenuti lafa bonte gogode bokaya iti roobe marra iti baasa? Bokayafi fit'eesi abba qabani? Haati ligidafi ta qabana eenu? Bisaani ch'ufti jabaatani d'akhaa taani, baariinileeni qabanae ligidae. Atini dandeete urji Buusani wolti hiite, haada Arbagaadu wolti hid'u, dandeete gargari hiita? Atini dandeete urji kara qajeelchite, torbaanifi lamile dandeete kara garsiifta? Atini seera gubbaa beeta? Seera suni dandeete, ka lafaa intolchita? Atini dandeete dumansaani lolte, bisaani muumme inqamne gadi imbuufta? Atini dandeete angaasu angaasifte, isiini d'ufte, Anini kuno siini jetti? Eenuti hojja galaani Nile fach'au dakhayeti hima? Eenuti aka bokai roobu bararatooti hima? Atini sagale nyeench'i nyaatu imbarbaadafi? Yokhaani kuble nyeench'a ta beela qabdu, ta goda keesati d'okhate wo eegatu, inquubsita? Eenuti haranqeesa beelaa lafa maru, ka ilmaani isa sagale nati bootu, nyachisa? Atini gaafa reeni abba inqamne, ta gaareeni irati galtu, d'alate imbeeta? Atini aka hiddini d'altu taka ya laalte? Atini haga isiini ilme garaati baatu imbeeta? Atini gaafa isiini d'altu imbeeta? Atini hojja isiini gach'iifte ilmaani d'altu imbeeta? Ilmaani isi alati jajabaate, guddate, kaate iti d'aabati, deebite haad'ati indeebitu. Eenuti harre diida tikha male gad'iise? Eenuti haada ira hiikhe gad'iise? Anini lafa aloo diida soodda kenneefi aka isiini iti galtu. Harreeni suni iyyana dira iraa fagaate, nami tokoleeni ka dandae worra lenjise hojachiifatu injiru. Gaareeni fulla isiini tikhattu, ta worri waan dotaatu ka nyaatu iraa barbaadu. Gafarsi aka si hojatu ee injed'a? Halkani tokole moona tante keesa imbula? Atini dandeete haadani isa hiite lafaani inqotata? Yokhaani dandeete isa oobru tante maarashaani inqochisifta. Atini irre isaa abdate, huji tante jabdu iti illakifta? Atini waan inni dandae mid'aani sii galche oobditi sii geesu seeta? Guchini akami gammadani koola hargufati! Ammo taatule guchini tokoleeni dandeete aka baabo alloona imbariftu. Isiini okhokaani isii biyye keesa nat'i, aka biyyeeni owiftu. Isiini aka miili woi ira ejate ch'arase, bineensi alalleni ch'ach'absu imbeetu. Isiini aka waan okhokaani sunini ka isii intahiini taate, aka hujiini isi lafati badu iyyaaltu. Nami daallese qalbi d'owe anuma. Yo isiini utaalchaa kaate, fardafi yaabatu isale inkofalti. Nami farda jabeenna kenneefi gama iti tolche sii? Siti aka awaanisa isa kukuripachise, imimsu isaatini nama sodaachisa? Inni deema fed'afi tae, bale keesa lafa haad'ate, irre ufitini; ch'ee had'iisati iti d'aabata. Inni waan tokole insodaatu, goraadele ind'eetu, woraani nami isa yaabatu harkaa qabu adu keesati qilise bibiliqa. Ch'eisa malamale, kae barise iti d'aabata; hojja magalata d'aani inni dandae ufuma ineju. Hojja magalata d'aani ch'ufa inni inimimsa; ato fago jiru inni had'iisa suufe, lalaba abbaani duula lalabu d'agaya. Qoreeni aka koola ballifte bita bariftu sira baratti? Risaani, dubbi tante gula, gaara korre gubbaati mana jaarata? Inni fiit'e gaara irati mana jaarate achi tae, rarra d'akha worra tolfata. Arti iraa fago laale waan ijeese nyaatu barbaada. Risaani fulla reefati wolti bahe, ilmaani risa d'iiga d'uddi. AABBO Waaqi waan Ayubuni jed'e, Atini Waaqaani morkiti, amma illakifta mo? Waan d'ibi jettu qabda? Anini qara waan jechu malani ch'ufa ira dabarse dubbad'e, amma dubbi jed'u inqabu. Jennaani bubbe keesa AABBO Waaqi ammalle Ayubuni dubbate. Kai, aka d'iira oleji, wo si gaafad'a, nati himi. Atini aka anini d'uga inqamne garsiisu feeta? Atini nama d'uga ufi tolchite nama d'uga inqamne na tolchu feeta? Atini aka kiyya jabaa? Qonqooni tante aka tiyyaa imandiiti? Yo akasi taate, guddinnaafi ulfinna kanke sunini olkai; guddinnaafi ulfinna kanke suni uyifad'i. Worra kiyyiba ilaali, guddisi iti dallani, tufad'i. Worra suni ilaali, kiyyiba iraa galchi; fulla ch'ubbichi eju isa bulleesi. Biyye keesati worra ch'ufa awaali; hid'i, fulla ekhera geesi. Yo atini akasi taate, nami qaraa ka si faarse, atini ya qofuma wodabsate sini jed'u, anuma. Me, gorjama Behemothi jed'ani ilaali; siifi isale anumati uume. Inni aka looni marra nyaata, ammo nafi isaa akami irree qaba, fooni isaa akami jabaatani! Eegeni isaa akuma ind'eesa oliqajeelti fooni miila isaa akami jajabaatani! Lafeeni isaa akuma sibiila diima jabaati, miili isaa akuma ule sibiila jira. Inni waan anini uume ch'ufa ira jaba! Wonti isa dabsata anuma isa uume ch'alla Marri inni nyaatu gaareeni gubbaati baha, fulla bineensi tabatu. Inni mukha qoraati jala boqote, ch'affa illaaduu keesati d'okhata. Mukha qoraatitiifi gaaleeni afaani laga gaadisa isaa taati. Inni laga yau insodaatu yo bisaani galaana Yordani fuula isaa d'aani inni woma intau. Eenuti dandae ila isa duuche, akasiini isa qaba? Eenuti dandae t'ururaani isa qabe, funani isaa woraana? Atini dandeete gorjama hooko qurt'umini qabanini qabde araba isaa haadani hiita? Atini dandeete haada funani isaa keesa keete, boqo isa hookoni woraanta? Inni, Na gad'iisi jed'e si kad'ata? Yokhaani naasu si kad'ata? Inni wold'aqisa si woliini tolfate, aka sii hojatu ee jed'a? Atini aka simpirre dubarti si hojatuleeni tabatuni qabde woliini tabata? Daldaltuleni gati isa irati wold'abdi? Nagaadeeni gargari ch'irte gurgurti? Atini dandeete goga isaa maro heddu hooko qurt'umitini woraanta? Yokhaani dandeete mata isa woraanani tumata? Yo guyya toko tut'e, sodaa deebite iti indeebitu; had'iisa inni si had'u haga jirtu indeetu! Nami gorjama argu hojuma suni mudame lafa d'aa. Inni yo dallane aka male hama; nami tokoleeni dandae garaa jabaate isa dura ineju. Eenuti dandae isa had'e duraa baha? Nami dandae akasi tolchu tokoleeni injiru. Me, waan miila goorjama siti hime, aka inni jaba hama si barsiisa, ch'aqasi. Eenuti dandae goga isaa jaba suni iraa baasa? Yokhaani eenuti dandae goga isa yabbicha suni woraana. Eenuti dandae boqo isaa ta ilkaani gagadeeni nama sodaachisani suni iti ejaanjani, bana? Dudda isa waan aka wonte hedduuni mid'aasani, ta hod'ani aka d'akhaa jabaatu. Wonte suni ch'ufa aka jaba wolti hod'ani qilleensi dandae jiddu inseenu. Wonteeni sunini aka male wolti ejiti, wonti dandae gargari baasi injirtu. Hojja inni hat'ifatu, ifsaani iraa biliqe, ilti isaa akuma adu diirama baatu ifsiti. Afaani isaa keesaa ibidi bobae, qaanqeeni isa keesa oriti. Funani isaa aari keesaa bahe, akuma aara buuyo jiitu okote jalaafi gubbaani keesaa bahu. Hafuuri isaa ibida bobeese; bobai ibida afaani isaa keesa baha. Lumeeni isa guddo jabdu, nami isaa argu ch'ufti imudama. Goga isaa fullaani toko laaftuni injirtu; akuma sibiila jabaata, diqole ilalaafu. Garaani isaa d'akhaa, woma insodaatu; akuma d'akhaa daakhu jabaata, ka diqole illaamne. Yo inni olkau, nami jajabaaleeni sodaate, lubbuuni d'ufte waan tau wollaala. Goraadeeni tokoleeni ta dandeete isa woraantu injirtu; woraanafi t'iyiti ta isa woraantu injirtu. Sibiili guraachi aka buuyo iti laafa, sibiili diimaleeni hoofa mukha iti fakaata. T'iyiti isa baqachiftu injirtu; d'akhaani isani had'ani filiida buuyo iti fakaata. Bokuuni buuyo iti fakaata, hojja woraana iti darbani inni inkobla. Gogaani garaa jala okote faara ta ch'ach'abt'e fakaata, gogaani suni d'oqe fafalaansa aka mukha mid'aanini d'aanani. Inni aka bisaani danfisani baariini woch'isisa, akuma d'ad'a bassani dulooti naqani woch'isisa. Inni hojja bisaani keesa deemu kara bibiliqa ufi duubati lakisa baariinile hoomacha adi tolcha. Wonti lafa tana keesa jira ka isaani wolfakaata injirtu; inni bineensa woma insodaanne, inni bineensa kikiyyiba ch'ufa intufata, inni hayyu bineensa ch'ufaati. Jennaani Ayubuni waan AABBO Waaqaani jed'e, AABBO, anini imbeekha, aka atini waan ch'ufa tolchu dandeetu; nami waan atini tolchu feetu dandae d'owu injiru. Atini, Nami tae qarooma kiyyaani mormu kunini eenu jette? Na gaafate, ka anini ufiftu woma imbeenne. Anini woma imbeenne, waan mama ka dandae waan isii inhubanne dubbad'e. Atini dubbi tiyya ch'aqasi waan anini si gaafad'u nati himi, naani jette. Gaafasi, anini gurruma ch'allaani si d'agaye, ammo amma ya iluma tiyyaani si arge. Tanaafi anini amma waan jed'e kaani ch'ufa iraa ch'eere, daarafi awaara keesa tae, ch'ubbu tiyya iraa deebia. AABBO Waaqi dubbi tae Ayubuti dubbatu taani buufannani waan Elifazini jed'e, Anini sifi jaalani tante lamaaniti ya dallane, wonti akanatiifi isani aka hojattu tiyya Ayubu waan kiyya ka d'uga indubbanne. Amma tana koromi torbafi Elemiya torba fuud'a, Ayubutini koota, maro wollaala keesanitifi sorio baasa. Hojattuuni tiyya Ayubuni Waaqa isanii kad'ate duuba anini kad'acha isaa d'agaye, ch'eera isani d'owe, waan sila isani tolchu lakisa. Isani aka Ayubuni waan kiyya d'uga dubbate indubbanne. Duuba Elifazifi Bildadifi Sofarini, akuma AABBO Waaqi jed'eeni kaani tahani AABBO Waaqileeni kad'acha Ayubu d'agayeefi. Jennaani eegi Ayubuni jaalani isa taani sadeeni Waaqa kad'ate. AABBO Waaqi ammalle isa horsiise, waan inni duri horate kaani ch'ufa ira harka lama kenneefi. Oboleyaani isaa ta d'iiratifi ta dubraatifi jaalani isaa taani, ch'ufti gara isa d'ufte, mana isaa keesati sagale woliini sooratani. Worri isaa nahe, garaa jabeese, maro gaargala gudda AABBO Waaqi itiini d'ufe kaanitifi. Worri ch'ufti beesefi qube worqi isaa kenne. AABBO Waaqi haga duri Ayubu eebise, kaanile ch'ufa ira isa eebise. Ayubuni hooliye kuma kud'ani afuritiifi gaala kuma jaatiifi looni kuma lamatiifi harre kuma toko horate. Inni ilmaani d'iira torbafi dubra sadi d'ale. Intala isa ta angafa maqa Yemima baase, ta iti aantu Kesia baase, maand'iti Keren-Hapuhu baaseefi. Nad'eeni lafa suni ta aka dubra Ayubu mimid'aadu injirtu. Abbaani worra oboleyaani isaani ta d'iira woliini d'aala qood'efi. Ayubuni eegi gaargala kaani keesaa bahe, ganna d'ibbafi afurtama tae, akhaakhufi ababoole ch'ufa arge, jaare fulla gahe due. Ayyaana isaati ka mala worra ch'ubbutitifi akheekha worra dabaatiifi dubbi worra Waaqa tufatulle jibbe iti d'iaachu didu. Ammo inni Seera AABBO Waaqaa halkani guyya barate jaalate guute gula deema. Inni mukha d'aatu galaanati bahu fakaata, ka bara mid'aani bahani ch'ufa mid'aani baase, dameeleeni isaleeni ingonne. Wonti inni tolchu ch'ufti ineebifamitiifi. Ammo nami ch'ubbu diqole akasi injiru; inni bua buuyo ta bubbeeni fuutu fakaata. Nama ch'ubbu gaafa qorsuma Waaqi wollaala iti mura, inni gumi worra d'ugaa keesa fulla inqabu. AABBO Waaqi worra d'uga tisse qorqorata. Ammo ch'ubbicha karuma isaa suniti baditi isa geesa. Gochiti ch'ufti maanifi dallante mala woma imbaane d'aati? Hayyooti worraa AABBO Waaqafi hayyu inni muude fohateeti garagalte ch'ubbu iti malatte. Koota sansalata worraa ufira kunne, mootuma worra jala bana jed'ani. AABBO Waaqi barch'uma isaa ka gubba ira tae worra koble goyesa. Duuba inni worrati dallane, dallansu sunini worra mudamsise, waan jed'u, Anini gaara kiyya qulqullo Sioni gubba yayu hayyu kiyya kaye. Hayyichi waan jed'u, Anini waan AABBO Waaqi jed'e, biyyati hima. Inni waan nani jed'e, Atini ilma kiyya, anini ya arra abba sii tahe. Na kad'ad'i, anini gosa lafa keesa jirtu ch'ufa sii kenna. Lafti ch'ufti haguma geetunu tante taati. Atini ule sibiilatiini worra ch'ach'absite; aka okote faara gargari bulleesita. Ee hayyoota, gorsa kana d'agaya, ee worra lafa fidu, waan kana qalbeefad'a. AABBO Waaqa sodaad'a hojad'aafi; holad'a, isa durati ga jejed'a; aka inni hurre isaniti dallane, isani yoosu indoone. Ayyaana worra AABBO Waaqati d'eete qarqaarsa ira barbaaduti. Ee AABBO Waaqa, anini nyaapa heddu qaba, ka na dide sidi nati tahe! Worri waan kiyya dubbate waan jed'u, Waaqi isa inqarqaaru. Ammo atini, ee AABBO Waaqa, wonte naa taate, waan ch'ufa na dabsachiifte, garaa na jabeesita. Anini Waaqa yaamad'e, inni gaara isaa qulqullo iraa na jalaa owaate. Anini gach'iise rafa, halkani ch'ufa AABBO Waaqati na qorqorata. Anini nyaapa kiyya ka kuma heddu, ka gara ch'ufa na marsuu jiru diqole insodaad'u. AABBO Waaqa, kooti naa baasi! Atini nyaapa kiyya d'abanaafte, ilkaani worra ch'ubbuu ch'absite. Dabsachaani AABBO Waaqa ira d'ufti, inni gumi ufii ha eebisuti! Yo anini si yaamu na jala owaad'i, Ee Waaqa, ka d'uga naa taatu. Gaafa anini gaargala qabu ya na qarqaarte, amma naa nahi kad'acha tiyya naa d'agayi. Isani d'iiro, haga yoomi na arabsu lakiftani? Isani haga yoomi waan woma keesa injirre jaalattani waan d'ara gula yau lakiftani? Aka AABBO Waaqi nama d'uga gula deemu ch'ufa fohate qaabad'a, hojja anini isa yaamad'u inni na d'agaya. Sodaad'a, ch'ubbu lagad'a; yo ch'aliftani, sire teesani ira ch'iiftani, waan kana guddisa herega. Sorio d'uga AABBO Waaqaa baasa, waan ch'ufa keesa isa abdad'a. Nama hedduti jira ka Waaqa kad'ate, Ee AABBO, nu eebisi nu nahi jed'u. Ammo gammadi atini naa kennite, gammada worri mid'aanifi daad'i quufe argatu ira jira. Hojja anini gach'iisu anini nagayaani bula. Siuma ch'allati, ee AABBO Waaqa, nagayaani na oolcha. Ee AABBO Waaqa, dubbi tiyya ch'aqasi, aka anini ufi jibbaad'e hafuura darbu d'agayi. Ee Waaqa kiyya, hayyicha kiyya, anini si kad'ad'a, na qarqaari! Ee AABBO Waaqa, anini si kad'ad'a. Atini ganama qonqo tiyya d'ageeta; hojja biiftuuni baatu anini si kad'ad'e qonqo sira eegad'a. Atini Waaqa ch'ubbu jaalatuniti ilti tanteeleni hameenna argu imfeetu. Nami kiyyibaani ufi saadu tokoleeni dandae fuula kanke dura inejju; atini nama daba tolchu injibbita. Atini d'articha balleesite, nama kiyyiba waan ijeesu ch'alla fed'u jibbita. Maro jaalala tante guddotifi anini dandae mana kanke seena; mana kanke qulqullo keesati si kad'ad'e si durati gajed'e sii saalfad'a. Ee AABBO Waaqa, nyaapi kiyya ya heddate, kara kanke ka d'ugaati na qajeelchi, dandi tante naa diideesi. Wonti nyaapi kiyya jed'u waan nami dandae d'ugeefatuuniti; afaani worraa waan balleesani ch'alla fed'ani. Worri kiyyiba ch'alla qaba, arabi worra d'ara ch'alla dubbata. Ee Waaqa, worra wollaala iti muri fafeesi, ha malumaani worraa worra balleesuti, maro worri siti ch'ubbame si dideefi, worra fuula kanke duraa gussi. Amma nami siti d'eetu ch'ufti ingammada, guyya ch'ufa qilit'ameti sirba. Nama si jaalatu qorqorad'i, maro teetifi worri gammada qaba. Nama sii saalfatu atini ineebifta, ee AABBO Waaqa; jaalalti tante aka wonte woi worra ira d'owarti. Ee AABBO Waaqa, dallansu tante keesa na ingorsiini! Nati dallante na ind'aaniini! Anini ya dad'abe, ee AABBO Waaqa, naa nahi humna naa kenni, anini ya ufi jibbaad'e, gaargali guddaani ya na qabate, lubbuuni ya na d'ufte. Atini yoomi d'ufte na qarqaarta, ee AABBO Waaqa? AABBO Waaqa, kooti na baasi; naasu teetiini duu na d'owi. Nami eegi due deebie si inqaabatu. Nami boola keesa jiru dandae si infaarsu. Anini ya laalefad'e boha d'aqe ufi jibbaad'e, halkani ch'ufa sireeni tiyya imimaani kiyyaani jiiti, ilti tiyyaleeni d'impifte saabo tiyya ch'ooleesite. Anini dandae woma inargu, ilti tiyya ya boha nyaapi kiyya na bocheeni iitofte. Isani worri ch'ubbu tolchu naraa fagaad'a, AABBO Waaqati qonqo boha tiyya ch'aqase, qarqaarsa anini kad'ad'u d'agaye, waan anini kad'ad'u naa kenna. Nyaapi kiyya aka male ch'eere lafa bada; worri waan tahu wollaale kae baqata. Ee AABBO Waaqa kiyya anini ya siti d'eed'e; na qarqaari, nama na reebu ch'ufa duraa na baasi, aka worri aka nyeench'a fuud'e nani deeme, fulla nami tokoleeni dandae dura na imbaamneti gargari na intatarsaamne. nyaapi kiyya ha na reebe na qabe, lafati na d'id'ite, na ijeese, lafumati na lakisuti! Ee AABBO Waaqa, dallansu tanteetiini lafaa kai! Nyaapa kiyya, ka nati dallanu kana, kai balleesi; lafaa kai na qarqaari! Wonti atini nama iraa barbaaddu aka nami d'uga gula deemu. Tanaafi gosa ch'ufa wolti baasi, ufiti gayaami, barch'uma kanke ka gubba ira tai, worra mohad'i. Nami dubbi nama lafa keesa jiru ch'ufa qoru si. Aka anini woma iyyakini atini imbeeta, d'uga naa muri. Atini Waaqa d'ugaati, ka herega keennafi garaa keenna laalu. Ch'ubbicha hameenna ira balleesi, nama waan dansa tolchuu nagaya kenni. Waaqi wonte tiyya, inni nama garaa dansaani isa gula deemu imbaasa. Waaqi d'uga gula dubbi qora, inni yo ch'ufa worra ch'ubbu wollaala iti mura. Yo nami ch'ubbu iraa deebiu dide Waaqi goraade ufii qarata. Inni guube ufii t'iya iti kaye, aka dansaa guura; inni woraana isaa ka woini ijeesu fuud'e, t'iya isaa ta woi gubdu abbira. Ilaala, aka ch'ubbichi waan hamtu tae garaa ufii keesati uumu. Inni waan hamtu malate kiyyiba gadi d'ala. Inni booluma nama d'ibi qote ufii keesa bua. Duuba akanaani inni maruma ch'ubbu ufiitiifi gaargala argate, hameenni isaa matuma isaati deebia. Anini AABBO Waaqa, maro inni d'uga tolchufi galata deebise, AABBO Waaqa ka waan ch'ufa ira jiru, faarsa! Ee AABBO Waaqa keenna, gurri kanke ya lafa ch'ufa gahe! Faaru si faarsani gubbaleeti ind'agayani; faaru suni daimafi ijoolleeti d'aata. Atini ya nyaapa kanke ch'ufa duraa baate, nagayaani teeta. Atini nama sinii morku ch'ufa ind'owarta. Yo anini gubba atini mid'aasiteefi jiaafi urji atini gubba nat'e dowad'u — nami maani, ka atini teete waan isaa hereddu? Inni maani kana, ka atini teete waan isaa yaaltu? Atini gaafa isa uumte isa ufiti aansite; atini ulfinnaafi guddinna isaa kennite. Atini finna waan uumte ch'ufa harka isaa keesa keete; atini isaa gudda uumama ch'ufaa tolchite; loonifi ree, bineensa, simpirreefi qurt'umifi waan bisaani keesati gala ch'ufa! Ee AABBO Waaqa keenna, gurri kanke ya lafa ch'ufa gahe! Ee AABBO Waaqa, anini garaa tokooni si faarse, waan mama ka atini tolchite ch'ufa odeesa. Anini maro teetifi gammade qilit'ame si faarsa, Ee AABBO Waaqa gudda. Hojja atini d'uftu, nyaapi kiyya dudda duubati deebie, lafa d'ae raawata. Atini dubbi tiyya d'uga gula qorte d'uga naa murte. Atini gosa si imbeenne wollaala iti murte ch'ubbichale balleesite; deebiani maqa worraa hind'aani. Nyaapa keenna yayu hobaasani; atini dira worraale ya balleesite, deebiani maqa isale ind'awani. Ammo AABBO Waaqi hayyu haga jiru jireenna tau. Inni barch'uma ufii ira tae dubbi nama qoruu jira. Inni lafa ch'ufa qajeelumani fide, gosa ch'ufa d'ugaani mohata. AABBO Waaqi fulla nami dabsani iti baqatu, inni fulla guyya gaargala iti d'eetani. Nami si beekhu, ee AABBO Waaqa, si d'ugeefata; nama siti d'ufu tokole atini indiddu. AABBO Waaqa, ka Sioni keesa barch'uma isaa ka hayyuma gubba tau, faarsa! Waan inni tolchele gosa ch'ufati hima! Waaqi nama gaargala keesa jiru ch'ufa inqaabata; inni boha isaani inded'u, inni nama worra dabsule haalo fuud'a. Ee AABBO Waaqa, naa nahi! Gaargala nyaapi kiyya natiini d'ufu argi! Dua keesa na baasi, ee AABBO Waaqa, aka anini worra Yerusalemu dura eje, waan anini siini faarsu ch'ufa iti himu. Anini waan atini na baafteefi guddo gammada. Gochiti si imbeenne yayu booluma qotatte keesati jidde; worri yayu t'ururuma isaani duude. AABBO Waaqi yayu d'uga gula dubbi qore akasiini ufi mullise. Ch'ubbichileeni ya hujuma ufiitini t'urura keesa ufi buuse. Muummeeni ch'ubbichatifi ta nama Waaqa diduleeni booluma duati. D'ipata guyya ch'ufa dandaani inded'ani, wonti hiyyeesi heregatuleeni haga jiru jireenna duraa imbadu. AABBO Waaqa kooti! Nami siini imorkiini! gosa si imbeenne ufi duraani kooti, wollaala iti muri. Ee AABBO Waaqa, worra rifachiisi, worri namuma, woma keesa injiru, ka akasi ufi beekhuti. Ee AABBO Waaqa, atini maafi fago nura ejite hojja nu gaargala qamnu nu d'okhatta? Ch'ubbichi ufi saade kiyyiba ufii keesa hiyyeesa dabsa; t'urura worri mid'aafate keesati ha worra qabaniti. Ch'ubbichi d'araa isaa hamtuuni koora; sabdichileeni AABBO Waaqa abaare isa dida. Ch'ubbichi herega isaa keesa diqole Waaqa inargu; inni kiyyibe, Waaqi injiru jed'a. Hujiini isaa ch'ufti intolti. Inni dandae qorsuma Waaqa inhubatu; inni nyaapa isaa ch'ufa tufate goyesa. Inni waan ufiini jed'u wonti na chochoosa injirtu; anini haguma jiru gaargala inargad'u. Afaani isaa abaarsafi kiyyibafi, dubbi nama sodaachiftuti keesaa baha. Inni yoosu dubbi ch'ubbu hamtu dubbata. Inni ollowani keesati d'okhate, nama woma iyakiini gaade ijeesa. Inni nama ufi indandeenne, aka nyeench'a goda keesati eegata. Inni hiyyeesa gaade, t'urura keesati qabe hirkise itiini d'aabata. Nami ufi indandeenne suni gagabe ufumaa ch'iisa; nama hama irre qabuti akasi isa tolche. Ch'ubbichi waan ufiini jed'u, Waaqi waan anini tahe kana iyyaalu, inni fuula d'ofate waan tahe laaluu dida! Ee AABBO Waaqa, kai, ch'ubbicha gaargalchi! Ch'ubbicha suni gaargalchi! Nama gaargala qabu qaabad'i. Ch'ubbichi maafi Waaqa tufate, Waaqi dandae woma na intolchu? Ufiini jed'a. Ammo atini inuma agarta, atini gaargalafi laalala agarte, yo ch'ufa kurfo jirta aka nama qarqaartu. Nami qarqaarsa inqamne siti ufi kenna; atini haguma duriti d'ipata qarqaarte. Irre ch'ubbichatifi ta dabdicha ch'ach'absi; maro hameenna worri tolcheefi worra gaargalchi, haga worri iraa deebiuti. AABBO Waaqi hayyu haga jiru jireennati. Nami waaqa d'ibi kad'atu lafa isaa keesaa bada. Ee AABBO Waaqa, atini kad'acha hiyyeesa d'ageete, garaa jabeesita. Atini boha nama dabsanitiifi ta ilmaani hiyyeeyi d'ageeta; atini worraa dubbatte, akasiini nami ka ufiftu woma ufii imbaane deebie worra imudamsisu. Anini AABBO Waaqati d'eed'a. Atini maafi daalloofte dubbi tana nani jetta? Aka simpirre gaarati barrisi, ch'ubbichi yayu t'iya fud'ate, guube guure, dukana keesati nama d'ugaa qajeela abbire had'a. Yo wonti ch'ufti hammate nami d'ugaa qajeelani maani taha? AABBO Waaqi Mana isaa qulqullo keesa taa; barch'umaani isaa ka guddinna gubba jira. Inni ila ufiitini nama ch'ufa ilaale, waan worri tahu beekha. Inni nama d'ugaa qajeelafi ch'ubbichale inilaala garaani isaa nama woi yaku guddo jibba. Inni ch'ile bobeetufi aara gubbaa gabuuse ch'ubbicha gubbati rooba; bubbe woi gubduni worra gube balleesa. AABBO Waaqi ka d'ugaati, inni waan d'ugaa ka qajeela jaalata. Nami d'ugaafi qajeeluma gula deemu isaa inarga. Ee AABBO Waaqa, nu qarqaari! Nami si beekhu lafa keesati inhamne, nama d'uga gula deemu deebiani lafa keesati inargani. Nami ch'ufti wolti kiyyibe, dubbi d'araatiini wolsoba. AABBO Waaqi waan jed'u, waan hiyyeesa dabsani, d'ipatani tae ouufi, anini amma d'ufe qarqaarsa worri fed'u kennaafi. Waan Waaqi kakhatu d'ugefachu malani; kakhuuni isaa sunini qulqullo, aka qarsi maro torba ibida keesati bassani jirti. Ee AABBO Waaqa, atini haga yoomi na ded'u lakifta? Haga jiru jireennati? Haga yoomi na d'okhachu lakifta? Anini haga yoomi gaargala obsa? Garaani kiyya haga yoomi laalefachuu lakisa? Nyaapi kiyya dabsacha na dabsate qilit'amu tana yoomi lakisa? Ee AABBO Waaqa kiyya na ilaali, dubbi tana na jalaa qabi. Irre naa kenni, duu na d'owi, aka nyaapi kiyya, Nu ya isa dabsanne injenne; aka worri badi tiyya arge ingammanne tahu d'owi. Anini jaalala tante ta ind'umanne heregad'a; maro atini naa baaftufi ingammada. Ee AABBO Waaqa, waan atini waan dansa na tolchiteefi sii sirba. Daalleeni, Waaqi injiru ufiini jed'a. Worri worra ch'ubbuti ya waan hamtu tolche; nami waan d'uga tolchu tokoleeni injiru. AABBO Waaqi gubbaa nama gadi ilaale, aka nami wohubate isa kad'atu worra keesa jiru arga. Ammo worri ch'ufti yayu akuma takaa kara iraa gore waan hamtu tolche. Worra keesa nami tokoleeni ka waan dansa tolchu injiru. AABBO Waaqi waan jed'u, Isi, worri woma imbeekhu? Worri ch'ubbuu kunini ch'ufti daalle? Worri gumi tiyya saame nale kad'achuu dida. Ammo worri waan Waaqi nama d'uga gula deemu kalchuufi mudama. Nami waan hamtu tolchu mala hiyyeesa balleesa, ammo inni AABBO Waaqati d'eeta. Ee Waaqa, nama Israeli baasu Sioni keesaa kootiini. Worri Israeli, hojja AABBO Waaqi akuma duri kaani horsiisu, akami gammada! Ee AABBO Waaqa, eenuti dandae mana kanke seena? Eenuti dandae Sioni, gaara kanke qulqullo, ira tae si kad'ata? Nama wollaala inqamne, ka waan qajeeltu ch'alla tolchu, ka dubbi d'uga ch'alla dubbatu, ka waan tokoleeni nama iyyakine, ka jaala isaa waan hamtu intolchine ka yokhaani olla ufi iyyakine, ka nama Waaqi didu tufate, nama Waaqa sodaatu ulfeesu ka ato haga fed'u gaargalele kakhu ufii illakimne, ka hori namaa liqeese tirfi ira infud'anne. Ka gumbo fud'ate nama woma iyyakini dubbi d'araatiini inhimanne. Nama waan akana kana tolchu ch'ufa dandaani inchochoosani. Ee Waaqa, anini siti d'eed'a na qorqorad'i. Anini waan AABBO Waaqaani jed'u, Ee AABBO si male anini waan dansa tokole inqabu. Worri AABBO Waaqa sodaatu akami dadansa! Gammadi kiyya guddaani yo anini worraa suni woliini jiru. Worri waaqoota d'ibi gula oriu gaargala heddu ufitiini d'ufa. Anini d'iiga worri d'ibaayu baasu keesa injiru; waaqoota worrale maqa d'ae inkadad'u. AABBO Waaqa, si male anini waan d'ibi inqabu. Atini waan anini fed'u ch'ufa naa kennita, wonti anini tahu ch'ufti harka kanke keesa jirti. Wonti atini naa kennite ch'ufti akami dadansa, finni atini na fiddu ch'ufti guddo mid'aaga. Anini AABBO Waaqa faarsa waan inni na gorse, halkanile na qajeelchuufi. Anini waan ch'ufa keesa AABBO Waaqa dursa, waan inni hojja ch'ufa na woliini jiruufi nami tokoleeni dandae na inchochoosu. Tanaafi garaani kiyya gammade qilit'ama, nafi kiyyaleeni woma insodaatu. Wonti akanatiifi atini dua duraa na baafte, nama atini jaalattu boola ekherati ingeesitu. Atini kara jireenna na garsiifte; yo fulla tante jiru anini gammada qaba, atini haga jiru jireenna na machesita. Ee AABBO Waaqa, na ch'aqasi d'uga naa galchi; aka anini tae qarqaarsa siti bohu d'agayi! Kad'acha tiyya ta d'ugale naa d'agayi. Atini d'uga imbeeta, tanaafi d'uga naa galchita. Atini garaa kiyya imbeeta; halkaniini nati d'ufte na ilaalte, d'araa hamtu tokole na keesaa d'abde. Anini aka nama d'ibi waan hamtu indubbad'u; anini seera kanke ya guute, karaa nama hama woi balleesu gula indeemne. Anini hojja ch'ufa daandi tante gula deeme taka iraa ingore. Ee Waaqa, waan atini na ch'aqaftuufi anini si yaama. Tanaafi amma dubbi tiyya d'agayi, gurra keetiini na ch'aqasi. Jaalala tante ta ind'umanne nu garsiisi nu baasi; yo nu fulla tante jiru atini nyaapa keenna duraa nu baafta. Akuma atini ila tante qorqorattu, nu qorqorad'i; koola kanke jalati na d'ossi, worra hama na had'u duraa na baasi. Nyaapi hamaani ya na marse; worri naasu inqabu, dubbi keesa guddo ufi saada. Worri fulla anini deemu ch'ufa faana na d'ae na gaade, na marse, lafa na buusuu fed'a. Worri nyeench'a fakaata, gaade na eegate, gargari na tatarsaasu fed'a. AABBO Waaqa, kooti, nyaapa kiyya had'i balleesi! Goraade teetiini harka ch'ubbicha keesaa na baasi; nama lafa tana keesati quufu jalaa naa baasi. Gaargala atini worraa hereddeeni worra gaargalchi; gaargali sunini ha ilmaani worraatifi ilmaani ilmaani worrale ch'ufa d'aqabuuti! Ammo waan anini ch'ubbu intolchiniifi, anini si arga; hojja anini hiribaa kae si argu, anini ingammada. Ee AABBO Waaqa, atini irre tiyya anini akami si jaalad'a! AABBO Waaqi d'akha kiyya, siida jaba ka anini jalati d'okhad'u. Waaqi kiyya siida kiyya, ka anini jalati d'eed'u. Inni wonte tiyya, na qorqorate na baasa. Anini AABBO Waaqa yaamad'a, inni harka nyaapa kiyya keesaa na baasa. AABBO Waaqa ha faarsani! Gaargali dua na marse, dooti aka bisaani nati fach'aate na liqimsite. Haadi dua lubbuti na marate, irreesileeni t'urura isaa naa hid'e. Gaargala kiyya keesa anini AABBO Waaqa yaamad'e, na qarqaari jed'eeni, Mana isaa keesa inni qonqo tiyya d'agaye, iyyanti tiyya isaani baate. Jennaani lafti holate chochote waan Waaqi dallaneefi. Gaareenile yayabi rorae chochoe! Aari funnaani keesaa yae, ibida woi gube balleesuufi ch'ileeni bobeetu afaani keesaa yaate. Inni gubba gargari tarsaase, dumansa guraacha miila ufii jala kaye gadi bue. Inni waan koolatiini gubbaa barise d'ufe, koola bubbe guba deeme. Inni dukana uyifate dumansa bokayaatini ufi mare. Bokaya d'akhaani roobufi ibidi bibiliqu angaasu isa dura jirtu keesaa bahe, dumansa guraacha keesa dabre. Jennaani AABBO Waaqi gubbaa mandie, qonqo Waaqa gudda d'agayani. Inni t'iya ufii darbate, nyaapa isaa gargari firfirse, angaasu isaatini worra ufi dura gusse. Bisaani baariini fooqatani, biyyeeni godduuni mullatte yayabi lafaleeni diidati bahe, gaafa atini, ee AABBO Waaqa, nyaapa kanke dallansuuni lolte iti mandite. AABBO Waaqi gajed'e, harka na qabe, d'immu bisaani keesaa na fuud'e. Inni harka nyaapa kiyya jajaba keesaa na baase, nama na jibbufi ka nara irre qabule. Gaafa anini d'iba keesa jiru nyaapi na had'e, ammo AABBO Waaqi naraa d'owe. Inni gaargala keesa na qarqaare, na jaalate lubbu na baase. AABBO Waaqi waan anini d'uga tolchufi na qarqaare, waan anini ch'ubbu inqamneefi na eebisa. Anini Seera AABBO Waaqa ya guute, taka kara isaa iraa ingorre. Anini seera isaa ch'ufa ya jabeese, aada isaa tokole illakimne. Anini isa durati qulqullo, waan hamtu ch'ufa ya ufi hanqise. Duuba waan anini waan d'uga tolchufi inni na eebisa, waan anini isa durati ch'ubbu inqamneeni. Ee AABBO Waaqa, atini amanti nama si amanu, ammalle nama siti inch'ubbamne atini iti inch'ubbamtu. Nama qulqullo atini iti qulqullo, ammo nama hama nyaapa iti taata. Nama ufi insaane baafte, nama ufi saadu lafa buufta, Ee AABBO Waaqa, atini ifsa naa kennite, dukana naraa balleesita. Atini humna anini nyaapa kiyyaani had'uufi irre anini dalla nyaapa kiyyatiini kurupad'ule naa kennita. Waaqa kana karaani isaa akami qajeela, dubbi isaa akami d'ugefachu malani! Inni nama isaati d'iaatu wonte tahafi. AABBO male Waaqi d'ibiini injira? Isa male siida jalati d'okhannu d'ibi inqamna? Nami irre naa tahu isuma, isumati kara naa hara. Inni aka habroble miila na sablise, gaara gubbati na tisse. Inni harka kiyya huji woraana barsiise, aka anini t'iyaani woi had'u. Ee AABBO Waaqa, atini wonte naa taate na baafte, harki kanke mirgichi na jabeese irreeni tanteeleni na qorqorate. Atini kara naa balifte, miila kiyya gufachu d'owarte. Anini nyaapa kiyya reebe dabsad'a, haga balleesuti yaala imbahu. Anini worra d'ae buuse lafaa kau d'owe worri jige miila kiyya jala ch'isa. Atini humna woraana naa kennite nyaapa kiyya naa dabsachiifta. Atini nyaapa kiyya na dura baqachifte, aninileeni nama na jibbu balleesa, worri qarqaarsa barbaade ammo nama worra baasu d'aba. Worri AABBO Waaqa yaamate ammo inni worra jala dide. Anini worra daakhe bulleese, biyye bubbeeni fuutu tolcha. Ammalle aka d'oqe kara keesati ira sirba. Atini worra kiyya ka nati gamu duraa na baafte, finna gosa d'ibi ch'ufa harka kiyyati deebifta. Worra duri anini imbeenneleeni amma na jalati bula. Sidiini d'ibileeni na durati jilbifatte, qonqo tiyya d'ageennaani na ch'aqafti. Worri nahe holate, fulla jajabdu keesati d'okhatele gayaae. AABBOONI Waaqa jiru! Siida kiyya ha faarsani! Waaqa na baasu guddinna isaa odeesa. Inni nyaapa kiyya na dabsachiise, sidi d'ibi na jalati bulche, nyaapa kiyya jalaa na baase. Ee AABBO Waaqa, atini nyaapa kiyya na dabsachiifte worra hamama jalaa na baafte. Tanaafi anini gosa ch'ufa keesati si faarse, maqa kanke guddisa. Waaqi dabsacha guddo hayyu isaati kenna, ammalle nama fohate muude haga jiru ch'ufa jaalata, Daudifi d'aloota isaa ch'ufa. Gubbaani guddinna Waaqaa nama garsiifte, waan inni harka ufiitini mid'aase namati himti. Guyyaani guyya iti aanuti woi hima halkanileeni halkani iti aanati woi odeesani. Worri afaani inqabu, yokhaani woma indubbatu, qonqo isaanile ind'agayani; ammo qonqooni worra fulla ch'ufa guute, dubbini worraaleeni muumme lafaa d'aqabde. Waaqi adu gubba qubsise; isiini diirama akuma nama dubra fuud'e gammadu baate, akuma qolcha nama ka gammadani ch'eu utaalti. Isiini ilaborutiini gabaate ila galchutiini d'iiti wonti owa isi duraa d'okhata injirtu. Seeri AABBO Waaqaa qit'e, irre namati tolcha. Dubbini AABBO Waaqaa yo d'ugeefatani nama woi imbeennele inqaaroomsiti. Aadaani AABBO Waaqa qajeeltu, ka gula deemuleeni ingammada. Jechi AABBO Waaqa ka d'ugaati, qalbi namale woi hubachiisa. AABBO Waaqa sodaachani waan dansa, sodaani tunini haga jiru jireenna teeti. Murani AABBO Waaqaa ta d'ugaati; diqole wollaala inqabdu. Murani sunini worqi ch'ufa ira mid'aadi, dammale ira mioofti. Isiini ana, hojattu tanteeti, gorsa taati, yo anini jabeesele woi naa baati. Eenu nami dandae wollaala ufii argu? Ee AABBO Waaqa, wollaala kiyya, ka nami ingarre, naa araarami! Ammalle ch'ubbu anini beekha tolchele duraa na baasi; isi na mohachu d'owi. Duuba akanaani anini qulqullae, ch'ubbu iraa fagaad'a. Dubbi tiyyafi heregi kiyya ha si gammachiisu, ee AABBO Waaqa, siida kiyyafi baafama kiyya! Guyya atini gaargala qabdu, AABBO Waaqi ha kad'acha tante d'agayu! Waaqi Yakobo ha si qorqoratu! Inni ha mana ufii keesaa qarqaarsa si erge, gaara Sioni iraa d'ufe si baasuti. Inni ha waan atini isaa baaftu ch'ufa fud'ate, sorio tante ch'ufa iraa gammaduti. Inni ha waan atini feetu ch'ufa sii kenne, mala kanke ch'ufa si guututi. Duuba nu hojja atini nama dabsattu gammanne, maqa Waaqaa kennatiini bandera keenna old'aamna! AABBO Waaqi fed'i tante ch'ufa ha guututi. Amma anini imbeekha, aka AABBO Waaqi hayyu inni fohate muude baasu. Inni fulla isaa qulqullo gubbati isa ch'aqase, jabeenna isaatini waan heddu isa dabsachiisa. Nami gari gaari ufii d'ugeefata. Ka gari fardoole ufii d'ugeefata; ammo nu maqa AABBO Waaqa keenna d'ugeefanna. Nami akasi sunini gufateti lafa d'aa, ammo nu olkaane jajabaanne ejaanjina. Ee AABBO Waaqa, hayyuu dabsachaa kenni; hojja nu si yaamanu nu d'agayi. Ee AABBO Waaqa, hayyuuni gammachu qaba, waan atini jabeenna isaa kenniteefi; maro atini isa dabsachifteefi inni akami gammada qaba. Atini waan garaani isaa fed'u isaa kennite, waan inni kad'atu guuteefi. Atini d'ufte eeba guddo kenniteefi, sure hayyuma ta worqi mata isaa gubbaa keete. Inni jireenna si kad'annaani, jireenna haguma jiru ind'umanne kenniteefi. Maro qarqaarsa keetitifi guddinni isaa yayu guddate; atini yayu gurrafi ulfinna gudda kenniteefi. Eebiti tante ta haga jiru jireenna isa woliini jirti, waan atini isa woliini jirtuufi inni ingammada. Hayyuuni AABBO Waaqa gudda abdata; maro jaalala Waaqa ta ind'umanneefi hayyule inchochomne. Hayyichi nyaapa ufii ch'ufa qabe, nama isa jibbule ch'ufa qaba. Inni hojja d'ufu aka ibida bobau gube worra balleesa. AABBO Waaqi dallansu isaa keesa worra liqimse, ibidileeni worra hobaasa. Ilmaani worra tokoleeni imbaatu, ch'ufa hayyuti hobaasa. Worri ato malafi malte iti tolchele isa indabsatu. Inni t'iya isaatini worra had'e worri garagale baqata. Ee AABBO Waaqa, nu jabeenna kanke faarsina, ammalle sirbineti irre tantele faarsina. Waaqa kiyya, Waaqa kiyya, atini maafi na lakifte? Anini siti bohe qarqaarsa si kad'ad'e, ammo atini na baasu didde. Ee Waaqa kiyya, anini guyya si yaamad'a, ammo atini na ch'aqasu didda. Halkanile si yaamad'a, ammo boqota inargad'u. Ammo atini Waaqa qulqullo ka barch'uma guddinna gubba teetu, nami worri Israeli faarsu sii. Ababooti teenna si abdatte si heregatte, duuba atini worra baafte. Worri si yaamate, gaargala keesaa bahe, si abdate jennaani ch'eeru d'owarte. Anini raamo, namaaniti, nami ch'ufti na tufate na goyesa. Nami na argu ch'ufti na goyese, na miid'e, mata nati irbee, waan nani jed'u, Atini Waaqa abdatte, inni ha si baasu. Yo AABBO Waaqi si jaalate, inni ha si qarqaaruti! Nami na qorqorate garaa haad'a tiyya keesaa na baaseleeni sii, harma haad'a tiyyale siumati na hosise. Anini haguma d'alad'e suma heregad'e, Waaqi kiyya haguma duriti sii. Naraa infagaatiini! Gaargali ya nati d'iaate, nami na qarqaaru d'ibiini injiru. Nyaapi aka koromi looni na marse, aka koromi lafa Bashani jajanna d'aatu tiyya enjaanja. Worri aka nyeench'a afaani bane nati itane, gaadeeni na tatarsaasa. Irreeni tiyya aka bisaani lafati jissani bade, lafeleeni tiyyaleeni mitta keesaa yaate. Onneeni tiyyaleeni aka haanch'a na keesati bat'e. Lubbuuni tiyya guddo gogodde, arabi kiyyaleeni laagati na mat'ane. Atini yayu awaara keesa na buufte, duati na lakifte. Duuli nama ch'ubbuu na marse; aka yayi nati baafate, harkaafi miila kiyyale ch'ufa tatarsaase. Lafeleeni tiyya ch'ufti ya diidati yaate, nyaapi kiyyaleeni ya na dawate ch'eera kiyya arge. Worri hit'a buufate, woya tiyya gargari qoodate. Ammo, ee AABBO Waaqa, atini nara infagaatiini, hurrisi kooti, na qarqaari. Goraade tana jalaa na baasi lubbu tiyyale sareele tana duraa baasi. Nyeench'a kanale duraa na baasi, anini gafarsa kana ufira d'owu indandau. Anini waan atini tolchite gosa tiyyati hime gumi isaani durati si faarsa: isani, hojattuuni AABBO Waaqaa isaa faarsa! D'aloota Yakobo, isa guddisa! Worra Israeli, isa ulfeesa! Inni hiyyeesa illakisu, yokhaani gaargala worraale argu indidu. Ammalle duraa ind'okhatu, ammo hojja worri qarqaarsa iti bohu ind'agayaafi. Gumi guddo keesati anini galata si deebise si faarsa; nama si kad'atu durati sorio anini, si baasa jed'e kakhad'e taani sii baasa. Hiyyeesi haga fed'u nyaate quufa; nami AABBO Waaqa barbaadu isa faarsa. Worri sunini ha haga jiru jireenna hormaata qabaatuti! Gochiti ch'ufti AABBO Waaqa qaabate, fulla jirtu ch'ufa isati deebiti; nami gosa ch'ufa isa dura d'ufe kad'ata. Finni ka AABBO Waaqati, inni lafa ch'ufa fida. Nami ch'ufti dureesafi hiyyeesileeni isa durati gajejed'a. D'alooti takaa tanaleeni isaa hojate, waan AABBO Waaqa nama qara ind'alatinileeti haasani. Ammalle waan worra garaa haad'a jiru sunini jed'ani: AABBO Waaqi ya gumi isaa baase. AABBO Waaqi tissitu tiyya; anini waan fed'u ch'ufa inargad'a. Inni lafa marra doti keesati na boqochiise, bisaani ch'ulki laana yaati na geese, lubbu nati deebisa. Inni akuma nati kakhate kaani kara qajeela na qajeelcha. Yo anini dukana sipe keesa deemule, ee AABBO Waaqa, atini na woliini jirta, tanaafi anini woma insodaad'u. Uleefi harch'umeeni tante na jabeesiti. Atini nyaapa kiyya ch'ufa durati jila naa tolchite; d'ad'ale na muude, waan anini d'ugule naa kennite na quubsite. Dansumafi jaalalti tante haga anini jiru ch'ufa na illakiftu; haga anini jiru ch'ufa mani kanke naa worra. Lafafi wonti isi keesa jira ch'ufti ta AABBO Waaqaati; biyyeefi wonti isi gubba jira ch'ufti tama isaati. Inni d'immu bisaani baariini keesati yayaba lafaa jaare. Eenuti dandae gaara AABBO Waaqaa olkora? Eenuti dandae mana isaa qulqullo seene keesa eja? Nama garaa qulqullo, ka harki isaa woi iyyakine, ka waan harkaani boch'ani inkad'anne, yokhaani ka waan d'araatiini inkakhanne. Nama suni AABBO Waaqi eebise baase, atini wollaala inqabdu jed'aani. Nami Waaqati d'ufu worra akana akana, ka Waaqa Yakobo barbaade iti d'ufu. Fullo ch'ufana duraa fuud'a balbala dullati bana, aka hayyuuni guddinna olseenu. Hayyuuni guddinna kunini eenu? Inni AABBO Waaqa, ka jabeennaafi irre qabu, AABBO Waaqa, ka nyaapa ufi dabsatu. Fullo ch'ufana duraa fuud'a balbala dullati bana, aka hayyuuni guddinna olseenu. Hayyuuni guddinna kunini eenu? Inni AABBO Waaqa gudda, ka nyaapa ufii dabsatu! Ee AABBO Waaqa, anini si kad'ad'a. Ee Waaqa kiyya anini si d'aabad'a. Aka nyaapi kiyya na dabsate na ch'eerse na ingoyeesine tahu na d'owi! Worra si heregatu nami dandae indabsatu, ammo ka hurre garagale si didu inuma dabsatani. Ee AABBO Waaqa, kara kanke na garsiisi, daandi tante na barsiisi. D'uga tante gula na qajeelchi, waan dansa na barsiisi; atini Waaqa kiyya, ka na baasu, anini hojja ch'ufa si d'aabad'a. Ee AABBO Waaqa, naasufi jaalala tante ta ind'umanne, ta atini haguma duriti na garsiifte qaabad'i. Ch'ubbufi wollaala gaafa anini kaima tolche biraa naa deemi; dansumafi jaalala tante ta ind'umanneeni na qaabad'i. AABBO Waaqi dansa qajeela, tanaafi inni nama ch'ubbu karaati qajeelacha. Inni nama ufi inguddimne kara d'uga qajeelche, fed'i ufii garsiisa. Inni nama wold'aqisa isaa jabeese seera isaa guutu ch'ufa, d'ugaafi jaalala ind'umanneeni jabeesa. Maqa keeti jed'i, ee AABBO Waaqa, ch'ubbu tiyya heddu naa araarami. Nami AABBO Waaqa sodaatu eenu? Waaqi nama akasi suni kara fohateefi agarsiisa. Nami sunini woi horata, ilmaani isaaleeni lafa d'aalti. AABBO Waaqi nama isa sodaatu jaala tahe wold'aqisa inni worra woliini tolfate jabeesa. Anini hojja ch'ufa qarqaarsa AABBO Waaqa ira barbaada, inni hojja ch'ufa gaargala keesaa na baasa. Ee AABBO Waaqa, nati deebii, naa nahi, anini nama laafa wahela inqamne. Gaargala kiyya naraa fuud'i, d'ipu tiyya keesaa na baasi. D'ipufi gaargala kiyya ilaali ch'ubbu tiyya ch'ufa naa araarami. Aka nyaapi nati heddate ilaali, aka worri na jibbu hubad'i. Na qorqorad'i, na baasi, ch'eera na d'owi, anini siti d'eed'a. Dansuma tiyyafi qajeelumti tiyya ha na baaftu, nami anini heregad'u si. Ee Waaqa, worra Israeli, gaargala ch'ufa keesaa baasi! Ee AABBO Waaqa d'uga naa muri, wonti akanatiifi anini ya waan d'uga tolche, si ch'alla d'aabad'e. Ee AABBO Waaqa, na ilaali, na argi garaafi qalbi tiyya hubad'i. Jaalalti tante ta ind'umanne hojja ch'ufa kara naa akheeti, anini d'uga tante keesa deema. Anini nama d'araati iwahelchu, kiyyibale iti ind'iad'u. Anini nama waan hamtu tolchu wahelchu infed'u, ch'ubbichale woma ira inqabu. AABBO Waaqa, anini harka d'iqad'e, aka ch'ubbu inqamne garsiise, waan sorio irati si baasanini mara. Anini faaru galataani si deebisani, d'aad'e, waan kanke ch'ufa biyyati hima. Ee AABBO Waaqa, anini mana atini keesa teetu, fulla guddinni kanke jiru, guddo jaalad'a. Worra ch'ubbu woliini na imballeesini; badii nama woi ijeesule jalaa na baasi — worra hojja ch'ufa ch'ubbu hojate, gumbo nama ira fud'atu. Anini gama kiyyaani waan d'uga tolcha, naa nahi na baasi! Anini soda waan ch'ufa ya duraa bahe, fulla dansa eja, tanaafi gumi AABBO Waaqaa keesa isa faarsa. AABBO Waaqi ifsafi baafama kiyya; anini nama tokole insodaad'u. AABBO Waaqi gaargala lubbu ch'ufa duraa na baasa, anini woma insodaad'u. Hojja nami hamaani na had'e, na nyaachu fed'e nyaapa nati tahe, worri gugufate jijiga. Ato duuli na marsele anini insodaad'u, ato nyaapi na had'ele anini garaa jabaad'a. Anini waan toko ch'alla AABBO Waaqa kad'ad'a, waan toko ch'alla isaa iraa fed'a: aka haga jiru ch'ufa mana AABBO Waaqa keesa tae mid'aaguma isaa mame, Mana isaa keesati isa kad'ad'u. Guyya gaargalaa inni na baase, Mana ufii keesati na jabeese, d'akha d'eera gubbaa na kaya. Akanaani anini nyaapa na dabsu dabsad'e, Mana isaa keesati gammade lalabe sorio baasa; anini sirba baase AABBO Waaqa faarsa. Ee AABBO Waaqa hojja anini si yaamad'u na d'agayi, naa nahi, kad'acha tiyya naa d'agayi. Gaafa atini, kooti na kad'ad'i nani jette, anini, AABBO Waaqa ind'ufa; na duraa ind'okhatiini siini jed'e! Nati indallaniini, hojattu tante ufi biraa ingussini. Atini ya qarqaarsa naa taate, na illakisiini lafale na imbuusini, ee Waaqa ka na baasu. Abbaafi haati tiyya dandeete na lakifti, ammo atini, AABBO Waaqa, na qorqorata. Ee AABBO Waaqa, fed'i tante na barsiisi, kara qajeela gula na qajeelchi, wonti akanatiifi nyaapi kiyya heddu. Nyaapa suni ka d'araani had'e na balleesuu fed'u nati illakisiini. Anini imbeekha, aka, ato jiru, dansuma AABBO Waaqaa ila tiyyaani argu. AABBO Waaqa d'aabad'i, garaa jabaad'i, isa d'ugeefad'i. AABBO Waaqa d'aabad'i. Ee AABBO Waaqa, siida kiyya anini si yaamad'a na jalaa indidiini na ch'aqasi. Yo atini na ch'aqasu didde, anini nama boola ekherati deemu taha. Hojja anini mana kanke qulqullooti harka olqabad'u kad'acha tiyya na d'agayi, qarqaarsa anini si kad'ad'u naa kenni. Nama ch'ubbu tolchu, ka hameenna jaalatu — worra dubbi nagaya dubbate, ammo garaa isaani keesa hameenni guutu woliini, na imballeesini. Huji worraatifi waan hamtu worri tahe jed'i worra gaargalchi, haalo baafad'i! Worri waan AABBO Waaqi tolcheefi yokhaani waan inni uume odu inkaasu, tanaafi inni worra balleesa deebiele iyyaalu. AABBO Waaqa ha faarsani; inni yayu kad'acha tiyya d'agaye na qarqaare. AABBO Waaqi irreefi wonte tiyya, anini isa d'aabad'e, inni na qarqaare na gammachiisa; tanaafi anini sirbe isa faarsa. AABBO Waaqi gumi ufii jabeese, hayyu inni fohate muude qorqorate baasa. Ee AABBO Waaqa, gumi tante baasi nama kankele eebisi. Tissitu worraa tahi, haga jiru jireenna worra hampaari qorqorad'i. Isani, ilmaani gubbaa, AABBO Waaqa faarsa, guddinnaafi irre isa faarsa. Maqa AABBO Waaqa guddaa faarsa, Waaqa qulqullo durati gajed'a guddisa. Qonqo AABBO Waaqa bisaani gubbati d'agayani, Waaqi guddaani mandie, hoga isaa baariini keesati d'agayani. Qonqooni AABBO Waaqaa jabdu, aka qonqo hayyu irre qabdi. Qonqooni AABBO Waaqa hind'eesa ch'absite, hind'eesa Lebanonile balleesiti. Inni gaareeni Lebanoni aka yabbiye burasise, gaara Hermonile aka jibicha korma olch'ech'esisa. Qonqooni AABBO Waaqaa angaasu angaasifte. Qonqooni isaa lafa gamooji chochoofte, isiini lafa gamooji ta Kedeshile chochoosifti. Qonqooni AABBO Waaqaa mukha jaba chochoofte mukha baddale obeensa iraa jissiti; Mana isaa keesale nami ch'ufti, Waaqa ha guddisani jed'e lalaba. AABBO Waaqi d'immu bisaanile mohate haga jiru jireenna lafa fida. AABBO Waaqi gumi ufii eebise nagaya kennaafi. Ee AABBO Waaqa waan atini gaargala keesaa na baafte, nyaapa na miid'ule nara d'owarteefi anini si faarsa. Ee AABBO Waaqa kiyya anini qarqaarsa siti bonaani atini na fayyifte; atini awaala keesaa na baafte, boola dua na hanqifte na jireesite. Isani worri AABBO Waaqa d'ugeefatu ch'ufti isa faarsa, waan Waaqi qulqullooni tolche qaabad'a, galata deebisaafi. Dallansuuni isaa yoosu badi, ammo eebiti isaa haga jirtu imbaddu. Halkani imbohani, ammo hojja lafti bariite ingammadani. Anini hojja hormaatafi bultuma qabu waan ufiini jed'e, nami dandae na inchochoosu. Ee AABBO Waaqa, atini na eebifte, gaara na tolchite na jabeesite. Ammo eege atini na d'okhannaani anini guddo mudame. Ee AABBO Waaqa, anini si yaamad'e, naasu si kad'ad'e waan jed'e, Dua tiyya keesa maani argata? Yo na awaalani wonti sunini maani sii baati? Nami due biyyeeni nyaate dandae si faarsa? Worri sunini dandae dansuma tante ta ind'umanne; inodeesa? Ee AABBO Waaqa, naa nahi, na d'agayi, AABBO na qarqaari! Atini yayu boha tiyya garagalchite sirba tolchite; atini laalala nara fuute, gammada gudda naa kennite. Tanaafi anini amma afaani qabachu dide si faarsa. AABBO, atini Waaqa kiyya, anini haga jiru jireenna galata sii deebisa. Ee AABBO Waaqa, anini siti d'eed'a, ch'eeru na d'owi. Atini Waaqa d'ugaati anini si kad'ad'a na baasi. Na d'agayi, hurrisi na baasi! Siida anini jalati d'eed'u naa tahi, fulla jabdu na geesi, na baasi. Atini siida kiyya ka anini iti d'eed'u; akuma atini kakhate na qajeelchi, nani deemi. T'urura naa kayani keesaa na baasi, gaargala naraa d'owi. Anini lubbu tiyya harka keeti kennad'a; ee AABBO Waaqa, na baasi, atini Waaqa anini d'ugeefad'u. Atini nama waaqoota d'araa kad'atu injibbita, ammo anini siuma d'aabad'a. Maro jaalala tante ta ind'umanneetiifi, anini gammade qilit'ama. Atini gaargala kiyya agarte, d'ipu tiyyale beeta. Atini harka nyaapa kiyyati na inkennine; ammo fulla anini fed'u ch'ufa na deemsifte. Ee AABBO Waaqa, anini gaargala qaba, naa nahi. Anini yayu bohaa d'aqe ilti na bobeete, ya ufi jibbaad'e. Laalalafi booti ya na ijeefte lubbule na keesaa baafte. Gaargali kiyya ya na laafise, lafeleeni wolti na injirtu. Nyaapi kiyya ch'ufti, keesuma nami d'aatu tiyya jiru, ya na tufate, nami na beekhu na sodaate, hojja kara keesati na argule na baqata. Nami ch'ufti yayu aka waan anini due kaani na ded'e, anini yayu waan gagatani fakaad'e. Anini nyaapa heddu tae waan kiyya hasasu d'agae moga ch'ufa mudamsuuni na qabatti. Worri mala nati d'aate na ijeesuu fed'a. Ammo ee AABBO Waaqa, anini si d'aabad'a, atini Waaqa kiyya. Anini hojja ch'ufa harka kanke keesa jira; nyaapa kiyya, ka na balleesu, duraa na baasi. Hojattu tante naasuuni ilaali, jaalala tante ta ind'umanneeni na baasi. AABBO Waaqa, anini si yaamad'a, ch'eeru na d'owi. Ch'ubbicha ha ch'eersanniiti, inni ha due ch'allise fulla ekhera d'aquuti. Worra kiyyiba kana ch'ufa afaani qabachiisi worra ufi guddise ufi saade worra d'ugaa tufatu. Wonti atini nama si sodaatu olkeete akami dansa! Nami ch'ufti aka atini dansa imbeekha, aka atini nama si d'ugeefatu jabeesite qorqorattule. Atini worra suni mala nyaapa isaani duraa fulla teeti d'ossite, araba nyaapa isaani dura fulla jabduti d'ossita. AABBO Waaqa ha faarsani! Gaafa na marsani na had'ani, inni kara mamatiini jaalala isaa ta ind'umanne na garsiise! Anini sodaad'e waan jed'e, Inni yayu ufi dura na fageese. Ammo anini iti bohe qarqaarsa kad'ad'e jennaani inni kad'acha naa d'agaye. Ee gumi isaa, ta isa d'ugeefatu, AABBO Waaqa jaalad'a. AABBO Waaqi nama isa d'aabatu qorqorate, nama ufi saadu haalo baafata. Isani worri AABBO Waaqa d'aabatu ch'ufti ilaafiina garaa jabaad'a. Ayyaana isaati, ka daba isa araaramanifi wollaala isaa biraa deemaniifi. Ayyaana isaati, ka AABBO Waaqi womaani inhimanne, ka ammalle kiyyiba womatu inqamne. Gaafa anini ch'ubbu tiyya himachu dide, anini guyya ch'ufa bohe nafi na d'umate. Ee AABBO Waaqa, atini halkani guyya na d'aante, irreeni naraa hobaate, nafa kiyyale, akuma aduuni bona hagayya woi gossitu, na gossite. Duuba anini ch'ubbu tiyya siti himad'e wollaala kiyya ch'ufa siti mullise waan jed'e, Anini daba kiyya AABBO Waaqati himad'a duuba atini akanaani ch'ufa naa araaramte. Tanaafi nami si beekhu ch'ufti, yo d'iba qabu, si kad'achu male; hojja bisaani fach'aani gaargali d'ufu, bisaani sunini isa ind'aqabani. Atini fulla anini iti d'okhad'u, ka gaargala duraa na baaftu, waan atini na qorqoratuufi anini baafama kanke faarsa. AABBO Waaqi waan jed'u, Anini kara atini deemtu si barsiise, si gorse si qajeelcha. Aka fardatiifi yokhaani aka gaange indaallaini, ka lugamaafi fuuloni lenjisani harkati deefatani. Ch'ubbichi gaargala ind'abu, ammo nama AABBO Waaqa d'ugeefatu jaalala isaa ta ind'umanneeni qorqoratani. Isani worri d'uga, maro waan AABBO Waaqi tolcheteefi gammada qilit'ama. Isani worri isaa saalfatu gammadaa sirba! Isani worri d'ugaa, waan AABBO Waaqi isanii tolche jed'a gammadaa sirba; isani nami isaa saalfatu ch'ufti isa faarsa. AABBO Waaqa kiraari d'aafi sirba, galata deebisaafi. Sirba hareesa sirba, aka dansaa kiraari d'aa, gammadaa sirba! Dubbini AABBO Waaqaa ch'ufti ta d'ugaati, wonti inni hojatu ch'ufti waan nami heregatu. AABBO Waaqi waan d'ugaa qajeeltu jaalata, jaalalti isaa ta ind'umanne lafa ch'ufa guuti. AABBO Waaqi jecha isaatini gubba uume, aduufi jiaafi urjile dubbi ufiitini mid'aase. Inni bisaani ch'ufa fulla tokoti wolti deebise, d'immu baariinilee fulluma isiiti ch'ufe olkaye. Nami lafa keesa jiru ch'ufti ha AABBO Waaqa sodaatu, nami lafa keesa tauleeni ha isa guddisu! Inni dubbannaani lafti uumamte, jecha isaa gula wonti ch'ufti mullate. AABBO Waaqi mala gosa d'ibi balleese, herega biyyale yaka. Ammo mali isaa haga jiru jireenna taa, heregi isaaleeni haga jiru jireenna jira. Ayyaana gosa suni, ta AABBO Waaqa, Waaqa ufii tolfatu; ayyaana worra inni fohate gumi ufii tolfate! AABBO Waaqi gubbaa gadi ilaale nama ch'ufa arga. Inni fulla tae nama fidu gadi ilaale, nama lafa gubba jiru ch'ufa arga. Inni herega worra ch'ufa qajeelche waan worri tahu ch'ufa beekha. Hayyuuni maro askartini isa hedduutifi nama indabsatu; askartileeni jabeenna isiitiini nama indabsatu. Fardi duula dandae nyaapa namaa indabsachisu; irreeni isaa dandeete nama imbaaftu. AABBO Waaqi nama isaa saalfatu, ka jaalala isaa ta ind'umanne d'aabatu, eege qorqorata. Inni dua jalaa worra baase guyya beelale worra jireesa. Nu AABBO Waaqa d'aabanna, inni qarqaarsa keennafi wonte teenna. Nu maro isaatiifi gammanne, maqa isaa qulqullo d'ugeefanna. Ee AABBO Waaqa, jaalalti tante ta ind'umanne ha guyya ch'ufa nu woliini jiraatuuti; nuleeni guyya ch'ufa suma hereganna. Anini hojja ch'ufa AABBO Waaqaa galata deebise, guyya ch'ufale, waan inni tolcheefi isaa faarsa; nami dabsani ch'ufti ha faaru suni d'agaye gammadu. AABBO Waaqa wolumaani guddimne maqa isaa wolumaani faarsina! Anini AABBO Waaqa kad'ad'e, duuba inni na d'agaye, waan anini sodaad'u ch'ufa jalaa na baase. Nami dabsani yo Waaqa d'aabatu ingammada, worri haguma jiru inch'eeru. Yo hiyyeesi isaati bohe, inni ind'agayaafi, gaargala isaa ch'ufa keesaa isaa baasa. Malaikaani AABBO Waaqa, nama isa sodaatu eedde, gaargala keesaa baafti. Aka AABBO Waaqi dansa ufumaani argi. Ayyaana isaati ka isaati d'eetu. Nami AABBO Waaqa d'ugeefatu ch'ufti isa sodaad'a. Nami isaa saalfatu ch'ufti womafu irakatu. Nyeench'ileeni sagale d'abe imbeela, ammo nami AABBO Waaqa barbaadu waan dansa tokole ind'abu. Ilmaani tiyya koota na ch'aqasa, aka Waaqa sodaatani isani barsiisa. Atini jireenna dansa feeta? Gammade lubbu tante ta d'eeratu feeta? Yoosi hameenna indubbatiini yokhaani inkiyyibini ch'ubbu ira deebii, waan dansaa tolchi; garaa kanke ch'ufaani nagaya barbaadi. AABBO Waaqi nama d'ugaa qajeela ilaale, hojja worri isa yaamule jalaa owaata; ammo nama ch'ubbu hojattu indida, duuba akasiini hojja worri duu, deebiani inqaabatani. Hojja nami d'ugaa qajeelani AABBO Waaqa yaamatu, inni jalaa owaate gaargala isaa ch'ufa keesaa baasa. Nama ufi jibbaate AABBO Waaqi iti d'iaat'e, ka abdi womatu inqamnele baasa. Nami dansaani gaargala heddu argata, ammo AABBO Waaqi gaargala suni ch'ufa keesaa isa baasa, aka jaba isa qorqorate lafe isa tokole ch'abu d'owa. Ch'ubbicha ch'ubbuma isaati ijeesa, nama nama d'ugaa jibbu wollaala iti murani gaargalchani. AABBO Waaqi gumi ufii baase, nama isaati baqatu ch'ufa lubbu baasa. Ee AABBO Waaqa, nama nani morkuuni morki, nama na had'u had'i! Wonte tante fud'ad'i, kooti na qarqaari. Woraanafi d'agara kanke fud'ad'i, kooti, nama na reebu duraa na baasi, lubbu tiyyaani, Anumati si baasa jed'i. Nama na ijeesu fed'u ha ch'eersani balleesaniti! Nami waan hamtu nati malatu, ha naraa deebie waan tahu wollaaluti! Hojja malaikaani AABBO Waaqa worra reebdu, worri ha bua buuyo ta bubbeeni fuute fakaatuti! Karaani worraa ha dukanae much'uch'ate, malaikaani AABBO Waaqaleeni ha worra d'oofte lafa buuftuti! Worri fayyuma tana t'urura naa mid'aase aka na qabu boolale na qote. Ammo ato worri imbeenne badiini ha d'ufte worra qabatuuti. T'ururaani worri naa kayeleeni ha worra qabe worra balleesuti! Duuba anini maro AABBO Waaqatifi gammade, waan inni na baaseefi qilit'ama. Anini garaa kiyya ch'ufaani waan AABBO Waaqaani jed'u, Ee AABBO Waaqa, nami aka keeti injiru; atini nama laafa nama jaba jalaa baafte, hiyyeesale nama isaa dabsu jalaa baafta. Nami ch'ubbu qabu d'araani na himate waan hamtu anini imbeenne keesa na buusa. Dansuma anini worraa tolche worri haalo na fuud'e waan hamtu na tolcha, duuba akanaani anini ufi jibbaad'e waan tahu wollaala. Ammo yo worri fayyaa d'abe, anini ufi agabse ch'arqi naqad'e, gajed'e, akuma nama jaalafi oboleesa ufitii Waaqa kad'atu kad'ad'eefi. Anini akuma nama haad'a ufiiti bohu, mata gaqabad'e boheefi. Ammo gaafa gaargali na qabate worri ch'ufti gammade, wolti bahe na goyeese; nami anini fuula imbeenne na d'aane, na lakisuu dide. Akuma nama naafa goyeesu, worri na jibbe na miid'e. Ee AABBO Waaqa, atini haga yoomi, ka woma intolchine waan kana ufuma teete ilaalta? Harka worraa jalaa na baasi, nyeench'a kana ch'ufa duraa na baasi! Duuba anini gumi tante durati galata si deebise, nama ch'ufa durati si faarsa. Nyaapa kiyya, kiyyiba ka tae badi tiyya jed'e qilit'amu, qilit'amu d'owi; nama fayyuma tana na jibbule ka tae maro laalala tiyyati jed'e na miid'u naraa d'owi. Worri nagaya indubbatu, ammo nama nagaya qabu waan isaa ka d'araa dubbata. Worri na himate iyye waan jed'u, Lee! Lee! waan atini taate ya agarre! Ammo, ee AABBO Waaqa, atini waan kana ya agarte, ee Waaqa kiyya, afaani qabatte naraa infagaatiini! Ee AABBO kai na baasi; ee Waaqa kiyya, kooti naa dubbad'i. Ee AABBO Waaqa, atini ka d'ugaati, d'uga naa muri; nyaapa kiyya na goyeesu d'owi. Worra Nu ya isa balleesine, waan feenu arganne jechu d'owi. Nama gaargala kiyya arge gammadu, ha ch'eersani balleesani; nama waan nara jiru ufi sehu ha ch'eeraafi foko d'owani. Nami aka d'uga naa murani arguu fed'u ha gammade, guyya ch'ufa iyye waan jed'u, AABBO Waaqi akami gudda! Inni waan hojattuuni isaa hojate argatu iraa gammada. Duuba anini d'uga tante odeese halkani guyya si faarsa. Ch'ubbicha ch'ubbu garaa isaa keesa jirtuti hasaani; inni Waaqa dide diqole insodaatu. Maro inni kiyyiba ufiitiifi ufi olfuud'uufi, inni waan Waaqi ch'ubbu isa arge wollaala iti muru insehu. Dubbini afaani isaa keesaa baatu ch'ufti ta ch'ubbutiifi ta d'araa, ammalle inni waan dansa qajeeltu deebie intolchu. Inni hojja sire gubba ch'iisule waan hamtu malata; wonti inni tolchu tokoleeni dansaaniti, inni waan hamtu tokole indidu. Ee AABBO Waaqa, jaalalti tante ta ind'umanne gubbale ingeeti; d'ugaani teetileeni dumansale bira dabarti. D'ugaani tante akuma gaara d'eerati; d'ugaani atini qorte woini murtuleeni haga d'immu baariini gadi fagaati. Namaafi horileeni harkuma kanke keesa jira. Ee Waaqa, jaalalti tante ta ind'umanne akami dansa! Nu koola kanke jalati nyaapa keenna duraa d'okhanna. Nu sagale guddo atini nu kennite sooranne; dansuma tante ta aka galaana yaatu d'unna. Atini madda jireennati, maro ifsa keetitifi nu ifse agarra. Nama si beekhu akuma qara jaalate kaani jaalad'i. Nama d'uga qabule, akuma qara kaani waan d'uga tolchiifi. Nama kiyyiba na had'uu d'owi, ch'ubbichale na gussuu d'owi. Fulla nami hamaani iti jige laali, worri achuma ch'iisa, dandae olinkau. Waan nami ch'ubbu tahu mamte heredde ufi ingaargalchini; nama waan hamtu tolchule ind'iibeefatiini. Worri yoosu aka buuyo goddu bade, aka mukha gogoge dua. AABBO Waaqa d'ugeefad'i, waan dansaa tolchi; lafale nagayaani keesa tai. Gammada kanke AABBO Waaqa ira barbaadi, duuba inni waan garaani kanke fed'u ch'ufa sii kenna. AABBO Waaqaa ufi kenni, isaa d'aabad'u duuba inni si qarqaara. Duuba akuma aduuni guyyaa lafa guyyaasiftu, inni d'uga tante mullisa. Obsi tai waan AABBO Waaqi si tolchu eegad'i; nama woi horatu, ka yokhaani mala ufi hamaani woi argatu, waan isaa mamte, heredde ufi ingaargalchini. Dallante ufi ingaargalchini; wonti sunini gaargala sitiini d'ufti. Nami AABBO Waaqa eegatu lafa d'aala; ammo ch'ubbicha keesaa gussani. Ch'ubbichi yoosu bada; atini yo barbaadule inagartu; ammo nami ufi inguddimne lafa d'aale woi horate, nagayaani taa. Ch'ubbichi nama dansati malate, isa jibbe, ila hamtuuni laala. Ammo AABBO Waaqi waan aka ch'ubbicha balleesani beekhufi isa kobla. Ch'ubbichi goraade fud'ate t'iya guubeti d'aabe, hiyyeesa woma inqamne ijeese, nama d'uga tolchu fit'a. Ammo worri goraaduma ufiitini hobae, guube worrale ch'ach'absani. Wonti diqooni nami d'ugaa qabu, waan guddo nami ch'ubbu qabu ira jirti; wonti akanatiifi AABBO Waaqi ch'ubbicha irre isaa iraa fuud'a, ammo nama d'ugaa jabeese qorqorata. AABBO Waaqi nama isaa saalfatu jabeese, lafti haga jiru jireenna ta worraa taati. Hojja bari hammaatule, gaargala inargatu, hojja oolaani buutule worri diqole sagale ind'abu. Ammo ch'ubbichi inuma bada; nyaapi AABBO Waaqaa akuma daraara yosu bue bade, aka aara yoosu dabra. Ch'ubbichi liqe fuud'e baasuu dad'aba, ammo nami d'ugaa arjomaani woi namaa kenna. Nami AABBO Waaqi eebise lafa d'aala, ammo ka inni abaare keesaa gussani. AABBO Waaqi ejata nama qajeelche, nama isa gammachiisule jabeese qorqorata. Inni yo jigele achiti inhafu, wonti akanatiifi AABBO Waaqati isa kaasa. Anini amma ya jaare, ganni kiyya ya d'eerate, ammo taka nama d'uga ka Waaqi lakise, ilmaani isaa sagale kad'atu ingarre. Inni hojja ch'ufa akanumati woi namaa kenne woi namaa liqeesa, ammalle ilmaani isaaleeni ta eebaati. Waan hamtu ira deebii, waan dansa tolchi, duuba akanaani d'alooti kanke haga jiru jireenna lafa tana keesa taa; wonti akanatiifi AABBO Waaqi d'uga jaalata, gumi isaa qulqulloole illakisu. Inni haga jiru jireenna worra qorqorata, ammo ilmaani ch'ubbicha lafa keesa gussani. Nami d'ugaa lafa d'aale, haga jiru jireenna keesa taa. Afaani nama d'uga qarooma ch'alla dubbatani, arabi isaaleeni dubbi qajeeltu ch'alla dubbata. Inni Seera Waaqaa jabeese qalbi keesa keeyata, haguma jiru ira ingoru. Ch'ubbichi nama dansa gaade ijeesuu fed'a; ammo AABBO Waaqi harka nyaapa isaati illakisu, yokhaani hojja dubbi isa qorani aka wollaala iti murani ee injed'u. AABBO Waaqa d'aabad'i, dubbi isaa gula deemi; inni lafa sii kenne akasiini gurra siti tolcha; duuba atinileeni worra ch'ubbuu ka lafa suni keesaa gussani agarta. Ch'ubbicha tokoti jira, ka duri nama dabse; aka hind'eesi Lebanoni mukha ch'ufa ira d'eeratu, nama ch'ufa bira dabre. Ammo eege, yo anini d'aatu dabre, inni achi injiru; anini isa barbaade, ammo argu dad'abe. Nama dansa laali, nama d'ugaa hubad'i; nama nagayaa ilmaani inni d'aleti maqa isaa badii d'owa. Ammo ch'ubbicha balleesani, ilmaani inni d'alelle ch'ufa fit'ani. AABBO Waaqi nama d'ugaa qajeela baase guyya gaargala worra qorqorata. Inni worra qarqaare, nyaapa worra duraa baase; ammalle waan worri qarqaarsa isaati baqatefi inni harka ch'ubbichale jalaa baasa. Ee AABBO Waaqa, dallansu tante keesa wollaala nati murte na ingaargalchini! Atini t'iya teetiini na woraante, lafaani na d'oofte. Maro dallansu teetitiifi fayyad'aba jabaati harka na qaba, maro ch'ubbu tiyyatifi nafa kiyya ch'ufa ya d'ukubi qabate. Ch'ubbuuni tiyya yayu aka fach'aa bisaani na liqimsite; isiini yayu baa ulfoo anini baachu indandeenne nati taate. Maro daallumma tiyyatifi madaani tiyya hamate shamte. Anini yayu gajed'e, ya lafati na mach'arsani, halkani guyya anini boha deema. Anini yayu qannoni na qabate, lubbuuni diquma na keesa imbahini. Anini yayu laafe ufi jibbaad'e lafati na ch'arasani; gaarani kiyya na hamaate tae, d'ukubsad'e waad'a. Ee AABBO, atini waan anini fed'u imbeeta, waacha tiyyale ch'ufa ind'ageeta. Onneeni na chochote, humniti naraa hobaate, ilti tiyyaleeni woi argu dad'abde. Jaalani tiyyafi ollani kiyyaleeni maro mada tiyyatifi nati d'iaachu dide; worri kiyyaleeni ya na baqate. Nami na ijeesuu fed'u t'urura naa kaye, nami na gaargalchu fed'u badi tiyya dubbata; worri mala nati d'aachu illakisu. Anini duuda gurraani woma ind'ageenne, ka afaanileeni woma indubbanne fakaad'a. Anini nama woma ind'ageenne, ka hojja yaamanile nama jalaa inowaanne fakaad'a. Ammo ee AABBO Waaqa, anini si d'aabad'a; ee AABBO Waaqa kiyya nami na jalaa owaatu siuma. Aka nyaapi kiyya badii tiyya arge na ingoyeesine tahu d'owi; ammalle aka worri badii tiyya arge inkoorre tahu d'owi. Anini diquma injigiini, d'ukubileeni na illakisu. Anini daba kiyya laalefad'e ch'ubbu tiyya himad'a. Nyaapi kiyya jaba hama, nami fayyuma tana na jibbuleeni aka biyye tana jira. Nami anini waan dansaa tolche ya nati gaargale nyaapa nati tahe, waan anini d'uga gula deemufi. Ee AABBO Waaqa, na illakisiini; ee Waaqa kiyya naraa infagaatiini! Hurrisi, na qarqaari, ee AABBO qarqaarsa kiyya! Anini waan jed'e, Anini ufi qorqorad'a, aka arabi kiyya ch'ubbu keesa na imbuumne; anini hojja nami ch'ubbu na d'aatu jiru afaani qabad'a. Duuba anini waan hamtufi toltule tokole woma indubbanne ch'allise! Ammo taatule gaargali kiyya nati guddate, hojja ch'ufa mudamsuuni na qabate, akuma anini ch'allise woi hereguuni gaargali nati guddate; jennaani anini afaani qabachu dad'abe waan jed'e: Ee AABBO Waaqa, guyyaani kiyya yoomi? Anini yoomi dua? Guyya kiyya nati himi. Atini guyya kiyya guddo gabaabsite, bultiini tiyya si durati woma keesa injirtu. D'uguma, nami lubbu qabu ch'ufti qilleensa maro tokotu dabrule ira injiru, yokhaani gaandidule ira injiru. Wonti inni tahu tokoleeni woma keesa injirtu; inni beese wolti tuula, ammo nama eege d'ufe fud'atu imbeekhu. Duuba ammo, ee AABBO Waaqa, wonti anini d'aabad'u maani? Wonti anini d'aabad'u suma. Ch'ubbu tiyya ch'ufa keesaa na baasi daalle na koblu d'owi. Anini afaani qabad'a, woma indubbad'u, wonti akanatiifi nami waan kana na tolche sii. Deebite na ind'aaniini, anini diquma d'abanaasa teetiini induiini. Atini hojja ch'ubbu namaa agartuu gorsa jabaani isa qajeelchite, ammalle aka buuqataani woi balleesu waan nami suni jaalatu balleesita. D'uguma nami qilleensa ira injiru! Ee AABBO Waaqa, kad'acha tiyya na d'agayi, boha tiyyale ch'aqasi hojja anini bohule kooti na qarqaari. Anini ideemtu kara deemtu faakad'a. Na lakisi, aka anini, ato lafa tana ira due iti ind'aabanne, gammadu. Anini obse, qarqaarsa AABBO Waaqa ira eegad'e; jennaani inni na ch'aqase boha tiyya d'agaye. Inni boola hamtu keesaa na baase, maansa anini keesa lit'e keesaa na fuud'e, d'akha gubbaa na d'aabe na jabeese. Inni faaru hareeti Waaqa keennaani faarsani na barsiise. Nami hedduuni waan kana arge sodaate AABBO Waaqa abdata. Ayyaana isaati ka AABBO Waaqa abdate waan harkaani boch'ani kad'achuu dide, waaqoota d'araa gula deemuu didu. Ee AABBO Waaqa keenna atini waan dansa heddu nuu tolchite; nami aka keeti tokoleeni injiru. Atini waan mama heddu nu tolchite, ka anini dandae amma toko tokooni maqa ind'oomne! Atini soriofi waan si baasani infeetu, ammalle hori gubani sorio baasanifi ka sorio dabaani ufi iraa baasani imbarbaadu. Ammo atini gurra anini siini d'agayu naa kennite, tanaafi anini waan jed'e, Anini kunooti; waan atini nati himu feetu ch'ufa ya kitaaba Seera keesati t'aafani. Ee Waaqa kiyya, anini akami fed'i tante guutu fed'a! Barsiisaani tante qalbi tiyya keesa jirti. Gumi tante ch'ufa durati, ee AABBO Waaqa, anini odu dansa ta baafama keeti odeese. Atini imbeeta, anini haga jiru, waan isii odeesu illakisu. Anini odu tante ta baafama garaa kiyya keesati ind'ossine; anini hojja ch'ufa d'uga tanteetifi qarqaarsa kanke odeese. Gumi tante durati anini waan jaalala tante ta ind'umanneetiifi d'uga tante ind'ossine. Ee AABBO Waaqa, anini imbeekha, atini haga jirtu naa nahu indiddu. Jaalalaafi d'ugaani tante hojja ch'ufa na qorqoratti. Gaargali hedduuni muumme inqamne ya na qabate, ch'ubbuuni tiyya ya na d'aqabde, dandae lafale inargu. Isiini henna inqabdu rifeensa mata kiyyale ira jirti, anini yayu ufi jibbaad'e. Ee AABBO Waaqa, na baasi hurrisi na qarqaari! Nama na ijeesuu fed'u ha dabsatani balleesaniti. Nama maro gaargala kiyyati gammadu ha dudda duubati deebisani ch'eersaniiti. Nama na goyeesule ha mudamsiisani ch'eersani. Nami siti d'ufu ch'ufti ha gammade qilit'amuti. Nami baafama kanke jaalatu ch'ufti ha guyya ch'ufa, AABBO Waaqi akami gudda! jed'uuti. Ee AABBO, anini hiyyeesa laafa, irre inqamne, ammo atini inuma na qaabata. Atini baafama kiyyafi Waaqa kiyya hurrisi, kooti na qarqaari! Ayyaana isaati ka hiyyeesaa nahu; hojja inni gaargala qabu AABBO Waaqati isaa qarqaara. Inni isaa qorqorate, lubbu isaa baasa, lafa inni keesa tahu keesati isaa eebisa, ammalle harka nyaapa isaati isa inkennu. Hojja inni fayya d'abe sire keesa ch'iisule, AABBO Waaqi isa qarqaare fayyise jabeesa. Anini waan jed'e, Ee, AABBO Waaqa, anini ya siti ch'ubbame; naa nahi, na fayyisi. Nyaapi kiyya hameenna kiyya dubbate, waan jed'u, Inni yoomi due maqaani isaa bada? Nami tokoleeni d'ugaani na argu ind'ufu; ammo worri nama ch'ufa ira odu tiyya ta hameenna guure, fulla ch'ufa deeme odeesa. Nami na jibbu ch'ufti waan kiyya wolti gungume, hameenna kiyya malate waan jed'u, D'ukubi hamaani ya isa qabate, inni sire iraa inkahu iraale inhafu. Jaali kiyya jabaani ka anini guddo d'aabad'e ka nu sagale woliini nyaannuleeni ya nati garagale. Ee AABBO Waaqa, naa nahi, na fayyisi, aka anini nyaapa kiyya suni haalo baafad'u. Duuba akanaani worri na indabsatu, ammalle aka atini na gammachiiftele beekha. Maro anini waan d'uga tolchufi atini na qarqaarte, haga jiru jireenna fulla tante na teesifta. AABBO Waaqa Israelii faarsa! Ammaafi hegerile faarsa! Amini! Amini! Akuma hiddini bisaani qabanao d'uddu d'araatu, aninileeni akasuma sii d'araa, ee Waaqa. Ee Waaqa jiru, anini siti d'eebod'a; anini yoomi deeme si arge si kad'ad'a? Anini halkani guyya bohe, imimaani kiyya ch'alla soorad'a, ka nyaapi kiyya hojja ch'ufa na gaafate, Waaqi kanke me? nani jed'u. Hojja anini waan dabre qaabad'u, gaafa anini gumi guddo woliini Mana Waaqaa d'aqe, gumi gammada qabdu ta sirbite Waaqaa faarsa yaatu dura deeme, garaani naa hamate. Anini maafi akana tahe laalefad'e gaargala? Anini Waaquma abdad'a; ammalle deebieti Waaqa kiyyafi baafama kiyya faarsa. AABBO Waaqi ha jaalala isaa ta ind'umanne guyya na garsiisu, aka anini halkaniini faaru Waaqa na jireesuuni kad'ad'u d'aad'u. Anini waan Waaqa jaba na qorqoratuni jed'u, Atini maanifi na deete? Anini maanifi maro nyaapi na dabsufi akana tae boha? Nyaapi kiyya na arabse, Waaqi kanke me? jed'e na gaafanaani, anini araba isaani suni aka male d'ukubsad'e. Anini maafi akana tae laalefad'e gaargala? Anini Waaquma abdad'a; ammalle deebie Waaqa kiyyafi baafama kiyya faarsa. Ee Waaqa, nami kunini wollaala inqabu jed'i d'uga naa muri, gumi si imbeenne durati naa dubbad'i; nama ch'ubbicha kiyyiba duraa na baasi! Waaqi anini iti d'eed'u sii, atini maafi na lakifta? Anini maafi maro nyaapi kiyya na dabseefi tae gaargala? Ifsafi d'uga tante naa ergi; ha na dura deemani, gaara kanke qulqullo Sionitiifi. Mana kanke qulqullo atini keesa teetuti na deebisaniti. Duuba ee Waaqa, anini fulla sorio iti sii qalani d'aqa; nami anini gammada ira argad'u sii. Anini kiraari d'ae si faarsa, ee Waaqa, Waaqa kiyya. Anini maafi akana tae laalefad'e gaargala? Anini Waaquma abdad'a; ammalle deebieti Waaqafi baafama kiyya faarsa. Ee Waaqa, nu ya gurra keennaani d'ageenne — ababooti teennaleeni ya waan guddo atini gaafa worri jiru tolchite nuti himte; aka atini gosa Waaqa imbeenne gussite, gumi tante lafa worra keesa qubsiifte; ammalle aka atini gosa d'ibi gaargalchite, ammo gumi tante eebifte horsiifte. Gumiini tante goraade ufiitini lafa indabsanne, yokhaani irre ufiitini infud'anne; ammo irreefi humna teetifi ammalle maro atini worra woliini jiraatte, jaalala tante garsiifteefi worri nyaapa ufi suni dabsate. Atini hayyu kiyyafi Waaqa kiyya, ka gumi tante ta Yakobo dabsachiifte, nuleeni jabeenna keetiini nyaapa keenna dabsanne. Anini waan t'iyafi gubeefi goraadeeni tiyya na baaftu insehu; ammo atini harka nyaapa keenna keesaa nu baafte, nama nu jibbule dabsate. Nu guyya ch'ufa si faarsine, haga jiru jireenna galata sii deebimna. Ammo amma tana atini ya nu didde, harka nyaapa keennati nu lakifte; atini aka duri kaani duula keennaani indeemtu. Atini nyaapa keenna dura nu baqachifte, worri waan keenna boojie itiini d'aabate. Atini aka hooliye nu qaqalte, gosa d'ibi keesati nu firfirsite. Atini gumi tante gati diqooti gurgurte, aka waan worri woma keesa injirre. Gochiti d'aatu teenna jirtu waan atini nu tolchite agarraani nu goyeesite nu kofalti. Atini yayu aka gochiti ch'ufti nu tufatu nu tolchite, worri yayu fuula guure nu goyeese. Hojja ch'ufa ch'eeraa fokoni na qabate waan tahu wollaala, waan nyaapi kiyyafi nami na jibbuleeni na arabse na goyeesuufi. Ato nu si deene wold'aqisa atini nu woliini tolfatele ch'absu baannele, wonti kunini ch'ufti ya nu qabate. Garaani keenna taka sira indeebine, yokhaani kara kanke taka iraa ingorre, ammo atini nu qarqaaru didde, nyeench'afi worabesati nu lakifte, dukana sipe keesa nu buufte. Ato nu sila Waaqa keenna lakimne, waaqa d'ibi harka dura qabanne, atini imbeetu? Atini herega keenna ch'ufa imbeeta. Ammo maro teetifi hojja ch'ufa nu ijeesani, hooliye qalma geesani nu tolchani. Ee Aabbo, kai, atini maafi teete rafta? Kai, nu indidiini, nu qarqaari! Atini maafi nu duraa d'okhatte, gaargalaafi d'ipu teenna deeta? Nu dabsani lafaani nu d'aani, amma awaara keesa ch'iimna. Kooti, nu qarqaari! Maro jaalala tante ta ind'umanneetiifi nu baasi! Qalbiini tiyya dubbi dansa heredde, hojja anini faaru hayyuuni faarsu tana d'aad'u. Aka harki nama woi t'aafu hojja ch'ufa kurfoo jiru arabi kiyyaleeni kurfoo jira, aka faaru d'aad'u. Atini nama ch'ufa ira mid'aada; dubbini teetileeni qajeeltu. Haguma duriti Waaqi ya si eebise. Ee hayyicha gudda, goraade tante fud'ad'i, hid'ad'i atini guddinnaafi jabeenna qabda. Farda kanke ka guddinna yaabad'i, nyaapa kanke dabsad'i, d'ugaafi qajeeluma kalchi! Harki kanke mirgichi nyaapa ch'ufa si dabsachiisa! T'iyyiti tante guddo qara qabdi, isiini onne nyaapa keeti woraanti; gochiti ch'ufti d'ufte sarba si qabatti. Hayyumti Waaqi sii kenne haga jiru jireenna teeti. Bokuuni atini namaani fidduleeni ka d'ugaati; atini waan dansaa jaalate waan hamtu jibbita. Tanaafi Waaqi kanke si fohate, hayyu d'ibi ch'ufa ira si muude si gammachiise. Woyaani tante qayyaafi qumbi d'oofti; mana hayyu ka ilka arbaatini barreesani keesati kiraari d'aani si faarsani. Nad'eeni fulla teetiti galtu dubra hayyuuti keesa jira, barch'uma kanke ka hayyuma, gama mirga, hayyiti faaya worqi naqatuti eja. Intala hayyuuni fuud'u, dubbi tiyya ch'aqasi: gosa teetifi worraa keesaa d'alate ded'i. Mid'aagumti tante hayyu d'araasifti; inni gudda keeti, isaa saalfad'i: Worri dira Tiro woini sii d'ufa, aka si naasifatu. Intalti hayyu mana hayyu keesa jirti isiini akami mid'aadi! Woya isi liilana worqitiini mid'aasani. Isi woya bariti mid'aadu iti kayani hayyutini d'ufani, dubra wahela isii ta isi gula yaatule, isaatini d'ufani. Gammadaafi qilit'amani worri d'ufe mana hayyuu olseene. Ee hayyicha kiyya, atini ilmaani d'iira heddu d'alta, ta hayyuma tante d'aaltu, duuba atini nama lafa ch'ufa mohatu worra tolchita. Faaruni tiyya tunini maqa kanke haga jiru jireenna badu d'owarte, haga hegerile nami ch'ufti si faarsa. Waaqi irre teenna, fulla nu iti d'eennu, ka hojja nu gaargala qamnu ch'ufa nu qarqaaru. Tanaafi ato lafti chochote, gaareeni d'immu baariini keesa buutele nu woma insodaannu; ato bisaani chochoani goraani kubilele chochoosanile insodaannu. Galaanati jira, ka dira Waaqaa gammadani iti d'ufu, Mana qulqullo Waaqaa guddati. Waaqi dira suni keesa jira, dandaani inchochoosani, inni ganama d'ufe dira suni qarqaara. Gochiti mudamte, lafti chochote, Waaqi mandie, laftileeni bat'i. AABBO Waaqi guddaani nu woliini jira, fullaani nu iti baqannu Waaqa Yakobooti. Koota, waan AABBO Waaqi tolche, laala, waan mama ka inni lafa keesati tolche dawaad'a. Inni lafa ch'ufa keesa nama woli had'u d'owe, guube ch'ach'abse, woraana balleese, wontele guba. Inni waan jed'u woli had'u lakisa, aka anini AABBO Waaqa beekha. Gosa ch'ufafi lafa ch'ufa keesaleti na guddisani. AABBO Waaqi guddaani nu woliini jira, fullaani nu iti baqannu Waaqa Yakobooti. Gosa ch'ufa, gammada harka d'aa! Lalaba sirba, AABBO Waaqa faarsa! AABBO Waaqi guddaani ka sodaachu malani; inni hayyu gudda, ka lafa ch'ufa fidu. Inni gosa ch'ufa nu dabsachiise, gosa ch'ufa nu mohachise. Inni lafa nu keesa teennu nuu fohate, fulla dansa gochiti isaa ta Yakobo ta inni jaalatu koortuuni. Waaqi barch'uma ufii yaabata. Hojja AABBO Waaqi olkoru suni magalata d'aani, lalabaani gammadani. Waaqa faarsa; hayyu keenna faarsa! Waaqi hayyu lafa ch'ufaati; faaru d'aad'a, isaa faarsa! Waaqi barch'uma ufii qulqullo ira tae gosa ch'ufa fida. Jari gosa ch'ufa mohatu gumi Waaqa Abrahamutini wolti baha. Inni duula lafa ch'ufa ira jaba, inni waan ch'ufa fida. AABBO Waaqi gudda, dira Waaqa keenna keesa, gaara isaa qulqullo gubbati, isa guddo faarsu malani. Gaari Waaqaa Sionini d'eera mid'aaga. Dira hayyu guddaa suniti lafa ch'ufa gammadaani iti d'ufa. Nami fulla jabdu dira suni keesa seenu, ka Waaqati d'eetu, tokoleeni nyaapa ufii insodaatu. Hayyooti wolti baate, gaara Sioni had'u d'ufte. Ammo gaara suni arginaani mamani, sodaatani biraa baqatani. Achiti naasufi mudamsuuni worra qabate, akuma niiti ilmeeni iti ejate, yokhaani akuma hobolo d'awani galaanaa d'oofte chochoofte. Nu waan Waaqi tolche qara d'ageenne, amma yayu dira Waaqa AABBO keenna gudda keesati argine; inni dira suni jabeese haga jiru jireenna qorqorata. Ee Waaqa, Mana kanke keesati nu jaalala tante ta ind'umanne herenna. Nami fulla ch'ufati si faarsa, gurri kankeleeni fulla ch'ufa gaha. Atini d'ugaani nama fida. Gumiini Sioni ha gammaddu! Atini qajeelumani dubbi qorta; dira Yuda keesati ha gammadani! Gumi Waaqaa dira Sionitini mara, doofi isa heda; naabo isa aka dansa laala, maneeni isa jajabdule ch'ufa hubad'a, aka isani d'aloota taka tanale dubbi tana iti himtani: Waaqi kunini Waaqa keenna, ka haga jiru jireennati; inni haga hegeri nuni deeme, tisse nu qorqorata. Nama lafa tana keesa jiru ch'ufa! Dubbi tana d'agaya! Diqaafi gudda, dureesafi hiyyeesa, wolumaani ch'aqasa. Anini guddo woi herega, dubbuma qaro ch'alla dubbad'a. Anini mammaasa ch'aqase, ato kiraari d'au, waan isaa ch'ufa hima. Hojja lafti gaargala qabdu, ka nyaapi na marse, anini insodaad'u, nama hamama, worra hori ufii abdate beese ufii ch'alla d'aada yau. Nami dandae ufi imbittu; inni dandae gati lubbu isaa Waaqaa imbaasu; wonti akanatiifi gatini namaa guddo. wonti inni baasu dandau, awaala isa hanqifte haga jiru jireenna isa injirreesitu. Nami ch'ufti inarga, aka qaroofi daalleefi sirgolleeni due, hori ufii ilmaani ufiiti lakisu. Awaali worraa haga jiru jireenna worruma isaanii taha. Haguma jiru worri achuma taha, ato duri lafa ufii qabatele. Horiini dandae nama duu ind'owu, ato qabatele inni akuma bineensi duu dua. Me, waan nami ufi abdatu tahu ilaala, waan nami hori ufii d'aabatu tahu herega. Worri suni akuma hori hobaa, tissituuni worraaleeni duisa. Nami d'ugaa worra dabsate, ka reefi worraa boola ekheraa, ta worra isaani ira fagooti shamuu jiru! Ammo Waaqi boola dua keesaa na fuud'e, na baase, ufiti na deebisa. Hojja nami woi horate, horiini isaa lafa iraa dabre, waan isaa heredde ufi ingaargalchini; inni hojja duu hori suni woliini induu, yokhaani horiini isaa isa woliini boola inseenu. Ato nami jireenna lafa tana quufe, maro inni woi horateefi inni gurra baafatele, inni ekhera worra isaani ka duri dueti galla, fulla haga jiru jireenna dukanti jirtu. Horiini dandae nama duu ind'owu ato qabatele inni akuma bineensa dua. AABBO Waaqi guddaani dubbate, lafa ch'ufa ilaborutiifi ila adule yaame. Waaqi dira Sioni, ka guddo mid'aagu keesa ifsa. Waaqi keenna d'ufuu jira, hojja d'ufele afaani inqabatu; ibida bobae balaliuti isaa dura jira, bubbeeni guddooni isaa d'aatu jirti. Inni gubbafi lafale yaame, koota, d'uga naa taha, anini dubbi gumi tiyya qora jed'aani. Ammalle waan inni jed'u, gumi tiyya, ta na d'ugeefatu, wolti na baasa, worra sorio na baase wold'aqisa na woliini tolfate. Gubbaani aka Waaqi d'ugaatifi aka nami dubbi namaa qoru isaa, odeesiti. Gumi tiyya, na ch'aqasa, anini woi jechu fed'a, ee worra Israeli, anini isani himad'a, anini Waaqa, Waaqa keesani. Anini maro sorio teesanitiifi waan isani gubdani naa baaftanifi ya wollaaltani isaniini injed'u. Ammo taatule, koromi moona teesanitiifi laleesa moona teesanile anini woma ira inqabu; wonti akanatiifi bineensi baddati gallu ch'ufti kiyyuma, horiini gaareeni heddu gubba jiruleeni ch'ufti kiyyuma. Allaatiini ch'ufti tiyyuma, wonti lubbu qaba, ka lafa keesa jira, ch'ufti kiyyuma. Anini hojja beelae isaniti inhimu; wonti akanatiifi lafafi wonti keesa jira ch'ufti tiyyuma. Anini fooni kormaa inyaad'a? Yokhaani d'iiga laleesa ind'uga? Sorioni isani Waaqaa baaftani ha galata isani isaa deebiftani ch'alla taatuti; waan imbaamnaafi jettani ch'ufa Waaqa gudda baasa. Hojja gaargali isaniti d'ufu, na yaamad'a; anini d'ufe, isani baase, isanileeni na faarsitani. Ammo Waaqi waan worra ch'ubbutiini jed'u, Isani maafi seera kiyya himtani? Isani maafi waan wold'aqisa kiyya dubbatani? Isani gorsa kiyya diddani, seera kiyyale ch'absitani. Isani nama woi hatu ka agartani ch'ufa, jaala tolfatani, nama nad'eeni biyyaa gula dedeemu ch'ufa, wahela tolfatani. Isani guyya ch'ufa waan hamtu dubbatani, d'arale guyya tokole iraa ingortani. Isani oboleyaani teesanile himatani, hameenna worraale dubbatani. Gaafa isani waan kana ch'ufa taatani anini afaani qabad'e, jennaani isani waan anini aka keesani jiru na seetani. Ammo ammatana anini isani gorse, dubbi tana ch'ufa diideese isanii mullisa. Isani ka na deetani dubbi tana ch'aqasa, yokhaani anini isani balleesa, nami tokoleeni ka isani baasu injiru. Galata deebisitiini sorio nani guddisani; aninileeni nama naa saalfatu ch'ufa imbaasa. Ee Waaqa, maro jaalala tante ta ind'umanneetiifi naa nahi, naasu tante guddo sunini ch'ubbu tiyya naraa balleesi! Hameenna kiyya ch'ufa naraa d'iqi, ch'ubbu tiyya ch'ufa na qulqulleesi! Anini wollaala kiyya imbeekha, ch'ubbu tiyyale hojja ch'ufa qaabad'a. Anini siti ch'ubbame — si ch'allati ch'ubbame — waan atini hamtu seetu ch'ufa tolche. Tanaafi hojja atini dubbi qorte wollaala nati murtu d'ugaani teeti. Anini haguma d'alad'e daba qaba, haguma duri garaa haad'a tiyya keesati uumame ch'ubbu qaba. Atini d'ugaafi qajeeluma nama ira feeta, taanafi qarooma kanke naa kenni, qalbi tiyya keesa kai. Daba kiyya naraa fuud'i, duuba inqulqullaa; na d'iqi duuba anini aka dansa qulqullae, addaad'e haama fakaad'a. Gammadaafi qilit'ama na d'ageesisi, nafi kiyya ka qara atini ch'ach'absite ha gammadu. Ila tanteetiini ch'ubbu tiyya inilaalini hameenna kiyya ch'ufa naraa balleesi. Ee Waaqa, garaa qulqullo naa kenni, lubbu hareeti sira gara ingalle na keesa kai. Fuula kanke duraa na ingussini, lubbu qulqullo tantele naraa infud'atini. Gammada baafami kanke namaa kennu naa deebisi, garaa sii saalfatu naa kenni. Duuba anini seera kanke worra ch'ubbuu barsiise, worrileeni siti deebia. Ee Waaqa, d'iiga namaa ka anini duri jisse jette, na inijeesiini lubbu na baasi, duuba anini d'uga tante gammadaani biyyati odeesa. Ee Aabbo, araba na qajeelchi, aka anini si faarsu. Ato atini sila sorio feete anini sii baasa, ammo sorioni gubanileeni si ingammachiiftu. Ee Waaqa, sorioni tiyya garaa laana ka anini si gulaani deemu; atini garaa laana, ka ch'ubbu iraa deebiu, indiddu. Ee Waaqa, gaara Sioni nahiifi eebisi, naabo Yerusalemule jabeesi jaari. Duuba atini sorio d'ugaatifi waan gubani sorio baasanile iraa gammadda; ammalle koromile waan sorio irati sii baasani irati sii qalani. Ee nama jaba, atini maafi jabeenna keetiini koorta? Jaalalti Waaqaa ta jiru jireennaati. Atini mala namaani balleesitu d'aata, arabi kanke aka haadu qara qaba. Atini guyya ch'ufa d'ara dubbatta. Atini waan dansa ira waan hamtu jaalatta, d'uga ira d'ara jaalatta. D'articha, atini guyya ch'ufa nama nyaachu feeta! Tanaafi Waaqi haga jiru jireenna si balleesa; inni si fuud'e, mana kanke keesaa si baase, si ijeese, lafa tana iraa si balleesa. Nami d'uga waan suni arge sodaate, si koble waan jed'u, Me laala, nama Waaqati ind'eenne, ammo ka hori isaa gudda abdate, nama balleese, akasiini irre horate, irre ufii suni abdatu. Ammo anini mukha ejersa, ka Mana Waaqa keesati bahu, fakaad'a; anini jaalala isaa ta ind'umanne haga jiru jireenna d'ugeefad'a. Waan atini naa tolchite ch'ufa anini galata sii deebisee, gumi tante durati dansuma tante odeesa. Daalleeni Waaqi injiru ufiini jed'a. Worri worra ch'ubbuti, waan hamtu tolche; nami d'uga tolchu injiru. Waaqi gubbaa nama gadi ilaale, aka nami woi hubate isaa kad'atu lafa keesa jiru arguu. Ammo worri ch'ufti yayu kara iraa gore, waan hamtu tolche. Worri keesa nami tokoleeni ka waan dansaa tolchu injiru. Waaqi waan jed'u, Isi, worri woma imbeekhu? Worri ch'ubbu kunini ch'ufti daalle? Worri gumi tiyya saame na kad'achu dida. Ammo worri haga duri ira mudama, wonti akanatiifi, Waaqi lafe nyaapa gumi isaa infirfirsa. Waaqi ya worra dide, tanaafi worri Israeli aka taka inargini worra dabsate balleesa. Ee Waaqa, nama Israeli baasu Sioni keesaa kootiini. Worri Israeli hojja AABBO Waaqi akuma duri kaani horsiisu akami gammada! Ee Waaqa, jabeenna keetiini na baasi, irre teetiini d'uga naa muri! Ee Waaqa, kad'acha tiyya d'agayi, dubbi tiyya ch'aqasi! Nami kiyyibaani nati kae na had'uti jira; nami hamaani Waaqa insodaanne na ijeesu fed'a. Ammo Waaqi qarqaarsa kiyya, nami na jabeesuleeni AABBO Waaqa. Ch'ubbuuni nyaapi kiyya hojate ha worrati deebituuti. Waaqi ka d'ugaati, worra balleesa. Ee AABBO Waaqa, anini gammadaani sorio sii baase, maro dansuma teetifi galata sii deebisa. Atini gaargala kiyya ch'ufa keesaa na baafte, nyaapa kiyya ka dabsatani ch'ufa na garsiifte. Ee Waaqa, kad'acha tiyya d'agayi, dubbi tiyya didde duraa ind'okhatiini! Na ch'aqasi, na jala qabi; heregi kiyya ya na gaargalche ufi na jibbaachise. Qonqooni nyaapa kiyya ya na mudamsiifte, worri ch'ubbuleeni ya dabse na balleese. Worri nati dallane na jibbe, gaargala natiini d'ufe. Anini ya mudame mudamsuuni dua na qabate. Sodaani na qabate holad'e, lubbuuni na d'ufte. Duuba anini waan jed'e, Ato sila koola aka sabaliisa qabad'e barise fulla iti boqod'u barbaada. Anini barise fagaad'e, lafa alooti gala. Anini utaale, bubbeefi bokaya duraa baqad'e, fulla iti qobad'u barbaada. Ee Aabbo, nyaapa kiyya afaani wolwolaalchisi! Anini dira keesa nama woldiduufi ka woldabsu arga ka halkani guyya dira suni marse hameennaafi gaargalaani guutu. Diri kunini ya bade, gabaya isaa keesati nami woldabse sobe wolballeesa. Ato sila nyaapi na goyeese, anini inobsa; ato sila nami nani morku nati koore, anini dandae isa duraa d'okhad'a. Ammo nami akana na tolchu sii, ka golifi wahelaafi jaala kiyya jaba. Nu duri haasaa dansa woliini haasomne, Mana Waaqaa keesaleti woliini kad'anne. Nyaapi kiyya ato guyyaani isaa ingenne, ha hobauti, ha ato jiru boola ekhera buuti! Wonti akanatiifi worra isaanitifi garaa isaanile keesa hameennati jira. Ammo anini AABBO Waaqa yaamad'a, nami na baasu isa. Diiramafi guyyaafi halkanile, gungumsuni tiyyafi waachani tiyyaleeni gara Waaqaa deemti. Innileeni qonqo tiyya d'agaya! Inni had'iisa heddu, nu nyaapa kiyyaani wolhane ch'ufa, nagayaani jalaa na baasa. Waaqi ka haguma duriti lafa fidu, kad'acha tiyya na d'agaye worra balleesa; wonti akanatiifi worri deebie garagale isale insodaatu. Waheli kiyya ka duri kaani jaalani ufii had'e, kakhu duri kakhate guutuu dide. Dubbini isaa damma ira mioofti ammo garaa isaa keesa jibbaati jira; jechi isaa d'ad'a ira laafa, ammo aka goraade nama mura. Gaargala kanke AABBO Waaqati kennad'i, nami si jabeesu isuma; inni aka nama d'uga dabsatani ee injed'u. Ammo, ee Waaqa, atini worra nama ijeese kiyyiba kaani, ato guyyaani worraa ingeenne, boolati guurta. Ammo anini gama kiyyani siuma ch'alla abdad'a. Ee Waaqa, nyaapi halkani guyya na gusse na ijeesuu fed'a naa nahi. Guyya ch'ufa nami nani morku na had'e worri na had'u sunini nama muumme inqamne. Ee AABBO Waaqa gudda, hojja anini woi sodaad'u nami anini abdad'u siuma. Anini Waaqa abdad'a, womale insodaad'u; anini maro kakhu isaatiifi isa faarsa, nami maani na tolchu dandaa? Nyaapi kiyya halkani guyya na yake, hojja ch'ufa aka na balleesu malata! Worri wolti bahe d'okhate, gaade na ijeesuu fed'a. Ee Waaqa maro ch'ubbu worraatifi worra gaargalchi, dallansu tante keesa worra dabsad'i. Atini gaargala kiyya imbeeta; imimaani kiyya qeesite, waan suni kitaaba kanke keesati t'aafte? Guyya anini si yaamad'u nyaapi kiyya nara gaargala. Anini waan kana imbeekha: Waaqi gama kiyya jira — inni AABBO Waaqa, ka anini dubbi isaa faarsu. Anini woma insodaad'u. Nami anini abdad'u isuma, nami maani na tolchuu dandaa? Ee Waaqa, anini waan si durati kakhad'e inuma guuta; anini sorio si baase, akasiini galata sii deebisa; wonti akanatiifi atini dua keesaa na baafte, badi na d'owarte. Tanaafi anini Waaqa dura ifsa isaa ka inni nama jiru ifsu, keesa deema. Ee Waaqa naa nahi anini siti baqad'a, naa nahi. Anini haga gaargali badii kunini hobauti, gaadisa koola keeti jalati d'okhad'a. Anini Waaqa gudda, ka waan ch'ufa ira jiru, ka waan anini fed'u ch'ufa naa kennu, yaamad'a. Inni qonqo gubbaa gadi erge na baase, nama na dabsule dabsata. Waaqi jaalala isaa ta ind'umanneefi d'uga isaa na garsiisa. Nyaapa aka gorjama jiruti na marse, ka gaadeeni isa woraanafi t'iya fakaate, arabi isaaleeni goraade qara qabdu fakaatu. Ee Waaqa, jabeenna kanke gubbaa garsiisi, lafa iraleti guddinna kanke garsiisi. Nyaapi kiyya t'urura naa kaye, gaargali guddaani na qabate. Worri boola kara keesati naa qote ammo ufi keesa bue. Ee Waaqa, garaani kiyya ya jabaate, anini faaru d'aad'e si faarsa! Lubbu tiyya kai! Kiraariifi dibbe tiyya kaa! Anini adule lafaa kaasa. Ee AABBO, anini lafa ch'ufa keesati galata si deebise, gosa ch'ufa keesati si faarsa. Jaalalti tante ta ind'umanne gubba geeti; d'ugaani tanteeleni dumansati ejiti. Ee Waaqa, jabeenna kanke gubbati garsiisi lafa iraleti guddinna kanke garsiisi. Isani nami lafa mohatu, dubbi namaa d'uga gula qortani? Nama ch'ufa qajeeluma gula qortani? Hiyo! isani hameenna tolchitani ch'alla hereddani. Lafa keesaleti nama d'aantani balleesitani, akasiini wollaala tolchitani. Ch'ubbichi haguma d'alate kara iraa gore, haguma garaa haad'aa keesaa bahe d'ara dubbata. Inni waan aka had'aa bofaa qaba, inni aka jawe gurra duufate, nama waan bofa beekhu ch'aqasu dide, gurra ufii duufata. Ee Waaqa, gaade nyeench'a kana ch'ach'absi. Ee AABBO ilkaani kuble isaale bulleesi. Worri ha aka bisaani fooqate baddu, aka buuyo kara keesa mach'arsani. Worri ha aka hilqa hoomacha ufii keesa lit'u tahuti; worri ha daima akuma d'alateeni, due ka ifsa inargini, tahuti. Ato worri imbeekanne aka buuyo haamaani; dallansu isaa hamtu keesa Waaqi, ato worri jiru, afufe balleesa. Nami d'ugaa qajeelani hojja ch'ubbicha gaargalchani ingammada; inni d'iiga ch'ubbichaa keesa deema. Duuba nami waan jed'u, Nami d'uga qajeelani waan isaa malle ya argate; d'uguma Waaqati jira, ka lafa wollaala iti muru. Ee Waaqa kiyya nyaapa kiyya jalaa na baasi, nama na had'ule duraa na baasi! Worra hamama suni duraa na baasi harka worra nama ijeesuu kana keesaa na baasi! Ee AABBO Waaqa gudda, kai, kooti na qarqaari; Ee Waaqa Israelii waan kana atumaani argi. Kai, gosa d'ibi ta Waaqa imbeenne gaargalchi, worra hamama waan ch'ubbu malatu lubbu imbaasiini. Worri galgala ch'ufa fulla aduuni d'iitu d'ufe, aka sare gururia dira keesa yaa. Arabaafi dubbi hamtu worri dubbatu ch'aqasi arabi worra aka goraade jira; worri waan jed'u, Eenuti nu d'agaya. Ammo atini, ee AABBO Waaqa worra kobluu jirta; nama gosa si imbeenne ch'ufa goyeesuu jirta. Ee Waaqa, anini jabeenna kanke abdad'a, tanaafi siti baqad'a. Waaqi kiyya na jaalata, inni fulla tiyya d'ufa; inni nyaapa kiyya ka dabsatani na garsiisa. Ee Waaqa, worra inhobaasini, aka worri kiyya worra indeene; jabeenna keetiini worra dabsad'i, gargari firfirsi, ee AABBO Waaqa wonte, teenna. Ch'ubbuuni araba worra ira teteeti; dubbini worra ch'ufti ta ch'ubbuti; worra ha kiyyiba worra keesati qabaniti! Waan worri nama abaare d'ara dubbatufi, dallansu tante keesa aka taka inargini worra hafuu d'owi lafa iraa hobaasi. Duuba akanaani aka AABBO Waaqi lafa Israeli mohate, mohachaani isaa muumme lafa ch'ufa geetu, beekhani. Nyaapi kiyya galgala gadeebie, aka sare gururia dira keesa yaa, akuma sare sagale funaana yaate hojja d'abdu gururitu. Ammo anini waan jabeenna keeti sirbe, jaalala tante ta ind'umanne diirama ch'ufa faarsa. Atini fulla anini iti baqad'uufi ta hojja gaargala anini iti d'okhad'u naa taate. Ee irre tiyya anini si faarsa, atini Waaqa kiyya ka anini iti baqad'u, Waaqa hojja ch'ufa na jaalatu. Ee Waaqa, atini qara ya nu didde nu dabsate, atini qara ya nuti dallante — ammo amma nu deefad'i. Atini qara yayu lafa chochoofte gargari tarsaafte; amma wolti deebisi gargari jiguu d'owi. Atini yayu gaargala hama gumi teetitiini d'ufte; nu aka waan machoomne kaani dadaaqa yaana. Atini nama si sodaatu ya gorsite, aka worri wollaala keesa inseene. Irre tanteetiini nu baasi, kad'acha teenna nu d'agayi, aka nami atini jaalatu lubbu bahu. Mana isaa qulqullo keesa AABBO Waaqi waan jed'e, Gammada keesa anini Shekemu gargari qoode, bale Sukothile gumi tiyyaa qooda. Gileadiifi Manaseleeni tiyya; Efraimuni sure duulaa tiyya, Yudaleeni boku kiyya ka hayyuma. Ammo Moabuni waan anini keesati bisaani d'iqad'u, ammalle anini kobe tiyya Edomu gubba buuse, akasiini aka isiini tiyya, garsiisa. Worri Filisti waan na dabsate gammadu ufi seha? Ee Waaqa eenuti dira jabeesani jaaraniti na geesa? Eenuti Edomuti na geesa? Atini d'uguma ya nu didde? Atini duula keennaani induultu? Nyaapa keenna nura d'owi, nu qarqaari; qarqaarsi namaa woma keesa injiru. Eegi Waaqi gama keenna jiraatte, nu inuma dabsanna; inni nyaapa keenna ira ejaanjate balleesa. Ee Waaqa, boha tiyya d'agayi, kad'acha tiyya ch'aqasi! Mana kanke qulqullo keesa haga jiru jireenna na teesisi; gaadisa koola keeti jalati na tissi. Ee Waaqa, atini kakhu anini siti kakhad'e ya d'ageete, ammalle d'aala nami maqa kanke sodaatu argatu ya naa kennite. Lubbu hayyu d'eeresi; inni ha ganna heddu taauti! Ee Waaqa, inni haga jiru jireenna ha si durati lafa fidu; jaalala tante ta ind'umanneefi d'uga tanteetiini isa qorqorad'i. Akanaani anini hojja ch'ufa maqa kanke faarse, guyya ch'ufa kakhu anini siti kakhad'e guuta. Anini obse baafama Waaqa eegad'a; nami anini d'aabad'u isa. Isuma ch'allati na qorqorate, na baase na jabeesa; duuba nami dandae na inchochoosu. Isani nama akana kana, ka naabo ch'ach'abdeele ira ingoomne, haga yoomi had'u lakiftani? Isani fulla isaa ta guddinna ch'allati isaa gabuusu feetani; isani d'ara jaalatani. Afaani keesanini isa eebiftani, ammo garaa keesati isaa abaartani. Anini Waaquma ch'alla d'aabad'a, abdiini tiyya isuma. Isuma ch'allati na qorqorate, na baase na jabeesa. Duuba nami dandae na inchochoosu. Baafamafi gurri kiyyaleeni Waaqa iraa d'ufa; inni nama na qorqoratu jaba, ka anini iti baqad'u. Ee gumi tiyya hojja ch'ufa Waaqa d'uge fad'a, gaargala keesani ch'ufa iti hima, nami nu iti baqannu isa. Nami hafuuruma baafatani fakaata; diqaafi guddaleeni akuma taka jira, woma keesa injiru. Miisana gubba kai, biimi worri diqole inuulfatu, hafuurale ingahu. Saamicha nama saamtani inabdatiina, yokhaani hori hannaani horatanile ind'aabatina; ato horiini keesani isani horele, guddo inheregatina. Ee Waaqa, atini Waaqa kiyya, nami anini d'araefi guddo barbaadu si. Lubbuuni tiyya, aka lafa ollani iti buute bisaani d'abde gogodde, sii d'eeboti. Mana kanke qulqullo keesati nati mullad'i, jabeennaafi guddinna kanke na garsiisi. Jaalalti tante ta ind'umanne jireennale ira jirti, tanaafi anini si faarsa. Anini haga jiru ch'ufa galata sii deebise, harka si dura qabad'e si yaamad'a. Lubbuuni tiyya d'uafi gabbinna soorate quufti, ammalle anini gammade, sirbe maqa ke faarsa. Anini ato sire keesa ch'iisu si qaabad'e, halkani ch'ufa waan kanke herega; wonti akanatiifi atini haguma duriti na qarqaarte, tanaafi anini gaadisa koola keeti jalati gammadaani sirba. Anini siti marad'e, harki keetileeni jabeese na qaba. Nami na ijeesuu fed'u boola ekherati deema. Worri had'iisa keesati hobae reefa worrale worabeesi nyaata. Waan Waaqi isa dabsachiiseefi hayyuuni ingammada, nami maqa Waaqatini woi kakhatu isa faarsa, ammo kiyyiba afaani qabachiisani. Ee Waaqa anini gaargala qaba, kad'acha tiyya naa d'agayi anini nyaapa kiyya ya sodaad'e, lubbu naa baasi! Mala gumi ch'ubbiti seseega yaatu jalaa na baasi. Worri aka goraade araba ufii qare, dubbi hamtu aka t'iya abbira. Worri yoosu dubbi ch'eeraa ta kiyyiba dubbate, nama dansale soda male arabse, gurra isaa balleesa. Worri mala worraa hama suni keesa woljabeese, fulla t'urura ufi kayu malate waan jed'u, Nami tokoleeni inargu. Worri mala hama d'aate waan jed'u, Nu yayu mala dansa namaani balleesinu malanne. D'uguma heregaafi qalbiini namaa waan nami beekhe hubatuniti. Ammo Waaqi t'iya ufii darbe, maro tokotu worra woraane madeesa. Maro dubbi worraatifi inni worra balleesa; nami worra argu ch'ufti mata gingilfata. Duuba nami ch'ufti sodaate, waan Waaqi tolche herege, huji isaa odeesa. Nami d'ugaa qajeelani ch'ufti waan AABBO Waaqi tolche iraa gammada. Worri dansaani ch'ufti fulla isaati baqate, arti nagaya argate isaa faarsa. Ee Waaqa, aki nu Sioni keesa si faarsine, kakhu teenna si durati guunnu fullaa; Ayyaana isaniti, ka atini fohate Mana kanke qulqullooti galchitu. Nu waan dadansa mana kanketi guunne, eeba Mana kanke qulqullo arganna. Atini dabsacha nu kennite, waan mama tolchite nu baafte, akasiini kad'acha teenna nuu d'ageete. Nama lafa keesa jiru ch'ufafi ka galaana gama jiruleeni ch'ufti si abdata. Atini jabeenna keetiini gaareeni fulla isii d'aabde, akasiini irre tante garsiifta. Atini d'awa baariini ch'allisifte, dibbeesa d'awale ballisite, gohanna namale ch'allisifte. Waan atini tolchite arginaani lafti ch'ufti mamte, wonti atini tolchite nama muumme lafaa jirule ch'ufa ingammachiifti. Atini bokaya ergite akasiini lafa qorqorate, sagale iti baafte mid'aasita. Laga bisaanini guute, lafale mid'aani iti baafte. Aki atini waan kana tolchitu akana: atini oobru qotani tamna bokayaa iti roobde bisaani quubsite; atini biyye ebeleeni lalaafifte, mid'aani oobrani lafaa baafte. Dansumti tante waan akami namaa kenniti! Fulla atini deemtu ch'ufa quufati jira. Lafa horiini tikhatu ch'ufa horiini keesa guute lape gaareeni ch'ufa irati gammadani. Fulla horiini oolu ch'ufa hooliyeeni keesa guute, baleele ch'ufa dargayeeni keesa guuti. Wonti ch'ufti gammade sirbiti. Nami ch'ufti ha gammade, sirbe waaqa faarsuti! Isa faarsa maqa isa guddisa; faaruni isa guddisa! Waan isani Waaqaani jettani, wonti atini hojattu ch'ufti waan mamaati! Irreeni tante guddo jabdu tanaafi nyaapi kanke mudame si durati qanch'oorata. Nami lafa keesa jiru ch'ufti si kad'ate, si guddise sii faarse, maqa kankele guddisa. Koota, waan mama, ka Waaqi nama ch'ufa durati tolche laala. Inni baariini gogose lafa goddu tolche, akasiini ababooti teenna galaana suni miilumaani taakite. Duuba nu maro waan inni achiti tolcheefi gammanne. Inni irre ufiitini haga jiru jireenna lafa fide, gosa ch'ufa ila ufiitini qorqorata. Nami tokoleeni isaani morku himmalle. Gochiti ch'ufti ha Waaqa keenna faarsitu; faaru isa faarsani ha d'agayani. Inni ya lubbu nu baase, miila keennale much'uch'aach'u d'owe. Ee Waaqa, atini yayu akuma qarsi bassani qulqulluma isii ilaalani nu ilaalte. Atini t'urura keesa nu buufte, ulfinna nu bachisifte. Atini nyaapa keenna, ka nu d'id'itu, nuti lakifte; nu duri ibidaafi fach'aa bisaani keesa yaane, ammo amma tana atini fulla dansaani nu d'ufte. Anini sorio gubani mana kanketiini d'ufe waan imbaasa jed'ele sii baasa. Anini waan gaafa gaargala qabu, sii baasa jed'e siumaa baasa. Anini hooliye gubani sii baase, koromifi elemiyele qale sorio sii baasa; duuba aari sorioo suni ch'ufti oli deema. Isani, nami Waaqa sodaatu ch'ufti koota ch'aqasa, duuba anini waan inni naa tolche ch'ufa isaniti odeesa. Anini bohe qarqaarsa isaa kad'ad'e, sirbaani isa faarse. Ato anini sila ch'ubbu tiyya garaati qabad'e lakisuu dide, AABBO Waaqi na ind'agayu. Ammo Waaqi yayu na ch'aqase, kad'acha tiyyale d'agaye. Anini Waaqaa faarsa waan inni kad'acha tiyya d'agaye jaalala isaa ta ind'umanne naa kenneefi. Ee Waaqa nuu nahi, nu eebisi, naasu teetiini nu ilaali, aka lafti ch'ufti fed'i tante beete, gochiti ch'ufti baafama kanke hubatu. Ee Waaqa gosa ch'ufa keesa nami ch'ufti ha si faarsuti! Gochiti ch'ufti ha gammadde sirbitu, waan atini d'uga gula nama qorte, gosa lafa keesa jirtu ch'ufa qajeelchitufi. Ee Waaqa, gosa ch'ufa keesa nami ch'ufti ha si faarsuti! Lafti yayu sagale baafte; Waaqi keenna ya nu eebise. Waaqi yayu nu eebise; nami lafa keesa jiru ch'ufti ha isa sodaatu. Waaqi ha kae nyaapa ufii gargari firfirsuti, nami isaa jibbu ha isa duraa baqatuti. Akuma aari lafaa kae baddu, innileeni worra balleesa; akuma ibidi haanch'aa bassu akasuma Waaqi ch'ubbicha balleesa. Ammo nami d'uga ha gammade isa durati qilit'amu. Waaqaa sirba, maqa isa faarsa; ka dumansa yaabatu kara mid'aasaafi. Maqaani isa AABBO Waaqa — isa durati qilit'ama! Waaqi ka mana ufii qulqullooti galu, inni abba hiyyeeyi tahe haawaani isiile qorqorata. Inni nama ch'eekho qabu worra kenneefi nama hid'aansa keesa jirule hiikhe balchoomse, ammo nama isa didu lafa aloo ta d'eebichati galcha. Ee Waaqa, gaafa atini gumi teetiini deemte lafa gamooji keesani godaante, lafti chochote gubbale bokeeni roobe, maro Waaqi Israeli ka Sinaiti worrati mullate achi jiruufi. Atini bokaya tamna roobde, lafa godde bade jireesite. Gumiini tante achi qubatte, atileeni naasu tanteetiini waan hiyyeesi fed'u kenniteefi. Aabbooni dubbi dubbate nad'eeni hedduuni dubbi suni namati odeesite: Hayyootafi duuli worraa baqachu jira! Nad'eeni worrati hafte waan boojiani gargari qoodate; sabaliisa qarsiini mid'aasani, ka kooli isa aka worqi bibiliqu. Isani nami gari guyya woraana maafi moona ree keesati haftani? Gaafa Waaqi guddani hayyoota gaara Salmoni gubbati gargari firfirse, inni aka male roobe lafa qabaneese. Gaareeni Bashani akami gugurdo! Gaareeni tunini fiit'e heddu qabdi! Isani maanifi fiit'e teesani d'ed'eertu ira, gaara Waaqi fohate gubbaa tau, tufini laaltani? AABBO Waaqi haga jiru jireenna achi gubbaa taa. AABBO Waaqi gaari isaa ka fardi hirkisu, ka kunki heddutiini gaara Sinai iraa d'ufe, Fulla Qulqullo seena. Inni nama boojiani heddu fuud'e, fiit'e gaaratiini kore, nama isa didu iraa wofud'ata. AABBO Waaqi achiti gala. AABBO Waaqa, ka guyya ch'ufa ulfinna nuraa fuud'u ha faarsani; Waaqi nu baasu isuma. Waaqi keenna Waaqa nama baasu; inni AABBO, Aabbo keenna, ka duisa keesaa nu baasu. Waaqi mata nyaapa isa, ka kara ufi hama lakisu didu, ch'ach'absa. AABBO Waaqi waan jed'u, Anini nyaapa keesani lafa Bashani keesaa gadeebisa; ammalle d'immu Baariini keesaa fuud'a, aka isani d'iiga worra keesa yaatani sareeni teesanileeni haga dandeetu d'iiga worra d'uddu. Ee Waaqa, nami ch'ufti aka atini dabsate gammadani galtu ya arge, Ee Waaqa, Hayyu kiyya, deema atini mana kanke qulqullooti galtu ya argani. Nami woi sirbu dura yaa, sirbituni eege yaati, jiddu keesa dubra dibbe d'ooftuti yaa. Gumi isaa guddo keesati Waaqa faarsa; isani d'aloota Yakobo, AABBO Waaqa faarsa. Qara gosa Benjamini ta ch'ufa ira diqooti d'ufa; eege jaarole Yudatifi worra isaaniti woliini d'ufa; ammalle eegi worra suni jaarole Zabulonitifi ta Naftaliti d'ufa. Lafa Misiri, bineensa hama ilaadu keesati galu suni, fakeesi woi iti himi; ammalle gosa d'ibi, ta koromifi yabbiye fakaatu tana jabeesi woi iti himi, haga worri ch'ufti gajed'e qarsi sii baasuti. Worra woraanani yau kana firfirsi lafa ch'ufa keesaa balleesi! Nama hayyuuni erguti lafa Misiriti d'ufa; gochiti Kushileeni harka olqabate Waaqa kad'ati. Jabeenna Waaqaa odeesa; guddinni isaa Israeli gubba jira, jabeenni isaa gubba taa. Waaqi Israeli ka mana isaa qulqulloo d'ufu, akami nama sodaachisa! Inni jabeennaafi irre gumi isaati kenna, Waaqa ha faarsani! Ee Waaqa, na baasi! Bisaani ya mormati naa ch'iisani; anini d'oqe keesa lit'uu jira, lafti godduuni ta anini ira ejad'u injirtu; anini yayu bisaani qile keesa seene d'awaani bisaani diquma na infud'atini. Anini ya boha d'aqe ufi jibbaad'e, qarqaarsale d'abe, lubbuleeni ya na gogodde. Anini ya sii barbaada d'aqe, ilti na godde. Nami fayyuma tana na jibbu rifeensa mata kiyyale ira jira. Nyaapi kiyya d'ara tiyya dubbate, jabaate na ijeesu fed'a. Worri waan anini inhatiini irreeni naraa fuud'e. Ee Waaqa ch'ubbuuni tiyya si durati ind'okhatu. Atini aka anini daalle imbeeta. Ee AABBO Waaqa gudda, aka anini nama si d'ugeefatu inch'eersine, tahu na d'owi. Ee Waaqa Israeli, aka anini nama si kad'atu inch'eersine, tahu nu d'owi! Maro teetifi na arabsani na ch'eersani. Anini oboleyaani tiyyati keessuma fakaad'a, worra kiyyaleti nyaapa fakaad'a. Jaalalti anini Mana kanke jaalad'u aka ibida na keesa bobeeti. Arabi si arabsani ya nati deebie. Anini ufi diqeese ufi agabse, waan sunifi nami na arabse. Anini ch'arqi naqad'e jennaani sunile na koblani. Fulla nami wolti bahu ch'ufati waan kiyya hasaani, nami machaeleeni waan kiyya sirba. Ammo anini si kad'ad'a, ee AABBO Waaqa; atini hojja sii malte na d'agayi. Maro jaalala tante guddotifi na ch'aqasi, waan atini, si baasa jette kakhateefi. D'oqe keesa lit'u na d'owi harka nyaapa kiyyatiifi bisaani qile keesaa na baasi. Bisaani nati fach'aau d'owi; dimmufi boola duaa keesa buu na d'owi. Ee AABBO Waaqa, maro dansuma jaalala tante ta ind'umanneeti jed'i, na d'agayi; naasu tante guddooni nati deebii! Fuula kanke hojattu tante ind'ofatiini gaargali guddani ya na qabate hurrisi na d'agayi! Nati d'iaad'i na baasi, harka nyaapa kiyya keesaa na baasi. Atini aka na arabsani na ch'eersani gurra na balleesani imbeeta; nyaapa kiyya ch'ufa atini inuma agarta. Arabi na arabsani ya garaa na yake ufi na jibbaachise. Anini nama naa nahe, garaa na jabeese na kibu, barbaade d'abe, Gaafa anini beela qabu had'aa na nyaachisani; gaafa anini d'eebu qabu waan kurooftu na obaasani. Jilti worra ha badini worraati d'uftuuti; isiini ha t'urura worraati taate worra balleesitu. Ila worra duduchi aka worri woma ingarre! Dudda worraa haga jiru jireenna gadigosi! Dallansu tante hamtu worrati buusi isiini ha worra balleesitu. Olla worraa ona tolchi waaro worraa nama keesaa balleesi. Worri nama atini d'oofte madeesite gaargalche, nama atini woraantele gaargala isaa dubbata. Daba worra ch'ufa t'aafad'i, aka worri baafama kanke keesaa fulla argatu tahu d'owi. Maqa worra kitaaba kanke ka jireenna keesaa balleesi, gumi tante keesale worra kuti. Ammo anini guddo d'ukubsad'e gaargala kee jira; ee Waaqa, oli na d'aabi, na baasi! Anini maqa Waaqaa sirba keesati faarse, galata isaa deebise, guddinna isale odeesa. Wonti kunini looni sorio baasanifi, korma AABBO Waaqa baasanile ch'ufa ira isa gammachiifti. Hiyyeesi, hojja waan kana argu, ingammada; nami Waaqa kad'atuleeni garaa jabaata. AABBO Waaqi nama isaa ka gaaragala qabu d'agae, gumi isaa ta hid'aansa keesa jirtule inded'u. Lafafi gubbafi baariinifi wonti keesa jira ch'ufti, AABBO Waaqa faarsa. Inni Yerusalemu baase, dira Yuda ka qara jigele jaara. Gumiini isaa achi teete, lafa suni fud'atti; nami d'aloota hojattu isaa lafa suni d'aala ammalle nami isa jaalatuleeni qubate achi taa. Ee AABBO Waaqa, na baasi, hurrisi na qarqaari! Nama na ijeesu fed'u ha dabsatani balleesaniti. Nama maro gaargala kiyyati gammadu, ha dudda duubati deebisani ch'eersaniiti. Nama na goyeesule ha mudamsiisani ch'eersani. Nami siti d'ufu ch'ufti ha gammade qilit'amuti. Nami baafama kanke jaalatu ch'ufti ha guyya ch'ufa, AABBO Waaqi akami gudda jed'uuti! Ee Waaqa, anini hiyyeesa laafa, irre inqamne. Ee Waaqa, hurrisi nati kooti. Ee AABBO Waaqa, atini baafama kiyya, hurrisi kooti na qarqaari! Ee AABBO Waaqa, anini siti baqad'a, ch'eeru na d'owi! D'uga teetiini na qarqaari na baasi, na d'agayi na baasi! Siida anini iti baqad'uufi fulla jabdu na baaftu naa tahi; atini siida kiyya ka anini iti baqad'u. Ee Waaqa kiyya, harka worra ch'ubbuu, ka naasu inqamne, ka hameenna gula yau, keesaa na baasi, Ee AABBO Waaqa, anini si abdad'a. haguma d'aloota kiyyati siuma d'ugeefad'a. Anini haguma d'alad'e si d'aabad'e; haguma d'aloota kiyyati asi atini ya na qorqorate, tanaafi anini guyya ch'ufa si faarsa. Waan atini aka jaba na qorqorateefi, jireenni kiyya yayu akheekha nama hedduu tahe. Guyya ch'ufa anini si faarse, guddinna kanke odeesa. Anini amma ya jaare, na illakisiini; anini amma ya irre d'abe, lafa na imbuusini. Nyaapi kiyya mala nati d'aate waan kiyya dubbate na ijeesu fed'a. Worri waan jed'u Waaqi ya lafa isa buuse; koota, yaane isa qamna, nami isa baasu injiru. Ee Waaqa, naraa imfagaatini; ee Waaqa kiyya, hurrisi kooti, na qarqaari! Nama na had'u ha dabsatani balleesani. Nama na gaargalchu fed'ule ha ch'eersani gurra balleesani. Anini hojja ch'ufa si abdad'e, haga qara ira si faarsa. Anini dansuma tante odeese, hojja ch'ufa waan baafama keeti dubbad'a, ato dandae waan isii hubachu baad'ele. Ee AABBO Waaqa gudda, anini irre tante faarse, dansuma tante ch'alla odeesa. Haguma ijoolluma tiyyaati asi, siumati na qarqaara, anini arrale waan dansa atini naa tolchite odeesumati jira. Anini amma ya jaare, rifeensi kiyyaleeni ch'ufti ya arrae, Ee Waaqa, na illakisiini! Hojja anini jabeenna kanke d'aloota ch'ufati odeesu naa wahelchi. Ee Waaqa, atini yayu waan mama tolchite, d'ugaani teetileeni guddo, gubbale ind'aqabdi. Nami aka keeti tokoleeni lafa keesa injiru. Atini yayu d'ipufi gaargala nati ergite, ammo siumati ammalle irre tiyya naa deebise, boola duaa keesaa na fuud'a. Atini haga duri ira guddinna naa kennite ammalle na jabeesita. Anini kiraari d'ae, maro d'uga teetitiifi si faarsa, Ee Waaqa kiyya. Anini dibbe d'ae sirbe si faarsa, Ee Qulqullo Israeli. Anini hojja sii sirbu, guddise gammadaani sirba; garaafi qalbi tiyya ch'ufaani anini waan atini na baafteefi sii sirba. Anini waan d'uga teeti guyya ch'ufa dubbad'a, wonti akanatiifi jara na balleesuu fed'u kaani yayu dabsatani ch'eersani. Ee Waaqa, d'uga teetiini hayyu barsiisi; qajeeluma tante isalee qoodi, aka inni gumi tante d'ugaani fide, nama nami dabsu qajeelumani bulchu. Gaareeni ha waan nami horatu baaftu kubileeni ha d'ugaani namaa d'uftu. Hayyichi ha hiyyeesa d'uga gula qore nama woma inqamne qarqaare, nama nama dabsule balleesu. Gumiini tante haga aduufi jii jiru ch'ufa ha si kad'atuti, haga jiru jireennale. Hayyichi ha bokaya oobruti roobufi ebele lafati roobdu fakaatuti. Haga inni jiru d'ugaani ha jiraatu, haga lafti ifsa jiaa qabdu nami ha woi horatu. Inni ha muumme baariini ch'ufaati d'aabe lafa mohatuti, haga galaana Efratifi muumme lafale. Nami lafa gamooji tau isa durati gajejed'e, nyaapi isaaleeni miila isaa jaalati jijiga. Hayyooti Tarshishitifi ta lafa d'aatu bisaani jirtuleeni damoosa isaa baafti. Hayyooti Araftitifi ta sidaama woi isaa baafti. Hayyooti ch'ufti isaa durati jilbifate, gochiti ch'ufti isaa hojatti. Inni hiyyeesa isa yaamatufi nama qarqaarsa inqamne, ka nami d'ibiini lakise, baasa. Inni nama hiyyeesa laafa woma inqamnnee nahe, gaargala keesaa baasa. Inni harka nama worra d'aane dabsu keesaa baase, lubbu worrale jabeesa. Lubbuuni hayyu ha d'eeratuti! Worqi lafa Arafti ha isaa kennaniti; hojja ch'ufa ha Waaqa isaa kad'atani, inni eeba Waaqale ha argatuti! Mid'aani ha bahani lafa ira dabraniti; mid'aani sunini ha kubilee ch'ufa ira guutani, mid'aani Lebanoni fakaataniti. Akuma buuyooni lafa guutte dirale ha nami keesa guututi. Maqaani hayyu haga jiru imbadiini; guuri isaa haga aduuni jirtu ha jiraatuuti. Gochiti ch'ufti ha isa faarsite, Waaqa kad'ate, Nu eebisi jettuti, worri hayyule ha eebisuti. AABBO Waaqa Israeli ha faarsaniti! Waan mama kana ch'ufa isuma ch'allati tolcha. Maqa isaa dansa haga jiru jireenna ha faarsani! Guddinni isaa ha lafa ch'ufa guututi. Amini! Amini! Kad'achaani Daudi ilma Yese armati hobaati. Waaqi guddo worra Israeliti dansa, worra garaani isaa qulqullo. Ammo anini diquma ufi injibbaatini d'ugefachaani tiyyaaleeni diquma imbadiini, wonti akanatiifi gaafa anini aka worri ch'ubbuu woi horate waan sunini kooreeni arge, anini worra d'iibifad'e. Worri fayyaafi jabeenna qaba, d'ukuba inqabu. Worri aka nama d'ibi gaargala inqabu aka biyyale ind'ipatu. Tanaafi duuba worri kiyyiba aka imu mormati keeyate, woldidale aka woya uyyifata. Garaani worraa hameennani guutame, qalbiini worraaleeni waan hamtu ch'alla hereddi. Worri nama d'ibi koble, waan hamtu dubbate ufi saade, mala nama d'ibiini dabsu d'aata. Worri Waaqa ka gubbaa jiru hameenna isaa dubbate, nama lafa gubbaa jiruleeti kiyyiba. Akanaani gumiini Waaqaleeni worrati gargalte, garaa tokooni waan worri jed'e d'ugeefate. Worri waan jed'u, Waaqi akami waan kana beekha? Waaqi guddayaani gubbaa jiru waan kana imbeekha? Aki worri ch'ubbu jiru akana. Worri guyya ch'ufa quufeti woi horata. Duuba anini ufuma waan hamtu tolchu dide qulqulloomaani taa? Ee Waaqa, atini hojja ch'ufa na gaargalchite, diirama ch'ufa na d'aante. Yo anini sila waan kana jed'e, anini nama gumi te keesa jiru infaakad'u. Anini tae waan kana herege hubachu dad'abe, haga mana kanke oli inseenini. Ammo seenani waan worri ch'ubbuu taka tana tahu hubad'e. Atini fulla much'uch'atu worra keete badii keesa worra buufte! Worra yoosu balleesani, muummeeni worraaleeni hamtu. Worri oobju fakaata ta diirama yo kaani waan isii imbeenne; ee AABBO, hojja atini lafaa kaatu worri imbada. Gaafa anini aka male laalefad'e garaani na hamaate, anini daallae woi wollaale, bineensa fakaad'e si hubachu dad'abe. Ammo anini hojja ch'ufa d'aatuma tante jira siuma woliini jira, atinileeni harka qabde nani deemta. Atini barsiifte na qajeelchite, taka tanale ulfinnaani na fud'ata. Anini gubbaa si male maani qaba? Anini eegi si qabaad'e lafa ira maani fed'a? Ato qalbiifi nafi kiyya laafele jabeenni kiyya Waaqa, isa male anini waan d'ibi infed'u. Nami si lakisu inuma badda; atini nama siraa gore imballeesita. Ammo anini gama kiyyaani, yo Waaqati d'iaad'e, guddo ira naa jirti; nami anini iti baqad'u AABBO Waaqa gudda; waan atini tolchite anini biyyati odeesa. Ee Waaqa, atini maafi akana nu lakifte? Atini haga jiru jireenna gumi teeti dallanta? Gumi atini duri fohate, tissooma keesaa baafte, gosa tante tolfate, qaabad'i. Gaara Sioni, ka atini duri irati galtule, qaabad'i. Maneeni ch'ach'absani ona tolchani tana gubba deemi, wonti akanatiifi nyaapi keenna waan Mana Waaqa keesa jira ch'ufa ya balleese. Nyaapi kanke yayu mana kanke keesati geerare; worri yayu bandera d'aabate, aka dabsate lafa fud'atu garsiise. Worri nama badda seene d'agaraani mukha ch'iru fakaata. Worri d'agaraafi burisaani mukha Mana Waaqa keesani barreesani ch'ach'abse. Worri Mana kanke ch'ach'abse ibida iti kaye; fulla iti si kad'atanile t'ureese. Ammalle garaa ufii keesa waan jed'e, Nu worra kana aka taka inargini balleesina, worri Fulla Qulqullo Waaqa iti kad'atani, ta lafa suni keesa jirtu, ch'ufa gube. Akheekhi woi qulqullooni ka nu mid'aafanne tokoleeni inhamne, raagi tokoleeni injiru, nami tokoleeni ka haga wonti kunini turtu beekhu injiru. Ee Waaqa, nyaapi keenna haga yoomi si kobla? Worri maqa kanke haga jiru jireenna arabsa? Atini maafi nu qarqaaru didde? Atini maafi harka kanke ufi duubati qabata? Ammo, ee Waaqa, atini haguma duriti hayyu keenna, maro heddu nu baafte. Atini irre tanteetiini baariini gargari kute, gorjama bisaani mata ira kute. Atini mata gorjama Lewiathani jed'ani ch'arasite, reefa isaa bineensa alaati kennite. Atini lagaafi madda yaafte, gaalana guddale gossite. Atini halkanifi guyya uumte, aduufi jiale mid'aasite fulla isi keete. Atini lafa ch'ufa gargari qoode, seera jiddu keete, bonaafi roobale mid'aasite. Ammo ee AABBO Waaqa, aka nyaapi kanke si goyeesu qaabad'i. Worri si imbeekhu, tanaafi si tufata. Gumi tante laaftu harka nyaapa isiiti illakisiini; gumi tante ta gaargalchani haga jirtu inded'ini! Wold'aqisa atini nu woliini tolfate qaabad'i. Moga lafa dukanooftu ch'ufa keesati nami wolijeesa. Nama dabsani ch'eeru d'owi; hiyyeesi qarqaarsa inqamne ha maqa kanke faarsu. Ee Waaqa, kai, ufi dubbad'i, qaabad'i aka worri si imbeenne hojja ch'ufa si koblu. Iyyanna nyaapa keetitifi lalaba worri guyya ch'ufa lalabule inded'ini. Nu galata si deebimna, ee Waaqa nu galata si galchina! Nu guddinna kanke odeesine, waan mama ka atini tolchite namati himna. Waaqi waan jed'u, Anini guyya qorsuma ya fohad'e, guyya sunile d'uguma gula namaa qora. Ato wonti lubbu qaba ch'ufti holate, laftileeni chochote, anini yayaba isii injabeesa. Anini ch'ubbichani, inkiyyibini, kiyyiba kanke lakisi jed'aani. Qorsumaani ilaborutiifi ila adutifi mirgaafi bitale ind'uftu. Nami dubbi qoru Waaqa, ka nama gari wollaala iti mure ka gariti d'ugaa muru. AABBO Waaqi muduunu daad'i ta dallansuuni isaa guute, harkaa qaba. Inni daad'i suni keesaa buuse, ch'ubbicha ch'ufa obaase, worri fooqisa. Ammo anini haguma jiru waan Waaqa Yakobo dubbad'e isa faarsa. Inni irre ch'ubbicha ch'absa, ammo irre nama d'ugaa iti daraafi. Lafa Yuda keesati Waaqi ya beekhame; Israeli keesati maqa isaa guddisani. Diri inni iti galu Yerusalemu, gaari inni gubba tau Sioni. Achiti inni t'iyafi wonteefi goraadeefi miha lola ka nyaapa isaa ch'ufa ch'absa. Ee Waaqa, atini akami guddinna qabda! Hojja atini nyaapa kanke dabsatte gaareeni ira gabuutu atini akami mid'aada! Askarti worra jajanna waan worri qabu ch'ufa ya iraa boojiani, worri ch'ufti amma ya dua gach'iise; askartini sunini ch'ufti ya hobaate, tokoleeni harkale oli infud'atu. Yo atini worra mudamsiifte, ee Waaqa Yakobo, fardooleefi nami yaabatuleeni akanumati jige raawate. Ammo, Ee AABBO Waaqa, nami ch'ufti si sodaata. Yo atini dallantu nami tokoleeni dandae si dura inejju. Dallansuuni namaa faaru guddooni sii d'ufti; nami woraana jalaa bahe jila tante jabeesa. Waan isani AABBO Waaqa keesani kakhatani isaa kenna, gochiti isa d'aatu jirtu ch'ufti woi isaa kenna. Waaqi nama sodaachise, ilmaani hayyoota ta ufi gugudiftule, diqeese, hayyoota gugurdole mudamsise. Anini iyye Waaqati boha, innileeni na d'agaya. Hojja gaargala anini AABBO yaamad'a; anini halkani ch'ufa harka isa dura qabad'e isa kad'ad'a. Ammo waan garaa na jabeesa inargad'u. Anini hojja waan Waaqa heregu, hafuurati na ch'ita, hojja anini isa qaabad'u ingagaba. Inni halkani ch'ufa hiriba na d'owa; heregi guddani na qabate dubbachu na d'owa. Anini gannaafi guyya dabre qaabad'a. Anini halkani ch'ufa herega guddaani bule waan ufiini jed'u: AABBO Waaqi haga jiru jireenna nu dida? Inni deebie nuti ingammadu? Inni yayu nu jaalachu lakise? Kakhuuni isaa haga jirtu inteetu? Waaqi ya namaa nahu dide? Inni dallansu keesa nuu nahu dide? Jennaani anini waan jed'e, Wonti guddo na d'iba tana — Waaqi amma aka duri kaani irre inqabu. Ee AABBO Waaqa, anini huji tante guddo inqaabad'a; waan mama ka atini duri tolchite ch'ufa ufi qaabsisa. Anini waan atini tolchite ch'ufa herege, waan jabdu atini tolchite ch'ufa qaabad'a. Ee Waaqa, wonti atini tolchitu ch'ufti qulqullo. Waaqi d'ibiini, ka aka kanke guddaa, lafa keesa injiru. Waaqi waan mama tolchu sii; atini gosa ch'ufa irre tante garsiifta. Irre tanteetiini atini gumi tante, d'aloota Yakobootiifi ka Yusufu, baafte. Ee Waaqa, bisaani si arginaani sodaatani, d'immuuni baariinileeni si durati hollate. Dumansi bokaya ga roobe, mandisuuni gubbaa d'ufte, angaasuuni moga ch'ufaa bibilit'e. Atini mandite, angaasuuni bilit'e lafa ch'ufa guyyaasifte, laftileeni chochote hollate. Atini d'awa bisaani keesa deemte, baariini qile taakite, ammo faana tante nami ingarre. Atini Musafi Haruni gudda gumii teeti tolchite, tissitu worra taate worraani deemte. Ee gumi tiyya, barsiisa tiyya ch'aqasa, dubbi tiyyale d'agaya. Anini mammaasaani dubbad'e, waan duri d'ossani gabaasa — waan nu duri d'ageenne baranne, ka abbootini teenna nuti himte. Nu ijoolle teenna ind'ossinu, ammo d'aloota taka tanale, irre AABBO Waaqatifi huji isaa jabdufi waan mama ka inni tolche iti himna. Inni aada gumi Israeliti kenne, seera d'aloota Yakobo barsiise. Inni waan abbooti teennaani jed'e, seera kiyya ilmaani teesani barsiisa aka d'alooti taka tanaleeni barate, ilmaani ufile barsiisu. Kara kanaani worrileeni Waaqa d'ugeefate, waan inni tolche ch'ufa qaabate, seera isaa guuta. Akanaani worri ababoota ufi, ta mata jabaate, Waaqa dide, aka dansa garaa tokooni Waaqa d'ugeefate gula iyyaaiini iraa gora. Worri Efraimu, ka t'iyaafi guube qabu woraani d'ufnaani kae baqate. Worri wold'aqisa Waaqa woliini tolfate jabeesu dide, Seera isale ch'abse, waan mama ka inni duri tolche, ka ila ufiitini arge, ded'e. Ato ababooti worra ilaaltu, Waaqi diida Soani ka lafa Misiri keesati waan mama tolche. Inni baariini gargari kute, bisaani aka girgida moga lamaani d'ad'aabe, worra jiddu dabarse. Inni guyya baaldo dumansa worra dura d'aabe, halkani ch'ufa goola ibidaa worra dura kaye. Inni lafa gamooji keesa siida d'akha gargari falaanse, akanaani bisaani lafa jalaa baase worra bisaani obaase. Inni siida d'akha keesaa galaana yaase bisaani aka laga gabaase. Ammo worri daba tolchu illakimne, lafa gamooji keesati AABBO Waaqa guddati garagale. Worri sagale guddo jaalatu d'arae, akasiini Waaqa ilaalate. Worri Waaqati gungume waan jed'e, D'uguma lafa aloo tana keesati Waaqi dandae sagale nu inkenna? D'uguma inni siida d'akhaa d'ae, bisaani aka galaana keesaa yaase; ammo inni dandae qit'afi fooni gumi isaati inkenna? AABBO Waaqi dubbi tana d'ageennaani dallane, dallansu isaa keesaa gumi isaa ibidaani balleese; wonti akanatiifi worri isa d'ugefachu dide jabeenna isaa ka inni dandae isaaniini baasule abdachu didde. Ammo inni gubbaani dubbate balbala isiile bane. Mid'aani gubbaa gadi buuse, sagale manna jed'ani toko worra nyaachise. Duuba akanaani worri sagale malaikaani nyaatu nyaate Waaqileeni waan worri fed'u ch'ufa kenneefi. Inni ammalle bubbe ilaboruti d'ufeeni, jabeenna ufiitini bitale bubbe kaase, simpirre muumme inqamne, ta aka maansa afaani galaana jirtu, gumi isaati erge. Simpirreeni sunini olla worraa suni ch'ufa keesati jidde, waaro ch'ufa jiddu guutte. Akanaani Waaqi sagale worri fed'u ch'ufa kenneefi, worri nyaate quufe. Ammo ato worri tae ufuma nyaatu, ka worri d'araa imbahini, Waaqi worrati dallane, nama worra Israeli, ka kaima jajaba ch'ufa fit'e. Waan kanale ch'ufa irrumaani worri ammalle ch'ubbu tolche; ato inni waan mama tolchele isaa d'ugefachu dide. Duuba akanaani inni lubbu worra aka hafuura kute, jireenna worraa yoosu hobaase. Hojja inni nama worra ka gari hobaasu, worri iraa hafe kaani isati deebie, ch'ubbu lakise, garaa tokooni isa kad'ata. Worri aka Waaqi worra qorqorate, Waaqi guddaani worra qarqaare qaabate. Ammo hataatuti, dubbini worri jed'e suni d'ugaaniti, wonti worri jed'e suni kiyyiba. Ammo worri garaa tokooni isa gulaa indeemne, wold'aqisa isa woliini tolfatani kaani injabeesine. Ato akasile taate Waaqi gumi isaati nahe, ch'ubbu isaani araarameefi, worra hobaasuu dide. Maro heddu inni dallansu ufiitini worra balleesu dide. Inni waan jed'e, worri kunini namuma woma keesa na injiru, worri qilleensuma d'ufe dabru ka keesa indeebine, fakaata. Worri maro hagami lafa aloo ta gamooji keesati isaati gargale, isa dide garaa isaa yake! Worri maro heddu Waaqa laallate, Waaqa qulqullo Israelii dallansiise. Worri irre isaa jabdufi guyya inni harka nyaapa worraa dura worra baaseefi, ka inni waan mama jabdu diida Soani keesa, lafa Misiri keesati tolche, ded'e. Inni bisaani galaana d'iiga tolche, worri Misiri waan d'ugu d'abe. Inni tiite worra gaargalchuufi raacha lafa worraa balleesuufi, awaanisa mid'aani worraa nyaate lafa worraa balleesu, iti erge. Inni mukha worraa ka zabibu bokaya d'akhaani roobuuni balleese, odale bokayaani balleese. Ammalle inni looni isaani bokaya d'akhaani roobuuni hobaase, ree worrale angaasuuni fit'e. Inni aka taka inargini gugubate worrati dallane, ergattu isaa, ta woi balleesitu worrati erge, aka hama worra balleese. Inni dallansu ufii galfachu dide, lubbu worrale baasuu dide, ch'iisa hama iti buuse worra hobaase. Inni ilmaani d'iira ta angafa, ta worra Misiri ch'ufa, fit'e. Jennaani inni gumi ufi aka tissitu dura deeme, lafa aloo ta gamoojiti geese. Inni ka worri soda womaatu inqamne, nagayaani worra gegeese, ammo baariinini nyaapa worrati fach'aate balleesite. Duuba inni lafa qulqullootini worra d'ufe, gaareeni inni harka ufiitini dabsate. Inni nama qara lafa suni keesa tau gumi ufi duraa gusse, lafa isaani gosa Israeliti gargari qoode, maneeni worraale gumi isaati kenne. Ammo worri Waaqa gudda ilaalate, isa dide seera isaale ch'abse, isati garagale, akuma abbooti worraa isa dide, akuma guubeeni dabde qonyatu tahe. Worri fulla waaqa d'ara iti kad'atu jaare waaqa d'ara suni harkani boch'ate, akanaani isa dallansiise. Waaqi waan kana arginaani guddo dallane worra isaa ka Israeli dide. Inni waaro ufii ta Shilo jirtu, fulla inni duri isi keesa nu woliini tae lakise, biraa iti d'aabate. Inni Sanduqa isaa ka Wold'aqisa, ka jabeennaafi guddinna isaa nama garsiisu, harka nyaapa keennati lakise. Inni gumi ufiiti dallane, harka nyaapa worraati worraa kenne. Kaima worraa ka d'iira woraana keesati fit'ani, dubarti worraaleeni d'iirsa d'abdi. Qaaloleeni woraanaani doote, nad'eeni worraale boohufi d'owani. Jennaani duuba eege, AABBO Waaqi lafaa kae, aka nama jaba daad'i d'uge iyye lafa gaargalche. Inni nyaapa ufi gusse, haga jiru jireenna ch'eerse. Ammo inni d'aloota Yusufu dide, gosa Efraimule fohachu dide. Inni fulla worraa, gosa Yudatifi gaara Sioni, ka inni guddo jaalatu, fohate. Achiti inni Mana ufi qulqullo, ka akuma worra isaa ka gubba jiru jaare; inni mana suni jaba aka d'akha tolche, haga jiru jireenna qorqorate. Inni hojattu isaa Daudi fohate ree isaa ta inni tissu keesaa fuud'e, hayyu Israeli, tissitu gumi Waaqa, isa tolche. Duuba Daudini garaa tokooni worra qorqorate, qalbi dansaani worra dura deeme. Ee Waaqa, worri si imbeenne ya d'ufe, lafa tante had'e, Mana kanke qulqullo t'ureese, dira Yerusalemu balleese ona tolche. Worri reefa gumi teeti allaati kenne, fooni hojattu teeti bineensa alaati lakise, worri d'iiga gumi teeti akuma bisaani jisse; d'iigi akuma bisaani dira Yerusalemu keesa yae, nama reefa awaalule lafaa d'abani. Gochiti nu d'aatu jirtu nu arabsite nu kofalte nu goyeesite. Ee AABBO Waaqa, atini haga jiru jireenna nuti dallanta? Dallansuuni tante aka ibida bobau illakiftu? Dallansu tante gosa si inkad'anneefi gumi maqa kanke iyyamanneti buusi. Wonti akanatiifi worri gumi tante fit'e, lafa tantele balleese. Ch'ubbu ababoota teennati jette nu ingaargalchini. Nu yayu ufi jibbaanne, amma nuu nahi. Ee Waaqa, nu qarqaari, nu baasi, maro maqa keetiti jed'i, ch'ubbu teenna nu araarami nu baasi. Gochiti d'ibiini maafi, Waaqi keesani me? Jette nu gaafati. Aka atini gosa d'iiga hojattu teeti jissite gaargalchitu nu garsiisi. Oanna nama hid'aansa keesa jiru ch'aqasi irre tante guddooni nama ijeecha iti murani baasi. Ee Aabbo Waaqa gosa arabsite si miite, maro torba haalo baafad'i. Duuba nu, gumiini tante, hooliyeeni atini tissitu, haga jiru jireenna galata si deebimne, d'alooti keenna ch'ufti haga jiru si faarsa. Ee tissitu Israeli, nu d'agayi; ee atini ka gumi tante tissitu, nu ch'aqasi. Atini ka waan lubbu qaba ka koola gubbaa barch'uma kanke ira teetu, gosa Efraimutifi ta Benjaminitifi ta Manaseti ufi mullisi. Irre tante nu garsiisi, kooti nu baasi! Ee Waaqa ufiti nu deebisi, naasu tante nu garsiisi, aka nu baafamnu! Ee AABBO, Waaqa gudda, atini haga yoomi kad'acha gumi teeti iraa dallanta? Atini yayu laalefacha aka sagale nu soorachiifte, imimaani muduunu guute nu obaafte. Atini gosa d'aatu teenna jirtu lafa teenna irati wolhaasifte, nyaapi keenna nu goyeesa. Ee Waaqa gudda, ufiti nu deebisi! Naasu tante nu garsiisi, aka nu baafamnu! Atini zabibu lafa Misiri keesaa baafte, gosa d'ibile lafa suni keesaa gussite, zabibu suni lafa worra keesati oobrite. Atini aka isiini baatu lafa iti mid'aasite; hiddi isii lafa seene, lafa ch'ufa gahe. Isiini gaareeni gaadiseesite, dameeni isiileeni hind'eesa gugurdale gaadiseesite. Dameeni isii baate, Baariini Guddafi galaana Efratiti ejite. Atini maafi dalla isiini jaarani ch'absite? Amma tana nami d'aatu bahu ch'ufti dandae mid'aani isii hata; booyyeeni isii ira ejaanjate, bineensi alaaleni isi nyaata. Ee Waaqa gudda, nuti deebi! Gubbaa nu ilaali, kooti gumi te baasi! Kooti, zabibu atini oobrite, jabeesite tana baasi! Nyaapi keenna yayu isi ch'ire gube; dalansuuni worra laali, worra balleesi! Gumi atini fohate, gosa atini jabeenna kenniteefi qorqorad'i, jabeesi. Duuba nu deebine siraa gara ingallu; nu jireesi, duuba nuleeni si faarsina. Ee AABBO Waaqa gudda, ufiti nu deebisi, naasu tante nu garsiisi, aka nu baafamnu. Gammada, Waaqa jabeenna nuu kennu sirba, Waaqa Yakobo faarsa! Sirba, dibbeefi kiraari d'aa, faaru dansa d'aad'a. Guyya baatitifi ka goobana magalata d'aa, jila tolfad'a. Kunini seera Israeliini guutu malte, aada Waaqi Yakobo baase. Aada suni inni gaafa worra Misiri had'e worraa kenne. Anini qonqo imbeenne toko d'agaye ta akana jettu. Anini ulfinna isani baatani dudda iraa isani fuud'e, matofari isani baatani isani iraa lafa naqe. Isani gaafa gaargala qabdani na yaamatani, jennaani anini d'ufe isani baase. Anini fulla mandisu, ta iti d'okhad'u keesa, isani jala owaad'e madda Meribati isani ilaalad'e. Ee gumi tiyya, gorsa kiyya ch'aqasa; ee worra Israeli, ato sila na ch'aqaftani anini akami fed'a! Isani Waaqa d'ibi ka gochiti d'ibiini kad'atu, diqole kad'achu himmalle. Anini AABBO Waaqa keesani, ka lafa Misiri keesaa isani baase. Afaani keesani na dura qabad'a, anini isani quubsa. Ammo gumiini tiyya na ch'aqasu dide, worri Israeli naa saalfachuu dide. Tanaafi anini, aka worri mata jabaate, waan fed'u tahu, iti lakise. Anini sila, hojja gumiini tiyya naa saalfate kara kiyya gula yaatu akami fed'a! Anini sila maro tokotu nyaapa isaani balleese dabasad'a. Nami na jibbu na sodaate na durati jilbifata; gaargali worraa haga jiru jireenna inhobau. Ammo anini dargaye dansa isani nyaachise, dammani isani quubsa. Waaqi ka abba kora gubba, woldeenna Waaqa ch'ufa keesati dubbate waan jed'u. Dubbi qortani keesa nama indabsina; worra ch'ubbu dubbi keesa ira ch'iiftani, gula imbahiina! Hiyyeesafi ilmaani hiyyeeyi abbaafi haad'a inqamne d'uga d'owartani indabsina; d'ipatafi nama woma inqamne dubbad'afi qarqaara. Worra irre inqamne kana harka nama worra dabsu jalaa baasa. Isani daalle woma imbeetani! Isani ya hamatani waan hamtu ch'alla tolchitani, d'ugaani ya lafa keesaa bade. Anini waan jed'e, Isani ch'ufti waaqa, ilmaani Waaqa guddaa. Ammo isani akuma namaa dootani, akuma nama lafa fidu raawatani. Ee Waaqa, kooti lafa mohad'i; gochiti ch'ufti teeti. Ee Waaqa, afaani qabate, dubbachu dide, ch'allifte ufuma intahini! Me ilaali, nyaapi kanke ya siti kae, worri si jibbu ya siti garagale. Worri mala hama gumi teetiti d'aate, nama atini qorqoratule balleesuu fed'a. Worri waan jed'u, Koota, gosa worraa balleesina, aka worra Israeli deebiani inqaabanne. Worri ch'ufti woli gale, mala woliini d'aate, goli taka woli tahe: Worri Edomutifi ka Ishmaeli; worra Moabutiifi ka Hagri; worra Gebalitiifi ka Amonitifi ka Amalekitifi ka Filistitifi ka Tiroleeni. Worri Ashuruleeni yayu goli worraati darame, akanaani worra d'aloota Lutu qarqaare irre taheefi. Waan atini worra Midianitifi worra Siseratifi Yabini galaana Kishoniti tolchite, worra tolchi. Atini Endoriti worra hobaafte, reefi worra lafati shame. Akuma atini jaarole tana lamaani, Orebufi Zeebu tolchite, jaarole worraale tolchi. Akuma atini jara kana lamaani Zebafi Zalmuna, ka, Nu lafa Waaqaa ufuma fud'anna jed'e, dabsate, hayyoota worraale dabsad'i. Ee Waaqa, aka bubbeeni awaara firfirsitu worra firfirsi, akuma bua buuyo ta bubbeeni fuutu. Akuma ibida badda gubu yokhaani arabi ibidaa ka gareeni gubu, bubbe tanteetiini worra gussi, hobombolati tanteetiini worra mudamsiisi. Ee AABBO Waaqa, ch'eeraani worra balleesi, aka worri jabeenna kanke argu. Worra ha dabsatani, haga jiru jireenna mudamsiisaniti; worri ha aka male ch'eere hobauti. Worri ha aka atini AABBO Waaqi ch'allaani lafa ch'ufa mohate fidu, beekhuti. Mani kanke akami dansa ee AABBO Waaqa gudda. Anini guddo Mana kanke seenu fed'a anini guddo Mana AABBO Waaqa seeniiti d'araa. Garaa kiyyafi qalbi tiyya ch'ufaani anini gammade, Waaqa jiruu faarsa. Buriyaleeni mana qabdi, worraabatileeni fulla ilmaani keesati d'altu qabdi d'aatu fulla sorio irati si baasani, Ee AABBO Waaqa gudda, hayyu kiyyafi Waaqa kiyya. Nami Mana kanke keesati galu, ka hojja ch'ufa si faarsu, ayyaana akami qaba! Nami irre sira argatu, ka gaara Sioni imaltu d'aqu fed'u, gammada akami qaba. Hojja worri bale Baka keesa dabru, isiini garagalte madda bisaani taati; bokaya hagayyati isi bisaanini guuta. Worri ato deemu jajabaate, Waaqa, waaqoota ch'ufa ira jiru, Sioni gubbati arga. Ee AABBO Waaqa gudda, kad'acha tiyya naa d'agayi; Ee Waaqa Yakobo, na ch'aqasi! Ee Waaqa, hayyu keenna ka atini fohate, eebisi. Guyyaani toko ka Mana kanke keesa olaani, guyya kuma toko ka fulla d'ibi olaani ira jira; fulla anini mana worra ch'ubbuti galu ira, hojja anini balbala Mana Waaqa kiyya keesa eju ira naa jirti. AABBO Waaqi aka aduu nuu tahe, aka wonte nu qorqorate, nu qarqaare, guddinna nuu kenne, nu eebise. Inni nama d'uga gula deemu waan dansaa tokole ind'owu. Ee Waaqa gudda, nami si d'ugeefatu gammada akami qaba! Ee AABBO Waaqa, atini yayu lafa tanteeti naate; ammalle atini yayu worra Israeli hormaatati deebifte. Atini ch'ubbu gumi teeti araaramteefi, wollaala worraa ch'ufale biraa deemte. Atini dallansu worrati dallante galfatte, worrati dallanu dide. Ee Waaqa, qarqaarsa keenna, ufiti nu deebisi, deebitele, nu indidiini! Atini haga jiru jireenna nuti dallanta? Dallansuuni tante haga jiru jireenna sira ingaltu? Nu jajabeesi, duuba, nu gumiini tante si faarsina. Ee AABBO Waaqa, jaalala tante ta ind'umanne nu garsiisi; baafama kankele nuu kenni. Anini waan AABBO Waaqi jed'u ch'aqasu jira; inni nu gumi isaa qulqullo nagaya nuu kakhate, yo nu kara keenna daallicha duri kaaniti deebiu baanne. D'uguma baafami isaa nama isaa sodaatu iraa fago injiru, akasiini guddinni isaa lafa teenna keesaa imbahu. Jaalala ind'umanneefi d'ugaani wold'at'e, qajeelumafi nageenni wold'ungate. Qajeelumti namaa lafa ira kaate oldeemte, d'ugaani Waaqaleeni gubbaa gadi ilaalti. AABBO Waaqi hormaata nu kenna, lafti teennaleeni sagale guddo baafti. D'ugaani AABBO Waaqa dura deemte, kara hartiifi. Ee AABBO Waaqa, na ch'aqasi na jala owaad'i; anini hiyyeesa laafa qarqaarsa womatu inqamne. Anini namuma keeti, dua keesaa na baasi. Anini hojattu tante ta si d'ugeefatu, na baasi. Atini Waaqa kiyya, naa nahi anini guyya ch'ufa siuma kad'ad'a. Ee AABBO Waaqa, hojattu tante gammachiisi, wonti akanatiifi kad'achaani tiyya gubbati si d'aqabdi. Atini nuu dansa, ch'ubbule nu araaramta. Ammalle nama si kad'atu ch'ufa jaalala tante ta ind'umanne garsiifta. Ee AABBO Waaqa, kad'acha tiyya naa d'agayi, qarqaarsa anini tae kad'ad'u ch'aqasi. Waan atini kad'acha tiyya d'ageetuufi anini hojja gaargala si yaamad'a. Ee AABBO Waaqa, waaqi d'ibiini ka aka keeti tokoleeni injiru, ka waan atini hojatte taka hojate injiru. Gochiti atini uumte ch'ufti d'ufte, si durati gajette, maqa kanke guddifti. Atini jaba, ammalle waan mama tolchita; siuma ch'allati Waaqa. Ee AABBO Waaqa, kara kanke na garsiisi, duuba anini jabaad'e d'uga tante gula deema; aka anini garaa tokooni si hojad'u herega kiyya ch'ufa qajeelchi. Ee AABBO Waaqa kiyya, anini garaa kiyya ch'ufaani si faarse, haga jiru jireenna maqa kanke guddisa. Jaalalti tante, akami guddo! Atini boola duale ya keesaa na baafte. Ee Waaqa, nami kiyyibaani na had'uu jira, nami naasu inqamne, ka waan kanke iyyaale, na ijeesuu fed'a. Ammo atini, ee AABBO Waaqa, Waaqa naasufi jaalala qabu, ka hurrise indallanne, ka hojja ch'ufa namaa nahe nama jaalatu. Nati garagali, na nahi; akuma haati tiyya si hojate anileeni si hojad'a, tanaafi na jabeesi, na baasi. Ee AABBO Waaqa, akheekha dansuma teeti na garsiisi, aka nyaapi kiyya, hojja atini na jabeesite na qarqaartu argu, ch'eeru. AABBO Waaqi gaara isaa qulqullo irati dira ufii jaarate; inni lafa Israeli ch'ufa ira dira Yerusalemu jaalata. Ee dira Waaqaa, waan kanke dansa inni dubbatu ch'aqasi: Anini gaafa gosa naa saalfatu ch'ufa maqa t'aafu, Misirifi Babiloni keesati t'aafa; gosa ch'ufa worra Yerusalemuti herega, worra Filistitifi ka Tirotifi ka Kushile. Ammalle biyyiti waan Sioni dubbatte waan jettu, Gochiti tunini ch'ufti achiti d'alate, Waaqi guddaleeni isi jabeesa. AABBO Waaqi maqa gosa ch'ufa t'aafe, worra suni ch'ufaani worra Yerusalemu jed'a. Worri sirbe, faaru d'aate waan jed'u; eebiti teenna ch'ufti Sioni keesaa baati. Ee AABBO Waaqa qarqaarsa kiyya, anini guyya ch'ufa si yaamad'e, halkani ch'ufa si dura d'ufe si kad'ad'a. Kad'achaani tiyya ha si geetuti; boha tiyyale d'agayi, na qarqaari! Gaargali guddaani ya na qabate, diquma lubbuuni na keesaa imbahini. Irreeni ch'ufti ya nara hobaate, anini nama duu jiru fakaad'a. Yayu reefa keesati na lakisani, anini nama fit'ani awaala keesa ch'iisu fakaad'a, ka atini deete, qarqaarsa kanke ch'ufa iraa kute. Atini yayu boola qile dukanooftu keesa na buufte. Dallansuuni tante nati ulfaatte, d'awaani isiileeni na ch'ach'absite. Atini yayu jaalani tiyya na biraa fuute, worra na jibbisifte. Anini ya haada seene, dandae imbaqad'u; gaargali ya nara dabre, lafale argu na d'owe. Ee AABBO Waaqa, anini guyya ch'ufa si yaamad'e, harka si dura qabad'e si kad'ad'a. Atini nama due jette, waan mama intolchita? Worri kae si infaarsa? Waan jaalala tanteeti ta ind'umanne awaala keesati indubbatani? Yokhaani d'uga tante fulla irreesati indubbatani? Fulla dukana suni keesati waan mama ka atini tolchite imbeekhani? Yokhaani worra waan isaani ded'ani, lafa isaani keesati dansuma tante ini argani? Ee AABBO Waaqa, anini si yaamad'a, na qarqaari! Diirama ch'ufa si kad'ad'a. Ee AABBO Waaqa, atini maafi na lakifte, fuula kanke na d'ofata? Haguma gaafa ijoolluma tiyyaati asi anini gaargale, lubbuuni qadadani na bira ejite; gaargali atini na gaargalchite ya nati ulfaate ufi na jibbaachise. Atini ya aka male nati dallante, na haate na balleesite. Hojja ch'ufa aka fach'aa bisaani na marsani nati gasiqani. Atini jaalani tiyya jabdu naraa fuute, dukanti wahela na taate. Ee AABBO Waaqa, anini hojja ch'ufa jaalala tante ta ind'umanne faarse, d'uga tante haga jiru jireenna odeesa. Anini imbeekha, aka jaalalti tante haga hegeri teete d'ugaani tanteeleni haga gubbani jirtu ch'ufa teetu. Atini waan jette, Anini nama anini fohad'e wold'aqisa woliini tolfad'e hojattu tiyya Daudi waan jed'eeni, D'aloota kanke keesa hojja ch'ufa nama hayyu tahu ind'abani. Anini hayyuma d'aloota keeti haga jiru jireenna jabeesa. Gubbaani maro waan mama ka atini tolchitufi si faarsite, Ee AABBO Waaqa, d'uga tante guddifti. Nami gubbaa jiru, ka aka kanke jiru injira? Worri gubbaa, nami si gahu, tokoleeni injiru. Woldeenna worra qulqullo keesati si ulfeesani, worri suni ch'ufti si sodaata. Ee AABBO Waaqa gudda, jabaani aka keeti tokoleeni injiru. Ee AABBO Waaqa, atini waan ch'ufa keesa d'uga tolchita. Atini baariini ch'ufa mohate, d'awa isale ch'allisifta. Atini gorjama Rahabu jed'ani ch'ach'absite ijeefte, irre tante guddooni nyaapa kanke dabsatte. Gubbafi laftileeni teeti, lafafi waan keesa jira ch'ufa siumati uume. Atini mirgaafi bitale uumte, gaari Taboritifi ka Hermoni gammade sii sirba. Atini akami jabeenna qabda, irreeni tante akami jabdu! Finna kanke d'ugaafi qajeeluma irati yayabani; d'ugaafi jaalalti waan atini tolchitu ch'ufa keesati mullatti. Nami si kad'ate si faarsu, ka naasu tante ta ifsa keesa tau, akami gammada! Maro teetifi worri hojja ch'ufa gammade, dansuma tante faarsa. Atini waan guddo nu dabsachiifte, jaalala tante keesa nu jabeesita. AABBO Waaqa, atini wonte teenna; siuma Waaqa qulqullo Israeliti hayyu nuu kenne. Duri daayya keesa waan atini hojattu tante ta d'ugaatini jette; anini namicha janna toko qarqaare, nama anini gumi keesaa fohad'e barch'uma hayyu kenneefi. Anini hojattu tiyya Daudi yayu d'ad'a qulqullooni muude hayyu tolche. Irreeni tiyya hojja ch'ufa isa woliini jirti, jabeenni kiyyaleeni isa jabeesa. Nyaapi isaa dandae woma isa intolchu, ch'ubbichileeni dandae isa indabsatu. Anini nyaapa isaa balleese, nama isa jibbule ijeesa, isa jaalad'e, lakisu dide hojja ch'ufa woi dabsachiisa. Anini lafa inni mohatu Baariini gudda iraa fuud'e galaana Efratiti d'aaba. Inni waan nani jed'u, Atini abba kiyyafi Waaqa kiyya, siida kiyyafi qarqaarsa kiyya. Anini ilma kiyya ka angafa, hayyu hayyu ch'ufa ira jiru, isa tolcha. Anini waan isaati kakhad'e ch'ufa guute, wold'aqisi anini isa woliini tolfad'e haga jiru jireenna imbadu. Barch'umaani hayyuma haguma jiru worra isaa keesa imbahu, nami inni d'ale haguma jiru jireenna hayyu taha. Ammo yo nami d'aloota isaa seera kiyya ch'abse, aada tiyya gula deemu dide. Yo worri dubbi tiyya dide jecha kiyya tufate, anini maro ch'ubbu worraatifi worra uleeni d'aane, maro wollaala isaanitifi worra lichooni gaargalcha. Ammo anini Daudi jaalachu illakisu yokhaani kakhu anini iti kakhad'e guutu male intau. Anini wold'aqisa isa woliini tolfad'e inch'absu, yokhaani dubbi afaani kiyya baate tokole garaingalchu. Anini qara maqa kiyya qulqullooni Dauditi kakhad'e, deebie d'ara siti indubbad'u. D'aloota isaa haga jirani lafa keesa ind'abani, haga aduuni gubba jirtu anini hayyuma isaa jabeesa. Hayyumti isaa sunini, akuma jia haga jiru jireenna teeti. Ammo amma tana atini hayyu atini fohateeti dallante, dide lafa buufte. Atini wold'aqisa hojattu tante woliini tolfate ch'absite, sure isaa ta hayyuma biyye keesa buufte t'ureesite. Atini naabo dira isaa ch'ach'absite, maneeni isaa jajabdu ona tolchite. Nami d'aatu bahu ch'ufti miha isaa saame, ollani isaa ch'ufti isaa goyeesa. Atini nyaapa isaa ch'ufa dabsachiifte gammachiifte. Atini woraana isaa ch'ufa qara d'owarte, akasiini had'iisa keesati isa dabsatani. Atini boku isaa ka hayyuma iraa fuute, barch'uma isaa ka hayyumale qaarifte. Atini ato ingahiinu isaa jaarsite, aka male isa ch'eersite. Ee AABBO Waaqa, atini haga jiru jireenna d'okhatta? Dallansuuni tante haga yoomi aka ibida bobau lakifti? Aka guyyaani kiyya gabaaba qaabad'u! Aka nami jiru jireenna inteenne qaabad'i. Nami haga jiru indoone injira? Eenuti dandae awaala dura ufi baasa? Aabbo jaalalti tante ta duri meeti? Wonti atini duri Dauditi kakhatte meeti? Aka ana hojattu tante arabsani, anini miid'a worra Waaqa imbeenne suni ch'ufa obse, qaabad'i. Ee AABBO Waaqa, nyaapi kanke hayyu atini fohate muude miid'u jira, fulla inni deemu ch'ufa isa arabsani. AABBO Waaqa haga jiru jireenna ha faarsani, Amini! Amini! Ee AABBO Waaqa, atini haguma duriti, fulla nu iti gallu nu taate. Ato gaareenifi lafale inuumiini, atini Waaquma, ammalle haga jiru jireennale Waaqa. Atini nama biyyeeti deebifte waan jettuuni, isani biyyeeti deebia. Ganni kuma toko, sii, woma aka guyya toko, yokhaani akuma guyya kale ka dabre, yokhaani akuma saati nami lafa eegu iti wolkaasu. Atini aka fach'aa bisaani nu guurte, nuu akuma oobju jira. Nu harama mid'aani fakaanna, ta diirama baate guddate daraarte, ammo galgala qanch'oorate dootu. Dallansuuni tante gubde nu balleesite, nu mudamsiifti. Atini ch'ubbu teenna ufi dura d'aabde, hameenna nu d'ofanne diidati gabaafta. Jireenna keenna ya dallansuuni tante kute gabaabsite; inni akuma hafuura ch'ita. Ganni nu teennu torbatama ammo ya nu nama jaba taane saddeetamafa gaha; ammo taatule wonti nu ira argannu gaargalumafi laalala, jireenni keenna gabaaba, yoosu dabra. Eenuti aka dallansuuni tante jabdu beekha? Eenuti soda dallansuuni tante namaatiini d'uftu beekha? Aka guyyaani keenna gabaaba nu garsiisi aka akasiini nu qaro taanu. Ee AABBO Waaqa, dallansuuni tante yoomi nu lakifti? Hojattu tante ch'ufaa nahi! Diirama ch'ufa jaalala tante ta ind'umanneeni nu quubsi, aka nu gammanne haga jiru ch'ufa sirbinu. Gammada haga atini duri ganna heddu nu gaargalchite nu laalefachiifte kana gahu nuu kenni. Nu hojattu tante, huji tante jabdu garsiisi; d'alooti keennaleeni ha guddinna kanke jaba argu. Ee AABBO Waaqa keenna, eeba tante nuu kenni waan nu tolchinu ch'ufa keesati nu eebisi! Nami AABBO Waaqati baqate, qarqaarsa isa iraa fed'atu, waan jed'uuni atini siida kiyya, ka anini iti baqad'u; Waaqa kiyya, ka anini abdad'u. Inni t'urura si kayani ch'ufa duraa si baase, ch'iisa d'ukuba ch'ufa jalaa si baasa. Inni koola isaa jala si keeyate, si d'osse, si qorqorata; d'ugaani isaleeni woraanafi wonte si taati. Atini waan halkani nama mudamsiisafi t'iya guyya siini had'anifi. Ch'iisa d'ukuba ka dukana keesa si qabatu, yokhaani hameenna guyya ch'ufa si qabatu insodaatu. Ato nami kuma toko si birati hobae nami kuma kud'ani si birati raawatele atini woma intaatu. Atini aka ch'ubbicha gaargalchani iluma tante ch'allaani garta. Waan atini AABBO Waaqa gudda qarqaarsafi siida atini iti baqatu tolfateefi, gaargali tokoleeni si ind'aqabu, wonti hamtuuni tokoleeni mana keetiti ind'iaatu. Waaqi harka malaika ufiti si kenna, aka worri fulla atini deemtu ch'ufati si qorqoratu. Worri harka ufiitini si qaba, aka miila kanke d'akhaani ind'oomne. Atini nyeench'afi bofa ira ejaanjate, gorjamaafi bofa had'aa hamtu qabu ch'ach'arasita. Waaqi waan jed'u, Anini nama na jaalatu baase nama aka anini AABBO Waaqa beekhu qorqorad'a. Hojja worri na yaamatu anini jalaa owaad'a; hojja worri gaargala keesa jiru anini worraa wahelcha. Anini worra baase ulfinna kennaafi. Anini lubbu worraa d'eerese, baafama kiyya garsiisa. Ee AABBO Waaqa, aki galata si deebisani akami dansa! Ee Waaqa gudda, aki maqa kanke faarsanileeni waan akami dansaa. Ee AABBO Waaqa, hujiini tante jabduuni ya na gammachiifte; maro waan atini harka kanketiini tolchiteefi anini gammade sirba. Ee AABBO Waaqa, hujiini tante akami jabdu! Heregi kanke akami gudda! Waan kana daalleeni imbeetu, gowaani inhubatu: ch'ubbichi, ato aka marra bahe, nami hamaani woi horatele, worra haga jiru jireenna balleesani, ammo ee AABBO haga jiru jireenna si guddisani. Nu imbeenna, nyaapi kanke ch'ufti inhobaa, nama ch'ubbu tolche ch'ufa imballeesani. Atini yayu jabeenna aka gafarsa naa kennite, na eebifte na gammachiifte. Anini yayu nyaapa kiyya ka dabsatani arge, iyyanna worra ch'ubbule d'agaye. Worri d'ugaa qajeelani aka meet'i bahe, aka hind'eesa Lebanoni guddata. Worri sunini mukha Mana AABBO Waaqa keesati bahu, ka achiti bahe guddate, hojja jaarelle mid'aani d'ale hojja ch'ufa dotaate bahu fakaata. Wonti kunini aka AABBO Waaqi, Waaqa d'ugaa garsiifti; inni siida kiyya, ka wollaala womatu inqamne. AABBO Waaqi hayyu. Inni guddinnaafi jabeenna uyyifata. Lafti fulluma ufii ejiti, dandaani inchochoosani. Ee AABBO Waaqa, barch'umaani kanke haga duri d'aabani taka inchochone. Atinileeni haguma duriti kanuma, inuma jirta. Ee AABBO Waaqa, d'immuuni baariini qonqo olfud'ate iyyite dibbifti. AABBO Waaqi gubbaa fida; inni dibbeesa baariinitifi jabeenna d'awa galaanale ch'ufa ira jira. Ee AABBO Waaqa, seeri kanke haga jiru injijiramu ammalle Mani kanke haga jiru jireenna qulqullo. Ee AABBO Waaqa, atini Waaqa nyaapa ufii haalo baafatu; dallansu tante garsiisi! Atini nama nama ch'ufa qoru; kai, waan kiyyiba malle kennifi! Ch'ubbichi haga yoomi gammada? Ee AABBO Waaqa, haga yoomi qilit'ama? Nami hamaani haga yoomi hameenna ufi ka tolcheeni kooru lakisa? Ee AABBO Waaqa, worri gumi tante gaargalche, nama kanke ch'ufa dabsa. Worri hiyyeeyifi haad'a hiyyeesa fit'e, nama gosa d'ibi, ka lafa teenna keesa taule, hobaase. Worri waan jed'u, AABBO Waaqi nu inargu, Waaqi Israelileeni waan keenna inhubatu. Gumi tiyya, isani akami daallooftani woi wollaaltani? Isani yoomi woi barattani? Waaqi ka gurra nuu kenne, woi ind'agayu? Inni ka ila nuu kenne lafa inargu? Inni ka gosa ch'ufa harkaa qabu, worra d'aane inqajeelchu? Inni ka nama ch'ufa barsiisu, qalbi inqabu? AABBO Waaqi waan nami heregu imbeekha; aka heregi namaa woma imbaanele inuma beekha. Ee AABBO Waaqa nami atini qajeelchite Seera kanke barsiiftu akami ayyaana qaba! Atini gaargala jalaa isa baafta, haga boola qotani ch'ubbicha keesa buusaniti. AABBO Waaqi gumi ufii illakisu, yokhaani nama ufii lafa imbuusu. D'ugaani gaadisa korati deebite, nami d'uga qajeelani ch'ufti isi gula deema. Eenuti ch'ubbicha dide wahela naa tahe? Eenuti nama hama jibbe goli naa tahe? Ato AABBO Waaqi na qarqaaru baate, anini sila yoona dueti boola keesa jira. Anini waan jed'e, much'uch'ad'eti jigu jira. Ammo ee AABBO Waaqa, jaalala tante ta ind'umanneeti oli naqaba. Yo heregi na qabate, qalbiini tiyya waan heddu yaadde, atini na gammachiifte garaa na jabeesita. Atini jaarole gumbo nyaate, dubbi d'ara d'uga tolchite, nama dansaati malate, nama woma iyyakini ijeecha iti murtu, diqole jaalate iwahelchituufi. Ammo AABBO Waaqi ya na dubbate Waaqi kiyya ya siida na tae na qorqorate. Inni maro dabaafi ch'ubbu worraatifi worra gaargalche balleesa; AABBO Waaqi keenna lafa ira worra balleesa. Koota, AABBO Waaqa faarsina! Waaqa nu baase gammadaani sirbina! Koota isa dura d'umne, galata deebimneefi, gammanne, sirbine isa faarsina. Wonti akanatiifi AABBO Waaqi Waaqa gudda, inni hayyu gudda, ka waaqa d'ibi ch'ufa ira jiru. Inni lafa ch'ufa fida, godaafi gaareeni gugurdoni ch'ufti tama isaati. Inni baariinifi lafale harka ufiitini uume fida. Koota, isa durati gajenne kad'anna, AABBO Waaqa nu uume durati jilbifanna! Wonti akanatiifi inni Waaqa keenna, nuleeni gumi inni qorqoratu, hooliye inni tisse nyaachisu. Arra dubbi inni jed'u tana ch'aqasa: Akuma ababooti teesani duri lafa gamooji ta Massa keesa Maribati taate taatani garaa injabatina. Achiti worri nati game na ilaalate ato waan anini worraa tolchu qara argele. Ganna afurtama anini d'aloota suni jibbe waan jed'eeni, worri kunini mata jajaba, seera kiyya inguutu. Tanaafi anini dallane, kakhad'e waan jed'eeni, worri kunini boqota anini worraa kurfeese haguma jiru inargatu. Sirba haareesa AABBO Waaqaa sirba! Lafti ch'ufti ha AABBO Waaqa faarsitu! AABBO Waaqaa sirba, isa faarsa! Guyya ch'ufa, aka inni nu baase, ha odeesani. Guddinna isaa gosa ch'ufati odeesa, huji isaa ta mama gosa ch'ufati hima. AABBO Waaqi gudda, isa guddisani faarsuu malani; waaqoota ch'ufa ira isaa sodaachuu malani. Waaqooti gosa d'ibi taani ch'ufti waan harkaani mid'aasani, ammo AABBOONI ka gubba uume. Guddinnaafi ulfinni kama isaati, jabeennaafi mid'aagumti fulla inni tau jirti. Isani nami lafa ch'ufti, guddinnaafi jabeenni ka AABBO Waaqa jed'a. Guddinni waan maqa AABBO Waaqati malle jed'a; waan baasu maltani baasafi, Mana isaa keesa isaa duraani koota. Hojja Waaqi qulqullooni d'ufu, isa durati ga jed'a; lafti ch'ufti ha isa durati hollatuuti! AABBO Waaqi Hayyu jed'a, gosa ch'ufaati odeesa! Lafa fulla iti uumani jirtu dandani inch'oosani; inni nama ch'ufa d'uga gula qora. Lafafi gubbaleeni ha gammadu! Bisaani baariinitifi wonti iti gala ch'ufti ha dibbiftu; oobrufi wonti keesa jira ch'ufti ha gammaduti! Duuba mukeeni badda ch'ufti gammade, AABBO Waaqa durati sirbiti, gaafa inni lafa fidu d'ufu. Inni nama lafa keesa jiru ch'ufa d'ugaafi qajeelumani fida. AABBO Waaqi lafa fida! Laftileeni ha gammaddu! Lafti afaani baariini jirtu ha gammaduti! Dumansaafi dukanti isa marsiti; inni d'ugaafi qajeelumani lafa fida. Ibidi isa dura deeme, nyaapa isaa ka isa marse guba. Angaasuuni isaa angaate lafati ifsiti; laftileeni isi agarte jennaani hollatte. Gaareeni aka haanch'a AABBO Waaqa abba lafa ch'ufa durati bat'i. Gubbaani d'uga isaa odeesite, akasiini gochiti ch'ufti guddinna isaa agarti. Nama waaqoota d'ara kad'atu ch'ufa inch'eersani; waaqooti ch'ufti d'ufte AABBO Waaqa durati gajejeti. Worri Sioni gammade, diri Yudaleeni qilit'ama, maro qorsuma tanteetitifi ee AABBO Waaqa, Ee AABBO Waaqa gudda, atini lafa ch'ufa fida; atini waaqoota d'ibi ch'ufa ira jirta. AABBO Waaqi nama waan hamtu jibbu injaalata; inni lubbu gumi isaa jabeese qorqorate, harka worra ch'ubbuu jalaa baasa. Ifsaani nama d'ugaati ifse, nami qajeelaleeni gammada argata. Maro waan AABBO Waaqi tolchetiifi, isani worri d'ugaa gammada galata deebisaafi. Sirba hareesa Waaqaa sirba, maro inni waan mama tolcheefi! Inni harka isaatiifi irre isaa qulqullooni ya waan ch'ufa dabsate. AABBO Waaqi aka nama dabsate biyyati odeese, jabeenna inni namaani baasu gosa ch'ufaati hime. Inni kakhu gumi Israeliti kakhate, jaalala isaa ta ind'umanneeni jabeese guute. Nami lafa keesa jiru ch'ufti yayu aka Waaqi keenna woi dabsate arge. Lafti ch'ufti ha gammade AABBO Waaqa sirbitu. Sirbaafi faaru gammadatiini isa faarsitu! AABBO Waaqa faarsa! Kiraari d'aa, isa faarsa! Fulludofi magalata d'aa, AABBO Waaqa, hayyu keennaa, gammadaa sirba. Baariinifi wonti keesa jira ch'ufti ha dibbiftuti; lafafi nami keesa tauleeni ha sirbuti. Galaana ch'ufa, harka d'aa, kubile, gammada, AABBO Waaqa durati woliini sirba. Wonti akanatiifi inni d'ufe lafa fida, inni gosa lafa keesa jirtu ch'ufa d'ugaafi qajeelumani fida. AABBO Waaqi hayyu; gochiti ch'ufti ha hollatuuti. Inni waan lubbu qaba, ka koola gubba barch'uma isaa ira tae, jennaani lafti ch'ufti chochote. AABBO Waaqi Sioni keesa guddinna qaba: inni gosa ch'ufa ira jira. Nami ch'ufti ha maqa isaa gudda jaba faarsuti; inni qulqullo! Ee Hayyu gudda, atini waan d'uga jaalate, Israeli keesa d'uga suni jabeesita; atini d'ugaafi qajeeluma lafaani d'ufte. AABBO Waaqa keenna faarsa, barch'uma isaa dura koota, isaa kad'ad'a! Isumati qulqullo! Musafi Harunini qaalole isaati, Samuelini nama maqa isaa yaamate; worri AABBO Waaqa yaamate, inni worra jalaa owaate. Inni baaldo dumansa keesa, worraani dubbate, worri aadaafi seera inni kenneefi guute. Ee AABBO Waaqa keenna, atini gumi tante jalaa owaate, aka atini Waaqa woi namaa araaramu garsiifte, ato maro ch'ubbu worraatifi worra gaargalchitele. AABBO Waaqa keenna faarsa, gaara isaa qulqullo irati isa kad'ad'a! AABBO Waaqi keenna qulqullo. Lafti ch'ufti ha gammade AABBO Waaqa faarsitu! Gammadaani AABBO Waaqa kad'ad'a, sirba, isa dura koota! Aka AABBOONI Waaqa qaabad'a, isaati nu uume, nu nama isaati; nu gumi isaati, hooliye inni tisse nyaachisu. Balbala Mana Waaqaa seena, galata isaa deebisa, naabo isaa seena, isa faarsa. Galata isaa deebisa, maqa isaa faarsa. AABBO Waaqi waan dansa, jaalalti isaa ind'umatu d'ugaani isaaleeni haguma jiru jireenna jirti. Anini waan d'ugaafi jaalala teeti sirba, ee AABBO Waaqa, sii sirba. Anini ufi tissa, waan hamtu keesa inseenu. Atini yoomi nati d'ufta? Anini garaa qulqullooni mana kiyya keesa taa, waan hamtule inoobsu. Anini adaba nama Waaqa iraa goru injibba; worra akasi suni waan worri tahu iti ind'iad'u. Anini d'ara dubbad'e, nama sobe, waan hamtu keesa inseenu. Anini nama d'ossaani hameenna nama d'ibi dubbatu imballeesa; anini nama kiyyibe ufi guddisu inoobsu. Anini nama jabaate Waaqa d'ugeefatu eebiseefi mana kiyyati galcha. Nami d'uga ch'alla gula deemu naa hojata. Nami kiyyibaani mana kiyya keesa intahu, d'artichi tokoleeni na dura inejju. Guyya ch'ufa anini worra ch'ubbu lafa keesaa balleese, nama hameenna tolchu ch'ufa dira AABBO Waaqa keesaa gussa. Ee AABBO Waaqa, kad'acha tiyya naa d'agayi, qarqaarsa anini si kad'ad'u naa kenni! Hojja anini gaargala qabu naraa garaingaliini! Na ch'aqasi, hojja anini si yaamad'u hurrisi na qarqaari! Guyyaani kiyya akuma aara dabru jira, nafi kiyya aka ibida bobaa. Lubbuuni tiyya yayu aka buuyo gogodde ch'ach'abt'e; anini sagale tokole nyaachu imfed'u. Anini ya waacha d'aqe ufi jibbaad'e gogafi lafe ch'alla tahe. Anini allaati lafa aloo yokhaani urungu onati galtu fakaad'a. Anini rafu dad'abe, simpirre koba mana gubba teetu fakaad'a. Hojja ch'ufa nyaapi kiyya na miid'a, nami na goyesuleeni maqa kiyyaani woli abaara. Jireenni kiyya gaandidu galgalaa fakaata, anini buyyo gogodde fakaad'a. Ammo Ee AABBO Waaqa, atini hayyu haga jiru jireennati! Gurri kanke haguma jiru imbaddu. Atini kaate, Sioni naata; hojaani ya geete ta isii nahu malani; hojaani suni tana. Hojattuuni tante isi jaalati, ato isi balleesanile; ato isiini badda ona taatele worri isii naha. Gochiti ch'ufti AABBO Waaqa sodaate, hayyooti lafa ch'ufaleeni jabeenna isaa sodaati. Hojja AABBO Waaqi dira Sioni ka qara bade jaaru, inni guddinna ufii nama garsiisa. Inni gumi isaa ta lakisani ch'aqase, kad'acha worraale d'agayaafi. Waan AABBO Waaqi tolche d'aloota takaa tanalee t'aafa, aka akasiini nami qara ind'alatinileeni isaa faarsu. AABBO Waaqi, ka fulla qulqullo gubbaa jiru, Fulla Qulqullo suni gadi ilaale, lafa arge. Inni waacha worra hid'aansa keesa jiru d'agaye, nama duisa iti murani gad'iisa. Ato anini kaimatiyu AABBO Waaqi yayu irre na d'owe, guyya kiyya gabaabse. Ee Waaqa, ka haga jiru jireenna teetu, haga anini jaare hobauti na inijeesiini. Atini duri lafa uumte harka keetiini gubba mid'aasite. Wonti sunini ch'ufti indabarti, ammo atini haga jirtu inuma teeta; wonti kunini ch'ufti akuma woya hobaati. Atini aka woya isi jijirta, isiini inuma badi. Ammo atini sunuma, ganni kankeleeni inhobau. Ijoolleeni teenna nagayaani teete, qorqorti tanteetiini d'alooti isii nagaya argata. Ee lubbu tiyya, AABBO Waaqa faarsi! Ee nafa kiyya ch'ufa, maqa isaa qulqullo faarsi! Ee lubbu tiyya, AABBO Waaqa faarsi, dansuma isaa iwollaaliini. Inni ch'ubbu tiyya ch'ufa naa araarame, d'ukuba kiyya ch'ufa na fayyisa. Inni boola awaala dura na baase, naasufi jaalala naa kenne na eebisa. Inni haga anini jiru ch'ufa waan dansa naa kenne na quubse, aka akasiini anini kaimuma tiyya keesa aka risa jabaad'e taau. AABBO Waaqi nama dabsani d'uga mure, waan worraa malle kennaafi. Inni mala ufii Musa garsiise, waan jabdu ufi tolchele worra Israeliti mullise. AABBO Waaqi naasufi eeba qaba, hurre indallanu, jaalalti isaaleeni ind'umatu. Inni hojja ch'ufa lole nama ingorsu, guyya ch'ufale namati indallanu. Inni ch'ubbu teenna gula nu ingaargalchu, yokhaani wollaala keenna gula waan nu malle nu inkennu. Jaalalti inni nama isa sodaatu jaalatu haguma fageenna lafafi gubbaani wolhanqattu geeti! Akuma ilti boru ila aduu iraa fago jirtu, akasuma inni ch'ubbu teenna nuraa fageesa. Akuma abbaani ilmaani ufiiti nahu, akasuma AABBO Waaqi nama isa sodaatu naha. Inni waan duri iraa nu uume imbeekha, aka biyye iraa nu mid'aase inqaabata. Jireenni namaa akuma buyyo jira inni bahe aka buyyo daraara; duuba bubbeeni d'ufte hafufte balleesiti nami deebie inargu. Ammo nama AABBO Waaqa sodaatu jaalalti isaa haga jirtu biraa indeemtu, dansumti isaaleeni haga jirtu ch'ufa, nama wold'aqisa isaa guute seera isaa jabeesu ilakiftu. AABBO Waaqi barch'uma ufii gubba d'aabe duuba waan ch'ufa mohata. Isani malaikaani jajabduni, ta seera isaa guute dubbi isaa ch'aqaftu, AABBO Waaqa faarsa. Isani worri gubba jajabaani hojattu isaa ta fed'i isaa tolchitu, AABBO Waaqa faarsa! Wonti AABBO Waaqi uume, ta fulla inni fidu ch'ufa jirtu, ha AABBO Waaqa faarsitu. Lubbuuni tiyyaleeni ha AABBO Waaqa faarsitu! Ee lubbu tiyya AABBO Waaqa faarsi! Ee AABBO Waaqa kiyya, atini akami gudda! Atini guddinnaafi ulfinna uyifate, ifsa woyaa tolfate. Atini gubba aka waaro ballifte, mana kanke bisaani gubba irati jaarate. Atini dumansa gaari tolfate, koola bubbe yaabate. Atini bubbe ergattu tolfate, angaasule hojattu tolfate. Atini yayu yayaba lafaa jabeesite, isiini deebite inchochootu. Atini baariini aka woya isi gubba keete, bisaani sunini gaareeni ch'ufa duuchani. Atini bisaani suni d'owinaani isaani si d'eetani: Isani mandisu tante d'ageennaani baqatani. Isaani gaara gubba baleeti ga buani, fulla atini mid'aasitefiti yaani. Atini seera bisaani suni keete, aka isaani deebiani lafati infach'aamne. Atini bale keesaa madda yaafte jiddu kubile laga baafta. Laga suni keesaa bineensi bisaani d'uge, harreeni diidaleeni d'eebu baati. Mukeeni d'aatu isa jiru irati simpirreeni mana jaarate sirbiti. Atini gubbaa gaareeniti ga roobde, laftileeni eeba teetiini guutamti. Hind'eesi Lebanoni mukeeni AABBO Waaqi oobre, bokaya gudda argata. Mukeeni suni gubbati simpirreeni mana jaarate, mukeeni d'ed'eertu iraleti baabo alloona mana jaarate. Reeni alaa gaareeni d'ed'eertu gubbati galte, osileleeni d'akhaa gubbati d'okhati. Atini jia uumte, akasiini bulti bonaafi rooba garsiifte; aduleeni hojja d'iitu imbeeti. Atini halkanile uumte dukana keesa bineensi alaa ch'ufti gabaha. Kubleeni nyeench'a ato adamsitu; itante sagale Waaqi kennuufi barbaaddi. Hojja lafti bariitu, isiini deebite goda ufiti galte gach'iifti. Duuba nami gabahe, huji ufii haga aduuni d'iituti hojata. Ee AABBO Waaqa, atini waan heddu uumte! Atini qarooma akamitiini waan kana ch'ufa uumte. Wonti atini uumte sunini ch'ufti ya lafa guute. Achi baariiniti jira — inni guddo balla; isa keesa bineensa hedduti gala, didiqaafi gugurdaleeni. Hobolooni gubba deemte, gorjami Lewiathani jed'anileeni keesa tabata. Wonti kunini ch'ufti hojja sagale feetu sira barbaaddi. Atini sagale kenniteefi jennaani nyaatani quufani. Atini dudda iti gaargalaani worri sodaate; atini hafuura keesa funnaani worri due biyye keesaa baheeti deebia. Hafuura keetiini worri uumame; atini jireenna haaraa lafaa kennita. Guddinni AABBO Waaqaa ha haga jiru jireenna tahuti! AABBO Waaqi waan inni uume ira ha gammaduti! Inni lafa millannaani isiini hollatte; inni gaareeni tunnaani aari keesaa bahe. Anini haga jiru ch'ufa AABBO Waaqaa sirba; haga lubbuuni na keesa jirtu anini Waaqa kiyya faarsa. Sirbi kiyya ha isa gammachiisu, wonti akanatiifi gammadi kiyya isa iraa d'ufa. Worra ch'ubbuu ha lafaa d'abani. Lubbu tiyya AABBO Waaqa faarsi! AABBO Waaqa faarsi! Koota, AABBO Waaqaa galata deebisa, isa yaamad'a; waan inni tolche gosa ch'ufati hima. Sirba isaa faarsa, waan jabdu inni tolche odeesa. Waan nu nama isaa taaneefi gammada; nami isa yaamatu ch'ufti ha gammaduti. AABBO Waaqa d'aqa, qarqaarsa kad'ad'a, hojja ch'ufa isa yaamad'a. AABBOONI Waaqa keenna, jechi isa ka gosa lafa ch'ufaati. Inni wold'aqisa ufii haga jiru jireenna guuta, kakhu inni d'aloota kuma tokoti kakhate. Inni wold'aqisa Abrahamu woliini tolfateefi kakhu inni Isaaqoti kakhate guuta. Inni wold'aqisa haga jiru jireenna jiru Yakobo woliini tolfate, waan jed'eeni, Anini lafa Kanaani sii kenna, isiini hand'ura kanke taati. Gumiini Waaqaa diqo, lafa Kanaani keesaleti keessuma. Worri fulla tau d'abe, lafafi gosa d'ibi ch'ufa keesa mare. Ammo Waaqi gosa d'ibi worra dabsuu d'owe, maro worraatifi inni hayyoota gorse waan jed'eeni: Gumi anini fohad'e woma intolchina raagoota tiyyale intuqina. AABBO Waaqi beela lafa worraati buuse, sagale worri qabu ch'ufa balleese. Ammo inni Yusufu, ka qara aka garbicha gurgurani, worra dura erge. Miila isaa sansalatani hid'ani, morma isaa qaampara iti kayani, haga wonti Yusufuuni fage guutamtuti. Dubbini Waaqaa d'uga isaa murte. Jennaani hayyuuni Misiri isa ga d'iise, nami lafa mohatu isa balchoomse. Hayyuuni suni gudda lafa isa isa tolche, finna lafa isa ch'ufa harka isaati deebise; ammalle irreefi qarooma inni hojattu hayyuutifi jaaroleeni barsiise qajeelchu isaa kenne. Jennaani Yakobooni Misiriti godaane achi tae. AABBO Waaqi gumi isa horsiise nyaapa worraale ira jabeenna kenneefi. Inni worra Misirii gumi isaa jibbisise, worri hojattu isaa sobe mala iti d'aate. Jennaani inni hojattu isaa Musafi Haruni fohate iti erge. Worri waan Waaqaa ka mama jabdu lafa Misiri keesati tolche. Waaqi dukana lafa Misiriti erge, ammo worri Misiri dubbi isaa dide. Inni galaana worra d'iiga tolche qurt'umi worraale hobaase. Lafa worraa raachi ira dabre, mana hayyule raachi guute. Waaqi dubbannaani tiiteefi biinniini lafa qabate. Inni fulla bokayaa bokaya d'akhaani roobufi angaasu lafa worraati buuse; inni zabibuufi oda balleese, mukeeni ch'ufa ch'ach'abse. Inni dubbannaani awaanisi muumme inqamne lafati baafate. Awaanisi sunini mukhaafi mid'aani lafa suni keesa jira ch'ufa nyaate fit'e. Waaqi ilma angafa ka gosa Misiri ch'ufa fit'e. Jennaani inni worra Israeli lafa suni keesaa baase dura deeme; worri ka qarsifi worqi baatu, ka fayyaafi jabeenna qabu, lafa suni keesaa bahe. Worri Misiri worra sodaate, deema worraa iraa gammade. Waaqi dumansa gumi isaa ira kaye halkanile ibida ifsa worraa tahu kenneefi. Worri kad'annaani inni simpirre kenneefi, sagale gubbatiini worra quubse. Inni lafa gamooji keesa siida bane, bisaani aka galaana yaa keesaa baase. Inni kakhu qulqullo duri hojattu isaa Abrahamuti kakhate qaabate. Duuba akanaani inni gumi inni fohate baase dura deeme worrileeni gammade sirbe. Inni lafa gosa d'ibii worraa kenne, oobru worra sunile worraa kenne, aka gumiini isaa aadaafi seera isaa jabeesite guutu. AABBO Waaqa faarsa! AABBO Waaqa faarsa! Maro dansuma isaatiifi isaa galata deebisa; jaalalti isaaleeni ta jiru jireennaati. Eenuti dandae waan jabdu inni tolche ch'ufa hima? Eenuti dandae faaru isaa ch'ufa haga beekhe hima? Ayyaana isaati ka d'uga tolche, seera isaa hojja ch'ufa guutu. Ee AABBO Waaqa, hojja atini gumi tante eebiftu na qaabad'i; hojja atini worra baaftu nale inded'ini. Hormaata gumi teeti na garsiisi gammada gosa tanteeti naa qoodi, aka anini qooda suni argannaani, gumi tante woliini sii faarsu. Nu akuma ababoota teenna yayu waan hamtu taane siti ch'ubbamne daba tolchine. Ababooti teenna gaafa lafa Misiri keesa jirtu, waan mama ka Waaqi tolche inhubanne; worri aka inni maro heddu jaalala isaa ta ind'umanne garsiise ded'e, Waaqa gudda galaana Diimati dide. Ammo inni akuma qara kakhate kaani worra baase, akanaani jabeenna isaa gudda nama garsiise. Inni galaana Diima yau d'owe gogose, gumi isaa lafa goddu ira taakisiise. Inni harka worra worra jibbu keesaa baase, nyaapa isaanile duraa baase. Bisaani nyaapa worraa ch'ufa guuratani, nama tokole bahu d'owani. Jennaani gumiini isaa dubbi isaa d'ugeefate isaa faarsite. Ammo worri yoosu waan inni tolcheefi suni ded'e, ka mala womatu isa ingaafatini ch'ee, waan d'ibi tahe. Worri ato lafa gamooji suni keesa jiru sagale d'arae, Waaqa ilaalate; tanaafi inni waan worri kad'ate kenneefi, ammo d'ukuba hamale worrati buuse. Lafa gamooji suni keesati worri Musafi Haruni, hojattu AABBO Waaqa qulqullo, d'ibifate, jennaani lafti ch'itte Dathani liqimsite, Abiramufi worra isale awaalte. Ammalle ibidileeni goli worraa ira bue, worra ch'ubbu kaani gube balleese. Worri gaara Sinaiti korma worqi mid'aafate, waaqa sibiila ka tumani suni kad'ate. Worri guddinna Waaqa jijire akheekha sanga buuyo nyaatu tolche. Worri Waaqa, ka lafa Misiri keesati waan jabdu tolche worra baase, ded'e, inni achiti waan mama ka akami tolche! Wonti inni galaana Diimati tolche waan akami mama! Gaafa Waaqi gumi tiyya imballeesa jed'e, hojattuuni isa Musani, ka inni fohate, olkae Waaqa dura eje, dallansu Waaqaa ta sila worra suni balleesitu, ira d'owe. Jennaani worri kakhu Waaqa dide lafa dansa sunile jibbe. Waaro ufii keesati hafe gungume, AABBO Waaqa ch'aqasu dide. Tanaafi inni worrati kakhate, harka olqabate waan jed'e; anini lafa gamooji tana keesati isani fit'e, d'aloota keesani gosa d'ibi keesati firfirsa, duuba worri lafa d'ibi keesati hobaa. Duuba Peoriti gumiini Waaqa wolti baate, waaqa d'ara ka Baali jed'ani kaani kad'ate, sorio waaqa lubbu inqamne baasani nyaate. Worri waan hamtu tahe, akasiini AABBO Waaqa dallansiise, d'ukubi hamaani worra qabate. Ammo Finehasiini kae, worra woyake kaani hobaase, akanaani d'ukuba suni lafa keesaa baasani. Isa waan inni tahe sunifi qaabatani d'uga iti heregani, haga jiru jireennale woma sunifi qaabatani. Fulla maddo Meribati worri AABBO Waaqa dallansiise, maro worraatifi Musaleeni gaargala keesa seene. Worri aka male garaa isa yake, duuba inni herega male dubbate. Worri gosa d'ibi, aka AABBO Waaqi worraani jed'e inhobaamne, ammo dubra worraa fuud'e, aada worra hamtu barate. Gumiini Waaqaa waaqoota d'ara kad'ate, akanaani badii ufiitini d'ufte. Worri ilmaani ufii ta d'iiratifi ta dubrale qale, waaqoota d'ara ka Kanaaniti sorio baase. Akanaani worri ijoolle woma iyyakini hobaase, laftileeni worra harka d'iiga sunini t'uroofte. Worri akanaani huji ufiitini ufi t'ureese, waan ch'eera hamtu tahe Waaqati wollaale. Duuba akanaani AABBO Waaqi gumi ufiti dallane jibbe. Inni harka gosa d'ibiiti worra kenne, nyaapi worraaleeni worra mohate. Nyaapi worraa worra dabse, ufi jalati bulche. Maro heddu AABBO Waaqi gumi ufii baase, ammo worri beekhaa isa dide, haga qara irale ch'ubbu gula bade. Ammo ha taatuti, worri AABBO Waaqati boonnani inni gaargala worra arge. Maro worraatifi inni wold'aqisa inni tolche qaabate, maro jaalala ufii guddotifi worraa araarame, nama worra dabsule ch'ufa worraa naasise. Ee AABBO Waaqa keenna, nu baasi, gosa keesati nu firfirsani keesaa nu deebisi, aka nu galata sii deebimne maqa kanke qulqullo faarsinu. AABBO Waaqa Israeli ha faarsani! Ammaafi hegerile ha faarsani! Nami ch'ufti ha Amini jed'u! AABBO Waaqa faarsa! AABBO Waaqa galata deebisa maro inni dansatiifi: jaalalti isaa haguma jirtu ind'umatu! Isani ka AABBO Waaqi baase, dubbi tanaani isaa faarsa. Inni harka nyaapa keesani keesaa isani baase. Lafa nyaapa keesa isani deebise ilaborutiifi ila adutii mirgaafi bitaa woltiini isani d'ufe. Nami gari lafa aloo, ta kara inqamne, keesa mare dira iti qubatu fulla wollaale, beelae d'eebote ufi jibbaate. Jennaani worri gaargala ufii keesati AABBO Waaqati bohe, inni gaargala suni keesaa worra baase. Kara qajeela garsiise, dira worri iti qubatuuni worra gahe. Worri AABBO Waaqa maro jaalala isaa ta ind'umanneetiifi waan mama ka inni worra tolchele galata deebisuu male. Inni nama d'eebu qabu d'eebu baase, ka beela qabule beela baase quubse. Nami gari dukanae, dukana keesa taa, worri nama hid'aansa keesa jiru ka sansalatani hid'ani fakaata. Maro dubbi Waaqa dide, mala Waaqi guddaani worra d'ae tufate, gula deemu dideefi, worra ya hujiini hamtuuni ijeefte; worri ya qarqaarsa d'abe jijige. Jennaani worri gaargala ufii keesati AABBO Waaqati bohe, inni gaargala suni keesaa worra baase. Inni gaargala dukana kaani keesaa worra baase, sansalata worraani hid'anile ch'ach'abse. Worri AABBO Waaqa maro jaalala isaa ta ind'umanneetiifi waan mama ka inni worraa tolchele galata deebisuu male. Inni balabala sibiila diimani mid'aasani ch'ach'abse, sibiila gargari kute. Worri ka gari daalle tanaafi maro dabaafi ch'ubbu ufiitiifi gaargali qabata: worri sagalele agarta jibbe, diquma lubbuuni keesaa imbahini. Jennaani worri gaargala ufii keesati AABBO Waaqati bohe, inni gaargala suni keesaa worra baase. Inni dubbi ufiitini worra fayyise, boola duaa keesaa worra baase. Worri AABBO Waaqa maro jaalala isaa ta ind'umanneetiifi waan mama ka inni worraa tolchele galata deebisuu male. Worri sorio baase galata isaa deebise, gammade, sirba keesa waan inni tolche ch'ufa himuu male. Nami gari hobolo duudde, baariini keesa deeme daldala tolche, akanaani waan nyaate d'ugu argate. Worri waan AABBO Waaqi tolchufi waan mama ka inni baariini gubbati tolchu arge. Inni dubbannaani bubbeeni guddooni gad'ufte, d'awa galaana chochoofte. Duuba bubbeeni sunini hobolo olfuute, bisaani keesati olch'ech'esifte. Gaargala suni keesati jari sunini mumudame, gugufate, aka nama farso d'uge dadaaqe, ufi jibbaate waan tahuu d'abe. Jennaani gaargala ufii keesati worri AABBO Waaqati bohe, inni gaargala suni keesaa worra baase. Inni bubbe jabdu taani ch'allisise, d'awani galaanaleeni d'au lakifte, Worri maro bubbeeni sunini ch'allifteefi gammade, innileeni fulla worri deemu fed'uuni worra gahe. Worri AABBO Waaqa maro jaalala isaa ta ind'umanneetiifi waan mama ka inni worraa tolchele galata deebisuu male. Worri guddinna isaa gumi keesati odeese, kora jaarole keesaleti isaa faarsuu male. AABBO Waaqi galaana gogose, maddale yau d'owe. Inni maro ch'ubbu worra achi tautiifi lafa biyye dansa garagalche, lafa aloo ta soodda ch'alla tolche. Inni laafa gamooji garagalche lafa bisaani tolche lafa gogoddule madda burqitu tolche. Inni nama beela qabu achi quubsise, jennaani worri dira iti galu jaarate. Worri oobru fach'aase, zabibu oobre, mid'aani guddo iraa mure galfate. Inni worra eebise daraarse, hori worraale diqaachu d'owe. Gaafa gumi Waaqaa dabsani gaargalchani akanaani dabsatani ch'eersani. Inni worra worra dabse suni tufate, lafa aloo ta kara inqamne ke marse. Ammo inni nama d'ipu qabu d'ipu suni keesaa baase, worra isaani daraarse, aka ree lafa ira dabarse. Nami d'ugaa qajeelani waan kana arginaani gammada, ammo nama ch'ubbuu ch'ufa afaani qabachiisani. Nami qarooni ha waan kana herege, jaalala AABBO Waaqa ta ind'umanne hubatuti. Ee Waaqa, garaani kiyya ya jabaate, anini faaru d'aad'e sii faarsa! lubbu tiyya kai! Kiraariifi dibbe tiyya kaa! Anini adule lafaa kaasa. Ee AABBO Waaqa, anini lafa ch'ufa keesa galata sii deebise, gosa ch'ufa keesa sii faarsa. Jaalalti tante ta ind'umanne gubbaa geeti; d'ugaani tanteeleni dumansati ejiti. Ee Waaqa, jabeenna kanke gubbati garsiisi, lafa iraleti guddinna kanke garsiisi. Irre tanteetiini nu baasi, kad'acha tiyya na d'agayi, aka nami atini jaalatu lubbuu bahu. Mana isaa qulqullo keesaa, AABBO Waaqi waan jed'e, Gammada keesa anini Shekemu gargari qoode, bale Sukothile gumi tiyyaa qooda. Gileadiifi Manaseleeni tiyya; Efraimuni sure tiyya ta duula Yudaleeni boku kiyya ka hayyuma. Ammo Moabuni waan anini keesati bisaani d'iqad'u, ammalle anini kobe tiyya Edomu gubba buuse akasiini aka isiini tiyya garsiisa. Anini hojja worra Filisti dabsad'e gammada. Ee Waaqa, eenuti dira jabeesani jaaraniti na geesa? Eenuti Edomuti na geesa. Atini d'uguma ya nu didde? Atini duula keennaani induultu? Nyaapa keenna nura d'owi, nu qarqaari; qarqaarsi namaa woma keesa injiru. Eegi Waaqi gama keenna jiraate nu inuma dabsanna; inni nyaapa keenna ira ejaanjate balleesa. Ee Waaqa, anini si faarsa, afaani inqabatini! Ch'ubbichafi kiyyibaani nati kaate, waan kiyya ka d'ara dubbate, fayyuma tana hameenna kiyya haasofte na haati. Worri ato anini jaalad'e waaqa worraa kad'ad'ele nani morka. Worri anini waan dansa tolchinaani waan hamtu na tolche, anini jaalanaani na jibbe. Dubbi nyaapa kiyya nama hammaati geesi, duuba ha nami isa jibbu artiti isa himatuti. Dubbi isaa lalaani, ha wollaala iti muraniti; kad'acha isale ha aka ch'ubbuti hereganiti! Guyyaani isaa ha gabaabatuti. Nami d'ibiini huji isaa ha fud'atuti! Ilmaani isaa ha abba d'abde, niitileeni ha d'iirsa d'abdu! Ilmaani isaa ha lafa marte woi kad'atuti, ona isiini keesati galtule ha keesa gussaniti! Nami gati isaa qabu ha waan isaa ch'ufa fud'atuti. Nami inni fuula imbeenne, ha waan inni hojate horate ch'ufa guuratuti. Nami tokoleeni isaa nahe ilmaani inni iraa due inqorqoratiini. D'alooti isaa ch'ufti ha hobae, maqa isaa d'aloota taka tanale keesa ded'aniti. AABBO Waaqi ha ch'ubbu ababooti isaa tolchite qaabate, daba haad'a isaale araaramufi didu. AABBO Waaqi ha hojja ch'ufa ch'ubbu isaani qaabatu; maqa worra suni deebie nami inqaabatiini! Nami sunini taka namaa innaane inni hiyyeesafi d'ipatafi nama qarqaarsa womatu inqamne gusse ijeese Inni guddo nama abaaruu fed'e ammo Waaqi ha isa abaaruti! Inni namaa eebisu dide, namileeni isaa ineebisini! Inni abaarsa akuma nami woya uyifatu uyifate. Abaarsi inni nama abaaru ha isaati deebie, aka bisaani nafa isaa lit'e aka d'ad'a lafe isaa seenuti! Inni ha abaarsa suni hojja ch'ufa aka woya mart'ifate aka gurda hid'atuti! Ee AABBO Waaqa, nyaapa kiyya ka akasi na abaaru akasuma gaargalchi! Ammo AABBO Waaqa kiyya, akuma atini kakhate na qarqaari, maro dansumma jaalala teetitiifi na baasi. Anini hiyyeesa d'ipu qabu; garaani kiyyaleeni guddo laalefata. Anini akuma gaadisa galgala dabra; akuma awaanisa bubbeeni na fuuti. Anini beelae humniti ch'ufti nara jiddi; nafi kiyya ya d'umate, lafeefi goga ch'alla tahe. Nami na argu ch'ufti na koble, mata gingilfate na goyeesa. Ee AABBO Waaqa kiyya, na qarqaari; maro jaalala tante ta ind'umanneetiifi na baasi! Nyaapi kiyya, aka nami na baasu sii, ha beekhu. Worri ha na abaaruti, ammo atini na eebisi. Nama na gaargalchu ha dabsaniti, ammo anini, hojattuuni tante, ha gammaduti. Nyaapa kiyya ha ch'eeri balleesuti, worri ha ch'eera aka woya uyifatuti. AABBO Waaqi waan hayyicha abba kiyyatiini jed'e, Kooti arma moga tiyya ta mirga tahi, haga anini nyaapa kanke miila kanke jalati deebisuti. AABBO Waaqi jabeenna kanke ka hayyuma Sioni ch'alla keesati illakisu, fulla d'ibile geese waan jed'u, Nyaapa kanke mohad'u. Guyya atini nyaapa kanke haatu, nami kanke ufi gabaasa. Akuma fit'eesa ganamaa, kaima kanke gaareeni kanke qulqullo irati siti d'ufa. AABBO Waaqi ya kakhate, kakhu suni guutuu male intau: inni waan jed'e, Atini haga jiru jireenna aada Melkizedeki gula qaallu taata. Aabbooni gama kanke ka mirga jira; inni hojja dallanu hayyoota imballeesa Inni gosa ch'ufa wollaala iti mure, fulla iti wolhad'ani ch'ufa reefaani guuta; inni hayyoota lafa ch'ufa keesa jirtu indabsata. Hayyichi galaana d'aatu karaa yau keesaa bisaani d'uge, jajabaate, lubbuuni iti deebiti. AABBO Waaqaa faarsa! Anini gumi Waaqaa durati garaa kiyya ch'ufaani AABBO Waaqaa galata deebisa. Wonti AABBO Waaqi tolchu ch'ufti waan mamaati! Nami waan suni maache ch'ufti guddo waan isii hubachuu fed'a. Wonti inni tolchu ch'ufti jabeennaafi guddinna isaa garsiifti; d'ugaani isaaleeni haga jiru jireenna teeti. AABBO Waaqi huji isaa ta mama ded'u nu d'owa; inni eebaafi naasu qaba. Inni nama isa sodaatu sagale kenne, wold'aqisa ufile hojja ch'ufa qaabata. Inni lafa gosa d'ibii gumi isaati kenne, akanaani irre ufii garsiise. Wonti inni tolche ch'ufti waan d'uga ka d'ugeefatani; gorsi isaa ch'ufti waan nami d'ugeefate fud'achuu male. Gorsi kunini haga jiru jireenna taha; gorsa kana d'ugaafi qajeelumani kennani. Inni gumi isaa balchoomse, wold'aqisa haga jiru jireenna woliini tolfate. Inni qulqullo ammalle jabeenna qaba. Nami qalbi horachuu fed'u qaraa fiit'e AABBO Waaqa sodaachuu male. Nami gorsa isaa gula deemu ch'ufti qalbi dansa argata. Haga jiru jireenna ha isaa faarsani. AABBO Waaqa faarsa! Ayyaana isaati ka AABBO Waaqa sodaatu, ka hojja seera isaa guutu gammadu. Ilmaani nama dansa lafa keesati irre horati; d'aloota isaa ch'ufa ineebisani. Worri isaa woi horate dureesa tahe, innileeni haga jiru ch'ufa wohorate deebana. Nama dansa dukana keesaa ifsaani ifsaafi, nama namaa nahu ka eeba qabu, ka d'uga gula deemu. Ayyaana isaati ka arjomaani wa namaa liqeese daldala ufii kara d'ugaatini tolchu. Nami dansaani haga jiru ind'ipatu; guyya ch'ufa isa qaabatani. Inni odu hamtu iti d'uftu insodaatu, d'ugefachaani isaa jabdu, inni AABBO Waaqa d'ugeefata. Inni yaada womatu inqabu, womale insodaatu. Duuba eege nyaapa isaa ka dabsatani arga. Inni arjomaani hiyyeesa woi kenne, dansumti isaa haga jirtu inhobaatu, inni irre horate, gurra dansa argata. Ch'ubbichi waan kana arginaani dallana; inni ilkaani qare baqe badda; abdiini isaa ya haga jiru jireenna iraa bade. AABBO Waaqa faarsa! Isani hojattu AABBO Waaqaa maqa isaa faarsa! Maqa isaa ha faarsani ammaafi hegerile. Ilaboruti fuud'ani ila aduti d'aabani, maqa AABBO Waaqaa ha faarsaniti. AABBO Waaqi gosa ch'ufa mohata; guddinni isaa gubbale ira jira. Nami aka AABBO Waaqa keenna jira tokoleeni injiru! Inni gubba taa, ammo gajed'e lafafi gubba laala. Inni hiyyeesa awaara keesaa fuud'e; d'ipata d'ipu keesa baase, jara gugurda gumi isaa woliini teesisa. Inni niiti ilmaani ind'aliini worra ufiiti qubsise ilmaani kenneefi gammachiisa. AABBO Waaqa faarsa! Gaafa worri Israeli lafa Misiri keesaa bahe, ka d'alooti Yakobo lafa nyaapa suni keesaa godaane, Yudaani gumi Waaqaa qulqullo taate, Israelileeni worra inni fidu taate. Galaani Diimani millate baqate, galaana Yordanile yaasumi ch'ite. Gaareeni aka ree kukurupate, kubilileeni aka ilmoole hoola buraat'e. Ee galaana, maanti, si baqachise? Ee Yordani, sile maafi yaasumi kanke ch'ita? Ee gaareeni, isani maafi aka ree kukurupatani? Ee kubile isani maafi aka ilmoole hoolaa buraat'ani? Ee lafa hojja Aabbo Waaqi d'ufu nahi, Waaqa Yakobo durati holad'i. Inni siida d'akhaa garagalche, haro bisaanii tolche, rabsu d'akhaa madda yaatuu tolcha. Siuma ch'alla ee AABBO Waaqa, siuma ch'alla nuuniti nami guddinna kennuufi mallani siuma, maro jaalala tante ta ind'umanneetiifi ta d'uga teeti. Gochiti maafi nu gaafate, Waaqi keesani me? nuni jetti. Waaqi keenna gubba jira; inni waan fed'u tolcha. Waaqi worraa waan harkaani mid'aasani, isa qarsifi worqi iraa tumani. Inni afaani qaba, ammo dandae indubbatu, ila qaba, ammo dandae womaani inargu. Inni gurra qaba, ammo dandae womanu ind'agau; inni funnaani qabu, ammo dandae womanu insuufu. Inni harka qaba, ammo dandae woma inqabatu, miilale inqaba, ammo dandae indeemu; qonqooni womatu isa keesa imbaatu. Nami isa mid'aase isa abdate ha akuma isa tahuti. Gumi Israeli AABBO Waaqa abdad'a. Inni wonte isanii tahe isani qarqaara. Isani qaalole gosa Haruni, AABBO Waaqa abdad'a, inni wonte isanii tahe isani qarqaara. Isani nami AABBO Waaqa sodaatu ch'ufti isa abdad'a. Inni wonte isanii tahe isani qarqaara. AABBO Waaqi nu qaabate nu eebisa; inni gumi Israelitiifi qaalole d'aloota Haruni ch'ufa ineebisa. Inni nama isa sodaatu ch'ufa, diqaafi guddale ineebisa. AABBO Waaqi isanifi d'aloota keesani daraarsinna! AABBO Waaqi ka lafafi gubba uume isani eebisinna! Gubbaani ta AABBO Waaqa ch'alla, ammo inni lafa yayu namaa kenne. Nami due AABBO Waaqaa imfaarsu, yokhaani nami boola ekhera keesa bueleeni isaa imfaarsu. Ammo nu nami jiru ammaafi hegerile AABBO Waaqa faarsina. AABBO Waaqa faarsa! Anini AABBO Waaqa jaalad'a, waan inni na ch'aqase, kad'acha tiyya naa d'agayeefi. Inni hojja anini isaa yaamad'u ch'ufa na ch'aqasa. Gaargali duaa na marse sodaani awaala na qabate, jennaani mudame lubbuuni na d'ufte. Jennaani anini AABBO Waaqa yaamad'e, Ee AABBO si kad'ad'a na baasi jed'eeni! AABBO Waaqi naaso, ammalle dansa; Waaqi keenna guddo nama naha. Inni nama irre inqamne qorqorate gaafa anini gaargala qabu inni na baase. Ee lubbu tiyya, AABBO Waaqi ya na eebise, garaa jabaad'i. AABBO Waaqi duu na d'owe imimaani nara haaqe, miila kiyyale gufachuu d'owe. Duuba akanaani anini lafa nama jiru keesa AABBO Waaqa jala deeme. Wonti anini maro dansuma isatifi AABBO Waaqaa baasuu male maani? Anini daad'i AABBO Waaqaa baase, Aabbo, atini ya na baafte, galati kanke imbadiini jed'aani. Gumi isaa ch'ufa durati anini waan kakhad'e imbaasa jed'e ch'ufa baasa. Hojja nami isaa toko duu AABBO Waaqi guddo laalefata! Ee AABBO Waaqa anini hojattu teeti; akuma haati tiyya sii hojate, aninileeni si hojad'a. Atini ya duisa jalaa na baafte. Anini sorio sii baase, galata si deebise, maqa kanke yaamad'a. Ee lafa ch'ufa, AABBO Waaqa faarsa! Ee gosa ch'ufa, isaa faarsa! Jaalalti inni nu jaalate jabdu, d'ugaani isaaleeni haga hegeri teeti. AABBO Waaqa faarsa! AABBO Waaqaa galata deebisa; inni dansaa, jaalalti isaaleeni haga jirtu ind'umatu. Worri Israeli ha, Jaalalti isaa haga jirtu ind'umatu jed'u. Qaaloleeni d'aloota Harunileeni ha, Jaalalti isaa haga jirtu ind'umatu jettu. Nami AABBO Waaqa sodaatuleeni ha, Jaalalti isaa haga jirtu ind'umatu jed'u. Gaargala kiyya keesa anini AABBO Waaqa yaamad'e, duuba inni na d'agaye na baase. Eegi AABBO Waaqi gama kiyya jiraate, anini woma insodaad'u, nami maani na tolchuu dandaa? Nami na qarqaaru AABBO Waaqa tanaafi anini aka nyaapa kiyya dabsatani arga. Fulla nama abdatani ira ufi kayani ira hojja AABBO Waaqa d'ugeefatani ira jirti. Fulla hayyuufi qaallu ira ufi kayani ira hojja AABBO Waaqa d'ugeefatani ira jirti. Nyaapi hedduuni ya na marse; anini ammo maqa AABBO Waaqatini ch'ufa dabsad'a! Worri gama ch'ufa na marse, ammo anini jabeenna AABBO Waaqatini worra balleese! Worri aka tiite kinniisa nati tuuche, ammo worri aka hot'ee yoosu gubata, anini jabeenna Waaqatini worra hobaase. Aka male na had'ani na dabsachu gahani, jennaani AABBO Waaqi d'ufe na qarqaare. AABBO Waaqi na jabeesaa irre naa kenna inni ya na baase. Qonqo geerarsa ta waaro gumi Waaqa keesaa d'uftu d'agaya; jabeenna AABBO Waaqa guddati waan suni tolche! Jabeenni isaa ya nu dabsachiise jabeenni inni woraana keesati garsiise! Anini induu, ammo jiraad'e, waan AABBO Waaqi tolche namati odeesa. Inni ya aka male na gaaragalche, ammo lubbu na inijeemne. Balbala Mana Waaqaa naa bana; anini seene, galata AABBO Waaqaa deebisa! Tunini balbala AABBO Waaqaati; nama d'uga male nami d'ibiini oliini inseenu. Ee AABBO Waaqa, waan atini na jalaa owaate na baafteefi anini si faarsa. D'akhaani ijaartuuni tufate didde ya d'akha ch'ufa ira jaba tahe. Waan mama ka nu ila teennaani garre kana AABBO Waaqati tolche! Guyyaani kunini guyya AABBO Waaqi woi dabsate, koota woliini gammanne qilit'amna. Ee AABBO Waaqa, nu baasi, nu dabsachiisi, nu si kad'anna! Nami maqa AABBO Waaqatini d'ufu ha eeba argatu! Mana Waaqaa keesale nu isani eebimna. AABBOONI Waaqa; inni haguma duriti nuu dansa. Qooti guura, jila iti keeyad'a, waan sorio irati baasanini mara. Atini Waaqa kiyya anini galata sii deebise guddinna kanke odeesa. AABBO Waaqaa galata deebisa, inni dansaa, jaalalti isaa haga jirtu ind'umatu. Ayyaana isaati ka wollaala womatu inqamne, ka Seera AABBO Waaqa gula deemu. Ayyaana isa ka dubbi Waaqaa guute, garaa ufii ch'ufaani isa gula deemu. Inni kara waaqaa gula deema, waan hamtu intolchu. AABBO Waaqa atini aada tante nu kennite, garaa tokooni jabeesa guuta nuni jette. Anini guddo jabaad'e gorsa kanke gula deemuu fed'a! Hojja anini seera kanke ch'ufa jabeese herege, nami na inch'eersu. Anini ato aada tante barad'u, garaa qulqullooni sii faarsa. Anini seera kanke inguuta, AABBO, haga jirtu na illakisiini. Kaimi akami dandae qulqullumaani taa? Yo dubbi tante guute gula deeme ch'alla. Qalbi tiyya ch'ufaani anini si barbaada; seera kanke iraa goru na d'owi. Anini dubbi tante qalbi tiyya keesa keeyad'a, aka si durati ch'ubbu intolchine. Ee AABBO Waaqa, anini si faarsa; aada tante na barsiisi. Seera atini namaa kennite hojja ch'ufa waan isaa dubbad'e ded'u ufi d'owa. Anini hori horad'ule ch'ufa ira hojja jecha kanke gula deemu gammada. Anini gorsa kanke jaalad'e, barsiisa teetile qaabad'a. Anini aada tante maache, dubbi tante inded'u. Anini hojattu teeti, na nahi aka anini dubbi tante gula deeme, akasiini jiraad'u. Ila na bani aka anini waan mama ka Seera kanke keesa jira argu. Anini lafa tana gubbati keessumuma; seera kanke na ind'ossini. Garaani kiyya guddo d'arae, hojja ch'ufa gorsa kanke beekhu fed'a. Atini kiyyibaa gorsite, nama seera kanke iraa gore abaarta. Arabaafi tufii worraa dura na baasi, maro anini aada tante guuteefi. Ato jari lafa fidu wolti bahe waan hamtu nati malatele, anini barsiisa tante qaabad'a. Gorsi kanke na gammachiise kara naa qajeelcha. Anini biyye keesa ch'iisa, ya ufi jibbaad'e; kakhu tante gula na jireesi. Anini waan tahe ch'ufa siti himannaani atini na d'ageete; kara kanke na barsiisi. Na qarqaari, seera kanke na hubachiisi, duuba anini waan mama ka atini tolchite herega. Anini yayu aka male laalefad'e ufi jibbaad'e akuma atini nati kakhate na jabeesi. Kara hama gula deemu na d'owi, naasu tanteetiini seera kanke na barsiisi. Anini yayu aka sii saalfad'u kutad'e; anini yayu dubbi tante ira ufi kaye. Ee AABBO Waaqa, anini yayu aada tante gula deeme, na inch'eersini. Anini garaa tokooni seera kanke jabeese guuta, maro atini hubacha naa dartuufi. Ee AABBO Waaqa, dubbi seera keeti na barsiisi, duuba anini hojja ch'ufa inguuta. Waan seera keeti na hubachiisi, duuba anini gula deeme, garaa kiyya ch'ufaani jabeesa. Seera kanke na guuchisiisi; waan inni na gammachiisufi. D'araa anini woini horad'uniti, ta anini seera keetiini guutu naa kenni. Waan woma keesa injirre gula deemu na d'owi; akuma atini kakhate na jireesi. Kakhu atini nama si sodaatu ch'ufa kakhate, ana hojattu tanteetile kenni. Araba anini sodaad'u jalaa na baasi; aadaani tante akami dansa! Anini seera kanke guutu fed'a, d'ugaa tanteetiini jireenna haraa naa kenni. Ee AABBO Waaqa, jaalala tante ta ind'umanne na garsiisi, akuma atini nati kakhate na baasi. Duuba anini nama na miid'u dandae woi jed'aani, waan anini dubbi tante d'ugeefad'uufi. Hojja ch'ufa d'uga na dubbachiisi, waan anini hojja ch'ufa jecha kanke abdad'uufi. Anini Seera kanke haga jiru ch'ufa inguuta. Anini balchomaani deema, waan anini barsiisa tante guutu fed'uufi. Anini aka seera kanke hayyuleti himu inch'eerfad'u. Waan anini aada tante jaalad'uufi anini isi guutuu fed'a. Anini seera kanke sodaad'e jaalad'a; anini waan barsiisa teeti guddiseti herega. Dubbi atini ana hojattu tanteetiini jette qaabad'i. Isiini yayu abdi naa kennite. Gaargala keesale, wonti garaa na jabeesa, kakhu tante ta na jireesitu. Kiyyibaani hojja ch'ufa na miid'a ammo anini seera kanke iraa ingorre. Ee AABBO Waaqa, anini seera kanke ka duri inqaabad'a inni garaa na jabeesa. Anini hojja ch'ubbicha Seera kanke ch'absuu argu aka male dallana. Jireenna kiyya gabaaba lafa tana kana keesati, anini sirba baase Seera kanke faarsa. Ee AABBO Waaqa, anini halkani si qaabad'e, waan seera keeti herega Anini hojja seera kanke guutu ingammada. Ee AABBO Waaqa, anini si male woma infed'u; anini inkakhad'a aka dubbi tante guutu. Anini garaa tokooni si kad'ad'a, akuma atini nati kakhate naa nahi! Anini waan amala kiyya herege, duuba miila kiyya kara kanke gula qajeelche. Anini harifad'e seera kanke guuta. Ato ch'ubbichi t'urura keesa na buusele, anini seera kanke iwollaalu. Anini halkani guddo damaqe kae, maro qorsumaani tante waan d'ugaatifi si faarsa. Anini jaala nama si sodaatu, ka seera kanke guutu ch'ufa. Ee AABBO Waaqa, lafti yayu jaalala tante ta ind'umanneeni guutamte; aada tante na barsiisi. Ee AABBO Waaqa, atini yayu kakhu tante guute, hojattu tante waan dansa tolchite. Waan anini seera kanke d'ugeefad'uufi beekhaafi qalbi naa kenni. Gaafa atini qara na inqajeelchiini, anini wollaala tolche ammo ammatana anini dubbi tante inguuta. Atini akami dansa akami namaa naata! Aada tante na barsiisi. Nami kiyyibaani ya d'ara dubbate gurra na balleese ammo anini garaa kiyya ch'ufaani seera kanke guuta. Jari kunini hubacha womatu inqabu, ammo seeri kanke na gammachiisa. Gaargali atini na gaargalchite naa dansa seera kanke na barsiise. Seeri kanke ka atini na barsiifte qarsifi worqile ch'ufa ira woi naa baha. Atini ka na uumte, na qorqoratte; hubacha naa kenni, aka anini seera kanke barad'u. Waan anini kakhu tante abdad'uufi nami si sodaatu na arginaani gammada. Ee AABBO Waaqa, anini imbeekha, aka dubbini tante ch'ufti d'ugaa, ammalle aka atini d'uga gula gaargala nati ergite. Jaalalti tante ta ind'umanne ha na jabeesitu, akuma atini ana hojattu tanteeti kakhate. Waan anini Seera kanke jaalad'uufi, naa nahi na jireesi. Waan nami kiyyibaani d'araani na himateefi ha isa ch'eersaniiti; ammo anini waan atini na barsiiftu tahe herega. Nami si sodaatu ch'ufti ha nati d'ufuti — worri seera kanke hubatu ch'ufti. Seera kanke aka dansaa na guuchisiisi aka anini inch'eerfanne. Ee AABBO Waaqa, anini ya ufi jibbaad'e ato tae baafama kanke eegad'u; anini waan ch'ufa keesa dubbi tante abdad'a. Ato anini tae aka atini na qarqaartu eegu, ilti na gogodde; duuba anini waan sini jed'u, Atini yoomi d'ufte na qarqaarta? Anini gorjo daad'i ta huji inqamne ta gatani fakaad'a; ammo anini seera kanke indeene. Anini haga yoomi eegu male? Atini yoomi nama na gaargalchu gaargalchita? Jari kiyyibaani, ka seera kanke inguunne, yayu boola naa qote na qabuu fed'a. Seeri kanke ch'ufti ka d'ugeefatani; nami ya d'araani na balleese na qarqaari! Worri diquma na balleese na inijeesiini, ammo anini seera kanke illakimne. Maro jaalala tante ta ind'umanneetiifi lubbu na baasi, aka anini seera kanke guutu. Ee AABBO Waaqa, dubbini tante haga hegeri teeti; isiini haga jirtu ch'ufa gubbaa jirti. D'ugaani tante haga jirtu ind'umatu; atini lafa fulluma isiiti mid'aasite, isiini deebite inchochootu. Wonti ch'ufti maro dubbi teetitiifi ammalle maro sii hojattufi haga arrale jirti. Ato sila seeri kanke gammada kiyya tahu baate, anini ya gaargala kiyya keesati due. Anini barsiisa tante inded'u, wonti akanatiifi siti waan sunini na jireese. Anini kanketi na baasi! Anini aka seera kanke guutu ya iti game. Worri ch'ubbu gaadeti na ijeesuu fed'a, ammo anini jecha kanke hojja ch'ufa inqaabad'a. Anini yayu barad'e, aka wonti ch'ufti haga ufii qabdu, ammo seeri kanke haga inqabu. Ee Waaqa, anini seera kanke akami jaalad'a! Anini hojja ch'ufa tae waan isaa herega. Seeri kanke hojja ch'ufa na woliini jira, tanaafi anini nyaapa kiyya ch'ufa ira qalbi qaba. Anini nama na barsiise ch'ufa ira qalbi qaba, waan anini barsiisa tante guyya ch'ufa hereguufi. Waan anini seera kanke guutufi anini jaarole ira qalbi qaba. Anini waan hamtu ch'ufa ya ira ufi d'owe, aka akasiini dubbi tante guutu. Anini barsiisa tante ira ingorre, wonti akanatiifi nami na barsiisu si. Dubbini tante akami mioofti isiini damma irale nati mioofti! Anini qarooma seera kanke ira argad'e, tanaafi waan hamtu ch'ufa jibba. Dubbini tante ifse tiyya, isiini kara naa ifsite naani deemti. Anini aka seera kanke ka d'ugaa guutu kakhu tiyya jabeesa. Ee AABBO Waaqa, gaargali kiyya gudda, akuma atini nati kakhate duu na d'owi, na jireesi. Waan galata ka anini sii kennu nara fud'ad'i, ee AABBO Waaqa seera kankele na barsiisi. Anini lubbu tiyya ya jibbaad'e, ammo taatule seera kanke indeene. Worri ch'ubbu ya t'urura naa kaye ammo anini seera kanke iraa ingorre. Anini aada tante haga jiru jireenna injabeesa, isiini waan garaa kiyya gammachiisaati. Anini ya kutad'e, aka seera kanke haga jiru ch'ufa guutu. Anini nama garaa lama guddo jibba, ammo Seera kanke injaalad'a. Atini wonte tiyya ammalle fulla anini iti baqad'u; anini dubbi tante abdad'a. Isani worri ch'ubbuu, na biraa fagaad'a; anini seera Waaqa kiyya guuta. Akuma atini nati kakhate na jabeesi, aka anini jiraad'u; waan anini abdad'u na d'owarte na inch'eersini. Jabeesi na qabi gaargala keesa na baasi, duuba anini aada tante hojja ch'ufa jabeese guuta. Atini nama seera kanke guutuu didu indida; mali worraa ka sobaa woma keesa injiru. Atini nama ch'ubbuu ch'ufa akuma huura lafati jissita, tanaafi anini waan atini na barsiiftu jaalad'a. Maro teetifi anini sodaad'e, maro seera keetile mudama. Anini waan d'ugaa qajeeltu yayu tolche; harka nyaapa kiyyati na illakisiini! Aka, ana, hojattu tante, qarqaartu kakhad'i; nama kiyyibaa na dabsu d'owi! Ilti tiyya ya baafama kanke eegaa d'at'e ufi jibbaatte, qarqaarsa atini naa kakhate. Jaalala tante ta ind'umanneeni na jaalad'i, seera kanke na barsiisi. Anini hojattu teeti hubacha naa kenni, dubbi te na barsiisi. Ee AABBO Waaqa, biyyiti Seera kanke ch'absuu jirti, hojaani atini worra woi tolchitu ya geete. Anini seera kanke worqi worqi ch'ufa ira dansale ira jaalad'a. Tanaafi anini barsiisa tante ch'ufa gula deeme kara hama ch'ufa jibba. Barsiisaani tante guddo dansa; tanaafi anini garaa tokooni guuta. Barsiisaani tante hojja namaa diigaani ifsa namaa taate, daallele woi hubbachifti. Anini seera kanketi d'arae hafuuri na ch'iita. Nati garagali, naa bahi, akuma atini nama si jaalatu ch'ufaa naatu. Akuma atini kakhate jiguu na d'owi, hameenni na indabsatini. Harka nama na dabsu keesaa na baasi, aka anini seera kanke guutu. Nati mullad'i seera kanke na barsiisi. Maro nami seera kanke guutuu dideefi, imimaani kiyya aka galaana yaani. Ee AABBO Waaqa, atini ka d'ugaati, seeri keetileeni qajeela. Aadaani atini namaa kennite wollaala womatu inqabdu, isiini ta d'ugaati. Waan nyaapi kiyya dubbi tante guutu diduufi anini dallane aka ibida bobae. Kakhuuni tante inhanqatu! Anini akami isi jaalad'a. Anini woma keesa injiru, namileeni na tufata, ammo anini barsiisa tante inded'u. D'ugaani tante haga hegeri teeti, Seeri kankeleeni ka d'ugaati. Gaargalaafi laalalti ya na qabate, ammo seeri kanke na gammachiisa. Barsiisaani tante hojja ch'ufa ta d'ugaati; hubacha naa kenni, na jireesi. Ee AABBO Waaqa, anini garaa tokooni si yaamad'e; na jalaa owaad'i duuba anini aada tante guuta! Anini siti boha, na baasi, aka anini seera kanke guutu. Anini ganama lafaa kae qarqaarsa si kad'ad'a, wonti anini abdad'u dubbi teeti. Anini halkani ch'ufa hiiriba d'abe, ufuma ch'iise, kakhu tante herega. Ee AABBO Waaqa, maro jaalalti tante ta ind'umanneefi na ch'aqasi naa nahi, lubbu na baasi! Worri hamamani na gaargalchu, ka Seera kanke inguunne, ya nati d'iaate. Ammo ee AABBO Waaqa, atini nara fago injirtu seeri kanke ch'ufti waan d'umatatiiniti. Aada tante, ta atini haga jiru jireenna jabeesite badu d'owarte, anini duri barad'e. Gaargala kiyya laali, na baasi anini Seera kanke illakisu. Naa dubbad'i harka nyaapa kiyya keesaa ga nalakisi; akuma atini nati kakhate ga nalakisi. Ch'ubbichi seera kanke inguutu tanaafi baafama inargatu. Ammo ee AABBO Waaqa, naasuuni tante guddo; d'uga tante gula na jireesi. Nama na dabsuufi nyaapi kiyya heddu, ammo anini dubbi tante diqole iraa ingoru. Anini hojja nama si insaalfanne laalu, guddo laalefad'e worra jibba, wonti akanatiifi worri dubbi tante inguutu. Ee AABBO Waaqa aka anini barsiisa tante jaalad'u laali! Jaalalti tante injijiramtu, na baasi. Dubbini tante ch'ufti ta d'ugaati seeri kanke qajeelani ch'ufti haga jiru jireenna taa. Jari lafa fidu fayyuma tana na had'a. Ammo anini dubbi tante insodaad'a. Anini maro dubbi teetifi gammada gudda qaba aka nama beese guddo lafaa argate. Anini dubbi d'ara aka male jibba, ammo seera kanke injaalad'a. Guyya ch'ufa maro torba anini maro seera kanke ka d'ugaatifi galata sii deebisa. Nami Seera kanke jaalatu nagaya gudda qaba, wonti worra gufachiisa injirtu. Ee AABBO Waaqa, anini dubbi tante gula deeme, baafama kanke eegad'a. Anini barsiisa tante gula deeme garaa kiyya ch'ufaani jaalad'a. Anini seerafi aada tante ch'ufa guuta; atinileeni waan anini tahu ch'ufa inargata. Ee AABBO Waaqa, booti tiyya ha si geetu! Akuma atini nati kakhate hubacha naa kenni. Kad'acha tiyya naa d'agayi, akuma atini nati kakhate na baasi! Anini afaani kiyyaani aada tante faarsa, maro seeri kanke ch'ufti d'uga taheefi. Anini hojja ch'ufa si faarsa, waan atini seera kanke na barsiiftufi. Hojja ch'ufa aka na qarqaartu kurfo tai, waan anini aada tante gula deemufi. Ee AABBO Waaqa, anini baafama keeti guddo d'araa! Seeri kanke na gammachiisa. Na jireesi, aka anini si faarsu; barsiisaani tante ha na qarqaartu! Anini yayu aka hooliye bade kara iraa gore; anini seera kanke indeene, kooti, ana, hojattu tante, barbaadi. Gaafa anini gaargala keesa jiru anini AABBO Waaqa yaamannaani inni na jalaa owaate. Ee AABBO Waaqa, kiyyibafi d'articha jalaa na baasi. Isani kiyyibdole, Waaqi maani isani tolcha? Inni maanini isani gaargalcha? T'iya askarti ta qara qabdufi ch'ile ibidaa diimtuni isani gaargalcha! Teesumti anini isani keesa tau, akuma nama Meshekifi worra Kedari keesa tau, hamtu. Anini nama nagaya jibbu ganna heddu woliini tae! Yo anini waan nagaya dubbad'u, worri woraana fed'a. Anini hojja ch'ufa tae gaareeni ilaala. Qarqaarsi kiyya eesa gad'ufa? Qarqaarsi kiyya AABBO Waaqa ka lafafi gubba uume, iraa gad'ufa. Inni irafu, guyya ch'ufa si qorqorate jigu si d'owa. Ee, qarqaarsi Israeli imugu, yokhaani haga jirule irafu. AABBO Waaqi si eega, inni hojja ch'ufa d'aatu tante tae si qorqorata. Aduuni guyyaa woma si intolchitu, jii halkanileeni woma si intolchu. AABBO Waaqi gaargala ch'ufa keesaa si baase lubbu tante qorqorata. Inni yo atini deemtufi yo atini galtule, arrafi haga hegerile, si qorqorata. Anini worri, Beeni, Mana AABBO Waaqa nu yaasi nani jennaani guddo gammade. Amma nu arma jira fullo Yerusalemu keesa ejaanjina! Yerusalemuni dira qara bade, ka amma mid'aaguma isaa ta qara tanti deebisani jaarani fakaata. Fullaani gochiti Israeli d'ufte, jecha AABBO Waaqa gula, galata isaa deebiftu tana. Hayyooti Israeli fulla suni tetete dubbi gumi ufi qorte. Yerusalemuu nagaya kad'ad'a waan jettani: Nami si jaalatu ha woi horatu. Naaboni tante nagaya taate maneeni tanteeleni ha bulti horatu jed'a. Maro fiit'afi jaalani tiyyatifi anini waan Yerusalemuni jed'u, Nagaya ha si keesati arganiti. Maro Mana AABBO Waaqa keennatifi anini hormaata si kad'ad'a. Ee AABBO Waaqa, anini gara kanke millad'e, gubba garaa atini teete nama fiddu ilaala. Akuma hojattuuni abba ufi woi ira eegatu, yokhaani intalti huji nama hojattuleeni niiti hojattufi ira woi eegatu, akasuma nuleeni sira woi eeganna, ee AABBO Waaqa keenna, haga atini nu naatuti. Nuu nahi, ee AABBO Waaqa, nuu nahi; ya aka male nu tufatani. Dureesi guyya heddu nu goyeese, kiyyibaleeni bara heddu nu tufate. Ee Israeli, ato sila AABBO Waaqi gama keenna jiraachu baate, nu mal taana? Ato sila AABBO Waaqi gama keenna jiraachu baate, gaafa nyaapi keenna nu had'e. Worri ato nu jirru dallansu ufi hamtu keesa nu liqimse, fach'aai bisaani sila nu fud'ate, bisaani nura deebiani, nu liqimsani. Koota, AABBO Waaqa, ka nyaapa keenna jalaa nu baase, galata deebimna. Nu aka simpirre t'urura qabanini keesaa baqate jira, haadi t'urura suni la ch'ite, nu la keesaa baane! Qarqaarsi keenna AABBO Waaqa, ka lafafi gubba uume iraa d'ufa. Nami AABBO Waaqa abdatu gaara Sioni fakaata, ka nami dandae chochoose imbuqimne. Akuma gaareeni Yerusalemu marsitu akasuma AABBO Waaqi gumi ufi ammaafi hegerile marse qorqorata. Ch'ubbichi hojja ch'ufa lafa worra d'ugaa imohatu; yo sila worri akasi tahe, nama d'ugaleeni waan hamtu fa tolcha. Ee AABBO Waaqa nama dansa, ka seera kanke guutuu, waan dansa tolchi. Ammo hojja atini worra ch'ubbu gaargalchitu, nama kara kanke lakisule gaargalchi. Worri Israeli ha nagayaani tau! Gaafa AABBO Waaqi Yerusalemuti nu deebise wonti sunini oobju nuti fakaate! Nu akami kofalle gammanne sirbine! Duuba gochiti d'ibiini waan keenna dubbate waan jette, AABBO Waaqi waan jabdu worraa tolche. D'uguma inni waan jabdu nu tolche; nu aka male gammanne! Ee AABBO Waaqa, akuma bokeeni, laga yaasu, akasuma lafa teennati nu deebisi. Worri gaafa mid'aani fach'aafatu bohe ha gaafa muratu gammaduti. Nami gaafa mid'aani sanyi fach'aase boha deeme, gaafa mid'aani suni murate galfatu gammadeti sirba! Hojja AABBO Waaqi mana injaarini ijaartu woma imbaatu. Hojja AABBO Waaqi dira ineegini hujiini nama eegu woma imbaatu. Aki nami huji sagale ira argatu jed'e ganama lafaa kae ammalle halkanile ture rafu woma imbahufi. Wonti akanatiifi AABBO Waaqi nama jaalatu, ato inni rafu liqimsa kennaafi. Ijoolleeni waan AABBO Waaqi namaa kennu; isiini eeba d'ugaa ta isa iraa argatani. Ilmaani nami kaimoma keesa d'alu t'iya askartini harka qabdu fakaati. Ayyaana isaati, ka katela isa t'iyyiti guute. Hojja inni nyaapa isaatini fulla gaadisa korati wolwoldaani isa indabsatani. Ayyaana isaati, ka AABBO Waaqa sodaate kara isaa gula deemu. Hujiini tante waan atini feetu si kenniti, duuba atini woi horate gammada. Niitiini tante aka mukha zabibu ka mid'aani guddo baasu jirti mana kanke keesati; ammalle ilmaani tante ta d'iira mukha ejersa, ka d'aatu mesa keeti jiru, fakaati. Nama AABBO Waaqa sodaatu akasuma eebisani. AABBO Waaqi ha Sioni keesaa si eebisu! Waaqi hormaata Yerusalemu haga atini jirtu ch'ufa si agarsiisina! Waaqi akhakhowani tante ch'ufa si agarsiisina! Worri Israeli ha nagaya keesa tauti. Ee Israeli, aka nyaapa kanke haga gaafa kaimoma keetiti si gaargalche nuti himi. Haguma gaafa kaimoma kiyyati asi nyaapi kiyya ya aka male na gaargalche, ammo taka na indabsanne. Worri dudda kiyya mamadeese, lafa sangaani qote fakeese. Ammo AABBO Waaqi ka d'ugaati, inni ya tissooma keesaa na baase na balchoomse. Nama Sioni jibbu ch'ufa ha dabsatani dudda duubati deebisani! Worri ch'ufti ha buuyo mana gubbati baatu, ta ato inguddanne gogoddu, fakaatuti, nami tokoleeni isi haame wolti guure baate indeemini. Nami Waaqi si eebisinna, nu maqa AABBO Waaqatifi si eebimna jed'u injiru. Ee AABBO Waaqa, anini ka ufi jibbaad'e gaargala hama keesa jiru, si yaamad'a. Ee Aabbo Waaqa kad'acha tiyya na d'agayi, qarqaarsa anini si kad'ad'u ch'aqasi! Yo atini ch'ubbu teenna t'aafate olkeete, eenuti dandae qorsuma tante jalaa baha? Ammo atini nuu araaramta tanaafi si sodaanna. Anini qarqaarsa AABBO Waaqa guddo eegad'e dubbi isaa abdad'a. Anini nama halkani lafa eegu, ka bari lafa eegu ira, AABBO Waaqa abdad'a. Ee Israeli AABBO Waaqa abdad'i, jaalalti isaa ind'umatu, inni hojja ch'ufa kurfo jira, aka si baasu. Inni gumi isaa ta Israeli ch'ubbu keesaa Ee AABBO Waaqa, anini ufi saadu ya lakise deebie ufi inkoorsu. Anini waan jabdu waan inhubanne keesa imbuu. Ammo anini finna kiyya ya quufe, nagayumani taa. Akuma daimi harka haad'a keesati ch'allise ufumaa tau, akasuma garaani kiyya na keesati ch'allise taa. Ee Israeli ammaafi hegerile AABBO Waaqa abdad'i! Ee AABBO Waaqa, Daudifi gaargala inni argate ch'ufa qaabad'i. Ee AABBO Waaqa, kakhu inni sii, Waaqa gudda Yakobooti kakhate inded'ini. Anini manati gale sire inkoru, yokhaani gach'iise irafu, haga anini AABBO Waaqa, Waaqa gudda Yakobo, fulla inni iti galu jaaruti. Bethlehemu keesati nu waan Sanduqa Wold'aqisa d'ageenne, oobru Yearimu keesati agarre. Nu waan jenne, koota, Mana AABBO Waaqa d'anne, barch'uma isaa durati isa kad'anna. Ee Waaqa, Sanduqa Wold'aqisa ka jabeenna kanke garsiisu woliini mana kanke kooti, haga jiru jireenna arma tai. Qaaloleeni tante ha hojja ch'ufa waan dansa tolchituti; gumiini tanteeleni ha gammade qilit'amtuti! Atini duru hojattu tante Dauditi kakhate, ee AABBO Waaqa, hayyu atini muudde fohate indidiini. Atini kakhu jabdu takaa tanale inch'absine Dauditi kakhate waan jetteeni, Anini ilma kanke, nama toko hayyu tolcha, inni fulla tante hayyu taha. Hojja ilmaani tante wold'aqisa kiyya guute seera anini worra kennele jabeesite, ilmaani isaanileeni haga jiru jireenna fulla tante hayyu taati jette. AABBO Waaqi ya Sioni fohate; inni fulla iti galu tolfachu fed'a: inni waan jed'u. Tunini fulla anini haga jiru jireenna iti gale, keesati nama fidu. Anini Sioni waan isiini feetu ch'ufa inkennaafi; hiyyeesa isiile ch'ufa sagale quubsa. Anini qaalole isiile ch'ufa waan worri tolchu ch'ufa keesati eebise, nami isiileeni sirbe gammada. Dira kana keesati nama d'aloota Daudi toko hayyu gudda tolcha. Artiti finna hayyu anini fohad'e muude jabeesa. Anini nyaapa isaa aka male ch'eersa, ammo hayyumti isaa guddateti jabaati. Aki gumiini Waaqaa nagayaani woliini teetu akami dansa! Wonti sunini d'ad'a gati gudda qabu, ka Harunini muudani, ka matafi areeda isaa iraa yae morma ubaara isaati jigu fakaati. Ammalle fit'eesa gaara Hermoni, ka kubile Sioni jiisu, fakaata. Arti irati AABBO Waaqi eeba jireenna ind'umanne namaa kenna. Koota, hojattuuni isaa ch'ufti ta halkani mana isa keesa hojattu, AABBO Waaqa faarsa. Mana isaa keesati harka olfud'ad'a, AABBO Waaqa kad'ad'a isa faarsa! AABBO Waaqi, ka lafafi gubba uume Sioni keesaa isani eebisinna. AABBO Waaqa faarsa! Hojattu AABBO Waaqa ta Mana AABBO Waaqa keenna keesa hojattu, maqa isa faarsa. AABBO Waaqi dansa, isa faarsa, inni naasu qabaa tanaafi maqa isaa faarsa. Inni Yakobo fohate gumi Israeli ta ufi tolfate. Anini imbeekha, AABBO Waaqi keenna gudda, inni Waaqa d'ibi ch'ufa ira jira. Inni gubbafi lafafi baariinifi d'immu bisaani keesaleti waan fed'u tolche. Inni dumansa muumme lafati fuud'e bokaya keesa angae bubbeele fulla iti olkaye keesaa gadi baasa. Lafa Misiri keesati inni ilmaani angafa ta namaatiifi ta horile ch'ufa fit'e. Achiti inni akheekhafi waan mama jabdu tolche, akasiini hayyufi hojattu isaa ch'ufa gaargalche. Inni gosa heddu balleese, hayyoota jajabdule fit'e: Sioni, hayyu Amonitifi, Ogu hayyu Bashanitifi hayyoota Kanaani ch'ufale. Inni lafa isaani gumi isa ta Israeliti kenne. Ee AABBO Waaqa, maqaani kanke haga jiru jireenna imbadu, d'alooti ch'ufti gurra kanke inqaabata. AABBO Waaqi gumi ufiti kalche hojattu isaale naha. Waaqooti gochiti d'ibiini kad'atu waan qarsifi worqiini mid'aasani, ka nami harki ufiitini tume. Waaqooti suni afaani qabdi, ammo indubbattu, ila qabdi, ammo woma ingartu. Isiini gurra qabdi, ammo woma ind'ageetu, yokhaani hafuurale inqabdu. Nami worra mid'aase abdatu ch'ufti ha akuma waaqoota suni tahuti! Ee gumi Israeli, AABBO Waaqa faarsa, ee qaalole d'aloota Haruni, AABBO Waaqa faarsa! Ee worra gosa Lawi, AABBO Waaqa faarsa, isani ch'ufti ka AABBO Waaqa sodaatani isa faarsa! Sioni keesa AABBO Waaqa faarsa, worra isaa ka Yerusalemuleti isa faarsa! AABBO Waaqa faarsa! AABBO Waaqi dansa, galata deebisaafi; jaalalti isaa haga jirtu ind'umatu. Waaqa, waaqoota ch'ufa ira jiru, galata deebisa; jaalalti isaa haga jirtu ind'umatu. AABBO Waaqa ka nama ch'ufa ira jiru, galata deebisa; jaalalti isaa haga jirtu ind'umatu. Isuma ch'allati waan mama jabdu tolcha; jaalalti isaa haga jirtu ind'umatu. Qarooma isaatini inni gubba uume; jaalalti isaa haga jirtu ind'umatu. Inni bisaani qile gubbati lafa jaare; jaalalti isaa haga jirtu ind'umatu. Inni aduufi jia uume, jaalalti isaa haga jirtu ind'umatu; adu ta gayu mohatu, jaalalti isaa haga jirtu ind'umatu. Jiaafi urji ta halkani mohatu; jaalalti isaa haga jirtu ind'umatu. Inni ilmaani angafa ta worra Misiri fit'e; jaalalti isaa haga jirtu ind'umatu. Inni gumi Israeli lafa Misiri keesaa baase; jaalalti isaa haga jirtu ind'umatu. Irree isaa jabdufi harka isaa jabaani; jaalalti isaa haga jirtu ind'umatu. Inni galaana Diima gargari kute; jaalalti isaa haga jirtu ind'umatu. Gumi ufi ta Israeli jiddu taakisiise; jaalalti isaa haga jirtu ind'umatu. Ammo hayyu Misiritiifi duula isaa bisaani sunini balleese; jaalalti isaa haga jirtu ind'umatu. Inni gumi ufi lafa aloo ta gamooji keesa godaansise; jaalalti isaa haga jirtu ind'umatu. Inni hayyoota jajabdu fit'e; jaalalti isaa haga jirtu ind'umatu; hayyoota gurra qabdule; jaalalti isaa haga jirtu ind'umatu; Sioni hayyu Amori, jaalalti isaa haga jirtu ind'umatu; Ogu hayyu Bashanile; jaalalti isaa haga jirtu ind'umatu. Inni lafa worraa gumi ufiti kenne; jaalalti isaa haga jirtu ind'umatu. Inni lafa suni hojattu isaa Israeli kenne; jaalalti isaa haga jirtu ind'umatu. Gaafa nu dabsatanile inni nu qaabate; jaalalti isaa haga jirtu ind'umatu; inni harka nyaapa keenna jalaa nu baase; jaalalti isaa haga jirtu ind'umatu. Inni waan lubbu qaba ch'ufa sagale kennaafi; jaalalti isaa haga jirtu ind'umatu. Waaqa gubbati galata deebisa; jaalalti isaa haga jirtu ind'umatu. Nu galaana Babiloni d'aatu teteenne Sioni qaabanne boonne. Aaddele d'aatu suni ejaanjitu Kiraari teenna iti fafannifanne. Worri nu boojie kaani, sirba, nu gammachiisa, sirba Sioni sirba nuni jed'e. Nu akami dandeenne sirba AABBO Waaqa lafa nyaapa keesati sirbina? Ee Yerusalemu hojja anini si ded'e, harki kiyya mirgichi ha rifate na kokotau! Hojja anini si qaabad'e, aka atini waan ch'ufa ira na gammachiiftu heregu baad'e, Waaqi afaani kiyya ch'ufe sirba na d'owina! Ee AABBO Waaqa, gaafa Yerusalemu qabani, waan worri Edomu tolche qaabad'i. Aka worri, Dira suni ch'ach'absa balleesa jed'e qaabad'i! Ee Babiloni atini imbadda. Ayyaana isaati, ka waan atini nu tolchite si tolchu. Ka daima kanke fuud'e d'akha irati ch'ach'arasu. Ee AABBO Waaqa, anini garaa kiyya ch'ufaani galata si deebisa; waaqoota d'ibi ch'ufa durati si faarsa. Anini fuula kiyya mana kanke qulqullooti deefad'e gajed'e maqa kanke faarsa maro jaalala tante ta ind'umanneetiifi d'uga teeti, ammalle waan atini aka maqa keetifi dubbini tante waan ch'ufa ira jirtu nama garsiifteefi. Anini si yaamannaani na jalaa owaate, irre tanteetiini na jabeesite. Hayyooti lafa ch'ufa keesa jirtu, ee AABBO Waaqa, maro kakhu tante d'ageetefi, si faarsiti. Worri maro waan atini tolchiteefi guddinna keetitifi si faarsa. Ato atini gubba olfago jiraatele atini hiyyeesa qorqorate, kiyyibaleeni dandae si dura ind'okhatu. Gaafa gaargali moga ch'ufaa na qabate, atini lubbu na baafta; atini nyaapa kiyya, ka nati dallanuni morkite harka kanke jabaani na baafte. Atini waan nati kakhate ch'ufa inguuta; ee AABBO Waaqa, jaalalti tante haga jirtu ind'umatu. Huji atini iti keeyate illakisiini, hobaasi. Ee AABBO Waaqa, atini na ilaalte waan kiyya ch'ufa beeta. Waan anini tolchu ch'ufa atini imbeeta; ato fago jiraatele atini herega kiyya ch'ufa imbeeta. Yo anini woi hojad'ufi yo anini ufumaa taule ch'ufa atini inuma agarta; waan anini tahu ch'ufa atini imbeeta. Ato anini woma indubbanne, atini waan anini dubbachu fed'u ch'ufa beeta. Atini moga ch'ufaa na marsite, jabeenna keetiini na qorqorata. Atini aka male waan kiyya beeta; waan suni anini dandae inhubad'u. Anini eesati dandae si duraa baqad'a? Anini eesati dandae si dura baha? Yo anini gubbaa kore atini achuma jirta, yo anini boola ekherati gabue achi ch'iisele, atini achuma jirta. Yo anini barise ilaborule gama suni dabre, yokhaani ila aduu lafa ind'iaanneleti gale artileeti atini naani deemte harka keetiini na jabeesita. Yo anini dukanaani, Na d'ossi jed'e, yokhaani ifsa na marsuni, Halkani tahi jed'ele, dukanti sii dukananiti, halkanileeni sii guyyuma. Dukanafi ifsaani sii akuma takaa jirti. Nafa kiyya ch'ufa siumati uume, siumati garaa haad'a tiyya mid'aase keesa na kaye. Waan si sodaatanifi anini si faarsa; wonti atini taatu ch'ufti waan mama ka nami waan isii imbeenne; waan kana ch'ufa anini aka dansaa beekha. Gaafa lafe tiyya mid'aasani, ka garaa haad'a tiyya keesati wolti d'ad'aabani ka anini achi keesati d'ossaani guddad'e, atini aka anini achi jiru imbeeta. Ato anini ind'alatini na garte. Guyyaani naa heregani ch'ufti qara kitaaba kanke keesati t'aafani, ato guyyaani sunini tokoleeni ingahiinu. Ee Waaqa, herega kanke beekhitini akami nati jabaati; inni akami heddu! Yo sila anini hede, inni maansale ira jira. Yo anini hiribaa kau, anini siuma woliini jira. Ee Waaqa, ato tiyya, atini sila ch'ubbicha fitt'a! Ato tiyya nami na ijeesu fed'u ch'ufti na lakise na biraa yaa! Worri hameenna kanke dubbate maqa kankele yaka. Ee AABBO Waaqa, anini nama si jibbu akami jibba! Nama si didule akami tufad'a! Anini aka male worra jibbe aka nyaapa worra herega. Ee Waaqa, na ilaali garaa kiyya beekhi, na laali, heregi kiyya hubad'i. Aka hameenni tokoleeni na keesa jiru laali, kara jiru jireenna gula na qajeelchi. Ee AABBO Waaqa, worra ch'ubbu ka nama ijeesu, naraa d'owi, duraa na baasi. Worri hojja ch'ufa hameenna malate nama wolti naqa. Arabi worraa aka bofa hama nama ijeesu jira; dubbini worra aka had'aa buuti jirti. Ee AABBO Waaqa, harka worra ch'ubbu jalaa na baasi. Worra nama ijeesu, ka na balleesu fed'u, naraa d'owi. Nami kiyyibaani ya t'urura kara keesa na kaye; t'urura ufiitini na qabu fed'e. Anini waan AABBO Waaqaani jed'u, Atini Waaqa kiyya; ee AABBO Waaqa, kad'acha tiyya na d'agayi! Ee AABBO Waaqa kiyya, qarqaarsa kiyya jaba, guyya had'iisa atini yayu na qorqorate na baafte. Ee AABBO Waaqa, waan ch'ubbichi fed'u inkenninifi; mala worri d'aatule balleesi. Nyaapa kiyya na dabsachu d'owi; soda worri na sodaachisu worrumati deebisi. Ch'ileeni ibidaa diimtuni ha worrati jidduti; worri ha boola keesa buusani keesaa bau dad'abuti. Nami d'araani nama himatu ha lafa keesaa baduti; hameenni ha worra nama ijeesu d'aqabe balleesuti. AABBO Waaqa, anini imbeekha, aka atini hiyyeesafi, nama woma inqamnelee dubbatu. Nami d'uga si faarse, nami qajeelani si durati jiraata. Ee AABBO Waaqa, anini si yaamad'a, hurrisi na qarqaari! Hojja anini si yaamad'u na jalaa owaad'i. Kad'acha tiyya akuma hit'aana si aarsani fud'ad'i, harka anini si dura qabule aka sorio galgala fud'ad'i. Ee AABBO Waaqa, afaani kiyya eegi, eeddo balbala hid'i tiyya tahi. Waan hamtu tolchu na d'owi, worra ch'ubbule iraa na fageesi. Haga anini jiru jila worrale keesaa sagale soorachu na d'owi. Nami dansaani dandae d'aane jaalalaani na gorsa, ammo Waaqi harka ch'ubbicha na muudu d'owina; wonti akanatiifi anini hojja ch'ufa aka hujiini worraa hamaattu Waaqa kad'ad'a. Hojja hayyoota worraa bale ira gadi d'abbani, biyyiti aka dubbini tiyya d'ugaa beeti. Akuma mukha falaansani didiqeesani ch'irani, akasuma lafele isaani d'aatu irreesati firfirsani. Ammo ee AABBO Waaqa kiyya, anini siuma d'ugeefad'a. Anini qarqaarsa siraa barbaada, duu na d'owi. T'urura worri naa kaye keesa seenu na d'owi t'urura worra ch'ubbu suni duraa na baasi. Ch'ubbichi ha t'urura ufi keesa seenuti. Ammo Waaqi duraa na baasinna. Anini AABBO Waaqati bohe Na nahi jed'aani. Anini gungumsu tiyya ch'ufa isatini d'ufe; gaargala kiyya ch'ufa isati himad'a. Hojja anini ufi jibbaad'u, isumati waan anini tahu male beekha. Nyaapi kiyya yayu kara anini gula deemu keesati t'urura naa kaye. Hojja anini ufi bira millad'u, nama na qarqaare na qorqoratu inargu. Nami tokoleeni waan kiyya iyyaalu. Ee AABBO Waaqa, anini siti boha, atini fulla anini iti baqad'u; wonti anini lafa tana irati fed'uleeni siuma. Anini ya ufi jibbaad'e aka anini qarqaarsa siti bohu d'agayi, nyaapi kiyya guddo jaba, dabsachu indandau, duraa na baasi. D'ipu tiyya keesa na baasi; duuba maro dansuma atini na garsiifteefi anini gumi tante durati si faarsa. Ee AABBO Waaqa, kad'acha tiyya naa d'agayi! D'uga tanteetiini na jalaa owaad'i qajeeluma tante gula na ch'aqasi! Ana hojattu tante qorsumati ingeesini; wonti akanatiifi nami tokoleeni ka si durati ch'ubbu inqamne injiru. Nyaapi kiyya na reebe, aka male na dabsate, mana dukana keesati na hid'e, worra duri dueni wolti na galche. Tanaafi anini amma ya ufi jibbaad'e lubbuuni na d'ufte. Anini guyya dabre qaabad'a, waan atini ch'ufa tolchite herege, huji tante ch'ufa qaabad'a. Lubbuuni tiyya aka lafa gogodde sii d'eeboti, tanaafi harka si dura qabad'e si kad'ad'a. Ee AABBO Waaqa, anini ya ufi jibbaad'e hurrisi na ch'aqasi. Na duraa ind'okhatiini, nama due boola ekherati deemu tahu na d'owi. Diirama ch'ufa jaalala tante ta ind'umanne na qaabsisi wonti akanatiifi abdiini tiyya siuma. Anini si kad'ad'a kara anini deemu na garsiisi. Ee AABBO Waaqa, anini siti d'eed'a, nyaapa kiyya duraa na baasi. Atini Waaqa kiyya, fed'i tante na barsiisi. Dansuma tanteetiini kara qajeela naa akheekhi. Ee AABBO Waaqa, akuma atini nati kakhate na baasi, dansuma tanteetiini gaargala kiyya keesaa na baasi! Maro atini na jaalateefi nyaapa kiyya hobaasi, nama na dabsu ch'ufa balleesi wonti akanatiifi anini hojattu tanteeti. AABBO Waaqa, siida anini iti d'eed'u, ha faarsani! Inni waan woraana na barsiise had'iisa na kurfeesa. Inni siida kiyya, ka anini iti baqad'u, nami na d'osse na baase wonte naa tahe isuma. Inni gosa d'ibi harka kiyyati kenne na jalati bulcha. Ee AABBO Waaqa, nami maani, ka atini waan isaa yaaltu? Inni maani keesa jira, ka atini waan isaa hereddu? Inni akuma qileesa jira, guyyaani isaleeni akuma gaandidu dabra. Ee AABBO Waaqa, gubba gargari tarsaasi, gadi bui; gaareeni tuqi, aara keesaa yaasi. Angaasu gadi ergi, nyaapa kanke gargari firfirsi; t'iya tante darbad'i, worra baqachisi. Harka kanke gubba ga d'eerefad'i, bisaani qile keesaa na hirkisi, na baasi, harka nyaapa, hojja ch'ufa d'ara dubbate, hojja kakhachiisanile kiyyiba dubbatu jalaa na baasi. Ee Waaqa anini sirba haareesa sii sirbe kiraari d'ae si faarsa. Atini hayyoota dabsachifte hojattu tante Daudi baafta. Woraana hama duraa na baasi; harka nyaapa hojja ch'ufa d'ara dubbatu, ka hojja kakhachiisanile kiyyiba dubbatu, jalaa na baasi. Ilmaani teenna ta d'iira ha kaimoma ufi keesa mukha bahe jabaatu taatu. Ilmaani teenna ta dubraleeni ha utuba mana hayyu jala d'ad'aabani taatu. Kod'ooni teenna ha mid'aani gosa ch'ufatini guutamtu. Hooliyeeni teennaleeni ha horte lafa ira dabartu. Looni keennaleeni ka insaleesine yokhaani ka keesaa indoone ha horani lafa ira dabrani. Gaargala bohaa ha kara dira keenna keesa d'abaniti. Ayyaana gosa eeba akana tana qabduuti; ayyaana gumi AABBO Waaqa, Waaqa tolfatuti! Ee Waaqa, hayyu kiyya, anini guddinna kanke faarse haga jiru jireenna galata si deebisa. Anini guyya ch'ufa galata si deebise haga jiru jireenna si faarsa. AABBO Waaqi gudda, isa guddo faarsuu malani; guddinna isaa dandaani inhubatani. Waan atini tolchite ch'ufa d'aloota kanafi d'aloota d'ibile ch'ufa keesati faarsani; huji tante jabdu inodeesani. Waan guddinna kanketitifi ka hayyuma teetile dubbatani; aninileeni huji tante ta mama waan isii herega. Biyyiti waan huji tante jabdu dubbate anileeni guddinna kanke odeesa. Worri dansuma tante dubbate d'uga tante faarsa. AABBO Waaqi naasufi jaalala qaba; inni hurre indallanu, jaalalti isaaleeni ind'umatu. Inni nama ch'ufaa dansa, waan inni uume ch'ufa innaha. Ee AABBO Waaqa wonti atini uumte ch'ufti si faarsite, gumiini tante qulqullooni ch'ufti galata si deebifti. Worri guddinna finna keeti dubbate jabeenna keetile odeesa, aka nami ch'ufti huji tante jabdufi guddinna finna keeti beekhu. Finni kanke ka haga hegeriti, hayyumti tante haga jiru jireenna teeti. AABBO Waaqi kakhu ufi inguuta, wonti inni tolchu ch'ufti dansa. Inni nama gaargala keesa jiru qarqaare, nama jigele kaasa. Wonti lubbu qaba ch'ufti si laalti, ammalle yo worri sagale fed'u atini inkennitafi. Atini sagale guddo kenniteefi akasiini worra quubsita. AABBO Waaqi waan tolchu ch'ufa d'ugaani tolcha; waan tahu ch'ufa keesa naasu qaba. Inni nama d'ugaafi garaa tokooni isa yaamatuti d'iaata. Inni nama isa sodaatu, waan inni fed'u kennafi; inni boha worraa d'agaye worra baasa. Inni nama isa jaalatu ch'ufa imbaasa, ammo ch'ubbicha imballeesa. Anini hojja ch'ufa AABBO Waaqa faarsa; wonti inni uume ch'ufti ha maqa isaa qulqullo haga jiru jireenna faarsitu. AABBO Waaqa faarsa! Ee lubbu tiyya, AABBO Waaqa faarsi! Anini haga jiru ch'ufa isa faarsa! Jireenna kiyya ch'ufa keesa Waaqa kiyyaa sirba. Hayyoota lafa inabdatini, nami si baasu tokoleeni injiru. Nami, yo lubbuuni keesaa baatu, biyyeeti deebia; guyyuma suni mali isaa ch'ufti hobaa. Ayyaana isaati ka Waaqi Yakobo qarqaare, innileeni AABBO Waaqa ufi, ka lafafi gubbafi baariinifi waan keesa jira ch'ufa uume heregatu. Inni hojja ch'ufa kakhu ufi guute; nama dabsanile dubbate nama beela qabule beela baasa. AABBO Waaqi nama hid'aansa keesa jiru hiikhe, ballaale ila bana. Inni nama jige kaase gumi ufi ta d'uga gula yaatu jaalata. Inni keessuma lafa teenna keesa teetu qorqorate, haad'a hiyyeesatiifi ilmaani hiyyeeyi qarqaare mala ch'ubbicha ch'ufa balleesa. AABBO Waaqi haga jiru jireenna lafa fida. Ee Sioni Waaqi kanke d'aloota ch'ufaa hayyu taha. AABBO Waaqa faarsa. AABBO Waaqa faarsa! Aki Waaqa keenna faarsani guddo dansa: faaruni isaa waan dansa ta nami hojja ch'ufa d'aachu male. AABBO Waaqi Yerusalemu ta qara bade jaare, worra Israeli ka boojiani lafa d'ibi geesani iti deebisa. Inni nama ufi jibbaate garaa hamaate fayyise, mada worrale hid'a. Inni urji ch'ufa hede isi ch'ufa maqa isiitiini yaama. AABBOONI keenna guddinnaafi jabeenna qaba; qalbi isaa dandaani haga imbeekhani. Inni nama ufi inguddimne kaase, ammo ch'ubbicha lafa buuse balleesa. AABBO Waaqaa sirba, galata deebisaafi, kiraari d'aa, Waaqa keenna faarsa. Inni dumansa gubbati guure, bokaya lafati roobe buuyo gaareeni gubbati baasa. Inni sagale horii kenne, ilmaani haranqeesale, hojja isiini isaa kad'atu, nyaachisa. Inni jabeenna fardati ingammadu, yokhaani humniti namaa isa ingammachiiftu, ammo nama isa sodaate, jaalala isa ta ind'umanne abdatuti isa gammachiisa. Ee Yerusalemu AABBO Waaqa faarsi, ee Sioni Waaqa kanke faarsi! Inni naqato balbala tanteeti jabeese gumi tanteetile eebisa. Inni seera lafa teeti nagaya tolche, dargaye dansaani si quubsa. Inni lafati dubbate, dubbi isaa suni yoosu tolchani. Inni qabana aka woya lafati uyise, ebele qabanooftu aka daara lafati firfirsa. Inni bokaya d'akhaani roobu aka ch'abbi lafati buusa; nami tokoleeni qabana isaa suni inoobsu! Duuba inni dubbannaani qabanti sunini ch'ufti badde; ammalle bubbe erge bisaani gayaasa. Inni dubbi ufi gumi isaati erge barsiisa isaatiifi seera isaa worra Israelitii kenna. Inni waan kana gosa d'ibii intolchine, wonti akanatiifi isiini seera isaa imbeetu, AABBO Waaqa faarsa! AABBO Waaqa faarsa! Isani worri gubbati galu gubba suni, AABBO Waaqa faarsa. Malaikaani isaa ch'ufti isa faarsa, duuli isaa ka gubba ch'ufti isaa faarsa. Aduufi jiaafi urjini bibilit'u ch'ufti, isaa faarsa. Gubba olfagootifi bisaani achi jiraleeni, isaa faarsa. Worri ch'ufti ha maqa AABBO Waaqa faarsu. Inni dubbannaani worra ch'ufa uumani; jecha isaa gula haga jiru jireenna worra ch'ufa fulla ufi kayani worri dandae indidu. Lafa gubbale AABBO Waaqa faarsa: gorjama bisaani keesati galufi d'immu baariinitifi angaasufi bokaya d'akhaani roobufi qabanafi dumansaafi bubbeeni jajabduni seera isaa guutuleeni. Kubileefi gaareenifi mukha mid'aanitifi hind'eesafi bineensa alaa ch'ufafi hori ch'ufafi waan garaani lafa ira loatifi wonti koola ch'ufti, isa faarsa. Hayyootafi gosa ch'ufafi jaarole lafa fidufi nama lafa mohatufi dubrafi ijoolle d'iiratifi jaaroleefi ijoolleeni didiqoleni, isa faarsa. Worri kunini ch'ufti ha maqa AABBO Waaqa faarsuti! Wonti akanatiifi maqaani isaa maqa waan ch'ufa ira jira; ammalle guddinni isaa lafafi gubbale ira jira. Inni ya gosa ufiti jabeenna kenne aka akasiini gumiini isaa ch'ufti isa faarsitu — gumi Israeli ta inni guddo jaalatu. AABBO Waaqa faarsa! AABBO Waaqa faarsa! Sirba hareesani AABBO Waaqa faarsa; woldeenna gumi isaa ta d'uga keesati, isa faarsa! Worra Israeli, maro nama isani uumetifi gammada; gumi Sioni maro hayyu keesanitifi qilit'ama. Sirbaa, olch'ech'ea, maqa isaa faarsa; dibefi kiraari d'aa, isa faarsa. AABBO Waaqi gumi ufi iraa gammade, nama ufi inguddimniele nyaapa isaa dabsachiise ulfeesa. Gumiini Waaqa ha gammade, geerarte, halkani ch'ufa gammadani sirbituti. Worri ha iye AABBO Waaqa faarsu! Hojja suni worri ha goraade qara qabdu harkati qabate, gosa d'ibi dabsate, worra d'ibi gaargalche hayyoota worraa sansalatani hid'e jara worra gugurda sibiilani hid'e, akuma Waaqi jed'e gosa ch'ufa gaargalchuti. Tunini dabsachacha Waaqi gumi ufiiti kenne. AABBO Waaqa faarsa! AABBO Waaqa faarsa! Mana isaa qulqullo keesati isa faarsa! Gubbaa, fulla jabeenni isaa jiruti isa faarsa! Maro waan jabdu inni tolcheetifi isa faarsa. Guddinna isaa ka muumme inqamneefi isa faarsa. Magalata d'aa, isa faarsa. Kiraariifi miha sirba d'ibiini isa faarsa. Dibbe d'aa, sirba, isa faarsa kiraariifi fulludo d'aa, isa faarsa. Bilbila d'aa isa faarsa. Bilbila guddisa d'aa, isa faarsa. Wonti lubbu qabaa ch'ufti AABBO Waaqa faarsa! AABBO Waaqa faarsa! Kunini mammaasa Solomoni, ilma Daudi, ka hayyu Israeli. Mammaasi kunini qaroomafi gorsa dansa namaa kenna, ka hubacha guddole namaa daru. Mammaasi kunini adaba dansa namaa kenne nama d'ugaa qajeela, ka nama gargari infille, nama tolcha. Inni nama woma imbeenne woi barsiise, kaimale beekhaafi qalbi dansa kennafi. Mammaasi kunini nama wobeekhule beekha dare, nama wobaratele qajeelcha, aka akanaani worri dubbi mammaasa hubate, gaafi worri qarooni gaafatule qajeelche deebisu. Nami qalbi horachu fed'u, qaraa fiit'e AABBO Waaqa sodaachu male. Daalleeni qarooma tufate woi barachu diddi. Ilma kiyya, dubbi haatetiifi abbeeti d'agayi. Barsiisani worraa adaba si mid'aasiti, akuma sureefi imuuni dansaani nafa si mid'aasitu. Ilma kiyya, yo worri ch'ubbuu ch'ubbu keesa si buusu fed'e, ee jette gula indeemini. Hegeri nami d'ufe dubbi akana tanafa siini jed'a: Kooti, nama ijeemnu barbaanna! Nama woma iyyakini fayyuma tana haana! Worri kunini yo nu garre nagayafi fayya qaba ammo yo nu huji worra hobaamne, reefuma boolati guurani? Nu waan worra heddu saamne, mana, keennatini galanna! Kooti, woliini nu yaasi, waan saamne suni gargari qoodanna! Yo dubbi akana tana sini jed'ani. Ilma kiyya, worra akasi suni gula indeemini, iraa fagaad'i. Worra suni harki worra waan hamtu inhanqatu, guddo ijeechaa arifata. Nami ka teete simpirreeni isa ilaaltu t'urura kaufi himmalle; nami waan akasi tahu sunini ufuma t'urura ufi kaye ufi ijeesa. Karaani nama irreeni woi saamu sunuma, karuma suniti lubbu worraa balleesa. Ch'aqasi! Qaroomi gabayaafi kara dira keesaleti nama yaamu jira. Inni fullo diratifi fulla nami iti wolwoldau ch'ufati lalabe nama yaamu jira: Isani daalleeni, haga yoomi daalluma keesa tau feetani? Isani haga yoomi beekha tufachu lakiftani? Isani haga jirtani woma imbaratani? Gorsa kiyya ch'aqasa; anini dubbi dansaani isani gorse beekha kiyyale isanii qooda. Anini, koota jed'e isani yaame ufi jibbaad'e, ammo isani na inch'aqamne, yokhaani naa jalaa inqamne. Isani gorsa kiyya ch'ufa diddani, yo anini isani qajeelchule na jibbitani. Tanaafi yo gaargali isani qabatu anini isani kobla. Anini yo badiini isaniti d'uftu isani goyeesa. Hojja badiini sunini aka bubbe isani fuute aka hobombolati isani d'oofte, isani laalefatani d'ukubsatani. Duuba isani qarooma yaamtani, ammo anini isani jalaa inowaad'u. Isani fulla ch'ufa na barbaadani ammo na ingartani. Isani beekha jibbitani, guyya ch'ufa AABBO Waaqa sodaachu diddani. Isani takaa gorsa kiyya infud'anne, yokhaani hojja anini isani qajeelchele odu inkaamne. Tanaafi amma woma isanii male argatani, hujuma teesaniti d'iba isanitini d'ufa. Nami woma imbeenne waan qarooma didufi dua. Daweeni daguma keesa hobaati. Ammo nami na d'agayu nagaya argata. Inni soda male nagayaani taa. Ilma kiyya, waan anini si barsiisu barad'i, waan anini siti himu qalbeefad'i. Dubbi qarooma ch'aqasi, aka dansa hubad'i. Ee, hubacha kad'ad'u, qalbi barbaadi. Akuma qarsifi hori d'ossani barbaaddu, aka dansa qaroomale barbaadi. Duuba yo akasi barbaadde, atini aka AABBO Waaqa sodaatani hubate waan Waaqa ch'ufa barata. Nami qarooma namaa kennu AABBO Waaqa, isa iraa beekhaafi hubachaani baati. Inni nama d'ugaa qajeela tisse qorqorata. Inni nama nama indabsine qorqorate nama isa jaalate gula deemu tissa. Yo atini na ch'aqafte, atini nama d'ugaa qaajeela nama indabsine taata. Duuba akanaani waan tolchu malte beeta. Ammalle qaro taate, hubachaani tante suni gammada sitiini d'ufti. Qaroomafi hubachaani tante si qorqorate waan hamtu tahu si d'owarti. Isiini nama nama dubbini wolti yaku iraa si fageesiti — nama kara d'ugaa lakise dukana daba keesati bulufi nama hameenna tolche ira gammade waan hamtu woma isaa imbaanele jaalate gula deemu, nama d'articha, kara hama gula deemu, ka nami tokoleeni dandae ind'ugeefanne. Akanaani atini niiti daru, afaanuma ufitini nama faraatu, ta d'iirsa insaalfanne, ta ammalle aada duri keesati fuud'ani gula indeemne duraa baata. Yo atini mana isiiti deemte, atini ya kara dua deemte. Nami achi d'aqu nama fulla ekhera d'aqe. Nami fulla isi d'aqe deebie kara jireennati indeebiu. Tanaafi atini akheekha nama d'ugaa gula deemi, kara d'ugaa keesa fidami. Nami d'ugaa qajeelani lafa teenna tana keesa taa, ammo Waaqi worra daba lafa keesaa balleese, nama ch'ubbule aka mukha lafa keesaa buqisa. Ilma kiyya waan anini si barsiisu inded'ini, guyya ch'ufa waan anini siti himu qaabad'i. Barsiisani tiyya suni lubbu si d'eeresite, hormaatafi bultuma sii kenniti. Duuba jaalalaafi d'uga illakisini mormati marad'i, qalbile keesa keeyad'i. Yo atini waan kana tolchite, Waaqafi namileeni sii eebise siraa gammada. AABBO Waaqa kanke onne tante ch'ufaani d'ugeefad'i. Anini waan ch'ufa beekha jette, herega kanke gula indeemini. Waan tolchitu ch'ufa keesa AABBO Waaqa qaabad'u, duuba inni kara si qajeelcha. Anini qaro jette ufi insaadini; AABBO Waaqa ch'alla sodaad'i, waan hamtu hanqad'i. Yo atini akasi taate wonti sunini qorsa dansa sii taate fayya sii kenniti. Waan lafti tante sii baaftu dadansa ch'ufa AABBO Waaqaa baasi, akasiini isa guddisi. Yo akasi taate, khod'oni tante mid'aaniini guutamte, gorjooni tante ch'ufti daad'iini t'ut'ubamti. Ilma kiyya, hojja AABBO Waaqi si gorsu, aka dansa isa ch'aqasi, gorsa suni fud'ad'i. Akuma abbaani ilma inni jaalatu gorse qajeelchu AABBO Waaqileeni nama jaalatu gorse qajeelcha. Ayyaana isaati ka qarooma horate hubacha argatu. Waan kana keesa tirfi guddoti jira, ta qarsifi worqile ira jirtu. Qaroomi faaya d'akha ch'uch'uluqa iraa mid'aasanile ira jira. Wonti nami jaalatu ka isaani wolbira qabani injirtu. Qaroomi lubbu si d'eerese horifi ulfinnale sii kenna. Ammalle inni jireenna sii mid'aase nagaya sii kenna. Nami qarooma qabu gammada qaba, qaroomi suni jireenna kennafi. Qarooma ufitini AABBO Waaqi lafa uume hubacha ufitileeni gubba dirirse. Qarooma isaatini inni galaana yaase, dumansaleeni bokaya roobe. Ilma kiyya, qaroomafi hubacha tante jabeesi qabad'i, gadi ind'isini. Isiini jireenna sii kennite, gammada dansaani sii d'ufte, bulti dansa sii kenniti. Duuba atini kara nagayaa ka gufu inqamne deemta. Yo hiribaa deebite woma insodaattu, yo raftule indamat'u. Atini badi hamtu, ta aka bubbe tassa ch'ubbichati d'uftu, iyyaaltu. AABBO Waaqi si qorqorate t'urura keesa buu si d'owa. Yo dandeetu ch'ufa, nama qarqaarsaa male ch'ufa qarqaari. Ka woi harkaa qabdu, nama olla keeti, Bori sii kenna gadeebii, injed'ini. Nama olla keeti ka ufiftu si d'ugeefate si d'aatuti gallu waan hamtu iti imariatini. Nama woi saame akasiini woi argatu d'araateefi ind'ibiifatini, yokhaani isaani takaa intahini. Wonti akanatiifi AABBO Waaqi nama hameenna tolchu jibbe, nama d'uga tolchu wahelfate, d'ossani woi iti hima. AABBO Waaqi worra ch'ubbicha abaare, nama d'ugaa worra isa eebisa. Inni nama nama tufatu tufate, ammo nama nama intufanne eebisa. Nami qarooni gurra dansa argata, ammo daalleeni ch'eeruma ufiti darti. Ilmaani tiyya waan abbaani keesani isaniti himu ch'aqasa, jabeesa gula deema, iraa woi barad'a. Wonti anini isani barsiisu jiru ch'ufti dansa, illakisina, gula yaa. Gaafa anini ijoolle, ka abbaani kiyya anuma ch'alla qabu, aabbooni na barsiise waan jed'e, Dubbi tiyya qaabad'i, jabeesi gula deemi, duuba injiraata. Qaroomafi hubacha argad'i, dubbi tiyya deete iraa ingorini. Qarooma illakisini inni si qorqorata; isa jaalad'i, inni si tissa. Qaroomi waan ch'ufa ira jira, barbaadi, iti bahi. Ato waan d'ibi d'abdele hubacha argachu malte. Qarooma jaalad'i, inni gurra siti tolcha, iti mamarad'i, inni guddinna sii kenne, sure guddinna sii taha. Ilma kiyya, yo na ch'aqafte lubbuuni tante ind'eerati. Anini yayu qaroomafi kara dansa atini keesati bultu si barsiise. Yo atini qarooma qaabate woni kara keesa si dura eja injirtu, yo atini utaatule wonti atini iti gufatu injirtu. Guyya ch'ufa waan barate qaabad'i, wonti sunini lubbu teeti aka dansa tissi. Kara ch'ubbichi bahu imbahini, yokhaani waan worri tahu tokole intahini. Intolchini, waan hamtu iraa fagaad'i, didi, biraa deemi. Nami ch'ubbu haga waan hamtu tolchuti imbulu, haga nama woi tolchuti hiribi inqabu. Nyaatafi d'ugaatini worraa hameennaafi woldida. Karaani worra d'ugaa akuma biiftu ganama ifsa, ta haga lafti guyyatuti ifsuma ifsitu. Ammo karaani worra hama dukana aka halkaniti, ka nami keesati jigu waan isa buusu imbeenne. Ilma kiyya dubbi tiyya ch'aqasi, jecha kiyya gula deemi. Ufira infageesini, qaabad'i, qalbi keesa keeyad'i. Isiini nama hubatu ch'ufa fayyaafi jireenna kennitifi. Waan ch'ufa ira, herega kanke tissi, wonti akanatiifi heregi kanke suni madda jireenna sii taha. D'ara indubbatini, kiyyibafi soba iraa fagaad'i. Ch'eerte mata gadi inqabatini, qajeeli, ufi dura laali. Waan tolchitu ch'ufa malaani tolchi, duuba hujiini tante ch'ufti imid'aadi mirgaafi bitale ingorini, hameenna lagad'i, qajeeli deemi. Ilma kiyya, ch'aqasi, beekhaafi hubacha tiyya gula deemi. Duuba adaba dansa horatte, dubbini teetileeni aka atini woi beetu garsiifti. Ato afaani niiti nama d'ibi aka damma miaani d'ugooni isiileeni aka d'ad'a jiratellee eege isiini had'aa qaraaru siti taate duani siti d'ufti. Isiini awaalati si geesite boola keesa si buufti. Isiini kara jireenna gula indeemtu, ato imbeenne iraa gorti. Ilmaani tiyya, amma na ch'aqasa, dubbi tiyya iraa ingorina. Niiti akana iraa fagaad'a balbala isiile dura imbahiina. Yo baatani gurri isani bade, ato kaimaatu harka nama naasu inqamnetini hobaatani. Ee, nami d'ibiini waan isani horatini ch'ufa guurate, hori keesani nami d'ibiini d'aala. Atini yo nafi kanke d'umate dua ch'iiftu waan jettu, Anini maafi qara woi barachu jibbe gorsa nama na qajeelchule dida? Anini duri nama na barsiisu inch'aqamne yokhaani gorsa worraale ind'ageenne. Akami ato anini woma quba inqamne biyya keesaa gurri na bada? jetta. Niiti tante jabeesi, isuma ch'alla jaalad'u. Ijoolleeni atini nad'eeni biyya iraa d'altu woma sii imbaatu. Ijoolleeni atini d'alte suni si inqarqaartu, nama d'ibi qarqaarti. Tanaafi niiti atini fuute woliini gammada, intala fuute woliini qilit'ama — mid'aadu aka gugufto. Mid'aagumti isi ha si gammachiiftu; jaalalti isi ha si maraachitu. Ilma kiyya, atini maanifi niiti nama d'ibi jaalate gula maratta? Atini mid'aaguma niiti nama d'ibi maafi halchita? Waan atini tolchitu ch'ufa AABBO Waaqi inarga, fulla atini deemtu ch'ufa inni inilaala. Dabi nama hama t'urura iti tahe, ch'ubbumani isaa isa qabdi. Inni waan obsa inqamneefi dua, daallumuma isaati boolati isa galcha. Ilma kiyya, atini namaa ejatte, gati nami d'ibiini isa iraa qabu sii baasa jetteeni? Atini takaa jechuma keetiini si qabani, afaanuma keetiini t'urura keesa buute? Yoosi ilma kiyya, atini yayu harka nama suni keesa seente, ammo aki atini keesaa baatu akana: hurrisi, gara isa deemi, kad'ad'i, naa araarami, anini waan suni baasu indandau jed'iini. Diqole hafuura baafate, yokhaani irafini, ammo akuma simpirre t'urura keesaa baate yokhaani akuma hiddini nama had'u duraa baatu duraa bahi. Nami laafaani woma inguunne ha t'ut'i iraa woi baratu. T'ut'ini hayyu inqabdu, jaallaba inqabdu, jaarsale inqabdu, ammo isiini bona sagale olkeyate rooba nyaati. Nami laafaani hiriba male woma inguunne, haga yoomi rafe hiriba kaa? Inni waan jed'u, Diquma harka wolti marad'e hafuura baafad'a. Ammo ato inni rafu hiyyumti aka algala isa haati. Nami seseegi ch'ubbu male woma keesa injirre yae kiyyiba ch'alla odeesa. Ila siti qisani, harkaani si sobani, ka duuba ufi herega ufi keesa waan hamtu malatani nama ch'ufa woli d'absisani. Tanaafi badiini yoosu worrati d'ufte aka hama balleesiti. Ilma kiyya, waan abbe sini jed'e ch'ufa tolchi, waan haate si barsiiftele inded'ini. Dubbi worraa guyya ch'ufa qalbeefad'i, garaa keesa keeyad'i. Dubbini worraa ejata si qajeelchite halkanile hiriba keesati si qorqorate, guyyale si gorsiti. Wonti worri si barsiisu aka ifsa sii ifsite, gorsi worraleeni adabaafi bulti dansa sii kenna. Gorsi suni nad'eeni hamamtu atini gula deemte iraa si d'owe, dubbi nad'eeni d'iirsa qabdu siini faraatu, jalaa si baasa. Mid'aagumti isii sii d'araasifte, ilti isii si insobini. Sharmut'a seera gati qit'a toko ch'allaani bira bulani, ammo nami niiti d'iirsa qabdu bira bule waan qabu ch'ufa ind'aba. Nami ka woyya ufi ingumne dandae ibida qomati inqabata? Nami dandae ka miili ingubanne ch'ile ibida ira indeema? Nama niiti abba qabdu bira bule akasuma isaa lubbu. Nami akasi tahu inuma gaaragala. Biyyiti, yo nami beela qabu sagale hate, ingoyeesitu, ammo yo isa qabani inni waan hate suni harka torba baasa, inni waan qabu ch'ufa keesaa bahu male. Ammo nami niiti nama d'ibi baratu daalle, inni ufuma balleesa. Isa ch'eersani, aka hama d'aanani, haga jireenna jiru gurra isaa yakani. Waan aka hinaafa d'iira dallansiisa inargani; haaloni isiileeni inhobaatu. Inni hori tokole infud'atu, horini guddaleeni dallansu ira ingalchu. Ilma kiyya, dubbi tiyya ch'aqasi, waan anini siti himu inded'ini. Seera kiyya jabeesi, duuba injiraata. Barsiisa tiyya akuma ila tante qorqoratu qorqorad'u. Barsiisa tiyya jabeesi qaabad'i. Guyya ch'ufa qalbi keesa keeyad'i. Qaroomani, atini oboleeti tiyya jed'i hubachaleeni, jaala kiyya jaba jed'i. Qaroomafi hubachaani tunini nad'eeni biyyaa, ta afaanuma ufitini si faraatu, ira si fageesiti. Guyya toko ato anini qaa mana, Kiyyatini ala laalu, jara kaima heddu, ka argaa d'ageeti inqamne, arge, ammo worra suni keesa nama tokoti ka nama ch'ufa ira daalle jira. Inni kara gula d'aatu mana niiti toko ta sharmut'omani gurra baafate, ta mani isii moga ejuuni bahe. Inni galgala eegi lafti dukanoofte d'aatu mana isii bahe. Jennaani isiini mala d'aate woyya aka sharmut'a hid'atte isani woldeete. Isiini mana keesa inteetu, guyya ch'ufa lalaba, ch'eera foko male, dira keesa deemti; yo gari kara dira keesa ejiti, yo toko gabaya keesa ejite nama eeddi. Isiini kara ch'ufa gula marte nama barbaaddi. Isiini gurba kaaniti mamarate d'ungate, ila keesa laalte waan jette, Anini arra sorio qalad'e, foonile manaa qaba. Tanaafi anini si barbaadu deema, amma sini bahe! Anini sire tiyya woyya barriti lafa Misiriti mid'aasanini afe. Qayya qumbitifi qunch'e birresatifi hargeesa yayu iti naqe. Kooti, halkani kana ch'ufa haga quumnuti woliini rafne wolti mamaranna. Woma insodaatini, d'iirsi kiyyaleeni worra injiru, ya imaltu fago d'aqe. Inni ya beese guddo fud'ate imaltu deeme, torbaani lama asi ingalu. Duuba isiini mid'aagumafi dubbi dansaani isa ufiti d'araasifte, innileeni suni gula laafe gula bahe. Maro tokotu inni akuma looni qalma geesani kae isii gula deeme, akuma gugufto t'urura fulla t'iyaani woraananiti deemtu deeme. Inni akuma simpirre t'urura seentu, ta aka lubbuuni isi gaargala keesa jirtu imbeenne, jira. Amma tana ilmaani tiyya, na ch'aqasa, waan anini jed'ule qalbi keesa keyad'a. Niitiini akana tunini qalbi si fuute gula indedeemini. Isiini qara d'iira heddu galafatte, nama muumme inqamne fit'e. Nami mana isii d'aqu seera nama boola ekhera deemu, karaani gabaabani duati nama geesu kana. Ch'aqasa! Qaroomi nama yaamu jira. Hubachaleeni lalabu jirti. Qaroomi gaara gubbati bahe, kara keesa eja, fulla woldeenna kara. Fullo dira keesa d'aatu balbala eje lalabe waan jed'u, Nama lafa keesa jiru ch'ufa, anini isani yaama. Isani ka woma imbeenne, woi barad'a; isani daalle, qalbi horad'a. Dubbi tiyya qajeeltu d'agaya; wonti anini isaniini jed'u ch'ufti waan d'ugaati. Dubbini afaani kiyya keesaa baatu ch'ufti d'uga, wonti anini jibbu dubbi d'araati. Wonti anini jed'u ch'ufti d'uga, wonti d'ara, ka kara iraa nama gorsa, tokoleeni keesa injirtu. Nama hubacha qabu, wonti ch'ufti indiidofti, nami wo beekhu fagootu wohubata. Fulla qarsi fud'attu gorsa kiyya fud'ad'i, fulla worqi fud'attu beekha kiyya fud'ad'i. Qaroomi ana, anini faaya ch'ululuqa ira, jira. Wonti nami fed'u tokoleeni ka anaani wolbira qabani injirtu. Qaroomi ana, anini hubachale inqaba; ammalle beekhaafi qalbile inqaba. Ch'ubbu jibbitiini AABBO Waaqa sodaacha, anini kiyyibafi ufi saadu jibba. Ammalle waan d'araatifi kara hama infed'u. Anini mala d'aad'e, mala suni hojad'a; anini hubachaafi irreele inqaba. Hayyootileeni anaani lafa mohate, jaallabileeni anini dubbi mura. Qarqaarsa kiyyaani nami lafa fidu fide, jaaroleeni lafaleeni anaani dubbi murti. Anini nama na jaalatu jaalad'e, nami na barbaaduleeni na arga. Anini dureesa gurra qabu, anumati hormaatafi bultuma namaa kenna. Wonti nami naraa argatu worqifi qarsi dansa ch'ufa ira jirti. Anini kara d'ugaa gula deema, daandi qajeeluma iraa ingoru. Anini nama na jaalatu horsiise mana worrale waan dansaani guuta. AABBO Waaqi qaraa fiit'e na uume, wonti qara ka inni mid'aase ana. Qaraa fiit'e, ato lafale inuuminu, na uumani. Baariinifi madda bisaani ch'ufa durati anini d'alad'e. Gaareenifi kubilele ch'ufa anumati dura jira. Ato Waaqi lafafi arda oobrutifi biyyele inuumini anini d'alad'e. Anini huji suni keesale akuma ogeesa isaa wahelche. Gammadi isaa ka guyya ch'ufa naraa baha, aninileeni hojja isa woliini jiru ingammada. Wonti anini iraa gammadu lafafi nama isi keesa tau. Ilmaani tiyya, amma na ch'aqasa, dubbi tiyya jabeesa, duuba gammada argatani, waan isani barsiisani ch'aqasa, qalbeefad'a, jabeesa. Nami ch'aqasu, ka hojja ch'ufa mana kiyya dura eje balbala keesati na eegu, gammada argata. Nami na argate ya jireenna argate, nami akasi suni eeba AABBO Waaqa iraa argata. Nami na d'abe ya ufi balleese, ka na jibbuleeni dua jaalata. Qaroomi yayu mana jaarate utuba torbaani utube. Inni yayu hori qale jila tolche, daad'ile waan urgeesanini iti naqe, sagale gololaa kurfeese. Inni dubra isa hojatu yaame, beena, dira keesa yaa, kubi kora, koota, isani nami woma imbeenne, jed'aani. Ammalle nama daalleleeni waan jettani, Koota, sagale tiyya nyaad'a, daad'i anini urgeese d'uga. Nama woma imbeenne biraa yaa, jireenna argad'a; kara hubacha gula yaa. Nami kiyyibaa gorsu araba argata. Nami nama hama gorsu d'aanicha argata. Kiyyibaa ingorsini, yo gorsite inni si jibba. Ammo yo qaro gorsite, inni si jaalata. Wonti atini nama qarooti himtu ch'ufti qarooma dartifi. Wonti atini nama qajeelati himtu ch'ufti beekha isa darti. Yo qarooma argachu feete qara AABBO Waaqa sodaad'i, yo hubacha argachu feete, Waaqa qulqullo beekhi. Qaroomi lubbu si d'eeresa. Yo qarooma qabaatte nami inni woi bahufi si, ammo yo isa didde nami gaargalu siuma. Daallumti niiti daalliti ch'eera inqamne ta lalabaa deemtu fakaati. Isiini balbala mana isii dura teete yokhaani barch'uma fud'ate kubi dira suni gubba teete, nama ufuma huji ufi yau, ka waan biyya keesa injirre, yaamte waan jettuuni, Jara woma imbeenne kana koota; ammalle daalle yaamte waan jettuuni, Bisaani hanna miao, qit'aani hannaleeni qit'a ch'ufa ira dansa. Nami isiini yaamtu kunini, aka nami gara isii yau badu, imbeekhu. Ammalle, aka nami qara duraani mana isii suni olseenu due boola keesa jiru, imbeekhu. Mammaasi kunini ka Solomoniti: Ilmi qarooni abba gammachiisa daalleeni haad'a garaa yaka. Horini atini kara hamaani argate si balleesa, ammo d'ugaani si jireesiti. AABBO Waaqi nama d'uga gula deemu beelau d'owa ammo ch'ubbicha waan inni d'araufi ch'ufa ind'owa. Nami hojate harka ufitini ufi imbulchine inhiyyoomata, ammo ka harka ufitini woi hojatu woi horata. Nami herega qabu, yo mid'aani bilchaatani mure galcha, ammo nami muyooni herega inqamne, yo mid'aani murani rafe gurra ufi balleesa. Nami dansaani eeba argata, ammo nami hamaani dubbi afaani isa keesaa baatuni hameenna garaa ufi d'ofata. Qaabachani nama d'uga qaabatani eeba namaa taati, ammo ch'ubbicha maqaani isaa yoosu lafa iraa bada. Beekhani gorsa fud'ata, daalleeni afaanuma ufitini bada. Nami d'uga gula deemu nagaya qaba, ammo nami d'uga gula indeemne hameenni isaa, inuma mullata. Nami d'uga balleesu gaargalani d'ufaa, ammo, ka soda male d'uga diidati gabaasu nagaya barbaada. Dubbini nama d'ugaa madda jireennati, ammo nami hamaani dubbi afaani isaa keesaa baatuni hameenna garaa ufi d'ofata. Jibbi hameennaani d'ufa, ammo jaalalti hameenna d'ossiti. Nami woi beekhu dubbi qajeeltu dubbata, ammo daalleeni d'aanicha malte. Qarooni qarooma waan ch'ufa qaba, ammo jechi daalle yoosu badiini isati d'ufa. Dureesi horuma ufi d'aabata, ammo hiyyeesa hiyyumati balleesa. Nami waan dansa hojatu lubbu bula, ammo ch'ubbuuni ch'ubbu d'alti. Nami gorsa d'agayu bulti dansa argata, ammo nami wollaala fud'achu diddu gaargala ufitini d'ufa. Nami hameenna garaa qabu d'ossu d'articha, ammo nami dubbi nyaatte dubbatu daalle. Nami dubbi guddatu ch'ubbu ind'abu, ammo nami afaani qabatu qarooma qaba. Jechi nama d'ugaa qarsi fakaata, ammo heregi nama hamaa woma keesa injiru. Jechi nama d'ugaa nama heddu wo baha, ammo daallumti nama ijeefti. Wonti si horsiisa eeba AABBO Waaqati, eeba tana ira, wonti hujiini guddooni si baatu injirtu. Daallee wonti hamtuni inni tolchu tapuma, ammo nami woi beekhu qarooma jaalata. Nami qajeelani waan fed'u argata, ammo ch'ubbicha waan inni guddo sodaatuti iti d'ufa. Bubbeeni jabduuni ch'ubbicha fuute badiini, ammo nami d'ugaa haga jiru jireenna inchochou. Nama laafa woma inguunne, Naa hojad'i jette huji iti inkennini; inni akuma waan kurooftu ilkaani si dilaleesa, yokhaani aka aara ila si gubba. Sodaani AABBO Waaqa sodaatani lubbu nama d'eeresiti, ammo bultiini ch'ubbicha ingababati. Wonti nami d'ugaa d'aabatu gammadaani d'ufti, ammo ch'ubbichi woma inheregatu. AABBO Waaqi nama d'ugaa qorqorata, ammo ch'ubbicha imballeesa. Nami d'ugaa fulla iti bahu qaba, ammo ch'ubbichi fulla iti bahu inqabu. Nami d'ugaa dubbi qajeeltu dubbata, ammo araba waan hamtu dubbatu inkutani. Nami d'ugaa dubbi fakaatu dubbata, ammo ch'ubbichi guyya ch'ufa waan infakaanne dubbata. AABBO Waaqi nama miisana woini biimu keesa nama dabsu injibba, ammo nama misana qit'eese woi biimu injaalata. Nama ufi guddisu inch'eersani, ammo nami ufi inguddimne qarooma argata. Nama dansa d'ugaa isaati qajeelcha, ammo nami nami ind'ugeefanne ch'ubbu ufitini bada. Duroomi guyya dua woma si imbahu, ammo d'ugaani lubbu tante baafti. Nama ch'ubbu inqamne d'ugaani bulti isaa mid'aasiti, ammo ch'ubbichi hameennuma ufitini bada. Nama d'ugaa qajeeluma isaati baasa, ammo nami nami ind'ugeefanne dubbuma ufitini d'ibama. Hojja ch'ubbichi duu, d'aabuuni isaleeni isuma woliini dooti, wonti inni heregate ya muumme baate. Nama qajeela gaargala keesaa baasani, ammo ch'ubbicha gaargala suniti qabata. Nami Waaqa imbeenne afaanuma ufitini olla ufi balleesa, ammo nami d'ugaa qaroomuma ufitini ufi baasa. Yo nami d'ugaa woi horatu diri inni keesa tauleeni ingammada, yo ch'ubbichi duu nami wolti bahe gammade sirbe lalaba. Yo nami d'ugaa qajeelani dira eebisu, diri sunini gurra horata, ammo jechi ch'ubbicha dira suni imballeesa. Nami nama tufate goyeesu daalle, ammo nami woi beekhu afaani qabata. Nama woma ind'ossine, ka hamtu namaa dubbatu, woma iti himu himmalle, ammo nama quufani waan d'ossale iti himani. Gochiti nama dura deemu inqamne imbaddi, gorsi jaarsa heddu nagayaani d'ufa. Nami nama fuula imbeenne gati kenne ufii gaaba, yo waan suni ufi hanqifte ira sii jirti. Niiti ch'eera foko qabdu, insaalfatanifi, ammo niitiini ch'eera inqamne waan fokoti. Nami laafaani woma inhojanne haga jiru woma inhoratu, ammo nami irreeni woi barbaadu hori horata. Nami namaa nahu woi ufi mid'aasa, ammo nami naasu inqamne woi ufi duraa yaka. Ch'ubbichi woma inhoratu, ammo nami qajeeluma gula deemu waan dansa argata. Nami d'uga ch'alla gula deemu injiraata, ammo ka waan hamtu tolchu indua. AABBO Waaqi nama herega hama qabu jibbe, ammo nama waan dansa gula deemu injaalata. Waan kana hubad'a, ch'ubbichi gaargala inuma argata, ammo nami d'ugaa gaargala duraa baha. Mid'aagumti niiti woma imbeenne qube worqi ta funnani booyyeeti kayani fakaati. Wonti nami dansaani fed'u dansuma taati; yo nami hamaani waan fed'u argate nami ch'ufti indallana. Nami gari arja tahe sunuma iraani hora, ammo hagi gari hori iraa bahu dide, sunuma iraani hiyyumti qabati. Arja taha, duuba woi horatani. Nama qarqaara, isanile inqarqaarani. Nama mid'aani d'osse gati guddooni eegatu inabaarani, ammo ka gurguru infaarsani. Nami waan dansa barbaadu gurra dansa argata, ammo nami waan hamtu barbaadu woma suni argata. Nami durooma ufi d'aabatu akuma baala mukha gogoge lafati jiga, ammo nami d'uga gula deemu akuma mukha doti bahe bosona. Nami waan hamtu worra ufitini d'ufu takaa tanalee woma hamtu taha. Daalleeni guyya ch'ufa qaroo hojatti. D'ugaani jireennani d'ufti, ammo loli jireenna suni imballeesa. Nami d'uga gula deemu lafa tana irati waan maleefi argata, ch'ubbichafi dabdichileeni akasuma hagasi irale gaargala isaa male argata. Nami gorsa didu woma imbaratu, gorsa diditileeni daalluma. Nami dansaani AABBO Waaqa ira eeba argata, ammo inni nama waan hamtu namati malatu wollaala iti mura. Nami hamani jireenna isaa keesa jajabaate ineju, ammo nami d'ugaa inchochou, jajabaateti eja. Niitiini dansaani gaad'a d'iirsaati, ammo niitiini hamtuni d'iirsaa inch'eere d'ukuba hama lafa keesati. Heregi nama d'ugaa kama d'ugaati, ammo heregi ch'ubbicha waan d'araati. Dubbini ch'ubbicha waan nama ijeesati, ammo dubbini d'ugaa lubbu namaa baafti. Ch'ubbichi indua, daarale inhoratu, ammo nama d'ugaa worri isaa haguma jiru ch'ufa injira. Nama qaroomuma isaatini saadani, ammo daalle daallumuma isaatini tufatani. Nama nama gudda ufi sehu, ka ammo garaacha imbulle, ira, nama guddinna inqamne ka harka ufitini hojate buluuti gooma. Nami dansaani hori ufi qorqorata, ammo hamaani dabse balleesa. Nami oobru qotatu sagale ind'abu, ammo nami waan woma keesa injirre gula deemu woma imbaratu. Nami hamaani woma hamtu tolchu ch'alla barbaada, ammo nami d'ugaa d'uga iraa inchochou. Ch'ubbichi afaanuma ufitini t'urura seena, ammo nami d'ugaa afaanuma ufitini waan hamtu keesaa ufi baasa. Nami woma jed'ufi woma tolchu gula waan maleefi argata. Daalleeni yo ch'ufa qaro ufi seeti, ammo qarooni gorsa ch'aqasa. Daalle dallansuuni yoosu iraa mullati, ammo nami woi beekhu arabale inobsa. Nami d'uga dubbatu dubbi jirtu d'ugeesa, ammo ka d'ara dubbatu dubbi injirre d'ugeesa. Dubbini herega male dubbatani akuma woraana nama woraanti, dubbini heregaani dubbatani nama fayyifti. D'arti yoosu dabarti, ammo d'ugaani haguma jirtu indabartu. Nami hameenna malatu herega namaani sobu garaa keesaa qaba, ammo ka waan dansa malatu gammada argata. Wonti hamtuni nama d'ugaa inqabatu, ammo ch'ubbichi gaargala male waan d'ibi inqabu. AABBO Waaqi kiyyiba jibba, ammo nama dubbi ufi guutu iraa gammada. Nami woi beekhu beekha ufitini ch'allisa, ammo daalleeni afaani inqabatu. Nami woi hojatu jabeenna argata, nami woi inhojanne tisse taha. Yaadoni nama ijeefti, ammo dubbini dansaani nama gammachiifti. Nami d'ugaa jaala ufi qajeelcha, ammo karaani ch'ubbicha worra balleesa. Nami woma inguunne waan barbaadu inargatu, ammo nami jabaate hojatu woi horata. D'ugaani kara jireennati, ammo ch'ubbuuni kara duisaati. Ilmi wo beekhu gorsa abba ufi d'agaya, ammo kiyyibaani wollaala ufi infud'atu. Nami d'ugaa jecha ufitini waan dansa argata, ammo d'artichi lola barbaada. Nami araba ufi qorqoratu lubbu ufi tissa, ammo nami afaani inqabne badii ufitini d'ufa. Nami woma inguunne, ato haga fed'u waan horatu barbaadele iti imbahu, ammo nami jabaate hojatu waan fed'u ch'ufa inargata. Nami d'ugaa d'ara dubbachu jibba, ammo dubbini ch'ubbicha waan ch'eera fokoti. D'ugaani nama qajeela qorqoratti, ammo ch'ubbuuni nama daba galafatti. Nami gari, ka woma inqamne, dureesa ufi tolcha, ammo ka gari, ka hori qabu, hiyyeesa ufi tolcha. Dureesi hori ufiitini lubbu ufi baasa, ammo hiyyeesa iraa wonti fuud'ani injirtu. Nami d'ugaa aka ifsaa ifsa, ammo ch'ubbichi aka ifse lilipise d'aama. Kiyyibi gaargala male womanu ind'ufu, ammo qaroomi gorsa iraa d'ufa. Horini atini hojatte iti indanfiini yoosu siraa d'umata, ammo horini atini iti d'ibamte argate, sii hora. Yo wonti atini heregate si tahu didde garaati si hamaata, ammo yo wonti atini heregate si guutamte jireenna si taati. Nami gorsa fud'achu diddu gaargala ufitini d'ufa, ammo nami gorsa fud'atu eeba argata. Barsiisani qaroo burqa jireenna ta boola dua keesa si baaftu. Qalbiini dansaani saalani namaa d'ufti, ammo nami nami ind'ugeefanne kara badii keesa jira. Nami wo beekhu, ato woma intolchine, duratu herega, ammo daalleeni afaani inqabatu. Nami erga inguunne, yo ergatani d'ibaani namati d'ufa, ammo nami erga guutu wold'aqisani d'ufa. Nama gorsa didu hiyyumafi ch'eerati d'aqaba, ammo ka gorsa fud'atu guddinna argata. Waan barbaadani argachani akami dansa, ammo daalle ch'ubbu ira deebiitini guddo iti jabaati. Nami qaroo wahelchu qaroo taha, ammo nami daalle wahelchu d'iba argata. Gaargali ch'ubbicha hordofa, ammo nami d'ugaa hormaata argata. Nama dansa horini isaa akhakhowani isale ind'aqaba, ammo horini ch'ubbicha ka nama d'ugaa taha. Oobru qoti inqamne, ta sila hiyyeesi qotate sagale iraa argatu, ch'ubbichi dabse qotachu d'owa. Nami ilma ufi d'aane inqajeelchine ilma suni injaalatu, ammo nami ilma ufi jaalatu qajeelcheti gorsa. Nami d'ugaa waan nyaate d'ugu ind'abu, ammo ch'ubbichi waan nyaate d'ugu inqabu. Niitiini qarooni nama qubsiifti ammo gowaani qutuma balleesiti. Nami qajeelani AABBO Waaqa sodaata ammo nami qajeeluma inqamne isa tufata. Daalleeni dubbi d'eerate harka biyyaatini ufi geeti, ammo qaroo dubbuma isati isa qorqorata. Yo qotiyo lafaani qotatu inqamne khod'oni tante duwa, ammo nami sanga lafaani qotatu qabu aka dansa mid'aani argate khod'o guuta. Nami d'ugaa yo d'ugaa yaamatani d'ara indubbatu, ammo d'artichi yo d'ugaa yaamatani d'ara ch'alla dubbata. Kiyyibaani dandae qarooma inargatu, ammo beekhani yoosu wo barata. Daalle ira fagaad'i, waan si barsiiftu inqabdu. Nami woi beekhu waan tahu beekha, tanaafi qarooma qaba, daalle daallumuma isaati isa soba. Daalleeni ch'ubbu tolchitu womatu indartu, ammo nami dansaani araarama barbaada. Abbumati garaa hameennaafi gammada ufile beekha, nami d'ibiini dandae waan isaa keesa imbeekhu. Ato mani nama d'ugaa oleju ka ch'ubbicha jiga. Karaani atini qajeelumani seetu duani si d'aqa. Kobli hojja gari garaa hameennafa d'ossa, yo gammachu inqamne laalala ind'abdu. Ch'ubbichi waan isaa male argata, nami dansaleeni woma dansa isaa male argata. Daalleeni waan ch'ufa ind'ugeefati ammo nami wobeekhu ejata ufi eegata. Nami qarooni ufi qorqorate waan hamtu keesa buu dida, ammo daalleeni woma iyyaale arifate wo tolchiti. Nami miira diqa dallane waan daalleeni tolchitu tolcha; ammo nami qarooni obsuumani taa. Nami beekha inqamne waan daalluma isaati male argata, ammo nami beekhani, beekhuma ufi gula hubacha darata. Nami ch'ubbu qabu nama d'ugaa qajeela durati saalani jilbifata. Nama d'ibi iyyaalini, hiyyeesa nami olla isaaleeni infed'u, ammo dureesi jaallowaani heddu qaba. Nami nama d'ibi tufatu nama dabaati, ammo nami hiyyeesa nahu nama eebaati. Nama waan dansa hojatu biyyiti jaalate saalfatifi, ammo nami waan hamtu tolchu wollaala tolcha. Hujiini hojatani ch'ufti woi namaa baati, ammo nami woma inhojanne, ufuma tae haasau inuma hiyyoomata. Nami qarooni hojate horiti baha, ammo daalleeni daalluma ufitini hafa. Nami d'ugaa yaamatani, yo d'uga dubbate lubbu nama baasa, ammo yo inni d'ara dubbate nama balleesa. Nama AABBO Waaqa sodaatu isaafi ijoolleeni isaaleeni fulla iti baatu qabdi. Sodaani AABBO Waaqa sodaatani madda jireennatini namaa d'ufti, aka akasiini nami t'urura seene indoone. Guddinni hayyu nama inni mohatu iraa d'ufa; yo nami injirre, innileeni guddinna suni inqabu, ufuma lafati hafa. Yo atini nama miira gudda taate atini qaroo, ammo yo atini miira diqaate ufuma daalluma te biyya garsiifta. Nami herega dansa qabu nafale fayya qaba, ammo d'iibiini akuma d'ukuba nama nyaatte nama fit'i. Nami hiyyeesa dabsu ya Waaqa isa uume arabse, ammo nami hiyyeesaa nahu Waaqa guddisa. Ch'ubbichi hameennuma ufiitini badi ufitini d'ufa, ammo nami d'uga d'uguma inni keesati buluni waan hamtu jalaa baha. Nama wo beekhu herega isaa ch'ufa qaroomati keesa jira; ammo daalleeni waan qarooma tokole imbeetu. D'ugaafi qajeelumti gosale inguddifti, ammo ch'ubbuuni gosale gurra balleesiti. Hayyooti hojattu huji guutu jaalati, ammo nama huji inguunne iti dallanti. Dubbini laana dallansu qabaneesiti, ammo dubbini lolaa dallansu owifti. Dubbini qaroo beekha namaa darti, ammo daalleeni dubbiniti indididdi. AABBO Waaqi waan fulla ch'ufati tolchani inarga, inni nama dansaafi hamale waan inni tahu inarga. Jechi dansaani nama jireesa, ammo jechi hamani nama ijeesa. Daalleeni gorsa abbaa tufati, ammo ka gorsa suni fud'atu beekha qaba. Nami d'uga mana ufi keesati woi olkeyata, ammo ch'ubbicha woma inni olkeyatuti gaargalani iti d'ufa. Dubbini qaroo beekha nama ch'ufaa kenniti, ammo heregi daalle akasi intolchu. AABBO Waaqi sorio ch'ubbicha injibba, ammo kad'achaani nama d'ugaa isa gammachiifti. AABBO Waaqi kara ch'ubbicha injibba, ammo nama d'uga gula deemu injaalata. Yo atini waan hamtu tolchite, d'iba guddati siti d'ufa; nami qajeeluma didduleeni indua. Gaargalafi dootileeni AABBO Waaqa durati ind'offamtu. Nami akami dandae herega ufi Waaqa d'ossa re? Kiyyibaani gorsa infud'atu, inni qaroo ira, gorsa imbarbaadu. Nami gammachu qabu inqumaada, ammo nami gammada inqamne ingolgolaa. Nami hubacha qabu wo barachu fed'a, ammo daalleeni daalluma ufitini teeti. Hiyyeesaa guyyaani ch'ufti gaargala, ammo nami gaargala inqamne guyya ch'ufa gammada qaba. Hiyyeesi AABBO Waaqa sodaatu dureesa gaargala qabu ira jira. Fulla nami woljibbu fooni dansa woliini nyaatu, nama woljaalatu ka raafu woliini nyaatuti ira jira. Nami miira diqa yoosu namaani wold'abani, ammo nami miira gudda nageele. Karaani nama laafa woma inguunne gufufi qoraati qaba, ammo ka nama qajeela waan balla, gufufi qoraatile inqabu. Ilmi qarooni abba gammachiisa, ammo daallichi haad'a ufi tufata. Daalleeni daalluma jaalata, ammo qarooni qajeeluma keesati bula. Nami mala ufi ch'alla gula deemu inuma wollaala, ammo nami mala nama heddu gula deemu, waan dansaani baha. Dubbini qajeeltuni ta fulluma isiini malteefiti dubbatani akami dansa! Nami wobeekhu kara jireenna ka gubani d'aqani gula deema, inni kara badi, ka boola duati nama geesu, gula indeemu. AABBO Waaqi mana kiyyibaa imballeesa, ammo fulla niitiini hiyyeetini qubatu inqorqorata. AABBO Waaqi herega hama jibba, ammo herega dansa injaalata. Nami kara dabaatini woi horatu worra ufi balleesa, ammo nami gumbo jibbu injiraata. Nami d'ugaa heregeti woi dubbata, ammo nami ch'ubbu herega male lafumaa kae hameenna ch'alla dubbata. AABBO Waaqi nama ch'ubbu qabu iraa fago jira, ammo kad'acha nama d'ugaa ind'agaya. Fuuli gammada qabu nama d'ibile ingammachiisa, oduuni dansaleeni garaa mid'aasiti. Nami gorsa fud'atu qaro taha. Nami wobarachu diddu ufumaa ufiti jaalata, ammo nami gorsa fud'atu beekha darata. AABBO Waaqa sodaachani qarooma daracha. Nami guddinna barbaadu ufi guddisiti lakisu male. Ato nami woi malatele, mali sunini Waaqumani qajeela. Nami kara ufi ch'ufa qajeela seha, ammo AABBO Waaqi herega nama ch'ufa imbeekha. Waan tolchitu ch'ufa AABBO Waaqa ira keeyad'i, duuba heregi kanke ch'ufti sii guutama. AABBO Waaqi waan mid'aase ch'ufa woumafi mid'aase, ch'ubbichale aka balleesuufi uume. AABBO Waaqi kiyyibaa ch'ufa injibba: beekha, inni worra akasi suni ch'ufa ingaargalcha. Nami Waaqa jaalate saalfatufi araarsa isa ira argata; nama AABBO Waaqa sodaatuti ch'ubbu iraa gora. Nami waan AABBO Waaqa gammachiisa ch'alla tolchu nyaapa isaale wold'aqani nagayaani woliini taani. Nami yo waan diqo kara d'ugaatini argate, nama hori heddu kara dabatini argate ira jira. Nami garaa ufitini woi herega, ammo nami kara dansaati isa qajeelchu Waaquma. Hayyuuni qarooma Waaqi kennefiini dubbi mura, murani isaleeni qajeeltu. AABBO Waaqi waan woini biimani, miisanafi d'und'umale qajeeltu namaani indabsine fed'a. Hayyooti waan daba ka lafa keesati tolchani diqole inobsitu, wonti akanatiifi wonti finna hayyuuni namaani fidu jabeesa d'uga ch'alla. Hayyuuni dubbi d'ugaa fed'a, ammalle nama d'uga suni dubbatule injaalata. Eegi hayyuuni dallane dooti namaa inooltu, ammo qarooni sosobeti isa gammachiisa. Gammadi hayyu namaa jireenna, eebiti isa duumansa ganna fakaati. Beekhaafi qaroomi qarsifi worqi ira namaa jira. Karaani nami qajeelani deemu hameenna iraa gora, tanaafi kara gula deemtu laalad'i, lubbu ufi baasi. Ufi saaditini baditi nama geesiti, kiyyibileeni duani nama gaha. Nami hiyyeesi, ka ufi inguddimne, kiyyibaa hori saame qoodatu ira gooma. Nami waan baratu jabeesu waan dansaani baha, nami AABBO Waaqa d'ugeefatuleeni eeba qaba. Qarooni beekha ufitini gurra baafata, dubbuma isaa miooftuni nama ufi gula deebisa. Qaroomi nami qabu madda jireennati, ammo nami daalle wo barsiisu ufuma lafati hafa. Nami wobeekhu herege dubbata, jechi worraleeni ufi gula nama deebisa. Dubbini dansaani aka damna mioofti-miaani isii afaaniti qunt'ulofte nafa si mid'aasiti. Kara atini qajeela seetuti duati si geesa. Nami beela ufi d'owa jed'e huji hojatu jabaate hojata. Ch'ubbichi kara namaani balleesu barbaada, dubbini isaaleeni gubbde nama balleesiti. Nami hamaani nama hamatu hama ufitini nama wolti naqe, jaallowaanile gargari baasa. Nami d'ibaani deemu jaallowaani ufi sobe badiini iti d'ufa. Nama ila siti qise siti ch'iniinatu eegad'i, nami suni hameenna garaa sii qaba. Nami lubbu bule arri baase nama d'ugaa ka Waaqi eebise. Miira guddinni jannooma ira jira. Nami obsa gudda nama dira heddu had'e dabsatu ira jira. Nami hit'a buufate waan iti deemu laala, ammo wonti ch'ufti AABBO Waaqaani, taati. Nama nagayaani qit'a gogeesa nyaatuti, nama mana ufi keesati jila tolfate, jila suni keesati woldidu, ira jira. Tisseeni woi beetu ilma seseega woma inguunne mohate, oboleyaani isaa woliini hori d'aalti. Worqifi qarsi ibidaani bassani ilaalani, AABBO Waaqileeni akasuma garaa namaa laala. Nami hamaani waan hamtu ch'aqasa, kiyyibaleeni kiyyiba ch'aqasa. Nami hiyyeesa koblu nama Waaqa isa uume tufatu; nama badi nama d'ibi fed'u, ufile badi inhanqatu. Akuma ilmi abba ufitini khooru, nami jaarelleeni akhakhowani ufitini khoora. Dubbini dansaani daalle infakaatu, kiyyibileeni nama gurra qabu infakaatu. Nami nama gumbeesu, waan nama suni falfale waan fed'u ch'ufa ira argatu ufi seha. Nami wollaala biraa namaa deemu nama nagaya barbaadu, ammo nami haalo fuud'u nama waan hamtu barbaade jaalani ufileeni wold'abuni. Nami wo beekhu jecha tokooni wo barata, ammo daalle uleeni d'ibba tokoleeni woi imbarsiiftu. Nama ch'ubbicha waan hamtu barbaadu, waan hamtu isa ijeesa iti ergani. Fulla nama daalle tae waan aka injirre hojatu argani, nama gorjama ilmaani jala fit'ani arguti ira jira. Yo nami waan dansa waan hamtuni deebise, hameenni haguma jiru mana isaa keesaa imbahu. Woldidaani nami qara woldidu haro ch'abt'e fakaati; tanaafi arifad'i dubbi suni qabaneesi. AABBO Waaqi nama nama d'uga gula deemu dabsufi yokhaani nama nama hama baasule diqole infed'u. Horini woi barachaa jed'ani daalleti baasani, ka inni ufiftu qalbi inqamne, mali baha? Jaallowaani yo ch'ufa woli jaalati. Oboleesi, yo atini gaargala qabdu si inqarqaare, oboleesa maani? Namuma qalbi inqamne ch'allati gati nama d'ibi fuud'e ufira kaya. Nami woldida fed'u ch'ubbu barbaada. Nami guyya ch'ufa ufi saadu d'iba ufiti barbaada. Nami waan hamtu herege woma hamtu dubbatu badi male waan dansa inargatu. Ilmi daallichi abba booche garaa yaka. Gammadi fayya sii kenna, ammo miira hameenni nafa si nyaata. Jaarsi ch'ubbichi d'ossani gumbo fud'ate, akasiini d'ugaani badi. Nami woi beekhu qarooma ch'alla gula deema, ammo daalleeni waan toko ch'alla ira inteetu, oluma gadi mara. Ilmi daalleeni abba booche haad'a garaa yaka. Nami woma iyyakini ka karra mataa iti murani daba; nami d'uga gula deemu ka d'ananileeni diqole dansaaniti. Nami wo beekhu waan ufi hojja ch'ufa tae indubbatu. Nami hubacha qabu lafumaa kae akanumati indubbatu. Daalleleeni, yo afaani qabate ch'alifte teetu nama wobeekhu sehani. Nami namaani woli ind'ageenne, ch'ufti ufo ufuma ch'alla jaalata. Inni waan qajeeltu biyyiti agartu ch'ufa imorma. Daalleeni hubachaafi hubacha d'abale woma ira inqabu, ammo aka qarooma qabu ch'alla ufi garsisu fed'a. Ch'eeraafi ch'ubbuuni woli wahela, nama saala inqamne ingoyeesani. Dubbini namaa madda qaroomaati, isiini qile aka baariini, ammalle qullo aka bisaani galaana. Nama wo yake ira ch'iisani nama d'uga qabu d'uga d'owitini daba. Daalle wo moromtu d'aanu malani. Daalleeni afaanuma ufitini ufi balleesite t'urura keesa ufi buufti. Hamti afaaniti guddo mioofti-tanaafi nami liqimse garaati qabata! Nami woma inguunne wahela nama wo yaku. AABBO Waaqi doofi jabdu nami d'ugaa d'eete iti bahu fakaata. Ammo dureesi waan horini isaa aka naabo jabdu d'eertu marsani diraani jaarani isa baasu seha. Nama ufi inguddimne nami insaalfata, ammo nami ufi olfuud'u kara badi keesa jira. Ato woma namaani injenne qara ch'aqasi, yo akasi tahu baate, atini daalle nama tufatu. Yo atini fayya d'abde lubbu ufi d'ind'isite inuma doota, ammo yo d'ind'isu baate infayyita. Nami wo beekhu guyya ch'ufa kurfo jira aka qalbi tokooni wo baratu. Yo atini nama guddaani dubbachu feete, wo geesifi, akasi ch'alla dandeete dubbatani. Nami qara kora keesati nama himatu, waan d'ugaa qabu fakaata haga nami inni himatu kaani kae woi gaafatuti. Hojja nami gugurdaani lama kora keesati wold'abe, hit'aa buusani ch'allati worra gargari baasa. Oboleesa kanke qarqaari, inni akuma naabo jabdu diraani jaarani si qorqorata, ammo yo isani wold'abdani inni si seerate balbala ufile dura bahu si d'owa. Nami dubbuma ufitini due yokhaani jiraata. Dubbini atini jettu si ijeefti yokhaani si jireesiti, tanaafi waan dubbi tante ira siti gad'ufa, hamtufi toltule, ch'ufa fud'ad'i. Nami nad'eeni fuud'e ya waan dansa tahe, AABBO Waaqileeni ineebisaafi. Hiyyeesi yo namaani dubbatu laanuma dubbata, ammo dureesa namaani lola. Jaalani namaa hagi toko oboleesale ira namaa jirti, ammo hagi toko nama balleesiti. Hiyyeesa ch'ubbu inqamneti daalle kiyyibdu ira gooma. Nami hubacha inqamne ka woi owisu dansaaniti; hifanooti kara ira si gorse si balleesa. Nami gari daalluma ufitini ufi balleese, duuba AABBO Waaqa haalata. Dureesi guyya ch'ufa jaala heddu darata, ammo hiyyeesi takacha qara qabule ind'aba. Nami kora keesati d'ara dubbate gati iti murani jalaa imbahu. Nami ch'ufti nama guddinna qabu sosobe durati ufi mid'aase akasiini naasifata; nami ch'ufti jaala nama namaa nahu tau fed'a. Hiyyeesa oboleyaani isaleeni infeetu, jaalani isaleeni hagasi ira jibbiti. Inni ato waan fed'u tahele jaalani inargatu. Waan dandeetu barad'i, akasiini ufi qarqaari; duuba waan baratte suni qaabad'i, hormaatati baata. Nami kora keesati d'ara dubbate akasiini gati iti murani tokoleeni jalaa imbahu, inuma bada. Daalleeni machi keesa bulu himmalle, tisseleeni balcha mohachu himmalle. Yo atini nama qalbi qabu taate miira guddata. Yo nama siti wollaale biraa deemteefi, ya waan dansa taate. Dallansuuni hayyuu itansu nyeench'a fakaati, ammo naasuuni isaa akuma bokaya roobuti. Ilmi daallichi abba ufi balleesa. Niitiini d'ibditini, hojja ch'ufa lola deemtu, akuma d'impu bokaya d'impifti. Nami abba ufi ira manafi horile ind'aala, ammo niiti wo beetu AABBUMA Waaqati kennafi. Yo huji hojachu baate ufiraa rafte, ufuma beelaani ufi geeta. Nami seera Waaqa guutu lubbu bula, ammo ka inguunne indua. Nami hiyyeesa wo kenne ya Waaqa wo kenne, AABBO Waaqileeni waan inni kenne suni inuma deebisaafi. Ilmaani tante ato isiini didiqootu qajeelchi, adaba dansa barsiisi, yo akasi tolchu baate isiini hammaatte badi. Nami miira diqaate woma isaa male argata. Yo atini guyya toko gaargala keesaa isa baafte inni ammalle ituma deebia. Yo atini gorsa fud'atte wo baratte, takaa tana qaroo taata. Nami garaa ufi keesaa mala heddu qaba, ammo fed'uma AABBO Waaqati taha. Nami waan ee jed'e fud'ate iraa gargalu himmalle; hiyyeesileeni kiyyiba ira gooma. Sodaani AABBO Waaqa sodaatani nama jireesite, quubsite hameenna iraa d'owarti. Nami gari laafe bade, sagale garaati nyaatule afaani keeyachu dad'aba. Kiyyiba d'aani, akasiini nami woma imbeenne ira wobarata. Nama wobeekhu gorsi, aka inni beekha daratu. Namuma ch'eera foko inqamneti abba ufi d'aane haad'ale worra keesaa baasa. Ilma kiyya atini yo wo barachu didde, waan qara barateele inwolalta. Nami d'ugaa yaamatani, ka d'ara dubbatu, d'uga balleesa. Ch'ubbichi hameenna mieefate gula deema. Daalle kiyyibdu d'aananiti wollaala iti murani. Nami farso d'uge machau daalle, inni d'uge namaani woldide ufi balleesa. Dallansuuni hayyuu itansu nyeench'a fakaati, nami isaa dallansiisu seeruma nama ufi ijeese. Daalleeni yoosu namaani woldiddi, ammo nami waan akasi iraa fagaatu nama ch'eera foko qabu. Nami oobru qabu, ka hojja fach'aasa oobru inqotanne, gaafa mid'aani murtani woma inargatu. Heregi namaa aka eela qile, ka bisaani isa gafago jirani, jira, ammo nami wo beekhu dandae herega suni diidati gabaasa. Nami hedduuni dansumafi balchuma ufi saada, ammo nama dansumafi balchuma qabu aka tabaati lafa keesati inargani? Nami d'ugaa qajeelani wollaala intolchu, ilmaani isaaleeni takaa tana eeba argatti. Hayyuuni, yo tae dubbi qoru, waan hamtufi dansale gargari baasa. Eenuti dandae, Anini ch'ubbu inqabu, garaani kiyyaleeni qulqullo jed'a? AABBO Waaqi nama waan biimu keesa, miisanafi d'und'umani nama dabsu, injibba. Ijoollele woma isiini hojattuuni adaba isii hamafi dansale beekhani. Gurra woini d'agayanifi ila woini arganile AABBO Waaqati namaa kenne. Yo hiriba ch'alla jaalatte inhiyyoomata; kai wo hojad'i, waan nyaate d'uddu argata. Nami woi gati had'u jiru, nama iraa bitu jiruni tae, gatini hamtu jed'aani, ammo eegi bitate bira deeme, kiyyibe, lafuma fud'ad'e jed'a. Nami waan jechu jiru hubatu waan worqifi d'akha ch'ululuqa ira jira qaba. Nama daallae nama fuula imbeenne, Anati gati tante sii baasa jed'u, hori isaa haga inni gati suni baasuti qabdo ira qabu malani. Sagaleeni atini kara dabaatini argattu yo atini nyaachu jirtu siti mioofti, ammo eege had'aa siti taati. Gorsa fud'ad'i woini baata; mala male, woraana fud'atte duula indeemini. Nami dubbini keesa inteenne, dandae woma ind'ossu; nama suni iti ind'iaatini iraa fagaad'i. Nama abbaafi haad'a ufi abaaru lubbuuni isaa akuma ifse dukana keesati d'aamfani d'aamti. Horini atini kara laafaani argate hori intahu. Anini haalo ufumaani baafad'a injed'ini, AABBUMA Waaqati ufi lakisi, ha inni si qarqaaruti. AABBO Waaqi nama miisanafi kilo woini biimu keesa nama dabsu diqole infed'u. AABBO Waaqati ejjata nama qajeelcha, nami akami dandae kara ufi beekha re? Herega male Waaqaa wo baasa injed'ini, hegeri hanqatte ufii gaabita. Hayyuuni qarooni nama waan hamtu tolchu barbaade naasu male gaargalcha. AABBO Waaqi qalbiifi herega nuu kenne; nu dandeenne nafa keenna wa ind'ofannu. Hayyuuni yo d'ugaafi qajeelumafi jaalala ch'allaani nama mohatu ch'alla lafa moha. Dansumti kaima, jabeenna isaati, mid'aagumti jaarsa, arri isaati. Hojja gari, gaargalani male, heregi namaa injijiramu. AABBO Waaqi akuma yaasuma galaana qajeelchu, herega hayyule qajeelcha. Nami waan tolchu ch'ufa qajeeltu seha, ammo AABBO Waaqati herega nama ch'ufaa beekha. AABBO Waaqi sorio atini baaftufi ira, d'ugaafi qajeeluma atini tolchitu fed'a. Ch'ubbichi ufumaa saaditifi kiyyibuma ch'alla gula deema, ammo wonti kunini ch'ufti daba. Nami mala qabu waan heddu argata, ammo nami arifate wo tolchu waan nyaate d'ugule ind'aba. Horini kara ch'ubbutini argatani imbada, ammo ato imbanne boola dua keesa si buusa. Ch'ubbichi kara d'ugaa dide hameennuma ufitini ufi balleesa. Nama wollaala qabu karaani isaleeni qajeelaniti, ammo nami woma iyyakini kara qajeela keesa jira. Fulla niiti d'ibditi nama gaargalchituni mana takati woliini galani, nama biraa bahe goseti galuti ira jira. Ch'ubbichi hojja ch'ufa hameenna barbaada, inni naasu nama tokole inqabu. Hojja kiyyibaani gaargala argatu, nami woi imbeenneleeni ira wo barata. Qarooni waan barsiisani ira woi barata. Waaqi d'ugaa waan worra ch'ubbicha keesati tolchani ch'ufa beekhe, worra isaa suni balleesa. Nama boha hiyyeesa ch'aqasu dide, ato inni qarqaarsa bohele isa inch'aqasani. Nama siti dallanu wonti d'ossati kennanifi inch'alisiifti. Yo kora keesati d'ugaa dubbatani nami d'ugaa ingammada, ammo ch'ubbichi ingunguma. Nami kara hubachaa iraa gore, dueti boola ekherati gala. Nami machi jaalatu inhiyyoomata, ammalle nami daad'ifi d'ad'a jaalatu haguma jiru woma inhoratu. Nami ch'ubbu badi inni nama d'ibitini d'ufu fed'u ufitini d'ufa. Fulla niiti d'ibditi haguma jirtu teete gungumtuni wolti galani yo biraa deemani alaati galani ira jirti. Nami woi beekhu sagale dansa olkeyata, ammo daalleeni hori ufi akuma argatuni nyaate fit'a. Nama naasufi d'uga gula deemu, lubbuuni d'eerate namileeni isaa saalfata. Abbaani duula qarooni dira naabo jabduuni jaarani had'e dabsate, naabo worri d'aabatule ch'abse balleesa. Yo atini d'iba keesa ufi buusuu infeene, araba ufi tissi. Kiyyiba na garsiisi, aninileeni nama ufi saade ufi olfuud'e nama d'ibi tufatu si garsiisa. Nami laafaani woma hojachu infeene ufuma ufi ijeesa. Inni guyya kana ch'ufa woma d'ara ufi ch'alla tae herega, ammo nami d'ugaa woma nama ind'owatu, garaa tokooni wo namaa kenna. Sorio worra ch'ubbuu AABBO Waaqi injibba, keesuma yo worri herega hamaani baasufa inni aka hama jibba. Nami d'ara d'ugeesu imbada, ammo jechi nama wo hubatu imbadu. Nami d'ugaa ufi ind'arefatu, ammo ch'ubbichi waan ch'ufa keesa ufi tolcha. Yo AABBO Waaqi si jibbe, wonti tokoleeni ta atini qarqaarsa iraa argattu injirtu, qarooma taanaani, beekha taanaani, malalle taanaani. Nami fardaani induula, ammo ka nama dabsachiisu AABBO Waaqa. Gurri dansaani hori gudda ira jira, maqaani dansaani worqi yokhaani qarsile ira jira. Dureesafi hiyyeesale AABBUMA Waaqati uume, akanaani worri wolfakaata. Nami wo beekhu, yo d'iba iti d'ufu argu, duraa gora, ammo nami woi imbeenne d'iba kana keesa seene eege ufii gaaba. AABBO Waaqa sodaad'i, ufi inguddisini, duuba duroomafi saalafi jireenna argatta. Yo atini lubbu te jaalatte, gufufi qorati karaati worra ch'ubbu balleesitu iraa gori. Ijoolleeni yo atini kara qajeela barsiifte, gaafa jaartule iraa ingortu. Dureesi hiyyeesa mohata, nami nama d'ibi gati ira fuud'uleeni ya tisse isaa tahe. Nami sanyi daba fach'aase badi murata, deebie dandae nama indabsu. Nami tolaani hiyyeesa sagale ufi qoodu, eeba argata. Kiyyiba ufi biraa gussi, duuba moromafi woldidafi arabi deebie si ingahu. Nama garaani isaa qulqullo, ka dubbi dansa dubbatuti, hayyuu jaala taa. AABBO Waaqi kiyyiba d'aareese akasiini d'uga jabeesa. Abeebi woma inguunne, Nyeench'ati na nyaata jed'e, worraa bahu dida. Afaani sharmut'a qile aka boola, nami AABBO Waaqi iti dallani keesa seena. Ijoolleeni ijoollumafi waan aka injirre tolchite wo yakiti, ammo wonti isi mid'aasa ule. Nami dureesaa hori kenne, ammo hiyyeesa dabse akasiini ufi wo horatu, eege inhiyyoomata. Waan qarooni jed'e isani barsiisa, ch'aqasa. Dubbi worraa barad'a, garaa keesa keyad'a inded'ina, nama ch'ufati haasaa. Anini aka isani AABBO Waaqa d'ugeefatani fed'a, tanaafi jecha qaroo kana ch'ufa amma isani barsiisa. Anini ya jecha sodoma, ka qarooni jed'e, isanii t'aafe, ka beekhaafi gorsa dansa qabu, ammalle ka dubbi d'ugaa qajeeltu isani barsiisu. Duuba akanaani yo isani ergani, dubbi d'uga barbaada isaniini jed'ani, gartani itiini galtani. Nami kuni hiyyeesa jette, indabsini; nama gaadisa kora keesati nama dubbatufi inqamne indabsini. AABBO Waaqati worraa dubbate nama worra dabsule balleesa. Nama miira diqa, ka yoosu dallanu, jaala intolfatini. Hegeri finna worraa barate iraa deebini si d'ibdi. Gati nama d'ibi Anati si baasa jette ufira inkayini. Hegeri yo atini baasu dad'abde, sire teele si jalaa fuud'ani. Seera lafa, ka ababooti teesani duri mid'aasite, indiigini. Nama huji dansa tolchu na garsiisi, duuba aninileeni nama nama ch'ufa ira dansa, ka hayyule hojatu, si garsiisa. Hojja nama guddinna qabu woliini gololfatani, waan gololfatani suni aka dansa laali. Yo atini nama guddo wo nyaatu taate, ufi eegad'i garaa gula imbadiini. Sagale dansa inni sini gololchu suni sabdoofte infit'ini, hegeri inni si ilaalata fa. Daalloofte durooma barbaada jette, ufi ingaargalchini. Hegeri horini kanke koola baase aka risa barsiise yoosu sira bada. Nama woma iraa imbaane qoch'och'ama, sagale isaa inyaatini, ato inni sagale miooftu si kennele iti ind'araini. Inni ka garaa inqamne afaanini kooti nyaad'i d'ugi sini jed'a. Atini waan reefu nyaate kaani diddidde dubbi dansa reefu jetteeni taanilee gaabita. Daalle qarooma kanke ingarsiisini, hegeri si goyeese si tufata. Seera lafaa ka duri jaaroleeni mid'aasite indiigini, yokhaani oobru hiyyeesale ira infud'atini. Wonti akanatiifi nami worraa kalchu AABBO Waaqa. Waan si barsiisani ch'aqasi qalbeefad'i. Sodaate ilmaani d'aanu illakisini uleeni lubbu inijeeftu. Yo uleeni d'aante, isuma dua ira d'owarta. Ilma kiyya, yo atini qaroo taate, anini guddo gammada. Yo atini dubbi qajeeltu dubbatu garaani kiyya inqilit'ama. Ch'ubbicha inhalchini, ammo hojja ch'ufa AABBO Waaqa sodaad'i. Yo akasi taate waan dansaati baata. Ilma kiyya, ch'aqasi, qalbeefad'i, kara qajeela gula deemtu jabeesi. Nama farso d'uge machaufi nama sagale nyaate inquumne wahela intahini. Wonti akanatiifi sabdiifi nami machaauleeni inhiyyoomata. Yo wontumaani atini hojattu waan suni ch'alla taate, d'iotu ch'arqi naqata. Abba si d'ale ch'aqasi, haad'a tante, ato isiini jaartele, intufatini. D'uga, qarooma, baracha, qalbi, wonti kunini ch'ufti waan argachu malani, d'abu himmalle. Abbaani nama d'ugaa ingammada, ilmi qarooni abba gammachiisa. Abbeetifi haate gammachiisi, aka haati si d'aalte sini machooftu. Ilma kiyya, na ch'aqasi, faana tiyya iraa ingorini. Eenuti gaaragala qaba? Eenuti laalala qaba? Eenuti guyya ch'ufa namaani woldida? Eenuti guyya ch'ufa tae gunguma? Eenuti fayyuma tana madaa? Eenu ilti diimati? Waan kana ch'ufa nama farsoni daalle farso gosa heddu d'uguti qaba. Daad'i diimtu, ta muduunu keesaa ch'ululut'u, ta hojja atini liqimsitu si jalaa miooftu, ilaalte ind'ugini. Hegeri yo d'udde boriyyaate aka waan bofi si nyaate doote ch'iifta, aka waan buutini si iddite. Ilti tante waan mama agarte, qalbiini tanteeleni hubacha d'abde, waan dubbatu wollaalte bopifta. Atini nama baariini d'awa jabdu qabu keesa hobolooni deemu, ka fiit'e utuba isiti rarau fakaata. Atini ya na d'aanani, ammo woma intaane; ya na d'aanani, ammo quba inqabu; anini yoomi damaqa? me, farso d'ibi naa buusa, jetta. Ch'ubbicha halchite jaala intolfatini worri woma hamtu tolchu ch'alla herega; dubbini afaani worraa keesaa baatu ch'ufti ta nama wo tolchitu. Mana qaroomafi beekhani yayabani jaarani. Nami wo beekhu mana ufi miha dansa iti biteti sunini ch'okha. Nami qarooma qabu nama jaba, irre qabu, ira jira, nami beekha qabuleeni nama jaba ira jira. Wonti akanatiifi atini ato duula indeemne mariachu malte, ammalle gorsi hedduuni atini nama ira argatu nyaapale si dabsachiisa. Daalleeni haguma jirtu jecha qaroo inhubattu. Isiini gaadisa kora keesaleti beete woma indubbatu. Nama hojja ch'ufa waan ch'ubbu malatu, d'ibdicha jed'aniini. Daalleeni ch'ubbu male woma inhereddu, namileeni nama nama tufatu injibba. Yo d'ibi siti d'umannaani atini ufi jibbaate, atini laafa dua. Nama dabaani ijeechaa geesani lubbu baasi, insodaatini. Ato atini, wonti kunini huji tiyyaniti anini keesa imbuu jettele, Waaqi ka herega nama ch'ufa beekhu waan suni inargu? Inni qara siuma eeguu jira, waan kanke ch'ufa imbeekha, inni duuba woma atini tolchitu gula waan sii male si tolcha. Ilma kiyya, dammi waan dansa, nyaad'i. Akuma dammi miae qunt'ulau, akasuma qaroomileeni woi sii baha. Qarooma barbaadi, duuba wonti ch'ufti sii tolti. Aka ch'ubbicha malate mana nama d'ugaa ch'abse saamatu intahini. Nami d'ugaa ato maro heddu jigele inuma kaa; ammo ch'ubbichi inuma bada. Yo nyaapi kanke gufate jige gaargala keesa seenu ingammadiini. Yo waan akasi sunii jette, qilit'amte, AABBO Waaqi hegeri herega kanke beekhe, si jibbe, nama kaani lakisa fa. Nami ch'ubbu yaada si inargini, yokhaani worrale inhalchini. Ch'ubbichi boro inqabu, waan d'aabatule inqabu. Ilma kiyya, AABBO Waaqa sodaad'i, hayyule saalfad'i. Nama worra kana lamani didu, wahela tolfatte gula indeemini; worri akasi suni yoosu bada. Atini aka Waaqafi hayyuuni dandaani si balleesani diqole inhereddu? Jecha kanale worruma qarooti jed'e: Jaarsi gaadisa kora keesati dubbini nama ira ch'iisu dansaaniti. Yo inni nama wollaala qabuuni, wollaala inqabdu jed'e, nami ch'ufti isa jibbe isa abaara. Ammo jaarsi nama wollaala qabu wollaala iti muru eebaafi gurra dansale argata. Nami d'uga siti dubbatu jaala kanke ka d'ugaati. Haga oobru qotate aka dansa mid'aafate waan iraa nyaatu argattuti mana injaaratini. Fayyuma tana d'uga namaa baate waan nama d'ibi indubbatini, yokhaani hamtu tokole indubbatini. Ammalle Anini woma inni naa tolche isale tolche, akasiini haalo baafad'a, injed'ini. Anini oobru mid'aanitifi ta zabibu, ta namicha laafa daallicha tokotini d'aatu bahe, oobru suni ta mukha qoraati baafte, haramani badde, d'akhaani isiini marsani jaaranileeni ch'ufti jige arge. Anini akanumati eje, oobru suni ilaale herege, ira woi barad'e. Duuba waan jed'e, yo feete hochisi rafi, harka marad'i, ufiraa tai. Ammo ato atini raftu, hiyyumti d'ufte aka shifta si haati. Kunini mammaasa d'ibi hayyuuni Solomonini mammaakhe ka jari mana hayyu Yuda, ka Hezekia jed'ani keesa hojatu, t'aafe. Nu Waaqa waan inni wo d'ossufi guddimna; ammo hayyoota waan isiini woi nama barsiifte namaa didufi ulfeesina. Nami dandae herega hayyu imbeekhu; heregi isaa nura olfago jira, akuma waaqa olfagaate yokhaani akuma d'immu bisaani gadifagaata. Qarsi bassi qulqulleesi aka tumtichi waan dansaani mid'aasu. Nama ch'ubbicha hayyuu mala d'au biraa baasi, aka finni inni nama fidu ka d'ugaa tahu. Hojja hayyu dura ejitu kiyyibde ufi inguddisini. Fulla, Fullaani tunini ta nama guddati, armaa kai jed'ani si ch'eersani, yo ufiini si yaamani, kooti, arama dura tai sini jed'ani, ira jirti. Waan aka dansa agarte inhubatini gaadisa korati ingeesini. Yo nami d'ibiini d'ufe dubbi te d'aareese si ch'eerse maani taata? Yo namaani dubbi irati wold'abdani, ato namutu woli ingeesine, isanumaani hobaafad'a, aka nami d'ibiini wold'aba keesani suni ind'ageenne. Hegeri nami aka atini woma ind'ossini si arge, akasiini ch'eeri kanke diidati gabaha. Dubbini akuma isi malte gula dubbatani akuma waan worqi iraa mid'aasani, qarsiini barreesani ch'okhani jirti. Gorsi nami wobeekhu nama isa d'agau gorsu qube worqitiifi yokhaani faaya worqi ch'uch'uluqa ira jira. Nami dansaani yo ergatani erga mid'aasu, nama isa ergatu suni akuma bisaani nama adu keesa mid'aani muru qabaneesani, nafa isaa qabaneesa. Nami qara, wo sii kenna jed'e, ammo eege si d'owatu dumansaafi bubbe bokaya inqamne fakaata. Nami obsa qabu, ka hayyu sosobu dandae isale, ato inni qara aka jaba didda qabaatele ufi gula deebisa. Damma mia gula nyaate ufira dabarsite indidigini, ammo haguma nyaad'i. Ufi eegad'i, guyya ch'ufa mana olla keetitiini imarini; hegeri inni si hifate si jibba. Nami waan d'araatiini nama himatu, akuma goraadeefi bokuufi t'iya qara qabdu hama. Nami nama d'aabu inqamne ira ufi kaye, nama ilkaani chochoatiini wonyaatu, yokhaani nama miila naafateeni lafati ejaanjata deemu, fakaata. Nami nama garaani hamateti sirbu, nama guyya d'aamocha woya isa iraa baasu ka yokhaani soodda mada diimtuti rigu fakaata. Yo nyaapi kanke beelaa d'eebu qabaate, beelaa d'eebu baasi. Yo waan kana tolchiteefi atini ch'ile owitu mata gubbati guurte AABBO Waaqileeni si eebisa. Akuma bubbeeni mirgaa bokayaani d'uftu, hamti nami nama hammaatuleeni dallansuuni d'ufti. Fulla niiti d'ibditi nama gaargalchituni woliini galani, nama bira bahe goseti galuti ira jira. Nami odu dansa lafa fagooti d'uftu d'agayu, nama bisaani qabanao hojja d'eebotu d'ugu fakaata. Nami dansaani dubbi nama hama gula deebiu aka maddo t'ureesani balleesani yokhaani eela had'aa iti naqani jira. Dammi nyaatani ufira dabarsani hama, ammalle akasuma nami aka guddo nami isa owisu fed'uleeni dansaaniti. Yo atini dallansu inobsini, atini akuma dira naabo nyaapani ufira d'owu inqamne jirta. Akuma qabanti bona hagayya infakaanne, yokhaani bokeenileeni fulla mid'aani murani infakaanne, ulfinnileeni daalle infakaanne. Akuma buriya godaantu, yokhaani akuma worabati bariftu, abaarsi sii himmallini si inqabatu. Akuma farda lichooni d'aanani yokhaani gaange lugamani, daallele akasuma d'aanani uleeni qajeelchu malani. Yo nami dubbi aka injirre si gaafate, atinileeni dubbuma akasi suni deebifteefi, akuma isaa daalle taata. Nama dubbi aka injirre si gaafate, atinileeni dubbuma aka injirre deebisifi, duuba nami si gaafate sunini aka woma imbeenne ufi arga. Yo atini daalle ergatte, D'aamsa na himi jetteeni, atini akuma nama ufi gaargalche miila ufira kutu jirta. Mammaasi daalle, akuma nama miila naafate, woma imbaanefiini, deemu jira. Nami daalle guddise owise, akuma nama d'akha gullubaani darbani gulluba keesati hid'u jira. Daalleeni mammaakhu akuma nama farso d'uge machae, qorati harka keesa fud'atu, jira. Nami namuma argu ch'ufa, herega male, huji qoru, ufumaa gaargala seene nama sunile gaargala keesa buusa. Daalleeni daalluma ufiti deebiu akuma sare diddiga ufiti deebite nyaatu jira. Nama qaroo intahini, ka ammo qaroo ufi sehu, daalle raatuti ira jira. Abeebi maafi manaa imbaane? Inni nyeench'a sodaata? Akuma balbalti mikhikilati ejitu chochootu, akasuma abeebi sire ira buu dide tae keesati chochochoa. Nami gari laafe bade sagale garaati nyaatule afaani keeyachu dad'aba. Nami laafaani woma inguunne waan nama torba ka mala malte qabu ira wobeekhu ufi seha. Nami dubbi isa ingahiini keesa buu, akuma nama sare kara deemtu ch'ee gurra qabu jira. Qoraani male, ibidi ind'aama; fulla hamti injirrele wold'abi injiru. Akuma barbaadi ibidaa ch'ile bobeesu, yokhaani qoraanileeni ibida bobeesani, nami d'ibaani deemuleeni woldida owisa. Dubbini nama wohamatu aka damma mioofti! Yo liqimsani isiini akami namati mioofti! Dubbini soba, ta atini waan hamtu garaa qabduni d'ossitu, aka okote faara, ta ala lumut'ani mid'aasani, jirti. Nami d'artichi afaani namati mid'aage, ammo garaa ufi keesa waan hamtu namati herega. Dubbini isa ch'ufti dansa fakaati, ammo atini waan suni ind'ugeefatini; wonti akanatiifi garaa isaa woma hamtu ch'allati guute. Inni hegeri hameenna ufi d'ossa, ammo nami ch'ufti waan hamtu inni tolchu inarga. Nami boola qayyaane namaa qotu ufumaa keesa bua, ammalle nama d'akha gaara iraa ga kayule d'akhuma suniti ch'arasa. Nama jibbani silaaftu inuma arabsani; dubbini sobaleeni badiini namati d'ufti. Waan boritini koorte inkiyyibini waan jiddu tanati siti d'ufa imbeetu. Nami d'ibiini ato keessumale taate ha si saaduti, ammo atini ufi insaadini. D'ibi daalleeni namaatiini d'uftu maansafi d'akhaale ira namati ulfaata. Dallansuuni waan hamtu, waan wo balleesati, ammo d'iibiini waan hagasi iraati. Dubbini diideesani namaani gorsani jaalala d'ossa ira jirti. Yo harki nyaapa keeti si madeesele womaniti, ammo d'ungo nyaapa keeti ufira eegad'i. Nama quufa qabu dammileeni iti imiau, ammo nama beela qabu wonti had'aaleeni iti mioofti. Nami worra ufi iraa fago jiru simpirre mana isi ira fago jirtu fakaata. Qayyafi d'ad'aani urgaani nama gammachiisa, ammo gaargali qalbi si yake nagaya si d'owa. Jaallowaani teetifi ta abba keeti inded'ini. Yo gaargala keesa seente, oboleesa kanke ka siraa fago jiru qarqaarsa inkad'atiini; nami olla keeti ka siti aanu oboleesa kanke ka fago jiru suni ira sii jira. Ilma kiyya atini yo qaro taate na gammachiifta. Duuba nama waan kiyya dubbatu anini yo suni waan jed'uuni qaba. Nami wo beekhu yo aka gaargali iti d'ufu argu duraa gora. Ammo nami woma imbeenne eegi keesa seene ufii gaaba. Nami aka male daallae nama fuula imbeenneni, Anati gati si baasa jed'u, hori isaa aka qabdoti iraa fuud'u malani. Nami ganamaani jaala ufiiti lalabe nagaya fuud'e lafaa kaasu seeruma nama isa abaare. Niitiini d'ibditini hojja ch'ufa lola deemtu akuma d'impu guyya rooba d'impifti. Nami isi ch'allisisiti iti game namuma bubbe d'owe yokhaani d'ad'a harkati naqate jigu d'owu fakaata. Akuma sibiili sibiila d'ibi qaru, namileeni woi wolbarsisa. Yo mukha oda qorqorate mid'aani isaa nyaata, ammalle nami abba isaa qorqoratuleeni gurra dansa argata. Akuma gaandidu namaa dandaani bisaani keesati argani, akasuma garaa ufi keesaleti nami aka jiru ufi arga. D'araani namaa akuma boola ekhera jirti — ta haguma jirtu inguutamne. Akuma qarsifi worqi bassani ilaalani, akasuma gurra namaa hamafi tolalle laalani. Ato atini daalle butuchite d'aantele daalluma isaa dandeete keesaa imbaaftu. Loonifi ree tante haga dandeetu aka dansa qorqorad'i. Wonti akanatiifi horiini waan bara tokofa d'abani. Hayyuleeni haga jiru jireenna intau. Yo fulla atini okhaya haamteefi buuyoni d'ibiini baateeni, duuba ammalle buuyo gaara ira jirtule ch'ufa haamani. Atini dandeete rifeensa hooliye tanteeti baddoni d'aate, beese atini ree tante gurgurraani argatele lafaani bitata. Reeni ira hafte taani siifi worra keetifi dubra si hojatule ameesa taati. Ch'ubbichi ato nami ingussine ufumaani baqata, ammo nami d'ugaa janna aka nyeench'ati. Gochiti ch'ubbu tolchitu gaargalte, nami hedduu isi mohata. Ammo gochiti hojja nami qarooni wobeekhu mohatu, jabaate, ka injijiramne nagumaani teeti. Nami nama mohatu, ka hiyyeesa dabsu, bokaya tamna ka mid'aani balleesu fakaata. Nami seera gula indeemne goli ch'ubbichati. Ammo nami seera gula deemu goli isaa intahu. Nami waan hamtu tolchu d'uga imbeekhu, ammo nami AABBO Waaqa gula deemu aka dansa waan isii hubata. Hiyyeesa d'uga gula deemuti dureesa ch'ubbicha ira jira. Kaimi seera guutu nama wo beekhu, ammo gurbaani seseega gula deemu abba ufi gurra ijeesa. Nami gati namaa kenne, ammalle kara dabatani tirfi iraa fud'atu, mari marsi hori isaa nama hiyyeesa nahuti fud'ata. Yo nami seera gula deemu didu Waaqi kad'acha isaale jibbe ch'aqasule dida. Nami nama d'ugaa qajeela sobe waan hamtu keesa buusu, ufumaa boola keesa ufi buusa, ammo nami ch'ubbu inqamne takaa tana waan dansa d'aala. Dureesi hojja ch'ufa qaro ufi seha, ammo hiyyeesi wobeekhu aka qaroomi isaa sunini d'ara inarga. Hojja nami d'uga guddinna lafaani fidu argatu, nami ch'ufti ingammada, ammo yo nami hamaani lafa fidu nami ch'ufti ind'okhata. Nami ch'ubbu ufi d'ossu woma inhoratu, ammo nama ch'ubbu ufi himate iraa deebiu Waaqi innahaafi. Ayyaana isati ka AABBO Waaqa sodaatu, ammo nami mata jabaate wodidu inuma bada. Yo ch'ubbichi lafa mohatu hiyyeesi waan tahu inqabu, inni akuma nyeench'a itanu yokhaani gorjama dutu jira. Nami daalleeni lafa mohatu nama dabse, irreeni nama bulcha, ammo nami daba didu bara heddu lafa fida. Nami nama ijeese booluma ufi qotachu jira; nami tokoleeni iraa ind'owiini. Nami d'uga gula deemu waan hamtu jalaa baha, ammo nami ch'ubbu gula deemu diirama jige bada. Nami oobru ufi qotatu sagale ind'abu, ammo nami waan woma imbaane gula yau inhiyyoomata. Nami d'uga gula deemu haga jiru ch'ufa nagaya qaba. Ammo nami yoosu wohorachu fed'u, gaargala keesa seenu male intau. Nami nama filatu dansaaniti, ammo jaarsi gari gumbo diqo tokoo jed'e dubbi keesa nama ira ch'iisa. Ufooni namaa yoosu wo horachu fed'a, aka hiyyumti isa qabatule imbeekatu. Yo atini nama gorsite, inni eegi suni soba ira gorsa suni jaalata. Nami, Akani ch'ubbuniti jed'e abbaafi haad'a ufi iraa wo hatu wahela nama woyakuti. Nami ufooni waan hamtuni lafa d'ufa, ammo nami AABBO Waaqa d'ugeefatu waan guddo horata. Nami herega ufi ch'alla gula deemu daalle, ammo ka nama qaro gula deemu waan hamtu jalaa baha. Nami hiyyeesa wo kennu woma ind'abu, ammo ka hiyyeesa laalu didu abaarsa heddu argata. Yo nami hamaani lafa mohatu, biyyati baqate d'okhati, ammo yo isa gargalchani nama dansaati deebie mohata. Nama mata jabaate gorsa fud'achu didu takaa tana imballeesani, deebie inkau. Hojja nami d'ugaa lafa mohatu nami ingammada, ammo yo ch'ubbichi lafa mohatu nami gaargale gunguma. Nami qarooma jaalatu abba ufi gammachiisa, ammo nami sharmut'a gula deemu hori ufi balleesa. Yo hayyuuni d'uga gula deemu lafti inni mohatuleni injabatti, ammo yo inni beesuma ch'alla gula deeme gumbo nama iraa fud'ate, lafuma ufi balleesa. Nami jaala ufi sobu t'urura keesa ufi buusa. Ch'ubbichi dabuma ufitini haada ufi kaya, ammo nami d'ugaa gammade ufumaa sirba. Nami dansaani hiyyeesaa dubbate aka isa dabsani dida, ammo ch'ubbichi waan suni woma ira inqabu. Nami nama d'ibi tufatu nama dira keesa jiru ch'ufa wolti naqa, ammo nami woi beekhu nagaya barbaada. Yo nami qarooni daalle himatu, daalleeni lalabe koble isa arabsa. Nami namuma ijeesu ch'alla barbaadu, nama d'ugaa injibba, ammo nami qajeelani nama akana kana qorqorate lubbuu baasa. Daalleeni dallansu d'ofachu imbeetu, ammo nami wo beekhu obse ufi d'owa. Yo nami lafa mohatu dubbi d'ara ch'aqase gula deemu, worri isa jala hojatu ch'ufti nama d'araa taha. AABBO Waaqi hiyyeesafi nama isa dabsule harkaafi miila kenneefi akanaani wolfakeesa. Yo hayyuuni hiyyeesa d'ugaani fide, inni bara heddu lafa fida. Gorsaafi uleeni waan ijoolle male. Yo ijoolle akanumati lakisani isiini takaa tana haad'a ch'eersiti. Yo ch'ubbichi lafa mohatu, ch'ubbuti lafa ira dabra, ammo nami d'ugaa badi worra suniti d'uftu inuma arga. Ilma kanke gorsi, qajeelchi, duuba inni gurra siti tolche ch'eeru si d'owa. Gochiti gorsa Waaqa imbeenne gosa aada womatu qabduniti, ammo nami seera Waaqa guutu nama gammada qabu. Hojattu dubbini ch'allaani inqajeelchitu, ato dubbi tante gurraani d'ageetele gula indeemtu. Atini nama herega male dubbatu garte? Nama akasi suni daalleti ira gooma. Yo atini nama si hojatu waan inni fed'u ch'ufa ijoollumani kenniteefi inni takaa tana si d'aala. Nami miira diqa, ka yoosu dallanu, wold'abisaafi woldidaani d'ufa. Kiyyibi si balleesa, ammo yo atini kiyyibu baate gurra dansa argata. Waheli hattu ufuma balleesa, inni, ato aka abaarsa Waaqa ira argatu beekhu, d'uga dubbachu dida. Nami waan isa ka nami d'ibiini isa duuba dubbatu sodaatu gaargala seena, ammo nami AABBO Waaqa sodaatu gaargala keesaa baha. Nami hedduuni aka hayyuuni worra jaalatu fed'a, ammo AABBUMA Waaqa ch'alla iraa d'uga argatani. Nami d'ugaa ch'ubbicha jibba, ch'ubbichileeni nama d'ugaa jibba. Tunini jecha Aguri, ilma Yakati: Waaqi ya na lakise! Anini qarqaarsa womatu inqabu. Anini akuma bineensa jira namomitini na keesati inhamne. Anini qarooma womatu inqabu, Waaqa qulqulloole waan isaa imbeekhu. Eenuti taka gara Waaqa d'aqe ga deebie? Eenuti taka bubbe harka ufitini qabe? Eenuti taka woya ufitini bisaani hid'e? Eenuti taka daari lafaa mid'aase? Nama suni maqa isaatiifi ka ilma isa beeta? Waaqi jecha isa ch'ufa inuma guuta. Inni nama isati baqatu ch'ufa wonte tahe baasa. Yo atini waan Waaqi injed'ini, Waaqati jed'e jette, inni kiyyiba kanke diidati baasa. Ee AABBO Waaqa ato indoone waan lama si kad'ad'a, waan suni na ind'owatini: Kiyyibu na d'owi, ammalle dureesafi hiyyeesale tahu na d'owi, ammo woma anini nyaad'e d'ugu ch'alla naa kenni. Yo anini dureesa tahe hegeri, AABBO Waaqi eenu fa? jed'e si mormad'a, yo hiyyeesa tahele hegeri woifa hate maqa hama sitiini d'ufa. Nama namaa hojatu nama inni hojatufi d'at'e hameenna isaa dubbate akasiini iyyakini. Yo akasi taate abaarsa argatte gaargala fa keesa seenta. Nama gariti jira, ka abba ufi abaare haad'a ufiiti ineebimne. Nami garileeni ka nama dansa ufi sehu, haga nami gorticha ch'ufa gorticha. Ammalle nama gariti jira, ka aka male ufi saade nama dansa ufi sehu! Nami garileeni hiyyeesafi hiyyeeti dabse nyaate fit'e akasiini bula. Ulanulti afaani gama lachu qabdi, lachu kenni jed'ani, d'iiga hori t'uut'ani. Waan afuriti jira ka haguma jirtu woi inquumne. Boola ekhera, niiti maseena, lafa godde bokaya d'abde, ibida lafa gubu. Nama abba ufi goyeese haad'a ufi gaafa isiini jaarte tufatu ha ruumichi fooni isaa nyaate, haranqasileeni ila keesa guuratuti. Waan afuriti jira, ka aka male na mamsiise anini waan isii hubachu dad'abe; risa waaqa gubba barisu, bofa d'akhaa ira lohu, hobolo baariini keesa deemtu, jaalala d'iirafi nad'eeni woli jaalatu. Wonti niitiini gortitini taatu tana. Isiini nama d'ibiini rafte, duuba eege bisaani d'iqate waan jettu, Anini woma iyakine ch'ubbu womatu inqabu! Waan afuriti jira, ka laftileeni dandeete waan isaani iniobsine. Tisse hayyu taate, daalle sagaleeni ira dabarte, intala hamtu baddu badati jaarte, eege d'iirsa argete, intala hojattu ta haad'a mana worraa baafte. Bineensa t'ut'unicha afuriti, ka aka male wo beekhu, lafa keesa jira. T'ut'i, isiini laaftu, ammo guyya bona ch'ufa sagale gaafa rooba nyaatu olkeyatti. Osile: isiileeni irre inqabdu, ammo d'akha keesati mana tolfatti. Awaanisa: inni hayyu inqabu, ammo ch'ufa wolgula yaa. Qarch'o: isi harkaleeni inqabatani, ammo mana hayyule keesa ind'abani. Waan afuri d'ibiti jira, ka yo yaatu nama mamsiiftu: Nyeench'a, jaba bineensa ch'ufa ira, ka woma insodaanne; laleesa ree, korma luku, hayyu nama dura deemu. Yo atini qara daalloofte ufi kiyyibsifte waan hamtu malatte, afaani qabad'i waan suni heregi, yo atini aanani raafte, d'ad'a keesaa baafta. Yo atini nama funnani keesa d'ooftele inni infununa; ammalle yo atini dubbi kokhorsite nama dallansiifte, lolati d'ufa. Kunini jecha haati Lemueli isaani jette: Ilma kiyya bad'aaso, ka kad'a tiyya gula Waaqi naa kenne, me, amma maani siti hima? Nad'eeni gula deemte irre tanteetifi hori kanke imballeesini: nad'eeni hayyoota heddule balleesite. Lemueli, na ch'aqasi, hayyooti sila daad'i d'udde farsoo d'arau himmalle. Worri yo d'uge machau, seerale ded'e hiyyeesale dabsa. Farsoni waan nama duu jirufi nami gaargala qabu d'ugu. Ha worrumaani d'uge hiyyumafi gaargala ded'uuti. Nama ufii dubbachu indandeenne dubbad'u, hiyyeesa laafale qorqorad'i. Worraa dubbad'i, dubbi worraa d'uga gula qori aada worraa badi d'owi. Niiti adaba dansa qabdu argachani guddo jabdu! Isiini faaya ch'uch'uluqa naqatanile ira dansa. D'iirsi isii d'ugeefata, waan horatule ind'abu. Isiini haga jirtu ch'ufa isa qarqaarti, waan dansa male waan hamtu isa intolchitu. Isiini nama guddo harkaani woi mid'aasu beekhu, ka woya booftatifi woya dabasa ree ira mid'aasanile d'au beekhu. Isiini akuma hobolo daldaltu ta lafa fagooti sagaleeni d'uftu, lafa fagooti sagaleeni d'ufti. Isiini ganamaa kaate sagale worra isiiti d'aabde, dubra isii hojatule huji garsiifti. Isiini lafa oobru laalte bitatti, beese daldala keesa argateeni zabibu fach'aafatti. Isiini mart'ifate jajabaate hojatti. Isiini waan mid'aasitu ch'ufa aka keesaa woi argattu imbeeti, tanaafi halkanile ifse bobeesite hojatti. Isiini liilana foote woyaani mid'aasiti. Isiini arja, hiyyeesafi nama laafale ch'ufa wo kennitifi. Isiini d'aamochale insodaatu, wonti akanatiifi worra isii ch'ufa ya woya d'aamocha d'owartu mid'aasite. Isiini woya sire mid'aasite, woya boofta bule diimtule hid'atti. D'iirsi isiileeni jaarsa, lafa suni ch'ufa keesa gurra qabu. Isiini woyaafi gurdale mid'aasite daldaltuti gurgurti. Isiini jabduu, ammalle guddo gurra dansa qabdi waan bori iti d'ufale insodaatu. Isiini qaro, ammalle guddo namaa naati. Isiini hojja ch'ufa guddo hojatte, worra ufile jabeesite qorqoratti. Ijoolleeni isiileeni isii eebifti, d'iirsi isiileeni isii faarse. Waan jed'u, nad'eeni hedduti dansaani jira, ammo ch'ufa siti ch'alla. Dansumti nama sobdi, mid'aagumtileeni inhobaati, ammo niitiini AABBO Waaqa sodaatu waan faarsani. Huji isi owisifi gumi duraleeti ha isi faarsani. Tunini dubbi Abba Herega, ilma Daudi, ilma hayyu Yerusalemu. Abbaani Herega waan jed'e, Jireenni waan woma namaa imbaane, waan woma imbaane. Inni diqole woma imbahu. Nami yo jireenna ufi ch'ufa hojate d'ibamu, hujiini suni maal baati? D'alooti d'ufe ammalle dabra, ammo lafti injijiramtu. Aduuni baate d'iite, ammalle marte baati. Qilleensi bitaa d'ae, mirgaa d'ae, mare gadeebia. Galaani ch'ufti baariiniti yaa, ammo baariinini inguutamtu. Bisaani fulla galaani gabahufi yaani, deebiani ammalle gadi baafatani. Wonti ch'ufti nama dad'absiifti — waan nami dandae dubbatuuniti. Ilti waan agartu inquuftu; gurrileeni waan d'agayuuni inguutamu. Wonti qara tahe ammalle inuma taati. Waan qara tolchani ammalle inuma tolchani. Wonti tokoleeni haareetiini lafa keesa injirtu. Waan jed'ani, Wonti kunini haareeti, laali! Ammo wonti sunini woma ato nuleeni ind'alatini jiraati. Waan duri dabre nami qaabatu injiru, ammalle waan takaa tana tahale nami eege d'ufuleeni inqaabatu. Anini, Abbaani Herega, duri hayyu Israeli ka Yerusalemu tau. Anini kutad'e, Waan lafa tana gubbati tolchani ch'ufa qalbeefad'e laale barad'a jed'e. Waaqi haga jiru jireenna yayu gaargala nama ira kaye. Anini waan lafa tana irati tolchani ch'ufa yayu arge, woma keesa injirtu, seeruma nama qilleensa gussuuti. Waan dabe dandaani inqajeelchani, ammalle waan injirre dandaani inhedani. Anini waan ufiini jed'e, Anini ya nama qaro jaba, hayyu Yerusalemu mohate ch'ufa ira jiru, tahe. Anini qaroomafi beekhuma inqaba. Anini kutad'e, beekhumafi daallumafi qaroomafi maraatu gargari barad'a jed'e, ammo hubannaani aka nama qilleensa gussu ufi arge. Akuma qaroomi guddattuuni, heregileeni guddata, akuma beekhumti guddattuuni gaargali guddata. Anini waan ufiini jed'e, Eega, nyaad'e d'uge ufira tae gammada. Ammo waan anini arge, suleeni woma imbaatu. Anini waan arge, kobli daalluma, machileeni nama yakiti. Ato qarooma barbaaduma barbaadu, anini farso d'uge ufi owise ufi gammachiise. Anini waan sehe, karaani kunini kara dansa, ka nami haga jireenna gabaaba lafa tana gubba jiru tauu male. Anini waan guddo tolfad'e, mana jaarad'e, zabibule oobrad'e. Anini oobru oobrad'e, mukha mid'aani heddu keesati oobre; qaba keesati qote, fulla bisaani keesaa iti yaanile mid'aase. Anini tisse heddu, d'iirafi uwale, bitad'e, ammalle tisseeni hedduleeni worra kiyya keesati d'alatte. Anini nama Yerusalemu duri keesa jirule ch'ufa ira loonifi reele qaba. Anini qarsifi worqi, ta lafa anini mohad'u keesati olkayani, ch'ufa guurad'e wolti tuule. Sirbitu d'iirafi nad'eenile qaba, nad'eenile haga d'iirti feetu ch'ufa inqaba. Akanaani anini jabaad'e nama Yerusalemu keesati d'alate ch'ufa bira dabre, ammalle beekhi kiyya taka na iwollaachimne. Anini waan fed'u ch'ufa inargad'e, waan ilti tiyya d'araatufi ch'ufa inquubse, gammachu tokole ufi ind'owarre, wonti anini hojad'e ch'ufti na gammachiifti. Wonti anini argad'e kunini ch'ufti galata huji tiyya. Jennaani eegi suni huji tiyya aka isiiti d'ibame hojad'e herege, ammalle aka wonti suni tokoleeni woma keesa injirre hubad'e. Fakeenna, isiini akuma qilleensa gussani jirti — woma keesa injirtu. Qarale hayyuuni woma hayyuuni d'ibiini qara tolche male dandae waan d'ibi intolchu. Duuba anini eegi suni waan qaroomafi maraatufi daallumti qabdu herege. Ee, anini imbeekha, qaroomi daalluma ira dansa, akuma ifsaani dukana ira dansaa. Nami qarooni gara deemu beekha, ammo daalleeni imbeekhu. Yo akasile taate, anini imbeekha, aka nama ch'ufa dooti eegattu. Anini herege waan ufiini jed'e, Yo wonti daalle qabata nale qabatu qaroomi kiyya maani na baha ree? Woma tokole na imbahu. Nama qaro inqaabatani, daallele inqaabatani. Takaa tana nama ch'ufa inded'ani. Nami ch'ufti akuma takaa dua, qaroofi daallele inqabdu. Tanaafi anini jireenna jibbe; wonti akanatiifi gaargala male woma ira ingargatani. Jireenni woma keesa injiru, seeruma nama qilleensa gussuuti. Anini waan huji hojad'eefi ch'ufa ya gaabe; wonti akanatiifi anini imbeekha, namuma d'ibi eege tiyya d'ufuti lakisa. Eentu beekha — inni qaro taanaani yokhaani daalle taanaani? Ammo ha taatuti, waan anini hojad'eefi ka qaroomi kiyya lafa tana irati naa kenne ch'ufti isumaa hafti. Tokoleeni woma imbaatu. Tanaafi huji hojad'e suni ch'ufa gaabe. Nami qaroomafi beekhumafi oguma ufitiini hojate, duuba eege nama waan suni inhojatiiniti lakisa. Aki kunini woma imbahu, ammalle daba! Nami hojate jireenna ufi keesa heregaani deeme maani iraa argata? Nami haga jiru ch'ufa heregafi gaargala qaba. Halkanile qalbiini isaa imbultu; tuleeni woma imbaatu. Wonti namaa ira jira aka inni waan hojate nyaate d'uge gammaduuni. Ammo anini ya hubad'e, aka tunileeni Waaqa iraa d'uftu. Waaqa male nami eesa waan nyaate d'uge gammaduuni argata? Waaqi qaroomafi beekhumafi gammada nama isa gammachiisuu keenna; ammo inni nama daba hojachiise, aka waan inni argateefi waan olkeyatu nama Waaqa gammachiisuu kennani. Tunileeni woma imbaatu, seeruma nama qilleensa gussuuti. Wonti lafa gubbati taha ch'ufti guyyaafi yo ufi qabdi: Guyya d'alootatifi guyya dua; guyya oobranifi guyya buqisani; guyya ijeesanifi guyya fayyisani; guyya ch'ach'absanifi guyya ijaarani; guyya bohanifi guyya koblani; guyya golgolatiifi guyya sirba; guyya d'iirsafi niiti woliini bulanifi guyya woliini imbulle; guyya wold'ungatanifi guyya woli ind'unganne; guyya barbaadanifi guyya balleesani; guyya olkayanifi guyya gagatani; guyya tarsaasanifi guyya wolti hod'ani; guyya ch'allisanifi guyya dubbatani; guyya woljaalatanifi guyya woljibani; guyya had'iisatiifi guyya nagaya. Ehayi, nami wo hojatu maani huji suni ira argata? Anini imbeekha, ulfinna gudda Waaqi nama ira kaye. Inni hojja waan ch'ufa tolchani ya mid'aase. Inni herega waan iti deemani ya namaa kenne, ammo waan inni tolchu quubse nama ingarsiisu. Duuba wonti anini arge, aka nami ch'ufti haga lubbu qabu gammade waan dandau tolchu. Nami ch'ufti ha nyaate d'uge waan hojate gammadu; tunini ch'ufti kenni Waaqaati. Anini imbeekha, wonti Waaqi tolchu ch'ufti ind'umattu, waan tokole iti indarani, womale keesaa imfuud'ani. Wonti Waaqi waan kana tolcheefi aka nami ch'ufti isa sodaatu. Wonti jiraatiifi yokhaani wonti gad'ufaleeni qara taate. Waaqi woma qara tahe yo ch'ufa gadeebisa. Tana malele, lafa tana keesati anini waan ch'ubbu fulla d'ugaafi qajeelumti jiraachu malteti arge. Anini waan jed'e, Waaqi nama d'ugaatifi ka dabale woma takaani qora, waan tahe ch'ufafi wonti ch'ufti hojuma ufi ka kurfeesani taati. Anini buufad'e waan jed'e, Waaqi nu ilaalachu jira, inni aka nu bineensa ira injirre nu garsiisa. Silaaftu woma takaati namafi bineensale eegata, waan kaanileeni akuma kaani duufi. Worri ch'ufti bineensuma aka takaati, namileeni bineensa ira injiru; wonti akanatiifi jireenni worraa lachuleeni woma keesa injiru. Worri ch'ufti fulluma tokoti yaa; biyyuma taka keesaa bahe, ammalle biyyuma takaati deebia. Eentu beekha, aka lubbuuni namaa gubbati deemte ammo ta bineensa lafa seentu? Tanaafi wonti dansaani nami tolchuu male, ka anini arge, nami waan hojate argate nyaate d'uge gammaduuni male. Wonti tokoleeni d'ibiini ka nu tolchinu injirtu, karaani tokoleeni ka waan nu eegi doone taanu beenuuni injiru. Jennaani anini laale, aka lafa tana keesa nami dabsani, ka nama qarqaaru inqamne tae bohu, arge. Nami tokoleeni worra inqarqaare, waan nami worraa dabsu suni irre worra ira qabuufi. Anini nama due dabre halcha; worri sunini nama jiru ira milki qaba. Ammo worra suni ch'ufa ira nama d'aloota ooleti ira jira, ka daba lafa tana keesa jiru taka inargini. Ammalle waan anini arge, wonti biyyiti guddo hojattufi, maro halcha nama d'ibitifi. Ammo tunileeni woma imbaatu, seeruma nama qilleensa gussuuti. Waan jed'ani, Nama daalleti harka mamarate tae beelaani ufi ijeesa. Ammo ato akasile taate, waan diqo qabani, ka yaado bira inqamneti, waan harka lamaaniini hojja ch'ufa akuma waan qilleensa qabani hojatani ira gooma. Anini ammalle waan woma keesa injirre d'ibi lafa keesati ya arge. Fakeenna, namicha tokoti jira, ka kobaa galu, ka ilmaafi oboleesale inqamne, ammo ka halkani guyya hojate waan guddo argate sunile inquumne. Inni eenu jed'e waan kana ch'ufa hojate machi ufi d'owa? Tunileeni woma imbaatu, finna hama toko ka nami keesati fidamu. Hujiini nama lama ta nama toko ira wo namaa baati. Yo toko jige kaanti qarqaare olkaasa. Ammo yo nami wahela inqamne jige, nami isa olkaasu injirre, akanaani inni guddo gaargala qaba. Yoyu lafti d'aamote, nami lama woliini rafe wolti owifata, ammo ka kobaa rafu maanti owisaafi? Nami lama had'iisa nama toko dabsate ufira d'owa. Funno museensa sadiini d'aani aka tabaati inkutani. Anini waan nama lafa tana keesa jiru ch'ufa herege jennaani aka worra kana keesa nami kaima toko, ka huji hayyu iraa fuud'u jiru arge. Nami hayyuuni fidu hegeri muumme inqabu, ammo yo inni lubbu d'abe nami waan inni tolche qaabate galata deebisuufi injiru. Tuninileeni woma imbaatu, seeruma nama qilleensa gussuuti. Hojja Mana Waaqati kad'achu d'at'u ufi eegad'i; yo wo baracha Mana Waaqa d'at'e ira sii jirti, fulla atini aka worra daalle, ka d'araafi d'uga gargari imbeenne, sorio baaftu. Hubatte male indubbatiini, ammalle herega male, Waaqaa wo tolcha injed'ini. Inni gubba jira, atini lafa jirta, tanaafi waan jechu malte male, dubbi ind'eerisiini. Akuma atini waan guddo yaadduuni, akasuma oobju hamtu oobjatta; ammalle akuma dubbi guddattuuni, daallumti siti guddatti. Yoyu atini Waaqa wo kakhatte, kakhu suni hurrisi guutiifi; inni daalle woma ira inqabu, tanaafi atini waan kakhatte suni guutiifi. Fulla kakhu dandeete inguunne kakhattu, yo afaani qabatte ufira teete, ira sii jirti. Arabi kanke ch'ubbu keesa si imbuusini, aka hegeri kakhu tante tana ergattu Waaqa durati imormanne. Maafi Waaqa ufiti dallansiifta? Maafi aka inni huji atini tolchitu balleesu iti lakifta? Ato guddo oobjatte, huji woma keesa injirre hojatte, yokhaani dubbi d'eeratele, Waaqa sodaachu malte. Hojja atini lafa toko keesati hiyyeesa dabsani d'ugaafi qajeeluma d'owani argite, imamiini. Nama gudda ch'ufa nama isa ira jiruti tissa, ammo worra lachule nama worra ira jiruti tissa. Hayyuleeni waan lafti baaftu male injiraatu. Nami beese jaalatu inquufu; nami durooma barbaadu waan fed'u ch'ufa inargatu. Tuninileeni woma imbaatu. Akuma nami hori gudda qabuuni, nama heddu nyaachisa. Tirfiini inni waan kana iraa qabu maani? — Agarta ila male. Nami harkaani hojatu, yo waan diqofi guddo nyaatule, hiriba dansa halkani ind'abu. Dureesi ammo ato waan nyaatu guddole qabaate yaadaa imbulu. Wonti hamtuuni toko ta anini lafa tana keesati arge tana: nami beese guddo woi jed'e olkayu, duuba mudani iti galte, waan ilmaani isaa iraa d'aaltule d'aba. Nami akuma qulla garaa haad'aa keesaa bahe, akasuma lafa tana iraa dua. Ato inni hojate waan guddo qabaatele, gaafa duu harkuma duwa biraa deema. Akasi qajeelaniti, ka nami akuma d'ufe deebiu! Inni guddo hojate qilleensa qabichati game, maani argate re? Inni dukana keesa laalefachafi gaargalafi dallansufi fayyad'abaani taa. Wonti anini arge tana: wonti waan ch'ufa ira dansa, ka namu tolchuu male, aka waan hojate argate nyaate d'uge gammaduuni, haga bulti gabaabdu Waaqi kenneefi tana jiru; jiruuni namaatu tanuma. Yo Waaqi duroomafi qabeenna namaa kenne nama macheese, nami sunini sila galata isaa deebise, waan hojate kaale iraa gammadu male. Tunini ch'ufti kenni Waaqaati. Waan Waaqi isa gammachiiseefi, inni jireenna isaa gabaaba kana guddo iyyaadu. Wonti anini arge lafa tana keesa daba gudda tolchani. Waaqi duroomafa, ulfinnafa, qabeennafi waan ch'ufa ka nami fed'u inkennaafi, ammo aka inni quufe machauuni iti illakisu. Ammo fulla isaa namuma d'ibi ka inni imbeenneti d'uge quufe machaani. Tunileeni woma imbaatu, woma dabaati. Yo nami lubbu bule ijoolle d'ibba toko d'ale ammo gammadafi awaala dansale d'abe, naa garaacha nama ira bahuti ira woyya. D'alooti ilmaani suni woma imbahu, dukana keesa bade achumati ded'ani. Inni taka adule inargine, yokhaani taka womale imbaranne, ammo ha taatuti ya fulla boqota gahe — nama finna ufi imaachini ira, ato nami suni ganna kuma lama taele. Silaaftu worri lachu fulluma takaa yaa. Wonti nami hojatufi akuma garaa ufi quubsu, ammo inquufu. Nami qarooni kara kamiini daalle ira jira? Hiyyeesa arga d'ageetiini maal baati? Tunileeni woma imbaatu, seeruma nama qilleensa gussuuti. Fulla ila d'eerattu, yo waan harkaa qabdu quuftu dansa. Waan taha ch'ufa duru murani, ammalle nu imbeenna, nami nama isa ira jaba dandae imorkuuni. Dubbini akuma d'eeratuuni miaa d'abdi; kara kamiini goomita qabdi? Nami tokoleeni akamiini dandae waan isaa male, jireenna isaa gabaaba ka woma imbaane, ka aka gaandidu dabru kana keesati beekha? Eenuti waan eegi inni due lafa keesati taha beekha? Gurri dansaani waan horatani ch'ufa ira jira; guyyaani dua ka d'aloota ira jira. Fulla mana jila deemani, hojja mana boha deemani ira jirti, waan nami jiru aka dooti isa eegatu ufi qaabsisuufi. Laalefachaani kobla ira jirti; yo fuula si yakitele hubacha sii kenniti. Nami hojja ch'ufa waan gammada heregu daalle. Nami qarooni waan dua herega. Fulla daalleeni si gorsu hojja qarooni si gorsu ira sii jirti. Yo daalleeni kofaltu, kobli isii qoraati ibidati naqani ta d'ud'uqiftu fakaata. Tunileeni woma keesa injirtu. Qarooni nama sobu daalle fakaata; ammalle gumbo nyaachitiini gurra nama balleesiti. Muummeeni waan ch'ufa uumama isii ira jirti. Obsileeni ufi saadu ira jira. Miira guddad'i; haalo wolfuud'itiini daalluma. Finni duri eesa finna amma ira jira? Injed'ina. Sunini gaafi daallumaati. Nami jiru ch'ufti qaro tahu male; wonti akanatiifi qaroomi d'aala ira wo namaa baha, ammalle akuma beeseeni namaa, waan takaa tanale nama qarqaartu, innileeni nama qarqaara. Qaroomi nama qorqorata — aki beekhi wo namaa bahu akana. Me, waan Waaqi tolche heregi. Eentu dandae waan Waaqi dabse qajeelcha? Hojja wo sii mid'aagaani gammadi, ammalle hojja gaargali d'ufu waan kana qaabad'u: Waaqumati gammadafi gaargalale namaatiini d'ufa; nami dandae waan iti deemu imbeekhu. Jireenni kiyya qara woma keesa injiru, ammo ha taatuti, isa keesati guddo wo arge. Ato nami qajeelani dansaani duu, nami hamaani ato hamaatele lubbu bula. Tanaafi guddo nama d'uga taate, yokhaani qaro taate, waan ch'ufa keesa indabriini — maanifi ufumaa ufi balleesita? Ammo akuma suni, nama hama taate yokhaani daalle taate, waan ch'ufa keesa indabriini — maanifi ato guyyaani kanke ingeenne ufi ijeefta? Gama lachu gula injigiini, jidduma keesati hafi. Ammo yo atini nama Waaqa sodaatu taate, inuma dabsatta. Hayyoota kud'ani ta dira toko keesa jirtu ira qaroomi nama qaro jabeesa. Lafa ira nami tokoleeni, ka hojja ch'ufa d'uga tolche wollaala inqamne, injiru. Dubbi nami jed'u ch'ufa gula indeemini — hegeri hojattu tante ta si arabsitufa d'ageeta; atileeni imbeeta, aka maro heddu nama arabsite. Waan anini jed'e kana ch'ufa qarooma kiyyaani laale arge. Anini qaro tahu fed'e, ammo tahu dad'abe. Nami akami dandae aka jireenni jiru hubata? Jireenni kunini waan nami aka isa beekhuniti, dandaani inhubatani. Ammo ato akasile taate, anini ufi baase aka beekhaani wo barad'u; ammalle aka qaroomafi waan imbeennele barad'e, aka woni hamtuuni daallumafi maraatu hubad'u. Anini waan duisa ira hamtu arge — nad'eeni. Jaalalti isiini sii qabdu aka t'urura nama qabdi, harki isii ka nama marsu akuma sansalata nama hid'a. Nami Waaqa jaalatu dandae jalaa baha, ammo isiini nama daba inuma qabdi. Abbaani herega waan jed'e, Anini ato toko tokooni barbaadu wo arge. Anini waan d'ibile heregaani barbaade argu dad'abe. Anini nama kuma toko keesa nama d'iira toko ka goomu arge, ammo nad'eeni tokole ingarre. Wonti anini arge tana ch'alla. Waaqi qajeelumani nu mid'aase, ammo nami aka ira ufi gorse ufi babadeesa. Eentu nama qaro fakaata? Eentu waan dubbini ch'ufti jettu beekha? Qaroomi hameenna nama ira balleese nama mid'aasa. Waan hayyuuni jed'e tolchi, heredde male Waaqa durati woma inkakhatiini. Hayyuuni waan fed'u tolcha, tanaafi isa biraa deemu malte; fulla soda ta akana tana keesa intaiini. Dubbini hayyuu jabeenna qabdi; eentu, atini maafi waan kana tolchita? Jed'e isa gaafata? Nami dubbi isaa guutu woma intahu, qarooni dubbi suni aka guutufi hojja guutule imbeekha. Hojafi karaani dansaani wo tolchani injira, ammo beekhi namaa diqa! Nu nami tokoleeni ka waan taha beekhu injiru, yokhaani nami nuti himuleeni injiru. Nami tokoleeni ka dandae duu ufi d'owe guyya isaa dabarfatu injiru. Sunini woraana, nu nami tokoleeni dandae duraa imbaane; nu diqole duraa ufi baasu indandeennu. Anini gaafa waan lafa tana irati tolchani herege, wonti anini arge, nama gari ka jabeenna qabuufi nama gari ka worra suni jalati gaargalu arge. Anini nama hamama awaalani arge, ammo nami worra awaale biraa galu, ato karaa yau, diruma worri duri hameenna keesati tolche keesati dansuma worraa dubbata. Tunileeni woma imbaatu. Nami maanifi yoosu ch'ubbu tolcha? Maro ch'ubbu worraa hurrisani qorani wollaala iti imurreefi. Ch'ubbichi dandae maro d'ibba toko hameenna tolche iraa hafe lubbu bula. Anini waan nami jed'u imbeekha; hojja atini Waaqa sodaatte woma intaatu, ammo ch'ubbichi wo taha. Jireenni isaa aka gaandidu jira, inni yoosu dua, waan inni Waaqa insodaanneefi jed'ani. Ammo tunileeni dubbiniti, d'ara. Me, waan lafa keesati tahe, laala: hojja gari nami qajeelani fulla ch'ubbicha gaargala argata, ammalle ch'ubbichileeni fulla nama qajeela galata argata. Anini waan jed'u, Tunileeni woma imbaatu. Tanaafi wonti anini arge, nami ufi macheesu male; wonti akanatiifi gammachuuni inni jireenna kana keesa qabu nyaatafi machi ch'alla. Ato inni haga Waaqi lubbu isaa lafa tana irati bulchu hojatu, yo waan d'ibi dad'abele waan kana tolchu indad'abu. Gaafa anini duri qarooma barbaade waan lafa keesati tolchani barachaa iti game, wonti anini hubad'e, ato nami halkani hiriba ufi d'owe taa bulele, dandae waan Waaqi tolchu inhubatu. Ato nami haga fed'u barbaadele inargu. Nami qarooleeni ato, Imbeekha jed'ele dandae imbeekhu. Anini waan kana ch'ufa guddo herege jennaani aka wonti nami qaroofi qajeelani tolchufi jaalalaafi jibbi worraleeni Waaqa iraa d'uftu arge. Nami tokoleeni ka waan iti deemu beekhu injiru. Nama qajeelafi ch'ubbichileeni, dansaafi hamaleeni, ka aada Waaqa jabeesufi ka injabeesineleeni, yokhaani ka sorio qaalufi ka inqalleleeni woma takaa taha, inuma dua. Nami dansaani nama hama iraa ingoomu, ka kakhatuleeni ka kakhu didu iraa ingoomu. Nama ch'ufa waan takaati eegata, duuba tuleeni waan hamtu toko, ka lafa tana irati namati d'ufa. Nami haga jiru ch'ufa heregi isaa woma hamtufi maraatumaani guutame, duuba yoosu dua. Ammo taatule nami lafa tana gubba jiru, waan d'aabatu qaba; sareeni lubbu qabdu nyeench'a due ira jirti. Ee, ka jiru aka duu imbeekha, ammo ka due woma tokole imbeekhu. Wonti worri argatu injirtu, deebiani inqaabatanile. Jaalala, jibba, d'iibiini worraleeni worruma woliini dooti. Ituma deebiani waan nami jiru lafa tana irati tolchu qooda keesa inqabani. Beeni, sagale soorad'u, gammadi, daad'i d'ugi, qilit'ami, Waaqi dubbi womaatu ira inqabu. Woya shooba naqad'u, d'ad'a mataa dibad'i. Niiti jaalattu woliini gammada, haga jireenna woma imbaane ka Waaqi sii kenne kana jirtu. Bulti soora inqamne tana ch'ufa gammadi, wonti atini huji hojattu ira argatu sunuma. Waan hojattu ch'ufati jabaad'i, wonti akanatiifi fulla dua ta worra gadi, ta atini iti deemtu, huji, herega, beekha, yokhaani qaroomileeni tokoleeni injiru. Anini lafa tana irati waan toko d'ibile ya hubad'e; qolchaani dogoomsu keesa guyya ch'ufa nama inqolchu, jannileeni had'iisa guyya ch'ufa indabsatu, qarooleeni guyya ch'ufa bulti inargatu, nami maltichileeni guyya ch'ufa horiti imbahu, ammalle nami jabaani wo beekhuleeni hojja ch'ufa waan fed'u inargatu. Mudani namuma ch'ufati galti. Namu guyya ufii imbeekhu, akuma simpirreefi qurt'umi t'ururaani qabani, akasuma aka dagutiini hojja hamtu nama qabani. Anini ammalle akheekha qarooma, ka lafa tana irati tahe, ka guddo na gale, ya arge. Duri dira diqa tokoti, ka nama diqa qabu, jira; jennaani hayyichi jabaani toko had'iisaa d'ufe dira suni marse naabo isaa ch'absaa kurfefate. Dira suni keesa namicha deega toko jira, ka sila qalbi ufitiini dandae dira suni baasu, ammo namu isa inqaabanne. Akuma anini guyya ch'ufa jed'u, qaroomati irre ch'aala, ammo nami tokoleeni nama hiyyeesa qaro insehu, yokhaani waan inni jed'u jala inqabani. Yo sila haasaa laana ka nama qaro ch'aqasani dansa, fulla hayyu kora daalle keesati tae lallabu ch'aqasani ira. Qarooni miha lola ira wo mid'aasa, ammo ch'ubbichi toko waan dansa heddu balleesa. Akuma tiiteeni takachi due dulo d'ad'a qayya seene ajeesu, akasuma daallumti diqooni waan qaroomi guddaani tolche balleesiti; nami qarooni wo mid'aasa, ammo daalleeni wo yaka. Aada gula nami qarooni wo mid'aasa, ammo daalleeni wo yaka. Nama daalle, daalluma isaa keessumaani karaati woli woldaanileeni irati agarti; inni daalluma ufii beekhe ind'ofatu. Yo nami guddaani siti dallanele, suni jette huji keesa imbahini; wollaala hamale biraafa si deemani, yo atini ch'allifte obsite. Dabi toko, ka anini lafa tana keesati arge, kana — ka nami nama fidu d'ufuuni. Nama daalle guddinna kennaniifi, dureesa qanch'arsani guddinna d'owani. Anini tisse fardaani deemtu arge, ka ilmi hayyuu aka tisse miilaani lafa deemu. Nami boola qayyaane qotu ufumaa keesa bua, ka dallaa ch'absele bofaa nyaata. Nami d'akha boch'u d'akhaani madaa. Nami qoraani fallansuleeni sunumaani wo taha. Yo d'agara duuda qara inqamneeni nami hojate, humna guddo iti d'aba, ammo qarooni mala ind'abu. Yo bofi ato murma iti imbaasini nama nyaate, murmi suleeni woma imbahu. Jechi nama qaro gurra dansaani d'ufa, ammo daalleeni dubbuma ufitiini ufi ijeesa. Daallumaani dubbi iti keeyate, maraatumaani buufata. Daalleeni dubbate inch'itu. Nami tokoleeni waan iti deemu imbeekhu, ammalle nami tokoleeni ka eegi doone waan nu taanu beekhu injiru. Namuma aka male daalle, ka worra ufiti galu indandeenneti hujiini ufi ijeesa. Arra, tunini lafa badde, ta hayyuuni isii ijoolle, ammalle ka worri isii gugurdaani diirama ch'ufa machau. Ammo lafti bulti qabdu lafa hayyuuni isii ufumaani dubbi qore muru, ammalle ka worri isii gugurdaani fulla malteti gololfate machau ufi d'owa. Yo nami laafe muyate mana ufii mid'aafachu dad'abe, maani suni d'impise iti jiga. Jilti nama gammachiifti, daad'ileeni nama macheesiti, ammo waan kana lachu beesa male inargatani. Herega keesale hayyu inhamatini, ammalle dureesale sire hiribaa keesaleti inhamatini. Hegeri simpirrumafaati dubbi suni geese worra suniti hima. Beese tante bunaqa lafa ala keesa keeyad'i, aka takaa tana tirfi argattu. Hori kanke fulla heddu olkeyad'u; wonti akanatiifi waan hamtu guyya toko lafa tana keesati siti d'ufa imbeetu. Mukhi gamuma fuula deefate qaariu ch'iisa. Dumansi yoomi galmau rooba. Yo nami qilleensafi dumansa Waaqaa ka roobaa deebiu eegu, inni ituma deebie mid'aani fach'aase imuratu. Waaqi ka waan ch'ufa uume, akuma atini ilmaani garaa haad'a keesati uumamte waan isiini uumamtteeni imbeenne, akasuma atini waan inni tolche imbeenne. Galgalaafi diiramale mid'aani fach'aasi, wonti akanatiifi atini ka ira baha imbeetu, yokhaani aka lachu akuma takaa bahani imbeetu. Aduuni waan dansa, ilti namaleeni ifsa isii suni feeti. Nami lubbu bule ch'ufti ha gammadu; ammo ha qaabatuuti, aka guyyaani dua ka dukana hagasi ira d'eera. Wonti tokoleeni ta d'aabatani injirtu. Kaimticha, haga kaimoma qabdu gammadi. Waan miiri si yaadu ch'ufa tolchi. Ammo aka Waaqi takaa tana waan atini taate si qoru qaabad'i. Wonti tokoleeni si yaadesite yokhaani si ind'ukubsiini. Kaimomi kanke haga gabaaba, beekhi. Tanaafi atini Waaqa ka si uume kaimoma kanke keesa qaabad'i, ato guyyaani hamaani, atini gungumte, anini jireenna inqabu jettu, ingahiini. Gaafasi ifsaani adutiifi ka jiatiifi ka urjileeni siti dukanaa, ammalle huriini dumansa ta indabarre sira teeti. Duuba gaafasi harki kanke ka si qarqaare sirati holate, miili kanke jajabaani kunini sii lalaafa. Ilkaanile ya jaarte buufatte, waan woiini nyaatu inqabdu. Iltileeni ya si waaroofte, aka dansa woma si ingartu. Gurrileeni ya si duude, gohanna olla keesale ind'ageetu. Girreesa d'akha daakhutiifi sirba sirbanile laato d'ageeta, ammo ch'iweesi simpirreleeni yoosu lafaa sa si kaasa. Fulla goodo ch'ufa sodaatte, deemani si d'ibdi. Rifeensi kanke ch'ufti si arrae chochoule dad'abde, d'arraani woi ch'ufti si keesaa hobaati. Yo nami fulla ufi ta haga jiru iti boqotu d'aqu, olla keesa guddo isaa bohani. Sansalati qarsi ch'ite, ifseeni worqileeni lafa d'oofte ch'ach'abdi; haadi bisaanini gurteesanileeni ch'ite, wodamooni buute ch'abdi. Nafi isaa biyyeeti deebie, hafuuri isaa ka jireennale gara Waaqa ka qara isaa kenneti deebia. Abbaani Herega waan jed'e, Woma imbaatu, woma imbaatu, wonti tokoleeni woma imbaatu. Ammo waan Abbaani Herega sunini qarootifi, inni waan ufi beekhu halkanifi guyya nama barsiise. Inni mammaasa heddu barate qajeelche jed'e. Abbaani Herega sunini dubbi nama jabeesitu barbaade, duuba dubbi qajeeltu t'aafe. Jechi worra qaro aka ule qara qabdu, ta tissituuni hooliye hooliyeeni woworaante karaati qajeelchituni jira, yokhaani mammaasi wolti guurani akuma d'isa jabeesani gad'aani jira. Jecha kana ch'ufa Waaqa, tissitu nama ch'ufati, namaa kenne. Ilma kiyya, waan d'ibi atini eegachu malteti jira. T'aafiini kitaaba waan keesaa bahaniniti, ammalle soomitiini guddooni si dad'absiifti. Eegi waan kana ch'ufa jecha toko ch'allati hafa: Waaqa sodaad'i, seera isaa gula deemi; wonti akanatiifi wonti nama iraa fed'ani tana. Waaqi waan nu tolchinu, dansaafi hamtule, ta nu d'ossati tolchinule, inqora. Faaru faaru ch'ufa ira dansaa ta Solomoni. Atini Afaani keetini d'ungo nati mat'ansita; jaalalti tante daad'i ira nati miyofti. Fooleeni tante aka bookha urgofti, maqaani keetileeni aka d'ad'a qayyaa ka jige urgaa, tanaafi nad'eeni ch'ufti si jaalatti! Nafud'ad'i, naani baqad'i, hayyu kiyya tahi, d'iibu teetitini na galad'i, achiti woliini gammanne woliini d'unne, aka taka inargini woljaalanna. Aki nad'eeni ch'ufti si jaalatu mama inqabdu! Nad'eeni Yerusalemu, anini guraati ammo mid'aadu, guraateenni kiyya aka waaro lafa aloo ta Kedari, jira, ammo mid'aagumti tiyya aka golla mana hayyu Solomoni jirti. Bifa tiyya jette na intufatini, adumati na gube na guraatese. Oboleyaani tiyyati nati dallane oobru zabibu keesa na hojachise. Tanaafi ch'okhachu dad'abe. Bad'aaso kiyya, fulla ati arra ree tante tisitufi fulla isiini guyya boqatu nati himi. Maani wonti anini hori tissitu d'ibi keesa si barbaadufi? Ee niiti nad'eeni ch'ufa ch'aaltu, yoyu fulla reeni tiyya ooltu imbeenne faana isi d'ai ilmoole tante d'aatu waaro tissitu tissi. Bad'aaso tiyya anini d'alaa farda ka gaari Farao hirkisuni woli si fakeesa. Geedini rifeensa mata keeti boqo si ch'ote aka faaya gurmu ira si teete. Nu looti worqi ta faaya qarsitini dirani sii mid'aasina. Hayyichi kiyya sire ufi ira ch'iise, urgaani qayya kiyya fulla ch'ufa guute, bad'aasoni kiyya hojja harma kiyya gubba ch'iisu aka qayya nati urgaa. Bad'aasoni kiyya aka daraara mukha zabibu ka oobru Engediti bahu jira. Bad'aaso tiyya, atini akami mid'aada ilti teleeni mid'aadu aka guma sadeeqa. Bad'aaso kiyya, atini akami mid'aada; mid'aagumti tante guddo qalbi na fuuti, marri dotiini sire teenna tahe, hind'eesileeni dareera mana keenna taha, gubba isale ejersaani jaarani. Anini daraara Sharoni, ammalle liike bale gaara keesati baatu. Nad'eeni keesa bad'aasoni tiyya akuma liike qoraati keesati baatu jirti. Bad'aasoni kiyya yo d'iira d'ibiini wolbira qabani akuma mukha mapeera ka badda ke jiru jira. Anini gaadisa isaa jala boqochu fed'a. Mid'aani isaaleeni nati miyaani. Mana isaa ka jilatini na d'ufe jaalala isaa aka bandera nara d'aabe. Mid'aani zabibutini irre nati deebisi, mapeerani na quubsi! Jaalalti te ya na laafifte. Inni harka bitaachani mataa na saabe mirgichani na hoonse. Nad'eeni Yerusalemu, hiddifi guguftoni nati kakhad'a aka isani jaalala teenna keesa imbuune. Anini qonqo bad'aaso kiyya d'agaya. Inni gaareeni ira utaale kubile gubbaa nati gach'ea. Bad'aasoni kiyya aka korma hiddi jira. Mana d'aatu eje qaani na milate na daawate na dubbisa. Kooti me, bad'aaso tiyya ta anini jaalad'u, nati gadi kooti. Adolesi ya dabre, bokeenileni ya ch'aame; mukhileni ch'ufti ya hobore. kuni bara sirbati, sabalisileeni raasa keesaa sirba. Mid'aani oda ka qara bahuti jirani, daraaraani zabibuleeni ya urgaani lafa guute. Kooti me, bad'aaso tiyya ta anini jaalad'u nati gadi kooti. Atini akuma sabaliisa baqaqa d'akha keesati d'okhatu jirta. Fuula kanke mid'aaga na garsiisi, qonqo tante laayo na d'ageesisi. Geedala qabi, geedala didiqo qabi, ato isiini oobru teenna ta zabibu ta bau jirtu imbalesine. Bad'aasoni kiyya kiyyuma, anileeni tauma isaati. Inni ree ufi liike keesa tissa. Haga qilleensi bari d'ae dukanti badde lafti bariituti, bad'aaso kiyya, nati gadi deebii, aka hiddi yokhaani aka korma gugufto, ka gaara Betheri ira deemu. Sire tiyya anini hojja ira rafu halkani ch'ufa bad'aaso kiyyani oobjad'e isa barbaade ammo argu dad'abe. Jennaani dira ch'ufa keesa mare, kara diratifi daandi maneeniti deemtu ch'ufa bahe, bad'aaso kiyya ka anini jaalad'u barbaada, ammo argu dad'abe. Worri halkani dira suni eegu na arginaani, anini waan jed'eeni, Jaala kiyya agartani? Akuma worra biraa deemeni isa arge. Iti mamarad'e gallakisu dide, haga mana haad'a tiyyaa, d'ibu anini keesati d'alad'eeti geese. Nad'eeni Yerusalemu, hiddifi guguftoni nati kakhad'a aka jaalala teenna keesa imbuune. Wonti aka aara ka lafa gamoojiti gad'ufa, ka aka qayyafi hit'aana daldaltuni gurgurtu urgaa kunini maani? Solomoni ka barch'uma isaa ka hayyuma ira tau baatani d'ufu jira; ammalle askarti jaatama ta Israeli ta filaniti isa eegu jira. Askartini tuni ch'uftinu mala goraadeeni woi had'ani guddo qabdi, ammalle lola woraanale guddo beeti. Isiini ch'ufti guddo beeti. Isiini ch'ufti goraade qabate isa tissiti, aka halkani nyaapa isa iraa eeddu. Hayyu Solomoni barch'uma mukha dansa iraa boch'anini baatani. Miili barch'uma suni qarsiini ch'okhani woya worqiini bareesani ira afaani, saabo isale, woya bule diimtu ta nad'eeni Yerusalemu ch'ote hod'iteeni mamarani. Koota, nad'eeni Sioni, hayyu keesani Solomoni dawaad'a, inni sure hayyuma ta haati guyya fuud'a isaa ka gammadafi qilit'ama mata isaa ira keete ufira qaba. Bad'aaso tiyya, atini akami mid'aada! Ilti tante mid'aaduuni aka guma sadeeqa hagogo jala bibilit'i, geedini mata kanketileeni akuma laleesa gaareeni Gileadi ira gadi buraaqu tabati. Ilkani kanke adini ch'aami, aka hooliye rifeensa ira haadani d'iqani jirani, isaani tokoleeni hanqo inqabani, woli qit'aani bahani. Hid'ini tante diimtu aka afaani ch'irri, isiini akami dansa hojja atini dubbatu. Boqoni tanteleeni, hagogo keesani ch'ulut'i. Mormi kanke d'eera qajeela, aka doofi mana Daudi ammalle qunquma qulqullicha, ka faaya imu kuma toko ta aka wonte iti naqani. Guntuti kanke t'it'ilo aka gaafa hiddi ejaanju, ka lachu hiddi liike keesa d'eedu fakaatu. Anini gaara qayyafi hit'aanaa ira taa, haga qilleensi bari d'ufe lafti bariituti. Atini akami woliigalte mid'aade, bad'aaso tiyya! Gaareeni Lebanoni iraa na woliini kooti niiti tiyya Lebanoni iraa naa woliini kooti. Fiit'e gaara Amana iraa gabui kooti, gaara Senirifi Hemoni fulla nyeench'afi qeeramsi jiru. Niiti tiyya, ta anini jaalad'u, millu ila teetitiifi faayi atini mormati naqatu yayu qalbi na fuud'e. Jaalalti tante na gammachiifti, niiti tiyya ta anini jaalad'u, qayyi kankeleeni qayya ch'ufa ira Urgaa. Hid'ini tante aka damma miyofti, bad'aaso tiyya; arabi kankeleeni aananifi damma nati fakaata, gaad'i kanke ch'ufti foole Lebanoni qaba. Bad'aasoni tiyya, nitiini tiyya, ta anini jaalad'u aka oobru dallaani jaarani d'ossani jirti ammalle isiini maddo mukhi d'aatuti bahu fakaati; ta abbaani jaarate hid'ate, mukeeni suni aka badda okhoku baate mid'aani dadansa baafti. Badda suni keesa qayya heddu ka maqaani beekhanini hina, nardo, safroni, haanch'a mukha meet'i fakaatu toko, ammalle qunch'e birresatifi yokhaani hit'aana gosa heddu ind'abani. Ammalle qumbifi hargesati achiti baha qayya urgaa d'ibi woliini. Oobruuni burqa bisaanitini baati, lagi bisaani ka yauleeni bale gaara Lebanoni iraa gabaafata. Ee, qilleensa mirga, kai kooti, qilleensa bita oobru tiyya ira bahi; lafa ch'ufa foole teetiini guuti. Jaali kiyya ha oobru ufiti d'ufe, mid'aani dadansa nyaatuti. Anini ya oobru tiyya seene, niiti tiyya bad'aaso. Anini qumbifi qayya kiyya wolti guure dammafi jiisa kinisale nyaad'e, daad'ifi aanani kiyyale d'ugu jira. Nyaad'a d'uga, worra woljaalatu, haga isani jaalalaani machooftaniti. Yo anini rafule, qalbini na iraftu. Jennaani jaala kiyya ka balbala d'ad'au d'agae. Balbala na duraa bani, bad'aaso tiyya, sabaliisa kiyya. Matani kiyya ya fit'esani jiid'e, rifeensi kiyyaleni ya ebeleeni ch'oolae. Anini woya qara baafad'e, deebie keeyad'a? Miila kiyya ka qara d'iqad'e akami t'uri keesani deema? Jaali kiyya balbala baniisa tuqe jennaani onneeni tiyya aka inni ga d'iatu beennaani na keesati chochoote. Anini balbala isa dura banaa kae, ka harki kiyya ch'ufti qayya urgaau, quba kiyya d'ad'a qayyaa ch'ubuse, balbala duraa bana qabad'e. Anini jaala kiyya balbala duraa banaani isa arti d'abe. Aka anini qara sila qonqo isa d'agau fed'e! Anini isa barbaade, ammo argu dad'abe; anini isale yamnani na jala inowaanne. Worri halkani dira eegu kaani na arginaani d'aane na d'od'oose; ka dallaa diraa eeguleni woya naraa bute. Nad'eeni Yerusalemu nati kakhad'a aka yo bad'aaso kiyya agartani aka jaalalti nalaafifte iti himtani. Atini ta nad'eeni ch'ufa ira mid'aadu, jaali kanke maaliini d'iira ch'ufa ch'aala? Wonti inni d'iira d'ibiini ira jiru ka nu siti kakhanufi maani? Jaali kiyya mid'aaga jaba; d'iira kuma kud'anile inch'aala. Fuuli isaa diima qulqullicha, rifeensi isaaleeni luuch'a guraati ch'ile, aka bifa haranqeesa. Ilti isaa mimid'aadu aka sabaliisa bisaani yaa d'aatu ejaanju, ka aananiini d'iqani jirti. Boqoni isaaleeni mid'aadu, aka oobru daraarafi qayya keesati oobrani. Hid'ini isaaleeni aka liike d'ad'aani qayya urgaa ira ch'och'opu jirti. Harki isaaleeni aka dansa uumame, innileeni qube faaya hedduni ch'okhani itikeyata. Nafi isaaleeni qulqullicha aka ilka arba, ta d'akha faaya bubuleeni ch'okhani. Gudeedi isaaleeni aka utuba hilint'o, ka worqi keesa d'ad'aabani fakaata. Inni guddo qajeela, aka hind'eesa d'ed'eera gaareeni Lebanoni. Afaani isaaleeni quntulao. Wonti isaa ch'ufti woliigalte jaalalaani namaraachitti. Nad'eeni Yerusalemu, bad'aasoni kiyya akana jira. Atini ta nad'eeni ch'ufa ira mid'aadu, jaali kanke eesa deeme kana? Kara bad'aasoni kanke deeme nuti himi, aka nu barbaada isaa si qarqaarru. Jaali kiyya ya oobru ufi deeme, fulla qayya iti oobrani inni ree ufi achi tisse liike wolti guura. Jaali kiyya kiyyuma, anileeni tauma isaati; inni ree ufi liike keesa tissa. Bad'aaso tiyya, atini mid'aadu aka Yerusalemu, faaya aka dira Tirza, ta aka dira gugurda kana nama mamsiiftu. Ila tante naraa deefad'u, ya na maraachite. Geedi mataa kanketileeni akuma laleesa gaareeni Gileadi ira gadi buraaqu tabati. Ilkani kanketileeni adi ch'aama aka hooliye d'iqani, isaani ka hanqo inqamme woliqit'aani bahani. Boqoni tanteleeni hagogo keesaa ch'ululut'i. Hayyuuni yo fed'e nad'eeni jaatamafi jaaltowani saddeetamatifi ammalle dubra kaima ta muumme inqamme ha qabaatu! Ammo anini tokoma ch'alla jaalad'a, ta aka sabaliisa nati mid'aadu. Haati isuma ch'alla qabdi, tanaafi guddo jaalatti iraa imbaatu. Nad'eeni ch'ufti isi laalte isi faarsite, nad'eeni hayyuutifi jallowani isaa ch'ufti sirba keesa isi faarsiti. Eenu tunini ta milluni isii aka biiftu naamati ejitu? Isiini mid'aadu ch'ulut'u bibilit'u, aka adufi jia. Anini yayu mukeeni qurqura keesa bahe d'ufe, aka marra qarach'a bale keesati bahufi baala zabibutifi kalacha okhoku argu. Atini ya jaalalaani na siesite na roqomsifte aka tetu farda ta had'iisaa kurfefate na tolchite. Sirbi, sirbi intala Shulama, nu sirba ke d'aawanna. Isani maanifi na dawaachu feetani, hojja anini jidu gumi na dawaatu keesati sirbu? Atini akami mid'aada! Faanti tante akami kobe keesati mid'aadi! Gudeedi kanke qunqumaani waan ogeesi harkani mid'aasu fakaata. Hand'urti tante aka qori daad'i bookhaa keesa ind'amme jirti. Hid'aani kankeleeni qalla lawe dargaye liike keesani baatu fakaatu. Guntuti kanke t'it'ilo, aka gaafa hiddi ejaanju. Mormi kankeleeni lookho aka ilka arbaa. Ilti tanteleeni aka bisaani haro Heshboni, ta d'aatu fullo dira gudda suni jirtu bibilit'i. Fuunaani kankeleeni aka mana doofi, ka Lebanoni, ka kara Damaski dura eju jirani. Matani kankeleeni aka gaara Karmeli olqajeela, ch'ibri isaaleeni ch'ululuqa, mid'aagumati isaa hayyu deemu d'owarti. Atini akami mid'aadu shagga, jaalalti tante guddo na quubsite. Atini d'eerate aka meet'i daat'a, guntuti kankeleeni mid'aani qoone fakaata. Anini waan jed'e, meet'i suni kore, qoone iraa buqifad'a. Guntuti kanke mid'aani zabibu nati fakaate, hafuuri kankeleeni aka mid'aani gadda nati urgaa. Afaani kankeleeni aka daad'i, daad'i ch'ufa ira dansa nati miaani. Yoosi daad'iini ha jaala kiyyati yaatuti, hid'i isaatifi ilkani isaale iraa. Anini ta jaala kiyyati, innileeni na jaalata. Kooti, bad'aaso kiyya, alati yaane halkani ollowani keesa bulla. Ganama lafaa kaane, zabibu aka isiini baate taani laalla, ammalle aka daraaraani babaqafatefi aka mukeeni okhoku daraarte taani laalla, achiti duuba jaalala tiyya si garsiise ufiti si gad'iisa. Atini foole mukha qorsa toko suufte mid'aani dadansa d'aatu mana keennati agarta. Bad'aaso kiyya, anini waan si gammachiisa ka duritifi ka ammalle ya oli sii kaye. Ato tiyya atini oboleesa kiyya, ka aayyoni harma ufitini guddifte, aka nu duuba yo kara keesati woli agarre wold'uuganele namu woma nuni injenne. Anini sila mana aayyo si geese, aka atini waan jaalala na barsiftu. Anini sila daad'i bookhaani naqanifi ta okhokuni naqani si obaasa. Harka kanke bitaacha mata na saabde mirgichani na hoonsita. Nad'eeni Yerusalemu, nati kakhad'a, aka jaalala teenna keesa imbuune. Tunini enu ta lafa aloo keesa jaala ufiti hirkate gad'uftu? Anini mukha mapeera fulla atini iti d'alate jala si kaase. Qalbi tante ta jaalaalatini na male nama d'ibi inarginiini; na male namu d'ibi qomati inqabatini. Jaalalti waan guddo jabdu aka lubbuti; d'araaleeni akuma dua jirti. Isiini bobeete aka araba ibida wogubdi. Bisaaleeni jaalala suni ind'aanfani, lagileeni infud'atu. Ammo yo nami jaalala horini bita iti game, tufumafi ch'eera argata. Nu oboleeti maand'iti toko qabna, ta ammalle harma imbaasini yo nami kaimi kad'aa d'ufe maani taana? Yo isiini naabo taate, doofi qarsi irati jaara. Yo isiini balbala taate, danqarro hind'eesa iti mid'aasine hiinne tissina. Anini naabo, guntuti kiyyaleni doofi isiiti. Jaali kiyya aka anini isa gammachiise nagaayani iti d'ufu imbeekha. Solomonini lafa Baalhamoni jed'ani keesa oobru zabibu qaba. Worra oobruti jira, ka ira kirefatu, ka ch'ufti qarsi kuma toko baasufi. Solomonini qarsi kuma toko suni ha fud'atu, worri oobruleni ha qooda ufi d'ibba lama fud'atu; anini ammo oobru zabibu tiyyuma qaba! Qonqo tante oobru keesa na d'ageesisi bad'aaso tiyya, worri wahela kiyyaleni sii dubbatu ch'aqasu fed'a. Nati gadi kooti, bad'aaso kiyya aka hiddi, aka korma gugufto ka gaara fororsa ira deemu. Tunini daayya Isayaani, ilmi Amozii arge, ta waan Yudatifi ta Yerusalemu garsiiftu, gaafa Uziafi Yothamufi Ahazifi Hezekiani hayyoota Yudaa. AABBO Waaqi waan jed'e, gubbafi lafa, dubbi tiyya ch'aqasa! Ijoolleeni anini gugurdise ya nati garagalte na didde. Looni abba ufii imbeekhani, harreleeni gombo abba ufii imbeeti. Ammo gumiini tiyya ta Israeli na imbeetu worri woma tokole inhubatu. Badi teesani, isani gosa ch'ubbiti dabditi hameennani yaatu! Ch'ubbu teesaniti gadi isani hirkisa! Isani yayu AABBO Waaqa qulqullo Israeli diddani, dudda iti garagaltani. Isani maafi ammalle teetani na diddani! Isani gaargala hagasi ira argachu feetani? Ee Israeli, mataani keesani ya mamadae, garaafi qalbiini teesani fayya inqabdu. Nafi keesani fulla tokoleeni fayya inqabu, haguma mata eje miilati eje, nafi keesani ch'ufti waan dirmamufi malaafi madaani bade. Mada tante qulqulleesani qorsa tokole ira kayani womaani inhinne. Lafti teesani ya bade, dira keesani ch'ufa ya ibidi gube, ato isani agartanu nyaapi d'ufe lafa teesani fud'ate waan ch'ufa balleese ona tolcha. Dira Yerusalemu ch'allati hafa, ka nyaapi marse had'uu jiru. Inni qarqaarsa d'abe, hoosa hojatu oobru zabibutifi yokhaani mana oobru bododa keesa jaarani fakaata. Ato sila Waaqi guddaani nama gari hambisuu baate, Yerusalemu ya balleesani, akuma Sodomafi Gomora duri balleesani kaani. Ee Yerusalemu, jara si mohatufi worri si keesa tauleeni worra Sodomafi Gomora fakaata. Dubbi AABBO Waaqaa ch'aqasa, waan Waaqi isani barsiisu d'agaya. Inni waan jed'u, Waan anini sorio isani naa baaftani tana jaalad'u seetani? Hooliyeeni isani naa baaftanifi d'ad'ani hori keesani gagaba ya nara dabre na lilise. Anini d'iiga Koromitiifi hooliyeetifi ka lalleesa ya dad'abe. Eenuti waan kana ch'ufa hojja kad'acha na dura d'uftani, kootani isaniini jed'e? Eenuti, koota Mana kiyya keesa yaa isaniini jed'e? Sorio woma keesa injirre tana deebitani na ind'ufinaani. Ch'inch'a hit'aana isani naa aarsitani ya jibbe. Anini jila teesani ta baatitiifi Sabato teesaniifi woldeenna teesanile ya obsu dad'abe; waan kana ch'ufa ya ch'ubbuuni teesani t'ureesite. Jila teesani ta baatitiifi jila d'ibi isani tolfatani ch'ufa injibba isiini, ya nati ulfaate, baachu dad'abe. Yo isani harka nati oliqabattani na kad'attani anini isani illaalu. Ato isani haga feetani ch'ufa kad'attani, anini isani inch'aqasu wonti akanatiifi isani nama harka d'iigaati. Qulqulleesa ufi d'iqa, ch'ubbu na durati tolchitani tana iraa deebia. Waan hamtu tolchitani kana lakisa aka waan dansaa tolchitani barad'a. D'uga barbaada gula yaa, nama dabsani barbaada, ilmaani hiyyeeyi waan isii kennafi, nad'eeni hiyyeeyile dubbad'afi. AABBO Waaqi waan jed'u, Koota, dubbi tana ilaala. Ato dabi keesani diimatele adi aka aanani tolchani, Ato inni aka male diimatele adi aka ch'aama tolchani. Hojja isani naa saalfatani sagale dansa lafti baaftu nyaatani. Ammo yo isani na diddani aka hama woraanani dootani. Dubbi tana ana AABBO Waaqati jed'e. Diri duri Waaqa jaalate saalfatuufi, ya aka sharmut'a tahe! Duri nama d'ugaati keesati gala, ammo amma tana, nama harka d'iiga ch'allati keesati hafe. Ee Yerusalemu atini duri qarsi fakaata, ammo amma tana womaa keesa injirtu, duri daad'i dansa fakaata, ammo amma bisaani guraacha fakaata. Worri kanke gugurdaani nama d'ugaa dide hattu waheelchu: worri hojja ch'ufa gumbo jaalate waan nama ira nyaatu barbaada. Worri ilmaani hiyyeeyiti indubbatu, yokhaani nad'eeni hiyyeeyi dubbi isii jalaa inqabu. Tanaafi amma tana waan AABBO Waaqi guddaani Israeli jed'u ch'aqasa: Isani nyaapa kiyya, anini amma haalo isani fuud'a aka isani deebitani na ingaargalchine. Anini isaniti garagale, aka sibiila isani basse t'uri teesani ch'ufa isani iraa baasa. Anini worra isani fidufi ka isani gorsu, akuma duri isanii kenne kaani isanii kenna. Duuba Yerusalemule dira d'uga jabeesu, jed'aniini. Waan AABBO Waaqi d'uga qabuufi Yerusalemu baase ammalle nama keesa jiru, ka ch'ubbu iraa deebiule ch'ufa baasa. Ammo inni nama ch'ubbu tolche, ka isa didu, balleese, nama isa lakisu hobaasa. Isani waan duri mukha kad'attani oobru woyyoomsitaniifi ingaabitani. Isani akuma mukha gogu gogoddani, oobru bisaani d'abde taatani. Akuma buuyo goddu qaanqeeni qabsiiftu, akasuma jari irre qabu huji ufii ta ch'ubbutiini badde, nami worra baddu d'owu injiru. Wonti Isayaani, ilmi Amozii waan Yudaafi Yerusalemu arge tana: Takaa tana gaari Mana Waaqaa irati jaarani gaara ch'ufa ira d'eerate kubile ch'ufa bira dabra. Gochiti hedduuni aka biyye tana iti yaate, waan jettu, koota, gaara AABBO Waaqaa olkorre, Mana Waaqaa Yakoboo d'anna, aka inni kara ufii nu barsiise, nu daandi isaani gula yaanu. Wonti akanatiifi dubbini AABBO Waaqaa Yerusalemu keesaa baati, Seeri isaaleeni Sioni iraa d'ufa. Inni gosa woldidu wolti araarsa. Worri goraade maarasha tumate, woraana haamtu tolfata. Gochiti deebite woraanani wolinhaatu, deebiani waan lola barattani woli inhad'ani. Ilmaani Yakoboo amma koota, ifsa AABBO Waaqi nuu kenne keesa yaana! Ee Waaqa, atini gumi tante ilmaani Yakobo ya lakifte! Lafti yayu falfala ilaborutiifi ka worra Filistitiini guutamte. Biyyitileeni aada gosa d'ibii gula yaati. Lafti worraa qarsifi worqiini guutamte, wonti worri olikeyate muumme inqabdu. Lafa worraa fardooleeni guute gaarini fardi hirkisu lafa ira dabra. Lafti worraa worra waan harkaani boch'ani kad'atanini guutamte, worri waan harka ufiitini mid'aase yaamata. Akanaani nama ch'ufa qanch'arsani ch'eersani. Ammo Waaqa atini worraa inaraaramiini! Biyyiti goda d'akha keesati d'okhate, yokhaani lafa keesati boola qotani aka dallansu AABBO Waaqa dura baqatani, jabeennaafi guddinna isaa duraa bahani. Guyyaani ind'ufa, ka nama kiyyibu hobaasani nama ufi saadule balleesani. Gaafasi AABBO Waaqa ch'alla guddisani. Guyya suni AABBO Waaqi guddaani nama irre qabu ch'ufa diqeese, nama kiyyibe ufi saadule ch'ufa akasuma tolcha. Inni hind'eesa d'ed'eera Lebanonitifi dambi lafa Bashanile balleesa. Inni gaareeni d'ed'eertuufi kubileefi doofi d'ed'eertuufi, girgida mana jajaba ch'ufa ch'ach'absa. Inni hobolo hobolo ch'ufa ira guddotifi ta iraa mid'aadule ch'ufa bisaani keesa lit'isisa. Biyyiti goda d'akha keesati d'okhati yokhaani lafa keesati boola qotatti, aka dallansu AABBO Waaqaa duraa baqatani, jabeennaafi guddinna AABBO Waaqa duraa bahani, gaafa inni lafa chochoosu d'ufu. Hojja guyyaani sunini d'ufu worri waan worqifi qarsi ka harkaani boch'ani kad'atani gate, tuqaafi raaree lakisani. Hojja AABBO Waaqi lafa chochoosuu d'ufu, biyyiti boolafi goda d'akhaati d'okhati, aka dallansu isaa duraa baqate, jabeennaafi guddinna isaa duraa baatu. Nami hafuuruma, maani keesa jira? Tanaafi maani ira gula yaatani isa d'ugeefatani? Amma tana AABBO Waaqi guddaani yayu namaafi waan diri Yudatifi ka Yerusalemu jiruuni ch'ufa iraa fuud'uu gahe. Inni sagaleefi bisaani, worra jajabaafi askartiifi jaallabootaafi raagootafi yuubaafi jaaroleefi, worra gugurda askartitifi worra gurra qabuufi worra nama dura yaufi falfaltule ch'ufa iraa fuud'a. AABBO Waaqi ijoolle didiqo worra mohachisa. Nami ch'ufti woldabsa, kaimi jaarole insaalfatu, nami seseegi ufitu woma keesa injirre gudda ufiti saalfachuu dida. Guyyaani ind'ufa, ka nami balbala gosa toko nama balbala ufi toko fohate waan jed'uuni, Atini waan keeyatu qabda, kai lafa badde ona taate tana gudda iti tahi. Ammo inni waan jed'uuni, lakisa, anini indandau, anini sagaleefi woyale inqabu, gudda keesani na intolfatina! Yerusalemuni ya badde, Yudaleeni jiguu jirti! Worri waan hojatufi waan dubbatu ch'ufa keesa Waaqaani morka; worri diiduma keesa Waaqa didu jira. Fuuli worraleeni aka worri ch'ubbu tolche ingarsiisa; akuma worri Sodoma duri ch'eera d'abe ch'ubbu tolche, worrileeni akasuma tolche. Tunini baddi worrati, ka worri ufiitini d'ufe. Nami d'ugaa ingammada, wonti ch'ufti intoltifi. Worri waan hojate iraa wo argata, ammo worri ch'ubbu imbada, badiini worraa inooltu. Waan worri duri nama tolche amma worra tolchani. Ijoolleeni gumi tiyya dabsite, nad'eeni worra mohatti. Gumi tiyya, jari isani dura deemu ya kara iraa isani gorse, duuba isani gara yaatani wollaaltani. AABBO Waaqi ya gumi isaa himachu d'ufe; inni aka worra qoru kurfo jiru. AABBO Waaqi jaaroleefi jara gumi isaa dura yaule ya qorsumatiini d'ufe; wonti inni worra himatu tana: Isani oobru zabibu saamtani. Mana keesanile ya wonti isani hiyyeesa iraa guuratani guute. Isani maanifi gumi tiyya dabsitani hiyyeesa balleesitani? Dubbi tana, ana, AABBO Waaqa guddati, jed'e. AABBO Waaqi waan jed'e, me aka nad'eeni Yerusalemu kiyyibdu ilaala! Isiini funnaani, d'aabde ilaani d'iira barbaada yaati. Worri shoobaa yae, faayi worri miilati naqatu qiqilisa. Ammo anini ch'ito worrati buuse, mata worraa haade qulqulleese lakisa. Guyyaani ind'ufa, ka AABBO Waaqi waan nad'eeni Yerusalemu kiyyibduuni iraa yaasu — faaya worri miilaafi matafi mormaafi harkati naqatu. Inni hagogoofi kofiaafi, qud'aama worri harkaafi hid'aanati naqatufi qube worri qubati naqatufi ta funnaaniti mat'anfatufi woya mimid'aadu aka heddu ta worri naqatufi, borsaafi woya nafi namaa keesaani mullatuufi woya booftatiifi gaarbisarafi, hagogo worri matati uyifatu — waan kana ch'ufa inni worra iraa fuud'a. Worri fulla qayya urgau, inajaa; fulla hanfala mid'aaga hid'atu, haada hid'ati; fulla rifeensa mid'aaga baaftu, imoloofti; fulla woya mid'aaduni yaatu, ch'arqiini yaati; mid'aagumti worraa garagalte ch'eera taati! Nami d'iira ka dira suni, jannileeni woraanani dua. Balbalti fullo dira laalefate booti, dirileeni niiti qulla lafa teetu fakaata. Gaafasi nad'eeni torba d'iira toko qabde waan jettuuni, Nu dandeenne daara ufi baamne sagale ufi kenninna, ammo atini ch'eera nu d'owi, d'iirsa nuu tahi, ha maqa kanke ch'allaani nu yaamaniti. Guyyaani ind'ufa, ka AABBO Waaqi dame lafa keesa jirtu ch'ufa guddise mid'aadu tolchu. Nami Israelii ch'ufti, ka hafe, mid'aani lafti sunini baaftu iraa gammade, kiyyibaani. Nami Yerusalemu keesati Waaqi hambise qulqullo jed'aniini. Jabeenna isaatini AABBO Waaqi nad'eeni Yerusalemu qulqulleese ch'ubbu worratiifi d'iiga achiti jissani d'iqa. Duuba gaara Sionitiifi nama achiti wolti d'ufu AABBO Waaqi guyyaa dumansa iti erge halkanile aarafi ibida bobau iti erga. Guddinni Waaqaa dira suni dumansaani d'ossa. Guddinni isaa gaadisa tahe oowa guyyaa balleese, fulla nagaya, ta bokayafi bubbe iti qobatani, tolcha. Haga anini sirba kana sirbe jaala kiyyaafi oobru isaa ta zabibu faarsu, na ch'aqasa: Jaali kiyya oobru zabibu qaba, ta gaara dansa gubba jirtu. Inni lafa qote, d'akha keesaa baase, mukha zabibu dadansa keesati oobre. Inni doofi eeganini iti jaare, fulla mid'aani zabibu iti ch'ach'arasani mid'aase. Inni mid'aani zabibu miyao eegate, ammo mid'aani ch'ufti bushao tahani. Duuba amma jaali kiyya waan jed'u, Isani worri Yerusalemufi Yuda keesa tau, anaafi oobru tiyya ta zabibu wolti nu ilaala. Wonti nami tolchu ka anini intolchinifi jirti? Yo akasi taate, isiini maanifi mid'aani miyao anini heregad'e imbaasini, mid'aani bushao baafti? Waan anini amma oobru tiyya ta zabibu suni tolchu ch'aqasa; anini dallaa isiini jaarani guure, d'akhaa jaaraninile ch'ufa ch'ach'abse, bineensa alaa iti lakisa, aka inni nyaate ira ejaanjate balleesu. Anini isiini ha danqara taatu jed'e, akusumati lakisa. Anini mukha isii inkolkolu, yokhaani inharamu; mogoreefi qoraatiti iti baha. Anini dumansaleeni iti irroobiini jed'a. Worri Israeli oobru zabibu AABBO Waaqa guddati. Worri Yudaleeni mukha zabibu ka inni oobrate. Inni d'uga worra ira barbaade, ammo d'iiga jissani ch'alla irati arge. Inni qajeeluma worra ira barbaade ammo boha laalala ch'alla d'agaye. Isani la baddaani; worra mana heddu bitate ammalle oobru d'ibile iti daratu. D'iotu nami d'ibiini fulla qubatu d'abe, isani ch'allaani lafa keesa teetani. Anini AABBO Waaqa gudda, ka dubbi tana jed'u, d'agaye: Maneeni gugurdoni tunini ch'ufti ona taati. Zabibuni lafa eeka kud'ani irati baatu daad'i galeeni lama ch'alla baafti. Mid'aani d'ebbe kud'ani, ka fach'aasani, d'ebbe toko ch'alla d'alani. Isani la baddaani! Isani ganama kaatani, farsoti oritani, halkani ch'ufa machaa bultani. Hojja jila tolfatani, isani, kiraariifi dibbeefi fulludo d'ooftani — daad'ile d'uddani. Ammo isani waan AABBO Waaqi tolchu womatu indaartani, tanaafi qaqabani isani boojiani. Worra keesani gugurda garaachi hobaase, biyyiti taani d'ibileeni d'eebuuni raawati. Booliti Ekheraa worrati beelofte, afaani iti baante nyaati. Isiini worra gugurda Yerusalemutifi gumi farso d'udde machoofte taani liqimsiti. Nama diqaafi guddale ch'ufa ch'eersani, nama ufi guddisu ch'ufa diqeesani. Ammo AABBO Waaqi guddaani waan d'uga tolche, guddinna ufii garsiise, gumi ufii qore, akasiini qulqullooma ufii mullisa. Dira bade ona tahe kaani keesa hooliyeeni marra d'eedde laleesileeni achi tikhata. Isani ya baddaani! Worra ch'ubbu lakisuu dide ufi gula hirkise yauuni, ka AABBO Waaqaani, Atini waan tolchu feetu hurrisi tolchi aka nu arginu. Waaqi Israeli qulqullooni ha herega ufi guutu; eegi waan inni tolchuu fed'u ilaala jed'u. Isani ya baddaani! Worra waan hamtuuni dansa jed'e, waan dansaani hamtu jed'u; ka dukana ifsa tolche, ifsa dukana tolchu. Ka waan had'aa mieese waan miaa had'esu. Isani ya baddaani! Worra qaroo ufi seehe, Nu qalbi qamna ufiini jed'u, Isani ya baddani! Worra d'ugaati daad'iti janna tahe, d'ugaati farso gosa hedduti d'iira tahu! Ka nama wollaala qabu gumbo iraa fud'ate galakise, nama woma iyyakini dabsu. Tanaafi amma tana akuma okhayafi buuyooni godduuni ibida keesati gubatu, akasuma hiddi keesani shame, daraaraani keesani goge bubbeeni fud'atti, waan isani, waan AABBO guddaani, Waaqi Israelii, qulqullooni nu barsiise, diddaniifi. Duuba amma AABBO Waaqi yayu gumi isaati dallane, harka d'eerefate, balleesaa iti kaye. Gaareeni chochoote, reefi nama hobae aka huura kara dira keesa ch'iisa. Ato akasile taate, dallansuuni AABBO Waaqa isa ira ingaltu, ammalle harka d'eerefate nama d'aanu fed'a. AABBO Waaqi gosa fago jirtu akheekha garsiise, worra muumme lafa jiru fiiquuni yaama. Duuba gochiti sunini hurifte utaalte d'ufti! Worra nami tokoleeni indad'abu, yokhaani ingufatu, tokoleeni imugu, yokhaani irafu. Gurdaani worraa infuratu, yokhaani seemsaani kobe worraleeni inch'itu. T'iyiti worraa qara qabdi, guubeeni worraleeni had'iisa kurfo jirti. Koteeni fardo worraa akuma d'akhaa jabaati, miili gaari worraa akuma bubbe utaala. Askartini worraa akuma nyeench'a bineensa ijeese, fulla nami dandae ira imbuumnetiini baqate itanu itanti. Hojja guyyaani sunini gahe, worri akuma bisaani galaana dibbise Israeliti baafata. Nami lafa tana ilaale, dukanaafi gaargala ch'alla arga! Ifsa ya dukanti liqimsite. Ganna hayyu Uziani due, anini AABBO Waaqa, ka guddinna ufiitini barch'uma gubba tae, woyaani isaa dudda duubaani d'eeratte Mana Waaqa ch'ufa guuttu, arge. Isa d'aatu waan lubbu qaba, ka aka ibida bobaati ejaanja, ka wonti suni ch'ufti koola jaa qabdu; koola lamaani fuula d'ofatani lamaani miila d'ofatani lamaani barisani. Woli yaamani waan woliini jed'ani, Qulqullo, qulqullo, qulqullo! AABBO Waaqi guddaani qulqullo! Lafti ch'ufti guddinna isaatini guutamti. Qonqooni worraa yayaba Mana Waaqaa chochoofte, Mana Waaqale aari guute. Jennaani anini waan jed'e, Anini ya fafae, ya lafaa badde. Wonti akanatiifi arabi kiyya ch'ubbu ch'alla dubbata, nami nu woliini teenuuleeni ch'ubbu male waan d'ibi indubbatu. Ammo amma anini ila tiyyaani yayu AABBO Waaqa hayyu gudda, arge! Jennaani wonti lubbu qaba kaani toko nati barifte, ch'ile ibida waan hit'aana irati aarsani iraa qad'abeeni fuute, ch'ile sunini hid'i tiyya tut'e waan naani jette ch'ileeni tunini amma ya hid'i sii tut'e, ch'ubbu ya sira fuud'ani, daba yayu sii araaramani. Jennaani anini qonqo AABBO Waaqa ta, Anini eenu erga? Eenuti ergattu nuu taha jettu d'agaye. Anini waan jed'eeni, Anini kunooti, na ergad'i! Jennaani inni waan naani jed'e, Beeni, dubbi tana biyyati himi: ato haga feetani d'ageetanile inhubattani. Ato haga feetani ilaaltanile waan taha inagartani. Jennaani inni waan nani jed'e, Qalbi biyya tana duuchi, gurra worraa ch'ufi, ila worra bassi, aka worri woma arge yokhaani d'agaye yokhaani inhubanne. Yo sila worri akasi tahe, hegeri worri garagaleti fayya. Jennaani anini waan jed'eeni, Aabbo wonti kunini haga yoomi taati? Inni waan naani jed'e, Haga dira ch'ufa balleesani ona tolchani, maneeni ch'ufti duwa taate, oobruuni, ch'ufti badde raasa taatuti. Anini gumi suni fageese, lafa ch'ufa duwa tolcha. Ato nama kud'ani keesa nami toko hafele, takacha sunile imballeesani; inni hunda mukha dambi ka murani fakaata. Ammalle akuma hunda suni worri Waaqaa ka d'ibiini late ga baha. Gaafa hayyuuni Ahazini, ilma Yothamu, ka akhaakhu Uzia, lafa Yuda mohate, hayyicha Shamu ka Resini jed'anifi, hayyichi Israelii ka Peka ilma Remalia jed'anileeni, d'ufani dira Yerusalemu had'ani, ammo dabsachu dad'abani. Qonqooni hayyu Yudati d'ufte waan jette, Worri Shamu yayu worra Efraimutini wold'aqe. Jennaani isaafi worri isaa ch'ufti aka male nahe, aka bubbeeni mukha chochooftu chochoe. AABBO Waaqi waan Isayaani jed'e, Ilma kanke Shea-Yashubu fuud'i, hayyu Ahazi argu d'aqi. Atini isa fulla nami woya mid'aasu hojatu ta muumme fulla bisaani harotiini yaaniti agarta. Duuba waan jettuuni, Eegad'i, irifatiini, yokhaani sodaate imudamiini. Dallansuuni hayyu Resiniitifi worra isaa ka Shamutifi hayyu Pekaleeni, aara mukha lama iraa bahu ira injirtu. Worri Shamutifi ka Israelitiifi hayyuuni worraleeni ya woliini malatani. Worri lafa Yuda had'e nama mudamsiise, ilma Tabeeli hayyu worraa tolcha. Ammo anini, AABBO Waaqi, wonti sunini intaatu jed'a. Maafi akasi taati; wonti isiini akasi taatuufi, Shamuuni dira Damaski ira injirtu, diri Damaskileeni hayyu Resini ira injiru. Ganna jaatami shani keesati worra Israeli firfirsani balleesani, harka gosa d'ibi keesati bula. Worri Israelii worra Samariaa ira injiru, worri Samariaa hayyu Peka ira injiru. Yo d'ugefachaani tante irre inqamne atini jabeennaani inteetu. Ammalle AABBO Waaqi Ahazini dubbate waan jed'eeni: AABBO Waaqa kanke kad'ad'i, Akheekha naa kenni jed'iini. Akheekhi sunini ha boola ekheraati d'ufuti yokhaani gubba d'ufuti. Ahazini waan jed'eeni, Anini akheekha naa kenni jed'e AABBO Waaqa inilaalad'u. Suni gula Isayaani waan jed'eeni, Amma ch'aqasi, atini ka worra Daudi keesa d'alate. Atini aka obsa nama d'owarte Waaqale obsa d'owu feeta? Duuba amma AABBUMA Waaqati akheekha sii kenna: intalti dubra garaachoofte, ilma deete, maqa isaa Imanueli baaftiifi. Gaafa inni guddate, mirgaafi bita gargari hubate, nami gaafasi aanani d'uge damma nyaata. Ato guyyaani sunini ingeenne, lafti hayyoota lamaani si mudamsiiftu sunini badde ona taati. AABBO Waaqi siifi worra kanketifi gosa tantele guyya gaargala hama, ka haguma gaafa hayyuma Yudatifi ka Israeli gargari baasani takaa inargini itiini d'ufa, gaargala suni hayyu Ashuruti worratiini d'ufa. Guyya gaargali sunini d'ufu, AABBO Waaqi worra Misirii fiiquuni gayaame, worri aka tiite muumme galaana Misiriti gabaafate, worri Ashuruleeni aka tuuta kinniisaa d'ufa. Worri sunini ch'ufti d'ufe, baleefi goda ke qubate, mukha qoraatitiifi lafa horiini keesa oolule ch'ufa guuta. Guyya suni AABBO Waaqa nama mata isani ira haadu Efrati gama suni d'ufani — hayyicha Ashuru! Inni areedafi rifeensa matatiifi ka nafa ch'ufa isani ira haada. Gaafasi nami saa tokoofi lalleesa lama qabuleeni aanani quufe ititule d'uga. Nami woraana suni jalaa bahe dammafi ititu sorata. Gaafasi oobruuni zabibu, ta mukha kuma toko qabdu, ta gatini isiileeni qarsi kuma toko, mukha qoraatitiifi mogore ch'alla taati. Nami t'iyaafi guubeeni oobruu suni keesaa adamo yaa, waan lafti raasa qoraatitiifi ta mogore taateefi. Ammalle gaareeni duri qotani sagale irati oobratani mukha qoraatitiifi mogore baafti nami deebie achi imbahu. Gaareeni sunini oolmuma loonitifi ta ree ch'alla taati. AABBO Waaqi waan naani jed'e, Waan woi irati t'aaftu guddo fud'ad'i, dubbi tana aka nami ch'ufti aka dansaa argu irati t'aafi: Waan hurrisani saamani boojiani. Nama d'ugaa qajeela lama naa barbaadi, qaallicha Uriafi Zekaria ilma Yeberekia, aka worri d'uga naa tahu. Duuba eege niitiini tiyya garaachoofte ilma deete. Jennaani AABBO Waaqi waan naani jed'e, Maqa isaa waan hurrisani saamani boojiani baasiifi. Ato gurbaani guddate aabboofi aayyo jechu imbaratini, waan worri Damaski horateefi waan Samaria keesa boojiani ch'ufa hayyichi Ashuru d'ufe fud'ata. AABBO Waaqi ammalle nani dubbate waan jed'e, Waan worri kunini bisaani maddo Shiloa ka laana yaa dide, Resiniifi hayyu Peka durati holateefi, anini, Aabbooni hayyu Ashurutifi duula isaa ch'ufa d'ufeeni, lafa Yuda haasisa. Worri aka bisaani galaana Efrati fach'ae, lafa ch'ufa qabate d'ufe, lafa Yuda ch'ufa keesa yae waan ch'ufa hare, haga gurmu namaa olbahe waan ch'ufa d'ossa. Waaqi nu woliini jira! Inni koola ufii ballise akasiini lafa qorqorata. Ee gosa ch'ufa, sodaa wolti baha! Ee lafa fago jirtu, ch'aqasa. Kurfaa had'a, ammo ufi eegad'a! Ee, kurfaa had'a ammo ufi eegad'a! Mala d'aad'a! Ammo mali sunileeni woma imbahu, haga feetani dubbad'a, ammo dubbini sunini woma keesa injirtu, wonti akanatiifi Waaqi nu woliini jira. AABBO Waaqi jabeenna isaatini na gorse waan jed'e, kara worri kunini gula yau gula indeemini. Mala worraa keesa inseeniini, waan worri sodaatu insodaatini. Qaabad'a, AABBO Waaqi guddaani anuma, anumati qulqullo, ka isani sodaachu maltani. Waan qulqulluma tiyyafi na sodaatanifi anini d'akha nama gufachiisu fakaad'a; anini worra Yudatifi ka Israelitiifi ka Yerusalemule t'urura iti fakaad'e qaba. Nami hedduuni gufate, jige ch'ach'abe t'ururaani qaqaba. Isani jari kiyya seera Waaqi nati kenne jabeesa qorqorad'a, AABBO Waaqi yayu gumi ufii duraa d'okhate, ammo anini isa d'ugeefad'e isa abdad'a. Anaafi ilmaani AABBO Waaqi naa kenne kunooti. AABBO Waaqi guddaani, ka gaara Sioni gubba tau, yayu nu erge, aka nu akheekhafi beesisa worra Israeliti taanu. Ammo biyyiti waan isaniini jettu, Nama wo himu falfaltu, worra ekhera yaamatu, ka woch'e haasaani wo dubbatu, gaafad'a. Worri waan jed'u, silaaftu nami ergattu gara ekheraati d'ufte maro nama jiruti jed'e wo gaafata. Waan isani jettaniini, waan AABBO Waaqi isaniini jed'u ch'aqasa, Worra ekhera yaamatu inch'aqasina — wonti worri isaniini jed'u woma isaani imbaatu. Biyyiti beelofte ufi jibbaate lafa marti. Beelafi dallansu keesa Waaqafi hayyu worraa abaarani. Worri gubba laale, lafale millate, ammo gaargalaafi dukana nama mudamsiiftu, ta worra iti gussani male, woma inargu. Karaani worri gaargala kana dura baqate bahuuni injiru. Lafa gosa Zabulonitifi ta Naftali duri ya ch'eersani, ammo takaa tana lafti suni saadu argatti, haga galaana Gudda ilaboruuti fuud'ani galaana Yordani gama kaaniti d'aabani ammalle haga Galilayale, fulla gochiti d'ibiini teetu. Worri duri dukana keesa yau, amma yayu ifsa gudda arge, worri duri lafa gaandiddooftu keesa taa, ammo amma tana ifsaani ya worrati ifse. Ammo atini ya gammada gudda worra kennite, worra gammachiifte, AABBO Waaqa; worri si durati gammade, akuma nami hojja mid'aani muratuufi hojja waan boojiani qoodatu gammadu, gammada. Atini qaampara worrati ulfaatefi ule gurmu worraa d'aante ch'absite. Atini gosa gosa teesani dabsite balleesite dabsate, akuma duri atini duula Midiani dabsate. Kobele worra duulaatiifi woya isaani, ta d'iigi balleese, ibidaani gubani. Daimi ya nuu d'alate! Ilma ya nuu kennani! Isati hayyu keenna taha. Maqaani isaani yaamani: Abba mala dansaa, Waaqa Guddaya, Abba jiru jireenna, Hayyu Nagaya. Jabeenni inni namaani fidu inhobau, lafti inni fidu yo ch'ufa nagaya qabdi. Inni barch'uma Daudi, ka hayyuma, ira tae nama fida; inni d'ugaafi qajeelumaani nama fida, haga ammatiifi haga hegerile. AABBO Waaqi guddaani waan suni guutu male illakisu. Aabbo Waaqi yayu worra Yakobo wollaala iti mure, wollaali sunini Israeli qabate. Nama Israeli keesa jiru ch'ufafi nami Samaria keesa tauleeni aka inni waan suni tolche imbeekha. Worri ufi saade kiyyibe waan jed'u, Mani d'oqe faaratini jaarani ya jige, ammo nu fulla isaa mana d'akhaa jaaranna. Dareraani oda yayu ch'ach'absani, ammo nu hind'eesa dadansa fulla suni keenna. AABBO Waaqi yayu nyaapa worraa worrati kaase. Worri Ashuru ka ilaborutiifi worri Filisti ka ila aduuleeni yayu afaani worra Israeliti baane worra liqimse. Ammo ato akasile taate dallansuuni AABBO Waaqaa isa ira ingaltu, inni harka d'eerefate ammalle worra d'aanu fed'a. Gumiini Israelii ch'ubbu iraa indeebine; ato AABBO Waaqi guddaani worra gaargalchele worri isaati indeebine. Guyya tokooni AABBO Waaqi worra gugurda Israelitiifi gumile ch'ufa inhobaasa; inni matafi eegele ch'ufa iraa kuta. Mataani jaaroleefi worra gurra qabu — eegeeni raagoota dubbi d'ara barsiiftu! Nami gumi tanaani deemu yayu worra kara iraa gorse, wowollaalchise balleese. Tanaafi AABBO Waaqi kaima tokole fiigu d'owu dide, nad'eeni hiyyeeyifi ilmaani hiyyeeyile nahu dida; wonti akanatiifi gumiini tokoleeni Waaqa imbeetu, waan hamtu tolchite hameenna ch'alla dubbatti. Ato akasile taate, dallansuuni AABBO Waaqaa isa ira ingaltu, inni harka d'eerefate ammalle worra d'aanuu fed'a. Ch'ubbuuni gumi aka ibida bobeete, mukha qoraatitiifi mogorele gubde, akuma ibida badda gubu, ka aari guddaani keesaa olbahu taati. Waan AABBO Waaqi guddaani guddo dallaneefi lafti ch'ufti gubate, ibidi gumi balleese, nami tokoleeni ka arma bahi woliini jed'u injiru. Mirgaafi bitaleti nami sagale saame nyaata, ammo beela imbahu, waan d'ibi lakisi, worri ilme d'alelle inyaata! Worri gosa Manasetifi ka Efraimuleemi woli had'e, ammalle eege wold'aqani Yuda had'ani. Ato akasile taate, dallansuuni AABBO Waaqaa isa ira ingaltu, inni harka ufii d'eerefate, ammalle worra d'aanu fed'a. Isani la baddaani, worra waan d'uga intahini seera baase akasiini gumi tiyya dabse! Aki isani hiyyeesa d'uga d'owitani dabsitani balleesitani akana. Aki isani hori nad'eeni hiyyeeyitifi ka ilmaani hiyyeeyi saamtani guurattani akasi. Guyya Waaqi gaargala isanitini d'ufu, maal taatani? Hojja inni lafa fagooti badi isanitini d'ufu, maal taatani? Nami isani iti baqatani qarqaarsa ira fed'atani eenu? Hori keesani eesati d'ofattani? Wonti isanii hafe, aka isani hobaasani yokhaani boojiani ch'alla. Ato akasile taate dallansuuni AABBO Waaqaa isa ira ingaltu, inni harka ufii d'eerefate ammalle isani d'aanu fed'a. AABBO Waaqi waan jed'e, Anini worra Ashuru boku tolfad'e nama anini iti dallaneeni d'aana! Anini gosa Waaqa imbeenne ta na dallansiftuti erga, aka worra hatani saamani akuma huura kara keesati ira ejaanjatani. Ammo hayyichi Ashuru mala ufii ka woini yakuu qaba, inni aka gosa d'ibi balleesu ya kutate. Inni kiyyibe waan jed'u, Jari askarti tiyya gugurdaani ch'ufti hayyu. Anini dira Kalnotifi ka Karkemishitifi ka Hamathitifi ka Arpaditifi ka Samariatifi ka Damaskile had'e dabsad'e. Anini harka kiyya d'eerefad'e, lafa waan harkaani boch'ani kad'atu, ta wonti kad'atani sunini ta Yerusalemutifi ta Samariale ira heddu, gaargalchuu fed'e. Anini Samariafi waan harkaani boch'ani kad'atanile ya balleese, Yerusalemufi waan boch'ani ka achiti kad'atanile akasuma tolcha. Ammo AABBO Waaqi waan jed'u, gaafa anini huji tiyya gaara Sioni gubbafi Yerusalemu keesale hobaasu, anini hayyu Ashuru ingaargalcha, waan inni akasi kiyyibe ufi olfuud'eefi. Hayyichi Ashuru kiyyibe waan jed'u, Anini waan kana ch'ufa irruma tiyyaani tolche; anini jaba ammalle qaroo. Anini seera jiddu lafaa deeme lafa gosa gosa gargari baasu balleese, waan worri olikeyate ch'ufa boojie, aka korma looni nama achi tau ch'ufa ira ejaanjad'e. Gochiti lafaa mana simpirre fakaati, duuba anini waan worri qabu akuma okhokaani guurani gaargala male guura. Wonti barisa tokoleeni na insodaachimne, yokhaani wonti afaani qaba tokoleeni nati iniyyine! Ammo AABBO Waaqi waan jed'u, D'agaraani, Anini nama naani hojatu ira jira ufiini injed'a? Wonti woini murani nama woini muru ira jirti? Bokuuni nama oli infuud'u, namati isa olifuud'a male. AABBO Waaqi guddaani nama nyaachisa nyaatu, d'ukuba iti buuse gaargalcha; nafa worra ibidati keesa bobaa. Waaqi ifsaani Israeli ibida tahe, Waaqi qulqullooni Israeli bobae, guyya tokooni waan ch'ufa gube balleesa, qoraatifi mogorele. Badda guddofi oobru dadansale ch'ufa balleesani, akuma d'ukubi hamani nama balleesu. Mukhi baddaa hobae tatakate, ijoolleleeni dandeete hedi. Guyyaani ind'ufa, ka worri Israeli ka hafe gosa worra diquma inhobaasini taani deebie inabdanne, ammo AABBO Waaqa Israeli qulqullo abdatu. Worri Israeli, nama diqaati, Waaqa guddati deebia. Ato amma tana worri Israeli heddu aka maansa galaanaa taatele, nama diqaati deebia. Baddi worraa malte ya hereganifi. Lafa ch'ufa keesa AABBO Waaqi guddaani badiini d'ufa, akuma inni duri jed'e kaani. AABBO Waaqi guddaani waan nama isaa ka Sioni keesa tauni jed'u, Worra Ashuru insodaatina, ato worri aka worri Misiri duri isani gaargalche isani gaargalchele. Bulti diqooti, dallansuuni anini isaniti dallanu naraa galti, duuba anini worra suniti dallane balleesa. Anini, AABBO Waaqi guddaani, licho tiyyaani worra d'aana, akuma duri worra Midiani d'akha Orebuti d'aane. Anini akuma Misiri gaargalche Ashurule gaargalcha. Hojja guyyaani sunini d'ufu, anini harka worra Ashuru keesaa isani baasa, qaampari worra deebie gurmu teesani ira intau. Duuli nyaapa yayu dira Ai dabsate, dira Migroni keesa dabre, miha ufii Mikmashiti olikeyate! Worri yayu kaarra bahe Geba bule! Worri dira Rama ya mudame, worri dira hayyu Saulo, ka Gebia jed'ani keesa jiru ya baqate. Worra Galimu iyya! Worra Laisha, ch'aqasa! Worra Anathothi jalaa qaba! Worri Madmenatiifi ka Gebimu baqachu jira. Arra nyaapi ya dira Nobu d'ufe, achiti tae, gaara Sioni ka dira Yerusalemu harka tontomate iti irbu jira. AABBO Waaqi guddaani irre isaatini, akuma dame mukha ch'irani, worra ch'ire lafa buusa, ka kiyyibe ufi olifuud'u murre gadi buusa. AABBO Waaqi akuma mukeeni garaa badda keesa d'agaraani ch'irani worra ch'ira. Akuma mukeeni Lebanoni dadansaani jiddu, worrileeni jiga. D'alooti Yese hunda mukha murani fakaata; ammo akuma dameeni latte hunda suni iraa baatu, akasuma hayyuuni d'aloota isa keesa d'alata. Lubbuuni AABBO Waaqa isa gubba teete, qaroomafi beekhaafi qalbi namaani fidani isaa kenniti. Inni fed'i AABBO Waaqa beekhe isa guddise, isa sodaate, iraa gammada. Inni waan ilaani argeefi ka gurraani d'agayeeni nama inqoru. Inni hiyyeesa d'ugaani qore, nama qarqaarsa inqamne kalcha. Jecha isaa gula wollaala namati murani, dubbi isaatini nama ch'ubbu fit'ani. Inni gumi isaa d'ugaafi qajeelani fida. Yayiifi hooliyeeni wolti galte, qeeramsaafi ilmooleeni ree woliini ch'iifti. Yabbiyeefi kubleeni nyench'aa woliini marra d'eedde, ijoolleeni didiqooni tissiti. Loonifi goorjami woliini marra d'eeddani, ilmaani worraleeni nagayaani woliini ch'ich'ifti. Nyeench'ileeni akuma looni buuyo nyaata. Daimi boola jawe bira tabate, ijoolleeni didiqooni harka ufii fulla bofi iti galu keesa nat'i. Gaara Waaqaa qulqullo Sioni gubbati nami waan hamtu woli intolchu. Akuma baariini bisaani guutani. Akasuma laftileeni beekha AABBO Waaqatini guutamti. Guyyaani ind'ufa, ka nami d'aloota Daudi hayyu tahe, akheekha gosa ch'ufaa tahu. Worri dira isaa keesati wolti bahe isa guddisa. Gaafasi Aabbooni ammalle harka ufii d'eerefate, nama isaa ka lafa Ashurutifi Misiritiifi, Pathrositifi Kushitifi Elamutifi Babilonitifi Hamathitifi lafa d'aatu baariinitifi lafa bisaani baariini jiddu jirtu keesati hafe, galcha. AABBO Waaqi baandera oliqabe gosa ch'ufa garsiisa, aka inni worra Israelitiifi ka Yuda ka gargari firfirsani boojiani, wolti guure, gama lafa ch'ufaa woltiini d'ufa. Qot'eeni Efraimu badde, worri Yudaleeni deebie worri Efraimu qot'ise worra Israeliti nyaapa intahu. Worri wold'aqe, worra Filisti, ka ila aduu jiru, had'e, worra ilaboru tau saame, worra Edomutifi ka Moabu dabsate, worri Amoni harka worra jalati bula. AABBO Waaqi galaana Misiri gosse, galaana Frati bubbe owituuni gosse laga didiqa torba tolcha, aka nami miilaani taaku. Ammalle worra isaa, ka worra Ashuru jalaa bahe, achiti hafe, kara balla tolchaafi, akuma duri ababoota worraa, ta lafa Misiri keesaa baate, tolche. Guyyaani ind'ufa, ka nami sirbe akana jed'u: Ee AABBO Waaqa, anini si faarsa! Atini qara ya nati dallante, ammo amma dallansuuni tante ya siraa galte, atini garaa na jabeesita. AABBO Waaqi ya na baase, anini isa d'ugeefad'e woma insodaad'u inni irree jabeenna naa kenne, naa baase. Akuma bisaani eela qullooni nama d'eebuu qabu gammachiisani, akasuma gumiini Waaqaa hojja inni worra baasu gammaddi. Guyyaani ind'ufa, ka biyyiti sirbite akana jettu: AABBO Waaqaa galata deebisa! Qarqaarsa isaa kad'ad'a! Waan inni tolche gosa ch'ufati odeesa! Aka maqaani isaa jaba biyyati hima! AABBO Waaqa faarsa, inni yayu waan jabdu tolche. Waan kana lafa ch'ufati odeesa. Nami Sioni keesa tahu ch'ufti ha lalabe, gammadaani isa faarsu! Waaqi, qulqullooni Israeli, gudda, inni gumi isaa keesa taha. Kunini d'aamsa lafa Babiloni ka AABBO Waaqi Isaya ilma Amoziti d'aame. Kubi qulqulliti ira baandera d'aaba! Askartiti lalaba, harka keesani oliqaba, akheekha garsiisa, aka worri balbala dira worra gugurdaa had'u. AABBO Waaqi yayu askarti jajanna filatani ga yaame, aka worri d'ufe, worra inni iti dallane had'e balleesu. Iyyaana gaara iraa d'uftu ch'aqasa — qonqo gumi guddo, gosa heddu wolti baate. Waaqi abba duulaa duula ufii had'iisaa kurfeesu jira. Worri lafa fago ta muumme lafati d'ufuu jira. AABBO Waaqi dallansu ufitini lafa ch'ufa balleesu d'ufa. Laalefad'a, boha! Guyyaani AABBO Waaqaa yayu d'iaate, guyyaani Waaqi guddaani lafa balleesu. Nama ch'ufa harki iraa bue, garaalleeni aka male laafa. Nami ch'ufa mudame, aka hama laalefate d'ukubsate, akuma nad'eeni d'alaa ch'ininfattu taha. Worri ch'ufti ila sodaatiini woli ilaale, aka male woli mudamsiisa. Guyyaani AABBO Waaqa d'ufuu jira — guyyaani hamani inni aka male dallanu. Lafti ch'ufti aloo taate, nama ch'ubbu ch'ufa balleesani. Urjini ch'ufti ifsu lakifte, aduuleeni hojja gabaatu dukanoofte, jiileeni ifsu dida. AABBO Waaqi waan jed'u, Anini baddi lafatini d'ufe, nama ch'ubbu qabu ch'ufa maro ch'ubbu isaanitifi gaargalcha. Anini kiyyiba ch'ufa d'owe, nama hamama ufi olifuud'ule gaargalcha. Anini nama lafa irati diqeese, diqeenna worqi ka lafa iraatini woli fakeesa. Anini gubba hargufe, laftileeni chochoote, fulla ufiti deemti, guyya anini, AABBO Waaqi guddaani, gugubad'e dallanu. Keessumaani lafa Babiloni keesa jirtu lafa ufiti baqatti akuma hiddini nama had'u duraa baqattu, yokhaani aka hooliye tissitu inqamne. Nama qabani ch'ufa goraadeeni ijeesani, sheeftiini hobaasani. Ila worraa durati, ilmaani worraa ch'ach'arasani hobaasani, maneeni worraa saamani, nad'eeni worrale buufatani. AABBO Waaqi waan jed'u, Anini gosa Medi kaase, worra Babiloni haasisa. Worri sunini qarsi iyyaalu yokhaani worqile imfed'u. Worri t'iyaani kaima fit'e, ijoollele ch'ufaa nahu dida. Lafti Babiloni lafa ch'ufa ira mid'aadu, mid'aaguma isii suni nami isii ch'ufti mataani d'aaba. Ammo anini, AABBO Waaqi, akuma Sodomafi Gomora balleese Babilonile balleesa! Nami tokoleeni deebie lafa suni keesa intahu; Araftini tokoleeni waaro ufii achiti ind'aabatu. Tissituuni tokoleeni hori achiti intissitu. Lafti sunini fulla bineensi alaa iti gale, urunguni mana iti jaaratu taati. Guchini achiti galte, reeni abba inqamne ona suni keesa buraat'i. Worabeesi doofi isii jajabdu keesaa yuuse, sareeni diida maneeni isi, guuti. Guyyaani Babiloni ya gahe! Guyyaani isii ya ala hobae. AABBO Waaqi ammalle gumi ufii ta Israeliti nahe, worra fohate, ka ufi tolfate, lafa isaani ta qara taaniti deebise, achiti worra qubsisa. Nami gosa d'ibileeni d'ufe worra woliini taa. Gochiti hedduuni worra Israeli qarqaarte, lafa AABBO Waaqi worraa kenneti deebifte, duuba achiti gochiti sunini tisse worra Israeliti taati. Worri duri worra Israeli boojie, amma worra Israeliti boojie, worra qara worra dabse mohata. AABBO Waaqi gaargalaafi d'ukubsachaafi huji jajabdu worra Israeli hojachiisani ira hafuura baasafi. Hojja inni akasi tolchu worri ha hayyu Babiloni goyeese waan jed'u: Hayyuuni nama dabsu ya bade, deebie nama indabsu! AABBO Waaqi irre worra ch'ubbu ka lafa mohatu ya iraa hobaase, worri sunini qara dallansuuni biyya dabse, gosa dabsate sunile taka gaargalchu illakimne. Ammo amma tana lafti ch'ufti yayu nagaya argatte, nami ch'ufti gammadaani sirbuti jira. Mukha d'ed'eeraafi hind'eesi Lebanonileeni hayyu balleesani suni iraa gammada, wonti akanatiifi inni ya bade, nami amma deebie worra ch'iru injiru! Booliti ekhera kurfefachu jirti, aka hayyu Babiloni liqimsitu. Ekheraani nama duri lafa irati irre qabu ya wolmarte, ekheraani hayyootaa barch'uma ufi iraa kau jirti. Ekheraani sunini isa yaamte waan jettu, Atinileeni amma akuma keenna laafa! Nu amma ya nama takaa taane! Duri kiraari d'aaniti si faarsani, ammo amma tana atini yayu fulla ekhera tanaani baate. Atini sire raamo ira rafte woya hiifa uyifatta. Hayyu Babiloni, bakalcha ganama, atini yayu gubbaa gabuute! Atini duri gosa heddu dabsatte ammo amma tana yayu lafa si buusani. Atini garaa kanketi, Anini gubbati olgale, barch'uma kiyya, ka hayyuma, urji gubba ira taa jetta. Ammalle anini gaara mirga fulla iti wolwoldaani taa jetta. Anini fiit'e dumansa kore Waaqa gudda fakaad'a jetta. Ammo fulla boola Ekheraatini si d'ufani, hunda boola si buusani. Ekheraani si millate, si mamte waan jettu, Nami duri lafa chochoose hayyoota holachiise kana? Nami dira ch'ufa balleese lafa ch'ufa aloo tolche kanuma? Nami nama boojie, tokole baasu dide, d'uguma kana? Hayyooti lafaa ch'ufti irreesa ufi dadansa qabdi, ammo atini irreesa inqabdu, reefa kankele alaati gatani akanumati shama. Reefa askarti had'iisa keesati hobaate ya reefa kanke gubbaa naqani, woliini boola d'akhaati jissani, lafati d'id'iitani. Waan atini lafa tante balleesite, nama kanke fit'eefi, aka hayyoota d'ibi awaala dansa inargattu. Nami worra keeti, ch'ubbichi tokoleeni, ka bahu injiru. Maro ababooti ilmaani hayyu kana ch'ubbu tolchiteefi ilmaani isa tana ha fit'ani, ilmaani tunini tokoleeni lafa mohatte dira heddu injaaratu. AABBO Waaqi guddaani waan jed'u, Anini dira Babiloni had'e, balleese ona tolcha. Anini waan tokole inhambisu, namaafi ilmaani isanile. Dubbi tana ana AABBO Waaqati jed'e. Anini Babiloni ch'affa lafa tolche, urunguni iti galti. Anini Babiloni haraa waan ch'ufa haruuni hare balleesa. Dubbi tana ana, AABBO Waaqa guddati jed'e. AABBO Waaqi guddaani yayu kakhu kakhate waan jed'e: Wonti anini herege inuma taati, wonti anini malad'e inhanqatu. Anini worra Ashuru lafa tiyya keesaa balleese, gaareeni tiyya gubbati ira ejaanjad'a. Anini worra kiyya qaampara worra Ashuru iraa baase ulfinna worri baatu iraa fuud'a. Kunini mala kiyya, ka anini lafa ch'ufati malad'e, kunileeni harka kiyya, ka anini d'eerefad'e gosa ch'ufaani gaargalchu. AABBO Waaqi guddaani ya waan kana herege; eenuti dandae isa d'owa? Inni harka ufi d'eerefate nama balleesu fed'a; eenuti dandae harka isaa keesa deebisa? Ganna Ahazini due, Waaqi d'aamsa kana biyyati d'aame waan jed'e: Isani worri Filisti, waan uleeni isani d'oofte ch'abt'eefi ingammadina. Hojja bofi toko duu, ka hagasi ira hammaati fulla suni d'alata. Wonti bofi sunini d'alu bofa barisu. Nami nama ch'ufa ira hiyyeesa d'eeda argate, ka woma inqamne nagayaani taa. Ammo AABBO Waaqi beela hamtu isani worra Filistiti erge, nama tokole bahu d'owa. Laalefad'a, boha, dira Filisti ch'ufa! Isani ch'ufti mudama! Awaarti guddooni kaate mirgaa d'ufti. Awaarti sunini duula ka daafanani tokoleeni keesa injirre. Nama Filisti ka nuti ergani, maani jennaani? Woni nu jennuuni, AABBO Waaqi yayu Sioni jabeese jaare; nami isaa ka gaargala qabu achiti baqata. Kunini d'aamsa waan worra Moabu ka d'aamani. Diri Aritifi ka Kiri halkani toko balleesani badiini hamtuuni ya lafa Moabu qabate. Worri Diboni gaara kore fulla woyyuti boha. Worri Moabu laalefate nami ch'ufti matafi areeda haadate, dira Nebotifi ka Medeba iraa boha. Nami woya ch'arqi naqate kara dira keesa yae, ballinna diratifi mana gubbaleti laalefatani bohani. Worri Heshbonitiifi ka Eleale aka male lalabe bohe, boha worraa Yahasaleti d'agayani, Askartileeni garaa laafte holate. Garaani kiyya Moabu boha! Biyyiti yayu dira Soritifi ka Eglathi Shelishiati baqatte. Ta gari kara Luhithi boha yaate, ta garileeni laalefatte Horonainiti baqatte. Maddooni Nimrimu ya godde, buuyoleeni ya qanch'ooratte, wonti dotaata ch'ufti ya godde badde. Biyyiti bale gale taakite, waan ufi ch'ufa guuraate baqachu feeti. Fulla ch'ufa d'aatu seera Moabuti qonqo boha d'agayani; qonqo suni dira Egalimutifi Beerelimule keesati d'agayani. Galaani dira Diboni yayu d'iigaani diimate, Waaqileeni yayu waan hagasi ira hamtu biyya tolchu fed'e. Ee nama Moabu keesati hafu ch'ufa gogoraani d'iiga jissani. Dira seela ka lafa gamooji keesaa, worri Moabu ilmaani hoola toko nama Yerusalemu mohatu gibiraa erga. Worri afaani galaana Arnoniti eege, aka simpirre mana ufi keesaa gussani lafa mara. Worri waan worri worra Yudatini jed'u, Waan nu taanu nuti hima akuma mukha guyya gudda gaadisa dansaa qabu nu qorqorad'a, nu gaadisa keesani jala boqonna. Nu worra baqa yau; fulla nami tokoleeni nu ingareeti nu d'ossa. Lafa teesani keesa nu teesisa, nama nu balleesu fed'u duraa nu baasa. Nami nama dabsufi ka woballeesu hobae, nami lafa yakuleeni ch'ufti imbada. Duuba nami d'aloota Daudi toko hayyu tahe, d'ugaafi jaalalani biyya fida. Inni waan d'uga hurrise tolche, ammalle aka nami nama indabsine qorqorata. Worri Yuda waan jed'u, Nu ya d'ageenne, aka worri Moabu kiyyibu nu imbeenna, aka worri ufi olfuud'e ufi saadu, ammo wonti worri ufi saadufi injirtu. Worri Moabu maro gaargala ufitifi boha. Worri ch'ufti hojja sagale dansa dira Kir-Haresethi ta duri keesati nyaate qaabatu bohe ufi jibbaata. Oobru Heshbonitiifi, zabibu Sibmale imballeesani — zabibu daad'iini isii duri nama lafa mohate ch'ufa macheesite. Duri zabibuni sunini haga dira Yaseritifi haga lafa gamooji gara ilaborutifi haga galaana sooda gama suniti ejiti. Ammatana anini akuma Yazeri bohu zabibu Sibmatile boha. Imimaani kiyya dira Heshbonitiifi Elealeti maro mid'aani galchani ka nama gammachiisani injirreefi jigani. Nami tokoleeni ka oobru keesati gammadu injiru; nami oobru zabibu keesati iyye yokhaani sirbu injiru. Nami tokoleeni zabibu ch'ach'arase, daad'i imid'aafatu; deebiani gammadaani ilalabani. Anini laalefad'e Moabu iraa bohe Kiaheresi iraa golgolaa. Worri Moabu fulla woyyuma ta gaara gubbatiifi, fulla Waaqa isaani iti kad'atani d'aqe, akasiini ufi dad'absiisa, ammo qarqaarsa womatu iraa inargatani. Dubbini AABBO Waaqi waan Moabu dubbate tana. Amma tana AABBO Waaqi waan jed'e, ganna saditi, duroomi Moabu kunini inhobaa. Ammalle nama isii heddu kana keesa nama diqaati hafa, sunileeni nama lalaafa taha. AABBO Waaqi waan jed'e, Diri Damaski bade ona taha, deebie dira intahu. Dira lafa Shamu haga jiru jireenna nami keesa intau diri suni fulla loonifi reeni ooltu ta nami tokoleeni ka keesaa oofu injirre taha. Diri Efraimu ka jabeesani jaarani bade, diri Damaskileeni finna gosa d'ibi jalati bula. Worra Shamu ka iraa hafu akuma worra Israeli ch'eersani. Dubbi tana ana, AABBO Waaqa guddati, jed'e. AABBO Waaqi waan jed'e, guyyaani ind'ufa, ka guddinni Israeli hobae, duroomi bade, hiyyumti d'uftu. Israeliini oobru mid'aani murani iraa galchani fakaati, akuma oobru bale Refaimu ta golgolani jirti. Namuma diqa ch'allati iraa hafa; Israelileeni mukha ejersa ka mid'aani iraa guurani, mid'aani lamafi sadi ch'allaani fiit'e gubbati hafani fakaati, yokhaani ka tatakeeni toko dame jalati hafe fakaati. Dubbi tana ana, AABBO Waaqa Israeliti, jed'e. Guyya suni biyyiti Waaqa qulqullo Israeli ka worra uume d'at'e qarqaarsa kad'atti. Worri deebie waan sorio irati baasani, ka harka ufiitini mid'aasani, inabdatu, yokhaani waan ufiini mid'aasani inheregatani — akheekha waaqa Ashera jed'anitifi waan hit'aana irati aarsani. Hojja guyyaani sunini d'ufu, dira worra ka jabeesani jaarani keesaa baqatani ona tolchani, akuma dira worri Hiritifi ka Amori lakise kaani, gaafa worri worra Israeli duraa baqate. Worra Israeli, isani ya Waaqa isani baase aka d'akha jabaate isani qorqorate deetani, fulla oobru woyyuma fach'aaftani waaqa gosa d'ibi kad'atani. Ammo ato oobruuni sunini guyyuma isani fach'aaftani biqilte baatele, waan tokole iraa inargattani. Gaargalaafi d'ukuba haguma jiru infayyine male waan d'ibi inargattani. Gochiti hedduuni chochoote akuma d'awa baariini dibbifte. Gochiti akuma d'awa bisaani dibbifte d'ufti, ammo Waaqi d'owinaani worri keesa deebie, akuma awaara gaara gubba orie bade, yokhaani aka buuyo bubbeeni fuute bada. Galgala worri nama mudamsiisa, ammo yo lafti baritu imbada. Nami lafa teenna saame wo boojiu akasuma taha. Galaana Kushi gama suni lafa tokoti jira ta wobbeesa koola d'agayani. Lafa suni keesa jara ergani tokoti, jira, ka hobolo ilaaduni mid'aasanini bisaani galaana gubba yau. Isani, jari ergattu kunini, ka yoosu armaani bahe, kaa gala! Lafa teesani ta galaani gargari kute, ta gochiti jabduuni irre qabdu keesa teetu, ta nama d'ed'eera nafi qulqullicha, ka nami lafa ch'ufa sodaatu qabdu d'aamsa kanaani iti gala. Isani nami lafa keesa jiru ch'ufti ch'aqasa! Fiit'e gaareeni gubbaa baandera old'aabani ilaani barbaada! Magalata d'au jirani ch'aqasa! AABBO Waaqi waan nani jed'e, Akuma fit'eesi hojja mid'aani murani halkani laanuma d'ufu, yokhaani akuma aduuni guyya gudda aka male owitu, anini akasuma laanuma gubbaa gadi laala. Ato mid'aani zabibu inguurre, ka daraaraani ch'ufi bue mid'aani bilchaachu jirani, nyaapi d'ufe worra Kushi suni balleesa, akuma billa, dame mukha zabibu yoosu kutu. Reefa duula worraa allaatifi bineensa alaati lakisani. Allaatini bona hagayya reefa suni nyaate, adolesa bineensi nyaata. Guyyaani ind'ufa, ka AABBO Waaqi lafa galaani gargari kutu ta gochiti jabduuni irre qabdu keesa teetu, ta nama d'ed'eera nafi qulqullicha, ka nami lafa ch'ufti sodaatu qabdu, woi iraa fud'atu. Worri suni gaara Sioni fulla AABBO Waaqa gudda iti kad'atani, d'ufa. Kunini d'aamsa waan lafa Misiri d'aamani. AABBO Waaqi hurrise dumansa gubba lafa Misiriti d'ufuu jira. Wonti harkaani boch'ani, ka worri Misiri kad'atu, isa durati holate, garaani worra Misirileeni isa durati laafa. AABBO Waaqi waan jed'u, Anini worra Misiri wolti kaase oboleesi oboleesani woli had'e, ollani ollani woli had'e, diri diraani woli had'e hayyuuni hayyuuni woli had'e, namu lafaa woli balleesa. Anini mala worra Misiri balleese garaa worraa yaka. Worri waan harkaani boch'ani kaani wo gaafate, falfaltule d'aqe, ekherale gorsa iraa fud'ata. Anini worra Misiri harka hayyu hama naasu male worra mohatuti kenna. Dubbi tana ana, AABBO Waaqa guddati, jed'e. Bisaani galaana Misiri diqaatani, laftileeni ch'ufti godi. Bisaani galaana, suni hammaatani ajaani laana fooqatani. Ilaadufi aalaani gogoge, mid'aani afaani galaanati oobrani ch'ufti gogogani, bubbeeni fud'atti. Nami galaana suni keesaa qort'umi, guure sunini bulu laalefate boha; hokoofi t'ururaani worraa huji d'abe ufumaa ch'iise. Nami woya boofta d'au ufi jibbaate, nama woya d'aufi hogeeyini d'ibileeni ch'ufti garaa hammaatte, aka hama laalefate, waan taatu wollaalte. Worri gugurdaani dira Soani raatu! Worri Farao, ka qalbi qabu, mala woma imbaane d'aa! Worri akami dandae Faraoni, Nu nama qarooti nu d'ale, worri keenna haguma duriti worruma hayyuuni keesaa d'alate, jed'a? Ee Farao, nami qalbi qabu, ka mala sii d'au, kaani meeti? Hegeri worri waan AABBO Waaqi guddaani worra Misiriti malate siti hima. Worri gugurdaani Soanitifi ka Memfesi raatu. Worri sila gosa gosani deemuu malte, ammo amma ya kara iraa gorse balleese. AABBO Waaqi yayu herega daalluma worrati buuse, tanaafi worri Misiri waan ch'ufa yake, aka nama machae diddiga ufi keesati jijiga. Nami tokoleeni ka lafa Misiri keesa jiru, dureesafi hiyyeesa taanaani, guddaafi diqa taanaani, dandae qarqaarsa worraa intahu. Guyyaani ind'ufa, ka worri Misiri aka nad'eeni wo sodaate, hojja AABBO Waaqa gudda, ka harka ufi d'eerefate worra d'aanu argu, mudame hollatu. Worri Misiri worra Yuda sodaata, hojja waan AABBO Waaqi guddaani worra tolchu fed'u qaabatani. Guyya suni diri shani ka Misiri afaani Ebrania dubbate, maqa AABBO Waaqa guddatini wo kakhata. Dira suni tokooni, dira Aduu jed'ani. Gaafa guyyaani sunini d'ufu lafa Misiri keesa waan sorio irati baasani AABBO Waaqa jaarani, d'akhaa woyyu seera Misiri d'at'uti old'aabani. Woni sunini lafa Misiri keesa akheekha aka AABBO Waaqi lafa suni keesa jiru nama garsiisu. Hojja worra achi tau dabsani worri qarqaarsa AABBO Waaqa kad'atu, inni nama worra baasu iti erga. AABBO Waaqi worra Misiri ufi garsiise, duuba worrileeni isa hubate, isa yaamate, soriofi waan d'ibi isaa baasanini d'ufa. Ammalle worri isati kakhate kakhu suni guuta. AABBO Waaqi worra Misiri ingaargalcha, ammo eege infayyisa. Worri isati deebie, inni kad'acha worraa d'agayeefi worra fayyisa. Gaafa guyyaani suni d'ufu, kara guddati Misirifi Ashuru jiddu baha. Worri Ashurutifi ka Misiri woli keesa imaltu yae Waaqale woliini kad'ata. Gaafasi Israeliini jabaatte, gurri isii haga Misirifi Ashuru gaha, lafti tunini sadeeni lafa iraa hafte taani ch'ufaa eeba taati. AABBO Waaqi guddaani worra eebise waan jed'u, Ee, gumi tiyya ta Misiri, isani eebisa; ee, Worra Ashuru ka anini uume isani eebisa; ee, Israeli gumi anini fohad'e, isani eebisa. Hayyichi Ashuru, ka Sargoni jed'ani, qonqo gara namicha gudda duula Ashuruti erge waan jed'eeni, Beeni, dira Filisti ka Ashdodi jed'ani had'i. Ganna sadi ka dabre AABBO Waaqi waan Isaya ilma Amozitini jed'e, Kobe tante baafad'i, ch'arqi naqatu tanale yaafad'u. Inni ee jed'e kobeefi woya yaafate qullaa qunquma deeme. Dira Ashdodi kaani qabani jennaani AABBO Waaqi waan jed'e. Hojattuuni tiyya Isayaani haga ganna sadi kobeefi woya male qulla qunquma deema. Tunini akheekha waan lafti Misiritiifi ta Kushi iti deemtu garsiisu. Hayyuuni Ashuru nama inni lafa lamaani suni keesaa boojie ch'ufa qulla boojie itiini d'aabata. Worri sunini, diqaafi guddaleeni, kobeefi woya male qulla yae huddu ufi mullise akasiini worra Misiri ch'eersa. Nama Kushi abdate worra Misiri heregate, ch'eersani balleesani. Guyya suni nami Filisti ka afaani Baariini tau waan jed'u, Me, worra nu abdane waan worri hayyu Ashuru nura d'owu seene waan inni tahe ilaala! Duuba amma nu kara kamiini duraa baana re? Kunini d'aamsa waan Babiloni d'aamani. Akuma bubbeeni lafa gamooji bubbifte waan ch'ufa hartu, badiini lafa soda qabdu iraa d'ufte wo balleesiti. Anini daayya keesa waan hamtu arge, wonti hamtuuni sunini, saamachafi woballeesiti. Duula Elamu kaa wo had'a! Duula Media, dira marsa, had'a! Waaqi gaargala worri Babiloni d'ufeeni inhobaasa. Wonti anini daayya suni keesa arge d'agaye yayu na mudamsiifte na d'ukubsite, akuma nad'eeni d'ala ch'ininfattu. Mataani lafa na mare, anini akanumati mudame holad'e. Anini qara d'ia aduu eege, ammo isiini d'umnaani mudamsu ch'alla argad'e. Daayya suni keesa sagale baasani, waan mimid'aadu nami ira tau lafa afaani, nami ira tatae nyaate wo d'uga. Hojuma suni qonqooni d'ufte waan jette, Abbooti duula, wonte teesani kurfefad'a! Jennaani Aabbo Waaqi waan nani jed'e, Nama wo eegu tolchi, inni ha waan arge nuti himuti. Hojja inni nama farda yaabatu ka lama lamaani d'ufufi nama harreefi gaala yaabatu argu, inni ha aka dansaa ilaale mid'aafatuti. Jennaani namichi lafa eegu kaani waan jed'u, Aabbo, anini halkani guyya doofi tiyya gubba eje wo laale. Jennaani hojuma suni nami fardo yaabatu lama lamaani gad'ufe. Nami lafa eeguleeni iyye waan jed'u, Babiloni ya badde! Yaabadde! Wonti harkaani boch'ani ka worri kad'ate kaani ya lafa jidde ch'ach'abde. Worra kiyya ka Israeli, qara akuma dargaye isani d'aanani, ammo ammatana anini odu dansa, ta anini AABBO Waaqa gudda, Waaqa Israeli ira d'agaye, isaniti hima. Kunini d'aamsa waan Edomu ka d'aamani. Nami Edomu toko na yaame waan nani jed'u, Nama lafa eegu, lafti yoomi bariiti? Halkani yoomi alaa hobaani? Anini waan jed'uuni, lafti ya bariu geete, ammo aduuni inuma d'iiti, yo ammalle gaafachu feete deebii gaafad'i. Kunini d'aamsa waan lafa Arafti ka d'aamani. Isani worri Dedani, ka lafa gamooji ta Arafti qubatu, nama d'eebu qabu ka isaniini bahu ch'ufa bisaani obaasa. Isani worri lafa Temaleni, nama baqate isaniini bahe sagale kennaafi. Nami goraade nama ijeeftuufi, t'iya nama woraantufi, gaargala woraanaa baqachu jira. Jennaani AABBO Waaqi waan naani jed'e, gannuma toko keesati jabeenni gosa Kedari inhobaa. Nami janni worra Kedari nama t'iyaati, ammo worrale namuma diqaati hafa. Dubbi tana, ana, AABBO Waaqa Israeliiti jed'e. Kunini d'aamsa waan Bale Daayya, ka d'aamani. Maani isi? Nami dira kana maanifi mana kore gubbaa ejaanja? Nami diraa ch'ufti maafi dibbise wolti baha? Nami ch'ufti maanifi lalabe gammada? Nami keesani ka due woraana keesati indoone. Jara isaniini deemu, ato worri t'iya tokole indarbanne gussani qaqabani. Amma na lakisi aka anini worra kiyya ka due laalefad'e bohu. Garaa na jabeesite iraa na inhambisini. Hojaani tunini hojja nami mudame ufi jibbaate Bale Daayya keesati waan tahu wollaalu. Nami waan kana nutiini d'ufe, AABBO Waaqa gudda naabo dira keenna ch'ach'absani balleesani, gaareeni keesa nami iyye qarqaarsa fed'ate. Askartini lafa Elamu ta guubeefi t'iya qabdu farda yaabate d'ufte. Askartini kirileeni wonte ufi kurfefatti. Bale Yuda, ta sagale guddo baaftu, gaari fardi hirkisuti guuta; balbala fullo Yerusalemu dura askartini farda yaabate ejaanjiti. Wonti Yuda nyaapa iraa d'owa ch'ufti ya badde. Gaafa woni sunini taate, isani miha lolaa ka mana badda keesa jiru gadi baaftani. haro dira keesati jaartani, aka bisaani haro qara taani keesaa yaani iti naqatani. Ammo isani Waaqa, ka waan kana ch'ufa duri mala d'ae tolche, odu inkaamne. AABBO Waaqi guddaani guyya suni isani yaame, aka isani laalefatani bootani mata haadatani ch'arqi naqatani. Ammo fulla suni isani kofaltani jila tolfatani, loonifi ree qaltani nyaatani, daad'ile d'uddani waan jettani, koota, arra nyaanne d'unna, silaaftu bori inhobaana. AABBO Waaqi guddaani waan nani jed'e, Haga worri kuni jiru ch'ubbu tana inaraaramanifi. Dubbi tana ana, AABBO Waaqa guddati, jed'e. AABBO Waaqi guddaani waan naani jed'e, Kai namicha gudda hojatu mana hayyu, ka Shebna jed'ani, d'aqi waan jettuuni, Atini eenu ufi seeta? Eenuti gaara kana gubbati, irreesa qotad'i siini jed'e? Ato atini nama jabaale taate, AABBO Waaqi si qabe gadi sigata. Inni aka gulluba si marse gara lafa guddo d'ibi si darbata. Duuba achiti d'aatu gaara atini kiyyibduuni kaaniti doota, waan atini worra gudda keeti ch'eersiteefi. AABBO Waaqi huji tante keesaa si baase, guddinna atini qabdu siraa fuud'a. AABBO Waaqi waan Shebnaani jed'e, Gaafasi anini hojatu tiyya Eliakimu ilma Hilkia, yaame, woyaafi gurda kanke ka huji iti kaye, huji qara atini hojatu harka isaati deebisa inni worra Yerusalemutifi ka Yuda abba iti taha. Anini fura mana Daudi harka isati kenna; waan inni bane nami dandae inch'ufu, waan inni ch'ufule nami tokoleeni dandae imbanu. Anini akuma d'isa woini d'isani isa jabeese, gurri worra isaa isa iraa baha. Ammo fit'a isaatiifi nami isaani bulu isa gaargalcha. Worri akuma okholeefi sorora fafannisani, isati fafannifama! Hojja guyyaani suni d'ufu d'isaani kaani lalaafe jiga. Duuba wonti isati fannifama kaani ch'ufti inhobaati. Dubbi tana AABBO Waaqati jed'e. Kunini d'aamsa waan dira Tiro ka d'aamani. Isani worri hobolooni baariini gubba yau, laalefad'a boha! Dira keesani ka Tiro ya balleesani, maneenifi fullaani hobolooni iti galtu ya badde ona taate. Ato hobolooni teesani lafa Kiproti d'ufu jirtu, qonqooni tunini isaniti d'ufti. Daldaltu Sidoni boha! Isani nama baariini taaku, ka mid'aani lafa Misiri bite gurgure gosa ch'ufa woliini daldalu ergitani. Dira Sidoni, ya si ch'eersani! Bisaani baariini si mormatani waan jed'ani. Anini takaa ijoolle d'ale d'iirafi dubra inguudimne. Worri Misirileeni, hojja badi Tiro d'agaye, laalefate mudama. Worra afaani galaana, laalefad'a boha! Tarshishiti baqad'a! Kunini d'uguma dira Tiroti, ka gammada qabu, ka duri jaarani? Kunini d'uguma dira nami isaa baariini taake fagaate lafa d'ibi qubate? Eenuti malate, waan kana ch'ufa dira Tiro ka hayyuuni fideeni d'ufe ka daldaltuni isaa lafa ch'ufa keesa gurra qabdu? AABBO Waaqa guddati waan kana malate. Woni inni malateefi aka kiyyiba worra suni balleese jara isaani gugurda ch'eersu. Beena, lafa teesani qotad'a, worra lafa Tarshishi keesa qubatu! Nami isani qorqoratu d'ibiini injiru. AABBO Waaqi yayu harka isaa baariini ira qabe lafa hayyuuni fidu balleese, fulla worri Foinike daldala iti tolchule balleesa jed'e. Dira Sidoni, gammadi kanke ya hobae, worra kanke ya dabsani. Ato worri Kiproti baqatele dandae duraa imbahu. (Nami bineensa ala dira Tiroti lakise worra Ashurutiniti, worra Babiloniti. Ammalle nami dira marse, doofi jaare, maneeni jajabdu Tiro ch'ach'abse dira balleese ona tolche worruma.) Worra baariini guddo keesa hobolooni yau, laalefad'a boha. Dira isani abdattani ya balleesani. Guyyaani ind'ufa, ka dira Tiro haga ganna torbatama ded'ani, ganni sunini haga hayyuuni lafa ira bulu. Eegi guyyaani suni dabre Tironi sharmut'a faaru tana keesati faarsani, fakaati: Kiraari kanke fud'ad'i, dira keesa deemi, sharmut'iti nami ded'e! Tabad'i, sirba kanke sirbi, aka si qaabatani. Eegi ganni torbatama sunini dabre, AABBO Waaqi dira Tiro daldala duri kaaniti deebise, duuba diri suni hayyoota lafa ch'ufati ufi gurgura. Beese inni daldala iraa argate AABBO Waaqaa baasani. Beese suni oliinkayani ammo nama AABBO Waaqa kad'atu ch'ufati beese suni sagaleefi daarani baha. AABBO Waaqi lafa ch'ufa balleese ona tolcha. Inni lafa mich'iire, nama keesa tau ch'ufa gargari firfirsa. Wonti kunini nama ch'ufa woliqit'eesite akuma taka qabatti — qaaloleefi gumi, tisseleefi abbooti, ka wo bituufi ka wo gurguru, ka wo ergisufi ka ergifatu, dureesafi hiyyeesale. Lafti badde ona taati. Dubbi tana AABBO Waaqati jed'e inhanqattu. Lafti qanch'ooratte gogoddi; lafti ch'ufti lalaafte, lafafi gubbaleeni shamti. Biyyiti yayu seera Waaqa balleesite kakhu inni haga jiru kakhate ch'absite, akanaani lafa t'ureesite. Tanaafi Waaqi yayu lafa abaare, biyyitileeni maro wollaala ufitifi gaargaluu jirti. Duuba biyyiti d'umatte, nami diqayaani hafe. Mukhi zabibu qanch'oorate, daad'ileeni lafa keesati diqaate, nami duri gammada qabu ch'ufti amma nahe, duuba sirba worri kiraariifi dibbeeni gammadaani sirbu hobaa. Nami deebie gammadaani sirbe daad'i ind'ugu. Farsoni deebite namati imioftu. Dira keesa wonti ch'ufti aka iraa gorte, namileeni sodaa jed'e mana ch'ufate keesaa yau dad'abe. Dira keesa farso d'abani nami iyyaa yaa; gammadi ya lafa keesaa bade, deebie indeebiu. Diri ya bade ona tahe, balbala fullo isale ya ch'ach'absani. Gosa lafa keesa jirtu ch'ufa waan kanati qabata, wonti sunini muraansa mid'aani fakaati, gaafa mid'aani ejersa mukha iraa d'aanani mid'aani zabibu mukha isii ira guurani. Nami hafe gammadaani sirbe worri ila aduuleeni guddinna AABBO Waaqa odeese. Worri ilaboruleeni isa faarsa. Ammalle nami d'aatu baariini tau AABBO Waaqa Israeli faarsa. Haga muumme lafa nu faaru gosa Israeli ta d'uga faarsani d'ageenna. Ammo anini ya bade hobau jira! Nami nama yaku huji ufi ta namaani yaku illakisu yo iti hammate male. Me, nami ch'ufti na ch'aqasa, mudamsufi boolafi t'ururati isani eegata. Nami mudamsu baqatu ch'ufti boola keesa bua, ammalle nami boola baqattu t'urura keesa bua. Bokayi gubba farqate, yayabi lafaleeni chochoa. Lafti dayaate, baqate, gargari tarsaati. Lafti aka nama farso d'uge machae daat'e, aka hoosa bubbeeni chochoofte taati. Dabi lafa ira dabre lafa balleese, deebie kau d'owa. Guyyaani ind'ufa, ka AABBO Waaqi waan gubba mohatatifi waan lafa mohatale gaargalchu. Waaqi worra lafa mohatu suni boola keesati wolti guure hid'a. Inni booluma keesati worra lakisa, haga guyyaani worra gaargalchani gahuti. Jii dukanae aduuleni ifsu diddi; wonti akanatiifi AABBO Waaqa guddati Yerusalemu keesa gaara Sioni irati nama fide, jaaroleleeni guddinna isaa agarti. Ee AABBO Waaqa, atini Waaqa kiyya; anini si guddise maqa kanke faarsa. Atini yayu waan mama tolchite, waan duri malatte ch'ufa aka dansaa guute. Atini dira balleesite ona tolchite, maneeni isaa jajabdule ch'ach'absite. Maneeni dadansaani nyaapi keenna jaarate yayu haga jiru jireenna badde. Gochiti jabduuni si faarsite, dira gosa hamtu keesaleti si sodaatani. Hiyyeesafi nami qarqaarsa inqamne guyya gaargala siti baqate, qarqaarsa siraa argata. Atini dao taateefi bubbe iraa d'owarte, gaadisa taateefi adu ira d'owarte. Nami hamani aka bubbe adolesa nama d'ae, akuma oola lafa gamooji nama qabata. Ammo atini nyaapa keenna ya ch'allisiifte; akuma dumansi guyya owa lafa qabaneesu, akasuma atini iyyana nama hamaa qabaneesita. Gaara Sioni kana irati AABBO Waaqi guddaani gosa lafa ch'ufati jila tolcha; jila sagale dadansaafi daad'i dansa. Gaara kana irati inni golla dumansa, ka gosa ch'ufa gubba tau, iraa fuud'e balleesa. AABBO Waaqi dua haga jiru jireenna balleese, nama ch'ufa imimaani ira haaqe, ch'eera lafa ch'ufa keesati gumi isaa qabate iraa fuud'a. Dubbi tana AABBO Waaqati jed'e! Guyya suni nami ch'ufti waan jed'u, Inni Waaqa keenna! Nu isa abdanne, innileeni ya nu baase. Inni AABBO Waaqa! Nu yayu isa abdanne, amma waan inni nu baaseefi gammada qamna. AABBO Waaqi gaara Sioni qorqorata, ammo worra Moabu, akuma ch'idi d'oqe looni keesati d'id'itani, d'id'itani. Worri harka ufi dirirfate aka nama bisaani daakhatu taha. Ammo Waaqi worra ch'eerse, harki worraleeni akanumati bisaani keesa lit'a. Inni maneeni Moabu jajabdu girgida d'ed'eera qabdu ch'ach'abse balleese lafati jisse bulleese d'uke tolcha. Guyya suni sirba kana lafa Yuda keesati sirbani: Diri keenna jaba! Waaqumati naabo isaa qorqorata! Balbala isaa bana, ha gochiti Waaqa saalfate d'uga gula yaatu oliini duudu. Ee AABBO Waaqa, siumati nama si d'aabate, ka heregi isaa gara ingalle, nagaya ind'umanne, kennaafi. Guyya ch'ufa AABBO Waaqa d'aabad'a, isati hojja ch'ufa nu qorqorata. Inni nama ufi saadu yarse, dira jajaba worri iti galu balleese, naabo isaa ch'ach'abse bulleesa. Nami duri dabsani ammatana dira suni ira ejaanjate lafati d'id'iita. Ee AABBO Waaqa, atini nama dansaa kara harte daandi worri gula yau qajeelchita. Nu fed'i tante guunne, si d'aabanne, si male waan d'ibi infeenu, Halkani anini herega kiyya ch'ufaani si yaada; gaafa atini lafafi nama keesa taule qoru d'uftu, worri gaafasi waan d'uga barata. Ato atini worra ch'ubbicha naatele, worri kara d'uga imbaratu. Lafa nama d'uga keesaleti worri ch'ubbu lakisu dide guddinna kankele inargu. Nyaapi, kanke aka atini worra gaargalchu feetu imbeekhu. Ee AABBO Waaqa, worra ch'eersi gaargalchi. Ha gaargala atini worraa kurfeesite argatuti. Aka atini worra kanke jaalatu worra agarsiisi. Ee AABBO Waaqa, nami nagaya namaa kennu sii, wonti nu tolchinu ch'ufti, waan atini tolchite iraa baati. Ee AABBO Waaqa keenna, si male nami d'ibiini ya nu mohate, ammo maqa kanke male maqa d'ibi imbeennu. Amma worri sunini ya due deebie injiratu; ekheraani worraa deebite inkaatu, wonti akanatiifi atini worra gaargalchite balleesite. Nami deebie worra inqaabatu. Ee AABBO Waaqa, atini ya gosa teenna daraarsite, lafa isaanile ballifte, akanaani gurra argatte. Ee AABBO Waaqa, atini gumi tante gaargalchite, worri aka male laalefate siti bohe. Akuma nad'eeni d'altu ch'ininfatte iyyitu, AABBO Waaqa atini akasuma nu iyyisifta. Nu d'alaafi ch'ininfanna, ammo woma ind'allu. Nu lafa teennaa woma imbaane womale intolchineefi. Worri keenna ka duri due injiraata, reefi worraa inkaa. Nami due awaala ufi keesa jiru ch'ufti kae gammadaani sirba. Akuma fit'eesi lafa godde jiisu, akasuma AABBO Waaqi nama duri due kaasa. Gumi tiyya, kaa manati gala, balbala ch'ufad'a, haga dallansuuni Waaqa iraa galtuti d'okhad'a. AABBO Waaqi mana isaa ka gubbati d'ufuu jira, aka nama lafa ch'ufa maro ch'ubbu isaanitifi gaargalchu. Lafti d'iiga d'ossaani gubbati jissani imulifti, nama isi irati ijeesanile deebite ind'ossitu. Guyya suni Waaqi goraade jabdu aka male qara qabduni goorjama Lewiathani jed'ani, ka bisaani keesati galu, ka ufi garagalche aka bofa lohu, gaargalcha. Guyya suni AABBO Waaqi waan oobru isaa ta zabibu dubbate waan jed'u, Anini hojja ch'ufa isi eege bisaani iti naqe, aka nami woma intolchine halkanifi guyya tissa. Anini dallansu oobru zabibuti dallanu ya lakise. Ato sila qoraatifi mogoreeni ch'allaani na gaargalchite, gube balleesa. Ammo yo nyaapi, gumi tiyyaa qarqaarsa naraa fed'ate, worri ha qara nagaya naraa barbaaduti. Ee, worri ha nagaya barbaaduti. Guyyaani ind'ufa, ka worri Israeli, d'alooti Yakobo, aka mukha hidda baase, late daraare lafa ch'ufa mid'aaniini qabatu. AABBO Waaqi takaa worra Israeli, aka nyaapa isaani gaargalche, ingaargalchine worrale takaa nami hedduuni iraa indoone. AABBO Waaqi gumi ufi lafa nyaapati geese, akasiini gaargala itiini d'ufe. Inni bubbe hamtu ilaboruuti d'ufteeni worra fuud'e itiini d'aabate. Ammo hojaani Israeli daba araaramani, hojja d'akha sorio waaqa d'araati irati baasani ch'ach'absani daara tolchani. Ammalle waan hit'aani irati aarsanifi akheekha waaqa Ashera jed'ani balleesani ch'alla. Diri jabeesani jaarani ya badde ona tahe, lafa aloo fakaate, fulla horiini oole marra nyaatu. Dameeleeni mukhaa ya gogodde ch'ach'abt'e, duuba nad'eeni guurte qoraani tolfatti. Waan biyyiti woma inhubannefi, Waaqi worra uume worraa nahe ineebisufi. Guyya suni AABBO Waaqi haguma galaana Fratiti iti keeyate seera lafa Misiriti d'aabe, gumi ufi toko tokooni wolti guura akuma dargaye d'aanani ch'idiini gargari baasani. Guyya suni magalata d'aani, worra Israeli ka, qara boojiani lafa Ashurutifi lafa Misiriti geesani, yaamani gadi deebisani. Duuba worri d'ufe gaara isaa ka woyyuma irati, Yerusalemu keesa, AABBO Waaqa kad'ata. Worri lafa Efraimu ke tau ya bade! Guddinni worraa, akuma daraara mata jaarole worraa ira kayani ta Farso d'udde machoofte baddu, baduu jira. Mata worraa d'ad'a urgaa dibani ammo worri achi machiini hobae ufumaa ch'iisa. Aabbo Waaqi nama jaba irre qabu, ka worra had'u, ya kurfeese, ka aka bokaya d'akhaani roobutifi bokaya guddaafi fach'aa bisaani d'ufe lafa fud'atu. Waan jaaroleeni machoofte taani mata ira naqatte kiyyibduuni lafati ira ejaanjatani. Guddinni jaarole kiyyibduuleeni imbada, akuma mid'aani oda ka qaraa bahe ka hojja bilchaatani maro tokotu buqisani nyaatani. Guyyaani ind'ufa, ka AABBO Waaqi guddaani worra isaa ka hafe, daraara mata nama ira kayani fakaatu. Inni nama dubbi qoru qajeelche d'uga garsiisa; ammalle worra balbala fullo diraa qorqoratule jabeenna tahafi. Raagootafi qaaloleeni farso d'udde, aka male machoofte dadaat'i. Worri aka male daad'ifi farso d'uge, machae gugufachaa yaa. Raagooti aka male farso d'udde daayya Waaqi garsiisule hubachu dad'abdi, qaaloleeni aka male machoofte dubbi itiini d'ufani qoru dad'abdi. Mesa worri irati wod'ugule ch'ufa diddigi balleese, fullaani worri tau ch'ufti t'uroofte lafaa baddi. Worri waan kiyya gungume waan jed'u, Nami kunini eenu barsiisu fed'a akana taha isi? Eenuti dubbi isaa tana jalaa qaba? Ijoolleeni didiqooni d'io harma iraa d'owanileeni dubbi isaa tana jalaa inqabdi? Inni sila wo nu barsiisu fed'a, wo jejed'a wo jejed'a ufumaa tae, akana taha, akana taha nuni jed'a. Yo isani na ch'aqasu diddani nyaapa isani afaani isa ind'ageenne, Waaqi isaniti erge, akasiini wo isani barsiisa. Inni qara nama dad'abeeni armati boqod'a, hafuura baafad'a jed'e, ammo isani isa ch'aqasu diddani. Tanaafi AABBO Waaqi amma dubbuma qara isani jettani taanaani isani barsiisa: Wo jed'a wo jejed'a, ufuma tae, akana taa, akana taa nuni jed'a. Duuba isani fulla ejatani ch'ufati ingufatani nafa keesani madeesani, t'ururaani qabani isani boojiani. Amma waan AABBO Waaqi jed'u ch'aqasa, isani worra kiyyiba Yerusalemu keesa nama mohatu. Isani kiyyibdani waan jettani, Nu yayu duisani wolti kakhaanne irreesaleeni wold'anne. Ammalle hojja gaargali hamani lafa teenna d'ufele woma nu intolchu, wonti akanatiifi, yayu d'ara fulla iti d'eennu tolfanne, fulla kiyyibati baqanne jettani. Ammo wonti AABBO Waaqi guddaani isaniini jed'u tana: Anini Sioni keesa yayaba d'akha jaba inchochone kaya. Yayaba suni ira anini d'akha jaba dubbi tana irati t'aafani kaya: D'ugefachaani jabduuni obsa qabdi. Yayaba suni d'ugaani biimani, qajeelumaani qajeelchani. Bokeeni d'akhaani roobu kiyyiba isani fulla iti d'eetani tolfatani hare, fach'ai bisaanileni fulla isani iti baqatani balleesa. Kakhu isani duisani wolti kakhatani Ch'absani wold'aqisa isani irreesani wold'at'ani balleesani. Hojja gaargali hamani lafa teesani d'ufu, gaargali sunini isani qabate isani balleesa. Gaargali suni hojja ch'ufa galgalaafi diirama isani illakisu, guyya ch'ufa isanumati d'ufa. Dubbini hareetiini Waaqa iraa d'uftu ch'ufti mudamsu hareeti d'ibiini isaniti d'ufti! Isanii namicha sire diqo isa ingeenne ira rafu, ka woyaleeni miila ingeenne, fakaatani. AABBO Waaqa akuma duri gaara Perasimutifi bale Gibeoni keesati nama had'e had'a, aka inni waan tolchu fed'u tolchu, ato waan nami dandae inhubannele taate. Inni huji isaa ta nami dandae inhubanne hobaasu male intau. Gorsa kiyya goyeesitani inkoblina! Yo isani akasi taatani, aki isani badi jalaa baatani isaniti jajabaata. Anini aka AABBO Waaqi guddaani lafa ch'ufa balleesu fed'e ya d'agaye. Qonqo tiyya ch'aqasa, dubbi tiyya gurraa keesa keeyad'a. Nami hojja oobru qotu, ka infach'aamne, guyya ch'ufa inuma qota? Eegi oobru qote inni urgoofi waan sagaleeni urgeesani d'ibi fach'aase, dargayefi garbule fach'aase, qota oobru isati mid'aani d'ibi fach'aasa. Kara inni huji tana ch'ufaani hojate Waaqumati garsiise. Inni hojja urgoofi waan d'ibi woini urgeesani d'aanu, ule guddooni ind'aanu, ammo ule fakaatuni d'aana. Inni dargaye kara maleeni d'aane imballeesu, ammalle hojja miila gaari ira hirkisule mid'aani inch'ach'arasu. Qalbiini tunini ch'ufti garuma AABBO Waaqa guddati d'ufti; mali Waaqi namaa d'au dansa, hojja ch'ufa inuma guutama! Diri Waaqa, Yerusalemuni, ka sorio keesati isaa baasani ya bade! Diri Daudini iti qubate ya bade! Akuma ganni dabruuni, ha jila wogaale tolfataniti. Duuba Waaqi dira Yerusalemu, ka fulla sorio keesati isaa baasani jed'ani, suni gaargala itiini d'ufa. Laalefatani bohani, ammalle diri sunileeni ch'ufti fulla sorio iti qalani ta d'iigi balleese nati fakaata. Waaqi dira suni marse had'a. Yerusalemuni ekhera fakaati, ta lafa jalaa dubbattu, isiini akuma qonqo laato ta awaara keesaa d'uftu jirti. Ee Yerusalemu, nyaapi si had'u ch'ufti aka awaara bubbeeni fuutu fuud'ama; duuli worraa ka nama mudamsiisuleni aka buuyo bubbeeni fuutu taha. Ato nami imbeenne AABBO Waaqi guddaani tassa d'ufe, mandie lafa chochoose, bubbe isaniti erge, ibida lafati kaye akanaani isani baasa. Duuba duuli gosa ch'ufaa, ka dira Waaqa fulla sorio keesati baasani had'u — miha lola ka worri qabu ch'ufa woliini haguma gahuni akuma oobju bada, yokhaani akuma waan halkani daayyani argani. Gochiti ch'ufti ta wolti baate Yerusalemu had'u feetu, nama beelti ijeefte, ka oobjuuni wo sooratte ammo beelaani lafaa kau fakaata, yokhaani nama d'eebuuni ijeefte, ka oobjuuni wo d'uge, ammo d'eebuuni lafaa kau fakaata. Beena, ufi dadaleesa! Ila ufi duducha, lafa argu dad'aba! Daad'i male machaa! Farso male dadaaqa! AABBO Waaqi yayu mugaati isaaniti buuse hiribi isani qabate. Raagooti sila ila namaa tahu malte, ammo Waaqi yayu ila ch'ufe. Waan daayyani raagoota d'ooftu ch'ufa ya isani duraa d'ossani isiini woraqata ch'ufani fakaati. Yo isani woraqata suni nama soomu beekhuti geesitani, Naa soomi jettaniini, inni waan isaniini jed'u, Anini soomu indandau wonti akanatiifi ya ch'ufani. Yokhaani hojja isani nama soomu imbeenneti kennitani, Nu soomi jettani, inni waan isaniini jed'u, Anini soomu imbeekhu. Aabbo Waaqi waan jed'u, worri kunini afaanini na sosobe si kad'anna nani jed'a, ammo garaani isaani gara kiyya injiru. Aadaani worraa woma nami ufiini ga baase tolfatu, ka namu mataani barate. Tanaafi anini gumi tana waan mama iti buuse worra mamsiisa. Qaroomi qaroo bade, qalbiini nama wo beekhu lafaa d'abani. Worri haga dandau mala ufi AABBO Waaqa d'ofatu ya bade! Worri d'ossani wo tolche waan jed'u, Eenuti na arga. yokhaani eenuti quba quba? Worri waan ch'ufa garagalcha. Okotee faaratifi nama isi mid'aasu eenuti ira jaba? Wonti nami mid'aase dandeete nama isi mid'aase sunini, Atini na mid'aasini injetti? Yokhaani dandeete, Atini waan taatu imbeetu injetti? D'iotu baddaani Lebanoni lafa oobru taate, lafti oobruleeni deebite badda intaatu? Gaafasi duudaleeni dubbi kitaaba ta soomani d'agaye, ballaleeni ka duri lafti iti dukanooftu amma ila banate wo arga. Hiyyeesafi nami guddinna inqamneleeni deebie gammade waan AABBO Waaqi qulqullooni Israeli namaa kennu argata. Nami nama dabsufi ka Waaqa tufatu bade nama ch'ubbu qabu ch'ufti hobaa. Ammalle Waaqi nama gurra nama yakufi ka nama wo yakele dubbi keesa ira ch'iisufi, ka d'ara dubbate nama sila d'uga qabu d'uga d'owu imballeesa. Tanaafi ammatana AABBO Waaqi Israeli, ka Abrahamu duri gaargala keesaa baase, waan jed'u, Gumi tiyya ta Yakobo deebiani inch'eersani, fuuli worraa deebie ch'eeraani inhamaatu. Hojja worri ilmaani anini worraa kennu argu, worri hojja suni aka anini Waaqa qulqullo Israeli beekhe, na guddise na sodaata. Daalleeni wo barate, nami guyya ch'ufa gungumu waan isa barsiisani ee jed'e fud'ata. AABBO Waaqi waan jed'u, Nami lafa Yuda mohatu waan na dideefi ya bade. Worri mala anini worraa ind'aini gula deeme, fed'i tiyya male wold'ageeti woliini tolfate, akanaani dabi worraa guddate. Worri ka mala naraa infud'atini lafa Misiri d'aqe, qarqaarsa fed'ata. Worri aka Faraoni worraa kalchu abdate, lafa Misiri d'aqe qarqaarsa kad'ata. Ammo Faraoni jabeenna worraani qarqaaru inqabu, qarqaarsi worri Misiri worra qarqaaru muummeeni isaa badiini buufatti. Ato nami worri ergatu dira Soanifi Hanesi qara gahele, worri Yuda imaaga, waan worri gosa suni, ta hojja worri qarqaarsa fed'u ch'eersite qarqaaru dad'abde, d'ugeefateefi. Tunini d'aamsa AABBO Waaqi waan bineensa lafa aloo ka bita d'aamate: worri ergani sunini lafa d'ipufi gaargala gudda qabdu keesa deema, ta nyeench'afi bofafi jaweeni aka male oriitu iti galtu. Worri harreefi gaala miha dadansa iti fae, gosa worra qarqaaru indandeenne geese. Qarqaarsi worri Misiri namaa kennu woma imbahu, tanaafi anini worra Misiri Jawe woma keesa injirre jed'e, maqa iti baase. Waaqi waan nani jed'e, woraqata fuud'i, aka gumiini tunini jirtu irati t'aafi aka akasiini ch'ubbu worraa tana bara ch'ufa qaabatani. Worri kunini hojja ch'ufa Waaqa dide d'ara dubbate barsiisa AABBO Waaqa gula deemu dida. Worri waan raagootani jed'u, woma infagina, afaani qabad'a, waan d'uga nuti inhimina, dubbi nu d'aguyu feenu ch'alla nuti hima, d'aruma teennati nu lakisa, nu duraa gora, kara nuti induuchina waan Waaqa qulqullo Israeli nuti inhimina. Ammo wonti Waaqi qulqullooni Israeli jed'u tana: Isani waan anini isaniini jed'u diddani nama dabsitani sobdani, Tanaafi amma wollaala qabdani. Isani naabo d'akhaa ta old'eeresani jaarani ta ammalle jidduti gargari baqate, ta ato nami imbeenne tassa jiddu, fakaatani. Akuma okote faara ta ch'ach'abt'e bulloofte, ch'abi isiileeni ch'ile ibida namaa fuud'u dad'abde, yokhaani bisaani bute keesaa namaa infuune fakaatani. AABBO Waaqi guddaani qulqullooni Israeli, waan biyyaani jed'u, hojja ch'ubbu iraa deebitani na d'ugeefattani baafamafi jabeenna argattani, ammo isani akasi diddani, Waan nani jettani, Hiyo! Akasiniti nu nyaapa keenna dura fardaani baqanna. Inuma baqattani! Mala keesani, fardi keesani guddo oria, ammo worri isani reebu fardooleeni worraa hagasi ira oriiti. Isani nami kunki toko yo nyaapa keesani toko ch'alla agartani imbaqattani. Nyaapi keesani nami shani isani ch'ufa imbaqachisa. Duuba baandera keesani, ka gaara gubba ejaanju male, nami tokoleeni ka hafu injiru. Ammo taatule, AABBO Waaqi guddo isani nahu fed'a, waan inni guyya ch'ufa waan d'uga tolchufi inni kurfo jira aka naasu ufi isani garsiisu. Ayyaana isaani, ka obse hojja ch'ufa AABBO Waaqa eegatu. Isani, worri Yerusalemu keesa tau, deebitani imbootani. AABBO Waaqi naaso. Hojja qarqaarsa isa kad'atani inni isani qarqaara. Aabbo Waaqi d'ipufi gaargala hama isanitini d'ufa, ammo isumati d'ufe isani barsiisa, isani waan deebitani isa barbaaddanifi inqabdani. Hojja mirgaafi bita kara iraa gortani, qonqo isani duubaa dubbatu, ta karaani kana, gula deema, jettu d'ageetani. Duuba waan isani harkaani boch'ani kad'atani, ta qarsifi worqiini mid'aasani, aka waan t'uri qabaati gadigatani waan jettani, Na biraa bada, nara fagaad'a! Hojja mid'aani fach'aaftani, AABBO Waaqi bokaya isani erge mid'aani suni isanii baase sagale guddo isanii kenne, horiini keesanileeni marra guddo argata. Qotiyofi harreeni ta oobru teesani qottu okhaya dansa ch'alla nyaati. Guyya maneeni jajabdu nyaapa keesani ch'ach'absani worra suni hobaasani, lagi gaareenifi kubilele ch'ufa ufuma dibbise iraa yaa. Jii akuma adu ifse, aduuleeni haga duri kaani ira maro torba ifsiti; akanaani ifsaani guyya toko ifsa guyya torba fakaata. Hojja AABBO Waaqi dirmamufi mada gumi isaa hid'e, fayyisu wonti kunini ch'ufti taati. Me ilaala, jabeennaafi guddinni AABBO Waaqa fago mullachu jira. Ibidaafi aari dallansu isaa garsiise, hojja inni dubbatu dubbini isaa aka ibida wo gubdi. Inni bubbe aka fach'aa bisaani, ka waan ch'ufa fud'atu, ufi dura erga. Ammalle inni gosa hafarse balleese bubbeeni sunini gosa ch'ufa wolti harte badi itiini d'ufte mala worraa hamale ch'ufa balleesiti. Ammo isani gumiini Waaqa, akuma halkani hojja jila tolfattani gammadaani sirbitani gammadaani. Isani akuma nami hojja fulludo d'ae gammade Mana Waaqa jaba Israeli d'aqu tahu, gammadaani. AABBO Waaqi qonqo jabdu nama d'ageesise, irre dallansu isaa nama garsiisa. Ibidaafi bokaya guddaafi bokaya d'akhaani roobufi bokaya muumme inqamneti d'ufa. Worri Ashuru qonqo AABBO Waaqa d'ageennaani mudame harka isaatini gaargala argata. Akuma AABBO Waaqi worra d'aanuni, gumiini isaa dibbeefi kiraari d'oofte sirbiti. Waaqumati worra Ashuru suni had'e balleesa. Duri duri, fulla ibidi guddaani toko hayyu Ashuru iti gubu kurfeesani. Fullaani sunini gadi qile, ammalle ballo, qoraanileeni arti miju. Duuba AABBO Waaqati hafuura isaatini ibida gabaase guba. Nama lafa Misiri qarqaarsa kad'achu d'aqu ya bade! Worri fardaafi gaari fardi hirkisufi askarti worraa heddu abdata. Ammo AABBO Waaqa Qulqullo Israeli, inabdatani, yokhaani qarqaarsa inkad'atani. Inni waan tolchu jiru imbeekha, gaargala namati erge, worra ch'ubbu qabuufi worra worra qorqoratule illakisu. Worri Misiri namuma, Waaqaniti; fardi worraleeni farduma, waan gubbaa gabueeniti. Hojja AABBO Waaqi wo tolchu, gochiti jabduuni irre d'abde gochiti laaftuni worri qarqaareleni badi. Worri lachu wolumaani d'umata. AABBO Waaqi waan naani jed'e, Ato tissituuni haga feetu lalabde iyyitele, dandeete nyeench'a waan nyaate ira tau iraa inkaaftu. Akasuma wonti dandae ana, AABBO Waaqa gudda, ka d'ufe gaara Sioni nyaapa iraa d'owu d'owa injirtu. Akuma simpirreeni mana isii keesati ilmaani isi gubbaa martu, akasuma anini, AABBO Waaqi guddaani, Yerusalemu qorqorad'e nyaapa iraa d'owa. AABBO Waaqi waan jed'e, Isani worri Israeli ya nati ch'ubbamtani na diddani, ammo ammatana nati deebia! Guyyaani ind'ufa, ka isaniini ch'ufti waan qarsifi worqi ka isani harkaani mid'aasitani kad'atani ufira gattani. Worra Ashuru woraanani balleesani, ammo taatule harka namaatiini imballeesani. Worri woraana duraa baqate, kaima worrale tisse tolchani. Hayyuuni worraa mudamsuuni baqata, ammalle jari askarti isaa gugurdaleeni lubbu ufii sodaate baandera ufi biraa baqate. Dubbi tana AABBO Waaqati jed'e, ka Yerusalemu keesati guddisani, achiti sorio gubani baasanifi. Takaa tana hayyuti d'ufa, ka d'ugaani lafa fidu, ammalle jari gugurdaani isa jala hojatuleeni qajeelumaani lafa fida. Worri suni ch'ufti dao qilleensa nama ira d'owartufi fulla bubbe iti d'okhatani fakaata. Worri bisaani lafa gamooji keesa yaatifi gaadisa rabsu d'akhaa, ka lafa d'eebicha keesa tau, fakaata. Ilaafi gurri worraleeni baname waan nami fed'u arge ch'aqasa. Worri deebie obsa ind'abu, ammo worri qalbi hubacha qabduni wo tolche dubbi diideese dubbata. Deebiani daalleleeni, nama d'uga injed'ani, yokhaani ch'ubbichaleeni, qajeela injed'ani. Daalleeni dubbi daalliti dubbate, ch'ubbu ch'alla herega. Inni waan tolchufi ka jed'ule ch'ufa keesa kara iraa gore maqa Waaqa balleesa, ammalle inni nama beela qabu beela imbaasu, ka d'eebu qabule bisaani inobaasu. Daalleeni ch'ubbiti, waan hamtu ch'alla tolchiti; isiini aka hiyyeesa sobde balleesite, d'uga sila worraa malte d'owitu, malatti. Ammo nami d'uga waan d'uga tolche waan qajeeluma gula deema. Isani nad'eeni machi keesa teetu, ta woma iyyane, waan anini jed'u kana ch'aqasa. Amma quufa qabdani, ammo ganna d'ufu hojja tana, ufi jibbaattani, wonti akanatiifi gaafasi mid'aani zabibu inguuratani, yokhaani mid'aani tokole imuratani. Isani qara machi keesa, ka woma iyyane, teetani, ammo ammatana mudama, holad'a! Woya baafad'a, ch'arqi hid'aanati marad'a. Laalefad'a, mata qabad'a, oobru gumi tiyya ta zabibutifi ta mid'aani, ta badde mukha qoraatitiifi mogoreeni iti baate, boha. Maneeni nami keesati gammadeefi dira keesati nami machi argate boha. Mani hayyuleeni bade diri guddaleeni ona taha. Worraafi maneeni jajabduni dira worraatini qorqoratanileeni badde haga jirtu danqara taati. Harreeni diida achiti galte, hooliyeleni achi tikhati. Ammo Waaqi deebie lubbu ufi nuu erga. Lafti badde taani wo baafte oobruleeni sagale baafti. Lafa gamoojitifi ta oobrule keesa d'ugaafi qajeeluma tolchani. Waan nami ch'ufti d'uga gula deemuufi, lafti nagayafi finna dansa argatte, wonti ch'ufti tolti. Gumiini tiyya nagayaani teete, sodaani lafa keesaa badde, finni dansaani d'ufa. (Ammo bokeeni d'akhaani roobu baddati roobe, dirale ch'abse balleesa.) Nami ch'ufti gammade, bisaani lafa ira dabrani, fulla ch'ufati mid'aani fach'aasani, harreleefi looleeni fulluma ch'ufa tikhatani. Nyaapa keenna ya badiini qabate! Worri yayu wo saame nama balleese, ka nami tokoleeni worra saame imballeesini. Ammo hojaani worri wo saame nama balleesu indabarti, namileeni waan worraa saame worra balleesa. Ee AABBO Waaqa, nuu nahi, abdiini teenna siuma. Harka keetiini guyya ch'ufa nu qorqorad'i hojja gaargali nuti d'ufu nu baasi. Yo atini dubbatte nuu kalchite, gochiti iyyana woraanaa d'ageennaani duraa baqatti. Akuma awaanisi wo nyaatu, waan worraa ch'ufa saamani boojiani. Guddinni Waaqaa hagami gaa! Inni waan ch'ufa imohata. Inni d'ugaafi qajeelumaani Yerusalemu guute, nama isii jabeese qorqorata. Inni guyya ch'ufa gumi ufi baase, beekhumafi qarooma kennaafi. Wonti guddo worraa wo baha soda worri AABBO Waaqa sodaatu. Worri nami jajanni qarqaarsa kad'ate, nami worri erge ka nagaya barbaadda yauleeni guddo bouti jira. Karaani guddaani ya bade, nami imaltu gula deemuleeni injiru. Kakhu ch'absani wold'ageeti balleesani, nama tokole deebiani insaalfatani. Lafti badde duwa taate, baddaani Lebanoni qanch'oorate gogodde, baleeni Sharonileeni lafa gamooji taate, Bashanifi gaara Karmeli ira mukhi baala buufata. AABBO Waaqi waan gosa ch'ufaani jed'u, Anini amma kae wo hojad'e irre tiyya garsiisa. Isani mala woma keesa injirre d'aatani, wonti isani tolchitani tokoleeni woma imbaatu. Lubbuuni tiyya ibida isani balleesu fakaati. Isani aka haama gubani taatani, qoraati gubate daara taate fakaatani. Nami d'iofi fago jiruleeni ha irre ani woini tolche d'agaye humna tiyya hubatu. Worri ch'ubbichi Sioni sodaate aka hama mudame, waan jed'u, Eenuti dandae ibida wo balleesuni wolti gala? Nu nami dandae ibida suni ira hafu injira? Nama d'uga tolche qajeela dubbatu, ka hiyyeesa indabsine, ka harka isaatini gumbo imfud'anne, ka gurra isaatini waan ijeecha d'agayu, didu, ka ila isaatini waan hamtu ilaalu didu, ch'allati bahe, fulla jajabdu iti d'okhatani gaara gubbati tolfate nagayaani taa. Inni sagaleefi bisaanile argata. Isani takaa hayyu miha isaa ka hayyuma dadansa naqate lafa ballo muumme inqamne fidu agartani. Wonti isani duri sodaatani, nami damoosa nuraa guuru me? Nami doofi gubba eje nama eegu me? Jettani imbaddi. Isani iti deebitani worra gosa d'ibi kiyyiba ka afaani isaani ind'ageenne dubbatu inagartani. Sioni, dira nu keesati aada tolfannu, ilaala. Me d'iiro, Yerusalemu d'awad'a! Isiini lafa nagaya qabdu ta nami keesa qubachu male, isiini waaro haga jirtu arti inchochone ta d'isa isii imbuqimne ta yokhaani haada isiile inkunne fakaati. AABBO Waaqi guddinna ufi nu garsiisa, nu galaanafi laga balla d'aatu qubanne, ammo hobolooni nyaapaa bisaani suni ira indeemtu. Ammalle nami lafa teenna keesa tau deebie fayya d'aba inhimatu, ch'ubbu worrale ch'ufa inaraaramanifi. Gosa ch'ufa koota, asi wolti baha, ch'aqasa. Lafa ch'ufafi nami keesa jiru ch'ufti ha arma d'ufe wo d'agayu. AABBO Waaqi yayu gosa ch'ufafi duula worraleeti dallane baddi iti mure. Reefa worraa inawaalani akanumati lakisani artumati ajae shame bada; gaareeni ira d'iigi worraa aka laga yaa. Aduufi jiaafi urjileeni bulloofte awaara taati. Gubbaani aka woraqata wolti dachaasani wolti deebite baddi. Urjileeni akuma obeensa zabibutifi yokhaani ka oda jidde baddi. AABBO Waaqi yayu goraade ufi gubbati kurfeese, isiini d'ufte Edomu woraanti, worra inni baddi iti mure kaani. Goraadeeni isaa d'iigaafi gabbinnaani ka d'iigaafi gabbinna ilmoole hoolaatifi elemiyeefi korbeeyyi ta sorio qalani fakaatuni ch'uubamti. AABBO Waaqi sorio tana dira Bosra keesati qale lafa Edomu keesaleti waan guddo qala. Biyyiti akuma gafarsaatifi jiboota lafa dod'oofte laftileeni d'iigaani badde, biyyeleeni d'ad'ani fiilti. Tunini hojja AABBO Waaqi worra Sioni baase nyaapa isaani balleese akasiini haalo baasufi. Bisaani galaana Edomu garagalani gogogani, biyyeeni isiileeni garagalte dillo taate, lafti ch'ufti aka kosi gubani gubati. Isiini halkani guyya ind'aamtu, aarileeni haga jiru jireenna keesaa yaa, bara ch'ufa lafti badde akanumati ona taate, deebie miili namaa keesa inejatu. Urungufi haranqeesa male waan d'ibi keesati inargani. AABBO Waaqi lafa balleese duwa tolche akanumati lakisa. Lafa keesa hayyu d'abani, jari gugurdaani isa jala hojatuleeni ch'ufti bada. Qoraatifi goraani maneeni hayyuutifi dira gugurda jabeesani jaarani keesati bahe sare diidatifi urunguni iti galti. Bineensa alaatifi worabeesi wolti bahe, jinnileeni woli yaamte goorjami halkani achi d'ufe fulla tau barbaada. Urunguni achiti mana jaarate okhokaani d'alte, baqasite ilmaani isii guddifti. Allaatileeni achiti d'altufi kormani, wolti baati. Kitaaba AABBO Waaqa ka waan bineensa keesati t'aafani barbaada sooma. Bineensa kana tokole keesa ind'abdani, inni ch'ufti d'alaafi korma qaba. Nami bineensa kana wolti baase AABBO Waaqa, isumati wolti yaame. Nami lafa suni bineensa ch'ufaa gargari qoode kennuufi AABBO Waaqa. Bineensi sunini bara ch'ufa achiti gala lafti sunini haga jiru jireenna ta worraa taati. Lafti gamooji gammade, lafti aloo daraarti; lafti gamooji gammade iyyite sirbiti; isiini aka gaareeni Lebanoni mid'aade, aka oobru lafa karmelitifi Sharoni sagale baafti. Nami ch'ufti mid'aagumafi guddinnaafi jabeenna AABBO Waaqa arga. Harka dad'abbi qabuufi miila lalaafe hollatu jabeesa, nama garaa lafeeni waan jettani, garaa jabaad'a, insodaatina, Waaqi ya isani baasu d'ufe, aka nyaapa keesani balleesu. Gaafasi ballaani lafa arge, duudani wo d'agaye. Naafi aka hiddii buraaqe, dudaani woma indubbanneleeni gammadaani sirba. Bisaani madda lafa gamooji keesaa yaani, maansi aka ibida bobau kaani haro bisaani tahe, lafti godduleeni madditi. Fulla duri sareeni diida iti galtu buuyofi ilaadufi meelati baha. Kara gudda tokoti achi jira, ka kara Qulqullooma jed'aniini. Nami ch'ubbu qabu, ka kara suni suni gula deemu injiru, daalleleeni nama kara suni gula deemu iraa ingorsitu. Nyeench'i tokoleeni achi injiru, bineensi hamaleeni kara suni gula indeemu, nama AABBO Waaqi baase ch'allati kara suni gula yaa. Worri Waaqi baase sunini sirbe gammade Yerusalemuti gala. Worri haga jiru jireenna gammada, laalefachaafi booti worra biraa baqatti. Ganna kud'ani afreeso ka Hezekiani lafa Yuda mohate, Senakeribuni, hayyuuni Ashuru dira Yuda ka jabeesani jaarani ch'ufa had'e dabsate. Jennaani inni namicha gudda askarti isaatini waan jed'e, Lakishi deemi, askarti heddu fud'ad'i, Yerusalemu d'aqi, hayyu Hezekiani booju kad'ad'i jed'i. Namichi kaani kara worri woya mid'aasu keesa tau, ka d'aatu fulla bisaani haro keesaa diratini yaani ejate. Jennaani nami sadi ka gosa Yuda iti ga d'ufe: Eliakimuni ilma Hilkia, ka gudda mana hayyu; Shebna ka tatabe hayyu t'aafufi Yoa, ilma Asafu, ka waan t'aafani olikaayani ch'ufa harkaa qabu. Namichi Ashuru guddaani kaani waan jed'eeni, waan isani Hezekiani jettani, Hayyuuni Ashuru waan jed'u, maanti akana garaa jabeese ufi si d'ugefachise. Atini waan dubbi tanteetiini hoguma woraanaa dabsatu seeta? Amma eenuti si qarqaara, male keeti, ka atini hayyu Ashuru didde? Atini, mala keeti, waan worri Misiri si qarqaaru seeta? Ammo mali sunini nama ilaadu ule sehe yo inni lafati d'aabu ch'abt'e harka woraantu fakaata. Aki hayyuuni Misiri nama isa abdatu tolchu akasi. Ammo yo atini, AABBO Waaqa keenna abdanna nani jette; nami fulla Waaqa iti kad'atani sorio irati baasani balleese Hezekianiti? ka ammalle garagale worra Yerusalemutifi ka Yudatini, fulla sorio irati baasani ta Yerusalemu ch'allati Waaqa kad'ad'a jed'e. Amma kooti, hayyu keenna ka Ashurutini waan taka woliini taha: Anini fardoole kuma lama sii kenna, yo atini dandeete nama hagasi ka Yubatu naa kennite. Atini akami dandeete hojatu abba kiyya didiqo woma keesa injirale d'owarta, ka ufiftu waan worri Misiri gaarifi askarti farda sii kennu seetu? Atini waan anini qarqaarsa AABBO Waaqa male lafa teesani had'e balleese seeta? AABBO Waaqati, Beeni, lafa suni had'i balleesi naani jed'e. Jennaani Eliakimufi Shebnafi Yoani waan namicha gudda kaaniini jed'ani, AABBO afaani Aramutini nuti dubbad'i, ind'ageenna, afaani Ebrania nuti indubbatini, nami d'aatu teenna ch'iisu kunini ch'ufti nu d'agaya. Inni waan jed'eeni, isani waan hayyichi Ashuru isanifi hayyu keesani ch'alla qonqo tana iti erge seetani? Hiyo akasiniti, anini gumi arma teteetu tana, ta eegi tana finch'aanifi udaani ufi akuma keesani sooratuti dubbachuu jira. Jennaani namichi guddaani sunini afaani Ebraniatini lalabe waan jed'e, Dubbi hayyuuni Ashuru isaniini jed'u ch'aqasa! Inni waan jed'u, Hezekiani isani insobini inni dandae harka kiyya keesaa isani imbaasu. Inni, AABBO Waaqa abdad'a jed'e isani insobini. Waan AABBO Waaqi isani baase askarti Ashuru dira keesani iraa deebisu insehina. Dubbi Hezekia inch'aqasina! Hayyuuni Ashuru waan isaniini jed'u, Nati koota, booju kad'ad'a. Duuba yo booju kad'attani, isaniini ch'ufti daad'i zabibu teesani d'uddani, mid'aani keesani ka oda nyaatani, madda teesani keesaa bisaani d'uddani, haga anini lafa lafa teesani fakaatu, ta mid'aanifi daad'i qabdu ta qit'afi zabibu qabdu, keesati isani qufsisuuti. Dubbi Hezekia ta inni, Waaqati nu baasa jed'e isani sobe suni ind'ugeefatina. Gochiti d'ibiini ta, waaqa kennati harka hayyu Ashuru jalaa nu baase jette injirti? Waaqi Hamathitifi ka Arpadi me? Waaqi Sefarvaimu me? Waaqi suni tokoleeni ya Samaria harka kiyya jalaa baase? Waaqi lafa suni tokoleeni yoomi lafa ufi harka kiyya keesaa baase? Isani akami, ka waan suni ch'ufa quba qabdani, Waaqi Yerusalemu imbaasa jettani re? Ammo biyyiti, akuma hayyuuni Hezekiani worraani jed'e ch'ach'alifte akanumati teteete. Jennaani Eliakimufi Shebnafi Yoani laalefatani, woya ufi tatarsaasani, deemani waan namichi Ashuru kaani jed'e hayyu Hezekiati himani. Hayyu Hezekiani akuma qonqo worra kaani d'agayeeni laalefate woya ufi tatarsaase ch'arqi naqate Mana AABBO Waaqa d'aqe. Inni Eliakimu, ka mana hayyuti guddatifi Shebna, ka tatabe hayyu t'aafufi qaalole gugurdole gara raaga Isaya, ilma Amozi, erge, worrileeni ch'ufti woya ch'arqi naqate. D'aamsi inni, Isayati hima jed'e kana: Arriti guyya gaargalaati ka nu gaargalchani nu ch'eersani. Nu niiti dau jirtu ta ilme irre d'iibatuni d'abde fakaanna. Hayyuuni Ashuru yayu namicha gudda hojatu isaa, Waaqa gudda arabsi jed'e erge. AABBO Waaqi kanke ha araba kana d'agaye worra isa arabsu kana gaargalchuti. Tanaafi atini amma worra keenna ka hafe Waaqa kad'ad'i. Isayaani d'aamsa hayyu Hezekia d'agaye jennaani, qonqo deebiseefi waan jed'e: AABBO Waaqi waan jed'u, Dubbi hojatu Ashuru, ta worri na arabse tana jettani insodaatina. Anini hayyicha odu lafa isaati isa deebiftu d'ageesise duuba achiti isa ijeesa. Namichi Ashuru guddaani kaani aka hayyichi isaani Lakishi bahe, dira Libna ka d'aatu suni jiru had'uu jiru d'agaye. Tanaafi inni achiti isa argu d'aqe. Jennaani qonqooni worra Ashuruti d'ufte waan jette, Duuli Misiri, ka hayyu Tirhaka, ka worra Kushi iti abba, had'iisa keesani d'ufuti jira. Hayyuuni Ashuru dubbi suni d'agaye jennaani qonqo gara hayyu Yuda, ka Hezekia jed'ani, erge waan jed'eeni, Waaqi isani d'ugeefatani, diri Yerusalemu harka hayyu Ashuru keesa inseenu jed'e isani insobini. Waan hayyuuni Ashuru lafa inni balleesu fed'u ch'ufa tolchu ya d'ageetani isani mala keesani waan jalaa baatani seetani? Ababooti tiyya dira Gosani fa, ka Harani fa, ammalle ka Resefu fa balleesite, worra Beth-Edeni ka lafa Telasari keesa jiru hobaafte waaqi worraa tokoleeni worra baasu dad'abe. Hayyooti Hamathi, ta Arpadi, ta Sefarvaimu ta Henatifi ta Ivaleeni amma me? Hezekiani tatabe worra suni iraa fuud'e soome mana AABBO Waaqa d'aqe, tatabe suni AABBO Waaqa dura kaye Waaqa kad'ate waan jed'e, Ee AABBO Waaqa, Waaqa Israeli ka barch'uma kanke ka waan lubbu qabu ka koola gubbaa jiru ira teetu, siuma ch'allati lafafi gubba uume lafafi nama ch'ufa fida. Amma, ee AABBO Waaqa, nu d'agayi, waan harkaa nu qaba kana argi, araba Senakeribuni sii Waaqa gudda arabsu kana ch'ufa d'agayi. D'uguma AABBO Waaqa, hayyooti Ashuru yayu gosa heddu hobaafte lafa worrale balleesite. Waaqa worrale ch'ufa gubde waaqa woma keesa injirre, ka nami mukhaafi d'akha boch'e harkaani mid'aafatu. Ammatana ee AABBO Waaqa keenna, harka worra Ashuru kana keesaa nu baasi, duuba akasiini gochiti lafa keesa jirtu ch'ufti aka atini ch'allaani AABBO Waaqa beeti. Jennaani Isayaani, ilmi Amozi, qonqo gara Hezekia erge waan jed'e, AABBO Waaqi Israeli waan jed'u: Anini kad'acha atini waan Senakeribu, hayyu Ashuru, na kad'ate ya d'agaye. Wonti isaa ka AABBO Waaqi dubbate tana: Ee Senakeribu, diri Yerusalemu si koble si goyeese si tufata. Nama atini arabsite goyeesite kana eenu seeta? Nami atini tufate sunini anuma, Waaqa Israeli qulqullo. Atini qonqo namaani ergite d'aade waan nani jette, Anini gaari kiyyaani fiit'e gaareeni Lebanoni ch'ufa kore dabsad'e. Ammalle anini yayu hind'eesa d'ed'eeraafi mukeeni haru ch'ufa ch'irad'e badda keesa lit'e fulla ch'ufa gahe. Ammalle anini yayu lafa nyaapa ch'ufa d'aqe eela qotad'e bisaani keesaa d'uge, ammalle miili askarti tiyya ya galaana Misiri gosse. Atini aka anini waan suni ch'ufa herege si tolchisise ind'ageenne? Anini amma waan suni ch'ufa ya tolche guute, nami irre atini dira jajabaani ch'absite bulleesite sii kenne anuma. Worri dira suni keesa tauleeni irre d'abe mudame sodaate. Worri sunini buuyo diida yokhaani raafu mana gubbatu baatu, ta qilleensi owani ilaboruuti d'ufe balleesu, fakaata. Ammo anini waan kanke ch'ufa imbeekha, waan atini tolchitufi fulla atini deemtule. D'aadufi kiyyiba kanke anini imbeekha. Anini yayu kiyyiba kanke suni d'agaye tanaafi amma kiyyoofi lugama siti kaye si hirkise kara atini d'ufte kaani si deebisa. Jennaani Isayaani waan hayyuuni jed'e, Waan kanati akheekha sii taha. Ganna kanafi ganna d'ufu, mid'aanuma ufumaani baha nyaata, ammo ganna sadeeso atini mid'aani fach'aafte murate zabibu oobrate mid'aani isii nyaata. Worri Yuda ka hafu, akuma mukha hiddi isaa aka dansaa lafa keesa seene late mid'aani baasu jira. Yerusalemufi gaara Sioni gubbati nami inuma hafa, wonti akanatiifi AABBO Waaqi waan suni tolchu male intau. Wonti Waaqi jed'e tana: Inni dira kana seene, t'iya tokole indarbatu. Askartini wonte qabdu tokoleeni dira suniti ind'iaatu. Ammalle booliti qotani dira sunini marsani injirtu. Inni ka dira inseene, karuma d'ufe deebia. Tunini dubbi AABBO Waaqi jed'e. Anini dira kana nyaapa iraa d'owe baasa, maro guddinna kiyyatifi ammalle maro kakhu ta anini hojatu tiyya Dauditi kakhad'eefi. Malaikani AABBO Waaqa fulla duuli Ashuru jiru d'at'e, askarti nama kuma d'ibbafi saddeetami shani hobaafte, boriyyaate lafti bariinaani nami reefa ufuma ch'iisu arge. Jennaani hayyuuni Ashuru, ka Senakeribu jed'ani kaani, kae Ninawiti gale. Guyya toko, ato inni mana waaqa isaa, ka Nizroki jed'ani, keesa tae waaqa kad'atu, ilmaani isaa lama, Adramelekifi Sharezani goraade ufitini isa ijeefte, lafa Araratiti baqatte. Duuba ilmi isaa ka Esar-Hadoni jed'ani fulla isaa hayyu tahe. Bara suni Hezekiani fayya d'abe duu gahe. Raagi Isayaani, ilmi Amozi, isa argu d'aqe waan jed'eeni, AABBO Waaqi waan siini jed'u waan kanke ch'ufa mid'aafad'u, d'aamad'u atini d'ukuba kana iraa inhaftu, indoota. Jennaani Hezekiani fuula manati deefate Waaqa kad'ate waan jed'e, Ee AABBO Waaqa aka anini garaa tokooni si hojad'e si saalfad'e woma atini feetu ch'alla tolche qaabad'u akasi jed'e aka hama bohe. Jennaani AABBO Waaqi waan Isayaani jed'e, Deebii, waan Hezekiani jettu, Anini, AABBO Waaqi, Waaqi ababo kanke Daudi, yayu kad'acha tante d'agaye imimaani kanke arge. Amma ganna kud'ani shani guyya kanketi sii dara. Anini ammalle siifi dira Yerusalemu kana harka hayyu Ashuru keesaa baase, dira sunile jabeese, nyaapa iraa d'owa. AABBO Waaqi akheekha kana sii kenne akanaani kakhu isaa guuta. Faano hayyu Ahazini jaare gubbaa AABBO Waaqi gaandidu ejata kud'ani dudda duubati deebisa. Duuba gaandiduuni ejata kud'ani dudda duubati deebite. Hezekiani fayya d'aba fayye jennaani faaru tana t'aafe waan jed'e, Anini ch'imuma tiyya keesa ato jaare ufi injibbaatini waan due fulla ekheraati deemu ufi sehe, waan jed'e, Lafa tana irati deebie AABBO Waaqafi nama lubbu qabu inargu. Akuma waaro buqisani fuud'ani lubbu tiyya naraa fuud'ani, akuma woya naraa kutani wolti dachaasani. Anini waan Waaqi lubbu nara fuud'u sehe. Anini halkani ch'ufa aka waan nyeench'i lafe na ch'absu jiru d'ukubsad'e bohe, waan Waaqi lubbu nara fuud'u sehe. Qonqooni tiyya laafte qallatte qonqo sabalisa fakaate. Waan anini hojja ch'ufa tae Waaqa ilaalufi ilti na aarte. Aabbo, gaargala kana ch'ufa keesaa na baasi. Ammo anini maani jechu dandaa? AABBO Waaqati waan kana na tolche. Garaani na hamate, hiribi ila keesa na bade. Aabbo, anini si male woma inqabu, jireenni kiyya siuma; na fayyisi, na jireesi. Garaani kiyya ka qara hamate garagale, amma nagaya horata. Atini lubbu tiyya waan hamtu ch'ufa duraa baafte, ch'ubbu tiyya dudda iti galte na araaramte. Nami fulla Ekhera jiru tokoleeni dandae si infaarsu, ekheraani dandeete si d'ugeefatte si inabdattu. Nama lubbu qabuti dandae si faarsa, akuma anini amma tae si faarsu kana. Abbootini d'uga tante ilmaani ufii barsiifti. AABBO Waaqa, atini la na fayyifte. Nu ammatana haga jiru kirari d'oofne Mana kanke keesati si faarsina. Duuba Isayaani qara waan jed'e, Mid'aani oda fuud'a, d'ulla isaati mat'ansa, duuba inni infayya. Wonti inni akasi jed'eefi hayyu Hezekiani qara, Akheekhi anini Mana Waaqatini seenu kami? Jed'e isa gaafate. Bara suni hayyuuni Babiloni, ka Merodaka — Baladani, ilma Baladani jed'ani, aka Hezekiani fayya d'abe d'agaye, tatabeefi waan d'ibi ergeefi. Hezekiani worra ergaani d'ufe suni aka dansa d'ieese, durooma qabu ch'ufa worra garsiise — qarsi worqi, qumbifi qayya, ammalle miha isaa ka lola ch'ufa. Wonti inni olikaye ka mana isaa keesa jiraatiifi ka fulla d'ibi jiraleeni ka inni worra ingarsiisini injirtu. Jennaani raagi Isayaani gara hayyu Hezekia d'aqe waan jed'eeni, Worri kunini eesaa d'ufe? Worri maani siini jed'e? Hezekiani waan jed'eeni, worri lafa tanaa ind'umne, Babiloni d'ufe, lafa ind'iaanne. Worri maani mana kanke keesati arge? Worri waan ch'ufa arge, wonti anini worra ingarsiisini injirtu. Jennaani Isayaani waan hayyuuni jed'e, AABBO Waaqi guddaani waan jed'u, Guyyaani ind'ufa, ka waan mana kanke keesa jira ch'ufafi waan ababooti tante olkeetele ch'ufa fuud'ani, lafa Babiloni geesani, wonti tokoleeni inhaftu. Ilmaani atini d'altele haga toko boojiani, sasangisiisani, mana hayyu Babiloni keesa hojachiisani. Jennaani Hezekiani waan Isayaani jed'e, Dubbini AABBO Waaqa ta atini nati himte tunini waan dansa. Wonti Hezekiani akasi jed'eefi, inni waan sehe waan haga inni lafa fidu lafti nagaya taatu sehe. Waaqi keesani waan jed'u, gumi tiyya garaa jabeesa, garaa jabeesa! Gumi Yerusalemu dubbi dansa iti dubbad'a. Waan jettaniini, gaargali keesani guddaani ya hobae, daba keesani amma la isanii araaramani. Anini maro daba keesanitifi yayu guddo isani gaargalche. Qonqooni toko lalabde waan jettu, lafa aloo keesati daandi AABBO Waaqaa mid'aasa! Lafa gamooji keesa kara qajeela Waaqaa mid'aasa! Bale ch'ufa duucha, gaareeni ch'ufa diqeesa, lafaani woli fakeesa; duuba akanaani kubileeni ch'ufti diida taate, lafti gooro qaqabdu ch'ufti dirirte qajeelti. Duuba guddinni AABBO Waaqa mullate nami ch'ufti arga. Nami dubbi tana jed'e AABBO Waaqa. Qonqooni toko waan jettu, Qonqo tana biyyati lalabi! Qonqooni anini biyyati lalabu tami? Qonqooni suni tana: Nami ch'ufti aka buuyo jira, mid'aagumti isaanileeni akuma daraara jirti. Buuyooni gogodde, daraaraani bada, hojja qilleensi AABBO Waaqa worra d'au. D'uguma bultiini namaa haguma buuyoti, yoosu hobaati! Ee, d'uguma buuyooni gogodde, daraaraleeni imbada, ammo dubbini AABBO Waaqa keenna haga jiru jireenna teeti. Ee Sioni, gaara gubbaa kori, odu dansa odeesi! Ee Yerusalemu, qonqo guddooni lalabi, odu dansa odeesi! Dubbi insodaatini lalabi waan dira Yudatini jettu, Waaqi keesani kunooti! Me ilaala, AABBO Waaqi guddaani irreeni d'ufu jira, aka lafa mohatu; inni gumi harka nyaapa keesaa baaseni d'ufuu jira. Inni aka tissituuni hori tissitu gumi ufi tissu jira; ammalle ilmoole wolti guure hampaare qomati qabata, hawani isiile laanuma bobaasa. Eenuti dandae bisaani baariini guddinna isaani haga beekha? Yokhaani eenuti dandae gubba harka ufitini d'und'uma d'aa? Eenuti dandae biyye lafaa ch'ufa muduunu tokoti deebisa? Yokhaani gaareenifi kubilele ch'ufa miisana taka irati biima? Eenuti dandae AABBO Waaqa gorsa? Eenuti dandae isaa barsiise Yokhaani woi iti hima? Waaqi beekhaafi hubachaafi mala woini tolchani eenu ira fud'ata? AABBO Waaqa durati gochiti ch'ufti woma keesa injirtu, d'impu bisaani fakaati. Lafti fago ta bisaani jiddu jirtuleeni akuma awaara sablatti. Bineensi badda Lebanoni keesa jiruleeni ch'ufti sorio Waaqa keennaa baasani ingahu, mukhi isiileeni qoraani ibidaa ingahu. Gochitileeni isaa durati womaaniti, yokhaani woma keesa injirtu. Waaqa eenuni woli bira qabani? Yokhaani eenuti dandae aka inni jiru namati hima? Inni waan hogeesi harkaani mid'aaseeniti. Yokhaani ka tumtuni Worqiini mid'aasite, waan qarsiini mid'aasani jala dad'abdeeniti. Nami irre qarsifi worqiini horatu inqamne mukhu inhuroomne filate hogeesa dansati geese, akheekha inqaarine mid'aafata. Isani imbeetani? Isani ind'ageenne? Aka lafti duri uumamte ammalle imbaranne? Nami uume nama barch'uma isaa ira gubba waan ch'ufaa tau; nami isa jalati didiqaate tut'i fakaata. Inni gubba aka golla ballise, aka waaro nami keesa tau tolche. Inni nama irre qabu, ka lafa fidu, balleese, nama woma keesa injirre tolcha. Worri mukha diqaya d'io oobrani, ka hidda imbaasini, fakaata. Yo AABBO Waaqi bubbe gadi ergu, gogoge aka bua buuyo bubbeeni fuuti. Waaqa qulqullo, eenuni wolbira qabani? Nami aka isaa lafa keesa injira? Me gubba ilaala, urji isani agartani tana eenuti uume? Nami uume isuma, ka isi tokotokooni gayaasu; inni haga isii imbeekha ammalle ch'ufa maquma isiitiini yaama! Irreeni isaa guddo jabdu, tanaafi urjini suni tokoleeni imbaddu! Ee Yakobo, atini maanifi gungumte, AABBO Waaqi gaargala kiyya imbeekhu yokhaani yo na dabsanile, inni woma ira inqabu, jetta? Isani imbeetani? Isani ind'ageenne? AABBO Waaqi Waaqa haga jiru jireenna jiru; lafa ch'ufa haguma geetuuni isumati uume. Inni dad'abe illaafu. Nami tokoleeni herega isaa inhubatu. Inni laafafi dad'aba jabeesa. Ijoolleeni lalaafte, kaimileeni gagagaba; ammo nami AABBO Waaqa d'ugeefate isa eegatu deebie irre argata. Worri akuma risa barisaa, orie indad'abu; yo miilaani yaule yae indad'abu. Waaqi waan jed'u, Isani worri lafa fago, ch'allisa, na ch'aqasa! Waan dubbachuu feetani kurfefad'a; koota, dubbad'a. Koota, wolwoldeenne, nama d'uga qabu ilaala. Eenuti nama wo had'u ilaboruuti ga kaase fulla inni bahe ch'ufa dabsacha keennafi? Eenuti hayyootafi gosale ch'ufa isa dabsachiisa? Inni goraade ufitini worra d'ae bulleese, t'iya isaatini aka bua buuyo qilleensati firfirsa. Inni hordofe reebe, ka miili isaa aka waan barisu jiru nagayaani worra d'aqaba! Eenuti waan kana tolchisise d'aloota qara dabre ch'ufa ga yaama? Anini, AABBO Waaqi, gaafa uumama injira, ammalle gaafa muummele inuma jira. Worri lafa fagoleeni waan anini tolche arginaani mudame holate, wolti bahe ga d'ufe. Hogeeyileeni wolqarqarte garaa woljabeesiti. Hogeesi mukha boch'u nama worqi tumu garaa jabeese, namichi burrisaani wo qulqulleesuleeni nama tuubo irati wo tumu garaa jabeese waan jed'uuni, saldaqaani baqu kunini dansa. Duuba inni waan mid'aasani woltid'ise chochou d'owa. Ammo isani, worri Israeli hojatu tiyya, gumi anini fohad'e, ta d'aloota Abrahamu ka jaala kiyya. Anini muumme lafati isaniini d'ufe moga lafa fagooti isani yaame waan isaniini jed'e, Isani hojatu tiyya. Anini isani indinne, ammo isani fohad'e. Tanaafi insodaatina, anini isani woliini jira! Anini Waaqa keesani wonti tokoleeni isani imudansisini! Anini isani jabeese isani qarqaare, irre isanii tahe harka kiyyaani isani baasa. Nami dallansu teesani qabu ch'eeraani dua, nami isaniini morku due lafa iraa bada. Ato nyaapa keesani barbaadanile inagartani; nami isani had'uleeni dandae woma isani intolchu. Anini AABBO, Waaqa keesani; harka mirgicha isani qabe, waan isaniini jed'u, Insodaatina, isani qarqaara. AABBO Waaqi waan jed'u, Israeli isani ato diqo muyole taatanile insodaatina; anini isani qarqaara. Nami isani baasu anuma, Waaqa qulqullo Israeli. Anini waan woini daakhani, ka ilkaani haareesa aka male qara qaba qabu, isani tolcha. Duuba isani gaarale ch'ach'absitani balleesitani kubile bulla tolchitani. Duuba isani qilleensati oldarbitani, qilleensi fuud'e, bubbeeni gargari firfirsiti. Duuba isani waan anini Waaqa keesani tahefi gammaddani ana, Waaqa qulqullo Israeli, faarsitani. Hojja hiyyeesi d'ipu qabu bisaani barbaade d'abu, ka lubbuuni isaa d'eebuuni gogodde, anini, AABBO Waaqi, kad'acha worraa d'agaya; anini Waaqi Israeli deebie worra illakisu. Anini gaara gubbaani isaa adaala ira galaana yaase, baleele maddisiisa, anini lafa gamooji haro bisaani tolche, lafa goddule madda bisaani tolche. Anini hind'eesafi d'adachafi qilt'afi ejersa lafa gamoojiti baasa. Adaala lafati anini badda mukeeni dodoti d'ed'eertu gosa sadii qabdu baasa. Nami waan kana arge imbeekha, aka anini AABBO Waaqi akasi tolche. Ammalle aka Waaqi qulqullooni Israeli waan suni tolche inhubatani. AABBO, Waaqi hayyuuni Israeli, waan kana jed'a. Isani waaqoota gosa d'ibi, dubbi qabdani dubbad'a. Waan jechu feetani jed'a! Arma koota, waan takaa tana taha nuti hima, aka duuba yo isiini taate nu beennu, waan duri tahe nu beesisa, waan isiini jettu nuti hima. Waan takaa tana nuti hima, duuba aka isani waaqoota sunini beenna! Waan dansa tolcha, yokhaani waan hamtuuni gadi koota; nu sodaachisa, nu mudamsiisa! Isanifi wonti isani tolchitanileeni woma keesa injirtani; nami isani kad'atuleeni kara badii keesa jira! Anini namicha ilaboru tau toko fohad'e, lafa mirgaa haasisa. Inni hayyoota aka d'oqe ira ejaanjata, aka nama okote faara mid'aasu ka d'oqe d'id'itu. Isani keesa, eenuti wonti sunini intaati jed'a, aka nu dandeenne inni d'uga dubbate jennu? Nami akasi jed'u injiru, nami tokoleeni ka waan isani jettani d'agaye injiru! Nami qara odu Sioniti odeese ana AABBO Waaqa; anini qonqo Yerusalemuti erge waan jed'e, worri kanke ya gale, kuno gad'ufu jira. Anini waaqoota d'ara suni millad'e. Worra, nama tokole ka wo jed'u, d'abe. Worri nami tokoleeni ka waan anini gaafad'e nati himu injiru. Waaqooti akana kunini ch'ufti woma keesa injirtu; isiini dandeete woma intolchitu — irreefi jabeenna womatu tokole inqabdu. AABBO Waaqi waan jed'u, Hojattuuni kiyya ka anini jabeesu kuno kana, inni nama ani fohad'e, isumati na gammachiisa. Anini ya lubbu tiyyaani isa guute tanaafi gochiti ch'ufti maqa isaatini d'uga argatti. Inni iyye lalabe kara keesati namati ingohu. Inni ilaadu meelatu inch'absu, yokhaani ifse lipiftu ind'aamsu. Nami ch'ufti kara isaatini d'uga haguma jiru jireenna jirtu argata. Inni ufi jibbaate garaa ilaafu haga lafa ch'ufa keesati d'uga jabeese guututi. Lafti fagoleeni seera isaa guddo teete eegatti. Waaqi gubba uume ballise, lafafi waan keesa jirale ch'ufa mid'aase, hafuura jireenna nama keesa tau ch'ufaa kenne, Duuba ammatana AABBO Waaqi waan hojatu isaatini jed'u, Anini, AABBO Waaqi, si yaame irre sii kenne, aka akasiini lafti ch'ufti d'uga argattu. Maro tanteetifi anini gosa ch'ufa wold'aqisa woliini tolfad'e, ifsa gosa d'ibi ch'ufatini d'ufa. Atini balla ila bante, nama hid'aansa dukanaa keesa tau keesaa baafta. Anini AABBO, maqaani kiyya sunuma! Anini guddinna kiyya waaqa d'ibii inkennu. Faaru nani faarsani waaqoota d'araatiini infaarsani. Wonti anini fage yayu guutamte. Ammatana waan haraa, ato isiini intaane, isaniti hima. Faaru hareetini AABBO Waaqa faarsa; lafti ch'ufti ha isa faarsitu! Isani worri baariini keesa yaufi wonti baariini keesati gala isa faarsa! Lafa fagootifi nami isi keesa tauleeni isa faarsa! Lafti gamoojitifi diri isiileeni ha Waaqa faarsani! Worri Kedarileeni ha isa faarsu! Worri dira Sela keesa tauleeni ha fiit'e gaara irati gammade sirbuti! Worri lafa fago keesa tauleeni ha AABBO Waaqa faarse guddisu! AABBO Waaqi aka janna had'iisa d'aqa; inni had'iisaa kurfefate guddo eegachuu jira. Inni lalabe iyye nyaapa isale dabsata. Waaqi waan jed'u, Anini ganna heddu ch'allise, gumi tiyya dubbi jalaa qabu dide. Ammo amma tana akuma niiti d'alaa ch'ininfattu waad'a. Anini kubileefi gaareeni ch'ufa balleese, buuyofi mukha ch'ufa gogosa. Anini galaana lafa gamooji tolche, haro bisaani gogosa. Anini gumi tiyya balla kara worri imbeenne gulaani deema. Anini dukana worraa ifsa tolche, lafa gooro qabdu worraa dirirsa. Waan kana anini tolchu male intau. Nama waaqoota d'ara d'ugeefate, waan harkaani boch'aniini waaqa keenna jed'u ch'ufa, aka hama ch'eersani balleesani. AABBO Waaqi waan jed'u, worra gurra inqamne ch'aqasa! Worra ila inqamne, aka dansaa ilaala! Nami aka ergattu tiyya balla injira? Nami aka ergattu tiyya duuda injira? Ee worra Israeli, isani waan heddu agartani, ammo gula iyaane, isani gurra inqabdani ammo womaanu ind'ageetani. AABBOONI Waaqa guddo nama baasu fed'u, tanaafi inni seerafi barsiisa isaa guddise, aka gumiini isaa beetu fed'e. Ammo ammatana gumi isaa yayu saamani, boolafi mana hid'aansa keesati naqani iti ch'ufaani. Worra saamani boojiani, nama worra baasule d'abani. Isani nami tokoleeni, ka waan kana ch'aqasu, jira? Armaa achi aka dansaa ch'aqaftu? Eenuti worra Israeli harka nama wosaamuti keenne? Nami nu iti ch'ubbamne AABBO Waaqaniti? Nu kara isaa gula yau dinne, seera isale ch'absine. Tanaafi inni gugubate nuti dallane gaargala woraana keesa nu buuse. Akuma ibida dallansuuni isaa Israeli keesati wo gubde, ammo nu waan suni inhubanne, womale iraa imbaranne. Ee Israeli, AABBO Waaqi ka isani uume, waan isaaniini jed'u, insodaatina, anati isani baasa. Anini maqumani isani yaama, isani kiyyuma. Hojja isani bisaani qile keesa buutanile anini isani woliini jira; yo galaana keesa deemtanile bisaani isani illiqimsani. Yo ibida keesa yaatanile ingubattani; bobai ibidaa woma isani tolchu. Wonti akanatiifi anini AABBO, Waaqa keesani, Waaqa qulqullo Israeli, ka isani baasu. Anini worra Misiritiini isani bite, worra Kushitifi ka Sebatini isani balchoomsa. Waan anini guddo isani maache, isani jaalad'e, guddinna isanii kennu fed'eefi, anini namaani lubbu teesani bita. Insodaatina, anini isani woliini jira! Lafa fagoo ta ilaborutiifi ta ila adu keesaa gumi tante galcha. Anini mirgaani, worra gad'iisi jed'e, bitaleeni galakisi jed'a. Ilmaani tiyya, ta lafa fagoo muumme lafa ch'ufa jirtu, naa galcha. Worri gumi tiyya, ta anini uume akasiini guddinna ira argad'e. Waaqi waan jed'u, gumi tiyya gayaama, worri ila qaba, ammo woma inargu, gurra qaba, ammo woma ind'agau! Gosa ch'ufa wolti yaama, ha wolti baatu. Waaqooti worraa ta dandeete waan takaa tana taha himtu, eenu? Waaqooti worra sunii, ka waan amma tahu jira kana himtu eenu? waaqooti worraa sunini ha d'ugaa ufi gayaamte, duuba d'ugaani isaani suni d'ufte dubbi waaqoota isaani suni d'ugeesitu. Gumi Israeli, isani d'uga tiyya; anini isani fohad'e, aka na male waaqi d'ibiini injirre hubattani. Na male waaqi d'ibiini injiru; durile injiru, takaa tanale injiru. AABBOONI anuma, ana male ka isani baasu injiru. Anini waan taha hime, duuba isani qarqaaru d'ufe. Waaqi d'ibiini taka waan akana kana intolchine, isani naa d'uga. Anini Waaqa, haga jiru jireennale Waaquma. Nami tokoleeni, ka irre tiyya jalaa bahu injiru, nami waan anini tolchu dandae jijiru injiru. AABBO Waaqi, Qulqullooni Israeli ka isani baase, waan jed'u, Anini duula Babiloniti erge akasiini isani baasa; anini balbala fullo dira ch'abse, iyyanti gumi isaa garagalte boha taati. Anini AABBO, Waaqa keesani qulqullo. Israeli, anumati isani uume, hayyuuni keesanileeni anuma. Duri AABBO Waaqi baariini keesati kara tolche daandi bisaani ke baase. Inni duula gudda baditi geese duula gaarifi fardaani yau. Worri jige, kau dad'abe, akuma ifse d'aamfani d'aame. Ammo AABBO Waaqi waan jed'u, waan duri tahe ded'a, waan dabre inheregina. Waan hareeti anini tolchu eegad'a. Wonti sunini tahuu jirti, isani amma ingartani! Anini lafa aloo kara ke baase, madda bisaani achiti isanii kenna. Bineensi alaaleni na guddise, sare diidatifi guchileeni na faarsiti, hojja anini galaana lafa gamooji ke baase gumi anini fohad'e bisaani obaasu. Worri sunini gumi anini uume tiyya tolfad'e, tanaafi isiini na faarsiti. AABBO Waaqi waan jed'u, Ee Israeli, isani yayu na dad'abdani na yaamachu diddani. Isani sorio hooliye teesani ta gubani na baasu diddani; isani sorio teesanini na inguddimne. Anini sorio naa baasa jed'e isani ingargalchine, yokhaani hit'aana na aarsa jed'e isani indad'absiimne. Isani hit'aana naa imbinne yokhaani gabbinna hori keesanitini na inquufsine. Ammo isani daba keesanini na gaargalchitani, wollaala isani tolchitanini na dad'absiiftani. Ammo hataatu, Waaqi daba isanii araaramu anuma, anini fed'uma tiyyafi akasi tolche. Anini deebie daba keesani isaniti inheregu. Gaadisa koraa na geesa, na himad'a! Dubbi himad'a, aka d'uga qabdani ufi agarsiisa. Ababoota teesani ta duri isani d'alteti daba tolche; nami isani dura deemu nati ch'ubbame, hayyooti teesanileeni mana kiyya qulqullo t'ureesite. Tanaafi anini badi Israelitini d'ufe, gumi tiyya miid'aati lakise. AABBO Waaqa waan jed'u, Israeli hojatu tiyya, na ch'aqasa, gumi anini fohad'e ta d'aloota Yakobo. Anini AABBO Waaqa, ka isani uume; haguma gaafa isani d'alattaniti anini ya isani qarqaare. Insodaatina isani hojatu tiyya, gumi tiyya ta anini jaalad'e fohad'e. Anini lafa d'eebicha bisaani iti buuse lafa goddule laga yaasa. Anini lubbu tiyya ijoolle teesani ira buuse, d'aloota keesanile eebisa. Worri aka buuyo ch'affa keesati baatu bahe, akuma gale afaani laga bisaaniti baatu lata. Nami toko, Anini ka AABBO Waaqa ufiini jed'e, ka d'ibileeni, Anini ka Yakobo ufiini jed'a, Ka d'ibileeni harka ufi irati, Anini ka AABBO Waaqa jed'e t'aafe, maqa Israelitini ufi yaama. AABBO Waaqi, ka worra Israeli fide qorqoratu, AABBO Waaqi guddaani waan jed'u, Anini ka qarati, ammalle ke eegeti, ana male waaqi d'ibiini tokoleeni injiru. Eenuti dandae waan anini tolche tolcha? Eenuti dandae aka kiyya waan qara tahefi waan takaa tana taha fage hima? Yo nami akasi jiraate ha himuti. Insodaatina, imudamina, gumi tiyya. Isani haga duritifi haga arrale aka anini waan taha hime imbeetani? Isanileeni amma d'uga tiyya. Na male Waaqi d'ibiini injira? Waaqi irre qabu d'ibiini, ka anini imbeenne, injira? Nami waan harkaani boch'ani waaqa tolfatu woma keesa injiru, wonti worri mid'aafate kad'atu sunileeni woma imbaatu. Nami waan akana kana kad'atuleeni balla, ammalle woma imbeekhu — worra inuma ch'eersani. Eenuti waaqa ufi mid'aafate akheekha isaa tolfata, ka wonti sunini ufiftu woma isaa imbaane? Nama waaqa suni kad'atu ch'ufa inch'eersani. Worri akheekha suni tolfatu namuma, waan d'ibiniti. Worri ch'ufti ha d'ufuti aka dubbi isaani qorani. Worra mudamsiisaniti ch'eersani. Tumtuni sibiila fuute, ibida keesa keete tumti. Inni harka ufi jabaani burrisa fuud'e, sibiila suni tume mid'aasa; huji suni irati inni beelae d'eebote dad'aba. Hogeesi mukhaleeni mukha biime, waan boch'u fed'u gangeese, aka dansaa qotooni boch'e, hoot'oni qulqulleese, akheekha namaa mid'aaga, ka mana keesa keeyatu, mid'aasa. Inni hind'eesa badda keesaa ch'ire, yokhaani gaddafi harufa badda keesaa mura. Yokhaani hind'eesa bokayaani eege oobrafa. Duuba nami mukha taka ira gama toko qoraani tolfate gama toko boch'e waaqa tolfata, ammalle gama toko ibidaani bobeese nafaani owifate qit'aani d'aabata; gama kaani d'ibi waaqa tolfate kad'ata. Mukha suni haga toko qoraani tolfate ibidaani bobeesa; fooniini wot'alate nyaate quufa. Duuba ibida qanqamate waan jed'u, ahi badaa, owi ibida kunini akami dansa! Inni kuta mukha ta hafte taani fuud'e boch'e, waaqa tolfate, durati ga jed'e kad'ate, waan jed'u, Atini Waaqa kiyya, na baasi! Nami akana kunini ch'ufti raatu, waan tolchuu jiru imbeekhu, worri suni qalbiifi ila ch'ufate d'uga argu dida. Inni qalbi qaabate, yokhaani nama wobeekhu taate, Anini mukha suni gama toko qoraani tolfad'e, ch'ile ibida irati qit'a d'aabad'e, fooni wot'alad'e nyaad'e, kuta mukha ta hafte taani waaqa tolfad'e badaa anini jirma mukha durati gajed'e kad'ad'a injed'u. Nami akana kunini namuma daara nyaatu fakaata. Daallumti isaa isa balleesite qarqaarsa isa d'owarti. Inni aka wonti inni harkaani mid'aafate kad'atu sunini waan d'ara, ka waaqa intahini, ee injed'u. AABBO Waaqi waan jed'u, ee worra Israeli, waan kama qaabad'a; isani hojatu tiyya, inded'ina. Anini isani uume hojatu tiyya isani tolche haga jiru jireenna deebie isani inded'u. Anini ch'ubbu teesani yayu aka dumansa dabarse; nati deebia, nami isani baasu anuma. Ee gubba gammadaani sirbi! Ee lafa, lalabi! Ee gaareeni, gammadaani sirba, mukeeni baddaleni ch'ufti ha sirbitu! Wonti akanatiifi AABBO Waaqi Yakobo baase, Israeli keesa guddinna ufi garsiise. Anini AABBO Waaqa, ka isani baase; anumati isani uume. Anini AABBO Waaqa, ka waan ch'ufa mid'aase gubbale qofuma tiyya dirirse; gaafa anini lafa mid'aase namu na inqarqaare. Anini dubbi falfalticha d'aareese dubbi nama ayyaana hedule balleesa. Anini dubbi worra qaro lafa buuse, qarooma worrale daallesa. Ammo hojja hojattuuni tiyya woi faddu, yokhaani hojja anini nama erge, beeni, herega kiyya biyyati himi jed'uuni, anini heregaafi fagisa suni inguuta. Anini waan Yerusalemuni jed'u, Nami deebie siti qubata; ammalle waan dira lafa Yudatini jed'u, Nami deebie isani jaara. Diri sunini ch'ufa ka qara bade ona tahe ammatana deebie dira dansaa taha. Anini waan bisaani baariinitini jed'u, gogoga, anini galaana keesanile ingogossa. Anini waan Koreshini jed'u, Atini tissitu tiyya, waan anini fed'u ch'ufa naa tolchita; atini Yerusalemu jaara, Mana Waaqale yayaba jetta. AABBO Waaqi yayu Koreshi fohate hayyu tolche! Wonti inni fohateefi, aka inni gosa ch'ufa dabsate, hayyoota ch'ufa miha isii iraa fuud'u, AABBO Waaqileeni balbala dira ch'ufa isa dura bana. Ammalle inni waan Koreshini jed'u, Anumati si dura deeme, gaareenifi kubilele balleese, lafaani woliqit'eesa. Anini balbala fullo ta sibiila diimani mid'aasani ch'abse sibiila isiile ch'ufa bulleesa. Anini fulla d'ossa, ta dukana keesaa, waan dansa sii kenna; akanaani aka anini AABBO Waaqa beete, aka Waaqi Israeli maqa keetiini si yaame hubata. Maro hojatu tiyya Yakobo yokhaani Israeli anini fohad'eefi maqa keetiini si yaame guddinna sii kenna ato atini na beekhu baatele. Anini AABBO Waaqa, ana male waaqi d'ibiini tokoleeni injiru. Ato atini na beekhu baatele, anini irre sii kenna. Wonti anini akasi tolchufi, aka nami lafa keesa jiru ch'ufti, aka ana AABBO Waaqa male waaqi d'ibiini injirre, beekhu. Anini ifsa mid'aase dukanale uume gaargalaafi nagayale namaatiini d'ufa. Waan kana ch'ufa ana AABBO Waaqa tolcha. Ee gubba, d'uga aka bokaya ga roobi, duumansi ha d'uga sunini d'ufu; lafti ha banamte baafami gadi yauti; d'ugaleeni ha woliini gadi baatu. Nami waan kana tolchu ana AABBO Waaqa. Okoteeni faara, ta okote ch'ufaani wolifakatu, dandeete nama isi mid'aaseeni woi imoromti? D'oqeeni faara nama isii mid'aasuni, Atini maani hojata injetti? Okoteeni faara nama isii mid'aasuni dandeete, Atini woma mid'aasu imbeetu injetti? Nami dandae abba ufitini, Atini maani d'alte? Yokhaani haad'a ufitini, maaniti garaa kanke keesaa si bahe injed'a? AABBO Waaqi qulqullooni Israeli, ka worra uume waan jed'u: Isani waan ilmaani tiyya na gaafatani yokhaani huji anini harka kiyyaani hojad'e nati himtani? Nami lafa mid'aase nama isi irati uume anuma. Harka kiyyaani anini gubba dirirse aduufi jiaafi urjileeni harka kiyya keesa jirti. Anumati Koreshi kaase, aka inni fed'i tiyya guute wo mid'aasu. Anini kara inni gula deemule ch'ufa inqajeelchaafi. Duuba inni dira kiyya jaare, gumi tiyya ta boojiani tisse tolchanile balchoomsa. Nami aka inni waan kana tolchu hori isaa kenne yokhaani isa gumbeese injiru. AABBO Waaqi waan Israeliini jed'u, Horiini lafa Misiritiifi ka lafa Kushi keesani tahe, worri d'ed'eeraani lafa Seba tisse isanii taha: worri suni ka sansalatani hid'aani isani gula yaa. Worri isani durati jilbifate waan jed'u, D'uguma Waaqi isani woliini jira, isa male waaqi d'ibiini injiru. Waaqi Israeli, ka gumi ufi baasu, Waaqa ufi d'ossu. Worra akheekha boch'ani waaqa tolfatu ch'ufa ch'eersani, worri ch'ufti ch'eeraani bada. Ammo AABBO Waaqati baafama haga jiru jireennatini worra Israeli baase, haga worri jiru ch'ufa ch'eeru d'owa. AABBO Waaqi gubba uume — Waaqi isuma! Inni lafa supe mid'aase, jabeese waan ind'umanne tolche. Inni lafa duwa imid'aasine, ammo fulla nami iti galu tolche. Ammalle inni waan jed'u, Anini AABBO Waaqa, waaqi d'ibiini injiru. Anini d'ossani indubbanne, yokhaani herega kiyya nama ind'ofanne. Anini worra Israelitini, lafa duwa keesa na barbaada injenne. Anini AABBO Waaqa, ka d'uga dubbate waan qajeela namati himu. AABBO Waaqi waan jed'u, gumi gosa ch'ufaa wolti koota, isani ka nyaapa keesani jalaa baatani, wolti baha! Worri mukha boch'e waaqa tolfate sunini yau, ka waaqa dandae nama imbaamne kad'atu, worra wo beekhuniti! Koota, dubbi teesani gaadisati himad'a; nami dubbi qabu ha wolgaafatuti. Eenuti waan taha kana duri fage? Ana AABBO Waaqaniti? Waaqi gumi ufi baase anuma, ka d'ibiini injiru. Nati deebia, baafama argad'a, isani gumiini lafa ch'ufa keesa jirtu! Waaqi anuma, na male kad'ibini injiru. Anini yayu kakhu jabdu kakhad'e, dubbini tiyya gara ingaltu: nami ch'ufti d'ufe, na durati jilbifate, aka naa saalfatu nati kakhata. Worri na baane, AABBO Waaqa ch'alla keesa d'ugaafi jabeenni jira jed'a. Nama isa jibbu ch'ufti yo isati d'ufu ch'eera argata. Anini, AABBO Waaqi, d'aloota Yakobo ch'ufa baase, duuba worrileeni na faarsa. Muummeeni waaqoota Babiloni tana! Belifi Nebo ka duri kad'atani amma harreeti faani baa ulfa hori dad'absiiftu iti, tahani. Wonti harkaani boch'ani suni dandeete ufi imbaaftu; yayu guurani boojiani gara d'ibi geesani. Muummeeni waaqoota Babiloni tana! Isani d'alooti Yakobo, ka gumi tiyya iraa hafe, na ch'aqasa. Haga isani d'alattani asi anumati isani qorqorate. Anini Waaqa keesani, ka haga isani jaartani arri baaftaniti isani qorqoratu. Anumati isani uume, ammalle isani qorqorate isani qarqaare isani baasa. AABBO Waaqi waan jed'u, Isani anaafi eenu woli bira qabattani? Nami aka kiyya d'ibiini injira? Nami borsa ufi bane worqi ga jisse miisana irati qarsi biima. Tumtu worqitii hori baasani, waaqa nu mid'aasi jed'aniini; duuba durati gajed'ani kad'atani! Jennaani gurmu ira keeyatani baatani, fulla iti mid'aasani achi dad'abani, duuba inni ka inchochone artuma eja. Yo nami d'ufe kad'atele, inni indubbatu, yokhaani gaargala keesaa isa imbaasu. Isani worri ch'ubbu, waan kana qaabad'a, waan anini tolchele herega. Waan duri tahe qaabad'a, Waaqi anuma, ka d'ibiini injiru. Anini Waaqa, nami aka kiyya d'ibiini injiru. Anini duriyu waan takaa tana taha fage; haguma duriti waan lafti taatu hime. Anini waan jed'e, mali kiyya inhanqatu wonti anini herege guutamtu male inteetu. Anini nama ilaboruuti gayaama, ka aka qoree wo bute waan anini herege ch'ufa guutu. Anini yayu jed'e, inuma guuta, yayu herege, inuma tolcha. Me na ch'aqasa, worra mata jajaba, ka waan dabsachaani fago jirtu sehu. Anini guyya dabsacha ya gad'ieese. Guyyaani sunini fago injiru. Baafami kiyya inturu. Anini Yerusalemu baase, achiti worra Israeli gurra iti tolcha. AABBO Waaqi waan jed'u, Ee Babiloni, barch'uma kanke ka hayyuma iraa bui, kooti, biyye keesa lafa tai. Atini qara dubra infuud'ini fakaata, dira ka takaa nami indabsatini, ammo armaa achi atini deebite laafte irre ind'abdu. D'akha daakhu fuud'i, mid'aani daakhi! Hagogo mata iraa fud'ad'i! Woya tante mimid'aadu baafad'i! Woya tante soqolad'i, galaana taaki. Biyyiti qulla tante agarte, ch'eeri kanke mullata. Anini haalo baafad'a, nami na d'owa injiru. Nami nu baasu Waaqa qulqullo Israeliti maqaani isaa AABBO Waaqa guddaya. AABBO Waaqi waan Babilonini jed'u, Dukana keesati ch'allisi tai; deebiani hayyiti lafa ch'ufa siini injed'ani! Anini gumi tiyyati dallane, isani deebitani na ind'aaltani jed'eeni. Anini harka kanke keesa worra buuse atini diqole worraa nahu didde; atini jaaroleele aka hama gaargalchite. Atini haga jirtu ch'ufa waan hayyiti taatu ufi seete ammo waan taate suni aka dansaa garaa keesa inkeyanne, yokhaani aka dansa inherenne. Duuba amma ch'aqasi, atini ka machi jaalate waan nagaya qabdu ufi seete, ana male nami aka kiyya injiru anini d'iirsa male intau, yokhaani ilmaanile ind'abu ufiini jette. Ammo d'iotu guyya tokotu, gaargali si qabate, ato haga feetu falfala tolfattele d'iirsafi ilmaanile d'abda. Atini, Namu na inargu jette ch'ubbu tante keesati ufi d'ugeefatte. Qalbiifi beekhi kanke si sobe, garaa kanke keesati, Ana male nami aka kiyya injiru ufiini jette. Ammo gaargali siti d'ufe falfala kanke ch'ufaani ufira d'owu dad'abda. Ammalle badiini tassa siqabati — ta atini taka waan isii inoobjatini! Murmafi falfala kanke kana tolfachuma tolfad'i, illakisini, ka atini haguma d'alate tolchuu jirtu. Hegeri wonti sunini si qarqaarte nyaapa kanke sodaachifti fa. Gorsi si gorsanileeni, irre womatu si intaane. Nami ayyaana hedu ka urji ilaalu, ka baati d'alatuni wo fage waan taha namati himu ha d'ufe sii baasuti. Worri sunini jirma buuyo ka ibidi gubu fakaata! Worri sunini dandae ibida suni jalaa ufi imbaasu, ibidi sunini waan nami qanqamaatuniti. Wonti worri haguma d'alattani isani gula yaatani wo gaafattani isani bahe sunuma. Worri ch'ufti kae isani biraa deeme kara ufi yae, duuba nama isani baasu d'abani. Worra Yakobo, ka Israeli jed'aniini, ka d'aloota Yuda, na ch'aqasa: Isani maqa AABBO Waaqatini kakhatani Waaqi Israeli Waaqa keenna jettani, ammo dubbini sunini d'ugaaniti, garaa inqabdani. Ammo ha taatu, isani kiyyibdani, Nu worra dira qulqullo keesa tau, ka AABBO Waaqa gudda Israeli d'aabbatu ufiini jettani. AABBO Waaqi waan worra Israelitini jed'u, Anini duriyu waan taha namati hime duuba waan suni yoosu tassa tolche guute. Anini aka isani mataa jabaatani aka sibiila taatani, additi teesani aka sibiila jabaatu imbeekha. Tanaafi anini duri waan isani takaa tana taatani isaniti hime, ato isiini intahini isani beesise, aka isani, waaqa nu harkaani boch'anne akheekha tolfanneti waan suni tolche injenne. Wonti anini qara hime taani ch'ufti yayu guutamte, amma dandeetani moromtani? Amma anini waan hareeti gad'ufa isaniti hima, dubbi d'ossani ta qara isani imbeenne. Wonti sunini waan anini amma tolchu ch'alla; wonti akana takaa duraani intaane. Ato sila taate isani, Nu waan isii qara ya beenne jettani. Anini imbeekha, aka nami dandae isani ind'ugeefanne yokhaani aka isani haguma duriti dubbi namaa diddani. Wonti isani waan kana ind'agayinifi tana, yokhaani wonti dubbini suni gurra keesa isani imbuinifi suni. Anini dallansu ufi d'owe dallanu dide isani balleesu lakisa aka akasiini nami na faarsu. Akuma qarsi ibida keesati bassani, anini ibida keesa isani buuse isani ilaalad'e. Ammo aka isani woma keesa injirre yayu arge. Anini waan tolchu kana ufumaafi tolcha. Anini akami dandae aka maqa kiyya balleesani ee jed'a? Anini akami guddinna kiyya nama d'ibiti dabarsa? AABBO Waaqi waan jed'u, Ee Yakobo, na ch'aqasa, worra Israeli ka anini yaame! Anini Waaqa, ka qaraatifi ka eegeleni anuma! Anini harka kiyyaani lafa yayabe gubba dirirse. Lafafi gubbaleeni hojja anini yaamu maro tokotu d'ufte na dura ejiti. Isani ch'ufti wolti baha, na ch'aqasa! Waaqi tokoleeni, ka aka nami anini fohad'e kunini Babiloni had'u fage injiru; nami suni waan anini fed'u male waan d'ibi intolchu. Nami isaani dubbate isa yaame anuma; anumati isaani d'ufe waan ch'ufa isa dabsachiise. Ammatana nati d'iaad'a, dubbi tiyya d'agaya. Anini haguma duriti takaa d'ossaani indubbanne, dubbi tiyyale ch'ufa la guute. (Ammatana AABBO Waaqi guddaani yayu jabeenna ufi naa kenne na erge.) Waaqi qulqullooni Israeli, AABBOONI ka isani baasu, waan jed'u: Anini AABBO Waaqa keesani ka dansuma teesaniifi isani barsiise, kara isani yau maltani isani qajeelchu. Ato sila seera kiyya ch'aqaftani, nageenni aka galaana haguma jiru inch'inne isaniti yae, d'ugaani teesanileeni akuma d'awa galaana isaniti d'ufti. Ilmaani teesani heddatte, akuma maansa galaana taate, maqaani worrale haga jiru na duraa imbadu. Babiloni keesaa yaa, worra Babiloni duraa baqad'a! Odu tana gammadaani lalaba odeesa, muumme lafale geesa; AABBO Waaqi yayu hojatu isaa Israeli baase jed'a. Gaafa inni gumi isaa lafa aloo ta gamooji keesani deeme worri ind'eebonne. Inni siida d'akha keesaa bisaani baase, d'akha falaansinaani bisaani gabaafatani. AABBO Waaqi waan jed'u, ch'ubbichi nagaya inqabu. Na ch'aqasa, gosa lafa fago teetu ch'ufa! Ato anini ind'alatini AABBO Waaqi na fohate hojatu na tolfate. Inni dubbi tiyya aka goraade qara iti tolche, harka ufitini jabeese na qorqorate. Inni aka t'iya na tolche, katelati na galche, kurfeese oli na kaye. Duuba inni waan nani jed'e, Ee Israeli, atini hojatu tiyya, maro teetifi biyyiti na faarsiti. Anini waan jed'e, Anini ya wo hojad'e, ammo wonti sunini woma imbaane! Anini irre tiyyaani wo tolche, ammo isiini lafumati badde. Ammo hataatu, anini d'uga gara AABBO Waaqati qaba; inni maro woi anini isaa tolchufi galata naa kenna. Ato anini ind'alatini, AABBO Waaqi na fohate, hojatu ufi na tolche aka anini worra Yakobo galche, worra Israeli ch'ufa fuud'e isati deebisu. AABBO Waaqi guddinna naa kenne, irre naa tahe na jabeese. AABBO Waaqi waan nani jed'e, Anini huji jabdu sii kennu qaba, hojatu tiyya. Atini worra Yakobo galchite, worra Israeli ka hafe guddinnati deebifte; ammo hagasi ch'allaniti, anini ifsa gosa ch'ufale si tolcha, aka akasiini lafti ch'ufti baafama kiyya argattu. Waaqi qulqullooni Israeli, ka worra baasu, waan nama tufatani, ka gochiti ch'ufti jibbite hayyooti hojattu tolfateeni jed'u: Hayyooti si agarte, si dura kaate, sii saalfati; ilmaani hayyootaleeni akasi agarte si durati gajejette si guddifti. Wonti woni kunini taatufi waan AABBO Waaqi hojatu ufi fohate Waaqi qulqullooni Israeli kakhu ufi guutufi. AABBO Waaqi waan gumi ufitini jed'u, hojja guyyaani isani baasani gahu, anini isanii nahe, kad'acha teesani isanii d'agaye isani tisse isani qorqorad'e, kara keesanini gosa ch'ufa wold'aqisa woliini tolfad'a. Lafa teesani ta amma badde ona taate tana keesa deebise isani qubachiisa. Ammalle anini waan jara hid'aansa keesa jiruni jed'u, Ga baha! Worra dukana keesa jiruleeni waan jed'u, Ifsaati ga baha! Worri akuma hooliye gaareeni gubba oole, adaala kubii ch'ufa ira d'eeda. Worri deebie beelae ind'eebootu. Aduufi owi lafa alooleeni worra woma intolchu. Wonti akanatiifi nama worraa nahuti worraani deeme madda bisaaniti geesa. Anini gaareeni gubbati kara gudda tolche, kara gumiini tiyya gula yaatu mid'aasa. Gumiini tiyya fago d'ufti, mirgaafi gama ila adule, ammalle gara Aswani ta bitale d'ufti. Ee gubba, sirbi, ee lafa gammadi, lalabi! Gaareenileeni ha farqatte sirbitu! AABBO Waaqi gumi ufi jabeese, nama isaa ka gaargala qabu naha. Ammo worri Yerusalemu waan jed'e, AABBO Waaqi yayu lafa na buuse! Inni yayu nu ded'e. Duuba AABBO Waaqi waan jed'uuni, Niitiini daima ufi ka d'alte indeeti? Yokhaani ilmaani isiini d'alte nahu indiddi? Ato isiini deetele anini haga jiru isani inded'u. Ee Yerusalemu, anini haga jiru dandae si inded'u! Anini yayu maqa kanke gana harka kiyya irati t'aafad'e. Nami deebie si jaaru d'ufu jira, nami si balleesu si biraa deema. Ufi d'aatu millad'i, waan tahuti jira ilaali! Worri kanke ya wolti bahe, gara kanke d'ufuu jira! Anini maqa Waaqa jirutini kakhad'a, atini akuma intalti fuud'ani faaya isiitiini shoobdu worra keetiini shoobda. Lafti tante qara ya badde ona taate ammo amma diqaate nama d'ufe iti qubatu fuud'u dad'abdi. Ammalle worra si balleese ona si tolche kaani siraa fageesani balleesani. Ilmaani tante ta gaafa worra kanke boojiani kaani d'alate, guyya toko waan siini jettu, lafti tunini ya nuti d'ipate, fulla ballo nu keesa teennu nuu kenni. Duuba atini waan ufiini jettu, Eenuti ilmaani tana ch'ufa naa d'ale? Anini ilmaani tiyya ya d'abe, ta d'ibile dandae ind'alu. Na boojiani, lafa d'ibi na geesani — ilmaani tana eenuti guddise? Kobuma na lakisani — ilmaani tunini eesa baate? AABBO Waaqi guddaani waan gumi ufitini jed'u, Anini gosa ch'ufa akheekha agarsiise harkaani yaama, duuba worri ilmaani teesani ta dubraatifi ta d'iirale baate worraa keesani galcha. Hayyooti abba isaanii taate, hayyitiini ch'ufti hawani isanii taati. Worri isani durati jilbifate isani guddise guddo isanii saalfata. Duuba isani akasiini aka anini AABBO Waaqa beetani; nami qarqaarsa kiyya eegatu ch'eera inargatu. Dandaani waan askartini saamte iraa fuud'ani? Nama nami hamani hid'e dandaani harka isaa keesaa imbaasani? AABBO Waaqi waan jed'uuni, wonti taha sunuma. Waan askartini saamte iraa fuud'ani nama nami hamani qabe harka isaa keesaa baasani. Anini nama isani had'u ch'ufa had'e ilmaani teesani baasa. Anini nama isani dabsu ch'ufa woli ijeesise, worri d'iiga woli aka farso d'uga. Duuba akanaani nami ch'ufti, aka anini AABBO Waaqa ka isani baase isani balchoomsu, beekhu. Ammalle akanaani Waaqa Yakobo ka irre qabu hubatani. AABBO Waaqi waan jed'u, Isani waan anini gumi tiyya, aka niiti d'iirsi ufi jalaa baasu, ufi jalaa baasu seetani? Yo akasi taate tatabeeni anini ufi jalaa baaseni meeti? Isani waan anini harka nama isani boojieti isani gurgure seetani? Akuma nama ilmaani ufi tisoomaa gurguru. Hiyo akasiniti, maro daba keesanitifi isani boojiani, maro ch'ubbu teesaniifi ufi jalaa isani baasani. Gaafa anini gumi tiyya baasu d'ufe, worri maafi na jalaa dide? Anini yaame jennaani worri maafi inowaatini? Anini irre worraani baasu inqabu? Anini dandae jechaani baariini gosse, galaana gamooji tolche, qurt'umini keesati galtuleeni bisaani d'abde hobaati. Anini dandae gubba dukaneese akuma nama nama due bohu tolcha. AABBO Waaqi guddaani yayu araba na qajeelche, aka anini nama dad'abi qabu dubbi t'iyaani jabeesu. Diirama ch'ufa inni na kaase, aka anini waan inni na barsiisu fed'u ch'aqasu. AABBO Waaqi yayu gurra kiyya bane aninileeni isati garagale isa indinne. Anini nama na d'aanu ufiti lakise, nama na arabse, areeda na hirkise hanchufa fuulati na tufe, ufira ind'owine. Ammo arabi worraa woma na intolchu, waan AABBO Waaqi guddaani na qarqaarufi. Anini garaa ufi jabeese araba suni ch'ufaa obse. Anini imbeekha, naa inch'eersani, wonti akanatiifi Waaqi ka na kalchu d'aatu tiyya jira. Nami dandae gaadisati na geese na himatu eenu? Dubbini teenna ha jaarole dura d'at'u! Inni ha himatuti! AABBO Waaqa guddati na qarqaara eenuti dandae wollaala nati mura? Nami na himatu ch'ufti imbada, akuma woya bilaachi nyaate balleesu. Isani keesaa nami AABBO Waaqa sodaate dubbi hojatu isaa saalfatu, ka ifsa male dukanaani deemu, ka maqa AABBO Waaqa abdate, Waaqa ufi d'aabbatu eenu? Isani ch'ufti ka ibida bobeesitani nama d'ibi balleesu feetani, karuma isani namati malatani suniini isani balleesani, AABBUMA Waaqati waan kana tolcha; isani badi hamtu argattani. AABBO Waaqi waan jed'u, Isani ka baafama barbaada nati d'uftani, na ch'aqasa. D'akha isani keesaa baatanifi boola isani keesaa qotani qaabad'a. Ababo keesani Abrahamufi Sara ta isani d'alte qaabad'a. Gaafa anini Abrahamu yaame inni ijoolle inqabu, ammo anini isa eebise, ilmaani kenneefi daraarse. Anini Yerusalemufi nama ona isii suni keesa taule, innaha. Ato lafti isii badde raasa taatele anini oobru tolcha, akuma oobru duri anini Edeniti oobre taani. Gammadafi qilit'ama achiti argani faaru na faarsani galata naa deebisani. Gumi tiyya, na d'agaya, waan anini jed'u ch'aqasa. Anini gosa ch'ufa barsiise seeri kiyyaleeni ifsa worraa taha. Anini hurrise d'ufe worra baasa, baafami kiyya d'io jira. Amumati harka kiyyaani gosa ch'ufa fida. Lafti fago na eedde irre tiyya abdatti. Gubba millad'a, lafale ilaala! Gubbaani aka aara badde, laftileeni aka woya ch'ich'ite, nami isii aka tiite hobaa. Ammo baafami, kiyya haga jiru jireenna taa, d'ugaani tiyya haguma jirtu imbaddu. Isani worri d'uga beekhu ka seera kiyyaa qalbi keesaa qabu, na ch'aqasa. Hojja nami arabse isani miid'e insodaatina, worri akuma waan raamooni nyaatte bada. Ammo d'ugaani tiyya haga jiru jireenna teete, baafami kiyya haga d'aloota ch'ufa taa. AABBO Waaqa, kai, nu qarqaari, harka keetiini nu baasi, akuma atini duri tolchite. Nami goorjama Rahabu jed'ani gargari ch'ire siiniti? Nami baariini gosse, kara bisaani ke baase, worra atini baasuu jirtu taakisiise siiniti? Nami atini baafte, gammadaani dira Yerusalemuti deebie sirbe qilit'ama. Worri haga jiru gammada, deebie bohe ilaalefatu. AABBO Waaqi waan jed'u, Nami isani jabeesu anuma isani maanifi nama sodaattani, ka inni buuyo ira ingoomne? Isani AABBO Waaqa ka isani uume gubba dirirse, lafale yayabe ya deetani? Isani maanifi hojja ch'ufa dallansu nama isani dabse isani balleesu fed'u sodaatani? Dallansuuni worraa ammatana dandeete woma isani intolchitu. Nama hid'aansa keesa jiru d'iotu gad'iisani, worri lafa irati lubbu bule sagale quufa. Anini AABBO Waaqa keesani, ka baariini chochoose, d'awa isii dibbisise. Maqaani kiyya AABBO Waaqa gudda! Anini gubba dirirse lafale yayabe. Waan anini worra Yerusalemutini jed'u, Isani gumi tiyya! Anini yayu isani barsiise harka kiyyaani isani qorqorad'e. Ee Yerusalemu damaqi, kai oli eji! Atini muduunu AABBO Waaqi dallansuuni sii kenne ya d'udde fooqifte, machoofte dadat'eeni. Nami siini deemu injiru, worra kanke keesa nami harka sii qabu injiru. Gaargali hamani yayu aka lama siti d'ufe: lafa tante yayu woraani qabate beelti balleesite. Nami sii nahu tokoleeni injiru. Nami kanke kara ch'ufa keesati gagagabe aka hiddi t'ururaani qabani taha. AABBO Waaqi yayu worrati dallane worra balleese. Worra Yerusalemu ka gaargali qabate, aka waan farso d'uge dadaaqu, AABBO Waaqi keesani isani kalche waan isaniini jed'u, Anini muduunu dallansuuni isani kenne taani isani iraa fuud'a, isani deebitani daad'i isani macheesite taani ind'uddani. Anini muduunu suni worra isani dabse kara keesa isani ch'iifsise, aka awaara isani ira ejaanjate kenna. Ee Yerusalemu, lafaa kai, garaa jabaad'i! Ee dira qulqullo, woya mid'aadu keeyad'i! Worri Waaqa imbeenne, ka aada inqamne, deebie fullo teetiini oli inseenu. Ee Yerusalemu, kai awaara gingilafad'i, barch'uma kanke ka hayyuma ira tai. Ee worra Sioni ka boojiani, sansalata isaniini hid'ani ufiraa fura! AABBO Waaqi waan gumi ufitini jed'u, gaafa tisse isani tolchani, beese male isani fud'atani, akasuma beese male gadi isani d'iisani isani balchoomsani. Gaafa isani lafa Misiriti godaantani achi teetani kaani, isani fed'uma teesanini achi d'at'ani; ammo worri Ashuru, beese male, irreeni isani fud'ate. Amma tana, AABBO Waaqi waan jed'u, wonti tahe kunini maani? Isani nama boojiani, beese male isani fud'atani. Worri isani mohatu hojja ch'ufa ufi guddise kiyyibe na tufata. Takaa tana isani aka anini Waaqa hubattani, ammalle aka anini isaniini dubbad'ele barattani. Miili worraa odu dansa nagaya odeesu akami mid'aaga! Inni baafama odeese waan Sionini jed'u, Waaqi kanke hayyu lafa mohatu! Worri lafa eegu gammaddani wolti lalaba. Worri iluma ufitini aka AABBO Waaqi Sioniti deebiu arga! Lalabi, sirbi, ona Yerusalemu! AABBO Waaqi dira ufi baase gumi ufi jabeesa. AABBO Waaqi irre ufi qulqullooni gumi ufi baasa, duuba waan suni lafti ch'ufti inargati. Kaa! Kaa! Armaa yaa, isani worri miha Mana Waaqa baatu! Waan qulqullo intahini tokole intuqina; ufi qulqulleesa, kaa, yaa. Isani hurre yaatani imbaqatanile. AABBO Waaqi keesani isa dura deeme, moga ch'ufa isani qorqorata. AABBO Waaqi waan jed'u, Hojatu tiyya hujiini isa ch'ufti ineebifamti isa guddo ulfeesani guddinna iti kennani. Nami hedduuni isa arge mame afaani qabata. Fuuli isaa aka iraa gore namale infakaatu. Ammo ammatana gochiti hedduuni waan isa mamte, hayyootileeni waan dubbatu d'abde afaani qabatti. Worri waan takaa imbeekhini arge hubata. Gumiini waan isani jettu, Eenuti d'aamsa keenna d'ugeefate? Eenuti dandae waan AABBO Waaqi tolche waan kana keesati arga? Inni AABBO Waaqa durati akuma mukha late, hiddi isaa lafa goddu keesati bahu jira. Inni guddinnaafi mid'aaguma nu isani millannu inqabu, wonti nami millate isaani jaalatu tokoleeni injirtu. Isa tufatani didani, inni gaargalaafi d'ukubsachale obse. Nami isa ilaalu injiru, nuleeni isa tufanne womatu indarre. Ammo inni gaargala keennafi laalefacha nu sila argannu fud'ate. Ammo nu hojja ch'ufa waan Waaqi gaargala suni isatini d'ufe seene. Ammo maro daba keennatifi isa woraanani, maro ch'ubbu teennatifi isaa d'aanani. Maro gaargala isaatiifi nu nagaya arganne, maro d'aanicha isatifi nu fayyisani. Nuuni ch'ufti aka hooliye banne, abbu kara ufi gula bahe. Ammo AABBO Waaqi ch'ubbu teenna ch'ufa isa ira kaye. Isa aka hama dabsani gaargalchani, ammo inni woma tokole indubbanne. Inni akuma ilmaani hoola, ta qalma deemaninifi akuma hoola rifeensa iraa ch'irani, ch'allise ufumaa eje. Isa qabani, wollaala iti murani, ijeechaa geesani. Nami tokoleeni waan isa tolchani suni iyyaalle. Isa maro daba gumi teennatifi ijeesani. Ato inni takaa wollaala tolche d'ara indubbatinile, worra ch'ubbu woliini isa awaalani dureeyyi woliini isa irreesani. AABBO Waaqi waan jed'u, Inni fed'i tiyya gula gaargale; duisi isa sorio dabaani namaa araaramani. Duuba akanaani inni lubbu bule ilmaani isa ch'ufa arge, fed'iini tiyyaleeni isani guutamti. Eegi guddo gaargale inni deebie gammada argate, aka gaargali isaa sunini wo namaa bahu beekha. Hojattuuni tiyya dansaani, ta guddo na gammachiiftu, ch'ubbu nama heddu fud'ata, aninileeni maro isaatiifi worraa araarama. Tanaafi anini fulla guddinna ta hayyooti gugurdoni irre qabdu teetu isaa kenna. Waan inni fed'i ufitini jireenna ufi baase worra ch'ubbu woliini duefi. Inni ch'ubbu nama heddu fed'ate, ammalle aka ch'ubbu worra suni araaramanifi Waaqa kad'ate. Ee Yerusalemu, atini qara niiti maseena fakaata, ammo ammatana gammadi, kobli sirbi. Ammatana atini nad'eeni takaa d'iirsi illakisini ira ijoolle heddu d'alta! Waaro atini iti galtu ballisi; haada isii d'eerisi, d'isa isii jabeesi! Atini seera lafa teeti mirgaafi bitati hiifate, nami keetileeni lafa gochiti d'ibiini amma keesa qubatu deefate, dira amma bade ona tahe kana nami guuta. Insodaatini deebiani si inch'eersani, yokhaani si indabsani. Ch'eera kanke ka gaafa atini kaimatifi ch'eekho atini aka haad'a hiyyeesaa teete deebite inqaabatu. AABBO Waaqi guddaani ka si uume d'iirsa si tahe, Waaqi qulqullooni Israeli, ka lafa ch'ufa fidu, si baasa. Atini niiti kaima, ta d'iirsi lakise gaargala argatte laalefattu fakaata. Ammo AABBO Waaqi ufiti si yaame, si deebise waan siini jed'u: Haga diqa toko anini si lakise ammo eege naasu guddooni si deefad'a. Anini maro dallansutifi haga diqa toko fuula siraa deefad'e, duuba eege jaalala ind'umanneeni si jaalad'a. AABBO Waaqi, ka si baasu, akana siini jed'a. Gaafa bara Nuhu kaani anini kakhad'e waan jed'e, Anini deebie lafa bisaanini imballeesu, ammatana anini aka deebie siti indallanne yokhaani si ingaargalchine kakhad'a. Ato gaareeni chochoosani kubilele balleesani, jaalalti anini isi jaalad'u ind'umatu, anini kakhu tiyya ta nagaya haga jiru jireenna jabeesa. AABBO Waaqi ka sii nahu akana jed'a. AABBO Waaqi waan jed'u, Ee Yerusalemu, dira qarqaarsa inqamne, ka gaargala qabu, ka nami tokoleeni ka garaa si jabeesu injirre, anini yayaba kanke d'akha ch'uluqaani jaara. Doofi tante d'akha diima ch'uluqaani jaare, fullo tantele d'akha bibiliquuni jaare, naabo tantele d'akhaye ch'ululut'uni jaara. Anumati ilmaani tante barsiise nagayafi hormaata kenneefi. D'ugaani si jabeesani, nama si dabse si mudamsiisu jalaa si baasani. Yo nami d'ufe si had'e anini quba inqabu; nami si had'u ch'ufti imbada. Anini tumtu ibida buufte woraana tumtu uume, askarti woraana sunini nama ijeeftule uume. Ammo woraani tokoleeni dandae woma si intolchu; nama si himatu ch'ufa waan jettuuni qabda. Anini hojatu tiyya ch'ufaa kalche, waan ch'ufa worra dabsachiisa. Dubbi tana AABBO Waaqati jed'e. AABBO Waaqi waan jed'u, Nami d'eebu qabu ch'ufti koota, bisaani kunooti! Isani worri beese inqamne koota, mid'aani bitad'a, nyaad'a! Koota, aananifi daad'i beese male fud'ad'a! Isani maanifi waan isani inquufsine beese iti baaftani? Isani maanifi ka beela imbaane beese teesani baaftani? Na ch'aqasa, dubbi tiyya gula yaa, sagale sagale ch'ufa ira dansa nyaad'a. Gumi tiyya, na ch'aqasa, nati koota; nati koota, jireenna argattani! Anini wold'aqisa haguma jiru jireenna jiru isani woliini tolfad'e eeba duri Dauditi kakhad'e isanii kenna. Anini hayyufi abba duula isa tolche, irre tiyya isaani worra garsiise. Isani gosa qara imbeenne yaamtani; worri qara isani imbeekhu ammo amma tana orie gara keesani d'ufa! Waan kana ch'ufa ana, AABBO Waaqa keesani, Waaqa qulqullo Israeliti, tolche, anini ulfinnaafi guddinna isanii kenna. AABBO Waaqa barbaada, hojja inni argamu, Waaqa yaamad'a, yo inni d'io jiru. Ch'ubbichi ha kara ufi lakisu, nami hameenna gula deemu ha herega ufi garagalfatu. Inni ha AABBO Waaqa keennati deebiu. Duuba inni naheefi hurrise araaramaafi. AABBO Waaqi waan jed'u, Heregi kiyya keesaniniti, karaani kiyyaafi keesanileeni gargara. Akuma gubbafi lafti gargari fago jirtu, heregaafi karaani kiyyaleeni keesani iraa fago jira. Dubbini tiyya bokaya gubbaa roobe lafa jiisu fakaati, ka mid'aani baase sanyi fach'aasanifi sagale nyaatani namaa baasu. Akasuma dubbini afaani kiyya keesaa baatu taati — isiini waan baateefi guutu male, lafati imbaddu; ammo waan anini ergeefi ch'ufa intolchiti. Isani gammadaani godaantani, nagayaani iti d'aabattani, gaareenifi kubileleeni gammadde sirba baafte, mukhileeni gammade harka d'aa. Fulla duri mogoreeni iti baatu, haruuni iti baate, fulla duri mukhi qoraati iti bahu qilt'aani iti baha. Tunini akheekha haga jiru jireenna tau taati, qaabacha waan anini AABBO Waaqi tolche. AABBO Waaqi waan jed'u, D'ugaafi qajeeluma tolcha, wonti akanatiifi baafami kiyya ya d'iaate. Anini nama guyya Sabato jabeese guute, akasiini t'ureesu didu, ka waan hamtu tolchu didu, ineebisaafi. Nami gosa d'ibi ka gumi AABBO Waaqati darame, AABBO Waaqi gumi isati na inheregu injed'ini, nami sangisisanileeni, Anini deebie woma ind'alu akuma mukha gogoge jira ufiini injed'ini. AABBO Waaqi waan nama akasi sunini jed'u: yo atini naa saalfate, guyya Sabato jabeesite waan na gammachiisa tolchite wold'aqisa kiyyale jabeesite, maqa kanke mana kiyya keesafi gumi tiyya keesaleti inuma qaabatani, haga nama ilmaani d'iiratifi ta dubra qabule ira. Haga jiru jireenna si inded'ani. Ammalle AABBO Waaqi nama gosa d'ibi ka gumi isati darame isaa jaalate isa hojate, guyya Sabato guute wold'aqisa isaa jabeesuni, waan jed'uuni, Anini Sioni, gaara kiyya qulqullooti, isani geese, Mana kiyya ka iti na kad'ataniti isani gammachiise, sorio isani naa baaftanile isani iraa fud'ad'a. Mana kiyyaani, fulla gochiti ch'ufti Waaqa iti kad'atu jed'ani. AABBO Waaqi guddaani ka gumi isaa ta Israeli ta boojiani galche, waan jed'u, Anini nama d'ibi ka boojianile galche, worra woliini teesisa. Bineensa ala, koota, bineensa badda keesa jiru tokole inhafina, koota nyaad'a. Jaaroleeni Israeli ch'ufti ta sila worra kiyya gorsitu balla! Worri woma imbeekhu, akuma sare wo eeddu ta indunne jira — ta ufumaa ch'iifte oobjatte iriiba ch'alla jaalattu! Worri sare sabdi woma inquumne fakaata. Worri tissitu woma imbeenne, ta fed'i ufi ch'alla gula deemte waan horattu ch'alla barbaaddu fakaata. Worri ch'ufti waan woliini jed'u, Koota, daad'i barbaanne, farso d'unne machoomna, guyyaani bori ka arrafa ira jira. Nami d'ugaa indua, ammo nami waan isaa herege yokhaani yaalu injiru. Ammo ato innileeni due, badiini tokoleeni ta isa qabatu injirtu. Nami d'ugaafi qajeelumaani deemu nagaya argate, yo duele lubbuuni isaa boqoti. Arma fulla qorsumati koota, dabdoole! Isani falfaltufi nama nad'eeni biyya baratufi sharmut'a ira injirtani. Isani eenu goyeesitani? Isani eenu miitani, teetani akana iti tabatani? Isani mukha woyyu jaalati woli d'araatani woli bira raftani. Isani ijoolle teesani goda d'akhaatifi bale keesati sorio baaftani. Isani d'akha qulqullicha achi fuutani, old'ad'aabdani, waaqa jettani kad'attani. Ammalle daad'i iti d'ibaafattani, mid'aani kennitaniifi. Isani waan anini waan kana ch'ufa iraa gammadu seetani? Ammalle isani gaareeni d'ed'eertu d'at'ani sorio baaftani achiti woliini raftani. Isani afaani balbala teesani yokhaani d'aatu mikhikila balabala akheekha waaqa keesani ka d'ara old'aabdani. Isani na lakiftani, woya yaafatani, sire teesani gugurdo kortani beese baaftani, nad'eeni woliini bultani, achiti waan d'araatanifi kaani ch'ufa quuftani. Isani qayya naqattani d'ad'a ibsatani, waaqa keesani ka Moleki jed'ani kad'achu d'at'ani. Isani barbaada waaqoota nama fulla ch'ufaa ergitani, fulla ekheraani teetuleeni baatani. Isani waaqoota d'ibi barbaaddani, ufi dad'absiiftani, jibbaachu dad'abdani. Ammalle waan irre isani qabdani tana waaqooti teesani ta d'ara suni isanii kennite seetani. AABBO Waaqi waan jed'u, Waaqi isani sodaachise lubbu isani naqu kunini kami kana, ka isani d'ara nati dubbatani na deetani? Waan anini guyya heddu afaani qabad'eefi na sodaachu diddani? Isani waan tau jirtani kana dansaa seetani, ammo anini ch'eera keesani mullisa, waaqooti teesani ta d'ara suni dandeete isani inqarqaartu. Hojja isani qarqaarsa kad'attani, waaqooti teesani ta d'ara suni ha isani qarqaartu! Waaqooti suni ufiftu qilleensi diqaani tokoleeni afufe balleesa! Ammo worri na d'ugeefatu lafa tana keesa tae Mana kiyya keesati na kad'ata. AABBO Waaqi waan jed'u, Gumiini tiyya ha naa galtu. Gufu ch'ufa duraa gorsa, kara ch'ira, kurfeesa! Anini Waaqa gudda, qulqullo, haga jirule tau. Anini gubba fulla qulqullo taa, ammo nama ch'ubbu iraa deebie ufi diqeesule woliini taa, aka akasiini garaa worraa jabeese abdi kennuufi. Anini duri gumi tiyya jireese duuba deebie worra inhimad'u, yokhaani haga jiru jireenna iti indallanu. Maro ch'ubbufi sabdooma worraatifi anini worrati dallane, tanaafi worra gaargalche yaala bahe. Ammo worri mataa jabaate, kara ufi lakisu dide. Anini waan worri tahe ya arge, ammo inuma fayyisa. Anini worra dura deeme qarqaare nama bohule garaa jabeesa. Anini nama fagootifi ka d'iole nagaya isanii kenna jed'e worra fayyisa. Ammo worri ch'ubbuu baariini wold'au fakaata, ka d'awani isaa ejachu dide t'uriifi d'oqeeni d'uftu. AABBO Waaqi waan jed'u, ch'ubbichi nagaya inqabu. AABBO Waaqi waan jed'u, Lalabi, aka magalata iyyii! Worra kiyya ka Yakobo, wollaalafi ch'ubbu worri tolche iti himi! Worri guyya ch'ufa na kad'ate waan jed'u, Nu kara kanke barbaanne, seera kanke guutu feena; nu seera d'uga siraa feena, ammalle sileeti d'iaachu feena. Biyyiti waan jettu, Nu maafi ufi agabsina, ka AABBO Waaqi waan suni nuu ingarre? Nu maafi sagale nyaachu dinna, ka inni nu iyyaalle? AABBO Waaqi waan worraani jed'u, Wonti anini akasi tahefi, waan isani guyya ufi agabsitani suni, fed'i teesani gula yaatani nama isanii hojatu dabsitanifi. Hojja isani ufi agabsitani suni, isani wolti kaatani harkaani woli geetani lafaa woli balleesitani. Isani waan, yo isani kara kanaani ufi agabsitani, anini kad'acha teesani d'agayu seetani? Isani hojja ufi agabsitani, ufumaa mata keesani aka ilaadu dadabsitani ch'arqifi daara keesa ch'iiftani ufi gaargalchitani. Agabuuni d'ugaa ta isani baantani suni? Isani waan anini waan suni jaalad'u seetani? Ufi agabsitini d'ugaa ta anini jaalad'u tana: sansalata isani namaani dabsitanifi qaampara isani namaani d'owartani balleesa, nama isani dabsitani gad'iisa. Sagale teesani nama beela qabuu kenna, hiyyeesa mana inqamne mana keesani bana. Nama qulla yau woya kenna, fiit'a teesani qarqaaru indidina. Duuba yo isani akasi taatani, eebiti tiyya aka adu ganama isanii ifsite mada teesanile yoosu fayyisani. Anini hojja ch'ufa isani woliini tae isani baase gama ch'ufa isani qorqorad'a. Hojja isani na kad'attani isani d'agaye, hojja isani na yaamatani isani jalaa owaad'a. Yo isani dabsiti nama dabsitani lakiftani, quba namati qabdanifi tufi nama tufatanifi dubbi hamtu namaani jettani yaalabatani; ammalle nama beela qabu quubsitani, nama gaargala qabu, gaargala keesaa baaftani, dukanti isani marsitu tunini garagagalte ifsa guyyaa taati. Aninileeni hojja ch'ufa isani dura deeme waan dansa isani quubse isani jajabeese fayya isanii kenna. Isani aka oobru bisaani quufte taatani maddo haguma jirtu ingonne fakaatani. Worri keesani dira bade ona tahe kaani yayabuma isa ka duri kaani irati jaara: duuba akanaani worra naabo ch'abt'eefi maneeni badde jaare isaniini jed'ani. AABBO Waaqi waan jed'u, yo isani guyya Sabato aka guyya qulqullo hereddani huji teesani guyya suni tolchu diddani guyya kiyya qulqullo sunini dansa jettani ulfeesitani imaltufi hujifi haasaa woma imbaane guyya suni lakiftani, gammada nami na hojatu argatu argattani. Lafa ch'ufa keesa ulfinna isanii kenne, isanileeni lafa anini abba keesani Yakobo kenna taani maachitani. Dubbi tana ana AABBO Waaqati jed'e. Waan harki AABBO Waaqa laafe nama baasu indandeenne insehina, yokhaani waan inni gurra d'abe kad'acha teesani ind'ageenne insehina! Inni maro ch'ubbu teesanitifi isani d'agayu dida. Ch'ubbu teesaniti Waaqaani gargari isani baasa, hojja isani kad'attani. Isani worra harka d'iigaati, ka afaani isaani d'ara dubbatani, ka harki isaani woma inhanqanne. Isani gaadisa koraa d'at'ani, dubbi d'araatiini nama himatani. Isani d'ara gula yaatani kara sunini d'uga barbaadani. Hameenna hereddani waan hamtu nama tolchitani. Isani hojja ch'ufa hameenna malattani waan suni harifatani tolchu feetani. Isani nama woma iyyakini d'iiga jissitani, fulla yaatani ch'ufati nama gaargalchitani balleesitani. Fulla isani baatani tokole lafti nagaya inqabdu. Wonti isani tolchitani tokoleeni d'uga inqabdu. Kara qajeela intahini gula yaatani, nami kara suni gula yau tokoleeni nagaya inqabu. Gumiini waan jettu, d'ugaani nuti ind'iaatu, nuraa fago jirti; nu ifsa barbaanna ammo dukana ch'alla argina. Aka balla jinjimanne guyya guddaani aka waan lafti halkani gugufanne, aka waan fulla Ekhera ta dukana jirru taana. Nuni ch'ufti aka goorjama d'anga d'oomne aka sabalisa boonna. Nu d'uga barbaanne d'amne, nami nu baasu nura fago jira. AABBO Waaqa, wollaali nu siti wollaale gudda; ch'ubbuuni teennaleeni nu himatti. Dabaafi ch'ubbuuni teenna guyya ch'ufa nu woliini jirti, dandeenne imormanu. Nu siini morkine si dinne, dudda siti gale. Nu nama dabsine, sile iraa gorre. Heregi keenna d'articha, dubbini teenna d'uga inqabdu. Akanaani qajeelumti badde d'ugaani fagaatte. D'ugaani gugufatte balchoomi fulla seenu d'abe. D'ugaani lafa keesa injirtu, tanaafi nama ch'ubbu lagatu gaargalchani balleesani. AABBO Waaqi waan kana arginaani, aka d'ugaani injirre hubate iraa laalefate. Inni aka nami nama dabsani qarqaaru injirre arge mame laalefate. Tanaafi inni harka ufitini worra suni baase dabsachiisa. Inni d'uga aka ubaara qomati keeyatte, baafama aka kofia sibiila matati keeyata. Inni herega waan hamtuuni balleesani aka woya uyifate. Nama nami dabse gaargalchale haalo baasa. Inni nyaapa isaatiifi worra lafa fago taule waan worri tolche gula gaargalcha. Ila borutiifi ila adule ch'ufa nami isa sodaate, nami ch'ufti maqa isaatiifi jabeenna isaale d'eeta. Inni akuma laga yau, ka qilleensi AABBO Waaqa yaasu, d'ufa. AABBO Waaqi waan gumi isatini jed'u, Anini Yerusalemu d'ufe, isanii kalche, nama keesani ka daba ira deebie ch'ufa baasa. Anini wold'aqisa isani woliini tolfad'a; anini yayu irre tiyya isanii kenne, dubbi tiyya isani barsiise; armaa achi isani naa saalfatani, ijoolle teesaniifi d'aloota worrale barsiiftani aka haga jiru jireenna worri naa saalfatu. Yerusalemu, kai, aka adu ifsi; guddinni AABBO Waaqa siti ifsuu jira! Gosa d'ibi dukanti d'ossite, ammo sii ifsa AABBO Waaqati ifsa; si keesati guddinni isaa bibiliqe mullata. Gochiti d'ibiini ifsa keetiti d'ufte, hayyootileeni ifsa kanke ka bariiti yaati. Me millad'a, waan taha kana ilaala: worri kanke wolti bahe siti galuu jira. Ilmaani tante ta d'iira lafa fagooti d'ufte, dubra tantele hamparaani d'ufanini. Atini waan kana arginaani gammade qilit'amta. Hormaati gosa d'ibi siti d'ufe, baariini gamale wonti worri qabu sii d'ufti. Geejibi gaalaa hedduuni ka lafa Midianitifi Efa d'ufe, worri Shebaleeni worqifi hit'aanaani d'ufe, odu dansa ta waan AABBO Waaqi tolche odeesani! Hooliye Kedaritifi ta Nebayothi ch'ufa sitiini d'ufani, sorio qalani waan mesa fakaata irati baasani, AABBO Waaqa gammachiisani. AABBO Waaqi mana isaa haga qara kaani ira mid'aasa. Hobolooni aka dumansaa yaate, aka sabalisa worra ufiti galu jirtu tunini maani? Hobolooni sunini lafa fagooti gumi Waaqatini d'ufti. Isiini qarsifi worqi maqa AABBO Waaqa qulqullo Israelitini guddisaniini d'ufti — Waaqa ka gosa ch'ufa gumi isaa guddisisu. AABBO Waaqi waan Yerusalemuni jed'u, Nyaapi naabo te jaare hayyooti worraleeni sii hojati. Anini duri dallane isani gaargalche, ammo ammatana isanii nahe eeba isanii kenna. Halkani guyya fullooni teesani banamte, hayyooti gosa d'ibi hori ufitini isanii d'ufti. Ammo gosa isani hojachu diddu lafaa iraa balleesani. Mukeeni d'ed'eertu badda Lebanoni sitiini d'ufani, mana kiyya qulqullooni barreesani dira kiyya mid'aasani. Duuba ilmaani worra qara si dabse taani d'ufte si dura gajejette si guddifte, worri duri si tufate kaani miilati jige si kad'ata. Duuba dira AABBO Waaqa, Sioni, dira Waaqa qulqullo Israeli siini jed'ani. Deebiani si jibbani aka dira bade ona tahe si biraa ingodaanani. Anini dira gudda mid'aaga si tolcha, ka hagu jiru jireenna nami keesati gammadu. Gosa d'ibifi hayyooti worraleeni akuma niiti daima hoosiftu si qorqoratti. Duuba atini akasiini aka anini, AABBO Waaqi si baase, Waaqi guddaani Israeli si balchoomsu beeta. Anini fulla sibiila diima worqiini sii d'ufe, fulla mukhaafi sibiila guraacha qarsifi sibiila diimani sii d'ufe, fulla d'akhaa sibiila guraachani sii d'ufa. Nami si mohatu deebie si indabsu; anati d'ugaafi nagaya worri namaani mohatu worraa kenna. Woraana deebiani si keesati ind'agayani — woni hamtuuni tokoleeni deebite si qabatte si imballeesitu. Anini naabo si tahe si qorqorad'a waan anini si baaseefi na faarsita. Ifsa guyya ka adu deebite imbarbaadu, halkanile ifsa jiale woma ira inqabdu; ifsaani kanke ka jiru jireenna anuma, AABBO Waaqa, ifsaani guddinna kiyyaleeni sii ifsa. Guyyaani kanke ka laalala inhobaa. Anini, AABBO Waaqi, ifsa jiru jireenna, ka aduufi jiale ira sii ifsu, sii taha. Gumiini tante ch'ufti waan d'uga tolchite, haga jiru jireenna laftileeni ta worraa tati. Anini worra oobre mid'aasa, aka nami ch'ufti guddinna kiyya argu. Worri kanke, ka nami isaa diqaa, gosa guddo irre qabdu taha. Hojja guyyaani gahe, anini waan kana hurrise tolcha; anini AABBO Waaqa. AABBO Waaqi guddaani yayu lubbu isaatini na guute. Inni yayu na muude na erge, aka anini odu dansa hiyyeeyiti odeese, nama guddo garaani laalala qabu fayyise, nama hid'aansa keesa jiru ha hiikhaani jed'e, nama hid'anile hiikha. Inni ya na erge, aka anini bara Waaqi gumi ufi baase nyaapa worra dabsatu himu. Inni ya na erge, aka anini nama bohu ch'ufa kibe garaa jabeese, nama Sioni keesati bohu jiru ch'ufa fulla laalala gammadafi qilit'ama kenne, fulla laalefacha faaru d'aachisu. Worri mukeeni AABBO Waaqi oobre fakaata. Worri ch'ufti waan dansa tolche, Waaqale waan inni tolcheefi faarsani. Worri dira bade ona tahe jaare, dira bara heddu balleesani mid'aasa. Gumi tiyya, nyaapi isanii hojate, ree teesani tisse, oobru teesani ta mid'aanitifi ta zabibu isanii fach'aase mura. Qaalole AABBO Waaqa isaniini jed'ani, hojatu Waaqa keenna jed'ani isani yaamani. Isani waan gochii d'ibiini horate soorattani, waan worraatini keenna jettani ufi saaddani. Ch'eerafi fokoni teesani ya hobaate. Lafa teesani keesa teetani hormaata keesani maro lama isanii darani, gammadi keesanileeni ka jiru jireennaa taha. AABBO Waaqi waan jed'u, Anini d'uga jaalad'e dabaafi ch'ubbu jibba. Anini d'uga gula gumi tiyyaa woi kenne wold'aqisa jiru jireenna worra woliini tolfad'a. D'alooti worraa gosa ch'ufa keesa gurra baafate, nami worra argu ch'ufti, aka worri gumi anini eebise, beekha. Anini AABBO Waaqa keesa gammade, waan Waaqi kiyya wo naa tolcheefi qilit'ama. Inni yayu woya baafama nati uyise, ubaara d'uga naa kaaye, akuma worri wolfuud'u faaya dadansa naqate ufi mid'aasu. Akuma sanyini fach'aasini baate latu, akasuma AABBO Waaqi guddaani gumi ufi baase gochiti ch'uftileeni isa faarsiti. Anini maro Yerusalemu inuma dubbad'a, haga Sioni baasani, d'ugaani isii aka ifse halkaniini bibilit'uti, afaani inqabad'u. Ee Yerusalemu, gochiti ch'ufti d'uga tante agarte, hayyooti worraa ch'ufti guddinna kanke argiti; maqa hareesa AABBO Waaqi sii kennuni si yaamani. Atini sure hayyu mid'aadu AABBO Waaqaa taata. Deebiani ta lakisani siini injed'ani yokhaani lafa tanteetileeni, Niiti d'iirsi baase injed'ani. Maqaani kanke amma, Waaqi ya isi jaalate taha, lafa tanteetileeni, Ta gammadaani fuud'ani jed'ani, wonti akanatiifi AABBO Waaqati si jaalate, lafa tanteeti d'iirsa taha. Akuma kaimi dubra fuud'u, ka si uumeleeni si fuud'a. Akuma nami dubra fuud'a intala iraa gammadu, akasuma Waaqi kanke siraa gammada. Ee Yerusalemu, naabo tante gubbati anini yayu nama lafa eegu kaye worri halkanifi guyyale afaani inqabatu. Worri waan AABBO Waaqi kakhate qaabsise ded'u isaa d'owu male. Ammalle worri isa hafuura baasu himmalle, haga inni Yerusalemu mid'aase, dira lafti ch'ufti faarsitu tolchuti. AABBO Waaqi yayu kakhu jabdu kakhate, jabeenna ufitini kakhu suni guuta: nyaapi kanke deebie mid'aani kanke inyaatu, nami gosa d'ibileeni deebie daad'i atini mid'aasite ind'ugu. Ammo isani ka mid'aani fach'aaftani murtani, qit'a nyaatani AABBO Waaqale faarsitani. Isani ka mid'aani zabibu guurtani, daad'i isii naabo Mana kiyya keesati d'uddani. Worra Yerusalemu, dira keesaa baha, worra keesani ka galu kara mid'aasa! Kara balla ch'ira, d'akha keesaa guura! Baandera oliqaba, gosa ch'ufa garsiisa. AABBO Waaqi yayu dubbi tana muumme lafati hime waan jed'e. Waan isani gumi Yerusalemutini jettani, me ilaala, nami isani baasu d'ufuu jira! Inni gumi baaseni d'ufuu jira. Gumi Waaqi baase isaniini jed'ani. Sileeni, Yerusalemu, dira Waaqi jaalatu, ka inni illakimne jed'ani. Kunini eenu, ka dira Bosra ka lafa Edomuti d'ufu? kunini eenu, ka woya diimtu mid'aadu keeyate, irre ufi guddooni deemu? Inni AABBO Waaqa, ka irre namaani baasu qabu, ka d'uga ch'alla dubbatu. Woyaani isaa maanifi aka woya nama mid'aani zabibu ch'ach'arase daad'i mid'aasu diimati? AABBO Waaqi waan jed'u, Anini yayu aka zabibu gosa d'ibi ch'ufa ch'ach'arase, nami tokoleeni ka d'ufe na qarqaare injiru. Anini dallansu tiyyaani worra ch'ach'arase, d'iigi worraleeni woya tiyyati t'it'iniqe balleese. Wonti akanatiifi guyyaani anini gumi tiyya baasu ya d'ufe guyyaani anini nyaapa kiyya gaargalchu ya gahe. Anini aka qarqaarsa nama iraa d'abe arginaani mame. Ammo dallansuuni garaa na jabeesite, kobuma tiyya worra suni dabsad'e. Anini dallansuuni gosa heddu ch'ach'arase d'iiga worraa lafati jisse. Anini naasufu jaalala AABBO Waaqa namati odeese waan inni nuu tolcheefi isa faarsa. Inni maro naasufi jaalala isaatiifi yayu gumi Israeli qarqaare guddo eebise. AABBO Waaqi waan jed'e, Worri kunini kiyya; na insobu. Tanaafi, inni gaargala ch'ufa keesaa worra baase. Nami worra baase malaikaniti, AABBO Waaqa. Jaalalaafi naasu isaatini inni worra baase. Inni qara duri hojja ch'ufa worra qarqaare, ammo worri isa dide, aka hama isa laalefachiise. Tanaafi AABBO Waaqi nyaapa worrati tahe worra had'e. Ammo eege worri waan bara duri gaafa hojatuni AABBO Waaqa Musani lafa jiru qaabate waan jed'e, AABBO Waaqi, ka jaarole gumi isaa baariini taakisiise, me? AABBO Waaqi, ka lubbu isaa Musaa kenne, me? Akuma looni bale marra qabduti bobaasani, akasuma AABBO Waaqi gumi ufi boqochiisa. Inni gumi isaatini deeme, akasiini gurra dansa argate. Ee AABBO Waaqa, gubbaa fulla atini qulqulloomafi guddinna keetiini teetu, nu ilaali. Atini maanifi nu yaalu didda? Irreeni tante meeti? Naasufi jaalalti tante meeti? Nu inded'ini. Atini abba keenna. Ababooti teenna Abrahamufi Yakoboni nu imbeekhani, ammo, ee AABBO Waaqa, atini abba keenna, ka guyya ch'ufa nu baase. Atini maanifi kara kanke iraa nu gorsita? Atini maafi garaa nu jabeesite, ufi sodaachu nu d'owarta? Hojatu tante, gosa atini duri fohate, jed'i gadeebii. Nu, gosa tante qulqullo, nyaapi d'ufe lafa teenna keesaa nu baase, mana kanke qulqullole seene t'ureese. Atini aka waan taka hayyu keenna intahini nu tolchite, yokhaani aka waan nu takaa gumi tante intahini nu tolchita. Atini maanifi gubba tarsaafte gadi imbuune? Sila gaareeni si garte, mudamte si durati holati. Gaareeni suni holate, aka bisaani ibida irati owani okote keesati woch'ani taati. Kooti, nyaapa kanke guddinnaafi jabeenna ke garsiisi, gosa ch'ufa ufi durati mudamsiisi. Gaafa toko atini d'ufte, waan nama mudamsiisa, ka nu insehatini, tolchite gaareenileeni mudamte holate. Nami tokoleeni takaa Waaqa aka keeti, ka nama isa abdatu wo bahu, arge ind'ageenne. Atini nama gammadaani d'uga gula deeme kara kanke jabeese qaabatu qarqaarta. Ato atini nuti dallantele, nu daba iraa indeebine, hojja ch'ufa inuma tolchina. Ato dallansuuni tante guddo taatele, nu haguma duriti ch'ubbuma gula yaane. Nu ch'ufti nama dabaati, hujiini teenna dansaleeni ch'arqi t'uriti fakaati. Maro daba keennatifi nu baala mukha ka qanch'oorate, qilleensi fud'ate, fakaanna. Nami tokoleeni si iyaamatu, tokoleeni qarqaarsa siraa imfed'atu. Atini ya fuula kanke nu d'ofate, maro ch'ubbu teennatifi nu balleesite. Ee AABBO Waaqa, atini abba keenna. Nu d'oqe faara fakaanna, ammo atini nama isii supe mid'aasu fakaata. Atini harka keetiini nu uumte, akana nuti indallanini yokhaani ch'ubbu teenna haga jiru jireenna nuti inheregini. Nu gumi teeti, nuu nahi. Diri kanke qulqullooni ch'ufti ya bade lafa aloo tahe; Yerusalemuleeni ya badde ona taate, ammalle mana keenna mid'aaga qulqullo, duri ababooti teenna keesati si faarsite, ya ibidaani gubani. Fullaani mimid'aaduni ch'ufti ya badde ona taate. AABBO Waaqa, wonti kunini ch'ufti si ind'ibdu? Atini maafi afaani qabate gaargala hagana gahu kana nuti lakifte? AABBO Waaqi waan jed'u, Anini kurfo jira, aka kad'acha gumi tiyyaa d'agau, ammo worrati na kad'achu dide male. Ammalle anini aka worri na barbaadu iti kurfo, ammo worrinu iti ingamne. Gochiti sunini takaa na inkad'anne, ato anini guyya ch'ufa, anini kunooti kurfo jira, isani qarqaara, jed'eenilee. Anini haguma duriti harka balliseti, worra mata jabaate, na dide, kara ufi gula yau kana yaama. Worri ch'ufti waan ch'eera tahe na dallansiise oobru woyyu keesati sorio baase, waaqa d'araati d'akhaye irati hit'aani aarse. Halkani worri godaafi irreesa d'aqe ekhera wo gaafate. Worri fooni booyye nyaate fuuto fooni sorio waaqa d'araati baasani d'uga. Duuba worri waan nama d'ibiini jed'u, Nuti ind'iaatiina, nuraa fagaad'a, nu intuqina, nu nama qulqullo! Worri seeruma hafuura ani baafad'u, woma keesa injiru dallansuuni anini worrati dallanu ibida haguma jiru ind'aamne fakaati. Anini qara waan worra tolchu la herege t'aafe. Anini waan worri tolche suni argaa dandae afaani inqabad'u ammo maro daba worraatifi ka ababoota worrale haalo baafad'a. Worri gaara irati sorio gubbaani baase kubile irati na arabse. Tanaafi anini waan worri tolche suni gula haalo baafad'a. AABBO Waaqi waan jed'u, Nami mid'aani zabibu dansa balleesu injiru, ammo fulla balleesu daad'i mid'aasa. Aninileeni gumi tiyya ch'ufa imballeesu nama naa hojatu anini inuma baasa. Anini worra Israeli ka gosa Yuda daraarse, d'alooti worraleeni lafa tiyya ta gaareeni d'aala. Ammalle gumiini anini fohad'e, ta naa hojatu, achi teeti. Duuba worri na kad'ate, loonifi reeni worraaleeni diida Sharoni gama ila adutifi bale gaargala Akori gama ilaborule tikhati. Ammo isani worri na lakise gaara qulqullo yaala bahe waaqoota milkifi ayyaana ta Gadifi Menini jed'ani kad'atu, aka d'ibi taha. Waan anini isani yaame jennaani na jalaa didani dubbi tiyyale ch'aqasu diddaniifi, amma wonti anini isanii heregu, aka woraanani isani balleesani isani fit'ani. Isani seera kiyyale diddani hameenna fohatani gula baatani. Tanaafi AABBO Waaqi guddaani waan jed'u: Worri na kad'ate seera kiyya guutu aka dansaa nyaata d'ugaati qaba ammo isani gaargala beelafi d'eebu qabdani. Worri ingammada, ammo isani inch'eersani. Worri gammade sirba, ammo isani garaa hammaatani laalefatani bootani. Gumiini anini fohad'e maqa keesanini nama abaarti. Ana, AABBO Waaqa guddati, isani fit'a; ammo nama naa saalfatu maqa haareesa kennaafi. Nami lafa suni ka eeba nama ira fed'atu, maqa Waaqa d'ugaatini naa eebisi namaani jed'a. Nami kakhu kakhatuleeni maqa Waaqa d'ugaatini kakhata. Gaargali qara lafa jiru hobae deebie inqaabatani. AABBO Waaqi waan jed'u, Anini lafa hareetifi gubba haraa uuma. Waan duri lafa jira deebiani inqaabatani. Maro waan anini uume sunifi, gammada, qilit'ama. Wonti akanatiifi Yerusalemu hareetiini anini uume fulla gammada taate, gumiini isiileeni gammadi. Anini Yerusalemu iraa gammade, nama isiile maacha. Deebiani achiti imbohani yokhaani ilaalefatani. Daimi ch'araqoni deebie indeebiu nami guddaleeni haga jaare hobauti lubbu ind'abu. Nama ganna d'ibba tokoti duu kaimati heregani; nama ganni d'ibba ingahiini ka due abaarsa qaba jed'ani. Mana jaaratani ke taani, oobru zabibu oobratani iraa nyaatani. Mana nami toko jaare nami d'ibiini iti ingalu; yokhaani oobru nami toko oobre nami d'ibiini inyaatu. Akuma mukhi lafa irati turu, gumiini tiyyaleeni lubbu bulte lafa irati turti, ammalle worri anini fohad'e waan hojate ch'ufa bara heddu iraa gammada. Hujiini worraa ch'ufti tolte eebifamti, ijoolleeni worraleeni gaargala inargattu. Ammalle anini worraafi d'aloota worrale haga jiru jireenna eebisa. Ato worri na iyyaamanne anini d'agayaafi, ato worri tae na kad'atu jalaa qaba. Yaifi ilmaani hoola woliini d'eedde, nyeench'ileeni aka looni buuyo nyaate, bofileeni deebie nama inyaatu. Gaara kiyya qulqullo gubbati waan hamtu intolchani yokhaani woma inijeesani. AABBO Waaqi waan jed'u, gubbaani barch'uma kiyya, lafti fulla anini miila d'ad'abad'u. Mani isani naa jaartani me re? Fullaani anini hafuura iti baafad'u eesa taati? Nami lafafi gubba uume anumaniti? Nami anini iraa gammadu, nama ufi diqeese ch'ubbu lakise, na sodaate naa saalfatu. Nami woma fed'u taha. Wonti ch'ufti worraa waan tokotu, ato jibicha korma sorio baasani, yokhaani nama sorio baasanile; ato ilmaani hoola qalani, yokhaani sare morma ch'absanile; ato mid'aani Waaqaa baasani, yokhaani d'iiga booyye d'ibaayu baasanile; ato hit'aana aarsani, yokhaani waan harkaani boch'ani kad'atanile. Worri aada hamtu akana, ta waaqaani kad'atani tana, tolfate iraa gammada. Tanaafi anini badi worri sodaatu itiini d'ufa wonti akanatiifi hojja anini worra yaamu, nami na jalaa owaatu injiru, hojja anini dubbad'ele nami na ch'aqasu injiru. Worri waan hamtu tahe waan na ingammachiimne gula bahe. Isani worri AABBO Waaqa saalfate isa sodaatu, waan inni jed'u ch'aqasa: Waan isani nama kiyya taatanifi, nami keesani ka gari isani jibbe, isani hanqata. Worri isani goyeese waan jed'u, AABBO Waaqi ha guddinna ufi isani agarsiise isani baasu, aka nu akasiini gammada keesani agarru. Ammo worruma akasi jed'u suni ch'eersani! Ch'aqasa! Iyyanti dira keesaa d'uftu, yokhaani lalabi Mana Waaqa keesaa d'ufu sunini qonqo nyaapa AABBO Waaqi haalo baafatuti. Diri kiyya qulqullooni niiti tassa, ato ilmaani iti ineejatini d'altu fakaata. Nami taka waan kana arge d'agaye injira? Gochiti guyya tokooni d'alate injirti? Sionini akuma ilmeeni iti ejateeni yoosu d'alti. Waan anini gumi tiyya fulla d'alaatini d'ufe d'alu d'owu seetu? Dubbibbi suni AABBO Waaqati jed'e. Yerusalemu woliini gammada; isii jed'a, gammada, isani nami isii jaalatu ch'ufti! Ammatana woliini gammada isani worri qara isii bohe ch'ufti! Akuma daimi haad'a ufi hod'e quufu, isanileeni waan isii keesaa baha d'uddani quuftani. AABBO Waaqi waan jed'u, Anini hormaata haga jiru jireennatini isii d'ufe, hormaati gosa ch'ufaa akuma laga yae inch'inne isaniti yaa. Isani daima haati hoosifate hamparte ufirati sirbisiftu fakaatani. Yerusalemu keesa, anini akuma haati ilmaani ufi tabsiifte bohu d'owartu, isani tolcha. Hojja waan kana ka tahe gartani, gammaddani fayyaafi jabeenna argattani. Duuba aka anini, AABBO Waaqi, nama naa saalfatu qarqaare nyaapa kiyyati dallanu, beetani. AABBO Waaqi ibidaani d'ufe, gaarini inni yaabatu aka bubbe utaale, inni nama iti dallane gaargalcha. Inni ibidaafi goraadeeni nama lafa ch'ufa keesa jiru, ka wollaala qabu, gaargalcha — nama heddule infit'ani. AABBO Waaqi waan jed'u, worra ufi qulqulleese, aada hamtu waaqoota d'ara tolfate, oobru woyyuti wolgula yae, booyyeefi hantutafi sagale t'uri d'ibi nyaate, muummeeni worra ya d'iaate. Anini heregaafi huji worra imbeekha. Duuba anini d'ufe nama gosa ch'ufa wolti baasa. Worri yo wolti d'ufe, waan irreeni tiyya tolchu dandeetu arge, aka nami worra gaargalchu anuma beekha. Ammo anini worra nama haga gari lakise, gosafi lafa fago, ta gurra kiyyaafi jabeennaafi guddinna kiyya ind'aagayiniti erga: lafti suni Tarshishi, Libia, Ludi ta nami isii t'iyole ammalle Tubalifi Yavani. Duuba gosa tana keesa worri guddinna kiyya odeesa. Worri nama gosa teesani ch'ufa gosa d'ibi keesaa galche naa kenna. Duuba fardaafi gaangeefi gaalafi gaarini gaara kiyya qulqullo Yerusalemutini d'ufani, akuma worri Israeli mid'aani Waaqaa baasani miha woyyuti naqe mana Waaqatini d'ufu. Anini worra suni haga gari qaaloleefi worra Lawi tolcha. Ammalle AABBO Waaqa waan jed'e, Akuma gubba haaraafi lafti hareetini jabeenna kiyyaani teetu, akasuma d'alootafi maqaani keesani taa. Jila baatitiifi ta Sabato ch'ufa nami gosa ch'ufaa wolti bahe arma Yerusalemu keesati na kad'ata. Worri hojja galu, reefa worra na dide arga. Raamooni worra nyaatu haguma jirtu indootu, ibidi worra gubu haguma jiru ind'aamu. Reefa suni nami ch'ufti ilaani jibba. Tunini dubbi Yeremia, ilma Hilkia, qaallicha toko, ka dira Anathothi, lafa Benjamini keesa. Bara Yosiani, ilmi Amoni, hayyu Yuda, ganna kud'ani sadeeso ka mootuma isaa AABBO Waaqi Yeremiani dubbate. Ammalle gaafa Yehoiakimuni, ilmi Yosia, hayyu Yudale dubbateeni. Eegi sunile AABBO Waaqi maro heddu isaani dubbate, haga ganna kud'ani tokeeso, ka Sedekia, ilmi Yosia, lafa mohate. Jia shaneeso ka ganna suni, worra Yerusalemu boojiani. AABBO Waaqi waan nani jed'e, Anini ato si inuuminu si fohad'e, ato atini ind'alatinu koba si baase, raaga gosa ch'ufaa si tolche. Jennaani anini waan jed'eeni, AABBO Waaqa gudda, me ilaali, anini ijoolle, dubbi imbeekhu. Ammo AABBO Waaqi waan nani jed'e, Anini ijoolle injed'ini beeni, nama anini iti si ergu ch'ufa d'aqi, waan anini jed'i siini jed'u ch'ufa iti himi. Anini si woliini jira, woma insodaatini, anumati si qorqorata. Nami waan kana jed'e ana, AABBO Waaqa! Jennaani AABBO Waaqi harka d'eerefate, afaani na tuqe waan nani jed'e, me ilaali, anini dubbi afaani keesa si kaya. Anini arra lafafi gosa keesa teetu ch'ufa harka keetiti kenna, aka atini buqifte qaarifte, balleesite, dabsatte, ijaarte oobruti. AABBO Waaqi, Yeremia, atini maani agarta? Jed'e na gaafate. Anini waan jed'eeni, Anini dame qolaati arge. AABBO Waaqi waan nani jed'e, D'uguma baanta, Anini dubbi tiyya eeguu jira aka isiini guutamtu. Jennaani AABBO Waaqi ammalle naani dubbate waan jed'e, Waan kana male maani d'ibi agarta? Anini waan jed'eeni okote mirga ejitu, ta bisaani keesaa woch'ani, ta diquma garana inqariini arge. Inni waan nani jed'e, Badiini mirgaa gabaafate nama lafa tana keesa jiru ch'ufa qabati; wonti akanatiifi anini gosa mirga teetu ch'ufa, koota jed'e yaamuu jira. Hayyooti worraa barch'uma isi fullo Yerusalemutifi d'aatu naabo isaatifi d'aatu dira Yuda d'ibile ch'ufa d'ad'aabatti. Anini gumi tiyya ingaargalcha, waan worri nati ch'ubbamefi. Worri na lakise, waaqa d'ibii sorio baase, waaqa harkaani boch'ani mid'aafate kad'ate. Ammo atini mart'ifad'i, kurfefad'i, beeni, waan anini, Jed'i siini jed'u ch'ufa worrati himi. Amma worra insodaatini, yokhaani anini gaafa atini worra woliini jirtu hagasi ira si sodaachisa. AABBO Waaqi waan nani jed'e, Beeni, Yerusalemu d'aqi, waan nama isii ch'ufaani jettu, AABBO Waaqi waan jed'u, Anini imbeekha, aka atini gaafa kaima na d'ugeefatte, gaafa anini si fuud'e na jaalatte. Atini lafa gamooji keesa na gula deemte, lafa nami takaa infach'aasini. Ee Israeli, atini gaafasi tiyyuma worra qulqullo anini qara d'ale. Anini gaargalafi badi nami siti game ch'ufatini d'ufa. Nami dubbi tana jed'e ana, AABBO Waaqa. Dubbi AABBO Waaqa d'agaya, isani d'alooti Yakobo, ka gosa Israeli. AABBO Waaqi waan jed'u, Ababooti teesani wollaala maani narati garteefi naraa fagaate waan woma intahini gula yaate ufile akasuma taate? Worri, ato anini lafa Misiri keesaa baase lafa aloo ta gamooji lafa d'eebicha ta maansa qabdu, lafa goddu gaargala heddu qabdu, ta nami tokoleeni iti qubate yokhaani imaltule keesa indeemne, keesa worraani deemele, diqole na iyyaalle. Anini lafa gabbo wo qabduni d'ufe, aka worri mid'aani isiitiifi waan dansa d'ibi isiini baaftu nyaate gammadu. Ammo fulla suni worri lafa tiyya balleese, lafa anini d'aalaa worraa kenne t'ureese. Qaaloleeni, AABBO Waaqi me? Jette ingaafanne. Qaaloleeni tiyyaleeni na imbeenne. Jaaroleeni na didde, raagootileeni maqa Baalitini wo fadde, waan woma keesa injirre gula yaate kad'atte. Tanaafi anini, AABBO Waaqi, gumi tiyya ammalle himad'a d'aloota worrale ch'ufa. Lafa Kitimu jed'ani ta ila aduu d'aqaa, lafa Kedari ta ilaborule nama iti erga. Duuba inagartani, aka wonti akana kunini takaa lafa keesati intahini. Gochiti d'ibiini ta taka waaqa ufi jijirate injirti? (Ato inni waaqa woma keesa injirre tahele.) Ammo gumiini tiyya yayu naa jijiratte, ana, Waaqa gurra worraa kenne, lakifte, waaqa woma keesa injirre gula yaate, Tanaafi anini gubbaani, mudami holad'i, mami, maadefad'i jed'eeni. Wonti akanatiifi gumiini tiyya yayu kara lamaani ch'ubbu tolchite: Worri yayu ana madda inch'inne lakise, qaba bisaani, ta babaqat'e bisaani keesa inteenne heddu qotate. Worri Israeli tisse? Tissooma keesa d'alate? Maafi nyaapi had'e balleesa re? Nyaapi sunini aka nyeench'a worrati itane, lafa worraa balleese, diri worraleeni bade, ona tahe lafati hafa. Ammalle, worri Nofutifi ka Tahapanesi ya d'ufe buqe mata worraa ch'abse. Ee Israeli, waan kana isanumati ufitini d'ufeeniti? Ka AABBO Waaqa keesani, gaafa duri inni isaniini godaane lakiftani. Mala keesaani, isani yo lafa Misiri d'at'ani, bisaani galaana isii d'uddani, waan woi keesaa argatani seetani? Mala keesaani, isani yo lafa Ashuru d'at'ani, bisaani galaana Frati d'uddani, waan woi keesaa argatani seetani? Hameenni keesani isani gaargalche, badiini isani naraa baddani wollaala isaniti murti. Aka hojja isani na lakiftani na gula deemu diddani, wonti sunini hamtu, herega, arga. Nami dubbi suni jed'e ana, AABBO Waaqa gudda. AABBO Waaqi guddaani waan jed'u, Ee Israeli, isani duri dubbi tiyya lakiftani naa saalfachu diddani, waaqa d'ibi kad'atani kubilee d'ed'eertu ch'ufafi mukeeni gugurdo ch'ufa jalati waaqa d'araa kad'atani, huji sharmut'oma tolchitani. Anini duri aka sanyi zabibu dansaa isani oobre, amma waan isani taatani laala. Isani mukha zabibu, ka shame woma imbaamne, fakaatani. Ato isani sabuna beekhaanileeni ufi d'it'ani, t'urini ch'ubbu teesani isani iraa imbaatu, anini inuma arga. Isani akami, Anini t'uri inqabu, anini takaa waaqa Baali jed'ani inkad'anne jettani? Ch'ubbu isani bale keesati tolchitani, ilaala, hubad'a. Isani aka hala gaala ta ufuma badde, lafa gamooji keesa lafa martu fakaatani. Yo isiini daarimte korma feetu, eenuti d'owu dandaa? Kormi isii barbaadu gaargala womatu inqabu; isiini yo kormi yaabu ch'ufa kurfo jirti. Ee Israeli, ufumaa teetani miila keesani indad'absisina, yokhaani waaqa d'ibi gula deemtani lubbu teesani ingogosina. Ammo isani waan jettani, Hiyo, nu dandeenne illakimnu, nu yayu waaqa d'ibi jaalane, isuma gula baana. AABBO Waaqi waan jed'u, Akuma hattuuni hojja qabani ch'eertu, isanileeni gumi Israeli akasuma ch'eertani — hayyootafi jaarole teesanifi qaaloleefi raagooti teesanileeni. Isani ch'ufa inch'eersani, ka mukhaani, Aabbo jettani, D'akhaani, siti na d'ale jettani. Wonti akasi isani tolchanifi waan isani dudda nati galtani, fuula naraa deefattaniifi. Ammo hojja gaargali isaniti d'ufu, nati d'uftani, kooti, nu baasi jettani. Waaqi isani mid'aafattani meeti? Yo isani gaargala qabaatani ha isani baasuti, yo dandae! Yuda, waaqi kanke akuma dira keeti heddu. Gungumsuni te maani? Maafi nati garagalte na didda? Ato anini isani gaargalchele, wonti sunini woma isanii imbaane. Isani wollaala keesani iraa deebiu diddani. Isani ya akuma nyeench'a dallane, raagoota teesani hobaaftani. Worra Israeli, dubbi tiyya ch'aqasa. Anini yayu aka lafa aloo ta gamooji, yokhaani aka lafa dukanooftu soda qabdu, isaniti tahe? Isani duuba maanifi, Nu waan feenu taana deebine siti indeebinu nani jettani? Niitiini d'io fuud'ani, faaya isii indeeti? Intalti fuud'a indeeti? Ammo gumiini tiyya yayu guyya heddu muumme inqamne na deete. Isani d'uguma jaala barbaadu beetani. Nad'eeni nad'eeni ch'ufa ira hamtuleeni dandeete isani iraa wo baratti! Woyaani teesanileeni d'iiga hiyyeesatiifi nama woma iyyakini qabdi, ammo d'iiga nama mana ch'abse nama saamu inqabdu. Ammo taatule, isani, Nu woma iyyakine; Waaqileeni deebie nuti indallanu jettani. Ammo anini, AABBO Waaqi, wollaala isaniti mura, waan isani, Nu daba intolcheni jettanifi. Isani maanifi akana finna keesani jijirtani, waaqa gosa d'ibi gula yaatani? Akuma worri Ashuruu isani sobe, worri Misirileeni isani soba. Isani ch'eertani, mata lafa buuftani, worra Misiri biraa yaatani. Anini, AABBO Waaqi, worra isani d'aabattani suni ya dide; isani worra suni woma iraa inargattani. AABBO Waaqi waan jed'u, Yo nami niiti ufi jalaa baase, nami d'ibiini isii fuud'e, inni dandae deefata? Lafti suni yo akasi int'urooftu? Ammo isani worri Israeli ka jaalani heddu qabdani, nati deebiu feetani? Fiit'e gaareeni laala. Fullaani isani aka sharmut'a iti intahini injirti? Isani d'aatu kara teetani, jaallowaani teesani eeddani, akuma Araftini lafa gamooji keesati nama ijeeftu eegatu. Isani lafa yayu Sharmut'oma keesanini t'ureesitani. Tanaafi furmaata d'abdani gannileeni isanii roobu dida. Isani sharmut'uma d'uga fakaatani, diqole ch'eera inqabdani. Ammatana waan nani jettani, Atini abba keenna, haguma ijoolluma teennati asi nu jaalata. Atini haga jirtu nuti indallanta? Dallansuuni tante haga jirtu nu jalaa ingaltu? Ee Israeli, dubbini teesani tanuma, ammo haga dandeetani hameenna tolchitani. Gaafa Yosiani hayyu, AABBO Waaqi waan nani jed'e waan niitiini sharmut'itini Israeli jed'ani suni tolchite, agarte? Isiini naraa gorte kubile d'ed'eertu ch'ufa iraafi mukeeni gugurdo dodoti ch'ufa jalati ya huji sharmut'a hojate. Anini waan jed'e, Hegeri isiini, eegi waan kana ch'ufa taate, nati deebiti. Ammo isiini nati indeebine, oboleetini isii ta Yuda jed'ani hamtuni taanileeni waan kana ya agarte. Yudaleeni oboleetini isii hamtuni suni aka anini worra Israeli ufi biraa gusse agarte. Ammo taatule isiini na sodaachu didde, ufile sharmut'a taate, ch'eera d'abde. Isiini lafa t'ureesite, d'akhaafi mukhaa kad'atte, akasiini sharmut'a taate. Eegi waan kana ch'ufale, Yudaani, oboleetini Israeli hamtuni taani, garaa tokooni nati indeebine, ammo na sosobde. Nami dubbi tana jed'e ana, AABBO Waaqa. Jennaani AABBO Waaqi waan nani jed'e, Ato Israeliini na lakiftele, worri worra Yuda hama kaani iraa gooma. Beeni, worra Israelitini waan atini jettu, Worra Israeli ka na didu, nati deebia. Anini naaso deebie isaniti indallanu, nami wollaala qabu nu, yayu AABBO Waaqa keennati ch'ubbamne ch'alla jed'a. Nu mukeeni gugurdo ch'ufa jalati waaqa d'ibi jaalane, gula yaane, seera kanke yakinele jed'a. Nami dubbi tana jed'e ana, AABBO Waaqa. Worra na didu kana, nati deebia, isani kiyyuma. Anini nama toko dira ch'ufa keesaa fuud'e lamale balbala gosa ch'ufa keesaa fuud'e, gaara Sioniti isani deebisa. Anini jara naa saalfatu, ka isani fidu, isanii kenne, worri qaroomafi qalbiini isani fida. Duuba yo isani lafa suni keesati hortani daraartani, nami deebie waan Sanduqa Wold'aqisa kiyya indubbatu, deebiani odu inkasani yokhaani inqaabatani; worri deebie woma ira inqabu, yokhaani ka d'ibile imid'aasani. Hojja bari sunini d'ufu, Yerusalemuni barch'uma AABBO Waaqa jed'ani ammalle gochiti ch'uftileeni achiti wolti baate na kad'atti. Worri deebie waan garaani worra jajabaani ch'ubbichi yaadu gula iyyaau. Israelifi Yudaani takaa taate, wolumaani lafa qara worra iti boojiani, ta mirgati d'ufani, lafa anini duri ababoota isaniti d'aala kenneti galani. AABBO Waaqi waan jed'u, Israeli anini ilma isani tolfad'e, lafa dansa lafa ch'ufa iraa mid'aadu isanii kennu fed'e. Ammalle waan isani aabbo nani jettanifi waan isani deebitani naraa gortani inseenne. Ammo akuma niiti hamtu isani nati hammaattani. Nami dubbi tana jed'e ana, AABBO Waaqa. Iyyanna fiit'e gaareeni gubbati d'agayani; iyyanti suni bohafi kad'acha worra Israeliti, waan worri kara d'uga lakise AABBO Waaqa isaanii ded'eefi. Isani ch'ufti ka AABBO Waaqa iraa gortani, isati deebia; inni isani fayyise nama d'uga isani tolcha. Isani waan jettani, nu AABBO Waaqati deebina, inni Waaqa keenna. Kad'achaani gaara irati nu waaqa d'ara kad'annu woma nu imbaane, qarqaarsi Israeli garuma AABBO Waaqa keenna ch'allaa d'ufa. Ammo kad'achaani waaqa Baali jed'ani, ka ch'eeraani nama balleesu yayu loonifi reefi dubrafi d'iirale nu d'owarte — waan ababooti teenna haguma duriti hojate horate ch'ufa. Nu ch'eeraani gach'iimne, ch'eeri sunini nu ukaamsu male. Nufi ababooti teenna haguma duriti yayu AABBO Waaqa keennati ch'ubbamne; nu takaa seera isaa inguunne jettani. AABBO Waaqi waan jed'u, Isani, worri Israeli, yo deebiu feetani, nati deebia. Yo isani waaqa harkaani mid'aafatani, ka anini jibbu gadi gatani naraa goru diddani, d'uga qabdani aka maqa kiyyaani kad'attani. Duuba gochiti ch'ufti, Nuu eebisi nani jette na faarsiti. AABBO Waaqi waan worra Yudatifi ka Yerusalemutini jed'u, Oobru teesani ta qoti inqamne qota; sanyi teesani qoraati keesati infach'asina. Wold'aqisa keesani ka AABBO Waaqaani woliini tolfatani, jabeesa, garaa keesani AABBO Waaqati kennad'a, isani worri Yudatifi ka Yerusalemuleeni. Yo isani akasi tolchu diddani, maro isani waan hamtu tolchitanifi dallansuuni tiyya aka ibida isani gubdi nami tokoleeni ka dandae d'aamfu injiru. Lafa teesani ch'ufa keesa magalata d'aa, aka male iyya lalaba. Ammalle waan worra Yudatifi ka Yerusalemutini jettani, wolti baha, dira jabeesani jaaraniti nu yaasa. Kara Sioni woli akheekha! Hurrisa, achiti baqad'a, lubbu teesani baasa! AABBO Waaqi hameennaafi badi gara mirgati d'ufuuni jira. Akuma nyeench'i goda isaa keesaa bahu, akasuma nami gosa ch'ufa balleesu ya gabahe. Inni lafa Yuda balleesu d'ufe. Diri Yuda bade ona taha, nami iti galu injiru. Tanaafi ch'arqi naqad'a, lalaba, boha; wonti akanatiifi dallansuuni AABBO Waaqaa hamtuni worra Yuda iraa ingalle. AABBO Waaqi waan jed'u, Guyya suni hayyootafi jaaroleeni garaa laafte, qaaloleeni rifate, raagootileeni mamti. Jennaani anini waan jed'e, Ee AABBO Waaqa gudda, atini yayu worra Yerusalemu aka male sobde balleesite! Atini lafti nagaya jette ka goraadeeni lubbu worraati ejitu. Guyyaani ind'ufa, ka worra Yerusalemu dubbi tana iti himani: bubbe owituti lafa aloo keesa isaniti gad'ufa. Bubbeeni sunini qilleensa laanuma woi afufuniti — bubbeeni AABBO Waaqi d'ufuuni hagasi ira jabdu! AABBO Waaqumati gumi isaa badiini iti d'ufuu jira. Me ilaala, nyaapi aka baaldo dumansaa d'aabate d'ufuu jira. Gaarini isaa ka fardi hirkisu bubbe fakaata, fardooleeni worraleeni risa ira barifti. Nu ya banne, badiini ya nu qabate! Ee Yerusalemu, t'uri ch'ubbu garaa kanke keesaa d'iqi, aka baafamtu. Yomi herega daba kana heregu lakifta? Qonqooni gara dira Danitifi gaareeni Efraimuti odu hamtuni d'ufte waan jette, waan isani gosa ch'ufafi worra Yerusalemutileeni jettani, Nyaapi lafa fagooti isaniti d'ufuu jira, ka dira Yudati lalabe, Yerusalemu aka nama oobru tissu marsu, waan gumiini isii AABBO Waaqa diddeefi. Nami dubbi tana jed'e AABBO Waaqa. Yuda, adabuma keetifi woma atini taateti waan kana sitini d'ufe. Ch'ubbuma teetiti badii tana sitini d'ufe — isiini ya onne si d'oofte si ijeefte. Anini waan kana aka takaa inargini laalefad'e, dandae inoobsu! Onneeni tiyya teete na keesati buubdi, dandae afaani inqabad'u! Anini magalata d'aanifi iyyanna worra woli had'u d'agaya. Badiini woluma gula d'ufte, lafti ch'ufti badde ona taati, maro tokotu waaro teenna balleesani, golla isiile gargari tarsaasani. Anini haga yomi duula wolti kau kana argu lakisa? AABBO Waaqi waan jed'u, Gumiini tiyya raatu, nale imbeetu, worri ijoolle woma imbeenne, ta woma inhubanne, fakaata. Worri aka waan hamtu tolchu guddo iti qaro, ammo aka waan dansaa tolchu guddo iti daalle. Anini lafa ilaale — isiini duwa, aka injirtu; gubbale millad'e — ifsa d'abe. Anini gaareeni ilaale — isiini chochou jirti, kubileleeni ufumaa teete hargufamti. Anini millad'e nama d'abe, simpirreleeni ch'ufti ya barifte iti d'aabatte. Ammalle anini millad'e, lafti gabboni duri wo baaftu gamooji taate; maro dallansu AABBO Waaqatifi diri isiileeni ya bade ona tahe. AABBO Waaqi waan jed'u, Lafti ch'ufti badde raasa taati, ammo taatule ch'ufa imballeesu. Lafti boote, gubbaleeni dukanoofti. AABBO Waaqi ya jed'e, dubbi ufi gara ingalchu; inni ya buufate, ufi ira indeebiu. Iyyanna worra farda yaabatutifi worra t'iyaani wo had'u, yo d'agayani nami dira keesa jiru ch'ufti imbaqata. Nami gari baddati baqate, ka gari d'akhaye kora. Dira ch'ufa duwa lakisani, nami deebie keesa intau. Ee Yerusalemu! Atini ya badde! Atini maafi woya diimtu uyifatte, faaya worqi naqatte, ila kuulatta? Atini ufumaa ufi ch'ota! Jaalani tante ya si jibbite si ijeesu feeti. Anini iyyanna niiti ch'ininfatu d'agaye waacha niiti takaa ind'aalini. Iyyanti suni ta Yerusalemu, ta yo isiini hafuura baafachu dad'abde, harka olqabate, anini ya bade, nyaapi na ijeesu fed'a jettu! Worra Yerusalemu kara keesani gula oria! Ilaala, hubad'a! gabaya keesa barbaada! Nama tokole ka waan dansa tolche d'uga gula deemu ingartani? Yo isani agartani, AABBO Waaqi Yerusalemuu inaraarama. Ato isani, AABBO Waaqa kad'anna jettanile, dubbini sunini d'ara. Ee AABBO Waaqa, ilti tante d'uga imbarbaadu? Atini worra d'oofte ammo worri ind'ukubsanne, atini worra ch'arasite ammo worri mata jabaate ch'ubbu iraa deebiu dide. Jennaani anini herege waan jed'e, worri kunini hiyyeeyi woma imbeenne, worri waan daalluma taha, kara AABBO Waaqaa imbeekhu. Anini worra gugurda d'aqe dubbad'aani. Worri suni kara AABBO Waaqa inuma beekha, waan Waaqi fed'ule inuma beekha. Ammo worri ch'ufti woligale dubbi AABBO Waaqa lakise isaa saalfachu dide. Tanaafi nyeench'i badda keesaa yae, worra had'e, yayini lafa gamoojiti baate worra tatarsaafte, qeeramsileeni dira keesati nama gaada. Yo worri sunini mana ufitii gabahe, gargari worra tatarsaasani; wonti akanatiifi dabi worraa gudda, bara ch'ufa worri Waaqa lakise iraa gore. AABBO Waaqi waan jed'e, Anini maafi ch'ubbu gumi tiyya araaramaafi? Worri na lakise waaqa waaqa intahini kad'ata. Anini worra quubse, ammo worri jaala d'ibi gula bade, maneeni sharmut'ati orie. Worri korma farda ka quufe fakaata; namu nad'eeni biyyaati d'arae gula bada. Anini maro waan kanatifi worra gaargalchu himmalle? Yokhaani gosa akana tana haalo baafachu himmalle? Anini nyaapa oobru zabibu ta worra kiyya muru erga; ammo, ch'ufa imballeesina hambisa jed'aani. Ammalle dameele ch'ira, dameeleeni isani kutani sunini tiyyaaniti jed'aani. Worri Israelitiifi ka Yuda ya woli gale naraa gore. Nami dubbi tana jed'e ana, AABBO Waaqa. Gumiini AABBO Waaqa isa didde waan jette, inni woma intolchu. Wonti hamtuni nuti ind'uftu, woraanafi beelale inagaru. Ee gumi Israeli, AABBO Waaqi gosa fago jirtu had'iisa isanitini d'ufa. Gochiti suni duru lafa jirti, ammalle guddo jabdu, afaani worraale nami keesani tokoleeni imbeekhu. T'iyoleeni worraaleeni askarti jajabdu, ta naasu male nama ijeeftu. Worri sunini sagale teesani nyaate fit'e, ilmaani teesani ta d'iiratifi ta dubrale hobaasa. Worri loonifi ree teesani qaqale nyaate, mukeeni teesani ta zabibutifi ta odale balleesa. Worri woraana ufiitini dira jabeesani jaarani, ka isani abdatani, balleesa. AABBO Waaqi waan jed'u, Bara sunile anini gumi tiyya ch'ufa inhobaasu. Hojja biyyiti si gaafate, AABBO Waaqi maafi akana nu tolche? jette, waan jettuuni, Akuma isani na lakiftani, lafa teesani keesati waaqa d'ibi hojatani, akasuma isani nama gosa teesani intahini, lafa d'ibi keesati hojatani. AABBO Waaqi waan jed'u, Worra Yakobotiifi ka Yudati dubbi tana hima, waan jettaniini: Me ch'aqasa, gumi daalle woma imbeenne, ta ila qabdu womaani ingarre, gurra qabdu womanu ind'ageenne. Anini AABBO Waaqa; isani maafi na insodaanne? Maafi na durati inholanne? Anini seera baariini maansa tolche lafaani gargari baase seera jiru jireenna ka bisaani indabarre. D'awani ato baariini chochooftele bisaani dandaani seera suni intaakani. D'awani ato dibbiftele dandeete inch'absitu. Ammo gumi tana, mataani keesani jajaba, waan didani male waan d'ibi imbeetani; isani ya naraa gortani, kara d'ibi iti d'abatani. Ato anini hagayyafi gannale isani roobe bara isani mid'aani muratanile isani tolchele isani taka na sodaatani na inguddimne. Ammo fulla suni, ch'ubbuuni teesani waan dansa kana isani d'owarte. Nama ch'ubbu qabuti gumi tiyya keesa jira; worri aka waan nama simpirre t'ururaani qabu wo gaada, ammo t'urura suni namaa mid'aasa. Akuma nami adamo simpirre subba ufi guutatu, akasuma worri maneeni isaani waan saamanini guute. Tanaafi worri irre baase, guddinna argate wo horate, gabbate moora baase — ch'ubbuuni worraa haga inqabdu; hiyyeeyi d'uga d'owani, nama woma inqamnele dabsani. Ammo anini, AABBO Waaqi, maro waan kanatifi worra gaargalche gosa tana haalo baafad'a. Wonti daba hamtuni ya lafa keesati taate; raagooti dubbi d'ara ch'alla fadde; qaaloleeni dubbi worraa gula yaate, gumiini tiyyaleeni waan suni iti quufte. Ammo guyya muumme maani tahani? Worra Benjamini, baqad'a, lubbu ufi baasa! Yerusalemu keesaa baqad'a! Tekoa keesa magalata d'aa, Beth-Hekeremu keesa goola ibidaa old'aaba. Waan hamtufi badiini gara mirgati d'ufuu jirti. Diri Sioni mid'aaga, ammo imballeesani, hayyooti achiti waaro d'aabati, duula ufi woliini. Worri dira marse fulla, fed'uti waaro d'abate, waan jed'u, Yerusalemu had'iisa kurfaa! Kurfefad'a, nu guyya guddaani haana! Ammo duuba eege waan jed'ani, ya ture, lafti ya galgaloofte, gaadisi galgalaleeni ya d'eerate. Nu halkaniini haane, fulla dira suni jajabdu balleesina. AABBO Waaqi guddaani waan jed'u, Mukha ch'ira, waan ira ejaanjitani dira Yerusalemutini haatani jaarad'a, Dira kana balleesu malani, waan nami isa keesati guddo woli dabseefi. Akuma eeli bisaani qullo maddu akasuma Yerusalemuni hameenna isii hama madditi. Dira suni keesati waan nama woldide woli balleesu d'agayani — wonti anini keesati argu madaafi d'ukuba. Worra Yerusalemu, wonti kunini ha gorsa isanii taatu, yokhaani anini isani biraa deeme dira keesani lafa gamooji ta nami keesa inteenne, tolcha. AABBO Waaqi guddaani waan nani jed'e, Akuma oobru zabibu mid'aani ch'ufa iraa guurani, akasuma Israeli waan isiini qabdu ch'ufa iraa guurani. Akasuma isanileeni, ato qoomni qabdanu, haga dandeetani nama baasu maltani. Anini waan jed'eeni, Eenuti na jalaa qaba, yo anini worraani dubbad'e gorse? Worri mata jabaate, dubbi tante ch'aqasu didde; worri dubbi tante goyeese kobla. Dallansuuni atini worrati dallantu nale gubde, obsa na d'owarte, ee AABBO Waaqa. Jennaani AABBO Waaqi waan nani ned'e, Anini dallansu tiyya ijoolle kara keesa teteetufi kaima wolti bahuti buusa. D'iirsaafi niiti fuud'ani, jaarole hobaatele itiini d'aabatani. Maneeni worraa nama d'ibii kennani, oobrufi nad'eeni worrale akasuma kennani. Anini worra lafa tanaa gaargalchu fed'a. Nami ch'ufti, diqaafi guddaleeni kara dabaatini beese horachu fed'a; raagootafi qaaloleleeni sobde biyya dabsiti. Worri aka waan madaani worra kiyya tararo woi taate, lafa nageenni bad'aad'a jed'a, ka ufiftu nageenni injirre. Worri waan hamtu kana tolche jennaani ya ch'eere? Hiyo, worri diqole inch'eere, fuuli worraa diqole ingolgolomne. Tanaafi akuma nami duri bade, worrileeni bada; gaafa anini worra gaargalche, muummeeni worraa suni. Nami dubbi tana jed'e ana, AABBO Waaqa. AABBO Waaqi waan gumi isaatini jed'e, Fulla woldeenna karaa ejaanja wo ilaala kara dullachaafi kara iraa dansa gaafad'a! kara suni gula yaa, nagaya argattani. Ammo worri waan jed'e, Hiyo nu kara suni gula iyyaanu. Jennaani AABBO Waaqi nama qonqo magalata eegu tolche. Ammo worri waan jed'e, Nu inch'aqamnu. Tanaafi AABBO Waaqi waan jed'e, Gosa ch'ufa, ch'aqasa, waan gumiini tiyya taatu arga. Ee lafa ch'aqasi! Waan worri woi malateefi anini badi itiini d'ufa; wonti akanatiifi worri dubbi tiyya dide seera kiyya ch'abse. Anini hit'aana worri lafa Shebati fuud'e naa d'ufunifi qayya lafa fago ka worri naa d'ufuuni maani iraa qaba? Anini waan worri naa baasu dide, sorio worrale jibba. Tanaafi anini worra kana gufachiise buusa. Abbootifi ilmaani gugufatte, jaalanifi nami alaaleni hobaa. AABBO Waaqi waan jed'u, Me ilaala, duuli mirgaa d'ufuu jira; gochiti jabduuni fago teetu lola kurfefachuu jirti. Worri t'iyaafi woraana ufi fud'ate, ka hameenna male diqole naasu inqamne d'ufuu jira. Worri aka d'awa baariini dibbisa; yo farda isani yaabate ga d'ufu. Worri ya lola kurfae, Yerusalemu had'u d'ufe. Worri Yerusalemu waan jed'u, Nu odu worraa ya d'ageenne. Naasuuni ya harka nuraa jissite, woma fuud'u nu d'owarte; lalalaafi d'ukubsachani ya nu qabate, aka niiti d'aluu jirtu. Nu kara gula, yokhaani ala keesa deemu sodaanna; wonti akanatiifi nyaapi keenna woraana harkaa qaba, moga ch'ufa nu mudamsiisa. AABBO Waaqi waan gumi isaatini jed'u, ch'arqi naqad'a, daara keesa gangalad'a. Akuma ilma tokocha bohani, laalefad'a, boha, wonti akanatiifi nami isani balleesu fed'u tassa isaniti d'ufe isani had'a. Ee Yeremia, akuma sibiila ilaalani gumi tiyya ilaali, waan isiini keesa jirtu hubad'i. Worri ch'ufti ya mata jabaate, na dide; mata jabeenni worraa akuma sibiila diimatifi guraacha jira. Worri ch'ufti nama waan hamtu tolche, fulla ch'ufaa yae nama nyaatu. Buufaani guddo ibida buufa aka akasiini sibiila gubani, ammo worra kiyya qulqulleesitini woma imbaatu, wonti akanatiifi ch'ubbuuni worra keesaa imbaamne. Worra sunini, booru woma keesa injirre jed'aniini, wonti akanatiifi anini, AABBO Waaqi, ya worra dide. Dubbi d'ara tana, ta nami deemu ch'ufti kunini Mana AABBO Waaqa, kunini Mana AABBO Waaqa jed'u, ind'ugeefatina. Finna keesa jirtani kana jijirad'a, waan tau jirtani kanale lakisa. Woli indabsina, waan dansaa woli tolcha. Nama gosa teesani intahinifi ilmaani hiyyeetifi nad'eeni hiyyeeyi indabsina. Nama woma iyyakini inijeesiina; Waaqa d'ibile inkad'atiina, wonti sunini isani balleesiti. Duuba yo isani waan kana taatani, anini lafa duri ababoota teesani d'aala kenneefi keesa isani teesisa. Me ilaala, isani dubbi d'ara d'ugeefatani gula yaatani. Isani wohattani, nama ijeeftani, huji sharmut'oma hojatani dubbi woi kakhatani, waaqa Baali jed'ani hit'aana aarsitani, Waaqa duri imbeenne gula yaatani. Isani waan anini jibbu kana tolchitani d'uftani Mana kiyya keesa na dura ejitani duuba waan naani jettani, Nu nagaya qamna! Isani Mana kiyya goda hattuuni iti galtu seetani? Anini waan isani tolchitani arguu jira. Gara Shilo, fulla anini qara fohad'e iti na kad'ad'a jed'e, d'aqa, waan anini maro ch'ubbu gumi tiyya ta Israeliti isi tolche laala. Isani waan kana ch'ufa tolchitani, ato anini maro heddu isani gorsele na ch'aqasu diddani, anini isani yaamnanile na jalaa owaachu diddani. Tanaafi waan anini qara Shilo tolche amma Mana kiyya kana, ka isani d'ugeefatani tolcha. Arma fulla tana ta anini ababoota teesanifi isanile kenne, akuma qara Shilo tolche tolcha. Anini ila tiyya duraa isani gusse, akuma oboleyaani teesani ta Israeli tolche, isani tolcha. Nami dubbi tana jed'e ana, AABBO Waaqa. AABBO Waaqi waan jed'e, Yeremia, gumi tanaa inkad'atiini. Worraa jette boote Waaqa inkad'atiini; worraa jette na insobatiini, anini si inch'aqasu. Atini waan worri kunini dira Yudatifi kara Yerusalemu keesati tolchu ingartu? Ijoolleeni qoraani guurte, abootini ibida bobeesite, nad'eeni qit'a bukheesiti, aka waaqa worri hayyiti gubba jed'uu kennani. Ammalle worri daad'i waaqa d'ibii d'ibaayu baase, na dallansiise. Nami worri wo tolchu jira d'uguma ana? Hiyo, worri ufuma wo tolche ufi ch'eersu jira. Tanaafi anini, AABBO Waaqi guddaani, dallansuuni mana kana balleese, namaafi saale, mukhaafi mid'aanile, gube balleesa. Gumi tiyya, isani sorio gari gubbdani hobaaftani, ammo ta gari dandeetani nyaatani. Ammo anini, AABBO Waaqi, waan jed'u, Ato ch'ufa nyaatinile womaniti. Anini gaafa duri lafa Misiri keesaa ababoota teesani baase, waan sorio gubanitifi sorio d'ibile seera womatu worraa inkennine. Ammo seera kana kenneefi: Dubbi tiyya guuta, duuba anini Waaqa keesani tahe, isani gumi tiyya taatani. Kara anini isani garsiise gula deema, duuba wonti ch'ufti isanii tolti. Taatule worri dubbi tiyya inguunne, yokhaani nale inch'aqamne, ammo worri mata jabeenna ufitifi herega ufi hama gula bahe, fulla sila goomu iraa hamatani. Haguma gaafa duri ababooti teesani lafa Misiritii baate haga arrale, anini takaa raaga isaniti ergu illakimne. Taatule nami tokoleeni ch'aqase na jalaa inqamne. Isani ababoota teesanile ira mata jabaatani na ch'aqasu diddani. Tanaafi Yeremia, dubbi tana ch'ufa gumi tiyya iti himi, ammo ato himtele worri si inch'aqasu; atini worra yaamta ammo worri si jalaa inowaatu. Duuba atini waan worraani jettu, Isani gosa dubbi AABBO Waaqatifi gorsa isale diddu; d'ugaani ya lafa keesaa badde, nami waan isii dubbatu injiru, deebianile inqaabatani. Rifeensa keesani haada gata; gaareeni gubbati faaru boha d'awad'a, wonti akanatiifi anini AABBO Waaqi ya dallane gumi tiyya lakise lafa buuse. Worri Yuda ya waan hamtu na durati tolche, worri waaqa isaani ka harkaani boch'ani, ka anini jibbu, mana kiyya keesa kaye akasiini t'ureese. Bale Hinomu keesa waan sorio irati baasani ka Tofethi jed'ani jaare, aka ilmaani worraa ta d'iiratifi ta dubraa gubani sorio baasani. Anini waan kana tolcha worraani injenne, yokhaani herega akasile takaa inqabaanne. Tanaafi eegad'a, guyyaani ind'ufa ka deebiani Tofethi yokhaani Bale Hinomu deebiani injenne, ammo bale goraasu jed'aniini. Worri achiti nama awaala, wonti akanatiifi fullaani iti nama awaalani d'ibiini injirtu. Reefi sunini sagale allaatitifi bineensa ala taha, nami iraa d'owuleeni injiru. Anini dira Yudatifi kara Yerusalemu keesa, qonqo gammadaatifi ta qilit'ama, yokhaani gammada guyya fuud'a balleese, lafale duwa tolcha. Bara suni lafele hayyootatifi ta jaarole Yudatifi qaaloleetifi ta raagootatifi ta nama Yerusalemu keesati galu ch'ufa awaala keesaa alaati guurani. Fulla sila wolti guurani awaalani, lafeeni sunini akuma huura ufimaa lafa ch'iifti, aduufi jiaafi urji worri kunini jaalate hojate gula yae kad'atu durati afani. Ammo gochiti hamtuni tunini, nami hafu ka lafa anini iti firfirse keesa qubatu, jireenna ira dua jaalata. Nami dubbi tana jed'e ana, AABBO Waaqa gudda. AABBO Waaqi waan nani jed'e, Waan atini gumi tiyyaani jettu, nami yo jige inkau? Nami yo kara iraa gore iti indeebiu? Isani gumiini tiyya maafi naraa gortani, nati deebiu diddani re? Isani waan d'ara jabeesitani nati deebiu diddani. Anini aka dansaa ch'aqase, ammo isani d'uga indubbanne, nami tokoleeni isani keesa ka ch'ubbu ufi iraa deebiti yokhaani anini maani yake? jed'e injiru. Nami ch'ufti karuma ufi deema, akuma farda duulaa ka aka male oriu. Baboaloonaleeni woga deebiu imbeekha; sabaliisaafi worrabatafi hagayyoleeni hojja godaanuu malte imbeeti. Ammo gumi tiyya, isani seera anini isaniini fidu imbeetani. Isani akami, Nuu wo beena seera AABBO Waaqale inqamna jettani? Ka ufuftu worri wo t'aafu dubbi seera garagalche balleese. Jara keesani qarootale yayu ch'eersani; worri ya waan tahu wollaale t'urura keesa seene. Worri ya dubbi tiyya dide; qaroomi worri qabu maani? Tanaafi anini oobru worraatifi nad'eeni worraale nama d'ibii kenna. Nami ch'ufti, diqaafi guddaleeni; kara ch'ubbutini beese horata. Raagootafi qaaloleeni biyya sobde balleesiti. Worri gumi tiyyaani madaani teesani woma keesa injirtu, Inuma fayyitani, lafaleeni, Nagaya, nagaya jed'e, ka ufiftu nageenni injirre. Gumi tiyya, isani waan waan hamtu kana taatanifi inch'eertani? Hiyo, isani diqole inch'eere, fuuli keesanileeni diqole ingolgolomne! Tanaafi akuma nami duri bade, isanileeni baddani. Gaafa anini isani gaargalchu, muummeeni teesani suni. Nami dubbi tana jed'e ana, AABBO Waaqa. Anini gumi tiyya, akuma nami mid'aani ufi wolti guurru, guurru fed'e, ammo worri zabibu mid'aani inqamneefi oda mid'aani inqamne fakaata; obeensileeni ya qanch'oorate. Tanaafi anini nama gosa d'ibi lafa teesani fud'ach'iisa. Gumiini Waaqa waan jettu, Nu maafi arma ch'iimna? Koota, dira jabeesani jaarani d'anne, achiti hobaana. AABBO Waaqi keenna ya duisa nuti mure, had'aa nu obaase, waan nu isati ch'ubbamneefi. Nu nagaya barbaanne, ammo d'amne, fayyale barbaanne, ammo mudamsuuni nu qabate. Nyaapi keenna dira Dani yayu seene; nu hafuura farda isaani ya d'ageenne. Hojja fardi worraa imimsu lafti ch'ufti inchochooti. Nyaapi keenna d'ufe, lafa teenna ch'ufafi waan keesa jiru ch'ufafi dira keennafi nama keesa taule ch'ufa balleesu fed'a, AABBO Waaqi waan jed'u, Ufi eegad'a, anini bofa had'aa qabu ka nami dandae imbobaamne, siti erge, inni si nyaata. Laalala tiyya dandaani inqabaneesani; garaani kiyya ya hamaate, Me ch'aqasa! Lafa ch'ufa keesa anini qonqo gumi tiyya ta, AABBO Waaqi Sioni keesa injiru? Hayyuuni Sioni achi injiru? jettu d'agaya. AABBO Waaqi, hayyuuni worraa, waan jed'u, Isani maafi na dallansiiftani waaqa harkaani boch'ani kad'attani akheekha woma keesa injirre durati gajettani? Biyyiti iyyite waan jettu, Adolesi ya dabre, mid'aani ya muratani, ammo nami d'ufe nu imbaamne. Maro gumi tiyya madeesanifi, garaani kiyyaleeni ya madae; anini ya bohe ufi jibbaad'e. Qorsi Gileadi keesa injiru? Ch'ireeyyini achi injirtu? Gumi tiyya maanifi infayyisini re? Ato sila mataani kiyya madda bisaani tahe, ilti tiyya laga imimaani taate akami fed'a! Sila anini dandae halkani guyya gumi tiyya ta fit'ani boha. Ato sila anini lafa gamooji keesa fulla bulu qaabad'e, aka anini gumi tiyya iraa fagaad'u, akami gammada! Worri ch'ufti nama d'uga gula iyyaane, ka dabse nama balleesu. Worri worra afaani gorani ka arabi isaani yo ch'ufa d'ara dubbatu. Fulla d'uga d'arati lafa mohata. AABBO Waaqi waan jed'u, Gumiini tiyya guyya ch'ufa woluma gula ch'ubbu tolchite, ammalle aka anini Waaqa worraa inhereddu. Nami ch'ufti ha jaala ufi ufira eegu, nami tokoleeni oboleesa ufi ind'ugeefatini; wonti akanatiifi oboleesi ch'ufti akuma Yakobo nama sobe, nami ch'ufti jaala ufi arabsa. Maro waan kanatifi AABBO Waaqi guddaani waan jed'u, Gumi tiyya aka sibiila basse qulqulleese ilaalad'a. Gumiini tiyya yayu waan hamtu tolchite — wonti d'ibiini anini worra tolchu maani re? Arabi worra aka t'iya nama ijeeftu jira; hojja ch'ufa d'ara dubbata. Nami ch'ufti dubbi dansa nagaya woliini dubbata, ammo garaa ufi keesa t'urura woli kayu malata. Anini waan kana jed'e worra ingaargalchu? Gosa akana tana haalo imbaafad'u? Nami dubbi tana jed'e ana, AABBO Waaqa. Anini waan jed'e, Gaareenifi, lafa horini oolule imboha, wonti akanatiifi isiini ya gogodde, nama keesa deemule d'abde. Marra looni keesati ind'agayani, simpirreefi bineensileeni yayu keesa baqate. AABBO Waaqi waan jed'u, Anini Yerusalemu balleese ona sareni diidaa iti galtu tolcha; diri Yuda ch'ufti gamooji fulla nami injirre taha. Duuba anini waan jed'e, AABBO Waaqa, lafti maalifi onte gogodde lafa gamooji ta nami keesa injirre taati? Eenuti qalbi waan kanaani hubatu qaba? Atini eenuti himte. Aka inni nama d'ibi barsiisu? AABBO Waaqi waan nani jed'e, Wonti woni kunini taateefi waan gumiini tiyya anaafi barsiisa anini worraa kenne lakifteefi. Worri naa insaalfanne, yokhaani seera kiyyale inguunne. Fulla suni worri mata jabaate waan harkaani boch'ani, ka Baali jed'ani, kad'ate, barsiisa abbooti worraa gula. Tanaafi duuba waan anini, AABBO Waaqi guddaani, Waaqi Israeli, tolchu ch'aqasa: Anini gumi tiyya mukha had'aa nyaachise bisaani had'ao obaasa. Anini gosa worraafi abbootini worraleeni takaa ind'agayini keesati worra firfirse, duula iti kaase, lafa iraa worra hobaasa. AABBO Waaqi guddaani waan jed'e, Me, waan taha kana herega! Worra bohu gayaama, nad'eeni faaru boha d'aatu. Biyyiti waan jette, Worri ha arifate d'ufe, faaru boha nuu d'auti, haga imimaani ila teenna guutani, rifeensa ilale ch'ufa jiisaniti. Qonqo nama Sioni keesa bohu ch'aqasa, ta teete nu ya banne! Ya guddo nu ch'eersani! Nu lafa teenna keesa godaanu male, maneeni teenna ya ch'ach'absani jettu. Duuba anini waan jed'e, Isani nad'eeni, dubbi AABBO Waaqa ch'aqasa, waan inni jed'u ch'ufa d'agaya! Dubra teesani faaru boha barsiisa, jaalaani teesanile sirba namaani awaalani d'aafi. Dooti yayu deresha manatini nuti seente maneeni teenna jajabdu duudde; isiini yayu ijoolle kara keesa teteetufi kaima gabaya keesa jirule qabate fit'e. Reefi worraa ka fulla ch'ufa ch'iisu kosi oobruti naqani fakaata. Yokhaani mid'aani murani lafati d'abbani fakaata, ka nami wolti guuru injirre. Tuni ch'ufti waan AABBOONI Waaqi jed'i naani jed'e. AABBO Waaqi waan jed'u, Qarooni qarooma ufitini kooru himmalle, jabaaleeni jabeenna ufitini kooru himmalle, dureesileeni durooma ufitini kooru himmalle. Nami kooru fed'u ch'ufti ha waan na beekhe na hubatufi kooruti; anini d'ugaafi qaajeeluma tolcha. Woni na gammachiisa kana. Nami dubbi tana jed'e ana, AABBO Waaqa. Gumi Israeli, waan AABBO Waaqi isaniini jed'u, ch'aqasa. Wonti inni jed'u tana: Aada gochiti d'ibiini fidamtu gula iyyaaina; wonti mama ka isani gubbati gartani isani insodaachisini, ato gochiti d'ibiini mudamtele. Aadaani gosa d'ibi tunini woma isanii imbaatu mukha badda keesa ch'irani, mukha suni ogeesi harka ufitini qotooni boch'e, qarsifi worqiini ch'okhani. Duuba musubaara fuud'ani, burrisaani iti d'awani, qaariu d'owani. Wonti akasi sunini akheekhuma oobru bododa keesa kayani haranqeesani d'owani; wonti sunini dandeete indubbatu, baatani male dandeete ufiini indeemtu. Waan akana kana insodaatina; dandeete waan dansaafi hamtule si intolchitu. Ee AABBO Waaqa, nami aka keeti lafa keesa injiru; atini gudda, maqaani kankeleeni gudda, ammalle jabeenna qaba. Eenuti si guddisu dida, ee hayyu gosa ch'ufa? Guddinni waan sii male. Nami aka keeti tokoleeni lafa keesa injiru, nama qaqaro lafa ch'ufaatifi hayyootale keesa. Worri ch'ufti raatu, woma imbeekhu, worri dandae mukha boch'ani iraa maani barata? Waaqa worri kad'atu suni qarsi Tarshishi baateeni ch'okhani worqi Ufazi baateeni barreesani, ch'ufti waan hogeesi harka ufitini tolche; woya diimtufi woya bule diimtu hogeeyini d'oofte iti naqani. Ammo AABBO Waaqa, atini Waaqa d'ugaa, atini Waaqa jirufi hayyu haga jiru jireenna jiru. Hojja atini dallantu, lafti inchochooti, gochitileeni dallansu tante dandeete inoobsitu, (Waan isani worra sunini jettani: Waaqa keesani ka lafafi gubba inuumini kana imballeesani. Deebiani lafa keesa fulla tokoleti inargani.) AABBO Waaqi jabeenna isatini lafa uume; qalbi ufitini inni lafa uume gubbale dirirse. Dubbi isa gula bisaani gubbaa dibbisani; inni dumansa muumme lafati d'ufaani. Inni angaasu bokaya keesa angae, mana isaa keesaa qilleensa gabaase. Waan kana arginaani nami mame, daalle woma imbeenne ufi sehe. Nami waaqa harkaani boch'atu ufumaa ch'eera, wonti akanatiifi waaqi inni mid'aasu sunini woma d'araati, lubbu inqabu. Ammalle woma keesa injiru, inni woma tufii, ka tufatani; gaafa Waaqi worrati kau, imballeesani. Waaqi Yakobo aka worraa injiru; isumati waan ch'ufa uume, ammalle worra Israelile isumati fohate gumi ufi tolfate maqaani isaa AABBO Waaqa gudda. Worra Yerusalemu, yayu isani marsani! Miha keesani wolti guurad'a AABBO Waaqi lafa tana keesaa isani balleesu fed'a; inni isani ch'ach'arase hafto isani d'owa. Nami dubbi tana jed'e ana, AABBO Waaqa. Worri Yerusalemu bohe waan jed'e, ya aka hamtu nu woraanani, madaani teenna infayyitu. Nu qara waan kana woma oobsu dandeennu seene! Waaro teenna ya balleesani, haada isiile ch'ufa ya ch'irani. Ilmaani teenna ya nu biraa deemte, nami waaro teenna nuu jaaru injiru, yokhaani ka golla isii iti fafannisu. Anini waan jed'eeni, Jaaroleeni teenna daalle, AABBO Waaqale gorsa ira infud'atu. Tanaafi wonti worraa ch'ufti hamaate, gumi teennale gargari firfirsani. Ch'aqasa! Oduuni ya d'ufte! Hafuura nama guddati gara gosa mirga teetuti d'ufuu jira; duuli worraa dira Yuda ch'ufa balleese lafa aloo fulla sareni diida iti galtu tolcha. Ee AABBO Waaqa, aka nami tokoleeni lubbu ufi harka inqamne, yokhaani dandae karati ufi inqajeelchine, anini imbeekha. Ee AABBO Waaqa, gumi tante dallansuniti d'ugaani qajeelchi, aka worri siini imbanne. Dallansu tante gosa si imbeenne, ta maqa kanke iyyaamaneti ergi. Worri yayu gumi tante fit'e; nule hobaase, lafa teenna balleese ona tolche. AABBO Waaqi waan nani jed'e, Dubbi wold'aqisa tana ch'aqasi, waan worra Yudatifi ka Yerusalemutini jettu; AABBO Waaqi Israeli waan jed'u, Anini nama dubbi wold'aqisa tana jabeesu didu inabaara. Wold'aqisa kunini ka anini duri ababoota teesani woliini tolfad'e, gaafa anini worra lafa Misiri, ta ibida bobau worrati fakaatu, keesaa baase. Anini gaafasi waan worraani jed'e, Na ch'aqasa, waan anini isaniini jed'u ch'ufa guuta; duuba isani nama kiyya taatani, aninileeni Waaqa keesani taha. Yo isani akasi taatani, anini kakhu duri ababoota teesani kakhad'e guute, lafa aananifi dammi aka lola yau kennaafi lafa amma isani keesa teetani tana. Jennaani anini, Ee AABBO Waaqa, Ha taatu jed'eeni. Jennaani AABBO Waaqi waan nani jed'e, Dira Yuda d'aqi, kara Yerusalemu keesa deemi, waan biyyaani jettu, Dubbi wold'aqisa tana ch'aqasa, gula yaa. Gaafa anini ababoota isani lafa Misiri keesa baaseefi, haga arrale anini worra gorse, Naa saalfad'a jechuuni illakimne. Ammo worri na inch'aqamne, yokhaani naa insaalfanne. Fulla suni worri mata jabaate, hameenna lakisu dide. Anini qara, wold'aqisa guuta, worraani jed'e, ammo worri guutu dide; tanaafi anini abaarsa wold'aqisa suni keesati maqa d'aani ch'ufa worratiini d'ufe. Jennaani AABBO Waaqi waan nani jed'e, Worri Yudatifi ka Yerusalemuleeni ya mala nati d'aate. Worri yayu ch'ubbu duri ababooti worra tolchiteti deebie; ababoota worra ta na ch'aqasu didde; worri yayu waaqa d'ibi gula bahe hojateefi. Worri Israelitiifi ka Yudaleeni wold'aqisa anini duri ababoota worraa woliini tolfad'e ya ch'abse. Tanaafi anini, AABBO Waaqi, worra gorsa, aka anini badi worri jalaa imbaane worratini d'ufu. Yo worri qarqaarsa na kad'atele, anini worra inch'aqasu. Jennaani worri Yudatifi ka Yerusalemu waaqoota worri sorio baasufi d'aqe, qarqaarsa kad'ata. Ammo waaqooti sunini dandeete worra imbaaftu, hojja badiini suni d'ufte. Worri Yuda akuma diri worraa heddu, waaqooti worraleeni heddu. Ammalle worri Yerusalemuleeni akuma karaani dira worraa heddu, akasuma fulla heddu ta waaqoota worraa, ka d'ara, ka Baali jed'ani, ka isa durati nami waan ch'eera tahu, fulla sorio irati isaa baasani jaare. Yeremia, worra kana jette na inkad'atiini. Yo worri gaargala seene na kad'atele, anini worra inch'aqasu. AABBO Waaqi waan jed'u, Gumiini anini jaalad'u ya waan hamtu taate. D'ugaani worri Mana kiyyaani seenu tami? Worri waan kakhu woi kakhate sorio baaseefi waan kara suni badi jalaa bahu ufi seha? Wonti sunini worra ingammachifti? Anini duri ejersa galma mid'aani dansa qabu worraani jed'e; ammo ammatana anini bubbe jabduuni obeensa isaa ibadati d'abbe, dameele isaa ch'ach'ach'absa. Anini, AABBO Waaqi guddaani, qara worra Israelitiifi ka Yuda akuma mukha oobre; ammo amma badiini iti d'ufu fed'a. Worri yayu ch'ubbu tolche, akasiini badi ufitini d'ufe; ammalle Baali sorio baase akasiini na dallansiise. AABBO Waaqa mala nyaapi kiyya nati d'aachu jiru na beesise. Anini ilme hoola ta laanuma nama qaallu gula deemtu fakaad'a aka nami, worri tae iti malatu ana, imbeekanne. Worri waan jed'e, Koota, mukha ato inni jiid'aatu murra; ammalle namicha kana lafa keesaa balleesina, aka nami deebie isa inqaabanne. Jennaani anini kad'ad'e waan jed'e, AABBO Waaqa gudda, atini ka d'uga gula dubbi qortu, ka ammalle heregaafi qalbi namaa ilaaltu, anini dubbi tiyya ya siti kennad'e; haalo atini worra kana baafatu na garsiisi. Duuba wonti AABBO Waaqi waan worra Anathothi, ka si ijeesu fed'e, maqa AABBO Waaqaatini, Nuu infagini, si ijeemna siini jed'eeni jed'u tana — AABBO Waaqi guddaani waan jed'u, Anini worra gaargalcha kaima worraa woraanani fit'ani, ilmaani worraleeni beelaani hobaati: Anini yayu guyya tolfad'e ka worra Anathothi balleesu; hojja guyyaani suni gahu worra suni nami tokoleeni inhafu. Ee AABBO Waaqa, yo anini si quufa d'abe si himad'ele, d'ugaani teetuma. Ammo taatule, aka d'ugaani jirtu si gaafachu fed'a. Ch'ubbichi maafi wo horata? Nami hamaani maafi wo argata? Atini worra aka mukha oobrite, duuba worri hidda baase, guddate, ammalle mid'aani baasa. Worri guyya ch'ufa afaanini dansuma tante dubbata, ammo garaani siraa fagaata. Ammo AABBO Waaqa, atini na beeta, waan anini tolchufi aka anini si jaalad'u inagarta. Worra hamama kana aka hooliye qalmaa geesani hirkisi, haga worra qaqalaniti qorqorad'u. Lafti teenna haga yoomi qanch'oorate, buuyooni fulla ch'ufa gogoddi? Bineensafi simpirreleeni maro ch'ubbu gumi teenna, ta teete, Waaqi waan nu taanu inargu jettu tana amma duu jirti. AABBO Waaqi waan jed'e, Yeremia, atini ufiftu ka namaani woliini utaalu dad'abde, dandeete farda woliini utaalta? Yo lafa diidatu keesa eju dad'abde, akami dandeete danqara Yordani keesa ejita? Oboleyaani tante ta woliini d'alatanileeni yayu siti malatte, faani tante yaate si balleesu feeti. Ato worri afaani dansa siti dubbatele ind'ugeefatini. AABBO Waaqi waan jed'u, Anini yayu Israeli lakise, gumi anini fohad'e lafa buuse. Ammalle worra anini jaalad'u ya harka nyaapa worrati kenne. Gumiini anini fohad'e yayu nati garagalte; akuma nyeench'a badda keesa, worri nati itane, tanaafi anini worra jibba. Gumiini anini fohad'e sunini simpirre qoreeni gama ch'ufaa butte fakaati. Bineensa ala wolti yaama, ha d'ufe nyaatuti! Hayyooti gosa d'ibi hedduuni yayu oobru tiyya ta zabibu balleesite; worri yayu oobru tiyya ira ejaanjate balleese lafa tiyya dansa ona tolche. Worri lafa tiyya adaala tolche, isiini badde badiini isii ya nati mullatte. Lafti ch'ufti yayu badde adaalte. Gaareeni lafa gamooji ch'ufa gubbaa nami d'ufe wo saama. Anini yayu woraana kaase, ka lafa ch'ufa balleesu; nami tokoleeni nagayaani intau. Gumiini tiyya dargaye fach'aafte raafufi qoraati muratti; worri guddo hojate ammo woma inarganne. Maro dallansu tiyya guddotifi worri waan muratu d'abe. AABBO Waaqi waan jed'u, Anini gosa d'aatu Israeli teetu, ta lafa anini gumi tiyya ta Israeliti kenne balleesite, dubbi iraa qaba. Anini worra hamama suni lafa isaani keesaa aka mukha buqise, Yudale harka worraa jalaa baasa. Ammo eegi worra akasi tolche, deebie worraa nahe, gosa ch'ufa lafa isaanitiifi arda isaaniti deebisa. Yo worri garaa tokooni aada gumi tiyya barate maqa AABBO Waaqatini wo kakhate — akuma duri worri gumi tiyya aka Baalini kakhatani barsiise — duuba worri gumi tiyya keesa fulla argate wo horata. Ammo yo gochiti tokoleeni ch'aqasu didde, anini gosa suni aka mukha buqise balleesa. Nami dubbi tana jed'e ana, AABBO Waaqa. AABBO Waaqa waan nani jed'e, Beeni hid'a boofta bitad'i keeyad'i, ammo imich'ini. Duuba anini dubbi AABBO Waaqa gula bitad'e keeyad'e. Jennaani AABBO Waaqi ammalle waan nani jed'e, Galaana Frati d'aqi, hid'a suni goda d'akhaa keesati d'ossi. Duuba anini kae deeme, d'aatu galaana Frati, akuma AABBO Waaqi nani jed'e d'osse. Eegi bulti heddu, galaana Fratiti deebii, hid'a taani fud'ad'i. Jennaani anini kae iti d'aabad'e, fulla anini iti d'osse taanini bahe, hid'a taani ta ch'ich'ite hobaate arge. Jennaani AABBO Waaqi ammalle nani dubbate waan nani jed'e, wonti AABBO Waaqi jed'u tana, Anini karuma kanaani kiyyiba worra Yudatifi kiyyiba gudda worra Yerusalemu iraa galcha. Gumiini hamtuni tunini, mataa jabaatte dubbi tiyya ch'aqasu didde, waaqa d'ibi gula yaate hojate, aka hid'a ch'ich'ite badde tana taati. Akuma hid'aani nama qabdu, akasuma anini worra Israelitiifi ka Yuda ka jabeese na qabu fed'a. Wonti anini akasi tolcheefi, aka worri gumi tiyya tahe gurra dansaafi ulfinna natiini d'ufu; ammo worri na inch'aqamne. AABBO Waaqi waan nani jed'e, Yeremia, waan atini worra Israelitini jettu, gorjo daad'i ch'ufa daad'iini guuta jed'i. Yo worri nu imbeenna aka gorjo ch'ufa daad'iini guutu malani siini jed'e, atini waan jettuuni, AABBO Waaqi waan jed'u: Anini nama lafa tanaa ch'ufa daad'i iti guure macheesa — hayyoota d'aloota Dauditifi qaaloleefi raagootafi gumi Yerusalemu ch'ufa. Duuba anini worra woliini d'ae ch'ach'abse butucha abbaafi ilmale. Anini worraa ind'iigu, diqole innahufi, inuma balleesa. Ee gumi Israeli, AABBO Waaqi ya wo jed'e, kiyyiba lakisa, ch'aqasa. AABBO Waaqa keesani guddisa, ato inni dukanaani d'ufe gaareeniti isani ingugufachiimne; ammalle ato inni ifsa isani abdatani dukana sipe intolchine. Yo isani ch'aqasu diddani, anini maro kiyyiba keesanitifi d'ofad'e boha; anini aka male, ka imimaani ila tiyya keesaa yaani, boha waan gumi AABBO Waaqa boojianifi. AABBO Waaqi waan nani jed'e, waan atini hayyichaafi haad'a isaatini jettu: Barch'uma keesani ka guddinna iraa bua. Wonti akanatiifi sureeni teesani mid'aaduni ta hayyuma ya mata keesani iraa buute. Dira Yuda ch'ufa ka bitaa jiru ya marsani, nami tokoleeni dandae inseenu. Worra Yuda ch'ufa ya boojiani lafa d'ibi geesani. Ee Yerusalemu, laali! Nyaapi kanke mirgaa ga d'ufu jira! Worri harka keetiti kennani ka atini kiyyibdeeni meeti? Hojja nami atini jaala kanke seete, si had'e si dabsate si mohate, atini maani jetta? Atini hojja suni aka nad'eeni ch'ininfatu d'ukubsatta. Yo atini ufi gaafatte, Isi maafi akana na tolchani? jette — wonti akasi si tolchanifi waan dabi kanke heddatefi; tanaafi ubaara kanke tarsaasani si buufatani. Nami guraachi lafa Kushi dandae goga ufi garaingalcha? Yokhaani qeeramsileeni dandae barru ufira imballeesa? Yo worri dandae waan suni tolche isanileeni ka waan hamtu barattani, dandeetani waan dansaa tolchitani. AABBO Waaqi akuma bua buuyo, ta bubbeeni gamooji fuute, isani firfirsa. Inni waan jed'u, Tunini milki teesani, qooda waan anini isanii kennu fed'e, waan isani na deetani waaqa d'ara d'ugeefattanifi. Anumati ubaara keesani isani iraa baase, ch'eera keesani diidati mullisa. Anini waan hamtu isani taatani ch'ufa ya arge — aka isani waaqa d'ara gaara gubbati gula baddani, akuma nama niiti biyyaati d'arae gula badu, yokhaani farda korma ka d'ala gula badu. Worra Yerusalemu, isani ya baddani, yoomi t'uri keesaa baatani? AABBO Waaqi waan oola tana dubbate waan nani jed'e, Yudaani bohuti jirti, diri isi badu jira; worri dira suni laalefate ufuma lafa ch'ich'iisa worri Yerusalemuleeni iyye qarqaarsa kad'ata. Dureeyyiini hojattu isaani bisaani ergite, hojattuuni sunini eelaani baate, bisaani keesaa d'abde, buute duwani galti. Worri ufi jibbaate, ch'eere mata qabata. Waan bokaya d'abani lafti gogoddeefi, nami oobruleeni waan tahu wollaale laalefate mata qabata. Hidini d'altuni, raasa isiini keesa oltu, ilme isii ta d'io d'alate, maro marrii injirreefi biraa deemti. Harreeni diidaa gaareeni gubbaa ejaanjite, aka sare diida harganti, isiini sagale d'abde, ilti keesati ch'iti. Gumiini tiyya nati iyyite waan jettu, Ato ch'ubbu teenna gula gaargali kunini nuti d'ufeele, ee AABBO Waaqa, maro maqa keetiti jed'i nu qarqaari. Nu maro heddu dudda siti galle, si biraa yaane siti ch'ubbamne. Abdiini Israeli siuma; nami gaargala keesaa nu baasu si male injiru. Atini maafi lafa teenna keesati keessuma karaa deemtu, ta halkani toko ch'alla worra namaa bulte, fakaata? Atini maafi nama nami tassa iti d'ufe fakaatte, aka askarti nama qarqaaru indandeenne taate? Ee AABBO Waaqa, atini numa woliini jirta! Nu gumi teeti, nu illakisini! AABBO Waaqi waan gumi tana waan jed'u, Worri naraa baqachu fed'a, ufi d'owu indandau. Tanaafi anini worra inquufini; anini wollaala worri tolche qaabad'e maro ch'ubbu isaanitifi gaargalcha. AABBO Waaqi waan nani jed'e, Worra kana qarqaari nani injed'ini. Ato worri ufi agabsele anini kad'acha worraa ind'agayufi; ammalle yo worri sorio gubanifi mid'aani naa baasele, anini waan suni iraa ingammadu. Ammo fulla suni anini worra woraanafi beelafi d'ukubaani balleesa. Jennaani anini waan jed'e, Ee AABBO Waaqa gudda, raagooti hojja ch'ufa maqa kanketini waan woraani jettu, isani woraana ingartani yokhaani imbeeloftanile; ammalle worri waan jed'u, Atini fulla tanati nagaya jiru jireenna worraa kenna, jette jed'ani. Ammo AABBO Waaqi waan jed'eeni, Raagooti maqa kiyyaani waan d'ara faguu jirti, anini worra inergine, yokhaani womale faga injenneeni yokhaani womale iti inhimne. Daayyani worri hime sunini naraa imbaane; wonti worri faguleeni hereguma worraa male, waan woma keesa jiraatiniti. Tanaafi AABBO Waaqi waan raagoota maqa isaatini faddu tana akana jed'a: Anini worra inergine, ammo worri waan jed'u woraanafi beelti lafa tana inqabattu. Ammo anini waan jed'u raagootuma suniti woraanafi beelaani hobaa. Ammalle worra raagooti sunini fadduufi kara dira Yerusalemu keesati d'abbani; nami worraafi nad'eeni worraatifi ilmaani worrale awaalu injiru. Anini ch'ubbu worraa worrumati deebise akasiini worra balleesa. AABBO Waaqi waan nani jed'e, Waan atini worraani jettu, Ilti tiyya ha halkanifi guyya imimaanini guutamte boote lakisu diddu; wonti akanatiifi gumi tiyya ya aka hama madeesani aka takaa inargini d'ukubsachisani. Yo anini alaati gabahu reefa nama woraanani fit'ani arga; yo anini dira d'aqule nama beelaani hobau arga. Raagootafi qaaloleeni akuma ufi huji hojati, ammo waan tau jirani imbeekhani. Ee AABBO Waaqa, atini d'uguma yayu Yuda jibbaatte lafa buufte? Atini worra Sioni ya jibbite? Atini maafi akana nu gaargalchite nu fayyu dad'amna? Nu nagaya barbaanne ammo waan dansa tokole lafaa d'amne; nu waan fayyinu ufi seene ammo mudamsuuni nu qabatte. AABBO Waaqa, nu yayu siti ch'ubbamne; nu amma ch'ubbu teennafi ta ababoota teenna siti himanna. Maro maqa keetiti jed'i, nu intufatini; fulla barch'umani kanke ka hayyuma jiru inch'eersini. Wold'aqisa atini nu woliini tolfatte qaabad'i, inch'absini. Waaqi harkaani boch'ani ka gochiti d'ibiini qabdu dandae bokayaani d'ufa? Gubbaleeni dandeete ebele iroobdi? Hiyo, ka namaa roobu siuma AABBO Waaqa keenna. Nami waan kana ch'ufa tolchu sii, abdiini teennaleeni gamuma kee jirti. Jennaani AABBO Waaqi waan nani jed'e, Ato Musafi Samuelileeni arma ejaanjani na kad'atinile, anini worra kanaa inahu. Gumi tana fuula kiyya duraa fageesi, ha yaatuti. Hojja worri eesa yaana? Siini jed'e, waan atini jettuuni, AABBO Waaqi waan jed'u, Nami d'ukubaani hobau ha gara d'ukuba yau! Nami woraanani hobau ha gara woraana yau! Nami beelaani hobau ha gara beela yau! Nami boojiani ha gara iti boojiani yau! Ammalle AABBO Waaqi waan jed'u, Anini waan afuri ka worra balleesa worrati erga: Woraana nama hobaasufi sare reefa hirkiftufi allaati goblola nyaatufi bineensa ala ka waan hafe hobaasu. Anini gumi tana waan nama lafa ch'ufaa rifachiisa tolcha, maro waan duri Manaseeni, ilmi Hezekia, gaafa inni hayyu Yuda, Yerusalemu keesati tolcheetifi. AABBO Waaqi waan jed'u, Ee Yerusalemu, eenuti nahe sii boha? Eenuti siti gore, nagaya si fuud'e, waan atini keesa jirtu si gaafata. Gumi tana, isani ya na diddani dudda nati galtani, tanaafi anini waan anini isani obsu dad'abeefi harka kiyya d'eerefad'e isani balleesa. Dira lafa tana ch'ufa keesa anini aka ch'idi qilleensati hafarsani isani hafarse, gumi tiyya, anini isani balleese, ilmaani teesanile hobaase waan isani hameenna keesani lakisu diddanifi. Lafa teesani keesa nad'eeni hiyyeeyini maansa baariini ira jirti. Anini nama keesani, ato worri kaimaatu, hobaase, haawani worraa gaargalcha. Anini tassa gaargalafi mudamsu worraatini d'ufe. Niitiini ilmaani torba d'abde gagabde hafuura baafachu dad'abde. Guyyaani ya iti dukanae, isii ya tufatani ch'eersani, anini nama keesani ka hafele harka nyaapa keesaniti kenna. Nami dubbi tana jed'e ana AABBO Waaqa. Anini ayyaana hama qaba! Ayyoni maafi na d'alte? Anini nama lafa keesa jiru ch'ufaani wolmoromne wold'amne. Ato anini beese nama illiqeesini yokhaani ira iliqefatinile nami ch'ufti na abaara. Ee AABBO Waaqa, abaarsi worri na abaaru ha na qabatu, yo anini aka dansaa sii inhojatiini, ammalle yo anini nyaapa kiyya, ka gaargalafi d'ipu keesa jiru, jed'e si inkad'atiini. (Nami dandae sibiila guraacha, keesuma sibiila guraacha mirgaa d'ufu, ka sibiila diima wolti darani inch'absa?) AABBO Waaqi waan nani jed'e, Anini nyaapa horifi waan worri kiyya qabu ch'ufa boojiu worrati erga, aka maro ch'ubbu worri lafa tana keesati tolcheefi gaargalchu. Anini lafa worri waan isii imbeenneti geese harka nyaapa worrati kenna, wonti akanatiifi dallansuuni tiyya ibida fakaati, haga jiru jireenna wo gubdi. Jennaani anini waan jed'e, Ee AABBO Waaqa, atini waan ch'ufa imbeeta, na qaabad'i, na qarqaari, nama na gaargalchu haalo na baafachisi worra obsite nati illakisini. Qaabad'i, maro tanteetifi na arabsani. Atini naani dubbannaani anini dubbi tante ch'ufa ch'aqase fud'ad'e. Ee AABBO Waaqa gudda, anini keetuma, tanaafi garaani kiyya dubbi tante maache iraa gammade. Anini takaa qoomni tiyya fulla namaati balleese, kobla gula bahe waan hamtu intolchine. Jecha kanke gula anini guddo dallane koba hafe. Wonti na d'ukubsa kunini maafi na illakimne? Nami tokoleeni maafi mada tiyya infayyimne? Madaani tiyya maafi fayyu diddi? Atini madda bonani goddu, ta nama sobdu nati tahu feeta? Dubbi suni gula AABBO Waaqi waan jed'e, Yo atini iraa deebite, anini si fuud'e deebise hojatu tiyya si tolcha. Yo atini dubbi woma keesa injirre lakifte dubbi d'uga dubbate, deebiteti raaga naa taata. Biyyiti siti deebiti, wonti atini worra barbaadufi injirtu. Anini worra kana durati aka naabo sibiila diimani jabeesani jaarani si tolcha. Worri si had'a, ammo si indabsatu. Anini wahela si tahe si qorqorad'e si baasa. Anini harka nama hamaatifi harka nama woyaku jalaa si baasa. Nami dubbi tana jed'e ana, AABBO Waaqa. Ammalle AABBO Waaqi waan nani jed'e: Lafa akana tana keesa, nad'eeni fuute ilmaani ind'aliini. Anini waan ilmaani lafa tanati d'alatufi waan abbootini isii taatu siti hima. Worri d'ukuba hamaani hobaa, nami tokoleeni worraa bohe inawaalu. Reefi worraa akuma kosi wolirati tuulame lafa ch'iisa. Worri yokhaani woraanaani hobae yokhaani beelaani hobaa. Ammalle reefa worraale allaatifi bineensa alaati nyaata. Atini mana bohaa inseeniini, nama duele imbohini. Anini deebie gumi tiyya nagaya inkennu, yokhaani jaalalafi naasu ingarsiisu. Nami diqaafi guddaani lafuma tana keesati hobaa, ammo nami worra awaalu yokhaani ka worraa bohu injiru. Nami worraa jed'e ufi mure yokhaani mata haadatu injiru. Nami tokoleeni ka deeme, nama nami iraa due d'aqe, sagale woliini nyaate lubbu iraa hambisu injiru. Nami tokoleeni ka woli nahu injiru, ato abbaafi haati namaa dootele. Mana jila seente sagale nyaatte woma ind'ugini. Waan anini AABBO Waaqi guddaani Israeli jed'u ch'aqasi. Anini qonqo gammadaatifi ta qilit'amatifi sirba guyya fuud'ale ch'allisisa. Nami arma tau kunini waan kana ka taha iluma ufitini arga. Hojja atini dubbi tana worra kanati himte, worrileeni AABBO Waaqi maafi badi akana tana nutiini d'ufe? Yokhaani nu maal yakini. Yokhaani ch'ubbuuni nu AABBO Waaqa keennati tolchine tami? Jed'e si gaafate, atini waan jettuuni, AABBO Waaqi waan jed'u, waan abbootini teesani na lakifte waaqa d'ibi gula yaate hojateefi, ammalle na lakifte seera kiyya ch'absitefi. Isani akasi taatani. Ammo isani yayu abbooti teesanile ira waan hamtu tolchitani. Isani ch'ufti mata jabaatani, hameenna gula yaatani, naa saalfachu diddani. Tanaafi anini amma lafa tana keesaa irreeni isani baase, lafa isanifi abbootini teesani imbeenneti isani galcha. Duuba achiti halkanifi guyya waaqa d'ibi hojatani, aninileeni diqole isanii innahu. AABBO Waaqi waan jed'u, Guyyaani ind'ufa, ka nami deebie, Nu maqa AABBO Waaqa ka lafa Misiri keesa gumi Israeli baaseni kakhanna injenne. Ammo fulla suni worri waan jed'u, Nu maqa AABBO Waaqa ka worra Israeli lafa mirgatifi lafa inni iti firfirse ch'ufa keesaa galcheeni kakhanna jed'u. Anini lafa duri ababoota worraati kenneti worra deebisa. Nami dubbi tana jed'e ana, AABBO Waaqa. AABBO Waaqi waan jed'u, Anini worra qurt'umi guuru heddu ga yaama, ka d'ufe worra kana guuru. Duuba eegi suni nama adamo ka gaareenifi kubileefi goda d'akha keesa ch'ufa worra barbaadu gadini d'ufa. Anini waan worri tolchu ch'ufa inarga. Wonti na duraa d'okhata tokoleeni injirtu; ch'ubbuuni worraleeni na dura ind'okhatu. Anini maro dabaafi ch'ubbu worraatifi gati waan suni maro lama iraa fuud'a, waan worri lafa tiyya, waan harkaani boch'ani ka lubbu inqamneeni t'ureese, waaqa d'ara sunini lafa tiyya guutefi. Ee AABBO Waaqa, atini irre tiyyafi jabeenna kiyya; nami guyya gaargala na qarqaaru siuma. Gochiti muumme lafati d'ufte waan siini jettu, Ababooti teenna waaqa d'ara, ka harkaani boch'ani, ka woma nama imbaane ch'alla gula yaate. Nami dandae waaqa ufi imid'aafata? Ee, ato mid'aafatele wonti sunini waaqa intaatu. Tanaafi AABBO Waaqi waan jed'u, Amma tana gosa ch'ufa irre tiyyafi jabeenna kiyya garsiisa. Duuba akasiini aka anini AABBO Waaqa deebiani iwollaalani. AABBO Waaqi waan jed'u, Worra Yuda, ch'ubbu teesani yayu qalamu sibiilatini t'aafani; d'akha qara qabu jajabaani onne teesani irati qorani, fulla isani sorio irati baaftanile moga ch'ufa irati barreesani. Worri keesani fulla sorio waaqa Ashera jed'ani iti qalanifi fulla akheekha isaa old'aabani, ka mukeeni gugurdofi kubileefi. Gaareenifi diida lafaleti kad'atani, achiti waaqa suni kad'ata. Anini nyaapa keesanini d'ufe, worri hori keesani, waan isani qabdani ch'ufa, boojia, maro ch'ubbu heddu isani lafa teesani keesati tolchitanifi. Isani lafa anini isanii kenne jibbaatani keesa bahu maltani; ammalle lafa isani imbeenne isani kenna, wonti akanatiifi dallansuuni tiyya ibida fakaati, isiini haga jiru jireenna bobeeti. AABBO Waaqi waan jed'u, Anini nama na lakise abdi isaa nama ira keeyatu, ka yokhaani jabeenna namaa d'aabatu inabaara. Inni gurbi raasa keesa ejitu fakaata, ta lafa aloo ta gamooji ta, biyye kurooftu woma iti imbaane keesati baatu. Wonti dansaani inni argu tokoleeni injirtu. Ammo nama na d'ugeefatu ch'ufa ineebisa. Inni mukha d'aatu galaanati bahe ka hiddi isaaleeni gara bisaani bahu fakaata. Inni yo lafti bontele woma insodaatu, wonti akanatiifi baali isaa yo ch'ufa doti; yo bokeeni injirrele woma ind'eetu, mid'aanile baasu illakisu. Eenuti garaa namaa hubata? Wonti aka garaa namaa nama soba injirtu, waan nami dandae fayyisuniti. Anini, AABBO Waaqi, qalbi nama ch'ufa laale, garaa namale ilaalad'a. Anini nama ch'ufa adabuma isaa gula waan male kennaafi, waan inni tolchu gula. Nami kara ch'ubbutini hori argate simpirre okhokaani isiini ind'aliini ira teete baqasitu fakaata. Gaafa inni guddate ch'ime, inni hori suni d'abe, duuba eege daallae akanumati taa. Mani nu Waaqa iti kad'annu barch'uma guddinna, ka haguma duriti gaara d'eera gubba eju, fakaata. Ee AABBO Waaqa, nami Israeliini abdatu sii, nama si lakisu ch'ufa inch'eersani. Worri akuma maqa d'uke keesati t'aafani bada, waan si AABBO Waaqa, bisaani madda jireenna lakiseefi. Ee AABBO Waaqa, na fayyisi, yo suni anini inuma fayya; na baasi, yo suni anini inuma baha. Nami anini faarsu si! Biyyiti waan nani jettu, Dubbini AABBO Waaqi qara jed'e me? Amma ha guutamtuti! Ee AABBO Waaqa, anini takaa, worra kana balleesi siini injenne. Anini takaa aka worri badu infeene. AABBO Waaqa, atini imbeeta, waan anini jed'ele ch'ufa imbeeta. Na imudamsiisini; hojja gaargali nati d'ufu nami anini iti baqad'u sii. Nama na gaargalchu ch'eersi, ammo ch'eera suni na hanqisi. Worra mudamsiisi, ammo na imudamsiisini. Gaargala worratiini kooti aka hama worra hobaasi. AABBO Waaqi waan nani jed'e, Yeremia, kai, gara fullo, fullo Biyya jed'ani, ta hayyooti Yuda diraani seente keesaa baatu, d'aqi; duuba fullo Yerusalemu d'ibile ch'ufa d'aqi, waan biyyaani jettu, Isani hayyootafi worra Yudatifi nami Yerusalemu keesa tau, ka fullo tanaani oli seenu, dubbi AABBO Waaqa ch'aqasa. Hojja duu infeene guyya Sabato wo baatani fullo Yerusalemutini oli inseenina. Maneeni teesani keesale woma fuutani imbaatina, yokhaani guyya Sabatole huji tokole inhojatiina; ammo guyya Sabato qulqullo tolcha, akuma anini duri ababoota teesaniti hime. Ammo ababooti teesani na inch'aqamne, yokhaani dubbi tiyyale inguunne. Ammo worri fulla suni mata jabaate naa saalfachu dide, womale naraa barachu dide. Ammo AABBO Waaqi waan jed'u, yo isani seera kiyya guutani, guyya Sabato woma baatani fullo dira kanatini olseenu baatani, ammalle Sabato guyya qulqullo tolchitani guyya suni huji hojachu diddani; hayyooti barch'uma Daudi ira tetetu fullo dira kanatini olduuddi. Worra Yudatifi ka Yerusalemu woliini, gaarifi farda yaabatani ammalle dira Yerusalemule guyya ch'ufa namati guuta. Nami dira Yudatifi ollowaani d'aatu Yerusalemutiiti bahe, ammalle lafa Benjaminitifi golba gaaratifi gaareenifi lafa Yuda ta bitatile baha. Duuba sorio gubanifi sorio d'ibifi mid'aani Waaqa baasanifi hit'aana isaa aarsani, waan maro galatatifi Waaqa baasanile ch'ufa Mana kiyyatiini d'ufani. Ammo worri sunini naa saalfate, guyya Sabato guyya qulqullo ha tolfatuti. Worri guyya suni wo baate fullo Yerusalemutini seenu himmalle; yo sila worri akasi tahe, anini fullo Yerusalemu suni inguba. Ibidi suni maneeni hayyu ch'ufa inguba ammalle nami tokoleeni ka dandae d'aanfu injiru. AABBO Waaqi waan nami jed'e, Beeni, mana nama faara kuuch'u d'aqi, duuba anini achiti waan siini jechu fed'u siti hima. Duuba anini kae, mana namicha faaru kuuch'u d'aqe, isa tae d'oqe wo mid'aasu arge. Hojja d'oqeeni inni d'auti jiru sunini diqo hamaate inni d'oqe suni fuud'e. Garagalche waan d'ibi mid'aasa. Jennaani AABBO Waaqi waan nami jed'e, Akuma, namichi faara kuuch'u tolche, anini yo worra Israeli akasi tolche d'uga inqabu? Akuma namicha faara kuuch'u d'oqeeni harka isaa keesa jirtu, isanileeni akasuma harka kiyya keesa jirtani. Hojja anini, gosa toko yokhaani lafa toko hidda buqise ch'ach'abse balleesa jed'u, ammo yo duuba gochiti sunini eege Hameenna ufi iraa deebite, anini waan qara intolche jed'e illakisa. Ammo taatule, yo anini gosa toko yokhaani lafa toko aka mukha oobre jabeesa jed'u, Ammo yo duuba gochiti sunini eege naa saalfachu didde, waan hamtu tolchite, anini waan qara intolcha jed'e illakisa. Amma waan atini worra Yudatifi ka Yerusalemutini jettu, AABBO Waaqi waan jed'u, Anini isaniti malachuu jira, aka isani gaargalche isani balleesu. Tanaafi isaniini ch'ufti kara keesani hama lakisa, amalafi adaba keesani jijirad'a. Ammo worri waan siini jed'u, Hiyo, akasi intaanu, nu akuma keenna kaani mata jabaanne, akuma feenu taana. AABBO Waaqi waan jed'e, Gosa ch'ufa waan kana gaafad'a; waan akana kana eenuti taka arge d'agaye? Worri Israeli ya waan taka inargini tahe! D'aamochi hamaani guyya tokole ch'alalaqa gaara Lebanoni iraa imbada? Bisaani qabanaooni gaara suni iraa yaani guyya tokole inch'itani? Ammo gumiini tiyya ya na deete; worri waaqa d'araati hit'aana aarsa. Worri kara gula deemu ch'ufati gugufate, kara duri kaani gula iyyaau, ammo kara gudda lakise, daandi gula yaa. Worri yayu lafa tana waan jibbani tolche, duuba isiini akasiini waan nami haga jiru jireenna tufatu taate. Nami d'aatu bahe dabru ch'ufti rifate mata gingilfate madeefata. Anini gumi tiyya nyaapa isaani durati firfirsa, akuma awaara bubbeeni ila boriti d'uftuni. Guyya gaargali worrati d'ufu anini dudda worrati gala. Jennaani biyyiti waan jette, Koota, mala d'awanna aka Yeremia balleesinu! Nu qaalole nu barsiiftufi jaarole qaqaro mala nu d'ooftufi raagoota dubbi Waaqa nu faddu lafa teenna keesa haguma jirule ind'amnu. Koota, dubbi isaa dinne isa himanna. Tanaafi anini Waaqa kad'ad'e waan jed'e, Ee AABBO Waaqa, na ch'aqasi, waan nyaapi kiyya dubbatu d'agayi. Waan dansa waan hamtuni baasani? Ammo worri yayu boola naa qote. Qaabad'u aka anini siti d'ufe worraa jed'e dubbad'e, aka dallansu tante worra ira d'owu. Ammo amma tana, ee AABBO Waaqa ijoolleeni worraa ha garaachafi woraanani hobaatu. Nad'eeni ha d'iirsaafi ilmaanile d'abduti. D'iirti ha d'ukubaani hobaate, kaimileeni ha woraanani hobauti. Nyaapa iti ergi ka d'ufe mana worraa tassa saamu, worri ha mudame iyyuti. Worri yayu boola anini keesa buu naa qote t'urura anini seenule naa kaaye. Ammo ee AABBO Waaqa, atini mala worri nani ijeesu fed'e ch'ufa imbeeta. Ch'ubbu worraa inaraaraminiifi, daba worraale biraa indeeminifi. Worra dabsi, lafa buusi dallansu keesa balleesi. AABBO Waaqi waan nani jed'e, Beeni, okote faara nama faara kuuch'u ira bitad'i, duuba jaarole gumitifi qaalole gugurdo yaami, fullo ch'ach'aba Faaratini dira keesa baha bale Hinomu d'aqa. Achiti dubbi anini siti himu tana biyyati himi, waan jettuuni, Dubbi AABBO Waaqa d'agaya, hayyoota Yudatifi worra Yerusalemu dubbi AABBO Waaqi guddaani, Waaqi Israeli, jed'u ch'aqasa. Anini badi hamtu lafa tanatini d'ufa, ta nami d'agaye ch'ufti rifate maadefate, akanumati afaani qabatu. Wonti anini akasi tolchufi waan worri kunini na lakise, waaqa d'araati sorio baase, waaqa d'ibi ka worraafi abbooti worraatifi hayyooti Yuda haga d'alate waan isaa imbeenne, sorio baasani, akanaani lafa tana t'ureesani. Worri yayu lafa tana d'iiga nama woma iyyakiniti balleese. Fulla sorio irati qalani waaqa Baali jed'ani jaare, ilmaani isaani arti irati gube sorio baase. Anini waan kana tolcha injenne, yokhaani inherennele. Duuba guyyaani ind'ufa ka fulla tanaani deebiani Tofethi yokhaani Bale Hinomu injenne, ammo Bale Qalma jed'ani. Fulla tanati anini mala worra Yudatifi ka Yerusalemu balleese, harka nyaapa keesa buuse, nyaapi sunini worra had'e dabsate, aninileeni reefa worraa allaatifi bineensa ala nyaachisa. Anini dira kana aka takaa inargini balleese, duuba nami d'aatu bahe dabru ch'ufti rifate maadefate afaani qabata. Nyaapi dira marse, nama keesa jiru hobaasu fed'a. Duuba worri dira suni keesa jiru maro gaargala sunitifi fooni woli nyaate ilmaani ufile nyaata. Jennaani AABBO Waaqi, ato jari si woliini jiru sunini argu, okote suni ch'absi naani jed'e. Duuba waan worraani jettu, AABBO Waaqi guddaani waan jed'u, Anini gumi tanaafi dira kana, akuma okote faara ta eegi ch'absani dandaani imid'aasine, ch'ach'absa. Tofethi keesaleti woli awaalani, wonti akanatiifi fullaani worra iti awaalani d'ibiini injirtu. AABBO Waaqi waan jed'u, anini dira kanafi nama keesa taule akuma Tofethi tolcha. Maneeni Yerusalemutifi ta hayyoota Yudatifi yokhaani maneeni gubba isiiti urjii hit'aana aarsanifi daad'iini waaqa d'ibii buusanileeni ch'ufti akuma Tofethi t'uroofti. Jennaani Yeremiani fulla AABBO Waaqi iti fagi jed'eeni, ta Tofethi jed'ani bahe, d'aqe naabo Mana Waaqa keesa eje, waan biyyaani jed'e, AABBO Waaqi guddaani, Waaqi Israeli, waan jed'e; Anini dira kanafi ollowaani d'aatu jirtu ch'ufa gaargala anini ind'ufaani jed'eeni ch'ufa itiini d'ufa; wonti akanatiifi worri yayu mata jabaate, dubbi tiyya ch'aqasu dide. Qaallichi Pashuri jed'ani, ka ilma Imeri, ka huji Mana Waaqati gudda, dubbi anini dubbad'e suni d'agaye jennaani, nama yaame, Namicha kana d'aana, d'aatu fullo Benjamini ta Mana Waaqatini olisenaniti jabeesa hid'a jed'e. Boriyya diirama eegi Pashurini hid'aansa suni naraa hiikhe, anini waan isani jed'e, AABBO Waaqi maqa Pashuri suni si inkennine, maqaani inni sii kenne, Mudamsu fulla ch'ufa. AABBO Waaqi waan jed'u, anini maquma sunini siifi jaallani teetile mudamsiisa. Duuba atini iluma teetiini agarta, aka jaalani tante woraana nyaapa isanitini hobaatu. Anini worra Yuda ch'ufa harka hayyu Babiloniti kenna — inni worra gari boojie lafa ufi geese, ka gari hobaasa. Ammalle anini waan diri kuni qabu ch'ufa, horifi mihaafi waan hayyuuni Yuda qabu ch'ufale, harka nyaapa isaniti kenne, nyaapi sunini boojie lafa ufi geesa. Pashuri, sifi worra kankele ch'ufa boojiani lafa Babiloni geesani. Achiti atini doote, sifi jaalani tante ta atini waan d'ara heddu iti odeesite awaalani. Ee AABBO Waaqa, atini na sobde jennaani anini ya sobame. Atini irre nara qabda, tanaafi na dabsate. Nami ch'ufti na goyeese hojja ch'ufa na miid'a. Anini yo dubbad'u ch'ufa iyye waan gaargalafi badii hima. Ee AABBO Waaqa, waan anini dubbi tante odeesufi hojja ch'ufa na goyeesani na koblani. Ammo hojja anini deebie, AABBO Waaqa maqa isatini woma, infagu jed'u, dubbini tante aka ibida na keesati bobeeti. Anini guddo iti game, aka waan isii indubbanne; ammo ufi d'owu dad'abe. Anini nama fulla ch'ufati, mudamsuuni ya lafa qabate! Koota jara gugurdati himna jed'e, Wolti hasaasu d'agaya. Jaalani tiyya ta nati aantuleeni ch'ufti, badii tiyya feete waan jettu, Hegeri isa somne, qamne, haalo iraa baafanna. Ammo ee, AABBO Waaqa, atini ka irreefi jabeenna qabdu kalcha tiyya, tanaafi nami na gaargalchu na dabsachu dad'aba. Worra haga jiru jireenna ch'eersani, waan tokole dabsachu dad'aba. Ch'eera worra haguma jirani inded'ani. Ammo ee AABBO Waaqa gudda, atini d'ugaani nama ilaalate, waan worri garaafi qalbi keesaa qabu beeta. Tanaafi aka atini nyaapa kiyya haalo baafatu na agarsiisi, wonti akanatiifi anini dubbi tiyya yayu siti kennad'e. AABBO Waaqaa sirba! AABBO Waaqa faarsa! Inni worra dabsani harka worra ch'ubbu keesaa baasa. Guyyaani anini d'alad'e ha abaaramu! Guyya haati tiyya na d'alte ha ded'ani! Namicha qonqo aabbotiini d'ufe, atini ya ilmi sii d'alate jed'e isa gammachiise ha abaaraniti. Inni ha dira AABBO Waaqi naasu male balleese fakaatu. Inni ha diirama boha d'agaye, guyya gudda iyyanna woraanaa d'agayuti, waan inni ato anini ind'alatini na inijeesinifi. Sila yo akasi taate awaali kiyya saabuma haad'a tiyyati. Isi, anini maafi saaba haad'a tiyya keesa bahe, d'ipufi gaargala argad'e jireenni kiyyaleeni ch'eeraani hobaa? Hayyuuni Yuda, ka Sedekia jed'ani, Pashuri ilma Malkiyafi qaallicha Sefania ilma Maaseya nati erge, waan nani jed'e: Aabbo, AABBO Waaqa nu kad'ad'i, wonti akanatiifi hayyuuni Babiloni ka Nebukadreza jed'anifi duuli isaa yayu dira marse. Hegeri AABBO Waaqi, waan mama fa tolche, Nebukadreza nuraa deebisa. Duuba AABBO Waaqi nani dubbate, jennaani anini waan worra sunini jed'e, waan Sedekiani jettani, AABBO Waaqi Israeli waan jed'u: Sedekia, anini askarti tante ta hayyu Babilonitifi duula isatini woli haatu imballeesa. Anini woraana askarti teeti wod'aka dirati tuula. Anini irre tiyyafi jabeenna kiyya ch'ufaani aka hama gugubad'e dallane si had'a. Anini nama dira kana keesa jiru ch'ufa inhobaasa; namaafi horileeni d'ukubuma hamaani aka takaa hobaa. Ammo siifi jaarole teetifi nama woraanafi beelafi d'ukuba ira hafe ch'ufa harka hayyu Nebukadrezatifi nyaapa keesani ka isani ijeesu fed'uti kenna. Duuba Nebukadrezani naasu male isani ch'ufa hobaase nama tokole hafu d'owa. Nami dubbi tana jed'e ana, AABBO Waaqa. Ammalle waan atini gumi tanaani jettu, AABBO Waaqi waan jed'u, Me ilaala, anini kara lama isani garsiisa, kara duisatifi ka jireenna. Nami dira keesati hafu yokhaani woraanani dua yokhaani beelaani dua yokhaani d'ukubaani dua. Ammo nami dira keesaa bahe, worra Babiloni ka tae dira kana had'uti jiru booju kad'atu induu, lubbu baha. Anini ya kutad'e, aka dira kana balleesu male inteenne. Dira kana harka hayyu Babiloniti kennani, inni gube balleesa. Nami waan kana jed'e ana, AABBO Waaqa. Ammalle waan atini worra hayyu Yudatini jettu, Dubbi AABBO Waaqa d'agaya, worra d'aloota Daudi! AABBO Waaqi waan jed'u, Guyya ch'ufa waan tolchitani ch'ufa d'uga gula tolcha. Nama dabsani harka nama dabse jalaa baasa. Yo baasu baatani, wonti hamtuni isani tolchitani kuni dallansu tiyya aka ibida nami dandae ind'aafine bobeesiti. Ee Yerusalemu, atini rabsu d'akhaa ka rarraa bale gubba olfago tau, ka diidale argani fakaata. Ammo anini si had'e, si balleesa. Atini, Nami tokoleeni dandae na inhad'u, yokhaani na indabsatu, jetta. Ammo anini maro waan atini taateefi, si gaargalche badda teesani gube, ibidi sunini waan d'aatu jira ch'ufa guba. Nami Dubbi tana jed'e ana, AABBO Waaqa. AABBO Waaqi waan jed'u: Mana hayyu Yuda d'aqi dubbi tana iti himi, waan jettuuni, Dubbi AABBO Waaqa d'agaya, Ee hayyu Yuda, ka barch'uma Daudi ira tau siifi jaarole teetifi nama kanke ka fullo tanaani olseenu ch'ufti. Wonti AABBO Waaqi jed'u tana, waan d'ugaatifi ka qajeela tolcha; nama dabsani harka nama dabsu jalaa baasa. Nama gosa d'ibitifi hiyyeeyifi nad'eeni hiyyeeyile gaargalchitani indabsina; ammalle fulla qulqullo tanati nama woma iyyakini infit'ina. Yo isani d'uguma waan anini jed'e kana tolchitani, duuba nami d'aloota Daudi, yo ch'ufa hayyu tahe, jaarole ufitifi gumi worra woliini, fullo mana hayyu tana gaarifi farda yaabate olseena. Ammo yo isani waan anini tolchu diddani, anini inkakhad'a aka mani kunini ona tahu. Nami dubbi tana jed'e ona AABBO Waaqa. Mani hayyu Yuda, aka lafa Gileaditifi gaareeni Lebanoni nati mid'aaga. Ammo anini ona nami keesa injirre isa tolcha. Anini nama isa balleesu, ka d'agara ufii harkaa qabu, siti erga. Duuba worri utuba hind'eesa mimid'aaga ch'ire ibida keesati d'abba. Eegi suni nami gosa d'ibii hedduuni d'aatu bahe dabre wolgaafate waan jed'u, AABBO Waaqi dira gudda kana akana tolche? Duuba worri waan jed'u, Waan worri Wold'aqisa AABBO Waaqa isaani lakise waaqa d'ibi gula yae hojateefi akasi tolchani. Worra Yuda, hayyu Yosia jettani imbohina; duisa isaale imbohina. Amma ilma isaa Yohazi boha, ka nyaapi boojie itiini d'aabatu, ka deebie lafa iti d'alate tana ingarre. Waan Yosia, ka ilma Yohazi jed'ani, ka fulla abba isa hayyu Yuda tahe, AABBO Waaqi waan jed'u: Inni ya armaa deeme deebie asi indeebiu. Inni lafa iti boojiani keesati dua, deebie lafa tana inargu. Nami mana ufi kara ch'ubbutini jaarate, ammalle kara hameennatini mana d'ibi iti dare jaare, ka nama lafa ufi hojachiise hori d'owate, ya bade! Nami, anini mana gudda jaarad'e, gubbale mana d'ibi iti dare ballisa jed'u, ya bade! Duuba inni deresha gugurda iti mid'aase mukha hind'eesatini barreese, hallu diimtuni ch'okha. Yo atini mukha hind'eesatini mana jaarate, waan hayyoota ch'ufa ira jirtu ufi seeta? Abbaani kanke nyaate d'uge waan d'ugaatifi ka qajeela gula indeemne? Tanaafi inni waan tolchu ch'ufa keesa eeba argate. Inni dubbi hiyyeesa d'uga gula qore, tanaafi waan tolche ch'ufa keesati eeba argate. AABBO Waaqi waan jed'u, Waaqa beekhitini waan akanatiniiti? Ammo atini ufo dabaati, woma ke ch'alla feeta; atini nama woma iyyakini ijeefte, irrumani gosa te dabsite. Nami dubbi tana jed'e, AABBO Waaqa. Tanaafi AABBO Waaqi waan Yehoiakimu, ilma Yosia, ka hayyu Yuda, akana jed'a: Nami tokoleeni ka isaa bohu injiru, yokhaani oboleesi kiyya ya bade; eesa arga? jed'e injiru! Nami tokoleeni ka boheefi, Aabbo kiyya, hayyu kiyya jed'u injiru. Akuma harre doote dira Yerusalemu keesa alaati hirkisani gatani. Worra Yerusalemu waan goli teesani dabsatanifi, Lebanoni d'aqa iyya, lafa Bashanile d'aqa, arrifad'a; gaareeni Moabule keesa arrifad'a. Gaafa isani quufa qabdani, ka isani nagayaani teetani, AABBO Waaqi isaniini dubbate ammo ch'aqasu diddani. Karaani haguma duriti isani keesati fidamtani sunuma; isani takaa AABBO Waaqaa insaalfanne. Jaarole teesani bubbeeni fud'atte, goli teesani ch'ufa boojiani, nama dira keesani maro ch'ubbu teesanitifi ch'eersani balleesani. Isani mana hind'eesa Lebanonitini jaaratani nagayaani keesa teetani; ammo hojja gaargali aka nad'eeni d'alaa ch'ininfatu isaniti d'ufu, aka male mudamtani. AABBO Waaqi waan Yehoiakini ilma Yehoiakimu, ka hayyu Yudatini jed'e, Anini maqa Waaqa jirutini kakhad'a, ato atini qube tiyya ta beesisa, ta harka mirgicha taatele, anini ufira si baase harka nama atini sodaatu ka si ijeesu fed'uti sii kenna. Anini harka hayyu Babiloni, ka Nebukadreza jed'anitifi askarti isati si kenna. Anini siifi haatetile, lafa d'ibi isani geese, harka nyaapati isani kenne, achiti dootani. Isani aka lafa tanati deebitani d'araatani, ammo dandeetani indeebitani. Anini waan jed'e, Namichi Yehoiakini jed'ani kunini, ya okote faara, ta nami infeene, ta ch'abt'e gatani, tahe? Wonti isaafi ilmaani isaa boojiani lafa worri waan isii imbeenne geesanifi tana? Ee lafa! Ee lafa! Ee lafa! Waan AABBO Waaqi jed'e ch'aqasi: Wonti namicha kanaa heregani, aka inni ilmaani d'abe, hormaatafi nagaya waan ch'ufa d'abe, ammalle nama d'aloota isaa ka barch'uma Daudi ira tae lafa Yuda fidule d'abu. Nami dubbi tana jed'e ana, AABBO Waaqa. Gaargali AABBO Waaqi nama nama fidu, ka gumi isaa balleese gargari firfirsutini d'ufu, akami hama! Wonti AABBO Waaqi Israeli waan nama nama fidu, ka sila gumi isaa qorqoratuni jed'u, tana: Isani gumi tiyya qorqorachu diddani gargari firfirsitani d'id'imati d'ooftani. Anini amma tana maro isani waan hamtu suni tolchitanifi isani gaargalcha. Anini gumi tiyya ta hafte lafa iti firfirse keesaa guure, lafa worra ta qaraa taaniti galcha. Achiti worri ilmaani heddu d'ale lafa ira dabra. Anini nama worra fidu, ka worra qorqoratu, iti tolche, duuba worri deebie woma sodaate imudamu, aninileeni deebie worra ingaargalchu. Nami dubbi tana jed'e ana, AABBO Waaqa. AABBO Waaqi waan jed'u, Guyyaani ind'ufa, ka anini d'aloota Daudi keesa nama d'uga toko fohad'e hayyu tolchu. Hayyichi sunini kara dansaani nama fidde, waan d'ugaatifi ka qajeela lafa ch'ufa keesati tolcha. Gaafa inni hayyu tahu, worri Yuda soda nyaapa jalaa bahe, worri Israelileeni nagayaani taa. Maqaani isaani yaamani AABBO Waaqi d'uga keenna. AABBO Waaqi waan jed'u, Guyyaani ind'ufa, ka nami deebie maqa AABBO Waaqa jiru, ka gumi Israeli lafa Misiri keesa baaseni, inkakhanne. Ammo fulla suni wonti worri kakhatuni maqa AABBO Waaqa jiru, ka gumi Israeli lafa mirgaatifi lafa inni iti firfirse ch'ufa keesaa galche. Duuba worri lafa isaani keesa taa. Maro AABBO Waaqatifi maro dubbi isaa qulqullootifi onneeni na ch'ite, nafi na hollate, akuma nama guddo daad'iini machae daad'iini dabsatte fakaad'e. Nami waan hamtu tolche Waaqa lakisu ya lafa ira dabre; worri hameenna gula yae irreeni nama dabse. Maro Waaqi worra abaareefi, lafti boote marrileeni gogoge. AABBO Waaqi waan jed'e, Raagootafi qaaloleeni Waaqa imbeetu; Mana Waaqa keesaleti aka worri waan hamtu tolchu ya arge. Daandini worri gula yau worra jalaa much'uch'ate, lafti worrati dukanoofti; anini worra gufachiise worra buusa. Anini badi worratiini d'ufa, guyyaani worra gaargalchani ya gahe. Nami dubbi tana jed'e ana, AABBO Waaqa. Raagoota lafa Samaria keesa jirtu anini waan hamtu toko irati arge: Worri maqa waaqa Baali jed'anitini fage gumi tiyya kara iraa gorse. Ammo anini raagoota Yerusalemu, ta waan hagasi ira hamtu tolchitu, arge: Worri huji sharmut'oma hojate, d'ara dubbate, nama waan hamtu tolchule wahelche; duuba akanaani nami tokoleeni hameenna ufi iraa deebiu dide. Aka kiyyati worri yayu worra Sodomatifi ka Gomora fakaate. Tanaafi duuba wonti raagoota Yerusalemu suni, ka anini AABBO Waaqi guddaani jed'u, tana: Waan worri lafa ch'ufa keesa yae, kara Waaqa iraa nama gorse hameennaani d'ufeefi, anini mukhi had'aa nyaachise bisaani had'ao obaasa. AABBO Waaqi guddaani waan worraa Yerusalemutini jed'e, Waan raagooti isaniini jettu inch'aqasina; worri waan d'ara isani abdachisuu jira. Worri daayya nara ind'ufini hereguma ufitini gabaase isaniti himu jira. Ammalle worri worra dubbi Waaqa tufatuni waan jed'u, Woma insodaatina, lafti naguma. Ammalle nama mata jabaate, herega ufi ch'alla gula deemuni waan jed'u, Isani gaargala inargattani. Anini waan jed'e, Raagoota tana keesa eenuti herega AABBO Waaqa beekha? Worra keesa eenuti taka dubbi isaa d'agaye hubate, yokhaani waan inni jed'u ch'aqase jalaa qaba? Dallansuuni isaa aka bubbe jirti, ta irrumani mata worra ch'ubbu roraaftu. Dallansuuni sunini isa iraa ingaltu, haga inni waan fed'u ch'ufa tolchuti. Takaa tana dubbini tunini aka dansaa gumi isaati galti. AABBO Waaqi waan jed'e, Anini raagoota tana inergine, ammo worrumati ufiini yae. Anini waan tokole worrati inhimne, worri dubbuma ufitini woi fage. Worri sila, ato herega kiyya beekhe, yayu dubbi tiyya biyyati haasae, kara hamafi waan hamtu worri tolche iraa gorse. Anini Waaqa fulla toko ch'alla tauniti, ammo fulluma ch'ufa jira. Nami tokoleeni dandae fulla tokoleti na duraa ind'okhatu. Isani aka anini fulla ch'ufa lafafi gubbale jiru imbeetani? Anini waan raagooti maqa kiyyaani waan d'ara dubbate, Anini ya oobjad'e, anini ya oobjad'e jettu imbeekha. Haga yoomi raagooti d'ara tunini gumi tiyya herega worraa ka d'araatiini sobde balleesiti? Worri waan oobjuuni amma, worri wolti himu tunini gumi tiyya na wollaalchiftu seha, akuma abbootini worraa na lakifte Baali gula yaate. Raagi oobju oobjate ha waan oobju isaa himuti, ammo raagi dubbi tiyya d'agaye ha dubbi suni kara d'ugaatini himu. Ch'idiifi dargayeeni maanini woli fakaati? Dubbini tiyya aka ibida jirti, ammalle burrisa d'akha ch'ach'absu fakaati. Anini raagoota dubbi woli jala fud'atte, AABBO Waaqati akana jed'e jettu, infed'u. Ammalle raagoota dubbuma ufi dubbatte, Waaqati akana jed'e jettule, infed'u. Waan anini, AABBO Waaqi jed'u, D'agaya! Anini raagoota oobjatte d'ara odeesitu infed'u. Worri waan oobju suni odeese, d'araafi kiyyiba worratiini gumi tiyya kara iraa gorsa. Anini worra suni infohanne yokhaani inergine, tanaafi worri diqole qarqaarsa gumi tana intahu. Nami dubbi tana jed'e ana, AABBO Waaqa. AABBO Waaqi waan nani jed'e, Yo gumi tiyya keesa nami toko, yokhaani raagi toko, yokhaani qaallichi toko d'aamsi AABBO Waaqa maani? Jed'e si gaafate, atini waan jettuuni, Atini yayu baa ulfo AABBO Waaqati taate, tanaafi inni amma si balleesa. Ammalle gumi tiyya nami toko, yokhaani raagi toko, yokhaani qaallichi toko, dubbi baa ulfo AABBO Waaqa maqale d'ae, anini isaafi worra isaa ch'ufa balleesa. Fulla suni nami ch'ufti sila ha jaalani ufitifi fiit'a ufile gaafate, AABBO Waaqi maani siini jed'e? Dubbini inni jed'e maani? jed'u. Tanaafi nami deebie, baa ulfo AABBO Waaqa maqa d'au himmalle; wonti akanatiifi yo nami akasi jed'e, Anini d'aamsa kiyya baa ulfo iti tolcha. Nami yayu dubbi Waaqa jiru, AABBO Waaqa guddaa, garagalche balleese. Yeremia, waan atini raagootaani jettu, AABBO Waaqi maani isaniini jed'a? Dubbini inni jed'e maani? Ammalle yo worri dubbi tiyya ch'aqasu dide baa ulfo AABBO Waaqa maqa d'ae, waan jettuuni, Waan isani dubbi suni maqa d'ooftanifi, anini isani fuud'e ufira isani fageesa, isanifi dira anini ababoota teesani kennele. Anini haga jiru jireenna worra ch'eerse lafa isaani balleesa ch'eera suni nami haga jiru inded'u. Eegi hayyuuni Babiloni, ka Nebukadreza jed'ani, Yehoiakini, ilma Yehoiakimu, ka hayyu Yuda, Yerusalemu keesa isaafi jaarole Yudatifi ogeeyifi tumtu boojie Babilonini d'ufe AABBO Waaqi dadu lama ta mid'aani odaa miju, ta mana Waaqa dura jirtu, daayya keesa na garsiise. Daduuni toko mid'aani dansa aka dansaa bilchaate qabdi; ammo taani mid'aani hamo ka nami dandae inyaanne qabdi. Jennaani AABBO Waaqi waan nani jed'e, Yeremia, atini maani agarta? Anini waan jed'eeni, Mid'aani odaa arge, dandansani guddo dansa hamamoni guddo hamo, waan nami dandae nyaatuniti. Jennaani AABBO Waaqi waan nani jed'e, Wonti AABBO Waaqi Israeli jed'u tana, worri lafa Yudati boojiani lafa Babiloni geesani mid'aani odaa dadansa kana nati fakaata, duuba aninileeni worraa innaha. Anini worra qorqorad'e lafa tanati deebise, aka mana jabeese worra jaare, ch'abbu d'owe, ammalle aka mukha worra oobre, buqau d'owa. Anini herega worri aka anini AABBO Waaqa beekhuni worraa kenna, duuba worri gumi tiyya tahe, aninileeni Waaqa worraa taha; wonti akanatiifi worri garaa tokooni nati deebia. Ammo hayyu Yuda ka Sedekia jed'anifi jaarole isaatifi nama Yerusalemu ka lafa tana keesati hafefi ka lafa Misiriti godaanele — anini AABBO Waaqi akuma mid'aani odaa hamo nami dandae inyaanne kaani tolcha. Anini badii hamtu akana tana worratiini d'ufe, gosa lafa keesa jirtu ch'ufa mudamsiisa. Nami worrati tabate, worra goyeese tufate, fulla anini worra iti firfirsu ch'ufa maqa worraatini nama abaara. Anini woraanafi beelafi d'ukuba worraatini d'ufe, akasiini lafa anini worraafi ababoota worraati kenne keesaa worra balleesani. Ganna afreeso ka Yehoiakimuni, ilmi Yosia, hayyu Yuda tahe, qonqooni waan worra Yuda dubbatu AABBO Waaqa iraa nati d'ufte. (Gaafasi ganna qara ka Nebukadrezani hayyu Babiloni tahe.) Jennaani anini waan worra Yerusalemutifi ka Yudatini jed'e. Ganna diddami sadi haguma ganna kud'ani sadeeso ka Yosiani, ilmi Amoni, hayyu Yuda tahe asi haga arrale Waaqi nani dubbachu illakimne, aninileeni maro ch'ufa dubbi suni ya isaniti hime; ammo isani ch'aqasu diddani. Ato AABBO Waaqi raagoota hojattu isaa isaniti bara ch'ufa ergele, isani inch'aqamne yokhaani dubbi suni womatu indarre. Worri waan jed'e, Isani nami ch'ufti kara hama kanafi waan hamtu tahuti, jirtani kana iraa deebia, duuba akanaani lafa AABBO Waaqi isanifi ababoota teesani haga jiru jireenna d'aalaa kenne keesa teetani. Waaqoota d'ibi gula yaatani hojattani inkad'atiina, waan harkaani boch'atani kad'attani AABBO Waaqa indallansisina. Yo isani akasi taatani Waaqi woma isani intolchu. Ammo AABBO Waaqi waan jed'u, Isani na ch'aqasu diddani, waan harkaani boch'ani kad'attanini na dallansiiftani, duuba akanaani badi ufitini d'uftani. Tanaafi AABBO Waaqi guddaani waan jed'u, Waan isani dubbi tiyya ch'aqasu diddanifi, anini gosa mirga teetu ch'ufafi hojatu tiyya Nebukadreza hayyu Babiloni yaame, lafa tanaafi nama isi keesa taufi lafa d'aatu jirtu ch'ufa haasisa. Anini gosa Yuda tanaafi gosa worra d'aatu teetule balleese lafa worrale haga jiru jireenna onse waan nami hojja qaabatu ch'ufa iraa rifatu tolcha. Nami dubbi tana jed'e ana, AABBO Waaqa. Anini qonqo gammadaatifi ta qilit'amatifi gammada guyya fuud'a, ch'allisise worri d'ad'a ifsaani bobeesani d'abe mid'aani d'akha irati daakhani d'aba. Lafti tunini ch'ufti badde ona taate, gochiti tunini ch'ufti ganna torbatama harka hayyu Babiloni jalati bulti. Ammo eegi ganni torbatama hobae, anini hayyu Babilonitifi lafa isaa ta Babiloni jed'ani maro ch'ubbu worraatifi balleese, haga jiru jireenna ona tolcha. Anini lafa Babiloni badi anini qara waan isii hime, ta kitaaba kana keesati t'aafani Yeremiani fage gosa ch'ufati odeese, itiini d'ufa. Anini worra Babiloni, waan worri tahe, gula, worra gaargalche, gosa heddufi hayyooti gugurdoni tisse worraa tolfatti. AABBO Waaqi Israeli waan nani jed'e, Muduunu daad'i, ta dallansuuni tiyya keesa jirtu tana, naraa fuud'i, gosa anini iti si erge tana ch'ufa obaasi. Worri yo d'uge dadaaqe mamaraata, maro woraana anini worrati erguufi. Duuba anini muduunu suni AABBO Waaqa iraa fuud'e, gosa inni iti na erge ch'ufa obaase. Yerusalemufi dira Yuda ch'ufafi hayyoota isiitiifi jaarole isii ch'ufale inobaasani, duuba lafti worraa badde ona taate, hojja qaabatani ch'ufa nami waan isii iraa rifata, maqa isiitiini woli abaara — akuma arrale woli tolchani. Jennaani AABBO Waaqi waan nani jed'e, Waan atini worraani jettu, AABBO Waaqi guddaani, Waaqi Israeli, waan jed'u: D'uga, machaa, diddifad'a, woraana anini isaniti erguuni hobaa, haguma jirtani inkaina. Ammo yo worri muduunu harka kanke iraa fuud'e d'ugu dide, waan jettuuni, wonti AABBO Waaqi guddaani jed'u, silaaftu kama d'uddani! Anini badi worra kana diruma maqa kiyya qabu kanaani iti keeyad'a. Isani waan gaargala kana jalaa baatani seetani? Hiyo jalaa imbaatani; wonti akanatiifi nama lafa keesa jiru ch'ufa anini woraana iti kaasa. Nami dubbi tana jed'e ana, AABBO Waaqa gudda. Yeremia, atini waan anini jed'e kana ch'ufa worrati himi, waan jettuuni: AABBO Waaqi gubbaa itane, gara inni tau ka gubbati mandia. Ammalle gumi isati itane, aka nama zabibu ch'ach'arasu iyya. Nami lafa keesa jiru ch'ufti isa d'agaye, qonqo isaa suni, hogaani isii, haga muumme lafa gaha. AABBO Waaqi gosa ch'ufa dubbi iraa qaba. Inni nama ch'ufa qorsumatini d'ufe worra ch'ubbu woraanani fit'a. Nami waan kana jed'e ana, AABBO Waaqa. AABBO Waaqi guddaani waan jed'e, Me ilaala, badiini gosa ch'ufa woluma gula qabachuuti jirti. Bubbeeni guddoleeni muumme lafati d'ufuu jirti. Guyya suni reefi nama AABBO Waaqi fit'u lafa haguma isiini geetunu fulla ch'ufa ch'iisa. Nami worraa bohe reefa suni wolti guure awaalu injiru, reefi worraa akuma huura lafa ch'iisa. Jaarole gumi tiyya tissitu, iyya, boha! Boha, biyye keesa gangalad'a. Guyyaani isani qaqalani ya gahe akuma Elemiye gagabbo isani qaqalani. Fullaani isani baqattani iti baatani injirtu. AABBO Waaqi yayu gumi isa lakise akuma nyeench'i goda ufi lakisu. Maro woraana nyaapatifi dallansu hamtu AABBO Waaqale lafti yayu badde aloo taate. Akuma Yehoiakimuni, ilmi Yosia, hayyu Yuda taheeni, AABBO Waaqi waan nani jed'e, Naabo Mana Waaqa keesa eji, dubbi anini, dira Yudati himi siini jed'e tana, worra Waaqa kad'achu d'ufeti himi. Waan tokole inhambisini. Hegeri worri ch'aqase kara ufi hama iraa deebiafa. Yo worri akasi tahe, anini waan hamtu qara worra tolcha jed'e herege, illakisa. Duuba waan jettuuni, AABBO Waaqi waan jed'e, Yo isani na ch'aqaftani, seera kiyya ka anini isanii kenne guutu baatani, raagoota hojattu tiyya, ta anini bara ch'ufa isaniti ergele ch'aqasu diddani. Anini mana kana aka Shilo tolche, dira kanale waan nami lafa ch'ufa woliini abaaru tolcha. Qaaloleefi raagootafi gumiini ch'ufti ana, Mana Waaqa keesati, dubbi tana jed'u d'ageennaani, akuma anini dubbi AABBO Waaqi jed'i nani jed'e taani buufad'eeni worri sunini ch'ufti na qabe, iyye waan jed'e, Atini maro dubbi tana jetteefi duu malte! Atini maanifi maqa AABBO Waaqatini, mani kunini akuma Shilo tae, diri kunileeni nama d'abe bade ona taha jetta? Jennaani gumiini ch'ufti na marsite. Jaaroleeni Yuda waan tahe kana d'ageennaani mana hayyu keesaa baate, harifate Mana Waaqa d'ufte, fulla fullo Hareeti jed'ani Koraa teteette. Jennaani qaaloleefi raagooti waan jaaroleefi gumiini jette, namichi kunini duu male, waan inni aka dira keenna balleesani fageefi. Isanileeni waan suni ya gurra keesanini d'ageetaniyu? Jennaani anini waan worraani jed'e, Nami na erge, badii Mana kanatifi ta dira kana fagi nani jed'e AABBO Waaqa. Kara gula yaatani kana lakisa, Finna keesani jijirad'a, AABBO Waaqa keesani saalfad'a. Yo isani akasi taatani, inni herega qara dira kanaani balleese jed'e kaani illakisa. Ammo anini harka keesani keesa jira! Waan feetani ka d'uga seetani na tolcha. Ammo waan toko hubad'a: yo na ijeeftani, isanifi nami dira kana yayu nama woma iyyakini ijeeftani wollaala seentani; wonti akanatiifi nami na erge dubbi suni, worra kanati himi nani jed'e, AABBO Waaqa. Jennaani jaaroleefi gumiini ch'ufti waan qaaloleefi raagootaani jette, Nami kunini maqa AABBO Waaqa keennatini nuni dubbate, tanaafi inni duu himmalle. Duuba jaaroleeni gari olkakaate, waan gumi artiti wolti baate sunini jette, Gaafa Hezekiani hayyu Yuda, raagi Mikaya jed'ani, ka lafa Morashti, d'ufe waan gumi Yuda ch'ufaani jed'e. AABBO Waaqi guddaani waan jed'u, Sioni aka oobru qotani Yerusalemuni huura wolti harani taate, gaari Mana Waaqa danqara taha. Hayyu Yuda ka Hezekia jed'anifi gumiini Yuda ya Mikaya ijeefte? Hezekiani AABBO Waaqa sodaate, qarqaarsa inkad'anne? AABBO Waaqi badi qara worra balleesu fed'u illakimne? Nu diquma badi hamtu ufiini ind'ufini. (Namichi toko ka Uria, ilma Shemaya jed'ani, ka Kiriath-Yearimu bahe, innileeni akuma Yeremia kana maqa AABBO Waaqatini badi dira kanatifi gosa tana hime. Hayyichi Yehoiakimu jed'anifi askarti isaatifi jaaroleeni isaaleeni waan Uriani jed'e d'ageennaani, hayyichi aka isa ijeesu malate. Ammo Uriani waan suni d'ageennaani mudame, lafa Misiriti baqate. Ammo hayyichi Yehoiakimuni Elnathani ilma Akboritifi nama d'ibi lafa Misiriti erge, Uria barbaada kootani jed'e. Duuba worri isa qabe, hayyicha Yehoiakimu duraani d'umnaani inni isa ijeese, reefa isaa fulla nama ch'ufa iti awaalani buuse.) Ammo waan Ahikamu, ilmi Shafani, naa kalcheefi anini harka gumi suni ka sila na ijeeftu jalaa bahe. Akuma Yosiani, ilmi Sedekia, hayyu Yuda taheeni, AABBO Waaqi waan nani jed'e, Qaampara gogafi mukhaani mid'aafad'i, morma ira keeyad'i. Duuba gara hayyu Edomutifi ka Moabutifi ka Amonitifi ka Tirotifi ka Sidoni, jara worri gara Sedekia hayyu Yuda ka Yerusalemu jiruti ergeeni qonqo ergi. Qonqooni atini worraani, hayyoota keesaniti d'aama jettuuni tana: Wonti AABBO Waaqi guddaani, Waaqi Israeli, jed'u tana: Irreefi jabeenna kiyya guddaani anini lafafi namaafi bineensa lafa keesa jiru ch'ufa uume, lafa suni nama anini jaalad'u kenna. Nami gosa tana ch'ufa harka hojattu tiyya Nebukadreza hayyu Babiloniti kenne anuma, anini bineensa alalle ch'ufa isa jalati bulche. Gochiti ch'ufti isaafi ilma isaatifi akhaakhu isale jalati bulti, haga guyyaani lafti isaa baddu gahuti. Duuba gaafasi gochiti isaa gosa jabduufi hayyoota gugurdo jalati bulti. Ammo yo lafafi gochiti toko isa jalati bulu didde, anini gosa suni woraanafi beelafi d'ukubaani balleesa, haga Nebukadrezani jabeenna ufitini gosa suni balleesuti. Tanaafi raagoota teesanifi nama wo himuufi nama oobju qabuufi nama ekhera wo gaafatufi falfatu, hayyu Babiloni jalati imbulina isaniini jettule inch'aqasina. Worri isani sobe aka boojiani lafa teesani ira isani fageesani isani tolcha. Anini lafa teesani keesaa isani baase, duuba akasiini isani balleesani. Ammo yo gochiti tokoleeni ee jette hayyu Babiloni jalati bulte, Anini gosa suni lafa isaani keesati lakise, Worri oobru qotate achuma taa. Nami dubbi tana jed'e ana, AABBO Waaqa, Anini woma suni Sedekia hayyu Yudati hime waan jed'e. Ee jed'aa, hayyu Babilonitifi nama isa ch'ufa jalati bula, duuba injiraattani. Siifi worri kanke maafi woraana yokhaani beela yokhaani d'ukubaani dootani? Wonti AABBO Waaqi gosa ee jette hayyu Babiloni jalati bulu diddu tolchu suni. Raagoota, hayyu Babiloni jalati imbulina jettu, inch'aqasina. Worri isani sobuu jira. AABBO Waaqumati, Anini raagoota suni inergine, worri maqa kiyyaani waan d'ara faguu jira jed'a. Tanaafi inni isani gusse, isanifi raagoota waan d'ara kana isaniti himtu tanale ijeesani. Jennaani anini waan qaaloleefi gumi ch'ufaani jed'e, AABBO Waaqi waan jed'u, raagoota, miha Mana Waaqa ka boojiani lafa Babiloni geesani d'iotu indeebisani jettu, inch'aqasina. Worri isaniti kiyyibuu jira. Worra inch'aqasina, hayyu Babiloni jalati bula, injiraattani! Diri kunini maafi bade ona taha? Yo worri d'uguma raaga tahe dubbi AABBO Waaqatini dubbate, worri ha ana, AABBO Waaqa gudda gaafatuti, aka miha Mana Waaqa keesati hafufi miha d'ibi ka mana hayyu keesa jirule Babiloni ingeesine. Waan miha suni ka Mana Waaqatifi mana hayyu ka Yerusalemuti hafe ka anini, AABBO Waaqa guddaani Israeli jed'u, ch'aqasi: Miha suni lafa Babiloni geesani, haga anini barbaada d'ufuti achumati lakisani. Duuba eegi suni anini guure, fulla tanati deebisa. Nami dubbi tana jed'e ana, AABBO Waaqa. Gannuma suni, jia shaneeso ganna afreeso ka Sedekiani hayyu Yuda tahe, raagi Hanania, ilma Azuri jed'ani, ka dira Gibeoniiti d'ufe, Mana Waaqa keesati nani dubbate. Qaaloleefi gumi ch'ufa durati inni waan nani jed'e, Wonti AABBO Waaqi guddaani Israeli jed'u tana: Anini irre hayyu Babiloni ya ch'abse. Anini ganna lama keesati, miha Mana Waaqa ch'ufa, ka hayyichi Nebukadreza jed'ani boojie Babiloni geese, fulla tanati deebisa. Ammalle anini hayyu Yuda, ka Yehoiakini ilma Yehoiakimu jed'anifi, worra Yuda ka boojiani lafa Babiloni geesani wolumaani ch'ufa deebisa. D'uguma anini irre hayyu Babiloni inch'absa. Nami dubbi tana jed'e ana, AABBO Waaqa. Jennaani qaaloleefi gumi Mana Waaqa keesa jirtu ch'ufa durati anini waan Hananiani jed'e: Hayye, hataatu AABBO Waaqi tolchinna. Dubbi atini jette tana inni sii d'ugeese, miha Mana Waaqatifi nama boojiani Babiloni geesani ch'ufa deebisinna. Ammo waan anini biyyaafi sileeni jed'u ch'aqasi. Raagooti duri nu durati lafa jirtu, woraanafi beelafi d'ukuba gosa heddutifi lafa jajabdu irre qabduti d'ufu fadde. Ammo raaga nagaya dubbatu hojja dubbini isaa guutamtu ch'alla aka d'uguma Waaqi isa erge beekhani. Jennaani raagi Hananiani qaampara kaani morma iraa na baase ch'ach'abse, gumi ch'ufa durati waan jed'e, AABBO Waaqi waan jed'u, Akuma atini qaampara kana ch'absite kana, anini qaampara hayyuuni Babiloni Nebukadrezani, morma gosa ch'ufa ira kaye ganna lama keesati ch'absa. Jennaani anini kae iti d'aabad'e. Duuba eegi anini diqo tae, AABBO Waaqi waan naani jed'e, Gara Hanania d'aqi waan jettuuni, AABBO Waaqi waan jed'u, Atini qaampara mukhaa ya ch'absite, ammo fulla isaa anini qaampara sibiila kaya. Wonti AABBO Waaqi guddaani Israeli jed'u: Anini qaampara sibiila morma gosa tana ch'ufa ira kaye, worra hayyu Babiloni ka Nebukadreza jed'ani jalati bulche, worri isa jalati bula. Ammalle anini bineensa alalle ch'ufa isa jalati bulcha. Jennaani anini waan Hananiani jed'e, Hanania, na ch'aqasi! AABBO Waaqi si inergine, atini jara kana sobde dubbi d'ara dugefachisuu jirta. Tanaafi AABBO Waaqi waan siini jed'u, Amma lafa keesaa si balleesa. Gannuma kana keesati doota, waan atini biyyaani, Dubbi Waaqa dida jetteefi. Duuba gannuma suni keesa, jia torbeeso, raagi Hanania jed'ani suni lubbu d'abe. Anini gara qaaloleetifi raagootafi jaarole gumitifi nama Nebukadrezani Yerusalemu keesaa boojie Babiloni geese ch'ufa tatabe tana t'aafe. Anini eegi hayyu Yehoiakinifi haad'a isaatifi hojattu mana hayyutifi jaarole Yudatifi ta Yerusalemutifi ogeeyifi nama huji harkaa beekhu ch'ufa boojiani tatabe tana t'aafe. Duuba anini tatabe tana harka Elasa, ilma Shafanitifi Gemaria ilma Hilkia. Ka, Sedekiani hayyuuni Yuda Nebukadreza hayyu Babiloniti erguti kenne. Tatabeeni suni akana jetti: AABBO Waaqi, guddaani Israeli, waan nama ch'ufa ka Nebukadrezani Yerusalemu keesaa fuud'e Babiloni geesaani jed'u: Mana jaarad'a iti gala; oobru oobrad'a, waan isiini baaftu nyaad'a. Wolfuud'a ilmaani d'ala; ilmaani teesanile wolfusisa, worrileeni ha ilmaani d'aluti indiqaatina, hora, lafa ira dabra. Dira anini iti isani geese suni keesati nagayafi hormaata barbaada. Worra dira suniiti jed'a, Waaqa kad'ad'a, wonti akanatiifi yo worri hore isanileeni ya hortani. Anini AABBO Waaqi Israeli waan isaniini jed'u, Raagootafi worri wo himu, ka isani woliini tau, isani insobini. Oobju worrale inch'aqasina. Worri maqa kiyyaani waan d'araa isanii faguu jira, anini worra inergine. Nami dubbi tana jed'e ana, AABBO Waaqa. AABBO Waaqi waan jed'u, Yo ganni torbatama dabre lafti Babiloni guddinna ufi d'abde anini isani nahe worrati isani galche, akasiini kakhu tiyya guuta. Anumati herega anini isanii qabu beekha, aka hormaatani isanii d'ufe badii isani d'owu, ammalle aka waan dansa isani abdatani ch'ufa isanii kennu. Duuba isani na yaamattani d'uftani na kad'atani, aninileeni kad'acha teesani isanii d'agaya. Isani na barbaadani, waan garaa tokooni na barbaadaniifi na agartani. Ee, isani na agartani, aninileeni lafa teesaniti isani deebisa. Nami dubbi tana jed'e ana, AABBO Waaqa. Isani hegeri waan nani jettani, AABBO Waaqi lafa Babiloni keesa yayu raaga nuu kenne. Waan hayyu dira Daudini duri fidetifi waan worra dira kana keesa tau, fiit'a teesani ta isani woliini imboojiini ka AABBO Waaqi jed'u ch'aqasa. AABBO Waaqi guddaani waan jed'u, Anini woraanafi beelafi d'ukuba worratiini d'ufe oda shame ka nami nyaachu indandeenne worra tolcha. Anini worra lakisu dide, woraanafi beelafi d'ukuba worratiini d'ufa, gochiti lafa keesa jirtu ch'ufti waan agarte suni iraa rifati. Fulla anini worra iti firfirse ch'ufa, nami waan worri tahe iraa rifate mudame. Worra goyeesani maqa worraatini, nama abaarani. Wonti woni kunini ch'ufti worrati d'uftufi, waan worri qonqo anini bara ch'ufa raagoota hojattu tiyyaatini worrati erge ch'aqasu dideefi. Isaniini ch'ufti, ka anini lafa Babiloni geese, waan anini, AABBO Waaqi jed'u, ch'aqasa. Wonti AABBO Waaqi, guddaani Israeli, waan Ahabu ilma Kolayatifi Sedekia ilma Maaseya, ka maqa kiyyaani dubbi d'ara isani faguuni jed'u tana; anini harka hayyu Babiloni ka Nebukadreza jed'aniti worra kenne, inni ila teesani durati worra fit'a. Hojja worri Yerusalemu keesaa boojiani lafa Babiloni geesani nama abaaru fed'u. Worri waan jed'u, AABBO Waaqi aka Sedekiafi Ahabu, ka hayyuuni Babiloni ibidaani gube hobaase si tolchinna! Wonti worri gaargala suni argatuufi worrati Israeli keesati waan dabaa tahe: Worri nad'eeni biyya barate, ammalle maqa AABBO Waaqatini d'ara dubbate. Wonti worri tolchu kunini waan Waaqi fed'uniti; inni waan worri tolche beekhe ila ufitini arge. Nami dubbi tana jed'e AABBO Waaqa. AABBO Waaqi yayu fulla Yehoyada qaallu si tolche, inni amma yayu gudda Mana Waaqa si tolche. Atini nama marata, ka raaga ufiini jed'u ch'ufa, sansalatani hid'i, haada sibiila mormati kayi. Atini maanifi Yeremia, ka worra Anathothi, ka raaga ufi tolche biyyati woi himuti inkayini? Inni nu worra Babiloni jiru qonqo tana nuti erge waan jed'u; isani guddo achiti turtani, mana jaarad'a iti gala oobru oobrad'a, waan isiini baaftu nyaad'a jed'a. Ammo qaallichi Sefaniani tatabe suni naa soome. Jennaani AABBO Waaqi waan nani jed'e, AABBO Waaqi Israeli waan nani jed'e: Waan anini siini jed'e ch'ufa kitaaba keesati t'aafi; wonti akanatiifi guyyaani ind'ufa, ka anini gumi tiyya worra Israelitiifi ka Yuda lafa worra iti boojiani keesaa galche, lafa anini duri ababoota worrati d'aala kenneti deebisu. Nami dubbi tana jed'e ana, AABBO Waaqa. AABBO Waaqi waan worra Israelitiifi ka Yudatini jed'u, Anini qonqo mudamsu yokhaani ta soda, ta nagaya intahini, d'agaye. Me heregi, nami d'iira dandae d'iibate ilmaani ind'ala? Anini maafi nama d'iira ch'ufa, ka garaa qabate, aka nad'eeni garaacha ta ch'ininfatu ejaanju arga re? Nama ch'ufa maafi fuuli golgolaa: Guyyaani hamaani d'ufuu jira, ka nami takaa arge ind'agayini — guyya gumiini tiyya ta Yakobo gaargaltu, ammo ha taatu worri inuma baha. AABBO Waaqi guddaani waan jed'u: Hojja guyyaani suni d'ufu, anini qaampara morma isaaniti jiru ch'abse sansalata iraa baasa, duuba worri ituma deebie tisse gosa d'ibi intahu. Ammo worri ana, AABBO Waaqa isaaniti hojate, nama d'aloota Daudi ka anini hayyu tolchule hojata. Gumi tiyya ta Yakobo, insodaatina; worra Israeli, imudamina. Anini lafa fago suni, ta qara boojiani iti isani geesani, keesaa isani baase, isani galtani nagayaani teetani, nami tokoleeni deebie isani insodaachisu. Anini d'ufe isani baase, gosa anini keesati isani firfirse ch'ufa imballeesa, ammo isani imballeesu. Anini yo isani gaargalchele d'uga gula isani gaargalcha. Nami dubbi tana jed'e ana, AABBO Waaqa. AABBO Waaqi waan gumi isaatini jed'u, Madaani teesani infayyitu fulla isani woraanani dandaani infayyisani. Nami isani qorqoratu injiru, qorsi mada teesani fayyisu injiru, isani haga jirtani infayyitani. Jaalani teesani ch'ufti ya isani deete, worri diqole waan keesani iyyaalu. Waan dabi keesani heddate, ch'ubbuuni teesani lafa ira dabarteefi, anini aka nyaapa isani had'e gaargala gudda isanitini d'ufe. Isani maafi mada teesani ta infayyine jettani teetani bootani? Waan dabi keesani heddate ch'ubbuuni teesani lafa ira dabarteefi, anini akana isani gaargalcha. Ammo amma tana nama isani hobaasu ch'ufa inhobaasani, nyaapa keesani ch'ufale imboojiani. Nama isani dabsu ch'ufa dabsani, nama isani saamu ch'ufa saamani. Anini isani fayyise, mada teesanile qorsa ira kaaya, ato nyaapi keesani, Sionini waan jibbani, nami tokoleeni waan isii iyyaalu jed'ele. AABBO Waaqi waan jed'u, Anini gumi tiyya lafa isaaniti deebise worra isaani ch'ufaa naha; dira Yerusalemu jaarani, mana hayyule mid'aasani. Nama achi tau faaru d'awate gammade sirba. Anini worra daraarse, worri heddate lafa ira dabra; anini worra ulfeese deebiani worra intufatani. Ilmaani worraa akuma duri taate, worrileeni gumi jabdu taha; ammalle nama worra dabsu ch'ufa imballeesa. Dallansuuni AABBO Waaqa aka bubbe jirti, ta d'ufte mata worra ch'ubbu qabu roraaftu. Isiini haga waan inni herege ch'ufa guututi iraa ingaltu. Takaa tana waan kana inuma hubattani. AABBO Waaqi waan jed'u, Guyyaani ind'ufa, ka anini gosa Israeli ch'ufaa Waaqa tahe, worrileeni gumi tiyya tahu. Wonti AABBO Waaqi jed'u tana: Nama woraana jalaa bahe anini lafa gamoojiti naheefi. Gaafa gumiini Israeli guddo boqochu feete, anini fago worrati mullad'e waan jed'e, Worra Israeli, anini haguma duriti isani jaalad'e, tanaafi hojja ch'ufa jaalala tiyya ta muumme inqamne isani agarsiisa. Anini deebie ammalle isani jaare, isani ammalle dibbe teesani fud'attani gammaddani sirbitani. Isani ammalle gaareeni Samaria irati oobru zabibu oobrattani, nami oobruleeni woma isiini baaftu nyaata. Ee, guyyaani ind'ufa, ka nami woi eegu gaareeni Efraimu iraa iyye waan jed'u, koota gara AABBO Waaqa keenna, Sioniti nu yaasa. AABBO Waaqi waan jed'u, Maro Yakobotiifi gammadani sirba, maro gosa gosa ch'ufa ira guddotifi lalaba, faaru teesani d'aad'a. AABBO Waaqi ya gumi ufi baase, nama hafele ch'ufa ya baase jed'a. Anini mirgaa worraani d'ufe muumme lafale worra guure galcha. Naafafi ballaleeni worra woliini d'ufe, nad'eeni garaacha qabdufi, ta diquma ind'alinileeni worra woliini d'ufti, worra gumi heddu muumme inqamneti gala. Gumiini tiyya boote na kad'atti, ato anini worra galchuu jiru. Anini afaani galaana daandi qajeeltu worri keesati ingufanne gula worraani godaana. Anini abba Israeliti, ilmi kiyya ka angafa Efraimu. AABBO Waaqi waan jed'u, Gosa ch'ufa, na ch'aqasa, dubbi tiyya lafa fago ta afaani galaana ch'ufati haasaa. Anini gumi tiyya ta Israeli gargari firfirse, duuba eege wolti deebise, akuma tissituuni hooliye ufi qorqoratu qorqorad'a. Anini yayu gumi Yakobo baase, harka gosa irre qabdu keesaa fuud'e. Worri d'ufe gaara Sioni irati sirbe, waan anini kenneefi maache iraa gammada — mid'aani, daad'i d'ad'a, loonifi reele. Worri oobru bisaani quufte fakaata, waan fed'u ch'ufa argata. Dubarti gammade sirbite, d'iirti kaimafi jaaroleeni qilit'amti. Anini boha worraa garagalche gammada tolche, garaa worra jabeese laalala worraa garagalche qilit'ama tolcha. Anini qaalole sagale dansaani quubse, gumi tiyyale waan isiini feetu ch'ufa kennafi. Nami dubbi tana jed'e ana, AABBO Waaqa. AABBO Waaqi waan jed'u: Qonqo Rama keesa d'agayani, ta laalalafi boha guddo. Raheliini ilmaani ufiti boote iraa hafu dad'abdi, waan isiini ch'ufti raawateefi. Bohu lakisi imimaani ufi ira haaqi. Hujiini atini ilmaani teeti tolchite tokoleeni lafati inhaftu; worri lafa nyaapa keesaa gala. Abdiini injirti, aka takaa tana ilmaani tante worra ufiti galtu. Nami dubbi tana jed'e ana, AABBO Waaqa. Anini worra Efraimu ka laalefate akana jed'u d'agaye: AABBO Waaqa, nu hori mandiida fakaanna, ammo atini nu lenjifte. Nu galchi, nu kurfo jira, aka AABBO Waaqa keennati deebinu. Nu siraa gorre ammo eege siti deebiu feene, eegi atini nu gorsite nu qajeelchite, nu aka male ch'eere lafa lalale; wonti akanatiifi nu gaafa ijoolle ch'ubbu hojanne. Ee Efraimu atini ilma kiyya dansa anini guddo jaalad'uniti? Anini yo maqa kanke d'au ch'ufa, aka si jaalad'u qaabad'a garaani kiyya sii d'arae, sii naha. Akheekha kara isani garsiisu mid'aasa, kara duri isani gula yaatani qaabad'a. Ee worra Israeli kaa gala, dira duri lakiftaniti dachaa. Worra d'ugefacha inqamne kana, isani haga yoomi garaa lama qabaachu lakiftani? Anini yayu waan takaa inargini lafaani d'ufe — nami d'iira harka nama uwati bula. AABBO Waaqi, guddaani Israeli, waan jed'u, Gaafa anini gumi tana lafa isiiti deebisu, isiini deebiteti lafa Yudatifi dira isii keesati waan jettu, AABBO Waaqi gaara qulqullo Yerusalemu fulla inni tau eebisinna. Nami lafa Yudatifi dira isii ch'ufa keesa tae, nami oobru qotufi ka ree tissuleeni woliini taa. Anini nama dad'abi qabu hafuura baase, nama beelti ijeefte sagale quubsa. Duuba gaafasi nami, Anini rafe, ka dad'abi inqamne lafaa kae jed'a. Anini, AABBO Waaqi, waan jed'u, Guyyaani ind'ufa, ka anini lafa Israelitiifi ta Yudale namaafi saani guutu. Ammalle akuma duri anumani aka mukha worra buqise qaarise, garagalche, bulleese butuche, akasuma anini amma tana aka mukhaa worra oobre, aka mana jaara. Hojja guyyaani sunini gahu nami deebie, Abbootini mid'aani zabibu kurao nyaate, ammo ilmaani ilkaani diilalaani injed'u. Ammo nami ch'ufti daba isatini dua, ammalle nami zabibu kurooftu nyaatu ilkaanti diilalaa. AABBO Waaqi waan jed'u, Guyyaani ind'ufa, ka anini wold'aqisa haraa worra Israelitiifi ka Yuda woliini tolfad'u. Wold'aqisi sunini wold'aqisa duri anini ababoota worraa gaafa anini harka kiyyaani worra fuud'e lafa Misiri keesaa baase woliini tolfad'eeni takaaniti. Ato anini d'iirsa worra fakaad'ele, worri wold'aqisa suni injabeesine. Wold'aqisi haraai anini worra Israeli woliini tolfad'u kana; anini seera kiyya qalbi worra keesa kaye, garaa worraa keesati t'aafa. Anini Waaqa worraa tahe, worrileeni gumi tiyya taha. Nami tokoleeni deebie nama gosa isaa yokhaani oboleesa isatini, AABBO Waaqa beekhi jed'e, imbarsiisu; wonti akanatiifi worri ch'ufti, diqaafi guddaleeni, na beekha. Anini daba worraa araarameefi ch'ubbu worraale deebie inqaabad'u. Nami dubbi tana jed'e ana, AABBO Waaqa. AABBO Waaqi adu ifsa guyya tolche, halkani jiaafi urji ifsaa tolcha. Inni baariini chochoose roraasa; maqaani isaa AABBO Waaqa gudda. Inni waan jed'u, Haga lafafi gubbaani jirtu, Israeliini gosuma taati. Yo sila guyya toko ballinna gubbaa biimani, yayaba lafale dandaani, laalani, yo suni ch'alla anini gumi Israeli maro huji worraatifi dida. Nami dubbi tana jed'e ana, AABBO Waaqa. AABBO Waaqi waan jed'u, Guyyaani ind'ufa, ka dira Yerusalemu ch'ufa deebiani naa jaarani, haguma doofi Hananeliti iti keeyatani Fullo mogaati d'aabani. Biimani isaa arti baate, ila aduu qajeelte, gaara Garebuti ejite, ammalle Goati deebite. Bale reefa iti awaalani huura iti jissani ch'ufafi oobru galaana Kidroni gubbale haga Fullo Farda, ta ilaboru ch'ufa, naa jed'ani, qulqulleesani olkayani. Dira suni deebiani ch'absani imballeesani. Ganna kud'anneeso ka Sedekiani lafa Yuda mohate, ka ammalle ganna kud'ani saddeeteeso ka Nebukadrezani lafa Babiloni mohate, AABBO Waaqi nani dubbate. Gaafasi duuli hayyu Babiloni Yerusalemu had'uuti jira, ammalle naabo mana hayyu Yuda keesati na hid'aani. Hayyu Sedekiati achiti na hid'e, waan nani jed'e, Atini maafi AABBO Waaqati akana jed'e jette dubbi akana tana fadda? Anati dira kana harka hayyu Babiloniti kenne, inni isa dabsate hayyu Sedekiale bahu d'owa. Isa qabani harka hayyu Babiloniti kennani, duuba inni isa dura d'ufe afaanuma ufiitini isaani dubbata. Ammalle Sedekia lafa Babiloni geesani, haga anini waan fed'u isa tolchuti inni achuma taa. Yo inni worra Babiloni had'ele indabsatu. Nami dubbi tana jed'e ana, AABBO Waaqa. AABBO Waaqi waan nani jed'e, Hanamelini ilmi abuyya kanke Shalamu, siti d'ufe waan siini jed'u, oobru tiyya ta Anathothi jirtu bitad'i, miilooni tiyya aantini ta bitachuu malte sii. Jennaani akuma AABBO Waaqi nani jed'e, oboleesi kiyya Hanameli naabo suni keesati nati d'ufe waan nani jed'e, Oobru tiyya ta Anathothi, ta lafa Benjamini keesa jirtu, bitad'i. Miilooni tiyya aantini ta bitachuu malte sii. Duuba akasiini anini aka AABBO Waaqi nani dubbate hubad'e. Jennaani anini oobru Anathothi jirtu taani Hanameli iraa bite, beese hede kenneefi; gatini isii qarsi kud'ani torba taate. Duuba anini tatabe bitanini maqa kiyya irati t'aafad'e d'uga iti yaamad'e beesisa ira keeyad'e beese taani hede kenneefi. Jennaani anini tatabe lamaani bitanini taani, ta aadaafi seera bitii irati t'aafani beesisa ira kayanifi ta beesisa inqamne fuud'e, Baruku, ilma Neria, ka ilma Maaseyati kenne, ka Hanamelifi jari tatabe suni beesisa ira keeyatefi jara Yahudi ka achi keesa tau achi jiru. Jara suni ch'ufa durati anini waan Barukuni jed'e, AABBO Waaqi guddaani Israeli, waan siini jed'u: Tatabe tana ta beesisa ira kayaanifi ta beesisa inqamnele fuud'i, aka isiini inhamanne ganna heddu teetu okote faara ke kai. AABBO Waaqi, guddaani Israeli, waan jed'u: Lafa tana keesati nami deebie maneenifi oobrufi oobru zabibu bitata. Eegi anini tatabe oobruuni bitani Baruku kenne, anini Waaqa kad'ad'e waan jed'e, Ee AABBO Waaqa gudda, atini irreefi jabeenna kanke guddaani lafafi gubba mid'aasite. Wonti atini indandeenne tokoleeni injirtu. Atini nama kunki kunki jaalala garsiifte, ammo maro ch'ubbu abbooti isiitiifi ijoolle gaargalchita. Atini Waaqa guddaa, ka guddo jabeenna qabu: Waaqi guddayaani si. Atini heregaafi mala jaba qabda, waan jabdule siumati tolcha; atini waan nami tolchu ch'ufa agarte huji isaa gula woi kennitaafi. Atini duri lafa Misiri keesati waan mamatiifi akheekha woi tolchite, ammalle haga arrale Israelifi gosa d'ibi keesati waan akana kana tolchite, akasiini gurra baafate. Waan mamatiifi akheekha woitini nyaapa keenna mudamsiifte, jabeennafi irre teetiini gumi tante ta Israeli lafa Misiri keesaa baafte. Atini lafa aananifi dammi aka lola yau tana worraa kennite, akuma atini duri ababoota worrati kakhate. Ammo gaafa worri lafa tana seene fud'ate, worri seera kanke inguunne yokhaani barsiisa tante gula iyyaane; waan atini Tolcha jetteeni tokole worri intolchine. Duuba akanaani atini badii tana worra kanatini d'ufte. Worri Babiloni boola qote dira kana marse had'uu jira. Maro woraanafi beelafi d'ukubatifi diri kunini harka worraa kanati mara. Atini aka wonti ati duri jette guutamte ingarta. Ammo, ee AABBO Waaqa gudda, nami oobru suni gumi durati bitad'i nani jed'e sii, ka ufiftu dira kana diquma worri Babiloni inqabini. Jennaani AABBO Waaqi waan nani jed'e, Anini AABBO, Waaqa nama ch'ufati. Wonti tokoleeni ka anini tolchu indandeenne injirtu. Anini dira kana harka hayyu Babiloni ka Nebukadreza jed'anitifi duula isaati kenna. Worri dira kana dabsate, ibida iti kaye maneeni nami gubba isaati hit'aana Baali aarse, daad'i waaqa d'ibi d'ibaayu baasani akasiini na dallansisanile guba. Haguma duriti worri Israelitiifi ka Yudaleeni waan tolchani ch'ufaani ya garaa na yake na dallansiise. Nami dira kana haguma gaafa duri isa jaaraniti haga arrale yayu na hiifachise na dallansiise. Tanaafi maro worra Yudatifi ka Yerusalemutifi hayyootafi jaaroleefi qaaloleefi raagooti worraa hameenna tolchiteefi, anini dira suni fuula kiyya duraa balleesu fed'a. Worri dudda nati garagale, ammalle ato anini guyya ch'ufa barsiisele, worri na ch'aqase woma naraa imbaranne. Worri waan hamtu harkaani boch'ani kad'ate mana maqa kiyyaani jaarani keesa kaye, akasiini t'ureese. Ammalle Bale Hinomu keesa fulla sorio iti qalani Baalii jaarani ilmaani isani waaqa Moleki jed'ani sorio baasani. Anini, waan kana tolcha worrani injenne, yokhaani aka worri waan akana kana tolche worra Yuda ch'ubbu keesa buusu diqole inherenne. AABBO, Waaqi Israeli, waan nani jed'e Yeremia, Biyyiti waan jettu, woraanafi beelafi d'ukubati dira kana harka hayyu Babiloniti marsa. Amma dubbi d'ibi anini jed'u ch'aqasi. Anini worra ch'ufa lafa anini dallansu tiyyaani worra iti firfirse keesaa wolti guure fulla tanati deebise nagayaani teesisa. Duuba worri gumi tiyya tahe aninileeni Waaqa worraa taha. Anini herega toko ch'alla worraa kenne: aka hojja ch'ufa dansuma ufitifi ta ilmaani isaaniti jed'ani na sodaatani. Anini wold'aqisa jiru jireenna worra woliini tolfad'a. Waan dansa worraa tolchu illakisu, ammalle ufi sodaachisa, aka worri garaa tokooni na gula yae haga jiru naraa ingorre. Anini waan dansa worraa tolche, lafa tana keesati garaa tokooni teeso dansa worraa kenne huji sunile iraa gammada. Akuma anini badii worra kanatini d'ufe, akasuma waan dansa worraa kakhad'e ch'ufa kennaafi. Biyyiti, lafti tunini lafa aloo ta namaafi bineensi keesa inteenne taate, worra gosa Babiloniti kennani jetti. Ammo lafa tana keesati deebiani oobru bitatani. Biyyiti oobru bitate, hojja bitani suni tatabe bitani d'uga durati t'aafani beesisa ira kayani. Wonti kunini lafa Benjaminitifi ollowaani d'aatu Yerusalemutifi dira Yudatifi dira lafa gaareenitifi lafa golbootifi lafa Yuda ta bitale ch'ufa keesati taati. Nami dubbi tana jed'e ana, AABBO Waaqa. Ato anini ammalle hid'aansa naabo kaani keesa jiru, ammalle AABBO Waaqi naani dubbate. AABBO Waaqi ka lafa uume mid'aase jabeese, ka maqaani isaa AABBO Waaqa, waan nani jed'e, Na yaami si, jalaa owaad'a, duuba waan mama dansa ka atini waan isii imbeenne siti hima. Ammo anini dira kanafi nama isa keesa tau, d'ukuba iraa d'owe fayya kenneefi nagayafi hormaatale kennafi. Anini worra Yudatifi ka Israeli eebise, finna duri worri keesa jiruti deebisa. Anini ch'ubbu worri duri nati ch'ubbame ch'ufa iraa qulqulleese, wollaala worri na dide keesa seene ch'ufa araaramaafi. Diri kunini gammadafi ulfinnaafi gurraani naa d'ufa; ammalle gochiti ch'ufti sodaate mudamti, hojja waan dansa anini worra Yerusalemuti tolcheefi hormaata anini dira sunitini d'ufu d'ageetu. AABBO Waaqi waan jed'u, Biyyiti waan jettu, fullaani tunini lafa aloo ta namafi saa inqamne fakaati. Worri d'uga dubbate; diri Yudatifi karaani Yerusalemuleeni duwa, namaafi saaileeni keesa injiru. Ammo fulla tanati, ammalle qonqo gammadaatifi ta qilit'amatifi qonqo gammada ta guyya fuud'a, d'agayani. Qonqo nama waan galata baasani Mana kiyyaani d'ufe sirbule d'agayani. Worri waan jed'u, AABBO Waaqa gudda galata deebisa, inni dansa, jaalalti isaaleeni haga jiru jireenna teeti. Anini lafa tana eebise finna duri isiini qabdu kaani deebisaafi. Nami dubbi tana jed'e ana, AABBO Waaqa. AABBO Waaqi guddaani waan jed'u, lafa aloo fakaatu ta namaafi saa inqamne tana keesa takaa tana marri dansaani iti bahe, tissituuni achiti hori tissiti. Diri lafa gaareenitifi ka lafa golbootifi ka lafa bitaa ta Yudatifi ka lafa Benjaminitifi ollowaani d'aatu Yerusalemutifi dira Yuda keesale, tissituuni akuma duri deebite ree tohati. Nami dubbi tana jed'e, ana AABBO Waaqa. AABBO Waaqi waan jed'u guyyaani ind'ufa, ka anini kakhu duri worra Yerusalemutifi ka Yudati kakhad'e guutu. Gaafasi anini d'aloota Daudi keesa nama d'ugaa toko fohad'e, hayyu tolcha. Inni waan d'ugaatifi ka qajeela lafa suni keesati tolcha. Worra Yudatifi ka Yerusalemu lubbu baasani nagayaani teesisani. Dira sunile maqa iti baasani, AABBO Waaqi D'uga teenna jed'ani. AABBO Waaqi waan jed'u, Nama d'aloota Daudi, ka hayyu Israeli tahu ind'abani, ammalle qaalole gosa Lawi ta naa hojate, sorio gubanifi mid'aani Waaqa baasanifi sorio d'ibile baaftu ind'abani. AABBO Waaqi waan nani jed'e, Anini yayu halkanifi guyyale wold'aqisa woliini tolfad'e, aka worri hojja ch'ufa hojuma malte gula d'ufu; wold'aqisa suni dandaani inch'absani. Akasuma anini hojattu tiyya Daudi wold'aqisa woliini tolfad'e, aka d'aloota isaa keesaa nama hayyu tahu ind'amne. Ammalle anini qaalole gosa Lawi wold'aqisa woliini tolfad'e, aka isiini hojja ch'ufa; naa hojatu; wold'aqisa suni lachu dandaani inch'absani. Anini d'aloota hojattu tiyya Dauditifi qaalole gosa Lawi daraarse lafa ira dabarsa duuba akanaani worri lafa ira dabre, akuma urji gubbatiifi maansa afaani galaanale dandaani inhenne worrale akasuma dandaani inhenne. AABBO Waaqi waan nani jed'e, Atini biyyiti teete, AABBO Waaqi Israelifi Yuda, worra lamaani inni fohate ya lakise jettu ind'ageenne? Tanaafi worri gumi tiyya tufate, gosati worra heregu dide. Ammo anini, AABBO Waaqi, yayu halkanifi guyyale wold'aqisa woliini tolfad'e seera lafafi gubbaani gula deemtule tolche. Duuba akuma anini waan kana tolche, akasuma anini wold'aqisa kiyya, ka anini d'aloota Yakobotiifi hojattu tiyya Daudi woliini tolfad'e jabeesa. Anini d'aloota Daudi keesaa nama toko, ka d'aloota Abrahamutifi Isaaqofi Yakobo fidu fohad'a. Anini gumi tiyyaa nahe, worrileeni deebie wo horata. Gaafa Nebukadrezani hayyu Babilonitifi duula isaatifi duuli gosa d'ibi ka lafti worraa finna isaa jala jirtuleeni d'ufe Yerusalemufi dira d'aatu jiru ch'ufa had'e, AABBO Waaqi nani dubbate. Wonti AABBO Waaqi Israeli jed'e tana: Gara Sedekia hayyu Yuda, d'aqi waan jettuuni, AABBO Waaqi waan jed'u: Anini dira kana harka hayyu Babiloniti kenne, duuba inni gube balleesa. Atinileeni duraa imbaatu; si qabani, harka isaati si keennani. Atini iluma teetiini hayyu Babiloni agarte inni afaanuma ufitini siini dubbata; duuba lafa Babiloni deemta. Sedekia, waan anini siini jed'u ch'aqasi. Atini woraana keesati indootu, ammo kama nagaya qabdu doota. Ammalle biyyiti akuma gaafa ababoota tante ta si durati hayyu taate, awaalte hit'aana aarsitefi akasuma sile hit'aana aarsani. Duuba hayyuuni keenna ya due jed'ani sii bohani. Nami dubbi tana jed'e ana, AABBO Waaqa. Jennaani anini d'aamsa kana hayyu Sedekia ka Yerusalemu jiruti hime, ka duuli hayyu Babiloni dira suni had'uu jiru. Duuli sunini Lakishifi Azekale had'uu jira. Dira jabeesani jaarani, ka Yuda keesati hafe, dira lamaani suni ch'alla. Hayyu Sedekiafi worri Yerusalemuleeni wold'agani, aka nami ch'ufti tisse ufi ta gosa Ebrania, ta d'iiratifi ta uwale, gad'iisu, aka nami tokoleeni nama gosa Israeli tisse tolfate manati ingalfanne. Gumi ch'ufafi jaaroleeni ee jette, aka tisse ufi gad'iisani, deebiani tisse intolfanne. Worra akasuma gad'iisani, ammo eege garagalani tisse suni deefatani irreeni hojachiifatini. Jennaani AABBO, Waaqi Israeli waan nani jed'e, Waan atini gumi tanaani jettu: gaafa anini ababoota teesani lafa Misiri keesaa baase tissooma keesaa galakise, anini wold'aqisa worra woliini tolfad'e. Anini waan worraani jed'e, Eegi ganni torba dabre ch'ufa nama gosa teesani ka Ebrania, ka isaniti gurgurani, ka ganna jaa isani hojate, galakisa. Ammo ababooti teesani na ch'aqasu didde dubbi anini jed'eenile na jalaa qabu dide. D'iuma tana isani waan na gammachiisa tolchitani, isaniini ch'ufti ee jettani, aka nama gosa teesani ch'ufa galakiftani. Ammalle isani mana kiyya ka keesati na kad'atani keesati wold'aqisa na durati tolfatani. Ammo eegi suni isani ammalle garagaltani na ch'eersitani. Isaniini ch'ufti tissele isani ga d'iiftani taani deefatani irreeni hojachiiftani. Tanaafi wonti amma AABBO Waaqi jed'u tana: Isani yayu seera kiyya ch'absitani; isani nama gosa teesani balchuma kennuufi diddani. Hayye hataatu, aninileeni balchooma isanii kenna: balchoomi kunini ka woraanafi beelafi d'ukubaani isani hobaasu. Gochiti lafa keesa jirtu ch'ufti, yo waan anini isani tolchu agartu, irifati. Anini worra harka nyaapa isaani, ka worra ijeesu fed'uti kenne, reefi worraa sagale allaatitifi ta bineensa ala taha. Ammalle anini Sedekia hayyu Yudatifi hojattu isaale nyaapa isaani ka worra ijeesu fed'uti kenna. Anini worra suni harka duula hayyu Babiloni, ka amma had'iisa keesani lakiseti kenna. Anini qonqo iti erge, duuba worri dira kanati deebie, dabsate gube balleesa. Anini dira Yuda ch'ufa balleese lafa aloo ta nami keesa injirre tolcha. Nami dubbi tana jed'e ana, AABBO Waaqa. Gaafa Yehoiakimuni, ilmi Yosia, lafa Yuda mohate, AABBO Waaqi waan nani jed'e, Gara worra gosa Rekabu d'aqi waan jettuuni, koota, Mana Waaqa keesa mana d'aatu toko duuda, daad'i d'uga. Duuba anini Yaazania, ilma Yeremia, ka ilma Habaseniatifi oboleyaanifi ilmaani isa ch'ufa, (worra gosa Rekabu ch'ufa) fuud'e, Mana Waaqatini d'ufe, fulla jari raaga Hanani, ka ilma Igdalia, jiru geese. Fullaani sunini fulla Maaseyaani, ilmi Shaluma, ka Mana Waaqa keesa huji jabdu qabu, iti galu d'aatu jirti, ammalle isiini d'aatu fulla hojattuuni d'ibiini iti galtu. Jennaani anini muduunufi qori ta daad'iini miju worra Rekabu dura kaye, Daad'i d'uga jed'eeni. Ammo worri waan nani jed'e, Nu daad'i ind'unnu. Ababooni keenna Yonadabuni ilmi Rekabu, nu gorse waan nuni jed'e, isanifi d'alooti keesanileeni daad'i ind'ugina. Ammalle mana injaaratina, oobru mid'aanitifi ta zabibu inqotatina, yokhaani imbitatinale; waan akana kana tokole intolfatina, waaro keesa qubad'a. Duuba akasiini lafa keesa gogodaantani tana keesati turtani. Nu dubbi Yonadabuni, ilmi Rekabu, nuni gorse ch'ufa ya guunne. Nu ufi daad'i ind'unnu, nad'eeni teennafi ilmaani teennaleeni ind'uddu. Ammo gaafa Nebukadrezani, hayyuuni Babiloni lafa teenna had'u d'ufe, nu waan jenne, koota, Yerusalemu yaana, aka duula Babilonitifi ka worra Shamu duraa baanu. Duuba nu akasiini Yerusalemuti hamne. Nami Yonadabuni d'ale yayu dubbi isaa guute daad'i d'ugu dide haga arrale worri nami tokoleeni ka daad'i d'ugu injiru. Anini yayu guyya ch'ufa isani gorse ammo isani na inch'aqamne. Anini maro heddu raagoota hojattu tiyya isaniti erge worrileeni isani gorse waan jed'e, Isani nami ch'ufti hameenna lakisa, waan d'uga gula yaa. Waaqa d'ibi gula yaatani inhojatinafi. Duuba yo suni, lafa anini ababoota teesani kenne nagayaani keesa teetani. Ammo isani dubbi tiyya ind'ageenne yokhaani na jalaa inqamne. Nami Yonadabuni d'ale yayu dubbi ababo worraa gula yae, ammo isani dubbi tiyya gula yau diddani. Tanaafi amma tana, anini AABBO Waaqi, guddaani Israeli, waan jed'u: ch'aqasa, anini worra Yudatifi nama Yerusalemu keesa tau ch'ufa badii anini hime ch'ufa worratiini d'ufa. Anini qara isani gorse ammo d'agayu diddani, isani yaame ammo owaachu diddani. Jennaani anini waan worra gosa Rekabutini jed'e AABBO Waaqi, guddaani Israeli, qara waan isaniini jed'e, Isani gorsa ababooni keesani Yonadabuni isaniini gorse guutani dubbi isa gula yaatani waan inni isani seere ch'ufa ya jabeesitani. Tanaafi wonti AABBO Waaqi guddaani jed'u tana: Yonadabuni, ilmi Rekabu, d'aloota isaa keesa nama d'iira ka na hojatu ind'abu. Ganna afreeso ka Yehoiakimuni ilmi Yosia, lafa Yuda mohate, AABBO Waaqi waan nani jed'e, Woraqata fuud'i, waan Israelitiifi ka Yudatifi ka gosa d'ibi ch'ufa, ka anini siti hime, irati t'aafi. Yo t'aaftu, waan anini qara gaafa duri, ka Yosiani lafa mohateti asi haga arra siini jed'e, ch'ufa, irati t'aafi. Hegeri hojja worri Yuda badi anini itiini d'ufu fed'u d'agaye, worri hameenna isaani iraa deebiafa. Duuba anini dabaafi ch'ubbu isaani inaraaramafi. Jennaani Baruku ilma Neria yaame, waan AABBO Waaqi nani jed'e, ch'ufa iti hime, jennaani Barukuni woraqata irati t'aafe. Duuba anini waan Barukuni jed'e, anini dandae Mana Waaqa indeemu, ya na d'owani. Ammo guyya worri ufi agabsu achi d'aqi, dubbi AABBO Waaqi nani jed'e, ta atini woraqatati t'aafte, biyyaa soomi. Nama Yuda, ka dira isaani keesaa d'ufe, ch'ufaa soomi. Hegeri worri AABBO Waaqa kad'ate hameenna duri iraa deebiafa, wonti akanatiifi AABBO Waaqi yayu worra kana aka male iti dallane. Jennaani Barukuni dubbi AABBO Waaqi jed'e taani, akuma anini iti hime kaani, Mana Waaqa keesati soome. Jia sagaleeso, ka ganna shaneeso, ka Yehoiakimuni lafa Yuda mohate keesa, biyyiti AABBO Waaqaa jette ufi agabsite. Nami ufi agabse sunini worra Yerusalemu keesa taufi worra dira Yuda keesaa d'ufe. Duuba ato nami ch'ufti tae ch'aqasu, Barukuni dubbi anini jed'e taani woraqata iraa soome. Inni hojja woraqata suni biyyaa soomu fulla mana Gemaria ilmi Shafani, ka tatabe t'aafu iti galu, ka d'aatu Mana Waaqa jiru jira. Mani inni iti galu sunini naabo oli keesa jira, d'aatu Fullo Hareeti Mana Waaqatini seenani. Mikayaani, ilmi Gemaria, ka ilma Shafani, waan AABBO Waaqi jed'e, ka woraqata suni keesati t'aafani, d'agaye. Duuba kae mana hayyu, fulla nami woi t'aafu tau, ka hojattuuni ch'ufti arti jirtu, d'aqe. Jari hojattu suni ka arti jiru kana: Elishama, ka tatabe t'aafu, Delaya ilma Shemaya, Elnathani, ilma Akbori, Gemeri, ilma Shafani, Sedekia, ilma Hanania, ammalle hojattu taani d'ibi ch'ufale. Mikayaani waan Barukuni biyyaa soome d'ageennaani, jara suniti hime. Jennaani jari hojattu sunini Yehudi, ilma Nethania, ka ilma Shelemia, ka ilma Kushi, Barukuti erge waan jed'e, Woraqata atini biyyaa soomte fuud'i kootiini. Jennaani Barukuni woraqata kaani fuud'e d'ufeeni. Worri waan jed'eeni, Tai, nuu soomi. Duuba Barukuni tae worraa soome. Worri dubbi suni d'ageennaani sodaate, woli mimilate waan Barukuni jed'e, Nuu waan kana hayyuti himu male. Jennaani worri isaa gaafate waan jed'eeni, Waan kana ch'ufa eenu iraa d'ageete t'aafte? Yeremiati siti hime? Barukuni waan jed'eeni, Ee, inni dubbi tana ch'ufa nati hime jennaani anini kalamu wino fuud'e woraqata kana irati t'aafe. Duuba worri waan isani jed'e, siifi Yeremiani beena, d'okhad'a. Nami tokoleeni fulla isani jirtani imbeekhini. Jari hojattu kaani woraqata fuud'e, mana Elishama namicha tatabe t'aafu keesa kaye, gara naabo hayyu d'aqani waan ch'ufa hayyuti himani. Jennaani hayyichi Yehudi erge, beeni, woraqata suni fuud'i jed'eeni. Inni mana Elishama keesaa fuud'e, hayyufi hojattu d'aatu isaa jirtu ch'ufaa soome. Gaafasi adolesa, hayyuleeni mana ufi keesa tae ibida qanqamata. Akuma Yehudini dubbi lamafi sadi soome hobaasuni hayyichi haaduni ch'ire ibida keesa buusa. Akasiini woraqata ch'ufa gube hobaase. Ammo hayyichaafi hojattuuni isaa, ta waan kana d'ageeteleeni, nami tokoleeni insodaanne yokhaani woya tarsaase laalala ingarsiimne. Ato Elnathanifi Delayaafi Gemariani hayyichaani woraqata ingubini jed'ani kad'atanile inni worra inch'aqamne. Jennaani hayyichi ilma isaa Yeremaeelifi Seraya ilma Azrielitifi Shelemia, ilma Adbeeli, yaame, Yeremiafi Baruku ka tatabe t'aafu qaba jed'e. Ammo AABBO Waaqi worra d'osse. Hayyichi woraqata anini Barukuni T'aafi jed'e gube jennaani AABBO Waaqi waan nani jed'e: Woraqata d'ibi fuud'i, dubbi woraqata qara, ka hayyuuni gube taani irati t'aafte, irati t'aafi. Ammalle waan atini Yehoiakimu hayyu Yudatini jettu, AABBO Waaqi waan jed'u: Atini woraqata suni gubde waan jette, Yeremia, atini maafi, Hayyuuni Babiloni d'ufe, lafa tana balleese, namaafi saale hobaasa jette dubbi suni irati t'aafta? Duuba amma tana waan kanke ka AABBO Waaqi jed'u d'agayi: Nami d'aloota keeti barch'uma hayyuma ka Daudi haga jiru ira intau. Reefa kanke gatani, guyya aduuni gubde, halkani qabanti balleesiti. Anini siifi ilmaani teetifi ammalle hojattu tante, maro ch'ubbu isaniini ch'ufti hojattanifi garagalcha, Si taanaani, worra Yerusalemu taanaani, worra Yuda taanaani, nami tokoleeni gorsa kiyya inch'aqamna, tanaafi anini badii waan isii hime taani isaniitini d'ufa. Jennaani anini woraqata d'ibi fuud'e, namicha Baruku jed'ani ka tatabe naa t'aafuti kenne, inni dubbi anini iti hime ch'ufa t'aafe. Inni dubbi woraqata qara ka gubani kaanifi dubbi dubbi suni fakaatu, ta anini iti hime, ch'ufa t'aafe. Nebukadrezani, hayyuuni Babiloni, Sedekia, ilma Yosia, fuud'e, fulla Yehoiakini, ilma Yehoiakimu, hayyu Yuda tolche. Ammo Sedekiafi hojattu isaatifi biyyiti d'ibileeni dubbi AABBO Waaqi nani jed'e inch'aqamne. Hayyichi Sedekiani Yehukali ilma Shelemiatifi qaallicha Sefania, ilma Maaseya, nati erge waan nani jed'e, gosa teenna tana ch'ufaa jed'i, AABBO Waaqa keenna nuu kad'ad'i. Angaafasi qara mana hid'aansa keesa na inkeenne, akuma fed'u biyya keesa deema. Duuli Babiloni qara dira Yerusalemu marse achi taa; ammo aka duuli Farao Misiri bahe d'ageennaani kae biraa yae. Jennaani AABBO Waaqi Israeli, waan nani jed'e: Waan atini Sedekia ka gara kiyya si ergeeni jettu, Duuli Farao, ka si qarqaara karaa jiru, lafa ufiti dachaa. Duuba worri Babiloni dachae dira kana had'e dabsate, gube balleesa. Wonti AABBO Waaqi jed'e tana: Worri Babiloni ya nu biraa yae jettani ufi insobina worri inuma dachaa. Ato isani duula Babiloni ch'ufa dabsatani nama madae ch'alla waaro keesati hambiftanile worruma suniti kakae dira kana gube balleesa. Duula Farao ka gad'ufuu jiru d'ageennaani duuli Babiloni Yerusalemu biraa yae. Tanaafi anini Yerusalemu keesaa deemaa kae, aka lafa Benjamini d'aqe lafa worra keenna d'alaa kennani qooda kiyya fud'ad'u. Anini Fullo Benjamini geennaani guddaani askarti, ka lafa eegu, ka Iriya, ilma Shelemia, ka ilma Hanania jed'ani, na qabe waan nani jed'e, Atini goli worra Babiloniti, tanaafi gara worra suni baqachuu jirta! Anini waan jed'eeni, Askasiniti, anini gara worra Babiloni baqachuti injiru. Ammo Iriyaani na ch'aqasu dide, na qabe, gara jaarole na geese. Worri aka male nati dallane, na d'aanani, mana Yonathani, ka tatabe t'aafu, ka mana isa mana hid'aansa tolchaniti na hid'ani. Boola aka mana jirtuti na galchani, guyya heddu achi na bulchani. Jennaani eegi suni hayyu Sedekiani na yaame, duuba mana hayyutini na d'ufani, hayyuuni kobati woi na gaafate waan jed'e, Dubbini gara Waaqati d'ufte jirti? Anini Ee injirti, harka hayyu Babiloniti si kennani jed'eeni. Duuba, anini waan jed'eeni siifi jara hojattu teeti kanafi gumi tana durati mali yakeefi hid'aansa keesa na keeta? Raagooti tante, ta, hayyuuni Babiloni siifi lafa tante inhad'u siini jette, meeti? Amma tana ee hayyicha, anini si kad'ad'a, na d'agayi, mana Yonathani, ka hid'aansa suniti na indeebisiini yo atini achiti na deebifte anini indua. Jennaani hayyu Sedekiani, naabo mana hayyu keesati hid'a jed'e, achiti na hid'ani. Duuba anini achi tae, guyya ch'ufa qit'a toko fulla iti d'aabani fuud'ani naa kennani, haga qit'aani dira suni keesaa inhobaini. Shefatia ilma Matanitifi, Gedalia ilma Pashuritifi Yukali ilma Shelemiatifi Pashuri ilmi Melikia waan anini biyyaani jed'u d'agayani, wonti anini biyyaani jed'e sunini tana: AABBO Waaqi waan jed'u, Nami dira kana keesati hafu, woraanafi yokhaani beelafi yokhaani d'ukubaani dua. Ammo nami d'ufe booju worra Babiloni kad'atu induu, Lubbu baha. Ammalle anini waan worraani jed'e, AABBO Waaqi waan jed'u, Anini dira kana harka worra Babiloniti kenne, worri dabsate qaba. Jennaani jari hojattu kaani gara hayyu d'aqe waan jed'e, Namicha kana ijeesu malani, dubbini isaa tunini askarti dira keesati haftele garaa laafifti, ammalle nama d'ibi ka dira keesati hafele, akasuma garaa laafifti. Inni diqole nama qarqaaruti injiru, ammo balleesuu jira. Jennaani hayyu Sedekiani waan jed'e, Hayye, waan feetani tolfad'a, anini isani ind'owu. Duuba worri na fuud'e, haadaani eela Malkiya, ka ilma hayyu, ka naabo mana hayyu keesaa, keesa na buuse. Ammo eeli sunini d'oqe male bisaani inqabu, duuba anini d'oqe suni keesa lit'e. Ammo namichi sangaani toko, ka Ebedmeleki jed'ani, ka gosa Kushi, ka mana hayyu keesa hojatu, aka worri eela keesa na buuse d'agaye. Hayyichi hojja suni tae fulla Fullo Benjaminiti dubbi qoruu jira. Jennaani Ebedmelekini achi d'aqe waan hayyichaani jed'e, Ee hayyicha, worri kunini ya waan hamtu tahe, raaga Yeremia dabse, eela keesa buuse. Maro sagaleeni dira kana keesa injirreefi inni amma garaachumani dua. Jennaani hayyichi waan Ebedmelekini jed'e Nama sadii fuud'i, ato inni indoone Yeremia eela keesaa fuud'a. Duuba Ebedmelekini jara suni fuud'e, mana miha keesati olkayani d'aqe, woya ch'ich'ite fuud'e, haadaani nati gabuuse. Duuba inni waan nani jed'e, woya ch'ich'ite tana bobaa jala keeyad'i, aka haadi siirinne. Jennaani anini akuma inni nani jed'e, suni tolche, worri eela suni keesaa hirkise na fuud'e. Duuba eegi suni naabo keesati na hid'ani. Guyya d'ibi hayyichi Sedekiani na yaame, balbala sadeeso ta Mana Waaqatini seenani na geesani. Duuba inni waan nani jed'e, Wo si gaafad'a, waan tokole na ind'ossini, dubbi d'ugaa nati himi. Anini waan jed'eeni, Yo anini d'uga dubbad'e atini na inijeeftu? Ato anini si gorsele atini na inch'aqaftu. Jennaani hayyu Sedekiani d'ossaani nati kakhate waan jed'e, Anini maqa Waaqa nama uumetini kakhad'a, si inijeesu, yokhaani nama si ijeesule siti illakisu. Jennaani anini waan Sedekiani jed'e, AABBO Waaqi, guddaani Israeli, waan jed'u, Yo atini askarti hayyu Babiloni booju kad'ate, lubbu tante baasani dira kanale gubu didani. Siifi worri kanketileeni inuma baha. Ammo yo atini booju kad'achu didde, dira kana harka worra Babiloniti kennani worri gube balleesa, atinileeni harka worra jalaa imbaatu. Ammo hayyichi waan nani jed'e, Anini gosa teenna ta qara worra Babiloniti harka kennate sodaad'a. Hegeri harka worra suniti na kennani na gaargalchani. Anini waan jed'eeni, Harka worra suniti si inkennani, waan AABBO Waaqi fed'u guuti, duuba wonti ch'ufti sii tolte, lubbule si baasani. Ammo yo atini booju kad'achu didde, AABBO Waaqi yayu waan si tolchani daayya keesa na garsiise. Daayya suni keesa anini nad'eeni mana hayyu Yuda keesati hafte, ta hojattu hayyu Babiloniti geesani arge. Waan ato yau worri jed'e ch'aqasi: Jaalani hayyu, ta inni d'ugeefatte, ya isa sobde dabsate. Amma miili isaa ya d'oqe keesa bade, jaalani isaleeni ya biraa yaate. Jennaani anini waan jed'eeni, Nad'eenifi ijoolle teetile worra Babiloniti geesani, atinileeni dandeete duraa imbaatu. Hayyichi Babiloni siqabe, dira kanale gubani balleesani. Sedekiani waan nani jed'e, Haasaa keenna kana d'ossi, nama tokoleti inhimini, duuba woma si intolchani. Yo jari hojattu tiyya kaani, aka nu wolhaasomne d'agaye hegeri worri d'ufe waan nu woliini jenne si gaafata. Hegeri worri waan siini jed'u, yo atini waan ch'ufa nuti himte si inijeemnu. Duuba atini waan jettuuni, Anini hayyicha mana Yonathani ka nama iti hid'ani geesite achiti na inijeesiini jed'e kad'ad'e. Jennaani jari hojattu kaani ch'ufti d'ufe woi na gaafate; aninileeni waan hayyuuni jed'i nani jed'e kaani akasuma iti hime. Wonti worri tahu d'ibiini injiru. Duuba haga guyyaani dira Yerusalemu dabsatani qabani gahuti, achuma naabo mana hayyu keesati na lakisani. Jia kud'anneeso, ka ganna sagaleeso ka Sedekiani lafa Yuda mohate hayyuuni Babiloni Nebukadrezani duula isaa ch'ufaani d'ufe, Yerusalemu had'e. Guyya sagaleeso, ka jia afreeso ka ganna kud'ani tokeeso, ka Sedekiani lafa mohate, naabo dira ch'ach'absani. (Gaafa Yerusalemu dabsatani qabani, hojattuuni gugurdoni hayyu Babiloni ch'ufti d'ufte, Fullo jidu diraa keesa teteette. Jara hojattu suni haga toko maqaani worraa kana: Nergal-Shareza, Sangar-Nebo, Sarsekimu, ammalle Nergal-Shareza d'ibi.) Hayyu Sedekiafi askartini isaa ch'ufti waan tahe kana arginaani halkaniini dira keesaa baqachaa kaani. Worri kara oobru hayyu yae, Fullo naabo lamaani jiddu jirtu keesa dabre, qajeela bale Yordani baqate. Ammo duuli Babiloni worra reebe, d'aatu Yerikoti diida keesati Sedekia qabe. Duuba hayyu Nebukadreza, ka dira Ribla lafa Hamathi, keesa jiruti geesani, achiti Nebukadrezani, isa qore waan tolchuu malani iti mure. Ribla keesati inni ilmaani Sedekia, ka Sedekiani tae ilaalu, fit'e, jaarole gugurdo Yudale ch'ufa hobaase. Duuba eege Sedekia ila lachu keesa baase, sansalatani hid'e aka lafa Babiloni geesani. Worri Babiloni mana hayyutifi maneeni biyya gube, naabo Yerusalemu ch'ach'abse. Duuba eege Nebusaradanini, ka abba duula, nama dira keesati hafe ch'ufa boojie, Babiloni geese, worra booju isa kad'ate woliini. Lafa Yuda keesa inni nama hiyyeeyi woma inqamne hambise, oobru zabibutifi oobru mid'aani d'ibi kenneefi. Hayyu Nebukadrezani Nebusaradani abba duula yaame waan jed'eeni, Nama ergi, waan jettuuni Yeremia barbaada, jabeesa, qorqorad'a, woma intolchina, ammo waan inni fed'u ch'ufa tolchaafi. Jennaani Nebusaradanifi jara gugurda, Nebushazabani jed'anifi, Nergal-Sharezafi, jari gugurdaani hojattu ka hayyu Babiloni ch'ufti naabo mana hayyu keesaa na fuud'e. Duuba harka Gedalia, ilma Ahikamu, ka ilma Shafaniti na kennani, aka inni na jabeese na qorqorate worraani na gahu. Akanaani anini gosuma teenna keesa tae. Ato anini ammalle naabo mana hayyu keesa fulla iti na hid'aani taani jiru, AABBO Waaqi waan nani jed'e, Beeni, gara namicha gosa Kushi, ka Ebedmeleki jed'ani, d'aqi, waan jettuuni, AABBO Waaqi, guddaani Israeli, waan jed'u: Akuma anini duri jed'e anini dira kana eebaniti, badii itiini d'ufa. Gaafa wonti kunini taatu atini iluma teetiini garta. Ammo anini, AABBO Waaqi, si qorqorad'a, harka worra atini sodaatuti, si inkennani. Anini si baase woraanaani, duu si d'owa. Waan atini na d'ugeefateefi atini lubbu baata. Nami dubbi tana jed'e ana, AABBO Waaqa. Eegi abbaani duula Nebusaradanini Ramati na gad'iise, AABBO Waaqi nani dubbate. Qara duri sansalatani na hid'aani, worra Yerusalemutifi ka Yuda ka boojiani Babiloni geesani kaani ch'ufa woliini achi na geesani. Abbaani duula koba na yaame waan nani jed'e, AABBO Waaqi kanke duri lafa tana imballeesa jed'e, duuba amma tana inni waan jed'e, suni ya guute. Wonti waan kana ch'ufa tolchanifi, waan worri gosa teesani AABBO Waaqati ch'ubbame, dubbi isaa ch'aqasu dideefi. Ammo amma tana anini sansalata harka kanke iraa hiikhe si gad'iisuu jira yo atini lafa Babiloni na woliini deemu feete nu yaasi, anini si qorqorad'a. Ammo yo infeene ufira tai. Lafti ch'ufti ta si duraa mullatu tana, fulla feetu deemi. Anini ch'allise ufumaa tae jennaani Nebusaradanini waan nani jed'e, Gedalia, ilma Ahikamu, ka ilma Shafani, ka hayyuuni Babiloni gudda dira Yuda tolchufa tolcheti deebii. Yo feete isa woliini biyya keesa taa, yokhaani fulla feetu deemi. Jennaani inni woreegaafi waan d'ibile ch'ufa naa kenne na gad'iise. Anini gara Gedalia Mispa d'aqe, biyya achiti hafte woliini tae. Worra gugurda askarti Yudatifi askartini worraa ta gari harka inkennanne. Worri aka hayyuuni Babiloni Gedalia gudda lafa suni tolche, ammalle worra boojiani Babiloni ingeesini, d'iirafi nad'eenifi ijoolleefi hiyyeeyi lafa suni, harka isati kenne d'agaye. Jennaani Ishmaeli ilma Nethaniatifi Yohana ilma Kareatifi Seraya ilma Tanhumetatifi ilmaani Efai, ta worra Netofatifi Yezaniani ka worra Maaka, askarti isaani woliini gara Gedalia Mispa d'aqani. Gedaliani kakhate waan worraani jed'e, Yo isani worra Babiloniti harka kennattani booju kad'atani woma intaatani. Lafa tanati qubad'a, hayyu Babiloniti hojad'a, wonti ch'ufti isanii tolti. Anileeni Mispa keesa tae, hojja worri Babiloni d'ufu isanii dubbad'a. Ammo isani daad'ifi mid'aani mukhaatifi d'aad'a olikeyad'a, ollowaani isani iti qubatani tana keesa taa. Duuba worri Israeli ka lafa Moabutifi lafa Amonitifi lafa Edomutifi lafa d'ibile keesa jiru, aka hayyuuni Babiloni worra Israeli ka gari lafa Yuda keesati hambise, Gedalia gudda worraa tolche, d'agaye. Tanaafi worri lafa iti firfirsani taani keesaa deebie, lafa Yuda d'ufe gara, Gedalia ka Mispa jiru d'aqe, daad'ifi mid'aani mukha ka muumme inqamne galfate. Eegi suni Yohananifi jari gugurdaani askarti ka booju inkad'atiini Gedalia ka Mispa jiruti d'ufani, waan jed'aniini, Atini aka hayyuuni Amoni ka Baalisi jed'ani, Ishmaeli siti ijeecha erge imbeetu? Ammo Gedaliani jecha worra suni ind'ugeefanne. Jennaani Yohanaani d'ossani isa yaame waan jed'eeni, Ani deeme, Ishmaeli ka nami tokoleeni quba inqamne ijeesa, na gad'iisi. Inni maafi si ijeese, Yahudi fulla tante jirtu ch'ufa gargari firfirse worra Yuda ka hafe hobaasa? Ammo Gedaliani waan jed'eeni, Lakisi, akasi intolchini, wonti Ishmaeli ka atini jettu d'ugaaniti! Jia torbeeso ka ganna suni, Ishmaelini ka ilmi Elishama, ka worra hayyu keesaa d'alate, ka innileeni askarti hayyu keesa guddinna qabu, nama kud'ani woliini Gedalia, ka Mispa jiru, argu d'aqe. Ato worri ch'ufti tae sagale woliini sooratu, Ishmaelifi jari kud'annaani isa woliini jiru kaani goraade guuratani Gedalia ijeesani. Ammalle Ishmaelini worra Yahudi ka Gedalia woliini Mispa jirufi askarti Babiloni ta achi jirtule hobaase. Boriyyaate, ato nami tokoleeni aka Gedalia ijeesani ind'agayini, nami saddeetama Shekemufi Shilofi Samariaa bahe Mispa d'ufe. Worri areeda haadate woya ufi tatarsaase, ufi mamadeese, mid'aanifi hit'aana fuud'e, mana Waaqa geesu jira. Jennaani Ishmaeli ka bohaa deemu, Mispaa bahe, worra fuula keesa deeme. Worra fuula keesa d'ufe jennaani waan jed'eeni, D'iiro, koota olduuda Gedalia arga. Akuma worri dira duudeeni, Ishmaelifi jari isaa worra hobaase reefa worraa eela guure. Ammo worra suni keesa nami kud'ani waan Ishmaelini jed'e, Aabbo nu inhobaasini, nu dargayefi garbuufi d'ad'afi damma yayu oobru keesati d'ossine. Tanaafi inni worra, worra kaani woliini inhobaamne, lubbu baase. Eeli Ishmaelini reefa worra hobaase suni iti guure eela gudda toko, ka duri hayyu Asani qot'e, gaafa hayyuuni Israeli, ka Baasha jed'ani, isa had'uu jiru. Ishmaelini eela suni reefa worra sunitini guute. Duuba inni dubra hayyu ch'ufafi nama Mispa keesa jiru ch'ufa, ka Nebusaradanini, abbaani duula, harka Gedaliati lakise, boojie. Worra boojie jennaani Ishmaelini kae, gara lafa Amoni iti d'aabate. Yohananifi jari gugurda askarti ka isa woliini jiru ch'ufti ch'ubbu Ishmaelini tolche d'ageennaani, jara ufi fud'ate, faana iti d'aabate, haro Gibeoniti d'aqabe. Worri Ishmaelini boojie kaani Yohananifi jara gugurda askarti, ka isa woliini jirule, arginaani gammade, garagale fuula keesa orie. Ammo Ishmaelifi jari isaa, nami saddeeti, Yohanaani duraa baqate lafa Amonitini bahe. Jennaani Yohananifi jari gugurdaa askarti, ka isa woliini jiru, worra Ishmaelini Mispa keesaa boojie, eegi Gedalia ijeese, fuud'e itiini d'aabate — askartifa, nad'eenifa, ijoollefa, jara sasangisiisani mana hayyu keesa hojatu fa. Jennaani jari gugurdaani askarti ch'ufti Yoanani ilma Kareatifi Azaria ilma Heshayatifi nama diqaafi guddaale ch'ufa woliini d'ufani, waan nani jed'ani, Aabbo, woi si kad'anna, waan suni nuu guuti! AABBO Waaqa keenna nu kad'ad'i, nuu nama hafe kana ch'ufaa jed'i, kad'ad'i. Nu duri nama heddu, ammo amma tana aka atini agarte kana nama diqa tokoti hafe. AABBO Waaqa keenna nuu kad'ad'i, aka inni waan nu taanufi gara nu deemnu nuti himu. Anini waan jed'eeni, Hayye, hataatuti; anini AABBO Waaqa keenna isanii kad'ad'a, akuma isani jettani; waan inni jed'u ch'ufa isaniti hima, tokole isani ind'ossu. Jennaani worri waan nani jed'e, AABBO Waaqi ha nu balleesuti yo nu waan tahu male, ka AABBO Waaqi siti hime, tahu, dinne. Yo isiini waan dansaafi hamtule taate, nu waan AABBO Waaqi keenna, ka iti si erginu, jed'u intolchina. Yo nu waan inni jed'u tolchinu wonti ch'ufti nuu tolti. Eegi bulti kud'ani, AABBO Waaqi nani dubbate; jennaani anini Yohananifi jara gugurda askarti, ka isa woliini jirufi jara kaani ch'ufa wolti yaame waan jed'eeni, AABBO Waaqi, guddaani Israeli ka isani iti na ergitani waan jed'u, Yo isani ka lafa tana keesa teetani taatani, anini isani imballeesu ammo isani jabeesa; anini aka mukha isani oobra, isani imbuqisu. Badiini anini isanitini d'ufu ya aka male garaa na yakite. Hayyu Babiloni deebitani insodaatina, anini isani woliini jira, harka isaa keesaa isani baasa. Maro anini naasu qabuufi, isa isanii naasise, lafa teesaniti isani deebisa. Nami dubbi tana jed'e ana, AABBO Waaqa. woraani isani sodaatani isani qabate, beelti isani d'eetanileeni isani d'aqabde achuma lafa Misiri keesati hobaatani. Nami lafa Misiri d'aqe achi qubachu fed'u ch'ufti yokhaani woraanaani dua, yokhaani beelaani dua, yokhaani d'ukubaani dua. Worri nami tokoleeni, ka badi anini worratiini d'ufu, iraa hafe duraa bahu injiru. AABBO Waaqi Israeli waan jed'u, Akuma anini worra Yerusalemuti gugubad'e dallane, akasuma isanileti dallana, yo isani lafa Misiri d'at'ani. Nami yo isani argu, isani iraa rifate isani goyeese, maqa keesanini woli abaara; ammalle isani deebitani fulla tana ingartani. Ammalle anini waan jed'e, Ee worra Yuda ka hafe, AABBO Waaqi waan isaniini jed'u, lafa Misiri ind'aqina. Aninileeni amma tana waan kana isaniti hima: Isani guddo wollaala tolchuu jirtani. Isani waan nani jettani, AABBO Waaqa keenna nu kad'ad'a; waan inni jed'u ch'ufa nuti himi inguunna. Anini arra ya isaniti hime, ammo isani waan AABBO Waaqi, Beeni worra kanati himi naani jed'e, ch'ufa guutu diddani. Tanaafi waan kana qaabad'a: Lafa isani iti qubachu feetani keesati woraanafi yokhaani beelafi yokhaani d'ukubaani raawattani. Anini dubbi AABBO Waaqi isaani, worrati himi nani jed'e, buufannani Azaria, ilma Hoshayatifi Yohanaani, ilma Kereatifi jari kikiyyibaani kaanileeni ch'ufti, Atini d'ara dubbachuu jirta naani jed'e. AABBO Waaqi keenna si nuti inergine, inni lafa Misiriti ingodaanina injenne. Ammo Baraku, ilma Neriati si nuti kaase, aka atini harka worra Babiloniti nu kennite, worri yokhaani nu ijeese yokhaani nu boojie lafa Babiloni nu geesu. Tanaafi Yohananifi jara gugurda askartitifi yokhaani nami kaani ch'ufti jecha AABBO Waaqa, ka inni lafa Yuda keesa taa jed'eeni, ch'aqasu diddani. Jennaani Yohananifi jari gugurdaani askarti ch'ufti, nama lafa Yuda keesati hafe fuud'ani, lafa Misiri geesani. Ammalle worra suni woliini worra lafa qara iti firfirsani keesaa gale, d'iira taanaani, uwa taanaani ijoolle taanaani, dubra hayyule taanaani ch'ufa, achi geesani. Worri nama Nebusaradanini, namichi abba duula kaani, harka Gedaliati lakise, naafi Barukule, achi geese. Worri dubbi AABBO Waaqa dide, akanaani kae lafa Misiri seene, dira Tahapenesitini bahe. Achiti AABBO Waaqi waan nani jed'e, D'akhaye gugurdo guuri ch'icha mana Faraoti d'ossii mid'aasi lafa naqi, ammo worri Israeli hagi toko ha huji suni arguuti. Duuba waan jettuuni, AABBO Waaqi, guddaani Israeli, waan jed'u, Anini hojattu tiyya Nebukadreza hayyu Babiloni fulla taanaani d'ufe, inni barch'uma isaa d'akhaye atini arma nat'e tana gubba d'aabate, waaro hayyu gubbati jaara. Inni d'ufe lafa Misiri had'e dabsata. Nami d'ukubaa qoodani d'ukubaani due, Nama booju qoodani boojiani ammalle nami duisa woraanati qoodani woraanaani dua. Anini maneeni waaqoota Misiri gube, hayyuuni lafa Babilonileeni waaqoota worraa gube yokhaani boojia. Akuma tissituuni woya ufi injirani iraa guurte qulqulleesitu akasuma hayyuuni Babiloni lafa Misiri daara baase, qulqulleese, biraa deema. Inni d'akhaye woyyu, ta old'ad'aabani, ta dira Heliopolisi keesa jirtu ch'ach'abse maneeni waaqoota worra Misiri gube balleesa. AABBO Waaqi waan Yahudi lafa Misiri keesa jirtu ta dira Migdolitiifi ka Tahapenesitifi ka Nofu keesa teetufi ta lafa suni keesa bitaa teetule nati hime. AABBO Waaqi, guddaani Israeli, waan jed'u, Isani badi hamtu anini Yerusalemufi dira Yuda ch'ufatini d'ufe ya agartani. Arrale diri sunini ona fakaata, nami tokoleeni keesa intau; wonti akanatiifi worri dira suni waan hamtu tolche na dallansiise. Worri waaqoota d'ibi sorio baase, waaqoota isanifi ababooti teesani waan isii imbeenne, hojate. Anini maro heddu raagoota hojattu tiyya isaniiti erge, ta waan hamtu anini jibbu tana intolchina isaniini jette. Ammo isani dubbi suni inch'aqamne yokhaani inguunne. Ammalle aada hamtu waaqoota d'ibi sorio baaftanile lakisu diddani. Tanaafi anini nama dira Yudatifi nama kara Yerusalemu gula yau ch'ufa iti dallane ibida iti tahe. Duuba dirafi karaani sunini bade ona tahe, haga arrale nami argu irruma rifata. Tanaafi AABBO Waaqi, guddaani Israeli, waan jed'u, Isani maafi waan hamtu akana tana ufitini d'uftani d'iirafi nad'eenifi ijoolleefi daimale balleesitani, daara ufi d'owartani? Isani maafi waan harkaani boch'ani kad'attani, lafa Misiri ta isani iti qubatani tana keesati waaqa d'ibi hit'aana aarsitani na dallansiiftani? Isani ufi balleesu feetanifi waan suni tolchitani? Aka nami lafa keesa jiru ch'ufti isani goyeese maqa keesanini woli abaaru. Isani waan hamtu duri dira Yudatifi kara Yerusalemu keesaleti, hayyooti Yudatifi nad'eeni worraatifi isanifi nad'eeni teesanileeni tolchitani ya deetani? Haga arrale isani waan suni illakimne yokhaani na inulfeesine, yokhaani seerafi aada tiyya, ta anini isanifi ababoota teesani kenne jabeesitani gula iyyaane. Tanaafi AABBO Waaqi, guddaani Israeli, waan jed'u, Anini badi isanitini d'ufe, worra Yuda ch'ufa balleesu male intau. Worri Yuda ka hafe, ka amma lafa Misiri d'aqe achi tau fed'u ch'ufa imballeesa. Worri sunini ch'ufti, diqaafi guddaleeni lafa Misiri keesati woraanafi yokhaani garaachani hobaa. Nami worra arge iraa rifate worra tufate maqa worratiini woli abaara. Anini akuma worra Yerusalemu gaargalche akasuma worra lafa Misiri keesa jirule gaargalcha — woraanafi beelafi d'ukubaani. Nami Yuda ka hafe ka amma d'ufe lafa Misiri tau, tokoleeni baqate duraa imbahu. Nami tokoleeni lafa Yuda, ta guddo iti deebiu fed'uti, indeebiu, nama tatake toko ka baqate male. Jennaani nami d'iira, ka aka nad'eeni isaani waaqoota d'ibi hit'aana aarsitu beekhu, ammalle nad'eeni arti ejaanjitufi worri Israeli, ka lafa Misiri bitaa tauleeni ka gumiini sunini nama muumme inqamne waan nani jette, Nu waan atini maqa AABBO Waaqatini nuni jette kana inch'aqamnu. Nu waan, intolchina jenne kaani ch'ufa intolchina. Nu hit'aana waaqoota teenna hayyiti gubbati aarsine, daad'ile d'ibaayu baamnaafi, akuma nuufi ababoota teennafi hayyoota teennafi jaaroleeni teenna duri dira Yudatifi kara Yerusalemu keesati tolchine. Gaafasi nu guddo sagale qamna, horile guddo qamna, gaargali injiru. Ammo haga nu hit'aana hayyiti gubbati aarsu lakimne, daad'ile d'ibaayu baasufi lakimne, ya wod'amne, ammalle nami keenna ya woraanafi beelaani hobae. Ammalle nad'eeni suni waan jette, Gaafa nu qit'a hayyiti gubbaa fakeesine mid'aasine, hit'aana aarsineefi daad'i d'ibaayu baafneefi, d'iirsooti teennaleeni huji teenna imaachite. Jennaani anini nama d'iiratifi ka uwa, ka akasi nani jed'e waan jed'eeni, Hit'aana isanifi ababoota teesanifi jaaroleeni teesani aarsitanifi ka nami lafa sunileeni dira Yudatifi kara Yerusalemu keesaleti aarsele — isani waan AABBO Waaqi quba inqamne yokhaani waan inni ded'e seetani? Guyyuma kana lafti teesani badde ona taate, nama keesaa d'abani. Isii, nami yo arge iraa rifate, maqa isiitiini woli abaara; wonti akanatiifi AABBO Waaqi hameennaafi ch'ubbu isani tolchitani tana ya obsu dad'abe. Wonti badiini tunini isani qabateefi, waan isani waaqoota d'ibi hit'aana aarsitani, aadaafi seera AABBO Waaqa lakiftani, akasiini ch'ubbu ke buutani. Jennaani anini waan nad'eeni sunifi nama ch'ufaani jed'e, Isani, worri Yuda, ka lafa Misiri keesa tau, dubbi AABBO Waaqa ch'aqasa. Wonti AABBO Waaqi, guddaani Israeli, jed'u tana; isanifi nad'eeni teesanileeni kakhu jabdu hayyiti gubbati kakhatani waan jettaniini, Hit'aana sii aarsine, daad'i d'ibaayu sii baamna. Haga arraa isani kakhu suni ya guutani. Hayye, illakisina, guutuma guuta. Ammo amma tana kakhu anini, AABBO Waaqi, maqa kiyya jabaani isani worra Yahudi, ka lafa Misiri keesa jirtuti kakhad'e ch'aqasa. Anini iti deebie ee injed'u, aka isani nami tokoleeni maqa kiyyaani kakhate, anini Waaqa jiruni kakhad'a injenne. Anini hormaata isani d'owe, badiini isaniti d'ufa. Isani ch'ufti woraanaafi yokhaani d'ukubaani raawattani, nama tokole ka hafe d'abani. Ammo isani nami takeeni iraa hafe lafa Misiri keesaa lafa Yudati deebia. Duuba akanaani jari hafe suni dubbi tiyyafi ta worra, ta d'ugaa taate, gargari beekha. Anini, AABBO Waaqi, lafa tana keesati isani gaargalche; duuba akanaani aka dubbini, Anini isani balleese jed'e taani guutamtu beetani. Anini hayyu Hofra jed'ani, ka lafa Misiri, harka nyaapa isaa ka isa ijeesu fed'uti kenna, akuma anini duri Sedekia hayyu Yuda harka nyaapa isaa Nebukadreza, hayyu Babiloni, ka isaa ijeesu fed'eti kenne. Ganna afreeso ka Yehoiakimuni ilmi Yosia, lafa Yuda mohate, Barukuni waan anini iti hime ch'ufa t'aafe. Jennaani anini waan jed'eeni, AABBO, Waaqi Israeli, waan siini jed'u, Baruku, Atini, anini ya ufi jibbaad'e! AABBO Waaqi yayu gaargala kiyya nati guddise na laalefachiise, anini ya ooa d'aqe ufi jibbad'e boqota inqabu ufiini jetta. Ammo anini, AABBO Waaqi, waan jaare ch'ach'abse, waan oobrele buqisuu jira, waan kana anini lafa ch'ufa keesati tolcha. Atini waan guddo barbaadachuu jirta? Imbarbaadatini. Anini badii nama ch'ufati d'ufuniti jira. Ammo atini fulla baatu ch'ufa lubbu teetiini inuma baata. Nami dubbi tana jed'e ana, AABBO Waaqa. Tunini waan gosa d'ibii, ka AABBO Waaqi Yeremiati hime. Misiri, waan askarti hayyu Misiri, ka Neko jed'ani, ka hayyuuni Babiloni, ka Nebukadreza jed'ani, Karkemeshi d'aatu galaana Fratiti dabsate, ganna afreeso ka Yehoiakimuni, ilmi Yosia, hayyu Yuda tahe. Inni akana jed'e: Askartini Misiri lalabde waan jettu kurfefad'a, wonte teesani guurad'a, had'iisa d'aqe! Fardoole teesani koora ira keeyad'a, yaabad'a! Kofia teesani ta sibiila naqad'a, ch'orora ejaanja! Woraana keesani qarad'a, miiha keesani ka lola naqad'a! AABBO Waaqi waan jed'u, Wonti anini argu kunini maani? Worri ya mudame baqate, askarti worrale ya dabsatani; worri akamale nahe, haga dandau ch'ufa baqate, ufira millachu dad'abe. Nami qolchaleeni dandae duraa imbahu, askartileeni infiiddu. Mirgaa, gara galaana Fratiti, worri gugufate jijiga. Eenu kunini, ka aka galaana nile olbahe, galaana afaani ufi ch'ufati fach'au fakaatu? Inni Misiri, ka aka Nile olbahe, galaana afaani ufi ch'ufati fach'au fakaatu. Worri Misiri waan jed'e, Nu kaane lafa ch'ufa qabanne dirafi nama keesa taule ch'ufa balleesina. Fardoole teesani gussa, gaarile keesanini oria! Askarti teesani erga: Worra Kushitifi ka Libya ka wonte qabu, worra Ludi, ka t'iyaani wohad'u beekhu. Kunini guyya AABBO Waaqa guddaa, ka inni haalo baafate, nyaapa isaa balleesu. Goraadeeni isaa worra nyaatte, d'iiga worraa d'udde quufti. Arra AABBO Waaqi guddaani sorio mirga d'aatu galaana Fratiti qaqala. Isani worri Misiri, Gileadi d'aqa, qorsa barbaada! Qorsi keesani ch'ufti ya woi isanii bahu dad'abe, wonti isani fayyisa injirtu. Gochiti hedduuni ya ch'eera keesani d'ageete, nami ch'ufti yayu boha teesani d'agaye. Askartini wolti gufatte woliini jijiddi. Gaafa hayyuuni Babiloni, ka Nebukadreza jed'ani, lafa Misiri had'u d'ufe, AABBO Waaqi waan nani jed'e: Misirifi Migdolifi Nofufi Tahapenesi keesati dubbi tana lalaba: Kurfefad'a, nyaapa ufiraa d'owa; waan isani qabdani ch'ufa woraanati balleesa! Waaqi keesani jabaani Apisi jed'ani, maafi jige seetani? AABBO Waaqati d'ae isa buuse! Askartini teesani gugufatte jijidde waan woliini jette, Hurrisa, nu yaasa, worra keennati nu galcha, aka woraana nyaapaa jalaa baanu. Hayyu Misiri maqa d'ibi baasafi: kiyyibaa iyyaa deemu, ka qoomni ufi balleesu. Anini, AABBO Waaqi guddaani, hayyu, Waaqa jiru. Akuma gaari Tabori, gaareeni ch'ufa iraa d'eerate, gaari Karmeli galaana ch'ufa iraani mullatu, akasuma nami isani had'u nama irre qabu taha. Isani worri Misiri, aka isani boojiani kurfefad'a, miiha wolti hid'ad'a? Dira Nofu balleesani, ona nami keesa inteenne tolchani. Misiriini goromsa looni mid'aaga sorondisi mirgaa d'ufe nyaatu fakaati. Askartini worri beeseeni bitateleeni yabbiye gagabbo fakaati. Worri nyaapa dura eje inhaane, ammo dudda iti gale baqate. Guyyaani badi worraa ya d'ufe, ka worra balleesani. Worra Misiri ya ch'eersani; worri mirgaa d'ufeti had'e worra dabsate. Nami dubbi tana jed'e ana, AABBO Waaqa. AABBO Waaqi guddaani, Waaqi Israeli, waan jed'u, Anini Amoni, waaqa Thebesitifi Misirifi waaqoota isiitiifi hayyoota isiile ch'ufa ingaargalcha. Anini hayyu Misiritiifi nama isa abdatu ch'ufa fuud'e, harka nama worra fit'u fed'uti kenna — hayyu Babiloni ka Nebukadreza jed'anifi duula isaa. Ammo eege nami akuma duri kaani lafa Misiriti deebie keesa taa. Nami dubbi tana jed'e ana, AABBO Waaqa. Gumi tiyya, insodaatina, worra Israeli, imudamina. Anini lafa fago suni ta boojiani iti isani geesani keesaa isani baasa. Isani lafa teesaniti galtani, nagayaani teetani, ch'alleesumani teetani, nami isani mudamsiisu injiru. Anini isaniti d'ufe isani baasa, isani male, gosa anini keesati isani firfirse taani ch'ufa imballeesa. Anini ato diqo tateele isanuma gaargalcha, ammo yo tateele d'uguma gula isani gaargalcha, Nami dubbi tana jed'e ana, AABBO Waaqa. Ato hayyuuni Misiri dira Gaza had'e imballeesini, AABBO Waaqi waan Filistia tolchani nati hime, waan nani jed'e: Laali, lagi ya mirgaa d'ufe, bisaani lafa ch'ufati fach'aani. Bisaani suni lafafi waan keesa jiratifi dirafi nama keesa taule ch'ufa fud'atani. Nami qarqaarsa kad'ate, nami lafa keesa jiru ch'ufti aka hama boha. Worri kotte fardatifi dibbeesa gaaritiifi girreesa miila isale d'agaya. Abootini garagalte ilmaani ufi infud'attu; harki worraa akanumati naasuuni iraa jiga. Hojaani Filistia balleesani ya geete, ta Tirofi Sidoni qarqaarsa hafe iraa kutani. Ana, AABBO Waaqati, worra Filistia, ka duri lafa Krete ta bisaani jidduuti d'ufe, balleesa. Gaargali hamaani ya worra Gaza qabate, worri Ashkeloni ya ch'allise. Worri Filistia kaani haga yoomi bohu lakisa? Isani bootani waan jettani, goraade AABBO Waaqa! Atini yoomi woi hobaasu lakifta? Qalqala teeti deebii, tai, hafuura baafad'i! Ammo isiini akami hafuura baafati, ka anini huji isiini hojattu kenneefi? Anini yayu Ashkelonifi worra afaani galaana taule, had'i jed'eeni. Wonti moabu ka AABBO Waaqi guddaani dubbate tana: Worra Neboti naha, dira worra ya balleesani! Kiriathaimu, dira worra jaba ya qabani balleesani, nama isale ch'ufa ya ch'eersani. Mid'aagumti Moabu ya badde, nyaapi yayu Heshboni qabe, aka gosa Moabu balleesule malate. Dira worra marata inch'alisisani; duulati d'ufe had'a. Worri Horonaimu iyye waan jed'u, Woraani ya d'ufe! Lafti ya bade! Moabu ya balleesani, aka ijoolleeni teete bootu ch'aqasa. Qonqo isii ta boha yo kara Luhithi yaatani d'agaya, qonqo laalala isi, hojja Horonaimu d'at'ani d'agaya. Hurrisa, baqad'a, lubbu ufi baasa; aka harre diida oria! jed'ani. Moabu, atini irre teetifi hori kanke d'aabatte, ammo amma tana sile indabsatani; waaqi kanke ka Kemoshi jed'ani ilmaani hayyutifi qaalole woliini boojiani. Diri tokoleeni ka badi duraa bahu injiru; baleefi diidale imballeesani. Nami dubbi tana jed'e ana, AABBO Waaqa. D'akha awaalaa Moabu guura; d'iotu isii balleesani. Dira isii balleesani ona tolchani, deebiani keesa intaani. (Nama huji AABBO Waaqa garaa tokooni inhojanne abaara! Nama goraadeeni isaa woma inijeemnele abaara!) AABBO Waaqi waan jed'e Moabuni haguma duriti nagayumani teeti, taka nami imboojine. Moabuni daad'i taka inchochoosini, ta gorjo toko keesaa gorjo d'ibiti taka innaqini, fakaati. Miaa isii taka iyyakine, akuma duri kaani mioofti. Duuba amma guyyaani ind'ufa, ka anini nama erge Moabu aka daad'i lafati jissu. Worri d'ufe gorjo worraa ta daad'i duwa tolche tatarsaasa. Duuba worri Moabu waaqa worraa, ka Kemoshi jed'ani tufate jibbe yalabaha, akuma duri worri Israeli Betheli, waaqa worri duri abdate, tufate yalabahe. Worra Moabu, isani maafi nu janna, guddo had'iisa beenna ufiini jettani? Moabufi dira isii ya balleesani, kaima isii dadansa ch'ufa ya qaqalani. Nami dubbi tana jed'e ana, hayyicha, AABBO Waaqa gudda. Badiini Moabu ya d'iaatte, balleesani isii fago injirtu. Isani nami d'aatu tau, ka gurra isii beekhu ch'ufti, gosa suni boha; waan jettani, Irreeni worri namaani fidu ya ch'ach'abt'e guddinnaafi jabeenna isi deebiani lafati inargani. Isani nami lafa Diboni tau, fulla teesani ta guddinnaati gabua, awaara keesa tataa; nami Moabu balleesu arma jira, dira isii jajaba ya balleese. Isani nami Aroeri keesa tau, kara d'aatu ejaanja, eega; worra baqatu odu iraa fuud'a, waan hamaate gaafad'a. Worri waan jed'u, Moabu ya balleesani bohafi; isii ya ch'eersani. D'aatu galaana Arnoniti lalaba, aka Moabu balleesani hima! Dira dirra lafa gubbaa jiru ya badi iti himani diri sunini kana: Holoni, Yasa, Mefaathi, Diboni, Nebo, Beth-Diblathanu, Kiriathaimu, Bethgamuli, Beth-Meoni, Keriothi, Bozra. Badi yayu dira Moabu ka fagootifi ka d'ioleti himani. Irre Moabu ya ch'ach'absani, jabeenna isiile ya balleesani. Nami dubbi tana jed'e ana, AABBO Waaqa. AABBO Waaqi waan jed'e, Worra Moabu farso iti guura, macheesa, wonti akanatiifi worri yayu na dide. Worri Moabu diddiga ufi keesati gangalate, nami d'ibileeni worra kobla. Worra Moabu isani aka worra Israeli duri goyeesitani qaabatu? Isani aka waan worri ato hatuu woliini jiru qabani worra hereddani. Isani worri lafa Moabu keesa tau, dira keesani keesaa baha! Beena d'akha gubbati gala! Aka sabaliisa ka mana ufi rarra bale irati jaaratu tahe. Worri Moabu guddo kiyyiba! Anini aka worri kiyyibe ufi saade ufi guddisu ya d'agaye, yokhaani aka worri ufi koorsu. Anini AABBO Waaqi aka worri ufi saadu imbeekha. Ufi saaduni worraa woma keesa injirtu, wonti worri tolchuleeni waan turatiniti. Tanaafi anini worra lafa Moabu keesa taufi worra Kia-Heresi keesa taule boha. Dira Sibma, atini mukha zabibu ka dameeni isaa galaana soodda ira baate Yazeri geetu fakaata. Ammo amma mid'aani kanke ka gannatifi mid'aani zabibule ya balleesani. Gammadafi qilit'ama yayu lafa Moabu dansa wo baaftu keesaa fuud'ani. Anini yayu daad'i fulla isi iti miich'ani keesaa yau d'owe; nami daad'i mid'aase, koble gammadu injiru. Worri Heshbonitifi ka Eleale iniyya. Iyyanna worraa Yahasiti d'agayani iyyanna suni Zoarifi Horonaimufi Eglath-Shelishiati d'agayani. Maddooni Nimrimuleni ya gogodde. Anini worra Moabu ka fulla kad'achati sorio gube waaqa isaniti baase hit'aanale aarsufi, huji suni ind'owa. Nami dubbi tana jed'e ana, AABBO Waaqa. Tanaafi garaani kiyya Moabufi worra Kia-Heresiiti boha, akuma nama faaru boha fulludooni d'aatu. Wonti akanatiifi waan worri qabu ch'ufa ya iraa fuud'ani. Worri ch'ufti yayu matafi areedale haadate. Worri ch'ufti yayu harka ufi mamadeese ch'arqi naqate. Maneeni Moabu gubbafi ballinna dira ch'ufa keesale boha male woma injirani, wonti akanatiifi anini yayu Moabu aka okote faara ta nami jibbe ch'abse. Moabu yayu bulleesani! lalaba, iyya! Moabu yayu ch'eersani isi yayu balleesani ona tolchani, gochiti d'aatu jirtu ch'ufti isi goyeesiti. Nami dubbi tana jed'e ana, AABBO Waaqa. AABBO Waaqi waan jed'u: Gochiti toko aka risa koola ballifte d'ufte Moabuti buuti. Dirafi maneeni jajabdu isale inqabani. Guyya suni askartini Moabu mudamte, lubbuuni d'ufte, niiti dauu jirtu fakaati. Moabule imballeesani deebiani gosa injed'anini, waan worri na dideefi. Sodaafi boolafi t'ururati worra Moabu eegata. Nami dubbi tana jed'e ana, AABBO Waaqa. Nami soda duraa baqachu fed'u boola suni keesa bua, ammalle nami boola suni keesaa oli bahu t'urura keesa seena; wonti akanatiifi AABBO Waaqi yayu guyya worra Moabu balleesani tolche. Nami irre inqamne, ka baqaa yau, Heshboniti goru fed'a, dira hayyuuni Sioni duri mohate. Ammo dira sunile yayu gubani. Ibidi yayu diidafi gaareeni Moabu, ka worri isi guddo had'iisa fed'ule, gube. Worra Moabuti naha! Worra Kemoshi kad'atu ya balleesani, ilmaani worrale ya boojiani. Ammo takaa tana AABBO Waaqi finna dansa worraa deebisa. Wonti kunini ch'ufti waan AABBO Waaqi Moabuti ind'ufti jed'e. Wonti Amonini taatu, ka AABBO Waaqi jed'e tana: Worri Israeli meeti? Nami lafa isaani nyaapa iraa d'owu injiru? Worri maanifi worra waaqa Milkomu jed'ani kad'atu lafa gosa Gaditi lakise worri iti qubata? Ammo guyyaani ind'ufa, ka anini worra dira Raba keesa tau iyyanna woraanaa d'ageesisu. Duuba dira suni ona tolchani, ollowaani isaale gubani balleesani. Jennaani worri Israeli lafa isaani ta qara iraa fud'atani deefata. Worra Heshboni, iyya! Dira Ai ya balleesani! Nad'eeni dira Raba, boha, ch'arqi naqad'a, waan taatani wollaala, gara ch'ufa oria. Waaqa keesani ka Milkomu jed'anifi qaalole isaatifi ilmaani worrale imboojiani. Isani worri d'ugefacha inqamne kunini maafi ufi guddiftani? Humniti teesani hobauu jirti. Isani maanifi irre teesani abdatani, Nami nu had'u injiru jettani? Anini gama ch'ufa waan isani mudamsiisa isaniti erga, duuba isani ch'ufti imbaqattani. Nami ch'ufti aka lubbu ufi baasu baqate, nama nama baqate suni wolti deebisu d'abani. Ammo takaa tana anini finna dansa worra Amoniti deebisa. Nami dubbi tana jed'e ana, AABBO Waaqa. Wonti Edomu ka AABBO Waaqi guddaani jed'e tana: Worri Temani ya qalbi d'abe? Nami worra mala d'au ya mala d'aufi dad'abe? Qaroomi worraa ch'ufti ya bade? Worra Dedani garagala, baqad'a, d'okhad'a! Anini d'aloota Esau ingaargalcha, wonti akanatiifi guyyaani anini worra gaargalchu ya gahe. Hojja nami mid'aani zabibu guuru, hagi toko irumati hafani, ammalle hojja hattuuni halkaniini d'uftu woma feetu ch'alla guuratti. Ammo anini d'aloota Esau ya waan ch'ufa iraa sosse fulla inni iti d'okhatule diidati baase, aka akasiini worri dandae deebie ind'okhanne. Worra Edomu ch'ufa ya balleesani, tokoleeni inhamne. Ilmaani teesani hiyyeeyi na birati lakisa, inqorqorad'a, nad'eeni teesani ta d'iirsa inqamneleeni ha na abdatuti. Yo nami gaargala argachu himmalini muduunu gaargalatini d'uge, isani waan gaargala inarganne seetani? Hiyo akasiniti, d'uddani male inteetani! Anini ya kakhad'e, aka diri Bozra bade ona tahu; nami isa goyeese maqa isaatini woli abaara. Ollowaani d'aatu isaa jirtuleeni haga jiru jireenna badde ona taati. Nami dubbi tana jed'e ana, AABBO Waaqa. Anini waan jed'e, Edomu, anini yayu qonqo AABBO Waaqa iraa argad'e inni nama erge waan jed'e, waan atini gosa ch'ufaani jettu wolti baha, duula keesani wolti baasa, kurfefad'a, worra had'a. AABBO Waaqi irre isani d'owe, nami ch'ufti isani tufata. Kiyyibi keesani ya isani sobe, nami tokoleeni ka isani waan inni isani sodaatu seetani, ka isani sodaatu, injiru. Isani d'akha fiit'e gaara gubbati galtani; ammo ato isani akuma risa fit'e d'akha gubbati galtanile AABBO Waaqi gaduma isani buusa. Nami dubbi tana jed'e ana, AABBO Waaqa. AABBO Waaqi waan jed'e, Badiini Edomuti d'uftu aka male hamtu, tanaafi nami d'aatu dabru ch'ufti rifate mudama. Woma duri Sodomafi Gomorafi diri d'aatu jiru ch'ufti, gaafa balleesani tahe, Edomuleeni taati. Nami deebie achi intau. Nami dubbi tana jed'e ana, AABBO Waaqa. Akuma nyeench'i badda galaana Yordani keesaa bahe lafa doti marra qabdu d'ufu, aninileeni akasuma d'ufe, worra Edomu lafa isaani keesaa tassa baqachiisa. Duuba nama anini fohad'eti lafa mohata. Nami na gahu lafa keesa jira? Nami woi na gaafatu jira? Nami lafa fidu, ka dandae nani morku, jira? Tanaafi mala anini worra Edomuti malad'eefi waan anini worra dira Temani tolchu fed'u ch'aqasa. Ijoolle worra alati hirkisani, nami ch'ufti rifata. Gaafa Edomu balleesani, dibbeesi isii lafa ch'ufa chochoosa; qonqo iyyanna galaana Diimati d'agayani. Nyaapi akuma risaa koola ballise gabue dira Bozra had'a. Guyya suni askartini Edomu akuma niiti d'alaa ch'ininfatu mudamti. Wonti Damaski, ka AABBO Waaqi jed'e tana: Nami dira Hamathitifi ka Arpadi keesa tau waan odu hamtu d'agayeefi ya mudame. Akuma d'awa bisaani, d'ind'isaani sodaani garaa worraa qabate, hafuura baafachu d'owarte. Worri Damaski irre inqabu, tanaafi mudame baqate. Akuma niiti d'alaa ch'ininfatu, worri laalefate d'ukubsata. Diri gurra qabu, ka duri gammada qabu, ya ona tahe. Guyya suni nama isaa ka kaima ch'ufa kara diraa keesati fit'ani, askarti isaa ch'ufa balleesani. Anini naabo Damaski gube, maneeni hayyu Benhadadile ibidaani balleesa. Nami dubbi tana jed'e ana, AABBO Waaqa gudda. Wonti gosa Kedaritifi lafa finna Hazori jala jirtu, ta Nebukadrezani hayyuuni Babiloni had'e dabsate, ta AABBO Waaqi jed'e tana: Worra kedari had'a, worra ilaboru suni balleesa! Waaro worraatifi ree worraatifi golla waaro worraatifi waan waaro worraa keesa jira ch'ufa qaba. Duuba waan worraani jettani, sodaani ya gama ch'ufaani isani marsite. Worra Hazori, anini, AABBO Waaqi waan isaniini jed'u, Baqad'a, d'okhad'a. Nebukadrezani, hayyuuni Babiloni, ya isaniti malate, inni waan jed'u, koota, worra nagayaani tau suni haana! Diri worraa Fullofi ch'ufanale inqabu, kobaa jira. Gaala worraatifi looni worraale ch'ufa fuud'a! Duuba anini worra rifeensa ufi gabaabse ch'iratu ch'ufa lafa ch'ufati firfirse, gama ch'ufa badi itiini d'ufa. Diri Hazori haga jiru jireenna one, fulla sareni diidaa iti galtu taha. Nami deebie achi intau. Nami dubbi tana jed'e ana, AABBO Waaqa. Akuma Sedekiani hayyu Yuda taheeni, AABBO Waaqi guddaani waan lafti Elamu taatu nati hime. Inni waan nani jed'e, Nama t'iyaani woi had'u beekhu, ka jabeenna gudda kana worra Elamuti kenne ch'ufa inhobaasa. Anini moga ch'ufa bubbe Elamutini d'ufe nama isii lafa ch'ufati firfirsa. Duuba akanaani fullaani nami Elamu iti imbaqatini injirtu. Anini worra Elamu aka worri nyaapa worraa fit'u fed'u sodaatu tolcha. Dallansu tiyya guddooni anini worra Elamu balleese duula iti erge worra hobaasa. Anini hayyufi jaarole worraale balleese, barch'uma kiyya ka hayyuma achi d'aaba. Ammo takaa tana anini worra Elamu finna dansaati deebisa. Nami dubbi tana jed'e ana, AABBO Waaqa. Wonti dira Babilonitifi nama isa ke tau tolchani, ka AABBO Waaqi nati d'aame, kana: Odu tana gosa ch'ufati hima, odeesa! Akheekha woi garsiisa, odu tana odeesa, ind'ossina, Babiloni ya balleesani! Waaqa isii, ka Merodaki jed'ani, ya fafalaansani! Waaqoota Babiloni ya ch'eersani, akheekha hama worri kad'atu ya ch'ach'absani! Gochiti mirgaa baate ya d'ufte Babiloni haate balleesite ona tolchite. Namaafi bineensi keesaa baqate, wonti tokoleeni ka iti gala injirtu. AABBO Waaqi waan jed'u, Yo guyyaani sunini gahu, worri Israelitiifi ka Yuda bohaa d'ufe, ana Waaqa isaani barbaada. Worri kara Sioni gaafate achi yaa. Duuba worri wold'aqisa jiru jireenna ka na woliini tolfate kaani, deebie inch'absu. Gumiini tiyya hooliye tissituuni kara iraa gorsite gaara irati balleesite fakaati. Worri gaareeni ch'ufa ira yayae, worra ufi gara wollaala. Nami worra argu ch'ufti worra had'a. Nyaapi isaani waan jed'u, Worri kunini AABBO Waaqati ch'ubbame, tanaafi wonti nu worra tolchine hamtuniti. Ababooti worraa AABBO Waaqa abdate, worrileeni sila AABBO Waaqa iraa goru himmalle. Worra Israeli, lafa Babiloni keesaa baqad'a. Lafa worraa keesaa baha, nama qara ka lafa suni keesa bahu taha! Anini gosa jajabdu mirgaa jirtu kaase, Babiloni haasisa. Worri had'iisaa ejaanje, lafa had'e dabsata. Worri sunini guddo t'iyaani woi had'u beekha, yo darbatu woma ind'abu. Babiloni insaamani, nami saamuleeni waan jed'u ch'ufa guurata. Nami dubbi tana jed'e ana, AABBO Waaqa. AABBO Waaqi waan jed'u, Worra Babiloni, isani gosa tiyya saamtani, tanaafi gammadani qilit'amtani, akuma looni mid'aani biilatini d'aanani yokhaani akuma farda imimsu yaatani. Ammo dira keesani gudda kana balleesani ch'eersani. Babilonini gadii lafa ch'ufa taati, isiini lafa gamooji ta bisaani inqamne taati. Maro dallansu tiyyatifi nami tokoleeni Babiloni keesa intau; isii ona tolchani, nami d'aatu dabru ch'ufti rifate maadefata. T'iyole ch'orora ejaanja, had'iisa Babiloniti kurfefad'a, dira marsa. Waan Babilonini ana AABBO Waaqati ch'ubbamteefi t'iya teesani ch'ufaani had'a. Gama ch'ufaa iti iyya! Babilonini amma ya harka kennate. Naabo isa ya ch'absani balleesani. Anini worra Babiloni haalo baafachuu jira, tanaafi isanileeni haalo baafad'a, akuma worri nama d'ibi tolche, worrale tolcha. Lafa suni keesati mid'aani fach'aasanifi ka muratanile d'owa. Nami gosa d'ibi ka achi keesa tauleeni nyaapa dira suni had'u sodaate lafa ufiti gala. AABBO Waaqi waan jed'u, Worri Israeli hooliye nyeench'i had'e gargari firfirse fakaata. Qara hayyu Ashuruti worra had'e, eege hayyu Babiloni ka Nebukadreza jed'aniti lafele worraa annifata. Tanaafi anini, AABBO Waaqi guddaani Waaqi Israeli, Nebukadrezafi lafa isale gaargalcha, akuma anini qara hayyu Ashuru gaaragalche. Anini worra Israeli lafa isaniti deebisa. Worri sagale gaara Karmeli irati baatefi ta lafa Bashani keesati baatele nyaate. Ammalle mid'aani lafa Efraimutifi ta Gileadi keesati bahale haga fed'u nyaata, hojja guyyaani sunini gahu, Israeli keesati ch'ubbu tokole inargani, Yuda keesale hameenni injiru; wonti akanatiifi anini worra hambise kana ch'ubbu isani inaraaramafi, nami dubbi tana jed'e ana, AABBO Waaqa. AABBO Waaqi waan jed'u worra Merathaimutifi worra Pekodi had'a, fit'a, hobaasa. Waan anini isaniini jed'u ch'ufa tolcha. Nami dubbi tana jed'e ana, AABBO Waaqa. Iyyanna lolaatifi balleesa nama balleesani lafa keesati d'agayani. Babilonini qara lafa ch'ufa burrisaani tumte, ammo amma tana burrisa suni ya ch'absani! Waan lafa suni tolchani arginaani gochiti ch'ufti iraa rifate. Babiloni, atini na haate, ammo amma ya t'urura anini si kaye ato imbeekhini keesa seente. Anini fulla miha kiyya ka lola iti olkayani bane, dallansu tiyya keesa alati baase; wonti akanatiifi anini, AABBO Waaqi guddaani Babiloni keesa huji qaba. Moga ch'ufaa had'a fulla mid'aani isii iti olkayani ch'ufa ch'absa bana! Waan saamtani aka mid'aani wolti tuula! Lafa balleesa! Woma inhambisina! Askarti worraa ch'ufa qaqala, hobaasa! Worra Babiloni ya badiini qabatte! guyyaani worra gaargalchani ya gahe. (Nami Babiloni keesaa baqate Yerusalemu d'ufe waan jed'u, AABBO Waaqi keenna ya worra Babiloni haalo baafate, waan worri nama Waaqa qulqullo balleesefi.) T'iyoleeni, Babiloni had'a jed'a. Nama t'iyaafi guubeeni woi had'u beekhu ch'ufa yaama. Dira marsa, nama baqachu fed'u, d'owa. Waan isiini tolchite isumati deebisa, woma isiini nama tolchite isiile tolcha; wonti akanatiifi isiini ana, qulqullo Israeliti kiyyibde. Tanaafi nama isi ka kaima ch'ufa kara dira keesati fit'ani, askarti isii ch'ufale guyya suni fit'ani. Nami dubbi tana jed'e ana, AABBO Waaqa. Babiloni, kiyyibi ya sira dabre, tanaafi anini, AABBO Waaqi guddaani, nyaapa siti tahe! Hojaani anini si gaargalchu ya geete. Gochiti teesani kiyyibduuni gugufate jidde, nama tokole ka olfud'u d'abdi. Anini dira keesani ch'ufa ibida iti kaye, waan d'aatu jira ch'ufa balleesani. AABBO Waaqi guddaani waan jed'u, Worra Israelitiifi ka Yuda ya dabsani. Nami worra qabe ch'ufti guddo worra tisse gad'iisu dide. Ammo nami worra baasu jaba; maqaani isaa AABBO Waaqa gudda. Isumati worraa dubbate nagaya lafatini d'ufe, ammo gaargala worra Babilonitini d'ufa. AABBO Waaqi waan jed'u, Dooti ha lafa Babiloni qabatu! Dooti ha nama isiitiifi nama isi mohatufi worra isii qaqaro qabatuuti. Dooti ha raagoota isii kiyyibdole qabatuuti worri akami daalle! Dooti ha askarti isii qabatuti worri akami mumudama! Fardoole isiitiifi gaari fardi hirkisule balleesa! Dooti ha askarti worri beeseeni bitatele qabatu worri akami lalaafa. Waan worri qabu ch'ufa saama, balleesa. Oolaani ha iti buute, galaani isii ch'ufti gogoguti. Babilonini lafa akheekha waaqoota d'ara ka nama mudamsiisa qabdu, ka biyya daallese. Bineensa alaatifi worabesafi urunguti Babiloniti gala. Nami tokoleeni deebie keesa intau haga jiru jireenna. Akuma anini duri Sodomafi Gomorafi dira d'aatu ch'ufa balleese, Babilonile balleesa. Nami deebie iti ingalu. Nami dubbi tana jed'e ana; AABBO Waaqa. Nami lafa mirgati d'ufuu jira, gochiti jabduuni fago teetu; hayyooti hedduuni lola kurfefachuu jirti. Worri t'iyaafi goraade fud'ate d'ufuu jira, worri hamama naasu inqamne. Worri hojja farda isaani yaabate gulufu aka d'awa galaana dibbisa. Ammalle worri kurfo jira, aka Babiloni had'u. Hayyuuni Babiloni odu suni d'ageennaani nahe harki iraa jige. Isa ya laalalafi d'ukubsachani aka niiti ch'ininfatu qabate. Akuma nyeench'a badda Yordani keesaa bahe lafa doti marra qabdu d'ufu, anini AABBO Waaqi d'ufe, worra Babiloni tassa dira isaani keesaa baqachiisa. Duuba nama anini fohad'eti lafa mohata. Nami na gahu lafa keesa injira? Nami woi na gaafatu injira? Nami lafa fidu, ka dandae nani morku injira? Tanaafi mala anini dira Babiloniti malad'eefi waan anini nama isaa tolchu fed'u ch'aqasa. Ijoolle worraale alati hirkisani, nami ch'ufti iraa rifata. Gaafa Babiloni balleesani dibbeesi isii lafa ch'ufa chochoose. Qonqo iyyanna gosa d'ibiti d'agayani. AABBO Waaqi waan jed'u, Anini bubbe woi balleesitu lafa Babilonitifi worra isiitiini d'ufa. Anini nama gosa d'ibi, ka aka bubbeeni bua buuyo fuutu, Babiloni fuud'e balleesu, iti erga. Hojja guyyaani badi sunini d'ufu, worri moga ch'ufaani had'e lafa duwa tolcha. Askarti worraa t'iya darbachu d'owa, miha lolaale keeyachu d'owa. Kaima inhambisina, duula worraa ch'ufa hobaasa! Worri mamadae, kara dira keesati hobaa. Anini AABBO Waaqi guddaani worra Israelitiifi ka Yuda illakimne, Ato worri, ana qulqullo Israeliti ch'ubbamele. Babiloni keesaa baqad'a, lubbu teesani baasa! Maro ch'ubbu Babilonitifi induina. Anini amma haalo baafad'e, akuma isii male gaargalchuu jira. Babilonini muduunu worqi, ta harka kiyya keesa jirtu, ta lafa ch'ufa macheesitu. Gochiti ch'ufti daad'i isi d'udde maraati. Diri Babiloni tassa jige bade! Bohafi! Maddaa isaa qorsa iti barbaada, hegeri infayyiti. Nami gosa d'ibi ka achi tau waan jed'u, nu dira Babiloni qarqaaru feene, ammo wonti sunini ya dabarte. Koota, amma lakimne kaane biraa galla. Waaqi yayu Babiloni irre isaa ch'ufaani gaargalche aka male balleese. AABBO Waaqi waan jed'u, gumiini tiyya lalabde waan jettu, AABBO Waaqi yayu d'uga nuu galche, koota, worra Yerusalemu d'anne, waan Waaqi keenna nuu tolche iti himna. AABBO Waaqi yayu hayyoota Medi kaase, waan inni Babiloni balleesu fed'ufi. Aki inni waan worri mana isani qulqullo balleesefi haalo baafatu akasi. Worri lafa had'u waan jed'u. T'iya teesani qarad'a! Wonte teesani kurfeesa! Akheekha naabo Babilonitini ch'absitani garsiisa! Nama lafa eegu heddeesa! Nama lafa tissu tolfad'a! Nama woi gaadu kurfeesa! AABBO Waaqi waan worra Babiloni, Intolcha jed'e ya tolche. Lafti suni galaanafi hori gudda qabdi, ammo guyyaani isii ya alaa hobae, isiini ya badu geete. AABBO Waaqi guddaani maqa ufiitini kakhate waan jed'e, Anini duula guddaani d'ufa ka aka awaanisa d'ufe isani had'e dabsate, geerara galu. AABBO Waaqi jabeenna ufitini lafa uume; qarooma ufitini mid'aase, gubbale ballise; jecha isatini bisaaleeni gubba dibbisani, duumansileeni muumme lafale d'ufe. Inni bokaya keesa angae, bubbele goda isii keesaa gayaase. Nami waan kana arge ch'ufti, daalle woma imbeenne ufi sehe; nami waan harkaani boch'ani kad'atuleeni, maro wonti worri kad'atu suni waan d'ara, ka lubbu inqamne taateefi waan tahu wollaale ufi d'aareefata. Wonti worri mid'aasu sunini waan woma keesa jiraatiniti, waan tufatani miid'u malani; guyya Waaqi qorsumaa d'ufu, imballeesani. Waaqi Yakobo waaqa akasi suniniti isumati waan ch'ufa uume Israeli fohate gumi ufi tolfate. Maqaani isa AABBO Waaqa gudda. AABBO Waaqi waan jed'u, Babiloni atini burrisa kiyya, miha kiyya ka lola ka anini namaani had'u, anini siini lafafi namale balleese, fardoole nama yaabatule hobaase, gaari fardi hirkisufi nama oofule balleese. D'iirafi nad'eenile fit'e, jaarsafi kaimale hobaase, ijoolle d'iiratifi ta dubrale gate. Ammalle tissitufi reele qaqale, worra lafa qotufi fardoole worrale gogorae, nama lafa mohatufi jaarole gugurdole hobaasa. AABBO Waaqi waan jed'u, Isani inagartani waan anini Babilonifi, nama isii tolchu, maro waan hamtu worri Yerusalemu tolcheefi. Babiloni, atini gaara lafa ch'ufa balleesu fakaata, ammo ato akasi taatele, anini, AABBO Waaqi, nyaapa keeti. Anini si qabe, si ch'ach'abse, sii bulleese daara si tolcha. Deebiani d'akha ona keetile manani injaarani. Atini haga jiru jireenna lafa aloo taata. Nami dubbi suni jed'e ana, AABBO Waaqa. Akheekha diraani haatani garsiisa! Magalata aka gochiti ch'ufti d'ageetu d'aa. Gosa ch'ufa had'iisa Babiloniti kurfeesa! Worra lafa Araratitifi Minitifi ka Ashkenazitini, Had'a jed'a. Worra suni abba duula iti tolcha. Fardoole aka tuuta awaanisaa gabaasa. Gosa ch'ufa had'iisa Babiloniti kurfeesa, hayyoota Meditifi jaaroleefi jara worraa gugurdafi askarti lafa worri mohatu keesa jirtule woliini baasa. Waan AABBO Waaqi aka Babiloni balleese ona nami keesa inteenne tolchu malateefi, lafti hollatte chochoote. Askartini Babiloni yayu had'iisa lakifte maneeni worraa jajabduti hafte. Worri ya ufi jibbaate waan tahu wollaale, irre d'abe, nad'eeni fakaate. Ch'ufana fullo dira ya ch'ach'absani, maneenile ch'ufa ibida iti kayani. Nami qonqo iyyanna woluma duubani d'ufe waan hayyu Babilonitini jed'u, Nyaapi ya dira kanke moga ch'ufaani d'ufe iti ch'abse had'e. Ammalle nyaapi yayu malka galaana qabate, maneeni jajabdu taanile ibida iti naqe, askarti tante mudamsiise. D'iotu nyaapa worra ch'ire akuma mid'aani oobdi keesati d'aanani ira ejaanjata. Nami dubbi tana jed'e ana, AABBO Waaqa gudda, Waaqa Israeli. Hayyuuni Babiloni dira Yerusalemu had'e, nama isaa nyaate fit'e, akuma okhole aanani fooqise, akuma gorjama liqimse, waan fed'u ch'ufa fud'ate, ka iraa hafele ch'ufa gadigate. Worri Sioni ha akana jed'u: D'iigi keenna gubbaa worra Babiloni ha tahu. Worri Yerusalemuleeni akana ha jed'u, gaargali keenna worra Babiloni ha qabatu. Tanaafi AABBO Waaqi waan worra Yerusalemutini jed'e, Anini d'iba keesani ya arge, amma isanii dubbad'e, nyaapa keesanile haalo isanii baasa. Anini madda bisaani Babiloni gosse galaana worraale kuta. Lafti sunini badde, ona bineensi ala iti galu ka ilti namaa jibbitu taati. Nami tokoleeni ka iti galu injiru, nami arguleeni nahe mudama. Worri Babiloni ch'ufti akuma nyeench'a itane, akuma kuble nyeench'a gururia. Worri sabdii? Yoosi anini jila worraa tolche, sagale d'aabeefi macheese gammachiisa. Duuba worri d'aqe rafa itumaa deebie lafaa inkau. Anini worra qalmati geesa, aka ilmaani hoolatifi laleesafi Elemiye. Nami dubbi tana jed'e ana, AABBO Waaqa. AABBO Waaqi waan Babiloni dubbate waan jed'e, Dira gochiti lafa keesa jirti ch'ufti duri faarsite ya had'ani qabani! Babilonini akami waan ilti gosa ch'ufa jibbitu taate! Bisaani baariini yayu Babiloni gubbati fach'aani, d'awani isaanileeni isii ira deebite mullachu d'owarte. Diri isiileeni yayu bade, ona bisaani inqamne ka nami keesa injirre yokhaani ka keesale imbaane tahe. Anini waaqa Babiloni ka Beli, jed'ani balleese waan inni saame guurate ch'ufa iraa buuse, aka gochiti tokoleeni deebite isa iyyaamanne tolcha. Naaboni Babiloni ya ch'ach'abt'e. Gumi Israeli, arti baqad'a! Dallansu tiyya hamtu duraa baqad'a, lubbu ufi baasa. Waan d'ageetani kana jettani, garaa laaftani insodaatina. Ganna ch'ufa woma hareeti d'ageetani — odu had'iisa lafatifi aka hayyooti lafa lafaani woli haatu. Duuba amma hojaani ya geete, ta anini waaqoota Babiloni, ta d'ara, balleese, lafa ch'ufa ch'eerse nama ch'ufa hobaasu. Wonti lafafi gubba jira ch'ufti gammade qilit'amti; hojja worri mirgaa d'ufu Babiloni dabsate balleesu. Babilonini, waan duri lafa ch'ufa keesa nama hobaafteefi, ammo isiileeni badu malte, ammalle maro nama Israeli heddu hobaafteefi balleesu malani. Nami dubbi tana jed'e ana, AABBO Waaqa. AABBO Waaqi waan gumi isaa ta Babiloni jirtuuni jed'e. Isani ya lubbu duraa baatani! Woma ineegina, amma kaa, yaa! Ato isani worra keesani ira fago jiraatanile, ana AABBO Waaqafi Yerusalemu qaabad'a. Isani waan jettani, yayu nu arabsani, nu ch'eersani lafaa nu balleesani waan nyaapi fulla qulqullo mana Waaqa keesaa jirtu ch'ufa fud'ateefi nu qarqaarsa d'amne. Tanaafi waan anini jed'u, Guyyaani ind'ufa, ka anini waan harkaani boch'ani, ka worri Babiloni kad'atu, ch'ufa balleese nami madaleeni ch'ufti lafa suni keesa waachaa yau. Ato Babilonini gubba yaabatte achiti mana jajaba jaarattele, anini inuma nama isi balleesu iti erga. Nami dubbi tana jed'e ana, AABBO Waaqa. AABBO Waaqi waan jed'u, Waan lafa Babiloni balleesanifi, aka nami bahe iyyu d'agaya. Anini Babiloni balleese, iyyanna isii ch'allisisa. Duuli nyaapaa akuma d'awa baariini worrati baafate, aka male iyye worra had'a. Worri ya Babiloni balleesu d'ufe; askarti isii yayu qabani guube worrale ch'ach'absani. Anini Waaqa waan hamtu balleesu, tanaafi Babiloni waan isii male tolchaafi. Anini nama isii mohatu, jara qaqaroofi jaaroleefi askarti worraale ch'ufa farso iti guure macheesa, worri d'aqe rafa, itumaa deebie lafaa inkau. Nami dubbi tana jed'e ana hayyicha AABBO Waaqa gudda. Naabo jabdu Babiloni butuchani, ch'ufana fullo isii gugurda kaanile gubani, akasiini wonti ch'ufti gubate, hujiini duri gochiti hedduuni hojate taani lafati badi. Nami dubbi tana jed'e ana, AABBO Waaqa gudda. Serayani, ilmi Neria, ka ilma Maaseya, makala hayyu Sedekia. Duuba ganna afreeso ka Sedekiani lafa Yuda mohate, ka Serayani isa woliini Babiloni deemuu jiru, anini dubbi woi iti d'aame. Anini badi Babiloniti gad'uftufi waan Babilonini taatu d'ibile kitaaba keesati t'aafe. Anini waan Serayani jed'e, Yoyu Babilonini baate, waan kitaaba kana keesa jira ch'ufa lalabi, biyyaa soomi. Duuba Waaqa kad'ad'i, waan jettu, Ee AABBO Waaqa, atini qara, anini fulla tana imballeesa jette, aka wonti lubbu qaba, namaafi bineensale taanaani iti ingalle, ammo haga jiru jireenna ona taatu. Seraya, duuba yo kitaaba kana biyyaa soomte hobaafte, d'akhati hid'i, galaana Frati keesa buusi. Waan jettu, Tunini waan Babiloniti d'ufaati — isiini akana lit'i, deebite oli imbaatu waan AABBO Waaqi badi itiini d'ufufi, isiini akasi taati. Dubbini Yeremia asi buufatti. Ganni Sedekia diddami toko, gaafa inni hayyu Yuda tahe, ammalle inni ganna kud'ani toko Yerusalemu keesa lafa mohate. Haad'a isaa maqaani Hamutali, isiini dubra Yeremia, ka dira Libna. Hayyu Sedekiani akuma hayyu Yekoniani tahe kaani, AABBO Waaqa durati ch'ubbu tolche. AABBO Waaqi guddo worra Yerusalemutifi ka Yudaleti dallane ila ufi dura balleese. Sedekiani hayyu Nebukadreza, ka Babiloniti, garagale jennaani, hayyu Nebukadrezani askarti isaa ch'ufaani d'ufe, guyya kud'anneeso, jia kud'anneeso, ganna sagaleeso ka mootuma Sedekia, Yerusalemu had'e. Worri d'aatu isiiti qubate, boola qote marseeni, haga ganna kud'ani tokeeso ka mohacha Sedekia artuma tae had'e. Guyya sagaleeso, ka jia afreeso, ka ganna suni, ka beelti dira suni keesati guddatte, nami sagale nyaatule d'abe, naabo dira suni ch'absani. Halkaniini askartini fullo naabo lamaani jiddu, jirtu, ta d'aatu oobru hayyutini baqate, ato askartini Babiloni dira marsitu. Duuba worri gara bale Yordani baqate. Ammo askartini Babiloni hayyu Sedekia reebde, diida Yerikoti d'aqabde jennaani askartini isaa ch'ufti biraa baqate. Duuba isa qabani, hayyu Babiloni, ka Ribla lafa Hamathi jiruti geesani. Duuba achiti hayyu Nebukadrezani ijeecha iti mure. Ammalle Riblati inni ilmaani Sedekia iluma isaa durati fit'e, jaarole Yudale ch'ufa artumati hobaase. Eegi suni isale ila keesaa guure, sansalatani hid'e Babiloniti geese. Sedekiani haga jiru ch'ufa hid'aansa keesa lafa Babiloni tae. Guyya kud'anneeso, ka jia shaneeso, ganna kud'ani sagaleeso, ka hayyu Nebukadrezani lafa Babiloni mohate, Nebusaradanini, ka makala hayyuu, ka ammalle inni gudda askarti isaa, Yerusalemu seene. Inni Mana Waaqatifi mana hayyutifi maneeni nama gugurda ka Yerusalemu ch'ufa gube, askartini isaaleeni naabo diraani marsani jaarani ch'ach'absite. Jennaani Nebusaradanini worra dira Yerusalemu keesati hafefi ogeeyifi worra worra isaani lakise hayyu Babiloniti harka kennate, guure Babilonitini gale. Ammo inni hiyyeeyi woma inqamne lafa Yudati lakise, aka worri zabibu tisse oobrule qotu. Worri Babiloni utuba sibiila diimani mid'aasanifi waan gaari fakaata ka Mana Waaqa keesa jiru ch'ufafi haro gingiti sibiila diimani mid'aasanile ch'ufa ch'abse akanaani waan sibiila diimani mid'aasani suni ch'ufa lafa Babiloni geese. Ammalle worri daboolafi eele daara iti haranifi miha ifseeni qorqoratanifi qori d'iiga sorio iti naqanifi qori hit'aana iti aarsanifi miha Mana Waaqatini hojatani, ka sibiila diimani mid'aasani ch'ufa, guure itiini d'aabate. Ammalle worri waan worqifi qarsiini mid'aasani ch'ufa guure itiini d'aabate: qori didiqofi daboola ch'ile ibidatini fuud'anifi qori d'iiga sorio iti naqanifi eele daara iti haranifi waan ifse ira d'ad'aabanifi eele hit'aanatifi qori daad'iini d'ibaayu baasanile. Miha Solomonini sibiila diimani Mana Waaqati mid'aase — utuba lamaanifi waan aka gaari kaanifi haro gingiti taanifi waan aka koromi looni ta sibiila diimani mid'aasani, ta isiini ira ejitule, dandaani ulfinna isii haga imbeekhani. Barru utuba suni lamaani ch'ufa irati waan aka okhoku ka d'ibba tokoti jira; nami jala eju waan suni sagaltami jaa ilaani inarga. Tana male Nebusaradanini, ka gudda askarti, qaallicha gudda Seraya jed'anifi Sefania ka isati aanufiufi ammalle jara gugurda Mana Waaqa keesa hojatu nama sadi qaqabe Babiloni geese. Dira keesa inni nama askarti ch'ufaa matatiifi nama torba ka makala hayyu, ka dira keesati hafefi namicha nama askartiti mataati aanu, ka waan askarti lafa suni ch'ufa t'aafufi, ammalle nama jaatama d'ibii, ka gurra qabu, ch'ufa woliini qabe geese. Nebusaradanini, ka gudda askarti, worra kana ch'ufa guure, hayyu Babiloni, ka dira Ribla jiruti geese. Achiti lafa Hamathiti, hayyichi worra gaargalche d'aane hobaase. Duuba akanaani worra Yuda lafa worra keesaa boojiani, lafa d'ibii geesani. Kunini henna worra Yuda ka Nebukadrezani boojie: ganna torbeeso ka mohacha isaa, inni nama kuma saditifi diddami sadi boojie; ganna kud'ani saddeeteeso nama d'ibba saddeettifi sodomi lama Yerusalemu keesaa boojie; ammalle ganna diddami sadeeso keesa, nama d'ibba torbatiifi afurtami shani Nebusaradanini boojie. Nami worri boojie ch'ufti wolti nama kuma afurtifi d'ibba jaa. Ganna sodomi torbeeso, ka hayyu Yekonia boojiani guyya diddami shaneeso, ka jia kud'ani lameeso Evil-Merodakini hayyu Babiloni tahe, duuba inni Yekonia hayyu Yudati nahe, hid'aansa keesaa baase. Akasiini inni Yekonia dubbi dansa iti dubbatte, hayyoota isa woliini boojiani taani ch'ufa ira isa ulfeese. Tanaafi Yekoniani woya gaafa isa hid'aani taani keeyachiisani taani baafate, mana hayyu keesa hayyu woliini gololfate. Haga inni jiru ch'ufa guyya ch'ufa beese waan isaa male kennanifi. Akami Yerusalemuni ta duri nama qabdu amma ch'eekhoofte ona taate badde! Isiini duri guddo gurra qabdi, ammo amma ya haad'a hiyyeesa fakaatte; isiini ta duri hayyiti dira ch'ufa amma ya tisse taate. Halkani ch'ufa boote, imimaani boqo ira yaani. Jaallowaani duri isiini qabdu ta d'ufte. Iraa hafi jettuuni tokoleeni injirtu. Golini isi ch'ufti yayu iti gargalte nyaapa iti taate. Worri Yuda ch'ufti tissele woma ufi imbane, ta worra isii keesaa irreeni fuud'ani, lafa d'ibitini galani; ta fulla tanati teenna keesaa inqamne — nyaapi worra marse fulla worri bahuni d'owe. Amma nami tokoleeni ka guyya jila d'ufe Mana Waaqati kad'atu injiru. Dubriti ta duri achiti sirbitu gaargalte, qaaloleni ufumaa waati. Fullooni dira ch'ufti duwa teteeti, Sionileni gaargala hama qabdi. Nyaapi isi dabsate qabe taeni. AABBO Waaqi maro dabi isii heddateefi yayu isi gaargalche; ijoolle isiile ya qabani boojiani. Mid'agumti Yerusalemu haguma dabre. Worri gugurdaani isi hiddi maraa d'abde haalate fakaata, ta humniti isii ch'ufti d'eeta nama adamootiini hobaate. Amma tana Yerusalemuni ona hot'ae bade, isiini dansuma, ufi ka duri ch'alla qaabati. Gaafa nyaapi isi had'e dabsate isiini qarqaarsa tokole inargamne. Worri isi dabsate suleeni badi isi agarraani aka sesaa koble. Amma gurri isi ya bade; isiini ya qulla buute ch'eerati hafte. Isiini waate ch'eeraafi fuula ufi d'ofatte. Yerusalemu ya daba hamani ufi t'ureesite. T'urini isi iti marate, ammo isiini waan iti deemtu iyyaalle. Isiini gaafa jidde aka hama lafa d'oofte; nami tokoleeni ka iraa hafi jed'eeni injiru. Nyaapi yayu isi dabsate, duuba isiini naasu AABBO Waaqaati booti. Nyaapi isi waan isiini olkeeyate ch'ufa yayu iraa saame. Isiini worra Mana Waaqa ka AABBO Waaqi gosa d'ibi ch'ufa seerate seenu agarte. Nami isi keesa jiru waate waan nyaatu barbaade; worri hori qara olkeeyate waan nyaatuni aka indoone jijirate waan jed'e, Ee AABBO, badi teenna ilaali. Ammalle nama d'aatu dabru ch'ufa dubbifte waan jette na ilaala! Nami tokoleeni ka aka kiyya kana gaargale d'ukubsate injiru, d'ukubi suni ka AABBO Waaqi gaafa nati dallane natiini d'ufe. Inni ibida na gubu gubbaa nati gabuse. T'urura naa hid'e lafaani na d'ae, jennaani d'ukubsacha taani nara infuune keesati na lakise na bira deeme. Inni ch'ubbu tiyya ch'ufa hubate wolti qabe, morma kiyyati kae jennaani ulfinni isi na lellese. AABBO Waaqaati askarti nyaapa kiyyati na kenne, tanaafi anini waan tau d'abe. AABBO Waaqi askarti tiyya ta ira jajanna miid'e, duula d'ibi ka kaima kiyya balleesu nati gadi erge. Inni nama kiyya aka mid'aani zabibu ka daad'i tolchani ch'ach'arase. Tanaafi imimaani ila na guutani. Nami garaa na jabeese ira na hambisu tokoleeni injiru. Nyaapi yayu na had'e, wonti toko ka worra kiyyaa hafe injirtu. Anini kad'aa harka oliqabad'e nama na qarqaaru d'abe. AABBO Waaqi garuma ch'ufani ya nyaapa nati bane, aka waan t'urae badeti na heregani. Ammo AABBO Waaqi ka d'ugaati, ato anini isa didele. Nami lafa ch'ufa na ch'aqasa, gaargala kiyya kana arga, kaima kiyya ka d'iiratifi ka uwale yayu boojiani. Anini goli tiyya yaamad'e, ammo worri na qarqaaru dide. Qaaloleefi jari gugurdaleni ato waan liqimsu ka ufiini jireesu barbaadu kara dira keesati raawate. Ee AABBO Waaqa gaargala kiyya laali, d'ipu lubbu tiyya argi! Maro daba kiyyatiifi garaani kiyya yayu aka hamtu laalefate: Alalleti yayu nama fit'ani; mana keesaleti nami ya hobae. Waacha tiyya ch'aqasi; nami tokoleeni ka, iraa hafi nani jed'u injiru. Nyaapi kiyya badi atini natiini d'ufte tana ira guddo gammada. Guyya atini, si qarqaara jette kaaniini kooti, aka anini amma gaargala kana, nyaapa kiyya gaargalchi. Ch'ubbu worra inded'ini; akuma maro ch'ubbu tiyyaatiifi na gaargalchite kana worrale gaargalchi. Anini gaargale laafe onneeni na ch'ite waan tahu wollaale. AABBO Waaqi dallansu isaa keesa Sioni dukaneese. Inni yayu mid'aguma isi ta gubba gadi buuse balleese ona tolche. Guyya dallansu isaa suni inni mana isale inqaabanne. AABBO Waaqi naasu male ollowani Yakobo ch'ufa balleese maneeni jajabdu Yuda ch'ufa ch'ach'abse jisse, ammalle lafafi hayyoota isiile ch'eerse. Dallansu isaa guddo suni keesa inni irre Israeli ch'abse, gaafa nyaapi nuti d'ufeele nu qarqaaru dide, aka ibida nuti bobae waan ch'ufa balleese. Inni aka nyaapa keenna t'iya nuti qabe, nama keenna ka nu jaalanne d'aabbanne ch'ufa fit'e. Arma Yerusalemu keesaleti dallansuni isaa ta aka ibida boobetu nu d'aqabde. AABBO Waaqi ya Israeli aka nyaapa balleese; maneeni jajabdufi ka hayyootale ch'ufa ona tolche, ammalle, laalala ind'umanne worra Yudatini d'ufe. Inni mana nu isa keesati kad'anne ya ch'abse butuche; guyya jilatifi ka Sabato ya balleese, ammalle hayyufi qaallule aka hama iti dallane, akuma takaa. Aabbo Waaqi waan sorio isaa irati baasani, lakise Mana isaa qulqullo dide biraa deeme, aka nyaapi maneeni Yerusalemu gugurdo ch'ach'absule iti lakise. Fulla nu duri keesati jila tolfannu worri sunini keesati geerara. AABBO Waaqi aka naabo Sioni jissani ya herege buufate; inni aka naabo suni tokole inhamne ch'ufa balleesani d'und'umna d'ae. Doofi d'ed'eertufi naaboni d'akha ka diraani jaaranileeni ya woliini ch'abe butute. Balbalti fullo diraleni ya lafa lit'e, danqaro isiileeni ch'ach'abt'e buloofte. Hayyu worratifi jaarole worra gugurdole ya boojiani. Seerileni bade duuba raagootileeni deebite d'uga AABBO Waaqaa ingartu. Jaaroleeni Yerusalemu biyye matati ufi nanat'e woya ch'arqi uyifate ch'allifte, akuma nama dooti iti galte teteeti; dubarti Israelileeni naate mataa lafati gajejete teteeti. Ilti ya bohaani na luluqaate, garaani kiyyaleni ya aka male gaargale, ammalle waan gosa tiyya balleesanifi laalalti ya garaa na yakite. Ijoolleefi daimi didiqaleeni gagagabe kara dira keesati jijige. Ijoolleeni tuni beelaa d'eebuu haawani worraa boote, kara keesati aka waan madeesani jijidde, harka haawani worraa keesati laanuma hobaati. Ee Yerusalemu, bad'aaso tiyya ta anini jaalad'u, ani maani dubbad'a, yokhaani akamini garaa si jabeesa? Nami tokoleeni aka kanke kana taka ingaargale. Badiini tante guddo aka bisaani baariini. Eentu dandae badi si d'owa? Raagooti tanteleeni daayya ufi keesa waan d'ara male; waan d'uga maani siti himte? Barsiisani worraleeni si sobde, daba kanke akanaani diidati imbaamne; tanaafi atini waan ira deebiufi inqabu jetta. Nami si d'aatu bahu ch'uftinu si goyeese, si tufate mata gingilfate badi tante koble waan jed'u, Tunini d'uguma dira mid'aaga Yerusalemu kaani? Diri dira ch'ufa mohu ka baanani kana? Nyaapi kanke ch'ufti si goyeese ila hamtuni si laale ilkani qare waan jed'u, Nu si imballeesine ree? Qaraa guyyaani nu eegannu kana! AABBO Waaqi waan qara malate ya tolche; inni yayu naasu male nu hobaase, akuma duri nuuni jed'e. Inni harka nyaapa keennati nuu kenne badi teennaani worra gammachiise. Ee Yerusalemu, maneeni tanteleeni ha AABBO Waaqati bootu, imimaani kankeleeni ha aka galaana halkani guyya yaani; bohafi laalala halkani guyya ilakisini akasiini ufi dad'absiisi. Halkani kana ch'ufa kakaa, AABBO Waaqati boha; AABBO Waaqa durati garaa kanke laafisi aka bisaani tolchi; ilmaani tante ta garaachani mogaa dira ch'ufati hobau jirtu jed'a, naasu isaa kad'ad'a! Ee AABBO Waaqa, worra atini gaargalchite kana laali! Nad'eeni ilmaani ufi ta d'alte fooni nyaachu ya malte? Qaaloleefi raagootale Mana Waaqa keesati ya fit'u malani? Reefi nama, diqaafi guddaani ka d'iiratifi ka uwaleeni, lola keesa woliini ch'iisa ka goraade nyaapa worratiini fit'ani. Atini naasu male guyya dallansu tanteeti worra fit'e. Akuma nama jilati yaamtu atini nyaapa kiyya nati yaamte, worri na marse lubbu na keesaa baase. Duuba guyya dallansu tante suni worri tokoleeni dandae duraa imbahu. Worri ijoolle tiyya ta jaalalaani anini guddise naraa fit'e. Anuma ch'allati d'aanicha ule Waaqa beekha. Inni na fuud'e dukana sipe keesa na buuse. Maro heddu naasu male na d'aane na ijeese. Inni fooni diimo diidati na baase lafe na ch'ach'abse. Inni na qabe gaargalafi d'ipu hamtu keesa na buuse. Ammalle irrumani dukana sipe dua keesa na teesise. Inni sansalatani na hid'e aka nama qabani ka abdi baqatuni inqamne na tolche. Yo anini qarqaarsa kad'ad'a lalabe iti bohule, Waaqi na ch'aqasu dide. Ato anini daaqa deemu, naaboni d'akhaani jaarani na marsite deemu na d'owarte. Aka gorjama na gaade aka nyeench'a nati kurupate, kara iraa na gorse gargari na ch'ire lafa na buuse. Guube ufi ta t'iya fud'ate t'iya ufitini na had'e. Inni t'iya ufitini na woraane na fufulaanse. Halkani guyya na koblani sirba keesati na goyeesani. Bisaani had'ao laagati na naqe sagale had'ooftu irreeni nati guure. Fuula lafati na rige ilkani ch'irachaani na ch'ach'abse. Anini waan fayyaafi nagayafi gammadi qabu ya wollaale. Tanaafi anini waan jed'e, Guyyaani kiyya ya hobae, gara Waaqale d'aabu inqabu. Qaabachani d'ukubsacha tiyyaatiifi ka worra kiyya ka anini d'abe, yayu had'a nati taate. Anini hojja ch'ufa waan suni qabad'e garaani kiyya iraa hamaate. Ammo hojja waan kana qaabad'e waan heregad'u qaba: Jaalalaafi naasuuni AABBO Waaqa, ta ind'umne guyya ch'ufa inuma jirti. Jaalalaafi naasuuni sunini diirama ch'ufa hareeti, ammalle guyya ch'ufa injirti aka bari diirama. AABBO Waaqa male woma inqabu, tanaafi isa heregad'a. AABBO Waaqi nama isa d'ugeefate ch'ufati dansa, tanaafi yo obsani baafama isaa eegatani ira namaa jirti. Ammalle obsa kana yo ijoollumani barattani guddo dansa. Yo gaargali namati d'ufe, ch'allisani obsani koba ufira tau malani. Waaqa durati ufi diqeesu malani, d'aabuuni inuma jirtifa. Ato d'aanani arabsanile nami waan kana ch'ufa ee jed'e fud'achu male. AABBO Waaqi naaso, haga jiru jireenna nama indidu. Inni dandae laalala namatiini d'ufa, ammo jaalalti isaa ta inni nu jaalatu jaalala d'ugaati, ammalle jabdu. Inni laalefachafi d'ukubsacha namatiini d'ufu iraa ingammadu. Hojja hid'ansa keesati nama ch'ach'arasani AABBO Waaqi imbeekha. Hojja d'uga inni nu kenne nu d'owani, inni imbeekha. Hojja gaadisati nu dabsani, inni imbeekha. Fed'i AABBO Waaqa ch'allati guyya ch'ufa guutama. Wonti dansaafi hamtuleeni jechuma isaa gula taati. Nu maanifi gungumna, yo wollaala keenna jed'ani nu d'aanani? Koota me, aka dansa ufi qorre AABBO Waaqati deebina. Nu garaa keenna banne Waaqa keenna ka gubba jiru kad'anne waan jennu, Nu yayu ch'ubbamne si dinne AABBO Waaqa, atileeni nu inaraamne. Atini nu reebde nu fit'e, dallansuni tanteleeni naasu tante nuraa d'ossite; dallansuni tante suni ta aka dumansa siti gollite, kad'a teenna siti dabru d'owarte. Atini yayu huura wolti harani ka lafa ch'ufa nu tolchite. Nyaapi keenna ch'ufti yayu nu arabse nu miid'e. Gaargala hamafi badileeni nu qabate. Arrale soda lubbuti imbulu. Imimaani aka galaana ila keesaa na yaani waan gosa tiyya balleesanifi. Imimaani kiyya akuma laga yau yaani. Haga AABBO Waaqi nu ilaale nu arguti. Hojja anini waan nad'eeni dira kana tolchani argu, garaani kiyya guddo laalefata. Nyaapi kiyya ka womafu na injibbine akuma simpire t'ururaani qabani na qabe. Ato anini jiru boola keesa na buuse d'akhaani nati timfe. Bisaaleeni na liqimsani, ufi sodaad'e waan lubbuuni na keesaa baatu ufi sehe. Ka hunda boola suni jiru, ee AABBO Waaqa, anini siti bohe si kad'ad'e. Na d'agayi siini jed'e jennaani na d'ageete, na jalaa owaate, insodatini nani jette. Ee AABBO Waaqa, atini na qarqaaru d'ufte lubbu na baafte. Daba nati hojattani imbeeta, d'uga naa laali. Atini haalo nyaapi kiyya naa qabuufi aka worri nati malatu imbeeta. Atini aka worri na arabse nati malate imbeeta, ee AABBO Waaqa. Guyya gudda kana ch'ufa worri waan kiyya dubbate mala nati d'aata. D'ia bari ch'ufa na goyeesani. Ee AABBO Waaqa kiyya, akuma worri kunini na tolche kana worrale tolchi. Worra abaari ufi jibbisisi! Fulla ch'ufa barbaadi lafa ira hat'ai! Worqiini teenna bibilit'uni ya boorajofte; d'akhaani Mana Waaqatini duri jaaranile firfirfame fulla ch'ufa kara keesa ch'iisa. Ilmaani Sioni duri nuti waan jabdu, worqi nuti fakaatti, amma tana yayu aka okote faarati heregani. Yayileeni ilmaani ufi qorqorate hosifate, ammo worri kiyya akuma guchi ilmaani ufiti naasu inqamne jira. Ilmaani worra garaachafi d'eebuuni duati lakisani; duuba ijoolleeni sagale kad'atti, ammo namu nahe inkennufi. Nami duri nama ch'ufa ira sagale dadansa nyaatu ch'ufti garaachani, dira keesati hobau jira; worri duri machi keesa guddate, ch'ufti fulla huura sagale iti jissani keesa bubua qote barbadata. Worri kiyya ya worra dira Sodoma ka ato worri imbeekatini harka Waaqatini bade ira gaargale. Ilmaani hayyoota teennaleeni duri qulqullo adi ch'aama aka aananiti, gagabbo jajabdu, nafi fayya qabu. Ammo amma kara dira keesa goblooli worraa, ka nami gargari imbenne, dooti guratesite gogafi lafeeni aka mukha wolti gogodde ufuma ch'iisaa. Nami woraanani due, nama eegi suni, garaachani gaargale hobae ira gooma. Gaafa gumi tiyya balleesani, waan hamtu taka inarginiti worra kiyyati bue, haawani ilmaani ufi d'alte naasu d'abde, d'aabate nyaate. AABBO Waaqi aka male dallane, gugubate, dallansu sunini d'ufe Sioni, ibida iti bobeese gube hobaase. Nami lafa gubba jiru tokoleeni, yokhaani hayyooti lafa d'ibileeni, aka nyaapi dandae fullo Yerusalemu, ch'abse seennu qara insehatu. Ammo wonti woni sunini taatefi maro raagooti isi ch'ubbu tolchite, ammalle qaaloleni isiileeni nama wollaala inqamne d'iiga buufteefi. Jaaroleeni worra gugurdoni aka balla kara gula jonjiti; ammalle nani tokoleeni botole d'iigati jed'e worrati d'iachu dide. Biyyiti iti iyyite waan jetteni, Nura fagaad'a! Isani ya t'urooftani, nu intuqina! Jennaani worri kae lafa ch'ufa keesa mare, ka keessumoma nama tokole ira inargatini. AABBO Waaqi worra firfirse, deebie qaabachu dide. Ammalle dubbi qaaloleefi raagoota, tufate. Nu qarqaarsa eganne guyya ch'ufa iluma baamne gara inni d'ufufi laale. Ammo nu ufuftu gosa qarqaarsa womatu ka nu kennitu inqamne iraa wo eeganne. Nyaapi nu eegate, nu karale gula worraa jenne yau dad'amne. Guyyaani keenna ya gabaabate, muummeeni teenna ya geete. Worri risa waaqa ira barisu ira oriuti nu reeba. Gareeni irati faana nu d'ae lafa alooti ka nu imbeekatini tassa na qabe. Worri, hayyu AABBO Waaqi fohate, ka jireenna keenna, ka nu waan inni nyaapa ch'ufa nuraa d'owu seenne abdane qabe, Isani worri Edomufi Usi amma haga dandeetani kobla gammada; badiini teesanileeni fago injirtu ya isani d'aqabu geete; isanileni amuma d'iotu ch'eeraani dadaaqa qulla yaatani. Sionini ya gati daba ufi baafte tanaafi, AABBO Waaqi harka worra nu boojie keesaa gadi nu d'iisa. Ammo ee Edomu, AABBO Waaqi si gaargalche wollaala kanke diidati baasa. Ee AABBO, waan nu tolchani qaabad'i, nu ilaali, ch'eera keenna argi. Horini keenna ch'ufti harka nyaapa jira, nama gosa d'ibiiti worra keennati gala. Nyaapi yayu abbooti teenna fit'e, amma hawani teennaleeni hiyyeeyi. Bisaani d'unnu bitachu malle, qorani ibidale beese male inargannu. Qaampara mormati nu kayani nu gaargalchani, hafuura baafachu nu d'owani. Nu gara lafa Misiritifi ta Ashuru sagale kad'achu d'anne aka beelaani indoone jiranu. Ababooti teenna ta duri ch'ubbamte amma ya raawatte, amma nuti ch'ubbu worraa sunini gaargalu jira. Nama tisse fakatuti nu mohachu jira, nami tokoleeni ka harka worra keesa nu baasu injiru. Algali nama fit'u lafa keesa mara, tanaafi sagale barbaaditini nuu lubbu. Beelti ya nu qannachiifte haga gogaani keenna aka ibida owuti. Nad'eeni teenna gaara Sioni irati yayu buufatani. Ollowaani Yudea ch'ufa keesaleti dubra teenna irreeni buufatani. Worra keenna gugurdale yayu fafannisani, jaarole teennale yayu ch'eeraafi foko d'abanifi. Kaima keenna yayu irreeni mid'aani d'aansisani; ijoolleeni teenna ta d'iiraleeni ulfinna qorani jaalati lelet'i. Jaaroleeni aka duri kaani fullo dira keesa inteteetu, kaimileeni deebie insirbu. Gammachuuni yayu jireenna keenna keesa badde, sirbi keenna ka durileeni ya boha tahe. Wonti nu qara hereganne tokoleeni nu inhamne. Nu waan ch'ubbu hojanneefi amma badiini nu qabatte. Wonti garaani keenna hamaate ilti teenna duudefi, maro gaari Sioni ch'eekhaye koba hafe, sareeni diida ch'allaani gubba martufi. Ammo atini, ee AABBO Waaqa, hayyu haga jiru jireenna tau, ammalle haga d'aloota ch'ufa namuma fidda. Atini maanifi hagana ch'ufa nu lakifte? Atini d'uguma deebite nu inqaabata? Ee AABBO Waaqa, ufi gula nu deebisi, ee ee Waaqa nu deefad'u. Jireenna keenna ka duriti nu deebisi. Yokhaani atini haga jiru jireenna nu dida? Dallansuni tante haga inqabdu? Guyya shaneeso, jia afreeso, ka ganna soddomeeso, anini, qaalluuni Ezekielini, ilmi Buzi, worra Yahudi ka boojiani woliini, d'aatu galaana Kebari lafa Babiloni jira. Duuba gubani banamte jennaani daayya keesa Waaqa arge. (Gaafi suni ganna shaneeso ka haga hayyu Yekonia boojiani.) Artiti, lafa Babiloni keesa, ka anini d'aatu galaana Kedari jiru, anini qonqo AABBO Waaqa d'agaye jabeenna isaa argad'e. Jennaani anini oli millad'e, dumansa bokaya gudda mirgaa d'ufu arge. Dumansa suni keesa angaasuuni bibilit'e, lafti ch'ufti guyyaate. Fulla angaasuuni suni baatefi waan toko ka aka sibiila diima bibiliqati jira. Duuba jiddu dumansa bokaya suni keesa anini waan lubbu qaba, afuri, ka nama fakaata, arge. Wonti suni ch'ufti fuula afurifi koola afuri qabdi. Miili worraa qaqajeela, qeench'i worraaleeni aka qeench'a looni jira, ammalle aka sibiila diima ka rigani mid'aasani bibiliqa. Fuula afurifi koola afraani suni male, worri ch'ufti harka afuri, ka aka harka nama jiru koola ch'ufa jalaa qaba. Wonti sunini afraanu koola lama babalifate, koola suni fiit'eeni woltut'e marte wolti deebite. Wonti sunini, yo yaatu, ka gargari imbaane aka waan takaa woliini yaati. Wonti sunini ch'ufti fuula afuri ka gosa gosa qabdi: duraa fuula namaa qabdi, mirgaa fuula nyeench'a qabdi, bitaa fuula korma looni qabdi, ammalle duubaa fuula risa qabdi. Wonti sunini ch'ufti koola lama olfud'ate, aka akanaani kooli waan toko koola waan iti aanati gama gamaa fiit'eeni woli tuqu. Ammalle waan suni ch'ufa kooli isii ka hafe kaani lamaani nafati mamat'ana. Wonti sunini kama, waan gara afuri fuula deefatufi, ka garaingalle garuma feete yaati. Jiddu waan afraani suni araba ibida gudda gara ch'ufa deemtuti jira. Ibidi sunini balalie bobae, araba aka angaasu oldarba. Wonti lubbu qaba sunini ch'ufti aka angaasu oli gadi bilit'e oriti. Ato anini waan suni afraani tae ilaalu, waan aka miila gaari afuri, ka lafa tuqa, ka waan afraani kaani ch'ufa d'aatu jira, arge. Miili suni afraani ch'ufti aka takaa jira; ch'ufti akuma d'akha ch'ululuqa bibiliqa. Ammalle miili suni kama miila d'ibiti wod'aka keesaani iti ejaanja, aka akanaani miili sunini afraanu gamuma fuula deefatu yau. Girangira miila suni ch'ufa marse, ilati iti ejaanja. Yo wonti lubbu qabu suni yaatu ch'ufa, miililleeni wolumaani deema, ammalle yo wonti sunini oli kaate ch'ufa miililleeni olkaa. Wonti sunini garuma feetu yaati miililleeni woma isiini taatu taha, wonti akanatiifi irreeni miila suni waan suni iraa baati. Tanaafi yo wonti sunini yaate, yokhaani ejate, yokhaani olbarifte, miililleeni akasuma taha. Mata waan afraani suni gubbaa waan aka gasare manaa ka d'akha ch'ululuqaani mid'aasaniti jira. Waan aka gasare suni jalaa wonti kaani afraani ejaanjite, wonti sunini kama koola isii lama moga mogaani ballifatte, koola waan iti aanati tut'i, ammo kooli lama nafa d'ossa. Wonti sunini barimnaani qonqooni koola isii shawesa d'awa galaanatifi dibbeesa duula guddatifi qonqo Waaqa gudda nati fakaate. Wonti sunini barifte teteete jennaani koola dachaafate, ammo waan aka gasare ka mata isii ira jira kaani qonqumati keesaa d'ufa. Waan aka gasare suni gubbaa waan barch'uma hayyuma, ka d'akha bule ch'uluqaani mid'aasaniti jira. Ammalle barch'uma suni ira waan nama fakaatati taa. Wonti sunini aka sibiila diima wod'aka ibida keesa tau bilit'i. Ammalle wonti nama fakaata sunini ifsa bifa ule Waaqaa ch'ufa qabuuni fulla ch'ufati ifsite. Kunini ifsa bibiliqu, ka aka AABBO Waaqi arti jiru, garsiisu. Anini waan suni ch'ufa arginaani isa durati lafaani ufi d'ae qonqo nami dubbatu d'agaye. Qonqooni suni waan nani jette, Namicha, kai, oli eji, anini woi sini jechu fed'a. Ato anini tae qonqo suni waan isiini jettu ch'aqasu, lubbuuni Waaqa naa seente oli na kaafte, jennaani qonqo akana jette na yaamtu d'agaye. Namicha, anini gara gumi Israeli si erga. Worri ya nati garagale nyaapa nati tae, akuma ababooti worraa duri taate. Worri mata jajaba, diqole naa insaalfatu, tanaafi anini amma si erga, aka atini waan anini, AABBO Waaqi guddaani, jed'u worrati himtu. Worri na dide sunini yo si ch'aqaseefi yo si ch'aqasule baate, aka raagi worrati d'ufe imbeekha. Ammo, namicha, atini worraafi dubbi worrale insodatini. Ato worri aka mogoreetifi qoraati si marse, qanjibu siti tahele, worraafi waan worri jed'ule ind'eetini. Worra mata jaba, ka na dide suni, insodatini. Ato worri si ch'aqase si ch'aqasule baate, waan anini sini jed'u kana worrati himi. Beekhi worri worra mata jajaba ka nami waan isaa dandauniti. Namicha, waan anini sini jed'u ch'aqasi, mata jabaatte aka worraa na jalaa indidini. Afaani banad'i, waan anini siti kennu kana nyaad'i. Jennaani anini harka woraqata na dura qabu jiru arge. Harki kaani woraqata kaani gargari saaqe, jennaani aka gama isaa lachu t'aafani barreesani arge — gama lachutu dubbi laalalaatifi bohafi owanna t'aafani. Waaqi waan jed'e, Namicha, hod'i, woraqata kana nyaad'i, d'aqi, worra Israeliti dubdad'i. Duuba anini afaani bane, inni woraqata nyaad'i nani jed'e kaani naa kenne waan nani jed'e, Namicha, woraqata anini sii kenne kana nyaad'i, garaa guutad'i yo anini nyaad'e, woraqati kaani aka damma miaa. Jennaani Waaqi waan jed'e, Namicha, gara worra Israeli d'aqi waan anini sini jed'e ch'ufa worrati himi. Anini gosa d'ibi afaani jajabo nami ind'ageenneti si inergu, ammo gara gosa Israeli si erga. Yo anini sila gosa jajabdu, afaani jajabo, atini ind'ageenne dubbatuti si erge worri si d'agaya. Ammo worri Israeli tokoleeni si ind'agayu, nale ind'agayu. Worri ch'ufti mata jajaba, waan nami dandauniti. Anini amma sile aka worraa mata jabeese, nama nami indandeenne tolcha. Anini adda tante aka d'akha jabeese aka sibiila si tolcha; worra na dide nyaapa nati tae kana insodatini. Ammalle Waaqi waan jed'e, Namicha waan anini siti hime kana aka dansaa mid'aafad'i, qalbeefad'i. Duuba worra gosa tanteeti, ka boojiani lafa d'ibi jiru, d'aqi, waan anini, AABBO Waaqi, worraani jed'u iti himi, yo worri si ch'aqaseefi ch'aqasu baatele. Duuba lubbuuni Waaqa oli na fuute. Jennaani qonqo guddo toko ta, guddinna AABBO Waaqa gubba jiru faarsa, jettu ufi duubati d'agaye. Wobbeesa koolatifi girreesa miila kaani, ka aka lafa chochootu dibbisu, d'agaye. Irreeni AABBO Waaqa humna guddoni nati d'ufte, ato lubbuuni isaa oliini na deemtu anini aka male dallane garaa hammaad'e. Duuba akanaani anini Telabibu, ta d'aatu galaana Kebari jirtu, fulla worri boojiani kaani jiruni bahe. Duuba bulti torba arti bule, wonti anini arge d'agaye sunini na mamsiifte, akanumati na bakhasite. Bultini torbaani taani dabarte jennaani AABBO Waaqi waan nani jed'e, Namicha, anini nama gosa Israeli eegu si tolcha. Gorsa anini siti himu kana jabeesi himi. Yo anini ch'ubbicha yaame, Atini indoota jed'eeni, ka atileeni isa yaamte, kara kanke hama kana iraa deebii, hegeri indoota jette ingorsini, inni dabuma suni keesa dua, duuba anini duisa isaa suni si qabad'a. Ammo yo atini ch'ubbicha suni gorsite, inni daba lakisu dide, inni dabuma suni keesati dua, ammo atini lubbu tante imbaafta. Yo nami d'ugaa d'uga lakise waan hamtu gula bahe aninileeni waan hamtu isa tolche, inni yo atini ingorsini indua. Inni waan hameenna tolcheefi dua — dansuma duri inni tolche tokole inhereganifi, duuba anini duisa isaa kanale si qabad'a. Yo atini nama dansa daba intolchini jette gorsite duuba inni si d'agae daba tolchu dide inni induu, sile iniijeesani. Anini jabeenna AABBO Waaqa arge isa kai, bale d'aqi, achiti siini dubbad'a jed'u d'agaye. Jennaani anini bale suni d'aqe, achiti guddinna AABBO Waaqaa, akuma anini qara d'aatu galaana Kebariti arge kaani arge. Duuba anini jige addaani lafa d'ae, jennaani lubbuuni Waaqa na seente oli na fuute, AABBO Waaqi waan nani jed'e, Namicha, beeni gali mana seeni, ufiti ch'ufi. Duuba achiti haadani si hid'aani biyyati gabahu si d'owani. Anini araba si hid'e, atini worra na dide kana gorsu dad'abda. Duuba hojja anini ammalle sini dubbad'e araba si hiikhe, waan anini, AABBO Waaqi guddaani, jed'u worrati himta. Nami ch'aqasu ha ch'aqasu, nami inch'aqamne ha tauti. Waaqi waan jed'e, Namicha, matofaara fuud'i, ufi dura kayi, akheekha dira Yerusalemu irati tatarari. Duuba fakeenna boolatiifi biyye olbaasanifi, bultofi waan balbala diratini ch'absanile ka aka dira sunini marsani garsiiftu, irati tatarari. Daboola sibiila fuud'i, siifi dira jiddu aka dalla, old'aabi. Duuba fuula dira suniti deefad'i, dira suni ya marsani, nami marsu jiruleeni siuma. Wonti kunini ch'ufti worra Israeliti akheekha taati. Yo tana hobaaftele akuma worri Yuda ganna afurtama gaargala agarte, gama mirgaati garagali, bulti afurtama garagali, ch'iisi. Dira Yerusalemu ka marsani ila iti qabi qubale iti irbi badi isaa fagi. Haga marsitini dira kana marsani tunini dabartuti aka atini gama tokoleti gara ingalle anini haadani si hid'a. Duuba amma dargaye, garbu, halquqa, d'engo, misinga, t'aafi daakhi, wolti makhi, qit'a d'aabad'i. Wonti atini bulti d'ibba saditifi sagaltama, ka atini gama bitaati ch'iiftu, nyaatu tana. Duuba sagale tana wonti atini guyya toko nyaachu malte waan aka moqa gudda shanii; tana male bori asi sagaleeni atini argatu d'ibiini injirtu. Ammalle bisaani wonti atini guyyaati d'ugu malte muduunu lama ch'alla. Ibidale, wonti atini bobeefatuni kosi udaani namaa; duuba ibida sunini qit'a d'aabad'i, fulla nami ch'ufti si argu tai nyaad'i. AABBO Waaqi waan jed'e, Akuma kana worri Israeli sagale sila nyaachu himmalini, gaafa boojiani lafa d'ibi geesani, nyaata. Ammo anini waan jed'eeni, ee AABBO Waaqa gudda, akasi intau, anini takaa ufi int'ureesine, haguma d'alad'ele takaa fooni waan ufiini due yokhaani ka bineensi d'ibiini nyaate inyaanne. Anini taka sagale nami lagatu insooranne. Jennaani AABBO Waaqi waan jed'e, Hayye dansa, yoosi fulla suni kosi loonitini qit'a d'abad'u. Ammalle inni waan jed'e, Namicha, anini sagale worri Yerusalemu argatu iraa kuta. Nami achi keesa tau, ato sagaleefi bisaani qusatu, yaadae gaargala. Duuba worri sagaleefi bisaanile d'abe, maro daba ufitifi ufi jibbaate, akanumati raawata. AABBO Waaqi waan jed'e, Namicha, haadu qara qabdu fud'ad'i areedaafi mata keetile ch'ufa haadi. Duuba rifeensa suni misana irati biimi, fulla saditi gargari qoodi? Qooda toko, eegi nyaapi dira marse kaani kae gale, dira keesati gubi, tokole, ato dira keesaa baate lafa martu, goraadeeni ch'iri. Ka hafe kaanile qilleensa keesati firfirsi, anati goraade tiyyaani faana deeme ch'ira. Rifeensa diqa toko hambisi, handaara woyaati hid'ad'i. Duuba diqa toko keesaa fuud'i, ibida keesa buusi, ha gubatuti. Duuba rifeensa suni ira ibidi bahe gosa Israeli ch'ufa qabata. AABBO Waaqi guddaani waan jed'e, Yerusalemu ta anini jiddu lafa ch'ufa kae, lafti d'ibiini marsite laali. Ammo worri Israeli ch'ufti seera kiyya dide, gosa d'ibi ta lafa worraa d'aatu jirtu ch'ufa ira ch'ubbame, dubbi tiyya dide. Worri akanaani seera kiyya ch'abse dubbi tiyyale gula deemu dide. Ammo worra Yerusalemu waan anini, AABBO Waaqi guddaani jed'u ch'aqasa. Waan isani aadaafi seera kiyya guutu diddaniifi isani gosa d'aatu teesani teetu ch'ufa ira woi yakitani, ammalle aada gosa d'ibi gula yaatani. Tanaafi anini, AABBO Waaqi guddaani, waan isaniini jed'u, Anini amma nyaapa keesani. Anini ato gochiti ch'ufti agartu gaargala isanitini d'ufa. Waan isani waan anini jibbu tolchitaniifi, anini dira Yerusalemu waan taka intolchinifi waan deebie intolchinele tolcha. Maro waan kanatifi worri Yerusalemu ilmaani ufi nyaate, ilmaanileeni worra isaani nyaati. Anini isani gaargalche, nama keesani ka lubbuuni baheele lafa ch'ufa keesa gara ch'ufa firfirsa. Tanaafi anini, AABBO Waaqi guddaani, kakhad'e waan jed'u, waan isani mana kiyya qulqullo waan hamtu keesati tolchitani t'ureesitanifi, naasu male isani balleesa. Nami keesani hagi toko beelafi d'ukubaani dira keesati hobaa; hagi toko dira keesaa bahe alati goraadeeni gatani; duuba ka hafele gara ch'ufa gargari firfirse, gula deeme goraadeeni balleesa. Akasiini eegi haalo baafad'e, dallansuuni naraa galte. Duuba eegi wonti kunini ch'ufti taate, aka anini, AABBO Waaqi, isaniini dubbad'e beetani, waan anini maro ch'ubbu teesanitifi guddo isaniti dallaneefi. Nami gosa d'ibi, ka d'aatu teesani bahu ch'ufti, isani goyeese isani ira fagaata. Hojja anini aka male isaniti dallane isani gaargalchu, gochiti d'aatu teesani jirtu ch'ufti mudamte, isani tufate isani goyeesiti. Anini sagale isani iraa kute, garaachani isani hobaasa. Beelti suni aka t'iya isani fit'i. Anini beelafi bineensa ala ka ijoolle teesani fit'u isaniti erge, d'ukuba hamafi woraani isaniti d'ufe isani balleesa, Nami dubbi tana jed'e ana, AABBO Waaqa. AABBO Waaqi na yaame waan nani jed'e, Namicha, fuula kanke gara gaara Israeli deefad'i, dubbi tiyya tana iti himi, waan jettuuni, Isani gaareeni Israeli, waan AABBO Waaqi guddaani jed'u, d'agaya. AABBO Waaqi guddaani waan kubileefi gaareenifi godaafi baleeni jed'u, Dubbi tiyya d'agaya. Anini fulla nami waaqoota d'ara iti kad'atu woraana iti erga. Aka waan sorio irati baasanifi fulla hit'aana keesati aarsanile ch'ach'absani butuchani. Ammalle nama achi jiru suni ch'ufa Waaqoota worra suni durati fit'ani. Anini reefa worra Israelille firfirse, lafele worrale d'aatu waan sorio irati baasaniti jissa. Dira Israeli ch'ufa balleesani, fulla worri sorio irati baasufi waaqoota worrale ch'ufa tumani butuchani, waan worri hit'aana iti aarfatule ch'ach'absani, waan worri mid'aafatu ch'ufa d'id'iimati d'aani. Nama fulla ch'ufati fit'ani, nami waan suni jalaa bahu aka anini AABBO Waaqaa beekha. Anini nama gari woraana jalaa baase, duuba worra suni lafa ch'ufa keesa firfirsani, worri achuma taa. Achiti worri na qaabate aka anini worra gaargalche ch'eerse beekha; wonti akanatiifi worri na lakise Waaqoota d'ara gula bahe Waaqa suni nara jaalate. Ammalle worri maro ch'eera d'abe waan hamtu taheefi ufi jibba. Duuba worri aka anini AABBO Waaqaa beekhe, ammalle aka gorsi anini worra gorseleeni d'uga arga. AABBO Waaqi guddaani waan jed'e, Harka raraasa, lafa d'id'iita, maro waan ch'eera hamtu worri Israeli taheeti jed'a boha. Worri woraanafi beelafi d'ukubaani raawata. Nami fago jiru fayyad'abe raawata; ka d'io jiru woraanaani hobaa; ka waan suni jalaa bahuleeni garaachani hobaa. Akanaani worri aka dallansuuni tiyya hamtu arga. Reefa worra fulla worri waaqoota isaani iti kad'atuufi fulla sorio irati baasanifi kubileefi gaareeni ch'ufa gubbaa, mukeeni dodotifi mukeeni gugurdole ch'ufa jalati firfirsani, fulla worri Waaqoota ufiiti sorio iti qalu ch'ufati. Duuba akanaani nami ch'ufti aka anini AABBO Waaqa beekha. Ee, anini harka kiyya olfud'ad'e, lafa worrale ch'ufa balleese, lafa gamooji ta bitaati fuud'e, dira Ribla ka mirgati d'aabe, ona tolche, ammalle nama Israeli ka keesa jiru ch'ufa bahu d'owa. Duuba akanaani nami ch'ufti aka anini AABBO Waaqa beekha. AABBO Waaqi na yaame waan nani jed'e, Namicha, wonti anini, AABBO Waaqi guddaani, lafa Israeli ch'ufani jed'u, tana: Tunini muumme lafa tana ch'ufa. Worra Israeli, muummeeni teesani ya geete, dallansu tiyya, waan isiini isani tolchitu, inagartani, anini waan isani tolchitani gula wollaala isaniti mura. Anini maro huji hamtu isani tolchitaniifi isani gaargalcha. Ammalle biraa isani indeemu yokhaani diqole isani innahu. Maro waan hamtu isani tolchitaniifi, anini isani gaargalcha, aka akanaani isani aka anini AABBO Waaqa beetani. Wonti AABBO Waaqi guddaani jed'u tana, Badiini teesani woluma duubani d'ufti. Muummeeni ya geete, muummeeni ya geete, isani ya hobaatani. Isani, nama lafa tana keesa jiru, muummeeni teesani ya geete. Guyyaani ya ala hobae, ka deebiani gaareeni gubbati jila intolfanne, ammo dadallaani waan tahani wollaalani. D'iotu isaniini ch'ufti aka dallansuuni tiyya hamtu agartani. Maro waan isani tolchitanitiifi wollaala isaniti mure, maro waan hamtu isani tolchitanitiifi waan isanii male isanii kenna. Ammalle anini biraa isanii indeemu, yokhaani isanii innahu. Maro waan hamtu isani tolchitanitiifi, anini isani gaargalcha, aka akanaani isani aka anini AABBO Waaqa, ka isani gaargalchu beetani. Guyyaani Israeliini badu d'ufuu jira, had'iisi fulla ch'ufa kau jira, ufi saaditileeni ya lafa ira dabarte. Had'iisi sunini ch'ubbu d'ibi lafatini d'ufa. Wonti tokoleeni worrati inhaftu, hori taanaani, hormaata taanaani, guddinnale taanaani. Guyyaani ind'ufa, ya d'iaate, ka wo bitisafi wo gurgurileeni badu, wonti akanatiifi dallansuuni AABBO Waaqa nama ch'ufa wolqit'eesite geeti. Nami woi gurguru tokoleeni lubbu bule waan iraa bade indeefatu, wonti akanatiifi dallansuuni Waaqaa ya nama ch'ufa geete. Nami ch'ubbu qabu waan kana duraa imbahu. Magalaata ya d'aani, nami ch'ufti ya kurfae, ammo nami duulu injiru, wonti akanatiifi dallansuuni Waaqa ya nama ch'ufa qit'eesite geete. Dira keesati woli had'ani, fayyad'abafi beeltileeni mana keesati nama qabati. Ammalle nama diidati hafu woraanati ijeesa, ka dira keesa jiruleeni d'ukubafi beelaani raawata. Hagiini aka sabaliisa bale keesaa rifatu rifate gaareeniti baqata. Nami ch'ufti ch'ubbu ufitifi laalefate boha. Harki nama ch'ufa darrate, miili worraleeni holata. Ammalle worri ch'arqi naqate, nafi isaani ch'ufti holate, mata haadate, worra ch'ufa ch'eeri balleesa. Worri worqifi qarsi ufi akuma huura kara keesati jissa, wonti akanatiifi qarsifi worqiini worraa dandeete dallansu AABBO Waaqa dura worra imbaaftu. Worri dandae qarsifi worqi suni soorate beelaani imbahu, wonti worra ch'ubbu keesa buuse waan suni. Worri duri faaya ch'uch'uluqa naqatu kanani guddo koore, Waaqoota worrale woma suniini mid'aafate. Wonti AABBO Waaqi hori worraa worrati had'eesefi suni. AABBO Waaqi waan jed'u, Anini gosa d'ibi worrati erga, ta worra saamtu, ammalle nami wo yaku ch'ufti waan worri qabu ch'ufa fud'ate t'ureesa. Ammalle hojja hattuuni mana kiyya qulqullo duude t'ureesitu, anini woma iraa inqabu. Wonti ch'ufti ya aka iraa gorte — lafa ch'ufa keesati nami wolfit'e dira ch'ufa keesaleti wolballeesa. Anini gosa hamtu ch'ufa armaani d'ufe, worri maneeni teesani ch'ufa boojia. Nami keesani jajabaani ch'ufti waan tahu wollaale ufi jibbaata, hojja anini fulla isani Waaqa iti kad'atani taani gosa d'ibi iti lakise, worri t'ureesu. Mudamtani ufi jibbaattani nagaya barbaaddani, ammo inargatani. Badiini woluma duubani isani qabatte, oduuni hamtuni gargari inch'inne gurra isani guuti. Isani raaga kad'atani, maaniti ga d'ufa? jettani gaafattani. Qaaloleeni waan biyya barsiiftu d'abde, jaaroleleni waan namaani gorsitu d'abdi. Hayyuuni bohe, ilmi isa ufi jibbaate, biyyitileeni naasuni holatti. Anini waan isani tolchitani gula isani gaargalche, akuma isani wollaala namati murtani isanile wollaala iti mura. Duuba isani akanaani aka anini AABBO Waaqa beetani. Guyya shaneeso, jia jaeeso, ka ganna jaeeso ka eegi nu boojiani, ka anaafi jaaroleeni Yuda mana kiyya keesa woliini jiru, anini akanumati aka jabeenni Waaqa na seene ufi arge. Jennaani anini olmilad'e, waan aka namaa jira arge. Nafi isaa hid'aanaa gadi, ibida fakaata, ammalle hid'aanaa oli aka sibiila diima, ka rigani qulqulleesani, bibiliqa. Inni waan aka harkaa jira d'eerefate rifeensa mata na qabe. Jennaani daayya tana keesa lubbuuni AABBO Waaqa oli na fuute, Yerusalemu na geesite, naabo Mana Waaqa garaa keesa fulla fullooni mirga fuula deefatutini na d'ufte. Fulla fullo suni waan harkaani boch'ani kad'atani, ka AABBO Waaqi aka male jibbuti jira. Jennaani anini ifsa bibiliqu, ka aka Waaqi Israeli arti jiru garsiisu, ka qara anini gaafa d'aatu galaana Kebari jiru arge kaani arge. Waaqi waan nani jed'e, Namicha, mirga millad'i. Anini millad'e jennaani d'aatu waan sorio irati qalani, ta fulla balbala fullo jirtu, waan harkaani boch'ani kad'atani, ta Waaqi aka male jibbu arge. Waaqi waan nani jed'e, Namicha, waan worri tae kana garta? Waan hamtu worri Israeli armati tolchu kana ilaali, ka fulla tiyya qulqullo tana iraa na fageesu. Ammo atini waan waan kana ira hamtu inagarta. Jennaani inni balbala naabo ala na geese, fulla isiini qooftuuni na garsiise waan jed'e, Namicha d'akha naabo tanaani jaarani kana ch'ach'absi. Anini ch'abse jennaani balbala arge. Inni waan nani jed'e, me, balbala tanaani olseeni, waan ch'eera hamtu worri kunini tolchu jiru laali. Duuba anini olseene, fulla inni na gaarsiise taani ilaale, jennaani akheekha bofatifi ka bineensa qulqullo intahinitifi waan d'ibi worri Israeli kad'atule, ka irati barreesani, arge. Fulla suni jaarole Israeli nama torbatama jira worra suni keesa Yaazania ilma Shafaniti jira. Worri sunini ch'ufti waan hit'aana iti aarsani, ka aari keesaa yauti jiru harkaa qaba. Waaqi waan nani jed'e, Namicha, waan jaaroleeni Israeli tunini d'ossaani tahu jirtu garta? Worri mana akheekhi waan hamtu guute keesati kad'achuu jira. Worri waan jed'u, AABBO Waaqi ya lafa tana lakise, waan nu taanu kanale inargu. Jennaani AABBO Waaqi waan nani jed'e, Atini waan hagana ira ch'eera, ka worri kunini tolchu, agarta. Jennaani inni balbala mirga ta Mana Waaqa na geese, nad'eeni waaqa worraa, ka Tamuzi jed'ani, ka lubbu d'abe, bootu na garsiise. Duuba inni, Namicha, waan kana garta? Waan hagana ira hamtule inagarta nani jed'e. Jennaani inni ch'icha Mana Waaqa na geese; anini d'aatu balbala Mana Waaqaa, waan sorio irati baasanifi kara jiddu keesa, nama d'iira diddami shani arge. Worri Mana Waaqa dudda iti gale ilaboruti fuula deefate, gajejed'e, biiftu baatu kad'ate. AABBO Waaqi waan nani jed'e, Namicha, waan kana garta? Worri Yuda kunini waan hamtu atini gartu kanafi had'iisa lafa tana ch'ufa keesati baasani kunileeni worraa ingahu. Ammo worri fulla Mana Waaqa tana d'ufe waan kana tolche haga qarale ira na dallansiisa. Aka worri aka male na tufate, ch'eeraa foko naa d'abe ilaali! Tanaafi worri dallansu tiyya duraa imbahu. Anini worraa biraa indeemu, yokhaani innahufi. Ammalle yo worri haga dandau iyye na kad'atule inch'aqasu. Jennaani anini qonqo Waaqa ta, Isani nami dira kana balleesu woraana guurad'a koota, jettu d'agaye. Hojuma suni nami jaa, ka woraana qabu, balbala mirga ta Mana Waaqa ta alaatini gabahe. Worra suni woliini nama toko, ka waan woini t'aafufi waan irati t'aafule harkaa qabu, ka woya boofta keeyatuti jira. Worri kunini ch'ufti d'ufe d'aatu waan sorio irati qalani, ka sibiila diimani mid'aasani, ejaanje. Jennaani ifsaani bibiliqu, ka aka Waaqi Israeli arti jiru garsiisu kaani, waan lubbu qaba ka koola kaani fulla qara jiru taani iraa kae, gara balbala Mana Waaqaa deeme. AABBO Waaqi namicha woya boofta keeyatu kaani yaame waan jed'eeni, Beeni, dira Yerusalemu kana ch'ufa keesa deemi, nama waan hamtu dira kana keesati tolchani ch'ufaa jed'e laalefate bohu, adda isaani beesisa ira kayi. Ammalle anini Waaqa, worra suniini, nama kana gula yaa, dira kana keesa fulla ch'ufa baha, nama tokole naataanifi illakisina, ch'ufa hobaasa jed'u d'agaye. Ammalle inni waan jed'e, Jaaroleefi kaimafi dubrafi haawanifi ijoollele ch'ufa fit'a, ammo nama beesisa adda iraa qabu tokole intuqina. Huji suni manuma kiyya kanani iti keeyad'a. Duuba worri jaaroluma fulla Mana Waaqa jirtu taanini iti keeyate. Jennaani Waaqi waan worraani jed'e, Mana kiyya kana t'ureesa, ch'icha isale reefani guuta. Amma kaa hojad'a! Duuba akasiini worri kaani kae, nama dira keesa jiru hobaase. Haga worri tae nama fit'u, anini koba achiti hafe; jennaani lafaani ufi d'ae, iyye waan jed'e, Ee, AABBO Waaqa gudda, atini nama Yerusalemu keesa jiru akana iti dallante, nama Israeli keesa jiru ch'ufa hobaafta? Waaqi waan nani jed'e, Worri Israelitiifi ka Yuda ya ch'ubbu hamtu tolche. Worri yayu lafa ch'ufa keesati nama fit'e Yerusalemu ch'ubbuuni guute. Worri waan jed'u, AABBO Waaqi ya lafa teenna lakise. Inni amma nu inargu. Ammo anini diqole worraa innahu; woma worri nama tolche aninileeni worra tolcha. Jennaani namichi woya boofta keeyatu, ka waan woini t'aafufi waan irati t'aafu harkaa qabu, ga deebie waan AABBO Waaqaani jed'e, waan atini tolchi nani jette ch'ufa anini ya guute. Anini waan gasare manaa fakaata, ka mata waan koola ka lubbu qabaati gubbaa jiru laale, waan suni gubbaa barch'uma d'akha bule ch'uluqaani mid'aasani arge. Jennaani Waaqi waan namicha woya boofta keeyatu kaaniini jed'e, Beeni, waan miila gaari fakaata kaani, ka waan koola ka lubbu qaba kaani jala jiru, jiddu deemi, ch'ile ibida harka guutad'i, duuba ch'ile suni dira gubbati firfirsi. Ato anini laalu, inni kae deeme. Yo inni miila waan koola suni jala seene, wonti koola, ka lubbu qaba suni Mana Waaqa gama bitaa ejaanjiti, duuba hurrileeni ch'icha Mana Waaqa d'ossite. Ifsaani bibiliqu, ka aka AABBO Waaqi achi jiru garsiisu kaani, waan koola qaba suni ira bahe, balbala Mana Waaqa d'aqe. Jennaani hurrini taani Mana Waaqa keesa seente duuchite, ifsaani kaani ch'ich'aati ifse, lafa ch'ufa guyyaase. Wobbeesa koola waan lubbu qaba suni Mana Waaqa alalleti ind'agayani. Wobbeesi sunini qonqo Waaqa gudda fakaata. AABBO Waaqi namicha woya boofta keeyatu kaaniini, ibida waan miila gaari fakaata kaani jiddu fuud'i jed'eeni, jennaani namichi d'aatu miila toko eje. Wonti koola qaba kaani toko harka ufi ibida jiddu miila worraa jiru kaani keesa keete ch'ile ibida fuute harka namicha woya boofta keeyatu nat'e. Jennaani namichi ch'ile taani fuud'e, kae deeme. Wonti koola suni ch'ufti koola ufi jala waan aka harka namaa jira qabdi. Wonti koola kunini yo yaatu ka garu garaingalle garuma fuula deefatu yaati. Wonti suni ch'ufti ka gargari imbaane, yokhaani garaingalle, fulla feetu ch'ufa yaati. Nafa worraa, dudda, harka, koola, miila miila gaari fakaatu kaanile, ch'ufa, ilati marse iti ejaanja. Miili sunini ch'ufti miila anini daayya qara taani keesati argeeni wolfakaata. Wonti sunini afraanu fuula afuri qabdi. Ka qara fuula korma looni, ka lameeso fuula namaa, ka sadeeso fuula nyeench'aa, ka afreeso fuula risaa. (Wonti kunini ch'ufti woma anini d'aatu galaana Kebariti arge.) Yo wonti kunini chochoote olkaatule, wonti miila gaari fakaata kaanileeni worruma woliini yaati. Ammalle yo worri koola ballise babarisule worruma woliini deemti. Hojja wonti koola kunini ejaanjitu, miililleeni inejanja; yo wonti kunini bariftu, miililleeni imbarisa; wonti akanatiifi irreeni miila suni waan koola qaba suni iraa baati. Jennaani ifsaani bibiliqu, ka aka AABBO Waaqi achi jiru garsiisu balbala Mana Waaqa keesaa bahe, waan koola qaba kaani gubbaa tae. Duuba wonti koola qaba suni, ato anini ilaalu, olkaate koola ballifte barifte. Jennaani miili kaanileeni isii woliini iti d'aabate. Wonti koola sunini balbala Mana Waaqa ta ilaboru geennaani diqo miila d'aabate, hojja suni ifsaani bibiliqu kaanileeni worruma gubba jira. Anini waan koola qaba suni arginaani, aka wonti kunini waan Waaqa Israeli jala jira, ka anini d'aatu galaana Kebariti arge kaani, hubad'e. Wonti kunini ch'ufti fuula afurifi koola afurifi waan harka namaa fakaata koola ch'ufa jalaa qabdi. Fuuli worraa fuuluma waan anini d'aatu galaana Kebariti arge kaani fakaata. Wonti sunini ch'ufti gamuma fuula deefatu qajeelte yaati. Lubbuuni Waaqa oli na fuute, gara balbala Mana Waaqa, ta ilaboru, na geesite. D'aatu balbala suni anini d'iira diddami shani arge; jara suni keesa Yaazania ilma Azurutifi Pelatia ilma Benaiya, ka jari lachu gosa isaniti mataa, jira. Waaqi waan nani jed'e, Namicha, jari kunini waan hamtu herege dira kana keesati mala hama namaa d'aa. Worri waan jed'u, Nu d'iotu ammalle mana jaarrana; diri kunini aka okote faara jira, nuleeni fooni isiini d'aabani fakaanna. Tanaafi duuba, Namicha, worri kana badi isaani himi. Lubbuuni AABBO Waaqa nara buute, jennaani inni waan nani jed'e, waan atini jettu, AABBO Waaqi waan jed'u, Isani worra Israeli, waan isani dubbattanifi waan isani malatanile ch'ufa anini imbeekha. Isani dira kana keesati nama heddu fitt'ani, kara isaa keesa reefi namaa fulla ch'ufa guute. Tanaafi amma wonti anini, AABBO Waaqi guddaani, isaniini jed'u tana: D'uguma diri kunini akuma okote jira; ammo fooni keesati d'aabani maani? Reefa nama isani fit'ani kanaati! Isani gaafasi; arma injirtani, anini dira kana keesaa boolati, isani d'aa. Isani goraade d'eetani? Anini namaa goraadeeni d'ufe isani fit'u isaniti erga. Anini dira kana keesaa isani baase harka nama gosa d'ibiti isani kenna. Anini ya dua isaniti mure. Isaniini ch'ufti lafuma teesani keesati woraanaani hobaatani, duuba akanaani nami ch'ufti aka anini AABBO Waaqaa beekha. Diri kunini okote faara isani intahu, isani fooni isiiti d'aabani intaatani wonti isani baasa injirtu. Ato isani lafa Israeli keesa fulla feetani jiraatanile, anini isani gaargalcha. Duuba akanaani, aka anini AABBO Waaqaa, beetani, ammalle aka gaafa isani seera gosa d'ibi jabeesitani kaani seera kiyya ch'absitani dubbi tiyya iraa gortanile beetani. Ato anini tae dubbi tana fagu, Pelatiani lafaa d'ae ch'iche. Jennaani anini lafaani ufi d'ae iyye waan jed'e, Ee AABBO Waaqa gudda, atini nama Israeli keesati hafe ch'ufa fit'u feeta? AABBO Waaqi na yaame waan nani jed'e, Namicha, nami Yerusalemu keesa tau waan keetifi waan worra Israeli ka si woliini boojiani dubbate waan jed'u, worri boojiani sunini ya fagaate, tanaafi worri dandae AABBO Waaqa inkad'atu; inni lafa tana ya nuu lakise. Amma tana waan anini sini jed'u, Kana worra sii woliini boojianiti himi. Nami lafa suni worra achiti gargari firfirse anuma. Ammo hataatuti, haga worri achi lafa suni keesa tau anini worra woliini taa. Tanaafi waan jettuuni, wonti AABBO Waaqi guddaani jed'u, Anini lafa isani iti firfirse keesaa isani baase lafa Israeliti isani deebisa. Worri hojja deebiu waan ch'eera hamtu achiti argu imballeesa. Anini garaa haareesafi qalbi hareeti worraa kenna. Anini garaa worraa jajaba aka d'akha suni jijire, garaa laafa ka Waaqaa saalfatu kennafi. Duuba worri seerafi aada tiyya ch'ufa gula deeme guuta. Worri gumi tiyya tae, aninileeni Waaqa worraa taha. Anini worra waan ch'eera hamtu gula deemu ingaargalcha, maro huji worraa hamtu sunitifi. Nami dubbi tana jed'e, AABBO Waaqa gudda. Jennaani wonti koola ka lubbu qaba kaani barifte, wonti miila gaari fakaata kaanileeni worruma woli yaati; ammalle ifsaani bibiliqu, ka aka AABBO Waaqi Israeli arti jiru garsiisu kaanileeni gubba waan suni jira. Duuba ifsaani kaani dira keesaa bahe gaara diraani ilaboru d'aqe. Duuba daayya keesa lubbuuni AABBO Waaqa oli naa fuute, gara worra boojiani lafa Babiloni jiru kaani na deebifte. Daayyani taani nara banaani anini waan AABBO Waaqi na garsiise worra boojiani suniti hime. AABBO Waaqi na yaame waan nani jed'e, Namicha, atini gumi nati garagalte na diddeeni woliini teetani. Worri ila qaba, ammo woma inargu, gurralee inqaba, ammo woma ind'agayu; wonti akanatiifi worri nama wo didu. Amma tana, Namicha, akuma nama lafa d'ibiti baqatu, miha wolti guurad'i, kai, ato lafti ingalgaloomne, aka hojja atini kaate deemtu nami ch'ufti si argu. Hegeri tana gula worri na didu sunini si argafa. Duuba ato lafti guyyatu, aka waan baqaa deemtu, miha kanke wolti hid'ad'i, ka worri si argu. Ammalle galgala suni, yo atini aka baqaa deemtu, worri ha si argu. Ato worri tae si laalu, mana kanke uri, miha kanke ka woltu hiite kaani artini alati baasi. Duuba worri ha sii, miha kanke gurmu ira keeyate ila hid'ate dukana keesa, ka gara imbeenne deemtu, si argu, wonti atini taatu kunini akheekha worra Israeliti taati. Anini akuma AABBO Waaqi Tolchi nani jed'e suni tolche. Guyya suni anini akuma nama baqatu miha kiyya wolti hid'ad'e, ato lafti dukanooftu, mana kiyya harkuma kiyyaani ure, kae alati bahe. Ato nami ch'ufti tae na ilaalu, miha kiyya gurmu ira keeyad'e, kae iti d'aabad'e. Boriyyaate AABBO Waaqi na yaame waan nani jed'e. Namicha, waan worri Israeli ka na dide kunini tae waan atini tahu jirtu sigaafatufi, Waan jettuuni, AABBO Waaqi guddaani waan jed'u, D'aamsi kunini ka hayyutifi nama inni Yerusalemu keesati mohatuti. Waan jettuuni, wonti anini amma tahu jiru kunini akheekha waan hegeri isaniti d'ufaati, isani boojiani lafa d'ibi isani geesani. Hayyuuni worrale dukana keesa miha ufi wolti hid'ate, gurmu ira keeyate, mana qaa ka isaa uranini baqata. Inni ila hid'ate gara deemule wollaala. Ammo anini t'urura isaa kaye, isa qabe, dira Babiloni ka inni haga duuti ila ufiitini ingarre geesa. Ammalle anini jara gugurda isa jala hojatufi makalafi jaallabootafi nama isa tissule gara ch'ufa firfirse nama worra fit'u iti erga. Yo anini gosa d'ibifi lafa d'ibileti worra firfirse, worri aka anini AABBO Waaqa beekha. Anini worra nama diqa toko woraanafi beelafi d'ukuba jalaa baasa, aka worri fulla jiru suniti wollaala ufi arge aka anini AABBO Waaqa isaanii hubatu. AABBO Waaqi na yaame waan nani jed'e, Namicha, yo wo nyaatufi yo woi d'uddule, mudami holad'i. Waan atini gosa lafa tana keesa jirtu ch'ufaani jettu, waan worra Yerusalemu keesa tau AABBO Waaqi guddaani akana jed'a: Yo woi nyaatanifi yo wod'uganile mudamani holatani. Lafti worraa badde adaala taate, waan nami achi keesa tau suni ch'ufti hammaate aada d'aabeefi. Dira amma tana nami keesa guute kana ch'ufa balleesani ona tolchani. Duuba akanaani aka anini AABBO Waaqa beekhani. AABBO Waaqi na yaame waan nani jed'e, Namicha, worri Israeli maanifi mammaasa kana — guyyaani indabra ammo himaansi inguutamu jed'e hojja ch'ufa mammakha? Duuba amma waan jettuuni, wonti AABBO Waaqi guddaani jed'u tana: Anini mammaasa kana imballeesa, aka nami deebie Israeli keesati imammaane. Ammo waan worraani jettu, Amma guyyaani ya gahe, ka mammaasileeni ch'ufti guutamu! Worra Israeli keesa deebiani daayya d'ara inargani, yokhaani waan d'ara infagani. Anini, AABBO Waaqi guddaani, worraani dubbad'e jechi kiyyaleeni guutama. Worra woi didu kana, dubbini tunini amma inturtu, ato isani jirtanu wonti anini, intolcha jed'e, kunini guutamti. Nami dubbi tana jed'e, ana, AABBO Waaqa gudda. Ammalle AABBO Waaqi waan nani jed'e, Namicha, worri Israeli daayyafi himana kanke fago seha. Duuba waan atini worraani jettu AABBO Waaqi guddaani waan jed'u, Amma wonti kunini deebite inturtu. Wonti anini jed'e, inuma guutamti. Nami dubbi tana jed'e ana, AABBO Waaqa. AABBO Waaqi na yaame waan nani jed'e, Namicha, raagoota Israeli ta woma qalbiini isii hereddu faddu, dubbi worraa, d'aareesi waan jettuuni, Dubbi AABBO Waaqa ch'aqasa. AABBO Waaqi guddaani waan jed'u, Raagooti daalloti tunini imbaddi! Worri qalbuma ufitini woi faga, ammo daayya womatu inargu. Worra Israeli, raagooti teesani geedala onati galtu fakaati. Worri fulla naaboni ch'abt'eeni inqorqoratu, yokhaani injaaru, tanaafi guyya AABBO Waaqi woraanaani d'ufu nami Israeli tokoleeni dandae duraa imbahu. Daayyani worraa d'ara, himaansi worraleeni kiyyiba. Worri waan kana AABBO Waaqati jed'a, nuni jed'e, jed'a, ka anini worra inergini. Ato waan suni beekhu worri dubbi worraa ta d'ugooftu eega. Ammo anini waan worraani jed'u, Daayyani isani gartani d'ara, wonti isani himtanileeni kiyyiba. Dubbini tunini ta AABBO Waaqa jettani, ammo anini woma isaniini injenne. Tanaafi AABBO Waaqi guddaani waan worraani jed'u, Waan isani kiyyiba dubbattani daayya d'ara gartanifi, anini ya isani jibbe. Anini raagoota daayya d'ara argitufi ta waan d'ara faddu ingaargalcha. Gaafa hegeri gumiini tiyya wolti baate koratu, isani kora suni keesa injirtani, maqa keesanile worra Israeliti indarani. Haguma jirtani lafa teesaniti indeebitani. Duuba akasiini aka anini AABBO Waaqa gudda beetani. Raagooti gumi tiyya sobde, Lafti nagaya jette, ka ufiftu nageenni injirre! Gumiini tiyya ya naabo laaftu jaarate, raagootileeni yayu d'ufte naabo suni booji adi ifsite mid'aasite. Waan atini raagootaani jettu, Naaboni teesani injiddi, anini tamna bokayatifi d'akhaani roobe, bubbe jabduleeni d'ufe, naabo suni d'ae balleese duuba nami ch'ufti, Boojini adini naabo tanaani mid'aasani taani eesa baati? jed'e gaafata. Tanaafi amma tana AABBO Waaqi waan jed'u: Dallansu tiyya keesa anini bubbe jabdufi bokaya gudda d'akhaani roobu, ka naabo tana balleesu, gadi erga. Anini naabo worri booji adi ibse tana ch'ach'abse bulleese, d'akha isiini yayabani diidati ga yaasa. Naaboni sunini hojja jiddu isani ch'ufa inhobaafti. Duuba akanaani nami ch'ufti aka anini AABBO Waaqa hubata. Naabo sunifi nami isi booji adi ibseelini waan dallansuuni tiyya worra tolchitu inarga. Duuba anini waan isaniini jed'u, Naabofi nami isi booji adi dibeleeni ch'ufti ya woliini bade — raagoota lafa Yerusalemuni, lafti nagaya jettu, ta ufiftu lafti suni nagaya inqamne. Nami dubbi tana jed'e AABBO Waaqa gudda. AABBO Waaqi waan jed'e, Namicha, amma nad'eeni gosa teeti ta woi himtu laali, dubbi worraa d'aareesi. Waan AABBO Waaqi guddaani jed'u iti himi, waan jettuuni. Nad'eeni tana, isani ya baddani! Isani qud'aama harkaa namaa hod'itani hagogo falfalaa mata ira namaa keetani, aka akasiini t'urura keesa nama buuftani nama balleesitani. Isani irre gumi tiyyaani ijeeftani jireesitani argu feetani, aka kara sunini woi argatani. Isani gumi tiyya durati na tufatani, aka garbufi qit'a diqa toko argatani. Isani nama duu himmalini ijeeftani, nama sila duu male lakiftani. Duuba isani dubbi d'ara gumi tiyyati himtani, worri isani d'ugeefata. Wonti AABBO Waaqi guddaani jed'u tana: Anini qud'aama isani hod'itani, akasiini dua jireenna nama ch'ufa harkati deefachu feetani, diqole infed'u. Anini qud'aama suni harka keesani iraa ch'ire, gumi isani dua jireenna isii harkati deefachu feetani tana ga lakisa. Anini hagogo mata keesani iraa fuud'e gumi tiyya harka keesani jalaa baasa, aka isiini deebite isaniti indeebine. Duuba akanaani aka anini AABBO Waaqa beetani. Kiyyiba keesanini isani nama dadansa anini balleesu infeene sodachiiftani, worra hamamale ka sila hameenna ufi lakise lubbu ufi baasu fed'u d'owartani. Tanaafi amma daayya teesani ta d'araatifi wonti d'ara ka isani faddani ya muumme baate. Anini gumi tiyya harka keesani keesaa baasa, duuba akanaani aka anini AABBO Waaqa beetani. Jennaani jaaroleeni Israeli hagi toko d'ufte woi na gaafate. Duuba AABBO Waaqi na yaame waan nani jed'e, Namicha, jari kunini yayu Waaqa d'ara, ka harkaani boch'ani kana jaalate gula yae, akanaani ch'ubbu keesa ufi buuse. Worri waan anini dubbi worra jalaa qabu seha. Duuba amma waan worraani jettu, wonti AABBO Waaqi guddaani jed'u tana: Nami Israeli ch'ufti, ka waan harkaani boch'ani kana jaalate, gula deeme akanaani ch'ubbu keesa ufi buuse, duuba eege raaga woi gaafachu d'ufu, anumati waan harkaani boch'ani, ka inni gula deemu suni gula, waan isa male kennafi! Wonti harkaani boch'ani sunini ch'ufti yayu worra Israeli naraa garagalchite, ammo anini dubbuma tiyya tanaani worra ufi gula deebisa. Tanaafi waan atini worra Israelitini jettu, wonti AABBO Waaqi jed'u tana: Kara hama qara keesa jirtani suni iraa deebia, waan harkaani boch'ani kana lakisa. Hojja nami Israeli toko, yokhaani nami gosa d'ibi, ka lafa Israeli keesa godaanu, naraa garagale, waan harkaani boch'ani kad'ate d'aqe raaga woi gaafatu, ana, AABBO Waaqati, jecha isaa male jed'ani! Anini isati kae, gumi tiyya keesaa isa balleese, akanaani inni akheekha worraa taha. Duuba akasiini aka anini AABBO Waaqa beetani. Yo raagi sobame dubbi d'ara fage, nami isa sobe ana, AABBO Waaqa. Duuba anini isati kae, gumi Israeli keesaa isa baasa. Raagafi nama isa wo gaafatule woma takaati qabata. Akanaani anini worra Israeli ufiraa garagalu d'owe, ch'ubbu hamtu worra t'ureesitu iraa deebisa. Duuba akanaani worri gumi tiyya tae aninileeni Waaqa worraa taha. Nami dubbi tana jed'e ana, AABBO Waaqa gudda. AABBO Waaqi na yaame waan nani jed'e, Namicha, yo lafti toko ch'ubbu tolchite naraa gorte, anini harka kiyya d'eereefad'e sagale iraa kute, oola iti buuse, namafi saa isiile ch'ufa fit'a. Ato Nuhufi Danielifi Ayubu, jari kunini saaddeeni achi jiraatele, dansumti worraa worruma ch'alla baafti. Nami dubbi tana jed'e ana, AABBO Waaqa. Yokhaani anini bineensa ala, ka worra suni fit'u iti erge, bineensi sunini lafa suni ch'ufa balleese, namileeni sodaa keesaa bahu dad'aba. Ammalle ato worri sunini sadeenu arti jiraatele haga anini AABBO Waaqi guddaani jiru imbaasu. Worri lubbu ufi ch'alla baasa, ammo laftileeni badde ona taati. Yokhaani anini had'iisa lafa sunitini d'ufe woraana hama namaafi saa hobaasu iti erga. Ammalle ato worri sunini sadeeni arti jiraatele haga anini AABBO Waaqi guddaani jiru — jari kunini dandae ilmaani ufi imbaasu, lubbu ufi male. Yo ammalle anini ch'iisa d'ukuba hama lafa sunitini d'ufe dallansu keesa namaafi saala hobaase, ato Nuhufi Danielifi Ayubuleni arti jiraatanile — jari kunileeni dandae ilmaani worrale imbaasu. Dansumti worraa lubbuma worra ch'allaa baafti. Wonti AABBO Waaqi guddaani jed'u tana: Anini worra Yerusalemu waan hamtu afuri ka worra balleesa iti erga — woraana, beela, bineensa ala, d'ukuba — aka namaafi saale ch'ufa akuma takaa balleesu. Yo nami bahe ilmaani ufile baasu jiraate, yo worri siti gad'ufe worra laali. Aka worri ch'ubbicha ilaali, ammalle aka gaargali anini worra Israelitini d'ufe suni worraa male, tanaani beekhi; duuba aka anini waan kana ch'ufa d'uga gula tolche beeta. Nami dubbi tana jed'e AABBO Waaqa gudda. AABBO Waaqi na yaame waan nani jed'e, Namicha, zabibufi mukhi d'ibiini maanini wolfakaata? Dameeni zabibu maanini mukeeni badda keesa ira jirti? Dandaani isi woma ira imid'aasani? Waan d'ibi lakisi dandaani fannole intolfatani? Wonti isiini malteefi qoraanuma ibidati. Yo hunda isii gubaani jiddu keesale t'at'aelchani, dandeete woi ira imid'aasita? Isiini qara woma keesa injirtu, ammo amma, ka ibidi t'at'aelche gube hagasile ingeetu. Tanaafi wonti AABBO Waaqi guddaani jed'u tana: Akuma zabibu badda keesa ch'irani gubani akasuma anini nama Yerusalemu keesa jiru tolcha. Worri qara ibida toko ya duraa bahe, ammo amma ibida d'ibiti d'ufe worra balleesa. Gaafa anini d'ufe worra balleesu suni aka anini AABBO Waaqa beetani. Waan worri na dideefi, aninileeni lafa worraa balleese ona tolcha. Nami dubbi tana jed'e AABBO Waaqa gudda. Ammalle AABBO Waaqi waan nani jed'e, Namicha, Yerusalemu waan hamtu isiini taate kana garsiisi waan jettuuni, AABBO Waaqi guddaani waan jed'u: Atini duri lafa kanaaniti d'alatte, abbaani kanke gosa Amori haati tante gosa Hiti. Gaafa atini d'alate suni nami tokoleeni ka hand'ure bisaanini si d'iqe, yokhaani sooda si dibe woya siti uyise injiru. Nami tokoleeni ka si nahe, waan kana tokole si tolche injiru, ammalle gaafasi nami si jaalate injiru, alati sigatani. Anini si d'aatu baanaani sii ufumaa teete d'iiga keesa gangalatu si arge ch'ichu si d'owe. Duuba anini si guddise atini aka mukha latte baate guddate d'eerate, aka intala gaaltama taate, guntutafi rifeensale baafte, ammo woya male qulla ejita. Ammalle guyya d'ibi anini si d'aatu banaani, aka atini guddatte fuud'aa geete si arge. Duuba anini woya tiyya siti uyise qulla te d'osse, fuud'e niiti si tolfad'e. Tunini waan AABBO Waaqi guddaani jed'e. Jennaani anini bisaani fuud'e, d'iiga siraa d'iqe, d'ad'a si ibse. Anini woya barreesani ch'okhanifi kope machala dansaafi hagogo booftatifi woya laasa ta uyifatanile sii kenne. Anini faaya ch'uch'uluqa — mirgaafi imu siti naqe. Anini qube funnaanifi guraati si kaye, hagogo mid'aadu hayyiti mata ira sii kaye. Atini faaya worqitifi ka qarsi qabda, ammalle guyya ch'ufa woya booftatifi woya laasa ta barreesani ch'okhani keeyate. Qit'a dargaye dansa ira mid'aasanifi dammafi d'ad'a soorate. Atini aka male mid'aade, qaalliti fakaate. Atini mid'aaguma anini sii kenne sunini lafa ch'ufa keesa gurra baafte. Tunini waan AABBO Waaqi guddaani jed'e. Ammo atini mid'aaguma tante ta gurraani baafte suni d'aabbatte, nami deemu ch'ufa si bira rafe. Atini fulla Waaqa iti kad'attu woya teetiini ch'ote akuma sharmut'a nama siti d'ufu ch'ufa bulchite. Atini faaya qarsitiifi ka worqi, ka anini sii kenne fuute, fakeenna d'iira mid'aasite ufi keesa nat'e. Atini woya barreesani ch'okhani ta anini sii kenne taani fuute fakeenna d'iira ka mid'aasite kaaniti keete, d'ad'afi hit'aana anini si kennele baafteefi. Anini sagale sii kenne dargaye daakhani dansaafi dammafi d'ad'ale. Ammo atini waan kana ch'ufa fuute, fakeenna kaani sorio baafte. Tunini waan AABBO Waaqi guddaani jed'e. Duuba eege atini ilmaani d'iiratifi ta dubra ta naa d'alte fuute, fakeenna suni sorio baafte. Diddaani atini naa didde suni diqo seete, ka ilmaani tiyya fuute fakeenna suni sorio baafte? Gaafa atini hammaate sharmut'a taate, atini taka waan ijoollumaa taate inqaabanne — ka qulla teete, d'iiga d'aloota keesa gangalate. AABBO Waaqi guddaani waan jed'u, Atini ya badde! Ya badde! Atini hameenna suni ch'ufa tolchite duuba, kara ch'ufa d'aatuti fulla waaqa d'ara iti kad'atanifi huji sharmut'oma keesati tolchani jaarte. Atini ufi busheesite, nama si d'aatu bahe ch'ufati ufi kennite, sharmut'omte keesa dabarte. Atini gosa Misiri, ta d'aatu teesani teetu, ta nad'eeniini daalte jala rafte, sharmut'oma keetiini na dallansiifte. Anini amma yayu harka siti olfud'ad'e aka si balleese eeba tiyya ta qara si qoode sira fud'ad'u. Anini yayu harka worra Filisti, ka si jibbe dabaafi ch'ubbu tanteetifi si tufateti si kenne. Waan atini worra kaani inquufiniifi, amma maraate worra Ashuru gula fiidde. Atini worrale sharmut'a taate, ammo worrileeni si inquufsine. Atini ammalle sharmut'a worra Babiloni ka daldaltu taate, ammo worrileeni si inquufsine. Wonti AABBO Waaqi guddaani jed'u tana: Atini huji tana ch'ufa akuma sharmut'a ch'eera foko inqamne hojatte. Kara ch'ufa keesati fulla Waaqa d'ara iti kad'atanifi ta sharmut'oma keesati hojatani jaarte, ammo atini aka sharmut'a d'ibi hori nama iraa infud'anne. Atini akuma niiti d'iirsa ufi lakifte nama d'ibi bulchite jirta. Sharmut'a hori baasani, ammo atini gaarayoota tante ch'ufaa woi kennite, akasiini worra gumbeesite, gara ch'ufa ufiti ga fuute ufi bira bulchite. Atini sharmut'a d'ibi iraa gorta. Nami tokoleeni sharmut'a si intolchine yokhaani hori si imbaanne, siti baaseefi male, kara kanani atini sharmut'a kaani d'ibi ch'ufa iraa gorta. Yerusalemu sharmut'iti, amma waan AABBO Waaqi jed'u d'agayi. Wonti AABBO Waaqi guddaani jed'u tana: Atini woya baafatte qulla ufi d'aabde, duuba akuma sharmut'a gaarayoota teetifi waan hamtu atini waaqa tolfate kad'atuleti ufi kennite, ilmaani tante waaqa d'ara suni sorio baafte. Maro waan kanatifi anini gaarayoota tante ta atini jaalatufi ta atini jibbitule ch'ufa wolti baase, ila worraa durati qunch'ise woya siraa baase qulla si d'aaba. Anini aka nad'eeni huji sharmut'a hojate d'iiga nama jissitu wollaala iti murani, wollaala siti mura. Duuba anini, ka dallansu qabu, si gaargalche dua siti mura. Anini harka gaarayoota teetiti si kenne, worri fulla atini waaqa d'ara iti kad'atuufi huji sharmut'oma iti tolfatule ch'ach'abse balleese, woya tanteetifi faaya kankele siraa guurate, qulla akuma atini d'alate si lakisa. Worri nama d'akhaani si had'u siti baase, worri sunini goraade ufitini gargari si ch'ira. Worri maneeni tante ch'ufa gube nad'eeni heddu durati gaargala kanke mullisa. Anini huji sharmut'oma iraa si deebise, gaarayoota teetile hori baasu si d'owa. Duuba akasiini dallansu galfad'e ch'allise, ka si inhinaafne ufira taa, deebiele indallanu. Atini waan gaafa atini kaima anini sii tae, deete, waan hamtu tolchite kana ch'ufaani na dallansiifte. Waan sunifi anini amma d'iba kana sitini d'ufa. Atini maanifi waan hamtu qaraa taate kaanile huji sharmut'oma iti darta? Nami dubbi tana jed'e AABBO Waaqa gudda. AABBO Waaqi waan jed'e, Ee Yerusalemu, waan kanke nami mammaasa kanani mammaakha: Haad'a laali intala fuud'i. Atini d'uguma akuma haad'a teeti d'alate; ta d'iirsafi ilmaani ufi jibbite. Ammalle atini akuma oboleyaani tante ta dubra, ta d'iirsafi ilmaani ufi jibbite jirta. Siifi oboleyaani tantele haati teesani gosa Hiti, abbaani keesanileeni gosa Amori. Oboleetini tante guddoni Samaria, ta ilmaani isii woliini mirga kanke teetu; oboleetini tante maand'itini sodoma, ta ilmaani isii woliini bita tante teetu. Atini faana worraa gula deemte, waan hamtu worri tahele taate, ammo sunileeni sii ingeenne; bultuma diqo tokoti atini kara ch'ufaani worra suni ira hammaate. AABBO Waaqi guddaani waan jed'u, Haga anini jiru, oboleetini tante sodomafi ilmaani isii hameenna siifi ilmaani tante tolchite intolchine. Isiifi ilmaani isiileeni, waan sagale quufani nagayaani taanifi, ufi saadani ufi guddisani, ammo worri hiyyeesafi d'ipata inqarqaarre. Worri kiyyibe mata jabaate, waan anini jibbu ch'ufa tolchinaani akuma atini beetu kaani worra balleese. Samariani haga atini ch'ubbamte kana inch'ubbamne. Hameenna keetifi ka oboleyaani teeti, yo wolbira qabani, worri sii waan woma iyyakini fakaata. Amma tana atini ch'eera kanke kara jalaa baatuni inqabdu. Ch'ubbuuni tante ta oboleyaani tanteeti iraa guddatte, worri sii nama woma iyyakini fakaata. Waan atini oboleyaani tante ira ch'ubbu tolchite, worri sii nama woma iyyakini fakaateefi, atini amma ch'eerafi foko irati hafta. AABBO Waaqi waan Yerusalemuni jed'e, Anini Sodomafi ollowaani isiitiifi Samariafi ollowaani isiile deebie horsiise deebansa. Ee, anini sile horsiise deebansa. Duuba akanaani atini ufirati ch'eerte, oboleyaani teetileeni akanaani sira woi barate si gula deebiti. Worri woi horate, siifi ollowaani teetileeni woi horattani. Ammo atini maro waan ch'eera hamtu aka injirre tolchiteefi gaargalu malte. Nami dubbi tana jed'e, AABBO Waaqa. AABBO Waaqi guddaani waan jed'u, Waan atini kakhu khakhate deete, wold'aqisa nu woliini tolfanne ch'absiteefi, anini amma woma si male si tolcha. Ammo anini wold'aqisa gaafa atini ijoolle woliini tolfanne jabeese, wold'aqisa haga jiru jireenna tau tolcha. Atini waan taate kana qaabate iraa ch'eerta, hojja oboleetini tante guddofi diqoleeni siti deebite. Anini worra lachu aka ilmaani teeti tolcha, ato wonti kunini duri wold'aqisa kenna keesa jiraachule baate. Anini wold'aqisa si woliini tolfad'e kana jabeese, duuba atinileeni akanaani aka anini AABBO Waaqa beeta. Anini wollaala atini tolchite ch'ufa sii araarama, ammo atini wollaala suni qaabate ch'eerte afaani qabata. Nami waan kana jed'e, AABBO Waaqa gudda. AABBO Waaqi na yaame waan nani jed'e, Namicha, mammaasa kana worra Israeliti himi waan jettuuni, AABBO Waaqi waan jed'u: Duri risa gudda tokoti jira, ka koola baricha mid'aaga qabu. Inni gara gaareeni Lebanoni barise, fiit'e dame hind'eesa ch'abse, lafa daldaltuni jirtuti geese, dira daldaltu keesa buuse. Jennaani inni latta mukhaa lafa Israeli keesaa hundaani buqise, lafa bisaani, ta biyye dansa qabdu, keesa d'aabe. Mukhi kaani latte bahe, mukha zabibu gabaaba banticha tae. Dameeni isii baate, olqajeelte, gara risa kaani laalte, hiddileeni bahe ga fagaate. Zabibuni sunini aka dansaa baate bosonte. Ammalle risa gudda dabasicha, kooli haga woi gahu, tokoti jira. Duuba zabibu taani hiddaafi dameeni isiileeni gara risa kaani qajeelte baate, aka sila akanaani isiini risa suni ira bisaani qara isiini oobru keesaa argatu kaani ira argatu. Ammo zabibu tana qarumayu yayu lafa bisaani ta biyye dansa qabdu keesati oobrani, aka isiini baate bosonte mid'aani guddo baaftu. Duuba anini, AABBO Waaqi guddaani, waan jed'u, mukhi zabibu kunini bahe inuma guddata? Risani qara kaani hiddaafi dame buqise mid'aani ch'ufa ira guure ingogosu? Buqisiti mukha suni irre guddofi gosa guddo iti imbarbaadani, d'uguma mukha suni yayu d'aabani, ammo inni bahe inguddata? Yo bubbeeni ilaboruti d'uftu isa d'ooftu, inni ingogogu? Fulluma isa iti d'abaniti ingogogu? Jennaani AABBO Waaqi waan nani jed'e, Worra na didu kanani, Isani waan mammaasa kana beetani? jed'i gaafad'i. Ammalle waan jettuuni, Hayyuuni Babiloni Yerusalemu d'aqe, hayyu Yerusalemutifi jaarole isaa gugurdo boojie Babilonitini gale. Inni worra hayyu keesa nama toko fuud'e, namichi suni woldubbatani dubbi suni iti wold'aqani, jennaani inni isaa kakhachiise. Ammalle inni jara gugurda boojie suni fuud'e, aka gochiti Israeli kakhu suni guute isati gara ingalle. Ammo hayyichi Yuda dubbi suni dide, nama Misiriti erge, fardooleefi askarti heddu kad'ate. Inni waan suni inargata? Dandae duraa imbaha? Inni yo wold'aqisa suni ch'abse, dandae duraa imbaha? AABBO Waaqi guddaani waan jed'u, Anini iti kakhad'a, aka hayyuuni kunini lafa Babiloni keesati duu, waan inni kakhufi wold'aqisa inni hayyu Babiloni ka isa hayyu tolche, woliini tolfate, ch'abseefi. Yo worri Babiloni boola marse qote, ammalle aka nama heddu fit'u biyye olbaasu, askartini hayyu Misiri hedduleeni dandeete lola suni keesa isaa qarqaarsa intaatu. Inni ka kakhufi wold'aqisa worri woliini tolfate ch'abse waan kana ch'ufa tolche, amma tana dandae duraa imbahu. Tanaafi AABBO Waaqi guddaani waan jed'u, Anini inkakhad'a, aka nama kana, waan inni wold'aqisa qara na durati inguuta jed'e, ch'abseefi, balleesu. Anini t'urura isaa kaye isa qabe lafa Babiloni isa geesa, waan inni na d'agayu dideefi. Askarti isaa jajanna ch'ufa lola keesati fit'ani, ta baateleeni ch'ufti lafa ch'ufa keesati bitinoofti. Duuba akanaani, aka dubbi tana anini AABBO Waaqi jed'e, beetani. Wonti AABBO Waaqi guddaani jed'u tana: Anini fiit'e hind'eesa d'eerati dame latta buqise, gaara Israeli ka gaara ch'ufa ira d'eerati d'aaba. Duuba dameeni suni latte baate, bosonte mid'aani baafte hind'eesa gudda mid'aaga taati. Simpirreeni gosa ch'ufa irati mana jaaratte gaadisa isale boqotti. Akanaani mukhi lafa keesa jiru ch'ufti aka anini AABBO Waaqa beekha. Nami mukha d'ed'eera mure gabaaba baase d'ed'eereersu anuma. Ammalle anumati mukha doti gogose gogale dotteesa. Nami dubbi tana jed'e ana, AABBO Waaqa. Anini waan jed'u inuma guuta. AABBO Waaqi na yaame waan nani jed'e, Mammaasi lafa Israeli keesati nami tae mammaakhu kunini maani? Ka, mid'aani zabibu kurao abbootini nyaatte, ammo ilmaani ilkaani dilalaani, jed'u. AABBO Waaqi guddaani waan jed'u, Anini iti kakhad'e, aka isani iti deebitani lafa Israeli keesati mammaasa kana imammaane. Lubbu nama ch'ufaa anumati harkaa qaba, ta abbootitifi ta ilmaanile. Abbuma ch'ubbamuti dua. Yo nami qajeelani d'uga gula deemu jiraate, nami sunini waaqoota Israeli ka harkaani boch'ani inkad'atu, yokhaani sorio gaara gubbati qalani inyaatu. Nad'eeni nama d'ibile infaarau, yokhaani nad'eeni aada uwa qabdule bira irafu. Inni nama indabsu, yokhaani nama insaamu. Inni qabdo nami hori isa iraa fud'ate iti kenne deebise, beelaa beela baase, ka daara qabu daara baasa. Inni beese namaa liqeese tirfi iraa ibarbaadu. Inni waan hamtu intolchu, yo nami wold'abule d'uga gula dubbi mura. Nami akana kunini aadaafi seera kiyya jabeese guuta. Maro inni nama d'uga gula deemuufi, injiraata. Nami dubbi tana jed'e AABBO Waaqa. Yo duuba nami kunini ilma namaa saame ijeesu, ka waan abbaani intahini kana ch'ufa tolchu qabaate, ka gurbaani sunini sorio gaara gubbati qalani nyaate, nad'eeni biyyale farae, hiyyeesa dabse saame, qabdo nami iti kennele deebisu dide, ammalle Waaqa d'ara kad'ate, artiti waan ch'eera hamtule tolche, beese namaa liqeesele tirfi ira barbaade, nami kunini injiraata? Hiyo, injiraatu. waan inni waan ch'eera hamtu kana taheefi, inni inuma dua, d'iigi isaaleeni gubbuma isati. Yo ilmi akana kunileeni ilma qabaate, ka ilmi sunini ch'ubbu abbaani isaa tolche ch'ufa arge, gula deemu baate, Waaqa Israeli ka harkaani boch'ani kad'achu dide, yokhaani sorio gaara gubbati qalanile nyaachu dide, nad'eeni nama d'ibile farau dide, yokhaani nama dabse saamu baate, ammo qabdo nami hori isa ira fud'ate iti kenne deebiseefi, beelaa beela baase, ka daara qabu daara baase. Waan hamtu tolchu dide, hori namaa liqeesule tirfi ira barbaadu dide, aadaafi seera kiyya jabeese guute, inni induu, ammo injiraata. Ammo abbaani isaa, ka nama dabse saame, ka hojja ch'ufa waan hamtu nama tolche kaani, ch'ubbuma ufi suniini dua. Ammo isani na gaafatani waan jettani, Ilmi maafi ch'ubbu abbaani tolche jed'e ingaargalle? Wonti inni akasi intaaneefi waan inni waan d'uga qajeela gula bahe, aadaafi seera kiyya guuteefi tanaafi inni lubbu bula. Abbuma ch'ubbu tolcheti dua — abbaaleeni ch'ubbu ilmati jed'e ingaargalu, ilmileeni ta abbaati jed'e ingaargalu. Nami d'uga d'uguma ufitini baha, ch'ubbichileeni ch'ubbuma ufitini bada. Yo ch'ubbichi ch'ubbu iraa deebie, seera kiyya guute, waan d'ugaatifi ka qajeela tolche, inni induu, injiraata. Ch'ubbu inni tolche ch'ufa araaramanifi waan inni d'uga gula deemefi jireesani, AABBO Waaqi guddaani waan jed'u, isani waan hojja nami ch'ubbu qabu duu anini gammadu seetani? Hiyo, anini ingammadu, Isa sila ch'ubbu suni iraa deebie jiraatu fed'a. Ammo yo nami d'ugaa qajeelani waan d'uga lakise, waan ch'eera hamtu nami hamani tolchu tolche, inni d'uguma injiraata? Injiraatu! Dansuma duri inni tolche tokole inqaabatani. Inni waan d'uga qara gula deemu taani lakise ch'ubbu tolcheefi dua. Ammo isani waan jettani, Wonti Aabbo Waaqi tolchu kunini qajeeltuniti. Worra Israeli, me na ch'aqasa! Isani karaani anini woini tolchu qajeelaniti jettani? Keesanumati qajeela intahini. Hojja nami d'ugaa qajeelani qajeeluma ufi lakise, ch'ubbu gula bahe, duu, inni woma ch'ubbu tolcheefi dua. Hojja ch'ubbichi daba lakise waan d'uga qajeeltu tolchu, inni lubbu ufi baasa. Inni hameenna tolchu jiru arge iraa deebia, tanaafi inni induu, lubbu bula. Ammo isani worri Israeli waan jettani, wonti Aabbo Waaqi tolchu kunini qajeeltuniti. Isani kara kiyyaani qajeelaniti jettani, akasumayu? Keesanumati qajeela intahini. Amma anini, AABBO Waaqi guddaani, waan isani worra Israelitini jed'u, Anini isani namu woma inni tahuni qora. Tanaafi ch'ubbu tolchitani tana ch'ufa iraa deebia; ch'ubbuuni teesani tunini isani imballeesini ufi eegad'a. Hameenna isani tolchitani kana ch'ufa yaala baha, qalbiifi garaa hareesa horad'a. Isani worri Israeli, maafi badu feetani? Anini, AABBO Waaqi guddaani, nama tokole ka duu infed'u, ch'ubbu teesani iraa deebia, jireennati baha, jed'a. Waaqi waan nani jed'e, Hayyoota Israeli akana faarsi bohi: Haati tante nyeench'a akami! Isiini kuble isii jiddu koromto nyeench'ati guddifti. Isiini kuble isii aka dansaa guddifte adamo barsiifte, jennaani kubleeni suni guddate, goorjama taate. Gochiti lafaa waan isaa d'ageete, boola keesati t'ururaani qabde, hookooni lafa Misiriti hirkifte. Isiini eegaa d'at'e ufi jibbannaani, kuble isii d'ibi guddifte, kubleeni suni guddate, nyeench'a hama taate. Inni guddannaani nyeench'a d'ibiini woliini woi gaade, innileeni waan adamo barate goorjama tae, nama nyaate. Inni maneeni jajabdu ch'ach'abse dira ch'ufa balleese. Nami lafa suni keesa tau ch'ufti itansu isaa d'ageennaani mumudame. Jennaani gochiti ch'ufti gara ch'ufaa wolti d'ufte isa haate; worri t'urura isaani isaa kaye boola keesati isa qabe. Isa goomooni qabani hayyu Babiloniti geesani. Achiti isa hid'ani, aka gaareeni Israeli gubbati deebiani itansu isaa ind'ageenne. Haate mukha zabibu ka d'aatu yaato bisaani eju fakaati. Waan guddo bisaani argatuufi mukhi sunini bahe, bosone mid'aani baasa. Dameeni isaa jajabdu, isiini baate boku hayyootaa taate. Mukhi sunini d'eerate dumansa tuqe, nami ch'ufti aka inni d'eerate bosone arge. Ammo dallansuuni hundaani buqisani lafa buusani, bubbeeni ilaboruti d'ufte, mid'aani isaa gogositi, dameele isale ch'ach'absani gogosani gubani. Ammalle lafa gamooji owitu d'eebichati d'aabani. Ibidi hunda zabibu taani qabate, dameeleefi mid'aanile gube. Dameeleeni isiileeni deebite jabaatte boku hayyu intaatu. Tunini faaru bohati, ta hojja ch'ufa d'aatani. Guyya kud'anneeso, ka jia shaneeso, ganna torbeeso, ka nu haga nu boojiani teenne, jaaroleeni gumi Israeli hagi toko d'ufte na dura teteete, Waan Waaqi si garsiise nuti himi nani jette. Jennaani AABBO Waaqi na yaame waan nani jed'e, Namicha, jaarole Israeli tanaani waan jettu, AABBO Waaqi guddaani waan jed'u, Isani woi na gaafachu d'uftani? Anini aka isani woi na gaafatani haga jiru ee injed'u, nami dubbi tana jed'e AABBO Waaqa gudda. Namicha, atini kurfo jirta, aka jara kana wollaala iti murtu? Yoosi iti muri, waan hamtu abbootini worraa duri tolchite qaabsisi, waan jettuuni, wonti AABBO Waaqi guddaani jed'u tana: Anini gaafa worri Israeli fohad'e; Worrati kakhad'e, lafa Misiri keesati ufi agarsiise waan jed'eeni: Anini AABBO, Waaqa keesani. Anini gaafasi worrati kakhad'e waan jed'eeni, Anini lafa Misiri keesaa isani baase lafa lafa ch'ufa ira dansaa, ta aananifi dammi aka lola yautini isani d'ufa. Duuba waan jed'eeni, Isani ch'ufti waan ch'eera hamtu isani waaqa tolfatani kana boolati d'aa, waaqa d'ara ka Misiri kana gula yaatani akanaani ufi int'ureesina. Anini AABBO, Waaqa keesani. Ammo worri nati garagale, na ch'aqasu dide, waaqa worra hamama harkaani mid'aasani kaanile boolati d'au dide. Waaqa worra Misirile lakisu dide, tanaafi anini aka male worrati dallane, lafa Misiri keesaa imballeesa jed'e. Ammo aka gurra kiyya imballeesine worra balleesu dide; wonti akanatiifi anini qara worra worri woliini tau durati, lafa Misiri keesaa isani baasa worraani jed'e. Duuba akanaani worra lafa Misiri keesaa baase, lafa aloo ta gamoojiti geese. Anini aadaafi seera kiyya, ka nama gula deemu jireesu, barsiise kenneefi. Anini guyya Sabato akheekha wold'ageeti teenna tolche, aka akanaani aka anini, AABBO Waaqi, worra qulqulleesu qaabatani. Ammo lafa gamooji suni keesaleti worri na dide, aadaafi seera kiyya, ka nama isa guutu ch'ufa jireesu, dide. Ammalle worri guyya Sabatole t'ureese balleese; tanaafi anini worrati dallane, lafa aloo keesati worra balleesa, jed'e. Ammo anini worra imballeesine; wonti akasitifi yo gochiti anini ila worra durati worra Israeli lafa Misiri keesaa baase taani na agarte ya gurri na bade. Tanaafi anini lafa gamooji suni keesati worrati kakhad'e waan jed'eeni, Anini lafa lafa ch'ufa ira mid'aadu, ta aananifi dammi aka lola yauti isani ingeesu. Wonti anini akasi kakhad'eefi waan worri aada tiyya dide, seera kiyya ch'abse, guyya Sabatole t'ureese, waaqoota harkaani boch'ani nara jaalateefi. Duuba eege anini worraa nahe, lafa gamooji suni keesati hobaasu dide, waan ijoolle worraatini jed'e: Seera ababooti teesani baafte inguutina, aada worrale gula iyyaina, yokhaani waan worri harkaani boch'ele kad'attani ufi int'ureesina. Anini AABBO, Waaqa keesani, aadaafi seera kiyya jabeesa guuta, gula deema. Ammalle guyya Sabato guyya jila jaba tolcha, aka guyyaani kunini akheekha wold'aqisa nu woliini tolfanne tae, aka anini AABBO, Waaqa keesani, isani qaabsisu. Ammo ijoolleeni worra sunileeni na didde, seera kiyya ch'absite, aada tiyya, ta nama isii gula deemule jireenna kennitule, guutu didde guyya kiyya ka Sabatole t'ureesite. Tanaafi anini worrati dallane, worra ch'ufa lafa aloo keesati infit'a jed'e. Ammo anini worra imballeesine — wonti akanatiifi yo gochiti anini ila worraa durati worra Israeli lafa Misiri keesaa baase taani na agarte ya gurri na bade. Tanaafi anini lafa gamooji suni keesati worrati kakhad'e waan jed'eeni, Anini lafa ch'ufa keesa isani firfirsa. Wonti anini akasi worraani jed'eefi, waan worri seera kiyya ch'abse, aada tiyya guutu didde, guyya Sabato t'ureese, waan harkaani boch'ani, ka ababooti worraa kad'ate, kad'ateefi. Jennaani anini seera dansa intahinifi aada nama injirreesine worraa kenne. Anini aka worri ilmaani isaani ta angafa sorio baase akasiini ufi t'ureesu, iti lakise. Wonti anini akasi tolcheefi, aka worri gaargala argate, akasiini aka anini AABBO Waaqa beekhu. Duuba amma, Namicha, waan atini worra Israelitini jettu, AABBO Waaqi guddaani waan jed'u, kunini kara d'ibi, ka abbootini teesani ta saala d'abde, naani arabsite. Anini lafa duri worraa kakhad'e taanini d'umnaani, worri gaareeni d'ed'eertufi mukeeni dodoti lafa suni ch'ufa sorio iti qale. Worri sorio gubanifi daad'i d'ibaafatanini na dallansiise. Anini worra gaafad'e waan jed'eeni, Gaareeni d'ed'eertuuni isani sorio gubbati qaltani tunini maani? Tanaafi arti asi waan sunini Bamah jed'aniini, akasi jechaani gaareeni d'ed'eertu jechu. Amma tana waan worra Israelitini jettu, AABBO Waaqi guddaani waan jed'u: Isani maafi ch'ubbuma abbootini teesani tolchite tolchitani, waan hamtu worri kad'ate kaani kad'atani ufi t'ureesitani? Arrale isani woma worri baase suni baaftani, waan harkaani boch'ani kad'atani ilmaani teesani gubdani, sorio baaftani, akanaani ufi t'ureesitani. Duuba isani worri Israeli, eegi waan kana ch'ufa taatani, amma d'uftani woi na gaafattani? Anini inkakhad'a, haga anini AABBO Waaqi guddaani jiru, isani itumaa deebitani woma na ingaafatani. Isani waan jettani, Nu aka gosa d'ibi, ta lafa d'ibi keesa teete mukhaafi d'akha kad'atu tahu feena. Ammo wonti sunini isanii intaatu. Anini inkakhad'a haga anini AABBO Waaqi guddaani jiru, aka anini isaniti dallane irreeni isani bulchu. Anini lafa isani iti firfirfamtani keesa wolti isani guure, dallansufi irre tiyya isani garsiisa. Anini lafa aloo ta d'eebichaa ta gosa d'ibitini isani d'ufe, achiti diideese wollaala isaniti mure isani ch'eersa. Anini amma tana, akuma duri ababoota teesani lafa gamooji ta Sinai keesati wollaala iti mure, isanileti mura. Nami dubbi tana jed'e AABBO Waaqa gudda. Anini harka kiyya keesa isani keeyad'e, akasiini isani wold'aqisa kiyya guutani. Anini nama ch'ubbicha na didu ch'ufa isani keesaa fuud'e, lafa worri amma keesa jiru keesaa baase, lafa Israelileeti deebiu d'owa. Duuba akasiini aka anini AABBO Waaqa beetani. AABBO Waaqi guddaani waan jed'e, Amma tana isani worri Israeli waan mataani keesani maddu taha! Waaquma keesani ka harkaani boch'atani gula yaa! Ammo beekha, armaa achi isani ufumani daachatani na gula yaatani, deebitani waan harkaani boch'ani woi baaftani akasiini maqa kiyya qulqullo int'ureesitani. Achiti isaani worri Israeli ch'ufti gaara kiyya d'eera qulqullo Israeli gubbati na kad'attani. Duuba aninileeni: huji teesani maache, sorioofi d'ibaayufi waan isani naa baaftani qulqullo ch'ufa isani iraa eegad'e isani iraa fud'ad'a. Eegi anini lafa isani iti firfirfamtani keesaa isani fuud'e, fulla tokoti wolti isani deebise, gochiti ch'ufti aka anini qulqullo hubati. Hojja anini lafa Israeli ta ababoota teesani kakhad'eti isani galche aka anini AABBO Waaqa beetani. Duuba isani akasiini, aka waan hamtu taatani ufi t'ureesitani qaabatani. Ammalle maro waan hamtu akasi suni taatanifi ufi jibbitani. Yo anini gurra kiyya jed'e woi isani tolchu, isani worri Israeli aka anini AABBO Waaqa beetani; wonti akanatiifi anini waan sila isani gati wollaala keesani gula isani argachu maltani isani intolchu; Nami dubbi tana jed'e AABBO Waaqa gudda. AABBO Waaqi na yaame waan nani jed'e, Namicha bita, millad'i, waan isii dubbad'i, badii badda isii fagi. Waan atini badda Negebutini jettu, waan AABBO Waaqi guddaani jed'u d'agayi. Laali, anini ibida mukha kanke gogafi jiid'ale ch'ufa gube balleesu siti kaya, ka nami dandae ind'aamfine. Ibidi sunini bitaa bahe, mirgati eje, owi isaa waan lafa suni jira ch'ufa guba. Nami ch'ufti aka anini, AABBO Waaqi, ibida nami dandae ind'aamfine badda suniti kaye, inarga. Ammo anini, AABBO Waaqa gudda kad'ad'e, waan kana intolchini jed'eeni. Wonti anini akasi jed'eefi nami ch'ufti guyya ch'ufa atini mammaasaani dubbata nani jed'a. AABBO Waaqi na yaame waan nani jed'e, Namicha, Yerusalemufi fulla woyyu ta nami woi iti kad'atule ch'ufa abaari. Waan lafa Israelitini jettu, AABBO Waaqi waan jed'u, Anini ya siti nyaape. Anini goraade tiyya qalqala keesaa fud'ad'e, nama kanke hamafi dansale ch'ufa fit'a. Anini mirgaa fuud'e bitaati d'aabe, nama lafa keesa jiru ch'ufa goraade tiyyaani fit'a. Nami ch'ufti aka anini, AABBO Waaqi, eegi goraade tiyya qalqala keesaa baase iti indeefanne beekha. Namicha, aka waan laalefate onneeni si ch'ite waad'i. Fulla nami ch'ufa sii argu ch'iisi, laalefad'i, waad'i. Yo worri si gaafate, Atini maafi teete waata sini jed'e, waan jettuuni, waan isaniti gadeematifi tae waad'a, jed'i. Gaafa wonti sunini worrati d'uftu, worri nahe holate, harki worra, iraa jige, lubbuuni worra d'ufte, jilbi worraleeni kakise wold'aa. Guyyaani ya ala hobae, kuno kana. Nami dubbi tana jed'e AABBO Waaqa gudda. AABBO Waaqi waan nani jed'e, Namicha fagi, waan biyya tanaani jettu, Waaqi waan jed'u, Goraade, goraade qarani bibilisani. Isi qarani, namaani ijeesani, qarti isii aka angaasu bilit'i. Gammadi injiru, waan gumiini tiyya gorsaafi ule tiyya d'agayu diddeefi. Goraade yayu qarani addeesani hujii kurfeesani, isi yayu qarani addeesani, harka nama nama ijeesuti kennani. Namicha, bohi, ooi; goraadeeni tunini ta gumi tiyyaafi jaarole Israeli ch'ufaani balleesani. Jaarole sunifi gumi tiyya woliini fit'ani. Laalefad'i, mata qabad'i! Anini gumi tiyya ilaalachu jira, yo worri iraa deebiu dide wonti kunini ch'ufti worra qabati. Namicha, amma woi fagi, harka d'ai, duuba goraadeeti maro heddu nama ch'ira. Isiini nama ijeefte, nama mudamsiifte, namale qaqalti. Duuba akasiini gumiini tiyya ufi jibbaate gugufati. Anini dira worraa goraade aka angaasu bibilit'u, ta nama ijeeftuni, mudamsiisa. Ee goraade qara qabdu, mirgaafi bita d'ai, gara fuula deefatu nama gargari ch'iri. Duuba aninileeni harka d'ae, akasiini dallansuuni naraa galti. Nami dubbi tana jed'e ana, AABBO Waaqa. AABBO Waaqi na yaame waan nani jed'e, Namicha, kara lama, ka hayyuuni Babiloni goraade ufi fud'ate gula d'ufu, akheekhaani garsisi. Karaani sunini lachu ha lafa taka keesaa bahuti. Fulla karaani iti gargari bahu mukha lama muri kara suni lachu d'ad'aabi. Mukhi sunini toko kara dira Amoni ka Raba jed'ani hayyu garsiisa, kaani dira Yerusalemu ka jabeesani jaarani, ka lafa Yuda keesa jiru, garsiisa. Hayyuuni Babiloni fulla mukha d'ad'aabani ka karaani iti gargari bahu taani eje, t'iya argufe, waaqa isaa ka d'ara kaani kad'ate, tiru hori sorio qalani laala, aka akasiini kara gula deemu male beekhu. Jennaani harki isaa mirgichi t'iya Yerusalemu garsiiftu fuud'e. T'iyiti sunini, wonti isiini isa garsiiftu, aka inni waan balbala fullo diratini ch'absu mid'aase, hobaati duula labse, waan balbalaani ch'absani kaani d'aatu balbala kaye, boola qote biyye olbaase diraani marsu. Ammo worri Yerusalemu waan kana ind'ugefatu wonti akanatiifi worri qara worraani wolti kakhate aka nagayaani woliini taani. Ammo wonti fagani kunini ch'ubbu worraa worra qaabsifte, aka worra qabanile beesifti. Duuba wonti anini, AABBO Waaqi guddaani, jed'u tana: ch'ubbu teesani ya mullisani, nami ch'ufti ya wollaala keesani arge; isani ch'ubbu teesani waan hojattani ch'ufaani la garsiiftani. Tanaafi wollaali keesani ya mullate, aninileeni amma harka nyaapa keesaniti isani kenna. Hayyu ch'ubbicha hama Israeli, guyyaani si balleesani ya alaa hobae, Dubbini anini, AABBO Waaqi guddaani, jed'u tana: Sureefi ruufa hayyule baafad'i, wonti ch'ufti gara galte aka d'ibi taati. Nama irre inqamne guddisa, ka irre qabu qanch'arsa. La bade, la bade! Ee, anini dira kana imballeesa. Ammo wonti kunini haga anini nama toko ka dira kana balleesu fohad'uti intaatu. Duuba anini dira kana isaa kenna. Namicha, woi fagi, waan anini, AABBO Waaqi guddaani, worra Amoni, ka worra Israeli arabsuni jed'u, iti himi waan jettuuni: Goraade namaani fit'ani, ta qarani addeesani aka angaasu bibilit'u, ya kurfeesani. Daayyani isani agartani tunini d'ara, wonti isani agartani kunileeni kiyyiba. Guyyaani isani balleesani ya alaa hobae. Goraadeeni d'iotu d'ufte mata isani iraa ch'irti. Goraade qalqalti deefad'a! Fulla iti isani uumani lafa isani keesati d'alatani keesati wollaala isaniti mura. Yo anini aka ibida isaniti bobae, dallansu tiyya agartani. Ammalle anini harka nama naasu inqamne, ka aka male nama fit'uti isani kenna. Ibidaani isani balleesani, lafa teesani keesati d'iiga keesani jissani, nami tokoleeni deebie isani inqaabatu, Nami dubbi tana jed'e AABBO Waaqa. AABBO Waaqi na yaame waan nani jed'e, Namicha, dira kana, ka nami nama fit'u keesa guute, wollaala iti imurtu? Yoosi waan hamtu inni tae ch'ufa diideesi iti himi. Waan atini dira kanani jettu, AABBO Waaqi guddaani waan jed'u: Waan atini nama kanke heddu fit'e, waan harkaani boch'ani kad'ate ufi t'ureesiteefi, amma guyyaani kanke ya alaa hobae, wonti guyyaani kanke gabaabate ala hobaeefi, waan atini nama fit'e Waaqa d'ara kad'ate ufi t'ureesiteefi! Tanaafi anini gosa d'ibi si tufachise, nami lafa d'ibileeni si goyeesa. Nami fago jiruufi ka d'io jiruleeni si tufateti si goyeesa, maro hameenna keetitifi. Nami Israeli gugurdaani nama dura yau, ka siti galu ch'ufti, humna ufi, d'aabate nama fit'a. Nami si keesa jiru tokoleeni, ka worra ufiiti saalfatu, injiru. Atini nama gosa d'ibi, ka si keesa tau dabsite, nad'eeni hiyyeeyifi ilmaani hiyyeeyile saamte. Atini fulla qulqulloole ch'eeru didde, guyya Sabatole jabeesu didde. Nami kanke hagi toko d'ara waan nama d'ibi odeese akasiini dua keesa worra buuse. Hagi toko sorio waaqa d'araati baasani nyaate, hagiini waan hamtuni d'araa ufi baasa. Ammalle hagi gari nad'eeni abbooti worraa bira rafe, hagi garileeni nad'eeni aada uwa qabdu buufata. Hagi tokoleeni nad'eeni biyya barate ka d'ibileeni soddowaani ufi yokhaani oboleyaani isaani ta dubra ta haati d'ibiini d'alte faraani. Nami kanke ka d'ibileeni gumbo fud'ate nama fit'a. Hagi garileeni gati gosa ufiti kenne, tirfi jala fed'ate, akasiini nama dabse ufi duroomsa. Worri kunini ch'ufti ya na ded'e. Nami dubbi tana jed'e AABBO Waaqa gudda. Anini hanna keesanifi ijeecha teesani ya obsu dad'abe d'ajjifad'e. Atini mala keeti eegi anini waan si tolchu fed'u ch'ufa hobaase, waan jannoomi si keesati hafe irre qabaate, harka dandeete olfud'attu seeta? Nami dubbi tana jed'e ana, AABBO Waaqa. Anini dubbi tiyya guutu male intau. Anini nama kanke gosa ch'ufafi lafa ch'ufa keesa firfirse, huji tante hamtu ch'ufa hobaasa. Duuba akanaani gochiti taani d'ibiini si tufate, ammalle atini aka anini AABBO Waaqa beeta. AABBO Waaqi na yaame waan nani jed'e, Namicha, worri Israeli kunini woma naa imbahu, worri akuma udaani sibiila jira, sibiila diima taanaani, saldaqa taanaani, sibiila guraacha taanaani, sibiila qalai qawe ira mid'aasani taanaani — ka eegi qarsi bassani ibida keesati hafu. Tanaafi amma tana anini, AABBO Waaqi guddaani, waan worraani jed'u, Isani akuma udaani sibiila suni jirtani, ka woma imbaane. Anini Yerusalemu keesa wolti isani bassa, akuma qarsifi sibiila diimafi sibiila guraachafi sibiila qalaitifi saldaqa, ka wolti guurani bassani. Akuma ibidi sibiila suni bassu, dallansuuni tiyya isani bassiti. Ee, anini Yerusalemuti wolti isani baase, ibida isani jalati bobeese, dallansu tiyyaani isani bassa. Akuma qarsi ibidaani bassani, Yerusalemu keesati isani bassa, duuba akanaani isani, aka AABBO Waaqi isaniti dallane, beetani. Ammalle AABBO Waaqi na yaame waan naani jed'e, Namicha, waan atini worra Israelitini jettu, Lafti teesani ya t'uroofte badde, taanaafi anini dallansu tiyya keesa isani balleesu fed'a. Jaaroleeni worraa tunini aka nyeench'a bineensa ijeese ira tae itanu jirti. Worri nama fit'e beesefi horile haga dandau ch'ufa fud'ate, akanaani nad'eeni heddule hiyyeeyi tolcha. Qaaloleeni worraa seera kiyya ch'absite, miha kiyya ka woyyu ch'ufa t'ureesiti. Worri waan qulqulloofi ka qulqullo intahini tokole gargari imbaasu, ammalle waan t'uri qabatifi ka t'uri inqamnele akuma waan taka barsiise, guyya Sabatole yaalu dide, waan worri tae kanafi worri Israeli ch'ufti na tufate. Jari lafa mohatuleeni aka yai bineensa nyaatu gargari hero d'ooftu jira. Worri nama ijeese akanaani ufi duroomsa. Raagooti worraleeni akuma nami booji adii mana dibe, t'uri isa d'ossu, ch'ubbu worraa d'ossiti. Worri daayya d'ara arge, dubbi kiyyiba fage, Nu dubbi AABBO Waaqa gudda dubbanna jed'ani, ka anini, AABBO Waaqi guddaani, worraani indubbatini. Dureeyyiini nama sobde, nama saamte, hiyyeesafi nama gosa d'ibi, ka lafa worraa keesa taule, waan hamtu tolchite balleesiti. Anini nama naabo d'akhaani jaare, fulla isiini ch'ach'abt'eeni eje, hojja anini dallansu tiyya keesa isi balleesu d'ufu worraa kalchu tokole ilaani barbaade d'abe. Tanaafi anini aka taka inargini worrati dallane waan hamtu worri tae kana gula aka ibida worra gube balleese. Nami dubbi tana jed'e AABBO Waaqa gudda. AABBO Waaqi na yaame waan nani jed'e, Namicha, duri dubra lamati jira, ta woliini d'alate. Dubarti tunini gaafa lafa Misiri keesa jirtu, ato didiqootu, dubrooma d'abde sharmut'a taate. Ta angafa maqaani Oholi (isiini Samaria), maand'iti maqaani Oholiba (isiini Yerusalemu). Anini worra lachu fuud'e, ilmaani iraa d'ad'ale. Ato na jala jirtu, Oholaani huji sharmut'oma taani lakisu didde jaallowani isii, ta worra Ashuru taani, aka male d'araateefi iraa tau didde. Jaallowani isii tunini askarti woya bule didiimtu naqatufi worra gugurda askarti, ka worri ch'ufti kaima mimid'aaga teeto farda ka guddo farda gulubsisu beekhu. Isiini sharmut'a, ta worri gugurda Ashuru ch'ufti iti yau. D'araa nafa isii gula isiini Waaqa worra Ashuru kad'ate akasiini ufi t'ureesite. Isiini huji isi ta sharmut'oma, ta gaafa lafa Misiri keesati dubrooma d'abde taani, hojatte lakisu didde. Haguma gaafa isiini dubrati asi, d'iirti isi bira rafte sharmut'a tolchite. Tanaafi anini isi harka jaallowani isii ta Ashuru, ta isiini guddo d'araatufi, taaniti kenne. Worri woya isi iraa hiikhe, qulla diidati baase, ilmaani isii ta d'iiratifi ta dubrale qabe, goraadeeni isi ijeese. Nad'eenileeni fulla ch'ufa waan isii tolchani wolti hasasite. Ato oboleetini isii Oholibani waan kana agartele, isiini ufiftu isiile ira sharmut'omte badde. Isiileeni akasuma jara gugurdafi jara askarti Ashuruti mataa, ka woya mimid'aadu naqatufi askarti farda, ta ch'ufti kaima mimid'aaga, d'araateefi gula badde. Anini aka isiini ch'eeraa foko inqamne, akuma oboleeti isii taate, arge jibbaad'e. Isiini akuma worra agarteeni iti d'araate, lafa Babiloni keesati qonqo iti ergate, ufiti gayaamte. Worri Babiloni d'ufe isi bira rafe, t'ureese iti tabate, duuba eege isiini worra quufte, tufate jibbite. Isiini gumi durati qulla ufi mullifte, sharmut'oma ufi lalabde. Jennaani anini akuma oboleeti isii jibbe jibbaad'e biraa deeme kaani, isiile biraa deeme. Isiini haga qara kaani ira sharmut'a taate, akuma gaafa dubra, ka lafa Misiri keesa jirtu kaani, taate. Ammalle isiini jaallowani isii, ta waan aka harreetini yaate, aka farda korma d'ala d'araau jaalate. (Oholiba, atini waan lafa misiri keesati taate, ka nami d'iira guntuta keetiti tabate dubrooma si d'oweti deebiu feeta.) Duuba amma, Oholiba, wonti anini, AABBO Waaqi, sini jed'u tana: Atini jaallowani tante taani ya quufte lakifte, ammo anini worra siti kaase, worri d'ufe gama ch'ufaa si marsaa: worri lafa Babilonitifi ka Kaldayotifi ka Pekoditifi ka Shoatifi ka Koatifi ka Ashuruleeni. Anini worra kaima, ka gurra qabu, mimid'aaga kana ch'ufafi worra askarti fardati gugurda ch'ufa wolti baase, duuba worra duula gudda gaari fardi hirkisufi ka sagale baatu qabuti mirgaa d'ufe si had'a. Worri kofia sibiila naqate, wonte guurate si marsaa. Duuba anini harka worrati si kenne, worri aada ufi gula waan fed'u si tolcha. Anini siti dallane. Worra siti lakise worri dallansu ufi keesa waan fed'u si tolcha. Funnaanifi gurra siraa ch'irani, ilmaani tante fit'ani. Ee, ilmaani tante ta d'iiratifi ta dubrale siraa fuud'ani ato jirtu gubani. Woya irreeni siraa hiikhani faaya atini naqatu ch'ufa siraa yaafatani. Anini d'araa atini d'iira d'araatu siraa balleese, sharmut'oma atini lafa Misiriti barate kaani si d'owa. Atini deebite waan harkaani boch'ani kad'atani d'araate, yokhaani lafa Misirile inqaabattu. Wonti AABBO Waaqi guddaani jed'u tana, Anini harka worra atini jibbite garaa iti hammaateti si kenna, ammalle waan worri si jibbufi, worri waan atini hojatte horate ch'ufa siraa fuud'e, qulla si d'aabe, sharmut'oma kanke diidati baasa. Waan kana d'araa teetifi sharmut'oma keetiti sitini d'ufa. Atini gosa ch'ufaa sharmut'a taate, waan worri harkaani boch'e kad'atuni ufi t'ureesite. Waan atini faanuma oboleeti teeti baatefi, anini muduunu gaargala, ta isiini keesaa woi d'uddeeni, woi si baasa. AABBO Waaqi guddaani waan jed'u, Atini muduunu guddo keesa qabdu ta oboleeti teeti keesaa woi d'udda. Nami ch'ufti si tufate si goyeesa; muduununi ya guutamte. Isiini si yaadesite si macheesiti; muduununi oboleeti tante Samaria, ta sodaafi badiini siti d'uftu. Atini keesaa woi d'udde, fooqifte, ch'ach'aba isiitiini harma ufi tatarsaafta. Nami dubbi tana jed'e ana, AABBO Waaqa gudda. Duuba amma, wonti AABBO Waaqi guddaani jed'u tana: Waan atini na deete dudda nati galteefi, d'araafi sharmut'oma keetifi gaargalta. AABBO Waaqi na yaame waan nani jed'e, Namicha, atini aka Oholafi Oholiba dubbi qortu kurfo jirta? Waan hamtu worri tae worrati himi. Worri yayu nama barate namale fit'e — waaqoota d'araa kad'ate ilmaani naa d'ale fit'e. Ammalle ilmaani tiyya qaqalani waaqa isaaniti sorio baasani. Wonti worri tae tana ch'allaniti, worri mana kiyya t'ureese, seera guyya Sabato, ka anini tolchele, yake. Worri guyyuma ijoolle tiyya waaqoota d'ara taani sorio baase, Mana kiyya d'ufe t'ureese! Maro heddu nama fago jiru nama iti ergani yaamani, duuba nami sunini d'ufe. Duuba yo worri sunini d'ufe, oboleyaani lamaani taani nafa diqate, ila kuulate, faaya naqate, barch'uma dadansa ira teteete, mesa waan dadansa irati massani, qayyafi d'ad'a anini kenneefi gubba nat'e, ufi dura d'aabde. Worri jaallowani isii, ka lafa gamoojiti d'ufe, ka woma iyyaalle, iyyaa d'ufe iti olduude. Worri sunini d'ufe, harka worraa mirga iti naqe waan mid'aadule mata worrati naqe. Jennaani anini herege waan jed'e, worri kunini niiti qara sharmut'omani jaarte hobaateti yau jira. Worri halkani guyya nad'eenuma babadole sharmut'a, ta Oholafi Oholiba jed'ani, tanati yaa. Nami d'ugaa qajeelani nad'eeni tanaani, isiini sharmut'a harka d'iiga jed'e wollaala iti mura. Wonti akanatiifi isiini sharmut'oma gula yaate, namale ijeefte. Wonti AABBO Waaqi guddaani jed'u tana: Tuuta namaa, ta d'ufte worra mudamsiifte saamtu, iti yaami. Tuuti sunini ha d'akhaani worra haate, goraadeeni worra ch'irte, ilmaani worraa fit'e, mana worrale gubduti. Anini lafa tana keesa fulla ch'ufati huji sharmut'oma balleesa, aka nad'eeni d'ibiini waan kana arginaani worra gula baate sharmut'a intaane. Ammalle isani, oboleyaani dubra tana lamaani — anini maro sharmut'oma keesanitifi ch'ubbu teesani, ta isani Waaqa d'ara kadat'anile, isani gaargalcha. Duuba akanaani aka anini AABBO Waaqa gudda beetani. Guyya kud'anneeso, ka jia kud'anneeso, ka ganna sagaleeso, ka nu haga nu boojiani teenne, AABBO Waaqi na yaame waan nani jed'e, Namicha ayyana arra kana t'aafi, wonti akanatiifi hayyuuni Babiloni guyya kana dira Yerusalemu marse had'u jira. Gumi mata jajabdu, ta na diddu tana mammaasa kana iti himi waan jettuuni, wonti AABBO Waaqi guddaani jed'u tana: Okote bisaani guuti, ibida ira d'aabi. Fooni fulla dansa — baleensufi lukhale okote keesa buusi, fooni lafe dadansale iti dari. Fooni hooliye dadansale fuud'i; qoraani okote jalati tuuli, bisaani ha danfani lafefi fooni suni d'aabani. Wonti AABBO Waaqi guddaani jed'u tana: Diri worra harka d'iiga ya bade! Inni okote dandoofte, ta taka ind'iqini fakaata. Fooni kaani toko tokooni keesaa fuud'ani, okote taani gossani. Dira keesati nama fit'ani, ammo d'iigi worraa lafa fulla awarti d'ossituti injinne, qarsa d'akha gubbati jige male. Anini d'iiga suni fulla nami ch'ufa arguti lakisa, aka akasiini nami garaani hammaate haalo baafatu. Wonti AABBO Waaqi guddaani jed'u tana: Diri worra harka d'iigaa ya bade! Anumati qoraani wolti tuula. Qoraani d'ibiini kooti! Ibida jalati gooli! Fooni aka dansaa d'aabi! Fuuto jalaa gossi, lafele gubi. Duuba okote sibiila diima kaani ibida ira d'aabi, ha diimate aka ch'ile ibida taatu, duuba akasiini okote suni dandiini iraa baate qulqulloofti, ato dandiini sunini ch'ufti ibida keesati iraa badu baatele. Ee Yerusalemu, hameenni kanke ya si t'ureese ato anini si qulqulleesu fed'ele, t'urini siraa imbaatu, Haga dallansuuni tiyya naraa galtuti, atini deebite qulqullo intaatu. Nami dubbi tana jed'e ana, AABBO Waaqa. Hojaani anini woi tolchu ya geete. Anini ch'ubbu tante yaalaa bahe si illakisu. Waan atini tolchite gula wollaala siti murani. Nami dubbi tana jed'e ana, AABBO Waaqa gudda. AABBO Waaqi na yaame waan nani jed'e, Namicha, anini d'aicha tokooni nama atini nama ch'ufa ira jaalatu si duraa fuud'a. Atini gungumte boote imimaani imbuisini. Nami si ind'agayini, Boha tante d'ofad'i aka nama nami iraa due taate sureefi miila duwa indeemini; yokhaani fuula d'ofate, sagale nami boha nyaatu inyaatini. Anini diirama biyyaani haasae, lafti galgalomnaani niitiini naraa doote. Boriyyaate anini akuma nani jed'ani kaani tolche. Biyyiti waan nani jette, Isi abbo, wonti atini taatu kunini maani? Jennaani anini waan worraani jed'e, AABBO Waaqi na yaame waan nani jed'e, Waan atini worra Israelitini jettu, wonti AABBO Waaqi guddaani jed'u tana: Isani ijaarsa jajaba Mana Waaqa kanani guddo kortani. Isani mid'aaguma isaa laaltani jaalattani maro ch'ufa iti yaatani. Ammo anini t'ureese balleesa. Duuba isani woma anini tae kana taatani. Isani mata inhagogatani yokhaani sagale nami bohaa nyaatule inyaatani. Isani matafi miila duwa yaatani yokhaani laalefatani imbootani. Maro ch'ubbu teesanitifi d'umatani wolti bootani. Duuba anini akheekha isanii taha, isani waan anini tae kana ch'ufa intaatani. AABBO Waaqi waan jed'u, yo wonti kunini taate, aka anini AABBO Waaqaa gudda beetani. AABBO Waaqi waan jed'e, Namicha, anini Mana kiyya ka jabeesani jaarani, ka worri jaalate koreeni, mid'aaguma isaa jaalate maro ch'ufa iti yau kana, worra biraa fuud'a. Ammalle anini ilmaani worra ta d'iiratifi ta dubrale iraa fuud'a. Guyya anini waan kana tolchu, nama baqa deemuti d'ufe siti hima. Duuba guyyuma suni afaani qara si duude kaani si banamani, isaani dubbata. Kara kanani atini akheekha worra kanaa taate, worrileeni aka anini AABBO Waaqaa beekha. AABBO Waaqi na yaame waan nani jed'e, Namicha, fuula kanke lafa Amoniti deefad'i abaari waan jettuuni, Dubbi AABBO Waaqa gudda d'agaya, wonti inni jed'u tana: Isani Mana kiyya ka t'ureesanifi lafa Israeli ta balleesanifi gumi Yuda ta boojiani agarraani gammaddani. Waan isani waan suni jettani gammaddanifi, anini harka gosa lafa gamooji ta ilaboru keesaa d'uftuti isani kenne, worri isani dabsata. Worri bulto jaarate achi qubata, mid'aanifi aanani isani sila nyaatani d'uddani nyaate d'uga. Anini dira Raba balleese, lafa gaali keesaa oolu tolche, lafa Amoni ch'ufa fulla hooliyeeni ooltu tolcha, duuba akanaani aka anini AABBO Waaqaa beetani. Wonti AABBO Waaqi guddaani jed'u tana: Isani gammaddani, harka d'ooftani sirbitani lafa Israeli tufattani. Waan isani waan kana taatanifi, anini harka gosa d'ibi ka waan keesani hatte isani saamtuti isani kenna. Anini aka takaa inargini isani balleese fiiga isani d'owe, aka isani itumaa deebitani gosa intaane yokhaani lafa inhoranne isani tolcha. Duuba akanaani aka anini AABBO Waaqaa beetani. AABBO Waaqi guddaani waan jed'e, Waan worri Moabu worri Yuda akuma worra lafa d'ibi jira jed'eefi, anini dira seera lafa Moabu nyaapa ira d'owu nyaapa iti erge haasisa. Dira, Beth-Yeshmothitifi, Baal-Meonitifi Kirathamule. Ammalle anini gosa lafa gamooji, ta ilaboru teetu, Moabufi Amoni dabsachiisa, aka Moabuni deebite gosa intaane. Anini worra Moabu balleesa, duuba worri akanaani aka anini AABBO Waaqaa beekha. AABBO Waaqi guddaani waan jed'e, Worri Edomu worra Yuda aka hama haalo baafate, akanaani wollaala hama keesa ufi buuse. Tanaafi amma AABBO Waaqi guddaani waan jed'u, Anini worra suniti kae namafi saa worrale balleesa. Anini dira Tamariti fuud'e, dira Dedaniti d'aabe, lafa ch'ufa balleese ona tolche, achiti nami hedduleeni woraanaani hobaa. Gumiini tiyya ta Israeli worra Edomu haate haalo naa baafti, ammalle waan dallansuuni tiyya nama tolchitule worra garsiifti. Duuba akanaani worri Edomu aka anini haalo baafad'e arga. Nami dubbi tana jed'e AABBO Waaqa gudda. Wonti AABBO Waaqi guddaani jed'u tana: Worri Filisti yayu worra Yuda, ka haguma duriti woli nyaapa haalo hamtu fuud'e jibba keesa balleese. Tanaafi AABBO Waaqi guddaani waan jed'u, Anini worra Filisti had'e hobaase, daara d'owe, nama diida Filisti keesa tau tokole bahu d'owa. Anini aka male worrati dallane, worra hobaase haalo baafad'a. Duuba akanaani worri aka anini AABBO Waaqa beekha. Bulti qara ta jia, ta ganna kud'ani tokeeso ka haga nu boojiani teenne, AABBO Waaqi na yaame waan ani jed'e, Namicha, wonti worri Tiro gammadufi tana. Worri iyye waan jed'u, Yerusalemuni ya badde balbala isii ch'ufa ya ch'absani, daldali isii ya ch'ite. Eegi isiini badde, nu amma woi horanna! Amma wonti AABBO Waaqi guddaani jed'u tana: Ee dira Tiro, anini ya siti nyaape. Anini gosa heddu ta aka d'awa galaana woli d'oofte, d'ufte si haatu sitini d'ufa. Worri naabo dira suni ch'ach'abse doofi isaale ch'ufa butucha. Duuba anini biyyele ch'ufa hare, d'akha diidati gabaasa. Worri qurt'umi guuruleeni d'akhuma suni ka afaani galaana ch'iisu irati t'urura goffata. Nami dubbi tana jed'u ana, AABBO Waaqa gudda. Gochiti d'ibiini Tiro saamte, ammalle goraadeeni worraatini nama dira afaani baariini keesa jiru ch'ufa fit'i. Duuba akanaani worri Tiro aka anini AABBO Waaqa beekha. AABBO Waaqi guddaani waan jed'u, Anini hayyu Babiloni ka Nebukadreza jed'ani, ka hayyu ch'ufa ira jiru, Tironi d'ufe haasisa. Inni duula gudda fardafi gaari fardi hirkisufi askarti miilaani yaatu qabuuni mirgaa d'ufa. Nama dira afaani Baariini keesa tau woraanaani hobaasani. Nyaapi d'ufe, boola dira sunini marse qote, biyye olbaase wonte ufitini ch'ibra keeyata. Worri naabo teesani jigeesa mukhatini butuche, doofi teesanile konfi sibiilatini ch'absa. Awarti fardi worraa kaasu lafa isaniti duuchite, iyyanti farda worraa, ka gaarini hirkise balbala dira ta ch'absanini olduudu, lafafi naabo dirale ch'ufa isaniti chochoofti. Jari worraa ka farda yabatuleeni dira keesaniti baafate, nama keesani goraadeeni kara keesati fit'e, utuba keesani gugurddale ch'ufa qaqarisani. Nyaapi keesani suni hori keesani ka daldala ch'ufa saame boojie, naabo teesani ch'ufa ch'ach'abse maneeni teesani dadansa ch'ufa bulleese, d'akhaafi mukhaafi ch'abdo maneeni suni ch'ufa fuud'e baariini keesati jissa. Anini faaru teesani imballeesa, duuba deebiani qonqo kirari teesani ind'agayani. Anini d'akha t'urura qurt'umi irati afatani ch'alla lakisa. Dira kana deebiani injaarani. Nami dubbi tana jed'e ana, AABBO Waaqa. Wonti AABBO Waaqi dira Tirotini jed'u tana: Hojja nyaapi isani had'u, nami afaani baariini tau iyyanna nama hobaasanitiifi gurra qabata. Hayyooti lafa afaani galaana ch'ufti ta hobolo qabdu, woya isii mimid'aadufi ubaara babaricha yaafate mudamte holate ga teteete. Lubbuuni worra d'ufte worri aka male holate waan tahu d'aba. Duuba faaru boha tanaani si faarsani: Diri gurra gudda qabu ya bade! Hobolo tante yayu baariini keesaa balleesani. Nami dira kana duri baariini mohate, nama d'aatu jiru ch'ufale mudamsiise. Amma tana, guyya dira kana balleesani, lafti bisaani marsanileeni ch'ufti holatte, nami keesa tauleeni badi teesani arginaani guddo naha. Wonti AABBO Waaqi guddaani jed'u tana: Anini aka dira bade ona tae nami keesa injirre si tolche, bisaani baariini siti fach'aase si liqimsiisa. Anini boola ekhera keesa si buuse, worra haguma duriti achi jiruti si dara. Worra gadi ka due, ona worra suni keesa woliini teetani, deebie nami siti inqubatu, yokhaani atinileeni lafa nama jiru deebite keesa inteetu. Anini aka hama si balleese, deebiani si inargani. Si barbaadani, ammo deebiani si inargani. Nami dubbi tana jed'e AABBO Waaqa. AABBO Waaqi na yaame waan nani jed'e, Worri kanke baariini, ijaartuni tanteleeni aka hobolo mid'aadu si jaarte. Worri gaara Hermoni d'aqe, mukha dadansa ch'ire, hind'eesa Lebanoni ch'ire utuba sii tolche. Ejersa Bashani ch'ire mukha hobolooni oofani tolche, worri mukha d'ed'eera Kipro d'ufeeni, nafa kanke jaare ilka arbaatini ch'okhe. Woya sini deemsisani ta boofta barriti, ta lafa Misiriti d'ufte fagootu beekhani. Darbaala kanke woya bule diimtu lafa Kiproti d'uftuni mid'aasani. Nami si oofulleni worra dira Sidonitifi ka Arvadi keesaa d'ufe. Nami hobolo teesani keesa hojatu ch'ufti hogeeyi. Nami hobolo mid'aasuleeni hogeeyi Gebali d'ufte. Hobolo ch'ufafi nami keesa hojatuleeni fulla tante d'ufe daldala tolche. Askartini lafa Ajemitifi ta Luditifi ta Putu sii duulte. Worri wonteefi kofia sibiila maneeni tante keesa oli keeyate, Nami gurra siti tolcheleeni worruma. Askartini Arvadi naabo tante eedde, nami dira Gamadileeni doofi tante eege. Worri wonte ufi maneeni tanteeti fafannifate. Nami mid'aaguma tana sitini d'ufeleeni worruma. Atini daldala lafa Tarshishitini woliini tolchite qarsifi sibiila guraachafi saldaqafi sibiila qalai qawe iraa mid'aasani fuute miha kanke guddaani woljijirate. Atini lafa Girikitifi ta Tubalitifi ta Mesheki keesa daldalte, miha kanke tissefi waan sibiila diimani mid'aasanini jijiratte. Atini miha kanke fardo miha baatufi ka nama baatufi gaangele lafa Beth-Togarma d'ufteenini jijiratte. Worri Rodi si woliini daldale, ammalle worri lafa afaani baariini tauleeni ilka arbaatifi mukha jaba aka ch'anatini woli jijirate. Worri Shamu miha kanketifi waan heddu lafa tante keesaa baha bitate ammalle worri d'akha ch'uluqa dotifi woya bule diimtufi waan barreesani ch'okhani heddufi woya booftatifi d'akha baariini ka booji fakaatufi d'akha diima ch'uluqale ch'ufa guure miha keetiini woljijirate. Worri Yudatifi ka Israelileeni dargayefi damma, d'ad'a, waan sagaleeni urgeesanini d'ufe waan kanketini siraa bitate. Worri Dedani raro fardatini d'ufe, miha kanketini jijirate. Araftifi worri lafa Kedari mohatuleeni ilmoole hoolatifi elemiyeefi laleesani d'ufe, miha kanketini jijirate. Daldaltuni Shebatifi ta Raama d'akhaye ch'uch'ulut'ufi worqifi qayyaani d'ufte, miha kanketini jijiratte. Dira Haranitifi ka Kannetifi ka Edenitifi, ka Ashurutifi ka Kilmatiifi, daldaltu Shebaleeni ch'ufti si woliini daldalte. Worri woya mimid'aadufi bubule didiimtufi woya barreesani ch'okhanifi makheka barritifi haadafi mseensa aka dansaa fohani siti gurgure. Miha kanke ka daldala hobolo gugurdoti baata. Atinileeni akuma hobolo bisaani keesa deemtu jirta, ta miha daldala gudda baatu. Nami si oofu baariinini si baamnaani, qilleensi ilaboruti d'ufe, d'ae si ch'abse, gara si galche. Miha atini baatu ch'ufafi nama si keesa hojatufi hogeeyi teetifi daldaltu teetifi askartini si gubba jirtu ch'ufti atini ch'ach'abt'e gaargalte jennaani bisaani keesati jige, bisaani liqimsani. Haga iyyanna nama si keesa hojatu, ka bisaani liqimsani, afaani baariini suni ch'ufati d'agayani. Hobolo ch'ufa nami ya keesaa bahe, nami keesa hojatuleeni ya kae yae lafa godduti taake. Worri ch'ufti laalefate sii bohe, biyye matati ufi naqe, daara keesa gangalata. Worri dua tanteeti mata haadate, ch'arqi naqate, garaa hammaate boha. Bohani si faarsani waan jed'ani, Dira kamiti Tiro gahe, ka amma bisaani baariini liqimsani ch'allisisani? Gaafa duri daldala miha kanke lafa d'ibi geesani, gochiti hedduuni gammadde siraa quufte. Ammalle hayyooti hedduleeni mihuma kanke sunini duroomte. Ammo amma tana atini ya ch'ach'abt'e, baariini keesati garagalte, d'immu galaana lit'e. Miha kanketifi nama si keesa hojatule ch'ufa ya si woliini baariinini liqimsite. Nami d'aatu baariini jiru ch'ufti, waan atini taate suni arginaani rifate, hayyoota worrale lubbuuni d'ufte, mudamsuuni fuula worraa iraa mullate. Atini yayu badde! Deebiani si inargani, daldaltuni lafa ch'ufaleeni rifate holate, waan wonti sunini worra qabatu seete mudamti. AABBO Waaqi na yaame waan nani jed'e, Namicha, waan atini hayyu Tirotini jettu, Atini ufi guddifte, kiyyibde keesa dabarte, waaqa ufiini jette. Ammalle atini, Anini waaqa ka barch'uma guddinna ira jiddu baariini tau jetta. Ato waaqa ufi tolchitele atini waaqaniti, namuma. Atini waan Danieli ira qaro ufi seeta waan wonti tokoleeni dandeete si duraa d'okhatu inseetu. Qaroomafi beekhi kanke worqifi qarsiini si duroomse. Atini daldala keesa jabaatte, akasiini guddo woi horatte, duuba hori sunini kiyyibde! Duuba amma wonti AABBO Waaqi guddaani jed'u tana: waan atini qaro aka Waaqa ufi seetufi, anini nyaapa naasu inqamne si haasise, worri hori kanke dansa ka atini beekhafi qaroomani horatte siraa balleesa. Worri si ijeese boola bisaani keesati si awaala. Yo worri si ijeesu d'ufu, atini hojja sunile Waaquma ufiini jetta? Atini Waaqaniti, namuma, yo si ijeesu d'ufani inuma doota. Atini akuma sare harka worra Waaqa imbeennetini doota. Nami waan kana jed'e ana, AABBO Waaqa gudda. AABBO Waaqi na yaame waan nani jed'e, Namicha, dira Tiro faarsi bohi waan jettuuni AABBO Waaqi guddaani waan jed'u, Atini duri nama d'ugaa qajeela, ka nama ch'ufaa akheekha dansaa tae. Ee, atini akami qaro, ammalle akami mid'aada! Atini oobru Waaqa ta Edeni keesa qubatte, faaya ch'uch'uluqa gosa heddu naqate: d'akha diima, d'akha adi ch'ulkicha, d'akha baricha, d'akha doti, ch'abbi ch'ululut'u d'akha ch'ulkicha, d'akha bule ch'ulkicha aka dulo dooqa, d'akha doti, d'akha diima d'iiga. Atini ammalle faaya worqi inqabda faaya kana ch'ufa, gaafa si uumani, sii mid'aasani. Anini malaika nama mudamsiiftu ta si eeddu d'aatu te kaye. Atini gaara kiyya qulqullo gubbaa qubatte, d'akhaye ch'uch'ulut'u ira deemte. Haga si uumani asi, haga ch'ubbuuni si inqabatini, adabi kanke dansa. Atini guddo daldalte duuba wonti sunini had'iisafi ch'ubbu keesa si buufte. Tanaafi anini gaara kiyya qulqullo iraa si had'e, malaikaani si eeddu taanileeni d'akhaye ch'uch'ulut'u taani biraa si gussite. Atini mid'aguma tanteetiini ufi koorsite, guddinni kanke mata si d'owe si daallese. Maro waan kanatifi anini darbaad'e lafa si buuse, aka hayyooti d'ibiini yo waan si tolchani kana gartu sodaatu. Atini daldala kara dabatini tolchite, akanaani fulla Waaqa iti kad'atule t'ureesite. Tanaafi anini amma dira kanke ibida iti kaye gube balleesa. Nami amma d'ufe si laalu daara male woma inargu. Atini yayu badde! Deebiani si inargani, ammalle gochiti ch'ufti ta fuula si beetuleeni rifate, waan wonti sunini worra qabatu seete mudamti. A ABBO Waaqi na yaame waan nani jed'e, Namicha, dira Sidoni abaari waan jettuuni, wonti AABBO Waaqi guddaani jed'u tana: Ee Sidoni, anini yayu nyaapa siti tae, biyyitileeni waan anini si tolchu kana gula na faarsiti. Ammalle hojja anini nama si keesa tau gaargalchu qulqullooma tiyya argani, akanaani aka anini AABBO Waaqa beekhani. Anini d'ukuba siti erge, kara kanke ch'ufa keesati d'iiga lolaasa. Gama ch'ufa si had'ani, nama kanke ch'ufa fit'ani, duuba akanaani aka anini AABBO Waaqa beeta. AABBO Waaqi waan jed'e, Gochiti d'aatu Israeli jirtu, ta worra tufate, deebite gufufi qoraati worrati intaatu. Duuba akanaani worri aka anini AABBO Waaqa gudda beekha. Wonti AABBO Waaqi guddaani jed'u tana: Anini worra Israeli gosa qara worra keesati firfirse keesaa galcha. Duuba akanaani gochiti ch'ufti aka anini qulqullo beeti. Ammalle worri Israeli lafuma ufi ta anini hojatu tiyya Yakoboo kenne keesa qubate, nagayaani tae mana jaarate zabibu oobrata. Anini nama gosa d'ibi ka worra tufate kaani gaargalche akanaani worri Israeli soda male nagayaani taa. Duuba worri akasiini aka anini AABBO Waaqa isaani beekha. Guyya kud'ani lameeso, ka jia kud'anneeso, ka ganna kud'anneeso, ka haga nu boojiani teenne, AABBO Waaqi na yaame waan nani jed'e, Namicha, hayyu Misiri isaafi lafa isaale abaari waan jettuuni, Wonti AABBO Waaqi guddaani jed'u tana: Anini nyaapa kanketi, ee hayyu Misiri, atini nyaacha gudda bisaani keesati galu. Atini galaani nile kiyya, nati mid'aase jetta. Ammo anini hooko sibiila laagati si d'ae qurt'umini galaana keeti ch'ufti siti mamat'ante si ch'ininti. Duuba galaana suni keesaa hirkise sibaase, ka qurt'umini taani ch'ufti siti ch'iiftu siifi qurt'umi taanile ch'ufa lafa goddu bisaani inqamneti d'abba. Ammalle atini akanumati, ka nami tokoleeni si inawaalle, diidumati hafte, anini goblola kanke allaatiifi bineensa ala nyaachisa. Duuba akanaani nami lafa Misiri keesa tau ch'ufti aka anini AABBO Waaqa beekha. AABBO Waaqi waan jed'u, Worri Israeli qarqaarsa si d'aabate, ammo atini laafa ilaadule ingeetu. Worri siti hirkannaani atini ch'ach'abt'e bobaa worraa woraante, dudda worra kute. Duuba amma tana anini, AABBO Waaqi guddaani, waan sini jed'u, Anini nama goraadeeni si ijeesu sitini d'ufe, worri namafi saa kankele fit'a. Misiriini badde ona taati; duuba akasiini aka anini AABBO Waaqa beetani. Waan atini, galaani nile kiyya anati mid'aase jetteefi, Anini nyaapa keetifi ka galaana keeti. Anini lafa Misiri ch'ufa haguma dira Migdoli ka mirgaati iti keeyad'e, dira Aswani ka bita, seera Kushi jiruti d'aabe balleese, ona tolcha. Haga ganna afurtama faana namaatiifi ta bineensa tokole keesati inargani. Anini lafa Misiri badi taka lafa d'ibi keesati inargini itiini d'ufe, haga ganna afurtama diri isii sunini dira lafa ch'ufa ira bade ona taha. Anini nama lafa Misiri ch'ufa lafa isaani keesaa baase, worri baqate lafa d'ibi keesa taa. Wonti AABBO Waaqi guddaani jed'u tana: Eegi ganna afurtama anini worra Misiri lafa qara iti firfirse taani keesaa deebise, lafa worraa, moga bita, fulla worri duri keesaa bahe taaniti galcha. Achiti worri gosa gosa ch'ufa ira muyoo tae, iti deebie lafa d'ibi imohatu. Anini aka male worra laafise, duuba worri itumaa deebie gosa d'ibi irreeni imbulchu. Worri Israeli itumaa deebie qarqaarsa worra ind'aabatu. Duuba akanaani worri Israeli aka wonti worri duri Misiri d'aabateefi kaani wollaala arge hubata. Akanaani duuba worri Israeli aka anini AABBO Waaqa beekha. Guyya qara ka jia qara, ganna diddami torbeeso, ka haga nu boojiani nu teenne, AABBO Waaqi na yaame waan nani jed'e, Namicha hayyuuni Babiloni, ka Nebukadreza jed'ani, ya askarti fud'ate dira Tiro aka hama had'e. Inni askarti isaa waan ulfo baachise, baani sunini rifeensa mata ira luqifte gurmule urte. Ammo hayyichafi askartileeni namu waan tae suni ira woma inarganne. Tanaafi amma tana wonti anini, AABBO Waaqi guddaani, jed'u tana: Anini lafa Misiri hayyu Nebukadrezati kenna, Inni lafa suni had'e saame, balleese, waan worri Misiri qabu ch'ufa boojie, waan suni ch'ufa askarti isati kenne. Waan isaafi askartini isaa naa hojateefi, anini lafa Misiri isaa kenna. Nami waan kana jed'e, ana, AABBO Waaqa gudda. Yo wonti kunini ch'ufti guutamte, anini gosa Israeli jabeese, si Ezekielile aka nami ch'ufti si d'agayu araba sii hiikhe si dubbachiise duuba akanaani aka anini AABBO Waaqa beekhani. AABBO Waaqi na yaame waan nani jed'e, Namicha, fagi waan jettu, wonti AABBO Waaqi guddaani jed'u, tana: Iyyi, lalabi waan jettu, guyyaani badi ya d'ufe! Guyyaani AABBO Waaqa ya d'iaate, guyyaani sunini guyya dumansa ka gosa ch'ufa balleesani. Gaafasi woraani lafa Misiriti kae, badiini lafa Kushi qabati. Nama lafa Misiri heddu fit'ani, lafa worrale saamani balleesani ona tolchani. Had'iisa suni keesati askarti beeseeni lafa Kushitifi ta Putitiifi ta Luditifi ta Araftitifi ta Kubu iraa bitanifi ammalle ta gumi tiyya keesaa baatele ch'ufa infit'ani. Wonti AABBO Waaqi guddaani jed'u tana: Haga Migdoli ta mirgaati iti keeyatani, Aswani ta bitaati d'aabani, ch'ibraa lafa Misiri ch'ufa woraanaani hobaasani. Askarti Misiri ta ufi d'aadule imballeesani. Nami waan kana jed'e ana, AABBO Waaqa. Lafti sunini lafa ch'ufa ira badde qulqullo ona taati. Dira isiile ch'ufa balleesani ona tolchani. Gaafa anini lafa Misiri ibadaani balleese ch'ibra isii ch'ufa hobaasani, worri gaafasi aka anini AABBO Waaqa beekha. Hojja guyyaani sunini d'ufe Misiri balleesani, anini ergattu tiyya hobolooni erge, worra lafa Kushi ka dagu jiru naasise hiriba keesaa kaasa. Guyyaani sunini fago injiru ya walgenne! AABBO Waaqi guddaani waan jed'e, Anini harka hayyu Babiloni, ka Nebukadreza jed'aniini waan worri qabu ch'ufa balleesa. Isaafi askartini isaa, ta naasu inqamneleeni, d'ufte lafa tana balleesani. Worri lafa Misiri goraadeeni had'e, lafa ch'ufa reefa namaatiini guuta. Anini galaana Nile gosse, lafa Misiri harka worra ch'ubbu qabuti kenne nami gosa d'ibileeni lafa suni ch'ufa had'e balleesa. Nami dubbi tana jed'e ana, AABBO Waaqa. AABBO Waaqi guddaani waan jed'u, Anini waan harkaani boch'ani waaqa tolfatanifi waaqa d'ara ka Memfesile imballeesa. Ammalle nama Misiri mohatu deebiani inargani, anini lafa suni ch'ufa keesa nama sodaachise mudamsiisa. Anini lafa Pathrosi ta bita balleese ona tolche, dira Soani ka mirgale gube, daara baasa. Ammalle dira gudda No jed'ani balleese, dira Misiri, ka Sini jed'ani, ka aka jaba jaarani, dallansu tiyyaani balleesa. Anini hori dira Nole balleese, lafa Misiri ch'ufa ibida iti kaye worra sunile aka male lalefachisa. Naabo Soani ch'absani dira suni ch'ufa bisaani iti baafatani. Kaimi dira Onitifi ka Pibesethi woraanaani hobae, jara kaani d'ibile boojiani. Anini humna Misiri, ta isiini d'aabbatte taani ch'absinaani lafti Tapanesi dukanoofti. Ammalle dumansi lafa Misiri d'osse, nama dira isii keesa tau ch'ufale boojiani. Gaafa anini lafa Misiri kara kanani balleesu, worri aka anini AABBO Waaqa beekha. Guyya torbeeso, ka jia qara, ka ganna kud'ani tokeeso, ka nu haga nu boojiani teenne, AABBO Waaqi na yaame waan nani jed'e, Namicha, anini yayu harka hayyu Misiri ch'ach'abse, nami tokoleeni ka ch'aba suni isaa mare hid'e akasiini inni fayye harka sunini deebie goraade qabatu injiru. Amma tana duuba wonti anini, AABBO Waaqi guddaani, jed'u tana: Anini yayu hayyu Misiriti nyaape; anini harka isaa lachu, ka qara ch'abeefi ka inch'abinile, ch'abse goraade harka isaa keesaa buusa. Ammalle anini worra Misiri lafa ch'ufa keesati firfirse, harka hayyu Babiloni jabeese, goraade tiyya harka isaa keesa kaya. Ammalle anini harka hayyu Misiri ch'abse, duuba inni aka hama madae, laalefate ooe, nyaapa isaa durati dua. Ee, anini isa laafise hayyu Babiloni jabeesa. Hojja anini goraade tiyya harka isaa kenne, inni Misiriti fuula deebisu, nami ch'ufti yo suni aka anini AABBO Waaqa beekha. Ammalle anini worra Misiri lafa ch'ufa keesati firfirsa, duuba akanaani worri aka anini AABBO Waaqa beekha. Guyya qara ka jia sadeeso, ka ganna kud'ani tokeeso, ka nu haga nu boojiani teenne, AABBO Waaqi na yaame waan nani jed'e, Namicha, waan atini hayyu Misiritiifi gumi isaa ch'ufaani jettu: Atini guddo jabeenna qabda, siifi eenu dandaani woli fakeesani? Atini hind'eesa Lebanoni fakaata, ka dameeni isaa galmoofte mid'aade baate, fiit'eeni isaa d'eerate dumansati ejitu. Bisaanti jira ka isa baase, madda jala yaa ta isa jireesitu. Madditi sunini fulla mukhi eju yaate, mukha badda suni ch'ufa bisaani quubsite. Inni, maro bisaani aka dansaa argatuufi, mukha ch'ufa ira d'eerate dameeleeni isaaleeni fufurdate d'ed'eerate. Simpirreeni lafa keesa jirtu ch'ufti dameele isaa irati mana jaarate, bineensi alalleni isa jalati ilmaani d'ale, gochiti lafa ch'ufaleeni gaadisa isaa jala boqotti. Mukhi sunini akami mid'aaga — old'eerate dameele d'ed'eertu baasa. Hiddi isaaleeni gadi fagaate, madda jala burqitu d'aqaba. Hind'eesi tokoleeni, ka oobru Waaqa keesa jiru, ka isaani wolfakaati injiru. Mukhi tokoleeni ka dame akasi qabu injiru. Mukhi abratu fakaatu ka akasi galmaleeni injiru. Mukhi oobru Waaqa keesa jiru, ka akasi mid'aagu, tokoleeni injiru. Anini dame isaa galmeese, akasiini mukhi ch'ufti ka oobru Waaqa ta Edeni keesa jiru, isa halcha. Duuba amma tana anini, AABBO Waaqi guddaani, waan mukhi d'eerate duumansa gahu sunini tahu siti hima. Inni akuma bahe old'eeratuni ufi saada; tanaafi anini isa dide, harka hayyu lafa d'ibiti kenna. Inni ch'ubbu mukha suni gula waan isaa male tolcha. Gochiti d'ibiini, ta naasu inqamne, d'ufte isa murte, qaarifte yaalabaati. Dameeleeni isaa ch'ufti gaara gubbafi bale ch'ufa keesati jidde, gochiti qara isaa jala boqatu taani ch'ufti kaate biraa yaati. Simpirreeni d'ufte mukha qaarie suni ira teteete, bineensi alalleni d'ufe dameele isaa ira yaa. Tanaafi armaa achi mukhi tokoleeni, ato haga fed'u madda gubba ejele, deebie haga mukha suni ind'eeratu, yokhaani old'eerate fiit'eeni isaaleeni dumansa intut'u. Mukhi ch'ufti, akuma namaa due boola ekhera d'aqa. Wonti AABBO Waaqi guddaani jed'u tana: Guyya mukhi sunini due boola ekhera d'aqu, anini bisaani madda iti fach'aasa, aka wonti sunini akheekha boha taatufi. Ammalle anini yaasuma galaana kute, madda heddule yau d'owa. Waan mukhi kunini duefi, anini gaareeni Lebanoni ch'ufa dukaneese mukha badda isiile ch'ufa gogosa. Hojja anini mukha suni boola ekhera keesa buusu, dibbeesi lafa d'aicha isaa gosa ch'ufa chochoosa. Qaariitini isaa suni mukha Edeni ch'ufafi mukeeni Lebanoni ta bisaani burqa gubba ejaanjitu ch'ufa ta boola ekhera d'at'e, guddo gammachiifti. Mukeeni sunini ch'ufti, mukha suni woliini, gara mukeeni duru qaqarite, ta boola ekhera keesa jirtu taani, d'at'i. Ammalle nama gaadisa mukha suni jala boqotu kaani ch'ufa gosa ch'ufa keesati firfirsani. Mukhi sunini hayyu Misiritiifi nama isaa ch'ufa. Mukhi tokoleeni ka Edeni keesa jiru, ka akasi d'eerate mid'aagu, tokoleeni injiru. Ammo amma tana akuma mukeeni Edeni taani, mukhi suni boola ekhera d'aqe, worra Waaqa imbeenneefi ka woraanaani d'umeti darama. Nami waan kana jed'u ana, AABBO Waaqa gudda. Guyya qara, ka jia kud'ani lama, ka ganna kud'ani lameeso, ka nu haga nu boojiani teenne, AABBO Waaqi na yaame waan nani jed'e, Namicha, hayyu Misiri aka dansa gorsi waan jettuuni: Atini gosa d'ibi aka nyeench'a mohata, ammo nyeench'a suni ira atini nyaacha galaana dakhaatu fakaata. Atini miila keetiini bisaani booreesite galaana t'ureesita. Hojja gochiti hedduuni wolti baatu, anini t'ururaani si qabe, worri bisaani keesaa si hirkisa. Anini fuud'e ala si buuse allaatiifi bineensa alalle ch'ufa si nyaachisa. Anini gaareenifi baleele reefa kanke ka shameeni guuta. Anini d'iiga kanke jisse gaareenifi galaanaleeni guuta. Hojja anini lafa si balleesu suni, anini gubba d'osse, urjile mullachu d'owa. Aduuni duumansa lit'e, jiileeni dukanaa. Anini ifsa gubba jiru ch'ufa d'aanfe lafa ch'ufa dukana sipe tolcha. Nami dubbi tana jed'e ana, AABBO Waaqa gudda. Hojja anini lafa isani taka waan isii ind'agayini keesati odu badi teesani odeesu, gochiti hedduuni imaadefati. Wonti anini si tolchu sunini gosa heddu rifachiifti. Hojja anini goraade tiyya raraase d'ufe, hayyootileeni mudamte holatti. Guyya atini baddu suni hayyoota ch'ufa lubbuuni d'ufte holatti. AABBO Waaqi guddaani waan hayyu Misiritiini jed'u, Atini goraade hayyu Babilonitini badda, ammalle anini askarti gosa naasu inqamne, ta goraadeeni nama hobaaftu, siti erge, worri d'ufe nama kanke ch'ufa hobaasa — nama kanke ch'ufafi waan kanke ka atini koorte mataani d'aabdu ch'ufa hobaasa. Anini ela ch'ufa irati looni kanke hobaase, duuba akanaani namafi saa ka bisaani booreesu d'abani. Anini bisaani kanke ka boorae qulleese, galaana kankele laana yaasa. Hojja anini lafa Misiri ona tolche nama keesa tau ch'ufa balleesu, worri aka anini AABBO Waaqa beekha. Gorsi jabaani kunini faaru boha namaa taha. Nad'eeni gosa ch'ufa booteefi faarsiti. Nami dubbi tana jed'e ana, AABBO Waaqa gudda. Guyya kud'ani shaneeso, ka jia qara ka ganna kud'ani lameeso, ka nu haga nu boojiani teenne, AABBO Waaqi na yaame waan nani jed'e, Namicha, nama lafa Misiri keesa tau heddu muumme inqamne suni bohi. Gosa jajabdu taani woliini boola ekherati worra galchi. Waan jettuuni: Isani waan nama ch'ufa ira mid'aadani ufi seetani? Isani boola ekherati galtani, nama Waaqa imbeenneni woliini teetani. Worri Misiri nama woraanaani hobae woliini raawata. Goraadeeni kurfo jirti, aka worra lafaa hobaaftu. Jara duri jannoomaani gurra baafateefi ammalle jari woraana keesa worra Misiriti kalche, ka amma due boola ekhera keesa jiru, boola suni keesati worra Misiri ka raawateeni dubbate waan jed'u: Worri waaqa imbeenne ka woraanaani raawate kaani, ya arma d'ufe, ka ch'iisu kana, laala! Worri Ashuru ka irreesi askarti isaani marse woli gaheleeni achi jira. Worri kunini ch'ufti woraanaani hobae, awaali worraleeni qile boola ekhera ke jira. Askartini worraa ch'ufti woraana keesati d'umte irreesi worraleeni awaala isanii marse woli gahe. Ammo qara duri askartini tunini, gaafa jirtu, guddo nama mudamsiifti. Worri Elamuleeni, ka irreesi askarti isaani marse, achi jira. Askartini sunini ch'ufti lola keesati raawate, ato qabanqaba inqabatini boola ekherati gabuute. Worri gaafa jiru nama mudamsiise, ammo amma ya raawatani ch'eera irati hafani. Ammalle worri Elamu worra woraanaani hobae woliini ch'iise, irreesi askarti isaanileeni worra marse woli gahe. Worri ch'ufti ato qabanqaba inqabatini woraanaani hobae. Worri gaafa jiru nama mudamsiise, ammo amma ya raawate ch'eera irati hafe, qooda worra woraanaani hobae argate. Meshikifi Tubalileeni, ka irreesi askarti worraa marse woli gahe, achuma jirani. Worri kunini ch'ufti ato qabanqaba inqabatini raawate; ammo duri gaafa jirani guddo nama mudamsiisani. Worri kunini awaala dansa ka aka jannooti duri argate kaani, inarganne. Worra suni miha worraa ka duula kaani woliini awaalani, goraade mata jala naqani wonte worrale iti gogombisani. Jari jannooti kunini gaafa jiru guddo nama mudamsiise. Aki worri Misiri hobau akasuma — worri worra qabanqaba inqabatini, ka woraana keesati hobaeni woliini butute ch'iisa. Worra Edomutifi hayyoota isanitifi jaaroleeni isaani ta lafa mohatuleeni achi jirani. Jari kunini qara askarti jajabdu, ammo amma tana worri askarti qabanqaba inqabatini, ta woraana keesati raawateeni woliini boola ekhera keesa ch'iisa. Jaarole lafa mirga mohatufi worri Sidonileeni achi jirani. Worri gaafa duri irre qabu nama mudamsiise, ammo ammatana nama woraanaani hobae ka qabanqaba inqabatini, woliini ch'eersani, boola ekhera keesa ch'ibsisani. Worri sunini qooda worra ch'eeraani boola ekherati gale agarta. Hayyu Misiritiifi askartini isaa worra kana ch'ufa ka woraanaani hobae arginaani garaa jabaatte. Nami dubbi tana jed'e AABBO Waaqa. Anumati hayyu Misiritini, nama jiru mudamsiisi jed'e, ammo isaafi askarti isaale woraanaani hobaasani, worra qabanqaba inqabatini ka woraanaani raawate woliini boola ekherati galcha. Nami waan kana jed'e AABBO Waaqa gudda. AABBO Waaqi na yaame waan nani jed'e, Namicha, waan atini gosa teetiini jettu, yo anini woraana lafatini d'ufe, worri lafa suni nama lafa eegu tolfata. Nami suni yoyu nyaapa gad'ufu argu, iyye aka nyaapi d'ufu namati hima. Inni magalaata d'ae, aka nyaapi d'ufu nama ch'ufa beesisa. Yo nami magalaata suni d'agaye ch'aqasu dide nyaapi sunini d'ufe isa ijeese, inni ufuma haalata. Wonti inni ufi haalatufi waan inni iyyanna d'ufiisa nyaapa himtu odu kaasu dideefi. Inni ato sila waan suni odu kaase duraa fa baha. Ammo yo namichi nyaapa eegu kaani nyaapa d'ufu arginaani magalaata d'au dide, nyaapi d'ufe worra ch'ubbu suni hobaase anini namicha lafa eegu suni qabad'a. Namicha, amma tana anini nama gosa Israeli eegu si tolcha. Gorsa anini siti himu kana jabeesi worrati himi. Yo anini ch'ubbicha yaame, atini indoota jed'eeni, ka atini isa yaamte, kara kanke hama kana iraa deebii, hegeri indoota jette ingorsini, inni dabuma suni keesa dua, duuba duisa isaa suni si qabad'a. Ammo yo atini ch'ubbicha suni gorsite, inni daba lakisu dide, inni dabuma suni keesati dua, ammo atini lubbu tante imbaafta. AABBO Waaqi na yaane waan nani jed'e, Namicha waan atini worra Israelitini jettu, wonti isani jettani tana: Wollaali keennafi ch'ubbuuni teennaleeni yayu ulfinna nuti taate nyaate nu fit'e. Amma akamiini jireenna arganna? Duuba waan jettuuni, AABBO Waaqi guddaani waan jed'u, Anini inkakhad'a, aka hojja ch'ubbichi duu ingammanne. Anini sila fulla suni aka inni ch'ubbu lakise jiraatu fed'a. Worra Israeli, ch'ubbu teesani iraa deebia. Isani maafi duu feetani? Namicha, amma tana waan atini worra Israelitini jettu, Hojja nami d'uga ch'ubbu tolche, d'ugaani duri inni tolche taani isa imbaaftu. Ch'ubbichale yo inni ch'ubbu iraa deebie, diqole imballeesani; ammalle yo nami d'ugaa qajeelani ch'ubbu tolche inni lubbu imbahu. Yo anini nama d'ugaatini, Atini injiraata jed'e, ammo inni, wonti dansaani duri ani tolche taani ya naa geete jed'e, garagale ch'ubbu tolche, anini waan dansa duri inni tolche tokole inhereguufi. Inni maruma ch'ubbu ufitifi dua. Yo anini nama ch'ubbichani, Atini indoota jed'e, ammo inni ch'ubbu suni iraa deebie waan d'ugaa ka qajeela tolche — dubbi jenne, yo inni qabdo duri nami isa ira woi liqeefate isati kenne galche, yokhaani waan hatele deebise — yo inni daba lakise aada jireenna namaa kennitu gula deeme, inni induu injiraata. Anini ch'ubbu inni tolche inaraaramafi, innileeni maro waan d'ugaa ka qajeela tolcheefi injiraata. Duuba worri keesani kama waan kana argu, karaani AABBO Waaqa qajeelaniti jed'a! Ammo akasiiniti, karaani qajeela intahini kamu worrati. Hojja nami d'ugaa qajeelani d'ugaafi qajeeluma isa suni lakise waan hamtu tolche, inni inuma dua. Ammalle hojja ch'ubbichi ch'ubbu ufi lakise waan d'ugaa ka qajeela tolchu, inni lubbu ufi baasa. Ammo isani worri Israeli, karaani AABBO Waaqa qajeelaniti jettani. Tanaafi anini isani namu woma inni taheeni qora. Guyya shaneeso, ka jia kud'anneeso, ka ganna kud'ani lameeso, ka nu haga nu boojiani teenne, nami toko ka dira Yerusalemu keesaa baqate nati d'ufe waan nani jed'e, Dira kenna ya nyaapi balleese. Galgala inni d'ufe suni aka kaleeti, harki AABBO Waaqa na tuqe jennaani afaani na duudani. Boriyyaate namichi kaani d'ufnaani AABBO Waaqi afaani na bane. AABBO Waaqi na yaame waan nani jed'e, Namicha, worri dira Israeli ka bade ona tae suni keesati galu, waan jed'u, Abrahamuuni nama toko ch'alla, ammo lafa ch'ufa isaa kennani; nu nama heddu, tanaafi lafti teennuma. Duuba waan atini worraani jettu, AABBO Waaqi guddaani waan jed'u, Isani fooni ato d'iiga keesaa imbaasini nyaattani, waaqa d'ara ka harkaani boch'ani kad'attani, namale ijeeftani. Ka isani ufiftu akasi taatani, lafti maanini teesani taati re? Isani ammalle goraaduma teesani d'aabbattani, waan hamtu taatani, nad'eeni biyyale barattani, ka isani ufiftu waan akana kana taatani, lafti maanini teesani taati re? Waan atini worra kanani jettuuni; wonti AABBO Waaqi guddaani jed'u tana, Anini inkakhad'a, aka nami dira balleesani ona tolchani suni keesa tau hobae, nami nama dira intahini, ka badiale, bineensi ala nyaate fit'u. Anini lafa tana balleese ona tolche irre worraa ta worri d'aabatule hobaasa. Gaareeni lafa Israelileeni baate duude danqara nami tokoleeni dandae keesa imbaane taate. Yo anini ch'ubbu worrati jed'e, lafa balleese ona tolche, akanaani worri aka anini AABBO Waaqa beekha. AABBO Waaqi waan jed'e, Namicha, biyyiti yo wolwoldeete naabo keesati wolti baate afaani ch'icha mana worraa ejaanjatule woma kanke dubbate waan woliini jettu, me koota, waan AABBO Waaqi jed'e d'ageenna. Duuba gumiini tiyya wolti baate, waan atini jettu ch'aqasu d'ufti, ammo dubbi tante suni tokole gula iyyaatu; isiini akuma sirba worrati jirti, worri tanaleeni iraa deebie sabdooma ufi illakisu. Atini worraa namuma kirari d'ae nad'eeni faarsu fakaata. Worri dubbi tante ch'ufa inch'aqasa, ammo diqole gula iyyaau. Ammo ya dubbini tante ch'ufti guutamtu — isiini inuma guutamtile, hojja suni worri aka raagi d'ufe worraa woi fage beekha. AABBO Waaqi na yaame waan nani jed'e, Namicha, worra lafa Israeli mohatu abaari waan jettuuni, wonti AABBO Waaqi guddaani jed'u tana: Isani tissituuni Israeli ya baddani! Isani ufuma qorqoratani male, hooliye inqorqoranne. Isani aanani d'uddani, woya dabassa hooliyeetini mid'aafattani, hooliye gagabbo qalatani nyaattani, ammo hooliye suni diqole injabeesine. Isani hooliye suni ta haalate inqorqoranne, ta fayya inqamne infayyimne, ta ch'ach'abt'ele inhiine, ta kara iraa gortele indeebimne, yokhaani ta badele barbaaddani ingalchine, ammo isani nahuufi diddani dabsitani. Waan hooliyeeni sunini nama tissu inqamneefi isiini fulla ch'ufati gargari bitinoofte, bineensi ala hobaase. Duuba akanaani hooliyeeni tiyya kubileefi gaareeni d'ed'eertu ch'ufa ira yaate, lafa ch'ufa keesati bitinoofte, ka nami tokoleeni isi barbaade yokhaani odu isi inkaasini. Tanaafi amma isani tissitu waan anini, AABBO Waaqi jed'u ch'aqasa. Anini inkakhad'a waan bineensi ala hooliye tiyya ta tissitu d'abde had'e nyaate, ammalle waan tissituuni sunini hooliye tiyya ta bade barbaadu didde ufi qorqoratte ammo hooliye suni yaalu diddeefi, isani worri tissitu, dubbi AABBO Waaqa ch'aqasa. Anini, AABBO Waaqi, guddaani yayu isaniti nyaape, anini aka isani iti deebitani tissitu tiyya intaane, hooliye tiyya isani iraa fud'ad'e, aka isani ufi ch'alla maamulatani deebie ee injed'u. Anini hooliye tiyya harka keesanii fuud'e nyaata isii isani d'owa. AABBO Waaqi guddaani waan jed'u, Anumati hooliye tiyya barbaade qorqorata. Akuma tissituuni ree ufi, ta gargari firfirfamte, wolti deebise qorqorattu, aninileeni akasuma hooliye tiyya ta guyya dumansa ka dukana gargari firfirmte, fulla ch'ufaa wolti guure qorqorad'a. Anini lafa gosa d'ibi keesaa worra baase, wolti deebise, lafa isaniti galcha. Anini gaareenifi madda Israeliti worraa deebise, marra dansa tissa. Anini gaarafi baleele keesa nagayaani worra marra dansa tikhachisa, ammalle marra dansa lafa Israeli ch'ufa. Anumati hooliye tiyya tisse isi fulla boqota iti barbaada. Nami dubbi tana jed'e ana, AABBO Waaqa gudda. Anini ta bade barbaade ta d'eeda gortele d'ae woli gula deebise ta ch'abt'e hid'e, ta fayya d'abde fayyisa; ammo ta gabbatte irre baafte inqaqala, wonti akanatiifi anini tissitu waan d'uga ch'alla tolchitu. Duuba amma, hooliye tiyya, waan keesani ka anini, AABBO Waaqi guddaani, jed'u ch'aqasa: Anini isani dadansaafi hamamole gargari baase, hoolafi laleesale gargari foha. Isani hagi gari marruma dansa nyaattani kanale balfitani nyaachu diddani miilaani ira ejaanjattani! Bisaani qullo d'uddani, ka isani iraa hafele keesa ejaanjattani booreesitani? Ammo hooliyeeni tiyya d'ibiini marra isani ira ejaanjattani kaani nyaate, bisaani isani booreesitani kaanile d'uddi. Tanaafi AABBO Waaqi guddaani waan woraani jed'u, Anumati hooliye gagabboofi huhuqole gargari foha. Ammo isani, ta fayya inqamne gaafa keesanini haatani hooliye keesaa baaftani. Ammo anini hooliye tiyya waan kana jalaa baase, aka ituma deebiani indabsine tolcha. Anini hooliye tiyya ch'ufa fohe dansaafi hamtu gargari baasa. Anini hayyu aka hojatu tiyya Daudi jiru worraa kenna, ka tisse worra qorqoratu. Anini, AABBO Waaqi, Waaqa worraa tae, Hayyuuni hojatu tiyya Daudi fakaatuleeni worra mohata. Nami dubbi tana jed'e ana, AABBO Waaqa. Anini wold'aqisa nagayaa worra woliini tolfad'e bineensa hamama lafa keesa jiru ch'ufa balleesa, aka akanaani hooliyeeni tiyya nagayaani diidafi baddale keesa oolte bulti. Anini isii eebise, d'aatu gaara kiyya qulqullo, tisse, gannaafi hagayya roobaafi. Duuba mukeeni ch'ufti mid'aani baafte, oobruleeni ch'ufti sagale baafte, nami ch'ufti nagayaani fulluma ufi taa. Hojja anini sansalata gumi tiyyaani hid'ani ch'abse worra worra boojie tisse tolfate kaani jalaa baasu, hojja suni worri aka anini AABBO Waaqa beekha. Gochiti Waaqa imbeenneleeni itumaa deebite worra haate insaamtu, ammalle bineensi alaalleni itumaa deebie worra nyaate infit'u. Worri nagayumani taa, nami deebie worra mudamsiisu injiru. Anini lafa guddo mid'aani baaftu worraa kenne beelale lafa suni keesaa balleesa. Gochiti d'ibileeni deebite worra goyeesite intufattu. Duuba akanaani nami ch'ufti imbeekha aka anini Israeli qorqorad'u, aka worrileeni gumi tiyya. Nami dubbi tana jed'e ana, AABBO Waaqa gudda. Isani hooliye tiyya ta anini tissu, aninileeni Waaqa keesani. Nami dubbi tana jed'e ana, AABBO Waaqa gudda. AABBO Waaqi na yaame waan nani jed'e, Namicha, lafa Edomu abaari. Waan jettuuni, AABBO Waaqi guddaani waan jed'u: Gaareeni Edomu, anini nyaapa keesani! Anini harka isaniti olfud'ad'e balleese ona isani tolcha. Anini dira keesani balleese ona tolche, lafti teesanileeni aka hamtu baddi; duuba akanaani aka anini AABBO Waaqa beetani. Isani haguma duriti nyaapuma Israeliti, ammalle nama isi harka nama woraanaani nama fit'uti lakiftani, guyya maro ch'ubbu isiitiifi worra balleesani. Tanaafi anini, AABBO Waaqi guddaani waan jed'u, muummeeni teesani duuma, jalaa imbaatani. Isani nama woraanati woraanuma sunini ch'ittani. Anini lafa gaareeni ta Edomu balleese ona tolche, ideemtu isii keesa baatu ch'ufa hobaasa. Anini gaareeni ch'ufa reefani guute, goblooli nama woraanaani hobae gaareenifi bale keesa guuta. Anini haga jiru jireenna lafa teesani balleese ona tolche, dira keesanile aka nami dandae keesa inteenne tolcha. Duuba akanaani aka anini AABBO Waaqa beetani. Isani, gosa Yudatifi ta Israeli lafa worraatini woliini qamne fud'anna jettani — ato anini AABBO Waaqa worraa tahele. Duuba anini, AABBO Waaqi guddaani, amma inkakhad'a, waan isani worra kiyyati dallantani d'iibifatani jibbitaniifi, anini haalo tana imbaasa. Duuba akanaani worri imbeekha, aka anini, maro isani worra woi tolchitaniifi, isani gaargalchu. Duuba isani aka anini, AABBO Waaqi, isani tufi keesa gaareeni Israeli ya ona taate, ammalle ya nuti kennani aka nu balleesinu jettani d'agaye, beetani. Anini aka isani kiyyibdani, dubbi heddu dubbattani afaani keesanini ufi guddiftanile ya d'agaye. AABBO Waaqi guddaani waan jed'u, Anini aka taka nami inargini balleese ona si tolche nami lafa keesa jiru badi tante suni iraa gammada, akuma isani gaafa gumi tiyya ta Israeli balleesani kaani iraa gammaddani. Gaareeni Edomu ee lafti Edomu ch'ufti badde ona taati. Duuba akasiini nami ch'ufti aka anini AABBO Waaqa beekha. AABBO Waaqi waan jed'e, Namicha, gaareeni Israeli tanati dubbad'i waan jettu, Ee gaareeni Israeli, dubbi AABBO Waaqa d'agaya; nyaapi keesani qilit'ame waan jed'e, Amma tana gaareeni Israeli ta duri jirtu ch'ufti teenna! Tanaafi amma fagi waan jettuuni, AABBO Waaqi guddaani waan jed'u: gaafa gochiti d'ibiini ta nyaapa keesani isani qabde isani saamte, worri gaafasi worra Israeli miid'e. Tanaafi ee, gaareenii Israeli waan AABBO Waaqi guddaani jed'u d'agaya. Wonti inni gaareenifi kubileefi maddafi baleefi onneeni teesanifi dira keesani ka nyaapi keesani balleese waan keesa jira ch'ufa saame, iti tabateeni jed'u tana. Anini, AABBO Waaqi guddaani, owa dallansu tiyya keesa, yayu gosa d'aatu teesani jirtu ch'ufa, keesuma gosa Edomuti dubbad'e. Worri na tufate lafa tiyya waan isiini qabdu ch'ufa saame gammaddani fud'ate. Tanaafi waan lafa Israeli fagi; gaareenifi kubileefi maddafi baleeni waan jettu, AABBO Waaqi guddaani waan jed'u, waan gochiti d'ibiini isani arabsite isani ch'eersiteefi, anini obsu dad'abe dallansu tiyya keesa worrati dallana. Anini, AABBO Waaqi guddaani waan jed'u, Anini inkakhad'a, aka gochiti d'aatu teesani jirtu tunini ch'ufti ch'eeraani baddu male inteenne. Ammo isani, gumi tiyya ta Israeli gaareeni teesani gubba mukeeni deebite obeensaafi mid'aanile baafti Isanileeni d'iotu lafa teesaniti galtani. Anini gama keesani jira waan ch'ufa keesati isani eebise, isani lafa qotattani fach'aafattani. Anini nama keesani daraarse, lafa ira dabarse isani dira keesani ka duri bade ona tae kaani ch'ufa jaartani iti qubattani. Anini namaafi saa keesani ch'ufa horsiise lafa ira dabarsa. Isani lafa ira dabartani, ilmaani heddu d'altani. Anini akuma duri isani achi teetani kaani achi isani teesise, haga duri kaanile ira isani horsiise, isani deebansa. Duuba akanaani aka anini AABBO Waaqa beetani. Anini isani, gumi tiyya ta Israeli, lafa tanati deebise iti isani qubsisa. Lafti tunini teesani taati, ilmaani teesanileeni deebite imbeeloftu. AABBO Waaqi guddaani waan jed'u, Duri lafti goorjama namati taate nama nyaate ilmaani nama jalaa guurate jed'ani. Ammo armaa achi lafti deebite goorjama taate ilmaani teesani inguuratu. Nami dubbi tana jed'e ana, AABBO Waaqa gudda. Lafti deebite gosa isi goyeesitufi nama isi miid'u inch'aqaftu lafti deebite ilmaani nama jalaa inguuratu. Nami dubbi tana jed'e ana, AABBO Waaqa gudda. AABBO Waaqi na yaame waan nani jed'e, Namicha, gaafa worri Israeli lafa ufi keesa tau kaani, worri woma taheeni lafa ufi t'ureese. Anini ammalle worra suni jibbe, worri niiti aada uwa qabdu, ta qulqullo intahini nati fakaate. Waan worri lafa suni keesati nama fit'e Waaqa harkaani boch'ani kad'ateefi, anini worrati dallane. Anini finna worra kana jibbe lafa gosa d'ibi keesati worra firfirse. Worri fulla yau ch'ufati maqa kiyya qulqullo balleese; wonti akanatiifi nami worra argu ch'ufti waan jed'u, worri kunini gumi AABBO Waaqati, ammo lafa inni kenneefi suni keesumaa baasani. Waan worri Israeli fulla deemu ch'ufati maqa kiyya qulqullo yakeefi, garaani na hammaate. Tanaafi amma tana waan atini worra Israelitini jettu, AABBO Waaqi guddaani waan jed'u, anini waan amma tolchu kana isani worra Israeliti jed'e intolchu, ammo maro maqa kiyya, ka isani fulla yaatani ch'ufati balleesitanifi, tolcha. Yo anini gosa ch'ufa qulqullooma maqa kiyya jaba, isani nama ch'ufa durati balleesitani kana garsiisu — worri hojja suni aka anini AABBO Waaqa beekha. Nami dubbi tana jed'e ana, AABBO Waaqa gudda. Anini isaniini qulqullooma kiyya gosa ch'ufa garsiisa. Anini gosa ch'ufafi lafa ch'ufa keesaa wolti isani guure lafa teesaniti isani galcha. Anini bisaani qullo isaniti fifit'e, akasiini waaqoota d'ara ka isani kad'atanifi waan hamtu isani ufiini t'ureesitani ch'ufa isani iraa qulqulleesa. Anini garaa haareesafi qalbi hareeti isanii kenna. Anini garaa keesani jajaba aka d'akha suni jijire, garaa laana ka Waaqaa saalfatu isanii kenna. Anini lubbu tiyya isani keesa kaye, seera kiyyafi aada anini isanii kenne ch'ufa isani guuchisiisa. Duuba isani lafa anini ababoota teesanii kenne keesa teetani, gumi tiyya taatani, aninileeni Waaqa keesani taha. Anini waan isani t'ureesa ch'ufa keesaa isani baase, isanii eebise, lafti teesanileeni aka isani deebitani beela ingarre, mid'aani guddo isanii baafti. Anini mukeeni teesani ta mid'aanitifi oobru teesani ch'ufa eebise, isiini guddo sagale isanii baafti, aka isani deebitani beelooftani gosa d'ibi durati inch'eere. Isani huji teesani hamtufi wollaala isani tolchitani qaabatani, maro dabaafi ch'ubbu teesani tanaatiifi ufi jibbitani. Worra Israeli, anini waan kana ch'ufa isanii jed'e intolchu, beekha. Wonti anini fed'u aka isani waan hamtu tolchitani kaani iraa ch'eertani, ch'eeri keesani mullatu. Nami dubbi tana jed'e ana, AABBO Waaqa. AABBO Waaqi guddaani waan jed'u: Guyya anini ch'ubbu teesani isani iraa d'iqu, anini dira keesani ka bade ona taheti isani deebise, duuba isani dira suni ch'ufa ammalle jaartani. Nami qara d'aatu oobru teesani bahe ch'ufti, aka isiini badde raasa taate ya arge, ammo isani iti deebitani qotatani. Duuba nami ch'ufti waan jed'u, lafti tunini ta duri badde ona taate ya aka oobru Edeni taate ammalle dira ch'ach'absani saamani ona tolchani kaani yayu iti qubatani jabeesani jaarani. Duuba akanaani gochiti d'aatu teesani jirtu, ta woraana jalaa baateleeni, aka anini, AABBO Waaqi, dira bade ona tae jaare, oobru badde raasa taatele oobre beeti. Dubbi tana ana, AABBO Waaqati jed'e, guutu male intau. AABBO Waaqi guddaani waan jed'u, Anini ammalle kad'acha worra Israeli d'agaye, waan worri fed'u ch'ufa guutaafi: Anini worra daraarse deebanse aka hoola ree lafa ira dabarsa. Dira amma bade ona tae kana akuma duri dira Yerusalemu hooliyeeni jila sorioti qalani guute, akasuma nami guuta. Duuba akasiini aka anini AABBO Waaqa beekhani. Harki AABBO Waaqa na tuqe, lubbuuni isaa na fuute, jiddu bale lafeeni nama guute na d'aabde. Inni bale suni ch'ufa keesani na deeme, jennaani anini lafele gogodde heddu ta achiti turte bale suni keesati arge. Inni waan nani jed'e, Namicha, lafeleeni tunini deebite jiraate nama intaati? Anini waan jed'eeni, Ee AABBO Waaqa gudda, tana sumati beekha! Jennaani inni waan nani jed'e, lafele tanaa fagi waan jettuuni, Lafele gogodde, dubbi AABBO Waaqa ch'aqasa. Wonti AABBO Waaqi guddaani lafele tanaani jed'u tana: Lafele tana, Anini hafuura isaniti deebise isani jireesa. Anini morgaafi fooni isaniti deebise goga isaniti uyisa. Anini hafuura isani keesa kaye lubbu isaniti deebisa. Duuba akanaani aka anini AABBO Waaqa beetani. Jennaani anini akuma nani jed'ani kaani fage. Ato anini tae dubbad'u lafeleeni taani ch'ufti kakate wold'oofte, wolti mamat'ante; jennaani yo anini jed'e, lafeleeni taani foonifi morgaa baafte gogale horate. Ammo hafuuri keesa injiru. Duuba Waaqi waan nani jed'e, Namicha, qilleensati fagi waan jettuuni wonti AABBO Waaqi guddaani jed'u tana: Gara ch'ufaa kooti, reefa kana hafuura tahi, lubbu iti deebisi. Jennaani anini akuma nani jed'ani kaani fage, qilleensi kaani reefa kaani duude, reefi suni ch'ufti lubbu horate oli ejaanje duula gudda tae. Duuba Waaqi waan nani jed'e, Namicha, worri Israeli akuma lafele tana jira. Worri waan jed'u, Nu yayu gogonne, ufi jibbaanne, waan iti yaanule wollaale. Tanaafi fagi, waan atini worra kiyya ka Israelitini jettu, Anini, AABBO Waaqi guddaani, awaala keesani bane reefa keesani keesaa fuud'e, lafa Israeliti isani deebisa. Yo anini irreesa iti isani awaalani bane keesaa isani yaase, isani gumiini tiyya, aka anini AABBO Waaqa beetani. Anini hafuura kiyya isani keesa kaye lubbu isaniti deebise lafa teesani keesa isani teesisa. Duuba akasiini aka dubbi tana AABBO Waaqi jed'e ammalle guute beetani. Nami dubbi tana jed'e, ana, AABBO Waaqa. Ammalle Waaqi nani dubbate waan jed'e, Namicha, ule toko fuud'i, uleeni tunini ta worra Yuda jed'i, irati t'aafi ule d'ibile fuud'i uleeni tunini ta worra Israeli jed'i, irati t'aafi. Ule suni lachu mata wolti d'aabi, ule toko fakeesi. Hojja biyyiti, wonti kunini maani? Jette si gaafatte, waan jettuuni wonti AABBO Waaqi guddaani jed'u tana: Anini ule Yudatifi ta Israeli fuud'e, ule tana lamaani ule takaa tolche, isiini harka kiyya keesati takaa taati. Ule lamaani tana olfuud'i biyya garsiisi. Waan jettuuni, wonti AABBO Waaqi guddaani jed'u tana. Anini nama kiyya ka gosa d'ibi keesa jiru keesaa fuud'e wolti deebise lafa isaaniti galcha. Anini gaareeni Israeli irati worra ch'ufa nama takaa ka lafa toko, tolcha. Duuba hayyuuni toko worra fide, worri deebie gosa lama ta hayyooti lama fiddu intahu. Worri deebie waaqoota harkaani boch'ani kad'ate waan hamtu tolche, akasiini ufi int'ureesu. Anini kara worri dabaani tolche nara goruni ch'ufa worra iraa gorse worra qulqulleesa. Duuba worri gumi tiyya tae, aninileeni Waaqa worraa taha. Hayyuuni hojattu tiyya Daudi fakaatu toko hayyu worraa tae, worri hayyu takaa jalati bule aadaafi seera kiyya aka dansaa guuta. Worri lafa anini hojattu tiyya Yakobo kenne, ta ababooti worraa keesa teete, keesa tae, worraafi ilmaani worraatifi d'alooti worraa ch'ufti haga jiru jireenna achuma taa. Ammalle hayyu hojattu tiyya Daudi fakaatuti haga jiru jireenna worra mohata. Anini wold'aqisa nagaya, ka haga jiru jireenna jiru, worraani woliini tolfad'a. Anini worra jabeese, daraarse deebanse, Mana kiyya ka haga jiru jireenna tau lafa worra keesati jaarad'a. Anini achi worra woliini tae, Waaqa worraa tae, worrileeni gumi tiyya taha. Hojja anini Mana kiyya ka haga jiru jireenna tau jiddu worrati jaarad'e, gochiti ch'ufti aka anini, AABBO Waaqi, gosa Israeli fohad'e gumi tiyya tolche beeti. AABBO Waaqi na yaame waan nani jed'e, Namicha, hayyicha gudda gosa Meeshekitifi ta Tubali, ta lafa Magogu jirtu, mohatu, ka Gogu jed'ani, abaari waan jettuuni; wonti AABBO Waaqi guddaani jed'u tana: Anini ya siti nyaape. Anini qabe, gara si galche, hooko boqoti si d'ae, siifi askarti teetile alati hirkisa — fardoole tante nama isi yaabatu woliini, ammalle gumi muumme inqamne ta wonte didiqofi gugurdo qabdu, ta goraadele qabdu. Nami lafa Ajemitifi ka Kushitifi ka Putuleni, ka wonteefi kofia sibiilale qabu ch'ufti worra woliini jira. Duuli lafa Gomeritifi ka Beth-Togarma ka mirga d'ufefi nami gosa d'ibi keesaa d'ufeleeni si woliini jira. Kurfefad'i, askarti qabdu ch'ufaani kurfo tai. Eegi ganna heddu anini si yaame duuba atini gosa qara lafa isaani keesaa baasani, ta lafa hedduti gargari firfirfamte, ammo amma wolti deebite nagayaani lafa keesa teetu, haata. Atini gaareeni Israeli ta qara badde danqara taate ta amma nami iti deebie nagayaani keesa tau, haata. Siifi duula kanke ch'ufafi gochiti hedduuni ta goli teetileeni d'uftani, aka bubbe lafa suni d'ooftani aka hurri d'ossitani. Wonti AABBO Waaqi guddaani Goguni jed'u tana: Hojja guyyaani sunini gahu, atini mala hama d'aate waan jettu, Anini lafa nagaya ta nami isii dagu jiru, ka diri worraleeni naabofi fullo inqamne, had'a. Anini worra duri boojiani lafa heddu geesani amma wolti deebisani dira isaani ka duri bade ona tae keesati galu, ka hori qeench'atifi waan heddu d'ibi qabu, ka jiddu lafa keesa tau, had'e saama jetta. Worri Shebatifi ka Dedanitifi daldaltu dira Tarshishitifi ollowaani isaaleeni waan sini jed'u, Atini duula baafte nu haate nu saamu feeta? Qarsifi worqi teennafi hori qeench'atifi miha keennale ch'ufa guuratte boojiu feeta? Tanaafi, Namicha, fagi, waan Goguni jettu, AABBO Waaqi guddaani waan jed'u, Amma, ato gumiini tiyya ta Israeli ufumaa nagayaani teetu, atini duula muumme inqamne ka farda qabu, gosa ch'ufa keesaa baafte lafa tante ta fago ta mirgaati d'uftani. Atini gumi tiyya ta Israeli aka hurri iti lafa qabate haata. Hojja guyyaani sunini gahe anini lafa tiyya had'iisaa iti si erga, aka akasiini gochiti ch'ufti na beete, qulqullooma kiyya, waan anini si hojachisuni, argitu. Nami anini duri, gaafa hojattu tiyya raagoota Israelitini dubbad'e, Takaa tana nama Israeli had'uni d'ufa jed'e waan isaa hime kaani si. Nami dubbi tana jed'e ana, AABBO Waaqa gudda. Anini owa dallansu tiyya keesa inkakhad'a aka guyya suni lafti Israeli ch'ufti guddo chochootu. Qurt'umifi simpirreefi bineensa didiqafi gugurdafi nami lafa tana gubba jiruleeni ch'ufti, na sodaate holata. Gaareeni qaqarite, d'akhayeni raraato ch'ufti lafati jidde, naaboni diraleni ch'ufti ch'ach'abt'i. Gogule gaargala lafa keesa jiru, ka aka heddu ch'ufa, isatini d'ufe mudamsiisa nami dubbi tana jed'e ana, AABBO Waaqa gudda. Ammalle nami ch'ufti wolti kae, goraadeeni wolballeesa. Anini d'ukuba ch'iisa hamani iti d'ufe, woraanaleeni d'iiga isa jissa. Bokaya tamna d'akhaani roobufi ch'ile ibidatiifi ibida bobau woliini roobe, isaafi askarti isaatiifi gosa heddu goli isaa taani ch'ufa balleesa. Kara kanaani aka anini guddinnaafi qulqullooma qabu gosa ch'ufa garsiisa. Duuba akanaani gochiti ch'ufti aka anini AABBO Waaqa beeti. AABBO Waaqi waan jed'u, Namicha, hayyu gudda lafa Meshekitifi ka Tubali, ka Gogu jed'ani, abaari waan jettuuni, Anini yayu siti nyaape, jed'iini. Anini kara d'ibi si qajeelche, fago lafa mirgaati siini d'ufe gaara Israelitini si baasa. Duuba guube tante d'ae, harka kanke bitaacha keesaa buuse t'iyale mirgicha keesaa si buusa. Siifi duula keetifi golini teetileeni ch'ufti gaareeni Israeli irati hobaatani, reefa keesani allaatiifi bineensi alaa nyaata. Atini ballina lafaa keesati doota; nami dubbi tana jed'e ana, AABBO Waaqa. Anini lafa Magogutifi lafa afaani baariini jirtu, ta nami isii nagayaani taule, ibida iti kaye duuba akanaani nami ch'ufti aka anini AABBO Waaqa beekha. Duuba anini gumi tiyya ta Israeli, aka maqaani kiyya qulqullo garsiisa ammalle nami deebie maqa kiyya qulqullo int'ureesu. Duuba akasiini gochi ch'ufti aka anini AABBO Waaqa, qulqullo Israeli, beeti. AABBO Waaqi guddaani waan jed'e, Guyyaani anini ind'ufa jed'e kaani d'ufu male inhanqatu. Worri dira Israeli keesa tau miha lola ka nyaapi iraa raawate kaani guure qoraani ibidaa tolfata. Worri wonteefi guubefi t'iyafi woraanafi boku ch'ufa guure ibidaani bobeese haga ganna torba qorani tolfata. Worri deebie raasa d'aqe qoraani inch'absatu, yokhaani badda d'aqe mukha inch'iru, wonti akanatiifi miha lola ka nyaapi iraa raawate kaani bobefatani. Worri nama duri worra saame balleese iti garagale saame balleesa. Nami dubbi tana jed'e ana, AABBO Waaqa gudda. Guyya wonti kunini ch'ufti taate, anini Gogu Bale Ideemtu, ta galaana soda ilaboru jirtu, lafa Israeli keesa fulla iti awaalani tolchaafi. Gogufi duula isaa ch'ufa achiti awaalani, duuba bale sunini Bale Duula Gogu jed'ani. Worri Israeli ch'ufti haga jia torba reefa suni wolti guure awaale, akasiini lafa qulqulleesa. Nami lafa suni keesa jiru ch'ufti wolti bahe worra kana awaala. Duuba guyya dabsacha tiyya worri sunileeni gurra argata. Nami waan kana jed'e ana, AABBO Waaqa gudda. Eegi jii torbaani kaani hobaele, nama tolchani, lafa suni ch'ufa keesa ergani, goblola hafe fa barbaada lafa qulqulleesa jed'aniini, Worri ato oli gadi maru yo lafe namaa argu, akheekha woi d'aatu lafe suni kaye, aka yo worri nama awaalu kaani d'ufu arge fuud'e Bale Duula Gogu jed'ani taani keesati awaalu. (D'aatu suni dira maqa duula suni iti baasaniti jira.) Duuba akanaani lafti qulqulloofti. AABBO Waaqi guddaani waan nani jed'e, Namicha, allaatiifi bineensa gosa ch'ufa yaami waan jettuuni, gara ch'ufaa wolti koota, sorio anini isanii kurfeese tana nyaad'a. Sorioni gaareeni Israeli irati tolchani tunini sorio guddo, ta isani fooni nyaattani d'iiga d'uddani quuftani. Isani fooni askarti nyaattani, d'iiga worra lafa mohatu d'uddani — ka aka elemiyetifi aka ilmaani hoolatifi korbeeyiifi yokhaani koromi looni qaqalani. Yo anini worra kana ch'ufa aka sorio qaqale, allaatiifi bineensileeni, haga dandaani, gabbinna nyaatani quufani, d'iiga d'ugani woliini raraatani. Worri fulla mesa sorio tiyya suniti, fooni fardatifi ka nama isa yabatutifi ka askarti aka heddule, haga dandae nyaate quufa. Nami dubbi tana jed'e ana, AABBO Waaqa gudda. AABBO Waaqi waan jed'e, Anini gosa ch'ufa guddinna kiyyafi humna tiyya, ta waan d'ugaatifi ta qajeelumatini tolchu, garsiisa. Duuba worri Israeli arti achi, aka anini AABBO, Waaqa isaani beekha. Ammalle gochiti d'ibileeni, aka worri Israeli maro ch'ubbu worri nati hojateefi boojiani, beeti. Anini worra iraa garagale, harka nyaapa worraa, ka woraanaani worra fit'eti kenna. Anini maro ch'ubbu worraatifi t'uri hamtu worri tolche jed'e, waan worraa male kenneefi dudda iti gale. AABBO Waaqi guddaani waan jed'e, Ammo amma tana anini d'aloota Yakobo, ka gumi Israeliti nahe worra horsiise deebanse, maqa kiyya qulqulloole jabeesa. Hojja worri nagayaani worra ufi keesa tau, ka nami tokoleeni worra imudamsimne, worri aka gaafa duri nati garagale kaani ch'eera irati hafe, inded'a. Anini gumi tiyya ta boojiani lafa heddu geesani galche, akasiini gosa heddu aka anini qulqullo garsiisa. Duuba gumiini tiyya aka anini AABBO Waaqa isaani taanaani beeti. Wonti worri waan suni beekhufi, waan anini aka worra boojiani lafa d'ibi geesani iti lakise, ammo amma worra ch'ufa, ka tokole inhambisini, wolti guure lafa isaniti galchefi. Anini lubbu tiyya worra Israeliti erga, armaa achi deebie dudda iti ingalu. Nami dubbi tana jed'e ana, AABBO Waaqa gudda. Guyya kud'anneeso, ka jia qara, ka ganna diddami shaneeso ka nu haga nu boojiani teenne, ka ammalle Yerusalemuni haga qabani ganna kud'ani afuri teete, guyyuma suni jabeenni AABBO Waaqa nati d'ufe, fuud'e daayya keesa lafa Israeli na geese gaara d'eera ira na d'aabe. Anini ufi durati maneeni heddu dira fakaatu arge. Inni maneeni sunitini na d'iannaani, anini nama aka sibiila diima bibiliqu arge. Inni haada horogeetiifi ule woini biimani harkati qabate, balbala mana toko keesa eja. Duuba namichi suni waan nani jed'e, Namicha laali, ch'aqasi, waan anini si agarsiisu kana ch'ufa aka dansaa hubad'i. Wonti armaani si d'ufanifi tana; duuba waan agartu ch'ufa worra Israeliti himi. Jennaani anini akuma inni baane kaani laale, Mana Waaqa ka naabo d'akhaatini marsani jaarani arge. Namichi ule isaa ta woini biimani ta d'eerinni isii d'und'uma jaa, fuud'e, naabo suni biime. Naabo suni d'eerinni isii ule toko furdinnileeni ule toko. Jennaani inni ammalle fullo ilaboruti fuula deebitu taani d'aqe, faano gula iti olikore, gubba geennaani inni balbala suni biime, biimani furdinna mikhikila balbala suni ule toko tae. Balbala suni, yo keesa seenani oldabrani, mirgaa bita d'iibu saditi jira, ka nami woi eegu keesa ejaanju. D'iibu suni ch'ufa d'eerinnafi ballinnileeni d'und'uma jaa jaa. D'iibu suni ch'ufa, kutaani isi jiddu, d'und'uma shani. D'iibu keesati woi eegani, yo ejata sadi dabrani, mana Mana Waaqati fuula deefatu tokooni bahani. (D'iibuni keesaa woi eegani tunini ta balbala qara seenaniini taani mirgaa bita jirtu ch'ufti haguma taka, kuta jiddu d'iibu suni jirtule ch'ufa furdinni isii haguma taka.) Eegi suni namichi kaani ballina kara d'ibu taani jiddu jiru biime, biimani isaa d'und'uma kud'ani sadi taate, ammalle balbala olinisenanile biime, biimani isii d'und'uma kud'ani taate. D'iibu keesati woi eegani taani ch'ufa dura kuta gagabaabdu, d'eerinnafi furdinni isii d'und'uma tokoti jira. (D'iibu suni ch'ufa, biimani isii d'eerinnafi furdinnileeni d'und'uma jaa jaa.) Jennaani inni d'iibu mirgaafi bitaatifi kara jiddu deemule wolti biime, d'eerinni isi d'und'uma diddami shani tae. Mana suni hojja moga tanaani seenani dinqa moga taanitini keesaa bahani ch'icha ballo tokoti bahani. Inni ballina dinqa suni biime, biimani isaa d'und'uma diddama taate. Karaani jiddu mana suni keesa deemu haguma balbala moga tanaati eje, balabala moga taaniti eja, d'eerinni isaa d'und'uma shantama. D'iibufi dinqi mana suni ch'ufti boro duubani deresha qaba. Kutani d'iibu taani jiddu jirtu ch'ufti gole qabdi. Kuta garaa keesa moga karaati aantu, waan aka meet'i jira, ta irati boch'ani barreesani. Namichi kaani balbala dinqa taani keesani na bahe fulla, naabotini na d'ufe. Ammalle mana sodoma naabo suni moga alaatini iti mat'ansani jaarani. Maneeni suni dura d'akha qarrisani naqani, naabo suni ch'ufaani marsani. Naaboni alaa tunini gabaabate naabo garaa keesa jalaa buuti. Ammalle balbala iti olkoraniti jira, ta naabo garaa keesatini seenani: Namichi kaani balbala naabo alaatifi ta naabo keesa jiddu biime, biimani isii d'und'uma d'ibba toko taate. Jennaani namichi kaani ammalle fullo mirgaa, ta naabo alaatini seenani biime. D'iibuni sadeeni eeddoni keesa ejaanjitu taani, ta mirgaa bitaa karaa jirtufi kuta jiddu d'iibu suni ch'ufa jiddu jirtufi dinqale, yo uleeni biimani, biimani waan suni ch'ufti biima fullo ilaborutini qit'e mura. Karaani jiddu mana suni keesa deemu haguma balbala moga tanaati eje, balbala moga taaniti eja, D'eerinni isaa d'und'uma shantama, ballinni d'und'uma diddami shani. Dinqaafi dereshafi meet'ini kuta irati barreesani taanileeni akuma ta fullo ilaboru taani jirti. Fulla suni faano torbati jira, ta balbalatini olkorani, ammalle dinqi kaanileeni naaboti fuula deefata. Yo naabo ala taanaani seenani ta garaa keesati taakani, fullo aka fullo ilaboru taaniti jira. Namichi kaani fullo tana lamaani jiddu biime, biimani isii d'und'uma d'ibba toko taate. Jennaani namichi naabo suni moga bitaati na geese achileti fullo d'ibi agarre. Inni fullo sunini biiminaani biimani isiileeni fullo taani d'ibi ch'ufaani woli qit'e taate. Maneeni fullo tanaleeni akuma maneeni fullo taani deresha qaqabdi. Karaani jiddu mana suni keesa deemu haguma balbala moga taaniti eje, balbala moga taaniti eja, d'eerinni isaa d'und'uma shantama, ballinni d'und'uma diddami shani. Faano torbati jira, ta balbalaani oli korani, ammalle dinqa kaanile naaboti fuula dura jira. Kuta garaa keesa, moga karaati aantu, waan aka meet'i jira, ta irati boch'ani barreesani. Ammalle fulloti jira, ta naabo keesatini seenani. Namichi kaani Fullo tana lamaani jiddu biime, biimani isii d'und'uma d'ibba toko taate. Namichi kaani ammalle fullo bitatini oli naa seene, naabo keesatini na d'aqe. Inni fullo naabo suni biime, biimani isiileeni qit'uma biima fullo naabo ala taani sadeeni taate. Dinqi isiileeni, naabo alaati fuula deefata, kuta garaa keesa moga karaati aantu, waan aka meet'i irati boch'ani barreesani. Faano saddeetiti jira, ta balbala fullo suninitini oli korani. Namichi ammalle fullo ilaborutini oli naa seene, naabo keesatini na d'aqe. Inni fullo naabo suni biime, biimani isiileeni qit'uma fullo naabo taani taate. D'iibufi dinqaafi kutaani keesaa ch'ufti ta naabo taani ch'ufatini wolqit'e. Wonti kuni ch'ufti dinqaani wolileeni deresha qaqabdi. Karaani jiddu mana suni keesa deemuleeni haguma balbala tana eje balbala moga taaniti eja, d'eerinni isaa d'und'uma shantamati, ballinni d'und'uma diddami shani. Dinqi isiileeni naabo alaati fuula deefata. Kuta karaati aantu ch'ufa waan aka meet'i irati boch'ani barreesani. Faano saddeetifi jira, ta balbala fullo sunitini olkorani. Jennaani namichi ammalle fullo mirgatini na d'aqe. Inni fullo naabo suni biime, biimani isi qit'uma fullo naabo taani taate. Akuma fullo taani, tunileeni d'iibufi kuta barreesanifi dinqaafi deresha gama ch'ufa qabdi. D'eerinni isii d'und'uma shantama, ballinni d'und'uma diddami shani. Dinqi isii naabo alaati fuula deefata. Kuta karaati aantu ch'ufa waan aka meet'i irati boch'ani barreesani. Faano saddeetiti jira, ta balbala fullo sunitini oli korani. Naabo alaa suni garaa keesa, mana tokoti jira, ka fullo naabo keesa taaniti mat'ansani jaarani. Mani kunini dinqa naabo ala taaniti fuula deefate eja, duuba achiti hori gubani sorio baasani ch'ufa d'iqani. Dinqa suni keesa mesa afuriti jira, mesa suni lama lamaani moga moga d'ad'aabani. Mesa kana irati hori sorio qalanifi ka gubani baasanifi ka sorio dabaani ufi iraa baasani baasanifi, hori sorio gati baasani ch'ufa qalani. Mana suni alaani mesa afuri d'ibi ka mesa kaani afraani fakaatuti jira, ka lama lamaani fullo mirga taani moga moga ejaanju. Mesaani hori sorio suni irati qalani ch'ufti wolti saddeeti: Mesaani afuri dinqa keesa ejaanja, afuri d'ibileeni naabo keesa ejaanja. Mesa afuri mana fullo naabo keesa alaani iti mat'ansani jaarani kaani keesa jira; mesa suni afraani d'akha boch'aniini mid'aasani, ammalle hori gubani sorio baasani ira kayani. Mesa kana old'eerinni isaa d'und'uma toko, d'eerinni isaa ka dalalleeni d'und'uma tokofi taaku toko, ballinni gubba isaaleeni d'und'uma tokofi taaku toko. Miha huji soriotiini tolchani ch'ufa mesa kana ira naqani. Qota mesa suni ch'ufa waan hohookiti iti naqani, ka ch'ufa d'eerinni taaku toko. Fooni sorio qalani ch'ufa mesa kana ira naqani. Jennaani inni naabo keesatini na d'ufe. Naabo tana keesa mana lamati jira; toko, ka d'aatu fullo mirga jiru, bita fuula deefata, kaani d'ibileeni ka d'aatu fullo bita jiru, fuula mirga deefata. Namichi waan nani jed'e, mani bita fuula deefatu kunini ka qaalole Mana Waaqa keesa hojatu. Ammalle mani mirga fuula deefatu ka qaalole fulla waan sorio irati qalani hojattu. Qaaloleeni tunini ch'ufti nama d'aloota Sadoki. Gosa Lawi keesa worra ch'allati dandae fulla AABBO Waaqa sorio irati baasaniti d'iaate isaa hojata. Namichi kaani naabo garaa keesa biime, d'eerinni isii d'und'uma d'ibba toko tae, ballinnileeni hagasuma tae, biimani isii ch'ufti wolqit'e. Mani Waaqa gama ila adu eja, isa dura waan sorio irati qalaniti jira. Jennaani inni balbala bada Mana Waaqatini seenaniini na d'ufe. Inni balbala suni biime: Furdinni mikhikila isii d'und'uma shani tae, ballinni isiileeni d'und'uma kud'ani afuri tae; furdinni girgida isii, ka gama lachu d'und'uma shani. Bada suni faano itiini olkoraniti jira. Ballinni bada suni d'und'uma kud'ani lama. Bada suni dura utuba lamati moga moga ejaanja. Jennaani namichi kaani ammalle bada ballo tokotini na d'ufe, ta Fulla Qulqullo jed'ani. Karaani bada tanaani seenani, d'eerinni isaa d'und'uma jaa, Ballinni isaaleeni d'und'uma kud'ani. Furdinni girgida isii, ka gama lachutu, d'und'uma shani shani. Inni bada ballo suni biime, d'eerinni isii d'und'uma afurtama tae, ballinni d'und'uma diddama tae. Jennaani inni dinqati oldabre mikhikila balbala isaa biime: d'eerinni d'und'uma lama ballinni d'und'uma jaa; ballinni kuta balbala suni d'und'uma torba. Inni dinqa suni biime, d'eerinnafi ballinnileeni wolqit'ae d'und'uma diddama tae. Duuba inni waan nani jed'e, mani kunini Fulla Fulla Ch'ufa Ira Qulqullo. Namichi furdinna girgida Mana Waaqa biime, biimani isaa d'und'uma jaa taate. Girgida suni gama alaatini maneeni didiqo, ballinni d'und'uma afuri iti mamat'ansani jaarani. Maneeni tunini ch'ufti wolti sodoma, maneeni sodoma tana gubbati maneeni sodoma d'ibi ta dachaa lama wolgubbati jaaraniti jira. Girgidaani Mana Waaqa jalati ballate furdate, gubbati qalata, aka akanaani maneeni wolgubbati jaarani kaani girgida suniti hirkate, ammo aka d'ibi iti inejine. Duuba akanaani girgidaani Mana Waaqa, hojja alaa laalani, waan furdinni isaa jalafi gubbeleeni haga takaa fakaata. Maneeni Mana Waaqati mat'ansani jaarani suni alaani faano lama baballo iti jaarani, aka akanaani nami maneeni woligubati jaarani taani iti olkoru. Muumme lafa akanumati lakisani taani, Mana Waaqatini ila adu, mana tokoti jira, ka d'eerinni isaa d'und'uma sagaltama, ka ballinni d'und'uma torbatama; furdinni girgida isaa ch'ufti d'und'uma shani. Namichi Mana Waaqa suni gama ala biime, biimani isaa suni d'und'uma d'ibba toko taate. Ammalle boro Mana Waaqatifi lafa akanumati hafte taanifi boro mana Mana Waaqa iladu eju kaani jiddu biiminaani d'und'uma d'ibba toko taate. Ballinni Mana Waaqa suni dura, lafa akanumati hafte ta moga moga Mana Waaqa jirtu taani woliini, d'eerinni d'und'uma d'ibba toko. Inni ammalle ballinna mana Mana Waaqa ila adu eju kaanifi kara moga isaa lachu deemu kaani biime, sunileeni d'und'uma d'ibba toko tae. Bada Mana Waaqatifi fulla Qulqulloofi Fulla Fulla Ch'ufa Ira Qulqulloole haga jala iti keeyatani, haga deresha maneeni ka oli ch'ufa, mukha siriirsani woliini qabani manati mat'ansani marsani jaarani. Deresha sunile dandaani duuchani. Girgida Mana Waaqa ka garaa keesa, mata balbala gubbati d'aabani, naafa isaa ch'ufa, waan aka meet'i boch'anifi bineensa koola qabuuni barreesani ch'okhani, meet'i sunifi bineensa koola suni woli keesa makhani, ch'ororsani, mana suni garaa ch'ufa keesani barreesani. Bineensi sunini ch'ufti fuula lama qaba: Fuuli toko ka namati; inni meet'i moga tokoti fuula deefata; kaani ka nyeench'ati; kunileeni meet'i moga taaniti fuula deefata. Wonti kunini girgida mana suni ch'ufa akasuma garaa keesani marsite ira jirti. Haguma lafaa ejite mata balbala ch'ufa gubbati ejiti. Mikhikili Fulla Qulqullo ch'ufti wolqit'e. Balbala Fulla Fulla Ch'ufa Ira Qulqullo dura, waan mesa fakaata, ka sorio irati qalani, ka mukhaani jaaraniti jira. Old'eerinni isaa d'und'uma sadi, ballinni isaaleeni d'und'uma lama. Miila isaa afraniifi waan inni ira ejaanjufi moga isa ch'ufa mukhaani mid'aasani. Namichi waan nani jed'e, mesaani kunini ka AABBO Waaqa dura d'aabani. Fulla Fulla Qulqullooni seenanifi Fulla Fulla Ch'ufa Ira Qulqullootini seenanile balbalati jira. Balbalti sunini ch'ufti lama lama, tamu gama gamati bananiti. Balbala Fulla Qulqulloole akuma girgida mana, meet'ifi bineensa koola irati barreesani ch'okhani. Ammalle dinqa suni, balbala isaa gubbaa, moga ala gaadisa mukhaani iti jaarani. Bada qara seenani moga lachu deresha jira, girgida isiile meet'ini barreesani ch'okhani. Jennaani namichi ammalle naabo alaati na geese, mana toko ka Mana Waaqa moga mirga jiruni na d'ufe, ka mana Mana Waaqatini ila adu ira fago intahini. Mana kana, d'eerinni isaa d'und'uma d'ibba tokoti, ballinnileeni shantama. Moga tokooni mani suni lafa akanumati hafte taani ta ballinni isii d'und'uma diddama, ta d'aatu Mana Waaqati, fuula deefata. Ammalle moga tokooni d'akha qaarisani naabo ala garaa keesani marsaniti fuula deefata. Mana kana aka faano woljalaa bubuusani wolgubbati jaarani. Mana kana gama mirga, karaati jira; ballinni kara suni d'und'uma kud'ani, d'eerinnileeni d'und'uma d'ibba toko, ka balbalti seenaniini gama suni jirtu. Maneeni gubbati jaarani taani maneeni jiddu keesatifi ta jalale ira didiqo; wonti akanatiifi maneeni suni aka faano woljalaa bubuusani jaarani. Maneeni aka faano woljalaa bubutu tunini ch'ufti haguma geetunu, ka utuba aka maneeni naabo keesa ejaanjitu kaani inqamne, wolgubba ejaanjiti. D'iibu tana dura karaati jira, ka kara moga mirga kaani fakaatu. Kara kanafi kara kaanile biimani isaa takuma, balbalti inni seenunileeni haguma taka, ammalle waan ch'ufaani woli fakaata. Balbala tokoti jira, ta balbala taani d'ibi gama bitaatini jalati jaarani, fulla manani moga ilaboru ta girgidaani manatini eju. Namichi waan nani jed'e, Maneeni tunini lachu qulqullo. Maneeni tana keesati qaaloleeni Waaqa dura d'uftu sorio ch'ufa ira qulqullo nyaati. Waan d'iibuni tunini qulqullo taateefi qaaloleeni sorio ch'ufa ira qulqullo taani achi keesati olkeeti: mid'aani Waaqa baasanifi sorio dabaani ufi ira baasanifi yokhaani waan gati sorio baasani. Yo qaaloleeni eegi qara Mana Waaqa duude ammalle keesaa baate gara naabo ala d'aqu feete, worri woya qulqullo, ta AABBO Waaqa duraani hojattu, d'iibu tana keesati lakisu male, Worri woya d'iibi keeyachu male ato fulla biyyiti iti wolwoldeetu ind'umne. Namichi kaani Mana Waaqatifi naabo isatifi mana arti keesa jiru ch'ufa biime keesaa baanaani balbala ilaborutini gadi naa baase ammalle qaye suni ch'ufa biime. Inni ule woini biimu taani fuud'e, moga ilaboru biime, biimani isii d'und'uma d'ibba shani taate. Duuba akanaani naabo qaye sunini marsani, biimani isii ta moga ch'ufa, d'und'uma d'ibba shani taate. Naaboni tunini waan qulqulloofi ka qulqullo intahini gargari baafti. Namichi fullo ilaboru fuula deefatuni na d'ufe, jennaani anini artiti ifsa bibiliqu, ka aka AABBO Waaqi Israeli arti jiru garsiisu, ka ilaboruti gad'ufu, arge. Qonqooni Waaqaa aka d'awa baariini dibbifte laftileeni ifsa bibiliqu kaaniini guyyaate. Daayyani tunini daayya anini gaafa Waaqi Yerusalemu balleesu d'ufefi ammalle ta anini d'aatu galaana Kebariti arge taani fakaati. Jennaani anini isa durati lafa d'ae. Ifsaani bibiliqu kaani balbala ilaborutini oliseene, Mana Waaqati dabre. Jennaani lubbuuni AABBO Waaqa oli na fuute, naabo garaa keesatini na d'ufte, anini artiti, aka Mani Waaqa guddinna AABBO Waaqatini guutame arge. Namichi kaani artuma d'aatu tiyya eje, jennaani anini AABBO Waaqa, ka Mana Waaqa keesaa naani dubbatu, d'agaye. Inni waan nani jed'e, Namicha, fullaani anini barch'uma kiyya ka guddinna ira tau tana. Anini arma worra Israeli keesa tae worra fida. Worra Israelitiifi hayyooti worraleeni deebite waaqa d'ibi kad'atte, yokhaani reefa hayyoota worraa fulla tanati awaalte maqa kiyya qulqullo int'ureesitu. Hayyooti mana ufi mikhikilafi siddo iti mid'aasite balbala keesa keete d'aatu mikhikila balbala mana kiyya jaarte. Aka duuba akanaani girgidaani ch'allaani nu jiddu jiru. Worri waan hamtu ch'ufa tolche, akasiini maqa kiyya qulqullo t'ureese. Jennaani anini dallansu keesa worra balleese. Amma tana worri Waaqa d'ibi kad'achu lakise reefa hayyoota guuru male. Yo worri waan suni tolche, anini haga jiru jireenna jiddu worra taa. Ammalle AABBO Waaqi waan jed'e, Namicha, waan Mana Waaqa kana worra Israeliti haasai, worri ha ijaarsa isaa kana aka dansaa ilaale hubatuti, akasiini ch'ubbu ufi arge ch'eeruti. Duuba yo worri waan suni arge ch'eere, aka Mana Waaqa kana jaaru malani worra garsiisi — aka inni jiraachu male, balbalafi d'aaba isatifi aka nafi isaa ch'ufti jiruufi aadaafi seera isaale ch'ufa. Waan akana ch'ufa worraa t'aafi, aka worri aka waan ch'ufa mid'aasu malani arge, aadaafi seera isaa ch'ufa guutu. Seeri Mana Waaqa kana: Mana suni, ka fiit'e gaara jiru, qayeeni isaa, haguma geetuuni, qulqullo. Waan sorio irati baasani, ka mesa fakaata, d'und'umuma Mana Waaqatini biimanini biimani. Waan mesa jala d'ad'aabani waan gingiti d'iigi iti yau iti mid'aasani waan suni qilumani isii d'und'uma toko, ballinni isiileeni d'und'uma toko. Ammalle moga isii ta ala, waan woi jigu d'owa toko, ka old'eerinni isaa taaku toko jira. Jali mesa suni, waan inni ira eju kaani oli d'und'uma lama. Jidduuni isaa keesileeni jala isaa suni d'und'uma toko moga ch'ufaani hanqate, ammalle old'eerinni isiileeni d'und'uma afuri. Ammalle gubani isaaleeni jiddu isaa suni d'und'uma toko moga ch'ufaani hanqate. Gubaani isaa tunini, ta sorio irati gubanileeni, old'eerinni isi d'und'uma afuri gaafi isaa, ka qota ch'ufati ejaanjuleeni, fiit'e isaa ch'ufa ira d'eerata. Gubaani mesa suni mogaani isaa ch'ufti wolqit'e, ch'ufti d'und'uma kud'ani lamaati. Jiddu isaa taanileeni mogaani isii ch'ufti wolqit'e ch'ufti d'und'uma kud'ani afuriti; ammalle isiini waan woi jigu d'owa, ka old'eerinni taku toko qabdi. (Wonti gingitini d'iigi sorio iti yau d'und'uma toko.) Faanoni mesa sunini olkorani gama ilaboru jirti. AABBO Waaqi guddaani waan nani jed'e, Namicha, wonti AABBO Waaqi guddaani jed'u tana: Hojja waan mesa fakaata suni jaarani aki isa eebisani akana: Sorio isa gubbati gubani, d'iiga hori sorio sunile iti fifit'ani. Qaalole gosa Lawi, ta d'aloota Sadoki ch'allati, na dura d'ufe naa hojata. Jibicha korma, ka sorio dabaani ufi iraa baasani baasani, ha iti kennaniti. Nami, waan kana tolcha jed'u ana, AABBO Waaqa gudda. Duuba d'iiga jibicha suni haga toko fuud'i, gaafa mesa sunifi qota jiddu isaatiifi moga isaa ch'ufale ibsi. Akanaani atini mesa qulqulleesite eebifta. Korma sorio dabaani ufi iraa baasani fuud'i, qaye Mana Waaqa fulla isa iti gubu malaniti gubi. Boriyyaate korbeesa toko, ka aabo womatu inqamne, fuud'i, sorio dabaani ufi iraa baasani baasi. D'iiga isaatini waan mesa fakaata kaani, akuma atini d'iiga jibichatini qulqulleesite, qulqulleesi. Eegi waan suni ch'ufa tolchite jibicha tokofi elemo toko fuud'i, ka horini kunini lachu aabo womatu inqamne, natiini kooti. Duuba qaaloleeni ha sooda iti fifit'e gubde sorio naa baaftu. Bulti torba guyya ch'ufa korbeesafi jibichaafi elemo sorio dabaani nama iraa baasani baasi. Horini kunini ch'ufti, ha hori aabo inqamne tahuti. Guyya torba qaaloleeni ha waan mesa fakaata suni eebifte, qulqulleesite huji kurfesituti. Yo bultini torbaani sunini hobaate, qaaloleeni ha sorio gubanifi sorio wold'ageeti, ta gumiini baafte, baaftuti. Duuba akasiini anini isani ch'ufa iraa gammada. Nami dubbi tana jed'e ana, AABBO Waaqa gudda. Jennaani namichi kaani fullo ala, ta Mana Waaqatini ilaboru na geese. Fullooni sunini ch'ufana qabdi. Duuba AABBO Waaqi waan nani jed'e, Fullooni tunini ha ch'ufansaani teetu, deebie nami imbanini. Nami tokoleeni isiini seenu himmalle, wonti akanatiifi ana, AABBO Waaqa Israeliti, fullo sunini oliseene. Tanaafi isiini ch'ufanaani tau malte. Ammo hataatu, hayyuuni dandae arti d'ufe sagale qulqullo na durati nyaata, yo inni fulla fullo suni d'ufe, yokhaani artii deemu, inni ha qara dinqaani gaseene ammalle artumani bahuti. Jennaani namichi kaani fullo mirga keesaani na bahe, Mana Waaqa duraani na d'ufe. Duuba anini millanaani, ifsa isaa, ka bibiliqe mana suni guute, arge. Anini isa durati lafaani ufi d'oomnaani, AABBO Waaqi waan nani jed'e, Namicha, waan atini armati agartu kana ch'ufa aka dansaa hubad'i. Anini aadaafi seera Waaqaa siti himu fed'a. Nama Mana Waaqa seenu maleefi ka seenu himmalinile gargari hubad'i. Waan atini worra Israeli ka na didu kanani jettu, wonti AABBO Waaqi guddaani jed'u tana: Anini waan hamtu isani tolchitani kana deebie inoobsu. Isani yayu nama gosa d'ibi, ka qabanqaba inqabanne, ka ammalle naa insaalfanne, hojja gabbinnafi d'iiga sorio naa baasani Mana kiyyati galchitini akasiini Mana kiyya t'ureesitani. Duuba akanaani gumi tiyya isani yayu waan hamtu taatani wold'aqisa kiyya ch'absitani. Isani aada qulqullo Mana kiyya keesati jabeesu diddani, huji suni harka nama gosa d'ibiti kennitani. Anini, AABBO Waaqi guddaani, waan jed'u, Nami gosa d'ibi ka qabanqaba inqabanne, ka yokhaani naa insaalfanne, tokoleeni Mana kiyya inseenu, ato inni gumi Israeli keesa godaanele. AABBO Waaqi waan nani jed'e, Anini worra Lawi, ka gumi Israeli woliini na lakise waan harkaani boch'ani kad'ate, ingaargalcha. Worri dandae Mana kiyya keesa hojate fulla balbala eege huji Mana suni tolcha, ammalle worri dandae hori gumiini baaftu, ka gubaani sorio baasani, qale huji suni ch'ufa gumii hojata. Ammo waan worri gumi Israeliti jed'e, huji waaqoota d'ara hojate, kara sunini gumi ch'ubbu keesa buusefi, anini, AABBO Waaqi guddaani, inkakhad'a, aka worra suni gaargalchani. Worri aka qaalole tae naa hojate, waan qulqullooti d'iaate fulla Fulla ch'ufa ira Qulqulloole olseenu himmalle. Aki waan worri waan hamtu suni taheefi worra gaargalchani akasi. Ammo hataatu, anini huji harka ta Mana suni keesa hojatani harka worraati kenna. AABBO Waaqi guddaani waan jed'e, Qaaloleeni gosa Lawi, ta d'aloota Sadoki, gaafa gumiini Israeli taani na lakifte, na illakimne ammo aka dansaa garaa tokooni naa saalfate naa hojate. Tanaafi amma nami na dura d'ufe naa hojate gabbinnafi d'iiga sorio naa baasu worruma. Worruma ch'allati mana kiyya seene, fulla sorio irati baasaniti naa hojate kad'acha Mana Waaqale ch'ufa tolcha. Hojja worri fullo naabo Mana Waaqa ta garaa keesatini oliseenu, ha woya boofta uyifatuti. Worri hojja naabo garaa keesa yokhaani Mana Waaqa keesa hojatu, woya liilaana shuufatiini mid'aasani tokole keeyachu himmalle. Worri aka indaamfine sureefi hid'a boofta keeyachu male, ammo gurda keeyachu himmalle. Worri, ato naabo alaa fulla gumiini jirtu ind'anne, miha Mana Waaqa keesati keeyate kaani ufira yaase, maneeni qulqullooti lakisu male. Worri woya d'ibi naqachu male, aka woyaani qulqullooni worri naqatu taani biyya woma intolchine. Qaaloleeni mata ufi haadachu himmalle yokhaani dabasesule himmalle ammo rifeensa mid'aaga hagaa qabaachu malte. Ammalle qaaloleeni, ato naabo garaa keesa inseeniini, daad'i d'ugu himmalle. Qaalluuni niiti nami d'ibiini lakise fuud'u himmalle; inni dubra Israelitiifi yokhaani niiti qaalluuni d'ibiini iraa due ch'alla fuud'u male. Qaaloleeni waan qulqulloofi ka qulqullo intahini gumi tiyya gargari baafte barsiisu malte. Ammalle waan t'uri qabaatifi ka inqamnele gargari hubachiisu malte. Yo nami wold'abe, qaaloleeni, seera kiyya gula, dubbi worra qoru malte. Worri aadaafi seera kiyya gula jila tiyya tolfachu male, ammalle guyya Sabato ch'ufa qulqullo tolchu male. Qaalluuni reefa tuqe ufi t'ureesu himmalle, yo reefi sunini ka abbaafi haad'a isaa, yokhaani ka ilmaani isaa, yokhaani ka oboleesa isaa, yokhaani ka oboleeti isaa ta infuud'ini taate male. Eegi inni ufi qulqulleese, inni bulti torba eege, duuba naabo Mana Waaqa gaaraa keesa d'aqe, sorio ufiini qulqulleesu baasu male, aka dandae Mana Waaqa keesa deebie hojatu. Nami dubbi tana jed'e ana, AABBO Waaqa gudda. Waan anini gosa Israeliti d'aalaa kenne keesaa qaaloleeni qooda ufi ka huji qaalluma qabdi. Worri qooda lafa Israeli keesa qabaachu himmalle, wonti akanatiifi qoodi worraa anuma. Mid'aani Waaqaa baasanifi sorio dabaani ufi ira baasanifi horini gati sorio baasanileeni ha sagale qaalole tahuti; ammalle waan Israeli keesa naa olkayani ch'ufa worraa kennu malani. Qaaloleeni waan oobruuni qaraa baaftu dadansaafi waan naa baasani d'ibile ch'ufa fud'achu malte. Biyyiti hojja qit'a d'aabdu ch'ufa qit'a qara d'aabad'u ha qaalole kennitu, aka akasiini eeba tiyya argattu. Qaaloleeni simpirree taanaani, horifi bineensale taanaani, waan tokole ka ufiini due yokhaani ka bineensi d'ibiini ijeese nyaachu himmalle. Hojja lafa qoodani gosa Israeli ch'ufa qooda isii kennanifi, qooda toko ha eebisani AABBO Waaqaa koba kayani. Qooda suni, d'eerinni isaa ejata kuma kud'ani lamafi d'ibba shani, ballinnileeni ejata kuma kud'ani. Lafti sunini ch'ufti, haguma geetunu, qulqullo taati. Qooda kana keesa, fullaani Mana Waaqa iti jaarani jiraachu malte. Fulla suni, d'eerinni moga isii ch'ufti ejata d'ibba lamatifi shantama tahu male. Ammalle fulla tana lafa ballinni isii ejata diddami shanitini marsu malani. Lafa qulqullo tana moga toko, ta d'eerinni isii ejata kuma kud'ani lamafi d'ibba shani, ta ammalle ballinni ejata kuma shani, ha biimani qooda kaani iraa kutani. Duuba fulla suniti Mana Waaqa ka waan ch'ufa ira qulqullo jaarani. Fullaani sunini lafa suni keesa Fulla qulqullo taati, ta qaalole Mana AABBO Waaqa keesa hojatuu kennani. Ammalle artumati maneeni worraatifi Mana Waaqale jaarani. Lafa qulqullo tana moga hafte taani d'ibi ha worra Lawi, ka Mana Waaqa keesa hojatu, kennani. Ammalle dira worri iti galule ch'ufa achumati jaarani. D'aatu lafa qulqullo suni lafa d'ibi ta d'eerinni isii ejata kuma kud'ani lamatifi d'ibba shani ta ballinnileeni ejata kuma lamatifi d'ibba shani ha biimani koba baasani worra Israeliti kennani, aka worri dira iti jaarate iti galu. Ammalle hayyu lafa mohatu qooda lafaa kennuufi malani, qoodi lafa suni ha lafaa qulqullo suni, moga isii ta ila adu iraa bahe, ilaadu qajeele, baariini guddati ejuti; ammalle moga isii ta ilaboru seeri ha ilaboru qajeele, seera lafa ka ilaboruti ejuti duuba akanaani d'eerinni lafa suni qooda lafa, ta gosa Israeliti kennani wolqit'e taha. Fullaani tunini qooda lafa hayyuuni Israeli mohatu taati. Duuba innileeni deebie gumi tiyya indabsu, ammo lafa hafte taani ch'ufa gumi Israeliti lakisa. AABBO Waaqi guddaani waan jed'e, Hayyoota Israeli, isani bara heddu ch'ubbu tolchitani! Ule isani nama d'aantanifi daba isani nama dabsatani suni lakisa. Waan d'ugaatifi ka qajeela tolcha. Deebitani gumi tiyya lafa isaani keesaa ingussina, nami dubbi tana isaniini jechu jiru ana, AABBO Waaqa gudda. Nami ch'ufti waan woini biimani ka d'uga qabaachu male, misana taanaani, efa taanaani, bathile taanaani. Efafi bathini biimani qit'e tahu malte. Bathini kud'ani homeri toko, efani kud'anileeni homeri toko; biima waan ch'ufa homeri tanaani beekhani. Wonti isani woini biimitani tana tau malte: Gerani diddama shekeli toko; shekelini jaatama mina toko. Nami lafa keesa jiru ch'ufti waan Waaqaa baasani kana hayyu lafa Israeli mohatuti geesu male. Duuba inni hori gubanifi mid'aani Waaqaa baasanifi daad'i Waaqaa baasanile gaafa jila baatitifi ta Sabatotifi jila d'ibile, maro gosa Israeli ch'ufaa jed'e, baasu male. Ammalle inni sorio dabaani ufi iraa baasanifi mid'aani Waaqaa baasanifi hori gubani sorio baasanifi sorio wold'ageetile baasu male. Aka akanaani ch'ubbu worra Israeli balleesani. AABBO Waaqi guddaani waan jed'e, guyya qara ka jia qara, atini jibicha korma, ka aabo womatu inqamne, sorio qalte, Mana Waaqa qulqulleesu malte. Duuba qaallichi d'iiga sorio dabaani nama iraa baasani suni haga toko fuud'e, mikhikila Mana Waaqatifi mesa sorio irati baasani kaani moga afraniifi, ammalle mikhikila balbala fullo naabo ta garaa keesa ibsaa. Jia ch'ufa, guyya torbeeso, atini maro nama danu ch'ubbu tolcheetifi nama wollaala keesa ch'ubbu seenele jette, akasuma tolchu malte. Kara kanaani atini Mana Waaqa qulqulleesita. Guyya kud'ani afreeso ka jia qara isani jila Pasaka tolfachu maltani. Bulti torba nami ch'ufti qit'a bukho inqamne nyaachuu male. Guyya qara ka jila suni hayyichi jibicha korma maro ch'ubbu ufitifi ta gumi ch'ufati jed'e qaluu male. Torbaani jila suni, guyya ch'ufa, inni jiboota koromi torbafi elemiye torba, ka horini kunini ch'ufti aabo womatu inqamne, gube AABBO Waaqaa sorio baasuu male. Ammalle inni guyya ch'ufa korbeesa toko sorio dabaani ufi iraa baasani qaluu male. Jiboota koromi sunifi elemiye sorio baasani suni ch'ufa, mid'aani t'aasa gudda kud'ani torbatiifi t'aasa diqa tokotifi d'ad'a dulo sadii woliini baasuu malani. Guyya kud'ani shaneeso, ka jia torbeeso, ka jila Hoosa, hayyichi bulti torbaani jila suni guyya ch'ufa sorio akasi, ta dabaani nama iraa baasanifi ammalle hori gubani sorio baasanile baasuu male. AABBO Waaqi guddaani waan jed'u, Fullo ilaboru, ta naabo garaa keesatini seenani, guyya jaa ka hojatani, balbala isii ch'ufuu malani, ammo guyya Sabatotifi guyya jila baati banuu malani. Hayyichi naabo alaati d'ufe balbala ilaborutini dinqa seene, d'aatu mikhikila balbala eja, ka qaaloleeni sorio isaa gubde ammalle sorio isaa ta wold'ageetile baaftu. Achiti fulla balbalati inni Waaqa kad'ate gabahu male. Balbala suni haga aduuni d'iituti ch'ufuu himmalle. Guyya Sabatotifi guyya baatini d'alatu ch'ufa gumiini ch'ufti jilbifatte, balbala suni durati AABBO Waaqa kad'achuu malte. Guyya Sabato hayyichi ha ilmoole hoola jaafi elemo toko, ka kamu aabo womatu inqamne, sorio gubani baasani AABBO Waaqaa d'ufuuni. Elemo suni woliini inni ha mid'aani t'aasa gudda kud'ani torbafi t'aasa diqa toko d'ufuuni. Ammalle ilmoole hoola taanile woliini ha waan baasu fed'uni d'ufuti. Mid'aani Waaqa baasani kana woliini inni ha d'ad'a dulo sadii d'ufuuni. Gaafa jila baati inni ha jibicha loonitifi ilmoole hoola jaafi elemo toko, ka kamu aabo womatu inqamne, baasuti. Jibicha sunifi elemo suni woliini, mid'aani t'aasa gudda kud'ani torbatiifi t'aasa diqa toko baasuu malani. Ammalle ilmoole hoola taani woliini hayyichi ha waan baasu fed'u baasuti. Ammalle d'ad'a dulo sadi ha mid'aani Waaqa baasani woliini baasaniti. Hayyichi ha dinqa fulla fullo jiru kaani bahe kara qara d'ufeeni kanini deebiuti. Jila taatefu, biyyiti hojja wolti baate AABBO Waaqa kad'achu d'uftu, nami balbala mirgatini seene, eegi Waaqa kad'ate ha balbala bitatini bahuti, ka balbala bitatini seeneleeni ha balbala mirgatini bahuti. Nami tokoleeni balbala oli seeneeni bahu himaalle, ammo balbala taani d'ibiini bahu male. Hayyichi ha hojja biyyiti d'uftu d'ufe, hojja biyyiti yaatu deemuti. Guyya Sabatotifi ka jila baati ch'ufa, mid'aani jibichaafi elemo woliini baasani ha t'aasa gudda kud'ani torbafi diqa toko tahaniti. Ammalle ilmoole hoola woliini abbu ha waan fed'u baase AABBO Waaqa kad'atuti. Mid'aani baasani kana woliini d'ad'a dulo sadile ha baasaniti. Hojja hayyichi fed'i ufitini waan Waaqaa baasani baasuu fed'u, waan gubani Waaqaa baasani taanaani, yokhaani sorio wold'ageetile taanaani, balbala ilaboru ta naabo garaa keesatini oli seenani ha bananiifi. Inni waan suni ha akuma guyya Sabato baasu baasuti, ammalle eegi inni keesaa bahe balbala ha ch'ufaniti. AABBO Waaqi waan jed'u, Diirama ch'ufa elemo ganna toko ka aabo womatu inqamne, ha gubani AABBO Waaqaa baasaniti; waan kana ha guyya ch'ufa baasaniti. Ammalle diirama ch'ufa dargaye daakhani ta kilo lamatifi d'ad'a dulo toko wolti naqani kokhorsani ha baasaniti. Aada waan AABBO Waaqaa baasani kana ha haga jiru jireenna jabeesaniti. Ilmoole hoola sunifi dargaye daakhanifi d'ad'a kaani ha diirama ch'ufa haga jiru jireenna AABBO Waaqaa baasaniti. AABBO Waaqi waan jed'u, Hojja hayyichi qooda lafa isaa toko ilma isaati hand'ura kenne, lafti sunini hand'ura ilama suni taati. Ammo hojja hayyichi qooda lafa isaa toko nama isaa hojatuu kenne, lafti sunini gaafa ganni woi wolidebisani kaani mare, deebite; ta hayyu taati; lafti tama isaati isaafi ilmaani isaa ch'allaa halaalti. Hayyichi lafa nama d'ibi iraa fuud'u himmalle. Lafti inni ilmaani isaati kennuleeni ha qooduma lafa isaa taatuti, aka akanaani inni gumi tiyya nama tokole lafa isaa fud'ate indabsini. Jennaani namichi balbala maneeni mirgati fuula deefattu, ta d'aatu balbala bitaa, fullo naabo garaa keesatini na d'ufe. Maneeni tunini qulqullo, ta qaaloleeni iti galtu. Inni mana suni moga isaa, ta ila adu, na garsiise, waan nani jed'e, Fullaani tunini fulla qaaloleeni fooni sorio dabaani ufi iraa baasani iti d'aabdu, yokhaani fooni sorio gati baasani iti d'aabdu, ammalle fulla worri qit'a Waaqaa baasani ka dargaye iti d'aabdu, aka waan qulqullo tokole naabo alaati geesani nama woma intolchine. Naabo didiqo suni ch'ufa d'akhaani marsani jaarani, d'aatu d'akha marsani jaarani suniti fulla ibida iti bobeesani mid'aasani. Duuba namichi waan nani jed'e. Tunini fulla hojattuuni Mana Waaqaa fooni nami sorio baase iti d'aabdu. Jennaani namichi fulla balbala Mana Waaqati na deebise. Bisaaniti balbala suni jala ilaboru yaa, gara Mani Waaqa fuula deefatu. Bisaani suni Mana Waaqa gama bita jala yaani, waan sorio irati baasani kaani moga bitaa qajeelani. Jennaani namichi fullo mirgaatini na bahe, qaye Mana Waaqa keesani na bahe, gara fullo ilaboru fuula deefatu na geese. Bisaani diqo tokoti fullo suni gama bitatini keesaa yau jira. Namichi kaani gama ilaboru deeme, ule isaa ta woini biimani taanini d'und'uma kuma toko biime, bisaani suni keesani na deeme. Bisaani sunini kometuti naa ch'iisani. Jennaani inni d'und'uma kuma toko d'ibi biime, bisaani jilbati naa ch'iisani. Inni ammalle d'und'uma kuma toko d'ibi biiminaani bisaani hid'aanati naa ch'iisani. Ammalle inni d'und'uma kuma toko d'ibi biiminaani bisaani kaani na dabsatani anini keesa deemu dad'abe. Yo daakhani male dandaani intaakani. Duuba inni waan nani jed'e, Namicha, waan kana ch'ufa ya garteyu? Jennaani namichi afaani galaana suniti na deebise. Anini achi geennaani mukeeni heddu, afaani galaana gama ch'ufati baatu, arge. Inni waan nani jed'e, Bisaani kunini lafa keesa ilaboru yaani, bale Yordaniti gabuani galaana soodaati naqani. Isaani, yo galaana soodatini bahani bisaani kurao kaani jijirani mid'aasani. Bisaani sunini fulla yaani ch'ufati bineensaafi qurt'umi d'alani. Ammalle bisaani galaana soodale mid'aasani, fulla yaani ch'ufati woi jireesani. Maddo Engeditifi maddo Eneglaimu jiddu, nami qurt'umi guura afaani galaana ejaanje, qurt'umi guurate, t'urura ufi afate gossa. Qurt'umi gosa gosa ta muumme inqamneti achi jira, ta akuma galaana gudda keesa jirtu. Ammo bisaani ch'affa lafaa keesa ch'iisa, ka d'aatu galaana suni jira, diqole jijirani imid'aasani, artiti booqe sooda taati. Afaani galaana suni gama lachu mukeeni gosa heddu baate mid'aani namaa baafti. Baali isii haga jiru ingogu ammalle mukeeni tunini haga jirtu mid'aani d'alu illakiftu jia ch'ufa mid'aani baafti, wonti akanatiifi bisaani Mana Waaqa keesaa yaa kaaniti iti yaa. Mid'aani mukha suni sagale namaa tahani Baali isaaleeni qorsa namaa taha. AABBO Waaqi guddaani waan jed'e, kunini seera lafaa ka gosa kud'ani lamaati gargari qoodani, ka gochiti Yusufu lamaanileeni qooda ufi lamaani argata. Anini duri ababoota teesani kakhad'e, amma tana wolqit'eti qoodad'a. Seeri mirga Baariini Gudda iraa bahe, ilaboru qajeele, dira Hethlonitifi kara Hamathitifi dira Sedaadatifi dira Berothatifi ka Sibraimu keesa bahe dabra. (Diri lamaani kunini jiddu lafa Damaskitifi ta Hamathi jira.) Ammalle seeri sunini dira Tikoni (ka d'aatu seera Haurani jiruti eje). Duuba akanaani seeri lafa suni, ka moga mirga Baariini Gudda iraa bahe, dira Enoniti qajeela, ammalle lafti d'aatu seera suni gama mirgaatini jirtu Damaskifi Hamathi. Seeri lafa suni ka ilaboru lafa toko ta jiddu Damaskitifi ta Haurani iraa bahe bita qajeela. Duuba seeri sunini galaana Yordani gula deema; lafti Israeli gama ila aduti hafte, ta Gileadi ilaboruti hafti seeri sunini deemuma deeme, dira Tamari, ka d'aatu galaana soodati, eja. Seeri lafa suni, ka moga bita, Tamari iraa bahe, maddo Kaderiti qajeele, laga seera Misiri ira bahu gula deeme, Baariini Guddaani baha. Seeri lafa suni, ka moga ilaadu, Baariini Gudda iraa bahe mirga qajeele, kara Hamathitini moga ila aduti eja. Lafa tana gosa teesani ta Israeliti gargari qooda. Isiini haga jiru jireenna teesani taati. Nami gosa d'ibi ka isani woliini godaanu, ka ilmaani isani asi d'alateleeni, hojja isani lafa qoodattani worrileeni qooda lafaa argachu male. Worra suni akuma worra Israeliti hereguu malani, duuba worrileeni worra Israeli woliini hit'a buufate, qooda lafa argachuu male. Nami gosa d'ibi, ka gosa Israeli keesa godaanu, ha worra woliini godaanu suni woliini qooda lafaa argatuti. Nami dubbi tana jed'e ana, AABBO Waaqa gudda. Qooda lafa ka lafa Yudati aanu huji jabdu koba kayuu malani. Ballinni qooda suni, ka mirgaa bahe bitaati eju ejata kuma kud'ani lamatifi d'ibba shani. Ammalle d'eerinni isaaleeni, ka ilaboruti bahe ila aduti eju, qooda lafa ka gosa kennaniini qit'e taka. Mana Waaqa qooda kana keesati jaarani. Qooda lafaa kana jiddu keesa lafa toko, ta d'eerinni isii ejata kuma kud'ani lamafi d'ibi shani, ta ballinnileeni kuma kud'ani, AABBO Waaqa koba baasuu malani. Lafa qulqullo tana keesa qaaloleeni qooda ufi argachuu malte. Biimani qooda worraa, ta ilaboruti baate ila aduti ejitu, ejata kuma kud'ani lamafi d'ibba shani. Biimani isaa ta mirgaa baate bitaati ejitu, ejata kuma shani. Mana AABBO Waaqa lafa tana wod'akati jaaru malani. Lafti qulqullooni tunini ta qaalole d'aloota Sadoki. Worri sunini worra Israeli ka ch'ubbu tolche kaani gula imbaane, yokhaani worra Lawi, ka akasuma ch'ubbu tolchele, gula imbaane, ammo huji tiyya guute. Tanaafi worri qooda toko koba argachu male. Qoodi sunini d'aatu qooda worra Lawi jira, ammalle qooda qooda ch'ufa ira qulqullo tahu male. Worri gosa Lawileni qooda lafaa koba qabaachuu male. Qoodi sunini qooda qaalole moga bitaa jiraachu male; mogaani isaa ta ilaboruti baate ilaaduti ejitu, d'eerinni isii ejata kuma kud'ani lamatifi d'ibba shani. Mogaani isaa, ta mirgaa baate bitaati ejitu, ejata kuma shani. Qoodi lafaa, ka AABBO Waaqa oli kayani, qooda lafaa kaani ch'ufa ira dansa. Qooda kana tokole ingurgurani, yokhaani injijirani, yokhaani nama d'ibile indabarsani. Qoodi kunini qulqullo ammalle ka AABBO Waaqati. Qoodi lafaa, ka qooda suni iraa hafe, ka d'eerinni isaa ejata kuma kud'ani lamatifi d'ibba shani, ka ballinnileeni ejata kuma lamafi d'ibba shani, qulqullooniti ammo taatule ka gumi ch'ufati; worrati mana iti jaarateate lafa horini oolule tolfata. Dira wod'aka isaa suni keesati jaaruu malani, ballinafi d'eerinni isaaleeni ch'ufti ejata kuma lamafi d'ibba lamafi shantamati; gami isaa ch'ufti wolqit'e. Dira suni moga isaa ch'ufa, diida lafati jira, ka d'eerinni isaa ejata d'ibbafi diddami shani. Lafa, dira suni ka bitaa lafa qulqullooti jaarani iraa hafte, nama dira suniti lafa oobru tolfate liqimsa keesaa argata. Biimani lafa suni ta ilaborutifi ta ila aduleni haguma takaa d'eerinni ejata kuma shaniti, ballinnileeni ejata kuma lamafi d'ibba shani. Nami dira suni keesati galu ch'ufti, ato gosa fed'e tahele lafa suni inuma qotata. Duuba akanaani lafti, qooda lafa ka kobaa baasani kaani jiddu keesa jirtu, mogaani isii ch'ufti wolqit'e, biimani isii, ta moga ch'ufaa, ejata kuma kud'ani lamafi d'ibba shani. Ammalle lafti dira irati jaaranileeni qooduma suni keesaa jirti. Qooda lafaa ta gosa Gaditi kennani moga bita, seeri Tamari iraa bahe, maddo Kadeshiti qajeele, laga seera Misiri ira bahu gula deeme Baariini Guddaani bahe. AABBO Waaqi guddaani waan jed'e, Aki lafa gosa Israeliti qoodani kennanifi akana. Biimani naabo suni, ta moga afraani ch'ufti wolti, ejata kuma sagali. Armaa achi maqaani dira kana baasani AABBO Waaqi Arma Jira! Ganna sadeeso ka Yehoiakimuni lafa Yuda mohate, Nebukadrezani, hayyuuni Babiloni, Yerusalemu d'ufe marse had'e. Aabbo Waaqi Yehoiakimu, hayyu Yuda, harka isaati kenne, ammalle inni miha Mana Waaqa haga toko boojie. Inni nama gari boojie, mana waaqoota isaa ka Babiloni jiruti geese, miha boojie kaanile mana waaqoota isaa keesati olkaye. Jennaani hayyichi namicha Ashpenazi jed'ani, ka hojatu isaa ch'ufati mataa, yaame waan jed'eeni, Worra Israeli ka boojiani kana keesa, kaima d'aloota hayyutifi ka worri isaani worra gurra qabu fohad'u. Worri ch'ufti ha nama mimid'aaga, naafi aabo womatu inqamne qaqaro hubacha dansa qabu ka yoosu wo baratu tahuti, aka worri mana kiyya keesa hojatu. Duuba atini aka worri afaani Kaldayo t'aafe somu worra barsiisi. Ammalle hayyichi, guyya ch'ufa daad'ifi sagale dansa anini guyya ch'ufa soorad'u worrale kenna, ammalle haga ganna sadi worra barsiisa, eegi suni natiini koota jed'e. Worra fohatani suni keesaa nami afuri gosa Yuda; jari suni afrani kana: Danieli, Hanania, Mishaeli, Azaria. Namichi hojattu mataa kaani maqa haareesa worraa baase — Danielini, Belteshaza jed'e, Hananiani Shadraka jed'e, Mishaelini Mesheki jed'e, Azariani Abednego jed'e. Danielini aka sagale dansaafi daad'i hayyuuni sooratu soorate akasiini ufi int'ureesine kutate, duuba Ashpenazi kad'ate, aka inni sagale suni isaa inkennine; jennaani AABBO Waaqi Ashpenazi isaa naasise. Ammo Ashpenazini hayyu d'eete waan Danielini jed'e, Hayyuuni waan isani nyaattani d'uddani ya mure; yo atini haalate jara kaani hanqatte, inni hegeri na ijeesa fa. Duuba Danielini namicha Ashpenazini isaafi jara sadeeni kaani qorqorad'a jed'eeni kaani d'aqe waan jed'eeni, Bulti kud'ani nu ilaali, raafufi bisaani ch'alla nuu kenni. Duuba nuufi kaima sagale hayyu dansa nyaatu kaani wolti ilaali, waan agartu gula waan jechu malte jed'i. Duuba inni dubbi suni gula bulti kud'ani worra ilaale. Bultiini kud'annani taani hobaate jennaani worri, worra sagale hayyu nyaatu kaani ira, gabbate mid'aage. Duuba arti asi namichi worra gololchu kaani sagale hayyu lakise raafuni worra gololche. Waaqi jara kaima afrani kaani beekhafi hubacha waan soomanini baratani kenneefi. Tana malele inni Danieli qalbi inni daayyafi oobjuuni himu kenneefi. Ganni sadeeni hayyuuni jed'e kaani hobae jennaani, Ashpenazini jara kaima kaani ch'ufa Nebukadreza duraani d'ufe. Hayyichi worra ch'ufaani dubbate, jennaani Danielifi Hananiafi Mishaelifi Azariani, worra kaani ch'ufa ira, hayyu gammachisani. Duuba akanaani worri huji hayyu duude. Waan tateefu ka hayyuuni gaafatu ch'ufa, waan qaroomatiifi yokhaani ka hubachale taanaani, jari afrani kunini nama wo himufi falfaltu lafa inni mohatu keesa jirtu ch'ufa maro kud'ani ira wo beekha. Danielini huji hayyu suni, haga Koreshini lafa Babiloni hayyu iti tahe, keesa tae. Ganna lameeso ka Nebukadrezani lafa mohate inni oobju oobjate oobjuuni suni guddo herega isa nat'e rafu d'owarte. Jennaani inni worra wohimufi falfaltufi nama murma baafatufi ka ayyaana heddu wolti yaame, waan oobjuuni tiyya d'ooftu nati hima jed'e. Worri isa dura d'ufe jennaani waan jed'eeni, Oobjuuni anini oobjad'e sunini guddo herega natiini d'ufte, waan isii beekhu fed'a, nati hima. Jennaani worri afaani Aramutini waan jed'e, Ee hayyicha, lubbu buli! Oobju tante nuti himi, waan isiini d'ooftu siti himna. Hayyichi waan worraani jed'e, Isani oobjufi waan isiini d'ooftule nati hima, yo himu baatani, anini harkaafi miila isani iraa ch'ire maneeni teesanile balleese ona tolcha. Ammo yo isani oobjufi waan isiini d'ooftu nati himtani, waan guddo isanii kenne isani ulfeesa. Duuba amma oobjufi waan isiini d'ooftule nati hima. Jennaani worri ammalle waan jed'eeni, Ee hayyicha, yo atini oobju suni nuti himte, nu dandeenne waan isiini d'ooftu siti himna. Hayyichi waan jed'eeni anini ya hubad'e, isani ufumaa ch'iiftani guyya dabarsitani, wonti akanatiifi isani aka anini isani ch'ufa gaargala takaa itiini d'ufu fed'u ya gartani, hojja isani oobju nati himu dad'abdani. Wonti isani teetani na sobdani d'ara nati dubbatanifi waan hegeri heregi kiyya jijiramu seetani. Tanaafi duuba amma oobju nati hima, duuba anini akasiini aka isani waan isiini d'ooftu himtanile beekha. Jari kaani waan jed'eeni, Ee hayyicha, nami waan akasi suni beekhe himu lafa keesa injiru. Hayyuuni guddaani irre qabuleeni takaa nama ufi ka wohimufi, falfaltufi ka ayyaana heddule waan akana kana ingaafanne. Wonti atini gaafatu kunini waan nami afaani beekhuniti, yo waaqooti nama woliini inteenne ch'allaani beete male. Dubbi suni irati hayyichi aka male dallane, Jara qaqaro Babiloni ch'ufa fit'a jed'e. Duuba seera baasani, Jara sunifi Danielifi jaallani isale ch'ufa woliini fit'a jed'ani. Jennaani Danielini gudda askarti hayyu eeddu, ka Arioko jed'ani, ka huji fit'aansa iti kennani d'aqe, aka dansaa dubbi qalbeefate waan jed'eeni, Hayyichi maanifi seera jaba akana kana gadi baase? Jennaani Ariokoni aka dubbini sunini baate Danieliti hime. Hojuma suni Danielini gara hayyu d'aqe waan jed'eeni, Ee hayyicha, diqo toko naa eegi, duuba deebie waan oobju suni siti hima. Jennaani Danielini gale, jaallani isa taani Hananiafi Mishaelifi Azaria dubbi suni iti hime waan jed'eeni, D'iiro, Waaqa gubba kad'ad'a, aka inni nuu nahe, waan nu imbeenne kana nuti himu, aka akasiini nuufi jara Babiloni kaani woliini inhobaamne. Duuba halkani suni waan d'ossani kaani AABBO Waaqi daayya keesa Danieliti mullise. Jennaani inni Waaqa gubba faarse waan jed'e; Waaqa qaroomafi jabeenna qabu haga jiru jireenna ha faarsani! Barafi wogaale ch'ufa isumati harkaa qaba; hayyule isumati barch'uma ira teesise, ammalle iraa buusa; nami qaroomafi hubacha namaa kennu isuma. Inni waan d'ossani, ka nami imbeenne ch'ufa immullisa; waan dukana keesati d'ossani ch'ufa imbeekha; ifsalee isumati qaba. Anini si faarseti si guddisa, ee Waaqa ababoota tiyya; atini yayu qaroomafi jabeenna naa kennite kad'acha tiyyale d'ageete, waan nu hayyuti himnu nu garsiifte. Jennaani Danielini gara Arioko, namicha huji fit'aansa worra qaqaro Babiloni hayyuuni iti kenne kaani d'aqe waan jed'eeni, Jara suni infit'ini; gara hayyu na geesi, anini oobju isaa iti hima. Jennaani hojuma suni Ariokoni Danieli fuud'e, hayyuti geese waan jed'eeni, Ee hayyicha, anini jara Yuda ka boojiani kaani keesa namicha toko, ka waan oobju teeti siti himu, ya sitini d'ufe. Hayyichi waan Danieli, ka maqaani d'ibiini Belteshazatini jed'e, Atini waan anini oobjad'eefi, waan oobjuuni tiyya d'ooftu naati himu indandeeta? Danielini waan jed'eeni, Ee hayyicha, nami qarooni, yokhaani falfaltuni, yokhaani nami wohimu, ka yokhaani ayyaana heddu, ka waan suni dandae siti himu injiru. Ammo Waaqa gubbati jira, ka dandae waan d'ossani mullisu. Inni, ee hayyicha, yayu waan taka tana taha siti hime. Anini amma oobju atini oobjateefi daayya atini hiriba keesa agartele siti hima. Ee hayyicha, atini, ato raftu, waan taka tana taha oobjuuni agarte; jennaani Waaqileeni, ka waan d'ossani mullisu waan taka tana taha si agarsiise. Wonti waan d'ossani kana mullisanifi, waan; anini nama ch'ufa ira qarooma qabuniti, ammo, ee hayyicha, atini waan oobjuuni tante d'ooftu baratte herega siti d'ufale hubatu. Ee hayyicha, oobju tante keesa atini akheekha nama gudda bibiliqu, ka nami millatu ch'ufti sodaatu, agarte. Mata isaa worqi mid'aadu ch'allaani mid'aasani — qomafi harka isaa qarsiini mid'aasani garaafi gudeeda isaa sibiila diimani mid'aasani; miila isaa sibiila guraacha, faana isaa sibiila guraachafi faaraani mid'aasani. Ato atini ilaaltu, d'akhaani nami indarbini fiit'e d'akha d'ibi iraa ch'ee, faana waan kaani ta sibiilafi faaraani mid'aasani taani d'ae ch'ach'abse. Jennaani hojuma suni sibiilafi faarafi sibiila diimafi qarsifi worqiini ch'ach'abt'e, gargari jidde, bullofte, awaara guyya bona oobdi keesaa kaatu fakaatte. Jennaani bubbeeni d'ufte, ka tokole inhambisiini ch'ufa fuute. Ammo d'akhaani akheekha suni d'ae kaani gaara tahe lafa ch'ufa guute. Oobjuuni atini oobjate suni amma, ee hayyicha, waan isiini d'ooftu siti hima, ch'aqasi, Ee hayyicha, atini hayyu lafa jiru ch'ufa ira jirta. Waaqi gubbaa yayu irreefi jabeennafi guddinna sii kenne. Inni yayu hayyu lafa nami keesa tau ch'ufa si tolche, horifi bineensafi simpirre ch'ufa si jalati bulche. Mataani worqi suni sii. Eegi tante gosa d'ibiti d'ufe lafa tana mohata, ammo worri haga kanke ingahu, eegi sunile ka sadeesoti d'ufa, ka sibiila diima, ka lafa ch'ufa mohatu. Duuba eege ka afreesoti d'ufa, jabaani aka sibiila guraacha, ka waan ch'ufa gargari ch'ach'abse bulleesu. Akuma sibiili guraachi waan ch'ufa ch'ach'absu, worrileeni finna qara kaani ch'ufa bulleese d'ukeesa. Atini ammalle faana isaa ta sibiila guraachafi faaraani mid'aasani ya agarte. Suni wonti isiini garsiiftu, aka finni gargari qoodamu garsiifti. Finna suni keesa, jaba aka sibiilaati jira, akuma atini faarafi sibiila wolkeesa mid'aasani agarte kaani. Akuma quba miila, ka atini agarte kaani gama toko sibiila guraachani mid'aasani, kaani faaraani mid'aasani, akasuma finni suni gami toko jabaate gami kaani laafa. Ammalle atini sibiila guraachafi faara wolti makhani agarte. Wonti woni suni garsiiftu, aka worri lafa mohatu suni wolfuud'e akasiini taka tahu garsiifti, ammo dandaani woliini intaani, akuma faarafi sibiili guraachi woli intaane. Bara hayyooti suni lafa fiddu Waaqi gubbaa finna haga jiru jireenna ind'umanneeni d'ufa. Finna suni dandaani indabsatani, ammo inni finna d'ibi ch'ufa balleese haga jiru jireenna mohata. Atini d'akha nami indarbini, ka fiit'e d'akha d'ibi iraa ch'ee, akheekha sibiila guraachafi sibiila diimafi faarafi qarsifi worqiini mid'aasani d'ae agarte. Ee hayyicha, Waaqi guddaani waan taka tana taha si garsiisuu jira. Anini waan atini oobjateefi waan isiini d'ooftule ch'ufa, ka diqole iraa ingorini, ya siti hime. Jennaani hayyu Nebukadrezani Danieli guddise isa durati lafaani ufi d'ae waan biyyaani jed'e, sorio baasafi hit'aanale aarsafi. Ammalle hayyichi waan Danielini jed'e, D'uguma Waaqi kanke Waaqa Waaqa ch'ufati, ka abba hayyoota ch'ufa ka waan d'ossani ch'ufa namaa mullisu, Tanaafi atini waan d'ossani kana dandeete nati himte. Jennaani duuba hayyuuni Danieli ulfinnaafi waan heddu muumme inqamne kenneefi, gudda lafa Babiloni ch'ufa isa tolche, jara hayyu mala d'aule ch'ufa mataa iti tolche. Kad'acha Danieli gula, hayyichi huji lafa Babiloni ch'ufa harka Shadrakafi Meshekifi Abednego kenne; ammo Danieli hayyuma birati hafe. Hayyu Nebukadrezani akheekha woi ka worqi, ka d'eerinni isaa d'und'uma jaatama, ka ballinni d'und'uma jaa, mid'aase, lafa Babiloni keesa dira Dura jed'ani keesa old'aabe. Jennaani hayyichi hojattu isaa ch'ufa wolti yaame: jara gugurda, jaarole gugurdo makaloota, jara isaa mala d'au, jara beese olkayu, jaallaboota, shumoota, jara gugurda lafa suni ch'ufa. Duuba inni, koota, akheekha woi ka anini old'aabe kana eebisu fed'a jed'e, worra ch'ufa wolti baase. Jari gugurdaani suni ch'ufti akheekha suni durati eebaa wolti bahe jennaani, nami magalata d'au lalabe, biyya yaame waan jed'e, gumi gosa gosa, ta d'aloota d'aloota, ta afaani afaani dubbatu! Hojja isani magalatafi dibbefi bilbilafi kiraarifi fulludoofi qonqo miha sirba heddu d'ageetani, gajejed'a, akheekha woi, ka worqiini mid'aasani, ka Nebukadrezani mid'aase guddisa. Nama waan kana ingudisini ch'ufa hojuma suni fuud'ani goola ibida keesa buusani. Jennaani akuma qonqo miha sirba suni d'agayaanini, nami gosa gosa, ka d'aloota d'aloota, ka afaani afaani dubbatu ch'ufti gajejed'e, akheekha worqiini mid'aasani, ka hayyu Nebukadrezani old'aabe kad'ate. Jennaani gaafasi jari Babiloni toko ka gosa Yahudi qot'isu hayyu Nebukadrezati d'ufe, worra Yahudi ka seera suni ch'abse hime, waan jed'eeni, Ee hayyicha, lubbu buli! Atini seera baafte waan jette, Hojja qonqo sirba d'ageetani, nami ch'ufti ha gajed'e, akheekha worqiini mid'aasani kana guddisu; ammalle nama gajed'e kad'achu dide ha goola ibida keesa buusaniti jette. Jari Yahudi, Shadrakafi Meshekifi Abednegoni, ka atini ufiftu huji lafa Babiloni harka worrati kennite, ya seera kanke suni ch'abse. Worri waaqa kanketifi akheekha atini old'aabde durati gajed'e kad'achu dide. Dubbi suni d'ageennaani hayyichi aka male dallane. Jara suni sadeeni natiini koota jed'e. Worri d'ufe jennaani waan jed'eeni, Shadraka, Mesheki, Abednego, isani d'uguma waaqa kiyyaafi akheekha worqiini mid'aasani ka anini old'aabe kana durati gajettani kad'acha diddani? Amma tana akuma qonqo magalatatiifi ta dibbetifi ta bilbilatifi ta kiraaritifi fulludoofi ta miha sirba d'ibi ch'ufa d'ageetanini gajed'a akheekha suni kad'ad'a; ammo yo kad'achu baatani, hojuma suni goola ibida keesa isani buusani. Waaqa kamiti harka kiyya keesaa dandae isani baasa? Shadrakafi Meshekifi Abednegoni waan jed'aniini, Ee hayyicha, nu dubbi sini jennu d'ibi inqamnu. Yo goola ibida keesa nu buusani, Waaqi keenna, ka nu hojannu, dandae nu baasa, ammalle inuma harka kanke keesa nu baasa, ee hayyicha. Ammo yo inni nu baasule baate, nu waaqa kanketifi akheekha worqiini mid'aasani ka atini old'aabde durati gajenne inkad'annu, beekad'i. Jennaani Nebukadrezani aka male dallane, Shadrakafi Meshekifi Abednegoni fuula yakate, ibida kaani haga qarale ch'ufa ira maro torba goola jed'e. Ammalle askarti isaa keesa nama jajaba yaame, worra kana sadeeni hid'a, ibida suni keesa buusa jed'e. Duuba worra suni hid'aani hid'ani, ka worri ubaarafi hid'aafi kootifi koofia ufira qabu, ibida suni keesa buusani. Waan hayyichi seera jaba baase ibida suni haga qarale ira goola jed'eefi, ibidi suni aka male bobae, jara worra sadeeni kaaniini yaule gube hobaase. Duuba Shadrakafi Meshekifi Abednegoni ka hid'aansa kaani qabani, wod'aka ibida suni keesati jigani. Jennaani maro tokotu Nebukadrezani mame olch'ee waan jara ufitini jed'e, Nu nama sadi hiine ibida keesa imbumne? Worri waan jed'eeni, Ee, yayu buumne. Inni waan jed'eeni, Anini maanifi nama afuri ka ufumaa ibida keesa yau arga re? Worri hid'ansale inqabu ammalle nafi worraleeni diqole ingubanne namichi afreeso suni, inninu waaqa fakaata. Jennaani Nebukadrezani fulla ibida kaani d'ufe, worra kaani yaame waan jed'e Shadraka, Mesheki, Abednego. Hojattu Waaqa gudda, gabaha! Jennaani worri hojuma suni ibida suni keesaa yae. Jennaani jara gugurdafi jaarole gugurdofi makalootafi jari hayyu gugurdaani kaani ch'ufti wolti gad'ufe, jara sadeeni kaani ka ibidi gubu dad'abe dawate. Rifeensafi woyaani worraleeni tokoleeni ingubanne nafi worraleeni diqole aara ind'au. Hayyichi waan jed'e, Waaqa Shadrakatifi ka Meshekitifi ka Abednego faarsa! Inni malaika isaa erge, jara hojattu isaa ka isa d'ugeefate kana, baase. Worri lubbu ufi jibbaate seera kiyya ch'abse fulla gajed'e Waaqa isaani male waaqa d'ibi kad'atu. Anini amma seera baasa: Yo nami gosafi d'alootafi afaani tateefu Waaqa Shadrakatifi ka Meshekitifi ka Abednego tufate arabse, nama suni ha harkaafi miila iraa ch'irani mana isale onsani balleesaniti. Waaqi d'ibiini tokoleeni ka dandae akana nama baasu injiru. Jennaani hayyichi Shadrakafi Meshekifi Abednego lafa Babiloni keesa guddinna d'ibi, worri qara inqamne, kenneefi. Hayyu Nebukadrezani qonqo tana nama gosa ch'ufatiifi ka d'aloota ch'ufatiifi ka afaani afaani dubbatu, ka lafa keesa jiru ch'ufa iti erge bultiini isani nagaya? Nageenni isani bad'aad'a? jed'e nagaya fuud'e. Akheekha jabaafi waan mama ka Waaqi guddaani na garsiise ka anini amma isaniti himu ch'aqasa. Akheekhi Waaqi na garsiise akami gudda! Wonti mama ka inni tolche akami guddo! Waaqi hayyu haga jiru jireenna ch'ufa jiru; ka ammalle hojja ch'ufa jiru ka ammalle hojja ch'ufa lafa fidu. Anini ato quufafi gammadaani mana kiyya keesa tau, oobju na mudamsiiftu oobjad'e, hiriba keesa daayya naa naasiftu arge. Jennaani nama qaqaro Babiloni ch'ufa wolti yaame, waan oobjuuni suni d'ooftu gaafad'e. Duuba worra wohimufi falfaltufi ka ayyaana heddu, worra qaqarole ch'ufa natiini d'ufani, anini oobju iti hime ammo worri tokoleeni waan isii nati himu dad'abe. Jennaani Danielini d'ufe. (Isaa maqa waaqa kiyya gula maqa d'ibi Belteshaza iti baasani.) Inni lubbu waaqoota qulqullo qaba tanaafi anini oobju tiyya iti hime. Anini waan jed'eeni: Belteshaza, gudda worra wohimu, anini imbeekha, aka lubbuuni waaqoota qulqullo si keesa jirtu, ammalle aka atini waan d'ossani ch'ufa beetu. Oobjuuni tiyya tana: Waan isiini d'ooftu naati himi. Anini, ato rafu, mukha gudda toko, ka wod'aka lafa keesa eju daayyani arge. Mukhi suni guddate old'eerate, waaqati eje, duuba nami laafa keesa jiru ch'ufti dandae arga. Obeensi isaa waan mid'aaga, mid'aani isaaleeni guddo nama lafa keesa jiru ch'ufa ingahani. Bineensi gaadisa isaa jala boqota, simpirreeni dameele isaa irati mana jaarate, wonti lubbu qaba ch'ufti mid'aani isaa nyaati. Ato tae waan daayya suni heregu, anini malaika qulqullo, ta kurfoofte gubbaa gadi buutu arge. Malaikaani suni lalabde waan jette, mukha kana muri, dame isaa ch'ufa iraa ch'ich'iri; obeensa iraa guuri, mid'aani iraa d'abbi, bineensa jalaa gussi, simpirrele dameele iraa gussi. Ammo hundafi hidda lafa keesati hambisi, hunda isaa suni sibiila guraachafi diima iti kayi hid'i, lafuma keesati buuyooni woliini lakisi. Duuba ha fiit'eesi isa jiisuti, ha bineensafi buuyo woliini tauti. Haga ganna torba inni ha qalbi nama d'abe, ta bineensa argatuti. Tunini dubbi malaikaani qulqullooni kurfo d'ufte taani ch'ufti dubbate buufate. Tanaafi nami lafa keesa jiru ch'ufti ha beekhu, aka Waaqi guddaani nama nama fidu ch'ufa fide abba fed'u finna suni kennu — nama woma keesa injirrele ch'ufa. Oobjuuni, anini hayyu Nebukadrezani oobjad'e tana. Duuba amma Belteshaza, waan isiini d'ooftu nati himi jari kiyya qaqarooni, ka dandae nati himu injiru, si male; wonti akanatiifi atini lubbu waaqoota qulqullo qabda. Dubbi suni d'agaye jennaani Danielini ka maqaani d'ibiini Belteshaza, aka male rifate waan jed'u wollaale. Hayyichi waan jed'eeni, Belteshaza, oobjufi wonti isiini d'ooftu si irifachisini. Belteshazani waan jed'eeni, Ee hayyicha, oobjuuni sunifi wonti isiini d'ooftu ha ta nyaapa keeti taatuti. Mukhi atini garte, ka d'eerinni isaa Waaqati eju, ka nami lafa keesa jiru ch'ufti argu; ka obeensi mid'aaga, ka mid'aani heddu, nama lafa keesa jiru ch'ufa gaha qabu; ka bineensi ala jala boqote, simpirreeni dameele isaa irati mana jaaratu. Ee hayyicha, mukhi d'eerani jabaani suni si. Atini guddatte, guddinni kanke waaqa d'aqabe, jabeenni kankeleeni muumme lafa ch'ufaa gaha. Ato atini ilaaltu, ee hayyicha malaikaani gubbaa ga buute waan jette, mukha kana muri, balleesi, ammo hunda isaa lafati hambisi. Sibiila guraachafi diima iti kayi hid'i, buuyo woliini achumati lakisi, duuba ha fiit'eesi isa jiisuti; ha ganna torba bineensafi buuyo woliini tauti. Wonti oobjuuni sunini d'ooftu tana, ee hayyicha, ammalle wonti Waaqi guddaani si tolcha jed'e buufate tana. Namaani gargari si baasani, bineensani wolti sigalchani, ganna torba akuma karaaba buuyo si nyaachisani fit'eesa keesa ala si bulchani. Duuba eegi suni atini ee jetta, aka Waaqi guddaani dandae lafafi nama ch'ufa fide, abba fed'u kennu. Ammalle akuma malaikaani hundafi hidda lafa keesati hambifte, atinileeni deebite hayyu taata, yo atini aka Waaqi lafa ch'ufa fidu ee jette. Tanaafi amma, ee hayyicha gorsa kiyya ch'aqasi, fud'ad'i. Ch'ubbu lakisi, waan dansaa tolchi, hiyyeesale nahi, duuba atini horteeti bulta. Wonti kunini ch'ufti hayyu Nebukadrezati d'ufti. Jii kud'ani lama hobaanaani Nebukadrezani, ato mana isaa ka Babiloni gubbaa deemu, waan jed'e, Diri guddaani kunini ch'ufti Babiloniniti? Ka anini irre tiyyaani jaare, keesa qubad'e, guddinnaafi jabeenna kiyya garsiise. Ato inni dubbi suni afaani qabu, qonqooni gubbaa ga d'ufte waan jette, ee hayyu Nebukadreza dubbi tiyya ch'aqasi! Finna lafaatifi jabeenna atini qabdu ya siraa fuud'ani, namaani gargari si baasani bineensani wolti si galchani, duuba ganna torba atini aka karaaba buuyo nyaatta. Duuba aka Waaqi guddaani lafafi namale ch'ufa fide finna isiile ch'ufa nama fed'u kennu hubata. Dubbini suni hojuma suni guutamte. Nebukadreza namaani gargari baasani, inni alati gale, aka karaaba buuyo nyaate. Fiit'eesi nafa isaa jiise, rifeensi isaa guddate dabbasae koola risa fakaate, qeench'i isaleeni d'ed'eerate qeench'a allaati fakaate. Ganni torbaani kaani hobaanaani, anini, hayyu Nebukadrezani waaqa ollale, jennaani qalbini nati deebite. Jennaani anini Waaqa gudda faarse, isa ka haga jiru jireenna jiru guddise. Inni haga jiru jireenna mohata, finni isaleeni bara ch'ufa jira. Inni nama lafa keesa jiru ch'ufa womatu indaru, malaikaani gubbatiifi nami lafaleeni ch'ufti finna isaa jalati bula. Nami woi isani morme, Atini maani taata? jed'e gaafatu injiru. Qalbini nati deebinaani, ulfinnaafi jabeennafi guddinna kiyya ch'ufa naa deebisani, anini akuma kaani deebie hayyu tahe. Hojatufi jari gugurdaani kiyya aka jaba na fud'ate finna kiyya ka duri kaaniti na deebisani, haga qarale iraa na ulfeesani. Amma anini, Nebukadrezani, hayyu gubbaa faarse ulfeese guddisa, hujiifi karaani isaleeni ch'ufti ka d'ugaati. Inni nama ufi guddisu ch'ufa dandae kiyyiba iraa kuta. Halkani toko hayyu Belshazani jila tolche, jara isa gugurda, nama kuma toko yaame, daad'i woliini d'ugani. Ato taani daad'i d'uganu, Belshazani muduunufi qori ta worqifi qarsiini mid'aasani, ta duri abbaani isaa Nebukadrezani Mana Waaqa ka Yerusalemu keesaa boojie, kootani jed'e. Wonti inni waan sunini koota jed'eefi, aka isaafi jara isaa gugurdafi nad'eeni isaatiifi gaarayooti isaa daad'iini d'uddu. Hojuma suni muduunufi qori worqi taani d'ufaniini worri ch'ufti daad'iini d'uge, waaqa worqifi qarsifi sibiila diimafi sibiila guraachafi mukhaafi d'akhaani mid'aasani kaani faarse. Jennaani maro tokotu harki namaa d'ufe, girgida mana hayyu fulla kayyoni ifse iti ejitu irati wo t'aafe, ato hayyuuni argu. Jennaani hayyichi mudame, lubbuuni d'ufte, aka male hollate jilbi wold'ae. Duuba hojuma suni iye falfaltufi worra wohimufi ka ayyaana heddule yaama jed'e. Worri d'ufe jennaani hayyuuni waan jed'eeni, Nama t'aafi tana soome waan isiini jettu nati himu, ubaara d'eera bule diima iti kayani, looti Worqi mormati kayani, nama sadeeso ka hayyuti aanu tolchani. Jennaani jari qaqarooni hayyu mala d'au d'ufe, jara suni keesa nama t'aafi suni soome waan isiini jettu hayyuti himu d'abani. Jennaani hayyu Belshazani haga qarale ira mudame, jari isaa gugurdaleeni ch'ufti waan tahu wollaale. Hayyitini dubbi hayyutifi ta jara isaa d'ageete jennaani, fulla mana jila suni d'ufte waan jette, ee hayyicha, lubbu buli! Akana mudamte, lubbuuni si ind'ufini. Lafa tante tana keesa nama tokoti jira, ka lubbu waaqoota qulqullo qabu. Gaafa abbaani kanke jiru inni aka qalbifi hubachafi qarooma waaqooti qabdu qabu ufi garsiise. Jennaani abbaani kanke, hayyu Nebukadrezani, gudda worra wo himutifi falfaltufi worra qaqaroofi worra ayyaana heddu isa tolche. Inni qalbifi qarooma gudda qaba, waan oobjuuni d'ooftule ch'ufafi hiimpofi dubbi nami imbeenne ta d'ossale ch'ufa hima; tanaafi namicha Danieli jed'ani, ka hayyuuni Belteshaza jed'uuni, yaami, isati dandae t'aafi tanaafi waan isiini jettule siti hima. Jennaani hojuma suni Danieli fulla hayyutini d'ufani, hayyichi waan jed'eeni, Namichi gosa Yahudi, ka Danieli jed'ani, ka abbaani kiyya boojie armaani d'ufe sii? Anini yayu d'agaye, aka atini lubbu waaqoota qulqullootifi qalbifi hubachafi qarooma qabdu. Jari mala na d'aufi, falfaltu natiini d'ufani, t'aafi taana sooma waan isiini jettu hima jed'aniini, ammo worri soome himu dad'abe. Ammo aka anini d'agaye, atini dandeete waan d'ossanifi waan nami imbeenne ch'ufa beete himta. Yo atini t'aafi tana soomte waan isiini jettu nati himte, ubaara d'eera bule diima siti kayani, looti worqi mormati si kayani, nama sadeeso ka hayyuti aanu si tolchani. Jennaani Danielini waan jed'eeni, Waan naa kennu feetu suni qabaad'ad'i, yokhaani nama d'ibii kenni, anini infed'u. Ammo ee hayyicha, anini waan t'aafani sii soome waan isiini jettule siti hima. Waaqi guddaani abba kanke Nebukadreza hayyu gudda tolche guddinnaafi ulfinna kenneefi. Waan inni akasi guddinna argatefi nami gosa gosatifi ka d'aloota d'alootatifi ka afaani afaani dubbatuleeni ch'ufti sodaate isa durati hollate. Inni nama fed'u ijeese, ka fed'u lakisa, nama fed'u guddinna kenne ka fed'u iraa fuud'a. Ammo inni kiyyibe, naasu d'abe garaa jabannaani barch'uma isaa ka hayyuma iraa buusani guddinna d'owani. Naamafi isa gargari baasani, qalbini isaa gargalte ta bineensa taate. Inni harre diidatiini woliini alati gale, aka karaaba buuyo nyaate, alati gale, fiit'eesi guyya ch'ufa isa jiise. Duuba eege inni aka Waaqi guddaani nama fide nama fed'u ch'ufa hayyu tolchu ee jed'e. Ammo atini, ilmi isaa, ato waan kana beetele garaa illaamne. Atini Waaqa gubbati wollaalte, muduunufi qori mana isaa guurte d'ufteeni, duuba siifi jara kanke gugurdafi nad'eeni teetifi gaarayooti tanteleni daad'iini d'uddani, waaqa worqifi qarsifi sibiila diimafi sibiila guraachafi mukhaafi d'akhaani mid'aasani faarsitani — waaqa woma ingarre, ka woma ind'ageenne, yokhaani ka woma imbeenne. Ammo atini Waaqa duafi jireenna kanketifi ammalle waan atini tolchitu ch'ufa harkaa qabu guddisu didde. Wonti Waaqi harka dubbi tana t'aafe ergeefi tana. Wonti t'aafani tana: Mene, Mene, Tekeli, Parsini. Akasi jechaani: Mene — Waaqi yayu bulti hayyuma teeti hede gabaabsise; Tekeli sii yayu biimani sablinna kanke argani; Peresi lafa tante yayu gargari qoodani, worra gosa Meditifi ka Ajemiti kennani. Jennaani hojuma suni Belshazani hojattu isaa yaame, ubaara d'eera bule diimafi diima Danieli kaya, ammalle looti worqile mormati kayafi, jed'eeni. Duuba inni nama sadeeso ka hayyuti aanu isa tolche. Halkanuma suni Belshaza, hayyu Babiloni, ijeesani; jennaani nami gosa Medi toko ka Dario jed'ani, ka ganni isaa jaatami lama hayyuma fud'ate. Darioni nama d'ibbafi diddama, ka isa jala hojatu lafa inni fidu keesaa fohate. Jara suni malele, inni Danielifi nama lama d'ibi, ka worra suniti mataa tahe waan hayyu jabeesu, fohate. Danielini jara woliini hojatani kaanile ch'ufa ira huji guute. Waan inni jara kaani waan ch'ufaani ira jirateefi, hayyichi aka gudda lafa suni ch'ufa isa tolchu herege. Jennaani jari hayyu jala hojatu kaani ch'ufti, huji Danieli keesa wollaala sila isaani himatani barbaade, ammo d'abe, wonti akanatiifi Danielini nama d'uga, ka d'ugeefatani ka wollaala womatu inqamne. Worri waan woliini jed'e, Nu dandeenne nama kana waan himanuni irati ingarru, yo kara aada Waaqa isaatini himanu male. Jennaani woli galani gara hayyu d'aqani waan jed'aniini, Ee hayyu Dario lubbu buli! Nu, nami si jala hojatu ch'ufti — jara, jara gugurdati matatifi, jara gugurdafi jara worra suni jala hojatu, hojattuuni d'ibileeni — yayu woligalle, aka atini, ee hayyicha, seera baafte, seera suni aka male jabeesitu, aka guyya sodoma nami tokoleeni namaafi waaqa d'ibi inkad'anne, si male, ee hayyicha. Nama seera kana ch'abse ch'ufa ha goda nyeench'i miju keesa buusaniti. Tanaafi, ee hayyicha, seera baasi, beesisa kanke ira keeyad'i, aka nami seera suni gara ingalchine, aada gosa Meditifi ta Ajemi gula. Duuba hayyu Darioni seera suni baase beesisa ira kaye. Danielini aka seera suni beesisa ira kayani d'ageennaani kae gale. Dereshani mana isaa toko Yerusalemuti fuula deefata. Duuba inni akuma aada isaa kaani deresha suni bane, artiti jilbiifate, guyya keesa maro sadi Waaqa kad'ata. Nyaapi Danieli kaani aka inni Waaqa kad'atu arginaani. Worri ch'ufti wolti d'ufe, gara hayyu d'aqe, Danieli hime waan jed'e, Ee hayyicha, atini seera baafte, nama guyya sodoma namaafi waaqa d'ibi si male kad'atu goda nyeench'i miju keesa buusa jette. Hayyichi waan jed'e, Ee akasuma anini seera jaba baase seera gosa Meditifi ka Ajemi, ka nami dandae garaingalchine. Jennaani worri waan hayyuuni jed'e, namichi Yuda toko ka boojiani, ka Danieli jed'ani, sii insaalfatu, ee hayyicha, yokhaani seera atini baafte inguutu. Inni guyya ch'ufa maro sadi Waaqa kad'ata. Hayyichi dubbi suni d'ageennaani aka male rifate, haga dandau haga d'ia adute asi kara Danielini baasu barbaade d'abe. Jennaani jari kaani hayyuti deebie waan jed'eeni, Ee hayyicha, atini imbeeta, aada gosa Meditifi ta Ajemi gula, eegi seera baasani seera suni dandaani garingalchani. Jennaani hayyichi seera baase, Danieli qaba, goda nyeench'i miju keesa buusa jed'e. Duuba inni waan Danielini jed'e, Waaqi kanke, ka atini guyya ch'ufa kad'atu, si baasinna goda suni afaani isaa d'akha guddaani duuchani. Hayyichi beesisa isaatiifi ka jara isaa gugurda d'akha suni ira kaye, aka nami tokoleeni dandae Danieli imbaamne. Jennaani hayyichi mana ufiti gale, sagaleefi taba dide, hiriba d'abe, haga lafti bariituti akasuma ch'iise. Lafti bariinaani hayyichi ganama ariifate, goda nyeench'aa d'aqe. Achini bahe jennaani qonqo laalalatini Danieli yaame waan jed'e, Danieli, hojattu Waaqa jiru Waaqi atini d'ugeefatu nyeench'a duraa si baase? Danielini waan jed'eeni, Ee hayyicha, lubbu buli! Waaqi malaika ufi erge afaani nyeench'a ch'ufe, nyeench'i woma tokole na intolchine. Wonti inni akasi tolcheefi, waan anini takaa isa durati wollaala intolchinifi, ammalle sile takaa waan hamtu intolchine, ee hayyicha. Hayyichi aka male gammade waan jed'e, Danieli goda suni keesaa baasa. Jennaani Danieli qulqulicha woma intahini goda kaani keesa fuud'ani, waan inni Waaqa ufi d'ugeefatefi. Jennaani hayyichi, Jara Danieli hime kaani ch'ufa qaqaba jed'e, worraafi nad'eeni worraatifi ijoolle worrale ch'ufa qaqabani, goda nyeench'a keesati guurani. Ato worri hunda goda suni ingahiini nyeench'i worrati baafate nyaate lafeele ch'ach'abse hobaase. Jennaani hayyu Darioni tatabe nama gosafi d'alootafi afaani afaani dubbatu ch'ufa, ka lafa ch'ufa keesa jiruti t'aafe waan jed'e, Nageenni isani bad'aad'a? Anini amma seera baasa, aka nami lafa anini fidu keesa jiru ch'ufti Waaqa Danieli sodaate saalfatufi. Inni Waaqa jiru, ka haga jiru jireenna tau. Finna isaa dandaani imballeesani jabeenni isaaleeni muumme inqabu. Inni nama baase badile d'owa, lafafi gubba irati akheekha jabaafi waan mama tolcha. Nami afaani nyeench'a keesaa Danieli baase isuma. Duuba akasiini Danieli bara Dariofi Koreshini, ka gosa Ajemi, lafa mohate bulti dansa, argate. Ganna qara ka Belshazani hayyu Babiloni tahe, anini halkani gach'iise rafe oobjad'e daayyani wo arge. Duuba oobju suni t'aafad'e; wonti anini oobju sunini arge tana: Bubbeeni gara ch'ufaa d'ufte bisaani baariini d'oofte chochoofte. Jennaani bineensi afuri, ka gosa gosa, Baariini suni keesaa gadi yae. Ka qara nyeench'a fakaata, ammo koola aka risa qaba. Ato anini tae laalu, koola suni iraa baasani bineensa suni olfuud'ani, miila lamaani aka nama old'aabani qalbi nama kennanifi. Bineensi lameeso gorjama fakaata, ammo miila lukhatini oleja. Inni ch'inaacha sadi afaani qaba, duuba qonqooni toko waan jetteeni, Fooni guddisi haga feetu nyaad'i! Ato anini tae laalu, bineensi d'ibileeni gabahe, kunini qeeramsa fakaata, ammo dudda ufi ira koola afuri qaba, ka koola allaati fakaatu; ammalle mataani isaa afuri. Isa jabeenna inni lafaani mohatu kennanifi. Ammalle ato anini tae laalu, bineensi afreeso gadi bahe kunini gudda, hama, nama sodaachisu. Ilkaani isaa ka sibiilatini waan ijeesu gargari ch'ire ira ejaanjata. Inni bineensa kaani ch'ufa iraa gore, gaafa kud'ani qaba. Ato anini tae gaafa isaa suni ilaalu, gaafi diqaani toko jiddu gaafa kaanitini bahe, gaafi diqaani suni gaafa gugurda kaani sadi bubuqise. Gaafi diqaani suni ila namaatifi afaani kiyyibo ufi totolcha qaba. Ato anini tae ilaalu, barch'uma hayyu ka d'ad'aabani arge. Jennaani namichi toko ka haga jiru jireenna jiru d'ufe, barch'uma suni toko ira tae. Woyaani isaa adi ch'aama, rifeensi isaaleeni woya boofta adi fakaata. Barch'uma isaa ibidati iraa bobaa, ammalle miili barch'uma suni ch'ufti ibida, nafa isaa ch'ufa lola ibidati keesaa yaa. Nama kuma hedduti isaa hojata, ammalle nama muumme inqamne, ka kunki kunkiti, isa, dura ch'iisa, kori tae, kitaaba banani. Ato anini tae ilaalu, gaafa diqa kaani, ka tae kiyyibe ufi saadu, d'agaye. Jennaani ato anini tae ilaalu bineensa afreeso kaani ijeesani reefa isaa ibida keesa buusani gubani. Bineensa hafe kaani sadeeni jabeenna isaani iraa fuud'ani lubbu isaani haga bulti gabaabdu lakisani. Daayya suni keesa anini waan nama fakaata arge. Inni, ka dumansa keesa deemu, nati gadi d'ufe, namicha haga jiru jireenna jiru kaaniti qajeele, jennaani isa duraani d'ufani. Jennaani jabeennafi ulfinnaafi irre inni woini fiddu isaa kennani, aka nami gosafi d'alootafi afaani afaani dubbatu ch'ufti isa hojatu. Jabeenni isaa haga jiru jireenna taa, finna isaa muumme inqabu. Daayyani anini arge sunini na rifachiifte, anini guddo mudame. Anini nama arti eju tokoti d'ufe, waan daayyani tunini d'ooftu nati himi jed'eeni. Jennaani inni nati hime waan jed'e, Bineensi gugurdaani afrani kunini hayyoota afuri ta takaa tana d'ufte lafa mohatu garsiisa. Gumiini qulqullooni Waaqa guddaa, jabeenna lafaani fiddu argatte haga jiru jireenna teeti. Jennaani anini waan bineensa afreeso kaani, ka bineensa kaani sadeeni iraa gore, beekhu fed'e — bineensa hama nama mudamsiisu, ka waan ijeese qeench'a isaa ka sibiila diimatifi ilkaani isaa ka sibiila guraachatini gargari ch'ire miilaani ira ejaanjattu. Anini ammalle waan gaafa isaa kud'annaani kaanitifi gaafa didiqa eege bahe, gaafa sadeeni kaani bubuqise, beekhu fed'e. Gaafi sunini ilaafi afaani kiyyibo ufi totolcha qaba, ammalle gaafa kaani ch'ufa ira nama mudamsiisa. Ato anini tae ilaau, gaafi suni gumi Waaqa qulqullo taani had'e dabsate. Jennaani namichi haga jiru jireenna jiru kaani d'ufe, gumi qulqullo Waaqa guddati d'uga galche. Inni gumi suni jabeenna worri lafaani fidu kenneefi. Wonti daayyani suni d'ooftu, ka inni nati hime tana: Bineensi afreeso suni lafa hayyuuni fidu toko ta lafa hayyuuni d'ibiini fidu ch'ufa iraa gortu. Isiini lafa ch'ufa ira ejaanjatte balleesiti. Gaafi kud'annaani suni hayyoota kud'ani ta lafa suni mohattu. Duuba eege hayyu d'ibiti d'ufa, ka hayyoota taani ch'ufa iraa goru; inni hayyoota sadi dabsata. Inni Waaqa gudda miid'e, gumi Waaqale dabsa. Ammalle inni seerafi aada worrale ch'ufa garagalchu fed'a, gumiini Waaqaleeni ganna sadiifi jia jaa isa jalati bulti. Jennaani gubbati kori tae dubbi suni laalani, jabeenna isaa iraa fuud'ani aka hama isa balleesani. Jabeennafi guddinna lafa hayyuuni fidu ch'ufa gumi Waaqa guddati kennani. Finni worra ka jiru jireennati, nami lafa mohate ch'ufti worraa hojate saalfatafi. Wonti daayyani suni d'ooftu hagasuma. Jennaani anini aka male rifad'e, mudame waan suni biyya d'osse akanumati tae. Ganna sadeeso ka Belshazani lafa mohate, anini daayya d'ibile arge. Daayya suni keesa anini dira shushani, ka lafa Elamu, keesati ufi arge. Anini fulla galaana Ulai eje, jennaani hoola dagaaga d'aatu galaana suni eju arge. Gaafi isaa toko kaani iraa d'eera, ammalle eege kaani bahe. Anini elemo kaani, ka gaafa isaatini mirgaafi bitaafi ila adu had'u arge. Bineensi tokoleeni ka isa ufira d'owe yokhaani duraa bahu injiru. Inni waan fed'u tahe ufi d'aada. Ato anini waan kana tae heregu, korbeesi toko gara ila aduti bariisa d'ufe. Gaafi isaa toko, tokochi sunileeni jiddu ila eja. Inni elemo anini qara arge, ka d'aatu galaana eju kaaniti d'ufe dallansuuni had'e. Anini aka inni elemo suni dallansuuni had'e, gaafa isaa lachu ch'abse, arge. Elemoni irre isaani ufira d'owu d'abe, durati lafa d'ae, inni ira ejaanjate, nami isa baasu injiru. Korbeesi kaani aka takaa inargini kiyyibe ufi d'aade, ammo eegi guddo jabaate gaafa isaa kaani ch'absani. Fulla inni iraa ch'abe taani gaafi afuri, ka guddo mullatu, ka kamu fuula gama gama deefatu, gadi yae. Gaafa afrani suni toko iraa gaafi diqaani toko bahe; gaafa suni, irreeni isaa, bitaafi ila adutifi lafa gabboti ejiti. Gaafi sunini aka male jabaate, Urji gubbale had'e haga toko lafati d'abbe ira ejaanjate. Ammalle inni gudda urji sunitini morke, sorio guyya ch'ufa gubani isaa baasani d'owe, Mana Waaqale t'ureese balleese. Nami achiti ch'ubbu tolche, sorio guyya ch'ufa gube baasu lakise, d'uga Waaqa lafa buusani. Gaafi sunini waan tolche ch'ufa dabsate. Jennaani anini malaika malaika d'ibi wo gaafattu d'agaye Isiini waan jette wonti daayya tana keesati argani kunini yoomi dabarti? Ch'ubbuuni hamtuni fulla sorio guyya ch'ufa baasani d'uftu sunini haga yoomi teeti? Haga yoomi askarti gubbatiifi mana Waaqale ira ejaanjatani? Jennaani malaikaani taani waan jetteeni, Haga bulti kuma tokofi d'ibba tokofi shantama, ka sorio diiramafi galgala inqalanne. Duuba eege mani Waaqa aada ufi ta qara taaniti deebia. Ato anini waan daayyani suni d'ooftu tae heregu, nami toko d'ufe na dura eje. Jennaani anini qonqo gara galaana Ulaiti, Gabrieli, daayya inni arge suni waan isiini d'ooftu iti himi jettu d'agaye. Gabrielini d'ufe na bira eje, jennaani anini mudame lafa d'ae. Inni waan nani jed'e namicha, waan daayyani d'ooftu hubad'u. Daayyani waan gaafa muumme lafti taatu d'oofti. Ato inni tae nani dubbatu, anini gagabe lafa d'ae. Ammo inni oli na qabe. Waan nani jed'e, Anini waan dallansuuni Waaqa gadiini d'uftu si garsiisuu jira. Daayyani tunini waan gaafa guyya muumme lafti taatu d'oofti. Elemoni atini agarte, ka gaafa lama qabu, hayyoota Meditifi ta Ajemiti. Korbeesi hayyu Grikiti, ammalle gaafi guddaani, ila isa lamaani jiddu eju, hayyu qaraati. Gaafi afrani, eegi gaafi qara kaani ch'abse bahe lafa hayyooti fidde, ta lafti iti gargari qoodamte, jabeenna qara kaani d'abde garsiisa. Lafa suni gaafa ch'ubbuuni isii lafa ira dabarte muummeeni isii d'iaatte, hayyu mataa jaba, ka naasu inqamne, malticha hamaati, keesati d'alata. Inni jabeenna argata, ammo ufiini inargatu. Inni guddo woballeese waan tolchu fed'u ch'ufa dabsata. Ammalle worra jajabaafi gumi Waaqa qulqullole balleesa. Waan inni mala qabuufi, inni kara isaa dabdicha sunini wo dabsata. Inni ufi saade kiyyibe dagu nama hobaasa. Ammalle hayyu hayyu ch'ufa ira guddaleeni morka ammo harka namaa male isa balleesani. Daayyani tunini, ta waan sorio galgalaafi diirama baasani himtu, ta waan isiini d'ooftu siti himani, inuma guutamti. Ammo amma d'ossi, isiini turtu male inguutamtu. Anini aka male nahe, naasu sunini fayyad'abe, guyya heddu ch'iise. Jennaani anini kae, huji hayyuuni naa kenne taaniti deebie. Ammo daayyani sunini guddo na mamsiifte waan isii hubachu dad'abe. Namichi gosa Medi toko, ka Dario jed'ani, ka ilma Ahasuero, lafa Babiloni mohate. Ganna qara ka inni hayyu tahe, ato anini kitaaba qulqullo soome ganna torbatama ka badi dira Yerusalemu heregu, dubbi duri AABBO Waaqi raaga Yeremiani jed'e qaabad'e, Duuba guddise Waaqa gudda kad'ad'e, ufi agabse, ch'arqi naqad'e, daara keesati gale, AABBO Waaqa kiyyati bohe, ch'ubbu gumi tiyya iti hime waan jed'e, Waaqa gudda, atini gudda, nuleeni si guddimna, atini wold'aqisa kanke jabeesite, nama si jaalate dubbi tante guutule hojja ch'ufa jaalata. Nu yayu ch'ubbamne hameenna gula baane waan hamtu tolchine. Nu aadafi seera kanke lakimne iraa gorre. Nu raagoota hojattu tanteeti, ta maqa kanketini hayyootafi jaaroleefi ababootafi gosa teenna ch'ufa gorsite, ch'aqasu dinne. Atini, ee Aabbo, hojja ch'ufa waan d'uga tolchita ammo nu hojja ch'ufa ch'eera ufitini d'ufna. Nu worri Yuda, ka Yerusalemu, ammalle worri Israeli ka maro worri hamaate si lakiseefi atini lafa ch'ufa keesa firfirsite ch'ufti. Hayyoota teennafi jaarole teennafi ababooti teennaleeni yayu waan ch'eera taate siti ch'ubbamte, ee Aabbo; ato nu si dinnele, atini naaso, namaa araaramta. Gaafa atini duri hojattu tante raagootani seera nuu kennite, nu si ch'aqasu dinne, ee AABBO Waaqa keenna. Nami Israeli ch'ufti seera kanke ch'abse, jecha kanke ch'aqasu dide iraa gore. Nu siti ch'ubbamne, tanaafi atini abaarsa, seera hojattu tante Musa keesati t'aafani, nutini d'ufte. Atini waan duri intolcha jette, nuufi nama nu fide tolchite, dira Yerusalemule dira lafa keesa jiru ch'ufa ira balleesite, gaargala Seera Musa keesati t'aafani ch'ufa nutini d'ufte. Ammo ato akasile taate, ee AABBO Waaqa keenna, nu dabaafi ch'ubbu teenna lakimne d'uga tante gula deemne si gammachimne. Ee AABBO Waaqa keenna, atini badi isani balleesa jette illakimne, wonti akanatiifi waan d'uga tolchita, nuleeni si inch'aqamne. Ee Aabbo Waaqa keenna, atini jabeenna keetiini gumi tante lafa Misiri keesaa baafte, jabeenna kanke suni arrale inuma qaabatani. Nu yayu ch'ubbameni waan hamtu taane. Atini duri ya nuu kalchite, tanaafi amma Yerusalemuti deebite indalanini. Inni dira kanketi, gaara kanke qulqullo. Nami lafa nu d'aatu jiru ch'ufti, Yerusalemufi gumi tante tufata wonti suni ch'ufti maro ch'ubbu teennatifi waan hamtu ababooti teenna tolchiteefi nu d'aqabde. Ee Waaqa, kad'achaafi boha tiyya tana na d'agayi. Mana kanke ka balleesani eebisi, mid'aasi jaari, aka nami ch'ufti aka atini d'uguma Waaqa hubatu. Ee Waaqa, nu d'agayi nu ilaali, gaargala nu keesa jirufi d'iba dira maqa kanke qabu argi. Nu d'uga qamna jenne si inkad'annu, ammo maro naasu tante guddotifi si kad'anna. Ee AABBO, nu d'agayi, AABBO, nuu araarami, AABBO nu ch'aqasi, nu qarqaari! Aka nami ch'ufti aka atini Waaqa si beekhu, AABBO, hurrisi nu qarqaari! Dirafi gumiini tunileeni teeti. Anini tae Waaqa kad'ad'e ch'ubbu tiyyafi ta gumi tiyya Israeli hime, AABBO Waaqa kiyyati bohe, mana kanke qulqullo mid'aasi jaari isaani jed'e. Ato anini kad'achumati jiru, Gabrielini, namichi anini daayya qara taani keesati arge, barise nati gabue. Hojaani suni hojja sorio galgala baasani. Inni waan nani jed'e, Danieli anini aka atini fagiisa hubatu si garsiisu d'ufe. Gaafa atini qara Waaqati boote, inni si d'agaye. Inni guddo si jaalata, tanaafi anini waan inni kad'acha tana gula si tolchu fed'u siti himu d'ufe amma tana dubbi tana d'agayi waan daayyani tunini d'ooftu hubad'i. Ganni torbatama maro torba ganna Waaqi aka gosa tanteetifi dira kanke qulqullo ch'ubbufi hameenna suni keesaa baasu fohate. Ch'ubbu namaa araaramani, d'uga haga jiru jireenna jirtule namaa kennani aka daayyafi fagiisi guutame Mana Waaqa qulqullo maro lameeso jaraani eebisani. Dubbi tana jabeesi hubad'i: Haguma gaafa seera baasani, Yerusalemu jaara jed'ani kaani haga nami Waaqi muude fohatu d'ufuti, ganna torbatama ka maro torbati jiddu jira. Dira Yerusalemu mid'aasani jabeesani boolani marsani jaarani, karale ch'ufa iti tolchani; duuba diri suni ganna jaatami lama maro torba taa, ammo ganni sunini ch'ufti bara gaargalati. Eegi bari sunini dabre, namicha Waaqi fohate kaani akanumati ijeesani wollaala male. Duuli hayyicha jaba toko lafa suni had'e dirafi Mana Waaqa balleesa. Duuba muummeeni akuma lolaa fach'aate, woraanafi badi Waaqi kurfeeseni d'ufti. Hayyichi suni nama heddu, haga ganna torba, wold'aqisa woliini tolfata. Ammalle ganna torbaani suni jiddu keesati inni soriofi waan Waaqaa baasani ch'ufa balleesa. Waan hamtu nama rifachiisa fiit'e Mana Waaqa gubba kayani, haga nama achi kaye suni baddini Waaqi kurfeesefi sunini d'aqabduti. Ganna sadeeso ka Koreshini lafa Ajemi mohate dubbi toko Danieli ka maqaani isaa d'ibiini Belteshazati mullisani. Dubbini suni dubbi d'ugaati, ammo nami akanati dandae inhubatu. Isa daayya keesa iti himani hubachisani. Bara suni anini haga torbaani sadi bohe. Sagale dansaafi foonifi daad'ile dide, rifeensale haga torbaani sadi dabraniti filachu dide. Guyya diddami afreeso ka jia qara, anini afaani galaana gudda Tigris jed'ani eja. Jennaani oli millad'e, nama toko ka woya booftatifi gurda worqi dansa hid'aana qabu arge. Nafi isaa aka dooqa biliqe, fuuli isa aka angaasu ifse, ilti isaa aka ibida diimatte harkaafi miili isaa aka sibiila diima bibiliqe, qonqooni isaaleeni gohanna gumi fakaatte. Nami daayya suni arge anuma ch'alla. Jari na woliini jiru kaani tokoleeni woma ingarre, ammo akanumati mudamani baqatani d'okhatani. Ato anini tae daayya suni ilaalu, akanumati koba hafe. Humna d'abe, fuulileeni na jirjirame, nami na hubachu dad'abe. Anini qonqo isaa d'ageennaani gagabe lafa d'ae, fuulaani lafati gombifame, artuma ch'iise. Jennaani harki toko d'ufe, oli na fuud'e, ato anini hollad'u, jilbaafi harka lafati na d'aabe. Malaikaani waan nani jette, Danieli, Waaqi si jaalata, kai, waan anini sini jed'u kana aka dansaa ch'aqasi ana siti ergani. Isiini akasi jennaani anini, ka tae hollad'u, olkae. Jennaani isiini waan nani jette Danieli, insodaatini, Waaqi haguma gaafa qara atini wo hubachaa jette ufi diqeesite yayu kad'acha tante d'agaye, aninileeni maro kad'acha tanteetitifi d'ufe. Malaikaani lafa Ajemi qorqorattu haga bulti diddami toko nani morkite. Jennaani Mikaelini, malaikaani guddoni toko, waan lafa Ajemi keesati koba na lakisanifi na qarqaaru d'ufte. Anini waan takaa tana gochiti tante taatu si hubachiisu d'ufe; daayyani tunini waan taka tana himti. Isiini dubbi tana nani jennaani, anini akanumati ch'allise lafa laale. Duuba malaikaani nama fakaatu taani harka d'ereefate hid'i tiyya tut'e. Anini waan jed'eeni, Aabbo, daayyani tunini ya na mudamsiifte, tanaafi anini dandae holla ind'owad'u. Anini tisse abba dura ejitu fakaad'a, akami dandae sini dubbad'a? Humnaafi hafuuri na keesati inhamne. Malaikaani nama fakaatu taani ammalle na qabannaani humniti nati deebite. Isiini waan nani jette, Waaqi si jaalata, insodaatini, naguma, garaa jabaad'i. Isiini dubbi suni jennaani, haga qara kaanile ira humna argad'e waan jed'eeni, Aabbo, waan jechu feetu jed'i atini yayu humna nati deebifte. Nami na kalche na qorqoratu isuma. Tanaafi wonti anini amma siti himu kunini dubbi d'ugaati. Malaikaani waan jette, Hayyoota sadi d'ibiti lafa Ajemi mohata; ka afreeso ka kaani ch'ufa ira dureesa, eege d'ufa. Gaafa inni guddo wo horate gurra baafate, inni lafa Grikitiini morke nama ch'ufa iti kaasa. Duuba eege hayyichi jabaani toko d'ufe, lafa ballo guddo mohate waan fed'u taha. Eegi inni irre guddo horate, lafti inni mohatu suni irre d'abde, fulla afuriti gargari qoodamte baddi. Hayyoota d'aloota isaa intahiniti d'ufe lafa mohata, ammo worri irre aka inni qabu taani inqabu. Hayyuuni lafa bitaa jaba taha, ammo jari isaa gugurdaani nami toko isale ch'aale lafa ta isale ira guddole mohata. Eegi ganna heddu, hayyichi lafa bitaa hayyicha lafa mirgaatini wold'aqani, dubra isaa iti gurgura: Ammo wold'aqisi worraa suni inturu, intala sunifi d'iirsa isiitiifi ilmeeni isiini d'alteefi hojattuuni isii baasanile ch'ufa fit'ani. Eegi bulti diqo nami fiit'a isii toko hayyu taha. Inni askarti hayyu lafa mirga had'e, dira worra jajaba seene worra dabsata. Inni akheekha waaqa worraatifi miha worqifi qarsi ka waaqa sunii kennani boojie lafa Misiritiini gala. Eegi lafti ganna heddu nagaya horatte hayyuuni mirga kaani d'ufe isa had'a, ammo taatule hayyu suni dabsatani lafa Isati galchani. Ilmaani hayyu lafa mirgaa duula gudda kaafte lola kurfefatti duuba duuli suni d'ufe aka lolaa worrati fach'ae, dira worraa jajaba ch'ufa had'a. Hayyuuni lafa bitaa dallane, hayyu lafa mirgaa had'e duula isa gudda kaani dabsate. Inni waan duula suni dabsate nama heddu fit'eefi koora, ammo eegi suni deebie woma indabsatu. Hayyichi lafa mirgaa deebie duula haga duri kaanile ira jiru kaasa. Gaafa guyyaani gahe, inni duula gudda muumme inqamne, ka miha lola ch'ufa qabuuni deebia. Jennaani nami hedduuni garagale finna hayyu lafa bitaa dida. Ammalle nami gosa teeti ee Danieli jajallaani, maro daayya argeefi garagale finna jalati bulu didda, ammo taatule worra inuma dabsatani. Duuba hayyuuni lafa mirga kaani d'ufe dira jabeesani jaarani toko marse had'e qaba. Askartini lafa bita nyaapa ufiraa d'owu dad'abdi, askartini worraa jajannileeni ch'ufti humna d'aabdi. Nyaapi mirgaa d'ufu kaani waan fed'u worra tolcha, nami dandae d'owu injiru. Nyaapi suni lafa gabbo d'ufe waan fed'u keesati tolcha. Hayyichi lafa mirgaa duula kaase, nyaapa suni had'u d'ufa. Duuba aka lafa nyaapa suni balleesu, inni goli worraa tahe intala ufi nyaapa suniti gurgura; ammo mali isaa suni intahu. Eegi suni inni gosa afaani baariini teetu had'e heddu dabsata. Ammo namichi abba duula ka lafa d'ibi isa dabsate, kiyyiba isaa suni iraa kuta; d'uguma inni kiyyiba hayyu lafa mirgaa isumati deebisa. Hayyichi kaani dira jajaba lafa isati deebie, ammo isa inuma dabsatani, muummeeni isaleeni sunuma. Fulla isaa nama d'ibi ka hojatu ufi erge biyya dabse damoosa iraa guuruti d'ufe hayyu taa, aka akanaani lafa ufi dureeti tolchu. Bulti gabaabduti hayyu suni ijeesani, ammo taatule isa gumi keesafi had'iisa keesaleti inijeesani. Ammalle malaikaani waan jette: Fulla isaa namicha hama toko ka huji sunii immaliniti hayyu taha; ammo inni tassa d'ufe kara sobaatini guddinna suni fud'ata. Nama isa didu, ato inni qaallicha Waaqa guddale teete, lafa iraa balleesani qile boola buusani. Inni gosa d'ibi sobe, akasiini goli woli tahani, ammalle ato inni gosa diqo mohatele kara sunini guddo jabaata. Inni tassa d'ufe, lafa dureeti had'e, waan ababooti isaa takaa intolchini tolcha. Duuba waan lola keesati boojie ch'ufa jara isaatini gargari qoodata. Inni mala d'aate dira jajaba had'a, ammo guyyaani isa ingababata. Inni garaa jabaate duula gudda kaase hayyu lafa bitaa had'a. Hayyuuni lafa sunileeni kurfefate, duula jaba toko kaase isale had'a; ammo ha taatu inni maro mala iti d'awatanifi dandae indabsatu. Namuma isaa woliini golofataniti isa balleese, duula isaa nama heddu hobaasani dabsatani. Duuba hayyoota taani lamaani ta garaani worraa wolballeesu fed'u, mesa takaa ira woliini teteete wolti kiyyibdi. Ammo waan tahu fed'ani inargatani, wonti akanatiifi guyyaani wonti sunini taatu ingeenne. Hayyichi lafa mirgaa ka wold'aqisa Waaqa qulqullo balleesu fed'u, waan boojie ch'ufaani galata. Inni waan fed'u tolche, duuba lafa ufiti deebia. Eegi suni inni ammalle lafa bitaa suni d'ufe had'a, ammo marooni tunini aka d'ibi taati. Hobolooni lafa Kitimuti d'ufte isa haate mudamsiifti. Duuba inni dallane garagale wold'aqisa qulqullo balleesu fed'a. Inni mala worra wold'aqisa qulqullo ch'absu gula deema. Askartini isaa hagi toko d'ufte Mana Waaqa t'ureesite, sorio guyya ch'ufa baasani d'owarte waan hamtu nama rifachiisa kaani old'aabdi. Kara sobaatini hayyichi worra wold'aqisa ch'abse suni gama ufi deebisa, ammo worri Waaqa beekhu garaa jabaate isa dida. Jaaroleeni qalbi qabdu nama heddu d'ibi barsiifte qalbi kennitifi ammo worra haga toko haga diqa toko, goradeefi ibidaani fit'ani, ka garile miha iraa saamani boojiani. Ato nama fit'u jiranu jari Waaqa qarqaarsa diqa toko argata, ato nami gari worra sobe goli worraa tahele. Jaarole qalbi qabdu suni haga toko infit'ani, aka akasiini gumi taani qulqulleesani aabo d'owani. Wonti kunini haga muummeeni Waaqi kurfeese d'uftuti halkani guyya inuma taati. Hayyuuni lafa mirgaa waan fed'u tahe, anini waaqa ch'ufa ira jira jed'e ufi guddise, Waaqa guddale aka hama arabse akasiini nama mamsiisa. Inni haga Waaqi dallane badi isatini d'ufuti akasuma taha. Waaqi waan herege suni inuma guuta. Hayyichi suni waaqa ababooti isaa kad'atufi waaqa nad'eeni jaalatule yalabaha. Inni waaqa tokole womatu indaru, wonti akanatiifi inni waan waaqa ch'ufa ira jiru ufi seha. Ammo waaqi inni guddisu waaqa maneeni jajabdu qorqoratu. Inni waaqa taka ababooti isaa inkad'atiini, worqifi qarsifi d'akhaye ch'uch'ulut'ufi waan dadansa d'ibile ch'ufa baasafi. Ammalle jara waaqa d'ibi kad'atu yaame, maneeni jajabdu tana qorqorad'a jed'aani. Inni nama isaa saalfatu guddinna gudda kenne nama heddu mohachise lafale kennaafi. Gaafa muummeeni geete hayyuuni lafa bitaa d'ufe isa had'e, hayyuuni mirgaleni fardafi gaari fardi hirkisufi hobolooni d'ufe isa ufi ira had'a. Inni akuma bisaani faach'aani, lafa fud'atani lafa heddu fud'ata. Inni lafa gabbole had'e nama kuma heddule hobaasa, ammo lafti Edomutifi ta Moabutifi lafti Hamoni hagi toko duraa baati. Gaafa inni lafa suni ch'ufa had'u lafti Misirileeni duraa imbaatu. Inni worqifi qarsifi waan dansa lafa Misiri ta olkayani ch'ufa, d'ufe boojia. Ammalle lafa Libiyatifi ta Kushile dabsata. Duuba qonqooni mirgaafi ilaboruti d'ufte isa mudamsiifte, inni aka hama dallane, d'aqe, nama heddu had'e fit'a. Inni waaro isaa ta hayyule jiddu baariinitifi gaara Mani Waaqa iraa eju d'ad'aaba. Ammo taatule inni ka wahela inqamne qofuma dua. Malaikaani woya boofta uyifattu waan jette, Gaafasi malaikaani guddoni, Mikaeli jed'ani, ta gosa tante qorqorattu, ind'ufti. Duuba guyya gaargala ka haga nama lafa irati uumani takaa inarginiti d'ufa. Gaafasi nami gosa teeti, ka maqa isaa kitaaba keesati t'aafani ch'ufti lubbu baha. Nami hedduuni ka qara due inkaa: ka gari jireenna ind'umanne argata, ammo ka gari ch'eera ind'umanne argata. Jaaroleeni qalbi qabdu aka gubbani bilit'u bibilit'i; jari nama heddu d'uga barsiisuleeni akuma urji haga jiru jireenna ifsa. Inni waan nani jed'e, Danieli, amma kitaaba ch'ufi, beesisa ira kayi, haga muummeeni d'uftuti. Nami hedduuni olgadi orie waan baratu barbaada. Jennaani anini jara lama ka galaana moga moga ejaanju arge. Worra suni nami toko d'ufe, malaika gara bisaani gadi d'ufanifi ejitu taanini waan jed'e, Wonti mama kunini yoomi guutamti? Malaikaani taani harka lachu gara Waaqa olqabatte, maqa Waaqa haga jiru jireenna jirutini kakhate waan jette, wonti sunini eegi ganni sadiifi jii jaa dabre guutamti. Gaafa gumi Waaqa gaargalchani iraa deebiani wonti kunini gaafasu ya guutamte. Gaafa isiini dubbi suni jette anini artuma jira. Anini waan isiini jettu ind'agaye male ammo inhubanne. Tanaafi anini isii gaafad'e, Aabbo, dubbini tunini akami buufatti? jed'e. Isiini waan nani jette, Danieli, beeni, ufiraa deemi, wonti akanatiifi haga muummeeni d'uftuti, dubbi tana jabeesani d'ossu malani. Nami hedduuni qulqullae aabo womatu d'aba, ammo namnami hamamani woma inhubatu, hameennuma sunini taa; ammo nama qalbi qabu ch'allaati hubata. Haguma gaafa sorio guyya ch'ufa baasani balleesani, yokhaani haguma gaafa waan hamtu nama rifachiisa kaani old'aabani, guyya kuma tokotifi d'ibba lamafi sagaltamati dabra. Nami bulti kuma tokotifi d'ibba sadiifi sodomi shani obse eegatu eeba argata! Danieli, atini akuma kanke kaani, haga muumme, kara d'uga keesati buli, Duuba eege indoota, ammo yo dootele gaafa muumme kaate galata kanke argatta. Tunini dubbi AABBO Waaqi Hosea, ilma Beeriti erge, gaafa Uziafi Yothamufi Ahazifi Hezekiani hayyoota Yuda, ka ammalle Yeroboamuni, ilmi Yoashi, hayyu Israeli. Gaafa AABBO Waaqi Hoseani dubbate, inni waan jed'eeni, Beeni, niiti daru fuud'i, ilmaani iraa d'ali. Wonti akanatiifi gumi tiyya aka daru taate na lakifte na biraa deemti. Jennaani Hoseani deeme, Gomeri intala Diblaimu fuud'e, isiini ilma deeteefi. AABBO Waaqi waan isaani jed'e, Ilma kanke maqa Yezreeli baasi; wonti akanatiifi anini, ato inturre, mana Yehu, maro d'iiga nama Yezreeli ka inni jissetiifi balleese mootuma Israeli muumme baasa. Ammalle guyya suni guubefi t'iya Israeli ch'ach'abse Bale Yezreeli keesati irre worraa balleesa. Gomeriini ammalle garaachoofte maro tana dubra deete. Jennaani AABBO Waaqi waan Hoseani jed'e, Maqa isii, Ta injaalanne baasiifi; wonti akanatiifi anini deebie gosa Israeli injaalad'u yokhaani inaraaramuufi, ammo gosa Yuda injaalad'a. Ammalle anini, AABBO Waaqi, Waaqi worraa, worra imbaasa, ammo had'iisa goraadetiini yokhaani guubetiifi t'iyatiini yokhaani ka fardafi ka nama fardaani lolutiini imbaasu. Eegi Gomeriini intala harma iraa kute, isiini ammalle garaachoofte ilma d'ibi deete. Jennaani AABBO Waaqi waan Hoseani jed'e, Maqa isaa, Nama kiyyaniti baasiifi; wonti akanatiifi isani nami Israeli nama kiyyaniti, anileeni Waaqa keesaniniti. Ammo ato akasile taate, worri Israeli hore aka maansa baariini lafa ira dabra, ka nami dandae inhenne. Qara Waaqi, Isani nama kiyyaniti jed'eeni, ammo guyyaani ind'ufa, ka inni, Ilmaani Waaqa jiru jed'uuni. Gosa Yudatifi ta Israeli wolti deebisani takaa tolchani. Worri nama toko ka mata worraa tahe worraani deemu fohata, duuba worri ammalle hore daraara. D'uguma guyyaani Yezreeli guyya jaba taha. Duuba gosa teesani ta Israeli, Worra Waaqaa, ka Aabbo Waaqi jaalatu jed'a, yaama. Ijoolle, haateti dubbad'a ufi ya dad'abe, isiini amma niiti tiyyaniti, anileeni d'iirsa isiitiniti, ammo ha taatuti, iti dubbad'a, aka isiini sharmut'oma isii, ka ch'eera d'abde lafaani martu kana, lakiftu. Yo isiini lakisu didde, anini woya iraa hiikhe qulla aka isiini d'alatte lakisa, ammalle anini isi aka lafa gamooji ta bisaani inqamne, tolche d'eebuuni ijeesa. Anini ilmaani isii injaalad'u; ilmaani suni ta niiti daru ch'eera inqamneti. Isiini waan jette, Anini garayoota tiyya gula deema, ta aananifi bisaani naa kennite gaad'a dadansa naa bitte daara na baafte d'ad'afi daad'i naa kennitu. Tanaafi anini amma dallaa qoraati iti jaare, d'akhaani marse jaare deemu d'owa. Isiini garayoota isii irreebdi ammo ind'aqabdu, ammalle imbarbaadi ammo inargattu. Duuba isiini ufi jibbaatte waan jettu, Anini d'iirsuma kiyyati deebia — gaafuma d'iirsa kiyya woliini jiru aka dansaa taa, ammatana ira. Isiini aka nami mid'aani, daad'i, d'ad'a, ammalle qarsifi worqi worri kad'acha waaqa Baali jed'ani suni baasu isii kenne, ana inhubbanne. Tanaafi gaafa mid'aani haamani, anini mid'aanifi daad'i tiyya isi iraa fuud'e deefad'e, gaad'a dadansa anini daaraani baase qullaani d'osseefi kaani iraa fuud'a. Anini ila garayoota isii durati isi woya iraa hiikhe ch'eersa, nami tokoleeni ka iraa na d'owu injiru. Anini jila isii d'owa — jila isii ta wogaatiifi ta baatitiifi ta Sabatotiifi jila isii d'ibi ch'ufa. Anini mukeeni isii ta zabibutiifi ta odale, ta isiini, Garayoota tiyyati sharmut'oma kiyya naa kenne jettu balleese badda fulla bineensi keesa oolu tolcha. Waan isiini na lakifte waaqa Baali jed'ani hit'aana aarsite jila tolchite ufi mid'aasite qubefi faayaani ufi ch'ote garayoota isii taani gula deemteefi, anini isi gaargalche balleesa. Tunini dubbi AABBO Waaqi jed'e. Tanaafi anini isi sosobe lafa alootini d'ufe jaalalaani iti dubbad'a. Anini oobru isii ta zabibu isii deebise Bale Gaargala garagalche balbala abdi tolcha. Isiini achiti dubbi na jalaa qabdi, akuma gaafa kaima, ka isiini lafa Misiri keesaa baate na jalaa qabde kaani. Gaafasi isiini, D'iirsa kiyya naani jetti, deebite Baali kiyya naani injettu. Ammalle AABBO Waaqi waan jed'u, Anini deebie aka isiini maqa Baali d'ooftu diqole ee injed'u. Gaafasi anini bineensafi simpirrefi waan garaani lafa ira lohale wold'aqisa woliini tolfad'a, aka worri kiyya nagayaani woliini tau; ammalle anini goraadeefi guubefi t'iya lolaa balleese lafa nagaya tolcha. Israeli, anini niiti si tolfad'a; anini nama d'uga ka d'ugeefatani taha; anini si jaalad'e si lakisu dide, haga jiru jireenna sii nahe nama kiyya si tolcha. Anini kakhu tiyya guute, nama kiyya si tolfad'e, atileeni aka ani AABBO Waaqa beeta. Anini gumi tiyya lafa tana qubachiise horsiisa; worra ka Injaalanne jed'aniini kaanifi worra Nama kiyyaniti jed'aniini kaanile jaalad'a. Anini waan jed'uuni, Isani worra kiyya; worrileeni waan jed'u, Atini Waaqa keenna. AABBO Waaqi waan naani jed'e, Ammalle beeni, niiti daru ta nama d'ibi jaalatu, jaalad'u. Akuma anini worra Israeli, ato worri naraa gore waaqa d'ibi mid'aani zabibu baaseefi kad'atele jaalad'e, atileeni isi akasuma jaalad'i. Duuba anini qarsi kud'ani shanitiifi kintaala lama ka garbutiini isi bitad'e. Duuba waan jed'eeni, Atini tiyya taata, ammo haga guyya heddu ufumaa tau malte; deebite sharmut'oma indeemtu yokhaani namileeni isiti indeemu. Haga kana anileeni si bira ingahu, ufumaa iraa taa. Akanaani worri Israelileeni hayyufi jaarsa male yokhaani ka soriofi d'akha woyyu ka old'ad'aabani yokhaani akheekha waaqoota d'ara ta woini garsiisani inqamne, tau male. Ammo eegi suni guyyaani ind'ufa ka worri Israeli AABBO Waaqa isaanitifi ilma Daudi hayyu isaaniti deebiu. Gaafasi AABBO Waaqa sodaatani waan dansa inni worraa kennu fud'atani. Ee Israeli, dubbi AABBO Waaqi isaniti himu d'agaya. AABBO Waaqi nama lafa tana keesa tau akana himata: Lafa tana keesa nami wold'ugefate yokhaani woljaalatu injiru, yokhaani ka Waaqa beekhuleeni injiru. Kakhatani, kakhu suni ch'absani; d'ara dubbatani, nama ijeesani, woi hatani, nad'eeni biyyaa baratani. Ch'ubbuleeni guddatte, guyya ch'ufa wolijeesani. Tanaafi lafti godde, wonti keesa jira ch'ufti, bineensa, simpirre, qurt'umileeni ch'ufti hobaati. AABBO Waaqi waan jed'u, Nami tokoleeni isani inhimatini yokhaani isani ingorsiini — nami isani qaalole himatu ana. Halkanifi guyya gugufacha yaatani, raagootileeni isani ira injirtu. Anini haad'a teesani Israeli imballeesa. Gumiini tiyya maro beekha Waaqaa inqamneefi ya badde. Isani qaalole, waan isani na diddani barsiisa tiyyale diddanifi, anini isani dide ilmaani teesanile qaalole tiyya tahu d'owa. Qaalole, isani akuma heddataniini nati ch'ubbamtani, tanaafi anini ulfinna keesani ch'eera tolcha. Isani maro daba gumi tiyyatiifi duroomtani, tanaafi isani aka worri hojja ch'ufa ch'ubbu tolchu feetani. Akuma biyya d'ibi gaargalchani isanile gaargalchani! Anini isani gaargalche gati ch'ubbu teesanii malte isanii keenna. Isani sagale sorio nyaattani ammo inquuftani; fuula Waaqa durati huji sharmut'oma hojattani ammo ilmaani ind'altani, waan isani naraa gortani waaqa d'ibi gula yaatanifi. AABBO Waaqi waan jed'u, Daad'iini hareetifi dullatiini gumi tiyya daalleesu jirti! Worri waan mukha ira mid'aasani kad'ate, Nu gorsi jed'aani! Uleleeni waan worri beekhu fed'u worrati himti! Worri na lakise sharmut'oma gula bahe waaqoota d'ibi kad'ate. Fiit'e gaara gubbaa, fulla woyyumati sorio qalani, kubi gubbaa galma mukha jalati hit'aana aarsani gaadisa boqotani! Maro waan sunitiifi dubriti teesani sharmut'a taate, nad'eeni ilmaani teesanileeni daru taati. Ammo ha taatu, dubra teesanifi nad'eeni ilmaani teesani suni dubbi ira inqabu; wonti akanatiifi isanu sharmut'oma waaqoota d'ara gula baddani sorio imfakaanne nad'eeni suni woliini waaqoota sunii baaftani. Akanaani gumiini hubacha inqamne baddi. Ato isani worri Israeli sharmut'a taatanile, worri Yuda waan suni gula imbadiini. Gilgali yokhaani Bethaveni d'at'ani, AABBO Waaqa jettani, maqa kiyyaani inkakhatina. Worri Israeli mataa jajaba, ka dubbini gurra inseenne. Anini akami dandae aka ilmaani ree worra gololcha? Worri Israeli ya waaqoota d'ara jaalate gula bade; laki, ha baduti! Daad'i d'ugani machaani sharmut'oma gula badani, ulfinna jibbani ch'eera jaalatani. Akuma bubbeeni woi fuutu, worra fuud'ani, waan sorio waaqoota d'arati baasanifi ch'eeraani. Isani qaalole, d'agaya! Isani worra Israeli, d'agaya! Isani worri hayyuleeni ka sila d'uga gula dubbi qoruu male — qorsumaani suni taka tana isanii indeebiti! Isani dira Mizpati nama qabdani, gaara Taboriti t'urura namati taatani, ammalle boola qile Dira D'adachati taatani; tanaafi anini isani illakisu woi isani tolcha. Anini aka worri Israeli jiru imbeekha; worri dandae na ind'okhatu. Worri naraa gore ufi t'ureese na kad'achu himmalle. Hujiini hamtuuni worri hojate worra Waaqaati deebiu d'owarti. Worri sharmut'oma ch'alla gula bahe AABBO Waaqa wollaala. Ufi saaduuni Israeli ya Waaqa durati diida gabaate. Dabi worraa worra gufachiise buuse, worri Yudaleeni worra woliini jiga. Worri loonifi ree fud'ate AABBO Waaqa sorio baasu d'aqa, ammo sorioni sunileeni woma keesa injirtuufi. Worri ya AABBO Waaqa iraa gore, ilmaani isaanileeni ta isaatiniti. Tanaafi amma nyaapi d'ufe worraafi lafa worrale balleesa. Magalata lolaa Gibea keesati d'aa! Rama keesaleti arrifad'a! Bethaveni keesaleti, Nyaapi ya d'ufe jed'a, iyya! Had'iisa kurfefad'a, worra gosa Benjamini. Guyyaani gaargala ind'ufa, ka Israeli balleesani. Worra Israeli, dubbini tunini inhanqattu! AABBO Waaqi waan jed'u, Waan jaaroleeni gosa Yuda worra Israeli haate lafa iraa fud'ateefi, anini ya dallane, tanaafi anini dallansu tiyya aka lolaa worrati fach'aasa. Worri Israeli ya gaargale; worri ya lafa ufii kara d'araatiini d'abe, waan worri nama qarqaarsa worraa kennu indandeenne qarqaarsa kad'ateefi. Duuba anini Israeli badi iti buuse worra Yudale balleesa. Worri Israeli fayyad'aba ufii beennaani yokhaani Yudaleeni mada ufii arginaani lafa Ashuru d'aqani hayyu worraa gudda qarqaarsa kad'atani, ammo inni worra fayyad'abafi madale fayyisu dad'abe. Anini worra Israelitiifi ka Yuda aka nyeench'a had'a. Anumati worra gargari tatarsaase biraa deema. Hojja anini lafa ira worra hirkisu, nami na d'owu injiru. Anini deeme fulla tiyyati deebia, haga worri wollaala ufii arge na barbaaduti. Hegeri worri gaargala ufii keesa na barbaada. Koota, AABBO Waaqati deebina! Inni qara ya nu tatarsaase, ammo inuma nu fayyisa; ya nu madeesele, ammo mada teenna inuma hid'aniti? Eegi lamaa sadi bulle, nu jireesa, duuba nuleeni isa woliini teenna. Koota, jabaanne aka dansaa AABBO Waaqa baranna. Inni akuma lafti bariitu yokhaani akuma ganni woga gula roobu nuti d'ufa. Ammo AABBO Waaqi waan jed'u, Worra Israelitiifi ka Yuda, maani isani tolcha? Jaalalti teesani ta isani na jaalattani tunini huri fakaatti, yokhaani fit'eesa diirama ka yoosu gogu fakaatti. Tanaafi anini raagoota isaniti erge, ta dubbi tiyyaani isani ijeefte balleesitu. Wonti anini isani ira fed'u ya diidoofte: anini jaalala ind'umanne isani ira fed'a, sorioniti, yokhaani beekhuma isani na beetani fed'a, waan gubani Waaqaa baasaniniti. Ammo worri akuma Adamu wold'aqisa ch'abse, waan d'ara na durati tolche. Dira Gileadi nama ch'ubbu tolche d'iiga namaa buusuti guute. Qaaloleeni shifta fakaatti, ta d'okhate karaati nama eeddu. Kara fulla qulqullo Shekemu deemuleti nama ijeefti; ammalle waan kana ch'ufa beekhaa tolchiti! Anini lafa Israeli keesati ya waan hamtu arge: gumiini tiyya ya huji sharmut'oma hojatte ufi t'ureesite. Ammo isani worra Yudale, guyya wollaala isaniti murani ani ya tolche. Hojja anini worra kiyya ka Israeli fayyise horsiisu fed'u ch'ufa, anini ch'ubbufi hameenna worraa ch'alla arga. Worri wolsobe mana ch'ach'abse woi hate dira keesaleti nama saama. Worri waan anini hameenna worra suni diqole qaabad'u insehu; ammo ch'ubbuuni worraa worra marsite hojja ch'ufa nati mullatti. AABBO Waaqi waan jed'u, Hayyufi hojattu isaa gugurdo sosobaniti iti malatani. Worri ch'ufti malticha hama; ibida guddo bobeesani, ka nama qit'a d'aabu, haga qit'aani bukhauti intunne fakaata. Guyya jila hayyu keenna, hayyufi hojattu isaa gugurdo daad'i iti kennani macheesani daalleesani. Worri hayyu daalleese suni akuma ibida woi d'aabu mala ufiitini gubate. Halkani ch'ufa dallansuuni worraa gach'abde, ammo diirama aka ibida bobeeti. Dallansu ufii keesati worri worra worra fidu hobaase. Hayyoota worrale ch'ufa woluma gula fit'ani, ammo tokoleeni ta na yaamattu injirtu. AABBO Waaqi waan jed'u, Worri Israeli aka qit'a gami toko imbilchaatiini jira. Worri gosa d'ibi d'aatu jirtu abdata, ammo aka abdiini worri gosa d'ibi abdate suni worra laafiftu imbeekhani. Worri ya jaare arri baase, ammo akasile ufi inargu. Kiyyibi worra Israeli ya worra balleesa, ammo ha taatu, worri ana, AABBO Waaqa worrati deebie imbarbaanne. Israeliini aka sabaliisa jirti, ka aka daalle fulla ch'ufa ka inteenne maru; qara lafa Misiri qarqaarsa fed'achu d'aqani, ammo eege Ashuru d'aqani! Ammo anini t'urura dura kaye, ato worri aka simpirre barisu qaba. Maro hameenna worratiifi qabe worra gaargalcha. Worri waan naraa gore na lakiseefi ya bade! Tanaafi worra ha balleesani! Anini qara worra baasu fed'e, ammo worri d'ugaani na inkad'anne. Worri garaa tokooni na inkad'anne, ammo sire gubbati lafaani ufi d'ae, aka nama Waaqa imbeenne iyya. Ammalle hojja mid'aanifi daad'i Waaqa kad'atanile, ufi murani aka worra Waaqa imbeenne ufi tolchani, akasiini naraa gorani. Ato anini worra guddise jabeesele, worri nati malate. Worri yo ch'ufa naraa gore waaqa woma keesa injirre kad'ate guube dabdu fakaata. Waan jaaroleeni kiyyibdeefi, worra goraadeeni fit'ani, worri Misirileeni worra kobla. AABBO Waaqi waan jed'e, Magalata d'aa! Nyaapi akuma risa, gumi AABBO Waaqa irati sirbuu jira; wonti akanatiifi worri ya wold'aqisa nu woliini tolfanne ch'abse barsiisa tiyya dide. Ato, Inni Waaqa keenna, nuleeni worri Israeli si beena jed'anile, worri ya waan dansa dide; tanaafi nyaapi worraa worra gussa. Worri kiyya ka naani ingahiini hayyu fohate, ato na imbeesisiini jaarole tolfate. Worri qarsifi worqi fuud'e tume waaqa d'ara mid'aafate akanaani ufi balleesa. Anini korma worqiini mid'aasani, ka worri dira Samaria kad'atu, ya jibbe aka hamtu worrati dallane. Worri haga yoomi waaqoota d'ara tana gula yaa? Kormi kunini ka ogeeyiini Israeli mid'aasite waaqa akami? Laki, waaqaniti! Korma worqi ka Samaria keesati kad'atani gargari ch'ach'absani! Qilleensa fach'aasani, bubbe muratani! Dargayeeni oobru keesa jirtu, ta mata inqamne, sagale imbaaftu. Ato baaftele, nyaapumati nyaata. Israeliini ya aka gosa d'ibi taate okote faara ta ch'ach'abde fakaatte woma bahu dad'abde. Worri Israeli harre diidaa fakaata, ta mata ufiiti yaatu. Worri gara Ashuru d'aqe qarqaarsa fed'ate gosa d'ibile qarqaarsa iraa bitate. Ammo ammatana anini worra wolti baase gaargala kennaafi. Hojja hayyuuni guddaani Ashuru worra dabsu, worri guddo gaargale d'ukubsata. Akuma worri Israeli fulla sorio irati qalani ta artiti ch'ubbu namaa araaramani heddu jaaruuni, fullaani ch'ubbu iti tolchani heddatte. Anini barsiisa heddu muumme inqamne worraa t'aafe barsiisa, ammo worri imfud'atu. Sorio naa qalani, fooni sorio sunile nyaatani, ammo anini, AABBO Waaqi, sorio suni gammadaani imfud'ad'u. Amma anini ch'ubbu worraa qaabad'e, maro ch'ubbu sunitiifi worra gargalche, lafa Misiriti deebisa! Worri Israeli ya Waaqa worra uume ded'e, maneeni dadansa jaarate. Worri Yudaleeni ya dira dadansa aka dansaa marsani jaarani jaarate, ammo anini dira worraa ibida iti erge maneeni isaani jajabdu ch'ufa guba. Worri Israeli, jila teesani aka worra Waaqa imbeenne intolfatina. Isani ya Waaqa keesani iraa gortani waaqa d'ibi gula yaatani. Fulla ch'ufa isani ya aka sharmut'a waaqa Baali jed'aniti ufi gurgurtani mid'aani waan inni isanii kennu seetanile jaalattani. Ammo isani yoosu mid'aanifi d'ad'a d'abdani, daad'ileeni isani hanqatti. Worri Israeli lafa AABBO Waaqa keesa intau, ammo lafa Misiriti deebie sagale nyaachu himmalliini lafa Ashuru keesati nyaatani. Lafa biyya suni keesati daad'i AABBO Waaqaa d'ibayu imbaasani, yokhaani soriole imbaasaniifi. Sagaleeni worri nyaatu nama nyaatu ch'ufa int'ureesiti, akuma sagale hojja nama awaalani nyaatani. Sagaleeni suni beeluma ch'alla baafti, tokole fuud'ani Mana Waaqatini d'ufani sorio imbaasani. Ammalle yo hojaani jila AABBO Waaqaa tolfatani geete, worri maani taha re? Hojja gaargali d'ufe worri gargari bitinau, worri Misiri worra wolti guure dira Memfisiti awaala. Miha worraa ka qarsitiifi maneeni worraleeni badde ona taate doobifi qoraatini irati baati. Guyyaani worra gaargalchani ya d'ufe, guyyaani haalo worraa baafatani ya gahe. Guyya suni Israeliini inuma beeti! Isani waan jettani, Raagi kunini daalle, nami woi fagu kunini ya maraate. Wonti isani akasi guddo na jibbitaniifi, waan ch'ubbu teesani heddutiifi. Waaqi ya na erge, aka anini aka raaga gumi Israeli gorsu. Ammo fulla anini deemu ch'ufa isani aka simpirre t'ururaani na qabu feetani. Lafuma Waaqaa keesaleti gumiini ya nyaapa raagaa taate. Worri kunini aka hama hameenna gula bahe, akuma gaafa Gibea kaani tahe. Waaqi dabafi ch'ubbu worraa qaabate worra gaargalcha. AABBO Waaqi waan jed'u, Gaafa anini qara Israeli arge, worri mid'aani zabibu ka lafa aloo keesati bahu nati fakaate. Ammalle gaafa anini qara ababoota teesani arge, worri mid'aani oda ka qara bahe nati fakaate. Ammo worri Gaara Peoritiini bahe jennaani waaqa Baali jed'ani kad'ate jaalate aka isaa hammaate waan hamtu tolche. Guddinni Israeli aka simpirre iraa barise, worri deebie ijoolle ind'alu, nad'eeni worraa deebite ingaarachoftu, ijoolleeni worraa d'alatu injirtu. Ammo ado worri ijoolle d'alellee, anini ch'ufa infit'a. Hojja anini worra kana lakisu gaargala hamaati iti d'ufa! Ee AABBO Waaqa, anini ijoolle worraa ta barbaadani aka bineensa fit'ani arge. Anini amma worra kana maani Tolchi siini jed'a? Wonti atini tolchitu, nad'eeni worraa maseensi, harma worrale doomsi! AABBO Waaqi waan jed'u, Hameenni worraa ch'ufti Gilgaliti mullate, artiti anini qara worra jibbe. Waan worri waan hamtu tolcheefi anini worra lafa tiyya keesaa gussa. Anini worra deebie injaalad'u; wonti akanatiifi jaaroleeni worraa ch'ufti ya na didde. Worri Israeli mukha qanch'oorate hiddi goge mid'aani imbaamne fakaata. Worri ijoolle ind'alu, ato d'alelle, anini ijoolle worri jaalatu suni imfit'a. Waaqi kiyya gumi ufii dide gata, waan worri isa ch'aqasu dideefi. Worri fulla d'abe gosa d'ibi keesa mara. Worri Israeli mukha zabibu ka mid'aani guddo qabu fakaata. Worri haguma iti wo horatuni, waan heddu sorio irati baasani mid'aase; ammalle haguma lafti worraa woi baaftuni, d'akha woyyu ka kad'atani mid'aase ch'okhe. Garaani worraa d'articha, tanaafi worri gati ch'ubbu suni argachu male. Waaqi waan worri sorio irati baasu ch'ach'abse d'akha worraa ka woyyu balleesa. Amma worri kunini waan jed'u, Waan nu Waaqa insodaanneefi, nu hayyu inqamnu. Ammo hayyuleeni, yo jiraate, maani nuu baha? Dubbi injirre dubbatani, wold'aqani kakhu d'ara kakhatani. D'ugani ya badde d'ara taate, aka had'aa oobru keesati baate wo yakiti. Worri dira Samaria keesa tau sodaate, badi korma worqi ka Bethaveni jiru jed'e boha. Worraafi qaaloleeni korma suni hojattuleeni badi suni iraa booti, hojja korma suni waan isaani ch'okhani kaani iraa baasani. Waan harkaani boch'ani suni lafa Ashuruti geesani damoosa hayyu guddaa baasani. Worra Israeli waan worri gorsa suni gula deemefi guddo ch'eersani. Hayyu Samaria imballeesani, akuma filliida qoraani ka lollaani fuud'e balleesu. Fulla worri Israeli wollaala tolche fiit'e gaara irati waaqoota d'ara kad'atu, ta dira Aveni keesa, imballeesani. Qoraatifi doobiini fulla worri sorio irati baasu irati baati. Worri ufi jibbaate gaareeniini, Nu d'ossa jed'e, kubileeni, Nura jiga jed'a. AABBO Waaqi waan jed'u, Worri Israeli haguma Gibeati nati ch'ubbame ch'ubbu suni illakimne. Had'iisi Gibeati worra ind'aqabu re? Anini worra daba kana had'e balleesa. Gochiti d'ibileeni wolti baate maro ch'ubbu worraa guddotifi worra gaargalchiti. Israeliini qara aka goromi lenjisani, ta kurfeesani mid'aaniini d'aanani, jirti. Anini qaach'era isii mid'aaga qaampara ira kaye, huji jabdu hojachiisa. Anini Yuda maarasha iti kenne hojachiise, Israelile kokoomicha biyye bulleesisa. Anini waan jed'e, Lafa hareeti qotad'a, d'uga oobra, ammalle eeba jaalalti isani na jaalattani isanii kennitu haamad'a. Guyyaani isani ana, AABBO Waaqa keesaniti deebitani ya gahe, anini d'ufe eebaani isani bad'aasa. Ammo isani fulla suni ya hameenna oobrattani mid'aani isaa haamattani. Ammalle isani ya mid'aani kiyyiba keesani nyaattani. Waan isani gaari keesani ka fardi hirkisufi askarti teesani heddu abdattanifi, had'iisi lafa teesaniti d'ufe maneeni teesani jajabdu ch'ufa balleesa. Guyyaani gaafasi aka gaafa guyya hayyu Shalmaniini dira Betharbeli had'e balleese haawaanifi ilmaani tume bulleese akasi taha. Worra Betheli, isanile akasuma tolchani, maro waan hamtu isani taatanifi. Akuma had'iisi iti keeyatuuni, hayyu Israeli balleesani. AABBO Waaqi waan jed'u, Gaafa Israeliini ijoolle, anini isa jaalad'e lafa Misiri keesaa akuma ilma kiyya yaame. Ammo akuma anini isa yaamuuni, inni naraa fagaate. Worri waaqa Baali jed'ani sorio baase, waaqoota d'arati hit'aana aarse. Ammo ha taatu, nami Israeli daadise anuma. Anini gumi tiyya hampaare, ammo worri aka anini worra qorqorad'e beekhe imfud'anne. Anini worra jaalalaani deemeeni, hampaare qomati mat'anfad'e, worrati gadi jed'e gololche. Worri nati deebiu dida, tanaafi worri amma lafa Misiriti deebia, ammalle worri Ashuru worra mohata. Nyaapi dira worraa keesati goraadeeni nama balleese, balbala fullo dira worrale ch'abse, maneeni worraa jajabdu keesati worra hobaasa. Ammalle worri kiyya ya aka na lakisu kutate. Worri, Qaampara nuraa fuud'a jed'e iyya, ammo nami worra iraa fuud'u injiru. Ee Israeli, anini akami dandae isani lakisa? Yokhaani akami lafa isani buuse isani biraa deema? Anini akami dandae aka Adma balleesani isani balleesa, yokhaani aka Seboimu tolche isani tolcha? Garaani kiyya ee naani injed'u, jaalalti anini isani jaalad'u guddo jabdu. Dallansu tiyyaani isani ingaargalchu, deebie Israeli imballeesu. Anini Waaqa, namaaniti. Anini Qulqullicha jiddu teesani jiru. Anini d'ufe isani balleesu imfed'u. Gumiini tiyya na gula yaati, hojja anini aka nyeench'a nyaapa worrati itanu. Worri gama ila aduti orie nati d'ufa. Worri gara Misiriti aka simpirre barise d'ufe gara Ashurule aka sabaliisa d'ufa. Ammalle anini worra isaaniti, worra galcha. Nami dubbi tana jed'e ana, AABBO Waaqa. AABBO Waaqi waan jed'u, Worri Israeli ya kiyyibafi sobaani na marse, worri Yudaleeni ammalle Waaqa d'uga qulqullo diduu jira. Worri Israeli halkani guyya wo balleese male woma imid'aasu. Worri haga qarale ira wolsobe wolhad'e wolballeesa. Ammalle worra Ashurutini wold'aqani worra Misiritiini woliini daldalani. AABBO Waaqi waan worra Yuda himatu qaba, ammalle worra Yakobo maro huji worratiifi gaargalcha; inni huji worraa gula gaargala kennaafi. Yakobooni gaafa garaa haad'a keesa jiru, oboleesa isaa ka lakooletiini woli wollaanani; eegi guddatele Waaqaani woli wollaanani — inni malaikaani woli wollaanani isi dabsate, ammalle bohe, Naa eebisi jed'eeni. Bethelileti Waaqi iti d'ufe isaani dubbate. Waaqi suni AABBO Waaqa, Waaqa Gudda — maqaani isaani kad'atani AABBO Waaqa. Tanaafi isani ammatana Waaqa keesani d'ugeefad'a, iti deebia; jaalalaafi d'uga jabeesa, biraa indeemina, obsaa, waan Waaqi keesani tolchu eega. AABBO Waaqi waan jed'u, Worri Israeli akuma worri Kanaani bunaqa keesa waan woini biimani nama dabsu jaalatu jaalata. Ammalle worri waan jed'u, Nu dureeyyi, ya duroomne waan heddu horanne, nami tokoleeni ka dandae, Worri kunini nama dabse akana woi horate jed'u injiru. Ammo anini, AABBO Waaqi keesani, ka lafa Misiri keesaa isani baase, finna gaafa anini lafa gamoojiti isaniti d'ufe, ka isani waaroti galtaniti, isani deebisa. Anini raagoota dubbise daayya heddu worra garsiise, ammalle raagani gumi tiyya mammaasa heddu barsiise. Ammo Gileaditi waaqoota d'ara kad'atani, nami isa kad'atuleeni inhobaa. Koromile Gileaditi sorio Waaqaa baasani, fullaani artiti sorio iti baasani sunini d'akhaye oobru keesati wolirati tuulani taati. Yakobooni lafa Mesopotamia baqate achiti nama d'ibii ree tisse, akasiini niiti fuud'e. Jennaani AABBO Waaqi raaga erge worra Israeli tissooma lafa Misiri keesaa baase tisse qorqorate. Worri Israeli ya aka taka inargini AABBO Waaqa dallansiise; maro ch'ubbu sunitiifi duu malani. Waan worri isa ch'eerseefi, AABBO Waaqi worra gaargalcha. Duri, hojja gochiti Efraimu dubbatte, gochiti Israeli taani insodaatte; wonti akanatiifi gosa Efraimuti saalfatani. Ammo worri waaqa Baali jed'ani kad'ate ch'ubbu tolche, tanaafi worri indua. Ammalle amma tanale sibiila tumani, akheekha woi tolchani kad'atani, akasiini daba tolchani — woni kad'atani suni qarsi ogeeyiini oguma ufiitini mid'aasite. Duuba, sorio baasaafi biyyaani jed'ani. Nami akami dandae waaqoota aka akheekha korma looni mid'aasani d'ungata? Tanaafi worri kunini aka hurri diiramatiifi fit'eesa diirama ka badu jira. Ammalle worri ch'idi qilleensi oobdi iraa afufe fakaata, yokhaani aara qaa mana keesaa yau fakaata. AABBO Waaqi waan jed'u, Anini AABBO, Waaqa keesani, ka lafa Misiri keesaa isani baase. Isani na male Waaqa d'ibi imbeetani, na male qarqaarsi keesani d'ibiini injiru. Nami lafa aloo ta gamooji keesati isani qorqorate anuma. Ammo eegi lafa dansati qubattani, isani aka dansaa quuftani jennaani kiyyibdani na deetani. Tanaafi anini akuma nyeench'a isani had'e, aka qeeramsa kara d'aatuti isani gaada. Ammalle aka goorjama ka ilmaani iraa badde isani had'e isani tatarsaasa. Akuma nyeench'a fulluma suniti isani nyaad'e fit'e, aka bineensa alaa isani tatarsaasa. Worra Israeli, anini isani balleesa! Eentu isani qarqaara re? Isani, jaarsafi hayyu nuu kenni jettani na kad'attani, ammo worri suni akami dandae gosa baasa? Anini dallansu tiyyaani hayyoota isanii kenne ammalle dallansuma suniini hayyoota suni isani iraa fuud'e. Dabafi ch'ubbu Israeli yayu t'aafani, qart'aasi irati t'aafanile aka dansaa olkayani. Israeliini d'alachuu jirti, ammo daalloofte ke deebiti — akuma daima d'alachu gahe, ka garaa haad'a keesaa bahu didu. Anini gumi tana boola nama due keesaa baasa? Yokhaani duu d'owa? Ee duisa, gaargali kanke me? Ee boola, had'aani tante meeti? Anini iti deebie worra kanaa innahu. Ato Israeliini aka ilaadu baate mid'aadele, bubbeeni AABBO Waaqa gara ilaboruti lafa aloo keesaa d'ufte, maddofi eela worraa gossite, waan dadansa ch'ufa iraa fud'atti. Waan Samariani Waaqa ufii diddeefi isi balleesani, nama isii had'iisa keesati fit'ani, daima worrale lafati d'abbani, nad'eeni worraa ta garaacha qabdule garaa babaqasani. Ee Israeli, AABBO Waaqa keesaniti deebia, dabi keesani ya gufachiise isani buuse. AABBO Waaqati deebia, dubbi dansaani waan jettaniini, Ch'ubbu teenna ch'ufa nuu araarami, kad'acha teenna ch'ufa nuu d'agayi, duuba akuma qara jenne kaani si faarsina. Worri Ashuru dandae nu imbaasu, ammalle fardi lolaleeni dandae woma nuraa ind'owu. Nu iti deebine waan harka keennaani boch'ine waaqa jenne inkad'annu. Ee AABBO Waaqa, nami hiyyeeyiini naasu iraa argatu siuma. AABBO Waaqi waan jed'u, Anini worra fayyise deefad'e, garaa kiyya ch'ufaani jaalad'e, iti deebie worrati indallanu. Anini aka bokaya lafa aloo worra Israeliti taha. Worri akuma hooma daraare, aka mukha Lebanoni hiddi jabaata. Worri aka mukha lafa keesa d'alatu bahe, aka mukha ejersa mid'aage aka hind'eesa Lebanoni urgaa. Worri deebie gaadisa kiyya jala tae, aka oobru wo baasa. Aka mukha zabibu daraare, aka daad'i Lebanonnoni gurra baafata. Worri Israeli amma tana waaqoota d'ara maani iraa qaba? Anini kad'acha worraa d'agayeefi worra qorqorad'e, aka mukha doti worra gaadiseesa. Hormaati worraa ch'ufti naraa d'ufa. Nami qalbi qabu ha dubbi tana hubate, nami qaroleeni ha beekhuti. Karaani AABBO Waaqaa qajeela, nami qajeelani kara suni gula deema, ammo nami daba keesati gufata. Tunini dubbi AABBO Waaqaa, ta Yoeli ilma Pethueliti d'ufte. Jaarole, ch'aqasa; nama lafa Yuda tana tau, na d'agaya. Wonti akana kunini bara keesanifi bara aabbooti teesanile taka ya taate? Ilmaani teesaniti hima; ilmaani teesanileeni ha ilmaani isiiti himtuti, ilmaani isiileeni ha d'aloota faana d'uftuti himtuti. Tuuti awaanisaa woli gula mid'aaniti baafatte; waan tuuta toko iraa hafe tuuti taani d'ibiti nyaatte hobaase. Hiriba keesaa kakaa, boboha, isani worra wo d'uge machau; isani worri daad'i d'ugu ch'ufti ooa; daad'i miooftu zabibu taani ya afaani isani fuud'ani. Nyaapi awaanisaa ya lafa teennati baafatte; inni guddo irre qaba, ammalle heddu muumme inqamne; ilkaani isaa aka ilkaani korma nyeench'aa jirani, gaadeeni isaa aka d'ala nyeench'a jirti. Inni zabibu teenna balleese, oda keenna nyaate fit'e. Qunch'e iraa follose lafa buuse, damele addeese lakise. Aka intala dubra ta ch'arqi naqatte nama isi fuud'u ka due bootu, isanileeni boha. Mid'aanifi daad'iini ta sila Mana Waaqaati baasani tokoleeni injirtu; qaaloleeni waan Waaqaa baaftu d'abde bohuu jirti. Waan mid'aani balleesani, zabibuni godde, ejersi d'eed'anaefi, oobruuni onte, biyyeleeni booti. Isani worri oobru qotu, ufi jibbaad'a. Isani worri zabibu qorqoratu, boha, waan dargayefi garbufi waan oobrani ch'ufa balleesaniifi. Odafi zabibuni d'eed'anoofte godde, mukhi mid'aani qabu ch'ufti qanch'oorate dudue. Gammadi ya biyya iraa bade. Ch'arqi naqad'a, boha, isani qaalole, ta huji Waaqaa hojatte sorio baaftu! Mana Waaqaa seena, halkani kana ch'ufa bohaa bula! Mid'aanifi daad'iini Waaqa keesanii baasani injirtu. Gumi wolti yaama, guyya ufi agabsitani tolfad'a! Jaaroleefi nama lafa Yuda keesa tau ch'ufa Mana AABBO Waaqa keesani keesati wolwoldeesisa, isa yaamad'a. Guyyaani AABBO Waaqaa ya d'iaate; guyyaani Waaqi Guddaani lafa balleesu. Mudamsu akamiti guyya suni jira! Ato nu agarru, mid'aani nuraa balleesani, nu waan taanu inqamnu. Gammachufi qilit'ami Mana Waaqa keenna keesa injiru. Lafti ya gogodde, sanyini iti fach'aasanileeni doote. Mid'aani gootarati naqani injirani, tanaafi kod'ooni ona taate baddi. Looni burrisani d'ooani marra barbaadani, hooliyeleeni gaargalte ufi jibbaatte. AABBO, anini siti boha; aduuni ya marrafi mukhale aka ibida gubde gossite. Bineensi alaleeni siti boha, waan madditi gogodde, ibidileeni marra gubeefi. Magalata Sioni irati d'aa; gaara kiyya qulqullo irati arrifad'a! Nami lafa Yuda keesa jiru ch'ufti ha mudamuti! Guyyaani AABBO Waaqa ya d'iaate. Guyyaani suni gaandidae dukanae, guraatae dumansaa. Duuli awaanisaa dukanae, lafa ira dabre, gaara gubbaa gad'ufuu jira. Wonti kunini waan nami taka inargini, ammalle itumaa deebiani inargani. Duraafi duubale aka ibida mid'aani gubani. Tuuta suni dura lafti oobru Edeni fakaate, ammo worra duuba lafa aloo ta duwa fakaatti. Wonti tokoleeni duraa imbaatu. Worri farda fakaata, akuma farda lolaa oria. Hojja worri fiit'e gaara gubba gulufu, akuma gaari fardi hirkisu qiqillisa; ammalle akuma ibida jirma marraa gubu d'ud'uqisa; akuma nama lola yau ch'orora. Ato nyaapi gad'ufu jiru, biyyiti mudamte hollatti. Aka worra woraanaa oriani, aka worra lolaa naabo ch'absani olseenani. Worri tokoleeni, ka wolira ingorre, ch'orore durati yaa, ka namu wolti imbuune. Tuuta worraa woraani ind'owu, irrumaani d'ufti. Dirati oriani, naabo korani, maneeni aka hattu qaani duudani. Lafti worra durati chochoote, gubbaleeni hollatte, adufi jiileeni dukanae, urjileeni ifsu diddi. AABBO Waaqi duula isaati mandie, duuli irre qabu, guddaani muumme inqamne, isa ch'aqasa. Guyyaani AABBO Waaqa suni guyya gudda, ka gaargala gudda qabu! Eentu dandae iraa hafa? AABBO Waaqi waan jed'u, Ammo amma tanale, garaa keesani ch'ufaani nati deebia, ufi agabsa, laalalaani boha. Woya tarsaaftani laalala ingarsiisina, ammo garaa keesaniini garsiisa. AABBO Waaqa keesaniti deebia, inni eebaafi naasu qaba; obse kakhu ufii guute, hojja ch'ufa namaa nahe araraama. Hegeri AABBO Waaqi keesani garagale, isani eebise mid'aani guddo isanii keenna. Duuba isani mid'aanifi daad'i isaa baaftani. Magalata gaara Sioni ira d'aa! Gumi wolti yaama, guyya ufi agabsitani tolfad'a! Gumi wolwoldeesisa, gumi suni woldeenna qulqullo kurfeesa. Jaarole yaama, ijoolleefi daimale ch'ufa wolti guura; nami intala fuud'eefi intalti fuud'anileeni ha mana ufii lakisani d'ufaniti. Qaaloleeni ta fulla sorio iti baasanifi balbala Mana AABBO Waaqaa jiddu hojattu ha, Ee AABBO Waaqa, gumi tanteeti nahi, jette bootuti. Gochiti d'ibiini nu tufatte nu goyeesite, Waaqi keesani me? nuuni injed'iini. Jennaani AABBO Waaqi lafa isaa qaabate, nama isaati nahe waan jed'eeni, Anini amma tana mid'aanifi daad'ifi d'ad'a isanii kenna; duuba inquuftani. Gochiti d'ibileeni deebite isani intufattu. Anini nyaapa awaanisaa, ka mirgaa d'ufe, isani iraa balleese, lafa aloo, ta gogodde woma imbaaneti gussa. Tuuta qara Galaana ilaboruti jisse, ta lameeso baariini ila aduti jissa. Reefi worraleeni ajae shama. Waan worri isani tolche kana ch'ufafi anini worra balleesa. Oobru, insodaatina, ammo gammada, qilit'ama. AABBO Waaqi ya waan guddo isanii tolche. Bineensa, insodaatina, marri ya dottaate, mukhileeni ya mid'aani baase, odafi zabibuleeni ya baate lafa ira dabarte. Worra Sioni, gammada, AABBO Waaqa keesaniti qilit'ama. Inni bokaya hagayya ka haga isanii roobe, gannale isanii kenne, furmaatale akuma duri isanii roobe. Oobdiini mid'aaniini guutamte, daad'ifi d'ad'aani fulla iti naqani guute iraani dambalaa. Anini waan duri tuuti awaanisaa nyaatte isani iraa balleesite isanii deebisa. Nami duula awaanisaa suni isaniti erge anuma. Amma isani waan guddo nyaattani quuftani, maqa AABBO Waaqa keesani, ka waan jabdu mama isani tolche, faarsitani. Deebiani gumi tiyya intufatani. Duuba isani, worri Israeli, aka anini jiddu teesani jirufi aka anini AABBO Waaqa keesani, ka Waaqi d'ibiini injirre, beetani. Deebiani gumi tiyya intufatani. Duuba eegee anini lubbu tiyya nama ch'ufa ira buusa: ilmaani teesani ta d'iiratiifi ta uwalealeeni wo fadde, jaaroleeni teesani oobju oobjatte, kaimi keesanileeni daayyani wo arga. Anini gaafasi hojattu tiyya ta d'iiratiifi ta uwale lubbu tiyya ira buusa. Anini akheekha guyya suni gubbafi lafa iraleti agarsiisa; d'iigafi ibidaafi aarale lafati buusa. Aduuni dukanoofte, jiileeni aka d'iiga diimata, ato guyyaani guddaani jabaani AABBO Waaqaa ingahiini. Duuba nami maqa AABBO Waaqaa yaamatu ch'ufti imbaafama. Akuma AABBO Waaqi jed'e, Gaara Sionitiifi Yerusalemu keesale nami baqate fiigu injira; nami fiige suni worra anini fohad'e. AABBO Waaqi waan jed'u, Gaafasi anini worra Yudatifi ka Yerusalemu finnuma worraa dansa qarati deebisa. Anini gosa ch'ufa wolti baase, Bale Qorsumatiini d'ufe, achiti maro waan worri gumi tiyya tolchetiifi worra qora. Worri worra Israeli lafa gosa d'ibiti gargari bitineese, lafa tiyya ta Israelile gargari qoode. Worri hit'a buuse, gumi tiyya qoodate; ijoolle d'iiratiifi ta dubrale aka tisse gurgurani, sharmut'afi daad'iini bitatani. Maal naraa feetani worra Tirotiifi ka Sidonitiifi ka arda Filisti? Haalo na baafachu feetani? Yo isani haalo baafachu feetani, anini maro tokotu arrifad'e haalo isani baafad'a! Isani qarsifi worqi tiyya fud'attani waan guddo anini olkeyad'e ch'ufa maneeni waaqoota teesaniti geefattani. Isani ya worra Yudatifi ka Yerusalemule fageesitani gosa Grikiti gurgurtani. Anini ammatana lafa isani worra iti gurgurattani suni keesaa worra baase waan isani worra tolchitani isani tolcha. Anini ilmaani teesani ta d'iiratiifi ta dubrale worra Yudati gurgure, worrileeni gosa Sheba ta fago jirtuti gurgura. Nami dubbi tana jed'e ana, AABBO Waaqa. Dubbi tana gosa ch'ufati hima: Had'iisa kurfefad'a; nama duulaa wolti yaama; nama keesani ka lolaale ch'ufa wolti yaama, woma ineegiina, lola d'aqa jed'a. Maraasha fuud'a, tumtuti geesa, ha goraade tumtuti; haamtule fuud'a, iti geesa, ha woraana tumtuti. Daafanaleeni ha janna ufiini jed'uti. Isani gochiti d'aatu jirtu tunini ch'ufti hurrisa koota, artiti wolti baha. Ee AABBO Waaqa, duula kanke ergi, worra had'i. Gochiti ha kurfoofte, Bale Qorsumati d'uftu. Achiti anini tae gosa d'aatu jirtu ch'ufa qora. Mid'aani ya bilchaatani; haamtuuni haama. Fullaani daad'i iti mid'aasani ya mid'aani zabibutiini guutamte; koota, mid'aani suni ch'ach'arasa. Waan gochiti ch'ufti ch'ubbu guddo tolchiteefi, worrale akuma mid'aani suni tolchani. Nami gumiini muumme inqamne ya Bale Qorsuma keesati wolti bahe. Achiti guyyaani AABBO Waaqaa d'ioti d'ufa. Adufi jiileeni dukanae, urjini deebite inifsitu. AABBO Waaqi Sioni ira mandie lalaba; qonqo isaa Yerusalemu keesati d'agayani; lafafi gubbaleeni chochoote. Ammo inni gumi ufii jabeese, worra Israeli qorqorata. Duuba isani aka anini AABBO Waaqa keesani, ka gaara kiyya qulqullo Sioni ira tau, akasiini beetani. Yerusalemuni dira qulqullo taha; nami gosa d'ibi deebie had'e indabsatu. Gaafasi gaareeni mukha zabibu baaftu daad'iini iraa jidde, kubile aanaani iraa lolaani; lagi lafa Yuda ch'ufti iyyaa. Madditi Mana Waaqa keesaa yaate Bale Shitimuti naqati. Lafti Misiri lafa aloo taate, lafti Edomuleeni lafa onte badde taati, waan worri lafa Yuda had'e, nama worraa ka woma iyyakiiniti fit'eefi. Tunini dubbi namicha hori tissu toko ka Amosi jed'ani, ka dira Tekoa. Ganna lama, ka gaafa lafti chochoote dura, ka Uziani hayyu Yuda, ka ammalle Yeroboamuni, ilmi Yoashi, hayyu Israeli, Amosiini dubbi tana, ta waan Israeli dubbattu, daayyani arge. Inni waan jed'e, AABBO Waaqi gaara Sioni iraa mandie lalabe, qonqo isaa Yerusalemu keesati d'agayani. Marri horiini d'eedu gogoge, buuyooni gaara Karmeli gubba jirtu qanch'ooratti. AABBO Waaqi waan jed'u, Worri Damaski ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri worra Gileadi dabse, sibiilani lafati rige balleese, akuma mid'aani biila d'aanani. Tanaafi anini amma ibida mana hayyu Hazaeliini jaare keesa buuse, ibidi suni maneeni jajabdu hayyu Benhadadi gube balleesa. Anini sibiila balbala fullo Damaski ch'ach'abse nama Bale Aveni keesa qubateefi nama Bethedeni mohatu keesaa baasa. Ammalle worra gosa Siria qabani hid'ani lafa Kiriti geesani. AABBO Waaqi waan jed'u, Worri Gaza ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri gosa toko ch'ufa, haguma geetunu boojie, worra Edomuti aka tisse gurgure. Tanaafi anini amma ibida dira worraa keesa buuse, ibida suniini maneeni jajabdu ta dira suni ch'ufa guba. Anini worra dira Ashdoditiifi Ashkeloni fidu dira worraa keesaa baasa. Ammalle anini dira Ekroni gaargalche, nami Filisti ka hafe tokoleeni imbahu. AABBO Waaqi waan jed'u, Worri Tiro ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri gosa toko, ta qara wold'aqani oboleesa woli taani, dabse harka worra Edomu ka nyaapa worrati kenne. Tanaafi anini amma ibida Tiro keesa buuse, ibida suniini maneeni jajabdu ta dira suni ch'ufa guba. AABBO Waaqi waan jed'u, Worri Edomu ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri oboleyaani isaani ta Israeli naasu d'abeefi woraanaani reebe. Dallansuuni worraa haga inqabdu, iraale ingaltu. Tanaafi anini amma ibida naabo dira Temani keesa buuse, ibida suniini maneeni jajabdu ta dira Bosra guba. AABBO Waaqi waan jed'u, Worri Amoni ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi gaafa worri lafa d'ibi fed'ata nama had'e, nad'eeni lafa Gileadi ta garaacha qabdule garaa tarsaasani. Tanaafi anini ibida dira Raba keesa buuse, ibida suniini maneeni jajabdu dira suni ch'ufa guba. Duuba guyya suni nami guddo gohe, aka bubbe hamtu shawise woli had'a. Hayyu dira sunitifi jara gugurda isaa woliini boojiani lafa d'ibi geesani. AABBO Waaqi waan jed'u, Worri Moabu ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri lafele hayyu Edomu gube daara tolche. Tanaafi anini amma ibida lafa Moabu keesa buuse, ibida suniini maneeni jajabdu ta dira Keriothi guba. Worri Moabu gohanna lolaa keesa hobae, ka askartiini iyyite magalata d'ooftu. Anini hayyu Moabu ijeese jara lafa suni gugurdale ch'ufa fit'a. AABBO Waaqi waan jed'u, Worri Yuda ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri ya seera kiyya dide aada tiyyale lakise. Waaqooti d'ara, ta ababooti isaani kad'ate, ya worra kara iraa gorse balleese. Tanaafi anini amma ibida worra Yuda keesa buuse, ibida suniini maneeni jajabdu ta dira Yerusalemu gube balleesa. AABBO Waaqi waan jed'u, Worri Israeli ya maro heddu ch'ubbu hojate, tanaafi anini nyaapa worra iraa ind'owu, iti lakisa. Wonti akanatiifi worri nama d'uga hiyyeesa, ka dandae kobe gati fuud'ele imbaamne, aka tisse gurgure. Worri nama lalaafa woma indandeenne ira ejaanjate mamach'arse, hiyyeesale darbe kara iraa gorsa. Abbaafi ilmi intala takaani rafani, akanaani maqa kiyya qulqullo t'ureesani. Fulla sorio baasani iti kad'atani ch'ufati worri woya qabdo ta hiyyeesa iraa qabateeni rafe Mana Waaqa isaani keesa daad'i nama gati worraa qabu iraa d'uga. Ammo, gumi tiyya, anini worra gosa Amori, d'ed'eera aka mukha hind'eesa, jajaba aka mukha ejersa, isanii jed'e daara d'owe balleesa. Nami lafa Misiri keesaa isani baase lafa aloo ta gamooji ganna afurtama keesa isaniini deeme, ammalle lafa gosa Amori isanii kenne ana. Anini ilmaani teesani ta gari fohad'e raaga tolche, ta gari worra Naziri ka kakhu kakhatu tolche. Worra Israeli, wonti kuni d'uganiti? Nami dubbi suni jed'e ana, AABBO Waaqa. Ammo isani worra Naziri suni faarso obaaftani, raagootale wo fagu d'owartani. Amma anini isani lafati mach'arsa, akuma gaari mid'aani bilchaateeni guutani, t'iit'ani. Nami qolchaleeni imbahu; jabaaleeni jabeenna d'aba. Askartileeni lubbu ufii imbaaftu. T'iyoleeni ejite inhaatu, qolchaleeni baqate imbahu, nami farda yaabatuleeni lubbu ufii imbaasu. Guyya suni askartiini nami jannileeni woraana lafa buuse baqata. Nami dubbi tana jed'e AABBO Waaqa. Worra Israeli, dubbi AABBO Waaqi isaniini jed'u tana ch'aqasa, isani gumiini ch'ufti ta inni lafa Misiri keesaa baase: Gosa lafa keesa jirtu ch'ufa keesa anini isani ch'alla ufiti aanse qorqorad'e. Tanaafi anini maro ch'ubbu teesanitiifi gaargala keesani guddisa. Nami lama ka yaasuma wolti inqabatini kara woliini iyyaa? Nyeench'i ka waan nyaatu inargini badda keesa initana? Kubleeni nyeench'aa ta woma inqabini goda keesa ingururiiti? Simpirre t'ururaani inqaba, yo inkayaniifi? T'ururaani ufiini imbaafata, yo wo seenani male? Magalati lolaa yo dira keesati d'aani nama innaasisu? Gaargali dirati ind'ufa, hojja AABBO Waaqi iti inergini? AABBO Waaqi Guddaani ka waan tolchu fed'u hojattu isaa raagati inhimini woma intolchu. Nami nyeench'a itanu insodaanne injira? Nami AABBO Waaqi dubbateeni ka woi imfanne injira? Dubbi tana worra maneeni hayyu Misiritiifi hayyu Ashdodi keesa jiruti hima: Gaareeni dira Samaria marsituti wolti koota, gohanna waan hamtutiifi hameenna achiti tolchani dawaad'a. AABBO Waaqi waan jed'u, Worri kunini waan dabsani nama saamani iraa guurataniini maneeni worraa guuta. Worri d'uga beekhe gula indeemu. Tanaafi nyaapi dira worraa marse naabo worraa ch'ufa ch'ach'abse, maneeni hayyule ch'ufa saamani. AABBO Waaqi waan jed'u, Akuma tissituuni miila lama yokhaani gurra tokofa, ka hori nyeench'i nyaate iraa buuftu, akasuma nami takeeni dira Samaria, ka amma sireefi barch'uma dadansa ira tatau, iraa hafa. AABBO Waaqi Guddaani waan jed'u, Amma ch'aqasa, ilmaani Yakobo gorsa. Guyya anini worra Israeli maro daba worratiifi balleesu, waan sorio irati qalani ta Betheli balleesa. Ammalle gaafasi, gaafa waan sorio irati qalani ch'ufa iraa ch'ach'absani lafati jissani. Anini mana gaafa adoleesa, ka lafti d'aamotu, jaaratanifi ka bona hagayya, ka lafti owitu, jaaratanile inch'ach'absa. Mani ilka arbaatini ch'okhani injiga, mana gugurda ch'ufa imballeesani. Isani nad'eeni Samaria gagabbo aka haawicha Bashani, ta nama lalaafa dabsite hiyyeeyi gaargalchitu, ta d'iirsoota ufii yaamte, Faarso nuu keenna jettuuni, dubbi tana ch'aqasa. AABBO Waaqi Guddaani qulqullooma ufiitini kakhate waan jed'e, Guyyaani ind'ufa, ka isani ch'ufa akuma qurt'umi hookooni hirkisani. Fulla naabo ch'ach'absani, ta isani d'aatutiini, isani hirkisani, alati isani jissani. AABBO Waaqi Guddaani waan jed'u, Nami worra Israeli, gara Betheli d'aqa, daba tolcha! Yo feetani, Gilgali d'aqa, haga dandeetani ch'ubbu tolcha! Diirama ch'ufa sorio qalani kootaani, qooda Waaqaa baaftani ch'ufa guyya sadeeso ch'ufa kootaani. Qit'a bukho inqamne Waaqaa baasa, galata deebisa, waan isani fed'i teesani gula Waaqaa baaftaniini ufi guddisa! Wonti isani jaalattani tana. Nami beela jabdu dira keesanifi worra keesaniti buuse anuma. Anini ammalle bokaya sila mid'aani keesani bilcheesu buu d'owe dira toko bokaya roobe ka d'ibi d'owe. Bokayi oobru tokoti roobe, ammo ta d'aatu bokaya d'abde goddi. Duuba nami dira gari ch'ufti dira d'ibi bisaani barbaadachu d'aqe, ammo d'eebu bahu dad'abe. Taatule isani nati indeebine. Anini bubbe owituuni d'ufe mid'aani keesani gube, awaanisi oobru teesani ch'ufa ta zabibutiifi ta odatiifi ta ejersale nyaate. Taatule isani nati indeebine. Anini gaargala aka lafa Misiriti buuse isaniti buuse. Anini kaima keesani lola keesati fit'e, fardoole teesanile isani iraa fuud'e, ammalle fulla isani teetani reefa namatiini ajeese. Taatule isani nati indeebine. Anini isani nama haga gari, akuma anini Sodomafi Gomora balleese, balleese. Isani nami hafe aka qoraani ibidaa, ka ibida keesaa fuud'ani, jirtani. AABBO Waaqi waan jed'e, Taatule isani nati indeebine. Tanaafi worra Israeli, wonti anini isani tolchu tana: Waan anini waan kana isani tolchufi aka Waaqa keesani dura d'uftani kurfefad'a! Ka gaara mid'aase bubbe uumeleeni isuma; ka herega ufii nama barsiisu isuma; ka guyya halkani tolche gaareenile ch'ufa gubba deemu — AABBO Waaqa, ka Abba Waan Ch'ufa jed'aniini. Isani worra Israeli, faaru boha, ta anini isani bohu tana, ch'aqasa: Gochiti Israeli aka dubra jidde kau dad'abde jirti! Isi lafa buusani, nami toko ka olkaasu injiru. AABBO Waaqi Guddaani waan jed'u, Diri Israeli toko askarti kuma toko duula erga, ammo ta galtu d'ibba toko ch'alla; diri d'ibileeni askarti d'ibba toko duula erga, ammo kud'ani ch'allati iti gala. AABBO Waaqi waan worra Israelitini jed'u, Nati koota, injiraattani. Beersheba d'at'ani na inkad'atiina. Betheliti na imbarbaadiina — Betheliini ind'umati. Ammalle Gilgali ind'aqina — nama isii boojiani lafa d'ibii geesani. AABBO Waaqa barbaada, injiraattani. Yo isani barbaadu baatani, inni aka ibida worra Yusufuti d'ufe guba. Ibidi suni worra Betheli gube, nama d'aamfule d'abani. Isani ka d'uga balleesitani d'uga nama d'owartani, isani gaargalchani. AABBO Waaqi urji mid'aase, Torbaanifi Arba Gaadule. Inni dukana sippe guyyaase, guyyale halkani tolcha. Inni bisaani baariini gayaame lafa godduti naqa. Maqaani isaa AABBO Waaqa. Inni worra jajabaafi dira worra jajabaale balleesa. Isani nama fulla gaadisati d'uga dubbatu injibbitani, nama waan ch'ufa keesa d'uga gadi baasu imfeetani. Isani hiyyeesa dabsitani mid'aani iraa saamtani. Tanaafi ato isani mana d'akha mimid'aaga jaarattanile, keesa inteetani; ato isani zabibu oobrattanile, daad'i iraa argattani ind'uddani. Anini daba keesani guddafi ch'ubbu teesani ta isani maro heddu tolchitani imbeekha. Isani nama woma intahiini dabsitani gumbo nyaatani gaadisa kora keesaleti hiyyeesa d'uga d'owartani dabsitani. Gaafa suni nami woi beekhu qarooleeni inch'alisa, wonti akanatiifi bari suni hama! Waan hamtu hanqad'a, waan dansa barbaada, aka jiraattani. Duuba AABBO Waaqi Guddaani akuma isani, Inni nu woliini jira jettani, d'uguma isani woliini jira. Waan hamtu jibba, waan dansa jaalad'a, fulla gaadisa korati d'uga jabeesa. Hegeri AABBO Waaqi worra gosa Yusufu, ka armati hafe, innahaafi. Tanaafi AABBO Waaqi Guddaani waan jed'u, Ballinna dira keesa bohani, Ya banne, ya banne jed'ani iyyani. Worra oobrule worra faaru boha guddo beekhuni, boha woliini yaamani. Oobru zabibule ch'ufa keesati imbohani. Wonti akanatiifi anini lafa teesaniti d'ufe isani gaargalcha. Tunini dubbi AABBO Waaqi jed'e. Gaargala keesani worra guyya AABBO Waaqi d'ufu guddise eegu! Guyyaani suni maani isanii baha? Guyyaani suni ufiftu isanii dukana, ifsaniti. Nama nyeench'a baqate gorjamaani bahu fakaata! Yokhaani nama inni mana harkaani qabannaani bofi idde fakaata! Guyyaani AABBO Waaqaa dukananiti? Ifsa wo tahe? Guyyaani suni ingaandidaa male, inifsa? AABBO Waaqi waan jed'u, Anini jila teesani ta aadaa jibbe tufad'e dida! Ato isani waan gubani sorio na baaftanifi mid'aani keesani na baaftanile anini imfud'ad'u. Hori isani gabbiftani na baaftanile ani imfud'ad'u. Iyyanna teesani ta sirba tana lakisa; anini dibbe teesani ch'aqasu imfed'u. Fulla sirba suni, d'ugaani ha aka lola yaatu, qajeelumtileeni ha aka galaani hojja ch'ufa yau yaatu. Isani gumi Israeli, gaafa lafa aloo ta gamooji keesa ganna afurtama teetani, soriofi waan naa baaftani d'ibi, ya na d'uftaniini? Ammo amma waan isani akheekha Sikuthi hayyu keesanitiifi Kiuni waaqa keesani ka urji kad'attanifi, akheekha suni baachu maltani, gaafa anini isani boojie lafa Damaskitini gama isani geesu. AABBO Waaqi, ka maqaani isaa Waaqa Gudda, akana jed'e. Gaargala keesani worra Sioni keesa machiini tau, ammalle isani ka gaara Samaria ira teetani lafa teesani nagaya seetani — isani worra gugurda, ka gosa Israeli guddo tana, ta biyyiti qarqaarsa iraa barbaaddu! Dira Kalne d'aqa, ilaala; duuba arti yaa, dira Hamathi gudda d'aqa; ammalle arti yaa, dira Gathi, ka lafa Filisti keesa jirule, d'aqa. Worri suni worra Yudatifi ka Israeli kana ira jajaba? Lafti worraa lafa teesani ira guddo? Isani aka guyyaani gaargala d'ufu d'ugefachu diddani, ammo wonti isani tolchitani ch'ufti guyya suni gayaamti. Gaargala keesani, isani worra barch'uma ilka arbaatini ch'okhani ira tatae iti irkate fooni elemiye gagabbotiifi lamacha gagabba nyaatu! Isani sirba baasu feetani, aka Daudini duri tolche, ammalle waan aka fulludo ta sirbitaniini mid'aafattani. Isani daad'i d'amelani d'uddani, d'ad'a urgaani ufi muudani, ammo badi ilmaani Yusufuti bohu diddani. Tanaafi gochiti qara boojiani gosa teesani taati. Ammalle jilaafi machiini isani barch'uma iraani teteetani taani ind'umati. AABBO Waaqi Guddaani akana kakhate biyya gorse waan jed'e: Anini kiyyiba worra Yakobo injibba, maneeni worraa ta ch'okhani intufad'a. Anini dira worratiifi waan keesa jira ch'ufa harka nyaapati kenna. Yo worra toko keesa, nami kud'ani ka d'iira hafe, ch'ufti inhobaa. Nami fiit'a nama due suni, ka huji awaala isaa harkaa qabu, reefa isaa baate mana keesaa baheeni nama mana keesati hafe yaame waan jed'uuni, Nami eegeti si woliini hafe injira? Duuba nami hafe kaani waan jed'uuni, Hiyo, tokoleeni injiru. Jennaani namichi fiit'aa kaani waan jed'uuni, Afaani qabad'i, nu maqa AABBO Waaqa d'aule himmalle. Hojja AABBO Waaqi dubbatu mana gudda ch'ach'absani, mana diqa balleesani. Fardi bule ira ingulufa? Galaana qotiyoni inqotani? Hiyo! Ammo isani ya d'uga garagalchitani had'aa tolchitani, ammalle qajeeluma balleesitani daba tolchitani. Isani kiyyibdani, Dira Lodebari ya qamne jettani; ammalle, Jabeenna guddaani dira Karnaimu qamne jettani. AABBO Waaqi Guddaani waan jed'u, Worra Israeli, anini askarti gosa d'ibi isaniti erga, ta lafa teesani fud'attu, duuba worri haga Kaarra Hamathi gami mirga haga Bale Araba gama bitaa isani dabse isani balleesa. AABBO Waaqi daayyani waan kana na agarsiise. Wonti anini arge isa tuuta awaanisaa mid'aase, eegi okhaya hayyu haamani, ta buuyooni maro lameeso baate. Daayya suni keesa awaanisa waan doti ch'ufa nyaatu arge; jennaani anini waan jed'e, AABBO Waaqa Gudda, gumi tanteeti araarami, gumiini Yakobo akami waan kana iraa hafti? Gumiini sunini diqo ammalle laaftu. AABBO Waaqi herega isaa garagalfate waan jed'e, Wonti atini agarte sunini intaatu. AABBO Waaqi Guddaani ammalle daayya keesa woi na agarsiise, Wonti anini arge isa gumi ufii ibidaani balleesa kurfefatu arge. Ibidi suni qile, d'immu bisaani gube lafale gube. Jennaani anini waan jed'e, AABBO Waaqa, lakisi! Gumiini Yakobo akami dandeete waan kana iraa hafti? Gumiini sunini diqo ammalle laaftu! Ammalle AABBO Waaqi herega ufii garagalfate waan jed'e, Wonti atini agarte kunileeni intaatu. AABBO Waaqi ammalle daayya keesa woi na agarsiise. Wonti anini arge isa mana haadaani qajeelchani d'akhaani jaarani, d'aatu eju, ka haada qajeelchaniini suni harkaa qabu, arge. Inni, Amosi, maani agarta? jed'e na gaafate. Anini waan jed'eeni, Haada mana jaaraniini qajeelchani arga. Jennaani inni waan naani jed'e, Anini haada kanaani, aka gumiini tiyya ta Israeli qajeela injirre, garsiisa. Anini deebie worraa araarame biraa indeemuufi. Fulla ilmaani Isaaqo iti Waaqa kad'atu balleesani fulla qulqullo Israelile ch'ach'absani. Anini worra hayyu Yeroboamu goraadeeni had'e balleesa. Amaziani, qaalluuni Betheli, qonqo gara Yeroboamu, hayyu Israeli, erge waan jed'eeni, Amosiini si jala jira, inni gumi Israeli keesa dedeeme si balleesu fed'a. Dubbini isaa suni lafa balleesiti. Wonti inni jed'u tana: Yeroboamuni lola keesati due, gumi Israelile boojiani lafa d'ibii geesani. Jennaani Amaziani waan Amosiini jed'e, Atini ka woi himtu, beeni deemi, lafa Yudati baqad'i, achi tai, achiti woi himi. Betheli keesati deebite woma inhimini, wonti akanatiifi fullaani tunini mana hayyuuni Waaqa iti kad'atu, yokhaani fulla gumiini lafa teenna ch'ufti Waaqa iti kad'attu. Jennaani Amosiini waan jed'e, Anini raaganiti, yokhaani abbaani kiyyaleeni raaganiti; ammo anini tissitufi nama mukha oda oobru. Jennaani AABBO Waaqi huji tiyya ta tikha keesaa na fuud'e waan naani jed'e, Beeni, gumi tiyya ta Israeliti woi himi. Tanaafi amma dubbi Waaqaa ch'aqasi. Atini waan naani jette, Worra Israeliti woma imfagiini, hameenna ilmaani Isaaqo inodeesiini. Tanaafi Amazia, AABBO Waaqi waan siini jed'u. Niitiini tante dira kana keesa sharmut'a taate, ilmaani tante goraadeeni fit'ani. Lafa tante qoodani biyyaa kennani, atileeni lafa nama Waaqa imbeenneti doota. Ammalle worra Israeli boojiani lafa d'ibiti geesani. AABBO Waaqi daayya keesa woi na agarsiise. Wonti anini arge dadu mid'aani. Inni waan naani jed'e, Amosi, maani agarta? Anini waan jed'eeni, Dadu mid'aani arga. Jennaani AABBO Waaqi waan naani jed'e, Muummeeni gumi tiyya ta Israeli ya geete, anini deebie worraa araarame ch'ubbu biraa indeemuufi. Guyya suni sirbi mana hayyuti sirbani iyyanna bohaa taha. Ammalle reefa nama heddu fuud'ani ch'alleesaani alati gatani. Ch'aqasa, isani ka dippata lafa teesani ira ejaanjattani, hiyyeeyi lafa keesaa hobaasu feetani. Isani waan ufiini jettani, Jilti baati yoomi dabarti? — aka nu mid'aani keenna gurgurru; yokhaani, Sabatoni yoomi dabarti? — aka nu dargaye teenna deebine gurgurru. Duuba yo guyyaani sunini dabre dandeenne gati iti darre waan biimaniini gadiqeesine yokhaani miisana woini biimaniini yakine nama dabsina. Nu dandeene bua dargaye ta lafa harani gati guddooni gurgurra. Nu hiyyeesa gati baasu indandeenne, yokhaani ka gati kobe salaalale dandae imbaamne, barbaanne bitanne tisse tolfanna. AABBO Waaqi, Waaqi Yakobo, kakhate waan jed'e, Anini deebie waan hamtu worri tolche inded'u. Maro waan kanatifi lafti inchochootu? Yokhaani nami keesa tauleeni imbohu? Lafti ch'ufti chochoote, akuma galaana Misiri ka fach'ae deebiu. AABBO Waaqi waan jed'e, Guyya suni anini adu guyya guddaani d'iisise guyya guddaani lafa dukaneesa. Anini jila teesani boha tolche sirba keesani ka gammada faaru bohaa tolcha. Anini mata keesani isani haadachiise ch'arqi hid'aanati isani naqa, duuba isani worra ilma ufii tokocha due bohu fakaattani. Guyyaani sunini haga muumme laalala jabdu qaba. AABBO Waaqi waan jed'u, Guyyaani ind'ufa, ka anini beela lafati ergu. Beelti sunini ta sagaletiniti, d'eebuuni sunileeni ta bisaanitiniti, ammo wonti iti beelaani d'eebotani d'ageeti dubbi Waaqa. Nami lafa keesa mirgaa bita, ilaborutiifi ila galchu mare fulla ch'ufa dubbi AABBO Waaqaa barbaada, ammo inargatu. Guyya suni kaima dubraatiifi ka d'iiraleeni d'eebuuni gagaba, ammalle nami waaqoota d'ara ta harkaani mid'aasani ta Samariatini kakhate, ka maqa waaqa Danitiini yokhaani maqa waaqa Beershebatiini kakhatu, imbada, inni deebie inkau. Anini AABBO Waaqa, ka d'aatu fulla sorio iti qalani eju arge. Inni waan jed'e, Fiit'e utuba Mana Waaqaa d'ai, aka mikhikili balbalaa chochou. Utuba suni fiit'e iraa ch'ach'absi, aka fiit'eeni suni nama arti jiru ch'ufa ira jiddu. Duuba anini nama hafe kaani ch'ufa goraadeeni balleesa, tokoleeni na dura bahe imfiigu. Ato worri lafa qote fulla Ekhera d'aqele, harki kiyya inuma d'aqaba. Ato gubba gara Waaqa koranile, anini achilee gaduma buusa. Ato worri fiit'e gaara Karmeli gubbati d'okhatele, anini barbaade worra qaba. Yo worri na duraa deeme baariini keesati d'okhatele, anini jawe baariini iti erge nyaachisa. Yo nyaapi worra boojie lafa d'ibi geese, anini goraade iti erge worra hobaasa. Anini ya kutad'e, aka worra inqarqaare, yo balleesu male. AABBO Waaqi Guddaani lafa tuqe chochoosa, nami keesa tau ch'ufti imboha. Lafti ch'ufti aka galaana Misiri fach'aate deebiti. AABBO Waaqi mana ufii gubbati jaarate, gubba suni lafaani gubbaa tolcha. Inni bisaani baariini gayaame lafa gubbati jissa. Maqaani isaa AABBO Waaqa. AABBO Waaqi waan jed'u, Isani worra Israeli naa worra lafa Kushi ira injirtani, isani worraani wolqit'e. Akuma anini lafa Misiri keesaa isani baase, anini worra gosa Filisti lafa Kaftori keesaa baase worra Siriale lafa Kiri keesaa baase. Anini, AABBO Waaqi, gosa dabditi tana ta Israeli ilaani tissuu jira, lafale iraa balleesa, ammo ilmaani worraa ch'ufa imfit'u. Anini amma seera gabaase worra Israeli aka mid'aani gingilchani gingilcha. Anini gosa ch'ufa keesa worra gingilche qulleesa. Nama kiyya ka daba tolchu, ka, Hameenni nu ind'aqabu jed'u ch'ufa goraadeeni balleesani. AABBO Waaqi waan jed'u, Guyyaani ind'ufa, ka anini mana Daudi, ka jige aka hoosa jiru, deebise fulla isaa ta ch'ach'abde ch'ufa mid'ad'aase jaare aka qara inni jiruti deebisu, aka akanaani worri Israeli lafa Edomu ta hafteefi lafa d'ibi ta duri nama kiyya dabsatte fud'atu. Nami akasi jed'e AABBO Waaqa, ammalle waan kana isumati tolcha. AABBO Waaqi waan jed'u, guyyaani ind'ufa, ka mid'aani ato imuriini kad'ibiini bahani; ammalle ato mid'aani zabibu ka qara daad'i iraa immid'aasiini kad'ibiini bahani. Gaareeni mukha zabibu baaftu daad'iini iraa ch'och'obde, kubile iraa lolaati. Anini gumi tiyya ta Israeli lafa worrati deebise, worri dira worraa, ka jige aka hoosa tahe, deebise jaarate keesa qubata; worri zabibu oobrate, daad'i iraa d'uge; oobru qote fach'aase, mid'aani iraa nyaata. Anini gumi tiyya lafa anini iti kenneti oobre, deebiani worra achii imbaasani. Nami dubbi tana jed'e AABBO Waaqa keesani. Tunini waan Obadiaani daayyani arge. AABBO Waaqi Guddaani waan lafa Edomu akana jed'e: AABBO Waaqi ya ergattu gosa ch'ufati erge, nuleeni d'aamsa isaa kana ya d'ageenne: Kaa, kurfefad'a, nu yaasa, lafa Edomu had'u d'anna! AABBO Waaqi waan lafa Edomutiini jed'u, Me ilaali, anini lafa ch'ufa keesa si yaarse, nami ch'ufti si tufata. Kiyyibi kanke la si sobe. Atini baqaqa d'akha ke teeta, worri kanke gubba gaaraati; atini garaa kanke keesa teeta, Eenuti lafati gad na buusa? jetta. Ato atini aka risa olfagaatte, mana kanke gara urjiti jaarattele, anini ga si buusa. Yo hattuuni siti d'ufte, yokhaani algali halkani siti d'ufu, sila akami si balleesa! Worri suni haga fed'u imfud'atu? Yo nami zabibu guuru fulla tante d'ufu, sila woma inhambisu? Me ilaala, aka Esau saamatani waan inni olkeyate ch'ufa fud'atani! Golliini tante yayu si sobde lafa tana keesaa si baafte; kalchaani tanteleeni ya si dabsatte, jaallaani tante ta atini d'ugefateleeni ya t'urura si jala keete. Waan worri tolchu suni inhubatani. Anini guyya suni worra qaro Edomu inhobaasu? Ammalle qarooma garaa Esau keesaa imballeesu? Duuba worri kanke jajanni ch'ufti immudama, ee Temani, aka akasiini nama Gaara Esauti galu ch'ufa fit'ani. Waan atini oboleesa kanke Yakobo irreeni saamteefi, ch'eeraani doota, haga jiru jireennale si balleesani. Guyya atini koba ufi d'aabde, ka nyaapi d'ufe waan inni qabu ch'ufa fud'ate, ka ammalle sidiini fullo isaatini seente dira Yerusalemu fud'ate qoodate, atileeni worruma suni fakaatte. Ammo atini sila guyya milkiini oboleesa keeti hamtu qilit'amu himmalle. Ammalle gaafa oboleesi kanke Yudaani bade gammadu himmalle; guyya d'ipu koblule himmalle. Fullo worra kiyya keesa seenu himmalle, guyya badi worraa, guyya d'iba isaale qilit'amu himmalle; ammalle guyya d'ipu isaa waan inni qabu saamachu himmalle. Fulla karaani gargari bahu ejite, sila worra isaa ka baqatu hobaasu himmalle; worra isaa ka sila fiige, guyya d'ipu harka nyaapati deebisu himmalle. Guyyaani AABBO Waaqi dubbi gosa ch'ufa qoru ya d'iaate. Akuma atini nama tolchite sile tolchani, wonti atini tolchite matuma keetiti deebiti. Akuma atini gaara kiyya ka woyyu irati wo d'udde, akasuma gochiti ch'ufti ta d'aatu te jirtu wo d'uddi; isiini wo d'udde daat'e lelet'e aka waan takuma injiraatiini taati. Ammo gaara Sioni gubba worra baqate baheti taa; ammalle fullaani suni fulla woyyuma taati. Duuba worri Yakobo lafuma ufii ta qara argata. Worri Yakobo ibida fakaate, ka Yusufu bobaa ibidaa fakaate, ammo ka Esau buyyo godde wokifte fakaata; duuba gubani hobaasani, akasiini worri Esau fiiga d'aba. Nami dubbi tana jed'e ana, AABBO Waaqa. Worri lafa Negebu keesa tau gaara Esau argate, worri lafa golbo tau lafa worra Filisti argata. Worri sunini lafa Efraimutiifi ta Samaria argate, worri Benjaminileeni lafa Gileadi argata. Worri boojiani, ka lafa Israeli mirga jiru, deebie lafa Kanaani haga Sarepta fud'ata. Worri boojiani ka Yerusausalemu, ka Sefaradi tau, dira heddu ka lafa Negebu fud'ata. Worri Yerusalemu, ka nyaapa ufii dabsate, gaara Esau had'e mohata. Hayyuuni lafa suni AABBUMA Waaqa taha. Guyya toko AABBO Waaqi Yona, ilma Amitai, yaame waan jed'eeni, Kai, Ninawi dira gudda suni d'aqi, hameenna worri tolchu diideesi iti himi; wonti akanatiifi anini daba worri tolchu ya arge. Ammo Yonaani kae, aka AABBO Waaqa duraa lafa Tarshishiti baqatu, dira Yafa d'aqe, hobolo guddo toko ta Tarshishi deemtu, arge beese baase yaabate, aka akasiini Tarshishi d'aqe AABBO Waaqa duraa bahu. Ammo AABBO Waaqi bubbe jabdu baariiniti buuse, bubbeeni sunini aka male jabaatte, hobolo suni gargari ch'absu geete. Duuba worri hobolo suni keesa hojatu ch'ufti nahe, namu waaqa ufii yaamate. Jennaani worri miha hobolo keesa jiru ch'ufa, aka hobolooni sablattu, baariiniti jisse. Ammo Yonaani qarayu garaa hobolo suni keesa seene gach'iise aka male rafe. Jennaani namichi huji hobolo suni ch'ufa harkaa qabu d'ufe, artiti isa arge waan jed'eeni, Isii abbo, atini maafi ufumaa rafta? Kai, waaqa kanke yaamad'i, hegeri inni nuu nahe lubbu nu baasa. Duuba worri hobolo suni keesa hojatu kaani waan woliini jed'e, Koota, hit'a buufanne, nama wollaala tolche waan hamtu kana nutiini d'ufe laalla. Worri hit'a buufate jennaani hit'aani sunini Yonaa bue. Duuba worri waan jed'eeni, Nuti himi, wonti hamtuuni kunini maal gula nuti d'ufte? Hujiini tante maani? Eesaa baate? Lafa tamiti d'alatte? Gochiti tante maani? Inni waan jed'eeni, Anini nama gosa Ebrania; ammalle anini AABBO Waaqa gubbaa, ka lafafi baariinile uume sodaad'a. Jennaani worri kaani haga qarale ira nahe waan jed'eeni, Atini waan hamtu akana kana maafi taate? Wonti akanatiifi worri imbeekha, aka inni AABBO Waaqa duraa baqatu, waan inni qara worrati himeefi. Bubbeeni haga qara ira jabaatte jennaani worri waan isani jed'e, Maal si tolchina, aka bisaani baariini rorau lakisani? Inni waan jed'eeni, Anini imbeekha, maro wollaala kiyyatiifi bubbeeni hamtuuni tunini isani qabatte. Fuud'a, baariini keesa na buusa, duuba bubbeeni tunini bubbisu lakifti. Duuba worri kaani aka hobolo lafa godduti deebisu iti game, ammo taatule waan bubbeeni haga qarale ira bubbiftefi dad'abe. Tanaafi worri AABBO Waaqati bohe waan jed'eeni, Ee AABBO Waaqa, nu si kad'anna, nama kanaa jette nu imballeesini; d'iiga nama woma iyyakiini kana nura inkayini. Ee AABBO Waaqa, nami waan kana ch'ufa tolchu siuma; wonti kunini ch'ufti woma atini tolchite. Duuba worri Yona fuud'e baariini keesa buuse; jennaani hojuma suni baariinini rorau lakise. Duuba worri kaani guddo AABBO Waaqa sodaate sorio baaseefi, ammalle aka isa kad'atu iti kakhate. Jennaani AABBO Waaqi qurt'umi guddo toko Yonati erge, isiini isa liqimsite, inni garaa isii keesa guyya sadi oole halkani sadi bule. Duuba Yonaani, ka garaa qurt'umi taani keesa jiru, AABBO Waaqa ufii kad'ate waan jed'e: Ee AABBO Waaqa, anini garaa qurt'umi keesa si yaamannaani atini na jalaa owaatte; anini ka boola Ekhera keesa jiru, siti bohe jennaani atini na d'ageete. Atini d'immu baariini qile keesa na buufte, ka bisaani gama ch'ufa na marsani, fach'aafi d'aawaani bisaani na gubbaa baate. Jennaani anini waan jed'e, Yayu fuula kanke duraa na balleesani, anini amma akami dandae deebie mana kanke qulqullo ilaani arga? Bisaani nati baafatani, diquma na illiqimsiini; buuyooni bisaani keesati baatuleeni matati na mamarati. Anini hidda gaareeni, fulla lafa balbalti isii haga jiru jireenna imbanamneeni bahe. Ammo, ee AABBO Waaqa kiyya, atini d'immu suni keesaa na fuute, lubbu na baafte. Anini ufi jibbaad'e aka duu ufi arginaani, ee AABBO Waaqa, si qaabad'e, si yaamad'e; jennaani atinileeni mana kanke qulqullo keesaa na d'ageete. Worri waan harkaani boch'ani, ka woma keesa injirre, kad'atuleeni, yayu si lakise si gula deemu dide. Ammo anini si faarse, sorio sii baase, waan siti kakhad'e ch'ufa guuta. Ka nama baasu AABBO Waaqa ch'alla! Jennaani AABBO Waaqi qurt'umi taanini, Yona ufi keesaa diddisi jed'e, duuba isiini lafa goddu irati isa ufi keesaa diddisite. AABBO Waaqi maro lameeso Yona yaame waan jed'eeni, Kai, dira Ninawi, dira gudda suni, d'aqi, dubbi anini siti himu tana diideesi nama ch'ufati odeesi. Jennaani Yonaani akuma AABBO Waaqi jed'eeni kaani kae dira Ninawi d'aqe. Diri sunini aka male gudda, ballinni isaa deema guyya sadi fud'ata. Yonaani deema guyya toko dira suni keesa deeme lalabe waan jed'e, Guyya afurtama keesati Ninawi imballeesani! Jennaani worri Ninawi diqafi guddaleeni Waaqa d'ugeefate ufi agabse ch'arqi naqad'a woliini jed'e, aka akasiini wollaala iraa deebiti garsiisu. Hayyuuni Ninawi qonqo tana d'ageennaani barch'uma isaa ka hayyuma iraa kae, woya isaa ta hayyuma baafate, ch'arqi naqate daara keesa tae. Duuba inni qonqo tana nama ch'ufati labse waan jed'e, Tunini dubbi hayyufi jara isaa gugurda iraa d'ufte: Namafi loonifi reeleeni woma sooratte bisaanile ind'ugiini. Ammo namafi horileeni ha ch'arqi naqate bohe Waaqa kad'ate, kara isaani hama iraa deebie, ch'ubbu worri tolche lakisuti. Hegeri Waaqi herega ufii jijire, dallansu ufii hamtu galfate badu nu d'owa fa! Waaqi waan worri tolcheefi ammalle aka worri kara isaani hama kaani iraa deebiele arginaani herega ufii jijire, worraa nahe, badi sila worra balleesu taani lakise. Ammo Yonaani waan kana iraa guddo laalefate garaa hammaate dallane Waaqa kad'ate waan jed'e, Ee AABBO Waaqa, wonti kunini waan anini gaafa qara worra kiyya jiru jed'eeniti? Wonti anini hurrise kae lafa Tarshishiti baqad'eefi suni! Anini imbeekha, aka atini Waaqa eebafi naasufi obsafi jaalala haga jirtu ind'umanne qabu, ka herega ufii jijire namaa nahu. Amma, ee AABBO Waaqa, yo feete na ijeesi; yo due ira naa jirti. Duuba AABBO Waaqi waan jed'e, Atini d'uga maani qabda, ka teete dallantu? Jennaani Yonaani dira keesaa bahe, moga ilaboruti hoosa jaarate, gaadisa isaa jala gatae, waan diri Ninawi tahu laale. Duuba eege AABBO Waaqi mukha qoboo fakaatu toko, fulla Yonaani tauti baase, mukhi suni bahe isaa gaadisese gaargala keesa isa baase. Yonaleeni mukha suni guddo maache. Ammo boriyyaate ganama Waaqi mukha suni raamo iti erge, raamooni sunini mukha suni nyaatte gogosite. Aduuni baanaani Waaqi bubbe owitu ilaboruti d'ufeeni, owi aduu mata Yona d'ae gagabsu geennaani inni duu fed'e waan jed'e, Ee Waaqa, yo duu iraa naa jirti! Ammo Waaqi waan isaani jed'e, Atini d'uga maani qabda, ka teete mukha kanaa jette dallantu? Yonaani wa wa wa waan jed'e, Anini d'ugaafi dallane, yo dallansuuni na ijeeftele. AABBO Waaqi waan isaani jed'e, Mukhi kunini halkani toko bahe, halkani lameeso bade; atini huji womaatu iti inhojanne yokhaani isa imbaamne — duuba maani teete naataafi? Anini dira Ninawi gudda kana, ka nama kuma d'ibba tokofi diddama ira jiru qabu, ka nami suni mirgafi bita imbeenne, ka inni hori heddule qabu, nahu himmalle? Gaafa Yothamufi Ahazifi Hezekiani hayyoota Yuda, dubbini AABBO Waaqa Mika nama Moreshethi d'ufte. AABBO Waaqi dubbi tana ch'ufa, ta waan Samariatifi ta Yerusalemu, Mika daayyani agarsiise. Gosa ch'ufa, d'agaya; nama lafa keesa tau ch'ufa ch'aqasa! AABBO Waaqi Guddaani Mana isaa qulqullo keesa dubbate ha isani himatu! AABBO Waaqi fulla isaa qulqullo kae gad'ufe, fiit'e gaareeni d'eertu gubba deema. Duuba gaareeni isa jalati, aka hanch'aani ibida keesati baqu, bat'e, yaate bale tarsaafte, aka bisaani gaara iraa jigani yaati. Wonti woni kunini ch'ufti taatuufi, maro wollaala Yakobotiifi ch'ubbu worra Israeliti. Wollaala Yakobo eentu d'ufeeni? Worra Samariatiniti? Ch'ubbu worra Yuda eentu d'ufeeni? Worra Yerusalemutiniti? Tanaafi AABBO Waaqi waan jed'u, Anini dira Samaria mana ona ka lafa diida keesati jige tolcha, fulla zabibu iti oobrani. Anini d'akhaye maneeni worraa ta jidde suni bale keesa jisse, yayaba dira suni diidati gabaasa. Waan worri boch'e kad'atu ch'ufa ch'ach'absani, waan sharmut'a mana waaqoota suni ke jiru baasani ch'ufa gubani, ammalle wonti boch'ani kad'atani suni ch'ufti onte baddi. Waan kana ch'ufa Samariani kara sharmut'omatiini argate, amma nyaapi isii waan suni ch'ufa fud'ate lafa d'ibi geese kad'ata. Jennaani Mikaani waan jed'e, Maro waan kana ch'ufatiifi anini laalefad'e bohe kobefi woya baafad'e qullaa deema. Anini aka geedala waakise, aka guchi boha. Mada Samaria wonti fayyisa injirtu, Yudaleeni diquma akasi intahiini; gaargalileeni ya balbala fullo Yerusalemu, fulla worri kiyya tau, gahe. Nyaapa keenna ka Gathi jiru, aka nu dabsatani, iti inhimina; boha teesani worra argu d'owa. Worra Beth-Leafra, aka ufi jibbattani, biyye keesa gangalad'a, garsiisa. Isani worri Shafiri, qullaa baqad'a, ch'eera. Nami dira Saanani keesa tau keesaa imbahu. Hojja isani boha worra Betheseli d'ageetani, aka fullaani iti baqatani injirre beetani. Worri Marothi aka jaba qarqaarsa eegata, waan AABBO Waaqi badi guddo balbala Yerusalemutini d'ufeefi. Isani nami Lakishi keesa tau, farda keesani gaariti hid'ad'a. Isani ch'ubbu worra Israeli gula deemtani worra Yerusalemu ch'ubbu keesa buuftani. Amma, isani worra Yuda, dira Moreshethi Gathi nagayaati jed'aani. Hayyooti Israeli qarqaarsa dira Akzibu ira inargattu. Worra Maresha, AABBO Waaqi harka nyaapa keesani ka dira keesani dabsate fud'atuti isani keenna. Worri gugurdaani Israeli yae goda Adulamuti d'okhata. Isani worra Yuda, rifeensa keesani haadad'a, ilmaani teesani ta isani jaalattani bohaa. Aka ruumicha mata ufi moleesa, maro ijoolle teesani boojiani lafa d'ibi geesaniifi. Gaargala akamiti worra sire ira ch'iise waan hamtu malatu d'aqaba! Yo lafti bariite, waan irre qabanifi, waan eda malatani kaani tolchani. Hojja oobru fed'ani, d'aqani saamani; hojja maneeni fed'ani, d'aqani qabani fud'atani. Wonti nami qabu, namafi saileeni, yokhaani mihi manaleeni, ka baha injirtu. Tanaafi AABBO Waaqi waan jed'u, Anini aka gaargala isani jala imbaanne isaniti d'ufu, malachu jira. Duuba gaargala argattani, deebitani aka duri kaani kiyyiba iyyaatani. Hojja guyyaani suni gahe, biyyiti waan keesani dubbate qach'o isaniti d'aate waan jettu: Nu ya aka d'ugaa banne! AABBO Waaqi ya lafa nuraa fud'ate worra nu boojie kenne. Duuba gaafa guyyaani lafa worra AABBO Waaqati deebisani gahe, isani nami tokoleeni qooda keesa inargatu. Biyyiti na gorsite waan naani jettu, Laki, nu ingorsiini, waan suni maqale ind'aini, Waaqi nu inch'eersu. Isani waan worri Israeli abaarsa qabu seetani? AABBO Waaqi ya obsu dad'abe. D'uguma waan akana tolcha? Inni nama d'uga tolchu innahu? AABBO Waaqi waan jed'uuni, Isani aka nyaapa worra kiyya haatani. Nami duula galu, yo worraani bahu, waan nagayaani tau seha; ammo isani gaaddani woya duddaduubaani iraa hattani. Isani nad'eeni worra kiyya mana isiini jaalattu keesaa gussitani ilmaani isii saamtani eeba sila haga jiru jireenna anini kennuufi d'owartani. Kaa yaa, fullaani tunini nagaya isanii inqabdu, ch'ubbuuni teesani ya fulla tana yakite t'ureesite. Worri kunini raaga deeme d'arafi kiyyiba odeesu, ka biyyaani, Daad'ifi faarso quuftani jed'u, fed'a. Ammo anini, ee Yakobo, isani worra Israeli ka hafe wolti yaama. Anini aka ree moonati galchani wolti isani galcha. Yokhaani aka ree wolti baate d'eedu, nami deebie lafa teesani akuma duri kaani guuta. Waaqi kara worraa bane lafa worra iti boojiani suni keesaa baasa. Worrileeni balbala fullo dira suni ch'abse baqata, ammalle hayyuuni worraani deemu AABBO Waaqa. Jennaani anini waan jed'e, Isani worra Yakobo mataa yokhaani jaaroleeni Israeli, ch'aqasa! Isani sila worra d'uga jabeesu tahu maltani, ammo waan dansa jibbitani hamtu jaalattani. Isani worra kiyya jira goga iraa qaltani fooni lafe iraa ch'irtani. Isani nama kiyya nyaattani fit'ani, goga iraa baaftani lafe worraa ch'ach'absitani, aka fooni okoteti ch'irtani. Guyyaani ind'ufa, ka isani bootani AABBO Waaqa kad'attani, ammo inni isani ind'ageenne. Waan isani hameenna tolchitanifi inni kad'a teesani ind'agayu. Raagi d'ufe worra isa nyaachisuuni, Lafti nagaya jed'e soba, ammo ka isa woma afaani imbuumne, Lafti nagaya inqabdu jed'e naasisa. Raaga akana kanaani AABBO Waaqi waan jed'u, Aduuni ya isaniti d'iite, laftileeni ya isaniti dukanoofte. Waan isani gumi tiyya sobdaniifi, deebitani daayyani woma inagartani yokhaani dandeetani woma inhimtani. Nami waan taka tana himu inch'eera. Worri ch'ufti ch'eere afaani qabata, waan Waaqi dubbi worraa jalaa qabu dideefi. Ammo anini ufii tiyya, AABBO Waaqi ya jabeennafi lubbu ufiitini na guute herega d'ugaatifi jannooma naa kenne, aka anini gumi Israeli ch'ubbu worraa iti himu. Isani worri worra Yakoboti mataa, yokhaani jaaroleeni Israeli ta waan d'uga jibbitani d'uga d'ara tolchitani, na ch'aqasa. Isani nama fit'ani, dira Sioni jaartani, ammalle nama dabsitani Yerusalemu jabeesitani. Worri dira suniti mataa gumbo nyaate dubbi namaa qora; qaaloleeni wo nama ira fud'attu male seera nama imbarsiiftu. Raagootileeni beese male woma namaa inhimtu. Duuba worri kunini ch'ufti, AABBO Waaqi nu woliini jira, nu woma intaanu jed'a. Tanaafi maro teesanifi diri Sioni bade adaala taha. Yerusalemuleeni onte badde, gaari fulla Mana Waaqaa iti jaaranileeni badda taha. Taka tana gaari Mana Waaqaa irati jaarani gaara ch'ufa ira d'eerate keesaa baha. Gochiti hedduuni aka biyye tana iti yaate waan jettu, Koota, gaara AABBO Waaqaa olkorre Mana Waaqa Yakobo d'anna, aka inni kara ufii nu barsiise, nu daandi isaa gula yaanu. Wonti akanatiifi dubbini AABBO Waaqaa Yerusalemu keesaa baati, seeri isaaleeni Sioni iraa d'ufa. Inni gosa woldiddu wolti araarse, nama jajaba lafa fagotiifi ka lafa d'io woltiini d'ufa. Worri goraade ufii maraasha tumate woraana haamtu tolfata. Gochiti deebite woraanaani wolinhaatu, deebiani waan lola baratani wolinhad'ani. Nami ch'ufti oobru ufii keesa, mukha zabibutifi ka oda jala, soda male nagayaani taa. Nami dubbi tana jed'e AABBO Waaqa Gudda. Gochiti ch'ufti Waaqa ufii kad'atte gula yaati, ammo nu gama keenna AABBO Waaqa keenna haga jiru jireenna kad'anne gula yaana. AABBO Waaqi waan jed'u, Guyyaani ind'ufa, ka anini naafa wolti yaame, worra boojiani gaargalchani wolti deebisu. Worri naafa, ammalle worra isaani ira fago jira, ammo anini worra hafe suni qarqaare gosa guddo tolche horsiisa. AABBO Waaqi armaa achi haga jiru jireenna gaara Sioni irati worra fida. Atileeni Yerusalemu, fulla Waaqi aka tissitu gumi ufii tissu, deebite dira gudda taate, guddinnileeni kanke taha. Ati maafi akana lalabde boota? Atini maafi aka niiti d'alaa ch'ininfattu gaargalta? Waan hayyu d'abde jaaroleeni sira dodooteefi akana taata? Isani worra Sioni, aka nad'eeni ch'ininfattu, woraaqa, waad'a; isani amma dira keesaa baatani baadia galtani. Lafa Babiloni d'at'ani, achiti AABBO Waaqi d'ufe harka nyaapa keesani keesaa isani baasa. Amma gochiti hedduuni wolti baate isani haate waan jettu, Sioni balleesani t'ureesu malani! Ilti teenna ha dira kana ka one bade agartu! Ammo gochiti tunini herega AABBO Waaqaa imbeetu, yokhaani mala AABBO Waaqaa, ka inni worra aka mid'aani oobditi guurani d'aanani worra d'aanu, inhubanne. AABBO Waaqi waan jed'u, Worra Sioni kaa, nyaapa keesani aka mid'aani d'aanani d'aana! Anini aka korma looni ka gaafa sibiila guraachatiifi qeench'a sibiila diima qabu isani tolcha. Isani gosa heddu d'aantani ch'ach'arasitani, ammalle hori worri kara dabatini argate iraa fuutani ana, abba lafa ch'ufaati baaftani. Isani worri Yerusalemu, duula keesani wolti baasa! Ya marsani nu had'ani! Hayyu Israelile ya d'abanaasani! AABBO Waaqi waan jed'u, Bethlehemu Efrata, atini dira gosa Yuda ch'ufa keesa dira diqa, ammo si keesaa anini nama Israeli fidu, ka d'alooti isaa uumama duri iraa bahe, tolcha. Tanaafi AABBO Waaqi gumi ufii harka nyaapa worraati lakisa, haga isiini dau geete ilma deetuuti. Jennaani worra gosa isaa ka boojiani worra isaani ka Israeliti deebisani. Inni gaafa d'ufu jabeenna AABBO Waaqatifi guddinna isaatiini gumi ufii tissa. Gumiini isaaleeni nagayaani teeti, waan nami lafa keesa jiru ch'ufti guddinna isaa beekhuufi; ammalle inni nagaya lafatini d'ufa. Hojja worri gosa Ashuru lafa teenna d'ufe had'e naabo teenna ch'ach'abse nuu dabsatu, nu jara nuu mataa jajanna had'iisaa worrati ergina. Irre woraanatiini worri worra Ashuru suni dabsate, worri suni gaafa worri kaani d'ufe lafa teenna had'u duraa nu baasa. Worri Israeli ka hafe fit'eesa AABBO Waaqi gosa hedduti ergu yokhaani ebele mid'aaniti roobdu fakaata. Ammalle worri suni Waaqa male nama inheregatu. Ammalle worri gosa taani keesati hafe nyeench'a sagale raasa keesa yokhaani fulla reeni ooltu keesa barbaadu fakaata: inni ree keesa seene iti ch'ee qabe nyaate fit'a — nami tokoleeni ka dandae iraa baasu injiru. Ammalle worri Israeli nyaapa ufii ch'ufa dabsate had'e balleesa. AABBO Waaqi waan jed'u, Gaafasi anini fardoole teesani isani iraa fuud'e gaari keesani ka fardi hirkisu balleesa. Anini dira keesani balleese waan isani nyaapani ufiraa d'owartani jaartani ch'ufa ch'ach'absa. Anini qud'aama keesani ka falfalaa isani iraa fuud'e worra keesani ka wo himule balleesa. Anini akheekha isani kad'attanifi d'akha keesani ka woyyumale lafa teesani keesaa balleesa; isani deebitani gajettani waan harka keesaniini mid'aasitani inkad'atani. Anini akheekha waaqa Ashera jed'ani, ka lafa teesani keesa jiru, ch'ach'abse dira keesani balleesa. Ammalle dallansu tiyya guddo keesa gosa na ch'aqasu dide ch'ufa haalo fuud'a. Waan AABBO Waaqi jed'u d'agaya: AABBO Waaqa, kai, worra Israeli himad'u; gaareenifi kubileeni ha waan atini himattu d'ageetuti. Isani gaareeni, yayaba lafaa ka haga jiru jireenna, dubbi AABBO Waaqi himatu ch'aqasa! AABBO Waaqi gumi ufii himata. Dubbini inni himatu ta quufa d'abaati. AABBO Waaqi waan jed'u, Gumi tiyya, anini maani isani tolche? Anini maaniini isani dad'absiise? Nati hima. Anini lafa Misiri keesaa isani baase tissooma keesaa isani fuud'e; ammalle anini Musafi Harunifi Miriamu qarqaarsaa isanii erge. Gumi tiyya, waan hayyu Balakini, ka gosa Moabu, isaniti malateefi waan Balaamuuni, ilmi Beori, isaa deebise qaabad'a. Ammalle waan karaati isaniti tahe jiddu Shitimufi Gilgali qaabad'a. Yo waan kana ch'ufa qaabattani, waan anini baasiti teesani jed'e tolche hubattani. Anini hojja AABBO Waaqa, Waaqa gubbaa kad'ad'u, maaniini d'ufaafi? Anini jiboota fuud'e gube sorio AABBO Waaqaa baasa? Yo anini elemiyye kunki heddu yokhaani d'ad'a muumme inqamne ka aka galaana yau fuud'e d'ufeeni, AABBO Waaqi ingammada? Anini ch'ubbu tiyya jed'e, ilma kiyya ka angafa yokhaani ijoolle anini d'ale Waaqaa imbaasu? Hiyo akasiniti; AABBO Waaqi waan dansa nu tolchuu malle ya nuti hime. Wonti inni nuraa fed'u tana: aka waan d'uga qajeeltu tolchani, jaalala ind'umanne nama garsiisani, ufi saadu lakisani Waaqa woliini taani. Nami qarooni nama AABBO Waaqa sodaatu. AABBO Waaqi nama diraa yaame waan jed'uuni, Isani nami dira kana keesati wolti bahu, ch'aqasa! Anini miha maneeni dureeyyi keesa jiru, ka worri kara dabatini argate yokhaani waan worri woini biime namaani dabsu, ka abaarani, dandae inded'a? Anini miisana d'araatiifi d'akha nami woini biimu dandae obsa? Dureeyyiini teesani hiyyeesa dabsite, nami keesani ch'ufti d'ara dubbate, arabi worraleeni nama soba. Tanaafi anini amma maro daba keesanitiifi isani balleesa. Isani inyaattani ammo inquuftani, sabdoomtani bukiti taatani wo fud'attani ammo olinkeetani; waan isani olkeyattanile anini lola keesa balleesa. Isani mid'aani fach'aaftani ammo woma immurtani. Isani d'ad'a qabdani ammo indibattani, daad'ile mid'aafattani ammo ind'uddani. Wonti woni kunini ch'ufti isani qabatufi, waan isani aada hamtu hayyu Omritiifi ilma isaa Ahabu jabeesitani gula yaatanifi. Tanaafi anini isani balleese, gochiti ch'ufti isani tufatti. Ammalle fulla ch'ufati isani goyeesani. Anini la ufi jibbaad'e! Anini nama beela qabu, ka mid'aani mukha ira barbaadate, yokhaani mid'aani zabibu mukha iraa d'abe, fakaad'a. Mid'aani zabibutifi ka oda mimiao ya na duraa guuratani. Nami d'ugaafi qajeeluma gula deemu, ka Waaqa sodaatu, tokoleeni injiru. Nami ch'ufti gaade wolijeesa. Ch'ufti oboleesa ufii yokhaani gosa ufii t'ururaani qabe balleesu fed'a. Worri ch'ufti aka waan hamtu tolchu ya iti ogeesa tahe. Jaaroleefi jaallabi gumbo nama ira fud'ata. Nami gurra qabu waan fed'u worra suniti hime duuba ch'ubbu iti wold'aqani. Worra nami keesaa goomuleeni aka mogore nama woraana, ka ira qajeelaleeni hanqare fakaata. Guyyaani Waaqi biyya balleesu, akuma inni qara afaani raagootatini nama gorse, ya d'ufe. Biyyiti amma ya waan taatu wollaalte. Olla kanke ind'ugeefatiini, yokhaani jaala kanke inquufiini; niiti tante ta woliini raftanile iti indagatiini. Bara kana ilmi abba ufii tuffate, intaltileeni dubbi haad'a didde, niitiini ilmaaleeni haad'a isaa d'agayu diddi. Nyaapi namaa ch'ufti worruma isaati. Ammo anini gama kiyyaani AABBO Waaqa eegad'a; Waaqa kiyya, ka na baasu, heregad'a; ka na d'agayu isuma. Nyaapi kiyya waan maro gaargala kiyyatiifi gammaduufi inqabu; anini ya jige amma inuma kaa. Anini amma dukana keesa jira, ammo AABBO Waaqati ifsa naa keenna. Anini ya Waaqa durati ch'ubbu tolche, tanaafi dallansu isaa obsu male, haga inni naa dubbate d'uga na muruuti. Inni ifsatiini na d'ufe baafama na garsiisa. Duuba nyaapi kiyya waan kana arge, nami qara na goyeese, Waaqi kanke me? naani jed'e inch'eera. Anini nyaapa suni ka aka d'oqe karaati d'id'iitani arga. Worra Yerusalemu, guyyaani naabo dira keesani deebiani jaarani d'ufuu jira. Gaafasi tari seera lafa teesani hiisani. Nami gaafasi gama ch'ufaa isaniti d'ufa — Ashuru ta ilaboruti, Misiri ta bitati, arda galaana Efratatiifi galaana ch'ufafi gaareenile ch'ufa. Ammo lafti badde duwa taati, waan nami isi keesa tau ch'ufti ch'ubbu hojateefi. Ee AABBO Waaqa, gumi tante ta atini fohatte, ule tanteetiini tissi. Ato worri lafa aloo koba keesa taele, lafa gabboti d'aatu worraa jira. Worri ha godaane lafa gabbo Bashanitifi Gileadi, ta worri duri keesa tauti deebie achiti nyaate d'uguuti. Ee AABBO Waaqa, waan mama tolchi, nu agarsiisi, akuma duri gaafa lafa Misiri keesaa nu baafte tolchite nu agarsiifte. Gochiti si imbeenne taani, yo waan kana argite, ato irre guddo qabaattele, inch'eerti. Mudamsu keesa afaani qabatte gurra ch'ufatte aka bofa awaara keesa looti; maneeni worraa jajabdu keesa, ka sodaatani hollatani, gad'ufani sodaani AABBO Waaqa keennati deebiani. Waaqi aka keeti injira? Ee AABBO Waaqa, atini ch'ubbu namaa araaramte wollaala gumi teeti ta hafte biraa deemtaafi. Atini haga jiru jireenna indallantu, ammo atini jaalala tante ta ind'umanne nu garsiisu feeta. Atini ammalle deebite nuu naate ch'ubbu teenna ch'ufa nuraa fuute, d'immu baariini keesa buufta! Atini naasufi jaalala tante ta ind'umanne gumi Yakobotiifi ta Abrahamu garsiifta, akuma atini duri ababoota teennati kakhatte. Tunini waan dira Ninawi, ka Nahumuuni, nami gosa Elkoshi, daayyani arge. AABBO Waaqi nama isaani morku inoobsu; inni nama isaani morku gaargalche, nyaapa ufii dallansuuni eegata. AABBO Waaqi hurre indallanu, ammo humna jabdu qaba, ta nama wo yakeeni gaargalchu. Fulla AABBO Waaqi deemu bubbeeni kaate, dumansileeni aka awaara miila isaa jala kaa! Inni baariini yau d'owe, galaanale gogosa! Oobruuni Bashani qanch'ooratte, gaari Karmeli diimate, daraaraani Lebanoni bada. Gaareeni isa durati chochoote, kubileeni isa durati, bat'i. Hojja AABBO Waaqi d'ufu, lafti lelet'e, nami isi keesa jiru ch'ufti mudame hollata. Yo inni dallane, eenuti dandae iraa hafa? Dallansuuni isaa hamtu, eenuti dandae jalaa baha? Inni dallansu isaa ta aka ibida gubbaa gabuuse, d'akhaayeleeni isa durati ch'ach'abde, bulloofte awaara taati. AABBO Waaqi dansa; guyya gaargala gumi ufii jabeese qorqorata; nama qarqaarsa isa ira fed'atu ch'ufa inuma tissa. Akuma bisaani lolaa ka fach'aati, inni nyaapa ufii ch'ufa hobaase, nama isaani morku ch'ufa fit'a. Isani maani AABBO Waaqati malattani? Inni isani fit'e balleesa. Nami tokoleeni iti deebie maro lameeso isaani immorku. Aka hot'e qoraatitiifi gaga buuyo gogodde isani gubani hobaasani! Ee Ninawi, si keesaa nami hameenna mariate AABBO Waaqati malatu bahe. AABBO Waaqi waan worra Israelitini jed'u: Ato worri Ashuru jabaate yokhaani heddatele, worra balleesani lafaa d'abani. Gumi tiyya, ato qara isani gaargalchele, amma deebie isani ingaargalchu. Anini irre worri Ashuru isaniini dabsate ch'abse, haada worri isaniini hid'u kuta. AABBO Waaqi waan worra Ashuru akana jed'e: Worri deebie ilmaani ind'alu, tanaafi maqaani worraa imbada. Anini waan worri harkaani boch'e mid'aasu, ka mana waaqoota worraa keesa jiru, ka worri kad'atu, imballeesa. Anini worra Ashuruti awaala qotuu jira — worri jiraachu himmalle! Me ilaala, nami ergaani d'ufu, ka odu dansa ta nagaya namati odeesu, gaareeni ira gad'ufuu jira! Worra Yuda, jila teesani tolfad'a, kakhu isani Waaqati kakhattani guuta. Worri ch'ubbu qabu suni deebie lafa teesani inhad'u; ya worra balleesani fit'ani! Ee Ninawi, la si had'ani! Irreeni si balleesitu ya d'ufte. Boota jaarad'a! Kara eega! Mart'ifad'a, kurfefad'a! (AABBO Waaqi guddinna Israeliti deebisuu jira, aka gaafa duri nyaapi saame imballeesini kaaniti deebisu fed'a.) Duuli nyaapaa wonte diimtuuni yae woya diimtu naqata. Worri had'iisa kurfefachuu jira! Gaariini worraa, ka fardi hirkisu, aka ibida bibiliqa! Fardi worraleeni imbuburaqa! Gaariini dirati baafate dira keesa fulla ch'ufa orie, aka ifse ibidaa ifse, aka angaasu angaa. Worra gugurda askarti yaamani; worri ato yau gufata. Nyaapi naabo dirati orie, nama isaani, ka balbala dira suni jigeesa mukhatiini ch'absu, wonte tahafi. Balbalti fullo ta d'aatu galaana irreeni banamte, nami mana hayyuu keesa jiru ch'ufti babakhakhe mudama. Hayyiti qabani jennaani hojaattuuni isii aka sabaliisa ch'aarte lalefatte mata qabatte booti. Worri Ninawi aka haro farqate baafate baqata! Ejad'a, ejad'a! jed'ani iyyani, ammo nami tokoleeni garagale indeebiu. Qarsi saama! Worqi saama! Diri kunini miha hedheddu ka muumme inqamne, ka gati guddooni bitani, qaba! Ninawi yayu saamani balleesani ona tolchani! Lubbuuni nama d'ufte, onneeni namaa ch'ite, humniti namaa hollatte, fuulileeni namaa golgolaa. Diri goda nyeench'a fakaatu kaani amma meeti? Fullaani kuble nyeench'a iti nyaachisani, ta kormafi d'alaani nyeench'aa iti gale kuble ufii qorqoratu, me? Nyeench'i bineensa nyaate, d'alafi kuble isaati fooni ira tatarsaase; inni goda ufii fooni tatarsaaseeni guute. AABBO Waaqi Guddaani waan jed'u, Anini ya siti nyaape; amma gaari keesani ka fardi hirkisu inguba. Nama keesani ka duulaa lola keesati fit'ani; ammalle anini waan worri biyya ira saame ch'ufa iraa fuud'a. Waan irre teesani deebiani lafa keesati ind'agayani. Diri d'artichi d'iiga namaa buusu ya bade. Inni waan heddu qaba, ka saamani fud'atani! Ch'aqasa, d'uqeesa lichotiifi kokeesa miila gaaritiifi gulubsu fardatiifi dibbeesa gaarile! Yaabattuuni farda gussite, goraadeefi woraani bibiliqa! Reefi namaa ka muumme inqamne wolti tuulame, nami iti gugufata! Dira Ninawi sharmut'icha balleesu jirani. Inni mid'aaga, ammalle aka hama sobe nama balleesa. Inni duri gosa heddu sharmut'omaani sosobe tisse tolche balleese. AABBO Waaqi Guddaani waan jed'u, Ee Ninawi, anini si gaargalcha. Anini woya siraa baase, qulla si d'aabe, ch'eera kanke gosa ch'ufaa garsiisa. Anini guddo si tufad'e t'uri hamtu si d'iba. Namileeni fuula yakate aka hama si laala. Nami si argu ch'ufti siraa rifate waan jed'u, Ninawi ya balleesani ona tolchani! Eenti nahe bohafi? Ninawi, atini dira Misiri ka Thebe jed'ani ira jirta? Innileeni galaana ufii d'aatu qaba, ka aka naabo isa marsu, ka galaana Nile jed'ani. Diri suni lafa Kushitiifi lafa Misiri mohate, motumti isaa haga inqabdu, worri Libia goli worraati. Ammo worra Thebe boojiani lafa d'ibi geesani. Kara ch'ufa keesati ijoolle worraa d'aanani fit'ani. Jara worraa gugurda sansalataani wolti hid'ani boojiani gargari qoodatani. Ee Ninawi, atinileeni farso d'udde machoofte daalloofta! Atini nama si boojie kaani iraa baqachu feeta. Maneeni teesani jajabduleeni mukha oda, ka mid'aani isaa bilchaatani, fakaati: mukhi suni yo chochoosani mid'aani isaa afaani keesaniti jigani! Askartiini teesani nad'eeni fakaati, fullooni dira keesanileeni ya nyaapa keesanii banamte. Ibidi sibiila balbala fullo naabotiini jaarani ch'ufa inguba. Bisaani woraabad'a, nyaapa isani marsu durati kurfefad'a maneeni teesani jajabdu jabefad'a! D'oqe supa, matofaara mid'aasa! Yo akasi taatanile, ibidaafi goraadeeni inuma isani balleesiti. Akuma awaanisi mid'aani lafa ira sossu, isanile sossani. Isani ya akuma awaanisi hortani! Isani bunat'u heddu ta urji gubbaa ira jirtu ya d'altani! Ammo worri amma ya bade, aka awaanisi koola ballise barise badu. Worri keesani gugurdaani tuuta awaanisaa, ta naabo ira guyya qabbana ch'iiftu, fakaata. Ammo isiini, hojja aduuni baatu, imbarifti, fulla isiini yaatu nami imbeekhu! Ee hayyu Ashuru, jaaroleeni tante ta biyya tissitu ya raawatte, worri keesani gugurdaaleeni ya d'umate! Amma gumiini tante ya gaara gubbati gargari bitinoofte, nami worra worrati deebisu tokoleeni injiru. Madaani tante qorsa inqabdu, nami si fayyisuleeni tokoleeni injiru. Nami badi tante d'agaye ch'ufti harka d'ae gammada. Nami tokoleeni waan hamtu atini guyya ch'ufa tolchitu ka jalaa bahe injira? Tunini waan AABBO Waaqi raaga Habakuki daayyani agarsiise. Ee AABBO Waaqa, anini haga yoomi, ka atini na jalaa inqamne yokhaani ka atini gaargala had'iisa keesaa nu imbaamne si yaamachu male? Atini maafi gaargala akana kana na agarsiifta? Atini akami gaargala akana kana ka agartu obsita? Badifi had'iisi ya na marse, ammalle nami ya fulla ch'ufati wold'abe harkaani wolgahe. Duuba seeri laafe woma bahu dad'abe, d'ugaleeni badde. Ch'ubbichi nama qajeela dabse, akasiini d'uga balleesani. Jennaani AABBO Waaqi waan gumi ufiitini jed'e, Gosa isani marsite d'aatu teesani jirtu tana aka dansaa laala, duuba waan worri tahu mamtani maadefattani. Anini waan isani ato d'ageetanile ind'ugeefanne tolcha. Anini worra Kaldayo, gosa jajanna hamamtu irre keennaafi. Worri kunini lafa ch'ufa keesa deeme lafa ta worraa intahiini dabsate irreeni fud'ata. Worri nama naasise mudamsiisa, ammalle kiyyibe mata ufiiti yae aada ufii koba baafata. Fardooleeni worraa qeeramsale ira orite, yai beela qabdule ira nama sodaachifti. Teetuuni worraa ta farda ch'ufti lafa fagooti d'ufti. Fardi worraa ya lola kurfae, duuba akuma risaani waan nyaatu lafaa buttu, worrileeni wo butta. Duuli worraa had'iisaa d'ufe, nami ch'ufti ato worri d'ufu durati bakhakha. Nami worri boojiu akuma biyye tana jira. Worri hayyoota tuffate, worra gugurdale womatu indaru, iti tabata. Maneeni jajabduleeni dandeete worra ind'owartu — worri lafa qote biyye olbaase dira suni marse dabsata. Jennaani worri aka bubbe yoosu dira suni ira bubbise dabra. Worri suni irree ufii aka waaqa herega. AABBO Waaqa, atini Waaqa jiru, haguma duriti atini Waaqa kiyya, qulqullo, ka jiru jireenna. Ee AABBO, Waaqa kiyyafi jabeenna kiyya, atini gosa Kaldayo fohatte jabeesite, aka worri nu gaargalchu. Ammo atini akami dandeete worra ch'ubbicha nama sosobu kana obsita? Ilti tante guddo qulqullo, dandeete hameenna ilaaltu, ammalle dandeete waan hamtu ilaaltu. Duuba atini maafi ch'allifta, ka ch'ubbichi tae nama isa ira d'uga gula deemu balleesu? Atini akami aka qurt'umi yokhaani aka tuuta tiite, ta jaarsa worra qajeelchu inqamne, nama tolchita? Worri Kaldayo, akuma qurt'umi hookooni qabani, nama qabe t'ururaani hirkise gammadaani galfata! Worri t'urura isaani aka waaqa kad'ate sorio baasaafi, wonti akanatiifi t'ururaa suni ira worri waan nyaate d'ugu argata. Worri haguma jiru goraade suniini gosa heddu naasu male balleesa? Anini doofi tiyya kore waan AABBO Waaqi, Biyyati himi naani jed'u, yokhaani aka inni quufa d'aba anini iti himad'e kaani qonqo isaa na deebisu iraa eegad'a. Duuba AABBO Waaqi waan naani jed'e, Waan daayyani argitu kana d'akha hahafalicha irati t'aafad'i, aka nami gaargala male aka dansaa soomu. T'aafad'i, wonti akanatiifi dubbini guutamu ingeenne; ammo yoi sunini fago injiru, wonti anini si garsiisu inguutamti. D'ufisi isaa hegeri, ato turele, inuma taha, ammo eeguma eegi; guyyaani sunini inuma d'ufa, inhanqatu, ammalle guddo inturu. Duuba dubbini tana: Ch'ubbichi inhafu, ammo nami d'uga maro d'ugefacha isaatiifi injiraata. Duroomi nama soba; nami sabdichileeni kiyyiba, fulla toko intau — akuma booliti duisaa woma inquumne, innileeni woma inquufu. Tanaafi inni gosa ch'ufa dabsate waan worraa ch'ufa saama. Worri dabsatani suni worra worra dabsatu goyeese tuffate waan jed'u, Isani waan waan keesani intahiini fud'attani, ammo imbaddani! Haga yoomi nama gati teesani qabu irreeni iraa wo fud'attani duroomtani? Ammo ato inhubatini, isani ka qara nama dabsattani ufiyu gati fud'attani, Tirfi baasa isaniini jed'ani. Nyaapi d'ufe isani mudamsiise isani iraa wo saama! Isani nama gosa heddu saamtani, ammo worri nami hafe isani saama; wonti akanatiifi isani nama ijeeftani ammalle nama lafa keesa jirufi dira worrale haatani. Gaargala keesani! Isani ka woi nama iraa saamtani waan suniini worra keesani duroomsitani; isani mana keesani mukha gubbati aka simpirre jaarattani, aka gaargalafi yokhaani nyaapi isani ind'aqamne! Ammo mali keesani sunini ya ch'eera worra keesanitiini d'ufe; isani gosa heddu balleesitani, akasiini badi ufiitini d'uftani. D'akhaye mana keesanileeni waan isani taatani iraa boote, mukhi isaaleeni boha suni jalaa qaba. Gaargala keesani! Isani ka d'iiga namaa jissitani akasiini ijaarsa dira yayabdani, ch'ubbuuni dira suni jaartani hobaaftani. Gochiti isani dabsattani huji woma imbaane hojatte ufi dad'absiifte, ammo waan worri hojate jaare ch'ufa ingubani. Hujiini tunini ch'ufti huji AABBO Waaqi Guddaani tolcheniti? Ammo akuma bisaani baariini guutani, akasuma lafti beekhuma guddinna AABBO Waaqatini guutamti. Gaargala keesani! Dallansu teesaniini olla keesani ch'eersitani foko d'owartani; aka nama farso d'uge daaqu worra tolchitani. Isanileeni fulla sila gurra argattani gaargaltani ch'eertani. Nami farso d'uge daaqu isanuma! AABBO Waaqati muduunu teesani ta gaargala keesaa isani obaase, gurri keesani garagale ch'eera taha. Isani qara badda Lebanoni ch'irtani, ammo ammatana isani ch'irani. Isani qara bineensa isii fitt'ani, ammo bineensi sunini isani mudamsiise lubbu isani naqa. Wonti woni kunini taatuufi, waan isani d'iiga namaa jissitani nama fitt'ani namafi dira worrale ch'ufa saamtani balleesitanifi. Wonti harkaani mid'aasani kad'atani kunini maani namaa baati? Isiini ufiiftu akheekhuma, ka nami harkaani mid'aase; d'ara male huji d'ibi inqabdu. Wonti dansaani isiini abba mid'aase d'ugeefatu sunile tolchitu maani? — ka ufiiftu dandeete indubbanne! Gaargala keesani! Isani ka mukhaani, Kai jettani, yokhaani d'akhaani, Oleji jettani! Ehayi, wonti akana kunini dandeete woi isaniti imulliifti? Ato qarsifi worqi fuud'ani nafa isaa ch'ufaani duuchanile, isiini lubbu inqabdu. AABBO Waaqi Mana ufii qulqullo keesa jira: nami lafa keesa jiru ch'ufti ha isa durati ch'allisuti. Tunini kad'acha raaga Habakuki: Ee AABBO Waaqa, anini huji tante ya d'agaye, duuba guddo iraa mame si sodaad'a. Waan jabdu atini duri tolchite amma guyya keenna keesale tolchi. Ato atini dallantele, nu qaabad'u, nuu nahi. Waaqi ammalle lafa Edomuti d'ufuu jira; Waaqi qulqullooni kubile Parani iraa d'ufuu jira. Guddinni isaa gubba guute, lafaleti guddo isa faarsani. Inni aka ifsa guyyae d'ufa; harka isaa keesa ifsaani biliqa, achi fulla irreeni isaa iti d'ofamtu. Inni d'ukuba ufi dura erge, ch'iisi hamaleeni faana isaa d'ufa. Yo inni ejatu, lafti inchochooti; yo inni millatu, nami ch'ufti mudame hollata. Gaareeni haga jiru jireenna jirtu ya tarsaate; kubileeleeni haga duri jirtuleeni ya gallit'e, kubileeni duri inni ira deeme. Anini worra Kushani ka mudamefi worra Midianile ka hollate arge. Ee AABBO Waaqa, galaanati si dallansiise? Baariiniti fuula si yake? Atini dumansa yaabatte, baldooni gaari sii taate, gaafa atini dabsacha gumi teetii kennite. Atini guube tante kurfeesite, t'iyale kurfo keeyatte, angaasuuni tante lafa tarsaafte. Gaareeni si arginaani hollate; bisaani gubbaa gabaafatani. Bisaani lafa jalaleeni mandiani, d'awaani isaani guddatte. Hojja t'iyafi woraani kanke bibiliqu, adufi jiileeni ejaanjate. Atini dallansu guddooni lafa keesa deemte; fuuli si hammaate, gosa ch'ufa ira ejaanjatte. Atini gumi tantetiifi hayyu atini muudde fohatte baasu d'at'e. Atini nama worra ch'ubbuti mataa lafaani d'oofte, nama isa gula yau ch'ufa balleesite. Atini t'iya teetiini gudda worra duulaa woraante, hojja worri aka bubbe nu balleesu d'ufe, aka nama hiyyeeyi d'ossaani dabse gammadu. Atini baariini fardoole tantetiini d'id'iite, duuba bisaani guddooni woch'ani. Anini waan kana ch'ufa d'agaye hollad'e, hid'iini tiyyaleeni chochooti. Nafi kiyyaleeni laafe, miili kiyyaleeni na jalati roraa. Anini guyya Waaqi worra nu had'u gaargalchu ch'alliseti eega. Ato odaani mid'aani d'abe, zabibuleeni mid'aani d'abde, mid'aani ejersa iraa d'abani, oobruleeni mid'aani baasu didde, yokhaani hooliyeeni ch'ufti hobaate, moonaani loonileeni ontele, anini inuma gammade qilit'ama, waan AABBO Waaqi na baaseefi. AABBO Waaqi irre tiyya. Inni aka hiddi miila na qajeelche, gufachu na d'owe, gaara gubba na tissa. Tunini dubbi AABBO Waaqaa, ta Sefania, ilma Kushi, ka ilma Gedalia, ka ilma Amaria, ka ilma Hezekiati d'ufte, gaafa Yosiani, ilmi Amoni, hayyu Yudaa. AABBO Waaqi waan jed'e, Anini waan lafa gubba jira ch'ufa lafa ira balleesa — namafi bineensafi simpirrefi qurt'umile. Anini worra ch'ubbu gaargalche badi itiini d'ufa. Ammalle nama ch'ufa balleesa, tokoleeni ka hafu injiru. Nami dubbi tana jed'e ana, AABBO Waaqa. Anini nama Yerusalemu keesa taufi ka Yudale ch'ufa nyaapa iti tahe waan waaqa Baali jed'ani ka hafe ch'ufa balleese, maqa qaalole worra ta d'ara sunile deebiani inqaabatani. Anini ammalle nama mana ufii kore adufi jiafi urji kad'atu imballeesa. Ammalle nama na durati maqa kiyyaani gajed'e kakhate ammo eegi suni garagale maqa waaqa Milkomu jed'aniini kakhatule balleesa. Ammalle anini worra garagale na gula yau dide, ka nati d'ufe qarqaarsa naraa imfed'anne, imballeesa. Guyyaani AABBO Waaqaa yad'iaate, guyyaani inni wo tolchu; duuba isa durati indubbatiina, ch'allisa. AABBO Waaqi kurfefachuu jira, aka gumi isaa aka aka sorio qaqalu. AABBO Waaqi waan jed'u, Guyya sorio suni anini hojattufi ilmaani hayyutiifi worra gaad'a gochiti d'ibiini keeyattu naqatu ingaargalcha. Ammalle anini nama aka nama Waaqa d'uga imbeenne kad'atu, ka wo hate nama ijeese mana abba isaa waan saamateeni guutu, ingaargalcha. AABBO Waaqi waan jed'u, Guyya suni isani qonqo iyyanna Balbala Qurt'umi jed'aniti d'ageetani. Ammalle isani boha gama dira Yerusalemu hareesa keesati d'ageetani dibbeesa gara kubile d'ageetani. Hojja waan kana d'ageetani, isani ka gama dira dullacha keesa teetani, boha iyya, wonti akanatiifi bunnat'uuni ch'ufti hobaate, nami qarsiini bunaqu ch'ufti lafa ira bada! Gaafasi anini ifse fuud'e dira Yerusalemu soqe nama ufi d'aabate ufumaa tae kiyyibe, garaa ufii keesati Waaqi waan hamtufi toltu intolchu ufiini jed'u, ingaargalcha. Hori worraa iraa saamani mana worrale ch'ufa balleesani. Worri haguma jiru mana jaarate kana keesa intau yokhaani oobru zabibu ta oobratani tana daad'i iraa ind'ugani. Guyyaani jabaani AABBO Waaqaa ya d'iaate — arifate d'ufu jira! Guyyaani sunini guyya laalala taha, askartiini jannileeni guyya suni ufi jibbaatte iyiti! Guyyaani sunini ka dallansu, ka gaargalafi d'ipu, ka balleesafi badi, ka dukanaafi bolgoda, ka dumansaafi huri, guyya magalata lolaa d'aani askartiini dira jajabaafi doofi d'ed'eertu iyyite haatu taha. AABBO Waaqi waan jed'u, Anini gaargala namatiini d'ufa, aka nami ch'ufti balla tahe jaanjuru. Waan worri nati ch'ubbamefi, d'iiga worraa aka bisaani lafati jissani, reefa worrale aka d'oqe lafati d'opani. Guyya AABBO Waaqi dallanu, qarsifi worqiini worraleeni dandeete worra imbaaftu. Lafti ch'ufti dallansu isaatiini gubati. Inni nama lafa keesa jiru ch'ufa yoosu maro tokotu hobaasa. Gosa ch'eera inqamne, wolti koota, ato gogoddani aka daraara imbadiini, ammalle ato dallansuuni AABBO Waaqa isani ingubini, ammalle ato guyyaani dallansu AABBO Waaqaa isani ind'aqabiini. AABBO Waaqa barbaada, isani worri balchichi, ka seera isaa guutu. Waan qajeela barbaada, AABBO Waaqa durati ufi balchoomsa. Hegeri guyya dallansu AABBO Waaqa duraa baatanifa. Nami tokoleeni dira Gaza keesati inhafu, diri Ashkelonileeni ona taha. Worra Ashdodile guyya guddaani dira keesaa gussani, worra Ekronile dira isaani keesaa gussani. Gaargala keesani, gosa Kerethi, ta afaani baariini teetu. AABBO Waaqi ya wollaala isaniti mure, isani worra Filisti. Inni isani balleesa, isani tokoleeni inhaftani. Lafti teesani ta d'aatu baariini jirtu marra dansa baafte mana tissitutiifi moona hooliye achiti jaarani. Worri Yuda ka hafe d'ufe lafa teesani fud'ate, ree ufii achiti tiffate mana dira Ashkeloni keesa rafa. Wonti akanatiifi AABBO Waaqi isaani akuma duri kaani horsisa. AABBO Waaqi Guddaani waan jed'u, Anini worra Moabutiifi ka Amoni, ka gumi tiyya arabse goyeese, Lafa teesani fud'anna jed'u, ya d'agaye. Yo anini d'uguma Waaqa Israeli taate, anini worra Moabutiifi ka Amoni akuma Sodomafi Gomora balleesani balleesa. Lafti suni doobifi boola soodda taate haga jirtu badi. Nami kiyya ka hafu worra suni saame lafa worraa fud'ata. Akanaani worra Moabutiifi ka Amoni gaargalchani, maro kiyyiba isaanitifi ammalle waan worri gumi AABBO Waaqa Gudda arabse dabseefi. AABBO Waaqi worra sodaachiise, waaqoota worrale waan woma keesa injirre tolcha. Duuba gochiti ch'ufti lafa ufi keesati isa durati gajette kad'ati. Ammalle AABBO Waaqi worra Kushile goraadeeni fit'a. AABBO Waaqi harka ufii mirga qabe Ashuru balleesa, ammalle dira Ninawile balleese ona lafa aloo, ka bisaani inqamne, tolcha. Fullaani sunini horifi bineensa gosa ch'ufati iti gala. Urunguni maneeni onte suni gubbati galte qaa isaa keesaa booti. Haranqesileeni balbala ira kaakisa. Mukha hind'eesa ka jaaraniinile ch'ufa iraa baasani balleesani. Wonti dira suni ka kiyyibe irre ufii d'aabate waan bahu ufi sehe tolchani tana. Worri waan dira isaani male diri d'ibiini lafa keesa jiru insehu. Ammo amma diri sunini me re? Yayu one bade, bineensi iti galeeniti? Nami d'aatu bahu ch'ufti maadefate afaani qabata. Gaargala kanke Yerusalemu, dira ch'ubbuuni iraa dabarte, ka Waaqa dide nama ufile dabse. Inni AABBO Waaqa inch'aqamne yokhaani gorsa isaale imfud'anne. Ammalle inni AABBO Waaqa ind'ugeefanne yokhaani qarqaarsale inkad'anne. Jaaroleeni isaa nyeench'a itanu fakaatti; jaallabooti isaa yai beeloofte fakaati, ta sabdoofte lafe haga boriti asi qorattu. Raagooti isaa kiyyibdole, dubbini worraa d'uga inqabdu; qaaloleeni isaa waan qulqullo t'ureesite seera Waaqa yakite fed'i ufii gula tolchiti. Ammo AABBO Waaqi ammalle dira suni keesa jira; waan d'uga male inni waan hamtu intolchu. Diirama ch'ufa ka inoolle dubbi gumi ufii d'ugaani qora; ammo nami d'uga inqamne ka dira suni, guyya ch'ufa ch'eera d'abe waan hamtu tolcha. AABBO Waaqi waan jed'u, Anini gosa gari haguma geetunu ya fit'e; anini dira worraa ya balleese naabofi doofi worrale ona tolche. Diri ya one; karaani duwa — nami tokoleeni ka hafe injiru. Anini waan gumiini tiyya na saalfatte gorsa kiyya fud'atte barsiisa tiyya qaabattu sehe. Ammo yo anini diqo jed'e, akuma qara kaani hameenna ufii tolchani. AABBO Waaqi waan jed'u, Diquma na eega, guyya anini kae gosa ch'ufa himad'u eega. Anini ya kutad'e, aka gosa ch'ufa wolti yaame dallansu tiyya ira buusu. Lafti tunini ch'ufti dallansu tiyyaani baddi. Duuba anini qalbi nama gosa ch'ufa garagalche qulqulleesa, aka worri maqa AABBO Waaqa ch'alla yaamate garaa tokooni isaa hojatu. Lafa Kushi ta ind'iaannele keesa gumiini tiyya ta achi jirtu woini na d'ufti. Gaafasi isani gumiini tiyya waan isani qara na diddanifi deebitani inch'eertani. Anini nama kiyyiba ufi saadu ch'ufa isani keesaa baase, isani deebitani gaara kiyya qulqullo irati mi mata d'aabdani ufi inguddiftani. Anini achiti gumi balchiti, ta ufi inguddimne, ta qarqaarsa naraa fed'attu, lakisa. Nami lafa Israeli keesati hafe waan hamtu nama intolchu, d'arale dubbate nama insobu. Worri, ka woma insodaanne, marrafi bisaani aka dansaa soorate quufa. Worra Israeli, sirba, qilit'ama! Garaa keesani ch'ufaani gammada, worra Yerusalemu! AABBO Waaqi ya d'uga isanii galche; inni nyaapa keesani ch'ufa ya balleese. AABBO Waaqi, hayyuuni Israeli, isani woliini jira, deebitani waan hamtu insodaattani. Guyyaani ind'ufa ka Yerusalemuni, Ee Sioni, sodaatte harki kanke inhollatiini! jed'ani. AABBO Waaqi kanke si woliini jira, irre isaatiini nama dabsata. AABBO Waaqi siraa gammade, jaalala isaatiini jireenna haraa sii keenna. Inni sirbe siraa gammada, akuma nami fulla jilati gammadu. AABBO Waaqi waan jed'u. Anini ya mudamsu gaargalaa isani iraa baase, ch'eera isani iraa fuud'e. Hojja guyyaani sunini d'ufu, anini nama isani dabsu gaargalche, naafa ch'ufa baase worra ka boojianile galcha. Anini ch'eera worraa garagalche guddinna tolcha, duuba nami ch'ufti worra faarsa. Hojja guyyaani sunini d'ufu, anini nama keesani ka boojiani galche, lafa ch'ufa keesa maqa dansa isanii kenne, ammalle hormaata isanii deebisa. Nami dubbi tana jed'e AABBO Waaqa. Ganna lameeso ka hayyu Darioni lafa fide, guyya qara ka jia jaeeso, AABBO Waaqi raaga Hagai jed'aniini dubbate. D'aamsa inni d'aamate gara Zerubabeli, ilma Shealtieli, ka lafa Yuda fidufi ammalle gara Yoshua, ilma Yehosadaki, ka qaallu guddati ergani. AABBO Waaqi Guddaani waan jed'e, Biyyiti tunini, Yoi Mana Waaqaa ammalle jaarani ingeenne jetti. Duuba dubbini AABBO Waaqa Hagaiti d'ufte waan jette, Isani maafi maneeni dadansaati galtani, ka Mani kiyya ka eeba hot'ae? Tanaafi AABBO Waaqi waan jed'eeni, Me, waan ke jirtani herega! Isani waan guddo oobritani ammo diqo murattani; isani wo nyaattani ammo inquuftani; isani daad'i d'uddani ammo quuftani imachooftani; isani woya uyifattani ammo d'aamocha isani ind'owartu; ammalle nami beese nyaatu beeseeni suni diqo, Woma imbaatufi. AABBO Waaqi Guddaani waan jed'u: Me, waan ke jirtani herega. Gaareeni kora, mukha ch'ira, Mana kiyya jaara; duuba anini gammade guddinna kiyyaani mullad'a. Isani mid'aani guddo kajeeltani ammo waan diqooni baatani. Duuba yo isani worratiini galtanile, anini isani duraa balleese. AABBO Waaqi Guddaani waan jed'u, Maafi akana? Wonti akanatiifi Mani kiyya ya hot'ae, ka isani namu mana keesani mid'aafattani. Maro waan kanatifi bokai isanii roobu dide, laftileeni woma isanii baasu diddi. Anini layu oola lafati buuse, gaareeni taanaani, mid'aani taanaani, daad'i taanaani, d'ad'a taanaani, waan lafti baaftu ch'ufa, namafi horilee, ammalle huji teesani ch'ufa, ya oola iti buuse. Jennaani Zerubabeli, ilma Shealtielifi Yoshuani, ilmi Yehosadaki, ka qaallu gudda, gumi taani ch'ufa woliini, waan AABBO Waaqi, Tolcha worraani jed'e tolchani. Worri Waaqa sodaate, raaga Hagai jed'ani, ka AABBO Waaqi erge, ch'aqase. Jennaani Hagai d'aamsa AABBO Waaqaa biyyati hime waan jed'e, AABBO Waaqi waan jed'u, Anini isani woliini jira. Ganna lameeso ka hayyu Darioni lafa fide, guyya diddami toko, ka jia torbeeso, AABBO Waaqi ammalle raaga Hagai jed'aniini dubbate waan jed'e, Waan atini Zerubabeli, ilma Shealtieli, ka lafa fidufi Yoshua, ilma Yehosadaki, ka qaallu guddatifi ammalle gumi taani ch'ufaani jettu, Isani keesa nami Mana kiyya kana aka inni duri mid'aagu arge jira? Amma yo laaltani akami jira? Woma tokole isaniti fakaata? AABBO Waaqi Guddaani waan jed'u, Amma Zerubabeli, garaa jabaad'i; Yoshua, ilma Yehosadaki, ka qaallu gudda, atileeni garaa jabaad'i. Gumi lafa tana, isanileeni garaa jabaad'a hojad'a, anini isani woliini jira. Gaafa isani lafa Misiri keesaa baatani, Haga jiru jireenna isani woliini taa jed'e, ammalle isanuma woliini jira, insodaatina jed'e. Dubbini AABBO Waaqi Guddaani jed'u tana: ammalle d'iotu anini lafafi gubba yokhaani baariinifi lafa goddule chochoosa. Anini gosa ch'ufa imballeesa, duuba waan worri qabu ch'ufa armaani d'ufani, anini Mana kana horiini guuta. Qarsifi worqileeni ch'ufti tiyyuma. AABBO Waaqi Guddaani waan jed'u, Mani hareesi kunini dulacha qarale ira mid'aaga; achiti anini worra kiyya nagaya guute hormaata kennaafi. Guyya diddami afreeso, ka jia sagaleeso, ganna lameeso ka Darioni lafa fidu, AABBO Waaqi Guddaani ammalle Hagaiini dubbate waan jed'e, Qaaloleeni, Dubbi woli gaafad'a jed'i: Yo nami guma fooni ka Waaqaa kobaa kayani fuud'e handaarati hid'ate, handaari suni qit'a yokhaani fuuto yokhaani daad'i yokhaani d'ad'a yokhaani sagale taatefu tuqe, handaari suni sagale suni aka ta Waaqaa kobaa kayani taani intolcha? Qaaloleeni taani, Hiyo jette. Jennaani Hagaiini waan jed'e, Yo nami reefa qabate ufi t'ureese, sagaleeni suleeni ta inni qabatu int'uroofti? Qaaloleeni, Ee jetteeni. Duuba Hagaiini waan jed'e, AABBO Waaqi waan jed'u, Worra lafa tanatiifi waan worri lafa keesaa argatuufi ammalle wonti worri sorio baasuleeni akuma kana t'uroofti. AABBO Waaqi waan jed'u, Isani waan isani qabate kana ingartani? Ato isani qara Mana Waaqaa jaaru jala inqabatini, isani gara tuula mid'aani d'at'ani waan kintaala lama keesaa argattani seetani, ammo kintaala toko ch'alla argattani. Isani butte daad'i d'at'ani, Daad'i gorjo shantama buufanna jettani, ammo gorjo diddama ch'alla argattani. Anini bubbe wo gossitufi bokaa d'akhaani roobu lafati buuse, aka wonti isani oobritani tokoleeni imbaanne, ammo isani ammalle ch'ubbu illakimne. Arriti guyya diddami afreeso, ka jia sagaleeso, guyya yayaba Mana kiyya hobaasani. Waan armaa achi d'ufa laala. Mid'aani kod'o keesa injirani? Zabibufi odafi okhokufi ejersi woma ya baase? Arraa achi anini isani eebisa. Guyyuma suni, guyya diddami afreeso ka jia sagaleeso, AABBO Waaqi d'aamsa lameeso Hagaiti d'aame. D'aamsi suni ka Zerubabeli, namicha gudda lafa Yuda. D'aamsi suni kana: Anini d'iotu lafafi gubbale chochoose hayyufi lafa inni fidu ch'ufa garagalche, irre gosa ch'ufaa yake, gaari fardi hirkisufi ooftu isaale ch'ufa woliini garagalche hobaasa; fardooleeni rawaate, yaabattuuni isiileeni wolijeefti. Guyya suni, hojattu tiyya Zerubabeli, ilma Shealtieli, anini si fuud'e, maqa kiyyaani nama lafa fidu si tolcha. Wonti akanatiifi anini la si fohad'e. Nami waan kana jed'e AABBO Waaqa Gudda. Jia saddeeteeso, ka ganna lameeso, haga Darioni hayyu tahe, dubbini AABBO Waaqaa raaga Zekaria, ilma Berekia, ka ilma Idoti d'ufte waan jette, AABBO Waaqi Guddaani guddo ababoota teesaniti dallane. Tanaafi amma waan worraani jettu, AABBO Waaqi Guddaani waan jed'u, Nati deebia, anileeni isaniti deebia. Aka ababoota teesani intahiina. Duri duri raagooti waan worraani jette, Kara hamafi huji hamtu iraa deebia, ammo worri ch'aqase naa insaalfanne. Ababooti teesani suni meeti? Raagootileeni haga jiru jireenna inteeti? Raagoota hojattu tiyyatiini anini ababoota teesani seerafi aada tiyya barsiise gorse, ammo worri ch'aqasu dide gaargala argate. Jennaani worri iraa deebie waan jed'e, AABBO Waaqi Guddaani, akuma inni herege, waan jireenna keennafi hujiini teenna malteefi nu tolche. Ganna lameeso haga Darioni hayyu tahe, guyya diddami afreeso, ka jia kud'ani tokeeso (jia Shebati), dubbini AABBO Waaqa raaga Zekaria, ilma Berekia, ka ilma Idoti d'ufte. Duuba Zekariani waan jed'e, Anini halkani daayya keesa nama farda daama iraa tau, ka jiddu mukha doti bale keesa eju, arge. Isa duddaduuba fardoole d'ibi — daama, daamicha, bororati jira. Jennaani anini waan jed'eeni, Aabbo, fardi kuni maani? Jennaani malaikaani naani dubbate waan naani jette, Anini waan isaa si garsiisa. Jennaani namichi jiddu mukha doti eju kaani waan jed'e, Kunini farda AABBO Waaqi abuuru lafa keesa erge. Worri waan malaika AABBO Waaqatini jed'e: Nu lafa ch'ufa ya abuuru keesa yaane, lafti nagaya bad'aad'a. Jennaani malaikaani AABBO waan jette, Ee AABBO Waaqa Gudda, atini haga ganna torbatama asi Yerusalemufi dira Yuda ch'ufati dallante, ammo amma yoomi naataafi? AABBO Waaqi malaika naani dubbatte taani dubbi dansa iti dubbate, malaikaleeni waan naani jette, Iyyi, odeesi, AABBO Waaqi Guddaani waan jed'u, Anini Yerusalemu, dira kiyya qulqullo, injaalad'a, ammo gosa d'ibi ta nagayaani teetu guddo iti dallana. Wonti akanatiifi ato anini gumi tiyyati guddo indallaniini, gochiti suni gaargala gumi tiyyati guddifte. Tanaafi anini amma dira Yerusalemuu deebie nahaafi. Mana kiyya ka iti na kad'atani deebiani jaarani, dirale jaarani. Ammalle malaikaani waan naani jette, Iyyi, waan atini jettu, AABBO Waaqi Guddaani waan jed'u, Diri kiyya ammalle deebie wo horata, AABBO Waaqi ammalle Yerusalemu qarqaare dira ufii tolfata. Daayya d'ibi keesa anini gaafa looni afuri arge. Duuba anini malaika naani dubbattu taanini waan jed'e, Gaafi kunini maani? Isiini waan naani jette, Kunini gaafa Yudafi Israelifi Yerusalemu gargari baasu. Jennaani AABBO Waaqi tumtu afuri na agarsiise. Duuba anini, Worri kunini maani tolchu d'ufe? jed'e isa gaafad'e. Inni waan naani jed'e, Gaafi kunini ka worra Yuda gargari baasu, aka nami tokoleeni olinejine. Ammo tumtuni tunini gosa duri lafa Yuda balleesite sodaachiifte balleesu d'ufte. Daayya d'ibi keesa anini nama haada woini biimani harkaa qabu arge. Duuba anini, Eesaa deemta? jed'e gaafad'e. Inni, Yerusalemu d'eerinnafi ballinna isii biimu deema naani jed'e. Jennaani anini malaika qara naani dubbate, ta durati hiit'e malaika d'ibiini dubbattu arge. Ta qara taani waan ta lameesotiini jette, Utaali, namicha kaima ka haada woini biimani harkaa qabuuni waan jettu, Taka tana diri Yerusalemu kunini guddate, namafi saileeni guute, naabole iti jaaru dad'abani. Ammalle AABBO Waaqi waan jed'e, Anini naabo ibida tahe dira kana marse guddinna kiyya ch'ufaani keesa qubad'a. Nami isani tuqe ya guma ilaa naa tuqe. Jennaani AABBO Waaqi Guddaani d'aamsa kanaani gara gosa gumi isaa saamte na erge waan jed'e. AABBO Waaqati isani had'e, nami duri isanii hojate garagale isani saama. Hojja woni kunini taate, nami ch'ufti aka AABBO Waaqi Guddaani na erge beekha. AABBO Waaqi waan jed'e, Gammada, sirba, worra Yerusalemu! Anini d'ufe isani keesa qubad'a! Gaafasi gochiti hedduuni AABBO Waaqati d'ufte gumi isaa taati. Inni isani keesa tae, duuba isanileeni aka inni isaniti na erge beetani. Ammalle AABBO Waaqi lafa isaa qulqullo keesa Yuda d'aale Yerusalemu fohata. Nami ch'ufti AABBO Waaqa durati ch'allisa, wonti akanatiifi inni Mana ufii qulqullo keesaa kae d'ufuu jira. Daayya d'ibi keesa AABBO Waaqi qaallicha gudda, Yoshua jed'ani, ka malaika AABBO Waaqaa dura eju na agarsiise. Ammalle Yoshua d'aatu, gama mirga, Sheet'ana isa himatuti eja. Jennaani malaikaani AABBO Waaqaa waan Sheet'anani jette, AABBO Waaqi si balleesinna, Sheet'ana! AABBO Waaqi, ka Yerusalemu jaalatu, si balleesina! Nami kunini qoraani ibidaa, ka ibida keesaa fuud'aniniti? Duuba Yoshuani, ka woya t'uriti ufira qabu, arti eje. Malaikaani waan worra isa woliini hojatuni jette, Woya t'uriti nami kunini keeyatu tana iraa baasa. Jennaani isiini waan Yoshuani jette, Anini ch'ubbu tante ya siraa fuud'e, amma woya hareeti atini keeyattu sii kenna. Duuba isiini worra isi woliini hojatu kaaniini waan jette, Sure t'uri inqamne isaati mara. Duuba worri akuma suni tolche, woya hareetile, ato malaikaani AABBO Waaqa arti ejitu, iti uyise. Jennaani malaikaani AABBO Waaqaa waan Yoshuani jette, AABBO Waaqi Guddaani waan jed'u, Yo atini seera kiyya guutte huji anini sii kenne tolchite, atini Mana kiyyafi qaye isaa, akuma qara hojatte kaani, hojatta; ammalle anini kad'acha tante d'agaye, akuma anini kad'acha malaika na dura ejitu tana d'agayu. Duuba Yoshua, qaallicha gudda ch'aqasi, ammalle qaalole wahela isaa isanileeni ch'aqasa, isani akheekha dansa milki ka d'ufu: anini hojattu tiyya ta Dame jed'aniini d'ufa! Anini Yoshua dura d'akha toko, ka moga torba qabu, kaya. Anini d'akha suni irati wo t'aafe, duuba guyya tokooni ch'ubbu lafa tana iraa fuud'a. Hojja guyyaani suni gahe, isani ch'ufti nama mana isaniti aanu yaamtani nagayaani zabibufi oda keesani jala woliini teetani. Malaikaani naani dubbatte taani d'ufte, aka nama hiriba keesaa kaasani na kaafte, Maani agarta? jette na gaafatte. Anini waan jed'eeni, Anini waan ifseeni ira ejitu, ka worqiini mid'aasani, arga. Gubba isii d'ameela d'ad'aa jira, ammalle ifse torbati ira ejaanja, ta tamu bututu bobeesaniini torba qabdu. Ammalle ejersa lamati d'aatu isi mirgafi bita jira. Jennaani anini malaika suniini, Aabbo, wonti kunini maani garsiifti? jed'e gaafad'e. Isiini waan naani jette, Atini imbeetu? Anini, Hiyo, Aabbo, imbeekhu jed'eeni. ( Jennaani malaikaani suni waan naani jette, Tunini dubbi Waaqi Zerubabelini jed'e: Atini irreeniti yokhaani jabeennaniti lubbu tiyyaani wo dabsatta. Wonti guddooni gaara faakataleeni si duraa gorti. Atini Mana Waaqaa deebite jaarta; ammalle akuma atini d'akha eegee gubba keetuuni, biyyiti lalabde, Mana akana mid'aagu, mana akana mid'aagu taka agarte? jetti. Ammalle qonqooni d'ibiini gara AABBO Waaqaati nati d'ufte waan jette, Zerubabelini nama Mana Waaqa kana yayabe, ka hobaasuleeni isuma. Yo wonti kunini taate, gumiini tiyya, aka nami gara worra si erge ana, beeti. Malaikaani waan naani jette, Ifseeni torbaani ila AABBO Waaqa torba, ta lafa ch'ufa agartu. Waan hujiini tunini inarifanne laanuma deemtufi, worri lalefachuu jira. Ammo Zerubabeli, ka Mana Waaqaa illakimne jaaruma jaaru, argani gammadani. Jennaani anini waan jed'eeni, Mukhi ejersa ka mirgafi bita waan ifseeni ira ejitu jiru Ammalle dameeleeni ejersa lamaani ka d'uyumti worqi d'aatu jirtu, ta d'ad'aani keesaa yau, maani? Jennaani isiini waan naani jette, Atini imbeetu? Anini, Hiyo, Aabbo, imbeekhu jed'eeni. Jennaani isiini waan jette, Jari kuni lamaani worra Waaqi, abba lafa ch'ufaa, fohate muude aka worri huji isaa hojatu.) Anini ammalle olmillad'e, maro tana woraqata barisu arge. Malaikaani waan anini arge na gaafatte, jennaani anini waan jed'eeni, Woraqata barisu arge jed'eeni. D'eerinni isaa d'und'uma diddamaati, ballinnileeni kud'ani. Jennaani isiini waan naani jette, Woraqata suni irati abaarsa lafa ch'ufa keesa ergani irati t'aafani. Gama isii toko waan irati t'aafani, Hattu ch'ufa lafa keesaa balleesani; gama kaanile wonti irati t'aafani, Nama waan d'ara kakhatule lafa keesaa balleesani. AABBO Waaqi Guddaani waan jed'u, Anini woraqata abaarsa ira t'aafani kana lafa keesa erga; duuba inni mana hattu ch'ufafi ka nama waan d'ara kakhatuti seene, mana suni keesa tae, balleese gargari jissa. Malaikaani gadeebite waan jette, Me, waan gabahuu jira laali! Anini, Maani jed'e gaafad'e. Isiini waan naani jette, Sanduqa ka ch'ubbu lafa ch'ufa akheekhu. Sanduqi sunini qadaada qaba, ka sibiila qalaitiini mid'aasani. Ato anini laalu, qadaadi old'iibame, yo ani jed'e, niiti tokoti keesa taa! Malaikaani waan jette, Niitiini tunini akheekha ch'ubbuu. Eegi akasi jette, niiti taani sanduqa keesati gad'iibde qadaada iti deebifte. Anini ammalle millad'e jennaani nad'eeni lama ta koola jajaba aka baboaloona qabdu, ta gara kiyya barriftu arge. Worri sanduqa kaani fuud'e barise itiini d'aabate. Duuba anini malaika gaafad'e, Worri eesaani yaa jed'eeni. Isiini waan naani jette, Lafa Babiloni geesani — achiti mana iti jaarani. Eegi mana suni ijaarani, sanduqa suni fulla mid'aasanifi keesa d'aabani. Anini ammalle olmillad'e, maro tana gaari afuri, ka jiddu gaara sibiila daalacha lama gabahu, arge. Gaari qara fardoole dadaamati hirkisa, ka lameeso guguraatiti hirkisa, ka sadeeso bororati hirkisa, ka afreeso dadaamititi hirkisa. Jennaani anini malaikaani, Aabbo, wonti kunini maani? jed'e gaafad'e. Isiini waan naani jette, Kunini qilleensa afuri, ka ammumatana abba lafa ch'ufa iraa d'ufe. Gaariini fardooleeni guguraatiini hirkiftu mirga qajeele, ka fardo borora ila galchu qajeele, ka fardo daamicha bita qajeele. Fardooleeni daamooti akuma gabaateeni, hurifte lafa keesa yaate sot'e. Malaikaani waan jetteeni, Beena, lafa keesa yaa, soqa, wo barbaada. Duuba worri iti d'aabate. Jennaani malaikaani iyyite waan naani jette, Fardi mirga qajeele yayu dallansu AABBO Waaqaa qabaneese. AABBO Waaqi na yaame waan naani jed'e, Waan Heldaifi Tobiafi Yedayaani worri boojiani baasu fud'ad'u, kai, hojuma suni deemi, mana Yosia, ka ilma Sefania, d'aqi. Worri kuni ch'ufti lafa boojiani iti geesani ta Babiloniti dachae. Qarsifi worqi worri d'ufeeni sunini ruufa mid'aasi, mata qaallicha gudda Yoshua, ilma Yehosadaki jed'ani ira kayi. Duuba waan jettuuni, AABBO Waaqi Guddaani waan jed'u, Namichi Dame jed'ani sunini aka dansaa fulla jiru suniiti late bahe Mana AABBO Waaqaa jaara. Nami Mana Waaqaa jaare guddinna hayyu argate gosa ufii fidu isuma. Qaallichi toko barch'uma isaa ka hayyu d'aatu eje, wold'agayani woliini taani. Duuba ruufti suni Heldaifi Tobiafi Yedayafi Yosiaa qaabacha taati, Mana AABBO Waaqaa keesa. Nami lafa fagooti d'ufe ijaarsa Mana Waaqaa qarqaara. Eegi jaarani, aka AABBO Waaqi Guddaani na erge beetani. Yo isani seera AABBO Waaqa keesani aka dansaa guuttani, wonti kuni ch'ufti intaati. Ganna afreeso ka haga hayyu Darioni lafa fide, guyya afreeso, ka jia sagaleeso, ka Kisleu jed'ani, AABBO Waaqi qonqo nati erge. Worri Betheli qara Sharezafi Regemmelekifi jara isaanile ya Mana AABBO Waaqa Guddati erge, aka eeba AABBO Waaqa kad'atani gaafi tanale qaalolefi raagoota gaafatani: Nu waan Mana Waaqaa balleesanifi, aka nu ganna heddu jia shaneeso keesa taane, ufi agabsine bohu ya malle? Duuba AABBO Waaqi na yaame waan naani jed'e, Waan atini nama lafatifi qaaloleeni jettu, Gaafa isani jia shaneesotiifi ka torbeeso ufi agabsitani ganna torbatama bootani, isani d'uguma naa jettani akasi taatani? Ammalle gaafa isani nyaattani d'uddani, ufumaafi nyaattani d'uddaniniti? Gaafa diri Yerusalemu waan ch'ufa qabu, ka nami keesa guute, ammalle ka nami hedduuni dira d'aatutiifi arda bitatiifi lafa gamooji ta ila galchu keesa jiru, dubbini tunini dubbi AABBO Waaqi afaani raagoota duritiini jed'eeniti? AABBO Waaqi Zekaria yaame waan jed'eeni, Anini duri waan gumi tiyyaani jed'e, D'uga jabeesa, wolqarqaara, wolinaha, haad'a hiyyeesatiifi hiyyeeyifi keessumafi yokhaani nama wo inqamne tokole indabsina. Aka woliyakitani wolballeesitani immalatiina. Ammo gumiini tiyya mataa jabaatte na ch'aqasu didde gurra duufatte garaa ufii aka d'akha jabeesite. Waan worri barsiisa anini duri raagootaani erge ch'aqasu dideefi, anini guddo worrati dallane. Waan worri jecha kiyya ind'agayinifi, anileeni kad'acha worraa d'agayu dide. Aka bubbe anini worra fuud'e lafa nyaapati firfirse. Akanaani lafti worraa dansaani tunini onte badde nama d'abde. AABBO Waaqi Guddaani na yaame waan naani jed'e, Anini dira Yerusalemu guddo jaalad'e qarqaaru fed'e, tanaafi nyaapa isaati guddo dallane. Ammalle anini waan jed'u, Anini dira kiyya qulqullo Yerusalemuti deebie keesa taa. Isa dira d'ugeefatani jed'aniini, gaara AABBO Waaqa Guddaa, gaara qulqullo jed'aniini. Ammalle jaaroleeni uwatiifi ta d'iira ta uleeni yaatu, deebite garaa dira suni keesa teeti. Ammalle kara isaale ijoolle d'iiratiifi ta dubra ta tabatuuti guuta. Woni kunini nama hafe waan intaane fakaatti, ammo naa intaati. AABBO Waaqi waan jed'u, Anini gumi tiyya ta boojiani lafa d'ibi geesani baase, ilaborutiifi ila galchule woltiini d'ufe, Yerusalemu qubachiisa. Worri gumi tiyya tahe, anileeni Waaqa worraa, ka d'ugaafi qajeelumaani worra fidu, taha. Jabaad'a! Isani amma dubbuma raagooti duri, gaafa yayaba Mana kiyya kayani dubbatte, d'agayuu jirtani. Guyya suni durati nami tokoleeni dandae nama yokhaani horile inkirrefatu, nami tokoleeni dandae fulla tokole inchochou. Wonti akanatiifi anini gaafasi nama wolti naqa. Ammo anini ammatana nama hafe kana aka d'ibi tolcha. Worri nagayaani mid'aani ufii fach'aafate, zabibuleeni mid'aani baafte, laftileeni mid'aani baafte, bokaya guddale argata. Anini eeba tana ch'ufa nama gosa tiyya ka hafeti kenna. Ammalle isani, worra Yudatifi ka Israeli! Duri nyaapi woli abaare waan woliini jed'e, Akuma Yerusalemufi Yudaani gaargala argate, Waaqi isani gaargalchinna! Ammo eegi anini taka tana isani baasu, nyaapi kaani akana woli eebisa: Waaqi akuma Yudafi Israeli eebise isani eebisinna! Tanaafi jabaad'a, insodaatina! AABBO Waaqi Guddaani waan jed'u, Gaafa ababooti teesani na dallansifte, anini waan hamtu worra balleesa iti malad'e, herega kiyya suni garagalfachu dide guute. Ammo amma tana anini worra Yerusalemutiifi ka Yuda mala eebisufi harkaa qaba; tanaafi insodaatina! Woni isani tolchu maltani kana: D'uga wolti dubbad'a, fulla gaadisa qorsuma d'uga gula woi qora — d'uga ta nagayaani d'uftu. Mala hama woliini yakitani inqabaatiina, kakhattani d'ara indubbatiina. Anini d'ara dubbachafi waan hamtu akana ch'ufa guddo jibba. AABBO Waaqi Guddaani na yaame waan naani jed'e, Waan anini jed'u, Guyyaani ufi agabsani ka jia afreesotiifi ka shaneesotiifi ka torbeesotiifi ka kud'anneeso garagale jila gammadafi qilit'ama worra Yudati taha; tanaafi d'ugaafi nagaya jaalad'a. AABBO Waaqi Guddaani waan jed'u, Guyyaani ind'ufa, ka nami dira heddu keesaa bahe Yerusalemu d'ufu. Nami dira toko keesa jiru waan worra dira d'ibitini jed'u, Koota, woliini yaane, AABBO Waaqa kad'anne eeba iraa fed'anna. Nama heddufi gochiti jabeenna qabdu Yerusalemuti d'ufte eeba iraa fed'atti. Gaafasi nama kud'ani, ka gosa gosa, nama Yahudi tokoti d'ufe waan jed'uuni, Waan nu d'ageenne, Waaqi isani woliini jira, tanaafi isani woliini yau feena. Tunini dubbi AABBO Waaqi biyyati hime: Waaqi lafa Hadrakitiifi dira Damaski ya gaargala iti mure. Gosa Israeli ch'allaniti, ammo diri guddaani ka Sirialeeni kama AABBO Waaqaati. Hamathileeni ka Hadrakiti aanu kama isaati. diri Tirotiifi ka Sidoni hoguma worraleeni woliini kama isaati. Tironi yayu ufi jabeese maneeni jajabdu jaarate, qarsifi worqi tume, aka biyye lafa ira dabarse! Ammo Waaqi waan diri suni qabu ch'ufa iraa fuud'e, hori isaani baariini keesa buuse, dira suni ibidaani gube balleesa. Diri Ashkeloni waan kana arge sodaata, diri Gazaleeni arge iraa laalefata. Ekronileeni akasuma laalefate, abdiini isaa baddi. Gazaani hayyu ufii d'abe, Ashkelonileeni ona taha. Nama gosa lama keesaa baheti dira Ashdodi keesa taa. AABBO Waaqi waan jed'u, Anini kiyyiba worra Filisti kana imballeesa. Worri deebie fooni d'iiga keesaa imbahini inyaatu, yokhaani waan nami nyaachu himmalliini innyaatu. Nami hafuleeni gosa tiyyati darame balbala gosa Yuda taha. Ammalle Ekroni gosa tiyyati daramti, akuma gosa Yebusi. Anini lafa tiyya tisse, duula ke bahu d'owa. Anini nama gudda gumi tiyya dabsu iti illakisu; wonti akanatiifi anini aka gumi tiyya gaargalchani ya arge. Gammada, qilit'ama, worra Sioni! Gammada, lalaba, worra Yerusalemu! Laala, hayyuuni keesani isaniti d'ufuu jira! Inni ka waan ch'ufa dabsate irre guddo qabuti d'ufa, ammo inni ufi insaadu, harre yaabata — bukhura harreeni d'altuni d'alte gubba taa. AABBO Waaqi waan jed'u, Anini gaari lolaa, ka fardi hirkisu, Israeli keesaa balleese, fardoole Yerusalemu iraa fuud'a; ammalle guube lolaa ch'ufa imballeesani. Hayyuuni keesani gosa ch'ufa nagaya tolche, baariini toko fuud'e baariini d'ibii d'aabe, Galaana Efratiiti fuud'e muumme lafale ch'ufati d'aabe lafa ch'ufa fida. AABBO Waaqi waan jed'u, Maro d'iiga sorio wold'aqisa ta nu woliini tolfannefi, anini gumi teesani boola bisaani inqamne keesaa baasa. Isani worri boojiani, ka amma abdi qabu, lafa teesani ta soda womatu inqamneti deebia. Anini ammatana isaniti hima, gaargala isani gaargaltani, eebaani maro lama isaniti deebisa. Anini Yuda aka guube qonyisa, Israelile aka t'iya tolcha. Anini worra Sioni goraade tolche, worra Grikitiini had'a. AABBO Waaqi gumi ufii gubbati mullate, t'iya ufii aka angaasu billisa. AABBO Waaqi Guddaani magalata d'ae, bubbe bitaa d'uftu keesa deema. AABBO Waaqi guddaani gumi ufii qorqorate, worrileeni nyaapa ufii balleesa. Worri aka nama farso d'uge machae lola keesati iyye, d'iiga nyaapa ufii jissa; d'iigi suni aka d'iiga sorio, ka qori keesa, fulla sorio irati baasaniti jigu, jiga. Hojja guyyaani suni d'ufu, AABBO Waaqi gumi ufii baasa, akuma tissituuni ree ufii bineensa duraa baaftu. Worri aka faaya worqi, ka sure hayyicha keesaa billiqu, lafa keesaa billiqa. Lafti sunini akami midaad'u dansa! Nami kaima mid'aanifi daad'i isiitiini jabaate irre baasa. AABBO Waaqa kad'ad'a, aka inni hojja wogaani geetu isanii roobu. Nami dumansa bokayatiifi sorro namaa erge oobru ch'ufa dotteesu isuma. Nami waaqoota d'ara ta harkaani mid'aasani ira wo eegate nama wo himule wo gaafata, ammo dubbi d'araatiifi ta woma keesa injirre iti himani. Nami gari waan oobjuuni d'ooftu hima, ammo d'uga ira isani gorsa; worri sunini qarqaarsa woma imbaanne isanii keenna. Tanaafi biyyiti aka hooliye badde yayaati, aka nama nama tissu inqamne, gaargalti. AABBO Waaqi waan jed'u, Anini nyaapa amma gumi tiyya tissu ya iti dallane, gaargalchu male illakisu. Worri Yuda kiyya, ana, AABBO Waaqa Guddati qorqorata. Worri fardoole tiyya ta lolaa taha. Worra keesaa jaallaba, makala, hayyoota, ta worra kiyya fiduti, gabaha. Worri Yuda nyaapa ufii dabsata, aka worra duulaa ka nyaapa dabsate aka d'oqe lafati d'id'iitu. Worri waan AABBO Waaqa woliini jirufi, nyaapa had'e worra fardaani worra had'ule dabsata. Anini worra Yuda jabeese, worra Israeli baasa; anini worraa nahe worra ch'ufa ufiti deebise, worrileeni aka nama anini taka indidini taha. Anini AABBO, Waaqa worraati, kad'acha worrale ind'agayaafi. Worri Israeli aka askarti jabaate, aka nama daad'i d'uge gammada. Ilmaani worraa waan kana agarte, waan AABBO Waaqi tolche iraa gammaddi. Anini gumi tiyya woli woldeesise, worra baase qarqaare guddise, aka duri worri jiruti deebisa. Ato anini qara worra gosa d'ibi keesa gargari bitineesele, worri lafa fagole keesati na qaabata. Worraafi ilmaani worraleeni achiti inhobaane, nagayaani woliini deebiani. Gara lafa Misiritiifi ta Ashuruti anini worra galche, lafa worraati qubachiisa. Anini worra lafa Gileaditiifi ta Lebanonile qubachiise, lafa ch'ufa nami guuta. Hojja worri baariini gaargala keesa deemu, Anini, AABBO Waaqi, d'awa galaana d'ae, d'immu Galaana Nile gossa. Kiyyiba worra Ashuru balleesani, jabeenna Misirile ch'absani. Anini gumi tiyya injabeesa; worrileeni na kad'ate naa saalfata. Nami dubbi tana jed'e AABBO Waaqa. Balbala tante ch'ufa bani, Lebanoni, aka ibidi hind'eesa kanke gube balleesu! Mukha haru, lalefad'a boha — hind'eesi ch'ufti ya qaqarie; mukha dadansa suni ya balleesani! Gadda Bashani, boha, ooa — badda guddo ya ch'irani balleesani! Iyyanna tissitu d'agaya, guddinna worraa ya iraa balleesani! Itansu nyeench'aa ch'aqasa; danqara Yordani, ka inni iti galu, ya balleesani. AABBO, Waaqi kiyya, waan naani jed'e, Tissitu hooliye qalmaa geesani ufi tolchi. Worri hooliye suni bite qaqale, ka gaargala inarganne kae yaa. Ammalle fooni suni gurguratani waan jed'ani, AABBO Waaqaa faarsa, ya duroomne! Tissituuni worraleeni naasu inqabduufi. (AABBO Waaqi waan jed'e, Anini deebie nama lafa keesa jiruu innahu. Anumati nama ch'ufa harka nama worra fiduti kenna. Worri fidu sunini lafa balleesa, anileeni worra iraa ind'owu.) Nami hooliye suni bite gurgurate huji na qorate, anini tissitu hooliye qalmaa geesani taani tahe. anini ule lama fuud'e, tokooni Eeba jed'e, taanini Takooma jed'e. Ammalle anini hooliye suni tisse. Anini jara tissitu sadeeni na jibbu kaani obsu dad'abe, jia toko keesati ufira balleese. Jennaani anini waan hooliyeeni jed'e, Anini deebie nama isani tissu intahu. Nami duu ha duuti, ka balleesanileeni ha baduti. Worri hafuleeni woli balleesa. Jennaani anini ule Eeba jed'ani taani fuud'e, aka wold'aqisa AABBO Waaqi gosa ch'ufaani tolfate ka ch'abe garsiisu ch'abse. Duuba akanaani wold'aqisa guyya suni ch'absani. Worri hooliye bite gurgure kaani na laaluu jira. Worri imbeekha aka waan kana anini dubbi Waaqaa gula hojad'e. Jennaani anini waan worraani jed'e, Yo feetani, beese tiyya naa keenna, ammo yo imfeene ufira yalabaha. Jennaani worri qarsi sodoma, ta anini argachu male, naa kenne. AABBO Waaqi waan naani jed'e, Beese suni fulla beese Mana Waaqaa iti olkayaniti olkayi. Jennaani anini qarsi sodoma taani fuud'e — beese woma keesa injirre, ta ufiiftu worri waan isiini na bitu sehe tana — fulla beese Mana Waaqaa iti olkayani taaniti olkaye. Jennaani anini ule lameeso ta Takooma jed'ani taani fuud'e ch'abse, takuma Yudafi Israeli ch'absani. Jennaani AABBO Waaqi waan naani jed'e, Maro d'ibi ammalle tissitu woma keesa injirre ufi tolchi. Anini yayu hooliye tiyya tissitu iti tolche, ammo inni hooliye badi yaatu ind'owu, yokhaani ta baddele imbarbaadu, yokhaani ta fayya d'abdele iwolaanuuni, yokhaani ta haftele intissu. Gaargala isaati, tissitu woma keesa injirre, ka hooliye tissu lafati lakise biraa deemu! Harka isaatiifi ila isaa mirgiti goraadeeni ha iraa kututi! Harki isaa ha rifate, ilti isaa mirgitileeni ha duuduti! Tunini dubbi AABBO Waaqi waan Israeli dubbate, AABBO Waaqi ka gubba dirirse, lafa yayabe, namale mid'aase lubbu keesa kaye. Inni waan jed'u, Anini dira Yerusalemu aka muduunu daad'ii tolcha; gochiti d'aatu isaa jirtu d'udde aka nama machae daat'i. Ammalle hojja Yerusalemu marsani dira Yuda d'ibile marsani. Ammo hojja guyyaani suni d'ufu, anini Yerusalemu aka d'akha ulfaata tolcha; gochiti imfuuti iti gamtu ufi madeesiti. Gochiti lafa ch'ufaa wolti d'ufte isa haati. Gaafasi anini fardoole worraa ch'ufa mudamsiise, yaabattu isii ch'ufa mamaraacha. Anini gosa Yuda eege qorqorad'a, ammo fardoole nyaapa isaani ila duucha. Duuba balbalti gosa Yuda ch'ufti waan woliini jettu, AABBO Waaqi Guddaani nama isaa ka Yerusalemu keesa tau jabeesa. Anini gaafasi balbala gosa Yuda ch'ufa, aka ibida badda keesa bobeesani yokhaani oobru mid'aani isii bilchaatte keesati bobeesani tolcha; worri gosa d'aatu worraa mirgafi bita jirtu imballeesa. Ammo worri Yerusalemu nagayumaani dira ufii keesa taa. Anini, AABBO Waaqi, qara duula gosa Yudati dabsacha keenna, aka ulfinni ilmaani Dauditifi worri Yerusalemu argatu ka worra Yuda ira injirre. Gaafasi AABBO Waaqi worra Yerusalemu keesa tau wonte tahefi qorqorata, ammalle nami worraa lalaafaleeni aka Daudi jabaata. Ilmaani Daudi, aka malaika AABBO Waaqa yokhaani aka Waaqa, worraani deemti. Gaafasi ani gosa ch'ufa ta Yerusalemu haatu imballeesa. Anini ilmaani Dauditifi worra Yerusalemu kaani d'ibi herega naasutiifi ka kad'achatiini guuta. Duuba namicha woraanaani ijeesani kaani laalani, akuma nama ilma tokocha bohu bohaniifi. Aka worri ilmi angafa iraa due bohu, garaa hamaatani bohaniifi. Gaafasi booti Yerusalemu keesa aka gaafa Hadadrimoni diida Megido keesa bohani taati. AABBO Waaqi Guddaani waan jed'u, Gaafa guyyaani suni gahe, madda ilmaani Dauditifi worra Yerusalemu dabafi t'uri iraa qulqulleesitu banani. Gaafasi anini maqa waan harkaani boch'ani kad'atani kaani lafa keesa balleesa, nami tokoleeni deebie inqaabatu. Anini ammalle nama raaga ufi tolchufi herega waan boch'ani kad'ataniini kad'atani lafa keesaa balleesa. Duuba yo nami tokoleeni ammalle aka raaga ufi tolche, abbaafi haati isa d'alte waan isaani jettu, Atini duu malte, jiraachu himmalle, waan atini maqa AABBO Waaqatini d'ara dubbatteefi. Hojja inni wo himu, abbaafi haati isa d'alte isa woraante ijeefti. Hojja guyyaani sunini gahe, raagi tokoleeni ka, Anini daayya arge jed'e kiyyibu injiru, yokhaani ka raaga ufi tolche woya raagaa keeyate nama sobu injiru. Ammo inni waan jed'u, Anini raaganiti, anini nama lafa qotu, haguma d'alad'e anini nama oobru qotu. Duuba hojja nami isi gaafate, Mamadaani qoma ira si jirtu tunini maani? jed'e, inni waan jed'uuni, Anini mana jaalani tiyya keesati akana madae jed'a. AABBO Waaqi Guddaani waan jed'u, Goraade, kai, tissitu tiyya, ta ree naa tissitu, had'i ijeesi; duuba reeni gargari bitinoofti. Anini gumi tiyya had'a, duuba lafa tana ch'ufa keesa nama sadi keesaa nama lama balleesani. Anini tokocha hafe kaani ibida keesa kaye qulqulleesa, akuma qarsi ibidaani qulqulleesani yokhaani dansuma worqi ibidaani ilaalani. Duuba worri na yaamate, anileeni worra jala owaad'e waan jed'uuni, Worri kunini gumi tiyya. Worrileeni waan jed'u, AABBOONI Waaqa keenna. Guyyaani AABBO Waaqi tae nama qoru ya d'iaate. Gaafasi Yerusalemu saamani, waan saamani suni ila teesani durati qoodatani. AABBO Waaqi gosa ch'ufa woltiini d'ufe Yerusalemu haasisa. Dira qabani, maneeni saamani, nad'eeni buufatani. Gumi suni wod'akumati gargari kutani boojiani ta hafte woma intolchani dira keesati lakisani. Duuba AABBO Waaqi kae, gosa suni ch'ufa aka inni duri had'e had'a. Gaafasi inni Gaara Ejersa, ka Yerusalemu ilaboru, gubba eja. Duuba gaara suni ilaboruti fuud'ani, ila galchuti d'aabani, gargari tarsaasani, bale jiddu baasani, aka gaari sunini gami toko mirga deeme, gami kaani bita deemu. Duuba isani bale gaara kana gargari kutu keesa baqattani. Isani akuma ababooti teesani duri, gaafa hayyuuni Yuda, ka Uzia jed'ani, lafa fide, lafti chochoote baqatte, baqattani. Duuba AABBO Waaqi kiyya, malaika ch'ufa woliini, gad'ufa. Hojja guyyaani sunini gahe, qabbanafi yokhaani maganule deebiani inargani, yokhaani dukanale. Hojja ch'ufa ato halkanile taate ifsaati jira. Gaafa wonti kunini taatu nami beekhu AABBO Waaqa ch'alla. Hojja guyyaani sunini gahe, bisaani ch'ulkiini Yerusalemu keesaa yaani, hagi toko galaana ilaboruti yaani, hagi tokoleeni baariini ila galchuti yaani. Bisaani suni hojja roobatiifi hojja bonale ch'ufa yaani. Duuba AABBO Waaqi hayyu lafa ch'ufaa tahe, nami ch'ufti aka Waaqa isa guddise maqa isaa ka AABBOTIINI isa beekha. Lafa ch'ufa Geba ta mirga jirtu fuud'ani Renoni ta bita Yerusalemu jirtu d'aabani diideesani woliini d'aqani. Ammo Yerusalemuni lafa d'aatu jirtu taani ch'ufa keesaa olbaate, haga fullo Benjaminitifi fullo Moga, ta duri fullo d'ibi qabdu geete, ammalle haga Doofi Hananeliti baate haga fulla daad'i hayyu iti mid'aasanileti ejiti. Nami arti isa keesa nagayaani taa, deebiani dira suni imballeesani. AABBO Waaqi ch'iisa jaba gosa worra Yerusalemu haatuti buusa. Nafi worraa, ato worri jirjiru shame ch'ich'ite, ilaafi arabi worraleeni akanumati fulla jiruti shama. Guyya gaafasi AABBO Waaqi nama ch'ufa mudamsiise, nami waan tahu wollaale nama wahela isa, ka isa d'aatu jiru, qabe balleesa. Worri Yudaleeni woraana suni seene Yerusalemu kalcha. Ammalle waan gochiti d'aatu jirtu ch'ufti qabdu, worqi taanaani, qarsi taanaani, woya muumme inqamnele taanaani, saamani. D'ukubi hamaani akasi ammalle fardofi gaangefi gaalafi harrele qabata — hori nyaapa suni ch'ufa. Jennaani nami gosa Yerusalemu haate ka iraa hafe, ganna ch'ufa achi yae AABBO Waaqa Gudda aka hayyu kad'ate jila Hoosa tolfata. Yo gochiti tokoleeni AABBO Waaqa Gudda aka hayyu yaate kad'achu didde, lafa worraa bokayi irroobu. Hojja worri Misirileeni jila Hoosa tolfachu dide, worrale d'ukubuma AABBO Waaqi gosa ch'ufa ta yau didde iti erguti qabata. Gaargali worra Misiritiifi gosa d'ibi ch'ufa, ta jila Hoosa tolfachu didde qabatu, kana. Guyya gaafasi agalo fardale dubbi tana irati qorani: Waan qulqulleesani AABBO Waaqaa olkayani. Okoteeni Mana Waaqaa keesa jirtu, akuma qorini ta fulla sorio Waaqaa baasani dura kayani qulqullo, qulqullo taati. Okoteeni Yerusalemufi Yudea keesa jirtu ch'ufa qulqullo jed'ani olkayani, aka huji kad'acha AABBO Waaqa Guddatini hojatani. Ammalle nami sorio Waaqaa baasu qori suniini fooni sorio d'aaba. Hojja guyyaani sunini gahe, dilaaltuni tokoleeni Mana AABBO Waaqaa keesati inhaftu. Tunini dubbi AABBO Waaqi Malakiini, Worra Israeliti himi jed'e. AABBO Waaqi waan gumi isaatiini jed'u, Anini ya isani jaalad'e. Ammo isani waan naani jettani, Atini jaalala maani nuu baate? Esauuni oboleesa Yakobotiniti? Ammo yo akasile taate, anini Yakobo jaalad'e Esau jibbe. Anini layu lafa isaa ta gaareeni balleese waan inni qabu ch'ufa bineensa alati lakise. Yo worri Edomu, Ya nu balleesani, ammo nu dira keenna injaaranna jed'e, AABBO Waaqi Guddaani waan jed'u, Worri ha jaaratu, ammo anini ammalle inch'absa, haga nami ch'ufti worraani, Isani worra hama AABBO Waaqi injaalanne jed'uuti. Waan kana ch'ufa isani iluma teesaniini inagartani, duuba AABBO Waaqi, lafa Israeli malele, lafa d'ibileti gudda jettani. AABBO Waaqi waan qaaloleeni jed'u, Ilmi abba ufiti saalfata, ammalle tisseleeni nama hojattufi saalfatti. Yo anini abba keesani taate, isani maafi naa insaalfanne? Yo anini gudda keesani taate, isani maafi na insodaanne? Isani na tufattani ammo, Nu akami si tufanne? jettani. Aki isani na tufattaniini, aka sagale imfakaanne fulla sorio iti baasaniti naa baaftani. Duuba isani waan naani jettani, Nu akami ch'eera sii d'amne? jettani. Anini isaniti hima, ch'aqasa; isani sagale imfakaanne naa baaftani. Yo isani hori ballaafi naafa, yokhaani ka fayya inqamne, sorio naa d'uftaniini, isani waan suni dansaa seetani? Yo isani hori akasi gudda lafa teesaniti kennitani, inni ingammada? Yokhaani inni waan isani feetani isanii intolcha? Amma isani qaalole, aka Waaqi nuu eebisu, nuu kad'ad'a. Eegi isani waan akana kana baaftanifi, inni kad'a teesani isanii d'agaya? AABBO Waaqi Guddaani waan jed'u, Ato tiyya, isani nami toko balbala Mana Waaqaa ch'ufa, aka ibida woma isani imbaane fulla sorio iti naa baasaniti imbobeesine. Anini isani iraa gammade waan isani naa baaftani imfud'ad'u. Maqaani kiyya, gosa ch'ufa durati, ka haga muumme lafa tana eje taaniti eju, inguddata. Ammalle fulla ch'ufa maqa kiyyafi hit'aana aarsani sorio qulqullo baasani. Wonti akanatiifi maqaani kiyya gosa ch'ufa durati gudda. Ammo isani yo, mesaani AABBO Waaqaa t'uri qaba jettani, sagale isani tufattani irati baaftani, maqa kiyya yakitani. Isani na tufattani, Wonti kunini ch'ufti ya nu dad'absiifte jettani. Isani hori hatanifa, naafafa, yokhaani ka fayya inqamnefa, sorio naa baaftani. Isani duuba waan anini hori akana harka keesani ira fud'ad'u seetani? Dabdichi ka hori dansa sorio suni male ree ufii keesa qabu, ka hori sorio himmalle naa baase, ha abaaramu. Wonti akanatiifi anini hayyu gudda, ka lafafi nami ch'ufti d'eetu. AABBO Waaqi Guddaani waan jed'u, Ee qaalole, seeri kunini keesani. Isani waan tolchitani keesa na guddisu maltani. Yo waan anini isaniini jed'e d'agayu diddani, anini isani abaara. Ammalle waan isani nyaata d'ugaati ira argattani ch'ufa anini abaarsa keesa kaya. D'uguma anini qara ya abaare, waan isani dubbi tiyya womaatu indariiniifi. Anini ilmaani teesani gaargalche ch'uma hori isani sorio naa qaltani fuulati isani riga, duuba fulla kosi iti haraniti isani geesani. Akanaani imbeetani, aka anini seera kana isanii kenne, ammalle aka wold'aqisi kiyyafi ka qaalole d'aloota Lawi imbanne. Wold'aqisa kiyya keesa anini ya hormaatafi nagaya kakhad'eefi, ammalle waan kana la kenneefi, aka worri naa saalfatu. Bara suni worri naa saalfate na sodaate. Worri d'araniti, waan d'uga barsiise, nagayafi qajeelumaani na woliini tae. Worri ufi ch'alla waan d'ara illakimne ammo biyya hafte taanile hameenna iraa deebise. Aka Waaqa aka d'ugaa beekhani qaaloleeti nama barsiisu male. Biyyiti aka fed'i tiyya barattu ha gara worra yaatu; wonti akanatiifi worri ergattu AABBO Waaqa Gudda. Ammo amma isani qaaloleeni ya kara d'uga iraa gortani. Woni isani barsiiftanileeni ya nama heddu wollaalchifte. Isani ya wold'aqisa anini isani woliini tolfad'e balleesitani. Tanaafi anileeni gumi Israeli isani tufachiisa, waan isani fed'i tiyya guutu diddani, ammalle yo worra kiyya ka Israeli barsiiftani, nama ch'ufa aka taka fidu diddaniifi. Nu ch'ufa abbaani takani ind'alle? Waaqi takachi nu ch'ufa inuumne? Duuba nu maafi waan woli tolchina jenne guutu dinna, ammalle maafi wold'aqisa Waaqi ababooti teenna woliini tolfate tufanna? Worri Yuda ya waan Waaqa tolchina jed'e tolchu dide, waan hamtu d'ibi Yerusalemufi lafa Israeli ch'ufa keesati tolche. Worri yayu Mana AABBO Waaqaa, ka inni jaalatu, t'ureese. D'iirti yayu dubra worra waaqoota d'ibi kad'atu fuute. AABBO Waaqi ha gumi Israeli keesaa nama waan kana tolcheefu baase, nami suni waan gochiti teenna AABBO Waaqa Guddaa baaftu deebie keesa inseeniini. Wonti d'ibiini isani tolchitani tana. Fulla sorio AABBO Waaqa iti baasani deemtani waatani imimaani bootani, wonti akanatiifi inni waan isani baaftanifi deebie imfud'atu. Duuba isani waan inni iti deebie waan isani baaftanifi imfud'anneefi gaafattani. Wonti inni dideefi, waan isani kakhu nad'eeni gaafa isani kaima fuutani kakhattaniifi ch'absitanifi. Nad'eeni suni teesani, ammo isani yayu kakhu worraati kakhattani ch'absitani, ato Waaqa durati, Aka dansaa isi finna jettanile. Waaqi isanifi worra nama taka intolchine? Inni maalifi akana isani tolche? Woni inni akana isani tolcheefi, aka isani ijoolle gumi Waaqaa ta d'uga taatu d'altani fed'a. Tanaafi isaniini tokoleeni kakhu nad'eeni teesaniti kakhattani inch'absina. AABBO Waaqi Israeli waan jed'u, Anini d'iirsafi niiti wollakiftu diqole imfed'u. Nama tokole ka nad'eeni dabse ufi jalaa baasu diqole indandau. Tanaafi ufi eegad'a, kakhu teesani inch'absina, nad'eeni teesani jabeesa fida. Isani ya AABBO Waaqa dubbi teesaniini dad'absiiftani. Ammo isani waan jettani, Nu akamiini isa dad'absiimne? Aki isani isa dad'absiiftaniini, aka isani AABBO Waaqi Guddaani nama hameenna tolchu ch'ufa dansa sehu jettani. Yokhaani, Waaqi d'ugaa beekhu me? jettani. AABBO Waaqi Guddaani waan jed'u, Anini ergattu tiyya erga, ta kara naa mid'aasitu. Duuba AABBO Waaqi ka isani barbaaddani tassa Mana isaa ka eebati d'ufa. Ergattuni isani guddo eeddani d'ufte, wold'aqisa kiyya odeesiti. Ammo guyya inni d'ufu eentu dandae obsa? Ammalle yo inni mullatu, eentu dandae dura eja? Inni ibida wo basse qulqulleese saabuna woya t'uri iraa baase qulqulleesu fakaata. Inni aka nama qarsi basse qulqulleesu tahe, ilmaani Lawi aka worqifi qarsi basse qulqulleesa, haga isiini waan AABBO Waaqaa baasu malani baaftuti. Duuba wonti worri Yudatifi ka Yerusalemu AABBO Waaqaa baasu isa gammachiifti, aka wonti duri isaa baasani isa gammachiifte. AABBO Waaqi Guddaani waan jed'u, Anini qorsumafi isaniti d'ufa, ammalle anini maruma toko worra falfala tolchu taanaani, d'iirafi nad'eeni aada male wolti yaatu taanaani, nama d'ara d'ugeesu taataanaani, ch'ubbicha nama hojattu isaati hori baasu didu taanaani, nama haad'a hiyyeesatiifi hiyyeeyi dabsu taanaani, nama keessuma ulfeesu didu taanaani, ammalle nama ch'ufa ka na insodaanne, d'uga intahuufi. Anini AABBO Waaqa, ka injijiramne. Tanaafi, ee ilmaani Yakobo, isani qara inhobaane. Haguma gaafa abba keesaniiti, isani ya aada tiyya iraa gortani tolchu diddani. Amma kara kiyyati deebia, anileeni isaniti deebia. Ammo isani, Nu akami deebina? jettani. Waan anini isani gaafad'u, Nami AABBO Waaqa insoba? Achiini isani na sobdani ammo, Nu akami si somna? jettani. Aki isani na sobdani, waan qabdani kud'ani keesa tokofi waan d'ibi ka naa baaftanile keesa na sobdani. Isani ch'ufti waan na sobdaniifi abaarsa qabdani. Isani namu waan Waaqaa baasu maltani tokole inhambisina, Mana Waaqatini koota, aka sagaleeni hedduuni achi jiraattu. Duuba AABBO Waaqi waan jed'u, Na ilaalad'a, inagartani, aka anini gubba bane eeba tiyya, ta muumme inqamne, isanii buusu. Anini raamo mid'aani keesani balleesu d'owe, zabibu teesanile mid'aaniini qaqaarisa. Duuba gochiti ch'ufti, Worra eebaa jette isani yaamti, waan lafti teesani lafa dansa finna qabdu taatuufi. AABBO Waaqi waan jed'u, Isani hameenna kiyya guddo dubbattani. Ammo duuba waan jettani, Nu akami hameenna kanke dubbanne? Woni isani jettani, Hujiini nu Waaqaa hojannu woma nuu imbaatu. Maal nuu baati, yo waan Waaqi fed'u tolchine, yokhaani ch'eera keenna AABBO Waaqa Gudda garsiimne? Aka nu agarru, worri gammachu qabu worra ufi saade ufi olfuud'e, nami waan hamtu tolchu hori ch'alla inhoratu ammo waan hamtu tolchu suniini Waaqa ilaalate duraa baha jettani. Jennaani biyyiti AABBO Waaqa d'eetu woliini haasoofte, AABBO Waaqi waan worri jed'e ch'aqase dubbi worraa d'agaye. Isa durati kitaaba toko t'aafani, ka waan worra AABBO Waaqa d'eete isaa saalfatule, keesati t'aafani. AABBO Waaqi Guddaani waan jed'u, Worri suni worra kiyya taha, guyya anini wo tolchu. Ani worraa naha, akuma abbaani ilma isaa ka isaa hojatuu nahu. Ammalle nama d'ugaafi ka d'ara, ka Waaqaa hojatufi ka inhojannele, gargari beekhani. AABBO Waaqi Guddaani waan jed'u, Guyyaani ind'ufa, ka ch'ubbichafi nami ufi saaduleeni aka buuyo godde gubatu. Guyya suni worri ch'ufti gubate hobae daara d'aba. Ammo isani, worra maqa kiyya sodaatu, d'ugaani tiyya aka adu isaniti ifsite, kayyoni isii isani jireesiti. Duuba aka yabbiye d'oqoba keesaa banani buraat'ani. Duuba guyya anini wo tolchu, isani worra ch'ubbuu dabsattani ira ejaanjattani d'uke tolchitani. Isani waan hojattuuni tiyya Musani duri isani barsiise, aadaafi seera anini worra Israeliti jed'e gaara Sinai irati isaa kenne, qaabad'a. Ammo anini ato guyyaani AABBO Waaqaa, ka rifannoota qabu, ingeenne, raaga Eliya isaniti erga. Inni abbaafi ilmaani wolti mid'aasa, aka anini d'ufe lafa suni abaarsaani imballeesine. Kunini kitaaba maqa worra Yeso Kristoni keesaa d'alate. Yeso Kristoni d'aloota Daudi, Daudini d'aloota Abrahamu. Abrahamuuni abba Isaaqo; Isaaqoni abba Yakobo; Yakoboni abba Yudafi oboleyaani isaa. Yudani abba Peresifi Zera (haati isaani Tamari); Peresini abba Esromu; Esromuni abba Aramu; Aramuni abba Aminadabu; Aminadabuni abba Nashoni; Nashonini abba Salmoni; Salmonini abba Boazi (haati isaa Rahabu); Boazini abba Obedi (haati isaa Ruthi); Obedini abba Yese; Yeseni abba hayyu Daudi. Daudini abba Solomoni (haati isaa duri niiti Uriati); Solomoni abba Rehoboamu; Rehoboamuni abba Abiya; Abiyani abba Asa; Asani abba Yehoshefathi; Yehoshefathini abba Yoramu; Yoramuni abba Uzia; Uziani abba Yothamu; Yothamuni abba Ahazi; Ahazini abba Hezekia; Hezekiani abba Manase; Manaseni abba Amoni; Amonini abba Yosia; Yosiani abba Yekoniafi oboleyaani isaa, jari kunini eegi worra Israeli boojiani lafa Babiloni geesani d'alate. Eegi gosa Israeli boojiani lafa Babiloni geesani: Yekoniani abba Shealtieli; Shealtielini abba Zerubabeli; Zerubabelini abba Abihudi; Abihudini abba Eliakimu; Eliakimuni abba Azori; Azorini abba Sadoki; Sadokini abba Akimu, Akimuni abba Eliudi; Eliudini abba Eleazari; Eleazarini abba Matani; Matanini abba Yakobo; Yakoboni abba Yusufu, d'iirsa Mariamu, ta Yeso ka Kristo jed'ani d'alte. Duuba akanaani Abrahamufi Daudi jiddu d'aloota kud'ani afuriti jira ammalle kud'ani afuri d'ibiti Daudifi ganna gosa Israeli boojiani lafa Babiloni geesani jiddu jira, akasuma ammalle d'aloota kud'ani afuriti gaafasifi d'aloota Kristo jiddu jira. D'alooti Yeso Kristo akana tahe. Gaafa Yusufuni haad'a isaa Mariamu kad'ate, ato worri d'iirsafi niiti intahiini, isi Lubbu Qulqullooni garaachoofte argani. Yusufuni, nami isi kad'atu suni, nama dansa, isi ch'eersu imfeene, ammo d'ossaani lakisu fed'e. Ato inni waan kana heregu, malaikaani Aabbo oobjuuni isati mullatte waan jetteeni, Yusufu, ilma Daudi, Mariamu fuud'u insodaatini. Garaachi isiini qabdu kunini ka Lubbu Qulqulloti. Isiini ilma deeti, duuba atini maqa isaa Yeso baasi, wonti akanatiifi inni gumi ufi ch'ufa daba keesa baasa. Wonti kunini ch'ufti aka wonti Aabbooni afaani raagatiini dubbate guutamtufi taate: Ilaala, intalti dubra garaachoofte ilma deeti. Maqa isa Imanueli baasani. Akasi jechaani Waaqi nu woliini jira jechu. Yusufuni hiriiba keesaa kaanaani waan malaikaani Aabbo jetteeni tolche, Mariamu fuud'e. Ammo haga isiini ilma deetuti niiti intolfanne. Jennaani Yusufuni maqa isaa Yeso baase. Waan kana d'ageennaani, Herodefi nami Yerusalemu ch'ufti rifate. Inni qaalole gugurdofi jara Seera beekhu wolti yaame fulla Kristoni sila iti d'alatu gaafate. Worri waan jed'eeni, Dira Bethlehemu ka lafa Yuda keesa jiru. Wonti akanatiifi raagi t'aafe waan jed'e, Ee Bethlehemu, ta lafa Yuda keesa, atini maand'aniti hayyoota Yuda keesa; si keesaa nama gosa tiyya Israeli fiduti baha. Jennaani Herodeni jara ilaboruti d'ufe kaani d'ossaani wolti yaame, hojja urjiini mullate iraa hubate. Gara Bethlehemu worra erge waan jed'eeni, Beena, gurba aka dansaa barbaada, yo agartani qonqo nati erga, aka anileeni d'aqe isa guddisu. Hayyuuni woldubbatani jennaani kaani kara qabatani, urjiini worri ilaboruti arge taani worra dura deemte, fulla gurbaani jiru gubbati ejatte. Urji arginaani guddo gammadani qilit'amani! Mana seenani gurbafi Mariamu haad'a isaa argani, isa durati jigani isa guddisani. Subba ufi banani worqifi hit'anafi qayya kennanifi. Oobju keesa Waaqi, Herodeti indachaiina worraani jennaani kaani, kara d'ibiini lafa ufiti galani. Eegi worri yae, malaikaani Aabbo oobjuuni Yusufuti d'ufte waan jetteeni, Kai, gurbafi haad'a fuud'i, lafa Misiri d'aqi, haga anini siti himuti achuma tai. Herodeni gurba barbaade ijeesu fed'a jette. Jennaani Yusufuni kae gurbafi haad'a isaa halkaniini fuud'e lafa Misiriti baqate, haga Herodeni dueti achi tae. Wonti kunini aka dubbini Aabbooni afaani raagatiini duri fage, ta anini lafa Misiri keesa yayu ilma kiyya yaame jettu guutamtufi taate. Herodeni aka jari ilaboru d'ufe kaani isa sobe arginaani guddo dalane, nama erge ijoolle d'iira ta Bethlehemu keesa jirtuufi ta reera suni keesaa, ta ganna lama asi fit'a jed'e, aka ganna jara mirga d'ufe iraa hubate gula. Duuba akanaani wonti raagi Yeremiani jed'e guutamte: Qonqo Rama keesati d'agayani, ta laalafi boa guddo. Rahelini ilmaani ufiiti boote, iraa hafu dad'abde, waan isiini ch'ufa raawatteefi. Eegi Herodeni due, malaikaani Aabbo lafa Misiri keesati oobjuuni Yusufuti mullatte waan jetteeni, Kai, gurbafi haad'a fuud'i, lafa Israeliti gali; worri gurba ijeesu fed'e namu ya due. Jennaani Yusufuni kae gurbafi haad'a fuud'e lafa Israeliti gale. Ammo Yusufuni aka Arkeloni fulla abba ufi Herode lafa Yudea fidu d'ageennaani achi d'aqu sodaate. Oobjuuni iti himnaani gara lafa Galilaya gore, deeme dira Nazareti jed'aniti qubate, aka wonti duri raagooti jette guutamtu, ta isaani nama Nazarayo jed'ani jettu. Bara suni Yohanani nama batisu lafa aloo ta Yudea d'ufe nama barsiise waan jed'e. Daba iraa deebia, Finni gubba ya, d'iaate. Raagi Isayani waan Yohana dubbate waan jed'e, Qonqooni nama lafa aloo keesa iyu: Kara Aabbo kurfeesaa, daandi isaa qajeelchaa jetti. Yohanani woya rifeensa gaala uyifate, gurda goga hid'ate, awaanisafi damma nyaate. Nama Yerusalemu jiruufi ka Yudeatiifi ka arda Yordani ch'ufti gara Yohana yae. Worri daba ufi himannaani inni galaana Yordani keesati worra batise. Farisayoofi Sadukayoni hedduuni aada batiso fed'achu d'umnaani, Yohanani waan worraani jed'e, Isani ilmaani bofaati, eentu dalansu hegeri duraa baqad'a isaniini jed'e? Mid'aani daba iraa deebianiini baasa. Abbaani keenna Abrahamu ufiini injed'ina, wonti akanatiifi Waaqi d'akhaaye tana keesa ilmaani Abrahamu yaasu dandaa. D'agara yayu hidda mukha jala kayani; mukha mid'aani dansa imbaamne ch'ufa muraniti ibida keesa buusani. Anini bisaaniini isani batisa, aka akasiini isani daba iraa deebiti garsiiftani; ammo nami faana tiyya d'ufu nara jaba; seemsa kope isaa anini qabachu himmalle. Inni Lubbu Qulqullofi ibidaani isani batisa. Hafareeni isaa harka isaa keesa jirti. Oobdi ufi inqulqulleesa, dargaye wolti qabe khod'oti naqa, ammo qola ibida haga jiru ind'aamneti naqa. Jennaani Yesoni Galilaya bahe, Yordani d'ufe, gara Yohana d'aqe aka Yohanani isa batisu. Ammo Yohanani isa d'owu fed'e waan jed'e, Atini na batisu malte, akami gara kiyya d'ufte, Na batisi naani jetta? Ammo Yesoni waan jed'eeni, Amma ha taatu, kara kanaani waan Waaqi fed'u ch'ufa guunna. Jennaani Yohanani ee jed'eeni. Eegi Yesoni batiso argate, hojuma suni bisaani keesaa baanaani, gubbaani banamte, Lubbu Waaqa ta bifa sabaliisa qabdu, ta isa ira teetu arge. Qonqooni gubba baate waan jette, Kunini Ilma kiyya ka anini jaalad'u, inni guddo na gammachiisa. Jennaani Lubbuuni Yeso lafa aloo geesite, aka Sheet'ani ilaalatu. Guyya afurtamatifi halkani afurtama sagale male tae, jennaani beelae. Sheet'ani d'ufe waan jed'eeni, Yo atini Ilma Waaqa taate, d'akha kanaani, Qit'a tahi jed'i. Ammo Yesoni waan jed'eeni, T'aafiini waan jettu, Nami qit'a ch'allaani injiraatu, ammo dubbi afaani Waaqa keesaa baate ch'ufaani jiraata. Jennaani Sheet'ani Dira Qulqullo isa geese, fiit'e Mana Waaqa gubba isa kaye, waan jed'eeni, Yo atini Ilma Waaqa taate, arma ufi gadi d'iisi, wonti akanatiifi t'aafiini waan jettu, Inni malaika ufi sii baasa, isiini harka isitiini oli si qabdi, aka d'akhaani miila kanke ind'oomne. Yesoni waan jed'eeni, Ammalle t'aafiini waan jettu, Aabbo Waaqa kanke inilaalatiini. Ammalle Sheet'ani gaara gudda toko isa korsiise, guddinna lafa ch'ufaafi dansooma isii agarsiise. Duuba waan jed'eeni, Waan kana ch'ufa anini sii kenna, yo atini gadi jette na guddifte. Jennaani Yesoni waan jed'eeni, na biraa deemi, Sheet'ana t'aafiini waan jettu Aabbo Waaqa kanke ch'alla guddisi isuma ch'alla hojad'u! Jennaani Sheet'ani isa lakise, malaikaani d'ufte isa qarqaarte. Aka Yohana qabani d'ageennaani Yesoni Galilayati deebie. Nazareti bahe d'aqe Kapernaumu tae, d'aatu galaana, lafa Zabulonifi Naftali keesa, aka wonti raagi Isayani jed'e guutamtu ta, Lafa Zabulonifi lafa Naftali, gara galaana, moga Yordani, Galilaya ta gosa d'ibi! Nami dukana keesa tau yayu ifsa gudda arge worra ardaafi gandidu duisa keesa tatau ifsaani yayu iti mullate jettu. Haga guyya suniti Yesoni odu dansa odeese waan jed'e, Daba iraa deebia, Finni gubba ya d'iaate. Ato Yesoni d'aatu galaana Galilaya deemu, oboleyaani lama, Simoni ka Petro jed'aniifi Andarea oboleesa isaa, ka t'urura qurt'umi galaana keesa darbani arge; worri guurtu qurt'umiiti. Inni waan worraani jed'e, Na gula koota, anini guurtu nama isani tolcha. Hojuma suni t'urura lakisani isa gula yaani. Yesoni arti deemnaani oboleyaani lama, Yakobofi Yohana ilmaani Zebedayo, hobolo keesa abba isaani Zebedayo woliini tataani arge, yaame; jennaani worri hojuma suni hoboloofi abba ufi lakise isa gula yae. Yesoni Galilaya ch'ufa keesa dedeeme Maneeni Waaqa iti kad'atani keesati nama barsiise, Odu Dansa ta Finna odeese, d'ukubafi miid'ama gosa ch'ufa nama fayyise. Tanaafi gurri isaa lafa Shamu ch'ufa gahe, nama d'ukuba qabuufi ka fayyad'abaani gaargale, ka jinni qabu, ka gagabdufa, ka naafatele isatiini d'ufani, inni worra ch'ufa fayyise. Gumiini guddooni ta Galilayatiifi ta dira kud'ani, ta Yerusalemutiifi lafa Yahuditiifi ta d'aatu Yordani keesa ch'ufti isa gula yaate. Yesoni gumi arginaani gaara kore gubba tae. Jennaani jari isaa gara isaa d'ufe, inni worra barsiise waan jed'e, Ayyaana worra aka garaa keesa hiyyeeyi ufi beekhu: Finni Waaqa ka worraati! Ayyaana worra lalefatu: Waaqi garaa worra jabeesa! Ayyaana worra ufi diqeesu: lafa ch'ufa d'aalani! Ayyaana worra d'ugaa jed'e beelae d'eebotu: worra akana kana inquufsani! Ayyaana worra naasu qabu: worra kana inahani! Ayyaana worra garaa qulqullo qabu: Waaqa inargani! Ayyaana worra nagaya tolchu: ilmaani Waaqa jed'aniini! Ayyaana worra d'ugaafi gaargalchani: Finni gubbaa ka worraati! Ayyaana keesani hojja beeni isani arabse gaargalche, maro tiyyaafi d'araani isani himate waan hamtu ch'ufa isaniini jed'u. Hojja suni gammada, qilit'ama, gatiini teesani ta gubba jirtu waan guddo. Akuma kana raagoota duri gaargalchani. Isani soodda lafaati. Ammo yo sooddi bushae, maaniini kura iti deebisani? Waan tokole himmalle, yo alati gagatani miilaani ira ejaanjatani male. Isani ifsa lafaati. Diri gaara gubba jiru indaatu. Ifsa bobeesani qori iti ingombisani, ammo olfannisani, aka nami mana keesa jiru ch'ufti argu. Akasuma ifsaani keesani ha nama durati ifsu, aka hujiini teesani dansaani mullatte Abba keesani ka gubba jiru guddisani. Waan anini barsiisa Seeratiifi ta raaga balleesu d'ufe insehiina. Anini aka balleesu ind'umne, ammo aka qit'eesu d'ufe. D'uguma, waan anini isaniini jed'u, Haga lafafi gubbaani dabartuti ch'obi Seera tokoleeni indabru haga seeri ch'ufti guutamuti. Tanaafi nami seera didaqa kana toko ch'abse ammalle akasuma namale barsiise, Finna gubbaa keesati maand'a taha. Ammo nami Seera guute akasuma namale barsiise, Finna gubbaa keesati angafa taha. Waan anini isaniini jed'u, Yo d'ugaani teesani ta jara Seera beekhufi Farisayo ira injirre, dandeetani Finna gubba inargattani. Yayu d'ageettani aka worra duritiini, Nama inijeesiina; nami nama ijeesu ch'ufti qorsuma male jed'ani. Ammo waan anini amma isaniini jed'u, Nami oboleesa ufiti dalanu qorsuma argachu male. Nama oboleesa ufi arabsu kora iti baasu malani; ammalle nama oboleesa ufi tuffate, Daalle daba jed'uuni, ibida keesa buusu malani. Tanaafi yo aka galata kanke Waaqa baaftu, fulla sorio iti qalani d'ufte, ka aka oboleesi kanke si inquumne qaabatte, fulla sorioti kai, waan galata baaftu lakisi deemi, qaraa fiit'e oboleesa kanke araarama kad'ad'u, eege deebii galata kanke baasi. Yo nami si himate koraa si yaamani, hurrisi wold'aqa yokhaani inni jaarole si kenne, jaaroleleeni askartiti si kennite, askartileeni mana hid'aansa keesa si buufti. D'uguma, waan anini siini jed'u, hid'aansa keesaa imbaatu haga beese ch'ufa baaftuuti. Duri, ya d'ageettani, waan jed'ani, d'iirafi nad'eeni wolbarate gaarayu woliini intolfatini. Ammo waan anini isaniini jed'u, Nami d'araani nad'eeni millatu yayu garaa ufi keesati waan hamtu tolche. Yo ilti tante mirgitiini si wollaalchifte, ufi keesaa baasi, gati! Yo atini ila toko d'abde ira sii jirtii, fulla nafa kanke ch'ufa ibida keesa buusani. Ammalle yo harki kanke mirgichi si wollaalchise, ufira kuti, gati! Yo atini harka toko d'abde ira sii jirti, fulla nafa kanke ch'ufa ibida keesa buusani. Ammalle duri waan jed'ani, Nami niiti ufi lakisu fed'u ha tatabe lakisaniini kutufi. Ammo waan anini isaniini jed'u, Nami niiti ufi ta d'iira d'ibi imbaranne lakise ya daba keesa isi seensise; nami isi fuud'uleeni daba tolcha. Ammalle, ya d'ageettani aka worra duritiini, D'araani inkakhatiini, ammalle kakhu tante Waaqa durati guuti jed'ani. Ammo waan anini isaniini jed'u, Diqole inkakhatina, gubbaleeni; wonti akanatiifi isiini barch'uma Waaqati; yokhaani lafaleeni; isiini fulla Waaqi miila keyatu; yokhaani Yerusalemuleeni, isiini dira Hayyu Guddaati. Ammalle mata kankeleeni inkakhatiini; wonti akanatiifi rifeensa kanke tokole dandeete inadeesitu, yokhaani inguraateesitu. Wonti isani jettani ch'ufti ha Eetiifi Hiyyo ch'allaa taatu, ta tana ira Sheet'ana keesaa baati. Duri, ya d'ageettani, waan jed'ani, Nama ila nama basse, ila isaale ha bassani; ka ilkaani nama ch'abse, ka isaale ha ch'absani jed'ani. Ammo waan anini isaniini jed'u, nama waan hamtu isani tolchu haalo infuud'iina. Yo boqo mirgiti si d'abanaasani bitatile iti garagalfad'u. Ammalle yo nami toko si himate ubaara kanke siraa baafate, kootile baafad'ufi. Ammalle yo nami si dabse irreeni haga gabaaba si deemsise haga fago gula deemi. Nama wo si kad'atu kenni; ka wo liqefatu ind'owatiini. Duri, ya d'ageettani, waan jed'ani, Oboleesa kanke jaalad'u, nyaapa kanke jibbi. Ammo waan anini isaniini jed'u, Nyaapa keesani jaalad'a, nama isani gaargalchu Waaqa kad'ad'a, aka isani ilmaani Abba keesani ka gubba jiru taatani. Inni adu nama hamamafi dadansale baase, bokayale nama d'ugatiifi nama d'arale rooba. Yo nama isani jaalatu ch'alla jaalattani, gati maani Waaqa ira argattani? Worri damoosa guuruleeni akasuma tolchaniti? Yo oboleyaani teesani ch'alla nagaya fuutani, nama d'ibi maaniini ira jirtani? Worri Waaqa imbeenneleeni akasuma tolchaniti? Isani qit'e tahu maltani, akuma abbaani keesani ka gubba qit'e. Eegad'a aka huji teesani dansa nama durati intolchine aka nami argu. Yo akasi tolchitani Abba keesani ka gubba jiru galata ira inargattani. Tanaafi yo hiyyeesa qarqaartu, magalata ufi durati ind'aiini, aka nami kiyyibaani Maneeni Waaqa iti kad'ataniifi kara keesati tolchu, aka nami sila worra guddisu. D'uguma waan anini isaniini jed'u, Worri suni gati ufi ya argate. Ammo yo hiyyeesa qarqaartu harki bitaachi waan harki mirgichi tolchu imbeekhiini, aka qarqaarsi kanke waan d'ossa tahu, duuba Abbaani kanke ka waan atini d'ossaani tolchitu argu galata si baasa. Yo Waaqa kad'attani, aka nama kiyyibu intahiina! Wonti akanatiifi worri Maneeni Waaqa iti kad'atani keesafi d'aatu kara ejaanjani kad'achu fed'ani, aka nami worra argu. D'uguma, waan anini isaniini jed'u, Worri suni gati ufi ya argate. Ammo atini yo Waaqa kad'attu mana kanke keesa seeni, balbala ch'ufi Abbaani kanke ka waan atini d'ossani tolchitu argu galata sii baasa. Kad'acha keesati dubbi woma imbaane ind'eeresiina, aka worri Waaqa imbeenne tolchu; worri waan maro dubbi heddutiifi kad'acha d'agayaniifi seha. Aka worra intahiina; Abbaani keesani ato isani woma injed'ini waan isani feetani ch'ufa beekha. Aki kad'atani akana: Aabbo keenna ka gubba jirtu, maqa kanke qulqullo ha guddisani; Finni kanke ha d'ufu, fed'i tante lafati ha guutani aka gubbaa guutani. Liqimsa teenna ta arra nuu kenni; ch'ubbu teenna nuu araarami, akuma nuleeni nama nuti ch'ubbame araaramnu. Ilaalacha nutiini ind'ufiini, ammo waan hamtu nuraa d'owi. Wonti akanatiifi yo isani wollaala namaa araaramtani, Abbaani keesani ka gubbaleeni isani araarama. Ammo yo isani wollaala namaa inaraaramne, Abbaani keesanileeni wollaala isanii inaraaramu. Yo Waaqa kad'achaafi agabdani, fuula iyakatiina, aka worra kiyyiba. Worri fuula yakata, aka agabu worraa nami argu. D'uguma, waan anini isaniini jed'u, Worri suni gati ufi ya argate. Ammo yo agabdu, fuula d'iqad'u, mata filad'u, aka nami agabu tante inagarre; ammo Abba kanke ka d'ossa jiru ch'allati arga. Abbaani kanke ka waan d'ossani argu galata sii baasa. Hori keesani lafa inkeyatina, fulla bilaachafi dandiini nyaattu, yokhaani fulla hattuuni ch'absite hattufi. Ammo hori keesani gubba keyad'a, fulla bilaachafi dandiini inyaanne yokhaani hattuuni ch'absite inhanne. Fulla horiini keesani jiru, garaani keesanileeni jira. Ilti ifsa nafaati. Yo ilti tante dansaa taate, nafi kanke ch'ufti ifsa qaba. Ammo yo ilti tante dansaa intahiini, nafi kanke ch'ufti indukanaa. Tanaafi yo ifsaani si keesa jiru dukanae, dukanti inguddatti. Nami tokoleeni dandae abbooti lama inhojatu: toko jibbeti kaani jaalata, yokhaani tokooni wold'aqani kaani tuffata. Waaqafi hori hojachu indandeetani. Tanaafi anini isaniti hima, Jireenna yokhaani nyaata d'ugaati, yokhaani waan nafaati uyifatani ind'ind'insiina. Jireenni liqimsa ira injiru: Yokhaani nafi woya ira injiru: Simpirre ilaala; mid'aani imfach'aaftu, imurtu, yokhaani khod'oti ingalchitu; ammo Abbaani keesani ka gubba jiru isile nyaachisa, isani simpirre ira injirtani? Eentu isani keesa, ato d'ind'insele, dandae d'und'uma toko d'eerinna ufiti dara? Maafi waan uyifattani d'ind'insitani? Aka daraaraani oobru bahu herega; inni inhojatu yokhaani woya ind'aatu. Ammo waan anini isaniini jed'u, Solomonileeni guddinna ufi keesati woya aka daraara mid'aadu inuyifanne. Yo Waaqi buuyo arra jirtu ta bori ibidati gatani akana uyise, inni hagasi ira isani inuyisu? D'ugefachaani teesani waan diqoo! Tanaafi d'ind'insitani, Maani nyaanna yokhaani maani d'unna yokhaani maani uyifanna: injed'ina. Worri Waaqa imbeenne waan kana ch'ufa barbaada. Abbaani keesani ka gubba jiru aka isani waan kana ch'ufa feetani imbeekha. Ammo qaraa fiit'e Finnafi d'uga isaa barbaada, duuba wonti kunini ch'ufti teesani taati. Tanaafi waan bori ind'ind'insiina, waan bori, ha borumani ufi d'ind'insituti. Guyyaani ch'ufti gaargala ufi qaba. Waan nama inqorina, aka namileeni waan keesani inqorre; qorsuma isani namaani qortani isanile qorani; ammalle kiila isani biimitaniini isanile biimani. Atini maafi filida ila oboleesa keti keesa jiru argita ammo jirma ila tante keesa jiru inargine? Yokhaani akami dandeete oboleesa keetiini, Filida ila keesaa si fuud'a jetta, ka ila tante keesa jirmi jiru? Kiyyiba! Qaraa fiit'e jirma ila tante keesaa fuud'i, duuba aka dansaa lafa agarta, aka ila oboleesa keti keesaa filida fuutu. Waan qulqullo saree inkennani; ammalle booyye dura dooqa imbuusina, aka isiini miilaani ira ejaanjatte isaniti garagalte isani inyaanne. Kad'ad'a, isanii kennani; barbaada, inargitani; balbala d'ad'aa, isani duraa banani. Nami wo kad'atu inargata, nami barbaadu inarga, ammalle nama balbala d'ad'au imbananiifi. Eentu yo ilmi isaa qit'a kad'ate d'akha kennaafi? Yokhaani yo inni qurt'umi kad'ate bofa kennaafi? Yo isanu ka hameenna qabdani, waan dansa ilmaani teesani kennu beetani, Abbaani keesani hagasi ira waan dansa worra isa kad'atu kenna! Akuma aka nami waan dansa isani tolchu feetani, akasuma namale tolcha; tunini dubbi Seeratiifi ta raaga. Balbala d'ipooni olseena. Balbala ballofi karaani laafaani gara badi nama geesa, nami achi deemuleeni heddu. Balbala d'ipofi karaani jabaani jireennati nama geesa, nami argatuleeni diqa. Raagoota d'ara eegad'a, ta bifa jijiratte isaniti d'uftu, ammo keesi worraa aka yai jira. Mid'aani worraatiini worra beetani. Mid'aani zabibu qoraati iraa guurani? Yokhaani d'eeka mogorre iraa guurani: Mukhi dansaani ch'ufti mid'aani dansa baasa, ammo mukhi hamaani mid'aani hamo baasa. Mukhi dansaani mid'aani hamo dandae imbaasu; mukhi hamaleeni mid'aani dansa dandae imbaasu. Mukha mid'aani dansa imbaamne ch'ufa muraniti ibida keesa buusani. Tanaafi mid'aani worraatiini worra beetani. Nami Aabbo, Aabbo, naani jed'u ch'ufti Finna gubba inargattu, ammo nama fed'i Abba kiyya ka gubba jiru guutu ch'allati argata. Guyya suni nami hedduuni, Nu maqa keetiini fanne, maqa keetiini jinni baamne, ammalle maqa keetiini waan mama heddu tolchine jed'a. Jennaani anini diideese worrati hima, anini fuula isani imbeekhu; na biraa fagaad'a, isani nama dabaati. Duuba, nami dubbi tiyya tana d'agaye guutu nama qalbi qabu fakaata, ka d'akha gubbati mana ijaare. Bokeeni roobe, guddo lolaase, bubbeeni bubbifte mana suni d'oofte. Ammo mani jigu dide, maro yayabi d'akha gubba jiruufi. Nami dubbi tiyya tana d'agaye inguunne nama daalle ka mana maansa irati ijaare fakaata. Bokeeni roobe, guddo lolaase, bubbeeni bubbifte mana kaani d'oofte, mani jige. Jigisi mana suni waan gudda! Yesoni dubbi tana barsiimnaani, nami ch'ufti guddo waan barsiisa isaa mame. Inni aka jara Seera beekhu nama imbarsiimne, ammo aka nama jabeenna qabu barsiise. Yesoni gaara iraa gadi buunaani, gumiini guddooni isa gula yaate. Namichi qomaat'a qabu toko isati d'ufe, durati jilbifate waan jed'eeni, Aabbo, atini yo feete na fayyisu dandeeta. Yesoni harka diriirfate, isa tuqe waan jed'eeni, Imfed'a, fayyi. Inni maro tokotu d'ukuba suni fayye. Jennaani Yesoni waan jed'eeni, Ch'aqasi! Waan tokole namaani injed'ini, ammo d'aqi, qaallicha ufi agarsiisi, sorio Musani mure baasi, aka nami ch'ufti aka atini fayyite argu. Yesoni Kapernaumu seennaani, shumichi gosa Rumi toko gara isaa d'ufe, qarqaarsa kad'ate. Waan jed'eeni, Aabbo garbichi kiyya guddo fayyaniti mana keesa ch'iisee garagalu jira, chochoule indandau. Yesoni waan jed'eeni, Anini d'ufe isa fayyisa. Shumichi waan jed'eeni, Atini mana kiyya seenu himmalle, ammo afaanumaani jed'i, garbichi kiyya imfaya. Anini nama jala hojad'a, askartileeni na jala jirti; yo anini nama tokooni. Deemi jed'u, indeema; yo ka d'ibiini, Kooti jed'u, ind'ufa. Ammalle yo anini tisse tiyyaani, Waan kana tolchi jed'u, intolcha. Yesoni waan kana d'ageennaani mame, worra isa gula yauni waan jed'e, D'uguma, waan anini isaniini jed'u, d'ugefacha akana tana anini taka Israeli keesaleti ingarre. Me ilaala, nami hedduuni mirga bitaa d'ufe Abrahamufi Isaaqofi Yakobo woliini Finna gubba keesa taani. Ammo nami Finna suni iti d'alate dukana ala keesa buusani, achiti nami bohe ilkaani qara. Yesoni waan shumichaani jed'e, Beeni, wonti atini d'ugefatte suni sii tahinna. Jennaani garbichi hojuma suni fayye. Yesoni mana Petro seennaani, jaarti soda isaa ta qanno qabdu arge. Harka isii tuqe, jennaani qannooni isi lakifte, isiini kaate worra gololchite. Galgala suni nama heddu ka jinni qabu Yesotiini d'ufani duuba inni jecha tokooni jinni baase, nama d'ukuba qabule ch'ufa fayyise. Wonti kunini aka fagiisi raagi Isayani jed'e guutamu agarsiifti: Inni d'ukuba keenna fud'ate, fayyad'aba keennale baate. Yesoni gumi isa marsitu arginaani aka gama galaana kaaniti taakani buufate. Namichi Seera beekhu toko gara isaa d'ufe waan jed'eeni, Aabbo, anini fulla atini deemtu ch'ufa si gula deema. Yeso waan jed'eeni, Geedalti goda qabdi, simpirreleeni mana qabdi, ammo Ilmi Nama fulla mata ufi keyatu inqabu. Jara isaa keesaa nami toko waan jed'eeni, Aabbo, eegi, qara d'aqe Aabbo awaala. Ammo Yesoni waan jed'eeni, Na gula kooti, reefi ha reefa awaaluti. Yesoni hobolo seennaani, jari isaa isa gula yae. Bubbeeni guddooni galaana d'oofte, d'awaani hobolo roraafte, ammo Yesoni rafu jira. Worri d'aqe isa damase waan jed'eeni, Aabbo, nu baasi, nu badu jirra. Jennaani Yesoni waan worraani jed'e, Maafi akana sodaattani? D'ugefachaani teesani waan diqo. Jennaani Yesoni kae, bubbeefi galaana ch'allisiise, wonti ch'ufti qabanoofte. Biyyiti maadefatte waan jette, Kunini nama akami, ka qilleensafi galaanileeni sarmuufi? Inni gama galaana, lafa Gerasi jed'ani taakinaani, jari lama ka jinni qabu ka awaala keesaa yae isaani bahe. Jari guddo bineensae, tanaafi nami tokoleeni dandae kara suni gula indeemu. Worri iye waan jed'e, Atini maani nuraa qabda, Ee Ilma Waaqa? Ato guyyaani ingahiini nu gaargalchu d'ufte? Diqo fago worra iraa mana booyyeti d'eedu jira. Jinniini waan jetteeni, Yo ka nu baaftu taate, gara booyye suni nu ergi. Yesoni beena Yaa jed'eeni. Worra keesaa yaate booyye taani duudde. Duuba booyyeeni orite, bisaani keesa duudde, bisaani liqimsani. Tissituuni baqatte, dira d'at'e waan worri jinni qabu tahe ch'ufa odeesite. Duuba diri ch'ufti haguma gahuunu Yeso argu d'ufe; arginaani aka inni lafa worra keesaa deemu kad'atani. Yesoni hobolo keesa seene galaana taake, dira lafa ufi d'aqe. Namicha naafa toko ka sire gubba ch'iisu isatiini d'ufani. Yesoni d'ugefacha worraa arginaani waan namicha naafa kaaniini jed'e, Garaa jabaad'u, gurba kiyya; daba kanke ya sii araaramani. Jari Seera beekhu toko waan woliini jed'e, Nami kunini Waaqa abaara! Yesoni herega worraa beennaani waan jed'e, Maafi garaa keesani keesati hameenna akana kana hereddani? Tamiti ira laaftu, Daba kanke ya si araaramani jecha mo, kai deemi jecha? Ammo aka Ilmi Nama lafa keesati jabeenna daba nama araaramuuni qabu hubad'a. Jennaani inni waan namicha naafa kaaniini jed'e, Kai, sire tante fud'ad'u, worrati gali. Duuba inni kae worrati gale. Biyyiti waan kana arginaani sodaate, Waaqa ka jabeenna akana kana namaa kenne guddifte. Yesoni achi deemnaani, nama toko ka Matayo jed'ani, ka fulla mana damoosa tau arge, Na gula kooti jed'eeni. Jennaani Matayoni kae, isa gula deeme. Inni sagale nyaataa teennaani, jara damoosa guurufi nami daba hedduuni isaafi jara isaa woliini tatae. Duuba Farisayooni waan kana arginaani waan jara isatiini jette, Qaallichi keesani maafi nama damoosa guurufi nama daba qabu woliini sagale nyaata? Yesoni dubbi tana d'ageennaani waan jed'e, Nami fayya qabu ch'ireesa imbarbaadu, ammo nama fayyad'abe ch'allati barbaada. Beena, waan jecha kana hubad'a, Anini naasu fed'a, sorio imfed'u. Anini nama daba male, nama d'uga yaamu ind'umne. Jennaani jari Yohana gara Yeso d'ufe waan jed'eeni, Nuufi Farisayooni maafi Waaqaa jenne ufi agabsina, ka jari kanke ufi inagabsine? Yesoni waan worraani jed'e, Keessumaani fuud'aa haga abbaani fuud'a worra woliini jiru lalefachu dandeeti? Guyyaani abba fuud'a worra biraa fuud'ani ind'ufa, duuba hojja suni worri ufi agabsa. Nami woya hareeti kooti dullatiti erbu injiru; erbaani suni woya dullati taani intarsaafti, tarsaaleeni ira guddatti. Daad'i hareeti gorjo dullatiti inaqani. Yo akasi tolchani, gorjooni intarsaati, daad'iini jidde gorjooni baddi. Daad'i hareeti gorjo hareetiti naqani, duuba lachu guyya heddu teeti. Ato Yesoni waan kana dubbatu, motichi toko d'ufe, durati jilbifate waan jed'e, Intalti tiyya ammumatana doote; ammo kooti, harka isi ira kayi, isiini injiraatti. Jennaani Yesoni kae, jara ufi woliini isa gula deeme. Niitiini toko, ta d'iigi ganna kud'ani lama keesaa yae, isa duddaduubaani d'ufte, handaara woya isaa tut'e. Isiini waan ufiini jette, Yo anini woya isaa ch'alla tuqele imfaya. Yesoni ufira garagale, isi arginaani waan jed'eeni, Intala, garaa jabaad'u, d'ugefachaani tante la si fayyifte. Hojuma suni fayyite. Yesoni mana moticha kaani seennaani jara fuludo tabatufi biyya bohu jirtu arginaani waan jed'e, Alati baha, intalti indoone, ammo rafu jirti. Jennaani worri isa koble, ammo, eegi biyyiti alati baate, inni olseene harka intala olfuud'e, intalti kaate. Oduuni tunini lafa suni ch'ufa keesa fulla ch'ufa geete. Yesoni achi deemnaani jari ballaani lama isa gula yae waan jed'eeni, Ilma Daudi, nuu nahi. Inni mana olseennaani jari ballaani kaani gara isaa d'ufe. Yesoni waan worraani jed'e, Aka anini waan kana tolchu dandau ind'ugefattani? Jari, Ee Aabbo ind'ugefanna jed'eeni. Jennaani Yesoni ila worra tuqe waan jed'eeni, D'ugefacha teesani gula ha isanii taatu. Duuba ilti worra banamte, Ammo Yesoni nama tokoleti inhimina jed'e, worrati seere. Ammo worri yae, waan isaa lafa suni ch'ufa keesati odeese. Ato worri yau nama jinni duuda qabu Yesotiini d'ufani. Inni jinni keesaa baase jennaani namichi duudaani kaani dubbate. Biyyiti maadefatte waan jette, Waan akana kana taka Israeli keesati ingarre. Ammo Farisayooni waan jette, Inni jabeenna gudda jinnitiini jinni baasa. Duuba Yesoni achi deeme diraafi ollowaanifi maneeni Waaqa iti kad'atani keesati Odu Dansa ta Finna odeese, d'ukubafi fayyad'aba ch'ufa fayyise. Gumi arginaani naheefi, maro isiini dad'abde qarqaarsa d'abde hooliye tissitu inqamne fakaatefi. Jennaani Yesoni waan jara isatiini jed'e, Mid'aani murani guddo, ammo nami mid'aani muru diqa. Tanaafi abba mid'aani suni kad'ad'a aka inni nama mid'aani muru oobruti ergu. Jennaani Yesoni jara isaa kud'ani lama wolti yaame jabeenna kenneefi, aka jinni nama keesaa baasani, fayyad'abafi d'ukuba ch'ufa fayyisani. Maqaani ergattu kud'ani lamaani kana: ka qara, Simoni ka Petro jed'aniifi oboleesa isaa Andarea; Yakobofi oboleesa isaa Yohana, ilmaani Zebedayo; Filipofi Bartholomayo; Tomasofi Matayo, ka damoosa guuru; Yakobo ilma Alfayofi Thadayo; Simoni, nama lafa ufi jabeesufi Yuda Iskariote, ka Yeso gurgure. Jara kud'ani lamaani kana Yesoni erge waan jed'eeni, Lafa gosa d'ibi yokhaani dira gosa Samaria inseeniina. Ammo gara hooliye badde ta gosa Israeli d'aqa. Yaa, Finni gubba ya d'iaate jed'a, namati odeesa. Nama d'ukuba qabu fayyisa, ka duele kaasa, ka qomaat'a qabule fayyisa, jinnile nama keesa baasa. Gati male isanii kennani isanileeni gati male namaa kenna. Worqifi qarsi yokhaani beese d'ibi imfud'atiina; karerisafa, ubaara d'ibifa, kopefa, ulele imfud'atiina. Hojattuuni waan maleefi argachu malte. Ollafi dira ka seentanifu, nama dansa barbaada, haga yaataniti isa woliini taa. Akuma namati olduudanini nagaya fuud'a eebisa. Yo nami suni dansa tahe, nageenni keesani ha iti d'ufu; ammo yo nami suni isani jalaa dide, nageenni keesani ha isaniti deebiu. Yo nami isani imfud'anne, yokhaani dubbi teesani inch'aqamne, hojja mana suni yokhaani dira suni keesaa yaatani, awaara miila keesani ira d'ad'aad'a. D'uguma, waan anini isaniini jed'u, lafti Sodomafi Gomora guyya mura dira suni iraa goomti! Kuno, anini aka ilmoole hooliye jiddu yaiti isani erga. Tanaafi aka bofa qaro taha, ammalle aka sabaliisa nagayaani taa. Nama eegad'a; isani qabani kora isani geesani; ammalle Maneeni Waaqa iti kad'atani keesati isani d'aanani. Maro tiyyaafi hayyootafi jaallaba durati isani hirkisani, aka worraafi gosa d'ibile durati d'ugeesitani. Yo qorsuma isani yaamani, waan dubbattanifi waan jettani inheregiina; waan isani jettani hojuma suni isaniti himani. Nami dubbatu isaniiniti, ammo Lubbu Abba keesaniti isani keesa dubbata. Oboleesi oboleesa ufi duati geesa; abbaani ilma ufi akasuma tolcha; ijoolleleeni abbootifi haad'a ufi akasuma tolchiti. Nami ch'ufti maro tiyyaafi isani jibba. Ammo nami haga muumme obsu imbaafama. Hojja dira toko keesati isani gaargalchani, ka iti aanuti baqad'a. D'uguma, anini isaniti hima, dira Israeli ch'ufa dantetani inqit'eesitani, ato Ilmi Nama ind'umne. Nami woi baratu nama isa barsiisu ira injiru; yokhaani garbichi abba ufi ira injiru. Nami woi baratu, yo akuma nama isa barsiise tahe yokhaani garbichileeni yo aka abba ufi tahe ya taateefi. Yo abba worraatiini Beelzebuli jed'ani, worra mana maqa hagasi ira hamatiini yaamani! Tanaafi insodaatiina; wonti daboolaani ta daboola ira imbuqimne injirtu; yokhaani wonti d'ossani ta imullanne injirtu. Waan anini dukana keesati isaniti himu ifsa keesati dubbad'a; ammalle waan hasasani ka d'ageettani fiit'e mana gubbati lalaba. Nama nafa ijeese ammo lubbu woma tolchu indandeenne insodaatiina; ammo nama nafafi lubbu ibida keesa buusu dandau sodaad'a. Ch'uquliisa lama beese tokoti gurguraniyu? Ammo yo Abbaani keesani fed'e male, tokoleeni lafa ind'au. Rifeensa mata keesanile ch'ufa yayu hedani. Tanaafi insodaatiina; isani ch'uquliisa ira jirtani! Nama nama durati na d'ugeesu ch'ufa anileeni Abba gubba durati d'ugeesa. Ammo ka nama durati na mormatu ch'ufa anileeni Abba kiyya ka gubba durati mormad'a. Waan anini nagaya lafaani d'ufu d'ufe insehiina; anini nagaya lafaani d'ufu ind'umne ammo sheefti lafaani d'ufu d'ufe. Anini ilmaafi abba wolti naqa d'ufe, intalafi haad'ale; niiti ilmaatiifi haad'a isaale; worruma namati nyaapa namaa taha. Nami abbaafi haad'a ufi nara jaalatu naa himmalle; ammalle nami ilmaani ufi nara jaalatu naa himmalle. Nami maskali ufi fud'ate na gula indeemne na himmalle. Nami lubbu ufi qorqorachu fed'u ind'aba; ammo nami lubbu ufi naa jed'e balleesu inargata. Nami isani d'ieesu, na d'ieesa; nami na d'ieesu nama na erge d'ieesa. Nami raaga Waaqa, maro inni raaga taheefi d'ieesu, aka raaga galata argata. Ammalle, nami nama d'uga, maro inni nama d'uga taheefi d'ieesu, aka nama d'uga galata argata. Hubad'a, nami, maro inni na gula deemuufi ijoolle didiqo tana toko bisaani guraachale obaase, galata ufi ind'abu. Eegi Yesoni barsiisiti jara ufi kud'ani lamaani hobaase, inni achii kae dira lafa suni keesati nama barsiisafi dubbi odeesu d'aqe. Yohanani, ato mana hid'aansa keesa jiru, waan huji Kristo d'agaye jennaani jara ufi Yesoti erge waan jed'eeni, Nami ind'ufa jed'ani si mo ka d'ibi eenna? Yesoni waan worraani jed'e, Beena, waan d'ageetanifi waan argitani Yohanati hima: ballaani lafa arga, naafi indeema, nami qomaat'a qabu inqulqulla, duudaani ind'agaya, reefale kaasani, Odu Dansa hiyyeeyiti odeesani. Ayaana nama diqole na ind'arefanne. Worri kaani yaanaani, Yesoni waan Yohana biyyati dubbate waan jed'e, Lafa gamooji keesa maani daawachu d'at'ani? Ilaadu qilleensi tabsiisu wo taate? Nama woya lalaaftu uyifatu daawachu d'at'ani? Worri woya lalaaftu uyifatu mana hayyoota keesa tataa. Maafi alati yaatani re? Raaga daawachu d'at'ani? Ee, ammo waan raaga ira jira daawachu d'at'ani. Nami kunini ka waan isaa akana t'aafani, Kuno, anini ergattu tiyya si dura erga, aka kara si durati mid'aasu. D'uguma, waan anini isaniini jed'u, Nami garaa nad'eeni keesaa bue tokoleeni ka Yohana nama batisu ira jiru injiru. Ammo nami Finna gubba ch'ufa keesa ira maand'a isa ira jira. Haga, bara Yohana nama batisu haga arra Finna gubba ya had'ani, worri irre qabu irreeni had'a. Raaga ch'ufaafi Seeri Musa haga Yohana ch'alla woi hime. Yo sila isani d'ugefattani, Yohanani Eliya, ka d'ufiisa isaa himani. Yo gurra qabaattani d'agaya. Duuba d'aloota kana maanti akheekha? Aka ijoolle gabaya keesa teteete jaalaani ufi yaamtu jira, ta waan woliini jettu. Nu dibe isani d'oomne, ammo isani sirbu diddani; ammalle nu iyinnaani isani bohu diddani. Yohanani nyaate d'ugu ind'umne, ammo isani, inni jinni qaba jettani. Ilmi Nama nyaate d'ugu d'ufe, ammo waan jed'ani, Kunini sabdifi nama farso d'ugu, jaala nama, damoosa guurufi nama daba. Tatule, qalbi Waaqa d'uga, waan isiini tolchituuni beekhani. Jennaani Yesoni worra dira qaraa inni keesati waan mama tolche, waan worri daba iraa deebiu dideefi, wollaala iti mure waan jed'e, Gaargala keti, Korazini! Gaargala keti, Bethsaida! Ato sila waan mama ta isani keesati tolchani Tirofi Sidoni keesati duri tolchani, worri arra kale ch'arqi naqate, daara dibate, daba ufi inhimatiini! Ammo anini isaniti hima, guyya qorisa Waaqi isani ira worra Tirotiifi ka Sidoniti naha. Kapernaumu, waan gubba oldeemtu ufi seeta? Fulla ekhera si buusani. Yo sila waan mama ka si keesati tolchani Sodoma keesati tolchani, diri suni haga arra injira. Ammo waan anini siini jed'u, Guyya muumme diri Sodoma sira gooma! Hojja suni Yesoni waan jed'e, Anini galata sii deebisa, Ee Aabbo, Abba lafafi gubba, waan atini waan kana worra qalbi qabuufi worra wo barate d'ossite ijoolle didiqoti mullifteefi. Ee Aabbo, tunini fed'i teeti. Waan ch'ufa Aabbooni ya harka kiyyati kenne. Abba male, nami Ilma beekhu injiru, ammalle nami Abba beekhu injiru, Ilmaafi nama inni iti mullisu fed'u male. Nati koota, nami dad'abefi ka baa ulfo baatu anini isani boqachiisa. Qaampara kiyya keyad'a, naraa barad'a, anini nama laana, ka mata inguddifanne; duuba boqota argattani. Qaampari kiyya sabla, baani tiyya inulfaattu. Bara suni, Yesoni guyya Sabato oobru dargaye keesa dabarraani, jari isaa beelae, jennaani mid'aani t'ururate nyaate. Farisayooni waan kana arginaani waan Yesoni jette, Ilaali, jari kanke waan guyya Sabato tolchu himmalini tolcha. Inni waan worraani jed'e, Isani waan Daudifi jari isa woliini jiru beelomnaani tahani insoomne? Inni Mana Waaqa olseene, qit'a Waaqaa baasani fud'ate, nyaate wahela isaleeni gahe — qit'a nami tokoleeni, qaalole male, nyaachu himmalini. Yokhaani isani Seera Musa keesa aka qaaloleeni guyya Sabato Mana Waaqa keesa seera Sabato ch'absitu ammo wollaala inqamne insoomne? Waan anini isaniti himu, Wonti Mana Waaqa ira guddo arma jirti. T'aafiini waan jettu, yo sila jecha, anini nasu male sorio hori infed'u jed'u beetani, isani nama wollaala inqamne wollaala itimurtani. Wonti akanatiifi Ilmi Nama gudda Sabatooti. Yesoni achi deemnaani Mana Waaqa iti kad'atani toko olseene. Namicha toko ka harki rifateti achi jira. Jennaani aka sila Yeso himatani waan jed'aniini, Guyya Sabato nama fayyisitiini fullaa mo fullaaniti? Yesoni waan worraani jed'e, Isani kana keesa, eennu nami hoola toko qabu, ka yo inni guyya Sabato boola keesa bue, hampaare boola keesaa imbaamne? Nami hoola ira injiru re? Yoosi, guyya Sabato aki waan dansaa tolchani fulla. Jennaani inni waan namichaani jed'e, Harka kanke diriirfad'u. Namichi harka diriirfannaani harki fayye, akuma harka kaani tahe. Ammo Farisayooni yaate koratte, aka isa ijeeftu mariatte. Yesoni waan kana d'ageennaani achi kae deeme, duuba nami hedduuni isa gula yae. Inni nama ch'ufa fayyise, ammalle biyyaani waan kiyya namati inhimina jed'e seerate, aka wonti raagi Isayani jed'e guutamtu: Hojattuuni tiyya ka anini fohad'e kana, ka ani jaalad'u, ka guddo na gammachiisu. Anini Lubbu tiyya isati erga, inni qorsuma tiyya gosa ch'ufati odeesa. Inni imormu yokhaani lalabe iniyu, yokhaani nami tokoleeni qonqo isaa kara keesati ind'agayu. Inni ilaadu melatte inch'absu, yokhaani ifse aartule ind'aamsu, haga d'uga dabsachiisuuti. Gochiti ch'ufti maqa isaa abdatti. Jennaani namicha toko ka jinniini ilaafi afaani duchite Yesotiini d'ufani, Yesoni isa fayyise, duudaani kaani dubbate ilaaleeni lafa arge. Biyyiti ch'ufti mamte waan jette, Kunini hegeri dandae Ilma Daudi taha? Ammo Farisayooni waan kana d'ageennaani waan jette, Nami kunini gudda jinni, ka Beelzebuli jed'aniini, jinni baasa. Yesoni herega worraa beennaani waan worraani jed'e, Nami lafa toko ka gosaani gargari qodamu imbada. Ammalle diri yokhaani mani gargari qodamu aka d'aabatu inqabu. Akasuma duuba yo Sheet'ani Sheet'ana baase, inni yayu gargari qodame; akamiini dandae jabeennaani lafa fida re? Yo anini maqa Beelzebulitiini jinni baase, ilmaani teesani maqa eennutiini baafti? Tanaafi isiti isani qora. Ammo yo anini Lubbu Waaqatiini jinni baase, yo suni Finni Waaqa ya d'iaate. Nami akami dandae mana nama jaba seene miha hata, yo qaraa fiit'e abba mana inhid'iini? Yo suni dandae mana isaa seene hata. Nami na woliini injirre nyaapa kiyya; nami na woliini woingurre wofirfisa. Tanaafi waan anini isaniti himu: Ch'ubbufi araba hama nami wo arabsu, namaa inaraaramani, ammo nami Lubbu Qulqulloti muratu araarama inargattu. Nami Ilma Nama miid'u araarama argata; ammo nami Lubbu Qulqullo miid'u haga jiru jireenna araarama inargattu. Mukhi dansaani mid'aani dansaa d'ala, mukhi hamaani mid'aani hamo d'ala. Mukha ch'ufa mid'aani inni d'aluuni beekhani. Isani ilmoole bofaati! Akami dandeetani waan dansa dubbattani, yo isani hamamo taatani? Wonti akanatiifi afaani waan garaani qabu dubbatani. Nami dansaani hori ufi dansa keesaa waan dansaa baasa; nami hamaleeni hori ufi hama keesaa waan hamtu baasa. Waan anini isanti himu, guyya mura Waaqi nama ch'ufa dubbi didiqo inni jed'e, ta sila jecha himmalini gaafata. Dubbi teetiini d'uga sii murani, ammalle dubbi teetiini wollaala siti murani. Jennaani jara Seera beekhufi Farisayooni waan Yesoni jette, Aabbo, nu akheekha atini tolchitu argu feena. Ammo Yesoni waan jed'eeni, D'alooti kunini hama, Waaqa dida, akheekha barbaada, akheekhi nama agarsiisani injiru, ka raaga Yona male. Akuma Yonani guyya sadifi halkani sadi garaa qurt'umi keesa tae, akasuma Ilmi Namaleeni guyya sadifi halkani sadi boola keesa taa. Biyyiti Ninawi Guyya Mura kaateti d'aloota kana himatti, waan worri maro odu dansa ta Yonani odeeseefi daba iraa deebiefi. Ammo kuno, nami Yona ira jiru arma jira. Guyya Mura hayyitiini lafa Sheba olkaate d'aloota kana himatti isiini muumme lafati baate aka qarooma Solomoni ch'aqaftu; ammo kuno, wonti Solomoni ira jira arma jirti. Hojja jinniini nama keesaa baatu, lafa bisaani inqamne keesa marte boqota barbaaddi; ammo yo d'abdu waan ufiini jettu, Anini mana kiyya ka keesaa d'ufeti deebia. Ammo isiini deebinaani mana duwa, ka harani massani argiti. Isiini deemte jinni torba d'ibi ta isi ira hamtutiini d'ufti; duuba seenani achi qubatani. Jireenni nama suni ka lameeso jireenna qara ira hama. D'alooti hamaani kunileeni akasuma taha. Ato inni tae hasau, haad'afi oboleyaani isaa ala ejaanjani isaani dubbachu fed'ani. Tanaafi nami toko waan isaani jed'e, Ilaali, haatetifi oboleyaani tante ala ejaanjani siini dubbachu fed'ani. Ammo Yesoni waan namicha isati himeeni jed'e, Haad'afi oboleyaani tiyya eennu? Jennaani inni jara ufiti quba qabe waan jed'e, Kuno, haad'afi oboleyaani tiyya jara kana. Nama waan Abbaani kiyya ka gubba fed'u tolchu ch'allati oboleesafi, oboleetifi, haad'a tiyya. Guyyuma suni, Yesoni mana keesaa bahe d'aatu galaana tae. Gumiini guddooni wolti baanaani inni hobolo keesa seene achi tae, duuba gumiini ch'ufti afaani galaana ejaanjite. Inni mammaasaani waan heddu worrati hime waan jed'e, Namichi toko mid'aani fach'aasu d'aqe. Ato inni fach'aasu mid'aani gari d'aatu karaa jigani, simpirreeni d'ufte nyaatte. Mid'aani gari d'akha gubbaa jigani, fulla biyyeeni guddooni injirre. Yoosu biqilani, ammo waan biyyeeni gadi fago intahiniifi, aduuni baanaani qanch'ooratani, duuba waan hidda inqamneefi qanch'arani. Mid'aani gari qoraati keesa jigani, qoraatiini woliini baate ukaamsite. Mid'aani gari biyye dansa gubbaa jigani; mid'aani d'alani, hagi toko d'ibba d'alani, ka gari jaatama d'alani, ka gari sodoma d'alani. Yo gurra qabaattani d'agaya. Jari Yeso gara isaa d'ufe waan jed'eeni, Atini maafi mammaasaani worrati dubbatta? Yesoni waan worraani jed'e, waan Finna gubba ka d'ossani ya isani barsiisani, ammo worra imbarsiimne. Nama waan guddo qabu iti daraniifi, duuba inni quufeti hambisa; ammo nama woma inqamne diqo inni qabule iraa fuud'ani. Maro waan kanatifi anini mammaasaani worrati dubbad'a. Ato ilaalanile inargani, ch'aqasanile ind'agayani, yokhaani imid'aafatani. Tanaafi wonti raagi Isayani jed'e ya guutamte. Inni waan jed'e: Inuma ch'aqaftani ammo inhubattani; inuma ilaaltani ammo imid'aafattani. Garaani gumi tana ya daallae. Gurri worra yayu duude, ilaale ya dunuunfatani, aka woma ingarre, aka gurraleeni woma ind'ageenne aka garaani woma inhubanne, aka nati deebiani, anini imfayimne. Ammo ayaana keesani ka ilti teesani lafa gartu, gurri keesanileeni woi d'agayu. D'uguma, waan anini isaniini jed'u, raagafi nami d'uga hedduuni waan isani agartani kana argu fed'e, ammo argu dad'abe; ammalle waan isani d'ageettani kana d'agayu fed'e, ammo d'agayu dad'abe. Yoosi mammaasa nama mid'aani fach'aasu d'agaya. Yo nami dubbi Finna d'agaye inhubatiini, hamaani kaani d'ufe, waan garaa isaa keesati fach'aasani kaani keesaa fuud'a. Kunini mid'aani d'aatu kara jige. Mid'aani lafa d'akha gubba jige sunini nama dubbi d'agaye hurrise gammadaani fud'atu fakaata. Ammo hidda inqabu, haga diqa obse, hojja d'ipufi gaargali maro dubbi tanaatiifi d'ufu yoosu gufata. Mid'aani qoraati keesati fach'aasani suni nama dubbi d'agaye, ammo herega lafatiifi sobi durooma dubbi taani ukaamse, mid'aani d'alu d'owu fakaata. Mid'aani biyye dansa gubbati fach'aasani suni nama dubbi d'ageennaani mid'aafate, duuba mid'aani d'alu fakaata; toko d'iba toko, ka d'ibiini jaatama, ka gari sodoma d'ala. Yesoni mammaasa d'ibi worrati hime waan jed'e: Finni gubba nama sanyi dansa oobru ufi keesati oobre fakaata. Ammo ato abbaani rafu, nyaapi isaa d'ufe, raafu jiddu dargayeti fach'aase, kae iti d'aabate. Dargayeeni biqillaani mid'aani d'alte, jennaani raafuleeni woliini bat'e. Garbooti abbaati d'ufte waan jetteeni, Aabbo, atini sanyi dansa oobru tante keesati imfach'aamne? Akamiini raafu qabdi re? Abbaani oobru waan jed'eeni, Nyaapa kiyyati waan kana tolche. Garbooti waan isaani jette, Nu d'anne haramnu feeta? Abbaani oobru waan jed'eeni, Hiyyo; hegeri ato haramtanu dargayele woliini bubuqiftani. Lachu ha woliini baatu, haga muraansi gahuuti. Gaafa muraansa, anini waan worra muruuni jed'u, Qara raafu wolti guura, wolti hid'a aka gubani, ammo dargaye khod'o tiyyati galcha jed'aani. Mammaasa d'ibi Yesoni worrati hime waan jed'eeni, Finni gubba waan aka guma dambi fakaata, ka nami toko fuud'e oobru ufi keesati fach'aase. Inni mid'aani ch'ufa ira diqa ammo eegi bahe mid'aani ch'ufa ira guddate mukha gudda taha. Duuba simpirreeni d'ufte dame irati mana jaarati. Ammalle inni mammaasa d'ibi worrati hime, Finni Waaqa ka gubba bukho fakaata, ka niitiini fuute; dargaye d'ebbe lama ta jiisaniti nat'e, haga ch'ufti bukhofte olbatuti. Yesoni mammaasaani waan kana ch'ufa worrati hasae, mammaasa male woma tokole namati inhasoomne. Tunini aka wonti raagi jed'e guutamtu: Anini afaani kiyya banad'e mammaasaani dubbad'a, anini waan haga lafti uumamte d'ossani hima. Jennaani gumi biraa deeme manati gale. Jari isaa gara isaa d'ufe waan jed'eeni, Mammaasa raafu oobru keesa diideesi nuti himi. Yesoni waan jed'eeni, Nami mid'aani dansaa fach'aasu Ilma Namaati; oobruuni lafa tana; mid'aani dansaani ilmaani Finna Waaqati; raafuuni ilmaani Hama Kaani; nyaapi isi fach'aase Sheet'ana. Muraansi waan eegi tana. Worri muruleeni malaika. Akuma raafu wolti guurani ibidaani gubani, akasuma eegi tanale taati. Ilmi Nama malaika ufi erge, isiini Finna isaa keesa waan daba ch'ufaafi worra hameenna tolchu ch'ufa wolti guurte, ibida balaliu keesaa gati; achiti bohani ilkaani qarani. Gaafasi jari d'uga aka adu Finna Abba worraa keesati ifsa. Yo gurra qabaattani, d'agaya. Finni gubba aka hori oobru keesati d'ossani jira, ka nami argate, biyye irati deebise biraa deeme. Gammada ufi keesa waan qabu ch'ufa gurgure oobru suni bitata. Ammalle Finni gubba daldaltu dooqa mid'aadu barbaadu fakaata. Dooqa toko ta gati guddo arginaani deeme waan qabu ch'ufa gurgure bitata. Ammalle Finni gubba t'urura galaana keesa buusani, qurt'umi gosa ch'ufa wolti guuraniini fakaata. Yo guutame, afaani galaanati hirkisani, tataani qurt'umi gargari filani: dadansa olkeyatani, hamamtu gadigatani. Eegi tanale akasuma taati: malaikaani d'ufte nama hamamafi dadansa gargari baafti. Ibida balaliuti guurti, achiti bohani ilkaani qarani. Waan kana ch'ufa hubattani? Worri, Ee jed'eeni. Yesoni waan worraani jed'e, Tanaafi nami seera beekhu ka waan Finna gubba barate, aka abba worraa ka subba ufi keesaa waan hareesafi dullacha baasu fakaata. Yesoni mammaasa kana hobaamnaani achi kae deeme lafa ufi d'aqe, Mana Waaqa iti kad'atani keesati nama barsiise. Nami isa ch'aqase ch'ufti maadefate waan jed'e, Namichi kunini qalbi tanaafi humna waan mama kanaani tolchu eesaa argate? Kunini ilma namicha wo boch'u kaaniiniti? Maqaani haad'a isa Mariamuniti? Oboleyaani isaa Yakobofi Yusufufi Simonifi Yudaniti? Oboleyaani isaa ta dubra nu woliini jirtiniti? Namichi kunini jabeenna kana ch'ufa eesa argate re? Duuba isa quufu didani jennaani Yesoni waan worraani jed'e, Fulla ch'ufati raaga guddisani, ollafi worra isaa keesa male. Inni waan mama achiti intolchine, maro worri d'ugefacha inqamneefi. Hayyu Herode, bara suni, waan Yeso d'agaye, waan tissele ufitiini jed'e, Nami kunini Yohana nama batisu; inni ya duisa keesaa kae; maro waan kanatifi waan mama kana tolcha. Wonti akanatiifi Herodeni duri Yohana qabe hid'aansa keesa kaye, maro Herodia, niiti Filipo, oboleesa isaa. Yohanani waan Herodeni jed'e, Aki atini niiti oboleesa keti barattu fullaaniti. Herodeni Yohana ijeesu fed'e, ammo biyya sodaate, waan biyyiti Yohana raaga seetefi. Ammo guyyaani qaabacha d'aloota Herode geennaani, intalti Herodia biyya durati sirbite Herode gammachiifte. Tanaafi Herodeni kakhate, Waan atini feetu ch'ufa sii kenna jed'eeni. Haati mala d'oofteefi, isiini d'at'e waan jette, Mata Yohana nama batisu qori gubba kayi naa kenni jetteeni. Herodeni lalefate, ammo maro kakhu isaatiifi ammalle maro keessuma isaatiifi, Kennaafi jed'e. Jennaani nama mana hid'aansati erge, Mata Yohana iraa kuta jed'e. Mata isaa qori gubba kayani intalati kennani, isiini gara haad'a geesite. Jari Yohana d'ufe reefa fuud'e awaale, d'aqe Yesoti hime. Yesoni waan kana d'ageennaani achi kae hobolo keesa seene fulla nami injirre d'aqe. Ammo biyyiti gara inni jiru d'ageennaani dira keesa miilaani isa hordofte. Inni alati baanaani nama heddu arge, naheefi nama fayyad'abe fayyise. Lafti galgaloomnaani jari Yeso gara isaa d'ufe waan jed'eeni, Fullaani tunini lafa alooti, aduuni ya d'iite, biyya galchi, ha yaani ollowaani keesa deemani sagale bitatani. Yesoni waan jed'eeni, Worri yau himmalle; isanumaani waan worri nyaatu kennaafi. Worri, Nu qit'a shanifi qurt'umi lama ch'alla arma qamna jed'eeni. Jennaani inni waan jed'eeni, Arma natiini koota. Duuba, Buuyo ira tataa biyyaani jed'e, qit'a shanifi qurt'umi lamaani taani guure, gubba olmillate, Waaqa galata deebise, duuba ch'ach'abse, qit'a kaani jara ufiti kenne; worri biyya qoode. Worri ch'ufti nyaate quufe. Duuba hamba dadu kud'ani lama wolti guurani. Nad'eeni ijoolle male, nami nyaate haga kunki shaniti. Jennaani Yesoni jara ufitiini, Hobolo keesa duuda galaana taaka jed'eeni, ufi isati biyya galche. Eegi biyya galche, koba ufi gaara kore aka Waaqa kad'atu. Lafti galgaloomnaanile kobuma ufi tae; ammo hojja suni hobolooni yayu jiddu galaana geete, d'awaani oli gadi hobolo dadarbite, bubbeeni duddaduuba d'iibde. Baraaqa Yesoni bisaani gubba deeme fulla worraa d'ufe. Ammo jari isaa Yeso galaana gubba deemu arginaani rifate, Ekhera jed'ani sodaatani iyani. Ammo hojuma suni Yesoni worrati dubbate waan jed'eeni, Garaa jabaad'a, ana insodaatiina. Jennaani Petroni waan jed'eeni, Aabbo, yo d'uguma si taate, Bisaani gubba deemi kooti naani jed'i. Yesoni, Kooti jed'eeni. Duuba Petroni hobolo keesaa bahe, bisaani gubba gara Yeso d'aqe. Ammo bubbe arginaani sodaate, ka diquma bisaani keesa illit'iini iye, Aabbo, na qabi jed'e. Hojuma suni Yesoni harka diriirfate isa qabe waan jed'eeni, D'ugefachaani tante diqo! Maafi sodaatte? Worri lachu hobolo keesa seennaani bubbeeni ch'allifte. Jari hobolo keesa jiru isa guddise waan jed'e, D'uguma atini Ilma Waaqaati. Galaana taakinaani lafa Genesareti d'ufani. Worri lafa suni Yeso hubannaani reera suniti d'aamsa ergani nama d'ukuba qabu ch'ufaa isatiini d'ufani. Aka handaara woya isaa tuqani isa kad'atani; jennaani nami tuqe ch'ufti fayye. Jennaani Farisayoofi jari Seera beekhu Yerusalemu bahani gara Yeso d'ufani waan jed'aniini, Jari kanke maafi aada jaarole ch'absa? Hojja sagale nyaatu harka ind'iqatu. Yesoni waan worraani jed'e, Isani maafi aada teesani gula yaatani akasiini seera Waaqa ch'absitani? Waaqi waan jed'e, Abbaafi haad'a tanteti saalfad'u; nama abbaafi haad'a ufi arabsu ha ijeesani. Ammo isani waan jettani, Yo nami abbaafi haad'a ufitiini, waan sila nara argattani yayu Waaqaa kennani jed'e, inni waan abba ufi saalfatuufi inqabu jettani. Tanaafi maro aada teesanitiifi yayu seera Waaqa ch'absitani. Isani kiyyibdoole! Isayani d'uga dubbate, gaafa waan keesani fage! Biyyiti tunini afaanumaani na guddifti, ammo garaani worra nara fago jira. Ufuma na yaamatani, wonti akanatiifi barsiisa ufi keesa seera nama aka seera Waaqa barsiisani jed'e. Jennaani Yesoni biyya ufiti yaame waan jed'eeni, Ch'aqasa, hubad'a. Wonti afaani nama keesa seene nama int'ureesitu, ammo waan afaani nama keesaa bahati nama t'ureesa. Jari Yeso gara isaa d'ufe waan jed'eeni, Farisayooni waan kana d'ageennaani ya dalante, beeta? Inni waan jed'e, Mukha Abbaani kiyya ka gubba inobriini ch'ufa imbuqisani. Lakisa, worri balla. Yo nami ballaani balla d'ibiini deemu, worri lachu boola keesa bua. Jennaani Petroni, Mammaasa kana nu diigi jed'eeni. Yesoni waan jed'eeni, Isanileeni ammalle hubacha inarganne? Aka wonti afaani seene garaati dabarte gadi baatu imbeetani? Ammo wonti afaani keesa baha, herega garaa keesaa d'ufti Duuba suniti nama t'ureesa. Garaa keesaa herega hamafi ijeechafi wolbarachaafi ch'abanumafi hannafi d'arafi arabati baha. Waan kanati nama t'ureesa. Ammo harka t'uritiini nyaachaani nama int'ureesitu. Yesoni achi kae lafa Tirotiifi Sidoni d'aqe. Niitiini gosa Kanaani toko iyaa d'ufte waan jetteeni, Ee Aabbo, Ilma Daudi, naa nahi, intala tiyya yayu jinniini aka hama qabatte. Ammo Yesoni woma deebisufi dide. Jari isa d'ufe waan jed'eeni, Niiti tana arma deemsisi, nu gula deemte nuti iyiti. Ammo Yesoni waan jed'eeni, Gara hooliye badde ta mana Israeli ch'allati na ergani. Ammo niitiini taani d'ufte isa durati jilbifatte waan jetteeni, Aabbo, na qarqaari. Yesoni waan jed'eeni, Sagale ijoolle duraa fuud'ani sare duraa buusitiini fullaaniti. Niitiini taani waan jetteeni, Sunini d'uga, Aabbo; ammo sareleeni hamba abba iraa jijiddu inyaatti. Jennaani Yesoni waan jed'eeni, Haato, d'ugefachaani tante waan guddo. Wonti atini feetu ha sii taatu. Duuba intalti isii hojuma suni fayyite. Yesoni achi deeme d'aatu galaana Galilaya dabre, gaara kore achi tae. Nami hedduuni isati d'ufe, naafafi ballafi farrafi duudafi nama d'ukuba gosa heddu Yesotiini d'ufani, jennaani inni worra fayyise. Tanaafi biyyiti duuda dubbatufi farra fayyufi naafa deemuufi balla lafa argu arginaani maadefatte, Waaqa Israeli guddifte. Jennaani Yesoni jara ufi yaame waan jed'eeni, Anini biyya tanaa naha, waan isiini guyya sadi na woliini teete waan nyaatani d'abdeefi. Anini akanumati worra gadi d'iisu imfed'u, hegeri beelaani karaati gagabani. Jari isaa waan isaani jed'e, Sagale worra geetu lafa aloo tana keesa eesa argina? Yesoni waan worraani jed'e, Qit'a hagami qabdani? Worri, Nu qit'a torbaafi qurt'umi didiqo toko qamna jed'eeni. Yesoni biyyaani, Lafa tataa jed'e, qit'a torbaanifi qurt'umi guure, eegi galata deebise ch'ach'abse, jara isati kenne. Jari biyya dura naqe. Nami ch'ufti nyaate quufe, hamba dadu torba miju guurani. Nad'eeni ijoolle male, nami nyaate haga kunki afuriti. Duuba Yesoni biyyaani, Nagayati jed'e, hobolo keesa seene, gara lafa Magadani d'aqe. Farisayoofi Sadukayoni gara isaa d'ufte aka sila ilaalattu, Akheekha gubba nu agarsiisi jed'aniini. Yesoni waan worraani jed'e, Yo aduuni d'iite galchuuni diimate, bori bokai irroobu jettani. Ammo diirama, Bokai irrooba jettani, waan dumansi guraatae d'ud'ufaeefi. Isaani waan gubba beetani, ammo akheekha bara kana gargari barachu imbeetani. D'alooti hamani Waaqa didu kunini akheekha mama, barbaada akheekhi mama ka anini nama garsiisu injiru ka Yona male. Duuba akasi jed'e kae worra bira iti d'aabate. Jari isaa gama galaanati taakinaani, qit'a fud'achu ded'ani. Yesoni waan worraani jed'e, Bukho Farisayootiifi ta Sadukayo eegad'a. Jennaani jari isaa woliini hasae waan jed'e, Nu qit'aani ind'umne. Yesoni waan kana beennaani waan jed'eeni, D'ugefachaani teesani waan diqo. Maafi hasooftani, Nu qit'a inqamnu jettani? Ammalle inhubanne? Qit'a shanaani ka nami kunki shani nyaate inqaabatani? Ammalle dadu hagami ta hambaa guurtani? Yokhaani qit'a torbaani ka nami kunki afuri nyaate inqaabatani? Ammalle dadu hagani ta hambaa guurtani? Akami inhubanne re aka anini waan qit'a dubbachuti injirre? Bukho Farisayootiifi ta Sadukayo eegad'a. Jennaani aka inni bukho qit'a ta Farisayootiifi ta Sadukayo imbaaniini, ammo barsiisa Farisayootiifi ta Sadukayo eegad'a jed'eeni hubatani. Duuba Yesoni lafa Kaisaria Filipi d'umnaani, jara isaa gaafate waan jed'eeni, Biyyiti, Ilmi Namatiini eennu jetti? Worri waan jed'eeni, Hagi toko, Yohana nama batisu jed'a, ka gari, Eliya jed'a, ka gari, Yeremia yokhaani raaga duri toko jed'a. Yesoni waan worraani jed'e, Ammo isani eennu naani jettani? Simoni Petroni waan jed'eeni, Atini Kristo, Ilma Waaqa jiruuti. Yesoni waan jed'eeni, Ayyaani keti, Simoni, ilma Yona. Nafafi d'iigi waan kana siti imullimne, ammo Abba kiyya ka gubba jiruti siti mullise. Anini siti hima: Maqaani ke Petro yokhaani d'akha, d'akha kana gubbati anini gumi tiyya ijaara. Dooti dandeete jabeenna isii indabsattu. Fura Finna gubba siti kenna; waan atini lafa tana keesati didde gubbaleti didani, waan atini lafati ee jette gubbaleti ee jed'ani. Jennaani Yesoni jara ergattu isaa ch'ufati seere, Aka anini Kristo nama tokoleti inhimina jed'eeni. Eegi suni Yesoni diideese jara ufiti hime waan jed'eeni, Anini Yerusalemu d'aqu male. Harka jaaroletiifi qaalole gugurdotiifi jara Seera beekhutiini gaargala. Ammalle na ijeesani, guyya sadeeso kau male. Duuba Petroni kobati yaame waan jed'eeni, Waaqi si didinna, Aabbo. Wonti kuni tahu himmalle. Ammo Yesoni garagale waan jed'eeni, Na biraa deemi, Sheet'ana; atini na gufachiifta, heregi kanke ka nama male ka Waaqatiiniti. Jennaani Yesoni waan jara ufitiini jed'e, Yo nami tokoleeni na gula deemu fed'e ha ufi mormate, maskali ufi baate na gula deemuti. Wonti akanatiifi nami jireenna ufi baasu fed'u ch'ufti ind'aba; ammo nami jireenna ufi naa jed'e balleesu inargata. Yo waan lafa ch'ufa argatani ammo jireenna ufii d'abani, maani namaa baati? Nami maani dandae gati jireenna ufiti baasa? Ilmi Nama malaika ufi woliini guddinna Abbaatiini d'ufa, duuba nama ch'ufa huji isaa gula waan isaa male kennaafi. D'uguma, waan anini isaniini jed'u, Jara arma ejaanju kana keesa nama haga Ilmi Nama guddinna ufitiini d'ufuti indooneti jira. Eegi guyya jaa Yesoni Petrofi Yohanafi oboleesa isaa Yakobo yaame, gaara d'eera toko koba korsiise. Worra durati jijirame, fuuli isaa aka adu ifse, woyaani isaa aka ifsa adaatte. Jennaani Musafi Eliyaani worrati mullatani Yeso woliini hasaani. Petroni waan Yesoni jed'e, Aabbo guddo dansa aki nu arma jiru. Yo atini feete, hoosa sadi armati jaara; toko keeti tokoleeni ka Musati kaleeni ka Eliyati. Ato inni dubbatu, dumansi adiini toko worrati golle, qonqooni dumansa keesa waan jette, Kunini Ilma kiyya ka anini jaalad'u, ka na gammachiisu, dubbi isaa ch'aqasa jette. Jari isaa qonqo tana d'ageennaani guddo sodaate fuula lafati deefate jige. Ammo Yesoni d'ufe, worra tuqe waan jed'eeni, Kakaa, insodaatiina! Mata olfud'atani jennaani Yeso ch'alla argani. Ato gaara ira gadi buanu, Yesoni, Waan argitani kana nama tokoleti inhimina haga Ilmi Nama duisa keesaa kauti worraani jed'e. Jennaani jari isa gaafate waan jed'eeni, Jari Seera beekhu maafi Eliyaani isa durati d'ufu male jed'a? Yesoni waan worraani jed'e, D'uguma, qaraa fiit'e Eliyati d'ufe waan ch'ufa durati mid'aasa. Ammo waan anini isaniini jed'u, Eliyaani arra kale ind'ufiini, ammo nami isa imbeenne; tanaafi waan fed'ani isa tolchani. Akasuma Ilmi Namaleeni harka worrati gaargala. Jennaani worri aka Yesoni waan Yohana nama batisu dubbatu hubate. Biyyaani baanaani, namichi toko isati d'ufe, durati jilbifate waan jed'eeni, Aabbo, gurba kiyyaa nahi, inni gagabdu qaba, guddo isa garagalchiti. Hojja ch'ufa ibida keesati jiga yokhaani bisaani keesati jiga. Jara keetiitini d'ufeeni jennaani fayyisu dad'abani. Yesoni waan jed'eeni, Ee, worra d'ugefacha inqamne, ka woma imbeenne, haga yoomi anini isani woliini tau male? Haga yoomi obsa? Garana natiini koota. Yesoni isaani lole, jinniini keesaa baate, gurbaani hojuma suni fayye. Jennaani jari Yeso kobati isati d'ufe waan jed'eeni, Nu maanifi jinni suni baasu dad'amne? Yesoni waan worraani jed'e, Maro isani d'ugefacha diqo qabdaniifi. D'uguma, waan anini isaniini jed'u, Yo d'ugefacha diqo haga guma dambi qabaattani, gaara kanaani, Arma buqai, fulla d'ibi deemi, yo jettani, imbuqaa; wonti isani dabsata injirtu. [ Ammo kad'achaafi ufi agabsiti ch'allati jinni akana tana baasa, wonti d'ibiini dandeete imbaaftu.] Jari isaa ch'ufti Galilayati wolti d'umnaani Yesoni waan worraani jed'e, Ilma Nama harka nyaapati, kennani, isa ijeesani, ammo guyya sadeeso kaa. Duuba jari guddo lalefate. Kapernaumu d'umnaani worri gibira Mana Waaqa guuru gara Petro d'ufe waan jed'eeni, Qaallichi keesani gibira imbaasu? Petroni, Imbaasa jed'eeni. Akuma Petroni mana seeneeni, Yesoni qara waan jed'eeni, Simoni, atini maani seeta? Hayyooti lafa gibirafi damoosa eennu iraa guurti? Abbooti lafa mo nama d'ibi iraa guurti? Petroni, Nama d'ibi iraa guurti jed'eeni. Yesoni waan jed'eeni, Yo akasi taate, abbootiini lafa woma imbaaftu. Yo taatele, nu worra kana dalansiisu imfeenu. Gara galaana, d'aqi, t'urura keesa buusi, duuba qurt'umi qara qabdu fuud'i, afaani isii gargari qabi, beese keesati argatta. Fuud'i, anaafi sile baasi. Hojja suni jari Yesoti d'ufe waan jed'eeni, Eennuti Finna gubba keesa nama ch'ufa ira jira? Yesoni gurba diqa toko yaame, jiddu worra teesise waan jed'e, Ilaala, yo jijiramtani aka ijoolle didiqo tana taatani male, Finna gubba diqole inargattani. Nama aka daima kana ufi diqeesuti Finna gubba keesati nama ch'ufa ira gudda. Nami maro maqa kiyyatiifi daima akana fud'atu ch'ufti na fud'ata. Ammo nama ijoolle didiqo akana tana wollaalchise, ira dansa yo sila d'akha daakhu morma isati hid'ani, d'immu galaana keesa buusani. Gaargala lafati, maro wonti nama gufachiisa hedduuni jirtuufi. Wonti akana kunini hojja ch'ufa injirti, ammo gaargala worra waan kanaani d'ufeeti. Yo harki kanke yokhaani miili kanke si wollaalchise, ufira kuti gati! Ira dansa yo hokolte, yokhaani naafatte jireenni argatte, fulla harka lamafi miila lamaani ibida hegeri keesa si buusani. Yo ilti tante si wollaalchifte, ufi keesaa baasi gati! Ira dansa yo ila tokooni jireenni argatte, fulla ila lamaani ibida keesa gadi si gatani. Eegad'a, aka ijoolle didiqo tana tokole intufanne. Anini isaniti hima, malaikaani isii gubbati hojja ch'ufa fuula Abba kiyya dura ejaanjiti. [ Wonti akanatiifi Ilmi Nama ka bade baasu d'ufe.] Maani seetani? Nami hooliye d'ibba toko qabu, yo toko bade, sagaltami sagalaani taani d'eedati lakise, tokocha bade kaani barbaadu ind'aqu? Duuba yo argate, d'uguma, waan anini isaaniini jed'u, inni hooliye sagaltami sagalaani ta taka imbadiini taani ira, hoola tokocha bade kanaafi gammada. Akasuma fed'i Abba keesani ka gubbati, aka ijoolle didiqo tana keesa tokoleeni imbanne. Yo oboleesi kanke siti dabe, kobati yaami gorsi. Yo inni dubbi tante d'agaye, atini ya oboleesa keti waan guddo taate. Ammo yo inni si d'agayu d'ibaate, nama toko lama yaami, aka dubbini ch'ufti d'uga nama lama sadiini taatu. Yo inni dubbi worra d'agayu d'ibaate gumiti himi; ammalle yo inni gumi Waaqa ch'aqasu dide, nyaapafi aka nama damoosa guuruti heregi. Ilaala, waan anini isaniini jed'u, Waan isani lafa tana keesati diddani, gubbaleti ya didani; ammalle waan isani lafati ee jettani gubbaleti ya ee jed'ani. Ammalle waan anini isaniini jed'u, Yo isani nami lama lafa tana irati wold'at'ani, Abbaani kiyya ka gubba waan isani kad'attani isanii kenna. Yo nami lamaa sadi wolwoldae maqa kiyyaani kad'atu, anini jiddu worra jira. Petroni d'ufe waan jed'eeni, Aabbo, yo oboleesi kiyya nati dabe, anini maro hagami araaramaafi? Maro torba? Yesoni waan jed'eeni, Anini maro torba siini injed'u, ammo torba maro torbaatama. Finni gubba hayyu toko fakaata, ka henna garboole ufi hobaafachu fed'e. Herennaani namicha toko ka gati isaa hori muumme inqamne qabu isaatiini d'ufani. Inni baasu dad'amnaani, hayyuuni kaani aka isaafi waan inni qabu ch'ufa, niiti isaatiifi ijoolle isaale gurgurani mure, aka gati suni baasani. Garbichi kaani miila abba ufi durati jige waan jed'eeni, Aabbo kiyya na nahi, waan ch'ufa sii baasa, diqo na eegi. Abbaani kaani naheefi gati ch'ufa lakisefi, Beeni deemi jed'eeni. Nami kaani achii deemnaani, garbicha wahela isaa toko ka gati isaa diqo toko qabu arge, hud'e waan jed'eeni, Gati tiyya naa baasi. Waheli isaa kaani miilati jige, kad'ate waan jed'eeni, Na nahi, sii baasa, diqo na eegi jed'eeni. Ammo inni dide, hid'aansa keesa isa buuse, haga inni gati baasuuti. Garbichi d'ibiini waan kana arginaani guddo dalane, d'aqe abbaati hime. Abbaani kaani garbicha kaani yaame: Atini garbicha woma imbaane, anini gati tiyya ta atini qabdu ch'ufa si lakise, maro atini na kad'attefi. Garbicha wahela keti sule nahu malte, akuma anini sii nahe. Abbaani guddo dalane, garbicha kaani mana hid'aansa keesa buuse, haga inni gati ch'ufa baasuuti. Duuba Yesoni waan jed'e, Abbaani kiyya ka gubbaleeni akasuma isani tolcha, yo isani ch'ufti garaa keesani keesati oboleyaani teesani inaraaramne. Dubbi tana buufannaani, Yesoni Galilaya keesaa bahe, lafa Yudea ta moga galaana Yordani d'aqe. Gumiini guddooni isa gula yaate, achiti inni worra fayyise. Farisayooni gari isati d'ufte waan jetteeni, Yo nami niiti ufi lakise fullaa mo fullaaniti? Yesoni waan jed'eeni, Isani t'aafi keesati insoomne? Qaraa fiit'e Waaqi d'iirafi uwa uume waan jed'e, Maro waan kanatifi d'iirti abbaafi haad'a ufi lakifte niiti ufitiini taka taati, worri lamaani takaa taha. Worri amma nama lamaaniti, ammo taka quba ch'iteeti. Waan Waaqi takaa tolche nami gargari baasu himmalle. Farisayooni waan jetteeni, Musani maafi, Nami tatabe lakisiti niiti ufiti kenne dandae niiti ufi illakisa jed'e re? Inni waan worraani jed'e, Maro jabeenna mata keesanitiifi Musani aka lakisani ee jed'e; ammo gaafa uumama akanaaniti. Waan anini isaniini jed'u, Yo nami niiti ufi ta d'iira d'ibi imbaratiini lakise nad'eeni d'ibi fuud'e, ya seera Waaqa ch'abse. Jari isaa waan isaani jed'e, Yo wonti d'iirsafi niitiyu akana taate, ira dansa yo nami nad'eeni imfuune. Yesoni waan jed'eeni, Nami ch'ufti dandae barsiisa tana gula indeemu, ammo isiini ta worra Waaqi kenneefi ch'alla. Wonti nami nad'eeni imfuuneefi hedduti jira: hagi gari maro akasuma d'alateefi; ka gari maro nami akasi worra tolcheefi; ka gari maro Finna gubbatiifi nad'eeni imfuune. Nami dandau ha barsiisa tana fud'atuuti. Nami gari ijoolle didiqo Yesoti d'ufeeni, aka inni harka ira kaye kad'atuufi. Ammo jari isaa worra d'owe. Yesoni waan jed'e, Ijoolleeni ha nati d'uftuuti, ind'owiina, Finni gubba ka nama akana kana. Harka ijoolle ira kaye duuba kae iti d'aabate. Gaafa toko, namichi toko Yesoti d'ufe waan jed'e, Aabbo, anini waan dansa akami tolchu male aka jireenna hegeri argad'u? Yesoni waan jed'eeni, Waan dansaa maafi na gaafatta? Nami dansaani toko ch'alla. Yo jireenna argachu feete, seera ch'ufa guuti. Namichi kaani waan jed'eeni, Seera kami? Yesoni waan jed'eeni, Inijeesiini d'iirafi nad'eeni wolbarate gaarayu wolintolfatini; inhatiini; inkiyyibiini; abbeetiifi haateti saalfad'u oboleesa kanke aka ufi jaalatu jaalad'u. Namichi kaani, Anini seera kana ch'ufa ya guute; wonti d'ibiini anini tolchu male maani? jed'eeni. Yesoni waan jed'eeni, Yo d'uguma qit'e tahu feete, waan qabdu ch'ufa gurguri, hiyyeeyi qoodi, duuba durooma gubba argatta, kooti na gula deemi. Namichi kaani waan kana d'agaye jennaani aka hama lalefate kae iti d'aabate, waan inni guddo dureesatiifi. Yesoni waan jara ufitiini jed'e, Waan anini jed'u, Guddo jabaatti, aka dureeyiini Finna gubba argattu. Ammalle isaniti hima, Ira laaftu aka gaali qaa lime seenu, fulla dureeyiini Finna Waaqa argattu. Jari isaa waan kana d'ageennaani guddo mame waan jed'e, Eentu dandae baafama re? Yesoni worra ilaale waan jed'eeni, Nami indandau, ammo Waaqi waan tokole indad'abu. Petroni waan jed'e, Ilaali, nu ya waan ch'ufa lakimne si gula yaane, maani arganna? Yesoni waan worraani jed'e, Waan anini isaniti himu, Gaafa Ilmi Nama barch'uma guddinna ufi ira tau, isaniini kud'ani lamaani kunileeni barch'uma guddinna ira teteetani, dubbi gosa kud'ani lama ta Israeli ch'ufa qortani. Ammalle nami maneenifi oboleesafi oboleetifi, abbaafi haad'afi, ilmaaniifi oobru, maro tiyyaafi lakise, maro d'ibba toko deebisaniifi, jireenna hegerile argata. Ammo nami hedduuni ka amma qara ka eege taha, ka amma eege ka qara taha. Finni gubba aka abba oobru zabibu jira, ka ganamaani lafaa kae, nama huji qoru barbaadu. Aka beese huji guyya toko guyyaati kennuufi wold'aqani, oobru zabibuti worra erge. Saa sadi fulla gabaya d'annaani, nama huji inqamne arge waan jed'eeni, D'aqa, oobru tiyya ta zabibu keesa hojad'a, hori isanii baasa. Worri kae yae. Saa jaafi sagalile akasuma tolche. Saa kud'ani tokole gabaya d'annaani nama d'ibi huji inqamne arge waan jed'eeni, Isani guyya kana ch'ufa maanifi arma ejaanjitani, ka woma inhojanne? Worri waan jed'eeni, Nami tokoleeni huji nu inqorre. Inni waan jed'eeni, Yoosi isanileeni d'aqa, oobru tiyya keesa hojad'a. Lafti galgaloomnaani abbaani oobru zabibu waan gudda hojattutiini jed'e, Worra hujiti hori baasi, ka eegitiini iti keyad'u, haga ka qara. Worri saa kud'ani toko qorani kaani d'umnaani beese huji guyya toko argate. Worri qara ganamaani qorani kaani d'umnaani, waan hagasi ira argatani ufi sehani, ammo beesuma suni ch'alla argatani. Hori fud'atani tuffatani abbaati gungumani waan jed'ani, Worri eege qorani kunini diquma toko hojate, ammo nu guyya kana ch'ufa adu tana keesa oolle, duuba atini waanuma worraa kennite nule kennita! Abbaani oobru waan jara suni nama tokooni jed'e, Abbo, ch'aqasi, anini si indabsine; atini aka hojatte beese huji guyya toko argattu ee jetteeniti? Duuba hori kanke fud'ad'u, nagayaani gali. Anini waanuma sii kenne worra eege qorani kaale kennu fed'a. Anini hori kiyya waan fed'u intolchu? Yokhaani waan anini arja taheefi na qot'ifta? Yesoni waan jed'e, Nami qara ka eege taha, ammo ka eege ka qara taha. Ato Yerusalemu deemu jiru, Yesoni jara ufi kud'ani lamaani kara keesa kobati yaame waan jed'eeni, Ch'aqasa, nu Yerusalemu yau jirra, achiti Ilma Nama harka qaalole gugurdotiifi ka worra Seera beekhuti kennani. Worri dua iti mure, harka gosa d'ibiti kenna, isa goyeesani, lichooni d'aanani, mukhati fannisani, ammo guyya sadeeso isa kaasani. Haati ijoolle Zebedayo ilmaani ufitiini Yesoti d'ufte, durati gadi jette wo kad'atte. Yesoni waan jed'eeni, Maani feeta? Isiini waan jette, Aka ilmaani tiyya tuni lamaani, Finna kanke keesati, harka kanke ka mirgatiifi ka bitale teteetu fed'a. Yesoni waan worraani jed'e, Isani waan kad'attani imbeetani. Isani dandeetani mudunu anini keesa d'ugu ind'uddaniini? Indandeenna jed'aniini. Inni waan jed'eeni, D'uguma mudunu tiyya keesaa d'uddani, ammo anini jabeenna nama harka kiyya mirgafi bitaachaani tau fohad'u inqabu. Fullaani tunini tama worra Aabbooni kurfeeseefi. Jari kud'annaani kaani waan kana d'ageennaani oboleyaani taani lamaanti dalane. Ammo Yesoni worra ch'ufa wolti yaame waan jed'eeni, isani imbeetani, aka jari gugurdaani gosa d'ibitiifi jari lafa fidu jabeenna qabu. Ammo isani akasiiniti. Yo nami toko gudda tahu fed'e, ha hojattu nama ch'ufa tahuuti. Ammalle nami ka qara tahu fed'u tisse teesani tahuuti — akuma Ilmi Nama, aka nami isa hojattufi ind'ufiini, ammo aka namaa hojate, jireenna ufi maro nama heddutiifi baasu d'ufe. Ato worri Yeriko keesaa bahu jiru, gumiini guddooni Yeso gula yaate. Jari ballaani lamaani toko ka d'aatu kara tatau, aka Yesoni kara suni gula deemu d'ageennaani iyani waan jed'ani, Ilma Daudi, nuu nahi. Gumiini worra d'owarte, Ch'allisa worraani jette. Ammo Yesoni waan worraani jed'e, Ana maani isani tolchu feetani? Worri waan jed'eeni, Sii ila nuu bantu feena! Yesoni worraa nahe, ila worraa tuqe, hojuma suni lafa argani isa gula yaani. Yerusalemuti d'iaannaani, Bethfage fulla Gaara Ejersa jed'ani d'ufani. Achiti Yesoni d'aamsa kanaani jara ufi lama erge: Olla nu dura suni d'aqa, harre bukhura isii woliini mukhati hid'ani gartani. Hiikha, natiini koota jed'e. Yo nami tokoleeni woi jed'e, waan jettaniini, Motichati fed'a jed'a, inni hurrise erga. Tunini aka wonti raagi jed'e guutamtu: Waan dira Sionitini jettu: Hayyuuni kanke siti d'ufu jira, inni nama laana, harre yaabata, inni bukhura harre yaabata. Jari suni deeme waan Yesoni jed'eeni tolche, harrefi bukhura isitiini d'ufani, woya ufi rara tolchani, Yesoni yaabate. Gumiini guddooni woya ufi kara keesa afte, nami gari dame mukhaa ch'ire lafa afe. Gumiini Yeso dura yaatufi ta duuba yaatu iyite waan jette, Ilmi Daudi ha guddifamu. Ka maqa Aabbootiini d'ufu ha eebifamu! Waaqa ha faarsani jed'ani! Yesoni Yerusalemu seennaani diri ch'ufti wolti kae. Kuni eennu? jed'ani. Gumiini taani waan jette, Inni raaga Yeso jed'ani, ka Nazareti Galilaya keesaa d'ufu. Yesoni Mana Waaqa olseene, worra keesati woi bitatufi ka gurguratu had'e, mesa worra hori jijirutiifi barch'uma worra sabaliisa gurguru ch'ufa garagalche waan jed'eeni, T'aafi keesati waan Waaqi jed'e, Mana kiyya mana kad'acha jed'aniini, ammo isani goda hattu tolchitani. Ballafi naafi ch'ufti Mana Waaqa keesati isati d'ufe, inni worra fayyise. Qaalole gugurdofi jari Seera beekhu waan dansaa inni tolcheefi ijoolle Mana Waaqa keesati iyite, Ilmi Daudi ha guddifamu jettu d'ageennaani dalanani. Worri waan Yesoni jed'e, Waan worri jed'u d'ageeta? Ind'agaya jed'e. T'aafi keesa taka insoomne? Isani ya ijoolleefi daima aka faaru d'uga baaftu barsiiftani. Yesoni worra biraa deeme, Bethania d'aqe achi bule. Diirama lameeso, ato dira d'aqu jiru, Yesoni beelae. Oda toko d'aatu karaati arge, jennaani d'aqe ammo baala male woma iraa d'abe waan jed'eeni, Iti deebite mid'aani ind'aliini. Hojuma suni mukhi kaani gogoge. Jari isaa waan kana arge jennaani mame, Odaani eesa akana hurrise gogoge? jed'ani wolgaafatani. Yesoni waan jed'eeni, D'uguma, waan anini isaniini jed'u, Yo isani d'ugefattani, woljaji keesa injirre, isani dandeetani waan anini mukha oda kana tolche tolchitani. Tana ch'allaleniti, ammo yo gaara kanaleeni, Kai, galaana keesa bui jettani, duuba intaati. Yo d'ugefattani waan kad'attani ch'ufa inargattani. Yesoni Mana Waaqa olseene; ato nama barsiisu, qaalole gugurdofi jari gugurdaani Yahudi isati d'ufani waan jed'aniini, Atini jabeenna kamiini waan kana tolchita? Eentu jabeenna kana sii kenne? Yesoni waan jed'eeni, Anileeni gaafi toko isani gaafad'a; yo isani naa deebiftani, anileeni jabeenna waan kana tolchuuni isaniti hima. Batisooni Yohana eesaa d'ufte? Waaqa biraa d'ufte mo nama biraa d'ufte? Worri wolmorme waan jed'e, Maani jenna? Yo nu Waaqa biraa d'ufte jenne, inni waan nuuni jed'u, Maafi Yohana ind'ugefatiina re? Ammo yo nu nama biraa d'ufte jenne, nu biyya sodaanna, waan nami ch'ufti Yohana raaga sehuufi. Tanaafi worri waan Yesoni jed'e, Nu imbeennu. Inni waan worraani jed'e, Yoosi, anileeni jabeenna waan kanaani tolchu isaniti inhimu. Isani maani seetani? Nama ilmaani lama qabuti jira. Inni gara angafa d'aqe waan jed'eeni, Oobru zabibu arra d'aqi keesa hojad'u. Gurbaani kaani, Ani indeemu jed'eeni; ammo eege herega ufi jijirate kae deeme. Abbaani gara ilma mand'icha d'aqe akasuma jed'eeni. Aabbo, hayye ind'aqa jed'e, ammo d'aqu dide. Eentu fed'i abba ufi guute? Angafa jed'aniini. Yesoni waan jed'e, Waan anini isaniti himu, sharmut'afi worri damoosa guuru isani durati Finna Waaqa argata. Yohanani nama batisu d'ufe kara d'uga isani agarsiise, ammo isani d'ugefachu diddani; tatule worra damoosa guurufi sharmut'ileeni isa d'ugefatte. Eegi waan kana gartanile, qalbi teesani garagalchitani isa d'ugefachu diddani. Mammaasa kana ch'aqasa. Abba oobru toko jira ka oobru zabibu oobrate, dallaani marse, fulla daad'i iti ch'ach'arasanifi doofi oobru jaarate. Oobru ufi harka namati lakise, imaltu d'aqe. Yoi zabibu murani geennaani, inni tissele ufi erge, aka qooda mid'aani argatu. Jari oobru qorqoratu kaani tisse toko d'aane, toko ijeese, toko mata d'od'oose. Ammalle abbaani oobru kaani tissele d'ibi erge, ta haga qara ira jirtu, ammalle jari oobru qorqoratu kaani akasuma worra tolche. Muumme qit'issu, ilma ufi erge, Ilma kiyya inuma sodaatani jed'e. Ammo worri oobru qorqoratu kaani ilma arginaani waan woliini jed'e, Ilmi abba oobru kana, koota inijeemna; duuba d'aala ch'ufa imfud'anna. Duuba isa qabani, oobru keesaa baasani ijeesani. Yesoni waan jed'eeni, Abbaani oobru, yo d'ufu, maani worra oobru qorqoratu kana tolcha seetani? Worri waan jed'eeni, Inni d'uguma worra daba suni fit'eti, oobru nama d'ibiti kenna, ka qooda mid'aani yo hojjaani geete, isaa kennu. Yesoni waan worraani jed'e, Isani waan t'aafiini jettu taka insoomne? D'akhachi ijaartuuni tuffatte dide ya d'akha ch'ufa ira jabaa tahe. Aabbooti waan kana tolche, ila teenna durati wonti kuni waan mamaati! Tanaafi anini isaniti hima, Finna Waaqa isani iraa fuud'ani worra mid'aani dansa baasuuti kennani. [ Nami d'akha kana gubbati jigu imbututa; yo d'akhaani nama gubba buele nama butucha.] Qaalole gugurdofi Farisayooni mammaasa Yeso d'ageennaani, aka inni waan worra dubbatu hubatani; isa qabu fed'ani, ammo gumi sodaatani, ta Yeso raaga seete. Yesoni ammalle mammaasaani biyyati dubbate waan jed'e, Finni gubba hayyu ilma ufi dubra fuusise, tissele keessuma yaamtu erge, ammo keessumaani d'ufu didde fakaata. Tanaafi hayyuuni kaani tissele d'ibi erge waan jed'eeni, Amma mirgoolefi jiboota tiyya yayu qalani, wonti ch'ufti ya kurfoofte, keessumaani jila fuud'a, Koota jed'aani. Ammo keessumaani ch'ufti jalaa didde; toko oobru ufi d'aqe, tokoleeni daldala ufi d'aqe; ta gari tissele guurte d'aante fitt'e. Hayyuuni guddo dalane, askarti ufi erge, worra nama ijeese suni ch'ufa fit'e dira worrale gube. Jennaani tissele ufi gadi yaame waan jed'eeni, Jilti tiyya kurfo jirti, ammo worri anini yaame jilaa himmalle. Kara dira gula yaa, namuma gartani yaama. Tisseleeni kara gula yaate nama agarte ch'ufa dansaafi hamale yaamte, nami mana fuud'aa guute. Hayyuuni mana fuud'aa olseene keessuma ilaale; nama toko ka woya fuud'a ufira inqamne arge, waan jed'eeni, Isii, abbo, atini akami woya fuud'a male arma seente? Ammo namichi kaani waan jed'u d'abe. Duuba hayyuuni waan tisseleeni jed'e, Harkafi miila wolti hid'a, alati baasa, ha achiti bohe ilkaani qaru. Wonti akanatiifi nami yaamani heddu, ammo ka fohatani diqa. Farisayooni yaate aka Yeso afaani fuutu wolmariatte. Jara worraatiifi jara Herode woliini Yesoti ergani waan jed'ani, Aabbo, nu imbeenna aka atini nama d'uga, atini waan Waaqi nama ira fed'u akuma d'uga barsiifta; waan nami jed'ule iyaaltu. Me, herega kanke nuti himi. Aki gibira hayyu Rumiti baasani fullaa mo fullaaniti? Yesoni ch'ubbu worra beennaani waan jed'e, Isani kiyyibdoole! Maanifu afaani na fuud'u feetani? Shilingi toko na agarsiisa jed'e. Worri shilingi toko agarsiise jennaani inni waan jed'e, Matafi maqa eennu irati t'aafani? Ka hayyu Kaisari jed'ani. Jennaani Yesoni waan jed'eeni, Yoosi hayyu waan isaa male baasa, Waaqale waan maleefi baasa. Waan kana d'ageennaani mamani, biraa yaani iti d'aabatani. Guyyuma suni Sadukayoni gari fulla Yeso d'ufte. (Sadukayoni worra, Duisa keesaa kaisi injiru jed'u.) Duuba isiini waan jette, Aabbo, waan Musani barsiise, Yo nami ilmaani male due, oboleesi isaa niiti isaa fuud'e, oboleesa ufiti ilmaani d'alu male jed'e. Duuba oboleyaani torbaati ta woliini teetu jira, angafi dubra fuud'e ilme male due, Niiti taani oboleesi lameeso d'aale, innileeni akasuma ilma male due ka sadeesoleeni isi fuud'e akasuma due, duuba eege oboleyaani hafte taaleni ch'ufti akasuma raawate. Eege niitiini taleeni doote. Gaafa worra due kaasani isiini niiti eennu taati? Worri torbaanu yayu isii fuud'e. Yesoni waan worraani jed'e, Isani guddo wollaaltani, maro isani T'aafifi jabeenna Waaqa imbeenneefi. Worri due, yo kaasani, aka malaika Waaqa jira, d'iirafi nad'eeni wolimfuud'ani. Ammo, waan kaisa worra due, waan Waaqi isaniini jed'e insoomne? Inni waan jed'e, Anini Waaqa Abrahamutiifi Waaqa Isaaqotiifi Waaqa Yakoboti. Akasi jechuuni, inni Waaqa worra jiruuti, ka worra duetiiniti. Gumiini waan kana d'ageennaani guddo waan barsiisa isaa mamte. Farisayooni aka Yesoni Sadukayo ch'allisiise d'ageennaani wolti d'ufte, jennaani qaallichi Seera toko aka isa ilaalatu wo isa gaafate waan jed'e, Seeri Seera ch'ufa ira jaba kami kana? Yesoni waan jed'e, Aabbo Waaqa kanke jaalad'u, garaa kanke ch'ufaani, lubbu tante ch'ufaani, qalbi tante ch'ufaani. Seeri ch'ufa ira jaba ka qara kana. Ka lameesotiini wolfakaata: Nama ch'ufa aka ufi jaalatu jaalad'u. Seera Musatiifi barsiisani raaga ch'ufti seera kana lamaani ch'allaani guutamti. Farisayooni wolwoldeennaani, Yesoni waan jed'eeni, Waan Kristo maani hereddani? Inni ilma eennu? Inni ilma Daudi jed'aniini. Yesoni waan jed'e, Daudini, Lubbu Waaqa gula, maafi Aabbo isaani jed'e re? Wonti akanatiifi Daudini waan jed'e, Aabbooni waan Abba kiyyaani jed'e: Mirga kiyya tai, haga anini nyaapa kanke miila kanke jalati deebisuti. Yo Daudini Aabbo isaani jed'e, Kristoni akami ilma Daudi taha re? Nami tokoleeni deebisu dad'abe, haga guyya suniti asi, nami tokoleeni woma isa gaafachu sodaate. Yesoni gumifi jara ufitiini hasae waan jed'e, Jara Seera beekhufi Farisayooni waan Seera Musa himti. Tanaafi waan worri tolcha jed'u ch'ufa tolchu maltani, ammo waan worri tolchu intolchiina, waan worri waan nama barsiisu ufii inguunneefi. Seera jajaba mid'aasani qach'eera namati hid'ani, ammo ufii baa ulfo suni qubaleeni tuqu imfed'ani. Waan ch'ufa aka nami worra argu tolchani. Qud'aami worri addafi harkati hid'atu waan gugurda, handaari woya worraleeni waan d'ed'eera. Fulla jilati fulla dadansa fed'ani, maneeni Waaqa iti kad'atani keesale barch'uma dadansa fed'ani. Aka nami fulla gabayati nagaya worra fuud'u fed'ani, nama Rabbi worraani jed'u fed'ani. Ammo Rabbi nami isaniini jechu himmalle, wonti akanatiifi isaniini ch'ufti oboleyaani, barsiiftu toko ch'alla qabdani. Ammalle nama lafa tana keesa jiru tokoleeni Aabbo injed'ina; wonti akanatiifi isani Abba toko ch'alla qabdani, ka gubba jiru. Yokhaani Moticha nami isaniini jechu himmalle; wonti akanatiifi motichi keesani Kristo ch'alla. Nami isani ch'ufa ira gudda ha hojattu teesani tahu. Nama ufi guddisu indiqeesani, ammo nama ufi diqeesu inguddisani. Gaargala keesani jara Seera beekhufi Farisayo! Kiyyibdoole! Isani Finna gubba nama duraa ch'uftani, ammo ufile inseentani, yokhaani worra seennu fed'ule d'owartani. [ Gaargala keesani, isani jara Seera beekhufi Farisayo! Kiyyibdoole! Isani nad'eeni d'iirsi iraa due dabsitani, waan worra hattani, kad'acha teesani kiyyibafi d'eersetani. Maro waan kanatifi nama ch'ufa ira gaargaltani.] Gaargala keesani, jara Seera beekhufi Farisayo! Kiyyibdoole! Galaana taakitani, lafa fago yaatani, aka nama toko aada teesani barsiiftani; yo inni barate, maro lama haga keesanile ira ibidaa male! Gaargala keesani, balloota nama dura yaatu! Yo nami Mana Waaqatiini kakhate womaniti jettani barsiiftani; ammo yo inni worqi Mana Waaqa keesa jirtuuni kakhate akasi woi jettani barsiiftani. Isaani daalle ila inqamne! Worqi mo Mana Waaqaati ira jira, ka worqi qulqulleesu? Ammalle yo nami waan sorio irati qalanini kakhate, womaniti jettani barsiiftani, ammo yo inni sorio waan sorio irati qalani gubba teetuni kakhate woi jettani. Isani guddo balla! Sorio mo waan sorio irati qalani ka sorio qulqulleesuti ira jaba? Tanaafi yo nami waan sorio irati qalanini kakhate, inni waan sorio irati qalaniifi waan gubba jiru ch'ufaani kakhata; akasuma yo nami Mana Waaqatiini kakhate, isaafi Waaqa achi tauleeni kakhata; ammalle yo nami gubbaani kakhate inni barch'uma Waaqatiifi nama ira tauleeni kakhata. Gaargala keesani, jara Seera beekhufi Farisayo. Kiyyibdoole! Qooda kud'anneeso ka gurbi urgotiifi waan d'ibi ka sagaleeni urgesanile Waaqa baaftani, ammo barsiisa isa jajabdu ta Seera diddani, ta aka nagayafi nasufi d'ugaa. Waan kana guutu maltani, ato seera d'ibile indinne. Balloota, nama dura yaatu! Tiite aanani keesaa fud'attani, ammo gaala liqimsitani! Gaargala keesani, jara Seera beekhufi Farisayo! Kiyyibdoole! Qorifi mudunu ala d'it'ani, ammo keesa isii hannafi ufi jaalachaani guutani. Farisayo balloota! Waan mudunu keesa jira d'iqi, duuba alileeni inqulqullaa. Gaargala keesani, jara Seera beekhufi Farisayo! Kiyyibdoole! Isani aka awaala gubbaa adeesani jirtani, ka alaani guddo mid'aagu, ammo keesi lafefi waan shame qaba. Akasuma alaani isani dansaa fakaattani, ammo garaani keesani d'arafi daba qaba. Gaargala keesani, jara Seera beekhufi Farisayo! Kiyyibdoole! Awaala mimid'aaga raagaa tolchitani, waan worra d'ugatiini qaabatani gubbaa jaartani, waan jettani, Yo nu sila bara ababoota teenna lafa jiraanne, nu aka worraa raagoota inijeemnu jettani. Isani, Nu ilmaani worra raagoota fit'e jettani ufi d'ugeesitani. Dura yaa me, waan ababooti teesani qara tolchite hobaasa. Isani bofafi ilmaani bofaati! Murisa hegeri dandeetani duraa imbaatani. Tanaafi waan anini isaniti himu: Anini raagootafi worra qalbi qabuufi qaaloota isani erga; ka gari fitt'ani, ka gari mukhati fanniftani, ka gari Maneeni Waaqa iti kad'atani keesati lichooni d'aantani, dira ch'ufa keesaa haatani. D'iigi worra woma iyakini ch'ufti mata keesani gubba jira, d'iiga Habiliti haga d'iiga Zekaria ilma Barakia, ka isani Mana Waaqatiifi waan sorio irati baasani jiddu lamanti ijeeftani. Anini isaniti hima, wonti kunini ch'ufti mata d'aloota kana gubba buuti. Ee Yerusalemu, Yerusalemu, atini raagoota fitt'e ergattu Waaqi siti erge d'akhaani d'oossite. Maro hagami anini nama kanke ch'ufa, aka lukuuni ilmoole ufi koola jalati guuratu sila guuru fed'e, ammo atini indidde. Amma worri kanke ona taha. Waan anini isaniti himu, Arraa achi iti deebitani na ingartani, haga isani, Waaqi nama maqa Aabbootiini d'ufu ha eebisu jettaniti. Ato Yesoni Mana Waaqa keesaa bahu jiru, jari isaa isati d'ufe, aka ijaarsa Mana Waaqa isa agarsiisu. Inni waan jed'eeni, Waan kana ch'ufa agartani? Waan anini isaniti himu, d'akhaani tokoleeni woli irati inhafu, ch'ufa gargari jissani. Ato Yesoni gaara Ejersa jed'ani gubba tau, jari isaa koba isati d'ufe waan jed'eeni, Wonti kunini ch'ufti yoomi taati? Akheekhi d'ufiisa kanketitiifi guyya muumme maani? jed'ani gaafatani. Yesoni waan jed'e, Eegad'a, nami tokoleeni isani insobini. Wonti akanatiifi nama hedduti maqa kiyyaani d'ufe, Anini Kristo isaniini jed'e, nama heddu soba. Wolhad'iisa d'iotiifi ka fagole ch'ufa ind'ageetani, ammo insodaatiina, wonti kunini ch'ufti d'ufu malte, ammo muummeeni ind'iaanne. Lafti toko lafa d'ibi haati, hayyuuni toko hayyu d'ibi had'a. Fulla ch'ufa beelafi lafa chochoititi d'ufa; wonti kunini ch'ufti aka ch'iniinsu d'ala jirti. Isani qabani gaargalchani duisa isaniti murani. Maro tiyyaafi gochi ch'ufti isani jibbiti. Nami hedduuni hojja suni d'ugefacha lakisa, woli gurguratani, woljibbani. Jennaani raagi d'ara hedduuni d'ufe nama heddu soba. Hameenni heddate jennaani jaalalti nama heddu qabanoofti. Ammo nami haga muumme obsu imbaha. Odu Dansa tana ta Finna lafa ch'ufa keesati odeesani, aka gosa ch'ufati d'ugeesani, eegi suni muummeeni d'ufti. Isani waan jibbani, ta nama rifachiisa, ta fulla qulqullo ejitu, ta raagi Danielini waan isii dubbate ya argitani (nami soomu ha hubatu) hojja suni worri Yudea keesa jiru ha gareeniti baqatu. Nami mana gubba jiru mana seene woma imfud'atiini. Nami oobru keesa jiru mana d'aqe woya imfud'atiini. Gaargala nad'eeni hojja suni garaacha qabduufi ta ijoolle hoosiftu! Kad'ad'a, aka bara d'aamochatiifi guyya Sabato imbaqanne! Gaargali guyya suni gaargala taka haga lafti uumamte haga arrale ind'ufiini taha. Wonti akasi iti deebite lafa ind'uftu. Ammo Waaqi ya guyya suni gabaabse; yo inni akasi intolchiini, nami tokoleeni sila imbahu. Maro worra inni fohateefi, Waaqi guyya ingabaabsa. Yo nami, Kuno, Kristoni arma jira jed'e, yokhaani, Achi jira jed'e, ind'ugefatiina. Wonti akanatiifi Kristo d'aratiifi raagi d'ara ind'ufa, akheekhafi waan mama heddu tolchani, aka worra Waaqi fohate sobani, yo sila dandaani. Me, anini waan kana ato guyyaani ingahiini ya isaniti hime. Yokhaani, yo nami, Ilaala, inni lafa gamooji keesa jira jed'e, achi indeemina; yokhaani yo, Inni armati d'okhachu jira jed'ani, ind'ugefatiina. Akuma angaasuuni mirgaa bita angaatu, akasuma Ilmi Nama tassa d'ufa. Fulla reefi jiruti allaatiini buuti. Maro tokotu, eegi garagala guyya suni, aduuni indukanoofti, jii iti deebie inifsu, urjiini gubba gadi jiddi, jabeenni gubba inhargufama. Duuba akheekhi Ilma Nama gubbati mullata; gochiti lafa tana ch'ufti imbooti, Ilma Nama ka dumansa keesa jabeennaafi guddinnaani gadi buu argani. Magalata gudda d'aani, inni malaika ufi moga lafa afraaniti erga, gumi inni fohate haga muumme tanaafi haga muumme suni woltiguurani. Mukhi oda ha woi isani barsiisu. Yo dameeni isaa dotaate latte baala baafte, aka lafti ch'aamsa imbeetani. Akasuma yo waan kana agartani aka inni d'io jiru, ka diquma isani hanqatu beekha. D'uguma, waan anini isaniini jed'u, Wonti kuni ch'ufti, ato nami amma jiru inhobaane taati. Lafafi gubbaani indabarti, ammo dubbini tiyya tokoleeni indabartu. Nami hojafi guyya suni beekhu injiru, malaika gubbatiifi Ilmileeni imbeekhani, Abba ch'allati beekha. D'ufiisi Ilma Nama aka gaafa Nuhu taha. Haga lollaani d'ufe Nuhuuni hobolo inseeniini nyaatani d'ugani wolfuud'ani. Ammo haga bisaani fach'aani worra liqimsaniti worri woma inhubanne. Guyya Ilmi Nama d'ufule akasuma taati. Hojja suni nama lamati oobru keesa woliini hojachu jira: toko fuud'ani, kaani lakisani. Nad'eeni lama ta d'akha daakhu jirti: toko fuud'ani, taani lakisani. Eegad'a duuba, guyya Aabbooni keesani d'ufu imbeetani. Waan kana qaabad'a: Abbaani mana, yo sila hojja hattuuni d'uftu beekhe, mana ufi iraa d'owa. Maro waan kanatifi, hojja ch'ufa kurfo tahu maltani. Ilmi Nama hojja isani insehanne d'ufa. Hojattuuni d'ugatiifi qarooni tami? Inni ka abbaani isaa gudda hojattu ch'ufaa tolche, aka sagale hojja saatiini geetu kennuufi. Hojattuuni suni guddo gammada, yo abbaani isaa isa hojachu jiru worrati galu. D'uguma, waan anini isaniini jed'u, abbaani suni gudda waan qabu ch'ufa isa tolcha. Ammo yo inni hojattu hamtu taate, waan inni ufiini jed'u, Abbaani kiyya d'ufu ingeenne jed'e, hojattu ch'ufa d'aane, sagale nyaate, worra farso d'ugu woliini d'uga. Abbaani hojattu suni guyya inni insehannefi hojja inni imbeenne d'ufe, Abbaani kaani gargari isa ch'ich'ire jara kikiyyibani wolti dara. Achiti bohe ilkaani qara. Guyya suni Finni gubba aka dubra kud'ani, ta ifse fud'atte, abba fuud'a argu d'at'e fakaata. Shani qaro, taani gowoota. Gowoleeni taani ifse fud'atte, ammo d'ad'a bobeesaniini lakifte; qarooni taani waan d'ad'a iti naqani d'ad'a guute fud'atte. Abbaani fuud'aa ture jennaani dubriti taani mudde rafte. Halkani guddo qonqooni d'ufte, Abbaani fuud'a kana, koota isa arga jed'ani. Dubriti kud'annaanu kaate ifse bobefatte. Gowoleeni taani waan qaro taaniini jette, D'ad'a nu ch'obsa; ifseeni teenna d'aamu jirti. Qarooni taani waan jetteeni, Hiyyo, wolti nu ingahu, beena bitad'a. Gowoleeni taani d'ad'a d'ibi bitachu d'at'i, iti d'aabannaani, abbaani fuud'aa d'ufe. Dubriti kurfo taate taani jila fuud'a olduude, balbala ch'ufani. Eegi suni dubriti gowaani shanaani taani dachaate, Aabbo, Aabbo, balbala nu bani jette. Ammo abbaani fuud'a waan jed'e, Lakisa, anini fuula isani imbeekhu. Eegad'a duuba, isani guyyafi hojja imbeetani. Gaafasi finna gubbaa aka nama imaltu deemu fed'u, ka hojattu ufi yaame, waan qabu ch'ufa harka worraati lakise jira. Inni nama ch'ufa waan inni dandau iti kenne. Toko shilingi kunki shantama iti kenne, ka lameeso kunki diddama iti kenne, ka sadeeso kunki kud'ani iti kenne, kae iti d'aabate. Namichi kunki shantama iti kennani kaani d'aqe daldaleeni, kunki shantama d'ibi argate. Namichi kunki diddama iti kennanileeni akasuma kunki diddama d'ibi argate. Ammo namichi kunki kud'ani iti kennani kaani d'aqe, boola qote, hori kaani achiti d'osse. Abbaani hojattu taani guddo ture gadi deebie, henna suni ch'ufa worra woliini tolche. Namichi kunki shantama iti kennani kaani d'ufe, kunki shantama d'ibi iti kenne waan jed'e, Atini kunki shantama nati kennite, ilaali, kunkiini shantama d'ibileeni tana. Abbaani waan jed'eeni, Aka d'iiraa tolchite, atini aka dansaa daldalte, tanaafi anini waan guddo harka keetiti kenna. Kooti, woliini gammanna. Namichi shilingi kunki diddama iti kennani kaani d'ufe waan jed'e, Atini kunki diddama nati kennite, ilaali, kunkiini diddama d'ibileeni tana. Abbaani waan jed'eeni, Aka d'iiraa tolchite, atini aka dansaa daldalte, tanaafi anini waan guddo harka keetiti kenna. Kooti, woliini gammanna. Jennaani namichi shilingi kunki kud'ani iti kennani kaani d'ufe waan jed'e, Aabbo, anini imbeekha aka atini nama hama, atini waan inobriini murte mid'aani imfach'aasiini khod'oti galchita. Anini sodaad'e hori kanke boola keesati d'osse; ilaali, horiini kanke kana. Abbaani waan jed'eeni, Atini hojattu hamtu, ammalle laafa; atini aka anini waan inobriini murad'e mid'aani imfach'aasiini khod'oti galchu imbeetayu? Yoosi, hori kiyya oli naa kayu malte, aka anini hojja gale waan isiini d'alte woliini fud'ad'u. Tanaafi hori suni isa iraa fuud'a, namicha kunki d'ibba toko qabuti kenna. Wonti akanatiifi nama woi qabu iti darani, ammo ka woma inqamne waan inni qabule iraa fuud'ani. Hojattu woma imbaane tana d'aqa, dukana keesa ala buusa; achiti bohe ilkaani qara. Guyya Ilmi Nama guddinna ufitiini d'ufu malaika ch'ufa woliini, inni barch'uma guddinna ufi gubba tae, nami lafa tana ch'ufti isa durati wolwoldaa. Jennaani inni fulla lamati gargari worra foha, akuma tissituuni ree ufi, hooliyefi laleesa gargari footu: hooliye harka mirga deebise, laleesa harka bitaacha deebisa. Duuba Hayyuuni waan hooliye harka mirgatiini jed'u, Abbaani kiyya ya isani eebise, koota, guddinna haga lafa uumani isani mid'aasani seena. Gaafa anini beela qabu beela naa baaftani, ana d'eebu qabu, d'eebu naa baaftani, ana keessuma na bulchitani, ana daara qabu daara na baaftani, anini fayya d'amnaani na qorqorattani, na hid'ani jennaani d'uftani na ilaaltani. Worri d'uga duuba waan jed'u, Aabbo, yoomi sii beela qabdu arginaani beela si baamne, sii d'eebote d'eebu si baamne? Yoomi sii keessuma arginaani si bulchine, sii daara qabdu arginaani daara si baamne, sii fayya d'abde yokhaani hid'aansa keesa jirtu si ilaale? Hayyuuni waan jed'u, Waan anini isaniti himu, waan oboleyaani tiyya didiqo tanaa tolchitani yayu nale tolchitani. Duuba waan worra harka bitatiini jed'u, Na biraa bada, isani abaarsa Waaqa qabdani; gara ibida ind'aamne bada, ka Sheet'anafi malaika isaati bobeesani! Gaafa anini beela qabu beela na baasu diddani, ka anini d'eebod'e d'eebu na baasu diddani; gaafa anini keessuma na bulchu diddani, ka anini daara qabu daara na baasu diddani; gaafa anini fayyad'abe hid'aansa keesa jiru na ilaalu diddani. Worri waan jed'uuni, Aabbo, nu yoomi taka sii beela qabdu yokhaani sii d'eebu qabdu yokhaani sii keessuma yokhaani sii daara qabdu yokhaani sii fayyad'abde yokhaani sii hid'aansa keesa jirtu argine si qarqaaru dinne? Inni waan jed'uuni, D'uguma, waan anini isaniini jed'u, yo isani worra didiqa kana qarqaaru diddani, yayu nale qarqaaru diddani. Worra kana gara gaargala ind'umanne ergani, worra d'uga gara jireenna ind'umanne ergani. Yesoni barsiisa tana ch'ufa hobaamnaani, inni waan jara ufitiini jed'e, Aka isani beetani, eegi bulti lamaa jila Pasakaati; gaafasi Ilma Nama harka namati kennani mukha gubbati fannisani. Jennaani qaalole gugurdofi jaaroleeni Yahudi mana Qaallicha ira Gudda, ka Kayafa jed'ani keesati wolwoldeete, aka Yeso d'ossaani qabani ijeesani mariatte. Fulla jilati tolchu himmalle, hegeri biyyiti inch'aarti wolinjed'ani. Ato Yesoni mana Simoni ka qomaat'a qabu keesa jiru, niitiini toko killa d'ad'a urgaa, ka gati guddotiini d'ufte, mata Yesoti nat'e, ato inni sagale nyaachu jiru. Jari Yeso waan kana arginaani guddo dalane waan jed'e, Maafi waan kana ch'ufa balleesani? D'ad'a kana sila beese guddoti gurgurani hiyyeeyi qoodu dandaani jed'ani. Yesoni waan worri jed'e beennaani waan jed'eeni, Isani maafi teetani niiti tana gaargalchitani? Wonti isiini naa tolchite kunini guddo dansa. Hiyyeeyiini guyya ch'ufa isani woliini jirti, ammo anini guyya ch'ufa isani woliini injiru. Isiini aka nafa kiyya awaalaa na kurfeesitufi qayya na nat'e. D'uguma, waan anini isaniini jed'u, Yo odu dansa tana lafa ch'ufa keesati odeesani, waan isiini tolchite kana qaabatani isiini odeesani. Jennaani nami Yeso toko ka Yuda Iskariote jed'ani gara qaalole gugurdo d'aqe waan jed'e, Yo anini Yeso harka keesaniti kenne, maani naa kennitani? Duuba worri qarsi sodoma fuud'e kenneefi. Haga gaafasiti Yudani akuma Yeso gurguratu barbaade. Guyya qara ka jila Qit'a bukho inqamne, jari Yeso iti d'ufe waan jed'eeni, Jila Pasaka jed'ani eesati si tolchina? Inni waan jed'eeni, Gara nama toko d'aqa waan jettaniini, Aabbooni waan jed'u, Guyyaani kiyya ya gahe; anaafi jari kiyyaleeni mana kanke keesati Pasaka nyaanna jed'aani. Jari waan Yesoni jed'eeni tolche Pasaka kurfeese. Lafti galgaloomnaani, Yesofi jari isaa tataani sagale nyaatani. Ato sagale nyaatanu, Yesoni waan jed'e, Isani kana keesa nami toko na gurgurata. Jari guddo lalefate, toko tokooni waan jed'eeni, Aabbo, naa wo taate? Yesoni waan jed'e, Nama qit'a qori keesa naa woliini tuqate nyaachu jiruti na gurgurata. Ilmi Nama aka t'aafiini jette gula dua; ammo gaargala nama Ilma Nama ijeesuti; ira dansa yo sila nami suni duri ind'alatiini. Yudani qonqo olfud'ate waan jed'e, Na wo taate, Aabbo? Yesoni waan jed'eeni, Atini ya afaani keetiini jette. Ato sagale nyaatanu, Yesoni qit'a fuud'e, galata deebise, ch'ach'abse, jara ufiti kenne waan jed'eeni, Kunini nafa kiyya, hood'a, nyaad'a. Mudunu fuud'e, galata deebise, worrati kenne waan jed'eeni, Isaniini ch'ufti d'uga. Kunini d'iiga kiyya ka wold'aqisa haraa, ka nama hedduu jissani, aka daba nama araaramani. Waan anini isaniini jed'u, Anini iti deebie daad'i tana ind'ugu, haga daad'i haraa Finna Abba kiyya keesati woliini d'unnuuti. Jennaani sirba toko sirbani gara Gaara Ejersa jed'ani d'aqani. Jennaani Yesoni waan jed'eeni, Halkani kana isaniini ch'ufti na lakiftani baqattani, wonti akanatiifi t'aafiini waan jettu, Waaqi tissitu ree ijeese, reeni gargari firfirfamti. Ammo eegi anini duisa keesaa kae, anini isani durati Galilaya d'aqa. Petroni waan Yesoni jed'e, Ato nami ch'ufti baqatele, anini si biraa imbaqad'u. Yesoni waan jed'eeni, D'uguma waan anini siini jed'u, ato kormi luku iniyiini, ati maro sadi na mormatta. Petroni waan jed'e, Ato duele, anini si imormad'u. Jari kaleeni akasuma jed'e. Yesoni jara ufi woliini lafa Gethsemane jed'ani d'aqe waan jed'eeni, Haga anini achi deeme kad'ad'u, arma tataa. Inni Petrofi ilmaani Zebedayo lamaani guure. Lalefachafi naasuuni isa dabsatte, waan worraani jed'e, Naasuuni diquma na inijeesiini. Arma na woliini tataa eega. Diqo dura deeme fuula durati lafaani ufi d'ae, Waaqa kad'ate waan jed'e, Aabbo kiyya yo dandeete mudunu tana nara fuud'i, fed'i tiyyaaniti ammo fed'i tante gula. Jennaani gara jara isaa sadeeni kaani deebie, worra rafu arge waan Petroni jed'e, Akami dandeetani haga saa tokole na woliini eegu dad'abdani? Tataa, Waaqa kad'ad'a, aka ilaalacha keesa inseene. Lubbuuni imfeeti, ammo nafi indandau. Maro lameeso Yesoni deeme, Waaqa kad'ate waan jed'e, Yo mudunu tana haga anini d'uguti naraa imfuune, fed'iini tante ha taatuuti. Ammalle gadeebinaani worra muugatiini dabsatte rafu arge. Ammalle Yesoni worra biraa deeme, maro sadeeso dubbuma suniini Waaqa kad'ate. Jennaani gara worra deebie waan jed'eeni, Ammalle ufuma ch'iiftani raftani? Ilaala, hojjaani Ilma Nama harka worra dabaati kennani ya d'iaatte. Kakaa, nu yaasa. Kuno, nami na gurguratu kana. Ato inni dubbachu jiru, Yudani ka jara kud'ani lama ke jiru d'ufe. Isa woliini gumiini guddooni ta sheeftifi bokuuni yaatu d'ufte, ta qaalole gugurdofi jaaroleeni Yahudi ergite. Yudani akheekha toko worraa kenne, Nami anini d'ungad'u isa, qaba jed'e. Yudani d'umnaani gara Yeso d'aqe, Aabbo, bultiini nagaya? Jed'e d'ungate. Yesoni waan jed'eeni, Jaali, waan feetu hurrisi tolchi. Jennaani d'ufani Yeso jabeesani qabani. Nami Yeso woliini jiru toko, sheefti ufi qalqala keesaa luqise, tisse qaallicha gudda d'ae, gurra iraa kute. Yesoni waan isaani jed'e, Sheefti tante qalqalati deebisi; wonti akanatiifi nami sheefti fud'atu ch'ufti sheeftiini dua. Atini aka yo anini Aabbooni, Qarqaarsa na ergi jed'e, inni duula kud'ani lama ka malaika na ergu imbeetu? Ammo yo akasi taate, t'aafiini ta woni kuni tahu malte jettu akami dandeete guutamti? Hojuma suni Yesoni gumiti dubbate waan jed'e, Maafi sheeftifi bokuuni d'uftani na qabdani, aka waan anini shifta tahe. Guyya ch'ufa anini Mana Waaqa keesa tae nama barsiise, ammo gaafasi na inqamne. Ammo wonti kunini ch'ufti aka wonti raagi jed'e, guutamtufi taate. Jennaani jari isaa ch'ufti isa lakise baqate. Worri Yeso qabe, mana Kayafatiini isa d'ufani, fulla jara Seera beekhufi jaaroleeni iti wolwoldeete. Petroni isa gula deeme haga ch'icha mana qaallicha gudda, d'aqetiini worra lafa eegu woliini tae, aka waan dubbini buufattuuni ilaalu. Qaalole gugurdofi kori ch'ufti dubbi d'aratiini Yeso himatani, aka ijeesani; ammo indad'abani, ato nami hedduuni d'ufe, d'araani himatele. Eege jari lamaani toko d'ufe waan jed'e, Namichi kunini waan jed'e, Anini dandae Mana Waaqa ch'abse, eegi guyya sadi jaara jed'e jed'ani. Qaallichi guddaani olkae waan Yesoni jed'e, Atini himacha jari kunini si himatu tanaani woma injettu? Ammo Yesoni dubbachu dide. Ammalle qaallichi guddaani waan isaani jed'e, Maqa Waaqa jirutiini si kakhachiisa, Yo atini Kristo, Ilma Waaqa taate, nuti himi. Yesoni waan isaani jed'e, Atu ya jette. Ammo waan anini isaniti himu, Eegi arra, Ilma Nama ka harka mirgicha Waaqa Gudda tae, dumansa gubbatiini gadi deebiu argitani. Jennaani qaallichi guddaani woya ufi tarsaase waan jed'e, Atini ya Waaqa arabsite, nu d'uga d'ibi imbarbaannu; armati ya dubbi isaa ta daba d'ageettani; isani maani hereddani? Worri waan jed'eeni, Inni wollaala qaba, duu male jed'ani. Hanch'ufa fuulati tufani d'aanani; worri isa d'abanaase waan jed'e Kristo, fagi nama si d'ae nuti himi. Ato Petroni ch'icha dura tau, intalti hojattu qaallicha gudda toko d'ufte waan jetteeni, Atileeni Yeso Galilaya woliini jirta. Ammo inni worra ch'ufa durati mormate, Anini waan atini dubbachu jirtu kana imbeekhu jed'e, fullooni bahe. Intalti hojattu toko d'ibileeni isa garte waan jara d'iira tokooni jette, Namichi kunini Yeso Nazareti woliini jira. Ammalle Petroni mormate waan jed'e, Inkakhad'a, anini namicha kana fuulale imbeekhu. Eegi diqo toko taani, worri achi ejaanju Petroti d'ufe waan jed'eeni, Atini nama isaati, arabi kanketiyu inhima. Petroni kakhate waan jed'e, Yo anini isani sobe Waaqi na dabsinna. Anini namicha suni fuulale imbeekhu. Hojuma suni kormi luku iye. Petroni, waan Yesoni isaani jed'e, qaabate, Ato kormi lukuu iniyiini atini maro sadi na mormatta. Duuba inni alati bahe guddo bohe. Ganama qaalole gugurdofi jaaroleeni Yahudi aka Yeso ijeeftu wolmariatte. Haada sibiilatiini hid'ani, isa fuud'ani, harka hayyu Pilatoti kennani. Yudani, ka Yeso gurgurate, aka Yeso ijeecha iti murani arginaani, iraa deebie, hori qaalole gugurdofi jaaroleti deebise waan jed'e, Anini ya daba tolche, nama woma iyakini gurgurad'e. Worri waan jed'eeni, Nu maani iraa qamna re? Sunini huji tanteti. Yudani hori kaani fulla sorio iti qalani jisse d'aqe t'ururaani ufi ijeese. Qaaloleeni gugurdooni hori kaani lafaa guurte waan jette, Horiini kunini hori d'iigaati, aki hori Mana Waaqatiini wolti darani fullaaniti jed'ani. Eegi wolmariatani, lafa toko ta Ogeesa Okote Faara jed'ani bitani lafa keessuma iti awaalani tolchani. Maro waan kanatifi lafa suniini, Lafa D'iiga jed'ani yaamani, arrale. Duuba akanaani Wonti raagi Yeremiani jed'e d'uga taate: qarsi sodomi sadi suni fuud'ani (ta gochiti Israeli ee jette aka baaftu), hori suniini lafaani bitani, akuma Aabbooni nati hime. Yesoni hayyu Pilato dura ejate, Pilatoni waan jed'eeni, Atini Hayyu Yahuditi? Yesoni waan jed'e, Atu ya jette. Ammo waan qaalole gugurdofi jaaroleeni isa himatte maqa ind'oomne. Jennaani Pilatoni waan Yesoni jed'e, Waan worri si himate kana ind'ageetu? Ammo Yesoni dubbi tokole dubbachu dide, tanaafi Pilatoni guddo mame. Guyya jila Pasaka ch'ufa, hayyuuni nama hid'ani toko, ka gumiini kad'atte, gadi lakisa. Gaafasi namicha nami ch'ufti beekhu tokoti jira, ka Yeso Baraba jed'ani. Gumiini wolwoldeennaani, Pilatoni waan jed'e, Ana eennu gadi lakisu feetani, Yeso Baraba mo Yeso ka Kristo jed'ani? Inni imbeekha, aka worri Yeso qot'efi isatiini d'ufe. Ato Pilatoni barch'uma qorsuma ira tau, niitiini isaa nama isati ergite waan jetteeni, Nama woma iyakini suni woma intolchiini, anini eedda oobju keesa guddo maro isaatiifi gaargale jette. Qaalole gugurdofi jaaroleeni biyya sosobde waan jette, Aka Pilatoni Baraba lakise Yeso ijeesu kad'ad'a. Hayyuuni, Worra kana lamaani eennu gadi lakisa? jed'e, Jennaani worri, Baraba feena jed'e. Pilatoni waan jed'eeni, Yeso ka Kristo jed'ani maani tolcha re? Iyani, Mukhati fannisi jed'ani. Ammo Pilatoni waan jed'e, Inni maani yake? Qonqo guddooni iyani waan jed'ani, Mukhati fannisi! Pilatoni aka dura deemitiini woma imbaane arginaani, ammalle aka loli d'ufu arginaani, bisaani fud'ate, harka biyya durati d'iqate waan jed'e, Anini d'iiga nama kana keesa injiru! Tunini huji teesani! Gumiini ch'ufti waan jette, D'iigi isaa mata keennafi ka ijoolle teenna gubba jira. Jennaani Pilatoni Baraba gadi lakise, Yeso d'aana jed'e, aka ijeesani harka worrati kenne. Jennaani askartiini Pilato mana hayyu keesa Yeso seensifte, isiini ch'ufti isa marsite. Woya iraa baasani, woya diimtu toko uyisaniifi. Duuba qoraati aka sure marani mata isaa ira kayani, ule harka isaa ka mirga keesa kayani, isa durati jilbifatani goyeesani waan jed'ani, Lubbuuni tante ha d'eeratuuti, Hayyu Yahudi. Hanch'ufa isati tufani, ule fuud'ani mata keesani d'aanani. Eegi isa goyeesani, woya iraa baasani, woya isaa ta qara keyachiisani, Duuba aka mukhati fannisani alati geesani. Ato dira keesaa bahanu, namicha Kirene toko ka Simoni jed'ani argani, maskali Yeso baachisani. Fulla Golgotha d'ufani, akasi jechaani Fulla Buqe Mata jecha. Achiti daad'i had'ooftu obaasani, inni diqo une ammo d'ugu dide. Mukhati fannisani, woya isaa hit'a buufatani, gargari qoodatani, achi tataani isa eegani. Mata isaa gararoti waan isa himataniifi t'aafani, Nami kunini Yeso, Hayyu Yahudi jed'ani. Shifta lama isa woliini fannisani, toko gama mirga, kaani gama bita. Nami d'aatu suni yau mata iti irbe Yeso arabse waan jed'e, Atini ka, Mana Waaqa ch'abse, guyya saditi jaaru dandaa jette, ufi baasi, yo atini Ilma Waaqaa taate! Maskali ira lafati gadi bui! Akasuma qaalole gugurdofi jara Seera beekhufi jaaroleeni isa goyeesite waan jette, Inni biyya baase, ammo dandae ufi imbaasu! Inni Hayyu Israelitiyu? Yo inni ammatana maskali ira gadi bue, nu isa d'ugefanna! Inni Waaqa d'ugefate, Anini Ilma Waaqa ufiini jed'a. Yo akasi taate, aka amma Waaqi isa baasu fed'u ilaalu feena. Shiftaani isa woliini fannisanileeni akasuma isa goyeesite. Guyya gudda haga saa sagali lafti ch'ufti dukanoofte. Saa sagali geennaani, Yesoni qonqo guddooni iye waan jed'e, Eli, Eli, lama sabakthani? Akasi jechaani, Waaqa kiyya, Waaqa kiyya, maafi na lakifte? jecha. Nami achi ejaanju ka gari isa d'agaye waan jed'e, Inni Eliya yaamu jira. Namichi toko gara isaa utaale, waan aka bututu laaftu toko fuud'e, daad'i keesa kaye, hokoti fannise, isa dura qabe. Ammo nami gari waan jed'e, Eega, aka Eliyaani d'ufe isa qarqaaru ilaala. Yesoni ammalle qonqo guddooni iye, hafuura baafate due. Hojuma suni golli Mana Waaqa fulla lamati gubba gadi tarsae. Lafti chochote, d'akhaani dayae, awaali baname, worri Waaqa ka due ka gari jireennati deebie. Awaala keesaa yaani, eegi Yesoni duisa keesaa kae, dira qulqullo seenani, nami hedduuni worra arge. Gudda askartitiifi askartiini isa woliini jirjirtu lafa chochoteefi waan tahe ch'ufa arginaani, nahani waan jed'ani, Nami kunini d'uguma Ilma Waaqaati. Nad'eeni hedduti jira, ta fago waan kana daawatte, ta haga Galilaya Yeso gula yaate isa qarqaarte. Nad'eeni suni keesaa, Mariamu Magdalenefi Mariamu haad'a Yakobotiifi Yusufufi haad'a ilmaani Zebedayoti jira. Lafti galgaloomnaani, namichi dureesi lafa Arimathaya toko d'ufe; maqaani isaa Yusufu, innileeni nama Yesoti. Duuba gara Pilato d'aqe, reefa Yeso kad'ate. Pilatoni reefa suni, Yusufu kenna jed'e. Yusufuni fuud'e, woya booftatiini mamare, awaala inni d'io qote keesa kaye. Jennaani d'akha gudda toko afaani awaalati gangalche biraa gale. Mariamu Magdalenefi Mariamuni taani d'aatu awaala teteete. Guyya lameeso, ka gumaatati aanu, qaalole gugurdofi Farisayooni gara Pilato d'at'e, waan jetteeni, Aabbo, nu aka namichi kiyyibaani suni gaafa jiru, Eegi guyya sadi anini duisa keesaa kaa jed'e, inqaabanna. Tanaafi nama ergi, aka awaala suni haga guyya sadi jabeesani eegani, aka jari isaa d'aqe reefa Yeso hate, biyyaani, Isa ya duisa keesaa kaasani injenne. Kiyyibi eege kunini ka qarale ira hamaata jed'ani. Pilatoni waan jed'eeni, Askarti fud'ad'a, haga dandeetani awaala eega. Tanaafi kaani iti d'aabatani, d'akha awaala iti gangalchani kaani beesisa ira kayani, jabeesani askarti eeddu achiti lakisani. Eegi guyyaani Sabato dabre, guyya qara ka torbaani suni, lafti bariinaani Mariamu Magdalenefi Mariamuni taani awaala ilaalu d'aqani. Jennaani maro tokotu lafti chochote, malaikaani Aabbo toko gubba gadi buute, d'akha gangalchite gubba teete. Fuuli isii aka angaasu ifse, woyaani isii aka ch'aama adaatte. Askartiini aka taka inargiini sodaatte, aka waan doote taate. Malaikaani waan nad'eeni taaniini jette, Insodaatiina; anini imbeekha, isani Yeso maskaliti fannisani barbaaddani. Inni arma injiru, yayu kaasani, akuma inni jed'e. Koota, fulla isa ch'iifsisani ilaala. Hurrisa, deema jara isaati hima: Yayu duisa keesaa kaasani, amma ya Galilayati isani dura dabre; achiti isa argitani jed'a. D'aamsa kiyya kana inded'ina. Jennaani hurrisani kaani, awaala kaani biraa yaani, guddo sodaatani, ammo gammada qabani, utaalani jara Yesoti himani. Yesoni tassa worrati gadi bahe waan jed'eeni, Bultiini isani nagaya? Iti d'iaatani, miila isaa qabatani isa guddisani. Yesoni waan jed'eeni, Insodaatiina, d'aqa oboleyaani tiyyaani, Galilaya d'aqa achiti na argani jed'a jed'e. Nad'eeni iti d'aabannaani, askartiini hagi gari ta awaala eeddu dira d'at'e, waan ch'ufa qaalole gugurdoti himte. Qaalole gugurdofi jaaroleeni woliwoldeete mariatte, hori gudda askartiti kennite waan jetteeni, Jara isati halkani, ato nu rafu jirru, d'ufe reefa isa hate jed'a. Yo hayyuuni waan kana d'agaye, nuti iti hima, woma tokole insodaatiina jed'ani. Askartiini taani hori fud'atte, waan tolcha jed'aniini tolchite. Yahudiini arrale dubbuma tana d'ageete d'ugefatti. Jari kud'ani toko gara gaara lafa Galilaya keesa, ka Yesoni worrati hime d'aqe. Isa arginaani guddisani, ato nami gari d'arefatele. Yesoni worrati d'iaate waan jed'eeni: Jabeenna ch'ufa, ka lafafi gubbale, ya nati kennani. Tanaafi fulla ch'ufa yaa, gosa ch'ufa nama kiyya tolcha: maqa Abbaatiifi ka ilmaatiifi ka Lubbu Qulqullotini aada batiso namaa kenna, waan anini isani barsiise ch'ufa guuta worraani jed'a. Beekha, haga guyya muummele anini isani woliini jira. Oduuni Dansaani ta Yeso Kristo Ilma Waaqa tana. Isiini akuma raagi Isayani duri t'aafe jirti: Kuno, anini ergattu tiyya si dura erga, aka kara sii mid'aasitu. Qonqooni nama lafa alooti iyu waan jettu: Kara Aabbo kurfeesa, daandi isaa qajeelcha! Yohanani lafa gamooji d'ufe, aada batiso jed'ani biyya kenne waan jed'e, Daba iraa deebia, aada batiso fud'ad'a, aka Waaqi daba keesani isanii araaramu. Nami Yudeatiifi ka Yerusalemu keesa jiruleeni ch'ufti d'aqe Yohana ch'aqase. Daba ufi himatani jennaani inni galaana Yordani keesati worraa batiso kenne. Woyaani Yohana rifeensa galati, gurda hid'aanati hid'ate, awaanisafi damma nyaate. Inni odeese waan jed'e, Eegi tiyya, ka nara jiruti d'ufa, ka seemsa kobe isaa anini gajed'e hiikhu himmalini. Anini bisaaniini isani batisa, ammo inni Lubbu Qulqullooni isani batisa. Bara suni Yesoni Nazareti ta lafa Galilaya jirtu bahe, Yordani d'aqe, aka Yohanani isa batisu. Akuma Yesoni bisaani keesaa baheeni, inni gubba banamte, Lubbu bifa sabaliisa qabdu, ta isa gubba buutu, arge. Qonqooni gubba baate waan jette, Atini Ilma kiyya tokocha, ka guddo na gammachiisu. Jennaani Lubbuuni diidati isa baafte. Inni bulti afurtama diida keesa tae, Sheet'ani isa ilaalate. Inni bineensa ala jiddu tae, malaikaani d'ufte isa qorqoratte. Eegi Yohana qabani, Yesoni Galilaya d'aqe, Odu Dansa ta gara Waaqaati d'ufte odeese, waan jed'e, Hojjaani yayu geete, Finni Waaqa la d'iaate, daba iraa deebia, Odu Dansa d'ugefad'a jed'e. Ato inni d'aatu galaana Galilaya deemu, Simonifi oboleesa isaa Andarea, ka t'urura qurt'umi galaana keesa buusani, arge; worri guurtu qurt'umiiti. Yesoni waan worraani jed'e, Na gula koota, anini guurtu nama isani tolcha. T'urura ufi achumati lakisani hurrisani isa gula yaani. Diqo deemnaani, inni Yakobo ilma Zebedayotiifi Yohana oboleesa isaa arge. Worri hobolo keesati t'urura qurt'umi mid'aafachu jira. Inni akuma argeeni yaame, duuba abbaafi hojattu isaani hobolo keesati lakisani isa gula yaani. Yesofi jari isaa dira Kapernaumu d'umnaani, guyya Sabato Yesoni Mana Waaqa iti kad'atani seene biyya barsiise. Biyyiti waan inni barsiise guddo maadefatte, waan inni aka jara Seera beekhu imbarsiimne, ammo aka nama humna qabu barsiiseefi. Hojja suni nami toko ka jinni qabu Mana Waaqa suni keesa seene iye waan jed'e, Atini maani nura qabda, Yeso Nazareti? Nu balleesu d'ufte? Anini si beekha, atini Qulqullo Waaqaati. Yesoni jinni d'owe, Ch'allisi, isa keesaa bahi jed'eeni. Jinniini taani isa hargufte, lalabde, iyite baate. Biyyiti ch'ufti guddo maadefatte waan woliini jette, Taka agartani d'ageetani? Barsiisaani hareetiini tuni maal? Nami kunini guddo jabeenna qaba. Yo inni dubbatu jinnileeni insarmitifi. Maro tokotu gurri isaa arda lafa Galilaya ch'ufa gahe. Mana Waaqa keesaa bahani, jennaani Yakobofi Yohana woliini, mana Simonifi Andarea d'aqani. Jaartiini soda Petro, qanno fuute ch'iifti, akuma Yesoni achiini baheeni iti himani. Inni gara isi d'aqe, harka qabe olkaase. Qannooni isi iraa galte, isiini worra gololchite. Lafti galgaloomnaani, nama fayya inqamneefi ka jinni qabu ch'ufa isatiini d'ufani. Nami dira ch'ufti balbala durati wolti bahe. Inni nama d'ukuba gosa ch'ufa qabu fayyise, jinni heddule nama keesaa baase, isi dubbachu d'owe, waan isiini isa beetuufi. Boriyya, afaani bari, Yesoni kae, fulla nami injirre d'aqe Waaqa kad'ate. Ammo Simonifi waheli isaa Yeso barbaadani; isa arginaani waan jed'aniini, Nami ch'uftumaani si barbaaduu jira. Inni waan jed'eeni, Koota, dira iti aanu yaana, aka achileti hasau; anini waan kanaafi d'ufe. Jennaani inni lafa Galilaya ch'ufa keesa dedeeme, maneeni Waaqa iti kad'atani keesati hasae, jinni nama keesaa yaase. Nami toko ka qomaat'a qabu isati d'ufe, miilati jige waan jed'eeni, Yo sila atini na fayyisu feete, indandeeta jed'e. Yesoni naheefi, harka d'eerefate, isa qabate waan jed'e, Imfed'a, fayyi. Maro tokotu qomaat'aani isa iraa bade, inni fayye. Jennaani Yesoni aka jaba isa gorse, ufi biraa deemsise, waan jed'eeni, Eegad'u, nama tokoleti inhimini. Ammo deemi, qaallicha gudda ufi agarsiisi, sorio Musa iraa d'ufte qali, aka nami fayya te argu. Ammo namichi kaani achi deemnaani akuma arge fulluma ch'ufati hasae. Waan kanaafi Yesoni d'ossa male dira tokole seenu dad'abe, ammo ala tae biyyiti fulluma ch'ufa isati d'ufte. Eegi bulti diqo, Yesoni Kapernaumuti gallaani, biyyiti aka inni gale d'ageete. Nami hedduuni wolti bahe, afaani balbalale fulla bahaniini d'abani. Inni dubbi Waaqa worrati hasae. Jennaani nami afuri nama toko ka kokotae baate isatiini d'ufe. Ammo maro gumitiifi Yesoti d'iaachu dad'abani. Jennaani gubba mana saaqani gararo isaa, afaani iti tolchani, wosaasa namichi ira ch'iisu gadi buusani. Yesoni d'ugefacha jara kana arginaani, waan nama kokotae kaaniini jed'e, Gurba, daba kanke ya si araaramani. Jari Seera beekhu ka achi jiru garaa ufi keesati waan jed'e, Namichi kuni akami akana dubbata? Waaqa arabsayu? Eentu dandae daba nama araarama, Waaqa male? Jennaani Yesoni aka worri garaa ufi keesati waan kana heregu beennaani waan jed'eeni, Isani maafi waan akana kana garaa keesani keesati hereddani? Tamiti ira laaftu, aka nama kokotae kanaani, Daba kanke la si araaramani jed'ani mo, Kai, wosaasa tante fud'ad'u, gali jecha? Ammo aka Ilmi Nama lafa tana irati jabeenna daba nama araaramuuni qabu argitani, inni namicha kokotae kaaniini waan jed'e, Kai, wosaasa tante fud'ad'u, gali jed'e. Inni kae, wosaasa ufi fud'ate, nama ch'ufa durati iti d'aabate. Tanaafi nami ch'ufti mame, Waaqa guddisani waan jed'ani, Nu waan akana kana taka ingarre. Yesoni ammalle gara galaana d'aqe, gumiini isati d'umnaani barsiise. Ato inni deemu, Lawi, ilma Alfayo, ka mana damoosa keesa tau arge waan jed'eeni, Na gula kooti. Inni kae, Yeso gula deeme. Eegi suni Yesoni mana Lawi keesati sagale nyaate. Jara damoosa guurufi nami daba qabu hedduuni, ka Yeso gula yau, Yesofi jara isaa woliini tatae sagale nyaate. Jari Seera beekhu ka Farisayo, isa nama daba qabuufi jara damoosa guuru woliini sagale nyaatu arginaani, waan jara isatiini jed'e, Inni maafi jara damoosa guurufi nama daba qabu woliini sagale nyaata? jed'ani gaafatani. Yesoni waan kana d'ageennaani waan jed'eeni, Nami fayyaa qabu ch'ireesa imbarbaadu, ammo ka fayya inqamneti barbaadata. Anini nama d'uga yaamu ind'umne, ammo maro nama dabaatiifi d'ufe. Jari Yohanatiifi ka Farisayo gaafasi ufi agabsa. Biyyiti isati d'ufte waan jetteeni, Jari Yohanatiifi ka Farisayo maafi ufi agabsa, ka jari kanke ufi inagabsine? Yesoni waan jed'eeni, Keessumaani fuud'a dandeete agabdi? Hiyyo. Haga abbaani fuud'a worra woliini jiru dandaani ufi inagabsani. Ammo hojjaani ind'ufti, ta abba fuud'a worra biraa fuud'ani, yoosi guyya suni ufi agabsani. Nami woya hareeti kooti dullatiti inerbu. Yo akasi tolche, woyaani hareetiini woya dullati tarsaafte tarsaani guddatti. Nami daad'i hareeti gorjo dullatiti naqu injiru. Yo akasi tolche, daad'iini gorjo tarsaafte, daad'iifi gorjoleeni imbaddi. Ammo daad'iini hareetiini gorjo hareeti malte. Guyya Sabato toko, ato Yesoni oobru dargaye keesa deemu, jari isaa dargaye t'ururate nyaate. Farisayooni waan isaani jette, Me ilaali, worri maafi waan fulla intahiini guyya Sabato tolcha? Yesoni waan worraani jed'e, Isani waan Daudini duri gaafa isaafi jari isaa sagale d'abe beelae jennaani tolche insoomne? Inni bara Abiatharini qaallicha gudda, Mana Waaqa seene qit'a Waaqa baasani nyaate, ka sila Seera gula qaalole male nami d'ibiini nyaachu himmalini; ammalle jara isa woliini jirule qoode. Inni waan worraani jed'e, Sabato maro namatiifi mid'aasani male, nama maro Sabatotiifi inuumne. Tanaafi Ilmi Nama abba Sabatooti. Yesoni ammalle mana Waaqa seennaani, nama toko ka harki kokotae achiti arge. Worra tokoti achi jira ka Yeso himachu fed'e tanaafi guyya Sabato aka inni isa fayyisu eegani. Yesoni nama harki kokotae kaaniini waan jed'e, Kooti, arma eji. Jennaani waan biyyaani jed'e, Guyya Sabato aki waan dansa tolchani fullaa mo fullaaniti? Lubbu baasani mo inijeesani? Ammo worri isa gula dubbachu dide ch'allise. Inni dalansuuni worra mimillate, aka garaani worra jabaate lalefannaani nama kaaniini, Harka diriirfad'u jed'e. Inni harka ufi diriirfannaani fayye. Farisayooni gadi yaate hojuma suni jara Herode woliini kora tolchite, aka Yeso ijeesani wolmariatani. Yesoni jara ufi woliini galaanati deebie. Gumiini guddooni ta Galilayatiifi ta Yudeatiifi ta Yerusalemutiifi ta Idumeatiifi ta Yordani gama sunitiifi ta dira Tirotiifi Sidonileeni wolti baate, waan inni tolche d'ageennaani isati d'ufte. Inni jara isaatiini, Hobolo toko na kurfeesa jed'e, aka gumiini guddooni isa indadarbine. Maro inni nama heddu fayyisefi nami d'ukuba qabu ch'ufti isa tuqu fed'e wold'id'ibe. Yo jinniini isa argite ch'ufa, isa durati jidde iyite, Atini Ilma Waaqa jette. Ammo inni aka isiini nama isa imbeesimne jabeese iti seere. Jennaani Yesoni gaara toko kore, jara fed'u ufiti yaame worri isati d'ufe jennaani, Inni jara kud'ani lama fohate ergattu tolfate waan jed'eeni, Anini yayu isani fohad'e aka na woliini teetani. Ammalle isani erga aka yaatani biyya barsiiftani, ammalle humna jinniini nama keesa baaftanile isanii kenna. Nami kud'ani lama ka inni fohate kana: Simoni, ka inni maqa Petro baaseefi; Yakobo ilma Zebedayo, Yohana oboleesa Yakobo (ka worra lachu inni maqa Boanerge iti baase, akasi jechaani Ilmaani Mandiisu jecha), Andarea, Filipo, Bartholomayo, Matayo, Tomaso, Yakobo ilma Alfayo, Thadayo, Simoni nama lafa ufi jabeesu, Yuda Iskariote ka isa gurgurate. Jennaani Yesoni worrati gale. Gumiini ammalle wolti baate, tanaafi Yesofi jari isaa sagalele nyaachu dad'abani. Waan kana d'ageennaani fiit'aani isaa isa fuud'u d'ufte, waan biyyiti, Inni ya maraate jetteefi. Jari Seera beekhu ka gari ka Yerusalemu gadi bue waan jed'e, Beelzebuliti isa qabate, ammalle humna gudda jinnitiini jinni nama keesaa baasa jed'ani. Duuba Yesoni biyya yaame, mammaasaani waan jed'eeni, Sheet'ani akami dandae Sheet'ana baasa? Yo gochiti toko sila gargari baate, gochiti suni imbaddi. Yo worri mana toko sila gargari bahe, worri suni imbada. Ammalle yo Sheet'ani sila woldide, jabeenni isaa qoodame, inni dandae injabaatu; sunini muumme isaati. Ammo nami injiru, ka mana nama jaba dandae ch'abse seene miha isa hatu, yo inni qara nama jaba suni hid'e male; yoosi mana suni dandae hata. D'uguma, waan anini isaniini jed'u, Dabaafi araba nami jed'u ch'ufa Waaqi nama inaraarama, ammo nami Lubbu Qulqullo arabsu araarama inargatu, haga hegeri daba qaba. Wonti Yesoni akana jed'eefi, waan qara biyyiti, Inni jinni qaba jetteefi. Jennaani haad'afi oboleyaani Yeso d'ufani, ala ejaanjani, nama isati ergani yaamani. Gumiini isa d'aatu teteetu waan jetteeni, Ilaali, haatetiifi oboleyaani tante ala ejaanjani si barbaadani. Inni waan jed'eeni, Haad'a tiyyaafi oboleyaani tiyya eennu? Biyya isa marsite ch'iiftu millate waan jed'e, Kuno, haad'afi oboleyaani tiyya tana. Nami fed'i Waaqa guutu ch'ufti oboleesafi haad'a tiyya. Ammalle d'aatu galaana Galilaya Yesoni nama barsiise. Maro gumiini guddooni isati d'ufteefi, inni hobolo toko ta galaana gubba teetu keesa seene tae. Gumiini ch'ufti afaani galaana teteete. Inni waan heddu mammaasaani biyya barsiise, barsiisa ufi keesati waan jed'e, Dubbi tana ch'aqasa! Nami toko mid'aani fach'aafachu d'aqe. Ato inni fach'aasu, mid'aani gari dandi keesati jigani, simpirreeni d'ufte nyaatte hobaafte. Mid'aani gari lafa d'akha gubbaa jigani, fulla biyyeeni guddo injirre; duuba hure bahani, ammo maro biyyeeni guddo gadi injirrefi, aduuni baanaani gubatani, waan hidda inqamneefi gogani. Mid'aani gari qoraati keesati jigani. Duuba qoraatiini baate, mid'aani qanch'arsite, mid'aani baasu d'owiti. Mid'aani gari fulla biyye dansa jigani, bahani, mid'aani dansa baasani, ka gari sodoma, ka gari jaatama, ka gari d'ibba d'alani. Yesoni waan jed'e, Nami gurra qabu ha d'agayuuti. Ato inni koba jiru, jara isa gula yaufi jari kud'ani lamaani kaani waan mammaasa kana isa gaafate. Inni waan jed'e, Waan qara d'ossani ta Finna Waaqa ya isani kennani; ammo ka gari ka ala jiru mammaasa ch'alla d'agaya, aka, Ato jabeesani ilaalanile woma inagarre, ato jabeesani ch'aqasanile woma inhubanne; wonti akanatiifi, yo akasi tolchani, sila Waaqaati deebiani, Waaqi nama araarama. Jennaani Yesoni waan jed'eeni, Mammaasa kana mid'aafattu? Mammaasa tokole akami mid'aafattani re? Nami fach'aasu dubbi Waaqa fach'aasa. Mid'aani gari dandi keesati jigani. Kunini nama d'agaye, akuma d'agayeeni Sheet'ani d'ufe, dubbi ta keesati fach'aasani iraa fud'atu. Ka gari lafa d'akha gubbaa jigani. Kunini nama dubbi d'ageennaani gammadaani fud'atu. Ammo waan hidda inqamneefi, bulti diqo ch'alla taani; duuba yo d'ipufi gaargali maro dubbi Waaqatiifi d'ufu, hojja suni yoosu jigani. Ka gari qoraati keesati jigani. Kunini nama dubbi d'agaye, ammo d'ipu lafa tanaatiifi gammada horitiifi d'araani gosa ch'ufaa seente, dubbi qanch'arsitu, aka mid'aani imbaamne. Ka gari biyye dansati jigani. Kunini nama dubbi d'agaye fud'ate, mid'aani ka gari sodoma, ka gari jaatama, ka gari d'ibba baasu. Yesoni waan worraani jed'e, Isiyii, d'uguma ifse d'ufaniini qori yokhaani sire jala inkayani? Gubbati fannisaniiniti? Wonti d'ossani ta imullimne injirtu, yokhaani wonti daboolaani ta imbuqimne injirtu. Nami gurra qabu ha d'agayu. Ammalle inni waan worraani jed'e, Waan d'ageetani mid'aafad'a! Waan isani namaa kennitani isanile kennani, iti isani daranile. Nama wo qabu iti daraniifi, ammo ka woma inqamne waan inni qabule iraa fuud'ani. Jennaani inni waan jed'e, Finni Waaqa aka nama mid'aani oobru ufi keesa harch'aasu jira. Halkani rafe, guyya kaa, mid'aleeni bahani guddatani, ato inni imbeekatiini. Lafti ufiini mid'aani baafti, qara lata, duuba gurra, eege dargaye bilchaattu. Yo mid'aani bilchaatani, inni maro tokotu mura, waan mid'aani bilchaataniifi. Ammalle inni waan jed'e, Finni Waaqa nu maani wolfakeesina? Mammaasa kamiini himna? Inni guma dambi fakaata, ka hojja oobrani mukha ch'ufa ira diqa. Ammo eegi fach'aasani guddate, mukha ch'ufa ira d'eerate, dame baasa, aka simpirreeni keesati mana ijaaratte teetu. Mammaasa akana hedduuni inni dubbi biyyati hasae, haga worri dandae mid'aafatu ch'ufa. Inni mammaasa male worrati inhasoomne; ammo kobati jara ufi waan ch'ufa barsiise. Guyyuma suni, lafti galgaloomnaani, Yesoni waan worraani jed'e, Koota, gama kaaniti taakina. Duuba worri kae gumi bira yae, ergattuuni hobolo qara Yesoni keesa jiru keesa duudde isa fuute kaate iti d'aabate. Jennaani bubbeeni guddooni bubbifte, d'awaani galaana hobolo seente, diquma bisaani inguutiini. Ammo Yesoni hobolo duuba, saabo gubba rafuu jira. Beenni isa kaase waan jed'eeni, Aabbo, atini woma iyaaltu yo nu hobaanu? Yesoni kae, bubbe d'owe waan galaanaani jed'e, Ch'allisi! Bubbeeni ch'allimnaani lafti ch'aqali jette. Jennaani inni waan worraani jed'e, Maafi akana d'eetani? D'ugefacha inqabdani ammalle? Worri guddo sodaate, waan woliini jed'e, Eennu kunini, ka bubbeefi galaani sarmuufi? jed'ani wolgaafatani. Yesofi jari isaa moga galaana Gerasene geennaani, akuma inni hobolo keesaa bueni, nami jinni hamtu qabu toko, ka awaala keesati galu, ka nami tokoleeni dandae sibiilaleeni inhiinne isaani bahe. Maro heddu harkafi miila isaa sibiilaani hid'ani, ammo sibiila ch'ufa gargari maaqe, ammalle sibiila miilaani hid'ani kute. Nami tokoleeni isa eegu dad'abe. Halkani guyya inni awaalafi gaara gubba dedeeme, iye, d'akhaani ufi d'aane. Yeso fagoti arginaani, utaale, durati jige, qonqo olfud'ate, lalabe waan jed'eeni, Atini maani nara qabda, Yeso, Ilma Waaqa ka gubba jiru? Anini si kad'ad'a, maqa Waaqatiini, na ingaargalchiini. (Wonti inni akasi jed'eefi, Yesoni qara jinni sunini, Jinni, namicha kana keesaa bahi jed'e.) Duuba Yesoni waan jed'eeni, Maqaani kanke eennu? Inni waan jed'e, Maqaani kiyya Gumi, nu heddu. Inni guddo Yeso kad'ate aka lafa suni keesaa inni jinni suni imbaamne. Booyyeti laaga gaara d'eedu jira. Jinniini Yeso kad'atte waan jetteeni, Booyye suniti nu ergi, aka nu d'anne ke duunnu. Tanaafi Yesoni gadi lakise; jinniini namicha keesaa yaate, booyye ke duudde, duuba booyyeeni ta haga kunki lama orite, galaana duudde, galaani liqimse. Tissituuni baqatte, odu tana diraafi reerati odeesite. Jennaani biyyiti dawachu d'ufte. Yesoti d'ufani, namicha jinni gumi qabu kaani, ka achi tau argani, ka woya uyifate, qalbi ufi qabu. Worri arge kaani waan namicha jinni Gumi jed'ani qabutiifi waan booyyeeni taate worrati odeese. Duuba worri Yeso kad'ate, aka inni lafa worraa keesaa deemu. Ato inni hobolo keesa seenu jiru, namichi qara jinni qabu kaani Yeso kad'ate, aka isa woliini deemu. Ammo Yesoni dide, waan jed'eeni, Beeni, worra ke gali, waan Aabbooni sii tolcheefi aka inni sii nahe worrati himi. Inni kae gale, lafa Dira Kud'ani ch'ufa keesati waan Yesoni isaa tolche hasae; nami isa d'agaye ch'ufti mame. Yesoni galaana gama kaaniti taakinaani, gumiini guddooni ammalle isati baate, ato inni galaana bira jiru. Namichi toko, ka Yairo jed'ani, guddaani mana Waaqa iti kad'atani, isati d'ufe. Yeso arginaani, inni miila isati jige, guddo kad'ate waan jed'eeni, Intalti tiyya diquma induiini, kooti, harka kanke isi ira kayi, aka isiini fayyitu. Jennaani Yesoni kae isa woliini deeme, gumiini guddooni isa gula d'ufte isa gaargalchite. Niiti tokoti jira, ta d'iigi ganna kud'ani lama keesaa yae; isiini guddo harka ch'ireeyiti gaargalte, hori hobaafte, ammo fayyu dad'abde haga qarale ira d'ibamte. Odu Yeso d'ageennaani, gumi keesaa isa duuba d'ufte, woya isaa qabatte. Isiini waan ufiini jette, Yo anini woya isaa qabad'ele, anini imfaya jette. Hojuma suni d'iigi yaasuma lakise, aka fayyite nafa keesati ufi beete. Maro tokotu Yesoni aka humniti isa keesaa baate arginaani, gumi keesa garagale, Eentu woya tiyya qabate? jed'e gaafate. Jari isaa waan jed'eeni, Gumi si d'iibdu, ato argitu, Eentu na qabate jetta? Ammo inni worra millate aka nama isa qabate argu. Niitiini taani waan taate beete, sodaatte, holatte, d'ufte, isa durati jidde, diideesite waan ch'ufa iti himte. Inni waan isiini jed'e, Intala, d'ugefachaani tante la si fayyifte, nagayaani deemi, d'ukuba kanke fayyi jed'eeni. Ato Yesoni dubbachu jiru, nami gari ka mana nama gudda suniti d'ufe waan jed'eeni, Intalti tante la doote; maafi moticha ammalle gaargalchita? Ammo Yesoni dubbi worraa ch'aqasu dide, waan gudda mana Waaqatiini jed'e, Insodaatini, ammo d'ugefachuma d'ugefad'u. Yesoni nama ch'ufa ufi jala rare, Petrofi Yakobofi Yohana oboleesa Yakobo male. Worra nama gudda mana Waaqa iti kad'atani geennaani, Yesoni biyya lalalaani ch'aarte boote iyitu arge. Mana seennaani inni waan worraani jed'e, Isani maafi bootani? Intalti indoone, ammo ufumaa rafti. Worri isa koble, ammo inni worra ch'ufa alati arie, jennaani abba intalatiifi haad'a isitiifi jara isa woliini jiru woliini fulla isiini ch'iiftu seene. Harka isii qabe, waan jed'eeni, Talitha, kumi, akasi jechaani, Intala, anini kai siini jed'a jecha. Hojuma suni intalti kaate deemte. Ganni isii kud'ani lama. Worri duuba aka taka inargiini maadefate. Ammo Yesoni nami tokoleeni waan kana ind'againi jed'e worrati seere. Yesoni achii kae, lafa ufiti gale; jari isaleeni isa gula yae. Guyyaani Sabato geennaani, inni Mana Waaqa iti kad'atani keesati nama barsiise. Nami isa d'agaye hedduuni mame waan jed'e, Namichi kuni eesaa waan kana argate? Qaroomi isaa kennani kunini maani? Wonti mama ta inni tolchu tuni maani? Kunini ogeesa mukhatiiniti, ilma Mariamu, oboleesa Yakobotiifi Yosafi Yudafi Simoniiniti? Oboleyaani isaa ta dubra arma nu woliini injirtu? jed'ani, isa didani. Yesoni waan worraani jed'e, Raagi fulla ch'ufati guddinna qaba, lafa ufitiifi fiit'a ufitiifi worra ufi keesati male. Achi keesati waan mama tolchu dad'abe, worra fayyad'abe harka ira kaye fayyise male. Waan worri d'ugefacha d'abeefi guddo mame. Jennaani Yesoni olla ch'ufa keesa dedeeme barsiise. Jara kud'ani lama wolti yaame, lama lamaani erge, humna jinni hamtuuni dabsatani iti kenne waan jed'eeni, Imaltu teesani keesa, ule male, woma tokole infud'atiina: qit'afi subba beese iti kad'ataniifi beesele infud'atiina. Kope salala keyad'a, ammo ubaara lamale inkeyatina jed'e. Ammalle waan worraani jed'e, Hojja mana nama toko olduuddani, arti tataa, haga achi yaataniti. Fulla isani ind'ieesine ch'ufa, yokhaani fulla nami iti isani ind'ageenne ch'ufati, awaara miila ira hat'aad'a aka himacha worraa taatu. Tanaafi worri kae yae, Daba iraa deebia jed'e nama barsiise. Jinni heddule ariani, nama fayyad'abe heddu d'ad'a dibani fayyisani. Waan maqaani Yeso fulla ch'ufa gaheefi, hayyu Herodeni waan kana d'agaye. Nami gari waan jed'e, Yohanani ka nama batisu la duisa keesaa kae jed'ani, tanaafi inni waan mama kana tolcha. Ammo nami gari waan jed'e, Inni Eliya. Nami gari waan jed'e, Inni raaga, akuma raaga duri jira. Ammo Herodeni waan kana d'ageennaani waan jed'e, Isii Yohanani, ka anini mata iraa kute, ya kae? jed'e gaafate. Herodeni duri nama erge, Yohana qabe hid'e, maro Herodia, niiti Filipo, oboleesa isaa, ta Herodeni fuud'eefi. Maro waan kanatifi Yohanani, Aki atini niiti oboleesa keeti fuutu fullaaniti Herodeni jed'e. Duuba Herodiani guddo Yohana jibbite ijeesu feete. Ammo indad'abde. Wonti akanatiifi Herodeni Yohana sodaate, maro aka inni nama d'ugatiifi qulqullo beekhufi, tanaafi nagayaani isa lakise. Inni ato hojja dubbi Yohana d'agayu ch'ufa guddo rifatele sila guddo isa ch'aqasu fed'e. Jennaani hojjaani dansaani Herodia mullatte. Gaafasi guyya qaabacha d'aloota Herodeti. Inni nama gugurdafi shumootafi jara jajaba ka Galilaya ch'ufa wolti yaame. Intalti Herodia olseente, sirbite tabatte, Herodefi keessuma isaa guddo gammachiifte. Jennaani hayyuuni waan intalaani jed'e, Waan atini feetu ch'ufa himad'u, anini sii kenna. Inni isiti kakhate waan jed'e, Waan atini na kad'attu ch'ufa, ato moga lafa ani fidu toko taatele, anini sii kenna jed'eeni. Isiini d'at'e waan haad'aani jette, Anini maani himachu male? Isiini waan jetteeni, Mata Yohana nama batisu kad'ad'u jette. Maro tokotu isiini hayyuti utaalte waan jette, Mata Yohana nama batisu qori guddo keesa naa kayi, maro tokotu naa kenni jetteeni. Hayyuuni guddo lalefate, ammo maro kakhu ufitiifi ammalle maro keessumatiifi dubbi isii didu dad'abe. Tanaafi hayyuuni askarti erge, Mata Yohana ira kuta, kootaani jed'e. Askartiini deemte, mana hid'aansa d'at'e, mata Yohana kute, qori guddo keesa keete, intalati kennite, duuba intalti haad'a ufiti kennite. Jari Yohana waan kana d'ageennaani deemani, reefa Yohana fuud'ani awaalani. Ergattuuni Yesoti dachaate, waan tolchiteefi waan barsiifte ch'ufa isati odeesite. Inni waan worraani jed'e, Lafa mogati nu yaasa koba teteenne diqo boqonna. Wonti akanatiifi nama hedduti oli gadi yaa tanaafi sagale nyaachu dad'abani. Koba ufi hobolo keesa duudani, lafa moga d'aqani. Nami hedduuni worra yau jiru arge worra hubate, dira ch'ufa keesaa miilaani oriani, worra durati achiini bahani. Yesoni hobolo keesaa buunaani, gumi guddo arge naheefi, waan worri ree tissitu inqamne fakaatuufi. Inni waan heddu worra barsiise. Lafti galgaloomnaani, jari isaa isati d'ufe waan jed'eeni, Lafti moga, aduleeni ya d'iite, biyya gadi d'iisi, aka reerafi olla keesa yaani waan nyaatani bitatani. Inni waan jed'eeni, Waan worri nyaatu isaniiyu kennaafi. Worri waan jed'eeni, Yaaneti qit'a shilingi d'ibba afuri binna re, aka worri nyaatu? Inni waan worraani jed'e, Isani qit'a hagami qabdani? Me, beena, ilaala. Ilaallaani waan jed'ani, Qit'a shanifi qurt'umi lama qamna. Jennaani Yesoni biyya gargari qoqoode, Buuyo dooti gubba tataa jed'eeni. Jennaani biyyiti teteete, fulla gari d'ibbaani, fulla gari shantama shantamaani. Inni qit'a shanifi qurt'umi lamaani taani guure, gubba olmillate, eebise, qit'a ch'ach'abse, jara isati kenne, aka biyya gololchani. Ammalle qurt'umi lamaanile biyya ch'ufaa qoode. Nami ch'ufti nyaate quufe. Worri hamba qit'atiifi qurt'umile ta dadu kud'ani lama miju guure. Jari d'iira ka qit'a nyaate nama kunki shani. Hojuma suni Yesoni ato gumi ufiraa galchu, waan Jara isaatiini jed'e beena hobolo duuda na dura gama galaana gara dira Bethsaida taaka. Inni eegi nagayati biyyaani jed'e d'aqe gaara kore Waaqa kad'ate. Lafti dukanoomnaani, ka hobolooni jiddu galaana deemtu, inni koba lafa godduti hafe. Aka worri hobolo keesati maro d'awa bubbeetifi guddo gaargala qabu arge, baraaqa d'eera bisaani gubba deema d'ufe worraani bahe, ka diquma bira indabriini. Ammo worri ekhera sehe iye. Wonti akanatiifi worri ch'ufti isa arginaani babakhakhe. Jennaani Yesoni worrati dubbate waan jed'e, Garaa jabaad'a, naa, insodaatiina. Inni hobolo worra seennaani, bubbeeni ch'allifte. Worri aka taka inargiini maadefate. Wonti akanatiifi dubbini worraa ingalle, worri waan qit'ale inhubanne. Galaana taakinaani, lafa Genesaretiti d'ufani, hobolo lafa goddu afaani galaanati hid'ani. Hobolo keesaa buunaani, biyyiti maro tokotu Yeso hubatte. Lafa suni ch'ufa keesa oriani nama fayya inqamne itille ira kayani fulla isa iti d'agayani ch'ufati iti geesani. Fulla inni seene ch'ufa, ollafi diraafi lafa oobru taanaanile, nama fayya inqamne geesani fulla gabaya kayani, aka handaara woya isaa tuqani isa kad'atani; duuba nami isa tuqe ch'ufti imfaye. Farisayoofi jari Seera beekhu ka gari, ka Yerusalemu d'ufe, gara Yeso d'aqani. Worri aka jari isaa ka gari, ato harka ind'iqatiini yokhaani t'uri qabanu sagale nyaatani arge. Wonti akanatiifi Farisayoofi Yahudiini ch'ufti, haga harka d'iqatuuti sagale inyaattu, aka aada jaarole ira baratani gula; ammalle yo gabaya galanile ufi qulqulleesani male sagale inyaatani; ammalle aada d'ibi hedduti jira, ta worri qabu, ta aka d'iqaansa mudunutiifi okote, eele, sire. Tanaafi Farisayoofi jari Seera beekhu isa gaafatani waan jed'ani, Jari kanke maafi aada jaarole gula iyaane, harka t'urichaani sagale nyaatani? Inni waan jed'eeni, Isani kiyyibdoole, Isayani ka waan keesani fage, d'uga dubbate waan jed'e, Gumiini tuni afaani ufitiini na guddifti, ammo garaani worraa nara fago jira. D'araani na guddisani; wonti akanatiifi seera nama aka dubbi Waaqa barsiisani. Yesoni waan jed'e, Isani Seera Waaqa lakiftani, aada nama gula yaatani. Ammalle waan worraani jed'e, Isani Seera Waaqa akuma dansa lakiftani, aada teesani jabeesitani! Musani waan jed'e, Abbeetiifi haateti saalfad'u, nama abbaafi haad'aani dubbi hamtu jed'u ha ijeesani jed'e. Ammo isani waan jettani, Yo nami abbaafi haad'a isatiini, Waan isani sila nara argattani Korbani jed'e (akasi jechaani Waaqaa kennani jecha), duuba isani iti deebitani, aka inni abbaafi haad'a ufi qarqaaru ee injettani. Isani akasi dubbi Waaqa maro aada teesanitiifi lakiftani, ammalle waan akana kana heddu tolchitani. Jennaani Yesoni gumi ufiti yaame waan jed'eeni, Isani ch'ufti na ch'aqasa, dubbi tiyya hubad'a. Wonti ala nama seena ka nama t'ureesa injirtu, ammo waan nama keesa bahati nama t'ureesa. [ Yo nami gurra qabaate ha d'agayu.] Inni biyya lakise mana seene jennaani jari isaa waan mammaasa suni isa gaafate. Inni waan jed'eeni, Isanileeni imid'aafanne? Isani inargitani, aka wonti ala nama seena dandeete nama int'ureesine, maro qalbi isaa inseenne, ammo gaara isaa seente keesa baatuufi. (Jecha kanaani Yesoni aka sagaleeni ch'ufti qulqullo garsiise.) Inni waan jed'e, Waan nama keesaa bahati nama t'ureesa. Wonti akanatiifi heregi hamaani nama keesaa baha, yokhaani garaa nama keesaa baha: ch'abanoomafa, hannafa, ijeechafa, d'iirafi nad'eeni wolbarachafa, d'araafa, jallumafa, sobafa, ch'eera d'abafa, d'iibifa, arabafa, ufi saaditifi daalluma — wonti kuni ch'ufti nama keesaa baati, ammalle nama t'ureesiti. Inni achii deeme, lafa Tirofi Sidoni d'aqe. Mana seennaani, aka nami tokoleeni isa beekhu imfeene, ammo ind'okhanne. Niitiini toko ta intalti isi diqooni jinni qabdu waan isaa d'ageete jennaani d'ufte miila isaati jidde. Niitiini tuni gosa Griki, d'alooti isii Sirofoinike. Isiini Yeso kad'atte aka jinni intala isi keesaa baasani. Yesoni waan jed'eeni, Eegi, qara ha ijoolle gololchaniti, aki sagale ijoolle duraa fuud'ani sareti darbatani fullaaniti. Ammo niitiini waan jette, D'uguma, Aabbo, ammo sareleeni mesa jala hamba ijoolle inyaatti. Inni waan isiini jed'e, Maro jecha kanatifi beeni gali, jinniini yayu intala tante keesaa baate. Isiini kaate galte, intala sire ira ch'iiftu ta, jinniini keesaa baate agarte. Jennaani Yesoni lafa Tiroti gale, lafa Sidoni keesa dabre, gara galaana Galilaya d'aqe, kara lafa Dira Kud'ani jed'aniini bahe. Biyyiti nama duuda bopisu isatiini d'ufte, isa kad'atte, aka inni harka isaa ira kayu. Yesoni isa kobati gumi biraa fuud'e, quba ufi gurra isaa keesa kaye, hanch'ufa tufe, araba isaa tuqe, gubba olmillate, hafuura baafate waan jed'e, Efatha, akasi jechaani, Banami jecha. Jennaani gurri isaa baname, hid'aansi araba isaa furame, inni aka dansa dubbate. Yesoni worra jabeese seere, Nama tokoleti inhimina worraani jed'e; ammo worri hagasi ira odeese. Nami waan kana d'agaye ch'ufti guddo mame waan jed'e, Inni waan ch'ufa yayu aka dansa tolche! Nama gurri duudele ind'ageesiisa, ka afaani duudanile indubbachiisa jed'ani. Eegi suni, hojja gumiini guddooni ta sagale inqamne wolti baate, Yesoni jara ufi yaame waan jed'eeni, Anini gumi tanaa naha, waan isiini guyya sadi na woliini oolte, ammalle amma waan nyaattu inqamneefi. Yo anini beelaani galche, karaati gagabani, wonti akanatiifi nami gari fago d'ufe. Jari isa waan jed'e, Isi nami dandae lafa aloo tana keesati gumi hagana geetu tana inqufsa? Inni, Qit'a hagami qabdani? jed'e gaafate. Torba jed'ani. Jennaani gumi teteesise qit'a torbaanu fuud'e galata Waaqa deebise, qit'a ch'ach'abse jara isaati kenne, biyya gololcha jed'eeni. Jennaani jari biyya gololche. Worri qurt'umi didiqo toko qaba. Yesoni eebimnaani, jara isatiini, Tanale biyyaa kenna jed'e. Nyaatani quufani, hamba dadu torba guutani. Nami nyaate kunki afurifa. Jennaani Yesoni biyya ufira galche, hobolo seene, jara isaa woliini lafa Dalmanutha jed'ani d'aqe. Farisayooni d'ufte, Yesoni woi mormite, akheekha gubba isa iraa barbaade aka isa ilaalattu. Inni maadefate waan jed'e, D'alooti kuni maafi akheekha barbaada? D'uguma wonti anini jed'u akheekha tokole d'aloota kanaa inkennani. Worra biraa deeme, hobolo keesa seene, gama kaaniti taake. Jari isaa qit'a woreega ka isaani gahu fud'achu ded'ee, qit'a toko ch'allati hobolo keesa jira. Yesoni waan Jara isatiini jed'e, Bukho Farisayootiifi ta Herode ira ufi eega. Worri waan woliini jed'e, Isii inni waan qit'a inqamneefi akasi jed'e. Yesoni waan worri jed'e, Beennaani waan worraani jed'e Maafi waan qit'a inqamneefi dubbattani? Ammalle imbeetani yokhaani inhubatani? Qalbiini teesani guddo wo inhubattu. Isani ila qabdani ammo woma inagartani? Gurra qabdani ammo ind'ageetani? Isani woma inqaabatani? Gaafa anini qit'a shani ch'ach'abse nama kunki shani nyaachise, isani hamba dadu hagami guurtani? Worri waan jed'e kud'ani lama! Ammalle gaafa anini qit'a torba ch'ach'abse nama kunki afuri nyaachise, isani hamba dadu hagami guurtani? Worri! Torba jed'e. Inni waan worraani jed'e, Isani ammalle inhubanne re? Yesofi jari isaa Bethsaida d'ufani. Biyyiti nama balla isatiini d'ufte, aka inni isa tuqu kad'atte. Namicha balla harka qabe, olla keesaa alati baase, ila isaa hanch'ufa iti tufe, harka ira kaye, Woma garta? jed'e gaafate. Ilti banamnaani, inni millate waan jed'e, Anini nama arga, ammo aka mukha yau fakaatani. Ammalle Yesoni harka ufi ila isaa ira kaye. Duuba namichi millate fayye, waan ch'ufa aka dansa arge. Yesoni iti d'aame waan jed'eeni, beeni gali ammo olla sunti indeebiini. Yesoni jara ufi woliini ollowaani lafa Kaisaria Filipi jed'ani d'ufe. Kara keesati inni jara ufi gaafate waan jed'e, Biyyiti eennu naani jetti? jed'e. Worri waan jed'e, Nami gari Yohana nama batisu jed'a, ka gari Eliya jed'a, ammo ka gari raaga duri toko jed'a. Inni worra gaafate waan jed'e, Isani ufi eennu naani jettani? Petroni waan jed'eeni, Atini Kristo. Jennaani inni worraa seere, aka nama tokoleti inhimne. Jennaani inni worra barsiise waan jed'e, Ilmi Nama guddo gaargalu male, jaarolefi qaalole gugurdofi jari Seera beekhuleeni isa mormachu male. Isa ijeesani, ammo inni guyya sadeeso inkaa jed'e. Inni jecha kana diideese dubbate. Petroni isa koba fuud'e, Jecha kana injed'ini! jed'e d'owe. Ammo Yesoni garagale, jara ufi ilaale, Petro d'owe waan jed'e, Nara fagaad'u, Sheet'ana! Atini waan Waaqa inhereddu, waan nama ch'alla heredda. Jennaani Yesoni jara ufi wolti yaame waan worraani jed'e, Yo nami na gula deemu fed'e, ha ufi mormate, maskali ufi baate na gula deemuti. Wonti akanatiifi nami jireenna ufi baasu fed'u ch'ufti ind'aba, ammo nami maro kiyyafi maro Odu Dansaatiifi jireenna ufi balleesu inargata. Maal namaa baati, yo nami waan lafa tana ch'ufa argate, ammo jireenna ufi d'abe? Woma tokole imbaatu. Nami dandae woma tokole imbaasu, aka jireenna ufi argatu. Yo nami tokoleeni anaafi dubbi tiyya dide, d'aloota hama Waaqa didu kana keesati, Ilmi Namaleeni isa indida, gaafa inni guddinna Abba ufitiini d'ufu, malaika qulqullo woliini. Ammalle inni waan worraani jed'e, D'uguma, waan anini isaniini jed'u, Nami gari ka arma jiru induu, haga Finna Waaqa ka humnaani d'ufu arguuti. Eegi guyya jaa, Yesoni Petrofi Yohanafi Yakobo mogati fuud'e, gaara d'eera gubbaa koba korsiise. Fuula worra durati bifti isaa jijiramte, woyaani isaa bibilit'e, adi ch'aama taate, aka nami dandae miich'e inadeesine. Eliyafi Musani worrati mullatani, Yeso woliini hasaani. Jennaani Petroni waan Yesoni jed'e, Aabbo, aki nu arma jiru dansa, hoosa sadi mid'aasina, toko keeti, toko ka Musati, kaleeni ka Eliyati. Petrofi worri wahela isa guddo sodaate, jennaani Petroni waan jed'u wollaale akasi jed'e. Dumansi d'ufe, worrati gaadiseese, qonqooni dumansa suni keesaa baate waan jette, Kunini Ilma kiyya tokocha, isa ch'aqasa. Hojuma suni worri ufi bira mimillannaani nama d'ibi d'abani, Yeso male. Ato worri gaara iraa gadibuu, inni worra d'owe waan jed'e, Nama tokoleti waan argitani kana inhimina, haga Ilmi Nama duisa keesaa kauti. Worri dubbi suni qaabate, duisa keesa kaisi maani? jed'e wolgaafate. Jennaani worri isa gaafate waan jed'e, Worri Seera beekhu maafi qara Eliyaani d'ufu male jed'a? Yesoni waan jed'eeni, Eliyaani d'uguma qara d'ufa aka waan ch'ufa mid'aasu. Ammo t'aafi keesati maafi Ilma Nama tuffatani guddo gaargalchu malani jed'ani? Ammo waan anini isaniini jed'u, Eliyaani qaraa d'ufe, waan fed'ani isa tolchani, akuma t'aafiini jettu. Fulla jara ufi kaani geennaani, Yesofi jari sadeenu gumi guddo ta worra marsitu argani, ammalle jara Seera beekhu wolmormani. Gumiini ch'ufti isa arginaani guddo mamte, isati orite nagaya fuute. Inni, Maani wolmormitani? jed'e gaafate. Nami toko gumi keesaa waan jed'eeni, Aabbo, anini ilma kiyya, ka jinni duuda qabu, sitiini d'ufe. Yo isa qabattu ch'ufa lafaani d'oofte, homachi afaani yae, inni ilkaani qare gogoga. Anini jara kanke aka keesaa baasani kad'ad'e, ammo worri indad'abe. Yesoni waan worraani jed'e, Isani diqole d'ugefacha inqabdani; guyya hagami isani woliini taa? Guyya hagami isani obsa? Natiini koota. Gurba isatiini d'ufani. Jinniini Yeso arginaani hojuma suni gurba hahargufte, inni lafa d'ae, gangalate, hoomachi afaani yae. Yesoni abba isatiini waan jed'e, Ganna hagami akana tahe? Inni waan jed'eeni, Haguma ijoolluma isaati. Maro heddu jinniini ibidafi bisaani keesa isa buufte, aka isa ijeeftu. Yo dandeete, nuu nahi, qarqaari. Yesoni waan isani jed'e, Yo atini dandeete jetta? Nama d'ugefatu wonti ch'ufti intaati. Hojuma suni abbaani gurbaa iye waan jed'e, D'ugefacha inqaba, yo ingeennele, na qarqaari. Yesoni aka gumiini wolti oritu arginaani, jinniini lole waan jed'eeni, Jinni duuda, isa keesaa bahi, iti indeebiini jed'eeni. Jinniini iyite, hargufte, keesaa baate. Gurbaani kaani aka reefaa tahe, tanaafi nami hedduuni, Gurbaani yayu due jed'e. Ammo Yesoni harka isaa qabe, olfuud'e jennaani inni kae. Eegi Yesoni gale, jari isaa kobati isa gaafate, Nu maafi jinni isa keesaa baasu dad'amne? jed'ani. Inni waan jed'eeni, Ta akana tana kad'acha male dandaani imbaasani. Achi kanaani Galilaya keesaa yaani. Inni aka nami fulla inni jiru beekhu infeene. Wonti akanatiifi inni jara ufi barsiisu jira. Inni waan worraani jed'e, Ilma Nama harka namati kennani ijeesani. Eegi due inni guyya sadeeso inkaa. Ammo worri jecha kana inhubanne, isa gaafachule sodaatani. Kapernaumu geennaani, ato mana keesa jiru, inni worra gaafate, Kara keesati maani wolhasooftani? jed'e. Ammo worri inch'allise, waan kara keesati, Nu keesa, eentu ira gudda? jed'ani wolmormaniifi. Inni gadi tae, jara kud'ani lamaanu yaame waan jed'eeni, Nami nama qara tahu fed'u nama eegetifi hojattu nama ch'ufa tahu male. Daima toko hampaare jiddu worraa teesise waan worraani jed'e, Nami daima akana toko maro maqa kiyyatiifi jabeesu naa jabeesa; nami naa jabeesu naa injabeesu, ammo ka na erge jabeesa. Yohanani waan jed'eeni, Aabbo, nu nama toko ka maqa kanketiini jinni baasu agarre. Inni nama keennaaniti, tanaafi isa d'owarre. Yesoni waan jed'eeni, Ind'owiina, wonti akanatiifi nami huji mama maqa kiyyaani tolchu, ka eegi suni hameenna kiyya barbaadu injiru. Nami nuuni imorkine goli teenna. D'uguma waan anini isaniini jed'u, Nama, waan isani nama Kristo taataniifi, bisaani isani obaasu, galata ufi inuma argata. Nami ijoolle didiqo tana ta na d'ugefattu guufachiisu, sila dansa yo d'akha daakhu morma isati hid'ani, galaana keesa buusani. Yo harki kanke si wollaalchise ufira kuti, gati! Yo atini naafatte jireenna seente ira sii jirti, fulla harka lamaaniini naarti keesa buutu, fulla ibidi ind'aamne. [ Achiti fulla raamooni indoone yokhaani ibidi ind'aamne.] Ammalle yo miili kanke si wollaalchise ufira kuti, gati! Yo atini naafatte jireenna seente ira sii jirti, fulla miila lamaaniini naarti keesa si buusani. [ Achiti fulla raamooni indoone yokhaani ibidi ind'aamne.] Yo ilti tante si wollaalchifte, ufi keesaa baasi. Yo atini ila tokooni Finna Waaqa argatte ira si jirti, fulla ila lamaaniini naarti keesa si buusani. Achiti fulla raamooni indoone yokhaani ibidi ind'aamne. Akuma sorio sooddani qulqulleesani, nama ch'ufa ibidaani qulqulleesani. Sooddi dansa, ammo sooddileeni, yo kuraa d'abe, maaliini kurefatani? Soodda ufi keesati horad'a, nagayaani woliini taa. Jennaani Yesoni arti kae, lafa Yudeatiifi galaana Yordani gama kaani d'aqe. Gumiini guddooni iti baanaani, inni aka aada ufi kaani worra barsiise. Farisayooni ta gari gara isaa d'iaatte, aka isa ilaalattu waan jetteeni, Aki nami niiti ufi jala baasu fullaa mo fullaaniti? Inni waan worraani jed'e, Musani maani isaniti hime? Worri waan jed'e, Musani eegi tatabe ufi jala baasiti iti kennani fullaa jed'e jed'ani. Ammo Yesoni waan worraani jed'e, Maro garaani keesani jabaateefi inni seera kana isani t'aafe. Ammo haguma waan ch'ufa uumani, Waaqi d'iirafi uwa uume jed'ani. Maro waan kanatifi d'iirti abbaafi haad'a ufi lakifte, niiti ufitiini takaa taati; jari lachu nafa toko taha. Tanaafi worri amma nafa lamaaniti, ammo tokocha. Nama Waaqi wolti hid'e, nami gargari baasu himmalle. Manati gallaani, jari isaa ammalle waan kana isa gaafate. Inni waan worraani jed'e, Nami niiti ufi lakise ta d'ibi fuud'uleeni ya niiti ufiti dabe; ammalle yo niitiini d'iirsa jalaa baate, nami d'ibiini fuud'e, isiileeni yayu daba tolchite. Biyyiti ijoolle isatiini d'ufte, aka inni tuqu, ammo jari isaa biyya d'owe. Yesoni waan kana arginaani dalane waan worraani jed'e, Ijoolleeni ha nati d'uftuuti, ind'owiina; wonti akanatiifi ijoolle akana tanati Finna Waaqa qaba. D'uguma, waan anini isaniini jed'u, Nami aka ijoolle ufi tolche Finna Waaqa imfud'anne diqole inargatu. Inni isi hampaare, ufira teteesise, harka ira kaye eebise. Ato Yesoni kara gula deemu, namichi toko isati utaala d'ufe, jilbifate isa gaafate waan jed'eeni, Aabbo dansa, anini maani tolcha aka jireenna hegeri argad'u? Yesoni waan isaani jed'e, Atini maafi dansa naani jetta? Eentu dansa, Waaqa male? Atini seera imbeeta: inijeesiini; d'iirafi nad'eeni wolbarate garayu wolintolfatini inhatiini; d'ara ind'ugeesiini; nama insobini; abbeetiifi haateti saalfad'u. Inni waan jed'eeni, Waan kana ch'ufa anini haguma ijoolluma tiyyati guute. Yesoni isa millannaani, isa jaalate waan jed'eeni, Waan toko fitate, beeni, waan qabdu ch'ufa gurguri, hiyyeeyi qoodi, hori gubba argatta, duuba na gula kooti jed'eeni. Dubbi tana d'ageennaani inni fuula yakate oode iti d'aabate, waan hori guddo qabuufi. Yesoni mirgaa bita millate, waan jara isaatiini jed'e, Akami jabaatti, aka dureeyiini Finna Waaqa argattu! Jari isaa dubbi tana guddo maadefate. Ammo Yesoni waan worraani jed'e, Isii ijoolle, argachaani Finna Waaqa akami jabaatti! Fulla dureesi Finna Waaqa argatu gaala qaa lime seenuti ira laafa. Worri guddo mame waan woliini jed'e, Eentu baafamu dandaa re? Yesoni worra millate waan jed'e, D'uguma namaani intaatu, ammo wonti namaani intaane Waaqaani intaati. Jennaani Petroni waan isaani jed'e, Ilaali, nu waan ch'ufa lakimne si gula yaane. Yesoni waan jed'eeni, D'uguma, waan anini isaniini jed'u, Nami ch'ufti ka worra ufi lakise, yokhaani oboleyaanifa, abbafa, haad'afa, ijoollefa, oobrule lakise, maro kiyyafi maro Odu Dansaatiifi, maro d'ibba toko hagasi ira argata. Inni hojja tana, maneenifa, oboleyaanifa, haad'afa, ijoollefa, oobrule, argata gaargala woliini, ammalle takaa tana jireenna hegerile argata. Ammo nami hedduuni ka amma nama qara, hegeri ka eege taha; ammalle ka amma nama eege, hegeri ka qara taha. Yesofi jari isaa kara gula yaani gara Yerusalemu olqabatani, ammalle inni worra dura deemu jira. Jari isaa mame; nami isa gula yauleeni sodaate. Inni jara kud'ani lamaanu ammalle kobati yaame, waan isa tolchani suni worrati hime, waan jed'eeni, Ilaala, nu Yerusalemuti olqabanna, Ilma Nama harka qaalole gugurdotiifi jara Seera beekhuti kennani. Worri duisa iti mure harka gosa d'ibiti kenna. Duuba isa goyeesani, hanch'ufa iti tufani, lichooni d'aanani, ijeesani, ammo eegi guyya sadi inni inkaa. Jennaani Yakobofi Yohanani, ilmaani Zebedayo, isati d'iaatani waan jed'aniini, Aabbo, waan toko nuu tolchi. Inni waan worraani jed'e, Maani feetani ka anini sila isani tolchu? Worri waan isaani jed'e, Nu lachu mirgaa bita kanke tatau feena, Finna kanke keesa. Ammo Yesoni waan worraani jed'e, Waan kad'attanile imbeetani. Isani mudunu anini d'uguuni dandeetani d'uddaniini? Yokhaani batiso anini batifamuuni batifamu indandeetani? Worri, Indandeenna jed'eeni. Yesoni waan worraani jed'e, Mudunu anini d'uguuni ind'uddaniini, ammalle batiso anini batifamuuni imbatifamtaniini; ammo aki moga tiyya ta mirgatiifi ta bita tataani tiyyaaniti, ta worra mid'aasaniifi. Jari kud'annaani kaani akasi d'ageennaani, Yakobofi Yohanati dalane. Yesoni jara wolti yaame waan jed'eeni, Isani imbeetani, aka nami sila gosa d'ibi mohatu worra dabsu, ammalle jari gugurdaani worraa jabeenna ufi agarsiisu. Taatule isani akasiiniti, ammo ka isani keesa gudda tahu fed'u, hojattu tahu male; ammalle ka isani keesa nama qara tahu fed'u tisse nama ch'ufa tahu male. Wonti akaatifi Ilmi Namaleeni aka hojataniifi ind'umne ammo aka namaa hojate, jireenna ufi maro nama heddutiifi baasuufi d'ufe. Yesofi jari isatiifi gumiini guddooni dira Yeriko gahani. Ato Yeriko bahanu, nami ballaani toko ka Bartimayo, ilma Timayo jed'ani d'aatu karaa taa. Inni, Yesoni ka Nazareti ya d'ufe jed'ani d'agaye, iye waan jed'e, Yeso, Ilma Daudi, naa nahi. Nami hedduuni isa dubbachu d'owe, Ch'allisi jed'eeni. Ammo inni hagasi ira iye, Ati Ilma Daudi, naa nahi jed'eeni. Yesoni miili d'aabate, Gadi yaama jed'e. Worri namicha balla kaani yaame waan jed'eeni, Garaa jabaad'u, kai, inni si yaamu jira. Inni woya ufi lafa buuse, olch'ee, Yesoti d'ufe. Yesoni waan isaani jed'e, Ana maani sii tolchu feeta? Ballaani kaani waan jed'eeni, Aabbo, anini lafa argu fed'a. Yesoni waan isaani jed'e, Beeni, d'ugefachaani tante la si fayyifte. Inni hojuma suni lafa arge, faana Yeso kara gula deeme. Worri Yerusalemufi gaara Bethfagefi Bethaniati d'iaannaani, fulla gaara Ejersa jed'ani, Yesoni jara ufi keesa nama lama erge waan jed'eeni, Olla isani dura jiru olduuda, duuba yo olduuddani, bukhura harree, ka hid'aansa qabu, ka taka illenjisiini argitani, hiikha, kootaani. Yo nami, Maafi hiitani? jed'e, Aabbooti fed'a, ammalle inni indeebisa jed'aani. Worri kae yae, bukhura harre, ka hid'aansa qabu argani, duuba hiikhani. Nami achi ejaanju waan jed'eeni, Bukhura maafi hiitani, maani tolchitani? jed'e. Ammo worri waan Yesoni jed'e, iti himnaani, worra gadi lakise. Jennaani worri bukhura harree kaani Yesotiini d'ufe woya ufi raro tolchani Yesoni yaabate. Nami hedduuni woya ufi kara keesa afe, ka gari dame mukha ch'ire, kara keesa afani. Nami isa dura jiruufi ka isa duuba yauleeni waan jed'ani, Waaqa faarsa, Nami maqa Aabbootiini d'ufu la eebifame! Waaqi finna Aabbo keenna Daudi, ka d'ufu jiru eebisinna! Waaqa faarsa! Yesoni Yerusalemu seene Mana Waaqa d'aqe. Waan ch'ufa mimillate, maro aduuni d'iiteefi, jara ufi kud'ani lamaani woliini Bethania d'aqe. Boriyya, worri Bethaniani baanaani, inni beelae. Duuba mukha oda toko, ka baala qabu, fagoti arge, mid'aani ira laalu d'aqe. Achi geennaani, baala male, woma iraa d'abe; wonti akanatiifi hojjaani odaani bilchaatu ingeenne. Inni waan jed'eeni, Nami tokoleeni iti deebie mid'aani sira inyaatini! Jari isaa waan kana d'agaye. Yerusalemu gahani jennaani Mana Waaqa seene, gumi Mana Waaqa keesati wo gurgurattufi ta bitattu achi had'e, mesa nama hori jijiratufi barch'uma nama sabaliisa gurgurule garagalche, nama d'aatu Mana Waaqa kara tolfate miha baate dabruuni yau d'owe. Duuba worra barsiise waan jed'eeni, Mani kiyya mana eeba gosa ch'ufa jed'ani t'aafaniiniti? Ammo isani goda hattu tolchitani. Qaalole gugurdofi jari Seera beekhu akasi d'ageennaani kara isaani ijeesani malatani. Ammo maro gumiini ch'ufti barsiisa isaa maadefatteefi isa sodaatani. Lafti galgaloomnaani, Yesofi jari isaa dira keesaa bahani. Ato ganamaani dabranu, oda hiddi gogeeni bahani. Petroni waan tahe qaabate waan jed'eeni, Aabbo, ilaali, odaani atini abaarte kaani ya gogoge. Yesoni waan worraani jed'e, Waaqa d'ugefad'a. D'uguma, waan anini isaniini jed'u, Nami gaara kanaani, Arma buqai, galaana keesa bui jed'eeni, yo garaa ufi keesati ind'arefanne, ammo aka wonti inni jed'u taatu d'ugefatu, wonti suni inguutamtiifi. Tanaafi waan anini isaniini jed'u, Waan isani Waaqa kad'attani ch'ufa, d'ugefad'a, aka qara d'uguma argattani, duuba inuma argattani. Ammalle, hojja ejattani Waaqa kad'attani ch'ufa, namaa araarama, yo nami isani dabse jiraate, aka Abbaani keesani ka gubba wollaala keesanile isanii araaramu. [ Yo isani namaa araaramu diddani, Abbaani keesani ka gubbaa jiru wollaala keesanile isanii araaramu dida.] Duuba Yerusalemuti deebiani. Ato Yesoni Mana Waaqa keesa deedeemu qaalole gugurdofi jara Seera beekhufi jaaroleeni isati d'ufte waan jetteeni, Jabeenna kamiini waan kana tolchita? Yokhaani, eentu jabeenna kana sii kenne, aka waan kana tolchitu? Yesoni waan jed'eeni, Anileeni waan toko isani gaafad'a; nati hima, duuba anileeni jabeenna anini waan kana tolchuuni isaniti hima. Batisooni Yohana gubbaa baate mo lafaa baate? Nati hima. Worri wolmorme waan woliini jed'e, Yo gubbaa jenne, inni, Isani maafi isa ind'ugefatiina? jed'a. Ammo yo Lafaa jenne (gumi sodaatani, waan nami ch'ufti Yohana raaga sehuufi). Tanaafi waan Yesoni jed'ani, Nu imbeennu. Yesoni waan jed'eeni, Yoosi, anileeni jabeenna waan kanaani tolchu isaniti inhimu. Jennaani Yesoni mammaakhe waan jed'eeni, Nami toko oobru zabibu fach'aase, dallaani marse, boola zabibu keesati ch'ach'arasani qote, doofi iti ijaare, harka jara oobru hojatuti lakise, lafa d'ibi d'aqe. Muraansi geennaani, tisse toko jara oobru hojattuti erge, aka mid'aani oobru keesaa argattu. Worri kaani isa fuud'e d'aane, harka duwa arie. Ammalle abbaani tisse d'ibi worrati erge. Isale mata d'oosani ch'eersani. Ammalle inni ka d'ibi erge, isale ijeesani, ammalle nama d'ibi heddule, ka gari d'aanani, ka gari ijeesani. Inni ammalle nama d'ibi qaba, ilma isaa tokocha. Eege, inni isa erge waan jed'e, Worri ilma kiyya insodaata. Ammo jari oobru hojatu kaani waan woliini jed'e, Kunini ka d'aalu, koota inijeemna, duuba d'aalti teenna taati. Worri isa fuud'e ijeese, oobru zabibu keesaa alati darbatani. Abbaani oobru maani tolcha yoosi? Inni d'ufe, jara oobru hojatu balleese, oobru harka nama d'ibiti kenna. T'aafi Waaqa keesati tana insoomne? D'akhachi ijaartuuni tuffatte dide yayu d'akha ch'ufa ira jaba tahe. Aabbooti waan kana tolche ila teenna durati wonti kuni waan mama! Aka inni dubbi tana worraa jed'e, mammaakhe beennaani, jari Yahudi gugurdaani Yeso qabu fed'e. Ammo gumi sodaatani, tanaafi lakisani biraa yaani. Farisayoofi jara Herode ka gari isati ergani aka dubbi afaani isaa fuud'ani. Worri d'ufe waan isaani jed'ani, Aabbo, nu imbeenna aka atini nama d'uga, ka guddinna nama iyaalle; wonti akanatiifi atini fuula nama inilaaltu, ammo kara Waaqa akuma dansa nama barsiifta. Aki Kaisari damoosa baasani fullaa mo fullaaniti? Imbaamna mo imbaamnu? Ammo inni kiyyiba worraa beennaani, waan worraani jed'e, Maafi na ilaalattani? Me, shilingi toko na garsiisa. Tokooni d'ufani jennaani inni waan jed'eeni, Mata eenuti gubba taa? Worri waan jed'eeni, Mata Kaisari. Yesoni waan jed'eeni, Waan Kaisari, Kaisarii baasa, ammo waan Waaqa, Waaqaa baasa. Worri guddo waan isaa mame. Sadukayoni gari ta, Kaisi injiru jettu, isati d'ufte waan jetteeni, Aabbo, aka Musani t'aafe gula, yo nami niiti qabu due, ammo ijoolle inqamne, oboleesi nama suni niiti isaa d'aale oboleesa ufiti ijoolle d'alu male jed'e. Duuba, oboleyaani torbati jira; ka qara niiti fuud'e, ijoolle male due. Ka lameesotifi ka sadeesoleeni akasuma ilmaani male duani. Torbaanu isi fuunaani ijoolle inarganne. Eege niitileeni doote. Gaafa kaisa, isiini niiti eennu taati? Torbaani yayu isi fuud'ani. Yesoni waan worraani jed'e, Isani guddo wolaaltani! Wonti akanatiifi dubbi Waaqatiifi humna Waaqa imbeetani. Hojja duisa keesaa kaani, nami wolimfuud'u, ammo aka malaika gubba taani. Ammo aka ka due kaasani isani kitaaba Musa keesa fulla waan gurbi bobeetu t'aafani taka insoomne? Aka Waaqi anini Waaqa Abrahamu, Waaqa Isaaqotiifi Waaqa Yakobo jed'e. Inni Waaqa Nama duetiiniti, ammo ka worra jiruti; isani guddo wolaaltani. Jara Seera beekhu keesa, nami toko isati d'ufe, aka worri woldide d'ageennaani, ammalle aka Yesoni aka dansa worraa deebise beennaani, isa gaafate waan jed'e, Seera kamiti ch'ufa ira jaba? Yesoni waan jed'eeni, Seeri ka ch'ufa ira jaba kana. Ee Israeli, d'agayi, Aabbo Waaqa keenna Aabbo tokocha. Aabbo Waaqa kanke jaalad'u, garaa kanke ch'ufaani, lubbu tante ch'ufaani, qalbi tante ch'ufaani, jabeenna kanke ch'ufaani. Lameesooni kana: nama ch'ufa aka ufi jaalattu jaalad'u. Seeri kana lamaani ira jaba injiru. Nami Seera beekhu kaani waan Yesoni jed'e, D'uguma baanta, Aabbo atini waan d'uga dubbatte, aka Waaqi toko ch'alla, ammalle aka kad'ibiini injirre, isa male; ammalle aki isa jaalatani, garaa ch'ufaafi hubacha ch'ufaafi jabeenna ch'ufaani; ammalle aki nama ch'ufa aka ufi jaalatani jaalatani sorio gosa ch'ufa iraa wo baati. Yesoni aka inni qalbiini deebise arginaani waan jed'eeni. Atini Finna Waaqa iraa fago injirtu. Eegi suni, nami ch'ufumaanu isa gaafachu sodaate. Ato Yesoni Mana Waaqa keesati nama barsiisu, inni waan jed'e, Jari Seera beekhu akami, Kristoni ilma Daudi jed'a? Daudini ufiiftu, Lubbu Qulqullo keesa, waan jed'e: Aabbooni waan Abba kiyyaani jed'e: Gama kiyya ka mirga tai, haga anini nyaapa kanke miila kanke jala naquuti. Daudini Aabbo nama kanaani jed'a; inni akami ilma isaa tahe re? Gumiini guddooni gammadaani isa d'ageete. Ato worra barsiisu, Yesoni waan jed'eeni, Jara Seera beekhu eegad'a, ka woya d'ed'eertu naqate yau, ka fulla gabayati nagaya fuud'isa jaalatu ammalle ka Mana Waaqa iti kad'atani keesati dura tatau jaalatu, ka jila keesati fulla dansa tatau fed'u. Worri hori nad'eeni d'iirsa inqamne iraa hobaase, ammalle nama sobe, kad'acha d'eeresa. Wollaala taka inargiini worrati murani. Yesoni fulla hori Waaqaa baasani naqani tae, gumi hori baaftu ilaale. Dureeyiini hedduuni hori gudda keesa nat'e. Jennaani niitiini hiyyeetiini toko, ta d'iirsa inqamne, dururu lama, ta beese toko taatu, keesa buufte. Inni jara ufi yaame waan jed'eeni, D'uguma, waan anini isaniini jed'u, Niitiini hiyyeetiini tuni nama ch'ufa ira hori baafte. Wonti akanatiifi worri ch'ufti hori ufi gudda keesaa wo baase; ammo isiini, hiyyuma ufi keesaa, waan qabdu ch'ufa baafte, hori ufi ch'ufa. Ato Yesoni Mana Waaqa keesaa bahu, jara isaa keesa nami toko waan jed'eeni, Aabbo, D'akhaye dadansa manaani jaarani tana dawad'u! Yesoni waan isaani jed'e, Maneeni gugurdo tana agarta? D'akhaani tokoleeni woli irati inhafu; ch'ufa gargari jissani. Ato inni gaara Ejersa jed'ani gubba tau, ka Mana Waaqa moga suni jiru, Petrofi Yohanafi Yakobofi Andareani kobati isa gaafatani. Gaafa wonti kunini taatu nuti himi; ammalle, akheekha kamiti d'ufa, yo wonti kunini d'iaatte? jed'aniini. Yesoni waan worraani jed'e, Eegad'a, aka nami tokoleeni isani insoomne. Nami hedduuni maqa kiyyaani d'ufe, Anini Kristo jed'e nama heddu soba. Ammo yo isani waan lola yokhaani gurra lola d'ageetani iriifatiina. Wonti kuni qara d'ufu malte, ammo guyyaani muumme qara ingeenne. Gochi kaate gosaani wolhaati, lafti lafaani wolhaati; lafti fulla hedduuni chochoti, beeltileeni ind'ufti, wonti kuni gaargala qaraati. Ammo isani eegad'a. Wonti akanatiifi nami isani qaqabe kora isani geesa, Mana Waaqa iti kad'atani keesati isani d'aanani maro tiyyaafi; jaallabafi hayyu dura ejaanjitani, aka worra durati d'ugeesitani. Odu Dansa qara gosa ch'ufaati odeesu malani. Ammalle hojja isani guurani qorsuma geesani ch'ufa, waan jettani durati iyaadiina, ammo waan gaafasi isaniti kennani jed'a. Wonti akanatiifi ka dubbatu isaniiniti, ammo Lubbu Qulqullo. Oboleesi oboleesa ufi ijeechaati kenna, ammalle ijoolleeni aka abbooti ijeesani feeti. Nami ch'ufti maro tiyyaafi isani jibba. Ammo abbaani obse haga muumme tau imbaafama. Ammo hojja waan jibbani ta nama rifachiisa, ta fulla tau himmalini teetu argitani (nami soomu ha hubatu), nami Yudea keesa jiru ha gaareeniti baqatu. Nami mana gubba jiru gadi bue, mana seene woma mana keesaa imfud'atiini. Nami oobru keesa jiruleeni, aka woya fud'atu ingaliini. Guyya suni gaargala nad'eeni garaacha qabduufi ta hoosiftu! Kad'ad'a aka wonti kuni bara qabana intaane. Wonti akanatiifi guyya suni gaargala haga Waaqi lafa uume haga arrale nami taka inargiiniti d'ufa. Wonti akasi iti deebite lafa ind'uftu. Yo sila Aabbooni guyya suni gabaabsu d'ibaate, nami tokoleeni imbahu; ammo maro nama inni fohate suniifi inni ya guyya gabaabse. Duuba, yo nami tokoleeni, Me ilaala, Kristoni arma jira! yokhaani, Me ilaala, inni achi jira! jed'e, ind'ugefatiina. Kristo d'aratiifi raagi d'ara mullate, akheekhafi mamisa d'ara nama agarsiisa, aka yo dandaani, nama Waaqi fohatele sobani. Ammo isani eegad'a, anini waan ch'ufa durati yayu isaniti hime. Bara suni eegi gaargala suni, aduuni indukanoofti, jii iti deebie infisu. Urjiini ch'ufti gubba gadi harch'aati, jabeenna gubba ch'ufa fulla isaati chochoosani. Jennaani Ilma Nama ka dumansa keesa jabeennaafi guddinnaani d'ufu argani. Inni malaika erge nama inni fohate gama ch'ufa wolti guura, haga muumme lafatiifi ta gubba ch'ufa. Mammaasa toko oda iraa barad'a. Yo dameeni isaa latte baala baafte, imbeetani aka ch'aamsaani d'iaate. Akasuma, yo waan kana ka tahu argitani, beekha, aka guyyaani diquma ingahiini. D'uguma, waan anini isaniini jed'u, d'alooti kuni indabru, haga wonti kuni ch'ufti guutamtuuti. Gubbafi lafti indabarti, ammo dubbini tiyya indabartu. Ammo guyyafi hojja suni nami tokoleeni imbeekhu, malaikaani gubbaleeni, yokhaani Ilmileeni, Abba male. Isani guyya suni imbeetani, tanaafi eegad'a, irrafiina. Wonti kunini aka nama imaltu deemu jirti. Inni worra ufi lakise jabeenna tissele isaati kenne, kamu huji kenneefi, duuba nama balbala eeguleeni balbala aka dansa eegi jed'a. Tanaafi aka dansa eega, wonti akanatiifi hojja abbaani mana d'ufu imbeetani, yo galgala taatele, yo halkani guddo taatele, yo baraaqa taatele, yo afaani bari taatele, aka inni d'ufe isani raftani inargine. Tanaafi waan anini isaniini jed'u ani nama ch'ufaani jed'a: Eega! Guyya lamati hafe ato Pasakafi jilti Qit'a bukho inqamne ingahiini. Qaalole gugurdofi jari Seera beekhu aka d'ossaani Yeso ijeesani mariatani. Worri waan woliini jed'e, Jila keesati isa inqamnu, aka biyyiti garagalte lafa imballeesine. Ato Yesoni Bethania jiru, mana Simoni ka qomaat'a qabu keesa tae sagale nyaatu, niitiini toko d'ad'a qayya urgaa, ka gati guddo qabu, dulo dooqati nat'e d'ufteeni. Dulo taani ch'absite, d'ad'a mata isaa dibde. Ammo nami gari dalane waan woliini jed'ani, D'ad'a kana maafi akana balleesani? D'ad'a qayya kana sila shilingi d'ibba jaa ira jirtuti dandaani gurgurani, hiyyeeyi qoodani jed'ani. Yesoni waan jed'eeni, Isii iraa ch'allisa, maani iraa qabdani? Isiini waan dansa naa tolchite. Hiyyeeyiini guyya ch'ufa isani woliini jirti, ammo anini guyya ch'ufa isani woliini injiru. Isiini waan dandeetu naa tolchite, nafa kiyya d'ad'a dibde, awaala kurfeesite. D'uguma, waan anini isaniini jed'u, fulla Odu Dansa iti odeesani ch'ufa, waan isiini tolchitele inodeesani, aka isi qaabatani. Jennaani Yudani Iskariote, ka jara kud'ani lama kaani keesa jiru, gara qaalole gugurdo d'aqe, aka harka worrati Yeso kennu. Waan kana d'ageennaani, worri guddo gammade, hori isaa kenniti buufatani. Duuba inni qoomni barbaade, aka harka worrati kennu. Guyyaani qara ka jila Qit'a bukho inqamne geennaani, hojja ilme hoola ta Pasaka qalani, jari isaa waan jed'eeni, Atini nu eesa deemne Pasaka mid'aasinu feeta, aka nyaannu? Inni jara isaa keesa lama erge waan jed'eeni, Dira keesa seena, nama d'iira ka bute bisaani baatu argitani. Isa gula yaa, mana inni seenu olduuda, waan abba manatiini jettani, Aabbooni waan jed'e, Mani keessuma me, aka anini jara kiyya woliini Pasaka keesati nyaad'u? jed'aani. Namichi suni mana gudda, ka gubbaa, ka miha qabu, ka kurfeesani isani garsiisa, artiti nuu mid'aasa. Jari isaa kae yae, waan inni jed'e argani, sagale Pasaka mid'aasani. Lafti galgaloomnaani, inni jara ufi kud'ani lamaanu woliini d'ufe. Ato worri tatae sagale nyaatu, Yesoni waan jed'e, D'uguma, waan anini isaniini jed'u, Isani keesa, nama toko ka na woliini tae sagale nyaachu jiruti harka nyaapa kiyyati na kenna. Worri guddo lalefate, toko tokooni waan isaani jed'ani, Na wo taate? Yesoni waan worraani jed'e, Jara kud'ani lamaani kana keesa, toko ka na woliini qit'a qori keesa tuqate nyaatu isa. Ilmi Nama akuma t'aafani deema, ammo gaargala isaati, ka Ilma Nama harka nyaapa isati kennu! Nami suni, yo sila ind'alatiini, ira dansa! Ato worri sagale nyaatu, Yesoni qit'a fuud'e, eebise, ch'ach'abse, worrati kenne waan jed'e, Hood'a, kunini nafa kiyya. Inni mudunu fuud'e, galata deebise, worrati kenne, worri ch'ufti d'uge. Inni waan jed'e, Kunini d'iiga kiyya, ka wold'aqisa, ka nama hedduu jige. D'uguma, waan anini isaniini jed'u, Anini deebie bisaani zabibu ind'ugu, haga Finna Waaqa keesati hareesa d'uguuti. Duuba eegi sirba toko sirbani, worri gaara Ejersa jed'ani d'aqe. Yesoni waan worraani jed'e, Isani ch'ufumaani ingufattani; wonti akanatiifi t'aafiini duri waan jettu, Anini tissitu ijeese, hooliyeeni gargari firfirfamti jetti. Ammo eegi na kaasani, anini isani durati Galilaya d'aqa. Petroni waan isani jed'e, Yo nami ch'ufti gufatele, anini ingufad'u. Yesoni waan isaani jed'e, D'uguma, waan anini siini jed'u, Halkanuma kana, ato kormi luku maro lama iniyine, atini maro sadi na mormatta. Ammo inni afaani guutate waan jed'e, Yo si woliini duele anini si imormad'u. Ch'ufumaanu akasi jed'ani. Fulla toko ta Gethsemane jed'ani d'ufani; Yesoni waan jara ufitiini jed'e, Arma tataa, haga anini Waaqa kad'ad'u. Jennaani inni Petrofi Yakobofi Yohana yaame, guddo rifate gaargale waan worraani jed'e, Lubbuuni tiyya guddo oodi, diquma na keesaa imbaane, arma tataa, eega. Diqo dura deemnaani, lafati jige, Waaqa kad'ate, aka yo taate, hojjaani tuni isa bira dabartu. Inni waan jed'e, Ee Aabbo, atini waan ch'ufa indandeeta, mudunu tana naraa fuud'i, ammo fed'i tiyyaaniti, fed'i tantetiini. Jennaani inni deebie, worra rafu arge waan Petroni jed'e, Simoni, atini irrafta? Saati toko dandeete ineeddu? Irrafiina, kad'ad'a, aka ilaalachaa keesa inseenne. Lubbuuni d'uguma imfeeti, ammo nafi laafa. Inni ammalle deeme kad'ate, dubbuma qara dubbate. Ammalle deebinaani, worra rafu arge, ilti worraa mugatiini ulfaatte, worri ammalle waan deefatu imbeekhu. Maro sadeeso deebie waan worraani jed'e, Isani ammalle ch'ich'iiftani raftani? Ya geete, hojjaani ya d'iaatte, Ilma Nama harka nama dabati kennani. Kakaa, nu yaasa, ilaala, nami harka nyaapa kiyyati na kennu d'aatu tana jira. Ato Yesoni dubbatu, Yudani, ka jara isaa kud'ani lamaani keesa jiru d'ufe; ammalle isa woliini gumiini bilaafi bokuuni yaatu, ta qaalole gugurdofi jara Seera beekhufi jaaroleeni ergite isati d'ufte. Namichi harka nyaapa isaati Yeso kennu kaani waan gumiini jed'e, Nami anini d'ungad'u isa, qaba, armaa fuud'a, tissa. D'umnaani, inni maro tokotu gara Yeso d'aqe, Aabbo jed'e d'ungate. Jennaani Yeso qabani eegani. Ammo namichi toko ka bira eju, sheefti ufi qalqala keesaa luqise, tisse qaallicha gudda d'ae, gurra toko iraa kute. Yesoni waan worraani jed'e, Isani aka waan shifta qabu yaatani, sheeftifi bokuuni gara kiyya d'uftani? Anini guyya heddu Mana Waaqa keesa isani woliini jira, aka nama barsiisu, ammo isani na inqamne. Ammo t'aafiini ha guutamtu. Jennaani jari isaa ch'ufti isa lakise baqate. Kaimi toko, ka woya boofta ch'alla uyifatu, isa gula deeme. Ammo worri isa qabu feenaani inni woya boofta suni keesaa bahe, qulla baqate. Jennaani gara qaallicha gudda Yeso geesani; qaalole gugurddofi jaarolefi jari Seera beekhuleeni wolwoldaani. Petroni fago isa hordofe, haga ch'icha qaallicha gudda. Achiti hojattu woliini tae ibida qanqaamate. Qaalole gugurdofi jaaroleeni koraa nama Yeso himatu barbaadani, aka ijeecha iti murani, ammo d'abani. Nami hedduuni waan d'aratiini isa himate, ammo afaani worra wolind'anne. Jennaani nami gari olejate waan d'aratiini isa himate waan jed'e, Nu isa, Anini Mana Waaqa kana, ka nami ijaare, ch'abse, guyya saditi kad'ibi ka nami inijaariini ijaara jed'u d'ageenne jed'ani. Ammo taatule, dubbini worraa wolind'anne. Qaallichi guddaani jiddu worraa ejate, Yeso gaafate waan jed'e, Atini woma indeebiftu? Worri kuni maafi si himata? Ammo Yesoni dubbachu dide. Ammalle qaallichi guddaani isa gaafate waan jed'e, Atini Kristo, Ilma Waaqa ka guddisani mo? Yesoni waan jed'e, Ee, Ana; ammalle Ilma Nama ka harka mirga Waaqaa tau argitani, ka dumansa gubbatiini d'ufu! Qaallichi guddaani woya ufi tarsaase waan jed'e, D'uga d'ibi maani iraa qamna? Isani isa Waaqa arabsu ya d'ageetani. Maani murtani? Worri ch'ufti ijeecha iti mure. Nami gari hanch'ufa iti tufe, ila qabani, d'abanaasani waan jed'aniini, Fagi! Hojattuleeni tontomooni isa d'aante. Ato Petroni ch'icha tau, garbitiini qaallicha gudda toko d'ufte. Petro ibida qanqaamatu argite, isa ilaalte waan jetteeni, Atileeni Yeso Nazareti woliini jirtayu? Ammo inni mormate waan jed'e, Hiyyo, anini waan atini dubbattu kana taka ind'ageenne jed'e, kae fullooni bahe. Hojuuma suni kormi luku iye. Ammalle garbitiini taani isa argite, waan worra isi bira ejaanjuuni jette, Kunini nama isaati. Ammo Petroni ammalle mormate. Diqo toko teennaani, worri achi ejaanju waan Petroni jed'e, Laki abbo, dandeete imormattu, worri keesani Galilaya, atini d'uguma nama isaati. Jennaani Petro ufi abaare, khakhate waan jed'e, Anini nama isani baantani kana imbeekhu. Hojuma suni kormi luku maro lameeso iye. Petroni dubbi Yesoni isaani jed'e qaabate, ta inni, Ato kormi luku maro lama iniyine, maro sadi na mormatta jed'e taani. Inni guddo lalefate bohe. Lafti bariinaani, qaalole gugurdofi jaarolefi jara Seera beekhufi jaaroleeni kora ch'ufti koratte, Yeso sibiilaani hid'ani, geesani harka Pilatoti kennani. Pilatoni isa gaafate waan jed'e, Atini hayyu Yahuditi? Inni waan jed'eeni, Atu ya jette. Qaaloleeni gugurdooni waan hedduuni isa himatte. Pilatoni ammalle isa gaafate waan jed'e, Atini woma indeebiftu? Me, waan heddu ka siini himatani kana ilaali! Yesoni ammalle woma indeebimne, tanaafi Pilatoni guddo mame. Jila keesa aadaani isaa nama toko ka hid'aansa keesa jiru hiiti. Bara suni namicha toko ka Baraba jed'ani, jara lafa garagalchu fed'e nama ijeese woliini hid'ani. Gumiini Pilatoti d'ufte, aka inni aada ufi guutu kad'atte. Inni waan worraani jed'e, Aka anini hayyu Yahudi isanii hiikhu feetani? jed'eeni. Inni aka qaaloleeni gugurdooni d'iibifi Yeso harka isati kennite imbeekha. Ammo qaaloleeni gugurdooni gumi gorsite aka inni fulla Yeso Baraba hiikhu. Pilatoni ammalle waan worraani jed'e, Nama hayyu Yahudi jettaniini, kana maani tolcha re? Worri ammalle gohe waan jed'e, Isa fannisi jed'ani. Pilatoni waan worraani jed'e, Maafi akana jettani? Inni hameenna maani tolche? Ammo worri guddise gohe waan jed'e, Isa fannisi. Tanaafi Pilatoni, maro inni gumi gammachiisu fed'eefi, Baraba hiikhe, Yeso lichooni d'aane, Fud'ad'a, fannisa jed'eeni. Askartiini mana hayyu, ka Praitoria jed'ani, keesa isa seensifte, duuba askarti ch'ufa wolti yaamani. Woya diimtu iti uyisani, qoraati aka sure tolchani, mata isaa ira kayani. Duuba iti d'iaannaani, Hayyu Yahudi, lubbuuni tante ha d'eeratuuti jed'aniini. Jennaani mata isaa harch'umeeni d'aanani, hanch'ufa iti tufani, durati jilbifatani, aka waan isa guddisani. Goyeesinaani, woya diimtu iraa baasani, woya isaa uyisaniifi. Ammalle isa fannisitifi alati geesani. Duuba nama toko ka lafa oobruti bahe dabru jiru qabani, mukha maskali Yeso baachisani. Inni Simoni Kirene jed'ani, abba Iskandafi Rufo. Fulla toko ta Golgotha jed'ani d'ufaniini. (Golgotha jechaani Buqe Mata jecha.) Daad'iifi qumbi wolti naqani iti kennu fed'ani, ammo inni d'ugu dide. Jennaani maskali irati isa fannisani, woya isaa qoodatani, hit'a buufatani, waan namu argatu ilaalani. Hojja isa fannisani suni saa sadi. Hayyu Yahudi jed'ani, waan isaani himatani t'aafani. Isa bira shifta lama fannisani, toko gama mirga, kaani gama bita. [ Kara kanaani t'aafiini guutamte ta, Nama hamama isa woliini heregani jettu.] Nami d'aatu isaa yau isa arabse, mata iti irbe waan jed'ani, Lee! Atini ka sila Mana Waaqa ch'ach'absite, guyya sadi keesati jaartu, ufi baasi, maskali iraa bui! Akasuma qaalole gugurdofi jara Seera beekhuleeni isa goyeesani waan woliini jed'ani, Inni ka nama d'ibi baase, dandae ufi imbaasu. Kristoni, hayyuuni Israeli, ha amma maskali ira gadi buu, aka nu argine d'ugefannu. Jari isa woliini fannisanileeni isa arabse. Saa jaa geennaani, lafti ch'ufti dukanoofte haga saa sagali. Ammalle saa sagali geennaani, Yesoni qonqo guddooni iye waan jed'e, Eli, Eli, lama sabakthani? Akasi jechaani, Waaqa kiyya, Waaqa kiyya, maafi na lakifta? Jari gari ka bira ejaanju akasi d'ageennaani waan jed'e, Me ilaala, inni Eliya yaamu jira. Namichi toko utaale, bututu laaftu toko daad'i keesa kaye, hokoti fannise. Jennaani aka inni d'ugu iti kenne waan jed'e, Eega! Aka Eliyaani d'ufe maskali ira isa buusu laala. Yesoni qonqo guddooni lalabe, hafuura baafate ch'iche. Golli Mana Waaqa fulla lamati gubbaa gadi tarsae. Guddaani askarti ka isa dura eju, aka inni akasi hafuura baafatu arginaani waan jed'e, D'uguma nami kunini Ilma Waaqaati. Nad'eeni garileeni waan kana fagoo ilaalte. Worra keesa, Mariamu Magdalenefi Mariamu haad'a Yakobo maand'ichafi Yose, ammalle Salometi jira. Isiini gaafa Yesoni Galilaya jiru isa gula yaate hojateefi. Ammalle nad'eeni heddu d'ibiti, ta isa woliini Yerusalemu olqabatte achi jira. Lafti galgaloomnaani Yusufuni, ka dira Arimathaya d'ufe. Inni nama gurra qabu, kora Yahudi keesa, ka d'ufiisa Finna Waaqa eegu. Guyyaani suni guyya Kurfefacha (akasi jechaani guyya Sabato dura jecha); tanaafi Yusufuni garaa jabaate, gara Pilato d'aqe, reefa Yeso kad'ate. Pilatoni, aka Yesoni yoosu due mame, gudda askarti yaame, aka Yesoni yoosu due gaafate. Gudda askarti ira d'ageennaani, inni reefa Yusufuti kenne. Yusufuni woya boofta bite, isa gadi buuse, woya taaniini mamare, goda d'akha keesaa boch'ani keesati awaale, d'akha toko afaanti gangalche. Mariamu Magdalenefi Mariamu haad'a Yose, fulla Yeso iti awaalani argani. Guyyaani Sabato dabarraani, Mariamu Magdalenefi Mariamu haad'a Yakobotiifi Salomeni waan urgooftu bitani, aka d'aqani nafa Yeso dibani. Duuba ganama guyya qara ka torbaani suni, eegi aduuni baate, fulla awaala d'aqani. Waan woliini jed'ani, Eentu d'akha afaani awaalati nuu gangalcha? Millannaani, d'akha guddo gudda kaani ka dudduubati gangalchani argani. Awaala seenani, gurba kaima toko, ka woya adi uyifate gama mirgaa tau argani, guddo mamani. Inni waan jed'e, Himamiina; isani Yeso Nazareti ka fannisani barbaaddani. Inni la kae, arma injiru! Ilaala, kuno, fulla isa qara kayani. Ammo beena, jara isatiifi Petroti hima, Inni isani durati Galilaya d'aqa, achiti isa argitani jed'aani, akuma duri inni isaniti hime. Nad'eeni taani sodaatte holatte kaate, fulla awaalati baqatte. Namunu womale injenne, maro sodaatteefi. [ Yesoni ganama guyya qara ka torbaani duisa keesaa kae. Jennaani qara Mariamu Magdalene, ta inni jinni torba keesaa baase iti mullate. Isiini d'at'e jara duri isa woliini jiruti himte, ato worri iye bohu. Ammo aka inni duisa keesaa kae, ammalle aka isiini isa argite d'ageennaani, d'ugefachu didani. Eegi suni, Yesoni nama lamati bifa d'ibiini mullate, ato worri gara lafa oobru yau. Worri deebie, jara kaaniti hime, ammo d'ugefachu didani. Eegi suni, Yesoni jara kud'ani tokoti mullate, ato worri sagale nyaatu. Inni worraani lole waan worri d'ugefacha d'abe, nama eegi inni duisa keesaa kae isa arge, worrati hime d'ugefachu dideefi. Inni waan worraani jed'e, Lafa ch'ufa keesa yaa, Odu Dansa nama ch'ufati odeesa. Nami d'ugefate batifamu imbaafama, ammo ka ind'ugefanne wollaala iti murani. Ammalle akheekhi kuni worra d'ugefatu keesa mullata: maqa kiyyaani jinni nama keesaa baasani; afaani d'ibiini dubbatani; yo bofa harkaani qabani olfuud'ani, yokhaani had'ale d'ugani woma intahani; nama fayya inqamne harka ira kayani fayyisani. Eegi Aabbo bo Yesoni jara ufiti dubbate, inni gubbati oldeebie, harka Waaqa mirgaani tae. Jari isaa yae, fulla ch'ufati dubbi Waaqa hasae; Aabboleeni worra woliini hojate dubbi jabeese, maro akheekha ka worri tolcheefi.] Ee Theofilo: Nami hedduuni odu waan jiddu teennati tolchani yayu haga dandaani t'aafe. Worri, gaafa t'aafe, akuma jari waan kana haguma duriiti arge odeese nuti hime gula t'aafe. Tanaafi anileeni dansa sehe, aka waan kana qajeelche sii t'aafu, waan anini haguma qara dubbi tana aka dansaa ilaale barad'eefi. Wonti anini waan kana tolchuufi aka atini d'uga waan si barsiisani barattu. Bara Herodeni hayyu Yahudi, qaallicha toko jira ka Zekaria jed'ani ka balbala qaalole Abiya jed'ani. Niiti isa maqaani Elisabeti ta isiileeni balbala worra qaalole himatu. Worri lachu Waaqa durati worra d'ugaati, wollaala male seera isatiifi aada isaa ch'ufa guutani. Ammo ilme inqabani maro Elisabetini maseena taateefi; ammalle jari lachu jaarole. Ato inni huji qaallu Waaqa durati hojatu, guyyaani faro isaa gahe aka aada qaalole guutu. Hit'aani isa ira bue jennaani inni kae hit'aana Mana Waaqa keesati aarse. Nami ch'ufti alati kad'achu jira, hojja inni hit'aana aarsu jiru suni. Malaikaani aabbo isati mullatte, gama mirga fulla hit'aana iti aarsani ejatte. Zekariani arginaani nahe rifate. Ammo malaikaani waan jetteeni, Insodaatini, Zekaria, kad'acha tante la d'agayani, niitiini tante Elisabeti ilma sii d'alti, atini maqa isaa Yohana baafta. Atini ingammadda, nami hedduleeni si woliini gammada, hojja inni d'alatu. Wonti akanatiifi inni Aabbo durati nama gudda taha, daad'iifi farso ind'ugu, Lubbu Qulqullooni guutama akuma garaa haad'a keesaa buuni. Inni ijoolle Israeli heddu gara Aabbo Waaqa isaani deebise, Lubbufi jabeenna aka Eliyatini fuula Aabbo dura deema. Ammalle abbootifi ilmaani wolti araarse, nama Waaqaa insaalfane qalbi worraa d'ugaati deebisa aka gumi Aabbo Aabboo kurfeesu. Zekariani waan malaikaani jed'e, Anini akamiini waan kana beekha? Anini jaarsa, niitiini tiyyaleeni la jaarte guguufte. Malaikaani waan jetteeni, Anini Gabrieli, ka fuula Waaqa dura ejatu, ana siti ergani aka odu dansa tana siti himu. Ch'aqasi! Atini afaani duuda, haga wonti kuni guutamtuuti indubbattu, waan atini dubbi tiyya ta eegi tana guutamtu d'ugefachu diddeefi. Jari Zekaria eegu waan inni akana Mana Waaqa keesati tureefi mame. Inni gabaanaani dubbachu dad'abe, aka inni Mana keesati daayya arge beekhani. Dubbachu dad'abe jennaani harka dadarbe. Guyyaani faro isaa hobaanaani inni worra ufiti gale. Eegi guyya suni niitiini isaa Elisabetiini garaachoofte, haga jia shani ch'ufa d'ofatte. Isiini waan jette, Waan kana Aabbooni ya naa tolche, aka na qarqaare fuula nama durati fafa naa didu. Eegi jia jaa Waaqi malaika Gabrieli gara olla toko ka Galilaya, ka Nazareti jed'ani, erge gara intala dubra toko ta namichi Yusufu jed'ani kad'achu jiru, ka gosa Daudi, maqaani intala Mariamu. Malaikaani isiti d'ufte nagaya fuute waan jetteeni, Aabbooni si woliini jira, ya guddo si eebise. Isiini waan dubbi tanaatiifi guddo rifatte, garaa ufi keesati, mamte Kunini nagaya akami? jette. Malaikaani waan jetteeni, Mariamu, insodaatini, Waaqi ya si eebise. Atini garaachoofteti ilma d'alta, maqa isaa Yeso baafta. Inni gudda taha, Ilma Waaqa Gudda jed'aniini. Aabbo Waaqi hayyu isa tolcha, akuma abaabo isaa Daudi. Inni hayyu worra Yakobo haga hegerile taha; hayyumti isaa muumme inqabdu. Mariamuni waan malaikaani jette, Anini dubra. Wonti kunini akamiini taati? Malaikaani waan jetteeni, Lubbu Qulqulloti siti d'ufa, jabeenni Waaqa Gudda siti gaadiseesa. Tanaafi daima qulqullo d'alatu sunini Ilma Waaqa jed'ani. Me ilaali Elisabetini fiit'ani tante ta qara ya maseente jed'ani yayu eegi, jaarte ilma d'iira garaachoofte; kunini jia isii ka jaeesooti. Wonti Waaqi tolchu indandeenne tokoleeni injirtu. Mariamuni waan jetteeni, Kuno, anini garbiti Aabbooti, dubbini atini naani jette ha taatu. Duuba malaikaani isi biraa deemte. Gaafasuma Mariamuni kaate titimaani dira lafa Yuda ka gaareeni keesa d'at'e. Mana Zekaria seente, Elisabeti nagaya fuute. Elisabetiini nagaya Mariamu d'ageennaani, daimi garaa isii keesati gammadaani tabate. Elisabetiini Lubbu Qulqullooni guutamnaani qonqo olfud'atte guddo lalabde waan jette, Nad'eeni ch'ufa keesa ya si eebisani, ammalle daimi garaa kanke keesaa bahuleeni ya eebifame. Dubbini tuni maafi naa taate, ta haati Aabbo kiyya nati d'uftu? Akuma nagaya kanke d'agayeeni, daimi garaa kiyya keesati gammade tabate. La si eebisani, waan atini aka dubbini Aabbooni siti hime guutamtu d'ugefatteefi. Mariamuni waan jette: Garaani kiyya Aabbo faarsa, lubbuuni tiyyaleeni yayu maro Qarqaarsa kiyyatiifi gammadde. Wonti akanatiifi inni ya garbiti ufi diqo qaabate. Ammalle eegi arraa achi d'alooti ch'ufti ta eebifamte naani jed'a, maro Waaqi ka jabeenna qabu waan jabdu na tolcheefi. Maqaani isaa qulqullo; inni worra isa sodaatu inaha, d'aloota ch'ufa keesa. Inni harka ufitiini jabeenna agarsiise jara heregaani ufi saadu firfirse. Hayyoota barch'uma guddinna iraa kaase hiyyeeyi ira teteesise, inni jara beela qabu waan dansaani quufse, dureeyi harka duwa gusse. Inni yayu garbicha ufi Israeli qarqaare, akuma ababoota teennati kakhate, ammalle aka haga jiru Abrahamufi d'aloota isaati nahu qaabate. Mariamuni haga jia sadi isi woliini teete duuba worra ufiti galte. Elisabetini jii isii hobaanaani ilma d'iira deete. Ollafi fiit'ani aka Aabbooni isii nahe arginaani guddo isi woliini gammadani. Eegi torbaani toko gurbaa qabanqaba qabu d'ufani; sila maqa gurbaa Zekaria baasu fed'ani abba gula. Ammo haati waan jette, Akasiniti, Yohana jed'a jette. Worri waan jed'eeni, Fiit'a teesani keesa nami maqa akasitini yaamani injiru. Jennaani abba harkaani gaafatani, Maqaani gurba eennu? jed'aniini. Zekariani waan irati t'aafu kad'ate waan t'aafe, Maqaani isaa Yohana. Nami ch'ufti imame. Hojuma suni afaanifi arabi hiikhame, dubbate Waaqa faarse. Ollaani ch'ufti sodaate, dubbini tuni haga lafa gaareeni Yahudi geete. Nami d'agaye ch'ufti garaa ufi keesa keyate, Gurbaani kuni nama akami taha? jed'ani. Wonti akanatiifi inni jabeenna Waaqa qaba. Abbaani isaa Zekariani Lubbu Qulqullooni guutamnaani fage waan jed'e, Aabbo Waaqi Israeli ha eebifamu: Wonti akanatiifi inni gumi ufi qarqaare baasu d'ufe. Inni baafama ka taka argani ind'agayiini nuu kenne, d'aloota garbicha ufi Daudi keesa. Wonti inni haguma duriiti afaani raagoota isaa qulqullotiini jed'e tana: Inni aka harka nyaapatiifi jara nuu jibbule jala nu baasu kakhate. Aka ababoota teennaa nahe wold'aqisa isaa qulqullo qaabatu. Inni abaabo keenna Abrahamuti kakhate, aka harka nyaapa keenna keesaa nu baase, nu soda male isa hojannu. Aka qulqulloomafi d'ugaani guyya keenna ch'ufa isa dura yaanu. Gurba, atileeni raaga Waaqa Gudda jed'ani si yaamani; Aabbo dura deemte kara mid'aasitaafi. Aka waan baafama, ka araarama daba namaa d'ufuuni, gumi isaa barsiiftu. Waaqi keenna hojja ch'ufa naasu qaba; inni kayyo ta aka adu gubba nuti ifsa, Aka nami dukana keesa tataufi ka gaadisa duisa keesa tatuleti ifsu, aka faana teenna kara nagayaati qajeelchu. Gurbaani guddate nafafi lubbuuni jabaate: lafa alo keesa tae, haga guyyaani inni Israeliti ufi mullisu gahuti. Bara suni seeri gara Kaisari Augustoti bahe aka maqa nama lafa ch'ufa t'aafani. Tunini t'aafi qara, ta gaafa Kirenioni lafa Shamu fide. Duuba nami ch'ufti aka dira ufiti maqa t'aafatu yae. Yusufuleeni dira Nazareti ka Galilaya keesaa deeme, gara lafa Yahudi d'aqe, haga dira Daudi ka Bethlehemu jed'ani, waan inni d'aloota Dauditiifi. Inni Mariamu intala inni kad'ate woliini deeme aka woliini t'aafani; isiini garaacha qabdi. Ato worri achi tau jii isii ala hobae. Isiini ilma angafa deete, woya daimati uyifte, waan mana keessuma keesaa fulla d'abaniifi, gombo keesa rafifte. Arda suni keesa tissituuni halkaniini hori tissaa bulti. Malaikaani Aabbo worrati mullatte, guddinni Aabbo worrati ifse, jennaani worri guddo sodaate. Ammo malaikaani waan jetteeni, Insodaatiina! Anini odu dansa ta nama ch'ufa gammachiiftu isanii d'ufaani. Halkani kana dira Daudi keesa Qarqaarsi ya isanii d'alate, ka Kristo Aabbo jed'ani. Waan kanati akheekha isanii taha: daima gombo keesa rafisani woya daima iti uyisani argitani. Jennaani malaika suni woliini duuli malaika hedduuni tassa d'ufe, Waaqa guddise waan jed'e: Guddinni gara Waaqa gubba ha tahu: Lafa keesale nageenni ha tahu gara jara inni eebisu. Malaikaani kaate gubbati oldachaate jennaani tissituuni waan woliini jette, Beena, haga Bethlehemu nuu yaasa, waan Waaqi nu beesise ka tahe kana laalla. Duuba titimaani yaani Mariamufi Yusufufi daima gombo keesa rafisani argani. Waan kana arginaani odu gurba ta d'agayani taani odeesani. Nami ch'ufti ka waan tissituuni himte d'agaye guddo mame. Ammo Mariamuni dubbi suni garaa ufi keesa keyatte heredde. Tissituuni deebite, maro waan ch'ufa ka d'ageete argiteefi Waaqa guddifte faarsite. Wonti ch'ufti akuma malaikaani worrati himte taate. Eegi torbaani toko, hojjaani gurba qabanqaba qabani geennaani maqa isaa Yeso baasani, akuma malaikaani himte, ato haati ingaraachainu. Duuba guyyaani qulqullefacha geennaani, Yusufufi Mariamuni Yerusalemu isa geesani, aka Seera Musa gula Aabbo Waaqaa kennani. Wonti akanatiifi Seera Waaqa keesati waan t'aafani: ilma angafa ch'ufa Aabbo Waaqa baasu malani jed'ani. Ammalle worri sorio baasu deeme, aka Seera Aabbo Waaqa keesati himani: Sabaliisa didiqa lama yokhaani gugurda lama. Nama tokoti jira ka Yerusalemu tau ka Simeoni jed'ani, inni nama d'ugaati Waaqa sodaate baafama Israeli eegata. Ammalle inni Lubbu Qulqullo qaba. Isiini aka inni haga Kristo ilma Waaqa arguti indoone isa beesifte. Lubbuuni suni isati akheete jennaani inni Mana Waaqa olseene. Duuba abbaafi haati Yeso gurbaani olseennaani, aka isaa aada Seeri fed'u guutani, Simeoni gurba olhampaare, Waaqa faarse, waan jed'e: Amma, Aabbo, aka atini jette gula, garbicha kanke nagayaani deemsisi. Wonti akanatiifi ilti tiyya yayu baafama kanke agarte, ka atini fuula gosa ch'ufa durati kurfeesite: Ifsa ka gosa d'ibileti ifsu, ammalle ka guddinna gosa tante Israeliti kennu. Abbaafi haati isaleeni dubbi Simeonini waan gurba dubbate guddo mamani. Simeonini worra eebise waan haad'a isaa Mariamuni jed'e, Gurba kana ya fohatani aka nami hedduuni Israeli keesa jijige yokhaani kakau, ammalle aka akheekha waan nami hedduuni jibbu tahu, aka heregi garaa nama heddu mullatu. Laalaltileeni onne tante woraanti. Jaarti toko jira ta raaga ta maqaani isi Anna. Isiini dubra Fanueli ka gosa Asheri. Annani d'iirsa isi woliini ganna torbaatama teete. D'iirsi doonaani haga ganni isii saddeetami afuri gahuti teete; Mana Waaqa keesaa imbaatu, halkani guyya isiini Waaqa guddifte agabde Waaqa kad'atte. Isiileeni hojuma suni d'ufte Waaqaa galata deebifte, waan gurba diqa kana nama baafama Yerusalemu eegatu ch'ufati odeesite. Seera Aabbo gula aada ch'ufa guutannaani kaani Galilayati dachaani, haga dira worra ka Nazareti jed'ani. Gurbaani suni guddate jabaate; ammalle guddo qaroo, eeba Waaqa qaba. Duuba ganna ch'ufa abbaafi haati isaa gara dira Yerusalemu d'aqani, maro jila Pasakatiifi. Ganni isaa kud'ani lama geennaani akuma aada worra gula jila d'aqani. Jilti hobaate jennaani, ato biyyiti galtu, Yesoni Yerusalemuti hafe. Abbaafi haati isaa quba inqabani. Ammo waan inni gumi woliini jiru sehani, duuba guyya toko ch'ufa deemnaani fiit'afi wahela keesa isa barbaadani. Isa d'amnaani Yerusalemuti dachaani barbaadani. Eegi guyya sadi Mana Waaqa keesati argani, ato inni jiddu qaalole tae ufile ch'aqase worrale wo gaafatu. Nami isa d'agaye ch'ufti beekhumafi jecha isaa guddo maadefate. Isa arginaani guddo mamani, duuba haati waan jetteeni, Gurba, atini maafi akana nuu tolchite? Anaafi abbetileeni guddo naane si barbaanne. Jennaani inni waan jed'eeni, Maafi na barbaaddani? Aka anini mana Abba kiyya keesa tau male imbeetani? Ammo dubbini inni worraani jed'e worraa ingalle. Jennaani inni worra woliini deebie, Nazaretiti gale, worra saalfate. Haati isaa dubbi suni ch'ufa garaa keesa keyatte. Yesoni olguddate, qalbi horate, Waaqafi namileeni isa eebise. Ganna kud'ani shaneeso ka Kaisari Tiberioni lafa fide, gaafa Pontio Pilatoni lafa Yahudi fide, ka Herodeni hayyu Galilaya, ka oboleesi isaa Filiponi hayyu lafa Itureafi Trakoniti, Lisanialeeni hayyu lafa Abilene, gaafa Anasifi Kayafani qaalole gugurdo tahani, gaafasi dubbini Waaqa lafa alooti Yohana ilma Zekariati d'ufte. Tanaafi inni lafa ch'ufa ta d'aawatu galaana Yordani d'aqe namati odeese waan jed'e, Daba iraa deebia, batifama, aka daba isani araaramani. Akuma kitaaba raaga Isaya keesati t'aafani: Qonqooni nama lafa alooti iyu waan jettu: Kara Aabbo mid'aasa, daandi isaa qajeelcha! Baleeni ch'ufti inguutamti, gaareenifi goro ch'ufa indirirsani; fulla dabdu ch'ufa qajeelchani, kara quqaa ch'ufa wolqit'eesani. Nami ch'ufti baafama Waaqaa ila ufitiini arga. Duuba Yohanani waan gumi batifamu d'ufteeni jed'e, Isani ilmaani bofa! Eentu aka dalansu d'uftu duraa baqattani isaniti hime? Huji nami daba iraa deebiu tolchu tolcha. Abbaani keenna Abrahamu ufiini injed'ina. Waan anini jed'u, Waaqi d'akha kana keesa ilmaani Abrahamu mid'aasu indandaa. Ammaa tana d'agara ya hidda mukha jala kayani; tanaafi mukha mid'aani dansa imbaamne ch'ufa muraniti ibida keesa buusani. Duuba gumiini waan isaani jette, Nu maani taana re? Inni waan jed'eeni, Abbaani kooti lama qabu nama tokole inqamne ha kennu, ammalle ka sagale qabuleeni akasuma ha tolchu. Jari gibira guruleeni batifamu d'umnaani waan jed'e, Aabbo, nu maal tahu malle? Inni waan worraani jed'e, Haga damoosa guura jed'ani indabarsiina. Askartileeni waan jette, Nu ammo maal tolchu malle? Inni waan jed'eeni, Nama tokole irreeni yokhaani kara d'aratiini hori ira imfud'atiina; ammo hori isani kennanii sifefad'a. Ato biyyiti waan d'ufa eedde waan Yohana heredde Kristo isa seetu, inni waan worra ch'ufaani jed'e, D'uguma anini bisaaniini isani batisa, ammo nama nara gudda tokoti d'ufa ka seemsa kope isaa anini hiikhu himmalini. Inni Lubbu Qulqulloofi ibidaani isani batisa. Inni hafare harkaa qaba, aka fulla dargaye iti hafarsani qulqulleese dargaye khod'oti galfatu; ammo qoola isii fulla ibidi ind'aamneti guba. Duuba Yohanani dubbi hedduuni nama gorse Odu Dansale namati odeese. Ammo inni waan hayyu Herode odeese, maro Herodeni wosila ufi Herodia barateefi, ammalle maro inni daba d'ibi heddu tolcheefi. Jennaani Herodeni haga qara ira hamaate Yohanale hid'e. Duuba eegi nami ch'ufti batifame Yesoleeni batiso argate. Ato inni kad'atu, gubbaani banamte, Lubbuuni Qulqullooni ta bifa sabaliisa qabdu isa ira buute, qonqooni gubba d'ufte waan jette, Atini Ilma kiyya, ka anini jaalad'u, guddo na gammachiifta. Gaafa Yesoni huji ufi iti keyate ganni isaa sodomafa; nami ilma Yusufu isa sehe, Yusufuni ilma Eli. Elini ka Mathati, Mathatini ka Lawi, Lawini ka Melki, Melkini ka Yana, Yanani ka Yusufu, Yusufuni ka Maatathia, Maatathiani ka Amosi, Amosini ka Nahumu, Nahumuni ka Esli, Eslini ka Nagai, Nagaini ka Maathi, Maathini ka Matathia, Matathiani ka Semei, Semeini ka Yusufu, Yusufuni ka Yuda, Yudani ka Yoana, Yoanani ka Resa, Resani ka Zerubabeli, Zerubabelini ka Shealtieli, Shealtielini ka Neri, Nerini ka Melki, Melkini ka Adi, Adiini ka Kosamu, Kosamuni ka Elmadamu, Elmadamuni ka Eri, Erini ka Yoshua, Yoshuani ka Eliezeri, Eliezerini ka Yorimu, Yorimuni ka Mathati, Mathatini ka Lawi, Lawini ka Simeoni, Simeonini ka Yuda, Yudani ka Yusufu, Yusufuni ka Yonamu, Yonamuni ka Eliakimu, Eliakimuni ka Melea, Mealani ka Mena, Menani ka Matatha, Matathani ka Nathani, Nathanini ka Daudi, Daudini ka Yese, Yeseni ka Obedi, Obedini ka Boazi, Boazini ka Salmoni, Salmonini ka Nashoni, Nashonini ka Aminadabu, Aminadabuni ka Aramu, Aramuni ka Hesroni, Hesronini ka Peresi, Peresini ka Yuda, Yudani ka Yakobo, Yakoboni ka Isaaqo, Isaaqoni ka Abrahamu, Abrahamuuni ka Tera, Terani ka Nahori, Nahorini ka Serugi, Serugini ka Ragau, Ragauni ka Pelegi, Pelegini ka Eberi, Eberini ka Sala, Salani ka Kennani, Kennanini ka Arfaksadi, Arfaksadini ka Shemu, Shemuni ka Nuhu, Nuhuni ka Lameki, Lamekini ka Methusela, Methuselani ka Henoko, Henokoni ka Yaredi, Yaredini ka Mahalaleli, Mahalalelini ka Kennani, Kennanini ka Enoshi, Enoshini ka Sethi, Sethini ka Adamu, Adamuni ka Waaqa. Yesoni, Lubbu Qulqullooni guutamnaani galaana Yordaniti deebie; Lubbuuni suni lafa alo isa geesite. Haga bulti afurtama Sheet'ani isa ilaalate, inni haga suni ch'ufa sagale male tae. Duuba guyyaani hobaanaani guddo beelae. Sheet'ani waan isaani jed'e, Yo atini Ilma Waaqaa taate, d'akha kanaani, Qit'a tahi jed'i. Yesoni waan jed'eeni, T'aafiini waan jettu, Nami qit'a ch'allaani injiraatu. Jennaani Sheet'ani Yeso gaara d'eera korsiise maro tokotu guddinna lafa tana ch'ufa agarsiise. Duuba waan jed'eeni jabeenna lafa tana ch'ufaafi hori isiile ch'ufa sii kenna, wonti akanatiifi yayu harka kiyyati kennani aka anini nama fed'u kennu. Duuba yo ati na guddifte wonti kuni ch'ufti kanke taati. Yesoni waan jed'eeni, T'aafiini waan jettu Aabbo Waaqa kanke ch'alla guddisi, isa male nama d'ibi inhojatiini. Jennaani Sheet'ani Yerusalemu isa geese, fiit'e Mana Waaqa ira d'aabe waan jed'eeni, Yo atini d'uguma Ilma Waaqa taate, arma iraa ufi gadi lakisi. Wonti akanatiifi t'aafiini waan jettu, Waaqi malaika ufiti hima, aka si tissitu. Ammalle, worri Harka ufitiini si qaba aka miili kanke d'akhati ingufanne. Yesoni waan jed'eeni, Waan jed'ani, Aabbo Waaqa kanke inilaalatiini. Sheet'ani ilaalacha ufi ch'ufa hobaamnaani haga hojja d'ibi isa biraa deeme. Jennaani Yesoni jabeenna Lubbu Qulqullotiini kae Galilayati gale; gurri isaa arda suni ch'ufaa gahe. Inni achiti maneeni Waaqa iti kad'atani keesati nama barsiise; nami ch'ufti isa guddise. Jennaani inni Nazareti fulla inni iti guddate d'ufe, guyya Sabato Mana Waaqa iti kad'atani d'aqe akuma aada isaa, olejate dubbi Waaqaa soome. Kitaaba raaga Isaya iti kennani, saannaani fulla dubbi tana iti t'aafani arge: Lubbuuni Aabbo na gubba teeti. Inni ya na muude aka anini odu dansa hiyyeeyiti odeesu. Inni ya na erge aka worra hid'ani waan hiikhaansa himu, aka ballaleeni lafa argu, aka nama gaargalchani gaargala keesaa baasani, aka bara Waaqi gumi ufi baasu odeesu. Yesoni kitaaba ch'umnaani nama eeguti kenne tae. Nami ch'ufti ka Mana Waaqa kaani keesa jiru ila isati qabe isa ilaale. Inni dubbi fuud'e waan jed'e, Dubbini tuni ya arra ila teesani durati guutamte. Nami ch'ufti ka isa ch'aqase mame, maro dubbi dansa ta afaani isaa keesaa baateefi maadefate, waan jed'ani, Kunini ilma Yusufutiniti? Inni waan worraani jed'e, Isani sila mammaasa kana naani jettani, Ch'ireesa, qara ufi fayyisi. Ammalle, waan atini dira Kapernaumuti tolchite ta nu d'ageenne, armaleti tolchi, lafa tante keesati. Ammalle inni waan jed'eeni, D'uguma waan anini isaniini jed'u, Raagi lafa ufi keesati d'ugefatani injiru. Ammo d'uguma waan anini isaniini jed'u, Nad'eeni d'iirsi iraa due hedduti lafa Israeli keesa jira bara Eliya, ka bokeeni ganna sadifi jia jaa oole, beelti guddooni lafa ch'ufa d'ufte. Ammo Eliya nama d'ibiti inergine, niiti d'iirsa inqamne toko ta olla Sarepta lafa Sidoni male. Ammalle bara raaga Elisha nama hedduti jira ka qomaat'a qabu lafa Israeli keesa; ammo tokoleeni infayimne Naamani namicha lafa Shamu male. Nami ch'ufti ka mana Waaqa keesa jiru dubbi suni d'ageennaani guddo dalane. Kakaani dira keesaa isa gussani, gara gaara dira isaani gubba jaarani isa geesani, aka sila fiit'e gaara iraa isa darbatani. Ammo inni jiddu worraati bahe kae iti d'aabate. Jennaani Yesoni dira Kapernaumuti gadi bue, diri suni lafa Galilaya ke jira; guyya Sabato, ato inni worra barsiisuu jiru, waan inni barsiise suni guddo mamani, wonti akanatiifi dubbini isaa jabeenna qabdi. Mana Waaqa iti kad'atani suni keesa nama tokoti jira ka jinni hamtu qabu; inni qonqo olfud'ate iye waan jed'e, Eya, atini maani nura qabda Yeso Nazareti? Nu balleesu d'ufte? Anini si beekha; atini Qulqullo Waaqaati. Ammo Yesoni dubbachu isa d'owe waan jed'eeni, Ch'allisi, isa keesaa bahi. Jennaani jinniini jiddu biyyati namicha kaani lafaani d'oofte, laanatu, ka isa ind'ukubsiinu, isa keesaa baate. Biyyiti ch'ufti maadefate waan woliini jette, Dubbini tuni maani? Inni humnafi jabeennaani jinni seera, duuba isiini nama keesaa baate. Gurri isaa arda suni ch'ufa keesa fulla ch'ufa gahe. Jennaani Yesoni Mana Waaqa keesaa bahe mana Simoni seene. Haati niiti Simoni qanno qabdi, waan isii Yesoti himani. Yesoni isi bira eje, Qanno iraa gali jennaani, qannooni taani iraa galte; jennaani hojuma suni kaate worra gololchite. Galgala suni eegi aduuni d'iite, nama fayyad'abe ch'ufa isaatiini d'ufani. Inni nama ch'ufa harka ira kaye fayyise. Jinnileeni nama heddu keesaa yaate, qonqo guddooni lalabde waan jette, Atini Ilma Waaqaati. Yesoni isi dubbachu d'owe, maro isiini aka inni Kristo beetuufi. Lafti bariinaani inni kae lafa moga d'aqe. Biyyiti isa barbaadde, arginaani sila isa d'owarti, aka inni worra biraa indeemne. Ammo inni waan worraani jed'e, Anini Odu Dansa ta Finna Waaqa dira d'ibileti odeesu male; wonti akanatiifi waan kanaafi na ergani. Duuba inni d'aqe maneeni Waaqa iti kad'atani ta Yudea keesati nama barsiise. Eegi suni, ato Yesoni d'awatu galaana Genesareti eju, gumiini dubbi Waaqa d'agayu feetu isa d'id'iibde. Inni hobolo lama galaana birati arge; ammo guurtuuni qurt'umi yayu t'urura d'iqachu d'at'e. Jennaani hobolo toko ta Simoni seene, Diqo lafa ira bisaani keesa hiisi jed'eeni. Inni hobolo keesa tae biyya barsiise. Dubbi buufannaani inni waan Simoniini jed'e, Hobolo wod'aka bisaaniti hiisi, t'urura buusi aka qurt'umi qabatani. Simoniini waan jed'eeni, Aabbo, nu halkani kana ch'ufa guddo hojanne, ammo tokole inarganne, ammo dubbi tantetiifi anini t'urura imbuusa. Akasi tolchinaani qurt'umi heddu qabani, t'ururaani ch'itu gahe. Wahela worraa ka hobolo d'ibi keesa jiru harkaani yaamani, Nu qarqaara jed'aniini. Worri d'ufe hobolo lachu qurt'umiini guute hobolooni diquma illit'iini. Simoni Petroni waan kana arginaani jilba Yesoti jige waan jed'e, Na biraa deemi, Aabbo, anini nama dabaati. Isaafi nami ch'ufti ka isa woliini jiruleeni guddo mamani, maro qurt'umi heddu qabaniifi. Akasuma Yakobofi Yohanaleeni, ilmaani Zebedayo, waheli Simoni mamani. Yesoni waan Simoniini jed'e, Insodaatini, armaa achi atini nama guurta. Hobolo ufi afaani galaanati hirkisani artumati lakisani kaani Yeso gula yaani. Eegi suni, ato inni dira toko jiru, nami toko, ka qomaat'aani nafa ch'ufa balleesite, Yeso arginaani durati jige kad'ate waan jed'eeni, Aabbo, yo feete, na qulqulleesu indandeeta. Yesoni harka d'eerefate isa tuqe waan jed'eeni, Imfed'a, qulqullai. Maro tokotu qomaat'aani iraa badde. Yesoni waan jed'eeni, nama tokoleti inhimini, ammo d'aqi qaallicha ufi garsiisi, duuba aka aada Seera Musa gula sorio qali akasiini aka qulqullofte nama ch'ufa garsiisi. Ammo gurri isaa haga qarale ira lafa ch'ufa gahe; gumiini guddooni aka isa ch'aqaftufi aka d'ukuba fayyitu d'ufte. Ammo inni guyya gari fulla nami injirre d'aqe Waaqa kad'ate. Gaafa toko, ato inni nama barsiisu jiru, Farisayoofi jari Seera beekhu ka olla ch'ufa ka Galilayatiifi ka lafa Yahuditiifi dira Yerusalemule d'ufe woliini tataani. Jari, toko nama kokotae toko wosaasani baate d'ufeeni olseensisu fed'e, aka Yeso dura kayani. Ammo maro gumitiifi fulla seenanini d'abani, jennaani mana gubba korani guutu saaqani wosaasa woliini mana iraa gadi buusani jiddu biyya keesati Yesotiini d'ufani. D'ugefacha worra arginaani Yesoni waan jed'eeni, Abbo, ch'ubbu tante la si araaramani. Jennaani jara Seera beekhufi Farisayooni wolgaafatte waan jette, Nami akana Waaqati muratu kunini eennu? Eentu dandae daba nama araarama, Waaqa male? Ammo Yesoni herega worra arginaani waan jed'eeni, Maalifi akana hereddani garaa keesani keesati? Tami jechuti ira laaftu, Ch'ubbu tante la si araaramani mo, Kai deemi jecha? Ammo anini aka Ilmi Nama lafa tana keesati humna dabaani nama araaramuuni qabu isani garsiisa. Duuba inni namicha kokotae kaaniini waan jed'e, Waan anini siini jed'u, kai, wosaasa tante fud'ad'u, mana keetiti gali. Hojuma suni inni olkae, fuula worra durati wosaasa fud'ate kae mana ufiti gale Waaqa guddise. Nami ch'ufti maadefate Waaqa guddise guddo sodaate, waan jed'ani, Arra waan mama la argine. Eegi waan kana Yesoni alati bahe jennaani nama damoosa guuru toko, ka maqaani isaa Lawi jed'ani, ka fulla damoosa iti guurani tau arge waan jed'eeni, Na gula kooti. Inni waan ch'ufa lakise kae isa gula deeme. Jennaani Lawini sagale guddo isaa d'aabe mana ufi keesati, nama heddu ka damoosa guurufi nama d'ibile sagale woliini nyaatani. Farisayoofi jari Seera beekhuleeni waan jara isaa gungumani waan jed'ani, Isani maalifi worra damoosa guurufi worra daba woliini nyaattani d'uddani? jed'ani. Yesoni waan jed'e, Nami fayya qabu ch'ireesa imbarbaadu, ka fayya d'abe male. Anini nama d'uga yaamu ind'umne, ammo nama daba yaamu d'ufe, aka daba iraa deebiani. Worri waan isaani jed'e, Ergattu Yohanatiifi ta Farisayooleeni maro heddu ufi agabsite Waaqa kad'atti, ammo ergattuuni tante nyaatte d'uddi. Yesoni waan jed'eeni, Dandeetani keessuma fuud'a agabsitani hojja abbaani fuud'a achi jiru? Hiyyo. Ammo guyyaani ind'ufa ka abba fuud'a worra biraa fuud'ani, gaafasi jari isaa inagaba. Yesoni mammaasa kanale worrati hime waan jed'e, Nami woya hareeti tarsaase woya dullatiti erbu injiru. Yo inni akasi tolche, inni woya haraa tarsaasa, haraafi dullatiini woli ind'at'u. Nami farso haraa gorjo dullatiti naqu injiru; yo akasi tolchani farsooni harai gorjo dullati tarsaafte jiddi, gorjoleeni imbaddi. Ammo farsooni hareetiini gorjo hareeti malte. Ammalle nami farso turte d'uge ka farso haraa hojuma suni fed'u injiru; inni, Ta turte suniti ira dansa jed'a. Guyya Sabato, ato Yesoni oobru keesa deemu, jari isaa mid'aani harkaani t'ururate sukumate nyaate. Farisayooni gari waan worraani jette, Isani maalifi waan Seeri keenna d'owu guyya Sabato tolchitani? Yesoni waan jed'eeni, Waan Daudifi waheli isaa gaafa beelaani tahani isani insoomne? Inni Mana Waaqa oli seene, qit'a Waaqaa baasani fud'ate nyaate wahela ufiti qoode, ka sila qaalole male nami tokoleeni nyaachu himmalini. Inni waan worraani jed'e, Ilmi Nama abba Sabatooti. Guyya Sabato d'ibi Yesoni mana Waaqa iti kad'atani keesa seene barsiise. Nama toko ka harki mirgichi rifateti achi jira. Jara Seera beekhufi Farisayooleeni isa eegani aka sila inni guyya Sabato nama fayyisu, aka akasiini waan himataniini isa ira argatani. Ammo inni herega worraa beekhe, nama harki rifate kaaniini waan jed'e, Kooti, arma ejad'u. Namichi kae achiti ejate. Yesoni waan worraani jed'e, Dubbi toko anini isani gaafad'a: Guyya Sabato waan dansa mo waan hamtu tolchani? Lubbu baasani mo inijeesani? Worra mimillate waan nama kaaniini jed'e, Harka kanke diriirfad'u Namicha harka diriirfate jennaani fayye. Ammo worri kaani guddo dalane waan Yeso sila tolchani woldubbatani. Gaafasuma Yesoni gaara toko kore aka Waaqa kad'atu, halkani toko ch'ufa Waaqa kad'acha bule. Lafti bariinaani jara ufi yaame, nama kud'ani lama keesaa fohate maqa ergattu baase: Simoni (ka inni Petro jed'eeni), Andarea oboleesa isaa, Yakobofi Yohana, Filipofi Bartholomayo, Matayofi Tomaso, Yakobo ilma Alfayofi Simoni ka nama lafa ufi jabeesu jed'ani, Yuda ilma Yakobotifi Yuda Iskariote ka Yeso gurgure. Jennaani inni worra woliini gabue ballinna lafa keesa jara ufi heddu woliini eje. Ammalle gumi guddo ta Yerusalemutiifi ta lafa afaani galaana Tirotiifi Sidoniti d'ufte, aka dubbi isaa d'ageete d'ukuba fayyituti isa woliini jira. Nami jinniini gaargalchiteleeni imfaye. Ammalle waan jabeenni isa keesaa bahe worra ch'ufa fayyiseefi gumiini ch'ufti isa tuqu feete. Yesoni jara ufi millate waan jed'e, Ayyaana keesani hiyyeeyi: Finni Waaqa keesani! Ayyaana keesani ka amma beela qabu: isani qufsani! Ayyaana keesani ka amma bootani: eegi tana inuma kofaltani. Ayyaana keesani hojja nami isani jibbe gusse arabse, maqa keesani aka waan hamtu alati gatu, maro Ilma Namatiifi! Guyya suni gammada, qilit'ama olch'ech'ea; wonti akanatiifi waan guddo gubbaa argattani. Ababooti worraleeni akasuma duri raagoota tolchite. Ammo gaargala keesani dureeyi: qooda keesani ka gammada la argattani. Gaargala keesani ka amma quuftani: eegi tana imbeeloftani. Gaargala keesani ka amma kofaltani: eegi tana laalefattani bootani. Gaargala keesani hojja nami ch'ufti isani saadu; wonti akanatiifi ababooti worraa akasuma raagoota d'ara saade. Ammo waan anini isani ka d'ageetaniini jed'u, Nyaapa keesani jaalad'a, nama isani jibbu waan dansa tolcha, nama isani abaarule eebisa, ka isaniti jallatele kad'ad'a. Nama boqo toko si d'abanaasu tale dura qabad'u; nama woya tante sira fud'atu kootile ind'owiini. Nama woi si kad'atu ch'ufaa kenni, ammalle nama wo sira fud'atu ira imbarbaadiini. Akuma aka nami waan dansa isani tolchu feetani, akasuma namale waan dansa tolcha. Yo nama isani jaalatu jaalattani eeba tami argattani? Nami hamamaleeni nama worra jaalatu jaalata. Yo nama waan dansa isani tolche waan dansa tolchitani eeba tami argattani? Nami daba qabuleeni akasuma tolcha. Ammalle yo isani nama iraa woi argachaani seetani ch'allaa woi ergiftani, eeba tami argattani? Ee, nami dabaleeni woli wo ergisa, aka waan akasi argatu. Ammo nyaapa keesani jaalad'a, waan dansa tolchaafi; ergisaafi, ammo woma iraa ineegatiina. Duuba waan guddo argattani, ilmaani Waaqa Gubba Jiru taatani. Wonti akanatiifi inni worra galata imbeenneefi worra dabale inahafi. Aka Abbaani keesani ka gubbaleeni namaa nahu isanileeni namaa naha. Waan nama inqorina, Waaqileeni waan keesani inqoru; wollaala namati imuriina, Waaqileeni wollaala isaniti imuru; namaa araarama, Waaqileeni isanii araarama. Wa namaa kenna, Waaqileeni isanii kenna: waan gamiich'ani, ka humnaani, ka iraani dambalaa, harka keesaniti naqani. Akuma isani namaa biimitani akasuma isanii biimani. Yesoni ammalle mammaasa worrati hime waan jed'eeni, Ballaani dandae ballaani deema? Worri lachu boola keesati injigu? Nami barsiisani nama isa barsiisu ira injiru. Ammo nami ch'ufti gaafa wo barate qit'e nama isa barsiise taha. Atini maalifi huba ila oboleesa kanke keesa jiru ilaalta, ka ufiiftu jirma ila tante keesa jiru inargine? Yokhaani akami dandeete oboleesa kanketiini, Aadda, eegi, huba ila tante keesaa fuud'a jetta, ka ufiiftu jirma ila tante keesa jiru inargine? D'articha, qara jirma ila tante keesaa fuud'i, yoosi aka dansa huba ila oboleesa kanketi keesa jiru argite keesaa fuuta. Mukhi dansaani mid'aani hamo imbaasu, yokhaani mukhi hamaani mid'aani dansa imbaasu. Mukha ch'ufa mid'aani isaatiini beekhani; mid'aani oda waachu iraa inguurani, yokhaani mid'aani zabibu makanisa iraa inguurani. Nami dansaani dansooma garaa ufi keesa jiru keesaa waan dansa baasa; nami hamaleeni hameenna garaa ufi keesa jiru keesaa waan hamtu baasa. Wonti akanatiifi waan garaa jira arabi dubbata. Isani maalifi, Aabbo, Aabbo naani jettani ammo waan anini jed'u inguunne? Nama nati d'ufe dubbi tiyya d'agaye tolchu ch'ufa waan inni fakaatu isani agarsiisa. Inni nama mana ijaare, lafa qote, gadi fageese, d'akha gubbati yayabe fakaata. Bokai guddaani lolaase d'awaani mana suni d'omnaani chochou dide, maro aka dansa ijaaraniifi. Ammo nami dubbi tiyya d'agaye inguunne nama fulla biyye laaftuti, ato yayaba inkayiini, mana ijaare fakaata; d'awaani mana suni guddo irreeni d'oofte jennaani hojuma suni jige — jigansi mana suni waan gudda. Yesoni dubbi namaani jed'e tana buufannaani kae Kapernaumu d'aqe. Duuba garbichi shumi toko ka shumini suni guddo jaalatu fayyad'abe ka lubbuu tahe. Shumini suni waan Yeso d'ageennaani jaarole Yahudi isati erge kad'ate aka inni d'ufe garbicha isaa fayyisu. Yesoti d'umnaani guddo kad'atani waan jed'aniini, Nama kana d'uguma waan kana tolchuufi malte. Inni gosa teenna jaalata, ammalle mana Waaqa iti kad'atani toko ya nuu ijaare. Jennaani Yesoni worra woliini deeme. Manati d'iaannaani shumini kaani jaalaani isaa Yesoti erge waan jed'eeni, Aabbo, ingaargaliini. Atini mana kiyya keesa seenu himmalle: anileeni gara kanke d'ufu himmalle, ammo dubbuma ch'alla jed'i, garbichi kiyya imfaya. Anileeni seera jala jira, askartileeni na jala jirti. Yo anini tokooni, Deemi jed'u, inni indeema; yo kad'ibiini, Kooti jed'u, inni ind'ufa; yo garbicha kiyyaani, Akana tolchi jed'u, inni intolcha. Yesoni dubbi tana d'ageennaani guddo mame, garagale waan gumi isa gula yaatuuni jed'e, Waan anini isaniini jed'u, D'ugefacha akana tana anini taka Israeli keesaleti ingarre. Jari ergani kaani manati dachaanaani garbicha fayye arge. Eegi suni Yesoni dira Naini jed'ani d'aqe; jara isaatiifi gumiini guddooni isa gula yaate. Fullo dirati d'iaannaani, nama reefa baate yauni arge. Nami due suni ilma tokocha niiti d'iirsa inqamne, nama hedduti ka dira suni isi woliini jira. Aabbooni isi arginaani naheefi, Imbohiini jed'eeni. Iti d'iaate sire reefaani baatani tuqe, jennaani jari baatu kaani ejaanje. Yesoni waan jed'eeni gurba waan anini siini jed'u kai. Namichi due kaani kae tae dubbate. Duuba Yesoni haad'a isaati kenne. Nami ch'ufti bakhakhe Waaqa faarse waan jed'ani, Raagi guddaani yayu jiddu teennaa gadibahe: Waaqi la gumi ufiti mullate. Gurri isaa lafa Yudeatiifi arda suni ch'ufa gahe. Jari Yohana odu tana ch'ufa iti hime. Jennaani Yohanani jara isaa lama yaame Aabbooti erge waan jed'eeni, Atini ka ind'ufa jed'ani mo kad'ibi eenna? Jari kaani isa geennaani waan jed'ani, Yohanani nama batisu situ nu erge waan jed'e, Atini ka ind'ufa jed'ani mo kad'ibi eenna? Hojuma suni Yesoni nama heddu fayyise ka d'ukuba garagara qabuufi ka jinniini gaargalchitele, nama balla heddule fayyise. Inni waan ergattu Yohanatiini jed'e, D'aqa, waan argitaniifi waan d'ageetani Yohanati hima: ballaani lafa arga; naafi kae deema, nami qomaat'a qabu inqulqullaa, ka gurri duude ind'agaya; nama due inkaasani, Odu Dansa hiyyeeyiti odeesani. Ayyaana nama na imormanne. Ergattuuni Yohana yaannaani Yesoni waan Yohana gumiti dubbate waan jed'e, Isani lafa alo maal daawachu d'at'ani? Ilaadu bubbe chochositu mo maal barbaaddani? Yoosi maal daawachu d'at'ani? Nama woya dansa uyifatu? Hubad'a, nami shoobu, ka machi fed'u, mana hayyu keesa taa. Maal daawachu d'at'ani re? Raaga? Ee, ammo waan anini jed'u, Nama raaga ira jiru argitani. Yohanani sunuma ka t'aafi keesati Waaqi baane waan jed'e, Kunini ergattu tiyya; anini si durati isa erga aka inni d'aqe daandi tante si durati mid'aasu. Waan anini isaniini jed'u, Nama d'alate tokoleeni ka Yohana ira jiru injiru; ammo nami Finna Waaqa keesati nama ch'ufa ira diqa isa ira jira. Nama ch'ufaafi worri damoosa guruleeni waan kana d'agaye; worri suni worra Seera Waaqa ka d'uga guute jennaani Yohanani batise. Ammo Farisayoofi jari Seera beekhu mala Waaqaa didani batiso Yohana tuffatani. Nama d'aloota kana maaniini wolti akheekha? Worri maal fakaata? Ijoolle fulla gabaya teteete woli yaamtu fakaata, ta waan jettu, Dibbe fuud'aa isanii d'oomne ammo sirbu diddani! Lalalaani iyine ammo isani bohu diddani. Yohanani nama batisu d'umnaani qit'a inyaanne, farsole ind'unne, ammo isani, Inni maraata jettaniini. Ilmi Nama d'umnaani nyaate d'uge, duuba isaani waan jettani garaade kana ilaala ka farso d'ugu; inni jaala nama damoosa guuratifi ka nama daba jettani. Aka qalbiini Waaqa d'uga, worra d'ugefateeti agarsiisa. Namichi Farisayo toko Yeso gololaa yaame, jennaani Yesoni mana isaa seene tae gololfate. Jennaani niitiini sharmut'itiini toko ta dira suni, aka Yesoni mana nama Farisayo keesa sagale nyaatu d'ageennaani dulo d'ad'a qayya qabduuni d'ufte. Isiini duuba fulla miila isaa ejatte boote imimaani miila isaa irati ch'och'obsite, rifeensa mata ufitiini haat'e, miila d'ungate, d'ad'a suni dibde. Jennaani namichi Farisayo ka isa gololche kaani garaa ufi keesati waan jed'e, Ato sila namichi kunini raaga tahe, aka niitiini isa tut'u tunini sharmut'atiifi nama daba imbeekha. Yesoni waan jed'eeni, Simoni, anini dubbi toko ta siini jed'u qaba. Inni waan jed'e, Aabbo, maal? Yesoni waan jed'eeni, Nama tokoti jira ka nami lama gati ira fud'ate; toko shilingi kunki shani, kaani shilingi d'ibba shani. Baasu dad'abani jennaani namichi kaani worra lachuyu lakise. Tanaafi, mala keeti, kamiti ira isa jaalata? Simoniini waan jed'eeni, Waan anini sehu, ka hori ira gudda lakisaniifi. Inni waan jed'eeni, D'uguma baanta. Niititi garagale waan Simoniini jed'e, Niiti tana agarta? Anini mana kanke seennaani atini bisaani miilale naa inkennine, ammo isiini imimaani ufitiini miila kiyya d'it'e, rifeensa mata ufitiini nara haat'e. Atini na ind'unganne, ammo isiini haga anini arma seene miila kiyya d'ungachu illakimne. Mata kiyya atini imuune, ammo isiini miila kiyya d'ad'a qayyaa dibde. Tanaafi anini siti hima, Daba isii heddu la araaramaniifi maro isiini guddo na jaalatteefi. Ammo ka diqo araaramaniifi sunini diqo jaalata. Waan inni isiini jed'e, Daba kanke la si araaramani. Jari isa woliini tatau garaa ufi keesati waan woliini jed'e, Eennu kunini ka dabale dandae namaa araaramu? Inni waan niiti taaniini jed'e, D'ugefachaani tante la si baafte; beeni, nagayaani gali. Eegi waan kana Yesoni diraafi ollowaani ch'ufa keesa dedeeme Odu Dansa ta Finna Waaqa odeese. Jari kud'ani lamaani kaani isaani woliini yae, nad'eeni garileeni ta jinniifi d'ukuba fayyite isa gula yaate Mariamu ta Magdalene jed'ani ta jinni torba keesaa baasani; Yoana, niiti Kuza, ka waan mana Herode qorqoratu, ammalle Susanafi nad'eeni d'ibiini heddu, ta hori ufitiini Yesofi jara isaa qarqaartele. Duuba nami dira ch'ufa keesaa d'ufe, gumiini guddooni wolwoldeete. Jennaani Yesoni mammaasaani waan worraani jed'e: Nami toko mid'aani fach'aasu d'aqe. Ato inni fach'aasu mid'aani gari daandi keesa jigani, nami ira ejaanjate duuba simpirreeni d'ufte nyaatte hobaafte. Mid'aani gari lafa d'akha gubba jigani, baanaani gogogani waan jiid'a d'abaniifi. Mid'aani gari qorati keesa jigani, qoratiini woliini baate qanch'arsite. Mid'aani gari fulla biyye dansa jigani, baanaani mid'aani d'ibbaa d'alani. Dubbi tana jennaani Yesoni waan jed'e, Nami gurra qabu ha d'agayuuti. Jari Yeso isa gaafate waan jed'e, Mammaasi kunini maani? Inni waan jed'eeni, Waan Finna Waaqa ka duri nama d'ossani yayu isanii kennani; ammo nami kaani mammaasaani barata, aka ato ilaalanile woma inagarre, ato ch'aqasanile woma ind'ageenne. Duuba mammaasi kunini akana; mid'aani dubbi Waaqaati. Mid'aani daandi keesa jigani suni jara dubbi d'agaye fakaatani, ammo ka eege Sheet'ani d'ufe dubbi garaa isaani keesaa baasu, aka d'ugefatani imbaafamne. Mid'aani d'akha gubba jigani suni jara dubbi d'ageennaani gammadaani fud'ate, ammo hidda inqamne fakaatani. Bulti diqoti d'ugefatani, gaafa ilaalachaani d'ufte lakisani. Mid'aani qorati keesa jigani suni jara d'ageennaani d'ipufi horifi gammada jireenna lafa tanatiini qanch'are mid'aani aada imbaamne fakaatani. Mid'aani biyye dansa keesa jigani suni jara dubbi d'ageennaani garaa d'ugatiifi dansaani qabate obse mid'aani baasu fakaatani. Nami ifse bobeese ammo okote jalati d'ossu yokhaani sire jala kayu injiru. Ammo inni gubbati fannisa aka nami olseenu ifsa argu. Wonti d'ossani ta imullanne injirtu, yokhaani malileeni ka nami ch'ufti beekhe alati imbaamne injiru. Tanaafi waan d'ageetani ch'ufa keesa ufi eegad'a. Wonti akanatiifi, nama wo qabu hagasi ira iti daraniifi, ammo ka woma inqamne diqo inni qabule iraa fuud'ani. Haad'a Yesotiifi oboleyaani isaa isati d'ufani ammo isa gahu dad'abani, maro gumitiifi. Nami toko waan jed'eeni, Haad'a tantetiifi oboleyaani tante ala ejaanjani si argu fed'ani. Ammo inni waan worraani jed'e, Haad'a tiyyaafi oboleyaani tiyya nama dubbi Waaqa d'agaye tolchu. Gaafa toko Yesoni jara ufi woliini hobolo seene waan worraani jed'e, Gama galaana suniti nu taakisiisa. Tanaafi iti d'aabatani. Ato yaanu Yesoni rafe. Bubbeeni guddo galaana d'oofte, hobolooni bisaaniini guutamu geete, lubbuuni worra d'ufte. Gara Yeso d'aqani damasani waan jed'aniini, Aabbo, ya banne. Inni kae bubbeefi gohanna galaana ch'allisiise, lafti qabanoofte. Jennaani inni waan worraani jed'e, D'ugefachaani teesani meeti? Worri sodaate, mame waan woliini jed'e, Kunini eennu, ka bubbeefi bisaaleeni sarmaniifi? Jennaani lafa Gergesa ta moga galaana lafa Galilaya gahani. Yesoni lafa goddu geennaani, nami dira suni toko, ka jinni qabu, isati d'ufe. Inni guyya heddu woya inuyifanne yokhaani manaleti ingalu ammo awaala keesa taa. Yeso arginaani iti lalabe durati jige qonqo guddooni iye waan jed'e, Ati maal nara qabda, Yeso Ilma Waaqa Gubba Jiru? Anini si kad'ad'a, na ingaargalchiini. Wonti inni akana jed'eefi waan Yesoni jinniini, Namicha keesaa bahi jed'eefi jinniini maro heddu isa qabde; ato harkafi miila haada sibiilatiini hid'anile inni haada sibiila ch'abse, jinniini alati isa arite. Yesoni isa gaafate waan jed'eeni, Maqaani kanke eennu? Inni waan jed'eeni, Maqaani kiyya Gumi, waan jinniini hedduuni isa seenteefi. Jinniini Yeso kad'atte aka inni boola keesa worra imbuumne. Booyye hedduti laaga gaara d'eedu jira. Jinniini aka booyye duudu Yeso kad'atte. Inni, Ee jennaani jinniini nama suni keesaa yaate booyye duude, booyyeeni ch'ufti bale ira gadi orite galaana keesa duude, galaani liqimse. Tissituuni waan kana arginaani orite diraafi ardaati odeesite. Jennaani beenni waan tahe argu d'aqe, Yesoti d'ufe, nama kaani ka jinniini keesaa baate qalbiini iti deebite woya uyifate fulla miila Yeso tau argani. Duuba guddo sodaatani. Jari arge kaani aka namicha jinni qabu kaani fayyisani biyyati odeese. Jennaani nami ch'ufti ka arda lafa Gergesa keesa jiru Yesoni, Nu biraa deemi jed'ani, maro worri aka taka inargiini sodaateefi. Tanaafi Yesoni hobolo keesa seene iti d'aabate. Namichi kaani, ka jinniini keesaa baate, aka isa gula deemu kad'ate, ammo inni ufi jalaa deebise waan jed'eeni, Worra kanketiti gali, aka Waaqi waan guddo sii tolche namati odeesi. Namichi dira ch'ufa keesa dedeeme waan Yesoni isaa tolche odeese. Yesoni moga galaanati deebinaani, gumiini Waan qara isa eegu jirtuufi isa arginaani gammade. Nama tokoti jira, ka Yairo jed'ani, inni gudda mana Waaqa iti kad'atani. Inni d'ufe miila Yesoti jige, Mana kiyya kooti jed'eeni. Wonti inni Yeso yaameefi intala takati inni qabu ta ganna kud'ani lamati diquma induini. Ato Yesoni deemu, gumiini gama ch'ufa iti baafate. Niitiini toko ta d'iigi haga ganna kud'ani lama keesaa yae, ta hori ufi ch'ufa ch'ireeyiti hobaafte, ammo fayyu dad'abde, Yeso gula d'ufte handaara woya isaa tut'e; hojuma suni d'iigi isii ch'ite. Yesoni waan jed'e, Eentu na tuqe? Nami ch'ufti mormate duuba Petroni waan jed'e, Aabbo, gumiini si marsite si d'id'iibdi. Ammo Yesoni waan jed'eeni, Namati na tuqe, wonti akanatiifi anini jabeenna na keesaa bahu ufirati arge. Niitiini taani aka indaane arginaani holachaa d'ufte Yeso durati jidde waan isa tut'eefi nama ch'ufa durati himatte, ammalle aka hojuma suni fayyite himte. Yesoni waan isiini jed'e, Intala, d'ugefachaani tante ya si fayyifte, beeni, nagayaani gali. Ato Yesoni tae hasau, nami toko gara mana Yairoti d'ufe waan jed'eeni, Intalti tante yayu doote, laki, Aabbo ingaargalchiini. Ammo Yeso d'ageennaani waan jed'eeni, Insodaatini, d'ugefachuma d'ugefad'u, isiini imfayiti. Mana geennaani inni nama ch'ufa seenu d'owe, Petrofi Yakobofi Yohanafi abbaafi haad'a intala male. Nami ch'ufti laalefate bohe, ammo Yesoni waan jed'eeni, Imbohiina, isiini indoone ammo irrafti. Worri guddo isa koble waan aka isiini doote beekhaniifi. Inni harka isii qabe qonqo olfud'ate waan jed'e, Intala, kai. Lubbuuni isiti deebite, isiini hojuma suni kaate. Yesoni, Sagale kennaafi worraani jed'e. Abbaafi haati guddo mamte, ammo inni worrati seere aka waan kana namati inhimne. Duuba Yesoni jara ufi kud'ani lamaani kaani wolti yaame, jabeennaafi humna jinniini baasaniifi ta d'ukubaani fayyisani kenneefi. Jennaani worra erge aka Finna Waaqa odeesani fayyad'abale fayyisani. Inni waan worraani jed'e, Woreega karaa imfud'atiina, ulele, subbale, qit'ale, horile, kooti lamale imfud'atiina. Mana olduuddani ch'ufa achuma tataa haga kaatani yaataniti. Nama isani inulfeesiini, yo dira suni keesaa kaatani, awaara miila iraa d'ad'aad'a, aka akheekha worraa taatu. Worri kae olla ch'ufa keesa yayae Odu Dansa odeese, fulla ch'ufati nama fayyise. Hayyuuni Herode jed'ani waan ch'ufa ka tolchani d'ageennaani guddo d'ind'inse waan nami gari, Yohanani yayu duisa keesaa kae jed'eefi. Nami gari, Eliyaani ya mullate jed'e, ammo ka gari, Raagi duri toko yayu duisa keesaa kae jed'e. Herodeni waan jed'e, Anini Yohana yayu mata iraa kute, ammo nami anini waan isaa akana d'agayu kuni eennu? Duuba Yeso argu fed'e. Ergattuuni gallaani waan ch'ufa ka tolchite Yesoti himte. Inni kobati yaame fulla dira Bethsaida geese. Gumiini waan kana d'ageennaani isa gula yaate. Inni worraani, Gadi hiiqa jed'e, waan Finna Waaqa worrati odeese, nama fayya d'abe fayyise. Lafti galgaloomnaani jari kud'ani lamaani kaani d'ufe waan jed'eeni, Gumi galchi, aka ollafi reera keesa yaate fulla bultitiifi sagale barbaadatu; wonti akanatiifi nuu armiti alo. Ammo inni waan worraani jed'e, Waan nyaatani kennaafi. Worri waan jed'eeni, Nu woma inyaannu, qit'a shanifi qurt'umi lama male. Nuu yaane sagale gumi tana ch'ufa binnu feeta? (Nami d'iira ch'allaani haga kunki shani ingaha.) Yesoni waan jara ufitiini jed'e, Shantama shantamaani teteesisa. Akasi tolchani, worra ch'ufa teteesisani. Yesoni qit'a shanaaniifi qurt'umi lamaani taani fuud'e, gubba olmillate eebise ch'ach'abse jara ufiti kenne, aka gumi gololchani. Nami ch'ufti quufe, hamba wolti guurani dadu kud'ani lama guutani. Jennaani ato Yesoni kobati Waaqa kad'atu, jari isaa gara isaa d'ufe. Inni, Biyyiti eennu naani jetti? jed'e gaafate. Worri waan jed'eeni, Nami gari Yohana nama batisu jed'a; ammo ka gari Eliya jed'a; ka garileeni, Raaga duri tokoti duisa keesaa kae jed'a. Inni waan jed'eeni, Ammo isani eennu naani jettani? Petroni waan jed'eeni, Atini Kristo ka Waaqa. Jennaani inni worrati seere, Nama tokoleti dubbi tana inhimina jed'e. Ammalle waan jed'eeni, Ilmi Nama aka heddu gaargalu male, jaaroleefi qaalole gugurdofi jari Seera beekhuleeni isa mormate, isa ijeesani, ammo guyya sadeeso kau male. Jennaani inni waan worra ch'ufaani jed'e, Yo nami na gula d'ufu fed'e ha ufi mormate hojja ch'ufa maskali ufi baate na gula deemu. Wonti akanatiifi nami jireenna ufi baasu fed'u ind'aba; ammo nami naa jed'e jireenna ufi balleesu inargata. Maani namaa baati, yo nami waan lafa tana ch'ufa argate ammo ufi balleese ufumaani badu? Yo nami tokoleeni anaafi dubbi tiyya dide, Ilmi Namaleeni, gaafa guddinna ufitiifi ka Abba isatiifi ka malaika qulqulloleeni d'ufu, nama suni indida. Ammo waan anini d'uguma isaniini jed'u, Jari gari ka arma jiru haga Finna Waaqa ila ufitiini arguti induu. Eegi dubbi tana, haga torbaani toko teennaani, Yesoni Petrofi Yohanafi Yakobo yaame aka Waaqa kad'atani gaara woliini Korani. Ato inni kad'atu, bifti isaa jijiramte woyaani isaa addaatte bibilit'e. Maro tokotu nami lama gadi mullate isa woliini hasae; worri suni Musafi Eliya. Worri guddinnaani mullate waan duisa isaa ka Yerusalemu keesati tahu, woliini dubbate. Duuba Petrofi jari isa woliini jiru kaani guddo mugani, ammo kaanaani guddinna Yesotiifi nama lama ka isa woliini ejaanju argani. Ato worri isa biraa yau, Petroni waan Yesoni jed'e, Aabbo, aki nu arma jirru dansa. Hoosa sadi mid'aasina; toko kanketi, toko ka Musati, tokoleeni ka Eliyati. Ammo inni waan jed'e, imbeekhu. Ato inni akasi jed'u dumansi d'ufe worrati gaadiseese, worri dumansa seennaani sodaate. Qonqooni dumansa keesaa baate waan jette, Kunini Ilma kiyya, ka anini fohad'e; isa ch'aqasa. Eegi qonqooni dabarte Yesoni kobati hafe. Worri ch'allise, bara suni ch'ufa waan argani suni nama tokoleti inhimne. Boriyya gaara iraa buunaani gumiini guddooni Yesoti baate. Nami toko gumi keesa iti lalabe waan jed'eeni, Aabbo si kad'ad'a kooti ilma kiyya takacha anini qabu ilaali. Yo jinniini ira galtu inni iniya; ammalle isa hargufti haga inni afaaniini homachauti, duuba yoosu illakiftu haga isa gaargalchituti. Anini jara kanketiini, keesaa baasa jennaani dad'abani. Yesoni waan jed'eeni, Ee, d'aloota daallicha ka woma ind'ugefanne, anini ganna hagami isani woliini tae obsu male? Ilma kanke armaani kooti. Ato inni d'ufu, jinniini lafaani isa d'oofte hahargufte. Ammo Yesoni jinni hamtu suni d'owe, gurba fayyise abba isati deebise. Duuba akasiini nami ch'ufti waan humna Waaqa arge maadefate. Ammo ato nami ch'ufti waan inni tolche maadefatu, Yesoni waan jara isatiini jed'e, Dubbini tuni gurra keesani keesa ha seentu! Ilma Nama harka namati kennani. Ammo worri dubbi tana inhubanne wonti akanatiifi waan kana ya worra dura d'ossaani, aka worri dandae inhubanne, worrileeni waan dubbi suni Yeso gaafachu sodaate. Jennaani worri nuu kana keesa eennuti gudda? jed'e wolmorme. Ammo Yesoni herega garaa worraa arginaani daima toko fuud'e ufi bira teesise, waan worraani jed'e, Nami daima kana maqa kiyyaani jabeesu ya nale jabeese; nami naa jabeesu ch'ufti ka na erge jabeesa. Wonti akanatiifi nama isani keesa ch'ufa ira diqaati isani ch'ufa ira gudda. Yohanani waan jed'eeni, Aabbo, nama toko ka jinni maqa kanketiini baasu argine, duuba isa d'owine maro inni nama keenna intahiiniifi. Ammo Yesoni waan jed'eeni, Ind'owiina, wonti akanatiifi nami isaniini imorkine goli teesani. Guyyaani inni gubbati galu d'iananaani Yerusalemuti fuula deefate. Nama ufi dura erge, ka deeme olla Samaria toko seene fulla isaa mid'aasu. Ammo biyyiti isa dide maro inni Yerusalemu deema kaefi. Duuba jari isaa Yakobofi Yohanani waan kana arginaani waan jed'ani, Aabbo, aka nu ibida gadi yaamne worra kana ch'ufa balleesinu feeta? Yesoni garagale worra gorse, olla d'ibiti dabrani. Ato kara yaanu, namichi toko waan Yesoni jed'e, Fulla atini deemtu ch'ufa si gula deema. Yesoni waan isaani jed'e, Geedalti boola qabdi, simpirreeni gubbaleeni mana qabdi, ammo Ilmi Nama fulla mata ufi keyatu inqabu. Inni waan nama d'ibiini jed'e, Na gula kooti. Ammo inni waan jed'eeni, Aabbo, eegi, qara d'aqe abba kiyya awaala. Yesoni waan jed'eeni, Reefi ha reefa ufi awaalatu; ammo atini deemi Finna Waaqa odeesi. Nami d'ibiini waan isaani jed'e, Aabbo, anini si gula deema; ammo eegi, qara nama mana kiyya jiruti nagaya d'aamad'a. Yesoni waan isaani jed'e, Nami harka ufi ginda ira kaye ufi duuba millatu tokoleeni Finna Waaqaati himmalle. Eegi waan kana Aabbooni nama torbaatami lama d'ibi fohate, lama lamaani lafa inni d'aqu fed'u ch'ufa ufi dura erge. Inni waan worraani jed'e, Mid'aani murani guddo, ammo nami muru diqa; tanaafi abba mid'aani kad'ad'a, aka nama mid'aani muru oobruti ergu. Kara qabad'a, anini aka ilmoole hooliye yeyi keesa isani erga. Borsa imfud'atiina, subba yokhaani kopele, nama karaati argitani nagaya imfud'iina. Mana seentani ch'ufaani, Waaqi nagaya isani kenniina jed'a. Yo nami nagaya fed'u achi jiraate, nageenni keesani isa woliini taa; ammo yo injirre isaniti deebia. Manuma suni keesa tataa, waan isanii kennani ch'ufa nyaad'a d'uga, wonti akanatiifi nami wo hojatu wo argachu male. Mana d'ibi induudiina. Dira duuddani ch'ufa yo isani yaamani, waan isanii kennani ch'ufa soorad'a; nama fayya intahiini fayyisa, Finni Waaqa la isaniti d'iaate jed'aani. Ammo dira keessumooma ira inargatiini ch'ufa, kara isa gula yaa, waan jettani, Awaara dira keesani ta faana teennati qabatte nu isaniti hat'aanna; ammo waan kana beekha, Finni Waaqa ya d'iaate. Waan anini isaniti himu, Guyya Muumme diri Sodoma dira suni ira gooma. Gaargala kanke dira Korazini! Gaargala kanke dira Bethsaida! Ato sila huji gugurdo isani keesati tolchani suni Tirofi Sidoni keesati tolchani, worri arra kale daba iraa deebie ch'arqi naqate daara ufi indibiini. Ammo gaafa qorsuma Waaqi fulla isaanii nahu, dira Tirotiifi ka Sidoniti naha. Dira Kapernaumu, ehayi, gubbati ufi olfuud'u feeta? Ammo qile si buusani! Nami isani d'agayu nale d'agaya, ka isani didu nale dida; ammalle ka na didu nama na erge dida. Jari torbaatami Lamaani kaani gammadaani gale waan jed'e Aabbo, jinnileeni nuu sarmiti maqa kanketiini. Inni waan jed'eeni, Anini Sheet'ana aka angaasu gubba gadi buu arge. Ch'aqasa anini yayu humna isanii kenne aka bofafi qaanjibu ira ejaanjatani, ammalle irre nyaapa sunile ira ejaanjateniini; wonti tokoleeni isani intut'u. Ammo waan jinniini isani sarmitufi ingammadina, ammo maro maqa keesani gubbati t'aafanifi gammada. Hojuma suni inni gammada Lubbu Qulqullotiini waan jed'e, Galata si deebisa, Aabbo, Abba lafafi gubba, waan atini waan kana qarofi nama wo beekhu d'ossite ijoolle didiqo garsiifteefi. Ee, Aabbo, wonti akana kuni fed'i tanteti. Abbaani kiyya yayu waan ch'ufa nati kenne: nami tokoleeni ka Ilma beekhu injiru Abba male, ammalle ka Abba beekhu injiru Ilmaafi nama Ilmi garsiisu fed'u male. Jennaani Yesoni jara ufiti garagale d'ossaani waan jed'eeni, Ayyaana ila waan isani argitani argatu. Wonti akanatiifi anini isaniti hima, raagootafi hayyooti hedduuni waan isani argitani kana argu feete ammo d'ad'abde, ammalle waan isani d'ageetani kana d'agayu feete ammo d'abde. Jennaani namichi Seera beekhu toko, aka sila Yeso ilaalatu, olkae waan jed'eeni, Aabbo, maal tolchu male aka jireenna hegeri argad'u? Yesoni waan jed'eeni, Seera keesati maal t'aafani? Maal soomta? Inni waan jed'eeni, Abba Waaqa kanke jaalad'u, garaa kanke ch'ufaani, lubbu tante ch'ufaani, jabeenna kanke ch'ufaani, qalbi tante ch'ufaani; ammalle nama ch'ufa aka ufi jaalatu jaalad'u. Inni waan jed'eeni, Aka dansa deebifte, akana tolchi, injiraata. Ammo inni ufi d'ugeesu fed'e waan Yesoni jed'e, Oboleesi kiyya eenufa? Yesoni waan jed'eeni, Nami toko Yerusalemu bahe Yeriko d'aqe; karaati harka shifta keesa, seene, woya isa ira baafatani, mata d'oosani, isa ch'ichu gahe lakisani kaani biraa yaani. Aka ayyaana qaallichi toko kara suni bahe; isa arginaani d'aatu dabre. Akasuma namichi Lawi tokoleeni fulla isaa geennaani arge bira dabre. Ammo namichi lafa Samaria toko, ato kara deemu, isaani bahe; isa arge jennaani naheefi. Isati d'iaate, mada isaa hid'e, d'ad'afi qorsa dibe gaange ufi gubbaa kaye, Mana keessumatini d'ufe isa qorqorate. Boriyya qarsi lama baase abba manati kenne waan jed'eeni, isa qorqorad'u, hori atini iti darte deebieti sii baasa. Worra sadeeni kana keesa eenuti namicha harka shifta seene suni jaalate seeta? Inni waan jed'eeni, Namicha naheefi suni seha. Jennaani Yesoni waan jed'eeni, Beeni, atileeni akasi tolchi. Ato yaanu, Yesoni olla toko seene; niitiini toko ta Martha jed'ani mana ufiti isa yaamte. Isiini oboleeti qabdi ta Mariamu jed'ani; Mariamuni miila Yeso jala teete dubbi isaa ch'aqafte. Ammo Marthani waan gololaatiini gaargalte; duuba isati d'ufte waan jetteeni, Aabbo, aka oboleetiini tiyya waan golola ch'ufa nati lakifte ingartu? Deemi isi qarqaari jed'iini. Ammo Aabbooni waan jed'eeni, Martha, Martha, atini waan hedduuni ufi gaargalchita, ammo waan toko ch'alla fed'ani. Mariamuni yayu waan ira dansa fohatte, isi iraa imfuud'ani. Gaafa toko Yesoni fulla tokoti Waaqa kad'ate jennaani nami toko waan jed'eeni, Aabbo, aka Waaqa kad'atani nu barsiisi, akuma Yohanani jara ufi barsiise. Yesoni waan jed'eeni, Hojja kad'attani waan jettani, Aabbo, maqa kanke qulqullo ha guddisani; finni kanke ha d'ufu liqimsa teenna guyya ch'ufa nuu kennni. Ch'ubbu teenna nu araarami, aka nuleeni nama nuti ch'ubbame araaramnu. Ilaalacha nutiini ind'ufiini. Yesoni waan jara ufitiini jed'e, fakeenna, Yo nami toko isani keesa halkani guddo mana jaala ufi d'aqe waan jed'uuni, Jaali, qit'a sadi naa kenni. Keessuma tokoti ammumatana nati gore, ammo anini waan iti kennu inqabu. Ammalle yo namichi mana keesa jiru kaani, Aabbo na ingaargalchiini balbala yayu ch'ufani, anaafi ijoolleeni tiyya ya ramne, anini kae woma siti kennu indandau isaani jed'e. Maal duuba? Woni anini jed'u, inni yo kae, maro nami kaani jaala isaatiifi woi isaa kennu d'ibaatele, maro fokd'aba isaatiifi kae waan inni fed'u ch'ufa isaa kenna. Tanaafi waan anini isaniini jed'u, Kad'ad'a, inargattani; barbaada, inargitani; d'ad'aa, balbala isanii banani. Wonti akanatiifi nami wo kad'atu ch'ufti inargata, nami woi barbaadu, inarga; nami balbala d'ad'aule duraa banani. Abba kamiti isani keesa, yo ilmi isaa qurt'umi kad'ate bofa kennaafi? Yokhaani yo inni okhokaani kad'ate qaanjibu kennaafi? Yoosi, yo isani nami hamamaani, waan dansa ilmaani teesani kennu beetani, maro hagami hagasi ira Abbaani gubbaa Lubbu Qulqullo jara isa kad'atu kenna? Yesoni tae jinni duuda baasu jira; jinniini baanaani namichi duudani kaani dubbate, gumileeni guddo mamte. Ammo nami gari waan jed'e, Inni jabeenna Beelzebuli, gudda jinnitiini jinni baasa. Ammalle nami gari, aka isa ilaalatu akheekha gubba isa ira barbaade. Ammo Yesoni herega worraa beennaani waan jed'eeni, Lafti gargari qoodamte ch'ufti imbaddi; manileeni yo gargari qoodame injiga. Guddinni Sheet'ana, yo inni gargari qoodame, akamiini ejata? Isani, Atini jinni jabeenna Beelzebulitiini baafta naani jettani. Yo d'uguma anini jinni jabeenna Beelzebulitiini baase, ilmaani teesani jabeenna eennutiini baafti re? Ilmaanuma teesaniti aka isani wollaala tolchitani nama agarsiisa! Ammo, yo anini quba Waaqatiini jinni baase, d'uguma Finni Waaqa ya isaniti d'ufe. Yo nami jabaani, ka woraana qabu, mana ufi eege horiini isaa nagaya qaba. Ammo yo nami isa ira jaba d'ufe isa dabsate, inni woraana abbaani kaani d'aabatu kaani isa iraa boojia. Nami goli tiyya intahiini nyaapa kiyya; nami na qarqaare na woliini woltinguure ya firfirse. Eegi jinniini hamtuuni nama keesaa baate, isiini lafa godduti dabarte fulla boqota barbaaddi; d'amnaani waan jettu, Mana kiyya ka bahefiti deebia. Deebinaani mana harani mid'aasani agarti. Jennaani biraa deemte, jinni torba d'ibi ta isi ira hamtu fuute, woliini duudani keesa qubatani. Jireenni namicha kaani ka ammaa ka duri ira hama. Ato Yesoni dubbi tana dubbatu, niitiini toko gumi keesa iti lalabde waan jetteeni, Garaa si d'aleefi harmi atini hoote ha eeba argatu! Ammo waan Yesoni jed'eeni, Nami dubbi Waaqa d'agaye guutu, ha hagami eeba argatu! Gumiini iti daramnaani, inni waan jed'e, D'alooti kuni d'aloota hama! Akheekha barbaada, ammo akheekha iti inkennani, ka Yona male. Akuma Yonaani akheekha jara Ninawiti tahe, akasuma Ilmi Namaleeni d'aloota kana akheekha taha. Guyya qorsuma hayyitiini lafa Shebaleeni kaate d'aloota kana himatti. Wonti akanatiifi isiini muumme lafati d'ufte aka qarooma Solomoni d'ageetu; ammo hubad'a, nama Solomoni ira jirtu arma jira. Guyya qorsuma jari Ninawi kae isani himata. Wonti akanatiifi worri dubbi Yona d'ageennaani daba iraa deebie; ammo hubad'a, nama Yona ira jiruti arma jira. Nami ifsa bobeese d'ossu yokhaani okote jala kayu injiru, ammo gubba kaya, aka nami mana seenu ch'ufti ifsa argu. Ifsaani nafaa ila; yo ilti tante qulqullo taate, nafi kanke ch'ufti ifsa qaba; ammo yo hamaatte nafi kanke ch'ufti indukanaa. Tanaafi eegad'u, aka ifsaani si keesa jiru dukana intaane. Duuba yo nafi kanke ch'ufti ifsa qabaate fullaani diqoole dukanooftu injirre, nafi ch'ufti ifsa qaba, aka waan ifsaani guddo siti ifsu. Ato Yesoni dubbatu namichi Farisayo toko sagaleti isa yaame; tanaafi inni mana olseene nyaataa tae. Namichi Farisayo kaani akasi arginaani mame, maro inni sagale durati qara harka ind'iqatiniifi. Aabbooni waan isaani jed'e, Isani Farisayooni mudunufi qori gama ala ch'alla d'it'ani, ammo garaa keesa sabdoomafi hameennaani guutamtani. Isani daalle, Waaquma ala mid'aaseti garaa keesale mid'aasaniti? Ammo waan mudunufi qori keesa jira hiyyeeyii qooda, duuba wonti ch'ufti qulqullo isanii taati. Gaargala keesani Farisayo! Yo isani qooda kud'anneeso ta gurbi urgotiifi waan d'ibi sagaleeni urgeesanile Waaqa baaftani, ammo d'ugaafi Waaqa lakiftani, waan kana tolchu maltani ato taanile indeene. Gaargala keesani, Farisayo! Barch'uma ch'ufa ira dansa mana Waaqa iti kad'atani keesati feetani, ammalle aka gabaya keesati nagaya isani fuud'ani jaalattani. Gaargala keesani! Isani akuma awaala imullanne, ka nami ato imbeenne ira yau jirtani. Namichi Seera beekhu toko waan jed'eeni, Aabbo, atini yo akasi jettu nule miid'u jirta. Yesoni waan jed'eeni, Gaargala keesani, isani jara Seera beekhu! Ulfinna gudda nama, baachiftani, ammo ufi ulfinna suni quba tokoleeni intut'ani. Gaargala keesani! Isani awaala raaga ababooti teesani fitt'e ijaartani. Duuba isanileeni waan ababooti teesani taate quuftani; worri raagoota ijeese, isani awaala ijaartaniifi. Tanaafi Qalbiini Waaqaleeni waan jette, Anini raagafi ergattu worrati erga; nama gari ijeesani, ka gari gaargalchani. Tanaafi d'iiga raagoota ch'ufa, ta haga lafti uumamte ijeesani, d'aloota kana iraa fed'ani, haga d'iiga Habilitiifi haga d'iiga Zekaria, ka jiddu fulla sorio iti qalaniifi fulla qulqulloti ijeesani. Ee, waan anini jed'u, d'iiga ch'ufa d'aloota kana iraa fed'ani. Gaargala keesani, jara Seera beekhu! Fura balbala qorsuma fuutani; ufii seenu diddani, nama seenu fed'ule d'owartani. Inni achi deemnaani, jara Seera beekhufi Farisayooni guddo isa goyeesani waan heddu isa gaafatani, aka gaadani dubbi afaani isaatiini isa qabani. Gumiini kunki hedduu wolti baate woli ira ejaanjatte, jennaani Yesoni qara waan jara ufitiini jed'e, Bukho Farisayo eegad'a, anini kiyyiba worraa baana. Wonti daboolani ta imullanne injirtu, yokhaani wonti d'ossani ta imbeekhamne injirtu. Tanaafi dubbi isani dukana keesati jettani ch'ufa ifsa keesati d'agayani, ammalle dubbi isani dinqati gurrati wolti himtani fiit'e mana gudda gubbati lalabani. Waan anini isaniini jed'u, jaallaani tiyya, nama nafa ijeesu ammo eegi suni waan d'ibi tolchu indandeenne insodaatiina. Ammo nama sodaachu malani anini isaniti hima; Waaqa sodaad'a, ka eegi nafa ijeese jabeenna ibida keesa buusuuni qabu. Ee, waan anini isaniini jed'u, sunuma sodaad'a. Simpirreeni shani beese lamati gurguraniyu? Ammo tokole Waaqa durati inded'ani. Tana lakisa, rifeensa mata keesanile ch'ufa yayu hedani. Insodaatiina: gatiini teesani ta simpirre ira jirti. Woni anini jed'u, Nama nama durati na d'ugeesu ch'ufa Ilmi Nama malaika Waaqa durati d'ugeesa. Ammo nama nama durati na mormatu malaika Waaqa durati mormatani. Nama Ilma Nama arabsu ch'ufa inaraaramaniifi, ammo nami Lubbu Qulqullo arabsu araarama inargatu. Yo Mana Waaqatiifi jaarolefi nama gugurda dura isani geesani, waan deefattaniifi waan dubbattani iyaadiina. Wonti akanatiifi Lubbuuni Qulqullooni hojuma suni waan isani jechu maltani isani barsiifti. Nami toko gumi keesa waan isaani jed'e Aabbo, oboleesa kiyyaani, D'aala qoodiifi jed'i. Ammo inni waan jed'eeni, Eentu qortu yokhaani qoodu hori keesani naa tolche? Inni waan biyyaani jed'e, Me hubad'a, d'arraa ch'ufa eegad'a; wonti akanatiifi jireenni namaa qabeeni isaa keesa injiru. Jennaani Yesoni mammaasa kana worrati hime waan jed'eeni, Oobruuni nama dureesa toko guddo mid'aani baafte. Inni d'ind'inse garaa ufi keesati waan jed'e, Anini fulla mid'aani kiyya olkeyad'u inqabu maal taha? Waan ufiini jed'e, Anini akana tolcha; khod'o tiyya d'iige, ballise ijaara, achiti mid'aanifi waan kiyya ch'ufa guura. Duuba waan ufiini jed'u, Abbo, atini amma hori gudda qabda, ka ganna heddu tahu, boqod'u nyaad'u, d'ugi, gammadi. Ammo Waaqi waan jed'eeni, Atini daalle, halkani kana lubbu tante fed'ani; horiini atini olkeete suni ka eennu taha duuba? Nami hori lafa keyate ammo gara Waaqa durooma inqamne akasuma taha. Jennaani Yesoni waan jara ufitiini jed'e, Wonti anini, Waan sagale yokhaani woya uyifatani inqulqulliina jed'eefi tana. Wonti akanatiifi jireenni sagale ira jira, nafileeni woya ira jira. Me haranqeesa ilaala; mid'aani oobre imuru, khod'o inqabu ta mid'aani iti guuratu; ammo Waaqi isa nyaachisa. Isani simpirre guddo ira jirtaniniti? Eentu isani keesa, ato haguma fed'u qulqulle, dandae lubbu ufi d'eeresa? Yo waan diqo suni indandeenne, maafi waan d'ibii gaargaltani re? Aka daraaraani bahu ilaala; inni inhojatu yokhaani woya inhod'atu; ammo waan anini isaniini jed'u, Solomonileeni guddinna ufi ch'ufa keesati aka daraara kana taka woya inuyifanne. Ammo yo Waaqi buuyo diida ta arra jirtu ammo ta bori ibidaani gubani akana uyise, hagasi ira isani inuyisu? D'ugefachaani teesani waan diqo d'uguma. Tanaafi waan nyaattani d'uddani qulqulltani imudamiina. Wonti akanatiifi nami Waaqa imbeenne ch'ufti waan akana kana barbaada. Abbaani keesani aka isani waan akasi feetani imbeekha. Isani ammo qara Finna isaa barbaada, duuba wonti kuni ch'ufti teesani taati. Insodaatiina, gumi diqo! Wonti akanatiifi Abbaani keesani Finna isaa isanii kennu fed'a. Waan qabdani gurgura, eebaani wo namaa kenna. Subba indulomane mid'aafad'a, hori gubba jiru ka inhobaamne olkeyad'a, fulla hattuuni iti ind'iaanne yokhaani fulla bilaachi imballeesine. Wonti akanatiifi fulla horiini keesani jiru garaani keesanileeni jira. Mart'o teesani mart'ifad'a, ifsa keesani bobeefad'a; aka hojattu abba isaani ka fuud'a galu worrati eeddu taha, aka hojja inni gale balbala d'ad'au bananiifi. Ayyaana hojattu suni ta abbaani yo gale kurfo argu! D'uguma, waan anini isaniini jed'u, inni mart'ifate worra teteesise, d'ufe gololcha. Yo inni halkani d'ufe yokhaani ganama d'ufe, akasi worra arge, ayyaana hojattu suni. Ammalle waan kana beekha, Abbaani mana ato sila hojja hattuuni d'uftu beekhe ineega, aka mana isaa nama ch'absu d'owu. Isanileeni kurfo taha; wonti akanatiifi Ilmi Nama, ato isani imbeekane d'ufa. Petroni waan jed'eeni, Aabbo, mammaasa kana atini nu ch'allati himta mo nama ch'ufa? Duuba Aabbooni waan jed'eeni, Gololchituuni qalbi qabdu ta abba ufi guute eennu re? Inni ka abbaani isaa waan ch'ufa harka isati kenne, hojattu d'ibi gololchi jed'uuni. Ayyaana hojattu suni ka abbaani, yo gale, isa akasi tolchu argu. D'uguma, waan anini isaniini jed'u, inni gudda hori ufi ch'ufa namicha suni tolcha. Ammo yo hojattuuni, abbaani kiyya yayu ture jette, tissele d'ibi ta d'iiratifi ta uwale d'aanicha iti kae, nyaate d'uge machae, abbaani hojattu suni guyya inni insehannefi hojja inni imbeenne d'ufe aka male isa d'aane, aka jara d'ugefacha inqamne tolcha. Hojattuuni fed'i abba ufi beete ammo inguutiini d'aanicha gudda argati. Ammo hojattuuni imbeenne, ta waan d'aanicha male tolchitu, d'aanicha diqa argati. Nama waan guddo iti kennani waan guddo ira fed'ani; ka waan guddo harka isati kennani waan hagasi iraa guddo iraa fed'ani. Anini ibida lafati buusu d'ufe, ato sila qara bobae ira dansa! Anini batiso argachu male qaba; haga argad'uti akamiini gaargala kana keesa baha! Waan anini nagaya lafaani d'ufe seetani? Hiyyo, akasiiniti, ammo nama gargari baasu d'ufe. Armaa achi mana toko keesa nami shani gargari qoodama, moga toko nama lama, taani sadi. Abbaafi ilmi gargari bahani, haad'afi intalti gargari bahani intalafi haati gargari bahani; ammalle niiti ilmaatiifi haati isaaleeni gargari bahani. Ammalle Yesoni waan gumiini jed'e, Hojja dumansa ila galchuuti argitani, Bokeeni irooba jettani, duuba bokeeni irooba. Ammalle hojja bubbeeni gama bita d'oofte, Lafti guddo owiti jettani, yoosi inowiti. Isani kiyyibdoole! Waan lafatiifi ka gubba himu imbeetani; ammo akami waan ammatani himu dad'abdani re? Isani waan d'uga maafi beekhu dad'abdani? Hojja nama si kajellu woliini gara jaarsa qorsuma yaatani, haga dandeetani wold'aqa kara keesati, aka inni jaarsa qorsuma durati si inhirkimne yokhaani guddaani qorsuma harka gudda askartiti si inkenine ammalle guddaani askarti si inhiinne. Waan anini siini jed'u, Atini keesaa imbaatu, haga gati tante ch'ufa baaftuuti. Hojuma suni jari toko Yesoti d'ufe waan jed'eeni, Pilatoni yayu worra Galilaya toko ka sorio qalatu fit'e, d'iiga worraatiifi ka sorio wolti makhe jed'ani jed'e. Yesoni waan jed'eeni, Waan jari Galilaya suni nama Galilaya ch'ufa ira dabe seetani, waan worri akasi gaargala argateefi? Waan anini isaniini jed'u, Hiyyo, akasiiniti. Ammo yo isanileeni daba iraa deebiu baatani akasuma baddani. Yokhaani worra kud'ani saddeeti kaani, ka mani Siloamu irati jige fit'e, waan worri nama ch'ufa ka Yerusalemu keesa jiru ira dabe seetani? Waan anini isaniini jed'u, Hiyyo, akasiiniti. Ammo yo daba iraa deebiu baatani isanileeni akasuma baddani. Jennaani Yesoni mammaasa kana worrati hime waan jed'e, Nami toko mukha odaa oobru ufi keesati oobre; d'ufe mid'aani ira barbaade d'abe. Waan inni nama oobru eeguuni jed'e Ilaali, ganna sadi mid'aani mukha odaa kana iraa fed'ad'e d'abe. Muri; maafi lafa d'owata? Ammo inni waan jed'eeni, Aabbo, ganna kanale laki, haga anini qote kossi jalati naquuti. Duuba yo mid'aani ganna d'ufu baase dansa; ammo yo imbaasiini imurta. Guyya Sabato Yesoni mana Waaqa iti kad'atani toko keesati nama barsiisu jira. Niitiini toko ta jinniini haga ganna kud'ani saddeeti fayya d'owarte achi jirti; isiini gajette dandeete aka dansa olinqajeltu. Yesoni isi arginaani yaame waan jed'eeni, Aato, atini fayyad'aba kanke ya fayyite! Harka isi ira kaye, isiini hojuma suni olejatte Waaqa faarsite. Ammo guddaani mana Waaqa iti kad'atani aka Yesoni guyya Sabato nama fayyisu arginaani dalane waan gumiini jed'e, Guyya jaati jira ka huji tolchani; tanaafi guyya suni koota aka fayyitani, ammo guyya Sabato ind'ufiina. Jennaani Aabbooni waan jed'eeni, Isani kiyyibdoole, isani ch'ufti guyya Sabato loonifi harre teesani bobbaaftani oba ind'ooftani? Jaartiini tuni, ta dubra Abrahamu, ta Sheet'ani ganna kud'ani saddeeti hid'e, guyya Sabato hid'aansa kana keesa bahu himmalle? Akasi jennaani nyaapi isaa ch'ufti ch'eere; gumiini ch'ufti waan dansa inni tolcheefi gammadde. Inni duuba waan jed'e, Finni Waaqa maani fakaata? Maani woli fakeesa? Guma dambi toko fakaata, ta nami fuud'e oobru ufiti fach'aasu; late bahe, mukha gudda tahe, simpirreeni dame isaa gubbaa mana jaaratte. Ammalle Yesoni waan jed'e, Finna Waaqa maani wolfakeesa? Bukho fakaata, ta nad'eeni fuute mid'aani guddo ka daakhaniti nat'u, haga ch'ufti bukhaaniti. Yesoni ato Yerusalemuti deemu diraafi ollowaani keesa dedeeme barsiise. Nami toko waan jed'eeni, Aabbo, nami baafamu diqa? Inni waan worraani jed'e, Mit'it'ama aka balbala d'ipooni olseentani; wonti akanatiifi, waan anini jed'u, nama hedduti seenu fed'a ammo indandaani. Hojja abbaani mana kae balbala ch'ufe, isani ala ejaanjitani balbala d'od'ooftani waan jettani, Aabbo, nu bani, Inni waan isaniini jed'u, Anini fulla isani baataniifi imbeekhu. Duuba isani waan jettani, Nu woliini teteenne nyaanne d'unne, atini dira keenna keesati barsiifte. Ammo inni waan jed'u, Anini fulla isani baataniifi imbeekhu. Fuula kiyya dura fagaad'a, isani ch'ufti worra dabaati. Achiti bootani ilkaani qartani hojja Abrahamufi Isaaqofi Yakobofi raaga ch'ufa Finna Waaqa keesati agartani; ammo isani alati gatani. Nami mirga bitaa d'ufe, oli gadi d'ufe, Finna Waaqa keesati sagale nyaatani. Guyya gaafasi nami eege ka qara taha, nami qara ka eege taha. Hojuma suni Farisayooni d'ufte waan jetteeni, Arma baqad'u, Herodeni si ijeesu fed'a. Yesoni waan worraani jed'e, Beena, waan geedala suniini jettani, Anini arrafi bori jinni baase nama fayyisa, guyya sadeeso huji tiyya inhobaafad'a. Ammo kara kiyya qabachu male arrafi borifi iftaanile; wonti akanatiifi raagi Yerusalemu male fulla d'ibiti duu himmalle. Ee Yerusalemu, Yerusalemu, atini raagoota fitt'e, jara siti ergani d'akhaani d'aante! Maro hagami sila ijoolle tante ufi jalati guura, aka lukuuni ilmoole ufi koola ufi jalati guurtu, ammo atini indidde. Me ilaala, Mani kanke ona taha. Waan anini isaniini jed'u, Na inargitani haga, Waaqi nama maqa Aabbootiini d'ufu ha eebisu jettaniti. Guyya Sabato toko Yesoni mana nama gudda toko ka Farisayo sagale nyaachu d'annaani, biyyiti teete isa daawate. Duuba namichi toko ka harkafi miili itae isa dura ch'iise. Yesoni jara Seera beekhufi Farisayooni waan jed'e, Guyya Sabato nama fayyisitiini fullaa mo fullaaniti? Ammo worri inch'allise. Yesoni namicha qabate fayyise ufira galche. Jennaani inni waan worraani jed'e, Eentu isani keesa, yo harre yokhaani looni isaa eela keesa buani hojuma suni yo guyya Sabato taatele keesaa imbaamne? Duuba worri dubbi tana deebisu dad'abe. Yesoni mammaasa kana worra yaamaniti hime, aka worri barch'uma ulfinna fohatu arginaani waan jed'eeni, Hojja jila fuud'ati si yaamani, barch'uma gudda ira intaini; wonti akanatiifi hojja nama sira jiru yaamani, namichi siifi isa yaame kaani d'ufe hegeri waan siini jed'u, Nama kana duraa kai, duuba atini ch'eerte fulla d'ibi teeta. Ammo hojja si yaamani d'aqi khaara gubba tae, duuba hojja nami si yaame d'ufe jaali, oldabri, barch'uma gudda suni ira tai siini jed'u, yoosi ulfinna jara si woliini tae nyaatu durati argatta. Wonti akanatiifi nami ufi guddisu ch'ufti indiqaata, ammo nama ufi diqeesu inguddisani. Jennaani Yesoni namicha isa yaame kaaniini waan jed'e, Hojja sagale guyyatiifi yokhaani ta galgala d'aabdu, jaallani tantetiifi, yokhaani oboleyaani tante iyaamini, yokhaani fiit'a tante yokhaani dureeyi olla kanketi iyaamini, aka worrileeni garagale si iyaamne. Ammo hojja atini sagale dansa d'aabdu, hiyyeeyifa, naafafa, nama hokolufa, ballafa yaami, yoosi eeba argatta; wonti akanatiifi worri waan si deebisu inqabu. Waan suni ch'ufa guyya kaisa jara d'uga si deebisani. Gumi teete sagale nyaattu keesa namichi toko waan kana d'ageennaani waan Yesoni jed'e, Ayyaana isati ka sagale Finna Waaqa keesati nyaatu. Ammo Yesoni waan isaani jed'e, Namichi toko jila guddo tolche nama heddu yaame. Eegi sagaleeni kurfo taate, inni garbicha ufi erge aka d'aqe keessuma yaame, Koota, wonti ch'ufti amma kurfo jirti jed'uuni. Ammo worri ch'ufti aka taka wo haalate. Namichi qara waan jed'eeni, Anini oobru bitad'e, d'aqe ilaalu male; na eebisi, d'ufu indandau. Nami d'ibiini waan jed'eeni, Anini t'indi shani ta qotiyo bitad'e, d'aqe ilaalu male; na eebisi, d'ufu indandau. Nami d'ibiini waan jed'eeni, Anini d'io niiti fuud'e, tanaafi aka d'ufu inqabu. Garbichi kaani gallaani waan kana ch'ufa abba ufiti hime. Duuba abbaani kaani dalane waan garbicha ufitiini jed'e, hurrisi, deemi, karaafi daandi dira keesa dedeemi, hiyyeeyifi naafafi ballafi nama hokoluuni kooti. Jennaani garbichi kaani waan jed'eeni, Aabbo, wonti atini jette ch'ufa la taate, ammo ammalle mani inguutamne. Abbaani waan garbichaani jed'e, Kara guddafi daandi alale d'aqi, nama yaami, haga mani kiyya guutamuuti. Nami tokoleeni ka qara yaamani sagale tiyya afaaniini intuqu. Gumiini muumme inqamne Yeso woliini deemte, inni garagale waan worraani jed'e, Nami nati d'ufu, ka abbaafi haad'a ufi injibine, yokhaani niitifi ijoolle yokhaani oboleesafi oboleeti yokhaani jireenna ufile injibine, dandae nama kiyya intahu. Nami maskali ufi fud'ate na gula ind'umne dandae nama kiyya intahu. Eentu isani keesa ka mana ijaaru fed'u, qara tae hori ufi inhenne, aka hori hobaasuuni qabu inilaale? Yo akasi intahiini, hegeri hojja jala yayabe ammo hobaasu dad'abe, nami argu ch'ufti isa goyeese, waan jed'u, Namichi kuni mana yayabe ammo hobaasu dad'abe. Yokhaani hayyu kamiti, yo hayyu d'ibiini wolhad'ani, qara gadi tae inkorane, aka inni dandae nama kunki kud'anitiini nama kunki diddama ka d'ufuu jiru dabsatu? Yo indandeenne, ato kaani fago jiru, licho iti erge booju kad'ata. Akasuma duuba nami waan ufi ch'ufa illakimne dandae nama kiyya intahu. Sooddi dansa, ammo yo kura d'abe maaniini kura iti deebisani? Lafafi fulla huura iti haranile himmalle; alati gatani. Nami gurra qabu ha d'agayu. Duuba jara damoosa guurufi nami dabaleeni ch'ufti Yesoti d'iaate isa ch'aqase. Farisayoofi jari Seera beekhu gungumani waan jed'ani, Namichi kunini worra daba yaame sagale woliini nyaata. Tanaafi inni mammaasa kana worrati hime: Isani keesa, nami hooliye d'ibba toko qabu, ka hojja toko keesaa bade sagaltami sagalaani taani d'eedati lakise tokocha bade suni, haga argatuuti, barbaada indeemne eennu? Yo argate, gammade gurmu ira keyate, worrati galche, jaalaanifi olla ufi wolti yaame, Koota, na woliini gammada, hoola kiyya ka bade ya argad'e jed'u. Waan anini isaniini jed'u, Akuma suni gammadi guddaani gubba jira, hojja nami daba toko daba iraa deebie, fulla nama d'uga sagaltami sagali ka waan iraa deebiufi inqamne. Yokhaani niiti tamiti ta qarsi kud'ani qabdu, hojja toko iraa bade ifsa bobeesite mana harte aka dansa imbarbaanne haga argattuuti? Yo argatte, jaalaanifi olla ufi wolti yaamte waan jettuuni, Na woliini gammada, waan anini qarsi tiyya ta badde argad'eefi. Waan anini isaniini jed'u, Akasuma malaikaani Waaqa gammaddi, hojja nami toko ka daba qabu daba suni iraa deebiu. Ammalle Yesoni waan jed'e, Duri nama tokoti jira ka ijoolle lama qabu. Maand'ichi waan Abbaani jed'e, Aabbo, hori hand'ura kiyya naa qoodi. Jennaani inni hori worra, lachuyu qoode. Eegi bulti diqo toko ilmi maand'ichi hand'ura ufi gurgure, ch'ufa beese deebise, kae lafa fago d'aqe; achiti hori ufi kara hamaani maro tokotu nyaate balleese. Ch'ufa hobaamnaani beelti taka inargiini lafa suni d'ufte, inni harka duwa hafe. Duuba inni gara nama toko ka lafa suni huji barbaadachu d'aqe. Booyye tissi jed'aniini. Inni beelae ufi jibbaate jennaani qola booyyeeni nyaattu nyaachu fed'e, ammo taatule namu woma iti inkennine. Badi ufi arginaani waan jed'e, Hojattu Abba kiyya hagamiti sagale quufe hambisa, ka anini armati beelaani duu. Anini kae gara Abba kiyya gale waan jed'uuni, Aabbo, anini yayu wollaale, siifi Waaqa duraleti. Armaa achi ilma kanke naani jechu himmalle; akuma nama sii hojatu na heregi. Duuba kae gara abba ufi gale. Ammo ato inni fago jiru, Abbaani isaa isa arge naheefi isati utaale iti jige d'ungate. Gurbaani kaani waan jed'eeni, Aabbo, anini yayu wollaale, siifi Waaqa duraleti. Armaa achi ilma kanke naani jechu himmalle. Ammo Abbaani waan hojattu ufitiini jed'e, Woya ta ch'ufa ira dansaatiini koota, isati uyisa, qube quba isati kaya, kopele miila isati naqa. Raada gabbooni koota, qala, nyaanne gammanna. Wonti akanatiifi ilmi kiyya kunini qara ya due ammo amma la kae; qara ya bade ammo amma la gale jed'e. Duuba gammadaani jila tolfatani. Ilmi angafa kaani hojja suni oobru keesa jira. Ato galu manati d'iaannaani, sirbafi taba d'agaye. Hojattu toko yaame waan jed'eeni, Wonti kunini maani? Duuba inni waan jed'eeni, Oboleesi kanke gallaani abbe raada gabbo taani qale, waan inni nagayaa fayyani galeefi. Ammo angafi kaani dalane oli seenu dide. Abbaani isati gadi bahe isa sobate, Oliseeni jed'eeni. Ammo inni waan abbaani jed'e, Ilaala ganna heddu kana ch'ufa anini si hojad'e, seera kanke tokole inch'absine, ammo atini taka rupa reele guyya tokole naa inkennine, aka anini jaalaani tiyya woliini gammadu. Ammo ilmi kanke kunini ka hori kanke sharmut'a irati hobaase d'umnaani atini raada gabbo taani qalteefi. Abbaani waan jed'eeni, Gurba, atini hojja ch'ufa na woliini jirta, wonti kiyya ch'ufti keetuma. Aki nu gammada tolchinu fullaa; wonti akanatiifi oboleesi kanke kunini qara ya due ammo amma la kae, qara ya bade ammo amma la gale. Yesoni waan jara isaatiini jed'e, Duri dureesa tokoti jira, ka hojattu jabdu qabu. Duuba d'ufani waan jed'aniini, Nami kanke kunini hori kanke balleesu jira. Jennaani inni isa yaame waan jed'eeni, Wonti anini siti d'agayu kuni maani? Hori kiyya ch'ufa hedi, harka kiyyati deebisi, armaa achi iti deebite na inhojattu. Hojattuuni kaani waan ufiini jed'e, Abbaani huji keesaa na baasa, anini maani taha? Dandae oobru inqotu, woi kad'achule inch'eera. Anini yayu waan tolchu malad'e aka biyyiti maneeni isaaniti na yaamtu, hojja huji tana keesaa na baasani. Tanaafi nama ch'ufa ka gati abba isaa qabu yaame waan nama qaratiini jed'e, Gati abba kiyya hagami qabda? Namichi kaani waan jed'eeni, D'ebbe d'ibba toko ta d'ad'a. Jennaani inni waan jed'eeni, Tatabe tante ta irati t'aafani fuud'i, hurrisi tai, shantama t'aafi. Ammalle inni ka d'ibiini waan jed'e, Atini gati isaa hagami qabda? Namichi kaani waan jed'eeni, Kintaala d'ibba lama ka dargaye. Inni waan isaani jed'e, Tatabe tante ta irati t'aafani fuud'i, d'ibba tokofi shantama t'aafi. Abbaani hojattu kiyyiba kaani maro qarooma isatiifi guddo saade; wonti akanatiifi nami waan lafa tana gula deemu nama ifsa gula deemu ira mala lafa tanaa beekha. Duuba anini waan isaniini jed'u, Hori lafa tanatiini jaala tolfad'a, aka hojja horiini d'umate mana hegeriti isani yaamani. Nama waan diqooni d'ugefatani waan guddoleeni d'ugefatani; ammalle nama waan diqooni d'arefatani waan guddoleeni d'arefatani. Tanaafi hojja qara hori lafa tanatiini isani d'arefatani eentu dandae hori d'ugatiini isani d'ugefata? Ammalle yo hori nama d'ibitiini isani d'arefatani eentu waan keesani isanii kenna? Nami nama hojatu dandae abba lama inhojatu: wonti akanatiifi inni hegeri toko jibbe kaani jaalata, yokhaani tokooni wold'aqani kaaniini wold'abani. Isani dandeetani Waaqafi hori fulla taka inhojattani. Farisayooni, ta guddo hori jaalattu, waan kana ch'ufa d'ageennaani isa goyeesite. Ammo Yesoni waan worraani jed'e, Isani worra nama durati ufi d'ugeesu, ammo Waaqi garaa keesani imbeekha; wonti akanatiifi waan nami waan guddo wo namaa baatu sehu Waaqi woma insehu. Seera Musatiifi t'aafiini raagoota haga Yohana nama batisu ch'alla jabeenna qabdi; duuba achii asi Odu Dansa ta Finna Waaqa odeesani, nami ch'ufti finna suni irreeni seenu jira. Ammo ira laaftu aka lafafi gubbaani dabartu fulla dubbini Seera toko baddu. Nami niiti ufi lakise ta d'ibi fuud'u ya daba tolche; nami niiti d'iirsi lakise fuud'uleeni ya daba tolche. Duri dureesa toko jira, ka woya mimid'aaddu gati guddo qabdu naqate guyya ch'ufa gammadafi qilit'amaani deemu. Ammalle namicha hiyyeesa toko, ka Lazaro jed'ani, ka nafi isaa ch'ufti mamadaa qabu balbala isaa dura kayani, aka inni hamba sagale mesa namicha dureesa iraa jiddu nyaatu. Sareleeni d'ufte mada isaa araabdi. Hiyyeesi suni due jennaani malaikaani olfuute bobaa Abrahamuti geesite. Dureesileeni due awaalani. Fulla ekherati guddo gaargale; olmillaannaani Lazaro ka bobaa Abrahamu jala tau fagoti arge. Jennaani lalabe waan jed'eeni, Aabbo Abrahamu, naa nahi, Lazaro nati ergi aka fiit'e quba isaa bisaani keesa kaye araba kiyya qabaneesu; anini ibida kana keesati gubachuu jira. Ammo Abrahamuuni waan jed'eeni, Gurba, qaabad'u, atini jireenna kanke keesati waan dansa argatte, Lazaroni waan hamtu argate; amma isa armati qorqoratani ammo atini gaargalu jirta. Waan kana male, jiddu teennafi teesani boola guddoti jira, aka nami armaa bahe gara keesani dabru indandeenne, aka nami gara keesanileeni nuti taaku indandeenne. Dureesi waan jed'eeni, Yoosi, anini si kad'ad'a, Aabbo, Lazaro gara worra keenna ergi, anini oboleyaani shani qaba; inni ha deeme worra gorsuti, aka worri fulla tiyya ta gaargala tana ind'umne. Ammo Abrahamuuni waan jed'eeni, Worri Musafi raagoota qaba, ha dubbi worraa d'agayaniti. Inni waan jed'eeni, Hiyyo, Aabbo Abrahamu, ammo yo sila nami toko duisa keesaa kae deeme worrati odeese worri daba iraa deebia. Ammo Abrahamuuni waan jed'eeni, Yo worri Musafi raagoota ind'agayiini, ato nami duisa keesaa kae worrati odeesele ind'ugefatani. Duuba Yesoni waan jara ufitiini jed'e, Gufuuni daba keesa nama buuftu inuma d'ufti, ammo gaargala nama d'ufuuni! Sila ira dansa yo daakha daakhu morma isaati hid'ani galaana keesa buusani, fulla inni worra didiqa kana gufachiisu. Ufi eegad'a! Yo oboleesi kanke dabe gorsi, yo inni daba iraa deebie araaramiifi. Yo inni guyya toko keesa maro torba siti dabe ammo maro torba, Na araarami siini jed'e, araaramiifi. Ergattuuni waan Aabbooni jette, D'ugefacha teenna iti nuu dari. Aabbooni waan jed'eeni, Yo sila d'ugefacha haga mid'aani dambi toko qabaattani, oda kanaani, Hiddaani armaa buqai, galaana keesa ufi d'aabi, jettani, duuba inni intaha. Yo sila nami toko isani keesa hojattu toko ta oobru qote yokhaani ree tissitu qabaate, yo inni huji gale, inni, Hurrisi, kooti, tai sagale nyaad'u wo jed'a? Dandae injed'u, ammo, Hurrisi, kooti, sagale naa d'aabi, mart'ifad'u na golochi, haga anini gololfad'uuti; eegi suni nyaatte d'udda jed'a. Abbaani hojattu suni mala keeti maro waan inni fed'u tolcheefi galata deebisa? Hiyyo. Isanileeni akasuma; hojja waan ch'ufa ka Tolcha jed'ani tolchitani, waan jettani, Nu tissele ta woma imbaane; nu waan tolchu malle ch'alla tolchine jed'a. Ato Yesoni Yerusalemuti deemu, lafa Samariatifi ta Galilaya jiddu dabre. Ato inni olla toko seenu jiru, nami kud'ani ka qomaat'a qabu isati d'ufe, fago ejaanje, qonqo olfud'atani waan jed'ani, Yeso, Aabbo, nu nahi. Worra arginaani Yesoni waan jed'eeni, Beena, qaalole ufi agarsiisa. Ato kara yaanu fayyani. Jennaani nami toko aka fayye ufi arginaani, deebie qonqo guddooni Waaqa faarse. Miila Yeso jalati jige galata deebiseefi. Namichi sunini gosa Samariati. Jennaani Yesoni waan jed'e, Nami kud'ani imfayine? Sagalaani kaani me re? Keessumicha kana male, nami deebie Waaqa galata deebisu injiru? Yesoni waan isaani jed'e, Olkai, beeni deemi, d'ugefachaani tante la si fayyifte. Farisayooni guyya Finni Waaqa d'ufu Yeso gaafannaani inni waan jed'eeni, Finni Waaqa aka nami eeguuni ind'ufu. Yokhaani nami dandae, Kuno kana injed'u, yokhaani, Kuno suni injed'u. Wonti akanatiifi Finni Waaqa jiddu teesani ke jira. Jennaani inni waan jara ufiitini jed'e, taka tana isani guyya toko ka bara Ilmi Nama lafa jiru kaani argu feetani d'araatani, ammo inargitani. Gaafasi worri waan isaniini jed'u kuno suni yokhaani kuno kana. Ammo isani indeemina Yokhaani worra gula iyyaina. Akuma angaasuni moga tana angaate taanti ifsitu, guyyaani Ilma Namaleeni akasuma taha. Ammo qara inni aka heddu gaargalu male, ammalle d'alooti kuni isa didu male. Akuma bari Nuhu jiru, bari Ilma Namaleeni jira. Gaafasi haga guyyaani Nuhuni hobolo seene lolaani d'ufe worra ch'ufa balleese gahuti, nyaatani d'ugani wolfuud'ani. Akuma bara Lutu taati — nyaatani d'uugani, bitatani gurguratani, oobraatani mana ijaaratani. Ammo guyya Lutuuni Sodoma keesaa bahe, ibidafi dillooni aka ibida bobeetu gubba gadi roobde worra ch'ufa balleesite. Guyya Ilmi Nama mullatule wonti ch'ufti akasuma taati. Guyya suni, nami mana gubba jiru, ka mihi isaa mana keesa jiru, gadi bue inguuratiini; akasuma nami oobru keesa jiruleeni indeebiini. Niiti Lutu qaabad'a! Nami lubbu ufi baasu fed'u ind'aba; ammo ka lubbu ufii balleesu inargata. Waan anini isaniini jed'u, Halkani suni nama lamati sire toko ira rafa: toko fuud'ani, kaani lakisani. Nad'eeni lamati mid'aani woliini daakhu jira; toko fuud'ani, taani lakisani. [ Nama lamati oobru keesa jira: toko fuud'ani, kaani lakisani.] Jari isaa waan jed'eeni, Aabbo, fullaani suni eesa? Inni waan jed'eeni, Allaatiini fulla reefi jiruti buuti. Jennaani Yesoni mammaasa kana worrati hime, aka nami guyya ch'ufa Waaqa kad'achu illakimne. Inni waan jed'e, Dira toko keesa nama dubbi qoru tokoti jira ka Waaqafi namale insodaanne. Ammalle dira suni keesa niiti hiyyeeti tokoti jira, ta guyya ch'ufa gara isaa d'at'e, Nama tokoti na dabse, dubbi tana na ilaali jettuuni. Guyya heddu dide, ammo eege garaa ufi keesati waan jed'e, Ato anini Waaqafi namale sodaachu, baad'e, waan niitiini tuni na gaargalchitufi anini dubbi isii inqora, aka isiini hojja ch'ufa d'ufte na ingaargalchine. Aabbooni waan jed'e, Waan namichi d'artichi dubbi qoru kunini jed'u d'agaya. Waaqi jara inni fohate, ka halkani guyya isa yaamatu, indubbatufi? Inni hurrise inqarqaaru? Waan anini isaniini jed'u, Inni hurrise d'uga worraa qora. Ammo Ilmi Nama, yo d'ufe, d'ugefacha lafati arga? Yesoni mammaasa kana jara gari ka ufi d'ugefate qulqullo ufi sehe biyya tuffatuti hime waan jed'e, Nami lama Mana Waaqa olduude aka Waaqa kad'atu; toko Farisayo, kaani nama damoosa guuru. Namichi Farisayo kaani koba ejate garaa ufi keesati Waaqa kad'ate waan jed'e, Ee Waaqa, anini sabdiniti, d'ara indubbad'u, algalooma indeemu, yokhaani aka namicha kana ka damoosa guuru injiru. Torbaani toko keesa maro lama agaba, waan argad'e ch'ufa keesaa qooda sii baasa. Ammo namichi damoosa guuru kaani fago ejate, ila lafa buuse lape qabate waan jed'e, Waaqa naa nahi, anini dabdicha. Waan anini isaniini jed'u, Namichi kuni nama kaani ira mana ufiti d'ugaani gale. Wonti akanatiifi nami ufi guddisu indiqaata, ammo ka ufi diqeesu inguddisani. Biyyiti ijoolle didiqo isaatiini d'ufte aka harka ira kaye eebisu. Ammo jari isaa waan kana arginaani d'owe. Ammo Yesoni ufiti yaame waan jed'eeni, Ijoolleeni ha nati d'uftuuti, ind'owiina; wonti akanatiifi Finni Waaqa ka ijoolle akana tana. D'uguma waan anini isaniini jed'u, Nami Finna Waaqa aka ijoolle didiqo imfud'anne haguma jiru inargatu. Jennaani namichi guddinna qabu toko isa gaafate waan jed'eeni Aabbo dansa, anini maani tolchu male aka jireenna hegeri argad'u? Yesoni waan jed'eeni, Maalifi dansa naani jetta? Nami dansaani tokoleeni injiru, Waaqa male. Atini seera imbeeta, d'iirafi nad'eeni wolbarate garayu wolintolfatini inijeesiini; inhatiini; nama tokole d'araani inhimatiini abbeetiifi haateti saalfad'u. Inni waan jed'eeni, Waan kana ch'ufa haguma ijoollumati ya guute. Yesoni akasi d'ageennaani waan isaani jed'e, Waan toko fitate; waan atini qabdu ch'ufa gurguri, hiyyeeyi qoodi, duuba hori gubba argatta, duuba deebii, na gula kooti. Ammo waan kana d'ageennaani namichi guddo laalefate, waan inni guddo dureesatiifi. Yesoni waan kana arginaani waan jed'e, Aka dureeyiini Finna Waaqa argattu guddo jabaatti. Gaala qaa lime seenuti ira laaftu, fulla dureesi Finna Waaqa argatu ira. Worri d'agaye kaani waan jed'eeni, Eentu baafamu dandaa re? Ammo inni waan worraani jed'e, Wonti namaani intaane Waaqaani intaati. Petroni waan jed'e, Ilaali, nu yayu waan ch'ufa lakimne si gula yaane. Yesoni waan worraani jed'e, D'uguma waan anini isaniini jed'u, Nami mana yokhaani niiti yokhaani oboleyaani yokhaani abbaafi haad'a yokhaani ijoolle ufi, maro Finna Waaqati jed'e lakise, ammatitana waan guddo hagasi iraa argata, eege tanale jireenna hegeri argata. Yesoni jara kud'ani lamaanu yaame waan jed'eeni, Nu Yerusalemuti olqabanna, duuba wonti ch'ufti ta raagooti waan Ilma Nama t'aafte inguutamti. Harka nyaapati isa kennani, goyeesani arabsani, hanch'ufa iti tufani; lichooni d'aanani ijeesani, ammo guyya sadeeso duisa keesaa kaasani. Ammo worri waan kana diqoole inhubanne, jecha kana worra d'ossani, waan Yesoni jed'e worri imid'afanne. Yesoni Yerikoti d'iaannaani namichi ballaani toko d'aatu kara tae wo kad'ate. Gumi guddo dabartu d'ageennaani, Kunini maal? jed'e gaafate. Waan jed'aniini, Yeso Nazaretiti kara kana gula deemu jira. Jennaani inni lalabe waan jed'e, Yeso, Ilma Daudi, naa nahi. Jari isa dura yayu isa d'owe, Ch'allisi jed'aniini. Ammo inni hagasi ira lalabe waan jed'e Ilma Daudi, naa nahi. Duuba Yesoni miila d'aabate, Natiini koota jed'e, Inni d'umnaani Yesoni waan jed'eeni, Ana maani si tolchu feeta? Inni waan jed'eeni, Aabbo, lafa argu fed'a. Yesoni waan jed'eeni, Lafa argi! D'ugefachaani tante la si fayyifte. Hojuma suni lafa arge, Yeso gula deeme Waaqa guddise. Nami ch'ufti arginaani Waaqa faarse. Yesoni Yeriko seene dira keesa dabre. Nama tokoti jira ka Zakayo jed'ani; inni gudda worra damoosa guuruti, ammalle dureesa. Inni Yeso barbaade aka inni jiru argu fed'e; ammo maro inni nama gabaabatiifi, ammalle maro gumitiifi dad'abe. Inni aka Yesoni kara suni dabru d'ageennaani utaale dura dabre aka isa argu oda toko kore. Yesoni achi geennaani gubba olmillate isa arge waan jed'eeni, Zakayo, hurrisi gadi bui, anini arra mana kanke oolu male. Inni hurrise gabue gammadaani mana ufiti yaame. Nami arge ch'ufti gungume waan jed'e, Inni yayu mana nama daba olseene. Zakayooni olejate waan Aabbooni jed'e, Ilaali, Aabbo, anini hori kiyya gama toko hiyyeeyii qooda; yo anini nama tokole hori dabaani ira fud'ad'e, maro afuri deebisaafi. Yesoni waan jed'eeni, Arra baafami la mana kana d'ufe, waan innileeni ilma Abrahamutiifi. Wonti akanatiifi Ilmi Nama ka bade barbaade baasu d'ufe. Worri waan kana d'ageennaani Yesoni mammaasa kana worrati hime, maro inni Yerusalemuti d'iaateefi, ammalle waan worri waan Finni Waaqa d'iotu mullatu seheefi. Duuba Yesoni waan jed'e, Namicha guddaani toko imaltu lafa fago d'aqe, aka hayyuma argate deebiu. Inni hojattu ufi kud'ani yaame namu shilingi kunki toko iti keenne waan jed'eeni, Hori kanaani daldala, haga anini galuuti. Ammo nami lafa suni isa jibbe, d'aamsa isa gula ergani waan jed'ani, Aka nami kuni hayyu keenna tahu nu imfeenu. Inni hayyuma ufi fud'ate, gallaani hojattu taani ta hori iti kenne yaame, aka waan daldalaniini argatani ilaalu. Namichi qara d'ufe waan jed'eeni, Aabbo, shilingiini tante la maro kud'ani d'alte. Inni waan jed'eeni, Aka dansa tolchite, atini garbicha dansa! Waan atini nama d'uga taate waan diqo guuteefi dira kud'ani mohad'u. Namichi lameeso d'ufe waan jed'eeni, Aabbo, shilingiini tante la maro shani d'alte. Duuba inni waan isaani jed'e, Atileeni dira shani mohad'u. Namichi sadeeso d'ufe waan jed'eeni, Aabbo, ilaali, shilingiini tante tana; bututuuni hid'e olkaye. Anini si sodaad'e, atini naasu inqabdu. Waan biyya fud'atta oobru biyya muratta. Inni waan jed'eeni, atini garbicha hama! Anini jecha kanketiini wollaala siti mura! Atini aka anini nasu inqamne, ka waan biyya fud'atu, mid'aani biyya muratu, imbeeta. Atini maafi hori kiyya fulla inni wo na daruufi olinkayiini re? Yo akasi taate, anini hojja galu, sila hori kiyyafi waan ira d'ufa woliini fud'ad'a. Jennaani worra d'aawatu ejaanju kaaniini waan jed'e, Shilingi iraa fuud'a namicha kunki kud'ani qabu kaani kenna. Ammo worri waan jed'eeni Aabbo, inni qara shilingi kunki kud'ani qaba. Yesoni waan jed'eeni, waan anini isaniini jed'u, Nama qabu ch'ufa iti daraniifi, ammo ka woma inqamne waan diqo inni qabule iraa fuud'ani. Ammalle nyaapa kiyya kaani, ka aka anini mohad'u dide, armaani koota, na durati gogoraa. Waan kana jennaani Yesoni dura deeme Yerusalemuti olqabate. Bethfagefi Bethaniati d'iaannaani, fulla gaara Ejersa jed'ani, jara isaa lama ufi dura erge waan jed'eeni, Haga olla isani dura suni yaa, yo achiini baatani bukhura harre ka nami taka ira intaini argitani, hiikha kootaani. Yo nami, Maafi hiitani? isaniini jed'e, Aabbooti fed'a jed'a. Jari ergani kaani kae yae waan inni jed'e arge. Ato worri bukhura kaani hiikhu, abbootiini, Maafi bukhura hiitani? jetteeni. Worri waan jed'eeni, Aabbooti fed'a. Jennaani Yesotiini d'ufani, woya ufi rara tolchani Yeso yabachiisani. Ato inni gulufu, woya ufi lafati afani. Inni goodo gaara Ejersa jed'aniti d'iaannaani, gumiini guddooni ta jara isaa, gammachuuni qonqo olfud'ate Waaqa faarsite, maro waan mama kana arganiifi. Waan jed'ani, Ee Waaqa hayyu maqa Waaqatiini d'ufu eebisi! Nagayafi guddinni Waaqa gubbaa ha tahu! Jennaani Farisayooni gari, ta gumi keesa jirtu, waan Yesoni jette, Aabbo, jara kanke kanaani, Ch'allisa jed'i. Yesoni waan jed'eeni, D'uguma waan anini isaniini jed'u, Yo sila gumiini tuni ch'allifte, d'akhayeeni tuni iniyiti. Inni dirati d'iaate, dira arginaani bohe waan jed'e, Atini ato sila guyya kana waan nagaya, lafa tanatiini d'ufa beete, guddo dansa! Ammo ammatana la si d'ossani. Wonti akanatiifi guyyaani ind'ufa, ka nyaapi kanke lafa siti ijaare si marse bahu si d'owu. Irreeni lafa si buusani, siifi ijoolle tantele, duuba d'akha kanke kana tokole woli irati inhambisani, waan atini guyya Waaqi d'ufe si baasu imbeenneefi. Yesoni Mana Waaqa seene nama keesati wo gurguratu alati arie waan jed'eeni, T'aafi keesati waan jed'ani, Mani kiyya mana kad'achati, ammo isani ya goda hattu tolchitani. Inni guyya ch'ufa mana Waaqa keesati barsiisuu jira. Qaalole gugurdofi jara Seera beekhufi jaaroleeni gugurdoleeni kara isaani ijeesani barbaadani. Ammo waan isa tolchani d'abani, maro nami ch'ufti dubbi isaa gurra tokooni ch'aqaseefi. Gaafa toko, ato Yesoni nama barsiise Odu Dansa Mana Waaqa keesati odeesu, qaalole gugurdofi jari Seera beekhu jaarole woliini isati d'ufani waan jed'aniini, Atini jabeenna kamiini waan kana nama barsiifta yokhaani eennuti jabeenna kana ch'ufa sii kenne? Nuti himi! Inni waan jed'eeni, Anileeni dubbi toko isani gaafad'a, nati hima! Batisooni Yohana gubbaa d'ufte mo nama iraa d'ufte? Worri mariate waan jed'e, Yo nu, Gubbaa d'ufte jenne, Maafi ind'ugefatiina re? nuuni jed'a. Ammo yo nu, Nama iraa d'ufte jenne, nami ch'ufti d'akhaani nu had'a; wonti akanatiifi Yohana raaga sehani. Tanaafi worri waan jed'eeni, Nu gara isiini d'ufteefi imbeennu. Yesoni waan jed'eeni, Anileeni jabeenna waan kana tolchuuni isaniti inhimu. Jennaani Yesoni mammaasa kana biyyati hime waan jed'e, Nami toko oobru zabibu oobre, hojattuti lakifate lafa d'ibi d'aqe ture. Muraansi geennaani garbicha toko aka inni mid'aani oobru isaa galchuufi worra hojattuti erge. Ammo hojattuuni isa d'aante harka duwa galchite. Inni garbicha d'ibile erge jennaani isale d'aanani ch'eersani harka duwa galchani. Ka sadeesole erge isale mata d'oosani alati baasani. Abbaani oobru zabibu waan jed'e, Anini maal tolcha? Eegi, ilma kiyya ka anini jaalad'u erga; hegeri isafa sodaatani. Ammo hojattuuni taani isa arginaani wolmariatte waan jette, Kunini ilma d'aalu, koota, inijeemna, aka d'aalti teenna taatu. Tanaafi oobru zabibu keesa alati baasani ijeesani. Abbaani oobru zabibu maani worra tolcha duuba? Inni d'ufe hojattu taani balleese oobru nama d'ibiti kenna. Biyyiti waan kana d'ageennaani waan jette, Waan hamaati! Ammo Yesoni worra millate waan jed'eeni, Maani re, wonti t'aafani kuni? D'akhaani ijaartuuni tuffatte dide yayu d'akha ch'ufa ira jabaa tahe. Nami d'akha suni irati jigu inch'ach'aba, ka d'akhaani suni irati jiguleeni imbututa. Qaalole gugurdofi jari Seera beekhuleeni isa qabu fed'ani hojuma suni, ammo biyya sodaatani; wonti akanatiifi aka inni mammaasa kana worraafi jed'e imbeekhani. Worri isa eege, dooya erge, ka nama d'uga faakate, ammo sila dubbi afaani isaa fuud'ani harka nama arda suni fiduti isa geesani. Worri suni isa gaafate waan jed'e, Aabbo, nu imbeenna aka atini waan d'uga dubbatte nama barsiiftu, nami ch'ufti sii haga tokotuyu, akuma d'uga kara Waaqa nama barsiifta. Fullaa mo fullaaniti, yo nu gibira hayyu Kaisari baamnu? Ammo Yesoni kiyyiba worraa arginaani waan jed'eeni. Me, shilingi toko na agarsiisa. Matafi maqa eennuti irati t'aafisa qaba? Waan jed'ani, Ka Kaisari. Duuba Yesoni waan jed'eeni, Yoosi, waan Kaisari Kaisarii baasa, ammo ka Waaqa Waaqaa baasa. Worri dubbi suniini nama durati isa qabu dad'abe ammo jecha isaa mamani ch'allisani. Sadukayoni gari ta, Kaisi injiru jettu, gara Yeso d'ufte, waan jetteeni, Aabbo, aka Musani t'aafe gula, yo oboleesi nama ka niiti qabu due, ammo ilmaani inqamne, oboleesi isaa niiti suni d'aale oboleesa ufiiti ijoolle d'alchu male. Duuba, oboleyaani torbati jira; ka qara niiti fuud'e, ilmaani male due. Jennaani ka lameesotifi ka sadeesoleeni isi fuute; torbaanu akasuma ilmaani male doote. Eege, niitileeni doote. Gaafa worri duri due kau, isiini niiti eennu taati? Torbaanu ya isi fuute. Yesoni waan worraani jed'e, D'iirafi nad'eeni lafa tana wolfuuti; ammo d'iirafi nad'eeni, ta taka tana duisa keesa kaasani, haga hegeri teetu, wolinfuutu. Worri aka malaika jira, deebiani induani. Worri ijoolle Waaqati, waan duisa keesaa kaasaniifi. Ammo aka worra due kaasani, Musaleeni, fulla waan gurbi bobeetu t'aafani taaniti ya agarsiise, gaafa inni waan Abbo dubbate, inni Waaqa Abrahamutiifi, ka Isaaqotiifi ka Yakobole jed'e. Inni Waaqa nama duetiiniti, ammo ka worra jiruti; wonti akanatiifi nami ch'ufti isaafi jira. Jari Seera beekhu ka gari waan jed'eeni, Aabbo, aka dansa jette. Duuba iti deebiani dubbi d'ibi isa gaafachu sodaatani. Yesoni waan worraani jed'e, Nami akami, Kristoni ilma Daudi jed'a? Wonti akanatiifi Daudini kitaaba Faaru keesati waan jed'e, Aabbooni waan Abba kiyyaani jed'e, Gama harka kiyya ka mirga tai, haga anini nyaapa kanke barch'uma miila keti tolchuuti. Daudinu, Aabbo isaani jed'e; duuba Kristoni akami dandae ilma isaa taha re? Ato nami ch'ufti d'agayu, inni waan jara ufitiini jed'e, Jara Seera beekhu eegad'a, ka woya d'ed'eertuuni yau fed'u, ka fulla gabayati aka nagaya fuud'ani fed'u, ka mana Waaqa iti kad'atani keesati dura tau fed'u, ka barch'uma dansa hojja sagale woliini nyaatani fed'u, ka mana nad'eeni hiyyeeyiti wo nyaatu, ka kiyyibe kad'acha d'ed'eertu kad'atu. Yaka taka inargiini worrati murani. Yesoni olmillate jennaani dureeyi ta hori Waaqa baaftu arge, ammalle niiti hiyyeeti d'iirsa inqamne toko ta dururu lama achi keesa buuftu arge. Inni waan jed'e, D'uguma waan anini isaaniini jed'u, Niitiini hiyyeetiini tuni nama ch'ufa ira wo baafte. Wonti akanatiifi jari kaani ch'ufti hori ufi gudda keesaa baase; ammo isiini hiyyuma ufi keesa hori qabdu ch'ufa baafte. Ato nami gari waan Mana Waaqa hasau, aka d'akhaye dansaafi waan Waaqaa baasaniini bareesani, Yesoni waan jed'eeni, Waan kana ka isani argitani, guyyaani d'akhaani tokoleeni woli irati inhamne ind'ufa; ch'ufa gargari jissani. Worri isa gaafate waan jed'eeni, Aabbo, wonti kuni yoomi taati? Akheekha kamiti mullata hojja wonti kuni d'iaattu? Inni waan jed'eeni, Eegad'a, aka isani insobamne. Wonti akanatiifi hedduti maqa kiyyaani d'ufe waan jed'u, Anini isa, ammalle, Hojjaani, ya d'iaatte. Worra akana kana gula indeemina. Lolafi had'iisa, yo d'ageetani, insodaatiina; wonti kuni qara d'ufu malte, ammo muummeeni diqo ingeenne. Jennaani inni waan worraani jed'e, Gochiti gosaani wolhaati, lafti lafaani wolhaati; lafti guddo chochoti, fulla heddu beelafi d'ukubati d'ufa; waan nama mudamsisatifi akheekha guddati gubba mullata. Ammo waan kana ch'ufa durati isani qabani gaargalchani, maneeni Waaqa iti kad'atani duraani isani d'ufani, mana hid'aansa keesa isani buusani; maro tiyyaafi hayyootafi jaallaba dura isani geesani. Yoi kuni yo isani Odu Dansa odeesitani. Tanaafi garaa kutad'a, aka durati waan deebiftani ind'ind'insine; anati afaanifi qalbi isanii kenna, ta nyaapi keesani tokoleeni dandae morkeeni intufanne. Abbaafi haad'afi oboleyaanifi gosafi jaalaani teesanileeni isani gurguratti; nama gari isani keesa inijeesani. Nami ch'ufti isani jibba, maro tiyyaafi. Ammo rifeensi mata keesani tokoleeni imbadu. Obsa akasi ch'allaani lubbu teesani baaftani. Ammo hojja duula Yerusalemu marsu argitani, aka badiini isii d'iaate beekha. Hojja suni nami lafa Yahudi keesa jiru ha gareeniti baqatuti; nami dira keesa jiruleeni ha keesaa bahu; nami ala jiruleeni dira inseeniini. Wonti akanatiifi kunini guyya haalo baafatani, ka waan t'aafani ch'ufa guutani. Gaargala nad'eeni gaafasi garaacha qabdu, yokhaani ta hoosiftu. Gaargali guddaani lafa tana d'ufe dalansuuni Waaqa gosa tana balleesiti. Worra gari sheeftini fit'ani, ka hafele boojiani lafa d'ibi geesani. Gochiti d'ibiini d'ufte Yerusalemu ira ejaanjatti haga guyyaani isii hobauti. Akheekhati mullata adufi jiafi urji keesa. Lafa keesaleti gochiti ch'ufti ufi jibbaatti, maro gohannaafi d'awa galaana sodaataniifi waan tahani wollaalaani. Nami naasuuni gagaba, yo waan lafati d'ufu heregu; wonti akanatiifi wonti gubba jira ch'ufti kara ufi iraa gorti. Gaafasi Ilmi Nama, ka jabeennaafi guddinnaani dumansa keesa d'ufu argani. Hojja wonti kuni qara taatu, mata olfud'ad'a, olmillad'a, baafami keesani ya d'iaate. Jennaani Yesoni mammaasa kana worrati hime waan jed'e, Odafi mukha ch'ufa ilaala. Hojja baala baase, imbeetani aka ch'aamsaani d'iaate. Akasuma, hojja waan kana ka tahu argitani, aka Finni Waaqa d'iaate beetani. D'uguma waan anini isaniini jed'u, D'aloota kuni indabru, haga wonti kuni ch'ufti guutamtuuti. Gubbafi lafti indabarti, ammo dubbini tiyya indabartu. Ammo eegad'a, aka garaani keesani waan quuftaniifi waan, machitiifi d'ipu lafa tana inqulqulle, aka guyyaani suni aka t'urura tassa isani ira imbuune. Wonti akanatiifi guyyaani suni nama ch'ufati d'ufa ka lafa ch'ufa keesa tau. Hojja ch'ufa eegad'a, kad'ad'a, aka waan d'ufa kana ch'ufa jalaa baatani, Ilma Nama dura ejaanjattani. Guyya ch'ufa Yesoni Mana Waaqa keesati nama barsiise, ammalle lafti halkani geennaani inni d'aqe Gaara Ejersa jed'ani gubbaa bule. Ganama nami ch'ufti kae Mana Waaqa d'aqe aka isa ch'aqasu. Jilti Qit'a bukho inqamne, ta Pasaka jed'ani, d'iaate. Jennaani qaalole gugurdofi jari Seera beekhu kara Yesoni ijeesani barbaadani, waan biyya sodaataniifi. Jennaani Sheet'ani Yuda ka Iskariote jed'ani, ka jara kud'ani lama kaani keesa jiru, seene. Inni deeme, jaarole gugurdofi worra gugurda askartiti dubbate aka Yeso harka worrati kennu. Worri gammade, aka hori isaa kennani wold'aqani. Yudani, Ee jed'e, aka d'ossaani Yeso harka worrati kennu herege. Guyyaani Qit'a bukho inqamne, ka hoola Pasaka qalani, gahe. Yesoni Petrofi Yohana erge waan jed'eeni, Beena, sagale Pasaka nu mid'aasa aka nuleeni nyaannu. Worri waan jed'eeni, Nu eesati mid'aasinu feeta? Inni waan jed'eeni, Hojja dira duuddani nama d'iira ka bute bisaani baatuuni baatani, isa gula yaa, haga mana inni seenu. Waan abba manatiini jettani, Aabbooni waan siini jed'u, Mani keessuma me, ka anini Pasaka jara kiyya woliini keesati nyaad'u? Nami suni mana gubba aanu ka miha qabu isani agarsiisa, achiti mid'aasa. Deemani akuma inni jed'e argani, Pasaka mid'aasani. Hojjaani golola geennaani, Yesoni jara isaa woliini tae. Inni waan jed'eeni, Anini guddo d'arraa qaba, aka Pasaka tana isani woliini nyaad'u, ato ingaargaliini. Waan anini jed'u, anini deebie inyaad'u haga Pasakaani Finna Waaqa keesati qit'ooftuuti. Jennaani inni mudunu fuud'e eebise waan jed'e, Kana fud'ad'a qoodad'a; wonti akanatiifi waan anini isaniini jed'u, Anini deebie bisaani zabibu, ind'ugu, haga Finni Waaqa d'ufuuti. Jennaani inni qit'a fuud'e, eebimnaani ch'ach'abse, worrati kenne waan jed'eeni, Kunini nafa kiyya [ka maro keesaniifi kennani. Waan kana tolcha na qaabad'a. Akasuma eegi gololfatani mudunu fuud'e waan jed'eeni, Mudunuuni tunini ta d'iiga kiyya, ka isanii jissani, ka wold'aqisa haraa.] Ammo ilaala! Harki nama na gurguru ana woliini jira mesa kana gubba! Wonti akanatiifi Ilmi Nama akuma duri hereganiifi deema; ammo gaargala nama isa gurguruti. Worri wolgaafate, Nu kana keesa eentu waan kana tolcha? jed'ani. Worri wolmorme, Nu kana eennuti gudda? jed'e wolgaafate. Yesoni waan worraani jed'e, Aada lafa gula, hayyooti biyya mohatti, ammalle jaallaba worraatiini, Worra guddo nama qarqaaru jed'ani. Ammo isani akasiiniti; nami isani keesa nama ch'ufa ira gudda akuma maand'a ha tahu, ammalle nami nama dura deemu akuma hojattu ha tahu. Eentu ira jira, nami sagale nyaataa tau mo ka gololchu? Nami sagale nyaataa tauniti? Ammo anini jiddu teesani keesati aka nama nama gololchu jira. Isani yayu na woliini teetani ilaalacha tiyya ch'ufa keesa. Akuma abbaani kiyya hayyuma naa qoode, anileeni isanii qooda. Isani mesa kiyya gubbati nyaattani d'uddani, barch'uma guddinna ira teetani gosa kud'ani lama ta Israeli qortani. Simoni, Simoni, ilaali, Sheet'ani, akuma dargaye hafarsani ya aka isani hafarsu kad'ate argate. Ammo anini yayu sii kad'ad'e aka d'ugefachaani tante inhanqanne. Ammalle atini eegi nati deebite, oboleyaani tante jabeesi. Petroni waan jed'eeni, Aabbo, anini kurfo jira aka si woliini deemu fulla hid'aansatiifi duisale. Yesoni waan jed'e, Waan anini siini jed'u, Petro, arra kormi luku iniyu, haga atini maro sadi aka na beetu mormatu. Jennaani Yeso waan worraani jed'e, Gaafa anini subbafi gorjofi kope male isani erge woma d'abdani? Waan jed'aniini, Hiyyo. Yesoni waan jed'eeni, Ammo ammatana, nami subba qabu ha fud'atu, ka gorjo qabuleeni ha fud'atu; ammalle nami sheefti inqamne ha woya ufi gurgure bitatu. Wonti akanatiifi, waan anini isaniini jed'u, T'aafiini inni worra ch'ubbu woliini dua jettu, anaani guutamu malte. Wonti akanatiifi wonti waan kiyya t'aafani inguutamti. Worri waan jed'eeni, Aabbo, ilaali, sheefti lamati arma jira! Inni waan jed'eeni, Ingeeti. Yesoni achii deeme, akuma aada isaa gara Gaara Ejersa jed'ani d'aqe; jari isaleeni isa gula yae. Arti gahe jennaani waan worraani jed'e, Kad'ad'a aka ilaalacha keesa inseenne. Haga darba d'akha worra bira deeme, jilbifate kad'ate waan jed'e, Aabbo, yo feete, mudunu tana nara fuud'i; tatule fed'i tiyyaniti, ammo tante ha taatu. [ Malaikaani gubba isati mullatte garaa isaa jabeesite. Waan inni guddo gaargala qabuufi guddise kad'ate; damfi isaa lafati ch'och'obe d'iiga fakaate.] Kad'achaa kaanaani, jara ufiti d'ufe, worra maro lalefachatiifi rafu arge waan jed'eeni, Maafi raftani? Kakaa, kad'ad'a, aka ilaalacha keesa inseenne. Ato inni ammalle dubbatu gumiini d'ufte; Yudani, ka jara kud'ani lama keesa jiru, worra dura deeme. Inni Yesoti hiiqe aka isa d'ungatu. Ammo Yesoni waan jed'eeni, Yuda, atini d'ungooni Ilma Nama gurguratta? Jari isa woliini jiru waan kana arginaani waan jed'eeni, Aabbo, sheeftini d'oomna? Nami toko worra keesa garbicha qaallicha gudda d'ae, gurra mirgicha iraa kute. Ammo Yesoni waan jed'eeni. Ingeeti! Lakisa! Duuba gurra isaa tuqe fayyise. Jennaani Yesoni qaalole gugurdofi gugurda askarti Mana Waaqatiifi jaarole isati d'ufteeni waan jed'e, Aka waan hattu qabdani sheeftifi bokuuni d'uftani? Guyya ch'ufa nu Mana Waaqa keesa woliini jirra, harkaani na intunne. Ammo hojjaani tuni teesani, ammalle ta jabeenna dukanaati. Jennaani Yeso qabani gara mana qaallicha gudda geesani, ammo Petroni fago hordofe. Ibida ch'icha durati bobeesani qanqamatani, Petroni jiddu worra keesa tae. Intalti toko, ato inni fulla ifsa ibida tau, isa agarte ila iti qabde waan biyyaani jette, Namichi kunileeni isa woliini jira. Ammo inni mormate waan jed'e, Intala, anini isa imbeekhu. Diqo eege, nami d'ibileeni isa arge waan jed'eeni, Atileeni nama isaatiiyu! Ammo Petroni waan jed'eeni, Laki, abbo, ananiti. Haga saa toko teennaani nami d'ibiini ammalle dubbi tana quufu dide waan jed'e, D'uguma namichi kuni isa woliini jira; inni nama Galilayati. Ammo Petroni waan jed'eeni, Abbo, waan atini jettu anini imbeekhu. Hojuma suni, ato inni dubbatu, kormi luku iye. Aabbooni garagale Petro millate; duuba Petroni dubbi Aabbo qaabate ta inni isaani jed'e, Arra, ato kormi luku iniyiini, atini maro sadi na mormatta. Alati gadi bahe laalefate guddo bohe. Jari Yeso qabe kaani isa goyeese d'aane. Ila hid'ani isa gaafatani waan jed'aniini, Fagi! Eentu si d'ae? Waan, heddu iti dubbatani arabsani. Lafti bariinaani, jaarole Yahuditiifi qaalole gugurdofi jari Seera beekhuleeni wolwoldaani, Yeso kora geesani waan jed'aniini, Yo atini Kristo taate, nuti himi. Ammo inni waan worraani jed'e, Yo anini isaniti himele ind'ugefattani. Yo anini isani gaafad'ele nati inhimtani. Ammo armaa achi Ilmi Nama jabeenna Waaqa keesa harka mirgaa taa. Worri ch'ufti waan jed'e, Atini Ilma Waaqati re? Inni waan jed'eeni, Isanu ya akasi naani jettani. Worri waan jed'e, D'uga d'ibi maani iraa feena? Nu yayu d'ageenne waan inni afaani ufitiini jed'e. Gumiini ch'ufti kaate Yeso Pilatoti geesite. Himacha iti kaani waan jed'ani, Namichi kunini gosa teenna yake damoosa Kaisari imbaasina jed'e, Ammalle isaa, anini, hayyu ufiini jed'u d'ageenne. Pilatoni isa gaafate waan jed'eeni, Atini hayyu Yahuditi? Yesoni waan jed'eeni, Atu ya jette. Pilatoni waan qaalole gugurdofi gumiini jed'e, Anini wollaala nama kana irati ingarre. Ammo worri isa d'owe waan jed'e, Inni biyya yake lafa Yahudi ch'ufa keesati barsiisa, haga Galilayatiifi haga armale. Pilatoni dubbi tana d'ageennaani aka nami kuni nama Galilaya gaafate. Aka inni hayyu Herode jala jiru d'ageennaani Herodeti erge, ka hojja suni Yerusalemu jiru. Herodeni Yeso arginaani guddo gammade, waan haguma duri inni odu isaa d'agaye isa argu fed'eefi; ammalle inni akheekha Yesoni tolchu argu fed'e. Duuba dubbi heddu isa gaafate, ammo Yesoni woma iti indeebimne. Qaalole gugurdofi jari Seera beekhu bira ejaanjani, dubbi jabduuni Yeso himatani. Herodefi askartiini isaa Yeso tuffatani goyeesani, woya dansa iti uyisani Pilatoti deebisani. Guyyuma suni Pilatofi Herodeni wold'aqani jaala tahani; qara duri worri wolii nyaapa. Pilatoni qaalole gugurdofi jara gugurdafi biyya yaame waan jed'eeni, isani nama kana natiini d'uftani, inni nama wolti yake jettani isa himattani. Anini isani durati gaafannaani jallu isani isa himattanini tokole ingarre. Yokhaani Herodeleeni woma ingarre, tanaafi inni isa nuti deebise. Wonti inni tolche ta duu maleefi tokoleeni injirtu. Tanaafi anini isa d'aane galakisa. [ Pilatoni guyya jila Pasaka ch'ufa nama toko hiikhu male.] Ammo gumiini ch'ufti ch'aarte waan jette, Nama kana nuraa balleesi, Baraba nu hiikhi. Baraba, waan inni dira keesa lola baase nama ijeeseefi hid'ani. Pilatoni ammalle worraani dubbate, maro inni Yeso hiikhu fed'eefi. Ammo gohani waan jed'ani, Maskali gubbati isa fannisi, isa fannisi. Pilatoni maro sadeeso waan jed'eeni, Maafi akana? Waan hamtu maani tolche? Anini waan tokole ka inni duu maleefi ingarre. Tanaafi anini d'aane isa hiikha. Ammo jabaatani qonqo guddooni gohani, aka Yeso fannisani kad'atani. Eege gohanti worraa isa dabsate. Duuba Pilatoni aka waan worri fed'u tolchani mure. Inni nama worri fed'u, ka waan lolatiifi waan ijeechatifi hid'ani kaani hiikhe, Yeso harka worrati kenne aka waan fed'ani tolchani. Ato isa fuud'ani geesanu, namicha toko ka Simoni jed'ani ka lafa Kirene gara oobruti d'ufuu jiru, qabani maskali ira kayani, baachisani Yeso gula deemsisani. Gumiini nami hedduuni isa gula yaate. Gumi suni keesa nad'eeni isaa boote lalefate jira. Ammo Yesoni isiiti garagale waan jed'eeni, Dubra Yerusalemu, naa imbohiina, ammo ufiifi ilmaani teesani boha. Wonti akanatiifi guyyaani ind'ufa, ka nami ayyaana maseenatifi ka nad'eeni taka d'alte ilmaani inhoosisini jed'u. Gaafasi waan gaareeniini jed'ani. Nurati jiga, ammalle waan kubileeni jed'ani, Nu d'ossa. Wonti akanatiifi yo waan kana ato mukhi dotaatu tolchani, gaafa mukhi goge maani taati? Ammalle nama lamati jira, ka wo yake, ka isa woliini ijeechaa geesani. Fulla Buqe mata jed'ani geennaani, achiti maskaliti isa fannisani. Jara lamaani toko ka wo yakele, toko gama mirgati kanile gama bitati fannisani. Yesoni waan jed'e, Aabbo, worra kana araarami, waan tolchu jirani imbeekhani. Woya isaa hit'a buufatani qoodatani. Biyyiti oliejanjite daawatte; jari gugurdaani Yahudi isa goyeese waan jed'e, inni nama d'ibi baase ha ufi baasu yo inni Kristo Waaqi fohate tahe. Askartileeni isa akeesite daad'i isati kennite, waan jetteeni, yo atini hayyu Yahudi taate ufi baasi. Dubbi tana isa gararoti t'aafani, Kunini hayyu Yahudi jed'ani. Jara wo yake ka fannisani keesa toko Yeso goyeese waan jed'eeni, Atini Kristoniti? Ufi baasi, nule bassi. Ammo kaani waan jed'eeni, Atini Waaqa insodaatu? Sifi isale muraani teesani taka. Nu d'uga arganna, nu gati d'uguma ta huji teenna arganna; ammo namichi kunini woma iyakine. Inni waan jed'eeni, Yeso, na qaabad'u, hojja guddinna kanke seentu. Inni waan isaani jed'e, D'uguma, waan anini siini jed'u, Arra atini fulla dansa na woliini teeta. Lafti guyya gudda geennaani haga saafa dukanoofte. Golli Mana Waaqa jiddu tarsae. Yesoni qonqo guddooni lalabe waan jed'e, Aabbo, lubbu tiyya harka kanketi lakisa! Akasi jed'e ch'iche. Guddaani askarti waan tahe arginaani Waaqa faarse waan jed'e, D'uguma namichi kunini nama d'ugaati! Gumiini ch'ufti ta daawachu d'ufte waan tahe arginaani mata gingilfatte galte. Jaalaani isaa ch'ufaafi nad'eeni Galilaya ta isa gula d'ufte fago ejaanjatte waan kana daawate. Nama toko jira ka Yusufu jed'ani. Inni nama dansa, ka d'uga, ka kora worra ke jiru, ammo heregafi huji worra inquufu. Inni nama dira Arimathaya, diri suni, ka Yahudi; ammalle inni Finna Waaqa eegata. Duuba namichi kunini gara Pilato d'aqe, reefa Yeso kad'ate. Jennaani maskali ira gabuuse, woya booftatiini mamare, goda d'akha ka taka nama iti inawaaliini keesati awaale. Guyyaani suni guyya Kurfefacha, guyyaani Sabatoleeni la d'iaate. Nad'eeni haga lafa Galilaya isa gula d'ufte d'at'e awaala agarte, aka reefa ch'iifsisanile ilaalte. Jennaani dachaate, waan urgooftufi d'ad'a qayya qabu mid'aasite. Akuma Seeri jed'u guyya Sabato boqatani. Ammo boriyya guyya qara ka torbaani suni, afaani bari, nad'eeni taani gara awaala d'at'e, waan urgooftu ta mid'aasani geesite. D'akha awaala ira gangalchani argite, keesa duunnaani reefa Aabbo Yeso d'abde. Ato isiini waan kana mamtu, nami lama, ka woya bibilit'u qabu, worra bira ejaanje. Sodaatani, lafa ilaalani jennaani worri kaani waan jed'eeni, Maafi nama jiru awaala keesa barbaaddani? Inni arma injiru, ammo la kae. Waan inni isaniini jed'e qaabad'a, gaafa inni Galilaya jiru: Ilma Nama harka nama dabati kennani fannisani, gaafa sadeeso kau male jed'e. Worri dubbi isaa qaabate, awaala biraa yae, waan kana ch'ufu jara kud'ani tokotiifi jara d'ibileti hime. Nad'eeni ergattuti himte Mariamu Magdalenefi Yoanafi Mariamu haad'a Yakobotifi nad'eeni d'ibi ta worra woliini jirtu. Ammo jechi kunini odu d'araa worraati fakaate d'ugefachu didani. Taatule Petroni kae gara awaala utaale, d'aqe gajed'e awaala keesa millate, boofta taani ta koba jirtu arge, kae gale, waan tahe kana maadefate. Guyyuma suni worra keesa nami lama gara olla toko ka Emmao jed'ani, ka haga maili torba Yerusalemu iraa fago, d'aqe. Duuba waan tahe kana ch'ufa woliini hasaani. Ato wolgaafatani hasaanu, Yesoni worrati d'iaate woliini deeme. Ilti worra sapupoofte, fuula isa wollaalaani. Inni waan worraani jed'e, Dubbini isani ato kara yaatani hasooftanu tuni maani? Miila d'aabatani oodani. Jara keesa namichi toko, ka Kleopa jed'ani, waan jed'eeni, Nami Yerusalemu keesa jiru, ka waan achiti d'io tana tahe ind'agayiini sii ch'alla? Inni, Waan akami? jed'eeni. Worri waan jed'eeni, Waan Yeso Nazareti, ka waan tolchanifi waan dubbatanileeni raaga gudda tahe Waaqafi nama ch'ufa duraleti. Qaalole gugurdofi jari gugurdaani keenna, qorsumati geese, duisa itimurani mukha irati fannisani. Ammo nu qara aka inni Israeli baasu abdanne. Tana male, arriti guyya sadeeso haga wonti kunini taate. Ammalle, nad'eeni gari ta gumi teenna diirama kana gara awaala d'at'e guddo nu mamsiifte. Reefa isaa d'amnaani dachaate waan jette, Malaikaani nuti mullatte, Inni injira nuuni jette, jette. Jari gari ka nu woliini jiru gara awaala d'aqe, akuma nad'eeni jette arge, ammo isa d'abani. Jennaani Yesoni waan worraani jed'e, Isani ka waan raagi jed'e hurriftani ind'ugefanne guddo daalle! Kristoni akana gaargale duuba eege guddinna ufi seenu himmalle? Haga Musafi raagi ch'ufati iti keyate, waan isaa ka t'aafi keesati t'aafani ch'ufa worraa diige. Olla iti yaaniti d'iaannaani, inni aka waan dabru fed'u tahe; ammo worri isa sobate waan jed'ani, Fulla teenna buli, aduuni la d'iu geete, guyyaani amma alati inhamne. Duuba inni worra woliini bulisa tahe. Worra woliini sagale nyaatani tataani, jennaani qit'a fuud'e eebise, ch'ach'abse qoode. Ilti worraa banamte isa beekhani, ammo isa akanumati ufi duraa d'abani. Worri waan woliini jed'e, Hojja kara keesati nuuni hasae waan t'aafani nu diige, garaani nu bobaeyu? Hojuma suni kaani Yerusalemuti dachaani, jara kud'ani tokofi jara worra woliini jiru ka wolti woldae d'uguma Aabbooni yayu kae, Simoniti mullate jed'u argani. Jennaani worri waan kara keesati tahe odeese, aka inni qit'a ch'abse jennaani worri isa beekhe. Ato worri waan kana hasau, Yesoni jiddu worraa ejate waan jed'eeni, Galchuumi isani nagaya? Guddo sodaatani nahani, waan ekhera argani sehani. Ammo inni waan worraani jed'e, Maafi naatani? Maafi garaa keesani keesati birefattani? Harkafi miila kiyya ilaala, aka nami naa. Naa qabad'a ilaala, imbeetani ekheraani aka kiyya kana nafafi lafele inqabdu. Akasi jennaani harkafi miila agarsiise. Duuba mamani gammadani akanaani d'ugefachu dad'abani, tanaafi inni waan jed'eeni, waan nyaatani arma qabdu. Qurt'umi diqo ta wodani iti kennani, inni fuud'e worra durati nyaate. Duuba inni waan worraani jed'e, Tunini dubbi tiyya ta anini isaniini jed'e, ato isani woliini jiru; wonti ti kiyya ta kitaaba Seera Musatifi ka raagootatiifi ka Faaru keesati t'aafani ch'ufti guutamu malte. Jennaani inni qalbi worraa bane, aka waan t'aafani hubatani, waan jed'eeni, wonti t'aafani, tana; Kristoni gaargale guyya sadeeso kau male, aka haga Yerusalemu iti keyatani iraa deebitifi araarama daba maqa isatiini gosa ch'ufati odeesu malani. Isaniti d'uga waan kanati. Ilaala, waan Abbaani kiyya isaniti kakhate anati isanii erga, ammo dira keesati eega, haga jabeenni gubba isanii gad'ufuti. Jennaani haga Bethania worra geese, harka olfud'ate eebiseefi. Ato inni worra eebisu, biraa deeme gubbati oldeebie. Worri isa guddise, Yerusalemuti gammadaani dachaani, hojja ch'ufa Mana Waaqa keesati Waaqa faarsani. Duri qara fiit'e, ato lafti inuumamiini, dubbi jira. Dubbini suni Waaqa woliini jirti, dubbini suni Waaqa. Inni qara Waaqa woliini jira. Waan ch'ufa Waaqi isaani uume, wonti tokoleeni ta isa male uumamte injirtu. Isa keesa jireenna jira, jireenni suni ifsa namaati. Ifsaani dukana keesa ifsa, dukanti taka ind'aamfine. Waaqi nama toko ka Yohana jed'ani erge. Inni waan d'uga himu d'ufe, aka ifsa suni d'ugeese nami ch'ufti dubbi isaa gula d'ugefatu. Inni ufii ifsaaniti, ammo ifsa suni d'ugeesu d'ufe. Ifsaani d'uga, ka nama ch'ufaa ifsu, lafati d'ufu jira. Inni qara lafa jira. Lafti isaani uumamte, ammo lafti fuula isaa imbaranne. Inni lafa ufiti d'ufe, ammo gochi isaa isa dide. Ammo nama isa fud'ate maqa isaa d'ugefate ch'ufa inni jabeenna kenne, aka ijoolle Waaqaa tahani. Worri suni fed'i nama gula ind'alanne, yokhaani nami worra ind'alle, ammo Waaqati worra d'ale. Dubbini nama taate, jiddu teenna teete, nu guddinna isaa agarre, akuma guddinna Ilma tokocha ka gara Abbati bahe, ka eebafi d'ugaani guutame. Yohanani isa d'ugeese, qonqo olfud'ate waan jed'e, Kunini ka anini waan isaa dubbad'e waan jed'e, Inni faana tiyya d'ufa, ammo nara gudda; ato anini ind'alatiini inni duru jira. Eebiti isaa qit'e, hojja ch'ufa guddo nu eebisa. Waaqi Seera ufii Musani namaa kenne, ammo eebafi d'ugaani kara Yeso Kristotiini d'ufte. Nami tokoleeni taka Waaqa ingarre, Ilma tokocha, ka Abbaani takaa, ka d'aatu Abbaa tau male, isati Waaqa nama beesise. Jennaani jari gugurdaani Yahudi ka Yerusalemu, qaaloleefi worra Lawi Yohanati erge, atini eennu kana? jed'e gaafate. Inni diideese iti hime waan jed'e, Anini Kristoniti. Jennaani, Ati eennu re? jed'ani isa gaafatani. Atini Eliya? Inni waan worraani jed'e, Anini isaaniti. Atini raaga kaani re? Inni waan jed'eeni, Hiyyo! Duuba, Atini eennu re? Worra nu ergeti himu malle. Ati eennu ufiini jetta? jed'ani isa gaafatani. Inni waan jed'e, Anini qonqo nama lafa alooti iyu, ta kara Aabbo qajeelcha jettu. Aka raagi Isayani duri jed'e. Jara kana Farisayooti erge. Duuba Yohana gaafatani, waan jed'ani, Atini maafi aada batiso namaa kennita re, yo Kristofi Eliya yokhaani raaga kaani intahiini? Yohanani waan jed'eeni, Anini bisaaniini nama batisa, ammo jiddu teesani keesa nama isani imbeenneti jira. Inni eegi tiyya d'ufa, ammo anini seemsa kope isa iti d'iaad'e hiikhu himmalle. Waan kana Bethania keesati tolchani galaana Yordani gama fulla Yohanani nama iti batise. Boriyya Yohanani Yeso gara isa d'ufu jiru arginaani waan jed'e, ilaala, ilme hoola Waaqa, ta daba nama lafa ch'ufa fud'attu. Kunini ka anini, Inni faana tiyya d'ufa, ammo nara gudda, ato anini ind'alatiini inni duru jira jed'e kaani. Anini qara isa imbeekhu, ammo anini aka inni Israeliti mullatuufi bisaaniini nama batisu d'ufe. Ammalle Yohanani d'ugeese waan jed'e, Anini Lubbu ta aka sabaliisa jirtu, ta gubba gadi buute isa gubba teetu arge. Anini isa imbeekhu, ammo Waaqi ka aka anini bisaaniini nama batisu na erge waan naani jed'e, Atini Lubbu gubba gadi buute nama gubbaa teetu agarta; nami suni ka Lubbu Qulqullooni nama batisu. Anini yayu arge d'ugeese aka kunini Ilma Waaqa. Boriyya ato Yohanani jara ufi nama lama woliini jiru; Yeso deemu jiru millate waan inni jed'e, Ilaala ilme Hoola Waaqa! Jari lamaani kaani waan inni jed'e d'ageennaani Yeso gula yae. Yesoni garagale, worra isa gula yau arginaani waan jed'eeni, Maani barbaaddani? Worri waan jed'eeni, Rabbi, worri kanke eesa? (Rabbi jechaani Barsiiftu jecha.) Inni waan jed'eeni, Koota, inargitani. Worri yae fulla inni bulu arge, galgala suni isa woliini hasaani. Hojjaani suni saa kud'anifa. Jari lamaani suni ka waan Yohanani jed'e, d'agaye Yeso gula yae, toko Andarea, oboleesa Simoni Petro. Inni oboleesa ufi Simoni barbaade waan jed'eeni, Nu Masihi ya agarre (Masihi jechaani Kristo jecha). Jennaani gara Yesotiini d'ufe. Yesoni isa ilaale waan jed'eeni, Atini Simoni, ilma Yona, ammo armaa achi Kefa siini jed'ani (Kefa jechaani Petro yokhaani d'akha jecha). Boriyya Yesoni kae, Galilaya d'aqu fed'e. Filipo arginaani, Na gula kooti jed'eeni. Filipofi Andareafi Petroni nama dira takaa, ka dira worraa maqaani Bethsaida. Filiponi Nathanieli arge waan jed'eeni, Nu namicha Musani waan isaa kitaaba Seera keesati t'aafe, ka ammalle raagootileeni kitaaba ufi keesati t'aafte ya agarre. Yeso ilma Yusufu nama Nazareti. Nathanielini waan jed'eeni, Wonti dansaani dandeete Nazareti keesaa imbaati? Filiponi waan jed'eeni, Kooti, ilaali. Yesoni Nathanieli gara isaa d'ufu arginaani, waan isaa dubbate waan jed'e, Me ilaala, nama Israeli ka d'ugaafi, d'arti tokoleeni isa keesa injirre. Nathanielini waan inni jed'eeni, Akamiini na beeta? Yesoni waan jed'eeni, Ato Filiponi si iyaamini sii oda jala teetu si arge. Nathanielini waan jed'e, Rabbi, atini Ilma Waaqa, atini Hayyu Israeli! Yesoni waan jed'eeni, Waan anini, Ato atini oda jala teetu si arge jed'eefi d'ugefatta? Waan guddo ta tana ira jirtu agarta. Jennaani waan jed'eeni, D'uguma, waan anini isaniini jed'u, Armaa achi gubba banamte, malaika Waaqa ta oli gadi yaate Ilma Nama ira buutu agartani. Guyya sadeeso dira kana, ka lafa Galilaya keesa, fuud'a jira. Haati Yesoleeni achi d'at'e. Yesofi jara isale fuud'aa yaamani. Daad'iini hobaanaani, haati Yeso, Worri daad'i inqabu jetteeni. Yesoni waan jed'eeni, Ayo, atini maani nara qabda? Hojjaani tiyya ingeenne. Haati isaa waan hojattuuni jette, Waan inni, Tolcha jed'u ch'ufa tolcha. Okote faara jaati achi ejaanja, ta Yahudiini aada worra ta qulqulleesa gula, bisaani keesa d'iqatu; ta isiini toko bute afuri shani fuutu. Yesoni waan worraani jed'e, Bisaani okote guguuta. Guutani t'ut'upani. Jennaani, Woraaba, abba gololati geesa jed'eeni. Iti geesani. Inni bisaani kaani, ka amma daad'i tahe, une, ammo fulla isiini baateefi imbeekhu (ammo hojattuuni ta bisaani woraabde imbeeti). Duuba abbaani golola abba fuud'a yaame waan jed'eeni, Nami ch'ufti qara daad'i dansa namaa kenna, duuba eegi nami d'uge quufe yoosi ta hagana ingeenne namaa kennani. Ammo atini daad'i ira dansa eege hambifte amma namaa kennita. Akheekhi kuni ka qara Yesoni, dira lafa Galilaya, ka kana jed'ani keesati tolche. Achiti guddinna ufi agarsiise, jari isaa isa d'ugefate. Eegi waan kana inni Kapernaumuti gadi bue, isaafi haad'a isaatiifi oboleyaani isaatiifi jari isaaleeni bulti diqo toko achi taani. Jilti Pasaka ta Yahudi d'iaannaani, Yesoni Yerusalemu d'aqe. Mana Waaqa keesa nama loonifi hooliyefi sabaliisa gurgurufi, jara hori jijirule, ka huji ufi hojatu arge. Inni licho haada mid'aafate, Mana Waaqa keesaa waan ch'ufa gusse hooliyefi loonile, hori jara beese jijiru ch'ufa jisse, mesale garagalche. Duuba waan jara sabaliisa gurguruuni jed'e, Waan kana armaa balleesa, Mana Abba kiyya gabaya intolchiina. Jari isaa waan duri kitaaba keesati t'aafani, ta, Maro mana kanketitiifi garaani na gubata jettu qaabate. Jennaani Yahudiini waan jetteeni, Akheekha kami nu agarsiifta, ka atini waan kana ch'ufa tolchitu? Yesoni waan worraani jed'e, Isani Mana Waaqa kana ch'absa, duuba anini guyya saditi deebie jaara. Yahudiini waan jette, Ganna afurtami jaa keesa Mana kana jaarani, atini guyya sadi keesati dandeete jaarta? Ammo mani inni baane nafa isaati. Tanaafi duisa keesaa isa kaamnaani, jari isaa aka inni waan kana jed'e qaabate, t'aafifi dubbi Yesoni jed'e d'ugefate. Ato Yesoni Yerusalemu jiru, gaafa Jila Pasaka jed'ani, nami hedduuni akheekha inni tolche arginaani, maqa isaa d'ugefate. Ammo Yesoni worra ufiti inquumne; wonti akanatiifi inni nama ch'ufa beekha, ammalle nama tokole ka waan namaa isati himu imfeene, waan inni waan nama keesa jira ch'ufa beekhufi. Nama tokoti jira, ka Farisayo, maqaani isaa Nikodemo, gudda Yahudi. Inni Yesoti halkaniini d'ufe waan jed'eeni, Rabbi, nu imbeenna aka atini qaallu gara Waaqati d'ufe; wonti akanatiifi nami tokoleeni akheekha atini tolchitu kana dandae intolchu, yo Waaqi isa woliini jiraate male. Yesoni waan jed'eeni, D'uguma, waan anini siini jed'u, Yo nami maro lameeso d'alate male, dandae Finna Waaqa inargu. Nikodemoni waan jed'eeni, Nami akami dandae d'alata, eegi jaare? Dandae maro lameeso garaa haad'ati deebie ind'alata? Yesoni waan jed'eeni, D'uguma, waan anini siini jed'u, Yo nami bisaanifi Lubbuuni d'alate male, dandae Finna Waaqa inargatu. Nafi nafa d'ala, Lubbuuni lubbu d'alti. Waan anini, Maro lameeso d'alachu maltani siini jed'eefi himmamiini. Bubbeeni fulla ufi feetu deemti; atini shawisa isii d'ageeta male, fulla isiini baatuufi yokhaani gara isiini deemtu imbeetu. Nami Lubbuuni d'alatu ch'ufti akasuma jira. Nikodemoni waan jed'eeni, Wonti kuni akami dandeete taati? Yesoni waan jed'eeni, Atini qaallu Israeliti, ammalle waan kana imid'aafanne? D'uguma, waan anini siini jed'u, Nu waan beennu jenna, waan argine d'ugeesina, ammo isani dubbi teenna d'ugefachu diddani. Yo waan lafa, ka anini isaniti odeese ind'ugefatiini, akami dandeetani d'ugefattani, yo anini waan gubba isaniti odeesu? Nami tokoleeni ka takuma gubba d'aqe injiru, Ilma Nama tokocha, ka gubba gadi bue male. Akuma Musani lafa gamoojiti bofa fannise, akasuma Ilma Nama fannisu malani, aka nami isa d'ugefatu ch'ufti jireenna hegeri argatu. Wonti akanatiifi Waaqi guddo lafa jaalate, tanaafi Ilma ufi tokocha namaa kenne, aka nami isa d'ugefatu tokoleeni imbanne, ammo jireenna hegeri argatu. Waaqi Ilma ufi aka wollaala namati muru lafati inergine, ammo aka nama baasuufi erge. Nama isa d'ugefatu wollaala iti imurani; ka ind'ugefanne iti murani, waan inni maqa Ilma Waaqa tokocha d'ugefachu dideefi. Muraani sunileeni tana; ifsaani lafati d'ufe, ammo ifsaa suni ira, biyyiti dukana jaalati, waan hujiini isa hamtutiifi. Nami waan hamtu tolchu ch'ufti ifsa jibba, yokhaani ifsati ind'ufu, aka hujiini isaa imullanne. Ammo nami waan d'uga tolchu ifsati baha, aka akasiini maro inni Waaqa saalfateefi hujiini isaa mullatu. Eegi waan kana Yesofi jari isaa lafa Yudea d'aqani. Inni achiti jara woliini tae nama batise. Gaafasi Yohanaleeni Anioni ta d'aatu Salimutiti nama batisu jira waan bisaani guddooni achi jiraniifi. Biyyiti isati d'ufte inni worra batise. Gaafasi Yohana Mana hid'aansa keesati inhiinne. Jara Yohanatiifi namichi Yahudi toko waan aada qulqullefacha wolmormani. Duuba worri gara Yohana d'ufe waan jed'eeni, Aabbo, namichi gama Yordani si woliini jiru kaani, ka atini waan isaa dubbate, me ilaali, kuno, innileeni nama batisa ammalle nami ch'ufti gara isaa yau jira. Yohanani waan jed'eeni, Nami dandae woma inargatu, waan Waaqi kenne male. Isanileeni d'uga tiyya aka anini, Anini Kristoniti, ammo isa dura na ergani ufiini jed'e. Intalti fuud'ani tami abba fuud'uuti; ammo nami fuud'a gula d'aqe bira eje ch'aqasa, yo qonqo isaa d'agaye ingammada. Tanaafi gammadi kiyya kunini la ammatana qit'ae. Inni guddate, anini diqaachu male. Nami gubba gadi d'ufu nama ch'ufa ira jira; ka lafa keesa tau ka lafaati, ammalle waan lafa hasaa. Ka gubba gadi d'ufu nama ch'ufa ira gudda. Inni waan arge d'agaye d'ugeesa, ammo nami tokoleeni ka dubbi isaa d'ugefatu injiru. Nami dubbi isaa d'ugefatu, aka Waaqi d'uga dubbatu tanaani beesisa. Nami Waaqi erge suni dubbuma Waaqa ch'alla dubbata, waan Waaqi Lubbu ufi ch'ufa isaa kennuufi. Abbaani Ilma jaalate waan ch'ufa harka isati kenne. Nami Ilma d'ugefatu jireenna hegeri qaba; nami Ilma d'ugefachu didu haguma jiru jireennale jireenna inargatu, ammo Waaqi haga jiru jireenna isati dallana. Farisayooni aka Yesoni Yohana ira nama heddu ufiti yaame batise d'ageete. (Ammo Yesoni harka ufiitini nama imbatimne, jara isati nama batise male.) Yesoni waan biyyiti jettu d'ageennaani Yudea bahe Galilaya d'aqe. Inni yo sila lafa suni d'aqu, lafa Samaria keesa dabru male. Duuba dira Samaria toko, ka Sikari jed'ani gahe, ka oobru toko ta qara Yakoboni ilma ufi Yusufuu kenne d'aatu jiru. Eela Yakobo tokoti arti jira. Tanaafi Yesoni kara deeme dad'amnaani, eela bira tae. Hojjaani suni guyya gudda. Niitiini Samaria toko bisaani woraabachu d'umnaani Yesoni, Bisaani na obaasi jed'eeni. (Jari isaa yayu dira d'aqe, aka sagale bitani.) Niitiini Samaria suni waan isaani jette, Atini gosa Yahuditi; anini niiti gosa Samariati; atini akami jette bisaani na kad'atta? (Wonti isiini akasi jetteefi Yahudiini gosa Samariatiini wolimbeetu.) Yesoni waan jed'eeni, Yo sila atini galata Waaqaa beete ammalle nama bisaani si kad'atu kana beete, bisaani jireenna isa kad'atta. Niitiini taani waan jetteeni, Aabbo, atini waan woraabduuni inqabdu, eelileeni guddo gadi qile, eesa bisaani jireenna suni argatta re? Atini abba keenna Yakobo, ka eela kana ufi d'uge nule kenne, ilmaaniifi hori ufi obaase ira jirta? jette gaafate. Yesoni waan jed'eeni, Nami bisaani kana d'ugu deebie d'eebota, ammo nami bisaani anini kennu d'ugu haga jiru jireennale deebie ind'eebotu. Wonti akanatiifi bisaani anini kennu suni isa keesa maddani burqa tahani, haga jiru jireennale deebie ind'eebotu. Niitiini suni waan jetteeni, Aabbo, bisaani kana naa kenni, aka ind'eebonne, yokhaani aka deebie arma d'ufe bisaani iworaamne. Yesoni waan isiini jed'e, Beeni, d'aqi, d'iirsa ke yaami, armaani kooti. Niitiini taani waan jetteeni, Anini d'iirsa inqabu. Yesoni waan jed'eeni, Atini d'uguma, Anini d'iirsa inqabu jette. Maro shani ya si fuud'ani, namichi atini amma woliini jirtu sunileeni d'iirsa keetiiniti, tana d'uguma baante. Niitiini taani waan jetteeni, Aabbo, anini aka atini raaga yayu arge. Ababooti teenna gaara kana irati Waaqa kad'atte, ammo isani, Fullaani Waaqa iti kad'achu malani Yerusalemu jettani. Yesoni waan jed'eeni, niiti tana, na d'ugefad'u, guyyaani ind'ufa ka gaara kanaafi Yerusalemu keesaleti! Abba inkad'anne. Isani waan imbeenne kad'attani, ammo nu waan beennu kad'anna; wonti akanatiifi baafami gara Yahuditi d'ufa. Ammo guyyaani ind'ufa, ammalle arma jira, ka nami aka d'uga kad'atu lubbufi d'ugaani Abba kad'atu. Nama akana kana Abbaani barbaada aka isa kad'atu. Waaqi Lubbu, nami isa kad'atu lubbufi d'ugaani kad'achu male. Niitiini taani waan jetteeni, Aka Masihi, ka Kristo jed'ani d'ufu, anini imbeekha. Inni gaafa d'ufu waan ch'ufa nu barsiisa. Yesoni waan isiini jed'e, Ka siini dubbatu kunini isuma. Hojuma suni jari isaa d'ufe, waan inni niiti taaniini dubbateefi mamani. Ammo nami tokoleeni, Atini maani barbaada? yokhaani, Maafi isiini dubbatta? injenne. Tanaafi niitiini taani bute ufi lakifte, dirati deebite waan biyyaani jette, Koota, nama waan anini duri tolche ch'ufa nati hime ilaala. Kunini Kristo taha? jette gaafate. Worri diraa yae Yesoti d'ufe. Hojja suni jari isaa isa kad'ate waan jed'eeni, Aabbo, sagale nyaad'u. Ammo inni waan worraani jed'e, Anini sagale isani imbeenne qaba. Tanaafi jari isaa waan woliini jed'e, Isii, namati sagale isaa d'ufeeni? Yesoni waan jed'eeni, Sagaleeni tiyya aka anini fed'i nama na erge tolche huji isaa hobaasu. Eegi jia afuri mid'aani murra jettaniyu? Waan anini isaniini jed'u, Olmillad'a, aka oobruuni mura geete bilchatte ilaala. Nama muru gati baasaniifi, ammalle inni mid'aani jireenna hegeri woltiguura; aka nami oobrufi ka muruleeni woliini gammadu. Mammaasi, Toko imfach'aasa, kad'ibiini imura jed'ani armati fulla. Anini aka mid'aani isani inobriini murtani isani erge; nama d'ibiini qote ammo isani tirfi argattani. Nami dira Samaria hedduuni maro niitiini, Inni waan anini duri tolche ch'ufa nati hime jette suniifi Yeso d'ugefate. Tanaafi nami Samaria hedduuni isati d'ufe, aka inni worra woliini tau kad'atani; Yesoni guyya lama worra woliini tae. Worra suni male, nami hedduuni, maro dubbi isaatiifi isa d'ugefate, waan niiti taaniini jed'e, Maro dubbi tantetiifi ind'ugefanne, ammo maro nu gurra keennaani d'ageenneefi d'ugefanna, akasiini aka inni d'uguma Qarqaarsa lafa ch'ufa beena. Guyya lama achi keesa ollaani, Yesoni achii deeme Galilaya d'aqe. Wonti akanatiifi Yesoni qara waan jed'e, Raagi lafa ufi keesati ulfinna inqabu. Inni Galilaya geennaani jari Galilaya isa d'ugefate; wonti akanatiifi worri jila Pasaka gara Yerusalemu d'annaani, waan inni achiti tolche ch'ufa arge. Jennaani Yesoni dira Kana ka Galilayati deebie, fulla inni bisaani iti daad'i tolche. Jaallaba tokoti jira, ka ilmi isaa fayya d'abe, Kapernaumu keesa. Aka Yesoni Yudeaa bahe Galilaya d'ufe d'ageennaani, inni gara isaa d'aqe aka inni d'ufe ilma isaa ka diquma induiini fayyisu kad'ate. Jennaani Yesoni waan jed'eeni, Yo isani akheekhafi waan mama argitani male, diqole ind'ugefattani. Jaallabi kaani waan jed'eeni, Aabbo, kooti, ato gurbaani kiyya induiini. Yesoni waan jed'eeni, Beeni, ilmi kanke imfaya! Namichi suni dubbi Yesoni isaani jed'e d'ugefate, kae gale. Ato inni galu jiru, hojattuuni isaa fuula keesa isa d'ufte waan jetteeni, Gurbaani kanke miira qaba. Jennaani inni hojja gurbaani miire gaafate. Worri waan jed'eeni, Kale, hojja saa torba, qannooni isa iraa galte. Duuba abbaani suni aka hojja Yesoni, Ilmi kanke imfaya isaani jed'e beekhe, isaafi worri isaa ch'ufti d'ugefatani. Kunini duuba akheekha lameeso ka Yesoni tolche, eegi Yudea bahe Galilaya d'ufe. Eegi waan kana jila Yahuditi jira, duuba Yesoni Yerusalemu d'aqe. Yerusalemu keesa, d'aatu Fullo Ree jed'ani, haro tokoti jira, ta daargula shani qabdu, ta afaani Ebraniatiini Bethzatha jed'ani. Achi keesa gumi nama fayya d'abeefi ballafi naafafi ka kokotaeti ch'iisa. [Aka bisaani woch'ani eegani, waan maro gari malaikaani Aabbo haro suni keesa seente bisaani woch'isifitufi, nami fayya inqamne ka eegi bisaani woch'ani qara haro suni seene d'ukuba taatefu infaya.] Nama tokoti jira ka ganna sodomi saddeeti fayyad'abaani ch'iise. Yesoni isa arge, aka inni guyya heddu achi ch'iise beennaani, Fayyu feeta? jed'e gaafate. Namichi fayya inqamne kaani waan jed'eeni, Aabbo, anini nama yo bisaani woch'ani keesa na buusu inqabu; ato anini iti hirkifad'u, nami d'ibiini na durati seena. Yesoni waan jed'eeni, Kai, itille tante fud'ad'u, deemi. Namichi kaani hojuma suni fayye, itille ufi fud'ate iti d'aabate. Guyyaani suni guyya Sabatooti. Duuba Yahudiini waan namicha kaaniini jette, Guyyaani kuni guyya Sabatooti, aki atini itille tante baate deemtu fullaaniti jette. Ammo inni waan jed'eeni, Namichi na fayyise waan naani jed'e, Itille tante fud'ad'u, deemi, naani jed'e. Worri waan jed'eeni, Nami, Itille tante fud'ad'u deemi siini jed'e suni eennu? Namichi fayyisani kaani nama isa fayyise imbeekhu, wonti akanatiifi maro gumiini achiti baateefi Yesoni yayu deeme. Eegi suni Yesoni namicha kaani Mana Waaqa keesati arge waan jed'eeni, Me ilaali, la fayyite. Iti deebite daba intolchiini, aka waan hagana ira hamtu inarganne. Namichi kaani deeme Yahuditi hime, aka nami isa fayyise Yeso. Waan kanaafi Yahudiini Yeso gaargalchite, maro inni waan kana guyya Sabato tolcheefi. Ammo Yesoni waan worraani jed'e, Abbaani kiyya hojja ch'ufa hojata, anileeni hojja ch'ufa hojachu male. Waan kanaafi Yahudiini haga qarale ira isa ijeesu feete, waan inni seera Sabato ch'alla ch'abseniti ammo Waaqi Abba kiyya jed'eefi, akanaani qit'e Waaqa ufi tolcheefi. Duuba Yesoni waan worraani jed'e, D'uguma, waan anini isaniini jed'u, Ilmi dandae ufiini woma intolchu, yo waan Abbaani tolchu argu male. Ilmi waan Abbaani tolchu ch'alla tolcha. Wonti akanatiifi Abbaani ilma jaalata, waan ufi tolchu ch'ufa isa agarsiisa, ammalle huji guddo ta tana ira garsiisa, aka isani mamtani. Akuma Abbaani nama due kaase jiraachisu, Ilmileeni akasuma nama fed'u jiraachisa. Abbaaleeni nama tokole inqoru, ammo waan qorsuma ch'ufa yayu Ilmati kenne, aka nami ch'ufti Ilma guddisu akuma Abba guddisani. Nami Ilma inguddimne Abba isa erge eesaa fuud'e guddisa? D'uguma waan anini isaniini jed'u, Nami dubbi tiyya d'agaye ka na erge d'ugefate, jireenna hegeri qaba. Isa wollaala iti imurani, ammo ya duisa keesa bahe jireenna argate. D'uguma, waan anini isaniini jed'u, Hojjaani ind'ufti, amma ya d'ufte, ta worri due qonqo Ilma Waaqa d'agayu, duuba ka d'agayu injiraata. Akuma Abbaani jireenna ufi keesaa qabu, akasuma inni Ilmale tolche aka jireenna ufi keesaa qabaatu. Inni yayu jabeenna qorsuma kenneefi, waan inni Ilma Nama taheefi. Waan kana himmamiina; guyyaani ind'ufa ka nami awaala keesa jiru ch'ufti qonqo isaa d'agaye awaala keesaa yau, nama waan dansa tolche kaasani jireenna kennaniifi, ka waan hamtu tolche kaasaniti wollaala iti murani. Anini dandae ufiti woma intolchu: aka Waaqi nati himu gula qora; qorsumaani tiyya ta d'ugaati; wonti akanatiifi anini fed'i tiyya inbarbaadu ammo fed'i abba na erge barbaada. Yo anini ufi d'ugeese, dubbini tiyya d'ugaaniti. Ammo nama na d'ugeesu toko jira, d'ugeesani inni na d'ugeesu tama d'ugaati, anini imbeekha. Nami isani nama iti ergitani Yohana; innileeni d'uga suni la d'ugeese. D'ugeesani nami na d'ugeesu woma keesa injirtu, ammo aka isani baafamtaniifi, anini waan kana dubbad'a. Yohanani ifse bobeete ifsitu, isani haga bulti diqo ifsa isatiini gammadu feetani. Anini d'uga ta haga Yohana ira jirtu qaba: hujiini anini tolchu ta Abbaani Tolchi naani jed'e, isiini naa dubbatte, aka Abbaani na erge agarsiifti. Abbaani na erge naa d'ugeesa. Isani qonqo isaa taka ind'ageenne yokhaani bifa isaa taka inagarre; ammalle waan nama inni erge d'ugefachu diddaniifi, dubbi isaa ta garaa keesani keesa teetu inqabdani. Isani T'aafi keesa barbaaddani waan isi keesa jireenna hegeri argattani ufi seetani. Ammo T'aafinu naa d'ugeesiti! Taatule isani, aka jireenna argattani, nati d'ufu diddani. Anini guddinna nama iraa imbarbaadu. Ammo anini isani beekha, aka isani jaalala Waaqa garaa keesani keesa inqamne. Anini maqa Abba kiyyatiini d'ufe, ammo isani na fud'achu diddani; hojja nami d'ibiini maqa ufiitini d'ufu inuma fud'attani. Isani akami dandeetani d'ugefattani, ka guddinna wolira argattani, ammalle guddinna Waaqa tokocha iraa d'ufu barbaadu diddani? Waan anini Aabbooti isani himad'u insehiina; nami isani himatu toko jira, Musa, ka isani abdattani. Yo Musa d'ugefattani, sila dubbi tiyyale d'ugefattani, waan inni odu tiyya t'aafeefi. Ammo yo isani waan inni t'aafe d'ugefachu baatani, akami dubbi tiyya d'ugefattani re? Eegi suni Yesoni kae gama galaana Galilaya (yokhaani Tiberia) d'aqe. Gumiini guddooni isa gula yaate, waan akheekha inni namaani fayyise argiteefi. Yesoni gaara toko kore, jara ufi woliini achi tae. Jilti Yahudi ta Pasaka jed'ani ya d'iaatte. Duuba Yesoni olmillate, gumi guddo isati d'uftu arge waan Filiponi jed'e, Sagale eesaa binna, aka jari kuni nyaatu? Inni waan kana aka Filipo ilaalatuufi jed'e; ufi isaati waan tolchu imbeekha. Filiponi waan jed'eeni, Sagaleeni shilingi d'ibba afurileeni worra kana ingeetu, ato diqeesani qoodanile. Jari isaa nami toko Andareani, oboleesa Simoni Petro waan jed'eeni, Gurba tokoti arma jira, ka qit'a garbu shanifi qurt'umi lama qabu. Ammo tunini maani baati nama hagana gahu kana? Yesoni waan jed'eeni, Biyya teteesisa. Fulla suni buuyo dansa jira. Tanaafi nami ch'ufti tatae. Nami d'iira ch'allaani kunki shani taha. Jennaani Yesoni qit'a shanaani kaani guure, eebise, biyya teteetuti kenne, akasuma qurt'umile haga fed'ani worra kenne. Biyyiti quufte jennaani, inni waan jara isaatiini jed'e, hamba suni wolti guura aka tokoleeni imbanne. Tanaafi hamba qit'a garbu shanaani, ka biyyiti nyaatte hambifte, wolti guurani, dadu kud'ani lama guutani. Biyyiti akheekha inni tolche suni arginaani waan jette, Kunini d'uguma raaga ka sila lafati d'ufu male! Jennaani Yesoni aka worri isa qabe, irreeni hayyu tolchu fed'u beennaani, worra biraa kae gara gaara koba ufi deeme. Lafti galgaloomnaani, jari isaa fulla galaana d'aqe, Hobolo duude Kapernaumuti dachaae. Eegi lafti dukanooftele Yesoni worra ind'aqamne. D'awaani galaana d'ufte, bubbeeni guddo bubbifte. Worri haga maili sadi afuri hobolo deemsimnaani, Yeso galaana gubbaa deemu arge. Inni hoboloti d'iaannaani, worri guddo sodaate. Ammo inni waan worraani jed'e, Insodaatiina, Ana! Jennaani worri gammadaani isa hobolo yabachiise; hojuma suni hobolooni lafa worri iti yau geete. Boriyya, gumiini guddooni ta gama galaanati hafte, aka hobolooni toko ch'allaani achiti hafte argite. Aka Yesoni jara ufi woliini hobolo inseeniini, ammo aka worri isa biraa yae hubatani. Taatule hobolooni d'ibiini Tiberia baate, fulla worri qit'a Aabbooni eebise iti nyaate d'ufte. Gumiini aka Yesofi jari isaa achi injirre arginaani, hobolo duude Kapernaumu d'at'e Yeso barbaadani. Gama galaana kaanti isa argani waan jed'aniini, Aabbo, yoomi armaani baate? Yesoni waan worraani jed'e, D'uguma, waan anini isaniini jed'u, wonti na barbaaddaniifi waan akheekha argitaniniti, ammo maro qit'a nyaattani quuftaniifi. Sagale d'umattu inhojatiina, ammo sagale haga jireenna hegeri teetu ta Ilmi Nama isanii kennu hojad'a, wonti akanatiifi Waaqi Abbaani yayu beesisa ufi isa ira keyate. Duuba worri waan isaani jed'e, Maani taana re, aka huji Waaqa hojannu? Yesoni waan jed'eeni, Hujiini Waaqa tana, aka nama inni erge d'ugefattani. Worri duuba waan jed'eeni, Atini akheekha kami tolchita, aka nu agarre si d'ugefannu? Atini maani tolchita? Ababooti teenna sagale ta Manna jed'ani lafa gamooji keesati nyaatte, akuma t'aafiini jettu, Inni qit'a gubbaa worraa kenne. Jennaani Yesoni waan jed'eeni, D'uguma, waan anini isaniini jed'u, Nami qit'a gubbaa isani kenne Musaniti, ammo Abba kiyya ka gubba jiruti kenne. Qit'aani Waaqi namaa kennu namicha gubbaa gadi d'ufe jireenna lafaa kennu. Worri waan jed'eeni, Aabbo, qit'a kana guyya ch'ufa nuu kenni. Yesoni waan jed'eeni, Qit'aani jireenna ana. Nami gara kiyya d'ufu imbeelau, ammalle nami naa d'ugefatu diqole ind'eebotu. Ammo anini qara waan isaniini jed'e, Isani na agartani, ammo na ind'ugefattani. Nami Aabbooni naa kenne ch'ufti gara kiyya d'ufa, anileeni diqole indidu. Wonti anini gubbaa gadi d'ufeefi aka fed'i tiyya guutuuniti, ammo aka fed'i nama na erge guutu. Fed'iini nama na erge tana, aka nama inni naa kenne tokole imballeesine, ammo guyya muumme kaasu. Wonti Aabbooni fed'u tana: aka worri Ilma arge d'ugefatu ch'ufti jireenna hegeri argatu; duuba anini guyya muumme duisa keesaa kaasa. Jennaani Yahudiini waan isaa gungumte, waan inni, Anini qit'a ka gubbaa gadi d'ufe ufiini jed'eefi. Worri waan jed'e, Namichi kunini Yeso, ilma Yusufu, ka nu abbaafi haad'a isaa beennuuniti? Inni akami ammatana, Anini gubbaa gadi d'ufe ufiini jed'a? Yesoni waan jed'eeni, Ufi keesati ingungumiina. Nami tokoleeni dandae nati ind'ufu, yo Abbaani na erge nati hirkise male; anini guyya muumme duisa keesaa kaasa. T'aafi raaga keesa waan jed'ani, Nama ch'ufa Waaqi imbarsiisa. Nami dubbi Abba d'agaye barate ch'ufti gara kiyya d'ufa. Nami Abba arge injiru, ka gara Waaqaati d'ufe male, isuma ch'allati Abba arge. D'uguma, waan anini isaniini jed'u, Nami d'ugefatu jireenna hegeri qaba. Anini qit'a jireennaati. Ababooti teesani ta sagale manna jed'ani lafa gamooji keesati nyaate, amma ya raawatte. Kunini qit'a ka gubbaa gadi d'ufe, ka nami nyaate indoone. Anini qit'a jireenna ka gubbaa gadi d'ufe. Yo nami qit'a suni nyaate haga hegeri jiraata. Ee, qit'aani anini maro jireenna lafatiifi kennu sunini fooni kiyya. Duuba Yahudiini wolmormite waan woliini jette, Isii, nami kuni akami dandae fooni ufi nuu kenna aka nyaannu? Jennaani Yesoni waan jed'eeni, D'uguma, waan anini isaniini jed'u, Yo isani fooni Ilma Nama nyaattani d'iiga isaa d'ugu baattani, jireenni isani keesa injiru. Nami fooni kiyya nyaate d'iiga kiyya d'ugu jireenna hegeri qaba, anini guyya muumme duisa keesaa kaasa. Wonti akanatiifi fooni kiyya sagale d'ugaati, ammalle d'iigi kiyyaleeni liqimsaa d'uga. Nami fooni kiyya nyaate d'iiga kiyya d'ugu na keesa taa, anileeni isa keesa taa. Akuma Abbaani kiyya ka jireenna qabu na erge, anileeni maro isatiifi jiraad'u, akasuma nami nafa kiyya nyaatuleeni maro kiyyafi jiraata. Kunini qit'a gubbaa gadi d'ufe, ka aka ababooti teesani nyaatte dooteetiiniti. Nami qit'a kana nyaatu haga hegerile induu. Dubbi tana Yesoni mana Waaqa iti kad'atani keesati jed'e, ato Kapernaumu keesati barsiisu. Jari isaa hedduuni akasi d'ageennaani waan jed'e, Jechi kuni jaba, eentu dandae hubata? Ammo Yesoni aka jari isaa waan kana gungumu akanumati beennaani waan worraani jed'e, Dubbini tuni isani rifachiifti? Yo isani Ilma Nama ka fulla qara jiruti deebiu argitani maani taatani? Wonti nama jiraachisa Lubbu Waaqaa; fooni woma imbahani. Dubbini anini isaniti hime Lubbufi jireenna. Ammo isani nami gari ind'ugefattani. Wonti akanatiifi haguma qara Yesoni nama isa ind'ugefanneefi ka isa gurguru imbeekha. Inni ammalle waan jed'e, Maro waan kanatifi anini ya isaniti hime, nami tokoleeni dandae gara kiyya ind'ufu, yo Abbaani tolcheefi male. Maro waan kanatifi nami hedduuni jara isaa keesa isa lakise gula yau dide. Duuba Yesoni waan jara isaa ka kud'ani lamatiini jed'e, Isanileeni yau feetani? Simoni Petroni waan jed'eeni, Aabbo, eennuti yaana? Atini dubbi jireenna hegeri qabda. Nu la d'ugefanne, ammalle imbeenna aka atini Qulqullo Waaqa. Yesoni waan worraani jed'e, Anini isani kud'ani lama imfohanne? Ammo isani keesa Sheet'ana tokoti jira. Inni Yuda ka Simoni Iskariote baane. Wonti akanatiifi nami isa gurguru Yuda, jara kud'ani lamaani suni keesa. Eegi suni, Yesoni Galilaya keesa dedeeme; inni Yudea keesa dedeemu imfed'u, maro Yahudiini isa ijeesu feetuufi jilti Yahudi ta Hoosa jed'ani d'iaatte. Duuba oboleyaani isaa waan isaani jette, Armaa kai, Yudea d'aqi, aka jari kankeleeni huji atini tolchitu argu. Nami tokoleeni ka wo d'ossaani tolchu injiru, yo aka nami beekhu fed'e. Yo atini waan kana tolchitu, biyya ufi garsiisi! (Wonti akanatiifi oboleyaani isaleeni isa ind'ugefanne.) Yesoni waan worraani jed'e, Hojjaani tiyya qara ingeenne, ammo hojjaani teesani guyya ch'ufa kurfo jirti. Biyyiti dandeete isani injibitu, ammo na jibbiti, waan anini hameenna worraa himuufi. Isani jila d'aqa, anini jila tana d'aqu ingeenne. Waan kana worrati himnaani, Galilaya keesati hafe. Ammo oboleyaani isaa jila d'annaani, innileeni deeme, diidati bahe indeemne ammo d'ossaani deeme Yahudiini jila keesa isa barbaadde waan jette, Inni me? Guddo biyya keesati gungumani maro isatiifi, Nami gari waan jed'e, Inni nama dansa, hagi toko, Akasiiniti, ufuma nama soba jed'e. Ammo nami diideese waan isaa dubbatu injiru, waan Yahudi sodaataniifi. Jilti wod'akoomnaani Yesoni Mana Waaqa d'aqe nama barsiise. Yahudiini mamte waan jette, Kunini qarooma kana eesaa argate, ka nami imbarsiisiini? Yesoni waan jed'eeni, Wonti anini barsiisu tiyyaaniti, ammo ta Waaqa na ergeti. Yo nami fed'i Waaqa tolchu fed'e, aka wonti ani barsiisu gara Waaqati baate yokhaani anumaani dubbad'u gargari imbeekha. Nami qalbi ufiitini dubbatu guddinna barbaada. Ammo anini ka guddinna Waaqa na erge barbaadu ka d'ugaati; ammalle na keesa d'arti injirtu. Musani Seera isanii inkennine? Ammo isani tokoleeni Seera inguuttani. Maafi na ijeesu feetani? Biyyiti waan jetteeni, Atini jinni qabda! Eentu si ijeesu fed'a? Yesoni waan jed'eeni, Anini huji toko tolche ta isani ch'ufa mamsiifte. Musani ya isanii qabanqaba kenne (waan gara Musati baheniti ammo waan gara ababoota teesaniti bahe), duuba isani guyya Sabato qabanqaba namaa qabdani. Yo nami guyya Sabato qabanqaba qabate, aka aada Musa inch'absine, isani maafi nati dalantani, waan anini nama toko guyya Sabato aka dansa fayyiseefi? Nama nafa laaltani inqorina, ammo d'uga gula qora. Worri Yerusalemu ka gari waan jed'eeni, Namichi worri ijeesu fed'u kanayu? Ammo, me ilaala, inni diideese hima, worri woma isaani injed'u. Jari gugurdaani dandae aka inni Kristo imbeekha? Ammo nu nama kana fulla inni bahefi imbeenna; ammo yo Kristoni d'ufu nami tokoleeni ka gara inni bahefi beekhu injiru jed'ani. Ato Yesoni Mana Waaqa keesati nama barsiisuu jiru, inni qonqo olfud'ate waan jed'e, Isani d'uguma na beetani? Ammalle fulla anini bahefile imbeetani? Anini ufiini ind'umne, taatule Waaqi na erge ka d'ugaati, isani isale imbeetani. Anini isa imbeekha, waan ani fulla isaati d'ufe, inni na ergeefi. Jennaani worri waan isaani qabani barbaade, ammo nami tokoleeni harkaani isa intunne waan guyyaani isaa ingayiniifi. Ammo gumi keesa nami hedduuni d'ugefate waan jed'e, Yo Kristoni d'ufe, akheekha d'ibi ka nami kuni tolche ira tolcha? Farisayooni gumi waan kana gungumtu d'ageete jennaani qaalole gugurdo woliini askarti isa qabdu ergite. Yesoni waan jed'e, Bulti diqo toko ch'alla isani woliini jira, eegi suni gara nama na erge gala. Isani na barbaaddani, ammo na inargitani, fulla ani jiru dandeetani ind'uftani. Jennaani Yahudiini waan woliini jette, Inni eesa d'aqu fed'a, aka nu ingarre? Inni dira Yuna ka Yahudiini iti godaante d'aqe gosa Griki barsiisu fed'a? jed'ani wolgaafatani. Dubbini inni, Na barbaaddani ammo na inargitani, ammalle fulla ani jiru isani dandeetani ind'uftani jed'e tuni maani? Guyya eege, ka jila suni jaba, Yesoni olejate lalabe waan jed'e, Nami yo d'eebote, gara kiyya d'ufe bisaani ha d'ugu. Nami na d'ugefatu, aka t'aafiini jettu, garaa isaa keesaa bisaani jireennati yaa. Dubbi tana Yesoni waan Lubbu jed'e, ta worri isa d'ugefatu argatu. Gaafasi Waaqi Lubbu ufi nama inkennine, wonti akanatiifi Yesoni qara guddinna ufi inarganne. Jari gari gumi keesa dubbi tana d'ageennaani waan jed'e, Kunini d'uguma raaga baanani suni! Ka gari waan jed'e, Kunini Kristo! Ammo kad'ibiini waan jed'e, Kristoni Galilaya keesati ind'alatu. T'aafiini, Kristoni d'aloota Daudi keesaa baha, ammalle Bethlehemu, dira Daudi keesati d'alata jettiyu? Tanaafi gumiini maro isatiifi gargari qoodamte. Ka gari sila isa qabu fed'a, ammo nami tokoleeni harkaani isa intunne. Duuba askartiini qaalole gugurdofi Farisayooti d'ufte. Worri waan askartiini jed'e, Maafi ind'ufiinaani? Askartiini taani waan jetteeni, Nami tokoleeni ka aka isaa dubbatu injiru. Farisayooni waan jetteeni, Isanileeni ya sobamtani? Nama gudda tokole yokhaani nama Farisayo ka isa d'ugefatu taka agartani? Ammo gumiini daalleeni tuni ta Seera Musa imbeenne ya abaaramte. Nikodemoni ka qara gara isaa d'aqe, ka ammalle worra suni keesa jiru, waan worraani jed'e, Isii aada teenna, ato qara nama dubbi isa d'ageete waan inni tolche inhubatiini wollaala iti imurani? Worri waan jed'eeni, Atileeni nama Galilayati? T'aafi keesa barbaadi, ilaali, Galilaya keesa raagi imbahu. [ Jennaani nami ch'ufti worra ufiti gale. Ammo Yesoni gara gaara Ejersa jed'ani d'aqe. Lafti bariinaani inni Mana Waaqati deebie. Nami ch'ufti gara isaa d'ufe, duuba inni tae worra barsiise. Jara Seera beekhufi Farisayooni niiti sharmut'iti toko ta ato isiini nama woliini raftu qabde isatiini d'ufte, jiddu biyyatiini geete, Waan isaani jette, Aabbo niiti tana ato isiini nama d'iiratini raftu qabani. Duuba Seera keesa Musani nad'eeni akana tana, D'akhaani d'aana, ijeesa nuuni jed'e. Ammo atini maani jetta? Wonti dubbi suni jed'aniifi aka afaani fuud'ani waan himataniini isa iraa argatani, ammo Yesoni gajed'e, qubaani lafa tataraare. Ato worri isa wo gaafatu, inni oljed'e waan worraani jed'e, Nami daba inqamne isani keesa ha qara d'akhaani isi d'au. Ammalle gajed'e, quba ufiitini lafa taraare. Worri d'ageennaani namu toko tokooni kae yae, qara jaaroleeni yaate, kaimilleeni gula yae. Yesoni koba hafe ka niitileeni achuma ejitu. Yesoni oljennaani waan isiini jed'e, Intala, beeni si himate me? Tokoleeni wollaala siti imurre? Isiini waan jetteeni, Tokoleeni injiru, Aabbo. Yesoni waan jed'eeni, Anileeni wollaala siti imuru. Beeni, ammo deebite daba intolchiini.] Yesoni ammalle dubbate waan worraani jed'e, Anini ifsa lafaati. Nami na gula d'ufu dukana keesa indeemu, ammo ifsa jireennaa argata. Farisayooni waan jetteeni, Atini ufi d'ugeesita, d'ugeesani tante d'ugaaniti. Yesoni waan jed'eeni, Yo ani ufi d'ugeesele, d'ugeesani tiyya ta d'ugaati; wonti akanatiifi anini gara d'ufeefi gara deemule imbeekha. Isani aada nama gula qortani, anini nama tokole inqoru. Yo qorele, qorsumaani tiyya ta d'ugaati, waan anini koba injirreefi; anaafi Abbaani na erge wolumaani jirra. Seera keesani keesa waan t'aafani, yo dubbi qorani keesa nami lama d'uga bahe, dubbini suni d'uga jed'ani. Anini ufi d'ugeesa, Abbaani na ergeleeni naa d'ugeesa. Worri waan jed'eeni, Abbe eennu? Yesoni waan jed'eeni, Isani na imbeetani, yokhaani Abba kiyyale imbeetani. Yo sila na beetani, Abba kiyyale imbeetani. Dubbi tana Yesoni mana hori keesati olkayani keesati jed'e, ato Mana Waaqa keesati wo barsiisu. Nami tokoleeni isa inqamne waan guyyaani isaa qara ingayiniifi. Yesoni ammalle waan worraani jed'e, Anini gara d'aqa; isani na barbaaddani, ammalle daba keesani keesati dootani. Gara ani d'aqule isani dandeetani ind'uftani. Jennaani Yahudiini waan jette, Inni waan jed'u, Gara ani d'aqu dandeetani ind'uftani jed'a. Isii, inni ufi ijeesu fed'a? Yesoni waan worraani jed'e, Isani lafa tanaa baatani, anini gubbaa gad'ufe. Isani ka lafa tanati, anini ka lafa tanaatiiniti. Wonti anini, Isaniini daba keesani keesati dootani jed'eefi tana. Ammalle isani daba keesani keesati inuma dootani, yo aka anini d'uguma Isuma d'ugefachu diddani. Worri waan isaani jed'e, Atini eennu kana? Yesoni waan jed'eeni, Akuma qara anini isaniti hime suni. Anini waan heddu qaba, ta dubbad'e waan keesani qoru, ammo nami na erge ka d'ugaati, ammalle waan anini isa ira d'agaye ch'alla namati hima. Worri aka inni Abba baane imid'aafanne. Tanaafi Yesoni waan jed'e, Eegi Ilma Nama fanniftani, gaafasi beetani aka ani d'uguma Isuma; ammalle aka anini ufumaani wo intolchine, ammo waan Abbaani na barsiise ch'alla dubbad'u beetani. Ammalle nama na erge nu wolumaani jirra; inni kobati na illakisu, waan anini guyya ch'ufa waan isaani gammachiisa ch'alla tolchuufi. Inni waan kana jennaani nami hedduuni isa d'ugefate. Duuba Yesoni Yahudi isa d'ugefateeni waan jed'e, Isani yo dubbi tiyya guuttani, d'uguma jara kiyya taatani; d'ugale imbarattani, d'ugaleeni isani balchoomsiti. Worri waan jed'eeni, Nu d'aloota Abrahamuti, takale tisse nama intaane; ati akami, Isani balchoomsani nuuni jetta? Yesoni waan worraani jed'e, D'uguma, waan anini isaniini jed'u, Nami daba tolchu ch'ufti tisse dabaati. Tisseeni mana keesa guyya ch'ufa inteetu, ammo ilmi guyya ch'ufa taa. Yo Ilmi isani balchoomse aka d'uga balchoomtani. Anini imbeekha aka isani d'aloota Abrahamu. Ammo isani na ijeesu feetani, waan dubbini tiyya isani keesa injirreefi. Anini waan fulla Abba kiyyati arge dubbad'a, isanileeni waan abba keesani ira d'ageetani tolchitani. Worri waan isaani jed'e, Abbaani keenna Abrahamu. Yesoni waan jed'eeni, Yo isani ijoolle Abrahamu taatani, sila huji Abrahamuuni tolche tolchitani. Ammo amma na ijeesu feetani, nama waan d'uga ka Waaqa iraa d'agaye isaniti hime. Abrahamuuni akasi intolchine! Isani huji Abba keesani tolchitani jed'e. Worri waan jed'eeni, Aberaani nu ind'alchine, Abba toko ch'alla qamna, Waaqa. Yesoni waan jed'eeni, Yo sila Waaqi Abba keesani tahe, isani na jaalattani; wonti akanatiifi anini gara Waaqaati bahe, yaaduma kiyyaani ind'umne, ammo isati na erge. Isani maafi dubbi anini jed'e suni inhubanne? Woni isani inhubanneefi dubbi tiyya diqole d'agayu imfeetani. Abbaani keesani Sheet'ana, ammalle d'araa abba keesani tolchu feetani. Inni haguma duriiti nama ijeesa, d'ugale woma ira inqabu, waan d'ugaani isa keesa injirreefi. Yo inni d'ara dubbate akuma ufi dubbata; wonti akanatiifi inni kiyyiba, abba d'araati. Ammo waan anini d'uga dubbad'uufi na d'ugefachu diddani. Isani kana keesa eennuti anaa daba tolchu taka arge? Yo ani d'uga dubbad'e, isani maafi na ind'ugefanne? Nami Waaqaa dubbi Waaqaa d'agaya, waan kanaafi isani ind'ageenne, waan isani ka Waaqaa intahiiniifi. Yahudiini waan Yesoni jette, Aki nu, Atini nama Samariati ammalle jinni qabda jenne d'uganiti? Yesoni waan jed'eeni, Anini jinni inqabu, ammo anini Abba kiyya guddisa, ammo isani na tuffattani. Taatule anini guddinna ufi imbarbaadu. Ka barbaadu tokoti jira, ka aka dansa wo qoru. D'uguma, waan anini isaniini jed'u, Yo nami dubbi tiyya jabeese, nami suni induu. Yahudiini waan jetteeni, Amma nu imbeenna aka atini jinni qabdu! Abrahamuuni akuma raagoota d'ibi due. Ammo atini, Yo nami dubbi tiyya jabeese, nami suni induu jetta. Atini abba keenna Abrahamufi raagoota doote ira jirta? Atini maani ufi seeta? Yesoni waan jed'eeni, Yo anini ufi saade, saaduuni tiyya woma imbaatu. Ammo Aabbooti na saada, ka isani Waaqa keenna jettaniini. Isani diqole isa imbeetani, ammo anini isa imbeekha, Yo anini, Isa imbeekhu jed'e, anini aka keesani kiyyiba. Ammo anini isa imbeekha, dubbi isale jabeesa. Abbaani keesani Abrahamuuni maro guyya kiyya arguufi gammade. Arginaani qilit'ame. Jennaani Yahudiini waan isaani jette, Atini ammalle ganna shantamale ingeenne, ammo Abrahamu yayu agarte? Yesoni waan jed'eeni, D'uguma, waan anini isaniini jed'u, Ato Abrahamu ind'alatiini, anini injira. Worri d'akhaani isa d'au fed'e, ammo Yesoni worra d'okhate Mana Waaqa keesaa bahe. Ato Yesoni deemu, inni nama toko ka haga d'alate balla arge. Jari isaa waan jed'eeni, Aabbo, nama kana mo abbaafi haad'a isati daba tolche, ka inni ballaa d'alate? Yesoni waan jed'eeni, Nami kunini yokhaani worri isaa daba intolchine; ammo aka hujiini Waaqa isa keesa mullattuufi inni ballaa d'alate. Nu huji nama na erge hojachu malle, ato lafti guyyaatu; halkani ind'ufani, ka nami tokoleeni dandae inhojanne. Anini haga lafa keesa jiru ifsa lafaati. Akasi jennaani, hanch'ufa tufe, biyye harkaani supe, d'oqe suni ila namicha suni dibe waan jed'eeni, Beeni, bisaani Siloamu d'iqad'u. (Siloamu jechaani Erga jecha.) Tanaafi inni deeme d'iqate, ka lafa argu deebie. Ollafi nami duri isa wo kad'atu arge waan jed'e, Namichi kunini ka duri tae wo kad'atu kaaniiniti? Ka gari waan jed'e, Isa; ammo ka gari waan jed'e, Hiyyo, isaaniti, ammo isa fakaata. Ammo inni waan jed'e, Nami suni ana. Worri waan isaani jed'e, Yoosi, ilti tante akamiini banamte? Inni waan jed'e, Namichi Yeso jed'ani kaani biyye supe, ila tiyya dibe waan naani jed'e, Siloamu d'aqi, fuula d'iqad'u. Tanaafi ani deeme d'iqad'e lafa arge. Worri waan jed'eeni, Me, nami suni? Inni waan jed'eeni, Anini imbeekhu. Worri namicha balla suni Farisayooti geese. Guyyaani Yesoni d'oqe supe ila isa bane suni guyya Sabato. Farisayooni aka ilti isaa banamte ammalle isa gaafate. Inni waan jed'eeni, Inni d'oqe ila tiyya dibe, anini fuula d'iqad'e, duuba lafa arge. Farisayo keesa nami gari waan jed'e, Namichi kunini, ka waan kana tolche, gara Waaqaati ind'umne, maro inni seera Sabato inguunneefi. Ammo ka gari waan jed'e, Nami daba qabu akami dandae waan akana kana tolcha? Jennaani gargari bahani. Ammalle namicha balla kaaniini maro lameeso waan jed'ani, atini namicha kanati ila naa bane jetta, amma waan isaa maani jetta? Yahudiini aka inni duraani balla, amma ammo lafa arge d'ugefachu didde, haga abbaafi haad'a isaa gaafataniti. Duuba waan jed'aniini, Kunini ilma keesani? Inni balla d'alate? Inni amma akamiini lafa arga re? Worri isaa waan jed'e, Aka inni ilma keenna nu imbeenna, ammalle aka inni balla d'alatele imbeenna. Ammo aka inni amma lafa argu nu imbeennu, nama ila isaa banele nu imbeennu; isa gaafad'a me, inni nama gudda, ufii dubbachu dandaa. Wonti abbaafi haati isaa waan kana jetteefi Yahudi sodaate; wonti akanatiifi Yahudiini yayu wolmariatte aka nama Yeso jed'u ch'ufa Mana Waaqa keesa gussani. Tanaafi worri isaa, Inni nama gudda, isa gaafad'a jed'e. Ammalle maro lameeso worri namicha balla kaani yaame waan jed'eeni, Waaqa durati d'uga dubbad'u! Nu imbeenna aka namichi kunini nama daba. Inni waan jed'eeni, Nama daba tahule ani imbeekhu. Ammo waan toko imbeekha; anini qara balla, amma yayu lafa arge. Jennaani waan isaani jed'ani, Inni maani sii tolche? Akami ila sii bane? Inni waan jed'eeni, Ani la reefu isaniti hime, ammo ch'aqasu diddani. Maafi maro lameeso na gaafattani? Isanileeni jara isaa tahu feetani? Isa arabsani waan jed'aniini, Siti nama isaati, ammo nu nama Musati. Aka Waaqi Musani dubbate nu imbeenna; ammo namicha kana gari inni bahefile imbeennu. Namichi kaani waan worraani jed'e, Ehayi, tunini waan mamaati! Gara inni bahefi imbeetani ammo inni ila naa bane! Aka Waaqi nama daba qabu inch'aqamne imbeenna; ammo nama Waaqa kad'ate fed'i isaa tolchu Waaqi inch'aqasa. Haga lafti uumamte, nama nama balla d'alate ila banu taka ind'ageenne. Yo namichi kunini gara Waaqaati imbahiini dandae woma intolchu jed'e. Worri waan jed'eeni. Atini nami ufiiftu daba keesati d'alatte, amma teete nu barsiifta? Duuba alati isa gussani. Yesoni aka alati isa gussani d'ageennaani barbaade waan jed'eeni, Atini Ilma Nama d'ugefatta? Inni waan jed'eeni, Inni eennu, Aabbo, aka anini d'ugefad'u? Yesoni waan jed'eeni, Ati yayu agarte, kama siini dubbatu kanati isa. Inni, Aabbo, la d'ugefad'e jed'e, isa guddise. Yesoni waan jed'eeni, Anini qorsumaafi lafa tana d'ufe, aka ballaani lafa arge ammo ka ila qabu ballaa tahu. Farisayooni ta isa woliini jirtu waan kana d'ageennaani waan jetteeni, Nuti balla re? Yesoni waan worraani jed'e, Yo isani sila balla taatani, daba inqabdani; ammo ammatana isani, Nu lafa agarra ufiini jetteeni, tanaafi dabi keesani injira jed'e. D'uguma, waan anini isaniini jed'u, Nami moona hooliye karraani inseenne, ammo d'aatuuni koru, hattufi algala. Ammo ka karraani seenu tissitu hooliyeeti. Nami karra eegu isa duraa bana; hooliyeeni qonqo isaa d'ageeti, inni hooliye ufi maqa isitiini yaamate bobbaasa. Eegi ta ufi ch'ufa bobbaase, isi dura deeme, hooliyeeni isa gula yaati, waan isiini qonqo isaa beetuufi. Keessuma gula iyaatu, ammo ind'eeti, waan isiini qonqo keessuma imbeenneefi. Fakeenna kana Yesoni worrati hime, ammo worri waan inni jed'e imid'aafanne. Tanaafi Yesoni ammalle waan worraani jed'e, D'uguma, waan anini isaniini jed'u, anini karra hooliyeeti. Nami na dura d'ufe ch'ufti hattufi algala; ammo hooliyeeni worra ind'ageenne. Anini karra. Yo nami naani olseene imbaafama; ammalle seene, gabahe d'eeda argata. Hattuuni ind'uftu, yo hatte, qalatte yakite male. Anini aka nami jireenna argatuufi d'ufe, aka guddisani argatani. Anini tissitu dansa. Tissituuni dansaani jireenna ufi maro hooliyetiifi baafti. Nami hujii qorani, ka hooliyeeni ta isaa intahiini, yo yaiini d'uftu lakise baqata; yaiini hooliye qabde basiti. Inni waan hujii qoraniifi baqata, maro hooliye injaalanneefi. Anini tissitu dansa. Anini hooliye tiyya beekha, isiileeni na beeti, akuma Abbaani na beekhe, anileeni Abba beekhu. Anini jireenna kiyya maro hooliyetiifi baasa. Anini hooliye d'ibi qaba, ta moona tana intahiini; isiile d'ufuuni male; isiini qonqo tiyya ch'aqafte ch'iisa toko taati, tissituleeni toko. Maro waan kanatifi Abbaani na jaalata, maro anini jireenna kiyya baasuufi aka deebie fud'ad'u. Nami tokoleeni nara imfud'atu, ammo ani ufumaani baasa. Anini jabeenna baasuuni qaba, ammalle ka deebie fud'ad'uuni qaba. D'aamsa kana anini gara Abba kiyyati argad'e jed'e. Ammalle maro dubbi tanaatiifi Yahudiini gargari baate. Worra keesa nami hedduuni, Inni jinni qaba ammalle ya maraate; maafi isa ch'aqaftani? jed'e. Ammo nami gari waan jed'e, Dubbini tuni ta nama jinni qabutiiniti. Jinniini dandeete nama balla ilaa banti? Bara d'aamochaa suni guyya jila qaabacha gaafa Mana Waaqa Yerusalemu keesati banani eebisani, Yesoni Mana Waaqa keesa fulla ch'icha Solomoni deemu jira. Yahudiini isa marsite waan jetteeni, Atini guyya hagami nuti tantameesita? Yo atini Kristo taate, diideesi nuti himi. Yesoni waan jed'eeni, Anini ya isaniti hime, ammo isani d'ugefachu diddani. Hujiini anini maqa Abba kiyyatiini tolchu tunini naa d'ugeesiti. Ammo isani d'ugefachu diddani, waan hooliye tiyya intahiiniifi. Hooliyeeni tiyya qonqo tiyya d'ageeti, anileeni isi beekha, isileeni na gula yaati. Anini jireenna hegeri kennaafi, isiini haga jirtu indootu; nami tokoleeni harka kiyya keesaa imfud'atu. Abbaani kiyya ka isi naa kenne ch'ufa ira jira. Nami tokoleeni harka Abba dandae keesaa imfud'atu. Anaafi Abbaani kiyya nama taka. Jennaani Yahudiini ammalle d'akhaye guuratte isa had'u feete. Yesoni waan jed'eeni, Anini yayu huji dansa heddu, ta gara Abba kiyyati baate isani agarsiise; huji tana keesa tamiifi d'akhaani na haatani? Yahudiini waan jetteeni, Maro huji dansaatiifi si inhaanu, ammo maro atini Waaqa arabsiteefi si haana! Ammalle waan atini, ato namaatu, aka Waaqa ufi tolchiteefi. Yesoni waan worraani jed'e, Seera keesani keesati waan t'aafani Waaqi waan jed'e, Isaniini ch'uftinu Waaqoota. Nu imbeenna aka dubbini t'aafiini jettu ch'ufti hojja ch'ufa d'uga ammalle Waaqi worra inni d'aamsa ufii iti ergeeni Waaqoota jed'e. Na ammo Abba kiyyati na fohate lafati na erge, isani duuba maafi waan anini Ilma Waaqa ufiini jed'eefi, inni Waaqa arabsa naani jettani re? Yo anini huji Abba kiyya intolchine na ind'ugefatiina. Ammo yo anini tolche, yo na d'ugefachu baatanile, huji suni d'ugefad'a; aka isani aka dansa hubatani baratani, aka abbaani na keesa jiru, ka anileeni abba keesa jiru. Maro lameeso isa qabu fed'ani, ammo harka worraa duraa bahe. Ammalle Yesoni fulla Yohanani qara iti nama batise, ta galaana Yordanitiini gama d'aqe, achi tae. Nami hedduuni gara isaa d'aqe waan jed'e, D'uguma Yohanani akheekha intolchine, ammo wonti Yohanani waan nama kana dubbate ch'ufti d'uga. Nami hedduuni achiti isa d'ugefate. Nami toko, ka Lazaro jed'ani, ka oboleyaani isaa ta dubra Mariamufi Martha, ka worri isaani Bethania fayyad'abe. (Mariamuni suni ta d'ad'a urgaa Aabbo dibde, miila isaa rifeensa mata ufiitini ira haat'e, ta oboleesi isii Lazaroni fayyad'abe.) Oboleyaani isaa nama Yesoti ergite waan jetteeni, Aabbo, ilaali, jaali kanke kaani fayyaaniti. Ammo Yesoni akasi d'ageennaani waan jed'e, d'ukubi kunini ka duatiniti, ammo wonti woni kunini taateefi aka akasiini Waaqa guddisani ilmi isaaleeni guddinna argattu. Yesoni Marthafi oboleeti isitiifi Lazaro jaalate. Inni fayyad'aba Lazaro d'ageennaani, fulla jiru suni guyya lama tae. Eegi guyya suni inni waan jara ufiitini jed'e, Beena, lafa Yudeati dachaana. Jari isaa waan jed'eeni, Aabbo, Yahudiini onana d'akhaani si ijeesu feete, ammalle atini achiti deebita? Yesoni waan jed'e, Saatiini guyya toko kud'ani lamayu? Nami guyyaani deemu ingufatu, waan inni ifsa adu arguufi. Ammo yo nami halkaniini deeme, ingufata, waan inni ifsa inqamneefi. Waan kana jennaani inni waan worraani jed'e, Jaali keenna Lazaroni hirrafa, ammo anini hiriiba keesaa isa kaasu d'aqa. Duuba jari isaa waan jed'eeni, Aabbo, yo rafe, inkaa. Yesoni waan duisa isaa baane, ammo worri hiriibuma sehe. Jennaani Yesoni diideese hime, Lazaroni la due jed'e; ammalle ayyaana keesani, ka hojja suni anini achi injirre, aka isani d'ugefattani. Ammo beena, gara isaa nu yaasa jed'e. Tomasoni (ka Laku jed'ani) waan wahela ufitiini jed'e, Beena, nuleeni iyaana, aka isa woliini doonu. Yesoni d'umnaani, aka Lazaroni haga guyya afuri awaala keesa bule d'agaye. Bethaniani Yerusalemu ira fagoniti haguma maili lama hanqatti. Yahudiini hedduuni gara Marthatiifi gara Mariamu d'ufte aka maro lubbu oboleesa worraatiifi iraa hafaa jettuuni. Marthani aka Yesoni d'ufu jiru d'ageennaani, fuula keesa deemte; ammo Mariamuni manati hafte. Marthani waan Yesoni jette, Aabbo, ato atini sila arma jiraate, oboleesi kiyya induu. Ammalle ammatanale ani imbeekha, waan Waaqa kad'atu ch'ufa Waaqi sii kenna. Yesoni waan isiini jed'e, Oboleesi kanke inuma kaa. Marthani waan jetteeni, Anini imbeekha aka inni guyya kaisa muumme kau. Yesoni waan jed'eeni, Ka kaasufi ka jiraachisu ana; nami na d'ugefatu, yo duele, injiraata. Nami ato jiru na d'ugefatu haguma jiru induu. Atini akasi d'ugefatta? Isiini waan jetteeni, Ee, Aabbo, aka atini Kristo, Ilma Waaqa, ka lafati d'ufu jed'ani, ani la d'ugefad'e. Marthani akasi jennaani deemte, oboleeti isii Mariamu laanuma yaamte waan jetteeni, Aabbo Yesoni arma jira, si yaamu jira. Isiini d'ageennaani hurrifte kaate gara isaa d'at'e. Yesoni olla qara ingeenne, ammo fulluma Marthani iti agarte jira. Yahudiini ta isii woliini mana jirtu, ta isi jabeesitu, aka Mariamuni hurrifte baate arginaani isi gula yaate, waan isiini gara awaala deemte bootu seete. Jennaani Mariamuni fulla Yesoni jiru geennaani isa argite, miila isati jidde waan jetteeni, Aabbo, ato sila atini arma jiraate oboleesi kiyya induu. Yesoni isiifi Yahudi ta isii gula d'ufte bootu arginaani, garaani isaa gubate lalefate. Eesati awaalani? jed'e worra gaafate. Aabbo, kooti, ilaali jed'aniini. Jennaani Yesoni bohe. Tanaafi Yahudiini waan jette, Me ilaala, aka inni isa jaalate! Ammo ka gari waan jed'e, Namichi kunini, ka ila balla kaani bane, sila dandae nama kana duu ind'owu? Yesoni ammalle garaa ufi keesati guddo lalefate, fulla awaala d'aqe. Awaali suni goda, qara d'akha toko afaanti gangalchani ch'ufani. Yesoni, D'akha iraa gangalcha jed'e. Marthani, oboleeti namicha due suni, waan jetteeni, Aabbo, amma inajaa, haga due arra guyya afuri. Yesoni waan jed'eeni, Anini, Yo ati d'ugefatte, guddinna Waaqa inagarta siini injenne? Duuba d'akha suni iraa gangalchani. Yesoni olmillate waan jed'e, Aabbo, galata sii deebisa, waan atini na d'ageetuufi. Ammalle aka atini guyya ch'ufa na d'ageetu ani imbeekha, ammo maro gumi arma marsite ch'iiftu tanaafi anini waan kana jed'a, aka isiini aka atini na ergite d'ugefattu. Waan kana jennaani inni qonqo olfud'ate lalabe, Lazaro, kooti, gabahi jed'e. Namichi due kaani boolaa bahe, ka woya awaalatiini harkafi miili wolti hid'aansa qabu, ammalle fuula isaa bututuuni hid'ani. Yesoni waan worraani jed'e, Iraa hiikha, ha deemuti. Jennaani Yahudiini hedduuni, ta Mariamu woliini d'ufte, ta waan inni tolche suni argite, isa d'ugefatte. Ammo jari gari kae gara Farisayo d'aqe, waan Yesoni tolche iti odeese. Tanaafi qaalole gugurdofi Farisayooni jaarole kora korte waan jette, Nu maani taana? Namichi kunini akheekha heddu tolcha. Yo akanati lakimne, nami ch'ufti isa d'ugefata, duuba Rumiini d'ufte Mana Waaqaatiifi gosa teenna balleesiti! Ammo namichi isaani toko, ka Kayafa jed'ani, ka ganna suni qaallicha gudda, waan worraani jed'e, Isani woma imbeetani; aka yo nami toko biyya jed'e due, ka gochiti teenna ch'ufti imbanne ira dansa inhereddani. Inni waan suni qalbi ufiitini injenne, ammo waan ganna suni qaallicha gudda taheefi, aka Yesoni gosaa duu fage. Inni gosa Yahudi ch'allaa induu, ammo aka gumi Waaqaa ta gargari firfirfamte wolti deebise taka tolchuufi dua. Duuba eegi guyya suni aka isa ijeesani mariatani. Tanaafi eegi suni Yesoni deebie Yahudi dura diidati imbaanne, ammo achi deeme, d'aatu lafa alo, dira toko ka Efraimu jed'ani keesa, jara ufi woliini tae. Jilti Yahudi ta Pasaka jed'ani d'iaannaani, nami hedduuni lafa ch'ufaa bahe Yerusalemu d'aqe, ato jilti ingahiini, aka aada gula ufi qulqulleesani. Duuba Yeso barbaadani woldubbatani, Mana Waaqa keesa ejaanjani waan woliini jed'ani, Maani seetani? Waan inni jila d'ufu seetu? Qaalole gugurdofi Farisayooni qara seera baafte waan jette, yo nami fulla inni jiru beekhu jiraate ha nuti himu, aka qamnu. Guyya jaa jila Pasaka durati, Yesoni Bethania d'ufe, fulla Lazaroni ka inni duisa keesaa kaase jiru. Achiti sagale d'aabaniifi, Marthani isa gololchite; Lazaroni Yeso woliini tae sagale nyaate. Jennaani Mariamuni kiila toko ka d'ad'a qayya dansa qabu, ka gati guddo, fuute miila Yeso dibde, rifeensa mata ufiitini iraa haat'e. Urgaani d'ad'a suni mana suni ch'ufa qabatte. Duuba jara Yeso keesa, nami toko ka Yuda Iskariote jed'ani, ka isa gurguru fed'u, waan jed'eeni, D'ad'a qayya kana maafi shilingi kunki sadi gurgurani hiyyeeyii inqoonne? Inni dubbi tana naasu hiyyeeyitiifi injenne, ammo waan inni hattu tahe, hori subbati naqani guuratuufi jed'e. Yeso waan jed'e, Isi lakisi, isiini waan kana ha haga na awaalaniti olkeetuuti. Hiyyeeyi guyya ch'ufa wolumaani jirtani, ammo anini guyya ch'ufa isani woliini injiru. Yahudiini hedduuni aka inni achi jiru d'ageennaani, Yeso ch'alla ilaalu ind'umne, ammo aka Lazaro, ka inni duisa keesaa kaase, argitu d'ufte. Tanaafi qaaloleeni gugurdooni aka Lazarole ijeeftu mariatte. Maro isatiifi Yahudiini hedduuni d'ufte Yeso d'ugefatte. Boriyya, gumiini guddooni ta jila d'ufte, aka Yesoni Yerusalemu d'ufu d'ageennaani, damele meet'i guuratte, fuula keesa isa d'ufte, ch'aarte, waan jette Waaqa faarsa, nama maqa abbootiini d'ufu Waaqi ha eebisu! Hayyu Israeli Waaqi ha eebisu. Yesoni bukhura harre arginaani yaabate, akuma t'aafiini jettu, Insodaatini, dira Sioni! Ilaali, hayyuuni kanke bukhura harre yaabate gara kanke d'ufu jira. Waan kana jari isaa gaafasi inhubanne; ammo eegi Yesoni guddinna ufiitini gubbaati gale, aka t'aafiini tuni waan isaa dubbate, ammalle aka waan kana isaa tolchani qaabatani. Gumiini ta gaafa inni Lazaro awaala keesaa yaame duisa keesaa kaase isa woliini jirtu taani waan gaafasi agarte ch'ufa odeesite. Wonti biyyiti fuula keesa isa yaateefi waan akheekha inni tolche d'ageeteefi. Duuba Farisayooni waan woliini jette, Ilaala, aka isani woma indandeenne, biyyiti ch'ufti la isa gula yaate. Nami gari ka aka Waaqa kad'atu jila d'aqe gosa Grikiiti. Jari kunini gara Filipo d'ufe (inni nama Bethsaida ka Galilaya) isa kad'ate waan jed'eeni, Aabbo, sila Yeso argu feena. Filiponi gara Andarea d'aqe isati hime, Andareafi Filiponi Yesoti himu d'aqani. Yesoni waan jed'eeni, Guyyaani Ilmi Nama guddinna argatu ya d'ufe. D'uguma waan anini isaniini jed'u, yo gumani dargaye toko lafa bue shame male, kobuma ufi taa, ammo yo shame biqile mid'aani heddu baasa. Nami lubbu ufi jaalatu ind'aba; nami lubbu ufi jibbu, lafa tana keesati, jireenna hegeritiifi lubbu ufi olkeyata. Nami sila na hojatu ha na gula d'ufu; fulla anini jiru hojattuuni tiyyaleeni jirti jira. Nama na hojatule Abbaani kiyya inguddisa. Garaani kiyya ammatana herega gaargala qaba anini maani jed'a? Aabbo, gaargala kana keesaa na baasi jed'a? Hiyyo. Ammo maro gaargala kanatifi anini guyya kana gahe. Aabbo, maqa kanke guddisi! jed'a. Jennaani qonqooni toko gubbaa d'ufte waan jette, Anini yayu guddise, ammalle iti deebie guddisa jette. Gumiini ta achi ejaanjitu waan jette, Waaqi ya mandie. Ta gari, Malaikati isaani dubbate jette. Ammo Yesoni waan jed'e, Qonqooni tuni maro tiyyaafi ind'umne, ammo maro teesaniifi d'ufte. Ammatana qorsumaati lafa tana jira; ammatana gudda lafa tana balleesani. Anileeni, yo lafa tana oli na fuud'ani, nama ch'ufa ufiti hirkisa. Wonti inni waan kana jed'eefi aka duisa inni duu garsiisu. Gumiini waan jetteeni, Nu yayu Seera keesati soomne aka Kristoni haga hegeri tau. Atini akami Ilma Nama lafa tana olfuud'u malani jette re? Ilmi Nama kunini eennu kana? Yesoni waan jed'eeni, Ifsaani haga diqa toko ch'alla isani woliini jira; ato ifsa qabdanu yaa, aka dukanti isani ind'aqamne. Nami dukana keesa deemu gara deemu imbeekhu. Ato ifsa qabdanu, ifsa suni d'ugefad'a, aka ilmaani ifsaa taatani. Yesoni waan kana dubbannaani kae worra duraa d'okhate. Ammo ato inni akheekha heddu worra durati tolchele, worri isa ind'ugefanne, aka dubbini raagi Isayani dubbate guutamtu ta, Aabbo, eennuti d'aamsa keennaa d'ugefate? Jabeenni Aabbo eennuti mullate? jette. Maro waan kanatifi d'ugefachu dad'abani, waan Isayani ammalle dubbate waan jed'e, Inni la ila worraa duuche, qalbi worra d'owe, aka worri ila ufiitini arge, qalbi ufitiini barate, gara ingalle, aka anini worra fayyisu. Wonti Isayani dubbi tana jed'eefi, waan inni guddinna isaa arge waan isaa dubbateefi. Taatule nami gugurdaani hedduuni Yeso d'ugefate; ammo maro Farisayo sodaataniifi inhimanne aka mana Waaqa iti kad'atani seenu worra ind'owarre. Wonti akanatiifi worri saadu Waaqa iraa ta namaa fed'a. Yesoni qonqo olfud'ate waan jed'e, Nami na d'ugefatu, na ind'ugefatu, ammo ka na erge d'ugefata. Nami na ilaalu ka na ergele ilaala. Anini lafa tanati aka ifsa tahu d'ufe, aka nami na d'ugefatu dukana keesa inteenne. Yo nami toko dubbi tiyya d'agaye inguunne, anini wollaala iti imuru. Wonti akanatiifi anini wollaala namati muru ind'umne, ammo nama baasu d'ufe. Nami na dide dubbi tiyya imfud'anne, nama iti muru toko qaba. Dubbi anini jed'e suniti guyya muumme wollaala iti mura. Anini yaada kiyyaani indubbanne, ammo Abba na ergeti seera nati kenne waan ani dubbad'uufi waan ani jed'u na jechisiisa. Ammalle aka seeri isaa jireenna hegeri namaa kennu imbeekha. Wonti anini dubbad'u kuni waan Aabbooni, Dubbad'u naani jed'e. Ato jilti Pasaka jed'ani ingahiini, Yesoni aka hojjaani inni lafa keesaa kae gara Abbati galu d'iaatte beekhe. Inni haguma qara jara ufi ka lafa tana gubba woliini tae guddo jaalate, jaalalti sunileeni muumme inqabdu. Sheet'ani layu Yuda Iskariote, ilma Simoni, keesa seene, aka inni Yeso gurguru heresiise. Eegi worri sagale nyaataa tatae, Yesoni aka Abbaani waan ch'ufa harka isaa keesa kaye, ammalle aka inni gara Waaqaati bahe Waaqati deebiu beennaani, sagale ira olkae, woya ufi lafa kaye, woya diqo toko mart'ifate. Jennaani bisaani qoriti buuse, miila jara ufi d'iqisaa kae, woya ufi ta mart'ifateeni miila worraa haaqe. Inni fulla Simoni Petro gahe jennaani Petroni, Aabbo, atini miila na d'it'a? jed'e gaafate. Yesoni waan jed'eeni, Waan anini ammatana tolchuu jiru ati imbeetu, ammo eegi tana imbaratta. Petroni waan jed'eeni, Haga jiru jireennale na ind'it'u! Yesoni waan jed'eeni, Yo anini si d'iqu d'ibaad'e, atini woma nara inqabdu. Simoni Petroni waan jed'eeni, Miila ch'allaaniti, ammo harkafi matale na d'iqi. Yesoni waan jed'eeni, Nami nafa d'iqate waan iti deebie d'iqatuufi inqabu, miila male, inni ya qulqullae. Isani ch'ufti qulqullo, toko male. Wonti inni akana jed'eefi, inni nama isa gurguru imbeekha; tanaafi inni, Isani ch'ufti qulqullo, toko male jed'e. Duuba eegi miila worraa d'iqe, Yesoni woya ufi fud'ate, deebie tae waan worraani jed'e, Waan anini isanii tolche beetu? Isani Motichafi Aabbo naani jettani, aka dansa jettanile, anini akasuma. Yo anini Motichafi Aabbo keesani tahe miila keesani d'iqe, isanileeni miila woli d'iqu maltani. Anini ya akheekha isanii kenne aka isanileeni waan anini isani tolche tolchitani. D'uguma, waan anini isaniini jed'u, Tisseeni abba ufi ira injirtu, yokhaani ergattuuni nama isii ergate ira injirtu. Yo isani waan kana beetani tolchitani, ayyaana keesani! Anini isani ch'ufa imbaanu; nama anini fohad'e imbeekha. Ammo t'aafiini ta, Nami na woliini qit'a nyaatu nati garagala jette guutamu malte. Armaa achi ato wonti kuni intahiini isaniti hima, aka yo isiini taate, aka anini Isuma d'ugefattani. D'uguma, waan anini isaniini jed'u, Nami nama ani ergu fud'ate, nale ya fud'ate; ammalle ka na fud'atu nama na erge fud'ata. Waan kana jennaani Yesoni guddo lalefate, diideese hime waan jed'e, D'uguma, waan anini isaniini jed'u, Isani keesa, nami toko na gurgurata. Jari isaa woli mimillate, ammo nama inni baane suni imbeekhani. Jara isaa keesa nami toko, ka Yesoni jaalate, bobaa Yesoti hirkate tau jira. Simoni Petro harkaani isa yaame waan jed'eeni, Nama inni baanu eennu? Gaafad'u me. Inni, ato qoma Yesoti hirkatu, waan jed'eeni, Aabbo, nami ati baantu suni eennu? Yesoni waan jed'eeni, Nami anini qit'a kana ch'abse fuutooni tuqe iti kennu sunuma. Duuba inni qit'a fuud'e, fuutooni tuqe Yuda Iskarioteti kenne. Akuma Yudani qit'a fud'ateeni, Sheet'ani isa keesa seene. Duuba Yesoni waan jed'eeni, Waan tolchu feetu hurrisi tolchi. Nami achi tau tokoleeni waan inni akasi jed'eefi imbeenne. Nami gari waan Yudani subba hori harkaa qabatuufi waan Yesoni, Waan nu jilaa feenu nu biti, yokhaani, Hiyyeeyii hori kenni jed'eeni sehe. Jennaani inni qit'a suni fud'annaani hojuma suni alati bahe. Yo suni lafti halkani. Yudani bannaani Yesoni waan jed'e, Amma guddinni Ilma Nama la mullate, guddinni Waaqaleeni la isa keesa mullate. Yo guddinni Waaqa isa keesa mullate, yoosi Waaqumati guddinna Ilma Nama mullisa, ammalle hurrise mullisa. Ijoolle tiyya, nu haga diqa woliini jira. Isani na barbaadani, ammalle akuma anini qara Yahudiini jed'e amma isanileeni jed'a, fulla anini deemu isani dandeetani ind'uftani. Seera haraa isanii kenna, Woljaalad'a; akuma anini isani jaalad'e, isanileeni akasi woljaalad'a. Akanaani yo isani woljaalatani nami ch'ufti aka isani nama kiyya beekha. Simoni Petroni waan jed'eeni, Aabbo, eesa deemta re? Yesoni waan jed'eeni, Fulla ani deemu dandeete amma na gula ind'uftu; ammo eegi tana na gula d'ufta. Petroni waan jed'eeni, Aabbo, maafi amma si gula d'ufu indandeenne? Maro kanketiifi anini indua. Yesoni waan jed'eeni, Maro kiyyafi atini indoota? D'uguma, waan anini siini jed'u, Kormi luku iniyu, haga atini maro sadi na mormatuuti. Garaa keesani keesa ingaargaliina. Waaqa d'ugefad'a, akasuma nale d'ugefad'a. Mana Abba kiyya keesa fulla hedduti jira, yo injirre sila isaniti hima. Anini deeme fulla isanii mid'aasa. Yo anini deeme fulla isanii mid'aase, deebie d'ufe fulla tiyyati isani geesa, aka fulla ani jiru suni isanileeni arti teetani. Gara ani deemule kara la barattani jed'e. Tomasoni waan jed'eeni, Gara atini deemtu imbeennu, akamiini karaa beena? Yesoni waan jed'eeni, Karaani ana, d'ugaafi jireennileeni ana; nami tokoleeni gara Abba ind'aqu, anaani d'aqu male. Ato sila na beetani, Abba kiyyale imbeetani; armaa achi isa beetani ammalle ya isa argitani jed'e. Filiponi waan jed'eeni, Aabbo, Abba nu agarsiisi, nu inquumna. Yesoni waan jed'eeni, Ila Filipo, nu guyya heddu woliini teenne, ammalle na imbaranne? Nami na arge Abbaale la arge. Atini akami, Abba nu agarsiisi jetta? Isii Filipo, aka anini Abba keesa jiru, Abbaaleeni na keesa jiru ind'ugefanne? Dubbini anini isaniini jed'u yaada kiyyaani injed'u. Ammo Abba na keesa jiruti huji ufi tolfata. Aka anini Abba keesa jiru, ammalle aka Abbaani na keesa jiru, d'ugefad'a; yo akasi ind'ugefanne, maruma hujitiifi na d'ugefad'a. D'uguma waan anini isaniini jed'u, nami na d'ugefatu, huji anini tolchu innileeni intolcha, ta hagana ira jirtule intolcha, waan anini gara Abba kiyya galufi. Waan isani maqa kiyyaani kad'atani ch'ufa ani intolcha, aka guddinni Abbaa Ilma keesaa mullatu. Yo isani maqa kiyyaani waan tokole kad'atani, anini intolcha. Yo na jaalatani, seera kiyya inguutani. Duuba anini Abba kad'ad'a, aka qarqaarsa d'ibi isanii ergu, aka inni haga hegeri isani woliini tau. Inni Lubbu d'uga, ka nami lafa dandae inarganne, waan isa ingarre yokhaani isa imbeenneefi. Ammo isani imbeetani, waan inni isani woliini tae, isani keesa haga hegeri tauufi. Anini hiyyuma keesati isani illakisu; anini isaniti deebia. Eegi bulti diqo nami lafa deebie na inargu, ammo isani na agartani, waan anini jiruufi isanileeni injiraattani. Guyya suni aka anini Abba keesa jiru, ka akuma anini isani keesa jiru ka isanileeni na keesa jirtani beetani. Nami seera kiyya fud'ate guutu na jaalata. Nama na jaalatu Abbaani kiyyaleeni injaalata; anileeni isa jaalad'e isa ufi beesisa. Yudani (ka Iskariotetiniti) kaani d'ibiini waan jed'eeni, Aabbo akami ufi nu beesifte nama lafa ufi imbeesisiini? Yesoni waan jed'eeni, Yo nami na jaalate dubbi tiyya guuta, Abbaani kiyyaleeni isa jaalata, ammalle nu isati d'umne fulla isaa teenna. Nami na injaalanne dubbi tiyya inguutu. Dubbini isani d'ageetani tiyyaaniti, ammo ta Abba na ergeti. Waan kana anini, yayu isaniti hime ato nu wolumaani jirru. Ammo nami isani jabeesu, ka Lubbu Qulqullo jed'ani, ka Abbaani maqa kiyyaani ergu, waan ch'ufa isani barsiise waan anini isaniini jed'e ch'ufa isani qaabsiisa. Nagayaani taa, nagayaa kiyya isanii kenna, aki anini isanii kennu aka nami lafa woli kennuniti, garaa keesani keesa gaargaltani insodaatiina. Aka anini, Deeme isaniti deebia jed'e, la d'ageetani. Yo na jaalattani sila ingammaddani, waan anini gara Abba kiyya deemuufi. Wonti akanatiifi Abbaani kiyya nara gudda. Anini ya isaniti hime, ato guyyaani ingahiini, aka yo guyyaani suni gahe d'ugefattani. Armaa achi anini guddo isaniini indubbad'u, wonti akanatiifi hayyuuni lafa tana d'ufuti jira, inni jabeenna womatu ka woiini na tolchu inqabu. Ammo nami lafaa aka anini Abba jaalad'u beekhu male, tanaafi anini waan ch'ufa akuma inni tolchi naani jed'e tolcha. kaa armaa nu yaasa. Anini zabibu d'ugaati, Abbaani kiyya abba oobruuti. Dame na keesa jirtu ta mid'aani imbaamne ch'ufa inni imballeesa, dame mid'aani baaftu ch'ufa inni kolkoleti mid'aasa aka mid'aani haga qarale ira baaftu. Isani qara la qulqullooftani, maro dubbi anini isaniti hime suniifi. Na keesa taa, anileeni isani keesa taa. Akuma dameeni koba ufi mid'aani imbaamne, yo mukha zabibuti ejitu male, akasuma isanileeni woma indandeenne, yo na keesa teetani male. Anini mukha zabibuti, isani damele. Nama na keesa tae anileeni keesa tau ch'allati mid'aani guddo baasa; wonti akanatiifi na male dandeetani woma intolchitani. Nami na keesa inteenne, akuma dame alati gatani, gatani duuba ingoga; damele suni wolti guurani ibidati naqani gubani. Yo isani na keesa teetani dubbini tiyya isani keesa teete, waan feetani ch'ufa kad'ad'a, isanii kennani. Maro waan kanatifi Abbaani kiyya inguddifama, waan isani mid'aani guddo baaftaniifi; akasiini isani jara kiyya taatani. Akuma Abbaani na jaalatu, anileeni isani jaalad'a; jaalala tiyya keesa taa. Yo isani seera kiyya guuttani jaalala tiyya keesa teetani, akuma anini seera Abba kiyya guute jaalala isaa keesa tau. Waan kana anini yayu isaniti hime aka gammadi kiyya isani keesa tae gammadi keesanileeni guutamu. Seeri kiyya kana: Woljaalad'a, aka anini isani jaalad'e. Nami tokoleeni jaalala hagana ira inqabu, ta nami maro jaalaani ufitiifi duu. Isanileeni jaalani tiyya, yo waan anini isaniti hime guuttani. Armaa achi tissele isaniini injed'u; wonti akanatiifi tisseeni waan abbaani tolchu imbeetu. Ammo anini jaalaani isaniini jed'a, waan dubbi Abba kiyya iraa d'agaye ch'ufa isaniti odeeseefi. Isani na imfohanne, ammo anati isani fohate erge, aka deemtani mid'aani baaftani, mid'aani ka inhamaanne. Duuba Abbaani waan maqa kiyyaani kad'attani ch'ufa isanii kenna. Waan kana duuba anini isaniti hima: woljaalad'a. Yo nami lafa isani jibbe, beekha aka, ato isani injibiini, na jibbani. Yo isani nama lafa tanaa taatani, nami lafa tana akuma woljaalatu isanile jaalata. Ammo waan isani nama lafaa intahiiniifi ammalle waan anini lafa keesa isani fohad'eefi, nami lafaa isani jibba. Dubbi anini isaniini jed'e tana qaabad'a: Tisseeni abba ufi ira injirtu. Yo nami qara na gaargalche, isanile ingaargalcha; yo nami jecha kiyya guute, keesanile inguuta. Ammo waan kana ch'ufa maro maqa kiyyatiifi isani tolchani, waan nama na erge imbeenneefi. Ato sila anini d'ufe worrati himu d'ibaad'e, daba inqabani; ammo ammatana waan dabaani d'ofatani inqabani. Nami na jibbu Abba kiyyale injiba. Ato sila anini huji nami tokoleeni jiddu worrati intolchiini tolchu d'ibaad'e, daba inqabani; taatule amma worri ya anaafi Abba kiyya arge jibbe. Wonti kunini ch'ufti aka dubbini Seera worraa keesati t'aafani ta, ufumaa na jibbani jettu guutamtu. Ammo yo Qarqaarsi d'ufu, ka anini gara Abba kiyyati ergu, Lubbu d'uga, ta gara Abbati baatuuti na d'ugeesa. Isanileeni na d'ugeesitani, waan haguma duri na woliini jirtaniifi. Anini waan kana yayu isaniti hime aka d'ugefachaani teesani laafte isaani kara iraa ingorre. Maneeni Waaqa iti kad'atani keesaa isani yaasani. Tana male, hojjaani ind'ufti ta nami isani ijeesu waan Waaqaa hojatu ufi sehu. Waan kana maro naafi Abba imbeenneefi isani tolchani. Ammo waan kana qara ya isaniti hime, aka yo guyyaani suni gahe, waan anini duri isaniti hime qaabattani. Waan kana anini gaafa qara isaniti inhimne, waan nu woliini jiruufi. Ammo amma gara nama na erge gala; isani keesa tokoleeni ka, Garami deemta? jed'e na gaafatu injiru. Taatule waan anini waan kana isaniini jed'eefi, la guddo lalefattani. Anini ammo dubbi d'uga isaniti hima: aka anini deemuti ira isani jira. Wonti akanatiifi yo anini indeemini, Qarqaarsi kaani isanii ind'ufu. Ammo yo anini deeme, anini isa isanii erga. Inni gaafa d'ufu, aka dabi jiruufi aka d'ugaani jirtuufi aka Waaqi wollaala namaati muru nama garsiise hubachiisa. Aka dabi jiru, waan worri d'ugefachu diduufi; aka d'ugaani jirtu, waan anini gara Abba d'aquufi, duuba isani iti deebitani na inargitani; aka Waaqi wollaala namati muru, waan hayyu lafa tana wollaala iti muraniifi. Anini ammalle waan heddu ta isaniini jed'u qaba, ammo amma dandeetani imfud'attani. Taatule hojja Lubbuuni d'ugaa d'uftu, isiiti waan d'ugaa iti isani qajeelcha. Isiini waan ufi indubbatu, ammo waan d'ageete ch'ufa dubbatti, waan eegi tana d'ufale isaniti himti. Isiini na guddifte waan kiyya fuute isani agarsiifti. Wonti Aabbooni qabu ch'ufti tiyya; tanaafi anini, isiini waan kiyya fuute isani agarsiifti isaniini jed'a. Eegi bulti diqo deebitani na inargitani; ammalle eegi bulti diqo deebitani na agartani. Jennaani jari isaa ka gari waan woliini jed'e, Wonti inni nuuni jed'u kunini maani? Inni, eegi bulti diqo na inargitani jed'a ammalle eegi bulti diqo deebitani na agartani nuuni jed'a, inni ammalle, waan anini gara Abbaa d'aqa jed'eefi akasi jed'e? Worri duuba waan jed'e, Wonti inni, Eegi buti diqo jed'e tunini maani? Waan inni jed'eefi imid'aafanne jed'ani. Yesoni aka worri isa gaafachu fed'u beennaani waan jed'eeni, Waan anini jed'e suni wolgaafattani? Ta, Eegi bulti diqo na inargitani, ammalle, Eegi bulti diqo deebitani na agartani jed'e suni? D'uguma, waan anini isaniini jed'u, Isani laalefattani bootani, ammo nami lafa igammada; isani ilaalefattani, ammo lalalti teesani garagalte gammada taati. Nad'eeni yo ch'ininfattu ilaalefatti, maro guyyaani isiini deetu gaheefi. Ammo eegi isiini ilme deete, deebite lalala suni inqaabattu, maro gammada daima lafati d'alteefi. Tanaafi isani amma lalala qabdani, ammo anini deebieti isani arga, garaani keesani ingammada, gammada keesani kana nami dandae isani ira imfud'atu. Guyya suni woma na ingaafattani. D'uguma, waan anini isaniini jed'u, Waan isani maqa kiyyaani Abba kad'attani ch'ufa inni isanii kenna. Arra durati taka maqa kiyyaani woma inkad'anne; kad'ad'a, inargattani, aka gammadi keesani qit'au. Waan kana anini mammaasaani isaniti hime. Guyyaani anini dandae mammaasaani isaniti indubbanne ind'ufa, ammo diideese waan Abba isani agarsiisa. Gaafasi maqa kiyyaani kad'attani; ammalle anini, Abba isanii kad'ad'a injed'u; wonti akanatiifi Abbaani ufiyu isani jaalata. Inni isani jaalata, waan isani na jaalattani aka anini gara Waaqaati d'ufe d'ugefattaniifi. Anini gara Abbati bahe lafati d'ufe; ammalle anini gara lafaati bahe Abbati deebia jed'e. Jari isaa waan jed'eeni, Ilaali, ati amma mammaasaani indubbattu ammo diideesite dubbatta. Ammatana aka ati waan ch'ufa beetu nu la hubanne; waan nami wo si gaafatuufi inqabdu. Waan kanaafi aka atini gara Waaqaati d'ufte d'ugefanna. Yesoni waan jed'eeni, Isani ammatana d'ugefattani? Ilaala, guyyaani isani gargari firfirfamtani ind'ufa, amma ya d'ufe; nami ch'ufti gargari firfirfame, koba na lakiftani. Ammo anini koba injiru; Abba wolumaani jirra. Waan kana anini ya isaniti hime, aka na keesa nagaya argattani. Lafa keesa d'ipu argattani, ammo garaa jabaad'a! Anini ya lafa dabsad'e. Yesoni dubbi tana jennaani gubba olmillate waan jed'e, Aabbo, hojjaani ya geete. Ilma kanke guddisi, aka Ilmi si guddisu. Atini humna nama ch'ufa ira ya isaa kennite, aka inni nama ch'ufa ka atini isaa kennite jireenna hegeri kennuufi. Ammalle jireenni hegeri kana: aka atini Waaqa tokocha d'uga si beekhani, Yeso Kristole ka atini ergite beekhani. Huji atini naa kennite suni hobaamnaani anini ya lafa keesati si guddise. Ee Aabbo, amma tana guddinna naa kenni, guddinna nu ato lafti inuumamiini woliini qamnu suni. Anini maqa kanke nama atini lafa keesa naa kennite ya agarsiise. Worri qara namuma keti, atileeni ya worra naa kennite. Worri dubbi tante la guute, amma waan atini naa kennite ch'ufa, aka isiini gara keti baatu, ya baratani. Anini dubbi atini naa kennite yayu worraa kenne, worrileeni yayu fud'ate; aka anini gara keti bahe worri ya aka isiini d'uga beekhe, ammalle aka atini na ergite yayu d'ugefate. Anini maro worraatiifi kad'ad'a. Maro nama lafaati inkad'ad'u, ammo nama ati naa kenniteefi kad'ad'a; wonti akanatiifi worri keti. Wonti kiyya ch'ufti keti, wonti kankeleeni kiyya; guddinni kiyya worra keesa mullata. Anini amma tana lafa keesa intau, ammo jari kunini lafa keesa taa; anini gara kanke d'ufa. Ee Aabbo qulqullo jabeenna kanke ka atini naa kennite sunini worra qorqorad'i aka worri akuma kenna taka tahu. Haga anini worra woliini jiru, maqa kanke ka atini naa kennite suniini, anini yayu worra qorqorad'e. Ani layu worra tisse, tokoleeni imbanne, ilma badi suni male, aka t'aafiini guutamtu. Ammatana anini gara kanke d'ufa, waan kana lafa keesati jed'a, aka gammadi kiyya garaa worraa guutu. Anini dubbi tante yayu worrati kenne, nami lafa ya worra jibbe, waan worri nama lafa intahiiniifi, akuma anileeni nama lafa intahiini. Aka atini lafa keesaa worra baaftu anini inkad'ad'u; ammo aka hama suni worra ira d'owartu. Worri ka lafatiiniti, akuma anileeni ka lafa intahiini. D'ugaani worra qulqulleesi, dubbini tante d'uga. Akuma atini lafati na ergite, akasuma anileeni worra lafa keesa erge. Maro worraatiifi anini ufi qulqulleesa, aka worri d'ugaani qulqullau. Anini worraa ch'allaa inkad'ad'u, ammo nama maro dubbi worraatiifi na d'ugefatu ch'ufale kad'ad'a. Wonti ani kad'ad'u, aka worri ch'ufti takaa tahu, akuma Aabbo, atini na keesa jirtu, anileeni si keesa jiru, aka akasuma worrileeni nu keesa jiraatu. Ammalle aka nami lafa, aka atini na ergite d'ugefatu. Guddinna atini naa kennite anini yayu worraa kenne, aka worri ch'ufti takaa tahu, akuma anaafi sii takaa. Anini worra keesa jira, atinileeni na keesa jirta, aka worri akuma d'ugaa taka tahu, aka nami lafa aka atini na ergite beekhe, ammalle aka atini akuma na jaalatu worrale jaalatu beekhu. Ee Aabbo, aka nami atini naa kennite suni fulla anini deemu na woliini tau fed'a, aka guddinna kiyya ka atini naa kennite argani; wonti akanatiifi atini ato lafti inuumamiini na jaalatte. Ee Aabbo d'uga, nami lafa qara si imbeekhu, ammo anini si beekha, jari kunileeni aka atini na ergite beekha. Anileeni maqa kanke yayu worra barsiise, ammalle inuma barsiisa, aka jaalalti atini na jaalatte worra keesa teete, anileeni worra keesa tau jed'e. Yesoni dubbi tana dubbannaani kae, jara ufi woliini laga Kedroni jed'ani taake. Oobruti achi jira, Yesofi jari isaa achi d'aqani. Yudani, ka isa gurguruleeni fulla suni imbeekha, waan Yesoni maro heddu jara ufi woliini fulla suni d'aqeefi. Tanaafi Yudani askartiifi hojattu Mana Waaqa ta qaalole gugurdofi Farisayooni ergite, ta ifse heddufi miha lolatiini yaatu, guure gara oobru suni d'aqe. Yesoni waan isati d'ufa ch'ufa beennaani, worrati d'ufe waan jed'eeni, Eennu barbaaddani? Worri waan jed'eeni, Yeso Nazareti barbaanna. Yesoni, Ana jed'e. Yudaleeni ka isa gurguru worra woliini jira. Yesoni, Ana jennaani rifatani lafati jigani. Yesoni ammalle waan worraani jed'e, Isani eennu barbaaddani? Worri waan jed'e, Yeso Nazareti. Yesoni waan jed'e, Anini layu, Ana jed'e. Yo na barbaaddani, worri kuni ha yauti. Wonti inni akana jed'eefi aka dubbini inni duri jed'e, ta Aabbo, jara atini naa kennite keesaa tokole imballeesine jettu guutamtu. Jennaani Simoni Petroni goraade qalqala ufi keesa luqise, tisse qaallicha gudda d'ae, gurra mirgicha iraa kute. Maqaani tisse suni Malko. Yesoni waan Petroni jed'e, Goraade tante qalqalati deefad'u, mala keti, muudunu gaargala ta Aabbooni naa kenne anini ind'ugu? jed'e gaafate. Jennaani askartiifi namicha gudda worraatiifi hojattuuni Yahudiini ergite Yeso qabde hiite. Qara gara Anasi geesani. Inni abba niiti Kayafa, ka ganna suni qaallicha gudda tahe. Kayafani sunini kauma, Nami toko biyyaafi duu male jed'e Yahuditi hime. Simoni Petrofi nami Yeso toko Yeso gula yaani. Qaallichi guddaani namicha suni guddo fuula beekha, tanaafi inni Yeso woliini ch'icha qaallicha gudda gahe. Ammo Petroni karra dura ala eje. Namichi kaani ka qaallichi guddaani fuula beekhu gabahe, intala karra eeddu tokooni dubbate Petro olseensise. Intalti balbala eeddu taani waan Petroni jette, Atini nama nama kanatiyu? Inni waan jed'eeni, Hiyyo, ani nama isatiiniti. Hojattufi askartiini waan lafti d'aamoteefi ch'ile bobeesite d'aatu ejaanjite qanqamachuti jirti. Petroleeni worra woliini eje qanqamate. Jennaani qaallichi guddaani waan Yesoni jed'e, waan jara keetifi ka barsiisa teeti nati himi. Yesoni waan jed'eeni, Anini diideese nama ch'ufaati dubbad'e, anini guyya ch'ufa maneeni Waaqa iti kad'ataniifi Mana Waaqa gudda keesaleti fulla Yahudiini iti wolwoldeetuti barsiise, d'ossaani woma indubbanne. Maafi na gaafatta? Nama waan anini namaani jed'e d'agaye gaafad'u; worri waan ani jed'e imbeekha. Akasi jennaani askartiini isa bira ejitu toko Yeso d'abanaafte waan jetteeni, Ati akami qaallicha guddati akana dubbatta? Yesoni waan jed'eeni, Yo anini waan hamtu dubbad'e, waan hamtu suni d'ugeesi; ammo yo anini waan dansa dubbad'e maafi na d'abanaafta? Duuba Anasini Yeso ka hid'aansa qabu Kayafa qaallicha guddati erge. Ammalle Simoni Petroni akuma kaani oleje ibida qanqamate. Duuba, Atileeni nama isaatiiyu? jed'ani gaafatani. Inni mormate, Hiyyo, ani nama isatiiniti jed'e. Tisseeni qaallicha gudda toko, ka fiit'a nama Petroni gurra iraa kute kaani, waan jed'eeni, Ani oobru keesati isa woliini si ingarre? Petroni ammalle mormate, hojuma suni kormi lukuu iye. Jennaani ganama Yeso fulla Kayafati fuud'ani, gara mana Praitorio jed'ani geesani. Tatule worri ufi mana Praitorio oliinduunne, aka akasiini aada ufi dura yakani sagale Pasaka ind'amne. Pilatoni worrati gabahe waan jed'eeni, Nama kana maani isa himattani? Waan isaani jed'ani, Yo sila namichi kunini nama hama intahiini sitiini ind'umnu. Pilatoni waan jed'e, Isanumaani fuud'a, aada teesani gula qora. Yahudiini waan jetteeni, Aki nu nama ijeemnu fullaaniti. Tunini aka dubbini Yeso guutamtu, ta inni waan duisa ufi hime. Pilatoni mana Praitorio jed'ani ammalle seene Yeso yaame waan jed'eeni, Atini hayyu Yahuditi? Yesoni waan jed'eeni, Atini ufiini beete jette mo nama d'ibiti waan kiyya siti hime? jed'e gaafate. Pilatoni waan jed'eeni, Anini gosa Yahuditi? Gosa tantetiifi qaalole gugurdoti si natiini d'ufe, atini maani yakite? Yesoni waan jed'eeni, Hayyumti tiyya ta lafa tanaatiiniti; yo sila hayyumti tiyya ta lafa tanaa taate, hojattuuni tiyya naa kalchiti, aka anini harka Yahudi keesa inseene. Ammo hayyumti tiyya ta armatiiniti. Tanaafi Pilatoni, Atini hayyu re? jed'e gaafate. Yesoni waan jed'eeni, Atu hayyu ya naani jette. Maro waan kanatifi d'alad'e, maro waan kanatifi lafati d'ufe, aka waan kana d'ugeesu. Nami d'ugaa ch'ufti dubbi tiyya d'agaya. Pilatoni waan jed'e, D'ugaani waan akamiti kana? Akasi jennaani inni ammalle Yahuditi gadibahe waan jed'eeni, Anini waan hamtu isa irati tokole ingarre. Ammo isani aada toko qabdani, aka anini nama toko guyya Pasaka isanii hiikhu. Tanaafi aka anini hayyu Yahudi isanii hiikhu feetu? jed'e gaafate. Worri ammalle gohe waan jed'e, Isaaniti, ammo Baraba nu hiikhi. (Barabani suni shifta.) Jennaani Pilatoni Yeso fuud'e, Lichooni d'aana jed'e. Askartiini qoraati aka sure mid'aasite, mata isati marte; woya diimtu iti uyifte, iti d'iaatte, Hayyu Yahudi, Lubbuuni tante ha d'eeratuuti! jette d'abanaafte. Pilatoni dubbi tana d'ageennaani Yeso alati gadi baase fulla ch'icha d'akhaa jed'ani ta afaani Ebraniatiini Gabbatha jed'ani barch'uma qorsuma ira tae. Jennaani Yesoni, ka woya diimtufi sure qoraati qabu, alati gadi bahe. Pilatoni waan worraani jed'e, Nama kana ilaala! Qaalole gugurdofi askartiini isa arginaani ch'aarte waan jette, Olfannisi! Olfannisi! Pilatoni waan jed'eeni, Isanumaani fuud'a, olfannisa. Anini waan hamtu isa irati ingarre. Yahudiini waan jette, Nu seera qamna, seera keenna suni gula inni duu male, waan inni Ilma Waaqa ufiini jed'eefi. Pilatoni dubbi suni d'ageennaani haga qarale ira sodaate. Mana Praitorioti deebie waan Yesoni jed'e, Atini eesaa d'ufte? Ammo Yesoni dubbachu dide. Jennaani Pilatoni waan isaani jed'e, Na jalaa indubbattu atini aka anini jabeenna siini gad'iisufi ka siini hid'u qabu imbeetu? Yesoni waan jed'eeni, Sila jabeenna wo na tolchituuni inqabdu, yo Waaqi sii kenne male. Tanaafi nama harka kanketi na kenneeti ira daba qaba. Waan kanaafi Pilatoni isa gad'iisu fed'e, ammo Yahudiini ch'aarte waan jette, Yo nama kana gad'iifte atini jaala Kaisaritiiniti! Nami hayyu ufi tolchu ch'ufti nyaapa Kaisari. Pilatoni dubbi tana d'ageennaani Yeso alati gadi baase fulla ch'icha d'akhaa jed'ani ta afaani Ebraniatiini Gabbatha jed'ani barch'uma qorsuma ira tae. Guyyaani suni guyya waan jila Pasaka kureesani, ammalle lafti guyya gudda. Pilatoni waan Yahudiini jed'e, Hayyu keesani ilaala! Worri ch'aare waan jed'e, Armaa fuud'i, Armaa fuud'i, olfannisi! Pilatoni, Hayyu keesani olfannisa? jed'e worra gaafate. Qaaloleeni gugurdooni waan jetteeni, Nu hayyu d'ibi inqamnu, Kaisari male! Jennaani Pilatoni harka worraati kenne aka olfannisani. Jennaani worri Yeso iraa fuud'e. Inni maskali ufi baate deeme, haga fulla Buqe Mata jed'aniti, ta afaani Ebraniatiini Golgotha jed'ani. Achiti Yeso fannisani; isa woliini nama lama d'ibi, mirgafi bita isaa ka inni jiddu jiru fannisani. Pilatoni beesisa t'aafe, maskali isaa gararoti mat'ansani. Yeso Nazareti, hayyu Yahudi jed'ani t'aafani. Beesisa kana Yahudi hedduti soome, waan fullaani Yeso iti fannisani suni d'aatu dira tatefi. Ammalle afaani Ebraniatiifi ka Rumitiifi ka Grikileeni t'aafani. Qaaloleeni Yahudi gugurdooni waan Pilatoni jette, Hayyu Yahudi int'aafiini, ammo nami kunini, Anini hayyu Yahudi ufiini jed'e t'aafi. Pilatoni waan jed'eeni, Waan t'aafe yayu t'aafe. Askartiini Yeso fannimnaani woya isaa fuute fulla afuriti toko tokooni gargari qoodate, ammalle ubaara isaale ka hod'a inqamne fuud'ani. Duuba waan woliini jed'ani, Intarsaamnu ammo hit'a buufanne nama argatu ilaala jed'ani. Wonti kunini aka t'aafiini guutamtu ta, Woya tiyya gargari qoodatani, ubaara kiyyale hit'a buufatani, jette. Duuba askartiini waan kana tolchite. D'aatu maskali, haad'a Yesotiifi arera isatiifi Mariamu niiti Kleopatiifi Mariamu Magdaleneeti ejaanje. Yesoni haad'a ufitiifi namicha inni jaalatu kaani ka bira ejaanjani arge waan haad'a ufiitini jed'e, Ayo, ilma kanke ilaali. Jennaani inni waan namicha kaaniini jed'e, Haad'a te ilaali. Haga gaafasiti nami suni mana ufiti isi galche. Eegi suni Yesoni aka wonti ch'ufti guutamte beennaani, aka t'aafiini guutamtu waan jed'e, Anini d'eebu qaba. Fulla suni qori daad'i qabduti jira; duuba waan aka bututu laaftu toko daad'i taani keesa kayani, hokoti fannisani, afaani isaati geesani. Yesoni daad'i suni argannaani waan jed'e, La hobaate! Jennaani mataani gajed'e, lubbuuni keesaa baate. Yahudiini maro guyyaani suni guyya kurfeesa jed'aniifi aka reefi guyya Sabato maskali gubbaati inhamne, Pilato kad'ate, aka miila worraa ch'ach'absani reefa achi guurani. Waan guyyaani Sabato guyya jaba tatefi. Duuba askartiini d'at'e, miila nama qara kaani ch'absite, ka lameeso ka isa woliini fannisanile. Ammo fulla Yeso geennaani isa ch'iche argani, miila isa inch'absine. Taatule askartiini toko woraanani t'iit'a woraante jennaani d'iigafi bisaani baafatani. Nami waan kana arge la d'ugeese, dubbini isaa d'uga. Aka d'uga dubbatule inni imbeekha, aka isanileeni d'ugefattani. Wonti kunini aka t'aafiini guutamtu ta, Lafe isaa tokole inch'absani jette. Ammalle t'aafiini d'ibiini waan jettu, Biyyiti namicha woraanani daawatti. Eegi waan kana Yusufuni ka nama Arimathaya, gara Pilato d'aqe reefa Yeso kad'ate. (Yusufuni suniini nama Yesoti ammo maro Yahudi sodaateefi ufi d'osse.) Pilatoni ee jennaani inni d'aqe reefa fuud'e. Nikodemoni ka halkaniini Yesoti d'ufe qayya haga kiilo sodoma qumbiifi hargeesa wolti naqe d'ufeeni. Worri duuba Yeso fuud'e aka aada Yahudi ta hojja nama awaalani, booftani mamare qumbiifi qayya iti naqe. Fulla isa fannisani suni oobruti jira; oobru suni keesa awaala haraati jira, ka taka nama iti inawaaliini. Maro guyya Kurfeesa Yahuditiifi, ammalle waan awaali suni d'io jiruufi, achiti Yeso awaalani. Guyya qara ka torbaani suni, Mariamu Magdalene, ato lafti imbariini, ganamaani gara awaala d'at'e, d'akha awaala ira gangalchani argite. Jennaani isiini utaalte, gara Simoni Petrofi namicha Yesoni jaalate kaani d'at'e waan jetteeni, Aabbo ya awaala keesaa fuud'ani, ammalle fulla kayani nu imbeennu jette. Jennaani Petrofi namichi kaani gara awaala d'aqani. Worri lachu woliini orie, ammo namichi kaani Petro qolche, durati awaala gahe. Gajed'e, keesa ilaale, woya boofta ta lafa teetu arge, ammo awaala keesa inseenne. Jennaani Simoni Petroni isa gula d'ufe, awaala keesa seene, woya boofta ta achi teetufi. Surele ta qara matati marani arge. Sureni suni woya boofta woliini injirtu ammo wolti dachaasani koba kayani. Jennaani namichi kaleeni, ka durati awaala gahe, keesa seene arge d'ugefate. Worri qara t'aafi, ta Yesoni duisa keesaa kau male jettu inhubanne. Jennaani jari Yeso suni kae mana ufiti gale. Ammo Mariamuni awaala bira ejite boote. Duuba ato bootu, isiini gajette awaala keesa millatte, malaika lama ta woya adaadi uyifatte teteetu agarte, toko gama mata, taleeni gama miila, fulla qara reefi Yeso ch'iisu. Worri waan isiini jed'e, Intala, maafi boota? Isiini waan jetteeni, Aabbo Yeso ya armaa fuud'ani, fulla isa kayanile anini imbeekhu jette. Waan kana jennaani ufira mich'iramte Yeso oleju argite; ammo aka inni Yeso inhubanne. Yesoni waan isiini jed'e, Intala, maafi boota? Eennu barbaadda? Isiini nama oobru eegu isa seete waan jetteeni, Aabbo, yo atini isa armaa fuute, fulla isa keete nati himi, d'aqe isa fuud'a. Yesoni, Mariamu! jed'eeni. Isiini mich'iramte, afaani Ebraniatiini, Rabboni! isaani jette. (Rabboni jechaani Aabbo jechu.) Yesoni waan isiini jed'e, Naa inqabatini, anini qara gara Aabbo olindeemne. Ammo gara oboleyaani tiyya d'aqi waan jettuuni, Anini gara Abba kiyyatiifi Abba keesani, gara Waaqa kiyyatiifi gara Waaqa keesani oldeema, jed'i iti himi jed'e. Mariamu Magdalene gara jara isaa d'at'e, Anini yayu Aabbo arge jetteeni, ammalle waan inni isiini jed'e worrati himte. Galgaluma guyya suni, guyya qara ka torbaani suni fulla jari ergattuuni Yeso jiru ka maro soda Yahuditiifi balbalti ch'ufaansa qaabdu Yesoni d'ufe, jiddu worra keesa eje waan jed'eeni galchuumi isani nagayaa? Akasi jennaani, inni harkafi t'iit'a ufi agarsiise. Jari isaa Aabbo arginaani guddo gammade. Jennaani Yesoni ammalle waan jed'eeni, Nageenni isani bad'aad'a? Akuma Aabbooni na erge anileeni isani erga. Akasi jennaani, inni hafuura ufi worraa kenne waan jed'eeni, Lubbu Qulqullo argad'a. Nama isani daba araaramtaniifi ch'ufa inaraaramaniifi; ka isani araaramufi diddani ch'ufti araarama inargatu. Ammo Tomasoni ka laku jed'ani ka jara kud'ani lamaani keesa jiru gaafa Yesoni d'ufe, worra woliini injiru. Duuba jari kaani waan jed'eeni, Nu la Aabbo argine. Ammo inni waan worraani jed'e, Yo anini harka isaa keesa gadaanisa musumaraa arge, quba kiyya fulla musumaraani woraane ke kaye, harka kiyyale t'iit'a isaa keesa kaye male, diqo haganale ind'ugefad'u jed'e. Eegi torbaani toko, ka jari isaa ammalle mana keesa jiru, Tomasoleeni achi jira. Balbalti ch'ufaansa qabdi, ammo Yesoni d'ufe, jiddu worraa keesa eje waan jed'eeni, Galchuumi isani nagaya? Jennaani inni waan Tomasoni jed'e, Quba kanke achi asi gaqabad'u, harka kiyya ilaali; ammalle harka kanke asi gadi d'eerefad'u, t'iit'a tiyya keesa kayi. Ind'areefatiini, ammo d'ugefad'u! Tomasoni, Aabbo kiyyafi Waaqa kiyya! jed'eeni. Yesoni waan jed'eeni, Atini na arginaani d'ugefatte? Ayyaana worra ka ato inargiini d'ugefatu jed'e. Yesoni akheekha d'ibi heddu jara ufi durati tolche, ka kitaaba kana keesati int'aafini. Ammo haga kana ya t'aafani, aka isani aka Yesoni Kristo Ilma Waaqa d'ugefattani, d'ugefannaani aka maqa isatiini jireenna argattani. Eegi waan kana Yesoni ammalle fulla galaana Tiberia jed'aniiniti jara ufiti ufi agarsiise. Aki inni ufi agarsiise akana. Simoni Petrofi Tomaso ka Laku jed'aniifi Nathanieli ka dira Kana ka lafa Galilayatiifi, ilmaani Zebedayotiifi jari isaa lama d'ibiini woliini jirani. Simoni Petroni waan worraani jed'e, Anini qurt'umi guuru d'aqa. Worri waan jed'eeni, Nuleeni si gula yaana. Duuba worri kae, hobolo duude: ammo halkani suni woma tokole inarganne. Lafti bariinaani, Yeso moga galaana eju argani, ammo jari isaa aka inni Yeso inhubanne. Jennaani Yesoni waan jed'eeni, Isii d'iiro, waan nyaatani qabdu? Worri, Inqamnu jed'e. Inni waan worraani jed'e, T'urura hobolo gama mirgati buusa, inargattani. Jennaani worri buuse, olfuud'u dad'abani, maro qurt'umiini heddu taateefi. Duuba namichi Yesoni jaalatu kaani waan Petroni jed'e, Nami sunini Aabbo! Simoni Petroni aka inni Aabbo d'ageennaani, woya ufi uyifate inni qara qulla galaana ke bue. Jari kaani t'urura qurt'umi miju hirkise, hobolo taani ke d'ufe. Qara lafa ira fago injirani, ammo malaafi ejata d'ibba toko ch'alla. Lafa godduni baanani ibida ch'ile qabu, qurt'umi ibida ira kayanifi, qit'ale argani. Yesoni waan worraani jed'e, Qurt'umi reefu qabdani armaani koota. Duuba Simoni Petroni hobolo seene t'ururu qurt'umi gugurdo d'ibbaafi shantami sadi qabu mogati hirkise, ato qurt'umiini akasi heddu taatele t'ururaani inch'inne. Yesoni waan worraani jed'e, Koota buud'o baafad'a. Jara isaa keesa tokoleeni ka garaa jabaate, atini eennu jed'e gaafate injiru wonti akanatiifi worri aka inni Aabbo ya beekhe. Yesoni d'ufe, qit'a fuud'e worraati kenne; qurt'umile akasuma kenne. Kunini amma maro sadeeso ka Yesoni jara ufiti mullate, eegi duisa keesaa isa kaasani. Buud'o baafannaani, Yesoni waan Petroni jed'e, Simoni ilma Yohana, worra kana ira naa jaalatta? Petroni waan jed'eeni, Ee Aabbo, aka anini si fed'u atini imbeeta. Inni waan jed'e, Ilmoole hooliye tiyya nyaachisi. Maro lameeso inni waan jed'eeni, Simoni ilma Yohana, naa jaalatta? Inni waan jed'eeni, Ee Aabbo, aka anini si fed'u atini imbeeta. Inni waan jed'eeni, Hooliye tiyya tissi. Ammalle maro sadeeso Yesoni waan jed'eeni, Simoni ilma Yohana, Atini naa feeta? Petroni garaa ufi keesati lalefate waan inni maro sadeeso, Atini naa feeta? jed'eefi. Inni waan jed'eeni, Aabbo, atini waan ch'ufa imbeeta, aka anini si fed'u imbeeta. Yesoni waan jed'eeni, Hooliye tiyya nyaachisi. D'uguma, waan anini siini jed'u, Gaafa kaimooma keti mart'ifatte gara feetu deemte; ammo gaafa jaartu harka kanke d'eerefatte, nami d'ibiini si hid'e gara atini imfeene si geesa jed'e. (Wonti inni dubbi tana jed'eefi, aka duisa Petroni durana duuni Waaqa guddisu himu.) Akasi jennaani Yesoni, Na gula kooti jed'eeni. Petroni garagale namicha Yesoni jaalatu ka Yeso gula deemu arge. (Namicha suni ka gaafa guyya eege Yesoni sagale jara ergattu isaa woliini nyaate, bobaa Yesoti hirkate Aabbo, eennu ka si gurguru? jed'e gaafate.) Petroni isa arginaani waan Yesoni jed'e, Aabbo, yoosi, nami kunini maani taha? Yesoni waan jed'eeni yo anini isa haga anini deebiuti na eegu fed'e, atini maani iraa qabda? Iyaaliini anuma gula kooti. Jechi sunini jara Yeso ch'ufa gahe, ammo worri inhubanne, waan nami suni indoone sehe. Ammo Yesoni inni induu injenne, ammo wonti inni jed'e yo anini aka inni haga anini d'ufuti na eegu fed'e atini maani iraa qabda? Kunini nama waawaawaan kana d'ugeesu, ka waan kana t'aafe; aka dubbini isaa d'uga nu imbeenna. Ammalle waan heddu d'ibiti jira ka Yesoni tolche. Yo sila ch'ufa t'aafani, mala kiyya, laftileeni kitaaba hagasi ch'ufa dandeete imfuutu. Ee Theofilo kitaaba qara keesati anini waan Yesoni tolcheefi, waan inni barsiise ya sii t'aafe, haga inni huji ufi iti keyate asi, haga inni gubbati oldeebie. Ato gubbati oliindeebiini, inni jabeenna Lubbu Qulqullotiini jara qara fohate ergattu tolfateti d'aame. Inni eegi due guyya afurtama maro heddu ergattu ufiiti mullate aka aka jiru worra ufi agarsiisu, aka nami dandae ind'aarefanne, worri isa arge inni waan Finna Waaqa worrati hasae. Worri woli woldeennaani, inni seera ufi worrati kenne waan jed'eeni, Yerusalemu keesaa imbahiina, ammo qarqaarsa Aabbooni isanii kennu, ka anini qara isaniti hime eegad'a. Yohanani bisaaniini isani batise, ammo eegi bulti diqo toko isani Lubbu Qulqullooni batifamtani. Ergattuuni wolwoldeete waan Yesoni jette Aabbo, atini ammatana guddinna lafa tana Israeliti deebifta? Yesoni waan worraani jed'e, Guyyafi ganni ka Aabbooni fohate harka isaa ke jira, waan isani beekhu himmalini. Ammo eegi Lubbuuni Qulqullooni isani ira buute jabeenna argattani, Yerusalemufi Yudeafi Samaria keesafi haga muumme lafale ch'ufa na d'ugeesitani. Eegi inni dubbi tana dubbate, ato worri ilaalu, inni gubbati oldeebie, dumansi isaani dura isa d'osse. Ato worri ammalle tae gubba ilaalu, jari lamaani toko, ka woya adaadi qabu, worra bira ejaanje. Jari kaani waan jed'e, D'iiro, worra Galilaya, isani maafi ejaanjitani gubba ilaaltani? Yesoni kuni, ka isani bira gubbati oldeebie, akanuma eegi tana deebia, aka isani isa gubba deemu argitani kana. Jennaani ergattuuni gaara ejersa, ka d'aatu dira Yerusalemu, biraa yaate kaate dirati dachaate. Achini baanaani, Petrofi Yakobofi Yohanafi Andareafi Filipofi Tomasofi Bartholomayofi Matayofi Yakobo ilma Alfayofi Simoni Zelotefi Yudani ilmi Yakobo d'aqani mana qara kee taani kaaniti dachaani. Worri kunini ch'ufti nad'eenifi Mariamu haad'a Yesotiifi oboleyaani isaa woliini garaa tokooni Waaqa kad'ate. Eegi bulti diqo, Petroni jiddu oboleyaani keesa olejate (ka worri ch'ufti wolti nama d'ibba tokofi diddama) waan jed'eeni, Oboleyaani tiyya t'aafiini tuni ta Lubbuuni Qulqullooni, afaani Dauditini waan Yuda ka worra Yeso qabe Yesotiini d'ufe fadde guutamu malte. Wonti akanatiifi Yudani qara namuma keenna ka nu huji taka woliini hojanne. (Yudani hori inni dabaani argate kaaniini eegi oobru bitate, lafati jige, garaani tarsae, marumaani ch'ufti keesaa buani. Nami Yerusalemu jiru ch'ufti waan kana d'agaye, afaani worratiini oobru suni maqa Akeldama iti baasani, akasi jechaani oobru d'iiga jecha.) Wonti akanatiifi kitaaba Faaru keesati t'aafani waan jettu, Mani isaa ha ona tahu, nami tokoleeni iti ingaliini. Ammalle nami d'ibiini ha huji isaa fud'atu jed'ani. Duuba worri nama lama maqa d'ae; toko Yusufu, ka Barsaba jed'ani, ka maqaani lameeso Yusto; ka lameeso Mathiya. Jennaani Waaqa kad'atani waan jed'ani, Aabbo, atini garaa nama ch'ufa imbeeta. Nama atini fohatte, jara lamaani kana keesa nu garsiisi, aka inni huji tana keesa qooda argate ergattu tahu ta Yudani lakise fulla isaa malte biraa deeme. Jennaani hit'a buusani, hit'aani Mathiya ira bue, inni ergattu kud'ani tokoti darame. Guyyaani Pentekoste geennaani, worri ch'ufti garaa tokooni fulla tokoti wolwoldae. Maro tokotu wonti aka bubbe bubbiftu toko gubba gadi buute mana worri keesa tatau kaani guutte. Wonti araba ibida fakaatta toko worrati mullatte worra ch'ufa ira teete. Worri ch'ufti Lubbu Qulqullooni guutamnaani, afaani d'ibi dubbachu iti keyatani, aka Lubbuuni worra dubbachifte gula. Yerusalemu keesa Yahuditi jira, worra aada guutu, ka lafa ch'ufaa d'ufe. Qonqo tana d'ageennaani biyyiti guddo mamte wolti baate, nami ch'ufti ergattu afaani worraa dubbattu d'agaye. Nami ch'ufti guddo maadefate waan jed'ani, Me ilaala, worri dubbatu kunini ch'ufti worra Galilayatiyu? Nu ch'ufti akami worra kana ka afaani keenna ka nu iti d'alanne dubbatu d'ageenna re? Nu worra Parthi, worra Medi, worra Elami; ammalle ka lafa Mesopotamia, ka Yudea, ka Kapadokia; worra Ponto, ka Asia, ka Frigia, ka Pamfilia, ka lafa Misiri, ka lafa Libia ta Kirene d'iaattu. Nu nami gari worra Rumiti, Yahudifi gosa d'ibile ta aada Yahudi iti gale; ammalle nama lafa Kretefi lafa Arafti — ammo nuuni ch'ufti worra huji Waaqa ta mama afaani keennaani dubbatu d'ageenna! Worri ch'ufti guddo mame, mid'aafachu dad'abani waan woliini jed'ani, Wonti kunini maani? Nami gari goyeese waan jed'e, Jari kunini farso haraa d'uge machae. Ammo Petroni jara kud'ani toko kaani woliini olejate qonqo olfud'ate waan gumiini jed'e, Worra Yudeatiifi ka Yerusalemu ke tau, dubbi tiyya ch'aqasa. Jari kuni imachoomne, dubbini akasiiniti; wonti akanatiifi ammiti saa sadi ka diiramaati. Ammo tunini waan raagi Yoelini dubbate, Waaqi waan jed'u, Guyya muumme anini akana tolcha: Anini Lubbu tiyya nama ch'ufa ira buusa; ilmaani teesani ta d'iiratifi ta uwaleeni imfaddi, kaimi keesani daayya arga, jaaroleeni teesanileeni oobju oobjatti. Anini tissele tiyya ta d'iiratifi ta uwale Lubbu tiyya ira buusa, duuba imfagani. Anini waan mama gubbati agarsiise, lafa keesaleti akheekha agarsiisa: D'iigafi ibidafi aarati lafati bua. Aduuni indukanoofti, jiileeni aka d'iiga diimata, ato guyyaani guddaani jabaani Aabbo ingahiini. Yoosi nami maqa Aabbo yaamatu ch'ufti imbaafama. Dubbi tana d'agaya, worra Israeli! Yeso Nazareti, nama Waaqi fohate, waan mamatiifi huji jabdufi akheekha Waaqi isa keesa tolcheeni isani agarsiise, aka isani beetani, waan wonti kunini jiddu teesani keesa taateefi. Waaqi, fed'ifi beekhuma ufi gula, ya aka Yeso harka keesaniti kennani buufate; isani isa fanniftani, harka nama dabaatiini ijeeftani. Ammo Waaqi isa kaase, gaargala duisa keesaa isa baase, waan dooti dandeete isa indabsanneefi. Wonti akanatiifi Daudini waan isaa dubbate waan jed'e, Anini guyya ch'ufa Aabbo fuula kiyya durati arga, inni harka kiyya ka mirga jira, aka anini inchochoone. Tanaafi garaani kiyya maache, arabi kiyyaleeni guddo gammada; nafi kiyya abdiini taa. Woni akanatiifi atini lubbu tiyya fulla ekherati illakiftu, yokhaani aka hojattuuni tante shamu atini ee injettu. Atini kara jireenna ya na barsiifte, yo fulla tante jiru anini gammada qabu. Oboleyaani tiyya, anini waan jaarsa Daudi qulqulleese isaniti dubbachu male. Inni ya due awaalani, awaali isaa haga guyya kanale arma fulla teenna jira. Inni raaga, waan Waaqi isati kakhate imbeekha: Waaqi isati kakhate aka d'aloota isaa keesa nama toko aka isaa hayyu tolchu. Daudini, waan Waaqi kakhate arginaani waan kaisa Kristo fage waan jed'e, Fulla ekherati isa illakimne, nafi isaa inshamne. Waaqi ya Yeso kana duisa keesaa kaase, nu ch'ufti d'uga waan kanaati. Ya harka mirgicha Waaqati olfuud'ani, inni Lubbu Qulqullo isa ira argate, akuma Abbaani kakhate; wonti isani amma argitani d'ageettani kunini qarqaarsa inni nuu kenne. Daudini ufi gubba ind'anne, ammo inni waan jed'e, Aabbooni waan Abba kiyyaani jed'e, Harka kiyya ka mirga tai, haga anini nyaapa kanke barch'uma miila kanketi tolchuuti. Nami Israeli ch'ufti ha hubatuuti, aka Waaqi Yeso kana ka isani mukhati fanniftani Aabboofi Kristo tolche! Biyyiti waan kana d'ageennaani guddo rifatte sodaatte waan Petrofi ergattu taaniini jette, Nu maani taana, oboleyaani? Petroni waan jed'eeni, Daba iraa deebia, isaniini ch'ufti maqa Yeso Kristotiini batifama, aka daba keesani isanii araaramani; duuba qarqaarsa Waaqa ka Lubbu Qulqullo argattani. Kakhu Waaqa isanifi ilmaani teesani kakhatani, ammalle ta eegi tana d'alattule — worra Aabbo Waaqi keenna ufiiti yaamu ch'ufa. Petroni dubbi tanaafi ta d'ibileeni worra gorse waan jed'e, Gaargala d'aloota hama kanati d'ufu duraa ufi baasa! Nami hedduuni dubbi isaa d'ugefate batifame, nami haga kunki sadi gumiti darame. Guyya ch'ufa ergattu ira wo baratani, woldeenna woliini tolchani, qit'a Waaqa ch'absani, woliini nyaatani Waaqa woliini kad'atani. Ergattuuni waan mamatiifi akheekha heddu tolchite, tanaafi nami ch'ufti sodaate. Worri d'ugefate ch'ufti wold'aqe waan ch'ufa woliini tolche woliini qoodate. Hori yo gurgurani nami ch'ufti akuma woli ira gaargala qabuuni gargari qoodata. Guyya ch'ufa Mana Waaqa keesati wolwoldaani sagale mana woli keesati nyaatani garaa gammadatiifi d'ugaatini woliini taani, Waaqa faarsani, biyyiti ch'ufti worra jaalatte. Guyya ch'ufa Aabbooni nama baafamu gumiti dare. Guyya toko Petrofi Yohanani saatiini kad'achaa geennaani qit'e saa sagali Mana Waaqa woliini d'aqani. Nama toko ka haguma d'alate miili naafateeti jira. Guyya ch'ufa isa fuud'ani, fulla balbala Mana Waaqa ta mid'aadu jed'ani kayani, aka inni nama Mana Waaqa seenu hori kad'atu. Inni Petrofi Yohana Mana Waaqa seenani arginaani woi kad'ate. Petrofi Yohanani isa sonaani ilaalani waan jed'aniini, Nu ilaali! Inni aka woi ira argatu worra ilaale. Petroni waan jed'eeni, Shilingifi worqi sii kennu inqabu, ammo waan qabu sii kenna: maqa Yeso Kristo ka Nazaretitiini kai deemi. Petroni harka mirgicha isaa qabe oli kaase. Hojuma suni faanafi koometuuni isaa jabaatte, inni olch'ee ejate deeme. Jennaani worra woliini Mana Waaqa seene, olch'ech'ee Waaqa faarse. Nami ch'ufumaanu isa deeme Waaqa faarsu arginaani, aka inni nama balbala Mana Waaqa ta Mid'aadu jed'ani dura tae woi kad'atu beennaani, waan inni tahe kana guddo mamani maadefatani. Ato namichi kaani Petrofi Yohana qabate olch'ech'eu, nami ch'ufti mame balbala Solomoni jed'aniti wolwoldae. Petroni waan kana arginaani waan biyyaani jed'e, Worra Israeli, maafi waan kana mamtani sonaani nu ilaaltani, aka waan nu jabeenna keennaani yokhaani qulqullooma keennaani nama kana fayyimne? Waaqa Abrahamutiifi ka Isaaqotiifi ka Yakobotiifi Waaqa aabbooti teennati jabeenna Hojattu isaa Yesoti kenne. Isani harka jara gugurdati isa kennitani Pilato durati isa mormattani, eegi Pilatoni isa lakisu fed'ele. Inni qulqullofi dansa, ammo isa diddani Pilato kad'attani aka algala toko isani hiikhani, Abba Jireenna ijeeftani. Ammo Waaqi duisa keesaa isa kaase, nu d'uga waan kanaati. Jabeenna maqa isati namicha naafa kana fayyise. Waan isani argitani d'ageettani kana jabeenna maqa isaatiini tolchani. D'ugefacha inni Yeso d'ugefateti namicha kana isani durati fayyise. Duuba, oboleyaani tiyya, anini imbeekha, aka wonti isanifi jaaroleeni teesani Yeso tolchite daalluma. Waaqi waan duri afaani raagootatiini hime, aka Kristoni gaargalu male, akanaani guute. Tanaafi daba iraa deebia, Waaqaati fuula deefad'a, aka inni daba isani iraa d'iqu, jabeenni Lubbu Qulqullo Aabbo iraa d'ufa innileeni Yeso Kristo ka qara isanii fohate erga. Inni gubba tau male, haga waan ch'ufa hareesa tolchaniiti, akuma Waaqi afaani raagoota isaa qulqullotiini duri hime. Wonti akanatiifi Musani waan jed'e, Aabbo Waaqi keesani raaga isani erga, akuma inni na erge, gosa teesani keesa. Waan inni isaniini jed'u ch'ufa ch'aqasu maltani. Nama waan raagi sunini jed'u inch'aqamne gumi Waaqa keesaa baasani balleesani. Raagooti ch'ufti, Samuelifi worri eegi isaa d'ufeleeni, waan guyya kana dubbate. Kakhuuni Waaqi afaani raagootatiini kakhate teesani, isanileeni wold'aqisa Waaqi abbooti teesani woliini tolche qoodattani. Akuma inni Abrahamuuni jed'e, D'aloota keetiini anini nama lafa ch'ufa eebisa. Tanaafi Waaqi isa fohate, Hojattu ufi qara isaniti erge, aka isani eebise kara keesani hama ira isani gorsu. Ato Petrofi Yohanani taani gumiini hasaanu, qaalolefi namicha gudda Mana Waaqatiifi Sadukayoni worrati d'ufani. Duuba Waan Petrofi Yohanani maro kaisa Yesotiifi, Nami due inkaa jed'ani barsiisaniifi, Petrofi Yohana qaqabani mana hid'aansa keesa kayani, waan lafti galgalooftefi haga boriyya achuma keesati lakisani. Taatule nami dubbi suni d'agaye hedduuni d'ugefate; nami d'iira ka d'ugefate haga kunki shani. Boriyya jara gugurda Yahuditiifi jaarolefi jari Seera beekhu Yerusalemu keesati, Anasi Qaallicha Guddafi Kayafafi Yohanafi Iskandafi worra d'ibi ka fiit'a Qaallicha Guddatini wolwoldaani. Petrofi Yohana jiddu worra keesa d'aabani waan jed'aniini, Humna tamiini yokhaani maqa eenutiini waan kana tolchitani? Jennaani Petroni Lubbu Qulqullooni guutamnaani waan worraani jed'e, Shumootaafi jaarole gosa Israeli, Yo isani guyya kana waan huji dansa ta nu tolchine, namicha naafa kana fayyimne nu qortani, isaniini ch'ufti beekhu maltani, ammalle gochiti Israeli ch'ufti hubachu malte, namichi kunini jabeenna maqa Yeso Kristo Nazareti, ka isani ijeeftani Waaqi duisa keesaa kaaseeni fayya ufitiini isani dura eja. Yesoni kuni sunuma ka t'aafiini waan isaa dubbatte waan jettu, D'akhaani isani ijartuuni tuffattani ya d'akha jaba tahe. Bahisi isa ch'alla keesa jira, nami d'ibiini ka Waaqi namaa kenne lafa keesa injiru, ka nu dandeenne baanuuni. Jaaroleeni kora jannooma Petrofi Yohana arginaani, ammalle aka worri woma insoomiini hubannaani mamte, aka worri Yeso woliini tae beekhani. Waan dubbatani d'abani, maro namicha fayyisani kaani, ka Petrofi Yohana bira eju, arganifi. Tanaafi, Hasaa qamna, fulla korati yaa worraani jed'ani, wolmariatani waan woliini jed'ani, Worra kana maani tolchina? Nami Yerusalemu keesa jiru ch'ufti aka worri kuni waan mama kana tolche quba qaba, nu dandeenne imorminu. Ammo aka nama ch'ufa waan kana d'agayu d'owarru, koota, worrati seera, aka guyya d'ibi maqa kanaani nama imbarsiimne. Petrofi Yohana yaamani iti seeraani, aka maqa Yesotiini maro d'ibi nama imbarsiimne. Ammo worri waan jed'eeni, Isaniyu ilaala, dubbi teesani mo ta Waaqa ch'aqamna? Wonti akanatiifi nu waan d'ageenne argine kana d'ossu indandeenu. Duuba kori kaani maro nami ch'ufti waan argeefi Waaqa faarseefi, waan worra tolchu d'abe iti seere galakise. Namichi fayyisani kaani ganni isaa afurtama ira jira. Eegi gallakisani, worri gumiti dachae, waan qaalole gugurdofi jaaroleeni worraani jette ch'ufa gumiti hasaani. Duuba gumiini suni waan kana d'ageennaani, garaa tokooni Waaqa kad'ate waan jette, Aabbo gudda, atini Waaqa lafafi gubba uume galaanafi waan keesa jira ch'ufale uumte. Atini afaani tisse tante, abba keenna Dauditini dubbatte waan jette, Gochiti d'ibiini maafi dalante, yokhaani biyyiti maafi ufumaa wo heredde? Hayyooti lafa ch'ufa kurfefatte, jari lafa fidu wold'aqe, aka Aabboofi Kristo isaa ijeesani. Dira kana keesati Herodefi Pontio Pilatoni gosa d'ibiifi gosa Israelitiini wold'aqani, aka Yeso, hojattu tante qulqullo, ta atini Kristo tolchite ijeesani. Worri wold'aqe aka waan ch'ufa ka atini harka kanketiifi fed'i tantetiini qara buufatte tolchani. Ammatana, Aabbo, dubbi worri nuuni sodaachiisu tana ch'aqasi, aka tisseleeni tante jabaatte soda male dubbi tante dubbattu tolchi. Harka kanke d'eerefad'u, nama fayyisi, aka akheekha waan mama maqa Hojattu tante qulqullo Yesotiini tolchani. Eegi Waaqa kad'atani, fullaani worri iti kad'atu chochoote, worri ch'ufti Lubbu Qulqullooni guutame, soda male dubbi Waaqa dubbatani. Gumiini d'ugefatte suni ch'ufti nama garaa tokotiifi qalbi tokoti. Nami tokoleeni waan qabuuni kiyya injenne, ammo waan qabani ch'ufa gargari qoodatani. Jabeenna guddaani waan kaisa Aabbo Yeso odeesani, Waaqileeni guddise worra eebise. Nami tokoleeni ka gaargala qabu worra keesa injiru. Nami oobru yokhaani mana qabu, ch'ufa gurgure, hori suni ch'ufa guure, harka ergattuti kenna; duuba hori kaani nama ch'ufaa gargari qoodani. Namichi toko ka Yusufu jed'ani, ka ergattuuni Barnaba jettuuni (Nama nama jabeesu jechu), ka gosa Lawi, ka lafa Kipro, oobru ufi gurgure, hori suni d'ufeeni harka ergattuti kenne. Ammo namicha toko jira, ka Anania jed'ani, niitiini isaa Safira. Inni oobru toko gurgurate, hori haga gari, ka niitiini isaa beetu, hambifate, ka hafe kaani ergattuti kenne. Petroni waan jed'eeni, Anania, Sheet'ani maafi garaa kanke keesa seene, atini Lubbu Qulqulloti kiyyibde, hori argatte gama toko hambifatte? Eegi oobru suni ingurguriini tanteti, gurgurraanile horiini kanketi. Atini maafi garaa kanke keesati aka waan kana tolchitu qulqulte? Atini nama insoomne ammo Waaqa sobde! Akuma waan kana d'agayeeni, Ananiani jige due; nami waan kana d'agaye ch'ufti sodaate. Jari kaima toko d'ufe, reefa isaa woyaani mamare d'aqe awaale. Eegi saa sadifa niitiini isaa, ta waan kana tokole quba inqamne, mana olseente. Petroni waan isiini jed'e, Me nati himi, oobru suni woma kanati gurgurtani? Isiini waan jetteeni, Ee, woma suniti, gurgurre. Duuba Petroni waan jed'eeni, isani akami aka lubbu Aabbo sobdani wold'at'ani? Me ilaali, miili jara d'iirsa kanke awaale ammalle fulluma balbala jira, sile imfuud'ani. Isiini hojuma suni miila isaa durati jidde doote. Jari kaima kaani olduunnaani isi doote argani duuba baatani d'aqani d'awatu d'iirsa isiti awaalani. Gumi Waaqatiifi nami waan kana d'agaye ch'ufti guddo sodaate. Harki ergattu akheekhafi waan mama heddu gumi keesati tolche. Worri ch'ufti garaa tokooni balbala Solomoni jed'aniti wolwoldae. Biyyiti ch'ufti waan dansuma worraa dubbate, ammo maro sodaatiifi nami tokoleeni worraati daramu dad'abe. Ammo nami hedduuni, d'iirafi nad'eenileeni d'ugefannaani gumi Aabbooti darame. Maro waan kanatifi nama fayyad'abe sireefi itile ira ch'iifsisani karaati geesani, aka yo Petroni achi dabru gandiduni isaa worra ira baatu. Nami hedduuni Yerusalemufi dira d'awatu Yerusalemuti yae, nama fayyad'abefi ka jinni hamtu qabu worratiini d'ufani; nama ch'ufa fayyisani. Qaallicha Guddafi nami isa woliini jiru ch'ufti, ka goli Sadukayo, guddo ergattu qot'isani, ergattu guurani, mana hid'aansa keesa naqani. Ammo malaikaani Aabbo toko d'ufte, halkani balbala bante, worra hid'aansa keesaa yaafte, waan jetteeni, Beena, Mana Waaqa d'aqa, dubbi jireenna hareesa kana hasaa, nama barsiisa. Akasi d'ageennaani worri Mana Waaqa ganamaani duude nama barsiise. Jennaani Qaallicha Guddafi waheli isaa ch'ufti d'ufani, jaarole kora wolti yaamani, akasi jechaani jaarole ch'ufa ta gosa Israeli jecha; duuba nama mana hid'aansati ergani, ergattu yaamani. Ammo shumooti d'ufte mana hid'aansa keesaa worra d'abde, gara jaarole koraa d'at'e iti himte waan jette, Yo nu mana hid'aansatiini baane, balbala hid'aansa qabdu agarre, askarti eedule agarre, ammo balbala banannaani nama tokole keesa d'amne. Gudda Mana Waaqatiifi qaaloleeni gugurdooni waan kana d'ageennaani waan ergattuuni taate guddo mamte. Jennaani namichi toko d'ufe waan worraani jed'e, Ilaala, jari isani mana hid'aansa keesa nat'ani, Mana Waaqa keesa ejaanje biyya barsiisu jira jed'e. Jennaani namichi gudda Mana Waaqa askarti woliini ergattu fuud'u d'aqe, ammo irreeni infuune laanuma fuud'ani, wonti akanatiifi worri waan biyyiti d'akhaani d'aantu sehe sodaate. Eegi d'ufaniini jaarole kora dura d'ad'aabani, Qaallichi Guddaani worra gaafate waan jed'eeni, Nu ya aka isani maqa kanaani imbarsiimne isaniti seereeyu? Ammo isani ya Yerusalemu dubbi tanaani guuttani, ammalle d'iiga nama kana mata keenna ira kayu feetani! Ammo Petrofi ergattuuni d'ibiini waan jetteeni, Nu nama ira Waaqa ch'aqasu malle. Waaqi ababoota teenna, Yeso ka isani ijeeftani mukha irati fanniftani kaase. Waaqi la harka mirgicha ufitiini isa guddise, aka inni Gudda keennafi Qarqaarsa keenna tahe, gosa Israeli daba iraa deebise araarama worraa kennu. Waan kana nuleeni isaa d'uga, nufi Lubbuuni Qulqulloleeni, ta Waaqi worra isa ch'aqasu kennu. Waan kana d'ageennaani garaani isaani guddo gubate, aka ergattu ijeesani mariatani. Ammo namichi Farisayo toko, ka Seera beekhu, ka nami ch'ufti saadu, ka Gamalieli jed'ani, kora jaarole keesati olejate, Ergattu diqo toko alati baasa jed'e. Jennaani waan jaaroleeni jed'e, Isani worra Israeli, waan jara kana tolchitani eegad'a. Duri namichi toko ka Theuda jed'ani, ka nama gudda ufi sehe, d'ufe, nami haga d'ibba afuri isati mataqe. Ammo isa ijeesani, jennaani nami isa gula yae ch'ufti gargari firfirfame. Eegi nama suni, bara maqa nama t'aafani kaani namichi Galilaya toko ka Yuda jed'ani, nama heddu ufiti yaame. Ammo isale ijeesani, ammalle nami isa gula yau ch'ufti gargari firfirfame. Tanaafi amma waan anini isaniini jed'u, Jara kana hanqad'a, lakisa. Yo dubbi tanaafi hujiini tuni ta namaa taate inuma baddi; ammo yo ta Waaqaa taate balleesu indandeetani. Hegeri isani Waaqaani morkitanifa. Worri dubbi isaa quufe, ergattu yaamani d'aanani, aka worri deebie maqa Yeso Kristotiini nama imbarsiimne seeraani gallakisani. Ergattuuni ta gammada qabdu kaate jaarole kora biraa yaate, waan Waaqi maro maqa Yesotiifi gaargalafi ch'eera worratiini d'ufeefi. Guyya ch'ufa Mana Waaqatiifi mana biyya keesaleti Odu Dansa ta Yeso Kristo odeesani nama barsiisani. Eegi suni jari Yeso heddannaani worra afaani Griki dubbatufi ka afaani Ebrania dubbatu wold'abani. Jari afaani Griki dubbatu nad'eeni teenna ta d'iirsowani iraa raawate, qooda sagale ka guyya ch'ufa keesati aka dansa inqorqoratani jed'e himate. Tanaafi jari kud'ani lamaani kaani gumi ch'ufa wolti yaame waan jed'eeni, Aki nu Dubbi Waaqa lakimne nama gololchinu fuulaaniti. Tanaafi oboleyaani, jiddu teesani keesa nama torba, ka d'uga, fohad'a, nama Lubbu Qulqullooni guutamefi ka qalbi qabu, duuba nu huji tana iti kennina. Ammo nu guyya ch'ufa Waaqa kad'anne dubbi isaa hasoomna. Dubbini tuni gumi ch'ufa gammachiifte, Stefano ka d'ugefachaafi Lubbu Qulqullooni guutame fohatani, ammalle Filipofi Prokorofi Nikanorifi Timonifi Parmenafi Nikolao, ka Antiokia, ka aada Yahuditi gale fohatani. Jara kana ergattu duraani d'ufani, ergattuuni Waaqa kad'atte harka ira keete. Dubbini Waaqa guddatte, ammalle henni jara Yeso ka Yerusalemu keesa guddate, qaaloleeni hedduleeni d'ugefatte gula yaate. Stefanoni ka eebafi jabeennaani guutame, jiddu biyya keesati waan mamafi akheekha heddu tolche. Jennaani jari mana Waaqa iti kad'atani ka balcha jed'ani tokofi, Yahudi lafa Kireneti d'ufteefi ta Iskanderia d'ufte, ammalle Yahudiini Kilikia d'ufte Stefanoni morkite. Ammo Lubbuuni Waaqa jabeenna isaa kennite, Stefanoni morku dad'abani. Tanaafi jara toko gumbeesani waan jed'aniini, Nu namicha kana ka Musafi Waaqa arabsu, d'ageenne jed'a namati odeesa. Worri gumifi jaarolefi jara Seera beekhu iti kaase, d'ufani Stefano qabani, gara jaarole kora geesani. Nama d'ara dubbatu barbaadani waan jed'aniini, namichi kunini dubbi hamtu Mana Waaqa qulqullo kanaafi waan Seera Musale dubbachu illakimne jed'a. Nu ya d'ageenne aka inni, Yesoni Nazareti mana qulqullo kana balleese aada Musani nuu kenne tana garagalcha jed'u! Nami kora keesa jiru ch'ufti ila Stefanoti qabe, fuula isaa ka aka fuula malaika fakaatu argani. Jennaani Qaallichi Guddaani, Dubbini tunini d'uga? jed'e gaafate. Stefanoni waan worraani jed'e, Oboleyaanifi abbooti tiyya, me ch'aqasa! Waaqi Guddaani abba keenna Abrahamuti mullate, gaafa inni Mesopotamia keesa tau, ato inni lafa Haraniti ingodaaniini. Inni waan jed'eeni, Lafa tantetiifi worra kankele keesaa godaani, lafa anini sii agarsiisuti qubad'i. Jennaani inni lafa Kaldayo keesaa bahe lafa Harani qubate. Eegi abbaani isaa due, inni lafa tana ta isani amma keesa tetaniti qubate. Waaqi lafa suni gaafasi ejata tokole isaa inkennine, ammo Anini siifi d'aloota kanke ka hegeri d'ufuu kenna jed'e iti kakhate ato inni ijoolle ind'alfatini. Waaqi waan jed'eeni, D'alooti kanke lafa nyaapaa keesa taa, achiti worra boojiani haga ganna d'ibba afuri worra gaargalchani. Ammo, anini gosa suni ta worra gaargalchitu wollaala iti mure balleesa jed'e, duuba eegi suni lafa suni keesaa bahani lafa tana keesati na guddisani jed'e. Duuba Waaqi aada wold'aqisa ta qabanqaba Abrahamuti kenne. Tanaafi eegi torbaani toko Abrahamuuni Isaaqo qabanqaba qabe; Isaaqoni Yakobo qabanqaba qabe, Yakoboleeni ilmaani isaa kud'ani lamaani qabanqaba qabe, ta gochiti teenna iraa horte. Ilmaani suni Yusufu d'iibifate, aka inni tisse tahu lafa Misiriti gurgurte. Ammo Waaqi isa woliini tae, gaargala isaa ch'ufa nagayaani keesaa baase. Yusufuni Farao hayyu Misiri dura d'umnaani, Waaqi adaba dansaafi qalbi kenneefi. Faraoni Yusufu lafa Misiritiifi worra isaaleti jaallaba tolche. Eegi suni beelafi gaargali guddaani lafa Misiritiifi ta Kanaani d'ufe ababooti teennaleeni sagale d'abde. Ammo Yakoboni aka mid'aani lafa Misiri keesa jirani d'ageennaani ijoolle isa, ababoota teenna, lafa suniti erge, tuni imaltu worraa ta qarati. Imaltu lameeso keesa, Yusufuni oboleyaani ufii ufi beesise, Faraoleeni worra Yusufu fuula barate. Jennaani Yusufuni nama erge, abba ufi Yakobofi fiit'a ufii ch'ufa, nama haga torbaatami shani yaame. Jennaani Yakobofi ilmaani isaa lafa Misiri d'at'e achiti raawate. Haga lafa Shekemu worra baatani achiti worra awaalani, awaala Abrahamuuni jaarole Hamori ta Shekemu ira bitate keesa. Ammo guyyaani Waaqi Abrahamuti kakhate d'iaannaani, nami keenna lafa Misiri keesati heddate. Eegi suni hayyuuni d'ibiini ka Yusufu imbeenne lafa Misiri fide. Inni gosa teenna sobe, ababoota teenna gaargalche, ijoolle didiqo alati gata ha hobaatu jed'e. Bara suni Musani d'alate, inni guddo mid'aaga, haga jia sadi mana abba ufi keesati d'ossaani guddate. Alati isa gannaani, intalti Farao fud'atte aka ilme ufii isa guddifte. Musani barsiisa gosa Misiri ch'ufa barate, dubbifi huji keesa nama gudda tahe. Ganni isaa afurtama geennaani, inni oboleyaani ufii, ta gosa Israeli, guddo argu fed'e. Oboleesa gosa isaa toko ka d'aanani arginaani inni isa qarqaare, haalo baaseefi, nama Misiri kaani d'ae ijeese. Wonti akanatiifi inni waan gochiti isaa aka Waaqi harka isatiini nyaapa worraa duraa baasu beetu sehe; ammo worri imbeenne. Boriyya ato worri woldidu, inni ufi agarsiise, wolti araarsu fed'e waan jed'eeni, D'iiro, isani oboleyaani, maafi woldiddani? Ammo namichi fulla injirre kaani waan isaani jed'e, Eenuti hayyufi jaallaba keenna si tolche? Aka nama Misiri kaani ijeefte nale ijeesu feeta? Dubbi tana d'ageennaani Musani baqate, lafa Midiani jed'ani keesa tae, achiti ilmaani lama d'ale. Eegi ganna afurtama, diida gaara Sinai keesati, malaikaani Aabbo Musati mullatte, gurbi bobeetu toko keesa. Musani arginaani guddo mame. Inni iti d'iaate aka ilaalu, ammo qonqooni Aabbo isati d'ufte waan isaani jette. Anini Waaqa ababoota teetiti, Waaqa Abrahamutiifi ka Isaaqoti ka Yakoboti. Jennaani Musani ilaalu sodaate holate. Aabbooni waan isaani jed'e, Kopele yaafad'u, fullaani atini ejitu tunini fulla qulqullo. Anini gaargala jara kiyya, ka lafa Misiri keesa jiru, yayu arge, aka worri nati waakhu d'agaye baasu d'ufe. Amma kooti, anini lafa Misiriti sii erga. Namichi gumiini Israeli didde Musa. Worri waan jed'eeni, Eenuti gudda keennafi jaallaba si tolche? Nami Waaqi aka inni gudda gumi suni tahe, qarqaarsa malaika gurbi bobeetu keesa isati mullateni worraa baase isuma; inni waan mamatiifi akheekha lafa Misiri keesati fulla galaana Shamutiifi ammalle ganna afurtama lafa gamooji keesaleti tolche, akasiini worra baase. Namichi gumi Israelitiini, Waaqi isanuma keesa raaga aka kiyya isanii erga jed'e Musa. Inni sunuma ka gaafa gumiini Israeli lafa alo keesa jiruti malaika woliini gumi suni keesa jiru. Inni ababoota teennale woliini jira gaafa malaikaani gaara Sinai gubbati isani dubbate, ammalle isumati dubbi Waaqa ta jireenna nu barsiise. Ammo ababooti teenna dubbi isa ch'aqasu didde isa lakifte lafa Misiriti d'araate iti dachau feete. Tanaafi worri waan Haruniini jed'e, Waaqoota nu dura yaatu nuu mid'aasi namichi Musa jed'ani ka lafa Misiri keesa nuuni d'ufe kaani gara inni jiru imbeennu. Duuba artuma worri korma worqi mid'aase, sorio baaseefi waan harki worraa mid'aase suni jila tolche. Duuba akasiini Waaqi worra yaala bahe, aka worri urji gubbaa kad'atu iti lakise, akuma kitaaba raagoota keesati t'aafani, Gosa Israeli, isani ganna afurtama lafa aloo keesati sorio naa inqalle. Waaro waaqa Moloki jed'ani baatani, ammalle fakeenna urji waaqa keesani ka Refani jed'ani; wonti isani kad'attani suni waan harkaani boch'ani. Tanaafi anini lafa Babiloni mogaani isani baasa. Ababooti teenna gaafa lafa aloo keesa jirtu, Waaro Woyyuma qabdi, ta aka Waaqi Musati hime gula mid'aasani. Ababooti teenna ta eegi suni d'alate gaafa Yoshua woliini yaate lafa gosa Waaqi fulla ababoota teenna duraa gusse fud'ate, Waaro sunini d'ufte. Waarooni suni haga bara Daudi achi teete. Inni Waaqa durati eeba argate, ammalle Waaqa kad'ate waan jed'eeni, Aka anini Mana Waaqa Yakoboti ijaaru na tolchi jed'e. Ammo nami mana isaa ijaare Solomoni. Tatule Waaqi guddaani mana harkaani mid'aasani keesa intau; aka raagi toko jed'u, Aabbooni waan jed'u, Gubbaani barch'uma kiyya, laftileeni fulla anini miila kiyya d'aabad'u. Isani mana akami na ijaartani? Yokhaani fulla tami ta anini boqad'u? Harka kiyyati waan kana ch'ufa mid'aaseeniti? Isani guddo mata jabaattani, garaani keesani ind'ugefatu! Gurri keesani dubbi Waaqa ind'agayu! Guyya ch'ufa Lubbu Qulqullo diddani; aka ababooti teesani tolchite, isanileeni akasuma tolchitani. Raaga kami ka ababooti teesani ingaargalchiini? Ammalle worri ergattu Waaqa, ta d'ufiisa Nama d'uga himu d'ufte, ijeese. Isanileeni ammatana isa gurgurtani ijeeftani. Isani seera Waaqi malaika ufitiini isanii erge argattani, ammo guutu diddani! Waan kana d'ageennaani, garaani worra gubate ch'ininnatani. Ammo Stefanoni Lubbu Qulqullooni guutamnaani, gara gubba sonaani olilaale, guddinna Waaqa arge, Yeso harka mirgicha ka Waaqa oleju arge waan jed'e, Me ilaala, anini gubba banamtu arga, Ilma Nama harka mirgicha Waaqa oleju arga. Jennaani qonqo olfud'atani ch'aarani, gurra ch'uqaalatani, isati oriani, dira keesaa baasani, d'akhaani had'ani. Worri waan kana arge woya ufi fulla namicha kaima toko ka Saulo jed'ani naqani. D'akhaani Stefano had'uma had'ani, ato inni Waaqa yaamate, Aabbo Yeso, lubbu tiyya fud'ad'u jed'u. Jennaani inni jilbifate qonqo olfud'ate waan jed'e, Aabbo, ch'ubbu tana worrati inheregiini. Eegi waan kana jed'e due. Sauloni ijeecha isaa Ee jed'e. Guyyuma suni gumi Waaqa ta Yerusalemu jirtu guddo gaargalchani. Duuba ergattu male gumiini taani ch'ufti lafa Yudeatiifi Samaria keesa gargari firfirfamte. Jari d'ugaa toko Stefano guddo bohe awaale. Ammo Sauloni gumi Waaqa guddo gaargalche, mana ch'ufa seene, d'iirafi nad'eenile hid'aansati guure. Duuba worri gargari firfirfame kaani fulluma ch'ufa yae dubbi Waaqa odeese. Jennaani Filiponi gara dira Samaria d'aqe waan Kristo worrati hasae. Gumiini garaa tokooni waan Filiponi jed'e ch'aqafte, waan mama ka inni tolche d'ageete argite. Jinniini hamtuuni qonqo olfud'atte iyite nama heddu keesaa yaate; nami hedduuni ka kokotaefi ka naafate fayye. Akanaani gammadi guddaani dira suni d'ufe. Ammo namicha tokoti jira, ka Simoni jed'ani, ka duri dira suni keesati huji yuuba tolche, worra dira Samaria, sobe, jabeenna ufi odeese. Nami ch'ufti dubbi isaa ch'aqase, diqaafi guddaleeni waan jed'e, Namichi kunini humna Waaqa ta Humna Guddo jed'aniini. Worri ch'ufti isa ch'aqase waan inni huji yuuboomatiini guyya heddu worra sobeefi. Ammo worri Filipo Odu Dansa ta Finna Waaqatiifi maqa Yeso Kristo hasau d'ageennaani d'ugefate, d'iirafi nad'eenileeni batifamte. Jennaani Simonileeni d'ugefate; eegi batifame, Filipo gula deeme, waan mamiisatiifi akheekha inni tolche arginaani guddo mame. Ergattuuni ta Yerusalemu keesa teetu aka gumiini Samaria dubbi Waaqa d'ugefatte d'ageennaani, Petrofi Yohana iti ergite. Worri d'ufe, Waaqa worraa kad'ate, aka Lubbu Qulqullo argatani. Lubbuuni Qulqullooni qara worra ira imbuune, ammo maqa Aabbo Yeso ch'allaani batifamani male. Petrofi Yohanani harka isaani worra ira keennaani Lubbu Qulqullo argatani. Simonini aka eegi ergattuuni harka worra ira keete Lubbu Qulqullo argatani arginaani, hori worraa kennu fed'e waan jed'e, Humna tana nale kenna, aka nami anini harka ira kayu Lubbu Qulqullo argatu. Ammo Petroni waan isaani jed'e, Hori kanke woliini bada, waan atini kenna Waaqa waan horiini bitatu seetefi. Atini waan kana keesa diqole qooda inqabdu, garaani kanke fuula Waaqa durati dansaniti. Tanaafi ch'ubbu tante tana iraa deebii, Waaqa kad'ad'u, aka herega garaa keti si araaramani. Wonti akanatiifi anini ya arge, atini had'aa had'ooftu qabda, ammalle hid'aansa ch'ubbuu ke jirta. Jennaani Simonini waan jed'eeni, Waaqa na kad'ad'a, aka wonti isani baantani kunini tokoleeni nati ind'umne. Worri eegi dubbi Aabbo odeese, Yerusalemuti gale, Odu Dansa tana olla Samaria heddu keesati hasae. Malaikaani Aabbo Filipoti dubbate waan jetteeni, kai bita deemi fulla kara Yerusalemu bahe Gaza d'aqu (karaani sunini amma injiru). Jennaani inni kae deeme. Namicha sangisisani toko jira, ka lafa Sidaama. Inni nama gudda ka hayyiti Sidaama ta Kandake jed'ani jala hojatu, ka hori isii qorqoratuufi. Inni Yerusalemu d'ufe, aka Waaqa kad'atu. Ato galu, gaari ufi keesa tae, kitaaba raaga Isaya soome. Jennaani Lubbuuni Qulqullooni waan Filiponi jette, Beeni, gaari sunti d'iaad'u. Tanaafi Filiponi gara isaa utaale, isa kitaaba raaga Isaya soomu d'agaye waan jed'eeni, Waan soomtu kana mid'aafatta? Inni waan jed'eeni, Akamiini dandae mid'aafad'a, yo nami na qajeelche male? Duuba inni Filipo kad'ate aka inni gaari yaabate isa woliini tau. Fullaani inni t'aafi keesa soomu tana, Akuma hoola qalani ijeechati isa geesani, ammalle akuma ilmeeni hoola ta abbaani rifeensa iraa ch'iru ch'alliftu, akasuma ch'allise. Isa diqeesani, qorsuma d'uga iraa d'owani. Eenuti waan d'aloota isaa hasaa? Jireenni isaa lafa keesaa la hobae. Namichi kaani waan Filiponi jed'e, Raagi eennu baana? Ufi baana mo nama d'ibi? Jennaani Filiponi fulluma t'aafi suni iti keyate waan Yeso isati hasae. Ammalle ato worri yau, fulla bisaani toko d'ufani; namichi kaani waan jed'e, Me ilaali, bisaaniti arma jira, malti batiso argachu naa d'owa? [ Filiponi waan jed'eeni, Yo atini garaa kanke ch'ufaani d'ugefatte si batisani, Inni waan Filiponi jed'e, Ind'ugefad'a aka Yeso Kristo Ilma Waaqa.] Gaari d'aabachiise, worri lachu bisaani keesa duude Filiponi isa batise. Bisaani keesa baanaani, Lubbuuni Aabbo Filipo fuute. Namichi kaani lafaa isa d'abe, ammo gammadaani kara ufii iti d'aabate. Ammo Filipo lafa Azototi argani; inni keesa deeme, dira ch'ufa keesati Odu Dansa odeese, Kaisarini bahe. Ammo Sauloni ammalle jara Aabbo rifachiise, aka gaargalchu herege. Inni gara Qaallicha Gudda d'aqe, tatabe isa iraa fud'ate, ta gara maneeni Waaqa iti kad'atani dira Damaskiti t'aafani, aka yo nama Kara Aabbo gula yau achiti arge, d'iirafi nad'eenile, hid'e Yerusalemu geesu. Ato inni kara deemu, Damaskiti d'iaannaani, ifsaani gubbaa bahe isati ifse. Inni lafati jige, qonqo toko d'agaye ta, Saulo, Saulo, atini maafi akana na gaargalchita? jetteeni. Inni waan jed'eeni, Aabbo, atini eennu kana? Aabbooni waan jed'eeni, Anini Yeso kauma atini gaargalchitu. Ammo kai, dira seeni, waan atini tolchu malte achiti siti himani. Jari isa woliini yau akanumati ejaanje ch'allise, qonqo d'agayani male nama ingarre. Sauloni lafaa kae, ila banannaani woma argu dad'abe, harka qabaniifi Damaskiini d'ufani. Haga guyya sadi lafa ingarre, yokhaani nyaate ind'unne. Nama Yeso tokoti dira Damaski keesa jira, ka Anania jed'ani. Daayya keesa Aabbooni isaani dubbate, Anania jed'e yaame. Inni waan jed'eeni, Anini kuno, Aabbo. Aabbooni waan isaani jed'e, Kai, gara Kara Qajeela jed'ani d'aqi, mana Yuda keesa, nama toko ka Saulo jed'ani, nama lafa Tarso, barbaadi. Inni Waaqa kad'achu jira. Ammalle daayya keesa inni la nama Anania jed'ani toko arge, ka harka isa ira kayu, aka inni lafa argu. Jennaani Ananiani waan jed'e, Aabbo, anini ya nama heddu ira waan namicha kana d'agaye, aka inni gumi tante qulqullo Yerusalemu jirtu waan hamtu tolche. Ammalle arma inni maqa qaalole gugurdotiini d'ufe, aka nama maqa kanke yaamatu ch'ufa hid'u. Ammo Aabbooni waan isaani jed'e, Beeni d'aqi, anini yayu isa fohad'e, aka inni maqa kiyya gosa d'ibiifi hayyootafi ijoolle Israelile durati odeesu. Anini gaargala gudda, ka inni maro maqa kiyyatiifi argatu, isa agarsiisa. Ananiani d'aqe mana olseene, harka isa ira kaye waan jed'eeni, Aadda Saulo, Aabbo Yesoni, ka kara keesati siti mullate, ya na erge, aka atini lafa agarte Lubbu Qulqullooni guutamtu. Maro tokotu wonti aka qola ila isaa iraa jidde, inni yoosu wo arge, kae batiso argate. Duuba inni sagale nyaate jajabaate. Sauloni haga bulti diqo jara Yeso ka Damaski jiru, woliini tae. Hojuma suni inni maneeni Waaqa iti kad'atani seene waan Yeso odeese, Yesoni Ilma Waaqa jed'e. Ammo nami isa d'agaye ch'ufti mame waan jed'e, Kunini namicha nama maqa kana yaamatu, Yerusalemu keesati, ijeese kaaniyu? Ammalle wonti inni d'ufeefi, aka nama hid'e gara qaalole gugurdo geesu. Ammo Sauloni haga qara ira jabaate, Yahudi Damaski teetu mamsiise, aka kunini d'uguma Kristo jabeese hime. Eegi bulti heddu, Yahudiini aka isa ijeeftu wolmariatte. Ammo Sauloni, aka worri isa eegu jiru, quba qaba. Kara dira halkani guyya eegani, aka isa ijeesani. Halkani toko jari isaa isa fuud'e sabaqa ke kaye, yaabdo iraani alati isa baase. Sauloni Yerusalemu geennaani jara Yesoti mataqu fed'e, ammo worri ch'ufumaanu isa sodaate, wonti akanatiifi aka inni nama Yeso ind'ugefanne. Ammo Barnabani isa fuud'e gara jara Yesotiini d'ufe. Aka Sauloni Aabbo kara keesati arge, aka Aabbooni isaani dubbate, ammalle aka inni Damaski keesati soda male maqa Yeso hasae worrati hime. Eegi suni Sauloni Yerusalemu keesa tae worra woliini fulla ch'ufa dedeeme. Sauloni soda male maqa Aabbootiini barsiise, worra Grikile wolmormani, jennaani worri isa ijeesu fed'e. Oboleyaani waan kana d'ageennaani haga lafa Kaisaria isa geesite, gara dira Tarso jed'ani isa ergite. Jennaani gumiini Waaqa Yudeafi Galilayafi Samaria keesa nagaya argate eebifamte, Aabbo Waaqa sodaate qarqaarsa Lubbu Qulqullotiini jabaatte heddatte. Ato Petroni fulluma ch'ufa jiddu worra keesa dedeemu, inni fulla gumi qulqullo, ta Lidia teetu, d'ufe. Achiti inni nama toko ka Ainea jed'ani arge, ka haga ganna saddeeti fayyad'abe kokotae sire ira ch'iise. Petroni waan isaani jed'e, Ainea, Yeso Kristoni si fayyisa, kai sire tante mid'aafad'u. Inni maro tokotu kae. Nami Lidiafi Saroni keesa tau ch'ufti isa arge Aabbooti dedebie. Dira Yafa keesa, niiti d'ugefatte tokoti jira, ta Tabitha jed'ani, yokhaani Dorkasi, akasi jechaani Guguufto jechu. Niitiini tunini waan dansa heddu tolchite hori hiyyeeyi kennite. Bara suni isiini fayya d'abde doote. Eegi reefa isii d'iqani, mana gubba jiru toko keesa kayani. Waan diri Lidiani Yafati d'iaattuufi, jari Yeso aka Petroni achi jiru d'ageennaani, nama lama isati erge waan jed'e, Hurrisi gara keenna kooti. Jennaani Petroni kae worra woliini deeme. D'umnaani mana oli isa geesani. Nad'eeni d'iirsi iraa due isa bira ejaanjatte boote, ubaarafi woya Dorkasini gaafa jirtu hod'ite garsiifte. Ammo Petroni worra ch'ufa mana keesaa yaase, jilbifate Waaqa kad'ate, gara reefa ilaale waan jed'e, Tabitha, kai! Isiini ila banatte, Petro arginaani kaate teete. Inni harka isii qabate olfuud'e, gumi qulqullofi nad'eeni d'iirsi iraa due yaame, isi jirtu worrati kenne. Waan kana fulluma ch'ufa Yafa keesa nami ch'ufti d'agaye, nami hedduuni Aabbo Waaqa d'ugefate. Inni haga guyya heddu Yafa keesa tae, Simoni nama toko ka goga machaleesu woliini. Namicha toko jira, Kaisaria keesa, maqaani isaa Kornelio; gumi askarti d'ibba toko ta Taliana jed'ani guddaani isa. Inni nama dansaa ka Waaqa sodaatu, isaafi worri isaaleeni. Inni guddo maro Waaqatiifi wo namaa kenne, guyya ch'ufale Waaqa kad'ata. Duuba daayya keesa malaika Waaqa ta isati diideesite d'uftu arge, saa sagali ka guyya. Isiini waan isaani jette, Kornelio! Inni isi arginaani rifate waan jed'eeni, Maal, Aabbo? Isiini waan jetteeni, Kad'acha teetiifi waan atini maro Waaqatiifi namaa kennitu ya fuula Waaqa durati si qaabatani. Amma nama gara dira Yafa ergi, nama toko ka Simoni Petro jed'ani yaami. Inni keessuma nama toko, ka Simoni jed'ani, ka goga machaleesuti; mani isaa afaani galaanati. Malaikaani Kornelioni dubbatte taani deemnaani, inni hojattu ufi lama yaame, ammalle askarticha dansa toko ka guyya ch'ufa waan isaa ilaalule yaame. Waan kana ch'ufa worrati hasae jennaani Yafati worra erge. Boriyya worri dirati d'iaannaani, saa jaa ka guyya Petroni aka Waaqa kad'atu mana gubba kore. Inni beelomnaani waan nyaatu fed'e; ammo ato sagale d'aabanu, daayya arge. Ammalle gubba banamtufi waan aka woya ta humbi afraanu hid'ani isa dura lafati gadi buusani arge. Waan suni keesa bineensa gosa heddu, ka miila afuri qabuti jira, ka garaani lafa ira lohuleeni, allaatileeni. Qonqooni isati d'ufte waan jetteeni, Petro, kai, waan kana qalad'u nyaad'u. Ammo Petroni waan jed'e, Laki Aabbo, anini haga d'alad'e waan akana kana ka qulqullo intahiini yokhaani waan hamtu akana takale inyaanne. Qonqooni taani ammalle maro lameeso deebite waan jetteeni, Waan Waaqi qulqulleeseeni, Qulqulloniti injed'iini. Wonti kunini maro sadi akasi taate, jennaani woyaani gubbati oldeebite. Ato Petroni waan daayya inni arge suni heregu, jari Kornelioni erge kaani mana Simoni gaafate, balbala dura eje, qonqo olfud'ate aka Simoni ka Petro jed'ani achi jiru gaafatani. Ato Petroni daayya suni heregu, Lubbuuni Qulqullooni waan isaani jette, Ilaali, nami sadi sii barbaadu jira, tanaafi kai, gadi bui, worra woliini deemi, insodaatini; anati worra erge. Tanaafi Petroni gara jara Kornelioni isati erge kaani gadibue waan jed'eeni, Nami isani barbaadani ana; maafi d'uftani? Worri waan jed'e, Kornelio gudda askarti, nama d'uga, ka Waaqa d'ugefatu, ka gochiti Yahudi ch'ufti saadu, afaani malaika qulqullo tokotiini Waaqi gorse, aka inni mana isati si yaame dubbi tante d'agayu. Jennaani Petroni, Olduuda jed'e worra bulche. Boriyya Petroni worra woliini kae deeme, oboleyaani gari ta Yafa isa woliini yaate. Iftaani taani worri Kaisaria olduude. Kornelioni worra eeguu jira; inni ya fiit'a ufitiifi jaalaani ufi ch'ufa wolti yaame. Ato Petroni mana seenu jiru, Kornelioni gadi bahe miila isati jige isa guddise. Ammo Petroni isa olqabe waan jed'eeni, Oljed'i, anileeni akuma kanke namuma. Ato Petroni tae isaani hasau, mana olseennaani nama heddu ka woltiwoldae arge. Inni waan worraani jed'e, Isani imbeetani, aada keesa Yahudiini nama gosa d'ibi wahela tolfatte woliini inteetu. Ammo Waaqi la na garsiise, aka anini nama tokole tuffad'e yokhaani, Inni qulqulloniti injenneeni. Tanaafi hojuma na yaamani suni anini dubbi male isaniti d'ufe; duuba anini isani gaafad'a maafi na yaamtani? Kornelioni waan jed'eeni, Saati akana tana guyya afuri ka dabre, ato anini mana kiyya keesa tae Waaqa kad'ad'u nami woya bibilit'u toko qabu na dura eje. Waan naani jed'e, Kornelio, kad'acha tante ya d'agayani, ammalle aki atini biyya wo kennitu la fuula Waaqa dura gahe, akasiini amma ya si qaabatani. Tanaafi nama gara dira Yafa ergi, nama toko ka Simoni Petro jed'ani yaami, inni keessuma nama Simoni jed'ani toko ka goga machaleesuti, ka afaani galaana tau. Duuba anini maro tokotu si yaame, ammalle ati waan dansa tolchite, ka d'ufte. Ammatana nu ch'ufumaani arma jirra, Waaqa dura, aka waan ch'ufa ka Aabbooni siti hime d'ageennu. Jennaani Petroni waan jed'e, D'uguma anini ya hubad'e aka Waaqi nama tokole wolindabarsine ch'ufa qit'e takati heregu. Ammo gosa ch'ufa keesa nama isa d'ugefate waan d'uga tolchu inni injaalata. Dubbi suni ta Waaqi gara ijoolle Israeli erge, aka nagaya Yeso Kristo keesa hasaani, inni Abba nama ch'ufaati, isani imbeetani. Isani waan jabdu lafa Israeli, arda Galilaya kana keesati eegi Yohanani, waan batiso namati hime asi tahe imbeetani, aka Waaqi Yeso Nazareti Lubbu Qulqullofi jabeennaani muude, isani imbeetani. Inni fulla ch'ufa dedeeme waan dansa tolche, nama Sheet'ani gaargalche ch'ufa fayyise, waan Waaqi isa woliini jiruufi. Nu d'uga waan inni tolche ch'ufa lafa Yahudi keesafi Yerusalemu keesaleti. Worri isa ijeese, mukha irati fannise. Ammo guyya sadeeso Waaqi isa kaase, diideese nama agarsiise. Nami ch'ufti isa ingarre, ammo jara d'uga isaa tahe, ka Waaqi qara fohateefi nuleeni ka isa woliini nyaanne d'unne, eegi inni duisa keesa kae, isa agarre. Inni nuti d'aame aka nama barsiimne d'ugeesinu, aka nami Waaqi fohate isuma, ka dubbi nama jiruufi ka duele qoru. Raagi ch'ufti isa d'ugeesa, aka maro maqa isatiifi nami isa d'ugefatu ch'ufti araarama argatu. Ato Petroni ammalle dubbi tana dubbatu, Lubbuuni Qulqullooni worra dubbi tana d'agaye ch'ufa ira bute. Worri Yahudi ka d'ugefate ka Petro woliini d'ufe, waan Waaqi Lubbu ufi Qulqullo gosa d'ibile ira buusefi guddo mame. Wonti akanatiifi worra afaani d'ibi dubbate Waaqa guddisu d'agayani. Jennaani Petroni waan jed'e, Eentu dandae bisaaniini worra kana batifamu d'owa, eegi worri akuma keenna Lubbu Qulqullo argate? Inni worra kana maqa Yeso Kristotiini batisa jed'e, Jennaani worri isa kad'ate aka inni bulti diqo achi tau. Ergattufi oboleyaani Yudea keesa jirtu, aka gochiti d'ibileeni dubbi Waaqa d'ugefatte d'ageete. Tanaafi Petroni Yerusalemuti d'iaannaani worri aada qabanqaba jabeesu isa goyeese waan jed'eeni, Atini ya worra qabanqaba inqabatini woliini nyaatte d'udde. Ammo Petroni waan ch'ufa worrati hasae waan jed'eeni. Ato anini dira Yafa keesati Waaqa kad'achu jiru, daayya keesa anini wo arge, woya guddo, ta humbi afraanu hid'ani nati gadi buusani arge. Aka dansa keesa ilaalani, bineensa miila afuritifi bineensa alatiifi bineensa lafa ira lohufi allaati arge. Anini qonqo, Petro, kai, qalad'u nyaad'u naani jettu d'agaye. Ammo anini waan jed'eeni, Aabbo laki, wonti qulqullo intahiini yokhaani wonti hamtuuni taka afaani kiyya keesa inseenne. Ammo qonqooni gubbaa deebite waan jette, Waan Waaqi qulqulleeseeni, Qulqulloniti injed'iini. Wonti kunini maro sadi akasi taate, jennaani wonini kaani ch'ufti gubbati oli deebite. Hojuma suni nami sadi, ka Kaisaria nati ergani, fulla mana anini tau d'ufe. Lubbuuni, Soda male worra woliini deemi naani jette. Ammalle oboleyaani jaani tanaani woliini yaane, mana namicha olduunne. Inni aka malaika mana ufi keesati arge nuti hime. Malaikaani suni waan jetteeni, Nama gara Yafa ergi, nama toko ka Simoni Petro jed'ani yaami; inni aka siifi worri kankeleeni baafamtani siti hima. Akuma anini dubbi tiyya iti keyad'eeni, Lubbuuni Qulqullooni worra ira buute, akuma duri nura buute. Jennaani anini dubbi Aabbo qaabad'e, ta inni Yohanani d'uguma bisaaniini batise, ammo isani Lubbu Qulqullooni batifamtani jed'e taani. Yo Waaqi qarqaarsa aka nuu kenne worra kanale kenne, gaafa nu Aabbo Yeso Kristo d'ugefanne, anini eennu re ka dandae Waaqa d'owu? Waan kana d'ageennaani dubbi isaa quufani, Waaqa faarsani waan jed'ani, Waaqi gosa d'ibile ya daba iraa deebise jireenna kenneefi. Worri guddo gargari firfirfame maro gaargala eegi duisa Stefano d'ufetiifi, haga Foinikefi Kiprofi Antiokia yae dubbi Waaqa Yahudi ch'allati hasae. Ammo jari gari ka Kiprofi Kirene, Antiokia d'umnaani gosa d'ibileti hasaani. Jabeenni Aabbo worra woliini jira, nami hedduuni d'ugefate Aabbooti deebie. Oduuni tunini gumi Yerusalemu geete, tanaafi worri Barnaba Antiokiati ergani. D'umnaani inni eeba Waaqa arge guddo gammade nama ch'ufati hime, aka garaa tokooni Aabbo d'ugefatani. Barnabani nama dansa, ammalle Lubbu Qulqullofi d'ugefacha qaba. Nami hedduuni Aabbooti darame. Jennaani Barnabani gara Tarso d'aqe aka Saulo barbaadu. Arginaani Antiokiani isa d'ufe. Haga ganna toko worri gumi Waaqatiini wolwoldae nama heddu barsiise. Ammalle Antiokia keesa qara jara Yesotiini Kristiani jed'ani. Bara suni raagooti gari Yerusalemu baate Antiokia d'ufte. Namichi toko, ka Agabo jed'ani, Lubbuuni guutamnaani, aka beelti guddooni lafa ch'ufa d'uftu fage. Beelti tunini bara motuma Klaudio d'ufte. Jari Yeso ch'ufti, haga dandau, aka oboleyaani Yudea keesa jirtu qarqaaru woli gale. Akasi tolchani, harka Barnabatiifi ka Saulotiini hori jaaroleti ergani. Bara suni hayyuuni Herode jed'ani gumi Kristo iti kae gaargalche. Inni Yakobo oboleesa Yohana sheeftiini ijeese. Ammalle aka wonti kunini Yahudi gammachiiftu arginaani Petrole qabe. (Gaafasi guyya jila qit'a bukho inqamneti.) Qamnaani mana hid'aansa keesa kaye, harka askarti kud'ani jaati kenne, aka afuri afuriini isa tissani. Eegi jilti Pasaka dabarte, inni biyya durati isa baasu fed'e. Tanaafi Petro hid'aansati lakisani, ammo gumiini guddo Waaqa isaa kad'atte. Halkani Herodeni sila biyya duraani isa d'ufu fed'u, Petroni jiddu askarti lama rafu jira. Haada lama ka sibiilatiini isa hid'ani, jari mana hid'aansa eegu balbala qorqorate. Malaikaani Aabbo isa bira ejite, ifsaani manati ifse, malaikaani ch'inaacha Petro d'oofte, isa kaafte waan jetteeni, Hurrisi kai! Haadi sibiila kaani harka isaa iraa jige. Malaikaani waan isaani jette, Hid'ad'u, kopele naqad'u. Inni akasi tolchinaani malaikaani waan isaani jette, Woya uyifad'u, na gula kooti. Inni mana keesaa bahe isi gula deeme, aka wonti malaikaani tolchite sunini waan d'uga imid'aafanne, ammo waan oobjate sehe. Eegi fulla qaraatifi ta lameeso ta nami eegu dabrani, balbalti sibiila toko ta yo keesa baani dira seenani ufumaani duraa banamte. Worri alati bahe, kara toko gula yae maro tokotu malaikaani isa bira deemte. Petroni waan kana mid'aafannaani waan ufiini jed'e, D'uguma, amma imbeekha aka Aabbooni malaika ufi erge, aka harka Herodetiifi waan gochiti Yahudi na tolchu feete jalaa na baasu. Ufi beennaani, mana Mariamu, haad'a Yohana, ka maqaani isaa d'ibiini Mariko jed'ani d'aqe, fulla nami hedduuni wolti woldae Waaqa kad'atu. Petroni balbala harkaani d'od'oomnaani, intalti toko ta Roda jed'ani ilaalu d'ufte. Qonqo Petro d'ageennaani, gammadafi balbala banu dad'abde, utaalte, aka Petroni balbala dura eju himte. Worri, Ati ya maraate isiini jed'e. Ammo isiini D'uguma, isuma d'uguma jette. Jennaani worri, Yoosi malaika isaa jed'e. Ammo Petroni balbala d'ad'auma d'ad'ae. Balbala bannaani isa argani guddo mamani. Ammo inni harkaani akheekhe, Ch'allisa jed'eeni; duuba aka Aabbooni hid'aansa keesaa isa baase worrati hime. Ammalle waan worraani jed'e, Beena, waan kana Yakobofi oboleyaani taaniti hima. Inni duuba ufi kae gara d'ibi d'aqe. Lafti bariinaani askartiini guddo bakhatte, waan Petroni tahe wolgaafatte. Eegi Herodeni Petro barbaade d'abe inni nama isa qorqorate gaafate ijeecha iti mure. Eegi waan kana Herodeni Yudea keesaa deeme Kaisaria d'aqe tae. Herodeni biyya Tirofi Sidoniti guddo dalane. Worri wolti bahe isati d'ufe, namicha Blasto jed'ani, ka mana hayyu keesa hojatu jaala tolfatani, duuba gara Herode d'aqani, nagaya kad'atani, waan lafti suni worra lafa Herode ira sagale argatuufi. Guyya toko ka fohatani, Herodeni miha hayyu keyate, barch'uma ira tae, worrati hasae. Gumiini lalabde waan jette, Qonqooni tuni ta Waaqati, ta namatiiniti. Maro tokotu waan inni Waaqa ind'ugeesinifi malaikaani Aabbo isa d'oofte. Ramoni isa nyaate, inni due. Ammo dubbini Waaqa guddatte fulla heddu geete. Barnabafi Sauloni huji ufi hobaafannaani Yerusalemu keesaa galani, Yohana ka Mariko jed'ani woliini yaani. Gumi Waaqa ta lafa Antiokia jirtu keesa, raagootafi nama wo barsiisu jira. Worri suni Barnabafi Simoni ka Guraacha jed'aniifi Lukio ka lafa Kirenetiifi Manaeni ka hayyu Herode woliini guddateefi Saulo. Ato worri Aabbo hojate ufi agabsu, Lubbuuni Qulqullooni waan worraani jette, Barnabafi Saulo huji anini fohad'eefi iti na qooda jette. Eegi ufi agabsani Waaqa kad'atani, harka worra ira kayani gara d'ibi ergani. Lubbuuni Qulqullooni worra erginaani Seleukia d'aqani. Eegi suni hobolo seennaani Kipro d'aqani. Ato worri fulla Salami jiru dubbi Waaqaa maneeni Waaqa iti kad'atani ta Yahudi keesati odeesani Yohanani ka Mariko jed'anileeni worra woliini jira aka worra qarqaaru. Eegi worri lafa suni ch'ufa ke yae haga Pafo taake, falfalticha toko argani, ka Bar-Yeso jed'ani. Inni jaala hayyu lafa suni, ka Sergio Paulo jed'ani, nama guddo qalbi qabu. Hayyuuni Barnabafi Saulo yaame, aka dubbi Waaqa d'agayu. Ammo falfaltichi kaani ka afaani Grikitiini Eliama jed'ani Barnabafi Saulo dubbachu d'owu fed'e, aka akasiini namichi guddaani kaani suni d'agaye ind'ugefanne. Jennaani Sauloni, ka Paulo jed'ani, Lubbu Qulqullooni guutamnaani falfalticha kana sonaani ilaale waan jed'eeni, Atini ka kiyyibafi ch'ubbuuni guutamte, ilma Sheet'ana, nyaapa d'uga ch'ufaa, karaa Aabbo ka d'uga balleesu illakiftu? Ammatana ilaali, harki Aabbo si gubbaa jira; ila d'abda, haga bulti diqo toko lafa ingartu. Maro tokotu ilti isaa sapupoofte, lafti iti dukanoofte, inni deeme nama ule isaa qabu barbaade. Hayyuuni kaani waan kana arginaani d'ugefate, waan barsiisa Aabbo guddo mame. Paulofi jari isa woliini jiru Pafo hobolooni kaani, Perge ta lafa Pamfilia d'ufani; ammo Yohanani ka Mariko jed'ani worra jala deebie Yerusalemuti gale. Pergaa yaani dira Antiokia ka lafa Pisidia d'ufani; guyya Sabato mana Waaqa iti kad'atani seenani tataani. Eegi dubbi Seeratiifi ta raaga soomani, jaaroleeni Mana Waaqaa kaani nama worrati ergite waan jetteeni, Oboleyaani, yo nama gorsu feetani, dubbad'a. Jennaani Pauloni olkae, harka olfud'ate waan biyyaani jed'e. D'iiro, worra Israelitiifi gosa d'ibile ta Waaqa d'ugefattu, na ch'aqasa! Waaqi gosa Israeli ababoota teenna fohate gosa jabdu tolche, gaafa worri aka keesuma lafa Misiri keesa tau. Inni harka jabaani lafa suni keesa worra baase, haga ganna afurtama lafa aloo keesati amala worraa hama obse woliini tae. Inni gosa torba lafa Kanaani keesaa balleese, gumi ufi abbooti lafaa tolche. Duuba ganna d'ibba afuritifi shantama teennaani, inni jaallaboota worraa kenne, haga bara raaga Samueli. Worri hayyu fed'annaani Waaqi Saulo ilma Kishi ka Benjamini worraa kenne; duuba inni haga ganna afurtama worra fide. Eege Waaqi isa lakise Daudi hayyu worraa tolche. Waaqi isa d'ugeese waan jed'e, anini yayu Daudi, ilma Yese argad'e, ka garaani kiyya maache fed'i tiyya ch'ufa guutu. D'aloota nama kana keesa, Waaqi ya Qarqaarsa Israeli, ka duri kakhate, tolche, ka Yeso jed'ani. Ato inni ind'ufiini, Yohanani worra barsiise waan jed'e, Daba iraa deebia, batifama. Yohanani huji ufi ch'ufa hobaasu geennaani waan jed'e, Isani eennu na seetani? Anini isaaniti, ammo ilaala, nami toko eegi tiyya d'ufa, ka seemsa kope miila isaa anini hiikhu himmalini. Oboleyaani, ilmaani d'aloota Abrahamufi isani ch'ufa ka Waaqa sodaattani, dubbi baafama tana gara keenna ergani. Wonti akanatiifi worri Yerusalemu taufi jari gugurdaani worraleeni fuula isa imbeekhani yokhaani dubbi raagootatiifi ta Seera ta guyya Sabato ch'ufa soomani inhubanne. Ammo duisa Yesoti murani aka akasiini dubbini raagooti fadde guutamtu. Ato waan inni duu maleefi d'abanile, aka isa ijeesani Pilato kad'atani. Wonti duri, ta waan isaa t'aafani, guutamnaani, worri mukha iraa fuud'e awaale. Ammo Waaqi duisa keesa isa kaase. Inni guyya heddu worra duri isa woliini Galilaya bahe Yerusalemu d'ufeti mullate. Worri suni amma gumi Israeli ch'ufa durati d'uga isaati. Nu Odu Dansa isaniti odeesina, aka kakhu suni ta ababooti teennati kakhatani, Waaqi nuu ilmaani worraati guute, waan Yeso duisa keesaa kaaseefi. Akuma Faaru lameeso keesati t'aafani, Atini ilma kiyya, guyya kana anini ya Abba kanke tahe. Ammalle waan duisa keesaa isa kaasiti, aka inni duisati indeebine, Waaqi waan jed'e, Anini eeba d'ugaatifi qulqullo isani kenna ta anini Dauditi kakhad'e. Ammalle Faaru d'ibi keesati inni waan jed'e, Aka hojattuuni tante qulqullooni shamtu atini ee injettu. Daudini d'aloota ufi keesa fed'i Waaqa guunnaani, ababoota isaa woliini awaalani shame. Ammo nami Waaqi duisa keesaa kaase inshamne. Tanaafi oboleyaani tiyya, aka maro nama kanatifi araarama daba isaniti hasaani beekha. Maro isatiifi nami d'ugefatu ch'ufti waan ch'ufa keesati d'uga argata, ka duri Seera Musa gula nami d'uga argachu indandeenne. Tanaafi eegad'a, aka wonti kunini ta raagi dubbate isaniti ind'umne ta, Ilaala, isani ka nama tuffattani! Mama, bada! Anini huji toko bara keesani kana keesa tolcha, huji isani ind'ugefanne, ato nami isaniti odeesele! jettu. Ato worri mana Waaqa iti kad'atani keesaa yau, gumiini aka dubbi tana Sabato d'uftule iti hasaani kad'atte. Eegi gumiini gargari baate Yahudi heddufi nami aada Yahuditi gale hedduuni Paulofi Barnaba gula yaani. Worri worraani hasae, Eeba Waaqa keesati jabaad'a jed'e gorse. Sabato lameeso, nami dira suni, take take male, ch'ufti woltiwoldae aka dubbi Aabbo d'agayu. Ammo Yahudiini gumi guddo agarraani guddo d'iibifatte, dubbi Pauloni jed'e mormite isa arabsite. Jennaani Paulofi Barnabani garaa jabaatani waan jed'ani, Dubbi Waaqa qara isaniti hasau malani. Ammo maro isani diddani jireenna hegeri ka isanii male argachu dad'abdanifi nu gara gosa d'ibii d'anna. Wonti akanatiifi Aabbooni akasi nuti mure waan jed'e, Anini ifsa gosa d'ibi ya si tolche, aka baafama namaa taatu, haga muumme lafa. Gochiti d'ibiini waan kana d'ageennaani gammadde dubbi Aabbo faarsite; nami aka jireenna hegeri argatu fohatani ind'ugefate. Dubbini Aabbo lafa suni ch'ufa geete. Ammo Yahudiini taani nad'eeni dira suni ta gurra qabdu ta beekhanifi, nama gugurda dira sunilee, Paulofi Barnabati kaafte lafa suni keesa gussite. Ammo worri aka awaarti faana worraa d'uga worraa taatu faana d'ad'ate Ikonio d'aqe. Jari Yeso gammadafi Lubbu Qulqullooni guutame. Akuma suni Ikonio keesati worri lachu mana Waaqa iti kad'atani ka Yahudi olduude, ammalle maro dubbi worraatiifi gumiini guddooni ta Yahuditiifi ta Grikileeni d'ugefatte. Ammo Yahudiini ta d'ugefachu didde, nama gosa d'ibi wolti nat'e, qalbi oboleyaani wolti yakite. Ergattuuni guyya heddu achi teete, waan Aabbo soda male dubbatte; ammalle Aabbooni dubbi eeba ufii d'ugeese, akheekhafi waan mama harka worraatiini tolche. Biyyiti dira suni gargari qoodamte, ta gari Yahudiini wold'at'e, ammo ta gari ergattuuni wold'at'e. Jennaani nama gosa d'ibitiifi Yahudiini, jara gugurda isaani woliini, wold'at'e, ergattu gaargalchite d'akhaani had'u feete. Ergattuuni waan kana d'ageennaani, haga Listrafi Derbe, dira lamaani toko, ka lafa Likaonia keesa jiruufi lafa iti aantule iti baqatte. Odu Dansa achiti odeesite. Fulla Listra nama tokoti jira, ka haga d'alate dandae olinkaane, ka miili naafa. Inni Paulo dubbatu d'ageennaani, Pauloni isa sonaani ilaale, aka inni d'ugefacha fayyifamuuni qabu arge, qonqo olfud'ate waan jed'eeni, Miilaani olejad'u! Namichi kaani olch'ee miilaani deeme. Biyyiti waan Pauloni tolche arginaani qonqo olfud'atte, afaani Likaoniatiini waan jette, Waaqooti hedduuni ya nama fakaate nuti gadi buute! Worri Barnabani Zeu jed'e, Pauloni Herme jed'e. Wonti akanatiifi guddaani hasaa Paulo. Jennaani qaalluuni Zeu, ka mani isaa dira bira jiru, sangafi daraara balbala diratiini d'ufe, biyya woliini sorio qalu fed'e. Paulofi Barnabani waan kana d'ageennaani, woya ufii tatarsaasani, jiddu biyya oriani iyani waan jed'ani, D'iiro, isani maafi waan akana kana tolchitani? Nu namuma aka keesaniti! Nu Odu Dansa isaniti hasoomna, aka waan kana ka woma intahiini iraa deebitani, gara Waaqa jireenna ka gubbafi lafafi galaanafi waan keesa jira ch'ufa uume deebitani. Inni duri aka gochiti ch'ufti aada ufi gula yaate iti lakise. Taatule inni waan isa d'ugeesa taka ind'amne ammo waan dansa tolche, isanii roobe, mid'aani isanii kenne garaa keesani sagalefi gammadaani quufsa. Yo dubbi tana dubbatanile biyyiti diquma sorio ergattuti inqaliini, ergattuti dide male. Yahudiini Antiokiatiifi ta Ikonio d'ufte biyya sosobde, Paulo d'akhaani haate, dira keesaa hirkifte, waan inni due seete. Ammo ato gumiini d'ugefatte isa marsitu, inni olkae dira olseene, boriyya Barnaba woliini gara dira Derbe d'aqe. Eegi worri dubbi Waaqa dira suni keesati hasae nama heddu barsiise, worri Listrafi Ikoniofi Antiokiati deebie, garaa worra d'ugefate jabeese aka d'ugefacha keesa taani gorse waan jed'e, Nu gaargala guddaani Finna Waaqa argachu malle. Gumi ch'ufa keesa jaarole fohatani, ufi agabsani, Waaqa kad'atani, harka Aabbo ka worri d'ugefate keesati lakisani. Pisidia keesa dabrani Pamfilia d'ufani. Eegi dubbi Waaqa Perge keesati hasaani, Attaliati gadi buani. Achi kaani hobolo keesa duudani, Antiokiati dachaani, fullaani tunini fulla qara worra harka ira kayani eebbisani, Beena huji Waaqa hojad'a jed'aniini ergani. Huji suni worri hobaamnaani gale. Worri d'ufnaani gumi wolti yaamani, worri waan Waaqi harka worraatiini tolche ch'ufa odeese ammalle aka inni balbala d'ugefacha gosa d'ibile bane odeesani. Duuba guyya heddu jara d'ugefate suni woliini taani. Jari Yudea toko d'ufe oboleyaani barsiise waan jed'eeni, Yo isani aada Musa gula qabanqaba qabattani male, baafamu indandeetani. Paulofi Barnabani worraani wold'aqu dad'amnaani, worri aka Paulofi Barnabafi nami d'ibileeni Yerusalemu d'aqani, aka ergattufi jaarole waan kana gaafatani buufatani. Duuba gummiini Waaqaa imaltu worra ergite; Foinikefi Samaria keesa dabrani, aka nami gosa d'ibi gara Waaqa deebie odeesani. Oduuni tuni guddo oboleyaani ch'ufa gammachiifte. Yerusalemu geennaani, gumi Waaqatiifi ergattufi jaaroleeni worra d'ieesite, worri waan Waaqi harka worratiini tolche ch'ufa odeese. Ammo Farisayooni gari ta d'ugefatte, kaate, Worri ha qabanqaba qabate Seera Musa guutu jette. Duuba ergattufi jaaroleeni wolwoldeete aka waan kana ilaaltu. Eegi dubbi guddo wolmormani, Petroni olkae waan worraani jed'e, D'iiro, oboleyaani isani imbeetani, aka gaafa qara Waaqi isani keesaa na fohate, aka afaani kiyyaani nami gosa d'ibi dubbi Odu Dansa d'agaye d'ugefatu. Ammalle Waaqi ka garaa nama beekhu d'ugefacha worra arginaani Lubbu Qulqullo worraa kenne, akuma nuu kenne. Ammalle nufi worra gargari inherenne, ammo maro d'ugefacha worraatiifi garaa worra qulqulleese. Duuba maafi Waaqati gamtani, qaampara jara Yeso ira keetani, ka ababoota teennaafi nuleeni baachu indandeenne? Nuleeni akuma worraa aka eeba Aabbo Yesotiini baafamnu d'ugefanna. Gumiini ch'ufti ch'allifte Barnabafi Paulo ka akheekhafi waan mama ka Waaqi jiddu gosa d'ibii harka worraatiini tolche odeesu ch'aqafte. Worri dubbi buufate jennaani Yakoboni waan jed'e, D'iiro oboleyaani na ch'aqasa! Simonini ya aka Waaqi qara gosa d'ibi herege worra keesaa gumi maqa ufitiini fohatu odeese. Dubbini raaga waan kanaani wolfakaatti. Akuma t'aafiini jettu, Eegi waan kana anini deebie, Mana Daudi ka lafati jige ijaara; ammalle hoofa deebie olqabe, maro lameeso ijaara. Aka nama d'ibi ch'ufaafi nami gosa ch'ufa, ka maqa kiyyaani yaamani, Aabbo barbaadu. Aabbooni, ka duri waan kana ch'ufa nama beesise akana jed'a. Tanaafi wonti anini heregu tana: Nu worra gosa d'ibi ka Waaqati deebie gaargalchu himmalle. Ammo nu tatabe d'aamsa nagaya worraa t'aamna, aka worri sagale waan harkaani boch'ani baasani dide, algalooma ira ufi d'owe, waan hud'ani ijeesani yokhaani d'iigale lagatu. Wonti akanatiifi Musani haga duriiti nama dubbi isaa hasau qaba, dira ch'ufa keesa; ammalle guyya Sabato ch'ufa maneeni Waaqa iti kad'atani keesati soomani. Jennaani ergattufi jaarolefi gumiini ch'ufti ee jette, worra gugurda gumi Waaqaa keesaa nama ufi fohate Antiokiati ergite, Paulofi Barnaba woliini: toko Yuda ka Barnaba jed'ani kaaleni Sila. Tatabe tana t'aafani harka worrati kennani waan jed'ani: Nu ergattufi jaaroleeni, oboleyaani teesani, nagaya oboleyaani gosa d'ibi ta Antiokiatiifi ta Shamutiifi ta Kilikiati ergina. Nu aka jari armaa yae toko dubbini isani gaargalche lubbu teesani yaku fed'e ya d'ageenne; ammo nu seera akana kana worraa inkennine. Nu garaa tokooni wolwoldeenne, aka nama fohanne jaalaani teenna Barnabafi Paulo woliini isaniti erginu buufanne. Jari suni jara waan lubbu ufi inherenne, maro maqa Aabbo keenna Yeso Kristotiifi. Tanaafi nu Yudafi Sila ergine, aka afaani ufitiini isaniti himani. Lubbu Qulqullofi nuleeni baa d'ibi isani ira kayu imfeenu, waan tolchu malani male: sagale waan harkaani boch'ani baasani inyaatiina; d'iigafi waan hud'ani ijeesaniifi algalooma lagad'a. Yo isani waan kana ch'ufa lagattani waan dansa tolchitani. Nagayaati taa. Worri kae yae Antiokia d'ufe, gumi wolti yaamani tatabe iti kennani. Eegi soomani, maro dubbi nama jabeesitu sunitiifi gammadani. Yudafi Silani, waan raagoota tahaniifi, dubbi hedduuni oboleyaani jabeesani gorsani. Eegi worri diqo fulla suni tae, oboleyaani nagayaani worra gadi d'iifte, aka gara d'ufanifiti dachaani. [ Ammo Silani achi tau fed'e.] Paulofi Barnabani Antiokia keesa taani, dubbi Aabbo barsiisani nama d'ibi heddu woliini hasaani. Eegi bulti diqo toko Pauloni waan Barnabani jed'e, Gara oboleyaani teenna, ta dira nu dubbi Waaqa iti hasoomne ch'ufu keesa jirtu, dachaane waan worri keesa jira ilaalu male. Barnabani Yohana, ka Mariko jed'ani, ufi gula fuud'u fed'e. Ammo Pauloni aka isa fuud'ani imfeene, maro inni Pamfiliati worra lakise worra woliini huji tolchu dideefi. Worri guddo wolmorme gargari bahe. Jennaani Barnabani Mariko fuud'e haga Kiproni hobolooni d'aqe. Ammo eegi oboleyaani aka inni eeba Aabbo argatu Waaqa kad'ateefi Pauloni sila fuud'e iti d'aabate. Inni Shamufi Kilikia keesa dabre gumi jabeese. Pauloni dira Derbefi Listra d'ufe. Nama Yeso tokoti jira, ka Timotheo jed'ani: inni ilma niiti Yahudi toko ta d'ugefatte, ammo abbaani isaa gosa Griki. Oboleyaani ta Listrafi Ikonio jirtu, Nama dansa isaani jette. Pauloni isa fohate, aka inni isa woliini deemu. Inni isa fuud'e qabanqaba qabeefi, waan Yahudiini fulla suni jirtu ch'ufti aka abbaani isaa gosa Griki beetuufi. Worri dira ch'ufa keesa yayae aada seera ergattufi jaaroleeni Yerusalemuti murte, gumi iti kenne, Guuta jed'eeni. Tanaafi gumiini Waaqa d'ugefacha keesa jajabaatte guyya ch'ufa heddatte. Worri Frigiafi Galatia keesa dabre, jennaani Lubbuuni Qulqullooni aka worri Asia keesa dubbi suni inhaasoomne worrati himte. Worri Misia geennaani Bithiniati dabru fed'e, ammo Lubbuuni Yeso worraa d'owarte. Worri Misia bira bahe dabre Troati gadibue. Halkani toko Pauloni daayyaani wo arge. Nami lafa Makedonia toko isa dura ejate isa kad'ate waan jed'eeni, Makedoniati kooti, nu qarqaari. Inni daayya suni arginaani, nu maro tokotu aka Makedonia yaanu buufanne, waan aka Waaqi nu yaame, Odu Dansa iti odeesa nuuni jed'e mid'aafanneefi. Jennaani nu Troa kaane, Samothrake iti qajeelle, boriyya Neapoli geenne. Eegi suni nu Filipi d'umne, dira dira ch'ufa ira gudda toko lafa Makedonia suni keesa, ka Rumiini iti qubatte. Nu dira suni keesa bulti diqo toko teenne. Guyya Sabato dira keesa yaane, moga galaana toko, fulla nami Waaqa iti kad'atu d'ageenne d'anne gadi teteenne, nad'eeni fulla suni jirtuti hasoomne. Niitiini toko, ta Lidia jed'ani, ta woya didiimtu gurgurtu, ta dira Thiatira, ta Waaqa guddiftu, nu ch'aqafte. Aabbooni garaa isi bane, isiini waan Pauloni jed'e d'ageete. Worra ufi ch'ufa woliini batiso argannaani waan nuuni jette yo isani aka anini Aabbo d'ugefad'e agartani, mana kiyya koota achi taa, jette nu sobate. Ato nu fulla kad'acha yaanu, intalti toko ta jinni yuubooma qabdu, nuuni baate. Isiini abbooti ufiti guddo wo baate, waan isiini wo fadduufi. Isiini nufi Paulo gula deemte iyite waan jette, Worri kunini hojattu Waaqa Guddaati, ta kara baha isani agarsiiftu. Guyya heddu isiini akasuma tolchite. Ammo Pauloni lalefate isiti mich'irame waan jed'eeni, Anini maqa Yeso Kristotiini, Isi keesaa bahi siini jed'a jed'e. Hojuma suni jinniini taani isi keesaa baate. Abbootiini isii hori duri ira argattu aka d'abdu arginaani Paulofi Sila qabani gabayati hirkisani, jaarole dura geesani, Jara dubbi murutini d'ufani himatani waan jed'ani, worri kunini Yahudi guddo dira keenna kana yakuu jira. Ammalle aada nu gochiti Rumi d'agayu himmalini yokhaani guutu himmalini nu barsiisa jed'ani. Gumiini wolumaani iti ch'aarte, jari dubbi muru woya worra iraa yaase, d'aana namaani jed'e. Eegi lichooni guddo worra d'aanani, mana hid'aansa keesa worra buusani, gudda mana hid'aansatiini, Aka dansa worra kana qorqorad'a jed'ani. Inni seera kana d'ageennaani dinqa mana keesa worra naqe, miila worraa jabeese mukhati hid'e. Saa jaa ka halkani Paulofi Silani Waaqa kad'atani sirbani, nami hid'aansa keesa jiru ch'ufti worra d'agaye. Maro tokotu lafti chochoote, yayabi manaleeni chochoe. Hojuma suni balbalti ch'ufti banamte, haadi namaani hid'ani hiikhate. Guddaani mana hid'aansa hiriiba keesa damannaani, balbala bana qabdu arge, waan nami hid'aansa keesaa baqate sehe, sheefti fud'ate ufi ijeesu fed'e. Ammo Pauloni qonqo olfud'ate iye waan jed'eeni, Woma ufi intolchiini, nuuni ch'ufti arma jira. Jennaani inni, Ifseeni kooti nama tokooni jed'e, mana keesa ch'ee, holate miila Paulotiifi ka Sila jalati jige. Jennaani worra keesaa yaase waan jed'eeni, D'iiro, anini mani tolchu male aka baafamu? Worri waan jed'eeni, Aabbo Yeso d'ugefad'u, duuba imbaafamta, worra kanke ch'ufa woliini. Worri dubbi Aabbo isaafi nama mana isaa keesa jiru ch'ufati odeese. Inni hojuma suni halkaniini worra fuud'e, mada worraa d'iqe. Isaafi worri isaleeni ch'ufti hojuma suni batifamani. Jennaani mana ufitiini worra d'aqe sagale worraa kenne waan worra ufi woliini Waaqa d'ugefateefi gammade. Lafti bariinaani, jaaroleeni dubbi murtu gugurdooni taani askarti iti ergite waan jetteeni, Jara suni gadi lakisa. Guddaani mana hid'aansa dubbi tana Pauloti hime waan jed'eeni, jari dubbi muru ya nama erge yaa isaniini jed'e, tanaafi amma kakaa nagayaani yaa. Ammo Pauloni waan worraani jed'e, Worri biyya durati, nuu gosa Rumi d'aane, ato wollaala nuti imurini hid'aansa keesa nu kaye! Ammalle ammatana akanumati nu lakisu fed'a? Hiyyo, worri ha d'ufe keesaa nu yaasuuti. Jari gugurdaani askarti dubbi tana jara dubbi muruti himnaani, aka worri gosa Rumi d'ageennaani guddo sodaatani, d'ufani araarama kad'atani. Jennaani diidati baasani, aka worri dira suni keesaa yau kad'atani. Paulofi Barnabani mana hid'aansa keesaa yaani mana Lidia d'aqani. Achiti oboleyaani arginaani jabeesani kaani yaani. Eegi worri Amfipolifi Apolinia keesa dabrani, Thesalonike d'ufani, fulla mani Waaqa iti kad'atani ka Yahudi jiru. Pauloni akuma aada ufi jiddu worraa seene, guyya Sabato sadii waan dubbi Waaqa worra woliini hasae. Inni diideese worra agarsiise, aka Yesoni gaargale duisa keesaa kau male, ammalle, Yesoni kunini ka anini isaaniti himu d'uguma Kristo worraani jed'e. Nami gari d'ugefate, Paulofi Sila woliini yae; jara Griki ka Waaqa sodaatufi nad'eeni gurra qabdu hedduleeni d'ugefatte. Ammo Yahudiini maro d'iibitifi nama hamama, ka aada dansa imbeenne wolti yaamte, nama dira ch'ufa wolti baafte mana Yasoni haate, aka akasiini yo dandaani, Paulofi Sila qabani gumi duraani d'ufani. Ammo worra d'amnaani Yasonifi oboleyaani gari qabani, gara jara gugurda hirkisani, iyani waan jed'ani, Worri lafa ch'ufa garagalche kunini yayu armaaleeni bahe, Yasoniti worra bulche. Ammalle worri kuni ch'ufti seera Kaisari ch'abse waan jed'u, Hayyu d'ibiti jira ka Yeso jed'ani. Dubbi tanaani dira garagalchani gumifi jara gugurda ch'ufa jarjarsani. Jaaroleeni Yasonifi jara kaani hori iraa fuunaani galakifte. Maro tokotu oboleyaani Paulofi Sila halkaniini haga Beroya ergite. Worri d'umnaani mana Waaqa iti kad'atani ka Yahudi olduude. Worri lafa suni worra Thesalonike ira dansa. Dubbi Waaqa qalbi dansaani ch'aqasani, t'aafi guyya ch'ufa keesa barbaadani, aka wonti kunini d'uga ilaalani. Duuba nami hedduuni d'ugefate, nad'eeni gurra qabdu ta gosa Yahudileeni d'ugefate, ammalle nami d'iiraleeni, hedduuni d'ugefate. Ammo Yahudiini Thesalonike, aka Pauloni dubbi Waaqa Beroya keesati odeese d'ageennaani, achi d'ufte biyya iti kaafte. Maro tokotu oboleyaani Paulo gara galaana ergite, ammo Silafi Timotheoni achumati hafani. Worri Beroyati galisaa kae jennaani Pauloni aka Silafi Timotheoni hure gara isaa d'ufani worrati d'aame. Ato Pauloni Athene keesati Silafi Timotheo eegu, aka diri suni waan harkaani boch'aniini guutame arge guddo lalefate. Tanaafi mana Waaqa iti kad'atani keesati Yahudifi nama Waaqa sodaatu woliini hasae, dubbi mormeeni, ammalle guyya ch'ufa gabaya keesati worra gara isaa d'ufeeni hasae. Jari woi beekhu toko, ka Epikureofi Stoiko jed'ani, isaani dubbi morme. Nami gari waan jed'e, Namichi daallichi kunini maani jechu jira? Ammo ka gari waan jed'e, Inni nama waan waaqoota ka nami imbeenne hasau jiru fakaata. Wonti worri akana jed'eefi waan Pauloni waan Yesotiifi waan kaisa isaa worrati hasaeefi. Worri isa fuud'e, gara Areopago geesani waan jed'aniini, Barsiisa haraa atini nama barsiiftu tana d'agayu feena. Atini dubbi mama nuti odeesita, tanaafi nu waan kana d'agayu feena jed'ani. Nama Athentiifi keessumaani fulla suni d'ufte ch'ufti hojja ch'ufa woma intolchitu, waan haraa hasaani yokhaani ch'aqasani male. Pauloni fulla Areopago ejate waan biyyaani jed'e, Worra Athene, aka isani guddo waan Waaqa hereddani yayu arge. Ato anini dedeeme aada kad'acha teesani ilaalu, anini dubbi toko ta fulla isani sorio iti qalattani gubbati t'aafani arge, ta GARA WAAQA NAMI IMBEENNE jettu. Tanaafi waan isani ato imbeenne kad'attani suni anini isaniti odeesa. Waaqi, ka lafafi waan keesa jira ch'ufa uume, waan inni Abba gubbafi lafa taheefi, mana harki nama ijaare keesa intau. Yokhaani harki nama isa inyaachisu, aka waan inni wo fed'u. Wonti akanatiifi inni jireennafi hafuura nama ch'ufaa kenna. Inni nama toko iraa gosa lafa ch'ufa keesa teetu uume, lafa ch'ufa keesa qubsise. Isumati qara bara gochiti suni teetufi seera lafale tolche. Wonti inni akasi tolcheefi, aka Waaqa barbaadani aka sila isa argani beekhani. Ammo inni nu tokole iraa fago injiru; akuma nami toko jed'e, Nu isa keesa yaane teteenne jireenna arganna. Akuma namichi keesani toko sirba keesa jed'e, nu ijoolle isaati. Waan nu ijoolle isaa taaneefi, waan Waaqi aka worqi yokhaani aka saldaqa yokhaani aka d'akha nami harkaani boch'u jiru nu sehu himmalle. Haga nami isa imbeenne kana ch'ufa Waaqi ya bira namaa dabre, ammo ammatana aka nami ch'ufti daba iraa deebiu fed'a. Inni ya guyya tolfate, aka nama lafa jiru ch'ufa d'ugaani qoru, nama inni fohateeni. Inni ya nama kana duisa keesaa kaase, waan kana kara kanaani nama ch'ufaa d'ugeese. Waan duisa keesaa kaiti d'ageennaani, nami gari goyeese, ka gari, Waan kana guyya d'ibi iti deebine sira d'ageenna jed'e. Duuba Pauloni jiddu worraati kae deeme. Nami gari isati mataqe d'ugefate, toko Dionisio jed'ani, nama goli Areopago, tokoleeni niiti toko ta Damari jed'ani, ammalle nami d'ibileeni ka worra woliini jiru d'ugefate. Eegi waan kana Pauloni Athene kae Korintho d'ufe. Achiti nama Yahudi toko, ka Akila jed'ani, ka lafa Pontoti d'alate, ka d'io niiti isaa Prisila woliini lafa Talianati d'ufe arge. Wonti inni achi d'ufeefi waan Klaudionini aka Yahudiini ch'ufti lafa Rumi keesaa godaantu mureefi. Ammalle waan hujiini worraa taka taateefi worra woliini tae; hujiini worraa huji waaro mid'aasani. Sabato ch'ufa inni mana Waaqa iti kad'atani keesati hasae, Yahudifi Griki kara ufi deebise. Silafi Timotheoni Makedonia d'ufani jennaani Pauloni halkani guyya hasae, aka Yesoni Kristo Yahuditi odeese. Yahudiini isa didde arabsinaani, inni woya hargufate waan jed'e, D'iigi keesani mata keesani gubba ha jiraatu, anini qulqullo, arraa achi anini gara gosa d'ibi deema. Inni kae deeme, mana nama toko, ka Tito Yusto jed'ani, ka Waaqa guddisu d'aqe. Mani isaa d'awatu mana Waaqa iti kad'atani jira. Krisponi, ka gudda mana Waaqaa, worra ufi ch'ufa woliini Aabbo d'ugefate. Nami Korintho hedduuni waan kana d'ageennaani d'ugefate batifame. Jennaani Aabbooni halkani toko daayyaani Pauloni dubbate waan jed'e, Insodaatini, dubbad'u, inch'aliisiini. Anini si illakisu, wolumaani jirra, nami tokoleeni dandae woma si intolchu, anini nama heddu dira kana keesaa qaba. Inni dira suni keesa haga ganna tokofi jia jaa tae dubbi Waaqa worra barsiise. Gaafa Galioni jaallaba Akafa, Yahudiini Paulo qabde fulla qorsuma geesite waan jetteeni, Namichi kunini aada male biyya aka Waaqa kad'atani barsiisa! Pauloni dubbachu fed'e jennaani Galioni waan Yahudiini jed'e, Yo sila wonti kunini waan kiyyiba yokhaani waan ch'ubbu hamtu taate anini isani ch'aqasu male. Ammo yo waan dubbitiifi maqafi waan seera keesani ch'allaa taate, isanumaani ilaalad'a. Anini waan akana kana inqoru jed'e. Duuba fulla qorsumati worra gusse. Nami ch'ufti Sosthene, gudda mana Waaqa iti kad'atani qabe fulla qorsumati geesani d'aanani. Ammo Galioni waan kana tokole iyaalle. Eegi waan kana, Pauloni guyya heddu achi keesa tae, duuba nagaya oboleyaaniti d'aamate, hobolo seene lafa Shamu d'ufe, Prisilafi Akila woliini. Ato indeemini, Kenkrea keesati kakhate mata haadate. Worri Efeso d'umnaani, Pauloni worra achiti lakise. Ammo ufii mana Waaqa iti kad'atani seene Yahuditi hasae. Yahudiini isa kad'atte aka inni ammalle isii woliini tau, ammo inni indide. Taatule nagaya d'aamate, Yo Waaqi jed'e anini indeebia jed'e, hobolo seene Efeso keesaa deeme. Kaisaria geennaani Yerusalemu d'aqe, gumi Waaqa nagaya fuud'e, jennaani Antiokiale d'aqe. Bulti diqo toko achi keesa tae kae deeme. Lafa Galatiafi Frigia keesa dedeeme gumi d'ugefatte jabeese. Namichi Yahudi toko ka Iskanderiati d'alate, ka Apolo jed'ani, Efeso d'ufe. Inni nama arabaani qaro ammalle waan t'aafi ch'ufa guddo hubate. Namichi kunini qara waan kara Aabbo barate, garaani isaa owinaani waan Yeso qajeelche dubbate barsiise, ammo batiso Yohana ch'allaa beekha. Soda male mana Waaqa iti kad'atani keesati barsiise. Prisilafi Akilani waan isaa d'ageennaani fuud'ani, Kara Waaqa haga qara ira barsiisani. Inni Akaya d'aqu feenaani, oboleyaani tatabe iti kennite aka jari Yeso isa bulchu. Achini baanaani inni guddo worra maro eeba Waaqatiifi d'ugefate qarqaare. Wonti akanatiifi inni waan t'aafi duri keesati t'aafani aka Yesoni Kristo nama ch'ufa agarsiise, akasiini moroma Yahudi ch'ufa dabsate. Ato Apoloni Korintho ke jiru, Pauloni arda suni ch'ufa keesa deeme Efesoni bahe. Jara Yeso ka gari arginaani inni waan worraani jed'e, Isani gaafa d'ugefattani Lubbu Qulqullo argattani? Worri waan jed'eeni, Hiyyo, aka Lubbuuni Qulqullooni jirtule imbeennu. Inni duuba waan worraani jed'e, Batiso tamiini batifamtani re? Batiso Yohanatiini batifamne jed'aniini. Jennaani Pauloni waan jed'e, Yohanani d'uguma batiso daba iraa deebianiini barsiise waan jed'e, Ka na gula d'ufu d'ugefachu maltani, nami suni Yeso. Worri waan kana d'ageennaani maqa Aabbo Yesotiini batifame. Pauloni harka worra ira keyanaani, Lubbuuni Qulqullooni worra ira buute afaani d'ibi dubbatani dubbi Waaqa hasani. Worri d'iira haga kud'ani lamati. Pauloni mana Waaqa iti kad'atani seene, haga jia sadi soda male dubbate, nama hedduuni wolmormani waan finna Waaqa nama barsiise. Ammo nami gari mata jabaate d'ugefachu dide, gumi durati hameenna kara Aabbo dubbate. Tanaafi Pauloni worra biraa deeme, jara Yeso guure guyya ch'ufa mana Tirano keesati barsiise. Inni haga ganna lama ch'ufa akasi tolche, tanaafi nami Asia keesa jiru ch'ufti, ka Yahuditiifi Grikileeni, dubbi Aabbo d'agaye. Waaqi akheekha gugurda harka Paulotiini tolche. Yo bututufi woya isaa nama fayya inqamneti geesanile, hojuma suni fayyani jinniini keesaa baati. Yahudiini gari, ta lafa ch'ufa keesa yayaate jinni nama keesaa baafte, maqa Yeso Kristotiini jinni nama keesa yaasu iti gamte waan jette, Anini maqa Yeso, ka Pauloni barsiisuuni si abaara jed'ani. Ilmaani torbati jira, ta Qaallicha Yahudi Gudda, ka Skewa jed'ani, ta waan kana tolchite. Jinniini waan worraani jette, Anini Yeso imbeekha, Paulole imbeekha, ammo isani eennu kana? Namichi jinni qabu kaani worrati kae dabsate, mata d'od'oose woya ira tatarsaase, mana keesaa gusse. Yahudifi Grikiini Efeso keesa jirtu ch'ufti waan kana d'ageennaani guddo sodaatte, maqaani Aabbo Yesoleeni guddifame. Nami hedduuni ka qara d'ugefate d'ufe daba ufi himate, huji ufi diideese hime. Falfaltuuni hedduuni kitaaba ufi wolti guurte, nama ch'ufa durati ibidaani gubde. Gati waan gubani kaani ch'ufa heregani jennaani aka isiini qarsi kunki shantama taate argani. Akanaani dubbini Aabbo jabaatte guddatte fulla ch'ufaa geete. Eegi waan kana Pauloni aka Makedoniafi Akaya keesa dabre Yerusalemu d'aqu kutate waan jed'e, Yo achi gahe, Rumile d'aqu male jed'e. Tanaafi inni jara lama, Timotheofi Erasto, ka waan isaa qorqoratu, Makedoniati erge, ammo ufi Asia keesa diqo toko tae. Eegi waan kana gaargali guddaani, maro Kara Aabbootiifi, lafati bue. Ogeesi toko, ka Demetrio jed'ani, fakeenna mana Artemi iti kad'atani saldaqa tume, duuba hujiini tuni daldala guddo ogeeyi ch'ufaa d'ufteeni. Inni ogeeyifi nama huji gosa suni tolchu ch'ufa wolti yaame waan jed'eeni, D'iiro, isani imbeetani, aka nu daldala kana keesa hori argannu. Ammalle isani ya argitani d'ageettani, aka fulla Efeso ch'allaaniti, ammo fulla ch'ufa Asia keesa, Pauloni nama heddu sosobe qalbi worra garagalche, Wonti harkaani mid'aasani Waaqaaniti jed'u. Wonti nu sodaannu aka huji teenna ch'alla tuffataniniti, ammo aka mana Artemi ta waaqa jed'anile tuffatani, aka guddinni isi badu, ta Asiafi lafti ch'ufti guddiftu! Dubbi tana d'ageennaani worri guddo ch'aare, waan jed'e, Artemini ta dira Efeso ha guddatu! Diri ch'ufti gohannaani guutame. Gayofi Aristarko, jara Makedonia, ka Paulo woliini imaltu yaani qabani, diida korati geesani. Pauloni biyyati gadi bahu fed'e, ammo jari Yeso d'ugefate kaani isa d'owe. Jari Asia gugurdaani toko, ka jaalaani isaa, nama iti erge, aka inni diida korati gadimbaane. Nami gari akana iya, ka gari aka d'ibi iya, waan gumiini waan taatu wolaalteefi; ammalle nami hedduuni waan nami woltiwoldaeefi imbeekhu. Nami gari, Iskandati wo yake jed'e, waan Yahudiini biyya dura isa d'aabdeefi. Jennaani Iskandani harkaani biyya ch'allisiisu fed'e, aka sila worrati dubbatu. Ammo aka inni Yahudi arginaani, nami ch'ufti qonqo tokooni haga saati lama iye, waan jed'e, Artemini ka dira Efeso ha guddatu! Eege guddaani dira biyya ch'allisiise, inni waan jed'eeni, D'iiro, biyya Efeso, nami ch'ufti aka diri Efeso mana Artemi guddafi d'akha qulqullo ka gubba gadi bue qorqoratu imbeekha. Aka nami waan kana dandae imormanne imbeetani, tanaafi ch'allisa, woma iyakina! Isani jara kana armati d'uftaniini, ka waan mana Waaqaa inhatiini, yokhaani waaqa keenna inarabsiini. Yo Demetriofi tumtuni isa woliini jirtu dubbi nama iraa qabaate kori injira nami dubbi qoruleeni injira, ha waan fed'ani himatani. Ammo yo isani dubbi d'ibi gaafachu feetani, akuma aada kora jaarole keesati dubbad'a. Wonti akanatiifi waan gohanna arra tana, yo nu gaafatani, nuu waan hamtu; wonti gumiini tunini wolwoldeeteefi, ta nu himannu, injirtu. Dubbi tanaani inni biyya galche. Eegi gohanti ch'aamte, Pauloni gumi Yeso wolti yaame gorse nagaya d'aamate kae Makedonia d'aqe. Lafa suni keesa dedeeme gumi guddo gorse lafa Griki d'aqe. Jia sadii achi tae. Shamu hobolooni d'aqisa kaanaani, aka Yahudiini d'ossaani isa eedu d'agaye; duuba aka kara Makedoniatiini galu kutate. Sopatroni ilmi Piro ka dira Beroya d'ufe isa gula deeme ammalle jari kunileeni isa gula yae; Aristakofi Sekundo, worra lafa Thesaloniketifi Gayo lafa Derbetifi Timotheofi Tikikofi Trofimo, worra Asia. Jari kunini nu dura dabre lafa Troati nu eege. Guyyaani Qit'a bukho inqamne dabarraani nu Filipi hobolooni kaane, eegi bulti shani Troati worra d'aqamne, haga bulti torba achi teenne. Guyya qara ka torbaani nu woli woldeenne qit'a ch'absine. Pauloni worrati hasae, aka kaisa boriyyaati kurfefatu haga saa jaa ka halkani hasae. Fulla nu wolti woldeenne ta mana gubba suni keesa ifse hedduti jira. Nami kaima toko ka Eutiko jed'ani fulla dirisha tae; waan Pauloni guddo hasaeefi inni muge, haga mana sadeeso ka gubbati d'aqate lafa d'ae, isa due lafaa fuud'ani. Pauloni gadibue isati gadijed'e, iti mamarate waan jed'e, Inahiina, inni indoone. Eegi inni oldeebie qit'a ch'abse nyaate, haga baraaqa d'eereese hasae, duuba kae deeme. Worri kaani kaima kaani ka jiru fuud'ani garaa jabaatani. Pauloni haga Aso miilaani deemaa kanaani, Hobolooni koota arti na fuud'a nuuni jed'e, duuba nu hobolooni dabare Aso yaane. Inni Asoti nuuni baanaani, hobolo keesa isa keenne Mitilene deemne. Hobolooni achi kaane boriyya Kio d'umne. Iftaani Samo d'umne, iftaani achaantu Mileto geenne. Pauloni aka hobolooni Efeso biraa dabru kutate, maro Asia keesati turu imfeeneefi. Inni arifate aka yo dandae, ato guyyaani Pentekoste ingahiini Yerusalemu gahu. Ato Mileto jiru, inni nama gara Efeso erge jaarole gumi Waaqaa yaame. Worri gara Paulo d'ufe duuba inni waan worraani jed'e: Haga guyya qara ka anini Asia d'ufe, aka anini oole bule imbeetani. Gaafa Yahudiini na gaargalchite na ijeesu feete, ufi diqeese imimaani bohe huji Aabbo hojad'e. Ammalle waan isani olaana tokole inhambimne, ato isanii agarsiise barsiisu, nama duraafi maneeni teesani keesaleti. Anini Yahudifi gosa d'ibileti layu hime, aka daba lakisani Waaqati deebiani Aabbo Yeso d'ugefatani. Amma anini gara Yerusalemu d'aquu jira, waan Lubbuuni Qulqullooni na deemsifteefi; ammo waan achiti tahu imbeekhu. Anini imbeekha, Lubbuuni Qulqullooni ya nati himte, dira ch'ufa keesa hid'aansafi gaargalati na eegata. Ammo anini jireenna kiyya inheregu, waan dansale insehu, aka anini deema tiyya gammadaani hobaase huji tiyya ta Aabbo Yesoni naa kenne, ta Odu Dansa ta eeba Waaqa d'ugeesu guutu. Anini imbeekha, aka isaaniini ch'ufti, ka anini jiddu teesaniti Finna Waaqa hasae, fuula kiyya deebitani ingarre. Tanaafi anini guyya kana isani durati hima, aka d'iigi nama tokoleeni na gubbaa injirre. Anini fed'i Waaqa tokole isani ind'ossine. Tanaafi ufiifi hooliye Lubbuuni Qulqullooni isaniti kennitele qorqorad'a, aka gumi Aabbo ta inni d'iiga ufitiini bitate nyaachiftani. Anini imbeekha aka eegi anini deeme, yeyiini hamtuuni jiddu teesani d'ufte hooliye fit'u. Ammalle jiddu teesani keesa namati d'ufa, ka waan hamtu dubbatu, aka gumi Yeso ufi gula deebisu. Tanaafi eegad'a, qaabad'a, aka anini haga ganna sadi halkaniifi guyya nama ch'ufa imimaaniini gorse. Ammatana harka Waaqatiifi dubbi eeba isaati isani lakisa. Isiini dandeete isani jabeesite worra qulqullo woliini d'aala isani kenniti. Anini maldaa yokhaani worqi yokhaani woya nama tokole ind'araane. Ee, isanileeni imbeetani, aka anini harka kiyyaani waan anini fed'ufi waan waheli kiyya fed'u ch'ufa hojad'e argad'e. Anini ya waan ch'ufa isani agarsiise, aka nu akasi hojanne nama lalaafa qarqaaru malle. Ammalle dubbi Aabbo Yesoni jed'e qaabad'a, ta inni, Wonti kennani waan fud'atani ira eeba qabdi jed'e. Eegi akasi dubbate, inni jilbifate worra ch'ufa woliini Waaqa kad'ate. Worri guddo bohe qach'eera Pauloti jigani isa d'ungatani. Maro dubbi inni dubbate, Isani deebitani fuula kiyya inargitani jed'eefi guddo lalefatani. Duuba haga hobolo isa gegeesani. Eegi nagayaati worraani jenne, hobolo duunne Kositi qajeelle; boriyya Rodo d'umne, eegi suni Patarati dabarre. Hobolo Foinike deemtu toko arginaani seenne iti d'aabanne. Eegi Kipro argine, harka bitaati ufi lakimne Shamu d'anne, dira Tiro keesa seenne, waan hobolooni miha achiti buufachu feeteefi. Jara Yeso arginaani haga guyya torba achi teenne. Worri jabeenna Lubbu Qulqullotiini Paulo iti hime aka inni Yerusalemu ind'anne. Guyyaani hobaanaani kaane kara keenna qabanne. Nami ch'ufti ijoolle ufi woliini nu gegeese, haga nu dira keesa baanuti. Afaani galaanati jilbifanne Waaqa kad'anne. Nagaya wolti d'aamanne hobolo duunne, worri worra ufiti gale. Eegi nu Tiro kaane, Tolemai d'umne; duuba oboleyaani nagaya fuune, guyya toko worra woliini oolle. Boriyya kaane Kaisaria d'umne. Mana Filipo, nama Odu Dansa hasau, seenne woliini teenne. Inni jara torbaani Yerusalemuti fohatani kaani keesa jira. Namichi kunini ijoolle dubra afuri qaba, ta dubbi Waaqa hasooftu. Eegi nu diqo achi turre, raagi Agabo jed'ani toko, Yudea d'ufe. Fulla teenna d'umnaani gurda Paulo fuud'e, harkafi miila ufi hid'e waan jed'e, Lubbuuni Qulqullooni waan jettu, Yahudiini Yerusalemu jirtu, abba gurda kana fuute, akana hiite harka gosa d'ibiti kenniti jed'e. Waan kana d'ageennaani nufi worri sunileeni Paulo kad'anne aka inni Yerusalemu ind'anne. Jennaani Pauloni waan jed'e, Isani maani tolchitani, ka bootani garaa na yakitani? Anini aka na hid'ani ch'alla inkurfefanne, ammo aka Yerusalemuti maro maqa Aabbo Yesoti duu kurfo jira jed'e. Inni sosobamu dinnaani Fed'iini Aabbo ha taatu jenne galakimne. Eegi guyya suni nu miha keenna fud'anne Yerusalemu d'anne. Jari Yeso ka gari, ka Kaisaria jiru, nu woliini yae, mana nama Yeso toko ka Nasoni jed'ani, ka lafa Kipro, ka nu sila woliini teennu, geese. Yerusalemu d'umnaani, oboleyaani gammadaani nu bulchite. Boriyya nu Paulo woliini yaane, fulla Yakobo d'anne; jaaroleeni ch'ufti achi jirti. Duuba inni nagaya fuud'e, waan Waaqi jiddu gosa d'ibiti harka isatiini tolche hime. Worri waan kana d'ageennaani Aabbo guddise waan isaani jed'ani, Oboleesa, atini ya argite, aka Yahudiini kunki heddu ta d'ugefatte jirtu, ammalle ch'ufti guddo Seera jabeesiti. Waan worri d'agaye, atini Yahudi ch'ufa ta lafa gosa d'ibi keesa teetu, aka Seera Musa lakiftu barsiifte, ammalle aka atini worri ijoolle ufiti qabanqaba inqamne yokhaani aada gula iyaane barsiifte jed'ani. Amma maani tolchu malani re? Worri aka atini d'ufte ind'agaya. Atini duuba waan nu siti himnu tolchi. Nama afuri qamna, ka kakhate. Worra fuud'i, worra woliini ufi qulqulleesi, hori aadaa baasi, aka worri mata haadatu. Duuba nami ch'ufti aka wonti waan kanke d'agayani suni woma intahiini inarga, ammo aka atini aada gula deemte Seera Musa guuttu. Waan gosa d'ibi ta d'ugefatte, nu ya tatabe worraa t'aamne, herega keenna gula, aka worri sagale waan harkaani boch'ani qalaniifi d'iigafi waan hud'ani ijeesaniifi algalooma lagatani. Jennaani Pauloni jara kaani fuud'e, boriyya worra woliini ufi qulqulleese, aka guyya qulqullefachaani isaa hobaate sorio worra suni ch'ufaafi qalani himu Mana Waaqa seene. Ato torbaani diquma inhobaiini, Yahudiini Asia Mana Waaqa keesati isa argite, jennaani gumi ch'ufa iti kaafte Paulo qabde waan jette, D'iiro, gosa Israeli, nu qarqaara! Namichi kunini sunuma, ka nama ch'ufa fulla ch'ufati barsiisu, aka gosafi Seerafi Mana Waaqaa kana tuffatani. Ammalle nama gosa Griki Mana Waaqa kanaani d'ufe, fulla qulqullo tana t'ureese. Wonti akanatiifi worri nama Efeso, toko, ka Trofimo jed'ani, Paulo woliini dira keesati argani, waan Pauloni Mana Waaqaa isa seensise sehani. Nami dira suni ch'ufti iti kae, nami ch'ufti orie, Paulo qabani, Mana Waaqa keesaa hirkisani. Maro tokotu balbalti ch'ufamte. Ato worri isa ijeesu fed'u, oduuni namicha gudda askarti geete, aka gohanti Yerusalemu ch'ufa keesa jirtu. Inni maro tokotu askartiifi jara gugurda askarti fuud'e, gara worra suni oriani. Gudda askartitiifi askarti arginaani Paulo d'aanu lakisani. Guddaani askarti iti d'iaate, Paulo qabe, Haada sibiila lamaani hid'a jed'e. Jennaani, Nami kuni eennu, maani yake? jed'e gaafate. Gumi keesa nami gari aka toko iye, ka gari aka d'ibi iye. Hubachu dad'amnaani, Fulla askartiini bultu geesa jed'e. Afaani balbala geennaani, askartiini maro dalansu gumitiifi Paulo hampaarte. Gumiini guddooni isa gula yaate, Isa ijeesa jette iyite. Ato mana askartiti geesanu, Pauloni waan gudda askartitiini jed'e, Siini dubbachu fed'a. Inni, Afaani Griki dubbachu imbeeta? jed'e gaafate. Atini eennu kana? Namicha lafa Misiri, ka onana nama kaase shifta kunki afuri lafa alo geeseeniti? Ammo Pauloni waan isaani jed'e, Anini Yahudi, nama dira Tarsoti, ka lafa Kilikia keesa jiru; ammalle diri keenna gudda. Anini sii kad'ad'a aka anini biyya tanati dubbad'u. Inni ee jennaani, Pauloni afaani balbala eje harkaani biyya ch'allisiise. Worri ch'allimnaani, inni afaani Ebraniatiini worrati dubbate waan jed'eeni: D'iiro, oboleyaani, abbooti, anini amma isani durati ufii dubbachu fed'a na ch'aqasa! Isa afaani Ebrania dubbatu d'ageennaani haga qarale ira ch'allisani. Duuba Pauloni waan jed'e. Anini Yahudi, dira Tarso keesati d'alad'e, ka Kilikia keesa jiru, ammo anini dira kana keesa Gamalieli jalati guddad'e. Aada Seera ababoota teenna ch'ufa akuma d'ugaa na barsiisani kara Waaqaa owise iti jabaad'e, akuma isani guyya kana tolchuuti jirtani kana. Ammalle anini nama Kara kana gula deemu haga duisa gaargalche, d'iirafi nad'eenile hid'e, mana hid'aansa keesa naqe. Qaallicha Guddafi jaaroleeni waan kanati naa d'uga. Anini tatabe worra ira argad'e, aka oboleyaani Yahudi ta Damaski jirtuti geesu; tanaafi anini achi d'aqe, aka nama Kara suni gula deemu hid'e Yerusalemutini d'ufu, aka achiti gaargalchani. Anini Damaskiti d'iaannaani, guyya gudda, adu saa jaa, ifsaani toko nati ifse. Anini lafati jige, qonqo toko d'agaye ta, Saulo, Saulo, maafi naa gaargalchita? naani jettu. Anini, Aabbo, atini eennu kana? jed'eeni. Inni waan naani jed'e, Anini Yeso Nazareti, kauma atini gaargalchuu jirtu. Worri na woliini jiru ifsa arge male, qonqo naani dubbattu ind'ageenne. Anini waan jed'e, Aabbo, anini maani tolchu male re? Aabbooni waan naani jed'e, Kai, Damaski d'aqi, waan atini tolchu malte achiti siti himani. Maro ifsa sunitiifi anini lafa argu dad'abe; tanaafi waheli kiyya harka naa qabe dira na seensise. Namichi toko, ka Anania jed'ani, ka Seera Waaqa guutu, ka Yahudiini Damaski ch'ufti saade, nati d'ufe na bira eje, Aadda Saulo, lafa argi naani jed'e. Hojuma suni anini lafa arge isale arge. Inni waan naani jed'e, Waaqi ababoota teenna ya si fohate, aka atini fed'i isaa baratte Nama d'uga suni argite qonqo afaani isaa iraa d'ageetu. Atini d'uga isaa taata, aka waan agarteefi waan d'ageete nama ch'ufati himtu. Ammatana maani eedda? Kai, batifami, daba kanke d'iqad'u, maqa isaa yaamad'u naani jed'e. Eegi anini Yerusalemuti deebie, ato Mana Waaqaa keesa tae kad'ad'u, daayyaani wo arge. Anini Aabbooni, Hurrisi, Yerusalemu keesaa bahi, worri kuni dubbi tante ind'ugefatu naani jed'u d'agaye. Anini waan jed'eeni, Aabbo, worri aka anini maneeni Waaqa iti kad'atani ch'ufa keesati nama si d'ugefate hid'e d'aane imbeekha. Gaafa Stefano, ka d'uga teeti, maro teetifi ijeesani, anini bira eje duisa isaa ee jed'e woya worra isa ijeesele qorqorad'e jed'e. Inni waan naani jed'e, Kai, deemi, anini lafa fago gara gosa d'ibi si erga. Haga inni dubbi tana jed'u ch'ufa ch'aqasani jennaani qonqo olfud'atani waan jed'ani, nama kana lafa tana keesa balleesa jiraachu himmalle. Ato worri gohe woya hargufe biyye oli dadarbatanu, guddaani askarti aka mana askartitiini Paulo d'ufani hime, ammalle aka lichooni isa d'aanani mure, aka inni waan worri Pauloti iyeefi beekhu. D'aanicha isa hiinaani Pauloni, waan namicha isa bira ejuni jed'e, aki isani nama gosa Rumi ka wollaala iti imurini d'aantani fullaa? Guddaani askarti akasi d'ageennaani d'aqe gudda ufiti hime waan jed'e, Atini maani tolchu feeta? Namichi kunini gosa Rumiti. Guddaani askarti d'ufe waan Pauloni jed'e, Ila, atini gosa Rumiti? Pauloni, Ee jed'e. Guddaani askarti waan jed'eeni, Anini hori gudda baase nama Rumi tahe. Pauloni waan jed'eeni, Ammo anini lafa suniti d'alad'e. Jennaani jari sila isa himsisu maro tokotu isa biraa yae. Guddaani askartileeni, aka Pauloni ka inni sibiilaani hid'e gosa Rumi d'ageennaani sodaate. Guddaani askarti waan Yahudiini Paulo himateefi beekhu fed'e, tanaafi boriyya inni haada Paulo iraa hiikhe, jaarole koraa wolwoldeesise, Paulo fuud'e jiddu worra ejachiise. Pauloni jaarole kora sonaani ilaale waan jed'e, Oboleyaani, anini qalbi tiyya keesati imbeekha, aka anini, wollaala male, Waaqa dura deeme haga arrale. Qaallichi Guddaani, ka Anania jed'ani, worra isa bira ejaanjuuni, Afaani keesa d'aa jed'e. Pauloni waan isaani jed'e, Waaqumaani si d'ainna, atini aka naabo d'akhaani jaraani ta daara dibani adeesani jirta; aka sila Seera gula na qortuufi arma teete ammo Seera male afaani keesa d'aa namaani jetta? Worri Paulo bira ejaanjatu waan jed'eeni, Atini Qaallicha Waaqa Gudda arabsita! Pauloni waan jed'eeni, Oboleyaani tiyya, anini aka inni Qaallicha Gudda imbeekhu. T'aafiini waan jettu, Worra isani fidu waan hamtu injed'inaani. Pauloni aka jari gari Sadukayo ammalle ka gari Farisayo arginaani, kora keesati qonqo olfud'ate waan jed'e, Oboleyaani, anini Farisayo, ammalle ilma Farisayooti. Wonti na qoraniifi maro anini kaisa nama due abdad'uufi. Inni akana jennaani, jiddu Farisayootiifi ta Sadukayo moramaani d'ufte gumiini gargari qoodamte. Sadukayoni, Kaisi nama due injiru jetti; ammalle malaikafi ekheraani injirtu jetti, ammo Farisayooni, wonti kuni sadeenu injirti jetti. Guddo iyani, jari Seera beekhu ka gama Farisayo kae morme waan jed'e, Daba nama kana irati ingarre, hegeri d'uguma ekheraani yokhaani malaikaani isaani dubbatte jed'ani. Moromaani aka taka inargiini d'umnaani guddaani askarti waan worri Paulo qabe gargari tarsaasu sehe. Tanaafi askarti iti erge, aka isiini gadi buute harka isaani keesa irreeni isa fuute mana ufiti isa galchitu. Halkani lameeso Aabbooni isa bira ejate waan jed'e, Garaa jabaad'u, akuma Yerusalemu keesati na d'ugeesite suni, Rumile keesati na d'ugeesu malte. Lafti bariinaani jari Yahudi toko wold'aqe, kakhu jabdu toko wolti kakhatani waan jed'ani, Haga Paulo ijeemnuti nyaane ind'unnu jed'ani. Worri kakhate sunini nama afurtama ira jira. Gara qaalole gugurdofi jaarole d'aqani waan jed'ani, Nu ya kakhu jabdu kakhanne, aka woma inyaanne haga Paulo ijeemnuti. Tanaafi isani, jaarole kora woliini, gudda askartiti hima, aka inni Paulo fuula keesa duraani d'ufu, aka waan dubbi ira mid'aafachu feetani. Ammo ato inni armaani imbaane, nu kurfo jirra, aka isa ijeemnu. Ammo ilmi oboleeti Paulo dubbi tana d'ageennaani mana askarti olseene Pauloti hime. Pauloni askarticha toko yaame waan jed'eeni, Kaima kana gara gudda askarti geesi. Inni woi iti himu fed'a jed'eeni. Askartichi isa fuud'e, gara gudda askarti isa geese waan jed'eeni, Pauloni, namichi hid'aansa keesa jiru kaani, na yaame, Kaima kana gara gudda kanketi geesi naani jed'e; inni dubbi jabdu ta siini jed'u qaba. Guddaani askarti harka qabe, fulla nami injirre isa geese. Maani nati himu feeta? jed'e gaafate. Inni waan jed'eeni, Yahudiini ya wold'ate ammalle si kad'achu feeti, aka atini bori Paulo gara kora geesitu, aka isiini waan kora keesati dubbi isaa d'agayu feetu ufi tolchitu. Ammo dubbi worra inch'aqasiini, nama haga afurtamati isa eegu jira. Worri ch'ufti ya kakhate, aka nyaatani ind'unne haga isa ijeesaniti. Kurfo jirani aka waan suni tolchani, ammo qonqo tante eegachu jirani. Guddaani askarti, Aka atini waan kana nati himte nama tokoleti inhimini, kaima kaaniini jed'e, ufi biraa deemsise. Jennaani inni jara gugurda askarti lama yaame waan jed'eeni, askarti d'ibba lamatifi nama fardaa torbaatamafi nama worraani ka d'ibba lama ka Kaisaria yau kurfeesa aka worri saa sadi ka halkani yau. Fardoole Pauloni yaabatule kurfeesaafi, nagayaani harka jaallaba Felikiti kenna. Inni tatabe t'aafe waan jed'e, Klaudio Lisia, gara jaallaba dansa Feliki: Nagaya qabda? Yahudiini nama kana qabde diquma inijeesiini. Anini askarti woliini d'ufe isa baase, aka inni gosa Rumi d'ageennaani. Waan isa himataniifi beekhu feenaani, fulla jaarole koraa isa geese. Aka worri waan seera ufitiifi isa himatani arge, ammo waan isa ijeesu malaniifi yokhaani waan isa hid'u malaniifi tokole ingarre. Aka Yahudiini nama kana eegu jirtu nati himnaani anini maro tokotu gara kanke isa erge. Worra isa himatule ya iti hime, aka si durati wolhimatani. Askartiini Paulo fuute Antipatri halkaniini isa geesite. Boriyya askartiini miilaani yaatu worrati dachaate, ammo askartiini fardo yaabattu dabarte. Kaisaria d'umnaani tatabe jaallabati kennani Paulole isa dura geesani. Jaallabi kaani tatabe soomnaani, Namichi kunini nama lafa tami? jed'e gaafate. Aka inni nama Kilikia d'ageennaani waan isaani jed'e, Yo jari si himatu d'ufu, dubbi tante ilaala. Jennaani mana hayyu Herode keesati isa qorqorad'a jed'e. Eegi guyya shani Ananiani, Qaallichi Guddaani, jaarole woliini d'ufe, nama Paulo himatu toko, ka Tertulo jed'ani woliini. Duuba waan Paulo himataniifi jaallabati hasaani. Paulo yaamani jennaani Tertuloni isa himate waan jed'e, Ee Feliki gudda, waan maro tantetiifi nagaya keesa teennuufi, ammalle maro qarqaarsa kanketitiifi huji dansa ta gosa tana tolchanifi, nu guyya ch'ufa fulla ch'ufati waan nu waan kana arganneefi galata sii deebimna. Dubbi d'eertuuni si gaargalchu imfed'u, tanaafi amma si kad'ad'a, dubbi teenna diqo tana d'agayi. Nu nama kana ka nama gaargalchu argine; inni fulla deemu ch'ufati Yahudi yaka; inni gudda worra Nazarayoti. Ammalle inni Mana Waaqale t'ureesu feenaani nu isa qamne. Nu akuma aada teenna gula duuba isaa qoru feene, ammo guddaani keenna Lisiani d'ufe irre guddooni harka keenna keesaa isa fuud'e. Ammalle Lisiani seera baase, aka nami isa himatu si dura d'ufu. Yo atini namicha kana wo gaafate, dandeete waan nu isa himannu kana ch'ufa isa irati ingarta. Yahudiini ch'ufti wold'ate, Himachaani tunini d'uga jette. Jaallabi harka Pauloti qabe, Dubbad'u, jed'eeni. Pauloni waan jed'e, Anini aka atini dubbi lafa tana ganna heddu qorte imbeekha, tanaafi anini ingammada, maro si durati ufii dubbad'uufi. Atini yo biyya gaafatte ind'ageeta, guyya kud'ani lama ka dabre, anini Waaqa kad'achu Yerusalemu d'aqe. Yahudiini ana nama tokoleeni wo mormu inagarre yokhaani ana biyya wolti baasule ingarre, Mana Waaqa keesafi dira keesaleti. Waan na himatani kana tokole d'uga inqabani. Anini waan toko si durati fud'ad'a. Anini Waaqa ababoota teenna Kara worri d'ara jed'uuni gula kad'ad'a. Anini waan Seera Musatiifi kitaaba raagoota keesati t'aafani ch'ufa ind'ugefad'a. Akuma worri Waaqa abdatu, anileeni akasuma abdad'a, aka nama ch'ufa, hamafi dansale, duisa keesaa kaasani. Tanaafi anini guyya ch'ufa Waaqafi nama duraleti aka wollaala male deemu ufi d'owa. Ganna heddu Yerusalemu iraa tae jennaani horifi sorio gosa tiyya baasu d'ufe. Anaa waan kana tolchu jiru Mana Waaqa keesati na argani, eegi anini aada qulqullefacha hobaafad'e. Gumiini na woliini injirtu, gohantileeni injirtu. Ammo Yahudiini lafa Asia achi jirti, worri si dura eje na himachu male, yo waan na himataniifi qabaate. Yokhaani worri kunini ha wollaala anini gaafa gumi kora dura eje dubbad'e tolche himuti, waan tokoti anini worra durati olkae jennaani jed'e male. Wonti na qoraniifi maro anini kaisa nama due d'ugefad'uufi na qorani. Jennaani Felikini, ka waan kara kana aka dansa beekhu, kora baase dubbi teesani inilaala yo guddaani askarti ch'ufa ka Lisia jed'ani d'ufe jed'e. Askarticha Paulo tissuuni, Aka dansa isa eegi ammo inhid'iini, aka jaalaani isaa waan inni fed'u kennituufi ind'owiini jed'e. Eegi bulti diqo toko Felikini, niiti ufi Drusila ta gosa Yahudi, woliini d'ufe. Inni Paulo yaame waan d'ugefacha ta Yeso Kristo d'ugefatani nati himi jed'e, isa ch'aqase. Ato Pauloni tae waan d'ugaatifi ka obsaatifi ka qorsuma hegeri d'uftu dubbatu, Felikini sodaate waan jed'e, amma beeni, yo isiini naa fuute si yaama. Inni waan Pauloni beeseni isa gumbeesu sehe. Tanaafi maro heddu isa yaame hasaeeni. Eegi ganna lama Porkio Festoni huji Feliki iraa fuud'e. Duuba Felikini aka Yahudi gammachiisu Paulo hid'aansa keesati lakise. Guyya sadi lafa suni keesa teennaani Festoni Kaisaria kae Yerusalemu d'aqe. Qaalole gugurdofi Yahudiini waan Paulo isati hasoofte, isa kad'atte, aka inni worra qarqaare haga Yerusalemu nama erge Paulo fuud'u. Wonti akanatiifi Yahudiini qara aka kara keesati isa eegani ijeesani mariatte. Festoni waan jed'e, Paulo la Kaisaria keesati hid'ani, anileeni d'iotu achi d'aqa. Yo isani dandeetani, na woliini koota, aka nama kana himattani, yo inni hameenna tolche jed'e. Jennaani Festoni guyya saddeeti yokhaani kud'anfa worra woliini tae Kaisariati gadi bue. Boriyya barch'uma abba qorsuma ira tae Paulo yaama jed'e. Eegi inni d'ufe, Yahudiini Yerusalemu d'ufte isa bira ejatte waan jabdu hedduuni Paulo himatte, ammo waan tokole ta d'uga fakeesa d'abani. Pauloni ufii dubbate waan jed'e, Anini Seera tokole iyakine aada Yahuditiifi Mana Waaqatiifi hayyu Kaisari duraleti. Ammo waan Festoni Yahudi gammachiisu fed'eefi, waan Pauloni jed'e, aka anini Yerusalemu si geese achiti dubbi tante qoru feeta? Jennaani Pauloni waan jed'e, Anini barch'uma kora ka hayyu Kaisari dura ejad'a, fulla iti na qoru malani. Anini Yahudi dura woma iyakine, akuma atini beetu. Yo anini wollaala qabaad'e yokhaani waan duu maleefi tolche, anini duisa indidu. Ammo yo wonti na himataniifi kunini injirre, nami tokoleeni dandae harka worrati na inkennu. Anini Kaisari kad'ad'a. Eegi Festoni worra kora ka isa woliini tauni dubbate, inni waan jed'e, Atini ya dubbi tiyya Kaisarini naa ga jette, fulla isaa inuma deemta. Eegi bulti diqo toko hayyu Agripafi Bernikeni Kaisaria d'ufani, aka Festo nagaya fuud'ani. Eegi worri guyya heddu achi tae, Festoni waan Paulo hayyuti hasae waan jed'eeni, Namicha tokoti jira, ka Felikini hid'aansa keesati lakise. Gaafa anini Yerusalemu jiru, qaalole gugurdofi jaaroleeni Yahudi waan isaa nati himte aka isa dubbi qorani wollaala iti murani feete. Ammo waan anini worraani jed'e, aki ato nama himataniifi worra isa himatu wolti ind'ufiini wollaala namati murani aada Rumitini, aka inni qoomni waan himataniini suni ufi dubbatuni argattu. Tanaafi eegi worri armati wolwoldae, anini diqole inture, ammo boriyya barch'uma kora ira tae, Nama suni natiini koota jed'e. Worri isa himatu olejanje, ammo aka anini qara sehe diqole inhimanne. Wonti worri wolmormu waan aada worraa toko, ammalle waan namicha due toko, ka Yeso jed'ani, ka Pauloni, Injira jed'u. Maro anini gaafacha akana tana inquufiniifi, Paulo aka inni Yerusalemu deemu fed'u gaafad'e, aka achiti waan kana qorani. Ammo Pauloni aka kora Kaisari eegatu kad'ate. Jennaani anini, Isa qorqorad'a, haga anini Kaisariti isa erguuti jed'e. Agripani waan Festoni jed'e, Anini sila nama kana d'agayu fed'a. Festoni, Bori isa d'ageeta jed'eeni. Boriyya Agripafi Bernikeni woya hayyuma naqatani ulfinna guddaani shumootaafi jara gugurda dira suni woliini fulla dubbi iti d'agayani olduudani. Jennaani Festoni nama erge Paulo yaame gadini koota jed'e. Festoni waan jed'e, Hayyu Agripafi worra arra arma nu woliini jirru: isani nama kana inargitani, ka gumiini Yahudi ch'ufti Yerusalemufi armaleti na kad'atte, Inni jiraachu himmalle jette iyite. Ammo anini waan inni duu maleefi inargine, ammalle maro inni aka gara Kaisari deemu kad'ateefi, anini ya aka isa ergu buufad'e. Ammo anini waan gara hayyu gudda t'aafu inqabu; tanaafi anini isani duraani d'ufe, keesuma si duraani, Ee hayyu Agripa, aka eegi nu isa qorre, anini sila waan t'aafu argad'u. Aki nama hid'aansa keesa jiru ergani, ka waan isa himataniifi imbeesisiini, fullaaniti jed'e. Agripani waan Pauloni jed'e, Atini ufii dubbad'u. Pauloni harka dirirfate ufii dubbate waan jed'e: Anini ingammada, ee hayyu Agripa waan guyya kana si durati ufii dubbad'uufi; maro waan Yahudiini naani himate ch'ufatiifi. Anini guddo gammada, waan atini aadafi gaafacha Yahudi ch'ufa guddo beetuufi. Tanaafi anini si kad'ad'a, aka atini obsite na ch'aqaftu. Aada tiyya, haga kaimooma kiyya, ka qara anini jiddu gosa tiyya keesa Yerusalemu tae, Yahudiini ch'ufti imbeeti. Worri haga duriiti na beekha, aka anini aada teenna ta Farisayo guddo jabeese gula deeme yo fed'e dandae ind'ugeesa. Anini amma arma eje aka dubbi tiyya qorani maro anini kakhu Waaqi ababoota teennati kakhate abdad'uufi kakhu suni gochiti teenna kud'ani lamaanu aka argatani abdatti, ato halkani guyya Waaqa kad'atanu. Maro abdi tanaatiifi, ee hayyicha, Yahudiini na himatte. Isii, isani Yahudi, aka Waaqi nama due kaasu maafi ind'ugefanne? Anini herega kiyya keesa, aka maqa Yeso Nazareti balleesu guddo wolaaneeni. Waan kana Yerusalemu keesati tolche. Jabeenna Qaallicha Gudda ira argannaani, worra Waaqaa heddu hid'aansa keesa naqe; hojja duisa iti murani anileeni ee jed'e. Maro heddu mana Waaqa iti kad'atani keesati worra gaargalche, aada worraa worra mormachiise. Anini guddo worrati dalane dira lafa ch'ufa d'aqe, worra gaargalche. Tanaafi ato anini tatabe jaarole gugurdo harkati qabad'e Damaski deemu, saa jaa ka guyya, ee hayyicha, anini ifsa gubba nati ifsu, ka adu ira ifsu, kara keesati arge, ka naafi jara na woliini yauti ifsu. Nuuni ch'ufti lafati jinnaani anini qonqo toko ta afaani Ebraniatiini naani dubbatu d'agaye, ta Saulo, Saulo maafa na gaargalchita? Atini ka aka qotiyo ule nama oofu d'iitu, teete, d'ugaa d'iitu ufuma ufi balleesita naani jettu. Anini waan jed'eeni, Aabbo, atini eennu kana? Aabbooni waan naani jed'e. Anini Yeso kauma atini gaargalchu jirtu. Ammo kai, olejad'u. Wonti anini siti mullad'eefi aka hojattu naa taate waan atini argite kanaafi ta anini hegeri siti himuni na d'ugeesitu. Anini harka biyyatiifi harka gosa d'ibi, ta anini ammatana iti si ergu, keesaa si baasa. Atini ila worraa bante, dukana ira gara ifsa worra deebifta, ammalle jabeenna Sheet'ana iraa Waaqati worra deebifta; aka d'ugefacha worri na d'ugefateeni daba worraa araaramaniifi, gumi Waaqi fohate keesati fulla argatani. Tanaafi, ee hayyu Agripa, anini daayya gubba suni ch'aqasu indinne. Qara worra Damaski barsiise, ammalle worra Yerusalemu barsiise, duuba eege nama lafa Yudea ch'ufaafi ka gosa d'ibile ch'ufa barsiise aka worri daba lakise Waaqati deebie huji daba iraa deebiti garsiisu. Maro waan kanatifi Yahudiini Mana Waaqa keesati na qabde na ijeesu feete. Qarqaarsa Waaqa argannaani anini arra nama diqaafi gudda duraleti d'ugeesu jira, waan raagafi Musani, Intaati jed'ani male, anini waan d'ibi ind'ugeesu: aka Kristoni gaargale nama qara ka duisa keesaa kau tahe, ifsa biyyaafi nama gosa d'ibileti odeesu. Ato inni dubbatu, Festoni qonqo olfud'ate waan jed'eeni, Paulo, atini ya maraate; waan atini guddo wo baratteefi qalbiini tante ya hamaatte. Ammo Pauloni waan jed'e, Anini imaraanne, ee Festo gudda, ammo anini dubbi d'uga ch'alla dubbachuu jira. Hayyuuni waan kana imbeekha, anini isa durati soda male dubbachu jira. Anini imbeekha, aka wonti kunini tokoleeni isa dura indahanne; waan kana fulla d'ossati intolchine. Hayyu Agripa, atini ya raaga d'ugefatteyu? Anini imbeekha, aka atini d'ugefatte. Agripani waan Pauloni jed'e, Atini dubbi diqo tanaani waan Kristiana na tolchitu seeta? Pauloni waan jed'eeni, Ha dubbi diqo taatu, ha guddo taatu, woni anini Waaqa kad'ad'u, aka si ch'allaaniti, ammo worri na ch'aqasu jiru kunini ch'ufti, aka anini jiru tahu, haada naani hid'ani kana male. Jennaani hayyufi jaallabafi Bernikefi worri isaani woliini jiru ch'ufti olkakae. Eegi worri kakae, woliini hasaani waan jed'ani, Namichi kunini waan duisatiifi ka hid'aniifi tokole intolchine. Agripani waan Festoni jed'e, Nama kana sila gadi lakisani, ato inni Kaisari kad'achu d'ibaate. Aka nu lafa Taliana hobolooni deemu buufannaani worri Paulofi nama hid'aansa keesa jiru d'ibile harka namicha gudda askarti toko ka Yulio jed'aniti kenne, Yulioni gumi askarti Rumi ta askarti hayyu jed'ani keesa guddinna qaba. Nu hobolo dira Andramitio ta aka lafa Asia deemtu kurfefate toko duunne iti d'aabanne. Namichi Aristarko jed'ani toko ka gosa Makedonia ka lafa Thesalonike nu woliini jira. Boriyya nu Sidoni d'umne. Yulioni Paulo qarqaare, aka inni gara jaalaani isaa deeme waan fed'u barbaadatu ee jed'e. Lafa suni kaanaani waan bubbeeni nu d'owiteefi lafa Kipro jala baane. Eegi nu baariini d'awatu kilikiatifi Pamfilia dabarre, nu dira Likia toko ka Mira jed'ani d'umne. Achiti guddaani askarti hobolo toko ta Iskanderia, ta lafa Taliana deemtu arge nu yaabachiise. Haga guyya heddu laanuma yaane gaargalaani Nido diqo hanqanne. Waan bubbeeni nu d'owarteefi Salmone d'aatu dabarre, Krete fulla bubbeeni injirre jala banne. Duuba gaargalaani lafa suni d'awatu dedeemne, fulla toko ta Boqota Dansa jed'ani d'umne, ta d'awatu dira Lasea. Armati guddo turre, yaasumi jajabaate, guyyaani afaani hid'atani nu dabre. Jennaani Pauloni worra gorse waan jed'eeni, D'iiro, anini imaltu tana keesa aka nu gaargalafi d'ipu guddo argannu arga; hoboloofi miha ch'allaaniti, ammo lubbu teennale insodaad'a. Ammo guddaani askarti waan Pauloni jed'eeni dide, waan gudda hobolotiifi abbaani hobolo jed'eeni gula deeme. Maro fullaani dansaani ta boqotani injirreefi, nami hedduuni achi yau fed'e, aka yo dandaani Foinike gahani, haga ch'aamsa achi taani. Foinikeni lafa Krete keesa jirti, ta gama galchu moga bitatiifi moga mirgale ilaaltu. Bubbeeni laanuma gama bita bubbifte jennaani waan yau dandaani sehani; duuba sibiila lafaani qabatani hiikhani d'awatu lafa Krete bahani. Ammo maro tokotu bubbeeni jabduuni toko, ta Eurakilo jed'ani, moga lafa godduti bubbifte. Bubbeeni suni hobolo d'oofte, dura deemu d'owarte, nu iti gadi lakimne. Lafa diqo toko, ta jiddu galaana jirtu toko, ta Kauda jed'ani, bira baane diqo toko goomita arganne. Achiti gaargalaani hobolo teenna ta ira diqo qabsiimne. Olfuud'ani, haada hobolo jala dabarsani jabeesani, waan lafa Libia keesa lit'ani sehani sodaatani. Woya hobolooni deemsisani hiikhani akanumati lakisani. Maro d'awani baariini nu d'owiteefi, boriyya ulfinna hoboloo iraa jissani sablisani. Guyya sadeeso harkuma ufitiini miha hobolo ch'ufa gadigatani. Eegi urjifi adu guyya heddu argu dad'amne, bubbeeni aka hama bubbifte, abdi baanuuni d'amne. Eegi guddo agabani, Pauloni jiddu worra keesa ejate waan jed'eeni, D'iiro, isani qara naa ch'aqasu maltani, Krete bahu himmalle, aka gaargala kana arganne hori kana ch'ufa imballeesine. Ammo waan anini isaniini jed'u, Garaa jabaad'a! Nami tokoleeni induu, ammo hobolooni imbaddi. Edda malaikaani Waaqa kiyya, ka anini kad'ad'u, na bira ejatte waan naani jette, Paulo, insodaatini, atini Kaisari dura ejachu malte; ammalle ilaali, Waaqi nama si woliini yau kana ch'ufa ya sii kenne. Tanaafi, d'iiro, garaa jabaad'a! Anini ya Waaqa d'ugefad'e, aka wonti nati himani kuni taatu. Taatule lafa jiddu galaana keesa jirtu toko keesati nu gatu malani. Eegi bulti kud'ani afuri, ato nu galaana Adria keesa fulluma ch'ufa yayaanu, saa jaa ka halkani, jari hobolo geesu waan lafa tokoti d'iaatani sehe. Haada bisaani keesa buusani, heregani, haga d'und'uma saddeetama argani. Diqo deemani, iti deebiani haga d'und'uma jaatama argani. Worri waan nu d'akha d'oomnu sehe, sibiila afuri gama dudduubatiini buusani, lafati qabani, aka lafti bariitu kad'atani. Jari hobolo geesu hobolo keesaa baqachu fed'e; nama sobani hobolo ira taani diqo galaana keesa buusani, waan sibiila lafaani qabatani buusu fed'ani ufi tolchani. Pauloni waan gudda askartitiifi askartiini jed'e, Yo worri kunini hobolo keesa tae male, isani bahu indandeetani. Jennaani askartiini haada hobolo ira diqo suni kute, aka isiini buutu gadilakifte. Lafti bariinaani Pauloni worra ch'ufaani, Sagale nyaad'a jed'e; ammalle, guyyaani kunini guyya kud'ani afreesoti haga isani agabdani. Tanaafi anini isani kad'ad'a, sagale nyaad'a; wonti kunini irre isani taati. Rifeensi mata keesani tokoleeni imbadu jed'e. Eegi inni akana jed'e, inni qit'a fuud'e, galata Waaqaa deebise, worra ch'ufa durati ch'abse nyaate. Worri ch'ufti garaa jabaate sagale nyaate. Nami hobolo suni keesa jiru nama haga d'ibba lamatifi torbaatami jaati. Quumnaani aka hobolo sablisani dargaye galaana keesati jissani. Lafti bariinaani worri lafa beekhu dad'abe, ammo fulla toko ta fulla dansa sila hoboloo d'abani fakaatu, arge hobolo arti d'aabu fed'e. Eegi sibiila hobolo lafatiini d'aabani, kutani gatani baariini ufiti gallakisani, haada mukha hobolo oofuni qajeelchani hiikhani. Jennaani woya hobolooni deemsisani ta fuula duraa olbaasani, aka lafa goddu d'aqabani iti gallakisani. Ammo hobolooni maansa seente mataani isii mansa keesa lit'e chochou dad'abde, dudduuba isi d'awaan jabduuni d'oofte gargari ch'ach'absite. Askartiini nama hid'aansa keesa jiru fit'u feete, aka worri bisaani daakhatte imbaqanne. Ammo guddaani askarti maro Paulo baasu fed'eefi worra d'owe. Inni worra bisaani daakhu beekhuni qara hobolo keesaa jigaa lafa godduti baha jed'e, ammo jari imbeenne ha baofi ch'ach'aba hoboloti qanch'orfatu, jed'e. Akanaani nami ch'ufti nagayumaani lafa gahe. Eegi nu bisaani keesaa nagayaani baane, aka maqaani lafa suni Melita d'ageenne. Worri lafa suni guddo nuu qarqaare nu nahe, ibida nuu bobeese, maro d'aamocha bokayatiifi. Pauloni qoraani guure ibidati naqe jennaani bofi toko maro owa ibidatiifi harka Pauloti mamarate. Worri sunini bineensa kaani, ka harka isati maratu arginaani waan woliini jed'e, Namichi kunini nama ijeesu ind'abu; yo inni nagayaani bisaani keesaa bahele, d'ugaani aka inni jiraatu imfeetu. Pauloni bineensa kaani ibidati fit'ate ammo woma intaane. Worri waan harki isaa itae yokhaani inni maro tokotu lafa d'ae duu sehe. Ammo worri guddo eege, aka inni woma intahiini arginaani heregi worraa garagale, Inni Waaqa jed'ani. D'awatu suni, oobru nama gudda lafa suniti jira, ka maqaani isaa Publio. Inni nu bulche haga guyya sadi nu keessuma isaa taane. Abbaani Publio fayya d'abe qannate d'iiga albahe. Pauloni fulla isaa olseene Waaqa kad'ate, harka isa ira kaye isa fayyise. Waan kana tolchinaani nami fayyad'aba qabu, ka lafa suni keesa jiru ch'ufti d'ufe fayye. Worri guddo wo nuu kenne, guyya nu kaanele worri waan nu feenu ch'ufa nuu kenne. Eegi jia sadii nu hobolo toko ta Iskanderiatini kaane, ta haga bara d'aamocha lafa suni keesa teete; maqaani isii Waaqoota lakolee jed'ani. Sirakusa d'umnaani guyya sadi achi teenne. Achi kaane dira Regio d'umne. Eegi guyya toko qilleensi gama bita d'ae, boriyya Petuoli d'umne. Oboleyaani achiti argine, aka nu torbaani toko achi teennu nu kad'atte. Achi kaane Rumi d'umne. Oboleyaani achi waan kana d'ageennaani haga gabaya Apiotifi mana sadi ka keessuma jed'ani yoyo teenna d'ufte. Pauloni oboleyaani arginaani Waaqaa galata deebise garaa jabaate. Eegi nu Rumi seenne, aka Pauloni mana ufi keesa tau, askarti isa eedu toko woliini, ee jed'ani. Eegi guyya sadi Pauloni jara gugurda Yahudi wolti yaame. Worri wolwoldeennaani inni waan worraani jed'e, Oboleyaani, ato anini waan biyya yokhaani aada ababoota teenna tokole iyakini, na hid'ani, Yerusalemu na fuud'ani, harka gosa Rumiti na kennani. Eegi dubbi tiyya qorani, na gadilakisu fed'ani, waan wonti anini duu maleefi tokoleeni injirreefi. Ammo Yahudiini waan kana didde jennaani ani waan tahu d'abe. Kaisari dura na geesa jed'e. Taatule anini waan gosa tiyya himad'uufi inqabu. Wonti anini isani yaame nu wolhaasomnufi, waan maro anini nama gochiti Israeli ch'ufti abdattu abdad'ud'uufi sibiila kanaani na hid'ani. Worri waan Pauloni jed'e, Waan dubbi teeti nu tatabe lafa Yudea keesa inarganne, ammalle oboleyaani ta arma d'ufte waan hamtu sirati garte woma indubbanne. Ammo waan atini hereddu d'agayu imfeena, waan fulla ch'ufati aada atini gula deemtu tana nami ch'ufti hameenna isii dubbattufi. Guyya tolfatani, nami hedduuni fulla Pauloni tau d'ufe. Inni diirama haga galgala achiti worra barsiise waan finna Waaqaa worraa diige, waan Yeso ka kitaaba Seera Musatiifi ka raagoota keesati t'aafani worra agarsiise. Nami gari waan inni dubbate d'ugefate, ammo ka gari d'ugefachu dide. Ato wolmormanu, kaani yaani, eegi Pauloni dubbi taka tana dubbate: Lubbuuni Qulqullooni afaani raaga Isayatiini ababoota teennaani dubbi d'uga jette! Gara gumi tana d'aqi waan jettuuni, Gurraani d'ageettani, ammo inhubattani; ilaani inuma argitani, ammo imid'aafattani. Garaani gumi tana ya daallae. Gurri worraa ya duude, ilti worraa woma ingartu. Waaqi waan jed'u, Yo sila akasi intahiini, ilti worraa wo agarte, gurri worraa wo d'agaye, qalbiini worraa wo hubate worrileeni nati deebie, anileeni worra fayyisa. Tanaafi isani beekad'a, baafami Waaqa gara gosa d'ibi layu d'ufe, ammalle worri inch'aqasa! [ Pauloni waan kana jennaani Yahudiini kaate yaate guddo wolmormite.] Pauloni haga ganna lama mana inni kira iti baase keesa tae, nama gara isaa d'ufe ch'ufa teteesise hasaeeni. Inni waan Finna Waaqa iti hasae, waan Aabbo Yeso Kristo soda male nama barsiise, nami tokoleeni isa ind'owarre. Maqaani kiyya Paulo, hojattu Kristo Yesotiifi ergattu Waaqi fohate yaame, aka Odu isaa Dansa odeesu. Odu Dansa tana Waaqi duri afaani raagootatiini kakhate t'aafi qulqullo keesati t'aafani. Isiini waan Ilma isaa Aabbo keenna Yeso Kristo himti: inni d'aloota nafatiini ilma Dauditi, ammo gara Lubbu Qulqullo gula aka inni Ilma Waaqa jabeennaani nama agarsiisani, waan duisa keesaa isa kaasaniifi. Maro isaatiifi Waaqi na fohate ergattu maro maqa Kristotiifi na tolche, aka gosa ch'ufa d'ugefachiise fud'achiisu. Yo gosa ch'ufa jed'ani, isani worri Rumileeni, ka Yeso Kristoni yaame jara ufi tolche, worra suni keesa jirtani. Tanaafi anini gara gumi Rumi keesa jirtu ta Waaqi jaalate nama ufi tolfateti t'aafa: Waaqa Abba keennatiifi Aabbo Yeso Kristoni nagaya isanii kennina. Qaraa fit'e anini Waaqa kiyya Yeso Kristo keesa galata deebisa, maro isani ch'ufatiifi, waan lafti ch'ufti d'ugefacha teesani d'ageeteefi. Waaqi anini irre tiyya ch'ufaani hojad'e Odu Dansa Ilma isaa odeeseeti naa d'uga. Waaqi aka anini hojja kad'ad'u ch'ufa isani qaabad'u imbeekha. Anini Waaqa kad'ad'a aka fed'i isaa gula inni na dandeesise, anini amma gara keesani d'ufu. Wonti akanatiifi anini guddo isani argu fed'a, aka kenna Lubbu ta isani jabeesitu isanii kennu. Wonti anini jed'u tana, anaafi isanileeni wolqarqaarra: d'ugefachaani tiyya isani qarqaarte, teesanileeni na qarqaarti. Waan kana qaabachu maltani, oboleyaani tiyya: anini maro heddu imaltu gara keesani d'ufu fed'e, ammo hojja ch'ufa woiti na d'owe. Ya jiddu teesanile nama d'ugefachiisu fed'e, akuma gosa d'ibi keesa tolche. Nami ch'ufti gati nara qaba, nama aada beekhufi ka imbeennele, ka woi beekhufi ka woma imbeennele. Tanaafi anini isani worra Rumile Odu Dansa guddo iti odeesu fed'a. Wonti akanatiifi anini Odu Dansa iraa inch'eeru: isiini jabeenna Waaqa ka worra d'ugefate ch'ufaani baasani, qaraa fiit'e Yahudi eegi suni gosa d'ibi. Wonti akanatiifi Odu Dansa keesa Waaqi kara inni d'uga nama hereguuni agarsiisa: karaani suni d'ugefacha ch'alla. Akuma t'aafiini jettu, Nami Waaqi maro d'ugefachatifi d'uga hereguufi injiraata. Dalansuuni Waaqa ya mullatte gubbaa gadi buute, daba worra hamama ch'ufa ira buute. Worri hameenna ufitiini d'uga mullachu d'owa. Wonti akanatiifi wonti nami waan Waaqa beekhu dandau ch'ufti diida keesa teeti Waaqati worra beesise. Haga Waaqi lafa uume jabeenna isaa ka hegeretiifi, waaqoomi isaaleeni, ato ilaani argu baatani, ya waan inni tolche keesa aka dansa mullate. Worri Waaqa imbeekha, ammo ulfinna isaa male kennuufi didani, yokhaani galatale isa indeebisani. Ammo heregi worra ya daallae, mataani worra ka qalbi inqamne ya dukanae. Qalbi qamna ufiini jed'ani, ammo daalle tahani; fulla sila Waaqa indoone ulfeesani waan harkaani boch'ani ka nama yokhaani simpirre yokhaani bineensafi waan lafa ira loha fakeesani ulfeesani. Waan nami akana daalleefi, Waaqi ya worra lakise, aka waan hamtu ka garaani worraa d'araufi tolchani waan ch'eera woli tolchani. D'uga Waaqaa lakisani waan d'ara tolchani, Waaqa ka waan ch'ufa uume lakisani, waan inni uume kad'atani ulfeesani. Inni haga hegeri ha guddifamu! Amini. Maro waan nami tolchuufi, Waaqi ya waan hamtu ka ch'eera worrati lakise. Nad'eeni ya aada ufi ta rifane lakifte waan aada male taate. D'iirtileeni ya nad'eeni lakifte wolid'araate. D'iirti waan ch'eera woltolchite, akanaani gaargala argachu malte nafa ufi keesa argatti. Maro biyyiti waan d'uga Waaqa barachu diddeefi, inni ya qalbi hamtuti worra lakise, tanaafi waan tolchu himmalini tolchani. Ya hameennafi ch'ubbufi sabdoomafi t'uriini guutamani; wolqot'isani, wolijeesani, wolhad'ani, wolsobani, wolhamatani. Duddaduuba wolnyaatani, hameenna woli dubbatani; Waaqa jibbani, kiyyibaani, ufi saadani, ufi guddisani; kara heddu ka hameennaani tolchani heregani; worra ufiti insaalfatani; hameenna gula yaani, kakhu ufi injabeesani, nama d'ibi inahani yokhaani iyaalani. Worri aka Waaqi nami waan kana gula yau duaa male jed'u imbeekha. Ammo taatule waan kana tolchu illakisani, ammalle nama waan kana tolchule wolti quufani. Ilaali, jaala kiyya, atini wollaala namati murta? Wonti atini tolchituufi injirtu, abba feetu taanaanile. Yo wollaala namati murte, ammo waan worri tolchu tolchite, atini wollaala ufiti murta. Nu imbeenna, aka yo Waaqi worra waan akana kana tolchu wollaala iti muru inni d'ugaa qabu. Ammo jaala kiyya, wollaala namati murtu suni atileeni intolchita. Waan mura Waaqa duraa baatu ufi seeta? Hegeri arjoomafi naasufi obsa isaa tuffatta. D'uguma arjooma Waaqa, aka inni daba ira si deebisu fed'u, inagarta. Ammo garaani kanke jaba hama. Tanaafi atini qorsuma tante, ta gaafa dalansufi qorsumaani Waaqa ta d'ugaa mullattule, iti darachu jirta. Waaqi nama ch'ufa huji inni tolche gula galata kennaafi. Nami gari waan dansa tolcheti guddinnaafi ulfinnafi jireenna ind'umanne barbaadata: nama akana kana Waaqi jireenna hegeri kennaafi. Nami gari ufo, waan qajeela dideti waan hamtu gula yaa: worra akana kana Waaqi dalansu iti baafata. Worra hameenna tolchu ch'ufa gaargalafi d'ukubsachati eegata, qaraa fiit'e Yahudi eegi suni gosa d'ibi. Ammo Waaqi worra d'uga tolchu guddinnaafi ulfinnafi nagaya kenna, qara Yahudi, eegi suni gosa d'ibi. Wonti akanatiifi Waaqi nama gargari imfiilu. Nami Yahudi intahiini ka Seera Musa inqamne seera male daba tolche bada. Nami ato Seera qabu daba tolchu Seera jalati qorama. Maro Seera d'agayaniifi Waaqa durati d'uga inargatani, ammo maro waan Seeri fed'u tolchaniifi d'uga argatani. Gochiti d'ibiini Seera inqabdu; ammo yo fed'i ufitiini waan Seeri fed'u tolchitu, worrumati seera ufi taha, ato Seera qabaachu dibatele. Adabi worraa aka waan seeri fed'u garaa worraa keesati t'aafani agarsiisa. Qalbiini worraa aka wonti kunini d'uga agarsiifti, waan hojja gari heregi worraa worra himate hojja gari worraa dubbatufi. Duuba Odu Dansa anini odeesu gula, wonti kunini guyya Waaqi, maro Yeso Kristotiifi, waan garaa nama keesa jiru qoru taati. Atini ho? Yahudi ufiini jette; Seera d'aabatte, Waaqa beekha jette ufi guddiftu; waan Waaqi siraa fed'u imbeeta, ammalle aka qajeeluma fohatani, ya Seera iraa baratte; atini aka nama ballaani deemte, nama dukana keesa jiru ifse taatu, ufi beeta. Ammalle aka daalle qajeelchite nama wo imbeennele barsiiftu imbeeta. Ammalle aka Seera keesa hubachaafi d'ugaani jirtu imbeeta. Atini ka nama barsiiftu maafi ufi imbarsiimne? Atini ka inhatina jetteetini nama barsiiftu ma hatta? Ka d'iirafi nad'eeni wolbarate garayu wolintolfati jettu ufi ma tolchita? Atini ka waan harkaani boch'ani jibbite, maneeni waaqa isaani keesa wo hatta? Atini ka Seera Waaqa qaba jette, ufi guddiftu, maafi Seera isa ch'absite Waaqa ch'eersita? Wonti akanatiifi t'aafiini waan jettu, Maro isani Yahuditiifi gochiti d'ibiini maqa Waaqa arabsiti. Yo Seera guute qabanqabaani tante wo sii baati; ammo yo Seera ch'absite qabanqaba qabachu d'ibaatele womaniti. Yo gochiti d'ibiini ta taka qabanqaba inqabatini Seera Waaqa guute, Waaqi aka nama qabanqaba qabate worra inheregu? Duuba gochiti d'ibiini isani Yahudi qorti. Ato Seera t'aafatani qabanqaba qabatanile, atini Seera ch'absita, ammo worri ato qabanqaba qabachu d'ibaatele Seera jabeesa. Ilaali Yahudiini d'ugaa ta qabanqaba qabate eennu; nama qabanqaba qabate alaani Yahudi fakaatuniti; ammo Yahudiini d'ugaa nama garaani isaa d'ugumaani Yahudi tahu, ka garaani isaa qabanqaba qabate, wonti kunini huji Lubbu Waaqati, huji Seera t'aafaniitiniti. Nami akana kunini Waaqa iraa ulfinna argata nama iraa inargatu. Yahudiini gosa d'ibi ira jirti re? Yokhaani qabanqabaani woma namaa baati? Kara ch'ufaani guddo wo baati! Wonti qaraa fiit'e Waaqi d'aamsa ufi Yahuditi d'aamate. Yo worri gari ind'ugefanne ho? Maro waan kanatifi Waaqi d'uga lakisa? Hiyyo, akasiiniti! Yo nami ch'ufti d'ara dubbatele, Waaqi kama d'ugaa. Akuma t'aafiini jettu: Yo atini dubbattu aka d'uga dubbattu argu malani, yo si qorani d'uga argachu malte. Yo d'arti nu tolchine d'uga Waaqa agarsiifte ho? Maani jenna? Waaqi, hojja nu gaargalchu, inni nu inqajelchine jenna? (Aka namaa dubbachu jira.) Hiyyo, akasiiniti. Yo Waaqi waan d'uga intolchine inni akamiini lafa qora? Ammo yo d'arti tiyya d'uga Waaqa guddifte isi mullifte, maafi nama daba naani jed'ani re? Yo akasi, Koota, hameenna tolchina, aka d'ugaani mullattu maafi injenne? Nami gari ya waan kana jed'e dubbi d'aratiini na himate! Worra suni aka wollaala iti muru malani inuma iti murani. Yoosi, nu Yahudi worra gosa d'ibi ira goomna? Hiyyo, akasiiniti! Anini ya qara aka Yahudifi gochiti d'ibileeni jabeenna daba jala jirtu agarsiise. Akuma t'aafiini jettu: Nami d'uga qabu tokoleeni injiru, nami hubacha qabu injiru, nami Waaqa barbaadu injiru. Nami ch'ufti ya kara iraa gore, ch'ufti ya wollaale. Nami waan dansa tolchu injiru, tokoleeni injiru. Lubbuuni worraa aka awaala qotani jirti. D'arti araba worraa iraa baati, dubbini hamtuuni, ta aka had'aa bofa jirtu, afaani worraa keesaa baati. Afaani worraa ya dubbi hamtuuni guutamani. Kurfo jirani aka nama madeesani ijeesani. Fulla deemani ch'ufati badifi gaargala ufi duubati lakisani. Kara nagaya imbeekhani, yokhaani Waaqa sodaachu imbaranne. Nu imbeenna aka wonti Seeri jed'u ch'ufti waan worra Seera jala jiruuni jed'ani, aka malte nama ch'ufa d'owani lafa ch'ufaa qorsuma Waaqa duraani d'ufani. Nami tokoleeni maro waan Seeri fed'u tolchuufi Waaqa ira d'uga inargatu: Seeri aka nami daba tolchu ch'alla nama agarsiisa. Ammo ammatana d'ugaani Waaqa ya mullatte, Seera ira woma inqabdu. Seerafi raagooti ya d'ugeesani: Waaqi maro Yeso Kristo d'ugefataniifi nama ch'ufa d'uga heregaafi. Waaqi nama Kristo d'ugefate ch'ufa waan kana intolcha woldabraani injirtu: nami ch'ufti ya daba tolche guddinna Waaqa hanqate. Ammo maro tola eeba Waaqaatiifi, kara Kristo Yeso ka nama ch'ufa baasuuni, ya d'uga hereganiifi. Waaqi ya isa sorio namaa tolche, aka maro d'iiga isatiifi daba namaa araaramani. Araarama kana yo d'ugefatani argatani. Wonti Waaqi Kristo sorio tolcheefi, aka d'uga ufi agarsiisu. Duri Waaqi obse wollaala bira namaa dabre; ammo ammatana inni d'uga ufi garsiisa. Kara kanaani Waaqi aka d'uga qabu ufi garsiise ammalle nama Yeso d'ugefatu ch'ufa d'uga heregaafi. Wonti nu ufi guddimnuufi maani re? Injirtu! Maafi akana? Waan nami Seera gula deemuufi? Hiyyo, ammo waan inni d'ugefatuufi. Nu ya agarre aka nami d'ugefacha ch'allaani d'uga Waaqa iraa argatu, Seera guutitiini woma keesa injirtu. Waaqi ka Yahudi ch'alla? Inni Waaqa gosa d'ibitiniti? Inni Waaqa gosa ch'ufaati. Waaqi toko ch'alla; inni maro d'ugefacha worraatiifi worra qabanqaba qabu d'uga heregaafi, akuma suni worra qabanqaba inqabatinile maro d'ugefacha worraatiifi d'uga heregaafi. Nu d'ugefachaani Seera balleesina re? Hiyyo, akasiiniti! Seera jabeesina. Waan abaabo keenna Abrahamu ka nu d'ale maani jenna re? Yo sila inni waan tolcheefi d'uga Waaqa ira argate inni waan ufi guddisuufi inqaba. Ammo Waaqa durati ufi guddisu indandau. T'aafiini waan jettu, Abrahamuuni Waaqa d'ugefate, maro d'ugefacha isaatiifi Waaqi nama d'uga isaani jed'e. Nami huji hojatu hori nyaata; horiini suni galataaniti, ammo waan inni hojate argate. Ammo nami huji inhojanne, ka Waaqa nama wollaala qabuuni, Inqabdu jed'e ch'alla d'ugefate, Waaqi d'ugefacha isaa ilaale d'uga heregaafi. Gaafa Daudiini waan gammada nama Waaqi huji male d'uga hereguufi dubbate, inni aka jed'e: Ayyaana worra daba isaani araaramanifi wollaala isaani biraa deemanifi. Ayyaana nama Waaqi daba isaa iti inherenne! Gammadi Daudiini dubbate kunini ka worra qabanqaba qabate ch'allaa? Hiyyo ka worra qabanqaba inqabatinile. Wonti akanatiifi nu ya waan t'aafiini jettu himne, Abrahamuuni Waaqa d'ugefate, maro d'ugefacha sunitiifi Waaqi nama d'ugaa isaani jed'e. Wonti kunini yoomi taate? Eegi Abrahamuuni qabanqaba qabate mo, ato inni inqabatini? Ato inni inqabatini. Inni eegi suni qabanqaba qabate, qabanqabaani tunini beesisa Waaqi isaa kenne, ka maro d'ugefacha isaatiifi d'uga isaa heregani agarsiifti, ato inni qabanqaba inqabatini. Tanaafi Abrahamuuni Abba worra Waaqa d'ugefate ka Waaqi d'ugaa heregeefi ch'ufa, ato qabanqaba qabachu d'ibaatele. Ammalle inni Abba worra qabanqaba qabate ch'ufa waan worri qabanqaba qabatefiniti, ammo waan worri faana d'ugefacha ta Abbaani keenna Abrahamuuni, ato qabanqaba inqabatini gula deeme gula yaanifi. Waaqi Abrahamufi d'aloota isaati kakhate, Lafa ch'ufa sii kenna jed'eeni, Wonti kakhu tana kennaniifi waan Abrahamuuni Seera jabeeseeniti, ammo waan inni d'ugefannaani Waaqi d'uga heregeefi. Yo waan Waaqi khakhate sila worra seera jabeese kennani, d'ugefachaani nama woma keesa injirtu, ammalle khakhuuni Waaqa woma imbaatu. Seeri dalansu Waaqaatiini d'ufa; ammo fulla Seeri injirre Seera ch'absitileeni injirtu. Wonti kakhuuni d'ugefacha qabaachu malteefi, aka kakhuuni suni tola taate, ilmaani Abrahamu ch'ufa geetu, ilmaani seera guutu ch'allaaniti ammo ta aka Abrahamuuni d'ugefate d'ugefatele. Wonti akasiitifi Abrahamuuni abba nuu ch'ufaati. Akuma t'aafiini jettu, Anini yayu abba gosa heddu si tolche. Tanaafi seeri sunini fuula Waaqa durati dansa, Waaqi Abrahamuuni d'ugefate suni Waaqa worra due jiraachise waan duri injirre lafaani d'ufu. Abrahamuuni d'ugefateti abdate, gaafa duri abdiini injirre, tanaafi abba gosa heddu tahe. Akuma t'aafiini jettu, Ilmaani tante heddu taati. Gaafasi ganni isaa diquma d'ibba toko ingahiini ammo taatule d'ugefachaani isaa diqole ilaamne. Wonti akakatiifi inni nafa isaa ka diquma induiinifi aka Saraani maseena taateele inherenne. D'ugefachaani isaa diqole ilaamne, innileeni kakhu Waaqa ind'arefanne, ammo d'ugefachaani isaa jabeenna isaa kennite, inni Waaqa faarse. Inni aka Waaqi khakhu ufi guutu aka dansa d'ugefate. Maro waan kanatifi, waan d'ugefacha Abrahamutiifi, Waaqi d'uga heregeefi. Jecha, Waaqi d'uga heregeefi jed'u kana isa ch'allaa int'aamne. Ammo maro teennale ya t'aafani, nu ka Waaqa, Yeso Aabbo keenna duisa keesaa kaase d'ugefannule d'uga heregani. Maro daba keennatiifi isa ijeesani, ammalle aka d'uga nu hereganiifi isa kaasani. Tanaafi waan maro d'ugefachatifi d'uga nu hereganiifi nu amma Waaqaani wolti nagaya qamna, maro Aabbo keenna Yeso Kristotiifi. Inni ya d'ugefacha teennaani, eeba Waaqaatiini nuu d'ufe, ta nu amma keesa jiru tana. Nu maro abdi, aka guddinna Waaqa qoodannu qamnuufi gammanna! Gaargala keenna keesaleti ingammanna, waan nu aka gaargali obsaani d'ufu beennuufi; obsi amalani d'ufa, amali abdiini d'ufa. Abdiini tunini nu inch'eersitu, waan Waaqi jaalala ufi Lubbu Qulqullooni garaa keenna keesa dambalaaseefi. Lubbuuni Qulqullooni suni qarqaarsa Waaqi nuu kenne. Gaafa duri nu qarqaarsa inqamne, Kristoni maro worra dabaatiifi due, guyya Waaqi fohate. Waan guddo d'ibaati, aki nami maro nama d'ugatiifi duu. Hegeri nami toko maro nama dansaatiifi ufi baase dua. Ammo Waaqi ya jaalala ufi nu agarsiise; ato nu daba keesa jirru Kristoni nuu jed'e due! Waan maro d'iiga isaatiifi d'uga nu hereganiifi hagasi ira dalansu Waaqa dura nu baasa. Nu duri nyaapa Waaqaati, ammo inni duisa Ilma ufitiini jaalaani nu tolfate. Amma nu jaalaani Waaqaati, tanaafi jireenni Kristo hagasi ira nu baasa! Waan kana ch'allaaniti; nu maro Aabbo keenna Yeso Kristotiifi Waaqa keesa gammanna, ka amma jaalaani Waaqa nu tolche. Dabi nama toko gula lafa seene, ammalle dabi isaa suni duisa lafaani d'ufe. Tanaafi duisi nama ch'ufa gahe, maro nami ch'ufti dabeefi. Ato seerale imbaasiini dabi lafa jira, ammo maro seeri injirreefi daba namati inheregani. Ammo haga Adamutiifi haga Musa dooti nama ch'ufa mohate, worra seera Waaqa aka Adamuni ch'abse inch'absiinile mohate. Adamuni fakeenna nama hegeri d'ufuuti. Ammo worri lamaani takaaniti; wonti akanatiifi toli Waaqa aka daba Adamu injiru. D'uguma nami hedduuni daba nama tokocha suni gula raawate. Ammo eebiti Waaqa hagasi ira jirti, ammalle toli inni nama heddu kennu, maro eeba nama toko Yeso Kristotiifi, hagasi ira jira. Ammalle tola Waaqaatiifi dabi nama woli imfakaatu. Eegi daba toko tolchani qorsumaani wollaala namati murtu d'ufte; ammo eegi daba heddu tolchani, dubbi qorani, wollaala inqabdu jed'ani. D'uguma daba nama toko gula dabi nama mohate, maro nama sunitiifi, Ammo wonti nami toko Yeso Kristoni tolche hagasi ira jirti! Nami eeba Waaqaatiifi tola d'uga isaa argatu ch'ufti jiraate lafa mohata, maro Yeso Kristotiifi. Tanaafi akuma daba nama toko gula wollaala nama ch'ufati murani, akasuma hujiini dansaani toko, ta nami toko tolche, nama ch'ufa baafte jireenna kennitiifi. Akuma nami hedduuni maro wollaala nama tokotiifi nama daba tolchu tahe, akasuma nami hedduuni waan nami toko Waaqa ch'aqaseefi d'uga argata. Aka daba heddeesaniifi Seeraani d'ufani, ammo fulla dabi iti heddate eebiti Waaqaleeni hagasi ira guddatte. Tanaafi akuma dabi maro duisatiifi nama mohate, akasuma eebiti Waaqaleeni maro d'ugatiifi nama mohatte maro Yeso Kristo Aabbo keennatiifi jireenna nuu kenniti. Maani jenna re? Aka eebiti Waaqa iti guddattu daba keesa teenna? Hiyyo, akasiiniti! Nu gara dabaatiini ya doone, akami yoosi haga jirru ch'ufa daba keesa teenna? Isani waan kana imbeetaniniti? Gaafa nu Kristo Yeso keesa batifamne duisa isaa keesa batifamne. Batiso teennaani nu isa woliini doone awaalamne, aka, akuma guddinna Abbatiini Kristo duisa keesaa kaasani, nuleeni jireenna haraani jiraannu. Yo duisa isaatiini nu isaani takaa taane, kaisa isaaleeni takaa taana. Nu waan kana imbeenna: finna keenna dullacha ya Kristo woliini maskali gubbati fannisani, aka jabeenna nafa dabaa balleesani, aka nu iti deebine tissele daba intaane. Wonti akanatiifi eegi nami due nama jabeenna dabaa jalaa baasani. Yo nu Kristo woliini doone ind'ugefanna aka isa woliini jiraannu. Nu imbeenna, aka Kristoni duisa keesaa kae, iti deebie indoone, duisi iti deebie gara isaati jabeenna inqabu. Dooti inni due guyya tokotu gara dabaatiini due; jireenni hareesi inni qabu gara Waaqaatiini jira. Akasuma isanileeni aka nama gara dabaatiini due ammo gara Waaqaatiini jiru ufi herega, Kristo Yeso keesa. Dabi iti deebie nafa keesani imohatiini, aka isani d'araa nafa keesani gula iyaane. Yokhaani mita nafa keesani tokole dabati illakisina, aka waan hamtuuni intolchine. Ammo Waaqaa ufi kenna, aka nama duisa keesaa jireennati kaasani, ammalle mita nafa keesani ch'ufa aka huji dansaani tolchani baasa. Wonti akanatiifi waan isani Seera jala injirre ammo eeba Waaqa jala jirtaniifi dabi isani imohatu. Maani re? Waan nu Seera jala injirre ammo eeba Waaqa jala jirruufi daba tolchina? Hiyyo, akasiiniti. D'uguma isani waan kana imbeetani: yo ee jettani aka tisse nama ch'aqaftani, isani tisse abba suniti, yokhaani tisse dabaati, ta duisaani d'uftu, yokhaani tisse namaa saalfatu ta d'ugaani d'uftu. Ammo galati Waaqa imbadiini! Duri isani tissele dabaati, ammo amma garaa keesani ch'ufaani barsiisa argattani ch'ufa guutani. Daba jalaa baattani tissele d'uga taatani. Anini maro laafinna nafa keesanitiifi akana dubbad'a. Duri isani tissele t'uritiifi ta waan hamtu taatani hameenna jabeesitani. Akasuma ammalle tisse d'uga ufi tolchu maltani, aka qulqulloomtani. Gaafa duri isani tissele daba, isani d'uga ira woma inqabdani. Tanaafi amma waan ch'eera ka tolchitani kana dansooma maani ira argattani? Muummeeni waan kana dua! Ammo amma isani ya daba jalaa baatani tissele Waaqaa taatani; maro waan kanatifi amma jireenni keesani ch'ufti qulqullo, eegi tana jireenna hegeri argattani. Wonti akanatiifi gatiini daba duisa; ammo toli Waaqa jireenna hegeriiti, maro Kristo Yeso Aabbo keennatiifi. Isani waan anini jechu fed'u inuma beetani, oboleyaani tiyya, isaniini ch'ufti seerale imbeetani: Seeri haga nami jiru ch'alla jira. Fakeennaa jenne, Seera gula, niitiini fuud'ani haga d'iirsi jiru ch'alla ta isaati; ammo yo inni due, isiini abba ufiiti. Yo isiini haga d'iirsi isii jiru nama d'ibi woliini deemte, isiini waan hamtu taate jed'ani; ammo yo d'iirsi due, isiini waan feetu taati, yo nami d'ibiini fuud'ele isiini woma iyakine. Isanileeni akasuma, oboleyaani tiyya. Isanileeni gama Seeratiini ya dootani, waan isani mita nafa Kristo taataniifi; amma isani ka isaati, isa ka aka nu Waaqa durati wo baanu duisa keesaa kaasani. Gaafa nu d'araa nafa keenna gula yaane, d'araani dabaa ta Seeri tutuqe kaase nu keesa hojate duisaani d'ufte. Ammo amma nu Seera jala injirru, maro nu gara waan duri nu hid'eeni dooneefi. Ituma deebine seera t'aafani ka duri jala inteennu, ammo kara haraa ka Lubbutiini teenna. Maani jenna re? Seeri dabdicha jenna? Hiyyo, akasiiniti. Ammo Seerati aka dabi jiru na barsiise jenna. Wonti akanatiifi ato sila seeri, Woma ind'araiini naani injed'iini, anini d'arayu waan imbeekhu. Dabi aka d'araa gosa ch'ufa na keesati hojatu seera keesa qoomni argate. Fulla seeri injirre dabi waan due. Anini duri seera male jiraad'e; ammo seeri d'umnaani dabi kae, jennaani anini due. Seeri anini waan inni jireennaani naa d'ufu sehe, duaani naa d'ufe. Wonti akanatiifi dabi qoomni argate, seera keesa seene na sobe; kara seeratiini dabi na ijeese. Seeri ch'ufti qulqullofi qajeelafi dansa. Yoosi waan dansati na ijeese? Hiyyo, akasiiniti. Dabati na ijeese; dabi waan dansa fuud'e duisaani nati d'ufe, aka wonti isii ch'ufti mullattu. Tanaafi dabi maro seeratiifi haga durile ira hamaate. Nu aka Seeri waan lubbu heregu imbeenna; ammo anini namuma, aka tisse dabati na gurguratani. Anini waan tolchu imbeekhu; wonti akanatiifi anini waan tolchu fed'u intolchu, ammo waan tolchu imfeene tolcha. Anini yo waan tolchu imfeene tolchu aka seeri qajeela agarsiisa. Tanaafi nama waan kana tolchu anaaniti, ammo daba na keesa jiruti waan kana na tolchisiisa. Anini aka wonti dansaani na keesa injirre imbeekha, nafa kiyya keesa. Ato waan dansa tolchu fed'ele dandae intolchu. Waan dansa ka tolchu fed'u intolchu, ammo hameenna tolchu imfeene tolcha. Yo anini waan tolchu imfeene tolche, yoosi nami woi tolchu anaaniti; ammo daba na keesa jiruti tolcha. Tanaafi anini aka seeri kuni huji hojatu inarga: yo anini waan dansa tolchu fed'u waan hamtu ch'allati nati gadi baha. Garaa kiyya keesati Seeri Waaqa na gammachiisa. Ammo aka seeri d'ibiini mita tiyya keesa hojatu arga, seera ka seera qalbiini tiyya feetu jibbu. Inni tisse seera nafa kiyya keesa jiru na tolcha. Anini guddo gaargala qaba! Eentu nafa duisati na geesu kana keesaa na baasa? Galati Waaqa imbadiini, maro Aabbo Yeso Kristotiifi! Wonti anini keesa jiru tana: ufi tiyya seera Waaqa qalbi tiyya ch'alla keesati guuta, ammo nafi kiyya seera daba guuta. Worra Kristo Yeso keesa jiru qorsumaani inhamneefi. Wonti akanatiifi seeri Lubbu, ka jireenna maro Kristo Yesotiifi nuu kennu, ya seera dabaatiifi ka duisa jala naa baase. Waan seeri maro laafinna nafatiifi tolchu dad'abe, Waaqi ya tolche. Inni daba nafa nama keesa jiru wollaala iti mure, Ilma ufi erge, ka nafa namatiini d'ufe sorio daba balleesitu tahe. Wonti Waaqi waan kana tolcheefi, aka waan d'uga ka Seeri fed'u nuu tolchani, nu ka ammatana nafa gula iyaane ammo Lubbu gula yaanu. Worri waan nafa gula yau waan nafa herega. Worri waan Lubbu gula yau waan Lubbu herega. Nami waan nafa heregu indua, ammo nami waan Lubbu heregu jireennafi nagaya argata. Tanaafi nami waan nafa heregu nyaapa Waaqaa taha; inni Seera Waaqa inguutu, guutule indandau. Worri herega nafa gula deemu Waaqa dandae ingammachiisu. Ammo isani herega nafa gula iyaatani, ammo herega Lubbu gula yaatani, yo d'uguma Lubbuuni Waaqa isani keesa jiraatte. Nami Lubbu Kristo inqamne ch'ufti ka isaatiiniti. Ammo yo Kristoni isani keesa jiraate, ato dabi nafa keesani ijeesele d'ugaani lubbu teesani jiraachifti. Yo Lubbuuni Waaqaa ta Yeso duisa keesaa kaafte isani keesa jiraatte, yoosi ka Yeso duisa keesaa kaase nafa keesanile jireenna inkenna, Lubbuuni isaa ta isani keesa jirtuuni. Tanaafi oboleyaani tiyya, nafi keenna woma nura inqabu, aka nu fed'i isaa gula yaanu. Wonti akanatiifi yo fed'i nafa keesani gula deemtani indootani; ammo yo Lubbuuni nafa keesani ijeeftani injiraattani. Worri Lubbu Waaqa gula yau ilmaani Waaqaati. Lubbuuni Waaqi isanii kenne sunini tisse isani intolchitu ammalle isani insodaachiiftu; ammo Lubbuuni ilmaani Waaqa isani tolchiti, ammalle jabeenna Lubbutiini Waaqati boonne, Aabbo, Aabbo jenna. Lubbuuni Waaqa lubbu teennaani taka taateti, Worri kunini ilmaani Waaqa jette nu d'ugeesiti. Waan nu ijoolle isaa taaneefi eeba inni ijoolle ufiiti kennu ind'aalla, ammalle Kristo woliini waan Waaqi isaa olkaye d'aalla; wonti akanatiifi yo nu Kristo woliini gaargalle guddinna isaa eegi tana qoodanna. Waan anini sehu, gaargali nu amma argannu kunini guddinna nu hegeri argannuuni wolti ind'ufu. Uumami ch'ufti haga Waaqi ilmaani ufi mullisuuti abdi guddooni eega. Wonti akanatiifi uumama ch'ufa ilaallaani, Woma imbahu jed'ani. Inni maro fed'i ufitiiniti, ammo maro Waaqi akasi fed'eefi akana tahe. Ammo abdi tanati jira: uumama ch'ufaa guyya toko tissooma shama keesaa baasani, balchooma dansa ka ilmaani Waaqa qabdu argata. Nu imbeenna, aka haga amma uumami ch'ufti aka nad'eeni ch'ininfattu d'ukubsatu. Uumama ch'allaaniti, nu ka mid'aani qara ka Lubbu qamnu, nuleeni, ato aka Waaqi d'ufe ilmaani isaa nu tolfate nu baasu teteenne eegannu imboonayu. Nu abdiini baafamne; ammo yo waan abdannu arganne, wonti sunini iti deebite abdi intaatu. Eentu waan ilaani argu abdata? Ammo yo waan ingarre abdanne, obsaani eeganna. Akasuma Lubbuleeni d'ufte nu qarqaarti, ato lalaafo taanele. Nu aka kad'achu malle imbeennu; Lubbuti Waaqa nu kad'ata, waasa nami dandae afaaniini injenneeni. Ammalle Waaqi, ka garaa nama ch'ufa argu, herega Lubbu imbeekha. Wonti akanatiifi Lubbuuni waasaani Waaqa kad'atti maro gumi isaatiifi ammalle fed'i isaa gula. Nu imbeenna, aka waan ch'ufa keesati Waaqi worra isaa jaalatu, ka inni fed'i ufitiini yaame, waan dansa tolchuufi. Worra duri Waaqi fohate inni ya olkaye aka ilma isaa fakaatu aka oboleyaani hedduu ilmi angafa tahu. Tanaafi Waaqi worra duri olkaye kaani yaame; yaamicha ch'allaaniti ammo d'uga heregeefi; d'uga ch'alla inherenneefi ammo guddinna ufile worraa qoode. Ka waan ch'ufa garru, nu maani jenna? Yo Waaqi gama keenna jiraate, eentu dandae nu dabsata? Inni Ilma ufile nu ind'owanne, ammo nu ch'ufaa baase! Inni ka Ilma ufi nuu kenne, waan nu feenu ch'ufa tolaani nuu inkennu? Eentu gumi Waaqi fohate himata? Waaqi, Worri wollaala inqabu ya jed'e! Eentu dandae wollaala worrati mura? Kristo Yesoni la due, ammalle la duisa keesaa kaasani harka mirga ka Waaqa teesisani; inni Waaqa nu kad'ata. Eentu dandae jaalala Kristo keesaa nu baasa re? Gaargalafi hameennafi d'aanichafi beelafi hiyyumafi lubbufi duisileeni indandaa? Akuma t'aafiini jettu, Maro kanketiifi lubbuuni guyya ch'ufa nu bira ejiti, aka hooliye qalmaa geesani nu tolchani. Hiyyo, waan kana ch'ufa nu maro nama nu jaalatuufi dabsanna! Anini imbeekha, aka wonti tokoleeni dandeete jaalala isaatiini gargari nu imbaamne: duisafi jireennileeni; malaikafi jabeenni gubbaa jiruleeni; waan ammatiifi ka hegerileeni; lafa gubbatiifi lafti gadileeni — wonti tokoleeni ta jaalala Waaqaatiini gargari nu baaftu injirtu, ta maro Kristo Yeso Aabbo keennatiifi teenna taate. Wonti anini jed'u kunini waan d'ugaati; anini ka Kristoti, inkiyyibu. Qalbiini tiyya, Lubbu Qulqullo keesa, aka anini inkiyyimne nati himti. Lalefachaani tiyya waan guddo, d'ukubsachaani tiyyaleeni inhobaatu, maro gosa tiyya ta d'iigafi nafa kiyya. Maro worraatiifi anini sila aka Waaqi na abaarre, Kristoni woli hanqannu fed'a. Worri gumi Waaqi fohate; ilmaani ufi worra tolche, guddinna ufi worra woliini qoodate; wold'aqisa ufi worra woliini tolche Seera kenneefi; kad'acha d'uga qabani; ya kakhu Waaqa argatani; worri d'aloota jaarole duriiti, Kristoleeni d'aloota gula gosa worraati. Waaqa ka waan ch'ufa fidu haga jiru ha guddisani! Amini. Anini, kakhuuni Waaqa ya badde injed'u; wonti akanatiifi gochiti Israeli ch'ufti worra Waaqi fohateniti. Yokhaani d'alooti Abrahamu ch'ufti ijoolle Waaqatiniti; wonti akasiitifi Waaqi waan Abrahamuuni jed'e, Ijoolle Isaaqo ch'allati ilmaani tante taha. Tanaafi ijoolleeni aada nama gula d'alatte ta Waaqatiniti; ammo, ijoolleeni kakhu Waaqatiini d'alatte aka d'aloota d'uga heregani. Waaqi akana kakhate, Yo hojjaani geete anini gadeebie Saraani ilma d'alti. Tana ch'allaaniti. Ilmaani Rebeka lamaani abba toko, qabdi abaabo keenna Isaaqo. Akuma t'aafiini jettu, Anini Yakobo jaalad'e Esau jibbe. Maani jenna re? Waaqi d'uga imbeekhu? Hiyyo, akasi injennu. Wonti akanatiifi inni waan Musani jed'e, Anini nama fed'u naha, nama fed'u qarqaara. Tanaafi wonti nami tolchu yokhaani fed'u woma keesa injirtu, ammo naasu Waaqaati waan ch'ufa dura jira. T'aafiini waan Faraoni jettu, Anini maro waan kanatifi hayyu si tolche, aka jabeenna kiyya si garsiise maqa kiyya lafa ch'ufa barsiisu. Tanaafi Waaqi nama fed'u naha, nama fed'ule mata jabeesa. Hegeri atini waan naani jettu, Yo wonti kunini d'uga taate, Waaqi akami wollaala namati mura? Eentu dandae waan Waaqi fed'u dida? Ammo, atini eennu kana, ka Waaqaani akana jettu? Eeleeni faara nama isi d'aeeni, Maafi akana na d'oofta injetti? Nami eele suni d'au, akuma fed'u d'oqe tolcha, yo fed'e eele lama d'oqe tokooni mid'aasa, yo fed'e ta gati guddo yokhaani ta gati diqo mid'aasa. Wonti Waaqi tolcheleeni akasuma. Inni dalansu ufi agarsiise jabeenna ufi nama beesisu fed'e. Tanaafi inni eele iti dalane diquma imballeesini suni guddo obseefi. Ammalle inni durooma guddinna ufi mullisu fed'e, ka eele ta inni nahufiti naqani, worra inni kurfeese aka guddinna ufi qooduufi. Worri inni yaame nuu, Yahudi ch'alla keesaaniti ammo gosa d'ibile keesaa yaame. Wonti akanatiifi inni kitaaba Hosea keesati waan jed'u: Worra kiyya intahiini, Kiyya jed'e yaama, gosa duri injaalanne, Bad'aasoole jed'e yaama. Fulluma duri, isani worra kiyyaaniti jed'aniti, achiti Ilmaani Waaqa Jiru jed'aniini. Isayani waan Israeli dubbate waan jed'u: Ato gochiti Israeli haga maansa afaani galaana geetele, haguma diqa toko ch'allati baafama; wonti akanatiifi Waaqi d'iotu lafa ch'ufa wollaala iti mure balleesa. Akuma duri Isayani jed'e, Ato sila Aabbo Waaqi guddaani ilmaani teenna hambisu baate, nu ya arra kale worra Sodoma taane worra Gomora imfakaatini. Maani jenna re? Wonti nu jennu tana: Gochiti d'ibiini ta d'uga imbarbaanne maro d'ugefachatifi d'uga argatte; ammo Israeliini, ta Seera Waaqaatiini d'uga barbaadde d'uga inarganne. Maafi akana? Maro waan tolchani d'ugefachaani intolchiini ammo hujiini tolchanifi. Tanaafi worri gufu d'akhaa, ta t'aafiini baantuti gufata: Ilaali, anini Sioni keesa d'akha nami iti gufatu kaya, d'akha irati jigani. Ammo nami isa d'ugefatu inch'eeru. Oboleyaani tiyya, garaani kiyya yo sila gochiti tiyya ch'ufti baafamte guddo gammada! Anini aka worri Waaqa guddo jaalatu d'uga intahaafi. Ammo beekha gulaaniti. Worri kara Waaqi d'uga namaa hereguuni imbeekhu, ya kara ufi mid'aafachu barbaadani; tanaafi kara Waaqi d'uga namaa hereguuni ya didani. Wonti akanatiifi Kristoni ya Seera muumme baase, aka nami d'ugefatu ch'ufti d'uga argatu. Wonti Musani t'aafe ta aka nami Seera guutu d'uga argatu tana: Nami waan Seeri jed'uuni tolchu injiraata. Ammo d'ugaani nami d'ugefate argattu waan jettu, eennuti gubba d'aqa injed'ina (aka Kristo gadi buusani). Yokhaani eennuti boola keesa seena injed'ina (aka Kristo duisa keesa kaasani). Wonti isiini jettu tana, Dubbini Waaqa d'aatu tante jirti, hid'i tante gubbafi garaa kanke keesa jirti, dubbi d'ugefacha ta nu odeesinu. Yo atini afaani kanketiini, Yesoni Aabbo jette, ammalle aka Waaqi duisa keesaa isa kaase d'ugefatte imbaafamta. Wonti akanatiifi yo nami garaa ufitiini d'ugefate d'uga argata, afaani ufitiini himate baafama. T'aafiini waan jettu, Nama isa d'ugefatu tokole inch'eersani. Wonti akanatiifi jiddu Yahuditiifi gosa d'ibile wolhanqooni injirtu; Waaqi Aabbo, inni nama ch'ufa imohata, nama isa yaamatu ch'ufa ineebisa. Akuma t'aafiini jettu, Nami Aabbo yaamatu ch'ufti imbaafama. Ammo yo qara ind'ugefatiini, akami isa yaamatani? Yo dubbi ind'agayiini, akamiini d'ugefatani? Yo dubbi iti inodeesiini akamiini d'agayani? Dubbi akamiini odeesani yo nama odeesu inergiini? Akuma t'aafiini jettu, Miili worra odu dansa odeesu akami mid'aaga! Ammo nami ch'ufti Odu Dansa imfud'anne. Isayani waan jed'e, Aabbo, eentu dubbi teenna d'ugefate? Tanaafi d'ugefachaani yo dubbi d'agayani d'ufti, dubbi yo waan Kristo hasaani d'agayani. Ammo woni anini gaafad'u, Worri dubbi d'uguma ind'ageenne? Laki, ya d'agayani, akuma t'aafiini jettu: Qonqooni isaani lafa ch'ufa keesa deemte, dubbini isaani muumme lafa geete. Ammalle woni anini gaafad'u, Gochiti Israeli imbaranne? Musani qara waan jed'u: Anini gosa gosa intahiini fuud'e isani akasiini, obsa d'owa. Gosa daalliti fuud'e isani dalansiisa. Ammalle Isayani guddo garaa jabaate waan jed'u: Worra na barbaaduti injirreti na arge, worra na ingaafanneti mullad'e. Ammo waan Israeli inni waan jed'u, Anini harka kiyya guyya toko ch'ufa gosa inch'aqamne ta dubbi ind'ageenne dura qabad'e. Anini isani gaafad'a duuba, Waaqi ya gumi ufi dide? Hiyyo, akasiiniti. Nafi kiyya gosa Israeliti, d'aloota Abrahamu, balbala Benjamini. Waaqi gumi ufi indinne, ta inni haguma qarati fohate. Waan t'aafiini jettu inuma beetani, aka Eliyaani fuula Waaqa durati Israeli himatu: Aabbo, worri ya raagoota tante fit'e, fulla sorio irati sii baasani ch'ach'absani; naa ch'allati hafe, ammalle nale ijeesu fed'ani. Waaqi maani isaani jed'e? Anini nama kunki torba ka waaqa d'ara ka Baali jed'ani inkad'atiini qaba. Hojja tanale akasuma: gumi diqo toko ta Waaqi fahateti jira, maro naasu isaatiifi. Fohachaani isaa waan naasu isaati, waan worri ufiini tolfateeniti. Yo fohachaani Waaqa waan nami tolchu barbaadde, yoosi naasuuni isaa d'uganiti. Maani re? Gochiti Israeli waan barbaadde inarganne. Gumi diqo toko ta Waaqi fohateti waan barbaadde arge; jari kaani ch'ufti yaamicha Waaqati duudaa tahe. Akuma t'aafiini jettu, Waaqi ya qalbifi garaa worrale daalleese; guyya kanale ilaani lafa inargani, gurraleeni woma ind'agayani. Ammalle Daudiini waan jed'u, Jila worra keesati worra qaqabani hid'inna, ha jiganiti, ha gaargalchaniti! Ilti worra ha dukanooftuti, aka lafa ingarre; ammalle gaargali ha dudda worra ch'absuuti. Woni anini gaafad'u: Gaafa Yahudiini gufate isiini ya jidde badde? Hiyyo akasiiniti. Maro worri dabeefi baafami ya gosa d'ibiti d'ufe, aka akasiini Yahudiini worra qot'iftu. Yo Yahudiini daba tochinaani eeba guddooni lafati d'ufte, ammalle laafte ch'ubbu tolchinaani durooma guddaani gosa d'ibii d'ufte, deebiini worri Waaqati deebiu eeba hagami guddoti! Anini amma isani gosa d'ibiti dubbachu jira: haga anini hojattu gosa d'ibi tahu anini huji tiyya inowisa. Hegeri gochiti tiyya na qot'ifte kara kanaani anini worra garile baasa. Wonti akanatiifi gaafa worra didani, lafti ch'ufti Waaqaani wolti araaramti. Tanaafi gaafa worra fud'atani maal taati? Worri dueleeni injiraata. Yo qit'a qara bukheesani Waaqaa kennani, yoosi qit'aani ch'ufti ka isaati; ammalle yo hidda mukha Waaqaa kennani, dameleeni tami isaati. Damele ejersa oobru keesa jiru ta gari ya ch'ach'absani, dame ejersa raasa keesa jiruti mat'ansani. Isani gochiti d'ibiini aka ejersa raasa jiru jirtani, amma jireenna lubbu dureesa ka Yahudi qoodattani. Tanaafi amma worra aka damele ch'absani intufatiina. Akamiini ufi guddiftani? Isani akuma damele jirtani; hidda inqabdani, hiddati isani qaba male. Ammo isani waan jettani, Damele ch'ach'absani akasiini fulla isii nuu kennani jettani. Tunini d'uga. Maro worri ind'ugefatiiniifi ch'ach'absani, ammo isani fulla teesani maro d'ugefattaniifi keesa teetani. Waan kanaafi ufi inguddisiina, ammo sodaad'a. Waaqi Yahudiyu ta aka dame mukha jirtu illakimne, waan inni isani lakisu seetani? Armati aka Waaqi naasufi jabeenna qabu ingartani. Inni worra jige ingaargalcha, ammo isanii naha, yo isani naasu isaa gula yaatani; ammo yo isani gula iyaane, isanileeni inch'abdani. Yahudi, yo garaa laafte d'ugefatte, fulla isiiti deebisani, waan Waaqi worra deebisu dandaufi. Isani gochiti d'ibiini aka damele ejersa raasa keesa jiru, ta ch'ach'absani jirtani, ammo aada male isani ejersa oobru keesa jiruuni wolti mat'antani. Yahudiini aka mukha oobrani kana jirti; tanaafi guddo Waaqaa laaftu, aki inni damele mukha kana ta ch'ach'absani ka d'ibiti mat'ansu. Waan d'ossani toko ta d'ugaati jira, oboleyaani tiyya, anini aka isani baratani fed'a. Anini isanii guddo qaro ufi seetani infed'u. Wonti kunini tana: mata jabeenni gosa Israeli waan haga hegeri taatiniti ammo eegi gochiti d'ibiini ch'ufti Waaqati deebitu inhobaa. Israeliini ch'ufti kara kanaani baafamti. Akuma t'aafiini jettu, Qarqaarsi Sioni keesaa d'ufa, inni hameenna ch'ufa d'aloota Yakobo keesaa baasa. Anini wold'aqisa kana worra woliini tolcha, gaafa anini daba worra iraa fuud'u. Maro isani gosa d'ibitiifi Yahudiini waan Odu Dansa diduufi nyaapa Waaqati. Ammo maro Waaqi ababoota worrati jed'e worra fohateefi worri jaallaani isaati Waaqi qalbi ufi worra fohate eebise iraa garaingalfatu. Ammo isani gochiti d'ibiini duri Waaqa diddani, amma ya naasu Waaqa argattani maro Yahudiini diddeefi. Akasuma, waan isani naasu argattaniifi, Yahudiini amma Waaqa ch'aqasu diddi, aka worrileeni amma naasu Waaqa argatu. Wonti akanatiifi Waaqi nama ch'ufa ya ch'ubbu worraa keesati hid'e aka nama ch'ufaa nahu. Duroomi Waaqaa waan gudda! Qalbifi hubachaani isaa waan guddo! Eentu waan inni muru beekha? Eentu kara isaa hubata? Akuma t'aafiini jettu: Eentu qalbi Aabbo beekha? Eentu dandae isa gorsa? Eentu taka woi isaa kenne, aka inni galata deebisuufi? Waan ch'ufa isati uume, wonti ch'ufti maro isaatiifi jirti, ammalle isaani jirti. Guddinni gara Waaqa haga hegerile ha jiraatuuti! Amini. Tanaafi oboleyaani tiyya maro naasu Waaqa guddotiifi anini isani kad'ad'a; aka sorio jirtu Waaqaa ufi baasa huji isaa hojad'a isa gammachiisa. Tunini aada d'ugaa ta isani tolfachuu maltani. Aada lafa tana jaalattani gula indeemina, ammo ha Waaqi garaa keesaniifi qalbi teesani jijiruuti. Yoosi fed'i Waaqa barattani, waan dansa, ka isa gammachiisa, ka qit'e. Maro eeba Waaqi naa kenneefi anini waan isani ch'ufaani jed'u: Ufi saaddani ufi inguddisiina. Ammo herega keesani keesati ufi diqeesa, ammalle nami ch'ufti d'ugefacha Waaqi isaa kenne gula ha ufi qoruuti. Nafi nama mita heddu qaba, ammalle mitaani tunini ch'ufti huji ufi qabdi. Akasuma ato nu nama heddule taane, Kristo keesa nuuni ch'ufti nama toko, ammalle akuma mitaani nafa ch'ufti wolti ejitu, nuleeni wolti ejina. Tanaafi waan qamnu ch'ufaani eeba Waaqi nuu kenne gula hojachu malle. Yo hujiini teenna dubbi Waaqa odeesiti taate, d'ugefacha Waaqi nuu kenne gula odeesu malle. Yo namaa hojanne, aka dansa hojachu malle. Yo nama barsiimne, aka dansa barsiisu malle. Yo nama d'ibi jabeesine, aka dansa jabeesu malle. Nami waan harkaa qabu namaani gahu fed'u ha arjoomaani gahuuni; nami nama dura deemu ha aka dansa dura deemu; nami namaa nahu ha gammadaani nahu. Jaalalti ha waan d'ugaa taatuuti. Waan hamtu jibba, waan dansa jabeesa. Aka oboleyaani Kristo keesa woli jaalad'a, ammalle woli ch'eera. Aka dansa hojad'a, ufuma intataiina. Garaa owaani Aabbo hojad'a. Abdiini teesani gammada isanii kennina, gaargala argattani obsaa, hojja ch'ufa Waaqa yaamad'a. Waan qabdaniini oboleyaani gaargala qabdu qarqaara. Worra keesaniti keessuma bulcha. Worra isani gaargalchu eebisa; ee, eebisa, inabaariina. Worra gammadu woliini gammada, worra bohu woliini boha. Nama ch'ufaani wold'aqa. Ufi inguddisiina, ammo huji isani diqeesitule hojad'a. Qaro ufi insehiina. Yo nami waan hamtu isani tolche waan hamtu isa intolchiina. Waan nami ch'ufti dansa sehu ch'alla tolcha. Haga dandeetani gama keesaniini, nama ch'ufa nagayaani woliini taa. Haalo imbaafatiina, jaalaani tiyya, ammo ha dalansuuni Waaqaa haalo isani baaftuuti. Wonti akanatiifi t'aafiini waan jettu, Anati haalo baasa, Aabbooni akana jed'e jetti. Ammo akuma t'aafiini jettu: Yo nyaapi kanke beela qabaate, nyaachisi; yo inni d'eebu qabaate, bisaani obaasi; yo waan kana tolchite, ch'ile owitu mata isaa gubbati guurta. Hameenni sii indabsatiini, ammo hameenna dansoomaani dabsad'u. Nami ch'ufti jara finna lafa harkaa qabu ch'aqasu malle; wonti akanatiifi fed'i Waaqa male nami wo fidu injiru, ammalle jara amma lafa fidu kanale Waaqati tolche. Nami jara wo fidu suni didu waan Waaqi tolche dida; nami waan kana tolchu qorsuma ufitiini d'ufa. Wonti akanatiifi nami waan dansa tolchu jara isa fidu suni insodaatu ammo nama hameenna tolchuuti sodaata. Aka nama nama wo fidu insodaanne tahu feeta? Yoosi waan dansa tolchi, inni si saada. Wonti akanatiifi inni hojattu Waaqaa ta aka ira jirti tanteti sii hojattu. Ammo yo waan hamtu tolchite isaa sodaad'u inni ufuma sheeftini indeemu. inni hojattu Waaqaati, dalansu Waaqa nama hameenna tolchuuti buusa. Maro waan kanatifi jara lafa fidu ch'aqasu maltani — maro dalansu Waaqa ch'allaaniti ammo maro herega garaatiifi. Maro waan kanatifi isani gibira baaftani; wonti akanatiifi jari wo fidu kunini, yo hojatu, Waaqaa hojachu jira. Tanaafi waan worraa baasu malani baasa; damoosafi gibira baasa, guddinnaafi ulfinna worra ch'ufa agarsiisa. Gati nama tokole imfud'atiina, gatiini isani qabdani ta jaalala woli ch'alla tahinna. Nami nama d'ibi jaalatu ch'ufti ya seera guute. Seeri, d'iirafi nad'eeni wolbarate garayu woliintolfatini: Nami inijeesiini; inhatiini; womayu ind'araiini jed'ufi ka d'ibiini ch'ufti seera oboleesa kanke aka ufi jaalatu jaalad'u jed'u keesa jira. Nami oboleesa ufi aka ufi jaalatu jaalatu wollaala iti intolchu. Yoosi, jaalalti seera ch'ufa guuti. Waan kana tolchu maltani, waan saati beetaniifi: hojjaani isani hiriiba keesaa kaatani ya geete. Hojjaani nu baafamnu ya haga qara nu d'ugefanne ira gadi d'iaatte. Halkani ya ala hobaani, lafti diquma imbariini. Waan dukana lakisu malle. Miha lola ka ifsa naqachu malle. Adaba dansaani deema, aka nama ifsa guyya keesa deemu. farso d'ugitiifi machifi, foko d'abaafi woldidiisafi qot'e lakimna. Ammo miha lola ka Aabbo Yeso Kristo keyad'a, adaba keesani ka daba, ka d'araa nafa keesani quufsu lakisa. Nama d'ugefacha laaftu qabu indidiina, ammo waan inni jed'u imorminaani. D'ugefachaani nama toko waan ch'ufa isa inyaachifti ammo nami d'ugefacha laaftu qabu sagaluma laaftu nyaata. Nami waan ch'ufa nyaatu nama waan ch'ufa inyaanne intufatiini; ammalle nami sagale laaftu ch'alla nyaatu nama waan ch'ufa nyaatu intufatiini; wonti akanatiifi Waaqi ya isa ee jed'e fud'ate. Atini eennu kana ka hojattu nama d'ibi qortu? Abba isaa ch'allati jabeennaafi laafinna isaa beekha. Inni injabaata, maro Aabbooni dandae isa jabeesuufi. Nami gari waan guyyaani gari ka d'ibi ira jiru seha, ammo ka gari guyya ch'ufa haga taka seha. Nami ch'ufti aka dansa herega ufi jabeesu male. Nami guyya toko jaba sehu maro Aabbootiifi seha; nami waan ch'ufa nyaatuleeni maro Aabbootiifi nyaata, waan inni ato sagale suni inyaatini Waaqa galata deebisuufi. Nami sagale gari nyaachu diduleeni maro Aabbootiifi dida, innileeni Waaqa galata deebisaafi. Nami ufuma jiraatu injiru, ammalle nami ufuma duu injiru; yo jiraanne Aabboofi jiraanna, yo doonele, Aabboofi doona. Yo jiraanneefi yo doonele duuba nu ka Aabbooti. Wonti akanatiifi Kristoni aka nama jiruufi ka duele abba tahuufi due kae. Tanaafi atini maafi oboleesa kanke qorta? Yokhaani atini maafi oboleesa kanke tuffatta? Nuuni ch'ufti fuula Waaqa dura ejanna, aka inni nu qoru. Wonti akanatiifi t'aafiini waan jettu, Aabbooni waan jed'u, Waaqi anuma, namale ka d'ibiini injiru, ammalle nami ch'ufti na durati jilbifate aka anini Waaqa hima. Tanaafi nuuni ch'ufti waan tolchine Waaqa durati himachu malle. Tanaafi duuba, woli qoriiti lakimna. Fulla isii waan kana kutannaa: waan oboleesa keenna gufachiise daba keesa buusa intolchinu. Beekhi anini Aabbo Yeso beekhu aka wonti tokoleeni t'uri inqamne nati hima; ammo yo nami waan wonti toko t'uri qabdu sehe, isaa t'uri qabdi. Yo wonti atini nyaatuu oboleesa kanke d'ukubsite, jaalalti si keesa injirtu. Sagaleeni atini nyaattu nama Kristoni duefi imballeesini! Wonti atini waan dansa seetu maqa hama inhoratiini. Wonti akanatiifi Finni Waaqa waan nyaatani d'uganiiniti, ammo d'ugaafi nagayafi gammada Lubbuuni Qulqullooni namaa kennitu. Nami kara kana gula Kristo hojatu Waaqa gammachiise namale quufsa. Tanaafi nu hojja ch'ufa waan nagaya nu kennaafi ta woli jabeesiti barbaadu malle. Sagalee jettani waan Waaqi tolche iyakina. Sagale gosa ch'ufa nyaachu malani, ammo sagale nama d'ibi daba keesa buuftu nyaachu himmalle. Wonti qajeela aka foonifi daad'iifi waan d'ibi ta oboleesa kanke daba keesa buuftu lagatani. Aada waan kana ta d'ugefattu ufiifi Waaqa ch'allati d'ofad'u. Ayyaana nama suni ka yo waan garaani isaa jaalatu tolche wollaala ufiiti imurre! Ammo yo inni waan nyaatu garaa tokooni inyaanne, Waaqi wollaala iti mura, hojja inni nyaatu, maro d'ugefachaani waan inni tolche suni bira injirreefi. Wonti d'ugefachaani bira injirre ch'ufti daba. Nu worri d'ugefacha jabdu qabu laafinna worra lalaafa obsine ulfinna isaanii baachu malle. Ufi ch'alla gammachiisu himmalle. Ammo nami ch'ufti ha oboleesa ufi qarqaare gammachiisu, aka d'ugefacha keesati isa jabeesani. Wonti akanatiifi Kristoni ufi ch'alla ingammachiimne; ammo akuma t'aafiini jettu, Arabi nami si arabse ya nati deebie. Wonti akanatiifi waan t'aafi keesati t'aafani ch'ufa aka nu barsiisaniifi t'aafani, aka nu abdi maro jabeennaafi obsa t'aafiini nuu kennitu argannu. Waaqi, ka obsafi jabeenna namaa kennu, isani wold'ageesise akheekha Kristo Yeso gula isani yaasina, aka isaniini ch'ufti qonqo tokooni Waaqafi Abba Aabbo keenna Yeso Kristo faarsitani. Akuma Kristoni isani fud'ate, maro guddinna Waaqaatiifi wolfud'ad'a. Anini isaniti hima, Kristoni hojattu Yahudi tahe, aka, aka Waaqi ka d'uga, agarsiisu; aka khakhuuni Waaqi jaaroleti kakhate d'ugaa taatu, ammalle aka gochiti d'ibiini dandeete, maro naasu isaatiifi, isa faarsitu. Akuma t'aafiini jettu, Tanaafi anini maro teesaniifi gosa d'ibi keesa galata sii deebisa, anini faaru maqa kanketi d'ahad'a. Ammalle waan jettu, Gammada, gosa d'ibi, gumi Waaqi fohate woliini! Ammalle, Aabbo faarsa, gosa d'ibi ch'ufa, guddisa isa faarsa, gosa ch'ufa! Ammalle Isayani waan jed'u, Nami d'aloota Yese ind'ufa; inni olkaeti gosa d'ibi fida; isiini abdi ufi isa gubbaa keyatti. Waaqi, ka abdi namaa kennu, gammadafi nagaya isanii kennina maro d'ugefacha teesani ta isani isa d'ugefattaniifi, aka abdiini teesani jabeenna Lubbu Qulqullotiini iti daramtu. Oboleyaani tiyya, anini aka isani dansoomaani guutamtani qalbi horattani, ammalle wolbarsiisu dandeetani imbeekha. Ammo tatabe tana keesati ya waan gari ta qara isaniti hime guddo iti jabaad'e isani qaabsiise. Anini waan Waaqi na eebise, hojattu Kristo Yeso aka gosa d'ibi keesa hojad'u na tolcheefi garaa jabaad'e. Anini Odu Dansa ta Waaqa biraa d'ufte aka qaallu odeesa, aka gochiti d'ibiini sorio Waaqi fed'u taatu, ta Lubbuuni Qulqullooni kurfeesiteefi. Maro Kristo Yeso keesa anini huji Waaqa hojad'eefi ufi guddisa. Anini garaa jabaad'eti waan Kristoni harka kiyyafi afaani kiyyaani tolche ch'alla odeesa, aka gochiti d'ibiini Waaqa ch'aqaftu. Inni huji tana jabeenna waan mamatiifi ka akheekhatifi ka lubbutiini tolche. Tanaafi haga Yerusalemuti haga Ilkiro anini ya Odu Dansa ta Kristo qit'eese odeese. Fed'iini tiyya aka Odu Dansa fulla nami ind'agayiiniti odeesu, aka yayaba nami d'ibiini jaare gubbati mana inijaarre Akuma t'aafiini jettu, Worri waan isaa namu iti inhimini inarga, ammalle worri waan isaa ind'agayiinileeni inhubata. Maro waan kanatifi anini maro heddu gara keesani d'ufu dad'abe. Ammo amma huji tiyya ta arda kana ya hobaase, ammalle waan anini ganna heddu guddo isani argu fed'eefi, amma waan isani argu seha. Gaafa lafa Spania d'aqu isani ira bahu fed'a, aka isani imaltu tiyya keesati na qarqaartani, eegi anini diqo fulla teesani boqad'e. Ammo ammatana aka gumi Waaqa qarqaaru Yerusalemu d'aqa. Wonti akanatiifi gumiini Makedoniatiifi ta Griki ya ufi baafte, aka hiyyeeyi gumi Waaqa ta Yerusalemu keesa jirtu horiini qarqaartu. Worrumati fed'e tolche, ammo sila hiyyeeyi suni qarqaaru malani. Wonti akanatiifi Yahudiini ya eeba lubbu gosa d'ibi kennite, tanaafi gochiti d'ibileeni waan qabduuni Yahudi qarqaaru malte. Eegi anini huji tana hobaase, hori baasani ch'ufa harka worrati kenne, imaltu lafa Spania d'aqa, duuba isani ira baha. Yo fulla teesani d'ufe, anini imbeekha, eeba Kristo mijuuni d'ufa. Anini isani kad'ad'a oboleyaani tiyya, maqa Aabbo Yeso Kristotiifi jaalala lubbuuni kennituni: kad'acha anini Waaqa kad'ad'u keesa isanileeni naa kad'ad'a. Kad'ad'a, aka anini worra ind'ugefatiini ka Yudea keesa jiru nagayaani jalaa bahu, ammalle aka huji anini hojad'u gumiini Waaqa ta achi jirtu quuftu. Duuba, gammada guddaani gara keesani d'ufa, yo Waaqi jed'e, ammalle aka dansa fulla teesani boqod'a. Waaqi, ka nagaya nuu kennu, isani ch'ufa woliini tahinna. Amini. Anini oboleeti teenna Fobi, ta gumi Kenkreeti hojattu, isani beesisu fed'a. Maqa Waaqaatiini, aka gumiini Waaqa tolchu malte, isi fud'ad'a, ammalle d'ipu isiini qabdu ch'ufa baasa, waan isiini anaafi nama d'ibile guddo qarqaarteefi. Anini Priskafi Akila, ka huji Kristo Yeso na woliini hojatani, ka naa jed'ani duale sodaachu didani nagaya d'aama. Anini guddo galata worraa deebisa — na ch'allaaniti, ammo gumiini gosa d'ibi ch'ufti. Gumi mana worra keesati wolwoldeetule anini nagaya d'aama. Jaala kiyya Epaineto, nama qara ka Asia keesati Kristo d'ugefatele, nagaya d'aama. Mariamu, ta guddo isani hojatte, nagaya d'aama. Andronikofi Yunia, worra gosa tiyya, ka na woliini hid'ani, nagaya naa fuud'a; ergattu keesa worri gurra qaba, ato anini Kristiana intahiini worri tahe. Ampliato, jaala kiyya, maro Aabbootiifi, nagaya naa fuud'a. Urbano, ka huji Kristo na woliini hojateefi jaala kiyya Stakisile nagaya naa fuud'a. Apele ka guddo Kristo jaalatule nagaya naa fuud'a. Worra Aristobulole nagaya naa fuud'a. Herodioni, ka gosa tiyya, nagaya naa fuud'a; oboleyaani Kristiana ta worra Narkiso nagaya naa fuud'a. Trifainafi Trifosa, ka huji Aabbo hojatani, nagaya naa fuud'a, ammalle jaala kiyya Persisi ka huji Aabbo jabdu hojatele. Rufo, ka huji Aabbo hojatufi haad'a isaa ta hojja ch'ufa aka ilma ufi na tolfattele, nagaya naa fuud'a. Asinkritofi Flegonifi Hermefi Patrobafi Hermefi oboleyaani worra woliini jirtu ch'ufa nagaya naa fuud'a. Filologofi Yuliafi Nereafi oboleeti isaatiifi Olimpafi gumi Kristiana ta worra woliini jirtu ch'ufa nagaya naa fuud'a. D'ungo oboleyaanitini nagaya woli fuud'a. Gumiini Kristo ch'ufti nagaya isanii d'aamti. Anini isani kad'ad'a, oboleyaani tiyya: worra gargari nama qoode d'ugefacha nama yake waan isani duri barattani didu, hubad'a, eegad'a. Worri waan akana kana tolchu Kristo Aabbo keenna hojachuuti injiru, ammo garaa ufiti hojata. Worri Afaani dansaani qalbi nama woma imbeenne soba. Nami ch'ufti aka isani dubbi Waaqaa guuttani imbeekha, maro waan kanatifi anini guddo gammada. Anini isani waan dansati qaroomtani ammo waan hamtuti daallooftani fed'a. Duuba Waaqi, ka nagaya nuu kennu, d'iotu Sheet'ana miila keesani jalati ch'arasa. Eebiti Aabbo Yeso isani woliini jiraatinna. Timotheoni, ka na woliini hojatu, nagaya isanii d'aama; Lukiofi Yasonifi Sosipatro, gosa tiyya, nagaya d'aamani. Anini Tertioni, nami tatabe tana t'aafe, nagaya isani d'aama. Gayoni, ka anini mana isaa bululeeni ka gumiini mana isaa keesati wolwoldeete nagaya isanii d'aama. Erasto, ka hori dira kana qorqoratuufi oboleesi keenna Kwartoni, nagaya isanii d'aamani. [ Eebiti Aabbo Yeso Kristo isani ch'ufa woliini jiraatinna. Amini.] Waaqa guddimna! Inni Odu Dansa Yeso Kristo ta anini odeesu gula d'ugefacha teesani jabeesu indandaa, ammalle mullacha waan d'ossa ka ganna heddu d'ossani gula. Ammo amma waan d'ossani suni ya mullisani t'aafi raagoota gula; ammalle seera Waaqa ka haga jiru jireenna tau gula ya gosa ch'ufa beesisani, aka nami ch'ufti d'ugefate ch'aqasu. Gara Waaqa tokocha, ka waan ch'ufa beekhu, guddindindinni maro Yeso Kristotiifi tahinna, ammafi hegerile! Amini. Maqaani kiyya Paulo, ka fed'i Waaqatiini yaamani aka ergattu Kristo Yeso tahu, ammalle oboleesa keenna Sosthene woliini jirra — Gara gumi Waaqa ta Korintho jirtu ta yaamani worra Waaqa tolchani, ta maro Kristo Yesotiifi worra isaa taate, ammalle gara nama lafa ch'ufa ka maqa Aabbo Yeso Kristo yaamatu: Inni Abba keennafi ka worraati. Waaqa Abba keennafi Aabbo Yeso Kristoni eebafi nagaya isanii kenniina. Anini hojja ch'ufa maro teesaniifi Waaqa kiyya galata deebisa, waan inni Kristo Yeso keesa eeba isani kenneefi. Wonti akasitiifi maro Kristotiifi isani ya waan ch'ufaani duroomtani, arabaafi qalbi ch'ufaleeni. Waan oduuni Kristo isani keesati akuma d'ugaa fulla argateefi isani eeba tokole ind'amne, ato mullacha Aabbo Yeso Kristo eedanu. Inni haga muumme isani jabeesa, aka Guyya Aabbo Yeso Kristo isani wollaala male teetani. Waaqa ka wold'aqisa Ilma isaa Yeso Kristo Aabbo keennati isani yaame d'ugefachu malani. Oboleyaani tiyya, anini maqa Aabbo keenna Yeso Kristotiini isani kad'ad'a: waan jettani keesati isani ch'ufti wold'aqa, aka wolmormitani wolind'amne; wold'aqa, heregafi waan feetani ch'ufa keesati takaa taha. Wonti akanatiifi, oboleyaani tiyya, fiit'aani Kloe d'ufte aka isani wold'abdani nati himte. Woni anini jed'u kana: isani namu ch'ufti waan waan dubbattani. Toko waan jed'u, Anini goli Pauloti; ka d'ibiini waan jed'u, Anini goli Petroti; ka d'ibiini, Anini goli Kristo jed'a. Kristo ya gargari qoodani? Pauloti maskali gubbati isanii due? Jara Paulo jed'ani isani batisani? Anini Waaqaa galata deebisa waan anini isani tokole imbatisiiniifi, Krispofi Gayo male. Tanaafi nami tokoleeni dandae jara Paulo ka inni batise isaniini injed'u. (Ee d'uguma, Stefanafi worra isaale nati batise, ammo waan nama d'ibi batise insehu.) Kristoni aka anini nama batisu na inergine. Inni aka anini Odu Dansa odeesuufi na erge, aka qalbi namatiini inodeesine aka akasiini duisi Kristoni maskali gubbati due jabeenna ind'amne. Odeesani duisa Kristoni maskali gubbati due worra badu daalluma fakaatti; ammo nuu worra baafamuti jiru jabeenna Waaqati. Wonti akanatiifi t'aafiini waan jettu, Anini qalbi worra qaro balleese, hubacha worra wo beekhu d'owa. Tanaafi qarooni maani taha re? Yokhaani nami hubacha qabu? Yokhaani nami guddo wo mormu ka lafa tana maani taha? Waaqi aka qaroomi lafa tana woma imbanne ya agarsiise! Wonti akanatiifi Waaqi qalbi ufitiini nama qalbuma worraatini ufi hubachiisu d'owe, Waaqi qalbi ufitiini daalluma odu nu odeesiinutini nama d'ugefatu baase. Yahudiini beesisa waan mama feeti, Grikiini qarooma feeti. Ammo nu waan Kristo maskali gubbaa odeesina, odu Yahudi gufachiiftu, ta gochiti d'ibiini daalluma seetu; ammo jara Waaqi yaame, Yahudifi gosa d'ibileti, oduuni tuni Kristo, ka jabeennaafi qarooma Waaqa. Wonti daalluma Waaqaa fakaattu qarooma nama ira jirti, ammalle wonti laafinna Waaqaa fakaattu jabeenna nama ira jirti. Oboleyaani, waan duri keesa jirtani qaabad'a, gaafa Waaqi isani yaame. Toko toko male isaniini ch'ufti qarooma inqabdani yokhaani jabeenna inqabdani yokhaani ulfinna inqabdani, aka nami sehu. Waaqi beekhuma beekha waan nami lafa daalluma sehu fohate, aka qaro ch'eersu, ammalle waan nami lafa laaftu sehu fohatte, aka nama jajaba ch'eersu. Inni waan woma imbaane, ka nami tuffatu, ka woma intahiini fohate, aka waan nami waan jabdu sehu balleesu. Tanaafi nami tokoleeni dandae fuula Waaqa durati ufi inguddisu. Ammo Waaqi ya Kristo Yesoni takaa isani tolche, ammalle ya Kristo qarooma keenna tolche; maro isaatiifi nu Waaqaani wolti araaramne, ya gumi Waaqaa taane, ya balcha taane. Tanaafi akuma t'aafiini jettu, Nami ufi koorsu fed'u ch'ufti ha waan Aabbooni tolcheeni ufi koorsu. Gaafa anini gara keesani d'ufe aka d'ossa Waaqa ta d'uga isani barsiisu, oboleyaani tiyya, anini dubbi gugurdofi waan qarooma indubbanne. Wonti akanatiifi anini haga isani woliini jiru aka waan ch'ufa ded'u kutad'e, Yeso Kristo male, keesuma duisa isaa maskali gubbati. Tanaafi gaafa anini gara keesani d'ufe, lalaafe sodaani holad'e; hasaafi odu tiyyale qaroomaani dubbachu dide, ammo jabeenna Lubbu Waaqatiini hasae. D'ugefachaani teesani duuba qarooma nama keesa injirtu, ammo jabeenna Waaqa keesa jirti. Ammo worra aka dansa waan lubbu barateti anini qalbiini dubbad'a. Ammo qaroomi sunini ka lafa tanaatiiniti, yokhaani ka jabeenna lafa tana fiduniti — ka hobau jiru. Qaroomi anini dubbad'u qarooma Waaqa ka nama d'ossani, ka Waaqi qara guddinna keennaafi fohate, ato lafti inuumamiini. Hayyooti lafa tana tokoleeni qarooma kana imbeetu. Ato sila beete Abba guddinna maskali irati infanniftu. Ammo akuma t'aafiini jettu. Waan nami taka arge ind'agayiini, waan nami taka inheregiini, Waaqi worra isa jaalatu kurfeeseefi. Ammo Waaqi d'ossa ufi nuti mullise, Lubbu ufitiini. Lubbuuni waan ch'ufa ilaalti, herega Waaqa ka d'ossa jirule. Lubbu nama keesa jirtuti waan nama suni ch'ufa beekha; akasuma Lubbu Waaqa ch'allati waan Waaqa ch'ufa beekha. Nu lubbu lafa tana inarganne; ammo Lubbu Waaqi nuti erge arganne, aka nu waan Waaqi nuu kenne ch'ufa barannu. Tanaafi nu dubbi qarooma ta nami nu barsiise dubbachuti injirru, ammo dubbi Lubbuuni nu barsiifte dubbanna, ato nu worra Lubbu Waaqa qabu d'uga lubbu barsiimnu. Ammo nami Lubbu Waaqa inqamne dandae kenniti Lubbuuni Waaqa namaa kennitu inargatu. Inni dandae inhubatu, woma tokole iti imfakaatu; wonti akanatiifi nama Lubbu Waaqa qabu ch'allati dandae hubata. Nami Lubbu Waaqa qabu dandae waan ch'ufa gargari imbeekha, ammo nami tokoleeni dandae isa imbeekhu. Akuma t'aafiini jettu, Eentu qalbi Aabbo beekha? Eentu dandae isa gorsa? Nu ammo qalbi Kristo qamna. Taatule oboleyaani, anini qara aka nama Lubbu Waaqa qabuti dubbad'u isaniti dubbachu dad'abe; ammo aka nama nafa gula deemu isaniti dubbad'e, aka ijoolle Kristo keesa. Anini aanani isani obaase male sagale jajabdu isani inyaachiimne; wonti akanatiifi isani waan kanaa kurfo intaane. Ammatanale isani kurfo intaane, waan isani ammalle aka nama nafa gula deemu jirtaniifi. Hojja isani wolqot'iiftani woldiddani, wonti kunini aka isani nama lafa ka aada lafa gula fidamu ingarsiiftu? Hojja nami toko, Anini goli Pauloti jed'u, ka d'ibiini, Anini goli Apoloti jed'u, wonti kunini aka isani nama lafa agarsiiftiyu? Apolooni eennu? Pauloni eennu? Nuuni lachu hojattu Waaqaati ka isani d'ugefachiise. Nuuni ch'ufti huji ta Aabbooni nuu kenne tolchina: Anini sanyi oobre, Apolooni bisaani iti nanaqe, ammo Waaqati mid'aani suni baase. Nami oobrufi ka bisaani iti naquleeni woma keesa injiru. Waaqi woi keesa jira, waan inni mid'aani baasuufi. Nami oobrufi ka bisaani iti naqu waan taka; Waaqi nama ch'ufayu huji inni tolche gula wo kennaafi. Wonti akasitiifi nu hojattu Waaqa woliini hojattu, isani oobru Waaqaati. Isanileeni Mana Waaqaati. Eeba Waaqi naa kenneeni anini akuma ijaartu manaa yayaba manaa kaye, yayaba suni gubbati nami d'ibiini mana ijaaru jira. Ammo nami ch'ufti aka ijaaru ilaalu male. Wonti akanatiifi Waaqi ya qara Yeso Kristo yayaba tokocha tolche, dandaani yayaba d'ibi inkayani. Nami gari worqiini ijaara, ka gari qarsi, ka gari d'akha gati guddo qabu, ka gari mukha, ka gari buuyofi aalaani ijaara. Hujiini nama ch'ufa Guyya Kristoni d'ufu mullatti. Ibidi Guyya suni huji nama ch'ufa imullisa. Ibidi ilaaleti jabeenna isii agarsiisa. Yo waan nami yayaba gubbati ijaare ibidi ingumne, nami suni wo argata. Ammo yo isiini gubatte, nami sunini woma inargatu; ammo inni imbaha, akuma nama ibida keesaa bahe. Isani aka mana Waaqa ufi imbeetani? Ammalle aka Lubbuuni Waaqa isani keesa teetu ufi imbeetani? Tanaafi nama Mana Waaqa balleesu, Waaqileeni imballeesa. Wonti akanatiifi mani Waaqa qulqullo, isanileeni mana isaa suni. Nami tokoleeni ufi insobini. Nami waan guddo qalbi qabu ufi sehu, herega nama gula, ha ufi daalleesuuti, aka qaroomu. Wonti akanatiifi wonti nami lafa qarooma sehu fuula Waaqa durati woma imbaatu. Akuma t'aafiini jettu, Waaqi nama qaro qarooma isaa keesati t'urura keesa kaya. T'aafiini d'ibileeni waan jettu, Aabbooni aka heregi worra qaro woma imbaane imbeekha. Tanaafi nami tokoleeni maro waan nami tolchu ufi inguddisiini. Wonti ch'ufti teesani: Paulofi Apolofi Petrofi lafa tanaafi jireennafi duisafi waan ammatiifi ka hegerileeni ch'ufti teesani; isani ka Kristoti, Kristoleeni ka Waaqaati. Aka hojattu Kristo ta waan d'ossa Waaqa qorqorattu nu herega. Wonti nama woi qorqoratu iraa fed'ani aka inni waan abba ufi guutu. Anini yo isani na qortanile iyaalu, yokhaani yo nami d'ibiini na qorule. Qalbiini tiyya qulqullo, taatule anini, wollaala inqabu ufiini injed'u. Nami na qoru Aabbo. Tanaafi ato hojjaani ingahiini nama tokole inqorina. Qorsumaani muumme gaafa Aabbooni mullatu taati. Inni waan d'ossaniifi herega garaa nama ch'ufa diidati baasa. Gaafasi nami ch'ufti faaru inni argachu male Waaqa ira argata. Maro teesaniifi, oboleyaani, anini waan kana ch'ufa anaafi Apolo fakeese. Fakeenna kana anini aka isani dubbi ta, Aka dansa aada gula yaa jettu hubattaniifi jed'e. Isaniini tokoleeni nama toko tuffattani ka d'ibi inulfeesiina. Eentu nama d'ibi ira si guddise? Waaqati waan atini qabdu ch'ufa si kenneeyu? Yoosi, maafi ufi guddifta, aka waan waan atini qabdu ch'ufa tolaa sii inkenniini? Amma waan feetani ch'ufa inqabdani! Isani amma dureeyi! Ya hayyoota taatani, ato nu hayyu tahu d'ibaannele! Anini sila guddo fed'a, yo isani d'uguma hayyoota taatani, aka nuleeni isani woliini hayyu taanu. Mala kiyya, Waaqi ya nuu ergattuti fulla gadii kenne, aka nama ijeechati murani diidati ijeesani, aka malaikafi nami ch'ufti nu daawatu. Maro Kristotiifi nu daalle; ammo isani Kristo keesa qaro! Nu lalaafo, ammo isani jajabo! Nu tuffatani ammo isani ulfeesani! Ammumatanale nu beelaa d'eebu qamna; daarale inqamna; nu d'aanani; fulla ch'ufa yayaane, huji hojanna aka ufi bulchinu. Nama nu abaaru nu ineebimna; hojja nu gaargalchani nu inoobsina. Hojja nu arabsani afaani dansa dubbanna. Nu huura lafa tana fakaanna; nu t'uri lafaati, haga arrale. Anini waan kana aka isani ch'eersu int'aamne, ammo aka ijoolle tiyya ta anini jaalad'u isani gorsu fed'a. Wonti akanatiifi ato barsiiftu kunki kunki ta waan Kristo isani barsiiftu qabattanile abbaani keesani toko ch'alla. Jireenna keesani ka Kristo Yeso keesati anini abba keesani, waan anini Odu Dansaani isanii d'ufeeniifi. Tanaafi, anini isani kad'ad'a, aka kiyya taha. Maro waan kanatifi anini Timotheo isaniti erga. Inni ilma kiyya Aabbo keesa, ka anini guddo jaalad'e d'ugefad'u. Inni daandi anini jireenna kiyya hareesa Kristo keesa gula deemu isaniti hima, ta anini gumi lafa ch'ufa barsiisu. Isaniini gari la ufi guddiftani, waan anini imaltu gara keesani d'ufu inseetani. Yo Aabbooni jed'e ammo, anini d'iotu fulla teesani d'ufa, gaafasi waan worri ufi guddisu kunini dandae tolchu ilaala, waan worri afaaniini jed'u ch'allaaniti. Wonti akasitiifi Finni Waaqa dubbi afaani ch'allaaniti, ammo ka jabeenna. Kami feetani: Licho isaniini d'aanuuni d'ufa mo garaa jaalalatiifi ka laanatiini d'ufa? Hameenna algalooma hama, ka worri Waaqa imbeenneleeni intolchineti jiddu teesani jira jed'ani. Waan ani d'agaye, nami toko niiti abba isaa barate jed'ani. Yoosi, maafi ufi guddiftani? Ammo sila lalefachu maltani, nama waan akana kana tolche jiddu teesani keesaa balleesu malani! Anini ato nafaani isani ira fago jiraad'ele, lubbuuni tiyya isani woliini jirti; ammalle maqa Aabbo Yesotiini anini ya nama waan hamtu kana tolche wollaala iti mure, akuma waan anini isani woliini jiru. Hojja isani wolwoldeetani anini lubbu tiyyaani isaniti d'ufu, ka jabeenni Aabbo Yeso nu woliini jiru, nafa nama kana Sheet'anati kenna aka balleesani, yoosi lubbuuni isaa Guyya Aabbo imbaafamti. Isani ufi guddisu himmalle! Isani mammaasa, Bukho diqo tokoti woi bukheesa jed'u imbeetani? Bukho dullati tana balleesa, aka qulqullo taatani. Yoosi aka qit'a hareesa ka bukho inqamne taatani, akuma isani d'uguma jirtani. Wonti akanatiifi jilti teenna ta Pasaka ya kurfoofte, Kristo hoola keenna ka Pasaka ya qalani. Koota, amma sagale jila teenna nyaanna, qit'a bukho dullati qabu inyaannu, ka dabaafi hameenna qabu; ammo qit'a bukho inqamne, qit'a qulqullo ka d'ugaa nyaanna. Tatabe anini isanii t'aafe keesati, Algaloota lagad'a jed'e. Anini worra Waaqa imbeenne ka algalatiifi sabdifi ka seera ch'absufi ka waan harkaani boch'ani kad'atu injenne. Yo worra kana lagatani lafa keesaa bahu maltani! Wonti anini jechu jiru tana: nama oboleesa ufiini jed'e, ammo algalooma deeme, sabdae, waan harkaani boch'ani kad'ate, nama arabse, machae, seera ch'absu lagad'a. Nama akana sagalele woliini inyaatiina. Yo nami toko oboleesa ufitiini woldide, inni akamiini jaarole Waaqa imbeenne d'aqa, ato gumiini Waaqa worra wolti inaraarsiini? Aka gumiini Waaqa lafa qortu imbeetani? Tanaafi yo lafa qortani, woldidiisa didiqa toko qoru indandeetani? Aka nu waan malaikale qorru imbeetani? Yo akasi taate, nu waan lafa tana hagasi ira qoraaniti? Yo wonti akana kunini d'ufte, nama gumiini inulfeesineti geesitani? Waan ch'eeraa taatani! Nami qalbi qabu ka dandae wolti isani araarsu tokoleeni gumi teesani keesa injiru? Ammo akasi diddani, oboleyaani teesani kora worra Waaqa imbeenneti woli geesiti! Wolhimachaani isani himatani tunini aka isani laaftani haga hanqattani agarsiisa. Yo sila isaniti wollaalaani, ira isani injirtu? Yo sila isani dura woi saamani ira isanii injirtu? Ammo isani wolti wollaaltani wolsaamtani, oboleyaani teesanile saamtani. D'uguma isani aka worri daba tolchu Finna Waaqa inarganne imbeetani. Ufi insobina! Worri ch'eera foko inqamne, ka waan harkaani boch'ani kad'atu, ka nad'eeni biyya awadatu yokhaani midiisani, yokhaani hattufi sabdiini yokhaani nami machaufi ka nama arabsufi ka nama sobe wo fud'atu, worri kunini tokoleeni Finna Waaqa inargatu. Isaniini garileeni duri akasi. Ammo amma ya isani d'iqani, ya isani qulqulleesani, ya maqa Aabbo Yeso Kristotiifi Lubbu Waaqa keennatiini Waaqaani wolti araaramtani. Nami toko, Wonti ch'ufti na halaala jed'a; ammo wonti suni ch'ufti isa inqarqaartu. Anini, Wonti ch'ufti na halaala jechu dandaa; ammo aka wonti tokoleeni tisse na tolfatu anini ee injed'u. Nami d'ibiini, Sagaleeni garaa malte, garaaleeni sagale male jed'a. Ammo Waaqi waan suni lachu imballeesa. Nafi namaa ka hameennaatiniti, ammo ka Aabbooti; Aabboleeni ka nafaati. Waaqi ka Aabbo duisa keesaa kaase, akasuma nule jabeenna ufitiini kaasa. Isani aka nafi keesani mita Kristo imbeetani? Anini mita Kristo toko fuud'e nafa sharmut'a tolcha? Hiyyo, intaatu! Yokhaani aka nami sharmut'a woliini rafe nafa isaatiifi ka isii takaa tolchu imbeetani? T'aafiini diideesite himti, Worri lamaani takaa taha jetti. Ammo nami Aabbooti ufi mat'ansu lubbu keesa isaani toko taha. Huji sharmut'oma lagad'a. Dabi d'ibiini nami tolchu tokoleeni nafa woma intolchu; ammo nami sharmut'oma deemu nafa ufiti daba. Aka nafi keesani mana Lubbu Qulqullo, ta Waaqi isanii kenne, ta isani keesa teetu imbeetani? Nafi keesani keesaniiniti, ammo ka Waaqaati; inni isani bite, Tanaafi nafa keesani suniini Waaqa guddisa. Amma maro waan isani t'aaftani dubbachu fed'a. Nami nad'eeni infuune sila waan dansa ya tolche. Ammo maro hameenni guddaani jiruufi, nami ch'ufti niiti ufi qabaachu male, nad'eeni ch'uftileeni d'iirsa ufi qabaachu malte. D'iirti ha huji ufi ta d'iirsa guutuuti, nad'eeni ha huji ufi ta uwa guutuuti, namu ch'ufti woli quufsu male. Niitiini abba nafa ufitiiniti, ammo d'iirsati abba nafa isiiti; akasuma d'iirsileeni abba nafa ufitiiniti, ammo niititi abba nafa isaati. Wolind'owatiina yo haga diqa toko, aka Waaqa kad'atani wold'agetani, ee woliini jettani male, ammo eegi suni huji teesani ta d'iirsaa nitii guuta, aka ufi qorqorti d'abdani akasiini ilaalacha Sheet'ana keesa imbuumne. Anini waan kana aka seera injenne ammo aka gorsa isaniini jed'a. Anini sila nama ch'ufa ka aka kiyya jiru fed'a; ammo nami ch'ufti kenniti Waaqi kenneefi qaba, nami toko kenniti tana qaba, ka lameeso kenniti d'ibi qaba. Anini amma waan kana maro worra nad'eeni inqamnetiifi nad'eeni d'iirsa inqamnee jed'a: sila yo akuma kiyya koba taani ira dansa. Ammo yo dandaani ufi ind'owarre yo fuud'ani ira dansa, fulla d'araa hamtuuni gubatani. Worra woli fuud'e anini seera toko tolcha; seeri kunini kiyyaaniti ammo ka Aabbooti. Niitiini d'iirsa qabdu d'iirsa jala bahu himmalle; ammo yo baate ha koba ufi teetu yokhaani ha d'iirsaani wolti araaramani; d'iirsileeni niiti ufi lakisu himmalle. Worra d'ibiini anini waan jed'u (anati jed'e male, Aabbooniti): yo nami Kristiana toko niiti ind'ugefanne qabaate, duuba isiini isa woliini tau feete, inni niiti suni lakisu himmalle. Yo niiti Kristiana toko nami ind'ugefanne toko fuud'e, duuba inni isi woliini tau fed'e, isiini isa lakisu himmalle. Wonti akasitiifi d'iirsi ind'ugefanne niiti ufitiini qulqullaa, akasuma niiti ind'ugefanneleeni d'iirsa ufitiini qulqulloofti. Yo sila akasi intahiini ijoolleeni worraa aka ta worra Waaqa imbeenne taati; ammo amma ya qulqulloofte. Ammo yo ka ind'ugefanne suni wahela isaa ka d'ugefate lakisu fed'e, ha akasi tolchuuti. Yo akasi taate namichi Kristianatiifi yokhaani niitiini Kristianaleeni ha waan fed'ani tolchaniiti. Wonti akasitiifi Waaqi isanii nagayaani teetani fed'a. Ati niiti, d'iirsa kanke baaftuuti beeta? Yokhaani ati d'iirsa, niiti tante baafatuuti beeta? Nami ch'ufti kenniti Waaqi isaa kenne gula tau male, ammalle akuma gaafa Waaqi isa yaame jiru tau male. Seeri anini gumi ch'ufa barsiisu kana. Yo nami qabanqaba qaabate yaamicha Waaqa d'agaye, gadaanisa qabanqaba ufira balleesu himmalle; ammalle yo nami qabanqaba inqabatini yaamicha Waaqa d'agaye inni qabanqaba qabachu himmalle. Qabanqaba qabachafi qubacha d'abi woma keesa injiru, ammo seera Waaqa guutu malani. Nami ch'ufti ha akuma gaafa Waaqi isa yaame jiru tauuti. Gaafa Waaqi si yaame, atini tisse? Iyaaliini; ammo yo balchooma argatte, fud'ad'u. Wonti akasitiifi tisseeni Aabbooni yaame ya balcha taate; akasuma nami balchaani ka Aabbooni yaame tisse isaa taha. Waaqi gatiini isani bitate; tanaafi tissele nama intahiina. Oboleyaani, nami ch'ufti ha akuma gaafa duri yaamani jiru Waaqa woliini tahuuti. Amma waan uwaafi d'iira ka woli infuud'iini ka isani, nati t'aaftani: wonti isaani ka Aabbooni nati hime injirtu, ammo aka nama naasu Aabbootiini d'ugefachu malani jed'a. Yo gaargala ammatana lafa jiru herenne sila dansa yo nami ch'ufti akuma amma jiru kana tae. Amma niiti qabda? Yoosi ufi jala imbaasiini. Amma niiti inqabduyu? Yoosi niiti imfud'iini. Ammo yo dubra fuute daba intolchine; ammalle yo dubra fuud'ani, isiini daba intolchine. Ammo anini gaargala guyya ch'ufa ka jari kunini argatu isani lagu fed'a. Wonti anini jechu fed'u tana, oboleyaani: hojjaani alati inhamne. Armaa achi worri nad'eeni qabu aka nama nad'eeni inqamne ha tahuuti; worri bohu aka nama lalala inqamne ha tahuuti; worri koblu aka nama gammada inqamne ha tahuuti; worri woi bitatu aka waan wonti bitani suni ka worraa intahiini ha tahuuti; worri wo gurguru aka waan woma ira inqamne ha yauti. Wonti akanatiifi lafti tunini aka jirtu kanati guddo inturtu. Anini isanii woi yaaddani imfed'u. Nami nad'eeni inqamne waan huji Aabbo herega, waan inni Aabbo gammachiisu fed'uufi; ammo nami niiti qabu waan lafaa herega maro inni niiti ufi gammachiisu fed'uufi; tanaafi moga lama gula isa hirkisani. Niitiini d'iirsa inqamne yokhaani intalti dubra huji Aabbo hereddi, maro isiini nafafi lubbu ufi Aabbo kennu feetuufi. Ammo niitiini d'iirsa qabdu waan lafa hereddi, maro isiini d'iirsa ufi gammachiisu feetuufi. Anini waan kana maro isani qarqaaru fed'uufi jed'a. Anini woma isani d'owu imfed'u. Ammo aka isani waan qajeelatiifi ka fullaa tolchitani, huji Aabbo garaa tokooni hojattani fed'a. Waan nama wolkad'ate, ammo eege wolfuud'u dide, ka isani nati t'aaftani, ani akana jed'a; yo namichi intala fuud'u fed'u d'araani isaa ta intala suni guddo jabdu taate, inni intala suni iraa ufi d'owu dad'abe intala suni ha fuud'u. Ammo yo namichi, ka nami tokoleeni ind'owiini, intala fuud'u dide; yo inni d'araa nafa ufi d'owu dandae, waan tolchu malani garaa ufi keesati kutate, yo fuud'u didele womaniti. Tanaafi nami intala suni fuud'u waan fullaa tolcha, ammo ka fuud'u didu waan hagasi ira qajeela tolcha. Niitiini d'iirsa qabdu, haga d'iirsi jiru nami d'ibiini isi infuud'iini ammo yo d'iirsi due, ha nami isiini feetu fuud'uuti; taatule fuud'i sunini fuud'a Kristiana tau male. Ammo sila ira isii jirti, yo isiini d'iirsa male teete. Wonti anini heregu tana, anileeni waan Lubbu Waaqaa qabu ufi seha. Amma anini waan sagale waan harkaani boch'ani baasani dubbad'a: D'uguma nuuni ch'ufti hubacha qamna. Ammo hubachaani akana tunini nama ufi guddisiifti, ammo jaalalti nama jabeesiti. Nami waan wo beekhu ufi sehu haga sila beekhu male imbeekhu. Ammo nama Waaqa jaalatu Waaqileeni imbeekha. Tanaafi amma waan sagale waan harkaani boch'ani baasani: nu imbeenna aka wonti harkaani boch'ani suni fakeenna waan injirre; ammalle nu imbeenna aka Waaqi toko ch'allaani jiru. Yo nami, Waaqa hedduti jira jed'ele, gubbafi lafale, ato Waaqafi abbootiini hedduuni jiraatele, nu Waaqa toko ch'alla beena; inni Abba, ka waan ch'ufa uume, nu isaafi jiraanna; ammalle Aabbo toko ch'allati jira, Yeso Kristo, ka wonti ch'ufti isaani uumamte, nuleeni isaani jirru. Ammo nami ch'ufti d'uga tana imbeekhu. Nami gari ya waan harkaani boch'ani kana aka male barate, yo sagale akana tana nyaatani ch'ufa sagale waan harkaani boch'ani baasani sehani; heregi worraa waan laafa, waan sagaleeni suni worra t'ureesitu sehani. Ammo sagaleeni Waaqati nu ind'ieesitu; yo nyaachu baannele woma imfitannu, yo nyaannele woma nuu indartu. Ufi eegad'a, aka yo waan feetani tolchitani worra d'ugefacha didiqo kaani ingufachiimne. Fakeenna yo nami heregi isaa laafa toko, sii hubacha qaba jed'ani mana waaqa d'ara keesati sagale waan harkaani boch'ani nyaatu arge. Wonti atini taatu suni duuba aka innileeni sagale suni nyaatu intolchitu? Duuba namichi laafaani kunini, oboleesi kanke ka Kristoni duefi, maro hubacha teetiifi bada. Kara kanaani Kristoti dabdani waan oboleyaani teesani ta qalbi laaftu qabduti dabdanifi. Yo sagaleeni anini nyaad'u oboleesa kiyya gufachiifte, anini ituma deebie inyaad'u, aka oboleesa kiyya ingufanne. Anini balchayu? Anini ergattuniti? Anini Yeso Aabbo keenna ingarre? Isani mid'aani huji tiyyatiiniti Aabbo keesa? Ato nami gari ergattu naani injennele, isani inuma naani jettani! Isanumaani, maro jireenna keesani ka Aabbootiifi, aka anini ergattu ingarsiiftani. Yo nami nati game, kara kanaani ufira d'owa: Anini waan nyaad'e d'ugu huji tiyya keesa, yo fed'e, inargad'u? Anini waan ergattuuni d'ibiini tolchitu, aka oboleyaani Aabbo yokhaani Petroleeni niiti ufi fud'ate imaltuuni deeme, yo fed'e intolchu? Anaafi Barnaba ch'allati hojate sagale teenna barbaadachu malle? Eentu askarti hori male hojatu d'agaye? Yokhaani abba oobru kamiti mid'aani oobru isaa inyaanne? Yokhaani abba ree ka aanani ree ufi ind'unne? Fakeenni kunini waan guyya ch'ufa, ammo Seerileeni akanuma jed'a. Seeri waan jed'u, Afaani qotiyo mid'aani d'aantu inhid'iina. Waaqi d'uguma waan qotiyo iyaala? Waan kana inni nu imbaane? Waan kana nuufi t'aafani! Nama qotufi ka muruleeni abdi mid'aani argachaatiini hojachu male. Nu ya mid'aani lubbuu jiddu teesaniti oobrine. Yo woi isani ira fud'anne isani dabsina? Yo biyyiti waan kana isani iraa fud'atte, nuleeni hagasi iraa isani iraa fud'achu himmalle? Taatule nu ammalle waan kana imfud'anne. Ammo nu waan ch'ufa obsine, aka gufu tokole daandi Odu Dansa ta Kristo dura inkeenne. D'uguma isani aka worri Mana Waaqa keesa hojatu sagale ufi achi argatu imbeetani. Ammalle aka worri sorio qalu qooda fooni sorio qabu imbeetani. Akasuma Aabbooni ya worra Odu Dansa odeesule, Waan jiraataniini achi argad'a jed'eeni. Anini waan kana tokole imfud'anne, yokhaani anini waan kana aka argad'uufi tatabe tana int'aamne. Fulla ufi guddisiiti tiyya bilaasha tolchani duisati ira na jira! Anini maro Odu Dansa odeesuufi ufi guddisu himmalle. Yo d'uga dubbanne, dandae odeesu indidu. Sila guddo na hamtu yo anini Odu Dansa inodeesiini! Yo sila anini huji tiyya fed'iini tolche, hori na baasu malani; ammo waan na tolchisiisaniifi, akasi aka anini huji nati kennani tolchu male agarsiisa. Maal keesa argad'a re? Woni ani argad'u aka Odu Dansa hori male odeesu, ato waan kiyya tokole Odu Dansa keesa imbarbaanne. Anini balcha, tisse nama tokoletiiniti; ammo anini tisse nama ch'ufa ufi tolcha, aka nama heddu argad'u. Yo Yahudi woliini jirru aka Yahudi taa, aka worra hirkisu; ato anini Seera Musa gula deemu d'ibaad'ele, yo worri gula yau woliini jirru, aka nama gula deemu ufi tolcha, aka worra hirkisu. Akasuma yo gosa d'ibi woliini jirru anini aka gosa d'ibi ufi tolcha, Seera Yahudi jala injiru, aka gosa d'ibi hirkisu. Anini seera Waaqa guutu indidu ammo seera Kristo jala jira. Yo worra d'ugefacha diqo qabu woliini jirru anileeni ufi laafisa, aka worra hirkisu. Anini nama ch'ufa ya waan ch'ufa tahe, aka anini nama gari kara dandau ch'ufaani baasu. Waan kana ch'ufa anini maro Odu Dansaatiifi tolcha, aka eeba isii qoodad'u. Woldogoomsu keesa nama hedduti oria, ammo toko ch'allati wo argata. Akasi imbeetaniyu? Aka wo argattani utaala duuba. Nami utaalcha barachu fed'u ch'ufti waan infakaanne iraa ufi d'owu male; inni aka sure haga jirtu inteenne mata gubba keyatufi akasi tolcha; ammo nu, aka ta haga hegeri teetu argannuufi akana tolchina. Maro waan kanatifi anini fulla hobaatiiti utaala; anini aka nama wold'aanu ka tontomo woli ira ingorsine jira. Nafa kiyya tume mohad'a, aka eegi anini dubbi Waaqa biyyati odeese na indinne. Anini aka isani waan ababoota teenna ta Musa gula yaate taate qabatani fed'a, oboleyaani. Gaafasi dumansi worra ch'ufa qorqorate, worri ch'ufti galaana Shamu nagayaani taake. Dumansafi bisaani keesaleti worra Musa gula yau jed'ani, worra batisani. Worri ch'ufti qit'a mama suni nyaate bisaani mama sunuma d'uge; wonti akanatiifi d'akha mama ka worra gula deeme keesaa bisaani d'ugani; d'akhaani suni Kristo. Ammo taatule Waaqi worrati dalane, reefi worraa lafa aloo ch'ufa keesa firfirfame. Wonti kunini ch'ufti akheekha nuu taati, aka nu akuma worraa waan hamtu ind'araane, yokhaani aka nu akuma worraa waan harkaani boch'ani inkad'anne, akuma t'aafiini jettu, Biyyiti teteete nyaate d'udde kaate sirbite, nu algalooma tolchu himmalle aka worri gari tolche, guyya tokooni nami kunki diddami sadii raawate. Aabbole lalaachu himmalle, aka worri nami gari tolche, duuba bofi ide worra balleese. Yokhaani gungumu himmalle, aka worri nami gari tolche, duuba Malaikaani Dua worra balleesite. Wonti kunini ch'ufti aka nama d'ibi akheekha taatuufi taate, ammalle aka nu gorsanifi t'aafani. Wonti akanatiifi nu bara muummeeni d'iaate keesa jirra. Nami waan eju ufi sehu ha ufi eegatuuti aka injinne. Ilaalachaani namati d'uftu woma qara lafa jiraati. Ammo Waaqi kakhu ufi jabeesa. Inni ilaalacha isani ira hafu indandeenne isaniti inllakisu. Ammo hojja isani ilaalatani, inni jabeenna isani obsitani keesaa batani isanii kenna. Tanaafi jaalaani tiyya, waan harkaani boch'ani inkad'atiina, biraa fagaad'a. Anini aka waan isani nama qalbi qabu isaniti dubbad'a; waan anini jed'u herega. Hojja mudunu eeba ta Waaqaa galata deebimnuuni d'unnu, d'iiga Kristo qoodachuuti injirru? Hojja qit'a ch'absine nyaannu, nafa Kristo qoodachuuti injirru? Waan qit'aani toko ch'allaani jiruufi, nuuni ch'ufti, ato heddu taanele, nafa toko; wonti akanatiifi qit'a toko qoodanna. Gosa Israeli qaabad'a; worri waan sorio baasani nyaatu huji fulla sorio iti qalani inqoodata. Anini maani jechu jira? Waan harkaani boch'aniifi sagaleeni isii baasani woma keesa jirtu jechu jira? Hiyyo! Wonti anini jechu jiru, sorio worri Waaqa imbeenna qalu Waaqaa imbaasani ammo jinnii baasani. Anini isani wahela jinni taatani imfed'u. Mudunu Aabbootiifi ta jinni keesaa d'ugu indandeetani; sagale Aabbootiifi ta jinni wolti nyaachu indandeetani. Yokhaani Aabbo qot'isisu feena? Waan nu isa ira jajabo Nami gari, Wonti ch'ufti nu halaala jed'a; ammo wonti suni ch'ufti isanii dansaaniti. Wonti ch'ufti nu halaala jed'ani, ammo wonti ch'ufti inqarqaartu. Nami tokoleeni waan ufi ch'alla yaalu himmalle, ammo waan nama d'ibile yaalu male. Fooni gabaya keesati gurgurani ch'ufa nyaad'a, sodaattani nama tokole ingaafatiina. Akuma t'aafiini jettu, Lafafi wonti keesa jira ch'ufti ta Aabbooti. Yo nami Kristo ind'ugefanne mana ufiti isani yaame d'aqu feetani, waan isani dura kayani ch'ufa nyaad'a, gaafi male. Ammo yo nami toko, Sagale tana ya waan harkaani boch'ani baasani isaniini jed'e inyaatiina, maro nama waan suni isaniini jed'eetifi maro herega namaatiifi, anini herega keesani imbaanu, ammo herega isaa baana. Nami gari waan jed'u anini maafi waan fed'u herega nama dibiti jed'e lakisa? Eegi anini sagale tiyyaafi galata Waaqaa deebise nyaad'e, nami tokoleeni maafi waan hamtu naani jed'a? Duuba waan tolchitani ch'ufa, yo nyaattani d'uuddanile, maro guddinna Waaqaatiifi tolcha. Yahudifi gosa d'ibiifi gumi Waaqaa ingufachiisina. Akuma anini tolchu tolcha: waan tolchu ch'ufaani anini nama gammachiisu fed'a, waan dansooma tiyya inheregu, ammo dansooma nama ch'ufa herega, aka nami ch'ufti baafamu. Akuma anini Kristo akeesu isanileeni na akeesa. Anini isani guddisa waan isani hojja ch'ufa na qaabattani barsiisa anini isaniti kenne jabeesitaniifi. Ammo anini aka isani aka Kristoni nama ch'ufa ira jiru barattani fed'a, d'iirsi niiti ufi ira jira, Waaqileeni Kristo ira jira. Tanaafi nami d'iira fulla gumiini jirtuti mata hagogate kad'ate yokhaani dubbi Waaqa hasau mata ufi ch'eersa. Nad'eeni fulla gumiini jirtuti hagogo male kad'atte yokhaani dubbi Waaqa hasooftu mata ufi ch'eersiti; isiini nad'eeni mata haadattu fakaatti. Yo nad'eeni mata hagogachu didde, ha haadattuuti. Ammalle yo nad'eeni mata haadatte yokhaani ch'iratte waan ch'eeraati, tanaafi hagogachu malte. D'iirti mata hagogachu himmalle, waan inni fakeennafi guddinna Waaqa agarsiisufi. Ammo nad'eeni guddinna d'iira agarsiifti; wonti akanatiifi d'iira nad'eeni ira inuumne ammo nad'eeni d'iira ira uumani. Maro nad'eenitiifi d'iira inuumne, ammo nad'eeni d'iirafi uumani. Maro malaikatiifi nad'eeni mata hagogachu malte, aka aka jabeenna d'iirsa isii jala jirtu agarsiiftu. Taatule Aabbo keesa nad'eeni d'iirsa male woma keesa injirtu, d'iirtileeni nad'eeni male woma keesa injirtu. Akuma nad'eeni d'iira ira uumani akasuma nad'eeni d'iira d'alti; ammalle wonti ch'ufti Waaqa iraa d'ufti. Ufii teesanii herega: aki nad'eeni yo hagogo mata inqamne Waaqa kad'attu fullaa? Aka rifeensi d'eeraani d'iiraa ch'eera, ammo nad'eeni faaya, uumami nu imbarsiisu? Rifeensi d'eeraani kunini akuma woya isii kennani. Ammo yo nami tokoleeni naani mormu fed'e, wonti anini jed'u, nufi gumiini Waaqaleeni aada d'ibi imbeennu. Gorsa kana keesati, Isani waan dansa tolchitani injed'u; wonti akanatiifi woldeennaani teesani waan dansa intolchitu ammo waan hamtu tolchiti. Ta qaraa fiit'e, aka nami woli ind'ageenne jiddu teesani jiru la d'agaye; wonti kunini, mala kiyya, hagi toko d'uga. (Wonti suni tahu malte aka nama qajeela jiru argani.) Isani yo wolwoldeetani sagale Aabbo nyaachu ind'umne. Wonti akanatiifi yo sagale nyaattani, nami ch'ufti hurrise sagale ufi nyaata, tanaafi nami gari beelaani gala, ato ka gari machau. Worra keesati nyaattani d'uddani inqabdani? Yokhaani gumi Waaqa tuffattani, worra gaargala qabu ch'eersu feetani? Ana maani isaniini jed'u feetani? Ana waan dansa isaniini jed'u feetani? Anini waan dansa tokole injed'u. Wonti akanatiifi anini waan isani barsiise Aabbo ira argad'e: aka halkani isa gurgurani suni Aabbo Yesoni qit'a fuud'e, Waaqaa galata deebise ch'ach'abse waan jed'e, kunini nafa kiyya ka isanii jed'ani baasani. Waan kana tolcha na qaabad'a. Akasuma eegi sagale nyaatani inni mudunu fuud'e waan jed'e, Mudunuuni tunini wold'aqisa haraa ka d'iiga kiyya beesisu. Yo d'uddani ch'ufa naa qaabad'a jed'e. Wonti akanatiifi haga Aabbooni d'ufuuti, yo qit'a kana nyaattani mudunu tana keesa d'uddani ch'ufa isani duisa isaa odeesitani. Tanaafi yo nami adaba hamaani qit'a Aabbo nyaate yokhaani mudunu Aabbo d'uge, inni ya nafa Aabbootiifi d'iiga Aabboleti dabe. Nami ch'ufti ufi qorqorachu male, duuba qit'a nyaate mudunu ha d'ugu. Wonti akanatiifi yo inni ulfinna nafa Aabbo hojja inni sooratu ingarre, yo nyaate d'ugu ch'ufa qorsuma ufitiini d'ufa. Maro waan kanatifi isaniini hedduuni fayyaa d'abdani laaftani, hagi tokoleeni raawattani. Nu yo sila qaraa fiit'e ufi ilaale, qorsuma Waaqa keesa induunu. Ammo Aabbooti nu qore nu qajeelcha, aka nama lafa woliini nu inqorre. Tanaafi oboleyaani tiyya, yo wolwoldeetani sagale Aabbo nyaattani, woli eega. Yo nami beela qabaate ha mana ufiti sagale nyaatu, aka yo wolwoldeetani qorsuma Waaqa keesa inseenne. Waan hafe kaani anini hojja d'ufu mid'aasa. Amma waan kenniti Lubbu ta isani na gaafatani anini aka isani waan isii ka d'ugaa baratani fed'a, oboleyaani. Isani imbeetani, aka gaafa isani Waaqa imbeenne, wonti harkaani boch'ani, ta woma imbaane, isani mohatte kara ira isani gorsite. Hubachu maltani aka nami Lubbuuni Waaqaa deemtuni tokoleeni dandae Yeso inabaare, ammalle nami tokoleeni dandae Yesoni Aabbo injed'u, yo Lubbuuni Qulqullooni isaani deemtu male. Wonti Lubbuuni namaa kennitu aka heddu jirti, ammo Lubbu tokoti namaa kenna. Kara hedduti ka woiini hojatani jira, ammo Aabbo tokocha hojatani. Humna hedduti ta woiini hojatani jira, ammo Waaqa toko ch'allati humna woiini hojatani nama ch'ufaa kenna. Nama ch'ufaa beesisa Lubbu toko kennani, aka woli wo bahu. Lubbuuni nama toko dubbi qalbi kenniti, ammo nama d'ibi Lubbumaani suni dubbi hubacha kennitiifi. Lubbuuni nama toko d'ugefacha kennite, ka d'ibi ch'irruma kennitiifi; toko jabeenna inni waan mamatiini tolchu kennite, ka d'ibi jabeenna dubbi Waaqatiini dubbatu kennitiifi; ammalle nama d'ibi jabeenna inni kenniti Lubbu iraa d'ufteefi ta iraa ind'ufiini himu kennitiifi. Nama toko jabeenna afaani d'ibi dubbatu kennite, ka d'ibi qalbi afaani suni deebisu kennitiifi. Ammo Lubbu takatiti waan kana ch'ufa tolcha; isiini akuma feetu nama ch'ufa kenni aka aka kenniti. Wonti akanatiifi Kristoni aka nafa toko jira, ka mita heddu qabu; inni nafa toko ch'alla, ato mita heddu qabaatele. Akasuma nu ch'ufa, Yahudifi gosa d'ibile, tisseefi balchale, ya Lubbuuni nafa tokocha kanati nu batifte, ammalle nuu ch'ufa ya Lubbu taka quufsani. Nafi mita toko ch'alla inqabu ammo mita heddu qaba. Yo sila miili, Anini harkaaniti, tanaafi mita nafaatiniti ufiini jed'e, sunini mita tahu ind'owartu. Yo sila gurri, Anini ilaaniti, tanaafi anini mita nafaatiniti ufiini jed'e, tunini mita nafa tahu ind'owartu. Yo sila nafi ch'ufti ila ch'allaa taate, maanti wo d'agaya? Yokhaani yo sila gurra ch'alla taate, maanti wo suufa? Ammo Waaqi mita ch'ufa, aka fed'u, nafa ke naqe. Yo nafi ch'ufti mita toko tahe nafi wo jira? D'uguma mita hedduti jira, ammo nafi taka. Tanaafi ilti dandeete mataani, Anini si imfed'u injettu. Yokhaani mataani miilaani, Anini si imfed'u injed'u. Diqole akasi intaatu; mita lalaaftu nafa keenna male, nu dandeenne injiraannu, mita nu womanu inseenne guddo qorqoranna; ammalle mita guddo imid'aanne guddo jabeesina. Mita tamiti mid'aaguma guddo infeene! Waaqi mita nafa keenna, aka dansa wolti naqe uume, aka mitaani ulfinna feetu ulfinna argatu. Tanaafi nafi keenna gargari qooda inqabu, ammo mitaani ch'ufti woli qorqoratti. Yo mitaani toko d'ukubde, nafi ch'ufti ind'ukubsata; yo mita toko ulfeesani, nafi ch'ufti gammada argata. Tanaafi isaniini ch'ufti nafa Kristoti, nami ch'ufti mita isaati. Gumi keesaleti Waaqi ya nama ch'ufa fulla ufi kenneefi: qaraa fiit'e ergattu, ta lameeso raagoota, ta sadeeso barsiiftu; duuba jara waan mama tolchuufi ka d'ukuba fayyisufi ka nama qarqaarufi ka nama dura deemuufi jara afaani d'ibiini dubbatu. Nami ch'ufti ergattu wo taate? Yokhaani raagoota wo taate? Yokhaani barsiiftu wo taate? Nami ch'ufti jabeenna waan mamatiini tolchu wo qaba? Yokhaani waan fayyad'abaani fayyisu wo qaba? Yokhaani waan afaani d'ibiini dubbatu wo qaba? Yokhaani waan qalbi afaani suniini deebisu wo qaba? Hiyyo. Tanaafi garaa keesani waan jabdu ira keyad'a. Ammo wonti waan kana ch'ufa ira jabdu kara kana. Ato anini dandae afaani gosa ch'ufatiifi afaani malaikale dubbad'e, ammo jaalala inqamne, dubbini tiyya iyana bilbilatiifi qonqo dibele fakaatti. Ato anini guddo hasau beekhe, qalbi ch'ufa qabaad'e waan d'ossani ch'ufa beekhe d'ugefacha gaara buqiftu qabaad'e, ammo jaalala inqamne, anini woma keesa injiru. Yo anini waan qabu ch'ufa biyyaa kenne, Nafa kiyyale guba jed'e, ammo jaalala inqamne woma naa imbaatu. Jaalalti wo obsite namaa naati; jaalalti inqotiftu, ufi insaadu, ufi inguddiftu; jaalalti miira guddinna, ufooniti, hure indalantu; jaalalti hameenna namati inhereddu; hameenna namati ingammaddu, ammo d'ugaati gammaddi. Jaalalti ufi injibaattu: d'ugefachaafi abdifi obsi isii muumme inqabu. Jaalalti haga jiru jireennale teeti. Dubbi Waaqa indubbatani ammo wonti suni hagu inteetu; afaani d'ibi inuma dubbatani ammo yoosu hobaani; hubachaani injirti ammo indabarti. Wonti akanatiifi hubachaani teenna qit'eniti, dubbini Waaqa ta nu odeesinuleeni qit'eniti; ammo yo wonti qit'e d'ufte, ta qit'e intahiini imbaddi. Gaafa anini ijoolle hasaa kiyyafi herega kiyyafi hubachaani tiyya ta ijoolleeti ammo amma anini nama gudda, waan ijoolluma la keesaa bahe. Wonti nu amma agarru kunini fakeenna dawiti keesaa ka aka dansa imullanne fakaatti; ammo gaafasi aka dansa wolagarra. Wonti anini amma tana beekhu qit'eniti; ammo gaafasi qit'oofti, akuma Waaqi naani beekhu qit'oofti. Duuba ammatana wonti kunini sadeenu inteeti: d'ugefachaafi abdifi jaalala; ammo ta waan ch'ufa ira jirtu jaalala. Jaalala barbaadu maltani. Abdi teesani kenniti Lubbu gubba keyachu maltani, keesuma kenniti dubbi Waaqaatiini hasaani. Nami afaani d'ibiini dubbatu namaani indubbatu ammo Waaqaani dubbata, waan nami tokoleeni waan inni jed'u inhubanneefi. Jabeenna Lubbutiini inni d'uga d'ossani dubbata. Ammo nami Dubbi Waaqa dubbatu namaani dubbateti qarqaare garaafi qalbi jabeesa. Nami afaani d'ibiini dubbatu ufi ch'alla qarqaara, ammo ka dubbi Waaqa dubbatu gumi ch'ufa qarqaara. Anini isani ch'ufa ka afaani d'ibiini dubbattani fed'a; ammo sule ira anini isani ch'ufa ka dubbi Waaqa hasooftani fed'a. Wonti akanatiifi nami dubbi Waaqa hasau ka afaani d'ibiini dubbatu ira jira, yo nami afaani deebisuufi jiraate male, aka gumi ch'ufa qarqaarani. Tanaafi oboleyaani, yo anini gara keesani d'ufe afaani d'ibiini dubbad'e maani isanii baati? Woma tokole, yo anini dubbi Waaqi mulliseeni d'ufe male, yokhaani qalbi woi, yokhaani d'aamsa Waaqaa yokhaani barsiisa woitiini d'ufe male. Me; miha sirba ka aka magalatatifi kiraari herega; yo aka dansa d'ahani male sirba d'au jirani suni nami tokoleeni inhubata? Iyanale yo aka dansa iyani male nami lola wo kurfefata? Akasuma nami akamiini dandae waan atini dubbattu hubata, yo atini afaani d'ibiini dubbi nami hubachu indandeenne dubbatte? Dubbini tante qilleensa keesa baddi! Afaani gosa hedduti lafa keesa jira, ammo ch'ufti wo jed'ani. Yo afaani nami dubbatu anini ind'ageenne, nami suni naa nyaapa, anileeni isaa nyaapa. Waan isani kenniti Lubbu feetaniifi, waan ch'ufa ira ta gumi qarqaarte jabeesitu barbaadu maltani. Tanaafi nami afaani d'ibiini dubbatu ha Waaqa kad'atuuti, aka Waaqi kenniti afaani deebisani isaa kennu. Wonti akanatiifi yo anini kara kanaani Waaqa kad'ad'e, lubbuuni tiyyaleeni inkad'atti, ammo qalbiini tiyya keesa injirtu. Yoosi maani tolcha? Anini lubbu tiyyaani kad'ad'e qalbi tiyyaleeni inkad'ad'a; anini lubbu tiyyaani sirbe qalbi tiyyaleeni sirba. Yo atini lubbu ch'allaani Waaqa galata deebifte, nami gumi teesani keesa tau kaani akami dandae, Amini jed'a? Inni kara waan atini jettuuni hubatu inqabu. Yo kad'achaani tante ta atini galataani deebiftu dansa taatele, namichi kaani qarqaarsa inargatu. Anini Waaqaa galata deebisa waan anini afaani d'ibiini isanii ch'ufa ira dubbachu dandaufi. Ammo kad'acha gumi keesati anini sila dubbi shani ta nami ch'ufti hubachu dandau dubbachu fed'a, aka nama d'ibi barsiisu, fulla dubbi kunki shani afaani d'ibiini dubbad'u. Herega keesani keesa aka ijoolle intahiina, oboleyaani tiyya; waan hameennati ijoolle taha, ammo herega keesani keesati nama gudda taha. Seera Waaqa keesati waan t'aafani. Aabbooni waan jed'u, Anini worra kanati dubbad'a; nama afaani d'ibi dubbatuufi hid'i nyaapatiini iti dubbad'a. Ammo yo sunile gumiini tiyya na inch'aqaftu. Tanaafi afaani d'ibiini dubbachaani worra ind'ugefatiini akheekha, worra d'ugefacha qabu woma keesa injirtu. Ammalle dubbi Waaqa dubbachaani waan worra d'ugefateti, worra d'ugefacha inqamne woma keesa injirtu. Yo gumiini ch'ufti wolwoldeete nami ch'ufti afaani d'ibiini dubbate — yo nami diida ka ind'ugefatiini olseene, Isaniini ch'ufti ya maraattani injed'u? Ammo yo nami ch'ufti dubbi Waaqa hasae, nami diida ka ind'ugefatiini, yo olseene, maro dubbi teesanitiifi aka daba qabu ufi arge ufi qora. Herega isaa ka d'ossa mullisaniti, inni gadi jed'e Waaqa kad'ate waan jed'u, Waaqi d'uguma arma isani woliini jira. Wonti anini jechu jiru kunini maani, oboleyaani? Hojja isani wolwoldeetani, nami toko sirba qaba, toko barsiisa qaba, toko waan Waaqi iti mullise qaba, ka d'ibiini afaani d'ibiini dubbata, kaani afaani deebisaafi. Wonti ch'ufti sila gumi qarqaaru malte. Yo nami afaani d'ibiini dubbachu fed'e, nami lamaa sadi ha woli gula dubbatuuti, nami d'ibileeni ha afaani deebisuufi. Yo nami afaani deebisu injirre, nami tokoleeni woldeenna keesa indubbatiini, ammo ha ufiifi Waaqati dubbatuuti. Nami lamaa sadi ka dubbi, Waaqa barsiisu ha dubbatuuti, ato jari kaani waan worri jed'u ch'aqasu. Ammo yo nami gumi keesa tau toko d'aamsa Waaqa ira argate, nami dubbachu jiru ha ch'allisuuti. Nami ch'ufti ha dubbi Waaqa toko tokooni dubbatuuti, aka nami ch'ufti wo barate jabaatu. Kenniti dubbi Waaqatiini dubbatani ha nama dubbatu jala jiraatuuti. Wonti akanatiifi Waaqi aka nu wolti goonu infed'u, ammo inni aka nu nagayaani teennu fed'a. Akuma woldeenna gumi ch'ufa keesa, nad'eeni ch'allisu malte woldeenna keesa. Isiini dubbachu himmalle; akuma Seeri duri jed'e biyya dura deemu himmalle. Yo woi barachu feete ha manati d'iirsa ufi gaafatuuti. Waan guddo ch'eeraati yo nad'eeni woldeenna gumi keesati hasoofte. Dubbini Waaqa fulla teesanii baate? Gara keesani ch'allaa d'ufte? Yo nami tokoleeni ergattu Waaqa ufi sehe yokhaani waan kenniti Lubbu qabu ufi sehe, aka wonti anini t'aafu jiru kunini Seera Waaqa hubachu male. Ammo yo inni waan kana ch'aqasu dide, dubbi isaa inch'aqasiina. Tanaafi oboleyaani tiyya, garaa keesaniini aka dubbi Waaqa hasooftani jaalad'a, ammo afaani d'ibiini dubbacha nama ind'owiina. Waan ch'ufa kara qajeelatiifi ka adabatiini tolchu malani. Amma oboleyaani tiyya, Odu Dansa anini duri isaniti odeese ta isani fud'attani jabaattaniini isani qaabsiisu fed'a. Odu Dansa suniini baafamtani, yo jabeesitani, yo ufumaa d'ugefattani male. Dubbi jabdu ta nati odeesani anileeni isaniti dabarse: ta Kristoni maro daba keennatiifi due jettu, akuma t'aafi keesati t'aafani; jennaani isa awaalani, gaafa sadeeso isa kaasani, akuma t'aafi keesati t'aafani; inni Petroti mullate, duuba eegi suni jara kud'ani lamati mullate. Eegi suni inni guyya toko oboleyaani nama d'ibba shaniti mullate; ta gari ammalle injirti ato ta gari dootele. Eegi suni Yakoboti mullate, ammalle eegi sunile ergattu ch'ufati mullate. Eege qit'isu nati mullate, ato anini aka nama kara mamatiini d'alate jiraad'ele. Wonti akanatiifi anini maand'a ergattu ch'ufaati, ergattu naani jechu himmalle, maro anini gumi Waaqa gaargalcheefi. Ammo maro eeba Waaqaatiifi anini akuma jiru jira, eebiti inni naa kenne ufumaa imbanne. Ammo, anini ergattu ch'ufa ira jabaad'e hojad'e, ato waan anini ufiini tolche tahu d'ibaatele, ammo eeba Waaqaati na keesa tolche. Tanaafi ato naraa d'ufte yokhaani worra iraa d'ufte, nuuni ch'ufti waan kana barsiimna, isanileeni waan kana d'ugefattani. Yo d'aamsi keenna, Kristoni duisa keesaa ya kae jed'u, isaniini gari akamiini, Nami due inkau jettani? Yo wonti sunini d'ugaa taate, yoosi Kristole duisa keesaa inkaamne; ammalle yo Kristo duisa keesa inkaasiini nu waan odeesinu inqamnu, isanileeni waan d'ugefattani inqabdani. Waan hagasi ira, nu waan Waaqaani kiyyibu jirru fakaanna, waan nu, Inni Kristo duisa keesaa kaase jenneefi. Inni isa inkaamne, yo aki worra due inkaamne d'ugaa taate. Yo worra due duisa keesaa inkaasiini, Kristole duisa keesaa inkaamne. Ammalle yo Kristo duisa keesaa inkaasiini d'ugefachaani teesani waan d'araati, isani ammalle daba keesa jirtani. Ammalle worri duri Kristo d'ugefate due ya bade. Yo abdiini teenna ta Kristo jireenna kana ch'alla keesa jiraatte, nu nama lafa tana ch'ufa ira naasu feena. Ammo dubbini d'uga tana — Kristo ya duisa keesaa kaasani, inni worra due keesa nama qara ka duisa keesaa kaasani. Akuma nami duani d'ufe, dua keesaa kaitile nami d'ufeeni. Akuma nami ch'ufti Adamu keesa duu, akasuma Kristo keesale nama ch'ufa duisa keesaa kaasani. Ammo nami ch'ufti fulla ufii qaba: Kristoni nama ch'ufa dura jira, eegi suni worra Kristoti, gaafa inni d'ufu. Gaafa muummeeni d'uftu Kristoni hayyootafi jabeennaafi humna ch'ufa dabsateti Finna ch'ufa harka Waaqa Abbati kenna. Kristoni fidu male, haga Waaqi nyaapa ch'ufa dabsate miila isaa jala naquuti. Nyaapi eege qit'isu balleesani duisa. Wonti akanatiifi t'aafiini waan jettu, Waaqi ya waan ch'ufa miila isaa jala naqe. Yo waan ch'ufa jed'ani, Waaqi ka waan ch'ufa miila Kristo jala naqe keesa injiru. Suni waan gaafi qabaatiiniti. Yo waan ch'ufa miila Kristo jala naqani, yoosi Ilmileeni, Waaqa jala ufi kaya, ka waan ch'ufa isa jala naqe; duuba Waaqi waan ch'ufa kara ch'ufaani fida. Worra maro nama duetiifi batisani maani tolchani re? Worri maani tolchu fed'a? Yo aki worri, Nami due duisa keesaa inkau jed'u d'ugaa taate, maafi maro worra duetiifi batifamani re? Nu maanifu hojja ch'ufa gaargala dua keesa ufi seensimna? Oboleyaani hojja ch'ufa duati harka na qaba! Waan anini maro teesaniifi Kristo Yeso Aabbo keenna keesati ufi guddisuufi anini waan kana jed'a. Ato sila anini Efeso keesati bineensa ala had'e, maro fed'i namaatiifi, anini maani argad'e? Yo sila nama due jireennati inkaamne mammaasi toko waan jed'u, Arra nyaanne d'unna, bori indoona. Insobamiina: waheli hamaani adaba dansa iyaka. Qalbi teesaniti deebia, kara keesani ka daba lakisa. Nami gari waan Waaqa imbeekhu; anini aka isani ch'eertanifi jed'a. Nami toko hegeri akana gaafata, Nama due akamiini kaasani? Nafa akami horata? Atini daalle! Yo mid'aani fach'aafte haga biqilaniti imbaani. Wonti atini oobritu sunini sanyuma, hegeri dargaye yokhaani mid'aani d'ibi ammo mid'aani bahu jiruniti. Waaqati nafa fed'u mid'aani suni kenna, isumati nafa maleefi kennaafi. Fooni waan ch'ufa aka takaa injirani: nami fooni ufi qaba, bineensi ka ufi qaba; simpirreeni ka ufi qabdi, qurt'umileeni ka ufi qabdi. Ammalle nafa lafatiifi ka gubbati jira; mid'aagumti ta lafatiifi ta gubbaleeni injirti. Aduuni mid'aaguma ufi qabdi; jiileeni mid'aaguma ufi qaba; urjileeni mid'aaguma ufi qabdi; wonti akanatiifi urji keesale isiini ch'ufti takaaniti. Gaafa worra due jireennati kaasani akana. Reefi awaalani waan duati; hojja kaasani iti deebie induu. Hojja awaalani fuuli hamafi laafa; gaafa kaasani mid'aagaa dansa. Hojja awaalani nafa d'aloota, gaafa kaasani nafa lubbuu. Yo nafi d'aloota jiraate, nafi lubbuleeni injira. Wonti akanatiifi t'aafiini waan jettu: Nama qara, Adamu, nama jiru uumani; ammo Adamuni muumme lubbu jireenna namaa kennitu. Lubbuuni durati ind'uftu, ammo nafi d'aloota d'ufeti, duuba lubbuuni faana d'ufti. Adamu qara biyye lafatiini uumani: Adamuni lameeso gubbaa d'ufe. Worri biyye aka nama biyyeeni uumani jira; worri gubbaa aka nama gubbaa d'ufe jira. Akuma amma nama biyye fakaannu, akasuma eegi tana nama gubbaa fakaanna. Wonti anini jechu jiru tana, oboleyaani: wonti nafafi d'iiga qaba qooda Finna Waaqa inargatu, ammalle wonti dua dandeete duu ufi ind'owartu. Waan d'ossa kana ch'aqasa: nuuni ch'ufti indoonu, ammo nu jijirani, maro tokotu, aka ila lifsattu, hojja magalata muumme d'aani. Wonti akanatiifi hojja d'aani, worra due aka deebiani indoone duisa keesaa kaasani, nuuni ch'ufti jijiramna. Wonti hobaa waan inhobaane keyachu malte; wonti dua waan indoone keyachu malte. Duuba hojja wonti hobaa waan inhobaane keyatte, ammalle hojja wonti dua waan indoone keyatte, gaafasi d'ugaani t'aafi mullatti ta, Dua la liqimsani; dabsachaani ya qit'oofte! jettu. Ee Duisa dabsachaani tante me? Ee Duisa d'ukubiitini tante me? Duisi jabeenna namaani d'ukubsu daba ira argata, dabileeni jabeenna ufii Seera ira argata. Ammo galati Waaqa imbadiini, ka dabsacha nuu kennu maro Aabbo keenna Yeso Kristotiifi! Tanaafi oboleyaani tiyya, jabaad'a, ejad'a. Huji Aabbo hojja ch'ufa hojad'a, jabeesa; wonti akanatiifi isani imbeetani, hujiini Aabbo ta isani hojattani dandeete lafati inhaftu. Amma waan hori gumi Waaqa ta Yudea jirtuni qarqaarani ka isani na gaafattani, anini akana jed'a: waan anini gumi Galatiatini tolcha jed'e tolchuu maltani. Guyya qara ka torbaani ch'ufa isaniini ch'ufti hori lafa kayu maltani, waan argattani gula, aka yo anini d'ufe hori wolti inguurre. Eegi anini d'ufe jara isani fohattaniti tatabe kenne, Hori suni Yerusalemu geesa jed'aani. Yo anileeni worra woliini deemu male woli yaana. Eegi Makedonia keesa dabre anini gara keesani d'ufa, wonti a akanatiifi anini Makedonia keesa dabru male. Anini bara d'aamocha ch'ufa fulla teesani taa, duuba isani woreega naa tolchitani, anini imaltu tiyya deema, fulla deemu fed'u ch'ufa. Anini haga diqa toko ch'alla isani bira tau imfed'u, haga gudda isani woliini tau fed'a, yo Aabbooni jed'e. Ammo haga guyya Pentekoste arma Efeso keesa tau fed'a. Balbalti huji jabduuni hojad'u ya armati naa banamte, ato nami naani morku hedduuni jiraatele. Yo Timotheoni isaniini bahe, isa bulcha, maro inni akuma anini Aabbo hojad'u hojatuufi. Nami tokoleeni isa intufatiini; ammalle woreega isaa tolcha, aka inni imaltu ufi nagayaani deeme gara kiyya deebiu; wonti akanatiifi anini oboleyaani woliini isa eegu jira. Amma waan oboleesa keenna Apolo: anini guddo iti dubbad'e aka inni oboleyaani d'ibi woliini gara keesani d'aqu, ammo inni ammatana diqole deemu imfed'u. Yo qoomni argate indeema. Kurfo taa, d'ugefacha teesani keesa jabaad'a, insodaatiina jabaad'a. Huji teesani ch'ufa jaalalaani tolcha. Waan Stefanatiifi worra isaa imbeetani; Kristiani qara lafa Griki keesa worra, ammalle ya huji gumi Waaqaati ufi baasani. Anini isani kad'ad'a, oboleyaani tiyya, worra akana kana ch'aqasa, gula yaa, ammalle nama aka worra hojate gaargalu ch'ufale. D'ufiisi Stefanatiifi ka Fortunatotiifi ka Akaiko guddo na gammachiise; ya fulla isani injirre buani, ammalle garaa na jabeesani, akuma isanile garaa jabeesani. Nama akana kana ch'ufa ulfeesu malani. Gumiini Asia nagaya isani d'aamti; Akilafi Priskafi gumiini mana worra keesati wolwoldeetu guddo nagaya d'aamti, maqa Aabbootiini. Oboleyaani ch'ufti nagaya isani d'aamti. D'ungo oboleyaanitiini nagaya wolfuud'a. Waan kana anini harkuma kiyyaani t'aafa: Pauloni nagaya isanii d'aama. Nami Aabbo injaalanne ch'ufti ha abaaramuuti! Maranatha — Aabbo keenna, kooti! Eebiti Aabbo Yeso isani woliini jiraatiinna. Jaalalti tiyya Kristo Yeso keesa isani woliini tahinna. Maqaani kiyya Paulo, ergattu Kristo Yeso fed'i Waaqa gula, ammalle oboleesa keenna Timotheo woliini jirra. Gara gumi Waaqa ta Korintho jirtuufi gumi Waaqa ch'ufa ta Akaya keesa jirtu: Waaqi Abba keennafi Aabbo Yeso Kristoni eebafi nagaya isanii kennina. Waaqa Abba Aabbo keenna Yeso Kristoti galata deebimna, inni Abba naasu, Waaqa qarqaarsa aka ch'ufa namaa kennu! Gaargala keenna ch'ufa keesati nu qarqaara, aka nuleeni dandeenne nama gaargala qabu ch'ufa qarqaarru, qarqaarsa nu Waaqa ira arganne suniini. Akuma nu gaargala Kristo gudda qoodannu, akasuma maro Kristotiifi qarqaarsa isaa guddale qoodanna. Yo nu gaargalle, maro qarqaarsafi baafama keesanitiifi gaargalla; yo nu qarqaarani isanile ya qarqaarani, irre ta isani gaargala aka keenna obsitaniini isani kennani. Tanaafi abdiini nu isani abdannu diqole inchochoone; nu imbeenna aka, akuma gaargala keenna qoodattani, akasuma qarqaarsa nu argannule qoodattani. Oboleyaani, nu gaargala lafa Asia keesati arganne isani qaabsiisu feena. Baani nura kayani waan guddo, ammalle aka male nuti ulfaate, tanaafi nu waan jiraannu ufi inseene. Waan ijeecha nuti murani seene. Ammo wonti kunini aka nu ufi inabdanne ammo Waaqa ka nama due kaasu abdannufi taate. Inni gaargala duisa kana keesaa nu baase, hegerile nu baasa; nuleeni abdi teenna isa ira keyanne aka inni ammalle nu baasu, akuma isanileeni kad'acha teesaniini nu qarqaartani. Kara kanaani kad'acha heddu ta nuu kad'atani d'agayani, Waaqileeni nu eebisa; duuba nami hedduuni qonqo olfud'ate maro teennaafi galata deebisa. Wonti nu ufi guddimnuufi tana: heregi keenna aka dansa nu beesisa, aka lafa tana keesa, keesuma jiddu teennaafi teesani, nu garaa tokooni d'uga Waaqi nu kenneefi eeba Waaqaatiini teenne, ammo qalbi namatiini inteenne. Nu waan isani soomtani hubattani ch'alla isani t'aamna. Anini inheregad'a aka isani waan ammatana aka dansa inhubatiini hegeri hubattani, aka Guyya Aabbo Yeso isanileeni akuma nu maro teesaniifi ufi guddimnu maro teennaafi ufi guddiftani. Waan kana aka dansa beennaani, anini aka imaltu gara keesani d'aqu herege, aka maro lama eeba argattani. Gaafa Makedonia deemuufi gaafa galule isani ira bahu fed'e, aka imaltu tiyya ta Yudea keesa na qarqaartani. Gaafa waan kana herege anini waan aka injirre tahe? Anini yo woi heregu, aka nama lafa herega? ka Ee, Ee yokhaani Hiyyo, Hiyyo fulla tokotu jed'u? Waaqi ka d'ugaati, kakhuuni tiyya gara keesani Ee yokhaani Hiyyoniti. Wonti akanatiifi Yeso Kristoni Ilmi Waaqa ka anaafi Silafi Timotheoni isaniti odeesine, ka Eetiifi Hiyyo jed'uuniti. Inni Eeti Waaqaati; wonti akanatiifi waan Waaqi kakhate ch'ufa inni ee jed'a. Maro waan kanatifi maro Yeso Kristotiifi nu Amini jenne Waaqa guddimna. Waaqati nu jabeesa isani woliini, jireenna keenna ka Kristo keesa; ammalle isumati biyya ira koba nu baase, beesisa ufi nura kaye, ammalle Lubbu Qulqullo ufi nuu kenne, aka qabdo nuu taatu. Anini Waaqa ka d'uga tiyya yaamad'a, inni garaa kiyya imbeekha! Anini aka isani ingaargalchineefi Korintho d'aqu dide. Waan isani d'ugefachaani jabaatanifi nu waan isani d'ugefachu maltani isaniti himuti injiru. Ammo nu aka gammada argattani isani woliini hojachuuti jira. Tanaafi anini waan kana kutad'e: iti deebie fulla teesani d'ufe isani ilaalefachiisu. Wonti akanatiifi yo anini isani lalefachiise, eennuti na gammachiisa, worruma anini lalefachiise suni male? Maro waan kanatifi anini tatabe taani isanii t'aafe, aka yo anini fulla teesani d'ufe, worri sila na gammachiisu na ilaalefachiimne. Anini imbeekha, aka yo anini gammada qabaad'e isanileeni gammada argattani. Anini garaa hamaani tatabe isanii t'aafe, imimaani guddoleeni, aka isani lalefachiisuuniti ammo aka jaalala tiyya guddo isani garsiisu. Yo nami tokoleeni nama lalefachiise inni na ilaalefachiimne ammo isani lalefachiise; yokhaani inni isani keesa nama gari lalefachiise, taatule dubbi tana owisu imfed'u. Aki isani nami hedduuni nama kana akana gaargalchitani ingeeti. Ammo isani ammatana isaa araaramtani jabeesu maltani, aka inni guddo lalefate ufi injibaanne. Aka isani aka dansa isa jaalattani isa beesisu maltani. Maro waan kanatifi anini tatabe taani isaniti t'aafe: aka isani ilaalad'e, ammalle aka isani barsiisa tiyya gula yaatani hubachu fed'e. Yo isani nama tokoo araaramtani anileeni ya isaa araarame. Hojja anini namaa araaramu, yo anini d'uguma nama araarame, anini maro teesaniifi araarama fuula Kristo durati, aka Sheet'ani nu indabsanne; wonti akanatiifi nu malte isaa imbeenna. Anini aka Odu Dansa Kristo odeesu Troani bahe, jennaani aka Aabbooni kara huji naa bane arge. Ammo waan oboleesa keenna Tito achiti inargiiniifi anini guddo lalefad'e. Tanaafi anini biyyaani Nagayati jed'e, Makedonia d'aqe. Ammo galati Waaqa imbadiini! Yo nu Kristo keesa jirru, Waaqi hojja ch'ufa aka nama Kristoni boojie dabsachaani galchu nu yaasa. Aka urgaa qayyaa ka fulla ch'ufaa yaatu, Waaqi nama ch'ufati Kristo nuuni mullisa. Wonti akasitiifi nu aka urgaa qayya ka Kristoni Waaqaa aarse duuba worra baafamufi ka baduleti aaru fakaanna. Worra badu ajaani tuni inijeefti; worra baafamu urgaani tunini injireesiti. Eentu huji tana tolchu dandaa re? Nu aka worra dubbi Waaqaatiini daldalu injirru; ammo maro Waaqi nu ergeefi, nu aka nama d'uga dubbanna fuula isaa durati, aka hojattu Kristo. Nu waan ufi guddisu jirru fakaanna? Yokhaani aka biyya gari tatabe ufiini beesimnu isaniti d'umne yokhaani isani ira fud'achu malle? Tatabeeni teenna isani, ta garaa keenna keesati t'aafani, aka nami ch'ufti soome baratu. Kristoti tatabe tana t'aafe harka keennaani erge. D'akha gubbati kalaamuuni int'aamne ammo garaa nama keesati t'aafani Lubbu Waaqa jirutiini. Wonti nu waan kana jennuufi maro d'uga Waaqa Kristo keesa qamnuufi. Wonti nu keesa jira, ta aka nu waan kana tolchu dandeennu agarsiiftu injirtu. Jabeenni nu qamnu fulla Waaqati d'ufa: isati nu dandeesise aka wold'aqisa hareesa kanaani hojannu, wold'aqisi kuni waan seera t'aafaniitiniti ammo waan Lubbuuti. Seeri t'aafani duisaani d'ufa, ammo Lubbuuni nama jireesiti. Seera duri d'akha gubbati t'aafani, hojja seera suni kennani guddinni Waaqa imullate. Ato guddinni suni badele, fuuli Musa guddo ch'ululuqe, gochiti Israeli isa ilaalu dad'abde. Yo Seeri, ka hujiini isaa duisaani d'uftu, guddinna kana ch'ufaani d'ufe, guddinni Lubbuuni d'uftuuni, hagasi ira jira! Hujiini wollaala namatiini murani waan guddo, ammo hujiini namaani, Wollaala inqabdu jed'ani hagasira guddo. Nu waan kana maro guddinna gudda amma jiruufi jenna, guddinni duri jiru amma injiru. Yo guddinni waan haguma diqa toko taa keesa jiraate, waan haga hegeri taa hagasi ira keesa jira! Maro abdi tana qamnuufi nu guddo garaa jabaanna. Nu aka Musa injirru, ka hagogo matati uyifate aka gochiti Israeli ch'ululuqa fuula isaa ka baddu ingarre. Qalbi worraa gaafasi dukaneesani; haga arrale hagogooni suni qalbi worraa gubbuma teeti, ato kitaaba wold'aqisa duri soomanu. Yo nami Kristo keesa jiraate ch'alla hagogo suni nama iraa fuud'ani. Haga arrale yo worri Seera Musa soomu hagogooni qalbuma worra gubba teeti. Ammo daandaani iraa fuud'ani, akuma t'aafiini jettu, Musani Aabbooti deebinaani hagogo iraa fuud'ani jed'ani. Aabbooni armati baanaani Lubbu; fulla Lubbuuni Aabbo jirtu balchoomati jira. Nuuni ch'ufti guddinna Aabbo fuula hagogo inqamneeni akuma dawiti mullimna; kara kanaani gara nu galchani, aka isa fakaannu guddinna muumme inqamneeni; Aabbooni ka akana tolchu Lubbu. Maro naasu ufitiifi Waaqi ya huji tana nuu kenne, tanaafi nu ufi injibaannu. Huji d'ossatiifi ta ch'eera la lakimne; nama insomnu, dubbi Waaqale ind'aareesinu. D'uga diidati dubbanne aka d'uga qamnu nama ch'ufa agarsiimna, Waaqa duraleeti. Yo oduuni dansaani nu odeesinu d'ofamte, worra badu jiru ch'alla duraa d'ofamti. Wonti worri ind'ugefanneefi waan hamaani lafa tana keesa jiru qalbi worra dukaneeseefi. Inni ifsa worrati ifsu argu worra d'owa, ifsa Odu Dansa ta guddinna Kristo keesa d'ufu, inileeni akuma Waaqa jira. Nu waan keenna odeesuti injirru: ammo aka Yeso Kristoni Aabbo, ammalle aka nu maro teesaniifi tissele isaa taane odeesina. Waaqi, Dukana keesa ifsaani ha ifsu jed'eti ifsa kana garaa keenna keesati ifse, aka ifsa hubacha guddinna Waaqa nuu kennu ka fuula Kristoti ifsu. Ammo nu worri hori lubbu kana qabu aka okote faara jirra, aka nu jabeenna inqamne ammo Waaqi jabeenna gudda qabu agarsiisani. Maro heddu nu gaargalchani ammo taka nu imach'arsinne; maro gari irinch'ich'ina ammo taka ufi injibaanne; nyaapa heddu qamna ammo taka jaala ind'amne; maro heddu madoomna ammo taka nu imballeesine. Hojja ch'ufa nafa keenna gubbati duisa Yeso baana, aka jireenni isaa nafa keenna keesati mullatu. Haga jirru ch'ufa diquma maro Kristotiifi indoone, aka jireenni isaa nafa keenna ka duu kana keesati mullatu. Tanaafi dooti nu bira ejiti, ammo jireenni isani bira eja. T'aafiini, Maro d'ugefad'eefi dubbad'e jetti. Akasuma nuleeni garaa d'ugefachaatiini maro d'ugefanneefi dubbanna. Nu imbeenna aka Waaqi ka Aabbo Yeso duisa keesaa kaase, Yeso woliini nule duisa keesaa kaase isani woliini fuula ufi duraani nu d'ufu. Wonti kunini ch'ufti maro teesaniifi taate; duuba akuma eebiti Waaqa nama heddu geetuuni, nami galata Waaqaa deebisa, aka maqa Waaqa guddisani. Maro waan kanatifi nu garaa ilaamnu. Ato nafi keenna guyya ch'ufa shamele, garaani keenna guyya ch'ufa haraa taha. Gaargali diqaani, ka yoosu hobau, ka nu qamnu kunini eegi tana guddinna hegeritiini nu d'ufa, ka gaargala suni ira jiru. Nu waan mullata abdachuti injirru, ammo waan imullanne abdachuu jirra. Wonti mullata haga diqa toko ch'alla teeti, ammo wonti imullanne haga hegeri teeti. Nu imbeenna aka yo waaro nu keesa teennu tana tarsaasani — waarooni tuni nafa keenna — Waaqi mana nu keesa teennu nu mid'aasa, mana inni harka ufitiini mid'aasu, ka haga hegeri tau. Amma guddo lalefanna waan worra keenna ka gubba jiru iti galu feenuufi; wonti akasitiifi yo nu worra suni iti galle nama alati galu imfakaannu. Haga nafa keenna kana qamnu aka nama gaargalchani lalefanna; nu nafa keenna injibinu, ammo nafa gubbaa fed'achu feena, aka jireenni waan dua dabsatu. Waaqati waan kanaafi nu kurfeese, duuba inni Lubbu ufi nuu kenne, aka qabdo nuu taatu. Tanaafi nu hojja tokole insodaannu. Nu imbeenna aka haga nu nafaani jirru nu mana Aabbo ira fago jirru. Wonti akanatiifi jireenni keenna waan d'ugefachaati, waan ilaani arganiiniti. Nu insodaannu, worra keenna nafa kanaani biraa yaane Aabbo woliini sila tau feena. Waan ch'ufa ira nu isa gammachiisu feena, worra keenna kana keesafi achileti. Nuuni ch'ufti Kristo dura eju malle, aka inni dubbi teenna qore, nami ch'ufti waan argachu male argatu, waan inni nafaani tolche gula, hamtuufi dansale. Nu aka Aabbo sodaachu malani imbeenna, tanaafi biyya garsiimna. Waaqi nu beekha, anileeni waan isanileeni guddo na beetani seha. Nu ammalle isani durati ufi d'ugeesu imfeenu; ammo waan isani maro teennaafi ufi guddisu maltanifi isaniti himna, aka isani worra nafa hameennatifi ufi koorsu ka ammo adaba hameennatifi ufi inkoorsine woi iti himatani. Yo nu maraannele maro Waaqatiifi maraanna. Yo fayya qabaanele maro teesaniifi fayya horanna. Jaalala Kristoni nu jaalatuuti nu mitisa, amma aka nami toko maro nama ch'ufatiifi due imbeenna, akasi jechaani nami ch'ufti ya due jechu. Wonti inni nama ch'ufaa duefi aka nami tokoleeni ufiifi injiraanne, ammo maro nama due duisa keesaa kaasaniifi jiraatu. Nu armaa achi aada nama gula nama tokole inqorru. Yo duri aada nama gula Kristo qorrele, armaa achi intolchinu. Yo nami Kristoni taka tahe inni uumama haraa: wonti dullatiini ya dabarte, hareetiini ya d'ufte. Waan kana ch'ufa Waaqati nu tolche, ka maro Kristotiifi wolti nu araarse, Beena, nama wolti araarsa nuuni jed'e. D'aamsi keenna aka Waaqi Kristo keesa nama ufiti araarsu. Waaqi daba worrati int'aamne, ammalle ya d'aamsa nagaya kana harka keennati kenne. Kuno, nu teenne maro Kristotiifi dubbanna, aka waan Waaqi afaani keenna tahe isaniti dubbatu: maro Kristotiifi isani kad'anna, Waaqaani wolti araarama. Kristoni daba inqabu, ammo Waaqi maro teennaafi isaa daba tolche aka nu maro Kristotiifi d'uga Waaqa argannu. Huji teenna ta nu Waaqa woliini hojannu keesati nu isani kad'anna: ya eeba Waaqa argattani, imballeesina. Waan Waaqi jed'e ch'aqasa: Anini hojja jed'e si ch'aqase, guyya baafama si qarqaare. Ch'aqasa! Hojjaani fed'i Waaqa barbaadattani tana, guyyaani baafama kana! Nu nama tokole ka wollaala huji teenna argu imfeenu, tanaafi gufu daandi nama tokole keesa kayu imfeenu. Ammo waan tolchinu ch'ufa keesati aka hojattu Waaqa ufi agarsiisu feena. Gaargalafi d'ipufi hameenna ch'ufa inoobsina. Ya nu d'aanani, nu hid'ani, d'akhaani nu had'ani; ya hujiini ufi dad'absinne, hiriibafi sagale male yaane. Qulqulloomafi beekhumafi obsafi arjoomaani, aka nu hojattu Waaqa, ya ufi agarsiimne; Lubbu Qulqullofi jaalala d'ugatiifi d'aamsa keenna ka d'ugatiifi jabeenna Waaqaatiini. D'ugaani woraana wonte teenna, ta haanunifi ta ufira d'owarrunile. Nu guddisani, nu ch'eersani; nu arabsani, nu faarsani. Kiyyibdoole nuuni jed'ani, ammo nu d'uga dubbanna; nama nami imbeenne nuuni jed'ani, ammo nami ch'ufti fuula nu beekha; waan nu doone sehani, ammo aka isani gartani nu injirra. Ato nu gaargalchanile, nu inijeemne; ato nu lalefannele, nu hojja ch'ufa gammada qamna; hiyyeeyi fakaanna ammo nama heddu duroomsina; waan woma qamnu imfakaannu ammo waan ch'ufa inqamna. Jaalaani teenna ta Korintho jirtu! Nu ya diideesine waan ch'ufa isaniti himne, ya garaa keenna isaniti mullimne. Garaa keenna isani dura inhiinne; isaniti garaa keesani hid'e male. Anini aka waan isani ijoolle tiyya isaniti dubbad'a. Waan nu isani seenu isanileeni nu seha. Garaa keesani nuu bana! Nama ind'ugefatiinini haga taka inhojatiina, wonti suni intaatu. D'ugaafi wollaali wahela woli tahu indandaa? Ifsaafi dukantileeni woliini taati? Hiyyo. Kristofi Sheet'ani wold'aqu indandaani? Nama d'ugefateefi ka ind'ugefatiini maal woli iraa qabani? Mani Waaqa, waan harkaani boch'ani ka worri Waaqa imbeenne kad'atuuni wolintaani? Nu Mana Waaqa jiruuti! Akuma Waaqi ufiini jed'e, Anini mana kiyya worra woliini jaarad'e worra woliini taa, anini Waaqa worraa tahe, worrileeni gumi tiyya taha. Tanaafi Aabbooni waan jed'u, Worra lakisa, biraa yaa. Waan t'uri qaba intuqiina, yoosi anini isani fud'ad'a. Anini abba keesani tahe, isani ilmaani tiyya ta d'iiratifi ta dubra taatani, Aabbo Guddaani akana jed'a. Kakhu tana ch'ufa nuu khakhatani, jaalaani tiyya! Tanaafi waan nafafi lubbu t'ureesa laganna, qulqulloomne soda Waaqaa keesa tau malle. Garaa keesani keesati fulla nuu mid'aasa. Nu wollaala namutu intolchine, namu imballeesine, yokhaani woma nama ira imfud'anne. Anini waan kana aka wollaala isaniti muru injed'u; akuma anini qara jed'e, waan nu guddo isani jaalannuufi nu hojja ch'ufa woliini jirra, yo jirruufi yo doonele. Anini guddo waan keesani beekha, maro teesaniifi ufi koorsa! Gaargala keenna ch'ufa keesati anini garaa illaafu ammo gammadaani qilit'ama. Eegi Makedoniani baanele nafi keenna boqota inarganne. Fulla ch'ufa gaargalafi woldidiisafi sodati jira garaa keenna keesa. Ammo Waaqi, ka worra garaa laafu jabeesu, nu jabeese Tito nuti arge. D'ufiisa isaa ch'allaaniti, ammo inni aka isani isa jabeesitani nuti odeese. Ammalle inni aka isani guddo na argu feetaniifi aka isani maro tiyya lalefatanifi ammalle aka isani kurfo jirtani aka na qarqaartani nati hime, tanaafi anini guddo gammade. Ato tatabeeni tiyya ta qara isani lalefachiiftele, anini waan t'aafeefi ingaabu. Yo sila aka tatabeeni suni haga diqa toko ch'alla isani lalefachiifte arge ufii gaaba. Ammo amma anini ingammada, maro isani lalefachiiseeniti, ammo maro lalefachaani teesani daandi teesani iraa isani gorsiteefi. Lalefacha suni Waaqati hujiini hojate, ammo nu woma isani intolchine. Lalefacha Waaqi hujiini hojate suniti garaa keesani gaargalche baafama isanii kenne, maro waan sunitiifi nu ufi ingaabinu! Ammo lalefachaani nama duisaani d'ufti. Waan Waaqi lalefacha teesani tolche ilaala: isani jabaattani ufi dubbattani, dalantani, rifattani, na hereddani, owitani aka d'uga tolchani barbaaddani! Dubbi tana ch'ufa keesa aka nama wollaala inqamne ufi mulliftani. Tanaafi ato anini tatabe suni t'aafele, anini maro nama wollaala tolcheefi maro nama wollaala iti tolchanifile int'aamne. Ammo woni anini t'aafeefi aka fuula Waaqa durati aka isani nu jaalattani diideese agarsiisu. Maro waan kanatifi nu garaa jabaanne. Nu garaa ch'alla injabaanne; ammo gammada Tito arginaani guddo ufile gammanne; isani ch'ufti Tito qarqaartani gammachiiftani. Anini guddo waan keesani isati odeese, isanileeni na inch'eersine. Nu hojja ch'ufa ya d'uga isaniti dubbanne. Akasuma wonti nu Titoni jenne ya d'uga taate. Jaalalti inni isani jaalatu ya iti daramte duuba, yo inni aka isaniini ch'ufti kurfo jirtani qaabate, aka isani sodaafi naasuuni isa fud'attani. Anini guddo gammada waan anini dandae garaa tokooni isani heregad'uufi. Oboleyaani, nu waan eebiti Waaqa gumi Makedoniati tolchite isani beesisu feena. Gaargali worri argate guddo worra ilaalate; ammo guddo gammadani arjoomaani namaa wo kennani, ato hiyyeeyi tahanile. Waan anini isaniti himu, haguma dandaani kennani, ammalle waan suni ira; worri fed'i ufitiini aka gumi Yudea qarqaarani guddo nu kad'ate. Nu waan worri waan kana tolchu inseene! Qaraa fiit'e Aabbo ufi kennani; lameesole, fed'i Waaqa gula nule ufi kennani. Tanaafi nu Tito, ka huji tana iti keyate, kad'anne, aka inni dura dabre isani qarqaare huji jaalala tana woliini hobaaftani. Isani waan qabdani ch'ufa keesa guddo dureeyi: d'ugefachaafi hasaafi hubachaafi qarqaarsa aka ch'ufatiifi jaalala teenna keesaleti. Tanaafi nu isani kad'anna, aka huji jaalala tana keesaleti jabaattani. Anini seera isanii tolchuuti injiru. Ammo haga biyyiti d'ibiini qarqaaru feete isani agarsiise, duuba aka jaalalti teesani ta d'uga argu fed'a. Isani eeba Aabbo keenna Yeso Kristo imbeetani: inni dureesa, ammo maro teesaniifi ufi hiyyoomse, aka hiyyuma ufitiini isani duroomsu. Waan kana anini akana herega: sila ira isanii goomti yo waan ganna dabre iti keyatani hobaaftani. Isani worra qaraa ka waan kana tolche; suni ch'allaaniti, ammo isani worruma qara ka fed'i ufitiini waan kana tolchu fed'e. Dura deema hobaasa! Jabaad'a, aka akuma iti keyattani hobaaftani, ammalle waan qabdaniini hobaasa. Yo isani guddo wo kennu feetani, Waaqi waan isani qabdani ka isani baaftani fud'ata, waan isani inqamne imbarbaadu. Akuma t'aafiini jettu, Nami nama ch'ufa ira guurate guddo inqabu arge, ammo ka diqo guurate guddo qaba arge. Nu guddo galata Waaqaa deebimna ka Tito aka nu isani qarqaarre isani qarqaarsiise! Inni waan nu isa kad'anne ch'alla ee injenne; ammo ufi baase, aka gara keesani deemu heregate. Isa woliini oboleesa gumiini ch'ufti saade aka inni Odu Dansa odeesu beetu ergina. Suni malele, gumiini isa fohate, aka inni haga nu huji jaalala ta guddinna Aabbo hojanne nama qarqaarru nu woliini deemu. Nu guddo ufi qorqoranna, aka nami tokoleeni haga nu hori baasani kana harkaa qamnu nu inhimanne. Nu waan qajeela fuula Waaqa dura ch'allaaniti ammo fuula namale durati tolchu feena. Tanaafi nu oboleesa keenna worra woliini ergine; nu ya maro heddu isa ilaalanne, aka inni hojja ch'ufa aka nama qarqaaru kurfo jiru argine. Amma maro inni guddo isani d'ugefatuufi haga qarale ira kurfo jira aka isani qarqaaru. Yo isani waan Tito d'agayu feetani, inni wahela kiyya, ka na woliini hojatu, aka isani qarqaaru; ammo oboleyaani d'ibi ta isa woliini deemtu gumiti fohate, isiileeni Kristo guddifti. Jaalala teesani worra agarsiisa, aka gumiini ch'ufti quufte, aka wonti nu ufi guddimnuufi ch'ufti d'uga agartu. Wonti waan qarqaarsa gumi Waaqa ta Yudea keesa jirtuuti ergani ka anini t'aafuufi injirtu. Anini aka isani nama qarqaaru feetani imbeekha, tanaafi anini waan kana worra Makedoniati odeese. Anini waan jed'e, Oboleyaani Akaya jirtu haga ganna dabreti kurfo jirti aka worra qarqaartu. Hujiini teesani tunini ya nama heddu kokhorsite. Anini amma oboleyaani tana gara keesani erga, aka wonti nu waan keesaniini ufi guddimneefi d'ara intaane; ammo, akuma anini jed'e, isani qarqaarsa keesaniini kurfo taha. Yo akasi intahiini, gaafa worri Makedonia na woliini d'ufe aka isani kurfo intahiini arge, guddo nuu ch'eera, ch'eera keesani lafa d'aaba, waan nu guddo isani d'ugefanneefi! Tanaafi anini herege oboleyaani tana kad'ad'e, aka worri nu dura dabre waan inkennina jettani durati kurfeesani. Gaafa anini d'ufe ya kurfo taate, Duuba wonti sunini aka isani irre male kennu feetani agarsiifti. Waan kana qaabad'a: nami sanyi diqo oobru mid'aani diqo murata; ka sanyi guddo oobru mid'aani guddo murata. Tanaafi nami ch'ufti waan kutate ha baasuuti, garaa tokooni, irreeni injirtu, waan Waaqi nama gammadaani wo kennu jaalatuufi. Waaqi waan isani feetani ira isanii kennu indandaa, aka isani waan feetani ch'ufa argattani ammalle ira isanii haftu, aka huji dansa ch'ufaani guutattani. Akuma t'aafiini jettu, Inni arjoomaani hiyyeeyii kenna, dansumti isaa haga hegeri teeti. Waaqi ka sanyi oobranifi qit'a nyaatani namaa kennu, sanyi isani feetani ch'ufa isanii kenna ammalle inni sanyi suni imbaasa, aka mid'aani guddo d'altu; maro arjooma keesanitiifi. Waaqi isani duroomsa aka isani hojja ch'ufa arjaa taatani; duuba nami hedduuni maro waan isani baaftani harka keennati kennitani, ka nu worraa kenninnefi galata Waaqa deebisa. Hujiini isani hojatani tunini, gumi Waaqati, waan isiini feetu ch'alla intolchitu, ammo galata gudda Waaqa deebifti. Hujiini teesani tunini d'ugefacha teesani agarsiifti, tanaafi nami hedduuni Waaqa guddisa, waan isani akuma d'uga Odu Dansa ta Kristo jaalattani guuttaniifi, ammalle waan isani arjoomtani worraafi nama d'ibile geetaniifi. Tanaafi worri garaa jaalalatiini isani kad'ata, maro eeba guddo ta Waaqi isanii kenneefi. Maro qarqaarsa gudda kanatifi galata Waaqaa deebisu malle. Anini Pauloni, isani kad'ad'a, yo anini isani woliini jiru diqo daafana naani jed'ani, ammo yo fago jiru guddo janna naani jed'ani. Anini isani kad'ad'a, dansoomafi naasu Kristotiini: Gaafa anini d'ufu aka anini jannooma kiyya suni agarsiisu na intolchiina; wonti akanatiifi anini worra, Isani waan lafa tanaatiifi hojattani nuuni jed'u diqole insodaad'u. D'uguma nu lafa tana keesa teenna; ammo nu maro waan lafatiifi inhaanu. Mihi nu waan lafa tanatiini haanu ka lafatiiniti, ammo ka jabeenna Waaqaati, ka fulla jabdu ch'ufa balleesu dandau. Nu wolmormiti d'ara ch'ufa balleesine, waan nu gufachiisa ka kara keesa jira, ka Waaqa hubachu nama d'owa balleesina: herega keenna ch'ufa Kristo kennina, aka inni mohatu. Eegi isani aka nama d'uga ufi agarsiiftani, nu kurfo jirra aka huji hamtu ch'ufa balleesinu. Isani waan ch'ufa gama ala laltani. Eennu nami nama Kristo ufi sehu? Nami suni ha ammalle waan ufi hereguuti, wonti akasitiifi nuleeni akuma isaa nama Kristoti. Anini diqo haganale inch'eerfad'u, ato jabeenna Aabbooni nuu kenne kanaafi diqo ufi guddisele — jabeenna isani ijaaru male, ka isani balleesuniti. Anini nama tatabe tiyyaani isani sodaachiisu tahu imfed'u. Nami gari waan jed'u, Tatabeeni Paulo guddo jajabdu, ammo yo inni nu woliini jiru inni guddo laafa, dubbini isaa woma imbaatu jed'ani. Nami akana kunini, aka dubbini yo nu fago jirru t'aamnuufi yo nu d'io jirru dubbannu taka, ha hubatuuti. Nu jara ufi guddisuuni diqole dandeenne wolbira ufi inqamnu. Worri guddo daalle! Worri seera ufumaani tolfate, duuba seera suniini ufi qorani! Nu haga dabarre ufi inguddimnu; haguma Waaqi nu herege ch'alla ufi herenna, heregi suni huji nu jiddu teesaniti hojannu. Isanileeni herega suni keesa jirtani, tanaafi nu gaafa gara keesani d'umne herega suni indabarre, gaafa Odu Dansa ta Kristo isanii d'umneeni. Tanaafi nu waan huji nami d'ibiini hojateefi, ta qooda keenna keesa injirre jenne ufi inguddimnu. Ammo, nu inabdanna aka d'ugefachaani teesani guddatte nu huji hagasi ira dansa hojachu dandeennu, ammo qooda Waaqi nu herege gula. Yoosi dandeenne Odu Dansa lafa isani duuba keesaleti odeesina, aka nu huji oobru abba d'ibi keesati hojataniifi ufi inguddimne. Ammo akuma t'aafiini jettu, Nami ufi guddisu fed'u, ha huji Aabbooni hojatefiini ufi guddisu. Wonti akanatiifi nami, yo Waaqi waan isaa dansa heregu ch'alla dansa taha, yo inni waan ufi dansa hereguuniti. Yo anini diqo daalle tahele naa obsa, anini isani kad'ad'a. Anini maro teesaniifi hinaafa akuma Waaqi maro teesani hinaafu; wonti akanatiifi isani intala game ta anini nama toko ch'alla kenne fakaattani; nami sunileeni Kristo. Anini insodaad'a; hegeri qalbiini teesani hamaatte jaalala Kristo qulqullo lakiftani — akuma bofi Hawai malteeni sobe. Isani nama d'ufe waan Kristo d'ibi isaniti hasau ch'ufa imfud'attani, ka nu isaniti hasoomneniti; ammalle isani lubbufi odu d'ibi ta Lubbufi Odu Dansa nu isaniti odeesine imfakaanne fud'attani. Waan ani sehu, anini worra ergattu ufiini jed'u suni kara tokoleeni maand'aniti! Anini hegeri guddo dubbachu imbeekhu, ammo hubacha inuma qaba; waan kana nu ya maro ch'ufaafi kara ch'ufaani isaniti himne. Anini gaafa Odu Dansa ta Waaqa isaniti odeese woma tokole isani ira imfud'anne; anini ufi diqeese aka isani guddisu. Waan kana anini wollaala tolche? Gaafa anini jiddu teesani hojad'e, gumi fulla d'ibiti hori na baase. Anini worra dura wo fud'ad'e isaniini qarqaare. Gaafa isani woliini jiru, anini yo hori fed'ele, isani ingaargalchine; wonti akanatiifi oboleyaani Makedonia d'ufte waan anini fed'u ch'ufa naa kennite. Akuma duri tolche hegerile intolcha: Anini haguma jiru baa ulfo isaniti imfahu! D'uga Kristotiini kakhad'a, haga anini lafa Akaya tana keesa jiru nami tokoleeni dandae dubbi tiyya tana ind'aareesu. Anini maafi waan kana jed'a? Maro anini isani injaalanneefi? Aka anini isani jaalad'u Waaqileeni imbeekha! Anini waan amma tolchu kana dura deeme tolchu fed'a, aka ergattuuni d'ibiini taani qoomni argatte, Aka keesani hojanna jette ufi inodeesine. Worri sunini ergattu d'ugatiiniti, worri ergattu d'ara, ta waan huji ufi d'ara dubbate ergattu Kristo ta d'uga ufi fakeesitu. Dubbini tuni mama inqabdu! Sheet'anileeni ufi jijire ergattu ifsaa ufi tolchu indandaa! Tanaafi yo ergattuuni isaa ufi jijirte ergattu d'uga ufi tolchitele waan diqole jabaatatiiniti. Gaafa muumme waan worraa male argatani. Anini dubbi tana ammalle iti deebie jed'a: nami tokoleeni daalle na insehiini. Ammo yo na seetanile, akuma daalle na fud'ad'a, aka anini waan diqo toko ta ufiini guddisu argad'u. Wonti anini amma dubbad'u kunini waan Aabbooni fed'uniti; waan ufi guddisiiti kana anini aka daalle dubbachu jira. Ammo maro nami hedduuni waan lafatiifi ufi guddisuufi anileeni akasi tolchu male. Isani guddo qalbi qabdani, tanaafi waan daalleeni jed'u dubbi male obsitani! Nama isani mohatuufi ka isani koofisufi ka t'urura keesa isani buusufi ka isani tuffatufi ka isani d'abanaasu ch'ufa inu obsitani. Yo ch'eerale taate: nu waan akasi tolchu sodaanne! Ammo yo nami ufi guddisu dandae — aka daalle dubbad'a beekha — anileeni ufi guddisu indandaa. Yo worri Ebrania taate, anileeni Ebrania. Yo worri gosa Israeli taate, anileeni gosa Israeliti. Yo worri ilmaani Abrahamu taate, anileeni ilma Abrahamuti. Worri hojattu Kristoti? Aka maraata dubbad'a — ammo anini hojattu Kristo ka worra ira jiru. Anini ya worra ira hojad'e, ya worra ira na hid'ani, ya worra ira na d'aanani, ya worra ira duisati d'iaad'e. Guyya shani Yahudiini maro sodomi sagali lichooni na d'aante; Rumiini maro sadi uleeni na d'aante, maro toko d'akhaani na d'oosani; maro sadi hobolooni naani ch'ach'abde, gaafa toko guyya tokofi halkani toko bisaani keesa bule. Imaltu tiyya heddu keesati ya lubbu arge, maro bisaanitifi hattule; gosa tiyya ta Yahuditiifi gochiti d'ibileeni ya lubbu na nat'e; diraafi raasafi Galaanafi jaallani d'ara biraleeti ya lubbu arge. Hojja ch'ufa huji hojad'e gaargale; maro heddu hiriiba d'abe; ya beelae d'eebod'e; maro heddu sagalefi daofi woya fed'u d'abe. Waan d'ibi lafuma d'aabi, guyya ch'ufa baa ulfo qaba, hujiini gumi Waaqa ch'ufti na gubba jirti. Yo nami toko laafe, anileeni ya laafe; yo nami toko daba keesa buu, anini ilaalefad'a. Yo anini ufi guddisu male, waan laafinna kiyya agarsiisufi ufi guddisa. Maqaani Waaqa Abbaani Aabo keenna Yeso Kristo ha eebifamuuti, aka anini inkiyyimne inni imbeekha. Gaafa anini Damaski jiru, jaallabi hayyu Areta jala hojatu askarti kara dira keesa naqe, aka na qabdu. Ammo dadu keesa na kayani, qaa girgidaa keesaani lafa na buusani, jennaani kae baqad'e. Ato woma bahu d'ibaatele anini ufi guddisu male. Ammo anini amma waan daayyatiifi waan Aabbooni nati mullise dubbachu male. Anini nama Kristiana toko fuula beekha, ka ganna kud'ani afuri ka dabre gara Waaqa gubbati olfuud'ani (anini wonti kunini d'uguma taatule imbeekhu, hegeri inni daayya arge, Waaqa ch'allati beekha). Anini ammalle iti deebie jed'a, Anini aka nama kana gara Waaqaa gubbati olfuud'ani imbeekha (ammalle, wonti kunini d'uguma taatule anini imbeekhu, wonti sunini daayya taatule imbeekhu Waaqa ch'allati beekha), achiti inni waan arabi dandae injenne, ka afaani nama sila indubbanne d'agaye. Tanaafi anini waan nama kanatifi ufi guddisa; ammo waan kiyyaani ufi inguddisu, waan laafinna kiyya agarsiisa male. Yo anini ufi guddisu fed'e, anini sila daalle intahu; maro d'uga dubbad'eefi; ammo anini ufii inguddisu; wonti akanatiifi anini nama tokole ka na saadu infed'u, ammo aka inni waan anini tolcheefi ka anini jed'e ch'alla arge saadu fed'a. Ammo aka ufi guddisu na d'owani maro waan dansa ka anini argeetiifi, nafa kiyya keesa qoraatiini na woraante; wonti na d'ukubse suni aka ergattu Sheet'ana taate na gaargalchite ufi guddisu na d'owarte. Maro sadi anini waan kana Waaqa kad'ad'e, Nara fuud'i jed'eeni. Inni waan naani jed'e, Eebiti tiyya sii geeti; jabeenni kiyya hojja atini laafa waan gudda. Maro waan kanatifi anini guddo laafinna kiyyafi ufi guddisa, aka jabeenni Kristo na gubba tau. Anini laafinnafi arabaafi d'ibafi d'ipufi gargala maro Kristotiifi indidu. Wonti akasitiifi yo anini laafa anini guddo jabaad'a. Anini aka daalle tahu jira, ammo isaniti na tolche. Nami sila na owisu male isani. Ato anini woma tahu d'ibaad'ele, anini ergattu teesani suni maand'aniti. Waan aka anini ergattu na agarsiisu ch'ufa kara obsatiini jiddu teesani keesati tolchani; akheekhafi huji jabdufi waan mama jiddu teesaniti tolchani. Wonti d'ibiini anini isanii tolche taka gumi d'ibi intolchiini maani? Qarqaarsa ch'alla naa kenna isani injed'iini. Naa araarama, yo anini waan hamtu isani tolche! Marooni sadeeso ta anini imaltu gara keesani d'ufu tana, anini diqole ulfinna isaniti tahu imfed'u. Anini isani fed'a male, hori keesani imfed'u. Ijoolleeni abbaafi haad'a ufi nyaachisu himmalle ammo abbaafi haati ijoolle ufi nyaachisu malte. Anini waan qabu ch'ufa gammadaani baasa, nafa kiyyale, aka isani qarqaaru. Yo anini guddise isani jaalad'e, jaalalti teesani dandeete diqaatti? Yo anini duri baa ulfo isaniti tahu d'ibaad'ele, nami gari waan jed'u, Inni malte worrati d'aate worra sobe. Akamiini? Anini nama tokole isaniti erge karaa suniini isani dabse? Anini Tito kad'ad'e, aka inni deemu, oboleesa d'ibile isa woliini erge. Titoti isani dabse? Anaafi inni herega takafi adaba taka inqamnu? Hegeri isani waan nu haguma duriiti ufi dubbachu jirru nu seetani. Hiyyo, nu waan Kristoni nuu dubbachu fed'u dubbanna, fuula Waaqa durati, ammalle waan nu tolchinu ch'ufa, jaalaani tiyya, isaniini qarqaara. Anini insodaad'a aka yo ani achiini bahe isani aka anini fed'u injirtani, anileeni hegeri aka isani feetani injiru. Hegeri anini woldidiisafi qotefi dalansufi ufi jaalachafi arabaafi woli hamachafi ufi g guddisiitifi hameenna arga. Insodaad'a, aka yo anini ammalle d'ufu, Waaqi kiyya fuula keesani durati na diqeesa, ammalle aka anini worra duri daba tolche, ammo hameenna suni ka aka daba algaloomatiifi ka d'araa hamtu ira indeebiini bohu. Marooni sadeeso ta anini imaltu gara keesani d'ufu tana. Kajellaani ch'ufti d'uga lama sadi qabaachu malte, akuma t'aafiini jettu. Anini worra duri daba tolcheefi nama kaani ch'ufa gorsu fed'a; anini durile ya jed'e, gaafa imaltu lameeso gara keesani, d'ufe, ammo ammalle injed'a, ka amma isani iraa fago jiru: gaafa anini taka tana ammalle d'ufu, nami tokoleeni gaargala duraa imbahu. Hojja suni aka Kristoni afaani kiyyaani dubbatu inargitani. Yo inni woi isani tolchu inni laafaaniti, ammo jabeenna ufi agarsiisa. Ato laafinnaani maskali gubbati isa ijeesanile, jabeenna Waaqaatiini amma jira. Nuleeni isa keesa lalaafo; ammo jabeenna Waaqa ka gara keesani jiruuni isa woliini teenna. Ufi ilaala, ufi qora, aka, d'ugefacha keesa teetani ufi agartani. Isani aka Kristo Yesoni isani keesa jiru beetu? Yo isani ufi injibaatiini. Hegeri aka nu ufi injibaatiini inagartani. Nu Waaqa kad'anna, aka isani daba keesa inseenne — aka nu waan dansa hojanne dabsanne agarsiiftuuniti, ammo aka isani waan qajeela tolchitani, ato nu nama ufi jibbaate fakaannele. Nu dandeenne d'uga Waaqa iyakinu, ammo inhojannaafi. Nu hojja laamne ammo isani jabaattani ingammanna. Tanaafi nu Waaqa kad'anna, aka isani qit'e taatani. Maro waan kanatifi anini tatabe tana, ato fago isani ira jiraad'ele, isaniti t'aafa; aka yo d'ufu, anini jabeenna Aabbooni na kenneeni isaniti indalanne, jabeenna isaniini jabeesu ka isaniini balleesuniti. Amma, oboleyaani tiyya nagayati! Waan qit'ooma barbaada; waan inni jed'u ch'aqasa; wold'aqa, nagayaani woliini taa. Yoosi Waaqi nagayaatiifi ka jaalala isani woliini taa. D'ungo oboleyaanumatiini wold'ungad'a. Gumiini Waaqa ch'ufti nagaya isanii d'aamti. Eebiti Aabbo keenna Yeso Kristo, jaalalti ta Waaqa wold'aqisi Lubbu Qulqulloleeni ha nuu ch'ufa woliini tau. Maqaani kiyya Paulo, ka yaamichi aka anini ergattu tahu namaani ind'ufiini yokhaani nama ira ind'ufiini, ammo Yeso Kristofi Waaqa Abba, ka duisa keesaa isaa kaase, iraa d'ufe. Oboleyaani arma na woliini jirtu ch'ufti gumi Galatia jirtu nagaya d'aamti. Waaqa Abba keennafi Aabbo Yeso Kristoni eebafi nagaya isanii kennina. Aka d'aloota hama kana keesaa nu baasu Kristoni maro daba keennatifi ufi baase, fed'i Waaqa Abba keennati guute. Guddinni haga hegerile gara Waaqa tahinna! Amini. Isani guddo na mamsiiftani! Yoosu nama eeba Kristotiini isani yaame lakiftani, odu d'ibi gula yaatani. Oduuni d'ibiini injirtu, ammo anini waan kana, waan nami gari ka isani gaargalche odu Kristo garagalchu fed'u jiruufi jed'e. Ammo yo nuu, yokhaani malaikaani gubbaa baate, odu ta nu isani barsiimne isani ira gorsite ta d'ibi isaniti odeesite, nami sunini ha abaaramu. Nu waan kana qara jenne, ammalle anini injed'a: Yo nami tokoleeni odu isani qara fud'attani ira ta d'ibi isaniti odeese, nami suni ha abaaramu! Wonti kunini waan anini jaalala namaa barbaadu fakaatti? Hiyyo! Anini jaalala Waaqa ch'alla barbaada! Anini nama heddu ka na owisu fed'a? Yo sila waan suni fed'e, anini hojattu Kristo intahu. Waan kana isaniti hima, oboleyaani. Dubbini dansaani anini odeesu ta nami mata ufitiini baafateeniti. Anini nama tokole ira inarganne, yokhaani nami tokoleeni na imbarsiimne, ammo Yeso Kristoti nati mullise. Aka anini duri tahe, gaafa aada Yahudi keesa jiru, ya d'ageetani, aka anini naasu male gumi Waaqa gaargalche, aka balleesu iti kae. Anini hariya tiyya ch'ufa aada Yahudi keesati ira jira. Aada ababoota teenna aka male jabeese. Ammo Waaqi, eeba isaatiini, ato anini ind'alatiini na yaame na fohate, aka anini isaa hojad'u. Gaafa inni Ilma isaa nati mullise, aka anini gosa d'ibiti Odu Dansa odeesu, anini gara nama tokole gorsa ind'anne, yokhaani Yerusalemu d'aqe worra na durati ergattu tahe argu ind'anne. Ammo, maro tokotu, lafa Arafti d'aqe, jennaani Damaskiti deebie. Eegi ganna sadi anini Yerusalemu d'aqe, aka odu Kefa iraa fuud'u, torbaani lama fulla isaa tae. Anini ergattu d'ibi tokole ingarre, Yakobo oboleesa Aabbo male. Wonti anini t'aafu kunini waan d'ugaati, anini kiyyibuuti injiru, Waaqi na didinna! Eegi suni anini lafa Shamutiifi ta Kilikia keesa deeme. Haga kana ch'ufa gumiini Kristiana ta Yudea keesa jirtu fuulale na imbeetu. Waan biyyiti wolti hasoofte ch'alla beekhani: Namichi duri nu gaargalche kaani amma d'ugefacha duri balleesu fed'e taani tae barsiisa! jed'ani. Tanaafi maro tiyyaafi worri Waaqaa gaalata deebise. Eegi ganna kud'ani afuri Barnaba woliini Yerusalemu d'anne, Titole woliyaane. Wonti anini deemeefi waan Waaqi, aka anini deemu male, na garsiiseefi. Kora koba keesati anini odu duri gosa d'ibiti odeese jaaroleti hasae. Anini huji tiyya ta duritiifi ta ammalle aka isiini baddu imfeene. Wahela kiyya Tito, ato inni Griki tahele, nami tokoleeni Qabanqaba qabad'u injenneeni, ammo jari gari oboleyaani ufi tolche, qabanqaba qabuufi fed'e worri suni aka jajuusa gumi teenna seene, aka balchooma nu Kristo Yeso keesa qamnu argani, Tisse nu tolchu fed'ani. Nu diqo tokole worra jala illaamne, waan nu d'uga Odu Dansa balleesu imfeeneefi. Ammo worri nama gugurda fakaattu anini waan kana maro waan worra iyaaleefi jed'a: Waaqi nafa nama gula nama inqoru jaaroleeni tuni waan haraa ka heredde tokole na indarre. Ammo worri, aka Waaqi huji Odu Dansa gosa d'ibiti odeesani nati kenne arge, akuma inni ta Yahuditi odeesani Petroti kenne. Jabeenna Waaqaatiini anini ergattu gosa d'ibi barsiiftu tahe, akuma Petroni ta Yahudi tahe. Yakobofi Petrofi Yohanani, jari jaarole fakaatu, aka Waaqi huji tana naa kenne arginaani, naafi Barnabale ee jed'ani nu gula galani, nu nama taka taane, gosa d'ibi keesa hojanna, worri ha Yahudi keesa hojatu jenne woliti buufanne. Wonti worri nuuni jed'e, Nama keenna ka gaargala qabu ch'alla qaabad'a; sunileeni woma qara garaani na fed'e. Gaafa Petroni Antiokia d'ufe, anini gumi durati isaani morme, waan inni wollaala tolcheefi. Ato nami Yakoboni erge achiini imbahiini, Petroni gosa d'ibi woliini sagale nyaate. Ammo worri kaani d'umnaani inni gosa d'ibi woliini sagale nyaachu dide, waan inni jara gosa d'ibi qabanqaba qabuufi fed'e kaani sodaateefi. Oboleyaani Yahudi taani Petro woliini sodaate; Barnabaleeni sodaate worra gula deebie. Aka worri daandi qajeela waan d'uga ta Odu Dansa gula indeemne arginaani, anini gumi durati waan Petroni jed'e, Atini gosa Yahuditi, ammo qara ufiyu aka gosa d'ibi tau jirta, aka Yahuditiiniti. Akamiini duuba dandeete gosa d'ibiini, Aka Yahudi taa jetta re? D'uguma, d'alooti keenna Yahudi, gosa d'ibi ta dabdeeniti. Ammo nu imbeenna, aka d'ugefacha Yeso Kristotiini d'uga namaa heregani, Seera guutitiini woma keesa injirtu. Wonti nuleeni Kristo Yeso d'ugefanneefi aka d'ugefacha nu Kristo d'ugefanneeni d'uga nuu heregani, ammo Seera guutitiini intaatu. Wonti akanatiifi Seera guutitiini nama tokole d'uga inheregani. Yo, ato nu Kristo keesa d'uga nuu heregani barbaannu, ammo akuma gosa d'ibi daba nurati argani Kristoni waan dabaatiini d'ufe re? Hiyyo, akasiiniti! Yo anini waan duri ch'abse deebie ijaare, aka anini nama Seera ch'absuu jiru agarsiifti. Seera gula anini ya due Seerati na ijeese aka anini Waaqaa jiraad'u. Ya Kristo woliini mukha irati na fannisani, nami amma jiru ananiti, Kristoti na keesa jira male. Jireenna anini amma jiru kana maro d'ugefacha Ilma Waaqaatiifi jira, ka na jaalate jireenna ufi naa baase. Anini eeba Waaqa indidu. Yo Seera guutitiini d'uga namaa heregani, yoosi Kristoni ufumaa due! Isani worri Galatia guddo daalle! Entu isani falfale? Aka Yeso Kristoni maskali gubbaa due! Isani ya iluma teesaniini agartani. Waan toko ch'alla nati hima: Seera guunnaani Lubbu Waaqa argatani mo, Odu Dansa d'ageetani d'ugefannaani argattani? Akami akana daallooftani? Qara Lubbu Waaqaatiini iti keyattani; akamiini jabeenna keesaniini hobaaftani? Wonti isani barattani tokoleeni woma isanii imbaane? D'uguma, ya wo isanii baate! Hojja Waaqi Lubbu ufi isanii kenne waan mama jiddu teesaniti tolchu, inni maro isani Seera guuttaniifi waan kana tolcha mo waan isani Odu Dansa d'ageetani d'ugefattaniifi tolcha? Akuma t'aafiini waan Abrahamu dubbatte waan jettu: Inni Waaqa d'ugefannaani maro d'ugefacha isaatiifi Waaqi d'uga heregeefi. Isani hubachu maltani aka worri d'ugefacha qabu ch'ufti d'aloota Abrahamu. T'aafiini, aka Waaqi d'ugefachaani gosa d'ibi d'uga hereguufi duru argite, jennaani t'aafiini Odu Dansa duriyu Abrahamu barsiifte waan jette, Maro teetiifi Waaqi nama lafa jiru ch'ufa eebisa. Abrahamuni d'ugefateti eeba argate; tanaafi nama d'ugefatu ch'ufa akuma isaa eebisani. Worri Seera guutiti heregatu ya abaarame. Wonti akanatiifi t'aafiini waan jettu, Nami waan Seera keesati t'aafani ch'ufa gula indeemne ya abaarame jetti. Nama dandaani Seeraani, Waaqa durati, d'uga inhereganiifi, tuni dare inqabdu; wonti akanatiifi t'aafiini, Nami d'ugefachaani d'uga hereganiifi injiraata jetti. Ammo Seeri d'ugefacha imfed'u. Taatule akuma t'aafiini jettu, Nami waan Seeri jed'u ch'ufa guutu sunumaani jiraata jetti. Ammo Kristoni, ufi abaarsa nu tahe, abaarsa Seeri nutiini d'ufu jala nu baase. Akuma t'aafiini jettu, Nami mukha irati fannisani ya abaarame. Wonti Kristoni waan kana tolcheefi aka eeba Waaqi Abrahamu kakhate, maro Yeso Kristotiifi gosa d'ibilee kennani, ammalle aka nuleeni maro d'ugefachatiifi Lubbu Waaqi kakhate arganu. Oboleyaani me, fakeenna kanaani hubad'a: Yo nami lama woi ira wold'aqe tatabe gubba t'aafani, nami tokoleeni dandae wold'aqisa suni inch'absu, yokhaani iti indaru. Waaqi kakhu ufi Abrahamufi ilma isaati khakhate. Ilmaani isaa injettu, ammo Ilmuma kanke jetti, akasi jechaani nama toko ch'alla, Kristo, jechu. Wonti anini jechu fed'u tana: Waaqi wold'aqisa tolche aka guutu kakhate. Seeri ka ganna d'ibba afuritifi sodoma eegi suni d'ufe dandae wold'aqisa balleesee kakhu Waaqa guutamu ind'owu. Wonti akanatiifi yo d'aalti Seeraani taate, yoosi kakhuuni intaatu. Taatule Waaqi Abrahamuti kenne, waan inni isaati kakhateefi. Seera maafi kennani re? Aka wollaalaani agarsiisanifi iti darani ammalle Seeri haga ilmi Abrahamu ka iti kakhatani immullatini ch'alla jira. Seera amma nama jiddu jiru kana harka malaikatini nama kennani. Ammo nama jiddu suni imfed'ani, yo nami toko ch'alla jiraate. Tokochi suni Waaqa. Wonti kunini aka Seeri khakhu Waaqaatiini morku agarsiifti? Hiyyo, akasiiniti! Wonti akanatiifi yo Seera nama jireesu namaa kennani, nama dandaani Seeraani d'uga hereganiifi. Ammo t'aafiini, Lafti ch'ufti jabeenna dabaa jala jirti yayu jette, aka worri d'ugefatu galata worra Yeso Kristo d'ugefatuuti kakhatani argatu. Ato hojjaani d'ugefacha ingahiini, Seeri nuu ch'ufa hid'e, haga d'ugefacha mullisaniti. Tanaafi gaafasi Seera suniti nu qorqorate, aka haga Kristoni d'ufuuti nu barsiisu, aka d'ugefachaani d'uga nuu heregani. Ammo amma d'ugefachaani ya d'ufte, nu barsiisa suni jala injirru. Wonti akanatiifi maro d'ugefachatiifi isani Yeso Kristo keesa ilmaani Waaqa taatani. Isaniini ch'ufti ka Kristo keesati batisani ya Kristo aka woya uyifattani. Tanaafi Yahudifi gochiti d'ibileeni takuma tisseefi balchaleeni takuma, d'iirafi nad'eenileeni takuma; Kristo Yeso keesati nami ch'ufti taka. Yo isani ka Kristo taatani, isani d'aloota Abrahamuti, waan Waaqi kakhate inargattani. Ilaala, gurba abba d'aalu haga inni diqa ch'ufa hojja ch'ufa akuma tisse tolchani, ato wonti ch'ufti ta isaa taatele. Haga inni diqa, nama isa qorqorate waan isaa ch'ufa tissuti jira, haga guyyaani abbaani d'aamatu gahuuti. Akasuma nuleeni duri, gaafa ijoolle, tisse qilleensa lafa fidu. Ammo hojjaani geennaani, Waaqi Ilma isaa erge. Haad'a namati isa d'ale, Seera Yahudi keesaa d'alate, aka worra Seera jala jiru balchoomsu, aka nu ilmaani Waaqaa taanu. Waaqi aka, aka nu ilmaani isaa agarsiisu, Lubbu Ilma ufi erge garaa keenna ke kaye, ta Aabbo, Aabbo kiyya jettu. Tanaafi armaa achi atini tisseeniti, ammo ilma. Waan atini ilma isaa taateefi, Waaqi d'aala ufi ch'ufa sii kenna. Duri isani Waaqa imbeetani, tanaafi tissele waan waaqa intahiini taatani. Ammo amma waan isani Waaqa beetaniifi yokhaani waan Waaqi isani beekhufi akamiini dandeetani herega lafa ka woma imbaane ka due deebitani? Maafi deebitani tissele worra tahu feetani? Isani guyyafi jiafi gannafi bara hereddani! Anini waan keesani insodaad'a. Hujiini anini jiddu teesaniti hojad'e ch'ufti ufumaa baddi? Anini isani kad'ad'a, oboleyaani tiyya, aka kiyya taha. Anileeni akuma keesani jira. Isani nati iwolaalle. Isani waan anini Odu Dansa qaraa fiit'e isaniti odeeseefi imbeetani; waan anini fayya d'abeefi. Taatule gaafasi isani na intufanne yokhaani na indinne, ato nafi kiyya gufu isani tahele. Ammo akuma sila malaika Waaqa fud'attani nale fud'attani; akuma Kristo Yeso fud'attani nale fud'attani. Isani gaafasi guddo gammaddani! Ammo amma maanti lafa d'ufe re? Wonti anini waan keesani jed'u tana: yo dandeetani gaafasi sila ilale ufi keesaa fuutani naa kennitani! Amma ya d'uga isaniti himnaani nyaapa keesani tahe? Jari kaani guddo isani sosoba, ammo dansumti keesa injirtu. Worri gargari nu baasu fed'a, aka waan worri isani sehu isanileeni worrale seetani. Duuba guddo dansa, yo waan dansaafi nama jaalatani wonti kunini yo ch'ufa dansa, yo anini isani woliini jiru ch'allaaniti. Ijoolle tiyya, akuma haati nama d'altu ch'ininfatte d'ukubsattu, anileeni isanifi d'ukubsad'a, haga Kristoni isani keesati uumamuuti. Yo sila isani woliini jiraad'e, guddo fed'a, aka waan keesani kara d'ibiini heregu. Anini guddo waan keesani yaada! Isani worra Seera gula yau fed'u, anini wo gaafad'a: waan Seeri jed'u ind'ageetaniiyu? Abrahamuni ilmaani lama qaba jed'a, toko niiti tisseti d'aleefi, kaani niiti balchaati d'ale. Ilmi niitiini tisse d'alte aada namaa gula d'alate, ammo kaani kakhu Waaqa gula d'alate. Waan kana aka mammaasa hima: nad'eeni lamaani wold'aqisa lama, toko Hajiri ta gaara Sinai ira d'ufte, d'alooti isii tissele. Hajiri gaara Sinai ka lafa Arafti keesa jiru fakaatti; isiini fakeenna dira gudda Yerusalemu amma jiru qabdi, ka nami isa keesa jiru ch'ufti tisse. Ammo Yerusalemuni gubbaa balcha, isiini haad'a teenna. Wonti akanatiifi t'aafiini waan jettu, Gammadi, niiti taka ilmaani ind'aliini! Iyi, qilit'ami, atini nami taka ch'ininfacha d'alisaa inargiini! Niitiini d'iirsi lakise niiti d'iirsa qabdu taani ira ilmaani d'alti. Amma isani, oboleyaani tiyya, ilmaani Waaqaati, maro kakhu isaatiifi, akuma Isaaqo. Gaafasi ilmi aada nama gula d'alate ilma Lubbu Waaqaatiini d'alate gaargalche; arrale akasuma. Ammo t'aafiini maani jetti? Niiti tissetiifi ilma isii gati, wonti akanatiifi ilmi niiti tisse ilma niiti balcha woliini abba ind'aalu jetti. Tanaafi oboleyaani tiyya, nu ilmaani niiti tissetiiniti, ammo ta niiti balchaati. Nu balchooma inqamna, Kristoni ya balcha nu tolche! Aka balcha ejaanja, iti deebitani tisse intahiina. Ch'aqasa! Anini, Pauloni, waan kana isaniti hima: yo isani qabanqaba qabattani, Kristoni woma isanii imbahu. Waan kana anini jabeesu fed'a, aka nama qabanqaba qabatu ch'ufati himu: nami suni Seera ch'ufa gula deemu male. Isani, worri Seeraani aka d'uga hereganiifi feetani, la Kristo iraa ufi kuttani. Isani eeba Waaqa ira ala jirtani. Nu inhereganna aka Waaqi d'uga nuu heregu; nu waan kana eeganna, jabeenna Lubbu Waaqa ta d'ugefacha teenna keesa hojattu suniini. Wonti akanatiifi yo nu Kristo Yeso keesa jiraanne, qabanqaba qabachafi qabachu baannaanile haga tokotu; wonti jabduuni d'ugefacha ta jaalalaani hojattu. Isani qara waan dansa tolchitani! Eentu d'ugaa guutu isani d'owe? Inni akamiini isani sobate? Waaqi ka isani yaame akasi intolchine. Bukho diqo tokoti sagale guddo bukheesa jed'ani. Ammo anini guddo Aabbo keesa isani d'ugefad'a, aka isani waan d'ibi inherenne; ammalle nama isani gaargalchu, abba fed'u taanaanile, Waaqi ingaargalcha. Ammo oboleyaani tiyya, yo anini Qabanqaba qabachu maltani jed'e barsiise, maafi ammalle na gaargalchani? Yo sila worri isani gaargalchu ufi kolaase ira dansayu! Oboleyaani tiyya, isani aka balchaa taataniifi isani yaamani. Ammo d'araani nafa keesani balchooma dabsatte isani imohatiini. Ammo jaalalti woli isani hojachiisiina. Seeri ch'ufti Seera kana keesa jira: nama ch'ufa aka ufi jaalattu jaalad'u. Ammo yo isani aka bineensa taatani wolhaatani, eegad'a, yokhaani wolballeesitani. Wonti anini jed'u tana: Lubbuuni ha isani qajeelchituuti, d'araani nafa keesani isani imohatiini. Wonti nafi keenna fed'u waan Lubbuuni feetuuniti; waan Lubbuuni feetule nafi imfed'u: worri wolii nyaapa, tanaafi waan tolchu feetani dandeetani intolchitani. Yo Lubbuuni isani qajeelchite Seera jala injirtani. Wonti nafi fed'u diiduma teeti: wolbaraachafi t'urifi huji hamtu; falfalumafi waan harkaani boch'ani kad'atani. Nami nyaapa wolti tahe wolhad'e, wolqot'isani, wolti dalanani, ufo tahani, gargari woli qoodani, wolmorkani, farso d'ugani machaani, wolballeesani, waan hamamtu akana heddu tolchani. Anini amma isani gorsa akuma duri tolche: nami waan akana kana tolchu Finna Waaqa inargatu. Ammo Lubbuuni jaalalafa, qilit'amafa, nagayafa, obsafa, naasufa, d'uga gula deemitifa, dansoomafa, ufi diqeesitifi ufi qorqoracha d'alti. Wonti kuni tokoleeni seera inqabdu. Worri Kristo Yeso gula yau ya nafa ufi ijeese, d'araafi fed'i isaa ch'ufa woliini. Lubbuuni ya jireenna nuu kennite; jireenna keennale qajeelchu malte. Nu ufi saadu himmalle, woldalansiisu himmalle yokhaani wolqot'isule himmalle. Oboleyaani tiyya, yo nami ato imbeekhiini wollaala seene, isani worri Lubbu Waaqa qabu ha isa qajeelchuuti; ammo kara laanatiini tolchu malani. Ufi tissi, aka atileeni ilaalacha keesa inseenne. Ulfinna woli baad'a, kara kanaani seera Kristo guuttani. Yo nami woma intahiini wo ufi sehe, inni ufi daalleesu jira. Nami ch'ufti huji ufi laalu male. Yo dansa taate, ha waan tolcheeni ufi guddisuuti, ato waan nami d'ibiini tolcheeni wolbira inqamne. Wonti akanatiifi nami ch'ufti baa ufi baachu male. Nami dubbi Waaqa barsiisani ha waan dansa qabu ch'ufa nama isa barsiiseeni gahuuti. Ufi insobina: nami tokoleeni dandae Waaqa indaalleefatu. Nami ch'ufti waan oobre murata. Yo inni waan nafi isaa fed'u ch'alla oobrate, duisa murata. Yo inni waan Lubbuuni feetu ch'alla oobrate, Lubbu suni ira jireenna hegeri argata. Tanaafi waan dansa tolchu dad'abu himmalle; wonti akanatiifi yo nu indad'amne, hojjaani nu murannu ind'ufti. Tanaafi haga qoomni qamnu nama ch'ufaa waan dansa tolchu malle, keesuma worra d'ugefacha aka teenna qabu. Aka anini harka kiyyaani gugurdise t'aafu ilaala! Worra ufi guddisu fed'u, ka waan mullatatiini kiyyibuuti, qabanqaba isanii qabu fed'a. Wonti worri akasi tolchuufi aka maskali Kristotiifi ingaargalle. Worri qabanqaba qabatule seera gula iyau, worri aka isani aada q qabanqaba tana qabattani fed'a, aka akasiini aada nafa ta isani tolfatani tanaani, ufi korsu. Ammo, anini waan maskali Aabbo Yeso Kristo ch'alla saada; maskali tanaafi lafti gara kiyyaani doote, anileeni gara lafaatiini due. Qabanqaba woma keesa injirtu. Wonti fed'ani uumama haraa. Worri aada tana gula yau, nagayafi naasuuni ha worra woliini teetu, worraafi gumi Waaqa ch'ufale! Armaa achi, nami tokoleeni na ingaargalchiini; wonti akanatiifi gadaanisi nafa kiyya aka anini tisse Yeso agarsiisa. Eebiti Aabbo keenna Yeso Kristo isani ch'ufa woliini jiraatinna, oboleyaani tiyya. Amini. Maqaani kiyya Paulo; anini fed'i Waaqaatiini ergattu Kristo Yeso tahe. Gara gumi Waaqa ta Efeso keesa jirtu, ta jireenna ufitiini Kristo Yeso d'ugefate tatabe tana t'aafa. Waaqa Abbaafi Aabbo Yeso Kristoni eebafi nagaya isanii kenniina. Waaqa, Abba Aabbo keenna Yeso Kristo galata deebimna! Inni Kristo keesa nu eebise eeba ch'ufa ta lubbu gubbaa nuu kenne. Ato lafa inuumiini, Waaqi ya Kristo keesa nu fohate, aka nu qulqulloomne wollaala male isa dura yaanu. Maro jaalala isaatiifi Waaqi ya qara nu fohate, aka kara Yeso Kristotiini ufitiini nu d'ufe ilmaani ufi nu tolfatu, fed'i isaa gula. Koota, Waaqa galata deebimna, maro eeba isaatiifi, waan inni Ilma isaa ka inni jaalatu keesa nu eebiseefi. Inni d'iiga ufitiini nu bite nu baase, daba keenna nu araarame. Eebiti Waaqa, ta inni guddise nuu kenne waan guddo! Qalbifi malte isaatiini Waaqi waan qara herege tolche, waan d'ossa, ka inni Kristoni, guutu duratu nu beesise. Wonti Waaqi tolchu fed'u, aka yo hojjaani geete, uumama lafa ch'ufa ka lafafi gubba jiru woltiini d'ufe Kristo mataa tolchu. Waan ch'ufa fed'i herega Waaqa gula tolchani ammalle Waaqi fed'i ufitiini Kristo keesa nu fohate nama ufi nu tolfate, herega isaa ka qara kaani gula. Tanaafi nu worri qara Kristo heregatu guddinna Waaqa faarsina! Isanileeni akasuma: gaafa dubbi d'uga d'ageetani, Odu Dansa ta baafamaani isanii d'ufte, isani Kristo d'ugefattani, jennaani Waaqi beesisa ufi isani ira keyate Lubbu Qulqullo ta kakhate isani kenne. Lubbuuni tuni qabdo teenna, aka nu waan Waaqi nu kakhate argannu nu agarsiifti, ammalle aka Waaqi balchoomsa d'uga worra ufiti kennu himti. Guddinna isaa faarsina! Maro waan kanatifi anini haguma d'ugefacha isani Aabbo Yeso d'ugefattaniifi jaalala isani gumi Waaqa jaalattani d'agaye, maro teesaniifi Waaqaa galata deebisu illakimne. Anini hojja ch'ufa kad'acha tiyya keesati isani qaabad'a, ammalle Waaqa, Abba guddinna, ka Aabbo keenna Yeso Kristo, kad'ad'a, aka inni lubbu isani qaroomsite Waaqa isaniti mulliftu isanii kennu, aka isani baratani. Wonti anini kad'ad'u, aka qalbiini teesani banamte ifsa isaa argitani, aka isani abdi inni iti isani yaameefi eeba durooma ta inni gumi isaati kakhate hubattani, ammalle aka jabeenni isaa, ka nu worra isa d'ugefate keesa hojatu gudda hubattani. Jabeenni kunini kauma inni Kristo duisa keesa kaaseeni, harka ufi ka mirga gubba fulla ufi teesiseeni. Kristoni achiti hayyoota gubbafi jabeennaafi irreefi nama jaba ch'ufa fida; inni maqa ulfinna ka lafa tanaatiifi ka hegerile ch'ufa ira jira. Waaqi waan ch'ufa ya miila Kristo jalati deebise, aka inni Mata waan ch'ufaa tahu inni ya gumi Waaqati kenne. Gumiini Waaqa nafa Kristoti; qit'ooma isaati, ka waan ch'ufa fulla ch'ufati qit'eesu. Duri isani dabaafi wollaalaani lubbu dootani. Hojja suni kara lafa ka daba gula yaatani, hayyu jabeenna ka qilleensa ch'aqaftani, ka lubbu amma worra Waaqa inch'aqamne mohatu. Nuuni ch'ufti duri aka worra suni jirra, d'araa nafa keenna gula yaane waan nafafi qalbiini teenna feetu ch'alla tolchine, ka sila akuma nama ch'ufa Waaqi nuleti dalanu male. Ammo naasuuni Waaqa guddo; inni guddo nu jaalata; ato nu dabaani diquma induiini, Kristo woliini duisa keesaa nu kaase; isani eeba Waaqaatiini baafamtani. Inni Kristo woliini duisa keesaa nu kaase, aka isa woliini gubba nu teesisu. Wonti inni waan kana tolcheefi, aka hojja ch'ufa durooma eeba isaa, ta inni Kristo Yeso keesa qabu, nu agarsiisu. Maro eeba Waaqaatiifi isani baafama argattani, kara d'ugefacha gula. Waan isani ufiini tolfattaniiniti, ammo tola Waaqi isanii kenne. Wonti isani ufi guddiftaniifi injirtu, wonti akanatiifi wonti kunini waan isani ufiini tolfattaniiniti. Nu uumama Waaqaati, ammalle Kristo Yeso keesa inni ya nu uume, aka huji dansa ta inni herege nu kurfeese ke teennu. Isani worri d'aloota gula gosa d'ibi, ka Yahudiini worra qabanqaba inqabanne jettuuni, ammo ufiini, Nu worra qabate jed'u (ta waan nami nafa ufi tolchu), waan duri keesa jirtani qaabad'a. Gaafasi isani Kristo iraa fago jirtani. Isani nyaapa, gumi Waaqa ta fohatani keesa injirtani. Wold'aqisa Waaqi gumi isati khakhate keesaa inqabdani. Lafa tana keesa abdifi Waaqa male teetani! Ammo amma Kristoni takaa taanaani, isani worri duri fago jiru ya d'iiga Kristotini gadi d'iaattani. Wonti akanatiifi Kristoni ya Yahudifi gosa d'ibile taka tolche nagayaani nu d'ufe. Nafa ufitiini dallaa ka worra gargari qoode nyaapa woli tolche ch'abse. Seera Yahuditiifi aada seera suni balleese, aka gosa tana lamaani takaa tolche akasiini nagayaani nu d'ufe. Duisa isaa ka maskali gubbatiini Kristoni woljibiti balleese; maskali ufitiini inni gosa lachu takaa tolche Waaqati deebise. Tanaafi Kristoni d'ufe, Odu Dansa ta nagaya gosa ch'ufati odeese isani gosa d'ibi ta Waaqa ira guddo fago jirtaniifi Yahudileti, ta isati d'iaattu. Maro Kristotiifi nuuni ch'ufti, gosa d'ibiifi Yahudileeni, Lubbu takaani fuula Abba dura d'umna. Tanaafi isani worri gosa d'ibi arraa achi nyaapaaniti yokhaani keessumaaniti; amma isani worra qulqullo woliini gumi Waaqaati, worra Waaqa! Isanile yayabuma ergattufi raagooti keete irati isani ijaarani, d'akhaani jabaleeni Kristo Yeso. Isati mana ch'ufa wolti qaba, aka mani suni mana Aabbo qulqullo tahe guddatu. Isa keesa isanile, nama d'ibi woliini, ijaaru jirani, aka mana Waaqi Lubbu ufitiini keesa tau taatani. Maro waan kanatifi anini Pauloni, ka maro Kristo Yesotiifi hid'ani, isani gosa d'ibiti Waaqa kad'ad'a. D'uguma, isani ya d'ageetani, aka Waaqi eeba isatiini huji tana naa kenne, aka isanii jed'e hojad'u. Waaqi herega isaa ka d'ossa nati mullise na beesise. Anini waan kana ya diqo toko t'aafe, yo waan anini t'aafe soomtani, aka anini waan d'ossa ka Kristo barad'e inargitani. Duri waan d'ossa kana namati inhimani, ammo amma Waaqi ya Lubbu ufitiini ergattu ufi qulqullofi raagootati mullise. Wonti d'ossani tana: maro Odu Dansatiifi gochiti d'ibileeni, akuma Yahudiini argatte, eeba Waaqa argatti; worri ch'ufti mita nafa tokoti, kakhu Waaqi Kristo Yeso keesati tolchele inargata. Waaqi eeba ufitiini hojattu Odu Dansa na tolche, eeba suni jabeenna huji ufitiini naa kenne. Anini gumi Waaqa ch'ufa maand'a qit'issu, ammo Waaqi huji gosa d'ibiti Odu Dansa odeesani nati kenne, aka durooma Kristo ka ind'umanne barsiisu, ammalle aka nami ch'ufti mala Waaqa ka d'ossani amma guutani argu. Waaqi, ka waan ch'ufa uume, duri mala ufi d'ofate, aka hojja tana, gumi Waaqaatiini, hayyoota malaika fakaattufi jabeenni gubba jiru ch'ufti qalbi Waaqa ta aka aka jirtu baratu. Waaqi herega ufi ka hegeri gula waan kana tolche, ka inni Kristo Yeso Aabbo keennaani guute. Isa keesa waan nu isaa d'ugefanneefi, fuula Waaqa dura d'ufu indandeenna, ch'eerafi soda male. Tanaafi anini isani kad'ad'a, waan anini maro teesaniifi gaargaleefi ufi injibaatiina; wonti kuni ch'ufti isanii olaanti. Maro waan kanatifi anini Aabbo durati jilbifad'a, inni abba worra ch'ufa, ka nami lafafi gubba jiruleeni maqa d'ugaa ira argatu. Anini Waaqa kad'ad'a, aka inni durooma guddinna ufitiini jabeenna Lubbu Qulqullo ta garaa keesani jabeesitu isanii kennu, aka Kristoni, garaa keesani keesati qubatu, maro d'ugefachatiifi. Anini inkad'ad'a, aka hiddafi yayabi keesani jaalala keesa tau, ammalle aka isani, gumi Waaqa woliini, hubacha jaalala Kristo argatani, aka jaalalati suni fulla ch'ufa geetu, ballinnafi d'eerinnafi gadi qilumale ch'ufa keesa. Ee, aka jaalala isaa barattani ato nami dandae ch'ufa imbarannele akanaani qit'ooma Waaqaatiini guutamtani. Gara isa, ka dandae waan nu kad'annu ira nuu kennu yokhaani waan nu herennule ira, maro jabeenna nu keesa hojatuufi: gara Waaqa, gumifi Kristo Yeso keesa, guddinni ha tahuuti, haga d'aloota ch'ufa, ammafi hegerile! Amini. Anini ka maro anini Aabbo hojad'uufi na hid'ani, isani kad'ad'a yaamicha Waaqi isani yaame gula yaa. Ufi olimfuud'ina, laana yaa, waan ch'ufa obsa. Jaalala teesani wolqarqaarsaani agarsiisa. Takaa tahiti Lubbuuni namaa kennitu jabeesa qorqorad'a, nagaya takaa isani tolchu suniini. Nafa tokofi Lubbu toko ch'allati jira, akuma abdiini toko, ta Waaqi iti isani yaame. Aabbo tokofi d'ugefacha tokofi batiso toko ch'allati jira; Waaqa toko ch'allati jira ka Abba nama ch'ufaa; inni waan ch'ufa ira jira, waan ch'ufa keesa hojate waan ch'ufa keesa jira. Nu nami ch'ufti yayu herega Kristo gula eeba arganne. Akuma t'aafiini jettu, gaafa inni gubba olkore worra hid'ani heddu ufi gula fuud'e, namale wo kenne. Duuba, Inni gubbaa olkore jechuuni maani? Qaraa fiit'e inni gadi bue jetti lafa jalati. Namuma gadi bue suniti ammalle achi gubbati oldeebie, aka waan ch'ufa guutu. Isati wo namaa kenne; nama gari ergattu tolche, ka gari raaga tolche, ka gari odeesitu dubbi tolche, ka gari tissitu tolche, ka gari barsiiftu tolche. Wonti inni waan kana tolcheefi aka gumi Waaqa ch'ufa huji Waaqaati kurfeesu, aka nafa Kristo jaarani. Duuba nuuni ch'ufti garaa tokooni, d'ugefacha teennafi beekhuma teenna ta Ilma Waaqaatiini wolti d'umna; nama gugurda taane, haga Kristoni gahu geenna. Iti deebine ijoolle d'awaani galaana d'od'ooftu intaanu yokhaani ta barsiisaani nama d'ara ch'ufti chochooftu intaanu, ka malteeni nama d'ibi kara ira gorsu. Ammo jaalalaani d'uga dubbanne kara ch'ufaani Kristo, ka mata keenna, keesa guddachu malle. Jabeenna isaatiini nafi keenna ch'ufti taka, ammalle nafi ch'ufti mita ufitiini wolti eja. Tanaafi yo mitaani ch'ufti garaa ufitiini hojate, nafi ch'ufti guddate jaalalaani jabaata. Maqa Aabbootiini anini waan kana jabeese jed'a: aka worra Waaqa imbeenne, ka qalbiini worraa woma imbaanne, ka qalbiini ammalle dukana keesa jirtu intahiina. Worri jireenna Waaqi kennu keesa qooda inqabu; wonti akanatiifi worri daalle woma imbeekhu. Ch'eera inqabu huji dabati ufi kenne, waan ch'eera ka aka ch'ufa ka ira ufi ind'owine taha. Wonti isani waan Kristo barattani akasiiniti! Isani ya waan isaa d'ageetani, ammalle aka nama isa gula yau ya d'uga Yeso keesa jirtu barattani. Tanaafi jireenna keesani dullacha duri, ka waan isani duri taatani isani tolche — jireenna duri ka d'araani hamtuuni balleesite baafad'a. Garaafi qalbi teesani hareesa tolchu malani. Jireenna hareesa aka woya fud'ad'a, ka fakeenna Waaqa gula mid'aasani, ammalle ka finna d'uga ka qajeelumafi qulqulloomaani mullatu. Iti deebitani inkiyyibiina duuba! Nami ch'ufti ha oboleesa ufiti d'uga dubbatuuti; wonti akanatiifi nuuni ch'ufti nafa Kristo keesati mita. Yo dalantani, dalansuuni teesani daba keesa isani inseensisiini; dalansuuni aduuni isaniti ind'iini. Sheet'ani qoomni inargatiini. Nami duri wo hatu ha hanna lakise hojatuuti, aka harka ufitiini ufi bulche hiyyeeyile qarqaaru. Hasaa keesati dubbi hamtu injed'ina. Dubbi dansa, ta nama qarqaarte jabeesitu ch'alla jed'a, aka worri d'agayu eeba argatu. Lubbu Qulqullo Waaqa ilaalefachiisiina; Lubbuuni tunini beesisa Waaqa ka isani gubba jiru, ka aka guyyaani isani balchoomsani d'ufu agarsiisu. Garaa hameennafi, d'araafi dalansu ch'ufa lakisa. Iti deebitani woli loltani woli inarabsina! Ammalle wolinjibiina! Ammo arja taha, woli naha, woli araarama, akuma Waaqi maro Kristotiifi isani araarame. Isani ijoolle Waaqaati, tanaafi aka isaa tahu maltani. Jaalala keesa yaa, akuma Kristoni nu jaalate jireenna ufii nuu baase, sorio dansa fooleeni isii Waaqa gammachiiftu nuu tahe. Maro isani gumi Waaqa taataniifi waan algaloomatiifi ka t'uritiifi ka sabdooma jiddu teesaniti maqale ind'aiina. Dubbi t'uritiifi ta daallumatiifi ta imfakaanne jechu himmalle. Ammo waan ch'ufa keesati sila Waaqaa galata deebisu maltani. Waan kana aka dansaa beekhu maltani: nami algali, t'urichi, sabdiini (ka Waaqa wollaale waan nami harkaani mid'aasu kad'atu) qooda Finna Kristotiifi ka Waaqa keesaa inqabu. Nami tokoleeni dubbi kiyyiba ta d'aratiini isani insobini: maro waan kanatifi dalansuuni Waaqa worra isaa inch'aqamneti d'ufti. Tanaafi nama akana kana lagad'a. Isanumanu duri dukana keesa jirtani, ammo haga gumi Aabbo taatani, ifsa ke jirtani. Tanaafi aka nama ifsa keesa jiru tahu maltani. Ifsati mid'aani dansoomatiifi ka d'ugatiifi ka qajeelumatiini d'ufa. Waan Waaqa gammachiisa jabaad'a barad'a. Nama waan woma imbaane tolchu, ka dukana fed'u, lagad'a. Ammo waan suni diidati baasa. Yo waan worri d'ossaani tolchu hasaani waan ch'eeraati. Ammo wonti ifsati baasani ch'ufti aka dansa mullatti; wonti mullisani suni ch'ufti ifsaa taati. Wonti, Kai, nama rafe, duisa keesaa kai, Kristoni siti ifsa jed'aniifi tana. Tanaafi deema teesani keesa aka dansa ufi qorqorad'a. Aka nama woma imbeenne intahiina, aka nama qaro taha. Yo qoomni argattani ch'ufa waan dansa tolcha, bari kuni hama. Indaallaina, fed'i Aabbo Waaqaa hubad'a. Daad'iini imachaiina, wonti kuni isani balleesiti; ammo Lubbuuni Waaqaa isani guutiinna. Dubbi faarutiifi ta sirba Waaqaatiini wolhasaa; faaru Aabbo garaa keesani keesati gammadaani d'ahad'a. Waan ch'ufa keesafi hojja ch'ufa Waaqa Aabbo galata deebisa, maqa Aabbo Yeso Kristotiini. Woli ch'eera, maro Kristo saalfattaniifi. Nad'eeni ha d'iirsole ufiti ch'eerfatuuti, akuma Aabbo ch'eerfattu. Akuma Kristoni mata gumi isaa, d'iirsileeni mata niiti isaati; Kristoleeni ufi isaati Qarqaarsa gumi, ta nafa isaa. Tanaafi nad'eeni aka dansa d'iirsole ufiiti ch'eeru malte, akuma gumiini Waaqa Kristo ch'eertu. D'iirsole, akuma Kristoni gumi ufi jaalate nafa ufi kenneefi, isanileeni akasuma nad'eeni teesani jaaladlad'a. Inni aka gumi ufi qulqulleesu waan kana tolche, dubbi ufitiini, eegi bisaaniini d'iqe, aka gumi isaa ila ufi duraani d'ufu, mid'aagumafi qulqulloomaani, wollaalafi bobotolefi waan qit'e intahiini male. D'iirti aka ufi jaalattu niiti ufi jaalachu malte. Nami niiti ufi jaalatu ufi jaalata. Nami ufi jibbu injiru, ammo namu ufi bulcha, akuma Kristoni gumi Waaqaa tolchu; wonti akanatiifi nu mita nafa isaati. Maro waan kanatifi t'aafiini, d'iirti abbaafi haad'a ufi lakifte niiti ufitiini taka taati, jari lamaani nafa takaa taha jetti. Dubbi d'uga guddoti t'aafi tana keesa mullata; isiini, mala kiyya, Kristofi gumi Waaqale baanti. Ammo isanile imbaanti: d'iirti ch'ufti niiti ufii aka ufi jaalattu jaalachu malte; nad'eenileeni d'iirsole ufiiti ha saalfattu. Ijoolle, maro Kristotiifi worra keesani saalfad'a, wonti kunini waan tolchu malani. Jechi abbeetiifi haateti saalfad'a jed'u kakhu d'ibi iti darani qaba; kakhuuni suni waan jettu, aka lafa Aabbo Waaqi sii kennu keesati lubbuuni tante d'eeratu jetti. Aabbooti, ijoolle teesani imufachisiina, ammo barsiisafi gorsa Aabbootiini guddisa. Tissele, abbooti teesani, sodaafi holachani ch'aqasa, akuma waan Kristo hojattani garaa tokooni hojad'afi. Hojja worri isani ilaalu ch'alla inhojatiinaafi, ammo garaa keesani ch'ufaani waan Waaqi fed'u tolcha, aka tissele Kristo. Huji teesani ta tisse gammadaani tolcha, akuma waan nama inhojanne ammo Aabbo hojatanu. Qaabad'a, aka Aabbooni nama ch'ufaa galata kennu, tisseefi balchale, maro huji dansa ta inni tolchuufi. Aabbooti tisselee, tissele teesani akuma suni tolcha, insodaachiisiina. Qaabad'a, aka isanifi tisseleeni teesanileeni abba taka gubbaa qabdani, ka nama ch'ufa waan takaa tolchu. Dubbi buufata, Aabbo keesa jabaad'a, irre isaa guddooni. Miha lola ka Waaqi isanii kennu ch'ufa guurad'a, aka malte Sheet'ana dabsattani. Wonti akanatiifi nu namaani woli had'uuti injirru, ammo qilleensa hama lafafi gubbatiini wolhad'u jirra, jabeennaafi irre gubba ta bara dukana kanale. Tanaafi ammatana miha lola ka Waaqa olfud'ad'a! Duuba yo guyyaani hamaani d'ufe dandeetani irre nyaapa dabsattani, aka eegi haatanile duddaduuba indeebine. Tanaafi kurfo taa, eegad'a: d'uga aka gurda hid'aanati hid'ad'a; dubbi d'ugatiini hameenna qoma teesani iraa d'owad'a, kurfo taa, aka hojja ch'ufa Odu Dansa ta nagaya aka kobe keyattani. Hojja ch'ufa d'ugefacha aka wonte baad'a; aka t'iya bobeetu ta Hamaani Kaani darbatu d'aamfitani. Baafama aka ruufa marad'a, dubbini Waaqaleeni ha sheefti Lubbuuni isanii kennitu taatu. Waan kana ch'ufa kad'achaani tolfad'a qarqaarsa Waaqa kad'ad'a. Hojja ch'ufa Waaqa kad'ad'a, akuma Lubbuuni isani agarsiiftu. Maro waan kanatifi hojja ch'ufa kurfo eegad'a; ufi injibaatiina, hojja ch'ufa gumi Waaqati kad'ad'a. Anale Waaqa kad'ad'a, aka Waaqi, hojja anini dubbachu fed'u, dubbi anini jabeennaani dubbad'u naa kenne d'ossa Odu Dansa mullisu. Maro Odu Dansa tanaatiifi gara na ergani, ato anini amma hid'aansa keesa jiraad'ele. Tanaafi Waaqa naa kad'ad'a, aka anini jabeese dubbad'u, akuma tolchu male. Tikikoni, oboleesa keennafi hojattuuni teenna ta d'uga huji Aabbo keesa, odu tiyya ch'ufa isaniti odeesa, aka isani waan anini keesa jiru hubattani. Maro waan kanatifi anini isa gara keesani erga, aka waan nuuni ch'ufti keesa jirru inni isani beesise garaa isani jabeesu. Waaqa Abbaafi Aabbo Yeso Kristoni nagayafi jaalala oboleyaani ch'ufaa kenniina, d'ugefacha woliini. Eebiti Waaqa nama Aabbo Yeso Kristo guddo jaalatu ch'ufa woliini tahinna. Maqaani keenna Paulofi Timotheo, hojattu Kristo Yeso. Gara gumi Waaqa ta lafa Filipi keesa jirtu, ta Kristo Yeso d'ugefattu, jaarole gumitiifi jara gumi Waaqa hojatu woliini: Waaqa Abba keennafi Aabbo Yeso Kristoni eebafi nagaya isani kenninna. Anini hojja isani qaabad'u ch'ufa Waaqa kiyya galata deebisa; hojja isani kad'ad'u ch'ufa anini gammadaani kad'ad'a, waan isani huji Odu Dansa keesati na qarqaartani, haguma guyya qaraati haga arrale. Tanaafi anini waan kana aka dansa beekha: Waaqi ka huji dansa tana jiddu teesaniti iti keyate, gaafa Guyyaani Kristo Yesoni gahu hobaasu male illakisu. Isani hojja ch'ufa qalbi tiyya keesa jirtani! Tanaafi anini hojja ch'ufa waan keesani akasi heregu male. Isaniini ch'ufti ya eeba Waaqi naa kenne tana qoodattani, ana ka amma hid'aansa keesa jiruufi gaafa anini duri diida jirule, aka Odu Dansa suniifi dubbad'e isi jabeesu. Yo anini, Jaalalti anini garaa kiyya keesa qabu garaa Kristo Yeso keesaa d'ufte jed'e, Waaqileeni naa d'uga. Kad'achaani anini isani kad'ad'u tana: aka jaalalti teesani hagasira guddatte hubacha dansaafi qalbi d'uga woliini, aka isani waan ira dansa gula baatani. Yo suni Guyya Kristo wollaalafi t'uri tokole inqabdani. Jireenni keesani waan dadansa ka Yeso Kristoni fed'uuni guutama, aka maqa Waaqa guddisani faarsani. Anini wo isaniti himu fed'a, oboleyaani tiyya; yo d'ugaa dubbanne, wonti na tolchani ya Odu Dansa durati deemsifte. Maro waan kanatifi askarti mana hayyutiifi nami arma jiru ch'ufti aka maro huji Kristotiifi na hid'ani imbeekha. Anini hid'aansa keesa seennaani, oboleyaani ch'ufti guddo huji Aabbooti jabaatte jannoomte, dubbi Waaqa soda male odeesite. Nami gari d'uguma qot'eefi woldidafi waan Kristo odeesa, ammo ka gari garaa dansaani odeesa. Worri kunini maro jaalalatiifi waan kana tolcha, waan worri aka Waaqi arma na kaye, Odu Dansa jabeesi naani jed'e beekhufi. Nami gari garaa dansaani waan Kristo inodeesu, ammo garaa d'iibitiini odeesa, waan haga anini hid'aansa keesa jiru na gargalchani sehaniifi. Ammo yo akasile taate, wonti sunini woma keesa injirtu, anini guddo gammada, yo kara ch'ufaanu waan Kristo hasaani, kara qajeelafi hamaleeni. Anini ammalle ingammada. Wonti akanatiifi anini imbeekha, waan kad'acha teesanitiifi maro qarqaarsa Lubbu Yeso Kristotiifi inuma gadi na lakisani. Wonti akanatiifi abdifi fed'iini tiyya tana — aka anini inch'eerfanne, ammo aka hojja ch'ufa, keesuma ammatana, anini garaa jabaad'u, aka jabeenna kiyya ch'ufaani Kristo ulfeesu, yo duefi yo jiraad'ele. Jireenni maani? Naa jireenni Kristo; duisileeni naa dansa. Ammo yo lubbuuni na d'eerate huji dansa hojad'e, anini ta gula bahu imbeekhu. Gama lachuyu woljaji jira. Anini jireenna kana lakise Kristo woliini tau fed'a, tanati ira na jira; ammo maro teesaniifi anini lafa tana gubbati hafu male. Anini waan kana aka dansa beekha, armati hafe isani woliini taa, aka isani d'ugefachaani gammaddani dura deemtani. Tanaafi yo anini ammalle fulla teesaniti deebie, isani maro kiyyafi ufi koorsitani, Kristo Yeso keesa. Wonti jabduuni, adabi keesani aka Oduuni Dansaani ta Kristo jettu ha jiraatu, aka ato anini d'ufe isani argu d'ibaad'ele, aka isani garaa tokooni jabaattani ejaanjattani yaada toko ch'allaani woliini haatani d'agayu, maro d'ugefacha odu dansaatiifi. Nyaapa keesani insodaatiina; hojja ch'ufa jannooma, wonti kunini aka isani worra dabsatani agarsiifti Waaqati dabsacha isanii kenna! Ayyaana keesani ka, Kristo d'ugefad'a ch'alla isaniini injenne, ammo, Maro isaatiifi gaargala isaniini jed'ani. Amma koota, wolumaani haana. Akuma qara aka anini had'e na agartani ammalle akasuma jira, akuma isani d'ageetani. Jireenni keesani ka Kristo keesaa isani jabeesa mo? Jaalalti isaa garaa keesani jabeesiti? Lubbuuni wold'aqisa qabdu? Woli naatu? Herega takafi jaalala takafi lubbu takafi qalbi takaani na gammachiisa duuba. Waan tokole ufi jaalalafi yokhaani ufi guddisitiini intolchiina, ammo woldurati ufi diqeesa, waan nama d'ibi ira jirtani ufi insehiina. Waan nami d'ibiini fed'u barbaada, waan keesani ch'alla imbarbaadiina. Heregi keesani ka Kristo Yesoni qabu ha tahu: Inni haguma jiru jireenna Waaqa, ammo aka irreeni haga Waaqaatiini ufi gahu inherenne. Ammo fed'i ufitiini waan ch'ufa lakise tisse ufi tolche. Aka nama ufi tolche, fakeenna namatiini mullate; ufi diqeese, duale ee jed'e fud'ate dua maskali gubba. Maro waan kanatifi Waaqi fulla fulla ch'ufa ira guddo, ta gubba isa geese. Maqa maqa ch'ufa ira jiru isaa kenne. Aka, maro ulfinna maqa Yesotiifi, wonti gubba jiratiifi ka lafa jiratifi ka lafa jala jira ch'ufti jilbifate, nami ch'ufti diideese, Yeso Kristoni Aabbo jed'u, aka maqa Waaqa Abba guddisani. Tanaafi oboleyaani tiyya, akuma duri gaafa anini isani woliini jiru na ch'aqaftani, ato isani ira fago jiraad'ele, ammatana hagasile ira na ch'aqasa. Sodaafi holachaani hojad'a aka baafami keesani qit'au. Wonti akanatiifi Waaqi hojja ch'ufa isani keesa hojachu jira, aka, aka fed'i isaa guuttani, isani feesise dandeesisu. Waan ch'ufa dubbifi gungumsu male tolcha, aka ijoolle Waaqa dadansa, ta wollaalafi ch'ubbu inqamne, ammo ta d'aloota hamafi ka daba keesa teteetu. Aka urjiini gubba ifsitu jiddu worrati ifsa, d'aamsa jireenna iti hima. Yo isani akasi tolchitani, anini Guyya Kristo, waan keesani dansa ka dubbad'u qaba; wonti akanatiifi aka gaargala kiyyafi hujiini tiyya bilaasha intahiini agarsiifti. Mala kiyya, d'iiga kiyya aka sorio ta aadaani teesani maro d'ugefachatiifi Waaqaa baaftu akasuma jissani. Yo akasi taate, anini gammade duuba nu ch'ufti wolumaani qilit'amna. Akasuma isanileeni gammaddani, wolumaani qilit'amna. Anini Aabbo Yeso keesa inheregad'a, aka Timotheo d'iotu isaniti ergu, aka eegi odu teesani d'agaye gammadu. Isa ch'allati waan anini heregu herege waan keesani qorqorata. Nami kaani ch'ufti waan ufi ch'alla herega, nami waan Yeso Kristo heregu injiru. Isani aka inni guddo wo bahu imbeetani, ammalle aka anafi inni aka abbaafi ilma maro Odu Dansaatiifi woliini hojanne imbeetani. Aka d'iotu isa gara keesani ergu la heregad'e, eegi waan anini ke jiru hubad'e; anileeni waan d'iotu d'ufu ufi seha, yo Aabbooni jed'e. Mala kiyya, oboleesa keenna Epafrodito isaniti ergu male. Inni wahela naa tahe na woliini hojate, isanileeni isa ergattani aka inni na qarqaaru. Inni guddo isani ch'ufa argu fed'a, ammalle aka inni fayya intahiini isani d'ageetani jennaani inni guddo lalefate. Inni guddo fayya d'abe, diquma induiini d'uguma ammo Waaqi isaa nahe, isa ch'allaaniti ammo nalee nahe, aka anini hagasi ira illaalefanne. Tanaafi anini guddo gara keesani isa ergu fed'a, aka hojja isa argitani gammaddani, naasuuni tiyya baddu. Aka oboleesa Aabbo keesa isa fud'ad'a. Nama akana kana ch'ufa ulfeesa; wonti akanatiifi inni jireenna ufi baase, diquma induiini maro huji Kristotiifi, aka qarqaarsa isani naa kennu indandeenne naa kennu. Dubbi buufata, oboleyaani tiyya, Aabbooni, gammada gudda, isani kenninna. Waan duri jed'e, jechaani na ind'iibdu, ammo guddo wo isanii baati. Worra waan hamtu tolchu fed'u, sareele, nama intahiini, ka nafa namaa ch'iru fed'u eegad'a. Wonti akanatiifi nami qabanqaba d'uga argate nuu, worraaniti; nu Waaqa lubbu isaatiini kad'anna, ammalle jireenna keenna ka Kristo Yeso keesatiifi gammanna; aada namaa ta nafa ind'ugefannu. Yo fed'e anini sila dandae waan akana d'ugefad'a. Yo nami tokoleeni aada namaa ta nafa d'ugefate, ka nara d'ugefatu injiru. Eegi d'alad'e torba bule qabanqaba na qabani. Gochiti tiyya Israeli, balbala Benjamini, Ebrania d'ugaati. Aada Yahudi gula anini Farisayo. Tanaafi anini guddo owe gumi Yeso balleesu malad'e. Yo nami Seera gula deemu d'uga argate, yoosi anini wollaala tokole inqabu. Ammo waan duri ira jirti heregad'e ch'ufa amma woma keesa na injirtu, maro Kristotiifi. Waan kana ch'allaaniti; maro lubbu Aabbo kiyya Yeso Kristo ta waan ch'ufa ira guddotiifi: maro isiitifi anini ya waan ch'ufa lakise. Waan ch'ufa anini aka huura herega aka akasiini Yeso argad'e, isaani takaa tahu. Anini ammatana d'uga nami Seera guutu argatu tokole inqabu. Anini amma d'uga ta d'ugefacha Yeso Kristotiini argatani qaba, d'uga Waaqa biraa d'uftu, ta d'ugefachaani argatani. Anini Kristo beekhe jabeenna kaisa isaa ch'alla argachu fed'a; gaargala isaa argad'e duisa isaa keesa aka isaa tahu fed'a, aka yo sila naa taate, nale duisa keesaa jireennati kaasani. Anini waan kana qara argad'e injed'u, yokhaani Ya qit'oome injed'u. Ammo guddo barbaada aka argad'u, waan Kristo Yesoni duriyu na barbaade na argateefi. D'uguma oboleyaani, anini waan argad'e ufi insehu; ammo wonti anini barbaadu, aka waan na duuba jira lakise waan na dura jira iti hit'efad'u. Tanaafi anini inutaala, aka nama ch'ufa qolche wo argad'u: wonti suni yaamicha Waaqa, Kristo Yeso keesa, gara jireenna gubba. Nuuni nami gugurdaani ch'ufti sila herega kana qabaachu malle. Ammo yo isani hagi gari herega d'ibi qabaattani, Waaqi isani agarsiisa. Akuma taatefu, d'uga nu qara arganne gula nu yaasa. Wold'aqa, na fakaad'a, oboleyaani isaniini ch'ufti. Nu ya kara d'uga isani agarsiimne; worra gula yau ilaala. Anini waan kana maro heddu isaniti hime, ammalle imimaaniini iti deebie hima: nama hedduti jira, ka jireenni worraa nyaapa Kristo maskali gubbati due tolchu. Eegeeni worra badi, Waaqi worra d'araa garaa worraati, fulla sila ch'eeru malani ufi saadani, waan lafa tana ch'alla heregani. Ammo worri keenna gubba; Qarqaarsa keenna Aabbo Yeso Kristo ka gubba gadi d'ufu eegachu jirra. Inni nafa keenna lalaafa garagalche, aka nafa isaasaa ka guddinna, tolcha, irre inni waan ch'ufa harka ufi jalati deefatuuni. Tanaafi duuba, oboleyaani tiyya, anini guddo isani jaalad'a, ammalle guddo na ch'ekheesitani! Maro teesani guddo gammade, huji teesani guddo maache! Oboleyaani tiyya, aki isani jabaattani jireenna keesaniini Aabbo keesa oleju maltani akana. Euodiafi Sintike oboleyaani tiyya ta uwa anini isani kad'ad'a, Aabbo keesa wold'aqa. Atileeni, wahela kiyya dansa, nad'eeni tana qarqaari; wonti akanatiifi worri na woliini hojate, aka odu dansa odeesani, Klementifi worra na woliini hojatu ch'ufa woliini, ka maqa worraa kitaaba jireenna keesati t'aafani. Maro Aabbootiifi hojja ch'ufa gammada. Anini ammalle isaniini injed'a: Gammada! Adabi keesani ka laana ha namati mullatu. Aabbooni d'iotu d'ufa. Waan tokole inqulqulliina, ammo kad'acha teesani ch'ufa keesati waan feetani ch'ufa Waaqa kad'ad'a guyya ch'ufa galata Waaqaa deebisa. Nageenni Waaqaa, ka nami hubachu indandeenne, garaa keesaniifi qalbi teesani inqorqorata, Kristo Yeso keesati. Dubbi buufata, oboleyaani tiyya hojja ch'ufa dansumafi qajeelumumafi d'ugaafi balchumafi qulqulloomafi waan dansa mirgiti ta faarsu malani herega. Waan dubbi tiyyaafi huji tiyyale keesa, nara argattani nara barattani guuta. Duuba Waaqi nagaya nuu kennu isani woliini taa. Anini maro Aabbootiifi guddo gammada! Eegi guyya heddu isani ammalle aka waan kiyya hereddani ya agarsiiftani. Anini qara isani waan kiyya yaalu lakiftani injenne qoomni agarsiiftanii d'abdani male. Isani ya na deetani injed'u; wonti akanatiifi anini aka waan qabu quufu ya barad'e, d'ipufi ballinna anini imbeekha. Waan kana ya barad'e, tanaafi hojja ch'ufa quufa qaba, ato beela qabaad'e, waan diqo guddo qabaad'ele. Anini irre waan ch'ufaani dabsad'u qaba, jabeenna Kristoni naa kenneeni. Ammo isani waan dansa tolchitani, ka gaargala kiyya keesati na qarqaartani. Isani worri Filipi, imbeetani aka gaafa anini qara Makedoniaa bahe, Odu Dansa odeese gumiini Waaqa ta na qarqaarte isani ch'alla, naafi isani ch'allati, d'ipufi ballinna kiyya woliini qoodate. Maro heddu Thesalonike keesati anini d'ipannaani isani qarqaarsa naa ergitani. Anini qarqaarsa ch'alla argachu imfed'u; ammo aka isanileeni keesaa wo argattani fed'a. Tatabeeni aka isani waan kana ch'ufa naa kennitani agarsiiftu tana isiini waan guddo! Anini waan fed'u ch'ufa ya argad'e, maro Epafroditoni waan isani ergitani ch'ufa naa d'ufeeniifi. Wonti kunini aka sorio urgooftu ta Waaqaa baasani jirti, ta inni fud'ate gammaduuni. Waaqi kiyya, durooma Kristo Yeso keesa jiru ch'ufaani waan isani feetani ch'ufa isani kenna. Gara Waaqa Abba keenna guddinni ammafi hegerile ha jiraatu. Amini. Gumi Waaqa ta Kristo Yeso ch'ufa nagaya naa fuud'a. Oboleyaani arma na woliini jirtu nagaya d'aamti. Gumiini Waaqa ch'ufti nagaya d'aamti, keesuma worri mana hayyu gudda. Eebiti Aabbo Yeso Kristo isani ch'ufa woliini jiraatiinna. Maqaani kiyya Paulo, ka fed'i Waaqatiini ergattu Yeso Kristo tahe; ammalle oboleesa keenna Timotheo woliini jirra. Gara gumi Waaqa ta Kolosai jirtu, oboleyaani teenna ta d'uga Kristo keesa jirtu. Waaqi Abbaani keenna eebafi nagaya isanii kenninna. Nu hojja ch'ufa Waaqa, Abba Aabbo keenna Yeso Kristo galata deebimna, hojja nu isanii kad'annu ch'ufa. Nu aka isani Kristo Yeso d'ugefattani ya d'ageenne, ammalle aka isani gumi Waaqa ch'ufa jaalattani. Gaafa dubbini d'uga, Oduuni Dansaani, gara keesani qara d'ufte, abdi isiini qabdu ya d'ageetani. Tanaafi d'ugefachaafi jaalalti teesani waan isani abdattani keesa jirti, ta gubba isanii olkayani. Oduuni Dansaani eebaani d'ufte lafa ch'ufa gahuu jirti, akuma gaafa isani guyya qara eeba Waaqa d'ageetani waan isii hubattani taate. Isani waan kana Epafra ira barattani; inni huji teenna keesa wahela dansa nuu tahe maro teennaafi aka dansa Kristo hojata. Inni aka Lubbuuni jaalala isanii kennite nuti odeese. Maro waan kanatifi nu haguma waan keesani d'ageenne Waaqa isanii kad'anna. Nu Waaqa kad'anna, aka inni fed'i ufi aka dansa isani barsiisu, hubachaafi qalbi Lubbuuni isaa namaa kennitu ch'ufaani. Yoosi aka Aabbooni fed'u teetani, hojja ch'ufa waan inni jaalatu tolchitani. Jireenni keesani waan isani hojattani ch'ufa keesati mid'aani baasa, isanileeni beekhuma Waaqa keesa guddattani. Irreeni guddinna isaa keesaa baatu ha isani jabeesitu, aka waan ch'ufa obsuma obsitani. Ammalle aka Abbaa galata deebiftani qilit'amtani, ka isani qit'eese qooda waan inni gumi isati khakhate isani kennu, finna ifsa isaa keesati. Inni ya jabeenna dukana keesaa nu baase, nagayaani finna Ilma isaatiini nu gahe. Ilma suniti nu balchoomse daba keenna nu araarame. Kristoni Waaqa imullanne fakaate Waaqa nu agarsiisa. Inni Ilma angafati, waan uumani ch'ufa ira jira. Wonti akanatiifi Waaqi waan lafafi gubba jira ch'ufa isaani uume, waan mullatafi ka imullannelle, hayyootafi, worra irre qabuufi, ka wo mohatuufi, ka jabeenna qabu ch'ufa. Waaqi waan lafafi gubba jira ch'ufa isaafi uume, isaani uume. Inni waan ch'ufa dura jira, isa keesa wonti ch'ufti fulla ufi qabdi. Inni mata nafa isaati, gumi isaati: inni yayaba gumiti, Ilma angafa ka duisa keesaa kaasani, aka inni waan ch'ufa keesa fulla qara argatu. Maro fed'i Waaqaatiifi Ilmi qit'ooma Waaqaa ufi keesaa qaba. Ilma isaatiini, Waaqi uumamaa ch'ufa gara ufi deebise. D'iiga Ilma isaa ka maskali gubbati jigeeni nagaya tolche, akanaani waan lafafi gubba jira ch'ufa gara ufi deebise. Duri wonti hamtuuni isani tolchitaniifi ta isani hereddani Waaqa ira isani fageesite, nyaapa isaa isani tolchite. Ammo amma maro duisa nafa Ilma isaatiifi Waaqi ya ufiti isani araarse aka isaani qulqulleese qit'oomse wollaala male fuula isaa duraani d'ufu. Tanaafi isanileeni d'ugefacha keesa jabaattani dura yau maltani, aka yayaba Oduuni Dansaani isanii kennite iraa inchochoone, ammalle aka abdi gaafa Odu Dansa d'ageetani argattani iraa ingorre. Oduuni Dansaani ta nama lafa ch'ufati odeesani tana; anini Pauloleeni ya hojattu isii tahe. Anini amma waan maro teesanii gaargaleefi gammada. Wonti akanatiifi, maro gaargala nafa kiyyatiifi, anini gaargala Kristoni maro nafa isaatiifi gaargale ka hafe hobaasa. Nafi isaa gumi isaati. Waaqi ya hojattu gumi isaa na tolche; inni huji tana aka dansooma keesaniifi tolchu naa kenne. Hujiini tuni aka dubbi Waaqa tana ch'ufa odeesu. Wonti kunini waan inni duri d'aloota ch'ufa d'osse ammo amma gumi ufiti mullise. Heregi Waaqa kana: aka waan guddo mama ka duri d'ossani amma gumi ufiti mullisu. Wonti qara d'ossani suni tana: Kristoni isani keesa jira, wonti kunini aka isani guddinna Waaqa argattani agarsiifti. Tanaafi nu waan Kristo nama ch'ufati odeesina. Nama ch'ufa gorsineti barsiimna, qalbi teenna ch'ufaani, aka nami ch'ufti Kristo keesati guddate fuula Waaqa duraani d'umnu. Aka waan kana guutu anini gaargale hojad'e irre jabdu ta na keesa hojatu; ta Yeso Kristoni na kenneeni. Eega me, aka anini isanifi worra Laodikia keesa jiru ch'ufaafi worra na imbeennele hojad'e isaniti hima. Wonti anini waan kana tolchuufi aka garaani worraa jabaate, worri ch'ufti jaalalaani wolti mataqe, dubbi d'uga ta hubachaani d'uga d'uftuuni argatu. Kara kanaani waan Waaqi duri d'osse argatani, wonti sunileeni Kristo. Isati qalibifi herega Waaqa ka d'ossani, namaa mullisa. Tanaafi anini amma isaniti hima: nami tokoleeni hasaa d'aratiini isani insobini, ato akuma fed'u dansa fakaatele. Wonti akanatiifi ato nafaani isani woliini injirrele lubbuuni woliini jirra; aka isani d'ugefachaani jabaattani Kristo keesa ejattani arginaani anini guddo gammada. Waan isani Kristo Yeso Aabbo keesani tolfattaniifi, isa keesa taa. Hidda keesani isa keesati baasa, jireenna keesani isa gubbati jaarad'a, d'ugefacha teesani keesati jabaad'a, akuma duri isani barsiisani. Hojja ch'ufa galata deebisa. Eegad'a, aka nami tokoleeni qalbi nama ta woma imbaaneeni isani insomne. Qalbiini suni waan nami wolbarsiisufi waan herega lafaa iraa d'ufti, Kristo ira ind'uftu. Wonti akanatiifi qit'oomi Waaqa ch'ufti nafuma Kristo keesa jira, isanileeni ya jireenna mijuu isa keesa argattani. Inni mohachafi jabeenna ch'ufa ira jira. Isa keesa qabanqaba isani qabani, qabanqaba nami tolchuuniti ammo qabanqaba Kristoti, ta jabeenna nafa dabdicha kana jala nama baasu. Wonti akanatiifi gaafa isani batisani, Kristo woliini isani awaalani, ammalle batiso teesani keesa Kristo woliini duisa keesaa isani kaasani, waan isani jabeenna Waaqaa, ka duisa keesaa isa kaase, d'ugefattaniifi. Duri isani maro daba keesanitiifi, ammalle waan gosa d'ibi ta Seera qabanqaba jala injirre taataniifi dootani. Ammo amma Waaqi ya kristo woliini isani ijeese! Waaqi ya daba keenna ch'ufa nu araarame. Inni ya gati hamtu nu qamnu balleese, seera isii ch'ufale balleese, mukha maskali gubbati fannise. Maskali gubbati Kristoni jabeenna mohachafi irre gubba balleese, waan suni ch'ufa aka waan duuli boojie galche diidati nama agarsiise. Tanaafi nami tokoleeni d'ufe waan nyaattani d'uddanifi, jila teesaniifi, yokhaani jila teesani ta baatitifi ta Sabatole, keesa seera isaniti intolchiini. Wonti suni ch'ufti gandidu waan hegeriiti; wonti d'uga Kristo. Nami tokoleeni waan daayya arguufi waan isani ira jiru ufi sehe waan keesani isani inhanqisiini, yokhaani kara d'aratiini, Ufi diqeesa, malaika kad'ad'a isaniini injed'iini. Nami akana kunini kiyyiba, waan qalbi qabu ufi sehe ammo waan ufi saaduufi inqabu; ammalle Kristo, ka mataa isaatu ya jabeesu lakise. Qorqorti Kristo jalati nafi ch'ufti inquufa, mitafi maach'eerati wolti qaba, akuma Waaqi fed'u guddata. Isani ya Kristo woliini dootani, herega lafa la jalaa baatani. Eesaa aka nama lafa jirtani re? Isani maafi seera, Waan kana intuqiina, yokhaani Waan suni inuuniina, yokhaani Waan kaani inqabatina jed'u gula yaatani? Wonti kunini ch'ufti barsiisafi seera nami tolche; yo gula deemanile ufuma baddi. Seeri kunini d'uguma waan qalbi qabu fakaata, yoyu irreeni malaika kad'ad'a, ufi diqeesa, nafa keesani garagalcha jed'u, Ammo dandae d'araa nafa nama ind'owu. Kristo woliini ya duisa keesaa isani kaasani. Tanaafi waan gubba jira barbaada, fulla Kristoni barch'uma ufi gubba tau, harka Waaqa ka mirga. Qalbi teesani waan lafa ira inkeyatiina, ammo waan gubba ira keyad'a. Wonti akanatiifi isani qara ya dootani, jireenna keesani Kristo woliini ya Waaqa keesati d'ossani. Jireenni keesani ka d'ugaa Kristo, gaafa inni mullatu, isanileeni isa woliini mullattani guddinna isaa qoodattani! Yaada lafa, ka isani keesa jiru ka aka sharmut'oma fa t'urifa, d'araafa, fed'i hamtufi sabdooma, awaalu maltani. (Sabdoomi aka waan harkaani boch'ani kad'atani jira.) Maro waan kanatifi dalansuuni Waaqa worra isa inch'aqamneti d'ufti. Isani duri waan akana kana keesa teetani, gaafa d'araa tana gula deemtani. Ammo amma waan kana ch'ufa lakisu maltani: dalansufi d'araafi woljibiti. Arabaafi murach'aani tokoleeni afaani keesani keesaa imbahiini. Wolinsobiina, waan isani finna dullachafi adaba isaa ka duri lakiftani hareesa fud'attaniifi. Finni hareesi kunini waan Waaqi, aka isa uume fakeenna ufi gula haraa tolchu aka akasiini ufi isani beesisu. Maro waan kanatifi Yahudiini yokhaani gochiti d'ibiini injirtu, nama qabanqaba qabatefi ka inqabatini injiru, nyaapafi nami aada imbeenneleeni injiru, tisseefi balchaani injiru, ammo Kristo ch'allati jira, ammalle waan ch'ufa isumati keesa jira! Isani gumi Waaqaati; inni isani jaalate, isani fohate. Tanaafi naasufi arjoomafi ufi diqeesitifi laana deemtifi obsa qabaachu maltani. Woli qarqaara, wolii araarama, yo nami wold'abe ch'ufa. Akuma Aabbooni isani araarame, isanileeni wolii araarama. Waan kana ch'ufa jaalalati darad'a, ta wold'aqisaani isanii d'uftu. Nagayi Kristoni namaa kennu ha garaa keesani qoruti; wonti akanatiifi Waaqi garaa tokooni nagaya kanati isani ch'ufa yaame. Ammalle galata isa deebisa. Dubbini Kristo, ha guddatte, garaa keesani keesa ha teetu. Qalbi ch'ufaani wolbarsiisa, wolgorsa. Waaqaa faarsa, sirba isaa sirba, faaru isaa d'ahad'a, garaa keesaniini Waaqa galata deebisa. Waan isani jettaniifi waan tolchitani ch'ufa keesa maqa Aabbo Yesotiini tolcha, ammalle maqa isaatiini Waaqa Abba galata deebisa. Nad'eeni ha d'iirsole ufiti ch'eertu, wonti suni waan aada Kristiana keesa tolchu malani. D'iirsole, nad'eeni teesani jaalad'a, gaargalchitani imitisiina. Ijoolle, waan ch'ufa keesa worra keesani saalfad'a; wonti akanatiifi Aabbooni akana fed'a. Abbooti, ijoolle teesani imufachisiina, hegeri garaa hamaatti. Tissele, aka abbooti teesani gammachiiftani, hojja worri isani ilaalu ch'alla inch'aqasiina, ammo hojja ch'ufa ga ga garaa dansa ka Waaqa sodaatuni ch'aqasa. Waan tolchitani ch'ufa keesa garaa tokooni tolcha, aka waan nama inhojanne ammo Aabbo hojattani. Qaabad'a, Aabbooni galata isanii deebisa; waan inni gumi ufiti olkaye inargattani. Wonti akanatiifi Abbaani isani hojattaniifi Kristo. Nama waan hamtu tolchu, abba ufi taanaanile waan hamtu isa tolchani, Waaqi nama ch'ufa aka tokotu herega. Abbooti, tissele teesani waan dansa tolcha. Aka isanileeni Abba gubba qabdani qaabad'a. Hojja ch'ufa kad'ad'a, indad'abiina, ilaafiina, Waaqaa galata deebisa. Nule Waaqa kad'ad'a, aka inni balbala nu bane nu dubbi isaa odeesine waan d'ossa Kristo himnu. Maro waan sunitiifi anini hid'aansa keesa jira. Waaqa kad'ad'a, aka anini kara qajeelaani odeese nami hubatu. Qalbefad'a, worra d'ugefacha inqamne dura adabaani yaa, qoomni argattani ch'ufa imballeesina, woiini tolcha. Yo hasooftani dubbi dansa miooftu hasaa. Ammalle nama woi isani gaafate qajeelcha deebisaafi. Oboleesi keenna Tikikoni, ka aka dansa ufi baase huji Aabbo na woliini hojate odu tiyya ch'ufa isaniti odeesa. Maro waan kanatifi anini isa gara keesani erga, aka inni waan nu keesa jirru isaniti hime isani gammachiisu. Onesimoni, oboleesa keenna ka d'uga ka gumi teesani keesa jiru, wahela isaati. Waan nu keesa jirru ch'ufa worrati isaniti odeesa. Aristarkoni, ka hid'aansa keesa na woliini jiruufi Marikoni, dubriini Barnaba, nagaya isanii d'aamani. Isani ya qara d'aamsa waan isaa d'ageetani, aka yo inni d'ufu isa bulchitani. Yesoni ka Yusto jed'anileeni nagaya d'aama. Worri Yahudi ka d'ugefate, ka Finna Waaqati jed'e nu woliini hojatu jara kana ch'alla; worri guddo na qarqaare. Epafraleeni ka gumi teesani, ka hojattu Kristo Yeso, nagaya d'aama. Inni hojja ch'ufa guddo Waaqa isanii kad'ata, aka isani jabaattani guddattani aka dansa d'ugefattani fed'i Waaqa ch'aqaftani. Anini waan huji inni isanii hojate isaniti himu indandaa, ta gumi Laodikiafi Hierapolile. Luka ch'ireesa keennatiifi Demani nagaya isani d'aamani. Oboleyaani Laodikia keesa jirtu nagaya nu fuud'a, ammalle Nimfafi gumi mana isii keesati wolwoldeetule. Eegi tatabe tana soomtani, qorqorad'a aka gumi Laodikialeti soomani. Tatabe gumiini Laodikia isanii t'aaftule sooma. Arkiponi, Huji Aabbo ta harka keetiti kennani hojad'u guuti jed'iini. Anini waan kana harka kiyyaani t'aafa: Pauloni nagaya isani fuud'a. Haada naani hid'ani inded'ina. Eebiti Waaqa isani woliini jiraatiinna. Paulofi Silwanofi Timotheoti tatabe tana gara gumi Thesalonike, ta Waaqa Abbatiifi Aabbo Yeso Kristoni taka taate t'aafa. Eebafi nagayi ha keesani tahu. Nu hojja ch'ufa maro teesaniifi Waaqaa galata deebimne kad'acha teenna keesa maqa keesani d'oomna. Wonti akanatiifi nu Waaqafi Abba keenna durati qaabanna, aka isani d'ugefacha teesani hujiini hojattani, aka jaalalti teesani huji guddo isani tolchisiifte, ammalle aka abdiini teesani Aabbo Yeso Kristo keesa jabdu. Nu imbeenna, oboleyaani teenna, aka Waaqi isani jaalate isani fohate, aka nama isaa taatani. Nu Odu Dansa afaani ch'allaani isanii ind'umneeni, ammo jabeennaafi Lubbu Qulqullofi d'uga malaikatini isanii d'umne. Aka nu gaafa isani woliini jiru teenne imbeetani; nu maro dansuma teesaniifi teenne. Nuufi Aabbo ufi fakeesitani; ammo ato guddo gaargaltanile, gammada Lubbu Qulqullo iraa argataniini dubbi aka dansa fud'atani. Tanaafi isani jara d'ugefate ka Makedoniatiifi ka Akaya akheekha taatani. Wonti akanatiifi dubbini Aabbo isani ira baate, Makedoniafi Akaya ch'alla ingeenne ammo oduuni d'ugefacha isani Waaqa d'ugefattani ya fulla ch'ufa geete. Wonti nu jechu malle injirtu. Nami ch'ufti waan gaafa nu gara keesani d'umne, ka isani aka dansa nu bulchitani, dubbata, aka isani waan harkaani boch'ani lakiftani Waaqati deebitani, Waaqa d'uga ka jiru hojattani, Ilma isaa ka gubba gadi d'ufu eegattani, Ilma isaa Yeso, ka inni duisa keesaa kaase, dalansu Waaqa ta hegeri d'uftu duraa nu baasu. Isaniyu imbeetani, oboleyaani teenna, aka imaltuuni nu gara keesani d'anne guddo wo baate. Isaniyu imbeetani, aka Filipi keesati nu d'aanani nu arabsani, ato fulla teesani Thesalonike ind'ufiini. Ammo Waaqi keenna jabeenna nuu kenne, aka Odu Dansa ta gara isaati d'ufte isaniti hasau insodaanne, ato nami hedduuni didele. Wonti akanatiifi woni nu isani kad'annu wollaalafi d'araa hamtuufi sobisa tokole inqabdu. Ammo nu hojja ch'ufa aka Waaqi fed'u hasoomna, maro inni nu jaalate Odu Dansa nuu kenneefi. Nu nama gammachiisu imfeenu, ammo Waaqa ka herega garaa keenna ilaalu gammachiisu feena. Isani imbeetani, aka nu hasaa namaani sosomnuuni ind'ufiini, yokhaani sabdooma keenna hasaani ind'ossine Waaqaati d'uga teenna! Nu nama nu faarsu, isanifi nama d'ibile imbarbaanne, ato aka ergattu Kristo nu waan feenu sila dandeenne isani ira barbaannele. Ammo nu gaafa isani woliini jirru guddo isani qorqoranne, akuma haati ijoolle ufi qorqorattu. Maro jaalala nu isani jaalanneefi, nu kurfo jirra aka Odu Dansa ta Waaqa ch'alla isanii kenninuuniti, ammo aka jireenna keennale isanii kenninu. Nu guddo isani jaalanne! Aka nu gaargalaani hojanne isani inqaabattaniiyu? Nu halkani guyya hojanne aka, ato Odu Dansa ta Waaqa hasoomnu, isani ingaargalchine. Isani nu d'uga, Waaqileeni nu d'uga: adabi keenna isani worra d'ugefateti qulqullo qajeela, wollaalale inqabu. Isani imbeetani, nu isani ch'ufa akuma abbaani ilmaani ufi heregu herenne. Isani jabeesine, isani qarqaare, jireenna Waaqa isani yaame finnafi jabeenna isaa isanii qoodu gammachiisu, keesa taa jenne. Ammalle maro waan kanatifi nu hojja ch'ufa galata Waaqa deebimna. Gaafa nu dubbi Waaqa isanii d'umneeni, isani aka dubbini suni ta namatiini, ammo d'uguma dubbi Waaqaa ch'aqaftani d'ugefattani. Waaqi jiddu isani worra d'ugefate hojachu jira. Isanileeni, oboleyaani tiyya, akuma gumiini Waaqa ta Kristo, Yeso, ta Yudea keesa jirtu taate, taatani. Akuma worri lafa teesani isani gaargalche, akuma suni worrale Yahudiini ta Aabbo Yesofi raagoota ijeefte nule d'ibde worrale gaargalchite. Guddo Waaqa dalansiisani! Nama ch'ufa guddo jibbani! Worri dubbi baafama namaa kennitu aka gosa d'ibiti hasoomnu nu d'owu fed'e. Dabi worri guyya ch'ufa tolchu la ammatana muumme bahe. Amma eege dalansuuni Waaqa ya worra d'aqabde. Ammo oboleyaani, gaafa nu diqo toko gargari baane heregaani gargari imbaane ammo nafaani gargari baane guddo ch'ekhoofne sila isani argu feene! Gara keesani deebiu feene. Anini Pauloni maro heddu deebiu fed'e, ammo Sheet'anati nu d'owe. Taatule abdi teennaafi gammada keennafi wonti nu fuula Aabbo Yeso durati, yo inni deebiu, ufi guddimnuufi isanumaaniti? Guddinnaafi gammachuuni teenna isani! Obsu dad'amnaani nu aka Athene keesa koba teennu buufanne, oboleesa keenna Timotheo, ka nu woliini Waaqa hojate Odu Dansa ta Kristo odeesu ergine. Nu isa ergine, aka inni isani jabeese d'ugefacha teesani qarqaaru, aka isaniini tokoleeni maro ilaalachatiifi ilaalaamne. Isani imbeetani aka gaargali akana kunini fed'i Waaqa. Wonti akanatiifi, ato isani woliini jirru, aka nu gaargalchani durati isaniti himne; aka isani beetani wonti sunini ya taate. Maro waan kanatifi anini obsu dad'abe Timotheo erge, D'aqi, d'ugefacha worra suni ilaali jed'eeni, aka Sheet'ani isani ilaalate, hujiini teenna ch'ufti lafati inhamne! Timotheoni amma ya fulla teesani nuti deebie, ya Odu Dansa ta d'ugefachaafi jaalala teesani nutiini gale. Inni ya aka isani hojja ch'ufa waan keenna dansa hereddani nuti hime, ammalle akuma nu isani argu feenu isanileeni nu argu feetani. Tanaafi gaargalafi lalefacha teenna ch'ufa keesati ya maro teesaniifi garaa jabaanne, oboleyaani teenna. D'ugefacha teesaniti nu jabeese; wonti akanatiifi yo isani jireenna keesani keesati Aabbo keesa jabaattani nu injiraanna. Ammatana maro teesaniifi galata Waaqa deebisu indandeenna. Nu galata Waaqaa deebimna waan isanii jenne gammada arganeefi. Nu halkani guyya garaa keenna ch'ufaani kad'anna, aka nu woli agarre waan d'ugefachaani teesani feetu isanii kenninu. Waaqa Abba keennafi Aabbo Yesoni kara nu hariinna, aka nu gara keesani d'umnu! Aabbooni jaalala isani woli jaalattani nama d'ibile jallattani isanii guddisiina, akuma nuleeni isani jaalannu. Kara kanaani inni garaa isani jabeese, fuula Waaqafi Abba keenna durati qit'ooftani qulqullo taatani, gaafa Aabbo Yesoni jara isa d'ugefatu ch'ufa woliini d'ufu. Dubbi buufata, oboleyaani, isani aka teetani Waaqa gammachiiftani nura ya barattani. Haguma duriiti isani akasuma teetani. Amma nu isani kad'anna, maqa Aabbo Yesotiini, aka isani hagasile ira jabaattani. Wonti akasitiifi waan nu jabeenna Aabbo Yesotiini isani barsiimne imbeetani. Wonti Waaqi isani iraa fed'u tana: inni isanii qulqullooftani algalooma lagattani fed'a. Akanaani nami tokoleeni oboleesa ufiti dabe waan isaa iraa imfud'atiini. Nu waan kana qara isaniti himne, ya isani guddo gorsine, aka Aabbooni worra waan akana kana tolchu balleesu. Waaqi, Algalooma keesa taa nuuni injenne, ammo Qulqullooma keesa taa jed'e. Tanaafi nami barsiisa tana dide ch'ufti nama indinne ammo Waaqa ka Lubbu ufi Qulqullo isanii kennu dida. Wonti anini, Nama d'ugefatu jaalad'a jed'e t'aafuufi injirtu. Waaqi ya aka isani woli jaalattani isani barsiise. Ammalle oboleyaani Makedonia keesa jirtu ch'ufa ya akasi jaalattani. Tanaafi nu isani kad'anna, oboleyaani, aka hagasira jaalattani. Jabaad'a, nagayaani taa, waan biyyaa keesa inseeniina, harka keesaniini hojad'a, akuma nu qara isaniti himne. Akanaani worri ind'ugefatiini isanii ch'eere foka, duuba akasiini waan feetani nama tokole inkad'attani. Oboleyaani, nu isanii waan d'uga ka worra due dabre barattani feena, aka isani aka worra abdi inqamne ilaalefanne. Nu aka Yesoni due kae d'ugefanna; tanaafi aka Waaqi worra d'ugefate ka duele isa woliini d'ufuuni ind'ugefanna. Barsiisaani Aabbo ta nu isani barsiimnu tana: nu worri gaafa Aabbooni deebiu jirru, worra qara due kaani dura iyaanu. Qonqo jabeennati d'ufa, qonqo malaika guddo, qonqo magalata Waaqa, Aabbooni gaafasi gubbaa gadi bua! Worri ato Kristo d'ugefatu due qara duisa keesaa kaa; nu worra gaafasi jirru ch'ufa dumansa keesati worra kaani woliini wolti guurani, gubbati Aabbooni wolwoldeenna. Duuba guyya ch'ufa Aabbo woliini teena. Tanaafi dubbi tanaani woljabeesa. Wonti hojja woni kunini ch'ufti taatu isanii t'aafuufi injirtu. Wonti akanatiifi isani imbeetani, aka Guyyaani Aabbo aka hattuuni halkaniini d'uftu d'ufu. Yo nami, Wonti ch'ufti nagaya bad'aad'a jed'u, badiini tassa d'ufti! Nami tokoleeni duraa imbahu. Aka nad'eeni ch'iniinfatu jirti. Ammo oboleyaani, isani dukana keesa injirtani, guyyaani suni tassa isaniti ind'ufiini. Isaniini ch'ufti worra ifsa, ka guyyaati. Nu ka halkanitiiniti yokhaani ka dukanaatiiniti. Tanaafi nu aka biyya d'ibi rafu himmalle; hojja ch'ufa kurfo teenne eegu malle. Nami halkani rafe halkani machaa. Ammo nu ka guyyaati, kurfo tau malle. D'ugefachaafi jaalala aka ubaara qomati keyachu malle, d'aabu teenna ta baafamale aka ruufa marachu malle. Waaqi aka nu dalansu isaatiini gaargalu nu imfohanne, ammo aka baafama maro Aabbo keenna Yeso Kristotiifi argannuufi nu fohate. Inni maro teennaafi due, aka nu isa woliini teennu, ato gaafa inni d'ufu nu jiraanne yokhaani doonele. Maro waan kanatifi woljabeesa, wolqarqaara, akuma amma tolchitani kana. Nu isani kad'anna, oboleyaani, aka isani worra Aabbooni fohate, ka isani barsiise gorsu, ch'eertanifi fokitani. Ulfeesa, jaalad'a, maro huji worri hojatuufi. Nagayaani woliini taa. Nu isani kad'anna, oboleyaani, worra woma inhojanne gorsa, nama ch'eeru jabeesa, lalaafa qarqaara, nama ch'ufa obsa. Qorqorad'a, aka nami tokoleeni haalo woli imfuune, hojja ch'ufa waan dansa wolifi nama d'ibile tolcha. Guyya ch'ufa gammada, hojja ch'ufa Waaqa kad'ad'a, waan ch'ufa keesati galata deebisa. Wonti Waaqi isani ira fed'u tana, jireenna keesani ka Kristo keesa jiru. Lubbu Qulqullo ind'aamfiina; dubbi hafuura Waaqa qabdu intufatiina. Waan ch'ufa laalad'a: waan dansa olkeyad'a, hameenna aka ch'ufa lagad'a. Waaqi nagaya nuu kennu, ka is isaa isani tolfatiinna, lubbufi onneefi nafa keesani wollaala ira d'owiina, gaafa Aabbo Yeso Kristoni d'ufu. Nami isani yaamu jiru waan suni dandae intolcha, inni ka d'ugefatani! Nule Waaqa kad'ad'a, oboleyaani tiyya. Oboleyaani ch'ufa d'ungo oboleyaanitiini nagaya fuud'a. Anini isani kad'ad'a, jabeenna Aabbootiini, aka isani tatabe tana oboleyaani ch'ufaa soomtani. Eebiti Aabbo Yeso Kristo isani woliini tahinna. Paulofi Silwanofi Timotheoti tatabe tana gara gumi Thesalonike, ta Abba keennafi Aabbo Yeso Kristoni taka taate t'aafa. Waaqa Abbaafi Aabbo Yeso Kristoni eebafi nagaya isanii kenninna. Nu hojja ch'ufa maro teesaniifi Waaqa galata deebisu malle, oboleyaani. Nu akasi tolchu malle, maro d'ugefachaani teesani guddo daramte, ammalle jaalalti isani woljaalattani guddatteefi. Maro waan kanatifi nu gumi Waaqa keesa dansooma keesani dubbanna. Aka isani obsitani d'ugefattani dubbanna, gaargalafi d'ipu isani argattani keesa. Beesisi qorsuma Waaqa ta d'ugaa kana, maro waan kana ch'ufatiifi isani Finna Waaqa ka isani amma gaargalufiti jirtani kana ya maltani. Waaqi waan qajeela intolcha: inni worra isani gaargalchu ingaargalcha, gaargaltanile isanifi nule inqarqaara. Inni gaafa Aabbo Yesoni malaika isaa guddo woliini gubba mullatu waan kana tolcha, ibida bobauuni, aka worra Waaqa imbeenneefi ka d'aamsa qulqullo Yeso Kristo inch'aqamne gaargalchu. Worri Waaqa imbeenne suni fuula Waaqaatiifi jabeenna isaa gudda duraa kaasani gaargala haga jiru jireenna argata. Guyya Yesoni guddinni gumi ufitiifi ulfinna nama isaa d'ugefate, ch'ufa ira argachu d'ufu, isanileeni worra suni keesa jirtani, maro isani d'aamsa nu isaniti hime d'ugefataniifi. Wonti nu hojja ch'ufa Waaqa isanii kad'annuufi tana. Nu Waaqa keenna isanii kad'anna, aka isani jireenna inni iti isani yaame argattani. Jabeenna isaatiini inni yaada dansa ka isani feetani isanii kenne huji teesani dansa ta d'ugefacha guutinna. Kara kanaani maqaani Aabbo keenna Yeso guddinna isani ira argata, isanileeni isa ira argattani, eeba Waaqaatiifi ta Aabbo Yeso Kristotiini. Waan d'ufiisa Aabbo keenna Yeso Kristotiifi woldeenna nu isa woliini wolwoldeennu: anini isani kad'ad'a, oboleyaani, aka iworere yokhaani indalanne, yo guyyaani Aabbo ya d'ufe jed'ani. Hegeri waan kana nama fage yokhaani ka barsiisuti jed'e, yokhaani nuti tatabe tana keesati t'aafa jed'anifa. Nami tokoleeni kara tokoleeni isani insobini. Guyyaani ind'ufu, haga Loli guddaani tahe Nami Hamaani ka fulla ibidati male mullatuuti. Waan nami kad'atuufi ka nami guddisu ch'ufa inni indida. Inni waan ch'ufa ira ufi guddise, d'aqe Mana Waaqa keesa tae Waaqa ufiini jed'a! Inqaabattaniiyu? Waan kana ch'ufa anini ato isani woliini jiru isaniti hime. Ammo woiti waan kana amma tahu d'owa, isani waan suni inuma beetani. Yo hojjaani geete Hamaani suni imullata. Hameenni nami hubachu indandeenne amma lafa jira, ammo wonti tahu malte intaatu, haga namicha waan suni d'owu kara keesaa gorsaniti. Jennaani Hamaani Suni mullate, Aabbo Yesoni hafuura afaani isaatiini isa ijeese, d'ufiisa isaa ka guddinnatiini lafaa isa balleesa. Hamaani Kaani jabeenna Sheet'anatiini d'ufe mamisa gosa heddutiifi akheekha d'ara aka heddu tolche, soba hedduuni worra badu soba. Maro d'uga worra baaftu jaalachu didaniifi badani. Maro waan kanatifi Waaqi badi hamtu worrati erga, aka waan d'ara d'ugefatani. Duuba namaama ind'ugefatiini, ka daba jaalatu ch'ufa, wollaala iti murani. Hojja ch'ufa maro teesaniifi Waaqaa galata deebisu malle, isani oboleyaani Aabbooni jaalatu. Wonti akanatiifi Waaqi haguma qara isani fohate, aka baafamtani, waan Lubbuuni isani qulqulleesite isani d'uga fud'attaniifi. Waaqi Odu Dansa ta nu isaniti hasoomneeni isani yaame; wonti inni isani yaameefi aka isani qooda guddinna Aabbo Yeso Kristo argattani. Tanaafi oboleyaani, jabaad'a, ejad'a, d'uga nu barsiisafi tatabe teenna keesaleti isani barsiimne qaabad'a. Aabbo Yeso Kristofi Waaqi Abba keenna, ka nu jaalate eeba ufitiifi jannooma hegerifi abdi dansa nuu kenne, garaa keesani jabeese isani kibina, aka waan dansa ch'alla dubbattani tolchitani. Tanaafi, dubbi buufata, oboleyaani, Waaqa nuu kad'ad'a, aka dubbini Aabbo fulla ch'ufa geete dabsattu, akuma jiddu teesaniti taate. Ammalle Waaqa kad'ad'a, aka inni harka nama hamamatiifi ka dabaati nuu baasu. Wonti akanatiifi nami ch'ufti d'ugefacha inqabu. Ammo Aabbooni ka d'ugaati. Inni isani jabeeseti Sheet'anale isani iraa d'owa. Aabbooni ya isani nu d'ugefachiise; ammalle nu imbeenna, aka isani waan nu isaniti himnu ch'ufa arrafi hegerile guuttani: Aabbooni jaalala Waaqaatiifi obsa Kristoni namaa kennuti isani akheekhiina. Maqa Aabbo Yeso Kristotiini isaniti himna, oboleyaani teenna: oboleyaani huji hojachu diddu ch'ufa lagad'a, ka waan nu barsiimne gula indeemne. Isaniyu imbeetani, aka waan nu tolchine tolchu maltani. Gaafa isani woliini jirru nu huji hojachu indinne. Qarqaarsa nama tokole bilaasha imfud'anne. Ammo halkani guyya gaargalle hojanne, aka nu nama tokole ind'imne. Nu waan kana maro waan nu argachu malle nuu kenna jechu indandeenneefi, jechu indinne, ammo aka akheekha dansa isani agarsiimnuufi dinne. Gaafa isani woliini jirru, Nami hojachu didu sagale inyaatini jenne. Wonti nu waan kana jennuufi, waan aka nami gari jiddu teesani keesa huji hojachu dide waan nama d'ibi ch'alla yaku jiru d'ageenneefi. Maqa Aabbo Yeso Kristotiini jara suni himne gorsina: Huji teesani laana hojad'a, ufi bulcha. Ammo isani, oboleyaani teenna, waan dansa tolchu indad'abiina. Nami toko hegeri d'aamsa nu tatabe tana keesati t'aamnu inguutufa. Nama suni ilaala, lagad'a, aka inni ufumaani ch'eeru. Ammo aka nyaapa isa intolchiina, aka oboleesa gorsa. Aabbooni, ka nagaya namaa kennu, hojja ch'ufaafi guyya ch'ufa nagaya isani guutinna. Aabbooni isani ch'ufa woliini ha tau. Waan kana anini harkuma kiyyaani t'aafa: Pauloni nagaya isani fuud'a. Anini tatabe ch'ufa akana maqa kiyya jalati t'aafa; anini akana t'aafa. Eebiti Aabbo Yeso Kristo isani ch'ufa woliini tahinna. Maqaani kiyya Paulo, anini ergattu Kristo Yeso, fed'i Waaqa Qarqaarsa keennatiifi ta Kristo Yeso abdi keenna gula. Gara Timotheo, ilma kiyya ka d'uga d'ugefacha keesa: Waaqa Abbaafi Kristo Yesoni, Aabbooni keenna, eebafi naasufi nagaya si kenninna. Anini si Efeso keesa teetu fed'a, akuma anini gaafa Makedonia deeme siti hime kaani. Nami gari achiti dubbi d'ara barsiisu jira, jara suniini, Lakisa jed'i. Odu duritiifi maqa heddu ka ababoota, Lakisa jed'iini; wonti kunini wolmormiti ch'allaani d'ufti; fed'i Waaqa ta d'ugefacha ch'allaani beekhani inguutu. Wonti nu seera kana baamneefi, aka jaalalti ta garaa dansa keesaa baatuufi ta qalbi dansaafi d'ugefacha dansa keesaa baatu, mullattu. Nami gari ya waan kana lakise, hasaa daalluma gula bade. Barsiiftu seera Waaqa tahu fed'ani, ammo dubbi ufitiifi waan jabeesani odeesani suni inhubatani. Aka Seeri dansa imbeenna, yo aada gula tolfatani. Ammo wonti hubachu malani, seera nama dansaafi imid'aasine ammo worra akana tolchuufi mid'aasani — ka seera ch'absufi, ka wo yakufi ka Waaqa imbeenneefi ka daba tolchuufi worra aada Waaqa qulqullo gula iyaanefi worra abbaafi haad'a ufi ijeesufi ka nama fit'ufi sharmut'afi midiisafi, nama nama d'ibi hatufi ka d'ara dubbate kiyyibu, yokhaani ka barsiisa d'uga lakise waan d'ibi tolchu. Barsiisaani Odu Dansa ta harka kiyyati kennani tana, Odu Dansa ta Waaqa gudda abba eeba iraa d'uftu. Anini Kristo Aabbo keenna galata deebisa, ka jabeenna anini huji isaatiini hojad'u naa kenne. Anini waan inni na herege, aka anini huji isaa hojad'u na fohateefi, galata deebisaafi, ato anini duri isa tufad'e gaargalche arabsele. Ammo Waaqi na nahe, maro anini d'ugefacha d'abe ato inhubatiini wollaaleefi. Ammalle Aabbooni eeba ufi guddise naa kenne, d'ugefachaafi jaalala ta Kristo Yeso keesati teenna taate woliini. Jechi kuni ka d'ugaati, fud'atani d'ugefachu malani: Kristo Yesoni aka nama daba baasuufi lafa d'ufe. Guddaani worra suni ana, ammo maro tanaafi Waaqi ka ana gudda worra dabati nahe, aka Kristo Yesoni obsa ufi narati agarsiisu, aka anini worra hegeri isa d'ugefate jireenna argatu akheekha tahu. Gara Hayyu haga hegeri tau, ka indoonefi ka imullanne, Waaqa tokocha, guddinnaafi ulfinni ha isaa tahu, ammafi hegerile! Amini. Ilma kiyya, Timotheo, anini d'aamsa kana siti d'aamad'a. Dubbi fagiisa ta duri waan kanke faddu gula d'aamad'a. Dubbini sunini ha woraanaa wonte sii taatu, hojja atini had'iisa dansa haate, d'ugefachaafi herega dansa horattu. Nami gari herega ufi dansa suni gula yau dide, d'ugefacha ufi balleese. Himenayofi Iskandani jara kana keesa jirani anini ya harka Sheet'anati worra kenne, aka worri iti deebie Waaqa inarabsine. Qaraa fiit'e, waan anini jed'u, kad'achaafi yaamachafi galata Waaqa deebisiti maro nama ch'ufatiifi tolcha; ammalle hayyootafi worra lafa fidu ch'ufa kad'ad'a aka nu jireenna dansa ka nagayaa ke teennu, Waaqa beekhitiifi adaba dansaani. Wonti kunini dansa, ammalle Waaqa Qarqaarsa keenna gammachiifti. Inni nama ch'ufa ka baafame d'uga baratu fed'a. Wonti akanatiifi Waaqa toko ch'allati jira, ammalle ka Waaqafi nama woltiini d'ufu namicha toko, ka Kristo Yeso jed'ani, ka nafa ufii kenne akasiini nama ch'ufaa baasu. Guyyaani geennaani, dubbi suni ya d'ugeesani. Maro waan kanatifi aka anini ergattufi, barsiiftu gosa d'ibi tahu na ergani, aka d'aamsa d'ugefachaatifi ka d'ugaa odeesu. Anini kiyyibuuti injiru d'uga dubbachuu jira! Anini nama ch'ufa ka fulla ch'ufati Waaqa kad'atu fed'a, nama Waaqa jaalatu ka dalansufi wolmormiti male harka olqabate kad'atu. Anini nad'eenile ta ch'eerte woya isi fakaattu keyattu fed'a; mata aka shooba filatani, worqifi dooqafi woya gati gugurdo keyachu himmalle, ammo isiini huji dansa aka nad'eeni aada beetu ha hojattuuti. Nad'eeni ch'alleesafi obsaani wo barachu malte. Anini nad'eeni d'iira barsiiftu yokhaani ta d'iira fiddu imfed'u; ch'allisu malte. Wonti akanatiifi duri qara Adamu uumani, eege Hawai uumani. Adamuni insobamne, ammo niitiini sobamte, seera Waaqa ch'absite. Ammo nad'eeni yo ijoolle d'alte baafamti, yo isiini d'ugefachaafi jaalalafi qulqulloomafi adaba dansaani teete. Jechi kunini ka d'ugaati, yo nami jaarsa gumi Waaqatiini deemu tahu fed'e, inni waan dansa barbaada. Nami suni nama wollaala qabu intahiini; ha niiti toko ch'alla qabaatu, nama qalbi dansa qabu tahu male, ka ufi qorqoratu, adaba qabu, ka amala dansa qabu; inni keessuma bulchu male, namale aka dansa barsiisu male; inni nama machau ka namaani woldidu intahiini, ammo nama laana ka nagaya fed'u ha tahuti, nama hori jaalatu intahiini; ha worra ufi aka dansa qorqorate ijoolle ufi saala foko barsiisu. Wonti akanatiifi nami ka dandae worra ufi injabeesine akami dandae gumi Waaqa tissa? Inni nama d'io d'ugefate intahiini; hegeri ufi guddise, aka Sheet'ani duri tahe wollaala iti murani taha. Inni nama nami alaleeni saaddu ha tahuti, aka ch'eere t'urura Sheet'ana keesa inseenne. Nami huji gumi Waaqa hojatu ha adaba dansaafi d'uga qaabaatu; guddo farso d'uge insabdaiini; herega dansaani aada d'uga ta d'ugefacha teenna ha jabeesuti. Qara ha ilaalani, yo quufani ha huji iti kennaniti. Nad'eeni worraleeni ha adaba dansa qabaattuuti, isiini nama inhamaatiini; ha qalbi dansaafi d'uga qabaattuuti waan ch'ufa keesati. Nami huji gumi Waaqa hojatu ha niiti toko ch'alla qabaatuuti, ha ijoolleefi worra ufi aka dansa qorqoratuuti. Worri huji dansa hojatu maqa dansa argate, d'ugefacha nu kristo d'ugefannu waan isii aka dansa odeesu dandaa. Yo tatabe tana sii t'aafu waan d'iotu d'ufe si argu seha. Ammo yo anini turele, tatabeeni tunini aka nu mana Waaqa adaba dansaani keesa tau malle siti himti. Mani suni gumi Waaqa jireenna, utubafi yayaba waan d'uga. Nami tokoleeni dandae aka aadaani teenna d'ossa qabdu imormu! Inni nafa namatiini d'ufe, aka inni qajeela Lubbuuni himte, malaikaleeni isa agarte. Gosa ch'ufati waan isaa odeesani, lafa keesati isa d'ugefatani, guddinnaani gubbati olfuud'ani. Lubbuuni Waaqa akuma dansa himti, aka nami gari eegi tana d'ugefachu lakise; lubbu d'aratiifi barsiisa jinni gula yau. Barsiisaani tunini soba nama d'aratiifi ka heregi worra aka waan ibidaani gubani jiru iraa d'ufti. Worri kunini nad'eeni fuud'itiifi sagale gosa gari nyaati fullaaniti jed'a. Ammo Waaqi sagale tana aka, eegi galata deebisani, worri d'ugefate d'uga baratu nyaatufi mid'aase. Wonti Waaqi uume ch'ufti dansa; waan tokole didu himmalle, ammo waan ch'ufa galata deebisani fud'achu malani; wonti akasitiifi dubbi Waaqaatiifi kad'achati waan kana Waaqa durati qulqulleesa. Yo barsiisa tana oboleyaaniti himte, hojattu Kristo Yeso dansa taata, ka dubbi d'uga fud'ate barsiisa d'uga gula deemu. Ammo odu duri ta aada Waaqa intahiini, ta nami himu himmalini lagad'u. Jireenna Waaqi fed'u barad'u. Fayyafi irreeni nafaa wo namaa darti, ammo fayyafi irreeni lubbu kara ch'ufaani wo namaa darti, maro jireenna ka ammatiifi ka hegerile namaa kennituufi. Jechi kunini ka d'ugaati, ka fud'atani d'ugefachu malani. Maro waan kanatifi aka jaba hojanna, waan nu abdi teenna Waaqa jiru ka nama ch'ufa baasu, keesuma worra d'ugefatu, gubba keyanneefi. Waan kana namati himi aka dansa barsiisi. Nami tokoleeni maro atini kaimatiifi si intufatiini, ammo akheekha jara d'ugefate tahi, dubbifi adabaafi jaalalafi d'ugefachaafi qulqulloomaani. Haga anini d'ufuuti, T'aafi Waaqa namaa soomi, dubbi Waaqa hasai, nama barsiisi, jabeesi hojad'u. Kenna lubbu si keesa jirtu inded'ini, ta gaafa raagooti dubbatte jaaroleeni harka sira keete argatte. Waan kana iti jabaad'u, guuti, aka nami ch'ufti, aka atini dura deemte, si argu. Ufiifi barsiisa teetile eegi. Waan kana guuti: wonti akanatiifi yo atini waan kana guute ufiifi jara si ch'aqasule imbaafta. Nama jaarsa fakatu tokole inch'ersini, ammo aka abbeeti saalfad'ufi gorsi. Kaimale aka oboleyaani teeti tolfad'u. jaarole nad'eeni aka hawaani teeti tolfad'u, kaima nad'eeni aka oboleyaani tanteti tolfad'u, qulqulloomaani. Nad'eeni d'iirsi d'uguma iraa due ch'eerifi qorqorad'u. Ammo yo nad'eeni d'iirsa inqamne ijoolleefi akowaani qabaatte, ijoolleeni suni qara ha aada Waaqa gula worra ufi guutu, kara kanaani worra ufitiifi akowaani ufi galata guddisa baafti, akasi ch'allaani Waaqa gammachiisani. Niiti d'iirsa inqamne, ta nama qorqoratu inqamne, ya abdi ufi Waaqa ira keyatte, halkani guyya qarqaarsa isaa kad'atti. Ammo niitiini d'iirsa inqamne, ta gammada feetu, ato nafaani jiraatele ya doote. Seera kana iti kenni, aka nami tokoleeni wollaala isiiti imurre. Ammo yo nami fiit'a ufi inqorqoranne, keesuma abbaafi haad'a isaa, inni ya d'ugefacha lakise, jara ind'ugefannele ingahu. Haga nad'eeni ganna jaatama geetuuti maqa isii nad'eeni d'iirsa inqamneti indariini. Ammalle nad'eeni maro toko ch'alla fuud'ani ha taatu, ammalle duri huji dansa hojatte gurra dansa qabaachu malte: niiti ijoolle ufi aka dansa guddifatte, keessuma gololchite, miila gumi Waaqa d'it'e, nama gaargala qabu qarqaarte, ufi baafte, huji dansa ch'ufa hojatte ha taatu. Nad'eeni kaima maqa nad'eeni d'iirsa inqamneti indariini, wonti akanatiifi yo akanumati tau dad'abde isiini nama fuud'u feete, akasiini Kristo iraa badde, kakhu ufi ta qara lakifte, wollaala keesa seenti. Wonti akasitiifi nad'eeni d'iirsa inqamne ta gari amma ya Sheet'ana gula yaate. Yo niitiini Kristiana nad'eeni d'iirsa inqamne worra ufi keesaa qabaatte, isumaani ha qorqorattu, gumi ingaargalchiini, aka nad'eeni d'iirsa inqamne ta kobaa jirtu qarqaarttu. Jaarole ta nama dura yaate huji dansa hojattu hori gudda baasuufi malani, keesuma worra aka dansa hojate nama barsiise dubbi odeesu. Wonti akanatiifi t'aafiini waan jettu, Afaani qotiyo inhid'iini, yo isiini mid'aani d'aantu, ammalle, Nami hojatu gati ufi argachu hu male jetti. Yo jaarsa gumi himatani haga nami lama sadi d'uga iti bahuti dubbi suni inch'aqasiina. Nama daba tolchu ch'ufa diida keesati gorsi, aka nami d'ibiini sodaatu. Fuula Waaqaatiifi ka Kristo Yesotiifi, ka malaika qulqullo durati, anini si kad'ad'a, barsiisa tana gula deemi, nama tokole jaalatte gargari imfiliini. Hurrifte nama tokole harka ira inkayiini. Daba nama tokole keesa inseeniini, ufi qulqulleesi. Bisaani ch'alla ind'ugiini, ammo daad'i diqo toko d'ugi, aka isiini garaa kanke qarqaartu, maro atini hojja ch'ufa fayya d'abduufi. Dabi nama gari guddo mullata, dabi worraa, worra durati, qorsuma d'aqa; ammo dabi nama gari eege mullata. Akasuma huji dansale yoosu argani, ta guddo imullannele dandaani ind'ossani. Tisseleeni ch'ufti ha aabbooti isiiti saalfatu, aka nami tokoleeni waan hamtu maqa Waaqaatiifi barsiisa teennaani injenne. Tisseleeni abbooti ufi ta Kristiana intufatiini maro worri oboleyaantifi. Ammo ha aka dansa hojattufi, wonti akanatiifi hujiini worraa, abbooti worraa ta d'ugefate ta worra jaalatu suni wo baati. Waan kana nama barsiisi, odeesi. Nami barsiisa d'ibi barsiisu, ka dubbi Aabbo Yeso Kristo ka d'ugatiifi waan aadaani teenna nama barsiiftu didu kiyyiba, woma imbeenne. inni dubbi wolmormitifi woldidda ch'alla beekha, wonti kunini qot'eefi woldiddafi arabaafi wolsehacha hamtuuni d'ufti. Ammalle wolmormiti nama qalbi inqamne ka d'uga inqamneeni d'ufti. Worri waan aadaani Waaqa nama duroomsitu seha. D'uguma aadaani Waaqa guddo nama duroomsiti, yo nami suni waan qabu quufe. Nu maaniini lafa d'umne? Womaniti. Maani dandeenne lafa keesaa fud'anna? Womaniti. Tanaafi yo woyafi sagale qabaanne nuu geeti. Ammo worri dureesa tahu fed'u ilaalacha keesa seene, t'urura daallumatiifi ka d'araa hamtu keesa seenani, ka baditi nama hirkisu. Wonti akanatiifi jaalalti hori hamenna aka ch'ufaatini d'ufti. Nami gari guddo dureesa tahu fed'e akanaani d'ugefacha iraa bade, gugubate lalefata. Ammo atini, nami Waaqa, waan kana ch'ufa lagad'u. Waan d'ugaafi ta Waaqi fed'ufi d'ugefachaafi jaalalafi obsafi laana deemiti barbaadi. Utaalcha d'ugefacha keesati aka dansa utaali, jireenna hegeri argad'u; wonti akanatiifi maro jireenna kanatifi Waaqi sii yaame, gaafa atini d'ugefacha tante gumi durati himatte. Waaqa ka jireenna waan ch'ufa kennuufi Yeso Kristo, ka Pontio Pilato durati d'uga himate, durati anini siti hima: Haga Guyya Aabbooni keenna Yeso Kristoni mullatuuti, seera ch'ufa, wollaala male, jabeesi guuti. Yo hojjaani geete, Waaqi eeba, ka inni ch'allaani nama fidu, Hayyuuni Hayyoota ch'ufa, Abbaani Abbooti ch'ufati isa mullisa. Nami indoone isa ch'alla; inni ifsa nami iti d'ufu indandeenne keesa taa. Nami tokoleeni taka isa ingarre, tokoleeni dandae isa inargu. Ulfinnafi jabeenni ka isaa tahinna, haga hegeri! Amini. Dureeyi lafa tanatiini ufi inguddisiina, abdi teesani durooma lafa tanaa, ka nami waan isi aka imbeenne ira inkeyatina, ammo Waaqa ka arjoomaani waan ch'ufa namaa kennu gubba keyad'a jed'iini. Waan dansa tolcha jed'iini, Huji dansaani durooma jed'iini, Arja taha, waan qabdani namaa qooda jed'iini. Kara kanaani yayaba hori ka hegeri namaa tahu tolfatani. Duuba akanaani jireenna d'uga argatani. Timotheo, waan harka keetiti lakisani jabeesi. Hasaa Waaqi imfeene, ka daalluma ka nami gari wollaale Beekhuma jed'uuni lakisi. Wonti akanatiifi nami gari waan beekhuma suni qabu ufi seha, tanaafi d'ugefacha ufi balleesa. Eebiti Waaqa isani ch'ufa woliini tahinna. Maqaani kiyya Paulo, anini fed'i Waaqa gula ergatta Yeso Kristoti, isati na erge, aka anini jireenna maro Yeso Kristotitiifi nuu kakhatani odeesu. Gara Timotheo, ilma ani jaalad'u: Waaqa Abbaafi Kristo Yesoni, Aabbooni keenna, eebafi naasufi nagaya sii kenninna. Anini Waaqa ka qalbi dansaani, akuma ababooti teenna tolchite hojad'uufi, galata deebisa. Anini galata isaa deebisa hojja halkani guyya kad'acha tiyya keesati si qaabad'u. Imimaani kanke inqaabad'a, waan kanaafi guddo si argu fed'a, aka guddo gammadu. Anini d'ugefacha tante ta d'uga inqaabad'a, d'ugefacha ta aka akko tante Losifi haate Eunikeni qabani. Atileeni tami akasi qabda, imbeekha. Maro waan kanatifi anini si qaabsiisa, eeba Waaqi gaafa anini harka sira kaye sii kenne jabeesi, huji tantele owisi. Wonti akanatiifi Waaqi lubbu nu daafansiiftu nu inkennine, ammo lubbu jabeennaafi jaalalafi ufi qorqoracha nuu kenne. Aabbo Yeso d'ugeesu inch'eerfatiini; ana ka maro isaatiifi hid'anile inch'eerfatiini. Ammo, maro Odu Dansaatiifi gaargala obsi, akuma Waaqi jabeenna sii kenne. Inni nu baase, jireenna qulqullo iti nu yaame, maro nu waan dansa tolchinefiiniti, ammo maro fed'ifi eeba isaati. Inni eeba tana ato lafa inuumiini Kristo Yeso keesa nuu kenne, ammo amma ya d'ufiisa Qarqaarsa keenna Kristo Yesotiini nuti mullisani. Inni ya jabeenna duisa dabsate, Odu Dansaani jireenna inhobaane mullise. Waaqi ya na fohate, aka anini Odu Dansa odeese, ergattufi barsiiftu tahu; maro waan kanatifi anini akana gaargala. Ammo anini ammalle inch'eerfad'u, waan anini nama abdad'e beekhufi, ammalle imbeekha aka inni haga guyyaani gahuuti waan inni harka kiyyati kenne qorqoratu. Dubbi d'uga ta anini si barsiise ha akheekha sii taatuuti, jabeesi, d'ugefachaafi jaalala ta maro Kristo Yesotiifi teenna taate keesa tai. Waan dansa ka harka keetiti kennani jabeesi, jabeenna Lubbu Qulqullo, ta nu keesa teetuni. Atini imbeeta, aka nami lafa Asia keesa tau ch'ufti na biraa yae, Figelofi Hermogeneleeni. Waaqi worra Onesiforoti nahiinna, waan inni maro heddu garaa na jabeeseefi. Inni waan anini hid'aansa keesa jiruufi na injibine, ammo inni akuma dira Rumitini baheeni na barbaade na arge. Aabbooni aka inni Guyya suni naasu Aabbo iraa argatu tolchiinna! Atini waan inni Efeso keesati naa tolchele akuma dansa beeta. Atini duuba, ilma kiyya, maro eeba Kristo keesa jirtu qabduufi jabaad'u. Dubbi tiyya ta anini si durati nama barsiise heddu nama atini d'ugefattu, ka dandae nama d'ibile barsiisuti kenni. Qooda kanke ka gaargala fud'ad'u, aka askarti dansa ta Kristo Yeso. Askartiini huji hojattu gudda isii gammachiisu feeti, waan d'ibi ka huji askartii intahiini keesa seenu imfeetu. Nami utaalu, aada woldogoomsu guutu male, woma inargatu. Abbaani oobru ka aka dansa hojate, mid'aani qara ka oobru ufi argachu male. Waan anini siini jed'e kana heregi, Aabbooni waan ch'ufa keesa si hubachiisa. Yeso Kristo qaabad'u, ka duisa keesaa kaasani, ka d'aloota Daudi, akuma Odu Dansa ta anini barsiisu keesati himani. Waan anini Odu Dansa hasaeefi gaargala, ammalle aka nama wo yake na hid'ani. Ammo dubbini Waaqa hid'aansa keesa injirtu; maro waan kanatifi anini gumi Waaqi fohate jed'e obsa, aka worrileeni baafama Kristo Yeso keesa jiru argatu, guddinna hegeri woliini. Jechi kunini ka d'ugaati: Yo nu isa woliini doone, nu isa woliini jiraanna; yo obsine, isa woliini lafa finna: Yo nu isa mormanne, innileeni nu mormata; yo nu d'ugefacha iraa gorrele, inni ka d'ugefatani, waan inni dandae ufi imormanneefi. Gumi tante waan kana qaabsiisi, Waaqa durati gorsi, aka worri maro dubbitiifi wolindinne. Wonti suni woma namaa imbaatu, ammo worra ch'aqasu ch'alla balleesiti. Ufi qorqorad'u, aka Waaqi huji tante quufu, aka hojattu huji ufiiti inch'eere, ammo ka d'aamsa Waaqa qajeelche himu. Hasaa nama Waaqa imbeenne; ka daalluma, ka Waaqa ira nama fageesu, lagad'u. Wonti worri barsiisu aka mada diimtu namaa nyanyaatu jirti. Nami waan akana barsiisu Himenayofi Filetofa. Worri kunini ya kara d'uga lakise, d'ugefacha jara d'ugefate ka gari yake, Kaisi keenna yayu dabre jed'ani. Ammo yayabi Waaqi keyate dandae inchochou; ammalle dubbi tana irati t'aafani: Aabbooni worra isaa ch'ufa fuula beekha; ammalle, Nami nama Waaqa ufiini jed'u hameenna lakisu male jed'ani. Mana gudda keesa miha gosa hedduti jira. Ka gari qarsifi worqi, ka gari faarafi mukha; ka gari gatiini guddo ka gari gatiini diqo. Yo nami waan hamtu ch'ufa iraa ufi d'owe ufi qulqulleese, nama suni waan jabdu dandaani isani tolchani, waan inni aka huji dansa ch'ufa hojatu ufi baase abba ufiiti wo bahefi. D'araa kaimooma lakisi, jara garaa qulqullooni Aabbo yaamatu woliini d'ugaafi, d'ugefachaafi jaalalafi nagaya barbaadi. Ammo hasaa daalluma ka nama woma imbeenne lagad'u; wonti kunini woldidiisaani d'ufti, imbeeta. Hojattuuni Aabbo woldidu himmalle. Inni nama ch'ufaa nahu male, barsiiftu dansaafi ta obsa qabdu, ka laanatu kara nama isaani morku garsiisu tahu male. Hegeri Waaqi daba ira worra deebise, d'uga worra barsiisa. Duuba qalbiini worraa deebinaani t'urura Sheet'ani worraani qabe mohate keesaa baqatani. Waan kana qaabad'u! Guyyaani muumme gaargala hama qaba. Nami ufo tahe, sabdae, ufi guddise, ufi saada; wolarabsani, worra ufiiti saalfachu didani, galata deebisu, didani, aada Waaqa lakisani; arja tahu didani, naasu lakisani, maqa wolt'ureesani, woldidani, wolhad'ani, waan dansa jibbani; wolballeesu fed'ani, mata jabaatani, ufi guddisani, Waaqa ira gammada jaalatani; nama aada Waaqa guutu ufi tolchani, ammo jabeenna isi didani. Jara akana kana ira fagaad'u. Nami gari mana nad'eeni d'aqe, nad'eeni lalaaftu ta qara dabi iti ulfaate d'araa gosa ch'ufa gula yaatu fud'atani. Nad'eeni tunini hojja ch'ufa wo barachu feeti, ammo haguma jirtu d'uga imbarattu. Akuma duri Yanefi Yambreni dubbi Musa didde, akasuma worri kunileeni d'ugaa dida — nama herega inqamne, ka d'ugefacha argachu dad'abe. Wonti kunini garu ind'at'u, waan nami ch'ufti aka worri daalle arguufi akuma jari kaani duri tahe. Ammo atini ya barsiisa tiyyaafi adaba kiyyafi jireenna kiyya gula deemte; atini ya d'ugefacha tiyyaafi obsa kiyyafi jaalala tiyyaafi jabeenna kiyyafi, gaargala kiyyafi d'aanicha kiyyale agarte. Waan Antiokiafi Ikoniofi Listra keesati na tolchani quba qabda, gaargala hama anini argad'e ch'ufa! Ammo Aabbooni ya waan suni ch'ufa keesaa na baase. Nama Kristo Yeso woliini jireenna Waaqi fed'u keesa tau ch'ufti ingaargalchani; ammo nama hamafi kiyyibaani ch'ufti ira hamaata, ufi sobani nama d'ibile sobani. Ammo atini, d'uga si barsiisani aka dansa d'ugefatte keesa tai. Wonti akanatiifi atini nama si barsiise imbeeta, ammalle haga ijoolluma teetiti ya T'aafi Qulqullo, ta dandeete hubacha baafama, maro d'ugefacha Kristo Yesotiifi sii kennitu baratte. Wonti akasitiifi t'aafiini ch'ufti hafuura Waaqaa qabdi ammalle wo baati, isi d'ugani barsiisani, wollaalaani gorsani, qajeelaani garsiisani, waan jireenna dansaatiini barsiisani, aka nami Waaqa ch'ufti qit'ae kurfo tae, huji dansa ch'ufa hojatu. Anini fuula Waaqatiifi ka Kristo Yeso, ka nama ch'ufa ka duefi ka jirule qoru durati si kad'ad'a: maro d'ufiisafi Finna isaatiifi, dubbi tana barsiisi, hojja ch'ufa odeesi, yo fed'anifi yo imfeenele namaa galchi, gorsi, jabeesi, obsaani barsiisi. Wonti akanatiifi hojjaani nami barsiisa d'uga gula indeemne ind'ufti, ammo fed'i ufi ch'alla gula yau, nami ch'ufti barsiiftu heddu barbaadata, ta waan worri d'agayu fed'u worrati odeesitu. D'uga ch'aqasu didani, odu d'ara gula deemani. Ammo atini hojja ch'ufa ufi qorqorachu malte; gaargala obsi, aka nama Odu Dansa barsiisu tahi, huji Waaqa ch'ufa guuti. Hojjaani sorio na baasani ya geete; hojjaani anini jireenna kana keesaa bahu ya geete. Anini ya haga dandau utaale, dogoomsu tiyya la hobaafad'e, d'ugefacha ya jabeese. Amma galata dabsachaati na eegata, ammo sure d'ugaa ta Aabbooni jaallabi d'ugaa guyya suni naa kennuti na eegata, na ch'allaaniti ammo worra jaalalaani d'ufiisa isaa eegu ch'ufa. Jabaad'u, hurrisi nati kooti. Demani ya waan lafaa jaalate na lakise, Thesalonike d'aqe. Luka ch'allaani woliini jirra. Mariko barbaadi, woliini koota, inni huji na qarqaaru indandaa. Anini Tikiko gara Efeso erge. Yo d'uftu, kooti kiyya ka anini Troa keesa mana Karpoti lakise na kootiini; kitaaba ch'ufaani kooti, keesuma tatabe gogaa. Iskandani, ka tumtu, waan hamtu na tolche; Aabbooni waan inni na tolche isa tolchiinna. Ufira isa eegi, inni guddo d'aamsa keenna dide. Gaafa anini guyya qara ufi dubbad'e, nami tokoleeni na inqarqaare; nami ch'ufti na biraa yae. Waaqi waan suni worrati inheregiini! Ammo Aabbooni na woliini tae naa jabeese, aka anini dubbi ch'ufa gosa d'ibileti odeesu; afaani nyeench'a keesaa naa baasani. Ammalle Aabbooni hameenna ch'ufa keesaa na baase, haga anini Finna isaa argad'uuti na qorqorata. Guddinni ammafi hegerile ka isaa tahinna! Amini. Anini nagaya Priskafi Akila d'aama, worra Onesiforole. Erastoni Korinthoti hafe, anini Trofimo Miletoti lakise, waan inni fayya d'abeefi. Jabaad'u, bulti qabanna duraa kooti. Eubulofi Pudefi Linofi Klaudiafi oboleyaani ch'ufti nagaya isanii d'aamani. Aabbooni lubbu tante woliini tahinna. Eebitileeni isani ch'ufa woliini tahinna. Maqaani kiyya Paulo, anini hojattu Waaqatiifi ergattu Yeso Kristo. La na fohatani aka anini d'aqe, d'ugefacha worra Waaqi fohate qarqaare, d'uga aadaani teenna, ta jireenna hegeri abdattu barsiiftu worra barsiisu. Waaqi, ka d'ara indubbanne, ya jireenna kana duru nuu kakhate, hojjaani geennaani dubbi ufi keesati nuti mullise. Waan kana harka kiyyati kennani, d'aamsa Waaqa, ka Qarqaarsa keenna, gula odeesa. Anini tatabe tana Titoti t'aafa; inni ilma kiyya ka d'uga, d'ugefacha nu woliini qamnu tana keesa: Waaqa Abbaafi Yeso Kristoni, Qarqaarsi keenna, eebafi nagaya isanii kenniina. Anini aka atini waan tolchu malani guutuufi lafa Krete keesati si lakise, ammalle aka atini dira ch'ufa keesati jaarole gumi fohattu. Gorsa kiyya qaabad'u: jaarsi wollaala qabaachu himmalle; niiti toko ch'alla qabaachu male, ilmaani isaa d'ugefacha qabaachu malte, ijoolle hamamtu ta aka bineensa jirtu, ta dubbi nama inch'aqamne intahiini. Maro inni huji Waaqa harka qabuufi inni wollaala qabaachu himmalle. Kiyyibe miira indiqaatiini, farso d'uge namaani woldide insabdaiini. Ha nama bulche waan dansa jaalatu. Ha ufi qorqorate qajeele, qulqullo tahe, adaba dansaani deemu. Dubbi d'uga ha aka dansa jabeesu, ta d'ugefataniifi ta waan barsiisatini woli fakaattu. Kara kanaani inni dandae nama d'ibi barsiisa d'ugatiini qarqaare, wollaala nama didule agarsiisa. Wonti akanatiifi nama hedduti jira, ka dubbi ch'aqasu dide dubbi d'aratiini nama sobu, keesuma worri aada Yahudi iti galefaani. Sila worra dubbachu d'owu malani; wonti akanatiifi waan barsiisu himmalini barsiisani, akanaani ollowaani heddu balleesu jirani, aka hori argatani. Namichi Krete toko, ka raaga worraa waan jed'e: Jari Krete ch'ufti kiyyiba, bineensa hama, ammalle sabdi woma hojachu imfeene. Wonti inni jed'e sunini d'uga. Maro waan kanatifi aka dansa worra gorsu malte, aka worri d'ugefacha qit'e horate odu Yahuditiifi seera nama d'ugaa dide iraa d'ufu lakisu. Nama qulqulloti wonti ch'ufti qulqullo; ammo worra t'uri, ka ind'ugefanne, wonti tokoleeni iti qulqulloniti, maro qalbifi heregi worraa t'uri qabuufi. Waaqa beenna ufiini jed'ani, ammo hujiini worraa ind'areesiti. Worri nama jibbani, namale inch'aqasu, waan dansa tokole dandae intolchu. Ammo atini, waan barsiisaani d'ugaa feetu barsiisu malte. Jaaroleeni, Ufi iwolaaliina, qalbi horad'a, ufi qorqorad'a; d'ugefacha dansaafi jaalalafi obsa horad'a jed'iini. Akasuma jaarole nad'eenileeni, Aka nad'eeni jireenna qulqullo qabdu taha jed'iini. Nama hamattani yokhaani tisse farsole intahiina jed'iini. Waan dansa barsiisu malte aka nad'eeni kaima jaalala d'iirsatiifi ta ijoolle ufi baratte, ufi qorqoratte qulqulloomte, hallaqoomafi adabaani d'iirsa ufi saalfattu, aka nami tokoleeni hameenna dubbi Waaqa indubbanne. Akaskasuma kaimaleeni, Ufi qorqorad'a jed'iini. Atini akheekha huji dansa waan ch'ufa keesati worraa tahi. Barsiisa tante jabeesi, aka dansa barsiisi. Dubbi dansa ta nami dandae intufanne dubbad'u aka nyaapi kanke waan nuuni jed'u, d'abe ch'eeru. Tisseleleeni ha abbooti ufi guutte waan tolchitu ch'ufaani gammachiiftu. Ammalle dubbi afaani keesa deebifte, abbooti woma dura inhatiini. Ammo ha dansoomafi d'uga garsiisani, aka barsiisa Waaqa Qarqaarsa keenna, waan tolchani ch'ufa keesati, d'ugeesitu. Wonti akanatiifi Waaqi ya eeba ufi, maro baafama nama ch'ufatiifi, mullise. Eebiti sunini waan nuuni jettu, waan hamtu ka Waaqi infeenefi d'araa nafa lakisa, ufi qorqorad'a, qajeela, lafa tana keesa jireenna Waaqi fed'u keesa taa. Ato Guyya eeba ka nu abdannu eegannu, guyya guddinni Waaqa Guddafi Qarqaarsa keenna Yeso Kristoni mullatu. Inni nafa ufi nuu kenne, aka hameenna ch'ufa keesaa nuu baase, gumi isaa qulqullo, ta waan dansa tolchu feetu nu tolchu. Waan kana nama barsiisi, jabeenna kanke ch'ufaani nama si ch'aqasu ch'ufa jabeesi, gorsi. Nami tokoleeni si intufatiini. Gumi teetiini, Dubbi jara lafa fidutiifi ta worra gugurda ch'aqasa, guuta, waan dansa ch'ufa tolcha jed'i qaabsiisi. Hameenna nama tokole indubbatiina, ammo hojja ch'ufa nagayafi jaalafi adaba dansaani nama ch'ufa woliini taa jed'iini. Wonti akanatiifi nuleeni duri daalle, dubbi inch'aqamne, ta wollaala tolchitu. Nu tissele d'araa nafatiifi gammada gosa ch'ufaa taane. Jireenna keenna ch'ufa daallumafi d'iibi keesa teenne. Nami hedduuni nu jibbe, nuleeni worra jibbine. Ammo naasufi jaalalti Waaqa Qarqaarsa keenna mullannaani, inni nu baase. Maro huji dansa nu hojannefiniti, ammo maro naasu isaatiifi nu baase, Lubbu Qulqullooni nu d'iqe, isiini d'aloota hareesafi jireenna haraa nuu kennite. Wonti akanatiifi Waaqi guddiseti Lubbu ufi nura buuse, maro Yeso Kristo Qarqaarsa keennatiifi, aka maro eeba isaatiifi nu Waaqaani wolti araaramne jireenna hegeri ka nu abdannu argannu. Jechi kunini ka d'ugaati. Anini sii waan kana aka dansa jabeesitu fed'a, aka worri Waaqa d'ugefatu ch'ufti huji dansa jabeese hojatu. Wonti kunini waan dansa, nama ch'ufayu ira jirti. Ammo wolmormiti daallumatiifi maqa heddu ka ababootatiifi woldidiisafi had'iisa waan seera lakisi. Wonti kunini ch'ufti woma tokole imbaatu. Nama gargari nama baasu maro lama gorsi, duuba iti deebite maqale ind'aiini. Nami akana kunini hama, dabi isaatu aka inni wollaala qabu agarsiisa. Yo anini Artema yokhaani Tikiko siti ergu, jabaad'u, Nikopoliti nati kooti, anini ya aka haga bulti qabanna achi tau heregad'e. Zena, nama seeratiifi Apolo haga dandeetu qarqaari, aka worri imaltu ufi yau, waan worri fed'u ka woreega ch'ufa kenniifi. Biyya teenna aka huji dansa tolchani aka waan fed'ani argatani barsiisi, ufuma intataiina jed'iini. Jari na woliini jiru ch'ufti nagaya d'aama. Jaalaani teenna ta d'ugefatte nagaya nu fuud'i. Eebiti Waaqa isani ch'ufa woliini jiraatiinna. Maqaani kiyya Paulo, nama maro Kristo Yesotiifi hid'aani, ammalle oboleesa keenna Timotheo woliini jira. Gara jaala Filemoni ka nu woliini hojannuufi. Gara jaalafi nama nu woliini hojatu Filemonifi gara gumi mana kanke keesati wolwoldeetufi gara oboleeti teenna Afiafi askarticha keenna ka nu woliini hojatu Arkipo tatabe tana t'aafa. Waaqa Abba keennafi Aabbo Yeso Kristoni eebafi nagaya isanii kenninna. Hojja anini Waaqa kad'ad'u ch'ufa, oboleesa Filemoni, anini maqa kanke d'ae galata Waaqa deebisa. Anini jaalala atini gumi Waaqa ch'ufa jaalatufi d'ugefacha atini Aabbo Yeso d'ugefattu ya d'agaye. Wonti anini hojja ch'ufa Waaqa kad'ad'u, aka wold'aqisi keenna, d'ugefacha teenna keesa, hubacha eeba ta Kristo keesa jirtu, ta hagasira guddo nuu kennu. Jaalalti tante, oboleesa kiyya, ya gammadafi jabeenna gudda naa kennite! Wonti akanatiifi atini ya nama Waaqa ch'ufa gammachiifte. Maro waan kanatifi anini sila, aka oboleesa kanke Kristo keesa, garaa jabaad'e, Waan tolchu malani tolchi siini jed'a. Ammo waan anini si jaalad'uufi, wo si kad'ad'a. Anini waan kana ato Paulo nama maro isaatiifi hid'aansa keesa jiru taatele, inuma jed'a. Tanaafi maro Onesimo, ilma kiyya, Kristo keesatiifi, anini wo sii kad'achu fed'a; hid'aansa keesati anini kara lubbutiini abba isaa tahe. Duri inni woma sii imbahu, ammo anafi sile amma wo nuu baha. Anini isaa siti deebisa, ammo yo akasi tolchele garaani la lama na tahe. Anini isa arma na woliini tau fed'a, haga anini maro Odu Dansaatiifi hid'aansa keesa jiru, aka inni fulla tante na qarqaaru. Taatule anini irreeni, Na qarqaari siini injed'u; ammo sii fed'i teetiini tolchitu fed'a. Tanaafi haga atini ee jettuuti anini woma intolchu. Hegeri Onesimoni haga diqa toko si biraa deeme, aka eegi deebie, haga hegeri si woliini tau. Amma inni tisseeniti ammo tisse ira jira; inni oboleesa Kristo keesati. Inni guddo naa jaba! Si hagasira jabaata, waan inni tissetiifi oboleesa Aabbo keesa, taheefi. Tanaafi yo aka oboleesa na heregatte, akuma sila na heregattu, isaale heregad'u. Yo inni wollaala tokole sii tolche, yokhaani gati tante qabaate, nati heregad'u. Anini waan kana harkuma kiyyaani t'aafa: Anini, Pauloni, sii baasa. Ammo aka atini jireenna kanke maro tiyya qabdufu yaala bahi. Tanaafi, oboleesa kiyya, waan kana na tolchi, maro Aabbootiifi; garaa kiyya gammachiisi, aka oboleesa Kristo keesa. Anini inheregad'a ato sii t'aafu, aka atini waan kana naa tolchitu, waan hagana ira jirule naa tolchita! Ammalle fulla bulti naa tolchi, anini inheregad'a, hegeri Waaqi kad'acha teesani d'agayeti harka keesaniti na deebisa. Epafraani, ka hid'aansa keesa maro Kristo Yesotiifi na woliini jiru, nagaya sii d'aama; worri na woliini hojatu, Marikofi Aristarkofi Demafi Lukaleeni nagaya d'aamani. Eebiti Aabbo Yeso Kristo ha isani woliini jiraatuuti. Duri Waaqi maro heddufi aka heddu afaani raagootatiini ababoota teennati dubbate, ammo ammatana, bara eege kana keesa la Ilma isatiini nuti dubbate. Waaqi waan gubba jira ch'ufa isaani uume, isa fohate, aka gaafa muumme inni waan ch'ufa d'aallu. Inni ifsa guddinna Waaqatiini biliqa, akuma Waaqi jiru innileeni jira, waan uumani ch'ufa dubbi jabeenna isatiini olqaba. Eegi daba nama iraa qulqulleese, inni gubba harka mirga ka Waaqa Guddinna gubba tae. Malaika ira yayu Ilma guddisani, akuma maqaani inni argate suni maqa worraa ira jiru. Wonti akanatiifi Waaqi taka yoomi malaika tokoleeni akana jed'e, Atini Ilma kiyya; anini arra yayu abbaa sii tahe. Yokhaani ammalle, Anini abba isaa tahe, inni Ilma naa taha. Ammalle gaafa Ilma angafa lafaani d'ufe inni waan jed'e, Malaikaani Waaqa ch'ufti ha isa guddiftu. Inni waan malaika dubbate waan jed'e, Inni malaika ufi bubbe tolche, hojattu ufi araba ibida tolcha. Ammo waan Ilma, Waaqi waan jed'e, Hayyumti tante, Ee Waaqa, haga hegeri jirti! Anini d'ugaani nama fidda. Atini d'uga jaalatte d'ara jibbita. Maro waan kanatifi Waaqi, Waaqi kanke, si fohate, gammada guddinna ka wahela keti ira jiru, sii kenne. Ammalle inni waan jed'e, Aabbo, atini gaafa qara lafa uumte, harka keetiini gubba mid'aasite, gubbaani tuni ch'ufti imbaddi, ammo atini inhafta. Isiini ch'ufti aka woya jaarti; atini aka woya isi woli ira dachaafta, isiini aka woya jijiramti. Ammo atini kanuma, haguma jirtu inuma jirta. Waaqi taka malaika isatiini, kooti, harka kiyya ka mirga tai, haga anini nyaapa kanke barch'uma miila kanketi tolchuuti injenne. Malaikaani maani re? Worri lubbu Waaqaa hojattu, ammalle isati worra erga, aka worra baafama argatu qarqaartu. Maro waan kanatifi nu dubbi d'ageenne tana jabeesu male, aka iraa ingorre. Yo d'aamsi malaikaani jette suni d'ugaa tahe, ammalle yo nami ind'ugefanne yokhaani ka ee jed'e imfud'anne ch'ufti gaargala argate, akamiini dandeenne baana, yo nu baafama akana kana injabeesine? Aabbooni baafama kana qara yayu hime, worri isa d'agaye, aka isiini d'uga aka dansa nu beesise. Waaqileeni d'uga ufi ta worrati dare, akheekhafi waan mamatiifi waan jabdu heddu tolche. Ammalle Lubbu Qulqullo fed'i ufi gula namaa qoode. Waaqi lafa d'uftu ta sila uumu malaika iti guddo intolchine — lafa nu teenne waan isi dubbannu. Ammo akuma t'aafi keesati fulla d'ibi t'aafani, Nami maani, Ee Waaqa, ka atini waan isaa hereddu? Yokhaani nami maani, Ee Waaqa ka atini teete waan isaa qulqultu? Atini haga diqa toko malaika ira isa diqeesite, atini boku guddinna ka hayyuma isaa kennite, aka inni waan ch'ufa mohatu tolchite. Waan jed'ani, Waaqi nama aka inni waan ch'ufa mohatu tolche; waan ch'ufa jechaani waan tokole iraa inhambimne jecha. Ammo nu ammatana nama waan ch'ufa fidu inarginu. Ammo Yeso ingarra! Haga diqa toko malaika ira diqeesani, aka inni eeba Waaqa gula maro nama ch'ufatiifi duu. Maro duisa inni due suniifi, ammatana boku guddinna ka hayyuma isaa kennani. Aki Waaqi, ka waan ch'ufa uume qorqoratu, gaargala Yesoni argateeni isa qit'oomsu fullaa, aka ilmaani heddu guddinna isaa qoodachiisu. Wonti akanatiifi nami worra dura deeme baafama worraa kennu Yeso. Yesoni nama ch'ufa daba iraa qulqulleese, isaafi worri qulqulleesanileeni ka Abba taka tahani. Maro waan kanatifi Yesoni, Oboleyaani worraani jechu inch'eere. Inni waan jed'u, Ee Waaqa, anini waan kanke oboleyaani tiyyati dubbad'e, gumi isaani ch'ufa durati maqa kanke faarsa. Inni ammalle waan jed'u, Anini abdi tiyya Waaqa ira keyad'a. Ammalle inni waan jed'u, Anini ijoolle Waaqi naa kenne woliini jira. Waan ijoolleeni suni nama nafafi d'iiga qabu taateefi, Yesoleeni aka worraa tahe nafa argate. Wonti inni akasi tolcheefi, aka duisa isatiini Sheet'ana, ka duisa ira jabeenna qabu dabsatu. Akanaani worra haguma jiru tissele duisa tahe duisa sodaate, tissooma suni keesaa baasu. Aki inni malaika inqarqaarre mirkana, ammo akuma t'aafiini jettu, Inni d'aloota Abrahamu qarqaara. Tanaafi inni kara ch'ufaani, akuma oboleyaani isaa tahu male, aka qaallu gudda ka d'ugatiifi ka naasu, huji Waaqa keesati tahe daba namaa araaramu. Duuba waan isale duri ilaalatani garagalchaniifi, inni dandae worra ilaalatani inqarqaara. Oboleyaani tiyya ta Kristiana, Waaqi ya isanile yaame! Yeso ka Waaqi erge, aka Qaallu Gudda d'ugefacha teenna tahu, ilaala. Akuma Musani duri huji Waaqa ch'ufa guute, mana isaa keesati, akasuma Yesoleeni huji Waaqi isa fohateefi guute. Nami mana jaaru, mana suni ira gurra argata. Akuma suni Yesoni Musa ira guddinna argachu male. Mana ch'ufa namati jaara — ammalle waan ch'ufa Waaqati jaare. Musani huji Mana Waaqa ch'ufa guute. Inni hojattu, waan Waaqi hegeri dubbatu ch'ufa la dubbate. Ammo Kristoni aka Ilma mana Abba qorqoratu waan ch'ufa guute. Nu mana isaati, yo nu waan abdannu, soda male, garaa jabaanne d'ugefanne. Tanaafi, akuma Lubbuuni Qulqullooni jettu, Yo qonqo Waaqa arra d'ageettani, aka duri mata jabaatani Waaqa diddani, amma indidiina, aka gaafa duri lafa gamooji keesati isa ilaalattani. Achiti ababooti teesani nati gamte, ato waan anini ganna afurtama keesati tolche argitele. Maro waan kanatifi anini worra kanati dalane, waan jed'e, Worri kuni hojja ch'ufa waan heregu keesati wollaala qaba, taka kara kiyya imbaranne anini dalane kakhad'e waan jed'e, Worri kuni haguma jiru boqota anini worraa kurfeese inargatu! Oboleyaani tiyya, eegad'a, aka nami tokoleeni, isani keesa, garaa hama ka ind'ugefanne argate Waaqa jireenna iraa garingale. Ammo aka dabi nama tokole yake sobe mata injabeesine, guyya ch'ufa woli qarqaara, haga t'aafiini, Arra jettu ch'ufa. Nuuni ch'ufti Kristoni woli wahela, yo nu d'ugefacha teenna haga muumme jabeesine qabanne. T'aafiini akana jetti: Yo qonqo Waaqa arra d'ageettani, aka duri mata jabaatani Waaqa diddani indidiina. Eentu qonqo Waaqa d'agaye dubbi isaa dide? Worra Musani Misiri keesaa yaame ch'ufa. Waaqi ganna afurtama eennuti dalane! Worra daba tolche, ka lafa gamooji keesati raawate ch'ufa. Gaafa Waaqi khakhate, worri kuni haguma jiru boqota anini worraa kurfeese inargatu jed'e, Inni waan eennu dubbate? Inni waan worra dubbi isaa dide dubbate. Tanaafi, aka worri waan d'ugefachu dideefi boqota suni argachu dad'abe argina. Duuba, Waaqi ya nuti kakhate, aka nu olseene isa woliini boqonnu. Tanaafi nu qorqorachu malle, aka isani tokoleeni boqota suni ind'amne. Nuleeni, akuma worra, Odu Dansa d'ageenne. Worri Odu Dansa ya d'agaye, ammo woma worraa imbaane, maro d'ageennaani d'ugefachaani imfud'atiniifi. Nu, worri d'ugefate, olseenne Waaqa woliini boqonna. Akuma inni jed'e, Anini dalane kakhad'e waan jed'e, Worri kuni haguma jiru boqota anini worraa kurfeese inargatu. Ato hujiini isaa ta duri ta uumama hobaatele inni waan kana la dubbate. Wonti akanatiifi fulla toko t'aafiini waan guyya torbeeso akana jetti, Waaqi guyya torbeeso huji ufi ch'ufa iraa boqote. Ammalle waan dubbi tana dubbatani, Worri kuni haguma jiru boqota anini worraa kurfeese inargatu! Worri qara Odu Dansa d'agaye, boqota suni inarganne, waan Waaqa didaniifi. Ammo nama gari boqota suni inargata. Maro waan kanatifi Waaqi guyya d'ibi fohate ka Arra jed'ani. Ganna heddu eegi suni afaani Dauditini dubbate, t'aafi qara maqa d'aani keesati, waan jed'e, Yo qonqo Waaqa arra d'ageettani, mata jabaatani indidiina. Ato sila duri Yoshuani worra suni boqota suni kenne, Waaqi eegi suni waan guyya d'ibi indubbatu. Tanaafi boqota gumi Waaqa injira ammalle, akuma Waaqi guyya Sabato boqote suni. Wonti akanatiifi nami boqota Waaqi kennuufi argatu ch'ufti akuma Waaqi huji isaa iraa boqote boqota. Tanaafi nu haga dandeennu jabaachu malle, aka boqota suni argannu. Nuuni tokoleeni, aka worri suni ch'aqasu dide boqota argachu dad'abe, tahu himmalle. Wonti akanatiifi dubbini Waaqa jireenna qabdi, ammalle jabdu. Sheefti ch'ufa ira qara qabdi. Nafa ch'ufa tarsaafti, haga fulla onneefi lubbuuni wolti ejitufi fulla mitafi d'uuti wolti ejitu. Isiini fed'ifi herega garaa nama ilaalti. Waan tokole dandaani Waaqa ind'ossani. Wonti lafa keesa jira ch'ufti ila isaa dura jirti; isa durati waan keenna ch'ufa himachu malle. Tanaafi d'ugefacha teenna jabeesu male. Nu qaallu gudda ka fuula Waaqa dura seene qamna — Yeso, Ilma Waaqa. Qaalluuni keenna guddaani nama laafinna keennaa nahu diduniti; ammo nu qaallu gudda, ka akuma keenna kara ch'ufaani ilaalatani, ammo daba intolchiini qamna. Tanaafi jabaanne, barch'uma Waaqati d'ufu male, fulla eebiti jirtu. Achiti naasufi eeba arganna, ta hojja nu d'iba qabaanne nu qarqaartu. Qaallu gudda jiddu nama keesaa fohatani, aka maro namatiifi Waaqa hojatu. Inni waan Waaqaa baasaniifi sorio ta daba baaftu baasa. Nama daallefi ka wollaala tolchu obse gorsu dandaa, waan innileeni laafinna qabuufi. Maro waan kanatifi inni, maro daba gumi ch'allaaniti, ammo maro daba ufile sorio qallu male. Nami guddinna kana ufiini imfud'atu, ammo Waaqati yaama, akuma duri Haruni yaamani. Akasuma Kristoni guddinna kana ufi fud'ate qaallu gudda ufi intolchine, ammo Waaqi waan isaani jed'e, Atini Ilma kiyya, anini arra ya abbaa sii tahe. Fulla d'ibileti inni waan jed'e, Atini qaallu haga hegerile jiru taata, aada qaalluma ta Melkizedeki gula. Gaafa lafa jiru, Yesoni qonqo guddofi imimaaniini aka male Waaqa kad'ate, ka dandae duisa keesaa isa baasu. Waan inni Waaqa sodaateefi Waaqi isa d'agaye. Ammo, ato Ilma Waaqa tahele, inni kara gaargalatiini Waaqa guutu barate. Inni qit'oomnaani, abba baafama hegeri ka nama isa saalfatu ch'ufaa tahe, Waaqi qaallu gudda isa tolche, aada qaalluma Melkizedeki gula. Waan hedduti jira, ta sila nu dubbi tana irati jennu, ammo guddo jabaatti, aka isaniti himnu, waan isani guddo mata jabaattaniifi. Isani hojja tana jara nama barsiisu tahu maltani, ufiiftu nama waan qara ta dubbi Waaqa isani barsiisu feetani. Isani harma hod'u maltani, sagale jabdu indandeettani. Wonti akanatiifi nami harma hod'u ammalle ijoolle, d'arafi d'uga gargari imbeekhu. Ammo sagaleeni jajabduuni ta nama gugurdati, ka hubacha argate waan dansaafi hamtu gargari beekhu. Yo Waaqi jed'e akana tolchina. Nama qara d'ugefate eege lakise iraa bade dandaani daba iraa wo deebisani? Duri worri ifsa Waaqa keesa jira, galata gubba miefate qooda ufi ka Lubbu Qulqullo argate. Aka dubbini Waaqa dansa argani, ammalle jabeenna d'aloota d'ufule beekhani. Amma ya jigani! Tanaafi dandaani daba ira indeebisani, waan Ilma Waaqa ammalle mukha irati fannisani nama ch'ufa durati ch'eersaniifi. Lafa guyya ch'ufa bisaani d'udde ta mid'aani iti oobrani abba iti oobre baaftu Waaqi ineebisa. Ammo yo qoraatifi harama guddo baafte woma imbaatu; Waaqi hegeri inabaara, eege ibidaani balleesani. Ammo yo akasi dubbannele, jaalaani teenna, nu waan keesani ya quumne. Nu imbeenna, aka isani eeba guddo ta baafama isani kennitu qabdani. Waaqi ka d'ugaati. Inni huji isani maro isa jaalattaniifi tolchitani inded'u, hojja isani gumi Waaqa duri qarqaartani arrale qarqaartani. Fed'iini teenna guddooni, aka isani owa amma qabdani kana, haga muumme teetanini, aka wonti isani heregatani ch'ufti isanii taatu. Nu isanii lalaaftani imfeenu, ammo aka worra d'ugefate obsu taatani feena, aka waan Waaqi kakhate argattani. Gaafa Waaqi Abrahamuti kakhate, inni aka waan qara jed'e guutu kakhate. Waan nami tokoleeni ka isa ira gudda injirreefi, inni gaafa kakhate maqa ufi d'ae. Inni waan jed'e, Anini inkakhad'a, aka si eebise, ilmaani heddu sii kennu. Abrahamuuni obse jennaani waan Waaqi iti kakhate argate. Yo nami kakhatu, inni maqa nama isa ira jirutiini kakhata, ammalle kakhuuni waan nami irati wold'abe ch'ufa ind'ugefachiifti. Waaqi worra waan inni iti khakhate argate ch'ufa diideese iti himu fed'e, aka qalbi ufi garingalfanne, tanaafi aka jaba kakhate. Duuba waan lamati jira, ta injijiramneefi ta Waaqi dandae irati inkiyyimne. Abdiini tuni jabduu aka male nu jabeesiti. Isiini jabdufi d'uga, ammalle golla Mana Waaqa ka gubba jiru keesa seenti, haga Fulla Qulqullo. Yesoni ya maro teennaafi nu dura seene. Inni ya qaallu gudda haga hegeri tahe, aada qaalluma Melkizedeki gula. Qaallichi Melkizedekiini kunini duri hayyu Salemuti, ammalle qaallu Waaqa Guddaati. Ato Abrahamuuni duula d'aqa hayyoota fit'e galu, Melkizedekiini isa arge eebiseefi. Abrahamuuni qooda kud'anneeso ka waan qabu ch'ufa kenneefi. Maqaani qara ka Melkizedeki Hayyu D'ugaati. Maro inni hayyu Salemutiifi, maqaani isaa ammalle Hayyu Nagayaati. Melkizedekiini abbaafi haad'a inqabu, ammalle ababootale inqabu; d'alootafi dua isale nami imbeekhu. Inni aka Ilma Waaqaa jira: haga jiru qaallu. Aka inni gudda inagartaniyu? Abrahamuuni, abbaani keenna guddaani qooda kud'anneeso, ka waan inni boojie ch'ufa, kenneefi. Qaaloleeni d'aloota Lawi Seeri gula qooda kud'anneeso ijoolle Israeli iraa guurachu indandeetii worri gosuma ufi ira fud'ata ato worri d'aloota Abrahamu tahele. Melkizedekiini d'aloota Lawitiniti, ammo qooda kud'anneeso Abrahamu iraa fud'ate, nama Waaqi kakhateefi argatte eebise. Aka nami nama eebisu nama eebisanifi ira jiru nami tokoleeni mormu indandau. Qaaloti qooda kud'anneeso nama iraa guurtu indooti; ammo Melkizedekiini ka qooda kud'anneeso nama iraa guure, akuma t'aafiini jettu ammalle injira. Tanaafi gaafa Abrahamuuni qooda kud'anneeso baase, Lawileeni, ka d'alooti isaa nama iraa guuru, ufile imbaase. Lawini gaafasi ind'alanne, ammo gudeeda abba isaa Abrahamu keesa jira, gaafa Melkizedekiini isa arge. Aada qaalluma Lawi gula Seera gosa Israeliti kennani. Yo sila aadaani qaalluma Lawi sunini qit'e taate, wonti qaalluuni d'ibiini, ka aada Melkizedeki, ka aada Haruni intahiini, d'ufuufi injirtu. Wonti akanatiifi yo qaalluma garagalchani, Seerale garagalchu malani. Aabbooni keenna, ka waan kana waan isaa dubbatani, gosa d'ibi; gochiti isaa taka qaallu, fulla sorio iti qalani, intaane. Aka inni gosa Yuda guddo beekhani; Musaleeni gosa tana maqa ind'oomne, gaafa inni waan qaalole dubbate. Dubbini tuni haga qarale ira qulqullofti: qaalluuni d'ibiini yayu mullate, ka aka Melkizedeki jiru. Seerafi aada namaa gula inni qaallu intaane; ammo jabeenna jireenna muumme inqamnetiini qaallu tahe. Akuma t'aafiini jettu, Atini haga jirtu, aada qaalluma Melkizedeki gula, qaallu taata. Duuba akanaani aada duri ya lakisani, waan isiini laaftu ammalle woma imbaaneefi. Seeri Musa dandae woma tokole inqit'eesu. Amma abdi d'ibiini ya d'ufani, ta Waaqati nu d'ieesitu. Ammalle kakhu Waaqati jira. Gaafa jara kaani qaalole tolchani, kakhuuni tunini injirtu. Ammo Yesoni kakhuuni qaallu tahe, gaafa Waaqi, Aabbooni ya kakhate, qalbi ufi gara ingalfatu: Atini haga jirtu qaallu taata isaani jed'e kaani. Maro Yesotiifi, aka wold'aqisa ch'ufa ira dansa qamnu, ufi beenna. Ammalle qaaloleeni duri heddu; waan worri duufi huji ufi guutu dad'abde. Ammo Yesoni haga hegeri jira, duuba hujiini isaa ta qaalluma nama d'ibiti indabartu. Ammalle inni indandaa, ammafi hegerile, aka worra isa gula Waaqati d'ufu baasu, waan inni haga hegeri Waaqa worraa kad'atuufi. Yesoni duuba Qaallu Gudda, ka fed'i teenna ch'ufa nuu guutu! Inni qulqullo, wollaalafi daba tokole inqabu; isa ya worra ch'ubbutiini gargari basaani, gubbati olgeesani. Inni aka qaalole gugurdo taani injiru ta guyya ch'ufa sorio qaltu, qara maro daba ufitiifi, ammalle maro daba namale. Inni sorio toko baase, taka quba ch'alla, gaafa nafa ufi baase. Seeri Musa, nama qit'e intahiini qaalole gugurdo tolcha, ammo kakhuuni Waaqa, ta eegi Seera d'ufte, Ilma fohatti, ka haga hegeri qit'e tolchani. Wonti nu jennu tana: nu qaallu gudda akana ka barch'uma Waaqa Gudda harka mirga gubbaa tau qamna. Inni huji qaallu gudda Fulla Qulqulloti hojata, waaro Aabbooni d'aabe keesa, ta nami d'aabeeniti. Qaallu gudda ch'ufa aka inni galatafi sorio Waaqaa baasu fohatani, tanaafi qaallichi keenna guddaleeni wo baasu male. Yo sila inni lafa jiraate, qaallu tahu indandau, waan, aada Seera Yahuda gula, qaaloleeni galata baaftu jirtuufi. Hujiini worri aka qaalole hojattu gaandidufi fakeennuma waan gubba jiraati. Musaleeni akuma kana. Gaafa inni diquma waaro ind'aabiini, Waaqi waan jed'eeni, Waan ch'ufa akuma gaara gubbati argite gula tolchi. Ammo Yesoni ya huji qaalluma ta ta worra iraa jirtu argate, akuma wold'aqisi inni Waaqafi nama jidduti tolcheleeni ira dansa. Wonti akanatiifi wold'aqisi sunini kakhu waan ira dansa qaba. Yo sila wold'aqisi qara qit'e tahe, wonti ka lameeso tolchaniifi injirtu. Ammo Waaqi wollaala gumi isaa irati arge waan jed'e, Aabbooni waan jed'u, Guyyaani ind'ufa, ka anini wold'aqisa haraa gosa Israelitiifi ta Yuda woliini tolfad'u. Aka wold'aqisa anini ababoota worraa woliini tolchetiiniti, gaafa anini worra harka qabe lafa Misiri keesaa baase. Worri wold'aqisa anini worra woliini tolche injabeesine; tanaafi anini waan worraa iyaalle, Tunini dubbi Aabbo Waaqi jed'e. Aabbo waan jed'u, wold'aqisi taka tana gosa Israeli woliini tolchu kana: Anini Seera kiyya qalbi worra keesa kaye, garaa worra keesati t'aafa. Anini Waaqa worra taha, worrileeni gumi tiyya taha. Nami tokoleeni gaafasi nama d'ibi imbarsiisu, yokhaani nami tokoleeni oboleesa ufitiini, Aabbo beekha injed'u. Wonti akanatiifi worri ch'ufti na beekha, diqaafi guddaani worraleeni. Anini ch'ubbu worra inaraaramaafi, iti deebie daba worra inqaabad'u. Waan wold'aqisa haraa dubbannaani Waaqi ka qara la dulloomse wonti dulloomatte ch'ich'ite ch'ufti yoosu baddi. Wold'aqisi qara aada kad'achatiifi fulla Waaqa iti kad'atani nami harkaani mid'aase qaba. Waaro d'aabani, bada isii Fulla Qulqullo jed'ani. Bada suni keesa ifsefi mesafi qit'a Waaqaa baasaniti jira. Golla lameeso duuba, waaro ta Fulla Fulla Ch'ufa Ira Qulqullo jed'aniti jira. Isi keesa fulla hit'aana iti aarsani ta worqiini mid'aasaniifi Sanduqa Wold'aqisa, ka Waaqa, ka worqi dibaniti jira. Sanduqi kaani eele worqi ta sagale manna jed'ani qabduufi ule Haruni, ta baala baaftefi d'akha lama ka dubbi wold'aqisa irati t'aafisa qabdu qaba. Sanduqa gubba fakeenna waan lubbu qabaati ka aka Waaqi achi jiru garsiiftuti jira, ta koola ufi fulla daba namaa araaramaniti balliftu. Ammo yoi waan ch'ufa diideesani himani, ammaniti. Eegi waan kana kurfeesani, qaaloleeni hojja ch'ufa bada waaro taani olseenti, aka huji ufi hojattu; ammo qaallu gudda ch'allati Waaro gaara keesa keesa seena, ammalle waan kana ganna keesati maro toko ch'alla tolcha. Qaalluuni kaani d'iiga fuud'e, aka maro ufitiifi, maro worra ato imbeekhiini daba tolcheefi, jed'e Waaqaa baasa. Lubbuuni Qulqullooni akuma dansa agarsiifti, aka karaani ka Fulla Fulla Ch'ufa Ira Qulqullo d'aqu ammalle imbanne, haga badaani waaro olejitu. Akheekhi kunini ammalle waan arra hima. Galatafi sorioni, ta Waaqa baasani, dandeete garaa nama Waaqa kad'atu inqulqulleesitu. Wonti kunini waan nyaataniifi waan d'uganiifi aada qulqulleesa ch'alla. Tunini ch'ufti seera alaati, ta haga Waaqi waan ch'ufa garagalche imid'aasiini ch'alla jirtu. Ammo Kristoni ya aka Qaallu Gudda, ka waan dansa lafa tana keesa jiru tahu d'ufe. Waarooni inni keesa hojatu waaro taani ira guddo, ammalle ira dansa. Nami imid'aasine, akasi jechaani waan lafa tana keesati uumaniiniti jechu. Gaafa Kristoni waaro ke bahe dabre Fulla Fulla Ch'ufa Ira Qulqullo maro toko keesa seene, inni d'iiga sorio reetiifi ka yabiye imfud'anne; ammo d'iiguma ufi fud'ate, baafama hegeri nuu tolche. D'iiga reetiifi ka koromitiifi daara jibicha sorio baasani nama qulqullo intahiiniti firfirsani, t'uri worraa iraa fuud'ani worraa qulqulleesani. Waan wonti kunini d'uga taateefi, d'iigi Yeso hagasi ira wo baha? Lubbu hegeritiini inni aka sorio d'uga Waaqaa ufi baase. D'iigi isaa herega keenna huji hamtu ira qulqulleesa, aka nu Waaqa jiru hojannu. Maro waan kanatifi Kristoni nama wold'aqisa haraa kurfeesu tahe, aka worri Waaqi yaame eeba hegeri ta Waaqi kakhate argatu. Wonti woni kuni taatuufi, maro duisi jiruufi ka wollaala wold'aqisa qara jalati tolchani, keesaa nama baasu jiruufi. Fulla d'aalti jirtu, nami iraa d'aalani qara duu male, d'aalti haga nami iraa d'aalani suni jiru injirtu, yo inni due ch'alla taati. Maro waan kanatifi wold'aqisi qaraleeni d'iigaani tahe. Qaraa fiit'e Musani Seera kitaaba Seera keesati t'aafani nama ch'ufati hime. Jennaani d'iiga yabiyetiifi ka korbeeyitifi bisaani fuud'e, kitaaba Seeratiifi nama ch'ufati qumbiifi butu diimtuuni fifit'e. Duuba waan jed'e, D'iigi kunini ka wold'aqisa Waaqi isanii tolche beesisu. Akasuma Musani Waarofi miha kad'acha ch'ufa d'iiga iti fifit'e. Ammalle Seera gula waan ch'ufa d'iigaani qulqulleesani; dabale, yo d'iiga jissani ch'alla araaramani. Tanaafi fakeenna waan gubba jirani sorio tanaani qulqulleesu malani. Ammo wonti gubba jirani sorio hagasi iraa feeti. Wonti akanatiifi Kristoni fakeenna fulla qulqullo, ta nami harkaani mid'aase keesa inseenne. Inni gubbati olgale, fulla inni amma maro teennaafi fuula Waaqa dura eju. Qaallichi Guddaani ka Yahudi ganna ch'ufa d'iiga horitiini Fulla Qulqullo seena. Ammo Kristoni maro heddu ufi baasu achi inseenne; yo akasi tolche, maro heddu haga lafa uumani sila gaargala. Ammo ammatana inni ya maro tokotu mullate, ka d'alooti ch'ufti diquma inhobaiini, aka sorio nafa ufitiini daba balleesu. Akuma nami ch'ufti maro toko ch'alla due, ammo eegi suni Waaqi nama qoru, akasuma Kristole maro toko sorio baasani, aka daba nama heddu baasu. Inni maro lameesole indeebia, aka daba balleesuuniti, ammo aka worra isa eegatu baasu. Seeri Yahudi fakeenna dansa ka waan d'ugaatiniti. Ammo inni gandidu waan dansa ka hegeri d'ufu ch'alla. Sorio takati ganna ch'ufa qalani baasani. Seeri yoosi akami dandae, sorio tanaani, worra Waaqati d'ufu qulqulleesa? Yo worra Waaqa kad'atu aka dansa daba iraa qulqulleesani, worri sila iti deebie daba ufirati inargu, sorio ch'ufa sila illakisani. Ammo sorioni baasani ganna ch'ufa daba nama qaabsiifti. Wonti akanatiifi d'iigi koromitiifi ka ree dandae daba imbaasu. Maro waan kanatifi Kristoni, ato diquma lafa ind'ufiini, waan Waaqaani jed'e, Atini soriofi waan sii baasani imfeetu, ammo atini ya nafa naa kurfeesite. Sorioni ta gubani si ingammachiiftu, yokhaani sorio ta daba baaftu. Jennaani anini waan jed'e, Anini kuno, Ee Waaqa, aka waan atini feetu ch'ufa tolchu, akuma kitaaba Seera keesati waan kiyya t'aafani. Qaraa fiit'e inni waan jed'e, Atini soriofi waan Waaqaa baasaniifi yokhaani sorio gubaniifi sorio daba baaftu imfeetu, isiini si ingammachiiftu. Inni waan kana, ato sorio tana Seera gula baasanile jed'e. Jennaani inni waan jed'e, Anini kuno aka waan atini feetu ch'ufa tolchu. Tanaafi Waaqi sorio duri ch'ufa balleese, sorio Kristo fulla isii kaye. Maro Yeso Kristoni waan Waaqi, Tolchi jed'eeni ch'ufa tolcheefi, sorioni nafa isaa yayu maro tokotu daba ch'ufa nura d'it'e. Qaaloleeni Yahudi ch'ufti guyya ch'ufa huji ufi hojatte sorio takati maro heddu baafti. Ammo sorioni tunini daba keesaa nama imbaaftu. Taatule Kristoni sorio toko maro dabaatiifi baase, sorio hojja ch'ufa dansa, duuba harka Waaqa ka mirga tae. Achi tae eega, haga Waaqi nyaapa isaa barch'uma miila isaa tolchuuti. Sorio tokooni inni ya worra daba iraa qulqulleesani haga hegeri qit'e tolche. Lubbuuni Qulqulloleeni d'uga nuu taati. Qara isiini waan jettu: Aabbooni waan jed'u, taka tana, Wold'aqisi anini worra woliini tolfad'u kana: Anini Seera kiyya garaa worraa keesa keyad'e, qalbi worrale keesati t'aafa. Ammalle isiini waan jettu, Anini deebie dabaafi hameenna worraa tokole inqaabad'u. Eegi waan kana ch'ufa araaramani, sorio daba baaftu iti deebiani imfed'ani. Tanaafi oboleyaani tiyya, nu Fulla Fulla Ch'ufa Ira Qulqullo, maro d'iiga Yesotiifi, soda male seenu indandeenna. Inni golla keesa kara hareesafi ka jireenna nuu bane; akasi jechaani nafa isaa keesa. Nu qaallu gudda, ka Mana Waaqa qorqoratu qamna. Koota yoosi, Waaqati d'iaanna, garaa d'ugatiifi ka d'ugefachatiini, garaa herega hameenna ira qulqulleesaniifi nafa bisaani qullooni d'iqaniini. Abdi nu eegannu jabeesiina, waan nu aka Waaqi kakhu ufi guutu heregannuufi. Waan woli herenna, wolqarqaarra, woljaalanne, waan dansa woli tolchina. Wolwoldeenna lakisu himmalle, aka nami gari tolchu jiru. Ammo woljabeesiinna, wonti akanatiifi aka guyyaani Aabbo d'iaatu argu jirtani. Wonti akanatiifi sorioni tokoleeni amma dandeete daba nuraa imbaaftu, yo nu beekha daba tolchine, eegi d'uga nuti himani. Wonti nuu hafe, aka waan eegi tana d'ufa sodaannu; qorsumafi ibida gudda, ka worra Waaqa didu balleesu. Nama Seera Musa didu ch'ufa naasu male ijeesani, eegi d'ugaani lamaa sadi, aka inni wollaala qabu himte. Nama Ilma Waaqa tuffatu, ka d'iiga wold'aqisa Waaqa ka isa qulqulleese bilaasha sehu, ka Lubbu eebaa arabsu, maal tolchani re? Gaargala isaa, aka inni hama, me herega! Nu nama, Anini haalo imbaafad'a, anini gati imfud'ad'a jed'e imbeenna. Ammalle ka, Aabbooni gumi isaa inqora jed'ele imbeenna. Waan guddo hamtuti, yo harka Waaqa jiru seenani. Aka isani duri jirtani qaabad'a. Gaafasi, eegi ifsaani Waaqa isaniti ifse, isani guddo gaargaltani, ammo gaargali suni isani indabsanne. Maro heddu gumi keesati isani arabsani gaargalchani, maro heddu worra akana tolchanile kalchu feetani. Isani gaargala worra hid'ani qoodattani, ammalle gaafa miha keesani ch'ufa saamani gammadaani obsitani, maro isani aka waan hagasi ira jira, ta haga jirtu teetu, qabdani beetaniifi. Tanaafi garaa jabaad'a, yo akasi tolchitani, gati guddo argattani. Isani obsu maltani, aka fed'i Waaqa tolchitani, waan inni kakhate argattani. Akuma t'aafiini jettu, D'iotu, nami d'ufu jiru ind'ufa, inturu. Taatule nama kiyya ka d'uga d'ugefateeti jiraata; ammo yo tokoleeni garagale anini iraa ingammadu. Nuu nama garagale baduuniti. Ammo nu d'ugefacha qamna, inuma baafamna. D'ugefacha jechaani aka waan heregataniifi waan ilaani ingarre d'uga iti qabaatani. D'ugefacha akana tanaani jaaroleeni duri gurra baafate. D'ugefachaani, aka lafti dubbi Waaqatiini uumamte beenna, aka wonti nami ilaani argu waan nami ilaani ingarre keesaa baate. D'ugefachati Habili sorio ta Kaini ira dansa baasise. Maro d'ugefacha isatiifi Waaqi, Nama d'uga isaani jed'e, waan Waaqi sorio isaa fud'ateefi. Maro d'ugefacha isatiifi Habilini arrale dubbata, ato duele. D'ugefachati Henoko duu d'owe. Fulla Waaqa isa geesani nami isa argu dad'abe, waan Waaqi isa gubbati olgeeseefi. T'aafiini, ato isa gubbati olingeesiini, inni Waaqa gammachiise jetti. Nami tokoleeni, d'ugefacha male, dandae Waaqa ingammachiisu. Nami Waaqati d'ufu, aka Waaqi jiruufi aka Waaqi worra isa barbaadu eebisu d'ugefachu male. D'ugefachati Nuhu gorsa Waaqa ka ilaani ingarre, ka hegeri taha, d'ugefachiise. inni dubbi Waaqa ch'aqase, hobolo ta keesati isaafi worri isaa bahe ijaare. Kara kanaani inni wollaala lafati mure, d'uga d'ugefachaani d'uftu argate. D'ugefachaani Abrahamuuni, gaafa Waaqi isa yaame ch'aqase, lafa Waaqi isaa kakhate d'aqe. Inni kae lafa ufi keesaa deeme, ka gara deemu imbeenne. D'ugefachaani inni lafa Waaqi isaa kakhate keesa tae, aka keessuma. Waaro keesa, akuma Isaaqofi Yakobo tae, ka kakhu suni Waaqa iraa argate. Wonti akanatiifi inni dira yayaba jaba qabu, ka Waaqi herege ijaare, eegachu jira. D'ugefachati Abrahamu ijoolle kenne, ato inni guddo jaare, niitiini isaa maseena taatele. Inni aka Waaqi kakhu ufi inch'absine ind'ugefate. Ato namichi kunini jaare rerepele, ijoolle aka urji jirtuufi ta aka maansa afaani galaana d'ale. Worri kunini ch'ufti d'ugefacha keesa due. Waan Waaqi lafa keesa worraa kakhate inarganne, ammo fagoti argani heregatani, ammalle, Nu keessuma baqa yaatu jed'ani diideesani himani. Nami waan akana kana jed'u aka lafa ufi barbaadu jiru; diideese agarsiisa. Waan lafa ta keesaa yaani inherenne, ammo yo sila fed'ani dandaani iti dachaani. Taatule lafa ira dansa barbaadani, lafa gubbaa jirtu. Maro waan kanatifi yo worri Waaqaani, Waaqa keenna jed'u, inni inch'eerfatu, waan inni dira worra mid'aaseefi. D'ugefachaani Abrahamuuni ilma ufi Isaaqo aka sorio qallu fed'e, gaafa Waaqi Abrahamu ilaalate. Waaqi Abrahamuti kakhate, ammo inni kurfo jira aka ilma ufi tokocha aka sorio qallu. Waaqi qara waan isaani jed'e, Isaaqo gula d'alooti kanke maqa argata. Abrahamuuni waan Waaqi Isaaqo duisa keesaa kaasu dandau herege; tanaafi, fakeenna gula, Abrahamuuni Isaaqo duisa keesa argate. D'ugefachaani Isaaqoni Esaufi Yakobo eeba hegeri kakhateefi. D'ugefachaani Yakoboni, ato induiini, ilmaani Yusufu ch'ufa eebise. Inni ule ufiti hirkate Waaqa kad'ate. Yusufuni, ato diquma induiini, d'ugefachaani waan godaanna gosa Israeli lafa Misiri keesaa dubbate, waan reefa isaa tolchanile hime. D'ugefachaani abbaafi haati Musa jia sadi isa d'ossite, eegi inni d'alate. Aka inni mid'aaga arginaani soda male seera hayyu ch'absani. Musani d'ugefachaani, gaafa inni guddate, ilma intala Farao ufiini jechu dide. Inni worra Waaqaa woliini gaargalu fed'e, fulla haga diqa toko dabaani gammadu ira. Inni hori lafa Misiri ira, araba maro Kristotiifi isa arabsani dansa heregate, waan inni galata eegi tana heregeefi. D'ugefachaani Musani kae, lafa Misiri keesaa deeme, dalansu hayyu sodaachu dide. Inni iti deebiu dide, aka waan Waaqa ka imullanne argu. D'ugefachaani inni jila Pasaka tolche, d'iiga balbalati fifit'e, aka malaikaani nama hobaaftu angafa d'iira ka gosa Israeli intund'e. D'ugefachaani gochiti Israeli galaana Shamu, aka lafa goddu, taakite; ammo gochiti Misiri taaku feenaani bisaani liqimsani hobaasani. D'ugefachati naabo Yeriko ch'abse jisse, eegi gochiti Israeli guyya torba ira marte. D'ugefachati niiti sharmut'a, ta Rahabu jed'ani, worra Waaqa d'agayu dide woliini, duu d'owe, waan isiini jara dooya yau bulchiteefi. Dura deeme, nama d'ibile hima re? Waan Gideonitifi Barakafi Samsonifi Yefthafi Daudifi Samuelifi raagoota ch'ufa amma himu indandau. Worri d'ugefachaani lafa heddu had'e dabsate. Waan qajeela tolchani, waan kakhataniifi argatani. Afaani nyeench'a ch'uqaalani, ibida goola d'aamfani, sheefti duraa bahani. Worri qara lalaafa, ammo eege jabaate. Lola keesati guddo jajabo, duula nyaapa dabsatani. Nad'eeni d'ugefachaani nama iraa due, ka duisa keesaa kaasani, argatte. Nami gari, Nu galakisa jechu dide, duuba gaargalchani ijeesani, aka jireenna ira dansati kaasani. Nama gari goyeesani lichooni d'aanani, ka gari haada sibiilatiini hid'ani mana hid'aansati geesani. D'akhaani d'aanani gargari ch'irani, sheeftiini fit'ani. Goga hooliyetiifi ka laleesa hid'atani, hiyyoomatani, d'ipatani gaargalchani. Lafti worrati had'oofti! Aka nama baqatu lafa gamoojitiifi gaareeni gubba yayaani, godafi boola keesa bulani. Worri kunini maro d'ugefacha ufitiifi maqa dansa argate! Ammo waan Waaqi kakhateefi inarganne, waan Waaqi waan hagasi ira dansa nuu heregeefi. Heregi isaa kana, nu male worri inqit'au. Maro nami hedduuni aka dumansa nu marse nu laalufi, nu ulfinnafi daba jabeese nu qabu ufiraa baamne, d'ogoomsu nu dura tana aka d'iira oriu malle. Yeso ufi durati laalla, waan d'ugefachaani teenna haga qaratiifi haga muummele isa keesa jirtuufi. Inni duisa maskali obse, maro gammada isa eegatuufi maskali gubbati duu inch'eerfanne, amma barch'uma Waaqa mirgaani taa. Me, aka inni gaargale, jibba nami daba isa jibbe ch'ufa obse herega! Tanaafi illaafiina, indad'abiina! Wonti akanatiifi gaargala keesani ka daba keesati, d'iigi keesani injinne, Dubbi dansa ta Waaqi aka ilmaani isaa isaniti dubbatu la deettani? Ilma kiyya, yo Aabbooni si qajeelche taba insehiini, yo inni si gorse garaa illaafiini wonti akanatiifi Aabbooni nama jaalatu ch'ufa inqajeelcha, nama ilma tolfatu ch'ufa ind'aana. Waan isaniini qajeelchani ch'ufa fud'ad'a. Waaqi aka ilmaani ufi isani tolchu jira. Ilmi taka abbaani inqajeelchiini injira? Yo aka ilmaani ch'ufa qajeelchani isani inqajeelchiini isani ilmaani d'ugaatiniti, ammo ilmaani ch'abanaati. Abbootiini teenna ta lafa nu qajeelchiti, duuba worraa saalfanna. Abba keenna ka lubbu hagasi ira saalfanneefi jireenna argachu himmalle? Abbootiini teenna ta lafa haga diqa toko, fed'i worra gula, nu qajeelchite, Ammo Waaqi maro wonti kuni ira nu jirtuufi tolcha, aka nu qulqullooma isaa qoodannu. Hojja nu qajeelchani waan nu lalefachiiftu fakaatti, nu ingammachiiftu. Ammo eegi suni, worri akana qajeelchani mid'aani nagaya ka jireenna d'uga argata. Tanaafi harka keesani ka aare isani iraa bue olfud'ad'a! Jilba keesani ka lalaafe qajeelfad'a! Kara qajeela gula deema, aka miili buqae innaafanne ammo fayyu. Jabaad'a, aka nama ch'ufa nagayaani woliini teetani, jireenna qulqullo barbaaddani; wonti akanatiifi nami tokoleeni, qulqullooma male, Aabbo inargu. Eegad'a, aka nami tokoleeni eeba Waaqa ind'amne. Eegad'a, aka nami tokoleeni mid'aani had'aa qabu tahe, nama heddu had'aa isatiini ingaargalchine. Eegad'a aka nami tokoleeni sharmut'a tahe, yokhaani aka Esau inhamaanne, ka sagale guyya tokotiifi d'aala ufi ta angafooma gurgurate. Eegi suni aka isani beetani Esauni eeba Abba ufi d'aalu fed'e, ammo isa didani. Wonti akanatiifi inni ato imimaaniini barbaadele, aka waan duri tolche garagalchu kara iti d'abe. Isani gaara nami harkaani tuqu dandau, ka aka ibida balalie bobau, dukana sipefi bubbe guddofi iyani magalatatifi qonqo Waaqa iti ind'umne. Gumiini qonqo d'ageennaani aka deebiani qonqo akasi ind'ageenne kad'atte. Wonti akanatiifi seera ka, Yo bineensileeni gaarati d'iaate d'akhaani d'aanani ijeesu malani jed'u, guutu dad'abani. Wonti Musani arge guddo isa sodaachiifte, tanaafi inni waan jed'e, Anini sodaad'e holad'a. Ammo isani gaara Sinaiti d'uftani, gara dira Waaqa jiru, Yerusalemu ta gubba jirtu, ta malaika kunki heddu qabdu. Isani la jila ilmaani angafa ta Waaqati d'uftani, ta maqa isaani gara Waaqa gubbati t'aafani. Isani la Waaqati d'uftani, ka dubbi nama ch'ufa qoru, lubbu worra d'uga ka qit'eele. Isani la Yesoti d'uftani, ka wold'aqisa haraa tolche, ammalle la d'iiga fifit'ani, ka d'iiga Habili ira waan dansa himuti d'uftani. Eegad'a duuba, nama dubbatu ch'aqasu indidiina. Yo worri gaafa inni lafa keesati dubbate ch'aqasu dide imbaafamini, nuleeni dandeenne imbaafamnu, yo ka gubba nuti dubbatu ch'aqasu dinne. Qonqooni isaa gaafasi lafa chochoofte, ammo inni amma la kakhate, Anini ammalle lafa ch'alla inchochoosu, ammo gubbale inchochoosa jed'e. Dubbini, ammalle jettu suni aka waan lafa keesati uumani ch'ufa chochoosani buqisani agarsiifti, aka wonti inchochoone haftu. Tanaafi galata deebisu malle, waan nu finna inchochoone argannuufi. Galata deebimne, kara inni fed'uuni Waaqa kad'achu malle, saalafi soda keesa; wonti akanatiifi Waaqi keenna ibida wo balleesu. Aka oboleyaani Kristo keesa woljaalacha illakisina. Keessuma bulcha. Nami gari akasi tolchinaani, ato imbeekhiini, malaika bulche. Worra hid'aansa keesa jiru qaabad'a, aka waan hid'aansa keesa woliini jirtanu. Worra gaargala keesa jirule qaabad'a, aka waan ufile gaargalu jirtanu. Nami ch'ufti fuud'a ulfeesu male, d'iirsafi niitiini wollakisani gara d'ibi yau himmalle. Waaqi worra waan hamtu tolchuufi algala wollaala iti mura. D'araa hori gula imbadiina; waan qabdani sifefad'a. Wonti akanatiifi Waaqi waan jed'e, Anini haga jiru isani illakisu; haga jiru isani biraa indeemu. Tanaafi garaa jabaanne, Aabbooni qarqaarsa kiyya, anini woma insodaad'u! Nami maani na tolchu dandaa? jenna. Worra duri isani dura yau qaabad'a, ka dubbi Waaqa isaniti hasae. Aka worri duri tahe due herega, d'ugefacha worra gula yaa. Yeso Kristoni sunuma, ka kale, ka arra, ka haga jiru jireenna. Barsiisaani d'ibiini ta qajeeltu intahiini, d'uga ira isani ingorsiini. Guddo dansa yo eebiti Waaqa garaa nu jabeesite, fulla seera sagale gula yaani ira; wonti akanatiifi worri seera kana gula yau qarqaarsa tokole ira inarganne. Qaaloleeni waaro Yahudi keesa hojattu hojja sorio teenna qalani d'uga d'ufte nyaattuni inqabdu. Qaallichi Guddaani Yahudi d'iiga hori Fulla Fulla Ch'ufa Ira Qulqullotiini d'ufa, aka maro dabaatiifi sorio baasu; ammo nafa hori suni alati gubani. Maro waan kanatifi Yesoleeni balbala dira alati due, aka d'iiga ufitiini daba nama iraa qulqulleesu. Tanaafi koota, gara isaa alati yaane, ch'eera isaa fud'anna. Wonti akanatiifi nu dira haga hegeri tau lafa tana keesa inqamnu; nu dira hegeri d'ufu eeganna. Waan kanaafi nu hojja ch'ufa faaru teenna aka sorio Waaqaa baasu malle, maqa Yesotiini; akasi jechaani hojja ch'ufa qonqo teennaani maqa isaa faarsina. Waan dansa tolchaafi woli qarqaarsa inded'ina. Sorioni akana tunini Waaqa gammachiifti. Nama isani dura yau saalfad'a, dubbi worraa ch'aqasa. Worri hojja ch'ufa lubbu teesani qorqorata, maro Waaqi waan worri tolchu worra gaafatuufi. Yo isani worraa saalfattani, worri gammadaani huji ufi hojata; yokhaani lalefachaani hojata, lalefachaani sunini woma isani imbaatu. Hojja ch'ufa Waaqa nuu kad'ad'a. Nu imbeenna aka herega dansa qamnu, nu hojja ch'ufa waan dansa tolchu feena. Waan ch'ufa ira, anini isani kad'ad'a, aka Waaqi hurrise gara keesani na deebisu naa kad'ad'a. Waaqi la Aabbo keenna Yeso duisa keesaa Kaase. Inni d'iiga ufitiini Tissitu Guddo hooliye tissu tahe, ka wold'aqisa hegeri beesisaniini. Waaqi nagayaa waan dansa ka isani feetani ch'ufa isanii kenniina, aka fed'i isaa tolchitani; ammalle inni Yeso Kristo keesa waan isaa gammachiisa nu tolchisiisiina. Guddinni haga hegeri gara Kristo ha tahu! Amini. Anini isani kad'ad'a, oboleyaani tiyya, aka isani dubbi gorsa tana aka dansa ch'aqaftani; tatabeeni anini isanii t'aafe tunini guddo d'eertuniti. Anini aka oboleesi keenna Timotheoni hid'aansa keesaa bahe isani beesisu fed'a. Yo inni hurrise d'ufe, hojja gara keesani d'ufu wolumaani d'umna, aka wolgarru. Nama isani dura deemuufi gumi Waaqa ch'ufa nagaya nuu fuud'a. Oboleyaani lafa Taliana nagaya isani d'aamti. Eebiti Waaqa isani ch'ufa woliini ha jiraattu. Maqaani kiyya Yakobo, anini hojattu Waaqatiifi ka Aabbo Yeso Kristo. Anini isani gosa kud'ani lama ta gargari firfirfamtani nagaya fuud'a. Oboleyaani tiyya, yo gaargala aka heddu argattani, aka gammada heregad'a; wonti akanatiifi isani imbeetani, aka hojja d'ugefacha teesani laalatani iti gamani obsafi jabeenna argattani. Ammo qorqorad'a aka obsi suni aka dansa huji ufi guute, isani qit'ooftani woma imfitanne. Yo nami tokoleeni isani keesa beekha d'abe, ha Waaqa kad'atu, duuba Waaqi naaso, hifacha male waan ch'ufa namaa kenna. Yo kad'ate inni d'ugefachu male, diqole rinch'ich'u himmalle; wonti akanatiifi nami rinch'ich'u ch'ufti aka d'awa galaana ka bubbeeni d'ooftu jira. Nami akana kunini waan Aabbo ira wo argatu insehiini, waan garaani isaa lama tahe ejatta aka dansa imbeenneefi. Oboleesi hiyyeesi, yo Waaqi wo kenneefi, ha gammadu; oboleesi dureesileeni ha akasuma tolchu, yo Waaqi wo d'owe. Wonti akanatiifi dureesi aka daraara buuyo goga. Aduuni balaliite buuyo gubde, daraaraani isii gogoge, mid'aagumti isii baddi. Akuma suni dureesa ch'ufa balleesani, ato inni tae huji ufi hojatu. Ayyaana nama gaargala obsuuti; eegi ilaalacha dabsate, eebafi jireenna argata, ta Waaqi nama isa jaalatu d'aamate. Nami tokoleeni, yo ilaalatani, Waaqati na ilaalate injed'iini. Wonti akanatiifi hameenni dandae Waaqa inilaalatu, Waaqileeni nama tokole inilaalatu. Ammo nama ch'ufa d'araa isaa hamtuti ilaalata, hojja hirkifte isa sobdu. Duuba d'araani isaa hamtuuni taani garaachoofte daba d'alti; ammalle dabi, eegi guddate duisa d'ala. Insobamiina bada, oboleyaani tiyya! Galati dansaani ka namaa kennanifi ka namaa baasani ch'ufti gubba gadi d'ufa, fulla Waaqa, ka ifsa gubba uume. Inni injijiramu yokhaani garingalu. Fed'i isatiini inni dubbi d'ugatiini nu uume, aka nu uumama isa ch'ufa keesa angafa taanu. Waan kana qaabad'a, oboleyaani tiyya! Nami ch'ufti ha hure wo d'agaye, laanuma dubbate, miira guddatu. Wonti akanatiifi dalansuuni namaa fed'i Waaqa ta d'ugatiini ind'uftu. Adaba t'uritiifi huji hamtu ch'ufa lagad'a. Dubbi garaa keesani keesati fach'aasani, ta dandeete lubbu teesani baaftu, kara laanatiini fud'ad'a. Dubbi isaa ch'aqaftani ufi indaallesiina, ammo dubbi suni guuta. Wonti akanatiifi nami dubbi ch'aqase, ammo inguunne, nama dawiti keesa ufi ilaale, aka jiru ufi argu fakaata. Inni maro toko ufi ilaale, achii deeme, jennaani aka jiru ufi ded'a. Ammo nami seera qit'e ka nama balchoomsu jabeese, ilaale, ch'aqase, ded'u dide ammo guutu, nama suni Waaqi waan ch'ufa keesati ineebisaafi. Nami nama aada guutu ufi sehu eennu? Yo inni araba ufi intissine, inni ufi sobe, aadaani isaa woma imbaatu. Aadaani Aabbo Waaqi d'ugaafi qajeeltu jed'u tana: aka ijoolle abbaafi haad'a inqamneefi nad'eeni d'iirsi iraa due qorqoratani, ufile hameenna lafa iraa ufi d'owani. Oboleyaani tiyya, yo isani Aabbo keenna Yeso Kristo, Aabbo guddinna, d'ugefattani, nama tuffattani gargari imfiliina. Yo sila nami dureesi, ka qube worqitiifi woya dadansa qabuufi hiyyeesi woya ch'ich'ite qabu, woldeenna woliini olduudani, duuba isani namicha woya dansa qabu kaani hurriftani fuula ke d'uftani waan jettaniini, Barch'uma dansa kana ira tai, ammo hiyyeesa kaaniini, Achi eji, yokhaani fulla barch'uma kiyya kana d'aatu lafa tai jettaniini, ya nama herega hameennatiini gargari nama qoodu taatani. Ch'aqasa oboleyaani tiyya! Waaqi hiyyeeyi lafa tana fohate, aka d'ugefachaani duroomte, finna inni worra isa jaalatu d'aamate argattu. Ammo isani hiyyeeyi intufattani! Eentu isani gaargalche fulla qorsuma isani geesa, dureeyi male? Nami maqa dansa, ka Waaqi isanii kenne, hameenna dubbatu worruma suni. Yo seera hayyu suni, ka t'aafi qulqullo keesati t'aafani guuttani, ka, nama ch'ufa aka ufi jaalattu jaalad'u jed'u, ya waan dansa tolchitani. Ammo yo nama gargari filtani, la daba tolchitani, Seera gula wollaala isaniti murani. Wonti akanatiifi yo nami seera ch'ufa guute, ammo toko yake, inni ya seera ch'ufa dabre. Wonti akanatiifi namuma, d'iirafi nad'eeni wolbarate garayu wolintolfatina jed'eti, Nama inijeesiini jed'e. Tanaafi yo atini seera qara kaani guute, ammo nama ijeefte, atini yayu seera ch'absite. Waan dubbattanifu waan tolchitani keesa, akuma nama seeri nama balchoomsu qoru taha. Waaqi, yo dubbi nama naasu inqamne qoru, isale inahu; ammo naasuuni qorsuma dabsatti. Oboleyaani tiyya, Maani namaa baati, yo nami, Anini d'ugefacha qaba jed'e, ammo hujiini isaa ingarsiimne? D'ugefachaani suni ch'allaani isa imbaafti? Yo sila oboleesafi oboleetiini daara qabaate, liqimsale d'abde, duuba nami toko isani keesa waan jed'uuni, Waaqi isani eebisinna, woya uyyifad'a, sagale nyaad'a, ammo yo waan nafi sila fed'u inkennineefi maani baati? D'ugefachaani akasi, yo isiini koba jiraate, ka hujiini dansaani bira injirre, la doote. Ammo nami toko waan jed'u, Atini d'ugefacha qabda, ammo anini huji qaba. Ammo anini waan jed'uuni, D'ugefacha ta huji dansa inqamne na agarsiisi; d'ugefacha tiyya anini huji dansaani sii garsiisa jed'aani. Aka Waaqi toko ya d'ugefatte? Guddo dansa. Ilaali, jinnileeni ind'ugefatti, ammalle sodaatte holatti. Isii, ati daalle? Aka d'ugefachaani, huji dansa tolchani male, woma imbaanne barachu feeta? Ehayi, Abbaani keenna Abrahamuuni, eegi inni ilma isaa Isaaqo sorio Waaqaa baase, maro huji dansaatiifi d'uga argateeyu? Aka d'ugefachaafi hujiini dansaani inni hojate woljabeesite, d'ugefachaani isaa hujiini qit'oofte inargitaayu? T'aafiini ta, Abrahamuuni Waaqa d'ugefate, duuba maro d'ugefacha isatiifi d'uga isaa heregani jettu ya guutamte. Waaqileeni, Jaala kiyya isaani jed'e. Tanaafi, aka isani argitani, nami huji gula d'uga argata, d'ugefachaani ch'allaani woma imbaatu. Sharmut'itiini Rahabu jed'anileeni akasuma taate. Maro huji isitiifi d'uga argatte, waan isiini ergattu Yahudi bulchite, kara d'ibi galchiteefi. Akuma nafi lubbu inqamne duu, akasuma d'ugefachaani huji inqamneleeni dooti. Oboleyaani tiyya, isaniini nami hedduuni barsiiftu intahiina. Wonti akanatiifi nuu, nama wo barsiisu, seera jaba gula nu qorani. Nuuni ch'ufti wollaala heddu tolchina. Nami, waan jed'u keesati, wollaala intolchine qit'e jira, dandae nafa ufi ch'ufa qorqorata. Nu farda lugamna, aka inni nu kassate, fulla feenu ch'ufa geesinu. Yokhaani hobolo qaabad'a, isiini waan guddo, ammo mukha diqa tokoti karaati qajeelcha, fulla abbaani fed'u ch'ufa. Akasuma arabi ka waan diqa, guddo ufi saada. Aka qanqeeni diqooni toko badda guddo gubdu herega. Arabi aka ibida jira, lafa hameennati, nafa keenna keesa, arabi waan waan ch'ufa t'ureesaati; ka waan jireenna keenna ch'ufa ibida nartitiini gubu. Wonti akanatiifi bineensa gosa ch'ufatiifi simpirrefi waan lafa ira loha ka bisaani keesa gala ch'ufa illenjisani, ammalle qarayu la lenjisani. Ammo nami dandae araba illenjisu, Inni hama, nami indandau, had'aa nama ijeeftu qaba! Nu arabaani Aabboofi Abba keennaa galata deebimna, arabuma suniini nama d'ibi abaara, ka fakeenna Waaqa gula uumani. Afaanuma suni keesaa eebafi abaarsi baha. Oboleyaani tiyya, wonti kuni akasi tahu himmalle! Maddooni bisaani dansaafi hamo fulla taka madditu injirti? Mukhi odaa mid'aani ejersaa dandae imbaasu, ammalle mukhi zabibu dandae mid'aani odaa imbaasu, yokhaani bisaani soodda kuraooni dandaani imiaani. Nami qalbi qabu ka wo hubatu jiddu teesani jira? inni ha jireenna dansaafi, huji dansaafi, ufi diqeesitifi, qaroomafi qalbi, aka qabu agarsiisuti. Ammo yo garaa keesani keesa d'iibi hamtuufi ufi jaalala qabaattani, ufi saaddani d'uga ind'areesiina. Qalbiini akana tunini fulla Waaqati ind'uftu, isiini ta lafaati, ta nafaati, ta Sheet'anaati. Wonti akanatiifi fulla d'iibifi ufi jaalachaani jirtu, gohannafi huji hamtu aka ch'ufa ind'abani. Ammo qalbiini gubba gadi d'uftu qara qulqullo, ammalle ta nagaya, ta laana, ta nama ch'aqaftu, ta naasufi mid'aani dansa qabdu, ta tuffifi kiyyiba inqamne. D'ugaani d'uguma mid'aani worra nagaya ka nagayaani oobreti baasa. Had'iisafi loli jiddu teesani jiru ch'ufti eesaa baha? D'araa garaa keesani keesaa baha, ta hojja ch'ufa nafa keesaniini wolhaatu. Hojja wo feetani ammo waan kaani d'abdani, isani kurfo jirtani, aka nama ijeeftani; woi d'araatani, yo argachu dad'abdani, loltani wolhaatani. Wonti isani waan feetani inarganneefi, waan isani Waaqa inkad'anneefi. Yo kad'attanile inargattani, wonti akanatiifi heregi keesani hama, waan isani gammachiisa ch'alla kad'achu feetani. Isani worra d'ugefacha inqamne! Aka yo jaala lafa tahani, nyaapa Waaqa tahani imbeetani? Nami jaala lafa tahu fed'u ch'ufti nyaapa Waaqaa taha. T'aafi qulqullo ta, lubbuuni Waaqi woliini nu d'ale d'araa hamtuuni guutamte jettu, waan isiini ufumaa jettu insehiina. Ammo eebiti Waaqi namaa kennu hagasi ira jabdu. Wonti akanatiifi t'aafiini waan jettu, Waaqi nama ufi guddisu dide, ka ufi diqeesu eebisa. Tanaafi Waaqa sodaad'a, Sheet'ana dida, yoosi isani bira baqata. Waaqati d'iaad'a, innileeni isaniti d'iaata. Harka keesani diqad'a, worra daba! Garaa keesani diqad'a, kiyyibdoole! Lalefad'a, boa, imimaani d'aana; kobla lakisa boa; gammada lakisa lalefad'a! Waaqa durati ufi diqeesa, duuba inni oli isani fuud'a. Hamtu wolindubbatiina, oboleyaani tiyya. Nami hamtu oboleesa ufi dubbate yokhaani isa qoru ya waan hamtu Seeraa dubbate qore. Yo Seera qortani, isani nama Seera guutuuniti, ammo ka Seera qoru. Waaqa ch'allati seera baase qora. isa ch'allati dandae nama baase balleesa. Ati maani ufi seeta, ka nama d'ibi qortu? Worri, Arra yokhaani bori dira toko d'anne, ganna toko achi teenne, daldalle, duroomna, jed'u, na d'agaya. Isani waan jireenna keesani ka bori imbeetani! Wonti akanatiifi isani hurri fakaattani, ta haga diqa toko mullatte duuba baddu. Wonti isani jechu maltani tana: Yo Waaqi jed'e, teenneti waan kanaafi suni tolfanna. Ammo amma isani ufi guddiftani ufi saaddani; ufi saaditiini tunini ch'ufti fullaaniti. Tanaafi nami aka waan dansa tolchuchuchu male ufi beekhu, ammo ka waan suni intolchine, ya daba tolche. Ehayi, dureeyi, me, dubbi tiyya ch'aqasa! Boa, ooa, maro gaargala isaniti d'ufu! Duroomi keesani ya shame, woya teesani ya barbareeni nyaatte. Worqifi qarsiini teesani ya dandoofte, dandi tanati hegeri isani himatte, aka ibida nafa keesani guba. D'io tana ya guddo duroomtani. Isani worra oobru isanii hojatu hori imbaamne. Aka worri isani himatu ch'aqasa! Booti worra mid'aani keesani galchu, la gurra Waaqa Aabbo gudda geete! Jireenni keesani lafa tana keesati ya ka gammadatiifi ka machi tahe. Ya guyya qalmaati ufi gabbiftani. Isani ya nama woma iyakini ka ufi iraa isani d'owu indandeenne, wollaala iti murtani ijeeftani. Obsaa, oboleyaani tiyya, haga Aabbooni d'ufuuti. Aka abbaani oobru haga mid'aani isaa dansaani bahaniti eegatu, ilaala. Bokaya gannatiifi ka hagayale obse eegata. Isanileeni obsu maltani! Garaa jabaad'a, guyyaani Aabbo ya d'iaate. Woltingungumiina, oboleyaani, aka Waaqi isani inqorre. Abbaani qorsuma balbala dura eja. Oboleyaani, raagoota maqa Aabbootiini odeesite, qaabad'a. Aka worri obse gaargale qaabad'a! Waan worri obseefi gammada qabani jenna. Isani ya obsa Ayubu d'ageetani, duuba aka Waaqi waan inni fed'u ch'ufa eege keenneefi imbeetani. Wonti akasitiifi Aabbooni guddo naasu qaba, guddo namaa naha. Ee, oboleyaani tiyya, waan ch'ufaani inkakhatiina, gubbafi lafafi waan tokoleeni inkakhatina. Eetiini teesani ha eeti taatuuti. Hiyyoni teesanileeni ha hiyyo taatuuti, aka qorsuma Waaqa keesa inseenne. Nami gaargala qabu jiddu teesani keesa jira? Ha Waaqa kad'atuuti. Nami gammada qabu jira? Ha faaru d'ahatuuti. Nama fayya inqamne jira? Ha jaarole gumi Waaqa yaame Waaqa kad'ataniifi, d'ad'a maqa Aabbootiini muudani. Kad'achaani tunini, yo d'ugefachaani tolchani, nama suni imfayifti: Aabbooni isa imfayisa, daba inni tolchele inaraaramaniifi. Tanaafi daba keesani wolti himad'a, Waaqa woli kad'ad'a, aka fayyitani. Kad'achaani nama d'ugaa waan jabdu, guddo wo baati. Eliyaleeni duri namuma aka keennaati. Inni guddise Waaqa kad'ate, aka bokeeni imbuune, tanaafi ganna sadifi jia jaa bokeeni buu dide. Inni ammalle kad'annaani bokeeni roobe, lafti mid'aani baafte. Oboleyaani tiyya, yo nami tokoleeni isani keesa d'uga iraa bade, nami d'ibiini deebise, waan kana qaabad'a. Nami nama daba tolchu wollaala iraa deebise, lubbu nama suni duisa keesaa baase, daba heddu jalaa baasa. Maqaani kiyya Petro, ergattu Yeso Kristo, Gara gumi Waaqi fohate ta baqatte gargari firfirfamte, lafa Pontofi Galatiafi Kapadokiafi Asiafi Bithinia keesa jirtu. Maro fed'i Aabbo Waaqatiifi isani fohatani, aka Lubbu isaatiini gumi qulqullo taatani, Yeso Kristo ee jettani guuttani, d'iiga isatiini qulqulloftani. Eebafi nagaya guddisa argad'a. Waaqafi Abba Aabbo keenna Yeso Kristoti galata deebimna! Maro naasu isatiifi inni Yeso Kristo duisa keesaa kaase, jireenna haraa nuu kenne. Wonti kunini abdi jirtu nuu kenniti, tanaafi nu aka eeba guddo, Waaqi gumi isaati kakhate argannu inhereganna. Inni eeba suni gubba isanii olkaya, fulla isiini dandeete inshamne, yokhaani inhamaanne, yokhaani ingogonne. Isiini teesani, worra maro d'ugefachatiifi jabeenni Waaqa qorqoratu, ato isani baafama amma kurfeesani guyya muumme mullisani eegattanu. Maro waan kanatifi gammada, ato amma tana maro gaargala heddu isani argattani lalefattanile. Wonti kunini aka d'ugefachaani teesani ta d'uga garsiifti. Worqi d'umattule bassani ibidaani laalatani; ammo d'ugefacha teesani, ta worqi ira wo baatu, laalachu malani, aka isiini haga hegeri teetu. Yoosi Guyya Yeso Kristoni mullatu saaduufi guddinnaafi ulfinna argattani. Isani, ato isa inarginile, isa jaalatani, ato amma ilaani ingarrele isa d'ugefatani tanaafi gammada gudda dubbini dandeete imullimneeni qilit'amtani. Maro isani baafama lubbu teesani, ka d'ugefachaani fohate abdatu argataniifi. Waan baafama kana raagooti aka jaba barbaadde; waan eeba Waaqi isani kennu fadde. Hojja wonti kunini d'uftuufi aka isiini d'uftu barbaadani. Lubbuuni Kristo, ta worra keesa jirtu, hojja tana akheete, gaargala Yesoni argachu maleefi guddinna eegi suni d'ufu himte. Waaqi ya raagootati mullise, aka hujiini worri hojate worra inqarqaarre, ammo isani qarqaartu, ato worri d'uga isani amma d'ageetani tana dubbatu. Ergattu Odu Dansa, ta jabeenna Lubbu Qulqullo, ta gubbaa gadi erganiini dubbateti waan kana isaniti hime. D'uga tana malaikaleeni sila barachu feeti. Tanaafi qalbi teesaniini kurfefad'a. Gurra d'aaba, ch'aqasa; abdi teesani, eeba hojja Yeso Kristoni mullatu isanii kennani, ira keyad'a. Ijoolle Waaqa saalfattu taha, d'araa gaafa woma imbeenne qabdani taani amma gula indeemina. Ammo waan tolchitani ch'ufa keesa qulqullo taha, akuma Waaqi, ka isani yaame, qulqullo. Wonti akanatiifi t'aafiini, akuma anini qulqullo isanileeni qulqullo tahu maltani jetti. Hojja Waaqa, ka nama ch'ufa waan inni tolche gula aka taka qoru kad'attani, Aabbo jettaniini; tanaafi haga lafa tana keesa jirtani isa sodaachu maltani. Wonti akanatiifi isani imbeetani, aka aada hamtu abbooti teesani iraa barattani keesaa isani bitani. Horiini suni waan hamaatatiiniti, aka qarsifi worqifa. D'iiga Kristo ka guddo gati qabuti isani bite, ka aka ilme hoola bobotolefi miid'ama tokole inqamne. Ato lafa inuumiini Waaqi isa maro teesaniifi fohate, guyya muumme kana isa mullise. Maro isatiifi isani Waaqa d'ugefattani, ka duisa keesaa isa kaase, guddinna kenneefi; tanaafi d'ugefachaafi abdiini teesanileeni Waaqa ilaalti. Eegi isani amma d'uga guuttani, suniini ufi qulqulleesitani, ammalle oboleyaani teesani aka dansa jaalattani, garaa keesani ch'ufaani aka dansa woli jaalad'a. Maro dubbi Waaqa ta haga hegeri jirtuufi, ya aka ijoolle didiqo ta abbaafi haati dootuniti ammo ta indoone d'alattani. Akuma t'aafiini jettu, nami ch'ufti aka buuyo jira, guddinni nama ch'ufti aka daraara buuyo jira; buuyooni godde, daraaraani isii jiga, ammo dubbini Aabbo haga hegeri teeti. Dubbini Oduuni Dansaani isani d'ufteeni tana. Hameenna ch'ufa lakisa; nama insobina, inkiyyibiina, wolinqot'isiina, wolinarabsiina! Aka ijoolle d'io d'alatte taha, nama hojja ch'ufa aanani qulqullo ka lubbuti beelau, aka eegi d'uddani gugurdattani baafamtani. Wonti akanatiifi isani ya arjooma Waaqaa gartani. Gara Aabbo koota, inni d'akha jiru ka biyyiti ch'ufti didde, ammo Waaqi fohate. Aka d'akha jiru koota, aka mana lubbutiini isani jaarani, aka qaalole qulqullo taatani, sorio dansa ta Waaqi fed'u Aabbo Yeso Kristo keesa baaftani. Wonti akanatiifi t'aafiini waan jettu: Anini d'akha gati guddo qabu fohad'e, aka fiit'e mana tahu Sioni keesa kaya: Nama isa d'ugefatu tokole inch'eersani. Tanaafi isani worra d'ugefatu, d'akhaani kunini d'akha jaba; ammo worra ind'ugefanne: D'akhaani ijartuuni tuffate dide yayu d'akha jaba tahe. T'aafiini d'ibileeni waan jettu: D'akhaani nama gufachiisu kana, d'akha nama buusu. Worri waan dubbi ind'ugefatiiniifi gufata; wonti Waaqi worraa herege tana. Ammo isani gosa Waaqi fohate, qaalole hayyuti, gosa qulqullo, gumi Waaqaati, ta aka huji Waaqa ta mama odeesitaniifi fohatani, ka dukana keesaa ifsa isaa ka mamaati isani yaame. Duri isani gumi Waaqatiiniti, ammo amma gumi isaati; duri naasu Waaqa imbeetani, ammo amma ya naasu isaa argattani. Anini isani kad'ad'a, jaalaani tiyya, ta aka keessumatiifi aka nama baqaa yau lafa tana keesa jirtani! D'araa nafa gula imbadiina, ta hojja ch'ufa lubbuuni woli haatu. Adabi keesani gara worra Waaqa imbeenne ha dansa tahu, aka yo worri hameenna isani himate, huji teesani dansa argani, duuba Guyya d'ufiisa Waaqa isa faarsani. Maro maqa Aabbootiifi aadafi seera nami baasu ch'ufa guuta: Hayyu ka waan ch'ufa harkaa qabuufi worra gugurda d'ibile, ka inni aka worra daba tolchu gaargalche worra waan dansa tolchu saaduufi ergele guuta. Fed'iini Waaqa tana: aka isani hasaa daalluma, ka worra woma imbeenne, huji teesani dansaani ch'allisiiftani. Aka nama balchaa taa; ammo anini balcha jette waan hamtu intolchiini, aka hojattu Waaqaa taa. Nama ch'ufa ch'eera, oboleyaani ta d'ugefatte jaalad'a, Waaqa sodaad'a, hayyulee ch'eera. Isani hojattuleeni, abbooti teesani guuta saalfad'a ch'eerafi, worra laanaa ka isanii nahu ch'allaaniti, ammo ka isanii innaanele. Tanaafi yo isani waan fed'i isaa guutanifi, gaargala isani himmalini argatani, Waaqi isani eebisa. Yo wollaala tolchitani isani d'aanani, ammo wollaala suni obsitani, maani isanii baati? Ammo yo waan qajeela tolchitani gaargala obsitani, Waaqi maro suniifi isani eebisa. Waan kanati Waaqi isani yaame; wonti akasitiifi Kristoni duri maro teesaniifi gaargale akheekha isanii tahe, aka isani faana isaa gula yaatani. Inni taka daba intolchine, yokhaani nami tokoleeni isa d'ara dubbatu ind'ageenne. Gaafa isa arabsani inni taka nama inarabsine; isa gaargalchinaani inni nama tokole insodachiimne, ammo abdi ufi, Waaqa d'uga, ka d'uga gula wo qoru, gubba keyate. Kristoni daba keenna maskaliti baate, aka nu dabaani doone d'ugaani jiraannu. Madaa isatiini isani fayyisani. Isani qara aka hooliye kara iraa badde jirtani; ammo amma ya Tissitufi Qorqorattu lubbu teesaniti deebitani. Akasuma isani nad'eeni, d'iirsole teesani ch'eera, aka yo d'iirsoleeni gari dubbi Waaqa ind'ugefannele, adabi keesani Waaqati worra deebisu. Duuba ato isani nami tokoleeni woma injed'iini, worri adaba keesani dansaafi qulqullo arge maacha. Mata filachafi faahi naqachafi woya naqatani keesati shoobu himmalle. Ammo mid'aagumti teesani ta garaa keesa tahinna, mid'aaguma lubbu laanafi obsa ta injaare; tunini Waaqa durati waan guddo. Kara kanaani nad'eeni duri ta Waaqa abdatte ufi mid'aasite, d'iirsole ufiiti ch'eerte. Sarani duri akasi taate; isiini Abrahamu ch'eerte aka Abba ufi heregatte. Isani amma ijoolle isii taatani, yo waan dansa tolchitani woma insodaanne. Isani d'iirsoleeni, yo nad'eeni teesani woliini teetani, aka isiini laaftu beekha, tanaafi isii ch'eeruufi maltani; wonti akanatiifi isani ch'ufti woliini eeba jireenna Waaqa qabdani. Waan kana tolcha, aka wonti tokoleeni kad'acha teesani isani dura iyakine. Dubbi buufata: herega takafi garaa taka qabaachu maltani; aka oboleyaani woli jaalad'a, woli naha, woli saalfad'a. Nama waan hamtu isani tolche waan hamtu intolchiina; nama isani abaare inabaariina, ammo eebisaafi; wonti akanatiifi Waaqi, gaafa isani yaame, Eeba isanii kenna jed'e. Akuma t'aafiini jettu, Nami jireenna fed'u, ka gammadani tau fed'u, waan hamtu dubbachu himmalle, d'arale dubbachu himmalle. Inni hameenna iraa deebie, waan dansa tolchu male, ammalle nagaya jabeese barbaadu male. Wonti akanatiifi Aabbooni ila ufitiini worra d'uga qorqorate, gurra ufitiini hojja ch'ufa kad'acha worraa d'agaya; ammo worra hameenna tolchu inni dudda iti gargala. Eentu wo isani tolcha, yo isani waan dansa guddo tolchu feetani? Ammo yo waan dansa tolchitani, isani gaargalchanile, ayyaana keesani! Nama insodaatiina, garaa ufi ind'aaniina. Ammo garaa keesani keesati Kristo guddisa Aabbo isa tolfad'a. Nama waan abdi isani ufi keesa qabdani isani gaafatu, aka iti himatani hojja ch'ufa kurfo taha. Ammo garaa laafinatifi ka ch'eeratiini tolcha. Qalbi teesani qulqullefad'a, aka yo isani arabsani nami maro isani adaba dansaani Kristo gula yaataniifi hameenna isaniti dubbatu ch'eeru. Wonti akanatiifi guddo ira dansa, yo waan dansaafi gaargalani, fulla waan hamtuufi gaargalani, yo isiini fed'i Waaqaa taate. Wonti akanatiifi Kristoleeni nami dansaani maro nama hamatiifi due. Inni maro keesaniifi maro tokotu due, aka akasiini Waaqati isani deebisu. Nafa isa ijeesani ammo lubbuuni isaa injirti. Duuba lubbuuni isaa d'at'e lubbu hid'aansa keesa jirtuleti hasoofte. Lubbuuni tuni ta worra Waaqa ch'aqasu dide, gaafa inni, ato Nuhuni hobolo jaaratu obsaani eege. Nama saddeeti ka hobolo keesa jiru ch'allati bahe. Bisaani kunini waan batiso agarsiisaati, ta amma isani baaftu, t'uri nafa ira ind'iit'u, ammo kakhu qalbi dansaani Waaqati kakhataniini isani baafti. Batisooni maro kaisa Yeso Kristotiifi isani baafti, ka gubbati oldeebie harka Waaqa ka mirga tae, malaikafi jabeennaafi humna gubba jiru ch'ufa fidu. Maro Kristoni nafaani gaargaleefi, isanileeni herega suniini ufi jabeesu maltani: wonti akanatiifi nami nafaani gaargale tokoleeni iti deebie daba keesa inseenu. Armaa achi jireenna keesani ch'ufaani fed'i Waaqa keesa taa, d'araa nafa lakisa. Wonti akanatiifi isani ya bara heddu waan worri Waaqa imbeenne tolchu tolchitani. Jireenna keesani keesa ya waan t'uritiifi d'araa nafatiifi d'ugaati farsotiifi sabdoomafi machifi kad'acha d'ara, ta waan harkaani boch'ani, gula yaatani. Amma worri Waaqa imbeenne, yo isani aka worraa waan t'uritiini imbineensomne, mame isani arabsa. Ammo worri kunini ch'ufti waan qara tolche, Waaqa nama jiruufi ka duele qorisa kurfo jiru durati himachu male. Maro waan kanatifi Odu Dansa worra qara due, ka aka nama ch'ufa nafaani qoraniti odeesani. Wonti worrati odeesanifi aka worri lubbuuni aka Waaqi jiru jiraatu. Muummeeni waan ch'ufa ya d'iaatte. Tanaafi ufi tissitani kurfo tau maltani, aka Waaqa kad'attani. Waan ch'ufa ira woljaalad'a, wonti akanatiifi jaalalti daba heddu d'ossiti. Gungumsu male, aananifi fooni qabdani woli kenna. Nami ch'ufti ya Waaqa iraa eeba argate. Duuba inni eeba suni ha jabeese nama ch'ufaani qarqaaruti. Nami wo barsiisu ha dubbuma Waaqaa barsiisuti; nami hojatu ha jabeenna Waaqi kennufiini hojatuuti; aka waan ch'ufa keesati Waaqa faarsani, Yeso Kristo, ka guddinnaafi jabeenna haga hegeri qabu keesa. Amini. Jaalaani tiyya, ilaalacha guddo isani gubde d'ukubsitu tana woma insehiina, aka waan wonti nami taka inargiini tahu jirtu. Ammo gammada, maro isani gaargala Kristo qoodattaniifi, aka hojja guddinni isaa mullatu gammadi keesani qit'au. Ayyaana keesani yo maro maqa Kristotiifi isani arabsani; wonti kunini aka Lubbuuni Waaqa, ta guddinna, gara keesani d'ufte agarsiifti. Isaniini tokoleeni nama ijeeftani yokhaani wo hattani yokhaani wo yakitani yokhaani waan nama keesa seentani ingaargaliina. Ammo yo maro isani Kristianatiifi isani gaargalchani inch'eeriina, ammo galata Waaqaa deebisa, waan isani maqa Kristo qabdaniifi. Hojjaani qorsuma ya geete, qaraa fiit'e worra Waaqaa qorani. Yo qara nuuni iti keyatani, worra Odu Dansa ta Waaqa ind'ugefanne maani tolchani? Akuma t'aafiini jettu, Yo aki nami dansaani bahu gaargala taate, jara daba, ka Waaqa imbeenne, maani tolchani? Tanaafi worri maro fed'ii Waaqati gaargalu, ha huji ufi dansaani harka nama worra uume, ka hojja ch'ufa kakhu ufi guutuuti kennuti. Anini jaarole gumi ta jiddu teesani jirtu kad'ad'a, anileeni jaarsa. Anini gaargala Kristo ila tiyyaani arge, duuba guddinna eegi tana mullisani qooda keesaa qaba. Anini isani kad'ad'a: Hooliye Waaqi isanii kenne garaa tokooni tissa, garaa lamaaniti, akuma Waaqi aka isani tolchitani fed'u. Huji teesani hori keesaa argattani ch'allaafi intolchiina, ammo fed'iini tolcha. Worra harka keesaniti kennani imohatiina, ammo akheekha dansa hooliyee taha. Duuba gaafa Tissituuni Guddooni d'uftu, sure hayyuma ta haga jirtu adi ch'aama argattani. Akasuma isani kaimi, jaarole saalfachu maltani. Nami ch'ufti ha ufi diqeese woli hojatu; wonti akanatiifi Waaqi worra ufi guddisuuni morka, ammo ka ufi diqeesu ineebisa. Harka Waaqa jalati ufi diqeesa duuba, aka inni, yo hojjaani geete, isani guddisu. Gaargala keesani ch'ufa harka isaati kennad'a, wonti akanatiifi inni isani jaalate qorqorata. Kurfo taa, eegad'a! Nyaapi keesani Sheet'ani, aka nyeench'a itanaa deeme nama nyaatu barbaada. D'ugefacha teesani jabeesa, isa dida; isani imbeetani, aka nami aka keesani d'ugefate, lafa ch'ufa keesa, akuma keesani gaargalu jiru. Ammo eegi isani bulti diqo toko gaargaltani, Waaqi eeba ch'ufa, ka aka guddinna Kristo woliini qoodattani isani yaame, isani qit'eese, jabeenna isanii kenne, yayaba jaba isanii mid'aasa. Inni jabeenna ammatiifi ka hegerile argatinna! Amini. Anini tatabe diqo tana qarqaarsa Silwano, ka anini aka oboleesa d'uga heregad'utiini, t'aafe. Anini isani jabeesu fed'a, ammalle aka eebiti Waaqaaqaaqa d'uga, isaniti himu fed'a. Eeba tanaani jabaad'a. Gumiini Babiloni, ta Waaqi fohate, nagaya isanii d'aamti, ilmi kiyya Marikoleeni nagaya d'aamata. D'ungo jaalala Kristianatiini nagaya wolfuud'a. Nageenni isani worra Kristo ch'ufa woliini tahinna. Maqaani kiyya Simoni Petro, anini hojattufi ergattu Yeso Kristo. Anini tatabe tana gara worra d'uga Waaqaatiifi ta Qarqaarsa Yeso Kristotiini d'ugefacha dansa aka teenna argateti t'aafa. Eebafi nagaya guddisa argad'a maro hubacha Waaqaatiifi ta Yeso Aabbo keenna. Jabeenni isaa jabeenna Waaqaati, ya waan nu argachu male ch'ufa nuu kenne, aka jireenna dansaani teennu, waan nu nama nu yaame guddinnaafi dansooma ufi nu qoode beennuufi. Kara kanaani, inni ya kakhu dansa, ta guddo wo nu baatu nuu kenne, aka eegi waan inni kakhate argattani, d'araa badi, ta lafa tana keesa jirtu, duraa baatani, Waaqa fakaattani, jireenna isaa qoodattani. Maro waan kanatifi jabaad'a aka dansooma d'ugefacha teesaniti darattani; dansooma keesaniti hubacha darad'a; hubacha teesaniti ufi qorqorti darad'a; ufi qorqorti teesaniti obsa darad'a; obsa keesaniti jireenna Waaqa darad'a; jireenna Waaqa keesaniti jaalala oboleyaani darad'a; jaalala oboleyaaniti jaalala darad'a. Waan kana ch'ufa qabaachu maltani; yo waan kana ch'ufa qit'e ufi keesa qabaattani, beekhuma Aabbo Yeso Kristo keesa jabaattani mid'aani baaftani. Nami waan kana inqamne balla, ila inqabu, aka daba isaa ka dabre iraa qulqulleesani imbeekhu. Tanaafi oboleyaani tiyya, jabaad'a, aka yaamicha Waaqaatiifi fohacha isaa waan guyya ch'ufa tolfattani; wonti akanatiifi yo waan kana tolchitani haga jirtani injiddani. Kara kanaani aka Finna Aabbo keennafi Qarqaarsa keenna Yeso Kristo ka hegeri argattani isani tolchani. Duuba waan kana anini hojja ch'ufa isani qaabsiisa, ato isani beetani, d'uga qara argatani aka dansa jabeesitanile. Anini guddo qajeeltu seha, yo anini qalbi teesani tuqe qaabsiise, haga anini jiru. Anini imbeekha d'iotu dua, akuma Aabbo Yeso Kristoni diideese nati hime. Anini jabaad'e, kara isanii mid'aasa, aka isani waan kana eegi anini duele hojja ch'ufa qaabattani. Wonti akanatiifi nu odu duri ta woma keesa injirre gula, aka Aabbo Yeso Kristoni jabeennaani d'ufu, isaniti inhimne. Iluma teennaani guddinna isaa agarre! Gaafa Aabbo Waaqi ulfinnafi guddinna isaa kenne, nu achi jirra, gaafa qonqooni gara Guddinna gubbati gadi d'ufte. Kunini Ilma kiyya, ka anini jaalad'u, ka guddo naa gammachiisu jette. Nu qonqo tana ta gubba gadi buutu d'ageenne, gaafa nu isa woliini gaara qulqullo gubba jirru. Nu d'aamsa raagooti nuti himte aka dansa beenna. Yo waan kana aka dansa ch'aqaftani, waan dansa tolchitani; wonti akanatiifi inni aka ifse dukana keesa ifsitu jira, haga lafti bariite urjiini ganama gara keesaniti ifsituuti. Waan ch'ufa ira, waan kana qaabad'a: nami tokoleeni dandae fagiisa t'aafi qulqullo keesati t'aafani akuma fed'u inhimu. Wonti akanatiifi dubbini fagiisaa tokoleeni taka fed'i nama keesaa imbaane, ammo Lubbu Qulqulloti nama dubbachiise, ato nami dubbi fulla Waaqati d'ufte dubbatu. Raagooti d'ara duru biyyati d'ufte, ammalle akasuma raagooti, d'ara isaniti indufti. Barsiisa d'araatiifi ta nama balleesituuni d'ufte, Aabbo ka worra baase mormatte maro tokotu ufi balleesite. Yo akasi taatele, nami hedduuni kara worra hama gula yaa. Ammalle waan worri tolchuufi, hameenna kara d'uga dubbatani. Barsiiftuuni d'ara tunini sabdooma ufitiifi odu d'ara odeesiti, aka wo keesa argattu. Bara heddu Nami worra qoru kurfo jira, Ka worra balleesuleeni ya hiriibaa kae! Waaqi malaika duri daba tolchite akanumati illakimne, ammo boola ibaditi gate duuba achiti haada sibiilatiini hid'ani, dukana keesati qorsuma eegati. Waaqi lafa duri akanumati illakimne, ammo lafa worra Waaqa insodaanne bokaa gudda iti roobe fach'aani balleese; nami inni baase Nuhu ka d'uga barsiiseefi nama torba d'ibi. Waaqi dira Sodomafi ka Gomora wollaala iti mure, ibidaani gube daara tolche, akheekha nama Waaqa insodaanne ka eegi tana d'ufu tolche. Inni nama dansa ka Lutu jed'ani ch'alla baase, ka hameenni worra seera imbeenne isa gaargalche. Nami dansaani sunini jiddu worraa tae, guyya ch'ufa hameenna worraa arge d'agaye, garaani isaa hamaate. Tanaafi Waaqi aka nama d'uga gaargala isaa duraa baasu imbeekha, ammalle nama hama haga Guyya Qorsuma gaargalchu imbeekha, keesuma worra d'araa nafa hama gula yae jabeenna Waaqa tuffatu. Barsiiftuuni d'ara tunini ch'ufti daalle kiyyibdu, ta mata jabaattu, ta uumata gubba jira insodaanne arabsitu. Malaikaleeni ta jabeennaafi humna worra ira qabdu Aabbo durati worra himatte inarabsitu. Ammo worri kunini aka bineensa ala ka qalbi inqamne jira, ka qabisaafi ijeecha d'alate; worri waan inhubanne arabsa. Worri aka bineensa ala balleesani; akuma worri gaargalaani d'ufe, worrale gaargala itiini d'ufani gammadi worraa yo waan d'araa nafa worraa quufisitu guyya guddaani tolchani, hojja worri sagale isanii woliini nyaatu waan fafaati, waan worri kara sobaa jaalatufi. Worri waan tokole imillatu, nad'eeni male, sabdooma worraa ka gara daba haguma jirani inquufsani. Worri nama laafa ch'ufa t'urura keesa buusa. Onneeni worraa ya sabdooma baratte, tanaafi worri abaarsa Waaqa qaba. Worri la kara qajeela iraa gore bade; ya kara Balaamu, ilma Beori gula yaae; inni hori hameenna tolche fud'atu jaalate, waan wollaala isatiifi isa gorsani. Wonti akanatiifi harreeni duudaani qonqo namatiini dubbatte, waan daalluma ka raagi suni tolchu d'owarte. Worri kunini aka eela madda inqamne jira, aka dumansa bubbeeni fuutu jira; Waaqi ya dukana sipe keesati fulla worraa mid'aase. Dubbi kiyyibatiifi ta daalluma dubbatani, nama diquma toko worra wollaala qabu keesaa imbahiini d'araa nafatiini sobani t'urura ke buusani. Nu isani balchoomsina nama suniini jed'ani, ammo worri ufiyu tissele waan hamtu, wonti akanatiifi naminu tisse waan isa dabsate ch'ufaati. Yo nami maro Aabboofi Qarqaarsa keenna Yeso Kristo beekhufi t'uri lafaa keesaa bahe, ammo ammalle hameenni suni isa qabe dabsate, nami sunini haga qarale ira hameenna keesa jira. Sila ira isaa jirti, yo inni kara d'uga imbaratiini, fulla barate, ammo seera qulqullo isaa kennani kaani ira badu. Wonti worri tahe mammaasa, Sareeni didiiga ufiti deebite nyaatti jed'ufi Goljaani d'iqani iti deebie d'oqe keesa gangalata jed'u, aka inni d'uga agarsiifti. Jaalaani tiyya, tatabeeni lameeso ta anini isanii t'aafe tana. Tatabe tana lachu keesati anini ya herega dansa isanii kennu fed'e, waan kana isani qaabsiise. Dubbi raagooti qulqullooni duri jetteefi ammalle seera Aabboofi Qarqaarsi harka ergattu isatiini isanii kenne qaabad'a. Qaraa fiit'e, hubachu maltani, aka guyya eege, nami gari ka d'araa nafa ufi ch'alla fed'u, gadi d'ufu. Isani koblani waan jed'ani, Inni Ind'ufa jed'eeyu? Amma meeti? Ababooti teenna duri doote, ammo wonti ch'ufti haga lafa uumani akuma takaakaa jirti! jed'ani. Worri suni ato beekhu, waan kana dida: duri Waaqi dubbannaani lafafi gubba uumani. Lafa suni bisaani keesaafi bisaaniini uumani, ammalle bisaani lolatiini lafti duri badde. Ammo lafafi gubba amma jirtu tana ya olkayani, dubbuma Waaqa suniini, aka ibidaani balleesani. Inni guyya nama daba ch'ufa qorani balleesaniifi olkaye. Ammo waan kana inded'ina, jaalaani tiyya! Waaqa durati guyya tokofi ganni kunki tokoleeni haguma taka. Aabbooni kakhu ufi inuma guuta, aka nami gari sehuniti. Ammo inni guddo isani obsa; wonti akanatiifi inni nama tokole ka badu imfed'u, ammo nama ch'ufa ka daba iraa deebiu fed'a. Ammo Guyyaani Aabbo aka hattu d'ufa. Guyya suni gubbaani iyana guddooni badde, wonti gubba jira ch'ufti gubatte hobaate, lafafi wonti isi keesa jira ch'ufti imbaddi. Maro wonti kunini ch'ufti akana badduufi, isani nama akami tahu maltani? Jireenni keesani ch'ufti ha qulqullae Waaqa durati qit'au, ato Guyya Waaqaa eeddanu, jabaad'a aka Guyyaani suni hurrise d'ufu — Guyya gubbaani gubatte badde, wonti gubba jira ch'ufti bat'e baddu. Ammo nu waan Waaqi nuu kakhate lafa hareetifi gubba hareeti d'ugani guutamte teenne eeganna. Tanaafi jaalaani tiyya, ato guyya suni eeddanu, jabaad'a aka fuula Waaqa durati qit'oomtani, wollaala male nagayaani isa woliini teetani. Aka obsi Aabbo keenna baafama nu tahu qaabad'a, akuma oboleesi keenna Pauloni qalbi Waaqi isaa keenneeni isaanii t'aafe. Wonti inni tatabe ufi ch'ufa keesati t'aafu tana. Waan jajabduti tatabe isaa keesa jira, ka nami woma imbeenneefi lalaafaani aka d'ara himu, akuma worri waan t'aafi qulqullo keesa t'aafani ka gari tolche, akanaani ufi balleesu. Ammo isani, jaalaani tiyya, waan kana qaraa beetani. Ufi tissa duuba, aka wollaali nama Seera inguunne isani balleese teesuma teesani dansa ind'amne. Ammo eebafi hubacha Aabbo Qarqaarsa keenna Yeso Kristo keesa guddad'a. Guddinni ka isaati, ammafi hegerile! Amini. Nu waan Dubbi jireenna ta haguma duriiti jirtu t'aamna: nu ya gurra keennaani d'ageenne, ila teennaani agarre dawanne, harka keennaani tunne. Jireenni kunini mullannaani argine; tanaafi waan isaa dubbanna, ammalle waan jireenna hegeri ka Abba woliini jiru, ka nu beesisani, isaniti himna. Nu waan argine d'ageenne isanileti himna, aka isanileeni wold'aqisa nu Abbaafi Ilma isaa Yeso Kristo iraa qamnu argattani. Ammalle aka gammadi keenna qit'aufi waan kana t'aamna. D'aamsi nu Ilma isaa ira d'ageenne isaniti himnu kana: Waaqi ifsa, isa keesa dukanti tokoleeni injirtu. Yo nu Waaqaani wold'aqisa qamna jenne, ammo dukana keesa yaane, nu d'ara dubbanne d'ugaani nu keesa injirtu. Ammo yo akuma inni ifse keesa jiru nuleeni ifise keesa jiraanne wold'aqisa qamna; ammalle d'iigi Yeso, Ilma Waaqa daba keenna ch'ufa nura d'iqe qulqulleesa. Yo, Nu daba inqamnu jenne, ufi somne, d'ugaani nu keesa injirtu. Ammo yo daba keenna Waaqati himanne, inni ka d'ugefataniifi ka d'ugaati; daba keenna nu araarame, ch'ubbu teenna ch'ufa qulqulleesa. Yo, Nu daba intolchine jenne, isa d'areesina, dubbini isaleeni nu keesa injirtu. Ijoolle tiyya, anini waan kana isanii t'aafa, aka isani daba intolchine; ammo yo nami daba tolche, nu Yeso Kristo ka d'uga qamna, ka Abba nu kad'atu. Maro huji isaatiifi daba keenna nu araaramani, keenna ch'allaaniti ammo ka nama lafa ch'ufale. Aka Waaqa beennu yo seera isaa guunne beenna. Nami, Anini isa beekha jed'e, ammo seera isaa inguunne d'articha, ammalle d'ugaani isa keesa injirtu. Ammo nami dubbi isaa guutu ch'ufti ya akuma d'uga qit'eese Waaqa jaalate. Maro waan kanatifi nu imbeenna aka nu Waaqa keesa jirru: nami, Anini Waaqa keesa jira ufiini jed'u, aka Kristoni tahe tahu male. Jaalaani tiyya, anini seera haraa isanii t'aafuuti injiru; ammo seera dullacha ka duru jiru. Seeri dullachi suni dubbi isani duru d'ageetani. Taatule, seeri anini isani t'aafu hareesa, aka inni d'uga, isanifi Kristole keesati inargani. Wonti akanatiifi dukanti dabru jirti, ifsaani d'uga yayu ifse. Nami, Anini ifsa keesa jira jed'e ammo oboleesa ufi jibbu ammalle dukana keesa jira. Nami oboleesa ufi jaalatu ifsa keesa taa, wonti isa gufachiisa tokoleeni injirtu. Ammo nami oboleesa ufi jibbu dukana keesa jira, ammalle dukana keesa dedeema; gara deemule imbeekhu, waan dukanti lafa argu isa d'owarteefi. Anini isanii t'aafa, ijoolle tiyya, waan daba keesani maro Kristotiifi isanii araaramaniifi. Anini isanii t'aafa, abbooti, waan isani nama haga duriiti jiru beetaniifi. Anini isanii t'aafa, kaima, waan isani woni hama suni dabsattaniifi. Anini isani t'aafa, ijoolle, waan isani Abba beetaniifi. Anini isanii t'aafa, abbooti, waan isani ka haguma qara jiru beetaniifi. Anini isanii t'aafa, kaima, waan isani jabaattani, dubbini Waaqaa isani keesa jirtuufi, ammalle waan isani Hama Kaani dabsattaniifi. Lafafi waan keesa jira tokole injaalatiina. Yo nami lafa jaalate, jaalalti Abba isa keesa injirtu. Wonti lafa keesa jira ch'ufti, d'araa nafatiifi d'araa ilaatiifi finna nami jaalatuleeni gara Abbaati ind'umne, ammo lafuma keesaa d'ufe. Lafafi d'araani isileeni indabarti, ammo nami fed'i Waaqa tolchu haga hegeri taa. Ijoolle tiyya, muummeeni ya d'iaatte! Aka nyaapi Kristo d'ufu ya isaniti himani; nyaapi Kristo hedduuni amma yayu mullate, tanaafi aka muummeeni d'iaate imbeenna. Worri kunini qarale gumi teennaaniti, tanaafi nu biraa yaa; yo sila gumi teenna keesa jiraatani, nu woliini taani. Ammo wonti worri nu biraa yaeefi aka tokoleeni gumi teenna intahiini agarsiifti. Lubbu Qulqullooni ya isani muudani, tanaafi isaniini ch'ufti d'uga beetani. Anini waan kana maro isani d'uga imbeenneefi isanii int'aamne; ammo maro isani d'uga beetaniifi isanii t'aafe, ammalle isani imbeetani, aka d'arti tokoleeni d'uga keesaa imbaane. Eentu d'articha, nama Yesoni Kristoniti jed'u male? Nami kunini Nyaapa Kristoti, Abbaafi Ilmale indida. Nami Ilma didu Abbale ya dide, ka Ilma fud'atu ya Abbale fud'ate. Wonti isani haguma duriiti d'ageetani ha isani keesa teetu. Yo wonti isani haguma duriiti d'ageetani isani keesa teete, isani Ilmaafi Abba keesa teetani. Tunini waan Kristoni nuu kakhate, aka jireenna hegeri nuu kennu. Anini waan worra isani sobu fed'u t'aafa. Yayu muudani; haga Lubbuuni suni isani woliini jirtu, nama isani barsiisu imfeetani. Lubbuuni waan ch'ufa isani barsiifti, wonti isiini isani barsiiftu waan d'ugaati, d'araaniti. Barsiisa Lubbu ch'aqasa, Kristo keesa taa. Ee, ijoolle tiyya, Kristo keesa taa, aka yo inni mullate, nu jabaanne, Guyya inni d'ufu inch'eere. Yo isani aka Kristoni d'uga beetani, aka nami waan d'uga tolchu ch'ufti ijoolle Waaqa beetani. Haga Abbaani nuu jaalate ilaala! Jaalati isaa waan guddo, tanaafi ijoolle isaa nuuni jed'ani, nuleeni akasuma. Wonti nami lafa nu imbeenneefi waan Waaqale imbeenne. Jaallani tiyya, nu amma ijoolle Waaqati, ammo ammalle waan iti yaanu aka dansa imbeennu. Ammo waan kana imbeenna: Yo Kristoni mullate nu aka isaa taana waan nu aka inni jiru arginufi. Nami abdi tana Kristo keesa qabu ch'ufti akuma inni qulqullo ufile qulqullaa. Nami daba tolchu ch'ufti yayu seera Waaqa ch'abse, wonti akanatiifi daba tolchitini seera ch'absiiti. Isani imbeetani, Kristoni aka daba ch'ufa fud'atuufi d'ufe, ammo dabi isa keesa injiru. Tanaafi nami Kristo keesa tau sila daba intolchu; ammo nami daba tolchuma tolchu taka isa ingarre yokhaani isa imbeenne. Nami tokoleeni isani insobini, ijoolle! Nami waan qajeela tolchu ch'ufti nama d'ugaati, akuma Kristoni ka d'ugaa. Nami daba tolchu ka Sheet'anaati, waan Sheet'ani haguma duriiti daba tolchuufi. Ilmi Waaqaa aka huji Sheet'ana dabsatuufi d'ufe. Nami Waaqaani d'alate daba intolchu, waan jireenni Waaqa isa keesa taufi; ammalle inni dandae daba intolchu, maro inni Waaqaani d'alateefi. Maro waan kanatifi ijoolle Waaqatiifi ijoolleeni Sheet'ana gargari gorti: nami d'uga intolchine yokhaani ka oboleesa ufi injaalanne ch'ufti ka Waaqaatiiniti. D'aamsi isani haguma duriiti d'ageetani kana: aka nu ch'ufti woljaalachu malle. Aka Kaini tahu himmalle; inni goli Sheet'ana tahe, oboleesa ufi ijeese. Kaini maafi isa ijeese? Maro wonti oboleesi isaa tolche qajeela taate, ta inni tolche hameenna taateefi. Tanaafi himamiina, oboleyaani tiyya, yo nami lafaa isani jibbe. Nu aka dua lakimne jireennati baane beenna; maro oboleyani teenna jaalannuufi waan kana beenna. Nami nama injaalanne duisa keesa jira. Nami oboleesa ufi jibbu ya nama ijeese; isani imbeetani aka nami nama ijeesu jireenna hegeri ufi keesa inqamne. Aki nu jaalala beennu kana: Kristoni jireenna ufi nuu baase. Nuleeni duuba jireenna keenna oboleyaani teenna baasu malle. Yo nami hori lafa tana qabaate ammalle oboleesa isaa ka gaargala qabu arge ammo garaa iti jabaate, inni akamiini, Waaqa jaalad'a ufiini jed'a? Ijoolle tiyya! Jaalalti teenna dubbi afaani ch'alla intahiini; ammo jaalala d'uga tahu malte, ta huji dansaani ufi mulliftu Kara kanaani nu aka d'uga keesa jirru ufi beenna. Kara kanaani Waaqa durati garaa ufi jabeesina. Yo heregi keenna wollaala nuti mure nu aka Waaqi herega keenna ira gudda ka ammalle waan ch'ufa beekhu imbeenna. Tanaafi jaallani tiyya yo heregi keenna wollaala nuti imurini, nu Waaqa durati woma insodaannu. Waan kad'annu ch'ufa isa ira inarganna, maro nu seera isaa guunne waan isa gammachiisa tolchinufi. Wonti inni fed'u tana: aka nu Ilma isaa Yeso Kristo d'ugefanne, aka Kristoni nuti hime woljaalannu. Nami seera Waaqa gula deemu ch'ufti Waaqa keesa jira, Waaqileeni isa keesa jira. Kara kanaani aka Waaqi nu keesa jiru beenna, waan inni Lubbu ufi nuu kenneefi. Jaalaani tiyya, nama, Anini Lubbu Waaqa qabu jed'u ch'ufa ind'ugefatiina, ammo gargari hubad'a aka lubbuuni suni gara Waaqati d'ufte. Wonti akanatiifi raagi d'ara hedduuni ya lafa d'ufe. Kara kanaani Lubbu Waaqa beetani: Lubbuuni Yeso Kristoni nama tahe jettu ch'ufti gara Waaqati d'ufte. Ammo lubbuuni Yeso mormitu gara Waaqati ind'umne. Lubbuuni tunini gara Nyaapa Kristoti d'ufte; aka isiini d'uftu ya d'ageetani, amma ya d'ufte, lafa jirti. Ammo ijoolle tiyya, isani ka Waaqaati, raagoota d'ara ya dabsattani; wonti akanatiifi Lubbuuni isani keesa jirtu lubbu worra lafa keesa jiru ira jabdu. Worri worra lafaati, waan lafa dubbata; maro tanaafi lafti worra ch'aqafti. Ammo nu ka Waaqaati. Nami Waaqa beekhu ch'ufti nu ch'aqasa; ka Waaqa imbeenne nu inch'aqasu. Kara kanaani lubbu d'ugatiifi lubbu d'ara gargari beenna. Jaalaani tiyya, woljaalanna, waan jaalalti gara Waaqati d'uftuufi. Nami jaalala qabu ch'ufti ijoolle Waaqaati, Waaqale imbeekha. Nami jaalala inqamne Waaqa imbeekhu, waan Waaqi jaalalatiifi. Waaqi kara kanaani jaalala ufi nuu garsiise: inni Ilma ufi tokocha lafati erge, aka nu isaani jireenna argannu. Jaalalti tana: waan nu Waaqa jaalannefiiniti, ammo waan inni nu jaalate, Ilma ufi nu erge, akanaani maro huji isaatiifi daba keenna nu araaramani. Jaallani tiyya, yo Waaqi hagana nu jaalate, nuleeni woli jaalachu malle. Nami taka Waaqa arge injiru; yo nu woljaalanne Waaqi nu keesa jira, jaalalti isaa nu keesati qit'oomti. Kara kanaani aka d'uguma Waaqa keesa jirru ammalle aka Waaqi nu keesa jiru beenna: inni ya Lubbu ufi nuu kenne. Ammalle nu ya garre ammalle biyyati odeesina aka Abbaani Ilma ufi erge, aka Qarqaarsa lafaa tahu. Nami, Yesoni Ilma Waaqa jed'u ch'ufa Waaqi isa keesa taa, innileeni Waaqa keesa taa. Nuleeni imbeenna, ammalle ind'ugefanna jaalala Waaqi nuu qabu. Waaqi jaalala, nami jaalalaani tau ch'ufti Waaqa keesa taa. Maro waan kanatifi jaalalti nuu qit'oofti, aka nu Guyya Qorsuma woma insodaanne, maro jireenni keenna lafa tana keesa aka ka Kristo jiruufi. Sodaani jaalala keesa injirtu; jaalalti d'uga soda balleesiti. Tanaafi nama soda qabu keesati jaalalti inqit'oomne, waan sodaani gaargala qabduufi. Wonti nu jaalannuufi, Waaqati qara nu jaalate. Yo nami, Anini Waaqa jaalad'a ufiini jed'e, ammo oboleesa ufi jibbe, inni kiyyiba. Inni dandae Waaqa ka ilaani ingarre injaalatu, eegi oboleesa ufi ka ilaani argu injaalanne. Tanaafi seeri Kristoni nuu kenne kana: nami Waaqa jaalatu oboleoleesa ufile jaalachu male. Nami aka Yesoni Kristo d'ugefatu ch'ufti ijoolle Waaqa; nami abba jaalatu ch'ufti ilma isale injaalata. Kara kanaani aka nu ijoolle Waaqaa jaalannu beenna: yo Waaqa jaalanne seera isaa guunne. Jaalalti Waaqa tana: aka seera isaa guunnu. Seeri isaleeni nama ind'ibu, waan ijoolleeni Waaqaa ch'ufti lafa dabsachu dandeetuufi. Akanaani lafa dabsanna: d'ugefacha teennaani. Eentu dandae lafa dabsata: nama aka Yesoni Ilma Waaqa d'ugefatu male? Yeso Kristoni d'iigafi bisaaniini d'ufe. Inni bisaani ch'allaani ind'umne ammo bisaanifi d'iigaani d'ufe. Aka wonti kunini d'uga Lubbuleeni yayu himte, maro Lubbuuni d'ugatiifi. D'uga saditi jira, Lubbufi bisaanifi d'iiga; worri sadeenu waan taka dubbata. Nu d'uga nami dubbatu ind'ugefanna; ta Waaqi jed'u hagasi ira jabduu, ammalle d'ugaani, inni waan Ilma isaa ya d'ugeese. Nami Ilma Waaqa d'ugefatu ch'ufti d'uga tana garaa ufi keesa qaba; ammo nami Waaqa ind'ugefanne ya Waaqa kiyyiba tolche, maro inni waan Waaqi waan Ilma isaa d'ugeese d'ugefachu dideefi. D'ugaleeni tana: Waaqi ya jireenna hegeri nuu kenne, jireenni kunini Ilma isaa keesa jira. Nami Ilma qabu ch'ufti jireenna kana inqaba; nami Ilma Waaqa inqamne jireennale inqabu. Wonti anini waan kana isanii t'aafuufi, aka isani aka jireenna hegeri qabdani hubattani — isani worri Ilma Waaqa d'ugefatu. Maro waan kanatifi nu fuula Waaqa durati insodaannu; nu abdi qamna aka waan nu feenu ch'ufa inni nuu kennu, yo nu fed'i isaa gula kad'anne. Yo nu isa yaamannu ch'ufa inni nuu d'agaya; maro nu aka wonti kunini d'uga beennuufi, nu aka inni waan nu kad'annu ch'ufa nuu kennu imbeenna. Yo nami oboleesa ufii ka daba nama ijeesu tolchu arge, ha Waaqa kad'atuufi: aka Waaqi jireenna isaa keennu. Wonti kunini waan nama daba nama ijeesa intolchiini dubbatti. Ammo dabi nama ijeesu injira; anini, daba kana Waaqa kad'ad'a isaniini injed'u. Wollaali ch'ufti daba, ammo dabi nama inijeemne injira. Nu imbeenna aka ijoolleeni Waaqaa daba hojja ch'ufa intolchine wonti akanatiifi Ilma Waaqati isi qorqorata aka hamaani kaani dandae woma isi intolchine. Nu imbeenna aka nu ka Waaqa ammalle aka lafti ch'ufti harka Hama Kaani keesa jirtu. Ammalle nu imbeenna aka Ilmi Waaqa d'ufe hubacha nuu kenne, akasiini aka Waaqi d'ugaa beenna. Nu Waaqa d'ugaa keesa jira, Ilma isaa Yeso Kristo keesa. Waaqi d'ugaa kana, jireenni hegerileeni kana. Ijoolle tiyya, waaqoota d'ara lagad'a! Anini Jaarsi, gara Jaarti Waaqa fohatetifi ijoolle isii ta ani guddo jaalad'u t'aafa. Anini ch'allaani isani injaalad'u, ammo nami d'uga beekhu ch'ufti isani jaalata; wonti akanatiifi d'ugaani nu keesa jirti, ammalle haga hegeri nu woliini teeti. Abba Waaqafi Yeso Kristoni, Ilmi Abba, eebafi naasufi nagaya nuu kenninna; wonti kunini ch'ufti ha d'ugaafi jaalalaani teenna taatu. Anini aka ijoolleeni tante ta gari d'uga keesa teetu arginaani guddo gammade, akuma Abbaani nuti hime. Tanaafi anini si kad'ad'a, Aato, nuuni ch'ufti woljaalanna. Seeri anini sii t'aafu kunini hareesaaniti; seeruma haga duriiti harkaa qamnu. Jaalalti anini waan isi dubbad'u tunini, Seera Waaqa guutu maltani nuuni jetti. Seeri, isani haguma duriiti d'ageetani, kana: Woljaalad'a. Nami nama sobu hedduuni ka Yeso Kristoni fakaata nama intaane jed'u, ya lafa d'ufe nami akana kunini nama soba, inni nyaapa Kristoti. Ufi eegad'a, aka waan hojattani argattani imballeesine, ammo galata keesani aka dansa argattani. Nami barsiisa Kristo keesa inteenne, ammo biraa dabru, Waaqa inqabu. Nami barsiisa suni keesa tau Abbaafi Ilmale inqaba. Yo nami d'ufe barsiisa tanaani siti ind'umne, nama suni balbala mana keti duraa imbaniini; nagayale infuud'iini. Wonti akanatiifi nami nagaya isa fuud'u ch'ufti waan hamtu inni tolchu isa woliini qoodata. Anini waan heddu ka siti himu qaba, ammo tatabe irati t'aafu imfed'u; taatule la heregad'e aka d'ufe siini hasau, aka nuuni ch'ufti gammannu. Ijoolleeni Oboleeti tante, ta Waaqi fohate, nagaya sii d'aamti. Anini Jaarsi, gara Gayo ka anini guddo jaalad'u t'aafa. Jaala kiyya, anini Waaqa kad'ad'a, aka atini nagayaani teete fayya nafa argattu, anini imbeekha, lubbuuni tante fayya. Oboleyaani toko d'ufte, aka atini d'uga keesa jirtu nati himte jennaani anini guddo gammade akuma atini durile d'uga keesa teetu. Wonti ijoolle tiyya ta d'uga keesa teetu ira na gammachiisa injirtu. Jaala kiyya, yo oboleyaani qarqaartu, ato worri keessuma taatele, waan guddo dansa tolchita. Jaalala tante ya gumi armaati hasaani. Worra qarqaari, aka imaltuuni worraa kara Waaqi fed'uuni toltu. Worri kaeti imaltu huji Kristo tolchu d'aqe, ka qarqaarsa nama ind'ugefatinle iraa infeene. Nu Kristiani jara kana qarqaaru male, aka nu huji worraa ta d'uga worra woliini qoodannu. Anini tatabe diqo toko gara gumi t'aafe; ammo namichi Diotrefe jed'ani, ka gudda worraa tahu fed'u, dubbi tiyya womatu indarre. Yo anini d'ufe, waan inni tahe ch'ufa diidati baasa, waan hamtu inni nu tolcheefi kiyyiba inni dubbate! Ammo wonti kunini isa ingeetu; yo oboleyaani d'ufte inni worra ind'ieesu, ammalle jara worra d'ieesu fed'ule d'owe gumi keesaa baasu fed'a! Jaala kiyya, waan hamtu gula indeemini, ammo waan dansa gula deemi. Nami waan dansa tolchu ch'ufti ka Waaqaati; ka waan hamtu tolchu Waaqa ingarre. Nami ch'ufti waan Demetrio dansa dubbata; d'ugaleeni waan isaa dansa dubbatti. Nuleeni d'uga teenna iti dara, atini aka wonti nu jennu d'uga imbeeta. Anini waan heddu ka siti himu qaba, ammo tatabe irati t'aafu imfed'u. La heregad'e aka d'iotu si argu, yoosi wolhasoomna. Nagaya keesa tai. Jaallaani tante ch'ufti nagaya d'aamti. Jaallaani teenna ch'ufa nagaya naa fuud'i. Maqaani kiyya Yuda, hojattu Yeso Kristotiifi oboleesa Yakobo; gara worra Waaqi yaame, ka jaalala Abba Waaqa keesa taufi ka qorqorti Yeso Kristo jala jiruti tatabe tana t'aafa. Naasufi nagayafi jaalala guddisa argad'a! Jaalaani tiyya, anini guddo herege aka waan baafama nuuni ch'ufti woliini qamnu isani t'aafu; duuba tatabe tana ya isanii t'aafe aka isani jabaattani, d'ugefacha Waaqi gumi isaa ch'ufa maro tokotu kenne jabeesitani badi d'owartani. Wonti akanatiifi nami gari ka Waaqa imbeenne, ato nu imbeekatiini ya jiddu teenna seene, aka d'araa ufi guutatu, dubbi eeba Waaqa gaargalche Yeso Kristo Aabbo keenna tokochale dide. Duri duri t'aafiini qulqullooni qorsuma worri argatu tana fadde. Ato isani waan kana ch'ufa aka dansa beetanile, anini aka Aabbooni gosa Israeli lafa Misiri keesaa baase, ammo eegi suni worra isa ind'ugefatiini ch'ufa balleese isani qaabsiisu fed'a. Malaikoota fulla ufi lakifte fulla isi himmalini yaate qaabad'a. Waaqi worra ya haga jiru jireenna haada sibiilatiini dukana lafa jala keesati hid'e aka guyya jaba ka wollaala iti murani eegattu. Sodomafi Gomorafi dira lafa suni ch'ufa qaabad'a! Worri dira suni waan malaikaani taate tolche, sharmut'omafi hameenna taka inargiini gula yae: Duuba gaargala ibida argate aka akasiini nama ch'ufaa gorsa tahu. Worri Waaqa imbeenne ka baanani kunileeni akasuma taha, oobju keesa nafa ufiti dabe, jabeenna Waaqa tuffate, guddinna gubba ka jabeenna qabu arabse. Malaikaani guddooni Mikaelileeni waan akana kana taka intolchine. Gaafa inni reefa Musa irati Sheet'anaani woldidani, Mikaelini Sheet'ana arabsu dide waan jed'eeni, Aabbooni si gorsinna! Ammo worri kunini waan inhubanne arabsa, ammalle wonti worri aka bineensa suufe beekhu waan worra balleesa ch'alla. Gaargala worraati! Ya kara Kainini deeme fud'atani; ya maro horitiifi akuma Balaamu wollaala gula badani; ya aka Korani lole lolani ufi balleesani. Ammalle worri farso ch'eera foko male d'uge, jila teesani t'ureesa, worri ufi ch'alla qorqorata. Worri aka dumansa bokaya inqamne, ka bubbeeni d'oofte jira. Aka mukha ch'aamsaale mid'aani imbaamne jira mukha buqisani goge fakaata. Aka d'awa baariini jira, hujiini worraa hamtuuni aka homachaa mullati. Aka urji ch'eetu jira, Waaqi ya fulla dukana sipeti haga jira jireenna teesuma worraa mid'aase. Henoko, ka d'aloota torbeeso Adamu gulati, duri waan worra fage waan jed'e: Ilaala, Aabbooni malaika ufi qulqullo kunki hedduuni woliini d'ufa, aka nama ch'ufa qoru, aka nama Waaqa imbeenne ch'ufa wollaala iti muru, maro huji hamtu worri tolcheefi, ammalle maro dubbi hamtu worri Waaqaani jed'eefi! Worri kunini hojja ch'ufa gungumeti woli himata, fed'i garaa hamtu gula yaa. Worri waan fed'u argatu ufi guddise nama soba. Ammo waan kana qaabad'a, jaallaani tiyya! Waan ergattuuni Aabbo keenna Yeso Kristo duri isaniti himte qaabad'a. Worri waan isaniini jed'e, Gaafa muummeeni d'iaatte, nama isani kobluti d'ufa, ka d'araa ufi hamtu ch'alla gula yaau. Worri kunini gargari nama qooda, aka fed'i nafa worra gula iyaanne. Ammo isani, jaallaani tiyya, d'ugefacha teesani qulqullo jabeesa gula yaa. Jabeenna Lubbu Qulqullotiini Waaqa kad'ad'a, jaalala Waaqa keesa taa, ato Aabbo Yeso Kristo ka naasu ufitiini jireenna hegeri is isanii kennu eegattanu. Worra garaa lama qabuu naha: ibida keesaa worra baasa. Nama d'ibile ch'ufaa naha, ammo sodaad'a, woya dabi worra t'ureesele jibba. Gara isaa ka dandae jigu isani d'owe, wollaala male gammadaani guddinna isaati isani geesu. Waaqa tokocha, Qarqaarsa keenna, Aabbo keenna Yeso Kristo keesa, guddinnaafi ulfinnafi humnafi jabeenni ka duriitifi ka ammalleeni ha tahu, ammafi hegerile! Amini. Tunini waan Waaqi Yeso Kristoti mullise, aka inni waan d'iotu taha hojattu Waaqaa agarsiisu. Kristoni malaika ufi Yohanati erge waan kana beesise. Yohanani ya waan arge ch'ufa hime. Kunini d'aamsa isaa ka waan dubbi Waaqatiifi d'uga Yeso Kristoni mullise himu. Nami dubbi faga tana soomu eeba argata, nami ch'aqase waan keesa t'aafani guutuleeni eeba argata! Wonti akanatiifi hojjaani wonti kuni taatu ya d'iaatte. Anini Yohanani gara gumi torba ta lafa Asia keesa jirtu waan kana t'aafa: Waaqi ka amma jiruufi ka durile jiru, ammalle ka hegerile jiruufi lubbu torbaani ta barch'uma isaa dura teteetufi Yeso Kristoni, d'ugaani d'ugefatani, Ilmi angafa ka duisa keesaa kaasani, ka hayyu hayyoota lafa tana, eebafi nagaya isani kenninna. Inni nu jaalata, ammalle d'iiga ufitiini daba keesaa nu baase, qaalole hayyuma Waaqa ta abba isaati hojattu nu tolche. Gara isaa guddinnaafi jabeenni ha tahu, ammafi hegerile! Amini. Me ilaali, inni dumansa keesa d'ufuu jira! Nami ch'ufti isa arga, jari duri isa woraaneleeni. Gochiti lafa ch'ufa maro isaatiifi booti. Ha akasuma taatu! Amini. Aabbo Waaqi guddaani waan jed'u, Anini Alfafi Omega, ka amma jiruufi ka durile jiru ammalle ka duranale jiru. Anini Yohana oboleesa keesani; Yeso keesa nu gaargalafi Finna isatiifi obsa woliini arganna. Waan anini dubbi Waaqatiifi d'uga Yesoni mullise odeeseefi, lafa bisaani marsani, ta Patmo jed'ani, keesa jira. Guyya Aabbo, Lubbuuni isaa na keesa seente, anini qonqo guddo, aka magalata ufi duubati d'agaye. Isiini waan jette, Waan atini argitu kana kitaaba keesati t'aafi, gara gumi torbaani tana ergi: ta Efeso, ta Smirna, ta Pergamo, ta Thiatira, ta Sardi, ta Filadelfia, ta Laodikiale. Jennaani anini garagale, aka qonqo naani dubbatu argu. Garagalaani anini waan ifseeni ira ejaanjitu torba ta worqi arge. Jiddu ifse suni keesa waan aka nama jira tokoti eja, ubaari isaa miila gaha, qoma isaa gubbati woya worqiti mara qaba. Rifeensi mata isaa akuma boofta adaate, adi aka haama, ilti isaleeni aka ibida bobeete; miili isaa aka sibiila bassani qulqulleesani ifsa, qonqooni isaa akuma galaana dibbifti. Inni urji torba harka mirgicha qaba, aflameedi qara qabduti afaani isaa keesa jira. Fuuli isaa aka adu guyya gudda ifsa. Isa arginaani anini miila isati jige, akuma waan due tahe. Ammo inni harka mirgicha nara kaye waan naani jed'e, Insodaatiini! Anini ka qaratiifi ka eegeeti. Anini ka jiru! Duri la due ammo amma haga hegerile injira. Fura duisatiifi ka awaalale harkaa qaba. Duuba waan argitu kana t'aafi, waan amma jiratiifi ka hegeri tahale. Wonti mama ta urji torbaani atini mirga kiyyaa gartuufi ta ifse torbaanileeni tana: urjiini torbaani suni malaika gumi torba, ifseeni torbaani sunileeni gumi torba. Gara malaika gumi Efeso waan kana t'aafi: Tunini dubbi nama urji torba harka mirgicha qabuufi ka jiddu ifse worqi torbaani dedeemu. Anini waan atini tolchite imbeekha, aka atini guddo hojatte imbeekha, ammalle aka atini guddo obsitele imbeekha. Aka atini dandeete worra daba inobsinne imbeekha, ammalle aka atini worra ergattu ufiini jed'u, ammo ergattu intahiini ilaalte, aka worri kiyyibe agartele imbeekha. Atini obsa qabda, ya maro maqa kiyyatiifi guddo gaargalte, ammo ya ufi jibbaachu didde. Ammo wonti anini sii quufu dide tana: atini aka duri na injaalattu. Aka guddo jidde qaabad'u, daba iraa deebii, waan duri hojatte hojad'u. Yo daba iraa deebiu baate, anini d'ufeti ifse tante fulla isiiti fuud'a. Ammo fulla tana goomta: huji worra Nikolai jed'ani akuma anini jibbe aatileeni jibbita. Nami gurra qabu, waan Lubbuuni gumiini jettu ha d'agayu! Nama dabsatu anini mid'aani mukha jireenna, ka oobru Waaqa keesati bahu, nyaachisa. Gara malaika gumi Smirna waan kana t'aafi: Tunini dubbi nama qaratiifi ka eegeeti, nama due kae. D'ipufi hiyyuma tante imbeekha. Ammo atini guddo dureeti. Anini d'ara ta jari Yahudi intahiini ka ammo Yahudi ufiini jed'u suni jed'u imbeekha. Worri gumi Sheet'anaati. Gaargala d'ufu insodaatiini! Ch'aqasi, Sheet'ani isani gari mana hid'aansa keesa buuse isani ilaalata; haga bulti kud'ani d'ipatani gaargaltani. Haga dootuuti nama d'ugefatani tahi, duuba anini eebafi jireenna sii kenna. Nami gurra qabu, waan Lubbuuni gumiini jettu ha d'agayu! Nami dabsatu duisa lameesotiini ingaargalu. Gara malaika gumi Pergamo waan kana t'aafi: Tunini dubbi nama aflameedi qara qabdu qabu. Anini fulla atini teetu imbeekha, fulla barch'uma guddinna Sheet'anaati. Atini maqa kiyya jabeesite qabatte, gaafa Antipa ka guddo na d'ugeese fulla Sheet'ani tauti ijeesanile, atini d'ugefacha na d'ugefatte illakimne. Ammo waan diqo toko ch'alla si quufu d'abe nama haga toko ka barsiisa Baaluma gula yau qabda, inni Balaki, aka ijoolle Israeli gufachiisu barsiise, ammalle sagale waan harkaani boch'ani baasani nyaataniifi aka sharmut'oma deemani. Akuma suni nama barsiisa worra Nikolai gula yau qabda. Daba iraa deebii yoosi. Yokhaani anini hurrise siti d'ufe, worra suni sheefti afaani kiyya keesa jirtuuni had'a. Nami gurra qabu waan Lubbuuni gumiini jettu ha d'agayu! Nama dabsatu anini sagale manna jed'ani ta d'ossani kennaafi. Ammalle ch'abbi adi ta maqa hareesa irati t'aafani, ka nama argatu male nami d'ibiini imbeenne kennaafi. Gara malaika Thiatira waan kana t'aafi: Tunini dubbi Ilma Waaqa, ka ilti aka ibida bobeetu, ka miili isaa aka sibiila qulqulleesani biliqu. Anini waan atini tolchitu imbeekha, jaalalafi d'ugefachaafi hujifi obsa kanke imbeekha. Ammalle aka hujiini tante ta eege ta qara ira jirtu imbeekha. Ammo wonti anini si quufu dide tana; dubbi niiti Yezebel jed'ani ta raaga Waaqa ufiini jettu obsita; isiini hojattu tiyya aka worri huji sharmut'oma tolche, sagale waan harkaani boch'ani baasani nyaatu barsiifte akasiini balleesite. Anini guyya qabeefi, aka isiini daba iraa deebitu, ammo isiini sharmut'oma suni iraa deebiu didde. Tanaafi anini sire gubba isi buusa, achiti isiifi jara isi woliini sharmut'u gaargalcha, yo worri huji isi woliini tolchu tana iraa deebiu baate. Anini ijoolle isile d'ae fit'a, duuba gumiini ch'ufti aka anini heregafi garaa nama ch'ufa ilaalu baratti. Ammalle anini isanii ch'ufa, huji teesani gula, woi isani kenna. Ammo isaniini kaani Thiatira keesa, ka barsiisa hamtu tana gula indeemne, yokhaani waan nami gari baddi Sheet'ana jed'uuni imbaratiini, anini baa d'ibi isani ira inkayu. Ammo waan harkaa qabdani suni jabeesa, haga anini d'ufuti. Nama dabsate huji tiyya haga muumme tolchu, anini jabeenna gosa ch'ufaani fidani kennaafi, jabeenna anini Aabbo ira argad'e. Inni ule sibiilatiini worra fida, duuba akuma okote faara ch'absani gargari worra ch'ach'absa. Ammalle anini bakalcha bari worraa kenna. Nami gurra qabu, waan Lubbuuni gumiini jettu ha d'agayu! Gara malaika gumi Sardi waan kana t'aafi: Tunini dubbi nama lubbu Waaqa torbaafi urji torba harkaa qabu. Anini waan atini tolchitu imbeekha; atini maqa nama jiru qabda, ammo la doote. Tanaafi kai, waan hafe jabeesi, ato ch'ufti induiini. Anini aka hujiini tante Waaqa kiyya durati qit'e intahiini ya arge. Barsiisa ati qara d'ageete fud'atte qaabad'u; jabeesi, daba iraa deebii. Yo atini kau didde, anini aka hattu siti d'ufa, atini hojja anini d'ufule imbeetu. Ammo isani nami gari ka sardi woya teesani int'ureesine. Isani woya adi keyatani na woliini yaatani, wonti suni ya isani malte. Nama dabsatu woya akana adi uyisaniifi ammalle maqa isaa kitaaba jireenna keesaa imballeesu. Aabboofi malaika isaa durati aka worri nama kiyya diideese hima. Nami gurra qabu, waan Lubbuuni gumiini jettu ha d'agayu! Gara malaika gumi Filadelfia waan kana t'aafi: Tunini dubbi nama qulqullotiifi ka d'uga, ka fura Daudi harkaa qabu, ka yo inni bane nami tokoleeni dandae inch'umne, yokhaani yo inni ch'ufe nami tokoleeni dandae imbanne. Anini waan atini tolchitu imbeekha; aka atini guddo jabeenna inqamne ammo barsiisa tiyya gula deemte maqa kiyya imormanne imbeekha. Anini ya balbala nami tokoleeni dandae inch'umne sii bane. Ch'aqasi! Gumi Sheet'ana ta kiyyibde gosa Yahudi ufiini jettu suni, anini si durati jisse, aka worri si guddisu tolcha. Worri ch'ufti aka anini si jaalad'u imbeekha Waan atini aka anini, Obsi siini jed'e, obsiteefi, anini gaargala lafa ch'ufati d'ufe nama lafa ch'ufa ilaalatu duraa si baasa. Anini d'iotu d'ufa. Waan harkaa qabdu jabeesi, aka nami tokoleeni waan atini dabsatte argattu sira inhanne. Nama dabsatu anini utuba Mana Waaqa kiyya tolcha, inni haga jiru keesaa imbahu. Maqa Waaqa kiyyatiifi maqa dira Waaqa kiyyale, Yerusalemu hareeti, ta gubba fulla Waaqa kiyyati baatu, isa irati t'aafa. Anileeni maqa kiyya haraa irati t'aafad'a. Nami gurra qabu, waan Lubbuuni gumiini jettu ha d'agayu! Gara malaika gumi Laodikia waan kana t'aafi, Tunini dubbi Amini jed'u, inni ka d'ugefataniifi ka d'ugaati, Waaqi waan ch'ufa isaani uume. Anini waan atini tolchite imbeekha; aka atini inowinne yokhaani inqabanoomne imbeekha. Yo sila atini toko gula baate guddo fed'a. Ammo waan atini diquma toko bullut'uufi inowitu yokhaani inqabanooftu, anini afaani keesaa si buufachu fed'a! Atini, Anini dureesa, waan ch'ufa inqaba ufiini jetta. Ammo atini aka gaargalafi d'ipu qabdu ufi ingartu. Atini hiyyeesa, qulla deemta, lafa ingartu. Tanaafi anini si gorsa, Worqi qullo nara bitad'u, aka dureesa taatu. Booftale bitad'u, aka uyifatte qulla tante d'ossitu. Qorsa illale bitad'u, aka lafa gartu. Anini nama jaalad'u ch'ufa gorseti gaargalcha. Jabaad'u daba kanke iraa deebii. Ch'aqasi! Anini balbala dura eje d'ad'au jira; yo nami qonqo tiyya d'agaye na bane, anini iti olseene, isa woliini nyaad'a, innileeni na woliini nyaata. Nama dabsatu anini d'awatu tiyya barch'uma kiyya ira teesisa, akuma anini dabsad'e amma Aabbo woliini barch'uma isaa ka guddinna ira tau. Nami gurra qabu, waan Lubbuuni gumiini jettu ha d'agayu! Eegi waan kana anini millad'e, balbala gubba ta banamte arge. Qonqooni aka magalata jirtu, ta qara isiini naani dubbattu d'agaye waan jette, Arma gubba kooti, waan eegi tana taha sii agarsiisa. Maro tokotu Lubbuuni Waaqa na seente, olmillannaani barch'uma guddinna toko ka nami ira tau gubbati arge. Fuuli isaa akuma d'akha daalachafi diima ifse; ammalle d'awatu barch'uma suni ule Waaqa, ta aka waan dotaatu fakaatuti jira. D'awatu barch'uma suni barch'uma diddami afuri d'ibiti jira, ammalle barch'uma suni gubba jaarole diddami afuri, ta woya adi uyifatte sure hayyuma maratteti jira. Barch'uma guddinna suni keesaa hangaasufi iyanafi mandiisuuni baate. Ammalle barch'uma durale ifse torba ta ibidati bobaa; tunini lubbu Waaqa torba. Barch'uma suni durale waan aka galaana dawiti ka bibiliqaati jira. Ammalle d'awatu barch'uma suni, gama ch'ufa waan lubbu qaba afuriti jira ka ila duraafi duubale qabdu. Wonti suni ka qara nyeench'a fakaatti; ka lameeso yabiye looni fakaatti; ka sadeeso fuula aka fuula nama jiru qabdi; ka afreeso risa, barisu fakaatti. Wonti lubbu qaba suni ch'ufti koola jaa qabdi alaafi keesale ila qabdi halkani guyya sirba illakiftu. Qulqullo, qulqullo, qulqullo, Aabbo Waaqa gudda, ka duri jiru, ka ammalle jiru, ka hegerile jiru jette sirbite. Yo wonti Lubbu qaba afraani sirba guddinnatiifi ka ulfinnatiifi ka galata nama barch'uma guddinna gubba tau, ka haga hegeri tau sirbitu, jaaroleeni diddami afuri taani nama barch'uma guddinna gubba tau kaani durati jidde isa guddifti. Sure hayyuma taani isa durati jissani waan jed'ani: Aabboofi Waaqa keenna! Atini Guddinnaafi ulfinnafi jabeenna argachu malte. Atini waan ch'ufa uumte, fed'i teetiini wonti ch'ufti uumamte jireenna argatte jed'ani. Anini harka nama barch'uma guddinna gubba tau kaani keesati woraqata toko ka duraafi duubale t'aafani, ka beesisa torbaani ch'ufani arge. Malaika guddo toko ta qonqo guddooni, Eentu beesisa ch'abse woraqata kana banu male? jettu d'agaye. Ammo gubbafi lafafi lafa jala keesaleti nama woraqata suni bane keesa ilaalu d'abani. Anini guddo bohe, waan nama woraqata suni bane keesa ilaalu d'abaniifi. Jennaani jaarsi toko waan naani jed'e, Imbohiini, ilaali! Nyeench'i gosa Yuda, ka d'aloota Daudi, ya dabsate, inni beesisa torbaani ch'abse woraqata banu indandaa. Jennaani anini Ilme Hoola, ta jiddu barch'uma guddinna ejitu arge ta waan lubbu qaba afraanifi jaaroleeni marsite. Ilmeeni Hoola waan ijeesani fakaatti. Gaafa torbaafi ila torba qabdi; isileeni lubbu Waaqa torbaani ta lafa ch'ufati ergani. Ilmeeni Hoola taani d'at'e woraqata harka mirga nama barch'uma guddinna gubba tau keesaa fuute. Isiini akasi tolchinaani wonti lubbu qaba afraani kaanifi, jaaroleeni diddami afuri taani Ilme Hoola durati jidde. Worri ch'ufti kiraarifi qori hit'aana ta kad'acha gumi Waaqa harka qaba. Sirba haraa sirbani, waan jed'ani: Aki atini woraqata fud'atte beesisa isi ch'absitu sii malte. Wonti akanatiifi si ijeesani, atini dua teetiini nama Waaqa bitte, gosa ch'ufaafi afaani ch'ufaafi lafa ch'ufa keesa. Atini ya hayyootafi qaalole worra tolchite, aka Waaqa kenna hojatani lafa fidani. Ammalle anini millannaani malaika kunki heddu d'agaye, ta aka kunki kunki! Barch'uma guddinnatiifi waan Lubbu qaba afraanifi jaarole marsite, qonqo guddooni sirbite waan jette: Ilmeeni Hoola ta ijeesani, jabeennaafi duroomafi qaroomafi irreefi ulfinnafi guddinnaafi faaru argachu malte! Jennaani anini waan gubba jiratiifi, ka lafa jiratiifi ka lafa jala jiratiifi, ka bisaani keesa jirale waan lafa tana keesa jira ch'ufa, ka sirba d'agaye; gara nama barch'uma guddinna gubba taufi gara Ilme Hoola. Faarufi guddinnaafi ulfinnafi jabeenni ha tahu. Haga hegeri! jed'ani. Wonti Lubbu qaba afraani kaani, Amini! jette, jaaroleeni lafati jidde Waaqa kad'atte. Jennaani anini ilme hoola ta beesisa torbaani woraqatani ch'ufani keesaa ka qara ch'absitu arge. Jennaani waan lubbu qaba kaani toko qonqo aka mandiisutiini kooti jettu d'agaye. Anini millannaani farda borora arge. Nami isa yaabatu guube harkaa qaba, sure hayyuma kennaniifi. Inni aka nama nama dabsatu dabsachu d'aqe. Ilmeeni Hoola ammalle beesisa lameeso ch'absite. anini waan lubbu qaba kaani ka lameeso kooti naani jettu d'agaye. Fardi d'ibiini diimaani d'ufe. Nama isa yaabatu jabeenna inni lola lafatiini d'ufu kennaniifi, aka nami wolijeesu; ammalle sheefti guddo toko kennaniifi. Jennaani Ilmeeni Hoola beesisa sadeeso ch'absite. Ammalle waan lubbu qaba kaani ka afreeso, ka kooti naani jettu d'agaye. Anini millannaani farda guraacha toko arge. Nami isa yaabatu waan woiini biimani harka qaba. Jennaani qonqo gara waan lubbu qaba afurrani d'uftu ta akana jettu d'agaye; T'aasa dargaye huji guyya tokoti baasani, t'aasa sadi ka garbu huji guyya tokoti baasani. Ammo d'ad'afi daad'i iyakina! jed'ani. Jennaani Ilmeeni Hoola beesisa afreeso ch'absite; waan lubbu qaba ka afreeso ka kooti naani jettu d'agaye. Anini millannaani farda borora toko arge. Nama isa yaabatu maqaani isa Duisa, Fullaani ekheraani teetuleeni isa gula deemte. Jabeenna qooda afreeso ka lafa kennaniifi, aka sheeftifi beelafi d'ukubafi bineensa alaatiini nama fit'ani. Jennaani Ilmeeni Hoola beesisa shaneeso ch'absite waan sorio irati qalani jalati, anini lubbu worra maro dubbi Waaqa dubbatte isa d'ugeeseefi, ijeesani arge. Qonqo guddooni iyani waan jed'ani, Waaqa Gudda, qulqullofi ka d'uga! Atini yoomi worra lafaa wollaala iti murte, maro worri nu ijeeseefi worra gaargalchita? Nama ch'ufa woya adi kennaniifi, Diqo toko boqod'a jed'aniini, haga henni oboleyaani teesaniifi nama isani woliini hojatu, ka aka isani ijeesani sila ijeesani guutamuuti. Jennaani anini Ilme Hoola ta beesisa jaeeso ch'absitu arge. Lafti guddo chochoote, aduuni aka hagogo guratofte, jii aka d'iiga diimate; urjiini ch'ufti gubba lafati jidde, aka mid'aani oda, yo bubbeeni d'ooftu, lafati jigani. Gubbaani aka woraqata dachaasani badde, gaarafi lafti jiddu bisaani keesa jirtu ch'ufti fulla ufiiti deemte. Jennaani hayyoota lafatiifi jara lafa fidufi askarti gugurdofi dureeyifi worra gugurdafi nami ch'ufti, tisseefi balchaleeni, goda gaara jalati d'eete. Gaareenifi d'akhaye yaamani waan jed'ani, Nurati jiga, ila nama barch'uma hayyuma gubba taufi dalansu Ilme Hoola dura nu d'ossa! Wonti akanatiifi guyyaani guddaani worrati dalanani ya d'ufe. Eentu dandae dura eja? jed'ani. Eegi waan kana anini malaika afuri ta qota lafa afraani ejitu arge, ta bubbe afraani lafa ira d'owartu, aka bubbeeni tokoleeni lafafi galaana yokhaani mukhati imbubimne. Anini malaika d'ibi ta gara ilaboruti d'uftu, ta beesisa Waaqa jiru harkaa qabdu arge. Isiini qonqo guddooni malaika afraani ta Waaqi jabeenna lafafi galaana balleesitu kenneefi taani yaamte. Malaikaani waan jetteeni, Haga nu hojattu Waaqa keenna beesisa adda gubba keennuti, lafafi galaanafi mukha intuqiini. Jennaani henna nama beesisa Waaqa adda gubba qabu nati himani: gosa Israeli ch'ufa keesa nama kunki d'iba tokofi afurtami afuri. Gochiti Yuda kunki kud'ani lamaati, nami beesisa qabu; gochiti Reubeni kunki kud'ani lamaati; gochiti Gadi kunki kud'ani lamaati; gochiti Asheri kunki kud'ani lamaati; gochiti Naftali kunki kud'ani lamaati; gochiti Manase kunki kud'ani lamaati; gochiti Simeoni kunki kud'ani lamaati; gochiti Lawi kunki kud'ani lamaati; gochiti Isakari kunki kud'ani lamaati; gochiti Zabuloni kunki kud'ani lamaati; gochiti Yusufu kunki kud'ani lamaati, gochiti Benjamini kunki kud'ani lamaati. Eegi waan kana anini millad'e gumi namaa guddo arge nami tokoleeni dandae nama suni ch'ufa inhedu! Gumiini suni lafa ch'ufa, gosa ch'ufa, afaani ch'ufa keesa baate, barch'uma guddafi Ilme Hoola dura ejaanjate woya adaadi keyate, dame qoone harkati qabate. Qonqo guddooni iyani waan jed'ani, Baafami gara Waaqa keenna, ka barch'uma guddinna gubba taufi gara Ilme Hoolati. Malaikaani ch'ufti barch'uma guddinnatiifi jaarolefi waan lubbu qaba afraani kaani marsite, barch'uma guddinna durati jidde Waaqa guddifte, waan jette, Amini! Faarufi guddinnaafi qaroomafi galatafi ulfinnafi jabeennaafi humniti ta Waaqa keennati, ammafi hegerile! Amini! Jaarsi toko waan na gaafate, worri woya adaadi qabu suni eennu? Worri eesaa d'ufe? jed'e. Anini waan jed'eeni, Anini imbeekhu, siti beekha. Inni waan naani jed'e, Kunini worra nagayaani gaargala jala bahe. Worri woya miich'ate d'iiga Hoolatiini adefate. Maro waan kanatifi halkani guyya barch'uma Waaqa dura ejaanjani Mana Waaqa keesati isaa hojatani. Nama barch'uma gubba tau suniti worra woliini tae worra qorqorata. Iti deebiani ind'eebotani yokhaani imbeelaani; adufi wonti owa tokoleeni worra ingubdu; wonti akanatiifi Ilmeeni Hoola ta jiddu barch'uma guddinna jirtu worraa tissite, gara bisaani jireenna geesiti; duuba Waaqi imimaani ch'ufa ila worra iraa haaqa. Ilmeeni Hoola beesisa torbeeso ch'absinnaani woniti ch'ufti gubbaa Ch'aqali jette ch'allifte haga nusa saa. Jennaani anini malaika torbaani ta Waaqa dura ejaanjitu arge; magalata torba worraa kennani. Malaikaani eele hit'aana ta worqi harka qabdu d'ufte, fulla waan sorio irati qalani ejatte. Hit'aana heddu iti kennani, aka isiini kad'acha worra Waaqaati darte ammalle waan sorio irati qalani ta barch'uma guddinna dura ejitu, dura keetu. Aari hit'aana aarsani kad'acha jara qulqullo woliini oli deeme, harka malaika fuula Waaqa dura ejitu keesa. Jennaani malaikaani waan hit'aana iti aarsani fuute, ibida fulla waan sorio irati qalaniti nat'e lafa buufte. Mandiisufi iyanti lafa d'ufte, gubbaani angaate, lafti chochoote. Jennaani malaikaani torbaani ta magalata torba harkaa qabdu kurfoofte aka d'ooftu. Malaikaani qara magalata ufi d'oofte. Bokaa d'akha roobufi ibidi ka d'iigaani wolkeesa makhame lafati jige. Qoodi sadeeso ka lafa gubate, qoodi sadeeso ka mukhaleeni gubate, buyuo dooti ch'ufa gubani. Jennaani malaikaani lameeso magalata ufii d'oofte. Waan guddo gaara gudda ibidi iraa bobau fakaatu galaana keesa buusani. Qoodi sadii ka bisaani galaana d'iiga tahe. Qoodi sadeeso ka waan bisaani keesa jira ch'ufti raawate, qoodi sadeeso ka hobolo bisaani keesa jirtu balleesani. Jennaani malaikaani sadeeso magalata ufi d'oofte. Urjiini guddooni, ta aka ifse bobeetu, gubbaa gadi buute, qooda sadeeso ka galaanatiifi ka maddo ira buute. Maqaani urji suni Had'aa. Qoodi sadeeso ka bisaani had'ae, nami hedduuni ka bisaani suni d'uge raawate, waan guddo had'aniifi. Jennaani malaikaani afreeso magalata ufi d'oofte. Qooda sadeeso ka jiatifi ka urjile wa d'aani. Duuba akanaani qoodi sadeeso ka waan kana sadeeni ifse d'abe; qoodi sadeeso ka guyyatiifi ka halkanileeni ifsu dide. Anini millannaani risa fago barisu arge, ka qonqo guddooni iye, Gaargala, gaargala, gaargala guddati lafa d'ufa hojja malaikaani sadeeni taani magalata ufi d'ooftu! jed'u d'agaye. Jennaani malaikaani shaneeso magalata ufi d'oofte. Anini urji gubbaa lafati gadi buute arge; fura boola qile iti kennani. Urjiini taani boola qile taani bante, aari aka aara boola ibida gudda keesa yae. Maro aara sunitiifi adufi qilleensi dukanae. Awaanisi aara kaani keesaa lafati baafate, jabeenna aka qanjibu kennaniifi. Buuyofi mukhafi waan dotaata tokole intuqiina, ammo nama beesisa Waaqa adda inqamne balleesa jed'aniini. Awaanisaani, Nama inijeesiina, ammo haga jia shani ch'ufa nama gaargalcha jed'aniini. Awaanisi kaani aka yo qanjibuuni nama ch'iniintu nama d'ukubsitu nama d'ukubsa. Jia shanaani suni jari sunini dua barbaada, ammo inargatani; duu fed'ani, ammo doti worra baqatti. Awaanisi aka fardo lola kurfoofte jira; mata ira waan aka sure hayyuma ta worqi qaba. Fuuli worra aka fuula nama jira. Rifeensi worra aka rifeensa nad'eeni jira, ilkaani worra aka ilkaani nyeench'a jirani. Qomti worra waan aka wonte sibiila qabdi, iyanti koola worraa aka iyana fardo lola yaatu jirti. Inni eege aka qanjibu ta namaani ch'iniinu qaba, inni eege tanaani jabeenna haga jia shani ch'ufa namaani gaargalchani qaba. Hayyu worra mohatu qabani; inni malaika boola qile suni qorqorattu. Maqaani isaa afaani Ebraniatiini Abadoni, afaani Grikitiini Apolioni, akasi jechaani, ka wa balleesu jechu. Gaargali qara ya hobae; eegi waan kana gaargala lama d'ibiti hafe. Jennaani malaikaani jaeeso magalata ufi d'oofte. Anini qonqo toko d'agaye; isiini fulla waan sorio irati qalani ta worqi ta Waaqa dura ejitu d'ufte. Qonqooni taani waan malaika jaeeso ta magalata harkaa qabduuni jette, Malaika afraani fulla galaana Efrati jed'aniti hid'ani gadi lakisi! Duuba malaika afraani taani gadi lakisani; maro hojja tanaafi guyya kanaafi, jia kanaafi ganna kana isii kurfeesani aka qooda sadeeso ka nama lafaa fit'u. Henna nama duula ka fardaani yau nati himnaani; milioni d'ibba lamaati. Oobju keesa anini fardoolefi nama isi ira tatau arge: Worri wonte aka ibida bobeetu qaba, ta aka dooqa bulle, ta ammalle daalatooftu. Mataani fardoole aka mata nyeench'a jira, afaani worraa keesaa ibidafi aarafi qanqeeni yaate. Qooda sadeeso ka nama lafaa gaargali kunini sadeenu balleese: ibidafi aarafi qanqeeni afaani fardoole keesaa yaatu. Jabeenni fardoole afaanifi eege isii keesa jira. Eegeeni worra aka bofa jirti, mata qabdi, eege tanaani nama lafaa balleesani. Nami lafati hafe kaani, ka gaargali kunini inijeesiini, waan harka ufitiini mid'aafatani kaani iraa indeebine, jinniifi waan harkaani boch'ani ka worqifi qarsifi saldaqafi d'akhafi mukhaani mid'aasani, ka dandae lafa ingarre, ka woma indandeenne, ka dandae indeemne, kad'achu illakimne. Ijeechafi falfalafi algaloomafi hanna tolchani, tokole iraa indeebine. Jennaani anini malaika guddo d'ibi, ta gubbaa gadi buutu arge. Isiini dumansa aka woya keyatte, ule Waaqa matati mamaratte; fuuli isii aka adu jira, miili isii aka utubaa ibida jira. Woraqata diqa banisa qabu toko harkaa qabdi. Miila isii mirgicha galaana gubba keyatte, bitaacha lafa goddu gubba keyatte, qonqo guddooni lalabde ta aka itansu nyeench'aa. Eegi isiini lalabde, mandiisuuni torbaani qonqo guddooni dubbatte. Akuma worri dubbateeni, anini t'aafu fed'e. Ammo anini qonqo gubba baate ta, Waan mandiisuuni torbaani jette d'ossi, int'aafiini jettu d'agaye. Jennaani malaikaani anini galaanafi lafa goddu gubba ejitu arge taani harka mirga olfud'atte, maqa Waaqa ka haga hegeri jiruufi ka gubbafi waan keesa jira ch'ufa uume, lafafi waan keesa jira ch'ufaafi galaanafi waan keesa jira ch'ufale uumeeni kakhate. Malaikaani waan jette, ammaa achi wonti kunini iti deebite inturtu. Yo malaikaani torbeeso magalata ufi d'oofte, Waaqi herega ufi ka d'ossani inguuta, akuma inni hojattu ufi raagootati odeese. Jennaani qonqooni anini gubbaa d'agaye ammalle naani dubbate waan jette, Beeni d'aqi, woraqata banisa qabu, ka harka malaika galaanafi lafa gubba ejitu keesa jiru iraa fuud'i. Anini gara malaika taani d'aqe, Woraqata diqa kaani naa kenni jed'eeni. Isiini waan naani jette, Fud'ad'u, nyaad'u; garaa ke keesati inhad'oofti, ammo afaani keesati aka damma mioofti. Anini woraqata diqa kaani iraa fuud'e nyaad'e, afaani kiyya keesati aka damma miae ammo eegi anini liqimse garaa keesati nati had'ae. Jennaani waan naani jed'ani, Ammalle d'aamsa Waaqaa ka gosa heddutiifi lafa heddutiifi afaani heddutiifi hayyoota ch'ufa odeesu malte. Jennaani ule woiini biimani nati kennani waan jed'ani, kai, Mana Waaqatiifi waan sorio irati qalani biimi jara keesati kad'atu ch'ufa hedi. Ammo ch'icha Mana Waaqa ala d'und'uma ind'aiini, isi ya gosa d'ibiti kennani, aka worri Dira Qulqullo jia afurtami lama ira ejaanjattu. Anini d'uga tiyya lama erga; isiini ch'arqi uyifatte guyya kunki tokotiifi d'ibba lamatiifi jaatama d'aamsa Waaqaa odeesiti jed'ani. D'ugaani lamaani suni mukha ejersa lamaaniifi ifse lamaani ta fuula Abba lafa dura ejaanjitu. Yo nami worraa tuqu fed'u, ibidi afaani worra keesaa bahe, nyaapa worraa balleesa; akanaani nama worra tuqu fed'u ch'ufa ijeesani. Worri jabeenna bokaa d'owu qaba, aka haga worri d'aamsa Waaqa dubbatu bokai imbuune. Jabeenna maddo bisaani ch'ufa d'iiga tolchaniini qabani; ammalle jabeenna gaargala gosa ch'ufa hojja fed'ani ch'ufa lafaani d'ufani qabani. Yo worri d'aamsa ufi hobaafate, bineensi boola qile keesaa gadi bahu worra had'a. Dabsateti ijeesa, reefi worraa kara dira gudda keesa ch'ich'isa, fulla abba worraa mukhati fannisani. Maqaani akheekha ka dira sunini yaamani Sodoma yokhaani Misiri. Nami gosa ch'ufa, ka lafa ch'ufa, ka afaani ch'ufa, guyya sadifi nusa reefa worraa ilaale awaalu d'owa. Nami lafa ch'ufa maro duisa jara kana lamaanitiifi gammade, Jila tolfate, wa woli erge, waan raagi suni lamaani qara gaargala gudda lafatiini d'ufeefi. Eegi guyya sadifi nusa hafuuri jireenna gara Waaqati d'ufe worra seene olkakaani; nami worra arge ch'ufti guddo sodaate. Jennaani raagooti lamaani qonqo guddo ta gubba, Arma koota worraani jettu d'ageete. Akuma nyaapi worra ilaaluuni, kaani dumansa keesa gubbati galani. Hojja suni lafti chochoote, qooda kud'anneeso ka dira hobaasani, nami kunki torba, lafti chochoonaani, raawate. Nami hafe sodaate jabeenna Waaqa ka gubbaa faarse. Gaargali lameeso ya hobae; ammo ilaali! Gaargali sadeeso d'ufu jira. Jennaani malaikaani torbeeso magalata ufi d'oofte, qonqooni guddooni gubbaa baate waan jette, Jabeenni lafaani fidani amma ka Aabbo keennatiifi ka Kristo isaati, inni haga hegeri fida. Jennaani jaaroleeni diddami afuri, ta barch'uma guddinna Waaqa dura teetu, fuula durati jidde, lafati gogombofamte Waaqa kad'ate. Waan jette, Aabbo Waaqa Gudda, ka ammafi durile jiru! Nu galata sii deebimna, waan atini jabeenna kanke agarsiifte finna lafa iti keyatteefi! Worri Waaqa imbeenne ya dalane, ammo dalansuuni tante ya d'ufte, hojjaani worra due qoranile; ammalle hojjaani hojattu tante raagootafi nama ch'ufa, diqaafi guddale, nama si sodaatu ch'ufa galata kennaniifi ya d'ufte. Yoi nama lafa balleesu balleesani ya gahe! Mana Waaqa ka gubba jiru banani, sanduqa wold'aqisa kaani Mana Waaqa keesati argani. Duuba hangaasufi dibbeesafi d'uqeesa mandiisutifi chochoiti lafatiifi bokeeni d'akhaani roobe. Akheekhi jabaani gubba bahe. Niiti toko ta adu uyifatte, jia miila ufi jala qabduti jira, mataani isii sure hayyuma ta urji kud'ani lama qaba. Garaacha qabdi gaargala d'alatiini ch'iniinfatte teete boote. Akheekhi d'ibileeni gubba bahe. Jawe diimtu guddo toko, ta mata torbaafi gaafa kud'ani qabdu jira, ammalle mata ch'ufa gubba sure qabdi. Eege ufitiini qooda sadeeso ka urji ch'ufa gubba guurte lafati jissite. Jaweeni taani niiti diquma ind'aliini taani dura ejite aka ilme isii, yo d'alatte, nyaattu. Jennaani niitiini taani ilma deete, ka gosa ch'ufa ule sibiilatiini mohatu. Ammo daima kaani duraa butani, fulla barch'uma guddinna Waaqa geesani. Niitiini gara lafa gamooji baqatte, fulla Waaqi isii mid'aase, aka achiti qorqoratani haga guyya kunki tokotiifi d'iba lamafi jaatama. Jennaani loli gubbati bahe! Mikaelifi malaikaani isaa jawe taaniini wolhaate, jaweleeni malaika ufitiini wolhaate; ammo jawe dabsatani, isiifi malaika isii gubba tau d'owani. Jawe guddo taani gadigatani! Isiini suni bofa duri kaani, ka Sheet'ana yokhaani Jinni jed'aniini, ka lafa ch'ufa sobe. Isaafi malaika isaa ch'ufa lafati gatani. Jennaani anini qonqo guddo ta akana jettu d'agaye: Amma baafami Waaqaa yayu d'ufe! Waaqi ya irre ufi aka hayyu garsiise! Kristoni isaa ya jabeenna ufi garsiise! Wonti akanatiifi nama oboleyaani teenna himatu, ka halkani guyya Waaqa dura eje worraa himatu, la gubbaa gadi gatani. Oboleyaani teenna d'iiga Ilme Hoolatiifi d'uga worri odeesuuni isa dabsatte; worri kurfo jira aka jireenna ufi baase duu. Tanaafi gammada, gubbafi worri achi tauleeni! Ammo gaargala lafafi galaanati! Wonti akanatiifi Sheet'ani ya siti d'ufe, ya dalane, inni imbeekha aka hojjaani isaa hobau geete. Jaweeni taani aka gubba gadigatani arginaani, niiti ilma deete taani gussite. Niiti taani koola risa gugurda lama kennaniifi aka isiini lafa gamoojiti baqate ganna sadifi nusa achi teete achiti qorqoratani, aka isiini had'iisa bofa suni dura baatu. Jennaani jaweeni bisaani aka galaana afaani ufi keesaa yaafte, niiti taani gussite, aka lollaani isi fud'atu. Ammo lafti niiti qarqaarte, afaani bante, bisaani afaani jawe keesaa yae kaani ch'ufa liqimsite. Tanaafi jaweeni niititi dalante, d'aloota isi had'u d'at'e, worra seera Waaqa gula deemuufi ka d'uga Yesoni mullise d'ugefatu ch'ufa. Duuba jaweeni taani afaani galaana ejite. Jennaani anini bineensa toko ka galaana keesaa bahu arge. Gaafa kud'anifi mata torba qaba, gaafa ch'ufa ira sure hayyumati jira, mata ch'ufa irati maqa hamama t'aafani. Bineensi suni aka qeeramsa jira, miili isaa aka miila goorjama jira, afaani isaa aka afaani nyeench'a jirani. Jaweeni taani jabeennaafi guddinnaafi humna ufi ch'ufa bineensa suni kennite. Mataani bineensa suni toko mada guddo hamtu qaba, ammo madaani taani la fayyite. Lafti ch'ufti mamte, bineensa kaani gula yaate. Nami ch'ufti jawe guddise, waan inni jabeenna ufi ch'ufa bineensa kaani kenneefi. Bineensale guddisani kad'atani waan jed'ani, Eentu aka bineensa kana jira? Eentu dandae isa had'a? Bineensa kana jabeenna kennani aka abaarsa hama dubbatu, ammalle jabeenna jia afurtami lama kennaniifi. Inni Waaqafi maqa Waaqatiifi fulla inni taufi worra gubba taule abaare. Aka inni jara Waaqa had'e dabsatu ee jed'ani, ammalle jabeenna inni gosafi afaanifi lafa ch'ufaani dabsatu kennaniifi. Nami lafa jiru ch'ufti isa guddisa, akasi jechaani, nama ch'ufa ka maqa isaa, ato lafti inuumamiini, kitaaba jireenna ta Ilme Hoola ta ijeesani keesati int'aafiini jecha. Yo gurra d'ageettaniini qabaattani, ch'aqasa! Nama qabu fed'ani inqabani; nama sheeftiini ijeesu fed'ani inijeesani. Worri Waaqaa obsafi d'ugefacha qabaachu male. Jennaani anini bineensa d'ibi ka lafa keesaa bahe arge. Inni gaafa lama ka aka gaafa Ilme Hoola jiru qaba, ammalle aka jawe dubbata. Ammalle jabeenna bineensi qara qabu ch'ufa fuula isa durati garsiise. Inni lafafi waan isi keesa jira ch'ufa bineensa qara kad'achiise, ka madaani hamtuuni taani fayyite. Bineensi lameeso kunini waan mama heddu tolche; ibida gubba lafati baase, fuula nama ch'ufa durati. Nama lafa ch'ufa keesa tau waan mama ka inni fuula bineensa qara durati tolcheeni sosobe. Bineensi kaani nama lafa ch'ufatiini, Akheekha bineensa sheeftiini woraanani ammo induiini kaani fakaatu mid'aasa, guddisa jed'e. Ammalle bineensa lameeso kaani ee jed'ani, aka akheekha bineensa qara kaani hafuura jireenna iti guuru, aka akheekhi kaani dubbate, nama isa inguddimne ch'ufa ijeesu. Bineensi kaani nama ch'ufa, diqaafi guddale, dureesafi hiyyeesale, tisseefi balchale, beesisa harka mirgichafi adda gubba keyachiise. Nami tokoleeni dandae woma ingurguru yokhaani imbitatu, yo akheekha kana qabaate male, akheekhi suni maqa bineensa yokhaani akheekha henna maqa isaati. Wonti kunini qarooma feeti. Nami qalbi qabu ch'ufti waan henna suni ha hubatu, henni suni maqa namaati. Henni isii d'ibba jaafi jaatami jaa. Jennaani anini millannaani Ilme Hoola ta garaa Sioni jed'ani gubba ejitu arge. Isa woliini nama kunki d'iba tokotiifi afurtami afuriti jira, ka maqa isaatiifi maqa Abba isaa adda gubba qabu. Jennaani anini qonqo aka bisaani goodo ira gadi buani gubba d'agaye, ta aka mandiisu jirtu. Qonqooni anini d'agaye aka qonqo kiraari jirti. Worri suni barch'uma guddinnatiifi waan lubbu qaba afraanifi jaaroleti fuula deefate sirba haraa sirbe, ka nami tokoleeni dandae imbeenne worra male. Nami lafa keesa jiru ka baasani worruma ch'alla. Worri suni nama nad'eeniini ufi int'ureesiini, ka taka nad'eeni imfuud'iini. Fulla Ilmeeni Hoola deemtu ch'ufa gula deemani; ya nama lafa ch'ufa keesaa worra baasani, ammalle worri suni worra qara ka Waaqafi Ilme Hoolati baasani. Worri taka inkiyyimne, wollaala inqabu. Jennaani anini malaika d'ibi ta gubba bariftu arge, ta Odu Dansa ta haga hegeri jirtu nama lafa ch'ufati himtu, gosa ch'ufati afaani ch'ufaani. Isiini waan qonqo guddooni jette, Waaqa sodaad'a, guddisa! Wonti akanatiifi hojjaani qorsuma isaa la geete. Waaqa ka lafafi gubbafi galaanafi maddo bisaani ch'ufa uume guddisa! Malaikaani d'ibiini ta qara taani gula deemte, qonqo guddooni waan jette, Ya jige, ya jige, Diri Babiloni guddaani! Inni daad'i ufi gosa ch'ufa obaase macheese — daad'i hamtu ta d'araa isaa. Malaikaani d'ibiini, ta sadeeso, lamaani taani gula deemte waan jette, Yo nami tokoleeni bineensafi akheekha isaa ka boch'ani guddise, ammalle akheekha adda yokhaani harka ufi ira argate, inni daad'i dalansu Waaqa d'uga, ta ato ilaafisiini mudunu dalansu isati naqani! Ammalle ibidafi qanqeeni fuula malaika qulqullofi Ilme Hoola durati isa gaargalchani. Aari ibida worra gaargalchu haga hegeri oli deema. Nama bineensafi akheekha isaa kad'atuufi ka beesisa maqa isaa argate ufira qabuleeni boqota inargatu. Jari qulqullooni ka seera Waaqa guute d'ugefacha Yeso jabeesu, waan kana obsu male. Jennaani anini qonqo gubba baate ta, Waan kana t'aafi, Ayyaana isaa nama armaa achi huji Aabbo keesati duu jettu d'agaye! Lubbuuni waan jettu, D'uguma akasi. Worri suni huji jabdu iraa boqota, waan hujiini worraa worra gula deemtuufi. Anini millannaani, dumansa adi, ka nami Ilma Nama fakaatu gubba tau arge. Inni sure worqi mataa qaba ammalle haamtu qara qabdu harkaa qaba. Malaikaani d'ibiini Mana Waaqa keesaa baate, nama dumansa gubba tau qonqo guddooni yaamte waan jetteeni, Haamtu tante fud'ad'u haami. Hojjaani haamani yayu geete; mid'aani yayu bilchaatani muraansa gahani. Jennaani nami dumansa gubba tau kaani haamtu ufi fud'ate haame, akanaani mid'aani lafa haamani. Jennaani malaikaani d'ibiini Mana Waaqa ka gubba keesaa baate, isileeni haamtu qara qabdu harkaa qabdi. Malaikaani d'ibiini ta ibida qorqorattu fulla waan sorio irati qalaniti ga d'ufte. Isiini qonqo guddooni malaika haamtu harkaa qabdu yaamte waan jette, hamtu tante lafa keyad'u. Wolti qabi mid'aani zabibu lafa guuri waan mid'aani isi bilchaataniifi. Tanaafi malaikaani haamtu ufi fud'atte, mid'aani zabibu guurte, duuba fulla zabibu iti ch'ach'arasani ta dalansu Waaqa keesa buufte. Fullaani zabibu iti ch'ach'arasani moga dira jirti. Achiti ira sirbani d'iigi fulla suni keesa yae, lafa ira d'eerinni isaa meeli d'ibba tokofi sagaltama, ammalle d'und'uma afuri gadi qile. Jennaani anini akheekha waan mama d'ibi gubbati arge: malaika torba ta gaargala torba harkaa qabdu. Tunini gaargala eegeeti, tanaani dalansuuni Waaqa hobaati. Jennaani anini waan galaana dawiti fakaata arge; ka ibidaani wolkeesa jiru Anini ammalle worra bineensafi akheekha isaatiifi nama maqaani isa lamba fakaatu dabsate arge. Worri fulla galaana dawiti fakaatu ejaanje kiraari Waaqi worra kenne harka qabata. Sirba Musa hojattu Waaqatiifi sirba Ilme Hoola sirbu jirani: Aabbo, Waaqa Gudda, wonti atini tolchitu ch'ufti waan mamaati! Karaani kanke ka d'ugaati ammalle qajeela! Eennuti sii insodaanne Aabbo? Eennuti maqa kanke inguddimne? Si ch'allati qulqullo. Gochiti ch'ufti d'ufteti si guddiftu. Maro huji tante ta d'uga, ta nami ch'ufti arguutiifi. Eegi waan kana anini gubba millannaani Mana Waaqa ka Waarooni d'uga ke jirtu, Ka banisa qabu arge. Malaikaani torbaani ta gaargala torba harkaa qabdu keesaa yaate, woya boofta adi uyifatani, woya worqi qomati maratani. Jennaani waan lubbu qaba afraani kaani keesa toko qori torba ta worqi ta dalansu Waaqa ammafi hegerile jirutiini guutani, toko toko malaika torbaanti kenne. Aari guddinnaafi jabeenna Waaqa keesaa yau Mana Waaqa guute. Nami tokoleeni Mana Waaqa seenu dad'abe, haga gaargali torbaani ka malaikaani torbaani d'ufteeni hobauti. Jennaani anini qonqo guddo ta Mana Waaqa keesa malaika torbaaniini dubbattu d'agaye: Beena, d'aqa, qori torbaani ta dalansu Waaqa lafati jissa jette. Malaikaani qara d'at'e qori ufi lafati jissite. Madaani hamtuuni worra beesisa bineensa ufira qabuufi worra akheekha isaa guddiseeni baate. Jennaani malaikaani lameeso qori ufi galaanati jissite. Bisaani ch'ufti aka d'iiga nama due tahani, wonti galaana keesa jira ch'ufti rawatte. Jennaani malaikaani sadeeso galaanafi maddo bisaaniti qori ufi jissite, duuba d'iiga tahani. Anini malaika bisaani ta akana jettu d'agaye: Atini qorsuma tolchite tana keesati ka d'ugaati, Ee Qulqullo, ka ammafi durile jiru. Worri d'iiga worra qulqullo ka raagoota jisse, tanaafi atini ya d'iiga worra obaafte. Waan worraa male argachu jirani! Jennaani anini qonqo fulla waan sorio, irati qalani ta, Aabbo Waaqa gudda! Qorsumaani tante ta d'ugaati jettu d'agaye. Jennaani malaikaani afreeso qori ufi adu gubbati jissite, duuba ee jed'ani aka isiini owa guddaani nama gubdu. Owi nama ch'ufa gube, nami maqa Waaqa, ka gaargala kana harkaa qabu, abaare; ammo worri daba iraa deebie jabeenna isaa faarsu dide. Jennaani malaikaani shaneeso qori ufi barch'uma guddinna bineensati jissite. Guddinni bineensa dukanae, nami ch'ufti d'ukubsate, araba ufi ch'iniine, maro madaafi d'ukubsacha ufitiifi, Waaqa gubbaa arabsa; ammo hameenna ufi iraa indeebine. Jennaani malaikaani jaeeso qori ufi galaana Efratiti jissite. Galaani gogoge, aka hayyooti mirgaa kara argatte taakitu. Jennaani anini jinni hamtu sadi arge, ta raacha fakaattu, ta afaani jawetiifi afaani bineensatiifi afaani raaga d'ara keesaa yaatu. Tunini lubbu jinni ta waan mama tolchitu. Lubbuuni tunini sadeeni gara hayyoota lafa ch'ufa yaati, aka hayyoota tana guyya jaba ka Waaqa Gudda had'iisafi wolti yaamtu. Ch'aqasa! Anini aka hattu d'ufa! Ayyaana nama rafu dide woya ufi qorqoratu, aka qulla biyya keesa dedeeme inch'eere. Jennaani lubbuuni taani fulla afaani Ebraniatiini Har-Magedoni jed'aniti hayyoota ch'ufa wolti guurte. Jennaani malaikaani torbeeso qori ufi qilleensati jissite. Qonqooni guddooni barch'uma hayyuma ka Mana Waaqa keesa jiru keesaa baate waan jette, Ya tolchani! Hangaasufi iyanafi mandiisuuni d'ufte, lafti chochoote. Haga nama uumani taka lafti akana inchochoone; chochoiti tunini ch'ufa ira hamtu! Diri guddaani fulla saditi gargari dayae, dira lafa ch'ufa keesa jiru balleesani. Waaqi dira Babiloni gudda qaabate, daad'i mudunu ufi obaase, daad'i dalansu isaa. Lafti jiddu bisaani keesa jirtu badde, gaareeni ch'ufa lafa d'abani. D'akhaani bokeeni roobuuni ka haga ratili d'ibba toko gubbaa lafati jige nama d'oose. Nami ch'ufti Waaqa abaare, maro d'aanicha d'akha bokaa ka gubba namati gadi roobe. Jennaani malaika torbaani, qori torbaani harkaa qabdu keesa toko, gara kiyya d'ufte waan naani jette, Kooti aka sharmut'iti guddo gaargalchani sii garsiisa, isiini dira gudda kaani, ka afaani galaana hedduti jaarani. Hayyooti lafa sharmut'iti tana woliini hameenna tolchite, nami lafaa ch'ufa farso hameenna isii kaani d'uge machae. Lubbuuni na fuute, malaikaani lafa gamooji naa geesite. Achiti anini niiti toko, ta bineensa diima maqa hamama irati t'aafani gubba teetu, arge; bineensi suni mata torbaafi gaafa kud'ani qaba. Niitiini woya diimtufi daalati uyifatte, miha worqitiifi d'akha mimid'aagafi dooqa naqatte. Mudunu worqi ta waan t'uri qaba qabduufi ta t'uri algalooma isii qabdu harkaa qabdi. Adda isi gubba maqa waan d'ossa irati t'aafani: Babiloni Guddo, haad'a sharmut'afi t'uri lafa keesa jirtu ch'ufa jed'ani. Anini aka niitiini d'iiga worra Waaqatiifi ka worra Yeso d'ugefate ka fit'aniini machoofte arge. Isi arginaani anini guddo maadefad'e. Malaikaani Waan naani jette, Maafi maadefatte? Anini waan d'ossa ka niititiifi waan bineensa isii baatu, ka mata torbaafi gaafa kud'ani qabu siti hima. Bineensi atini argate suni duri injira, ammo amma injiru; diquma boola keesaa imbahiini, aka balleesani. Nami lafa keesa jiru, ka maqa worraa, ato lafti inuumamiini, kitaaba jireenna keesati int'aafiini, yo bineensa suni ilaalani imaadefatani. Wonti akanatiifi inni duri injira ammo amma injiru, hegeri imullata. Wonti kunini qalbifi hubacha feeti. Mataani torbaani gaareeni torbaani ka niitiini gubba teetu. Ammalle mataani suni hayyoota torba: shani yayu hayyuma d'abde, toko ammalle mohu jira, toko ind'umne; yo d'ufe diqo toko ch'alla tau male. Bineensi duri jiru, ka amma injirre, hayyu saddeeteesooti, ka torbaani kaani ke jiru, ammo kae deemu, aka balleesani. Gaafi kud'ani, ka atini agarte, hayyoota kud'ani, ta ammalle imohatiini, ammo ta jabeenna mohatuuni, bineensa woliini, haga saa toko iti kennani. Worri kunini ch'ufti herega takaa qaba, aka humnafi jabeenna ufi ch'ufa bineensa suni kennani. Ilma Hoola inhad'ani ammo Ilme Hoolatiifi jari d'uga ka isii gula yau, ka isiini fohate yaamte worra dabsata, waan isiini guddo abbooti ch'ufatiifi, hayyu hayyoota ch'ufa tatefi. Malaikaani ammalle waan naani jette, Bisaani atini garte, ka niitiini gubba teetu, gosafi gumifi lafafi afaani heddu. Gaafa kud'annaani atini garteefi bineensileeni sharmut'iti taani injiba; waan isiini qabdu ch'ufa fud'atani, qulla isii lakisani; fooni isii nyaatani, ibidaani isii gubani. Waaqati fed'i inni fed'u aka tolchani garaa worraa ke kaye, aka worri waan takaa tahe, jabeenna mohatuuni bineensaa kennu haga dubbini Waaqa guutamtuuti. Niitiini atini garte sunini dira gudda ka hayyoota lafa mohatu. Eegi waan kana anini malaika d'ibi ta gubba gadi buutu arge. Isiini jabeenna gudda qabdi, lafti ch'ufti mid'aaguma isitiini ifsite. Isiini qonqo guddooni lalabde waan jette, Isiini ya jidde! Babilonini guddooni ya jidde! Isiini yayu teesuma Sheet'anafi ta jinni hamtu taate. Simpirreeni hamtuuni ta jibbani ch'ufti isii ke galti. Isiini daad'i ufi gosa ch'ufa obaafte, daad'i jabdu ta d'araani isii hamtu. Hayyooti lafaa isi woliini rafte, daldaltuuni lafaa d'araa isi hamtuuni duroomte. Jennaani anini qonqo d'ibi ta gubba baate akani jettu d'agaye: Koota, nama kiyya! Isi biraa koota! Ch'ubbu isii keesa inseeniina, gaargala isii inqoodatiina! Wonti akanatiifi daba isii haga gubba gahuti wolti tuulani. Waaqi kara isii hama inqaabata. Akuma isiini isani tolchite isanileeni isii tolcha, maro lama waan isiini baafte baasaafi. Farso isiini isani obaafte ta maro lama ira jabdu mudunu isiti naqa. Akuma isiini guddinnaafi gammada ufii kennite isanileeni gaargalafi lalefacha kennaafi. Isiini waan ufiini jettu: Anini aka hayyiti taa! Anini niiti d'iirsi iraa dueniti; anini lalefad'e imbohu! Maro waan kanatifi gaargali isii ch'ufti guyya toko isii d'aa: D'ukubafi lalefachafi beeltileeni; ibidaani isi gubani. Wonti akanatiifi Aabbo Waaqi ka isi qoru guddo jaba. Hayyooti lafa tana isi woliini rafte, hameenna tolchite, aara gubacha isii keesa yau argite booti. Worri maro gaargala isii sodaatufi fago ejaanje waan jed'u Waan dabaati! Waan hamtu! Dira Babiloni gudda kana! Saatuma toko keesati ya si gaargalchani! Daldaltuuni lafaa isii lalefatte booti, waan nami iti deebie miha worraa imbitannefi; worqifi qarsifi d'akha dadansafi dooqafi booftafi woya didiimtufi woya mid'aadufi shiida; mukha dadansafi miha gosa ch'ufa ka ilka arbatiifi ka mukha gati guddotiifi ka saldaqatiifi ka sibiilatiifi ka ch'abbi mid'aasaniini. Ammalle fit'ofi qund'ifi, hit'anafi qumbiifi qayya; daad'iifi d'ad'a, dargaye daakhanifi mid'aani dargaye, loonifi ree, faardofi gaari, Tiselefi lubbu namale. Daldaltuuni waan isiini jettu: Wonti dansaani atini argachu feete kaani ch'ufti ya badde, duroomafi shoobi kanke ch'ufti yayu bade, iti deebite ingartu. Daldaltuuni dira suni keesati daldalani duroomte waan gaargala isaa sodaatufi fago ira ejaanjite boote iyite, waan jette. Waan daba! Gaargala dira guddati! Duri woya booftatiifi diimtufi shiida uyifatte, fayya worqitiifi faya ch'uch'uluqa dooqa naqatte! Amma saa toko keesati ya durooma ufi ch'ufa d'abde! Jara gugurda hobolotiifi worra hobolo yaabatufi ka hobolo keesa hojatufi ka galaana keesaa liqimsa argatu ch'ufti fago iraa ejaanjani, aara gubacha isii argani bohani waan jed'ani, Diri aka dira gudda kana tokoleeni lafaa wa jira? Awaara mata gubbati guuratani, bohani iyani waan jed'ani, Waan dabaati! Gaargala dira guddati! Worri hobolo bisaani keesa deemtu qabu ch'ufti isa keesati duroome. Ammo saatuma toko keesati ya waan ch'ufa d'abe. Gammada, maro badi isaatiifi, Ee Gubba! Gammada, worra Waaqatiifi ergattufi raagoota! Waaqi ya maro waan inni isani tolcheefi isa qore! Jennaani malaikaani guddooni toko d'akha haga d'akha daakhu fuute, galaana keesa buufte waan jette, Dira gudda Babiloni akanuma fuud'ani galaana keesa buusani, aka nami deebie ingarre. Sirba worra kiraari d'aatufi ka sirbu, ka fuludo d'aufi ka magalata d'au iti deebiani si keesati ind'agayani! Ogeeyi tokole deebiani si keesati inargani; qonqo d'akha daakhu si keesati deebiani ind'agayani! Ifse deebiani si keesati inargani; qonqo intala fuud'atifi gurba fuud'a deebiani si keesati ind'agayani. Daldaltuuni tante duri daldaltu lafa ch'ufa ira jirti, hamaatte atini falfala d'araatiini nama lafa ch'ufa sobde jed'ani. Wonti Babiloni gaargalchaniifi, waan d'iiga raagootatiifi worra Waaqaa isa keesati arganiifi; ee, d'iiga nama lafa keesati ijeesani ch'ufa. Eegi waan kana anini waan aka qonqo guddo ta nama heddu gubba d'agaye ta, Waaqa faarsa! Baafamafi guddinnaafi jabeenni ka Waaqa keennati! Qorsumaani isaa ta d'ugatiifi ta qajeelaati! Inni ya sharmut'iti guddo ta hameenna ufitiini lafa balleesite wollaala iti mure. Waaqi ya maro isiini tissele isaa fit'eefi gaargalche jettu. Ammalle iyani, Waaqa faarsa! Aari dira gudda haguma jiru oldeema! jed'ani. Jennaani jaarole diddami afuritifi wonti Lubbu qaba afraani taani lafati jidde, Waaqa barch'uma guddinna gubba tau durati jidde, isa guddifte waan jette, Amini! Waaqa faarsa! Jennaani fulla barch'uma guddinnati qonqooni gadi baate waan jette, Waaqa keenna faarsa, hojattuuni isaa ch'ufti, nami ch'ufti diqaafi guddaleeni, nami isa sodaatu ch'ufti! Jennaani anini waan aka qonqo nama heddufi waan aka bisaani guddo gubbaa gadi jigatifi, waan aka qawe mandiisu d'agaye. Ammalle waan jed'ani, Waaqa faarsa! Wonti akanatiifi Aabbooni, Waaqi keenna Guddaani, Hayyu! Gammanna, qilit'amna; guddinna isaa faarsina. Hojjaani Ilmeeni Hoola dubra fuutu ya geete, intalti inni fuud'u ya kurfefatte. Ya ee jed'ani aka woya boofta adi d'aati keyattu. (Booftaani suni huji d'uga ta worra Waaqa.) Jennaani malaikaani waan naani jette, Waan kana t'aafi: Ayyaana worra fuud'a Ilme Hoolati yaamani. Malaikaani waan jette, Tunini dubbi d'uga ta Waaqi dubbate. Anini miila isiti jige isii guddise, ammo isiini waan naani jette, Lakisi, anini hojattuma aka keetiiti, ammalle aka oboleyaani teeti, worra d'uga Yesoni mullise jabeesu ch'ufa. Waaqa guddisi! Wonti akanatiifi d'uga Yesoni mulliseti raagoota dubbachiisa. Jennaani anini gubba banamtefi farda adi arge. Nami isa yaabatu, maqaani isaa ka d'ugefataniifi d'uga; d'uga ch'allaani nama qore ammalle duula. Ilti isaa aka qanqe ibida jirti, sure hayyuma heddu matati marate. Maqa isaa irati t'aafani, ammo isa male nami tokoleeni maqa suni imbeekhu. Woyaani inni uyifate d'iiga qabdi. Maqaani nami isaani beekhu dubbi Waaqaati. Duuli gubbaa isa gula yae fardoole adaadi yaabatani, woya boofta adi uyifatani. Sheeftiini qara qabdu afaani isaa keesaa baate, ta inni gosa ch'ufaani dabsatu. Inni ule sibiilatiini worra fide, daad'i dalansu Waaqa Gudda ch'unfa. Woya isatiifi miila isaa gubbati maqa isaa t'aafani, Hayyu hayyoota, Aabbo abbooti ch'ufa jed'ani. Jennaani anini malaika adu keesa ejitu arge. Isiini qonqo guddooni simpirre gubba bariftu ch'ufa yaamte, Koota, jila Aabbo guddoti woli woldaa! Koota, fooni hayyootatiifi ka abbooti duulatiifi ka askartitiifi ka fardatiifi ka nama farda yaabatutiifi fooni nama ch'ufa, tisseefi balchale, diqaafi guddale nyaad'a jette. Jennaani anini bineensafi hayyoota lafatiifi duula worra, ka namicha farda yaabatufi duula isa had'u fed'u arge. Bineensa kaanifi raaga d'ara, ka waan mama isa durati tolche, woliini qabani. Inni qara waan mama kanaani worra beesisa bineensa ufiraa qabu sobe, worra fakeenna bineensa ka boch'ani kad'atele. Bineensafi raagi d'ara, ato jiranu, galaana ibida keesa buusani gubani. Duula worraa, sheefti afaani namicha farda yaabatu keesa baatuuti fit'e: allaatiini haguma dandeetu ch'ufa fooni worraa nyaatte. Jennaani anini malaika d'ibi ta gubbaa gadi buutu arge; isiini fura boola guddotiifi haada sibiila gudda harkaa qabdi. Isiini jawe guddo, bofa dullacha kaani, ka Ibiliisi yokhaani Sheet'ana jed'ani qabde, haga ganna kunki toko hiite. Malaikaani boola keesa isa buufte, ch'ufte, beesisa ira keyatte, aka inni haga ganni kunki toko hobauti nama tokole insomne. Eegi suni diqo toko isa hiikhu malani. Jennaani anini barch'uma guddinnatiifi worra ira tatau arge. Jabeenna worri woiini qoru kennaniifi. Ammalle anini lubbu nama, maro worri d'uga Yesoni mulliseefi dubbi Waaqa odeese ijeesani arge. Worri bineensa inguddimne yokhaani akheekha isale, yokhaani beesisa isaa harkafi adda ira inqabu. Worri aka hayyoota tahe, Kristo woliini ganna kunki toko lafa fide. (Nami qara due kaani haga ganna kunki toko duisa keesaa inkaane.) Kunini kaisa qara ka nama dueeti. Ayyaanafi gammada worra kaisa qara kana keesa qooda qabuuti. Doti lameeso dandeete worra indabsattu, worri qaalole Waaqatiifi ta Kristo tahe, isa woliini haga ganna kunki tokoti lafa fida. Eegi ganni kunki toko hobae, Sheet'ana hid'aansa keesaa gadi lakisani, inni d'aqeti gosa lafa ch'ufa keesa firfirfamte, akasi jechaani Gogifi Magogi jechu, soba. Sheet'ani had'iisafi worra ch'ufa wolti yaama, akuma maansa afaani galaana. Worri lafa ch'ufa keesa yae, gumi Waaqatiifi dira inni jaalatu marse. Ammo ibidi gubba gadi bue worra hobaase. Jennaani Sheet'ana, ka worra sobe, galaana ibida keesa buusani, fulla bineensafi raaga d'ara qara buusani, halkani guyya haga hegeri worra gaargalchani. Jennaani anini barch'uma guddinna adi guddafi nama ira taule arge. Lafafi gubbaleeni isa dura baqatte, fulla d'abde. Ammalle anini nama due, diqaafi guddale, ka barch'uma guddinna dura tatau arge. Kitaaba heddu banani ammalle toko d'ibile banani, kitaaba worra jiru. Worra qara due waan worri tolche gula qorani, akuma kitaaba keesati t'aafani. Jennaani galaani nama keesati due ch'ufa gadi yaase. Duisafi fullaani ekheraani teetuleeni nama isi keesati due ch'ufa gayaafte. Nama ch'ufa waan inni tolche gula qorani. Duisafi fulla Ekheraani teetu galaana ibida keesa buusani. Galaani ibida kunini duisa lameesooti. Nama maqa isaa kitaaba worra jiru keesati int'aafiini ch'ufa galaana ibida keesa buusani. Jennaani anini gubba haraafi lafa hareeti arge. Lafa qaratiifi gubbaani qara badde, galaanileeni bade. Ammalle anini Dira Qulqullo, Yerusalemu hareeti, ta gubba gara Waaqaati lafati d'uftu arge, ta mid'aasani kurfo teetu, akuma intala fuud'a ta woya mid'aadu keyatte d'iirsa eeddu. Anini qonqo guddo toko ta gubba dubbatte akana jettu d'agaye: Amma mani Waaqa nama woliini jira! Inni worra woliini tae, worrileeni gumi isaa taha. Waaqileeni worra woliini taa, innileeni Waaqa worraa taha. Inni imimaani ch'ufa ila worraa iraa haaqa. Iti deebie nami induu, lalefachafi boafi d'ukubsachaani injirtu. Wonti duri ya badde. Jennaani nami barch'uma guddinna gubba tau waan jed'e, Amma anini waan ch'ufa haraa tolcha. Ammalle inni waan jed'e, Waan kana t'aafi, wonti kunini waan d'ugaati, nami dandae ind'ugefata. Inni waan jed'e, Ya tolchani! Anini Alfafi Omega, anini ka qaratiifi ka eegeeti. Nama d'eebu qabu ch'ufa anini maddo jireenna keesa gati male bisaani obaasa. Nami dabsatu waan kana nara argata: Anati Waaqa isaa tahe, inni ilma kiyya taha. Ammo nama daafanafi kiyyibafi hamafi nama nama ijeesufi algalaafi ka murma baafatufi ka waan harkaani boch'ani guddisuufi ka nama sobu, fullaani worraa galaana ibidaati, ka duisa lameeso. Malaika torbaani, ta qori torba ta gaargala torba qabdu keesaa toko, gara kiyya d'ufte waan naani jette, Kooti, anini intala fuud'a sii garsiisa, niiti Ilme Hoola. Lubbuuni na fuute, fiit'e gaara d'eera toko na garsiifte. Yerusalemu, Dira Qulqullo, ka gubba, fulla Waaqati gadi d'ufu, ka guddinna Waaqatiini bibiliqu na agarsiifti diri aka d'akha ch'ululuqe bisaani qullo ch'ulkicha fakaata. Diri kunini naabo d'akhaa jaarani d'eertu qaba, ta fullo kud'ani lama qabdu, Ammalle malaikaani kud'ani lama fullo suni tissite. Fullo gubbati maqa gosa kud'ani lama ta gosa Israeli t'aafani. Mogaani ch'ufti fullo sadi qabdi, sadi moga mirgati, sadi bita, sadi, oli sadi gara jalo. Naabo d'akha ka dira d'akhaye kud'ani lama irati ijaarani, d'akha suni gubbati maqa ergattu Ilme Hoola kud'ani lamaani t'aafani. Malaikaani naani dubbate ule worqi ta d'eerinna diratiifi fullo isaatiifi naabooni biimani harkaa qabdi. Mogaani dira ch'ufti qit'e, d'eerinnafi ballinileeni. Malaikaani ule ufitiini dira biimite, meeli kunki tokotiifi d'iba shani lafa ira d'eerate, old'eerinafi ballinileeni hagasuma. Malaikaani ammalle naabo biimite, d'und'uma d'ibba tokotiifi afurtami afuri taate, biimiti namaa gula, ta malaikaani gula biimite. Naabo suni d'akha ch'ulkichaani ijaarani, ammo dira worqi qulqullooni ijaarani ta guddo bibilit'u. Yayaba naabo dira d'akhaa mimid'aaga bifa gosa ch'ufatiini ch'okhani d'akhaani qara ch'ulkicha ka lameeso dulo dooqa, ka sadeeso hamaa, ka afreeso doti. ka shaneeso bule, ka jaeeso diima fakaata, ka torbeeso daalacha, ka saddeeteeso doti fakaata, ka sagaleeso baricha, ka kud'anneeso haama fakaata, ka kud'ani tokeeso bule had'icha, ka kud'ani lameeso had'o fakaata. Fullooni kud'ani lamaani dooqa kud'ani lamaati fullo ch'ufa dooqa tokooni mid'aasani karaani dira worqi ch'alla, guddo bibiliqa. Anini Mana Waaqa dira suni keesati ingarre, wonti akasitiifi Mani Waaqa suni Aabbo Waaqa Guddafi Ilme Hoola. Diri ifse adutiifi jia imfed'u, waan guddinni Waaqa iti ifse, Ilmeeni Hoolaleeni ifsa taatuufi. Nami lafa ch'ufti ifsa isaatiini deema, hayyooti lafa ch'ufti durooma ufi dira sunitiini d'ufti. Fullooni dira guyya ch'ufa banisa qabdi haga jirani inch'ufani maro halkani injireefi. Guddinnaafi durooma dira ch'ufaa dira kanaani d'ufani. Ammo wonti t'uri qaba tokoleeni keesa inseentu, yokhaani nami waan ch'eera tolchuufi ka d'ara dubbatuleeni. Worra maqa isaani kitaaba jireenna ka Ilme Hoola keesati t'aafani ch'allati seena. Malaikaani ammalle galaana bisaani jireenna naa garsiifte, ka guddo bibiliqu, ka fulla barch'uma guddinna Waaqatiifi Ilme Hoolati d'ufe. Jiddu kara dira keesa yau. Moga galaana lachu mukha jireennati eja, ka ganna toko keesa mid'aani maro kud'ani lama d'alu, jia ch'ufa maro toko; baali isaa qorsa nama gosa ch'ufaati. Waan Waaqi abaare tokole dira suni keesati inargani. Barch'umaani Waaqatiifi ka Ilme Hoola dira keesa jira, hojattuuni isaa isa guddifti. Worri fuula isaa arge, ammalle maqa isaa adda isaani gubbati t'aafatani. Halkani deebiani injirani, ifsefi adu imfed'ani; wonti akanatiifi Aabbo Waaqati ifse worraa taha, duuba aka hayyoota haga hegeri lafa fidani. Jennaani malaikaani waan naani jette, Dubbini tunini ta d'ugaati, ta d'ugefachu malani. Aabbo Waaqi, ka Lubbu ufi raagoota ufiti keenne, malaika ufi erge, aka hojattu ufi waan d'iotu taha agarsiisu. Yesoni waan jed'u, Ch'aqasi! Anini d'iotu d'ufa! Ayyaana nama dubbi faga ta kitaaba kana keesa jirtu guutuuti! Anini, Yohanani, ya waan kana ch'ufa arge d'agaye. Eegi anini waan kana ch'ufa arge d'agaye, anini miila malaika waan kana ch'ufa naa garsiifteti jige guddisu fed'e. Ammo isiini waan naani jette, Lakisi, anini akuma keetiifi akuma oboleyaani tante ta raagootatiifi akuma nama dubbi kitaaba kana keesa jiru guutu ch'ufa hojattu. Waaqa guddisi! Ammalle isiini waan naani jette, Dubbi fagiisa ta kitaaba kana keesa jirtu ind'ossiini, yoi wonti kunini ch'ufti taatu ya d'iaate. Nami hamaani ha waan hamtu tolchuuti, t'urichi ha waan t'uri tolchuuti; nami dansaani ha waan dansa tolchuuti, qulqullooni ha waan qulqullo tolchuuti. Yesoni waan jed'u, Ch'aqaaqasi! Anini d'iotu d'ufa! Nama ch'ufa waan inni tolche gula galata kennaafi. Anini Alfafi Omega, ka qaratiifi ka eegee, iti keyachafi muumme. Ayyaana worra woya ufi miich'ate qulqulleesu. Akasiini mid'aani mukha jireenna iraa nyaatani, Fullo diratiini olseenani. Ammo moga dira, worra hamamafi falfaltufi algalaafi ka nama ijeesufi ka waan harkaani boch'ani kad'atuufi nama dubbifi hujiini kiyyibuuti jira. Anini Yesoni, ya malaika tiyya isaniti erge, aka waan kana gumiti himu. Anini hiddafi d'aloota Dauditi; anini bakalcha ganamaani ifsu. Lubbufi intalti fuud'a, kooti jetti. Nami waan kana d'agaye ch'ufti ha kooti jed'uuti. Nami dubbi qabu ch'ufti ha d'ufuti nami fed'u bisaani jireenna ha gati male d'uguuti. Anini Yohanani, nama dubbi fagiisa ta kitaaba kana keesa jirtu d'agaye ch'ufa gorsa: yo nami waan d'ibi iti dare, Waaqi gaargala kitaaba kana keesati t'aafani nama suniti dara. Yo nami waan tokole fagiisa kitaaba kana keesaa fuud'e, Waaqi qooda mid'aani mukha jireenna isa duraa fuud'a, qooda isaa ka Dira Qulqullole, ka kitaaba kana keesati t'aafani. Nami waan kana ch'ufa d'ugeesu waan jed'u, D'uguma, anini d'iotu d'ufa! Ha taatuuti. Kooti, Aabbo Yeso! Eebiti Aabbo Yeso ha nama ch'ufa woliini teetu.